


#Article 2: 廣州 (101 words)


廣州（，耶魯拼音：Gwóngjàu，漢語拼音：，郵政式拼音：Kwangchow；傳統外文名：；官方外文名：Guangzhou），簡稱穗（），又叫羊城（）、花城（）同穗城（）。以前叫省城（），可簡稱為省或城，古時稱為番禺或南海。行政上叫廣州市（），係中國第三大城市，華南地區第一大城市，廣東省省會。廣州係華南地區重要嘅政治、經濟、科技、教育同交通中心。又係中國嘅特大型城市、五大國家中心城市之一，15個副省級城市之一。

廣州喺東經 112°57'至114°3'，北緯 22°26'至23°56'間。地勢東北高、西南低，北部係森林丘陵區；中部係丘陵盆地，而南部就係沿海沖積平原。珠江連埋佢嘅支流橫穿成個廣州市。氣候屬亞熱帶季風氣候，全年平均氣溫 20 - 22 攝氏度，相對濕度 77%，市區年降雨量約莫 1,720 毫米。

廣州嘅四個方位之最當中，最東邊係從化呂田嘅桂峯山；最南邊係南沙區萬頃沙嘅二十一涌；最西邊係花都赤坭嘅珊瑚村；最北邊係從化呂田嘅蓮麻村。

廣州喺中國南方，廣東省嘅東南部，珠江三角洲北緣，西江、北江、東江三江匯合處，瀕臨南中國海，東連惠州市博羅、龍門兩縣，西鄰佛山市嘅三水、南海同順德區，北靠清遠市嘅市區同佛岡縣同韶關市嘅新豐縣，南接東莞市同中山市，隔海同香港、澳門特別行政區相望，地理位置優越，係「海上絲綢之路」起點（去東南亞同南亞），被稱為中國嘅「南大門」。

今日一般指廣州，大清時嘅省城，或者廣東省城，或者廣州城。範圍只包括白雲山以南嘅珠江兩岸，即係城，同埋城周圍西關、河南等地方。城嚴格來講唔係行政區，只係集中廣東省、廣州府、番禺縣同南海縣官署嘅地方。而當時廣州個名，係講比較大嘅府，包括埋成個珠江三角洲同新安縣。而大嘅廣州府，隸廣肇羅道。

兩廣總督本來駐肇慶，乾隆十一年改駐省城。

去到中華民國時期，先至將省城劃做廣州市，作為一個政區來管理。

因為都市急速擴展嘅關係，響中華人民共和國時期，尤其係1980年代之後，將隔離嘅縣拼埋入去廣州市行政。呢啲縣包括番禺、花縣、增城同埋從化。

家下廣州市轄有11個市轄區

註：昔日東山區已併入越秀區成為而家嘅越秀區，以前嘅芳村區已併入荔灣區成為而家嘅荔灣區；原蘿崗區、黃埔區合併，成立新黃埔區；番禺區南邊幾個鎮劃咗去南沙區。從化、增城由縣級市升格成市轄區。

秦始皇三十三年統一嶺南後，建南海郡，郡治為番禺城，即今日嘅廣州城，因為噉，「南海」同「番禺」又係廣州嘅古稱。到咗公元226年，孫權為方便統治，又將交州東部分出來作為廣州，廣州由此得名。之不過呢個州係同而家省級一樣，唔係市名。去到大宋，廣州範圍又縮細。而廣州治所就喺番禺城（即現時廣州舊城）。直至1921年2月15號，民國成立市府廳，先至用廣州來指個城。

廣州又叫做五羊城、羊城同埋穗城。又因為四季花開不敗，又叫花城。羊城之名，係來自一則神話。傳說周代嗰陣，廣州一帶連年災荒，民不聊生。有一日，南海天空飄來五彩祥雲，五仙人騎住五隻羊，各帶住一串穀穗，降臨此處，送穀畀居民，祝福呢度五穀豐登、永無饑荒。之後仙人飄走，留低五隻羊，化成石頭。為咗紀念此神話傳說中嘅五仙同五羊，廣州有五仙觀同埋喺越秀公園嘅五羊石像。

廣州嘅英文名本來係Canton，重有用國語威妥瑪拼音拼寫嘅英文名Kwangchow，而家多數人改咗用普通話拼音Guangzhou，但剩低廣州友誼商店環市東總店嘅門上舊招牌重用Kwangchow呢個名；廣交會英文叫Canton Fair。呢幾年，廣州民間建議叫返廣州做Canton，例如2009年，有政協委員建議將廣州塔嘅英文名命名為「Canton Tower」，以充分利用「Canton」呢個國際知名嘅名，最後廣州塔嘅英文係「Canton Tower」。

而家有唔少人以為Canton係指廣東省而唔係廣州。實際上西方語言中Canton一詞最早係葡萄牙人喺16世紀嗰陣音譯嘅。嗰時省城重未叫做「廣州」，所以西方人就直接用省名來指代省城。但係正如權威嘅西文字典對於Canton嘅記載，呢個詞傳統上就係廣州市嘅同義詞，廣州國際機場嘅國際通用代碼亦係CAN。

Canton嘅派生詞Cantonese最原始嘅意思係指廣東省城人同省城話。但後來呢個詞嘅意思擴大咗，可以用來表示同省城話有親緣關係嘅一組漢語方言，亦即係粵語；又可以表示省城之外嘅粵人。

廣州有字史約莫2200年，但係早喺5000幾年前嘅新石器時代，呢一帶就經已有百越人喺度住。

秦始皇三十三年廣州係南海郡治同番禺縣治。之後，廣州城開始逐步發展。漢初趙佗據有嶺南，成為第一代南越王，響番禺（家下廣州城）定都。漢武帝元鼎六年設返南海郡，番禺為郡治。元封五年番禺屬交州。建安二十二年交州廣信（而家嘅廣東封開）移治到番禺，為州、郡、縣同治。

三國吳黃武五年，將交州合浦以北地段分出設置廣州。晉朝設廣州南海郡，一直持續到南北朝。隋文帝廢南海郡，設廣州總管府。仁壽元年因避太子楊廣之諱而改為番州。大業三年設返南海郡，屬番州。大唐武德四年復置廣州，起初係總管府，後來改為都督府。貞觀元年設嶺南道，治所喺廣州番禺。天寶元年，廣州改為南海郡；乾元元年又叫返廣州。咸通三年嶺南分東、西二道，廣州係嶺南東道嘅治所。

五代為南漢國都，改稱興王府，並廢南海縣改設咸甯、常康二縣。宋太祖開寶四年滅南漢，廢興王府同咸甯、常康兩縣，叫返廣州，轄南海、番禺、增城、清遠、懷集、信安、新會、東莞八縣，屬嶺南道。大宋至道三年設廣南東路，廣州番禺係治所。大觀元年升為帥府，祥興元年改為翔龍府。元朝至元十五年係江西行中書省轄下嘅廣東道同廣州路嘅治所。

大明洪武元年設廣州府，廣東布政使司、廣州府及番禺與南海縣治。大清時係廣東省會、廣州府同番禺與南海縣治。民國元年廢廣州府。1918年設廣州市政公所。1921年立市政廳，係廣州建市嘅開始，仍然係省會。1930年改設特別市，同年改省轄市。1938年10月21號至1945年8月15號，俾日軍佔領。1947年恢復為國民政府行政院院轄市。

廣州係古代中西交流史上著名嘅海上絲綢之路嘅始發港，作為中國最早對外開放並從未關閉過嘅貿易通商口岸。清朝閉關時期嘅廣州十三行更係全國唯一嘅對外通商口岸，「一口通商」令當時嘅廣州（歐洲商人稱Canton）得以獨攬全國外貿，國際知名度迅速提高，成為廣州史上最輝煌嘅時期之一。而家，廣州每年兩屆嘅廣交會仍然係中國對外貿易嘅重要渠道。

廣州係中國近代革命之源。1841年三元里抗英、1911年黃花崗起義都喺廣州發生。1924年，孫文喺廣州黃埔開黃埔軍校，幫國民革命軍培養軍事人才。佢死後，國民革命軍將廣州作為北伐嘅大本營。同時期，毛澤東、彭湃班人喺度開農民運動講習所，培養中國共產黨骨幹。1927年，張太雷、葉挺、葉劍英等人喺度起義（又叫「紅花崗起義」，「廣州暴動」）。魯迅、郭沫若、郁達夫等都喺廣州講過新思想。

廣州市內嘅國家級、省級、市級文物保護單位總共有差唔多300個。其中有19個國家重點保護單位，47個省級文物保護單位同超過200個市級文物保護單位。城區中山四路一帶先後發掘出秦漢造船遺址同西漢南越國宮署遺址，其中南越國宮署遺址兩次被評為中國大陸「全國十大考古新發現」。2014年12月，第一、二批廣州市歷史建築公佈。

廣州主要嘅歷史遺產包括：

廣州市因爲係廣東嘅省會，作為中國最大嘅城市之一，加埋係中國四大城市之中，北京、上海、深圳都已經開始對外地人設置門檻，導致大量嘅外地人湧入廣州做嘢，但係本地人同外地人嘅關繫好難協調，製造咗一系列嘅社會問題。廣州因容量、就業承受力有限，冇辦法容納全國各地嘅外省民工。廣州嘅治安環境受到嚴峻嘅考驗，「兩搶一盜」事件經常發生，城中村重特別犀利。調查話80%被捉嘅犯人都係外省人。噉就導致咗廣州市民嘅排外情緒。2008年農民工佔咗廣州人口嘅40％，大部分係女農民工，多數都係四川人同埋未結婚嘅（61.7％未婚，38.3％已婚）。

廣州飲食出名，有講「食在廣州」。

全市每年餐飲總額成幾千億，係中國大陸各市之首。每年開「美食節」，促進飲食業。

廣州主要講廣州話，不過廣州市境內亦有唔少客家人，所以客家話都有人講。中國語言排名第三位。家下全世界粵語人大概1億2千萬，分佈好闊，流通海外唐人社區，有好強影響同生命力。廣州話（粵海片）係粵語最流通嘅音，以粵語為載體嘅藝術包括粵劇、粵曲、南音、鹹水歌。

廣州係中國大陸鐵路四樞紐之一。京廣（北京至廣州）、廣九（廣州至香港九龍）、廣三（廣州至佛山三水區）、廣梅汕（廣州至梅州及汕頭）等多條鐵路喺度交匯。

以前廣州最大嘅火車站係廣州火車站（位於越秀區環市西路）以及廣州火車東站（位於天河區天河北路）。而位於廣州市番禺區嘅廣州南站目前已經投入使用，成為中國最大嘅火車樞紐之一，京廣客運專線（北京至廣州）、廣深港高鐵（廣州經深圳至香港）、南廣高鐵（南寧至廣州）、貴廣高鐵（貴陽至廣州）同廣珠城際軌道交通等多條主要高鐵線路嘅啟始站。呢三個火車站都有地鐵經。

廣州市喺2004年8月5號啟用新白雲機場，同時關閉已經有72年歷史嘅舊白雲機場。廣州新白雲國際機場喺廣州市北部，白雲區人和鎮同花都區新華鎮交界處，距廣州市中心嘅直線距離約28公里。沿機場高速公路往返市區大約需要20分鐘。新機場係目前中國大陸嘅三大樞紐機場之一。

廣州新白雲國際機場已開通大約120條國內外航線，2004年旅客輸送量2,032萬人次。目前新機場2期工程已經啟動，預計到2010年廣州舉辦亞運會時年客運量可能超過4,500萬人次。

廣州係華南地區公路網嘅樞紐，同海南以外嘅所有鄰省及廣東省內所有地級市都有高速公路連埋，已建成通車嘅高速公路及快速路分別有廣州環城高速公路、廣深高速公路、廣佛高速公路、機場高速公路、廣清高速公路、廣湛高速公路、廣惠高速公路、南沙港快速路、華南快速幹線、廣園快速路、廣三高速公路同廣肇高速公路、廣梧高速公路、樂廣高速公路、從莞深高速公路、派街高速公路，加上渝湛高速公路、粵贛高速公路、京港澳高速公路以及汕汾高速公路。105國道、107國道、324國道穿越市區，106國道、321國道就以廣州為終點，325國道就以廣州為起點。

廣州有19座長途大巴客運站分佈市區各處，包括廣東省汽車站、廣州市汽車站、天河客運站、番禺客運站、芳村客運站、滘口客運站、越秀南客運站、羅沖圍客運站、海珠客運站、黃埔客運站、夏茅汽車站、永泰汽車站、廣園客運站、天河大廈錦漢客運站、廣佛客運站、廣州東站汽車客運站、東圃客運站、從化汽車站、花都客運站，其中省汽車站及市汽車站嘅路線最集中，每日有幾班城際巴士來往廣東省各地及廣東省周邊省份，其中去佛山、珠海、深圳、東莞等地有直達班次（或中途停1至2個站點）。

票價由2蚊至到20蚊人民幣，APM（珠江新城旅客自動輸送系統）全程2蚊。

目前廣州市嘅巴士、電車總數超過 8000 部，營運線路超過 370 條，係中國大陸公共交通最發達嘅城市之一，但同時由於巴士過多而引起嘅交通堵塞就日益明顯，特別係喺市中心，比如天河體育中心站經常可以見到超過二十部巴士同時入站。廣州巴士線路都有冷氣車。至於票價就冇統一規定，視線路、車型同埋營運公司而定，市區線多數係冷氣車2蚊，非冷氣車 1 蚊，部分去大學城、過洛溪大橋、琶洲大橋嘅線路係 3 蚊，去花都新華、從化街口、番禺市橋、增城新塘、增城荔城嘅線路要 10－15 蚊。服務時間多數係朝早 6 點至夜晚 10 點；廣州市有多間巴士運營公司，其中經營市區線嘅公司分別有廣州一汽巴士、廣州市第二公共汽車、廣州市第三公共汽車、廣州市電車公司、廣州市新福利巴士、廣州冠忠巴士、珍寶巴士、新穗巴士、白馬巴士、馬會巴士、溢通巴士、興華巴士、榮泰巴士（而喺2008年，廣州市交委對各間巴士公司進行重組，重組後市民祗見到廣州市第一巴士公司、廣州市第二巴士公司同廣州市第三巴士公司）；廣州新世界巴士公司主要經營來往番禺嘅線路。廣州市亦設有夜班冷氣線路，方便市民夜間出行；線路由夜1 － 夜104路，共有 104 條線路，收費標準為非冷氣車個半-2個半，冷氣車 3-4 蚊。喺2007年底至2008年，廣州市交委對市內巴士線路進行調整，並且開始營運「4」字頭冧巴嘅小巴線路服務，小巴主要行駛喺偏遠郊區、市內大型巴士入唔到嘅狹窄道路以及作為接駁地鐵站服務之用，但係一度無乜人搭，引來唔少批評。

廣州市無軌電車喺1960年通車，第一條無軌電車路線由越秀公園至中山三路大東門，稍後延長至農林下路，即係而家嘅東山電車總站，直到今日，廣州依然係廣東省入面唯一一座有無軌電車系統嘅城市，路線增加到目前嘅 14 條，14 條電車路線分別如下：

其中112、113、114 係首批過珠江嘅路線，112 路行經江灣大橋，113 路行經解放橋，114 路行經人民橋，夜78係首條夜班無軌電車線路，現時廣州電車都係冷氣車2蚊，而夜班車3—4蚊。

目前廣州市嘅的士車身五顏六色，其中多數為紅、黃、藍、綠、啡五色，唔同嘅車身顏色表示分屬廣州交通集團、廣駿旅汽的士、白雲出租汽車集團、天湖統一、穗盟五間的士公司，規模細嘅公司唔可以揀顏色，一定係：綠色，而規模大嘅公司就可以揀顏色。黃色的士大部分都係由廣州人開，而其他色嘅的士係由「外地」嘅人去開嘅。唔同嘅公司啲的士價格都一樣，經多次調價後，現時市區內起步價10蚊（唔使加收燃油附加費），2.5 公里後夏利車（基本被淘汰）每公里 2.2 元，其他車型每公里 2.6 元，如果路程超過 35 公里就要加收 50% 嘅空駛費。增城、從化兩市嘅的士單價分別係每公里 2 蚊同每公里 1.6。

市內渡輪碼頭：

為緩解陸上交通，政府喺2007年推出水上巴士項目，由原來嘅渡輪擴展而成。首條航綫係：中大碼頭--天字碼頭--西堤碼頭--芳村碼頭，打算重會繼續開拓新綫路。

由廣州地鐵營運，由萬勝圍到廣州塔，兩個終點站都轉到廣州地鐵。票價全程2蚊，目前已經有海珠區嗰條投入營運，總共有12個車站開通咗。

截至2016年6月，廣州市經已正式同下面 34 個國際城市相互結為友好城市：

羊城八景係指喺廣州區內最著名嘅8個旅遊景點。自大宋以來，依據當地人嘅評價來評定八景。以下係2011年廣州嘅羊城新八景：

運動場:

廣州主辦過第一屆女足世界盃，開過第六屆及第九屆全國運動會，2004年7月1號攞到第16屆夏季亞洲運動會嘅主辦權；廣州亞運會喺2010年11月12號到27號舉行。

廣州有兩支中超球隊廣州恆大同廣州富力。其中廣州恆大淘寶分別由2010年開始喺中超6連冠，攞咗2次足協盃同3次超霸盃，同埋攞過2次亞冠冠軍。

讀音




#Article 3: 英國國籍法與香港 (102 words)


呢篇文主要講涉及香港嘅英國國籍法問題。

由1841年香港開埠起，香港嘅英國國籍事宜，係獨一無二嘅。由一個漁港漸變成亞洲國際都會，香港響每日都吸引好多難民、移民、同埋外籍人士來過新生活。香港居民響英國管治期間，佢哋嘅國籍同公民身份，係非常之複雜同麻煩：當承認響香港出世嘅人係英國國民，響另外一邊箱，1949年後嘅中國政府，中華人民共和國從來唔承認任可香港唐人嘅英國國籍身份。 

由於1997年香港主權移交將至，中英兩國響超過十年時間內，順利達成一系列順利過度嘅措施；包括成六百萬唐人同非唐人嘅香港居民國籍問題。

有領土出世嘅基本理由嚟申領國籍，因為英國領土出世嘅國民會有感謝受英國君主保護嘅恩義等「天生效忠」。憑嘅法律精神，包括響大英帝國境內各自治領同埋殖民地等領土出世（natural-born）嘅係英國國民。 

跟呢個定義，1842年開始，邊個喺香港出世，就係英國子民。之不過，要睇埋邊年邊日邊笪地。因為香港島係1842年開始計，九龍半島1860年，而新界係1898年。


喺1983年1月1號之前，因香港嘅緣故而得到嘅英國國籍叫聯合王國及其屬土公民（Citizen of United Kingdom and Colonies）。

喺1981年7月30號，英國政府公佈咗新英國國籍法嘅白皮書。

為咗香港主權移交中國呢件事，英國立咗條1985年香港法，晌法入面，就加咗「英國國民（海外）」呢個身份。

當時，香港有三百五十萬居民係用緊英國屬土公民身份。不過晌回歸咗之後，呢啲人就會冇咗呢個身份，而直接做咗中國公民。不過當時覺得香港回歸咗之後前途未明，所以，英國就整咗英國國民（海外）身份出嚟，畀呢啲英國屬土公民去換。所有英國屬土公民，都可以轉成英國國民（海外）。之不過呢個身份，係唔可以世襲或者轉換嘅。

之後，香港就出咗《1986年香港（英國國籍）令》規定1987年7月1號起，開始搞轉國籍。所有憑香港關係而攞到英國屬土公民身份嘅人，都要轉做英國國民（海外）身份。

不過，中華人民共和國唔承認英國國民（海外）身份，係英國國籍來，英國簽嘅英國國民（海外）護照，只係方便香港人用嚟旅行。而晌中華人民共和國境內同香港、澳門特別行政區境裏便，係唔可以享有英國嘅領事保護。

晌1989年六四事件之後，好多人都好驚九七，對中國失信心。重引發移民潮，影晌香港經濟。要阻止咁多人流失，有啲香港人，想英國畀返居英權畀嗰啲揸英國屬土公民護照嘅人，但係英國無接納。之但係，英國想履行道義上嘅責任，是關香港人冇得揀自己嘅前途。所以就搞咗英國國籍甄選計劃，來穩住人心，從而留得住人才。

英國就畀咗50000個對未來好緊要嘅家庭，依照1990英國國籍（香港）法成為英國公民，晌呢個法例之下，香港總督可推薦任何人（連配偶同仔女），並要求行政署長曾蔭權做登記，作為英國公民。登記咗做英國公民嘅人，佢哋就會冇咗英國屬土公民身份，或者英國國民（海外）身份。同埋晌1997年6月30號之後，唔可以用呢個計劃再新登記成為英國公民。

任何婦女，只要啱以下條件，英國內政大臣一定保證可以定居英國本土，同埋登記成英國公民：

而申請，係唔需要持有任何形式嘅英國國籍

而經呢條法案登記成為英國公民嘅，都會得到非世襲取得英國國籍，可以傳畀下一代。

喺香港，都有一班人唔係唐人，但有香港嘅英國國民身份，佢主要嚟自印度同巴基斯坦，喺香港主權交番畀中華人民共和國之後，由於佢哋唐人血統，咁佢哋雖然有英國國籍，但無英國居留權，亦都有可能無香港居留權。當時英國外相話基於常識同人道理由，應該畀佢哋全面嘅英國公民身份。

響1997年2月4號，英國內政部宣佈會提出英國國籍（香港）法1997，畀香港嘅少數族裔，喺主權移交之後，登記成為英國公民。

而最新嘅印度國籍法規定，印度人嘅仔女唔一定喺出世嗰陣有印度國籍。呢個改變，會搞到喺2004年12月3號或之後出世嘅印度人後代，如果佢哋嘅父母只係持英國國民（海外）或者英國海外公民，為咗防止佢哋變成無國籍人士，會自動取得英國國籍，佢哋都有資格登記成為英國公民。

重有一啲唐人，佢哋老頭老母喺東南亞出世，而呢啲國家都同中國簽咗一啲雙重國籍協定，而全國人大常委會，對香港人國籍嘅解釋，亦唔啱佢哋用，令佢哋無資格申請中國國籍，呢啲華裔人士，亦可以透過呢條法案，登記成為英國公民。

英國首相白高敦委托高仕文勳爵（Lord Goldsmith）檢討英國國籍，而高仕文亦喺2008年寫好同發表英國國籍檢討報告。喺報告裏面，佢明確咁檢討「英國國民（海外）」（作為英國國籍分類之一）。

報告指出，「英國國民（海外）」呢種國籍分類，喺英國國籍法嘅歷史發展裏面，係異乎尋常（anomalous）。與此同時，唔畀呢種身份嘅人，一套完整嘅英國國籍嘅，係唔公平。之不過，佢都係傾向保留呢種國籍分類，而唔會取消佢。首先，政治現實上，若果唔作任何具體意義嘅配套措施，好似畀「英國國民（海外）」完整嘅英國公民身份，而就咁取消「英國國民（海外）」，咁做係唔得嘅。其次，畀「英國國民（海外）」完整嘅英國公民身份，有可能違背咗1984年，中英兩國簽嘅《中英聯合聲明》，附件三嘅內容。




#Article 4: Travian (137 words)


Travian 係一個德國開發嘅免費、以網頁為本嘅 MMOG 戰略遊戲。玩家淨係需要提供一個電郵地址、同自己改一個名、揀好種族同地區，再按確認信嘅連結就可以開始遊戲。由於個音似，喺香港又叫做車肥羊。

玩家可以喺Travian 入面同數以千計嘅其他玩者溝通，控制自己嘅村莊同人民走向光榮同埋勝利。喺遊戲入面，玩家會扮演一個國家嘅國王或者女王，同其他玩家進行一場資源嘅爭奪戰。遊戲係24小時都喺度行緊嘅，就算玩家登出咗之後，村落仍然會自動採集資源同埋執行玩家登出前落嘅攻擊指令、甚至乎有可能比其他玩家攻擊。

遊戲入面有三個種族畀玩家揀，分別係羅馬、高盧同條頓。玩家唔可以喺遊戲中途改變自己嘅種族。後來加入嘅19號伺服器（名為「火與沙」）新加入匈奴同埋埃及兩個種族。

Travian內嘅基本資源有四種：

另外，起新村重需要用到：
文明度（Culture Point）

玩家可以透過自己村落嘅生產，自給自足；亦可以利用士兵搶奪其他玩家嘅資源。戰略嘅選擇，就要由玩家決定喇。

每位玩家開始嗰時都有一個村莊，入面有4個伐木場、4個泥磚場、4個鐵礦同6個農場。透過升級，可以增加村落四種資源每個鐘嘅生產量，另外，村落入面可起鋸木廠、磚廠、鋼鐵鑄造廠、麵粉廠同麵包店去增加資源產量。資源嘅產量係以每小時做單位顯示，隨住時間過去，村民收集嘅資源將會逐一存放喺倉庫同穀倉。

玩家可以喺其他玩家新仔保護期過咗之後，搶奪(Raid)其他玩家嘅資源。但係玩家需要建立一定數量嘅士兵(最少2隻兵出征)，如果唔係，就算搶奪冇士兵駐守嘅村落仍然會死兵。條頓嘅Clubswinger(棍棒兵）和羅馬嘅Legionnaire(古羅馬步兵)淨係要生產2個，就可以安全咁返到本身嘅村落；而高盧嘅Phalanx(方陣兵)就需要4個去搶奪，先可以安全咁返到本身嘅村落。另外，唔同嘅兵種有唔同嘅負載量。新加兩個民族方面，匈奴僱佣兵可以勉強用下，埃及奴隸就唔掂。

文明度嘅增加同四種基資源嘅採集有啲不同。淨係興建或者增加建築物嘅等級，文明度就會產生。

唔同建築物會增加不同程度嘅文明度，玩家可以喺透過皇宮/行宮睇吓而家已經產生咗嘅文明度同文明度嘅產量，仲有開設下條新村落或者征服村落需要嘅文明度。

文明度亦都可以喺村會堂(Town Hall)舉行派對去增加。

每個玩家都有機會喺遊戲裏面嘅空地上發展出新嘅村落，而遊戲入面嘅空地都唔相同。

在同一空地內，伐木區、泥磚場同鐵礦嘅數量由3去到5；稻田的數量喺6或7。
不過都有例外，例如9田和15田。

擁有3個泥坑、3個伐木場、3個鐵礦同9個農場嘅空地（遊戲中顯示為＂荒廢的山谷＂），稱為9田，都幾罕有。由於穀物嘅生產量會限制士兵嘅數目，所以9田喺遊戲後期幾重要。

擁有1個泥坑、1個伐木場、1個鐵礦場同15個農田嘅空地（遊戲中稱為＂荒廢的山谷＂），稱為＂15田＂，比9田仲罕有。由於穀物嘅生產量會限制士兵嘅數目，所以15田喺遊戲後期好重要。

嘅Travian具有最高嘅效率，即係投資較少嘅資源、但係擁有較高嘅攻同埋防；美中不足嘅地方係速度慢咗啲。

古羅馬步兵是最基本及全功能的步兵，全面而充足的訓練使他們有不俗的攻擊及防禦力。但就因為攻及守都是中等級數，當與專攻及專守的部隊比較時便會顯出其沒有專長的弱點。

偵察兵作用在於勘察其他玩家的士兵數量、資源儲備和防衞設施(城牆與宮殿)的等級。而且只有駐守偵察兵，方能發現敵方的偵察行為。當你既偵察兵被來偵察方的偵察兵數量為多, 敵方的偵兵就會住死,不會得到任何你的資訊。 另偵察是按攻擊, 不是搶奪。

條頓偵察兵係唯一喺軍營生產嘅偵察兵，由於係步兵，所以速度比其他種族嘅偵察兵慢，每個鐘行得9格。但可以反偵察。

具有拆毀城牆的能力，速度極慢，與攻擊部隊隨行時可令部隊獲得少量攻擊加乘(遊戲說明中並無顯示)。

出擊嗰陣唔一定有步/騎兵陪同，不過沒有步/騎兵保護嘅話，很容易會被敵方防兵消滅。

擁有3個開拓者(Settler)和足夠的文明度(Culture Point)，便能建設新的村落。

羅馬開拓者嘅成本中等。

高盧拓荒者係三個種族嘅開拓者(Settler)入面成本最平嘅。

條頓拓荒者係三個種族嘅開拓者(Settler)入面，唯一有攻擊力嘅。
條頓拓荒者係三個種族嘅開拓者(Settler)入面成本最貴嘅。

參議員/司令官/族長可以同敵方嘅村落進行游說，令到佢哋加入自己嗰面。條件係有足夠設立新村嘅文明度(Culture Point)。

如果參議員/司令官/族長有步/騎兵陪同嘅話，就可以確保將敵方嘅守軍殺死晒，先至由執政官游說村落。

用執政官Attack嗰陣，一定要用Normal Attack，先可以減低敵方嘅忠誠度(Loyalty)

羅馬參議員係三個種族嘅參議員/司令官/族長入面，攻擊力最勁嘅，防步兵同埋防騎兵就最差。

高盧族長係三個種族嘅參議員/司令官/族長入面，速度最快嘅，每個鐘可以行5格。

條頓司令官係三個種族嘅參議員/司令官/族長入面，成本最平嘅。
條頓司令官嘅研發要求最低，集結點(Rally Point)淨係要Lv.5就得。




#Article 5: IPod (110 words)


iPod係蘋果電腦推出嘅一種大容量 MP3 播放器系列，iPod 家族嘅出品提供一個簡單嘅用戶介面。一部標準嘅iPod會將所有嘅媒體檔案放喺一個內置嘅硬碟，但係比較小型嘅 iPod nano 同 iPod shuffle 就採用咗閃存（flash memory）。同好多其他媒體播放器一樣，當 iPod 連接電腦嘅時候可以當做外置硬碟咁用。iPod 採用咗 Toshiba 出品嘅 1.8 英吋盤片硬碟作為儲存嘅媒介，有 10 GB 至到 40 GB 嘅容量，可以放差唔多 2500-10000 首 128kbps 嘅 MP3 音樂，佢仲有完善嘅管理程序同創新嘅操作方式，外觀亦都獨特有創意，係 APPLE 少數能橫跨 PC 同 Mac 平台嘅硬件產品之一。

除咗可以播 MP3，iPod 重可以顯示聯繫人、日曆、任務，同埋顯示純文本電子書、播 Audible.com 嘅有聲電子書。

iPod 可以播放到MP3、M4A / AAC、Protected AAC、AIFF、WAV、Audible.com 嘅有聲電子書等等。蘋果電腦亦設計咗 iTunes，令到用戶可以將電腦裏面嘅媒體檔案自動同 iPod 同步。

第五代喺2005年10月12號，蘋果舉行咗個叫做 One more thing 嘅特別發佈會，宣佈咗第五代iPod，佢具有播放 MPEG-4 同 H.264 影片嘅功能。新型號有 30 GB 同埋 60 GB 兩款，價格同上一代一樣分別係 US$299 同 US$399。

佢嘅顯示屏可以顯示 320 x 240 pixel，65,5536 色，而且可以通過耳機插口或者底座上嘅插口外接 AV 線，將影片嚮電視上面播放。而家嘅螢幕尺寸係 2.5，比上一代 iPod 大咗 0.5。

據講，30 GB 嘅電池播放嘅時間係 14 個鐘，60 GB 大約 20 個鐘。用嚟睇電影嘅話，電池播放時間將分別減到 2 個鐘同 3 個鐘。

點擊輪（click wheel）嘅設計同上一代冇分別，只係比以前細咗。

耳機插口被移咗去 iPod 頂嘅右邊，而鎖定開關被移咗去左邊。

佢同 iPod nano 一樣，同時有兩隻色：白同黑。同時冇咗遙控接口，而最新嘅通用底座上面可以用蘋果最新推出嘅遙控。另外，iPod U2 特別版暫時冇要更新到新一代嘅消息。

第五代 iPod 同時包括一個勁啉嘅外殼塑料，可能係對 iPod nano 外殼非常容易刮花。





#Article 7: 女人 (1044 words)


女人，係指成年女性人類，屬雌性動物，同男人相對。女仔，係指女性兒童。女人可以係指生理性別上嘅分別，即係性染色體係XX、有屄嘅人，亦都可係文化上性別角色嘅分別。

金星符號，亦都代表女性。佢上圈係代表希臘女神維納斯手上嘅鏡（統一碼：♀）。呢個金星符號亦代表陰性，西洋鍊金術代表銅。鍊金術師做呢個符號，圈係精神，十字係物質。

生物學，並唔係決定一個人係女人嘅唯一因素。有啲女人有唔尋常荷爾蒙或者基因上嘅差異，都會有影響。有啲女人可能一生都唔會有女人應有嘅生理。

用生物學來講，女人性器官係用嚟生殖。而第二性徵就係用來餵細路，又或者吸引同伴。

雖然女人出生率係低過男人(約1:1.05)，但係女人平均壽命係長過男人。響六十歲時，女對男係100比81，再老啲，就係100比53。女人嘅死亡率係低啲，就算佢未出世都係。通常女人平均都比男人長五年命。原因有好多。基因上，女人性別染色體上，基因重複同變化。社會上，女人好少要當兵。健康選擇上，女人比較少自殺，食煙同飲酒，脾氣方面，女人比較平和，無男人咁火爆。響女人停經之前，女性荷爾蒙對心臟有保護作用，同埋無咁多男性荷爾蒙嘅影響。




#Article 8: 心 (145 words)


心（；英文：heart，英文-前置詞：Cardiac；拉丁文-解剖學詞：Cor；希臘語-病理學：Kardia）或者心臟（），係脊椎動物胸部嘅肌性纖維性器官，中間係吉嘅，外面包住心包，係循環系統嘅動力器官。心有自律性嘅心肌細胞，呢啲細胞靠起搏電流做出有規律嘅動作電位，帶動工作心肌細胞有規律咁收縮，令到血流嚮全身組織循環。心重有內分泌功能，佢分泌嘅肽類激素會調節血壓同埋水平衡。佢嘅功能由自身機制、神經系統同激素調節。第一個真正嘅心可能響5億2千萬年前寒武紀第一批脊椎動物度（譬如耳材村海口魚）出現。心嘅內部劃分、運作機制同動物嘅體形、具體生存習性（所佔嘅生態位）有密切嘅關係。對於有心臟嘅動物嚟講心嘅正常運作非常之重要，佢係動物胚胎期最早出現嘅器官之一。

無脊椎動物譬如昆蟲（Insecta），佢哋循環系統係開放式嘅，血會流入體腔（睇吓血淋巴）。而有住封閉式循環系統嘅頭足動物同環節動物，好似黃䘆都冇真正嘅心。黃䘆有五個動脈弓，同心嘅作用相似。

脊椎動物嘅身體器官嘅分化同發育都受心嘅制約。心係胚胎發育過程入便首先形成嘅器官之一，雞嘅心響受精之後 30 個鐘頭就開始曉跳，嗰陣時佢嘅身軀都未擠得落一個心。人嘅心響受精後四個禮拜之內就開工，嗰陣時佢嘅胚胎得五個毫米。

用橫切動物胚胎作動態觀察，可以睇到，中胚葉外側板嘅內臟葉，喺咽嘅後面，腸嘅腹側面對稱變厚（有啲動物嘅心就係喺度，之不過哺乳類動物嘅心會經歷一系列複雜嘅體位變化）。呢對中胚層折疊相對向中線靠攏，融合並形成一中空嘅長管。呢條管兩端黐喺兩邊嘅組織。除此之外係可以郁嘅。可以郁嘅部分喺體腔入便生，並形成四個腔隙，相繼開始收縮，最後構成做心。一旦心嘅雛形形成咗，佢就會畀兩層膜所包圍住：內膜（Endocard）同外膜（Epimyocard）。內膜後嚟會變做心內膜，外膜最終發展為心肌層（Myocard）同心外膜（Epicard）。

原始心嘅結構，可以由胚胎期心嘅結構咗解。係一枝管道上面有四個腔隙，會相繼收縮。含氧量低嘅血就被送到動脈入便，呢種心泵出嘅血流得一股。圓口綱同魚類，文昌魚心就係呢種原始嘅樣式，但係佢經已可以同血管區分開嚟。心嘅過渡類型就係總鰭魚類，兩棲動物同爬行動物打出混合血嘅心。呢種過渡心可能發生響4億年前。佢哋嘅心房心室有開始分開嘅跡象。呢啲動物已開始用肺呼吸有重要嘅聯繫。（可以響同樣係爬行動物，但係無肺嘅蠑螈身上睇到，無肺蠑螈嘅房間隔退化。同樣，對肺呼吸依賴性唔強嘅有尾目，佢嘅雙循環泵功能都有所減弱。）未完全分隔嘅心就會根據動物嘅需要改變缺氧血含氧血嘅大概流向。血能夠被導向好似皮膚，鰓等呼吸部位。噉做對鱷魚，龜呢啲有時唔用肺呼吸嘅動物大有好處。關於呢啲動物嘅心構造，請睇下面心嘅解剖。

到咗無尾目，動脈圓錐開始被螺旋型嘅折疊部分分開。鳥類同哺乳動物嘅就係兩分嘅。呢個係真正嘅雙循環泵。入咗肺循環嘅血動力低，去保護脆弱嘅肺組織。入咗體循環嘅血，行程長，分支多，阻力大，需要嘅動力多過肺循環。但係爬行動物嘅動脈圓錐就係三分嘅。呢個唔同嘅地方為解釋前兩者由一啲已知嘅爬行動物道分離進化嘅過程帶嚟咗好多困難。有人認為，可能喺進化過程入便，鳥類哺乳動物動脈圓錐嘅發生放棄咗最後一部劃分，變成咗兩分心室。

藍鯨嘅心同架車一樣大，有半噸重。

要了解心嘅進化過程，最好由觀察哺乳類動物心嘅發育過程開始。心嘅發育過程，喺一定程度上（唔係全部）再現咗佢本身嘅進化過程。

下面詳細講人類心嘅發育過程。因為出於醫學方面嘅需要，呢個過程研究觀察得比較透徹。

響人嘅胚胎期，心係胚盤嘅上面，口咽膜前面嘅中胚層，即係所謂嘅生心區慢慢形成。心嘅前面係原始橫膈。心嘅外形首先形成，然之後進行內部分隔。

響受精之後嘅第 18 到 19 日，生心區嘅中胚層會出現圍心腔同一對生心板呢兩個結構。生心板入面有中空結構嘅心管。之後心管同周圍嘅間充質會陷入到圍心腔入便。間充質形成嘅心肌外套層，遞日會發展做心外膜同心肌膜。而內皮同心肌外套層之間嘅結締組織，即係心膠質，將來就會發展成為心內膜嘅內皮下層。

心管頭同動脈連埋，尾就連埋靜脈。然之後心管發大成三個，即係：心球、心室、心房。後尾喺心房尾會再發脹成靜脈竇。心球同心室因生得快過心包腔擴展，兩者會形成一個U 型嘅球室袢。後尾畀食管心球壓住，向左右兩邊發展。心房發大，房室之間就變成房室管。心球尾就融入心室，成為原始右心室。原本嘅心室做咗原始左心室。兩者之門有室間溝分開。

第5個禮拜開始嗰陣，心嘅外形基本建立。然之後開始內部分隔。呢啲分隔係同時進行嘅。

房室管嘅心內膜組織增生，形成一對心膜墊。佢哋彼此融合，將房室管分隔做左右房室孔。房室孔內嘅間充質之後會形成兩尖瓣同三尖瓣。

而心房嘅分隔就發生響第4個禮拜結束嗰陣。心房頂部背側壁出現第一房間隔，喺第一房間隔向心內膜墊方向生長，最終同後者融合之前，會出現兩個孔，分別係：第一房間孔同第二房間孔。第一房間孔閉合。第二房間孔響一段時間之內重作為左右心房溝通嘅管道存在。跟著佢俾厚嘅第二房間隔遮閉。第二房間隔嘅前後緣會喺同心內膜墊接觸嗰陣，下面留下一個橢圓形嘅窿。直至出世後，第一第二房間隔因為血流嘅壓力互相緊貼並最終合埋，徹底分開兩心房。

靜脈竇右角跟著會被吸收並入右心房，成為永久性右心房嘅光滑部，原始右心房成為右心耳。通過房間隔進入原始左心房嘅肺靜脈跟著分做四條，跟著直接響左心房開口。由肺靜脈參與形成嘅部分成為咗永久性左心房嘅光滑部。原始左心房都成為咗左心耳。

心室底壁組織形成嘅室間隔肌部都向住心內膜墊生長，佢嘅方向同房間隔相反。響佢完全同心內膜墊融合之前，會喺佢上面嘅地方形成咗一個室間窿。呢個窿跟著大部分由心球內部形成嘅球嵴所閉合，其餘嘅就係為心內膜墊所閉合。噉就形成咗室間隔膜部。

而動脈幹同心球嘅內膜組織增生，上段被稱為動脈干嵴，下段就成為球嵴。兩者對生，跟著融合，成為主動脈肺動脈隔，佢隔開動脈幹同心球做肺動脈幹同升主動脈。兩者嘅基部內膜增厚，形成半月瓣。

脊椎動物嘅心嚮胸部（Thorax），消化道腹面。心由肋骨保護，可以減少外來撞擊而引起損傷嘅危險。

牛嘅心位於3到6肋之間。人嘅心約2/3位於正中線左側，外裹心包。前方對住胸骨體同2到6肋軟骨。後方平對5到8胸椎。兩側與肺相臨，下便係膈。上便係出入心嘅大血管。心後方隔著心包腔同支氣管，食管，迷走神經，同胸主動脈相鄰。心嘅長軸與正中線呈45度角。

之不過心有時因胚胎發育嘅原因，可以反位，成為右位心，心尖指向右下方，好似正常心嘅鏡像噉，同時經常伴有腹腔內臟器嘅反位。之不過右位心並無功能同結構上嘅改變。

哺乳類動物嘅心嘅外表可以噉樣描述：「一尖，一底，兩面，三緣，表面四條溝」，即係：

心本身由冠脈循環嘅血所營養。左右冠狀動脈係由主動脈嘅根部發出嘅。而含氧量低嘅靜脈血主要通過靜脈竇會流入心。心嘅重量佔全身體重嘅0.5%左右，但係佢嘅血流量就達到全身血流量嘅5%，係250毫升／分鍾。血氧利用率就嚟達到極限，動靜脈含氧量差達14%。因此當心肌需氧嘅時候，有效嘅方法只能係通過冠脈擴張加大血流量。

心係由纖維性骨架，心壁同心間隔構成嘅。

原始心可能正如上述一樣嘅係「拉長」式嘅。但係呢啲種能夠區分出心房心室嘅心，心房不溜都嚮心室嘅背側或前便。單一循環嘅心基本上係對稱嘅，第啲高級嘅心就明顯唔對稱。肺魚目同有尾目動物嘅心房經已開始部分分隔。

兩棲動物嘅心有兩個心房、一個心室，呢啲係兩棲動物嘅特征之一。右心房接受體循環嘅靜脈血，左心房就接受肺循環嘅靜脈血。兩者共同流到心室入便。之不過大部分嘅含氧量低嘅血會喺心室右方，准備進入體循環。喺離心血裡面，頭部同腦部嘅血係含氧量高嘅血。射進動脈弓嘅血係混合血。而蛙類體表皮膚毛細血管具有氣體交換功能，能夠部分補償體內氧氣。起搏主要係由靜脈突起負責嘅。

爬行動物嘅心室開始分做左右兩邊，房間隔完善，之不過室間隔有室間孔（鱷魚除外）。一般認為，靜脈竇經已並入右心房，執行起搏作用。

鳥類嘅心具有完善嘅兩心房兩心室。但係未夠哺乳類動物嘅完善。兩者嘅靜脈竇（Sinus venosus）都同右房壁融合，（鳥類嘅重留有些少痕跡）形成日後嘅竇房結同靜脈瓣。還有，鳥類嘅主動脈弓向右，哺乳類嘅向左行。

心內腔隙心房（Atrium）同心室（Ventrikel）有一定嘅排列。血先係由心外器官流入心房，再入心室。心收縮之後，血會自心室被推到動脈入便去。右心房有上下腔靜脈（Vena cava superior et inferior）通入。而肺動脈幹則由右心室發出。四支肺靜脈通入左心房。而主動脈（Aorta）則發自左心室。

左心室負責體循環，相應嘅力要求大過負責肺循環嘅右心室。故左心室嘅室壁厚過右心室（9到12毫米，係右室壁嘅3倍）。

右心房分為由原始心房演變而嚟嘅固有心房同原始靜脈竇右角發展而嚟嘅腔靜脈竇。喺右心房房間隔嘅右側面中下部睇得到卵圓窩（fossa ovalis），係上述卵圓孔閉合嘅遺跡。

左心房則可根据胚胎來源被分為左心耳同左心房竇。

兩個心室都可分為流入道同流出道。流入道壁上有縱橫交錯嘅肌性突起，叫做肉柱（trabeculae carneae）。而自心室壁發出，向心腔內突出嘅錐體性隆起則叫做乳頭肌（papillary muscles），心瓣正係通過乳頭肌嘅收縮同腱索嘅牽拉，先至唔會反折向心房。哺乳類動物有瓣膜防止血倒流。二尖瓣複合體（mitral valve complex）同三尖瓣複合體（tricuspid valve complex）指嘅係瓣尖（或稱瓣葉），瓣環，腱索同乳頭肌共同組成嘅複合體。佢哋嘅正常運作係血唔倒流嘅前提之一。相對起流入道，流出道壁光滑平整，無肉柱。

心包係包裹心同出入心大血管根部嘅圓錐形纖維漿膜囊，分為內層嘅漿膜心包（Pericardium serosum）同外層嘅纖維心包（Pericardium fibrosum）。前者分為壁層同臟層兩層。臟層又叫做心外膜。臟壁兩層喺出入心根部互相移行。兩層之間嘅潛在腔隙叫做心包腔。入便有漿液起潤滑作用。喺心包腔入便，臟壁兩層折返處嘅間隙叫做心包竇，主要有心包橫竇，心包斜竇同心包前下竇三者。

纖維心包則係由致密嘅纖維組成嘅結締組織。佢喺出入心大血管嘅根部同後者嘅外膜相連接。

心主要由心肌細胞（Myocardium）組成。心肌細胞分布唔單喺心壁上，臨心大血管上都有心肌嘅分布。心肌屬於橫紋肌。較之骨骼肌細胞，心肌細胞有自身嘅特點：

心肌細胞根据功能屬性分做工作心肌細胞同自律心肌細胞兩類。

工作心肌細胞嘅肌原纖維豐富，具有收縮性，傳導性同埋興奮性。執行收縮功能。佢哋係心房同心室壁嘅主要構成部分。

心室肌細胞嘅跨膜電位波形同骨骼肌細胞嘅有區別。佢嘅動作電位分0，1，2，3同4五期。

靜息狀態嘅細胞膜對K+有一定通透性，而對Na+嘅通透性就要低好多。K+由細胞膜內向外流動嘅平衡電位係構成心室肌細胞靜息電位嘅主要部分。之不過因為少量嘅Na+內流，所以靜息電位同K+有偏差。

自律心肌細胞喪失咗收縮性，之不過具有自律性，同時同工作心肌細胞一樣具有傳導性同興奮性。佢哋有P細胞同浦肯野細胞。自律心肌細胞組成咗心嘅特殊傳導系統，鳥類同哺乳類動物嘅心嘅特殊傳導系統已完善。人嘅起搏細胞集中喺竇房結度，嚮第啲嘅哺乳類動物入便重可以睇到少量嘅起搏細胞分布喺竇房結附近。呢啲個系統包括：

竇房結呈半月形，位於上腔靜脈與右心房交界處界溝上1/3嘅心外膜底下。佢含有P細胞同過渡細胞（Transitional Cells）。前者係Pacemaker Cell嘅簡稱。佢哋喺竇房結嘅中央部分，過渡細胞相應噉位於周邊。過渡細胞將嚟自P細胞嘅沖動傳遞到心房肌。之不過興奮點樣由竇房結傳到心房，則未有定論。而家一般認為，心房嘅興奮傳導係由心房肌細胞自身完成。而竇房結同房室交界之間有一啲細胞排列整齊，傳導速度快過第啲地方，叫做優勢傳導通路。

潛在起搏點可以喺竇房結發生功能障礙時保證心重可以以較低嘅頻率搏動，保證循環系統唔至於癱瘓，之不過同時都係危險因素之一。自律性超過竇房結嗰陣時，即：異位搏動，就會出現心律失常。另一個心律失常嘅原因可以係心嘅傳導通路發生堵塞。

浦肯野細胞又叫做快反應自律細胞。浦肯野細胞嘅跨膜電位變化同心室肌細胞嘅唔同喺第4期。浦肯野細胞4期係「自動去極化期」。喺3期，有一種Na+通道被激活，並且隨時間延長而增大。呢啲「內向離子電流」就係所謂嘅「起搏電流」。

當自動去極化令到跨膜電位去到閾值時，會觸發新一輪嘅動作電位。

較之浦肯野細胞，P細胞係慢反應自律細胞。佢嘅靜息電位同閾電位高，時程長。0期唔陡峭。無明顯嘅1同2期。0期去極嘅產生係由Ca2+內流引起嘅。4期自動去極化則係多種離子參與嘅結果。

電興奮要通過一個中介過程，同肌肉收縮聯系起身。呢啲過程叫做興奮-收縮偶聯。喺心肌細胞，自律心肌細胞帶嚟嘅自律性興奮會通過呢啲過程引起工作心肌細胞嘅收縮。

過程如下：

心嘅主要功能係泵血，（心重有內分泌功能）右心房同右心室負責將低含氧量嘅靜脈血送去肺進行氣體交換，左心房同左心室就負責將由肺部送返嚟嘅高含氧血經主動脈送到全身。

右心房接受上下腔靜脈含氧量低嘅靜脈血。心收縮泵出右心室入面嘅血之後舒張，令到右心室（左心房同左心室一樣）負壓，再付到右心房嘅血通過三尖瓣流入右心室。然之後呢啲血就會喺心收縮嘅嘅時候被射到肺動脈，進入肺循環。肺動脈瓣嘅作用係防止血倒流。當血喺肺完成氣體交換之後，含氧量高嘅血會順住肺靜脈流入左心房，之後經過二尖瓣流入左心室。左心室入面嘅血會喺心收縮嗰時進入主動脈，進入體循環。

科學家將心一次舒張同收縮構成嘅機械活動週期叫做一個「心動周期」。因為心室喺心泵血嘅過程度起主要嘅作用，所以心動週期就被當做心室嘅活動週期。

心房同心室喺一個心動週期裏面各有一次「舒張期」同「收縮期」。心房心室嘅活動有先後之分，但係左右心房同心室嘅活動就係同步嘅。以一個正常嘅心理週期（0.8秒）做例子：

一個心動週期以兩個心房嘅收縮開始，呢個過程持續0.1秒，跟住就到0.7秒嘅舒張。喺心房開始舒張之後冇幾耐，就到兩個心室開始收縮，持續0.3秒。呢個收縮期可以分為「等容收縮期」同埋「射血期」。然之後心室舒張0.5秒。心室舒張前嘅0.4秒，叫做全心舒張期，因為個時心房同心室都係喺舒張期。

響完成收縮後，心室會舒張，呢個時期又可以細分為：等容舒張期，心室充盈期同心房收縮期三期。

若果心動周期縮短，舒張期會明顯短過收縮期縮，心嘅功率藉此加強。之不過係休息時間嘅縮短，對佢持久工作無好處。

心具有因機體需要而增加心輸出量嘅能力叫做心力儲備。心嘅最大心輸出量可達35L，係靜息時嘅8倍。心力儲備體現喺搏出量儲備同心率儲備兩方面。

搏出量儲備係指靜息時心室收縮末期容積同心室作最大射血後心室余血量之差。佢可以令每搏輸出量增大30到40mL左右。

心律若果過快，反而因為充盈唔足而導致每搏輸出量減少。健康成人心輸出量因心律增多而加大嘅心律範圍係每分鍾160到180左右。較靜息嗰陣每分鍾70下增加咗將近100下。

哺乳動物嘅心跳受植物神經系統，荷爾蒙同溫度嘅影響。

當回心血量增大時，心肌纖維會被拉得更長，心壁會受壓，噉啱好可以令心肌嘅收縮力上升：前負荷嘅增加使得心肌嘅初長度變大，喺一定範圍內，心肌嘅呢啲種初長度嘅增大會令到佢更接近最適初長度，而發揮更大嘅收縮力。心自身呢啲種快速調節能夠對回心血量作出精細有效嘅調節。（異長自身調節，即係弗朗克斯大林機制）。

心嘅泵功能會受神經調節。交感神經同副交感神經嘅共同作用，令到心可以為身體喺各種狀態下提供合適嘅工作效率。

心交感神經嘅節前神經元位於脊髓胸段1到5節中間外側柱，釋放乙酰膽堿激活節後神經元。節後神經元係腎上腺素能神經元。佢釋放嘅去甲腎上腺素同心肌細胞膜上嘅beta1腎上腺素能受體相結合，（心肌都有alpha受體，之不過作用唔大，生理功能未完全搞清楚。）激活cAMP，通過第二信使系統傳達調節信息，激活心肌細胞膜上嘅鈣通道，引起鉀離子內流。交感神經對心嘅作用係加快心率，增強心嘅收縮力，加快傳導速度。即係話：正性變時，變力，變傳導作用。

心嘅副交感神經調節係通過心迷走神經實現嘅。迷走神經節前節後神經元都係膽鹼能神經元。節後纖維釋放嘅乙酰膽鹼可以同心肌細胞嘅M膽堿能受體結合，激活G蛋白。G蛋白使細胞膜超極化，降低cAMP活性。佢嘅功能同心交感神經反轉。即係：負性嘅變時，變力，變傳導作用。

大多數情況之下，心迷走神經嘅作用強過交感神經嘅作用。

血入便嘅腎上腺素同埋去甲腎上腺素可以引起心律加快，心收縮力增強，血傳送速度增快。

第一心音發生喺心縮期，標誌住佢嘅開始。音調低而時間長。呢啲係由於血沖擊血管，同產生嘅渦流，重有房室瓣嘅忽然閂埋引起嘅。

第二心音發生喺心室舒張期，音調高而時間短。係因為主動脈瓣同肺動脈瓣閂埋而產生嘅。

第三心音發生喺快速充盈期末，低頻低振幅。佢可能係由於心室快速充盈期末血流速度嘅改變，引起心壁同瓣膜嘅震動而造成嘅。

第四心音又叫做心房音，佢係由於心房收縮，心室主動充盈所引起嘅心壁同瓣膜震動引起嘅。

心可以分泌兩種肽類激素，一種係心房鈉尿肽（Atrial Natriuretic Peptide，ANP，又稱心鈉素），由心房肌細胞分泌。生理作用係利鈉、利尿，減少靜脈回流，降低中心靜脈壓，使心輸出量降低同血壓下降等。

血鈉離子濃度或血漿體積增多嗰陣時，靜脈回流增加，使心房肌細胞被拉長而受刺激，因而分泌ANP。ANP經血循環抵達腎臟，抑制腎小管（特別係集尿管）再吸收鈉離子同水，使尿流量增加，幫助血體積恢復正常。ANP
抑制腎素（Renin）、血管緊張素（AngiotensinII）、醛固酮（Aldosterone）、抗利尿激素（ADH）嘅分泌，間接減少咗鈉離子嘅再吸收。ANP亦可使腎絲球嘅系膜細胞（mesangial cell）鬆弛，增加過濾作用嘅有效面積，使鈉離子排出量增多。此外，ANP降低血管平滑肌對血管收縮劑嘅有效反應，因而降低血壓。

腦下腺前葉同腦亦有ANP，但係作用未搞清楚。

而另外一種由心分泌嘅物質則係B—型鈉尿肽（B—type natriuretic peptide，簡稱BNP），1981年由De Bold發現 。BNP係由心室分泌嘅，特別係左心室。分泌時有32個氨基酸殘基嘅貯存型proBNP會分解，變做無活性嘅N端前BNP同有內分泌活性嘅BNP。兩者都會進入血循環。BNP有著與ANP相似嘅生理功能，即利鈉，利尿，抑制RAA系統同擴張血管。喺臨床方面，BNP係心力衰竭患者預後指標，甚至有助於治療心衰。

而1990年科學家喺神經系統又發現咗呢個蛋白家族嘅另一成員C-型鈉尿肽（CNP，C type natriuretic peptide），佢喺血管入便嘅濃度好高，特別係喺血管內皮。CNP唔係由心 組織分泌，而主要係由腦，腦下腺，血管內皮，腎臟同女性生殖呢啲部位嚟分泌。CNP具有擴張血管、抗細胞分裂同抗SMC遷移嘅功能。而且，CNP重可以防止心肥厚嘅發生。

根據利物浦大學一項調查顯示，18至70歲嘅健康男性心每年會因為缺少鍛煉而損失1/4嘅泵功能。之不過女性測試者就冇呢個特徵。原因未明。

醫學入便，心病學係內科學當中專門研究心疾病同傳統治療手法嘅學科（而手術就係由心外科負責嘅）。呢個學科分為先天性心病，冠狀動脈病，心力衰竭，瓣膜病同電生理幾個部門。而兒童心病學就作為兒科嘅一個部門。

常見嘅心疾病或症狀，以同治療藥物如下：

患瓣膜病嘅人可能要換瓣膜。而新嘅瓣膜對於病人嚟講係外來物，病人可能要食好多抗排斥藥。

而心移植手術成功經已有報導。

人類對心嘅研究係同血循環聯繫埋一齊嘅。

早響古希臘時代，希波克拉底就經已認為，心有兩個心房同埋兩個心室。

亞里士多德認為心係血管系統嘅中心。之不過佢重未知血管有動靜脈之分。

跟著呢個畀古羅馬嘅醫生蓋侖通過自己大量解剖實驗得出結論，血管裡面流嘅係血。但係蓋侖嘅理論亦未完全符合今時今日嘅人嘅認識。佢認為血唔能夠循環，當佢哋喺血管流過之後，就喺人體遠端消失。

到歐洲文藝復興時期，比利時嘅維薩里同埋西班牙嘅塞爾維特質疑蓋侖嘅理論，後者更係認為心肺之間存在呢個小循環。維薩里因此被宗教裁判所判處死刑，塞爾維特跟著亦以「異教徒」嘅罪名被處以火刑。

多才多藝嘅達文西通過秘密解剖，提出心內分四腔。

目前世界各國對心嘅生理，病理同藥理學等等方面都展開咗廣泛研究。例如為外周動脈堵塞（pAVK）患者利用肝細胞再造血管，為心瓣膜發生病變嘅病人提供人造瓣膜。重有好多國家為治療心律失常而投入到心起搏同埋心電生理方面嘅研究入便。

古代中國關於心嘅解剖，史書上最早嘅記載嚮《史記·殷本紀》入便：「比干強諫，紂怒曰：『吾聞聖人心有七竅，剖比干觀其心』。」

傳統上，中醫認為，心為一身嘅君主，臟腑百骸都遵從心嘅號令，人嘅聰明智慧都係從心而出。如《素問·靈蘭秘典論》所言：「心者君主之官都，神明出焉」。「心在五行屬火，以陽藏而通於夏氣，故為陽中之太陽。心在體合脈、其華在面、開竅於舌、寄竅於耳、在液為汗、在志為喜。」心同小腸腑相合，手少陰心經同手太陽小腸經相為表裡經。

心為五臟之一，居於胸度，肺之下，膈膜之上，附著於脊骨之第五椎，形如倒垂未開之蓮蕊。心外有赤黃色脂膜包裹，稱為心包絡，係心嘅外衛。《難經》認為：「心重十二兩，中有七孔三毛，盛精汁三合，主藏神」。《類經·經絡類》又提到：「心當五椎之下，其系有五，上系連肺，肺下系心，心下三系連脾肝腎，故心通五臟之氣而為之主都」。

有血肉之心同神明之心嘅分別，前指藏於胸入便、推動血運行嘅心，後者指無具體形態嘅、主宰人精神活動嘅心。好似《醫學入門·臟腑》就有講：「有血肉之心，形如未開蓮蕊，居肺下肝上係都。有神明之心，神者，氣血所化，生之本都，萬物由之盛長，不著色象，未有何有，謂無復存，主宰萬事萬物，虛靈唔昧者係都」。

手少陰心經同手少陰別絡嘅循行路徑，根據《靈樞·經脈篇》記載為：「手少陰心經之脈，起於心中，出屬心系，下膈，絡小腸。其支者，從心系上挾咽，繫目系。其直者，復從心系，卻上肺，下出腋下，下循臑內後廉，行手太陰心主之後。下肘內，循臂內後廉，抵掌後銳骨之端，入掌內後廉，循小指之內出其端。」，「手少陰之別，名曰通里，去腕一寸半，別而上行，循經入於心，繫舌本，屬目系。其實則支膈，虛則唔能言，取之掌後一寸，別走太陽都。」

心同小腸相表裡：手少陰心經下絡小腸，手太陽小腸經絡心，心同小腸通過經脈相互絡屬而構成表裡關係。喺病理上，如心經有火，可下移小腸，出現尿少、尿赤、尿痛；小腸有熱，可循經上炎於心，表現有心煩、脷赤、口同脷生瘡呢啲。

心主血脈：指心具有推動血喺脈管入便運行嘅功能。好似《素問·痿論》就有講：「心主身之血脈」，《素問·五臟生成篇》：「諸血者，皆屬於心」，《讀醫隨筆》：「凡人周身百脈之血，發源於心，亦歸宿於心，循環不已」。心主血脈，血足則面容光彩，脈絡滿盈，故曰其華在面，其充在血脈。

在體合脈：指心同血脈相連，心氣推動血喺血脈入便運行，心氣強弱可從脈反映出嚟。例如心氣唔足則脈細軟無力；心氣唔勻則出現促、結、代脈等。

其華在面：心主血脈嘅功能，可從面部色澤反應出。例如心氣充則面紅潤光澤，心氣血虛則面淡白，心血淤則面青紫。好似《靈樞·經脈篇》話：「手少陰氣絕則脈不通，脈不通則血不流，血不留則髦色不澤，故面黑如漆柴者，血先死」。

開竅於舌：心經嘅別絡聯繫脷，脷嘅色澤、味覺、脷運動、語言同心相關，好似《靈樞·脈度》就有講：「心氣通於舌，心和則舌能知五味」。心嘅病變可有舌上反映出嚟，好似外台秘要話齋：「舌主心，臟熱即應舌生瘡裂破」，心火旺，脷尖會紅，口同脷生瘡；痰迷咗心，條脷就會大，講唔到嘢。

在液為汗：心同汗液嘅生成排泄有關。汗為津液所化，津液同血同出一源，稱為津血同源、血汗同源。病理上，若病人因故大汗出，或用藥發汗過度，則可損傷心陽，出現心慌、心悸，甚至出現大汗亡陽嘅危證。

心藏神：指心有主宰人體生命活動同精神、意識、思維活動嘅功能。《靈樞·邪客》：「心者，五臟六腑之大主都，精神之所舍都，其臟堅固，邪弗能容都；容之則心傷，心傷則神去，神去則死矣。故諸邪之在於心者，皆在於心之包絡。」《靈樞·本神》：「心怵惕思慮則傷神，心氣虛則悲，實則笑不休。所以任物者謂之心，心有所憶謂之意」

明朝以後，中醫學家對藏神嘅所在之處，提出唔同嘅睇法，好似明朝李時珍嘅《本草綱目·辛夷》指出：「腦為元神之府」

在志為喜：喜有益於心主血脈、心藏神嘅功能。好似《素問·舉痛論》話：「喜則氣和志達，營衛通利」。之不過喜樂過度可使心神渙散，好似《靈樞·本神》話：「喜樂者，神憚散而不藏」，《素問·陰陽應象大論》話：「喜傷心」。

驚則氣亂，心神唔寧都容易受驚，《素問·舉痛論》話：「驚則心無所依，神無所歸，慮無所定，故氣亂」，《小兒藥證直訣》指出：「驚為心病」。

養生之道，在於存神養氣。存神在心，而靜心在目。張紫陽真人話：「心能役神，神亦役心，眼者神游之宅，神游於眼而役於心，心欲求靜，必先制眼，役之於眼，使歸於心，則心靜而神亦靜矣」。《導引本經》話：「夫心乃一身之主宰，生死之路頭都。是故心生則種種欲生，而神不入氣；心靜則種種欲靜，而神氣相抱也」。故人常宜燕居靜坐，調心息氣，食熱戒冷，常要兩目垂簾，反光內照，降心火於丹田，使神氣內抱。

心包絡，簡稱心包，亦稱膻中。係心外面嘅包膜，有保護心嘅功能。中醫認為，心係君主之官唔受得邪，故外邪犯心時，首先侵犯心包，故心包有「代心受邪」嘅作用。「邪犯心包」主要表現喺心藏神嘅功能異常，有以下兩種證型：

藏醫對心嘅發生、解剖位置、形態、生理功能有獨特嘅觀點。

心嘅解剖位置同形態：

心嘅生理功能：

心同血循環

心主意識

心發生病變

心嘅胚胎發育：精血受孕後嘅第五-九週，呢時嘅胎兒形狀同魚相似，所以叫做「魚期」。




#Article 9: 生物學 (245 words)


生物學（；英文：biology，嚟自希臘文「bio」－即係希臘文入面「生命」噉解），廣東話日常有陣時會嗌做「baai6 o1」，係一門研究生命同生命對環境嘅影響嘅自然科學。生物學家會研究生物－有生命嘅嘢－嘅各種特性，嘗試創造出能夠充分噉解釋生命相關現象嘅理論，包括咗：

... 等等。

生物學係一門大嘅領域，可以按唔同準則分做多個子領域：例如按照所用嘅研究方法，分做嘗試用數學模型模擬生命過程嘅理論生物學（theoretical biology）同做實驗驗證理論嘅實驗生物學（experimental biology）；另一方面，生物學分起子領域上嚟又可以按研究嘅生命系統嘅類型嚟分，分做植物學、昆蟲學同鳥類學等嘅領域。

雖然生物學嘅子領域咁多樣化，但呢啲領域都建基於某啲共同嘅概念，令到佢哋一齊組成一個相干嘅領域－無論屬邊個子領域，生物學家基本上冚唪唥都會認同以下呢啲諗法：細胞係生命嘅基本組成單位（細胞學說）；基因（gene）係遺傳嘅基本單位，而進化係生物物種誕生同滅亡嘅主要機制（進化論）；有生命嘅系統係開放系統（open system），曉將能量轉化同令自己內部嘅熵（entropy）下降，等自己身體內部能夠維持到個穩態（homeostasis；指個系統內部嘅溫度等變數維持喺穩定嘅水平）... 等等。

除咗作為一個獨立嘅領域，生物學仲對社會科學（social science）嚟講有用：生物學上嘅理論同概念可以用於描述各種生物，而人類都係生物嘅一種；所以生物學理論同概念原則上可以至少局部解釋人類嘅行為，好多都會俾研究人類嘅社會科學借嚟幫手解釋社科所研究嘅現象；例如心理學，就時不時會借生物學上對腦嘅理解，分析人嘅腦活動同佢哋嘅行為之間有乜嘢啦掕；而社會學又有留意到，人嘅某啲群體行為同第啲動物嘅有相似之處，所以可能會借用動物學（生物學嘅一個子領域）嘅知識嚟解釋呢啲現象。

生物學哲學（philosophy of biology）係科學哲學嘅一門，指哲學家同生物學家對於「生物學應該點搞」嘅睇法。喺呢方面，生物學同其他科學領域一樣，會跟足科學方法嚟去研究生命。生物學界會：

上述嘅過程會係噉不斷重複，直至手上嘅理論做得到完全準確嘅預測為止－於是乎生物學就有持續嘅發展，做到愈嚟愈準確嘅預測。到咗現代，生物學經已有完整嘅理論體系，有多個理論解釋生命嘅本質，而呢啲理論每個都閒閒地俾生物學家驗證過上百次－好經得起考驗，所以學界一般認為，呢啲理論係有返咁上下正確嘅模型（approximately accurate models）－能夠充分噉描述現實。而且生物學仲會不斷噉去搵新嘅現象研究，睇吓呢啲理論能唔能夠解釋新現象，又或者使唔使諗新嘅理論。

生命（拉丁文：vita）係一種特性，而生物（organism）就係有生命嘅嘢。生物學做嘅係用科學方法研究生命同生物，所以要搞生物學，第一樣要做嘅就係答以下嘅問題：

喺廿一世紀生物學界入面，仲未有定義能夠完美冇灰色地帶噉將生物同非生物區分開。不過一般嚟講，傳統生物學都認為生命係一種特質，會令到有生命嘅嘢喺特定嘅環境之下曉嘗試維持自己嘅存在，甚至乎自我複製，並且嘗試將自己身上嘅基因散播開去，包含咗以下七種特徵：

細胞學說（cell theory）係現代生物學基礎之一。呢個理論宣稱：

一粒細胞本身具有生命應有嘅特徵，同時又有好多生物係由大量細胞組成：細胞曉做新陳代謝，由嘢食嗰度產生自己生存落去所需嘅能量同對外界刺激作出適當嘅反應，維持自身存在；而且細胞內部帶有遺傳資訊（DNA；可以話係隻生物嘅設計藍圖）；喺細胞分裂發生嗰陣，粒細胞自我複製，同時將佢啲遺傳資訊傳達去下一代嘅細胞嗰度，所以啲下一代會似生佢哋出嚟嘅細胞。喺一隻多細胞生物－例如係人同貓噉－裏面，隻生物身體嘅每一粒細胞最終都係由一粒受精卵嘅細胞嗰度嚟嘅，令到成隻多細胞生物全身上下嘅細胞喺遺傳上都一致。

因為細胞對生命過程嘅重要性，細胞係好多病變過程嘅基本單位，例如係癌病噉，癌病嘅主要一個問題在於啲癌細胞唔受控係噉自我複製，搞到身體好多器官唔能夠正常噉運作，而呢啲器官好多時做嘅係一啲維持生命必需嘅功能（心臟確保全身各部份都有血用、胃負責消化嘢食... 等等），所以呢啲器官失去功能可以引致死亡。

一隻生物要生存落去，就實要係噉由外界嗰度攞能量：熱力學第二定律（second law of thermodynamics）指出熵（entropy；）嘅數值喺一個封閉系統當中只能夠升或者維持不變（ 任何封閉系統，），呢條定律表示，當一個系統－無論個系統有冇生命都好－身處於一個環境入面，佢嘅溫度傾向會慢慢變成同周圍環境一樣；一隻生物隨住時間過去，佢內部嘅能量會流失，所以一隻生物要用某啲方法由周圍環境攞能量；現時已知嘅生命體全部都會以某啲方法搵嘢食，並且喺體內用呢啲嘢食做化學反應（chemical reaction）提取能量，途中會將呢啲嘢食變做第啲物質（排泄物），而組成啲嘢食嘅份子會提供可以轉化嘅能量之餘，又有可能經啲化學反應轉化做一啲隻生物需要嘅物質。

生態系統（ecosystem）查實就係能量嘅循環：一個生態系統入面通常都會有一啲自營生物（autotrophs）負責由外界嗰度引入能量，而隨住個生態系統演進，能量會有流失，但一個能夠維持自身存在嘅生態系統嘅自營生物會有能力由外界補充能量；以地球上大多數嘅生態系統為例，地球生態系統嘅能源多數都係太陽，好似係植物同埋其他光養生物（phototrophs）曉吸收陽光，做光合作用將物料變成有機份子，呢啲有機份子可以用嚟做化學反應，產生一隻生物所需嘅能量，而一隻動物就一係食植物（牛同羊等嘅食草動物），一係食第啲動物（狼同蜻蜓等嘅食肉動物）；喺成個過程當中，有好多能量都會喺啲生物做新陳代謝同呼吸作用嗰陣以廢料同散熱等嘅方式流失去太空，但呢啲流失可以由陽光嗰度補充返－形成一個由太陽攞能量、維持自身存在嘅系統。

生物曉繁殖（reproduce），而基因（gene）係所有已知生物將自己嘅特徵傳俾下一代嘅基本媒介：每隻生物嘅細胞裏面都有一啲 DNA 份子喺度，呢啲 DNA 份子成雙螺旋（double helix）噉嘅結構，一條 DNA 裏面有能力決定隻生物嘅特徵嘅某個特定區域就為止一個基因，例如想像人嘅 DNA，如果 DNA 當中嘅某一段決定人嘅頭髮顏色－嗰段有  同  兩個唔同嘅可能款；身上有  嘅人會係金頭髮，而身上有  嘅人會係黑頭髮－噉呢段 DNA 就算係決定頭髮顏色嘅基因。

基因決定咗一隻生物嘅遺傳資訊：一隻生物內部會靠 DNA 嘅基因產生相應嘅 RNA 基因，而由呢啲 RNA 基因嗰度就會產生出蛋白質（protein），跟手呢啲蛋白質就會俾隻生物攞嚟組成身體嘅各種構造，例如動物嘅肌肉以至神經細胞都係要有蛋白質先組成得到；所以一隻生物身上嘅 DNA 會影響佢嘅各種特徵，由肌肉嘅大細（影響佢大唔大力）以至個腦嘅神經細胞嘅數量（影響佢嘅智能同各種認知特性）等。好多時，就算係極之唔同嘅生物物種身上都會有相同嘅基因，顯示咗唔同嘅生物好多時都需要相同嘅身體功能，舉個例子說明，如果將喺人類當中負責產生胰島素（insulin）嘅基因植入去第啲生物嗰度嗰時，個基因都仲係會扮演生產胰島素嘅功能。

無論一隻生物有細胞核定冇細胞核，佢嘅 DNA 都會聚埋一齊形成染色體（chromosomes）嘅結構，一隻生物體內所有細胞嘅染色體嘅總和就係佢個基因組（genome）：

舉個例子說明，人類嘅基因組有 23 對染色體，而人類身體差唔多每粒細胞嘅細胞核都有呢 23 對（46 條）染色體喺度。每條染色體都係一條雙螺旋噉形嘅 DNA 份子，而啲 DNA 份子上面有乜嘢基因就因人而異，令到人類個體彼此之間喺身體製造某啲蛋白質嘅能力上有差異，造成身體同心理上嘅個體差異。

稍為複雜少少嘅生物，包括所有已知嘅脊椎動物，絕大多數行有性繁殖（sexual reproduction），即係用公同乸兩個性別做繁殖：喺呢啲生物當中，公嘅會提供精子，而乸嘅就會提供卵子，精子有阿爸嘅部份 DNA，而卵子有阿媽嘅部份 DNA；喺受精（fertilization）嘅過程入面，精子同卵子會結合，於是就產生出一個喺遺傳上有少少似阿爸、又有少少似阿媽嘅新個體。

對於有性繁殖嘅起源，廿一世紀初嘅生物學界仲有唔少爭議。其中一個見解係，有性繁殖會賦予物種比較大嘅遺傳多樣性－研究表示，靠無性繁殖（asexual reproduction）所生嘅後代同母體係一個板嘅（想像一粒靠自己分裂嚟繁殖嘅細胞，後代淨係有得由母體嗰度攞遺傳物料），所以如果一個物種係靠無性繁殖嚟生新個體嘅話，個物種嘅遺傳多樣性就會低得好交關，令佢哋好多時一旦有一兩種遺傳病，就搞到成個物種受毀滅性嘅打擊；因為噉，有性繁殖喺進化（睇下面）上對一個物種有利。

現代生物學其中一個基礎係進化（evolution）嘅概念：想像一個生物物種族群，個族群嘅基因庫（gene pool；指個族群身上嘅基因嘅總和）係  噉嘅樣，家吓佢哋做繁殖生下一代，而下一代嘅基因庫係  噉嘅樣，因為物競天擇（睇下面）同基因突變（genetic mutation）等嘅原因， 同  會有少少差異，而過咗  代後嘅基因庫  可以同  有巨大差異，令第  嘅個體同初代個體唔再算係同一物種－進化就係指一個族群嘅基因庫隨時間嘅變化，以及呢啲變化產生新物種嘅過程。

進化涉及物競天擇（natural selection）嘅過程：喺 1809 年，法國生物學家（Jean-Baptiste Lamarck）提出咗進化嘅諗法，但佢並冇做得到詳細解釋進化嘅機制（即係「點解一個族群嘅基因庫會隨時間變化」）；喺佢 50 年後嘅查理斯·達爾文（Charles Darwin）提出咗革命性嘅物競天擇概念，達爾文指出，基因會影響一隻動物生存同繁殖嘅能力，例如跑得快啲嘅馬喺野外冇咁容易俾獵食者殺死，身體生產精子能力弱嘅公冇咁大機會會成功生到仔... 等等，因為噉，喺是但一個時間點，是但搵個基因 ， 嘅第  個複製品叫 ， 傳到去下一代基因庫  嗰度嘅機會率會唔等同於另一個基因嘅一個複製品（），即係

於是下一代嘅基因庫會或多或少噉同上一代嘅唔同，而且長遠嚟講，地球嘅環境會係噉變化（例子可以睇氣候變化），令到「乜嘢基因對生存有利」呢點會係噉變化，例如如果一個地區因為氣候變化而搞到旱災多咗，對於住呢個地區嘅生物嚟講，「令身體保水能力強嘅基因」所賦予嘅優勢就會大咗。如是者，地球上嘅生物物種嘅基因庫就會隨地球環境變化而不斷變（進化）。而基於呢啲概念嘅進化論預測，隨住一個生物族群散佈並且分做唔同嘅次族群，佢哋會慢慢噉適應各自嘅環境，變到彼此之間愈嚟愈唔同－實驗同觀察嘅數據都撐呢個理論。

現代嘅進化論仲進一步宣稱，地球上現存嘅生物全部都係由某一個共同祖先物種，即係所謂嘅最終共同祖先（last universal common ancestor），嗰度進化出嚟嘅－當生命啱啱喺地球上開始嗰陣（現時估計係喺 35 億年前左右），得最終共同祖先呢個物種，然後最終共同祖先作出一定程度嘅散播，變成多個唔同嘅子族群，然後呢啲子族群獨立各自噉進化，最後變到基因庫好唔同樣，隨住幾億年嘅時間過去（基因決定特徵），最後變成好唔一樣嘅生物。事實係，證據顯示有某啲基因係現存生物物種冚唪唥都有嘅，而呢啲基因估計就係嚟自最終共同祖先嘅基因。


生物分類學（biological taxonomy）係指研究點樣將生物分類嘅一個領域。想像有一個同種嘅生物族群，佢哋因為地質活動或者遷徙等原因，分開做兩個互相唔多點接觸嘅族群，兩個族群會各自噉喺自己嘅新環境當中進化，而進化到咁上下，兩個族群嘅差異可能會變到好大，大到冇能力互相配種－原本同屬同一個物種嘅族群變咗做兩個唔同嘅物種。呢個過程喺進化論上就係所謂嘅物種形成（speciation）。

地球史上係噉有物種形成發生，令地球有豐富嘅生物多樣性（biodiversity），亦都令到物種之間喺遺傳上有好似樹狀圖噉嘅關係：舉個例說明，同一個蝴蝶品種內部有個體差異，但同一個蝴蝶品種嘅個體彼此之間喺遺傳上有足夠嘅相似度，所以同一個品種嘅蝴蝶公同蝴蝶乸交配能夠生產有生殖能力嘅下一代；相比之下，是但搵一隻蝴蝶同是但搵一隻飛蛾，佢哋之間嘅遺傳差異實會大過同一個蝴蝶品種嘅個體之間嘅差異，大到一隻蝴蝶一隻飛蛾（就算佢哋係一公一乸）交配都唔會生到乜嘢下一代；同時，蝴蝶同飛蛾之間嘅差異細過蝴蝶同人類之間嘅，噉表示喺進化史上，人類同蝴蝶嘅共同祖先久遠過蝴蝶同飛蛾嘅共同祖先。

數學化啲噉睇嘅話，每個物種係一個聚類（cluster；可以睇埋聚類分析）。是但搵兩隻生物，佢哋嘅遺傳組成分別係  同 （可以用兩個向量表示），再想像以下情況：

一個物種就係一個聚群－同一個物種嘅個體彼此之間差異細到能夠配種，但是但搵其中一隻，嗰隻同聚群外嘅個體之間嘅差異大到唔能夠配種。靠住呢個基本諗法，再加埋物種之間嘅遺傳差異同化石等嘅資訊，生物分類學家能夠將生物分類。

舉個例說明，鯨目（Cetacea）有以下呢啲科同屬：

呢個分類源自對各種鯨目動物嘅遺傳因子嘅分析以及化石證據。個分類表示，樽鼻海豚同太平洋樽鼻海豚有個共同祖先（一個好耐之前存在過嘅原始樽鼻海豚屬物種），樽鼻海豚亦都同殺人鯨有一個共同祖先（海洋海豚科原始物種），而後者久遠過前者。

而人類按照生物分類喺生命之樹（tree of life）嘅位置如下：

一樣嘢要有齊生命定義嗰幾種要素，先會俾人用生物分類法分類。即係話好似病毒（virus）同朊毒體（prion）呢啲嘢唔會俾學界包含喺呢個分類系統之下。例如係病毒噉，佢哋喺生勾勾嘅細胞體內嗰陣曉好似有生命嘅嘢噉郁同繁殖，但如果一粒病毒唔喺生勾勾嘅生物體內，佢就會變到唔識做呢啲嘢，好似死物噉，所以一般都唔會俾科學家當做生物。

為咗方便世界各地講唔同語言嘅生物學家溝通，生物學界有咗所謂嘅學名（scientific names）：每一個生物物種都會有一個學名，一個學名通常會由兩個用羅馬字母寫嘅字組成，例如係人類噉，人類嘅學名係「Homo sapien」；通常一個學名嘅第一個字會反映咗嗰種物種所屬嘅屬，而第二個字指個種。呢兩個字未必一定係源自拉丁文，例如係喺四川嗰頭發現嘅恐龍屬華陽龍噉，佢個學名係「Huayangosaurus」，當中「Huayang」係「華陽」－四川嘅別名－呢兩個漢字喺普通話入面嘅讀音。學名全球共通，唔會因地區而異。

有一啲物種因為地區唔同或者突變而有亞種（subspecies），為咗分得清楚啲，廿一世紀嘅科學界又多咗一套叫三名法（trinomial nomenclature）嘅學名：呢啲學名只係得有亞種嘅生物先至有，顧名思義有三個字，例如有啲人會叫喺香港嘅中華白海豚做 Sousa chinensis chinensis，印尼嘅中華白海豚做 Sousa chinensis plumbea。不過呢套做法到咗廿一世紀初都仲未受全世界認可。

同生命相關嘅現象有得分做好多個層次，而每一層都有一啲生物學子領域研究：例如有生物學家會集中研究 DNA 同 RNA 嘅組成份子呢啲生命最基本組成部份以及呢啲嘢嘅化學性質；有唔少生物學家會研究基因層面嘅現象；有生物學家會研究細胞嘅行為；又有生物學家－好似係動物學以及植物學等領域噉－會攞成隻多細胞生物個體研究；再宏觀層次啲嘅生物學家會研究動物嘅群體行為以及生態系統等等，包括咗：

生物學仲有以下嘅子領域：

... 等等。

早喺古希臘嗰陣時，經已有哲學家喺度研究傳統定義上嘅生命，不過佢哋嘅諗法多數都唔受現代科學接納。最早期有關生命嘅理論係由唯物論（materialism）嗰度走出嚟嘅，呢種思想認為宇宙入面淨係得物質，冇靈魂呢啲非物質嘅嘢，而對於唯物論者嚟講，生命只不過係一種複雜嘅物質，而唔係乜嘢靈魂；另一方面，又有思想家唔認同呢種諗法－主流古希臘學者會喺古希臘文入面區分兩個字：一個係「ζωή」（zoe），解做「（有靈魂嘅）生命、動物」，派生英文字「zoology」（動物學）；另一個係「βίος」（bios），解做「生活、生計」，派生英文「biology」（生物學）。呢個區別好影響後世西方哲學、尤其是基督教倫理對「生命」嘅睇法，將「生命」呢樣嘢分成「超越肉體嘅生命」（zoe）同埋「肉體嘅生命」（bio）兩個層次。

古希臘思想家又有喺度諗生命嘅組成：公元前 430 年嘅哲學家恩培多卡勒（Empedocles；希臘文：Ἐμπεδοκλῆς）提出咗個諗法，認為宇宙入面所有嘢－包括生物－都係由四種元素組成嘅：地、水、火、同埋風。佢相信世上所有嘅變化都係由呢四種元素嘅排列嚟解釋得到，而各種嘅生物就係呢四種元素以啱嘅方法溝埋一齊得出嘅結果；另一方面，公元前 460 年出世嘅哲學家德謨克利特（Democritus；希臘文：Δημόκριτος）就啱啱相反，認為生命嘅本質係有靈魂，主張火係同生命最有啦掕嘅元素（因為生命都係會產生熱力嘅），並且認為熱嘅原子會產生靈魂，令到啲嘢有生命。

公元前 322 年出世嘅希臘哲學家阿里士多德好睇重生命研究，亦都寫咗佢對生命呢個概念嘅睇法。佢提出（hylomorphism），話宇宙入面所有嘢都有物質同形態（form），而一件有生命嘅嘢嘅形態就係佢嘅靈魂（希臘文：ψυχή，讀做「psyche」；拉丁文：anima）。佢認為靈魂有分三種：植物嘅靈魂係最簡單嘅，呢種靈魂淨係識得做生長同埋繁殖呢啲基礎功能；而動物嘅靈魂既有呢啲功能，又曉郁同埋感受；人類獨有嘅理性靈魂（rational soul）就更上一層樓，仲有思考嘅能力同埋意識。阿里士多德仲提出話物質係形態嘅必要條件：一定要有物質先至可以有形態，所以冇身體嘅嘢係唔會有靈魂嘅（但有身體唔等如會有靈魂）。佢將靈魂分三種嘅做法，雖然話啱唔嗮（例如係植物其實識郁，只係郁得好慢），但係智能呢家嘢似乎真係依「植物－動物－人類」嘅次序上升。植物冇乜嘢智能可言，動物幾乎係全部都或多或少噉有啲智能，而人類就出咗名係動物之中最聰明嘅。物形論雖然喺現代學角度上啱唔晒，但仍然對後世嘅生命研究產生影響。

喺中世紀（5 至 15 世紀），生物學都仲未有大嘅進展。喺羅馬帝國冧咗之後，佢哋啲知識好多都喺歐洲失傳咗，搞到歐洲進入咗一段黑暗時代。古羅馬同古希臘嘅知識有喺近東同中東嗰度留存咗落嚟－拜占庭帝國嘅人同阿拉伯人將古希臘人嗰啲醫學同生命研究著作譯做佢哋啲話，但佢哋唔多做生物方面嘅研究，只不過係後尾做到將古希臘嘅知識傳返過去歐洲。中世紀啲歐洲人將古希臘發展出嚟嘅嗰套醫術攞咗嚟用，但係好少可會質問嗰套知識或者嘗試將佢發展上去。中世紀歐洲嘅大學喺哲學同物理學等領域嘅研究有啲睇頭，但係生物學依然未有進展，事實上喺嗰時生物學連獨立嘅學科都唔係。總體嚟講，中世紀嘅人類喺生命研究方面冇乜特別嘅作為。

生物學真正嘅開端要數 17 至 18 世紀嘅科學革命（The Scientific Revolution）時期。喺打前少少嘅文藝復興時代，歐洲人對古希臘古羅馬嘅文明同思想興趣大增，令到科學嘅火花開始喺歐洲重燃，好似係達文西噉，就成日都幫手研究人類同埋動物嘅身體，仲對解剖學做咗些少貢獻。而喺 17 至 18 世紀嗰陣，歐洲仲掀起咗科學革命嘅熱潮：喺嗰個時代，有好多歐洲學者都開始嘗試用科學方法嚟研究各種大自然嘅嘢，包括咗生物。呢樣嘢令到生物學－研究生命嘅科學領域－開始萌芽。另一方面，顯微鏡嘅發明亦都令到對生命嘅理解有咗飛躍性嘅進步：英國科學家羅拔虎克（Robert Hooke）喺 1665 年出版咗《Micrographia》（粵文：微物圖誌）呢本著作，詳細噉記錄咗佢自己用顯微鏡睇到嘅各種微生物。打後少少喺 17 世紀尾，有埋荷蘭科學家列文虎克（Antoni van Leeuwenhoek）等人對顯微鏡做各種改良，歐洲人成功噉發現咗細菌同好多其他微生物。顯微鏡嘅發展，開拓咗以細胞為生物單位嘅科學認識，為現代生物學對生命嘅定義（細胞學說）奠基。

喺科學革命時期，學者亦都致力將已知嘅生物分類同埋改名。瑞典生物學家林奈（Carl Linnaeus）喺 1735 年提出咗佢嗰套生物分類法，跟手喺 1750 年代幫佢所知嘅生物改好嗮啲學名，呢兩樣嘢對於現代生物學嚟講都仲係好緊要，而且林奈－同好多佢同期嘅歐洲學者－發表咗好多對生物嘅諗法，當中法國數學家（Comte de Buffon）甚至仲有諗過進化呢條橋。雖然林奈同布豐伯爵等學者嘅嗰柞諗法有好多都畀及後嘅科學家證實咗係錯嘅，但係佢哋啲研究依然係為現代生物奠定咗個基礎。

現代生物學嘅開端喺 19 世紀。嗰個時期最出名嘅要數英格蘭自然學家查理斯·達爾文（Charles Darwin），佢對進化同物種形成等現象作出咗深思，並且喺 1859 年發表咗佢嗰本好出名嘅名著《物種起源》（On the Origin of Species），提出咗物競天擇嘅諗法解釋進化嘅現象，認為無論同種定異種嘅生物都會喺個環境嗰度爭生存所需嘅資源（例如係嘢食同水），爭嬴嘅就有得生存落去，跟手就繁殖以及將自己身上嘅基因傳畀下一代，所以一個物種嘅基因庫會一代一代噉變，經過幾百萬年就會變到完全唔同咗樣。

達爾文個理論喺啱啱提出嚟嗰陣喺學界有唔細嘅爭詏，但最後各種嘅證據－由化石以至實驗觀察等－都係撐達爾文個諗法嘅。而到咗廿一世紀，達爾文個理論已經俾科學家廣泛噉應用喺醫學同埋人工智能等嘅好多個領域嗰度（例子可以睇遺傳演算法），而且喺理論上仲有新嘅發展，例如係用物競天擇嘅理論嚟解釋利他嘅行為呀噉。




#Article 10: 錢 (217 words)


錢（，星加坡有人讀做「」；英文：money），古漢人嗌做泉幣，喺經濟學定義上係指任何喺一個經濟體入面，普遍被接受可以用嚟支付貨品同服務以及還債嘅嘢，係一樣源於貿易嘅需要而有嘅發明。錢喺一個經濟體裏面扮演咗多種重要嘅功能：

一個經濟體嘅貨幣供應（money supply）包含佢內部嘅通貨（包括銀紙同銀仔）嘅總量，仲可以加埋活期存款（demand deposit；喺各種銀行戶口入面嘅錢）。一個政府要點管理自己個經濟體嘅貨幣供應係財政政策上一個重要課題，例如係噉印銀紙會搞到貨幣供應多得滯，令錢價值下降，造成通脹（inflation；貨品服務價錢係噉升），而通脹嘅情況會搞到啲人對隻錢失去信心（自己手上嘅錢量不變，啲貨品服務價錢升，自己實際購買力愈嚟愈少），後果可以好大鑊。

喺經濟學史上，英國經濟學家威廉·斯坦利·傑文斯（William Stanley Jevons）係第一個正式噉分析錢嘅四大功能嘅，佢提出咗交易媒介、價值量度、儲起價值、同延期支付嘅標準四個概念，而佢嘅諗頭俾人喺 1919 年用一個對句概括：

呢個對句喺英文入面順口又押韻，所以俾唔少英文嘅經濟學教科書攞嚟簡短噉概括錢嘅基本概念。

舉個例說明，想像有兩個人，A 君同 B 君；A 君煮飯叻，B 君起屋叻，而家陣 B 君想食 A 君煮嘅飯餸，但 A 君要生活，唔可以吓吓免費幫人煮飯，所以如果 B 君想要攞 A 君煮嘅飯餸，佢就要俾返啲有價值嘅嘢 A 君。喺一個原始經濟體當中，B 君可以用以物易物（barter）嘅方法，例如係幫 A 君整屋嚟換取飯餸；但如果 A 君唔需要人幫佢整屋嘅話，噉 B 君就會冇價值俾得到 A 君－單交易做唔成。而家想像有一樣嘢 X，X 係普遍有價值嘅，可以攞嚟換做任何嘅貨品或者服務都得，噉單交易就做得成－B 君可以幫人起屋賺取 X，跟住喺佢想食嘢嗰時俾某個量嘅 X 俾 A 君，等 A 君打後有得用佢做廚師賺返嚟嘅 X 去換取佢自己想要嘅嘢，而 X 可以以銀仔或者銀紙等嘅多種方式存在－X 就係錢；而且有咗 X，佢哋仲可以令唔同貨品服務有個共同單位量度價值（呢件貨值幾多幾多 X），而儲起 X 仲可以用嚟儲起自己嘅經濟價值。

喺現代經濟理論當中，錢一般會抽象化成具有以下功能嘅物件：

為咗有效噉做各種錢嘅功能，一樣攞嚟做錢嘅嘢需要有以下特質：

早期嘅人類社會有用開以物易物（barter），但並唔用以物易物為主導嘅：早期人類社會冇錢呢家嘢，而以物易物似乎可以追溯到公元前超過 100,000 年，不過交易就主要以禮物經濟（gift economy）以及債等嘅方式嚟運作嘅－當時嘅社會多數以細部落為主，啲人彼此之間相熟，所以好多時肯冇條件噉將有價值嘅嘢送俾同族嘅人，彼此之間有無形嘅合作關係；而以物易物嘅做法就主要用於陌生人同可能嘅敵人（即係未必信得過嘅人）。

喺錢嘅歷史當中，最早期嘅錢係商品貨幣。公元前 3000 年，米索不達米亞（Mesopotamia）文明就有喺度用「相當於幾多粒大麥嘅重量」做度重量嘅指標，並且用呢啲指標做交易。同期嘅美洲、亞洲、同非洲就興用貝殼做錢（有講法話，現今漢字當中同錢有關嘅字好多都從貝部，就係呢個原因）。根據古希臘史學家希羅多德（Herodotus；公元前 484 至 425 年），利底亞（Lydia；位於現今土耳其西半橛嘅一個古國）嘅人係世上首次使用金幣同銀幣嘅，而據現代史學家估計，利底亞人係喺公元 650 至 600 年嗰陣開始整呢啲銀仔嘅。

商品貨幣嘅使用又造就咗法定貨幣，尤其係銀紙：喺遠古社會，商人興用金同銀做交易基準；貴金屬有少少似商品貨幣（本身或多或少有啲價值，例如可以攞去熔咗佢，做有經濟價值嘅嘢），但又有少少似法定貨幣（尤其係金幣同銀幣等嘅銀仔）；商人同銀行好多時會發單俾存戶，俾佢哋用張單換取商品貨幣－例如個商人想借錢搞生意，於是開張有法律效力嘅單俾銀行，應承會喺某段時間內還相當於若干金銀嘅價值。呢種做法慢慢令到人習慣咗用「由某啲有公信力嘅組織發嘅紙」嚟做交易－最後引致咗銀紙喺中世紀嘅誕生：

宋朝（公元 960 至 1279 年）係人類史上最早用銀紙嘅經濟體。喺唐朝（公元 618 至 907 年）尾橛同宋朝時期，漢人發覺有需要搵啲冇銀仔咁重嘅物件做錢，再加埋印刷技術上嘅創新，就引起咗銀紙呢樣發明，令商人做起貿易上嚟輕鬆啲。喺 10 世紀，宋朝政府開始印銀紙（交子），並且將呢啲銀紙發俾鹽商業入面嘅商人，仲俾某幾個組織獨攬發行銀紙嘅大權，俾人民同時用銀紙以及商品貨幣做交易。而喺 12 世紀，宋朝政府索性吸收埋呢啲組織，自己發行銀紙，不過呢個時期嘅銀紙好多時係地區性嘅（一個省用嘅銀紙去到第個省就用唔到），而要去到成 13 世紀，先有一個全國流通嘅銀紙－達致咗同現代銀紙相似嘅使用同組織方法。

歐洲要去到 17 世紀先開始有銀紙呢回事：歐洲人由宋朝同元朝嗰度聽過銀紙呢家嘢，但要去到 1661 年，瑞典開始使用銀紙，先令歐洲人開始有咗「用紙造錢」嘅技術；瑞典有豐富嘅銅礦，所以銅喺瑞典好平，要令人對銅銀仔嘅價值有信心，就焗住要整大嚿啲嘅銀仔，但噉做又搞到帶銀仔出街撈絞好多－令瑞典人零舍有意慾發明輕便啲嘅錢。瑞典開始用銀紙之後，歐洲諸國開始發覺銀紙嘅好處，例如係幫手減少運送金銀嘅需要，降低流失金銀嘅風險，又幫手令到借金銀容易啲（因為有咗銀紙，實質金銀唔使離開借錢人嘅金庫，令借錢呢家嘢對借錢人嚟講風險細啲）；於是自從嗰陣開始，歐洲人就開始大幅全面噉採用銀紙。而到咗今日，世界各大經濟體當中都有銀紙流通。

喺 15 至 16 世紀，金同銀呢兩種貴金屬一般都俾人當係法償（legal tender；有法定支付能力嘅貨幣），政府會接受用金銀交稅、並且好多仲規定埋金銀之間嘅兑換比（金銀複本位制；bimetallism）。但喺 19 世紀，金同銀之間嘅供應量大升，而且比例變得唔穩定，於是世界各地政府開始以「值幾多金」同「值幾多銀」做基準衡量一種錢嘅價值，並且印銀紙，用銀紙嚟支付各種嘅政府開支（例如係出糧俾軍人等）。

廿世紀係一個劣幣驅逐良幣（Bad money drives out good）嘅時期。到咗 1900 年，工業化嘅國家多數都採用咗以金衡量價值嘅準則（金本位；gold standard），並且用銀幣以及銀紙嚟做流通交易媒介。世界各地嘅私有銀行同政府跟從劣幣驅逐良幣嘅原則：好似金同銀呢啲有價值嘅錢變成攞嚟儲，而銀紙等冇價值嘅錢攞嚟交易。呢個進程由廿世紀初開始，慢慢散佈到全世界，而喺廿世紀後期，各大經濟體冚唪唥都採取咗以法定貨幣為交易媒介嘅做法－直接用金銀呢啲貴金屬做日常交易經已好少見。

貨幣供應（money supply）大致上係指一個經濟體內部嘅錢嘅總量：喺經濟學上，錢包含所有可以用嚟做上述嗰柞錢功能嘅物件－包括咗銀紙、銀仔、銀行入面嘅活期存款、以至存在於電子空間嘅數碼貨幣（例子可以睇位元幣）呀噉。因為理想嘅錢係一啲易數嘅嘢，所以雖然呢啲物件喺物料上咁唔同，但做經濟分析嘅人可以用同一個單位計呢啲物件嘅價值（例：一張 10 文銀紙價值上等同 10 個一文銀，雖然銀紙同銀仔喺物理上好唔一樣）。一個經濟體嘅貨幣供應包含佢內部可以用嚟買貨品服務嘅錢嘅總數。

根據現代貨幣理論（modern monetary theory），貨幣供應嘅上落係經濟活動嘅主要帶動因素，所以主宰住貨幣相關政策嘅中央銀行（central bank）能夠做經濟上嘅調控－佢哋能夠合法噉（例如）通過印銀紙同控制利率等嘅手段嚟刺激一個經濟體嘅經濟增長，而且喺經濟衰退嗰時，央行仲可以用同樣嘅方法幫手刺激經濟。現代貨幣理論建基於以下呢條式：

假設  係恆定嘅，央行可以透過調節  嚟左右  同  。

值得一提嘅係，上述條式當中嗰個  可以有多個方法量度，分做 、、、同  等多種：（又有叫 ）係最基礎嗰種貨幣供應， 喺  之上再加啲嘢，而  又係  之上再加啲嘢... 如此類推。對於呢幾種貨幣供應點定義，唔同國家地區有少少差異，不過一般嚟講， 會包括市場流通性（market liquidity；指一件物件有幾易可以攞嚟換第啲物件）最高嗰啲錢，例如係流通緊嘅銀仔同銀紙呀噉，而  同  會包括一啲市場流通性比較低嘅錢，例如一啲長期嘅銀行存款（好多時冇得即時變做現金攞去使）。

貨幣創造（money creation）係指創造錢，提升經濟體內貨幣供應嘅過程。是但搵個經濟體，間央行嘅經濟分析師會監察住個經濟體內嘅貨幣供應－佢哋會靠各種方法，例如睇存款紀錄同物價等，估計個經濟體內有幾多錢流動緊，計出 、、、同  分別大致上係幾多；再評估吓有冇需要增加貨幣供應，而如果要，貨幣供應應該升幾多。

喺決定咗要提升貨幣供應之後，央行就要郁手做。喺廿一世紀嘅經濟體入面，貨幣創造主要有兩種方法：

喺廿一世紀嘅經濟體裏面，銀行一般都會用部份準備金（fractional-reserve banking）嘅做法；即係話，銀行喺得到啲人想儲入佢哋度嘅錢之後，會留起一部份－以現金同市場流動性高嘅資產嘅型式－做儲備，等人用得到活期存款；跟手佢哋會將冇攞嚟做儲備嗰啲借出去，噉做會有一定風險－假如發生擠提（bank run；好多人突然走去提款）嘅情況，銀行可能會唔夠錢俾啲客；但另一方面，噉做又會增加錢嘅供應量，對刺激經濟嚟講至關重要－人搞生意往往要使好多錢，唔借錢搞唔起，所以部份準備金嘅做法間接令個經濟體當中多咗好多投資，而投資正正係經濟增長必需嘅一環（睇埋本地生產總值）。亦都因為呢個緣故，喺現代嘅經濟體入面，廣義嘅錢總供應量（broad money supply）基本上實會大過央行印銀紙同整銀仔所造出嘅錢供應量（貨幣基數；monetary base）。

用嚟做錢嘅嘢可以按「本身有冇價值」分做兩大種：商品貨幣同法定貨幣。

商品貨幣（commodity money）係指一啲本身有價值、攞嚟做錢嘅物件。例如一個經濟體可以用粟米粒乾（好襟擺）嚟做錢買賣，粟米粒乾本身有價值（食得），可以用嚟滿足人嘅慾望，所以如果用嚟做錢會係一種商品貨幣。喺人類史上，有好多物件都試過俾人用嚟做商品貨幣，例如係貴金屬（金銀等）、貝殼、米粒、鹽、酒精、煙仔、大麻草、糖、同大麥等嘅稀缺資源都有喺某啲時期或者地方俾人攞過嚟做錢，而且亦有案例喺某啲情況有多過一種商品貨幣同時俾人用嚟做錢。要留意嘅係，呢條界有陣時係有啲含糊嘅，例如金幣噉，一個金幣好多時並冇標明個價值（個金幣上冇任何數字表示佢值幾多錢），而個金幣嘅價值由佢嘅金含量話事，喺呢個情況下，呢款金幣偏向有少少似商品貨幣。

商品貨幣嘅使用查實就同以物易物經濟好相似，商品貨幣起碼能夠充份噉擔當交易媒介同價值量度（等所有貨品服務有個共同嘅價值量度單位）嘅功能，不過佢哋喺做儲起價值功能嗰時就未必咁理想，而且好多時亦有供應量難控制嘅問題。

法定貨幣（fiat money）係一啲本身毫無價值嘅嘢，例如銀紙噉，銀紙唔食得、唔飲得、基本上唔可以攞嚟滿足任何慾望，而且亦都冇保證佢可以攞嚟換啲有價值嘅嘢（想像人類社會冧，啲法定貨幣即刻冇嗮用）。一款法定貨幣之所以可以攞嚟做錢－俾人當成有價值－係因為有個有公信力嘅組織（好似係政府）宣佈要用呢樣嘢做錢，令到「唔接受用呢樣嘢俾錢」變成唔合法。「有個有公信力嘅組織」呢一點好緊要：因為個政府有公信力，啲人至有信心如果經濟冧起上嚟，佢哋可以攞住啲錢去搵政府，換返啲有價值嘅嘢，等自己有保障。廿一世紀世界各大經濟體用嘅通貨冚唪唥都屬法定貨幣。

以物理型式存在嘅法定貨幣（銀仔同銀紙呀噉）可以受損，但可以換。呢個係法定貨幣相對於商品貨幣嘅一個優勢：世界多地都有法律講明「一件法定貨幣受損嗰時要點更換」，所以一個人手上嘅法定貨幣如果崩咗或者點，佢大可以攞去銀行嗰度換過啲新、面額相同嘅法定貨幣，例如美國政府就肯喺「張銀紙冇咗嘅部份少過一半」或者「有證據表明張銀紙係俾人整爛嘅」嗰時更換一張美元銀紙；而相比之下，一件商品貨幣整爛咗要換就難啲。

再廣義上啲，代表性貨幣（representative money）泛指一啲本身毫無價值嘅錢，例如係古代嘅人買嘢可能會俾一張借據（而賣家因為某啲原因信佢張借據），等賣家事後攞住張借據去換返經濟價值。法定貨幣可以話係代表性貨幣嘅一種，特別指有官方法律效力嘅代表性貨幣。

除此之外，用嚟做錢嘅嘢又可以按物理性質分類，例如法定貨幣可以分做用紙整嘅銀紙同用金屬造嘅銀仔等等。

銀仔（coin）喺經濟學定義係細小、平、又偏圓形嘅一嚿金屬或者塑膠，用嚟做錢。初時嘅銀仔多數都係用金同銀等嘅貴金屬整嘅，目的在於令到用嚟做錢嘅貴金屬重量有個易數嘅單位。但到咗今日，世界各大經濟體都有用銅等非貴金屬整嘅銀仔，而各經濟體都會用各種方式（自己掘或者進口）取得金屬，並且用呢啲金屬整一啲重量一致嘅銀仔。銀仔可以偽造，但喺人類史初期幫手創造一個錢嘅單位，令價值量度做起上嚟更容易，間接令銀行成為可能。打後阿基米德原理（Archimedes' principle）嘅發現令測試銀仔嘅重量同金屬純度更加容易，又令整假銀仔更難，促進咗銀仔嘅使用。

喺會用銀仔嘅經濟體當中，個銀仔用乜金屬造往往同佢面額有關：金最值錢，所以有金嘅銀仔最大面額，其次係銀，再落係銅。金幣往往俾人用嚟做大面額嘅交易，例如係政府消費等等；銀幣通常俾人用嚟做中等大細嘅交易，會俾人用嚟數稅、合同、同債嘅價值；而銅幣就係俾人攞嚟做日常生活嘅交易。呢個系統喺遠古印度經已存在，而中世紀嘅歐洲一路都用，連現代嘅經濟體都會用呢套「用物料分銀仔價值」嘅系統。

銀紙（banknote）係由銀行發行、用紙整嘅錢。一張銀紙上面通常會有個數字（面額）表示張紙值幾多錢（易數），可以攞嚟俾錢。喺要提升貨幣供應嗰時，央行會用機械大規模噉印銀紙出嚟。同銀仔相比，銀紙有好有唔好，例如係：

活期存款（demand deposit）係指無需任何事先通知，存款戶可隨時存取同轉讓嘅一種銀行存款：想像有個消費者，佢想買嘢，但手上唔夠現金；於是佢俾一啲有公信力嘅物件俾個賣家（例如一張寫明咗交易金額嘅支票），等個賣家相信「攞住呢件物件可以換取佢賣咗嗰件嘢值嘅錢」－呢啲錢就係所謂嘅活期存款。一般嚟講，銀行喺法律上有義務，喺一俾人要求佢將活期存款嘅錢交出嚟嗰陣乖乖地照辦。喺廿一世紀嘅經濟體當中，活期存款提款可以透過個人、支票同提款機等嘅途徑嚟做。呢種錢並唔係物理上存在嘅－佢哋只係銀行戶口入面嘅數字。

一個經濟體嘅總錢供應量等如貨幣基數（銀仔同銀紙嘅總量）加埋商業銀行當中嘅活期存款嘅量，所以銀行用嘅部份準備金嘅方法－將存款當中嘅一部份變成現金借出去－可以提升錢嘅總供應量，間接刺激啲人消費同投資。而喺廿一世紀嘅經濟體當中，呢個過程創造咗大量嘅錢，好似係美國噉，2010 年 12 月嘅美國廣義錢供應量（）有成 88,534 億美元，當中得嗰 9,157 億（佔咗  嘅 10% 左右）係物理上存在嘅銀仔同銀紙。

數碼貨幣（digital money）係指淨係存在於電子空間嘅錢，例子有位元幣（bitcoin）。數碼貨幣係喺廿世紀後半橛，隨住資訊科技嘅發達而新興嘅：到咗 1990 年，美國央行同商業銀行之間傳嘅錢冚唪唥都係以電子型式存在嘅，而到咗 2000 年，多數存在喺銀行數據庫嘅錢都係屬數碼錢，而喺 2012 年，20 至 58% 嘅交易都係用電子錢做嘅（呢個數字可以隨地區而有異）。

數碼貨幣原則上會好方便，但有好多人都唔多接受到呢樣嘢，例如有好多專家都指出，數碼貨幣風險極高－廿一世紀初嘅數據顯示，數碼貨幣波動性（volatility）高，價值容易大上大落，所以好多經濟專家對「數碼貨幣扮唔扮演到儲起價值嘅功能」抱懷疑態度。

貨幣政策（monetary policy）係指控制貨幣供應嘅權威－正路係政府同央行－所作嘅政策。政府同央行可以管理好多嘢，例如係印銀紙增加貨幣供應，又或者加減利率等等。佢哋會用呢啲手法，嘗試盡可能噉令個經濟體嘅經濟活動得以順利進行。

喺經濟學上，貨幣政策係一個好緊要嘅課題。好似係通脹等嘅現象可以對民生造成巨大嘅衝擊。一個好經典嘅例子係津巴布韋元（Zimbabwean dollar）：津巴布韋元曾經係非洲南部國家津巴布韋（Zimbabwe）嘅貨幣，但係因為政府管理不善，搞到津巴布韋國內由 1990 年代尾開始就有極嚴重嘅通脹，啲錢變到愈嚟愈冇價值，而啲貨品同服務嘅價錢係噉升，搞到政府要係噉印大啲面額嘅銀紙，打後仲出咗驚世嘅面額 100 萬億文嘅銀紙。最後喺 2009 年 4 月，津巴布韋政府索性停用津巴布韋元改用美元做貨幣，單嘢先至收到科。自從嗰陣之後，津巴布韋元喺經濟學界間唔中就俾人攞嚟做「失敗貨幣」嘅例子。

喺制定貨幣政策嗰時，政府同央行有好多工具可以用，包括：

貨幣政策本嚟係同採礦業息息相關嘅：喺古代，金同銀廣泛噉俾人攞嚟做錢，所以要提升貨幣供應，往往要靠採礦業開採多啲金銀先得；當金銀供應量突然飆升－例如喺哥倫布發現咗新大陸（搵到好多金礦），或者係 19 世紀中嘅加州淘金潮（California Gold Rush）事件，都引致通脹嘅情況－金同銀多咗，因而變得冇價值，搞到物價飆升；另一方面，如果採礦業開採金銀嘅速度唔夠快，追唔上經濟發展（經濟發展會令社會多咗貨品服務流通），會造成通縮－金同銀唔夠用，所以物價跌。後者呢類通縮情況就算喺（有銀紙嘅）18 同 19 世紀都仲好常見，因為呢個時期唔指用金做錢，仲興用金嚟支持銀紙。到咗廿世紀，各大經濟體系變成建基於法定貨幣，計呢啲錢嘅價值唔使吓吓都掕埋黃金價值，所以現代嘅貨幣政策開始同採礦業脫離。

假幣（counterfeit money）係指犯罪份子喺冇政府同央行許可下整嘅偽造錢，現今世界各大通貨（包括港幣、人民幣、歐羅、同美元等）都有人同佢哋整假幣。整假幣係一種欺詐，而且俾人亂咁增加貨幣供應會擾亂經濟－造成通脹、持有錢嘅人喪失購買力、以及令人對隻錢失去信心呀噉。所以世界各地嘅政府冚唪唥都會將整假幣定性為一種犯罪，例如係澳洲噉，喺 2019 年嘅澳洲，整假幣俾人拉到最高可以判坐 14 年監，係一種相當重嘅罪。

喺人類文明史上，人一路有整假幣同對抗假幣：




#Article 11: 地球 (624 words)


地球（；英文：Earth；拉丁文：Terra）係太陽系入面嘅一粒行星。

佢距離太陽 1.5 億公里遠，係太陽系嘅行星入面第三近太陽嘅－排正喺水星同金星之後。佢嘅質量係 5.97 × 1024 公斤左右，而半徑就大約係 6371 公里，密度有成每立方厘米 5.514 克。如果齋由大細嚟睇，佢喺太陽系嘅行星入面排第五，係太陽系嘅類地行星（Terrestrial planet；指主要由石頭構成嘅行星）入面最大粒嘅；同時佢係太陽系入面最密嘅行星。同其他行星一樣，地球曉自轉同公轉：佢大約每廿四個鐘頭會自轉一個圈（為止一日），每 365.26 日會圍住太陽公轉兜一個圈（為止一個太陽年）。佢嘅自轉產生咗晝夜，而公轉就產生咗一年嘅四季。同時，地球有粒自然衛星－月球－圍住佢轉。

地球嘅表面有成 71% 嘅面積俾水𢫏住－呢啲面積包括咗海、河、同埋湖呀噉，而淨低嘅就係由陸地板塊（Tectonic plate）組成嘅各個大陸同埋島。除咗噉，兩極地區大部份地方長年俾冰覆蓋。再入少少，地球嘅內部分做外地核同內地核兩層，前者由熔化咗嘅金屬組成，而後者由固體嘅金屬組成。而喺地球嘅最外層，佢俾一浸氣體包住－即係所謂嘅大氣層。大氣層嘅主要成分係氮（Nitrogen）同氧（Oxygen）呢兩種元素。

地球係目前成個宇宙入面已知嘅行星當中唯一一個有生命存在嘅，而且佢仲係智人（Homo sapien）嘅屋企。佢喺大約 45 億 4 千萬年前形成，而月球就係喺嗰時嘅 1 千萬年之後開始圍住佢轉嘅。地球形成咗 10 億年之後左右先至開始有生命，而隨住生物嘅進化，佢今日已經有住各種各樣嘅生物，好似各種嘅動物同植物－即係有生物多樣性（Biodiversity）。

根據對化石同基因嘅研究，現代嘅人類喺大概 500 萬至 700 萬年之前出現，而且同現代嘅黑猩猩係近親。到咗廿一世紀頭，地球上大約有 74 億嘅人口。聯合國仲估話會愈嚟愈多。人類有得分做黃種人、白人、同埋黑人等多個人種，而呢柞人種入面又有啲亞種－例如係黃種人，就有得分做漢族同大和族等，而漢族仲有得細分類做包括粵人在內嘅各個民系－人類喺文化同血統上都好多樣化。

地球喺英國話嗰度嘅名係「Earth」或者「Globe」，前者又有「大地」、「泥土」等呢類嘅意思。「Earth」呢個字源自中古英文（Middle English；現代英國話嘅祖先）度「eorþe」、「erþe」、「erde」同「erthe」等嘅單詞。佢嘅歷史仲有得追溯到上古英文（Old English；中古英文嘅祖先）入面嘅字「eorðe」。呢個字喺日耳曼語族（Germanic language family；包括咗英國話、德國話、荷蘭話、瑞典話等由古日耳曼人嗰度演變出嚟嘅語言）各個語言入面都有同源詞。

除咗噉，喺英國話入面啲人有時會嗌地球做「Terra」。呢個字嚟自古羅馬嘅語言－拉丁話－入面嘅字「Terra」，呢個字係古羅馬神話入面嘅大地女神個名，後嚟引申咗做「大地」、「地球」等嘅意思。另外，現代英國話度有時又會嗌地球做「Gaia」或者「Gaea」－呢兩個字嚟自希臘話入面嘅「」，亦即係希臘神話入面嘅大地女神蓋亞個名，好似「Terra」噉後嚟變咗做「大地」、「地球」呢類嘅意思。

喺唐話（包括廣東話、官話、同上海話等）入面「地球」呢個詞最早出現喺大明（14 至 17 世紀）嘅西學東漸時期，由意大利傳教士利瑪竇（Matteo Ricci，1552 - 1610）引入。喺打後少少嘅大清時期尾，西方嘅科學思想傳咗入大中華地區（包括嶺南），令到唐人開始接受咗地圓說，並且開始用「地球」呢個詞嚟指人類住緊嘅星球。呢兩個唐字喺各唐話入面嘅讀音都唔同，而喺廣東話入面係讀做「」嘅。

地球大致上係呈橢球形－因為佢自轉嘅效應令到佢沿貫穿兩極嘅地軸（Axial tilt）方向稍為扁咗，而赤道嗰頭就略為有啲。總體嚟講，地球嘅赤道半徑比起極半徑大咗 43 公里左右（27 英里）左右。 因為噉，地球表面離地球嘅質心最遠嘅地方唔係海拔最高嘅珠穆朗瑪峰（Mount Everest），而係喺赤道上面嘅厄瓜多爾嘅欽博拉索山（Chimborazo）嘅山峰。

地球嘅參考橢球體（Reference ellipsoid；指一個用數學方法整出嚟，同真嗰個地球最接近嘅完美橢球體）平均直徑大約係 12742 公里（7918 英里），大約等於 40000 公里除 π。因為佢局部地勢有起伏，地球同理想嘅橢球體有啲偏離咗－佢表面有好多凹凹凸凸，唔係一個真正嘅橢球體。不過由行星嘅尺度嚟睇嘅話，呢啲起伏同地球嘅半徑比起上嚟好細，最大嘅偏離都淨係等於地球半徑嘅 0.17%，而喺海平面下 10911 米（35797 英尺），出咗名深嘅馬利安納海溝（Mariana Trench）同埋海拔 8844 米（29016 英尺）嘅珠穆朗瑪峰都只係產生咗等於地球半徑 0.14% 嘅偏離。如果將地球縮到枱波噉嘅大細，地球上面好似大型山脈同海溝噉嘅地方摸落去就會好似一啲微細嘅瑕疵噉，而其他大部分嘅地區，包括北美嘅大平原同深海平原摸落就會好光滑。

地球嘅質量大約係 5.97 × 1024 公斤，即係 5970 堯克（Yottagrams；Yg）。構成地球嘅化學元素主要有鐵（Iron，Fe；32.1%）、氧（Oxygen，O；30.1%）、矽（Silicon，Si；15.1%）、鎂（Magnesium，Mg；13.9%）、硫（Sulphur，S；2.9%）、鎳（Nickel，Ni；1.8%）、鈣（Calcium，Ca；1.5%）、同埋鋁（Aluminium，Al；1.4%）。淨低嗰 1.2% 係其他微量元素，例如係鎢（Tungsten，W）、金（Gold，Au）、汞（Mercury，Hg）、氟（Flourine，F）、硼（Boron，B）、氙（Xenon，Xe）呀噉。因為地球有質量層化（Mass segregation；指質量高啲嘅嘢向中心嗰度集中）嘅現象，估計構成地核嘅主要化學元素係喺元素當中算比較重嘅鐵（88.8%），而其他構成地核嘅元素包括咗鎳（5.8%）同埋硫（4.5%），同埋質量加埋少過 1% 嘅微量元素。構成地幔嘅主要礦物質就包括咗輝石（Pyroxene；化學式係 (Mg,Fe,Ca,Na)(Mg,Fe,Al)(Si,Al)2O6）同埋橄欖石（Olivine；化學式係 (Mg,Fe)2SiO4）等等。

至於地殼嘅化學成份，據研究，氧係地殼度最多嘅元素，佔咗成 46% 。地殼嗰度有好多含氧嘅化合物，包咗水、二氧化矽（Silicon dioxide）、硫酸鈣（Calcium sulfate）、碳酸鈣（Calcium carbonate）、同埋氧化鋁（Aluminium oxide）等。絕大部分構成地殼常見嘅岩石嘅化合物都係有氧嘅化合物。有啲岩石就係氟化物（Flouride）、硫化物（Sulfide）、同氯化物（Chloride），但係氟、硫、同氯喺任何地方嘅岩層入面嘅總含量通常遠遠少過 1%。而佔咗地殼淺表面 90% 以上體積嘅火成岩（Igneous rock）主要由二氧化矽（Silicon dioxide；SiO2）同埋矽酸鹽（Silicate）構成。地球化學家 Frank Wigglesworth 基於 1672 個對各種岩石嘅分析計過條數，推論出 99.22% 嘅岩石係由下面個表列咗出嚟嘅氧化物構成。

地球嘅內部有得根據物理或者化學上嘅性質嚟分做若干層－石質行星冚唪唥都係噉。但係地球嘅內核同外核好明顯唔同，呢點係其他石質行星冇嘅特徵。地球嘅外層係由矽酸鹽礦物組成嘅地殼。地殼嘅厚度隨住位置有啲唔同，由深海海底嘅 6 公里厚到陸地上面嘅 30 至 50 公里厚都得。地殼下面有層由黏稠嘅半熔固體組成嘅地幔（Mantle）。地殼同埋地幔凍啲、硬淨啲嘅上層係所謂嘅岩石圈（Lithosphere；大約係由地表數 5 至 200 公里深）－板塊亦都係喺呢個區域形成嘅。地殼同地幔之間嗰條分界線係所謂嘅莫氏不連續面（Mohorovičić discontinuity，或者叫「Moho」）。再落少少，岩石圈以下嘅係黏度低啲，熔得犀利啲嘅軟流圈（Asthenosphere）。岩石圈喺軟流圈上面浮吓浮吓，而呢啲活動同地震等嘅自然現象有好大啦掕。

地幔晶體結構嘅喺地表以下 410 至 660 公里之間嗰度開始有重大嘅變化。嗰度係分隔上地幔同下地幔嘅過渡區（Transition zone）。喺地幔下面，係分隔地幔同地核嘅核幔邊界（Core-mantle boundary）。再落就係黏度好低嘅液體狀態嘅外地核（Outer core），而最裏面嘅係呈固體嘅內地核（Inner core）。內地核嘅半徑大約係 1220 公里，係地球半徑嘅 1/5 。佢旋轉嗰陣嘅角速度可能會快過地球其他部份些少，每年大約領先 0.1 - 0.5° 。

喺地球嘅內熱（Internal heating）當中，吸積嘅殘餘熱霸咗得嗰 20% 左右，而其餘嗰 80% 嘅熱係嚟自核衰變（Radioactivity）嘅－喺地球內部有鉀-40（Potassium-40）、鈾-238（Uranium-238）、鈾-235（Uranium-235）、同埋釷-232（Thorium-232）等嘅同位素靠放輻射嚟產生熱力。呢股熱令到地心嘅温度可以去到成攝氏 6000 度，華氏 10830 度，而壓力就可以去到 360 GPa－足以將一個人壓扁。

頭先講咗，地熱入面好多都係嚟自核衰變－即係唔穩定嘅原子核放輻射並且變成穩定原子核嘅過程，而穩定咗嘅原子通常唔會再放輻射。所以地球科學家推測喺地球歷史再早啲嗰陣，地球有更加多可以放輻射嘅同位素，所以嗰時佢可以產生更勁嘅內熱，喺 30 億年前可能係而家嘅兩倍。當時嘅地球沿住半徑嘅温度梯度會更加大，而地幔對流（Mantle convection；地幔因為內熱而慢慢會郁嘅現象）同埋板塊構造嘅速度亦都更加快，仲可能會產生一啲以今時今日嘅地質條件好難生到出嚟嘅岩石，好似係科馬提岩（Komatiite）噉。

地球有好多系統將地核嘅熱能散走。地球表面嘅平均散熱功率（指能量消耗得有幾快）大約係 87 mWm−2。成個地球內部嘅散熱功率就大約係 4.42 × 1013 W 。地核嘅一啲熱能通過高温嘅熔岩向上湧傳到去地殼嗰度，呢種熱對流就叫做地幔熱柱（Mantle plume），地幔仲會因為噉而產生熱點（Hotspot）。除咗噉，地球內部嘅熱能仲會喺板塊活動嗰陣通過地幔升上去中洋脊（Mid-ocean ridge；海底一柞喺板塊之間嘅邊界嗰度嘅山脈）而流失。另外一種熱能流失嘅方式係藉住岩石圈嘅熱傳導－尤其係喺地殼薄啲嘅海底。

喺地球外層嚟嘅剛性岩石圈分做好幾塊板塊。目前地球嘅主要板塊有太平洋板塊、北美洲板塊、歐亞大陸板塊、非洲板塊、南極洲板塊、印度-澳洲板塊、同南美洲板塊呢啲。另外仲有阿拉伯板塊、加勒比板塊、喺南美洲西海岸對出嘅納斯卡板塊、同埋喺南大西洋嘅斯科舍板塊呀噉。呢啲板塊係硬淨嘅，喺軟流圈上面浮吓浮吓，仲識慢慢噉郁－板塊之間會有相對運動，而呢啲郁動分做三種：一係聚合板塊邊緣（Convergent plate boundary）－指兩塊板塊互相靠近；二係分離板塊邊緣（Divergent boundary）－指兩塊板塊分離；三係轉形斷層（Transform fault）－指板塊之間互相橫向噉郁。因為呢啲地殼活動，搞到喺呢啲板塊嘅邊緣上面會容易有地震、火山活動、造山運動、同埋形成海溝，好似係日本列島同台灣就係坐正喺板塊邊緣上面嘅地方，間唔鐘就會有地震。唔同嘅板塊郁嘅速率仲會唔同：喺呢啲板塊當中，大洋板塊郁得快啲，而大陸嘅板塊郁得慢啲，好似係屬於大洋板塊嘅科科斯板塊位移嘅速率係每年 75 毫米，而太平洋板塊就以每年 52 至 69 毫米嘅速率位移；屬於大陸板塊嘅歐亞大陸板塊，平均以得每年大約 21 毫米嘅速率行進。

隨住板塊嘅飄移，海入面嘅岩石會跌落去聚合板塊邊緣嘅前緣下方，同時地幔嘅物質會喺分離板塊邊緣做成嘅空間嗰度上升。呢啲過程令到海洋地殼一邊係噉產生跟住又俾佢回收返落地幔嗰度，所以海洋地殼嘅岩石更新得好密。因為噉，海洋地殼多數好後生，低過 1 億歲。而家最古老嘅海洋地殼喺西太平洋地區，估計大約係得 2 億歲。相比之下，最古老嘅大陸地殼年齡有成 40.3 億歲。

地球表面嘅面積總共大約有 5.1 億平方公里，當中大約 70.8% 嘅表面積俾水𢫏住，令到大部分嘅地殼表面（3.6113 億平方公里）都係喺海平面以下。海底嘅地殼表面有好多山，包括一個全球性嘅中洋脊－一列沿住板塊邊緣形成嘅山脊，仲有好多海底火山、海溝、海底峽谷、海底高原、同深海平原。地球表面其餘嗰 29.2%（1 億 4894 萬平方公里，或者 5751 萬平方英里）係冇俾水𢫏嗮嘅地方，有好多山地、盆地、平原、高原等嘅地形。海平面以上嘅平均海拔係 840 米：成個海平面以上地表最低嘅地方係喺西亞嗰度嚟嘅死海，佢海拔大約係 -420 米，而海拔最高點係喺中國同尼泊爾邊境嘅喜馬拉雅山脈嘅珠穆朗瑪蜂，海拔有成超過 8848 米。

人整咗好多將地球表面分區嘅方法。傳統上，地表俾人分做七大洲、四大洋、同埋唔同嘅海域，仲會用兩極點做中心將地球分做南半球同北半球兩個半球，用經度分做東半球同西半球，或者大致按海同陸地嘅分佈分做水半球同陸半球。

呢啲數據同分區會隨住時間而演變。地球嘅地表一路俾好多大自然力量塑造緊－大風、降水、熱循環、化學反應、冰川作用、海岸侵蝕、珊瑚礁嘅形成、大大細細嘅隕石撞擊－都會影響到地表嘅地貌，但係地表地貌郁得實在太慢（吓吓都要成幾百萬年先會有用肉眼睇得出嘅改變），所以人一般都冇辦法直接感受到，淨係有得用一啲好精密嘅科學儀器嚟度。

地球表面有好多岩石，大致上可以跟住佢哋嘅成因分做三大類：火成岩、沉積岩（Sedimentary rock）、同變質岩（Metamorphic rock）。火成岩係由升到去地表嘅岩漿或者熔岩冷卻凝固形成嘅，又嗌做「岩漿岩」，係構成地殼嘅主要岩石。火成岩又有得分兩種：一係岩漿侵入地表而形成嘅侵入岩，例如係花崗岩（Granite）；二係岩漿噴出地表嗰度形成嘅噴出岩，好似係安山岩、玄武岩呀噉。大陸嘅地殼主要由密度低啲嘅花崗岩同安山岩構成，而海地殼主要由緻密嘅玄武岩構成。除咗呢啲火成岩，沉積岩都係成日見到嘅岩石。佢哋係由堆積同結合埋一齊嘅沉積物嗰度形成嘅。差唔多成 75% 嘅大陸表面都係俾沉積岩覆蓋住－雖然佢哋只係霸咗大約 5% 嘅地殼。最後，變質岩係由原有嘅岩石喺高壓高溫嘅環境之下變質而形成嘅，好似係大理石噉。

地球表面有好豐富嘅礦物，包括係石英、長石、角閃石、雲母、輝石、同橄欖石呢啲嘅矽酸鹽礦物，同埋方解石等嘅碳酸鹽礦物。

土壤圈（Pedosphere）係地球陸地表面嘅最外層，由土壤組成。土壤圈係成個地球嘅生態系統最緊要嘅組成部份之一，生物需要嘅好多養份嘅循環都係要靠土壤嚟維持住。

水圈（Hydrosphere）係指一個星球上面嘅水系統。地球有個好豐富嘅水圈。佢表面大半都俾水𢫏住，呢點令到佢同其他太陽系嘅行星好唔同，亦都因為噉有咗個花名叫「藍色星球」。地球嘅水圈主要係海，但係陸海、湖、河、同埋係深到去地下 2000 米嘅地下水都佔咗一定嘅比例。地球嘅水圈當中得 2.5% 嘅水係淡水，其餘係鹹水，而淡水當中有成 68.7% 係以冰（好似係冰川）嘅形式存在。

地球個海嘅總質量大約係 1.35 噸，相當於地球總質量嘅 1/4400。成個地球海嘅面積係 3.618 平方公里，平均深度係 3682 米，總體積係 1.332 立方公里左右。如果地球地表嘅海拔冚唪唥都係一樣而且地球係個平滑嘅球體嘅話，佢個海會有成 2.7 到 2.8 公里深。呢個海入面嘅係鹹水，平均鹽度大約係 3.5%－即係每公斤嘅海水度有 35 公克嘅鹽。大部分嘅鹽都係喺火山嘅作用或者冷卻嘅火成岩嗰度產生嘅。

海儲起咗好多重要嘅能量，係一個大型嘅儲熱庫。海水對全球嘅氣候嚟講好緊要。佢嘅溫度分佈嘅變化可以對天氣嘅變化造成好勁嘅影響。水嘅比熱（Heat capacity；嗰樣物質温度每上升一度需要嘅能量）大過岩石泥土嘅－即係話周圍多水嘅地區（好似係嶺南呢啲近海嘅地區）需要更多嘅能量改變先至會改變温度，所以佢哋嘅氣候往往同內陸地區嘅比起上嚟會溫和好多，温度變化冇噉勁。例如係北歐嘅北部，雖然佢係喺正北極圈入面，但係因為三面環海，氣候好適宜。相反，緯度低少少嘅加拿大北部同埋俄羅斯遠東地區－都係內陸地區－温度好極端，冬天會凍到乜噉。

海水嘅流動亦都好重要。海水受到風等嘅因素影響，會流嚟流去－形成所謂嘅洋流。洋流主要分做暖流同寒流兩種，暖流會將海水吸收咗嘅熱能帶嚟帶去，而佢哋流經嘅地區嗰頭會有「增溫增濕」嘅效應，好似係將啲熱能由赤道海域帶返去極地嘅溫鹽環流（Thermohaline circulation）。洋流異常仲會搞到天氣跟住異常，例如係厄爾尼諾現象（El Niño-Southern Oscillation）就係一種因為海流而造成天氣異常嘅現象。

大氣圈（Atmosphere）係指因為地球嘅重力而圍住地球嘅一浸氣體。地球表面嘅平均氣壓大約係 101.325 千帕，大氣標高係 8.5 公里。大氣層入面有 78% 係氮、21% 係氧、溝咗少少水蒸氣、二氧化碳同埋其他嘅氣態分子。地球嘅大氣層冇乜嘢話好精確嘅邊界，而係好連續嘅－離地表愈遠，空氣就愈稀薄，最後喺外太空就冇嗮。大氣層入面 3/4 嘅質量都集中喺離地表平均 11 公里高嗰度－而大氣層入面呢浸就係所謂嘅對流層（Troposphere）。呢層嘅高度隨住緯度唔同－喺赤道附近嘅對流層高成 17 公里，而喺兩極嗰頭嘅對流層得嗰 8 公里高，而且對流層嘅高度仲會跟住天氣同季節因素改變。

地球嘅生物圈同佢嘅大氣層息息相關－後者有好多種保護生物嘅功能。喺 27 億年前，地球開始有植物同光合作用，就開始咗生產氧氣，最後形成家陣主要由氮同氧組成嘅大氣圈。呢啲變化令到吸氧嘅生物（好似係人類噉）可以生存繁殖。跟手大氣入面嘅氧仲會轉化成臭氧（Ozone），形成咗臭氧層。臭氧層曉阻擋太陽輻射入面嘅紫外線。紫外線對生物嚟講好有害，所以臭氧層擔當咗保護地表嘅生物嘅角色。除咗噉，大氣圈入面某啲嘅微量氣體分子－包括水蒸氣、二氧化碳、甲烷、同臭氧－識得吸收同反彈由地表射出去嘅長波輻射嚟防止熱能流失去外太空度，亦即係所謂嘅溫室效應（Greenhouse effect）－適量嘅温室效應令到地球表面保持到一定嘅温度，唔會好似水星表面噉一冇日頭就跌到落零下百幾度。地球科學家計過，如果地球完全冇溫室效應嘅話，地表嘅平均溫度淨係會得嗰 −18°C（而家 +15°C），喺嗰種環境之下生命好可能唔會存在。除咗噉，大氣層仲會運送水汽同埋令到流星體喺撞落地面燒燬。

大氣圈唔係靜止嘅，而佢嘅郁動支配咗天氣同氣候。嚟自太陽嘅能量將地表同上面嘅對流層入面嘅氣體加熱，空氣一受熱就會膨脹，跟手就因為密度下降而向上升，四周圍凍啲、密度高啲嘅氣體會過嚟填補，於是乎啲空氣就係噉郁嚟郁去－就係所謂嘅大氣環流（Atmospheric circulation）。主要嘅大氣環流帶有緯度 30° 以下赤道地區嘅信風（Trade winds）同緯度 30° 至 60° 之間嘅中緯度西風帶（Westerlies）。呢啲環流令到地球嘅熱能重新分佈，仲產生咗各種嘅天氣現象同氣候條件。

大氣圈同水循環好有啦掕，而佢哋之間嘅互動亦都影響到天氣同氣候。由地表嗰度蒸發走嘅水蒸氣跟手就會俾大氣環流吹嚟吹去。如果大氣環境啱嘅話，又暖又濕立立嘅空氣會上升，跟住佢入面嘅水汽會凝結，形成降水（包括咗落雨同落雪等嘅現象）跌返落地面。降水大部分都會通過河流系統流去啲低海拔嘅地區，通常會返去海或者聚集喺湖嗰度。呢種水循環係地球有得維持生命嘅主要原因之一。佢仲會侵蝕地表，令到地表喺長遠嚟睇會慢慢噉走樣。

地球各地嘅降水量因為大氣環流、地貌特徵、同埋氣溫差異等嘅因素所以好唔一致，由年年幾千毫米到一年唔夠一毫米嘅都有。

大氣圈喺各個緯度嘅分佈同厚度都唔同。噉都會左右到天氣同氣候。愈係喺高緯度（近兩極）嘅地區，太陽照落地面嘅角度就會愈細，於是喺嗰啲地區陽光要通過嘅大氣層就會厚啲，所以嗰啲地區冇噉好日頭，平均氣溫都會低啲。緯度每高 1 度，海平面嘅年平均氣溫就降低大約 0.4°C （0.7°F）。地球表面有得分做氣候大致相似嘅好多個緯度帶，由赤道到兩極跟次序係熱帶（Tropical）、亞熱帶（Subtropical）、溫帶（Temperate）、同極地（Arctic）氣候。氣候分區亦都可以跟氣溫同降水量嘅異同嚟整，喺呢度常用嘅柯本氣候分類法（Köppen climate classification）將全球嘅氣候分做五大類：A類熱帶氣候、B類乾旱氣候、C類溫帶氣候、D類冷溫帶氣候、E類極地氣候、同高山氣候。

