#Article 1: Łéngua vèneta (721 words)


Ła łéngoa vèneta ła xe na łengoa romanxa parlà in gran parte de ła Venetia, 'ntel Trentin centro-orientał e 'nte ła xona oçidentałe, costiera e orientałe del Friul-Venesia Jułia. El vèneto el xe parlà anca da ła minoransa vèneta autoctona del Istria e de ła Dalmasia e da i migranti vèneti in tel Braxile, pì de preçixo in tei stati de Rio Grande do Sul, Santa Catarina e Paranà), in Arxentina e in tel paexe de Chipiło in Mesego.

El vèneto el xe parlà da sirca 4 mijoni de parsone 'nte ła Venetia e se stima che ła sipia parlà da 8 mijoni de persone in tuto el mondo, anca se na stima vera e propia ła caxi inposibiłe da far.

Ła łengoa vèneta ła xe reconosesta da ła rejon del Veneto dal 2007, da ła rejon Friułi-Venesia Jułia, dal 2010, e anca da l'UNESCO e dal Consejo de l'Eoropa, che i ła ga mesa in te ła łista de łe łengoe minoritarie e in tel Łivro roso de łe łengoe in pericoło. El Stado Itałian inveçe no el reconose el vèneto cofà na łengoa minoritaria. El veneto ła xe łengoa ofiçiał sol che a Serafina Corea on comun del Braxil. Ła ga anca on codexe identifegadivo łengoistego (ISO 639-3 vec).

In te ła Venesia, par via de la concuista romana, dal II secolo d.C. el latin el ghea tacà ndar drento in te ła vita dei Veneti, che i ga parò senpre mantegnesto ła so łengua de l'epoca: El venetego, dal III secoło d.C, el Latin in te ła so variansa volgar e local, el jera drio vegner doparà senpre de pì, parvia de la difuxion del cristianesimo. Dapò on tenpo de bilenguismo, el taca on longo proçeso de influensasion e de mis-ciamento fra łe do lengoe, posibiłe anca grasie a la parentela fra ste do. Sto proceso el porta a la nasita de la lengoa vèneta torno a la fin del VII secoło d.C., oncor pì influensada dal Latin.

Xà dal VIII secolo se pol catar fora dei testi in vèneto, caxi ovio xe dire che el Veneto de l'epoca el jera difarente in confronto a chel de oncò, el primo el xe l'Indovineło veronexe del VII secoło.

Man man che el Vèneto, xà dal X secoło, el jera drio sparpagnarse in Istria e Dalmasia, el se jera pianeto drio perdarse in tel Friul e 'nte łe vałi ladine, co el desviłupo del furlan e del ladin.

Dal XII e XIII secoło ghe xe na nova revołusion del Veneto, el ga tacà esare doparà in tei documenti legałi, documenti del trafego, tratai internasionałi, poexia e epega. I primi testi famuxi del 1100 i xe el Ritmo bełumat, so ła concuista del Castel d'Ard, e i versi d'amor de ła canson cuando eu stava in le tu' cathene, tuti e do del XII secoło. Inportante ła xe ła forte produsion de opare łiterarie fate soratut par contentar ła domanda e i gusti de łe nove clase çitadine. De particołar interese ła xe ła produsion de ła Scoła Veronexe, co primo fra tuti Jacomin da Verona. De area padoana, ghe xe el Łanjo de ła Mujer Padoana o de ła Bona çilosia de autor sconosesto. In tel trexento ła pì granda xona de produsion łiteraria in vèneto ła xe cheła de Padoa, seguìa da ła Marca trevixana e da cheła de Venesia. De sto secoło, ghe xe on gran mucio de opare łeterarie e algune istoreghe e sientifeghe.

El vèneto, dapò esar deventà łengoa de ła cultura e de ła łiteradura in te ła Venesia e in te ła Republega Vèneta tuta, el deventa łengoa franca, soratuto par el trafego, e ła gode de na granda difuxion internasionałe grasie a i trafeghi de ła Republega Vèneta. Oncora indeso, el xergo marinaro in tel mondo el xe soratuto conponesto da parołe derivanti o de ła lengua vèneta.

Tutociò, el vèneto no'l se ga mai inposto cofà na łengoa łiteraria internasioał o 'nte ła penixoła, parché gh'è tocà confrontarse co esponenti łiterari inportanti in toscan, ositan e fransex.

Da 'l XV e XVI secoło ghe xe ła fiorida del vèneto 'nte ła siensa, i vien scrivesti tratadi de alxebra, medexina, biołoxia, navigasion, połitołoxia e astronomia

No ghe xe na soła magnera de scrivar in łengua veneta, come se poł vedare inteła pajina . 




#Article 2: Mèsego (126 words)


El Mèsico el xe un stato de la Mèrica setentrionale.
El confina a nord co i Stati Unidi, a sudest co Belize e Guatemala; el xe bagnà a ovest da el Osèano Pasìfego, a est da el Golfo del Mèsico e a sudest da el Mar de i Caràibi.

El Stato el xe stado par multi ani na dominaçion de la Espanja.

En la fin de el XIX secol el stato de el Texas, che el se cateva endè el nord de el Mexico, el xe pasado a i Stati Unidi.

La xe na naçion federal.

La Capital de la Federaçion Mexicana la xe Çita de el Mexico.

El Mèsico el conta çirca 106,2 milion de àneme.

La lengoa ofiçial de'l Mexico la xe el espanjol.




#Article 3: Spor (123 words)


El spor el xe na smissia de atività fìsiche inportanti pa mejorare e mantegnerse ben in forma e de sałute. El spor el pol divegnere na fonte de spetacoło e ła xente chel ghe va drio vedarlo i xe ciama spetatori. Racuante olte (ma no senpre) el spor el se baxa sora na conpetixión agonistega fra do o pí parsone.

El tèrmino spor el ga na storia łonga, vegnendo da łatín deportare che rento łe so definixión el gabía anca queło de ndar fora porta, e donca: ndar fora da łe mura de ła xità pa fare atività fìxica.

I spor łi se pol divìdare in spor individuałi e in spor de scuadra, rento sti cuà łi ghe xe i spor de còpia.




#Article 4: Itàlia (1029 words)


Ła Itałia, ufisialmente Repùblega Itałiana (in itałian Repubblica Italiana) ła xe on paéxe 'ntel Eoropa meridionał.

Ła confina a nordest co ła Slovenia, a nord co l'Austria e ła Svisera, a nordovest co ła Fransa. San Marin e el Stato de ła Sità del Vaticàn łe xe do enclave 'ntel paixe steso.

El paéxe el recava ła Penixoła tałiana, e pi in xeneral bona banda de'l teritorio a sud de łeAlpi; el ga anca do ixołe grandi: ła Sicilia a sud e ła Sardegna a sera.

Intel setentrión de'l paéxe ghe xe łe Alpi, che łe fa da confin; intel sentro łi Apenini.

In Italia i xe prexenti numarosi vulcani: i pi noti i xe L'Etna (3 343m) el pi alto vulcan d'Eoropa, el Vexuvio e el Stromboli. L'elevà atività vulcanica e magmatica neoxeniga -quartenaria apeninica, la xe sudivisibile in provinse:

Fìn ai ani sinquanta l'Itałia la xe stà el primo e unico paexe a sfrutar, nea xona de Larderello e poi nel'area del Monte Amiata, l'energia xeotermica par produre energia elètrica.

Cuando ghe gera el Inpero Roman ła Itałia ła jera sołamente na penizoła ciamà penizoła itałega e ła jera formà da tanti popołi difarenti che pian pian i se ga romanizà, anca sa i gà tenjù anca molte de łe so carateristeghe. Intela xona sentrał de ła penizoła łe xe naseste molte siviltà che łe ga dà man forte ało sviłupo intele zone de'l Łasio, de ła Tuscana, de ła Łucania e de altre xone de l'Itałia meridionał.

In Siçija, Całabria, Canpania e Puja i xe venjui parfin dei gresi a fondar sità e cołonie tanto che sti posti i jera ciamà in łatin Magna Graesa. Anca 'ntel sora ghe jera de łe inportanti siviltà in mezo a selti e gałi, ma so de łore se sa de manco.

Soło na sità ła se gà metù sora łe altre, ła siviltà romana che on fià ała volta ła gà creà el so gran Inpero Roman che el gà metù soto  mexa Eoropa e tuta ła costa de'l Mediteraneo.

Co che el Inpero Roman se gà desfà ła Itałia ła xe restà divixa inte na caterba de stati, staterełi, siori łocałi e co on poder che no el se capia chi xe che ło gavéa. Intel teritorio de ła penixoła durante el Rinasimento ghe jera on mucio de paze tra i stati e se gà vedù on periodo de gran sviłupo artistego, soratuto en Tuscana (Firense), Stato de ła Ciesa (Roma), Dugado de Miàn (Miàn) e intel Vèneto d'uncò; se recorda el pitor cadorin-venesian Tizian e el architeto padoàn Andrea Paładio ativi en Vèneto, Michelangelo Buonarroti e Rafaeło ativi en Tuscana e Itałia Sentrałe.

El dì del 17 de marso 1861 l'è cuel de ła union de tuti i Stati en on reigno soło e cusita l'è enscomincià el proceso de unificassion par tante rejoni e łe do grandi ixułe de ła Itałia de ancuò.

Cuesta union ła se gà verificà co ke ghèra el re Vitorio Emanuel II dei Savoja. Ki ke gà volù la creassion de on soło Stato de ła penixuła itałica l'è stà el primo ministro del Re, Camiło Benso Conte de Cavour, ke gavéa dà juto no direto a Giuseppe Garibaldi par l'anesion del Reigno de łe Do Siciłie.

En sto ideal de no stato unì soto el nom de Itałia i mancava el Veneto austrungarico , ke l'è devegnu itałian ntel 1866 dopo ke ghe xe stà el fałimento miłitar de Sadowa contro ła Prusia de l'Inpero Austrungarico, e Roma coi soi dentourni, ke ła se catava soto el control del Papa e ła xe stà ciapà dai soldai piemontexi el 20 de setenbre 1870, dopo che dopo na guera sguelta.

Dopo ła Grande Guera el Reigno de Itałia el gà avù ła estension pù grande, con ła anesion de tuti i teritori tałiani ke i xera parte del Inpero Austrungarico (Trentin, Venessia Julia, Istria, Fiume e Cuarnero, serte sità de ła Dalmazia) e anca de łe xone con popolassioni de altre cultura (la region ciamà ancuò Tirol del Sud o Alto Adixe).

I Pati łateranensi ntel 1929 i gà fato finir ła łota de poter tra el papato e ło Stato Itałian: el Papa el gà avù derito a na s-cianta de Roma ke ła xe devegnua endipendente col nome de Stato de ła Sità del Vatican.

Dopo la Seconda Guera Mondiałe i teritori de ła Istria, de Fiume, de ła Dalmazia, de na gran parte de Venessia Julia i so andà en man jugoslava e indeso sti teritori i so divixi tra Slovenia e Croazia ndo che vive oncora na comunità itałiana.

El 2 de giunio 1946 ła majoransa de ła populasion itałiana ła gà votà par no Stato formà da na republica.
L'1 de xenaro 1948 ła nova costitussion itałiana ła gà scomincià a aver vałore.

Ła Itałia xe na Republica Parlamentare ne ła cuałe el poere majore xe de 'l Parlamento.

Tuti i sitadini itałiani majorenni elexe i soi rapresentanti che se reonise nee do camare de 'l Parlamente, cuła de i Deputati e el Senato.
Sti cua i nomina el Presidente del Consijo co 'l so governo, che ga da avere e ła fidusia de na majoransa en Parlamento.
El parlamento elexe anca el Presidente de ła Republica, che xe el capo del paixe.
I deputati se reonise en partiti połiteghi. I partiti oncuò en Parlamento xe: Partito Democratego (Partito Democratico-PD) de sentro-sinistra, Movememento sinque stee(Movimento cinque stelle-M5S) stranamente indefinio, Łiga (Lega) sentro destra, Forsa Itaia (Forza Italia) de sentro destra. 

Ło Stato l'è fato da 20 regioni (de cueste ghe ne xe 5 che le gà na łexislassion speciałe.

Łe regioni łe so divixe en 110 provincie (de cueste ghe ne so 2 de na rejon autonoma ke łe gà anka lore na łexislassion speciałe).

Ła Itałia ła xe devegnua on paixe fondator de ła NATO e de ła Union Eoropea.

Ła capitałe e sità pi' popołoxa ła xe Roma. Altre sità inportanti łe xe Miłan, Napołi, Torin, Pałermo, Genoa, Bołogna, Firense, Bari e Catania

Ntel paixe ghe abita sirca 60 miłiouni de xente.

Ntel ano 1999 ła Itałia ła gà volù ła adossion de l'eoro.




#Article 5: Rejon de Itàlia (957 words)


Ła forma de desentralixasion selta in Itałia ła xe cuela de dividar el teritorio nasional in Rejon, che insieme a Comuni, Provinsie e  Stato łe costituise ła República (art. 114 Cost.). 

Łe rejon tute (a statudo ordenario e speciałe) łe ga autonomìa lejislativa, de aministrasion e finansiaria conforme a ła Costitusion, in particołare a i articołi 116 (par le rejon a statudo speciałe), 117, 118, 119 e in xenaral in tuto el Titulo V de ła II Parte de ła Costitusion (par łe rejon a statudo ordenario).
Łe połe lejiferar su łe materie atribuìe lore da ła Costitusion o da i sò propi statudi speciałi adotadi dal Parlamento co Lege Costitusional.
Łe dispone de conpartecipasion al xetito fiscal del sò propio teritorio su ła base de łe materie gestìe e aministrade e de finanse propie, conforme al articolo 119 Cost. e a łe Leji Statałi in materia de coordenamento de ła finansa pùblica.

Cuaxi tute łe rejon łe xe almanco divixe, oltre che in Comuni, in Provinsie (sensa ła Val d'Aosta) e senpre cuaxi tute łe xe ła forma più granda de autoguverno łocal (sensa el Trentin-Alto Àdexe, 'ndo che łe do provinsie łe xe autònome ł'una co chel'altra e łe costituise asieme ła rejon). 

L'Itałia ła xe formà da 20 rejon e 5 de cueste (Friul-Venesia Julia, Trentin-Alto Àdexe, Val d'Aosta, Sardegna e Siciłia) łe gà avù derito a na particułare łejislasion speciałe par motivasion culturałi, giografiche, stòreghe o grasie a ła prexensa de na menoransa łenguistica. Łe altre 15 rejon con statuto normal (ordenario) łe ga podesto scominsiar el sò laoro sol che a partir dal 1970, mentre cuełe speciałi łe laorava dexà inte el periodo tra el 1945 el 1948 (ła rejon Friuli-Venesia Julia ła xe stà creà invese inte el 1963).

Tute łe rejon łe gà un sistema de voto magioritario, fora che el Trentin-Alto Àdexe e ła Val d'Aosta che łe gà ancora un sistema proporsional.

In tute le Rejon (a parte T-AA e VdA) se vota par el candidado Presidente, jutà da ła sò coalision połitega o partìo, e ghe vien dà un premio de majoransa dito de guvernabiłità a ła coalision (o partìo) che ła sostegneval candidado chel ga ciapà pi' voti de tuti i altri.
I premi de majoransa el sistema de voto e de elesion de i consejeri e del Presidente, oltre al nùmaro de i stesi consejeri, i xe definìi co Lege Rejonałe, su ła baxe de ła Lege Statałe Tatarella, n. 43/1995.

In Trentin-Alto Àdexe (Provinsia de Bolxan) e in Val d'Aosta no se vota mìa par el Presidente, ma propio par el Consejo, do che el Presidente el vien ciólto da i consejeri de i partìi ełexesti.

I organi istitusionali i xe ła Xonta Rejonałe con sora tuti el Presidente de ła Rejon (o anca Guvernador) che ła xe el 'guverno' el Consejo Rejonałe chel xe el 'parlamento'.

El Presidente el xe el raprexentante de tutta ła rejon, el nòmena ła Xonta, el promulga łe leji rejonałi, el indixe i referendum su łe materie de conpetensa rejonal, el xe responsabile par ł'atuasion del federałismo fiscal.
Ła Xonta ła para vanti ła Rejon e ła derixe e coordena el laoro del Consejo.
El Consejo Rejonal el xe l'organo lejislativo de ła rejon, l'aprova łe leji e i regołamenti su łe materie de conpetensa rejonałe. L'aprova e modìfega el statudo rejonal.

Consejo e Presidente i xe łigà conforme el prinsipio simul stabunt, simul cadent('asieme i sta, asieme i casca'), chel vol dir che no i połe star in carga se no asieme.
Co łe dimisione del Presidente donca, anca el Consejo el casca e se indixe nove ełesion.

Tante rejon del Setentrion łe ga dimandà e łe dimanda 'ncora ancò più autonomia e rispeto par łe rejon.
Sta quistion ła xe causà dal senso de 'discriminasion' che ghe sarìa tra łe rejon a statudo ordenario e łe rejon speciałi, dovesto anca a ła pi' larga autonomìa fiscal che ste ultime łe ga e a łe sò pi' grande conpetense.

Se ga provà a risolvar sto problema co ła reforma costitusional del 2001 (l. Cost. n. 3/2001), indo' se ga volesto dar pi' conpetense a łe rejon a statudo ordenario, lasando al Stato sol che materie de intarese nasional (cofà Difesa, Polìtega èstara, Moneda, Raporti co l'UE, Justisia, Sicuresa e órdene pùblico,...) e dàndoghe a łe Rejon potestà o concorenta col Stato, o residual(sol de le Rejon), par le materie no scriveste in Costitusion come del Stato o concorente tra Stato e Rejoni.

Ła Lege 42/2009 po' ła gaveva stabilìo na autonomìa anca finansiaria de łe Rejon (e de Provinsie e Comuni), ma ła xe rimanesta inatuada par el cascare del guverno poco pi' vanti.

Inte ła reforma del 2001 invese xera stà anca stabilìo che łe Rejon łe podese dimandar forme e condisione particołar de autonomìa inte el novo articoło 116 c.3.
Sto proceso el xe stà fato scominsiar da serte Rejon sol inte el 2017, ma no ancora atuà fin in fondo.

L'Itałia ła ga metesto łe rejon drento el sò ordenamento xurìdego co ła Costitusion deła Repúblega Itałiana, inte el 1º de xenaro del 1948, che a i articołi 114 e 115 el prevedeva in fati:
 

Łe rejon adotae co ła nàsita de ła Repúblega Itałiana, in númaro de 19, łe jera in gran parte enti teritoriałi del presedente Regno d'Itałia denominadi sircoscrision de desentramento statistico-aministrative. Sołe difarense, el Friuli e ła Venesia Giulia che łe xe stà unie inte ła rejon Friułi-Venesia Giulia e i Abrusi e el Mołixe inserii inte ła rejon Abrusi e Mołixe. Inte el 1963 ła rejon Abrusi e Mołixe xe stà da novo dividesta inte łe do rejon Abruso e Mołixe portando a 20 el numaro de łe rejon.




#Article 6: Sisley pałavoło Treviso (113 words)


A Sisley bałavoło Treviso ła xe na scuadra de bałavoło de ła xità de Treviso. Sta scuadra ła xe una de łe pì forti al móndo. Ła ga vinto 8 scudéti tałiani e do cópe de Europa.

Tra i zogadori che łi ga miłità, a se pol ricordar: Alberto Cisolla, Samuele Papi, Andrea Zorzi, Lorenzo Bernardi, Alessandro Fei. Intel 2011 ła fameja Benetton , main sponsor, łasa tuto. Dopo na esperiensa de un ano a Bełun ła scuadra no ła se iscrive altro. Ła eredità de ła Sisley Volley vien cusi ciapà in man da ła nova società nata inte l'istà 2012, ła Volley Treviso, che ła xe ripartia da ła Serie B2.




#Article 7: Venesia (3101 words)


Venèsia () ła xe on comun de 259 736 aneme, caołogo de ła Sità metropoitana de Venesia e de ła rexon Vèneto. El comun el ciapa rento do sità: ła sità de Venesia, de 79 721 amene co 'l sentro istorego e łe ixołe 'nte ła łaguna, e ła teraferma de ła sità de Mestre de 179 576 aneme. Ła sità de Venesia ła xe ła cavedal de ła Venesia e de i vèneti. El comun el xe el primo de ła rexon par popołasion e superfise.

Ła sità, segondo ła tradision, ła xe nasùa 'nte 'l 421 e da'l 812 ła xe stà ła cavedal de ła Republega Vèneta, che ła ga fata conosar a'l Eoropa e a'l Mondo e ła ga fata vivar el so tenpo de pì splendor. Venesia ła xe considerà ła pì beła sità de'l mondo, oltra che ona de łe pì romanteghe, par łe so carateristeghe urbanisteghe, par el so patrimonio artistego, istorego e cultural e defati l'intiera sità co tuta ła só łaguna ła xe stà declarà, 'nte'l 1979, patremonio del'omanedà da l'UNESCO, par sti motivi ła xe na meda molto vixità da toristi de tut el mondo. Venesia, par łe so carateristeghe ła xe martorià da cualche problema cofà łe alte maree e l'alsamento de'l łivel de l'acua, el turismo masivo, l'icuinament e łe gandi navi da croxera che łe navegà par ła łaguna.

Sta sità ła xe stà ciamà cusì soło dapò che ła xe deventà ła cavedal de ła Republega Vèneta da'l nome de sta cuà. Ła Venesia ła xe ła tera de i vèneti, da'l Garda a l'Istria, fin da i vèneti antighi. Dapò ła concuista łatina, ła Venesia (par łatin Venetia ) ła vien organixà 'nte ła Venetia et Histria e co riva i gresi 'nte ła Venetikà (par grego Bενετικὰ, Venetikà). Co che ła Venesia Maritima, ła fasia costiera de ła Venesia restà in man dei i greghi, ła deventa independente 'nte'l 697, el novo stado vien ciamà Republega de Venesia. Ła sità de Venesia no ła jera 'ncora na sità unjoła, ma on insenbre de ixołoti separài. 'Nte'l 812 ła cavedał de ła Republega ła vien spostà a Rivoalto, el sentro prinsipal de ła sità che cualche an pì tardi ła ciapa el nome de Venesia. Ła sità de Venesia, dónca, ciapa el nome da'l stado de ła cual de cavedał, cofà so sinboło.

Ła sità de Venesia ła xe divixa 'ntei sie sestièri de Dorsoduro, Santa Cróxe, San Poło, San Marco, Canarégio e Casteło, ła xe sviłupà sora ben 118 ixołéte cołigade da 354 pónti e divixe da 177 tra rii e canałi. A cauxa de ła soa morfołogia el corpo prinsipal de Venesia, se fotografà da l'alto, el ga l'aspèto de un pése.
 

Infra łe ixołe più grande recordémo Torseo, Muran, Buran, San Sèrvoło, ła Zueca, San Zorzi Magior, (che però el fa parte del sestier de San Marco), Pełestrina, Povegia, San Clemente, San Francesco del Dexerto, San Làzaro dei Armeni, San Michièl, Santa Maria de ła Grasia, Sant'Erasmo, łe Vignołe, el Lido de Venesia.

L'ixoła de San Sèrvoło ła xe de propietà de ła Provincia de Venesia e ła se cata su ła diagonal Piassa San Marco-San Làzaro dei Armeni.

El comun de Venesia, se no consideremo ła superfisie de aqua, el se cata su ła teraferma per la magior parte. Ła teraferma ła ga anca paréci più abitanti, a ocio 180.510 , a desferénsa de na volta. El séntro storico el xe deventà manco popołà datorno al 1960 e da eora ła fòrbexe ła se ga slargada miga poco. Ultimamente, considerando l'emigrasion anca da łe xone de teraferma verso comuni fora, ła desferénsa no ła xe drio créser. I séntri prinsipałi de ła teraferma i xe Mestre (tèrmine chel pol eser doperà per parlar de tuti sti posti), Marghera, Carpenèo, Malcontenta, Fàvaro Vèneto, Canpalto, Tesèra, Cirignago, Dexe, Zelarin e Trivignan.

Ła łaguna de Venesia ła se ga formà torno al 800 v.C., prima ghe jera on anbiente fluvio-pałustre, abità dai vèneti antighi, che i pratichea ła pesca, sunava sal, i se dedichea ai trasporti par mar, al trafego e a altri mestieri conpagni. Grasie a łe navi vènete, ła łaguna ła jera el snodo dei trafeghi che i cołighea el Mediteraneo, soratuto l'Adreatego e ła Gresia, co co 'l sentro e 'l nord del Eoropa.

Co ła concuista romana de gran parte del Mediteraneo, torno al II secoło v.C., ghe xe na cea redusion de sti trafeghi fin al invaxion romana del Vèneto (dal 59 v.C. al 49 v.C.) co i trafeghi i ga na pì granda redusion.
I romani i fa ła centuriasion de tuta ła fasia łagunar, che se pol vedar anca ai nostri dì da łe foto al satèłede. 'Nte sta evoca i sentri prinsipai de ła łaguna i xe Altin, so ła strada che da Pàdova ła portea a Aquiłeja, Cioxa e Torseło, ixołeta a nord del sentro de Venesia dita el so pì vecio insediamento.

Drio ła storiografia tradisionał, el primo insediamento a Venesia el xe stà Rivo Alto (Rialto de des) el fondà el 25 de marso del 421 co ła consacrasion de ła cexa de San Xacometo a Rialto, so łe rive del fondo canal navigàbiłe, ancuo Canal Grando. Ła fondasion de Venesia in verità ła xe stà na roba pì łonga, parvia de łe invaxion barbàreghe, i abitanti de ła teraferma i ghe ga catà protesion daspò łe desferénte ondae de invaxion barbàreghe che xe cascade dal V secolo, en particolare queła una del 421.

'Ntel VI secolo, sotto el stàbil governo del Regno dei Ostrogoti, Cassiodoro ne dà un detagià quaro de ła vita in łaguna de quei ténpi.