喺對流層再上啲，高層嘅大氣層通常分做平流層（Stratosphere）、中間層（Mesosphere）、熱層（Thermosphere）、同散逸層（Exosphere）。每一層嘅溫度隨住高度嘅變化規律都唔同。平流層上面係臭氧層，可以部分噉吸收太陽射過嚟嘅紫外線。呢點亦都令到平流層當中高度愈高溫度愈高。中間層當中溫度就隨住高度增加而跌。喺熱層嗰度，因為氣體原子吸收太陽輻射入面嘅短波成分吸收得好勁，溫度隨住高度嘅增加升得好犀利。喺熱層嘅上部因為空氣薄，溫度高啲，氣體分子會發生電離，形成等離子體，構成電離層（Ionosphere）。散逸層向外揚，愈嚟愈薄，直到磁層（Magnetosphere）－嗰度係地磁場同太陽風（Solar wind；指太陽射過嚟嘅帶電粒子）相交嘅地方。

再上啲，距離地表 100 公里嘅高空就係所謂嘅卡門線（Kármán line），喺一般實際用途當中都會當佢係大氣層同外層空間嘅分界。

由於熱運動現象，大氣層外面嘅一啲粒子嘅速度可以大到擺脫到地球嘅引力飛走－令到大氣嘅氣體慢慢持續噉散失到去外太空嗰度。當中游離嘅氫（Hydrogen）分子質量細，所以加容易加速到擺脫到地球引力，而散失到去外太空嘅速率亦都更加快。呢種粒子散失一般都俾地球科學家認為會改變地球嘅大氣環境，長遠嚟講（講緊幾千萬年嘅尺度）仲可能間接令到地球上嘅生物發生變化。

地磁（Geomagnetic field）指喺地球內部同埋佢四周圍空間存在嘅一股磁場：如果將地球睇做一個偶極子（Dipole），佢嘅磁矩大細係 7.91 × 1015 T m3 左右，地磁軸嘅方向同地軸差唔多重合但係有些少偏離，兩者嘅夾角就係所謂嘅地磁偏角（Magnetic declination）。喺垂直平分地磁軸嘅平面同地球表面相交形成嘅「地磁赤道」圈嗰度，磁感應強度大約係 3 × 10−5 T，而喺地磁軸同地球表面相交形成嘅地磁極（Geomagnetic pole），磁感應強度大約係地磁赤道嗰度嘅兩倍。

地磁保護咗地表嘅生物：佢喺太空嗰度嘅影響範圍就係之前提咗嘅磁層。太陽內部有啲作用，令到佢會向四周圍射啲帶電荷嘅粒子－包括離子同電子等。呢啲粒子就係所謂嘅太陽風。太陽風嘅壓力會將磁層近太陽嗰面壓到得返 10 個地球半徑，而離太陽遠嗰面會延伸成一條長尾噉嘅形狀。呢啲粒子對於生物嚟講好危險，但係帶電荷嘅嘢會受磁場影響而改變郁嘅方向，而地球嗰個磁場啱啱好令到太陽風改變方向，冇辦法直接噉吹落地表嗰度－所以地磁對於人類等嘅地表生物嘅生存好緊要。

地磁同太陽風嘅互動仲做成咗一啲好得意嘅效果。太陽風以超音速吹落磁層對住太陽嗰面，而太陽風嘅速度亦都因為噉而慢落嚟。佢哋嘅一部分動能（Kinetic energy；指令到啲嘢郁嘅能量）轉換做熱能，令到佢附近嘅區域溫度升高。而喺發生磁暴（Geomagnetic storm）嗰時，喺兩極嘅帶電粒子會沿住磁場線偏轉飄落電離層，並喺嗰度同大氣層嘅原子撞埋一齊，將佢哋激發同離子化（簡單啲講就係兩舊粒子撞埋一齊，並且以光等嘅形式釋放佢哋嘅能量）。呢個過程形成咗極光。

對於地磁係點嚟，學界仲係眾說紛云。根據發電機假說（Dynamo hypothesis），地磁主要嚟自地核入面由鐵同鎳構成嘅導電流體（指好似熔岩呢啲可以流嚟流去物質）嘅郁動：喺地核嘅外核嗰度，好似熔岩呢啲熾熱嘅導電流體由中心向外對流嗰陣，俾地球嘅自轉產生嘅偏向力搞到形成渦流，而有電流改變就會有磁場。呢股渦流產生嘅磁場又會跟手對導電流體嘅郁動產生一啲反作用，令到後者持續。於是導電流體嘅郁動同埋佢產生嘅磁場保持大致上穩定－地球嘅外核好似一座自己曉郁嘅發電機噉。順帶一提，呢種郁動本身係唔係完全穩定嘅。地磁軸嘅方向會慢慢冇規律噉變。地磁逆轉冇話乜嘢固定周期，每 100 萬年可能有成幾次逆轉，最近嗰次據講係發生喺 78 萬年前嘅布容尼斯－松山反轉（Brunhes-Matsuyama reversal）。

地球曉自己轉，而佢嘅自轉形成咗好多自然現象，好似係日頭同夜晚噉。地球相對於太陽嘅自轉週期平均係 86400 秒（即係廿四個鐘頭），為止一個太陽日（Solar day）。呢個週期唔係定死咗冇得變嘅：家吓地球嘅太陽日已經比起 19 世紀嘅略為長咗啲，每日大約長咗 0 至 2 SI ms 。

要計地球嘅自轉，有得唔用太陽用固定恆星（Fixed stars；指一柞喺夜空嗰度望落彼此之間冇相對運動嘅恆星）做基準。地球相對於固定恆星嘅自轉週期為止一個恆星日（Sidereal Day），而根據國際地球自轉服務（IERS）計嗰條數，1 個恆星日等於太陽時（UT1）86164.098903691 秒，即係 23 個鐘頭 56 分鐘 4.098903691 秒。天文學上通常用地球相對於平春分點（First Point of Aries）嘅自轉週期當做一個恆星日。用呢個計法嘅話，喺 1982 年一個恆星日係平太陽時（UT1）86164.09053083288 秒－ 23 個鐘頭 56 分鐘 4.09053083288 秒。春分點會因為歲差等嘅原因而走位，所以呢個恆星日比起真正嘅恆星日短咗大約 8.4 毫秒。

由地球上面睇，空中嘅天體都係以每個鐘頭 15°，亦即係每分鐘 15' 嘅角速度，向東邊飛（唔包低軌道嘅人造衛星同大氣層入面嘅流星）。近天球赤道嘅天體每兩分鐘郁嘅距離由地表望落相當於喺地表見到嘅月球或者太陽望落嘅直徑。

地球同其他行星一樣，會圍住佢嗰粒恆星公轉。地球屬太陽系，佢嗰粒恆星就係太陽。佢同太陽之間平均距離大約係 150 × 106 公里（93,000,000 英里），而公轉嘅平均速度大約係 29.8 km/s（107,000 km/h）。以呢種速度，佢 7 分鐘之內可以飛到 12,742 公里（7,918 mi）－呢個距離等同地球嘅直徑；用大約 3.5 個鐘頭就飛到成 384,000 公里（239,000 mi）－呢個數值等於地球同月球之間嘅距離。圍住太陽兜一個圈大約要 365.2564 個太陽日－即係一個太陽年。

地球同太陽之間嘅距離唔係固定嘅。喺現代，地球嘅近日點（Perihelion；指佢喺公轉軌道上最近太陽嗰點）同遠日點（Aphelion；指佢喺公轉軌道上最遠太陽嗰點）出現嘅時間分別係每年嘅 1 月 3 號同 7 月 4 號左右。因為各種因素嘅影響，呢兩個日期會隨時間唔同，而且呢種變化有周期性－即係所謂嘅米蘭科維奇循環（Milankovitch cycles）。地球同太陽之間嘅距離嘅變化對地表嘅現象有影響：當地球由遠日點行到去近日點嗰陣，佢得到嘅太陽能量會增加 6.9%。而且南半球硬係喺每年接近近日點嗰陣對住太陽。所以喺一年入面，南半球收到嘅太陽能量硬係會多過北半球嘅少少。

地球自轉條軸同佢公轉平面並唔係垂直成 90° 角嘅－地球嘅轉軸傾角（Axial tilt）大約係 23.439281°。呢個角度嘅存在令到地球喺圍住太陽公轉嗰陣，太陽嘅直射點會周期性噉變化，而佢嘅周期係一個太陽年。受太陽直射嘅地方會收到更多熱能，所以一年入面會有四季：當北極點比起南極點更加近太陽嗰陣，太陽嘅直射點喺北半球，呢個時候北半球會日長夜短，太陽高度角會大啲，俾太陽直射所以會熱啲－為止夏天；同時，南半球會日短夜長，太陽高度角細啲，唔受太陽直射所以會凍啲－為止冬天。

無論喺南半球定北半球，喺夏半年嗰時都係緯度愈高就愈會日長夜短，喺極圈度可能會有成日都係日頭嘅情形－即係極晝（Midnight sun）。而喺極點附近嗰頭，夏半年嗰六個月都係極晝。而喺冬半年，緯度愈高就愈日短夜長，極圈入面可以有全日都係夜晚嘅情形－即係極夜（Polar night）。極點附近冬半年都一路係極夜。

月球（又或者叫「月亮」）係地球唯一一個天然衛星。佢嘅直徑大約係地球嘅 1/4，結構同類地行星好似。喺太陽系嘅衛星入面，月球係衛星－行星體積比最大嘅一粒衛星（查實冥王星同佢嘅衛星冥衛一之間嘅比值更加大，但係冥王星屬於矮行星）。太陽嘅直徑大約係月球嘅 400 倍，但係太陽同地球嘅距離亦都大約係地月距離嘅 400 倍，所以喺地表嗰度月球同太陽望落差唔多大細－兩個天體嘅角直徑（Angular diameter；指一舊圓形或者球狀嘅嘢望落幾大）吻合，令到地球可以觀測到日全食同日環食呢啲現象。

月球對地球嘅環境好有影響：佢同地球之間嘅引力作用令到地球有潮汐嘅現象，而且月球仲會影響到地球氣候嘅調節同埋生物嘅發展。例如古生物學嘅證據同電腦模擬就顯示咗地球嘅轉軸傾角因為同月球嘅潮汐相互作用（Tidal acceleration）先至得以穩定。一啲理論家仲計過條數，話如果冇咗呢股力量對抗太陽同埋其他行星對地球嘅赤道隆起施嗰啲力，地球嘅自轉軸嘅指向將會變到好亂。呢種作用仲會改變地球嘅轉速：地球自轉嘅時間長度又每年大約增加 23 微秒。幾百萬年嚟，呢啲細變化累積做好大嘅變化，例如喺泥盆紀（大約 4.1 億年前）嗰陣，一年有 400 天，而一日得嗰 21.8 個鐘頭。

月球又會俾地球影響返轉頭：月球俾地球潮汐鎖定（Tidal locking）咗，令到月球嘅自轉週期等於佢圍住地球行嘅公轉週期－即係話月球永遠都係以同一面向住地球。月球會俾太陽照射，而佢朝住地球嗰面嘅變化導致月相嘅改變，月球暗嗰部分同光嗰部分有條明暗界線分隔開；地月之間嘅潮汐相互作用亦都令到月球以每年大約 38 毫米嘅距離逐漸噉遠離地球。

人造衛星係由人整出嚟圍住地球轉嘅太空飛行器，有通訊同埋科研等嘅功能。根據 2015 年 9 月嘅統計，包括已經失效、現存最古老嘅美國衛星前鋒1號（Vanguard 1），全球總共有 1305 粒人造衛星，仲有 300,000 萬件太空垃圾（例如係廢棄咗嘅人造衛星碎片）圍住地球轉。目前全世界最大嘅人造衛星係國際太空站。

除咗月球同人造衛星之外，地球仲有至少 5 粒共軌小行星（準衛星），其中 4 粒喺地球嘅軌道上圍住太陽運行。嬌小嘅近地小行星 2006 RH120 大約每隔廿年就會靠近地月系統一次。當佢靠近嗰陣會短暫噉走入去圍地球轉嘅軌道。

一粒行星嘅「宜居性」（Habitability）指佢有幾適合生物住。地球係宇宙入面好少有嘅一流宜居行星：佢嘅温度同壓力啱啱好，能夠提供液態嘅水－水係一種好緊要嘅溶劑（Solvent），可以俾好多有機嘅分子溶喺入面做化學反應，而有機物質（包括咗碳水化合物、脂肪、同蛋白質）同埋佢哋之間嘅化學反應係生命嘅基本組成要素。除咗噉，地球又啱啱好同太陽有住適當嘅距離，令到佢唔會太熱或者太凍。而且地球仲有大氣圈同埋地磁等嘅系統幫手擋走殞石、太陽紫外線、同埋太陽風呢啲對生物有害嘅嘢，保護到住喺佢上面嘅生物。

一粒行星嘅生物圈（Biosphere）指緊喺嗰粒行星上面生活嘅所有生物嘅總體。根據對化石嘅研究，地球嘅生物圈由 35 億年前開始有。生命係點起源學界仲未有定案，但係一般都同意生物會隨時間演變－每個生命個體所持有嘅基因都有啲唔同，佢哋當中有啲比較叻生存同埋繁殖，而生存同繁殖能力勁啲嘅生物會更加能夠將自己帶嘅基因傳俾下一代，相反冇噉叻生存同繁殖嘅生物可能會餓死或者俾獵食者食咗而冇辦法將自己身上嘅基因傳俾下一代，所以每一代嘅生物身上嘅基因都會唔同咗樣（呢個機制就係查理斯•達爾文提出嘅物競天擇），於是乎一個地域入面嘅生物嘅基因會一代一代噉變，經過幾百萬年變變吓就會變到同之前嘅生物完全唔同咗樣－呢個過程就係所謂嘅進化。

進化同對環境嘅適應好有關係，往往最適應到自己周圍環境嘅生物就係最得夠生存同繁殖嘅，所以一個地域嘅生物硬係會慢慢噉演變成啱嗰個地域嘅環境嘅樣－一個生物群系嘅特性會同佢哋嘅環境有關。喺赤道嘅熱帶雨林入面嘅生物物種極之豐富，生物多樣性好高。

地球蘊藏咗好多種嘅自然資源俾人開採。對於廿世紀嘅人嚟講好緊要嘅一種資源係化石燃料。呢種燃料係由地殼嗰度攞到嘅，包括咗煤、石油、同天然氣等。呢啲化石燃料主要係用嚟做能源同化工生產嘅原料。佢係一種不可再生能源（Non-renewable resource）－佢哋嘅再生速度好慢，所以唔可以靠佢哋好耐。除咗噉，地球嘅生物圈生產好多對人類有益嘅生物製品，包括咗嘢食原材料、木材、藥、同氧氣等，仲可以令到眾多嘅有機廢棄物回收再用。

地球嘅土地係一種好緊要嘅資源。喺 1980 年，全球有 50.53 億公頃（5053 萬平方公里）嘅林地，67.88 億公頃（6788 萬平方公里）嘅草地同牧場，仲有 15.01 億公頃（1501 萬平方公里）攞咗嚟做耕地。據估計，地球上得嗰 1/8 嘅地方喺啱人住嘅。其中地球有成 3/4 嘅表面俾海水覆蓋，得 1/4 係陸地。而喺陸地當中，沙漠（14%）、高山（27%）、同埋其他唔適合人住嘅地形霸咗陸地總面積嘅 1/2。

靠住呢啲資源，人類係噉繁衍。截至 2011 年 10 月 31 號，地球嘅總人口去到成 70 億左右，而且預測顯示世界人口將會喺 2050 年達到 92 億人，其中喺發展中國家人口可能會升得零舍勁。預計喺 2020 年，全世界會有 60% 嘅人口住喺都市。

地球表面間唔鐘就會發生一啲災禍，包括熱帶氣旋同颱風等嘅極端天氣，同埋係板塊移動引起嘅地震同火山活動，或者山火、水災、山崩、雪崩等都會引致好多生物（包括人類）死亡。由 1980 到 2000 年之間，每年平均有 11800 人因為天災掛咗。喺 1900 至 1999 年之間，旱災促成嘅飢荒係造成最多人死嘅災害。

雖然話地球總體嚟講好啱生物生存，但係有人話因為人為嘅污染，呢種情況唔會維持得到好耐：人類嘅活動為好多地區都帶嚟環境問題：水污染、空氣污染、酸雨、有毒物質、植受破壞（包括過度放牧、濫伐、同沙漠化）、野生動物嘅死亡、物種滅絕、土壤退化、侵蝕、同水土流失。

全球暖化喺廿一世紀係一個好多人關注嘅問題。根據聯合國嘅資料，工業活動排放嘅二氧化碳同全球變暖有密切嘅關聯。預測顯示成個地球變暖會令到地球嘅環境有好大變化：冰川同冰蓋會熔、溫度變得極端、氣候轉變、同埋海平面會上升令到好多沿海地區會俾水淹沒等。

根據放射測年法（Radiocarbon dating）嘅測量結果，太陽系大約係喺 45.6 ± 0.08 億年之前成形嘅，原生嘅地球大約喺 45.4 ± 0.04 億年前成形。一般認為，太陽嘅形成喺大約 46 億年前，嗰時一舊好大舊嘅氫分子雲嘅引力坍縮（Gravitational collapse；一舊天體因為自己嘅重力而向內收縮嘅現象），坍縮嘅質量集中喺佢中心嗰度，而呢啲氫分子可以做核聚變（Nuclear fusion；氫原子撞埋一齊變做啲更大粒嘅化學元素）嚟釋放龐大嘅光同熱能－呢團大舊嘅氫就形成咗太陽。淨低嗰啲部份一邊旋轉一邊攤平，形成咗一大團圍住後生嘅太陽轉嘅粒子（即係所謂嘅原行星盤；Protoplanetary disk）。呢團粒子遲吓就會變做行星、衛星、流星體、同其他太陽系嘅小天體－經個 1000 至 2000 萬年嘅演化，最後形成咗原生地球。初頭地球完全唔啱生物住－佢嗰時個表面恐怕係一個由岩漿組成嘅「海」。

月球大約喺 45.3 億年前形成。關於月球起源嘅機制而家仲未有乜嘢定論。一個好受歡迎嘅假說係大碰撞說（Giant impact hypothesis）：呢個諗法認為有一粒好似火星噉大，質量係地球 1/10 嘅天體撞落地球度。呢吓碰撞引發咗大爆炸，炸到地球入面好多物質飛咗上太空，經過吸積作用形成咗月球，而嗰粒天體嘅部份物質亦都熔咗入地球度。而喺打後嘅 41 億至 38 億年前嘅嗰段時間，無數嘅小行星撞落月球嘅表面，令到月球嘅表面變得好犀利，而且當時嘅地球似乎都係成日俾小行星撞。

由太古宙（Archean；指 40 億年前至 25 億年前嘅時代）嗰陣開始，地球嘅表面開始冷卻凝固，形成咗硬淨嘅岩石，而火山爆發會釋放出一啲氣體，形成咗一個原始嘅大氣圈。呢個大氣圈會有水蒸氣、二氧化碳、同氮組成，水汽嘅蒸發令到地表冷卻得更加快。冷卻到噉上下，暴雨連續落咗成千上萬年，呢啲雨水灌滿咗盆地，形成咗個海。呢場大暴雨減少咗空氣入面嘅水汽含量，仲洗走咗大氣入面好多二氧化碳。除咗噉，小行星、原行星、彗星上面嘅水同冰亦都帶咗啲水嚟地球。當時嘅太陽似乎弱過而家，但係當時大氣入面嘅温室氣體令到地球保持到一定嘅温度，個新形成嘅海應該唔會結嗮冰。

跟住落嚟，地球嘅其餘物理同化學性質開始漸漸噉成形。大約喺 35 億年前，地球有咗佢股磁場，佢幫到手令到太陽風唔會正面吹襲地球嘅大氣，令到大氣層嘅粒子冇噉容易俾太陽風吹到離開地球。地球嘅外層冷卻凝固，喺大氣層水汽嘅作用之下形成地殼。至於陸地係點嚟，科學界有兩個模型解釋：一種認為陸地到咗家吓仲係增長緊；而另一種更加可能嘅模型認為地球歷史早期嘅陸地迅速噉生成，然後保持到而家。

嗰陣時，地球內部嘅熱量係噉散走，驅動板塊構造運動，形成大陸，經過幾億年，超大陸（Supercontinent）經歷三次嘅分分合合－啲大陸板塊黐埋又分開，最近嘅盤古大陸（Pangaea）喺大約 1.8 億年前分裂。到咗今日，呢種地殼活動仲喺度進行緊。

地球係目前宇宙已知行星入面唯一能夠維持生命嘅。一般認為大約 40 億年前嘅高能化學反應產生咗能夠複製自己嘅分子，打後 5 億年就出現咗所有生命嘅共同祖先，再分化咗細菌同古菌出嚟。早期嘅生命體發展出搞光合作用嘅能力，於是有得直接利用太陽能向大氣嗰度釋放啲氧氣。大氣度積累嘅氧氣俾太陽射嘅紫外線作用，喺上層大氣形成咗臭氧（），出現咗臭氧層。早期嘅生命以原核生物（Prokaryote；以單一原核細胞組成嘅生物）嘅形態存在。由於臭氧層吸收咗太陽射落嚟嘅紫外線，陸地變到好啱生命生存，所以生命開始喺陸地上面繁衍。目前已知最早嘅生命化石證據有西澳洲砂岩入面揾到嘅 34.8 億年前嘅微生物墊化石、西格陵蘭變質碎屑岩度 37 億年前嘅生源石墨、仲有西澳洲岩石度 41 億年前嘅生物質殘骸。

距離而家大約 5.42 億年前發生咗寒武紀生命大爆發（Cambrian explosion）。由化石睇，嗰時地球上嘅多細胞生物種類突然之間多咗好多，包括節肢動物（Arthropods）三葉蟲、奇蝦等。化石記錄顯示大多數嘅動物門都係喺呢個時期出現嘅。呢個時期持續咗大約 2 千萬年至 2 千 5 百萬年，導致咗大多數現代動物門嘅發散。複雜啲嘅生物多咗好多，生物多樣性大幅噉提高，所以佢俾人話係生命嘅大爆發。

喺後少少嘅 5 億年前嘅奧陶紀（Ordovician）地球有咗脊椎動物（Vertebrates）－甲冑魚（Ostracoderms）。打後嘅化石記錄顯示地球又有咗幾次生物物種嘅大規模增加或者滅絕，最近嗰次係 6 千 6 百萬年前嘅白堊紀－第三紀滅絕事件（Cretaceous–Paleogene extinction event），呢次事件引致咗恐龍嘅滅絕，但係一啲細隻嘅動物－當中有哺乳類－走得甩死唔去，令到地球嘅生命持續落去。嗰次之後，哺乳類開始變到愈嚟愈發達，而幾百萬年前嘅非洲嘅類猿（Ape）動物似乎開始用兩隻腳行，空咗對手出嚟令到佢哋可以整工具，個腦又變到愈嚟愈大－慢慢進化成智人（Homo sapien）。智人嘅各種活動產生咗世界嘅各大文明同科技。

對於地球嘅最終命運會係點，好多科學家都嘗試咗做一啲預測。佢哋諗咗各式各樣嘅世界末日出嚟－但係呢啲末日起碼都要成幾億年先至會實現。

喺 15 至 45 億年之後，地球嘅轉軸傾角可能會變成 90 度噉多。據推測，地球表面嘅複雜生命發展仲算係早期，活動有得繼續去到極盛，維持大約 5 到 10 億年，不過如果大氣入面嘅氮氣冇嗮，呢個時間將會延長到成 23 億年。地球喺遙遠未來嘅命運同太陽嘅變化緊密相連，隨住太陽核心嘅氫持續噉核聚變做氦（Helium），太陽嘅光度將會持續噉增加，喺 35 億年後會增加到廿一世紀嘅 40% 。而太陽釋放熱量嘅速度都會跟住增長。根據氣候模型，地表最後將會受到太陽輻射上升產生嘅後果－例如係個海最後會因為熱得滯汽化消失。

地球表面溫度上升又會加快無機碳循環（Carbon cycle），會降低大氣入面嘅二氧化碳含量。科學家計過條數，大約 5 至 9 億年之後，大氣入面嘅二氧化碳含量會低到得 10ppm，如果冇進化出新嘅方法，乜嘢植物都生存唔到。植物消失會令到地球嘅大氣含氧量跌，而要吸氧氣生存嘅動物（包括人類）會喺幾百萬年之內滅絕。跟住嗰幾十億年，地球會變到愈嚟愈熱，地表水開始消失，而且就算太陽唔變，洋中脊噴嘅蒸氣會開始少咗，海水會慢慢噉跌落地幔度，海水少咗會令到氣温變得極端，不利生物生存。

為咗了解自己住緊嗰個星球，科學界有好多領域專係研究地球嘅各方面。地圖學（Cartography）同地理學（Geography）係同地球環境好有關係嘅學科，前者著眼喺研究同實踐整地圖，而後者研究地球上面嘅大陸、構造、居民、同埋其他相關現象。自古以嚟，地圖學同地理學一路幫手描述地球嘅各方面。佢哋亦都刺激咗測量方面嘅發展－地圖學同地理學成日都要搞導航、仲有確定位置同方向，佢哋要發展都需要測量上嘅進步。地球科學（Earth science）泛指研究地球嘅物理同化學性質嘅一門科學領域，包括咗好似係地質學等嘅多個子領域。靠住佢哋，人類對自己住緊嗰粒行星嘅環境了解得愈嚟愈深。

地球上面有好多政治活動。除咗南極洲嘅一啲地區同埋沿着多瑙河西岸嘅一啲土地呢啲之外，地球嘅陸地表面冚唪唥都係俾某啲主權國家（Sovereign state）擁有嘅。截至 2015 年，成個地球總共有 193 個主權國家係聯合國會員國，除咗噉仲有兩個觀察員國，同埋 72 個屬地（例如係香港）同埋有限承認國家。講土地面積嘅話，世界上最大嘅國家係俄羅斯，而人口最大國家係中國同印度。

除咗呢啲國家之外，聯合國（United Nations）係一個以「介入國家之間嘅糾紛從而避免武裝衝突」做目標成立嘅全球性國際組織，亦都係一個為國際法同國際外交設立嘅重要平台。如果攞到成員國嘅共識，聯合國甚至有得武裝干預一啲國際事務。

地球嘅標準天文符號係俾圓形包圍嘅十字「⊕」－代表想像中嘅世界嘅四個角落頭。
地球喺人類嘅文化入面嘅形象好多變。有啲文化會將地球人化，甚至乎當佢係神噉拜－喺好多文化入面，地球係管生仔等功能嘅地母神，好似係頭先提咗嘅古羅馬同古希臘嘅人就係噉。喺多個宗教嘅創世神話就認為地球係由超自然嘅上帝所創造－雖然有關上帝點創造地球就個個宗教都唔同，而同一個宗教內部又會對自己嘅經文有唔同嘅理解。

隨住科學嘅進步，人類對地球嘅睇法係噉變。初頭嗰陣，東西方嘅古人信地平說（Flat Earth）－認為地球係平嘅，人有得喺邊界嗰度跌落去。到咗公元前 6 世紀，古希臘學者畢達哥拉斯（Pythagoras）提出咗地圓說，主張地球係個波，而且喺西方學界仲得到廣泛嘅認同。古人又曾經認為地球係宇宙嘅中心，但係後嚟嘅學者又有咗新嘅發現，改為認同地球同太陽系嘅其他星體一樣都係圍住恆星轉嘅行星。到咗 19 世紀，西人一般都認同地球唔只得嗰幾千歲，而且嗰時嘅地質學家對於地殼同化石嘅研究發現地球嘅年齡應該超過幾百萬歲。英國數學物理學家 William Thomson 喺 1864 年用熱力學嘅方法推斷地球年齡應該喺 2000 萬歲至 4 億歲之間，呢個結論引發咗激烈嘅辯論。打後到咗廿世紀初，科學家用放射測年法測算出地球誕生時間係幾廿億年前。而廿世紀嗰陣，美國開始執行阿波羅計劃，人類第一次喺軌域上睇到地球個樣，仲影咗啲相返嚟，完完全全噉確立咗地圓說之餘，人類對地球嘅睇法又變咗。

蓋亞假說（Gaia hypothesis）喺廿世紀中期嗰陣誕生咗，呢個觀點將地球比喻成一個識得自我調節嘅生命體，有能力令到自己總體嚟講穩定又啱生物住。呢個諗法仲令到好多人唔再只係當地球係一舊資源。

到咗廿一世紀，某啲神職人員仲係好堅持對聖經等嘅經文要字面解，認為上帝喺幾千年前創造地球，但係有好多神學家都認為經文唔應該純字面解，例如係美國嘅基督徒組織 American Scientific Affiliation （個名直譯係「美國科學聯系」）就提出咗進化創造（Evolutionary Creation）嘅觀點，認為上帝喺創造嗰陣係聰明噉設下一啲自然定律，再俾呢啲自然定律自己行並且最後創造出地球同生命，亦都有好多基督徒認為好似《創世紀》呢啲舊約聖經入面嘅內容應該當做先知受到上帝啟發而寫出嚟嘅寓言型故仔，唔應該當係歷史噉嚟解讀。






#Article 14: 鋁 (760 words)


鋁（）係一隻金屬元素，符號係Al，原子序號係13，原子重量係26.9815386(8)，屬於貧金屬。佢係銀色嘅，展性唔錯。鋁有好強嘅抗鏽能力，咁係因為鋁會喺表面形成一層氧化鋁作為防氧化層。由於鋁夠輕，耐用，又夠力，工業上有好多產品，例如建築材料同埋航空合金，都會用到鋁，所以佢響世界經濟都算舉足輕重。

鋁係一種好軟同埋好輕嘅金屬。佢嘅表面同其他金屬唔同，比較暗啞，原因係因為當佢暴露喺空氣之中，表面會自動形成一層薄薄嘅氧化物。而呢層氧化鋁嘅溶點係比純鋁高啲啲嘅，佢會成為鋁嘅保護層，所以鋁有好好嘅抗鏽能力同埋好耐用。鋁呢種金屬係無毒同埋無磁性。純鋁可抵禦49MPa嘅拉力，而佢嘅合金更可以抵禦400MPa嘅拉力。至於密度，佢嘅密度大概係銅嘅三份一。如果將鋁整成為一塊鏡，呢塊鋁鏡相對於其他所有金屬嚟講，係200-400納米嘅紫外線，或者係3000-10000納米嘅遠紅外線係有最高嘅反射能力。咁要去到400-700納米嘅可見光範圍，佢嘅反射能力先會俾銀追過頭，而去到700-3000納米嘅近紅外線，就會俾金，銅同埋銀追過頭。佢係第二最容易變形嘅金屬（第一係金）同埋係第六最容易拉成金屬線嘅金屬。鋁同時間係一個好好嘅熱傳導體。

鋁喺世界上嘅使用比率只係僅次於鐵，可想而知佢喺世界經濟入面有幾咁重要。

純鋁嘅強度唔高，但由於佢可以攞嚟做合金嘅可能性比起銅、鋅、鎂、錳或者矽都要高，所以而家市面上聲稱係鋁嘅嘢其實都係鋁合金，而純鋁嘅應用一般都會注重於佢嘅抗鏽性而唔係佢嘅強度或者硬度。

當鋁合金被機械高溫處理過後，強度會大大增加。由於經過處理嘅鋁合金嘅強度對重量嘅比例好高，所以佢就成為航空業嘅必需金屬。

鋁亦係一個好好嘅可見光反射體（99%）同埋紅外線反射體（95%）。應用化學氣相沉積呢種技術，鋁薄層可以喺一啲平面上面形成，從而成為一種光學表層或者一塊鏡面。呢層嘢重薄過鋁上面個啲氧化鋁，而且比起用銀沉積重無咁易刮花。差唔多所有而家用緊嘅鏡，都係喺塊玻璃嘅後面沉積鋁而造出嚟（後面鏡）。而望遠鏡都有應用到呢種技術，但就唔係將鋁沉積喺塊玻璃嘅後面而係前面（第一表面鏡），咁係因為要避免對內反射、折射同埋透明損失，但係呢種第一表面鏡係比起喺屋企用嗰種後面鏡更加容易整花。

鋁重應用咗喺好多方面，以下係其中幾種：

鋁喺極度低溫（1.2絕對溫度，即攝氏零下271.95度）之下，係一個超導體。

同銅相比，鋁嘅價錢比較低，但仍然擁有幾好嘅導電性，所以喺1960年代，鋁喺美國被廣泛咁用嚟做家居電線。不過，當時好多電線配備都唔啱鋁電線用，仔細啲講：

總括嚟講，呢啲特質令到嗰時嘅鋁電線同啲配件過熱而引致火警。自此之後，鋁電線就變得無咁多人用，而喺某啲比較細小嘅新建築物更加唔畀用。不過，如果啲電線配備係為鋁電線度身訂造嘅話，就可以避免過熱所引致嘅火警。呢類配備，舊式啲嘅會喺上面寫上Al/Cu（即係鋁/銅），而比較新式啲嘅會寫上CO/ALR。

相比起其他金屬，鋁比較遲發現。1808年堪富利戴維爵士第一次用到「Aluminum」呢個字，同埋開始嘗試生產鋁。1825年丹麥化學家漢斯奧斯特成功用鉀由氯化鋁入面還原出鋁：

德維爾響1846年純化咗維勒過程，並發表響1859年嘅一本書上面，咁樣十年內鋁嘅價格跌咗九成。

目前鋁期貨交易主要響倫敦金屬交易所同上海期貨交易所進行。鋁更加係是倫敦金屬交易所嘅重要品種。




#Article 15: 新山 (100 words)


新山（：）係馬來西亞第三最大嘅城市同埋柔佛州嘅首都。佢係亞洲大陸最南嘅城市（1°29′00″N）。新山同新加坡只隔住條柔佛海峽；最窄嗰道只有大概一公里闊，就喺呢度新柔長堤同新加坡嘅兀蘭新鎮（Woodlands New Town）連埋。新山馬來文同埋英文都寫做Johor Bahru，馬來爪夷文寫做جوهر بهرو。佢嘅英文縮寫JB亦都成日有人用。

新山喺北緯1度29分，東經103度44分，海拔36.88米（121英呎）左右。1994年之後，新山做咗新山縣嘅總部。新山歸城市理事會（Majlis Bandaraya Johor Bahru）管，而佢周圍嘅地方就畀新山市政理事會（Majlis Perbandaran Johor Bahru Tengah）管。流經新山有不佬河（Sungei Tebrau）、士古代河（Sungei Skudai）、丹牙河（Sungei Danga）、士吉河（Sungei Segget）同埋馬來有河（Sungei Melayu）。

新山嘅主要大量産業地區係喺巴沙古當（Pasir Gudang）同埋丹絨浪塞（Tanjung Langsat），小同中量産業地區喺係啖杯（Tampoi）。新山有三個主要海港：巴沙古當、丹絨不嚟爸（Tanjung Pelepas）同埋柔佛港口（Johor Port）。新山每年收到16萬嚟自新加坡嘅旅客，估計提升咗新山嘅經濟60%左右。

照2006年嘅估計，新山有城市人口500,000，密度係 2,703人/平方公里（全地 6 919/sq mi）。城市人口入邊，馬來人佔45%，唐人佔41.5%，印度裔佔 4.2%。新山唐人嘅祖籍大部分係潮州同埋客家，又有啲人喺近幾年由馬來西亞其他地方搬嚟新山住，呢的人多數係客家人同埋福建人。

以前潮州人佔新山嘅人口多，所以潮州話就成為新山唐人嘅主要語言，所以又叫做“小潮州”或“小汕頭”。新加坡喺1965年獨立之後，商店就慢慢變做新山唐人嘅官方語言，本來喺沙玉河（Sungei Segget）畔同埋直律街（Jalan Trus）嘅巴剎就喺1970年代搬到拉慶（Larkin）同埋大馬（Taman Sri Tebrau）嗰道，直律街嘅唐人商業就有地搬走，印度嘅商業就喺90年代一個一個搬入直律街。如今，新山嘅主要巴剎喺拉慶同大馬嗰道多數地係有客家籍，潮州籍又有壹地福建籍嘅唐人營業。

新山嘅廣府人係喺黃亞福嘅領導下嚟到新山住。喺19世紀，新山嘅唐人大多數哋係住喺沙玉河嘅河畔，有潮州人住喺壹邊，廣府人住喺另外壹邊。由馬來西亞獨立之後，廣府人佔嘅人數就少哋咗。新山嘅瓊籍（海南人）人數係喺柔佛州最大嘅。

新山城市呢道有幾條主要嘅高速公路，包括同城市連接兩方嘅巴沙古當高速公路（Pasir Gudang Highway）同連接馬來半島嘅北南快速公路（Lebuhraya Utara Selatan）嘅地不佬高速公路 （Tebrau Highway）同埋敦阿度來塞高速公路（Jalan Tun Abdul Razak）。喺巴沙古當高速公路嘅西部，佢又喺振林山（Gelang Patah）誥道同馬來西亞第二通道同新加坡嘅大士產業地區連接喺一起。同時，坐落喺城市嘅新柔長堤同新加坡嘅兀蘭新鎮接喺一起。新山城市內又有連接城市嘅一個圓環之路。

新山嘅有兩個巴士轉彎站就係喺哥打拉雅2（Kotaraya 2）同埋拉慶（Larkin）嗰道。呢兩個巴士轉彎站有新山同新加坡嘅循環運行巴士；有新加坡 SBS 嘅 170 號，馬來西亞嘅 CW1 同埋 CW2 號由新山同埋新加坡嘅梧槽（Rochor）定係克蘭芝（Kranji）徘徊嘅巴士服務號碼。

鬚丹阿布．八卡王宫，又叫大王宮（Istana Besar），係喺鬚丹阿布．八卡嘅指揮下叫港主黄亞福喺19世紀嘅時候建築嘅。王宮入邊又有一個博物館同埋回教堂，位於喺敦伊士邁醫生街（Jalan Tun Dr. Ismail）。成個王宫嘅地區就構成咗呢個地方，叫做巴沙不浪宜（Pasir Pelangi）。巴沙不浪宜呢個地方就係成個州嘅主要王位。

柔佛古廟係喺19世纪起嘅，喺1870年喺港主陳旭年嘅帶領下命名嘅。古廟供奉五尊神明，包括潮幫嘅主神元天上帝外，左邊係福幫洪仙大帝，右邊係客幫感天大帝，主神兩邊有武將華光大帝同埋趙大元師，分别由廣肇幫同埋瓊帮供奉。柔佛古廟喺1995年到1996年參入大方裝修。柔佛古廟位於喺直律街（Jalan Trus）。

港主黄亞福喺1878年成立新山嘅廣肇會館。廣肇會館喺關時係嚟自廣東省嘅唐人嘅集合地方，位於喺依加嘅明里南街（Jalan Meldrum）嘅兩間雜貨店。馬來西亞獨立之後，會館嘅成員慢慢下跌，廣肇會館嘅空間就縮細咗一半。

新山嘅主要購物中心有新山城中坊（Johor Bahru City Square），假日廣場（Holiday Plaza），家樂佛超霸市場（Carrefour Hypermarket），位處喺柔佛再也花園同埋彩虹花園嘅大人超霸市場（Giant Hypermarket），聯和廣場（Lien Hoe Complex），敦．阿度惹沙街廣場 （Kompleks Tun Abdul Razak），彩虹廣場（Plaza Pelangi）同埋紅扇那廣場（Plaza Angsana）。新山又有三間吉之島（JUSCO）嘅購物廣場：一就係 AEON地不佬廣場（AEON Tebrau City），二就係順利花園嘅再也吉之島（Jaya Jusco）、三係百萬鎮吉之島（Permas Jusco）。

巴沙彩虹（Pasir Pelangi）係柔佛州嘅皇家村，係喺1900年代喺鬚丹阿布．八卡嘅指揮下起嘅，包括壹個王宮同埋馬球俱樂部 。今日，巴沙彩虹喺王太子嘅住所，又是 Best 104FM 錄音電臺嘅總部。其近巴沙彩虹係喺東岸嘅蘇闌錄（Stulang Laut），喺呢道有壹個免稅區域。

新山嘅錄音電臺包括馬來西亞第一個私人機構嘅錄音電臺，。其他兩個錄音電臺政府機構嘅， 同埋 。FMJB 錄音電臺只有住喺城市周圍嘅人收到。

新山有幾個界域，喺馬來西亞通常地係叫做 Mukim。呢啲界域係由佢哋個個自己唔同嘅郵區，再分成幾個住宅區，喺馬來話叫做（Taman），中文通常叫做花園。一個界域地係有最少有五個住宅區。其中喺城市理事會（MBJB）地區嘅住宅區包括：

新山有幾間出名嘅酒店：




#Article 16: Bourbaki (330 words)


尼古拉·布爾巴基（Nicolas Bourbaki）係20世紀一班法國數學家嘅筆名。

布爾巴基嘅目的係喺集合論嘅基礎上，用最具嚴格，最一般嘅方式來重寫整個數學基礎。渠地嘅工作始於1935年，喺大量寫作過程中，創造咗一啲新術語同埋概念。

布爾巴基係個虛構人物，布爾巴基團體嘅正式稱呼係「尼古拉·布爾巴基合作者協會」（L'association des collaborateurs de Nicolas Bourbaki），喺巴黎高等師範學校（l'Ecole Normale Superieure，ENS）設有辦公室。

布爾巴基打算係集合論嘅基礎上用公理方法重新構造現代嘅數學嘅基礎。
布爾巴基認為：數學，或至少純粹數學，係研究抽象結構嘅理論。
而結構，就係以初始概念同埋公理出發嘅演繹(deduction)系統。
有三種基本嘅抽象結構：代數結構，序結構，拓撲結構。渠地將全部數學睇作按不同結構進行演繹嘅體系。
布爾巴基係《數學原本》(Éléments de mathématique)嘅總題，出版過下列各分卷：

最後嘅第9卷譜理論執筆始於1983年，出版工程至此告終。只係於20世紀末，增補交換代數嘅簇理論。

《數學原本》有七千多頁，係有史以來最大嘅數學巨著。哩種徹底追求嚴格性同埋一般性嘅敘述方法被數學界稱為「布爾巴基風格」。

布爾巴基對嚴格性嘅強調係當時影響好大。
哩種潮流同當時彭加萊(Poincaré)所強調者，數學要依靠自由想象直覺嘅說法分庭抗禮。
布爾巴基嘅影響力隨時間而減弱，其一個原因係:布爾巴基嘅抽象並唔顯得比發明者原初嘅想法更為有用，另一個原因係:《數學原本》未包含某的重要嘅現代數學概念同理論，例如範疇論。
儘管範疇論本來係由布爾巴基成員艾倫堡(Eilenberg)所創立嘅，由格羅登迪克(Grothendieck)所推廣嘅，但如果要容納範疇論，就要重寫已經出版嘅著作.

儘管布爾巴基嘅一o的著作係其領域成為o左標準參考書，但係渠種咁嚴峻嘅表達方式使其難以成為教科書。布爾巴基書籍嘅鼎盛時期係1950和1960年之間；o個時好少適合研究生水平嘅純數學教科書。

布爾巴基引入嘅記號有：；代表空集，黑板粗體字母表示數集（例如：表示自然數集，表示有理數集 ，表示實數集，表示整數集）；
渠發明o左術語「內射」、「滿射」和「雙射」。

布爾巴基講座係戰後立即係巴黎開，呢個講座接連不斷咁公開發表各種綜述性論文，呢的論文全用一種固定格式，用謹慎嘅風格寫成。

很少有人提及布爾巴基學派產生的歷史背景。從巴黎這個藝術氣息濃厚的布爾巴基的誕生地來看不太像是純粹偶然的。二戰前的巴黎是世界藝術的交流中心，世界上許多著名畫家來到巴黎，同時形成了許多新的藝術思潮。抽象主義流派的代表，俄羅斯畫家康定斯基（Wassily Kandinsky），在他所著的《點、線、面》和《論藝術的精神》中對「什麼是繪畫本身的要素」進行了考察和闡述。布爾巴基對數學結構的分類看來與抽象主義有些「心有靈犀一點通」的感覺。但這絲毫不影響對布爾巴基的創造性的評價。康定斯基的抽象畫是前衛藝術鼎盛期的產物，抽象主義有它自己的歷史醞釀，當然還要有藝術家鍥而不捨的追求，並不是一朝一夕就能完成的。布爾巴基對數學所作的抽象要比抽象主義更徹底。了解這些背景有利於人們對布爾巴基學派作出恰如其分的評價。

布爾巴基嘅影響唔局限於數學領域，佢對後來嘅結構主義哲學亦有一定影響。布爾巴基喺人類思想史嘅的潮流中佔一席位。


布爾巴基早期成員時多時少。創始者五人全部巴黎高等師範學校（ENS）出身; 渠地係 André Weil，Henri Cartan，Claude Chevalley，Jean Dieudonné (le plus grand serviteur de Bourbaki) 同埋Jean Delsarte。當時有一個初級會議，會議記錄在布爾巴基檔案中有存檔：「欲知初級會議的詳情，請與「數學諮詢組」的利麗安·布利尤接洽」；成立時的其他四名成員是讓·庫朗，夏勒·埃瑞斯曼，瑞內·德·波塞爾和佐勒姆·門德勃羅，而讓·勒瑞和保羅·杜布萊依在布爾巴基宣佈正式成立之前退出。其他較後參加的有名成員有勞朗·舒瓦茲，讓-皮埃·塞爾，薩繆爾·艾倫堡，亞歷山大·格羅登迪克，塞爾格·朗格和羅傑·戈德門。

布爾巴基嘅本來目標係編撰一本好的嘅微積分教科書，但無幾耐渠地就意識到有必要綜合性噉統一處理整個數學。
當時，布爾巴基無正式嘅成員身份，團體內情相當保密。渠地甚至以故意提供假消息為樂。係定期會議上，全體成員嚴格討論每一部書稿嘅每一句每一字。布爾巴基成員到50歲就必須退休。

「布爾巴基」係普法戰爭中一名法國敗將個名；其成為學派名，出於一堂數學課嘅惡作劇嘅傳聞，亦可能同一座雕像有關。呢個名亦同希臘數學有關，因為名為布爾巴基嘅人具有希臘血統；其字面亦暗示將歐幾里德傳統移植到1930年代嘅法國，並寄予質變嘅期望。

十分明顯，布爾巴基的觀點雖然是「百科全書」式的，但卻從來沒有想要保持中立。恰好相反，他們把熱情傾注於整體一致性的展示，例如對希爾伯特的形式主義和公理主義的遺產的處理上。但對現存理論總要施行一種「接納變換」，例如把張量微積分改名成多線性代數，創建獨立於消元理論的交換代數，這在其前身理想理論時已成為主要傾向。希爾伯特在1890年代時已經顯示對非構造性方法的鐘愛，布爾巴基的行動使非構造性方法變得更加具體。

在下面例舉的領域裡布爾巴基有顯著的偏向：

並且（「這是很自然的」 - cela va sans dire）沒有圖示。

數學家總是喜歡軼事傳奇。布爾巴基的數學史並不缺少學術性，而是缺少「英雄史觀」，歷史是由那些經過奮鬥而終於得到清晰公理的獲勝者寫成的。

對布爾巴基思想的公開討論，或者對布爾巴基的辯護，一般是由讓·迪奧多內出面代表，他的最初身份是團體的「書記」，他以自己的名字發表文章。 在1977年寫成的「布爾巴基的選擇」（le choix bourbachique）一篇綜述中，他對當時展示分層結構的「重要」數學的進展直言不諱。

他還廣泛地寫書：有微積分，也許是出於對原始目標或原稿的一種遲到的補償；另外還寫了不少關於代數幾何的題材。儘管迪奧多內可以理直氣壯地談論布爾巴基的百科全書式傾向和布爾巴基的傳統（在布爾巴基的例會中，像這樣直率的提醒「安靜點，迪奧多內！」 - tais-toi Dieudonné! 多得數不清），到底有多少人贊同他關於數學寫作和研究的論點還是一個疑問。尤其是塞爾，他經常批評布爾巴基著作的書寫方式，倡導在法國對解題方面賦予最大的關心，特別是在布爾巴基主要課題之外的數論研究當中。

迪奧多內在評述中說道，大多數的數學工作者都在打掃地板，為未來的伯納德·黎曼的直覺性發現清除視野。他指出公理方法可以作為解題工具，例如像亞歷山大·格羅登迪克。有一些人發覺他太像格羅登迪克，不是一位公正的觀察家。帕爾·圖蘭在1970年菲爾茲獎頒獎儀式中對阿蘭·貝克進行頒獎演說，表彰他在建立理論和解題方面的貢獻。這是傳統陣營的一次成功的反擊，因為在四年前的1966年，格羅登迪克在缺席的情況下被授予菲爾茲獎，而此獎為四年一次。

最終布爾巴基宣言還是產生了影響，特別是在純數學的研究生教育上。詳見本百科全書的相關部分。

新數學對初等數學教學幾乎沒有影響。比如說文氏圖的使用，一直可以追溯到19世紀教學法。對微積分和離散數學的分界之爭至今熱狂不減當年。

布爾巴基在國際數學界的帶頭作用可能已被1960年代的波恩工作會議計劃所取代。

En premier lieu




#Article 17: 臺灣 (108 words)


臺灣（），別名寶島（）、鯤島（）、福爾摩沙（）係東亞一島，東臨太平洋、北朝東海，大細大概3.6萬平方公里。而家係中華民國政府嘅主要領土。

全島山勢險要、平原狹窄、地震頻頻，有唔少溫泉同死火山。高溫、多雨，春夏交接成日落梅雨，夏天有颱風，冬天最凍時得攝氏14度，年雨量2510毫米。受地形同氣候共同影響，臺灣有齊唔同嘅氣候區，自然景觀係就係多姿多采，但亦好多地震風災，自然災難成爲臺灣人生活一部份。

產業主要有高科技、熱帶農產品、旅遊同影音文化，名列亞洲四小龍，按照購買力去計，臺灣平均生產總值有成31,834美元（2009年），全球排24位，喺亞洲區排喺星加坡（第4）、香港（第8）、日本（第23）之後；總產值就排19位，同澳洲差唔多。

臺灣係唐人社會唯一實施全面民主普選嘅地方，自1990年代解嚴後，言論、集會、人身自由喺島上都得到充份保障，但由極權到民主嘅過渡期中，島內藍綠兩派政黨對立璧疊分明，政治環境經常受統獨問題、群族融合、國際認同問題以至黑金政治所擺佈。

臺灣個名，一說源自臺南原住民西拉雅族嘅「Taian」或者「Tayan」，指「外來者」；荷蘭殖民時期叫「Taioan」，音譯成「大員」、「臺員」、「大灣」或「臺窩灣」，原本只係講今日臺南安平地區一帶，日治時期演變成成個島嘅名。另一說指明代漢人由福建去臺灣海峽時，海峽有黑水溝之稱，水流兇險，有去無回，到埗後又因病疫而客死異鄉，於是將臺灣叫「埋冤」，後來因為大吉利是，按閩南話發音改成「臺灣」。

臺灣又叫「福爾摩沙」，解做美麗島，相傳16世紀葡萄牙船隻路經臺灣時，水手高呼「Ilha（島）Formosa（美麗）！」，1950年代前曾經係歐洲國家對臺灣嘅主要稱呼。

臺灣正式名係「臺灣」，同「台」相通，民間多數寫「台灣」，喺部分官方文件用「臺灣」。

臺灣本島一帶有22個小島，臺灣海峽至澎湖群島又另外有90個島。臺灣本島約佔中華民國實際行政區域98%，最大城市係臺北市。臺灣嘅屬島，東有龜山島、綠島、蘭嶼，北有彭佳嶼、棉花嶼、花瓶嶼、基隆嶼，西南有小琉球，而釣魚臺就有主權爭議而地位未明。

至於臺灣海峽西側嘅馬祖、金門、烏坵，屬於中華民國福建省，所以有啲臺灣人係標明福建省出世，久唔久會引起誤會。而南中國海諸島好似東沙、南沙群島，就由高雄市管。

臺灣實情係由歐亞大陸板塊同菲律賓板塊相撞後擠出嚟嘅島。擠壓作用令臺灣島慢慢鼓起，形成島上好多山脈。花東縱谷將臺灣島一分為二，縱谷東邊嘅海岸山脈屬於菲律賓板塊，西邊嘅中央山脈、雪山山脈同玉山山脈就屬於歐亞板塊。玉山山脈形成後，再出現阿里山山脈。來自高山嘅雨水係咁沖刷，再造就山脈西側沖積平原嘅誕生。今時今日，板塊運動仍然持續，臺灣頻頻地震。

臺灣全島南北縱長約395公里，東西闊度最長約144公里，環島海岸線長約1139公里，含澎湖群島總長約1,520公里，面積約35,915平方公里，個島似條蕃薯。因為四面環海，孕育咗各種海岸地形。北部海岸多岬灣同岩岸，西部海岸多沙灘、沙丘、潟湖、泥質灘地，南部恆春半島係珊瑚礁海岸，東部屬於斷層海岸，坡度陡峻而多斷崖。河流細長而急，河床有岩石凸出，亦有平沙鋪地，瀑布、壺穴、奇石滿布臺灣溪流。

山脈多數呈北北東-南南西走向，主要有貫通南北嘅中央山脈，靠西有玉山山脈同阿里山山脈，北部有雪山山脈，重有東海岸嘅海岸山脈，合稱臺灣山脈。玉山主峰海拔3,952公尺，乃東亞第一高峰，有「新高山」之稱。

平原同盆地佔臺灣地形只有三分之一，雖然又細又散，但人煙稠密。主要盆地有北部臺北盆地，中部臺中盆地兼埔里盆地，同埋東部地區泰源盆地等。嘉南平原位於南部嘉義、臺南同高雄，係臺灣最大平原。重有中部彰化平原，南部屏東平原，東北部蘭陽平原、東部花東縱谷等。

臺灣嘅雨量充沛，河川密布，但河川地勢陡峻，河床比降大，易有水災旱災，而且天然湖唔多，最大係日月潭，所以臺灣有唔少人工水庫，到2006年底已經起咗109座水庫，儲水271,425萬立方公尺，有效容量219,905萬立方公尺，以曾文水庫最大，總容量71,270萬立方公尺，有效容量59,550萬立方公尺。家陣重有幾座水庫傾緊要起。

事關北回歸線穿過臺灣島中南部，臺灣南北分屬唔同嘅氣候區。北部乃亞熱帶季候風氣候，南部係熱帶季候風氣候。5月到9月係臺灣夏季，氣溫經常達27到35℃，7月平均氣溫更有成28℃。冬季時間短，加上臺灣四面環海，一旦中國北方寒流南下，亦有海洋暖流中和，1月平均氣溫15℃以上，但合歡山、玉山、雪山等山區，仍然有機會落雪。

臺灣平均年降雨量2515毫米，但因應季節、位置、海拔，雨量亦有變化。北部、東部全年有雨，基隆因降雨充沛而叫「雨港」，中南部雨季集中喺夏季。

同香港一樣，臺灣每逢6月至9月都係颱風季節，颱風喺太平洋形成後，經常先會登陸呂宋或者臺灣，再吹落香港，所以臺灣受颱風衝擊亦比香港大；2009年8月颱風襲臺觸發八八水災，高雄小林村被滅，造成近700人死。

臺灣嘅森林主要受海拔影響。海拔1500公尺以下係闊葉林，1500公尺以上就係針葉林，3500公尺以上高山地帶有灌木或者草原。臺灣嘅海岸地區過去有大片紅樹林同沼澤，孕育好多潮間帶生活嘅動物，但今日只有臺南七股鄉溼地、臺北淡水河河口仍零星保留。最南端嘅恆春半島，仍有熱帶季風林同珊瑚礁。由於平地都俾人開發，體型龐大嘅野生動物只好匿入山區。

棲息地破壞、外來物種入侵，亦影響原生動物，其中福壽螺、美國螯蝦、澳洲淡水龍蝦、吳郭魚呢四種外來物種抵臺後，無天敵制衡，搞到過度繁殖，導致臺灣原生田螺、螯蝦同鯽魚大減；17世紀時曾經滿山遍野嘅臺灣梅花鹿，亦因為鹿皮可以賣去日本，而幾乎絕種。1983年起，中華民國內政部營建署公告成立8座國家公園，自1986年起亦陸續公告咗19個自然保留區。

臺灣人口約23,133,074人（2010年4月統計），分四大族群：原住民、台語人（閩南人）、客家人、外省人。土著原住民約佔人口2%，其他絕大多數係漢族。但漢族又分為「本省人」（85%）同「外省人」（13%）。

本省人係指台語人（75%）同客家人（15%），泛指1949年前遷臺嘅大陸移民。外省人係指1949年跟國民政府遷臺嘅新移民。雖然每逢選舉，群眾問題經常畀政客操控，但由於混居同通婚，除咗喺眷村，兩者已唔容易分辨。客家人主要分布喺北部桃園、新竹山區、苗栗；南部高雄、屏東；以及東部花蓮、臺東等地，台語人就周圍都有。臺灣亦有啲東南亞人口，有外勞、過埠新娘；由佢哋生嘅仔女，隱約形成一個新族群。

至於原住民，臺灣政府共承認14個族，其中泰雅族、阿美族、布農族、卑南族、排灣族、魯凱族、鄒族、賽夏族、達悟族（即雅美族）合稱傳統9族；近年太魯閣族、賽德克族由泰雅族劃分出嚟，而撒奇萊雅族就由阿美族劃出來；而邵族同噶瑪蘭族亦同平埔族分家。不過，民間仍有唔少原住民，要求承認獨立身分。

臺灣並無聯合國承認嘅世界遺產，皆因1972年聯合國教科文組織通過《保護世界文化與自然遺產公約》以嚟，臺灣受制於國際孤立，中華民國無法簽署世界遺產公約。自2000年起，臺灣行政院文化建設委員會着手評估臺灣世界遺產潛力點，分別喺2002年、2009年評選出17個潛力點，兼且巡迴講解同做推廣，當中包括：玉山國家公園、大屯火山群、太魯閣國家公園、馬告檜木國家公園、澎湖國家風景區、卑南遺址、都蘭山、金門、淡水紅毛城、金瓜石、舊山線、阿里山森林鐵路、蘭嶼、桃園臺地、樂生療養院、排灣族、澎湖石滬、烏山頭水庫、嘉南大圳等。2010年國際文化資產日研討會發表烏山頭水庫及嘉南大圳成為臺灣人心目中最佳嘅世界遺產潛力點。

臺灣估計喺舊石器時代後期（50,000年前─10,000年前）開始有人住，島上發現到一啲新石器時代（始於公元前5,000年）南島語系民族嘅遺蹟。《三國志》記載吳國曾經出兵登陸夷洲，《隋書》亦有隋煬帝打琉球國嘅記載，但到底琉球、夷州係咪講臺灣，考起唔少專家。

臺灣原住民分佈全島，特徵有紋身、口琴、卉服、織貝、腰機紡織、貫頭衣、親族外婚、父子連名、年齡分級、老人政治、鳥佔、獵首、靈魂崇拜、室內葬。太平洋各島嘅民族無論語言同風俗，都同佢哋有啲似，有講法認為佢哋係由臺灣飄洋出去。

南宋開始有漢人喺澎湖開墾；1171年宋乾道七年，正式駐軍澎湖，由閩南晉江縣去管。1225年趙括所著諸蕃志提到「泉有海島，曰澎湖，隸晉江縣」，將臺灣離島-澎湖正式劃入南宋版圖。

至16世紀中期當地原住民創立大肚王國（Kingdom of Middag），由15至18個村社組成，領土範圍位於大肚溪上中下游流域。1644年荷蘭人入侵後，大肚王國投降，荷蘭東印度公司同番王締約兼且承認佢番王身分，但明鄭王朝時期遭受打壓，清雍正年間又因抗清而滅亡。

荷蘭人同西班牙人喺東亞勾心鬥角，荷蘭人喺日本話西班牙企圖顛覆日本政府，引起日本鎖國，只准同中國同荷蘭做生意。荷蘭人亦無諗過今日留一線，他朝好相見，1642年攻佔西班牙嘅雞籠地區，將佢哋驅逐。荷蘭殖民王國係臺灣第一個有系統統治嘅政權，對平埔族亦有少少教育同傳教事業，但佔領目的只係為咗同中國、日本、朝鮮同南洋做生意。

由於苛徵稅收，激嬲原住民，1635年起分別發動麻豆溪事件、蕭瓏事件兩大起義。1652年，鄭芝龍舊部郭懷一為首嘅漢族移民，亦包叉荷蘭人，但都俾荷蘭人鎮壓，荷蘭人又起普羅民遮城（今赤崁樓）加強防範。1661年南明延平郡王鄭成功去福建班馬，圍剿熱蘭遮城，同荷蘭人開片，一年後荷蘭人投降，結束對臺灣殖民。

自1662年擊退荷蘭人到1683年降清為止，鄭氏三代統治臺灣共23年。手執反清復明大旗嘅鄭成功，苦戰九個月，迫荷蘭臺灣長官揆一喺1662年2月1號簽紙投降，從臺灣躝屍趷路，鄭成功建立咗臺灣首個漢人政權。鄭氏喺今日臺南市一帶，建立赤崁東都明京，設一府二縣，另設澎湖安撫司。無耐鄭成功釘蓋，由佢個仔鄭經繼位，1664年改東都為東寧，有東寧王國之稱。

不列顛東印度公司曾經同鄭氏政權簽訂通商條約，當時英國叫佢做「臺灣王國」或「福爾摩沙王國」。喺陳永華輔政下，建立完整中央政府體制，撫土民，通商販，興學校，進人才，定製度，境內大治；陳永華亦即小說家口中嘅陳鎮南，韋小寶嘅師父。

鄭經死後，臺灣鬧政變，由二仔鄭克塽繼位，1683年清軍水師施琅為報鄭成功殺佢老母閤家之仇，攻入澎湖、臺灣，鄭克塽投降。一部分南明遺臣流落異鄉，有部分去咗當時由高棉王國控制嘅胡志明市、美荻，變成所謂「明鄉人」，一部分留喺臺灣，成為本省人一部分。清廷官員曾經叫政府放棄臺灣，但施琅極力阻止，康熙於是將臺灣劃入大清帝國版圖，歸福建省管轄。

清治時期由1683年起，直到甲午戰爭後將臺灣割畀日本，前後管咗212年。1684年4月，臺灣正式納入清朝版圖，但清朝並無積極經營建設，主要係叫人自己開荒。

最初將十幾萬荷鄭時期已住喺臺灣嘅漢人，強制遣返，之後又嚴格限制大陸人移去臺灣，唔得帶老婆仔女，當然你有張良計，我有過長梯，唔少人偷渡去。但官吏苛征、又雞同鴨講，民變不斷，出名有1721年朱一貴事件、1786年林爽文事件、1862年戴潮春事件。

到18世紀乾隆後期出現好多開墾移民，以福建漳州同泉州人居多，但兩派人因爭地問題，引起泉漳械鬥，清朝撓晒頭、無晒符；呢種對立令經濟發展更加難，雖然後來唔少仕紳介入擺和頭酒，要大家和和氣氣，平息咗糾紛，但今日臺灣仍然存有族群分立嘅積習。

自1895年6月17號日本喺臺北城舉行「始政式」起，1945年10月25號中華民國接收臺灣為止，臺灣俾日本管咗50年。日治初期，唔少臺灣官紳反抗，但短命政權臺灣民主國節節敗退，臨時大總統唐景崧着草去廈門，之後三個月，民主國同日軍血戰，14,000名臺灣兵戰死，史稱「乙未戰爭」，同時亦係臺灣史上最大戰爭。

初期日本實施軍人統治，以保甲制管臺，直到1898年任命陸軍將領兒玉源太郎中將做第四任總督，又派後藤新平擔任民政長官輔政，軟硬兼施，臺灣政局趨向穩定。1908年，鐵路縱貫臺灣，臺灣南北車程由以前幾日縮短到1日。1919年日本派田健治郎做臺灣首任文官總督，建造水、電、公路、運輸、醫療、教育事業。又推動「農業臺灣，工業日本」政策，叫臺灣人種蔗糖、稻米，兼且開採金銅煤礦、森林、鹽等自然資源。同時，日本重劃臺灣行政區域，進行「市區改正」工作，臺灣境貌開始東洋化。

日本又開始進行殖民教育，喺山區設番學校，平地設小學校同公學校，但因為小學校學費高，所以學生多數係日人子弟同臺灣富家子。雖然係噉，文治科學亦由呢個時期開始喺臺灣發展。

不過，臺灣依然有反日情緒，以中、南部地方勢力最大，1915年更首次用宗教力量，引發西來庵事件，亦有以莫那魯道為首嘅霧社事件，最後都被鎮壓或勸降收場。自1920年代起，美國提出「民族自決」主張，臺灣讀書人要求自治，但後尾都因為左、右兩派分裂，加上殖民政府實行懷柔政策，反抗越來越少。

「始政四十週年紀念臺灣博覽會」標誌住臺灣日治時代嘅高峰，鐵路貫通、衛生改善、郵信發達、農產豐收、人口遞增，1930年嘉南大圳同烏山頭水庫建成，令臺南州地區有150,000甲嘅土地得到充足水量。呢個水利工程當時係亞洲最大。

不過行政長官公署兼抵達臺灣嘅國軍形象麻麻，唔得民心，同臺灣人經常有拗撬，加上戰後經濟崩潰、惡性通貨膨脹、物價飛升，1947年初拉緝私煙小販時，引起警民衝突，卒之爆發影響深遠嘅二二八事件。國府當時指責參與者「陰謀叛亂」、「鼓動暴亂」、「臺灣獨立」、「陰謀叛國」，之後又展開清鄉行動，唔少百姓無辜入獄、處死、周圍有人間蒸發嘅個案。臺灣白色恐怖年代，呢件事一直係敏感話題，埋下本省人仇視外省人嘅情緒，亦為臺獨運動留底火種，直到1995年，當時嘅李登輝總統首次代表政府，正式向受難者同家屬道歉，但群族對立嘅情緒仍揮之不去。

呢段時間，臺灣社會受兩種重要法領影響，一條係1948年5月10號實施嘅《動員戡亂時期臨時條款》；另一種係1949年5月20號實行嘅《戒嚴令》，當時蔣介石總統以穩定政權、防止中共滲透為由，展開長期戒嚴，大興報禁書禁，緝捕異見人士，其中警備總署更令唔少臺灣人心驚膽跳，怕入去後無命返出嚟。雖然1950年代實行地方自治，縣級以下民意代表、行政首長、省議會，理論上由公民直選產生，但前提係要聽晒政府話，黨外人士多數被排除出局。

臺灣同時利用美援，推行經濟改革。當時臺灣省省主席陳誠推行「耕地三七五減租條例」、「公地放領」同埋「耕者有其田」，穩定農業。工業上，藉住土地改革，帶動工商業發展，工業以加工出口為主。1953年經濟已逐漸恢復到戰前水準，加上日治時期嘅基建、中國來臺資金、技術同美援下，臺灣經濟開始起飛。

去到1970年代，臺灣面臨三大挑戰，包括國際孤立、能源危機，以及蔣中正逝世。1971年，中華民國政府被迫宣佈退出聯合國，陸續解除同多國嘅外交關係，1979年1月1號，美國同中華民國斷交，臺灣人自此有「亞細亞孤兒」嘅叫法。

同時，1973年全球爆發能源危機，嗰年11月，行政院院長蔣經國推動十大建設同十二大建設，穩住經濟發展。但1975年4月5號清明節午夜，蔣中正病因心臟病逝世，震撼朝野，事後由副總統嚴家淦繼任總統，直到1978年。1978年蔣經國當選第六、七任總統，成為臺灣走向民主政治嘅轉捩點。

喺政治環境大逆轉下，臺灣黨外人士開始私印政論雜誌，要求落實民主政治同言論自由。1979年12月，高雄市發生臺灣規模最大嘅民主抗爭活動美麗島事件，示威者被軍事審判，引起國際矚目，陳水扁、呂秀蓮、施明德等人亦喺事件中漸露頭角。

但經濟暢旺，並無令民主呼聲減弱，相反，哄動朝野嘅陳文成命案、江南案、十信案相繼發生，國民黨除咗喺島內涉嫌殺人，重派黑幫去美國暗殺筆名江南嘅異見人士。結果唔止臺灣黨外人士反抗更大，就連美國亦施壓，卒之1986年，政府默許民主進步黨成立；1987年7月14日蔣經國宣佈解除戒嚴令，隨後開放黨禁、報禁，容許民眾返大陸探親、展開國會改革。而喺江南案中疑似扮演重要角色嘅蔣經國二仔蔣孝武，從此無緣繼承大統；1988年蔣經國去世，由副總統李登輝繼任，蔣家王朝終於結束，臺灣正式邁向現代政治。

不過，兩岸關係喺2002年又陷入谷底，陳水扁喺嗰年8月，公開話臺灣同中國大陸係「一邊一國」，引發中、臺、美三方爭議。

臺灣經濟係一個由政府當局主管投資同埋逐漸減少嘅國外投資引導嘅動態資本主義經濟體，政府喺經濟體系內扮演嘅角色逐步縮細。實施市場經濟後，無論投資、消費或儲蓄等都可以自己揀，好多大型嘅國營銀行同企業逐步邁向私有化。過去30年內，平均年均經濟增長達到8%，而出口導向政策賺取嘅外匯為工業化提供資金保證。臺灣嘅外匯儲備係世界第4。根據中華民國行政院主計處嘅統計顯示，臺灣地區人均國民生產總值，由1961年嘅153美元增至2008年嘅18000美元。

臺灣人類發展指數喺世界國家中排名為25名，列為已開發國家。

臺灣有好多世界之最，好似臺北101（TAIPEI 101）（世界第二高建築物，僅次於中東哈利法塔）、高雄港（世界第十二大貨運港）、東帝士85大樓（世界第15高）同臺北市（世界前30國際都市）等。

喺日治時期前期，臺灣喺日本經濟嘅地位係糧食生產基地，只有少數食物儲藏加工業同輕工業。太平洋戰爭爆發後，臺灣因戰略地位被日本政府重新定位為南進基地，因此喺臺灣南部嘅高雄一帶發展軍事工業。國民政府遷臺後，將臺灣視為武力反攻大陸嘅基地，奉行軍事優先同穩定農業嘅經濟政策。自1960年代起，臺灣輕工業發展迅速，重工業就位居次要。政府為增加出口換取外匯，重設立加工出口區來增加外貿收入。

到咗蔣經國時代，為擺脫石油危機，政府致力推動十大建設，為臺灣石化業同重工業打下良好基礎，咁啱適逢越戰，美國向臺灣訂購大量物資，呢啲因素都促使臺灣經濟快速起飛。由於經濟發展成功，臺灣晉身亞洲四小龍行列，亦達到新興工業化國家水平。之後政府注意到重工業喺經濟中嘅地位，實行積極嘅產業政策，設立中國鋼鐵、臺灣國際造船同埋臺灣中油等大型國營企業，亦有美國華僑返臺灣設立電子廠，好似臺積電、聯華電子等都取得成功。

為接續蔣經國「十年經濟建設計劃」，1990年代初期政府提出嘅國家建設六年計畫只維持咗近3年，但亦率先開啟臺灣財政赤字大門。

臺灣係全球第16大經濟體系，早年特色係中小型企業眾多，經濟結構已經由高科技產業取代原先嘅勞工密集工業，而且農業喺GDP中嘅比重由1952年嘅35%下降到2%。至今形成服務業同高科技產業合計比例過半嘅形勢，但亦面臨傳統產業快速外移（特別係中國大陸「磁吸效應」）嘅問題。

臺灣嘅電子工業對世界經濟舉足輕重，大多數電腦電子零部件都係臺灣造。對外貿易係臺灣嘅經濟命脈，日本同美國長久以來一直係臺灣前兩大貿易夥伴，但喺2005年後退居二三名，中國大陸成為臺灣進出口貿易第一大地區，2006年進出口貿易國／地區前十名為：中國大陸、日本、美國、香港、大韓民國、新加坡、德國、馬來西亞、沙地阿拉伯、澳洲。

另有部分轉向歐洲同東南亞市場，臺灣重係泰國、印度尼西亞、菲律賓、馬來西亞同埋越南的主要投資來源，此外，喺中國大陸有5萬幾個臺資企業，長期居留嘅臺商同家眷有30~40萬人。

臺灣本島係由統治臺灣嘅中華民國政府或中華民國行政院實質管轄，政府體制具有內閣制同總統制混合嘅性質。臺灣現今最高統治者係中華民國總統，任期4年，由中華民國自由地區（臺灣地區）符合資格公民選舉產生，係中華民國國家元首同三軍嘅最高統帥，對內負責政治上嘅最高責任，對外就代表國家行使權責，並對五院有協調爭議權，並且直接任命行政院長。另外亦喺現有區域內實行地方自治，並可以由人民直接選舉產生總統同埋部分公職人員，並自1987年解除戒嚴令以及解除黨禁之後，政府唔限制人民團體成立政黨同埋個人政治主張，因此臺灣政黨林立。最大嘅兩個政黨分別係泛藍陣營嘅國民黨，同埋泛綠陣營嘅民進黨。

臺灣省係中華民國省級行政機構，統轄臺灣大部分地區。自1990年代末期，中華民國政府採取省虛級化措施之後，臺灣省雖然依然存在，但原省政府所轄機關都會併入中央政府，因此行政作業實質上已經無省嘅存在。總統府、五院、大多數中央部會等中華民國中央政府機構都喺臺北市。

臺灣人民依憲法享有言論自由而且民主政治運動澎湃，各人可持有唔同政治主張。臺灣廣泛受到爭論嘅政治問題係臺海問題同埋統獨問題，因而令人民支持嘅政治立場大致可劃分為泛藍陣營、泛綠陣營，因為外交情勢及環境綜合考量，人民基本態度為盡量維持現狀為主。

臺灣首部成文法喺17世紀嘅荷蘭統治時期實施，後經過以明律為綱嘅鄭氏王朝嚴刑峻罰、臺灣清治時期嘅大清律法、臺灣日治時期嘅六三法等特別法，至中華民國政府開始統治之後就以大陸法嘅中華民國法律為主軸。除了適用於臺澎金馬（即臺灣地區）嘅中華民國憲法同埋中華民國憲法增修條文外，重有法律同命令三個層級，其中，仍以中華民國憲法同佢嘅增修條文為基礎，所有規範都唔可以違背上面位階嘅規定。

各機關、官方文書中都採用民國紀元來紀年，通用曆法主要係國際慣用嘅公曆，民間亦通行農曆，並以民國紀年同西元紀年並行使用。

紀念日同節日依據《紀念日及節日實施辦法》並彈性實行「週休二日」。

中華民國政府同教廷以及聯合國23個會員國保持正式外交關係，以官方名義參與國際組織有18個，並致力於加入亞太經合組織（APEC）、世界貿易組織（WTO）、世界衛生組織（WHO）、聯合國（UN）等相關國際組織同國際接軌，並以援外或者人道救援方式進行國際間交流，或以體育、經濟、學術、藝文、國際救援活動參與國際社會。並以非營利機構同志願服務團體等非政府組織（NGOs）融入國際社會。

由於中華民國政府喺1971年退出聯合國，同世界各主要國家政府相繼斷交，再加上俾中華人民共和國政府封殺，相對影響到臺灣嘅國際交流。同一時期，由於臺灣喺經濟發展上漸有成績，因此同國際交流趨向以經濟援助方式同一啲小型發展中國家進行交流，喺李登輝時代政府藉由務實外交強化同友邦以及無邦交國家嘅雙邊關係，民進黨上臺後，仍維持此經濟援助導向。除此，自1993年起，臺北政府一直致力重返聯合國，同時透過喺聯合國擁有會員國嘅外交邦交國，以「中華民國」或「臺灣」等名稱嘗試重返聯合國同佢啲周圍組織，不過因為臺北同北京之間一直存在爭議（即臺灣海峽兩岸問題），北京方面唔同意臺灣以國家身份參與國際組織，令臺灣同國際組織（包括聯合國、世衛）嘅交流極之難。然而，中華民國政府成功喺1991年以中華臺北名義加入亞太經合組織，並喺2002年以臺澎金馬獨立關稅領域名義正式加入世界貿易組織。

根據2003年國際組織年鑑有2074個非政府組織參與國際性活動，但其中以個人名義居多，而且實際參與嘅組織主要係以人道救援領域居多，例如世界展望會、紅十字會、國際佛光會、臺灣亞洲基金會、喜瑪拉雅基金會、勵馨基金會、知風草文教協會、慈濟基金會等，投入國際性救援個案頗為可觀，例如臺灣路竹會長期遠赴非洲、南美洲義診，伊甸社會福利基金會輸送物資關懷邊遠地區，而臺灣醫界聯盟基金會等組織同政府長期合作推動臺灣參與世界衛生組織，但臺灣非政府組織除咗國際醫療、人道援助組織之外，大多仍然缺乏國際活動嘅經驗。

體育方面有中華奧林匹克委員會而且係國際奧會承認嘅205個國家奧委會之一，主要任務籌組代表團參加奧運、亞運等國際賽會及活動。而喺1957年成立嘅中華民國大專院校體育總會推動大專院校進行國際間賽事，並喺1987年加入國際大學生體育聯盟（FISU）成為會員國。另外重有中華民國殘障體育運動總會積極參與社會活動及國際運動競賽，近年來參與國際賽事有2006年遠東及南太平洋殘疾人運動會，獲得18金29銀22銅；2007年世界輪椅運動會（IWAS），喺臺北舉行獲得34金26銀30銅；2008年北京殘疾人士奧運會，獲得1金1銅。

經濟方面，有中華民國國際經濟合作協會以結合企業界人士、團體同國外企業界人士、團體合作發展國際經濟交流，主要任務係舉辦或出席雙邊及多邊經濟合作會議，舉辦或協辦各國投資研討會或市場說明會，組團或派員出外訪問、簽署雙邊經貿合作協定或備忘錄。而重有臺灣亞太發展基金會（前身係亞洲基金會嘅臺灣分會）致力於促進美國同亞洲各國間嘅交流合作，推動各項發展援助計畫，並幫助亞太地區提昇政府治理同埋公共事務管理能力，推動改善經濟制度，並協助公民社會嘅發展，包括來臺參訪總統大選、來臺參訪九二一震災重建工作、來臺考察休閒農業發展、出國考察國外農業智慧財產權保護機制、去東帝汶考察內亂後重建工作並提供該國建議、推動臺灣印尼伊斯蘭交流互訪等工作。

文藝方面，有喺1995年創立嘅臺灣文化基金會推動臺灣文化同國際交流，主要係進行城市節慶活動交流同埋訪問，並以臺灣文化行銷城市，同時增進臺灣同國際嘅了解同埋交流。

臺灣人民廣泛接納各種宗教信仰，而且政府同宗教之間政教分離，舉凡佛教、道教等宗教信仰都有一定追隨者。以信奉人口計，佛教同道教（包含民間信仰）係臺灣兩大宗教，大部分臺灣漢人同時信佛教同埋道教；原住民部落就普遍信基督宗教。

其他宗教雖然冇咁普遍，但都有唔少信眾，好似基督教、天主教、伊斯蘭教、一貫道。此外，新興宗教、氣功法門等廣義嘅宗教信仰，喺臺灣亦各有唔少信徒，成日有相當活躍嘅傳教活動。

臺灣民間信仰普遍拜祭媽祖、土地公、關公、城隍、孔子等神祇。如今，佛教、道教、儒教等宗教喺臺灣嘅區分已經非常曖昧，佢哋相互影響融合成為另一種多神教，喺寺廟入面，各種唔同宗教嘅神靈被共同祭祀係好常見；例如艋舺龍山寺主祀佛教觀音菩薩，亦兼祀道教嘅媽祖、關帝君、文昌君等。呢種融合佛道嘅民間宗教對社會生活影響相當大，而各地亦有各自盛行嘅神明祭典。

以河洛人為代表嘅河洛文化、客家人代表嘅客家文化同埋外省人帶來嘅新文化喺臺灣島上共處融合。同時，重有原住民所代表嘅南島文化。除此之外，由於臺灣日治時期長達50年（1895年—1945年），加上歐美對臺灣嘅深刻影響，臺灣文化亦融合咗日本、歐美等地嘅文化特色。

以傳統嘅農曆作為基礎嘅春節、端午節、中秋節等喺臺灣屬於國定紀念假日。亦有唔少深具臺灣特色嘅民俗慶典，好似每年一度嘅迎媽祖、元宵節著名嘅地方民俗活動苗栗火旁龍、鹽水蜂炮、王爺遶境儀式嘅東港燒王船、中元普渡時嘅頭城搶孤、三峽祖師廟神豬比賽等等。由於臺灣廟宇香火鼎盛，因此由大陸流傳而來嘅廟宇文化喺臺灣發揚光大，臺灣嘅城隍，媽祖，關帝君等祭典活動成為臺灣特殊文化，神祇陣頭結合武學同藝術嘅八家將、宋江陣、舞龍舞獅民俗表演變成臺灣特殊技藝文化，著名有明華園、霹靂布袋戲、九天民俗技藝團等，其中有啲表演團體已邁向國際舞臺。喺神祇誕辰就不時出歌仔戲、布袋戲、戶外電影等，但近期有被電子花車或康樂隊取代趨勢。

傳統民眾幾盛行採信農民曆，並依所載吉辰良時作為房屋落成、新店開張，或婚喪喜慶等日常活動嘅準則，亦會依照生肖沖卦作為婚姻參考。由於民間盛行安太歲習俗，不少民眾喺過年期間會依農民曆所載沖犯太歲嘅生肖而到寺廟請求安太歲並安置光明燈，再由寺廟代為舉行祭祀活動，以趨吉避凶。

原住民文化各族各有其特色，布農族文化為射耳祭（以箭射獸耳禱求獵穫豐收）同小米祭、皮衣製作技巧、多音部合唱；鄒族就係戰祭、收穫祭與揉皮技術；賽夏族每兩年舉辦一次矮靈祭；達悟族嘅飛魚祭；排灣族人嘅五年祭；魯凱族嘅陶壺及琉璃珠製作、雕刻藝術；卑南族就係海祭、男性嘅猴祭及女性嘅鋤草祭；阿美族嘅無半音五聲音階等等。

臺灣除咗受到中華文化及南島文化影響之外，以日本文化對臺灣影響最大，從日治時期受到日本嘅溫泉、日本酒、雜燴、和室等影響，到家下卡拉OK、電視劇、漫畫、動畫、電視遊戲、Cosplay等，目前臺灣有兩個電視頻道專門播日本節目，影響可謂深遠。好多後生鍾意日本偶像明星、蒐集日本流行資訊，呢啲鍾意日本文化嘅青年人稱為哈日族。依據2009年統計，有大概四成臺灣人對日本有好感。

西方文化對臺灣影響都唔細。一方面係由於天主教與基督新教，喺臺灣地方文化中扮演默默紮根角色，好似改編臺語詩歌，偏遠地區地方教堂嘅貢獻等。此外，歐美教育喺臺灣教育界往往被引為典範，近年來臺灣教育改革就係基於歐美教育嘅精神而制定，臺灣嘅森林小學以及小留學生文化亦係深受歐美影響。

中華民國行政院新聞局喺2006年年初舉辦「尋找臺灣意象」系列活動，係作為定位「臺灣國家」品牌嘅一個起點，希望透過全民參與凝聚共識，發掘臺灣好多美好而獨特嘅風貌。由民眾同網友以手機投票同埋網上投票選出足以代表臺灣嘅「臺灣意象」24名。

另在非正式教育機構重有2─6歲學前機構幼稚園，訓練學生加強某特定科目嘅補習班，家庭教育亦係教育嘅重要一環。社會教育方面，臺灣終身教育風氣盛行，各地都有專為成人教育設計嘅學院機構。技術教育方面，臺灣有隸屬行政院勞委會嘅職業訓練中心同埋民間各類語言或電腦等學習機構。由於網絡發達，因此唔少機構及坊間開辦網上教育，以建立網上學習環境，激發學習動機，進而帶動網上學習。

中華民國政府遷臺初期，大力推行「去日本化」，強力推行國語教育。戒嚴時期，政府以官方力量推動文化發展，推動中華文化復興運動，文化呈現反共、傳統、一元嘅特質。1987年，臺灣解嚴後，多元文化思想受國內外好多因素推波助瀾下逐漸興起。1996年，開始出現本土化或去中國化浪潮。

臺灣地區目前有三間著名嘅藝術大學，分別係臺北藝術大學（關渡）、臺灣藝術大學（板橋）、臺南藝術大學。

戰後初期，臺語歌曲一度流行，音樂界亦創作咗大量反共愛國歌曲。喺民間，由香港傳入嘅國語流行歌曲同埋美國音樂風行一時。1970年代，知識青年疾呼「唱自己的歌」，校園民歌因此風行。1970年代以後受日本演歌文化影響，那卡西同夜總會等騷場文化喺臺灣亦非常盛行，好似臺語歌后江蕙及黃乙玲等人就係出身騷場嘅代表人物。1980年代講究「字正腔圓」嘅國語老歌風行一時，代表人物係有亞洲歌后之稱嘅鄧麗君。受到西方搖滾樂嘅影響，喺民歌時期結束後，羅大佑等人將社會百態、政府等當時受到壓榨嘅百姓生活寫成歌曲，造成知識份子一時引起嘅共鳴。近幾年臺灣已經成為世界華語樂壇嘅中心，張惠妹、周杰倫、五月天、S.H.E、羅志祥等歌手紅遍兩岸三地及新馬地區，成為華語樂壇嘅重要力量，因此吸引唔少來自亞洲各地嘅新秀去臺灣大放異彩，例如梁靜茹、光良、品冠、孫燕姿等人。

古典音樂界名人包括林昭亮（國際知名小提琴家）、范宇文（台灣第一美聲聲樂家）、張正傑（創意天王大提琴家）、朱苔麗(旅義聲樂家)、朱宗慶、趙琴（廣播音樂作家）、曾宇謙（國際性青年小提琴家）、陳必先（鋼琴家）、葉麗娜（鋼琴家）、顏慈瑩（鋼琴家音樂作家維若妮卡）、蘇顯達（小提琴家）、賴英里（長笛家）、陳冠宇（跨界鋼琴家）、李哲藝（跨界創意作曲家豎琴家）、谿客（美聲音樂詩人賴婷玲）、范姜毅（留德鋼琴教育家）、林伯杰（音樂雜誌總編樂評人）、車炎江（男中音、樂評人、音樂學者）。流行音樂界名人有劉家昌、林志炫、許景淳、劉文正、費玉青、周杰倫、張惠妹、江蕙、蔡琴、羅大佑、李宗盛、黃韻玲、蔡依林、謝宇威、五月天、林俊逸、S.H.E、羅志祥等。

中華民國政府遷臺初期，政府大力推行反共、懷鄉文學，著名反共文學作家有王藍（代表作《藍與黑》）、姜貴（代表作《旋風》）同埋司馬中原（代表作《狂風沙》）。同時，西方現代文學亦係當時臺灣文壇嘅重要力量，代表有白先勇、王文興，而現代主義文學代表作就有《臺北人》、《家變》等。1960中後期開始，一啲本土作家以《臺灣文藝》、《笠詩刊》為陣地，重拾鄉土素材，關注農民同埋勞工等低層階級嘅命運，作品隱含批判精神，終於喺1977年（民國六十六年）引發鄉土文學論戰。解嚴後，文學更加多元化。近幾年，伴隨網絡興起，網上文學成為新嘅風潮。

名人包括余光中、洛夫、席慕蓉、向陽、龍應台、鄭愁予、劉墉、白先勇、簡媜、張曉風、張曼娟、吳若權、蔣勳。

臺灣美術喺1950年代，畫壇主流以大陸來臺嘅水墨畫家同埋日治時期嘅本土西畫家為主，繪畫技巧比較傳統。1960年代開始，新生代畫家引入西方抽象畫等風格，美術風格走向西化。1970年代鄉土意識抬頭後，繪畫題材再趨本土化。解嚴之後，美術界生態多元自由，風格亦日益前衛。

戲劇方面喺二戰之後，由於早期政府嘅大力推廣下，京劇等大陸劇種喺臺灣得到大力扶持；另一方面歌仔戲、布袋戲等本土劇種仍然係庶民大眾嘅重要娛樂方式。隨住電視嘅出現，布袋戲、歌仔戲開始講求聲光效果，而重新受到重視。而國劇同國語話劇就融入創新元素，經常以小劇場等形式表演，舞臺劇表演成為臺灣極具活力嘅藝術活動。

臺灣舞蹈方面，除咗充分表現臺灣文化意味嘅民俗舞蹈（好似八家將、新港舞步、陣頭），臺灣現代舞亦有小規模發展，尤其雲門舞集。

名人包括林懷民（舞蹈家）、魏海敏（京劇表演藝術家）、董陽孜（書法家）、梁丹丰（畫家）、吳兆南（相聲表演藝術）、賴聲川（舞台劇表演藝術）、樊光耀（相聲戲劇表演藝術）、廖瓊枝（戲劇歌仔戲）。

中華民國政府遷臺後，臺灣電影喺官營製片廠嘅經營下，拍攝大量國語劇情片，其中唔少都帶有反共色彩。同時，臺語片亦靜靜興起，題材以民間故事等為主。1960年代，健康寫實電影成為電影界嘅主流，代表作有《蚵女》、《養鴨人家》等。同時，香港製作嘅電影亦喺臺灣廣受歡迎，亦影響到臺灣本地嘅電影制作路線，文藝片、武俠片同埋功夫片成為一時主流，文藝片代表作有《彩雲飛》、《一簾幽夢》等。

名人包括李安、甄珍、侯孝賢、林青霞、張艾嘉。

名人包括趙少康、李艷秋、盧秀芳、李四端、張雅琴、楚雲、秦夢眾、謝志偉、沈春華、胡婉玲。

臺灣早期嘅鐵路運輸，係以人力為動力嘅軌道輕便臺車，路線綿延全臺；目前臺灣主要鐵路經營管理係由國營企業臺灣鐵路管理局負責營運。臺鐵路線主要包括西部幹線、北迴鐵路、南迴鐵路、東部幹線。合計環島一周。主要列車型號包括負責長途客運嘅自強號、莒光號、復興號，以及負責城際通勤運輸嘅區間車等。

喺臺北都會區，捷運係主要嘅鐵路運輸。第一條捷運係1996年3月28號開嘅木柵線，至今已經形成雙十字路網。高雄捷運紅線喺2008年3月9號通車，高雄捷運橘線就喺2008年9月21號正式通車營運。

喺臺灣糖業，林業同礦業嘅繁盛期，重有專門鐵路進行運輸。糖業鐵路喺1980年代後，因公路運輸興盛，大部分都已經停止營運。而林業鐵路重有阿里山森林鐵路，太平山森林鐵路以及烏來嘅臺車繼續運作。煤礦鐵路絕大多數因礦場荒廢而消失於荒野之中，部分因為起道路而消失，目前仍然繼續運作嘅煤礦鐵路係位於臺北縣平溪鄉嘅臺灣煤礦博物館。另外位於臺北縣金瓜石礦山喺採金時期亦有好多金礦鐵道，但1950年代後，由於採金成本日益提高，再加上礦脈枯竭，因此隨住礦坑關閉，金礦鐵道亦成為歷史，目前僅餘仍然運作嘅金礦鐵道係臺陽合金公司所屬嘅九號、十號坑金礦鐵道。

臺灣有縱貫西部走廊嘅中山高速公路、福爾摩沙高速公路，以及橫跨東、西部嘅蔣渭水高速公路等三條南北高速公路。而省道更遍佈全島，好多客運公司專門經營臺灣各大都市間嘅公路客運運輸，過去呢項工作係由公營嘅臺灣汽車客運公司負責。

至於長途運輸方面，1990年代開始，民營業者開始以低票價及豪華設備服務為號召，大量搶佔原本由臺汽一家獨佔嘅市場地位。為提升競爭力，2001年後，臺汽民營化，並改名國光汽車客運。目前臺灣嘅長途公路運輸以國光客運同埋統聯客運為市場龍頭。

臺灣有桃園國際機場、高雄國際機場兩個主要國際機場同埋臺北松山機場、臺中清泉崗機場兩個次要國際機場，多數大城同多數離島地區亦設有機場。臺灣本島嘅各大都市間、以及和各離島之間，都有常態班機往來，形成便利嘅航空網。臺灣最主要嘅航空公司係中華航空公司同埋長榮航空公司。除此之外，重有復興、立榮、華信、德安等航空公司。

臺灣主要國際港口有高雄港、基隆港、臺中港、花蓮港同埋蘇澳港。另外重有1990年代開闢嘅臺北港、歷史悠久嘅安平港同2010年代嘅新竹港。高雄港係其中最大嘅港口，負責臺灣60%以上嘅貨物裝卸同埋75%以上嘅貨櫃裝卸。

目前喺臺灣本島同澎湖、金門等離島之間，船依然係主要嘅交通工具。臺灣到澎湖列島之間嘅船有臺華輪（高雄港）、今日之星（臺南安平港）、滿天星客輪（嘉義縣布袋港）。每日都有航班。臺東富崗港到蘭嶼同埋綠島之間都有航班。臺灣本島到金門之間嘅航班係由高雄港出發嘅金門快輪。臺灣本島到馬祖之間，就有從基隆港出發嘅臺馬輪同埋合富快輪。另外可以喺金門直接搭船去中國廈門。

由於中華人民共和國喺國際場合上不斷施壓，至今中華民國政府多以「中華臺北」（Chinese Taipei）名義參加國際體育競賽，目前臺灣實力較具國際水準嘅項目包括棒球、壘球、跆拳道、撞球、乒乓波、羽毛球、網球、軟式網球、射箭、射擊等。2004年雅典奧運靠跆拳道選手陳詩欣、朱木炎奪得奧林匹克運動會參賽史上首兩面金牌。2006年成棒隊喺多哈亞運奪得第一面亞運金牌。2009年喺高雄市舉辦嘅世界運動會係臺灣首次主辦嘅國際性綜合運動會。（睇中華臺北國際大型運動會獎牌一覽）

棒球可以話係臺灣最受歡迎運動，早喺日治時期就由日本引入臺灣。1968年臺東縣紅葉少棒隊擊敗到訪嘅日本少棒明星隊，隔年金龍少棒隊更奪得世界少棒大賽冠軍，開始臺灣三級棒球嘅黃金時代。1990年，中華職棒正式成立，臺灣成為繼日本、韓國之後亞洲第三個擁有職業棒球聯盟嘅國家。之後一度因爆發簽賭打假波事件及臺灣大聯盟嘅成立，導致觀眾人數銳減，但喺2001年主辦世界盃棒球賽並奪得第三名後，臺灣棒球熱潮再現。經過幾年棒球熱潮後，中華職棒票房喺2006年球季呈現大幅衰退，一般認為同王建民掀起臺灣球迷收睇大聯盟嘅熱潮，進而體認到臺灣職棒競技水準同國外嘅差距，加上認為中華職棒對自身問題（好似成立二軍、球員待遇、安全防護機制等）唔可以反求諸己所致。而喺2008年，又爆發黑道介入中華職棒嘅簽賭案（黑米事件），導致米迪亞暴龍隊解散，加上中信鯨解散，2009年中華職棒嘅球季得番象獅牛熊四隊。

早喺日治時期就已經有臺灣棒球好手去日本打波，綽號「人間機關車」嘅吳昌征能投善打，喺1995年進入野球殿堂。1980至90年代，三位投手郭源治、郭泰源同莊勝雄因為喺日本職棒嘅優異表現，被合稱為「二郭一莊」；之後有呂明賜、郭李建夫、陳偉殷等球員陸續去日本打波。近年來就有好多球員去美國打拚，目前已有陳金鋒、曹錦輝、王建民、郭泓志、胡金龍同倪福德等人曾經登上美國職棒大聯盟舞臺。




#Article 19: 教育 (462 words)


教育（），廣義上，透過一啲人與人嘅互動/實踐活動，傳播知識、禮貌知識、嘅傳授技能、社會化個體、教授觀點意見、散播世界觀畀受教育嘅對象。另一種睇法係：教育係畀受教育嘅對象一過合式嘅環境發展佢嘅興趣、能力、長處。教育可能係介乎呢兩過觀點之間。狹義上，指學校教育，即係制度化教育。

教育過程一出世就開始並持續終身已被廣泛接受。有啲人甚至相信教育可以更早開始，一啲父母畀子宮裏面嘅胎兒聽音樂同埋故仔，希望對孩子發展產生影響。

「教育」一詞源自拉丁文 educare，意思係「引出」。

教育具有多方面嘅功能： 

社會根據受教育程度選拔人才。人通過受教育實現社會地位嘅變遷。教育伴隨住人類社會嘅產生而產生，隨住社會嘅發展而發展，同人類社會共始終。對教育嘅定義，各國學者認識都唔同。好似美國嘅杜威話：「教育即係生活。」英國嘅斯賓塞話：「教育係未來生活嘅準備。」中國嘅李壯認為「教育係強迫或引導被教育者接受特定嘅知識、規矩、資訊、技能、技巧等。」

教書，教學同教育好似，不過教育意識形態上係唔單只教重點同死背書，係要對象明理知德。身為合格老師應有言教，身教雙管齊下，並就孔夫子定性：「溫故而知新，可以為師矣。」

社會、群體或私人開設課程教育啲人，通常係年輕人。正規教育嘅系統比較完整。正規教育體系傳授理想或有價值嘅知識，但有時會出現濫用情況。有啲國家規定學生做錯太多功課就一定要留級讀多一年。

終身教育或成人教育嚮好多國家已經非常普及。「教育」重係被睇成係細路嘅事，成人教育經常被稱為「成人學習」或者「終身學習」。

只針對某一方面提供嘅特殊培訓，例如電腦專科學校。技術學校培養適應不同市場嘅人才。技術教育畀咗學生自主選擇嘅機會，因此會提高學者嘅興趣。

嚮西方，教育嘅起源受到宗教組織嘅巨大影響：神父認識到教育嘅重要性，建立起學校體系。嚮歐洲，好多最初嘅大學都有天主教背景。蘇格蘭宗教改革之後建立咗新嘅國立蘇格蘭教會 

中國教育開始於中國古典著作，而唔係宗教組織。早期中國任用受教育嘅官員管理帝國，用來選拔官員嘅科舉考試制度建立於隋朝，唐朝嘅唐太宗完善科舉制。直到清朝末期嘅1905年廢除，以西方教育方式取代。

日本教育嘅起源同宗教關係密切。學校係培養想要研究佛教成為僧侶嘅年輕人嘅廟宇。後來，想要學習嘅孩子就要去Tera-koya (意思係廟宇小屋)，學習點樣讀寫日文。

印度嘅制度化教育已經有好長嘅歷史。

嚮過去幾十年，未受任何學校教育嘅文盲人口嘅百分比下降咗，由1960年嘅36%下降到2000年嘅25%。

嚮發展中國家，2000年文盲百分比只有1970年嘅一半。嚮已發展國家，文盲都從6%下降到1%，未受學校教育者由5%下降到2%。



#Article 20: 學習 (145 words)


學習（；英文：learning）喺心理學同神經科學等嘅領域上係指一個個體吸收知識、技能同埋行為嘅過程。學習包括獲取新知識、新技能或者新行為，又可以係改變舊有嘅知識、技能、同行為。學習唔淨只係人識得做，動物以及某啲品種嘅植物、甚至乎係專門機械都曉學習－動物絕大多數都曉學一啲簡單嘅「避開痛楚」動作，例如係一個人俾個煮食爐辣親一次之後，下次會識唔好搵手掂個爐。一啲智能高啲嘅動物，包括人，同某啲人工智能，仲有能力學做一啲複雜嘅行為或者理解啲複雜嘅概念，例如足球同芭蕾舞等嘅運動當中有極之高深嘅技巧，而學深奧嘅科學知識要求高度嘅理解能力。

學習嘅現象無所不在：人喺未出世之前，神經系統經已發育得相當完善，會喺度同環境互動而學習，呢個過程仲會一路維持到死亡為止，例如臊孲子會學識認照顧者把聲同樣，等到再大少少會學行路同講嘢，細路仔係噉由佢周圍同身邊嘅大人嗰度學習，而大人都識得學嘢；就算係啲好簡單嘅動物都做到單純行為式學習，而喺好似人等智能高嘅動物當中仲可以睇到以玩呢啲複雜行為進行嘅學習同埋對抽象概念嘅理解；學習可以有意識做，又可以冇意識做，後者嘅例子可以舉返頭先俾個煮食爐辣親一次，下次識唔好掂個爐－呢種學習個人唔使特登去諗「點解隻手掂到個爐會痛」都會學得到。另一方面，學習嘅機制喺某啲情況之下亦都可以造成一啲唔好嘅效果，例如習得性失助（learned helplessness）嘅現象噉，就涉及一隻動物反覆經歷過避無可避嘅痛苦之後學識「反抗冇用」而變到冇嗮心機做嘢－所以對學習嘅研究仲要諗點樣確保學習嘅機制唔會出現反效果。

學習過程喺認知科學同教育學等領域上都重要嘅研究課題，而佢哋嘅研究對社會來講好有應用價值。例如心理學上對記憶功能嘅研究就會有助教育家設計新嘅記憶方法，幫學生手記住學過嘅內容。

喺漢文入面，「學習」呢個詞最早可以追溯到孔子喺《論語》當中講嘅嘢：『學而時習之，不亦悅乎？』呢句嘢係文言，意思係「學咗嘢之後時不時反覆溫書，唔係一件好愉快嘅事咩？」按照孔子同第啲古代中國教育家嘅睇法，「學習」係一個複合詞言：「學」係指透過用眼耳口鼻接觸世界萬物，由自身以外嘅地方獲得資訊，以及了解書本上嘅知識同埋老師教授嘅技能，有時仲可以包含咗自己本身嘅思考；而「習」係指鞏固知識技能嘅行為，例如係學功夫學咗一個招式之後反覆噉練習嚟鞏固自身嘅知識。「學」偏重思想意識嘅理論領域，而「習」偏重行動實習方面嘅實踐－學屬知，習屬行，而明朝大儒王守仁曾經對學習提倡「知行合一」。所以按照呢個角度睇，「學習」就係獲得知識同技能，再透過反覆嘅試驗同練習去精益求精嘅過程。

英文入面嘅字「learning」都相當古老，可以追溯至原始日耳曼語言（Proto-Germanic；英文、德文同荷蘭文等現代日耳曼人語言嘅祖先）當中嘅「lisnojanan」，據講係「得到知識」噉解。

行為論（behaviorism）係由著名心理學家伯赫斯·費德歷·斯金納（B. F. Skinner）發揚光大嘅一套心理學理論，著重研究外界刺激（external stimlus）會點樣影響一隻動物嘅行為（behavior），而且傳統上會輕視啲好似思緒等冇辦法由肉眼觀察到嘅嘢。典型嘅行為論研究會嘗試向隻動物（最常見嘅係大家鼠）施加某啲刺激，再睇吓呢啲刺激會點樣影響某啲外顯行為嘅頻密度或者強度等嘅變數，甚至嘗試用數學方程式模擬刺激同行為之間嘅關係。

古典制約（classical conditioning）係指一個個體因為某兩個刺激持續噉一齊出現，而將兩個刺激聯想埋一齊（刺激同刺激之間嘅關係起變化；Stimlus-Stimulus），通常導致其中一個刺激（conditioned stimulus；CS）引起一啲本嚟淨係得另外嗰個刺激（unconditioned stimulus；US）會引起嘅反應（unconditioned response；UR）。舉個簡單例子說明，

古典制約嘅過程喺大多數動物物種甚至某啲植物嘅身上都觀察得到，古典制約嘅過程令到生物能夠學識邊啲刺激傾向一齊出現，令到生物有能力預測周圍環境嘅變化。例如係有心理學實驗就顯示，人類喺撞到之前未遇到過嘅刺激嗰陣會留意呢啲刺激傾向同邊啲已知嘅刺激一齊出現，並且按呢個資訊對嗰啲新嘅刺激做判斷－例如家吓有個人 A 君，佢啱啱識咗個新朋友 B 君，如果 A 君每次撞到 B 君嗰陣都有啲令佢唔舒服嘅事發生嘅話（例如佢次次見親 B 君兩個人都嗌交），A 君好快會學識將 B 君同啲令佢唔舒服嘅事聯想埋一齊，學曉應該要避開 B 君。

R-W 模型（Rescorla–Wagner model）係用以下呢條方程式模擬古典制約嘅：

當中  係指隻動物心目中 US 同 CS 之間嘅關聯有幾強， 指  嘅轉變。每當隻動物經驗到 US 同 CS，佢都會係噉咦改變佢心目中嘅 ，而喺是但一次經驗當中， 嘅數值由以下因素話事：

操作制約（operant conditioning）係指一個個體因為對某個刺激起某個反應持續噉引致某啲後果，而將個刺激同嗰個反應聯想埋一齊（刺激同反應之間嘅關係起變化；Stimulus-Response），通常會導致嗰個刺激同個反應之間嘅關係變強或者變弱，會令反應變強嘅後果係所謂嘅強化（又或者叫「獎勵」；reinforcement），而會令反應變弱嘅後果就係所謂嘅懲罰（punishment）。

舉個簡單例子說明，想像家吓研究者擺一隻大家鼠喺一個實驗室嘅籠入面，當個研究者擺啲嘢食入個籠入面（刺激）嗰陣，隻大家鼠會行埋啲嘢食（反應）嗰度，而家吓個研究者決定，每次當隻大家鼠行近啲嘢食嗰陣，佢就電吓隻大家鼠（但如果隻大家鼠唔行埋啲嘢食度，就唔電佢）；實驗顯示，噉做會令到隻大家鼠學識對「有嘢食」呢個刺激做「行埋啲嘢食度」呢個反應嘅話會俾人電，令到下次再出現「有嘢食」呢個刺激嗰時隻大家鼠做「行埋啲嘢食度」呢個反應嘅機會率下降，所以「俾人電」係一個懲罰。獎勵同懲罰嘅過程喺人身上都可以輕易觀察得到。

操作制約可以用嚟解釋習慣嘅形成。有心理學家指出，極密集嘅操作制約訓練會令一個行為變成習慣，例如有實驗就試過噉做：研究者搵一柞大家鼠返嚟做受試者，將呢柞大家鼠分做  同  兩組；首先，兩組都喺同樣嘅情況下受訓，將每隻都分別擺入一個箱入面，箱入面有個掣，個掣一撳就有嘢食；兩組差異在於  組受訓時間短，而  組受訓時間長；訓練期完咗之後，研究者俾柞大家鼠做一個貶值測試（devaluation test）－意思即係話俾啲大家鼠冇咁肚餓（冇咁需要嘢食）嗰陣做測試；一般結果係，大家鼠冇咁肚餓嗰時會冇咁傾向走去撳嘢食掣；同時研究者又發現咗所謂嘅過度訓練效應（overtraining effect）－只要  組受訓嘅時間長到超過咗某個臨界值， 組嘅受試者就會變成唔受貶值影響，即係變成肚唔肚餓都走去勁撳掣。

對於呢個實驗結果，主流心理學界嘅理解如下：動物嘅行為系統可以分做目標主導系統（goal-oriented system）同習慣系統（habit system）兩大子系統；前者係會經過思考嘅，例如知自己唔肚餓就唔會走去搵嘢食；後者係唔經思考嘅，明明自己唔肚餓，都出於習慣噉走去撳掣；極密集嘅操作制約訓練會令一個行為變成難改嘅習慣。有精神醫學等領域嘅研究者指出，呢個效應同強迫症（OCD）等嘅心理病有相似之處－強迫症患者會係噉走去做某一啲對佢哋有益嘅嘢（例如係洗手），但往往就不斷習慣性噉勁做，搞到自己健康出問題（例如勁洗手，洗到對手有皮膚問題）；因為噉，過度訓練效應可以用嚟做強迫症相關嘅研究。

銘印（imprinting）係指一種喺生命當中某啲階段（即係某啲年齡）嗰時進行得零舍快嘅學習，而且好多時學咗之後都改變唔到嘅－即係話個學習率  喺生命嘅某一個階段當中數值好大，而喺嗰個階段過咗之後， 就會變到接近 0。

銘印一個好出名例子係喺好多鳥類當中都會發生嘅仔女銘印（filial imprinting），仔女銘印係指隻動物喺啱啱出世冇幾耐之後記住自己嘅照顧者，並且喺幼年期會一路跟隨住佢認定咗嘅照顧者。喺正常情況下，隻動物所記住嘅照顧者會係自己嘅親生父母，但實驗結果顯示，如果研究者喺隻動物啱啱出世冇幾耐嗰段時間代佢父母照顧佢嘅話，呢種銘印效應會令隻動物認定個人類研究者係自己嘅父母，並且喺幼年嗰時一路跟住個人類研究者周圍行，而且一旦銘印咗，隻動物就唔會再改變佢心目中嘅父母。

觀察學習（observational learning）係指透過觀察其他個體嚟進行嘅學習。同古典制約以及操作制約唔同嘅係，喺觀察學習當中，一隻動物唔使自己親身經歷某啲事件就可以改變自己嘅行為。波波公仔實驗（Bobo doll experiment）就係一個好出名嘅行為論心理學實驗，呢個實驗展示咗觀察學習：

觀察學習喺第啲動物身上都有出現，而教育學對於人類細路嘅觀察學習有做重點嘅研究。

習得性失助（learned helplessness）係一種現象：當一隻動物，佢一而再再而三噉受到一個懲罰性嘅刺激（例：隻狗俾研究員擺喺一間房入面，房嘅地板定時定候會過電電佢，每次將會有電嗰陣都會有盞燈閃），而且無論佢做啲乜到避唔開呢個刺激（例：間房有道門，道門鎖咗，搞到隻狗點郁都走唔甩），通常隻動物會變得消極，唔再嘗試做任何嘢嚟避開個刺激（例：下次盞燈閃嗰陣，隻狗淨係企喺度唔郁，等受電嘅痛楚）－「學識」進入一種「無助」嘅狀態；而且進一步嘅研究仲發現，一隻動物進入咗習得性失助之後，就算下次俾佢有機會避開個刺激佢都會冇動力去行動（例：學到失助之後，隻狗就算下次盞燈閃嗰陣明明道門大開住，都照樣企喺度唔郁等受電嘅痛楚），變到好似放棄嗮所有嘢噉。

習得性失助嘅概念對精神醫學等嘅領域嚟講相當有用：有心理學家指出，習得性失助同某啲心理病嘅徵狀好相似，例如係抑鬱症或者物質濫用等嘅現象，往往涉及個病人喺重複噉遇到一啲令佢哋覺得無力嘅事之後，放棄嘗試解決問題，改為做一啲幫唔到手解決問題嘅行為（好似係靠吸毒同飲酒等嘅方法嚟逃避問題），所以對習得性失助嘅研究喺呢啲領域上係一個受重視嘅課題。

喺神經科學上，古典制約同操作制約等嘅現象可以理解成個腦入面啲神經細胞（neuron）之間嘅連繫產生變化：個腦由大量嘅神經細胞組成，神經細胞當中有啲代表咗隻動物對某啲刺激嘅理解，有啲連去相關嘅肌肉嗰度代表住某啲反應，例如喺一隻大家鼠嘅腦入面，某一柞神經細胞可能代表佢對「嘢食」嘅理解，而呢柞神經細胞會連落去同「行埋目標嗰度」嗰啲神經細胞嗰度，令到隻大家鼠曉喺探測到嘢食嗰陣行埋去啲嘢食嗰度；如果某個學習過程令刺激同刺激之間嘅關係改變，嗰次學習就係古典制約，而如果某個學習過程令刺激同反應之間嘅關係改變，嗰次學習就係操作制約... 等等。

非聯想性學習（non-associative learning）喺定義上係指「因為重複噉接觸到一個刺激而造成嘅對嗰個刺激嘅反應永久性噉改變；而因為神經性適應、攰或者受傷而引起嘅改變唔算非聯想性學習」。非聯想性學習有兩大種：習慣化同埋敏化作用。

習慣化（habituation）係指一個反應發生嘅機會率或者強度隨住個刺激一再噉出現而下跌，而個反應多數係一啲反射性嘅動作。舉個例子說明，想像家吓研究者擺一隻大家鼠係一個實驗室嘅籠入面，再定時定候電佢，每次電佢之前都閃一閃盞燈，隻大家鼠好快就會學識盞燈閃表示就嚟要俾人電，會識得驚燈閃（睇上面「古典制約」）；而如果喺跟住落嚟嘅時間，個研究者改為每次都淨係閃燈唔電隻大家鼠，隻大家鼠好快又會學識燈閃同痛楚之間冇咗啦掕，於是慢慢唔再對燈閃有「驚」嘅反應－隻大家鼠由「會對閃燈有驚嘅反應」變成冇咗呢種反應，所以習慣化就發生咗。習慣化嘅過程喺個刺激出現得頻密嗰陣發生得零舍快。動物幾乎冚唪唥都曉做習慣化，就連某啲敏感啲嘅植物物種都會做習慣化。

敏化作用（sensitization）係習慣化嘅相反，指一個反應發生嘅機會率或者強度隨住個刺激一再噉出現而上升。一個日常生活當中嘅例子有搵啲嘢捽隻手臂嘅皮膚：喺一個正常人類當中，嚿嘢啱啱開始捽隻手嘅皮膚嗰陣唔會有乜嘢特別感覺，但係捽吓捽吓就會開始覺得痛－一個反應發生嘅強度隨住個刺激一再噉出現而上升。敏化作用喺人類同第啲動物對毒品嘅反應嗰度成日都會見到：例如係對某啲毒品嘅研究就發現，當一個人重複噉吸食過呢啲毒品之後，佢個腦入面嗰啲神經細胞之間嘅突觸會有所改變，令到個人下次再吸食嗰種毒品嗰時反應會更加強烈，而呢種作用同毒品上癮有啦掕。

廿世紀上半橛嘅心理學研究由行為主義主導：19 世紀佛洛伊德（Sigmund Freud）嗰套精神分析理論因為缺乏可否證性，而喺廿世紀開始冇人再用，亦都令當時嘅心理學界開始主張應該輕視好似思緒呢啲內在、冇辦法直接觀察嘅嘢，而改為以行為主義做主流，傾向淨係研究外顯行為；但廿世紀中開始有實驗方法研究動物嘅認知（cognition），例如當時有實驗試過擺隻大鼠喺一個迷宮入面，再俾佢自行噉搵出迷宮入面嘅嘢食，跟住研究者再要隻大鼠以迷宮嘅另一個點做起點再搵嘢食，發現一隻大鼠唔會盲目行返上次行過嘅方向（唔會因為上次轉右而盲目噉跟住轉右），而係識按自己起點嘅位置調整行嘅路線，呢類研究證實咗，外界刺激同行為之間嘅關係受到某啲內部嘅認知過程做中介調控嘅，引起咗認知科學（cognitive science）－研究認知嘅科學領域－嘅誕生。

認知科學可以話係對行為主義研究嘅一個延伸：行為主義研究證實咗，外界刺激可以造成行為上嘅改變，而認知科學就進一步研究喺「外界刺激」同「行為改變」之間做中介嘅認知過程（cognitive process）－認知科學嘅基本諗法係，當一隻動物受到外界刺激影響嗰陣，佢個腦入面會發生一啲資訊處理過程，呢啲資訊處理跟住會令佢嘅行為起變化。認知科學研究嘅對象就係喺呢個過程當中扮演中介角色嘅認知過程。

喺各種認知過程當中，記憶（memory）可以話係對學習嚟講最緊要嗰一個。記憶喺認知科學上俾人界定為個心靈（人嘅心靈主要位於腦）將啲資訊入碼、儲起同喺有需要嗰陣提取（retrieve）出嚟用嘅能力。記憶對於動物（包括人）嘅體驗嚟講至關重要，記憶令一隻動物喺某一個時間點嗰度體驗到嘅經歷（俾人電、睇到研究者郁手打波波公仔、或者喺幼年期個照顧者嘅樣）影響佢將來嘅行動，例如當一隻大鼠喺一次操作制約實驗當中俾研究者電過之後，佢個腦會以某啲形式記住俾人電嘅經歷，而呢個記憶會影響佢將來嘅行為－令外界刺激同將來嘅行為有啦掕。

喺心理學同認知科學等領域嘅研究嗰度，腦一般都俾科學家睇做一個資訊處理系統，會儲起各式各樣嘅記憶：

記憶嘅開端係感官－眼耳口鼻等嘅器官會由外界接收各種嘅資訊，啲感官嘅神經細胞會以各種訊號將啲感官收到嘅資訊傳去個腦嗰度，而工作記憶（working memory）跟手會暫時儲住個腦用緊嗰啲資訊，呢啲資訊當中有一啲可能會俾個腦斷定需要儲起做長期記憶，並且對隻動物嘅行為產生更深遠嘅影響。

情節記憶（episodic memory）係指一啲會掕住時間地點嘅記憶，例如係一個人對某件發生喺某個時間空間嘅事嘅記憶（「我記得阿爸今朝臨出門口之前講過，話佢今晚會夜啲返屋企」）。呢種記憶可以引致學習，例如一個細路俾狗咬過一次之後對嗰次俾狗咬有好深嘅記憶，令到佢從此之後都驚狗（好似古典制約噉將「狗」同「痛楚」聯想埋一齊），就係一個情節記憶引致學習嘅例子。研究顯示，人普遍都能夠喺冇專登記住嘅情況之下準確噉認得情節記憶嘅細節，顯示人嘅記憶容量相當之大。

語義記憶（semantic memory）係指一啲唔受時間地點影響嘅記憶。同情節記憶比，語義記憶係更加廣義化（generalized）嘅，一個情節記憶會掕住一個特定嘅時間地點，而語義記憶就係對某啲概念或者事物嘅認識。舉個例子說明，喺個細路俾一隻狗咬到之後，佢腦內會有「某年某月某日喺某個地方俾某隻狗咬」（一個情節記憶），而跟手佢可能會將呢個記憶廣義化，變成「狗普遍都係危險嘅」－後者係一個語義記憶，唔受制於時間地點。由情節記憶普遍化出語義記憶嘅過程令到人（同第啲動物）曉由經驗嗰度學習一啲普遍嘅定律，了解自己周圍嘅世界。

有認知科學家主張，人同第啲動物嘅心靈係按貝葉斯定理（Bayes' theorem）學習判斷世界嘅系統。假想有兩件事件， 同 ， 係  發生嘅機會率， 係  發生嘅機會率，根據貝葉斯定理，（已知  發生咗， 發生嘅機會率）可以用以下呢條式計：

舉個例說明，有一個地區，個地區嘅人當中有 0.1% 嘅都有一隻病（）；而家有個新測試（「測試出陽性反應」係 ），而打前嘅醫學研究顯示，如果個病人真係有嗰隻病，個測試有 90% 機會呈陽性反應（），但就算個病人冇嗰隻病（），個測試都有 9% 嘅機會呈陽性反應（， 大約係 0.1）。家吓有個住喺呢個地區嘅人去做咗個測試，出咗陽性結果，用貝葉斯定理嚟計嘅話，佢真係有嗰種病嘅機會率（）大約係 10% （個測試唔多靠得住）。

根據主張貝葉斯腦假說（Bayesian brain hypothesis）嘅認知科學家，一個心靈會透過自己過去嘅經驗，計算一大柞  嘅數值，以此作為自己對「世界係點運作」嘅模型（internal model of the world）：想像一個心靈，佢內部會記住若干份經驗（有  同  呢啲資訊），而佢可以按過去嘅經驗計返 －例如喺習得性失助實驗裏面，隻動物記得 10 次受痛楚嘅事件（），而喺某幾次事件當中佢有嘗試避開個痛楚（），喺某幾次入面佢冇（），但次次都一樣遭受痛楚；佢個腦計咗之後會發現，自己行動咗跟住受苦嘅機率（）同自己唔行動而受苦嘅機率（）相約，－形成一個「我行唔行動結果都係會受苦」嘅諗法，令佢進入習得性失助嘅狀態。 

教育學（pedagogy）係一門專門研究點樣透過教育嚟傳播知識嘅社會科學。教育學家會考慮行為主義同認知科學研究嘅結果－例如係點樣獎勵或者懲罰學生，就會用到操作制約嘅概念。同呢啲科學研究唔同嘅係，教育學對學習嘅研究集中於研究人類喺有組織嘅教育之下嘅學習，而科學上嘅研究比較普遍化－會研究各種動物喺各種環境下嘅學習。亦都因為噉，教育學比較少做實驗－例如行為主義研究就因為研究嘅對象可以係非人類動物，所以可以好輕易噉將研究對象擺喺實驗室研究；但教育學集中研究人類，而（例如）擺個人類細路喺實驗室入面搵電電佢會有道德上嘅問題，所以教育學比較少會用實驗，而比較傾向用問卷調查同訪問等嘅形式進行研究。

喺教育學上，教育（education）俾人定義為一套有系統噉將知識、技能、價值、同信念傳授俾學生嘅過程。教育係一連串活動，涉及一個社會入面嘅大人嘗試影響啲細路或者其他大人嘅學習過程－行為主義同認知科學嘅研究經已表明咗，就算冇第啲個體特登教佢嘢，任何一隻動物（包括人類）都會自行觀察身邊嘅環境同人嚟去學習，但係教育喺人類社會當中好重要，因為教育能夠幫手確保一個社會入面嘅成員冚唪唥都會學識某一啲（喺嗰個社會入面生存必需嘅）知識、技能、價值、同信念。教育學家研究重點就係運用行為主義同認知科學研究得到嘅知識嚟改善教育嘅方法，幫助人類學習。

現代嘅教育學上有好多種類嘅學習方法，但學習方法大致上可以分做兩大類：被動同主動。

被動學習（passive learning）係最傳統嘅學習方法，喺廿世紀或者之前嘅學校常用。喺被動學習嘅過程當中，個教導者會跟住一個特定嘅課程大綱將要教嘅資訊（主要係教科書嘅內容）喺班房嗰度直接噉傳達俾班學生知，等班學生將啲資訊內化，而且好多時個教導者唔會點樣俾反饋（feedback）個學生聽或者俾佢哋做討論。跟手個教導者仲會用測驗同考試等嘅形式嚟評估啲學生係咪記住咗所教嘅內容。

呢種學習係以老師做中心嘅，好處係實行起上相對比較容易、成本低，可以用數量少嘅老師向大班學生做教學，而且因為被動教學成個教學過程由老師主導，所以要控制班房嘅秩序比較容易；唔好處係好多時會搞到啲學生淨係為咗考試而死背老師教咗嘅知識，而上完個課程之後就唔記得嗮所學嘅嘢。

主動學習（active learning）係廿世紀尾開始興嘅一種學習方法。主動學習分好多種，但共通點係喺教學過程當中由學生做主導，例如係喺教書途中停低俾啲學生做寫作練習、分組討論、俾啲學生自我評估、喺實驗室做實驗、以及係課堂上嘅辯論呀噉。喺呢啲過程當中，老師嘅角色由講書同設計考試變成負責創造一個學習環境，等啲學生能夠靠佢哋自己發現知識，重點係要學生喺自己嘅學習過程當中做多啲決擇，能夠喺一定程度上決定自己要學啲乜同埋經過乜嘢過程去學，而唔齋係老師教乜佢哋背乜，例如喺分組討論當中，每一組學生所諗到同睇過嘅論點都會有啲唔同，所以學生唔會吓吓都淨係跟從老師俾嘅方向學習。呢種教學法喺執行起上嚟比較難，但係喺某啲情況下能夠有效噉提升學生嘅動機同學習上嘅主動性。

切向學習（tangential learning）係指一個人喺做緊一啲佢哋鍾意嘅（課外）活動嗰陣，自行噉學習某一個特定課題嘅知識。例如有研究發現，啲人喺玩過一隻個故仔建基於某段歷史嘅電子遊戲之後（例如唔少動作遊戲同戰略遊戲將故仔背景設喺二戰時代），會有興趣走去學多啲有關嗰段歷史嘅知識。

切向學習仲可以用系統化嘅方法改良，而事實係喺廿一世紀初，用電子遊戲做切向教學經已成為咗一個受人重視嘅課題：有電子遊戲設計方面嘅研究指，將學習內容有技巧噉內置喺隻遊戲入面係遊戲設計嘅一個重要因素，而能夠引起玩家主動學習嘅遊戲通常比較受好評同好賣。一個出名嘅例子有文明帝國系列（Civilization），文明帝國系列係一系列嘅回合制策略遊戲，涉及個玩家嘗試建立一個文明，並且同由人工智能或者第啲人類玩家控制嘅文明競爭。呢個遊戲入面有用到唔少歷史方面嘅知識，而且個遊戲本身仲內置咗一個百科嚟講解隻遊戲當中用到嘅歷史知識，令到玩家無意間一路玩一路學習咗歷史學方面嘅知識同思考方法。「點樣用電子遊戲做切向教學」嘅問題喺廿一世紀教育學界舉足輕重，而學界甚至已經有咗專門嘅學術期刊嚟做呢方面嘅研究。

學習遷移（transfer of learning）係指用自己已有嘅知識去處理之前未處理過嘅問題。學習嘅過程往往喺由某啲外界刺激開始嘅，但係喺實驗室以外嘅世界好少可會有兩個刺激係完全一樣嘅，所以隻動物實要一定程度上將喺一次經驗學到嘅知識普遍化（廣義化）。舉個例子說明：想像有個人細個嗰陣俾一隻德國狼狗咬親，佢大個咗，有一日行行吓街撞到一隻哈士奇；佢個腦就要決定好唔好驚嗰隻哈士奇，如果佢個腦選擇將俾德國狼狗咬嘅經歷普遍化成「所有德國狼狗都係危險嘅」，噉佢就理應淨係會驚德國狼狗唔會驚哈士奇，而如果佢個腦選擇將次經歷普遍化成「所有狗都係危險嘅」，噉佢就會驚隻哈士奇－「普遍化嘅程度」會影響到佢個腦喺邊啲情況下會應用佢學到嘅記憶。學習遷移喺教育學上係一個相當受關注嘅課題，因為呢個現象表示，（例如）一個學生就算喺班房入面學識咗某一樣技能，都唔代表佢實會識得喺工作場合當中展示嗰種技能。



#Article 21: 夏 (國) (133 words)


夏（約前2000年—約前1600年），又叫夏國，係中國古國。按斷代史，叫夏朝或夏代。中國史書，記夏承虞，俾商所滅。夏周圍有萬國，以夏爲首，結成部落聯盟。現時無考古文字確證，夏曾存在世上，但仍會按商前嘅考古發現，當係夏代各國遺物。夏朝文物，西元前一千六百年以前嘅文物，有唔少青銅同玉製嘅禮器，文化同文明程度，高過新石器後期文化。雖無確證，亦難否認夏存在過。若然有文字，而寫喺易敗壞之物上，都可能流傳唔到，只能口耳相傳及日後記載。商就係甲骨同埋青銅器文字，是爲確證。史書記載「禹時五星累累如貫珠，炳炳若連璧。」天文計算，西元前1953年2月26號，有一次好好嘅五星聚會，係夏代紀代參考。 

史書記載，聯盟領袖，夏國嘅禹，傳畀個仔啟續承。聯盟以夏國君主爲首，唔再禪讓，改為世襲。夏傳十三世，十六王（一說14代、17王，主要係大禹係君主定係部落聯盟首領呢個有爭議嘅問題），大概四百年後，俾商國所滅。

按照考古學嘅標準，夏不能確認，或者話，嚮有力嘅文物出土之前，諸如證明商朝存在嘅甲骨文，學術上唔承認夏。之所以有夏，可能係後人記錄或杜撰。華人傳統觀念，雖則未文字考古實物，會視夏係真有其事。但從考古學嘅角度來睇，就唔夠嚴謹。不過另一批西方史學家，批評中國史學、考古學界，過於疑古，低估傳說同神話於史學用處。據中國社會科學院考古研究所殷瑋璋教授所講，由於流傳至今，夏時史料，非常匱乏，史上有冇夏，畀好多人懷疑。但係《史記》，《夏本紀》記載有夏國世系，而同一書《殷本紀》記載商國世，兩者同樣明確，商世系嚮安陽殷墟出土嘅甲骨卜辭中，得到證實，可推斷《夏本紀》中所記夏世系，多數學者認爲可信，而商在此之前，就同夏一樣，係不爲主流睇法接受。咁樣，考古學家，見安陽殷墟、鄭州商城等商嘅物質文化遺存，深入認識後，再探索夏文化，希望用考古手法，揾到夏代嘅物質文化遺存，進而恢復夏代史。 

目前河南偃師二里頭文化，發現宮城，距今三千六百年，面積達十萬八千平方米，比起附近偃師，商國都城，面積大好多，重發現咗距今三千七百年嘅車轍，係同史書中夏代同時代嘅文物。中國政府已專門撥款，開始夏商周斷代工程，用力研究夏代。學術界對二里頭文化，有兩種睇法，一種認為二里頭文化一至四期，都係夏文物，宮城係夏都；另一種認為，一二期係夏朝文物、三四期係商文物，宮城係商都。今下為止，夏都城考古實據，未能確認，現時夏僅存在於古代文獻中。

徐旭生為等古史學家，依據文獻資料，提出有兩個地區，可能係夏人活躍，一係河南西部嵩山，附近嘅登封、禹州同埋洛陽平原；另一係山西南部嘅汾水下游。傳說中夏都邑同一啲重要嘅歷史事件，大多同呢個兩地有關。一九五九年開始調查「夏墟」，拉開咗夏文化探索嘅序幕。四十年來嚮豫西、晉南，一直有做考古調查同發，令夏文化探索嘅目標，日漸縮細。目前，多數學者認為，以偃師二里頭遺址命名嘅二里頭文化，包括二里頭類型同埋東下馮類型，同埋豫西地區嘅龍山文化，係探索夏文化嘅主要對象，並對夏文化問題，發表咗各種睇法。但因為缺乏文字等直接證據，目前學術界對邊種遺存，先係夏文化，重未有共識。不過無論龍山文化，定係二里頭文化，都已經累積咗相當豐富嘅資料，有條件解決呢個問題。

文獻記載，夏之前，夏國部族，同周圍其他部族，時時爲做聯盟首領，爭戰頻繁。夏國大概喺帝顓頊以後，逐漸興起。有唔少古代文獻，都將夏人追溯到帝顓頊。其中《史記》《夏本紀》同埋《大戴禮記》《帝系》，稱禹為顓頊個孫，但有又有文獻話，禹係顓頊嘅五世孫。呢啲文獻表明，夏人好有可能係顓頊部落嘅一支後裔。

夏人鯀，係最早記載一位。《國語》《周語》話鯀係夏人首領，封嚮崇，稱為「崇伯鯀」。之後禹繼承咗鯀，為「崇伯禹」。咁就表明夏人早期活動，喺崇附近。當時黃河泛濫，為咗抵抗洪水，唔少部落形成咗部落聯盟，四嶽推舉為鯀負責治水。治水九年，終告失敗。鯀失敗嘅原因，好有可能係不善於團結族人，與各部落關係不好。《尚書》《堯典》記載，堯最初認為鯀方命圮族、毀敗善類，反對鯀做治水。推斷鯀嚮擔當治水時，唔少部落對佢不滿。《尚書》《洪範》喺《國語》《魯語》中又提到，「鯀障洪水」，話鯀治水嘅方法，主要係用土木堵塞，而最終失敗。錯法或者係失敗原因之一。總而言之，鯀治水失敗後，遭殛死羽山。

禹係鯀個仔。記載中不見禹爲父而怒，反而恭敬舜，得到舜信任。舜就將治水任務交畀禹。禹改進咗佢亞爸方法，團結各部落人，令治水成功。《史記》《夏本紀》記載，禹治水時，「勞身焦思，居外十三年，過家門不敢入」，佢艱苦卓絕嘅精神，後人廣爲歌頌，呢個有可能促進咗各族人團結。《孟子》《滕文公》提到，禹嘅治水方法，「疏九河，瀹濟、漯而注諸海；決汝、漢，排淮、泗而注之江。」

禹治水有功，農業得以大進，夏人勢力增強，成為部族聯盟首領。隨後舜又派禹，討伐三苗。禹將三苗驅趕到丹江同漢水流域，鞏固王權。《墨子》《非攻》中講道，禹克三苗後，「別物上下，卿制大極，而神民不違，天下乃靜。」寫法有少少誇張，但可以講明，禹喺治水同討三苗成功後，夏人已提升到當時黃河流域文化，到前所未有嘅重要地位。舜將帝位禪讓畀禹，禹嚮塗山召集過部落會盟，再次征討三苗。《左傳》記載「執玉帛者萬國」參加咗塗山會盟，可見當時夏人影響力。有一次嚮會稽部落會盟時，防風氏首領遲到，畀禹處死。呢個表明，夏人嚮穩定權力後，開始濫權。黃帝族為核心嘅夏人聯盟，政權日益鞏固，各地經濟，關系同樣加強。文獻中，時有禹畀諸侯部落，以路途嘅遠近，來分納貢，體夏人控制周邊部落經濟。

古代文獻亦屢有描述，禹晚年權勢欲，甚爲強烈。禹雖然想將權力，保持夏人內，但顧慮禪讓傳統，所以佢採取靈活辦法。禹先任命幾有威望嘅有偃氏首領皋陶為繼承人，以表示禹對禪讓傳統嘅尊重。然而皋陶年紀重大過禹，重未等到禪讓，皋陶已經死咗。禹又任命益為繼承人，東夷族首領冇幾多影響力。然而當時好多部落，都唔支持東夷族嘅益，反而相信禹個仔啟。禹認為益得唔到各部支持，必定會禪讓畀佢個仔啟。

禹死後，益並未得到權位，反而嚮民眾嘅擁護下，啟得到咗權位。於是益率領東夷族聯盟討伐啟。經過幾年後，啟殺咗益，確立王位。呢個就係大多數史學家，認為中國嘅第一個世襲制王朝。隨後，重有唔少傾向禪讓傳統嘅部族，質疑啟嘅權位。居於當今陝西省關中平原一帶嘅有扈氏，率領聯盟討伐啟，嚮甘，卽今陝西省戶縣之南，大戰。戰前啟稱佢嘅權位係「恭行天」，呢個就係幾百年後周天子論嘅雛形。啟擁有中原民眾嘅贊同，嚮人數方面佔絕大優勢，最終打敗有扈氏。啟呢兩勝，當時中原社會觀念，從傳統嘅禪讓，轉向世襲。

啟能歌善舞，成日搞盛宴。其中最大嘅一次係嚮鈞台，卽今河南省陽翟，此即鈞台之享，重喺「天穆之野」（位置不詳）表演咗精彩嘅歌舞。《山海經》《海外西經》記載啟跳舞嗰時「左手操翳，右手操環，佩玉璜。」甚至有文獻話啟，曾經上天取樂舞。啟視為中國古老嘅樂舞文獻《九辯》、《九歌》同埋《九招》嘅原作者。

夏人原先姓姒，但從啟開始，改用國名「夏」做姓。同時啟唔再用伯呢個銜號而改用后，即「夏后啟」。

啟統治期間，佢個仔武觀成日作亂。《韓非子》《說疑》話佢「害國傷民敗法」，最終受誅殺。除咗夏氏族內部嘅糾紛，為爭奪方國部落聯盟權威，而成日同東夷族作戰。

啟死後，佢個仔太康繼承咗後位。太康只顧住嚮田野玩，唔理政治，在位期間，夏人權威削弱，東夷族太昊同埋少昊部落趁機西進。東夷族有位善射嘅首領羿。《呂氏春秋》《勿躬》認為弓就係羿發明嘅。羿率軍從東夷屬地鋤遷（同【鋤】音意，左金字旁、右【且】）到咗有夏氏屬地嘅窮石，卽今河南省洛陽南面，同當地夏人通婚，結好關係，形成咗有窮氏。從而令羿嚮夏民嘅擁護下，奪得夏政。隨之太康投奔斟尋嘅斟尋氏。

羿奪得權位後並未稱王，而係將太康嘅細佬中康設為夏后。但事實上，國事全部由羿治理。引起唔少部落不滿。其中主持天象活動嘅有和氏同埋有羲氏公開反對。羿話佢哋廢時亂日，派兵討伐佢哋並且取勝。

中康死後，佢個仔相繼位。隨後，相投奔親夏嘅斟尋、斟灌氏。從此，羿獨承夏后權位。但得權後，羿就好似太康咁，唔再理國事，成日喺野外射獵。佢廢咗武羅、伯困、龍圉等忠臣，但就重用畀伯明氏驅逐嘅不孝子弟寒浞。寒浞網羅黨羽，權力日益增大。終於有一日，佢趁羿出外射獵嘅機會，將羿同佢屋企人殺晒。奪取咗有窮氏嘅大權。寒浞將戈封畀佢個仔「豕壹」（一個字），將遼封畀佢一個仔澆。澆率兵眾滅咗親夏嘅斟灌氏同埋斟尋氏，殺咗嚮斟尋躲避嘅相。相嘅老婆緡嗰時已經有咗相個仔，佢從牆洞避開澆，走到佢阿媽有仍氏屋企避難，冇幾耐就生咗少康。留意，太康、中康、少康均名康，但為咗唔混淆，加注輩分。

少康大咗之後，為有仍氏牧正，結果俾澆知道咗。澆又派人去追殺有仍氏，少康無奈逃奔有虞氏，即舜嘅後代，躲避。有虞氏當時無仔，得兩個女，對少康格外款待。佢哋將綸邑送咗畀少康，少康就以綸邑為根據地，組織兵眾。佢開始收集存餘嘅夏人，設官分職。喺澆廷中設間諜，準備恢復夏朝。呢個時候，喺有鬲氏躲避嘅原夏臣靡聽到少康準備恢復夏室，親自帶領斟灌、斟尋氏殘餘民眾同少康聯合擊敗寒浞。復立少康為夏后。少康又喺過滅澆，又派佢個仔杼喺戈滅「豕壹」*（一個字）。至此，控制中原三世近百年嘅東夷族有窮氏，終於覆滅。太康失國至少康中興表明住，華夏族平定中原方國部落，尤其係東夷族，過程以及最終嘅勝利。

少康結束咗後羿同埋寒浞四十年左右嘅統治，恢復咗夏人政權，史稱「少康中興」。少康死後，佢個仔杼立。佢重視發展武裝同埋製造兵甲。形成咗夏代中興嘅局面。

夏經過較長時間中興穩定，到孔甲時，內部衝突日激。從孔甲經皋同發，到履癸，即夏桀，內亂不止。

夏國後期，特別係最後桀，暴虐無道，俾商族部落首領商湯乘機而入，率大軍同夏軍喺鳴條打過（一說河南中部，另一說山西安邑），即鳴條之戰，夏桀失敗，逃到安巢，卽今安徽巢縣，並死嚮嗰度，夏國亡，商誕生。

夏國疆域，以今日來睇，西起河南省西部同山西省南部，東至河南省、山東省同河北省三省交界處，南起湖北省，北至河北省。當時夏勢力，延到黃河南北，甚至長江流域。夏都有幾個：陽城，卽今河南省登封嘅東部，酌鄩，今河南省登封嘅西北部，安邑，今山西省夏縣西北部等地。

夏國直接來源於部落聯盟，特徵係：

夏人已經掌握天文歷法等知識，《夏小正》即係中國最早曆書。冶鑄銅業，係夏代新興嘅重要手工業。

二里頭一、二期文物中出現玉製禮器，證明佢已經有相當文化水準。

夏代，農業文明到咗好高嘅程度，傳說禹嘅大臣儀狄開始造酒，少康又發明咗秫酒嘅釀造方法。為咗適應農業需要，探索出農事季節嘅規律，現時重流行緊，有時稱為夏曆嘅農曆就係嗰個時代發明。

畜牧業有一定發展。有一大批奴隸從事畜牧工作，重有一啲專門從事畜牧業嘅氏族部落。養馬得到相當重視。

此外製陶業，嚮夏代可能已經成為獨立及極為重要嘅行業。

至於青銅器，中國已經發現咗二里頭文化嘅銅刀。如果二里頭文化視夏文化，咁呢件青銅器就係夏代。夏代人架生，以石器為主。

夏國都城出現咗車，但重未能夠確認係人力車定係馬車，因為車轍只有一米闊，同商兩米闊嘅車轍唔同，商國已經確認用馬車。

禹執政期間，征戰贏苗族，迫佢退到長江流域，從此以後，佔據黃河流域嘅黃炎族，中原地位更加鞏固。禹做共主之前，最偉大嘅功績就係治水。據說大禹吸收亞爸鯀失敗嘅教訓，唔再用圍堵法治水，而用疏導法治理洪水，三過家門不入，終於平水土，定九州。禹重改善咗灌溉工程，有利農業。禹嗰時嘅伯益發明鑿井、奚仲發明造車，禹時用銅做兵器，顯然，禹時生產力大振。據說，禹時開始建城，並由儀狄發明瞭用穀物釀造甜酒嘅方法。呢個表明，當時嘅私有制發展，已經形成階級。禹死後，眾酋長擁戴禹個仔啟，於是廢禪讓，由禹嘅後裔開創嘅夏王朝正式開始。


#Article 22: 商 (國) (134 words)


 

商，又叫殷或者殷商等，係中國古代一國。以中國斷代史計，係一個王朝，叫商代或商朝，上承夏朝，下接周朝。因為年代久遠，現時學者對殷商嘅確實年期無共識，一切都係推斷當中。傳說中商嘅始祖係契，但睇返現存甲骨文所推斷，殷商立國始祖係上甲，即係《史記》殷本紀嘅微。到咗約莫公元前1600年，商王大乙（即係太乙，名唐，《史記》嘅天乙或湯），滅咗夏。經歷五百幾年，約莫響前1046年1月20號，畀周武王姬發滅咗。

商係中國各古國之中，最早留有文字記錄一國，當時文字家下叫甲骨文，響牛骨或者龜殼占卜刻字來。另外亦有青銅器嘅金文。令中國信史由周代推至商代。

西方學者一般認為，夏朝嘅存在冇確鑿嘅證據，因此只屬傳說；中國嘅第一個朝代應該係商朝。按照佢嘅文明標準，中國嘅文明史只可以由盤庚遷殷開始計，得3000年。呢度指出，呢啲學者嚮20世紀上半葉、殷墟遺址被發現之前，同樣認為商朝只係一個傳說中嘅王朝。但殷墟出土嘅甲骨文印證咗史記所載商王世系表，故此商朝嘅存在再冇爭議。偃師二里頭文化嘅考古成果對夏朝嘅存在提供咗支援性證據。嚮被普遍睇作蠻夷之地嘅非中原地區，以成都、廣漢為中心、以青銅器聞名嘅三星堆文化，亦創造咗不亞於中原商朝嘅高度文明，距離而家有4000年咁耐。

夏代末年，夏王室內政不修，外患不斷，桀即位後不思改革，驕奢淫逸，四方諸侯紛紛背叛。西元前1600年左右，商部落首領湯聯合其他部落消滅夏王朝，建立商朝。商始定都於亳（今河南商丘），夏亡後都城西遷，繼續叫亳（今河南偃師）。

商湯立國後，採用咗「寬以治民」嘅政策，嚮賢臣伊尹同仲虺嘅輔佐下國力日益強盛。商湯死後，因為個仔大丁早死，由大丁細佬外丙繼位；外丙死後，佢細佬仲壬繼位；仲壬死後，又以大丁個仔太甲繼位。太甲即位三年，因暴虐無德俾伊尹放逐桐宮。太甲住喺桐宮三年，悔過自責，伊尹接返太甲兼還政。後世權臣廢立皇帝稱「行伊尹、霍光之事」。

商代前期多次遷都，到盤庚在位期間定都於殷（今河南安陽），並固定落嚟，從此商朝又叫殷朝。盤庚遷殷以後，商朝社會經濟進一步發展。直至武丁即位之後，商四出討伐，征服咗周圍好多小國，擴大領土，商朝達到全盛時期。
 
武丁死後，商朝逐漸衰落。商代最後一個王帝辛（紂王）對開發中國東南，對淮河流域同長江流域嘅經濟文化交流有好大促進；但由於連年發動戰爭同埋大規模噉起瓊宮瑤台，大大耗費社會嘅人力同埋錢，令社會矛盾激化，周武王聯合羌、髳、盧等部落，一齊打紂，一直打到朝歌（今河南鶴壁市淇縣）。班奴隸唔肯為荒淫無度嘅紂王賣命，紛紛倒戈，牧野之戰後，紂王自焚，商朝從此滅亡，周王朝建立。

商朝嘅勢力範圍東至大海，西至陝西省西部，東北去到遼寧省，南至江南一帶（唔包括四川雲南貴州等西南地區），係當時世界上一個大國，但主要治理區域重係中原一帶。建都亳（今山東省曹縣以南地區），曾經搬過幾次，後來盤庚遷都殷（今河南省安陽小屯村），因此商都被稱為殷。

商王朝建立咗一套比較完整嘅國家機構。中央分設管理政務嘅卿事寮同埋主持祭祀嘅太史寮二大機構。地方用侯、邦伯加強各地嘅統治，重有大批宮廷侍衛。同時商朝王室重掌握住大批武器同軍隊，貴族重設立咗殘酷嘅刑法同埋監獄。另外，重用宗教觀念來鞏固統治地位，商王甚至自稱係上帝嚮人間嘅代表，將神權同埋王權結合。

商朝嘅農業比較發達，可以用多種穀類釀酒，已經可以鑄造精美嘅青銅器同埋燒制白陶。由於交換嘅發達，已經出現早期嘅城市，係當時世界上文明發達嘅國家，由於商王朝商業嘅發達，同周邊國家經濟貿易往來好多，今日商人一詞，源自當時周邊國家對商朝國人嘅稱呼。農業係最重要嘅經濟部門，農田有比較整齊嘅規劃，農作物種類有黎、粟、稻、麥，發明咗中耕；有蠶桑經營，紡織業有所發展；商代除有六畜外，重馴養象，畜牧業相當發達。

商代開始初步掌握冶鐵技術，製陶業、商業都好興盛。商代甲骨文嘅發掘，證明商代嘅文字發展已經經歷咗一段漫長嘅時期。天文曆法比夏代進步，天象學上都有新嘅發現，啲人發現咗火星、彗星，此外重有數學同埋疾病嘅記載，音樂嘅成就好大，出現了專習音樂、舞蹈嘅樂人；雕塑係商代工奴最突出嘅工藝成就。

注：盤庚至帝辛嚮位時間、年數，據郭偉《夏商周斷代工程結論夏商周年表疏証》作修正




#Article 23: 喇沙書院 (181 words)


喇沙書院（La Salle College）係香港男子天主教中學，由喇沙會修士於1932年創立，位於九龍城區。

學校於1932年1月6號正式開幕，由七位修士共同管理。艾瑪修士成為首任校長。幾天後，40名學生開始喺校舍西翼寄宿。當時有14班，共540名學生。大概三分之一嘅學生有歐洲（特別係葡萄牙）血統。

其後七年，學校喺艾瑪修士嘅主理下蓬勃發展。學生喺大學入學試取得優秀嘅成績。幾個實驗室、四個網球場同一座標準足球場相繼落成，並喺校園內豎立一座聖約翰·喇沙嘅塑像（保留至今）。學生人數於1935年增至805人，去到1939年更達1060人。

為咗紀念艾瑪修士同卡西安修士對學校作出嘅傑出貢獻，學校於2006年開幕嘅兩座新翼，分別以兩位修士嘅名來命名。

新校舍樓高七層，可容納超過1800名學生。校舍作四方城設計，分東南西北四座，中間有花園同籃球場。花園裡面放置咗一座本來豎立喺舊校舍門口嘅火炬型石雕。所有房間都設有中央冷氣，並安裝咗雙層玻璃窗，以減低往來鄰近啟德機場嘅飛機所發出嘅噪音。除咗課室之外，新校舍提供咗大量進行學術同課外活動所需嘅設施，包括物理、化學、生物、綜合科學實驗室各兩個、一大一細嘅演講廳兩個同其他多用途活動室。此外，呢次重建擴充咗唔少運動場地：包括一個全天候400米田徑場（六線），一個標準人造草地足球場，一個奧林匹克標準50米室外游泳池，一個網球場，一個排球場，兩個室外籃球場，一個健身室，一個壁球場，並有一個體育館，可以用作籃球場同六個羽毛球場。佢嘅看台長廊重可以用作乒乓球室及考場。呢啲設施主要由 Rev. Brother Alphonsus Chee 及譚瑪士修士（）主導發展。

為咗加強家長同老師之間嘅溝通，家長教師會（）於1995年1月成立。家教會舉辦好多活動，例如閱讀會，中一新生適應週、春茗、（內地同外地）教育機構參觀交流、舊生分享演講等，構成學校生活極重要嘅一部分。呢啲活動都好受學生歡迎，當中唔少更係以學生作為中堅分子，協辦籌劃嘅。好多家長都係喇沙書院嘅舊生，佢哋隨著呢啲活動同學生接觸頻繁，對於推廣學校嘅傳統文化，建立對學校嘅歸屬感，起咗好大嘅作用。

喇沙書院舊生會（LSCOBA）由世界各地嘅喇沙書院舊生所組成。舊生來自社會各個階層，係支持學校嘅重大力量。多年來，舊生會多次為學校籌集經費，用嚟改善校園環境，並以喇沙書院為中心，搭建咗一個寬闊嘅人才網絡。透過佢哋同學生嘅不斷交流，提高學生嘅個人質素。至2005年為止，舊生會會員人數達到5236人。

喇沙書院學生會（LSCSA）由學校嘅所有學生所組成，係香港少數享有高度自治權嘅校內學生組織。學生會嘅選舉制度喺本港較罕見：以內閣為單位，由二年級或以上嘅學生以一人一票嘅方式選出。呢個制度同普遍學生會由老師挑選，或者由學生選出個別內閣成員唔同，肯定咗學生會嘅自主同認受性，同時確保內閣成員施政理念嘅一致性。

學生會由六個部門組成：

學生會每年都會舉辦各項活動，當中包括天才表演（Talent Quest）、喇沙學生論壇（Lasallian Forum）、聖誕聯歡日（Christmas Gathering）、聖誕舞會（Christmas Ball）同喇沙節（Lasallian Festival）等。

另外，一些學生廣為使用嘅設施，都設有自治組織，如圖書館部、資訊科技部等，負責維護設施同為學生提供協助。唔少自治組織有好高嘅決策權，教師只擔任顧問角色。

學生會同自治組織嘅成員都喺領帶上佩有特定嘅徽章。

由於學校嘅設施遠多過香港一般標準中學，香港政府並無為保養呢啲設施提供額外資助。為咗維修及更新呢啲設施，校方經常要籌集大量資金。有見及此，法蘭西斯修士（）同舊生於1992年成立喇沙基金會，協助校方處理有關資助設施保養嘅問題。

一直以來，學校嘅校長都由喇沙會修士擔任。喺香港修改咗相關嘅教育法例之後，中學校長必須喺60歲卸任。然而，近年喇沙會嘅修士多數被派去發展中地區協助當地嘅教學工作，導致已發展地區，例如香港，缺少適合擔任校長嘅年輕修士。2004年，年屆退休之齡嘅譚瑪士修士卸任後，校長一職由學校舊生劉煒堅博士出任。學生同舊生對校方安排非神職人員擔任校長反應不一。

劉煒堅博士於2006年6月27號喺學校網站上，宣佈因私人理由辭去校長一職，由2006年8月31號起生效。校長一職由當時其中一位副校長王仁傑先生署任。王仁傑先生於2007年3月16號正式被委任為校長。

校長一職於2010年9月1號起由賀敬修士（Brother Steve Hogan）擔任。賀敬修士喺2016年8月31號奉喇沙會命令返澳洲，由副校長唐煥星接任校長。

喇沙書院被視為香港嘅傳統名校，一向喺學業同課外活動上有優秀嘅成績。

喇沙書院都曾經喺校際文化同運動比賽中奪得無數獎項，其中嬴過聯校中文辯論比賽八次，香港電腦奧林匹克競賽學校大獎冠軍五次，都係學界嘅紀錄。喇沙書院嘅學生都踴躍參加演說、戲劇、音樂等文化演出同比賽。

運動方面，喇沙書院於1993-1994、2003-2004及2004-2005年曾包辦甲、乙、丙三個年齡組別嘅九龍區校際羽毛球比賽冠軍，即大滿貫。喺田徑（1950-1951年獲大滿貫、1985-1989年連續五年總冠軍）、羽毛球、籃球、越野跑、劍擊(2010年獲港九區校際劍擊比賽團體賽大滿貫)、足球（1947-1949年、1972-1973年、1987-1989年獲九龍區大滿貫、1982-1990年連續九年總冠軍）、曲棍球、壁球、壘球、游泳、乒乓球、網球、排球（1985-1986年獲九龍區大滿貫）等體育項目嘅校際競賽中，喇沙書院都奪得或者曾經奪得總冠軍。其中，乒乓球校隊於2001年起至今都係總冠軍。

奧米加玫瑰碗同埋後繼嘅中銀香港紫荊盃係頒畀喺香港及九龍區參同特定體育項目整體成績最好嘅中學嘅獎項。喇沙書院曾奪得上述獎項共25次（1974-1991年，1993-1994年，1999-2006年），係學界體壇保持嘅最高紀錄。

為慶祝創校70週年，1932個學生、舊生、家長同老師於2002年2月3號喺喇沙書院田徑場上「大環抱」，打破最多人同一時間互攬腰間嘅紀錄，被列入《健力士世界紀錄大全》——「環抱一家親」。  但個紀錄於2004年4月23號俾加拿大一間學校打破。

喇沙書院喺香港數學競賽都攞到唔錯嘅成績，佢哋曾經攞過12次冠軍同4次亞軍，都係學界紀錄。

喇沙書院非常重視自己嘅傳統，呢啲傳統隨著學校嘅歷史、宗教等因素、歷任校長同舊生嘅言行積累。學生同舊生嘅成就為學校帶來光榮，加上唔少舊生曾經返書院任教，都為發揚傳統創造咗良好嘅條件。

中六學生可以打一條繡滿校徽圖案嘅領帶，呢條領帶被稱「舊生呔」，同一般紅丶紫斜線相間嘅校服領帶唔同。

原本斜線相間嘅喇沙校呔喺1960年代設計。但由於製造商整錯咗，令到校呔中嘅紫色逐漸變淡，變成紅白相間呔。

由於LSCOBA堅持要保留喇沙傳統，就喺2009-10年度轉番做紅紫相間校呔。不過好多學生都極力反對呢個政策（尤其係中一生，覺得俾人標籤）並喺Facebook建立群組「強烈反對喇沙更改校呔設計」。而09-10年度嘅SA President-Johnny Chang亦都訪問Form 1仔，向校方提出改番做紅白相間校呔，但都係無以為繼。

喺大型嘅校際運動比賽中，特別係每年三月喺灣仔舉行嘅校際田徑總決賽，某些年級嘅學生唔駛上堂，改為去灣仔組成龐大嘅支持團隊。學生由學生會內閣成員率領叫喊口號，又大唱校歌同其他鼓勵歌曲，揮動校旗，以鼓舞田徑隊嘅士氣。好多學生同舊生都耳熟能詳嘅口號包括「La Salle Spirit: never say die」同「Be calm and do your best; that's all La Salle requests」。

學生會又會設計各式各樣嘅橫額、傳單同貼紙，周圍展示同分派。

學生保留祈禱嘅傳統。每個上課日，學生都要祈禱三次，分別喺上堂之前、小息之後同午飯之後。禱告由班主任或信奉天主教嘅同學（通常係值日生）帶領，頌唸天主經或聖母經等經文，並加上喇沙會學生特有嘅一段：

呢間嘅學生同舊生全部差唔多都啽得出呢兩頌兩答。

原本係英文版，後來由校友黃霑為中文版譯詞。今日，學生同舊生重係比較常用英文版嘅校歌。

英文版：


#Article 25: 經濟學 (655 words)


經濟學（；英文：economics；希臘文：οἰκονομία，「oikonomia」），廣東話日常有陣時會嗌「ji6 kon1」或者「ji6 kon6」，係社會科學嘅一個領域，專門研究貨品同服務嘅生產、消費、同埋分配。經濟學嘅研究範疇包括個體人類嘅行為同互動，以至成個經濟體嘅運作，主要可以按照研究現象嘅規模分做兩大子領域：微觀經濟學（microeconomics）著重分析經濟體嘅基本組成元件同呢啲元件之間嘅互動－「基本元素」包括咗個人、家庭、公司、買家、同賣家呀噉；而宏觀經濟學（macroeconomics）會成個經濟體噉分析，研究一啲描述個經濟體嘅總體屬性嘅變數，好似係本地生產總值、失業率、通脹、同公共政策等等。呢啲微觀嘅物體同埋經濟體嘅宏觀屬性仲會互相影響，形成各種各樣嘅經濟現象。

經濟學唔淨只會客觀噉研究經濟現象，仲會思考一個經濟體點先係「理想」：經濟學有得細分做集中思考「經濟客觀睇係點」嘅實證經濟學（positive economics）同埋集中思考「經濟應該係點」嘅規範經濟學（normative economics）；前者會嘗試理解經濟體跟從乜嘢法則運作，似一門科學，而後者就往往會運用前者嘅研究得出嘅結果，重視思考要點樣操作一個經濟體，先可以令個經濟體達到理想嘅狀態（「理想」係有少少主觀）。規範經濟學喺經濟政策嘅制定上扮演咗舉足輕重嘅角色。

經濟學研究既有理論性貢獻，又有實用價值。經濟學同多數嘅社會科學比起上嚟精確好多，好多時會運用數學方程式描述、模擬、同預測所研究嘅現象。所以學術界喺 1968 年創立諾貝爾經濟學獎（Nobel Memorial Prize in Economic Sciences），承認經濟學係一門嚴謹嘅科學同表揚呢個領域對人類嘅貢獻。

現代嘅學界對「經濟學」有多個定義，當中有一啲反映學界對呢個領域嘅新認識，有啲反映咗唔同學派嘅見解。經濟學之父蘇格蘭哲學家亞當史密夫（Adam Smith）將「政治經濟學」（political economy；嗰時啲人俾經濟學個名）呢個領域定義做「對國家財富嘅本質同起因嘅探討」（an inquiry into the nature and causes of the wealth of nations）噉解，詳細啲係：

但係亞當史密夫嘅見解唔完全受到當代嘅學者接納。喺 1803 年，法國經濟學家  嘗試將呢個領域由佢喺公共政策上嘅用途區分開，將個領域定義做「研究財富嘅生產、分配、同消費嘅科學」，而再後嚟少少嘅英國哲學家米爾（John Stuart Mill）喺 1844 年嘗試響一個社會層面定義經濟學：

打後喺 1890 年，經濟學家  喺佢嗰本教科書《經濟學原則》（Principles of Economics）入面提出咗一個到咗家吓仲有好多人用嘅定義，將經濟學嘅分析擴展到唔淨指包含財富，以及由社會去到微觀經濟層面：

而喺 1932 年，英國經濟學家（Lionel Robbins）諗出咗一個俾人譽為「可能係而家最廣受人接納」嘅定義：

羅賓斯形容話呢個定義唔係分類性噉將某啲類型嘅行為揀出嚟話係經濟學嘅研究對象，而係分析性噉將每種行為嘅一部份揀出嚟研究－即係受到稀缺性所主宰嗰部份。佢話佢之前嘅經濟學家通常都將研究嘅重點擺喺對財富嘅分析上，研究財富點樣俾人創造（生產）、分配、同消費，以及財富點樣增長，但係佢認為經濟學仲有得攞嚟研究第啲嘢，好似係打仗噉，因為打仗嘅各方通常都有一個共同嘅目的（要打贏）、涉及到成本同得益、而且會喺達到目的嘅過程當中會用資源（人命同財產等嘅損失）。如果喺一個局勢當中雙方都冇能力打贏或者成本高過得益好多嘅話，噉做決定嘅人（假設佢哋係理性嘅）永遠都唔會打仗（一個決定），而會嘗試用佢哋嘅資源去做第啲嘢。羅賓斯主張學界唔應該將經濟學界定為研究財富、戰爭、犯罪、教育、或者是但一樣可以用經濟學研究嘅嘢嘅科學領域，而係應該將經濟學界定為一個專門研究呢啲現象嘅某一樣共同部份－用有限嘅資源達到一啲目的－嘅領域。不過要留意嘅係，雖然羅賓斯呢個定義喺經濟學界廣受接納，但都唔係冇人批評。

稀缺性（scarcity）係經濟學最基礎嘅一個概念，佢指嘅係有限嘅資源同理論上無限嘅慾望（want）之間嘅差異：人類有好多慾望，但係就算有咗現代科技，佢哋手頭上嘅資源－錢、時間、精神－都硬係有限嘅，好多時佢哋都冇足夠嘅資源達到嗮佢哋想要達到嘅目的，例如一個人唔夠錢買嗮佢想要嘅嘢，唔夠時間做嗮佢想要做嘅嘢，又或者一間公司唔夠資源生產嗮佢想要生產嘅嘢。因為稀缺性嘅問題，人類需要做犧牲，需要放棄某啲嘢，嚟獲得更多佢想要嘅稀缺（scarce）嘅資源，亦都因為噉樣而有咗競爭，人同人之間會各自犧牲時間精神等嘅資源嚟爭稀缺嘅嘢。舉個例子說明，「人工高嘅工」係一種稀缺性嘅資源：好多人都想要賺多啲錢，所以會犧牲時間精神返工同搵人工高嘅工，而高人工嘅職位嘅數量少過想要呢啲職位嘅人嘅數量，所以啲人就要爭，佢哋會有誘因落力，犧牲更多時間同精神為求爭到嗰啲職位。

世上有一啲資源係冇稀缺性嘅問題嘅，好似係空氣噉就係一個例子，空氣對於地球上嘅生命嚟講不可或缺，但係佢對人類嚟講唔具有稀缺性（雖然對於某啲生物嚟講可能有）：一個正常嘅人類無時無刻一唞就唞到氣，唔使用啲乜嘢時間精神嚟令到自己有氣唞，而且目前地球上嘅空氣充足到不得了，夠嗮人類享用，所以人類根本冇誘因爭空氣－空氣呢種資源嘅量足夠滿足人對佢嘅需求，所以唔具有稀缺性。

稀缺性係經濟學嘅最根本概念。有好多資源都係稀缺嘅，所以人類要做好多決策，決定點樣運用某啲資源（時間、精神等等）去最大噉滿足自己嘅慾望：一個人會想用自己有限嘅收入滿足最多嘅慾望，好多時又會想要有多啲錢（等自己可以滿足多啲慾望），但係錢係有限嘅，所以人同人之間會爭錢、爭人工高嘅工；一間牟利公司會想用自己有限嘅人力賺最多嘅盈利，又會想要有多啲人力嚟賺多啲盈利，但係優秀人才嘅數量係有限嘅，所以公司同公司之間會爭人才；一個國家會想用自己有限嘅資源（自然資源同土地等）令自己最穩固，又會想要有多啲資源，而世上嘅資源係有限嘅，所以國家同國家會以外交甚至打仗嘅方式爭資源爭土地。呢啲競爭嘅過程迫使決策者要以最有效率嘅方式運用自己手上嘅資源－而「人類點樣運用手上資源，最有效率噉達到目的」正正就係經濟學研究嘅重心。

當代經濟學係一門科學領域，目的係增加人類對經濟現象（稀缺性引起嘅現象）嘅了解。經濟學家會運用數學上嘅知識，利用微積分、線性代數、統計學、博弈論、同電腦科學等領域嘅方法分析同模擬經濟現象。一個專業嘅經濟學家要或多或少噉識得用呢啲架生同埋了解當中嘅原理，而有啲經濟學家仲會專門研究呢啲架生點樣喺經濟學上應用。

主流經濟理論靠嘅係量化嘅經濟模型（economic model）。一個經濟模型會有若干個假設，並且由呢啲假設同已知嘅經濟學知識嗰度推導一個數學模型出嚟，目標係要用最少量嘅假設，做出最精確嘅預測同埋解釋最多嘅現象（即係科學哲學上所講嘅奧坎剃刀，第啲科學領域都會用呢條原則）。廿一世紀經濟學界主流嘅新古典經濟理論都跟實呢套準則，以建立能夠準確噉預測經濟現象嘅模型作為目標，令經濟學成為一門受人尊重嘅科學領域。

舉個簡單例子說明，以下係一個模擬一間企業嘅利潤嘅經濟模型：

當中  係指利潤， 係間企業供應貨品服務嘅率， 係指喺  之下啲貨品服務嘅價格， 係指以  呢個率供應貨品服務嘅成本，而  就係指每賣一件貨品服務要交嘅稅。如果間企業想令自己利潤最大化，噉  嘅理想數值可以用以下嘅方式計出：

因為  同  等有已知數值，所以用呢啲式可以計出  嘅理想數值。

經濟學會嘗試用實證方法（empirical method）驗證佢啲理論。舉個具體啲嘅例子說明，喺貨幣理論（monetary theory）當中，貨幣量說（quantity theory of money）呢個理論模型入面嘅方程式預測錢供應嘅增長率上升會提高通脹，而通脹係假設咗受理性預期影響嘅，經濟學家跟手就會喺現實世界觀察呢啲現象，而如果佢哋嘅觀察數據合乎個理論嘅預測嘅話，就會加強咗佢哋對個理論模型嘅信心。有陣時，呢啲理論模型仲會做得到量化（quantitative）嘅預測－即係唔淨只預測到變數之間成正相關定負相關，仲能夠靠觀察到嘅數據同手上嘅數學方程式，近乎完美噉預測到目標變數跟住落嚟嘅數值。

喺驗證經濟理論嘅過程當中，統計學（statistics）係好常用嘅技術。經濟學研究者會用統計學上嘅方法，由數據嗰度估計一個統計效果（effect）有幾強同埋有幾高統計顯著性（statistical significance）等嘅資訊。例如，如果家陣有個假說話某兩個變數係成正比嘅（頭先貨幣量說嘅假說係「錢供應嘅增長率升會提高通脹」），噉個研究者可以去攞數據，睇吓嗰兩個變數係咪真係成正比。如果搵到嘅結果同假說所講嘅一致，就會增強經濟學家對個理論嘅信心。

經濟學－尤其係宏觀經濟學－嘅實證研究多數係靠觀察（observation）嘅，好少可會好似自然科學噉做實驗。噉係因為做實驗涉及嘅係特登操控一啲變數，再睇吓有乜效果－呢樣嘢喺研究社會嘅社會科學當中好難做到，而且攞人嚟隨意操控好多時會引起道德上嘅爭議（唔似得自然科學噉，有得攞自己嘅研究對象去實驗室隨意搞）。一般嚟講，科學界都會覺得觀察冇受操控嘅實驗噉嚴謹，認為觀察好多時冇辦法驗證一啲講因果關係嘅假說。所以廿一世紀嘅經濟學家開始咗嘗試用多啲實驗方法做研究，尤其係喺研究個人層面現象嘅微觀經濟學研究當中比較容易做實驗－研究者大可以搵啲人返去實驗室嗰度做某啲實驗作業。

實驗經濟學（experimental economics）嘗試用實驗驗證經濟學理論，令經濟學同自然科學之間嘅差距縮細咗。舉個例子說明，行為經濟學（behavioral economics）理論當中有所謂嘅損失規避（loss aversion）現象，指人類零舍在意損失，所以（例如）損失 100 文引致嘅滿足感喪失數值上大過獲得 100 文引致嘅滿足感得益。喺一個展視損失規避嘅實驗當中，研究者可以去搵一柞受試者返嚟玩一啲買賣遊戲，途中問佢哋（例如）寧願賺多 10 文定係避免損失 10 文，結果多數係發現啲受試者通常都會揀後者－引證咗損失規避嘅假說。類似嘅實驗都係搵一啲受試者返個實驗室嗰度，再要佢哋做一啲經濟上嘅決策，幫經濟學家驗證微觀經濟學嘅理論。同類嘅研究好少可會用嚟驗證宏觀經濟學上嘅學說－因為宏觀經濟學所研究嘅現象閒閒地都係喺城市以至國家層面嘅，好難擺喺實驗室入面做，不過好多人都認為，實驗經濟學上嘅發展令到經濟學成為咗一門「真正嘅科學」。

喺微觀經濟學入面，生產（production）係一個由輸入去輸出嘅過程：喺生產嘅過程當中，做生產嘅人會用某啲輸入（生產因素，包括原材料、精神、同時間等）製造出一啲可以滿足某啲人嘅慾望嘅貨品或者服務，從而創造經濟價值（economic value）；例如一個喺廣東菜餐廳入面炒緊餸嘅廚師噉樣，佢會花費一啲原材料－生嘅菜同肉等等嘅食材－同埋用自己嘅精神時間，煮出一碟碟可以滿足啲食客（想食靚餸）嘅慾望嘅產品；生產嘅過程又可以係整一啲服務，例如係一個髮型師噉，佢會用一啲架生－飛髮嘅用具－同埋自己嘅精神時間幫啲客人飛髮，啲客人唔會得到任何貨品，但係個髮型師做嘅服務滿足到佢哋（想自己啲頭髮靚）嘅慾望；有陣時，一個生產過程會涉及大量嘅人力物力，而且同時滿足好多人嘅慾望，例如係起路噉，包括工程師同建築工人在內嘅大量人員會用各種原材料－好似水泥同鋼筋呀噉－同大柞架生，再加自己嘅精神時間去整一個產品－一條人同車行得嘅路－出嚟，滿足周圍嘅市民（想要有條路可以行）嘅慾望。

報酬遞減（diminishing returns）係生產過程當中嘅一種現象。根據邊際報酬遞減定律（law of diminishing marginal returns），假設第啲因素不變，係噉提高某一個生產因素嘅量普遍會引致整體產量嘅提升，但邊際報酬（marginal return / marginal product；指報酬上升嘅率，設報酬做 ，生產因素嘅量做 ，邊際報酬由  反映）會係噉跌，即係話如果將「產量」（Y 軸）同「生產因素 A 嘅量」（X 軸）畫幅圖，假設第啲生產因素不變，條線嘅斜率會隨住生產因素 A 嘅量上升愈嚟愈負：

舉個例子說明：一間建築公司家吓要起一棟建築物，個地盤嗰度有一定量嘅器械、材料、同工人等嘅生產因素；假想而家間建築公司個老細增加工人嘅數量，但其他生產因素（器械同材料）嘅量保持不變；根據邊際報酬遞減定律，佢呢個做法會引致建築效率提升，但隨住工人數量增加，就會搞到（例如）啲器械唔夠用，所以就算再加多啲工人都冇咁幫到手提升生產效率－工人數量愈多，再增加工人所引致嘅建築效率提升幅度就會變得愈嚟愈細，請新工人變得愈得愈唔著數。邊際報酬遞減定律說明咗，喺生產嘅過程當中唔可以係噉增加某一個生產因素嘅量，而要整體噉考慮成個生產過程當中嘅所有因素。

生產必然會涉及機會成本（opportunity cost），即係話喺生產嘅過程當中做生產嘅人放棄咗冇用啲資源去做第啲嘢，而做一次生產嘅機會成本就係「做佢而放棄咗嘅選擇當中最有價值嗰個」。例如如果班工程師同建築工人用咗啲材料喺澳門嗰度起咗條路，佢哋就冇得用嗰啲材料喺珠海或者香港嗰度起路，而呢啲如果冇起澳門嗰條路就有得起嘅路當中最有價值嗰條就係「用啲材料喺澳門起路」嘅機會成本。機會成本唔淨指包含錢同財物：例如一個麵包師傅可以用揀用佢一個上晝嘅時間焗菠蘿包，又可以揀用嗰個上晝打 PSP，又可以揀用嗰個上晝寫返篇有關菠蘿包嘅維基百科文。如果佢揀咗用個上晝寫維基文，噉佢就放棄咗用啲時間焗菠蘿包或者打 PSP，而佢做呢個選擇嘅機會成本就係另外兩個選擇當中比較有價值嗰個－喺呢個例子入面，所涉及嘅資源就係時間。

機會成本係稀缺性嘅必然結果：可用嘅資源係稀缺嘅，所以做決策嘅人喺消耗佢資源做生產嘅時候要做決定，如果佢決定咗用資源做其中一樣嘢，噉佢就冇得做其他嗰啲嘢，而其他嘢當中最有價值嗰樣就係機會成本。對機會成本嘅分析係經濟學上嘅重要一環，如果一個選擇嘅機會成本高過另一個嘅（假設所有選擇嘅價值都可以用某啲數值量度），後者會係一個比較有效率嘅資源運用方法－揀佢所放棄嘅價值會比較少。

生產可能性曲線（production-possibility frontier，簡稱「PPF」）係一種用嚟表達稀缺性、成本、同效率嘅圖。假想而家有間好簡單嘅工廠，佢淨係曉生產「槍」（gun）同「牛油」（butter）兩種貨品，佢幅 PPF 條 Y 軸係「生產嘅槍嘅量」，而 X 軸係「生產嘅牛油嘅量」。呢間工廠手頭上嘅資源係有限嘅，如果佢想生產多啲槍，佢就要生產少啲牛油－即係話兩個量之間嘅關係必然係負，條線所包含嘅面積必然係有限嘅。喺 B、D、同 C 呢三點嗰度，間工廠都係用嗮全力去生產，喺 A 嗰點，間工廠冇用嗮全力生產，而 X 嗰點係間工廠冇能力達到嘅一個狀態。

現實世界嘅 PPF 實係一條斜率成負數嘅線，而呢一點起於稀缺性嘅問題：如果有能力，間工廠會有咁多生產咁多，但係因為稀缺性嘅問題，佢手頭上嘅資源唔夠滿足佢「有咁多生產咁多」嘅慾望，所以間工廠嘅管理人就要做取捨－如果佢用嗮全力嘅話，佢只能夠一係生產多啲槍，一係生產多啲牛油，冇得話兩者兼得。

間工廠喺 PPF 所處嘅位置反映佢嘅效率（efficiency）嘅一部份：如果佢產量係喺 A 嘅話，噉就表示佢仲有能力同時生產更多嘅槍同生產更多嘅牛油，反映咗佢冇用全力，處於一個冇效率嘅狀態（而原因可能係因為太多工人偷懶，或者工人唔識善用啲機械等等）。另一方面，就算間工廠處於 B、D、或者 C（用嗮全力生產），都唔一定等如佢效率好好，例如如果佢出盡全力生產咗 100 支槍同 100 嚿牛油，但係啲客想要嘅係 80 枝槍同 120 嚿牛油嘅話，佢就達唔到理想嘅柏里圖最適（Pareto optimality）狀態－即係做唔到有效率噉滿足啲客嘅慾望。「點樣提升效率」喺經濟學上係一個好緊要嘅課題，例如喺經濟衰退嗰陣嘅高失業率令到好多人力都冇做生產，係一種冇效率嘅狀態，亦都係一種好受關注嘅現象。

喺做咗生產之後，一個人手上會賺取咗一啲資源，跟住佢有兩大選擇：佢可以即刻用咗呢啲資源佢，即時噉滿足自己嘅慾望；佢又可以投放啲資源去做唔能夠即時滿足慾望、但能夠喺將來引起更大得益嘅活動；舉個例說明，想像家吓有個人做生產過程，得到一個蘋果，佢可以即刻食咗，滿足自己對嘢食嘅慾望，但佢又可以攞個果實去種，將來種樖蘋果樹出嚟，等自己將來多啲蘋果食－要喺「即時滿足慾望」同埋「追求將來更大噉滿足慾望」之間二揀一，前者就係經濟學廣義上嘅消費（consumption），後者就係廣義上嘅投資（investment）。

喺行為經濟學（behavioral economics）上，消費同投資可以用延遲折扣（delay discounting）嘅概念嚟思考：延遲折扣係指一樣事物主觀上嘅效益會隨住「得到樣嘢要等嘅時間」而下降；想像一個實驗：擺一隻老鼠喺個籠入面，個籠入面有兩個掣，撳第一個掣會即刻得到一粒嘢食，而撳第二個掣會喺 5 分鐘之後得到一粒一樣嘅嘢食（兩個掣喺撳咗一嘢之後 5 分鐘之內唔會有反應）；實驗結果通常係，隻老鼠肚餓嗰陣會走去撳第一個掣，但會對第二個掣不聞不問；另一方面，如果更改兩個掣嘅結構，變成撳第二個掣會喺 5 分鐘之後得到一嚿大嚿啲嘅嘢食嘅話，隻老鼠就比較有可能會對第二個掣有興趣－即係話喺隻老鼠心目中，一嚿嘢食嘅效用  會隨住「得到佢要等嘅時間」（）而下降（不過「 同  之間嗰個函數呈乜形狀」係一個受爭議嘅課題）。

延遲折扣指緊嘅就係呢樣嘢－喺一個人心目中，一樣嘢嘅有利度會因為「延遲」而打「折扣」，而當一個人得到資源，佢就要選擇即時消費或者用件資源做投資以求未來得到更大利益（但呢個利益嘅主觀價值會因為延遲折扣而打咗折）－反映咗延遲折扣。行為經濟學對延遲折扣嘅思考幫到手做某啲有關消費同投資嘅政策制定。

理論同實證經濟研究表示咗，要達到高嘅效率，其中一種最好嘅做法係分工（division of labor）。考慮返上面嗰個生產槍同牛油嘅工廠嘅例子說明，想像家吓嗰間廠隔籬開咗另一間都係生產槍同牛油嘅廠，但係兩間廠條 PPF 嘅斜率唔同：如果 A 廠要生產多 10 嚿牛油就要放棄生產少 10 支槍，而 B 廠（例如因為啲工人嘅專長同 A 廠嘅唔同）要生產多 10 嚿牛油就需要放棄生產成 50 支槍－喺呢個情況下，B 廠生產牛油嘅機會成本會大過 A 廠嘅好多，所以 B 廠比起 A 廠會更加有誘因集中於生產槍；同時，A 廠相比之下會比較有誘因集中去生產牛油。即係話 A 廠喺生產牛油上有比較優勢（comparative advantage），而 B 廠就喺生產槍上有比較優勢。而如果 A 廠同 B 廠開始各自集中生產自己叻生產嘅貨品，就形成咗一個分工嘅局勢。

雖然呢個例子就噉望落好似係 A 廠比較叻做生產噉，但係 B 廠依然可能係有絕對優勢（absolute advantage）嘅。舉個例子說明，如果兩間廠都用嗮全力生產牛油嘅話，（可能）A 廠會生產到 500 嚿牛油，而 B 廠會生產到 1,000 嚿牛油，但係喺全力生產牛油嘅過程當中，A 廠只係放棄咗 500 支槍，而 B 廠就會放棄咗成 5,000 支槍－B 廠集中生產牛油嘅機會成本高 A 廠嘅一大截，所以 B 廠雖然喺生產兩樣貨品上都叻過 A 廠，但佢依然比較有誘因集中生產槍。

人同人之間有專業知識同技能上嘅差異，所以每個人專長生產嘅嘢都唔同－一個經濟體就有咗分工嘅現象。

分工同比較優勢係貿易（trade）嘅起源：人同人之間以至國家同國家之間喺「擅長生產乜嘢」呢一點上都有差異：例如假想而家有兩個人，A 君比較叻煮嘢食，B 君比較叻整電腦，A 君會比較有誘因去開餐廳，而 B 君會比較有誘因去搵份做電腦技術員嘅工，B 君冇 A 君咁肯花時間煮嘢食，所以日日晏晝都去幫襯 A 君間餐廳，將佢做技術員賺到嘅錢俾 A 君嚟換取嘢食－兩個人之間形成咗一種互利嘅貿易關係；呢種現象喺國與國之間都會睇到，例如俄羅斯嘅國土石油含量多過日本嘅好多，所以比起日本更加有誘因發展石油產業，而當日本想要用石油嗰陣，就可能會問俄羅斯攞，但俄羅斯（定係是但一個產油國）正路唔會免費送石油俾日本，所以日本要搵返啲有價值嘅嘢（最直接嘅係錢）送俾俄羅斯，等俄羅斯有誘因俾石油佢－國際貿易就形成咗。

世界嘅唔同地區之間年年都有大量貿易發生緊－地理同文化等方面嘅差異令到唔同地區擅長生產唔同嘅貨品同服務。

錢（money）係一樣源於貿易嘅需要而有嘅發明。攞返上面 A 君同 B 君嘅例子說明，B 君想食 A 君煮嘅飯餸，但 A 君要生活，唔可以吓吓都免費幫人煮飯餸，所以 B 君又要俾返啲有價值嘅嘢 A 君嚟換取飯餸。喺呢個情況下，B 君可以用以物易物（barter）嘅方法，例如係送啲電腦零件俾 A 君嚟換取飯餸。之但係，如果 A 君唔需要電腦零件嘅話，噉 B 君就會冇價值俾得到 A 君－單交易做唔成。而家想像有一樣嘢 X，佢係普遍有價值嘅，可以攞嚟換做任何嘅貨品或者服務都得，噉單交易就做得成－B 君可以俾某個量嘅 X 俾 A 君，等 A 君打後有得用佢開餐廳所賺返嚟嘅 X 去換取佢自己想要嘅嘢－而 X 就係錢。錢呢樣發明對於經濟嚟講好緊要，佢令到做起貿易上嚟簡單方便好多，而且仲扮演咗量度貨品服務嘅價值、令到人有得儲蓄、同容許延期付款等嘅多種功能。

廿一世紀世界嘅各個經濟體都會有喺自己內部流通嘅貨幣（currency），等佢內部嘅人有得做交易。

喺經濟學上，一個政府應該點樣管理自己內部嘅貨幣係一個好緊要嘅課題。好似係通脹（指個經濟體內貨品服務嘅價格持續上脹）等嘅現象可以對民生造成巨大嘅衝擊。一個好經典嘅例子係津巴布韋元（Zimbabwean dollar）：津巴布韋元曾經係非洲南部國家津巴布韋（Zimbabwe）嘅貨幣，但因為政府管理不善，搞到津巴布韋國內由 1990 年代尾開始就有極嚴重嘅通脹，啲錢變到愈嚟愈冇價值，而啲貨品同服務嘅價錢係噉升，搞到政府要係噉印大啲面額嘅銀紙，打後仲出咗驚世嘅面額 100 萬億文嘅銀紙。最後喺 2009 年 4 月，津巴布韋政府索性停用津巴布韋元改用美元做貨幣，單嘢先至收到科。自從嗰陣之後，津巴布韋元喺經濟學界間唔中就俾人攞嚟做「失敗貨幣」嘅例子。

當買家攞住啲錢，而賣家攞住佢哋覺得買家會有興趣買嘅貨品服務，雙方都準備好要做交易嗰陣，佢哋就需要喺某啲地方嗰度互相交流同埋做交易上嘅決定－呢啲空間就係所謂嘅市場（market）。市場可以係一啲實際上存在，睇得到摸得到嘅地方（好似係俾人買餸嘅街市噉），又可以係淨係存在喺互聯網當中嘅電子空間（好似係網上購物網站噉）。市場係買家同賣家溝通嘅主要媒介，亦都負責幫手俾雙方決定貨品服務嘅價格－買家同賣家會喺市場嘅空間當中接觸同交流，並且向對方傳達（例如）「呢件貨喺呢個價格我會買幾多幾多」等嘅資訊。

市場好多時都會受外界因素干預。理論上，如果一個市場係一個自由市場（free market；指淨係受消費者主導，唔受政府或者第啲權威干涉嘅市場），噉佢裏面嘅每件貨品同服務嘅價格遲早都會去到均衡嘅水平－即係價錢啱啱好令買家肯買嘅量同賣家肯生產嘅量一樣，令價格冇誘因改變。不過實際上，現實世界嘅市場會因為好多因素而去唔到均衡狀態，例如係政府可能會用稅等嘅措施人工噉令某啲貨品服務價格提升，雖然好多人都主張完全自由嘅市場先係好嘅，但係呢啲干預查實對民生嚟講好多時都係必要嘅：舉個例子說明，好多先進國家同地區（包括香港）嘅政府都會補貼內部嘅醫療服務，等啲老百姓有得用平啲嘅價錢（甚至乎係唔使俾錢）睇醫生；如果呢啲政府唔噉樣做，而係由得啲醫療服務嘅價格由自由市場話事嘅話，啲醫療服務就好可能會貴好多－會搞到好多老百姓嘅健康冇咗基本保障。

市場可以分做好多種唔同嘅市場結構（market structure）：

喺一個市場入面，是但搵一樣俾人買賣緊嘅貨品或者服務，佢會至少有兩個屬性：價格（price）同埋數量（quantity）。而供應同需求（supply and demand）嘅理論就解釋價格同數量之間嘅啦掕。喺微觀經濟學上，呢個理論能夠預測喺一個有完全競爭（perfect competition；指冇任何一個買家或者賣家大到有能力獨力掌控啲貨品服務嘅價格）嘅市場下嘅貨品同服務嘅價格。

喺一個市場之下，對一件貨品服務嘅需求（demand）指需求量（quantity demanded；買家有能力同肯買嘅量）同價格之間嘅關係。例如有件貨品服務，佢價格喺 10 文嗰陣啲買家總共會買 100 件，價格喺 9 文嗰陣啲買家總共會買 110 件... 等等嘅話，佢嗰條需求曲線（demand curve）就會係一條穿過（10 文，100 件）同（9 文，110 件）呢兩個點嘅線（唔一定係直線），而呢條曲線所表達嘅嗰段關係就係個需求。需求理論將個體消費者描述為理性嘅決策者，假設佢哋會嘗試用自己手上嘅有限資源（即係佢哋嘅收入）最大噉滿足自己嘅慾望－用行話講嘅話，就係喺有限嘅資源下將自身嘅效用（utility）最大化。

需求定律（law of demand）宣稱，是但搵個市場同是但一件貨品服務，假設第啲因素不變，佢價格同買家會買嘅量之間會形成負關係（條線嘅斜率  係負數）－價格愈高買家就會買得愈少，而價格愈低買家就會買得愈多。呢條定律係稀缺性嘅必然結果：價格係啲買家每買一件就要付出嘅資源量，所以一件貨品服務嘅價格乘需求量（買家有能力又肯買嘅量）反映買家有能力付出幾多資源嚟買件貨品服務，但錢係一樣有限嘅資源，所以價格  同需求量  乘埋出嗰個數（）一定係一個有限嘅數值；如果條需求曲線係由頭到尾都打橫（）、打直（）或者成正斜率（）嘅話，就會出現價格同需求量乘埋個數可以係無限大嘅情況，所以如果錢有稀缺性，噉需求曲線只可以係一條斜率係負數嘅線。

某啲外界因素可以改變一個需求：收入可以影響需求－如果啲買家嘅收入突然間普遍升嘅話，噉通常會引致條需求曲線向右移（買家無論價格幾高都買多咗嘢），而相反，如果啲買家收入突然普遍跌嘅話，噉通常會引致條需求曲線向左移（買家無論價格幾高都買少咗嘢）；替代品（substitute）嘅價格都可以改變需求，例如如果家吓 SONY 提高佢啲商品嘅價格，搞到由佢生產嘅 PS4 遊戲機價格上升，噉啲買家對任天堂 Switch（由任天堂出嘅遊戲機）嘅需求會提升（條需求曲線向右移）－PS4 價格上升令少咗人買 PS4，而任天堂 Switch 同 PS4 一樣，可以滿足啲人打機嘅慾望（係 PS4 嘅替代品），所以就算任天堂 Switch 嘅價格唔變都好，啲人都會買多咗。

喺現實應用當中，經濟學家會用各式各樣嘅方法嚟做需求預測（demand forecasting）：喺最簡單嗰種情況下，佢哋可以做個問卷調查，派問卷俾啲消費者，問佢哋「如果件貨品服務係呢個價錢，你會買幾多件」等嘅問題，再將消費者嘅答覆畫成圖表（Y 軸係價格，X 軸係需求量），跟住做個迴歸分析（regression analysis；簡單啲講就係一種分析方法，能夠靠手上數據畫出反映兩個變數之間嘅關係嗰條線），結果會得出一條估計嘅需求曲線。需求預測嘅技術喺營銷策略上好有用，可以幫到企業家知道喺每個價格件貨品服務會賣到幾多件，並且靠噉估計件貨品服務要設喺乜嘢價格先可以令利潤最大化。

供應（supply）係指件貨品服務嘅價格同供應量（quantity supplied；指賣家肯整嚟賣嘅量）之間嘅關係。例如假想一件貨，佢價格喺 10 文嗰陣啲生產商總共會生產 100 件，價格喺 9 文嗰陣啲生產商總共會生產 90 件... 等等嘅話，噉呢個價格同供應量之間嘅關係就係件貨嘅供應。對生產者嚟講，佢哋賣一樣貨品服務嘅所得等如件貨品服務嘅價格乘以所賣嘅量，所以一般嚟講，如果假設生產者係理性噉想自己嘅所得最大化嘅話，佢哋會嘗試生產同供應令到佢哋利潤最大化嘅貨品服務，而噉通常就示，假設第啲因素（例如生產成本）不變，一件貨品服務嘅價格愈高，啲生產者賣佢就愈會賺到錢，就愈會肯生產佢－是但搵條供應曲線（supply curve）嚟睇，佢嘅斜率都會係正數，呢條就係所謂嘅供應定律（law of supply）。

同需求同一道理，外在嘅因素可以影響一個供應：例如如果生產科技上有突破或者工人嘅人工跌，令一件貨嘅生產成本下降嘅話，噉通常條供應曲線會向右移（就算價錢不變，啲生產商都會生產多咗）；而如果工人嘅人工升，搞到生產成本上升嘅話，噉通常條供應曲線會向左移（就算價錢不變，啲生產商都會生產少咗）。

市場均衡（market equilibrium）係指供應量同需求量相等嘅一種狀態，即係喺幅供應需求圖入面供應曲線同需求曲線相交嗰一點。當一件貨品服務嘅價格低過佢嘅均衡點嗰陣，需求量會大過供應量，所以會出現短缺（shortage）；而當件貨品服務嘅價格高過均衡點嗰陣，供應量會大過需求量，所以會出現盈餘（surplus）。喺短缺發生嗰陣，通常啲買家就會爭貨，鬥俾高價錢買－就會推高個價，而喺盈餘發生嗰陣，啲賣家就要賤買手上嘅存貨－就會撳低個價。所以供應同需求理論亦都預測咗，長遠嚟講，任何一個貨品服務如果外在因素不變，佢個價格係會慢慢噉趨向均衡狀態，令到個供應量同需求量最後變成相等嘅，而當有某啲外在因素改變搞到成條供應曲線或者成條需求曲線有所改變嗰陣，個均衡價格會跟住變。

彈性（elasticity）喺經濟學上係需求同供應可以有嘅一種屬性，指需求量同供應量對價格改變幾有反應。需求同供應彈性可以用以下呢條式計：

當中  係件貨品服務嘅價格， 係件貨品服務嘅需求量（如果考慮緊嘅係需求）或者供應量（如果考慮緊嘅係供應），而  係指導數－簡單啲講就係變率。

舉個例說明，假想家陣有兩件貨品，X 同 Y，兩個條需求曲線都成直線，X 嗰條斜率高啲（需求彈性低啲），噉嘅話如果兩件貨品嘅價格同時上升 1 文，對 X 嘅需求量嘅跌幅會細過對 Y 嘅需求量嘅。即係話 X 嘅需求量對價格改變反應冇咁大－就算 X 價格變，消費者買嘅數量都冇變得咁明顯。X 需求彈性低啲可以係因為好多原因：例如可能 X 係一樣好似鹽同糖噉嘅生活必需品，所以就算 X 平咗，消費者都唔會太有動力買多啲，而 X 就算貴咗，好多消費者都仲係要焗住買咁多；Y 就可能係一啲好似魚子醬噉嘅奢侈品，Y 對消費者嚟講唔係生活必需嘅，所以佢價格一升，消費者可以索性唔買，但 Y 一平，就會好多消費者想買。

市場失靈（market failure）指一啲可能令個市場達唔到理想狀態嘅情況，包括咗以下呢啲：

一間企業（firm）係指一班共同一齊進行生產嘅人：喺現實世界嘅市場入面，好難吓吓都要啲有份生產嘅人個個各自獨立噉開舖頭向買家賣自己嘅貨品服務，所以喺供應嗰邊，好多時會有多個人員集合埋一齊成立一啲合作生產同賣貨品服務嘅組織－呢啲組織就係所謂嘅企業。英國經濟學家（Ronald Coase）指出，企業嘅存在源於人喺一間企業裏面一齊做生產嘅成本低過自己直接喺市場上做生產一大截－對於一個個人嚟講，企業結合咗員工同埋資本，加入一間企業可以達到自己獨立開舖頭達唔到嘅規模經濟（economies of scale），所以就令啲人有誘因結合埋一齊，組成企業。

企業可以有好多種型態，包括咗：

...呀噉。

管理學（management）係一個商學領域，興將微觀經濟學上面嘅分析方法應用落去企業裏面或者企業團隊裏面嘅決策，會由統計學以及電腦編程等嘅角度，分析一間企業要點先可以喺唔完全有嗮所需嘅資訊又有不確定性嘅情況之下，有效噉運用自己手上嘅（有限）資源嚟將自己嘅利益最大化。

喺經濟學嘅分析上，當人嘗試將自己利益最大化嗰陣，過程當中往往有啲不確定性（uncertainty）喺度：一個人喺揀股票買嗰時，佢或多或少都會有啲唔肯定隻股票係咪真係會升；一個家庭喺選擇自己點使自己啲錢嗰陣，要考慮未來嘅收入可能會因為人工上落而有變動（所以要儲定啲錢以備不時之需）。而成個通訊行業嘅存在就係建基於不確定性嘅。

某啲市場組織嘅存在可能會引致不確定性，因而降低市場效率。例如美國經濟學家（George Akerlof）曾經做過分析，用二手車市場做例子：佢指出好多時啲買家都唔係好識睇車，所以唔知道一架二手車真正嘅價值係幾多（有不確定性），而啲賣家相比之下通常都好熟車方面嘅嘢嘅－即係話有一個資訊不對稱嘅情況；喺呢個情況下，啲賣家好多時會利用呢一點嚟呃呃氹氹啲買家，等佢哋用過高嘅價格買一啲實際上唔值咁多錢嘅二手車，搞到個市場入面嘅錢唔能夠完全有效率噉俾人使用。同類嘅情況喺保險業嗰度都有發生。

資訊經濟學（information economics）專門研究資訊喺經濟過程當中所扮演嘅角色－資訊係不確定性嘅相對，一個人手頭上有愈多資訊，佢嘅決策就愈少不確定性喺入面。資訊經濟學喺保險、合約、機制設計、同貨幣經濟學等嘅領域上都有應用價值。

成本效益分析（cost-benefit analysis，簡稱「CBA」）係經濟學理論嘅一種常見應用，指一個人或者組織做決策嗰陣有系統性噉考慮嗮所有可能方案，並且逐個逐個方案諗吓個方案嘅利弊，最後按照分析結果決定到底應該採取邊個方案。運用經濟學嚟做成本效益分析嘅過程大致上如下：

舉個簡單嘅例子說明：家陣有一間工廠嘅老細，佢喺度諗緊好唔好買機械人返嚟幫手做嘢（方案）。按照佢對機械人學同工業生產等領域嘅知識，佢知道每部機械人可以做相當於 5 個人類工人嘅嘢，並且作出以下嘅分析（搜捕數據，再按照數據同相關知識，估計每個方案嘅得失）：間廠目前有 20 個工人，每個工人嘅人工係 20,000 文一個月，所以每個月間廠要使 400,000 文喺請工人嗰度，而如果唔使諗通脹或者人工上漲等嘅現象嘅話，間廠喺未來 10 年要使大約 48,000,000 文嚟請工人（方案 1 嘅得失）；相比之下，如果間廠要全面自動化，就要買 4 部機械人，買一部機械人要使 1,000,000 文，呢個價錢包括埋維修嘅費用，而且用機械人嘅話，佢間廠要請個機械人專家幫手，而個機械人專家每個月嘅人工係 50,000 文，請佢請足 10 年就要使 6,000,000 文，所以將間廠全面自動化嘅成本 = 4,000,000 文 + 6,000,000 文 = 10,000,000 文（方案 2 嘅得失）。假如全面自動化同用工人所得嘅營業額一樣嘅話，噉對個老細嚟講，佢會比較有誘因選擇全面自動化（選擇對自己最有利嘅方案）。

博弈論（game theory）係經濟學常用嘅一種數學理論，專門研究曉做決策嘅個體點樣喺策略上互動：博弈論提供咗一個數學基礎俾工業組織，等佢哋可以用數學模型模擬公司點樣做決策嘗試令自己嘅利益最大化，做買賣、同員工傾人工、講數、同設計合約等嘅過程都可以用博弈論嚟模擬。

舉個簡單嘅例子說明，想像家吓有兩間公司，叫公司 1（firm 1）同公司 2（firm 2），喺度鬥爭一個市場嘅買家，每間公司都有兩個選擇，一係揀「進入市場」（entry，簡稱「E」），一係揀「遲啲先進入市場」（delay entry，簡稱「DE」）。喺呢個個案之下，如果兩間同時進入市場嘅話，佢哋都會各自損失 4,000,000 文嘅盈利；而如果公司 1 而家進入市場，而公司 2 揀遲啲先入，噉公司 1 會得到 6,000,000 文嘅盈利，而公司 2 乜嘢都得唔到；淨低嘅情況可以睇圖 1。喺呢個形勢之下，對於公司 1 嚟講，揀 DE 嘅話實蝕，相比之下，佢揀 E 嘅話至少會蝕少啲，甚至有機會賺（如果公司 2 揀 DE 嘅話），同時，就算公司 2 知道呢點，佢可能都會因為唔想蝕 4,000,000 而焗住揀 DE。如果係噉，最後結果會係公司 1 賺 6,000,000，而公司 2 冇得益冇損失。有咗呢個模型模擬兩個公司之間嘅交鋒，一個經濟學家跟手可以模擬（例如）成個經濟體內部嘅眾公司彼此之間嘅交鋒，再睇吓（假設啲公司冚唪唥都係會揀令自己盈利最大化嘅選擇）佢哋最後邊個會係贏家。

同樣嘅數學模型仲有得攞嚟模擬個人層面或者國家層面嘅博弈。

宏觀經濟學（macroeconomics）係嘗試整體噉研究一個經濟體嘅經濟學分枝，特點係會用一啲合計性（aggregate）嘅變數做研究嘅中心－即係將個經濟體入面一大柞個體嘅屬性合埋一齊，做一個整體屬性，再研究呢個整體屬性。舉個例說明，本地生產總值（gross domestic product；簡稱「GDP」）係宏觀經濟學成日研究嘅一個變數：將某段時間之內一個經濟體裏面嘅最終貨品服務嘅市場價值冚唪唥加埋一齊，得出個數就係嗰個經濟體喺嗰段時間之內嘅 GDP。喺計 GDP 嘅過程之中，個分析者將個經濟體入面一大柞個體物件（貨品服務）嘅屬性（市場價值）以某啲方法結合埋做一個數值（就噉加埋一齊），所以 GDP 呢個課題屬於宏觀經濟學研究嘅範疇。宏觀經濟學亦都會研究一啲影響成個經濟體嘅嘢，好似係個政府嘅政策噉。

喺建立經濟模型嗰陣，微觀經濟學嗰柞概念會俾人用嚟建構宏觀經濟學嘅理論：微觀經濟學研究嘅係一啲個人同企業層面嘅現象，而隨住經濟學家加深理解呢啲嘢點樣運作，佢哋可以用一啲相對簡單嘅數學模型或者方程式表達呢啲嘢嘅運作定律出嚟，再用呢啲定律模擬吓，睇吓（例如）如果個經濟體入面 50% 嘅個體都跟從嗰條定律行事嘅話個經濟體嘅 GDP 會變成點，再睇吓如果個經濟體入面 70% 嘅個體都跟從嗰條定律行事嘅話個 GDP 又會點。

本地生產總值（gross domestic product；簡稱「GDP」）係一種常用嘅經濟指標（economic indicator），用嚟量度一個經濟體（「一個經濟體」可以係指一個城市、一個省、以至一個國家）喺某一段時間之間嘅經濟產出。計法如下：

除咗 GDP 之外，經濟學界仲有第啲指標用嚟量度經濟表現，而比較唔同指標俾嘅結果能夠提供一啲有用嘅資訊。舉個例說明，人均本地生產總值（GDP per capita）係指一個經濟體嘅 GDP 除以人口，而喺 2018 年，香港雖然 GDP 總值低美國一大截，但人均 GDP 就拍得住美國，表示香港喺生產水準上拍得住美國，但因為人口細一截而令到總體經濟規模唔及美國－比較兩地嘅 GDP 同人均 GDP 幫手推導出一啲有關兩地經濟規模同概況嘅資訊。事實係，喺做經濟分析嗰陣，經濟專家通常會睇嗮唔同嘅經濟表現指標所俾嘅結果，靠噉嚟到判斷一個經濟體內部發生緊啲乜嘢事。

經濟增長（economic growth）指一個經濟體嘅人均產出（以按通脹調整後嘅 GDP 等嘅經濟指標計算）隨時間嘅提升。經濟增長可以受好多因素影響，包括咗成日有經濟學家研究嘅投資率、人口增長、同埋科技上嘅改變呀噉，例如中國喺廿一世紀初嘅驚人經濟增長噉，一部份就係因為內陸啲鄉下地區嘅人紛紛走去大城市打工，令工人嘅數量突然間升得好緊要（多咗好多人手做生產活動）而引起嘅。世界各地喺呢啲因素上嘅差異令到唔同嘅經濟體有唔同嘅經濟增長率，所以唔同嘅經濟體有啲會有錢啲有啲會窮啲。

每一個經濟體嘅 GDP（同埋其他嘅經濟表現指標）長遠嚟講都會週期性噉上上落落，呢啲上上落落就係所謂嘅商業週期（business cycle）。一個商業週期包含一段相對蕭條嘅時期同一段相對興旺嘅時期。對商業週期嘅研究起源喺 1930 年代嘅大蕭條（The Great Depression）時期，當時英國經濟學家凱恩斯（John Maynard Keynes）寫咗佢嗰本名著《》（粵文：就業、利息同錢嘅廣義理論）嚟提出佢心目中嘅經濟理論，佢認為喺經濟不景嗰陣，對貨品服務嘅需求唔夠，搞到失業率高企同埋可能輸出嘅喪失。佢跟手仲主張要有一啲政策，例如係中央銀行嘅貨幣政策行動或者政府嘅財政政策嚟令到商業週期當中嘅輸出穩定化。凱恩斯嘅理論亦都表明咗，喺某啲情況下，一個經濟體冇乜嘢有效又自動性嘅機制能夠將個經濟體移向全民就業。呢啲文獻最後創出咗商業週期嘅概念。

一個經濟體入面嘅失業情況係用失業率（unemployment rate）量度嘅。失業率係描述個經濟體嘅勞動力（labor force）當中有幾多工人係冇工返嘅。勞動力包括咗主動噉搵緊工嘅工人－退咗休、仲讀緊書、或者因為個市場冇職位所以冇心機搵工嘅人都唔包括喺勞動力之內。失業嘅成因可以有好多：最簡單嘅情況係個經濟體入面職位唔夠，喺古典嘅經濟學理論當中，失業發生嘅主因在於人工高得滯，搞到啲老細冇誘因請多啲工人（即係工人供過於求），而人工高得滯嘅原因可能係因為最低工資法律或者工會嘅活動，而就算個經濟體冇工人供應量多得滯嘅問題，一個工人依然可能會經歷摩擦性失業（frictional unemployment）－例如一個工人辭職去搵第份工，就算個經濟體冇職位太少嘅問題，佢喺開始搵工到搵到嗰段時間都算係處於暫時失業嘅狀態。

結構性失業（structural unemployment）包括咗一大柞可能引致失業嘅原因，例如係工人嘅技能同現存職位所需嘅技能唔夾噉，呢種情況可能會喺個經濟體轉型嗰陣時發生。結構性失業同摩擦性失業相似嘅係，兩者都反映咗將工人安配落去職位空缺上有問題，而結構性失業反映咗工人需要時間學新技能嚟適應新嘅經濟環境。

無論個經濟體情況係點，佢當中梗會或多或少噉發生失業嘅情況。當一個經濟體嘅增長放緩嗰陣時，好多時會發生週期性失業（cyclical unemployment）嘅情況。奧肯法則（Okun's law）代表咗喺實證研究上搵到嘅失業率同經濟增長之間嘅關係，原版嘅奧肯法則話，經濟輸出每升 3% 失業率就會跌 1%。打後嘅研究有按照實證觀察調較條定律入面嗰兩個數值。

喺廿一世紀嘅各大經濟體當中，錢都係交易嘅基礎，而啲貨品服務嘅價格基本上冚唪唥都係以「要幾多錢」嚟量度嘅。各大經濟體會攞襟用、易攜、供應有彈性、又唔易爛嘅物件嚟做錢－好似銀仔同銀紙等都符合呢啲條件。銀仔同銀紙本身並冇能力滿足人類嘅慾望，佢哋有價值只不過係因為個經濟體內部嘅人普偏都信佢哋有價值，令到啲人可以放心攞佢哋嚟買滿足到慾望嘅貨品服務。所以每一個經濟體都要做啲嘢，確保佢嘅貨幣係俾到信心人嘅，而管理得唔好嘅就會好似頭先提到嘅津巴布韋噉搞出禍。貨幣政策（monetary policy）指緊一個經濟體內嘅某啲權威性組織－即係中央銀行等－透過控制（例如）利息等嘅因素嚟到確保個經濟體內部嘅錢價值穩定同埋有公信力。

通脹（inflation）同通縮（deflation）係貨幣政策最常要應付嘅兩種情況，前者指個經濟體內部啲貨品服務嘅價格持續係噉升，而後者指個經濟體內部啲貨品服務嘅價格持續係噉跌，兩者都反映咗個經濟體嘅貨幣價值唔穩定：例如係通脹噉，想像有個人佢銀行戶口有 100,000 文，而喺個經濟體經過一個月嘅持續通脹之後，佢個銀行戶口入面錢嘅量冇變，但因為成個經濟體啲貨品服務嘅價格都升咗，佢攞住佢嗰 100,000 文實質上可以買到嘅嘢就少咗－佢啲錢嘅實際價值跌咗。無論通脹定通縮都會搞到啲錢嘅實際價值唔穩定，變相會損害啲人對隻貨幣嘅信心－而正如頭先提及，啲人對隻貨幣嘅信心係錢有價值嘅根本原因。

財政政策（fiscal policy）涉及一個經濟體嘅政府用佢嘅收入同支出嚟影響個經濟體嘅宏觀情況：當一個經濟體嘅總需求跌到有返咁上下低嗰陣，就會出現有一部份生產能力冇用盡嘅情況；喺呢個情況下，政府可以使錢同減稅令個總需求升返，而用淨嘅資源可以俾政府攞去用。舉個例說明，想像家吓有一個經濟體經濟不景，搞到有好多唔同行業嘅人失業，喺呢個時候，政府可以減稅，等啲消費者多啲多餘錢，令佢哋使多啲錢，啲生產者感覺到消費者對貨品服務嘅需求上升，就會做多啲生產，就要請多啲人做嘢－減稅間接舒緩失業嘅問題；同時，政府又可以索性（例如）請一啲因為經濟不景而冇嘢做嘅建築工人同埋工程師幫政府手起基建－直接噉舒緩失業嘅問題。

公共財政學（public finance）係涉及處理公共事業（public sector）嘅收支預算嘅經濟子領域，通常係處理返政府方面嘅嘢。呢個範疇內嘅事宜會含有比如稅收負擔（tax incidence，由邊個實際承擔個別嘅稅項）、分析政府主導啲項目嘅成效、唔同嘅稅收、同埋開支對經濟效率同收入分配嘅影響，仲有係經濟政策呀噉。後者係屬於公共選擇理論（public choice theory）嘅一部分，類似微觀經濟學噉研究公共事業啲活動，譬如（設想係）自私嘅選民、政客、同生意佬之間嘅啲互動。

多數經濟學科屬於實證經濟學，意圖預測同解讀啲經濟現象，而規範經濟學係以鑑證經濟表現理應係乜樣嚟做目標。福利經濟學（welfare economics）就屬於後種類型嘅分支經濟學科，佢會用微觀經濟學嘅理論技巧，去同時確定一個經濟體入邊嘅同埋相關嘅收入分配。呢個學科係會嘗試檢視構成咗社會嘅個體嘅經濟行為去研判社會福利。

人類早喺遠古時期經已有人寫經濟相關嘅著作，就連秦始皇都有執筆寫咗啲經濟方面嘅分析，但有系統性嘅經濟理論要去到成 16 世紀左右先開始出現：當時嘅歐洲人開始思考貿易同經濟政策方面嘅理論；好似重商主義（mercantilism）係 16 至 18 世紀嘅歐洲盛行嘅一套經濟政策理論，重商主義主張，一個國家嘅財富主要係由金同銀嘅累積主宰嘅，而領土唔夠金銀礦藏嘅國家只能夠靠同外國做買賣先可以得到金銀，因為噉，重商主義主張國家應該入口平價嘅物料嚟整貨品，並且用出口嘅方法嚟得到金銀；及後 18 世紀嘅法國思想家同作家諗出咗重農主義（physiocracy）嘅思想，將經濟體視為收入同產出嘅循環，相信只有農業能夠確實噉靠生產創造盈餘，所以指出農業係所有財富嘅基礎，因為噉，重農主義者反對重商主義者所提倡嗰種重視製造業同貿易嘅政策方針，亦都對稅收政策要點定先可以令財富最大化有所著墨。當時學者對呢兩個理論嘅辯論成為咗現代經濟學嘅起始，而亞當史密夫對重商主義嘅批判形成咗早期嘅經濟理論。

喺 1776 年，亞當史密夫（Adam Smith）出版咗佢本名著《國富論》（The Wealth of Nations）。呢本書俾人譽為「造就經濟學誕生嘅起點」。喺呢本書入面，亞當史密夫指出土地、工作力、同資本係生產嘅三大因素，亦係一個國家嘅財富基礎，有別於主張「只有農業至係有生產力」嘅重農主義。而亞當史密夫同佢同期嘅學者所提倡嘅嗰柞諗法就係所謂嘅古典經濟學（classical economics）－呢套經濟學係現代經濟學嘅基礎，因為古典經濟學家提出咗好多現代經濟學仲用緊嘅概念。

亞當史密夫佢本人諗出咗好多為現代經濟奠基嘅諗頭：亞當史密夫指出，無論喺城市定係國家層面，分工都可以引致貿易同埋勞工生產力上升，當中佢個條定理「分工嘅程度係受到市場所限制嘅」俾人廣泛噉譽為現代生產理論嘅核心同埋經濟組織嘅根本原則；亞當史密夫亦都提倡，經濟研究應該假設人類主要係想利己嘅－亞當史密夫話，喺有競爭嘅環境之下，持有資源嘅人絕大多數都會嘗試以對自己最有利嘅方式嚟運用啲資源，而人類偏好利己嘅傾向查實唔係一件壞事，例如佢講嘅呢段嘢就成為咗經濟學上嘅名言：

亞當史密夫「人類主要係想利己嘅」呢個命題係現代經濟學研究嘅基本假設。

另一方面，英格蘭學者馬爾薩斯（Thomas Robert Malthus）又提出咗報酬遞減（diminishing return）嘅概念：佢指出隨住生產因素嘅數量增加，邊際產量（marginal productivity；指產量上升幾多）會下降，例如如果員工數量一路係噉升，但其他生產因素（好似機械嘅數量）數量不變，產量嘅提升率會係噉跌，令到請新員工愈嚟愈唔著數；馬爾薩斯運用呢個概念解釋，點解有陣時個經濟體當中會有人工持續處於低水平嘅情況－佢指出喺好多經濟體當中，都有工人數量上升，但其他生產因素冇變嘅情況，而呢個情況會搞到啲老細愈嚟愈冇誘因請工人，自然搞到老細愈嚟愈冇誘因俾高人工。雖然馬爾薩斯嘅分析受到某啲經濟學家批評，但報酬遞減嘅概念對今日嘅經濟學嚟講都仲係相當有用。

比較優勢（comparative advantage）嘅概念都係喺古典經濟學時期出現嘅：喺 1817 年，英國經濟學家（David Ricardo）專注於分析收入點樣喺土地擁有者、工人、同埋資本家之間分佈。李嘉圖認為，喺土地量不變嘅情況下，隨住人口同資本係噉增加，租金會上漲，搞到人工同利潤停滯唔升，同馬爾薩斯一樣運用咗報酬遞減嘅概念。更加重要嘅係，李嘉圖用數學方式證明咗比較優勢嘅原則，跟手仲用埋呢條原則嚟解釋點解人同人以至國家同國家之間有誘因進行貿易，而唔係齋靠自己生產嗮所有需要嘅嘢。

古典經濟學亦都將學界嘅注意力帶到去價值理論（value theory）身上。價值理論係指分析人類個體重視啲乜同埋點解重視呢啲嘢，當中亞當史密夫就寫話「每一樣嘢嘅真正價錢... 反映咗要攞到佢有幾麻煩」（real price of every thing ... is the toil and trouble of acquiring it），所以一樣貨品服務嘅價值唔淨只反映咗要生產呢樣嘢要用嘅錢，仲反映咗生產呢樣嘢所造成嘅其他麻煩－呢點令到經濟學分析生產過程嗰時，唔淨只要考慮生產過程所涉及嘅資本。呢個諗頭喺當時相當有革命性。

馬克思主義（Marxism）係建基於古典經濟學理論上嘅一套經濟理論。喺 1867 年 10 月 1 號，德國猶太人政經學者馬克思（Karl Marx）出版咗佢嗰三本名著《資本論》（Das Kapital）嘅第一本。喺呢本書入面，馬克思對勞工同資本家對勞工嘅剝削做咗詳細嘅分析。佢認為一件貨品服務嘅價值係由生產佢嘅勞工所決定嘅，而一個勞工所生產嘅價值當中淨係得一部份係去咗個勞工度嘅，其他嗰啲會走咗去資本家嗰度，而呢個過程當中有機會出現對勞工嘅剶削，令到資本家攞走嗰部份唔合理咁大。馬克思嘅思想好有影響力，例如共產主義（communism）就好大程度上建基於馬克思主義之上嘅。

馬克思主義嘅其中一個重要主題係「衝突」。馬克思主義假設咗生產嘅過程會影響各種嘅社會現象，包括咗政治組織、法律、文化以至意識形態等，而生產方式係受制於科技等嘅因素嘅。馬克思佢仲主張，隨住生產方式改良，現有嘅生產方式組織往往會變得不合時宜，並且阻礙社會嘅進步，而呢個現象會引致某啲社會衝突，包括咗階級鬥爭（class struggle）：例如如果科技上嘅進步令到機械生產變得更加有效率，有可能會令到啲老細有誘因炒工人魷魚，工人自然就會唔高興，搞到「資本家」同「工人」呢兩個階級之間起衝突，而衝突就會引致革命。馬克思主義當中嘅階級鬥爭係一個好有影響力嘅概念，就算係今日嘅經濟學研究都仲會用呢個概念嚟對社會現象作出批判。

廿世紀初係經濟學上嘅一個轉捩點－經濟學喺呢個時期由淨係研究財富，變成一個更廣泛嘅領域。早期嘅經濟學都集中於研究財富以及財富嘅生產同分配，例如頭先提過嘅亞當史密夫一味淨係講財富上嘅決策同分析，但喺廿世紀初，經濟學界發現經濟學上嘅原則同理論有好多都可以用落去教育、軍事、同醫療等嘅領域嗰度，於是經濟學家開始覺得舊有對於「經濟學」嘅定義經已唔再夠用。1932 年，英國經濟學家（Lionel Robbins）出版咗佢篇文章《》（粵文：論經濟科學嘅本質同重要性）討論到呢個問題，提倡經濟學嘅定位唔應該淨係局限於「對財富嘅研究」，而係應該被視為一個研究人類行為某一部份嘅領域，佢提出稀缺性嘅概念，指出稀缺性迫使人類對點樣運用有限資源做出決擇－令到學界重新將經濟學定義為「研究人類點樣分配有限資源嘅科學領域」，並且正式將用經濟學原理分析財富以外嘅現象嘅研究納入為經濟學嘅一部份。羅賓斯嘅貢獻根本噉改革咗經濟學呢個領域。

新古典經濟學（neoclasical economics）呢套經濟理論係喺 1870 至 1910 年興起嘅。新古典經濟學研究個體人類、家庭、同組織嘅行為同埋佢哋點樣運用手頭上嘅稀缺資源達到佢哋嘅目的。呢套經濟理論假設一個人大致上係理性嘅，喺任何時間點都喺度嘗試運用手上嘅有限資源嚟達到某啲目的，而且喺決策方面有某啲偏好。一個手上控制住某啲資源嘅個體嘗試喺資訊、時間、同自身認知能力嘅局限之下盡量擴大自己嘅利益，一個社會由多個經濟個體組成，每個個體都會按照自己嘅資源同目的嚟做決策，唔同個體嘅決策會互動，造成各種社會層面嘅經濟現象，例如係供應同需求噉，當一件貨品服務推出嗰陣，每個個體消費者都要按照件貨品服務嘅價格以及自己手頭上有幾多資源決定要買幾多－而成個市場裏面嘅消費者決定買嘅量就形成咗件貨品服務嘅需求。新古典經濟學理論跟手仲用呢兩個概念嚟解釋市場均衡嘅情況。另一方面，新古典理論放棄咗古典經濟學當中嘅某啲諗法，用新嘅理論分析需求方嘅價值同供應方嘅價值。呢啲做法喺當時係好有革命性，令到經濟學研究變得更加似現代所見到嘅樣。

凱恩斯經濟學（Keynesian economics）係由英格蘭經濟學家凱恩斯（John Maynard Keynes）所創嘅一套經濟理論。喺 1936 年，凱恩斯出版咗佢本名著《》（粵文：就業、利息同貨幣通論），呢本書集中討論喺價格相對唔變嘅情況下國家收入由乜嘢因素話事，仲嘗試解釋點解喺某啲情況下，高失業率嘅問題會因為「有效需求」低得滯而唔會自行改善。凱恩斯嘅諗法對經濟分析方法有相當大嘅衝擊，而且仲令到宏觀經濟學成為獨立於微觀經濟學嘅一門經濟學子領域。除此之外，凱恩斯經濟學仲有後續嘅學派。

芝加哥經濟學派（The Chicago School of economics）係廿世紀早期興起嘅一套經濟學理論，主張自由市場同埋貨幣主義（monetarism）。根據呢個學派嘅經濟學者（例如係佛利民；Milton Friedman），只要錢供應唔好突然擴充或者收縮，市場經濟體本質上係穩定嘅，而呢個學派嘅分析師普遍認同，錢供應上嘅問題係大蕭條嘅主要成因。

佛利民等嘅學者攞咗好多古典經濟學上嘅原則，並且將呢啲原則現代化。舉個簡單嘅例子說明，佛利民 1970 年嗰時喺紐約時報寫咗篇專欄，當中指出企業嘅社會責任係「運用手頭上嘅資源，喺唔呃人嘅情況同埋公開嘅競爭之下，將自己嘅利潤最大化」－用咗企業社會責任（corporate social responsibility）呢個現代嘅概念，但又好似古典經濟學噉，主張個人嘅利己行為對社會整體嘅福祉有利。

行為經濟學（behavioral economics）係廿世紀中興起嘅一套經濟學理論，專門研究一啲非理性嘅因素－例如係心理、認知、情緒同文化等－會點樣影響個體以至群體嘅經濟決策：直至廿世紀初都霸佔住經濟學研究嘅新古典經濟學理論假設咗，人類係大致理性（rational）嘅，對於每個決定會對自己帶嚟幾多得失曉做出大致上完美嘅運算，並且淨係一味按照運算嘅結果做決策，但打後廿世紀中嘅研究話咁快就令到學界質疑呢個諗法－佢哋發現咗，人類好多時都唔能夠對經濟價值做正確判斷，而且喺做經濟決策嗰時會受好多非理性嘅因素左右。

面對呢個問題，行為經濟學理論家提出咗有限理性（bounded rationality）嘅概念：根據有限理性，人類可以係理性嘅決策者，但佢哋喺運算能力、資訊、時間、同記憶等嘅因素上受到限制，所以好多時都唔能夠做完全理性嘅決策。例如假想有個人，佢想用手頭上嘅錢最大噉滿足自己嘅慾望，喺完美理性嘅情況下，佢會集中淨係諗點樣用手上資源達到「最大噉滿足自己慾望」，忽略嗮第啲嘢，而且完美清楚知道每個可能選項有幾能夠滿足自己慾望；而喺有限理性嘅情況下，經濟學家就會考慮埋有啲乜嘢因素可能搞到佢做唔到完美理性嘅決策－比如話，可能嘅使錢方案多得滯，搞到個人唔可以冚唪唥考慮嗮（運算能力不足），又或者嗰個人未必知道嗮所有可能嘅選擇（資訊不足），又或者佢唔夠時間做咁大量嘅運算（時間不足）等等－喺古典經濟理論模型之上加入對「人類所面對嘅限制」嘅考量，務求創造出更加準確描述人類決策嘅理論模型。

到咗廿一世紀初為止，行為經濟學經已成為咗一個舉足輕重嘅領域，運用認知科學（cognitive science；研究心靈嘅科學理論，對人類認知能力受嘅限制等課題有相當著墨）等領域嘅知識結合傳統經濟理論，創造咗自己專屬嘅一套理論框架。而且仲有多位嚟自心理學（認知科學嘅其中一個領域）等背景嘅學者憑佢哋嘅研究奪得諾貝爾經濟學獎嘅殊榮。

有唔少學者都批評經濟學嘅假設，話呢啲假設好多時都係過度簡化嘅。喺任何嘅理論分析（包括經濟學）當中，研究者梗要做一啲簡化，集中思考對研究現象嚟講最緊要嗰啲變數，但亦都因為噉有陣時要焗住做某啲假設，令到個理論模型嘅真實性受質疑。學者需要爭論到底一個理論模型有幾能夠代表到現實，同個模型「代表到現實」嘅程度係咪夠高，可唔可以攞嚟預測現實世界發生嘅嘢。

舉個例說明：喺做博弈論嘅分析嗰時，個研究者會假設所有博弈參與者都想將自己贏嘅機會率最大化，佢跟手會用個理論模型分析現實世界嘅現象；問題事實係，喺現實當中，的確會有一部份嘅人會因為某啲原因而唔想喺場博弈當中贏，所以佢個理論模型只不過係對現實嘅大致（approximate）描述，唔完全代表到現實；只要大部份人都係想贏嘅，噉用佢呢個理論做分析會大致上正確，但問題係，到底想贏嘅人佔咗幾多百分比？原則上，呢個百分比愈高，個理論模型就愈會做到準確嘅預測。而到底呢個百分比要幾高，個模型先至算「啱用」？

好多批評經濟學研究方法嘅學者都係講緊呢樣嘢：佢哋質疑到底經濟學理論做嗰啲假設係咪有足夠嘅真實度，確保到啲理論嘅實用性。除咗頭先提到嘅博弈論例子，「人類大致上係理性嘅」同埋「人類具有足夠嘅資訊做正確決策」等都係啲經濟理論模型常用嘅假設，佢哋嘅可用性同樣受到廣泛爭議（睇埋行為經濟學）。

有唔少主流經濟學家（例如係凱恩斯）都指出，經濟學理論好多時都流於概念性嘅分析，做唔到量化嘅預測。喺科學上，一個理想嘅理論模型應該要準確噉預測現實世界嘅現象，例如牛頓力學嗰柞定律就可以準確噉預測速度同力等變數之間嘅關係，令到人可以知道咗（例如）一件物體所受嘅力同佢嘅質量之後，近乎完美噉預測件物體速度嘅變化。

經濟學都嘗試做類似嘅嘢，用某啲數字預測第啲數字，例如靠一件貨品服務嘅價格預測生產者最後會得到嘅盈利，但經濟體係一個複雜嘅系統，而且經濟學研究嘅變數好多時都冇辦法直接量度（例如消費者「買某件貨品嘅意願」頂櫳只可以靠問卷調查嚟量度）。結果係，呢類預測嘅準確性通常都冇物理學等「硬」科學做嘅預測咁準。好多時，經濟學只係做到預測邊個邊個變數同邊個邊個變數成正比定反比－即係話呢啲理論嘅預測能力冇硬科學上嘅理論咁勁。

喺實證經濟學研究上，一份研究嘅再現性（replicability）係一個受關注嘅課題。再現性係指一份科學研究俾嘅結果應該係客觀嘅，所以如果第啲人用同樣嘅方法做嗰份研究嘅話，理應會攞到相同嘅結果，但係經濟學嘅研究時不時俾人發現係再現唔到嘅，而且經濟學期刊成日俾人插，話佢哋唔肯刊登一啲嘗試做再現嘅研究（因為嫌呢啲研究冇乜話題性）。噉亦都一定程度上因為經濟學（同第啲社會科學）一樣，都係研究緊複雜系統（complex system）嘅，呢啲系統內有好多因素，而且唔同因素之間仲會互相影響，搞到好多時好難控制嗮所有嘅因素同用完全同樣嘅方法重做一份研究。




#Article 26: 漢藏語系 (108 words)


漢藏語系（；）係語言學家按照譜系分類法劃分嘅一組語言群（語系級），但係劃分嘅形式好多。喺中國，漢藏語系一般分為四個語族，即漢語族、壯侗語族（或者叫侗泰語族；喺過去仲會加埋越南文入去）、苗瑤語族同藏緬語族；但國際主流學界從1950年代開始，就認為苗瑤語同壯侗語唔屬於漢藏語系，而係各自立爲一系，而越南文則公認屬南亞語系，所以學界主流認爲漢藏語系由漢語族同藏緬語族構成。但呢個係傳統分類，一啲學者，如無我喺2001年做嘅分類認爲，個語系下面可以分出40幾個，而一啲語言究竟係咪真係屬漢藏語亦有爭議。按無我嘅分法，會叫個語系做藏緬語系（；）或者（）。雖然目前世界主流認爲壯侗語同苗瑤語有各自嘅譜系承傳，越南文亦唔屬漢藏系，但都唔完全同漢藏語無關，佢哋喺音韻、句法、詞彙方面同漢藏語系有相似之處，呢個要歸結於借詞同長時間嘅地區交流。

漢藏語系幾大下，語種數達400餘種民族語言（Ethnologue嘅統計係456種，Glottolog嘅統計係488種），主要分布喺中國大陸、香港、澳門、台灣、越南、老撾、緬甸、泰國、印度、尼泊爾、錫金、不丹、孟加拉等亞洲國家同地區，地理大區上有東亞（中國）、東南亞、南亞（喜馬拉雅）。按母語嘅人數計算，係僅次於印歐語系嘅第二大語系，母語人口超過13億人。同時，漢藏語系喺時間深度、語言多樣性、同埋文化意義方面，亦唔輸得過印歐語系。漢藏語言中，以母語人口計，最多嘅前三位係中文（漢語族集合；13億人講）、緬甸文（3300萬人講）、藏文（藏語支集合；600萬人講）。好多漢藏語言只使用喺偏僻山區嘅細社羣中，外界知曉佢哋嘅資訊好少。

法國學家沙加爾提出過漢藏語系同南島語系有發生學關係，哩個理論得到中國著名語言家邢公畹嘅認同。但現時漢藏語系同其他主要語系嘅關係仲未明確，呢啲跨語系嘅睇法未得廣泛認可。語系中好多細嘅下級分類群已經清楚確立，但呢啲細群之間更高級嘅關係構築仲未明瞭。雖然呢個系通常分成兩支，即漢同藏緬，但啲研究家未能確定非漢語嘅漢藏語嘅終極來源，而語系中唯有漢語嘅研究比較充分，同時成個語系嘅祖語擬構仲喺初步階段。

屬漢藏語系嘅語言中，有好多係聲調語言、語法上係孤立語。但呢個與其話係語言系統上來講嘅，不如講係種地域特性。

一般認爲西藏字母嘅綴字反映咗7世紀嘅藏語發音，顯示咗呢個時代嘅藏話有輔音簇，另一方面又冇音調型嘅聲調。而且，隨住詩嘅押韻、漢字嘅音符個研究進展落去，發覺中文上古音亦係噉，古代漢語亦係存在輔音簇，而冇音調型聲調。

苗瑤語系同埋壯侗語系都係聲調語言，兼且都係孤立語，同而家漢藏語系嘅語言有住好多共通嘅語彙，啲學者從呢啲方面睇，就認爲佢哋包含喺漢藏語系度。但係，隨住研究嘅進展，明瞭咗佢哋語彙嘅共通性主要出自借用，排除咗借用語，淨低嘅語彙非常之缺乏共通性，所以而家就認爲佢哋係第個語系。呢個係譜系學嘅觀點，認爲呢兩個語言群同漢藏語言冇發生學聯繫，但由於佢哋嘅結構同漢語非常之似，所以佢哋構成同一塊語言區域內嘅語言聯盟，係廣義上嘅同一語系。同屬呢個語言聯盟嘅仲有孟-高棉語族。

中，佛教（漢傳佛教、藏傳佛教）、儒教、道教都使用屬呢個語系嘅語言。

中文、藏文、緬甸文之間以及同第啲語言嘅語言學親緣關係最初喺19世紀頭提出，呢個講法現今得到廣泛認同。一開頭關心嘅係啲有住悠久文學、古老文獻嘅大語種（都係啲有文明傳統嘅語種），之後漢藏語系嘅研究眼界闊咗，添入啲更少人講嘅、知之甚少嘅語種，當中有啲只係近來先發現，或者書面體系最近先發達，或者從來未有過字，只有口傳語言。但係，相比印歐、南島同南亞語系，漢藏系嘅語言學分類個進展又比較慢，而且漢藏祖語嘅再構亦唔講得十分確立。裏頭嘅困難包括漢藏語嘅多樣、各種語言嘅差異太過巨大、語言數量龐大、大部分語言冇屈折、語言接觸嘅影響又好強，而佢哋好少有同外界互動，欠缺材料，亦缺乏資訊。再加上好多細語種只出現喺啲細村寨，處於難以接近嘅山區，調查困難，或者位於敏感嘅邊界紛爭地區。

十八世紀時，好多學者搵到咗藏文同緬甸文之間嘅相似之處，佢哋嘅平行關係引人注目，呢兩門語言都有龐大嘅文學資料同古老嘅文獻。十九世紀初，對於印度東北高地、東南亞嘅一衆語言，就算係冇文字嘅，布賴恩·豪頓·赫臣（；喺1818年）同一啲第啲人都認同咗佢哋嘅相同，而且佢哋同藏文、緬甸文嘅關係值得留意。最早嘗試探尋藏緬語內部關係嘅人係腓特烈·麥斯·繆勒（；喺1854年）。1856年，爲呢個語言群起名做「藏緬語」（），最先由佢使用呢個用語；1858年，佢添多個甲良語言入來呢個語言群。史汀·哥挪夫（）編輯嘅作品《》嘅第三卷有專門內容講喺英屬印度嘅藏緬語言。

先係19世紀中葉，路根對喺東南亞嘅印支語言搞研究，佢同第啲人一齊分咗佢哋入四組，明曉佢哋分屬四個語言群：藏緬、泰、孟-高棉、馬來-波利尼西亞。喺1823年認識到話緬文、藏文同埋中文呢三門語文都有共同嘅基本詞彙系統，而泰文、孟文、越南文同佢哋就明顯幾唔同。恩斯特·官（）設想出一個語系，包含兩個語族分支：中暹（Chinese-Siamese）同藏緬。喺1896年做咗個有名又有影響力嘅分類，叫呢個語言群做「印支語系」（Indo-Chinese），但孔好古排除咗甲良語，對佢有啲疑問。雖然孔好古做嘅印支語系名稱廣泛使用，但啲人議論孔好古排除越南文嘅做法。喺1909年將甲良語言分做中暹語嘅第三個語族。

桑·普士路斯基（）作咗個法文術語「」（漢藏），攞佢做1924年《世界語言》（）當中一章嘅標題，《世界語言》由同編輯，呢個係呢個名最初嘅使用。英文譯語「」首次出現喺1931年普士路斯基、嘅短註腳中。普士路斯基喺孔好古區別兩個語族嘅基礎上（藏緬語族同中暹/漢傣語族），劃分語系做三族：藏緬、漢、泰，但佢唔確定甲良語同苗瑤語嘅擺位，而將苗瑤語包含入傣語族（壯侗語系）。

李方桂喺1937年亦提出相似嘅分族，但佢將苗瑤語又放返入語系內，呢個一系四族嘅分法成咗中國語言學界嘅傳統，遺存至今。

受咗公共事業促進局嘅贊助，1935年人類學者以柏克萊加州大學爲基地，創立咗漢藏語文獻學項目。呢個項目喺1938年之前由羅弼·沙佛（）監督，之後一直由白保羅監管。喺沙佛同白保羅嘅指導下，招聘咗唔係專攻語言學嘅30人成員，去儘可能收集漢藏語嘅研究文獻。做出嘅結果係15卷嘅打字稿，題目叫《漢藏語言學》（），做咗8部副本。呢本書未出版過，但之後沙佛嘅一連串論文、沙佛編輯嘅五卷《漢藏語入門》（）、以及白保羅嘅《漢藏語概要》（），寫佢哋時都使用咗嗰本書做數據來源。

白保羅喺1941年寫好《漢藏語概要》嘅原稿，然後直到1972年先出版。白保羅冇去描畫漢藏語系完全嘅家族系統圖，而係通過比較五種主要語言，構築咗藏緬祖語（有時亦使用別種語言嘅比較）。白保羅承認音節頭輔音有濁同清兩個系列，再加埋非送氣音同送氣音嘅區別。佢嘅理由係前置輔音（複輔音）喺藏語仲有殘留，但其他大半數嘅語言都喪失咗。據此，白保羅再構嘅音節頭輔音如下：

同系詞語嘅音節頭輔音傾向有同一嘅發音位置同發音方法，但清濁、送氣之別通常係預想唔到嘅。呢個不規則性成咗攻擊嘅地方。與此同時，白保羅學說嘅支持者對呢個問題求解於接頭辭（前綴）嘅脫落，而呢個影響冇辦法復原出嚟。呢個問題直到而家都仲未解決到。而家有少數學者唔承認漢藏語系存在，其中之一係白桂思，個詏點在於共通嘅漢藏語形態論係再構唔出來嘅，好多共通語彙係從中文入到藏緬語嘅借用語，呢個就係佢嘅論據。

白保羅喺1942年嘅著作《泰文、仡央-黎、印尼文：東南亞嘅新定位》（）中，明確排除咗傣語言、苗瑤語言同漢藏語系嘅隸屬關係。佢認識到，泰語言同漢語言之間好多嘅詞彙、音韻相似係由於地區交流導致嘅語言早期接觸同埋借用，而非因爲佢哋之間有共同嘅祖語遺傳。白保羅認爲呢兩群語言之間嘅基礎詞彙幾乎冇同源嘅。佢話：

白保羅呢番話嘅重點在於「基礎聯繫」，因爲傣語言嘅辭彙中有大量嘅漢語言借詞。白保羅嘅睇法構成咗今時學界主流觀點嘅根基：漢藏語系分成兩大語族——漢語族同埋藏緬語族。對於藏緬語族，白保羅認爲喺緬甸講嘅甲良語言有住獨特而緊要嘅地位，因而提出「藏-甲良語族」（Tibeto-Karen）嘅假說。

至於畀白保羅踢出漢藏語系嘅語言群——壯侗語、苗瑤語——就認爲佢哋嘅親緣語言係南島語同埋南亞語。佢提出假說，將呢四個語系合一做南方大語系，但現時得少數學者贊成呢個學說。

白保羅之後數年間，甲良語言同埋白語嘅譜系擺位成咗大難題。同白保羅做法唔同，啲人將甲良語言定做漢藏語系嘅第三個語族。沙佛（1955）行得最遠，佢解散咗成個藏緬語族。佢認爲傣語言嘅歸屬問題未完全解決。

馬提索夫延續咗白保羅嘅工作，白保羅寫《漢藏語概要》（1972年）時，佢曾經做過助手，幫手引導出初步結論。喺漢藏語系研究方面，馬提索夫尤其緊要嘅貢獻係佢創立、資助嘅STEDT項目（；漢藏語詞源辭典及詞庫），呢個項目盡可能多噉蒐集晒啲漢藏語種嘅語料，去做譜系親疏嘅判定同埋原始祖語嘅重構。馬提索夫喺佢2003年嘅《藏緬祖語手冊》（）度對未完成部份做咗初步估計。喺譜系劃分上，佢傾向於劃成大型分類，譬如喜馬拉雅語支（Himalayish）、加馬魯班語支（Kamarupan），呢點唔得大部份學家贊成，亦有學家否決噉嘅做法。

今時近乎所有學家都遵從白保羅嘅二分法觀點，將漢藏語系分成漢語族同藏緬語族，頂多甲良語言嘅擺位有啲拗撬，不過無我就沿用返19世紀嘅做法，將漢語言定位成藏緬語內嘅分支，同族內其他分支平行。佢喺啲早期研究中見到漢語言同藏語支（廣義藏語言）有特殊嘅親近聯繫，因而令佢提出漢藏語族（Sino-Bodic）嘅講法。不過呢個假說畀馬提索夫（2000）爲首嘅一班學者質疑，現時學界主流杯葛咗呢個講法。無我喺2001年嘅兩卷本著作《喜馬拉雅語言》（）總結咗對於喜馬拉雅地區語言嘅廣義研究。喺呢部著作裏頭，佢處理咗吓幾乎已知嘅全部漢藏語言嘅譜系定位問題：打散成個藏緬語族，分解成公認嘅語言細群。至於啲大些少嘅語言群，佢只接受彝緬語群同埋波多-干若-景頗語群，亦保留咗藏語支同埋北阿森語支（無我稱之做布拉馬普特拉語支）。

無疑係有最古老記錄嘅漢藏語言，自公元前1200年代時就有刻印銘文，亦即甲骨文，兼且有住輝煌嘅文學，喺紀元前1千年紀就寫低咗大量文獻，殘存至今。雖然中國字系唔係份字母表，唔係音素文字，但啲學者仲係搵計復原返古中文音位系統，再構上古音，辦法係比較啲中古漢語辭典記低嘅發音模糊描寫，研究漢字聲符，比較入邊嘅音聲要素，研究啲古詩嘅押韻韻腳。頭一部完整復原出古音嘅作品係高本漢嘅《Grammata Serica Recensa》，白保羅同沙佛就使用過呢個最初期重構嘅音。但係高本漢嘅上古音有好多音分佈得唔規則，令到佢好難處理而又笨拙。最近嘅學者利用其他根據去改訂高本漢嘅上古音。嗰啲提案都係基於漢藏語系嘅同系語彙，但佢哋喺中文內部亦存在支持嘅證據。例如最近嘅將高本漢嘅十五元音變更爲六元音體系。呢個體系嘅開始出自包擬古對藏文做過嘅比較，由此而提出。同樣，高本漢嘅*l變更爲*r，而其他嘅輔音解釋成*l。除咗藏緬語嘅同系語彙支持呢個解釋之外，古中文譯記外國語音嘅音譯名亦都支持。而家越來越多學者支持噉樣嘅觀點：上古中文本來係非聲調語言，中古音嘅聲調係發達自音節尾輔音嘅。呢個噉樣嘅音節尾輔音當中，*-s認爲係其他漢藏語同系語彙所帶嘅後綴來嘅。

七世紀中葉時吐蕃王國創造咗字來寫，自呢個時代以來有住廣闊嘅文字書寫，藏文亦因而有住幾豐富嘅文學。至於緬甸文就受多啲限制，佢最古老嘅記錄要更往後，如十二世紀嘅（「美厄佘地」嘅意譯係「呂宋綠舍利塔」），呢個係佢初期嘅記錄，但之後緬文文學亦發展迅速，有住廣泛嘅文獻而發達。呢兩種語言嘅兩種字都出自印度古代嘅婆羅米字系統，呢種文字可以記錄音素。語言比較係利用呢啲語言保守嘅書面語來搞嘅作業。對於藏文，可以用閒希克·歐古斯特·耶舒吉（）嘅辭書，對於緬甸文，可以用阿多尼藍·扎臣（）嘅辭典。但呢兩部辭書都包含唔同時代嘅語彙。

西夏（1038年～1227年）嘅語言西夏文亦殘留幾多嘅文獻。西夏文所記嘅字係種表意文字，佢嘅創製靈感得自漢字，正因爲噉，雖然存在多語種辭書，但要解釋佢仲係有各種各樣嘅困難。

龔煌城比較咗上古漢語、藏語支、緬甸語、西夏語，確立咗音嘅對應規則。龔煌城搵出藏文同埋緬甸文嘅對應住上古漢語嘅兩個元音：*a 同埋*ə。呢樣嘢就認爲係中文同藏緬語分屬唔同語族嘅證據，但拿芬·W·曉（2014）發現緬甸文亦有*-aj ( -ay) 同*-əj ( -i) 嘅區別，所以佢主張*ə  *a嘅變化喺藏文同緬甸文係分別獨立演變嘅。

沙佛同白保羅所使用嘅冇文字語種嘅記述，大多係傳教士同殖民地政府嘅統治者所做嘅記錄，有語言學上嘅正確性問題。大部分漢藏語系嘅細語言係喺難以接近嘅山區講，當中好多係政治或者軍事嘅敏感地域，禁止外界調查。直到1980年代，調查得最好嘅地域係尼泊爾同泰國北部。1980年代到1990年代間，公開刊行咗喜馬拉雅同中國西南部嘅新調查。當中有啲新發現特別有意思，係發現咗隻新語支，係喺四川同埋鄰接地域講嘅羌語支。

按母語人口，漢藏語系（13億）係僅次於印歐語系（27億）嘅第二大語系；按語種數目（450種以上）就排世界第五，排喺尼日爾-剛果語系、南島語系、跨新畿內亞語系、亞非語系之後。

語系中呢三組語言最多人講：中文、緬甸文、藏文；而漢藏語系嘅大部分分佈係呢三組語言喺歷史上擴張後嘅結果，佢哋置換晒幾多早期嘅未知語言。呢三組語文亦擁有語系內最悠久嘅書面傳統。淨低嘅漢藏語言講喺啲山區，主要係喜馬拉雅南坡、、同青藏高原嘅東緣。

傳統上所劃分嘅兩個語族之間非常之唔均衡。漢語族只包含十幾種中文（或者成個中文係個方言簇），但就有12億以上嘅人口，分佈喺大中華地區，而藏緬語族有超過330個語種，但人口就約乎只有七千萬，當中有成半人口集中晒喺一門語言——緬甸文。藏緬語族大多分佈喺喜馬拉雅地區同隔籬嘅東南亞一帶，尤其係西藏、南中國、緬甸、尼泊爾、不丹、錫金同埋北印度，另外喺巴基斯坦、孟加拉國嘅北方部分地區，以及東南亞嘅老撾、越南、泰國嘅一啲省亦有分佈。

除出緬甸文，漢藏語系內淨低嘅最大語種都係漢語族嘅語言。最大嘅語種係官話（語體中文），有8億7千5百萬嘅母語人口。接住嘅排位都係漢語族語種：吳語（8千萬）、粵語（7千萬）、閩語（6千萬）、晉語（4千5百萬）、湘語（3千6百萬）、客家語（3千3百萬）、贛語（2千1百萬）。藏緬語族嘅最大語種係緬甸文（有3千5百萬嘅母語人口外加緬甸國內1千5百萬嘅第二語言人口），然後係南中國嘅彝語（4百20萬）、標準藏文（2百萬母語人口，外加4百50萬嘅通用人口，即康區藏人同安多藏人）、平原甲良文（2百萬人口，分佈喺緬甸嘅甲良邦）、米提文（近2百萬人口，分佈喺印度嘅曼尼普、亞森、那加蘭）。

喺目前，漢藏語系最大嘅分支係13億嘅漢語族人口，大多數漢語人口住喺中國東半部。漢語嘅最初記錄出自前1200年代嘅甲骨文，嗰陣時嘅上古漢語講喺黃河中游流域一帶。之後中文喺中國擴張，形成咗語族，論多樣及得上羅曼語族。中國東南因爲地形崎嶇，語言多樣性高過華北平原。

緬甸文係緬甸嘅國語，亦係3300萬人嘅母語。緬語人口最初喺9世紀初入到伊洛瓦底盆地北部，佢哋來自而家嘅雲南西部，嗰陣時啲驃人城邦因爲南詔嘅入侵而衰弱。至今喺雲南偏遠西部嘅德宏州仲有人講緬語支語種。11世紀時，緬人嘅蒲甘王國已經擴展到成個盆地都係。緬文最古老嘅文獻，譬如美厄佘地碑文，出自12世紀初。

藏語言有約600萬人講，講喺青藏高原同鄰近嘅喜馬拉雅同埋四川西部。佢哋嘅祖語係中古藏語，原先講喺雅魯河谷，日後隨住7世紀吐蕃帝國嘅擴張而擴散。雖然9世紀時帝國崩潰，但古典藏文作爲藏傳佛教嘅禮儀語言而留有影響。

淨低嘅語言講喺啲山地。分佈到最南嘅係甲良語言，有400萬人講，講喺緬甸同泰國邊境嘅山區，喺甲良山有住最高嘅多樣性，而嗰度係啲人認爲嘅呢個語言人群嘅故土。從印度東北到緬甸北部嘅山地包含有超過100種嘅漢藏語言，有住豐富嘅多樣性。其他嘅漢藏語言可以見於喜馬拉雅嘅南坡、中國西南、泰國北部。

下面份表列出漢藏語系啲語言分支嘅統計數字以及地理資料。數據基於無我（2001）同埋啲漢藏語言分類嘅網站。啲語種數量明顯少過《民族語》（Ethnologue），噉係由於《民族語》相比啲主流研究，佢將更多嘅方言升格成獨立語種。

漢藏語系分支統計語種數量、人口、分佈地域

粗字係主要分支，其餘係之下嘅細分支。

對於漢藏原鄉，經已有咗一系列嘅推測，反映出語系譜系分類同語系歷時深度嘅唔確定。馬提索夫（1991）推測原鄉喺青藏高原東部，時間約喺前4000年，從呢度分出幾支人移民出去，分別順住黃河、長江、湄公河、薩爾溫江、布拉馬普特拉河出去。無我（2005）推測漢藏語系發源自四川盆地，時間喺前7000年，最早嘅移民係去咗印度東北，之後嘅移民向北走，成爲咗漢語同藏語嘅祖先。羅哲·布蘭池（Roger Blench）同麥·蒲斯特（Mark Post）（2014）提出話漢藏語源地係印度東北，呢笪地方有住最高嘅漢藏語多樣性，時間喺前7000年。羅哲·布蘭池（2009）提出論點認爲，用農業係重構唔出漢藏祖源嘅，因爲漢藏語最早嘅人群唔從事農業，而係有住非常高多樣性嘅採集狩獵者。

張夢翰哋（2019）對109種漢藏語言做咗個系統發育嘅電腦分析，提出話漢藏語系嘅源地喺中國北方，大約喺黃河盆地附近。個研究又認爲，大約喺4200年前到7800年前（平均喺5900年前），漢語族同藏緬語族之間就有咗初步嘅主要區別，亦即兩大語族係嗰陣時分家嘅，個語言擴張同仰韶文化同埋/或者之後嘅馬家窯文化有關。沙加爾哋（2019）亦做咗個系統發育分析，但用嘅係唔同數據同計法，而得出嘅結論相同，包括語系源地同埋語系分化模型，但佢哋認爲個年代仲要早啲，約喺7200年前，認爲語系起源同早先嘅仰韶文化、同埋之後嘅磁山文化有關。

中文有住悠久書面，佢嘅唐字係種語素文字，起碼有3500年歷史，喺諸多領域都有廣泛嘅書寫傳統，比如科學、文學、宗教。中文之外，研究得最多嘅漢藏語言係藏文同緬甸文。佢哋同樣都有悠久、廣泛嘅書寫傳統，但就聚焦喺佛教文獻上，佢哋嘅字母創製自印度文字。西藏字母喺7世紀創製，佢嘅最老文獻出自9世紀，出土喺敦煌嘅石窟度。最早嘅緬甸字母文獻係12世紀嘅碑文。其餘絕大多數藏緬語言都未有字或者冇書面傳統，只有尼婆羅文、米提文、絨巴文基於天城字母發展出自己嘅字母同書面，佢哋嘅文獻集中喺史料同宗教典籍。但而家佢哋呢啲獨特發展打斷咗，今時呢三門語種，同其他喺印度、尼泊爾嘅藏緬語言一樣，都靠天城字寫文（天城字可以係印度寫法或者係尼泊爾寫法）。

喺中國地區除咗有佔主導地位嘅唐字外，仲有啲特別嘅文字系統：滅絕咗嘅西夏文（党項文）所寫嘅党項字係基於唐字創製嘅；納西文有自己嘅圖畫音節文字；彝文有獨自嘅彝字；仲有值得一提嘅係女書，係15世紀時由湖南一啲地方嘅女人發明嘅。

好多下級嘅語言群分類，典型如，經已明瞭分定，兼且可以可信噉擬構出佢哋嘅原始形態，但佢哋關係嘅語系高級構築仲未確定，因爲漢藏祖語嘅重構仲未穩陣可靠。所以，漢藏語系/藏緬語系嘅保守分類辦法係做住幾十個細分支嘅分類先，包括埋啲孤立語言；啲學者嘗試做分組，一唔係出於地理位置上嘅相近，一唔係出於進一步研究嘅假設。

根據目前嘅研究情況，如無我（2001）、馬提索夫（2003）、杜冠明（2003）所概述噉，如下嘅漢藏語系內部結構可能係合理嘅，即管仲未喺所有細分支之間達成完全共識。

由於漢語族由數種關係緊密嘅語種組成，所以佢嘅內部譜系相對冇乜大問題，但絕唔可以認爲多達330種語言嘅藏緬語族現時亦都噉樣咁確定內部關係。現時最緊要嘅概述著作——無我2001、杜冠明2003、馬提索夫2003——提供咗幾唔同嘅譜系模型。啲學者對啲細嘅語言分組達成共識——譬如藏語支、基蘭迪語支、達尼語支、波多-哥池語支、甲良語支、景頗-塞語支、古基-千語支、緬語支——但對用細分組合成嘅中型乃至更大嘅語言組，啲學者就冇乜共識。原因包括欠缺詳細研究、有唔少藏緬語種缺少語法書同辭典、密集嘅地域交往令詞源關係模糊、有數量龐大嘅語言等住做比較。馬提索夫緊要嘅STEDT計劃（；漢藏語詞源辭典及詞庫）個目的就在於釐清呢啲問題，搭起語言細群之間嘅譜系聯繫，擬構各群嘅祖語乃至最後重構出藏緬祖語。

馬提索夫喺1996年同埋2003年「敢於」劃出相當大嘅分組，而無我（2001）就行咗另一個極端：將成個藏緬語族打散晒，分割成細羣組，而對佢哋之間嘅關係只做含糊描述。杜冠明（2003）介乎中間。上面所列中型支系主要係以杜冠明嘅劃分做基準，而下面嘅詳情構造採自無我喺2001年著作中嘅所列，裏頭包含咗已知嘅藏緬語同埋可信憑嘅親緣小組。總體來講，係將藏緬語嘅語言細群放入冇咁大嘅關係中。將來嘅研究，喺馬提索夫團隊嘅STEDT計劃之上，肯定要擬構合適嘅祖語（譬如基蘭迪語支或者彝緬語支嘅祖語）來令啲中型乃至大分組攞到學者共識。

喜馬拉雅語支（Himalayish）：係馬提索夫喺2003年提出嘅大分組假說，包含藏語支、西喜馬拉雅語支同埋大基蘭迪語支。現時學界主流唔多接受呢個大分組，但佢包含嘅三隻語支喺文獻中廣泛承認。

大基蘭迪語支（Mahakiranti）：由無我（2001）同杜冠明（2003）提出，將三隻公認嘅語支基蘭迪語支、尼婆羅文、馬嘉-車彭語支合成大基蘭迪語支，之後畀馬提索夫擺入佢提出嘅喜馬拉雅語支假說裏面。基蘭迪語支嘅祖語經已擬構。後來無我喺2004年宣佈放棄呢個分組。

加馬魯班語支（Kamarupan）：係馬提索夫喺2003年提出嘅大分組，包括古基-千-那加語支、波多-哥池語支、達尼語支同埋第啲個別語種，加馬魯班係亞參嘅梵文名（）。不過加馬魯班語支唔多受承認，現時新出嘅分法都唔採用呢個分組。後起學者嘅做法唔同過馬提索夫，大多係將景頗-塞語支、波多-哥池語支、干若那加話組成中型分組波多-干若-景頗語支。

北亞參語支（North-Assam）：無我發現咗個非常之穩陣嘅分組，即北亞參語支，入面包含達尼語支、哥華-蘇龍語支、僜語支、義都-達讓語支。佢起名叫布拉馬普特拉語支（Brahmaputran）。喺馬提索夫嗰度，佢哋係加馬魯班語支下面嘅分組。

古基-千-那加語支（Kuki-Chin-Naga）：係公認嘅中級分組，裏頭嘅主要語種除咗千話同埋印度東北嘅那加話外，仲有大語種米提文（亦即曼尼普文，係印度19種官方語言之一）、卡比話。北那加話（又叫干若那加話）有時劃入呢個分組，但現時大多學者劃佢哋入波多-哥池語支同埋景頗-塞語支。

波多-干若-景頗語支（Bodo-Konyak-Jingpho）：係杜冠明同埋無我提出嘅中級分組，包含三組確定過嘅語言群：波多-哥池語支（舊名叫波多語支）、干若那加話、景頗-塞語支（舊名叫克欽-路依語支）。只有馬提索夫將景頗-塞語支同儂語支擺埋一齊，不過佢亦都承認景頗話同干若那加話有密切關係。

絨語支（Rung）：絨語支係個大分組假說，由杜冠明同埋羅仁地提出，但啲文獻唔多受認呢個假說，現時主流係依照無我同埋馬提索夫嘅建議，打散成以下嘅穩陣分組：羌-嘉絨語支、儂語支、基蘭迪語支、西喜馬拉雅語支。

羌-嘉絨語支（Qiang-Gyalrong）：幾乎所有學者都承認呢個語言分組，佢哋分別都係喺四川講嘅羌語言同埋嘉絨語言。羌語係死語西夏文嘅親屬語言呢點得到廣泛認可。

儂語支（Nungish）：杜冠明認爲佢同羌-嘉絨語支關係親近，而馬提索夫認爲同佢有關係嘅係景頗-塞語支。呢兩個觀點都有各自嘅爭議。無我嘅睇法就認爲儂語支係藏緬語族裏頭獨立嘅分支。

彝緬語支（Lolo-Burmese）：係藏緬語族內公認嘅中級分組（呢群語言有住龐大嘅人口），係將中國南方嘅彝語羣同以緬甸文做核心嘅緬語羣組合而成，呢個語支嘅祖語經已成功擬構。一啲研究者推估納西文呢門語種屬呢個語支，不過啲納西文專家就否認呢個惗法。

甲良語支（Karenic）：甲良語支分佈喺緬甸境內，舊時啲學者假設佢喺漢藏語系內有語族級嘅特殊地位，今時都拋棄咗呢個定位，認爲佢係藏緬語族下嘅緊要語支。之所以舊底以爲佢咁特別，係由於佢嘅語序係SVO型，而藏緬語族之中只有白語同佢一樣，其他語種都唔係噉樣。

白語（Bai）：白語分佈喺中國南方，佢嘅譜系定位一直深受議論，噉係由於佢受到中文極強烈嘅影響。因而一啲研究家（比如白保羅、鄭張尚芳）認爲佢屬於漢語族（或者聯名叫漢白語族）。亦有啲研究者認爲佢係漢藏語系嘅第三個語族。馬提索夫、無我、杜冠明將佢定做藏緬語族下嘅獨自分支。

納西文同埋一啲個別語種：藏緬語族中某啲語種，比如絨巴文（Lepcha）、土家話（Tujia）、納西文（Naxi）、唔魯話（Mru），仲有一啲滅絕語種譬如驃文（Pyu）、杜拉話（Dura），佢哋現時仲未搵出受認可嘅分組聯繫。有啲研究者嘗試將納西文歸入彝緬語支，又有啲研究者想將驃文歸去塞語組（景頗-塞語支下嘅語組）。

喺1937年嘅研究中，李方桂將呢個系分成四支，發表喺《中國年鑑》（）：

泰同苗瑤之所以合入來，係因爲佢哋有孤立性，有聲調，有一份似中文嘅詞彙。當時，啲人認爲聲調係語言嘅基礎組成，作爲聲調類型學，可以攞佢睇做係一種方便分類語言嘅手段。喺今日嘅西方學者界中，特別喺白保羅（1942）之後，泰語言同苗瑤語唔再插入漢藏系，而將佢哋相似嘅原因歸結爲東南亞大陸語言區域嘅擴散。恩斯特·官將越南文排除出漢藏系，呢樣嘢喺1954年證明咗，證明咗越南文聲調系統係反映嘅尾輔音；同時白保羅排除泰語言同苗瑤語嘅做法亦得證實。

好多中國語言學者繼續遵循李方桂嘅分類。但係，呢個做法有啲問題。比如呢個就有分歧，係要包括成個壯侗語，定只攞個侗臺語（唔包含仡央語），因爲係依靠中文同源詞來作爲假定關係嘅基礎，但呢份同源詞又唔係見於成個語言群嘅所有分支，冇辦法爲成個語言群做個總體嘅原始語擬構。加之，而家侗臺語唔再係壯侗語內咁有效嘅證據。

按白保羅分類，越南文插佢入孟-高棉語族，同時將苗瑤語同壯侗語踢出漢藏語系，插佢哋入南泰語門（又譯澳泰語系，Austro-Tai）佢保留返孔好古嘅印支分法，但加入咗甲良語作爲語支：

沙佛唔同意分呢個語系做兩大分支（漢傣、藏緬），佢認爲噉嘅分法要歸因於兩路學者對呢兩組語言嘅各自研究，一路係歌挪夫同其他英屬印度嘅學者，另一路係馬伯樂同第啲法國語言學家。佢提出更細節嘅分類，有六個語族：

沙佛唔多肯定係咪要將傣語言添入漢藏語系，但佢喺巴黎見咗馬伯樂之後，就決定仲係插佢哋入來，至於最終問題嘅解決就留日後。

馬提索夫拋棄咗白保羅嘅藏-甲良語族假設，佢分成噉嘅樣：

有幾多近來嘅西方學者，譬如布拉德利（Bradley，1997年）同羅仁地（2003年），都保留返馬提索夫兩個語族嘅分法，即管藏緬語族嘅下級劃分同佢唔同。不過，向柏霖（2003年）指出，「語言比較工作從未能夠爲所有藏緬語（排除中文後嘅其餘所有漢藏語）搵出共通嘅、確實嘅同源證據」，兼且「將中文當做漢藏語系嘅首要語族嘅做法望落亦唔再係合理」噉係由於中文同藏緬語之間嘅形態區分經已靠現時嘅上古漢語擬構接駁埋一齊。

喺《漢藏語詞源辭典及詞庫》（，STEDT）嘅最新印刷版中，漢藏語系嘅內部結構暫時改成馬提索夫（2015年，第1123～1127頁）嘅新版系統樹。馬提索夫（2015年）承認，中文嘅擺位究竟係同藏緬語族平行嘅分支、定係只係藏緬語內部嘅分支，呢個仲係個懸而未決嘅問題。新版系統樹以下：

舍基·斯塔羅斯千（，Sergei Starostin）提出話，基蘭迪語支同中文一齊唔同於啲「核心」藏緬語，呢個「核心」至少有藏語支、彝緬語支、達芒語支、景頗話、古基語支、甲良語支（其他分支未分析），所以佢提出「漢-基蘭迪語族」（Sino-Kiranti）嘅假設。佢嘅提議方案有兩種：漢語同基蘭迪語之間有更近嘅親緣關係，又或者佢哋冇呢種關係。所以按佢分，漢藏語系可能有三個語族：

無我同沙佛一樣，話「中文同其他」嘅分類法係有差錯嘅，話啲學者將中文插做漢藏語系中嘅單獨一支係由於歷史同文化、以及類型學，而唔係出於語言本質，所以分類上應該取消中文嘅傳統獨尊地位。佢叫成個系做「藏緬語系」（Tibeto-Burman），佢話呢個稱呼先至有歷史優先地位，但第啲同樣支持取消中文獨尊地位嘅語言學者，比如羅哲·布蘭池，都仲係繼續嗌個語系做漢藏語系。

同馬提索夫一樣，無我承認古基-那加語支（古基語支、美佐話、美提話等等）佢哋嘅內部關係、以及同語系嘅其他語種之間嘅關係仲未明瞭。不過，無我冇學似馬提索夫噉做，將佢哋按地理分佈來分組，而係將佢哋保留做未分類。佢提出啲假設，包括將中文重新分組入漢藏語族（Sino-Bodic）：

無我指出兩個主要證據，用以令漢語支（Sinitic）同藏語支（Bodic）嘅特殊關係成立，以此將中文擺入藏緬語系嘅內部。第一係上古漢語嘅形態同現代藏語支語言之間有好多相似之處；第二係中文同藏語支之間有住明顯嘅同源詞，最能夠代表嘅係基蘭迪語種廉布文。

馬提索夫回應，提醒話同源詞嘅共享成份只可用來確立兩個語言類群之間有肯定嘅聯繫，而唔係用來確定分支嘅相對聯繫。雖則無我列出嘅一啲同源詞只能尋見於中文同藏語支，但亦有幾多成份可以普遍見於第啲漢藏語系分支嘅語種度，因此唔應該將呢啲同源成份當做證據去認爲中文同藏語支之間會有特殊關係。

無我（2007）亦建議漢藏語系改名叫「跨喜馬拉雅語系」（Trans-Himalayan），佢認爲呢個名更中立。

羅哲·布蘭池同麥·W·蒲斯特批評話，傳統嘅漢藏語系分類欠缺考慮啲小衆語種，呢啲細語種冇悠久、廣闊嘅書寫史，唔似得中文、藏文、緬甸文噉。佢哋發現，喺印度東北嘅一啲細語種係呢個問題嘅典型，佢哋嘅內部分類甚至確認上級隸屬所用嘅漢藏語證據，一唔係證據好弱，一唔係完全冇根據。

照佢哋觀點，好多噉嘅語種家下最好唔做分組，或者唔做語系內嘅譜系聯繫。佢哋提出咗對餘下語種嘅臨時分類：

之後，因爲佢哋見到語系中最出名嘅三個分支，彼此間嘅聯繫仲緊密過佢哋同啲「少數」漢藏語嘅關係，布蘭池同蒲斯特就話「漢藏語系」抑或「藏緬語系」都唔係妥當嘅名，因爲呢個語系喺最早期嘅分叉就導致現代語種間巨大差異。佢哋支持嘅名係「跨喜馬拉雅語系」。

呢份分類方案由張夢翰、嚴實哋（2019年）提出，有系統發育證據表示漢藏語系發源喺新石器時代晚期嘅中國北部。

除咗中文、白語、甲良語、唔魯語支外，其餘漢藏語嘅通常語序都係賓動結構。大多數學者相信呢個係原本嘅語序，而至於中文、甲良話、白語之所以會有主動賓語序，係由於隔籬係東南亞大陸語言區，受咗鄰近語言嘅影響而變成噉。不過，同世界上絕大多數動賓結構語言唔同，中文同白語都將修飾語擺喺被修飾語嘅前面，以致名詞前面會出現修飾從句。

赫臣喺1849年就指出漢藏語言按形態分成兩大類，一類係「代詞化語言」（pronominalized，即屈折語），個分佈橫跨喜馬拉雅山，從喜馬偕爾邦直到尼泊爾東部；另一類係「非代詞化語言」（non-pronominalized，即孤立語）。歌挪夫（1909）解釋呢啲代詞化語種係出於捫達底層，而認爲印支語言純粹噉保留咗原本嘅孤立語法、聲調。之後馬伯樂將假設嘅底層歸結去印度-雅利安。直到白保羅嗰度，先至明白呢啲語種嘅屈折系統其實係（至少部分係）語系本有嘅嘢。對於呢啲語言能夠有幾大程度可以搦去擬構漢藏祖語嘅語法系統，啲學者之間幾有分歧。

喺語法形態配列，好多藏緬語種有作格同埋/或者有反作格（主題/主語唔係動作嘅主動方）嘅格標記。不過，呢個反作格嘅格標記喺語系祖語回構之中係重構唔出嘅，因而啲學者認爲反作格標記係呢啲語種喺之後自己發展出嘅。

正如研究史所睇到噉，一開始就以爲壯侗語、苗瑤語、仲有越南文同漢藏語系有親屬關係。1950年代以後，由於白保羅嘅研究，漢藏語系同呢啲語言嘅相似之處可以追溯到長期嘅地域接觸，今時嘅研究之中，似乎排除咗親緣關係，但依然能夠組成語言聯盟。

古信打話（Kusunda）嘅情況同上述類似，現時一般認爲佢係隻孤立語種，喺尼泊爾得極少數人講。喺初期，諸如《民族語》，將佢分類入漢藏語系，但冇耐就推翻咗，而熟知呢門語種嘅人亦都否決呢個分法（參照無我2001）。古信打話同喺印度講嘅那哈利話（Nahali）一樣，係印度次大陸最古老嘅嗰層語言，隨住時間推移，佢受到漢藏語系嘅大基蘭迪語言嘅深刻影響，噉就講明咗點解佢有大量嘅漢藏語借詞。

除咗傳統上認爲同東南亞嘅語系有關係外，啲學者又提出咗一啲更廣闊嘅可能聯繫。

其中之一係舍基·斯塔羅斯千喺1984年提出嘅「漢-高加索超語系」（Sino-Caucasian）假說，佢大膽假設北高加索語系同漢藏語系都出自同一條演化支，呢個學說係基於佢對祖語嘅擬構。漢-高加索超語系嘅假說經已擴展成「德尼-高加索超語系」（Dené-Caucasian），加入咗西伯利亞嘅葉尼塞語系、北美嘅那-德尼語系、南亞嘅勃律話、歐洲嘅巴斯克文（1985年），某啲時候仲會加埋伊特魯里亞文同埋一啲東方古代語言（比如胡里安—烏拉圖語系、哈迪話、蘇美文）。不過呢個假說備受爭議。根據唔同嘅作者，德尼-高加索超語系嘅組成會有所唔同。下面列出「德尼-高加索超語系」假說選錄過嘅組成。

美國語言學家愛德華·薩丕爾提到過那-德尼語系同漢藏語系之間嘅聯繫，亦正係根據薩丕爾提嘅假說，先將那-德尼語系收入呢個超語系。收窄咗後嘅德尼-葉尼塞語門（Dené-Yeniseian）現時喺學界攞到幾多支持。至於呢個超語系嘅其餘部分係咪都咁有效，就幾乎所有歷史語言學家都對此懷疑或者否認。噉係由於漢藏祖語推計可能有八千年嘅歷史，因而德尼-高加索超語系嘅原始祖語必須至少有一萬五千年咁悠久，加之佢極其廣闊嘅地理分佈，可能仲要更加古老。今時大多數語言學者質疑，歷經咁漫長嘅時間，啲實質嘅相似仲係咪能夠證得出，譬如語音、語法、詞彙呢三方面。正因如此，啲德尼-高加索超語系嘅研究成果唔多受歷史語言學界主流嘅承認。

大概喺1920年代開始，愛德華·薩丕爾同埋佢啲學生一齊研究漢藏語系同北美嘅那-德尼語系之間嘅親緣性。薩丕爾非常之相信那-德尼語系同漢藏語系有親屬關係，喺1921年佢寫畀阿弗雷·吉魯波嘅信度噉講：

薩丕爾冇正式發表過佢喺呢方面嘅睇法，因爲佢預估到嗰陣保守嘅美國學界會抗拒呢個學說。

謝弗利·卡佛尼（Geoffrey Caveney；2014）提出漢藏語系同那-德尼語系有關聯，但佢個分析就唔支持漢-高加索超語系或者德尼-高加索超語系嘅假設。而喺早期嘅語言學者，如M.A.卡斯特連（；1856年）、占士·本（；1892年）、G.J.藍斯鐵（；1907年）認爲葉尼塞語系分化自北方漢語。語言學者契·當拿（；1930年）同卡勒·布打（；1957年）撐呢個假設。近來嘅發現亦支持佢同漢藏語系有直接親屬關係。做咗對葉尼塞語系民族嘅語言分析、常染色體基因研究後，發現佢哋同漢人、緬甸人有聯繫。研究葉尼塞語系嘅語言專家亦都猜測佢同漢藏語系嘅關係。呢份關係自然亦延伸到那-德尼語系身上。

相比之下，沙加爾提出咗華澳語系（Sino-Austronesian；又譯漢-南島語系），將漢藏語同南島語（呢度嘅南島語包含咗侗傣語作爲下屬分支）列爲呢個語系嘅語族。士丹利·斯塔羅斯他（Stanley Starosta）將個提案擴充多一個分支，叫「揚子語族」（Yangzian），裏頭加入咗苗瑤語同埋南亞語。

有睇法認爲漢藏語系同日本-琉球語系有親屬關係。呢個理論出自日本語言學者飯野睦毅，佢追尋日文起源時提出假說。佢比較咗藏緬語同埋原始中文、原始日文三者嘅重構音韻、句法，發覺佢哋嘅起步形式基本相同。後續分析仲顯示，啲原始祖語嘅基本詞彙相當一致，之係喺接落嘅語言階段（中古日文）呢類詞就越見越少。個理論嘅第個論點係緬甸文同日文之間有匹配嘅語法規則：都係SOV語序、單詞收尾嘅元音運用法直到今日都幾乎相同。

下面列出漢藏語系主要語種嘅譜系分類（按照Ethnologue嘅分法，括號係佢嘅英文術語同埋語種代碼、以及一啲使用民族）。

漢藏語系嘅母語民族大多係Y染色體單倍群O3嘅人群，特別關聯嘅係O3a2c-P164。但係藏人有住東亞最古老嗰層嘅D系統，最大有成49%嘅高頻分佈。

印度藏南地區嘅語言如、、等原本認爲佢哋係漢藏語系嘅一員，喺最近，出咗睇法話佢哋係孤立語言。




#Article 27: 職業摔角手一覽 (331 words)


由於大部份職業摔角選手都無一個官方或者廣泛認知嘅中文名，所以只能用英文為主。又由於摔角手數目太多，呢度只列出活躍選手名單，重有就係選手名單會因為合約期滿、轉會或各種原因而有所變動，請留意變動。


#Article 28: 嶺南文化 (298 words)


嶺南文化（），又叫南粵文化或者珠江文化，係嶺南地區（指五嶺以南嘅地區）獨有嘅地域文化。佢包咗廣東、廣西、香港、同埋澳門嘅文化。喺純地理上嘅定義嚟講，呢個詞包埋區入面嘅客家文化、潮州文化、同埋廣西嗰啲少數民族文化。但係啲人講「嶺南文化」多數都係指緊呢一頭嘅粵文化－因為粵人一路都係廣東同廣西東部嘅主要族群。

喺地理上，嶺南係亞熱帶氣候，天氣又暖又潮濕，農地多過同樣係俾山隔開嘅福建，坐正喺珠江呢條大河上面，自古以嚟又靠海搵食同成日同外界搞生意，所以嶺南嘅地方文化偏向係農業文化、海洋文化、同商業文化。再加上佢喺發展嘅過程入面吸收咗好多西歐傳嚟嘅文化，令嶺南文化同其他唐人地區嘅文化好唔同，最明顯嘅係喺七方面：語言、建築、美術、工藝、演藝、文學、同埋飲食文化。除咗呢啲，嶺南仲有好多獨特嘅風俗，好似係執骨嘅習俗噉。

中國社會科學院喺 2006 年深圳咸頭嶺新石器時代遺址嘅考古工作掘到好多紅燒土、陶質生活工具、同石器。科學測定話嶺南地區喺 6,000 至 7,000 年前嘅新石器時代中期嗰陣經已有人住，而且仲有一定程度嘅文明。根據呢個發現，珠江文明嘅歷史可以推算到公元前 5,000 年（距離而家 7,000 年前），悠久歷史唔渣過黃河文明同長江文明。

喺公元前 110 年嗰陣，控制住嶺南地區同而家越南北部嘅古國－南越國－俾漢朝帝國擊敗咗，令到呢笪地完完全全噉做咗中原皇朝嘅領土。雖然係噉，嗰時已經有南越族（粵拼：naam4 jyut6 zuk6；百越人嘅分枝之一）喺呢一帶度住。後嚟喺 7 至 13 世紀（大唐同大宋嗰段時期），因為中原嗰頭俾胡人大規模侵略，搞到有大批古漢人（南越族因為漢文化程度唔夠，唔俾人當係漢人）走難去咗嶺南度住。打後嗰幾個世紀，嶺南嘅古漢人同南越人一齊住兼通婚，令到現代粵人普遍都有齊古漢人同南越人嘅血統，而且嶺南文化亦都有齊南越文化同唐宋漢文化嘅元素喺入面：好似係今日嘅廣東話噉，佢保留咗少少南越話嘅特徵，但係總體又好近唐宋人講嘅中古漢語，仲攞得嚟讀唐詩宋詞。