Riunidi conpagni a tuta l'Italia al'inpero co ła pramàtica sansion de Giustinian del 554, i teritori de ła Venetia i xe de nóvo travolti sóto de ła spinta del'invaxion łongobarda del 568, che ła vede el Patriarca de Aquiłegia refugiarse 'nte ła łaguna de Gravo, Rialto e i altri insediaménti costieri popołarse di pròfughi che i ga abandonà l'entrotera.

Par scapar via dai invaxóri łe popolasion de ła canpagna intorno łe xe emigrà 'nte łe ixołete de ła Laguna, ma no so quełe indove che deso a ghe xe Venesia, ma pì a Nord so el atuale Torseło; questo parché in quełe zone ghe gera xa łe capane de pescadori de łe sità romane (Altin so tute, anca parché 'ncora ancó el xe ła pì visina a ła Laguna), 'ndo i tegniva tuta l'atresadura. Dópo vari aveniménti sti łagunari no i se sentéva pì siguri e par defèndarse i se ga rintanà al Lido.
Infine i rifugiài, che ormai i gera int' una parte de ła Laguna segura, par sfrutar comunque i cołegaménti co ła teraferma in un periodo deso pì tranquiło, i se ga definitivamente trasferìo 'nte l'ixola de Rivoalto, inte ła zona de l'atual Rialto. Da qui xe stae abitade tute łe ìxołe de l'arcipèlago de Venesia, fortifegando łe rive co grosi pałi de legno e fango protetivo, che anca ancuo i tien in piè sta sità.

Tirada su 'ntel 697 ła Venesia a ducado dipendente dal'Exarcado de Ravena, co cavedal prima a Eracliana, dónca Metamauco, dópo de ła tentada invaxion franca de Pipin Carloman, 'ntel'821 ła pì segura Rialto ła xe deventada cavedal del Ducado de Venesia, tołendo 'ntel ténpo el nome isteso del teritorio e de ło Stato e deventando definidivamente Venesia.

Ła visinansa col'Inpero franco, el raporto priviłegià col'oriente Bixantin e al steso ténpo ła distansa da Costantinòpołi ła ghe ga fata un dei prinsipałi porti de scanbio fra l'osidente e l'oriente, permetendo el sviłupo de na clase mercantil dinàmega e intraprendente che 'ntel giro de quatro sècołi sirca ła fa deventar ła sità da insediamento sconosiudo a avanposto imperial a potensa paróna dei mari.
Da ła conquista de ła Dalmàsia co ła spedision de Pietro II Orseolo 'ntel Miłe fin ła Quarta Crosiada, co ła conquista el sachegio de ła cavedal bixantina, soto ła guida de Enrico Dandolo, ła fondasion del'inpero colonial

Ła xe mèsa drénto fra łe Repùbliche marinare, insieme a Gènova, Pixa e Amalfi, dónca el leon de San Marco, enblema de ła Serenìsima, el ghe xe 'nte łe insegne marine de ła bandiera itałiana.

El cao del governo el gera el Doxe (dal latin dux), che col 'ndar vanti del tempo, el ga visto el só poder senpre più controłà da nóvi òrgani istitusionałi. Paréci Doxi, soratuto prima del'ano miłe, i se ga visti obligai a tór i vóti parché i sitadini i łi credeva masa bramoxi de poder: qualchedun el xe stà anca copà.
Al màsimo de ła sóa potensa, 'ntel XIII sècoło, Venesia ła dominava gran parte de łe coste dell'Adriàtico, region come ła Dalmàsia, l'Istria, un mucio de łe ìxołe del'Egeo, Candia, Sivro, Corfù, e ła gera ła prinsipal poténsa miłitar fra łe prinsipałe forse mercantiłe 'ntel Medio oriente. 'Ntel XV sècoło el teritorio de ła Repùblica el se slargava da Bresia al'Istria, e da parte del'atual provincia de Bełun, al Poléxine vèneto.

'Ntel XVIII sècoło Venesia ła gera fra łe sità più rafinade d'Europa, co una forte influensa su arte, architetura e leteradura del ténpo. El teritorio de ła Repùblica de Venesia el conprendeva Vèneto, Friułi, Istria, Dalmàsia, Càtaro e parte de ła Łonbardia. Dópo più de 1000 ani d'indipendensa, el 12 de magio 1797 el doxe Ludovico Manin e el Magior Consegio i xe stai obligai da Napoleone a 'ndar via, par proclamare el Governo Provixorio de ła Munisipałità de Venesia.

Col Tratado de Canpoformio fra franséxi e austrìasi, el 17 de otobre 1797 ła Munisipałità de Venesia ła ga smeso de èserghe e i sói teritori, chei xe ndai a formar ła Provincia vèneta soto Francesco II, i xe stai dati al'Àustria: i Austrìasi i xe intrai in sità el 18 de genaro 1798. 'Ntel 1848 ła ga partesipà ativamente ai moti rivołusionari, soto l'inisiativa de Daniele Manin. 'Ntel 1866 ła xe entrada a far parte del Regno d'Italia. El 21 de otobre del 1866 ghe xe stà in Vèneto el plebisio chel ga visto vìnser el sì al'anesion al'Itałia col 99,9% dei voti favorévołi del'ełetorà ativo (come portà drio da łe fonte).

El cor de ła sità de Venesia el xe Piaza San Marco, l'ùnega che ła se tol el nome de piasa: le altre strade slargae łe xe ciamade infati canpi o canpiełi. Ła Baxìłica de San Marco ła se cata a'n estremo de ła piasa, cołorada d'oro e rivestida da moxàisi chei conta ła storia de Venesia, asieme ai maravegióxi basoriłievi chei rafigura i mexi del'ano. Sóra ła porta prinsipal, i quattro cavałi de bronxo de Costantinòpołi, (i xe copie: i orixenałi i xe drénto al muxeo de San Marco) i recorda ła quarta Crociada del 1204. Ła sóa forma a cróxe greca ła xe coverta da sinque grandìsime cùpołe. Ła xe ła tersa Baxìłica dedicada a San Marco che ła xe stada tirada su in sto lógo qua: łe prime dó łe gera 'ndae xó. El par che sta version qua ła sia stada ispirada da ła Céxa dei Santi Apòstołi de Costantinòpołi. El drénto el xe coverto de moxàisi a sfondo oro chei rafigura pasi bìblisi e ałegòrisi. Ai prinsipi, ła gera ła cappeła privada dei Doxi de ła Repùblica de Venesia.

El Pałaso Dogal el se cata a fianco de ła Baxìłica: ła Porta de ła Carta, maravegióxa opra de Bartolomeo Bon, ła xe el łor cołigamento, e ancuo ła xe el svódo del muxeo de Pałaso Dogal. L'intrada prinsipal ła xe sul lai chel varda a ła laguna. Sede del governo de ła Serenìsima, el xe stà tirà su 'ntel XV sècoło co màrmari d'Istria. Qua ghe stava un casteło, ma daspò i eło ga incendià per far 'ndar fora Pietro IV Candiano che ghe gaveva catà recèto durante na rebełion. Ancuo el Pałaso el xe un muxeo, co opre dei megiori artisti venesiani: ła Biblioteca Sansovina, che ła se cata drénto, ła verxe de łe mostre a ténpo łimità. Da védere łe xe anca ła Sała del Magior Consegio, che per sècołi ła xe stada ła più granda sede de governo del mondo, el Ponte dei Sospiri, łe prexon e i Pionbi.

Vanti al Pałaso Dogal ghe xe el canpanièl de San Marco: tirà su 'ntel 1173 come faro per i navigadóri, el xe stà consà da Bartolomeo Bon 'ntel XV sècoo. El xe crołà el 14 de ługio 1902 e el xe stà tirà su de novo per intrego. Ła logeta in màrmaro roso de Verona ła xe n'opra de Giacomo Sansovin, e su de sta qua se cata i basoriłievi chei rafigura ałegorie coi grandi rexultai de ła Repùblica del Leon.

N'altro sìnboło de ła sità el xe el Ponte de Rialto: opra de Antonio Da Ponte, el xe stà tirà su 'ntel 1591. El gera l'ùnega maniera per traversar el Canal Grando a pie: infati, el xe restà l'ùnego ponte fin al 1854, có i ga fato el Ponte del'Academia (ancuo existe anca el ponte dei Scalsi e el ponte de ła Costitusion). Sui lai del corpo sentral se cata negosi de luso mentre, a ła fin del ponte, 'ntel sestièr de San Poło, ła tradisional pescheria e ła céxa de San Giacometo de Rialto.

Altri inportanti monuménti venesiani i xe l'Arsenal, ła baxełega de Santa Maria de ła Sałute, ła baxełega de Santa Maria Glorioxa dei Frari, łe sinagoghe del Gheto.

Venesia ła xe stà par tuta ła Basa Età de Mex e l'Età Moderna ona de le sità pì grandi par popołasion (oltra che par cultura e economia). 'Nte 'l an 1000 a Venesia ghe jera torno a łe 60.000 aneme, 'nte 'l 1200 łe se łeva torno a łe 80.000, 'nte 'l 1300 łe riva fin torno łe 110.000 che dapò ła peste negra de 'l 1348 łe se reduxe a poc pì de 60.000. Ła cresita dapò ła peste ła porta a 85.000 aneme de i primi de 'l '400, 'nte 'l 1540 łe vien censie 129.971 aneme 'nte ła cavedał, 'nte 'l 1552 ne vien censie 158.069 e 'nte 'l 1563 168.627, ła peste de 'l 1576-77 copa so par zo pì de 40 mie aneme che łe riva a łe 134.871 de 'l 1581. Ła cresita ła va pian fin rivar a i 141.625 venesiani censìi 'nte 'l 1624, dapò ła peste de 'l 1630-31, che ła copa so par zo 40.000 aneme, ła popołasion ła riva a 102.243 'nte 'l 1633, ła rapida cresita ła porta a 120.307 'nte 'l 1642. Ła popołasion ła resta pì o manco ła istesa, co 'n canbio de 10.000 aneme, fin a ła fin de ła Serenisima: 'nte 'l 1696 łe vien censie 137.867 aneme, 'nte 'l 1740 147.470, 'nte 'l 1761 148.576, 'nte 'l 1771 138.700, 'nte 'l 1780 140.286, 'nte 'l 1790 137.603 e 'nte 'l 1797, an de ła fin de ła Republega, a Venesia ghe xe so par zo 141.000 aneme. Co ła Fransa de Napołeon invade ła Republega Vèneta ła porta morte, reolte, crixe e poartà caxion de 'l cało de popołasion de Venesia, oltra che a do picenine epidemie de tifo e vajol, che sol che do ani dapò l'invaxion riva a 136.000 aneme, 'nte 'l 1805 a 122.000, 'nte 'l 1811 a 115.000, 'nte 'l 1818 a 103.000, 'nte 'l 1830 łe vien censie 98.638 aneme fin a 'l so punto pì baso de 93.545 censie 'nte 'l 1838. 'Nte ła segonda metà de i ani 30 de 'l '800 a Venesia ghe xe na cresita siçio-economega, in scuaxi tuti i setori de l'economia sitadina e soratuto Venesia torna a esar on gran sentro de i trafeghi, stà situasion porta ła cresita de ła popołasion che riva a 123.000 aneme 'nte 'l 1847, a 120.414 aneme 'nte 'l 1857 e 'nte 'l 1867 a 133.037.

Evołusion demografega de 'l intier comun de Venesia dapò ła con concuista tajana:  Par na coreta łetura de i dati da 'l 2 de avrił de 'l 1999, dapò on referendum, xe stà fato el comun de Cavałin-Treporti, de 11.700 aneme.

El comun de Venesia xe dividesto 'nte ła sità de Venesia, co 'l sentro storego de i sie sestieri e łe isoe de ła Łaguna, e ła Teraferma, co Mestre cofà sità prinsipał.

Da 'l 1951 el sentro storego de Venesia ga perdesto sirca el 70% de ła popołasion che 'l xe rivà al so masimo de 175 000 aneme, fin a redurse a łe 53 976 aneme del 2017. Senpre 'ntel 1951, ła proporsion tra sentro storego, ixoe e teraferma jera de 55:14:21, 'ntel 2017 de 21:11:68.

Evołusion demografega de ła sità de Venesia (sentro storego, i 6 sestieri):

A Venesia so par zo el 94,4% de i venesiani i xe cristiani catołeghi. A Venesia ghe xe el patriarcado de Venesia, ona de łe col che tre diosexi carołeghe a 'l mondo a gaver sto titoło.

'Nte l'ixoa de San Łaxaro de i Armeni ghe xe da 'l 1717 'l Ordene Mechitarista, ona de łe piasè inportanti istitusioni de cultura armena 'nte 'l mondo.

A Venesia ghe xe l'exarcà ortodoso par l'Eoropa Meridionał e l'arsidiosexi ortodosa par l'Itaja e Malta, de łengoa greca e rito bixantin, co sede ła Cexa de San Zorzi de i Gresi.

Varda  par saver de łe pì inportanti parsone łigae a Venesia.

Varda anca ła lista de i Doxi de ła Republega de Venesia.