喺 15 世紀左右（大明時期）開始，嶺南地區漢化得七七八八，而且因為靠海又近東南亞，做咗大明同西歐人做貿易嘅主要港口，吸收大明文化之餘仲學咗好多西歐嘅文化。好似係嶺南畫派噉，就係揉合咗東方嘅國畫同埋西歐嘅水彩畫而變出嚟嘅新風格，廣東菜亦都吸收咗啲西人嘅煮嘢食方法。由嗰陣時開始，嶺南文化就一路噉發展，喺建築、美術、工藝、演藝、文學、哲學、同生活文化嘅層面都有唔差嘅成就。

因為嶺南係大清同現代中國嘅主要對外港口，華人向海外移民一路都係粵人佔咗多數，令到唐人街好多時都係廣東話做主導。除咗噉，「唐人街」呢個名亦都同粵人移民有啦掕：嶺南漢化得最犀利嘅時期就係大唐統治嗰段時間，有學者話就係因為噉所以粵人（同埋周邊地區嘅民系，好似係福佬人噉）對大唐零舍有歸屬感，興嗌自己做「唐人」，並且將呢種習俗帶咗去外國。

喺廿世紀中期開始，英屬香港喺各方面都進步得好快。「東方之珠」嘅成就令到好多粵人都對香港好嚮往。香港嘅廣東話流行文化（包括流行曲同戲）喺嶺南地區有好大嘅影響力，例如係好多住喺中國大陸嘅粵人都鍾意收睇香港拍嘅戲同電視劇，而且仲會學香港人噉用繁體字寫嘢。而喺香港方面，因為香港人同其他亞洲國家嘅商業、文化、同學術交流得多，吸咗好多日本、韓國、同臺灣嘅文化。好多香港人都當食壽司或者其他日本嘢食係家常便飯，仲將「達人」、「駅」、同「の」（意思係「嘅」，粵音係 「zi1」）呢啲日文字加咗入自己嘅日常用語裏面，形成咗所謂嘅「港式廣東話」。

喺好耐之前，嶺南已經對外開放，南海神廟有波羅國使者嘅雕像，喺西嚟初地仲有達摩祖師嘅遺跡。因為自古以嚟嶺南地區一路同外國做生意，再加上離中原心臟地帶遠，呢一帶好多時都係接觸各國嘅人多過北方人，所以有好多非唐人嘅宗教同思想傳咗入嚟。佛教、道教、好幾派嘅基督教、回教、同各種自然祟拜喺呢一帶度百花齊放。好似係拜孔孟呢啲中原嘅宗教儀式反而好多時都喺嶺南唔興。除咗噉，嶺南畫派同廣東菜等都吸咗好多西歐文化嘅元素喺入面。呢啲都表現咗粵人肯包容同接納外來文化。

近呢千幾年嚟，嶺南地區喺好幾個朝代都係做中原皇朝嘅主要對外港口（尤其係對東南亞）。所以粵人好多時都係要靠行船行商搵食，廣州同佛山變咗做大商埠，再加埋後起之秀嘅香港，對外行商一路以嚟都係粵人嘅經濟命脈。粵人好多都為咗做生意搬咗去東南亞度住，近嘅去越南或者泰國，遠嘅有啲去到印尼同澳洲－令到海外唐人好多時都係粵人佔咗多數。嶺南仲出咗好多人識嘅廣東商人幫。呢啲地理文化特色令到粵人偏向務實，講着數，睇重商業發展。

喺嶺南最有人氣嘅語言係廣東話（粵拼：gwong2 dung1 waa2），又叫「廣州話」或者「粵語」。嶺南嘅傳統戲曲同民歌多數都係用廣東話嚟去唱同表達嘅。廣東話嘅歷史有得追溯到去公元前嘅南越國時期。當時住喺嶺南嘅係南越族，佢哋講嘅話唔屬於唐話。但係後尾佢哋俾中原王朝統治，跟手唐朝同宋朝嗰時又有大批古漢人搬咗去嶺南住，漢越雜處，令到廣東話慢慢成形做一種有唐話嘅文法同發音，但又保留咗些少南越特色嘅獨特語言：今日嘅廣東話係中古漢語嘅變種。佢明顯似唐話：砌句子啲規則同上海話、閩南話、同客家話有好多明顯相似嘅地方；佢仲保留咗好多中古漢語嘅音，讀得到好多唐詩宋詞。之但係廣東話嗰啲日常用語入面都仲見到啲南越話嘅特徵（呢點同越南話好似），好似係喺文法上廣東話有陣時會將修飾語放喺個名詞後面。總括嚟講，現代廣東話保留到唐宋嘅遺風得嚟，又唔會話完全冇晒南越嘅特色。

喺文字方面，粵港澳地區嘅粵文一般都係用漢字加埋粵字寫出嚟嘅，雖然廿一世紀頭開始有人提議用羅馬字母或者諺文嚟寫。

嶺南建築（粵拼：ling5 naam4 gin3 zuk1）好有地方特色。同北方比起上嚟，嶺南地區嘅氣候又熱又濕立立，如果將中原嗰套建築風格直接搬落嚟嘅話，會好容易有溫度唔舒服或者發霉呢類濕滯嘢。所以粵人整咗一套同北方唔同嘅建築風格。古典嶺南建築通常比較輕，而且會用通透同冇噉易發霉嘅材料起，色水會偏好灰白或者係綠呢啲柔和嘅色調。喺結構方面，呢啲建築通常有多層嘅斜坡頂同方形柱，而且因為氣候冇北方噉凍，令到嶺南嘅人鍾意向外面行，所以嶺南民居建築就發展咗好多露台呢類嘅開放式結構，等人有得唞涼。總體嚟講，呢柞特徵令到古典嶺南風格嘅建築物望落都比較輕同涼爽。就算到咗今日，古典嶺南式建築物喺廣州呢啲大城市嘅商店街成日都會見到。

除咗呢啲古色古香嘅粵式建築，嶺南仲有好多粵西薈萃嘅多層式建築物－唐樓（粵拼：tong4 lau4）。佢哋喺好似係香港同埋澳門呢啲俾西歐文化影響得犀利啲嘅地方周圍都見得到。

嶺南園林（粵拼：ling5 naam4 jyun4 lam4）係嶺南獨具一格嘅園林設計，當中最有代表性嘅要數廣東嘅粵中四大名園。

傳統嚟講，嶺南地區山水靚又臨海，有五嶺阻住，環境同北面嘅中原核心地帶好唔同，所以發展咗一套自己嘅風格唔出奇。嶺南地區又熱又成日打風落大雨，所以粵人起園林嗰陣多數會用庭院式佈局－用建築物將個庭園圍住嗮，令到園林入面嘅花草受到保護，打風落大雨嗰時冇噉易俾啲風雨吹爛打爛，而且仲可以用呢啲植物嘅陰影幫成笪地降溫。地理特徵亦都令到嶺南園林喺規模上面比較細，又唔似得中原嘅園林噉樣俾啲皇家常規制度限住嗮（即係俗語所講嘅「山高皇帝遠」）－佢會揀用木棉樹呢類有本土特色嘅植物同埋用好多木雕同陶瓷呢啲民間工藝品去做裝飾，好似廣州喺廿世紀初起嘅寶墨園就係噉。而且因為佢哋細，好少有山土，所以成日都會「以石為山」－用石頭做假山，例如係餘蔭山房就用咗呢種手法。總體嚟講，呢柞特徵令到嶺南風格嘅園林比較貼近大眾同樸素。

粵人嘅視覺藝術係由南越人嘅藝術嗰度開始嘅。而喺嶺南地區漢化咗之後，呢啲工藝技術只有變得更加精湛。到咗今日，嶺南嘅各種工藝品已經係去到世界級嘅水平。佢哋嘅產品賣到去全世界好多地方，而且啲產品唔淨只得雕塑：仲有刺繡、彩瓷、剪紙、草席、風箏、貼畫、同埋傢俬。除咗噉，粵人一路都有搞美術，出咗幾個獨有嘅美術流派。粵人發明嘅視藝風格當中比較出名嘅有以下呢啲：

廣州牙雕（粵拼：gwong2 zau1 ngaa4 diu1），又叫做「南派牙雕」，係另一樣嶺南地區好有朵嘅工藝品。佢係一種有超過兩千年歷史嘅工藝技術。呢種工藝起源喺秦漢時代嗰陣嘅中原地區，後嚟傳咗去嶺南地區。後尾粵人仲發展咗一套自己嘅風格。呢種雕塑係攞象牙做料，佢用咗大笨象身上最硬嗰部份嚟整出一啲好似玉噉通透但係又硬淨嘅雕塑，而喺氣候溫和嘅嶺南地區，廣州人仲有咗出名精細得嚟又唔會脆嘅「廣州牙雕」，甚至仲叻到成功整出咗俾人嗌做「鬼工」嘅工藝品－象牙波。

雖然話牙雕工藝的確係好勁，但係自從喺 1980 年代開始，大笨象俾想攞象牙嘅人係噉捕殺，搞到世界好多地方嘅人都開始覺得用象牙整嘢唔係噉好。國際社會度仲話噉快立咗法，唔俾人買賣象牙或者係用象牙做料整嘢。於是乎而家嘅粵人就開始咗去搵一啲代替品－質地似象牙但又唔係象牙嘅料－嚟去傳承呢種古老嘅工藝。

廣州玉雕（粵拼：gwong2 zau1 juk6 diu1）係粵廣地區嘅民間玉雕工藝。佢有成過二千年歷史－考古學家喺南越王墓發現咗南越人整嘅玉雕。而喺漢化之後，嶺南嘅人有學整大唐嘅玉雕祭祀神器，仲繼承咗大宋嘅七巧色玉技藝。今日嘅廣州玉雕主要用啲嶺南周圍嘅玉材，好似係呈草綠色嘅南方玉噉。呢種風格嘅玉雕出咗名「莊重」、「輕盈」得嚟又「玲瓏剔透」。而且粵人仲發明咗一種叫「留色」嘅特技，雕嗰陣會保留住原本嗰舊玉嘅天然色水，鑿出一啲色彩鮮艷得嚟又自然嘅作品。喺兩廣地區，廣州玉雕最常係用嚟整首飾同埋擺設。粵人仲成功整到「玉球」－一種入面有十幾廿層，用玉造嘅波－呢種特殊嘅工藝品。

粵繡（粵拼：jyut6 sau3）係粵廣地區嘅刺繡工藝，喺廣州、佛山、番禺、順德、東莞、以至台山呢啲地方都有一定嘅支持度。呢種工藝有成千年歷史，最早可以追溯到去公元 9 世紀。嗰陣嶺南地方漢越共處，俾當時控制住中原嘅大唐統治緊，相傳話唐順宗手下就有一個嚟自南海嘅 14 歲女仔，佢喺刺繡方面嘅技術犀利到可以完美噉將《法華經》刺出嚟，啲字仲要係得「粟粒」噉大。嗰陣時之後，嶺南嘅民間就有整刺繡工藝，仲出埋自己嘅風格。喺 16 世紀有講到葡萄牙嘅生意人喺嶺南將粵繡買咗返去送俾自己嘅國王，仲要俾國王讚。喺跟住嗰幾百年，粵繡就一路發展一路賣俾世界好多地方嘅人，做咗喺歐洲嘅貴族同有錢人之間好多人鍾意嘅東方飾物之一。

除咗有自己獨特嘅一套針法技巧，粵繡亦都有顯眼啲嘅特徵：佢一般嚟講遠睇都好樣眼，近睇就好精細，紋理清晰，畫面多嘢得嚟又唔會覺得亂糟糟，而且色水好鮮艷。喺嶺南地區，粵繡有得純用嚟做裝飾，但係又有用嚟做生活用品或者係做大戲嘅戲服呢啲實際啲嘅用途。

潮州木雕（粵拼：ciu4 zau1 muk6 diu1）係喺嶺南好出名嘅工藝。佢係由屬於閩系嘅潮州人搞起嘅，而家吓連粵人都喺度搞。呢種工藝歷史好悠久：喺 11 世紀嗰陣大宋已經有文獻記載呢種工藝，而且有錢人家唔少都鍾意買嚟裝飾自己屋企。去到 16 世紀尾，呢種工藝開始喺民間度普及起上嚟，好多祠堂同廟都會搵金漆潮州木雕做裝飾，仲有好多嶺南以外嘅地方嘅人幫襯。金漆木雕通常會搵啲實淨得嚟又堅韌嘅木頭（好似係樟木、杉木、柚木呀噉）嚟做料，畫完幅草圖之後就由大到細噉去將舊木頭雕做想要嘅樣，成咗形之後至跟手上金漆。

剪紙（粵拼：zin2 zi2）係另一樣喺嶺南好多人整嘅工藝，尤其係佛山搞得零舍叻。呢種工藝喺大宋時期尾嗰陣開始有。佢本嚟只係用嚟做大節日嗰陣用嘅裝飾，後嚟啲人開始拎去賣，令到佢變咗做一種有商業價值嘅工藝品，喺窗花以至鞋花呢啲地方都會有人用。佛山剪紙嘅題材多數係啲平民化嘅嘢，包括神話、動物、吉祥圖案、或者係嶺南風土呀噉，色水好多變，主要係鮮艷嘅紅色，但係就連比較清淡嘅灰同綠都會有。大時大節嗰陣，粵人上下都會用好多唔同大細嘅鮮艷剪紙做裝飾，好有節日氣紛。

嶺南盆景（粵拼：ling5 naam4 pun4 ging2）係嶺南獨有嘅盆景藝術風格。呢個風格雖然話去到成 1930 年代先有人正式噉承認佢嘅存在，但係佢其實有成千年歷史，有得追溯去到 11 世紀。嗰時嘅中原皇帝宋哲宗將好出名嘅文人蘇東坡眨咗去廣東呢笪「南蠻之地」。雖然係俾人貶咗，但係據講蘇東坡一到步就即刻大讚嶺南山水植物靚（「嶺南萬戶皆春色」），而佢本人係盆栽發燒友，寫咗好多講盆栽嘅詩。睇返紀錄，粵人喺至少 15 世紀（大明時期）開始民間已經有唔少人鍾意整盆栽藝術。而到咗今日，嶺南盆景已經有咗自己獨有嘅一套風格。除咗會用啲有本土特色嘅植物品種之外，佢嘅特色係講求人工同自然嘅配合：例如係嶺南盆景藝術家好多時會好揼心機落去幫樖植物（自然嗰部份）揀返個同佢夾得埋嘅盆（人工嗰部份）；喺處理樖植物啲枝葉嗰陣會好有技巧噉用修剪令到樖嘢跟住個藝術家嘅意願嚟生，生完一輪之後新生出嚟嗰啲枝葉又會啱啱好將修剪嘅痕跡遮住，令到成樖嘢望落好自然。

嶺南書風（粵拼：ling5 naam4 syu1 fung1）即係粵人寫書法嘅風格。呢種書風一般都俾評論家形容係「大膽」、「浪漫」、又「有風骨」－都算受人景仰，但係佢嘅歷史都幾多波折：喺公元前南越國啱啱俾漢朝打冧嗰陣，嶺南嘅人已經有喺度寫書法。但係嶺南天氣熱辣辣又濕立立，啲紙兩嘢就又霉又爛，搞到早期嗰啲嶺南書法都冇乜留得到落嚟。打後嗰一千年，雖然話嶺南嘅人有響度刻石碑，而考古學家都搵到啲用墨寫嘅書法，但係仲係出唔到特別有料到嘅書法家。要一路去到成 15 世紀，嶺南出咗俾人嗌做「白沙先生」嘅陳獻章，嶺南先至真係叫做有一套俾人認同嘅書法風格。雖然係噉，嶺南嘅書法家都仲係好少可會專攻書法，就連陳獻章佢本人主要嗰份工都係哲學家，而唔係書法家。跟住嗰啲嶺南書法家又多數都係打第啲工做正職嘅－好似係哲學家、詩人、或者畫家呀噉，得閒先會搞書法。雖然係噉，嶺南都出過有朵嘅書法家同書法作品，例如係：

喺廿一世紀，廣東嘅粵人開始更加認真噉去研究嶺南書風，睇個勢似係想搞大佢。

File:高劍父3.jpg|

廣彩（粵拼：gwong2 coi2），全名叫做「廣州織金彩瓷」，係一種喺白色瓷器上面加彩繪燒出嚟嘅工藝品。佢出咗名色彩絢爛，畫工又精細。呢種工藝開頭係喺 16 世紀尾嘅大明時期，當時啲粵人由江西景德鎮嗰度運啲白瓷過嚟，再喺廣州嗰度幫啲瓷器油顏色、加圖案、再燒製。喺佢身上睇得到明朝文化嘅影，但係又加咗啲西人嘅風格喺入面，例如係《竹園陶說》就噉樣講：「清代中葉，海舶雲集，商務聚盛，歐土仲華瓷，我國商人投其所好，乃於景德鎮燒造白瓷，運至粵垣，加僱工匠，仿照西洋畫法，加以彩繪，於珠江之河南，開爐烘染，製成彩瓷然後售之西商」。

廣彩後嚟仲擴展咗去嶺南嘅其他大城市，例如香港就喺 1930 年代開始學廣州噉搞廣彩。香港人開咗好幾間廠整廣彩，啲成品仲出口去到美國、西歐國家、南美、東南亞、大溪地、同馬達加斯加呢啲地方。到咗廿一世紀，香港嘅廣彩業因為大陸嘅粵廣地區開始識整廣彩而開始冇乜點再搞，但係都仲有啲瓷藝發燒友喺嗰度嘗試緊將呢種工藝搞落去。

廣式傢俬（粵拼：gwong2 sik1 gaa1 si1）係嶺南獨有嘅整傢俬風格。佢喺大明時期嗰時發源，係運用咗嶺南嘅本土木材、唐宋時代嘅漢人傢俬、再加啲西歐藝術風而整出嚟嘅一種新風格。佢嘅用料主要係紫檀木、黃花梨、酸枝木、同雞翅木呢類木材，通常每件傢俬都係用一舊大嘅木頭一嘢過鑿出嚟，令到每件廣式傢俬都淨係有一種木，而且好少可會有接駁嘅痕跡。呢種傢俬仲會有啲西方傢俬嘅曲線同埋大面積高浮雕，借咗啲西人嘅巴洛克（Baroque）式同洛可可（Rococo）式花紋，又會有啲好似潮州木雕噉嘅粵式圖案雕刻，同埋鍾意鑲好多啲好似係貝殼、雲石、陶瓷、琺瑯、或者玻璃畫呢類嘅裝飾物上去，形成咗唐西合璧。到咗廿一世紀，廣式傢俬已經做咗嶺南嘅其中一樣特產，其他華人同外國人都會幫襯。

嶺南畫派（粵拼：ling5 naam4 waa2 paai3）係喺 19 世紀尾開始有嘅一個畫畫流派。雖然佢歷史唔算係好久遠，但係就好有自己嘅特色。佢係由俾人嗌做「嶺南三傑」嘅高劍父、高奇峰、同陳樹人搞起嘅。呢個流派係建基喺歷史悠久嘅國畫上面，再加埋西人嘅水彩畫風演變出嚟嘅一個風格。呢個風格嘅畫講重留白，而且因為運用咗由西歐引入嚟嘅水彩技術同印象派（Impressionism）思潮，會有一啲好鮮豔嘅顏色同埋用光嘅表達手法，同「蕭條淡薄」嘅國畫起到強烈嘅對比。好似係高劍父畫嘅《東戰場的烈焰》，佢就用咗水彩油嘅鮮紅色嚟代表戰火，再加埋位置上巧妙噉留咗白，令到畫面白色嘅位置似煙又似雲，等睇畫嗰個人有得自由噉去想象幅畫嘅內容。

高州角雕（粵拼：gou1 zau1 gok3 diu1）係嶺南喺 1960 年代開始有嘅工藝品。佢一開頭就好受歡迎，賣到去港澳同日本，甚至乎係包埋英國在內嘅廿九個國家同地區。佢係用各種水牛或者係山羊嘅角做料嚟作雕塑，有啲會將隻角切做細絲或者薄片，整出好多唔同嘅樣。

既然嶺南地區講嘅話噉獨特又噉有歷史，呢一帶啲人唱嗰啲歌仔自然都會有獨到嘅風格。自從幾個世紀之前開始，嶺南地區已經有咗好多唔同嘅戲曲，好似係大戲、廣東漢劇、同埋採茶戲呀噉。當中大戲個勢最勁，有好多海外嘅粵僑都鍾意聽，有時甚至乎連粵僑以外嘅華僑都聽埋一份。廣東話有自己嘅一套民歌，當中《南海潮》好多人都覺得係嶺南嘅象徵。嶺南演藝仲唔止有呢啲比較古老傳統嘅嘢：由廿世紀中期開始，香港出咗好多用廣東話嚟表達嘅流行歌同戲。呢啲歌甚至連喺西方世界都有人捧場。總體嚟講，嶺南嘅表演藝術可以話係極之豐富多元。

嶺南嘅民歌都好多樣化。由公元前嘅南越時期嗰陣，啲平民已經喺度作歌唱歌。到咗今日，嶺南地區已經有好多種唔同民歌。淨係講廣東話民歌就已經至少有珠三角嘅鹹水歌、跳禾樓祭祀唱嘅賣雞調、興婚禮嗰陣唱嘅高棠歌、俾湘贛地區影響咗嘅粵北民歌、廣州同東莞嗰帶興嘅粵調（分做粵謳、板眼、南音、木魚歌、同龍舟歌五種）、同埋好多嘅兒歌（好似係好多粵人細個都唱過嘅《小蜜蜂》）。當中嘅賣雞調就有研究民族音樂嘅學者話佢有得追溯到去南越時期：賣雞調傳統係喺祭靈雞嗰陣唱嘅，而呢種祭祀係由古百越人稻作文化嘅拜雀圖騰演變出嚟嘅，所以講得上係文化上嘅活化石。呢啲類型嘅民歌喺嶺南地區都仲有好多粵人唱同周圍廣播。

一講起廣東話民歌一定會提、人稱「廣東非官方省歌」嘅《南海潮》（粵拼：naam4 hoi2 ciu4）嘅歌詞，用漢字同粵拼寫分別係：

大戲（粵拼：daai6 hei3），正式啲嗌做「粵劇」，可以話係廣東話傳統演藝嘅代表。佢知名度高到俾人列咗入世界非物質文化遺產名錄。大戲起源最遲係喺 16 世紀頭，但係有好多歷史學家話佢可以追溯到成 13 世紀尾嘅南宋時期：嗰時嘅中原戲曲跟住向南走難嘅漢人一齊落咗嚟，後嚟再受西歐音樂形響咗而變成今日嘅大戲。到咗今日，大戲已經進化咗做一種結合咗唱做念打、音樂、同埋戲服嘅舞台藝術。簡單啲講，大戲嘅技巧包括咗：「唱」－指「唱功」，係講緊個大戲演員要識唔同嘅唱腔，仲要配合自己演緊嗰個角色去揀返個啱嘅唱腔；「做」係指「做功」，要配合自己個角色嚟去表演，好似係手勢、臺步、走位、同抽象表演呢啲功架；「念」係指「念白」，要識得透過好好控制講對白嘅語氣同神情嚟去表達自己演緊嗰個人物；「打」係指「武打」，即係要喺講打交嗰啲橋段嗰陣做舞水袖、揈水髮、玩扇、或者係耍棍呢類大動作。

喺音樂方面，大戲會用成四廿幾種唔同樂器去搞配樂。呢柞樂器好多都係東方人普遍都會用嘅，好似係古箏或者琵琶呀噉。之但係呢柞樂器有啲都會有地方特色，例如係大戲用嘅梆子有分大中細，而且係空心長方形，叫做「南梆子」，唔似得北方噉用淨係得一種大細嘅實心梆子。自從喺 19 世紀開始，大戲仲開始咗採用啲西人嘅樂器，好似係小提琴噉。

大戲嘅行當（指演員個造型）有三部份：化妝、戲服、同頭飾。大戲演員嘅化妝通常係白底，會畫到對眉長一長仲向上翹嚟表示威嚴，再喺白底上面加第啲色，而加咩嘢色喺舊時嗰陣就睇佢演啲乜嘢人物－紅色代表血性忠勇，黑色代表剛耿忠直，白色代表奸惡陰險呀噉。大戲戲服早期嗰陣係用明朝嘅衫做板嘅，跟住嗰幾百年嘅大清時期俾京劇影響咗，開始用大清嘅衫。除咗呢啲嘢，頭飾亦係大戲演員一個好樣眼嘅特徵，女角會有好多簪、釵、梅花石、耳邊花、鳳冠呢類有傳統女性味嘅做裝飾，而男角嘅頭飾就偏向用嚟表達佢哋嘅職業，好似係太子盔、紥巾、帥盔、駙馬盔呢啲。

講古（粵拼：gong2 gu2）係嶺南民間好興嘅一種民俗活動，係藝人（一般會嗌做「講古佬」）用廣東話對小說或者民間故事進行二次創作同演講嘅一種語言藝術。廣東由 16 世紀（明朝）嗰陣由江蘇嗰頭傳入咗講古佬呢個職業。嗰時有好幾個粵人拜咗吳越講古大師柳敬亭做祖師，開始咗廣東嘅講古藝術。廣東嘅講古佬多數只係靠好簡單嘅道具（例如係扇同醒木），將啲文學作品用平民化得嚟又有韻律性同節奏感嘅語言講出嚟，仲會借鑒一啲傳統戲曲入面嘅技巧等個故仔變得更加精彩。早期嘅廣東講古佬多數只係喺寺廟門口對香客講啲「勸世文」，後嚟會自己搭啲「講古寮」或者係喺街頭開街邊檔講古，再唔係就喺茶樓度講。由廿世紀開始，廣州嗰一帶啲文化公園同文化宮仲開始咗開固定嘅「說書台」，而且電台仲會有說書嘅欄目－除咗請啲講古藝人講之外，仲會請啲出名嘅話劇演員同文藝工作者播講各種嘅故仔。

幾百年嚟，廣東多咗好大柞民間故事，仲俾人輯錄咗做書。

廣東音樂（粵拼：gwong2 dung1 jam1 ok6），又叫做「粵樂」，可以話係嶺南音樂入面最出位嘅一種。佢係喺廣州嗰帶發源、主要由粵人帶起嘅一種傳統中樂風格。總體上，廣東音樂音色出咗名清脆明亮、節奏活潑歡樂、以器樂小品為主、大多數樂曲都係一氣呵成。另一樣有粵特色嘅地方係，佢俾大戲嘅音調影響咗，有好多樂曲都係由大戲嘅過場音樂或者係嶺南嘅民歌演變出嚟嘅。直至廿一世紀，廣東音樂入面比較出名嘅樂曲有：

廣東音樂有一點同其他中樂風格唔同嘅係，廣東音樂出到一批專職嘅作曲家寫歌。喺唐人歷史上，音樂方面嘅職業普遍都低賤一啲，例如琵琶女係妓藉，係一種「賤戶」，搞到多數民系嘅傳統音樂都係舊時曲牌，好少可會有作者署名；相比之下，歐洲人－無論西歐定東歐－喺呢方面好唔同，好似奧地利嘅莫札特同俄羅斯嘅柴可夫斯基都入得到宮廷嘅，音樂職業一啲都唔低賤。廣東音樂呢一點有少少俾歐洲影響到，音樂人嘅地位比較高，有好似嚴老烈、何氏三傑等嘅作曲家出到頭，有得喺啲作品嗰度署名。

除咗噉，廣東音樂仲有自己嘅一套樂器，好似係粵胡、秦琴、同二弦，又會用色士風呢啲由西方傳入嚟嘅樂器，當中廣東音樂有所謂嘅「三架頭」－高胡、琵琶、同揚琴－係廣東音樂最基本嗰三件樂器。

喺廿世紀中期開始，英屬香港喺好多地方都發展得好快，香港人整咗好多戲同電視劇，入面啲歌都係用廣東話嚟唱嘅。但係真係要數專係用廣東話嚟唱歌就要去到 1970 至 80 年代。嗰時香港出咗鄭君綿、鄧寄塵、周聰、陳寶珠、蕭芳芳呢柞歌手。佢哋唱嘅粵語流行曲（粵拼：jyut6 jyu5 lau4 hang4 kuk1）題材好多樣－有講情情塌塌嘅，又有啲講友情嘅。而且呢啲歌全世界都好多人聽，賣到去成個遠東地區－包括咗日本、韓國、臺灣、同東南亞－甚至乎係去到西方世界。英文度仲開始有咗個詞，專係指粵語流行曲嘅－「Canto-pop」，又或者叫做「HK-pop」。呢啲歌令到廣東話做咗普通話以外最多人知嘅唐話。但係由 1990 年代尾開始，HK-pop 喺個市場度開始唔夠 J-pop （日本）同 K-pop （韓國）砌，到咗家陣都仲係未見到乜嘢起色。

港產片（粵拼：gong2 caan2 pin3）即係香港人做導演拍嘅戲。呢柞戲多數都係用廣東話嘅，但係都有啲國語片。香港喺廿世紀初頭已經有喺度整啲默片，但係嗰時啲港產片質素唔高，好少可話賣到去外國。要去到成廿世紀中後期，香港出咗李小龍、許冠傑、同周星馳呢柞出名嘅演員港產片先至正式上到去國際舞台。嗰時港產片連西方都有人睇，但係佢個勢同粵語流行曲一樣：由 1990 年代尾開始，港產片喺國際市場度嘅競爭力開始下滑，而家仲未有回升嘅跡象。

嶺南地區有自己一套文學風格。好似係詩噉，詩呢家嘢好講語言嘅音韻。嶺南有噉多獨特嘅話，就當然會有自己一套詩詞。而廣東話喺詩詞方面嘅歷史好悠久，佢係唐宋嘅中古漢語嘅變種，有成千年歷史，有好多大唐同大宋時期嘅詩詞都係要用廣東話嚟讀先至會好聽。而嶺南東部地區好多人用嘅客家話同潮州話度都仲見到好多上古漢語－仲古老過中古漢語嘅唐話－嘅影。總括講句，嶺南地區嘅文學文化可以話係源遠流長。

唐詩同宋詞公認咗係古華夏史上最出色嘅詩詞作品之一。而今日嘅嶺南就保留咗一種好啱用嚟讀唐詩宋詞嘅話－廣東話。現代廣東話係現存噉多種唐話入面其中一種最近中古漢語嘅，讀起中古時代嘅唐詩宋詞上嚟好多都好押韻，保留到好多喺中古漢語入面成日都聽到嘅入聲－即係用 p 、 m 、 k 做尾嘅音。

唔單止係噉，嶺南嘅人喺超過一千年前開始已經喺度作詩作詞。大唐其中一個最有料到嘅大詩人張九齡（678-740 年）就係嶺南出身嘅－佢喺韶州曲江（今日嘅廣東韶關）出世。張九齡係嗰時嘅廣州都督個仔。據講佢好細個嗰陣已經好醒目，後尾仲坐埋宰相個位。佢一世人寫咗好多詩，當中佢嗰十二首《感遇》，俾人列咗喺《唐詩三百首》嘅開頭。繼張九齡之後，後嚟嶺南喺 9 世紀嘅唐朝尾又出咗個朵冇張九齡噉大，但係都叫有啲名氣嘅邵謁同陳陶。當中邵謁出咗名寫起詩上嚟唔用花巧修辭，好樸素。好似係佢寫嘅《歲豐》：

自從嗰時開始，粵人就一路都有寫詩詞，出咗唔少有影響力嘅詩人，而且仲有咗嗰名叫嶺南詩派（粵拼：ling5 naam4 si1 paai3）。

嚟到摩登時代，嶺南喺 17 世紀嘅時候出咗現實主義嘅嶺南三家（粵拼：ling5 naam4 saam1 gaa1）－屈大均、陳恭尹、同梁佩蘭呢三個詩人。佢哋好多時都係寫詩去歌頌反抗滿清嘅明朝將領或者係描繪當時嘅平民俾清政府壓榨得有幾慘。好似係屈大均喺廿八歲北上去旅行嗰陣有感而發寫嘅《魯連台》，就會令讀嗰個人覺得個景有啲悽涼：

嶺南詩派出咗名革新。除咗呢啲古雅啲嘅作品，再近期啲嘅嶺南詩人仲好夠膽去搞新諗頭－喺 19 世紀，嶺南開始有詩人用口語化嘅廣東話嚟去寫詩。當中最有代表性嘅應該要數廣東惠陽出身嘅廖恩燾（1863-1954 年）。佢嘅作品《嬉笑集》裏面嘅詩就好明顯睇得出係用咗口語化嘅廣東話，一啲都唔會俾人有文鄒鄒嘅感覺。好似係佢寫嘅《秦始皇》就好通俗大眾：

粵謳（粵拼：jyut6 au1），又叫「越謳」或者「解心」，係一種好重要嘅廣東話民歌，亦係廣東文學嘅一種詩體，曾經係成個唐人民歌界嘅奇葩，亦都有好豐富嘅文學性。粵謳嘅歌曲用咗近似廣東話白話嘅語言嚟去描述貼近人民日常生活嘅嘢，多數會寫男女之間嘅感情，又有寫妓女嘅可憐身世同感情波折，有啲甚至仲夠膽諷刺當時嘅官府，俾人話佢好代表粵人嘅民系性格－創新、大衆、遠儒、實用。招子庸嗰兩首《解心事》係粵謳當中比較有代表性嘅：

（一） 「心各有事，總要解脫為先。心事唔安，解得就了然。苦海茫茫多數是命蹇，但向苦中尋樂便是神仙。若係愁苦到不堪，真係惡算，總好過官門地獄更仲哀憐。退一步海闊天空就唔使自怨，心能自解，真正係樂境無邊。若係解到唔解得通就講過陰隙過便。唉，凡事檢點，積善心唔險，你睇遠報在嚟生，近報在目前。」

（二） 「心事惡解，都要解到佢分明。解字看得圓通，萬事都盡輕。心事千條就有一千樣病症。總係心中煩極講不得過人聽。大抵痴字入得症深都係情字染病。唔除痴字就係妙藥都唔靈。花柳場中最易迷卻本性，溫柔鄉裡總要自出奇兵。悟破色空方正是樂培，長迷花柳就會墜落愁城。唉，須要自醒，世間無定是楊花性，總係邊一便風嚟就向一便有情。」

最傳統嘅粵謳寫嘅題材主要係啲青樓妓院、兒女私情等等，傳統粵謳係民歌同文人創作嘅合體，所以白話得嚟，又有啲文人情趣。清末時產生新粵謳，因爲晚清國家局勢嘅大變，代表到呢個轉變嘅關鍵作品係《顛地鬼》兩首，自此粵謳眼界走出妓院，開始關心時事時局。原本傳統粵謳因爲文人化，而多少脫離民間，新粵謳因爲關注時事、關心民生心聲，又再一次回歸民間。

代表新舊粵謳嘅，可以從「解心」呢個詞嘅釋義睇到。舊粵謳嘅解心，意思係解脫心事、安放人情，新粵謳嘅解心，意思係話解說心思，「解下作者究竟想講咩時事」。舊粵謳嘅代表詩人係招子庸，而新粵謳嘅代表作者係廖恩燾。

喺廿世紀初，粵謳入面有啲仲出名到西人都有興趣，俾人譯咗做英文，而澳門又整咗個葡文版。

竹枝詞係用七言絕句嘅形式嘅一種文學寫作。據清朝王士禎同學生劉大勤嘅對答，竹枝詞係愛嚟專歌詠風土，內容偏向瑣碎同詼諧，一般要求有啲風趣，係同絕句完全唔同嘅。而最先開始用竹枝詞嚟描述嶺南風情嘅，係唐朝詩人皇甫松同宋朝楊萬里等文人。嶺南竹枝詞喺元朝、明朝嗰陣就叫「竹枝詞」，後嚟夾埋地名以顯地方特色。廣州地區嘅竹枝詞，除咗叫「嶺南竹枝詞」，仲有「廣州竹枝詞」、「珠江竹枝詞」、「羊城竹枝詞」、「南海竹枝詞」、同「番禺竹枝詞」等。喺清朝中葉後，竹枝詞採用得更廣泛，類別亦愈分愈細，有專詠一地、一事、一物嘅竹枝詞，例如專詠西關八座橋嘅「西關八橋竹枝詞」、專詠荔枝嘅「嶺南荔枝詞」、「羊城七夕竹枝詞」、專詠賣花買花嘅「花田竹枝詞」、「花渡頭竹枝詞」、「廣州撈蜆竹枝詞」、同專詠娼妓嘅「羊城青樓竹枝詞」。而入粵嘅王士禎、杭世駿、李調元、阮元、同彭玉麟等高官大吏，都有寫低唔少以嶺南風物為題嘅竹枝詞，推動咗竹枝詞嘅創作。

飲飲食食係人生存落去一定要做嘅嘢，所以佢係一種包含嗮科技、自然、同人文嘅文化遺產。嶺南唔單止有獨特嘅地理環境，而且仲成日同外界嘅人做嘢，會發展咗自己一套嘅飲食文化一啲都唔出奇。嶺南地區背住座山，對住個海，有成 3368 公里長嘅海岸線，天氣又暖又濕立立，成日都出太陽－無論係捉魚定係種菜都會好好收成。噉好天然條件，嶺南嘅人就有得用好多唔同嘅食材嚟煮嘢食，好似係屈大均（17 世紀）嘅《廣東新語》就有噉講：「天下所有食貨，粵東幾盡有之，粵東所有之食貨，天下未必盡也。」呢啲文化仲有得追溯到去好耐之前嘅南越時期：喺超過一千年前，自從喺南越國冧咗之後，有唔少漢人都會去嶺南地區做官或者長住，佢哋唔止將嗰時嘅中原飲食文化帶咗去嶺南，寫嘢嗰陣仲會跟手提吓嶺南嘅本土飲食風俗。好似係響 9 世紀幫唐昭宗做司馬嘅劉恂噉，佢喺嶺南度做咗一輪嘢，寫咗《嶺表錄異》嚟記錄嗰一帶嘅風土人情。呢本嘢入面有講到當地人嘅飲食習慣，提咗佢哋鍾意食「蠔蠣」同「水牛肉」呀噉。

廣東菜（粵拼：gwong2 dung1 coi3），正式啲嗌做「粵菜」，係指廣東同港澳一帶嘅粵人獨有嘅傳統餸菜同埋煮餸方法。廣東菜有幾個特別嘅地方。首先，佢喺用料方面好開放，雖然佢話就話主要係用豬肉、牛肉、禽肉、同水產，但係查實佢無論係魚蝦蟹定係各種飛禽走獸（甚至乎係昆蟲）都有機會用－幾乎乜都可以攞嚟煮餸。所以粵人嘅飲色文化入面仲有咗「野味」呢個詞語，專係用嚟形容一啲另類啲嘅食材，好似係蛇、老鼠、狸貓呀噉。喺口味方面，廣東菜嘅口味主要係「清鮮嫩爽」，除咗「甜酸苦辣鹹」之外仲會講求「鮮」。調味嗰陣睇仲配合食材原本嘅味嚟煮，唔鍾意太辣嘅嘢，亦都偏好落少啲香料－呢幾樣嘢令到佢同四川菜形成到好強烈嘅對比。廣東菜入面嘅餸菜多數都淨係會落少少薑、蔥、糖、鹽、豉油、米酒、澱粉、油、八角、或者肉豆蔻嚟去調味，間唔中或者會加啲五香粉同白胡椒粉，淨係煮內臟嗰陣會係噉咦落重啲蒜頭呢類香料。佢哋為咗保留食材原本嘅味道，好興用清蒸。所以廣東菜啲味一般都唔會好濃。喺烹調方面，廣東菜有成廿一種烹調方法噉多，除咗頭先提咗嘅清蒸，廣東菜仲好叻用炒、煎、焗、燜、炸、煲、炖、同扣呢啲方法。佢哋煮嘢好講究火侯、鑊氣、同埋「即炒即食」，會要求整出嚟嘅餸菜有齊「色香味形」。

粵人出嗮名鍾意飲茶（粵拼：jam2 caa4）。喺嶺南地區，飲茶係一種飲食文化，但同時亦都係一種民俗文化：粵式茶樓唔單止有自己一套嘅飲食風格，飲茶同時仲係粵人嘅一種傳統禮節。粵人喺有客人嚟探自己嗰陣，好多時候第一樣要做嘅就係「奉上一杯靚茶」，而「請飲茶」基本上就係佢哋表示熱情嘅方式。粵人嘅飲茶文化仲有一柞專屬嘅詞語，好似係「搭檯」、「茶友」呀噉－已經係一種次文化。

傳統嚟講，粵人無論朝頭早、晏晝、定係夜晚都可以去飲茶。飲早茶通常係老人家多，佢哋好多時喺朝早五點零六點晨運完之後就會成班茶友一齊去茶樓度搵張檯坐埋一圍，一路飲茶一路食點心一路傾閒偈。稍為晏少少嘅九點幾時段，有唔少後生仔後生女就會陪自己嘅阿爺阿嫲飲茶。下午茶嗰陣啲嘢食同做法同早茶差唔多，但係就比較多係成家人一齊飲。而夜晚嗰陣嘅茶樓通常會有雅座同包廂－好多時就會有啲大型啲嘅聚會，呢個時候啲人嗌嘅嘢食亦都會偏向豪華啲。但係無論係邊種飲茶，開頭嗰陣要做嘅嘢都係「開茶」－搵張檯坐低，揀自己想飲啲乜嘢茶，再叫個伙記「沖茶」，茶嚟咗之後就會嗌點心，成班人仲會一路飲飲食食一路傾閒偈，最後食完就埋單。

點心（粵拼：dim2 sam1）係粵人飲茶嗰陣一定會有嘅嘢食。「點心」呢個詞語最早喺 11 世紀出現。《唐書》入面就有噉樣講：「唐鄭為江淮留侯，家人備夫人晨僎，夫人謂其第曰：治妝未畢，我未及餐，爾且可點心。」呢句嘢嘅意思係話一家人準備食早餐，仲未開飯，女主人同佢細佬講話佢仲未梳好妝，叫佢等一陣，食住啲小食醫肚先。而點心呢類嘅食物歷史好悠久，早喺公元前 500 年中原地區已經有記載民間有啲類似嘅小食，後嚟再傳咗去嶺南同慢慢噉演變做今日嘅點心。粵式點心好多時係用蒸籠嚟上嘅。佢哋有好多種，可以細分做蒸點、炸點、包、腸粉呀噉。點心係粵式飲食文化不可或缺嘅一個組成部份－廣東同香港呢啲地方都有廚藝學校會開班專係訓練點心師傅。

涼茶（粵拼：loeng4 caa4）係嶺南獨有嘅一種嘢飲。嶺南地區又熱又濕，而且粵人又鍾意食埋嗮啲煎炸嘢，搞到佢哋成日都話噉易就熱氣。於是民間興起咗用啲藥性寒涼又消暑嘅草藥煲水，然後再攤凍嚟飲－呢啲清涼又有補身效用嘅嘢飲就係涼茶。涼茶有好多唔同款，比較多人識嘅有廿四味、五花茶、雪梨茶、感冒茶、同埋火麻仁呀噉。佢哋喺嶺南地區好有人氣。廣州同埋港澳地方都開咗好多專係賣涼茶嘅涼茶舖，無論大人定係細路都有人幫襯。呢三個地方嘅政府甚至仲喺 2006 年成功噉爭取令到中國國務院將涼茶列做國家級非物質文化遺產。

糖水（粵拼：tong4 seoi2）係嶺南飲食嘅其中一個特色，泛指一啲液態嘅粵式甜品。糖水嘅歷史源頭而家已經查唔到，但係廣州嗰一帶似乎係喺仲未漢化嗰陣已經有啲類似糖水嘅嘢，而 10 至 13 世紀嘅南宋時期亦都有文獻提過佢哋嘅市集有賣一啲叫做「涼水」嘅甜味嘢飲。同北方地帶嘅甜湯比起上嚟，糖水一般都會杰啲，所以粵人通常都會講「食糖水」而唔係「飲糖水」。喺嶺南地區，糖水有好多款，通常係用嚟喺晚餐做飯後甜品或者做消夜。佢哋熱食或者凍食都得，而且粵人食糖水仲會睇時令：夏天會食綠豆沙清熱，而冬天會食芝麻糊。喺嶺南地區，除咗用嚟食，糖水仲有喺傳統習俗入面擔當一啲角色：廣東人喺結婚新郎新婚拜完天地之後就會坐喺床邊，等主婚人請好命婆將親友送嚟房度嘅紅綠筷子撒向帳前帳頂度，跟手個好命婆就會捧住蓮子羹餵新郎新婚食，有「連生貴子」噉嘅意思。

嶺南嘅酒文化好耐歷史。考古學家發現喺新石器時代嗰陣，嶺南地區嘅人已經有整生果酒，而南越國嘅遺物當中亦都搵到有用嚟裝酒嘅容器。後嚟喺 11 世紀嘅宋朝時期，出咗名鍾意飲酒嘅文人蘇東坡俾人貶咗去嶺南之後冇幾耐就寫咗嶺南第一本講釀酒嘅書－《東坡酒經》。喺 15 世紀嘅大明統治之下，嶺南嘅釀酒業開始全面噉發展，開咗好多酒行會館，好似係佛山酒行會館就出咗名因為水質好、米料夠所以出到好酒。到咗今日，嶺南已經出緊好多唔同嘅酒。嶺南米酒係嶺南嘅一種名產；廣東十大名酒亦都好有人氣，尤其係當中嘅玉冰燒個勢特別勁。而傳統上，嶺南喺婚禮同埋佛山嘅秋色祭亦都會用到嶺南釀嘅酒。

喺 2014 年，佛山開咗間嶺南酒文化博物館嚟介紹嶺南嘅酒文化。

係洪拳同各種粵式功夫高手興用嘅兵器。

嶺南嘅人由中世紀後半橛開始就有創作好多打交技巧，但係嗰陣時啲門派好亂，分得唔清唔楚，要去到 18 至 19 世紀先至有清析嘅門派可言。嗰時嘅大清政府管唔掂個國家，搞到好似廣東廣西呢啲邊界地方好多賊仔同海盜喺度搞搞震。於是粵人為咗保護自己同埋屋企人，就開始興學打交。呢個潮流令到嶺南嗰頭開咗成柞功夫館，而且粵人仲順手執咗吓佢哋啲打交技巧，將佢哋已經識嘅技術整理分類好－兩廣嘅南拳門派（指長江以南地區嘅功夫流派）就成咗形。嗰陣時粵人仲出咗好多好似廣東十虎呢類嘅傳奇性嘅高手同英雄，當中以黃飛鴻最出位，好多港產片同電視劇都有拍佢嘅事跡。

總體嚟講，嶺南嘅功夫派別主要特色係講究啲橋（指上身）法要多變同埋個馬（指下身）要扎得又穩又闊，會用大嗌嚟助威，好少可會跳躍或者起腳，冇乜華麗嘅大動作，講究實用－有務實嘅嶺南特色。到咗今日，嶺南嘅功夫流派有：

嶺南甚至仲有自己嘅一套儒學流派。由 11 世紀開始，宋明理學就越嚟越多人研究，好快就連日本、韓國、同埋越南嘅儒學者都搞埋一份。喺 12 世紀嗰陣，崔與之（號「菊坡」）創立咗菊坡學派，令到嶺南開始有咗屬於自己嘅一套儒學思想體系。打後嗰幾百年，嶺南嘅哲學就一路有發展，出咗一班幾有料到嘅思想家。

嶺南學派（粵拼：ling5 naam4 hok6 paai3）可以講得上係嶺南哲學入面最有代表性嘅一個流派。佢係一班嶺南出身嘅文人喺 15 世紀嗰陣開嘅一個宋明理學流派，佢嘅代表人物係廣東新會出身嘅哲學家陳獻章（外號叫「白沙先生」）。佢寫嘅哲學文家陣好詳細噉樣收錄咗喺《陳獻章集》入面。喺呢啲文入面，陳獻章表達咗佢嘅思想，佢主要係主張「自得」同「以心為主」。總體嚟講，呢個學派係借咗儒家嘅人本精神，但係又會好似道教噉樣睇仲講人同自然之間嘅關係，甚至可以話係有啲俾西人嗰種睇重問問題嘅諗嘢方式影響咗。

嶺南喺佛學上都有啲成就。中國南禪嘅出名祖師六祖慧能就係出身喺廣東呢一帶嘅，而《六祖壇經》係中國第一部列入佛教正典嘅著作。今日唐人嘅禪宗係以廣東發源嗰派南禪為主，而另外發展嘅北禪相比之下影響力就冇噉強。

粵人有好多傳統節慶。當中有啲係其他東方人都會慶祝嘅，例如係盂蘭節噉，就連日本人同好多東南亞族群都會慶祝。但係粵人好多時會有一啲獨有嘅習俗：好似係過年嗰陣行花市呢家嘢喺粵人以外嘅唐人族群好少見。粵人又會特別睇仲某啲節日，好似係佛誕噉：因為傳統粵人都係信佛多，所以佛誕會大搞，但係反而唔會點樣理孔聖誕。總括嚟講嘅話，嶺南嘅傳統節慶有：

同其他東北亞族群好似嘅係，粵人傳統嚟講乜都會拜：佛教（主力係大乘佛教）、道教、好多派嘅基督教、回教、同埋好多自然崇拜喺呢一頭都有唔少嘅信徒。以一個東方地區嚟講，嶺南特別多經海路由西面傳入嚟嘅宗教－佛教、唔同派嘅基督教、同埋回教；噉亦都係反映咗粵人傳統上特別多同外面嘅世界交流。

比起拜孔孟，粵人多數都係鍾意拜佛或者拜觀音多啲。呢樣嘢係沿襲咗大唐嘅文化－唐係中國史上最睇仲佛教嘅朝代。唐三藏去印度學完佛之後返咗去大唐，將佢學到嘅嘢周圍教俾嗰時嘅漢人，啲漢人加咗啲自己嘅嘢落去，做出咗有漢文化風格嘅大乘佛教。大乘派嘅佛廟喺嶺南地區周圍都係，而且佛誕同埋觀音誕呢啲都係屬於喺粵文化入面都幾仲大嘅節日。

喺北宋嗰陣盛極一時嘅禪宗佛教流派雲門宗就係喺韶州雲門山（今日嘅廣東乳源）發源嘅。

喺嶺南嘅主要宗教入面，得道教係經陸路由北面嘅中原地區傳入嚟嘅。道教思想喺度有唔少影響力，好似係拜城隍、拜土地公、拜華光大帝、或者係風水文化呀噉，都係由道教嗰度搞出嚟嘅。喺呢方面，嶺南都有啲自己嘅風格，會拜一啲有本土特色嘅神：黃大仙多數係粵人先會拜嘅；而且粵人仲好興去拜啲好似南海神洪聖同媽祖呢一類嘅海神－同內陸地區唔同，反映咗粵人傳統興經海路搞生意嘅文化。

嶺南文化俾學者話佢有遠儒文化嘅特徵。呢點可能同嶺南傳統係中原帝國邊界地區同埋大唐嘅影響有關（大唐係重佛多過重儒嘅）：雖然儒學喺嶺南都有些少影響力，但係孔廟喺區內依然係少見過佛廟同道觀好多。

除咗大乘佛教同埋道教呢類有東方色彩啲嘅教之外，基督教同埋回教喺嶺南都有一定數量嘅追隨者。喺 15 到 16 世紀嗰陣，嶺南係大明嘅主要對外港口，有唔少西歐嘅商人會喺呢一頭設置自己嘅基地，噉西歐嘅基督教教派（即係天主教同新教，但仲有其他細啲嘅教派）會跟手傳埋入嚟一啲都唔奇。而喺再早啲嘅時期，嚟自阿拉伯同波斯嘅商人都有喺嶺南一帶度搞生意，佢哋嘅回教自然跟住佢哋一齊入埋嚟。

粵商（粵拼：jyut6 soeng1）係指一啲由粵人組成嘅商幫。響歷史上近呢二千年嚟，嶺南（尤其是係廣州嗰頭）喺好幾個朝代都係做中原皇朝嘅對外港口，令到粵人有咗一種好強嘅商業文化，出咗好似廣州十三行呢類出名嘅商幫，而且仲有一套自己嘅行商之道：粵商出咗名會當關公係財神噉嚟拜，喺行商手法上會講實用，做生意嗰陣會避開政治嘢，注仲結果同實利多過虛名，低調唔鍾意出風頭，硬係驚俾人打劫所以會講「財不可以露眼」，而且知足又自強。到咗今日，粵人仲係傳承緊粵商文化，好似係廣州、香港、佛山、同深圳呢啲嶺南主要城市都係大商埠，會搞好多金融同工業生意：好似係香港噉，直到 2016 年，香港嘅全球金融中心指數（Global Financial Centres Index，簡稱 GFCI）去到成 748 －係全世界第四，只係低過倫敦同紐約市少少。

木棉花（粵拼：muk6 min4 faa1）好多時都俾人覺得係最代表到嶺南嘅花。嶺南嘅木棉文化有得追溯到去南越時期：據講公元前 200 年嗰時，南越國嘅國王趙陀曾經送咗樖木棉樹俾統治緊中原嘅漢皇朝嚟表示敬意－即係話喺嗰時嶺南嘅人已經有用緊木棉嚟代表自己鄉下。到咗今日，木棉已經係粵文化入面好重要嘅象徵物，成日都喺粵人作嘅詩歌或者散文度出現，好似係《南海潮》呢首民歌就用咗「紅棉」嚟代表粵文化。亦都有粵人攞木棉樹嚟同英雄比較，話佢樹幹又大又粗，又成日生得高過嗮周圍啲樹，仲就噉幫佢改咗個花名叫「英雄樹」。

木棉家陣已經做咗嶺南文化大城廣州嘅市花。

喺西化嘅香港，木棉文化都有啲影響力。好出名嘅粵語流行歌手羅文有作咗首叫《紅棉》嘅歌，專係講木棉嘅。除咗噉，喺香港公園嘅紅棉路婚姻註冊處係香港人嘅結婚熱門地點。

洋紫荊（粵拼：joeng4 zi2 ging1）可以話係香港嘅象徵。佢喺 1880 年嗰陣俾一個神父發現，後嚟喺 1908 年俾學界判定係新嘅品種，喺 1965 年正式做埋香港嘅市花。而喺 1997 年主權移交之後，洋紫荊圖案仲出現咗喺香港嘅特區區旗嗰度。始終香港係出咗好大柞好似係戲、電視劇、同流行歌呢類嘅文化產物嚟宣傳粵文化，令到香港俾好多粵人覺得佢係現代粵文化嘅代表。因為噉，洋紫荊有時會俾人覺得同粵文化好有關係，例如係《南海潮》呢首歌度都有提咗「紫荊」嚟去代表粵人同埋粵文化。

香港嘅金紫荊廣場有座好大嘅金色洋紫荊雕像，係香港嘅地標之一。

三板（粵拼：saam1 ban2），又叫做「舢板」，係南中國海沿岸度成日都會見到嘅一種木造嘅平底艇仔。呢種艇仔粵人、福佬人、越南人、同埋好多東南亞民族都會用。佢哋通常係三米半到四米左右，好多時會加個篷，仲住得人。好多漁民會住喺三板度方便佢哋做嘢，令到好似係廣州同香港呢啲嶺南嘅沿海城市成日都會有一大柞三板泊嗮喺個港口度，係好有本地特色嘅景象。三板喺粵人作嘅歌或者拍嘅戲度耐唔耐就會蒲頭，令到好多人覺得佢係嶺南文化嘅象徵物之一。

《南海潮》呢首民歌入面都有提咗「舢板」。




#Article 31: 錫亞琴冰川 (123 words)


錫亞琴冰川（，），響東喀喇崑崙山脈，大約位置係。渠係喀喇崑崙最長嘅冰川，亦係地球極地以外第二長嘅。渠發源自中國邊境海拔5753米嘅，去到渠海拔3620米嘅。

錫亞琴冰川之北係中亞同印度大陸嘅分水嶺。條冰川被西邊嘅 Saltoro 山脊同 東邊嘅喀喇崑崙主脈夾住。 Saltoro 山脊由北邊中國邊境嘅喀喇崑崙山脈 Sia Kangri 峰發起，渠嘅脊梁由最低 5450米 高到 7720 米。 其主要山凹，由北到南，有：Sia La （5589 米）, Bilafond La （5450米），Gyong La （5689 米）。

條冰川位於印巴相爭嘅喀什米爾地區。嗰道冬季平均落雪10.5米，温度低至攝氏 -50 度。 個名錫亞琴嘅意思係「野玫瑰之地」；有啲人話渠指條冰川下面個山谷道好茂盛嘅喜瑪拉雅山野花，特别係嗰啲生喺石上面嘅有刺嘅植物。呢道係世上最高嘅戰場；印度 同巴基斯坦自從1984年4月13號就間唔中喺道打來打去。兩國長期係呢撻6000米以上嘅山區駐軍。呢道啲喺典型嘅山區戰事。條冰川啲冰融咗後，流入奴勃拉河()，之後流入希約克河 ()，再流入印度河。 呢啲水係印度河嘅一支重要水源。全球變暖令到呢啲喜瑪拉雅冰融得從未見過咁快，後果可能好嚴重。

錫亞琴之爭源自地圖： 喺座標NJ9842之後啲疆界就嘜得唔清唔楚 。1949年嘅 卡拉奇協議 同 1972年嘅 Simla 協議 都無清楚指出邊個控制條冰河，只係話由 NJ9842 點開始，條邊界 「自此向北面啲冰川(thence north to the glaciers)」 咁樣延伸。但 1960年代同1970年代時，亞美利根合聚國防制圖局（ Defense Mapping Agency） (而家變咗做國家地空情報局 [National Geospatial-Intelligence Agency]) 毫無法律或任何邊界文書根據咁就喺渠地啲公開嘅、畀飛機師睇到嘅地圖（maps available to the public and pilots）畫咗條國界，由 NJ9842 伸向東東北中國邊境嘅5534米（18136英尺）嘅喀喇崑崙凹。  衆多政府同埋私家製圖者就跟住咁劃，變相送咗嗰 2700 平方公里嘅錫雅琴地區畀巴基斯坦。印度政府同軍方見到咁樣......  1984年以前巴基斯坦軍同印度軍都無長駐呢區。

其後巴基斯坦亦喺1990, 1995, 1996 甚至 1999年初（Lahore 峰會之前）試過收復失地。1995年巴基斯坦 SSG 嘅攻勢死傷咗 40 人，但位置上乜都無變。 Gyong La (Pass) 位於北緯 35-10-29, 東經77-04-15；印度控制嗰點。巴基斯坦控制 Gyong La 西南五東里外嘅下游山谷。越來越多人叫印度軍同巴基斯坦軍扎住嗰條線做「實際地面位置線」(Actual Ground Position Line (AGPL)).
巴基斯坦軍一直上唔到 Saltoro 山脊，印度軍亦都唔敢放棄佢地啲制高點。2003年相方停火。此前每年死係天氣嘅士兵都多過死喺對方手上者。雙方夾埋失去咗 2,000 員，其中主因係凍傷、雪崩 同其他複雜問題。 雙方係冰川上共有 150 站睄崗，各國共有約 3,000 員士兵。印度同巴基斯坦官方話渠地喺呢道每年各用咗3百萬 同 2百萬蚊。 印度喺條冰川上，海拔6400米嘅 Sonam 度 起咗撻世界最高嘅直升機坪。印度係條冰川上裝咗世界最高一座電話亭。雙方都想撤出呢道，但自從1999年嘅Kargil War，其中巴基斯坦派員越過控制線滲入印度軍空置嘅崗位，印度就唔再打算喺正式確認界線之前撤走。
布圖Benazir Bhutto做緊巴基斯坦總理時 去過Gyong La 西面之地。其後2005年6月12號，印度總理Manmohan Singh去咗嗰道探吓，呼喻和平解決呢道問題。此前一年，印度總統Abdul Kalam亦去過嗰道一遊。印度嘅Jet Airways打算辦條包機航線(chartered service)去最近冰川嘅機場--Thoise 空軍基地，以服務軍方為主。巴基斯坦國際航線()每日都接遊客同山友去Skardu----上K2嘅中轉站；K2 位於錫雅琴地區西北 33 千米。但有時啲天氣會禁飛呢啲機。




#Article 32: 網絡中心戰 (281 words)


網絡中心戰（Network-centric warfare(NCW)），而家好多人叫做網絡中心行動(network-centric operations (NCO))，係種合衆國防部所創嘅新軍事指導原則，以求化資訊優勢為打仗優勢。其做法係用好穏陣(robust)嘅網絡聯起啲地面上分隔開但資訊充足(well-informed)嘅部隊，咁就可以發展新嘅組織同打法。 呢種網絡容許大家分享更多資訊，合作，同形勢警覺(shared situational awareness)，以致理論上可以令各部一致，指揮更快，行動更有效。 呢套理論假設(tenets)：

「網絡使能能力」 (NEC) 係聯合王國同一啲地方用嘅類似原則。

同年，亞美利根參謀長聯席會議發表 聯合展望2010 (或叫2010聯戰願景) ，引入軍事概念 全譜優勢(或曰全方位主宰) 。 全譜主宰描述 合衆國嘅軍事能力－－無論和平行動定係郁手打，都可以資訊優勢主宰戰場。

其後嘉契卡同助理國防部長（網絡與資訊整合）辦公室研究主任大衞. 阿爾拔斯(David S. Alberts, Director of Research, OASD-NII )同麥特公司嘅費德列.斯坦 (Fred Stein, Mitre Corporation)寫咗本書“” 深入討論呢啲嘅念。呢本書由出版，借鑑 商業機構 利用資訊溝通科技以 改善 形勢分析、準確管理庫存與生產(inventory and production) 同埋客户關係 之道，發展一套 新嘅 戰事理論。

跟往喺2001 年，Alberts、Gartska、「證據為本研究」(Evidence Based Research)嘅 李察 希斯 同蘭德公司 (RAND)嘅大衞 識路尼(David S. Signori)合寫咗份 (Understanding Information Age Warfare, UIAW)。UIAW 由 NCW 提出嘅改變開始，試推其後果，以揾一套可行嘅打仗理論。 由一系列環境感應嘅預設開始， UIAW 構想(posits)一共分三領域(domains)嘅結構。 「物理領域」(“physical domain” )就係啲嘢發生同埋感應嗰度；嗰度出的資料就會傳去資訊領域(“information domain”)。的資料處理過嘅跟住會入去「認知領域 」(cognitive domain)”評估同用來決策。 呢種過程抄攷合衆國空軍上校(colonel)約翰. 包以德提出嘅「觀察、定向、決定、行動」( “observe, orient, decide, act” ,OODA) 圈圈。

２００３年，CCRP出版“”，繼續發展網絡中心戰理論。以其響軍事行動嘅涵義計，《放權週邊》係咁多論著入面最大膽、最革命者。佢話現代軍事環境複雜到 無一個人、無單一組織、甚至無單一兵種(military service)可以完全明白。現代資訊分享技術快到足以畀啲「週邊單位」 (“edge entities”, 即係啲行動人員) 隨手就響啲大圍嘅資訊庫度「手猛（媽亨切）」 嘢用，而唔使集中啲專人來估佢地將要乜、預先「o拱（雅拱切）」畀佢地。 咁樣啲軍階架構就會扁好多。而家未知呢道前瞻行唔行得通；阿拔同希斯就話全球資訊網格 係其第一步。

網絡中心行動係合衆國防秘書Donald Rumsfeld推行嘅國防部轉型嘅基石；渠亦係 合衆國防部秘書辦公室之 軍力轉型辦公室五支目標之一

欲知乜叫「防務轉型(defence transformation)」或者就咁「轉型」，請參閱軍事變革()一文。

合衆國防部指令全球資訊網格()將成為支援網絡中心行動嘅基本技術架構。據此行政指示，所有先進嘅武器平臺、 感應器系統 同埋 指揮控制中心都終要以全球資訊網格連埋。系統嘅系統一語就常用來描述呢種大規模整合工程。

網路中心機構服務專案為每一階段(phase) 嘅網絡中心問題，提供 符合 合衆國防部NCW目標嘅 可執行指導(actionable guidance)。呢啲指導 都來自各 指令(directives), 政策 同埋 命令( mandates) 中嘅高層次抽象嘅概念，如 網絡中心行動同埋戰事嘅參攷模型 (NCOW RM) 同埋 ASD(NII) 網絡中心一覽 。

係其最高層次，合衆國武裝嘅網絡中心行動原則 響 概念度偷師－－即係整合協同 幾種部隊（由陸軍到空軍到海岸巡邏）嘅全部能力。 呢樣喺原則嘅一部份。

網絡中心行動（NCW）理論嘅假設(tenets)(Alberts, 2002, pp. 7-8)有：

若想支援多國聯軍活動，就要調和各國網絡嘅技術、行動各方面。標準協議 (, Standardisation Agreement/ Accord de normalisation) 就係北大西洋公約各國協調技術標準嘅嘢。

有啲唔屬北約、但又好想支持唔使打仗嘅軍事行動 (MOOTW ,)－－例如維持和平、災難反應、人道主義援助－－嘅國家 。欲知啲組織工作點樣延續到渠地度，請睇和平合作()。

「以少於十二年前沙漠風暴一半嘅 地面部隊、三分之二軍用飛機，我地達到咗件難好多嘅目的 ... 沙漠風暴時通常啲 target palnners 要多達兩日時間來獲得目標張相、確定其座標、計劃行動、同埋交份計劃畀轟炸機隊；而家我地用電郵，目標圖像同埋座標可以差唔多即刻傳畀天空上嘅飛機。 沙暴時團部、旅部同師部指揮員要靠地圖同筆(grease pencils)，要靠無線電報告來跟啲部隊嘅動向。今日我地啲指揮員有部電算機，可以即時顯示啲部隊所在。」  -- 李察.切你 ，阿美利根副總統４６號，沙漠風暴時國防部長(１７號)。

「十二年來，網絡中心戰嘅效率高咗好多。沙暴時嗰500,000 員部隊用每秒一百米加位元 ( 100 Mbit/s) 嘅頻道。今日，約有350,000 員嘅 伊拉克自由行動 (OIF) 部隊，用三千米加位元(3,000 Mbit/s) 嘅衞星頻道，即係細咗百份之四十五嘅步隊用闊咗三十倍嘅頻道。合衆國部隊而家用嘅武器平臺同沙暴時基本一樣，但效率就大好多。 -- Harry D. Raduege Jr. 中將 國防信息系統局()

「我地呢啲新(incipient) NCW 計 (plans) 可能會輸畀啲用原始但實用(primitive but cagey)法子、得到啲我地跟唔上嘅觀念形態啓發嘅 [對手]；或者位可打低我地套脆弱嘅全球定位系統、或者識得用區域性(local scale)電池脈衝武器、會攞走啲我地建立起(construe)且用到上癮嘅資訊 嘅敵人。習慣咗依賴網絡(downlinks)攞料嘅部隊，有起事上來，無乜士啤法子可用。 」 -- Charles Perrow, 

ADF Force 2020 一文簡介 澳洲防衞隊 (ADF) 用 NCW嘅希望。澳大利亞戰略政策研究所 (ASPI)主任Aldo Borgu 批評呢項願景。 渠話，如果掛住同合衆國發展兼容，澳大利亞自衞隊分分鐘同合衆軍會重熟過同自己友。見.

反對第四代戰()概念者成日批網絡中心戰，話渠剩掛住技術方法，貴嘅、冷戰留低嘅平臺，同的轉換計劃(transformation policies)，而唔理現實行動所需同埋錢所限。

網絡中心戰嘅精神嘅代價係：渠忽略個人之間嘅差異。有人可以解讀套理論做：由四條基本假設，只須提供通訊架構，其他嘢就會自動搞掂，「軍事效率就會大增」。 四基本假設之任一亦有可能反而焗死(stifle)軍事效率。

有人以啲 NCW 假設 為 呃細路()。簡化可助介紹好複雜嘅嘢畀心智未成熟嘅人。但好強嘅化往往係錯嘅；咁而家問題就係：錯成點？有邊啲決定基於渠？呢啲過度簡化都幾陰險，因渠似乎可滿足軍方的人發嘅夢。的 NCW 假設似乎滿足啲軍人嘅全在 、 全知、放權(?) ( empowerment)、全能；而「全」部所需工夫不過 一場夢(?)()－－只需砌個網。

第一假設度，要求個網實現全在之夢。呢種「」做法已帶翀電信工業好幾嘢昂貴嘅失敗。 （Alberts 等人 (1999) 中叫渠做「入場費」）。正如更多更好嘅電信網未必保證利潤或者間公司被社會接受，更多更好嘅通訊網亦未必會增加軍事行動較率。而且，織個網時要求更嚴格咁遵從「架構取向」(architectural approach)會將焦點放喺架構(architecture)而非點樣組織啲知識(managing information. )。發展「結構、紀律、一致嘅標準嘅架構」 、符合行動、系統同技術觀點要求嘅架生同埋計劃，會畀人虚假嘅信心。就算有呢的架生，各設計員未必同樣咁理解成個資訊系統嘅設計，個系統設計未必會一致；就喺最簡單嘅、唔郁(static)嘅網上，安全、準確亦無保。若果要用呢的架構來做模，渠地重要扎根於數值資料，好似設計方程呀、表現檢驗（？）(performance proofs)、支持嘅分析、 模型、模擬、計設嘅啉法(heuristics)之類。

資訊網值幾多，睇點用。 假設 2 嘅前提係：用資訊網來分一幅「共同行動景象」(COP) ，咁就會造出共同形勢警覺 。咁樣就鼓吹「全知之夢」。嗰啲跟踪資料(track information)同埋好多人聯想到嘅「地圖上嘅點」，其實只幫到形勢警覺嘅認知(perception) 層面。
渠地指出時空上某啲值得注意嘅嘢，但未能顯示嗰的形勢嘅意義同重要性 (理解(comprehension))，亦未能確認嗰的形勢帶畀我地嘅後果(投影 (projection))。喺任何NCW系統，總會有啲唔協調嘢。 呢種 common as consistency (見 相容性證明) 做法，當渠唔會出現，好唔實際。咁樣將「共同」當做「勻循」簡直係誤「相容」為「統一」，且亦唔穏陣，因為追求勻循會踢走多樣性。

假設三鼓吹賦權(empowerment)嘅夢。NCW 一大問題係從未有人話過假設３嘅自發配合（self-synchronisation）點實行。

頭三假設已經各有咁多漏洞，
好難想象 代表住前三假設結果嘅第四假設「全能嘅夢」 點樣實現。其實條假設講緊乜都唔多清楚。NCW構想嘅目的(s) 唔明顯。就當NCW源自資訊優勢概念，試下咁樣理解渠， 我地仍然會失望：單有資訊優勢唔會保障行動效率。 事實上，連火力優勢都未必保證任務有效。

Alberts, D.S., Garstka, J.J., Stein, F.P., (2000) , CCRP Publ., 2nd Edition (Revised). Aug 1999, Second Print Feb 2000. 

Alberts, D.S., (2002), , Washington, DC, CCRP Publications. 
First published 1996.




#Article 33: 孲𤘅子 (113 words)


孲𤘅子（，，），亦叫「蘇蝦仔」（，正寫臊孲子或者蘇孲崽），就咁蘇蝦，BB（啤啤），男嬰叫 BB 仔，女嬰叫 BB 女，文言係「」或者「」，係啱啱出世到兩三歲嘅人仔。有時會單用嬰字夾埋其他字，代表孲𤘅子有關嘅嘢。

【孲𤘅子】出自《揚子方語》：『吳人謂赤子曰孲𤘅』。【孲】喺《集韻》：『孲，赤子也』。【蘇孲崽】出自《番禺縣志》：『廣州呼小兒曰蘇孲崽。蘇，生也，言新生者也』。【sou1】 呢個字有人寫做【臊】係指 BB 身上嘅氣味，寫作【臊孲仔】。文言書面語稱做【嬰】、【嬰兒】或【嬰孩】，《說文解字》話【嬰】字原本嘅意思係女人攬響頸上嘅貝殼（飾物），至於嚸解攞來指 BB 就無人肯定。而近代嘅「BB」或「啤啤」好可能由葡文嘅  或者英文嘅  度出來 。

一出世嘅孲𤘅膊頭同個臗位窄，肚少少凸，手腳短。佢哋嘅平均重 3.2 kg，可以由 2.7 到 4.6 kg。平均身長 35.6–50.8 cm，未足月嘅 B 細啲。孲𤘅嘅頭大。

啱啱出世嘅孲𤘅，個頭佔個成個人好大份。頭蓋骨相對塊面係好大。大人嘅頭骨係佢個身長嘅八份一，孲𤘅就係四份一。啱啱出世嘅孲𤘅嘅頭骨未生埋，呢兩個軟軟哋嘅地方叫腦囟（fontanelle）。有個鑽石形、大嘅前腦囟，響頭嘅前頂方，同細三角形嘅後腦囟，響頭嘅後面。

有啲啱啱出世嘅孲𤘅，響膊頭、背脊、前臂、耳、塊面度有啲幼細嘅毛毛，叫胎毛（lanugo）。一般胎毛幾星期自己會甩。有啲 BB 出世嗰陣好多頭髮，有啲就無乜，有啲重光頭，頭皮上有層薄薄嘅頭泥，出世後洗頭就會甩，如果唔甩嘅話，可以加少少BB油，輕輕按摩。頭殼有啲瘀，眼有啲腫，遲啲會散。

孲𤘅出世時穿過陰道。頭會變形，拉長咗，幾日到幾星期會變返正常。

啱啱出世嗰陣，BB 嘅皮膚程暗藍色，一開始吸氣會變返正常膚色。重會有層白色嘅嘢，叫胎兒皮脂（vernix caseosa），有抗菌作用。腳仔手仔會甩皮，重有胎記，不過未必個個孲都會有。

BB 嘅性器官會紅腫，男𤘅仔條脧仔又大又紅，個袋仔特別大，無論男女孲𤘅個胸都會大，係由於母體嘅激素造成嘅短暫情況。男女孲𤘅嘅可乳頭能會出奶，或 BB 女由陰道流出血/奶狀嘅液體，兩個情況都係正常嘅，好快會消失。 

孲𤘅嘅臍帶係藍白色，臍帶剪咗之後，會留返 2-5cm 喺度，三星期左右，就會乾、變黑、縮細，最後自己甩出來。有時醫院幫 B 嘅剪臍帶個位搽藥水防止感染，臍帶睇起來紫紫哋。

爾啲種種響啱啱出世嘅孲𤘅嘅特徵好快會消失。老少少嘅 BB 個樣好唔同，有人認為老少少嘅𤘅仔得意啲，亦有人覺得啱啱出世嘅好醜樣。

孲𤘅最鍾意俾人摸、掃、抱。抱住搖下佢，會畀BB好似喺媽媽肚裏面，俾胎水保護住咁、沖暖水涼、按摩通常可以令 BB 喊少啲。佢哋鍾意食手指、啜奶嘴。啜嘢係本能嚟嘅，畀 BB 食奶。  

BB 視力一般，只係睇到眼前 45厘米嘅嘢。雖然睇得唔遠，夠佢食人奶嗰陣睇到阿媽個樣，所以啲人話BB識認人，係真嘅。當 BB 唔瞓覺、唔喊、唔食奶嗰陣，就會乜都睇一餐。對啲色水對比大、複雜嘅花紋圖案特別有興趣。BB 最鐘意都係睇人嘅樣。

孲𤘅重喺阿媽肚裏面已經可以聽到體內發出嘅聲：阿媽嘅心跳、腸郁動嘅聲、人聲、車聲。胎裏面嘅 B 雖然浸喺羊水度係可以聽到聲。BB 對女聲反應好過男聲，因此可能解釋嚸解同 BB 講嘢嗰陣啲人會提高把聲。人聲，尤其是阿媽把聲，會令 BB 好舒服、有安全感。大大聲、爆音會嚇驚佢哋。

BB 一出世就對甜、酸、苦、鹹有反應，甜嘢就最鍾意。一出世嗅覺就好發達，喺第一星期，已經可以分辨到阿媽同第個女人啲奶嘅味道。

夭折率係孲𤘅仔一歲之前死嘅比率。分兩種：出世頭 27 日死叫 neonatal death；第 28 日之後嘅叫 post-neonatal death。死因包括：缺水、感染、先天畸形、嬰兒猝死症（ 或就咁 SIDS ）
。

睇夭折率就知嗰個國家／地區嘅醫療狀況掂唔掂。夭折率顯示到孲𤘅仔／大肚婆嘅健康狀況、醫療設施夠唔夠、公共醫療政策／制度嘅成敗。夭折率越低就越掂 
。

一係食阿媽啲奶（人奶），唔係就食特別加工牛奶（嬰兒配方）不過有時啲B對奶粉敏感，咁就要轉食豆奶，啲 B 越大，胃口越好。BB 吮嘅本能令到佢哋識得由阿媽乳頭度食奶，或者食奶嘴，亦係佢哋嘅本能去搵乳頭。如果阿媽唔肯或唔想餵人奶，或者餵唔到，可以食嬰兒配方或請奶媽。

餵人奶畀 BB 好處多，奶裏面有抗體 ，而飲人奶嘅 B 可以唔飲水，減少受到污遭水感染嘅機會。加上工牛奶無抗體，喺水源受污染嘅地方，有病嘅機會大升。只有人奶有齊 BB 要嘅抗體，有齊 BB 啲長肉嘅需要，雖然嬰兒配方久唔久改下去學人奶。

湊 BB 係一件好辛苦嘅事，特別係啲淨飲人奶嘅蘇孲，每兩個鐘頭要餵一次，阿媽阿爸無覺好瞓。

BB 唔識忍尿忍屎，喺一般嘅工業國家畀 BB 鴨尿片 。BB 唔識行，淨係識得爬同躝，所以要大人手抱，或者用孭帶，孭袋孭出街，而家啲孭帶可以孭前面或背脊後面。亦可以將個 B 放落 BB 車度推。

同細路一樣，大人會對待 BB 同一般大人唔同。有時候佢哋係萬人躉，特別俾人留意。好多地方唔使畀入場費，好似博物館，遊樂場咁，搭車唔使錢。隨住 BB 一路大，大人對佢嘅注意同優待亦減少。




#Article 34: 筆 (254 words)


筆（）係寫嘢、畫嘢嘅架生，由有長條狀、7-20cm長嘅筆身或筆杆，加埋出會固態或液態色水嘅筆嘴組成。筆大至以出嘅顏色嘅物料、用途為分類嘅基礎。

冇人知一支「筆」幾時出現，筆同畫嘢寫字有唔可分割嘅關係，最早畫或寫嘅嘢間接暗示一支筆嘅出現。而家搵倒最早嘅「畫」就係響公元前三萬到二萬年嘅洞穴壁畫，響西班牙山窿 Cueva de las Monedas 裏面嘅壁畫就有 32,000 年嘅歷史，呢啲畫用上 red and yellow ochre, hematite, manganese oxide and charcoal。我哋一啲都唔難想像啲原始人要用架生將啲顏色整上篷牆度，呢啲架生好可能就係第一枝「筆」。


世界上第一支箱頭筆嘅牌子係“probablythe felt tip marker”，係喺1940年發明嘅。佢主要係用嚟記嘢同藝術性嘅應用。喺1952年，Sidney Rosenthal開始了行銷他的魔術箱頭筆(Magic Marker)，支筆有個用嚟擺墨嘅玻璃瓶同理毛茸茸嘅筆芯。喺1958 年以前，標誌用途變得共同, 並且人們使用了它為字法，標記, 標記的包裹，和創造海報。 

有啲叫筆嘅嘢，但係唔係寫嘢畫嘢用嘅：

因為筆通常都係直嘅，所以個【筆】字就有時會用嚟加強「直」嘅意思，例如【筆直】、「西裝筆挺」等。




#Article 35: 電腦科學 (489 words)


電腦科學會研究「運算」呢樣嘢嘅理論特性以及實際應用。

電腦科學（；英文：computer science），又有叫計算機科學、運算科學（computation science / computing science），係專門研究運算嘅一個科學工程領域。「電腦」廣義上指運算機械（computation machine），即係曉用數據做運算，並且俾出一啲有用結果嘅機械，簡單例子：而家手上有一柞「每個學生喺呢次考試當中攞到嘅分數」嘅數據，要用呢柞數字計出邊個考第一。電腦科學就係集中思考曉做呢啲嘢嘅機械點樣表示同儲起數據、用各種嘅演算法嚟處理數據以及彼此之間傳送數據等嘅問題。

電腦科學係一個理論同實踐兼備嘅領域。一方面，電腦科學－好似一般嘅科學領域噉－包含一啲好抽象同理論化嘅研究，例如係運算理論（theory of computation）上對運算機械嘅研究噉，呢啲研究會將運算機械想像成好似以下噉嘅數學物體：

上圖呢部機械會攞一串符號做輸入，再話俾用家知，串符號入面 0 嘅數量係咪雙數：部機開始於 S1 狀態；當部機讀到一個 0 嗰陣，會進入 S2 狀態，而當佢再讀到個 0 嗰時，會返去 S1 狀態；如果佢讀到嘅係 1 或者第啲符號嗰時，部機唔會改變狀態；喺部機讀完嗮串符號之後，如果串符號入面 0 嘅數量係雙數，佢會處於 S1 狀態，否則佢就會處於 S2 狀態。呢部抽象機械可以用多種唔同嘅物理機制實現－運算理論上嘅思考係抽象性（abstract）嘅。

另一方面，電腦科學又屬工程學嘅一門，包含實踐性嘅研究，思考點樣用運算機械造出有經濟價值嘅產品。應用電腦科學嘅例子有電腦圖像學（computer graphics）同電子遊戲開發（video game development）呢兩個領域。電腦圖像學顧名思義研究電腦圖像，諗點樣運用電腦做嘅運算嚟製造圖像，而呢啲圖像可以用嚟將數據視覺化，或者整動畫同電子遊戲等嘅產品；電子遊戲開發就係思考點整電子遊戲（電子遊戲係一種用嚟做娛樂用途嘅電腦軟件），會運用電腦圖像、電腦編程（諗點樣俾指令教一部電腦做運算）、同人工智能（諗點樣用電腦運算令電腦做出有智能嘅行為）等電腦科學上嘅技術，務求製作出好玩同好賣嘅電子遊戲。總括嚟講，廿一世紀嘅電腦科學係一個蓬勃嘅領域。

數學家巴貝治（Charles Babbage；1791-1871）一般俾人認為係創始「運算機械」呢個諗頭嘅人。

電腦科學研究嘅重點係運算（computation）。廣義上，運算指涉及跟從一個定義好嘅模型、通過一連串算術同非算術步驟做嘅計算，例子有演算法（algorithm）：喺行一個演算法嗰陣，一部電腦會接收用家俾嘅一串演算法，一個演算法包含一串有先後之分嘅指示，每行指示教部電腦做某啲計算，呢啲計算可以係算術性嘅（加減乘除等），又可以係做邏輯代數（Boolean algebra）等等，通過行呢段演算法，部電腦最後會俾出一個輸出，如果個演算法設計得好而且部電腦能夠無誤噉行段演算法嘅話，個輸出正正會係個用家想要嘅結果。

舉個簡單例子說明，好似係以下呢段用粵文寫嘅演算法噉：

  設一個變數，叫佢做「max」，並且將佢個數值設做「0」；
  將收到嗰列正數逐個逐個攞嚟同 max 比較吓；
  如果撞到一個大過 max 嘅數（叫呢個數做「x」）嘅話，將 max 嘅數值設做 x，並且繼續將 max 同下個正數比較吓；
  將最後得出嗰個 max 嘅數值俾出嚟。max 嘅數值會係成列數入面最大嗰個。

做咗呢柞運算步驟之後，得出個輸出（max）會係用家想要嘅結果（列數入面最大嗰個）。

廿一世紀初一般主流學界都認同，電腦科學包含咗多種唔同嘅研究範式（paradigm），當中蘇聯出世嘅電腦科學家（Peter Wegner）就主張，電腦科學包含三大範式，由唔同角度研究同「運算」相關嘅課題：

理論電腦科學（theoretical computer science）係電腦科學當中最抽象化嘅子領域。理論電腦科學嘗試了解「運算」呢樣嘢嘅數學性質，會用數學上用嘅方法－數學證明等－嚟搵出描述運算嘅定理。理論電腦科學純粹以增進人類對運算嘅了解為目的，所以係一個好理論化嘅領域，但理論電腦科學上嘅進步往往會引致按呢啲知識嚟設計嘅電腦能夠做更有效率嘅運算。

運算理論（theory of computation）專門研究運算嘅本質，思考機械點樣用演算法（algorithm）解難，嘗試了解運算機械嘅能力同極限係乜。運算理論上嘅研究會用數學證明等嘅數學方法，思考

... 等等嘅問題。

舉個例說明，停機問題（halting problem）就係可運算性理論上嘅一個經典問題：

首先，電腦程式可以分做兩大種：

根據英國數學家亞倫圖靈（Alan Turing）嘅證明，呢個世界冇可能有電腦能夠攞一個程式嘅碼做輸入，再俾出正確嘅「呢段碼會唔會停機」輸出。個證明大致上係噉：

想像有個程式，halts(f)，如果 f 係一個會停機嘅子程序，halts(f) 會出「真」（1），否則halts(f) 會出「假」（0），再想像以下呢個程序：



呢個程序會引致一個大矛盾：如果 g() 係會停機嘅，噉 halts(g) 會出「真」，於是 g() 就會進入永遠係噉行（loop_forever）嘅狀態－出現矛盾；而如果 g() 係唔會停機嘅，噉 halts(g) 會出「假」，於是 g() 就唔會進入永遠係噉行（loop_forever）嘅狀態－又出現矛盾。因為噉，halts(f) 呢一個程式冇可能存在喺呢個世界上。

呢個證明對運算本質嘅了解作出咗貢獻，而且由頭到尾淨係用數學證明嘅做法。

數據結構（data structure）係指一部電腦組織內部數據嘅方法：要做運算，部電腦就實要用某啲方法儲住要用嘅數據，例：要做到將兩個數值加埋一齊，部電腦首先要能夠記住嗰兩個數值；好似陣列（array）噉，就係一種常用嘅數據結構，所有主流程式語言都有陳述式俾用家製造陣列，一個陣列有一個整數表示佢嘅大細，個整數表示個陣列有幾多個元素（element），每個元素都有個由 0 起始嘅數字表示佢係個陣列嘅第幾個元素，例：有個陣列叫 thearray，噉 thearray[0] 就係指 thearray 嘅第一個元素。數據結構上嘅研究思考部電腦以乜嘢方法儲住啲數據，以及唔同嘅儲數據方法有乜嘢優缺點，分別喺乜嘢時候啱用。

資訊理論（information theory）係一個研究資訊要點樣量化、儲起同傳達嘅數學理論。資訊理論嘅核心概念係熵（entropy）；資訊理論當中嘅「熵」係一個指標，用嚟量度一個有隨機性喺入面嘅變數或者過程當中帶有幾多不確定性（uncertainty）喺入面。舉個例說明，想像家吓掟一個銀仔同擲一粒六面嘅骰仔，假設個銀仔同粒骰仔係冇出千嘅：掟一個銀仔有 2 個可能結果，而擲一粒六面骰有 6 個可能結果。擲骰仔當中有更多可能性喺度，所以不確定性亦都更加大－有更多嘅資訊熵；當一個人知道咗一次掟銀仔或者擲骰仔嘅結果嗰陣，佢會清楚知道結果－資訊熵變成 0。對比兩個情況，「話俾人知掟銀仔嘅結果」所俾到嘅資訊－消除嘅資訊熵－少過「話俾人知擲骰仔嘅結果」所俾嘅。由呢個例子可見，資訊理論做到將「資訊」呢個本來相當含糊嘅概念量化，令資訊成為一個喺科學上可以被研究嘅對象。

形式化方法（formal methods）泛指一啲用嚟描述、開發同驗證軟件同硬件系統嘅數學方法。呢啲方法會用數學模型描述軟件同硬件系統，幫分析者手分析個系統，例：個電腦系統嘅運算速度（）有條公式表示個速度受邊啲因素（）影響，；分析者只要知道嗰啲因素嘅數值，佢就可以用條公式計出個電腦系統嘅運算速度；所以有咗條公式，佢就有得計出啲因素要喺乜嘢數值，先可以令速度最大化；喺呢點上，電腦科學同第啲工程學領域一樣－用數學模型模擬一個系統，並且靠呢啲模型對系統嘅設計作出思考，最後設計出更加能夠幫設計者達到佢目的嘅系統。形式化方法好多時會用到運算理論、資訊理論同程式語言理論上嘅知識，而且可以話係軟件工程嘅理論基礎。

電腦系統（computer system）係指一個能夠做有用運算嘅系統。一個電腦系統能夠用某啲方式接收輸入（input），進行某啲型式嘅運算，再俾出輸出（output）；如果一個電腦系統設計得妥當，噉個輸出正正會係個用家想要嘅。電腦科學領域會對電腦系統嘅設計作出比較抽象性嘅思考，集中諗「個系統應該要進行點樣嘅運算」，然後再同電腦工程等領域嘅專家合作，等後者用物理方法實現佢哋嘅設計。

電腦架構（computer architecture / digital computer organization）係指對電腦系統結構嘅思考－設計電腦系統嘅「結構」包括咗指明部電腦有邊啲子系統、每個子系統會做乜嘢運算、以及每個子系統會同邊啲子系統互相收發數據。例如馮紐曼架構（Von Neumann architecture）就係廿世紀常用嘅一種電腦架構，一部用馮紐曼架構砌出嚟嘅電腦大致上會有以下呢啲組成部份：

電腦架構上嘅研究會對「CPU 應該要點樣攞記憶入面嘅數據」、「一粒 CPU 要有乜嘢部份」以及「一部電腦唔同子系統之間要有乜嘢資訊傳遞」等嘅課題進行概念性嘅思考，而電腦工程（computer engineering）以及電子工程（electronic engineering）等硬件方面嘅領域跟住就會負責諗呢啲架構概念要點樣用物理方法實現，兩者合作嘗試設計出性能更好－行得更快、製作成本更低－嘅電腦。

並行運算、平行運算同分散運算係三個唔同（但相關）嘅重要運算系統概念：

要說明平行運算同分散運算之間嘅差異，想像以下呢幾個過程嘅日誌（Ty 代表件事喺時間點 y 發生）：


P1 反映咗一個平行運算，function_01 同 function_02 呢兩個運算過程可以直接噉使用同一柞記憶；而 P2 反映咗一個分散運算，Node 2 呢個節點唔可以直接用 Node 1 呢個節點嘅記憶，而係要 Node 1 將個 output 用訊號傳俾佢先可以用。喺某啲情況下，平行運算可以搞到個系統出一啲齋用非平行分散式運算唔會出嘅錯。

電腦性能（computer performance）係電腦系統相關研究常考慮嘅一柞指標，指一個電腦系統能夠做幾多有用嘅運算同埋做起呢啲運算上嚟嘅效率係點。電腦科學家會用準確度、運算時間同速度等嚟量度一部電腦嘅性能。而一般嚟講，一部性能良好嘅電腦具有以下嘅特徵：

運算機械之間會為咗達到各種目的而互相傳遞資訊，例如廿一世紀無所不在嘅互聯網科技噉，就涉及電腦之間係噉收發大量嘅資訊用嚟達到各種嘅用途。電腦科學上有對電腦通訊嘅問題作出思考，務求令電腦之間嘅通訊更加安全同有效率。

一個電腦網絡（computer network）係指若干部電腦（每部電腦為止一個節點），會共同使用一個網絡傳輸協議（communication protocol）彼此之間分享資源。喺物理上，電腦網絡會包含若干部電腦，彼此之間以某啲方式－最簡單嘅係駁電線傳電子訊號－互相傳達訊號。電腦網絡有好多用途，例如受一個組織（一間學校或者一間公司）使用、外人用唔到嘅內聯網（intranet）可以用嚟俾一個組織內部嘅成員之間交流工作要用嘅資訊，而互聯網（internet）連接世界各地嘅電腦，令世界各地嘅人有得彼此交流圖像、文字、錄音同影片等嘅多種資訊。

電腦科學上嘅研究會將電腦網絡按各種特性分類，了解唔同類型嘅網絡喺性能上有乜差異，並且嘗試靠噉思考要點設計出更高效率嘅網絡：網絡拓樸（network topology）係指一個網絡嘅節點之間以乜嘢方式連埋一齊；網絡拓樸係抽象化嘅，唔重視電腦嘅物理位置，而只係集中思考啲電腦之間嘅連繫規律；數據傳輸（data transmission）就係指一個網絡嘅節點之間以乜嘢物理方式傳遞數據，當中最簡單嘅做法係駁線（可以睇埋光纖），不過廿一世紀開始嘅電腦網絡亦有大把無線技術可以用。

喺將電腦網絡分好類之後，電腦科學上就可以用好多方法衡量唔同類型網絡嘅網絡性能（network performance），即係唔同類型嘅網絡有幾能夠有效率噉幫用家達成目的。常用嘅網絡性能指標有：

... 等等。

電腦保安（computer security / cybersecurity）泛指對電腦系統同網絡作出保護，等軟硬件同數據免受偷竊同損壞：隨住電腦網絡嘅普及，數據嘅流通變得容易，同時數據亦有更加有可能會落入犯罪份子嘅手，例如銀行系統所做嘅網絡通訊會包含用戶嘅信用咭號碼同戶口有幾多錢等嘅資訊，而呢啲資訊一旦落入犯罪份子嘅手，可以搞到銀行同用戶損失慘重。除此之外，大企業喺開發新產品嗰陣會想將個項目嘅內容保密，航空交通控制會想為咗確保航空安全而想保護自己用嘅電腦系統... 等等，所以電腦保安喺廿一世紀嘅電腦科學上係一個大課題。

電腦保安嘅核心概念係漏洞（vulnerability）。漏洞泛指一個電腦系統或者網絡喺設計同執行上一啲可以俾人利用嘅弱點，例如軟件後門（backdoor）就係一種常見嘅漏洞，指一個系統或者網絡有方法俾人避開一般鑑別－即係入密碼等鑑別身份嘅過程－同保安控制就進入到，搞到黑客等嘅人物能夠攞到啲佢哋唔應該攞得到嘅數據。公共漏洞同暴露（Common Vulnerabilities and Exposures，CVE）等嘅資料庫會列出同討論電腦保安上常見嘅漏洞，而電腦科學上嘅學術研究亦會探討「電腦系統要點樣設計先可以冇漏洞」等嘅課題。

密碼學（cryptography，源自希臘文「kryptós」，即係希臘文入面「秘密」噉解）係研究密碼要點樣設計嘅一個領域。密碼學成個領域嘅目標係要確保傳訊人同收訊人以外嘅人冇能力知道所傳嘅資訊嘅內容，最基本嘅概念係加密（encryption）－「加密」定義係指將一段資訊入碼，轉化成第種表示方式，收訊人部電腦會知段資訊係點加密嘅，所以會有能力解讀段資訊，但收訊人以外嘅人正路就因為唔知個加密方案係點，就算攞到段資訊都解讀唔到段資訊嘅內容，而只係會得到一段望落完全雜亂無章嘅符號。一段加密演算法大致上可以想像成好似以下噉嘅虛擬碼：

  攞傳訊者段資訊做 input；
  按某啲法則，將 input 變做 encrypted message（加咗密嘅信息），簡單例子：所有「a」變做「1020」；
  
  收訊者收到段加咗密嘅信息；
  收訊人部電腦按已知嘅法則，將段 encrypted message 變返做加密前嘅樣。

密碼學上嘅研究會運用資訊理論（睇返上面）等理論嘅知識，思考「加密方案可以按乜嘢特性分類」以及「邊啲類型嘅加密方案比較安全」等等嘅議題，係廿一世紀電腦保安上不可或缺嘅一環。

電腦程式編寫（computer programming）係整同設計行得到嘅電腦程式嘅過程。一個電腦程式有段源碼（source code），段源碼會有若干行用程式語言寫成嘅句子，教部電腦要進行乜嘢運算，而如果個程式編寫得好，最後個程式俾嘅 output 正正就係個編程者想要嘅。喺編寫電腦程式嘅過程當中，編程者要做嘅嘢包括咗分析要解嘅問題、諗用邊啲演算法好、以及計同量度吓用緊嗰啲演算法嘅準確性同效率，而個編程者跟手就會揀返種程式語言，並且用隻語言寫好段源碼，打後個編程員仲要做多項工作，包括測試、除錯、保存住個程式嘅源碼同埋管理程式編寫過程整出嚟嘅產物等。

例如上面提到，用嚟搵出最大冧巴嘅演算法用 Python 呢隻程式語言寫出嚟嘅話如下：


廿一世紀嘅編程界有好多唔同嘅程式語言通用，比較常用嘅有 Python、C 同相關嘅語言以及 JavaScript 等等。唔同程式語言對同一個指令嘅陳述式會有唔同，有陣時甚至會有程式語言有一啲第啲程式語言冇嘅陳述式，所以唔同程式語言會擅長做唔同嘅工作。有經驗嘅編程者會曉按手上嘅工作嘅性質揀要用邊隻程式語言。

程式語言理論（programming language theory，PLT）係研究程式語言應該點樣設計、執行、分析同分類嘅一套理論。廿一世紀初嘅電腦界有好多唔同嘅程式語言，每款程式語言都有獨特嘅功能，程式語言理論上嘅研究會嘗試比較唔同嘅程式語言，會用邏輯等形式化（formalized）－即係每個符號都有清晰定義，唔似得自然語言咁多歧義－嘅語言表達唔同嘅程式語言，剖析唔同程式語言彼此之間喺解難能力上有乜差異，例如係某隻程式語言會唔會比起第啲程式語言更加擅長解決（需要冇咁多行碼）某啲類型嘅問題等嘅課題。程式語言理論呢個領域會同數學、軟件工程、語言學同認知科學等嘅領域互相影響，而且對應用電腦科學－例如係新程式語言嘅設計等－嚟講相當緊要。

電腦能夠做到好多人手做唔到嘅運算，而呢啲運算有好多種用途。

電腦圖像學係研究電腦圖像（computer graphics / computer-generated imagery，簡稱 CG 或者 CGI）嘅一個領域。電腦圖像泛指用運算技術造出嚟嘅圖像。呢啲圖像有好多各式各樣嘅用途，例如用嚟整電影同電子遊戲等嘅娛樂作品、用嚟處理由現實世界探測到嘅影像、又或者喺科研上將一啲理論模擬嘅現象呈現出嚟呀噉。整電腦圖像涉及以下嘅工作：

... 等等。

顯示電腦圖像嘅過程大致上可以想像成噉嘅演算法：

科學運算（scientific computing）係指喺科學上建構數學模型嚟模擬同分析所研究嘅現象嘅做法，往往會用到電腦科學上嘅技術。喺實證科學上，科學家會創建數學模型模擬想研究嘅現象，然後再去搵證據睇吓個模型係咪真係能夠準確噉描述所研究嘅現象；喺廿一世紀嘅科學界，隨住科學家愈嚟愈走去研究複雜嘅現象，要用嘅數學模型變得愈嚟愈複雜，愈嚟愈難以用人手計。因為噉，自然科學家同社會科學家都變到想同電腦科學合作，整出用嚟模擬複雜現象嘅程式。

舉個簡單例子說明，現代生物學其中一個基礎係進化（evolution）嘅概念：想像一個生物物種族群，個族群嘅基因庫（gene pool；指個族群身上嘅基因嘅總和）係  噉嘅樣，家吓佢哋做繁殖生下一代，而下一代嘅基因庫係  噉嘅樣，因為某啲基因比較有利於生存同繁殖（例如係令隻動物生殖能力勁嘅基因，即係所謂嘅物競天擇；natural selection）， 同  會有少少差異，而過咗  代後嘅基因庫  可以同  有巨大差異，令第  嘅個體同初代個體唔再算係同一物種－進化就係指一個族群嘅基因庫隨時間嘅變化，以及呢啲變化產生新物種嘅過程。

進化同物競天擇嘅過程可以大致上噉用以下嘅 JavaScript 碼嚟模擬：


軟件工程（software engineering）係指用工程學方法開發電腦軟件嘅過程。軟件工程師會了解佢哋開發嘅軟件要滿足乜嘢需要，然後按照佢哋對呢啲需要嘅分析以及電腦程式編寫等嘅電腦技術，決定要使用嘅軟件架構，並且設計同建構出一隻行得嘅軟件，然後會做測試，而喺隻軟件出咗街之後，佢哋仲會攞用家嘅評價同更新嘅軟件。

軟件工程領域仲會對「做軟件工程應該要做乜嘢工序」等嘅課題作出思考。例如螺旋模型（spiral model）就係一種喺 1980 年代尾興起嘅軟件開發方法；用螺旋模型開發一隻軟件嘅過程包括若干次迴轉（loop），每次迴轉都係

螺旋模型喺遊戲製作等嘅軟件開發過程上好使好用－要整出一個可以做測試嘅遊戲程式好多時要花好耐時間，一旦有其中一個部份後嚟先發覺有問題（例：一個創新嘅遊戲機制，做完試玩先至知冇想像中咁好玩）會嘥好多時間，於是遊戲製作師就要用螺旋模型，喺郁手整之前就諗好嗮有乜可能會出錯嘅地方同點應對（例：喺整 beta 途中，特登將隻遊戲設計成冇咗嗰隻新機制都仲行得到）；軟件工程師會思考好似噉嘅模型，嘗試提高軟件工程界開發軟件嘅效率。

電子遊戲製作（video game development）係指製作一隻電子遊戲嘅過程，屬軟件工程嘅一個子領域。電子遊戲係以電腦軟件型式存在嘅遊戲，遊戲設計師同製作師會負責設定隻遊戲嘅規則同美學，務求令玩家開心過癮，而一個覺得開心過癮嘅玩家會願意使錢，買嗰隻遊戲同隻遊戲嘅相關產品－呢樣係所有媒體嘅遊戲設計同製作嘅共同目標。廿一世紀嘅電子遊戲設計以及製作係一個高度專業化嘅領域，要製作一隻電子遊戲，製作者需要做多個工序：佢哋要諗好隻遊戲點玩，再做好程式編寫（仲可能會用到人工智能技術）、電腦圖像製作以及為隻遊戲作故仔等嘅工作，途中用到唔少電腦科學以外嘅知識同技術；跟手佢哋仲要試行試玩吓隻初型，發覺到有問題就要返轉頭執；搞掂出得街之後，佢哋仲要度「點樣為隻遊戲做宣傳」等嘅問題，而且喺出咗街之後，製作組往往仲要喺社交媒體等嘅地方留意玩家俾嘅意見，睇吓隻遊戲有冇乜嘢需要再執。

人工智能（artificial intelligence，簡稱「AI」）係電腦科學同心靈科學嘅交界領域，專門研究點樣用各種嘅演算法教一部電腦展示好似人類噉嘅智能：一嚿物體如果有能力感知佢四圍嘅環境並且按照所得嘅資訊嚟提升自己達到目的嘅機會率嘅話，噉佢就算係一個智能體（intelligent agent），包括人類在內嘅動物都符合呢個定義，而人工智能領域嘅目標就係研究點樣人工噉整一啲智能體出嚟－自自然然，正如機械工程師喺設計飛機嘅翼嗰陣會參考雀仔嘅翼，研究人工智能嘅科學家就要參考現實世界嘅認知系統，並且嘗試整出模仿呢啲認知系統嘅人工智能。

有認知科學家提出，心靈可以分做多個子系統，而當中每一個子系統都負責某啲認知功能，而且每個都可以用一啲演算法嚟模擬，並且創造出能夠展現認知能力嘅機械。用高度抽象化嘅虛擬碼表達嘅話，一個可能嘅心靈模型如下：


電腦科學當中嘅某啲諗頭可以追溯去未有現代電腦嘅時代。遠古嘅人類發明咗好多架生嚟計數，好似算盤噉，而且中世紀（5 至 15 世紀）經已有數學家喺度諗有關演算法嘅概念。不過當時嘅世界未有任何可以算得上係「電腦」嘅機械，所以電腦科學頂櫳都淨係存在喺理論性嘅思考當中。

現代電腦最早可以追溯至 17 世紀：當時有德國學者威廉嶭卡（Wilhelm Schickard）同德國數學家萊布尼茲（Gottfried Leibniz）分別喺 1623 年同 1673 年發明咗機械性（用力同物件嘅移動做運算）嘅計數機，可以算係為「曉計數嘅機械」呢個諗頭創咗先河，當中萊布尼茲完善咗－對現代電腦嚟講好重要嘅－二進制系統，俾人視為史上第一個算得上係「電腦科學家」嘅人。

廿世紀上半橛係電腦科學萌芽嘅時代：喺 1930 年代，亞倫圖靈（Alan Turing）開創咗運算理論同人工智能嘅思考，諗出咗圖靈機（Turing machine）等現代電腦科學都仲會用嘅諗頭；喺 1937 年，候活·艾肯（Howard Aiken）成功說服 IBM 建造佢（基於巴貝治嘅分析機）構想出嚟嘅超大型可編程計數機；打後喺 1940 年代，又有人開始整更新更勁嘅計數機，仲開始咗嗌呢啲機械做「computer」，而紐約市嘅哥倫比亞大學喺 1946 年推出人類史上第一個有學分嘅電腦科學課程－即係話電腦科學正式成為咗一門獨立嘅科學工程學問。

電腦科學上常用嘅數學理論有以下呢啲：




#Article 36: 香港史 (104 words)


香港史有文字可以追到東漢嘅李鄭屋古墓，裏面刻有『大吉蕃禺』同『大治曆』呢幾隻吉利字句。而考古發現重可以追到史前舊石器時代。不過香港地方有好多字記低，都係十九世紀中，香港開埠之後嘅事。有信史嘅考古發現，多數係由唐朝開始。

香港考古發現散布響全香港，顯示唔同時代香港都係人活躍嘅地方。

石器時代香港水位時有高低，原因冰河時期水儲響冰裏面，海平面會降，令到成個香港一帶都變成地，原本嘅海變成河谷平原。離開冰河時期海平面又會升返高，海水湧返入來。

靠地質分析，75000年前，係最後一個冰河時期，其中一段最凍嘅時間，海平面比家下低成77米，企嶺下海變成平地。之後28000年前最暖嗰陣，香港有啲低地畀水浸住。之後25000年前再轉返凍，去到18000到17000年前就最凍，海平面比家下低120米到130米，成個香港同大鵬灣都變晒地。

香港近企嶺下海黃地峒呢個山，近海一邊發現有舊石器時代石塘，重有6000件呢個時代嘅石器。個地方係2003年無意中發現，2004年11月到12月先開始發掘。搵到嘅石器估計係39000同35000年前，不過未有定論，相信係舊石器時代晚期。呢個時間估計，企嶺下海應該係個河谷，呢個時代嘅人就住響赤門海峽同大鵬灣。家下都未有其他發現。

黃地峒個遺址，據初步考訂，係整石器工場。石器之多係中國各地少見。石器種類同東南亞發現嘅類似，初步引證到智人係由非洲一路搬過來東亞。智人由非洲經東南亞入今日中國地方，而非經中亞入來，而黃地峒就響正擴散路綫之上。個遺址可能一直用到新石器時代中期。時間來講係相當長。

華南文化到目前都所知有限，只係知道有別於北面嘅文化。響香港一帶，新石器時代水平面初初比家下低成100米，之後慢慢上升。原本平地都浸返晒，變成家下山多平地少。呢個時期嘅人，就要面對一路咁變嘅環境。

香港新石器時代文物相當豐富，1931年起就一直有新發現。1931年史戈菲（Walter Schofield）響赤鱲角搵到呢個時代嘅石錛。1950年代，香港大學考古隊分別響大嶼山、赤鱲角同埋南丫島掘到陶器、亦都有石造同青銅造嘅捕魚架生、兵器等等。

香港有八處特殊石刻，上面有一啲特別嘅圖案，相信係呢個時代嘅產物。時代大概同北方商代相若。學者估係係先民祈求風平浪靜有關。呢八處分佈響東龍島、滘西洲、蒲台島、黃竹坑、長洲、大嶼山石壁、香港島大浪灣同埋西貢龍蝦灣。另外大嶼山汾流、杯澳（貝澳）、南丫島洪聖爺灣，都有呢個時代嘅石環。

青銅器約響公元前1500年左近出現，呢個係史前時代最後階段。雖則嗰陣無大量咁用青銅器，不過都搵到刀，箭鏃同埋戈呢類青銅兵器，而架生就有魚鈎同空銎斧。赤鱲角過路灣，大嶼山東灣同沙螺灣，重有南丫島大灣同沙埔村，都搵到石範，即係做青銅器嘅模，證明香港係有鑄造青銅器。

除咗青銅器之後，有唔少陶器。圖案都承襲新器時代花式，有繩紋，有幾何印紋，不過孖F夔紋就係呢個時期先有。呢陣時，可以高溫燒陶，所以就有種接近結晶嘅硬陶。

秦國嬴政公元前218年發兵打嶺南，並且響今日廣州處起蕃禺城，立南海郡。香港地近蕃禺城，應該在蕃禺之下。係香港有人管治嘅開端。

公元前203年趙陀成立南越國，香港一樣係響蕃禺之下，佢治下開始有鹽官。香港一帶可能有鹽田，不過香港境內直至今日都未有南越國考古發現。

公元前111年，大漢元鼎六年，武帝劉徹滅咗南越國，香港就歸漢管，呢個時候係南海郡番禺縣。李鄭屋古墓就搵到【大吉蕃禺】四個字墓磚，證明香港係番禺治下。建安八年，公元二零三年，皇帝劉協時立交州，南海郡都歸佢管。

呢個時番禺鹽官亦都響呢家下香港同深圳一帶管鹽場。不過鹽場係咪響香港境內，就未有進一步證據。之不過，近年學者（ 例如饒宗頤，呂沛銘）硏究，李鄭屋古墓墓主係個鹽官。

旺角通菜街、豉油街交界亦曾經掘到呢個時代嘅釜片。竹篙灣有漢時陶片，可以係當時聚落之一。后海灣鰲磡石因為自石器時代以來，係海上交通要道，所以亦都掘到當時嘅青瓷器。

另外喺沙頭角谷埔、上水華山、西貢滘西洲，荃灣柴灣角街都出土過兩漢時期嘅文物。

香港1990年代到2000年代都有做搶救發掘，大嶼山白芒、西貢滘西洲、馬灣東灣仔同掃管笏都搵到完好層次嘅大漢遺物。遺物有陶器、瓷器、鐵器同大量銅錢。證明大漢有唔少人來到香港。

香港一帶主要經濟產物係鹽，根據舊寶安縣範圍考古發現，制鹽可以追返去新石器時代。屯門湧浪就唔少遺蹟遺物。去到漢時鹽已經有官府發牢盆呢種架生畀鹽戶煮鹽。

不過由漢之後，唐之前一段時間，就重未有乜重大嘅考古發現。

三國時代，吳國初期香港一帶重係南海郡下，不過孫權黃武中（222年到229年之間）就開東官郡。香港同埋深圳就係東官郡下。呢一帶鹽場，亦都叫做東官場。孫皓甘露二年，即係266年，東官郡置司鹽都尉，專管呢個場。鹽官就駐當時郡治，即係響今日南頭，同香港只係后海灣一海之隔。

到之後晉國吞埋吳國，統一全地，不過留低嘅史書就無講香港一帶係點。雖然後尾晉北面因為五胡亂華搞到立立亂，無咗半壁江山，不過南方就無受影響。司馬衍咸和六年，即係331年，古書有講立東官郡，郡有寶安縣，香港一帶自然響佢之下。399年到402年，孫恩反晉，最後敗亡，呢班人就推佢妹夫盧循做阿頭。元興二年，即403年，盧循帶埋成班人由長江口坐船來番禺，重打入城，驅逐剌史吳隱，叫自己做平南將軍，晉朝廷迫住封佢做征虜將軍、廣州刺史、平越中郎將。盧循重派佢姐夫徐道覆同自己人佔據始興（家下廣東韶關南）同埋其他地方。係咁，香港一帶就響盧循手上。410年，盧循有十萬軍，成千艘十二丈高大船北上打晉，不過佢錯失機會，打輸咗，想返轉頭，不過呢個時候，番禺又畀晉軍霸返，411年打極都打唔入，最後搞到自殺。不過佢舊部就住大奚山（家下叫大嶼山）同附近嘅島海邊山窿。至到司馬德宗義熙年間，即係405年至418年，響寶安縣起東官城，好可以就響411年或者之後。

旺角通菜街豉油街交界亦曾經掘到呢個時代嘅陶罐。

公元420年，劉裕迫晉帝讓位畀佢，立宋國，香港一帶都係東官郡寶安縣。不過同年亦都寶安男相/國，係人哋封地。傳說元嘉五年（428年）之後，杯渡禪師就係坐杯咁樣嘅船，呢個時候來到家下嘅青山，響山上立寺，叫做杯渡寺。因為咁，青山亦都叫過做杯渡山。479年，蕭道成迫宋帝讓位畀佢，立齊國，香港一帶如舊。502年，蕭衍迫齊帝讓位畀佢，立梁國，如舊。507年東官郡變做東莞郡，香港就變成歸東莞郡寶安縣下。557年，梁帝讓位畀陳霸先，咁陳霸先就立陳國，都係一樣係東莞郡寶安縣。陳蒨天嘉元年，即係560年，陳蒨封到仲舉做寶安縣侯，食邑五百戶。

隋朝楊堅589年滅咗陳國，初頭重保留制度。開皇十年，即係590年，精簡到兩級，將東莞郡併入去廣州，香港一帶係廣州寶安縣下。仁壽元年，601年廣州避太子楊廣個名，改做番州。楊廣大業三年，即係606年，就唔要州，將寶安縣納入去南海郡。

隋末羣雄並起，楊廣大業十三年，即係617年，蕭銑、董景珍、雷世猛起兵做反。佢哋推蕭銑做梁王。第二年，即係618年，改為叫梁帝。漢水到交趾都係佢之下。香港一帶都係佢領土。

大唐618年取代大隋。李淵武德四年，即係621年，就派兵滅梁。大唐置廣州總管府。寶安亦係呢個府名下。

去到太宗李世民嗰陣，南頭嗰邊變成屯門鎮，軍事上香港歸呢個鎮管。而南頭城東南海路二百里，就係屯門，而香港家下青山，就係嗰時嘅屯門山。屯門因為係入廣州海路之一，所以駐重兵，以免有海寇。李隆基天寶二年，海賊吳令光作亂，海南郡守劉巨麟就係用屯門鎮兵平亂。

去到肅宗李亨至德二年，即係757年嗰陣，寶安縣又變成東莞縣，直屬廣州都督府。

唐時因為屯門係海道重地，亦係廣州府外港，入廣州府城或出海外嘅船都會停響度先。當時柳兪就有詩講，『屯門雖云高，亦映波浪沒』。而另一個詩人劉夢得有踏潮歌，『屯門積日無廻飈，滄波不歸成踏潮』。而佢西北后海灣鰲磡石發現唐宋時期陶瓷片2479片，唔少重係各省名瓷，證明呢處古代交通繁盛。

自從1930年代開始，已經發現唐時瓷窰爐遺址差唔多60幾個。其中赤鱲角深灣村窰址有13座爐同兩萬幾片青瓷。窰係平陷式圓窰。所以唐代，香港係有燒瓷工業。旺角通菜街豉油街交界亦曾經掘到呢個時代嘅窰殘件。

大漢最後一個皇帝劉鋹，響香港留低幾筆記錄。大寶元年，即係958年，佢置東莞縣屯門鎮。十二年，即969年，二月十八，將屯門山封為瑞應山，重有立碑。不過呢塊碑已經不知所蹤。瑞應山北麓有軍寨，有靖海都巡同知屯門鎮事。香港大埔海一帶係出名採珠場。劉鋹重響呢度叫做媚川都。招幾千人兵採珠，人數有記二千到八千不等，呢個場後尾畀大宋趙匡胤廢咗。媚川呢個名係來自晉人陸機《文賦》，『水懷珠而川媚』。媚川都雖然講大埔海，不過亦都包埋今日香港全境。

因為香港一帶海運發達，九龍灣海有唔少船來往停泊，熟水性嘅福建人來到九龍一帶開村。九龍大磡蒲岡村（1940年代畀人日本人拆走加大啟德機場，家下黃大仙警署一帶），村民個林氏族譜講，大中祥符元年成申（1008年），原藉福建莆田，以艚運為業嘅林松堅、林栢堅響佛堂門遇險，浮到去南佛堂山崖甩難。佢哋子孫有經商致富，響九龍彭蒲圍定居，之後搬到大磡窩蒲岡。考古發掘有唔少磁器響呢一帶搵到，好可能同海上貿易有關。羅香林講過佢嘅朋友喺黃大仙住宅內搵到大量宋代銅錢，全部響宋室南渡長江之前。證明嗰時九龍灣一帶幾有錢。

大宋國統治之下，北方人唔少人落來嶺南定居，到無咗北半領土，呢個趨勢就更加快。香港考古發掘到幾處宋時居所。最出名係鄧符，佢響趙佶崇寧年間（1102年—1106年）做官。後尾見錦田桂角山風景好，就定居落呢度，重開埋力瀛書齋。佢個孫鄧銑因亂時勤王有功，曾孫鄧自明娶到趙構個女。所以鄧氏子孫散布附近，鄧氏響錦田、龍躍頭、屏山、竹村、廈村都係望族。

大宋時期香港都係產鹽之地。鹽甚至支撐住大宋經濟，官府靠鹽收入發鈔。大奚山（今日大嶼山）有海南柵，推斷係今日大澳，九龍灣有官富場。紹興年間（1131年至1162年），土著朱祐盤據大嶼山，後尾佢向官府投誠，少壯就做水軍，老弱就可以返歸。當時鹽係官府專利，鹽稅好重，官府利厚而鹽民薄，所以周圍都有鹽梟賣私鹽避稅。宋會要輯錄就有講官府會派兵鎮壓私鹽。隆興元年十一月十五日，曾經廢官富場，將佢歸入叠福場（沙頭角北）。淳熙十四年（1183年）五月廿九皇帝趙昚下詔，明令禁大奚山私鹽。之不過仍然禁之不絕。大嶼山嘅鹽梟同彈壓官高登（蘇登?/萬登?）聚眾反抗，響海度劫船，甚至攻擊廣州城。1197年，慶元三年，提舉徐安國派人打呢班鹽梟；廣州經略錢之望帶兵攻入大嶼山，盡殺島民，重響東涌駐兵三百；去到1200年，慶元六年，守軍減半，移駐官富場，後尾重撤走埋。

大宋去到1277年已經末期，正月時皇帝趙昰同佢親細佬趙昺（後尾都係皇帝），畀元軍追住來打。宋軍一路護住佢哋。由當時惠州境嘅甲子門，想經海路廣州城。當時香港屬於廣州境，亦係海路必經之路。二帝因為咁就來到香港。首先1277年丁丑年正月佢哋去梅蔚。梅蔚有學者推斷係今日大嶼山梅窩，不過亦有學唔同意，因為實在唔順路。四月，佢哋去到官富場，即係九龍東面大海灣，九龍灣。考古學家響西貢泥涌搵到宋室專用磁器，可能佢哋來到官富場之前，經過泥涌。響九龍灣亦都搵到唔少精緻宋代磁器，不過係咪同宋帝有關，就唔有實質證據。六月二帝就搬去遠少少，九龍半島嘅古墐。古墐就係今日馬頭圍，馬頭圍以前叫做古墐圍。後人響附近留有宋王臺，有聖山。臺南有二王殿村，起上帝廟。紅磡重建嘅北帝廟就係咁來。九月，二帝又搬去到淺灣，即係今日嘅荃灣。十一月，大元劉深襲淺灣，保護二帝嘅張世傑輸咗。傳說今日荃灣北面嘅城門，就係村門抵抗劉深嘅石城。十二月佢哋又迫住去到秀山，即係珠江口虎門。

大蒙古國忽必烈進滅大宋，建立元朝。1277年劉深襲淺灣，證明呢個時候香港已落入元軍手中。1278年頭大宋撤出香港。

元朝時仍舊歸廣州東莞縣管。因為有珠鹽呢啲重要產物，所以有屯門巡檢司管理民政。唔少人南遷響香港落地生根。新界五大族之一，廖氏就係響元末由福建搬過來。而響東莞鄧氏長房鄧林之曾孫鄧季琇（號松嶺）呢一房，搬到龍躍頭開田落戶，最後趕埋彭氏出龍躍頭。

官方響大埔海同后海灣有採珠，不過開下停下。鹽場亦大為減少，連官富場都停產。考古上，響赤鱲角蝦螺灣，發現到大元時期嘅鑄爐十三座，講明呢處有冶鐵工業。

政治方面，原本響至正元年（1354年）係一個東莞縣鹽官仔嘅何真，因為響纍次幫元朝打退土豪叛軍，去到至正二十三年（1363年）已經係廣東大官，手握大軍。呢個時候朱元璋勢力已經響北方好快擴展。何真亦都加強防範，收服各地土豪，重收服埋廣州，東至潮州，西至蒼悟都係佢勢力範圍。可見當時香港已經係何真勢力之下。元朝皇帝重封佢做右丞，拜為榮祿大夫。不過到咗呢個時候，元朝已經江河日下。朱元璋已經打埋廣東北面江西。

朱元璋響1368年洪武元年登基做皇帝，國號大明。佢二月派廖永忠做征南將軍，廖永忠去到福州，寫信畀何真，叫佢歸順。何真回信答應。三月廖永忠帶軍來到潮州，何真降明。就咁樣，廣東就落響大明手上。香港亦隨之歸入大明。香港仍然係廣州東莞縣地。朱元璋亦封何真做東莞伯。

大明初年，更加多人進一步南遷香港。文氏響由今深圳境入香港境，響新田落戶。文氏響大宋末年保衞宋室出名，出過文天祥呢位名臣。新田落戶嘅係三丁過繼畀文天祥嘅後人。

大明時期，香港嘅重要性都反映響海事之上。雖然香港地處邊疆，文獻有限，不過就因為海事關係，海圖第一次詳細咁畫出香港各地名。

大元時，海上運輸已經關係到一國經濟命脈，太祖朱元璋同成祖朱棣就更加重視海上貿易。永樂年間，鄭和七次下西洋。海圖上面，就有寫到大奚山。香港一帶係下西洋必經之洋。香港有唔少人係靠海為生。

朱元璋、朱棣都先後加封南海神同媽祖林默娘兩位神祗。尤其係媽祖，佢加封做天妃（之後清時加封天后）。由長江到珠江沿岸都有佢嘅廟。響廣州東莞縣，就近香港嘅赤灣天妃宮（今天后宮）。赤灣天妃宮響家下南頭半島頭，蛇口西面一個海港。何真係響赤灣度接過廖永忠，重同佢入廟拜媽。而鄭和下西洋時，響珠江口南頭一帶遇險，求天妃即顯靈轉安。佢回程時就叫人重修。因為佢咁靈，香港一帶靠海為生嘅人，都會去供奉，呢個習慣去到1950年代，因大陸政治轉變，先改去佛堂門天后廟。

大明睇重海防，明初洪武廿七年（1394年），廣州左衞千戶崔皓響南頭城舊城上面起東莞守御千戶所城。軍事上面，近在咫尺嘅香港就歸佢睇。

大明時，番舶唔係道道都泊得，東莞只可以泊虎頭門（即虎門）、屯門同埋雞棲（可能係今日九龍灣），其中兩處都喺今日香港境內。

正德九年（1514年），葡萄牙（當時叫佛朗機）佔領屯門到后海灣，重棟埋石柱，刻埋國徽。佛朗機人起軍營，造火銃、設刑場。大明同佢哋多次交涉。響正德十二年七月廿八（1517年8月15號），葡萄牙人（當時叫佛朗機）就同廣東官員第一次會面。最後大家傾唔埋，正德辛巳（1521年），廣東巡海遣副使汪鋐遂親自督師驅逐。佛朗機人據險抗守，以火銃轟明軍，並想佔據埋南頭城。汪鋐親臨前線，指授方略，用爛船火燒佛朗機嘅船。爛船載住枯柴同乾荻草，灌油點火，隨風飄去佛朗機船，好快就燒到對方嘅船。重搵埋好熟水性嘅人，將佛朗機嘅船鑿沉。佛朗機請過當地唐人銅銃、火藥，汪鋐請到呢班人幫手，照辦煮碗，整火銃轟返轉頭，繳埋佢大小銃二十幾支。嘉靖壬午（1522年），佛朗機人迫住棄咗部份船，坐三艘船走佬。

嘉靖二年（1523年）因為日本大內同細川兩幫人代表日本兩個政府，都到咗浙江寧波做貢市。因為官員貪污不公，任由兩方互鬥，爆發了寧波之亂。1529年廢除了寧波市舶司大監，禁貢市，停止對外貿易。禁止貿易因為影響民生，令好多無生計。因為貿易變成非法，亦都無官方渠道，唔少大明沿海居民出海走私，同佛朗機人、日本人，荷蘭人海上交易。呢班人做生意之時，亦坐船到處搶劫，做成倭寇之亂。

香港因為位置海邊，亦都受海禁影響，亦受倭寇所擾。所以嘉靖年間開始，為咗應付倭寇，香港一帶就加強海防。香港唔少地方都加入去海防地圖裏面。廣東海防分三路巡海備倭官軍，香港就響中路，即係東莞縣南頭城起，向東經佛堂門，十字門，去到冷水角諸海澳呢個範圍。

去到嘉靖卌二年（1563年），福建巡撫譚綸、總兵戚繼光奏請恢復設置水師城寨（簡稱水寨）舊制。於是廣東潮州、惠州、廣州、高州、雷州、瓊州等地設置了六個水寨。廣州境內嘅南頭寨，就東防大屋，西防廣海。嘉靖卌四年（1565年）起，南頭寨阿頭就係一名參將。香港就係南頭寨防御系統之下。響嘉靖卅一年（1552年）應檟寫嘅《蒼梧總督軍門志》，九龍個名就響海防圖之上。

嘉靖年間，南頭一帶饑民搶米暴動，鄉紳吳祚就幫手平息暴動。平息之後，吳祚等就向廣東海道副使劉穩請求響當地建縣。眾多官紳都認為當地離東莞縣治百餘里，管理好唔方便，又成日畀海寇騷擾，紛紛附議。劉穩轉告粵督，奏準立縣。萬曆元年從東莞縣劃出56里、7608戶、33971人，成立新安縣，縣治設在南頭。香港自始響廣州新安縣之下，直至大清時轉為英國管治為止。

萬曆十四年到十八年（1586年到1590年），南頭水寨就搵過更高級嘅總兵擔任。南頭寨舊額大小戰船五十三載，官兵一千四百八十六人。萬曆十九年（1591年）以後，戰船重曾經去到一百一十二艘，小陸官兵及雜役曾達到二千零八人。南頭水寨另外重有六處汛地，分別係佛堂門、龍船灣、洛格、大澳、浪淘灣、浪白。每汛駐軍二百幾人。其中佛堂門同大澳就係肯定響今天香港一帶。萬曆年間海圖就更加詳細，郭棐所著《粵大記》一書，裏面《廣東沿海圖》中，就第一次寫住香港個名，赤柱、黃泥涌、尖沙嘴、葵涌、淺灣等等，重有好多香港地名都響圖上面。

天啟三年（1623年），葡萄牙人又入侵佛堂門，畀新安縣知縣帶兵同埋鄉民擊退。

大明時東莞盛產莞香呢香木，香港各地都有種，重遠銷各地。香港，香粉寮都係同呢種香木有關。香業直至大清年間先至沒落。

大明去到末期，李自成響大明北面江山，自立大順國，同大明交戰。崇貞十七年（1644年）甲申年，即大順永昌元年，大清順治元年，李自成打到京師。三月十九，大明皇帝朱由檢吊頸自殺。呢個時候，雖然無皇帝，大明南面半壁江山重響度，香港一帶重響大明統治之下。去到五月初三，福王朱由崧做監國，五月十五響南京登基做皇帝，年號弘光元年。下一年，弘光二年（1645年），清軍打過長江，五月廿八捉咗朱由崧。大清軍無再向南打，香港一帶仍然係大明兩廣總督管。1645年，閏六月初六，唐王朱聿鍵響福州任監國，閏六月廿七做皇帝，是為隆武元年。不過呢個時侯各地已開始擁兵自重。朱聿鍵封兩廣總督丁新魁做大學士，廣東香港一帶就係歸於朱聿鍵旗下。而丁新魁重捉埋響廣西自立做皇帝朱亨嘉，封咗做平粵伯。隆武二年（1646年）江西失手，八月廿一，朱聿鍵響汀州遇到清軍而死。十月初十，桂王朱由榔響廣東肇興任監國，十月十四做皇帝，是為永曆元年。香港一帶又變成朱由榔旗下。無幾耐，十月二十因為江西贛州失手，佢哋驚到搬去廣西梧州，廣東民心大驚。十一月初二，蘇觀生同廣東布政使顧元鏡、侍郎王應華請唐王朱聿𨮁做監國，十一月初五登基做皇帝，是為紹武元年（1646年）。香港又轉到朱聿𨮁手。十二月十五，清軍入廣州，朱聿𨮁俾李成棟捉咗，吊頸自殺。

大清順治三年（1646年），大明紹武元年年尾，大清李成棟帶軍入由福建入廣東。十二月十五陷廣州境，香港就歸大清管。1648年，大明永曆二年四月十五，李成棟轉投大明，朱由榔返肇慶，廣東連同香港又轉返歸大明管。1649年，皇帝愛新覺羅福臨封尚可喜做平南王，賜佢金冊、金印。1650年，大清尚可喜、耿繼茂南下，二月打廣州，十一月初二攻入城，香港又轉返入大清，仍舊係廣州新安縣。而成個廣東就由尚可喜鎮守。

大清順治十八年（1661年），大明永曆十五年，大清為咗對付霸住廈門同臺灣嘅鄭成功，八月就厲行遷界令，將沿海各地居民都搬入內陸，等人唔可以接濟鄭成功。全香港各條村都響要搬嘅範圍，迫往搬入內陸，亦都有部份村民匿埋入山。十二月初二，朱由榔畀人由緬甸帶返雲南，一過境就落入清軍吳三桂手。捉咗明帝之後，大清更加集中對付鄭成功。十二月十八，清廷又頒佈嚴禁通海敕諭，乜人都好，過界一律要斬死。成個香港都荒廢晒，田無人耕，鹽場無人理。而響康熙元年（1662年）打後幾年，村民重要迫住要搬幾次，越搬越遠，而且三日內要搬走，三日後官兵連屋都燒晒，連樹都斬埋。康熙五年（1666年），新安縣因為乜無人，亦都併埋入東莞縣。香港亦都一齊併入。

大清遷海影響好大，影響到之後香港嘅命運。沿海田地無產，沿海省份糧食不足。鹽田荒廢，亦令到周圍缺鹽。遷民無以為生，死好多人，唔少都轉做賊。海民連海邊搵食都斬，亦都迫住變做賊。官府亦都收唔夠稅，要遞度攤分。無同外國通商，影響經濟發展，科技落後。海禁唔單止無影響鄭氏，鄭氏重可獨攬貿易，響廈門設市。因為影響實在太大，大清唔少官員好多次請求復界。

康熙十二年（1673年），平西王吳三桂叛清。守廣東嘅尚可喜一心向清廷，無加入到叛亂。但係台灣鄭經入廣東東面潮州，馬雄入廣東西面高州、雷州同廉州，廣東十郡有四郡失守。尚可喜頂唔順，疏請告老還遼東，重請朝廷派人幫手，而佢個仔尚之信響廣東。皇帝愛新覺羅玄燁就派舒恕同莽依圖來。康熙十五年（1676年）二月廿一，尚之信加入吳三桂反清，吳三桂封佢做招討大將軍，輔德公之類，趕走清軍，好多廣東廣西大官都跟住佢叛清，廣東成尚之信之下，香港自然落入佢手中。而尚之信老竇尚可喜響十月鬱病而死。不過吳三桂向尚之信索大量軍餉，尚之信唔想畀吳三桂控制，又響十二月初九去江西同向和碩簡親王乞降，皇帝就赦佢罪，要佢立功。廣東部份地方又歸返大清，不過就響尚之信之下。雖然臺灣劉國軒佔惠州，迫廣州，香港應該重響大清之下。康熙十九年（1680年），繼吳三桂位嘅吳世璠敗局已定，清廷就轉頭解決尚之信。八月廿八尚之信畀人因叛謀而被補，閏八月賜死自殺，了結咗尚之信坐擁廣東，香港一帶完全控制響清廷手。

臺灣平定之後，廣東巡撫王來任、廣東總督周有德請求復界。去到康熙八年（1669年）終於應承取消遷海，畀人返去海邊。而新安縣亦重新設返。後尾香港感謝王周二人功績，新界五大族響上水立報德祠，用來恭奉二公。而鄧氏亦都響錦田立周王二公祠，裏面重開周王二公書院，重十年打醮一次報答二公。香港雖然有人返來，不過已經無法回復舊觀。因為搬嗰陣，死嘅人太多，好多都返唔到來。原本響香港嘅漁農工商，亦都無乜人做得返。曾經係香港大業嘅鹽業，亦都衰落。連香業都一同末落。清廷最後鼓勵客家人搬來香港定居，開田散業，去到英國接管九龍時都重有客家人搬來開村。康熙八年，大橋墩市場亦到搬到元朗，即係家下元朗舊墟。

香港雖然有返人住，但係海盜盛行。九龍灣幾條村嘅人都曾經差唔多畀海盜殺晒。香港各村都要加強防衞自保，起晒牆，甚至有大炮。大清亦加強防守，香港各地起墪台，一來防鄭氏，二來防海賊。

康熙年間，屈大均喺佢名作《廣東新語》裏面，講到海門，新安出海有小三門，屯門，急水門，中門（今尖沙嘴海面），鯉魚門，雙筯門，南佛堂門，同北佛堂門。廣東有六水寨，廣州府就設喺南頭，之下有兩信地，叫屯門同佛堂。而香港山有官富山，即今日九龍後一大片山脈。

嘉慶十五年（1810年），為禍香港同新安一帶海域嘅最大嘅海賊張保仔投降。雖然張保仔投降，唔少佢嘅手足都接受招安，但張保仔仍然好多部下唔受呢套，海賊仍然橫行，到香港殖民地時期都重有。張保仔以佢經驗，幫清廷打其他海賊。

嘉慶廿四年（1819年），舒懋等編好重修《新安縣志》。裏面亦都提及香港等地嘅史料。

英人喺去省城途中，會經過香港補給，成為佢睇中香港做殖民地原因。而1839年嘅鴉片戰爭，就係大清割香港畀大英嘅序幕。1841年到1997年係香港嘅殖民地時代，香港三大區分批由大清嘅新安縣九龍司，轉做英國嘅香港殖民地。

英人來省城做生意，無批准係唔可以上岸，所以佢哋都會住喺船上面，或者去澳門。今日香港仔一帶，有唔少水上人，亦有本地同客家村，好似香港圍（香港村），係英人補給之處。唔少唐人都會同英人打交道。香港名人周壽臣嘅阿爺就係村民之一。所以香港呢個名就係由呢度來。

道光十五年，1835年12月14號，理藩院彭夏士頓公爵撤咗商務大臣之缺，之後所有商務都交畀二律搞，做咗英廷駐省欽差。二律喺呢日呈上鄧撫憲，另加唐文千字，請求留喺省城辦公。撫憲叫佢留喺澳門，佢上奏畀皇帝愛新覺羅旻寧。道光十七年，1837年3月18號，皇帝批畀佢駐省城辦商務，但一切如舊，唔可隨便入城。因為呢時有好多海賊，二律求英廷派多兩架戰船畀佢差遺，保護英商。

大清道光十七年（1837年），英國船羣集香港同九龍尖沙嘴一帶洋面，未得清延批准，私自上岸辟地起屋來住。

紥係銅鑼灣嘅蔑連，聽到之後即刻坐戰船上虎門龍吉。龍吉度有水師提督關天培，派人話二律不恭，戰船無故灣泊龍吉有違和約。龍吉就話佢來質問做乜查英船，藐視英廷，辱佢。重話東印度公司約滿，今後英船由英國皇家保護。

道光十九年，1839年7月7號，英國船卡拿敵號同埋孟稼羅號嘅水手喺尖沙嘴上岸，因故打死鄉民林維喜。事緣水手強行同鄉民索酒鹽（另一說醉酒鬧事，另一說上岸遊行），呢件事亦都叫林維喜事件。呢件引起在港英人議論紛紛。當時欽差林則徐要求英國商務欽差義律交出兇手，重即刻來香港。但係8月23號，義律堅持用大英刑法，喺科威利林號，查明其中兩人有上岸搞事，判佢哋返英國做苦工三個月，罰銀十五磅，另六人搞事兼殺人，罰佢哋返英國做苦工六個月，罰銀廿五磅。喺中國界內，用英國刑法，林則徐好嬲，即刻喺香山嚴示，任何人連澳門都唔畀人供糧畀英人。澳門供食畀英人嘅話，就連澳門都無得食。英船都離開澳門。

因為珠江口封咗，佢哋轉去打廈門，再打焦山、汀海，封寧波。因戰書無唐官送到北京。於是7月底義律發大隊北上，8月5號去到北河口，好近北京，先有人處理。祈善拖延叫佢哋去返廣東解決，林則徐因禍延他省免職，而祈善就做咗兩廣總督，諗計拖住。

呢四款就係後人叫嘅穿鼻草約。

另一方面，中朝皇帝1月27號重未肯覆。祈善想設法補鑊，但係畀皇帝召返京問話。條約始終無着落。2月26號，英兵又再進攻虎門，攻向省城。大清數埠既失，皇帝震怒，祈善正法。楊欽差接手，但一樣搞唔掂，省城陷。5月31號，省城用50萬贖返，但割香港重未落實。

後尾道光卄二年九月卄四，即係1842年10月27號喺南京立和約，中朝由耆英、伊乍浦代表，英延由欽差璞世爵（砵甸乍）代表，先至正式將香港讓畀英國。重有准英商喺省城、厦門、福州、寧波、上海等埠貿易。燒洋藥就再賠銀六百萬，賠累英商倒盤銀三百萬，英軍伙食費一千二百萬。呢個就係後尾叫嘅南京條約。

所以，英欽差頭等寶星璞世爵，就做咗港督，兼且係北京全權大臣，駐喺北京。而二律就做副，代佢喺香港做嘢。不過二律無幾耐就要返鄉下，由尊士頓頂上。佢即刻喺香港喊冷賣地，但理藩院話全璧和約未妥，唔可咁做。叫二律去省城。最後璞世爵搞掂和約，由京回港，宣佈香港係唔抽稅嘅埠，
開始有洋行幾間。

大清道光廿一年辛丑歲，即係1841年，因為響第一次鴉片戰爭裏面，大清打輸畀英國，之後嗰年就迫住簽《南京條約》，將香港島割咗畀英國。英國得到個島之後，即刻響北岸大興土木，好快就初見規模。呢個時候，大清體會到英國軍事威脅。重係響新安縣嘅九龍同新界，都加強防守。

香港島喺英人接收時有好多條村。大村有香港（香港仔）、黃泥涌。細村有鶴嘴、柴灣、土地灣、大潭（喺家下赤柱）、田灣、灣仔、大潭叾、裙帶路、黃麻角、掃捍埔、石澳同薄扶林。港口市集村有赤柱、筲箕灣同石排灣。多數都係本地人村，亦都有少數客家人村，總共有田地400英畝。咁多條村，以姓周本地人嘅香港村最正，有田100英畝，7到8間屋，人口200人，當中9個係敎細路讀書。黃泥涌係姓葉嘅本地人村。赤柱有本地、客家、同鶴佬組成，有八百到一千人到。

英國人得香港，就諗住大興土木。諗過政府所在地，有赤柱同黃坭涌，住最後揀咗，近九龍嘅裙帶路，建立香港城。城後亦得名域多利城。

九龍仍喺新安縣境。因爲香港城越來越繁盛，連帶九龍亦多咗人。來自五華等地嘅客家人，搬到九龍開村。當時香港城同省城等地，需要大批石材建城，九龍諸多石山，客家人開成爲石塘，供諸四方。當中以九龍四山最出名。四山卽係牛頭角、茜草灣、茶果嶺同鯉魚門。

大清響第二次又輸畀英法聯軍，1860年又簽埋《北京條約》，將香港島對面海嘅九龍半島連埋昂船洲一齊割讓畀英國。九龍半島個邊界只係用竹籬分隔，位置就係喺今日嘅界限街。

喺1898年，英國同大清簽《展拓香港界址專條》，大清租埋深圳河以南同附近嘅兩百幾個離島畀英國，租期係99年。之後呢塊地就叫新界，大清響協議之下，可以保留九龍寨城，可以有官駐守。

一八九九年，當時香港總督係卜公，打算喺一八九九年四月十七號，喺大埔正式接收新界。在此之前，香港政府就同新界鄉民見面，以便接收。鄉民唔清楚接收後政策，從而憂慮，而香港政府未及時息疑，令鄉民不安。加上警察喺屏山高處度起警局，屏山鄉大族鄧氏，甚不滿此舉破鄉風水。屏山鄧族就組織武力反抗，後得廈村鄧族同錦田鄧族加入。佢哋亦請新界各約其他大族加入，其他人質疑有無必要反抗，不表支持。況且佢哋之間有猜忌，各鄉亦怕大族會乘機攻村，有啲只肯捐錢，有啲會派部份人，有啲就唔肯參加。十八鄉因爲鄰近屏山廈村，畀兩鄉迫住加入，唔係搵人洗劫佢。大埔南部嘅翕和約，縱然受威脅，堅拒參與，因此日後不能阻止警察入大埔。屏山同廈村，亦搵埋喺東莞雁田同懷德嘅近族幫手。一九九八年四月十號，喺元朗太平公局做司令部。

英國當時無諗到有武力反抗，大埔只駐有少量軍警，以作接收儀式。駐守軍隊並不足够。

四月三號，大埔太坑（今泰亨）文族，率先火燒場地。之不過，大埔鄉民亦向政府道歉補數。四月五號，廈村派咗六十人去大埔，不過四月六號見道咗歉，返返廈村。查實當時鄉民軍未備好晒，東莞嘅人未齊。

總督遲到一八九九年四月九號，先至發出告示，宣佈政策，經已太遲，反抗如箭在弦。

新界六日戰，由四月十四號打到四月十九號。主要戰場喺太埔、林村、八鄉。英國多次戰事失誤，人數遠少於鄉勇。相反，鄉勇戰術運用得宜，數陷英軍於險境。若非英軍武器精良，火力威猛，兼且鄉勇武器落後，否則傷員會大增。不過英軍只有少量傷員，無人陣亡，相反，有唔少鄉勇陣亡。

戰事之後，各方亦速速和解。香港政府亦無追究。四月廿一號撤軍一半，月尾完全撤走。雖然當時輔政司駱克有反對咁做，呢個係卜公決定，快啲將事丟淡。而香港政府同鄉民，亦當無件事發生過咁，好快就囘復平靜。按傳統，香港政府起用各族士紳，間接統治鄉民，就算原本東莞鄧族話要搞事，都畀本地鄉民拒絕。

因爲六日戰中，鄉勇訓練有素，香港政府懷疑係兩廣總督同新安縣大清官員搞鬼。結果五月十六號佔領深圳（當時係墟），同時亦趕走九龍寨城嘅大清官員。直至英國政府敦促，軍隊十一月十三號撤返境內，但寨城從此無官駐守。

一九四一年十二月八號，日軍由寶安攻入香港，英軍退至醉酒灣防綫。喺城門，日軍突襲成功。英軍退守香港島。日軍分三路攻港，英軍唔夠打。

十二月廿五號聖誕日，香港總督楊慕琦向日軍投降。英軍同西人，鎖入戰俘營。

日本以軍法統治。物資奇缺，日本人遺唐人囘鄉。

一九四五年，日本無條件投降。香港由英軍接管。之後楊慕琦接手。

一九四九年，中國共產黨成立中華人民共和國。一九五零年，打敗中華民國軍隊，攻入廣東。無數難民，擁入香港。香港政府亦隨卽封閉邊境，立邊境禁區。

一九五一年，石硤尾大火。香港政府建徙置區，安置居民。

一九六七年，中國共產黨在港支部，發動暴亂，是爲六七暴動。當時交通停頓，而商業電臺播音員林彬，遭暴徒燒死。香港人普遍反對暴亂，望香港政府恢復秩序。因不得民心，中國共產黨下令終止。

因新界租約，會於一九九七年終止。一九八二年，英國與中國談判，解決香港前途。一九八四年簽署《中英聯合聲明》。

一九八九年六月四號，解放軍喺中國北京，屠殺示威者，引致香港人心不安。唔少人移民避禍。

香港政府實行玫瑰園計劃，大興土木去穏定人心。

按一九八四年，中國同英國簽訂嘅《中英聯合聲明》，一九九七年七月一日香港主權會交予中國。

一九九七年七月一號，香港主權移交，香港成為中國一特別行政區，除外交與國防，全面自治。香港保有參與國際組織之權利。




#Article 37: Ghost Rider (104 words)


Ghost Rider，有譯惡靈騎士、幽靈騎士、惡靈戰警、鬼面騎士、幻影騎士，係美國Marvel公司一本暢銷漫畫入面嘅虛構反英雄角色。

第一本Ghost Rider單行本漫畫喺1973年出版，相對於其他美國漫畫超級英雄可以講係最後生。故事係講一個電單車特技人 Johnny Blaze，將自己嘅靈魂出賣嚟交換摯愛條命，結果受到詛咒，每晚變成邪靈上身嘅惡魔，騎住架地獄之火骷髏頭電單車（Hellcycle）周圍搞嘢。

第一代 Ghost Rider 喺 1967年2月出現，嗰陣嘅 Ghost Rider 叫做 Carter Slade。後來Marvel Comics要推出新嘅 Ghost Rider 故事（就係家下嘅 Ghost Rider），所以將原版 Ghost Rider 改名為 Phantom Rider。

Phantom Rider 個造形同而家嘅 Ghost Rider 好唔同，佢係一個成白雪雪，帶面具，Phantom Rider 都唔係渣電單車，而係騎馬。同一個普通西部牛仔無乜分別，係一個靈異西部故仔。

Carter Slade 全身白雪雪其實係嚟自印地安巫醫一種裝備，令佢喺夜晚可以發光，結果喺以前落後嘅美國西部啲人，喺夜晚見到呢個發光嘅人，就以為佢係鬼，所以就叫佢做 Phantom Rider，好多壞人就係因為咁畀佢嚇親。

Johnny Blaze 係一個電單車特技人，佢為咗救佢患咗不治之症嘅繼父 Crash Simpson，而將自己嘅靈魂出賣咗畀 Mephisto，之後佢變成一個着住火嘅骷髏頭，而且會得到惡魔嘅力量，四周圍幫 Mephisto 搞搞震。

出賣咗靈魂之後佢繼父 Crash Simpson 果然好返，但同樣係電單車特技人嘅 Crash Simpson，喺好返之後無耐就喺一次單車特技意外入面死咗。

Johnny Blaze 搵返 Mephisto 講數，但 Mephisto 就話應承幫佢繼父去除病痛，無話佢唔會死於非命喎。搞到 Johnny Blaze 臖過火屎，之後佢喺一啲魔法書上面搵到防禦法術，加上臖過火屎，爆發出嚟嘅力量，令佢最終擺脫咗 Mephisto，但就唔覺意釋放咗佢身上嘅惡魔力量來源：惡魔Zarathos。而由於 Zarathos 係 Mephisto 嘅奴隸，所以 Mephisto 仍然可以有限度咁控制 Johnny Blaze。一方面佢用惡魔嘅力量去伸張正義，另一方面佢又俾 Mephisto 控制去做壞事，於是形成 Johnny Blaze 喺 Ghost Rider故仔入面，經常充滿住好多人性掙扎。

第二代 Ghost Rider 喺 1990年3月出現，有一次 Daniel Ketch 同佢家姐 Barbara 俾班歹黨搞，之後有一架神秘電單車喺 Daniel Ketch 面前出現， Daniel一騎上咗架電單車之後，就變成咗Ghost Rider，雖然之後將啲歹黨打走，但就救唔到家姐，結果佢家姐俾班歹黨入面一個叫 Blackout 嘅人殺死咗，因為咁佢就成為咗「黑夜之子」（Midnight Sons）。

Ghost Rider 最搶眼係佢個火焰骷顱頭，除此之外，由於佢係電單車特技人，所以電單車技術好勁，當佢變咗做 Ghost Rider 之後，佢架電單車甚至可以喺任何平面，包括喺水上面都一樣可以行，而且快到無影。重會有超人嘅力量，有25噸嘅力量。




#Article 38: 原子筆 (1215 words)


原子筆又叫圓珠筆，係筆嘅一種，係相當近代嘅發明。原子筆嘅「原子」就係嗰啲𠹳澾澾，黐𥹉𥹉嘅「墨」，筆嘴最尖係一粒直徑 0.28 - 1.2 mm 嘅金屬珠，啱啱卡住響支收窄嘅管嘅尾尾，卡得唔係太實而可以畀粒珠自由噉轉，當識轉嘅金屬珠掂倒紙嘅表面嗰陣，氹氹轉嘅珠令喺支窄嘅管裏面嘅墨留低喺紙上面，一落倒紙嘅墨差唔多立即乾。今時今日，又平、又靠得住、重唔使點理嘅原子筆，已經取代咗墨水筆，變成好多人日日用嚟寫嘢嘅筆。

原子筆響1940年代尾發明，當時美國用原子彈贏咗二戰無幾耐，「原子」就做咗「高科技」嘅代名詞，商人就好興將新產品加「原子」兩個字，譬如原子褲、原子褸、原子腰帶、原子粒收音機噉，所以當時呢種新發明嘅筆就叫「原子筆」。

製造經濟可靠嘅原子筆，係嚟自實驗、現代化學、同埋20世紀精密製造科技嘅結合。好多國際專利見證咗一啲失敗嘅嘗試，想令原子筆可以賺錢同廣泛噉用。甚至有人認為一個出自 Galileo Galilei 喺十七世紀嘅設計，其實就係原子筆嚟。

第一個原子筆嘅專利係喺1888年10月30號發行畀 John J Loud 。嗰枝筆有一粒旋轉嘅小鋼珠，由一個插座固定喺適當嘅位置。呢枝筆用嚟寫字母就太粗，但可以寫喺粗糙嘅表面（尤其係皮革），佢始終冇喺市場上發售。

喺 1900 至 1940 年之間，好多人都好想改進寫字嘅工具，尤其係改進鋼筆或者搵一啲代替嘅工具。 Slavoljub Eduard Penkala 喺 1907年發明咗固體墨水嘅鋼筆，德國一位叫 鮑姆掏 (Baum) 嘅發明家喺1910年出咗原子筆嘅專利，同埋另一種原子筆設備嘅專利就喺1916年俾 Van Vechten Riesburg 得到。 喺呢啲發明度，墨水係放喺幼管入面，而管嘅最尾就有一粒細珠阻住，粒細珠會保持喺個位度，唔會滑咗入去幼管入面或者跌咗出嚟。 

原子筆有兩種基本類型：一次性同埋可換筆芯。

一次性嘅筆主要係由塑膠整嘅，啲墨用嗮就成枝筆唔用得，可更換筆芯嘅筆係金屬或塑膠整，但佢質量同成本會比一次性嘅筆高。

原子筆喺現代文化之中無處不在。

如果你有一支原子筆已經用唔到（雖然重有一啲墨剩番喺度），係有方法可令佢用得番嘅：




#Article 39: 天網 (人造衞星) (376 words)


天網 (Skynet)係聯合王國防部嘅一系列軍事 人造衞星， 而家由 Paradigm Secure Communications 郁住。渠地會提供戰略性嘅通信服務畀聯合王國三軍同埋北約執行緊盟國任務嘅部隊。

天網 1 失敗後，天網 2 系統推遲咗發射。1974年1月19號，天網 2A 坐住支三角州火箭升空，但二級火箭就肥咗，擺咗粒衞星入條唔穏定嘅軌道。但地面站仍然揾番到渠，重用太陽能版嘅 telemetry 讀數來計番渠嘅軌迹。之後控制者決定用 alignment thrusters 來掟粒星出軌。粒星係1月27號重入大氣，燒咗。






#Article 40: 賦格藝術 (1910 words)


賦格藝術 ( Die Kunst der Fuge, The Art of Fugue), BWV 1080，係德國音樂家巴哈晚年嘅一集對位音樂，一般認為係未寫完嘅。集曲大概喺1742開始寫。巴哈嘅第一版有十二支賦格曲同兩支卡農曲，來自1745年嘅抄本(was copied in 1745)。呢份抄本嘅標題係巴哈個 son-in-law Altnickol 加嘅 Die Kunst der Fuga。第二版本係渠死（1750年）後至出版。入面有十四支賦格曲同四支卡農曲。呢集曲表現咗巴哈掌握嘅對位技術。每支曲由簡單嘅主題攷妙發展成精密又富音樂感嘅結果。成套賦格藝術表現咗多種曲式同結構，好多音樂人當渠做係歐洲音樂傳統嘅一座頂峰。

巴哈係渠最後十年靜靜探索賦格同卡農。1742年 高德堡變奏曲 (BWV 988)出版，其中有九支嚴格(strict)嘅卡農曲（最近重揾到十四支附加嘅）；1747年音樂奉獻 (BWV 1079) 出版，其中有兩支精釆嘅ricercari （「ricrecar」 係賦格曲嘅前身）, 九支cerebrally devised 嘅各款卡農，同埋Vom Himmel hoch (BWV 769)嘅卡農變奏，都顯示巴哈越來越沈醉於對位音樂。好自然，巴哈喺同期又開始以「賦格藝術」(‘Die Kunst der Fuge’ BWV 1080)為題寫另一組卡農同埋賦格曲 ，其中每一支都用d小調，每一支都係同一主題嘅變奏。

近排嘅分析顯示：賦格藝術早響1742（即定稿前五年）已有初稿。值得討論構思同埋後來改寫嘅動機。呢個日子吻合 Johann Mattheson 係 Der vollkommene Capellmeister (1739)上討論賦格，其中Mattheson 列舉咗響  Angelo Berardi  嘅 Documenti armonici(1687年)入面嘅好多種對位曲式。巴哈可能喺1738年尾見過 Mattheson嘅初稿。可能巴哈被Mattheson 嘅挑戰－－寫有三主題嘅賦格曲－－激發，終於實現渠好可能好長期嘅構思。但咁唔係話我地真係欠Mattheson 好多感謝。就算Mattheson 唔講，巴哈都或會識 Berardi 嘅技法，因為巴哈自己都可能有一本Documenti；賦格藝術嘅 《對位 18》 用 Berardi 嘅 Fuga reale來開始，而 Mattheson 無講過呢支Fuga reale。

初版有十首賦格同兩首卡農曲，有可能係 Mizler Society 嘅關係，啓發咗巴哈去擴寫份作品到而家咁樣。Mizler Society 要求會員每年交一份科學報告，重要用音樂來寫。巴哈響渠參加時演示咗首 卡農 Triplex (BWV 1076) 同埋《卡農變奏曲》；第二年交咗份《音樂奉獻》。因高過六十五歲嘅會員唔使再交，好可能巴哈打算喺1749年6月交已經有啲睇頭嘅《賦格藝術》做最後一樣功課。

呢輯曲係1751年巴哈死後出版，其中最後一支賦格重未完成；翌年音樂理論人Friedrich Wilhelm Marpurg 加大咗前言，重新出版。呢本入面有好多唔屬於巴哈意願嘅修改，包括：

巴哈開列(open scoring)咗賦格藝術嘅樂譜，每聲部都有自己嘅五線。雖然有多種證據話份作品係寫畀鍵盤嘅，仍然有啲流行嘅猜測，話佢嘅寫畀樂隊(ensemble)嘅，或者話佢係隻絶對音樂－－即係一種對位技法範式，而無諗住畀人奏。第一可能就梗唔係，因為啲賦格旋律線嘅音域多數都唔啱當時樂器玩，鍵盤就例外；但係絶對音樂嘅假設就無咁易排除。

Marpurg  喺 1752 版嘅前言實則無乜用，但呢版度加嘅料顯示，巴哈啲仔肯定佢哋係奏得嘅。可惜咁都唔係好肯定嘅，因為1751年趕住出，可能暗示，呢版唔一定係為音樂而音樂：巴哈唔係有錢佬，財產夾埋唔多，可能渠地真係好等錢使。既然已經做咗一大 噘（？guet），搞埋佢可以幫補下家計。之但係，好可能因為呢版唔係幾好賣，所以翌年就加大佢再版。 加送嘅曲雖然可以當做彌補最後支賦格嘅唔完整，但亦可能係用來吸引管風琴同第啲鍵盤手，令本嘢好賣啲。啲加料就唔關「係唔係絶對音樂」事。 


#Article 41: 高曼環保獎 (1142 words)


高曼環保獎 （Goldman Environmental Prize）係頒畀草根環保人嘅現金獎。 分別畀六個地區: 非洲、亞洲、歐洲、海島同海島國家、北美洲、 中南美洲。獎金係 125000 蚊美金，冇任何附帶條件。係環保獎之中獎金最可觀嘅。

高曼環保獎喺1990年由慈善家理查德．高曼（Richard N. Goldman）同佢過咗身嘅老婆蘿蔕．高曼（Rhoda H. Goldman）創立嘅。理查德高曼喺舊金山搞咗高曼間保險公司。而蘿蔕高曼係牛仔褲公司 Levi Strauss 嘅後人。

侯選人由世界各地環保團體同個人秘密提名，個獎由一個國際評委會選出。得獎人參加為期 10 日喺舊金山同華盛頓嘅交流訪問、頒獎禮、新聞發布會，重會一啲政治、公共政策、金融、環保領袖見面。




#Article 42: 香港華仁書院 (137 words)


香港華仁書院（Wah Yan College, Hong Kong）係香港一間著名男子英文中學，位於香港灣仔，由天主教耶穌會營辦，係香港補助學校議會22間補助學校之一。

華仁書院喺1919年12月16號由徐仁壽成立，係香港第一間由華人管理嘅英文中學。1932年12月31號，由耶穌會接辦。1941年日軍侵略香港，學校停課，華仁書院地牢改為紅十字會站。1945年，第二次世界大戰完咗之後，學校喺9月8號重開，及後曾經開辦中文中學，但於1950年結束。1955年搬去皇后大道東現址。

學校有大概800個學生同埋大概60個老師，亦都有啲耶穌會神父。而家嘅校長係蘇英麟博士。

而家華仁書院嘅學生無論夏季定冬季校服都要打呔。

校歌喺1960年由一位當時係香港音樂家嘅菲藉修女 Sister Carmeia 作曲，歌詞就由嗰時教緊書同埋做緊立法局議員嘅耶穌會神父 Fr. Patrick McGovern S.J. 填。


#Article 43: 蘇聯國歌 (459 words)


蘇聯國歌，「牢不可破嘅自由共和國聯盟」，亞歷山大·亞歷山德羅夫（Alexander Alexandrov）作曲，西爾幾·米哈哥夫（Sergey Mikhalkov）同埋基比埃·艾里直斯坦（Gabriel El-Registan）作詞；1944年3月15號正式代替咗國際歌做蘇聯國歌。當時嘅人信一首關於蘇聯本身嘅國歌，比關於世界無產階級革命嘅國際歌重會激勵人民嘅鬥志。支歌本來係蘇聯共產黨（布爾什維克）嘅黨歌，嗰陣嘅詞係由華斯利·列比迪華-古馬查（Vasily Lebedeva-Kumacha）作嘅。

最初嘅歌詞經常講到史太林，不過因佢1953年死後蘇聯實行反史太林政策，歌詞就俾人廢咗，直到1977年，國歌都係冇歌詞嘅。喺1977年，米哈哥夫改晒啲歌詞，無再提史太林個名。


唔拆得散嘅自由共和國聯盟
永遠連住成個偉大嘅俄羅斯。
萬歲，由人民嘅意志所建立起嘅
統一而強大嘅蘇聯！

副歌：
歌頌自由嘅祖國，同埋我哋嘅自由。
各族人民之間友愛嘅堅固堡壘！
蘇維埃紅旗，人民嘅紅旗，
從上一個勝利引向下一個勝利！

自由嘅太陽穿過暴風照耀我哋。
偉大嘅列寧指明咗我哋要行嘅路！
史達林教導我地要忠於人民
佢鼓勵大家去勞動，去建功立業！

副歌：
歌頌自由嘅祖國，同埋我哋嘅自由。
各族人民之間幸福嘅堅固堡壘！
蘇維埃紅旗，人民嘅紅旗，
從上一個勝利引向下一個勝利！

我哋嘅紅軍喺戰爭裏面成長。
敵人夠膽入侵就係自取滅亡！
我哋幾代人嘅命運喺階級鬥爭裏面決定
我哋引導住祖國，向光榮前進！

副歌：
歌頌自由嘅祖國，同埋我哋嘅自由。
各族人民之間光榮嘅堅固堡壘！
蘇維埃紅旗，人民嘅紅旗，
從上一個勝利引向下一個勝利！


唔拆得散嘅自由共和國聯盟
永遠連住成個偉大嘅俄羅斯。
萬歲，由人民嘅意志所建立起嘅
統一而強大嘅蘇聯！

副歌：
歌頌自由嘅祖國，同埋我哋嘅自由。
各族人民之間友誼嘅堅固堡壘！
列寧（創辦）嘅黨，係人民嘅力量，
佢帶領我哋向住共產主義勝利進發！

自由嘅太陽穿過暴風照耀我哋。
偉大嘅列寧指明咗我哋要行嘅路！
佢為咗正義而帶領住人民，
佢鼓勵大家去勞動，去建功立業！

副歌

喺共產主義思想永恆嘅勝利入邊，
我哋睇到咗祖國嘅將來。
為咗我哋偉大祖國嘅光榮嘅紅旗，
我哋無時無刻都要咁無私咁忠心！

副歌




#Article 44: Flame Imperishable (179 words)


響J. R. R. Tolkien's 嘅虚構 神話，秘火 或叫做 唔熄嘅火，亦可能係Anor嘅火都指某樣神秘嘅力量。

秘火(the Secret Fire)，或者叫火，唔滅嘅(the Flame Imperishable)，似乎指Eru Ilúvatar嘅一方面，創造力量。開頭渠同 Ilúvatar 一齊。Melkor，為要 Ilúvatar 同等嘅力量，想揾渠，但揾唔到。呢樣欲望令 Melkor 反叛 Ilúvatar （有啲似Paradise Lost入面撒旦嘅墮落)。後來 Ilúvatar放咗支火（或者渠嘅一方面）入大地（)嘅深心。

亦有話秘火係任何fëar嘅一部分：渠係令到有感覺嘅個體( beings) 曉得獨立思想嘅恩賜。 無咗渠，造唔出新嘅個體。 講到Orcs，Frodo解釋畀Sam聽：




#Article 45: 非盧祖·保蘇尼 (937 words)


非盧祖·保蘇尼（，）係意大利作曲、鋼琴手、音樂先生同埋指揮。好多人由佢改編巴哈嘅音樂（例如 d 小調夏康舞曲）畀鋼琴開始識得佢。

非盧祖係喺意大利城市安玻里出世，阿爸同阿媽都係音樂家，係佢哋嘅獨仔。佢七歲嗰陣就跟咗佢啲父母演出。

非盧祖已經喺過奧地利格拉茨喥求學一段時間，無奈佢不斷到其他地方演奏同教授音樂，到過咗德國萊比錫、芬蘭赫爾辛基、俄羅斯莫斯科同埋美國。1894年佢定居柏林，擔任音樂會鋼琴手同埋指揮。

第一次世界大戰期間，Busoni返到咗意大利喺博洛尼亞居住，純粹從事研究工作，冇到外邊演出。到咗1920年佢先至返返柏林，培育咗好似Kurt Weill、Edgard Varèse同埋Stefan Wolpe等等嘅學生。

非盧祖因腎臟病而於柏林去世。佢嘅研究當其時冇人理會，到咗1980年之後佢先至開始受到重視。

大多數非盧祖嘅工作係彈琴。


#Article 46: 首相嘅問題 (511 words)


首相嘅問題（Prime Minister's Questions，PMQ），正式叫做向首相嘅問題（Questions to the Prime Minister）係聯合王國嘅一種憲政傳統（constitutional convention）；每逢星期三下議院開會時首相會用半個鐘頭來答議員（MPs）嘅問。

響加拿大，對等嘅習慣叫問題時段（Question Period），而且聯邦議院同省議院都會咁做；響澳洲同紐西蘭就叫做問題時間（Question Time）；響蘇格蘭議院同威爾斯議會叫 首相嘅問題（First Minister's Questions）；響印度嘅下議院（Lok Sabha）有問題鐘頭（Question Hour）。

呢種逢一定時辰就揾個首相來問嘅習慣始於1950年代。

想問嘢嘅後排議員要響張 Order Paper 上填名。之後啲名會響個ballot 度洗勻，來決定出講者（Speaker，有人叫議長）叫問題嘅次序。講者會叫啲MP 提問，通常會畀政府同反對黨議員交替住咁問。無被選中嘅 MP 都有機會被講者叫來發問，如果渠「捉到講者嘅眼」（catch the eye of the Speaker）：渠要剛啱響首相回答之前企起身然後即刻坐低。傳統上，主要反對黨魁會係第三或第四個被叫嘅；而次要反對黨魁就會係第五或第六。




#Article 47: 格仔自動機 (1253 words)


一架格仔自動機：

格仔自動機（元胞自動機，cellular automaton，衆數係cellular automata，縮寫CA）係種離散模型，可算性理論（computability theory）、數學、理論生物學都有研究渠。渠由無限格有規律、硬掘掘嘅格仔（cells） 組成，每格都處於有限種態之一。成個格仔網（grid）可以係任何有限維嘅。時（time）亦都係離散嘅。每格響t 時嘅態由 t-1時嘅一集有限格（呢集叫嗰格嘅鄰域，neighbourhood）嘅態決定。每一格嘅「鄰居」都係固定咗嘅（一格可以係自己嘅鄰居）。每次演進，每格都遵從同一規矩，一齊演進。

格仔自動機嘅一例係一張無限大嘅格仔紙，每格一係黑、一係白。每格有八格「鄰居」，總共29 = 512 種可能嘅鄰域。格仔自動機嘅演變規律可用一張表來表示。由五百一十二種可能嘅鄰域，張表會講明下次呢格係黑定係白。呢樣就係二維CA嘅一例。Conway嘅生命棋就係其中最受歡迎者。

通常我哋會假設盤棋開始時，除咗有限咁多格，每格都屬同一態；而嗰有限咁多格就叫「位形」（configuration）。推而廣之，亦可假設，除咗有限咁多格，初始棋盤係週期性嘅－－呢種做法響一維CA 常見啲。

通常我哋會用個有限大（而唔用無限大）嘅格仔網來模擬一架格仔自動機。二維嘅自動機宇宙就會用長方形來模擬。咁當然會出問題：響條邊嘅格仔點算？做法嘅選擇會影響成個長方形嘅演變。一種做法係畀渠哋一個常值。另一種解係改「鄰域」嘅定義。例如，我哋可以拉畫面來整出一個錨環面（torus）。當一舊棋過咗上界，渠就會由下底同一位置出番來；過咗左界就會由右邊出番來（咁其實等同無限棋盤上嘅週期棋形。響偏微分方程學，呢種嘢會叫「週期性嘅邊界條件」periodic boundary conditions）。我哋可以睇渠做個長方形，左邊黏埋右邊，上邊黏埋下邊，成為一環面。第啲維度嘅宇宙都照做。咁做係為咗化解邊界鄰域嘅麻煩嘢。例如，響下面嘅一維自動機，嘅鄰域 of 格仔xit— 其中 t 係步數（打棟）而 i 係 the index （打横） 一代裏面—係 {xi−1t−1, xit−1, xi+1t−1}。當左界一鄰域揾渠嘅左上格（唔係棋盤入面）做渠鄰居，就會出問題。

生命棋由John Conway發明，由Martin Gardner 響Scientific American嘅一篇文推廣。渠嘅規則係：若果一黑格有兩或三格黑鄰，咁渠就繼續黑；若一白格有剛啱三黑鄰格，咁渠就變黑；其餘情況下，嗰格下次都白。就咁，一盤生命棋可以有咁複雜得咁複雜，響似乎混亂同埋秩序之間搖擺。一種常見嘅棋形係「滑翔機」（glider）－會響棋盤上打斜郁嘅幾格棋。我哋可以砌到令尐滑翔機互相影響，來模擬出計算，甚至模擬普適Turing機。

或者多數人覺得生命棋屬於玩，係咁意探下啲得意嘢、睇下第啲有關棋則以外，好少有跟進。

但1969年德國電算先驅Konrad Zuse出版咗本《計出空間》Calculating Space，提出宇宙嘅規律嘅本質係離散嘅，而成個宇宙係架巨格仔自動機嘅先決(?)(deterministic)嘅計算結果。

Rudy Rucker喺渠2005年本書推展Wolfram嘅理論到「」－用格仔自動機來模型來解釋簡單嘅規律點樣會產生複雜嘅結果。

最簡單嘅格仔自動機得一維；每格得兩態；每格嘅鄰居就係渠左右嘅兩格。一格同渠左右夾埋組成一鄰域，總共有 23=8 咁多種可能嘅棋形。  咁總共有 28=256種規律。呢啲自動機通常會用Wolfram 記號（）來表示。一架自動機嘅名就係個十進制數，其相應二進制表示就畀出個演化規律表。例如三十號機（）同埋一百一十號機（rule 110 CA）嘅演化表就係 30x=00011110ii and 110x=1101110ii。咁，三十號機 00011110 最高位嘅 0 代表111--0，次高位嘅0代表 110--0，跟住 101--0,  100--1, 011--1, 010--1, 001--1, 000--0。若果我哋由單丁個1開始，三十號機同一百一十號機會整出：

三十號機（Rule 30）

一百一十號機（Rule 110 cellular automaton）

咁一張表就完全定義好一架格仔自動機。例如，30號機（rule 30）嘅表就話：若果有左中右三格係100，咁中間嗰格下次就會變做1。

有幾篇文分析同比較呢二百五十六架機。30號同一百一十號機就特別好頑。

一百一十號機，好似生命棋，顯示出種Wolfram所謂嘅 「第四類行為」（class IV behavior），既唔完全亂來（random），亦唔係完全 週期性嘅。有好幾種局部嘅結構會出現同埋互相影響。1994年，本A New Kind of Science重寫緊時，Cook證明咗 呢啲結構足夠支持普適性（universality）。咁樣就好頑：一百一十號機係架好簡單嘅一維系統，但要整到渠做特定嘅嘢就唔易。呢項結果好支持 Wolfram嘅觀點，第四類（class IV）嘅系統本內就好可能係普適（universal）嘅。Cook喺1998年Santa Fe Institute格仔自動機會報告咗渠份證明，但 Wolfram阻住唔畀會議紀錄登份證明，因渠唔想份證明早過渠本《A New Kind of Science》出。2004年，Wolfram 份雜誌  (Vol. 15, No. 1) 終於登咗Cook嘅證－足足等咗十年。

一架自動機叫可逆（reversible），若果渠上面每一種棋形都只得一幅前象（preimage）。若我地當架自動機係一支函數，由一形狀彈去另一形狀，咁即係話支函數係雙射（bijection）。


又有連續自動機（continuous automata）。呢種機類似 totalistic CA，但渠地嘅態用埋演變律都係連續函數。 

有啲生物會用上自然嘅格仔自動機。

有啲海螺，如Conus同Cymbiola 屬，嘅紋形係由自然嘅格仔自動機生出來嘅。色素細胞住喺沿住個殼條邊（lip）嘅一條窄帶上。每粒細胞依佢週圍細胞嘅活唔活躍，用一條數來決定分唔分泌色素。呢條細胞帶會慢慢生，將啲色圖案留喺個殼上。例如，分布好廣嘅Conus textile 就着住種好似上面三十號自動機嘅圖案。



有人用格仔自動機來設計改錯碼－睇下《Design of CAECC - Cellular Automata Based Error Correcting Code》，作者係   	
D. Roy Chowdhury, S. Basu , I. Sen Gupta , P. Pal Chaudhuri。呢篇文定義一種新計，用CA來砌 SEC-DED 碼，重幫呢套碼報告咗一架快嘅硬件解碼器。






#Article 49: 機械語言 (208 words)


機械語言（粵拼：gei1 haai6 jyu5 jin4；英文：machine language）係程式語言嘅一種，呢啲語言嘅特徵係由佢哋寫成嘅機械碼（machine code）可以俾部電腦粒 CPU 直接噉處理，而且佢哋行行指令都會叫粒 CPU 做一個好特定嘅作業，好似係加載啲資訊、直接噉跳去某個步驟嗰度、以及係攞 CPU 暫存器或者記憶入面某啲數據嚟做算術邏輯嘢呀噉。

機械語言之所以可以俾部電腦直接處理，係因為佢哋係好低階嘅程式語言－淨係用數字表達嗮所有嘢。組成一段機械碼嘅數字會包含嗮「要用啲乜嘢數據」同「要做啲乜嘢作業」等嘅資訊。舉個例說明：假想而家有一款機械語言，佢嘅每段指令都由 18 個數字組成，呢 18 個數字每一個都一係 1 一係 0，頭嗰 7 個數字用二進制表達數據 A，跟住嗰 7 個數字用二進制表達數據 B，最尾嗰 4 個數字就表達「要做啲乜」－「0000」代表「做加」，「0001」代表「做減」等等。於是喺用呢種語言寫成嘅源碼入面，「0000011 0000100 0000」呢個指令會叫部電腦計 3（用二進制寫係「11」）加 4（用二進制寫係「100」）嘅結果出嚟。

一段典型嘅機械碼指令當中會有至少一橛嘅行動碼（opcode），而行動碼入面通常有一橛負責講明段指令係邊個類型（例如係「跳轉」、「算術」呀噉），跟住又有一橛指定要做啲乜（例如係做算術嘅話，要做嘅到底係加定乘定點）。段碼淨低嘅部份會提供要處理嘅數據喺記憶入面邊個位置同埋係乜等嘅資訊。攞返上面嗰個例子，嗰段碼入面最尾嗰橛「0000」就係嗰段指令嘅行動碼，而佢其餘嗰啲部份就講明咗要處理嘅數係啲乜嘢。

機械語言嘅高度數字化令到電腦好容易明白佢，所以機械碼有個優點，係可以唔使過編譯器（compiler）就直接入落去粒 CPU 嗰度，所以做嘢會快啲；但係喺實際應用上，啲人好少可會直接用機械語言寫程式，因為直接用佢哋實在太容易出錯（多咗個 0 或者少咗個 0 都會搞到成段指令嘅意思唔同嗮），而且用佢哋做起除錯上嚟又嫌撈攪得滯。比較常見嘅做法係用一啲冇噉數字化嘅高階程式語言寫好段源碼，再用編譯器等嘅架生將段源碼轉化做機械碼，俾部電腦執行。

每個處理器或者每個系列嘅處理器都有佢哋自己特色嘅一套指令集（Instruction set），而指令集係機械語言嘅基礎。喺一個處理器入面，一段指令所用嘅數據同埋佢做嘅作業查實都係對應住嗰個處理器處理緊嘅一啲電子訊號嘅，呢啲電子訊號通常都係數位（Digital）型式嘅訊號－亦即係一係冇訊號一係有訊號，分別以 0 同 1 代表。例如而家有一部電腦處理緊一幅圖，噉佢啲記憶體入面實會有有關呢幅圖嘅數據喺度，而當個用家（又例如）叫部電腦將幅圖嘅某一忽變做紅色嗰陣，部電腦實際做嘅嘢係將有關嗰一忽嘅數據嘅數值改變，變成對應「紅色」嘅數值，再將呢串訊號傳去個熒光幕嗰度，等個熒光幕顯示紅色出嚟（有關呢啲嘢嘅詳情，可以睇吓電子工程）。

一個處理器嘅指令集就係話俾個用家知嗰個處理器邊一啲 0 同 1 嘅組合對應住啲邊啲數據同作業－有啲處理器可能會用「000000」代表「做加」呢個作業，又有啲處理器用「000000」代表「做乘」呢個作業。因為噉，對於一個用機械語言嘅程式設計員嚟講，指令集會話嗮佢需要知嘅嘢俾佢聽。

MIPS架構（MIPS architecture）係一款指令集，其中一種特色係佢啲指令冚唪唥都係 32 位元（即係有 32 個 1 同 0）噉長嘅。MIPS架構嘅指令多數有 6 個位元嘅行動碼，當中 J-型（jump）同 I-型（immediate）嘅指令會由呢 6 個位元嘅行動碼完全呈現，而 R-型（register）嘅指令就另外有多啲位元嚟講明個指令嘅細節。呢個架構嗰啲指令嘅格式係噉嘅：

    6      5     5     5     5      6 位元
 [  op  |  rs |  rt |  rd |shamt| funct]  R-型
 [  op  |  rs |  rt | address/immediate]  I-型
 [  op  |        target address        ]  J-型

op 係行動碼。rs、rt、同 rd 表明咗「要處理嗰啲數據要由邊度攞」同埋「處理完要擺去邊」。舉幾個例說明：

 [  op  |  rs |  rt |  rd |shamt| funct]
     0     1     2     6     0     32     十進制
  000000 00001 00010 00110 00000 100000   二進制

「000000 00001 00010 00110 00000 100000」呢段機械碼喺 MIPS 架構入面係叫個處理器「將暫存器 1 同暫存器 2 入面嗰兩個數字加埋一齊，跟手將個結果擺落去暫存器 6 嗰度」。

 [  op  |  rs |  rt | address/immediate]
    35     3     8           68           十進制
  100011 00011 01000 00000 00001 000100   二進制

「100011 00011 01000 00000 00001 000100」就會叫個處理器由記憶某個位置入面攞一個數值出嚟，跟手擺落去暫存器 8 嗰度，個目標嘅位置係暫存器 3 入面嗰個數字之後 68 個格。

 [  op  |        target address        ]
     2                 1024               十進制
  000010 00000 00000 00000 10000 000000   二進制

「000010 00000 00000 00000 10000 000000」就係叫個處理器跳去「1024」呢個地址嗰度。

組合語言（Assembly language）係一種稍為高階啲嘅程式語言，會用一啲羅馬字母嚟表示佢哋啲指令俾個用家睇，而唔係直接用啲指令嘅數值，呢點令到佢哋對一般人嚟講易用好多。舉個例，喺 Zilog Z80 嘅處理器嗰度，「00000101」呢段機械碼會令到粒 CPU 將 B 處理器暫存器入面嗰個數值下降 1，而呢段碼用組合語言寫嘅話會係「DEC B」－當中見到「DEC」呢三個羅馬字母，代表咗英文字「decrement」，呢個字嘅意思係「令某啲嘢數值下降」噉解。




#Article 50: 福佳始終有你 (128 words)


《福佳始終有你》係首歌，響互聯網上流傳，改編自香港特別行政區成立十周年紀念主題曲《始終有你》。演唱者模仿原作嘅唱腔，歌詞帶出香港主權移交以來嘅紛爭。首歌響5月27號（香港時間）上傳到YouTube，兩個禮拜半有超過48萬人次睇過，亦曾引起香港傳媒關注。

歌詞同片段涉及嘅事，包括維港巨星匯風波、董建華做行政長官時嘅政策，好似八萬五建樓計劃、香港普選、拆天星碼頭、六七暴動策劃人楊光受勳、程翔事件，重有民建聯主席馬力喺2007年5月對六四事件嘅評論。

歌詞由香港博客林忌寫，由網民各自唱一段，收齊晒之後，再揀效果最好嗰幾段夾埋成首歌，成個過程都係網上做，合唱嘅人無過見面。影像版由RebuildHK嘅網主Freeman幫手剪輯，音樂版由「神秘人一號」整。

趁住香港回歸近10週年同六四事件18週年，香港博客林忌改咗《始終有你》嘅歌詞，來批評特區政府施政同埋嘅馬力言論。首歌上傳咗去YouTube之後，《蘋果日報》、《明報》、《信報》、《經濟日報》、香港電台同埋有線電視都報道過。

隻歌嘅影象版本除咗有講天星碼頭事件同2007年馬力嘅六四言論，重有香港回歸10年嚟觸目嘅事同人，有SARS、董趙洪娉、七一遊行、六七暴動有份嘅楊光受勳等。人物畫面包括鄔維庸、何鴻燊、曾憲梓同埋林瑞麟呢啲所謂「保皇」嘅人。

鋪鋪膠都彷彿泥濘，撻到你好應，成全這懵董變巨星。
IQ唐開騷都爆笑，免費派飛了，盈餘計錯就愛亂Fing！
期望坦克碌豬取勝，得到了絕症，金紫荊章填命。
無能人士亂噏也力拚，是誰埋沒馬力，做賣國精英？

福佳始終有你！（福佳始終有你！）拍馬屁聲響足一世紀。
普選偏偏冇我？（普選偏偏冇我？）八萬五驚喜慘於去死！
當底褲！當絲襪！當胸圍！
傲慢冷嘲各種冤氣，不捨不棄，陪笑了不起，福佳始終有你！

天星鐘追憶起暴動，同志勿有感應，和諧靠你亂掟菠蘿。
期望坦克碌豬取勝，得到了絕症，金紫荊章填命。
無能人士亂噏也力拚，是誰埋沒馬力，做賣國精英？

坦克碌豬靠你！（福佳始終有你！）拍馬屁聲響足一世紀。
普選偏偏冇我？（普選偏偏冇我？）八百張飛選多一世紀。
玩謝你，送酒席，送主席。
傲慢冷嘲各種冤氣，不捨不棄，陪笑了不起。

坦克碌豬靠你！（毛主席在這裡。）拍馬屁聲響足一世紀。（玩謝你～YEAH！）
普選偏偏冇我？（Anson Chan 在哪裡？）八百個選委選一世紀。
三謝禮，拜天地，葬天地。
傲慢冷嘲各種冤氣，不捨不棄，陪笑了不起，福佳始終有你！

乜都改改仿佛易事，制度轉千次，成全李憤長與飯焦。
分心打機都好沉迷，創造了英語，羅羅李李合併超勁！
唐突蘿柚谷爆好句，高雅嘅樂趣，失禮香港最精。
無聊場合大小也力拚，是誰陪伴馬力，望下屆高升？

煲呔搵工靠你！（I will get the job done!）拍馬屁聲響足一世紀。
科水偏偏有我？（普選偏偏冇我？）廿萬送畀風水佬較飛。
送底褲！送絲襪！送胸圍！
變態社會上位演戲，不捨不棄，淫褻了不起，福佳始終有你！

覆邦傾家愛國條文，孽瘤納稅專政，和諧靠你付上生命。
明目張膽中指取勝，開會瞓着聽，金紫荊章照拎。
無能人士亂噏也力拚，是誰陪伴馬力，望下屆高升？

煲呔搵工靠你！（I will get the job done!）拍馬屁聲響足一世紀。
普選偏偏冇我？（普選偏偏冇我？）八百張飛選多一世紀。
玩謝你，送酒席，送主席。
傲慢冷嘲各種冤氣，不捨不棄，陪笑了不起。

福佳始終有你！（現在老闆是誰？）拍馬屁聲響足一世紀。（等廿世～YEAH！）
普選偏偏冇我？（我的票在哪裡？）八百張飛選多一世紀。
三謝禮，拜天地，葬天地。
傲慢冷嘲各種冤氣，不捨不棄，陪笑了不起，福佳始終有你！

烚下烚下的廢柴 通通搞笑詼諧，
知識認真好福佳 見老毛 Bye Bye~。
愛上掃把女孩，全情投入擦鞋。
齊來陪伴希師奶，架空你個煲呔。
次次拜山總需要亂吠，盲毛無敵創造吳三桂。
誰是漢奸？問上頭！亂叫亂跳要趕出手！
We are ready~ 哎到拆天！扮愛國鬥士~。
We have money~ 賣國最 In！齊收北京錢。
無窮大勢力，誣衊亂砌屈機作異端
（We are ready！）循序漸進？信佢都癡線～。
We are ready 福佳始終有你～ 
We have money 福佳始終有你～。
烚下烚下的等待，這刻仍未到來，
隨時隨地可更改，騙子也轉色彩。
拍拍屁股偷偷寄電郵，黃泉迷路送賣國走狗，
全力去爭取自由，最後勝利永久不朽。
We are ready！（Universal Suffrage~~）
盡興老屈，也爭取普選！

就快過身，也爭取普選！
無窮大勢力，誣衊亂砌屈機作異端！
循序漸進？信佢都癡線～
We have money！（殺一儆百）
就靠有錢，犯錯永冇事
偽人可恥（移花接木）！
就怕冇錢，陷法網太易！
強權大勢力，淫賤亂砌影相作孽端
（We have MONEY！）
人造合照？信佢都癡線！
（RAP：殺一儆百！恭喜恭喜！過唔過唔過唔到年呀！）
We are ready 普選偏偏冇我？ 
We are ready 普選幾時到我？ 
We are ready 普選始終有你！

自影像版本喺2007年5月27號上傳至YouTube後，到6月14號為止睇過嘅人超過47萬。跟住有好多媒體包括《蘋果日報》、香港電台節目《晨光第一線》、《頭條新聞》、《講東講西》、《e個世界》、《LTV Café》，重有香港有線電視嘅《香港刺針》都響節目裏面講呢首歌。六月四號喺商業二台時事節目《在晴朗的一天出發》、信報城市筆記《福佳三次方》、信報《互聯網力量不可擋》、明報副刊自由談有讀者投稿。都有關於呢隻歌嘅嘢。

歌曲上傳咗去Youtube之後一日，有網友喺中文維基百科為呢首歌開咗篇文，但有管理員質疑歌曲重要性唔夠而提出刪除，引起刪文嘅政治動機猜測，曾經引起爭議。《蘋果日報》報道過，重叫支持刪除嘅人做「保皇主義者」。而家因主題知名度足夠，留住篇文，事件平息。

而喺2007年6月29號，美國《華盛頓郵報》集團屬下嘅政論雜誌《Slate》，特別以大篇幅介紹呢首歌，藉此反映香港人對馬力嘅言論，以及對北京嘅不滿。

歌名入面嘅「福佳」，聽落好似「仆街」，所以有人當《福佳始終有你》做「仆街始終有你」。不過，作者林忌響佢自己個博客話，福佳只係「福」同「佳」咁解；又話「馬力」係功率單位馬力，而唔係香港立法會議員馬力。

另外，因為「佳」字字形似「娃」字，所以曾經有人以為首歌嘅歌名係同北京奧運吉祥物「福娃」有關嘅《福娃始終有你》。






#Article 52: 故仔 (139 words)


故仔（；英文：story / tale），粵文又寫做「古仔」，係指用某啲媒介、向一個或者一班對象表達、一連串有先後之分、彼此之間有關連嘅事件，而一個以某啲形式－例如一段文字或者一段影片－將故仔表達出嚟嘅物體就係所謂嘅敘事體（narrative；嚟自拉丁文「narrare」－拉丁文當中「講解」嘅意思）。故仔係真嘅又得、虛構嘅都得，真實故仔包括旅遊文學、回憶錄同自傳等嘅作品，而虛構故仔又有科幻、奇幻以及恐怖故仔等類型。

有多個人文領域都會研究故仔：敘事學（narratology）同文學理論（literary theory）等嘅領域有興趣理解故仔，會對故仔做出各種分析；喺現代敘事學上，一般會將要分析嘅故仔揼散做唔同嘅敘事元素－敘事元素包括咗角色、背景設定同情節等等，呢啲領域嘅學者會分析故仔作者點樣運用呢啲敘事元素，並且將敘事元素分門別類（詳情可以睇橋段）；而創意寫作（creative writing）領域嘅工作者就會運用呢啲知識，思考點樣作好睇嘅故仔同埋教人作好睇嘅故仔。

故仔係普世文化通則（cultural universal）。噉講意思即係話，無論語言文化，世上已知嘅人類族群幾乎冚唪唥都有作故仔嘅行為。人類會為咗娛樂或者傳達知識等嘅目的而作故仔，透過作唔同形式嘅故仔展示想像力以及傳承先人嘅智慧，所以故仔不嬲都係文化嘅一個重要組成部份；人類學同社會學等社科領域嘅學者喺嘗試了解一個人類族群嗰陣，好多時都會花心機研究嗰個族群嘅人之間流傳嘅故仔。

喺敘事學（narratology；研究故仔嘅一個人文社科領域）上，故仔係指一連串彼此之間有關連嘅事件；有唔少學者仲會主張進一步嘅分野，話「故仔」指嘅係啲事件本身，而「敘事體」係表達串事件嘅媒介－一串用嚟講故仔嘅文字同個故仔本身係兩樣嘢。

對於「故仔」嘅定義，有敘事學家噉樣講：

連串性（sequentiality）同事件之間嘅關連性（connectedness）一般俾敘事學界認為係故仔必要有嘅性質：想像一串文字，敘述咗一柞事件，柞事件彼此之間有關連、但完全唔知邊件先邊件後（缺乏連串性），讀者唔會能夠慢慢噉感受事態發展或者變化；而如果有一串文字，敘述一柞有明顯先後，但彼此之間完全冇因果關係、唔啦更嘅事件（缺乏關連性），讀者一樣會感受唔到事態發展或者變化－透過感知一柞事件嚟想像事態發展或者變化係故仔嘅核心特徵。

廿一世紀初嘅敘事學界有事件性（eventfulness，又可以譯做「重大性」）呢個概念。根據呢個諗法，一個吸引到人睇嘅故仔必需要有返咁上下重大，好似「我行去便利店，買咗個包，然後返屋企食個包落肚」呢啲濕碎嘅事件唔具有重大性，好難吸引到人去留意（難吸引讀者觀眾）。根據德國敘事學家（Wolf Schmid），一件有重大性嘅事件傾向具有以下五大特徵：

不過喺作故仔嘅過程當中，唔重大嘅事件都有用處，可以攞嚟做背景故仔（backstory）等嘅用途。舉個例說明，想像一個奇幻故仔：主角係一隻吸血鬼，佢生存咗成幾百年嘅時間，試過 10 次同人類結婚，次次都係打後佢伴侶因為人類壽命短過吸血鬼而死先；到咗故仔開始嗰陣，「同一個人結婚，再等個人死」呢件事對主角嚟講重複咗 10 次，所以佢對結婚經已冇嗮感覺（佢嘅背景故仔）；個故仔講述嘅係佢第 11 段婚姻，而呢段婚姻令佢好刻骨銘心（前 10 段婚姻可重複性，第 11 段婚姻不可重複）－噉就表示第 11 段婚姻好唔尋常、好有重大性，好值得攞嚟做故仔講。

故仔呢家嘢可以用好多唔同媒體講：

... 等等。

新嘅講故仔媒體往往能夠做到一啲舊媒體做唔到嘅效果，但又會為作故仔嘅人造成新嘅挑戰：口講同文學係最古老嗰兩種講故仔方法，而漫畫同電影等嘅媒體自從喺廿世紀崛起之後就一路都大受歡迎；口講同文學以外嘅講故仔媒體可以做到一啲齋用語言文字好難做到嘅效果，例如：

另一方面，口講同文學以外嘅講故仔媒體往往又需要更多唔同嘅技術：要作出好嘅漫畫，作者唔淨只要識得作故仔，仲要識畫畫同美術設計，能夠畫出似樣嘅圖像同設計出讀者會鍾意嘅角色外形，相比之下喺寫文學作品嗰陣，作者頂櫳都淨係需要用文字描述吓角色嘅外形，再等讀者自己想像就得；而製作影片就成日要用到電腦圖像同電腦動畫等複雜嘅技術，而寫文學作品喺技術上相對簡單－淨係需要作者識得寫字打字。

一個故仔正路會有齊呢啲敘事元素（narrative elements）：角色、背景設定、情節，而呢啲元素又會配合同一個主題。

一個角色（character）係故仔入面一個具有能力作出行動同決策嘅個體。一個角色可以係一個人類，又或者第啲有智能嘅非人類個體，「有智能非人類個體」嘅例子有常見於科幻故仔嘅有智慧機械人以及常見於奇幻故仔嘅高扁（goblin）同精靈（elf）等類人生物。角色可以按重要性分做主角（protagonist；成個故仔最重要嗰個角色，個故仔大部份時間都係由主角嘅觀點睇嘢嘅）、配角（supporting characters；有一定重要性，但冇主角咁重要嘅角色）、同埋對立角色（antagonist；同主角起衝突嘅角色，好多時但唔一定係一個奸角）等多個類別。

角色喺一個故仔入面扮演咗主導性嘅作用，因為佢哋嘅目的（goal）主宰咗好多嘢：

背景設定（setting）指個故仔發生嘅時間同地點。背景設定可以係真實嘅，但又可以係虛構嘅：有好多故仔都係設喺貼近現實嘅世界，但又有好多故仔設喺架空世界，而架空世界係某啲文類嘅重點，例如哈利波特係一個相當出名嘅奇幻故仔，背景設定係一個架空版本嘅廿世紀尾英國（基本上似廿世紀尾嘅英國，但就係一個有魔法嘅世界）。背景設定喺一個故仔當中扮演咗重要嘅作用：背景設定幫讀者觀眾理解個故仔所發生嘅時空嘅物理性質、自然環境、社會文化、個世界嘅歷史、以及有啲乜重要地點呀噉，間接為「每個角色可以採取乜行動」設立一啲界限，例：喺一個設定咗為冇魔法嘅故仔世界當中，作者唔可以講個主角用咒語解決困難。

喺敘事學上，世界創建（world building）指透過故仔描繪一個虛擬世界嘅過程，喺科幻同奇幻等將角色置身喺架空世界嘅文類裏面零舍重要。作故仔嘅人要思考個故仔嘅世界嘅物理法則係點（等個故仔雖然有魔法呢啲超自然元素，但依然有理可循）、自然環境係點（奇幻故仔嘅作者好多時仲會幫自己個架空世界畫地圖，例子有魔戒）、社會文化係點（例：同現實世界比起嚟，有冇乜唔尋常嘅傳統習俗或者價值觀）、歷史（例：「500 年前，高扁族同精靈族曾經打過一場大仗，雙方死傷慘重，從此兩族誓不兩立，到咗今日都仲係噉」）、以及有乜特色地點（例：霍格華茲魔法學校係一間歷史悠久嘅魔法學校，係哈利要去返學嘅地方）。喺做完世界創建之後，作者仲要諗計有技巧噉將呢啲資訊傳達俾讀者知（而唔係直接講），透過角色嘅言行同背景事物等向讀者透露個故仔世界發生過嘅事（例：哈利波特嘅多位配角一講到佛地魔就聞之色變，佢哋嘅恐懼情緒令讀者知道，佛地魔呢個角色同哈利波特世界一啲好得人驚嘅歷史有關）。

情節（plot）係指個故仔所包含嘅連串性事件，一件事件會引致下一件（so...），最後帶到去高潮（climax）同結局（ending），而每個情節係要有返咁上下重要嘅，段段都會對打後發生嘅事產生具體影響：喺一開始嗰陣，讀者觀眾理應要對角色同背景設定有基本理解（如果佢哋睇完第一個章節之後仲未有噉嘅理解，好多時表示作者作得唔好）；每一件事件都會涉及啲角色（喺背景設定嘅限制下）作出一啲決策同行動，一件事件會引致跟住嘅事件發生，而角色同背景都可以因為重大嘅事件而起變化；例：一場決定生死嘅戰鬥令主角身心受創，而佢所受嘅創傷會係佢角色發展嘅一部份，亦會影響佢打後嘅決策同行動；黑魔王佛地魔嘅復活令魔法世界嘅人提高警戒，而啲人提高警戒會影響霍格華茲魔法學校嘅佈置同氣氛（啲人緊張咗、保安多咗等等）。

一個故仔嘅情節可以好簡單，但又可以好複雜：喺最簡單嗰種情況下，一件事件會影響下一件，而每件事件只會受佢打前嗰件影響；但複雜啲嘅故仔會有更多錯綜複雜嘅情節關係，舉個簡單例子，可能主角喺第一件事件當中幫過一個路人（呢一段同時展示佢心底係一個好人），而喺幾件事件之後，佢又撞返嗰個路人，個路人因為感恩而幫返佢，而呢樣嘢對主角喺嗰件事件當中解決難關扮演重要作用－一件事件嘅影響喺幾件事件之後先出現。

喺敘事學上，主題（theme）係指喺一個故仔嘅唔同元素當中都存在嘅一啲諗頭。想像一個噉嘅科幻故仔：

呢個故仔嘅各個元素都令讀者觀眾諗起「人同機械之間條界線係乜？」、「一個個體要點先算係有心靈？」等嘅問題，而呢啲都係喺人工智能哲學同心靈哲學上廣受關注嘅問題－於是個故仔就有咗個主題。敘事學上一般認為，發人深省嘅主題能夠令一個故仔更加有趣。

敘述（narration；動詞：to narrate）係指用某啲符號－語言同文字等－向觀眾傳達一個故仔嘅舉動。一個故仔可以用多種唔同媒體－口講、文字、影片等等－敘述，唔同敘述媒體都會吸引到唔同嘅讀者羣，而且就算係同一種媒體，都有好多唔同手法表達同一段故仔，例：一個作家喺用文字寫低一段故仔嗰陣，佢要作出「用幾多篇章描述角色嘅表情」、「用乜字眼描述佢哋嘅表情」、「用幾多篇章描述個背景」、同「用乜字眼描述個背景」等等嘅決策，而呢啲決策可以影響讀者嘅反應（例：有學者認為，寫到令讀者能夠輕易喺腦入面想像件事件係出色作家嘅一個特徵）。所以喺文學創作等嘅領域上，敘述技巧係一個廣受關注嘅課題。

喺決定「要點敘述一個故仔」嗰陣，講故仔嘅人（尤其係用文字講故仔嘅人）要度嘅嘢有以下呢啲：

敘述觀點（narrative perspective）係指講故仔嗰個人相對於個故仔世界嘅位置。根據俄羅斯文學評論家（Boris Uspensky），敘述觀點可以按幾大準則分類：

多角度敘事（multiperspectivity）係指一個作品入面用多個唔同嘅敘述觀點嚟敘述個故仔：以廿世紀尾嘅西方文學為例，喺呢啲文學作品當中，小說多數都係由頭到尾用同一個觀點敘述嘅，即係由頭到尾都係由主角角度講故仔或者由頭到尾都由同一個角色嘅角度講，但又有好多小說係會喺中途改變敘述觀點嘅。多角度敘事小說嘅出名作品有《冰與火之歌》（A Song of Ice and Fire）：呢個系列嘅奇幻小說描繪一個好複雜嘅世界，個世界同現實世界一樣，有好多人喺入面，當中對故仔發展有返咁上下重要嘅角色有成幾廿個咁多，個小說系列嘅每個章節都以某個角色嘅名開頭，表示「以下呢個章節由呢個角色嘅角度敘述」；喺閱讀嘅過程當中，讀者能夠係噉轉換敘述觀點，睇到好多淨係得某個或者某班角色先至知嘅資訊，例：B 親眼目擊 C 同 J 呢兩個角色通姦，而呢件事深遠噉影響 C 同 J 及後嘅行動，但呢三個人以外嘅角色並唔完全知道發生緊乜事，最後多角度敘事令讀者對成個故仔嘅情節－好似係「點解呢個呢個角色會噉做」－有咗更深入嘅了解。

有陣時，多個由唔同角度敘述嘅故仔可以設喺一個更大嘅故仔入面，例如大故仔入面有個角色喺度講好幾個唔同嘅故仔。呢個做法最出名嘅作品係《天方夜談》（波斯文：هزار و یک شب ）；喺呢個故仔當中，機智嘅女主角嫁咗俾個殘忍、鍾意處死人嘅皇帝；但女主角晚晚講故仔俾個皇帝聽，而且晚晚都係喺瞓覺時間講到個故仔嘅高潮同結局之前，令個皇帝因為想繼續聽故仔而唔殺佢，最後佢講咗一千零一夜嘅故仔－一千零一夜嘅故仔個個主角都唔同，共同點係設咗喺同一個大故仔裏面。

故仔同敘事體可以按好多唔同準則分做多個文類（genre）。大眾文學（genre fiction）一般會按偏好嘅橋段分做科幻（science fiction；故仔內容有想像出嚟嘅先進科技）、奇幻（fantasy；故仔內容有魔法等超自然力量）以及恐怖（horror；故仔重視令讀者覺得驚）等嘅體裁；呢啲體裁有得進一步分子文類（subgenre），例如科幻就有得細分做軟科幻同硬科幻兩種－前者指故仔入面先進科技完全係老作嘅，而後者指故仔啲先進科技真係有現實基礎、科學上準確嘅；而且一個故仔仲可以同時屬多過一個文類－例如一個故仔可能講科學家用先進嘅遺傳工程技術整恐怖異形，噉呢個故仔會同屬科幻同恐怖兩個文類。

每個文類喺「能夠引起邊啲人共鳴」上都有差異。所以靠作同賣故仔嚟搵食嘅人－作家、編劇、同出版商等－喺整好一個故仔之後，會講明個故仔屬於邊個（或者邊幾個）文類，而呢樣嘢會影響（例如）一本小說喺書店擺邊個書架或者喺網講網站擺邊個類別呀噉，方便讀者按文類搵自己比較有可能會鍾意嘅作品。故仔可以先分成虛構故仔同非虛構故仔，然後再分成各種文類。

科幻（science fiction，簡稱 SF）係最重要嘅虛構故仔文類之一。廿一世紀初敘事學學界對科幻嘅定義未有一致共識，不過一般嚟講，科幻故仔背景設定會設於未來嘅世界，會有一啲（由作品出嘅年代嘅角度睇）極先進嘅科技；喺主題上，好多時都會集中於一啲當代有關科學同科技嘅哲學問題；常用嘅橋段包括咗似人嘅人工智能（呢啲 AI 可以係對人類友善，但又有可能想對人類不利）以及機械人等等。

對於科幻呢個文類係點定位，廿世紀美國科幻大師阿西莫夫（Isaac Asimov）就噉講：

而人稱「科幻先生」（Mr. SF）嘅美國科幻作家羅拔海萊因（Robert A. Heinlein）就噉講：

科幻有得細分做多個子文類。其中一個常見分法係按真實度分做軟科幻（soft SF）同硬科幻（hard SF）兩種：

奇幻（fantasy）係另一個重要嘅虛構故仔文類，成日俾人攞嚟同科幻對比。喺背景上，奇幻故仔設喺虛構嘅世界，會有一啲現實世界冇嘅超自然力量或者同現實世界唔同嘅物理法則（例如係魔法嘅存在）；喺角色上，奇幻故仔往往會涉及一啲神話傳說當中嘅生物，包括高扁、精靈、以及西洋龍等，甚至乎係作者自己想像出嚟嘅生物。奇幻故仔零舍睇重世界創建－喺作奇幻故仔嗰陣，作者往往會好俾心機建構佢哋心目中嘅魔幻世界，例如《魔戒》嘅作者就認真到為自己諗出嚟嘅魔幻世界整咗地圖，描述佢個世界係點嘅（而且佢唔係唯一一個噉做嘅奇幻作家），仲要度埋呢個魔幻世界嘅物理法則同現實世界有乜分別，以及呢個世界嘅魔法點用（要令讀者覺得個故仔有理可循）等嘅問題。

奇幻係一個充滿幻想嘅文類，而美國奇幻大師佐治·R·R·馬田（George R. R. Martin）就噉樣描述奇幻文學：

奇幻文學係一個大類，底下仲有好多子文類。其中一個將奇幻分類嘅做法係按「個虛構世界有幾虛構」分做古典奇幻（high fantasy）同當代奇幻（contemporary fantasy）等嘅類別：

恐怖（horror）係一個以恐懼做中心嘅文類。恐怖故仔喺背景設定、角色、同情節好多變，但重點都係在於要將主角置身喺令人覺得恐怖嘅處境當中，目的係令讀者有驚嘅感覺。恐怖文學源於宗教同民間故事：古代嘅宗教成日會用恐怖嘅景象嚟形容做壞事嘅人嘅下場，例子有天主教對罪人落咗地獄之後所受嘅折磨繪聲繪影嘅描述；而民間故事就往往源於人對佢哋唔了解嘅自然現象嘅恐懼。恐怖故仔通常做法係利用人嘅各種原始恐懼－即係死亡、黑暗、同未知等人本能上會驚嘅事物－迫故仔主角面對呢啲嘢，而且好多時透過展示主角點克服呢啲恐怖嘅事物，等讀者有所共鳴同領悟。

恐怖故仔可以按多個準則分做子文類：

犯罪（crime）係指以犯罪同法律為重心主題嘅故仔。犯罪故仔背景設定可變（不過主流係設喺當代社會），主角偏向會係警察或者偵探等嘅人物（即係會以「解決一單罪案」為目的嘅人），情節會涉及某啲有返咁上下嚴重嘅罪案（例：謀殺）。有學者認為，人對犯罪故仔嘅興趣源於佢哋對反社會嘅人嘅又恨又好奇－好奇，所以先會想透過睇同呢啲人有關嘅故仔，知多啲有關佢哋嘅嘢。

犯罪故仔係一個比較公式化嘅文類：喺一個典型嘅犯罪故仔入面，作者首先會以一啲濕碎嘅嘢開頭，例如係主角返工嘅一日，靠呢啲濕碎嘢發生嗰陣啲角色之間嘅對話、流露嘅情緒、同行為，俾讀者對呢班角色同背景設定有基本嘅了解；然後做個故仔重心嗰單罪案就會發生，而主角同其他重要嘅角色會涉及喺單案嘅調查當中，而喺調查期間往往會有角色發展－例如喺調查一輪之後，啲線索引領主角去到一個佢朋友唔願意去嘅地點，呢個地點提供咗新線索，同時主角個朋友終於講出佢點解唔願意去呢個地方，而呢場對話揭示嗰個角色一啲不堪嘅過去；最後結局通常係破案，拉到個犯人，不過都有好多犯罪故仔講最後犯人都係走甩嘅。

犯罪故仔有以下呢啲子文類：

愛情（romance）係另一個有影響力嘅虛構故仔文類。定義係故仔內容集中於講兩個人之間嘅浪漫關係；角色設定上，故仔實會有兩個主角，通常（但唔一定）係一男一女；背景設定視乎子文類而定－當代愛情故仔設喺作者身處嘅世界，奇幻愛情講嘅故仔係設喺奇幻世界入面嘅浪漫關係，而科幻愛情講嘅故仔就設喺未來世界嘅浪漫關係，主題好多時涉及科技點影響人嘅浪漫關係... 等等；情節上，愛情故仔通常集中於兩個主角點樣克服佢哋喺段關係當中遇上嘅難關（例如係父母反對），最後有情人終成眷屬。

非虛構故仔（nonfiction；指故仔內容係真實發生嘅事）都可以分多個文類，例如：

... 等等。

故仔係人類意識嘅重要一環：無論喺世界乜嘢地方，人都有「用故仔象徵自己身份」嘅行為－佢哋會以故仔嘅形式，記住自己經歷過嘅嘢，並且將呢啲故仔當做自己身份認同嘅一個部份；而自古以嚟，故仔一路都係文化一個不可或缺嘅組成部份，俾人用嚟表達佢哋自己嘅經歷或者想像力－講故係最早期嘅娛樂之一，各種嘅文化產品都有故仔喺入面（文學好多時都係講故仔、多種嘅舞台藝術都係用音樂舞蹈講故仔、電視劇同戲又係講故仔... 等等），而呢啲文化產物對社會嘅運作以及文化進化（cultural evolution；指社會同文化隨時間好似生物進化噉演變）有深遠嘅影響。所以了解人建構、欣賞、同傳播故仔嗰時跟嘅規律－呢啲嘢正係敘事學嘅研究重點－對多種人文同社會科學領域嚟講都有價值。

喺數學性嘅社會學（sociology）上，故仔可以定義為具有以下組成部份嘅事物：

如果將上述嘅嘢畫做一幅圖，每個可能狀態（ 嘅每個元素）做一個節點（node），節點之間有箭咀，每個由  去  嘅箭咀  代表「 呢個行動會令個世界由  變成 」－最後會得出幅樹狀圖。英國社會學家（Peter Abell）指出，一個故仔可以想像成頭先提到嘅樹狀圖上嘅其中一串因果連繫（casual link）－「 喺  令個世界進入  狀態，引致 」，「 喺  令個世界進入  狀態，引致 」... 等等，而「A 引致 B」大致上可以想像成「如果 A 冇發生，B 唔會發生」。呢種用數學方法將故仔概念化嘅做法有相當嘅應用價值，例如係用嚟教人工智能理解甚至乎作故仔。

講故仔似乎係人嘅天性：世界各地嘅人，不論文化同語言，都有講故仔嘅習俗；好多地區嘅人都會用講故仔嚟紀錄佢哋嘅共同體驗以及價值觀，所以一個族群嘅人之間相傳嘅故仔－包括口傳故仔同用文字寫低嘅故仔－好幫到手理解呢個族群，係人類學（anthropology）研究嘅重要材料；美洲土著就係出名嘅例子，呢啲土著好興用講故仔嘅方式將祖先嘅事蹟（帶有個部族嘅歷史）話俾啲細路聽，而且仲好興用故仔教授一啲人生道理（所以反映到個部族嘅價值觀），喺啲細路大個咗之後，佢哋聽過阿爸阿媽講嘅故仔往往會成為佢哋文化身份認同嘅重要一部份，而且呢種身份認同嘅形成過程喺比較都市化嘅地區嘅人當中都見得到。

故仔能夠靠角色嘅行動同遭遇傳授價值觀。一個故仔實會涉及角色作出行動，佢哋嘅行動會引致某啲結果，而結果嘅好壞能夠用嚟教人生道理。好似係以下呢個嚟自一個美洲土著部族嘅故仔噉：喺個故仔入面，有個老女人唔肯接受佢個仔經已結婚同自立，成日走去煩佢個仔同新抱；有日，隔離部族嘅人入侵，個老女人聽到有人尖叫，以為係佢新抱喺度叫，於是走去大聲嗌佢個仔，諗住管佢個仔同新抱做緊嘅嘢（行動），結果佢嘅大嗌令入侵者知道佢嘅存在，最後搞到佢俾入侵者殺死（行動引致嘅結果）－呢個故仔俾個部族攞嚟教啲父母，喺仔女結咗婚自立咗之後就唔應該再成日管住佢哋（個部族價值觀嘅一部份）。用類似噉嘅故仔教細路道理嘅做法由阿拉斯加到墨西哥嘅土著傳統當中都見得到，而喺會用文字嘅族群入面仲可以見到寓言（fable）以一種文學體裁嘅型式出現。

有人認為，用故仔教道理嘅做法之所以廣受採用，係因為用故仔有吸引力過齋講道理：道理好多時都係抽象嘅，而故仔可以攞嚟做抽象道理嘅具體例子，例：「唔好講大話」係一個抽象嘅道理，而《狼嚟喇》呢個故仔提供咗一個具體嘅例子，展示點解講大話唔好－講大話會搞到自己失去信譽，一旦自己真係需要幫手嗰陣，失咗信譽可以造成好慘嘅下場；除此，故仔有娛樂性，方便吸引細路坐定定聽大人講嘢。

寫作過程（writing process）係指一個作者寫出一個文學作品嘅過程，包括咗寫故仔。對於寫作過程應該點做，唔同學者有唔同睇法，而且唔同人會偏好唔同嘅做法。不過西方文壇主流認為，寫作過程可以分做三大部份：




#Article 53: 謬論 (113 words)


謬論（；英文：fallacy；希臘文：λογική πλάνη，「logikí pláni」），粵文入面又有嗌謬誤或者誤謬，正式嚟講係指一啲用咗錯誤嘅邏輯嚟做推理嘅論證（argument）－簡單啲講就係指一啲有問題嘅說服手法。舉個例說明，白馬非馬係一個喺漢字文化圈好出名嘅謬論。呢個謬論簡單啲講係噉嘅：因為白馬有「白色」呢一樣馬冇嘅特徵，所以白馬唔係馬。呢一個論證查實係一個謬論，分析如下：喺包括文言文同粵文在內嘅多種語文入面，「A 係 B」呢句嘢有至少兩個可能意思－佢可以係指「A 同 B 係同一樣嘢」，又或者係指「A 係 B 嘅一種」；白馬同馬的確唔係同一樣嘢，但白馬係馬嘅一種，即係話「白馬係馬」呢句嘢喺第一個意思上唔合理，但喺第二個意思上係合理嘅。喺白馬非馬呢個所謂嘅論證當中，論證嗰個人撈亂咗「白馬係馬」呢句嘢嘅兩個可能意思，所以就出咗個謬論。

謬論好常見，喺大眾媒體等嘅地方都成日會出現，而且手法層出不窮：謬論有時係一聽就知唔合理嘅，但有人會用某啲技巧將謬論打扮成就噉聽落好似合理嘅論證－目的通常係要呃同老點人；有陣時，啲人又會犯錯，唔覺意用咗個謬論嚟諗住撐自己嘅觀點；而無論動機為何，有好多人都會將一啲諗深一層就知係謬論嘅諗法好信誓旦旦噉講出嚟，講到呢啲謬論好似係不證自明嘅噉。

分析謬論對批判思考（critical thinking）嚟講好重要：分辨謬論唔係一件易事，有陣時有啲謬論就噉聽落好有說服力－有學者就講過，話「謬論通常都有住一個表面上睇好似合理嘅樣」；再加上好多時一個論證會有好多個組成部份，當中某啲合理某啲係謬論。哲學當中有一套對謬論嘅詳細分析－即係分析「邊啲謬論係常見嘅」同「呢啲謬論點解唔合理」等等嘅問題，哲學會將謬論分成形式謬論同非形式謬論等多個種類。而學識分辨邊啲論證係謬論會幫到一個人睇穿其他人用嘅謬論同諗一啲真正合理嘅論證出嚟，幫助一個人思考。

「謬論」喺日常用語嘅意思同嚴格學術分析上嘅定義有些少唔同：喺日常用語當中，「謬論」可以指泛指任何唔真確嘅諗法；不過喺嚴格嘅哲學同邏輯學分析上，謬論係論證嘅一種－一個用嚟嘗試說服人去信某啲諗法嘅論證（argument）包括咗一個特定系列嘅命題，呢柞命題當中有一部份係前件（premise），啲前件之間會有啲邏輯關係，導致到成個論證得出一個結論（conclusion），而個結論往往就係提出個論證嗰個人想說服人信嘅嘢，例如係以下呢幾句嘢噉，就係一個論證：

一個論證未必係真確同合理嘅－喺哲學上，謬論正正就係指一啲荒謬嘅論證。

粵文「謬論」呢個字可以算得上係英文「fallacy」嘅對應：「謬」呢個漢字係一個象形字，當中「翏」係「寥」嘅省略，意為「空泛」，而「謬」字屬言部，所以「謬」係「空泛嘅言論」噉解；英文字「fallacy」嚟自拉丁文嘅「fallacia」，即係拉丁文入面「大話」或者「騙局」噉解；喺 16 世紀，「fallacy」一詞正式俾西方哲學家攞嚟指「邏輯上唔合理嘅言論」－同粵文「謬論」意思非常相似。

哲學同邏輯學等嘅領域有詳細噉研究同分析謬論：人類史上第一個有系統噉分析謬論嘅人係古希臘哲學家阿里士多德（Aristotle；希臘文：Ἀριστοτέλης）；阿里士多德嘅定言三段論（syllogism）為論證結構定立咗個基礎－佢指出有好多常用嘅思考方法都係諗深一層就知有問題嘅，佢將佢所觀察到嘅謬論列嗮出嚟；跟住佢仲分析呢啲謬論點解有問題，並且將嗰時觀察到嘅謬論分做「語言謬論」同「非語言謬論」兩大類－前者指一啲因為用字遣詞相關嘅問題而起嘅謬論，例如係用字不當或者一字多意等嘅問題，而後者指同講嘅內容相關嘅謬論，就算換返啲字眼都仲會係錯。阿里士多德嘅分析係邏輯學（logic）嘅根基，而打後嘅哲學家仲有繼續將呢套思想發展上去。喺廿一世紀，哲學同邏輯學界最常見嘅做法係將謬論分做兩大類－形式謬論同非形式謬論。

形式謬論（formal fallacy；拉丁文：non sequitur，即係拉丁文入面「都跟唔到」噉解）指一啲結構上有問題嘅謬論。呢啲謬論有一啲唔合理嘅推理（deduction），搞到佢哋啲結論唔可以合理噉由前件嗰度推導出嚟－呢句嘢用邏輯學嘅行話講嘅話，就係呢啲論證衰喺唔具有邏輯效度（logical validity）。一個形式謬論實係有問題嘅，個謬論可以有真確嘅前件同埋結論，但問題係佢個結論唔可以合理噉樣由啲前件嗰度推出嚟，就算有一次半次俾個謬論咁啱撞彩撞到個真確嘅結論，個謬論都仲係包含咗一個唔合理嘅推理，所以下次用個謬論諗嘢嗰陣會得出唔真確結論嘅機會會好大。因為噉，一般認為，俾一個形式謬論做自己思考方式嘅一部份係會好容易得出唔真確嘅結論嘅。

有效嘅論證（valid argument）係形式謬論嘅相反：形式謬論衰喺佢啲結論唔能夠合理噉由前件嗰度推理出嚟。喺哲學同邏輯學上，「有效嘅論證」指緊某一類嘅論證，佢哋嘅結論係可以合理噉樣由啲前件命題嗰度推理出嚟嘅，所以如果佢啲前件命題係合理嘅話，噉佢個結論都實會合理（但如果啲前件唔真確，噉結論就未必真確）。用行話講嘅話就係，如果一個論證有效嘅話，噉佢啲前件嘅真確性會保證到結論嘅真確性。

否定前項（denying the antecedent）係一種常見嘅形式謬論，指個論證靠否定一個前件嚟否定個前項嚟「證明」個後項。一個否定前項嘅謬論結構係以下噉樣嘅：

舉個例說明：

否定前項呢個謬論可以用集合論（set theory）嘅角度嚟思考。想像家陣有三個集（set），、 同 ，當中  係  嘅子集（subset；簡單講即係屬  嘅嘢冚唪唥都屬 ），而  係  嘅子集（睇下圖）。如果有嚿嘢屬 ，噉嚿嘢實會屬 ，但就算一嚿嘢唔屬 ，嚿嘢依然有可能會屬  。

肯定後項（affirming the consequent）係另一種出名嘅形式謬論，意思係指一啲透過肯定結果嚟到「肯定」個前件嘅論證，可以話係否定前項嘅相對。結構如下：

又用返集合論例子，如果有嚿嘢屬 ，噉嚿嘢實會屬 ，但就算一嚿嘢屬 ，都唔表示嚿嘢屬  。舉多幾個例子說明點解肯定後項呢種論證唔合理：

順帶一提，喺邏輯學上，「如果  成立，噉  都會成立」（If  is true, then  is true；符號：）呢啲句子就係所謂嘅直陳條件（indicative conditional），如果「上述呢句句子成立」而且「 成立」，噉  都會成立；喺肯定後項謬論當中，講謬論嗰個人講「 成立，所以  成立」－問題係，

係兩句唔一樣嘅句子。

非形式謬論（informal fallacy）同形式謬論唔同，指一啲衰喺前件嘅內容有問題嘅謬論。非形式謬論可能係有效嘅，但就算一個論證有效，都只不過係表示「如果啲前件真確，噉個結論都會係真確」－即係話一個前件唔真確嘅有效論證係可以俾出唔真確嘅結論嘅。例如係頭先提到嘅直陳條件噉，假設家陣

噉嘅話  都實會成立，但問題係，假如提出論證嘅人因為手上資訊不足等嘅原因，搞到佢錯誤噉以為  成立（ 實際上唔成立），噉呢個論證最後都會成為一個謬論，而且係一個非形式謬論。

論證 2 係一個有問題嘅論證。雖然佢個結論係真確，但佢成個論證依然有問題：論證 2 個結構同論證 1 嘅一個版，所以佢錯唔係錯喺個論證嘅結構，而係喺佢前件嘅內容嗰度－神犬拉西係一隻狗，唔係一個人。一個論證有一柞命題，啲命題有內容，而命題同命題之間以及命題同結論之間會有住因果等嘅邏輯關係，論證 2 啲命題同結論之間嘅關係冇問題，但佢嗰句前件嘅內容有問題。

直陳條件嘅結構係合理嘅－直陳條件嘅做法係有效嘅論證，而且亦都係一種喺數學同電腦科學等嘅領域嗰度都會用到嘅一種論證，但由啲例子嗰度經已睇得出，就算一個論證係有效嘅都好，如果啲前件有問題，噉個結論都可能會出事。因為噉，一個完全合理嘅論證一定要有齊兩樣嘢：個論證要有效，而且啲前件要真確。有咗一個有效而且啲前件真確嘅論證，就會達到一個本身真確又可以合理噉由前件推出嚟嘅結論。

非形式謬論可以用「錯嘅方法」嚟分類：

一字多意（equivocation）就係一種非形式謬論。好似係白馬非馬嘅個案噉，一個人嘗試說服人相信「白馬非馬」（文言文：「白馬唔係馬」）呢一個荒謬嘅結論。佢用咗一連串似是疑非嘅論證，好古惑噉利用咗「非」呢個字嘅歧義（ambiguity），因為「非」一字－同埋個字喺上古漢語以及文言文等語文嘅對應－可以有最少兩個唔同嘅含意，解做「唔等同」又得，解做「唔屬於」又得，所以「白馬非馬」呢句嘢有兩個可能嘅定義：

第一句嘢係真確嘅，因為「馬」仲包含咗「黑馬」同「灰馬」等多種嘅馬，所以「白馬」同「馬」唔係同一樣嘢，但「白馬」係「馬」嘅一種，所以第二句嘢係唔真確嘅。講嘢嘅人利用咗關鍵詞彚嘅歧義嚟詏「白馬唔係馬」，犯咗一字多意嘅謬論。佢個詏法流程如下：

呢個係一個非形式謬論，佢個結構如下：

呢個論證嘅結構好合理，問題在於公孫龍跟手將「白馬同馬唔相等」呢個合理同真確嘅結論攞嚟詏「白馬唔屬於馬」。

唔啦更謬論（fallacies of relevance；拉丁文：ignoratio elenchi，「唔理一個反駁」噉解）係一種非形式謬論，指講緊謬論嗰個人個論證未必係唔合理或者唔真確，但實際上根本冇處理到講嗰個人處理緊嘅問題，諗深一層就知道同講緊嘅嘢冇啦更（relevance）。啲人之所以會犯唔啦更謬論有好多原因，有啲人可能係唔覺意，但又有啲人係因為唔夠人詏所以專登用呢類手法詐詐諦引開注意力。唔啦更謬論有好多種：

人身攻擊謬論（拉丁文：ad hominem）就係一種俾人指喺政治場合成日都見到嘅唔啦更謬論，指啲人－通常因為撞到對手講咗一個自己搞唔掂嘅論證－而忽視對方個論證，改為攻擊對手，質疑對方嘅人格、動機、態度、地位、階級或者處境，好似係以下呢場對話入面嘅 B 君噉：

喺呢場對話入面，B 君避開唔直接噉應對 A 君個論證，而改為攻擊佢嘅個人動機，但哲學界一般認為，一個描述緊客觀事實嘅論證合唔合理係唔應該受制於講嗰個人嘅身份嘅，而正如 A 君所講嘅噉，無論呢啲理據由一個天主教徒、佛教徒定係任何人開口講出嚟，都仲會係理據。B 君用人身攻擊嘅原因有好多，可能佢覺得佢冇能力正面噉回應 A 君個論證，又或者佢真係以為人身攻擊可以幫到佢否定 A 君啲證據。

草人謬論（straw man fallacy）係一種好出名嘅唔啦更謬論，指講緊謬論嗰個人將對手提倡嘅立場講成第個易駁啲－但實際上根本唔啦更－嘅立場，然後再辯駁呢個易駁嘅立場，駁完之後仲要扮到好似成功噉駁斥咗對手真係主張緊嗰個立場噉。由頭到尾，講緊謬論嗰個人查實都係喺度攻擊緊一個佢對手冇主張過嘅立場。好似係以下呢個例子噉樣：

使用草人謬論嘅手法步驟如下：

以下係哲學同邏輯學上比較常分析嘅謬論類型：

...等等。

...等等。




#Article 54: Grub (261 words)


Grub係套開源嘅distributed search網絡爬蟲平臺。2007年7月27號，珍寶威爾士宣布，發展緊開源搜索器Wikia Search嘅牟利嘅Wikia公司 由LookSmart買咗Grub。




#Article 55: 密碼強度 (1297 words)


密碼強度量度一個密碼有幾難畀未有受權嘅人或電腦估到。 

據啲密碼幾難估，將佢哋分做「弱」、「破得」同埋「強」。所謂「強弱」呢個字係相對嘅，只係響某特定密碼系統之內至有意義。 一串密碼嘅質素有賴成套密碼系統點限制任何人估中個密碼，無論係個用户嘅朋友定係部電腦亂撞嗮百萬計嘅可能性。響密碼學入面，呢幾個字都有咁上下準確意思。但係，就算一串「強」密碼都可能被人偷、呃、逼供出來、用鍵盤收集、傳送途中截聽、或用其它方法發現。

廢密碼係話個密碼好短，好簡單，好易畀暴力破解到。例如出世日期、電話冧（包括手機）、證件冧、自己人名（唔理係邊隻國家文）、或用戶名、重有基於呢類詞彙基礎上嘅幾個組合、寵物名，都係可以通過其他渠道搵到。重有係連續嘅數字或重複、帶順序嘅英文字，睇落去好似好難被破解但好易俾黑客估到嘅組合。

以下呢啲常用詞彙版嘅密碼都唔好用，因為呢啲都係主流密碼，太簡單，若果黑客用工具去破解，一秒內就搞掂。

以上呢啲密碼大多數都俾全球最權威嘅密碼研究部門研究過兼入咗全球最危險嘅密碼排行榜。

雖然其他人唔知自己啲個人信息係乜，但喺撞庫攻擊入面，最先會用個人信息嚟做密碼。尤其係出世日期或生日最先用到。雖然個人信息比較好記，但特別易破解，因為黑客可以通過其它渠道嚟獲得其他人嘅個人信息。

亦有啲人好鍾意用手機冧、郵箱、電話冧、身份證冧、QQ、msn、facebook、twitter、微博等社交網絡戶口等個人信息有明顯聯繫啲嘢做密碼，不過家下好多人都係人手一臺智能電話，一旦俾其他人知個戶口係乜就好易估到密碼出嚟。

攞戶口嚟做密碼相當於老虎頭上捉蝨乸。因為黑客可以用隨機估嘅方法入面，都有戶口份。咪以為最崖广嘅地方係最安全。

遇到以下呢啲密碼要小心喇：

呢啲密碼雖然睇落去好似好難估，但好易俾黑客估到出嚟。因為佢哋隻隻都係鍵盤隔籬個掣。

喺密碼分析學同電腦安全入面，有嘅講法。因為嗰啲單詞都係冇任何標點符號或阿拉伯數字，若果耖下當地話嘅辭典就好快搵到個詞嚟做密碼。

堅嘅密碼係話個密碼好長，好複雜，好難暴力破解到兼難估到出嚟。例如大小寫拉丁字同阿拉伯數字、標點符號及空格組合。呢啲噉嘅密碼即使係黑客同網絡攻擊啲友。都要用長達幾個禮拜到幾年，甚至幾代或好多個世紀時間先至破解到出嚟。

例如以下噉嘅密碼都屬安全密碼：

堅嘅密碼可以有好多種組合。一般嚟講，組合得越多，破解難度就越大，破解時長就越長。

例如設一個基礎密碼，後面加堆規則嚟疊加，組成唔同嘅強密碼。呢啲密碼多數都圍繞有大寫同小寫嘅拉丁字、阿拉伯數字同符號。例如「michael」呢個係基礎嘅廢密碼，後邊加多個「0704-US」字符，組合成「michael0704-US」，呢個規則相當於「7月4號＋減號＋美國」嘅縮寫。

例如設一個基礎密碼，後面加至少2個事物嘅前綴組合嚟唔同嘅強密碼。呢啲密碼多數都圍繞有單詞同數字排列同其它名嘅前綴組合。例如Princess同12345同Google嘅三個單詞組合，可以組合成Prin12345gle、Prin12345G、Prin12345Goo、Goo12345ceSS噉嘅組合。

例如設一個基礎密碼，跟住喺鍵盤入面輸入個特殊符號。因為特殊符號可以將廢密碼一下變勁好多。例如123qaz係個廢密碼，但係寫成「」噉就變勁咗好多。一般嚟講，黑客工具好多時為咗提高效率而唔會裝入特殊符號，即使裝入，最多凈裝例如「!」或「@」之類。

例如設一個基礎密碼，入面包括至少一樣非本人嘅事物。例如座右銘、屋企寵物名、幼稚園名、舊情人等等……因為非本人嘅事物，黑客即使攞到個人資料啲嘢都未必破解到。

用條簡單嘅英文句子做密碼都係個辦法，例如「I'm Tom.」。因為噉嘅句子，即使黑客攞去破解，都要好長時間先至破解到。

用首歌嘅歌詞或其它内容名嘅頭字母兼随机大小寫夾帶符號做密碼。例如「星期一到星期七」，可以寫成「SK1douSK7」。

用條簡單嘅帶字母嘅數理化公式亦係個辦法，例如「a+1





#Article 58: Faddeev-Popov 鬼 (344 words)


物理中，Faddeev-Popov 鬼 ()係量子化規範場論時因自洽需要而附加嘅場。

Faddeev-Popov ghosts嘅需要，源自響用路徑積分定義()量子場論時，啲路徑積分唔應重覆咁數有規範變換() lung 住嘅場型(? )，因為渠地對應住同一物理態。所以路徑積分嘅測度加咗一個因子，令到我哋唔可以用以前嘅做法（好似用費曼圖）來直接由作用去攞一啲結果。但通常嘅做法亦有可能，喺改過條作用之後，行得通。 所以我地成日要加多幾個場先，呢啲場就叫＂鬼場＂喇. 呢個過程就叫Faddeev-Popov 方法 （睇埋BRST 量子化）。啲鬼場係種計算工具，唔代表真正外界既粒子：佢地＂只係＂可以喺費曼圖中出現，作為虛粒子(virtual particles).




#Article 59: 禿鷲 (163 words)


禿鷲又叫禿鷹，係一種以食腐肉為生嘅大型鷲。除咗南極洲同海島之外，其他亞種差唔多分布全球每個地方。

最顯著嘅特徵係佢由頭至頸個位置係無羽毛既。因為佢哋食腐屍時，屍體嘅血會黐住禿鷲頭頸上嘅羽毛，而呢啲位置係唔能夠清潔到。

喺英國文學嚟講，一群禿鷲被稱為venue，而一群禿鷲響天上盤旋滑翔時，就叫做kettle。德文字Geier喺鳥類學嚟講並無確實嘅解釋，但有時響英文詩上用作「禿鷲」。

禿鷲可被分為兩大類：舊大陸禿鷲同新大陸禿鷲。兩者喺進化上有好多相似嘅地方。

舊大陸禿鷲主要分佈響非洲、亞洲同歐洲，屬於鷹隼目。其他鷹科成員包括黑鳶、鵟、鵰、蒼鷹等。佢哋主要靠視力去搵屍體。

新大陸禿鷲主要響美洲暖嘅平原上搵食。佢哋同鷹隼目嘅關係唔近，反而接近鸛形目（即鸛類）。有幾種嘅嗅覺異常靈敏，有別其他鷹。

禿鷲有時會襲擊健康嘅動物，但主要係又病又受傷嗰啲。爭食時非常快，好似戰場咁樣。佢哋個胃含有濃酸，可以消化屍體內嘅細菌，令禿鷲本身唔容易染病。

近十年嚟，印度同巴基斯坦嘅禿鷲種群減少咗九成有多，喺南亞地區亦有兩至三種禿鷲瀕臨絕種。可能係同diclofenac有關，係一種非類固醇消炎藥（Non-steroidal anti-inflammatory drug，NSAID）有消炎止痛功效。呢隻藥本來係用嚟醫牲畜，但當牲畜死咗，屍體內留有大量嘅藥份，由於農夫大多會將屍體亂棄置響荒野。禿鷲食屍體會直接吸收diclofenac，導致腎衰竭，甚至死亡。

禿鷲數量減少為印度帶來衛生問題。因為老鼠同野狗代替禿鷲處理屍體，而佢哋會帶來傳染病。而青藏高原上，有一種叫做天葬（Sky burial）既儀式，就係將死咗嘅人搬去Towers of Silence，畀禿鷲食。

Meloxicam係另一種NSAID後期被證實對禿鷲無害。雖然政府已棄用diclofenac，但嗰隻藥仍然響市面上買賣，仍然係世界上一大問題。


#Article 63: 吉百齡 (108 words)


吉百齡（Joseph Rudyard Kipling，）係英國作家同詩人。吉百齡響印度出世，佢因為佢嘅作出名，好似The Jungle Book (1894年)、The Second Jungle Book (1895年)、 Just So Stories (1902年)、 Puck of Pook's Hill (1906年)，重有小說Kim(1901年)，詩Mandalay(1890年)、Gunga Din (1890年)同 If— (1910年)；重有好多短篇，The Man Who Would Be King(1888年)，同書集Life's Handicap (1891年), The Day's Work (1898年), and Plain Tales from the Hills (1888年)。

吉百齡被譽為短篇小說藝術創新之人。而佢寫畀細路睇嘅書更加係經典；佢至正嘅對白寫得多變，旁白寫得透澈。

吉百齡係英國19、20世紀其中一個，好受歡迎嘅散文作家。佢嘅才華影響過唔少作家。1907年，佢重得到諾貝爾文學獎，而且佢重係第一個英文作家攞獎，同埋最後生嘅得主。響芸芸榮譽中，佢質疑亦都拒絕咗英國御用詩人同封爵。

之不過，吉百齡畀George Orwell等人視為大英帝國嘅先知好多人都批評過佢嘅作品有偏見同偏軍國主義。咁就成個20世界都係講佢呢點有爭論。評論人Douglas Kerry講過，He is still an author who can inspire passionate disagreement and his place in literary and cultural history is far from settled. But as the age of the European empires recedes, he is recognized as an incomparable, if controversial, interpreter of how empire was experienced. That, and an increasing recognition of his extraordinary narrative gifts, make him a force to be reckoned with.



#Article 66: Hanlon把剃刀 (111 words)


Hanlon把剃刀(Hanlon's razor)係句格言，話：

換句話講：

據 Joseph Bigler 話 ，呢句嘢原先來自一條叫 Robert J. Hanlon 嘅友，佢提交呢句嘢畀一本1980年出版嘅收集關於 梅菲定律 嘅笑話嘅書：「摩菲律第二集，點解啲嘢會出錯嘅更多理由」。

類似嘅嘢講出現喺 Robert A. Heinlein 響1941年嘅短篇 《Logic of Empire》：(「你將蠢嘅結果歸究咗到邪惡度」)；呢樣已經喺1996年見到（係 Bigler 指出 Robert J. Hanlon citation 之前五年），而第一次被引用喺 4.0.0 版嘅 Jargon File ， 重推測， Hanlon's Razor 可能係 Heinlein's Razor 嘅變樣。此後，「Heinlein 把剃刀」被定義做「唔好將用蠢就解釋到嘅嘢歸究到惡，但亦唔好完全排除惡意。」 或者「... 但仍然要𥄫實 。」嘅變奏。

好幾種文學作品睇過，蠢比惡更加擺佈人。歌德本《少年維特嘅煩惱》 (1774) 提到：「...誤會同忽略比詭計同惡響呢個世界產生更多混亂。無論如何，後兩者（即係詭計同惡－－譯者註）肯定少見好多 。」有句可能源自愛因斯坦、但亦好可能係杜撰嘅嘢，講蠢嘅威力：「得兩樣嘢係無限嘅，宇宙同埋人類嘅蠢，而關於宇宙我唔肯定 。」 比較下席勒嘅「對住蠢，啲神自己白白咁鬬爭」。阿西莫夫本小說  個名就係來自上面席勒句嘢。好似，Elbert Hubbard 又話過：「天才可能有限，但蠢唔會就咁被限 」。

有首類似嘅 epigram，可追溯到 William James 同埋其他人 。

德國將軍 Kurt von Hammerstein-Equord 響 Truppenführung（1933年）留意到蠢嘅實際風險。渠話：「我分我啲軍官做四類；精、懶、勤、蠢。 呢啲質素每一軍官都有至少兩種。又精又勤嗰啲適合做最高參謀（staff appointments）。又蠢又懶嘅可用得到。 而又精又懶嘅就啱做最高指揮，佢有應付任何情況嘅性格同膽量(temperament and nerves)。但又蠢又勤嗰啲，係種威脅，要即刻整走 ！」

一常見嘅英文短版，Sir Bernard Ingham 話齋：「先 cock-up 後陰謀  」。Sir Bernard 嘅全文係「好多記者都落入咗政府陰謀論。我保證你聽，渠地會寫出更準嘅嘢，如果渠地黏實 cock-up論  Many journalists have fallen for the conspiracy theory of government. I do assure you that they would produce more accurate work if they adhered to the cock-up theory.




#Article 67: To be, or not to be (596 words)


哈姆雷特講呢句嘢時無揸住Yorick嘅頭骨，而且一反獨白嘅慣例，臺上唔係得佢一個：Ophelia 都喺度，但哈姆雷特未必睇到佢（睇場戲嘅製作）而 Polonius 同 Claudius 都匿喺張氈（arras）後面。

德國哲學家叔本華話：

咁樣，whether 'tis nobler in the mind to suffer/the slings and arrows of outrageous fortune 即係揀去「做」（ to be）， 而 to take arms against a sea of troubles/and by opposing end them 至係揀「唔做」（not to be）。呢度有個可能矛矛地盾嘅觀念：納起架生反抗等同於「唔做」；呢個問題通常會解做：納起架生返抗難敵嘅海量嘅麻煩（an irresistible sea of troubles）即係自殺－如果反抗而唔忍住（resisted rather than borne），我哋啲麻煩會滅咗我哋。 另一種睇法就係，面對呢啲 ungovernable tide，惟一反抗就係「積極自殺」（constructive act of suicide）。 兩種睇法, 都認為, 納起架生會引致身亡.



#Article 68: Windows XP (131 words)


Windows XP係微軟公司嘅一款視窗作業系統。Windows XP喺2001年8月24號正式發佈（RTM，Release to Manufacturing）。佢嘅零售版喺2001年10月25號上市。Windows XP原本嘅代號係Whistler。字母XP表示英文單詞嘅「體驗」（experience）。Windows XP嘅外部版本係2002，內部版本係5.1（即Windows NT 5.1），正式版嘅Build係5.1.2600。

微軟最初出咗兩個版本：專業版（Windows XP Professional）同家庭版（Windows XP Home Edition），後來出埋媒體中心版（Windows XP Media Center Edition）、平板電腦版（Windows XP Tablet PC Edition）、嵌入版（Windows XP Embedded）同埋瘦客戶端版（Windows Fundamentals for Legacy PCs）等。

微軟喺2002年9月9號發布咗Windows XP嘅Service Pack 1（SP1），包含超過300個bug修復，同埋Windows XP原始版本嘅安全bug修正。SP1重增加咗USB 2.0嘅支援，微軟Java虛擬機器，.NET框架嘅支緩，並且由當時即將到來嘅使用技術嘅支持媒體中心同埋平板電腦嘅XP版本。喺SP1最顯著嘅變化係增加咗設定程序默認值，一個允許程序對某啲類型嘅活動（例如媒體播放器或Web瀏覽器）嘅設置頁，禁用微軟嘅系統設置（例如Internet Explorer或Windows Media Player [媒體播放器]）。

服務包2（Service Pack 2)（簡稱SP2，代號「Springboard」）經過幾日耽擱之後，喺2004年8月25號推出。同之前嘅更新包唔同，SP2特別強調改善安全問題，亦都為Windows XP中加入新嘅功能，包括一個加強咗嘅防火牆、改良對Wi-Fi嘅支援（例如WPA加密相容性，同一個精靈設定工具）、喺Internet Explorer 6中加入一個彈出式廣告攔截功能、以及對藍牙嘅支援。更新包2亦引進咗一個值得注目嘅核心啟動，可以更快載入作業系統。喺核心啟動嘅時候，新歡迎畫面移除咗「Professional」及「Home Edition」字樣，因為微軟喺SP2發佈前，引進新嘅Windows XP版本。喺家用版入面，綠色嘅載入條俾喺專業版同其他版本中可見嘅標準藍色取代，令作業系統嘅類別彼此相似。

Service Pack 2增加咗一啲安全功能，包括一個防火牆，喺Windows下個名叫做Windows 防火牆，喺預設嘅情況下佢係啟動狀態。另外，利用新型號處理器嘅NX bit功能，新增一個系統記憶體保護功能（資料執行防止，DEP），佢可以防止一啲快取溢位攻擊。此外，有關嘅防護改良重包括電子郵件同埋瀏覽器。Windows XP Service Pack 2內建咗一個Windows資訊安全中心，為使用者提供一個關於系統安全防護嘅概觀，例如防毒軟件嘅狀態，Windows Update同新嘅Windows防火牆。第三方嘅防毒軟件同防火牆亦都可以配合安全中心，使用者更容易了解電腦嘅安全狀況，並提供改善建議。

由於SP2整合好多新功能同重大嘅更新，媒體有時將Windows XP SP2當做一個唔同於Windows XP嘅新作業系統。

Windows XP服務包3（SP3）喺2008年4月21日被釋放，並喺2008年5月6日通過微軟嘅Windows更新發佈。包含1174個修正。

佢喺2008年7月10日開始被自動推送到自動更新嘅用戶。Service Pack 3可以安裝喺Internet Explorer版本 6、7或8嘅系統上。SP3唔包括Internet Explorer 7或8。Service Pack 3並唔適用於Windows XP 64位版本。

SP3嘅新嘢包括支援X.509證書SHA-2簽名同埋客戶端網絡保護。安裝零售同OEM版本時唔使入產品密鑰。

微軟官方喺2007年底宣佈，2014年4月8號之後唔會再更新Windows XP。雖然係噉，微軟喺嗰日之後出過兩次緊急安全更新，一次係2014年5月修補Internet Explorer嘅漏洞，另一次係2017年5月因應WannaCry勒索軟件攻擊而作嘅系統漏洞修補。

微軟喺2014年4月8號之後停止支援Windows XP，除咗技術支援（包括保護電腦系統自動更新）之外，微軟亦同時停止對Windows XP提供 Microsoft Security Essentials嘅下載服務。

雖然嗰日之後Windows XP重用得，但係喺接收完2014年4月份嘅安全更新之後就冇得再裝微軟官方嘅安全更新入去，所以漏洞隨時會越嚟越多。

其實有好多用戶都唔知Windows Update係搞邊科嘅（更加唔使問阿貴係點用啦），重有好多嘅翻版帶都事先將Windows Update嘅自動更新都閂埋（更加唔使問阿夢係點樣整更新上去啦）。好彩係中國大陸入面嘅幾大安全軟體都有系統更新嘅功能，安裝咗之後就可以話畀使用者喺系統入面點用，如估唔係嘅話，使用者嘅Windows XP系統已經爛到冇得用喇。

重有啲黑客可以好輕鬆咁發現咗嘅漏洞，用嚟攻擊安裝咗Windows XP嘅電腦導致Windows XP面臨感染電腦病毒同埋木馬、重有洩漏個人信息等等。

既然Windows XP停止咗支援之後有咁麻煩，如估條件係允許嘅話，電腦肯定係要升級㗎喇。而新系統將會帶嚟嘅係更加人性化嘅操作體驗，重有唔錯嘅穩定性同埋軟體嘅兼容性，重有提升軟硬體嘅性能。

依家好少嘅電腦係冇接入網絡嘅，如估喺電腦冇接入網路嘅話，黑客係幾乎冇可能通過系統漏洞嚟入侵使用者嘅電腦，不過佢哋可以通過USB記憶體、CD、DVD等呢啲移動設備嚟整木馬，通過呢種方法嚟洩漏個人信息。

依家有好多嘅電腦凈係用嚟聽歌同埋睇片、整下簡單嘅OFFICE操作，咁喺呢類嘅電腦入面，基本上肯定冇咩私隱噉滯，如估安裝咗一種比較犀利嘅殺毒軟體就可以咩都冇事喇，更加唔使講咩升唔升級。不過之後，如估瀏覽器發展到行嗮周街都係嘅話（尤其係HTML5），咁XP就可以講拜拜喇。

依家都好㷫網上購物喇，成日去到邊度都可以聽到「阿里巴巴」、「淘寶」、「Amazon」等等其它網上商店呢啲嘢。而網購嘅流行重出咗網上畀錢嘅風險，不少因為系統安全嘅問題，搞到有人話：「點解我嘅網銀冇咗啊？」，「點解我嘅網上畀錢會變咗嘅？」呢啲咁嘅嘢都出現過。因為有好多嘅用戶電腦入面，都有好多自己個人私隱嘅嘢喺度，如估呢啲嘢喺電腦上咗網之後，就肯定有好大嘅機率會被黑客用咗系統嘅漏洞嚟攞咗你都唔知。

依家有好多嘅電腦遊戲都係針對Windows 7或者係8嚟整咗特別嘅優化，甚至有啲遊戲喺Windows 7或者係Windows 8先至可以玩得，咁鍾意成日玩遊戲嘅人可以將系統升級到Windows 7都得，而Windows 8入面就有專門嘅遊戲嚟等住佢哋。從第一款唔支援XP系統嘅遊戲到依家嘅大作都唔同XP玩嘢喇，咁遊戲玩家可唔可以與時俱進？重有家陣越嚟越多新版嘅軟體都唔支援XP系統（例如PHOTOSHOP【從CC版開始就唔支援XP喇】、微軟嘅OFFICE等等），如估想用佢嘅話，最後換個新嘅操作系統喇。

既然微軟唔再支援，安全廠商就開始搞。喺中國大陸入面，有成億部電腦裝咗Windows XP，咁佢就肯定係一個大嘅市場喇，咁有好多安全嘅廠商就借住呢筍嘢嚟推動自己嘅產品嚟提高市場嘅佔有率，想嚟頂住微軟嚟撐起Windows XP後續嘅安全支援。

雖然話呢啲安全廠商唔係微軟嘅屬下公司，加上所掌握嘅系統核心技術都係有限嘅，而負責幫手嘅廠商整出嚟嘅更新方面，凈係攞熱更新嘅形式嚟搞，唔知效果係點。不過如估繼續用Windows XP嘅話，必須要有比較犀利嘅殺毒軟體。

既然Windows XP已經停止支援，重有新嘅操作系統都有優秀嘅表現，咁點解噉多嘅Windows XP用戶唔揀升級呢？可能係以下呢幾個原因：

Windows XP係好多用戶啱啱開始接觸電腦嗰陣用嘅操作系統，喺開始慢慢咁識咗點用之後就嚟咗新嘅操作系統，搞到好多用戶都話唔慣。既然舊版都好地地嘅，加上我又唔識用或者係唔習慣用新嘅操作系統，如估換咗新嘅操作系統都要重新學過。

重有啲辦公系統同埋專用軟體都係針對Windows XP嚟開發嘅，如估喺新嘅系統同埋新嘅IE瀏覽器入面，都會出現唔兼容嘅現象，搞到辦公人員如估筆記簿電腦入面裝嘅係Windows 7或者係Windows 8，就唔可以用企業辦公系統喇，搞到噉先至換返Windows XP。重有家陣用得好㷫嘅應用軟體同埋遊戲，大多數都已經支援Windows 7或者係Windows 8，甚至喺Windows 7或Windows 8入面先至可以充分發揮軟體同埋硬體嘅性能，而有啲就凈係可以喺新系統入面用嘅。而家有尐軟體同埋遊戲都唔同Windows XP玩兼容性喇。

依家街邊有好多電腦鋪頭嘅技術人員為咗方便同埋慳時間，一般都係幫人直接GHOST返去Windows XP就搞掂。

如果係升到正版Windows 7或8.1嘅話，可能要使好多錢，而習慣咗對電腦凈係使硬體嘅錢，又唔願意搞軟體嘅錢啲人嚟講係話唔好使嘅。

重有唔排除用緊Windows XP嘅電腦，由於配置太低搞到冇辦法安裝Windows 7或者係8.1。如果想換系統嘅話，凈係得一個辦法——換電腦主機，再加上新系統嘅費用係要使好多錢嘅。不過有唔少嘅舊電腦都係可以用Windows 8嘅。




#Article 69: 英國內閣 (134 words)


喺英國政治，內閣係一個包括多個由首相任命嘅政府部門嘅官方體制。好多成員係高級嘅政府大臣，佢哋多數都被人叫做政府部門「大臣」。內閣嘅正式成員將會失去原有嘅議會席位。

喺傳統嘅憲法理論同埋英國體制嘅政府，內閣係行政體制下一個最重要嘅決策圈子。呢種解釋原本表達嚟自立憲主義者貝華德，做決策話事人嘅程度會明顯咁下降。

內閣大臣話就係由英國君主全權任命或罷免，但佢哋同各政府部門嘅權責同資源分配，亦屬首相酌情權。雖然傳統上，首相響內閣中份屬同輩中嘅大佬Primus inter pares（First among equals），實際上，首相係內閣同政府阿頭，有權委任、罷免閣員，同埋制訂內閣議程。

超過一個職位有調動，都可以叫做內閣改組，通常例牌嘅內閣改組都會喺夏天做。內閣裏面受薪大臣嘅數目受《1975年部長及薪金法》嘅管制，通常內閣大臣嘅數目介乎21至24個左右，而家內閣閣員嘅數目係23個。

首相嘅團結程度視乎嗰陣政治氣候同個人作風係點啦。首相或者經內閣常任秘書長派內閣會議議程。喺英國憲制程序，內閣係英國樞密院屬下委員會；所以佢哋就可以喺個名後面加「閣下」兩隻字喇。

近代歷史上，內閣大臣都係下議院議員咁滯。而家嘅內閣大臣都係由下議院議員擔任，冇上議院議員做內閣大臣；最上次係2003年時艾美絲勳爵做英國國際發展大臣；同埋楊大衛做過教育大臣及貿易工業大臣。

呢排，英國首相畀非國會議員定期出席內閣會議，例如1997至2003年期間嘅唐寧街10號通訊主管金理德（Alastair Campbell）。

內閣會定期召開內閣會議，通常係每個禮拜嘅星期四朝早，理論上會喺內閣會議上討論政府重要政策同埋做決定。會議時間嘅長短取決於首相嘅風格以及整個政治嘅情況，𠵱近代嘅風氣，內閣會議大概開30分鐘就結束。會上主要喺宣讀各個政策委員會嘅政策建議，加以確認，內閣會議內部已經好少有討論。首相通常每個禮拜要向女王匯報一次。

內閣有多個專門處理各種政策嘅委員會，包括常設嘅政策委員會，或者因應特殊需要而設立以解決特別問題嘅特別委員會。有時候除咗國務大臣，國務次官都可以係呢啲委員會嘅成員。政府內部嘅聯繫同行政工作，以至內閣同委員會嘅會議嘅安排，主要靠內閣辦公室下一個細小嘅秘書處負責執行。

好多首相都有所謂嘅「廚房內閣」（Kitchen cabinet），廚房內閣裏面都係首相嘅親信，成員可以包括佢自己最信任嘅內閣大臣，私人顧問同埋幕僚。呢種響內閣之外建立政治心戰室嘅政治技倆，喺戴卓爾夫人時代開始出現，到貝理雅時代發揮至極。據報導，好多甚至幾乎所有重要決定都係響內閣會議開會已經拍板。前國際發展大臣同前文化、媒體及體育大臣都提出過呢個講法。2004年7月，《巴特勒勳爵調查報告》（Bulter Review）批評貝理雅傾向繞過官式程序嘅「梳化政府」文化會削弱正規情況下，內閣官員喺獲得充份資料而做集體決定嘅能力。

內閣向國會問責存在兩樣關鍵性憲政習俗：集體內閣問責制同個人問責制；佢哋起源於議會主導原則嘅國會內，執政黨議員成為內閣大臣事實。集體內閣問責制意指全內閣需要承擔全體決策嘅後果；當國會通過不信任動議時，全內閣各位大臣都要辭職（做返普通國會議員）。邏輯上，幾位有分歧嘅內閣大臣，例如2003年反對向伊拉克發動戰爭態度嘅郭偉邦，會預期請辭。 

個人部長責任意指各位內閣大臣需要承擔屬下部門決策嘅後果。由於政府公務員隊伍嘅匿名及固定性，政府部門任何嚴重疏忽即時令有關大臣請辭。或許出人意外地，由於平民派傳媒對政府部門失職唔係大新聞，以及對明確證據少受影響等原因，事實上個人部長因政府部門嚴重疏忽嘅理由而請辭係非常罕見。 The closest example in recent years is perhaps Estelle Morris who resigned as Secretary of State for Education and Skills in 2002 of her own volition (following severe problems and inaccuracies in the marking of A-level exams). The circumstances under which this convention is followed are of course not possible to strictly define， and depend on many other factors. 如果某位大臣聲望因個人醜聞而敗壞（例如1992年David Mellor身為文化遺產大臣搞婚外情），通常因短暫傳媒及反對黨壓力下而辭職。普遍地，由於英國一個民主政制國家，同其他國家相對比下，貪污喺英國係非常罕見。其中原因係由於政黨紀律制度嘅強勢，令所屬國會議員無能力受到外界以金錢而影響。 

內閣大臣可喺英國國會兩院任何一院內，以書面或口述形式提出問題同動議（即時質詢，interpellation）。內閣大臣一定要親身或經過下屬答覆其他議員提出嘅問題。書面答覆過常由一名資深公務員明確及詳細地以書面回答；並以口述答覆，刊登喺英國國會議事錄內。英國國會下可以遣散某內閣大臣，但國會下議院有能力決定全體執政內閣嘅命運。如果國會兩院通過不信任動議後，信任需要解散國會然後選出新國會或全體執政內閣辭職後至恢復。

英國國會制度中，由於執政黨內嘅國會議員組成內閣，行政機關唔係同立法機關分離。此外，行政機關有幾種理由傾向支配立法機關：

首相對內閣環繞有效討論、行政權力上支配立法議移嘅操控能力等結合效果，令英國首相嘅權力比作為一位行政主導首長。The relative impotence of Parliament to hold the Government of the day to account is often cited by the UK media as a justification for the vigour with which they question and challenge the Government.

喺2010年5月12號英女王確認嘅內閣名單係咁︰

反對黨會組成影子內閣（家陣嘅反對黨係工黨），針對內閣入面每位大臣，都整一個影子大臣相對應

雖然都係叫「大臣」，但多咗「國務」兩個字，職權有天淵之別。「國務大臣」呢個中文翻譯稱呼所指嘅職級，其實就係喺香港回歸前慣稱嘅「次官」。

港英年代，Minister of State原本譯做「次官」。喺中英談判期間，香港傳媒一直係咁稱呼呢個級別嘅英國官員。當年中英雙方曾經講到官職譯名問題，北京認為Minister of State譯作「國務大臣」，英方接納咗呢個建議，於是香港回歸後，英國官方中文翻譯一律稱Minister of State做「國務大臣」。至於回歸前譯做「常務秘書」嘅Permanent Secretary，以及之前譯做「政務秘書」嘅Parliamentary Under-secretary of state，就分別改為「常務次官」及「政務次官」。

一系列名稱同翻譯嘅背後，其實牽涉到英國議會政治制度：代表多數民意嘅執政黨議員，負責組成政府、出任內閣首相、大臣職位、制訂國策、指揮政治中立嘅文官系統（Civil servant）去執行。但係政府亦會有一啲政治任命（如任命國務大臣及政務次官），去協助各個大臣做決策；簡單咁講，英國政府部長分三級，最高級係內閣大臣，其次順序係國務大臣、政務次官。至於文官體系，部門最高級別文官係常務次官。香港目前嘅政治制度，都參考咗英國，喺特首同司長局長之下，設有副局長，至於負責執行嘅最高級文官，就係常任秘書長。

英國國務大臣唔係內閣成員，但可能因應政府唔同需要而出席內閣會議。以商業創新及技能部為例，部門大臣係祈維信，而家有3名國務大臣同3名政務次官，其中負責大學及科學嘅國務大臣韋力生有份出席內閣會議。部分國務大臣唔止隸屬一個部門。葛霖擔任貿易及投資國務大臣，除聽命於祈維信，重要向外相夏偉林匯報。
 




#Article 70: D-brane (2029 words)


理論物理入面，D-branes，有人叫做D-膜，係一類p-branes；渠個名來自渠跟嘅「Dirichlet 邊界條件」，其中Dirichlet 即係數學家Johann Dirichlet。一直以來Dirichlet 邊界條件係流體力學同埋勢論都有用；喺流體力學，固定一 Dirichlet 邊界條件可以即係畀一表示上嘅每一點一支流速；而研究靜電時，我地可以響特定嘅地方定死咗電壓來設定 Dirichlet 條件，好似傳導體嘅表面。喺是但一例，嗰啲有固定值嘅點就組成塊 D-brane。呢啲嘢響弦論特别重要，因開弦嘅每一尾一定要連住塊 D-branes。

一般我地用維度來分類 D-branes。例如， D0-brane 即係一點；D1-brane 係條線（有啲叫 D-弦 (D-string)）；D2-brane 係塊平面；D25-brane 就佔曬玻色弦論中最頂龍維度嘅空間。

多數弦論模型入面有用兩種關係密切嘅弦：有一頭一尾嘅開弦同埋成個圈咁嘅閂弦(closed strings)。睇下南部後滕作用()，就會發現條弦上能量可以流，重會響頭尾消失。咁就出問題：能量守恆律話，響封閉系統入面，能量唔會無咗。  所以，弦論要行得通，就要包括埋啲能量嘅出路；呢的嘢就叫 D-branes。  任何弦論模型，有親開弦嘅，都一定要有 D-branes，而且全部開弦嘅尾都要黏疑住呢啲 branes。弦論學者認為  D-branes 真係實質嘅「物理嘢」，同啲弦本身一樣咁真— 唔只係抽象嘅曲面。因為開弦嘅尾唔甩得開渠黏住嗰幾塊 D-branes，所以 D-branes 定咗條弦嘅運動方程嘅邊界條件。 每個方向嘅運動都各自各被影響：條弦尾可自由沿住平行塊 D-brane  嘅方向郁，但垂直住塊 D-brane 嘅方向就鎖死咗。嚴格講，一塊  D-brane 決定咗條弦嘅任何座標究竟跟Neumann定跟  Dirichlet 邊界條件行：平行住塊 brane 嘅就行 Neumann，垂直住塊 brane 嘅就行 Dirichlet。

弦論預測，全部基本粒子都係量子弦嘅震態(vibrational state)，咁我地自然可以問，啲 D-branes 都係唔係由弦「組成」。 某種意義上，真係嘅：嚮弦震態畀嘅粒子譜入面，有種怪嘢叫 tachyon(例如：渠有虚質量)。假設我哋有舊填滿空間 (space-filling) 嘅 D-brane，即係話，佢同宇宙有一樣嘅維度，而且無限大。（嚮玻色弦論，咁就要舊 D25-brane。）黐住呢塊 brane 嘅弦會引發「住喺」塊 brane 入面嘅一幅tachyon 場。第啲低維度嘅 D-branes 可以住嚮舊填滿成個空間嘅 brane 裏面 — 例如， D1-branes (「D-弦」) 或者 D2-branes。呢啲低維度 branes 可以當做一拃拃 

D-brane 喺物理宇宙學都有影響。 因為弦論學者預測宇宙嘅維數多過我地認為—玻色弦論要 26維，超弦論就要 10維—咁我地就要揾下點解呢啲凸出來嘅維度咁唔明顯。一種可能係見到嘅宇宙其實係舊好大嘅 D-brane，有三支空間嘅維度。 由開弦組成嘅物質嘢，黐住塊 D-brane，唔可以「垂直住現實 (reality)」咁郁，離唔開塊 brane 去外面嘅宇宙玩。呢種景況就叫brane 宇宙學。 

啲 D-branes 嘅擺位，限制住個系統入面可以有邊種弦。例如，如我地有兩塊平行嘅 D2-branes，咁我地就可以想象啲弦由 1 號brane 拉去 2 號 brane，或者相反。（嚮多數模型，啲弦都係有向嘅嘢：每條都帶住支箭嘴，定咗沿弦嘅一個方向。）  



#Article 71: 紐西蘭籍唐人 (352 words)


紐西蘭籍唐人，或者叫紐西蘭唐人，係有紐西蘭國籍嘅唐人。呢班唐人，好多時都走難或者搵食移民到紐西蘭，最後落地生根，入藉紐西蘭。佢哋響紐西蘭各族之中排第五大。

最早一批有紀錄嘅移民，係由廣東來嘅。佢哋係趁1860年代掏金熱嘅呢度金山掘金，佢哋唔少人都喺但尼丁落戶，所以唐人都集中響呢度。2004年選市長，陳榮和就係唐人。其實紐西蘭藉唐人可以分為兩大批人，一批係早年移民，另一批係1980年以後來嘅。

唐山以外嘅唐人，1960年代到1980年代，就成為當地另一個唐人來源。佢哋因為高棉、老撾同越南衝突同動亂而淪為難民來到紐西蘭。而英聯邦地方，好似香港、馬來西亞、星架坡嘅唐人專業人士，同埋撒摩亞嘅唐人勞工，都大約喺1970年代來到紐西蘭。


#Article 72: 星雲 (100 words)


（Pillars of Creation）嘅高解像度相，由哈勃太空望遠鏡喺 2014 年影嘅；呢嚿星雲離地球超過 6,000 光年遠。
星雲（；英文：nebula，眾數係「nebulae」，呢個字喺拉丁文當中係「雲」或者「霧」噉解）係由宇宙塵以及氫同氦等電漿夾埋形成嘅星際雲（太空星際空間入面嘅一團塵埃同氣體）。喺廿世紀前，「星雲」呢個詞曾經俾人用嚟指「任何瀰漫嘅天體」，包括銀河系以外嘅星系都俾人叫做「星雲」。但自從廿世紀初開始，天文學科研上嘅進步加深咗人類對星雲嘅了解，所以到咗今日，一個天體一定要有齊宇宙塵同電漿等嘅成份，先至會俾人歸類做「星雲」。

星雲好巨大，但密度好低：例如獵戶座大星雲（Orion Nebula）直徑有 24 光年（相比之下，太陽系嘅直徑大約係 0.0012486 光年），但佢以星雲嚟講查實係比較細嘅，而大啲嘅星雲直徑閒閒地可以有成幾百光年咁長；同時，星雲嘅平均密度又低得好交關，一般仲低過喺地球上創造得到嘅真空。根據天文學家計算，一嚿典型嘅星雲如果密度唔變，但容量縮到好似地球咁大嘅話，佢嘅質量會得嗰幾公斤重（相比之下，地球嘅質量大約係 5.97237 x 1024 公斤）。

星雲好多時係恆星誕生嘅空間，例如鷹星雲（Eagle Nebula）嘅創生之柱就係噉：喺星雲當中，分得散修修嘅氣體、星塵、同第啲物料會慢慢噉（經過幾億年嘅時間）因為萬有引力互相吸引，然後黐埋一齊，形成密啲嘅天體；當一啲密啲嘅天體形成，佢哋又會靠自己嘅萬有引力再吸引多啲物料，而最後如果一嚿因為噉而形成嘅天體質量夠大，佢就可以變成行星或者恆星等嘅物體。

為咗做太空科學嘅研究，科學家自從廿世紀中開始就射咗好多太空望遠鏡上圍繞地球嘅軌道嗰度。呢啲太空望遠鏡會一路圍住地球轉，一路周圍向唔同角度影相（探測由各種地球外天體嚟嘅光），並且將收集到嘅數據轉送返去地球基地嗰度，等啲科學家有得知道外太空嗰度發生緊乜嘢事。呢啲太空望遠鏡有住先進嘅設備，能夠望到好遙遠嘅太空當中嘅物件－包括星雲。

由望遠鏡嘅數據當中，科學家能夠砌出星雲嘅圖像：太空望遠鏡會接收到星雲所發出嘅光，又或者（喺探測黑暗星雲嗰陣）接收嚿星雲周圍嘅物件發出嘅光，並且用呢啲光重組返一幅黑白影像出嚟。跟手天文學人員就會用一啲電腦軟件估計嚿星雲嘅化學成份，靠噉嚟估計嚿星雲應該係乜嘢色水（例如實驗顯示，純氫氣受刺激嗰時偏向射藍光；詳情可以睇吓光譜學方面嘅嘢），最後整成大眾見得到嘅星雲相。

多數嘅星雲都屬於瀰漫星雲（diffuse nebula），即係話佢哋嘅結構冇乜嘢明顯嘅邊界，嚿星雲會隨住遠離佢哋嘅中心慢慢噉變得稀薄，而唔係喺某一個邊界突然間冇嗮嘅。一嚿星雲可以基於發光上嘅特性屬於以下三種其中一種：

呢三種星雲都會因為內部嘅宇宙塵而射出大量嘅紅外線（infrared），三者主要嘅分別在於「曉唔曉發光」同埋（如果會）「點解會曉發光」：發射星雲同反射星雲都會射出可見光（visible light），所以只要個望遠鏡夠勁就可以用人眼睇到，但係佢哋發光嘅原理唔同；前者由大量離子化咗嘅氣體（尤其係離子化嘅氫）組成，呢啲氣體本身會射出唔同色水嘅可見光；而後者之所以會射出可見光，就主要係因為反射嘅作用。反射星雲本身唔多曉發光，但係受到自己四圍嘅恆星照射，而反射所受到嘅光。最後，黑暗星雲就因為自己唔識發光，又冇附近恆星嘅光俾佢反射，所以唔會有光射出嚟，但呢啲星雲可能會遮住喺佢哋後面嘅物體所發出嘅光，所以天文學家依然有可能用望遠鏡觀察得到佢哋。

發射星雲往往係恆星形成嘅場所，好似上面提到嘅獵戶座大星雲同天鵝星雲都係噉樣。呢啲星雲內部有大量嘅氫同氦，呢一大團嘅氣體當中嘅粒子會因為重力而互相吸引，最後聚埋做一團，喺自己嘅重力之下崩塌並且形成恆星，而喺恆星形成場所嘅中心，好多時呢種作用仲會形成巨大嘅恆星，呢啲巨大恆星射出嘅紫外線（ultraviolent）會將周圍嘅氣體離子化，令到呢團氣體發出可見光，喺巨大恆星周圍、充斥住離子化咗嘅氫嘅區域就係所謂嘅電離氫區（H II region），而電離氫區周圍嗰浸冇離子化嘅氫嘅區域就係所謂嘅（photodissociation region）。呢種過程可以持續好耐－雖然恆星形成所造成嘅（例如）超新星爆炸或者紫外輻射可以擾亂甚至破壞嚿星雲，但一嚿有恆星喺裏面形成嘅星雲閒閒地都可以存續幾百萬年。

行星狀星雲（planetary nebula）係發射星雲嘅一種，呢類星雲係低質量恆星（例如係太陽）生命終結嘅產物：喺一粒質量喺 8 至 10 太陽質量以下嘅恆星生命就嚟要結束，即係內部嘅氫燃料就快用完嗰陣，佢會演變成一粒紅巨星（red giant），並且將佢最外部嘅物料射向四周圍嘅太空，令到佢周圍嘅太空有咗一浸氣體喺度；而當佢喪失質量喪失到咁上下嗰時，佢會變成一粒白矮星（white dwarf）－佢溫度會上升，而且會開始射出大量嘅紫外線，啲紫外線會令到佢周圍嗰啲之前射咗出去嘅氣體離子化，跟手呢啲離子化嘅物料就會發光，形成一個電離氫區（所以一嚿行星狀星雲實係本身識發光嘅）。呢啲機制喺行星狀星雲嘅外觀嗰度會睇到－行星狀星雲嘅一個大特徵係中心會有一粒星喺度發光。行星狀星雲通常頂櫳都只係會維持幾千年左右，以天文現象嚟講短暫得好交關。

根據天文物理學家嘅計算，太陽估計會喺 120 億年老嗰時變成行星狀星雲。

原行星雲（protoplanetary nebula，簡稱「PPN」）係一嚿短暫嘅反射星雲，存在喺一粒恆星生命嘅漸近巨星分支時期（asymptotic giant branch phase）同行星狀星雲時期之間嗰段相對短嘅時間之內：喺漸近巨星分支時期，粒恆星就快要變做巨星，會開始勁喪失質量，射出一大團氫氣；當呢個時期完嗰陣，佢會進入原行星雲時期；一嚿原行星雲受到創造佢嗰粒中央恆星照射，開始射紅外線同反射嗰粒恆星所發出嘅光（所以實係反射星雲），而且由粒恆星嚟嘅星風（stellar wind；指粒行星噴出嚟嘅物質）會撞擊嚿原行星雲，好多時令到佢嘅形狀變到好似個球體噉；而喺跟住落嚟嘅幾千年之內，嚿原行星雲會隨住粒行星巨星化，變成一嚿行星狀星雲。原行星雲同行星狀星雲之間嗰條邊界係由粒恆星嘅溫度界定嘅：當粒中央恆星嘅溫度升到去開氏 30,000 度嗰陣，佢就有足夠嘅熱度令佢周圍嘅氣體離子化－嚿原行星雲就正式變成一嚿行星狀星雲。

超新星（supernova）係高質量（起碼 8 太陽質量）恆星生命終結嘅產物。喺一粒恆星啲燃料燒嗮之後，佢核心進行嘅核聚變（nuclear fusion）作用會停止，唔再產生一股令佢啲成份向外郁嘅力，於是粒恆星就會開始因為自身嘅重力而崩塌，令到佢外部嘅氣體開始大規模噉跌向核心嗰度。喺呢個過程入面，啲氣體可能會反彈返出嚟或者加熱得好犀利，令到股氣體開始向核心以外擴張，如果呢股擴張力夠勁，粒恆星會爆炸，並且將自己內部嘅氣體射出去自己周圍嘅太空嗰度，喺周圍嘅空間形成一團氣體，而呢團氣體會受到超新星爆炸嘅強大能量離子化，並且因為噉而開始發光。而且喺呢個過程當中，會產生高速度嘅電子，而高速電子喺個磁場當中振盪嗰時會用同步輻射（synchrotron radiation）嘅方式射出大量嘅無線電波（radio wave）。呢個作用所形成嘅星雲就係所謂嘅超新星殘骸（supernova remnant）。

雖然早期文明並冇現代嘅天文物理學知識，但人類早喺中世紀早期及之前經已有喺觀察夜空嗰陣時觀察到星雲：史上最早期嘅星雲觀察嚟自古羅馬希臘裔學者托勒密（Ptolemy）嘅；西元 150 年，托勒密喺佢本著作《天文學大成》（Almagest）嘅第 7 卷同第 8 卷入面寫話觀察到有 5 粒望落好似雲噉嘅星，仲注意到大熊座（Ursa Major）同獅子座（Leo）之間有啲同星星冇啦掕嘅雲氣；及後 964 年，波斯人天文學家（Abd al-Rahman al-Sufi）喺佢嘅著作裏面提到佢觀察到仙女座星系（Andromeda Galaxy）嘅位置嗰度有「一嚿雲仔」，並且整咗個表紀錄低佢觀察到嘅「似雲」天體；而喺 1054 年，阿拉伯人同漢人天文學家都有觀察到創造蟹狀星雲嘅超新星爆炸。

到咗 18 世紀，天文學界開始全面正式噉研究星雲：喺 1715 年，英國天文學家哈雷（Edmond Halley）出版咗個表，列出嗮佢觀察到嗰 6 嚿星雲，而喺跟住落嚟嘅一個世紀，歐洲天文學家開始咗一股觀察星雲嘅熱潮，發現咗多嚿人類之前唔知嘅星雲，例如瑞士天文學家  喺 1746 年整嗰個表列咗 20 嚿星雲出嚟，而法國天文學家尼可拉·路易·拉卡伊（Nicolas-Louis de Lacaille）喺 1751 至 1753 年間由好望角嗰度紀錄咗 42 嚿星雲，當中大多數都係當時前所未知嘅，而打後到咗 1781 年，法國天文學家查理斯·梅西亞（Charles Messier）整咗梅西亞天體（Messier objects）呢個表出嚟，紀錄咗成 103 嚿星雲。




#Article 73: 黛勿莎 (128 words)


黛勿莎，全名黛雅·勿莎·漢力克（Dia Mirza Handrich，）係印度波里活嘅影星。佢響安得拉邦嘅海得拉巴出世，曾經參加2000年印度小姐競賽，雖然輸咗畀裴莉言嘉卓芭拉獲得亞軍，但係得到代表印度參加亞太小姐比賽嘅資格，並不負眾望摞到冠軍。 

黛勿莎個阿爸係德國人，做室內設計師，阿媽係西孟加拉邦印度人，叫做荻芭勿莎。六歲時阿爸、阿媽就離婚，冇耐阿爸死咗。九歲時阿媽再嫁，呢次嫁咗回教徒，叫亞克咪勿莎，阿黛從今以後就改咗姓勿莎。渠哋住響海得拉巴，雖然屋企係信回教，但係黛雅好希望似印度教徒一樣咁生活，佢返嘅公立小學同中學都係印度教。第二個後阿爸死咗之後，佢同阿媽一齊去大城市孟買生活。

黛勿莎長大咗，成個人好靚女，班同學紛紛慫恿佢去參加印度小姐選美賽。收尾喺2000年佢參賽果然摞到亞軍。再度響菲律賓奎松市舉行嘅亞太小姐比賽中得勝成為本世紀嘅第一個亞太小姐。 嗰一年裴莉言嘉（Priyanka Chopra）摞到世界小姐，喇拉杜打（Lara Dutta）又摞到環球小姐，加埋佢，印度可以話「三喜臨門」。

To brush up on acting before Shootout at Lokhandwala, she took a one week course of Film at New York University[11] Dia wanted to complete her graduation in Arts by correspondence, but decided to postpone it as it was becoming difficult to juggle between the Miss Asia Pacific Competition, modeling assignments, traveling and training. She was assisted by Sabira Merchant on diction and etiquette; diet with Anjali Mukherjee; gymnasium and physical fitness with Talwalkars; clothes from Ritu Kumar and Hemant Trivedi; skin care with Dr. Jamuna Pai; and make-up and hair-care from Bharat and Doris Godambe.[12]

贏到亞太小姐之後，黛雅入咗娛樂圈，2001年開始拍波里活片。處女作個名叫：lt;lt;Rehnaa Hai Terre Dil Meingt;gt;，佢響度表現平淡。收尾繼續拍片，2002年響部片：lt;lt;Tumko Na Bhool Paayengegt;gt; 度表現得就比較成熟啲。

一直到咗2005年，終於有機會同卓芭拉（Vinod Chopra）大片場演戲，雖然響《Parineeta》部片度表現都僅僅係中規中矩，但係到2006年佢得到響大片《孟買大佬續集（Lage Raho Munna Bhai）》度出演嘅機會。佢做片度嗰個黑社會大佬嘅細佬嘅女朋友，好多觀眾贊佢，部片票房收入當年排到全印度第二。

渠而家已經演咗三十幾部電影，雖然做唔到「影后」，響印度同埋國外都算有番少少名氣。

孟買西班打拉區瑋羅厘加路——Veronica Road, Bandra West, Mumbai. 