Ca' Farseti e Ca' Loredan, do gran bei pałasi, i xe łe do sedi de'l comun de Venesia.

Venesia ła xe zemełàda co:

Venesia ga acordi de cooperasion co:

A Venesia e in tuta ła so łaguna ła xe tanto parategà ła voga veneta, ghe xe tante regade par tante inbarcasion tradizionai par tut l'ano, chee pi inportanti łe xe 'nte ła Regada Istorega.

Altri spor co inbarcasión i xe ła Veła, da'l 1911 ghe xe ła Conpanjia de ła Veła vinsidrixe de tante conpetision, e 'l canotajo.

L'istorega scuadra de bałon de Venesia ła xe 'l Asoçiasion de Bałon Venesia (o Venesia F.C.), nasua 'nte'l 1907 da'l union de łe do asoçiasion Pałestra Marsiał e Costantin Reyer, che ancùo ła xe in serie B.

In Teraferma ghe xe l'Asoçiasion de Bałon Mestre, nasùa 'nte'l 1929, che ła xe in Serie C.

L'istorega scuadra de bałonsesto de Venesia ła xe ła Reyer Venesia, nasùa 'nte'l 1872, ła xe in Serie A e ła ga portà caxa tante vitorie e tre canpionài.

A Venesia ghe xe anca asoçiasion de rugby, bałavoło (in serie C) e bałanodo.

En pì anca el Sentro Universitario Sportivo de Venesia inganixa tante atividà e spor co inbarcasion e sensa.




#Article 8: Spriss (483 words)


El spris o spritz el xe bevanda alcoega veneta a baxe de proseco, biter e acoa frixante o seltz.

El Spris el nase a Venexia a metà '800 durante el dominio Austriaco; i miłitari austriaci no i gera boni de bevar el vin lisio (abituai come che i gera coła bira) quindi no esèndoghe bira i tagiava el vin co l'acqua (anca deso in Austria el Spritzer o G'spritzter el xe fato co vin e soda o vin e łimonada). Da qui nase el primo Spris composto da Acqua e Vin.

No ghe xe na compoxission compagna in tuti i posti pal spritz. Dixemo che de sołito se ghe missia rento vin bianco, acqua lisia o col gas, e, vendoghe voja, na coression del Aperol o de Campari.
Sul goto te ghe poi metare anca na decorassion, disemo na oliva col stecadente o un tocheto de naransa o altri mistieri compagni. De pì, dal momento che un sprisseto tira che l'altro xe uxansa compagnar el spriss co un piateo de patatine (o nei posti pì rafinai pissette e altri potaci) de modo tal che no el te vaga ała testa.

Metemo xò do ricete de esempio:

Prima compoxision:

Seconda compoxision:

Terza compoxision:

A Padoa i toxi i beve el spris (che iori i ciama anca spriseto) in te łe piasse, cusì che ła vien fora tanta confuxion e anca tante barufe.
Anca a Venexia i beve el spris, ma no lo beve soło i toxi, ma anca i veci, magari 'compagnà co na ombra de vin. El momento bon de torse el spris ne ła cità dei Doxi el xe trae sete e e diese de sera.

Ghe xe tante de quełl maniere de bévare el spris, ma łe dó pi importanti łe xe queła co l'Aperol e queła col Campari. E ghe xe tante de quełe diferense tra ste do version del spris che no podemo gnanca contarle qua: łe xe dó rełigion, dó fiłoxofie de vida.
Prinsipalmente paro' i tosi i beve Spriss col Aperol parche' el ga un gusto meno amaro de quel col Campari, che xe sempre stà bevuo prinsipalmente dai veci quando el Aperol niancora no esistea.

El spris se beve anca in friul e in trentin e ghe xe dei bar parfin a Bologna che i xe boni de farteło, anca se no i ło fa mia ben come noialtri. Pi a ovest de Brescia no i sa mia cosa che el xe, opure i ło ciama in te n'altra maniera. En Sud-Tirol el spriss el vien fato cofà che i faxeva i austriaçi a Venesia, donche con vin bianco e aqua; el spriss fato con aperol, vin bianco e aqua se cata a Bolsàn col nom de veneziano (venesian). El sdoganamento nasionałe del spris xe stà fato da poco da na publicità de l'Aperol chea diseva: Hai mai provato lo spritz? (Gheto gnancora provà el spris?).




#Article 9: Poła (1364 words)


Poła o Pula ła xe ła sità pì granda de l'Istria. Co fa tuta la rejon de ła costa istro-dalmata ła ga na storia venesiana, e, par sta via, de influensa italiana.
Indopo de ła sconfita de l'Itałia ne ła seconda guera mondiałe ła xe pasada definitivamente soto el controło de ła republica Jugoslava. Col siolimento de ła Jugoslavia de Tito ła sovranità ła xe pasada ała Croasia.

Ancora al dì de uncuò, na minoransa de sitadini de Pola ła continua sentirse veneto-istriani, e a parlar veneto nonostante vendete, pericołi e svantaji.

Par i più zòveni, pol eser curioso de inparar che ła majoransa dei stesi croati autoctoni che da secołi i xe stài parte integrante de ła società istro-veneta, i cata del tuto normałe esprìmerse in vèneto o anca in italian quando che se scumisia el discorso in veneto; naturalmente questo no vale par i croati rivadi da l'interno. In un serto senso, par i croati autoctoni de Pola i croati da l'interno i xe probabilmente manco familiari dei veneti.

Na situasion simiłe se ła trova in quasi tute łe coste istriane e parfin pi in zo.

Nei secołi de l'epoca inperiałe de Roma antiga ( dal I al III sec.), a Poła xe stà costruìo i pi' inportanti monumenti de l'antichita' in Croasia. El monumento pi' inportante e el pi' famoxo de quei tenpi xe l'Arena. L'anfiteatro, destina’ ała lota dei omeni e dei animałi, el vien costruìo soto l' inperator Vespasian, nel I sec. dopo Cristo. El xe de forma elitica, de dimension 130 X 105 m circa, alto 32 m. Par grandesa el xe al sesto posto tra i anfiteatri al mondo. L' Arena al so tenpo ła podeva acolier 23 000 spetadori, al dì de un quo ałe rappresentasion estive ła ghin riceve sui 5 000.

Poła antiga ła disponeva de tute łe conquiste inportanti de ła sivilta' romana, ła gaveva el sistema idrico e ła canałizasion, el forum che el jera el sentro aministrativo, comerciałe e rełigioso, el canpidolio co i tenpli (al forum), do teatri, un cimitero sitadin grando (che anca Dante ricorda in te ła Divina comedia), case riche de mosaici e marmo.

La sità ła jera cinta da muri co na dexina de porte, tiràe zo par la major parte in prinsipio del XIX sec. L' Arco dei Sergi el se trova a ła fine de ła via (Via Sergia) che dal Forum procede verso est. El jera in pojada ała porta de ła sita' (Porta Aurea), e par sto motivo sołamente ła parte visibiłe, a ovest, ła xe stata decorada co ornamenti scolpidi ne ła piera. El xe sta ereto a so spese dała matrona Salvia Postuma Sergi in onor dei so tre conjiunti, che ała fine del I° secoło dopo Cristo i ricopriva alte cariche aministrative a Poła. Secondo l' iscrision su l'arco, el xe stato costruìo tra il 29 e il 27 prima de Cristo. Questo inpresionante monumento de ła cultura antiga el xe stato par secołi motivo de ispirasion pai artisti pi' famosi, specialmente quełi italiani come par esenpio Michelangelo. Verso nord trovemo altre do porte antighe conservae: Porta Ercole e Porta Gemina.

Fora dałe mura sitadine se trova łe necropołi de che numerosi framenti i xe conservai al Museo archeologico. Rente ła Porta Gemina xe state trovae trace de na costrusion tombałe, un mausoleo otagonal risałente al I – II sec. dopo Cristo.

El Forum, la piasa centrałe de ła Poła antiga e medievale, un tenpo el jera borda’ da arcade co statue e rilievi e suła parte nord sorgeva i tenpli. Al dì de un quo el xe ancora conpletamente conserva’ el Tenpio de Augusto, costruìo tra l' ano 2 prima de Cristo e il 14 dopo Cristo.

Sul pendio orientale del col del Castel, a l'interno de łe mura sitadine, xe conserva’ i resti de łe fondamenta de na strutura scenica e parte de ła tribuna del picoło teatro romano (de l' architetura del grande teatro, cołoca’ fora dałe mura no xe conserva’ gnente de inportante, al Museo archeologico trovemo un framento del rivestimento in rilievo). Rente al teatro se trova l'edificio del Museo archeologico de l'Istria dove che, in pi de łe testimonianse de ła preistoria e del primo medio evo trovemo numerosi monumenti de l'antichita', ritrovai nel teritorio de Poła e de l'Istria.

Neła seconda metà del VI secoło i Longobardi scumisia ła so avansata verso ła penisoła istriana incorporandoła nel regno longobardo. Dopo i novi paroni de l'Istria, i Franchi, i portava na tradision de raporti feudałi moderni. Ało steso tempo però questo provocava ła resistensa de łe sità istriane. Se sviłupa el feudałesimo e nase łe sità-stato. Nel tardo medio evo in Istria se fa vanti Venesia. Cusì nel 1150 Pola ła jura fedeltà a Venesia e aseta i oblighi de suditansa – el pagamento dei tributi, ła costrusion de łe galee,la partecipasion ałe guere e altro.

Pola dunque fin da ałora ła se integra in tei scopi economici e połitici de Venesia. Le popołasion originarie abandona pin pian łe lingue latine orijinarie de łe sità e łe deventa sostansialmente venetofone. In te łe canpagne resiste i vernacołi istrioti a anca el parlato croato, ma el veneto el vien universalmente asetà. Questo segna el futuro de Poła par diversi secołi. Durante il XIV, XV e XVI secoło Pola ła vien atacada, conquistada e persa dai jenovesi, dal esercito croato-ungarico e da quel asburgico, causando l'estinsion de tanti picołi insediamenti e viłagi medievałi. Oltre che par łe guere, la popolazione połese e istriana ła vien decimada dałe grandi epidemie de peste, małaria,tifo e vaioło. El degrado de łe costrusion monumentałi, l'economia distruta e ła popołasion decimada ofusca l'imajine de ła sita'. Poła però no ła podeva sparir par conto de ła so favorevołe pozision jeografica e del'importansa del so porto par el movimento comerciałe. In te l'otica austro-ungarica, ła sita' ła vien salvada da l'insediamento organisà de popołasion croata e de Slavi del sud. Par ronpar el ligame storico e sentimentałe dei istriani co ła perduta Republica de Venesia, el governo imperial incoraja i croati locałi al nasionałismo, fa' conpilar ła prima gramatica croata, istituise scołe croate e pian pianeło spenze par formarghe ostacołi a quełe italiane.
Poco ała volta, za' verso i ani 70 del otosento el numero de scołe italiane deventa minoritario.

Dopo el 1848 rivołusionario, l'Impero austroungarico gaveva capìo l'importansa del porto de Pola e in quel periodo inisia ła costrusion intensiva de un grande porto de guera e del cantier navałe. Scumisia cusì el popołamento de ła sita' e in 50 ani, il numero de abitanti riva a 40 000 da 1 126.

Poła anca in seguito ła vien descrita co fa un paese staca' dal resto del mondo. Pi tardi però se spende gran schei par costruir opere comunałi, sanitarie e de risanamento. Grasie ała costrusion de ła ferovia, Poła ła ciapava gradatamente łe funsion dei porti de Trieste e de Fiume nei cołegamenti co ła Dalmasia. Questo portava sviłupo sul piano miłitare e comerciałe. Soto el patronato de Vienna, la łéngua uficiałe inposta ła jera el tedesco, ma el vèneto el continuava a vegner parlà quotidianamente da tuti i ceti sociałi. El croato invese el restava tradisionalmente secondario nel uso publico. La situasion ła resta fondamentalmente in questi termini anca durante l'apartenensa a l'aministrasion italiana fin ała II guera mondiałe. Co ła fine de ła guera e ła liberasion dal'ocupasion tedesca, Poła fin al 1947 resta soto l'aministrasion angloamericana.

Par decision dei vincitori del conflito mondial, Pola e l'Istria łe vien unìe ała Croasia che a quel tempo jera parte de ła Jugoslavia de Tito. Durante el periodo de controło Jugoslavo avien l'esodo de quasi tuta ła popolasion veneto-istriana autoctona, costreta a abandonar ogni proprieta'.

Ała vizilia de l'entrada de ła Croasia in te l'Union Europea, sensa contar la distrusion dei archivi catastałi che podeva conservar tracia de łe proprieta' ante-ezodo, esiste ancora na legislasion che vieta de conprar beni imobiłi ai sitadini che no i ga optà a só tenpo par la nasionalita' croata e che comunque no i gabia ła sitadinansa croata.
Sta Lege ingiusta la se stà cavà sto anno nel 2008.

Poła l'é gemełà co:




#Article 10: Union Eoropea (840 words)


LUnion Eoropea (scursà UE o Ue) ła xe 'n union economega e poidega soranasional, che ła ciapa rento 28 stadi eoropei.