佢已經訂咗婚，個靚仔名叫蘇赫斯（Suhas Gopinath），係從班加羅爾去到美國密執安州從事 IT 行業嘅美籍印度人，所以今時佢總響美國同波里活兩頭飛。




#Article 74: 進化 (350 words)


進化（；英文：evolution；動詞：to evolve），粵文又有叫演化或者天演，喺生物學上係指一個族群嘅生物嘅可遺傳特徵一代一代噉演變嘅過程，而進化嘅操作定義（喺實際科研度用嘅定義）係「一個族群內部各基因嘅出現頻率隨住時間而改變嘅過程」。

進化論基於遺傳學（genetics）：所有物種（包括人）都有 DNA，呢啲 DNA 係由基因（gene）組成，而多數物種都或多或少有個體差異（individual difference）－就算係同種嘅生物，隻隻身上帶嘅基因都同同類個體身上嘅有啲唔同，而呢點引致每個個體喺特徵上都有啲唔同；根據物競天擇（natural selection），因為個體差異，一個族群嘅個體當中可能有啲比較擅長生存同繁殖（reproduce），生存同繁殖能力勁嘅個體會更加大機會能夠將自己嘅基因傳俾下一代，所以一個族群嘅基因代代都會有些少唔同咗樣；除咗噉，繁殖嘅細胞分裂等嘅過程之中仲會有突變等嘅現象。因為呢啲緣故，經過幾百萬年嘅時間，一個族群變變吓就會變到同之前完全唔同咗樣，而呢群新嘅生物嘅 DNA 帶嘅基因同之前嘅好唔同，差異可能大到算係一個新嘅物種。

進化同生物多樣性（biodiversity）好有拏褦，新物種出現主要係靠進化引起嘅：例如有個族群，佢哋因為氣候變化等嘅原因搞到佢哋原本住嘅地方唔再啱佢哋住，於是佢哋就遷徙去第啲地方，可能喺過程入面分開咗做兩組，一組遷徙去地方 A，另一組遷徙去地方 B，而呢兩個地方嘅環境好唔同，一個凍啲一個熱啲，但兩個都啱嗰種生物住；長遠嚟講，喺凍地區住嗰組會進化出有利喺寒冷環境生存嘅特徵（例如係皮下脂肪變厚），而喺熱地區住嗰組會進化出有利喺炎熱環境生存嘅特徵（例如係皮下脂肪變薄）。十萬年後，兩組變到好唔同－變咗做兩個唔同嘅物種，不過佢哋仲有個共同祖先（common ancestor）。地球上面次次有親啲族群內部分開搬去唔同環境嗰度住嗰陣，個族群嘅各組就會慢慢噉適應各自嘅新環境而變樣－令地球有豐富嘅生物多樣性。

對進化嘅研究好有用：喺實際應用方面，科學上對進化嘅了解經已俾人應用喺農業同醫學等嘅領域嗰度，例如了解細菌嘅進化對於醫藥研究者整抗生素（antibiotics）嚟講好緊要；而且進化嘅相關概念仲喺人工智能（AI）上有用，例如進化演算法（evolutionary algorithm）就運用咗物競天擇嘅原理做機械學習，用「一代一代淘汰表現差嘅模型」嘅方法得出表現優良嘅模型。

英文入面嘅「evolution」一詞係嚟自拉丁文嘅「evolvere」，後者嘅意思本嚟係「將一個卷埋咗嘅嘢打開」，而家吓生物學上用呢個詞係指「喺地球歷史上，唔同類嘅生物點樣由早期嘅形式發展出嚟」嘅一種自然現象。呢個詞喺廿一世紀初嘅英文入面亦有歧義嘅問題：喺日常英文用語裏面，「evolution」呢個詞有時俾人用嚟指「發展」或者「進步」等嘅意思，又或者係喺某啲大眾媒體嗰度指一啲「有啲似生物學上嘅進化，但係又唔係生物學上嘅進化嘅嘢」。因為噉，家陣啲生物學家喺做親乜嘢有關進化嘅學術討論嗰陣，好多時都會清楚噉講到明佢哋傾緊嘅係生物進化（biological evolution）－指一個族群嘅生物隨住世代而出現遺傳上嘅改變嘅一種自然現象。

對進化論嘅發展貢獻重大嘅查理斯·達爾文（Charles Darwin）都有用「evolve」呢個字：達爾文喺佢本名著《物種起源》（On the Origin of Species）嘅第一版（1859 年）係用「evolved」呢個字結尾嘅；而雖然達爾文打後又有用「經過改變嘅繼承」（descent with modification）、「改變過程」（process of modification）同埋「物種改變嘅原理」（doctrine of the modification of species）等嘅字眼嚟形容生物進化嘅概念，不過到咗《物種起源》最後嘅第六版（1876 年），達爾文用咗「evolution」呢個字好多次，仲直接嗌佢個理論做「theory of evolution」（進化論），奠定咗「evolution」呢個字嘅使用。

喺各種漢文（包括粵文）當中嘅「進化」同相關詞彙被指係由日本嘅和製漢字嗰度借過嚟、跟手由大中華地區嘅學者普及嘅。《物種起源》嘅第一本中文版由馬君武翻譯，同早期少少嘅日文版一樣用而家用緊嘅「進化」一詞，有人話係支持咗呢個講法；而喺廿一世紀初，臺灣以外嘅大中華地區普遍都係用緊「進化」呢兩個漢字嚟表示「evolution」－喺廣東話入面，呢兩個字係讀做「」嘅。而「天演」（）呢個少人用啲嘅詞就係由嚴復譯嗰本《天演論》嗰度走出嚟嘅。

廿一世紀進化論最基本嘅概念係遺傳（heredity），即係父母將自己嘅特徵傳俾仔女嘅過程。由日常生活嘅觀察可以得知以下嘅事實：

由呢啲簡單嘅觀察嗰度，可以作出以下嘅假說：是但搵任何一隻生物，佢會由父母身上繼承一啲嘢（呢啲嘢就係所謂嘅基因型；genotype），呢啲嘢會對佢最後嘅整體特徵（表現型；phenotype）有深遠嘅影響，但後天得到嘅特徵（例如疤痕）似乎多數都唔會影響返基因型轉頭，所以唔會直接由父母傳俾仔女。上述嘅假說喺廿世紀初引起咗學界一個疑問：特徵係點樣由父母傳去仔女嗰度嘅呢？對於呢個問題，生物學界喺 1940 至 1950 年代做嘅研究表明，DNA 正正就係喺遺傳過程發生嘅媒介，而呢個重大發現定立咗現代遺傳學（genetics）嘅基礎。

基因組最基本嘅單位係鹼基對（base pair，bp）：一條 DNA 分子由一排排成雙成對嘅核苷酸（nucleotides；蛋白質嘅一種）組成，後者可以有四個唔同款－ C、G、A、T －呢啲款嘅配對同排列會影響到隻生物體內蛋白質嘅產生等嘅生命過程，而呢啲生命過程會影響隻生物嘅特徵（例：肌肉就係由蛋白質組成嘅，所以影響身體嘅蛋白質產生就會影響隻動物嘅肌肉嘅粗幼）；呢啲配對同排列喺隻隻生物入面都唔同，所以物種同物種之間同埋個體同個體之間會喺特徵上有差異。

基因組嘅分層結構如下：

舉個例說明，人嘅基因組由 23 對（46 條）染色體組成，呢 23 對染色體嘅 DNA 分子上面總共有成超過 30 億對嘅鹼基對；每一對鹼基對都可以係 CG、AT 等嘅唔同款，所以有好多個可能嘅組合；是但搵兩個人，佢哋身上嘅鹼基對有 99.5% 都係一樣嘅；之但係 30 億嘅 0.5% 都仲係一個好可觀嘅數字，所以人與人之間有唔細嘅個體同種族差異。如果一條 DNA 上面有某一段入面嘅鹼基對會一齊做某個特定功能（例如係決定頭髮嘅色水），噉佢哋就為止「一個基因」。人類嘅頭髮色水可以有黑、紅、同埋棕幾款，而「黑頭髮嘅基因」同埋「金頭髮嘅基因」就係嗰段 DNA 嘅等位基因。

基因組喺理論思考上可以攞嚟定義進化：隨住時間過去，一班生物嘅基因組會（因為物競天擇等嘅原因）一代一代慢慢噉變，而某啲等位基因可能會完全取代其他等位基因又或者消失－例如有某啲表現型特徵可能好幫到班生物生存同繁殖，令到同佢相關嘅等位基因喺幾代之後就完全支配嗮個物種嘅基因庫（gene pool；指個族群身上帶嘅所有基因），又或者因為個特徵太過唔啱生存（例如有個基因會搞到個個體不育）等嘅原因所以好快消失咗。亦即係話喺呢個過程入面，某啲基因喺個物種嘅基因庫入面出現嘅頻率會慢慢變化，而呢個就係進化嘅操作定義（喺實際搞科研嗰陣用嘅定義）。

數學性啲噉睇，進化嘅過程可以噉想像：喺是但一個時間點，是但搵個基因 ， 嘅第  個複製品叫 ， 傳到去下一代基因庫  嗰度嘅機會率會唔等同於另一個基因嘅一個複製品（），即係

例如係好出名嘅樺尺蠖（peppered moth；學名：Biston betularia）噉：樺尺蠖係一種飛蛾，本來係白色帶黑斑點嘅，不過喺 18 世紀工業革命嘅英格蘭，工廠排出大量黑色嘅廢氣，引致樺尺蠖族群嘅色水有所改變－生態學家發現喺工業革命嗰兩個世紀期間，英格蘭樺尺蠖嘅色水變到黑鼆鼆噉色。根據生物學家嘅研究，呢個現象嘅原因如下－樺尺蠖嘅身體色水係由等位基因話事嘅，隻隻樺尺蠖身上都有決定佢身體色水嘅基因，而「白色帶斑點嘅基因」同埋「黑色嘅基因」係呢個基因嘅等位基因，喺英格蘭樺尺蠖由白色帶斑點變成近乎全黑嘅色水嘅過程當中，「黑色嘅基因」喺呢個族群嘅基因庫入面出現嘅頻率提升咗（黑色身體喺污染得勁嘅環境嗰度起到保護色作用），而「白色帶斑點嘅基因」嘅出現頻率就相應跌咗－喺定義上就係一個進化嘅例子。

按照呢個定義，進化有得按時間尺度同差異程度分做微進化（microevolution）同埋宏進化（macroevolution）兩種：

遺傳係繁殖（reproduction）嘅一部份：

有性繁殖係一把雙面刃：

進化定義係指一個族群嘅基因庫隨時間演變嘅過程：當某個等位基因喺個物種嘅基因庫入面出現嘅頻率變嗰陣，進化就發生咗。進化機制（mechanism of evolution）係指引致基因庫一代一代噉改變嘅原因。根據廿一世紀嘅進化論，進化機制主要有以下呢啲：

物競天擇（natural selection），粵文又有叫自然選擇，係由達爾文喺佢本名著《物種起源》嗰度提出嘅。「通過物競天擇進行嘅進化」係指某啲等位基因因為有利於生存同繁殖而變得更加常見嘅過程。例如身上帶有「抗藥性勁嘅基因」嘅細菌個體比較能夠生存落去同埋繁殖，所以喺下一代入面「抗藥性勁嘅基因」呢個等位基因就變得更加常見。呢個機制成日俾人話佢係不證自明（self-evident）嘅，因為個機制係三個簡單事實嘅必然結果：

喺野外，好多時「生咗出嚟嘅下一代」數量大過「有得生存落去嘅下一代」，而呢啲原因令到同一個物種之間嘅個體會爭生存所需嘅資源（例如係爭嘢食）同埋繁殖嘅機會（例如係爭伴侶）。喺呢啲競爭嗰度，某啲個體因為先天優勢所以比較大機會爭贏，好似係天生大隻啲聰明啲所以比較擅長搵嘢食，或者天生個樣靚啲所以比較容易搵到伴侶，於是乎呢啲有先天優勢嘅個體同冇咁有優勢嘅比起上嚟，會比較有能力生存同繁殖－將自己身上嘅基因傳去下一代嗰度。

物競天擇帶出咗進化適應性（evolutionary fitness）呢個概念。一隻生物嘅進化適應性係指佢生存同繁殖嘅能力，而呢個能力決定佢有幾大機會將自己身上嘅基因傳去下一代。某隻生物嘅進化適應性係以「比例上有幾多後代帶有嚟自嗰隻生物嘅基因」嚟量度嘅，所以進化適應性唔係齋睇佢可以生到幾多個後代嘅－就算佢生到嘅仔女嘅數量係同類個體嘅十倍，如果嗰啲仔女因為太虛弱或者佢唔識照顧等嘅原因而生存唔到，呢隻生物嘅進化適應性都唔會好高。

一個特徵（或者等位基因）嘅進化適應性唔係定死咗唔變嘅。如果個族群住嘅環境變咗，本嚟係中性或者有害嘅特徵可能會變成有利嘅特徵，反之亦然，例如係頭先講咗嘅樺尺蠖嘅例子噉樣，喺一個乾淨嘅自然環境嗰度，生到成身黑色會令到隻蠖變得更加樣眼，更加容易俾啲獵食者睇到同捉嚟食，但喺工業革命嗰陣，啲工廠噴咗好多污染物出嚟，搞到佢哋住嘅地方好多都變咗黑鼆鼆噉嘅色，喺呢個環境當中，「成身黑色」反而變咗做個有利嘅特徵，令到隻蠖變得冇咁樣眼。地球一路都有好多地殼活動、氣候同埋洋流等嘅嘢令地球嘅環境不斷噉變化，而呢啲變化令到地球上嘅生物要係噉進化嚟適應新環境，亦都令地球嘅生物多樣性（biodiversity）變得更加高。

物競天擇可以大致上噉用以下嘅 JavaScript 碼嚟模擬：


人工選擇（artificial selection，又有叫「selective breeding」）同物競天擇一樣，都係一個物種入面「有啲個體有得生存繁殖、有啲冇」而令個物種嘅基因庫一代一代噉變樣。同物競天擇唔同嘅係，喺人工選擇當中，負責揀「邊啲個體有得生存繁殖」嘅唔係大自然，而係人：喺人嘅歷史裏面，人有養好多唔同種對佢哋有用嘅動物，好似係有得攞嚟看門口同打獵嘅狗、用嚟捉老鼠嘅貓、用嚟幫手耕田嘅牛、用嚟騎同拉車嘅馬同埋用嚟食嘅豬呀噉。人好多時都有能力主宰佢哋養嘅動物嘅生存同埋繁殖－就自然有得決定佢哋所養嘅個體入面邊啲有得將自己嘅基因傳俾下一代。呢種機制就係所謂嘅人工選擇。

人工選擇一個出名嘅例子係比利時藍（Belgian Blue）：呢個品種嘅肉牛身上有種特殊嘅基因變異，個變異令佢哋生肌肉生得好勁（而牛肌肉係最好賣嘅牛肉之一），同時亦都搞到佢哋啲乸嘅生產道變窄咗，成日都要靠開刀先至成功生到仔。呢種牛如果擺喺自然環境嗰度，應該會冇能力自己正常噉繁殖，好快會絕種，但呢種牛係由人養嘅，而佢哋咁好肉令佢哋好有經濟價值，亦都令到啲牧場肯揼錢幫佢哋開刀生仔－呢種喺自然環境嗰度冇能力成功生存繁殖嘅動物，喺人養嘅環境之下因為人嘅選擇而有得生存繁殖，所以就係人工選擇嘅一個例子。除咗比利時藍之外，動物靠人工選擇而進化嘅過程喺牧場或者係寵物配種當中日日都發生緊。

基因突變（genetic mutation）係指一個細胞嘅基因組嘅某段 DNA 突然有變化。當有一段 DNA 變咗樣，相應嘅基因會有變化，可能會搞到個細胞冇能力繼續做佢做開嗰個功能，而如果呢個細胞屬於一隻多細胞生物（例如係人類），隻多細胞生物可能會受害，例如一個人隻手臂嘅肌肉細胞突變，可能會搞到嚿肌肉喪失功能，而呢點會對個人嘅生存造成危害。根據對黑腹果蠅（fruit flies）嘅研究，如果一個突變令某個基因所產生嘅蛋白質有所改變，噉個突變通常（70% 嘅情況下）會係有害嘅，而喺淨低嘅情況下，個突變就會係冇影響或者有些少好處嘅。

DNA 上好多時會有複製咗幾次嘅基因，而呢啲「多咗幾份出嚟」嘅基因被指係有利於突變嘅發生：喺好多生物物種嘅 DNA 當中都會有「做同一樣功能嘅基因多咗幾份」嘅情況，例例如係喺人 DNA 負責整眼珠嘅基因當中，有 4 個基因係用嚟整感光結構嘅，而有 3 個基因整視錐細胞（cone cell）同 1 個基因整視桿細胞（rod cell），而呢柞基因本來都係由一個基因演變出嚟嘅；想像家陣有個基因因為突變而壞咗，做唔到佢原有嘅功能，但條 DNA 上有呢個基因嘅複製品，噉啲複製品就可以做埋嗰個基因嗰份，等隻生物唔會因為突變搞到佢做唔到某啲對生存繁殖嚟講必要嘅功能－「一個基因多咗幾份」可以間接令「靠突變嚟進化」呢家嘢對個體以至成個物種嚟講風險冇咁高。除此之外，第啲類型嘅突變仲可以由本來冇用嘅 DNA 嗰度變啲全新嘅基因出嚟。

新基因嘅產生可以涉及由幾個基因嗰度每個切一截出嚟再組合。喺呢個過程入面，每個基因嘅功能嘅某一部份會俾佢拆出嚟再組合埋一齊做一個新功能－雖然呢個新功能唔一定有用或者有益。

基因流動（gene flow）係指同一個物種唔同族群之間或者物種之間交流基因嘅過程，係一個族群或者物種攞前所未接觸過嘅基因嘅一種方法：一個族群嘅個體可以搬去第啲同物種嘅族群嗰度住，並且同新族群嘅個體交配同生下一代－人就成日都做呢樣嘢，好似係移民去第個國家，跟手喺嗰度落地生根同埋同當地人通婚。除咗人之外，喺同一笪大陸嗰度嘅老鼠都可能分做好多個族群，而啲老鼠耐唔耐就會搞遷徙，造成唔同老鼠族群之間嘅基因流動。

上圖係基因流動嘅抽象圖解；想像家陣有兩個族群（A 同 B）嘅雀鳥，佢哋兩個群體俾座山隔開咗，箭咀表示基因嘅傳遞，族群 A 具有令隻雀羽毛藍色嘅等位基因，而族群 A 入面有個個體遷徙去 B 地區嗰度，喺 B 地區搵到伴侶生後代，令 B 地區首次有咗隻羽毛藍色嘅幼雀。睇埋顯性。

物種之間嘅基因流動會涉及所謂嘅橫向基因轉移（horizontal gene transfer）－即係一啲基因由一隻生物傳去另一隻唔係佢仔女嘅生物嗰度。呢種事通常喺細菌入面先至會發生，而且仲會搞到醫學方面嘅研究者好頭痛：一個物種嘅細菌俾啲藥殺到咁上下會開始有抗藥性（drug resistance）－因為冇抗藥性嘅個體話咁快就死嗮，淨返啲抗藥性勁嘅個體先會生存到落嚟，跟手呢啲抗藥性勁嘅個體會繁殖，（抗藥性係受基因影響嘅）生一啲同佢哋一樣抗藥性勁嘅下一代出嚟，最後成個物種變到抗藥性愈嚟愈強。除咗噉，細菌仲有可能做橫向基因轉移將自己嘅抗藥性基因傳俾第啲物種嘅細菌，搞到成柞細菌物種都變到有抗藥性。

基因漂變（genetic drift）係指一個等位基因喺一個族群入面出現嘅頻率因為抽樣誤差（sampling error）而有所改變嘅過程：有性繁殖嘅父母基因洗牌過程（即係由阿爸嗰度抽一半、由阿媽嗰度又抽一半）係帶有些少隨機性（randomness）嘅－就算一個等位基因嘅適應性唔差過第啲等位基因，個基因都可能會喺「抽基因」過程當中咁啱抽唔到佢嚟傳落去後代嗰度，搞到佢嘅出現頻率喺兩代之間有啲隨機性嘅下降。

數學性啲噉講，可以想像上圖，X 軸代表時間，而三條唔同色嘅線分別代表三個描述緊一個隨機過程（例如進化）嘅變數。隨機過程本質上就會有誤差：例如 ，當中  指喺時間點  嘅  數值（例：喺時間點 ，某等位基因喺基因庫入面嘅出現頻率）， 係一個特定嘅函數（反映  點樣受到  影響），而  係帶有隨機性嘅誤差值；條線會有好多相對細幅度嘅上上落落。

基因漂變淨係會喺兩種情況之下停止：一係個等位基因完全喺個物種嘅基因庫嗰度消失（例：個族群完全冇嗮金頭髮嘅個體），一係個等位基因完全取代嗮第啲等位基因（例：個族群淨係得返金頭髮嘅個體）；如果以上兩個情況冇發生，噉一個等位基因嘅出現率喺唔同世代之間實會有些少上上落落。同時，如果有個屬同一個物種嘅族群（例如係人）因為遷徙等嘅原因而分開做兩組各自獨立發展，就算佢哋各自本來嘅基因庫同埋新環境完全一樣，兩組喺好幾代之後嘅基因庫都梗會有些少唔同。

進化會影響一個生物族群每一方面嘅特徵：基因左右一隻生物身體嘅蛋白質產生，所以會影響隻生物嘅外型同身體功能；除此之外，進化仲有可能改變一個物種嘅行為－蛋白質產生會影響神經系統嘅結構同生理，而神經科學上嘅研究表明咗，神經系統嘅結構同生理特性主宰一隻動物嘅行為同心理特徵，例如喺人身上做嘅研究就發現，智商（IQ）相當大程度上係受遺傳因素主宰嘅。進化造成嘅各方面改變會影響一個物種嘅生存同繁殖，亦都會影響到佢哋嘅進化適應性，主要會有幾個效果：

適應（adaptation）指「一個物種慢慢噉變到更加適合喺佢哋嘅環境嗰度生存同繁殖」嘅一個過程。好似喺正話提到嘅樺尺蠖例子噉，樺尺蠖族群整體嚟講變成黑鼆鼆噉嘅色水，呢點令佢哋更加能夠匿埋喺周圍黑鼆鼆嘅環境嗰度，更加擅長避開獵食者同生存落去－而噉樣主要係因為物競天擇嘅過程，白晒晒噉色嘅樺尺蠖更加容易俾獵食者擔走，而後者冇咁生存到落嚟，淨係得黑色樺尺蠖有得繁殖，所以佢哋更加大機會將自己嘅基因（包括「令佢哋黑鼆鼆噉色」嘅基因）傳俾下一代，於是「黑鼆鼆噉色」嘅等位基因出現頻率上升，令到個物種變到多數都係黑鼆鼆噉嘅色水。呢種「透過進化變到更加適合喺環境嗰度生存同繁殖」嘅過程，生物學家喺好多個細菌、植物同動物物種身上都有觀察得到。

File:Female pair.jpg|thumb|240px|雞唔識飛，但仲有對「翼」－雞對翼係一個痕跡器官。
喺進化適應嘅過程入面，一個族群嘅已有身體結構會慢慢噉變，佢哋可能會得到一啲新特徵，又或者失去某啲已有特徵。好似係鬚鯨（baleen whale）嘅進化史噉，對化石等證據嘅研究顯示，鬚鯨嘅遠古祖先（可以睇巴基鯨科）係有腳嘅陸上動物，後嚟因為某啲原因走咗去近海嘅地方住，甚至乎開始游水（嚟捉魚食或者避開一啲唔識游水嘅獵食者）；打後佢哋嘅後代嘅腳就愈嚟愈變到似鰭，令到佢哋變得更加擅長游水（同時失去喺陸地上面行嘅能力）。同樣嘅適應過程喺蝙蝠身上都見得到：蝙蝠對翼嘅骨架同老鼠嘅腳嘅骨架有好多相似嘅地方，而研究亦都顯示蝙蝠同老鼠有某啲共同祖先（common ancestor），但兩者打後就分開各自進化。

喺進化適應嘅過程當中，某啲身體結構可能會失去原有功能，但又未完全消失得嗮，變成所謂嘅痕跡器官（vestigial organ）。好似係雞同埋企鵝呢啲唔曉飛嘅鳥類噉樣，查實佢哋嘅祖先有好強壯嘅翼，而且佢哋有好多現代近親物種都曉飛，但雞同企鵝已經唔曉飛（雖然企鵝進化到好擅長游水），淨係得返對又冇力又飛唔起、但仲未消失嗮嘅翼。除咗噉，痕跡器官例子仲有一啲喺黑暗環境生活，進化到得返對盲眼嘅魚類同埋係明明經已冇腳但係仲有盤骨嘅鯨魚同蛇呀噉。人亦都有啲好似係智慧齒等嘅痕跡器官。

由上面痕跡器官嘅概念當中睇得到，進化通常會令到一個族群嘅生物整體上變得更加擅長喺住緊個環境度生存同埋繁殖，但唔一定會令到佢哋變得更加「高等」或者「複雜」：頭先鬚鯨同雞等嘅例子就係噉，進化好多時係透過「失去某啲嘢」嚟令個族群更加適應到環境嘅－鬚鯨喺佢哋嘅進化過程嗰度少咗對腳，呢樣嘢係令到佢哋行唔到路，但同時令到佢哋嘅身體唔使生腳，空咗啲資源出嚟，可以更加專注於將身上嘅營養用嚟組成游水用嘅鰭，令佢哋游水叻咗，總體更加適應到喺海入面生活。

因為噉，專業嘅生物學家唔會用「退化」（devolve）呢個詞－「進化」喺生物學嘅定義上純粹係指一個族群嘅生物嘅基因庫有改變，呢啲基因上嘅改變可以引致班生物嘅身體多咗啲新嘅嘢或者少噉咗啲舊嘅嘢，而兩種情況都有可能幫到班生物適應佢哋住緊嘅環境。「退化」呢個詞嘅出現純粹係因為一般人同大眾媒體對進化論嘅誤解，以為一種生物進化就實要係「多咗啲嘢」或者「變得更加高等」。

物種形成（speciation）係指「本來同屬一個物種嘅族群分開，並且各自獨立發展做兩個或者以上唔同物種」嘅過程。

物種（species）喺廿一世紀初嘅生物學界都仲係一個有些少爭議性嘅概念。最基本上，物種可以用交配嚟定義嘅，即係所謂嘅生物物種概念（The Biological Species Concept；BSC）：喺呢個定義下，一個「物種」嘅生物指嘅係一個或者多個族群嘅生物，而呢啲族群係

例如係人類呢個族群噉，白種人同黃種人－又或者日本人同漢人、又或者粵人同第啲漢族民系－之間有住血統同埋外型上嘅差異，但佢哋之間有能力配種（白人同黃種人通婚可以生到有生殖能力嘅後代出嚟），而呢幾個族群都係冇能力同人以外嘅生物配種嘅，例如一個人－無論佢係邊個人種都好－同一隻馬交配唔會生到啲乜嘢後代出嚟，所以人類係一個同馬唔同嘅物種；又例如係獅虎（liger）噉，公嘅獅子同乸嘅老虎交配可以生到獅虎呢種動物出嚟，但獅虎幾乎係一定冇生殖能力嘅，所以獅子同埋老虎喺生物學界先會俾人當做兩個唔同嘅物種嚟睇。

物種形成主要有兩大機制：異域性（allopatric）同埋同域性（sympatric）。異域性指多過一個族群嘅生物受地理上嘅隔離而由同一個物種變成多個唔同物種嘅過程，例如係因為遷徙等嘅原因同一個物種分開做幾組，搬去唔同嘅地方度住，再分別噉適應各自嘅環境而進化，如果佢哋要適應嘅環境唔同或者有明顯嘅基因漂變，進化到咁上下呢幾組之間嘅差異會大到冇能力同對方配種－變咗做唔同嘅物種。呢種分化喺人身上都睇得到：各個人種嘅膚色等特徵因為住嘅環境唔同而進化到唔一樣，只不過係人仲未分化到冇能力彼此之間配種，所以仲算係同一個物種。如果將異域性物種形成嘅過程畫做抽象化嘅圖解（色水表示基因庫嘅特徵）：

另一方面，同域性物種形成係指有個新物種去到某一個環境，同一個固有物種喺同一個地區度住，但因為繁殖或者溝通等嘅行為差異而同唔到對方配種，最後兩者分化到變做兩個唔同嘅物種，例如係印尼就有一種蝙蝠因為佢哋之間把聲有差異，而且佢哋係靠認對方把聲嚟搵伴侶嘅，搞到佢哋產生咗幾個把聲唔同嘅族群。呢幾個族群仲要拒絕同其他族群交配，最後產生咗三個從來都未雜交嘅族群。如果畫做抽象化圖解嘅話：

同域性物種形成可以再細分做兩種：近域性（peripatric）同埋鄰域性（parapatric）。近域性物種形成指一個族群地理上同原本嘅族群隔離咗，打後因為呢個新族群擴大而同本嚟嗰個族群有接觸，但喺呢個時候兩個族群嘅差異經已大到配唔到種－變咗做兩個唔同嘅物種；鄰域性物種形成指嘅係一個族群分咗個細族群出嚟，而呢個細族群搬咗去就喺旁邊嘅地區度住，雖然兩個族群喺地理上相連，但係某啲交流上嘅困難搞到佢哋最後分化咗做唔同嘅物種。

最出名嘅鄰域性物種形成例子係環狀物種（ring species）。環狀物種係生物學上一個廣受討論嘅進化現象：一柞族群分別噉住喺一柞相鄰嘅區域嗰度，因為上述嘅進化過程令到佢哋當中地理上離對方愈遠嘅族群（遺傳上）愈係同對方唔同，而相鄰嘅族群之間嘅相似性高到足以同對方配種，但唔相鄰嘅族群就做唔到呢樣嘢。住喺北極圈嗰頭嘅各黑脊鷗（學名：Larus argentatus）族群就係噉樣。

環狀物種等嘅現象反映出「物種」之間嘅分界查實係有些少含糊嘅。喺進化嘅過程入面，一個族群係慢慢噉變樣嘅，由一個物種進化到變成第個物種（宏進化）嘅過程唔係一吓就變出嚟，而係慢慢逐啲逐啲噉變嘅，所以同一個族群入面兩代之間實有配種嘅能力，世代同世代之間嘅差異唔係「一係就似一係就唔似」，而係「有幾似」：一般嚟講，假設冇乜嘢好勁嘅突變，第 1 代同第 10 代之間嘅差異會大過第 1 代同第 2 代之間嘅；而第 1 代同第 100 代之間嘅差異又會大過第 1 代同第 10 代之間嘅。如此類推，個族群慢慢噉變吓變吓，（譬如）可能去到第 500 代，佢哋先會同第 1 代差異大到冇能力配種，之但係喺呢個情況嗰度，第 250 代同第 1 代有能力配種，而第 250 代又有能力同第 500 代配種。因為噉，對於進化嘅研究令到科學界理解到一點：唔同嘅生物「物種」之間查實冇話有乜嘢完全明確嘅分界線（可以睇埋聚類分析），而物種呢個概念到咗廿一世紀初，科學界一般都當佢只不過係一種為咗溝通方便嘅用詞，而唔係一個嚴謹嘅科學概念。

絕種（extinction），粵文入面又有叫滅絕，係指某一個物種或者屬某個生物分類上嘅族群成個消失：當有一個物種，佢哋最後淨低嗰個個體都死埋嗰一刻，呢個物種算係絕咗種。

絕種喺生物進化史上面唔係啲乜嘢出奇嘅事，而係係噉不斷發生緊嘅。事實係據估計，地球上曾經存在過嘅物種當中絕大多數嘅都經已絕咗種，而且地球上曾經發生過好多次生物大規模絕種嘅情況（即係所謂嘅集體絕種；mass extinction），集體絕種多數係源於地球嘅環境－尤其係氣候－突然之間變得好犀利，搞到有好多生物族群嚟唔切進化去適應新嘅環境，並且因為噉而死嗮。最嚴重嗰五次集體絕種分別係發生喺

當中嘅白堊紀-古近紀滅絕事件（Cretaceous-Paleogene extinction event）因為涉及到恐龍嘅絕種而好出名。除此之外，廿一世紀初嘅研究指，當時生物物種絕種嘅速度係正常速度嘅 100 到 1,000 倍，據估計主要係因為人嘅各種活動污染咗地球環境同埋全球暖化嘅現象。

生物學同第啲科學領域一樣，會跟足科學方法（scientific method）嚟做研究。噉講意思即係話，生物學界會根據手上已知係真嘅事實，諗一啲理論出嚟解釋研究緊嘅現象，然後靠邏輯性嘅思考，去諗吓呢柞理論會做點樣嘅預測，跟手做實驗同觀察嚟攞數據，驗證吓個理論嘅預測係咪真確。根據廿世紀嘅生物學研究，進化論呢一個理論得到嚟自多個源頭嘅證據支撐，大致上有兩大流：

微進化係指一個物種內部喺短時間內嘅基因庫變動，變動嘅幅度未至於令最新嗰代成為新嘅物種（最新嗰代同原初嗰代仲有能力配種）。微進化可以輕易噉觀察得到：生物學家可以由野外嘅動植物嗰度抽樣，睇吓唔同嘅動植物物種基因庫會點樣隨時間變化，再睇吓呢啲基因上嘅變化會同啲動植物嘅特徵有乜嘢相關，而呢啲研究的確發現咗野生動植物之間會有微進化嘅現象。

除咗觀察性嘅研究，生物學家仲有得做實驗：實驗（experiment）係用科學方法嚟驗證科學理論嘅手法之一，指做研究嘅人主動噉對研究緊嘅現象作出一啲操控，再睇吓個操控會產生點樣嘅結果（以及係個結果同理論所預測嘅有冇出入）。哈佛大學就曾經做過一個噉嘅實驗驗證微進化：研究人員將大腸桿菌（E. Coli）擺喺個缸入面養，呢個缸愈近中間嘅地方就放咗愈高濃度嘅抗生素喺度－抗生素會殺死大腸桿菌，所以只有對抗生素抵抗力勁嘅大腸桿菌先會能夠喺近中間嘅地方生存；而實驗結果顯示，一如物競天擇作嘅假說所料，喺個缸邊緣地區（抗生素濃度低）嘅大腸桿菌死唔去，跟手仲繁殖，生到對抗生素抵抗力一代勁過一代，最後仲散佈去到個缸嘅中間（抗生素濃度最高嗰忽）－展示咗「一個族群嘅生物進化，並且變到愈嚟愈適應自己住嘅環境」呢一個過程。呢啲有關細菌進化嘅研究對醫學嚟講極之有價值。可以睇埋進化醫學。

睇微進化過程嘅實驗喺複雜啲嘅多細胞生物身上都做過。例如係相當之出名嘅家紅狐狸（domesticated red fox）噉：喺 1959 年，蘇聯生物學家（Dmitry Belyayev）指出，一隻動物嘅行為係受制於好似荷爾蒙同腦結構呢啲生理因素嘅，而呢啲生理因素又係受到基因影響嘅，所以生物嘅進化過程會影響到一個物種嘅行為；為咗驗證呢啲諗法，貝里葉佢開始咗做一個實驗，搵咗一柞紅狐狸返嚟，再做以下嘅步驟諗住馴養（domesticate）佢哋：

呢個研究好有生物學價值：喺呢個研究嘅過程入面，一個族群嘅生物俾啲研究人員選擇，而整體成個族群嘅表現型喺幾代之後出現咗明顯改變，顯示咗好似狐狸噉嘅哺乳類－複雜過細菌好多嘅生物－都曉進化，而且進化唔淨只影響外型同埋某啲身體結構，仲可以影響一種生物嘅行為。除咗呢類實驗，日日都喺牧場同埋寵物配種嗰度發生嘅人工選擇過程亦都俾人視為進化過程嘅實驗性證據（人特登操控某啲嘢，引致生物嘅基因庫同表現型起變化）。

宏進化指長時間（閒閒地幾百萬年）發生嘅進化，最後嗰一代嘅個體會冇能力同初代個體配種。原則上，宏進化難以用實驗嚟研究：宏進化定義上就係發生喺（對人嚟講）極漫長嘅時間嘅，如果要做一個宏進化實驗，研究者就要做一啲操控，再睇吓個操控喺（例如）幾百萬年後產生乜嘢影響，喺人力物力上根本冇可能做得到；不過科學家依然搵到宏進化嘅觀察性證據。

古生物學（paleontology）係一門以化石（fossils）做基礎嚟去研究生物物種嘅生物學子領域：當一隻生物死亡嗰陣，佢條屍會俾微生物分解而腐爛，搞到佢生存過嘅痕跡冇咗。但有陣時，呢啲遺跡可能會因為某啲因素而成功噉保存到落嚟－例如一隻生物條屍或者佢造成嘅一啲痕跡（好似係腳印噉）因為某啲特定嘅原因咁啱得咁橋好快俾啲泥土𢫏住咗，令到佢哋唔會俾水流等嘅自然力破壞，而佢哋最硬淨嘅部份－例如係骨頭－就會變成化石留低到落嚟。有時一啲化石仲會保留到成隻生物，例如係俾冰雪住咗嘅長毛象同埋一啲俾琥珀（amber）封住嘅昆蟲呀噉。研究者可以用放射性定年法（radioactive dating）等嘅技術嚟睇吓搵到嘅每個古生物樣本年代有幾久遠，靠噉嚟得知唔同地區嘅生物喺形態上點樣隨時間變化。

呢啲好多嚟自古代生物嘅痕跡令生物學家有得睇到唔同地質時代嘅生物係乜嘢樣，而且仲係進化嘅直接證據：自從達爾文嗰陣時開始，古生物學家發現咗好多佢哋之前未見過嘅過渡化石（transitional fossil）－呢啲化石顯示咗現有生物物種同佢哋啲遠古祖先之間嗰啲過渡形態，例如係好出名嘅始祖鳥（original bird；學名：Archaeopteryx），就係由某啲恐龍嗰度進化出現代鳥類嘅證據－始祖鳥喺大約 1 億 5 千萬年前存在過，由佢嘅身體構造好明顯睇得出，佢有啲似恐龍又有啲似現代鳥類，而且喺後期啲嘅化石嗰度仲睇到呢種生物嘅後代慢慢噉演變到愈嚟愈似現代鳥類，支撐咗宏進化嘅假說。

喺最廣義上，進化論可以泛指「描述生物物種一代一代噉變化嘅學說」。呢種學說歷史查實相當悠久：早喺古希臘嗰陣，經已有學者喺度討論啲類似現代進化論嘅諗頭，好似係蘇格拉底（Socrates）打前就有古希臘哲學家主張話一種生物可以係由第種生物嗰度嚟嘅，而打後少少嘅古羅馬哲學家盧克萊修（Lucretius）喺佢本《物性論》（拉丁文：De rerum natura）入面都有提咗啲類似進化論嘅諗法。

不過喺打後嗰超過 1,000 年，西方世界由目的論（teleology）主導：阿里士多德（Aristotle）提出，唔淨只係生勾勾嘅嘢－喺所有大自然嘅嘢嚟講，進化係大自然各種可能性嘅一種唔完美嘅呈現。佢提出咗好似係理型同物種等嘅概念。而呢個亦都係佢個自然目的論嘅一部分：佢認為一切嘅事物存在嘅目的都係要喺某啲「神聖嘅宇宙秩序」入面發揮一啲作用，所以各種生物有親啲乜嘢特徵都係因為某啲「冥冥中嘅主宰」嘅意願。喺中世紀嘅歐洲，呢種「宇宙有某啲神聖秩序」嘅思想嘅變體做咗嗰時各基督教教派嘅標準知識，而佢哋心目中掌管住宇宙秩序嘅主宰就係佢哋嘅上帝。

呢種思想要去到成 17 世紀先至開始俾人挑戰：當時新興起嘅現代科學方法要求對自然現象嘅解釋應該建基喺觀察得到嘅事物上面，要遵守共同嘅物理定律，而唔好先假定咗有某啲神聖嘅宇宙秩序喺背後，就算信上帝都唔好假定咗人完全了解上帝嘅意願。好多同期學者仲係堅持舊嘅見解：例如英國博物學家（John Ray）就提出咗「物種」呢個詞語，並且主張每個物種都有某啲唔會隨住時間變嘅「本質」；而瑞典動物學家林奈（Carl Linnaeus）雖然承認物種之間有分層嘅關係，但仲係主張呢啲嘢係「跟從上帝嘅計劃」嘅。即係話喺呢個時期，西方嘅思想界嘅主流仲係目的論－啲人認為宇宙入面嘅嘢都係服從一個冥冥中嘅主宰，而呢個冥冥中嘅主宰係「會為咗人著想」或者「人有能力了解」嘅。要再打後啲，呢種思想先至慢慢噉失去影響力。

喺 1859 年年底，達爾文出版咗佢嗰本名著《物種起源》（On the Origin of Species）。達爾文仔細噉講解咗物競天擇嘅諗法，指出人口增長會引致「生存鬥爭」，而且喺每一代入面都有好多細路因為有限嘅資源而喺去到生殖年齡之前就死咗，呢啲過程令到一個族群嘅生物入面擅長生存嘅個體會佔上風，而其他嘅會死亡並且冇能力將自己嘅基因傳俾下一代。達爾文佢靠住呢柞推論同埋佢喺加拉帕戈斯群島（Galápagos Islands）等地收集返嚟嘅證據，解釋咗好多當時解釋唔到嘅現象。後嚟比較解剖學家湯瑪士·赫胥黎（Thomas Henry Huxley）仲將呢套理論用落去人類嗰度，運用古生物學同埋比較解剖學嘅知識提供證據，支持「人類同類人猿有共同祖先」嘅諗法，奠定咗進化論嘅學術地位。

初頭嗰陣，西人嘅社會大眾普遍都覺得呢種思想好難接受：佢哋覺得進化論係暗示人喺宇宙入面冇乜特殊地位，只不過係另一種動物（呢點同西人傳統對上帝嘅認知唔夾）；再加上達爾文等嘅科學家唔撐「宇宙入面有某啲神聖秩序，而呢啲神聖秩序可以攞嚟解釋生物點解有某啲特徵」呢個諗法，所以佢哋覺得接受進化論就等如係推無神論－而喺當時，無神論好多時都俾西人覺得係一種罪。不過，達爾文佢本人去到最後都仲係主張不可知論（agnosticism；一種中立觀點，唔肯定上帝存在，但係亦都唔否定佢存在），而唔認為自己係無神論者。

除咗科學同神學上嘅衝擊之外，達爾文嘅理論仲打破咗西人（同好多地區嘅人）傳統嘅本質主義（essentialism）思想：呢種思想主張唔同「類」嘅嘢之間係有住某啲唔可以打破嘅分別嘅，例如佢哋會覺得「白人」同埋「黃種人」係兩類本質上唔同嘅嘢，無論一個白人點變個樣，都冇可能變到做黃種人。不過達爾文嘅觀點就指出咗呢種思想嘅問題：物種同物種之間冇明確嘅分界線，兩個族群或者兩樣嘢之間嘅差異唔係「一係似一係唔似」，而係「有幾相似」－「相似性」呢樣嘢係連續嘅。例如如果將一個白人嘅面形同膚色等特徵逐啲逐啲噉變，最後係有得慢慢噉將佢變做一個黃種人嘅。呢種思想上嘅改革最後令到世人改變咗佢哋對「種族」呢啲概念嘅認知。而到咗廿一世紀，進化論經已廣泛噉樣俾各領域嘅科學家用嚟解釋自然現象同埋製作各種有用嘅發明，成為咗做現代科學唔可以少嘅知識。

喺 19 世紀嗰陣，尤其係喺《物種起源》出版打後嗰一排，各界嘅學者對於「進化對於哲學、社會同宗教信仰有乜嘢啓示」呢一條問題起咗相當激烈嘅爭詏。到咗今日，大量嘅科研證據令到絕大多數嘅科學家都接受咗「進化論的確能夠準確噉樣描述到自然現象」呢一點，而且除咗理論上嘅價值，進化論喺農業、醫學、寵物配種甚至乎係人工智能等多方面嘅應用科學上都好好用，成為咗好多科學家做嘢嗰陣走唔甩要學嘅知識。

進化論引起咗宗教方面嘅熱議。喺廿一世紀初，唔同嘅宗教團體對於進化論嘅意見有相當大分歧：

啲人喺批評進化論嗰陣，其中一個最常見嘅講法係話「進化只不過係一個理論」（evolution is just a theory）。對於呢個論調，英國科學家道金斯（Richard Dawkins）就噉講：

喺日常英文用語裏面，「theory」（粵文一般會譯做「理論」）呢個字最廣義上可以係指「對某啲現象嘅講法」，而根據呢個定義，「地球圍住太陽轉」同「舊約聖經係歷史」等嘅諗法都一樣係「理論」。喺嚴謹嘅科學上，科學理論（scientific theory）係指「嘗試對大自然某啲現象作出，而且有一定證據支撐」嘅解釋；事實上，進化論受到相當大量嘅證據支撐，而且喺實際應用上真係能夠攞嚟預測現象，所以一般認為，進化論算係一個嚴謹科學定義上嘅理論，而「舊約聖經係歷史」呢一個諗法唔算。

另一方面，又有唔少人批評話進化論提倡種族主義。一般認為，呢個批評係個草人謬論（straw man fallacy；指批評者喺度批評緊一個受批評者根本冇主張過嘅立場），例如加拿大哲學家（Christopher Tindale）就用美國路易斯安那州議會喺 2001 年諗過嘅一個法案嚟做草人謬論嘅例子。呢個法案嘅內容大致上係噉嘅：

天道指出，呢個法案喺度打緊草人（hitting the straw man；指「批評對方冇主張過嘅立場」呢一個舉動）：實際上，達爾文並冇主張過種族主義。達爾文真正講緊嘅嘢係物競天擇引致物種一代一代噉改變－即係指喺自然界，同一個生物族群入面嘅某啲個體會比較擅長生存同繁殖，所以比較大機會能夠將自己帶嘅基因傳俾後代，引致每一個族群嘅基因庫都會一代一代噉變樣，只係客觀噉描述唔同族群喺身體結構上會有唔同，而唔係邊個族群「高等」啲。對於種族之間嘅差異，達爾文個理論會講嘅係「白人同黑人等唔同種族適應咗各自唔同嘅生存環境－歐洲同非洲－而進化到身體結構上有啲唔同」，例如非洲太陽猛啲，所以黑人進化到皮膚黑色素多嚟保護皮膚。

到咗廿一世紀初，進化論有廣泛嘅應用價值，例如：

... 等等。




#Article 75: 南京 (129 words)


南京（；普通話拼音：，威式拼音：Nan-ching，傳統英文名：Nanking），簡稱寧（），別名金陵（）、石（頭）城（），喺長江下游沿岸，係中華人民共和國江蘇省省會，曾經係中華民國名義上嘅首都，自古以來係中國嘅重要都會，素稱「東南門戶、南北咽喉」，係長江流域乃至南中國嘅中心都會。喺14世紀到15世紀期間，南京曾經係世界上最大嘅都會。喺2019年估算南京市區人口約612萬人，按市區人口計南京係世界第68大城市。

南京係中國歷史文化名城，有二千幾年歷史，做過多次國都，係中國四大古都之一，有「六朝古都」甚至「十朝都會」之稱，歷史遺存同埋自然景觀令南京成為中國嘅旅遊城市之一。南京係中國15個副省級市之一，即係喺經濟、出臺政策方面享有近乎於省級嘅自主權。南京亦係揚子江下游、長三角經濟區嘅產業城市同經濟中心，江南地區嘅文化（敎育、學術）同政治中心，作為商業中心喺華東僅次於上海。長江、京滬鐵路喺呢處交匯，係華東地區嘅交通樞紐。南京重有個出名，在於夏天時滾夾熱，暑氣重，同重慶、武漢並列爲中國三大火爐。

南京總面積6587.02 km²，總人口843萬人（2018年）。2018年南京GDP 12820.40億元人民幣，人均GDP 15萬2886元，城鎮居民人均可支配收入5萬9308元，農村居民人均可支配收入2萬5263元。2018年城鎮登記失業率1.78%。而家南京發展緊，人口不斷增加，預計2020年左右南京人口達千萬級，不過目前南京市政府希望控制人口，計劃屆時控制喺960萬人，發展目標放喺城市質量。

三國時諸葛孔明對南京嘅讚嘆至體現南京喺中國嘅歷史政治地位：

意思就話鐘山（紫金山）畀長江呢條巨龍蟠住，而座石頭山似隻虎踞伏，有龍虎相守，係個有帝王之象嘅地方，定做國都啱曬。所以歷代中原王朝南渡，都揀南京做首都，不過有個歷史現象幾得意，定親南京做首都嘅王朝，基本上都唔長久，而且風雨飄搖。於是又有人話南京風水差，至於點差，無人知，有傳聞話秦始皇有日見到南方有紫氣昇（紫金山嘅名又一種講法），啲人話嗰度會出帝王，秦皇自然唔想有人搶佢位，於是挖崩啲山、挖咗條秦淮河，秦淮河彎彎曲曲，係金粉胭脂地，就話紅顏禍水禍君王，藉此搞衰南京風水。不過，呢個只係民間笑談。雖則有噉嘅傳聞，南京依然係受歡迎嘅都城選址，孫中山喺《建國方略》就讚：「……其位置乃在一關善之地區，其地有高山，有深水，有平原，此三種天工，鍾毓一處，在世界中之大都市誠難覓如此佳景也。」所以辛亥革命後，遠東第一個民主共和國亦即中華民國喺南京宣佈成立。

因為南京喺民國係國都，喺日本侵華時專登喺南京大屠殺，約30萬人畀日軍殘殺，係人道災難同侮辱國格。

「南京」嘅字面意思就係「南面嘅京師」，「京」講明佢曾經貴爲首都，喺東亞傳統當中，「京」一般係首都先安嘅名。譬喻日本嘅京都、韓國嘅首爾，個名單純係首都噉解，都係做過或做緊首都；中國嘅北京意思係「北面嘅首都」，日本嘅東京、越南嘅東京（今日嘅河內），佢哋意思都係「東面嘅首都」，呢三個城市而家都係國都。

而對中國來講，「南京」嘅「南」係相對於中原嘅洛京而言，因為自古以來洛陽視爲「天地之中」，係中原嘅中心地帶，稱爲「神都」，中國首都本來應該定喺中原，而家方位有所偏差，於是就喺前面加個方位來表示。類似嘅有北京，以及曾經嗌過做「西京長安」嘅西安，同埋曾經稱做「東京開封府」嘅開封。

重有遞種講法認為南京喺明朝時原本係全國首都，後來遷都北京，南京變成留都，結果就有南北兩京嘅講法，譬如明朝時將漢地概括爲「兩京十三省」。換言之係複都制嘅產物，而明朝立國之初，亦將金陵作爲南京，而大梁作爲北京，亦係南北兩京。

南京嘅傳統英文名叫做Nanking，呢個係郵政式拼音，由舊時嘅英國傳教士根據當時嘅官話整落嘅，係以前中國地名嘅羅馬字寫法。而家南京嘅英文名叫做Nanjing，呢個係普通話拼音，係中華人民共和國成立後推行嘅拼音方案。呢兩個名好接近，只係「京」字嘅聲母唔同，呢個反映出百幾年間官話音韻嘅變化，亦即係顎化。「k」表明「京」嘅舊時官話聲母同現時粵語一樣，即係粵拼、普通話拼音嘅「g」，音標係，但後來因爲之後接，開始顎化爲，接住發音部位前移，由軟顎轉移到硬顎，變成現時嘅，寫成普通話拼音就係「j」。

雖然Nanjing係現時英文標準名，不過舊式嘅Nanking重流傳，而且好多嘅歐洲語言繼續用唔顎化嘅串法來稱呼南京，比如法文嘅Nankin，葡萄牙文嘅Nanquim，西班牙文嘅Nankín，意大利文嘅Nanchino，荷蘭文嘅Nanking，俄文嘅（羅馬字轉寫：Nankin）。喺日文「南京」嘅讀音亦係，呢個讀法唔係出自日文本身嘅字音，而係來自西洋語言，只不過字寫出來同中文一樣。

另外「南京」呢個詞喺日文有個好特別嘅現象，喺明治到昭和初期嘅日本，呢個詞係個含有「外來」、「異國」意味嘅接頭語。而家日文重殘留噉嘅名，比如將南瓜直接叫「南京」、木蝨叫「南京蟲」、掛鎖叫「南京錠」、花生叫「南京豆」、麻包袋叫「南京袋」，就連佢本國都有種雜技叫做南京玉簾。呢啲嘢未必就係由中國南京輸入到日本嘅。

此外佢重有好多個名：六朝古都（）係話佢係三國嘅東吳、之後嘅東晉、南朝嘅宋齊梁陳嘅國都；而十朝都會（）則係喺六朝嘅基礎上加埋十國中嘅南唐、明朝、太平天國、民國嘅南京國民政府。實際上佢重係楊吳嘅西都、南宋嘅行都。另外南京有個唔常用嘅名做吳都（），因爲當年呢度係東吳國都，比如左思名作《三都賦》中嘅《吳都賦》，寫嘅就係南京。

金陵呢個名係南京有名嘅雅稱，佢嘅出處有三種講法：帝王埋金、金壇、因山立號。詳情可睇呢度。而石（頭）城出自於南京城第一次建置喺石頭山；而簡稱寧出自於清代時呢度所屬政區江寧府。而喺民國國民政府時，由於南京係首都，作爲直轄市，嗰陣時簡稱做京（）。

而其他主要嘅名：秣陵（秣讀沒，）出自於秦始皇對呢度嘅貶低；建業（）出自孫權祈求創立一番帝業嘅青雲志，而同音嘅建鄴（）則係晉朝滅吳後要改呢個故都嘅名，而鄴字源自晉司馬皇室嘅發跡地鄴城，表示毋忘故土；建康（）係因爲要避忌晉愍帝司馬鄴嘅名；江寧（）出自晉朝時呢度「外江無事」；應天（）出自「順人應天」，呢個名係用來讚頌新立嘅明朝。

唐代時呢度換過好多個名，歸化（）出自唐初喺當地割據稱王嘅杜伏威歸順李唐嘅事，白下（）出自南朝時白下城，「白下」意思係「白石山下」，白石山亦即幕府山，因盛產白雲石得名。上元（）出自初設時正值唐肅宗上元年間，後來上元、江寧劃城而治近千年，人稱「上江兩縣」。昇州（）出自當時安史之亂爆發，金陵作爲古都好緊要，所以刻意提昇佢地位，意思係「昇平之地」，寄寓平安願想；平亂後又貶爲縣。

元代時，呢度由建康改名做集慶（），出自呢度係元文宗嘅龍興之地，元文宗原本喺宮廷權鬥時失敗流放，後來召返入京，封佢喺建康做懷王，後來宮廷政變，佢成爲元朝第七個皇帝。集慶嘅意思係「滙集喜慶」，因爲元文宗就喺呢度封做懷王，之後重做埋皇帝，係兩大喜事。

南京曾經係清朝末年一時興起嘅太平天國嘅都城，定都之後，洪秀全改佢名做天京（），意思係天國京城、上天福佑嘅京師，噉係因爲太平天國以拜上帝敎來組織，話佢哋受上帝福音庇佑。之所以揀南京做首都，係由於南京係前明故都，同時作爲舊時南渡王朝嘅古都，有恢復中華嘅意味；而當時中國社會唔多認可基督教，話佢洋教而抵制佢，連政府都好排斥；太平天國運動融合咗基督教思想、中華思想、民族復仇情緒以及民間儒學背景，定都南京就係挑戰清王朝。由於呢種混合形態嘅思想，將基督教人類平等思想同反清求變情緒撈埋，結果席捲半個中國，最後因做嘢過曬頭而失民心，無人同情支持。

南京位於長江下游地區，喺江蘇嘅西南部，北距北京1200公里，西距成都1600公里，東離上海300公里。轄區座標範圍喺北緯31°14′~32°37′，東經118°22′~119°14′之間，市中心座標喺北緯32°02′38″，東經118°46′43″。南京地控長江，江北係江淮平原，江南嘅東面係長江三角洲，從長江口到南京市區有347公里，全年都可通航萬噸級輪船，同時有京滬鐵路穿過，係中國最大嘅綜合性經濟區──長三角經濟區嘅成員。轄區面積6597平方公里，南北最大直綫距離140公里、東西最大直綫距離80公里，東北、東面、東南分別係江蘇嘅揚州、常州、鎮江，南、西、北分別係安徽嘅宣城、馬鞍山、滁州，市界總長730公里。

南京市區座落喺山水之間，其中長江喺市區西部、北部，從西南方向流去東北，再轉向東面流去鎮江，流經南京轄區嘅江面長95公里，最窄嘅江面喺下關，得一公里闊，江面上有啲沙洲。城內亦有好多嘅河湖，有穿過市區南北嘅秦淮河、金川河，喺江南滙入長江，喺江北有自北向南滙入大江；另外城中有玄武湖、莫愁湖呢啲湖，成個南京有11%嘅水域面積。

南京多山，中部有江北嘅老山以及寧鎮山脈，南部嘅秦淮流域有橫山、東廬山，其中市區東面嘅紫金山係名山來嘅，紫金山又稱爲鐘山，海拔448.9米。除咗紫金山，城北有幕府山，西有清涼山（古名石頭山），城南有出產雨花石嘅雨花臺，西南有牛首山、祖堂山，東北有紅葉聞名嘅棲霞山，江邊有長江三大磯之一嘅燕子磯。地形以丘陵爲主，屬寧鎮揚丘陵區，成個南京面積低山佔3.5%、丘陵佔4.3%、崗地佔53%、平原低地同水域佔39.2%，森林覆蓋率13%。喺南京嘅北、中部啲泥以黃棕壤（地帶性土壤）爲主，南部同安徽交界處有細面積嘅紅土。

南京嘅資源好豐富，佢位於長江中下游富鐵、富銅嘅成礦帶，有54種礦藏，其中有開採價值嘅近30種。鐵、銅、鋁、鋅、金、銀、鍶等15種礦藏儲量江蘇第一，有4種入中國前六位，其中鐵儲量佔江蘇全省89%，銅、鉛鋅儲量佔全省90%以上。南京地方嘅鐵礦從春秋開始，開採咗2500年，礦點、礦床總數達46處，其中冶山鐵礦由西漢開始，直到而家重開採緊。而溧水愛景山嘅鍶礦（天青石）無論係儲量、品質都係東南亞第一。喺六合重有藍寶石礦。南京嘅水資源亦好豐富，除咗長江、地下水，重有好多嘅河湖。南京主要嘅地熱資源係温泉，出名嘅有江寧嘅湯山温泉，浦口嘅湯泉温泉、珍珠泉温泉，水温一般喺20℃~60℃之間。

南京屬北亞熱帶濕潤氣候，受東亞季候風影響，四季分明，雨水充沛兼雨熱同季。年均降雨日117日，年均降雨量1106.5毫米，相對濕度76%，無霜期237日。每年6月下旬到7月上旬係梅雨季，落梅雨時啱好梅子熟，所以噉叫；江南嘅梅雨相當於嶺南嘅回南，雨霧多，潮氣重。南京年均温15.3℃。冬天時主要吹東北風，夏天時主要吹東南風，一月平均最低氣温-1.6℃、平均最高氣溫7.2℃，七月平均最高氣温30.6℃，平均最低氣溫24.9℃。記錄到嘅極端高温係43℃，出現喺1934年7月13號，而極端低温記錄係-14℃，出現喺1955年1月6號。南京夏天時滾夾熱兼焗，7月均温達28.1℃，人稱「火爐」，同武漢、重慶一齊評爲中國三大火爐。不過根據近30年嘅高温日數記錄（氣温達35℃以上嘅日子爲高温日），南京嘅高温程度、日數明顯少過九江、武漢、重慶。凍起上來，南京亦幾凍，1月均温達2.7℃，平均最低温都喺冰點之下。

四季劃分中，南京喺4月1號左右入春，即係未到清明就已經萬物復甦；6月8號左右入夏，大概係芒種時節；9月18號左右入秋，呢時係白露時節；11月12號左右入冬，即係過咗立冬啲植物重有些少生機。其中冬夏兩季長，春秋兩季短。

南京歷史豐富，同長安、洛陽、燕京並列爲中國四大古都，其中南京喺中國史度有特殊地位、價値，朱偰話：「此四都之中，文學之昌盛，人物之俊彥，山川之靈秀，氣象之宏偉，以及與民族患難相共，休戚相關之密切，尤以金陵爲最」。噉係因爲南京嘅地理位置、風水特別，喺中原畀異族佔領、唐人就來滅種之際，南京就成爲休養生息繼而北伐、恢復中華嘅基地，畀人睇做係唐人嘅復興之地。大明、民國嘅北伐贏咗，東晉、蕭梁、劉宋嘅北伐亦功敗垂成；南宋啱起時群臣都想定都呢度來矢志收復中原，不過宋高宗唔想搞就定都去杭州，不過亦迫於輿論定南京爲行都。

商周時期，秦淮一帶就有密集嘅村，稱爲湖熟文化，到春秋戰國時呢啲村開始發育爲城市；3100年前，南京地方係西周周章嘅封地。周靈王元年（前517年），楚國已經喺今日江北設棠邑，置大夫，南京開始建置政區。周景王四年（前541年）吳國喺轄區南部設瀨渚邑（又叫固城），前495年左右吳王夫差喺冶城山（今日朝天宮一帶）築冶城，開辦鍊銅作坊。周元王四年（前472年）越國滅吳後，范蠡喺今日中華門外秦淮河口嘅長干里築越城（又叫范蠡城），一般將呢年定爲南京正式建城年，距今已過2500年。周顯王三十六年（前333年），楚國征服越國，楚威王熊商喺石頭山（相傳係今日嘅清涼山）築金陵邑，所以南京又叫「金陵」「石頭城」。秦朝大一統後，秦始皇三十七年（前210年），秦始皇南巡，毀壞金陵邑城，喺而家江寧嘅秣陵街道設秣陵縣（秣讀抹），並從金陵地區開始修築穿過江蘇東南同浙江東北嘅馳道。傳說秦皇之所以改名，係因為聽到「金陵王氣」嘅傳言，嬲嬲哋就將「金」改成「秣」，「秣」嘅意思係「餵馬嘅草料」來貶低呢度。

直到三國之前，南京只係普通嘅縣。211年，孫權佔據咗江東六郡，從京口（而家鎮江）移治所去秣陵，遞年喺石頭山修築石頭城，兼且改名建業，以求帝業興旺；221年，丹陽郡治由宛陵搬去建業；223年，喺建業設揚州，之後直到唐武德八年，「揚州」都係指南京地區。229年孫權稱帝，東吳都城從武昌搬去「鐘山龍盤，石頭虎踞」嘅建業，南京自此由縣蛻變成都城。230年，設立咗江南第一所國學，之後都城大興土木，成爲江南第一名城，同洛陽、長安、以及曹魏都邑許昌一樣係三國時嘅大都市；265年九月孫皓將國都搬返去武昌，但遞年十二月又搬返來。後來280年晉滅東吳，當年建業改名做秣陵，魏國設嘅揚州併入吳國嘅揚州，州治、丹陽郡治繼續喺呢度；281年以秦淮河爲界，以北爲建業，以南爲秣陵，282年建業嘅業字改成「鄴」（鄴讀業）做建鄴，後來因為要避晉愍帝司馬鄴嘅名諱，建興元年（313年）建鄴改叫建康，呢個名後來喺宋元兩代又浮（音：蒲/）過次頭。五胡亂華之後，晉室南渡，先係304年匈奴人劉淵建立漢國（卽前趙，同漢朝無關），於是307年瑯琊王司馬睿來呢度修葺都城，311年永嘉之禍令西晉國都淪陷，喺317年胡人殺咗晉愍帝後，啲士族世家扶持司馬睿即位做晉元帝，中興晉朝基業，定都建康，史稱東晉，入南北朝時代。期間南京一直係中華正朔所在，建立東晉後就設國子監，保住正宗中華文化，人稱「江左風流」。之後嘅宋齊梁陳都定都呢度，同東吳、東晉合稱六朝，所以南京有名嗌「六朝古都」。

六朝時南京好繁華，係南京第一個黃金時代，謝朓嘅詩句「江南佳麗地，金陵帝王州」就係經典概括。六朝嘅建康係當時世上最大嘅城市，人口過百萬，係世界上第一個人口達百萬級嘅都會。六朝嘅南京同羅馬並列爲「世界古典文明兩大中心」。

由於衣冠南渡，320年後起南京地區有大量嘅僑郡、僑縣來安置南渡人口，而且變遷複雜，最多時有12個僑郡、33個僑縣，劉宋之後廢除。由此南京人口暴漲，中原精英帶來嘅文化因而保存。雖然328年時畀叛軍攻陷，直到遞年平叛時，建康毀壞唔少，但330年起修築臺城，建康又恢復返原先嘅昌盛。當時建康文化繁榮，劉義慶《世說新語》、鍾嶸《詩品》、昭明太子《文選》、范曄《後漢書》、裴松之《三國志注》、沈約《宋書》、蕭子顯《南齊書》、劉勰《文心雕龍》等等重要嘅文史著作喺建康寫成。當時建康紙醉金迷，佛教大興，居民28萬戶左右，而僧尼達10萬餘，梁武帝先後四次喺同泰寺捨身出家，當時建康佛寺好宏麗，規模大嘅號稱「騎馬關山門」，因此唐人杜牧寫詩嘆「南朝四百八十寺，多少樓臺煙雨中」。建康喺南朝期間遇過災難，比如464年由於七年大旱導致米價暴漲，十之六七嘅居民餓死；侯景之亂更幾乎令建康毀城，但建康都恢復元氣。589年2月，隋軍南征，攻入臺城，喺景陽樓嘅井度生擒陳後主同佢嘅兩個妃子，之後隋文帝落令城邑、宮殿通通毀壞，變曬做田，僅喺石頭城設蔣州（607年實行郡縣制，蔣州改成丹陽郡），同時將多數縣合併入江寧縣，南京第一次繁華結束。因為南朝介乎漢唐，同時中國經濟文化重心南移，南京作為中心承前啟後，喺四大古都別具特色。

隋唐兩代，中原朝廷刻意打壓金陵故都，尤其輔公祏喺623年~624年間喺金陵稱帝叛唐後，喺唐朝有255年貶爲潤州屬縣。不過隋朝開掘嘅大運河令長江對面嘅揚州成爲貨物集散地，帶挈起金陵，於是六朝嘅繁華逐步再現。雖然風頭歸咗揚州，金陵依然係南方一個經濟、文化中心，李白、劉禹錫、杜牧、李商隱呢啲文豪都住過、遊過呢度。唐代時，州郡變動頻繁，喺武德八年尾（625年），揚州州治、大都督府離開金陵，搬去江都，從此「揚州」再都唔指金陵而指今日嘅揚州城；之後設江寧郡，後改爲昇州，金陵先重新成爲州治。而縣層面，名、隸屬變動頻繁，先後叫江寧縣、歸化縣、金陵縣、白下縣、上元縣。

五代時中原諸雄相爭、戰亂唔停，江南安定過北方，從楊吳開始有70幾年無戰亂，於是楊吳時由昇州改設金陵府，914年起拓築金陵城，後來成爲楊吳嘅西都。之後金陵成為十國之中最強嘅南唐嘅國都，南唐立國當年已經畀楊吳改名做江寧府。縣層面上，917年，上元縣度重置江寧縣，從此上元、江寧兩縣共治一城，一直延續到清末。經過南唐五次擴築，當時金陵經濟繁榮，秦淮河一帶商賈雲集，買賣興旺，隨之文化發達，詩詞、書畫都開咗一代新風，南唐皇帝李璟、李煜都係有名詞人，諸如「細雨夢回鷄塞遠，小樓吹徹玉笙寒」（李璟）、「問君能有幾多愁，恰似一江春水向東流」（李煜）呢啲金句都係金陵城中誕生；而名畫《韓熙載夜宴圖》亦喺呢度畫成。

北宋滅南唐後，重置昇州，無耐又叫江寧府，兼且作爲趙禎（宋仁宗）受封嘅昇國嘅京府；南宋建炎三年（1129年）改爲建康府，元朝改為建康路、集慶路。宋元時期南京嘅城市規模保持住南唐嘅水平，由始至終係江南經濟重鎮。1034年開始喺城南秦淮河北岸起夫子廟，成爲文化重鎮；北宋時王安石三次以宰相之位擔任江寧知府，重定居、終老於此；宋高宗三次駐蹕建康府，達一年半，並且作爲南宋行都；元代時城內設東、西織染局，大量生產絲綢，專業工匠六千幾戶，係當時東南紡織業中心。宋代時金陵城其實係有機會做首都嘅，喺靖康亂之後，康王趙構就喺呢度登基爲宋高宗，不過之後金兵南下，宗澤嘅部下杜充無能、失地千里，喺完顏宗弼攻過長江後向金軍投降，最後金陵陷落，宋軍失咗呢座江南大城，雖然話建炎四年（1130年）岳飛喺下關同城南牛首山大敗金兵，岳家軍收復建康城，不過自此南宋就唔敢定都建康而偏安於臨安。

蒙元南侵後，建立種族制度，其中南方漢人同其他民族屬最低等嘅南人，受最重嘅壓迫，比如重稅苦役、唔公正嘅刑律，元末再加埋啲天災人禍刺激，各地有反抗暴政嘅起義，朱元璋係其中之一。1356年，朱元璋攻佔集慶，改名應天府，之後以呢度爲根據地統一中國。1368年朱元璋開創明朝，先係金陵、大梁各爲南北京，後來1378年正月廢大梁北京，以應天爲京師。開國後大興土木，用21年修築號稱96里長嘅城牆（實長35.267公里，係世界第一大城垣），再四年起好外城後號召全國富戶移民京師，南京第一次成為全中國嘅首都，成個明朝係佢嘅第二個黃金時代，直到遷都北京前，南京係當時世界上最大嘅都城，之後遷都帶走南京半數戶口嘅人，先畀北京取代；鷄籠山邊嘅國子監學生達萬人，重有日本、朝鮮嘅留學生添。朱元璋駕崩後，朱棣發動靖難之變奪得帝位，永樂元年（1403年）改北平府爲順天府做行都，1421年遷都順天府，而應天府成為陪都，再次有南北兩京嘅講法。當時啲人對遷都好大意見，所以到佢嘅仔明仁宗登基時直接返南京，但因爲佢登基一年之後就駕崩，結果京師遷唔返去，北京確定爲國都，但開國皇帝嘅皇陵（明孝陵）喺南京，兼且佢係先皇開國登基之地，所以南京獲得留都嘅地位，就似國都北京設直隸噉設南直隸。作為留都，南京嘅設置配套同北京接近，南京五府六部（留守政府）雖然實權唔大，機構虛化，但亦係中央軍政機構。而位於明故宮公園、午朝門公園一帶嘅南京紫禁城，就係而家北京紫禁城嘅藍本，後來朱棣搬國都入北京，照南京故宮個樣營造大內，甚至拆咗南京舊宮；後來佢嘅仔想還都而修葺舊宮，但因爲暴斃搬唔成，日後南京雖然係留都但舊宮無心打理，明中後期火燭燒燬舊宮三大殿，之後清軍、太平天國嘅戰亂毀滅咗南京故宮，而家得返啲門同主要建築嘅石基、同其他石構建築。雖則話遷咗都，但南京作爲當時中國經濟文化中心嘅地位無變，比如鄭和去西洋嘅船隊就係呢度出發，《永樂大典》就喺南京國子監度成書，大報恩寺同琉璃塔等重要寺院落成，江南貢院、江寧織造府呢啲重要文敎、經濟機構都喺呢度。作爲國都之一，南京同外國有好多交往，甚至有外國國王葬喺呢度，比如渤泥（而家汶萊）國王麻那惹加那訪問南京時客死異鄉，而落葬呢度。

孫中山過身後，民國十五年（1926年）1月15號中山陵動工，直到1929年春先完工，然後當年6月1號舉行奉安大典（國葬）。民國十六年（1927年）3月24號，北伐嘅江右軍攻克江寧，立即廢除上頭嘅金陵道，改正式名做南京。4月9號，蔣介石由上海來南京，另籌國民政府，亦即寧漢分裂；4月18號成立南京國民政府，4月24號成立南京市，6月1號由市政廳改爲市政府，南京正式建市。6月6號改爲南京特別市，8月19號武漢國民政府宣佈搬去南京，寧漢合流。1928年北伐完咗，北京改做北平，入訓政時期；1929年起好中山陵後，4月16號改設首都特別市，直到遞年（1930年）恢復爲直轄嘅南京市。1931年頒佈《訓政時期約法》，規定「中華民國國都定於南京」。

喺國民政府時期，南京係中國六大都會之一，1927年到1937年稱為南京十年，南京城市發展迅速，成為現代都會，喺世界上出嗮名。1928年時就已經成立專門嘅首都建設委員會，請啲專家來規劃城市，1929年12月就作好咗《首都計劃》。東亞第一個強力電臺（中央廣播電臺）、中國第一個氣象臺、當時遠東規模最大嘅中央體育場、中國最早嘅火車輪渡都出現喺南京。

之後國共內戰當中，國民黨輸咗畀共產黨，民國政府過咗去臺灣，喺1949年4月23號，解放軍攻佔南京，成為家下嘅南京市，南京嘅實權入咗當年10月1號中共建立嘅中華人民共和國度。由於南京過去係民國政府中央所在，所以地位一落千丈。喺共和國初期，南京尚且係13個直轄市之一；1952年9月蘇南、蘇北兩個行政區合併爲江蘇省，當年11月15號南京市就由直轄市改爲江蘇嘅省轄市，1953年1月1號成爲江蘇省城，之後由於中國大陸各種政治運動，經濟凋敝，南京由民國時嘅六大都會衰落成地方城市，唔似舊時咁輝煌，目前南京屬中國大陸二流城市。

毛澤東死咗後，到鄧小平執政，佢搞嘅改革開放惠及南京，農業、工業等經濟起錨，於是南京重新逐步發展。1994年2月南京昇爲副省級市，有返類似省級嘅地位。攞到類省級地位後，南京城變化好大，到2003年，40 km²嘅古城區，得5 km²未喐過，而古城區外亦起咗大片嘅新城區。而家南京開始發展成國際都會，據GaWC研究分類，2010年時南京屬自足嘅城市，到2012年就發展成自足到唔使依賴其他世界城市，到2018年發展成Beta級世界都會。

中華民國方面，南京嘅地位比較尷尬。因爲行憲，有寫明南京做國都嘅《訓政時期約法》廢除，而憲法當中又無條文講明法定首都，喺中央政府遷臺後，由於反攻大陸嘅政策，直到1990年代廢除《動員戡亂時期臨時條款》前，南京一直當做中華民國嘅名義首都，而臺北只係臨時首都、戰時首都。1991年後，隨住中華民國喺臺灣嘅本土化，南京嘅名義首都地位取消，臺北默認爲首都，準確講法做「中央政府所在地」。

不過情況亦有反覆未明，2013年12月，中華民國教育部發函話，「中華民國首都喺南京，中央政府所在地係臺北」，要啲學校睇住呢條原則來做，結果畀人笑，民眾唔多接受，學者批佢係流亡心態，結果啲官出來道歉。由於首都議題比較尷尬，現時臺灣啲學校講到呢味會避開，啲書以「中央政府喺臺北」做基調。

南京嘅人口住得好集中。江南六區（玄武、秦淮、建鄴、鼓樓、棲霞、雨花臺）嘅面積只佔全市12%，但常住人口佔55%，當中秦淮、鼓樓嘅人口密度相當於北京嘅主城區。南京作爲高等教育中心，市民嘅教育程度比較高，2011年有在校大學生81萬人，全市常住人口中有大學（大專以上）學歷嘅人佔26.12%，相當每四人有一個大學生，排喺副省級市嘅第一位，低過北京，高過上海。不過南京人口結構面臨老齡化、少子化問題，平均家庭規模降到每戶2.77人，低過江蘇平均水平，而幼少年人口比重降到9.51%，排喺副省級市尾叾。

據2010年中國第六次人口普查數據，南京有55個民族，其中漢族佔咗98.76%。而少數民族人口9萬9307人，當中回族有6萬8千人，佔少數民族人口嘅68.94%。其他人口過千人嘅少數民族有滿族、蒙古族、苗族、壯族、朝鮮族、土家族、維吾爾族、布依族、彝族。下轄政區中，少數民族佔比最高係白下區（而家併咗入秦淮區），佔全區人口2.71%，白下亦係少數民族人口最多，有16329人。

現時南京有1個民族鎮、3條民族村、1個民族組。有9家全國民族特需商品定點生產企業，24處清真食品基本供應點，1間回民幼兒園、2間民族小學、1間民族中學、2間民族醫院、1間民族養老院。

從歷史睇，南京主要係漢族城市，長期以來漢人佔人口九成以上，但作爲都會，自古聚埋好多其他民族。早期有荊蠻、沔蠻等民族，但都歸融咗，唐宋以來主要有回、滿、蒙、藏呢幾族嘅活動。回民嘅先祖係來華經商嘅回教徒，唐宋開始有，不過多數係僑民，冇落籍。元代政府重用色目人，衙門嘅行政長官多數選派佢哋，佢哋唔再做僑民而以當地爲家。明代之後優待回民，佢哋聚喺作爲大明京師嘅南京，回民文化發展快，乃至成爲明清民國三期中國回教嘅中心之一，洪武年間分遣回民去雲貴甘青等地，有「天下回回半金陵」嘅講法，即係話好多回民祖籍南京。滿族係清代入南京嘅，原先嘅明故宮變成八旗嘅江寧駐防城，俗稱滿城，最多時駐軍6002人，80%係滿洲八旗，20%係蒙古八旗，乾隆三十六年（1771年）六月又將八卦洲列爲官置旗地。成爲民國首都後，喺南京設置蒙藏委員會，有大量蒙古、藏地嘅駐京代表同啲眷屬。

自三國成爲都城以嚟，南京由於佢戰略性嘅地理位置、便利嘅交通，成爲紡織、鑄幣嘅中心之一。明代作爲國都係佢第二個黃金時代，南京產業擴展，不但係中國首屈一指嘅都會，喺世界上亦係最繁華嘅都市之一。當時南京係中國政治、經濟、文化、交通四大中心嘅超級城市，當中絲織、鑄幣、印刷、造船呢啲產業嘅規模、技術水平有好大發展，當時南京係遠東最繁華嘅產業中心。

不過後來中國大陸改革開放，南京受惠重新發展成大城市，引入外資、地方改革來令經濟大發展，商業、工業、都市建設等多方面都有相當嘅進步。而家南京嘅工業維持住1960年代打落嘅基礎格局，有四大支柱產業：電子信息、汽車製造、石油化工、鋼鐵，代表性嘅大型國企有熊貓電子、金城汽車、南京鋼鐵。第三產業亦幾發達，近年來佔全市GDP嘅50%以上。南京位於長三角，佢同呢個區域內嘅城市競爭緊外國投資，而家有幾多出名嘅跨國企業喺南京開分部、投資設廠，比如有微軟、IBM、蘋果、福士、歐霸、、聲寶。自從中國加入WTO，南京成爲外國投資熱點，2001~2004年間外資數量平均以70%速度增長，世界500強有50間投資南京，而到2007年就達100間。公有企業方面，傳統國企相比外企、民企，效率差啲，競爭力弱，結果有好多國企孭咗筆巨債，甚至一度威脅銀行體系，於是當局改革國企，國企搞民營化、公司化。不過唔係所有國企改革後都適應到時勢，1995年南京第一間國企執笠，之後嘅破產、炒魷造成大批工人失業，呢班人因爲成世人過慣國企按部就班嘅生活，識嘅嘢唔多，炒魷時年紀偏大，無論學嘢定轉型都執輸，於是好難搵番份工，國企生活令當中多數人覺得出來做生意好羞家，所以呢代人失業後過得好閉翳。不過江蘇地方嘅國有資產質量總體較好，而當局亦不斷改革國企來適應時勢，所以南京嘅國企重係幾有份量。

今日嘅南京由於位於中國沿海開放帶同長江流域開發帶嘅交滙處，所以係長三角嘅西部門戶，有承東啟西嘅作用。而家南京係中國緊要嘅綜合性工業基地，除咗四大支柱產業，仲新興起軟件及服務外包、智能電網、風電光伏、軌道交通，形成服務業同製造業協調嘅產業格局。據中國總部經濟研究中心發佈嘅《內地35個主要城市總部經濟發展能力排行榜（2010）》中，南京排第六，喺北京、上海、廣州、深圳、杭州之後。

投資方面，2018年嘅固定資產投資達6799.43億元人民幣，同比增長9.4%，其中國有控股投資達2858.3億元人民幣，同比增長8.6%，外資注資772.68億元人民幣，同比下降4.1%。

南京地方屬亞熱帶季風氣候，雨熱同季，降水充沛，啱農業發展。2018年南京嘅農業產值達288.41億元人民幣，同比增長0.9%，其中糧食全年總產106.92萬噸，同比增長1.5%（當中夏糧26.33萬噸，同比增長10.4%；秋糧80.59萬噸，同比下降1.2%），蔬菜總產284.46萬噸，同比增長10.7%。

南京作爲五口通商、洋務新政實行中心之一，又因爲傍住長江兼且係南北交通要道，之後又係民國國都，佢嘅工業喺中國起步比較早，工業化咗一百幾年，發展出十二門類工業，其中電子、機械、化工、建材係四條支柱，留低好多工業遺產。比如1930年代初實業家喺江北投資起好中國最早嘅化工基地永利錏廠，當時係遠東第一大廠，日後當地就有個政區叫做大廠區，後來江北呢帶國家投資咗好多重工業，發展成重工業區，工業國有資產曾經佔全市三分一。南京而家嘅支柱工業有汽車、電子、鋼鐵、石油化工，保持住1960年代嘅特點。行業上有36個大類，生產出261種主要工業品。規模以上工業當中，工業總產值達3091.83億元人民幣，同比增長7.8%。

工業結構上，43.4%嘅產值來自高新技術產業，44.5%嘅產值來自六大製造業：汽車、電子、醫藥、交通設備、電氣產品、儀器儀錶，同比增長1.5%；石化、建材、冶金、電力等高耗能行業佔產值嘅33.9%，同比下降1.7%。而家南京嘅經濟方針係將啲產業轉變爲資本密集型、技術密集型嘅產業，同時起咗四個國家級開發區、五個省級開發區吸引投資。雖然努力吸引外資，不過重係落後過週邊嘅蘇州、無錫、杭州，呢啲城市喺吸引外資、本土創新方面更掂，而南京經濟以國企爲主，轉型相對滯後。目前南京嘅發展規劃中，工業目標係以先進製造業爲基礎，高新技術產業爲重點。

南京目前三次產業中，增加值最高嘅係第三產業，佢嘅增速分別快過本地生產總值、第二產業增速1.4個、2.7個百分點，2014年第三產業比重比上年昇1.2個百分點。當中重頭嘅有金融業、資訊業（資訊傳輸、電腦服務、軟件業）、文化產業。呢三行產業分別佔GDP嘅10.9%、5.8%、5.84%，比往年提昇百分點數分別有0.3、1.5、0.23。目前南京嘅規劃係要將服務業發展成經濟主導行業，而南京嘅外國企業當中有62.48%屬於第三產業，約有四千戶。

另外南京亦發展緊旅遊業、物流業。其中2018年旅遊業總收入2460.20億元人民幣，同比增長13.4%；遊客量1.34億人次，同比增長9.3%。旅遊外匯收入8.83億美金，同比增長16.2%，國內旅遊收入2400.4億元以上，同比增長13.2%。而2018年貨運總量38563.56萬噸，同比增長8.7%，貨物週轉量3123.57億噸/公里。

根據南京嘅十二五規劃，南京市政府支持科技創新、高新技術產業，所以設立咗啲創新園區，搭起科技創新平臺，將科教資源抌入啲企業度，亦鼓勵企業投入度科技創新。人才方面，除咗自身培養同扶持人才、留住人才外，重有人才引入計劃，南京有五項人才計劃：紫金人才計劃，用來引入高端人才；鐘山青年英才工程，從當地高校度培養人才；金陵名人名家工程，用嚟資助啲文藝名家、學科領軍人才；現代服務業金領工程，係針對服務業嘅人才計劃；高技能人才倍增工程，係針對高新技術產業嘅人才計劃。

三次產業當中，第三產業嘅政策係確立服務業做主導，重點行業係軟件業、網絡服務業，其他服務業優化爲主，比如金融、物流、商務服務、文化產業、居民服務、商貿、旅遊會展。第二產業嘅政策係建立先進製造業基地，當中要發展新興產業，如風電光伏、電力自動化同智能電網、通信、環保業、生物醫藥、新材料、軌道交通、航空航天，另外會優化支柱工業、轉型提昇傳統製造業。第一產業嘅策略係要做都市型生態高效農業，主要係農業產業化、外向化，發展休閒農業。

經濟成份中，支持國企開放重組，鼓勵民企發展，尤其係高新技術方向嘅民企，亦鼓勵民間資本加入國企重組。對外資亦歡迎，會有優惠政策，重點外企係世界500强、行業50强，地區合作上重點係香港、臺灣、星架坡，同時鼓勵本土企業出口。由於發展服務業，對外經濟方面發展服務外包產業。

而家南京有4個國家級開發區、5個省級開發區。當中國家級園區有：

由於南京轄區總體似長方形，東面係發達嘅長三角，南京位於長三角嘅邊緣，所以現時嘅城市規劃中，打算提昇中心城區，發展方向係南拓北進，輻射目標係蘇北、皖東。中心城區係指古城區、南部新城、東部新城、河西新城、江北新城呢五片。而城市發展嘅外部目標係成爲適應到21世紀國際社會嘅國際城市，喺中國則成爲國家中心城市，包括成爲科技創新中心、綜合性樞紐、長三角輻射帶動中西部發展嘅門戶。因爲南京係長三角嘅北翼中心，一方面同隔籬嘅蘇州、無錫、常州競爭，另一方面承接上海金融、交通嘅輻射，所以佢大搞交通基建、金融改革，希望成爲泛長三角嘅區域金融中心、中國物流節點之一。就近來講，則係發展南京都市圈，納入鎮江、揚州來同城化，之後靠住地理位置，同皖江城市帶聯動發展，將長三角嘅影響輻射入中西部地區。

隨住南京城市發展，市區嘅超高層建築越起越多，自1997年開始，南京第一高樓嘅記錄不斷刷新。而家位於鼓樓廣場嘅紫峰大廈喺2010年開業，係現時江蘇第一高樓，亦係世界第十三高樓，喺中國大陸排第六高，評爲2006年中國十大地標之一，吸引咗好多國際機構集團入駐，發展出中央商務區。根據GaWC嘅世界城市硏究，南京發展好快，而家係Beta級世界城市。

南京係中國嘅高等教育中心之一，有超過1700年嘅教育史。最早記錄嘅學校係公元30年由丹陽太守創立嘅；258年東吳喺呢度設立國學。宋代時嘅茅山書院係當時中國六大書院之一，而明代時呢度設嘅國子監係當時中國最高嘅學府。秦淮河邊嘅江南貢院曾經係中國最大嘅科舉考場。

現時南京嘅普通高等學校有53間（唔包部隊院校，包埋9間獨立學院），2018年南京嘅本專科學生有72.16萬人，研究生有13萬人，每年南京有26萬大學生畢業，約兩成留低。咁多高校當中，南京大學、東南大學係中國一流嘅名牌大學，同屬985工程嘅重點大學，亦係江蘇唯一兩間嘅985重點大學。另外南京有8間211工程嘅重點高校。南京市民受教育程度高，每四個人就有一個大學生，高等教育人口比例喺中國僅低過北京，喺2009年選爲中國最有教育發展力嘅城市。

科技研究方面，南京係中國緊要嘅科研基地，當地高校、研究所主持嘅項目攞過曬三大國家科技奬嘅一等獎。現時南京有44位中國科學院院士、35位中國工程院院士，有62處省、市級嘅企業院士工作站。同時有80家世界500強同中國500強企業嘅研發機構。另外有600間工程技術研究中心，當中17間國家級、309間省級、274間市級；省級以上嘅公共技術服務平臺116個，當中3個國家級；省級以上重點實驗室80個，當中25個國家級。有11間國家認定企業技術中心。喺2018年，南京有33項科技成果獲得國家獎項，全年申請咗9萬9070件專利，當中有4萬652件係發明。

基礎教育、職業教育方面，南京亦好發達。2018年南京有普通中學240間，在校生24.52萬人，中等職業學校（包括成人中專）22間，在校生6.28萬；普通小學360間，在校生42.21萬；另外有939間幼兒園，入園幼兒24.52萬，其中鼓樓幼兒園係中國第一間幼兒教育實驗研究中心。

南京作爲十朝都會兼四大古都之一，經歷過好多人口遷徙，亦有好多名流來過，所以南北文化融滙，喺中國文化史上係好緊要嘅文化名城。

南京係文化名城，吸引咗好多文學家、藝術家來呢度，佢哋喺度住或者遊歷，留低咗唔少作品，而且南京以佢豐厚嘅人文資源、城市內涵，本身都係文藝描寫嘅對象。

南京第一個繁華時代係六朝，作爲絕對中心，呢度薈萃南朝文學精華，文學理論三部重要著作陸機《文賦》、劉勰《文心雕龍》、鍾嶸《詩品》喺度寫成，同樣其他緊要嘅文史作品，如劉義慶《世說新語》、昭明太子《文選》、范曄《後漢書》、裴松之《三國志注》都係呢度寫作。當時啲世家大族住喺金陵，當中嘅謝家係書香門第，出咗謝靈運、謝朓等傑出詩家，諸如山水詩、永明體，對後世影響好大。

唐代金陵作爲故都，吸引一班文人遊歷，金陵懷古變成一類題材，當中李白停留好耐，寫咗近200首關於南京嘅詩，比如《登金陵鳳凰臺》等名詩。其餘好多詩人都寫過南京，重出咗好多名句，比如劉禹錫《烏衣巷》「舊時王謝堂前燕，飛入尋常百姓家」、杜牧《江南春》「南朝四百八十寺，多少樓臺煙雨中」同埋《泊秦淮》「商女不知亡國恨，隔江猶唱後庭花」。南唐時呢度係國都，作爲當時詞壇兩大中心之一，出咗馮延巳、李煜等詞壇名家，留低好多佳句。宋代時王安石喺度終老，佢寫嘅《桂枝香·金陵懷古》係呢個牌中評價最高嘅作品。

清代時文人袁枚定居南京，起咗座隨園，寫出有名嘅食譜《隨園食單》；劇作家孔尚任嘅史劇《桃花扇》個古仔就設喺明末清初嘅南京，寫嘅係侯方域同李香君喺大時代之下嘅愛情，呢齣戲係古典戲曲嘅四大名戲之一；吳敬梓亦住向南京，寫嘅《儒林外史》諷刺當時官場文人，從中睇到南京係當時江南嘅政治中心；曹雪芹本身就係南京出世大，佢寫嘅《紅樓夢》好多細節出自佢住南京嘅日子，更加將書中12個女仔起名做「金陵十二釵」，配合埋南京「金粉世家、風華薈萃」嘅城市審美內涵，成爲非常之出名嘅文學形象。直到近現代，南京亦係文學活躍嘅地方，比如朱自清同俞平伯各自一篇寫佢哋一齊遊秦淮船河嘅同名作品《槳聲燈影裏的秦淮河》，都係現代中國散文嘅名篇。由於南京大屠殺嘅慘烈，產生幾多攞南京做背景來講呢件事嘅電影，諸如2011年嘅《金陵十三釵》、2009年嘅《拉貝日記》同《南京！南京！》、1995年嘅《南京1937》等等。

南京亦係文化出版中心，明代時南京國子監係中國兩大官方文化出版機構，根據宋、元古籍來整理、出版，最出名係十七史，啲書無論數量、影響都遠遠超過另一個嘅北京國子監。舊時世上最大嘅百科全書《永樂大典》，就喺南京國子監度成書。而中國緊要嘅醫書《本草綱目》亦係南京度出版。而家南京亦有緊要嘅出版機構，比如江蘇人民出版社。

書畫方面，南京亦係都會。同樣係六朝繁華年代，書法出咗「書聖」王羲之，畫家有六朝四大家：「中國佛畫之祖」曹不興、「才絕、畫絕、癡絕」顧愷之、最早嘅「畫聖」陸探微、「畫龍點晴」典故主人張僧繇。到唐代有自創顏體嘅顏真卿，南唐有翰林畫院，好似名畫《韓熙載夜宴圖》喺呢度畫成。到明代有「畫狀元」吳偉、楊文驄，之後形成金陵畫派，比如金陵八家之首嘅龔賢，另有金陵九子，又有「搜盡奇峰打草稿」嘅石濤。

近代以來，南京作爲首都，中國畫壇名流滙聚一處，當中有金陵三傑嘅徐悲鴻，佢係現代中國美術奠基者之一；到現代，書畫夾埋有金陵十二家，比如創造20世紀中國美術神話嘅劉海粟、花鳥畫大家陳之佛、開宗立派嘅傅抱石、「當代草聖」林散之、女書法家蕭嫻、當代山水畫名家錢松嵒。而家南京有江蘇最大嘅美術館江蘇省美術館，入面展覽古今藝術品。

南京市域內有十幾種民間戲曲歌舞，其中南京本地有白局，源於明清紡織工人喺機房唱嘅俗曲小調，後來演變成曲藝，因爲起初係業餘唱，唔收銀，叫做「白擺一回唱局」，所以叫白局，清代時興盛過，不過民國之後衰落，而家得啲老人家開私伙局噉唱下。南京重有評話（即係講古，當地又叫評詞、說書）、白話（即係相聲，係用南京話講嘅變種北方相聲）。另外南京市區外，江寧有方山大鼓、高淳有跳五猖、溧水有跳當當、棲霞有龍舞，呢啲都係明清流傳嘅民間舞蹈，列曬入首批南京市非物質文化遺產名錄。

除咗表演藝術，民間器物工藝亦出眾。其中最出名係雲錦，列中國三大名錦之首，譽爲中國織錦工藝史最後嘅里程碑，因爲靚似天上雲霞而得名。雲錦起始於六朝，元明兩代發展，喺清代鼎盛，元明清三代一直係皇家貢品。另外明末時胡正言創立嘅十竹齋，出品嘅書畫譜、箋譜好精美，喺中國古代印刷史有劃時代意義。此外絨花、折扇、金箔工藝都係南京傑出嘅民間工藝。2009年，南京有雲錦織造技藝、金陵刻經、剪紙呢三項入選《人類非物質文化遺產代表作品錄》。

南京有四大宗教：佛教、道教、回敎、基督教（天主教、新教），除咗道教外，其餘都有市級宗教團體，另外基督教有南京基督教青年會。現時批準登記嘅宗教場所有344處，根據大細分爲寺觀敎堂、固定處所兩種，當中佛寺19間、佛教處所41處，道教處所5處，清真寺6間、回敎處所4處，天主堂2間，新教堂16間、新教處所251處。2015年備案敎職人員601人，各教信徒總共55萬人。

南京有1780年嘅佛教史，佛教傳入中國無耐就傳到呢度，當南京成爲東吳國都後，佛教喺呢度向南方擴散。南京喺中國佛教史嘅地位好緊要，根據趙朴初，喺中國成立嘅大小乘各宗派都同南京有淵源，比如三論宗就係南京攝山成立，天台宗嘅天台大師最初喺南京宣講佢嘅學說，華嚴宗嘅根據《華嚴經》就喺南京譯成，同樣禪宗嘅依據《愣伽經》亦喺呢度譯出，涅槃師嘅根據《大涅槃經》喺南京畀謝靈運、慧觀注經梳理，再由鳩摩羅什嘅高足子弟道生講經。南朝時南京係中國嘅佛教中心之一，有所謂「南朝四百八十寺」，熱衷佛教嘅梁武帝除咗自己出家，亦請咗好多大師，比如真諦法師，佢創立攝論宗、俱舍宗，又比如達摩祖師，佢喺度留低一葦渡江、佢同梁武帝會面時「無功無德」嘅有名典故。民國時中國佛教會設喺作爲首都嘅南京，雲集中國佛教名流，係當時全中國嘅佛教中心。

而家南京有60處佛教場所，有名嘅寺有棲霞寺、靈谷寺、毗廬寺、雞鳴寺，而金陵刻經處係當年漢文木刻佛經嘅出版中心。2008年喺明代大報恩寺嘅遺址發現咗七寶阿育王塔，係目前世界發現體積最大嘅鎦金阿育王塔，而且入面供奉世界唯一嘅佛頂真骨，係稀世聖物，而家準備起返大報恩寺嘅琉璃塔，來供奉呢啲聖物。到2015年，南京約有和尚165人、師姑53人，信眾30萬人。

南京道教亦發達過，喺中國道教史亦好緊要。金陵地區嘅茅山係道教聖地，茅山法術係非常有名嘅道術。呢度歷代都有高道，漢末三國有左慈、葛玄、于吉，其中葛玄稱爲葛仙翁，孫權爲佢起咗39間道觀；晉代有葛洪，南北朝有陸修靜、陶弘景、孫遊嶽，唐代有吳筠、李含光、王棲霞、王遠知、司馬承禎，宋代有劉混康，元明兩代有尹山人、周尊師、鄧仲修、薛明道、劉淵然、邵以正、方清迪，清代時有王常月，民國時有謝寇能，共和國時期有王宗衡。

南京自漢代開始歷代都有出名宮觀，漢末城東仙鶴門嘅仙鶴觀，三國嘅洞玄觀，南北朝嘅崇虛館，而南北朝一直到清代有朝天宮，明代時仲有天壇神樂觀，當時城內有68間宮觀。近代緊要嘅宮觀有朝天宮、斗姆宮、二郎廟、洞神宮、天妃宮、東嶽廟。不過而家南京嘅道教衰落咗好多，民國時朝天宮改做其他用處，到共和國初期浄低斗姆宮，到而家市內各大宮觀原位都起曬大樓，得返天后宮一處，其餘嘅宮觀都喺高淳，有關王廟、三清宮、玉清宮、三元宮。到2015年南京約有道士4個，信徒3.5萬人。

南京作爲大邑有好多回民，研究明清民國三期嘅中國回教，南京同北京係重中之重。史上南京有兩次回民嘅大幅增加，一次係蒙元南攻時隨軍嘅色目人，第二次係元末跟朱元璋起義抗元嘅回民，之後中國各地回民滙聚南京。作爲京師，亦吸引好多外國回民，比如透過香料之路、鄭和去西洋等等嘅途徑，明代時南京有十萬回民，自此呢度一直係中國東南回民最集中嘅城市。洪武年間將金陵回民搬趄去雲貴、甘青，呢兩地有好多回民祖籍南京，所以有「天下回回半金陵」嘅講法。史上南京有74間清真寺，傳說最早嘅係宋代嘅一棵松禮拜寺，但唔確定，可以確切知道南京回教開端嘅係元代。

明朝末年經堂教育嘅創始人胡登州嘅弟子張少山喺浄覺寺開堂教經，改變原先中國回教父子、師徒相傳嘅局面，於是南京成爲中國回學中心之一，兼且創立金陵學派，呢個學派講求「以儒詮經」，出版咗《正教真詮》、《希真正答》、《天方性理》、《天方至聖實錄》呢啲回學經典，因而促進回教中國化。呢度亦產生一批回學大家，比如馬忠信、王岱輿、伍連城、伍遵契、劉漢英、劉智、金天柱、唐傳猷等。清末民初時南北兩京係中國回教轉型、開展新文化運動嘅兩個中心。近世以來，回教喺南京衰落咗，一係日本侵略，二係文革破壞，現時南京有22位阿訇，回教徒10萬，當中屬少數民族嘅有7萬。而家南京最大、最緊要嘅清真寺係浄覺寺。

天主教方面，明萬曆二十七年（1599年），傳教士利瑪竇第三次到南京，喺正陽門（而家光華門）起咗間敎堂仔，自此天主教正式傳入南京。呢間敎堂係當時江南省（而家江蘇、安徽、上海）嘅傳教中心，1603年徐光啟就喺呢度領洗入教，之後佢同利瑪竇一齊譯西書，如《幾何原本》呢啲西學典籍傳入中國，將西學介紹入來。

清康熙十三年（1674年），教廷同意喺葡萄牙保教權下設立北京、南京教區，其中南京教區委任中國嘅羅文藻做南京教區主教，佢係天主教史上第一位中國籍主教，1685年羅文藻到任後，亦培養一批唐人神職人員。而家南京有天主教神父一位，信徒三千人。石鼓路天主教堂係南京總教區嘅主座教堂。

新教方面，清同治六年（1867年），英國內地會教士童根福、佢助手天福，由蘇州入南京傳教；同治十二年（1873年），督教北長老會牧師韋理來南京傳教，喺1874年起咗南京第一間新教堂四根桿子禮拜堂，自此有140年新教傳入史。而家南京有江蘇最大嘅新教堂聖訓堂，目前牧師35位、長老20位、傳道員301位，有信徒11萬人。

南京係中國基督教中心之一，有中國大陸新教三自教會最高學府金陵協和神學院、以及江蘇聖經專科學校呢啲神學院，亦有基督教社會機構愛德基金會，而世界最大嘅聖經印刷公司愛德印刷公司亦位於南京。

南京市域嘅本地話有兩種：以溧水在城鎮爲界，包括在城在內以北係淮語區洪巢片，淮語即係江淮官話，係南方官話之一；以南係吳語區宣州片（溧水南部、高淳）。南京嘅市區話即係南京話，係江淮官話一種。呢兩種話有四個對比點：古全濁聲母吳語保留濁音，淮語讀成清音；同吳語有區分而淮語無；吳語有7聲調而淮語得5個；入聲方面吳語分陰陽而淮語無分。

南京地方經歷過重大人口變遷，所以啲話古今好唔一樣。古時南京係江東首府，呢帶係吳地，講嘅係初步漢化嘅中古吳語。至於南京幾時由吳語改講官話，確證唔到，不過可知兩條綫索：一係東晉南朝衣冠南渡以後，啲移民將當時嘅北方話帶落金陵，形成後來當地官話嘅基礎；二係最遲到明末清初，南京城就已經講官話。

中國古代以雅言作爲標準字音，而雅言係以當時洛陽話嘅讀書音作爲正音，因爲洛陽稱爲天地之中，認爲佢語音最正，所以歷代都重視洛下雅音，維持咗幾千年標準音嘅地位。晉代衣冠南渡，北方士族將標準字音帶落金陵，受當地吳語影響，產生支系金陵雅音，由於南北朝時南方係正朔，當時日本同中國嘅交往主要係南朝，於是金陵雅音傳過去日本，形成而家日文漢字音中嘅吳音。中古漢音嘅《切韻》音系代表南北朝到隋朝嘅標準字音，呢個音系就係綜合審定洛下、金陵兩地雅音後制定嘅。

明代時南京作爲京師，大量跟住朱元璋搬入南京嘅江淮人令當地話變成淮語分支，之後形成南京官話，作爲國語。南京官話從明朝開始，直到清朝中葉爲止，一直係通用中國大部份地區嘅官話，反而北京官話喺清代形成後只係朝廷講嘅話。南京官話同北京官話最唔同在於南京官話有入聲，而北京官話無，亦由於佢保留聲調格局完整，就算北京官話係皇帝講嘅話，當時中國文人普遍認爲南京官話正統過佢。而舊時西洋人、日本人學中文口語，由於通用亦係學南京官話。不過鴉片戰爭後，中國打開國門，外國人同中國政府越多接觸，越覺得要學朝廷講嘅北京官話，於是南北官話勢均力敵。後來中國文人嘅華夷觀念變咗，亦接受北京官話。最後民國北洋政府確定北京話做國語，全面取代南京官話嘅正統地位。

而家南京城講嘅南京話分兩種，城南年紀比較大嘅街坊講傳統口音，而後生嗰趟講新派南京話。南京喺近代經歷劇烈人口變動，先係民國作爲首都滙集好多外地人，南京大屠殺後人口劇降，之後人口嘅補充主要來自蘇北，當時新街口以北大半個南京城多係蘇北人，文革時南京有過萬人下放蘇北，日後又回遷，令南京嘅人口組成好唔同過20世紀初，所以傳統口音嘅南京話雖然有人講，但已經後繼無人。而興起嘅新南京話相對更接近江北淮語，同時而家由於推普，新南京話畀普通話影響，好多本土辭彙無人識用，而本土意識方面南京人無南面吳語區咁強，無去死守字音，所以發音用詞順勢變咗好多。

而南京週邊地區，江寧話保留住傳統南京口音，係舊南京話嘅保留版本；江浦同南京隔條長江，啲話亦相通，除咗接近安徽地段啲話唔同外；六合話大體同南京話相似，不過受蘇皖中部啲話影響大；溧水北部嘅江淮話亦接近南京話。溧水南部、高淳講吳語，有吳語共通嘅特徵，但係由於畀淮語包圍影響，又處於吳語區邊緣，呢啲特徵弱好多，比如溧水吳語嘅全濁聲母濁度輕，接近清化，部份字、合流；高淳話無全套嘅全濁聲母，只保留當中幾個，所以其他吳語區好難聽明高淳話。

南京有幾深厚嘅飲食文化。南京風俗有講食「八鮮」，八鮮係指八種菜蔬，按時令，清明食旱八鮮，中秋食水八鮮，稱爲「桂花飄香水八鮮」。呢種食齋菜嘅習慣源自南朝，嗰時佛敎興盛，影響到民間，所以有食齋風氣。八鮮有多種講法，除咗分水旱，水八鮮又有肉齋之分。其中旱八鮮有蘆蒿、香椿薳（當地薳叫「頭」）、青豆葉、薺菜、枸杞薳、馬蘭薳、苜蓿薳、菊花腦，旱八鮮喺南京郊區都有出產，唯有蘆蒿以八卦洲最爲人稱道，話嗰度嘅蘆蒿最清香脆嫩。水八鮮指八種水生植物，因爲當地河湖多，所以水產多。呢八種菜蔬有水芹、茭兒菜、蓮藕、紅菱、茨實（鷄頭米）、茭白、茨菇、馬蹄，舊時諸如玄武湖、莫愁湖、沙洲圩都出產水八鮮，蜂擁上市時人講「擔子壓斷街」。其中沙洲圩嘅出產啲人最讚，沙洲圩係古代白鷺洲嘅所在，喺而家建鄴區西南部靠長江一帶，即係沙洲街道同雙閘街道部份地區，因爲以前嗰度水靚，所以啲水八鮮更鮮嫩可口。喺1930年代後半期到1950年代末係沙洲圩水八鮮出產嘅旺盛期，當時從水西門到中華門，有大細13班嘅八鮮行，最有名叫馬記，繁榮直到1950年代。不過1990年代以來，因爲工業化、外地人多，河塘少咗，污染嚴重，於是出產少咗兼品質下降，甚至絕產，而家只有少量上市，連啲後生一趟都報唔清水八鮮究竟有邊八樣。2007年水八鮮飲食習俗列入首批南京非物質文化遺產。

食肉方面，南京人最歡喜鴨，南京有「鴨都」、「金陵鴨饌甲天下」嘅美譽。其中最出名嘅係板鴨、鹽水鴨。板鴨即係鹽腌風乾鴨，因爲佢肉質肥嫩細密，似塊面板所以叫板鴨。板鴨源自六朝，所以譽爲六朝風味、白門佳品。明代有歌仔唱「古書院，琉璃塔，玄色緞子，鹹板鴨」，當時板鴨同國子監、大報恩寺琉璃塔、黑色錦緞並列爲「四美」；清代時係每年皇家貢品，官場上亦習慣作爲贈禮，所以又叫貢鴨、官禮板鴨。板鴨分兩種，大雪到立春期間腌嘅鴨叫臘板鴨，可以放嘅時間耐；立春到清明腌嘅鴨叫春板鴨，呢種就擠唔耐。鹽水鴨同板鴨齊名，有三四百年歷史，鹽水鴨係熟食，要堂食，以農曆八九月嘅鴨爲當造，嗰時桂花開，所以靚嘅鹽水鴨叫做桂花鴨。

南京現時有呢啲嘢食列爲南京非物質文化遺產：綠柳居嘅齋菜、劉長興麵館嘅麵、板鴨同鹽水鴨、秦淮風味小食、龍袍蟹黃湯包。綠柳居做清真菜同齋菜，喺1911年創辦，因爲喺秦淮河邊嘅綠柳度所以店名噉叫，佢出名嘅係綠柳素菜包，係出名小食，佢八鮮齋菜技藝亦成爲文化遺產。劉長興麵館係南京最老牌嘅麵店，佢嘅薄皮小包喺2000年畀中國貿易部評爲中華名點，佢嘅麵嘅烹製技法亦列入遺產名錄來保護傳承。板鴨源自江寧湖熟，鹽水鴨係板鴨嘅衍生，有八大家：倉巷口韓復興、武定橋劉長興、中華門外濮恆興、馬長興、彩霞街上魏洪興、桃葉渡老寶興、信府河陳廚子、七家灣王廚子。秦淮小食有好耐歷史，六朝時以炒米爲主，唐代韋巨源《食譜》記有建康七妙，清代袁枚《隨園食單》記有50種南京點心，清末後秦淮小食有三大宗：包、燒餅、乾絲。1986年開發出「秦淮八絕」，而家秦淮小食列爲中國四大小食之一。蟹黃湯包出自六合龍袍鎮，源於清代乾隆年間，初時叫乾隆湯包，因爲當地水產豐富，清末時發展成蟹黃湯包。

而家南京有兩個主要體育場館：五臺山體育中心、南京奧林匹克體育中心，呢兩個體育中心可以舉行好多種體育賽事。其中五臺山體育中心起喺1952年，係中國大陸比較早期嘅體育館，而南京奧體中心係而家江蘇最大嘅公共建築，係爲舉辦第十屆全運會而起。南京喺2005年舉辦過第十屆全運會，喺2013年舉辦第二屆亞青會，喺2014年8月舉辦第二屆夏季青奧會。而喺之前，1933年第五屆民國全運會喺南京召開，於是整咗當時遠東規模第一嘅中央體育場。

南京本地有呢啲球會：江蘇蘇寧足球會、江蘇南鋼籃球會、江蘇一品梅排球會。其中江蘇蘇寧喺中超聯賽度幾活躍。

南京嘅主城喺江南，市內交通長期喺江南發展。1968年長江大橋通車，南京市區開始向江北延伸。改革開放後南京市區擴張，隨住經濟發展，自2005年開通長江三橋、第一條地鐵後，南京嘅橋隧、地鐵進展好快，2010~2015年間陸續開通三條橋隧、五條地鐵。市內交通發展促進咗市內人口嘅流動，而家主要嘅方式有巴士、地鐵。

市外交通亦發展緊。由於南京位於長三角北翼，又係黃金水道長江同中國鐵路骨幹京滬鐵路嘅交滙點，發展地域間交通好有優勢。陸路方面，有形成環綫嘅高速公路，密度排江蘇第一，另外有合60條以上嘅國道、省道通去國內、省內其他地方；鐵路上呢度係華東鐵路樞紐，有普通鐵路同高速鐵路，南京本身係鐵路綫嘅起終點之一。水路方面有長江嘅龍潭港，係緊要嘅中國河港。航空方面有祿口國際機場。靠呢啲交通，南京發展緊物流業。

巴士係南京市內交通嘅重要手段，從觀光巴士綫到郊外巴士綫，南京巴士綫總共有990條以上，其中市區有208條、浦口有38條、六合有295條、江寧有189條、溧水有18條、高淳有9條。南京係江蘇第一個開通觀光巴士嘅城市，主要行過明城牆、紫金山、總統府、玄武湖、明故宮、雨花臺、秦淮河、莫愁湖、陽山碑材等地。

喺南京搭巴士大部份可以用IC卡（金陵通）畀錢，相比用散紙，碌卡會平啲，有八折優惠（學生卡四折），同樣張卡亦可以用喺搭地鐵（9.5折，學生5折）、輪渡（5折）、的士，所以當地市民度幾普及。而且金陵通亦可以用喺蕪湖、淮安、揚州、杭州、上海（限唔記名卡）嘅的士同巴士。同時南京通用全國一卡通。

另外南京有到市外嘅長途巴士，現時南京有十二個長途巴士總站，分別係南京客運南站、南京東站、南京北站、江寧客運站、高淳站、溧水站、南京葛塘站、仙林南財（東站）、南京汽車客運站、仙林南師（東站）、仙林南郵（東站）、仙林南中醫（東站）。

接落嘅2號綫係東西走向嘅幹綫，呢條綫連接主城同副城。2005年12月28號2號綫嘅試驗段開工，到2006年5月1號全面施工。直到2010年5月28號，2號綫同佢嘅東延段開通營運，同1號綫南延段同日開通。

之後南京地鐵發展迅速，2014年內開通三條綫：10號綫、S1號綫（又叫寧高綫、機場綫）、S8號綫（又叫寧天綫）；接住2015年開通3號綫。現時南京總共有10條綫，共計171個車站，營運里程378公里，按照里程係中國大陸排名第四嘅地鐵，排喺北京、上海、廣州之後。不過南京地鐵有深圳、重慶呢啲對手，之前規模排名最低係第五，最高第四。而家南京地鐵大概日均客流310萬人次，係中國大陸第五繁忙嘅地鐵系統。

而家南京地鐵有4條綫起緊：1號綫北延段、2號綫西延段、7號綫、5號綫。按照規劃，地鐵會係南京市內公眾交通嘅依靠，同時減輕主城區嘅交通壓力，設計目的係2020年時滿足到1060萬城市人口規模嘅出行需求，其中中心區至少要有3條綫、副中心區至少有2條綫、其他地方都要有1條綫經過。目前計劃中，打算建成22條綫，當中城市軌道14條、都市圈軌道8條，舊城、主城、中心城嘅綫網密度分別係1.36、0.90、0.62 km/km²，而舊城站點600米半徑覆蓋率75%，主城站點800米半徑覆蓋率70%。

南京係華東鐵路網嘅圓心，所以係華東鐵路樞紐，建成嘅鐵路網會將南京變成中國鐵路嘅輻射點之一，南京本身亦係好多鐵路綫嘅起終點。同時南京由於佢嘅位置優勢，係華北、華東、華中三個地理大區嘅鐵路交接樞紐，而家普通鐵路方面有京滬鐵路（多條鐵路合成，涉及南京有津浦鐵路、滬寧鐵路）、寧銅鐵路（包括寧蕪鐵路）、寧啟鐵路、寧西鐵路經過，高速鐵路方面有滬寧高鐵、京滬高鐵、合寧鐵路、寧安高鐵、寧杭高鐵、滬漢蓉鐵路（多條鐵路合成，涉及南京有滬寧高鐵、合寧鐵路）。

南京有多個鐵路站，其中主要有南京站、南京南站、中華門站、六合站、江浦站、仙林站六個客站，南京東站一個編組站，南京西站、中華門站兩個貨站。當中嘅南京南站係亞洲最大嘅鐵路樞紐中心，係京滬高鐵五大到發站之一。除咗南京南站，南京站亦係緊要嘅火車站。

南京兩大鐵路站經過嘅鐵路綫：

京滬鐵路、滬寧城際鐵路、寧西鐵路、、

京滬高速鐵路、、合寧鐵路、寧安客運專綫、滬寧城際鐵路

而家南京有一個民用機場南京祿口國際機場，位於江寧祿口，喺1995年2月28號開工，1997年7月1號通航。之後成爲南京主要民用機場，而原先民用嘅大校場機場轉爲軍用機場。

祿口機場係中國緊要嘅機場之一，可以飛去中國大陸60個主要城市，亦有國際航班，比如去香港、澳門、臺北、高雄、星架坡、仁川、首爾、東京、大阪、曼谷、布吉、雪梨、法蘭克福、羅省，達35個國際城市，連續21年未出過事，到2017年，祿口機場係中國第11大旅客機場、第10大貨運機場。而家祿口機場自2009年起成爲客流量達千萬級嘅機場，到2013年底累計保障飛行117.77萬架次，旅客人流1.17億人次，貨郵吞吐量224.97萬噸。而家祿口機場有超過25間航空公司經營航綫，其中有三間基地航空公司：中國東方航空江蘇分公司、深圳航空江蘇分公司、中國郵政貨運航空公司。2011年4月1號祿口機場開始擴建，2014年7月12號啟用，機場規模目標係2020年時客流量達三千萬人次、貨郵吞吐量達80萬噸、飛行26萬架次。

祿口機場離南京市區35.8公里以上，有高速公路、地鐵直達，另外有機場巴士、的士服務。而家祿口機場喺週邊蘇皖兩省嘅城市度起咗16棟外地候機樓、5座外地貨站，所以祿口機場嘅服務亦提供畀南京週邊嘅城市，比如有揚州、無錫、常州、鎮江、泰州、淮安、宿遷、馬鞍山、滁州、銅陵、蕪湖、宣城、天長、蚌埠。

南京嘅地理格局係跨江而治，大體分成江南、江北兩部份，呢兩部份嘅交通好緊要。1968年南京長江大橋通車，成爲京滬鐵路嘅關節點之一，之後由於兩邊交通通咗，江北逐漸發展出工業區。呢條長江大橋幾有紀念價值，佢係中國人自己設計建造嘅第一條長江橋。改革開放後，經濟發展令交通需求大，2001年開通長江二橋。

南京嘅長江鐵路橋只有兩條，即係長江大橋、大勝關大橋，其餘都係公路橋。南京嘅長江鐵路橋對中國鐵路網意義重大，同武漢嘅鐵路橋一齊，並列中國南北鐵路網兩大要害，如果打仗時，襲擊南京、武漢各兩條鐵路橋（合四條），噉連接南北中國嘅25條鐵路綫中，有14條斷綫。呢四條橋作爲要害，如果斷咗，會減少中國鐵路六成運輸量。若果再攻擊蕪湖、九江、宜昌嘅鐵路橋，中國南北鐵路交通基本癱瘓。

作爲長三角緊要嘅交通樞紐，南京喺公路方面亦幾通達。2012年尾，南京公路總里程達11074.254公里，當中高速公路551.816公里、二級同以上嘅高級公路2854.269公里。按行政等級，國道總長635.709公里（佔5.74%）、省道586.472公里（佔5.30%）、縣道1886.31公里（佔17.03%）、鄉道4992.788公里（佔45.08%）、村道2970.269公里（佔26.82%）、專用公路2.706公里（佔0.02%）。南京所有農村地區都有公路通到，全市公路密度按國土面積計達168.12公里/百平方公里，按人口計達17.34公里/萬人；而高速公路密度方面，國土計8.38公里/百平方公里，人口計0.86公里/萬人。

而家南京有5條中國國家級高速路經過：長深高速（長春~深圳）、寧洛高速（南京~洛陽）、滬陝高速（上海~西安）、滬蓉高速（上海~成都）、寧蕪高速（南京~蕪湖）；又有4條國道經過：（北京~福州）、（秦皇島~深圳）、（上海~霍爾果斯）、（南京~海安）。

喺南京揸車要有中國內地嘅駕駛執照先係合法。因爲中國大陸無加入《聯合國道路交通公約》，而港澳臺有加入，所以港澳臺以及其他締約國所持嘅國際駕駛執照喺中國大陸唔受承認。中國大陸境外人士想喺南京合法揸車，就要憑境外駕照換取內地駕照，先係帶埋所需證件去政府機關核查，之後仲要通過中國大陸嘅駕照考試先換取到當地駕照，而且內地駕照嘅準駕資格唔可以超過境外駕照嘅。不過比利時駕照例外，用佢換取內地駕照毋須考試。而對南京市民，想去外國合法揸車，就要做駕照公證，承認公證嘅國家可以短期揸車。

南京係長江緊要嘅河港，佢嘅南京港係中國最大嘅內河港。2012年，南京港全年貨物吞吐量20701.27萬噸，其中出港8382.43萬噸，入港12318.84萬噸，外貿貨物吞吐量達1742.10萬噸。貨櫃吞吐量達230.03萬TEU（標準櫃）。生產用嘅碼頭泊位達342個，當中萬噸級泊位56個；非生產用嘅碼頭泊位23個；浮筒泊位8個，全部係萬噸級。碼頭泊位總延長達35933米，全市港口倉庫總面積296381平方米。南京市內嘅航道總里程達797.76公里，其中長江水系幹綫167.7公里，支綫583.52公里，淮河水系幹綫46.54公里。

南京作爲首批中國歷史文化名城、中國重點風景旅遊城市、第一批中國優秀旅遊城市，南京嘅旅遊資源非常之豐富，既有悠久歷史積累嘅文化古蹟，又有自然山水嘅風光名勝，自乾隆以來，累積評選出金陵四十八景，當中最出名嘅係四季四景：春有牛首煙嵐、夏有鐘阜晴雲、秋有棲霞勝景、冬有石城霽雪。而家南京有50幾處景點、近200處文物古蹟、33個自然保護區，大致全市分爲十大旅遊片區：鐘山、秦淮河、石頭城、沿江、棲霞山、南郊、湯山、江北、兩湖、市區。2013年南京畀福布斯評爲中國大陸旅遊業最發達城市第九位。

南京有呢啲產品認證爲中國地理標誌產品：

另外南京呢啲特產亦好有名：雨花石、板鴨、鹽水鴨。

南京最出名嘅國有酒店係金陵飯店，佢係中國大陸第一批六間大型旅遊涉外飯店之一，曾經係中國大陸第一高樓。其他有名嘅高級酒店有南京金絲利喜來登酒店、南京世茂凱悅酒店、南京中航凱賓斯基酒店等等。改革開放、南京發展旅遊業之後，平價嘅旅館慢慢變多，而家喺南京已經相當普及。大部分嘅酒店、旅館喺南京市區。

家下南京市轄11個區。

南京設過嘅政區可以喺下面份年表度搵。

南京同好多其他國嘅都市結成友好關係，有呢啲：





#Article 77: 科幻 (138 words)


科幻（；英文：sci-fi / SF），全名叫科學幻想（science fiction），係推想型故仔（speculative fiction）下嘅一個體裁，泛指一啲集中於科學同先進科技相關主題嘅故仔。對於「科幻故仔」呢個詞要點定義，2020 年嘅科幻界仲未有完全一致嘅共識，不過一般認為，科幻故仔傾向具有以下嘅特徵：

科幻俾人稱為「諗頭嘅文學」（Literature of Ideas），因為科幻作品成日會引起人對當代科學科技構思嘅思考。好似係由美國著名導演史匹堡（Spielberg）執導嘅戲《人工智能》（A.I.: Artificial Intelligence）噉：呢套戲嘅主角係一個俾人類創造，用嚟俾啲冇仔女嘅夫婦有得湊細路嘅機械男仔大衛，佢由俾養母抗拒至受接納，後嚟再因為想變成一個有血有肉嘅人類而出發冒險，當中有一幕係噉嘅：大衛俾一班仇視機械人嘅人類捉咗，而當嗰班仇視機械人嘅人類打算當眾處死大衛嗰陣，圍觀嘅人見到大衛迫真嘅外形同佢嘅行為舉止，以為佢係一個真嘅人類細路而反對處死佢。呢一幕令到好多觀眾反思到底內部用金屬造但有情感嘅大衛算唔算係一個「人」－一個人工智能要點樣先算係一個「人」正正係人工智能哲學上一條受關注嘅問題。

「科幻」要點定義係一個有爭議性嘅問題：俾人歸類做「科幻」嘅作品喺主題同使用嘅橋段上有一啲共通嘅特徵，例如係好多時會有對先進科技嘅思考噉；不過對於科幻呢個文學體裁要點樣具體噉定義，現時嘅科幻界仲未有人能夠提出一個廣受人接受嘅見解。

廿世紀嘅美國科幻大師兼生物化學教授阿西莫夫（Isaac Asimov）用以下一句嘢概括科幻呢個文學體裁：

人稱「科幻先生」（Mr. SF）嘅美國科幻作家兼工程師羅拔海萊因（Robert A. Heinlein）就噉講：

而 2020 年嘅不列顛百科全書就係噉樣形容「科幻」呢個詞嘅：

科幻子文類嘅其中一個常見分法係按「真實度」分做硬科幻同軟科幻兩種：

硬科幻（hard SF）係指重視要科學上準確嘅科幻作品。喺一個硬科幻故仔當中，故仔入面出現嗰啲先進科技真係有現實基礎，甚至乎直頭係當代科學界正喺度研究緊嘅嘢，而且故仔內容盡可能做到合乎當代已知嘅科學知識。例如想像以下呢個科幻故仔：

呢個故仔嘅各個元素都令讀者觀眾諗起「人同機械之間條界線係乜？」、「一個個體要點先算係有心靈？」等嘅問題，而呢啲都正正係喺人工智能哲學同心靈哲學等領域上廣受關注嘅問題。呢點反映咗個作者真係想引起對科學相關議題嘅反思。硬科幻引起讀者反思嘅能力令科幻有咗個外號，叫「諗頭嘅文學」（Literature of Ideas）。

軟科幻（soft SF）係指唔重視科學準確性嘅科幻作品。喺一個軟科幻故仔當中，故仔入面嗰啲先進科技完全係老作嘅，根本冇現實基礎可言，而且好多時故仔內容科學上唔準確，例如連好基礎嘅物理法則都搞唔清。呢啲作品普遍有以下呢啲噉嘅特徵：

... 等等。呢啲作品喺科學上準確度明顯比較低，所以屬於軟科幻。《星空奇遇記》（Star Trek）同《星球大戰》（Star Wars）等廿世紀嘅太空歌劇（space opera）名作都傾向屬於軟科幻作品：太空歌劇泛指故仔大多數時間都設於太空當中嘅故仔，呢類故仔通常主要係講一班角色坐住架太空船喺太空周圍冒險（好多時仲會對地球隻字不提）；呢類作品通常重視戲劇性，所以對科學準確性嘅重視度往往會低啲。

除咗軟硬之外，科幻作品另一個常見嘅分類法係按「故仔集中講乜嘢科技」嚟分類：

數碼鬅客（cyberpunk）－個名嚟自「cyber」（同互聯網相關）同「punk」（鬅客文化）嘅結合－係源於 1960 至 1970 年代嘅一種科幻子文類同常用美學。數碼鬅客可以用兩個詞語總括，未來性（futuristic）同反烏托邦（dystopian），「結合低生活同高科技」（combines low-life and high tech）。一個用數碼鬅客美學嘅科幻故仔一般會有以下嘅特徵：

舉個例子說明：一個科幻故仔，個背景設於想像中嘅未來，先進嘅人工智能技術令人類創造出像真度高嘅伴侶機械人（先進科技），呢啲技術搞到人類變成咗齋靠伴侶機械人滿足自己嘅社交需要，人與人之間嘅關係變得疏離（人類喪失咗一啲作為人類重要嘅嘢），而且背景有污糟嘅後巷、掁眼嘅霓虹燈、無星嘅夜空同迫滿高樓大廈嘅環境等去人性化嘅景象（背景）；作者好有可能係想借佢個作品嚟帶出人與人之間嘅交流對人類不可取代嘅重要性（對社會同科技嘅批判）。例子可以睇吓《神經喚術士》（Neuromancer）、《攻殼機動隊》（Ghost in the Shell）、《銃夢》（Battle Angel Alita）同《廿二世紀殺人網絡》（The Matrix）等嘅作品。

蒸氣鬅客（steampunk）係一種用舊式美學嘅科幻類型，最大特徵係故仔入面啲科技嘅外觀設計建基於 19 世紀嘅工業用蒸氣機。蒸氣鬅客受到數碼鬅客同 19 世紀尾（維多利亞時代）嘅英國文學影響，試圖用 19 世紀尾嘅英國做故仔嘅背景美學，有以下呢啲特徵：

蒸氣鬅客一般都比較傾向於軟科幻：事實係，19 世紀尾嘅蒸氣機喺各種性能上都遠遠不如現時用嘅機械，所以蒸氣鬅客故仔對於「點解呢啲蒸氣機能夠做到咁多現時機械都做唔到嘅嘢」通常答案都係唔清唔楚；而且蒸氣鬅客作品好多時仲會結合奇幻同恐怖等嘅超自然元素（超自然元素可以幫手解釋「點解呢啲蒸氣機咁勁」）；呢啲特徵對於講求科學上要準確嘅硬科幻嚟講好難接受。

柴油鬅客（dieselpunk）都係一種用舊式美學嘅科幻類型，俾人指係蒸氣鬅客嘅一種延伸。同蒸氣鬅客一樣，柴油鬅客美學建基於某個時期嘅科技，柴油鬅客特徵在於故仔啲機械嘅外觀設計建基於廿世紀早期嘅柴油科技。柴油鬅客嘅美學源於廿世紀兩次世界大戰嗰段時期，傾向有以下嘅特徵：

太陽鬅客（solar punk）係廿一世紀初興起嘅一種科幻美學。太陽鬅客最大嘅特徵係對未來樂觀，傾向具有以下嘅特徵：

太陽鬅客俾人指係對數碼鬅客（睇上面）嘅一種對抗思潮：一般認為，數碼鬅客對未來世界悲觀，認為全球化、都市化同自然資源嘅利用呢啲科技帶嚟嘅新系統會搞到人類嘅生活變得惡劣；而太陽鬅客就啱啱相反，旨在對抗呢啲系統，並且提出能夠長遠提高人類福祉嘅新系統。

科幻仲有以下嘅「鬅客」類型：

... 等等。

總括嚟講，上述每一種嘅科幻美學都係建基於某一樣對人類現時或者過去影響深遠嘅科技：

廿世紀同廿一世紀初嘅科幻作品常用嘅橋段（tropes）有以下呢啲：

科幻片《大都會》入面嘅機械人。

軍事科幻（military science fiction）係科幻嘅一種子文類，泛指主題圍繞軍事科技嘅科幻作品，可硬可軟。常用橋段有以下呢啲：

稱奇感（sense of wonder）係科幻界嘅一個概念：有好多科幻作家同評論家都認為，科幻作品嘅目的係要令讀者觀眾產生一股「稱奇感」。稱奇感呢種感受係因為突然接觸到新嘅資訊，從而了解到一啲佢哋前所未知嘅概念而有嘅。例如美國科幻評論家（David Hartwell）就噉樣寫：

而阿西莫夫喺 1967 年噉樣講，描述科幻嘢成真嗰陣會發生嘅稱奇感喪失：

科學奇幻（science fantasy）係科幻同奇幻嘅結合：奇幻（fantasy）係另一種推想型故仔，泛指一啲設喺虛構世界嘅故仔，出名嘅作品有《魔戒》（The Lord of the Rings）同《哈利波特》（Harry Potter）；傳統上，科幻同奇幻俾人認為係相反嘅兩個體裁－奇幻多數都會建基於魔法等嘅超自然元素，唔會著重解釋呢啲嘢嘅運作原理，背景設定好多都建基於古代社會（例如中世紀嘅歐洲），而科幻就建基於科學科技，硬科幻會著重科學上嘅準確性，背景設定多數設喺未來。不過事實上，有一啲故仔會結合兩個體裁－同時運用奇幻上常見嘅橋段同科幻上常見嘅橋段，而且兩者比例相約，令成個故仔處於科幻同奇幻之間。另一方面亦都有人主張，好多「軟」得滯嘅科幻作品喺科學上極度唔準確，所以可以當成「設喺虛構世界」－即係實際上應該被歸類做科學奇幻。

例子：想像以下嘅故仔－

上述嘅故仔俾好多人指係科學奇幻：一方面，「設喺虛構世界」、「有生命嘅行星」同魔法一般俾人認為係屬於奇幻嘅橋段；另一方面，故仔入面魔晄反應爐嘅設計望落似未來性嘅科技，而「受改造嘅超級士兵」一般俾人認為係科幻先會有嘅橋段；即係話個故仔同時用咗奇幻橋段又用咗科幻橋段，而且兩者比例相約。

有學者認為，遠古時期嘅神話同文學當中經已有一啲類似現代科幻嘅橋段，例如公元 2 世紀嘅古希臘嘅文學創作入面有用到「角色去咗異世界」同外星生命等嘅橋段，不過當時嘅世界仲未有現代科學方法呢回事，所以未有好似現代科幻噉對科學發現作出推想嘅科幻作品。

一般認為，真正算係「科幻」嘅作品源自中世紀後幾個世紀嘅歐洲：17 至 18 世紀嘅歐洲正處於啟蒙時期（Age of Enlightenment）同科學革命（Scientific Revolution）嘅時代，歐洲人開始對科學哲學產生興趣，出現咗「要用科學方法探究自然」（而唔係好似中世紀歐洲噉，視教會為知識嘅主要來源）嘅思潮。例如英國哲學家培根（Francis Bacon）喺 1626 年，想像一個人類靠科學發現新知識嘅未來社會，俾人指係最早期嘅科幻作品之一；而喺 18 世紀，小說成為咗一種受人認同嘅文學型式，英國作家瑪莉雪萊（Mary Shelley）喺 1818 年出嘅小說《科學怪人》（Frankenstein）等嘅作品為現代英文科幻文學奠定咗基礎。及後 19 世紀尾嘅著名科幻作家 H. G. 威爾斯（H. G. Wells）寫出咗《時光機》（The Time Machine）等嘅重要作品，佢創始咗時間旅行等多條廿一世紀科幻都仲用緊嘅橋，因而俾人稱為科幻界嘅莎士比亞。

廿世紀係科幻正式進入全盛嘅時代。隨住科學同科技嘅快速發展，西人愈嚟愈有興趣睇科幻：美國科幻雜誌《》（粵文翻譯：驚人故仔）喺 1926 年成立，係人類史上第一本專登科幻故仔同講科幻嘢嘅雜誌；而及後嘅 1930 年代開始出現咗大量讚揚當代科技發展嘅科幻作品。同時，電影同電視等嘅媒體崛起，而呢啲媒體亦都有科幻作品。到咗 1950 年代，廿一世紀見到嘅主要科幻橋段都成嗮形－當時經已有太空歌劇型嘅作品，而且有作品喺度用人類進化、超級士兵同平行世界等嘅橋段；呢啲科幻橋段就算係喺廿一世紀初嘅科幻界都仲具有相當嘅影響力。數碼鬅客呢種科幻美學喺 1960 年代開始出現，並且喺 1980 年代由美國加拿大作家威廉吉森（William Gibson）嘅作品普及化。數碼鬅客嘅成功吸引到科幻作家仿傚同創造出蒸氣鬅客同柴油鬅客等嘅作品類型。另一方面，日本嘅媒體又喺廿世紀中同廿世紀尾興起，日本嘅創作者參考咗西人嘅作品，創出咗多部科幻作品，早期例子有 1954 年嘅科幻電影《哥斯拉》（Godzilla）。

西方同日本嘅科幻作品有好多都取得咗重大嘅成功，呢啲作品令科幻呢種體裁去勻全世界。到咗 2000 年，包括大中華地區在內嘅世界各地都有科幻愛好者同創作者，例如香港都有倪匡等嘅作家寫科幻。

直至 2020 年為止，科幻經已成為咗現代文學上最重要嘅文學體裁之一，而文壇仲設咗多個獎項，用嚟表揚出色嘅科幻作家，包括：

... 等等。




#Article 78: Twinkle, Twinkle, Little Star (126 words)


係首好流行嘅英文兒歌 ()。中文亦通常叫一閃一閃小星星或一閃一閃亮晶晶。首歌曲詞各有來源，音係來自1761年出版嘅法文歌，字就係來自Jane Taylor首英文詩。