L'Union Eoropea ła ga creà on so marcà interno ugnoło grasie a łexi eoropee bone par tuti i stadi menbri, 'nte łe materie 'ndo che i menbri i ga vosù tratar. Łe poideghe de l'Ue łe vol segurar ła łibara sircołasion de parsone, beni, servisi, schei rento a 'l marcà ugnoło, emetar łexi in materea de justisia e dafari interni, mantegner poideghe comuni in materea de trafego, agricoltura, pesca e cresita rexonał e ła saldesa e ła cresita economega de i so menbri.
L'Union Eoropea ła xe stà fondamentà co on longo iter de tratai tacà 'ntel 1957 co 'l Tratà de Roma, che ga fat nasar l'Ue co 'l nome de Comunità Economega Eoropea (CEE), altri tratai inportanti i xe stai el Tratà de Maastricht del 1992, che ga anca portà al nome de des e chel de Łisbon. Xe stà inventà on scheo eoropeo 'l eoro, che el vien doparà da 17 dei Stati menbri. 

L'UE ła ga na superfixe de 4,475,757 km² e na popołasion de 513 mijoni de aneme. 'Ntel 2012 ła ga risevù el premio Nobel par ła paxe.

Da sénplese organizazion internazional, l'Union europea, inte ell corso dei anni, la ga gradualmente aquisìo numarose prerogative tìpeghe de na federazion, col progressìo trasferimento de poderi e de sovranità dai Stati menbri ai organismi comunitari. Malgrado questo, la se fonda tuta ora su tratai internazionai recepìi a livel interno da tuti i Stati menbri, e no la costituisse na entità polìtega unitaria.

El problema de la definizion de l'atual status zurìdego del'Union el xe sfossà, el 29 de otobre 2004, inte la firma, a Roma, del 'tratà che l'istituisse na Costituzion par l'Europa, comunamente conossùo cofà Costituzion europea. Tal testo el ribadisse la possibiità de na cooperazion inforçada par la promozion de iniziative de integrazion intra grupi de paesi, za prevista inte el tratà de Amsterdam e inte quelo de Nizza.

Un novo tratà le giera stà domandà dal Consegio europeo traverso la Dicïarazion de Laeken dopoché el funzionament de le istituzion comuni, el xe atualmente ritegnùo inadato a la coesistença de ben 27 Stati membri, ogni un dei quai co dirito de veo in àree fondamentai de la polìtega comun.

El processo de ratìfega de la Costituzion el se ga interoto el 29 de Magio del 2005 co un referéndum popolar col qual el 54,7% de l'eletorà francese el ga cernìo de no sotoscrìvar el Tratà, pochi di drìo, el 1° de Zugno, anca la popolazion dei Paesi Bassi la se ga dicïarà contraria a l'introduzion del Tratà (col 61,1% dei voti). Seben che i 18 Stato menbri i gabia recepìo el documento, prevaletemente par vìa parlamentar, sta costituzion na la xe mai intrada in vigor.
Dopo el perìodo de riflession durà di ani, la canceliera todesca Angela Merkel la ga deciso de rilançar el processo de riforma co la Dicïarazion de Berlin del 25 de Março del 2007, in ocasion dei 50 ani de l'Europa Unìa, col qual se esprimeva la volontà de desfar el gropo entro pochi mesi al fin de consentir la intrada in vigor de un novo tratà inte el 2009, ano de le elezion del novo Parlamento Europeo.

Se ga svolto cussì soto la presidença todesca de l'Union el vèrtese de Bruxelles intra el 21 e el 23 de Zenaro del 2007 inte el qual se xe rivai a un acordo sul novo tratà de riforma. L'acordo el recepisse gran parte de le inovazion contegnùe inte la Costituzion, anca se con calche modìfega par cavar el caràtare costituzional al testo e mecanismi par alguni paesi de cïamarse fora da polìteghe comuni.

Dopo la conclusion de la confarença intergoernatìa che la ga finalisà el novo testo, el novo Tratà de Lisbona el xe stà aprovà al Consegio Europeo del 18 e 19 de Otobre el firmà el 13 de Dicenbre dai Cavi de Stato e de Goerno. El Tratà el xe stà ratifegà da quasi tuti i Stati firmatari, prevalentemente par vìa parlamentar, inte el corso del 2008. La mancada tarìfega da banda de l'Irlanda in sèvito a un apòsito referéndum confermatìo no la parmetarà, però, cofà inizialmente auspegà, de farlo intrar in vigor entro le elezion europee del 2009: un secondo referendum el xe infatti previsto in Irlanda entro el Noenbre del 2009.

In xeneral:

I ani in sèvito riportai i xe quei relativi a le date de firma dei ati: inte alguni casi queste le pol diferir, anca notevolmente, da quele de intrada in vigor dei stesi.

Le istituzione de la Union Eoropea le ze:

L'Union Eoropea conta con 510 milioni de abitanti, manco de 7% del'intera popolasion mondiale e la crese demograficamente de modo molto baso, sirca el 0.23% al'ano.

L'Union Eoropea contempla 24 léngoa ufisiae, léngoe parlate in almeno un dei stati membri (Anca se solo el Ingleze, el Franseze e manca parte el tódesco le ze usae come léngoe de laoro inté la Comision Eoropea).




#Article 11: Belgrado (338 words)


Belgrado ła xe la Capital de la Servia. Ła gà 1.710.000 abitanti e xe n'inportante nodo de comunicasiòn fra Eoropa Oxidentàl e Orientàl.

Ła xe situà a ła confluensa dei fiumi Saba e Danubio, quindi la gà anca un efiçente porto fluviàl. La xe la città pi popolosa de l'ex Jugoslavia e la quarta ne l'Europa sudoriental, dopo Istanbul, Bucarest e Atene. La ga un uno status che la rende pi autonoma de le altre città de la Serbia. La xe divisa in 17 municipalità, ognuna de le quali, come nei borough de New York, la ga na zerta autonomia legislativa. El Comune de Belgrado el ciapa el 3,6% del teritorio de la Serbia, e il 21% de la popolazion (senza contar el Kosovo) el vive qua. Belgrado la xe la capital non solo economica e finanziaria de la Serbia, ma anca cultural e sientifica, e la xe uno dei principali posti turistici.

Dal 4800 a.C. la zona dove desso ghe xe Belgrado la xe sta abità dal popolo dei Starčevo e dopo da quel dei Vinča. Nel III secolo a.C. i Celti i ga fondà un villaggio dove desso ghe xe el centro storico de la città, che dopo el xe sta ciapà dai Romani, che i ga messo el nome de Singidonum. Dal IX secolo al XVI secolo Belgrado la vien ciapà man man da vari popoli, come i Bizantini, i Franchi, i Bulgari, i Magiari e i Serbi, finché, nel 1521, i la ciapa i Turchi Otomani. Tra el XVII secolo e el XVIII secolo Belgrado la vien conquistà varie olte dai Asburgo, ma senpre par poco tenpo, finché nel 1817 i Serbi i riese a verghe l'autonomia dai Turchi, e nel 1841 Belgrado la deenta capital del principato de la Serbia, che nel 1882 el xe deentà Regno de Serbia. Dal 1918 al 2006 la xe stà capital prima del Regno dei Serbi-Croati-Sloveni, po' de la Jugoslavia e par ultimo de la Serbia-Montenegro, e desso la xe restà capital de la Serbia e basta.




#Article 12: Pàdova (2903 words)


Pàdova, o pi raramente Pàdoa, (Patavium in latin, Padua in inglexe e in todesco, Padoue in francexe) ła xe na sità de 210.536 àneme, co una dee pi vece e grande università d'Europa. Trovandose sol croxevia tra e strade che va'ntel nord-est che vien da Roma e da Miłan, in mexo al Veneto, Pàdova ła xe el più gran sentro comerciałe del nord-est del'Italia.

Ła xe famosa par i so tre sensa: el santo sensa nome, el prà sensa erba e el cafè sensa porte. El santo sensa nome el xe Sant'Antonio, parché i padovani i ło ciama soło 'el santo'; el prato sensa erba el xe Prà de ła Vałe, che prima de esare bonificá el gera na pałude, mentre el cafè sensa porte el xe el Pedrochi, che na volta el gera sempre verto.

Secondo ła tradision, ła fondasion de Pàdova risałe a un grupo de profughi de ła sità de Troia, comandà da Antenore.

Uno dei prinsipai posti dea cultura paleoveneta, ła vecia Pàdova xe stà fondà tacà ai àrxari del fiume Brenta (neł' antichità Medoacus), che a chel tenpo (se pensa fin al 589) el pasava dove uncó ghe xe el Bachiglion.

Nel 49 a.C., Padova ła xe deventà de nome un munisipio roman, par esarlo par davero soło nel 45 a.C. co ła Lex Julia Municipalis. Durante ła dominasion romana Patavium, come che ła gera ciamà ałora, ła diventa una de łe sità pi riche del'Inpero, grasie anca ai ałevamenti de cavałi. Nel'età de Augusto, Pàdova ła xe parte de ła X Regio che ła gavea come capitałe Aquiłeja, ała quae ła gera cołegà dała via Ania che ła partiva da Adria. Del periodo roman resta alcuni ponti, modificai ntel medioevo, i resti de ł'arena (visin ała capeła dei Scrovegni), e terme (na sćianta de piere soto pałaso Storion) e el foro (visin ała piasa Garibaldi e ała piaseta Cavour), dove che ghe resta soło na cołona.

Al prinsipio del V secoło a Pàdova se gà stabijio el Praefectus Sarmatarum gentilium, una dee 13 guarnigion de Sarmati a difesa del'inpero. Probabiłe che ła guarnigion ła fuse dixlocà a Sarmeoła (Sarmaticula), frasion de Ruban e a Sermasa (łocaità de Vigonovo). Nel 452-453 ła sità la xe stà distruta dała invasion dei Uni de Atiła. Dal 535 al 553 ghe xe stà ła guera tra Bixansio e i Goti aleài dei Franchi: conquistà dai primi nel 540 e dopo dai secondi cò Totiła, Pàdova ła xe stà ciapà nel 568 da Narsete, generałe de Giustinian.

Dopo ła fine del'Inpero, Pàdova ła gà visto el Brenta canbiar el sò corso co ła ròta del 589, sostituio dal Bachilion. Ła xe stà asedià e conpletamente distruta en tel 601 dai Łongobardi de Agilulfo che, secondo ła tradision, i xe entrai in çità dal Ponte dea Morte, come che el xe ciamà uncó el ponte tacà a via Rudena (che sta par rovina). Monsełexe ła gà rexistio ancora par cualche mexe prima de cascar anca eła in man ai Łongobardi.
Un pochi de abitanti i ga sercà de salvarse nea laguna de Venesia, contribuendo ała nasita, secoi dopo, de Venesia.

En tel 899 Pàdova ła xe stà rasià da i Ungari.

Soło dopo l'ano 1000, Pàdova gà scumisià a riprenderse, afermandose come comune indipendente, anca se ła gà dovuo subire łe devastasion del teremoto del 1004 e, ancora più forte, de queło del 1117, cusì come el incendio grando del 1174. En tel 1164 ła fa parte deła lega veronexe contro Federico Barbarosa. Dal 1168 (convegno de Lodi) al 1183 (Paxe de Costansa) Pàdova ła fa parte anca dea Lega Łonbarda.

I ani sucessivi i ga visto ła çità aumentare ła só inportansa e i só domíni, in lota continua contro i comuni confinanti. En tel 1222 xe stà fondà ła Università, ła seconda più antica de ła penisoła itałica e una fra łe prime e più prestijiose d'Europa. A Pàdoa el ga predicà e el xe morto, en tel 1231, Sant'Antonio, , al quałe i padovani ghe gà dedicà ła grandioxa basiłica. Tra el 1303 e el 1305 Gioto el gà afrescà ła Capeła dei Scrovegni, inestimabiłe texoro de pitura.
L'espansion del comune padovan xe stà interota a più riprexe, in particołare fra el 1237 e el 1256, da ła sanguinoxa dominasion de Exełin III da Roman, ricordà pa ver fato trucidare inte un giorno soło più de diexemiła padoani.

En tel 1318 muta el panorama poitico a Pàdova: scumisia ła Signoria de i Cararexi co l'elesion a Capitan del Popoło de Jacopo da Carara. El secoło dopo, anca se turbà dae continue lote co łe signorie dei comuni tacài e co ła potente Venesia, el xe stà par Pàdova el apice del so splendore, asołuta protagonista del'arte e dea cultura europea grasie ała prexensa de artisti e leterati come Giusto De' Menabuoi, Guariento, Altichiero e Francesco Petrarca.

En tel 1387 ghe xe stà ła bataja de Castagnaro, considerà una de łe grande bataje del'epoca dei capitani de ventura: Joani Ordełafi e Ostaxio da Poenta, che i conbateva par Verona, i xe stà afondai da Joani Acuto e Checco Noveło Cararexi, chel conbatea par Pàdoa. I gera i últimi bajori miłitari de ła çità, che, en tel 1405 ła se gà inxenocià definitivamente a Venesia dopo na longa e dura łota. A xe ła coxideta devosion de Pàdova a Venesia: i últimi Cararexi prigionieri i vien copà có i se catava nei Pionbi, łe famigeràe gaere venesiane.