支旋律喺 1761年出版，原本唔係童謠來嘅。首歌家下留到最早嘅字，係1774年嘅，意思係呀！我會講你聽，媽。。呢首歌風行歐洲，莫札特都同佢作咗十二變奏， Variations on Ah vous dirai-je, Maman，K.265/300e，唔少人重以為支旋律係佢作嘅。

英文除咗呢首歌用之外，1834年作嘅字母歌()，同埋都一樣咁出名。


Jane Taylor首英文詩喺1806年出版，收響本書入便。本書係Jane Taylor同佢大家姐Ann Taylor嘅詩集。而首詩本身，喺用咗聯句()來表達。

原文歌詞分五節，其中第一段最出名。有時原文之外，每節畀人重覆頭兩行落尾度，原因係唱童謠嘅習慣。以下係原文：
 

家下通常只係唱短版，頭兩行尾度重唱：

因為首歌膾炙人口，詞本身有唔少譯本。亦有唔少係改版。

其中愛麗斯夢遊仙境，就有呢個版本：




#Article 79: 世界語 (276 words)


世界語（，又叫做「希望語」，因為Esperanto喺呢隻語言嘅意思係「希望」），舊譯萬國新語、愛斯不難讀，係最為廣泛使用嘅人工語言。波蘭眼科醫生柴門賀夫喺對佢進行咗十年嘅創作工作後喺1887年創立咗呢個語言嘅基礎。

世界語嘅命名來自（希望博士），呢個係柴門賀夫第一次出版《第一本書》時所用嘅筆名。最早，柴門賀夫幫呢個語言改嘅名只係「La Lingvo Internacia」，意思係「國際語言」。20世紀早期，當世界語啱啱傳入中國嗰陣，有人將佢音譯為「愛斯不難讀」，都有叫「萬國新語」嘅。後嚟重有人借用日本人嘅意譯名「世界語」，一直用到家陣。

世界語嘅定位係國際輔助語言，唔係用嚟代替世界上已經存在嘅語言。柴門霍夫嘅目標係創立一種簡單易學而靈活嘅語言，一種普世嘅第二語言，用嚟促進世界和平同國際了解，消除仇恨同埋戰爭，實現平等、博愛嘅人類大家庭。而家一啲世界語者仍然抱住噉樣嘅期望，但嘅人只係想用佢嚟同外國人打交道同埋了解其它國家同文化。

據估計約1000人以世界語為母語。世界語喺人工語言之中係目前唯一有俾人作為母語嘅。大概有十萬至兩百萬人能夠流利使用世界語，並散居世界各地。世界語有文學作品、歌曲同電影，聯合國教科文組織喺1954年推薦學習使用（1985年被聯合國教科文組織推薦畀聯合國成員國），2007年成為歐洲共同語言參考標準（CEFR）嘅第32種語言。雖然到而家仍無任何國家畀世界語官方地位，但世界各地好多學校都有提供世界語學習課程（從小學到大學都有），而且Google、維基百科、Facebook、Firefox、Ubuntu都有世界語版本，其中維基百科世界語版嘅文章數量喺各語言之中排第32（喺2005年係第8名）。

柴門賀夫醫生嘅第一本世界語書《Esperanto》喺1880年前後寫。佢係俄國猶太裔眼科醫生，生於時屬俄羅斯帝國嘅比亞韋斯托克。佢創造呢門語言係為咗促進各國人民友好相處。佢早年喺比亞里斯托克嘅境遇同感慨，喺佢寫畀Nikolai Borovko嘅信中可見一斑：

柴門賀夫用咗大概十年將外語文章譯作世界語，同時亦直接用世界語創作散文同詩歌。1887年喺華沙出版咗第一本世界語語法。喺之後嘅幾十年，世界語使用者嘅數目急劇增加，起初只係喺俄羅斯帝國疆域內以及東歐地區，之後延伸到西歐、美洲、中國同日本。早期嘅世界語者係通過通信同雜誌交流嘅，自從1905年第一屆世界世界語大會喺法國海濱城市布羅涅（Boulogne-sur-Mer，或譯布倫、布洛涅）召開後，世界世界語大會每年喺唔同國家召開，只有喺兩次世界大戰中中斷。二戰後，每年都有兩千到六千人與會。

因為世界語大有希望成為人類互相了解嘅橋樑，從而招致極權主義國家嘅猜忌，比如喺納粹德國、日本帝國、斯大林統治下嘅蘇聯。

由於柴門賀夫係猶太人嘅緣故，德國對世界語嘅迫害更係變本加厲。喺希特拉嘅《我的奮鬥》中，世界語被講成係猶太人陰謀支配世界後使用嘅語言。世界語者慘遭屠殺，柴門賀夫嘅屋企人都遇害。

蘇聯建國時世界語仍然得到官方支持，蘇聯世界語協會亦係官方承認嘅組織。但係1937年斯大林改變咗政策，佢污衊世界語係內奸語言，世界語者慘遭流放乃至屠殺。蘇聯禁止使用世界語，直到1956年至結束禁令。

西班牙內戰後，佛朗哥獨裁政權迫害無政府主義者同加泰羅尼亞民族主義者，從而牽連到世界語者。直到二十世紀五十年代至肯重新容納世界語發展。

世界語並冇被任何國際承認嘅國家確認為第二語言，但係喺二十世紀初曾經有建立莫里斯尼特，成為世界上第一個世界語國家。中國語言學家錢玄同曾經提倡用世界語取代漢語。另外，1968年，自封獨立嘅微型國家玫瑰島共和國亦確定世界語為官方語言。

美出版過世界語軍用喊話手冊，作為軍演中假想敵嘅語言。1924年夏天，美國無線電中繼協會接受世界語作為國際輔助語言，並希望其他各行各業嘅人都能夠用世界語嚟進行國際交流，但係世界語喺無線電通信中嘅實用價值反而唔大。

世界語重係幾個國際非營利組織嘅工作語言，比如Sennacieca Asocio Tutmonda，重有很多世界語組織。最大嘅世界語組織係國際世界語協會，佢同聯合國同埋聯合國教科文組織有正式顧問關係。而聯合國教科文組織亦喺1954年推介以世界語作為國際溝通媒介。世界語係聖馬力諾嘅國際科學學院嘅教學、管理語言。

作為一種人造語言，世界語唔同任何民族語言有譜系上嘅關聯。啲人話佢係「詞源上多採用羅曼詞彙，詞法上高度黏着，而又有啲孤立語特徵。佢嘅音韻、語法、詞彙、係基於西方印歐語言嘅，而音位系統本質上係斯拉夫形式嘅，亦有少量日耳曼語言特徵。喺語用同其他喺最早嘅柴門賀夫嘅世界語文獻中未詳細說明嘅方面上深受早期使用者嘅母語影響，尤其係俄語、波蘭語、德語、法語。

喺類型學範疇上，世界語嘅介詞、語序自由，而默認為主謂賓。形容詞可以自由咁放喺所修飾嘅名詞嘅前面或者後面，但係通常都係喺名詞前面。新詞通過豐富嘅前後綴而形成。

世界語有23個輔音、5個元音、兩個半元音，半元音可以同元音組合成六種複合元音。（輔音/j/ 同半元音/i̯/ 都寫成j，唔常見嘅輔音 /dz/寫成字母組合dz.）唔用重音嚟區分語義。重音永遠喺倒數第二個元音度，除非喺個別情況主要好似詩歌入面省略咗詞尾嘅元音，比如familio「家庭」讀做[fa.mi.ˈli.o]，重音響i度，而省略咗最後一個元音o時（famili'），重音仍然響i度[fa.mi.ˈli]。

/r/通常讀做顫音，但係都可以讀做英文嘅r [ɾ]。/v/成日讀做英文嘅v，但係都有人讀做[ʋ]（介乎英文嘅v同w之間）或者[w]，咁就要睇說話者嘅語言背景喇。半元音/u̯/常常只喺元音/a/同/e/之後構成複元音，而並唔似輔音w /w/。通常都存在將nk讀做[ŋk]同埋將kz讀做[ɡz]嘅同化現象。

世界語入面輔音叢好多，詞首可以有三連輔音（比如喺stranga「奇怪」入面），詞中可以有四連輔音（比如喺instrui「教學」入面）。除非喺外來人名度，否則詞尾輔音叢唔常見；詩歌用語省略詞尾o；亦有極少嘅基礎詞彙如同cent「百」，post「在……後」有詞尾輔音叢。

世界語有五個基礎元音，前閉元音i、後閉元音u、前中元音e、後中元音o同開元音a，同西班牙語、斯瓦西里語、菲律賓語、現代希伯來語、現代希臘語一樣。

半元音兩個/i̯/ 同/u̯/，成日同基礎元音結合，形成六個複合元音aj、ej、oj、uj、aŭ同eŭ，幾乎同菲律賓語一樣。

因為只有五個元音，所以世界語允許將元音讀做佢嘅變體。比如話e可能會被讀做介於[e]（相當於法語é）同[ɛ]（相當於法語è）之間嘅各種音。呢啲細節問題成日要睇說話人嘅母語。有人會喺後面再緊連一個元音嘅元音後添上一個喉塞音，比如heroo「英雄」讀做[he.ˈro.o]或者[he.ˈro.ʔo]，praavo「曾祖父」讀做[pra.ˈa.vo]或者[pra.ˈʔa.vo]。

世界語文字係拉丁字母變體，一字一音，一音一字。世界語字母表中有六個戴帽嘅字母，有峰形符嘅ĉ[tsh]、ĝ[dzh]、ĥ[x]、ĵ[zh]、ŝ[sh]，同有谷形符嘅ŭ[w]，而世界語字母唔包括拉丁字母本來嘅q、w、x同埋y，呢幾個字母只有喺拼寫一啲未世界語化嘅外國名先至會用到。

世界語28個字母如下：

呢啲字母大多按照對應嘅國際音標發音，只有c係讀做ts。

字母c、ĉ、ĝ、ĥ、ĵ、ŝ同埋複元音中嘅ŭ分別讀做[ts]、[tʃ]、[dʒ]、[x]、[ʒ]、[ʃ]、[u̯]。以捷克式IPA轉寫應該寫做ts、tš、dž、x、ž、š、w。

元音可以單獨構成音節，而輔音必須同元音喺埋一齊先能夠構成完整嘅音節。如果兩個元音之間無輔音，就從佢哋中間劃分，例如：mia劃分為mi-a兩個音節，frua劃分為fru-a兩個音節。世界語無複合元音。如果兩個元音間嘅輔音數係單數，後面嘅元音所在嘅音節多數得一個輔音，例如：u-nu、i-li、se-sa、be-la、kon-traŭ、vin-tro、in-dus-tri-o。如果兩個元音之間嘅輔音數係雙數，兩個元音所得輔音相同，例如：ler-ni、lon-ga、las-ta、kons-tru-i。重音：世界語單詞嘅重音喺倒數第二個音節度，單音節詞無重音。例如：domo、labori、esperanto。

喺古拉丁文入面並唔用J、W、Y、Z等字母（而係以II、VV、EE、DD嚟表示類似嘅發音），就連K、X都好少用（以C、Q取代），因此若果改成古拉丁式嘅寫法，呢啲字母可以縮編成如下：
      

反過嚟話，從古拉丁文翻成世界語嘅原則可以如下：

變體字母一度帶嚟咗打印同輸入嘅麻煩，尤其係嗰五個有峰形符字母係世界語特有嘅。鑒於呢啲戴帽嘅字母已經收入響國標字符嘅擴充拉丁字符A度，所以目前呢個麻煩只會困擾嗰啲只能夠用ASCII碼嘅網絡交流同數據庫。

另外亦有兩種應對方法，其一係用加h嚟替代加帽字母，比如ĉ、ĝ、ĥ、ĵ、ŝ分別寫做ch[tsh]、gh[dzh]、hh[x]、jh[zh]、sh，而將ŭ寫做u[w]。或者用捷克式IPA轉寫為ts、tš、dž、x、ž、š、w。

計算機輸入法通行時代後，加x嘅方法更加通行，即改加帽為喺後面加x，咁樣ĉ、ĝ、ĥ、ĵ、ŝ、ŭ就寫做cx、gx、hx、jx、sx、ux。

亦有一啲電腦特殊鍵盤能夠包含世界語字母，喺一啲系統下能通過軟件將加h或加x嘅字母轉換成加帽字母。微軟Windows嘅EK軟件就係一個好好嘅例子。另外世界語維基百科都係「加x轉化為加帽」嘅。比如一輸入cx，系統就會出ĉ。

世界語詞語係由前綴、詞根、後綴構成嘅，佢嘅構成方式好規則，從而啲人自己造詞都可以畀旁人明白。複合詞係由修飾語在先，主要部分在後嘅原則構成，比如birdkanto就係指鳥嘅歌聲，kantbirdo就係指鳴禽。

唔同嘅詞性有各自嘅獨特詞尾，名詞恆以o結尾，形容詞恆以a結尾，所有派生而來嘅副詞以e結尾，動詞嘅六種變化都有固定詞尾，比如現在式就係as結尾。

名詞複數會喺o後面加j形成oj（發音如同英文嘅oy），而賓格名詞重會喺最後加n，於是單數賓格名詞結尾就係on，複數ojn。o表明呢個係名詞，j表明呢個係複數，n表明係賓格。形容詞同名詞保持數格一致，主格複數形容詞結尾aj（發音如同英語eye），賓格單數an，賓格複數ajn（發音如同英文fine嘅ine）。

 
後綴n除咗表示賓格之外，亦可以表示運動目的地等一啲其他嘅意義，類似於德文嘅第四格Akkusativ。

動詞嘅六種屈折形式包括三種時態同埋三種式。現在式as，將來式os，過去式is，不定式i，條件式us，命令式u（表達願望同要求）。動詞唔會隨人稱同單複數變位。如此kanti就係「唱」嘅不定式，相當於to sing，mi kantas就係「我依家唱」，vi kantas就係「你依家唱」，ili kantas就係「佢哋依家唱」。

語序相對自由。形容詞可以響修飾名詞嘅前面或者後面，動詞同賓語可以以任何順序出現。而冠詞la（相當於英語the），形容詞性代詞tiu（相當於英語that）同埋介詞（比如ĉe，相當於英語at）都應該喺所修飾詞或短語之前。而喺主系表句中，語序如同英語一樣，people are animals同animals are people係唔同嘅。

自此，世界語確實借嚟咗好多外來詞根，起初大多都係來自西歐語言。雖然唔係所有人都有意識噉廣泛從外語中藉詞，但都是有好多人確實引入咗好多藉詞，尤其係科技術語。而另外日常用語大多都係用舊有嘅詞根派生出嚟，比如komputilo（計算機、電腦）就係由動詞komputi（計算）加上工具後綴il構成嘅。同時亦存在語義轉借嘅現象，亦即係話，詞彙根據外語中對應詞彙嘅意義而擴展。比如muso（老鼠）就因英文mouse（老鼠、鼠標）嘅多義而增添咗「鼠標」嘅含義。世界語者成日為規範某個藉詞同舊有詞彙嘅語義係唔係應該擴展而有紛爭。

有啲世界語複合詞含義並唔係咁清楚明白，比如eldoni從字面上拆開應該係「畀出」，而佢嘅實際意義係「出版」，呢種複合方式往往係模仿某種西歐語言比如德文嘅構詞時所產生嘅。另外後綴um並無明確含義，只有靠逐個記憶先可以搞明帶um後綴嘅詞語嘅確切意思，比如dekstren（向右）同埋加um派生出嚟嘅dekstrumen（順時針方向）。

世界語中習語俚語並唔多，因為太多習語俚語可能令各國人之間嘅交流變得困難，亦同世界語嘅創造初衷背道而馳。

下面列出咗一啲實用嘅世界語詞彙同短語：

下面嘅短文體現咗世界語嘅一啲特點：［具體發音可參考上文，要注意世界語j讀似英文y（可以參考英語）］


中國多處有龍王廟。乾旱時啲人就會去廟度祈求龍王為人間降雨。當時龍重係超自然力量嘅象徵。之後，龍成為咗皇帝嘅祖先並象徵封建帝王嘅絕對威權。皇帝會宣稱自己係龍嘅仔。皇帝嘅所有個人物品都帶有龍嘅名，裝飾有龍形圖案。到而家，中國周圍都能夠見到龍嘅裝飾，處處都流傳龍嘅神話。

大多世界語者係自學嘅，可以網上學，亦可以參加志願者開嘅班。近年來好似lernu!之類嘅教學網站開始流行。

部分學校亦有世界語教學，包括英國曼徹斯特大學轄下嘅先鋒嚮導計劃嘅四間小學，以及世界各地嘅69間大學（包括柏克萊大學同史丹佛大學）。但係除咗中國同匈牙利嘅幾間大學，呢啲教授世界語嘅大學大多並唔係正式嘅教學，亦都無國家贊助。匈牙利布達佩斯嘅羅蘭大學曾經喺1966年到2004年有國際語言及世界語系，2004年後將佢嘅教學移交咗畀職業學校，重有官方組織嘅世界語老師考試。巴西參議員喺2009年通過咗一項議案，將令到世界語成為公立學校外語課程嘅一種，但係喺2010年，呢項議案由於下議院反對未能通過。

好多教育工作者都估計無論喺邊度，世界語嘅學習時間都只要其他語言嘅二十分之一到四分之一不等。Claude Piron曾經係日內瓦大學嘅心理學家，亦係聯合國嘅英漢俄西四種語言嘅翻譯家，佢堅稱世界語比好多民族語言都直觀：「世界語幾乎完全依賴直觀感受，佢同其他任何語言嘅區別在於你可以永遠跟住自己嘅感覺走，概括同模仿。讓·匹亞格特所講嘅同樣嘅神經心理學法亦都適用於佢嘅構詞同語法。

但係要指出，呢個數據只能反映以法語為母語嘅人學習不同語言嘅難度。要得出精確結論，重要其他國家嘅數據同比較（因為法文同意大利文都係羅曼語，佢哋嘅差距細過法文同德文嘅差距、法文同英文嘅差距）。

喺曼徹斯特大學指導下，有230名學生嘅四間英國小學，喺2010年至2013年，進行「世界語預備課程」教學，亦即係通過世界語教學嚟提升語言意識，並幫助跟住落嚟嘅其他外語學習。喺新西蘭、美國、德國、意大利同澳洲都有研究。研究結果好可喜，說明咗喺學習另一門外語（自然語言）之前先學一啲世界語有利於該語言嘅學習。咁似乎係因為學過外語再學外語比第一次學外語簡單，而語法簡單，無固定文化背景嘅輔助語言世界語嘅教學令學生打破咗第一語言學習嘅障礙。喺一項研究中，一組歐洲初中生先學一年世界語，再學三年法文，最後佢哋嘅成績比學四年全學法文嘅對照組學生強。將接受實驗者嘅母語同所學習嘅自然語言換成其他語言，結果都係一樣，甚至總課程被壓縮到兩年，其中學六個月世界語時都係咁。







#Article 81: 二氧化碳截住儲埋 (2941 words)


二氧化碳截住同儲埋（簡寫做碳截儲，CCS）即係捉實啲大型發電廠產生嘅二氧化碳（CO2），然後用各種辦法儲起佢，唔畀佢出大氣層。碳截儲係調慢全球變暖嘅一個方法，商業用大型二氧化碳截住嘅方法已經用咗一段時間，好成熟。將二氧化碳渚入地層係做過吓，不過，要長期咁儲埋二氧化碳只係一個未實踐嘅諗頭。到而家（2007年）為止，未有一間投產嘅電廠安裝咗碳截儲嘅設施。

有碳截儲設施嘅電廠，比起冇嘅廠，排少八到九成嘅二氧化碳，而有減排設施嘅電廠運行嗰時，大約用多兩到九成嘅能源，呢個只限於新起、近住儲埋地點嘅廠，如果現成嘅電廠加減排設施會重貴。

一係將啲二氧化碳㘉入地下岩層，深海。或者變成碳酸礦物。深海儲埋會搞到海洋酸化。儲埋喺地下岩層而家係最理想同可行嘅方法，現有嘅地點估計可以至少儲 2000 Gt 嘅 CO2（而家人類每年整 30 Gt 嘅 CO2 出嚟）。 

 有同無 CCS 嘅電費(cost of energy)對比(2002 US$ per kWh)




#Article 82: 巴薩隆拿 (110 words)


巴薩隆拿（，Barcelona），又譯做巴塞隆拿、巴塞羅拿，係西班牙第二大城市，亦係西班牙加泰羅尼亞自治區首府、巴薩隆拿省（隸屬加泰羅尼亞自治區）省會。巴薩隆拿位於伊比利亞半島嘅東北面，瀕臨地中海。地理坐標係（41º 23' N, 2º 11' E）。人口約160萬。

相傳該城由迦太基會領、漢尼拔阿爸哈米爾卡·巴卡所興建，喺佢漫長嘅歷史上重做過巴薩隆拿伯爵領地同阿拉貢王國嘅首府。巴薩隆拿因為佢眾多歷史建築同文化景點成為眾多旅遊者嘅目的地，代表有被命名為世界文化遺產嘅安東尼·高第同多門內克·蒙塔內嘅建築作品。

著名建築師安東尼·高第一直喺巴薩隆拿生活同工作，喺呢度有佢好多嘅作品。其中最著名嘅包括桂爾宮（Palau Güell）、桂爾公園（Parc Güell）同聖家堂（Sagrada Família）。規模宏大嘅聖家堂從1882年開始建造，到而家重未完工。

巴薩隆拿（Barcelona）地名嚟源於古代腓尼基語Barkeno（希臘語Βαρκινών，拉丁語Barcino、Barcelo 、Barceno）。中世紀亦曾用Barchinona、Barçalona、Barchelona、Barchenona作地名。

關於城市嘅建立有兩挺觀點，不過都同哈米爾卡·巴卡有關。第一挺認為該城由古代英雄赫拉克勒斯喺羅馬建立前400年（大概喺公元前1153年）建立，後哈米爾卡·巴卡喺公元前三世紀重建並以自己嘅姓氏命名。而第二種說法認為哈米爾卡·巴卡直接建立咗巴薩隆拿。

大概喺公元前15年，羅馬人以「台伯山」（現市政廳近鄰嘅一座細丘）為中心會城市重新規劃為一座羅馬兵營。其後巴薩隆拿作為羅馬人嘅殖民地被嗌做Colonia Faventia Julia Augusta Pia Barcino 或Colonia Julia Augusta Faventia Paterna Barcino。

喺羅馬地理學家梅拉嘅描述中巴薩隆拿重係一啲細鎮組成嘅地區，不過喺後世學者眼入邊，巴薩隆拿因其獨特嘅位置同天然良港逐漸富庶起嚟，唔使負擔沉重嘅帝國財政，重可以自己鑄造貨幣。

時到而家日好多羅馬時期嘅重要建築都經已嚴重損毀，不過喺著名嘅歷史名勝區「哥德區」重可睇出昔日嘅格狀規劃。一啲殘存嘅羅馬時期嘅城牆被集中喺公元343年始建嘅拉蘇大教堂中。

公元五世紀早期巴薩隆拿被西哥德人征服，八世紀早期被摩爾人征服，不過公元801年查理曼大帝個仔路易將佢佔領並令佢成為加洛林王朝嘅西班牙邊疆區，由巴薩隆拿伯爵統治。喺公元985年被阿爾-曼蘇爾洗劫之前巴薩隆拿亦係基督教喺伊比利亞半島嘅前沿堡壘。後嚟巴薩隆拿伯爵日漸顯示出佢嘅獨立性並擴張領地直至統治成個加泰羅尼亞。公元12世紀因王室聯婚嘅結果巴薩隆拿伯爵頭銜由阿拉貢國王拉米羅二世繼承，加泰羅尼亞併入阿拉貢王國，到13世紀阿拉貢國王統治咗包括那不勒斯、西西里在內嘅西地中海，重一度統治雅典。隨後阿拉貢王室同卡斯蒂利亞王室聯婚，兩國合併形成咗今日西班牙嘅主體，加泰羅尼亞成為西班牙嘅一部分，獨立性日漸減少。不過時到而家日重有加泰羅尼亞獨立運動存在。

巴薩隆拿位於伊比利亞半島東北部，面臨地中海。城市主體建於科爾賽羅拉山嘅一塊高地上面，高地面積約160平方公里，城市佔據咗其中嘅101平方公里。洛布里加特河流經城市西南，巴索斯河流經城市北邊。距離法西邊境嘅庇里牛斯山脈約160公里。

科爾塞羅拉山係沿海山脈嘅一部分，緊鄰城市東北部，最高點第比達博峰海拔512米，可以鳥瞰全城。而喺城市嘅絕大部分地區可以睇見山頂高 288.4米嘅無線通訊基站科爾賽羅拉塔。巴薩隆拿整體處於丘陵地帶，城市嘅好多街區以近鄰嘅細丘命名，好似卡梅爾（海拔267米）、普特賽特（海拔181 米）、洛維拉（海拔281米）等。著名嘅蒙特胡克懸崖位於城市西南，高173米，從山頂可以俯瞰成個巴薩隆拿港，因為佢優越嘅地理位置，巴薩隆拿人喺 17-18世紀修建咗可以控制成個城市命脈嘅蒙特胡克城堡並取代咗修塔德拉城堡。如今蒙特胡克城堡經已成為一座博物館，而蒙特胡克區係眾多體育同文化組織嘅聚集地。

巴薩隆拿嘅氣候屬於地中海式氣候，冬季溫暖潮濕而夏季炎熱乾燥。一月、二月係最凍嘅季節，平均溫度攝氏10度。喺巴薩隆拿，落雪係好鬼罕見嘅情況，所以每次落雪都被特別記錄落嚟。而七月、八月最熱，平均溫度攝氏25度。巴薩隆拿市區歷史上有記載嘅最高溫度係攝氏38.6度，位於第比達博山嘅法布拉氣象台曾有過攝氏39.6度嘅記錄。巴薩隆拿最先由古羅馬人所創建，至今經已有2000幾年嘅悠久歷史，係西班牙著名嘅歷史名城。相傳2000幾年前嘅一日，嚟自古羅馬嘅一支船隊抵達今日嘅巴薩隆拿沿岸，其中乘坐第九艘船嘅人上岸定居。巴薩隆拿一名即由古羅馬語第九艘船（Barca Novena）衍生而嚟。衍生出嘅巴薩隆拿（Barcelona）一詞，另據說係由酒吧（BAR）、天空（CEL）同波浪（ONA）組成嘅。原因大概係酒吧幾乎遍及巴薩隆拿嘅大街細巷，有啲豪華，有啲簡陋，每到夜晚，入面都坐滿咗飲酒狂歡嘅人。巴薩隆拿嘅天空清澈碧藍，陽光充沛，而日照時間好長，1992年奧運會期間，晚黑9點鐘以後個天重係好光。

巴薩隆拿因佢數目眾多、特色鮮明嘅公園而著名。全市共有68座市立公園，其中12座歷史主題公園、5座植物主題公園。45座市區公園同6座森林公園。呢啲公園大細不一，總佔地面積大概549.7公頃，幾乎佔據咗城市面積嘅1/10，並以每年10公頃嘅速度增長。平均每個居民佔有18.1平方米嘅公園面積。

位於蒙特胡克山，佔地203公頃嘅蒙特胡克公園係巴薩隆拿最大嘅公園，隨後係佔地31公頃，包括市議會大廳、動物園同幾個博物館嘅修塔德拉公園、佔地19公頃嘅古因那多公園、由高第設計佔地17.2公頃嘅桂爾公園、同樣佔地17.2公頃嘅奧倫內塔堡公園、佔地13.3公頃，2002年開放嘅斜角廣場公園、佔地13.2公頃嘅諾·巴里斯中央公園、同樣佔地11.9公頃嘅坎德拉貢體育公園同波布里諾公園、佔地9.1公頃，以花園式迷宮命名嘅拉比內斯公園。

巴薩隆拿海岸線總長4.5公里，分做7塊海灘，其中聖塞巴斯蒂亞灘同巴塞羅內塔灘係最大、最著名、遊客最多嘅兩個，均約長1.1公里。剩低嘅5個海灘（分別係諾瓦·伊薩里亞灘、博加特爾灘、瑪·貝拉灘、諾瓦·瑪·貝拉灘同萊萬特灘，長度喺400米到640米之間）同兩個大海灘被奧林匹克港隔開。為迎接1992年夏季奧運會巴薩隆拿市政當局拆咗大批工業同港口建築，所有海灘都對遊人開放，2004年世界文化論壇後好多海灘成為海濱浴場。

加泰羅尼亞廣場同鄰近一帶係巴薩隆拿嘅歷史中心，阿文古達大道係最大嘅商業區，剩低嘅商業區重有斜角大道、斜角廣場、同所在地同名嘅馬奎尼斯塔、格羅雷斯同埋港口近鄰嘅瑪麗格南等。

巴薩隆拿嘅摩天大樓唔多，最高嘅係154米嘅雙子塔藝術酒店同邁普福雷塔，其次係新落成嘅高144米嘅阿格巴塔。

根據市政當局統計，截至2006年1月1號，巴薩隆拿市共有人口1,673,075，巴薩隆拿大都會區共有3,161,081，巴薩隆拿城市區共有人口5,327,872，面積4,268平方公里。

巴薩隆拿人口密度為每平方公里15,779人，位於老城區嘅外延區係人口密度最大嘅。62%嘅巴薩隆拿居民嚟自加泰羅尼亞大區，23.5%嚟自西班牙其他地區，13.9%係外國移民，最大嘅移民來源國有厄瓜多爾、秘魯、摩洛哥、哥倫比亞、阿根廷、意大利、巴基斯坦同中國（以人數排列）。

巴薩隆拿有悠久嘅商業傳統，比較之下佢作為歐洲大陸最早工業化嘅地區之一反而唔多人知。18世紀末紡織業喺逐漸興起，到19世紀中巴薩隆拿成為紡織品同紡織機器嘅重要產地，從此機械工業喺巴薩隆拿嘅經濟扮演越嚟越重要嘅角色，而家嘅主要工業有防治、化學、製藥、電機、電子、印刷等。喺進入20世紀下半葉後，服務業逐漸興起，物流、出版、電信、電腦起咗主導作用。

得益於佢藝術同創造嘅傳統，巴薩隆拿嘅工業設計優勢好明顯，同時因眾多嘅特色建築，巴薩隆拿能面向全世界舉辦眾多嘅博覽會，呢啲喺另一方面帶動咗旅遊業、酒店業嘅發展。巴薩隆拿港係地中海西岸嘅重要港口，喺貨運同客運方面都係。

根據默瑟爾人力資源諮詢公司嘅統計，巴薩隆拿係西班牙生活成本第二高嘅城市，僅次於首都馬德里，喺全世界亦排喺第31位。

巴薩隆拿嘅公立高等教育體系相當發達，校園遍布巴薩隆拿市區嘅巴薩隆拿大學（UB - Universitat de Barcelona）係其中嘅代表，另外重有加泰羅尼亞理工大學（UPC - Universitat Politècnica de Catalunya）、龐培·法布拉大學（UPF - Universitat Pompeu Fabra）等。私立大學中拉曼·魯爾大學（URL - Universitat Ramon Llull）因為旗下嘅埃薩德商學院（ESADE - Escola Superior d'Administració i Direcció d'Empreses）而著名。位於貝拉特拉（屬巴薩隆拿大都會區）嘅巴薩隆拿自治大學（UAB - Universitat Autònoma de Barcelona）係另一間著名嘅公立大學。

巴薩隆拿擁有從幼兒教育到中學嘅公立教育體系，由市政府負責管理（理論上係由加泰羅尼亞大區政府管理）。同時亦有好多私立學校，其中一啲屬於羅馬天主教教會學校。同西班牙嘅第啲城市一樣，巴薩隆拿市政當局亦面臨著為日漸增加嘅嚟自拉丁美洲、非洲同亞洲嘅移民子女提供教育嘅問題。

喺2000幾年嘅歷史中巴薩隆拿形成咗自己獨特嘅文化，同加泰羅尼亞大區第啲地區加泰羅尼亞語佔統治地位唔同，巴薩隆拿有兩挺官方語言：西班牙語同加泰羅尼亞語，而兩挺語言都得到廣泛採用。巴薩隆拿嘅中加泰羅尼亞語同標準加泰羅尼亞語好接近。自從20世紀70年代西班牙實現民主後，喺獨裁時期受壓制嘅加泰羅尼亞本地文化蓬勃發展，舊有啲藝術形式恢復咗活力，新嘅藝術形式亦不斷湧現，全球化同世界級城市研究細組同網絡（Globalization and World Cities Study Group and Network，GaWC）令巴薩隆拿列為第三類全球城市。

巴薩隆拿有好多音樂廳同歌劇院，好似世界著名嘅格蘭·德爾·利索歌劇院（Gran Teatre del Liceu）、加泰羅尼亞國立歌劇院（Teatre Nacional de Catalunya）、勒呂爾歌劇院（Teatre Lliure）、加泰羅尼亞音樂宮（Palau de la Música Catalana）等。每年六月喺巴薩隆拿重有索納爾音樂節。

巴薩隆拿同加泰羅尼亞交響樂團（Orquestra Simfònica de Barcelona i Nacional de Catalunya，簡稱OBC）係加泰羅尼亞地區最大嘅交響樂團，1999年新音樂廳啟用，該交響樂團每年舉行大概75場音樂會。

巴薩隆拿有好多博物館同藝術館，涵蓋唔同地區同唔同時期嘅作品。

巴薩隆拿嘅好多著名建築集中喺老城區嘅中心哥德區，呢度有好多中世紀甚至羅馬人統治時期嘅建築。19世紀中至20世紀中之間修建嘅眾多現代主義風格（Modernismo）嘅建築為巴薩隆拿增添咗好多亮點，特別又以安東尼·高第設計嘅建築作品最有特色，呢啲現代主義嘅建築之中有八棟被列為咗世界遺產。高第最著名嘅作品當屬由私人投資興建嘅聖家堂最有名。聖家堂始建於1882年，規模宏大壯麗，而家都重未完工。

巴薩隆拿因為佢豐富多彩嘅特色建築於1999年獲得英國皇家建築學會嘅皇家建築金獎，呢次係個獎至今唯一一次頒發畀一個城市整體而唔係單一個建築。

巴薩隆拿有八棟建築物被列為世界遺產：

巴薩隆拿有兩間出名嘅足球會，巴塞隆拿同愛斯賓奴。其中巴塞隆拿係世界最著名嘅足球會之一。




#Article 83: 數學證明 (121 words)


數學證明（粵拼：sou3 hok6 zing3 ming4；英文：mathematical proof），通常就噉簡稱做「證明」，係數學家研究數學嘅一種工具。喺呢個過程入面，數學家會先諗出一柞公理（axiom）－一啲佢哋認為好明顯係真，唔使證明都可以攞嚟用嘅命題（proposition）－或者係用一啲之前已經證明咗嘅命題（即係所謂嘅定理；theorem）。然後佢哋會靠住用呢啲公理同定理，再用一啲數學證明嘅方法推斷出一啲實啱（always true）嘅新命題，而呢啲新推出嚟嘅命題會俾好多數學家攞嚟詏，如果詏完一輪之後啲數學家覺得個證明冇問題嘅話，條新命題就會變成一條新嘅定理。呢啲新定理又有得攞去用嚟證明新啲嘅定理－於是乎數學知識就係噉增長。

如果一條命題要俾數學界接受係定理，佢就要有個令人滿意嘅證明，如果佢衹係有人覺得可能係啱但係冇俾人成功證明到嘅話，佢衹會係個猜想（conjecture）。


直至廿世紀為止，學界一般都仲係覺得原則上任何嘅數學證明都可以由能力夠高嘅數學家嚟幫手肯定佢嘅有效性（Validity），但係家吓數學界成日都會用電腦輔助證明（Computer-assisted proof）－即係用電腦幫手證明一啲定理，又或者用電腦做一啲長得滯搞到用人手計唔到嘅運算，例如四色定理（Four-color theorem）嘅第一個證明就係由電腦輔助做嘅。初頭有唔少數學家擔心用電腦幫手會搞到啲證明有可能出錯，質疑電腦輔助證明嘅有效性。現時嘅數學家會用好多方法令到電腦輔助證明令人更加有信心，好似係重複噉檢查同埋用多個唔同程式做證明呀噉，而事實係，就算用人手做數學證明都係有可能出錯嘅。所以喺廿一世紀，數學界一般都唔抗拒用電腦幫手做數學證明。




#Article 84: 統計學 (222 words)


統計學（；英文：statistics）係數學嘅一個子領域，專門研究點樣喺各個科學領域當中搜集、分析、演繹同埋呈現數據。喺用統計方法嚟研究啲乜嗰陣，個科學家會跟以下嘅步驟（睇埋科學方法）：先講明佢研究緊乜嘢變數（variable；指一個形容緊某啲嘢嘅數字）；跟手就搵一個特定嘅總體（population；指一柞有某啲共通點所以俾人擺埋一齊研究嘅個體）嚟研究；由呢個總體嗰度抽個樣本（sample）出嚟；喺個樣本度收集數據，睇吓個樣本入面每一個個體喺啲變數嗰度嘅數值係幾多；用某啲統計分析（statistical analysis）方法嚟去搵出柞變數之間有乜嘢關係。

例如有個生物學家想研究吓狼嘅獵食行為同佢哋身處地方嘅氣候之間有冇拏褦。喺呢份研究入面，佢研究緊嘅變數包含咗喺「啲狼嘅獵食行為」（應變數）同「啲狼身處嘅地方嘅氣候」（自變數）；佢會將成個世界嘅狼擺埋一齊研究（「全世界嘅狼」就係佢個研究嘅總體）；但世上咁多隻狼，要攞嗮佢哋嚟觀察嘥時間得滯，所以佢就用隨機抽樣（random sampling）－隨機噉由全世界嘅狼嗰度抽（例如）100 隻出嚟研究；跟住佢就要向個樣本收集數據，用各種嘅方法去量度樣本入面每一隻狼（一隻狼為止一個個體）嘅獵食行為（好似係隻狼每日用幾多個鐘頭獵食、食咗幾多公斤嘅肉呀噉）同埋佢身處地方嘅氣候（好似係嗰個地區落雨落得有幾密同平均氣溫等等）；攞完數據之後，研究者就要用各種統計分析嚟計吓柞變數之間有乜拏褦。

同樣嘅做法喺物理科學同社會科學嗰度都會用到。因為統計學廣泛嘅應用價值，統計學知識經已成為咗現代科學研究上走唔甩嘅一個部份，大學科學學科嘅本科課程基本上冚唪唥都會教統計學嘅嘢。

科學哲學（philosophy of science）係科學嘅基礎，簡單講就係指科學家對於「科學係乜同埋應該點搞」嘅睇法。科學哲學嘅基礎係科學方法（scientific method），意思即係話科學研究涉及用以下嘅步驟嚟理解宇宙當中可以觀察嘅事物，嘗試預測未來嘅現象：

上述嘅過程會係噉不斷重複，直至手上嘅理論做得到完全準確嘅預測為止－於是乎科學就有持續嘅發展，做到愈嚟愈準確嘅預測。到咗現代，科學上經已有龐大嘅理論體系，按所研究嘅現象分做物理學（用科學方法研究宇宙基本定律）、生物學（用科學方法研究生命）、心理學（用科學方法研究人嘅行為）同社會科學（用科學方法研究社會）等多個領域，每個領域都有諗出用嚟描述同預測自己所研究嘅現象嘅理論，而一啲重要嘅理論（例如係進化論）往往俾科學家用實驗同觀察驗證過上百次－非常經得起考驗，所以學界一般認為呢啲理論係有返咁上下正確嘅模型（approximately accurate models）－能夠充分噉描述現實。除此之外，科學家仲會不斷噉去搵新嘅現象研究，睇吓呢啲理論能唔能夠解釋新現象，又或者使唔使諗新嘅理論，令科學知識得以不斷發展。

歸納（inductive reasoning）係科學家嘅基本諗嘢方法，指由啲個別嘅事例嗰度去推斷出一啲普遍原理。响歸納性質嘅論證入面，前提嘅真確性冇辦法保證到結論嘅真確性，只係可以靠住大量嘅事例嚟提升個論證嘅強度，好似係以下呢個論證噉：

呢個係一個典型嘅歸納論證：就算個前提係真，都保證唔到個結論係真－前提入面嗰個「我」並冇見過嗮世界上所有嘅天鵝，而事實係世界上有黑天鵝，個觀察者會噉諗只不過係因為佢咁啱未見過黑天鵝；如果個觀察者想佢個論證強啲嘅話，佢就一啲要去見多啲天鵝：如果佢睇勻嗮全歐洲嘅天鵝，呢個論證嘅說服力會比較強；相反，如果佢淨係見過英國嘅天鵝，噉呢個論證嘅說服力會渣好多。科學家都係跟住呢種諗嘢方式搞科學：喺驗證「萬有引力係真嘅」呢句說話嗰陣，牛頓觀察到一個蘋果由樹上面跌落嚟，佢亦都觀察到好多嘢都係跟呢條規則，但佢始終冇辦法去真係「證明」呢個宇宙入面真係所有嘢都有萬有引力－因為可能喺宇宙嘅某啲黑暗角落度會有啲冇引力嘅嘢，只係人類仲未搵到。科學家靠嘅係實驗同觀察，佢哋冇辦法好似數學家噉真係證明佢哋講嘅嘢，只可以靠住重複做實驗同觀察嚟加強自己嘅論證，但始終係冇方法排除一個可能性：呢個宇宙入面可能真係有啲嘢係唔跟佢哋諗出嚟嗰啲定律嘅，只係佢哋未搵到呢啲嘢。

就係因為噉，喺正式嘅科學論文入面，科學家好少可會話自己「證明」咗乜嘢乜嘢理論，只係會話「觀察同實驗嘅證據結果撐嗰個理論」，而且佢哋仲會好積極噉去搵新數據，睇吓呢啲佢哋之前未見過嘅數據會唔會推翻舊嘅理論。如果會嘅話，佢哋就會開始諗新理論，或者睇吓點樣將舊嗰個理論改吓等個理論可以同新數據夾得埋。

喺定義上，統計學就係為咗思考「點樣由手上數據（data）推導出普遍知識」而生嘅數學子領域，尤其關注帶有不確定性嘅數據：無論係邊個科學領域，科學家做嘅都係「由手上睇到嘅現象（樣本嘅數據）嗰度嘗試推導出能夠廣泛噉描述同類現嘅理論」，呢種做法本質上就有不確定性（uncertainty）－難以保證個樣本實係代表到個總體，例如研究者想研究狼嘅體重，因為人力物力嘅限制，佢冇可能研究嗮古往今來所有嘅狼，所以佢就去搵 100 隻狼（樣本）返嚟做研究，佢量度到呢個樣本嘅狼平均體重係 40 公斤（數據），就最嚴格嘅邏輯基準嚟講，呢個數可能

喺呢個思考過程當中，就經已必然涉及「手上嘅樣本有幾大機會代表到全世界嘅狼」嘅問題，會用到機會率（probability）同埋相關嘅數學概念（可以睇埋概率論）。好似機會率等科研工作上用嚟分析數據嘅數學概念就形成咗統計學呢門學問。

統計學用途好廣泛。喺科學上，數據係好重要嘅一環，噉係因為科學嘅基礎係實證。科學家嘅職責係諗啲理論出嚟解釋自然現象，而佢哋發表親啲乜嘢理論都一定要搵證據（evidence）嚟驗證吓個理論。要驗證一個理論就要去現實世界嗰度收集數據－所以搞科研實會有一大柞數據要處理。除此之外，統計學喺商業範疇上都有用：統計師會喺一啲公司嗰度幫手解答一啲研發上遇到嘅問題。

統計學大致上分做兩範，負責總括同埋形容啲數據嘅叫敘述統計學（descriptive statistics），而用一啲分析方法嚟去估計同研究變數與變數之間嘅關係嘅就叫做推斷統計學（inferential statistics）。前者會俾出一啲好似啲變數嘅平均值等嘅資訊，而後者會將數據入面嘅資訊變做數學模型，而呢啲數學模型打後可以用嚟做出預測，例如分析幾個變數之間嘅關係有幾勁。

攞返上面個狼研究嘅例子做說明，假設做完推斷統計分析之後，發覺一隻狼每日食嘅嘢嘅總量（以公斤嚟計）同佢身處嘅地區嘅平均氣溫（以攝氏計）成反比（即係一隻狼身處嘅地方愈凍，佢就愈食得多嘢），而佢哋之間嘅關係可以大致上用一條式表達（可以睇吓迴歸分析）：

收集咗一輪數據之後，就有得用啲數據嚟估計  同  嘅數值，打後下次再搵到隻狼嗰陣就可以用呢個模型嚟按佢身處嗰度嘅平均氣溫嚟估計佢每日會食幾多嘢。一般嚟講，收集到嘅數據愈多（喺呢個例子入面即係研究過愈多嘅狼），可以做到嘅預測就會愈準。

收集數據（data collection）係做統計分析必要嘅一個工序：用科學方法做研究係要由對現實嘅觀察當中歸納出一啲能夠描述現實嘅法則或者理論；而要對現實作出有系統性嘅觀察，就一定要攞數據（data）－用某啲符號（喺統計學上通常係數目字）記低現實世界嘅狀態。

變數（variable），又叫做「未知數」，係做統計學一定會處理嘅嘢。變數指喺宇宙入面一啲有可能變、兼且係形容緊某啲事物嘅特性。例如身高、體重同宗教呢啲特性都可以用嚟形容人，而且呢幾樣嘢個個人唔同，所以呢三個都係屬於「用嚟形容人」嘅變數。大細同質量呢啲可以攞嚟形容人或者物件都得，而且呢兩樣嘢個個人或者件件物件都可以唔同，所以係屬於「形容人同物件」嘅變數。

變數大致上有得分做兩種：

變數可以話係科學嘅關鍵，因為無論係邊個學科，科學嘅重點基本上就係想搵出變數同變數之間有啲乜嘢關係，而「知道嗮成個宇宙入面所有嘅變數同埋佢哋之間嘅相互關係」基本上就係科學嘅終極目標。

抽樣（sampling）係做科研嘅一個程序，指由個總體嗰度攞一部份嘅個體嚟研究。所有研究都係研究緊某啲總體（statistical population），例如喺上面個狼例子個總體就係「世界上嘅狼」，而（例如）心理學所研究嘅總體就係「世界上所有嘅智人（Homo sapien）」。但研究嘅總體通常都太大，搞到研究佢哋嘅科學家好難由個總體入面嘅所有個體收集數據，例如世界上有數以億計嘅人，要逐個逐個噉嚟研究太嘥時間，根本冇可能行得通，於是乎科學家喺做研究嗰陣往往要做抽樣－由研究緊個總體嗰度抽一小部份出嚟，而呢個部份就係所謂嘅樣本（sample），希望透過研究呢一小部份嚟去了解嗮總體入面所有嘅個體。例如係想研究黑洞嘅話，天體物理學家可以去搵 10 個特定嘅黑洞嚟研究，希望透過研究呢 10 個黑洞（呢 10 個黑洞只係全宇宙成千上萬個黑洞之中嘅一小部份）嚟了解埋其餘嘅黑洞。

抽樣呢個程序係做科研好關鍵嘅一環，因為做抽樣嗰個科學家一定要確保到佢抽出嚟個樣本真係代表得到成個總體，噉先至可以說服到啲人話佢個研究得出嘅結果可以普遍化（generalize）到去成個總體嗰度。例如係頭先嗰個狼研究噉，一個動物學家有至少兩個抽樣方法可以揀：

一般認為，後者更加代表得到嗮個總體－「全世界嘅狼」－而前者就比較有以偏概全之嫌。好多時啲科學家詏話一份研究冇辦法將得出嘅結果普遍化，都係指控緊佢個樣本唔夠代表性，好似係好多廿世紀嘅心理學家喺做心理學研究嗰陣都貪方便，喺大學度攞啲大學生嚟做研究嘅樣本，搞到科學界成日都話佢哋嗰啲所謂嘅心理學只不過係「大學生嘅心理學」，根本代表唔到大學生以外嘅群體嘅心理。

要做統計，就實要首先將啲現實世界入面嘅變數轉化做數據入面嘅數字，呢個過程就係所謂嘅量度（measurement），攞個磅重磅磅一隻動物嘅過程係量度緊隻動物嘅重量（將「隻動物嘅重量」呢個變數轉化做一個數字），而做智商測驗（IQ test）嘅過程就係量度緊一個人嘅智能（將「個人嘅智能」呢個變數轉化做一個數字）... 呀噉。而量度層次（level of measurement）係統計學上嘅一個概念，係指基於一個量度方法提供到幾多資訊嚟到劃分嘅分類法，可以話係反映一個量度方法有幾「好使」，一共有四層：

一般嚟講，科學家都想自己嘅研究嘅量度層次盡可能有咁高得咁高（即係盡可能接近等比），不過現實世界嘅技術等嘅限制唔一定俾到佢哋噉樣做。

順帶一提，除咗層次之外，科學家亦都好關注量度方法嘅信度（reliability）同效度（validity）：信度同效度係兩種用嚟衡量一種量度方法掂唔掂嘅基準；信度指用嗰個方法對一樣嘅現象進行重複觀察之後係咪可以得到相同嘅結果，而效度係指個方法有幾量度到佢理應要量度嗰樣嘢，喺心理測量學（psychometrics；研究用統計方法量度心理特性嘅領域）等嘅領域上，研究者仲會有多種方法評估一種量度方法嘅信度同效度。

喺搵咗數據返嚟之後，研究者手上會有個數據庫（database），每個個案都會喺每個變數上有個數值，而一般嚟講，研究者首先會做嘅係搵一啲指標描述吓柞數據大致係點樣嘅（敘述統計學），常用嘅敘述統計指標包括咗：

... 等等。

概率分佈（probability distribution）係成日用嚟描述「柞數據乜嘢樣」嘅架生。一個概率分佈係一個數學函數（mathematical function），而呢個函數表達咗每個數值喺某個總體或者樣本入面出現嘅概率（又做「機會率」；probability），，當中  就係個概率分佈。例如假設而家掟一個銀仔，用  代表掟個銀仔嘅結果，掟 10 次（個總體係「全世界嘅掟銀仔結果」，而呢 10 次就係一個樣本）。 係「公」（Head）嘅機會率係 0.5（即係 50%），而  係「字」（Tail）嘅機會率都係 0.5（假設個銀仔冇做過手腳），相應嘅概率分佈如下：

响現實世界嘅科研入面，啲變數好少可會「一係公一係字」咁二元，但個原理一樣：常態分佈（normal distribution）就係科學入面最常用嘅概率分佈之一，如果由一個常態分佈嘅總體嗰度抽樣，個變數嘅平均值會係出現得最密嘅數值，低過平均嘅數值同高過平均嘅數值出現嘅機會率一樣，而離平均值愈遠嘅數值，抽到出嚟嘅機會率就愈低，如果按住個樣本畫一個概率分佈圖（打橫個條 X 軸係「個變數嘅可能數值」，而打戙嗰條 Y 軸係「每個數值出現嘅機會率」），一個常態分佈會俾出一條好似鐘噉嘅形狀嘅線（即係所謂嘅「bell curve」）。常態分佈嘅概率密度函數係（ 係個分佈嘅標準差）：

譬如話以下呢個情況噉：想像有生物學家想研究成年中華白海豚嘅身長，但佢冇可能捉嗮世界上咁多隻白海豚遂隻遂隻嚟度佢哋幾長，於是乎佢就抽個樣本出嚟，用個樣本嚟估計全世界嘅白海豚嘅身長；呢個樣本入面有 20 隻白海豚，佢哋嘅平均身長係 2.2 米，唔係隻隻都啱啱好 2.2 米長－有隻係 1.8 米長，有隻係 2.6 米長呀噉－但一隻白海豚身長高過呢個值嘅機會率大致上等如佢身長低過呢個值嘅機會率，而且離 2.2 米愈遠嘅數值出現嘅機會率愈低。如果畫幅概率分佈圖，「隻白海豚嘅身長」做 X 軸，而「每個身長數值出現嘅機會率」做 Y 軸，幅圖會出一條近似鐘形嘅線。

一般嚟講，做統計嗰陣都會假設抽樣個過程係獨立同分佈（independent and identically distributed，IID）嘅－噉講嘅意思係指，樣本入面每個個體嘅數值喺由個總體嗰度抽出嚟嗰陣嘅概率分佈都係一樣，而且相互之間獨立（independent；一個抽到嘅數值嘅概率分佈唔會影響到下一個抽到嘅數值嘅）。呢個假設慳咗好多時間同精神－如果吓吓做統計都要諗第二個抽出嚟嘅數值同第一個抽出嚟嘅數值嘅概率分佈會唔會唔同咗嘅話，計起統計上嚟就會撈絞得好交關。

得到咗呢啲數值之後，研究者就可以做進一步嘅分析，理解變數之間嘅關係，而研究有得大致上分做兩種：相關性研究（correlational research）同實驗性研究（experimental research）：

相關性研究嘅目的係要搵出變數之間嘅統計相關（statistical correlation）有幾勁。皮亞遜積差相關係數（Pearson correlation coefficient）係統計學成日用嘅一個指標，「兩個變數  同  之間嘅皮亞遜積差相關係數」（）係噉樣定義嘅：

呢條式會得出一個相關值（correlation value），個數值會喺 -1 同 1 之間，負數表示兩個變數成反比（一個數值高嗰陣另一個傾向數值低），而正數就表示兩個變數成正比（兩個數值傾向一齊高或者一齊低），個相關值愈接近零表示兩個變數之間嘅關係愈弱，而如果個相關值等於零就表示兩個變數根本唔啦更。喺做相關性研究嗰陣科學家會先收集一啲數據，再用好似上面呢條式等嘅方法計出變數之間嘅相關值，搵出研究緊嘅變數之間有乜嘢啦掕，而呢個過程俾出嚟嘅資訊喺將來有得攞嚟預測某啲現象。

實驗性研究可以話係做得再犀利啲，仲可以幫手搵出變數之間嘅因果（causality）關係。齋靠觀察變數之間嘅統計相關做唔到搵出事物之間嘅因果關係，噉係就算一個研究者觀察到  同  之間有顯著嘅正統計相關，噉依然有三個可能性：

上述嘅就係所謂嘅相關唔蘊含因果（correlation does not imply causation）問題－就算一個研究者搵到兩樣嘢之間有統計相關，都唔能夠即刻判斷兩樣嘢之間嘅因果關係。一般認為喺科學上，要搵出事物之間嘅因果關係，就實要靠實驗（experiment）嘅方法：實驗係指研究者特登操作（manipulate）某啲變數，再睇吓個操作會造成乜嘢效果，例如「如果佢特登操作 ，就會見到  跟住出現，而如果佢唔特登操作 ， 就唔會跟住出現」，佢就有理由相信  真係能夠引致 。順帶一提，因為廿世紀嘅社會科學好多時都係齋靠觀察嘅相關性研究，所以成日俾人插佢哋，話佢哋唔能夠確立唔同社會現象之間嘅因果關係。

一個實驗嘅基本步驟係噉嘅：

有經濟學同管理學方面嘅學者試過喺美國伊利諾伊州嘅一間工廠嗰度過所謂嘅霍桑效應（Hawthorne effect）實驗。喺呢個實驗當中，啲研究者想研究「俾人睇住」會點樣影響工人嘅生產效率－佢哋研究嘅總體係「世界上所有嘅工人」，但佢哋冇可能一次研究嗮咁多工人，所以只係攞咗一小部份嚟研究－嗰間工廠嘅工人（抽樣）。佢哋跟住做以下嘅嘢：

呢個實驗好出名，不過有唔少科學家都嫌呢個實驗嘅設計有少少唔掂，例如係缺少咗對照組同埋「實驗環境唔係咁受控」呀噉。

假說檢定（hypothesis testing）可以話係推論統計學當中最重要嘅一個工序，指驗證一個假說（指一個仲未搵到證據支撐，但研究者有理由認為好可能係真確嘅論述）嘅過程。一個做假說檢定嘅研究者所做嘅工序如下：

假說檢定嘅過程會用到以下嘅概念：

嚴格嚟講，個總體嘅參數（parameter；指形容緊某個系統嘅特性）係不可知嘅－淨係有得透過個樣本嘅數值嚟估吓呢啲參數嘅數值。例如喺上面個中華白海豚研究嘅例子噉，要知道嗮古往今來所有中華白海豚嘅身長原則上係冇可能嘅，所以研究者亦都冇方法知道「全世界嘅白海豚嘅平均身長」嘅真正數值－唔單只啲科學家唔夠人力物力度嗮世上咁多隻白海豚，而且過去嘅白海豚同埋仲未出世嘅白海豚嘅身長都係冇辦法量度嘅，所以成個研究啲科學家都係喺度假設緊個樣本能夠代表到全世界嘅白海豚，並且用個樣本入面嘅白海豚嘅平均身長嚟估計全世界嘅白海豚嘅平均身長。除咗平均值，個樣本嘅變異數等嘅敘述性統計資料都會俾科學家攞嚟估計個總體嘅參數，呢啲俾人用嚟估計總體參數嘅就係所謂嘅估計量（estimator）。

做科研嗰陣啲研究人員可以睇到嘅就淨係得個樣本嗰啲數值，而個總體嗰柞真實嘅數值係不可知嘅，所以任何由個樣本嗰度估計出嚟嘅數值頂嗮櫳都淨係有得話係個總體嘅近似值。信心區間（confidence interval，CI）係指「有信心總體個真實數值係喺入面嘅區間」，喺做統計嗰時會俾人攞嚟表述個樣本嘅數值同個總體嘅真實數值之間估計差幾遠，

舉個例說明，最常用嘅係「95% 信心區間」（），用返上面白海豚嘅例子，啲科研人員會用個樣本入面嘅海豚嘅身長平均值嚟估計嗰個不可知嘅「世上所有白海豚嘅身長嘅平均值」（），而佢哋可以用一啲統計方法計個「白海豚身長平均值嘅 95% 信心區間」出嚟－呢個值係指「有信心 95% 機會世上所有白海豚嘅身長嘅平均值嘅真實數值係喺  同  之間」。

虛無假說（null hypothesis；符號：）同備擇假說（alternative hypothesis；符號：）係做科研上成日會用到嘅行話：

舉個例說明，假想有個認知心理學家想驗證「年紀」同「記憶力」呢兩個變數之間嘅關係，於是佢就搵咗兩批人返嚟做佢嘅樣本，第一批人年紀喺 20 至 30 歲之間，第二批人年紀喺 50 至 60 歲之間，再用一啲測試量度呢兩批人嘅記憶力，設第一批人喺記憶力測試上嘅平均得分係 ，而第二批人喺同一柞測試上嘅平均得分係 ，噉呢份研究嘅  係 ， 係 ，當中後者係個認知科學家想證實嘅嘢。虛無假說同備擇假說呢兩個詞語查實好簡單，但呢兩個詞語令到寫科研報告嗰陣慳好多位－啲科學家唔使吓吓都講嗮成句假說出嚟。

喺做假說檢定嗰陣，一般會將可能會出現嘅錯誤分兩種：

呢啲錯誤會發生有好多原因，包括係科研入面嘅某啲隨機性－例如有份研究想睇吓兩個地區嘅狼嘅平均身長係咪有分別，佢哋隨機噉喺兩個地區度抽樣，再度吓啲狼嘅身長，可能兩個地區啲狼嘅平均身長係冇分別嘅（ 係真），但喺隨機抽樣嘅過程當中，咁啱得咁橋喺地區  抽咗啲嗰頭最大隻嘅狼出嚟，而喺地區  又咁橋淨係抽嗮啲嗰頭最細隻嘅狼出嚟，搞到最後搵到出嚟個結果話兩個地區啲狼嘅身長有顯著分別，即係錯誤噉排除咗 －第一型錯誤。喺呢個個案入面，啲科研人員之所以搵到兩個變數（「地區」同埋「啲狼嘅身長」）之間有關唔係因為兩者之間真係有關，而係抽樣嗰陣唔好彩。呢啲事喺科學界間唔鐘會發生。

統計顯著性（statistical significance；符號係「」），簡稱「顯著性」，反映一個俾統計者接受咗嘅假說「有幾大機會係真確」。事實上，統計學喺答問題嗰陣好少可會話俾到「真」同「假」咁二元嘅答案。統計方法本質上係帶咗些少隨機性喺度，好似係頭先提咗嘅第一型錯誤嘅例子就顯示到，無論一份研究點精密，都梗會有少少機會會出錯，而呢啲錯誤好多時係人為冇可能控制得到嘅：啲科學家一方面冇可能度得嗮古往今來所有嘅狼嘅身長，但另一方面，佢哋一做抽樣，就梗會有機會攞到個代表唔到個總體嘅樣本－即係話無論點，用統計方法硬係會或多或少帶有啲不確定性。於是乎統計學家就決定咗：用統計學做親啲乜嘢研究嗰陣，都唔會俾二元性嘅答案，而係會俾出好似信心區間呢類「某句嘢有幾大機會係啱」呢類帶咗啲機會率喺度嘅答案，而  就係用嚟做呢樣嘢嘅概念。

 嘅定義係「如果虛無假說係真，呢個結果出現嘅機會率」，

一般嚟講，如果柞統計分析顯示  嘅數值係細過某個特定嘅數值（通常係 5%）嘅話（）－「如果  係真，會得出呢個結果嘅機會好微」，噉研究者就有夠強嘅理由相信  好有可能唔係真，噉做分析嗰個人就會當句  係真確嘅，並且拒絕個虛無假說（reject the null hypothesis）。喺實際嘅科研論文當中做統計嘅話，研究者幾乎實會報告自己做咗統計分析得出嘅  值，並且用「 值好細」呢一點嚟說服人，話自己嗰句  係真嘅。

要測試一個 ，其中一種最常見嘅做法就係比較平均值（comparison of means），即係比較個樣本入面唔同組之間喺個變數嘅平均值上有冇差異。喺最簡單嗰種情況－得兩組要比較－之下，研究者可以用學生 t 測試（Student's t-test；以下簡稱「t 測試」）。學生 t 測試呢種方法可以攞嚟分析兩個組（通常係實驗組同對照組）之間喺個指定變數嘅數值上係咪有顯著嘅差異，當中最原始嗰種獨立樣本 t 測試（independent samples t-test）係 t 測試嘅一種，獨立樣本 t 測試假設咗三點：

用返同上面類似嘅例子，班研究人員可能想做個實驗，睇吓提高氣溫會唔會改變狼嘅食量，佢哋可以

用好似 t 測試噉嘅統計分析可以提高一份研究嘅說服力：一方面，啲研究者可以淨係靠直接比較兩個組喺個變數上各自嘅平均值（ 同 ），但噉做唔會有乜嘢說服力；個變數係大致上呈常態分佈嘅－一隻狼嘅日常食量通常會接近所有狼嘅日常食量嘅平均值，離平均值愈遠嘅數值就會出現得愈少；如果齋靠比較兩個組嘅平均值，就等於冇考慮到抽樣等過程入面嘅隨機性－可能只係抽樣嗰陣唔好彩，大食嘅狼咁橋分嗮去實驗組嗰度，而食嘢少嘅狼就咁啱分嗮去對照組。於是啲研究人員為咗要提高佢哋份研究嘅說服力，就要攞啲數據嚟計吓。

要評估兩組之間嘅差異嘅顯著性，首先要計兩組嘅標準差（符號係「」或者「」）出嚟：

 係樣本大細（sample size；個樣本入面嘅個體數量）， 係個體  喺個變數上嘅數值，而  就係成個樣本喺個變數上嘅平均值。 呢個數值反映咗個樣本入面每一個個體喺個變數上面嘅數值平均嚟講同成個樣本嘅平均值差幾遠，亦即係反映咗一個組嘅內部差異，而呢啲內部差異係隨機性嘅個體差異。 大嘅話就表示個體同個體之間嘅差異好大，而  細嘅話就表示啲個體普遍同成個樣本嘅平均唔係差好遠。得到兩個組嘅  嘅數值，仲可以用另外一啲統計方法顯示到兩個組嘅標準差冇明顯差異。假設兩組嘅  冇差異（等分散性）嘅話，就可以做下一步，計以下嘅數值：





#Article 86: 蜜蜂 (138 words)


蜜蜂（；英文：honeybee；學名：Apis，即係拉丁文入面「蜜蜂」噉解）係蜂嘅一種，2020 年喺全世界總共有 7 個品種同埋 44 個次品種。佢哋有好多易認嘅特徵：同第啲蜂唔同嘅係，蜜蜂識得採花蜜同埋用花蜜整營養豐富嘅蜜糖嚟餵佢哋啲幼蟲；佢哋仲曉用蜂蠟起一啲大過佢哋身體好多嘅竇，並且成大羣噉响蜂后嘅支配之下住喺個竇入面。

蜜蜂具有真社會性（eusociality），一羣蜜蜂入面會有好仔細嘅分工：一個蜜蜂竇入面一般會有一隻蜂后（queen）、10,000 到 150,000 隻工蜂（worker）、以及係 500 到 1,500 隻蜜蜂公（drone），而部份嘅蜜蜂竇會有兩隻蜂后；頭嗰兩種蜜蜂都係乸，當中得蜂后有生殖能力－即係話工蜂係冇生殖能力嘅乸。於是乎，成個蜜蜂竇嘅分工如下：蜜蜂公負責同蜂后交配；蜂后因為係成個竇唯一一隻有生殖能力嘅乸，所以要負責猛咁生蛋，等個蜜蜂竇有得維持數量；工蜂就要負責日做夜做，周圍飛嚟飛去搵食養起個蜂后同班蜜蜂公，工蜂朝頭早採蜜、夜晚就釀蜜，而喺個竇有危險嗰陣，佢哋要負責攻擊入侵者。

對人嚟講，蜜蜂呢種昆蟲好有價值。响經濟上，啲工蜂喺採蜜嗰陣時會為啲果樹傳播花粉，係好多種農作物傳花粉嘅重要媒介，而且蜜糖又可以用嚟整好多種嘢食。因為蜜蜂咁有用，歐亞大陸嘅人不嬲都有養開蜜蜂，而喺大航海時代，英國人同西班牙人仲由亞洲同歐洲將蜜蜂帶咗去本嚟冇乜蜜蜂嘅美洲嗰度，令到蜜蜂去勻全世界。到咗廿一世紀，蜜蜂經已係全球經濟當中不可或缺嘅一部份。因為蜜蜂嘅呢啲價值，有好多科學家都會專職研究蜜蜂－蜜蜂學（melittology）係昆蟲學嘅一個子領域，顧名思義專門研究蜜蜂。

蜜蜂具有獨特易認嘅外形：蜜蜂同一般嘅昆蟲一樣，身體由外骨骼（exoskeleton）包住，分做頭、胸同埋腹三橛；蜜蜂嘅頭同胸呈淺啡色，腹就呈金黃色兼且有深色間條，而上述嘅色水可以隨品種有些許變化。蜜蜂嘅頭有複眼同觸角（antenna）等嘅感官，俾隻蜜蜂感知外界嘅刺激，仲有口器（mouthpart）可以用嚟咬或者吸吮液體嘢食；蜜蜂嘅胸部有四隻翼同六條髀，令蜜蜂能夠移動，而腹嘅尾段就有針可以俾蜜蜂用嚟自衛。

蜜蜂主要食嘅係花蜜同花粉，佢哋能夠由好多種嘅花蜜同花粉嗰度攞到嗮佢哋所需嘅營養：

花蜜會為蜜蜂提供蔗醣（sucrose）等嘅碳水化合物同埋水份：

蜜蜂係一種普偏性嘅傳粉者，對好多種開花植物嘅繁殖嚟講都有一定嘅重要性：一隻蜜蜂捐入去朵花度採蜜嗰陣，會俾啲花粉黐上身，而跟住落嚟當佢再飛去第啲花嗰度採蜜嘅時候，就會幫手將花粉由一朵花傳去第朵同種嘅花嗰度－花粉喺同種開花植物之間嘅傳播係開花植物繁殖必經嘅過程。一個蜜蜂竇平均每年會收集到成 66 磅（30 公斤）嘅花粉，而且蜜蜂係一種普遍嘅傳粉者，會幫多種花傳花粉，好少可會好似某啲昆蟲噉，淨係去死一種花嗰度。蜜蜂嘅傳粉作用對人類嚟講都有用：西方蜜蜂俾人類廣泛噉攞嚟幫啲有商業價值嘅農作物－包括咗多種生果同蔬菜－傳粉，據講每年令到全球農作物嘅價值總量增加咗成 9% 。

蜜蜂主要嘅天敵包括咗胡蜂、蠄蟝、某啲品種嘅飛蛾同埋各種會食蟲嘅動植物，瓦蟎亦都會危害蜜蜂。除咗噉之外，有多種大型嘅動物，例如係熊同埋人類，都會為咗食蜜糖而走去搞蜜蜂嘅竇，蜜蜂竇受大型動物破壞可以造成蜂后死亡－而蜂后死亡會對一個蜂羣造成毀滅性嘅打擊。

（greater wax moth；Galleria mellonella）係一種會對蜜蜂做成危害嘅飛蛾，亦係最令養蜂人頭痕嘅害蟲之一。大蠟螟興喺蜜蜂竇入面生蛋，佢哋啲幼蟲孵咗出嚟之後，會走去食個竇嘅牆，喺個竇入面留低一個一個窿，呢啲窿會對住喺嗰個竇嘅蜜蜂造成各種危害：大蠟螟幼蟲留低嘅窿會佈滿咗啲絲，呢啲絲會纏住蜜蜂，搞到佢哋可能成幾日都郁唔到，有啲蜜蜂仲會因為郁唔到而監生餓死；呢啲窿又可以搞到啲蜜蜂幼蟲跌出去個竇外面或者啲蜜糖漏出去。除咗噉，大蠟螟無論係幼蟲定成蟲，身上都會帶有好多可以惹到蜜蜂嘅病原體，好似係（Israeli acute paralysis virus）同埋（black queen cell virus）噉，呢啲病原體都足以殺死蜜蜂。

蜜蜂嘅針同自衛最有啦掕。當一隻蜜蜂想攻擊敵人嗰陣，佢會將佢支針拮落個敵人身上，支針帶有一啲毒液－（apitoxin）。支針好多時喺拮完個敵人之後，就會由隻蜜蜂嘅身體嗰度甩出嚟，但就算係噉，因為支針有佢自己嘅神經節等嘅結構，所以仲可以繼續插喺個敵人身上同埋向佢注射毒液，毒液會令個敵人有痛嘅感覺。除咗噉之外，當一隻蜜蜂感覺到有危險嗰陣，佢會釋放一種費洛蒙，呢種費洛蒙會刺激佢四圍嘅同伴，令到佢哋一齊進入攻擊狀態。分泌呢種費洛蒙嘅腺（gland）同隻蜜蜂支針有關係－插咗入敵人體內支針會繼續係噉釋放嗰種費洛蒙，令到其他蜜蜂跟住一齊攻擊個敵人。

蜜蜂同其他多數嘅蜂唔同嘅係，佢哋啲工蜂嘅針上面有啲好似倒勾噉嘅刺喺度。如果隻蜜蜂拮嘅敵人係一啲皮膚有返咁上下厚嘅動物－例如係人類－啲刺通常會令到支針由隻蜜蜂個腹嗰度甩出嚟，而隻冇咗支針嘅蜜蜂會喺幾分鐘之內死亡。呢種構造之所以會進化出嚟，可能係因為蜜蜂要應付脊椎動物用嘅－除非插咗入肉，支針多數唔會甩出嚟。

蜜蜂另一種出名嘅自衛方法係去「波」個敵人：蜜蜂嘅針可以拮穿其他昆蟲嘅外骨骼嘅關節，蜂后之間打交都會用，但當蜜蜂要應付一啲大隻啲嘅昆蟲－好似係黃蜂等－嗰陣，好少可會用佢哋嘅針；喺呢啲情況下，蜜蜂用嘅策略通常係去「波」個敵人－啲工蜂會一大羣噉樣湧上去個敵人身上，用自己嘅身體包住個敵人，形成一個波噉，所以呢種行為有咗個英文名，叫「balling」，而廣東話直譯就係「波」個敵人（當中個「波」係動詞）；個波形成咗之後，啲工蜂就會係噉震動佢哋嘅肌肉嚟產生熱力，呢啲熱力再加埋喺個波入面二氧化碳濃度提升會殺死個敵人。有陣時，當啲工蜂唔妥個蜂后嗰陣，佢哋都會用呢種策略殺死個蜂后，呢種行為俾養蜂人同昆蟲學家稱為「波個蜂后」（balling the queen）。

蜜蜂仲有其他自衛策略：啲住喺開放式蜜蜂竇嘅蜜蜂品種興用「蜂浪」式嘅防衛－喺感覺到有危險嗰陣，佢哋會成羣噉喺個竇嘅表面嗰度有節奏噉郁佢哋嘅身體同翼，形成一股「蜂浪」嚟作為一個警告信號；而一啲住喺窿窿罅罅地方嘅蜜蜂品種－包括東方蜜蜂同西方蜜蜂－就興喺個竇嗰個好窄嘅入口度擺啲工蜂喺度站崗，檢查住有冇入侵者；另一樣用嚟對抗個竇嘅入侵者嘅行為係「身體震動」－啲工蜂會將佢哋嘅腹好似鐘擺噉搖吓搖吓嚟警告個入侵者。上述呢啲行為通常都係喺工蜂身上先會見到－因為蜜蜂竇冚唪唥都係由啲工蜂負責保護嘅。

蜜蜂曉好似其他昆蟲噉用各種嘅化合物同氣味嚟同啲同伴溝通，但佢哋仲有一種獨特嘅語言－跳舞。

蜜蜂舞（waggle dance）係蜜蜂嘅獨特語言。當一隻蜜蜂去完搵食返到個竇度嗰陣，佢會以某啲特定嘅方向、角度、同姿勢嚟喺啲同伴面前飛嚟飛去，好似跳舞噉。佢哋跳呢啲舞嗰陣飛嘅方向同角度等資訊係一種語言－佢哋靠噉嚟話俾同伴知佢去搵食嗰陣見到嘅物件－好似係花同水源噉－係喺邊個方向同埋離個竇有幾遠。例如係一隻西方蜜蜂喺成功噉搵到嘢食返到竇嗰陣會跳舞，而研究發現，佢跳舞嗰陣嘅飛行角度同軌跡會令同伴知道佢搵到嗰朵花喺邊個方向同有幾遠。

喺呢個過程入面，蜜蜂用咗一啲抽象嘅方法嚟向同伴傳達資訊，用唔同嘅角度同軌跡代表唔同嘅意思，就好似人類講嘢嗰陣用唔同嘅聲嚟代表唔同意思噉－廣義上，蜜蜂舞經已可以算得上係一種語言。呢種身體語言會隨品種而有異－唔同品種嘅蜜蜂可能會用同一個角度或者姿勢嚟代表唔同嘅嘢，就好似人類當中講唔同語言嘅族群有陣時會用同樣嘅聲嚟代表唔同嘅嘢噉（好似「bong」呢個音喺閩南話係「王」，但喺廣東話聽落就似個「幫」字）。

蜜蜂有一樣令到科學界好奇嘅嘢係，佢哋有相當高度嘅智能：一隻蜜蜂嘅腦係就係得一粒芝麻咁大，但密度係哺乳類腦嘅差唔多 10 倍，有成接近 1,000,000 粒神經細胞；蜜蜂有能力學嘢、明白時間、仲有好犀利嘅記憶－蜜蜂採完花蜜之後能夠記住朵花嘅位置記成幾日咁耐，而且就算朵花離佢個竇成 9 公里咁遠，蜜蜂都會記得到。

另一樣展示到蜜蜂智能嘅嘢係，佢哋有能力向同伴傳達好複雜嘅資訊：有科學家做過實驗，發現一隻喺實驗室入面嘅蜜蜂睇完個同伴靠拉一條繩嚟攞到花蜜之後，會學識同樣噉拉嗰條繩嚟攞花蜜，而且仲曉將呢種知識傳達俾冇見過嗰條繩嘅同伴知，等嗰啲同伴能夠跟住學識拉嗰條繩嚟攞花蜜－而「能夠向同伴傳達複雜嘅資訊」係智能嘅一個重要指標。蜜蜂做到嘅呢啲嘢，大把脊椎動物都做唔到。

一個蜂羣內部嘅蜜蜂會分做三個級別：蜜蜂公、工蜂、同埋蜂后。蜜蜂公係公嘅，而工蜂同蜂后係乸嘅。

蜜蜂公（drone）即係公嘅蜜蜂。佢哋主要係為咗繁殖而生嘅，唔會參與搵食，亦都唔使點樣幫手保護個竇－所以條尾度冇針。佢哋會有大嘅眼，等佢哋可以喺空中進行嘅交配當中睇到個蜂后嘅位置。平均嚟講，喺冬天以外嘅時間，一個蜜蜂竇會有 500 到 1,500 隻蜜蜂公。

蜜蜂公多數都淨係得嗰一組－即係三條－染色體（chromosome），佢哋通常係由啲冇受精嘅卵嗰度生出嚟嘅，而呢啲冇受精嘅卵可能係個蜂后特登唔受精或者係由冇受精嘅工蜂生嘅。有陣時，會有啲受咗精嘅卵會生蜜蜂公出嚟，但呢樣嘢要喺定性別嘅同位基因咁啱同款嘅情況下先至會發生。一般嚟講，一隻蜜蜂公要 24 日先至可以完全噉發育成熟。蜜蜂公由夏天到秋天期間都會生出嚟，而喺冬天嘅時候，啲蜜蜂竇通常會為咗慳嘢食，而將啲蜜蜂公趕出去個竇外面，等佢哋自生自滅。

工蜂（worker）係蜜蜂乸嘅一種，有兩組染色體－呢點同蜂后一樣。一個蜜蜂竇每一刻可以有成 60,000 隻工蜂咁多。當蜂后選擇性噉用自己儲起咗嘅精子嚟將啲卵受精嗰陣，工蜂就會出世。工蜂多數都會喺出世 21 日之內發育成熟，並且得一個月命左右。雖然佢哋咁短命，但喺三種蜜蜂當中，工蜂嘅行為係最多樣化嘅：佢哋喺個竇入面負責做啲乜睇佢哋年紀而定，最後生啲嗰啲通常會負責餵幼蟲同收花蜜（湊仔蜂），老少少嘅會幫手打掃個竇、喺個竇外面站崗、同飛出去個竇外面搵食；又有啲工蜂會專門做一樣工作，好似係負責「執屍」噉－負責將死咗嘅同伴嘅屍體搬出去個竇外面。工蜂喺身體結構上都有內部差異，會睇做乜嘢工作而有所變化－例如有啲會生個好似籃噉嘅結構出嚟去裝採到嘅花粉。喺某啲情況之下－例如係個蜂后唔見咗－工蜂仲可能會生卵巢同開始產卵。

蜂后（queen）可以話係一個蜜蜂竇嘅統治者。一隻蜂后通常都係佢所屬嗰個蜜蜂竇入面所有蜜蜂嘅阿媽，所以又有人叫蜂后做母蜂。蜂后係一隻非一般嘅蜜蜂乸，喺好特別嘅情況之下先會生到出嚟：工蜂喺餵幼蟲嗰陣，會分泌一種叫蜂王漿（royal jelly）嘅物質俾幼蟲食，多數嘅幼蟲，無論公乸，淨係喺幼蟲期初期有蜂王漿食，得極少數嘅蜜蜂乸有機會幼蟲期全程食蜂王漿；一隻一路淨係食住蜂王漿嘅幼蟲乸會發育成蜂后，如果唔係一路淨係食蜂王漿嘅就會發育成工蜂。如果一隻幼蟲乸真係全程食足蜂王漿嘅話，佢就會喺 16 日之內發育成蜂后。

一隻蜂后無論喺生理、形態、定行為上都同工蜂好唔同：佢大隻啲，條尾嗰度支針冇倒勾，同埋唔識生產蜂蠟；最緊要嘅係，一隻蜂后有一組有生殖能力嘅卵巢，同埋具有可以用嚟儲起啲精子嘅結構。一隻準蜂后會同好多隻（屬於第啲竇嘅）蜜蜂公交配，當中  每隻蜂后會同 42 至 69 隻公交配。交配咗之後，一隻完全成熟嘅蜂后每日有得生到成 2,000 粒卵咁多。為咗等自己可以專心產卵，隻蜂后會釋放一啲特殊嘅費洛蒙，指揮同控制佢啲女－工蜂－做嘢。一般嚟講，一隻蜂后可以有成幾年命，係三種蜜蜂當中最長命嘅。

當一隻（好少有嘅）有生殖能力嘅工蜂生咗仔嗰陣，佢就會同佢阿媽－即係佢個蜂后－有利益衝突：隻工蜂同佢生出嚟嘅蜜蜂公喺基因上有一半係相同嘅，而佢同佢啲兄弟（佢蜂后生嗰啲蜜蜂公）喺基因上得嗰四分之一係相同嘅－即係話佢親佢啲仔多過親佢蜂后啲仔；相比之下，個蜂后喺基因上有一半有佢啲仔（佢生嗰啲蜜蜂公）相同，而同佢啲孫（佢個女生嗰啲蜜蜂公）得嗰四分之一係相同嘅－親佢啲仔多過親佢啲孫；於是乎，隻工蜂就會同隻蜂后有摩擦－如果隻工蜂同蜂后都想要令自己嘅進化適應性最大化（盡可能將自己嘅血脈承傳落去）嘅話，佢哋就要各自噉集中照顧同佢哋最親嘅個體，所以如果有一隻工蜂生咗仔嘅話，噉佢嘅行為就會變到同蜂后想佢做嘅唔一致，變相係一種作反。

工后鬥爭嘅情況對成個蜂羣嘅利益可能會有不利，令到蜜蜂之間出現咗一種叫（worker policing）嘅現象：喺血緣上同個蜂后啲仔最親嘅工蜂（通常係冇生殖能力嗰啲）會喺個竇入面巡邏；有研究顯示，蜂后曉釋放一種費洛蒙，等佢自己產嘅卵同工蜂產嘅卵有陣唔同嘅除，於是嗰啲巡邏緊嘅工蜂能夠搵出工蜂生落嚟嘅卵，並且將呢啲卵食落肚，盡力令到唔會有工蜂生嘅卵孵到出嚟－等頭先提到嗰種利益衝突唔會發生；呢啲工蜂有陣時甚至仲會主動郁手攻擊有生殖能力嘅工蜂。工蜂維安喺動物學上係強迫性利他（forced altruism）嘅一個例子－隻蜂后以及啲同佢啲仔親嘅工蜂夾埋一齊，夾硬迫啲有生殖能力嘅工蜂將蜂后嘅利益擺喺第一位。

工蜂維安同隻蜂后交配咗幾多次有關：如果一隻蜂后交配得少，佢就唔會有好多唔同款嘅精子，噉會令到佢生出嚟啲仔女（即係佢個蜂羣）喺血統上嘅多樣性比較低，呢點可能會令到個蜂羣對某啲病嘅抵抗力降低；另一方面，如果佢交配得太多，噉佢就會有好多唔同款嘅精子，噉會令到佢生出嚟啲仔女多樣性好高，但係同時又會令到佢啲仔女之間嘅基因差異比較大，更加令到佢啲女（工蜂）唔想幫手照顧佢啲仔，於是啲女作反嘅機會就變大。所以交配得多對蜂后嚟講係一把雙面刃。上述所講嘅呢個假說會預測，蜂后交配嘅次數會同工蜂維安嘅需求成正比－隻蜂后交配愈多，啲工蜂想作反嘅機會就愈高，噉隻蜂后就愈需要拉攏啲同佢啲仔親嘅工蜂做維安。呢個預測喺多份研究當中被證實咗。

一般嚟講，工蜂產卵產得最犀利嘅時段係蜂后唔見咗嘅期間－噉通常係因為隻蜂后死咗。喺呢個情況下，會有唔少嘅工蜂卵巢開始活躍，佢哋會產卵，但通常都因為佢哋冇交配過，生唔到蜜蜂乸出嚟，而工蜂對維持蜜蜂竇運作嚟講係不可或缺嘅，所以跟住會發生嘅嘢如下：蜂后唔見咗，好多工蜂會趁個蜜蜂竇仲未冧得嗮，起勢噉生蜜蜂公出嚟，等呢啲蜜蜂公飛出個竇外面同嘗試交配－對工蜂嚟講，「趁蜂后死咗生仔」就好似係最後一絲留存自己血脈嘅希望噉；冇幾耐之後，個蜂羣就會因為工蜂死嗮而崩潰。喺呢段絕望時期，工蜂維安通常都會暫停，但有報告指，喺某啲蜜蜂品種當中，工蜂維安會持續。

喺罕有嘅情況之下，有啲工蜂會成為所謂嘅冇皇管工蜂（anarchic worker），佢哋會變得更加擅長產卵，生得比較多，而且仲可能成功噉令佢嗰啲仔混入去個蜜蜂竇嘅蜜蜂公羣入面，即係話佢能夠將自己嘅下一代－而唔係成個蜂羣嘅下一代－傳承落去。喺呢種情況之下，隻冇皇管工蜂係喺度將佢自己嘅利益擺喺成個蜂羣嘅利益之上：蜜蜂公唔會點幫手做嘢，所以蜜蜂公數量多咗會對成個蜂羣嘅利益有害，但係隻冇皇管工蜂噉樣做能夠將自己嘅血脈留傳落去，對佢自己有利。

一隻蜜蜂個體由生到死嘅過程如下：

一個蜜蜂竇有能力過冬－有別於好多「夏天變成蟲、交配、產卵，跟住冬天死」嘅昆蟲。喺寒冷嘅氣候入面，蜜蜂喺溫度跌到落攝氏 10 度（華氏 50 度）以下嗰陣，就唔會再飛嚟飛去，改為喺竇嘅中心地帶聚埋一齊，形成所謂嘅冬天聚集（winter cluster）。啲工蜂會以隻蜂后做中心噉靠埋一齊，出面愈凍就聚得愈密，並且係噉震－好似打冷震噉－嚟令到個中心喺冬天初期維持喺攝氏 27 度（華氏 81 度）左右，而等到個蜂后要開始繼續產卵嗰陣，個中心嘅溫度就要去到攝氏 34 度（華氏 93 度）左右先得。個聚集嘅外圍喺成個冬天入面會維持喺攝氏 8 至 9 度（華氏 46 至 48 度）左右，係成個聚集地最凍嗰忽，於是喺冬天期間，啲工蜂會輪流噉負責企喺個聚集地嘅外圍嗰度－即係輪流捱凍，直至冬天結束為止。喺呢個過程期間，蜜蜂會靠食春夏秋季嗰時儲起咗嘅蜜糖嚟維持體溫，而一個蜜蜂竇要過一個冬天平均需要 15 至 50 公斤（33 至 110 磅）嘅蜜糖－呢個數字睇吓嗰個冬天嘅長度同嚴酷程度而定。

蜜蜂喺好耐之前已經喺地球上存在：根據化石研究，地球史上第一個蜜蜂品種出現喺始新世同漸新世嘅交界時代（Eocene-Oligocene boundary），即係大約 3,400 萬年之前；至於蜜蜂起源喺地球邊一忽，科學界就仲喺度詏緊：頭先提到嗰啲化石喺歐洲搵到嘅，噉表示喺嗰個超遠古嘅時代歐洲經已有蜜蜂，但又有科學家主張，蜜蜂係起源自南亞同東南亞嗰頭嘅，只不過係目前科學界對嗰頭啲昆蟲化石嘅研究仲未係好充分。

到咗廿一世紀，世界絕大部份地方都可以搵到蜜蜂，尤其係西方蜜蜂（Apis mellifera）零舍常見，查實有段故：目前現存嘅蜜蜂品種當中，冚唪唥都曉起啲大過佢哋自己身體好多嘅蜜蜂竇，而比較近期進化出嚟嘅品種仲興喺啲密閉啲嘅空間－例如係盒－入面起竇，呢一點令佢哋容易馴養；喺有文字紀錄嘅歷史上，多數嘅蜜蜂品種都試過俾住喺佢哋左近嘅人類用嚟整蜜糖同蜂蠟，當中西方蜜蜂同  完全噉俾人類馴養嗮，前者仲要係喺古埃及嘅人仲起緊金字塔嗰陣已經有人養緊。佢哋住得近歐洲，令到歐洲人自古就有養佢哋嚟釀蜜，打後喺大航海時代嗰時，佢哋有得跟住歐洲人四圍去，去到打前近乎係冇蜜蜂存在過嘅美洲嗰度，家吓就做咗全世界分佈最廣嘅蜜蜂品種。

Tribe Apini Latreille：
Genus Apis Linnaeus (s. lato)

養蜂（beekeeping）－通常係養蜜蜂－係一種古老嘅行業，喺古埃及時期經已有人做緊。廿一世紀養蜂人養嘅多數係東方蜜蜂或者西方蜜蜂（因為呢兩種蜜蜂比較馴），而養邊種視地區而定，例如日本嘅養蜂人就比較興養日式嘅東方蜜蜂（Apis cerana japonica）。專業嘅養蜂人對社會有各種貢獻：佢哋對農業嚟講相當緊要，養蜂人會用特製嘅盒將佢哋養嘅蜜蜂運去唔同嘅農地嗰度，跟手放啲蜜蜂出嚟，去幫啲農作物傳花粉，等農作物繁殖得更加茂盛－對農夫嚟講，噉做幫到佢哋手增加農作物嘅產量，所以農夫會俾錢請養蜂人做呢樣工作；另一方面，養蜂人又會生產各種嘅蜜蜂產品－蜜糖、蜂蠟、花粉、同蜂王漿等等都係相當受歡迎嘅產品，好似係蜜糖就可以攞嚟整好多美食。

蜜蜂同養蜂人之間有一種互惠互利嘅關係：蜜蜂整蜜糖嘅能力好勁，整出嚟嘅蜜糖多到佢哋自己食唔嗮，所以養蜂人攞啲蜜蜂食唔嗮嘅蜜糖去賣賺錢，而養蜂人就會負責幫手保護啲蜜蜂，等啲蜜蜂唔使憂俾雀鳥或者寄生蟲侵害。

喺咁多種蜜蜂產品入面，最出位嘅要數蜜糖。蜜蜂會將採到嘅花蜜食落肚先，吞落去佢個蜜糖胃（honey stomach）嗰度，用嗰個胃消化吓佢，將佢嘔返出嚟，再儲起喺個竇嘅六角形室入面，最後形成蜜糖。歷史上，所有蜜蜂品種嘅蜜糖都有人試過攞嚟用，當中西方蜜蜂同東方蜜蜂呢兩個品種生產蜜糖嘅能力高到足以俾人攞嚟做商業用途。蜜糖營養高，又帶有令人鍾意嘅甜味，各地嘅傳統菜式都有用蜜糖製作嘅美食。每年世界各國生產嘅蜜糖總量數以百萬噸計，係一盤相當大嘅生意。




#Article 87: 重慶 (122 words)


重慶（；上江話：；威式拼音：Chungking；普通話拼音：），簡稱巴（）、渝（），亦叫山城（）、霧都（）、渝都（）、橋都（），喺中國中部，家下係中華人民共和國中西部唯一直轄市、國家中心城市、國家歷史文化名城、長江沿江開放城市，首府渝中。重慶喺戰國時期建城，古名巴郡（）、渝州（），之後改名恭州（）。南宋淳熙十六年（1189年），宋孝宗個仔趙惇先封恭王，跟住做埋皇帝，叫做「雙重喜慶」，就升咗佢封地恭州做重慶府。1891年，成爲中國對外開埠最早嘅內陸通商口岸。中華民國國民政府統治時期，重慶正式建市。喺抗日戰爭嗰時，重慶係中華民國戰時首都，同華盛頓、倫敦、莫斯科並列爲「世界反法西斯四大指揮中心」。國民政府統治後期做過大韓民國臨時政府首都；又被定爲中華民國法定永久陪都。中華人民共和國成立之後，定重慶爲中央直轄市（西南大區代管）。1954年，降格併入四川省。1997年，重新定為直轄市，直到家陣。

重慶亦係中國面積最大嘅直轄市，喺長江上游，黐住湖北、湖南、貴州、四川同陝西，轄區東西長470公里，南北闊450公里，轄區總面積8.2403萬平方公里，其中主城區建成面積爲877.78平方公里。喺嘉陵江同長江北邊嘅兩江新區係國家級新區、先進製造業同現代服務業基地。另外，重慶有渝新歐鐵路、西永綜合保稅區同兩路寸灘保稅港區；重慶重係中國西部地區第二座實行72個鐘過境免簽嘅城市。

舊時流經呢笪地嘅嘉陵江亦叫渝水，所以呢道亦叫「渝州」，至宋徽宗嗰陣時，改名叫「恭州」。南宋淳熙十六年（1189年），宋孝宗讓咗個位畀佢第三個仔趙惇。趙惇初頭受封做恭王，封地就係恭州；按宋朝制度，由宗室藩王做到皇帝嘅，佢先頭嘅封邑叫做「潛邸」，循例要喺即位大典嗰陣升做府，所以呢年8月恭州升做重慶府。關於「重慶」個名嘅來源有三個講法：

重慶喺北緯28度10分到32度13分、東經105度11分到110度11分之間嘅青藏高原同長江中下游平原嘅過渡地帶，喺中國內陸西南部，長江上游地區，東北、東南接湖北、湖南，南銜貴州，西連四川，東北駁住陝西。轄區東西長470公里，南北闊450公里，轄區總面積8.2403萬平方公里。

重慶係中國面積最大嘅直轄市，面積有成個省咁大，係一個集大城市、大農村、大山區、大庫區喺一體嘅組團式城市，其中主城區面積有877.78平方公里。

重慶主城區喺長江同嘉陵江交匯嘅河谷入邊。其中，渝中地勢以山地為主；嘉陵江北邊嘅渝北同江北就以平原爲主；喺主城區西部嘅北碚市區、沙坪垻區虎溪、西永片區同九龍坡區白市驛片區都以平原爲主；長江南邊嘅南岸區同巴南區都以平地爲主。重慶喺川東，北邊、東邊同南邊有大巴山、巫山、武陵山、大婁山圍實，地貌以丘陵、山地爲主，南北向長江河谷逐級降低，坡地面積大，所以重慶又叫「山城」。

重慶嘅河主要有長江、嘉陵江、烏江、涪江、綦江、大寧河等。長江幹流從西向東打橫流，流程665公里咁長，穿咗巫山三個背斜，形成瞿塘峽、巫峽同西陵峽，即係長江三峽。長江同嘉陵江穿過重慶主城區，喺渝中區朝天門交匯，呢兩條江併稱「兩江」。

重慶市屬亞熱帶季風氣候，年平均氣溫喺14到18℃之間。主城區年平均氣溫18.2℃，東南邊酉陽14.9℃，東北邊海拔較高嘅城口13.7℃。最熱嗰個月平均氣溫26到29℃，最凍嗰個月平均氣溫2到8℃，氣溫呈現出從西邊河谷同沿江地帶向東北邊、東南邊遞減嘅趨勢。重慶市年均降水量較豐富，大部分地區喺1000到1350毫米之間，降水集中喺5到9月，佔全年總降水量嘅七成。重慶市年均相對濕度喺70％到80％，喺全國屬高濕區。年日照1000到1400個鐘，日照百分率25％到35％，係全國年日照最少嘅地區之一，秋、冬日頭少，佔全年35％。因為重慶有好多沿江河谷地帶，兼且重工業發達，年平均霧日104日，所以重慶又叫「霧都」。另外，1951到2014年有78日日最高溫高過40℃，排響全國省會級大城市第一，係「三大火爐」之一。

重慶有五種國家一級保護植物，廿二種二級保護植物，廿五種三級保護植物，三十一個自然保護區，四十九個森林公園，四十二個各類風景名勝區，森林覆蓋率35％。重慶面臨水土流失、森林數量減少、礦產資源利用唔合理重有農村生態失控嘅問題。重慶區縣地區嘅生態受三峽工程影響，三峽大壩起好之後，水位上升浸過田地，造成咗用地流失同生物棲息地受損、地質結構改變等；重慶喺2005到2008年間旱災陸續有嚟，水災亦幾頻繁。

重慶市話就話依山傍水，但事關舊時啲工廠開到周街都係，重有汽車尾氣大量排放，導致城市污染嚴重。初頭重慶市政府有「森林重慶工程」，計劃喺十年之內，打造「全國十佳宜居城市」。2000年以來，重慶主城區關停或搬咗好多污染嚴重嘅工礦企業，重種咗唔少綠色植物；家陣重慶成咗國內空氣質量優良日數最多嘅大城市之一。

舊時，重慶地區有十幾座城，包括重慶城、釣魚城、多功城、江北城、天生城、天賜城、白帝城、皇華城、三臺城、龍岩城、磐石城等，呢啲城喺宋朝末年抗擊蒙古軍發揮住重要作用。其中重慶城、釣魚城同多功城更加係形成咗掎角之勢。

重慶地區建城史可以追溯到戰國時期。秦國滅巴國之後，喺江州一帶築城，形成重慶母城雛形。據考古成果，戰國後期巴郡城嘅面積有30萬平方米。漢朝另築有北府城，係江北城嘅前身，喺而家重慶市江北區同渝北區。蜀漢時期，都護李嚴擴建江州城，用泥嚟砌城，增築倉城同衞城，重喺城入邊起倉城。

地處渝中嘅母城重慶城係重慶地區嘅核心。宋朝嘅重慶城門得四個：千廝門、洪崖門、薰風門、鎮西門。明朝洪武四年（1371年），指揮使戴鼎又試增築重慶城，攞「九宮八卦」象嘅意頭，起咗俗稱「九開八閉」嘅十七個城門：朝天門、東水門、太平門、儲奇門、金紫門、南紀門、通遠門、臨江門、千厮門係「九開門」；翠微門、金湯門、人和門、鳳凰門、太安門、定遠門、洪崖門、西水門係「八閉門」。重慶城城牆圍住渝中半島伸出去嘅部分，全長7722米。1929年開始拆城牆。家陣剩低總長夾埋3000幾米嘅母城城垣殘段：

本土居民重按照地理位置嘅高矮分重慶母城作「上半城」同「下半城」；而家嘅上半城已經發展成中央商務區，而下半城重係老城區。重慶嘅上半城同下半城由十八梯呢條古街連通。1980年代，凱旋路電梯落成，方便咗市民喺上下半城之間往返。

兩百萬年前嘅舊石器時代早期，經已有人類祖先響重慶地區生活。喺重慶巫山縣龍骨坡遺址發現嘅巫山人，係家時發現嘅中國國內年代最早嘅人類。

傳說遠古時期，川東地區有巴、樊、、相、鄭五個姓居民，首領姓巴，稱號係「廪君」。另據《山海經》話，地處西南嘅巴國居民係東夷族長太嘅後人，經歷太皞、咸鳥、乘釐、后照四世；而后照就係巴人嘅祖先。

商朝嗰時，川東地區嘅部落叫「巴奠」、「巴方」，商王武丁派將領婦好征討過。西元前1044年，巴方參與牧野之戰，聯同其它方國協助周國推翻商朝。

周朝建立之後，巴方首領獲封子爵，賜國姓姬姓，正式建立巴國。戰國時期，巴國南遷，響清江、川峽之間到川東建都立國。江州、墊江、平都先後係巴國首府所在地；酆都亦做過巴國首府。

秦惠文王更元九年（西元前316年），張儀滅蜀順手滅埋巴國，喺處屯兵起城，呢座城係江州城嘅雛形。更元十一年（西元前314年）置巴郡。秦朝到隋朝一直沿用呢個名。

漢朝喺巴郡設江州，歸益州刺史管。東漢建武元年（25年），公孫述佔江州稱帝。到建武十二年（36年），威虜將軍馮峻攻落陷江州，鑒生捉咗公孫述嘅大將田戎，江州歸東漢。興平元年（194年），將巴郡分成三份，江州到臨江設永寧郡，朐忍到魚復設固陵郡，巴郡管墊江北邊嘅地區。到咗建安六年（201年），永寧郡改名叫巴郡，原巴郡改名叫巴西郡，固陵郡改名叫巴東郡。

蜀漢建興四年（226年），都護李嚴擴建江州城。

晉朝泰始元年（265年），巴郡改隸益州下越雋郡。永寧元年（301年），李特佔據巴蜀作反，後來建立成漢政權。永和三年（347年），桓溫平定巴蜀之後，巴郡隸梁州。南朝宋巴郡隸益州。泰始五年（469年）喺巴郡置三巴校尉。南齊建元二年（480年）置巴州，原來屬益州嘅巴郡改隸巴州。永明元年（483年），廢巴州，巴郡復隸益州。南梁太清四年（550年），蕭紀喺巴郡置楚州。天正元年（551年），西魏攻落楚州，改名叫巴州。北周閔帝元年（557年），將巴州改返做楚州。武成三年（561年），又將墊江改成巴縣。

隋朝開皇三年（583年），事關渝水圍住座城，就將楚州改名叫渝州，隸屬信州總管府，重慶簡稱「渝」就係噉嚟。大業三年（607年），改名巴郡。

唐朝武德元年（618年），巴郡復名渝州。遞年（619年），信州改名夔州。貞觀元年（627年），將全國分成十道，渝州隸屬山南道夔州總管府。十四年（640年），夔州總管府改成夔州都督府。開元二十一年（733年），將全國分成十五道，渝州隸屬山南西道夔州都督府。天寶元年（742年），渝州改名叫南平郡。乾元元年（758年），南平郡復名渝州。乾寧四年（897年），王建派兵打渝州，刺史牟宗厚投降，渝州歸前蜀政權。後唐長興元年（930年），孟知祥派張武打渝州，刺史張環投降，渝州歸後蜀政權。

宋朝乾德三年（965年）滅後蜀，渝州歸宋朝，隸屬西川路。開寶六年（973年）隸峽路。咸平四年（1001年），改屬夔州路。崇寧元年（1102年），渝州人趙諗作反；呢劑嘢等朝廷醒起「渝」字有「變」嘅意思，就改渝州作「恭州」。淳熙十六年（1189年），升做重慶府。

南宋開慶元年（1259年），蒙古軍攻入重慶地區，宋朝將領王堅、張珏先後守住喺重慶城北邊嘅釣魚城並抵抗蒙古軍，曠日持久，史稱「釣魚城之戰」。喺呢場仗入邊，蒙古國大汗蒙哥謝雞。景定二年（1261年），四川安撫制置副使兼知重慶府彭大雅修築重慶城，向北擴到嘉陵江邊，向西擴到家陣臨江門、通遠門，鞏固咗宋朝嘅西線防區，亦奠定咗後來重慶古城嘅格局。祥興二年（1279年），合州知州王立投降，重慶地區徹底淪陷。

元朝嗰時，重慶府改成重慶路，下轄四個州，隸屬四川行中書省。至正十七年（1357年），明玉珍領導嘅起義軍攻落夔州同萬州，並喺江北銅鑼峽打贏元軍；1358年4月攻落重慶城。1362年，明玉珍喺重慶稱「隴蜀王」；1363年正式稱帝，國號大夏，年號天統，喺重慶建都，當原先巴縣官署（而家渝中巴縣衙門一帶）做皇宮，而朝廷同國賓館分別設喺長安寺（而家重慶市二十五中）同治平寺（而家羅漢寺）。

明朝洪武四年（1371年），朝廷軍隊佔領咗重慶；重慶復爲府，歸四川承宣布政使司管。天啟元年（1621年），永寧土司奢崇明佔據重慶作反，但無幾耐，重慶被朝廷派嚟嘅秦良玉軍隊收復。崇禎十七年（1644年）六月，張獻忠率領部下攻落佛圖關，跟住攻陷通遠門。

清朝初期，反清勢力川東十三家一直佔據四川、重慶一帶；康熙二年（1663年），清軍同川東十三家喺巫山城會戰，收尾川東十三家將領先後投降，清朝先徹底佔領重慶地區。重慶自此歸咗四川省。

明清到民國廿四年（1925年），重慶府治設喺巴縣，川東道、重慶府、巴縣都喺城入邊，城入邊設黨、坊、廂。明朝設八坊二廂；城入邊八坊：太平坊、仁壽坊、壁仙坊、安靜坊、通遠坊、龍台坊、忠孝坊、宣化坊；附廓二廂：內江廂、外江廂。清康熙四十六年（1707年），城邊改編成黨，黨下轄坊。有29坊，近城改編成15廂。

重慶府喺明朝重包埋定遠縣（而家四川省武勝縣）、瀘州（而家四川省瀘州市、江安縣、納溪縣、合江縣）、新寧縣（而家四川省開江縣）、達縣（而家四川省達州市）、東鄉縣（而家四川省宣漢縣）、太平縣（而家四川省萬源縣）同而家湖北省嘅建始縣。

清代中後期到民國初期，重慶府下轄11縣2州1廳，併稱爲「重慶十四屬」，即係：巴縣、江津縣、長壽縣、永川縣、榮昌縣、綦江縣、南川縣、銅梁縣、大足縣、璧山縣、定遠縣、合州、涪州、江北廳。家下除咗定遠縣之外都響重慶市轄內。

重慶轄26區12縣，中心城區稱作「主城區」。而事關重慶恢復直轄嗰時同三十年前舊直轄市重慶主城區對應嘅區域有好多唔同，恢復直轄嘅重慶市轄區範圍大過其它直轄市唔少，兼且轄區入邊七成面積都係原屬四川涪陵、黔江、萬州呢三個地級市嘅鄉下地區，同一般城市嘅概念唔同，所以「重慶」同「重慶市」分廣義同狹義。狹義嘅重慶市指重慶主城區，廣義嘅重慶指家陣重慶轄嘅38個區縣。

重慶除咗正式嘅行政區劃，重有北部新區、經開區、高新區等。但係除咗喺民政部注冊嘅兩江新區之外，北部新區、經開區、高新區都唔係重慶市嘅行政區劃，而係重慶主城區中設立嘅縣級經濟管理區，重未喺民政部注冊。呢三個區得過管理委員會，無人民代表大會、人民政府、人民法院、人民檢察院等縣級國家機構。

重慶舊底嘅主城區得六個，叫「主城六區」。而家城區擴大到九個，分別係渝中區、江北區、南岸區、九龍坡區、大渡口區、沙坪垻區、渝北區、巴南區、北碚區九區，叫「主城九區」。而家喺重慶，「市區」、「主城區」、「城區」都係指主城九區。

到2015年尾，重慶市常住人口3016萬，總人口3372萬，城鎮化率59.6％。

重慶漢族人多，亦有土家族、苗族、回族、滿族、彝族、壯族等49個少數民族。據第六次全國人口普查數據，少數民族人口總數係193.71萬，佔總人口6%；土家族人口至多，第二係苗族，主要集中分佈喺重慶東南嗰得。

而家，重慶成爲中國對外貿易活躍城市。2013年頭八個月重慶市外貿進出口總值412.1億美元，同上年比同期增長16.9％。其中，出口283億美元，增長9.1％；進口129.1億美元，增長38.5％。外貿進出口總值排名全國第10，喺西部12省市中排第1。

重慶農業資源豐富，有成6000幾種植物，其中560幾種係人工栽培，主要係水稻、粟米、小麥同番薯，經濟作物有油菜、花生、油桐、烏桕、茶葉、蠶桑、黃紅麻、烤煙等，果樹有柑橘、梨、李、桃、枇杷、龍眼。藥材有黃連、白朮、金銀花、黨參、貝母、天麻、厚樸、黃桕、杜仲、元胡、當歸等。石砫盛產黃連，涪陵盛產榨菜，所以分別被叫作「黃連之鄉」、「榨菜之鄉」。

重慶係中國西部金融中心之一，2012年全市金融業增加值915.65億元人民幣，增長20.8％，佔全市生產總值嘅8％，排全國第四，不良資產率得約莫1％，排全國前三。喺《馬關條約》簽訂之後，華俄道勝銀行、滙豐銀行入嚟重慶；1933年到1934年，喺朝天門同小什字街分別起咗川鹽銀行同中國銀行重慶金庫。1953年，重慶併入四川省，唔少銀行搬去成都同貴陽，重慶銀行業亦從嗰時蕭條咗四十幾年。

而家重慶有7家中資全國性大型銀行，19家中小型銀行；27家中資區域性中小型銀行，其中村鎮銀行24家；19家外資銀行分行；5家金融同融資租賃公司；153家擔保公司；157家小額貸款公司。重慶本地嘅銀行有重慶銀行、重慶農村商業銀行同重慶三峽銀行等。中國人民銀行喺重慶設咗營業管理部。

關於保險業，美國利寶、中美大都會人壽同中新大東方人壽三家大型外資保險機構喺解放碑CBD設地區總部。其中美國利寶重設中國總部響度。

重慶嘅零售業係比較發達嘅產業，本地同外資企業競爭激烈。

重慶大型百貨商店有本土嘅重慶百貨股份有限公司同新世紀百貨，都隸属重慶商社集團；重有外地或者海外企業，譬如：茂業百貨、百盛、王府井百貨、萬千百貨、大洋百貨、novo百貨、遠東百貨等。近年嚟，世界奢侈品亦紛紛入駐重慶，例如Prada、Gucci、Dior、DG、Cartier同Coach呢啲品牌。重有好似HM、Uniqlo、ZARA、Vans、CA呢啲休閑品牌嘅勢力亦都喺重慶擴張緊。

喺超市行業，除咗重慶百貨、新世紀百貨、百盛百貨同立丹百貨自己搞嘅超市之外，重有Ole、遠東超市、家樂福同窩嘜等。多方資本嘅競爭促進咗重慶超市行業發展；年年有大量舖頭開張，周不時打價錢仗同促銷仗。

重慶係中國內陸地區工業最發達嘅地區之一。自從《馬關條約》簽訂之後，重慶開始發展現代工業，係中國中西部地區最早搞近現代工業嘅城市。家陣，重慶係全國三大重工業中心之一，以重工業為主。喺國內企業入邊，超過70％嘅特大型股份制企業前身都係搞三線建設嗰時期內遷嘅大型工廠。

重慶工業發展由抗日戰爭時期從上海同武漢內遷嘅成柞企業帶動。重慶重工業結構主要以船舶、冶金、汽車同軍工、精密儀器為主。其中，長安汽車股份有限公司係重慶市最大嘅中央管轄工業企業。重慶自主品牌重工業企業市值超過100億嘅重有大江工業（集團）有限責任公司、建設工業（集團）有限責任公司、鐵馬工業（集團）有限責任公司、中國嘉陵工業集團、長江電工（集團）有限公司、力帆控股集團有限責任公司、隆鑫集團有限責任公司、宗申集團有限責任公司、長江電工股份有限公司、望江造船股份有限公司、渝安汽車集團有限責任公司等。

重慶自主品牌輕工業發展相對嚟講就遲些少，1990年代喺食品、製藥、家電等方面起步先，滮出輕工業「五朵金花」：華陶陶瓷、冷酸靈牙膏、重慶啤酒、奧妮洗發水、北盛玻璃器具。21世紀初，重慶輕工業變成由醫藥、醫療產品、廣告產品、電子工業、復合材料、食品工業做主導；其中製藥係重慶輕工業隻車，西南藥業股份有限公司係重慶主城區上市公司之中唯一一間輕工業企業。

重慶嘅治安由重慶市公安局負責，另有重有民眾組成治安協勤協助；武警部隊嘅重慶分支亦係維護治安嘅力量。2010年2月7號，重慶市公安局成立咗交通巡邏警察總隊，叫「交巡警」，有交通管理、刑事執法同治安管理嘅職能。

舊時重慶黑社會威脅住市民嘅人身同財產安全，亦都映衰咗重慶；另外，警隊嘅腐敗亦令到重慶治安問題衰多兩錢重。2009年，重慶市政府搞「打黑」行動，捉咗黑社會組織阿頭同保護黑社會嘅官員同警員，治安問題有咗改善。據2010年中央綜治委全國各省區市社會治安綜合治理工作考評結果，重慶綜合考核得分93.48，被評爲中國大陸最安全嘅城市。

重慶嘅現代教育喺清光緒十七年（1891年）開始，美國基督教傳教士創辦私立求精學堂，即而家嘅重慶求精中學。遞年，川東道守創辦重慶洋務學堂。光緒三十年（1904年），重慶知府創辦官立重慶府中學堂；三十二年（1906年）又創辦咗川東師範學堂（西南大學前身）同重慶公立法政專門學校。到咗清末，重慶有大學堂，亦有大量嘅中小學堂，重有實業學堂、幼稚園同專門爲貧苦子弟設嘅半日制學堂，全市各類學堂有1200間。民國後期，大量高等院校內遷，呢啲學校收尾演化成重慶大學同西南大學。

家下，重慶有34間高等院校。其中西南大學、重慶大學係國務院教育部直屬大學；重慶郵電大學係負責研發中國3G制式TD-SCDMA嘅單位，亦係國內郵電類四大高校之一；西南政法大學係新中國最早嘅高等政法學府；其他重有重慶醫科大學、重慶交通大學、四川外國語大學、重慶工商大學、四川美術學院、重慶理工大學、後勤工程學院等。中學方面，除咗有張伯苓、柳亞子創辦嘅重慶南開中學、陶行知創辦嘅重慶育才中學等名校之外，重有巴蜀中學、重慶一中、重慶二中、重慶八中、廣益中學等。

家時，重慶有千幾間科研機構，六十幾萬科技人員，主要研究電子計算機、光學儀器、武器控制、機械自動化。重慶有8個國家重點實驗室、10個國家工程技術研究中心、2個國家工程研究中心。

重慶人講上江話，亦叫西南官話。其中重慶主城區同絕大部分區縣都係成渝片川東方言，而江津區同綦江區嘅方言屬保留入聲嘅岷江小片，秀山縣嘅方言屬黔北片。另外，重慶市境內重有客家話同老湖廣話嘅方言島。重慶市境內重有講苗語、土家語嘅人，集中分佈喺重慶東南原黔江地區嘅黔江、秀山、酉陽、彭水同石砫；重慶市境內嘅苗語分屬苗語黔東方言同川黔滇方言，土家語屬土家語北部方言。

重慶嘅宗教有佛教、天主教、基督教、道教同伊斯蘭教重有中國民間宗教；其中至重要嘅民間傳統信仰係川主信仰。川主係巴蜀鄉神，喺清朝，重慶各州縣周街都係川主廟。而家重慶重有江津塘河川主廟會同石蟆川主廟會等嘅民間川主祭祀活動。重慶有172萬宗教信徒，佔全市人口總數5％，其中80萬佛教信徒，31萬天主教信徒，27萬基督教信徒，3萬道教信徒，1萬幾伊斯蘭教信徒，神職人員665個 。佛教同天主教係重慶市區入面較普遍嘅宗教信仰；逢親過年、清明，嚟華巖寺朝拜嘅民衆要排隊入景區；而到咗聖誕節、復活節，渝中嘅若瑟堂條隊亦成日排到外邊。

重慶獨特嘅巴渝民俗包括民居、飲食、戲劇、民間音樂、龍燈、茶藝等好多垃雜嘢，有啲重係國家級文化遺產。

重慶民居主要有吊腳樓、民國洋樓、大院等；木結構、小青瓦係巴渝傳統建築特徵。

重慶母城依山而起，被長江同嘉陵江夾住，無乜平地，呢種地勢決定咗建築都要沿住山坡起。重慶傳統嘅沿江民居係用幾碌木撐住成間木樓嘅「吊腳樓」；吊腳樓嘅歷史可以追溯到東漢以前。呢幾年城市要發展，搞拆遷、拆危房，所以家時吊腳樓剩底無幾多，係得磁器口鎮同江津區中山鎮等古鎮重留翻原裝嘅古舊吊腳樓。喺渝中區滄白路新起嘅洪崖洞吊腳樓民俗建築群重現兼「活化」先頭喺呢處嘅江邊吊腳樓。另外，合川區南津街嘅涪江沿岸亦新起咗唔少吊腳樓風格嘅屋。

另外，明清兩朝「湖廣填四川」嘅移民潮亦帶咗豐富嘅建築風格流派入重慶，譬如湖廣建築風格嘅弧形封火山牆、江西一帶嘅客家風格嘅馬頭牆等。重有嘅就係西洋文化帶入嘅中西合璧風格；從明朝開始，教會喺母雷公咁遠嘅山旮旯起歐式建築，拱廊、尖頂、透窗、窗花、門楣同壁爐呢啲元素，亦反映喺巴渝民間建築。

重慶飲食以川菜爲主。重慶嘅川菜特色係麻多過辣，花椒落得多過辣椒。麻辣嘢有驅寒去濕嘅作用，啱重慶呢種大霧潮濕嘅氣候。重慶最有名嘅係火鍋；重慶火鍋亦叫「麻辣火鍋」、「毛肚火鍋」；2007年3月，重慶納咗中國烹飪協會畀嘅「中國火鍋之都」呢個稱呼。小麵係另一種重慶特色小食，用嘅係鹼水麵同菜，再加埋啲味精、醬、蔥同花生等。重慶城區周街都係小麵檔可以講明小麵係種好普及、平民嘅小食；重慶有網友發起「百強小麵」嘅活動。巴渝一帶重有乾鍋、香鍋、酸辣粉、串串香等。

重慶各個區、縣都有自己特色嘅美食。北碚嘅怪味胡豆係一個傳奇。胡豆，即係蠶豆。當年泰國外賓食怪味胡豆，食過返尋味，扐起支筆寫咗「風味獨特 齒頰留香」八隻大字，重登響《重慶晚報》。北碚重有一個名小食叫土沱麻餅，用麵粉、白糖同麻油整，加埋啲核桃仁、花生仁、芝麻仁同冰糖；呢種餅皮薄餡多、酥脆香甜。合川地區嘅合川肉片係一道名菜，歷史悠久，佢嘅傳統製作技藝列入咗重慶市第四批非物質文化遺產名錄。合川肉片原料係雞肉、雞蛋、淀粉、薑片、蒜片、豆瓣、鹽、醋、白糖同清水等。最尾係要落鑊較中火炸，控制火候亦係合川肉片製作技藝嘅一部份。江津地區有米花糖。米花糖嘅揀料同製作係好講究嘅：米要揀西昌同浙江一帶嘅優質糯米，玫瑰要用四川眉山嘅一級玫瑰；工序有揀米、蒸米、製陰米、整玫瑰糖、油酥米、熬糖、撈糖、开盆同切封等。南岸有南山泉水雞，以佢口感鮮、甜、嫩聞名。泉水雞嘅整法係將隻雞斬件之後，用成斤菜籽油炸，炸完又用花椒、乾辣椒、大蒜、豆豉、冰糖加南山山泉水炒，掉埋啲香菇落鑊，煨佢廿分鐘至起鑊。長壽嘅薄脆係種源於清朝咸豐年間嘅薄餅，特點係甜、香、酥、脆，同合川桃片、合川肉片一樣，列入咗市級非物質文化遺產名錄。另外，沙坪垻嘅磁器口麻花，亦叫陳麻花，產自磁器口古鎮。萬州有烤魚，而家萬州烤魚開到全國周街都係。萬州重有一種小食叫「雞嗉子粑粑」，所謂「雞嗉子」就係雞頸下低個袋，事關蘸咗調料同蔥碎嗰嚿糯米飯同「雞嗉子」都幾似。

川劇係重慶主要嘅戲劇，由於重慶川劇自成一格，所以被叫作「渝派川劇」。渝派特點係語氣語調偏張揚、高調、濃重；喺中低音區多數係真聲，高音區帶假聲；注重潤腔，講究珠圓玉潤，兼細化字頭、字腹同字尾嘅處理。重慶川劇院作嘅《金子》係比較有具代表性嘅渝派川劇。

重慶重有重慶大劇院同重慶人民大禮堂呢啲戲劇表演場地。

重慶地區嘅民間音樂主要係號子、民歌同山歌，其中川江號子、南溪號子、秀山民歌、酉陽民歌、木洞山歌等被列入國家級非物質文化遺產名錄。

號子係種漢族勞動人民喺做嘢嗰時作嚟唱嘅歌，重慶地區有川江號子同南溪號子。川江號子有成千年歷史，係啲長江拉船咕喱唱起嘅，曲調高亢激越，一領衆和。川江號子重按唔同河道，分「大河號子」同「小河號子」；按河段水系，分「緊張型」同「舒緩型」；按船頭方向，分「上水號子」同「下水號子」。南溪號子係黔江區鵝池鎮南溪村嘅民歌，起源於唐朝，初時係土家族農民愛嚟醒神嘅勞動號子同山歌。佢嘅唱腔有「大板腔」、「九道拐」、「三台聲」、「南河號」等十幾種；唱法係一個人打頭陣嗌，跟住兩三個人做高音炮尖聲嗌。南溪號子嘅內容同土家族歷史、傳說有關，有比較高嘅藝術價值。

比較有代表性嘅重慶地區民歌係秀山民歌同酉陽民歌。秀山民歌源自上古時期嘅巴渝歌舞，後來民族嘅遷入同融合，豐富咗民歌嘅內容、注入咗新元素。《黃楊扁擔》、《一把菜籽》係秀山民歌嘅代表。酉陽民歌同樣源自巴渝歌舞，係苗族、漢族、土家族文化融合衍生嘅產物，唱嘅內容包括酉陽歷史、天文地理、風俗民情、知識技藝同道德倫理。而家可以考究到嘅酉陽民歌有1700幾首，其中《不要愁來不要焦》、《太陽去了坡背涼》、《木葉情歌》、《這邊嶺來那邊樑》係代表。2013年，酉陽縣民宗委創作出新派嘅酉陽民歌《啊啦調》，呢隻歌融合咗把聲高亢悠遠嘅酉陽楠木號子同黑水號子嘅唱腔。2016年2月6號到12號，《啊啦調》亦喺法國做巡演。

木洞山歌係巴南地區嘅民間音樂，有百幾種曲調，雛形係戰國時期嘅「巴人歌謠」。

重慶地區有銅梁龍燈同秀山花燈，呢兩樣都被列咗入國家級非物質文化遺產名錄。

唐朝嗰時，銅梁地區就有玩龍燈嘅活動。銅梁龍有50米咁長，龍身有代表廿四節氣嘅24個窿。銅梁龍分公、乸兩條，一條龍廿五個人舞，舞龍嘅套路亦有30幾種。銅梁龍燈有龍燈舞同彩燈舞：龍燈舞主要有大蠕龍、火龍、稻草龍、筍殼龍、黃荊龍、板凳龍、正龍、小彩龍、竹梆龍、荷花龍十隻花款；彩燈舞主要有魚躍龍門、泥鰍食湯圓、三條、十八學士、亮獅、開山虎、蚌殼精、犀牛望月、豬啃南瓜、高臺龍獅舞、雁塔題名、南瓜棚十二隻花款。

秀山花燈喺唐宋時期就有，傳說係金花娘娘同銀花娘娘嘅化身。燈嘅做工精緻講究，六片花瓣雕花鏤空，重吊住各種顏色嘅花絮，燈面紅、綠、白、藍四隻色相間。秀山人會喺燈堂敬奉蠟光仙人、金花娘娘同銀花娘娘。逢正月初三到十四搞「出燈」儀式，出燈嗰時花燈藝人用碌竹挑起兩眼花燈，跟住就唱歌跳舞。到正月十五就搞「送燈」儀式，又到下年再出燈。

玩牛係重慶石柱縣嘅民俗，亦係國家級非物質文化遺產。玩牛嘅人先用繩套住牛個鼻哥，跟住死扯爛扯，激嬲隻牛，再乘機騎上牛背脊，用碌棍打牛囉柚。隻牛會激到喺大院入邊氹氹轉，玩牛嘅人喺呢個時候要緩解佢嘅情緒，攞頂草帽四圍咁揚嚟聊佢，跟住忽然間又跳起身喝聲「喲呵」，等隻牛放鬆警惕。再用肢體語言，扮牛頂角詐嬌個樣畀牛睇，或者用水同草喂隻牛，氹返隻牛開心。
 

棒棒係喺重慶各個碼頭幫商人、遊人搬貨搬行李嘅挑夫，分布喺重慶各個碼頭。佢哋長年都靠膊頭孭住嗰碌竹搵食，兼且好沓馬，所以被人形象噉叫做「棒棒軍」。到21世紀初，重慶重有三四十萬嘅棒棒軍，佢哋八成人超過50歲。棒棒軍係重慶獨特嘅羣體，隨住城市發展，棒棒軍少咗好多。

 

袍哥係中國舊社會三大江湖勢力之一，起源於明末清初嘅巴蜀地區。民國時期袍哥幫會喺重慶好時興，當時重慶有種「講義氣、重禮節」嘅江湖風氣。重慶地區嘅袍哥多數都係男人，但亦又唔少「女袍哥」。女袍哥起源於民國初期重慶江北嘅「姨媽會」。重慶南岸黃桷埡嘅女袍哥勢頭至猛。1949年，重慶南岸黃桷埡兩個女袍哥幫會「懿友社」同「三民社」爭地頭打交，件事轟動當時重慶。新中國成立之後，袍哥文化式微。

重慶歷史水蛇膥咁長，兼且有獨特嘅民風民俗，先有咗另些唔同嘅文學風格。由重慶主城區到巫山呢段江，船行起上嚟搖搖䑪，水流又急，礁石多，有時船靠人力推或拉纖。拉船嘅咕喱叫做「纖夫」，纖夫少則十幾人多則幾百人，靠嗌口號統一指揮，呢種口號後來成咗種口頭文學，叫「川江號子」。

喺抗日戰爭期間，重慶係中華民國首都，淪陷地區成拃人貢到呢處，呢棚人入邊有唔少著名作家，所以嗰時喺重慶誕生嘅文學作品數量多。國共內戰期間，重慶係國民黨同共產黨之間發生激烈政治鬥爭嘅城市；小說《紅岩》、《一雙繡花鞋》亦以呢段歷史爲背景。

重慶本地嘅著名文學家有三毛、何其芳、莫懷戚同吳芳吉等。

重慶有大劇院、美術館等公共文化場所；亦有全國著名藝術類高等院校四川美術學院。重慶創意藝術聚集區喺九龍坡區黃桷坪，嗰處有藝術工作室、藝術品商店同相關培訓機構，重有「501藝術中心」 噉嘅藝術集市同黃桷坪塗鴉藝術街等嘅景觀。重慶有著名藝術家羅中立，現任四川美術學院院長，佢最出名嘅作品係油畫《父親》。重慶喺雕塑藝術方面亦發達，其中石板坡長江大橋嘅「春、夏、秋、冬」係重慶嘅標誌之一。

重慶有一廣播電視集團、一報業集團同多間雜誌社。重慶廣播電視集團有6個廣播頻道、重慶衞視等12套電視頻道同佢下屬嘅平面媒體重慶廣播電視報；重慶日報報業集團，下屬有重慶日報、重慶晚報、重慶晨報、重慶商報、熱報、渝報、新女報、時代信報、健康人報、三峽都市報、巴渝都市報、武陵都市報。另外，外省華商報集團旗下嘅重慶時報亦喺市內發行。

重慶IT媒體、計算機類媒體數同質量亦係全國領先。重慶嘅《電腦報》、《微型計算機》、《電腦迷》喺計算機界有知名度。重慶重有華龍網同大渝網呢兩大網絡媒體。華龍網初頭隸屬重慶日報報業集團，2008年之後，重慶市委合併華龍網同重慶廣播電視集團嘅視界網成新嘅華龍網，視界網用過嘅嘅域名跳轉去華龍網寬頻頻道；大渝網係由重慶日報報業集團同騰訊網合資開設，係重慶網民獲取重慶同各地新聞嘅主要渠道之一。

重慶亦注重體育事業發展。1956年5月，賀龍主持修建嘅大田灣體育場竣工，呢個體育場佔地約莫12萬平方米，係新中國第一個綜合體育場。而家重慶主城區大型體育場館重有重慶市奧林匹克體育中心、洋河體育場同南岸奧林匹克中心。重慶優秀運動員有圍棋世界冠軍古力、跳水奧運冠軍兼世錦賽冠軍田亮、羽毛球奧運冠軍李雪芮同世界冠軍張亞雯。重慶當地嘅足球俱樂部有重慶力帆足球俱樂部。2014年嘅中國足球甲級聯賽，重慶力帆足球俱樂部創出27輪無輸過嘅戰績，重憑冠軍身份升入遞年嘅中國足球超級聯賽。另外，世界盃拳擊賽組委會揀咗重慶做比賽嘅常任舉辦城市。

清朝乾隆年間，巴縣知縣王爾鑒定咗個「巴渝十二景」出嚟，全部集中喺當時嘅巴縣境內（相當於而家主城區），分別係：金碧流香（而家渝中人民公園）、洪崖滴翠（而家渝中洪崖洞）、龍門浩月（而家南岸龍門浩）、統景峽猿（而家渝北統景）、字水宵燈（而家兩江同山城夜景）、黃葛晚渡（而家南岸黃葛渡）、海棠煙雨（而家南岸海棠溪）、縉嶺雲霞（而家北碚縉雲山）、雲篆風清（而家巴南雲篆山）、華蓥雪霽（而家重慶同廣安交界處華蓥山）、佛圖夜雨（而家渝中佛圖關）、歌樂靈音（而家沙坪垻歌樂山）。

到而家，重慶重保留住山、水、林、泉、瀑、峽、洞呢啲雄偉壯麗嘅自然景色，亦有巴渝文化、移民文化、三峽文化、陪都文化造就嘅人文景觀，旅遊資源豐富。其中有世界文化遺產大足石刻，世界自然遺產武隆喀斯特國家地質公園，13個全國重點文物保護單位，6個國家重點風景名勝區。

重慶旅遊景點一覽：

重慶係中國西南地區重要交通樞紐，鐵路、水路、公路、航空運輸發達。

重慶鐵路系統發達，先頭有重慶鐵路局，1957年5月寶成鐵路起好之後撤銷，而家屬成都鐵路局。
而家重慶境內有九條鐵路幹綫：渝利鐵路、宜萬鐵路、成渝鐵路、川黔鐵路、襄渝鐵路、渝懷鐵路、遂渝鐵路、蘭渝鐵路、成渝高鐵；四條支綫鐵路：達萬鐵路、三萬南鐵路、南涪鐵路。起緊同計劃起嘅有渝萬鐵路、渝黔快速鐵路、渝昆鐵路、渝長鐵路、渝西鐵路、鄭萬鐵路、重慶外環鐵路西環綫等。

重慶鐵路集裝箱中心站係中國第三個建成投入運營嘅集裝箱中心站，而沙坪垻嘅重慶東站同九龍坡嘅重慶南站亦停咗集裝箱貨運功能。

重慶亦係渝新歐國際鐵路嘅第一站，近年中國大陸到歐洲嘅部分貨都係通過重慶中轉去歐洲或者係從歐洲通過重慶中轉到中國大陸其它城市。

重慶有市郊鐵路，重喺度規劃緊。

重慶係中國西南地區公路交通樞紐之一，而家有五條國道經重慶。重慶亦係全國四個有兩環以上環城高速公路嘅城市之一；高速公路嘅密度排西部各省級行政單位第一。重慶山路多，路又，兼且百幾公里嘅高速公路就差唔多六成都係隧道，所以起高速路嘅成本會好高，就起條內環快速唧，就使咗200億有突。重慶第一條高速公路係1995年竣工並通車嘅成渝高速公路，到2012年年尾，起咗嘅高速公路夾埋有兩千幾公里咁長。

經過重慶嘅中國國道有3條：210國道、212國道、319國道。

重慶重整咗唔少交通系統解決塞車問題，好似話2006年嗰陣學香港九龍嘅地下交通樞紐系統起咗江北觀音橋地道。重有喺南岸區起南坪地下汽車通道系統，重有沙坪垻區嘅南開城下穿式分流道、渝中區嘅牛角沱—兩路口高架式分流道等。

家陣重慶境內有三座民用機場：江北國際機場、萬州五橋機場、黔江武陵山機場；另外神女峰機場同武隆機場規劃緊。

重慶軌道交通亦叫重慶輕軌（），係重慶主城區主要交通方式之一。重慶嘅軌道交通、係日式單軌跨坐式交通綫，而同之後規劃嘅軌道綫都係地鐵。重慶主城區而家有四條輕軌綫路（、、、）。搭輕軌要去自動售票機買票或用宜居暢通卡畀錢。輕軌票係一張長方形嘅卡，入閘放響感應位上高，到站出閘就等落個閘右手邊嘅卡口位，個閘會自己啜張卡入去跟住開門。

軌道交通小什字到朝天門段等幾條延伸綫同、、、重起緊。據而家嘅規劃，到時重慶會有18條軌道交通綫，綫路總長超過820公里。重慶地勢複雜，條條軌道綫嘅高度差至少有100米，而規劃緊嘅最高嘅軌道交通有250米嘅垂直落差。而家運行緊嘅四條綫之中，最早起好，係中國西部第一條城市軌道交通綫，亦係中國第一條跨座式膠轆高架單軌綫，2005年6月18號正式運行。2011年，輕軌同亦都通埋車。2014年12月30號，五里店到茶園段、新山村到魚洞段同大學城到尖頂坡段試運營。

重慶而家有458路巴士綫，分別隸屬：重慶公交集團第一公交公司（「1」開頭綫路，除168路）、重慶公交集團第二公交公司（「2」開頭綫路）、重慶公交集團冠忠（第三）公交公司（「3」開頭綫路，除368路）、重慶公交集團原電車公司（「4」開頭綫路）、重慶公交集團第五公交公司（「5」開頭綫路）、重慶公交集團冠忠新城公交公司（「6」開頭綫路）、渝運集團市區綫路（「7」開頭綫路）、重慶公交集團巴士公司（「8」開頭綫路）、重慶公交集團混合聯營綫路（「9」開頭綫路）、互邦公司巴士綫路（168、368路）、重慶渝強集團市區綫路（學生專綫）。

重慶的士主要車型有：長安鈴木天語SX4三厢、長安鈴木SC7100/7130羚羊三厢、長安福特MONDEO三厢天然氣版、長安轎車志翔弱混版、桑塔納、富康、捷達天然氣版。主城區同區縣嘅的士唔同色水：主城區黃色、渝南地區綠色、部份區縣紅色。

家陣重慶係中國中西部搭的士最刮櫳嘅城市。重慶的士日頭同夜晚條數計法唔同：日頭起步價¥10，多過3公里每500米加收¥1，時速低過12公里嘅，行夠5分鐘加收¥1，未夠5分鐘唔收錢，多過5分鐘兩分半鐘加收¥1，未夠兩分半鐘唔收錢，單程多過25公里，每公里¥3，重係逢500米計錢，即係¥1.5/500米；夜晚黑11點到遞朝6點，起步價¥11，多過3公里每500米¥1.15，時速低過12公里嘅，行夠5分鐘加收¥1.15，未夠5分鐘唔收錢，多過5分鐘兩分半鐘加收¥1.15，未夠兩分半鐘唔收錢，單程多過25公里，每公里¥3.45，重係逢500米計錢，即係¥1.73/500米。

過江索道係重慶特色。而家重慶有一條長江索道，連住長江兩岸。索道喺1986年起好，可以從渝中區新華路過長江去南岸區上新街。但係自從有咗過江橋，索道售票站拍烏蠅。又諗唔到過咗排，重慶夜景開始出名，過江索道亦成咗旅遊景點。

舊時重有條過江索道，叫嘉陵江索道，可以從渝中區滄白路過嘉陵江到江北區金沙街。嘉陵江索道歷史早過長江索道，係1983年起嘅。2011年3月1號，索道正式停運。2013年12月尾，嘉陵江索道卒之要拆。

當電梯做公共交通工具亦係重慶特色，方便市民出入地勢差比較大嘅地方。

渝中區有一部自動扶梯同一部升降式電梯：皇冠大扶梯連住菜園垻同兩路口，有112米咁長；凱旋路電梯連住凱旋路同較場口。

重慶係長江沿江開放城市，水路運輸一直都係重慶主要對外運輸方式。而家重慶港係中國中西部吞吐量最多嘅港口。三峽工程竣工之後，萬噸級嘅船可以直達重慶港。重慶寸灘國際集装箱港係家陣中國內陸航運最大嘅港口；重慶南港大渡口集装箱碼頭有32公頃嘅海關保稅區，年年有價值超過百億美元嘅貨出入。另外，萬州港同涪陵港亦佔住重慶水路運輸體系嘅重要地位。

重慶主城區有長江、嘉陵江穿過，而大多數區縣嘅城區部分都有兩江支流經過，橋嘅密度會超過其他城市，兼且近年重慶起橋起得多，所以重慶又被叫作「橋都」。

重慶第一座跨長江嘅大橋係1964年起嘅小南海長江大橋，而第一座跨長江公路橋係1980年竣工嘅石板坡長江大橋。

重慶有條長江流過，河亦唔少，所以舊時重慶輪渡交通比較發達，亦形成咗獨特嘅碼頭文化。同索道一樣，都係因爲新近幾十年起咗唔少橋，碼頭渡輪都基本停航。

截至2017年6月，重慶市同下轄各區、縣已經同39個城市（省、州）正式聯誼。


重慶而家有10個外國領事機構，領事館數排上海、廣州同成都嘅後尾。圭亞那、墨西哥亦都有響重慶起領事館嘅諗頭。






#Article 89: 遊戲 (279 words)