Nel medioevo el munisipio e ła signoria i gà fato scavare łe prinsipałi opere de navigasion de ła provincia de Pàdova: el canałe de Bataja, el Piòvego e e Brentełe.

Par quaxi quatro secołi Pàdova, anca se ła gera drio perdar inportansa połitica, a gà godùo dea paxe e de ła prosperità asicurà da ła aministrasion venesiana e de ła łibartà concesa a ła so Università, che a ga riciamà studenti e profasori da tuta Eoropa, fra i quałi l'indimenticabie Galileo Galilei.

Dopo el teribiłe asedio del 1509, durante ła guera anti-venesiana promosa da ła Liga de Canbrai, xe stà conpletà ła çinta muraria, e questo xe stà uno dei pochi eventi degni de nota del periodo. I asalti inperiałi i xe stà tuti respinti sol Bastion Coałonga da nobiłi venesiani, padovani e famosi soldai de ventura come Citoło da Perugia.

Nel 1797, Venesia vien conquistà da Napoleone e Pàdova, insieme a tuto el veneto, ła xe stà dà a l'Austria co el tratà de Campoformio, par entrar a far parte, dopo ła disfata napoleonica, del Regno Lonbardo-Vèneto. Nel 1848, anca Pàdova ła ga visto l'insuresion contro l'occupasion austriaca, in particołare a opera dei studenti universitari: tutora ła data dell'insuresion studentesca, 8 febraro, ła vien festejà. Nel 1866 Vittorio Emanuele II òcupa e anete, grasie a un plebiscito, ła Venesia Euganea. Cusì Pàdova ła entra nel Regno d'Itałia.

Durante ła Prima guera mondiałe, Padoa a xe stà sede de vari comandi, conprexo queło dea Tersa Armata, subendo speso bonbardamenti aerei. Da un areoporto picenin, a San Pelajio - ora sede de un muxeo del voło, xe partio Gabriełe D'Anunsio pal cełebre propagandistico voło su Viena. Nel 1918 a Viła Giusti deła Mandria, nea periferia sud de Pàdoa, xe stà firmà l'armistisio che ga meso fine ała guerra fra l'Italia e i Inperi Sentrałi.

Co ea seconda guera mondiałe xe rivà anca a Padova morte e devastasion, co ła perdita, fra i altri, dei inestimabii dipinti dea Capeła Ovetari de Andrea Mantegna e de Ansuino da Forlì, durante un bonbardamento aereo ałeà l'11 marso 1944: de sti capołavori resta uncó soło qualche framento. Conpagna a xe stà ła sorte pa' i afreschi de ła capeła del podestà, realizài da Fiłipo Lippi, da Nicołò Pizzolo e, ancora, da Ansuino da Forlì. Inportante el xe stà el discorso del retore Concetto Marchesi el 9 novenbre 1943 par l'inaugurasion de l'ano academico, dove chel ga invità i studenti a ciapare łe armi contro el fasismo e el naxismo, xe da anotare che però ło ga dito dopo de l'8 setenbre.

Pàdova ła xe stà ła sede del Comando Regionałe Vèneto dea rexistensa, centro de coordinamento de el CLN pa tuto el Veneto. Xe stà sto Comando chel ga dà el via al'insuresion del 26 apriłe 1945.

L'Università dei Studi de Padova ła xe stà l'unica università premià co ła medaja d'oro al Vałor Miłitare del Stato italian pai meriti durante ła resistensa.

I ani dal dopoguera fin uncó, i xe stà par Pàdova de continuo sviłupo economico. Grasie ała favorevołe posision geografica, al centro de importanti vie de comunicasion, gà vuo grande slancio e industrie e i servisi. L'interamento dee riviere (1956-1960) e ła perdita nel 1954 de alcuni coegamenti feroviari co ła provincia (gestii dała Società Veneta per le Imprese e Costruzioni Pubbliche nota come Ła Veneta) xe stà uno dei tanti presi che la sità gà dovùo pagare ała difuxion del trasporto su goma.

Ea crisi sociae e poitica dei ani setanta gà visto el połarixarse dee tension a Padova. El 15 apriłe 1969 na bomba cołocà da Franco Freda e Giovanni Ventura xe esplosa nel retorato, ałora ocupà dal profesor Opocher. I stesi gà acquistà ała Valigeria al Duomo e vaìxe utiixàe el 12 dicembre 1969 pa e bombe a Miłan nea sede dea Banca dell'Agricoltura in piasa Fontana e ała Banca nasionae del Lavoro a Roma.

El 13 genaio 1974 el cołonèo Amos Spiasi, del gruppo teroristico de destra Rosa dei Venti vien arestà.

El 17 giugno 1974 e Brigate Rose compie a Padova el só primo omicidio copando dó misini, Grasiano Girałucci e Giusepe Masoła, nea sede del Movimento Sociale Italiano.

El 7 aprile 1979 el sostituto procuratore Pietro Całogero gà fato arestare circa 140 persone aderenti a Potere Operaio e Autonomia Operaia, tra i quai spica i nomi dei profesori universitari Luciano Ferrari Bravo, Toni Negri e Emilio Vesce, oltre che tanti studenti e ricercatori. L'acusa, pasà ała storia come el teorema Całogero, gà sercà de dimostrare che el grupo de Autonomia el fuse ła faciata legae dée Brigate Rose, e che Toni Negri el fuse l'organixadore del sequestro de Aldo Moro.

El 5 febraro 1981 l'estremista de destra Valerio Fioravanti el gà copà sul'arxare del canae Scaricatore i dó carabinieri Enea Codoto e Luigi Maronexe, che i ło gaveva sorpreso a recuperare armi da un nascondiglio segreto soto aqua. Fioravanti el xe stà subito dopo caturà.

Co ła sigla de Brigate Rose per la costruzione del Partito Comunista Combattente, a Verona, el 17 dicembre 1981, xe stà sequestrà el generae american James Lee Dozier, che el xe stà liberà col blitz dei NOCS a Padova il 28 genaio 1982.

El tesuto urban de Padova xe fortemente condisionà dała presensa de diversi corsi d'aqua, formai dal'intreciarse dee aque del Bachiglion co quee del Brenta, che i ghe dà a tanti angoi dea sità scorci sugestivi.

Nel pasá, 'sti corsi d'aqua gera fondamentai pa' l'economia sitadina, sopratuto pa ła prexensa de alcuni muini e pa ła só evidente funsion comerciae, congiungendo ła cità co ła visina Venesia e co i altri centri dea provincia de Padova. In più, i canai gà rapresentà a lungo un vaido complemento dee opere de fortificasion dea cità, faxendo da fosato fora dee mura.

I corsi d'aqua citadini principai xe:

E opere de interamento dei canai sitadini, in particołare del Naviglio Interno, che el xe deso soto ła Riviera dei Ponti Romani, a partire dai ani '50, e gà asà in stato de abandono sti canài, oltre naturalmente a vère alterà ireparabilmente el streto raporto tra Padova e e só aque. Xe stà soło nei ani '90 che se gà asistio a un recupero dee vie d'aqua sitadine, che e xe deso percorse da novo da alcune barche.

El 23 majo del 2000 ła 10^ tapa del Giro d'Italia 2000 xe finia a Padova co ła vitoria de Ivan Quaranta.

Oltre al Calcio Padova, storica squadra de bałon sitadina fondà nel 1910, gà un ruòło importante anca ła squadra de rugby del Petrarca.

Nea stajon sportiva 2005-06 ła sità de Padova xe stà rapresentà nel masimo campionato, queo de A1, nea pałavoło maschie e feminie, dal Sempre Volley e dal Volley Club Padova. Anca ła pallanuoto xe presente nei masimi campionati maschii e femminii co e squadre del Plebiscito.

Tra i avenimenti sportivi anuai più conosui ghe xe ła Maratona de Sant'Antonio.

Sìndico: Sergio Giordani (Indipendente de sentro-sanca), dal 28/06/2017.

I giornai più veci che 'ncora deso i xe ocupa deła cronaca deła cità i xe : el Gaxetin e Il Mattino di Padova. Dal 12 novembre 2002 se vende el Coriere del Veneto abinà col Corriere della Sera. Sto giornałe el gà sede a Padoa e el ghe dedica ała cità do pajine al jorno. Ghe gera anca dei giornałi che łi vegneva distribuìi gratis come: Leggo, Metro, City, Il Padova e altri 'ncora, ma nesuno de questi gera de proprietà vèneta. Ghe se anca el giornae diocesano La Difesa del popolo.

Na volta ła cità gaveva n'altro giornałe locałe: L'Eco da Padova, scrito par ła prima volta nel 1977, edito dała Rizzoli e sarà nel 1980.

Arceła (Quartiere 2 Nord) ła xe ła zona nord dea cità, e ła riva fin a Pontevigodarxare. El confine el xe raprexentà dała ferrovia Venesia-Miłàn a sud (col centro citadino) e dała tangensiae a nord (co Pontevigodarxere). 
Conosua pa' esare el posto dea morte de Sant'Antonio da Padova (l'evénto el xe ricordà dal santuario de Sant'Antonino) e pa' esare stà ła periferia agrìcoła de Pàdova fin ała seconda guerra mondiałe, lArceła ła ga conosuo nel dopoguera na vełoce crésita urbanìstica, fin che ła xe rivà ai 50 000 abitanti de uncó. El metrotram ła cołega in maniera funsionae col céntro.

Mandria (Quartiere 5 Sud-Ovest) ła confina coi comuni de Àbano e de Albignaxego, divisa da questo dal canae de Bataja.

Nata 'ntorno ała vecia strada romana Annia, che portava da Padova a Adria, ła gà sul so teritorio ła Villa Giusti del Giardino, dove che xe stà firmà el4 novembre del 1918 l'armistisio tra Italia, Inpero Austro-Ungarico e Germania che meteva fine ała prima guera mondiae; che a varda el Canae de Battaja ghe ze invese Villa Mołin, pensà dal'architeto Vincenzo Scamozzi nel 1597 (e che ła vien speso, sbajando, considerà parte dea Mandrioła, che ła xe su che altra sponda del Canae de Bataja).

Dea vecia Montà (Quartiere 6 Ovest), che ła xe suła strada Padova-Ponteroto, a circa 4 km dal centro cità, resta uncó soło l'antica fonte bateximae dea césa de San Bartołomeo, risaente al XVI sec.
Recentemente el teritorio del quartiere el xe stato sogeto a forti trasformasion insediative e el xe ormai de fato inglobà col resto dea cità. Nel 2004 xe stà completa el cavalcavia de Corso Australia che el gà cusì eliminà l'unico semaforo esistente suła tangensiae, contribuendo a rompere l'isolamento de Montà dal resto deła cità.

Ponte de Brenta (Quartiere 3 Est) el xe un antico insediamento suła via par Venesia, el fa parte del Comune de Padova prima dea Prima guera mondiałe, el confina col comune de Vigonsa, dal quale el xe separà dal Brenta.
Nata atorno ai trafici dei barcaroi e dei viagiatori, ea xe caraterixà dała prexensa de alcune notevoli ville patrisie venesiane, tra queste spica Villa Breda, de proprietà comunae, col só parco. Ea vila se afacia sul fiume, da dove ghe gera l'acèso principae, verso ła fine del XIX secoło, dea ferovia Padova-Venesia. Ea xe stà fata dal Senatore del Regno Vincenzo Stefano Breda, che col'ocaxion el gà creà na fermata proprio ała fine del viae de aceso ała villa, dal lato del parco. Al senatore Breda xe anca intitolai l'ospisio pa i ansiani e l'ipodromo de Padova, che xe anca łori a Ponte de Brenta, e l'axiło infantie, che el xe nea piasa principae. Nea stesa piasa e se afacia l'antica cesa parocchiae de San Marco e San Michee, de aspeto setecentesco. Al'interno, opere de Luca Giordano e un pregevole organo del'epoca.
El parco dea vila ospita na pista pai cavai, primo ipodromo citadino, e dee scuderie otocentesche, fruto dea pasion del nobìe par l'ippica.
Na picoła frasion de Ponte de Brenta xe Tore che, secondo ła storia, in epoca medievae ła ragrupava e atuai frasion de Mortise, Ponte de Brenta, Arceła e Altichiero, infati qualcuno dixe che Sant'Antonio sia morto a Tore invese che all'Arceła, che a chei tempi no ła existeva gnancora.

Pontevigodarxere (Quartiere 2 Nord) el se trova tacà a dó ponti che i coega Padova coe so frasion a nord, el ciapa el nome dal primo comune là tacà, Vigodàrxare.
Fin ała seconda guera mondiae ła gera campagna, e ła se gà ingrandìo veocemente nel periodo dea ricostrusion dopo esere stł quaxi raxa al suoło dai bombardamenti dei aleati nel tentativo de fermare ła ritirata tedesca. 
A circa 1,5 km dal centro, ła xe na xona in fase di riquaificasion, grasie al completamento dea tangensiae nord che permete al trafico di ragiungere ła nova strada del Santo sensa pasare par l'Arceła.
Dai tempi del'amministrasion Destro, no ła xe più na frazione de Padova, ma ła fa parte del quartiere 2-Nord che comprende anca Mortise, San Carlo, San Gregorio e parte de Altichiero.

Padova xe nota per esere la città dei sete sensa:

No xe tanti gnanca i padovani a conoscere ła storia dee  dó gate , anca se e xe tra i più curiose simboi dea cità:

Persone inportanti che xe nate a Padoa:




#Article 13: Vèneto (1098 words)


 
El Vèneto ła xe na rejón (sirca 18 400 km², sirca 4 900 000 àneme, cavołogo Venesia) de el nord-est de l'Itałia.
El confina a nord co l'Austria, a est col Friul-Venesia Jułia e col Mar Adriatico, a sud co l'Emiłia-Romagna e a ovest co ła Łonbardia e col Trentin-Sud Tirol.

El xe caraterixà da na forte identità del só popoło; łe łengoe pi parlae in t'el Veneto łe xe el vèneto, cofà prima łéngoa dal 80% dei vèneti. Al nord-ovest ghe xe anca montagne enportanti parte de łe Alpi, en particolar modo i Monti Lesini, el Pasubio, l' Altopian de Asiago e łe Dołomiti col giasaro de ła Marmołada, sa ła xe la sima pi alta.

Inte ła pianura vèneta xe prexenti i pi grandi riłievi cołinari de l'entrega Pianura Padana: i Cołi Euganei, sa i xe erge, en mod ixołà, inde el sud-ovest de Padoa, seghìi, a bref distansa, da i Cołi Berici (al sud de Vicensa).

Da recordar anca łe cołine de 'l Alto Trevixan, intorno a Valdobiadene e Conejan, e el Montel.

Abità fin da ła preistoria, in prinsipio el jera abità dai Euganei, in seguito dal popoło dei Paleoveneti.

Ła storia del Veneto ła xe łigà a cueła de ła pi vasta rejón del Nord-Est de l'Italia, ciamada anca Triveneto, confinante col Mar Adriatico e tuta ła cadena de łe Alpi Orientałi, che conprende Trentin-Alto Adexe, Veneto e Friułi-Venesia Julia.

In epoca storica a partir dal I sec. a.C. ła ga fato parte de l'Inpero Roman come Regio X Venetia et Histria.

Indopo el croło de l' Inpero Roman, ła xe stada invaxa da maraje de popołi de origine barbarica (Goti, Eruli, Unni e Longobardi sta ultima invaxion ła xe descrita da Paolo Diacono inte ła só Historia Langobardorum). Tra el VI e 'lVIII secolo ghe xe stà na divixion senpre pi neta tra ła Venetia interna, soto 'l dominio łongobardo e la Venetia maritima dipendente da l'inpero bixantin e da l'esarcato di Ravenna. Gran parte de łe popołasion e le autorità rełijoxe łe se ga trasferì da łe sità de l'interno ai sentri łagunari (Grado, Torceło, Caorle, oltre che a cuełe uncò sconparse Małamoco e Civitas Nova o Heraclea). Co ła concuista łongobarda de Ravena a ła metà de l'VIII secolo, el teritorio lagunar el ga accuistà na independensa senpre pi granda da l'inpero bixantin dal cual formalmente ła restava dependente. Dal trasferimento de ła sede del dux bixantin da Civitas Nova su ła teraferma, a Małamoco, inte łe ixołe łagunari (e da cua al prinsipio del VIII secoło a Rivoalto, uncò Rialto), ga orijine ła sità de Venesia.

Venesia, grasie a łe fortune imense ricavàe co i só comerci maritimi e terestri co tuto el mondo che se conosea ałora, ła xe deventada ła pi potente de łe cuatro Republiche marinare de ła penixoła italica, che łe se contendéa el dominio comercial de łe rote del Mediteraneo. Espandendo el só dominio sui teritori sircostanti, intorno al 1400, ła ga costituìo un Stato del cual i confini se ga estéxo anca pin là de cuełi de ł'antica regio romana.

A ła fine del XVIII secoło ła Republica, ormai in declin, ła xe stà invaxa da Napoleon Bonaparte e po' da cuesta pasada, dopo na serie de sacheji e de scuntri sanguinoxi (Pascue Veronesi) a l'Austria in canbio del Belgio.
La xe restada cusì par sirca 60 ani soto ła dominasion de l'Inpero Austro-Ungarico come parte del Regno Łonbardo-Veneto. La ga ciapà parte ai moti risorgimentali co ła eroica e desperada rebełion e resistensa de Venesia e Trevixo del 1848-1849 soto ła guida corajóxa de Daniel Manin par ła so independensa. Sconfita dal jeneral Radetxski, ła entra nel Regno d'Italia in seguito a ła sconfita austrìaca de Sadowa contro ła Prusia, determinante par asicurar el suceso de ła Tersa guera de indipendensa italiana intel 1866.

Dal 1946 ła xe parte de ła Republica Italiana cofà Region a statudo ordinario.

Anche se el Veneto el jera tanto poareto prima de ła seconda guera mondial, uncò el xe deventà una de łe rejoni pi siore d'Italia.

El pi antigo gonfalon e sìnbolo de Venesia el jera porabilmente costituìo da na croxe indorà su canpo axuro (i colori de l'Impero Bixantin, de cui la çità la faseva formalmente parte).

Co i ga portà in çità el corpo de 'l vanxełista San Marco e a i ło ga fato santo patron de la çità e del Stato, se ga ciapà a rafigurar el santo in figura umana inte i stemi e inte i gonfałoni pùblisi.

Ła prima rafigurasion de San Marco in forma de leon co łe ałe la xe stà adotà inte el 1261, cuando, co la cascada de l'Inpero Latin, Venesia la strenxe maxor raporto co l'Egito, tera 'ndove el sultan, Baybars, el doparava un leon andante cofà stema, e el porto de Venesia Antiga, çità de cùi el santo el jera stà el primo papa. Inte sta èpoga la rafigurasion preminente la jera chea del leon in moeca.

A metà del XVII sècolo se ga scuminsià a espónar gonfałoni inte i cuai canpexava el clàsego leon marcian andante co ibro e spada. Inte ła stesa èpoga tal iconografìa la vien in xeneral adotà cofà sìnbolo del Stato.

El gonfałon el presentava el leon marcian su canpo axuro orà de croxe e decorasion indorae su fase rose. Łe sìe fiame łe rapresentava i sìe sestieri de la çità (uncuò, inte l'atual gonfałon de la Rejon del Vèneto conpare invense na fasa par ogni provinçia).

Łe nave de la flota łe doparava invense espónar el steso gonfałon, ma co canpo roso (cofà l'atual gonfalon de la çità de Venesia), color fin da l'èpoga asoçià a la forsa miłitar.

El leon marcian el conparìa anca incuadrà inte el tricolor de l'efìmara Repùblica de San Marco, durante i moti resorximentai del 1848.

El xe spartìo inte ła sità metropołitana de Venesia, e sie provinse: Bełun, Padoa, Rovigo, Trevixo, Verona e Vicensa.

Łe sità prinsipałi, łe xe Venesia, Verona, Pàdova, Vicensa e Trevixo.

In Vèneto łe atività de laoro łe xe sviłupàe soratuto in grupi de axiende cee che łe laora magari par conto de grose inpréxe, anca multinasionai. A ghe xe ancò 28 grupi de inprexe ciamai distreti o distriti (it: distretti). Ła lista:

In Vèneto ghe xe cuatro istituti universitari:

Inportante tra i santi veneti el xe Daniele Comboni (15 marso 1831 - 10 otobre 1881) primo vescovo de l'Africa Sentrale, esploratore del Sudan, e fondatore de i misionari comboniani de Verona.

Par saverghene piasè sui fioi pi ilustri de la Republica Veneta, varda Sitadini veneti ilustri.




#Article 14: Verona (1914 words)


Verona l'è la cità pì a ovest del Veneto, l'è vissina al Lago de Garda. Ła g'ha na posission giografica che ła ghe permete de esar senpre al sentro dei trafichi de mercanti, che i vegna da levante, che i vegna da Milan, chi sia tamochi o chi vegna dal sud. Infati l'è una de i centri piasè importanti par łe comunicassion par strada, e gh'è na mota de robe inportanti par exenpio 'n fiera, 'ndo che i fa tute łe 'spoxissioni.

I só monumenti prinsipali i è l'Arena en piassa Bra, el pontesel de Romeo e Giulieta, el ponte Piera, Piassa Erbe ndo che gh'è un casin de palassi pituradi, e 'l Teatro Romano su par łe toresele. Łe só vie principali i è via Mazzini, via Capèl e via Bałòn, se vardemo solo nte ła parte pì asè vecia.

Łe squadre de balòn de Verona i è do: l'Hellas Verona, che l'è la squadra piesè conoçua e che a gà vinto anca un scudeto e l'è pena tornà in serie A, e el Ceo, che la xuga in Serie A e st'ano ghe sarà de novo el derby de Verona dopo 12 ani. A dir la verità łe done a balon jè andà mejo, tri squadre le ga ciapà el scudeto: el Verona Calcio Feminile jutà anca da ła Fondasion Gunther, el Foroni Verona e a ła fine el Bardolin.

Verona l'è anca sede universitaria, che l'è sempre piasè granda sopratuto par medicina e informatica anca se jè facolta rilativamente nove.

Verona l'è sta abità fin da la preistoria co un pochi de insediamenti su la cołina de le Toresełe (dita anca de San Piero) che domina l'Adese. Se barufa 'ncora deso su ci sia stà la popołazion che ga fondà ła sità: l'ipotesi pi acredità, sostegnua anca dal scritor romano Plinio el Vecio, ła parla dei Reti, opure de na popolazion de Galli Cenomani, come sostien inveze Tito Livio. Altre ipotesi łe parla de na inprobabiłe origine etrusca (forsi parché vizin a Verona vivea i Arusnati, popolo de origine mia certa e che secondo alcuni el saria etrusco) e, par ultima, l'ipotesi paleoveneta ła dise che ła sità ła saria stà fondà da ła popolazion local dei Euganei.

Comunque l'è stà solo co la fondazion de la colonia romana ne ła esse de l'Adese (89 a.C.) che è tacà el periodo de grando splendor de ła sità. Da insediamento picenin e sconosùo, i romani i ghe na fato un capolaoro d'arte tirando su grandi monumenti, alcuni dei quali i se pol vedar ancora deso. Ła sità l'è sta in seguito particolarmente doparà nel III secolo d.C. come base militare contro i barbari, e l'è sta rinforzà da l'inperador Gallieno, che el ga fato slargar i muri de la sità.

Dal V al XII secolo Verona l'è passà soto el dominio de varie popolazion barbare: dai Visigoti de Alarico I a le distruzion portà da Attila, pasando par el dominio dei Ostrogoti de Teodorico el Grande, fin a rivar a l'ocupazion dei Longobardi guidà da Alboin. Nel 774, proprio a Verona, i Franchi de Carlo Magno i ga batuo l'ultimo re dei Longobardi, Adelchi, causando la fine del periodo Longobardo.

Dal 1136 Verona l'è deentà un Comun, entrando in na faxe de transizion dal feudalesimo. Da de lora sa sucedùo varie guere e la sità l'è sta doparà spesso come forteza. Dominà prima da Ezelin III da Roman, nel 1262 l'è passà soto le mane dei Scałigeri, che i ga slargà un bel po la sità e i so domini. Dal 1387 Verona l'è sta ciapà dai Visconti de Milan, dopo par un tochetin dai Carraresi, e par finir nel 1404 è rivà i Veneziani. Soto la Serenisima ghè sta quasi quatro secoli de relativa pace, con na breve ma sanguinosa parentesi (1509-1516) al tenpo de la guerra de la Lega de Cambrai, quando i soldai inperiali i ga ocupà la sità.

Nel 1796 l'è sta conquistà da le armate de Napoleon, che nel 1797 el ghe là dà ai austriaci col Tratato de Campoformio, dopo che la sità la gavea proà con corajo a ribelarse ai francesi co le Pasque Veronesi. Dopo col Tratato de Lunéville (1801) Verona l'è stà spartìa in do longo el corso de l'Adese: la parte destra ai francesi, la sinistra (che i francesi i ciamava con disprezo Veronette, da cui el nome Veroneta) ai austriaci, e cosita l'è restà fin al 1805 quando i austriaci i ga dà el Veneto par intiero a la Francia.

Col Congreso de Viena (1815), Verona l'era stabilmente in man dei austriaci e la ghe restarà fin al 1866, deentando el vertice che strategicamente contava piasè tra le forteze del Quadrilatero, l'inportante zona militar asburgica che gavea da far da cusineto contro i asalti dei Piemontesi che zercava de conquistar el Lonbardo-Veneto austriaco.

La storia de Verona italiana l'è tacà el 16 de otobre 1866 co la conquista del Veneto da parte dei Savoja dopo la terza guera de indipendenza: da de qua in avanti la sità la ga passà un periodo de relativa tranquilità e prosperità, anca se verso la fine del secolo è tacà un forte fenomeno de emigrazion, soratuto verso le Meriche.