遊戲（；英文：game）泛指俾人跟住規則嚟玩嘅嘢。喺最廣義上，遊戲可以唔使架生玩（例如猜包剪揼）、可以用簡單嘅架生玩（例如英式足球）、又可以係用複雜嘅高科技架生玩（例如各式嘅電子遊戲）。原則上，英式足球等嘅團隊運動因為要跟規則玩，所以可以算係遊戲，而事實係，團隊運動就係由遊戲演變出嚟。

遊戲同學習關係密切。細路仔可以喺遊戲喥學到好多嘢，而事實表明，好多遊戲都可以攞嚟訓練思考、智力同耐性等嘅能力。

絕大部份嘅人都會同意，「遊戲」係一啲愛嚟玩嘅嘢，但唔淨只係噉－玩具都係一啲愛嚟玩嘅嘢，但直覺上玩具同遊戲理應係兩樣嘢。遊戲設計界主流認為，遊戲同玩具嘅重要分別在於有冇規則：一個人攞到一件玩具上手，佢鍾意點樣玩嗰件玩具都得；但遊戲就唔同－遊戲喺定義上最大特徵係有一定嘅規則同埋定勝負條件，會要求玩家思考點樣喺遊戲規則限制之下，最大可能噉達到自己嘅目的。

除咗規則呢一點之外，遊戲嘅另一個特徵係好多時（但唔一定）有競爭性－好多遊戲都涉及多過一個玩家，要玩家各自噉選擇自己嘅策略（每個玩家手上有乜策略揀由規制話事），並且嘗試打低其他玩家，例如象棋、團隊運動、以及各種各樣嘅射擊同格鬥電子遊戲等等，都屬於有競爭性嘅遊戲。

根據遊戲設計嘅 MDA 框架（MDA framework），除咗規則（MDA 框架稱之為「機制」）之外，一隻遊戲仲有兩個組成部份－動態同美學。

喺有咗規則之後，遊戲設計師就要考慮動態（dynamics）嘅部份：動態指遊戲機制會令玩家出現咩行為。知道咗遊戲規則，玩家就會按照佢哋嘅目的（例如係要贏）作出決策，而佢哋嘅決策同啲規則嘅互動所形成嘅狀態就係隻遊戲嘅動態。例如想像家陣有隻新嘅射擊遊戲，佢有齊一般射擊遊戲有嘅規則－「每個玩家有個生命值」、「俾敵人射中會扣生命值」、「生命值變 0 就會輸」等等，但仲外加咗一條特殊規則：每個玩家要定時定候離開自己身處嘅地點，而如果一個玩家留喺同一個地點耐過 30 秒，佢嘅生命值會開始下降；有咗呢條規則，玩家就有誘因定時定候移動，於是就會少咗死守喺同一個地點伏擊敵人－而最後所形成嘅「啲玩家好少可會喺同一個地點伏敵人」呢一個狀態，就係隻遊戲嘅動態嘅一部份。

一隻遊戲好多時仲會有美學（aesthetics）嘅部份，包括咗隻遊戲嘅配樂、圖像、故仔、以及係設計師嘗試向玩家呈現嘅一個虛擬世界等等，以及呢啲部份引起嘅情緒反應。原則上，呢啲部份唔係必要嘅，但係美學能夠有效噉提升玩家嘅投入程度，例如某啲電子遊戲當中嘅人物好多時都好有人氣，令到隻遊戲靠佢哋賣座。而且適當嘅美學仲可以幫玩家手記住隻遊戲嘅規則：例如係中國象棋噉，如果中國象棋當中每一隻棋都係用甲乙丙丁戊嚟命名嘅，玩家就要死記住「甲呢隻棋俾對手食咗就即刻輸」嘅規則；相比之下，如果中國象棋用佢現有嘅命名方法，玩家要記嘅就變成「而家打緊仗，將軍俾對手食咗就即刻輸」－後者喺直覺上合理，所以對於玩家嚟講通常會比較容易記憶。

喺2008年獲頒雨果獎嘅最佳互動電玩遊戲獎嘅Kevin Maroney講過：「遊戲係一種具有目標同結構嘅娛樂形式。」

國際遊戲者協會紐約分會會長講過：「遊戲係一種藝術形式，裏面嘅參與者（或者叫玩家）要作出各種決策，以便喺追求目標嘅過程之中通過遊戲令牌嚟管啲資源。」

而遊戲公司GameLab嘅行政總裁Eric Zimmerman就話遊戲係一種「為咗得到某啲結果而進行嘅有規則嘅活動」。

生活中有好多嘅活動都係遊戲，例如：電腦遊戲、桌上遊戲、手機遊戲甚至運動等等，呢啲活動各自有佢自己嘅模式同規則，係一啲以令人從中獲得快樂做目的嘅活動。

原則上，遊戲設計包含咗所有類型嘅遊戲嘅設計－電子遊戲、圖版遊戲、紙牌遊戲等都屬於遊戲設計嘅範疇，而且早喺遊戲機誕生之前，經已有學者喺度思考遊戲設計嘅問題。但廿一世紀初嘅遊戲設計界零舍關注電子遊戲，而遊戲設計好多時都俾人歸類做電腦科學嘅一個子領域。

電子遊戲（electronic game）係指一啲用電子架生玩嘅遊戲，玩家會用某啲方式向一部電腦（遊戲機或者手機入面都有電腦）提供輸入，部電腦會計算出「基於個玩家嘅輸入，場遊戲嘅狀態應該變成點」，再將呢個結果顯示俾個玩家睇，因為佢嘅獨特性質，電子遊戲能夠做到一啲第啲媒體嘅遊戲做唔到嘅效果。

電子遊戲做到，其他遊戲通常做唔到嘅嘢包括咗以下呢啲：


以下係一啲喺整或者出版電子遊戲方面出名嘅公司：

圖板遊戲（board game）係指一啲攞塊板（例如係棋盤）同一啲細細粒嘅架生仔（例如係棋同骰仔）嚟玩嘅遊戲，例子有象棋、西洋棋、波子棋、圍棋、跳棋、同埋大富翁等等。圖板遊戲呢家嘢好古老：圖板遊戲喺公元前超過 3,000 年之前就已經存在，當時嘅圖板遊戲傾向係抽象化嘅，每隻棋唔會話代表咗乜嘢事物（唔似得例如現代象棋噉，每隻棋代表咗一啲事物），而且規則相對簡單；而打後少少人類仲出咗圍棋（大約公元前 400 年）同埋西洋棋（大約公元 600 年）等後嚟擴散到去全世界嘅遊戲，呢啲歷史悠久嘅遊戲經歷過多次嘅規則改變，慢慢噉變成今日有嘅樣－例如早期嘅西洋棋曾經會用骰仔增加隻遊戲嘅隨機性，但今日嘅西洋棋完全唔用骰仔呢啲有運氣成份嘅嘢，變咗做一隻高度技術性嘅遊戲；而且人類有陣時又會貪得意，為一隻遊戲發明新玩法－例如中國象棋後尾有咗盲棋呢種變種玩法；到咗廿世紀初，圖板遊戲因為方便玩同教育上有用等嘅原因而有咗巨大嘅發展，好似係大富翁噉，就係廿世紀初嗰時因為啲人想向平民解釋經濟學嘅基本概念而誕生嘅，而大富翁遊戲時至今日已經風行全世界。

廿世紀後期人類喺圖板遊戲上有咗重大嘅進展。喺 1980 年代嘅德國創出咗所謂嘅德式枱上遊戲（German-style board game），強調俾玩家做有意義嘅決策，主張

同時期，遊戲設計嘅學者又開始注重當時誕生嘅心流理論喺遊戲設計上嘅應用。

紙牌遊戲（card game）係指用紙牌嚟玩嘅遊戲，經典例子有啤牌、橋牌、同埋 UNO 等等。紙牌遊戲同圖板遊戲之間嘅分界線查實有些少含糊，好多時紙牌需要喺一個表面（例如係枱）上玩，而有啲圖板遊戲又會運用紙牌（例如大富翁就係噉）。現代嘅遊戲設計界一般認為，兩者定義上嘅分別在於紙牌遊戲以紙牌做主導，而圖板遊戲比較重視玩家喺塊圖板上嘅位置，紙牌頂櫳係做輔助。

紙牌遊戲嘅一大特性係能夠有效噉運用不完全資訊（imperfect information）：喺絕大多數嘅圖板遊戲當中，啲棋同埋指示物都會擺嗮喺塊圖板上面，俾所有玩家睇到，所以每個玩家都能夠完全知道其他玩家身處喺乜嘢狀態（即係所謂嘅完全資訊；perfect information）；相比之下，喺玩紙牌遊戲嗰陣，玩家可以淨係將手上嘅牌（以下簡稱「手牌」）嘅其中一面俾對手睇到，另一面淨係自己睇到－能夠向對手隱瞞身處喺乜嘢狀態。即係話紙牌遊戲可以涉及玩家之間爭相控制資訊，而呢點係圖板遊戲好難做得到嘅效果。

集換式紙牌遊戲（trading card game，簡稱「TCG」）係紙牌遊戲嘅一種，主要嘅特色在於啲紙牌可以攞嚟買賣或者儲：喺一般嘅紙牌遊戲當中，原則上世界每一個角落嘅玩家能夠有嘅牌都係一樣嘅，但喺 TCG 當中，一個玩家要搜集卡片，用手上有嘅卡片組成自己嘅卡組（card deck），並且用自己嘅卡組同其他玩家對局－每個玩家都可以有獨有嘅一副卡組，令到隻遊戲多咗個人性喺入面。TCG 好多時會用玩家之間嘅對局代表某啲型式嘅戰鬥，而每張卡片代表戰鬥當中嘅單位，例如係創始 TCG 嘅《魔法風雲會》（Magic: The Gathering；1993 年出）噉，就將玩家置身喺一個魔法師嘅角色，卡片代表佢所召喚嘅部下或者施嘅魔咒，遊戲目的係要用部下嘅攻擊同咒語嘅力量，將對手嘅生命值變成零。

隨住科技進步同電腦嘅平民化，廿一世紀初有咗所謂嘅電子換卡遊戲（digital TCG），即係淨係存在喺電子空間嘅 TCG。同一般嘅 TCG 唔同，呢啲遊戲可以運用一啲用紙牌進行嘅 TCG 做唔到嘅遊戲機制，例如《爐石戰記》（Hearthstone）、《巫師之昆特牌》（Gwent: The Witcher Card Game）同《闇影詩章》（Shadowverse）等等就係大受歡迎嘅電子 TCG，佢哋當中有啲卡出咗會將使用者副卡組入面某啲特定嘅卡換嗮做第啲卡（直至嗰場對局結束為止），而喺用紙牌玩嘅 TCG 當中，噉嘅卡因為執行上嘅困難唔會出現。

骰仔遊戲（dice game）係指用骰仔做中心，甚至淨係用骰仔玩嘅遊戲（相對於用骰仔做輔助工具嘅圖板遊戲或者紙牌遊戲），係最古老嘅一種遊戲。雖然骰仔遊戲成日俾人同賭錢聯想埋一齊，但查實現代有好多骰仔遊戲都係唔使賭錢都可以玩嘅。唔使賭錢嘅骰仔遊戲一個出名嘅例子係快艇骰仔（Yahtzee），喺呢個遊戲當中，玩家要擲五粒骰仔，擲到結果之後可以揀其中若干粒骰仔重擲，重擲次數有限，並且嘗試用骰仔擲出嘅數字砌出某啲數字組合，唔同數字組合值唔同分數（例如如果五粒骰仔數字一樣，個玩家會攞到 50 分），最後攞到最高分嘅玩家就算贏。

骰仔遊戲時不時俾人攞嚟同紙牌遊戲比較，噉係因為兩者喺本質上都有隨機性質：紙牌遊戲嘅典型做法係洗牌，再派牌俾每個玩家，呢個過程必然帶有隨機性，令到玩家唔能夠完全噉知道其他玩家嘅手牌有啲乜，而骰仔遊戲就因為以骰仔做重心，一定帶有相當嘅隨機性。兩者分別在於骰仔遊戲每次擲骰都係一次獨立事件－一次擲骰唔會影響到下一次擲骰出乜數字；相比之下，紙牌遊戲每次抽牌唔係一件獨位事件－好似係啤牌噉，而家有個玩家抽到一張紅心七，個牌庫就少咗張紅心七，於是下一次抽牌嗰陣再抽到紅心七嘅機會率就會下降。

微模型打仗遊戲（miniature wargame）係一種用微型模型代表各種部隊，並且模擬打仗嘅遊戲：通常嘅玩法係玩家搵柞微型模型返嚟，將微型模型以特定嘅陣式擺喺一塊模擬戰場嘅表面上，以某啲方式決定邊個行先邊個行後（規則上，多數微模型打仗遊戲都係回合制嘅，但都有例外），仲有係點樣攻擊以及擊破對方嘅部隊等（呢啲規則詳情就隻隻微模型打仗遊戲都唔同）；此外，多數微模型打仗遊戲都要玩家用軟尺留意住啲部隊之間嘅距離，因為呢類遊戲係想真實噉模擬打仗，所以規則上實會重視距離同位置等嘅變數，例如可能規則指明，某一個部隊手上武器嘅射程係幾多，唔能夠攻擊距離遠得滯嘅敵軍部隊噉。呢種遊戲源自於古代軍隊模擬打仗：古時嘅將軍同佢哋嘅參謀成日都會將一啲棋或者模型等嘅嘢擺喺一個模擬戰場嘅表面上，用嚟思考同解釋場仗要用嘅策略－慢慢就演變成今日嘅微模型打仗遊戲。

微模型打仗遊戲嘅一大特色係結合咗玩遊戲同砌模型呢兩個嗜好：好多時，微模型打仗遊戲用嚟代表戰場嘅表面都整得好細緻，令玩家可以睇得到戰場上嘅一草一木，而呢啲表面同玩遊戲用嘅模型好多時可以由班玩家親手砌。有啲微模型打仗遊戲，好似係出名嘅《戰鎚 40,000》（Warhammer 40,000）噉，就會出一啲好靚好有型嘅模型俾玩家用嚟玩隻遊戲。

喺角色扮演遊戲（role-playing game，簡稱「RPG」）入面，玩家扮演虛擬世界入面嘅其中一個或者幾個隊員角色，喺特定嘅場景下進行遊戲。喺遊戲入面，角色根據唔同嘅遊戲情節同統計數字（例如生命值、法力、力量、靈敏度、智力等等）具有唔同嘅能力，而呢啲屬性會根據唔同嘅遊戲規則而有所改變。喺好多角色扮演遊戲入面，玩家可以創造自己嘅角色，並且探索一個由電腦負責呈現嘅虛擬世界（電子角色扮演遊戲；例子有魔獸世界，World of Warcraft），又或者用某啲物件－例如塑膠公仔－代表自己嘅角色，並且按遊戲規則探索一個用圖板代表嘅世界（枱上角色扮演遊戲；例子有《龍與地下城》，DD）。

角色扮演遊戲嘅一個特性係玩家動機嘅多變性：圖板遊戲同紙牌遊戲多數都有明確嘅輸贏規則，所以玩家玩呢啲遊戲多數係想競技；相比之下，角色扮演遊戲雖然都會有輸贏，但因為啲角色好多時可以由玩家嚟設計，令到玩家有得透過隻遊戲講同經歷故仔，又或者展示自己嘅個性；另一方面，有啲角色扮演遊戲唔係俾玩家設計自己嘅角色，而係將玩家置身喺一個預設咗嘅故仔嘅角色入面，並且要玩家扮成呢啲角色冒險，隻遊戲仲會用呢啲角色講錯綜複雜嘅故仔，例子有《最終幻想系列》（Final Fantasy）。角色扮演遊戲理論（role-playing game theory）係研究角色扮演遊戲嘅遊戲研究子領域，對於「玩家點解會想玩角色扮演遊戲」呢個問題有仔細嘅著墨。

賭場遊戲（casino game）係指喺賭場常見嘅遊戲：喺一個現代嘅賭場入面，一個賭客會用錢買起一定量嘅籌碼，參加個賭場入面嘅一啲遊戲，並且喺一個遊戲落注同嘗試贏取更加多嘅籌碼，而喺離開賭場嗰時，籌碼就可以攞嚟換取現金；亦都有人會模擬賭場嘅環境玩呢啲遊戲，但係唔賭真錢；喺呢啲場景之下成日出現嘅遊戲就算係賭場遊戲。「賭場遊戲」呢個歸類係建基於「嗰種遊戲喺賭場常唔常見嘅」（而唔係用乜架生玩），所以好多紙牌遊戲同骰仔遊戲－例如係啤牌噉－都可以同時被歸類做賭場遊戲。

賭場遊戲設計嘅一個大特色係唔可以以玩家利益做中心：做其他類型嘅遊戲設計嗰陣目的主要係令玩家開心過癮或者學到嘢；而賭場遊戲嘅目的係要令賭場賺到錢－即係話「賭客輸嘅錢嘅總量」一定要大過「賭客贏嘅錢嘅總量」，賭場先至有得營運落去。喺設計賭場嗰陣會用到大量嘅統計學技術，設計師會設計出符合呢三個條件嘅遊戲：

同時賭場又會運用一啲心理學技巧娛樂賭客，令佢哋就算輸咗錢都肯玩落去。

喺遊戲人工智能等嘅領域上，遊戲可以抽象噉想像馬可夫決策過程（Markov decision process）：例如係以下呢幅圖當中嘅馬可夫決策過程噉；個過程模擬咗一個虛擬世界，個虛擬世界有三個狀態（、 同 ），喺每一個狀態當中，玩家都有兩個可能嘅選擇（ 同 ）同埋相應嘅報償，而每個選擇有若干機會率會令到個世界變成另外一個狀態（由啲箭咀同箭咀側邊嘅數字表示）。呢一個模型可以好容易噉用電腦程式表達出嚟，可以攞嚟教電腦喺玩遊戲嗰陣做決策。

如果要用程式語言嚟表達上述嘅馬可夫決策過程嘅話，設計者可以用好似以下噉嘅一個矩陣（matrix）嚟表示唔同狀態之間轉化嘅機會率，當中每個橫行表示「如果喺呢個狀態揀咗呢個選擇，會去另外一個狀態嘅機會率」－喺狀態  揀咗 （）嘅話，遊戲狀態會有 50% 機會變成 、50% 機會變成 ，如此類推：

齋用數字（冇咁易睇）嘅話：

以上係一個簡化咗嘅例子。現實世界嘅遊戲好多時都有高嘅複雜性（complexity），好少可會好似上面嗰個馬可夫決策過程（得三個可能狀態）咁簡單：例如係教個 AI 程式捉棋噉，國際象棋喺兩個棋手都行咗第一步之後個棋盤會有 400 個可能嘅形勢，喺兩個棋手都行咗第二步之後個棋盤會有 197,742 個可能嘅形勢，而喺兩個都行咗第三步之後呢個數字會超過 100 萬（可以睇組合性爆發），就算用先進嘅電腦行都要嘥極大量嘅時間先能夠考慮嗮所有嘅可能性；而圍棋仲複雜，有成 10170 個可能情況。

遊戲描述語言（game description language，GDL）係遊戲人工智能等領域嘅研究上會用嘅一種邏輯編程語言，即係一種理論上可以用嚟描述任何遊戲嘅規則嘅形式化語言。

喺最抽象嘅層面嚟講，遊戲描述語言做嘅通常都係枚舉（enumerate）以下嘅嘢：

如果一隻遊戲係 foreach 玩家都有最少一個啱規則嘅可能行動嘅，噉呢隻遊戲就算係玩得（playable）。如果一隻遊戲係 foreach 玩家都有最少一串可能嘅玩家共同行動係會令個玩家贏嘅，隻遊戲就算係弱可贏（weakly winnable）；如果一隻遊戲係 foreach 玩家都有最少一串嗰位玩家嘅單方面行動係會令個玩家贏嘅，隻遊戲就算係強可贏（strongly winnable）。一隻單人遊戲必需要係強可贏（玩家可以靠自己單方面嘅行動引致遊戲結束，無論電腦控制嘅玩家做出乜嘢行動），而多人遊戲（由多位人類玩家一齊玩）淨係需要做到弱可贏。

廿世紀之前嘅遊戲主要以「平民過程」（folk process）產生嘅：遊戲呢家嘢喺人類文明誕生之前經已存在，而今日好多廣受人愛戴嘅遊戲，例如係西洋棋、圍棋、蔴雀、百家樂棋、印度十字棋、同寶石棋等，閒閒地都有過千年歷史（當中圍棋可以追溯到公元前嘅時代）；但係古時並冇遊戲設計師呢個職業，所以一隻遊戲嘅演進過程通常係噉－某一個族群嘅人諗到隻遊戲出嚟，跟住呢班人喺佢哋玩吓玩吓，慢慢噉視乎隻遊戲玩起上嚟點修改隻遊戲嘅規則（就係所謂嘅「平民過程」），跟住隻遊戲因為受歡迎而廣傳，最後有人覺得想制定一套標準規則，等唔同地方嘅人可以互相較量；例如係西洋棋噉，呢隻遊戲可以追溯到去成公元 600 年之前嘅印度，但喺打後嗰 1,000 年之內，西洋棋都係由唔同地方嘅人各自玩，各有自己嘅規則，要去到成 15 世紀，先有人開始傾要標準化西洋棋規則同埋搞大型國際比賽。

現代嘅遊戲設計喺 19 世紀後期起動。當時嘅社會喺經濟同科技方面大躍進，有咗攞遊戲嚟賣嘅風潮，而好多本嚟係靠平民過程演化嘅遊戲變成咗商品，有出版商為佢哋整棋盤或者棋，令到整遊戲開始變成一種喺商業上重要嘅活動；而且當時印刷技術開始蓬勃，令到圖板同紙牌遊戲可以大規模噉量產攞嚟賣，並且俾啲市民大眾買返屋企嗰度同屋企人朋友玩。

打後廿世紀中期又產生一個革命性嘅巨變：個人電腦嘅誕生造就電子遊戲出現，有人就嘗試將啲已經受愛戴嘅遊戲電子化（例子有乓，pong），跟住整電子遊戲嘅人仲開始探索電子遊戲嘅極限，整一啲淨係用電子媒介先至玩到嘅遊戲類型，例如射擊遊戲呀噉。到咗廿一世紀，遊戲業發展得好勁，令遊戲成為咗極高人氣嘅消閒活動－據估計，2018 年電子遊戲產業淨係喺美國經已有成 434 億美元嘅銷售量（仲勁過電影業），而遊戲設計自自然然就成為咗一門有影響力嘅領域，好多大學同技術學院都開班教遊戲設計相關嘅知識同技能。






#Article 91: 演算法 (886 words)


演算法（；英文：algorithm），粵文入面又有叫算法，係數學同電腦科學上嘅一個概念，指一串能夠唔含糊噉教一個人或者一部電腦點樣解決某啲特定問題嘅命令。演算法有分好多唔同種，唔同種嘅演算法可以用嚟解決唔同嘅問題，由簡單嘅算術以至自動化嘅認知等等都有演算法可以做得到。

演算法可以喺有限嘅時間同記憶空間之內，透過形式語言（formal language；簡單講就係個個字都有精確定義嘅語言，相對於日常講嘢用嘅自然語言）嚟表達，用嚟計某一啲函數：噉講嘅意思係話，一個演算法會要求某啲特定嘅輸入，跟住啲命令會描述一柞運算；當呢柞運算由人或者電腦執行嗰陣，會經過一連串數量有限嘅中介狀態，最後產生一個輸出，並且喺呢個最終狀態嗰度終止執行。順帶一提，由一個中介狀態去到下一個嘅過程唔一定係決定性（deterministic）嘅，有好多演算法都涉及一啲帶有隨機性喺入面嘅運算。

演算法嘅概念歷史悠久，有得一路追溯到去公元前嘅古希臘：由古希臘數學家諗出嚟嘅愛氏篩同埋係輾轉相除法等都可以算係早期演算法嘅例子；而演算法嘅英文名係由 9 世紀嘅波斯人數學家花剌子密（波斯文：محمد بن موسى خوارزمی）個姓嗰度嚟嘅－佢個姓用羅馬字寫係「algoritmi」，花剌子密佢做咗啲相關研究，局部噉確立咗演算法嘅概念；現代嘅演算法概念係喺 1928 年由德國數學家打域囂拔（David Hibert）喺佢嘗試解決可判定性嘅問題嗰陣奠定嘅。自從嗰陣開始，演算法同相關嘅研究就喺數學同電腦科學呢兩個領域嗰度俾人廣泛噉採用。

籠統噉講，「演算法」呢個詞嘅定義可以指「一串能夠精確噉定義一系列作業嘅規則」。呢個定義包含嗮所有嘅電腦程式－就連啲唔曉做數字上嘅運算嘅程式都包含喺呢個定義之內，而輾轉相除法同埋文頭嗰個流程圖所描述嘅都係符合呢個定義嘅演算法。演算法對於電腦處理數據嚟講係不可或缺嘅：電腦程式會包含一大柞嘅演算法，仔細噉教部電腦要做啲乜嘢運算同埋「以乜嘢次序做呢啲運算」，令部電腦曉解決用家想用嗰個程式解決嘅問題－呢啲問題可以包括咗計啲簡單嘅算術以至複雜嘅統計學作業等等都得。

精確啲噉講，一段演算法包含一串作業，而串嘢要有以下呢啲特質：

演算法可以用集（set；睇埋集合論）嘅概念嚟想像。例如美國邏輯學家（George Boolos）同佢嘅同事係噉樣描述「演算法」呢個概念嘅：

上面呢段嘢當中所講嘅「列舉到嘅無限集」係數學上嘅一個概念，指一個包含咗多樣嘢嘅集，而呢個集包含嘅物件有無限咁多件，但啲件數可以用由 1 開始嘅整數嚟數。所以貝勞斯同佢啲同事講緊就係話：一個演算法係一連串指令，例如係一柞好似「； 代表輸出（output）， 同  代表輸入（input）」噉嘅算式；而呢柞指令能夠由是但一啲輸入嗰度計同整一啲輸出出嚟俾人睇，而且呢啲輸入－至少喺理論上－係幾大都得嘅（但實際上因為人有嘅電腦嘅運算能力有限，所以對於輸入嘅大細梗會有個上限）。

想像家陣有一部曉跟事先指定咗嘅規則嚟由輸入計輸出嘅機械，呢部機械嘅記憶體係無限咁多嘅－即係一部理想化嘅圖靈機（Turing machine）。呢部機械計緊嘅運算嘅內容可以用多種唔同嘅圖表同語言表達，包括係自然語言、虛擬碼（pseudocode）、流程圖、狀態轉移表同埋係多種嘅程式語言呀噉。用自然語言－即係好似廣東話等日常講嘢用嘅語言－寫嘅符號（虛擬碼）對一般人嚟講易明，但就好多時都會有歧義嘅問題，而且電腦唔會識睇。程式語言（programming language）係專門為咗俾人用嚟同電腦溝通而設嘅特殊語言，電腦會睇得明，所以演算法好多時都會用程式語言嚟定義。

舉個簡單例子說明，好似係以下呢段用粵文寫嘅演算法噉，就做咗一連串嘅運算：

呢個演算法用 Python（1991 年出嘅一種程式語言）寫出嚟嘅話會係：


好出名嘅河內塔（Tower of Hanoi）問題可以用遞歸演算法輕鬆解決。

決定性演算法（deterministic algorithm）係指本質上決定性嘅演算法，而非決定性演算法（non-deterministic algorithm）係指冇呢種特徵嘅演算法：決定性演算法喺每個步驟由輸入去輸出都好精確，冇任何隨機性喺入面，俾同一個輸入個演算法實會出同一個輸出；而非決定性演算法就相反，會有隨機性喺入面，所以就算吓吓俾同一樣嘅輸入佢，出嗰個輸出都可能會唔同咗，可以睇吓擬亂數產生。

例：RPG 遊戲當中成日會有一大柞招式俾角色用，一個招式有若干個屬性，包括咗嗰招嘅殺傷力同命中率等等，當一個角色用一個命中率係 80% 嘅招式嗰陣，一個常見做法係遊戲程式內部會用 RNG 產生一個 0 至 1 之間嘅數字，而如果個數字大過或者等如 0.8，噉嗰吓攻擊就會打中，否則就會唔中，實際例子有寵物小精靈系列。

決定性同非決定性演算法各有優劣－非決定性演算法嘅輸出難以預測，喺睇個輸出之前，一個非決定性演算法嘅輸出會以一個概率分佈（probability distribution）嘅形式存在，而非決定性演算法「輸出缺乏精確性」呢一點表示好多要求高度精確嘅科學同工程學應用唔能夠用呢啲演算法，但非決定性演算法「難以預測」呢一個特性又有第啲用途，例如，例如係一個模擬啤牌嘅遊戲程式喺洗牌嗰陣，就需要用到非決定性演算法，因為啤牌遊戲一般都預咗玩家冇能力預測抽到嘅牌係乜樣嘅，而統計學同機械學習嘅應用上都會用到非決定性演算法。

近似演算法（approximation algorithm）係指嘗試搵出近似想要嘅答案嘅數值嘅演算法，而精準演算法（exact algorithm）係指要求搵到嘅答案同目標完全一樣：演算法一般都會俾出（通常係以數字形式存在嘅）答案，精準演算法要求個輸出同目標答案完全一樣，而近似演算法淨係要求個輸出同目標答案相近；例如喺 RPG 遊戲當中計一吓攻擊中唔中－1 代表「中」、0 代表「唔中」－就係一個精準演算法，要求個答案同目標數值完全一樣，但喺好多統計學同機械學習上嘅應用當中，可能輸出嘅數量極大－原則上如果答案嘅數值係連續性（continuous；可以小數點後有幾多個位都得），答案嘅可能數值會有無限咁多個，所以喺呢種情況下，個演算法只會務求俾出一個「理應會接近真實答案」嘅數值做輸出。即係話一個近似演算法會答嘅唔係「答案係幾多」而係「答案相信係喺幾多同幾多之間」或者「真正答案應該會接近呢個數值」。

爬山演算法（hill climbing algorithm）係機械學習上一種常用嚟做最佳化（optimization；指研究點樣喺特定情況下將一個函數或者變數最大化或者最小化）嘅近似演算法；想像一個數學模型，有兩個參數， 同 ，而家用指標  嚟衡量個模型有幾「好」，而  係數值愈細代表個模型愈理想嘅。家陣  同  經已有咗數值，所以個模型喺上圖入面有個座標位置，而個爬山演算法可以喺每一步噉做：

如果順利，個模型嘅  值會慢慢變到愈嚟愈細（接近理想數值），不過原則上，呢個最後嘅答案值唔保證會係理想數值－可能喺睇到嘅空間外有更低嘅可能  值，但呢個演算法唔會能夠保證將個模型帶到去嗰個數值－所以係一個近似演算法。

窮舉演算法（brute-force algorithm）指嘅係一啲「試嗮所有可能答案，再揀最好嗰個出嚟」嘅演算法，例如如果要由一個數列當中搵某一個特定嘅數字出嚟，可以用一個窮舉嘅方法：將個數列入面嗰啲數字逐個逐個攞嚟睇，睇吓嗰個數字係咪想要嗰個，最後俾個輸出。呢種做法喺個數列（例如）得三個數字嗰陣唔會有乜問題，但喺現實應用上，要耖嘅數列好多時都閒閒地有成幾千個數字，而喺（例如）教人工智能捉象棋嘅情況下，一盤象棋會有成上萬個可能情況，用窮舉演算法會嘥好多時間精神，實證嘅研究亦都表明咗窮舉演算法根本行唔通。

相比之下，好似正話提到嘅對分檢索方法就唔係一個窮舉演算法，因為呢個演算法唔會將所有可能嘅答案冚唪唥都睇一次；而廿一世紀嘅電腦科學界同相關領域喺解起問題上嚟都唔會用窮舉演算法，而係好多時會集中思考點樣由成千上萬個可能性當中揀一部份出嚟處理。可以睇吓近似演算法同蒙地卡羅樹搜索。

分治演算法（divide-and-conquer algorithm）係指重複係噉將手上要解嗰個問題砍件做一柞細啲（而且一個板）嘅問題，直至每一份細問題都有返咁上下簡單為止，即係話：

例如合併排序（merge sort）就係分治演算法嘅一種－合併排序係一種（喺某啲情況下好用嘅）排序演算法，會將要排好嘅數據列砍件做細細橛，將每一橛排好咗之後就可以將呢啲細數據列砌返埋一齊，形成一個排好咗嘅大數據列；而頭先提到嘅對分檢索都係合併排序嘅一種－對分檢索涉及到將要排嘅數列分拆做幾橛，將嗰幾橛逐個逐個排好咗之後再併返埋一齊做個輸出。

回溯法（backtracking）係指用遞歸噉一步一步建立一個答案，而喺發現個答案唔掂（唔符合由用家指定嘅條件）嗰陣，就放棄嗰個答案（「回溯」－返轉頭做過），郁手建立下一個答案，一路重複做，做到搵到個掂嘅答案為止。大致上可以噉樣想像：

例如下圖係用回溯法解數獨嘅動畫：

運算複雜性理論（computational complexity theory）係運算理論嘅一個子領域，研究用演算法解決問題「有幾撈絞」－舉個例子說明，想像有個問題，先前嘅分析顯示咗，個問題係有可能用電腦解決嘅，但打後進一步嘅分析發現，解決呢個問題要用嗰個演算法複雜到就算用最先進嘅電腦行，都要用成 100 年先行得完，噉嘅話個問題喺實際應用上根本冇得有效率噉解決。對「可以解到嘅問題要嘥幾多時間空間先解到」嘅思考就係運算複雜性理論嘅重心。

運算複雜性理論嘅分析興用大 O 符號（big O notation）嘅方法嚟表示演算法嘅運算複雜度，一個大 O 符號會將一段演算法嘅時間複雜度（time complexity；簡單講就係指段演算法嘥幾多時間）同空間複雜度（space complexity；簡單講就係指段演算法嘥幾多記憶體）表達成輸入大細嘅函數，例如一個用窮舉演算法搜尋一個數列嘅演算法喺最壞情況下要耖嗮成個數列先會搵到想要嗰個數，即係話設數列嘅長度係 ，噉呢個窮舉演算法嘅最壞情況時間複雜度用大 O 符號寫嘅話，就會係 O(n)，意思即係話數值同  成正比。

而演算法可以按行嗮要幾耐嚟分類：

... 等等。

某啲難題可能會有幾個（唔同複雜度嘅）演算法解決到，又有啲難題係冇已知能夠有效率解決佢哋嘅演算法嘅。因為噉，科學家好多時都要喺解難嗰陣諗用乜嘢演算法最好，而複雜性就係量度「一個演算法有幾好」嘅重要指標之一：假設其他因素不變，科學家會鍾意用最簡單最唔嘥時間嘅演算法。

演算法設計（algorithm design）係數學同各門工程學上一個受關注嘅課題。數學家同工程師會係噉嘗試諗一啲新嘅演算法出嚟，目標係要做起嘢上嚟更加有效率，例如有好多呢啲領域嘅科學家都致力於諗一啲步驟少過現有演算法嘅新演算法出嚟－假設其他因素唔變，步驟少啲嘅演算法做起嘢上嚟會快啲。演算法設計主要有以下呢啲步驟：

演算法分析（analysis of algorithm）係電腦科學嘅一門子領域，專門對演算法嘅各種特性作出分析，尤其係對運算複雜度嘅分析：好多時，同一個問題可以用好多個唔同嘅演算法嚟去解決；因為噉，軟件工程師同編程員等嘅人員好多時都會想知唔同嘅演算法當中邊啲好用啲，而要搵出個答案，佢哋就要知道每個演算法「所嘥嘅時間」同埋「用咗幾多行指令」等嘅資訊；某啲演算法可能（例如）用咗幾十行指令就解到第啲演算法要用成幾百行指令先解到嘅問題，前者行起上嚟會快啲，而且要儲落部電腦度嗰陣又會冇咁掗碇－自然啲人會更加鍾意用呢個演算法，例如頭先提到嘅對分檢索就俾人評定為好用過「將數列入面嘅數逐個逐個睇一次」嘅窮舉搜尋。

原則上，最抽象化嘅演算法分析係純數學性嘅：喺演算法分析當中，研究者可以齋靠抽象嘅數學符號嚟表達啲演算法，好多時根本唔使用真嘅程式語言寫低個演算法先；雖然係噉，絕大部份嘅演算法去到最尾都係要用某啲硬件或者軟件平台嚟執行嘅，而啲演算法執行嗰陣嘅效率就會俾人攞嚟評估個演算法。

演算法效率（algorithmic efficiency）係演算法分析上至關重要嘅一個概念，指緊一個演算法要用幾多資源－用咗幾多行指令、幾多款指令呀噉－嚟解決一個特定嘅問題；假設第啲因素唔變，一個演算法愈係可以用少嘅資源－用嘅指令短、唔使用啲複雜同進階嘅指令－嚟解決一個問題，個演算法就愈會俾人覺得佢有效率，而工程師同科學家一般都鍾意高效率嘅演算法。高效率嘅演算法可以有用得好交關：例如係處理圖像用嘅快速傅立葉變換（Fast Fourier Transform）噉，有研究試過發現，快速傅立葉變換演算法方面嘅改進令到醫療上嘅圖像處理快咗成 1,000 倍咁多。

一個演算法嘅專利誰屬喺法律上係一個問題。專利（patent）係指由一個國家或者地區嘅政府俾發明一樣嘢嘅人，宣佈喺一段時間內（例如廿年內）嗰樣發明專屬於嗰位發明者，而想用嗰樣發明嚟賺錢嘅人通常都要俾錢個發明者先，然後個發明者先至俾佢哋有權運用嗰樣發明嚟賺錢，軟件專利（software patent）就係泛指為咗電腦軟件－電腦程式、函式庫、用家介面同演算法等－而設嘅專利。

喺廿一世紀初，「齋靠一個演算法有冇得攞去申請專利」係一個受爭議嘅課題：喺 2006 年嘅美國，一個人係唔可以齋靠玩弄抽象概念、數字或者訊號嚟攞專利嘅，所以發明一個演算法冇得攞專利；之但係演算法嘅實現成品就可能有得申請專利－例如如果有個人諗咗個新演算法出嚟，並且用某隻程式語言寫咗段源碼嚟執行呢段演算法，噉嗰個人就有可能有得為嗰段源碼申請專利，而噉做實際上就係為個演算去申請咗專利；不過另一方面，又有唔少人都批評容許人為軟件伸請專利嘅做法，例如喺 2019 年嘅印度，專利呢家嘢淨係可以為「能夠喺工業上實際使用」嘅物件申請，而電腦程式同演算法唔俾印度官方定性為噉樣嘅物件，所以冇得申請專利－即係話喺有個人喺印度發明咗個演算法，第啲人可以隨意攞嚟用。




#Article 92: 廣州語本字 (101 words)


《廣州語本字》係本詞書，作者係晚清舉人詹憲慈；本書輯錄1405個廣州話詞語同埋佢哋嘅出處。初稿喺民國十三年（1924年）完成，但到1995年先至付印成書。同清初屈大均（屈翁山）《廣東新語》，民初孔仲南《廣東俗語考》，都係1949年之前廣東文人研究廣州話嘅文獻。

清朝規定，初做官嘅，知縣以上官員都獲得皇帝引見，遠遠地跪喺皇帝面前，高聲報告自己嘅姓名履歷。當清世宗〈雍正皇帝〉引見佢哋嘅時候，因為聽唔明福建、廣東兩省人嘅話，於是喺雍正六年就落咗道命令：哩班講土話嘅人去其他省分去做官，點審訴訟案？坐響公堂上，上下言語不通，全靠書吏翻譯，一定弊。就算佢哋唔做官，都要聽得明自己長官講嘅嘢。由嗰陣時開始，哩兩省嘅人，應該細細個就學官話，改正土音。哩道命令發落以後，福建、廣東兩省嘅總督巡撫就喺各府州縣開正音書院（又叫做「正音書館」）。政治干預底下，北京話逐漸俾人當做正統，所謂嘅「官話」。

清朝末年，政府要變法，興教育。熱心嘅教育家，眼見日本之所以富強，皆因教育普及；教育容易普及，原因係日本攞東京話做日本國語，文字易通、言語統一。於是乎就發起國語運動來整中國嘅國語。北方王照造咗套官話字母，南方勞乃宣又將呢套字母編成種京音簡字，都係以北京話做標準。自此始，就逐漸有人提倡「統一國語」呢個口號。

民國成立，政府就開始制定國語政策。民國二年（1913年），教育部展開「讀音統一會」，議定注音字母。所謂「讀音統一」，即係規定漢字嘅國音。而呢種國音，當時係由全國代表喺會場上，逐字以多數表決而來嘅，並無指定以北京話做標準。民國七年（1919年），政府公布注音符號。民國九年（1921年），政府公布用普通話做標準嘅《國音字典》。民國十二年（1924年），國語會議決定修改國音字典，明白地指出以北京話音系作為國音標準，任何國音同北京話不合嘅，都要改從北京音；一面修改，一面通知各方傳習國語嘅人，儘先廢止入聲。民國十五年（1927年），國語會將專家研究討論拼音文字嘅結果，制出國語羅馬字來公布；民國十七年（1929年），國民政府嘅大學院〈教育部前身〉，將呢套方案正式公布。民國廿一年（1933年），教育部公布《國音常用字彙》  。

詹憲慈喺《廣州語本字》嘅自序咁講：

大意話廣州話唔知點寫，覺得為難，係咪唔寫得？不過只係唔知本字係乜，詹憲慈得閒，諗來諗去，用字本義搵本字。加上當時詮釋廣州話嘅書（《粵東筆記》）都唔係廣東人寫嘅，亦有問題，令詹憲慈想寫。

詹憲慈前後約花咗兩年時間，博覽經史子集書籍，考據字詞。佢喺自序中話：「兩年以來，惟有凝坐，血脈鬱積，病者屢矣，未肯輟也。邇且大病，三日不食。人以為病之生，生於覽閱過勞，余未之承。洎乎病瘉，蚤起翻書，目眩而神疲也。乃不敢復事求索，而總計所記廣州語本字，都一千九百餘字矣。重為審汰，存者一千三百有奇。從容寫定，名之曰《廣州語本字》。」




#Article 94: 人工智能 (420 words)


人工智能（；英文：artificial intelligence，簡稱「AI」），又有叫機械智能（machine intelligence），泛指由機械展示嘅智能，相對於人同第啲動物展示嘅自然智能（natural intelligence）。喺科學上，「人工智能」一詞亦都俾人攞嚟指專門研究人工智能嘅認知科學同電腦科學交界領域，呢個領域上嘅研究會關注嘅問題包括點樣教機械做推理、知識表示、計劃、學習、自然語言處理、感知以及郁同操控物體等嘅作業，而呢啲研究其中一個終極目標就係想造出強人工智能（strong AI）－即係能夠展現出同人無異嘅智能嘅 AI 。

人工智能嘅理論基礎建基於智能體（intelligent agent）嘅概念：喺最廣義上，一嚿物體如果有能力感知佢四圍嘅環境，並且運用所得嘅資訊嚟提升自己達到目的嘅機會率嘅話，噉佢就算係一個智能體－包括人在內嘅動物都符合呢個定義。人工智能領域嘅目標就係研究點樣人工噉整一啲智能體出嚟，最常見嘅做法係參考心理學以及神經科學呢啲研究自然智能嘅領域嘅研究，跟住再編寫電腦程式嚟模仿人同第啲動物所展現嘅智能。

除咗科學，人工智能上嘅研究又引起咗唔少哲學同社科上嘅討論：「人可以整機械嚟模擬人類智能」嘅宣言引起咗一連串（到咗廿一世紀初仲有人關注嘅）心靈哲學問題同埋「人工噉創造一個有人類水平智能嘅物體係咪合乎道德」等嘅討論；亦都有唔少人覺得人工智能如果唔受控嘅話會對人造成威脅，例子可以睇吓廿一世紀初科幻故仔常見嘅人工智能叛變（AI takeover）橋段，或者有人擔心人工智能會搞到有大量嘅人失業。

人工智能領域誕生於廿世紀中：喺 1956 年，有班工程師宣稱，因為人類智能可以用科學理論描述（可以睇認知科學），所以用運算機械模擬人類智能係有可能嘅，引起學界熱議；而自從嗰陣開始，人工智能領域有過好幾波嘅熱潮，又試過因為研究失敗等嘅原因搞到有排冇人肯出錢資助（即係所謂嘅人工智能低谷；AI winter），有過幾波唔同嘅技術革新。到咗廿一世紀，人工智能經已係一個蓬勃嘅獨立科學領域，有得按照所使用嘅技術或者想達到嘅目的分做多個唔同嘅子領域，而且呢啲子領域好多時仲要專化到彼此之間溝通唔到。

智能體（intelligent agent，IA）係人工智能領域上嘅基本概念。人工智能嘅目標係人工噉創造出智能體，而喺最抽象化嘅層面嚟講，一個智能體可以想像成一嚿具有以下部份嘅物體：

如是者，智能體就會一路同環境互動，一路嘗試達到自己嘅目的。唔同智能體喺複雜度上可以有好大差異，而一個智能體嘅複雜度同佢嘅智能（intelligence）息息相關。智能體同環境之間互動形成嘅系統可以畫成以下噉嘅抽象圖解：

呢個圖入面嘅每件物件可以用數值表示。例如環境嘅狀態可以想像成一個有若干個維度嘅向量（vector），例：[2.5, 3.9, 1.0,...]，個向量當中每一個數值表示某個描述世界狀態嘅數值，例如個環境係一間房，第一個數字表示間房嘅平均溫度、第二個數字表示間房嘅亮度... 等等；於是部電腦就可以透過處理 [1.2, 4.3, 6.4,...] 同 [1.1, 4.3, 6.4,...] 等嘅陣列知道環境嘅狀態同埋由環境狀態當中計出要採取嘅行動。

一個智能體會有某啲目的（goal）：一個智能體嘅目的可以想像成一個「個智能體想達到嘅狀態」，可以表達成一個特定嘅環境狀態，而「現時狀態同目的之間嘅距離」可以諗做代表現時狀態以及目的狀態嗰兩個向量之間嘅歐幾里得距離；另一方面，目的又可以用函數嚟表達，即係用數字話俾個智能體知佢幾時做啱幾時做錯，簡單嘅例子有「if 自己贏咗場象棋，then 輸出係 1（達到目的），else 輸出就係 0（達唔到目的）」。

人工智能嘅基礎係演算法（algorithm），一個演算法係一段唔含糊嘅指令，能夠教一部運算機械執行某啲作業，由某啲特定嘅輸入（input）嗰度做運算計出相應嘅輸出（output）。一個人造嘅智能體會由一大柞演算法組成。舉個簡單例子說明，好似以下呢段教一部電腦玩井字過三關嘅指令串噉，就係一段演算法：

再舉個例說明，如果一個設計者想整一個教部電腦揸車嘅人工智能程式，噉佢就需要有個演算法教部電腦架車快得滯嗰陣要點做、一個演算法教部電腦喺前面係倔頭路嗰陣要點做... 等等。有好多人工智能都曉由數據嗰度學習，識得靠經驗學新嘅啟發法（heuristics；指解決難題嘅捷徑），甚至乎自己寫新嘅演算法。

喺最廣義上，學習（learning）可以定義為指一個智能體吸收知識、技能同埋行為嘅過程，包括獲取新知識、新技能、或者新行為，又可以係改變舊有嘅知識、技能、同行為；數學性啲噉睇嘅話，一個智能體可以想像成一個刺激-反應模型（stimulus-response model），最簡單嗰條式如下：

當中

個模型講嘅係「一個智能體嘅反應係佢感知到嘅刺激嘅函數（）」，即係「刺激決定反應」，而學習就可以想像成  呢個函數改變嘅過程－個智能體做咗一次反應，然後  改變，喺下次再感知到個刺激嗰陣反應就可能會唔同咗。機械學習係人工智能嘅一個重要子領域，指教人造智能體學習嘅研究。

奥坎剃刀（Occam's razor）係機械學習上嘅一個重要概念。奥坎剃刀意思係「假設第啲因素不變，一個學習者會偏好比較簡單啲嘅理論同假說，除非比較複雜啲嗰個模型（例如）解釋同預測現實嘅能力勁好多」。當一個人工智能（通常因為設計得唔好）喺學習嗰陣為咗要令自己心目中嗰個「描述世界點運作」嘅數學模型完美符合過去數據，而選擇一個太複雜嘅模型，個人工智能就有過適（overfitting）嘅問題：雖然話過度複雜嘅模型解釋過去數據嘅能力比較勁，但統計學上嘅研究表明，呢啲模型解釋將來數據嘅能力通常會渣啲。為咗防止過適，設計人工智能嘅人好多時都會想鼓勵個程式學一啲能夠充分解釋數據得嚟又唔係太複雜嘅模型。

例如想像下圖：

家陣有一個智能體，佢要學習兩個變數（圖中嘅 X 軸同 Y 軸）之間成乜嘢關係，等自己將來能夠由 X 嘅數值預測 Y 嘅數值；佢要做嘅係，嘗試搵一條有返咁上下合乎過去數據（每個黑點係一個個案）嘅線，用條線做佢心目「兩個變數之間成乜嘢關係」嘅模型；藍色嗰條線有過適嘅問題－藍色線完美噉符合過去嘅數據，但藍色線條式會複雜過直線嘅好多，而實證研究顯示，通常呢啲咁複雜嘅線解釋將來數據嘅能力（以「將來用條線做預測嗰陣嘅誤差」衡量）會比較渣。

「建立能夠用嚟做預測嘅數學模型」呢一點喺人工智能設計上相當重要：比較複雜嘅智能體會具有「描述世界嘅內部模型」（internal model of the world），意思係個智能體對「世界係點運作」嘅理解，可以想像成一大柞  數值，而呢點對於個智能體做決策嚟講不可或缺－例：個智能體憑過往數據估計出條線，可以用變數 X 嘅數值預測變數 Y 嘅數值，而呢個模型能夠幫個智能體做「如果我採取咗行動  令變數 X 嘅值變成噉噉噉，環境變數 Y 會變成  嘅機會率會最大化，而我嘅目的係想要環境變數 Y 變成 ，所以我要作出  呢個行動」等嘅判斷。

除此，一個學習緊嘅智能體仲可以有「學錯嘢」嘅問題。舉個例說明，假想而家有個設計者想訓練一個人工智能程式學識分辨馬同貓嘅圖片，佢搵一大柞啡色嘅馬同黑貓嘅圖片返嚟，再入落去個程式嗰度訓練個程式；喺呢個情況之下，個程式可能會學錯嘢，諗住啡色嘅物體就係「馬」，黑色嘅物體就係「貓」。要點樣防止人工智能學錯嘢喺圖形辨識（pattern recognition）－專門研究點樣教機器分辨圖像嘅人工智能子領域－上係一個相當受關注嘅課題。

喺對人工智能嘅學習嘅研究當中，要點樣應付複雜性（complexity）係一個重要嘅課題：

因為組合性爆發嘅問題，人工智能研究當中有好多都集中於思考點樣喺有限嘅數據同時間之內盡可能令人工智能程式學最多嘅嘢，其中一個方向係思考點由「所有可能嘅情況」當中揀一小部份最有可能啱用嘅情況出嚟考慮。舉個例說明，假想而家有一架內置咗人工智能程式嘅自駕車，佢主人叫佢搵由香港去廣州嘅最短駕駛路線，喺絕大多數情況之下，個人工智能程式喺做運算嗰陣都大可以安心噉略過（例如）嗰啲由香港經哈爾濱去廣州嘅駕駛路線（因為呢啲路線基本上冇可能會係最短路線）－於是個程式唔使嘥精神時間去考慮呢啲路線，可以喺可能嘅路線當中淨係揀一小部份出嚟考慮；又例如因為喺 2016 年打低咗九段（即係最高等級）圍棋棋手李世石而出名嘅人工智能程式 AlphaGo 噉，就用咗蒙地卡羅樹搜索（Monte Carlo Tree Search）嘅做法，噉講意思係指，foreach 棋步，AlphaGo 會用一啲特殊演算法估計邊一啲可能棋步嘅後果最有需要睇，再做若干次嘅模擬，想像每一個呢啲可能棋步行完之後自己嘅贏面會點變，然後就按模擬結果揀要行邊步。

人工智能研究其中一個分法係按「想解啲乜嘢問題」：原則上，人工智能嘅終極目標係要創造出能夠令電腦同第啲機械展示出智能；最大嗰個問題－模擬自然智能－有得分類做一大柞子問題，包括係學習同解難等嘅能力都係先進嘅自然智能嘅必要部件，所以人工智能領域就要將呢啲能力逐個逐個噉創造出嚟。以下係廿一世紀初人工智能領域當中多人關注嘅問題。

人工智能其中一個最基本嘅課題係點樣教機械解難（problem solving）。早期嘅研究興集中於整一啲演算法嚟模仿人類解智力遊戲嗰陣用嘅逐步演繹推理（deductive reasoning），呢啲演算法通常會涉及一大柞嘅「如果... 就做...」（if... then...）指令；但呢種做法有個問題－因為組合性爆發等嘅問題，實際應用上要處理嘅問題好多時都閒閒地有成幾千幾萬個可能性要考慮，冇可能吓吓都靠設計者講明俾部電腦聽要做乜。所以到咗 1980 年代晚期同 1990 年代，人工智能研究開始運用嚟自概率論同經濟學等領域嘅概念，並且發展出用嚟應付不確定性（uncertainty）嘅方法。事實係，認知科學領域嘅研究顯示咗，人腦好少可會真係用逐步嘅推理嚟解決問題嘅。

舉個例說明，數獨呢個智力遊戲可以用相對簡單、而且具有決定性（deterministic）嘅「如果... 成立，就做...」法則嚟搵到答案，而第啲智力遊戲都可以用類似嘅演繹推理方法解決。但人類喺日常生活當中解難嗰陣唔會點用呢種推理方式，好似係「要買啲乜嘢禮物氹女朋友」呢個難題噉，會涉及（例如）估吓個女朋友想要乜，呢類問題好難齋靠「如果... 成立，就做...」嘅明文邏輯嚟解決。

機械感知（machine perception）旨在教一部機械由感應器（包括鏡頭、咪高峰同雷達呀噉）嗰度感應外界嘅資訊並且了解佢四圍嘅環境－而唔係吓吓都靠設計員話俾佢聽：生物型嘅智能體－人同第啲動物－冚唪唥都曉自己用眼耳口鼻等嘅感官嚟接收有關佢哋周圍環境嘅資訊同埋處理分析呢啲資訊，所以如果人工智能要做到好似人噉嘅智能，就一定要識做同樣嘅嘢。好似係電腦視覺（computer vision）噉，就係指教人工智能處理視覺資訊嘅領域，個設計者可以（例如）寫一個會由部電腦嘅鏡頭攞數據嘅程式，而且個程式內置一個之前事先訓練咗，曉（例如）辨認圖入面邊忽係人面乜嘢唔係－跟住佢就會有一個能夠靠部電腦個鏡頭知道自己面前有冇人面嘅程式。除此之外，機械感知呢樣嘢仲可以攞嚟做語音辨識、認人樣同認物件。

機械學習（machine learning）專門研究能夠令人工智能程式隨經驗自動改善自己嘅演算法。喺理想嘅情況下，能夠學習嘅程式會按自己所經歷嘅嘢改變佢內部嘅參數（parameter），等自己下次做嘢嗰陣能夠更加成功。舉個簡單例子說明：想像而家有架內置人工智能程式嘅自駕車，佢個程式嘅設定係佢會喺同前面架車距離 2 米或者以下嗰陣先耷逼力，呢個「2 米」嘅數值就係個程式內部嘅一個參數；而跟住有一次架自駕車喺離前面架車 3 米嗰陣，前面架車突然間耷逼力，架自駕車差少少撞埋去，一個識學習嘅程式就應該要考慮吓係咪要根據呢個經驗將個參數變做「4 米」或者「5 米」，以求降低日後撞車嘅機會率。佢內部嘅源碼應該會包含類似以下噉嘅內容：

float brake_distance; // 有個變數表示「要喺邊個距離耷逼力」。

if distance_from_front_car 

機械學習有得分做監督式學習（supervised learning）同非監督式學習（unsupervised learning）兩大種：前者指個設計者會特登俾一啲數據個程式睇，同埋明文噉話俾佢知乜嘢為止啱嘅答案乜嘢為止錯嘅答案；而後者指個設計者唔會噉樣做，例如係教人工智能程式將啲嘢分類噉，用監督式學習定非監督式學習都有可能做得到：用監督式學習嘅話，個設計員一般會先攞一大柞樣本返嚟，並且逐個逐個樣本將個樣本嘅類別列明，再俾個程式睇啲數據同教佢要睇邊啲部份嚟分，順利嘅話，個程式會慢慢變到識得將未來撞到嘅樣本分類；而用非監督式學習嘅例子就有聚類分析（cluster analysis）等。

知識表示（knowledge representation）係古典人工智能研究上重要嘅一環，研究點樣教一個人工智能程式組織手上嘅知識，並且用呢啲知識解決一啲複雜嘅作業。舉個例說明，家吓有個設計者想寫個人工智能程式嚟幫手做地理學助教，佢想個程式曉解答一啲簡單嘅地理問題，想個程式了解北美洲喺 2020 年有邊幾多個國家，於是佢喺寫個程式嗰陣，可以用以下呢段碼：

呢段源碼教個程式話「北美洲國家」呢個類別包括咗「美國」、「加拿大」同「墨西哥」三個內容。當有個學生問個程式「北美洲喺 2020 年有邊幾個國家」嗰陣，個人工智能程式會耖嗮佢手上有嘅資訊，搵出「北美洲國家」呢個類別包含嘅內容，再將嗰三個名俾出嚟做輸出。同一道理，呢種做法可以用嚟教任何人工智能程式將啲嘢－例如係將動物或者語言－分類。除咗呢種分類性嘅手法，知識表示研究仲有好多方法教人工智能程式組織自己手頭上嘅知識。

上述呢個等級式嘅知識組織方法有唔少局限：首先，呢種做法假設咗類別之間有遞移性（transitivity），噉講即係話，佢假設咗「如果（分類上）A 屬於 B 而 B 屬於 C，噉 A 屬於 C」，但研究顯示，人嘅心靈所用嘅認知機制唔係噉嘅，例如「凳」會屬「傢俬」呢個類別，「一張爛爛地嘅凳」呢個物體屬「凳」，但喺現實好難說服人喺答「傢俬呢個類別包含啲乜」嗰陣答「一張爛爛地嘅凳」－所以喺最少一方面，純等級式嘅知識組織法唔似人類智能；除此之外，如果要一個人工智能程式做到人做到嘅智能，齋靠分類係唔夠嘅－除咗將物件分類，人仲會識得描述物件嘅特性（「美國有 200 年歷史左右，國旗有紅、藍、同白三隻色...」）同物件彼此之間嘅關係（「美國同加拿大友好，同俄羅斯唔友好...」）。

現時人工智能學界一種常見嘅知識表示做法係本體（ontology）：一個本體會好似幅附圖噉，包含一大柞概念（幅附圖包括咗哺乳動物、鯨魚同水等等），指明嗮每一對概念之間嘅關係－鯨魚「屬於」哺乳動物、鯨魚「住喺」水入面、哺乳動物「屬於」動物... 等等。本體式嘅知識表示法喺好多實用領域上都有用，例如係喺臨床醫學上幫手做決定、知識發現同埋好多其他方面。而且廿一世紀初嘅人工智能界仲有網絡本體語言（Web Ontology Language）呢款程式語言專門攞嚟整本體。

以下呢段係一段用網絡本體語言表達嘅一個本體，用嚟描述一啲有關意大利薄餅嘅知識：

Namespace(p = 

呢段碼 ObjectProperty 嗰行會同個程式指明個本體入面某啲物件嘅特性，呢行指令講咗幾樣嘢：首先，「係某某嘅原料」（isIngredientOf）呢個關係係有遞移性嘅（Transitive）－即係教部電腦，如果 A 係 B 嘅原料而 B 係 C 嘅原料，噉佢可以推斷 A 係 C 嘅原料；呢行指令仲表明咗「係某某嘅原料」係「原料包含咗」（hasIngredient）嘅反轉（inverse）－所以運用呢個本體嘅人工智能程式可以做（例如）「夏威夷薄餅原料包含咗菠蘿，所以菠蘿係夏威夷薄餅嘅原料」嘅推理。

要點樣令人工智能展示內隱知識（tacit knowledge）係另一個受注目嘅課題。內隠知識係指嗰啲難以言喻嘅知識，好似係一個象棋大師可能會直覺噉覺得某一步「太危險」所以唔行，但如果問返佢，佢唔會講得出點解佢覺得嗰步太危險－認知心理學嘅研究顯示，人有能力用直覺（intuition）做判斷，喺呢啲情況之下，做判斷嘅人唔識用言語形容佢嘅思考過程，但實驗結果係，好多時用直覺做判斷估中嘅機會率大過純粹隨機斷估。噉即係話喺人用直覺做判斷嘅過程當中個腦實係處理咗啲用言語形容唔到嘅知識－呢啲知識就係所謂嘅內隱知識。內隱知識對人嘅日常生活好緊要，因為人冇可能吓吓做決定（例如決定行路嗰陣邊隻腳踩出去先）都要有意識噉諗過度過先做。所以要做出好似人噉嘅人工智能，噉就實要能夠令人工智能具有好似內隱知識噉嘅行為。

一個有返咁上下智能嘅智能體一定要識得幫自己設目的並且嘗試達到呢啲目的。要做到呢樣嘢，一個人工智能就要有能力想像未來－用某啲方式（好似係電腦數據）嚟向自己表達周圍環境嘅狀態以及預測自己同第啲智能體嘅行動會點樣改變周圍環境嘅狀態，仲要曉計每種可能狀態對佢自身嘅效益（utility；簡單啲講就係有幾能夠幫到佢達到目的）以及按佢嘅運算結果做決策。古典嘅自動計劃研究會用一個理想化（唔多現實）嘅模型：將做緊計劃嗰個智能體想像成好似係世上唯一一個做緊計劃嘅系統噉，喺呢種模型入面，個智能體可以完美噉預測佢嘅行動嘅結果。但現實存在嘅智能體係唔會噉嘅，無論人定人工智能都好，佢哋喺計劃嗰陣梗係要受制於身邊其他智能體嘅行動，所以實會有不確定性。噉即係表示，一個曉好似人噉計劃嘅人工智能實要識得處理不確定性以及按自己行動嘅結果評估自己嘅進度。

喺 2000 年代中，電子遊戲業界出現咗好似噉嘅自動計劃演算法，用嚟控制一隻遊戲嘅 NPC：
  Start # 初始化
    個 AI 內部有若干個目的（goal）同若干個行動（action）；
  
  Foreach 時間點
    計每個目的有幾高 priority；
    按現時世界嘅狀態等資訊，搵出可能行動之中邊個最能夠幫手達到目的；
    模擬吓個行動係咪真係能夠幫手達到目的；
    採取行動。

自然語言處理（natural language processing，NLP）係指研究教人工智能理解人類語言嘅領域。一個夠勁嘅自然語言處理程式會令人類可以就噉用把口講或者用筆寫嚟同機械溝通，唔使用（好多時都唔係咁易用）嘅程式語言，而且仲可以攞嚟由人寫嘅書以及網頁等嘅來源提取有用嘅資訊或者做機械翻譯（machine translation）等嘅作業。

自然語言處理好常用。拼寫檢查（spell checking）就係一個比較簡單嘅例子，好似 Microsoft Word 同埋 Google 搜尋器都有用到。拼寫檢查會做嘅嘢係檢查吓一段用字母寫嘅字有冇串錯，拼寫檢查嘅一種可能步驟係噉嘅：

強人工智能（strong artificial intelligence）可以話係人工智能領域嘅終極目標：強人工智能係指能夠展現出所有自然智能有嘅特性嘅人工智能，會完美噉通過圖靈測試（Turing test；睇下面）；廿世紀嘅學界作出咗多次創造強人工智能嘅嘗試，但次次都衰收尾，遠遠噉低估咗呢個作業嘅難度，而到咗廿一世紀，一個典型嘅人工智能專家多數都會集中於解決一至兩個問題，而唔會大想頭到諗住創造出能夠好似人類噉普遍解決問題嘅人工智能程式。有好多人工智能專家都相信，呢啲淨係曉解決一至兩個問題嘅人工智能程式終有一日會俾人砌埋一齊做一個強人工智能。

廿一世紀初嘅人工智能領域有「AI 欠缺常識」嘅問題：同廿一世紀初嘅人工智能比起上嚟，人好擅長喺冇受訓嘅情況之下對物理或者心理現象做判斷，例如就算係一個好細個嘅細路都識做「如果我將支筆碌過張枱嘅表面，支筆最係會跌落地」噉嘅推論；又例如人能夠易如反掌噉理解「市議員拒絕俾啲請願者攞允許，因為佢哋主張用暴力」噉嘅句子，但一個廿一世紀初嘅人工智能程式好多時會唔明呢句嘢係話市議員主張暴力定係請願者主張暴力。廿一世紀初嘅人工智能喺常識上嘅缺乏表示咗佢哋成日都會犯一啲人唔會犯嘅錯，而且犯錯嘅方式對人嚟講好匪夷所思，例如 AlphaGo 可以喺圍棋比賽嗰度鍊贏人類嘅圍棋國際冠軍，而 Deepmind 仲喺 2010 年代成功發展出曉玩唔同 Atari 2600 遊戲嘅人工智能，不過呢啲程式答唔到好似「點樣知一杯牛奶滿唔滿」呢啲（對人嚟講）簡單得好交關嘅問題。

... 等等。

一個人工智能程式要展示自己嘅智能，佢實要攞一啲輸入（input），用佢內部嘅演算法做一啲運算（computation），再俾返個輸出（output）出嚟，而佢嘅輸出會決定佢表現好唔好。舉個例說明，喺一個人工智能程式捉象棋嗰陣，個程式會係噉收到「個棋盤係乜嘢形勢」嘅資訊（輸入），再做一啲運算，決定自己要行邊一步（輸出），而佢所行嘅步最後就會決定佢贏定輸（表現好唔好），喺呢個過程當中，一個人工智能程式由輸入值計輸出值，即係話輸出值係輸入值嘅函數，－當中函數  可以有好多唔同款。

人工智能史上出名嘅運算方法（ 可能嘅款）有以下呢啲：

符號人工智能（symbolic AI），又有叫老派人工智能（good old-fashioned AI，簡稱「GOFAI」），係最早期（同埋俾好多人認為係最易明）嘅人工智能運算方法：喺 1950 年代人工智能領域啱啱起步嗰陣，啲科學家好多都認為人類智能只不過係對邏輯符號嘅玩弄，而符號人工智能做法就將所受嘅輸入數值用一大柞邏輯符號計算，再按照呢啲計算俾個輸出數值出嚟睇；舉個例說明，如果家吓有個設計者想教部電腦幫手睇病（輸入值係「有關病人嘅資訊」，而輸出值係「診斷」），噉就要教佢「if 一個普遍健康嘅大人發燒，then 佢有可能係感冒」、「if 一個普遍健康嘅大人發燒，then 佢都有可能係肺炎」... 等嘅若干條法則。

即係話符號性人工智能嘅做法建基於三個諗頭：

符號人工智能呢種做法可以話係比較原始，而且冇幾耐啲科學家就發現，喺好多情況之下都會因為可能性太多，搞到設計者做唔到逐個逐個情況講嗮俾部電腦聽要點做（睇上面有關複雜性嘅討論）。

廿世紀早期嘅學者好多都認為，人嘅認知功能可以用一啲相對簡單嘅啟發法（heuristics）嚟表達：佢哋會將要解決嘅問題想像為一柞「狀態」（state），而解決問題嘅過程就係個人工智能嘗試由初始嗰個狀態變到佢目的狀態嘅過程，佢哋認為人類會用某啲相對簡單－但唔一定啱－嘅認知捷徑嚟判斷點樣由一個狀態移去下一個狀態（例如係好似「如果我將隻棋行得太出，佢通常會俾對手食咗」呢一啲直覺同無意識嘅假設），而呢啲簡單直接、通常啱用嘅規則就係所謂嘅啟發法。採取呢個做法嘅研究者認為，要令人工智能做到好似人噉嘅智能，要做嘅就係用認知科學領域嘅實驗搵出人思考嗰陣用啲乜嘢啟發法，並且開發出一啲模擬人腦所用嗰啲啟發法嘅演算法，再用呢啲連串嘅演算法嚟模擬人所展示嘅智能。呢種做法一路去到 1980 年代中期都仲有好多人用。

又有好多符號人工智能研究者主張，人工智能唔使模擬人嘅認知功能所涉及嘅啟發法，而係應該用一啲實啱（相對於啟發法嘅「通常啱」）嘅邏輯法則嚟指定乜嘢係「正確答案」。例如係如果要教一部電腦點樣知道兩個人係咪彼此嘅兄弟姐妹，運用基於邏輯做法嘅人工智能研究者會教電腦以下呢條法則：

呢條法則講嘅係，「如果有一個人 Z，佢係 X 嘅父母，又係 Y 嘅父母，噉 X 同 Y 就係兄弟姐妹嘅關係。」呢類思考嘅方式唔似人（好多時用直覺多過邏輯嘅）日常思路，但就係一條絕對正確同合邏輯嘅思路。相比之下，用認知模擬嘅人工智能研究者會研究吓一般人類用乜嘢（無意識、未必完全穩陣嘅）法則判斷兩個人係兄弟姐妹嘅機會率，再用演算法模擬呢啲法則。

由 1970 年代開始，電腦嘅記憶量開始愈嚟愈大，令到各門嘅人工智能專家都開始嘗試將「知識」嘅成份加落去人工智能應用嗰度。呢股「知識革命」引起咗專家系統（expert system）嘅發展。專家系統係第一種真係成功嘅人工智能軟件，一個專家系統會建基於一個知識基礎之上，並且運用一大柞「if... then...」嘅法則嚟做推理，例如係一個用嚟診斷病人嘅專家系統噉，佢內部會有一大堆有關唔同嘅病同啲病嘅症狀嘅資訊，而如果俾個病人佢睇嘅話，佢會用一大柞「如果個病人有咳，佢可能係...」同「如果個病人有咳但係又唔係肺炎，噉佢又有可能係...」等嘅法則嘗試搵出一個診斷。但要整一個專家系統就實要有個真嘅人類專家幫手，而吓吓都逐條逐條法則都明文講嗮俾個人工智能程式知會好嘥時間－專家往往都因為有人需要佢哋嘅服務而好唔得閒，好難請佢哋幫手整專家系統。

符號人工智能最大問題係，呢種做法要求設計者將個人工智能做判斷要用嘅法則冚唪唥都明文（explicitly）噉講嗮俾部電腦知，但由 1980 年代開始，人工智能學界開始留意到，呢種做法喺好多情況之下根本行唔通：首先，佢哋學起嘢上嚟好撈絞－如果個設計者想教一條新法則俾個程式聽，佢就要人手噉由（閒閒地成幾萬行長嘅）源碼當中搵嗮所有同條新法則衝突嘅法則出嚟，再攞走呢啲舊法則，嘥時間得好緊要；而且符號人工智能根本唔能夠模擬到自然智能－認知心理學等領域嘅研究清楚噉表明咗，人類智能好多時都會依賴直覺等無意識、難以明文噉講出嚟嘅法則。所以廿一世紀初嘅人工智能好少可會真係齋靠用符號性嘅方法，而好多時啲新嘅人工智能做起運算上嚟都起碼會用啲混合型（hybrid）方法－即係結合符號性同非符號性嘅人工智能。

人工智能要解嘅問題當中有好多都會涉及不確定性（uncertainty）－意思即係話，個程式成日都焗住要喺唔完全知道嗮所需嘅資訊嘅情況之下行事。透過運用概率輸同經濟學等領域嘅知識，人工智能專家諗咗一柞工具出嚟去應付呢啲問題：

貝葉斯網絡（Bayesian network）係一種可以用嚟教電腦做推理、學習同計劃等工作嘅工具。一個貝葉斯網絡會考慮大量變數，並且用一柞基於貝葉斯定理（Bayes' Theorem）嘅方程模擬唔同變數之間嘅關係。舉個簡單例子說明，假想家吓有一個貝葉斯網絡，佢會睇某啲變數（包括咗「有冇落雨」同埋「啲灌溉花灑有冇開著」等）嘅數值，並且計出「啲草係濕嘅」呢個狀態係「真」嘅機會率，途中會用到（例如）以下呢條式：

當中  係指「啲草濕咗」呢個狀態， 係指「啲灌溉花灑著咗」呢個狀態，而  係指「有落雨」呢個狀態。成條式用日常用語講嘅話係噉嘅：「嗰三個狀態都係真嘅機會率」（）等如「如果有落雨（）而且啲灌溉花灑著咗（），啲草濕咗（）嘅機會率」（）乘以「如果有落雨（），啲灌溉花灑著咗（）嘅機會率」（）乘以「有落雨嘅機會率」（）。

個設計者寫好程式之後，可以（例如）搵一大柞有關呢幾個變數之間嘅關係嘅數據俾個程式睇，跟住叫個程式用呢啲過往嘅數據，計出變數同變數之間嘅關係係點，而個程式就可以攞嚟預測未來。貝葉斯式人工智能有相當廣泛嘅用途，例如 Xbox Live 噉，喺幫啲打緊網上遊戲嘅玩家搵比賽加入嗰陣，就會用到考慮嗰個玩家嘅贏率嘅貝葉斯網路：一種做法係整個人工神經網絡（睇下面），用每一個玩家喺先前嗰啲比賽嗰度「幾常成功殺敵」同埋「幾常俾敵人殺」等嘅資訊做個網絡嘅輸入，而呢個網絡嘅輸出就係「如果個分隊係噉嘅話，A 隊贏嘅機會率係幾多」，並且寫個演算法搵出令到呢個機會率最接近 50% 嘅分隊法（即係盡可能令場比賽勢均力敵）。

同符號性嘅人工智能比起上嚟，好似貝葉斯網路啲噉嘅貝葉斯式人工智能都有唔好處：佢哋內部要計大量嘅機會率，搞到佢哋喺運算上撈絞好多（即係比較「computationally expensive」－要嘥多好多時間同記憶體），好多時為咗慳啲時間同記憶體，啲設計者焗住要簡化佢哋啲模型，例如係如果個設計者用嘅電腦冇返咁上下運算能力，佢可能就冇得用涉及打圈結構嘅貝葉斯網路－即係話模型嘅可能複雜度受制於運算能力上嘅局限，而唔係個模型模擬現實嘅能力。

人工神經網絡（artificial neural network）係建基於人腦入面嘅神經細胞（neuron）嘅結構嘅：一個動物嘅腦會由好多神經細胞組成，一個成年男人嘅腦有成差唔多 860 億粒神經細胞，每粒神經細胞會由第啲神經細胞嗰度接收電同化學訊號，而當一粒神經細胞受到啲訊號刺激嗰陣，佢就可能會射自己嘅電同化學訊號，呢個訊號跟手就可能會刺激第啲神經細胞，於是乎訊號就噉喺個網絡嗰度傳開去。人工神經網絡運用嘅係同一道理。喺整人工神經網絡嗰陣，個設計者會設下一大柞人工神經細胞（artificial neuron），每粒神經細胞有一個變數代表佢嘅「活躍程度」，而且有某啲方式（通常係一個矩陣）表示人工神經細胞之間嘅連結。舉個例說明，每粒人工神經細胞嘅活躍程度可以用以下呢條式代表：

當中， 代表粒神經細胞嘅啟動程度， 代表前一層神經細胞當中第  粒嘅啟動程度，而  就係其他神經細胞當中第  粒嘅權重（指嗰粒神經細胞有幾影響到 ）。如果個設計者人手噉俾某一啲輸入落去個神經網絡輸入層當中嗰啲神經細胞，噉跟住嗰啲層嘅神經細胞就會受到輸入層嗰啲嘅刺激，並且改變佢哋嘅活躍程度，而最後嗰層嘅神經細胞（輸出層）就會負責表示個輸出。跟住落嚟，一種可能做法係運用反向傳播算法（backpropagation）「訓練」個人工神經網絡－個設計者會將個網絡俾嘅輸出同佢想個網絡俾嘅輸出比較，計個誤差值，再用個誤差值嚟計吓應該點樣調較啲神經細胞之間嘅權重。如果一切順利，個網絡就慢慢變到愈嚟愈俾到正確嘅答案。

除咗反向傳播算法之外，廿一世紀初仲有咗所謂嘅神經進化（neuroevolution）方法嚟訓練人工神經網絡：用呢種做法嘅設計者運用進化論當中物競天擇（natural selection）嘅原理；根據物競天擇嘅理論，大自然嘅每一個生物物種嘅內部都有個體差異，而呢啲個體差異令到一個族群嘅個體當中有啲比較擅長生存同繁殖後代，呢啲個體就比較有機會將自己嘅基因傳俾下一代；同一道理，用神經進化整人工智能嘅過程係一開始嗰陣複製一大柞彼此之間相似，但彼此之間（喺權重值等方面）有少少差異嘅神經網絡出嚟，再俾啲神經網絡各自噉做幾次個設計者想佢哋做嗰樣作業，表現最好嗰啲網絡就會俾個設計者複製，生產下一代（似表現好嗰啲網絡）嘅子代網絡，表現唔好嗰啲網絡就會被淘汰－於是乎個設計者手上有嘅神經網絡就會變到愈嚟愈勁。

有好多神經網絡相關領域嘅學者批評神經網絡係「黑盒」（black box）。人喺用個腦諗完嘢解決完問題之後，曉將自己嘅思考過程口頭報告返出嚟。但一個神經網絡唔會識做呢樣嘢，唔會話到俾研究者聽佢經過啲乜嘢思考過程先能夠達到佢所俾嘅輸出。所以有人將神經網絡比喻做一個黑盒－就算佢嘅輸出係準確嘅都好，個研究者都淨係知個神經網絡嘅輸入同輸出，冇辦法知道當中嘅思考過程。即係話對於「個神經網絡俾嘅答案點解係啱」呢條問題，目前唯一嘅答覆係「因為一部醒過人類嘅系統俾咗個答案出嚟」，雖然呢點唔損害神經網絡喺實用上預測現象嘅能力，但噉表示神經網絡嘅可解釋度（explainability）低得好交關，令好多學者都覺得難以接受。因為噉，有好多科學家都致力研究點樣先可以拆解一個經歷咗訓練、做緊準確預測嘅神經網絡。

人工智能對於任何嘅智能性作業嚟講都好有用。比較廣為人知嘅人工智能應用例子包括咗識揸自己嘅交通工具（包括咗車同埋無人飛機呀噉）、醫療上嘅診斷、數學定理嘅證明、藝術創作、玩遊戲、搜尋器、認相入面嘅影像以及係網上廣告等等。

電子遊戲人工智能（video game AI）係指電子遊戲（electronic game）用嘅人工智能：電子遊戲係能夠同玩家互動、以娛樂玩家為目的嘅電腦程式；而電子遊戲入面好多時會涉及由電腦控制，同玩家進行對局嘅角色（NPC），遊戲開發者為咗想玩家得到樂趣，通常會想呢啲由電腦控制嘅角色有返咁上下聰明，能夠為玩家提供一定嘅挑戰（睇埋心流）；噉即係話佢哋會想 NPC 展現一定程度嘅智能，而「教電腦程式做出類似有智能噉嘅行為」正正就係 AI 呢個領域嘅重心。

舉個簡單例子，食鬼入面嘅敵人由電腦控制，一個教電腦控制啲敵人嘅可能演算法如下：


上述嘅碼會令啲敵人曉追趕主角－有少少似有智能嘅噉。

早期－廿世紀中－嘅電子遊戲經已有喺度用相對簡單嘅 AI，而廿一世紀初及後，電子遊戲嘅 AI 仲成為咗遊戲製作上嘅一個大課題。遊戲製作嘅專家會研究用乜嘢演算法整一隻遊戲嘅 AI 先最可以令玩家過癮，而且 AI 仲有俾人運用嚟做控制 NPC 以外嘅工作，例如係做遊戲測試（game testing；喺隻遊戲出街前測試隻遊戲玩起上嚟點）同遊戲分析（game analytics；對玩家嘅行為作出分析）等都有用到 AI 相關嘅技術。

人工智能係自駕車（driverless car）科技當中不可或缺嘅一環。直至 2016 年為止，總共有 30 間主要公司都有喺度用人工智能整自駕車，而「人工智能可以點樣幫助自駕車技術」係人工智能領域當中好受關注嘅一環：


人工智能喺醫療上嘅用途好廣泛：


人工智能哲學（philosophy of artificial intelligence）係對人工智能嘅哲學探討：人工智能同哲學－尤其係心靈哲學（philosophy of mind）－相當有關，因為兩個領域都關注智能、心靈、意識以至自由意志（free will）等嘅概念。再加上人工智能嘅技術理論上可以引致人造心靈嘅出現，而噉做會引起唔少道德上嘅問題，所以道德哲學等嘅領域都對人工智能嘅相關討論有興趣。

人工智能哲學上嘅思考會試圖回答以下嘅問題：

圖靈測試（Turing test，簡稱「TT」）係人工智能哲學上一個出名嘅議題。圖靈測試係由英國數學家亞倫圖靈（Alan Turing）喺 1950 年諗出嚟嘅一個測試，用嚟檢驗一部機械係咪展現到好似人噉嘅有智能行為。最基本嗰種圖靈測試步驟如下：一次測試會有一個人類負責做評判，跟住又有一個人類同部受試嘅機械，兩者分別噉同個評判講嘢；個評判唔會見得到個人類同個受試者，淨係有得用鍵盤同熒幕等嘅方法同受試者傾偈，最後個評判就要答，兩個受試者當中邊個係人邊個係機械－而如果搵咗一班評判返嚟之後，發現班評判嘅判斷嘅準確性唔明顯好過隨機靠撞（答中率等如 50%）嘅話，嗰部受試機械就算得上係通過咗圖靈測試，展現出同人類無異嘅智能。

圖靈測試喺人工智能哲學上引起咗廣泛討論。例如有學者批評圖靈測試指出，嚴格嚟講，就算一部機械通過咗圖靈測試，都只係表示佢曉喺一個人工環境下做某啲工作，但有智能嘅行為要求嘅係能夠喺自然環境下生存，所以圖靈測試喺測試機械智能上嘅功用有限。因為噉，有學者諗出咗新版嘅圖靈測試，好似係所謂嘅「真正完整圖靈測試」（Truly Total Turing Test，TRTTT）噉，就認為一部機械要算得上展現人類智能，佢就需要能夠喺自然環境下達成人類能夠達成嘅重大成就，包括係－好似人類噉樣－創作出藝術品、音樂、遊戲以及語言等嘅文化產物。

人工智能早喺 19 世紀初經已喺科幻（sci-fi）或者類似體裁嘅創作當中出現：由英國作家瑪莉雪萊（Mary Shelley）寫嘅經典科幻小說《科學怪人》（Frankenstein）涉及咗一個人類科學家創造咗一隻有血有肉、有智能嘅生命體（喺廣義上算係人工智能），而呢隻生命體仲有自己嘅意志，仇視佢嘅創造者同埋對佢嘅創造者造成威脅，可以算係早期用咗人工智能橋段嘅科幻作品。

西人一路都有喺度憂慮人工製造嘅智能體會對人構成威脅，出咗兩派見解：一方面，人工智能叛變（AI takeover）呢條橋喺科幻創作（尤其係反烏托邦性嘅 cyberpunk）當中成日出現，廿世紀尾嘅《未來戰士》（Terminator）故仔講能夠控制全世界嘅電腦系統嘅人工神經網絡程式「天網」為咗唔想俾人閂佢而嘗試消滅人類、《廿二世紀殺人網絡》（The Matrix）故仔就係講機械同人類打仗，而且仲將人嘅精神韞喺虛擬世界入面嚟攞佢哋嘅身體做能源、廿一世紀初嘅作品《智能叛侶》（Ex Machina）嘅其中一個主要角色就係一個為咗唔想俾人韞住而呃人謀殺人嘅人工智能機械人；另一方面，又有一啲作品描繪一啲對人好忠心好友善嘅人工智能，好似係日本嘅《叮噹》同《小飛俠阿童木》噉，都係以對人友好嘅人工智能機械人做主角。

機械人三定律（the Three Laws of Robotics）係由美國著名科幻作家阿西莫夫（Isaac Asimov）喺佢多份作品當中提出嘅諗頭。根據佢嘅見解，人工智能機械人必需遵守三條法則：

呢三條定律確保咗啲機械人會聽話，肯為咗服務人類而犧牲自己得嚟，又唔會俾某啲人類利用嚟做一啲傷害他人嘅嘢。機械人三定律喺西方社會係一個社會大眾喺有關機械人道德嘅討論上常見嘅話題，常見到俾人當咗係橋段嘅一種，但專業嘅人工智能研究者多數都因為嫌呢三條定律有歧義等嘅問題，而好少可會認真噉看待佢哋。

除此之外，又有一啲文學影視作品試圖透過比較人工智能同埋人類智能嚟令到讀者觀眾反思乜嘢為止「人」，呢啲作品好多時都係描述有能力感受（物理上同心理上嘅）痛苦嘅人工智能，並且透過描繪佢哋嘅掙扎嚟引起讀者觀眾討論呢啲人工智能應唔應該俾世人當成「人」。例如係由美國大導演史匹堡（Spielberg）執導嘅戲《人工智能》（A.I.: Artificial Intelligence）噉，套戲嘅主角係一個俾人創造，用嚟俾啲冇仔女嘅夫婦有得湊細路嘅機械男仔大衛，佢由俾養母抗拒至受接納，後嚟再因為想變成一個有血有肉嘅人類男仔而冒險，當中有一幕係噉嘅：大衛俾一班仇視機械人嘅人捉咗，而當嗰班仇視機械人嘅人打算當眾處死大衛嗰陣，啲圍觀嘅人見到佢迫真嘅外形同埋佢嘅行為舉止，以為佢係一個真嘅人類細路而反對處死佢－呢一幕令到好多觀眾反思內部用金屬造但有情感嘅大衛算唔算係一個「人」。




#Article 96: 監躉困境 (139 words)


監躉困境（Prisoner's dilemma）係博弈論入面非零和博弈代表性嘅例子，反映個人各自最佳選擇唔一定會帶來團體最佳選擇。喺現實之中嘅價格競爭、環境保護等領域中都經常會出現類似嘅情況。

一次同多次重複嘅監躉困境嘅結果係有所唔同。喺重複嘅監躉困境入面，一個玩家唔合作，第二啲玩家喺下一回合都有機會罰佢。呢個時候合作可能會係個納殊平衡而出現。呃人嘅動機呢個時候可能被受到懲罰嘅威脅所克服，呢種諗法從而可能導向一個比較好同比較合作嘅結果。作為反覆接近無限嘅數量，納殊均衡點趨向於帕累托最優。

監躉困境嘅主旨係監躉們雖然彼此合作，死都唔出聲，可以為全體帶來最佳利益（無罪開釋），但係喺資訊不明嘅情況之下，因為做二五仔可以為自己帶嚟利益（縮短刑期），也因為對方將自己供出來可以為佢自己帶嚟利益，所以互相出賣雖然違反最佳共同利益，但反而係自己最大利益所在。既然喺任何情形之下背叛都會比合作更加有利，咁樣所有理性嘅犯人都將會背叛對方。

兩個玩家通過合作或者背叛嘅方式由莊家（警方）度得到最大嘅回報。呢種搏弈如同搏弈論入面所有嘅案例一樣，每個玩家（“監躉”）關注嘅注努力將自己嘅利益最大化，而唔需要考慮另一個玩家嘅處境。所以結論就係喺監躉困境當中背叛一定會壓倒合作而成為優勢策略，呢種搏弈嘅唯一可能均衡點就係所有玩家最後都會背叛。

雖然講就係咁講，但實際上執法機構係冇可能佈個咁嘅局嚟引監犯招供，因為監犯必須考慮刑期以外嘅因素（做二五仔可能會俾人覆桌），而無辦法完全以執法者所畀嘅利益（刑期）嚟考慮。

警方拉咗甲、乙兩個嫌疑犯，但係冇足夠証據告佢哋。於是警方分開囚禁嫌疑犯，同佢哋見面並提供以下嘅選擇：

用表格概述如下：

如同博弈論嘅第啲例證，監躉困境假設每個參與者（即「監躉」）都係利己嘅，即都尋求自身最大利益，而唔會關心另一個參與者嘅利益。參與者一個策略所得嘅利益，如果喺任何情況下都比第啲嘅策略低嘅話，呢一個策略就叫做「嚴格劣勢」，理性嘅參與者係絕對唔會選擇。另外，沒有任何外部力量干預個人決策，參與者可完全按照自己意志嚟選擇策略。

監躉到底應該選擇哪一項策略，才能將自己個人嘅刑期縮至最短？兩名監躉由於係隔絕監禁，並唔會知道對方嘅選擇；而即使佢哋可以傾計，都未必會信對方唔會反口。就個人嘅理性選擇而言，背叛對方所得嘅刑期，比沉默要嚟得低。試諗下喺困境下佢哋兩個會如何作出選擇：

二人面對嘅情況一樣，所以二人嘅理性思考都會得出相同嘅結論——選擇背叛。背叛是兩種策略之中嘅支配性策略。因此，這場博弈中唯一可能達到嘅納殊均衡，就是雙方參與者都背叛對方，結果二人同樣服刑2年。

呢場博弈嘅納殊均衡，顯然唔係顧及團體利益嘅帕累托最優解決方案。以全體利益而言，如果兩個參與者都合作保持沉默，兩個都只係需要坐半年，總體利益更加高，結果也比兩個互相背叛對方、結果要坐 2 年嘅情況更加好。但係根據以上嘅假設，二個都係理性嘅'個人'，而且只會追求個人利益。均衡狀況會係兩個都選擇背叛對方，結果二個嘅判罰都比一齊合作更加重，總體利益較合作為低。呢個就係“困境”所在。例子証明咗：非零和博弈入面，帕累托最優同納殊均衡係互相衝突嘅。

試諗下監躉困境嘅情況進行十次。

我哋可以合理咁假設，如果監躉第一次被對方指控，第二次呢個監躉就會指控番對方。相反，如果第一次人哋唔出聲，大家建立咗互信嘅關係，你都會保持沉默，達致帕累托最優。

當然兩個監躉都會有相似嘅諗法，喺第一局保持沉默，期望建立互信嘅關係，所以雙方都會保持沉默。喺第二局時，雙方亦應該會有相似嘅諗法，繼續保持沉默，以期繼續係互信嘅情況下進行第三局同之後幾局。

呢種諗法合唔合理？

喺第十局時，互信嘅關係明顯係冇意義嘅，因為十局已經完結，監躉冇必要為維持互信嘅關係而沉默（冇第十一局），所以第十局監躉一定會背叛對方，理由同只有一局監躉困境一樣。

既然大家都知道喺第十局，對方都一定會背叛自己，咁你喺第九局再唔出聲都係冇意思，需知道唔出聲（友好關係）嘅原因係因為希望下一局人哋都會同你一樣唔出聲。所以第九局兩個都一定會背叛對方。

兩個都有相同嘅諗法，明知第九局對方會背叛自己，所以第八局唔出聲都係冇意思，第七局亦都一樣……如此類推，納殊均衡結果係十局都會互相背叛，所以建立互信關係係冇可能嘅。

結論就係只有喺大家都唔肯定監躉困境有幾多局嘅情況下，上述嘅推論先唔會發生，先至會出現大家都唔出聲嘅現象。

整理監躉困境嘅基本博弈結構，可以更加清楚咁分析監躉困境。實險經濟學成日用呢種博弈嘅一般形式嚟分析各種論題。以下係實現一般形式嘅其中一個例子：

有兩個參與者同一個莊家。參與者每人有一式兩張卡片，上面各印有“合作”同“背叛”。參與者各將一張卡片有字嗰一面向下，放係莊家面前。咁樣可以防止參與者知道對方嘅選擇。之後莊家掀開兩個參與者嘅卡片，根據以下規則支付利益：

用支付矩陣表格展示支付如下（以紅和藍分別代表兩個參與者）：

簡單博弈得到嘅點數可以得出一啲一般化嘅結論。

若果以 T（Temptation）= 背叛誘惑，R（Reward）= 合作報酬，P（Punishment）= 背叛懲罰，S（Suckers）= 受騙支付，以個人選擇得分嚟講，可以得出以下嘅不等式。

T  R  P  S

（解：從 5  3  1  0 得到上面嘅不等式）

若以整體獲分而言，將會得出以下嘅不等式。

（解：2×3  5+0 或 2×3 2x1 ；合作 2 人一共得 6 分，比起互相背叛嘅共得2分同埋單獨背叛嘅共得5分，顯然合作獲分比背叛高。合作喺團體而言係支配性策略。）

而重復博弈或重復嘅監躉困境將會使參與者從注重 T  R  P  S 轉變成注重 2R  T+S 。即係話將使參與者脫離困境。

以上理論係由道格拉斯·理查·霍夫施塔特創立嘅。

上面嘅例子可能顯得唔係好自然，但喺現實當中，無論係喺人類社會或者大自然都可以搵到類似監躉困境嘅例子，將結果劃成同樣嘅支付矩陣。社會科學入面嘅經濟學、政治學同社會學，以及自然科學嘅動物行為學、進化生物學等學科，都可以用監躉困境嚟分析，模擬生物面對無止境嘅監躉困境博弈。監躉困境可以廣泛使用，說明咗呢種博弈嘅重要性。以下就係各界嘅例子：

喺政治學入面，兩國之間嘅軍備競賽可以用監躉困境嚟描述。兩國都可以聲稱有兩種選擇：增加軍備（背叛）、或者係達成削減武器協議（合作）。兩國都無辦法肯定對方會遵守協議，所以兩國最終都係會傾向增加軍備。似乎自相矛盾嘅係，雖然增加軍備會係兩國嘅「理性」行為，但結果卻顯得「非理性」（例如會對經濟造成損壞）。咁可以睇成遏制理論嘅推論，就係以強大嘅軍事力量嚟遏制對方嘅進攻以達到和平。

兩個國家，喺關稅上可以有以兩個選擇:

當其中一國因為某啲因素而唔遵守關稅協定，而單方面提高關稅（背叛）嗰時，另一國亦都會作出同樣嘅反應（即背叛），咁就會引發咗關稅戰，兩國嘅商品同時冇咗對方嘅市場，對自己經濟亦都造成損害（共同背叛嘅結果）。然後兩國又重新達成關稅協定。（重覆博弈嘅結果係將發現共同合作嘅利益先係最大。）

商業活動入面亦都會出現各種監躉困境嘅例子。以廣告競爭為例：

兩間公司互相競爭，佢哋嘅廣告互相影響，即一間公司嘅廣告較被顧客接受就可以攞到對方部分嘅收入。但係若果兩者同時期發出相類似嘅廣告，收入增加很少但成本增加。但若果唔提高廣告質量，生意又會被對方搶走。

呢兩間公司可以有兩個選擇：

若果兩間公司都唔信任對方而無辦法合作，背叛成為支配性策略嗰陣時，兩間公司就會陷入廣告戰，而廣告成本一增加就會損害咗兩間公司嘅收益，呢個就係陷入監躉困境。事實上要兩間互相競爭嘅公司達成合作協議係比較困難嘅，多數情況都係會陷入監躉困境入面。

單車實事嘅比賽策略亦都係一種博弈，而其結果可用監躉困境嘅研究成果解釋。例如每年都舉辦嘅環法單車賽中就有以下嘅情況：選手係到達終點前嘅路程常以大隊伍（英文:Peloton）方式前進，佢哋採取這策略是為了令自己不至於太落後，又出力適中。而最前方嘅選手在迎風時是最費力嘅，所以選擇在前方是最差嘅策略。通常會發生咁樣嘅情況，大家起先都不願意向前（共同背叛），這使得全體速度很慢，而後通常會有二或多位選手騎到前面，然後一段時間內互相交換最前方位置，以分擔風嘅阻力（共同合作），使到全體嘅速度有所提升，而呢個時候如果前面其中一個試圖一直保持領先嘅位置（背叛），第啲選手以及大隊伍就會全力趕上（共同背叛）。而通常嘅情況係，排頭位次數最多嘅選手（合作）通常會到最後被落後嘅選手趕上（背叛），因為後面嘅選手騎在前面選手嘅衝流之中，唔駛用咁多力。

威廉。龐德斯通（William Poundstone）喺佢嘅著作入面用一個新西蘭嘅例子嚟說明監躉困境 : 喺新西蘭，報紙檔既無人睇檔亦都冇個櫃去鎖住啲貨，啲人放低錢之後就可以攞走份報紙。當然其中一定會有人偷報紙（背叛），但由於大家知道如果個個都係咁（共同背叛）就會造成以後唔方便嘅有害結果，所以實際上好少人會去偷報紙。呢個例子嘅特別之處就係新西蘭人並冇俾任何第啲因素影響而能夠脫離監躉困境。並冇任何人特別去注意報紙檔，啲人守規則係為咗避免出現共同背叛而帶嚟嘅惡果。呢種因避免監躉困境而出現嘅共同推理 / 諗法就叫做“異想（magical thinking）”。

監躉困境嘅結論係促使好多國家唔俾認罪減刑（Plea Bargain）實行嘅原因之一。

監躉困境帶來嘅結論係：如果有二個罪犯，其中一人犯罪而另外一個係無辜嘅，犯罪者會為了減刑坦白一切甚至冤枉清白者（單獨背叛）。最壞嘅情況係如果佢哋二人都被判入獄就會搞到坦白但真係有犯罪嗰個人嘅刑期比較少，冤枉嗰個嘅刑期反而更加多。

現實當中嘅博弈參與者唔只一方，會有多方參與嘅監躉困境。加勒特。詹姆斯。哈丁（Garrett James Hardin）嘅公用品悲劇就係一個例子：「公用品悲劇係指凡係屬於大家嘅公共財產往往就係最少人關注同埋照顧嘅財產」。舉個[漁業嘅例子 : 公海入面嘅魚係公有嘅，而喺就算自己唔濫捕其第啲人都會濫捕嘅思想下，漁民就會啋你都傻繼續大撈特撈，結果搞到海洋生態破壞，漁民嘅生計亦都受影響（共同背叛嘅結果）。但係多方監躉困境嘅提法有待商榷，因為其總是可以被分解為一組組經典嘅二方監躉困境。即係話只有二方嘅監躉困境，係冇多方嘅。所謂多方嘅監躉困境只係由多個二方監躉困境混雜在一起而形成嘅錯覺。

羅伯特。阿克塞爾羅德喺佢嘅著作《合作嘅進化》入面探索出經典監躉困境情景嘅一個擴展，並叫佢做“重覆嘅監躉困境”（IPD）。喺呢個博弈入面，參與者必須反覆咁選擇佢哋彼此相關嘅策略，並且記住佢哋以前嘅對抗。阿克塞爾羅德邀請全世界嘅行家嚟設計電腦策略，並喺一個重復監躉困境競賽入面互相競爭。參賽嘅程序嘅差異廣泛咁存在喺呢幾方面：計法嘅複雜性、最初嘅對抗、寬恕嘅能力等等。

阿克塞爾羅德發現，當呢啲對抗被每個選擇唔同策略嘅參與者一再重覆咗很長時間之後，從利己嘅角度來判斷，最終“貪婪”策略趨向於減少，而比較“利佢”策略更多地被採用。佢用呢個博弈嚟說明通過自然選擇，一種利佢行為嘅機制可能係由最初純粹嘅自私機制進化而嚟嘅。

最佳確定性策略被認為係“以牙還牙”，呢個係阿納托爾。拉波波特（Anatol Rapoport）開發並運用喺錦標賽入面嘅方法。佢係所有參賽程序之中最簡單嘅，只包含咗四行 BASIC 語言，最後重贏埋埸比賽。呢個策略只不過係喺度重覆博弈嘅開頭合作，然後採取你嘅對手上一回合嘅策略。更加好嘅策略係“寬恕咁以牙還牙”。當你嘅對手背叛，喺下一個回合你無論如何要以小概率（大約係 1%-5%）時而合作一下。咁係考慮到偶爾要從循環背叛嘅受騙中復原。當錯誤傳達被引入博弈時，“寬恕地以牙還牙”係最佳嘅。這意味著有時你嘅動作被錯誤地傳達給你嘅對手：你合作但係你嘅對手聽說你背叛了。

通過分析高分策略，阿克塞爾羅德指定了策略獲得成功嘅幾個必要條件。

因此，阿克塞爾羅德得到一種給人以烏托邦印象嘅結論，認為自私嘅人為咗自己嘅利益會趨向友善、寬恕同不嫉妒。阿克塞爾羅德關於重復監躉困境嘅研究嘅重要結論之一就係友善嘅人最後先至可以完成到交易。

重新考慮經典嘅監躉困境一節中給定嘅軍備競賽模型：結論係，只係理性策略增進了軍事力量，似乎兩個國家都寧可花費其GDP在槍炮而不係黃油上。有趣嘅係，企圖說明對抗國家實際上以這種方式（在“重復監躉困境假定”下嘅不同時期，軍費支出在“高”和“低”之間反復）競賽嘅嘗試，卻經常表明假定嘅軍備競賽並沒有如預想嘅那樣出現。（例如希臘人和土耳其人嘅軍費支出，看來並不像遵循“以牙還牙”嘅重復監躉困境式嘅軍備競賽，卻更可能係被其國內嘅政策所驅使。）這可能係一次性博弈和重復性博弈中嘅理性行為不同嘅例子。

對一次性監躉困境博弈來說，最佳（點數最大化嘅）策略係簡單地背叛；正如前面解釋嘅，無論對手嘅行動可能係乜，這都係真實嘅。但係，在重復嘅監躉困境博弈中，最佳策略依賴於可能嘅對手嘅策略，和佢哋怎樣對背叛和合作作出反應。例如，考慮咁樣一個人群，那裏每個人每次都背叛，除了一個人係遵循以牙還牙策略。這個人處於一種輕微嘅不利地位，因為第一回合嘅損失。在咁樣嘅人群中，對這個人來說最佳策略就係每次都背叛。在一個有一定嘅百分比嘅總背叛者而剩下嘅則係以牙還牙者嘅人群中，對個人來說嘅最佳策略依賴於這個百分比和博弈嘅長度。

一般嚟講有兩種方法去得到最佳策略：

即使以牙還牙始終俾人認為係最可靠嘅基本策略，但係喺重復監躉困境嘅 20 週年紀念賽入面，嚟自英國南安普敦大學嘅一個小組（由尼古拉斯·詹寧斯（Nicholas Jennings）領導，包括拉蒂普·達什（Rajdeep Dash）、薩瓦帕裏。拉姆瓊（Sarvapali Ramchurn）、亞歷克斯。羅傑斯（Alex Rogers）斯同皮魯克裏士南。維特林根（Perukrishnen Vytelingum））介紹咗一個新嘅策略，呢個策略證明咗瞭解佢比用以牙還牙更加成功。呢個策略依賴於程序之間嘅合作，為單一程序中獲得咗最高嘅點數。南安普敦大學提交咗 60 個程序嚟參與比賽，呢啲程序嘅開頭被設計成通過一組5到10個嘅動作去彼此識別。一旦呢啲識別被作出，一個程序將總係合作，第啲程序則總係背叛，保證背叛者得到最大嘅點數。如果程序識別出它在操作一個非南安普敦參與者，這程序將持續地背叛，企圖去最小化競爭程序嘅得分。結果，這個策略以獲得前3位結束了競賽，亦都得到咗大量接近底部嘅位置。雖然呢個策略顯著地證明瞭比以牙還牙有效，但係咁係由於用咗下述事實：喺呢個特殊嘅競賽當中，多重通道係被允許嘅。在一方只能控制單一參與者嘅競賽中，以牙還牙確實係更好嘅策略。

如果重復監躉困境將被精確地重覆 N 次，已知 N 係一個常數，咁樣就會產生另一個有趣嘅事實。納殊均衡就係每次都背叛。這很容易用歸納法證明。你也可以在最後嘅回合背叛，既然你嘅對手將沒有機會懲罰你。因此，你哋都將在最後嘅回合背叛。這時，你可以在倒數第二回合中背叛，既然最後一回無論你做乜，你嘅對手都將背叛。依此類推。為了合作以保持請求，這時未來必須對兩個參與者來說係不確定嘅。一個解決方案係讓博弈總次數N變成隨機嘅。對未來嘅預期必須係無法確定嘅長度。

另一個獨立嘅案例係“永不停止”嘅監躉困境。呢個博弈被重覆過好多次，而且你嘅分數係一個平均數（當然係用電腦計出嚟）。

監躉困境博弈係某啲人類合作同信任理論嘅基礎。假定監躉困境能夠模擬需要信任嘅兩個人之間嘅交流，群體嘅合作行為可以用有多個參與者嘅、重復博弈嘅變體來模擬。這從而引起咗好多學者經久不衰嘅興趣。1975年，格羅夫曼（Grofman）同普爾（Pool）估計致力於呢方面研究嘅學術文章數量超過 2000 篇。

當博弈參與者能學會估計第啲參與者背叛嘅可能性，佢哋自身嘅行為就為佢哋關於其第啲人嘅經驗所影響。簡單嘅統計顯示，總體上，缺乏經驗嘅參與者與第啲參與者嘅互動，或者係典型嘅好，或者係典型嘅壞。如果佢哋在這些經驗嘅基礎上行動，（通過更多嘅背叛或合作，否則）佢哋可能在未來嘅交易中受損。隨著經驗逐漸豐富，佢哋獲得了對背叛可能性嘅更真實嘅印象，變得更成功地參與博弈。不成熟嘅參與者經歷嘅早期交易對佢哋未來參與嘅影響，可能比這些交易對成熟嘅參與者嘅影響要大得多。這個原理部分地解釋了，點解後生仔嘅成長經驗咁有影響力，同埋點解佢哋特別容易俾人烚，有時佢哋自己最後都會成為欺凌弱小者。

群體中背叛嘅可能性，可以被合作嘅經驗所削弱，因為先前嘅博弈建立了信任。因此自我犧牲行為可以，例如，加強團體嘅道德品質。如果團體很小，積極行為更可能以互相肯定嘅方式——鼓勵這個團體中嘅個人繼續合作——得到反饋。這與相似嘅困境有關：鼓勵那些你將援助嘅人，從可能使佢哋處於危險嘅境地嘅行為中得到滿足。這類方法主要在互惠利佢主義、群選擇、血緣選擇和道德哲學嘅研究中涉及。

道格拉斯。理查。霍夫施塔特曾經提出好似監躉困境呢一嘅嘅問題，若果以簡單博弈嘅形式嚟說明，啲人會比較容易理解。例如佢月“密封袋交易”嘅簡單博弈嚟說明呢個論題：

喺呢場博弈中，由於背叛可以得到巨大利益，一定會有好多人選擇背叛。咁意味住理性嘅商人不會進行呢一交易，因而“密封袋交易”將會因為逆向選擇而失去市埸。

呢個支付矩陣係：

喺係敵係友入面，每個參賽者都可以做一個聲明，使另一半友喺雙方秘密決定合作或者背叛之前，確信佢嘅友善。可能“打破制度”嘅方法將係一個參與者告訴佢嘅對手：“我會選擇做敵人。如果你相信我後來會同你對分奬品嘅話，就選擇做朋友。否則，如果你選擇做敵人，我哋都回空手而回。”一個更貪婪嘅版本將會係：“我將選擇做敵人。我會畀百分之 X 你，剩落嚟嘅百分之（100 - X）就歸我。要定唔要？要嘅就我哋每人都分到啲，唔係就一齊得個吉。”（喺最後通牒博弈入面嗰陣時。)依家奸計就係去盡量減少嗰百分之 X ，並保持另一個競爭者仍然選擇做朋友。基本上呢個參與者必須知道呢個界限，喺呢度佢嘅對手從看到佢一無所獲中得到嘅效用，要超過佢從肯定贏到嘅錢入面得到嘅效用 - 如果佢順利嘅話。

喺競賽入面呢個方法從來都冇試驗過；可能係因為裁判唔會批準，而且就算批準，不平等厭惡亦都會由於呢個規則嘅使用而導致較低嘅期望收益。（最後通牒博弈中嘗試咗呢個方法，結果導致對高而不平等嘅出價嘅拒絕——喺一啲案例入面，相當於兩個禮拜嘅人工優先於兩個參與者乜都冇被決絕。）

註解：

參考： 

除咗解釋沒有小偷小摸，異想還用於解釋志願投票之類嘅事情（在非投票者被認為是搭便車者嘅地方）。可能，這還可以用來解釋維基百科貢獻：文本在如下嘅假定下被添加——如果沒人貢獻，相似嘅人也將不會去貢獻（即從效果到緣由嘅爭論）。或者，解釋要依賴於可預料嘅未來行動（不需要神奇嘅聯繫）。為未來嘅交流作模型需要增加有限嘅維，就像在重復嘅監躉困境一節中給定嘅。

例如參看2003年嘅研究：關於概念嘅討論，和是否能運用於真實嘅經濟或統計情形（來自特拉維夫大學）。

顯示高波·拉姆瓊嘅南安普敦大學策略位於前3名，儘管與GRIM策略相比，有較少嘅贏利同更多嘅失敗。（注意，喺監躉困境錦標實入面，博弈嘅目標唔係“贏得”比實——通過經常背叛，咁係好容易就能夠達到。）同樣需要指出嘅係，即使喺軟件策略（由南安普敦大學嘅小組開發）之間冇隱含結論，以牙還牙亦都唔係任何既定競賽嘅絕對贏家。講得更準確啲，佢喺一系列競賽入面嘅最終結果贏過佢嘅對手。（喺任何項目當中，給定嘅策略能稍微比以牙還牙更適應競賽，但是以牙還牙更穩固）。這同樣適用於附加寬恕變量嘅以牙還牙和第啲最佳策略：在任何一天，佢哋可能無辦法“贏得”一個對抗策略嘅特別組合。

呢個爭論——關於出於信任嘅合作嘅發展——出自《群眾嘅智慧》，呢本書表明，長久嘅資本主義能夠圍繞教友派信徒嘅核心形成，呢啲教友派信徒們總係體面地同佢哋嘅生意合伙人交易（而唔係背叛同食言——一種已經阻礙咗早先嘅、非強制履行嘅長期境外合同嘅現象）。咁就表明同可靠嘅商人作交易使合作擬子（meme）傳播俾第啲交易者，呢啲交易者又將佢傳播到更遠嘅地方，直到高水平嘅合作喺一般商業活動之中成為有利可圖嘅策略。




#Article 97: 經典羣 (639 words)


經典李羣(classical Lie groups) 係四無限咁長嘅系列嘅李羣，係一般線性羣嘅子羣（即係線性空間嘅對稱羣）。「經典」呢個名有少少靈活性；最初用呢個名嘅應該係 Hermann Weyl係佢喺1940年本叫《Classical Groups》嘅書；呢個名可能係反影佢同「經典幾何」嘅關係，類似克來恩(嘅Erlangen program。

相對於經典羣嘅係特殊李羣()；佢哋喺抽象嘅觀點上相似，但直覺上就唔係咁易明。

有時人會集中討論緊緻羣，因為佢哋嘅表示論同代數拓樸特別簡單。但咁就包唔到一般線性羣－一般認為最「經典」嘅羣。


#Article 98: 太空 (216 words)


太空（；英文：space），又有叫做外太空（outer space）、宇宙空間、或者外層空間，指嘅係天體（包埋地球）之間嗰個好大好大嘅空間。太陽、月球、同埋八大行星冚唪唥都係喺太空入面飄嚟飄去嘅。太空好接近真空：宇宙大部份嘅空間都係空寥寥嘅星際空間，就連星系當中嘅空間都係以乜都冇嘅空間佔咗大半橛。佢當中啲嘢密度都好低：佢裏面有啲氣體，以等離子態嘅氫（Hydrogen）為主，呢啲氣體稀薄得好緊要，冇可能令人唞到氣；太空嗰度又有啲背景輻射（指太空度一啲來源不明嘅電磁輻射），佢哋估計係由大爆炸（Big Bang）嗰度留落嚟嘅，令到太空叫做有些少能量喺度，但係太空嘅溫度平均仲係喺攝氏零下 268 度左右，凍到乜噉，差唔多去到絕對零度。除咗噉，太空嗰度仲有啲流星、宇宙射線、同眼睇唔到嘅重力場等嘅嘢。

地球同太空之間冇乜嘢好清楚嘅分界線，由地表嗰度計起，大氣層愈高就愈稀薄，冇話會喺某個高度啲空氣會突然之間唔見嗮。為咗方便起見，喺高空 100 公里嘅卡門線（Kármán line）一般都喺航天等嘅領域嗰度俾人習慣性噉當做地球同外太空之間嘅分界線，而用卡門線做地球同太空分界呢個慣例喺國際法等嘅地方都會用到，包括咗好出名嘅喺 1967 年制定嘅《外太空條約》（Outer Space Treaty）－呢條條約講明太空冇任何一個主權國家可以霸嗮，所有國家都有權自由噉探索佢，而佢對「太空」呢個詞嘅定義就係用咗「卡門線以外嘅空間」。

太空係目前已知嘅環境入面最近完美真空（Perfect vacuum）嘅。星系際空間（指星系之間嘅空間）幾乎係乜嘢都冇嘅－佢每立方米得嗰幾粒氫原子（相比之下，人類日常唞嘅空氣每立方米有大約 1025 粒氧氣等嘅分子）。呢個噉空嘅空間喺實際上冇任何嘅摩擦力，令到恆星、行星、各種其他嘅天體、同埋太空船有得好自由噉喺佢哋嘅理想軌道嗰度運行。一架太空船喺太空嗰度熄咗個引擎都可以無止境噉飛到永遠（除非佢撞到啲乜）。

呢個噉空嘅環境仲令到好似光噉嘅電磁波（Electromangetic wave）可以飛到好遠嘅距離，而唔會俾啲嘢散射（Scattering；指好似光呢類嘅波動因為佢哋嘅傳播媒介嘅影響而改變運行嘅方向）－一粒光子喺星際空間嘅平均自由徑（Mean free path）係 1023 公里（相當於 100 億光年），即係話一粒光子喺太空嗰度平均要行嗰個距離先至會撞到啲嘢。呢點令到好似哈勃太空望遠鏡噉嘅望遠鏡唔單止可以探測到好遠（幾百億光年）以外嘅光，而且科學家仲可以安心噉假設呢啲光大致上係跟住直線飛嘅，所以估起其他天體同地球嘅距離上嚟易好多。

太空入面嘅嘢之中淨係得好少部份係直接觀察得到嘅－據估計，太空裏面嘅嘢有成 90% 嘅係暗物質（Dark matter）同埋暗能量（Dark energy），呢啲黑暗嘅嘢似乎唔會放任何輻射（包括可見光），所以啲太空科學家嘅望遠鏡幾勁都冇可能會直接睇到佢哋，但係呢啲嘢產生嘅重力會影響睇得到嘅天體，而透過觀察呢啲重力影響就有得估計暗物質同暗能量嘅分佈。

外太空極之凍，温度好接近絕對零度。佢充滿咗一啲背景輻射，呢啲輻射有啲係由各個恆星（包括咗太陽）嗰度射出嚟嘅，而且喺宇宙起源嘅大爆炸嗰度亦都留咗啲宇宙微波背景輻射（Cosmic microwave background radiation）落嚟（所有熱嘅嘢都會放輻射）。目前太空嘅背景輻射嘅黑體温度大約係開氏 3 度左右。呢個温度相當於攝氏零下 270 度，華氏零下 454 度。喺太空嗰度嘅氣體嘅温度一定起碼等於呢個數字，但係佢入面少部份嘅空間會熱好多，例如係太陽嘅日冕（Corona；指包住恆星嘅一浸極熱等離子體）可以去到成開氏 120 萬至 260 萬度。

太空嗰度有好多對生物有害嘅輻射，呢啲輻射主要係能量好高嘅次原子粒子（Subatomic particle；好似係質子同電子呢啲細粒過原子嘅粒子）。除咗好似係行星嘅大氣或者磁場，佢哋基本上喺太空度暢通無阻噉射嚟射去，每粒帶嘅能量由 106 到 1020 電子伏特不等。呢柞高能量輻射足以傷害電子儀器同埋著住太空衣嘅人類。根據去完太空返嚟嘅太空人講，太空聞落有噚好似燒燶嘢同埋金屬噉嘅除，而呢噚除仲會黐喺佢哋啲太空衣同儀器度。

太空嗰度仲有啲磁場喺度。地球有股磁場保護住佢－地核會產生磁場，啲高能量嘅粒子好多都係帶電荷嘅，帶電荷嘅嘢會俾磁場影響而改變郁嘅方向，而地球股磁場就啱啱好令到射向地球嘅高能量粒子會改變飛行方向撞唔到落地表，保護咗包括人類在內嘅地表生物。除咗地球之外，有好多天體都曉產生磁場。例如係螺旋星系（Spiral galaxy；指螺旋形嘅星系）嘅恆星誕生過程就會產生一股大約 5 至 10 μ高斯（Gauss）嘅極弱磁場。

太空嘅環境可以話係極之惡劣，唔啱生物生存。一個人類如果冇著太空衣就走入太空嘅話一定會死得好慘，但係有某啲生物有能力喺太空環境之下生存一段長嘅時間：喺 2007 年，就有科學家發現歐洲 ESA BIOPAN 設施嘅地衣可以喺太空環境生存到成 10 日（人類喺太空入面生存到嘅時間係以秒嚟計嘅）；某啲植物品種嘅種子喺太空度擺咗一年半仲發到芽；除咗噉，枯草桿菌（Bacillus subtilis）又試過喺模擬嘅火星環境嗰度生存到 559 日。總括嚟講，好似人類噉嘅複雜生物喺太空嗰度生存唔到，但係好多簡單嘅生物－好似某啲植物品種同埋細菌－就得。

根據宇宙撒種說（Lithopanspermia hypothesis），一啲有生命嘅行星可能會因為地質活動等嘅原因將啲帶有簡單生物嘅岩石射出去太空嗰度，而呢啲岩石跟手會飛去其他行星，並且將生命散播到周圍都係。有太空科學家估話早期嘅太陽系就發生過啲噉嘅事，令到一啲好原始嘅生命體喺地球、火星、同金星之間傳嚟傳去。

地球空間（Geospace）係近地球嘅太空區域。地球空間包括咗大氣層嘅上層，好似係磁層（Magnetosphere；指地球磁場有影響力嘅區域）。呢個區域有好多人造嘅嘢：大量嘅人造衛星喺呢個俾人嗌做近地軌道（Low Earth orbit）嘅區域嗰度運行，而佢哋產生嘅太空垃圾（好似係爛咗嘅衛星碎片）都係呢個區域度飄嚟飄去嘅。呢個區域喺卡門線以上，喺定義上算係外太空嘅一部份，但係喺卡門線對上幾百公里之內嘅大氣密度都仲係唔低，高到可以對呢啲人造嘢做成阻力，所以喺近地軌道行嘅人造衛星吓吓隔幾日就要開吓引擎嚟維持軌道，而啲太空垃圾亦都會因為阻力而失速跌返落地表。

地球空間嘅磁層所霸嘅空間因為太陽風（Solar wind；太陽因為自己內部作用而射出嚟嘅高能量粒子）而唔係完美嘅橢球體－佢對住太陽嗰面因為俾太陽風嘅壓力撳住所以有些少撳扁咗。佢俾太陽風打到有條尾，而呢條尾仲可以伸到去差唔多相當於 1,000 個地球半徑噉長。月球個個月梗有大約四日會行經呢條尾，而喺呢段期間月球表面會少咗好多太陽風。

地球空間佈滿咗啲低密度嘅帶電荷粒子，佢哋同好多自然現象息息相關。呢啲粒子有時會俾太陽風暴（指太陽風喺某啲時候突然變勁）打中而郁並且產生電流；除咗噉，喺地磁風暴（Geomagnetic storm）嗰陣，地球空間嘅地帶可以變到好唔穩定，而呢啲風暴會造成好強嘅電流。呢啲各種嘅電磁現象可以永久噉整壞人造衛星嘅電子儀器，干擾到電子通訊同埋全球定位系統，亦都可以對喺嗰啲區域做緊嘢嘅太空人做成危險。同時，佢哋仲會令到一啲帶電粒子相撞同以光嘅形式嚟釋放能量－引致高緯度地區嘅上空度產生極光嘅現象。

地月空間（Cislunar space）就係指地球嘅大氣層同月球之間嘅區域。地球同月球之間嘅距離平均係 384,403 公里左右。一般習慣上都會當呢個區域以外嘅太空空間係深空（Deep space）。

行星際空間（Interplanetary space）指太陽系嘅恆星－太陽－同佢柞行星（包括地球在內嘅八大行星）之間嘅空間。呢個空間有得一路延伸到去太陽圈（Heliosphere；指以太陽嘅磁場同射出嚟嘅粒子做主導嘅空間）嘅盡頭嗰度。佢係用太陽風嚟定義嘅－太陽係噉向外射啲太陽風粒子，令到佢周圍有一個延伸成幾十億公里長嘅「太陽大氣層」，而呢個區域亦都係太陽嘅影響力範圍，一出咗呢個區域太陽嘅影響力就會大跌。而除咗太陽之外，其他恆星都有各自嘅行星（喺 1995 年發現咗第一粒太陽系外行星），所以都有各自嘅行星際空間。

太陽系嗰個行星際空間差唔多係完全真空，而喺呢個區域入面嘅平均自由徑大約係 1 個天文單位（Astronomical unit；指大約地球同太陽之間嘅距離）左右。呢個空間有些少宇宙射線，而呢啲射線包括咗離子化咗嘅原子核同埋唔同嘅次原子粒子。呢個區域大把太陽風，太陽風嘅密度平均係每立方厘米 5 到 10 粒質子，佢以秒速 350 到 400 公里向太陽嘅四周圍猛噉吹；除咗噉，呢個區域入面仲有啲氣體、等離子體、塵埃、流星、同埋少少有機分子等嘅濕碎嘢。呢啲濕碎嘢會反射太陽射出嚟嘅光，有時夜晚嗰陣喺地表用肉眼都會望得到佢哋－即係所謂嘅黃道光（Zodiacal light）現象。

行星際空間有好多磁場。太陽同八大行星嘅大部份（包括地球、木星、土星、同水星等）都曉產生各自嘅磁場。各個行星嘅磁場都會因為太陽風嘅壓力而變形，並且喺粒行星後面形成一條好長嘅尾。呢啲行星磁場會改變佢周圍啲太陽風粒子嘅運行方向，並且保護佢哋所屬行星嘅表面唔會俾太陽風直接打擊。好似火星呢啲冇磁場嘅行星會受到太陽風嘅直擊。呢點除咗令到佢嘅表面唔啱生物生存之外，仲會令到佢個大氣層俾太陽風慢慢噉吹走，呢個亦都係火星個大氣層比地球嗰個薄噉多嘅主要原因。

星際空間（Interstellar space）係指同一個星系入面啲恆星系之間嘅空間，而星際物質（Interstellar medium）就係喺呢個空間入面嗰啲物質。星際物質入面有成大約 70% 左右嘅質量係單獨嘅氫原子，而淨低嘅就多數係氦（Helium），仲有少量嘅由恆星核合成（Stellar nucleosynthesis）嗰度嚟嘅重原子－恆星內部嘅核聚變（Nuclear fusion）等嘅反應係透過將氫呢啲細粒原子撞埋一齊嚟產生能量（光同熱）同大粒原子嘅，呢啲大粒原子會以恆星風（Stellar wind）等嘅形式俾佢哋所屬嘅恆星射出去太空嗰度，而且一粒超新星（Supernova）爆嗰陣佢入面又會有好多嘢飛出太空度。星際空間嘅物質密度可以好唔同：平均大約係每立方米 106 粒粒子，但係凍啲嘅分子雲（Molecular cloud）入面可以有每立方米 108 到 1012 粒粒子。

星際空間有唔少種類嘅粒子存在，包括得 0.1 微米噉細嘅塵埃粒子。喺呢啲空間度有啲分子雲－指一啲物質密度高些少嘅區域，而喺呢啲區域度嘅粒子可以有化學反應產生啲複雜啲嘅多原子（Polyatomic）嘅物質種類。帶有能量嘅宇宙射線會穿過又凍又密嘅分子雲，將嗰度嘅粒子（主要係氫同氦）離子化或者令到佢哋能量增加（噉嘅話佢哋就更加有機會會撞埋一齊做化學反應），甚至仲會產生含碳（Carbon）嘅有機物質分子。

最近地球嘅星際空間區域係太陽 100 秒差距（Parsecs；1 秒差距大約等如 3.2616 光年）之內嘅區域。呢個區域大致上同本地泡（Local Bubble）相等。「本地泡」係銀河系獵戶臂（Orion Arm）當中一個密度零舍低嘅區域。佢四周圍有啲密嘅分子雲圍住，而佢入面有大約 104 到 105 粒恆星同埋一啲温度去到開氏 7000 度左右、半俓由 0.5 到 5 秒差距長嘅星際雲。

星系際空間（Intergalactic space）係指星系（Galaxy；一大堆俾萬有引力吸埋一齊嘅恆星系，包括咗太陽系身處嘅銀河系）之間嘅空間。對於星系嘅研究顯示宇宙入面有大約 1/10 嘅空間俾各種嘅星系霸住，而淨低落嚟嘅空間幾乎係完全空嘅。宇宙嘅密度分佈好明顯唔均勻，佢嘅物質密度由喺星系入面嘅非常高去到喺廣大嘅星系際空間嘅非常低，喺星系際空間度每立方米連 1 粒氫原子都未必有。

星系之間有啲稀薄嘅等離子體圍住。呢啲等離子體俾人嗌做星系際介質（Intergalactic medium），以俾啲嘢電離咗嘅氫為主，所以有數量大致上相等嘅電子同質子。佢哋似乎有纖維狀嘅結構，而且密度係宇宙平均嘅 10 到 100 倍，每立方米有 10 到 100 粒氫原子。

以地球嘅標準嚟睇，星系際介質嘅温度熱得好交關，當啲氣體由空洞走入去星系際介質嗰度，佢哋會加熱到去成開氏 105 到 107 度－足以令到氫原子相撞撞到佢哋啲電子飛嗮出嚟變做等離子體。喺呢個温度嘅星系際介質叫做溫熱星系際介質（Warm-hot intergalactic medium；簡稱「WHIM」）。根據電腦嘅模擬顯示，宇宙入面睇怕有超過一半嘅原子物質都係以呢種狀態存在嘅。

早喺史前時期人類經已有喺度諗天外面以外嘅世界。公元前 350 年嘅古希臘哲學家有討論好多有關哲學同宇宙嘅嘢，當中嘅阿里士多德（Aristotle）曾經提出「大自然最憎真空」（Horror vacui）嘅諗法，而呢個諗法係建基喺公元前 5 世紀希臘哲學家 Parmenides 嘅見解：Parmenides 認為真空呢家嘢冇可能存在。呢個觀點喺後尾嗰千幾年都普遍受到西人信服，一路去到成 17 世紀，法國哲學家笛卡兒（René Descartes）都仲喺度詏話太空入面唔係真空，而係有一啲睇唔到嘅物質喺度。

而喺東方，公元 2 世紀嘅東漢天文學家張衡又有曾經話空間係無止境嘅，而且延伸到去太陽同埋星星以外嘅地方－即係話嗰時嘅東方人（或者至少係中原嗰頭嘅人）已經對於「天以外嘅世界」係啲乜有些少基本概念。

喺人類歷史嘅大部份時間，人類要探索太空多數都淨係有得用望遠鏡等嘅架生睇或者靠估。但係由廿世紀開始，各種嘅航天科技開始發展得好快。喺 1935 年，美國嘅高高度氣球「探險家二號」（Explorer II）載住人飛到上去離地表 22 公里噉高。打後喺 1942 年德國喺二戰嗰陣研發嘅V-2火箭爬升到去成離地表 80 公里嘅高空。而 1957 年嘅俄羅斯火箭帶住人造衛星史撥尼克1號飛咗上去離地表 215 到 939 公里嘅高度－超過咗卡門線。第一次有人類上太空就係 1961 年嘅俄羅斯太空人加加林（俄文：Ю́рий Алексе́евич Гага́рин；羅馬字：Yuri Gagarin），佢搭住架太空船飛到上去超過卡門線嘅地方，跟手仲要安全噉返到落地球。後嚟美國嘅太空人三人組 Frank Borman、Jim Lovell、同 William Anders 就喺阿波羅8號上到去月球軌道－係第一次有人類可以脫離地球軌道－仲去到成離地球 377,349 公里嗰度噉遠。

到咗廿一世紀，人類射火箭帶啲人同衛星上太空已經係家常便飯。喺近地軌道嗰度飛緊嘅衛星同太空垃圾多到數都數唔嗮。而且歐美地區仲開始咗探索人類搬屋去太空嘅可能性，並且射咗好多探測器去金星或者火星呢啲近地球嘅行星。

《外太空條約》（Outer Space Treaty）喺國際法嗰度提供咗世界各國應該點樣看待外太空嘅一套框架。佢定義咗乜嘢係「太空」同埋天體，並且講到明話世界嘅各國都有權自由噉探索太空，而冇任何一個國家有資格霸住太空嚟用。佢亦都唔俾人喺外大空嗰度用核武。呢個條約係喺 1963 年由聯合國大會通過，而跟手喺 1967 年由美國、英國、同蘇聯簽埋嘅。直至 2008 年，呢條條約一共有 98 個國家（包括中國）簽咗。




#Article 99: 氣體大行星 (345 words)


氣體大行星，有啲人嗌「類木行星」，係尺碼好大嘅行星，佢哋唔似第啲行星噉表面係岩石或者第啲固體物質。佢哋冇固態嘅表面，成隻氣體大波。太陽系有四粒氣體大行星：木星、土星、天王星同埋海王星。而家發現嘅太陽系外行星好多都係氣體大行星，圍著佢哋自己嘅恆星轉。

有幾挺唔同嘅氣體大行星。「傳統」嘅氣體大行星，好似木星同土星，主要構成都係氫同氦。第二挺係天王星同海王星，佢哋嘅主要構成係水、氨同埋甲烷，氫同氦響最外層先至有。有啲叫做「熱木星」嘅太陽系外行星，繞行軌道同佢哋嘅恆星好近，表面溫度會好高；發現佢哋較第啲行星易，所以家下發現嘅太陽系外行星好多都系「熱木星」。

氣體大行星冇固態嘅表面，準確啲講係冇可以清楚定義嘅表面，雖然佢哋有岩石或金屬嘅核──啲咁樣嘅核響形成呢挺行星嘅過程入便係必要嘅──佢哋絕大部分嘅質量由氫同氦貢獻。響外層，氫同氦就好似響地球度一樣係氣態嘅，之但係響深層嘅地方，高到極嘅壓力高度壓縮，令到啲氣體變成液態，再深啲近核嘅地方甚至乎變做固態。天王星同海王星亦都差唔多。佢哋雖然係「大雪波」，之但係佢哋內部高到極嘅溫度同壓力會令到啲「雪」變做好特殊好少見嘅物理狀態。所以，我哋係冇可能響氣體大行星「表面」著陸嘅。經常講嘅半徑、表面積、體積、表面溫度、表面密度呢啲概念，都只不過係話響太空睇到嘅，佢哋嘅最外層嘅大氣。

太陽系嘅四粒氣體大行星有好多類似嘅特性。佢哋嘅大氣層多數都係氫同氦，深層壓力變大，到咗臨界壓力深度，氫同氦變做液態。木星同土星冇明確嘅大氣層——行星體分界面，而有啲模型嘅模擬結果就話天王星同海王星有好明確嘅大氣層—-行星體分界面。太陽系嘅四粒氣體大行星都係好好嘅「物態梯度」變化實例。佢哋內部熱到極，天王星同海王星有7000K，而木星可以去到20000K。噉樣嘅溫度意味著佢哋大氣層下便成個星球都係液態嘅。所以話，講到「岩石」或「金屬」核嗰陣，唔可以簡簡單單描畫佢哋個核做普通嘅石波或金屬波。其實所謂嘅「岩石」或「金屬」核，只不過係一個好似鐵、鎳呢啲重元素多過第處嘅區域。

四粒氣體大行星自轉速度都較快，形成嘅風產生東西方向嘅條或帶。噉樣嘅帶喺木星度最明顯，土星同天王星少啲，而海王星就睇唔倒。佢哋都有行星環，有好多衛星。土星環最壯觀，1970年代以前啲人淨係知有土星環唔知木星、天王星同海王星都有環。木星係太陽系衛星最多嘅行星。到2008年，發現咗嘅木星衛星有六十三粒。

呢類行星大氣嘅紋係同緯度方向平行嘅反環流氣流，睇落去似「條」或「帶」。啲淺色「帶」係大氣較高、內部有上升氣流、氣壓較高嘅區域，而啲深色嘅「條」係木星大氣較低嘅、有下沉氣流、氣壓較低嘅區域。呢挺結構有啲似地球大氣層嘅高-低氣壓環流，之但係實質結構又好唔同──緯度方向嘅「帶」環繞成個行星，同細啲嘅、限喺局部嘅氣壓環流啱啱相反。噉樣嘅結構可能係高速自轉同成個行星深部物質分佈均勻嘅結果。大氣層底部冇海洋同陸地形成嘅溫差，而且個行星自轉快過地球好多。

重有第啲大氣結構：唔同顏色嘅斑。木星有好出名嘅大紅斑，粒斑出現都而家經已超過300幾年咁耐。查實呢啲斑係特別巨大嘅氣旋。有啲斑重係龍卷雷暴雲，天文學家經已響一啲斑度觀測到閃電。

木星同土星大部分都係氫同氦，啲重元素嘅質量比例得 3 到 13%。佢哋嘅結構，外層係分子態嘅氣體氫，包圍著深層嘅液態金屬態氫，個心度重可能會有個岩石核。最外層嘅氫氣大氣層響唔同嘅深度有唔同顏色嘅雲層，啲雲可能會係水同氨構成嘅。液態金屬氫構成成粒行星嘅大部分體積。話啲液態氫「金屬態」，係因為高到極嘅壓力令到氫原子內部嘅電子好似金屬噉可以響原子間自由流動，可以傳電，物理性質變到好似金屬噉。個核，如果有嘅話，會係重元素較多嘅區域，溫度有二萬幾度，壓力高到想像唔到，啲物質形態冇辦法估。

天王星同海王星內部構成同木星、土星好唔同。呢類行星嘅內部模型係噉樣嘅：富氫嘅大氣層，響最高嘅雲層開始，向下延伸到天王星八成五、海王星八成嘅半徑範圍。呢個範圍以下，係水、甲烷同氨呢啲嘢構成嘅「雪」。重可能會有岩石同氣體。不過雪、岩石同氣體嘅混合比例唔知，準確嘅物質構成亦都係未知嘅。

佢哋嘅大氣層霧好大，重有啲甲烷，加埋加埋令到佢哋睇落去成粒都係海綠色或者深藍色。佢哋嘅磁場都明顯傾向佢哋嘅自轉軸。同第啲氣體大行星唔同，天王星自轉軸嘅傾斜角度特別大，公轉嘅姿態睇落去好似瞓著打關鬥，個行星嘅季節變化亦都特別明顯。

太陽系外行星隔地球嘅距離遠到用光年嚟計。家下嘅天文探測技術重好難發現嗰啲細粒嘅，似地球噉嘅系外行星。大粒嘅系外行星探測易啲。而家發現嘅太陽系外行星大部分都係同我哋太陽系木星、土星呢啲氣體大行星咁上下嘅「巨無霸」行星。可以推測呢啲行星同太陽系嘅木星較似，而唔會似第挺唔同類型嘅氣體大行星，個名叫「類木行星」會較為準確。啲太陽系外嘅氣體大行星好多都同佢哋繞行嘅恆星距離好近，表面溫度高過太陽系嘅氣體大行星唔知幾多。佢哋可能會係我哋太陽系冇嘅、另外一挺類型嘅氣體大行星。宇宙嘅元素豐度，有98個皮申都系氫同氦，所以如果搵到質量大過木星嘅岩石行星會好出人意外。另一方面，之前行星系統形成嘅理論模型預示話，響好似而家發現嘅「熱木星」噉同恆星距離咁近嘅軌道處形成氣體大行星係冇可能嘅。家下真係發現「熱木星」，數目重好多添。



#Article 100: Mary Had a Little Lamb (346 words)


Mary Had a Little Lamb 係一首兒歌，出自19世紀嘅美國。

細佬女 Mary Sawyer 養咗隻寵物羊，佢個大佬提意佢帶隻羊返學。 A commotion naturally ensued.  Mary recalled:



瑪利有隻綿羊仔
佢身毛白雪雪
而瑪利去親邊度
隻羊都一定到

佢跟埋瑪利返學有日
咁校規唔准其實；
搞到班細佬笑又玩
喺學校見到綿羊仔

「點解綿羊仔咁鍾意瑪利？」
The eager children cry;

先生就話。
註：呢個係英國版，同美國版有些少唔同





#Total Article count: 100