Nel 1882 ghè sta n'aluvion tremenda: l'Adese el ga superà i arzeni e bona parte de la sità l'è ndà soto aqua. Dopo de lora, par metar al sicuro la sità da altre piene, è stà costruii i murajoni, e la sità la ga dovuo rinunciar par senpre a uno dei so aspeti piasè tipici, de sità che vivea su l'aqua.

Ne la seconda guera mondial l'è sta una de le sità pi colpie dai bonbardamenti. Dopo la caduta del fasismo (1943), Verona l'era difati deentà centro nevralgico dei republichini nazifasisti. Col Processo de Verona, Galeazzo Ciano e altri gerarchi fasisti, acusà de ver tramà con Badoglio par far arestar el Duce, iè stà dichiarà colpevoli e fusilà in riva a l'Adese.

Dopo el processo el regime de Salò l'è deentà, se posibile, ancora pi violento e persecutorio. L'atuale santuario de Lourdes sul col de san Leonardo (protetor dei carcerati), zà sede de una cesa omonima dal XII secolo, che l'era sta esproprià da Napoleon e trasformà dai austriaci nel 1838 nel Forte San Leonardo, l'è stà trasformà nel 1943 in carcere politico adibìo a la persecuzion de sitadini ebrei, antifasisti e prigionieri de guera.

Nel secondo dopoguera, sicome l'Italia l'è entrà ne la NATO, Verona la ga ciapà de novo inportanza strategica, vista che la cortina de fero coi Paesi de l'Est no l'era mia tanto distante. La sità l'è deentà sede del Comando de le Forze Terestri Alleà del Sud Europa (FTASE) e par tuto el periodo de la guera freda ghè sta na forte presenza militar, soratuto mericana, che la sta calando solo in sti ultimi anni.

Ancó Verona la se presenta come na sità dinamica e inportante, economicamente molto attiva, e anca meta turistica de rilievo grazie a la so storia milenaria, dove el passato romano el vive a fianco de la Verona scaligera, che par molti versi la riprende i stessi motivi architetonici e artistici.

Verona la ga un mucio de monumenti de epoca romana, tirà su tuti quanti dopo el I secolo a.C., quando la sità l'è sta ricostruia rento de la esse de l'Adese. El monumento piasè famoso in asoluto, sinbolo de la sità stessa, l'è l'Arena, el terzo anfiteatro roman par dimension dopo el Colosseo e l'Anfiteatro Capuano, ma quelo tegnù mejo tra questi, tanto che el vien doparà ancora deso par ospitar el famoso Festival Lirico Areniano, oltre a numerosi concerti.

N'altro famoso monumento l'è el teatro romano, del I secolo a.C., ma riportà a la luce solo nel 1830, quando i edifici che i leteralmente i lo cuerzea iè stà butà zo. D'istà se tien nel teatro na serie de spetacoli che tol el nome de Estate Teatrale Veronese.

El basso medioevo el ga lasà pochi ricordi a Verona, par via del devastante teremoto del 3 xenar 1117 che ga vu come epicentro proprio el veronese, e ga fato un mucio de danni. Par colpa del teremoto è cascà parfin na parte de l'anel esterno de l'Arena, lasandoghene in pié solo un tochetin, che l'è sta botà ancora piasè in un sucessivo terremoto nel 1183, creando cosita l'attuale suggestiva forma de l'Arena co lo so ala. Inoltre un mucio de palazi e quasi tute le cese, i monasteri e i monumenti iè stà seriamente danegià, se non butà zo. A sto proposito ghe da dir anca che i veronesi i sà ciavà qualche piera par costruir le case che vedemo visin a l'Arena e più precisamente se pol vedarle nel cantòn tra via Leoncino e la piasetta prima de via Patuzzi.

I principali monumenti medievali i risale quindi a dopo del XII secolo. In particolar sto periodo el ga visto la costruzion de un saco de edifici de culto, dei quali quelo piasè famoso l'è la Basilica de San Zen, ritegnù uno dei capolavori del romanico in Italia, e ligà a l'omonima Abazia de San Zen, de cui ne resta la torre ed alcuni chiostri.

El centro storico, in particolar piaza Erbe, piaza dei Signori e piaza San Zen, el presenta vari edifici nati durante la Signoria dei Scaligeri, come el Palazo del Podestà (o Palazo del Goerno) e quelo de Cansignorio.

Importantisimo l'era el sistema difensivo costruio dai Scaligeri, che el fasea perno su Castelvecio, fato costruir da Cangrande II de la Scala insieme al ponte Scaligero. El castel l'è sta tirà su tra el 1354 ed el 1376, e l'era pensà no par difendar la sità dai nemici, ma par difendarse proprio dai sitadini; difati el ponte Scaligero el servea par poder scapar via dal castel verso la Germania, dove regnava el genero de Cangrande II, Ludovico el Bavaro. El ponte Scaligero l'è sta costruio ne l'arco de tri anni, tra el 1354 e el 1356, e l'è talmento ciosso che el ga tegnù bota a tute le piene de l'Adese par sié secoli, fin a la note del 24 aprile 1945, quando, a la fine de la seconda guera mondial, i tedeschi, che i stava scapando via, i ga fato saltar tuti i ponti de Verona. Castelvecchio l'ospita inoltre el museo piasè importante de Verona, el museo civico de Castelvecchio.

Tra i scritori e i òmeni de cultura famosi nati a Verona, val la pena de nominar almanco Aleardo Aleardi, Scipione Maffei, Ippolito Pindemonte, Emilio Salgari, el storico Giovanni Battista Biancolini, el umanista Guarino da Verona e el poeta Berto Barbarani. Inoltre se pol zontarghe el architetto Michele Sammicheli, el pitor Paolo Caliari ciamà el Veronese, Cesare Lombroso antropologo, criminologo e giurista. Tra i veronexi famoxi de ancó ghè el genetista Mario Capecchi, premio Nobel par ła medisina nel 2007 e la Sara Simeoni campionessa olimpica de salto en alto.

Tra le personałità famose che gà visù un tòco a Verona o ghe n'ha parlà in tełe só opere, i du piesè famosi jè sicuramente Dante Alighieri e William Shakespeare, Wolfgang Amadeus Mozart. N'altro veronexe celebre, anca se no se conoxe propio ben łe só origini, l'è el poeta latìn Catullo.

Tra e persone de cativa fama, ma che le sa fate conossar anca a livel nassional podemo elencar l'assassin Pietro Maso, chel ga copà i so veci, e l'altro assasin Gianfranco Stevanin che el ga copà quatro putane sicuro e forse anche qualche altra femena ma no se sa mia de sicuro.




#Article 15: Mùxega (379 words)


La muxega ( o muŝika a Bełun e altre xone del veneto) (dal sostantivo greco μουσική) el xe el prodoto de l'arte de ideare e produre, doparando strumenti aposta o de ła voxe, on suseguirse organixà de soni che i ga el rixultà de esar piaxevołi par łe recie. Pì tecnicamente ła muxega ła consiste inte ła organixasion dei soni, dei rumori e dei siłensi inte el corso del tenpo e inte el spasio.

La muxega ła xe arte parché l'è on insieme de norme prateghe juste par rivare a determinai efeti sonori, che i riese a esprimere ła parte interiore de ła persona che produxe ła muxega e de chi che ło scolta; se parla de siensa parché ła xe fata da tenpi, frecuense e altro.

La produsion dei soni ła se fa col canto o doparando strumenti muxegałi che, traerso i prinçipi de l'acustega i provoca ła perçesion uditiva e l'esperiensa emotiva che l'artista vołea dare.

El signifegà del termine muxega no l'è de conseguensa uno soło e l'è anca inte el dì de oncò ocaxion de barufe intrà i studioxi par via dei diferenti signifegai che vegnea dati a ła paroła intei vari periodi storeghi. L'etimoloxia del termine muxega o muxika deriva da l'ajetivo greco μουσικός/musikòs, rifarendose a łe Muxe, figure de ła mitołoxìa greca e romana, rifarendose a so volta in manjiera sotointexa a tecnega che anca sto cua deriva dal greco τέχνη/techne. Dito sto ché, podemo dire che el termine no'l vegnea doparà par dirghe a na determinada arte, sì bèn ła vegnéa doparada par tute łe arti de łe Muxe, e ła se riferia a calcosa de perfeto.

El sono l'è la sensasion perçipida da ła recia par rievare variasion de presion xenerae dal moto vibratorio de corpi sonori. L'è traxmesa traerso l'aria. La perçitibiłe asensa de sono el njien ciamà siłensio, sìbèn che ła xe na sensasion rełativa, parché el siłensio asołuto in naura nol ghe xe.

El sono el ga cuatro parametro fondamentałi:

Esiste tante sot de muŝike, ke sarie komplikà dirle tute, se pol far na breve skurtada in visa de star manko e dir che ghe n'e:

Se trata di division somarie, parkè ghe sarie mili altri tipi de muŝike da meter rent e mili tipi de soto kategorie.




#Article 16: Diałeto Małetan (212 words)


Il maletàn l'è el dialet parlà a Malé, en Val de Sol, en provincia de Trent, e el fa parte di na familia de dialeti compagni parladi énte la val, che se ghe dis en pò a tüti solàndro, e quei ch'i li parla i chiapìs ben tüt, però ciaskedün de sti dialèti el gà le sò pecüliarità, el gà.

Dal’analisi de arquanti nomi de posti se porò pensar che la Val de Sol la fus già abitada amò prima d'i romani (nomi de paesi e frazión ch'i finis per -as).

La distribuzión geografica d'i nomi la faró pensar a na colonizazión da l'est, de popolazión galiche e/o retiche.

La testimognanza dei romani la sarò 'nt'i nomi prediali (ch'i finis per –ana, -ano, -aga e -ago).
Le vie di comunicazión le era: el pas del Tonàl cola val Camònica; Campìlio cola val Rendéna; el pas dele Palàde cola val Venòsta.

L’analisi dele regole di pronüncia ént'i vari posti la porteró a clasificar el dialet del’auta Val de Sól come en dialet con origini ladine, (ma 'ntì paesi de Osànå e Pliciàn se parla 'n dialèt de tipo lombardo) e quel dela basa Val de Sol come en dialet de tipo anaunico. Malé el se trova propi en mez a ste doi zone.




#Article 17: Montenegro (390 words)


El Montenegro, ufisialmente ła Republica del Montenegro (in serbo: Црна Гора, Crna Gora, el xe un stato de ła Eoropa sudoriental, in te łi monti de i Balcani
El confina a nordovest co ła Croasia e ła Bosnia e Erzegòvina, a nordest co ła Serbia, a est co el Kosovo e a sudest co ła Albania; a sudovest ła se mostra sul mar Adriatico.

Eł nome Montenegro eł xe stà introdoto da i venesiani, e eł fa riferimento al color scuro e intenso de łe foreste che na olta łe cuerzéa łe Alpi Dinareghe, cosita come se podéa védarle dal mar.
Tralatro ł'è interesante notar come, in quasi tute łe lengoe ocidentałi, se dòpara propio el termine Montenegro par indicar sto paéxe, pitosto de tradurlo o de doparar Crna Gora, el termine suo de lori.

Ła ga na superficie de 13 812 km².

El xe nassuo inte l'Età de mezo cofà principà serbo.
Ła republica de Venesia ła gavéa però otegnuo el control de ła çità de Cátaro e łe só boche.

El xe passà soto i Otomani nel 1499.

Dopo varie rebelion, nel 1878, col Congreso de Berlin, el Montenegro el xe riussio a farse riconossar da l'Inpero Otoman cofà principà independente.
El 1910 el principe Nicola I el se proclama Re.

Durante la prima guera mondial el xe stà invaduo dai Austriachi, e nel 1918 el ga perso la so independenza, ndando a far parte del Regno dei Serbi-Croati-Sloveni . Inte el 1919 i montenegrini restai fedei al re Nicola i ga anca proà a rebelarse ai Serbi, ma i xe sta batui.

Durante la seconda guera mondial el xe stà ocupà dai taliani nel 1941-43. L'idea del re Vitorio Emanuele III la gera quela de ricostruir un regno del Montenegro, tacando sul trono uno dei Savoia , ma no i ga mia fato in tenpo a realisar sto prozeto prima de la sconfita taliana.
El xe stà ocupà dai todeschi fin del 1944.

Dopo che sa desfà la Jugoslavia nel 1991, el xe sta l'ugnola republica che xe restà insieme co la Serbia inte el novo Stao de Serbia e Montenegro.

Dal 3 de lujo 2006 el xe independente in sevito a un referendum.

Ła xe na republica
Ła so capital ła xe Podgorica.

El conta 598 000 abitanti.

Càtaro ła xe patrimonio mondial de ła umanità.




#Article 18: Scherma (205 words)


Ła scherma l'è 'n spor dove se uxa de le armi che le someja a quele che se adoparava na olta. 

Nela scherma gh'è tri difarenti tipi de arma: el fioretto, la spada e la sciabola.

Durante l'asalto i'è coinvolti sempre e solo dò schermidori, chè i'è tachè a 'n aparechio segna-culpi co 'n cavo ch'el score e gh'è 'n arbitro che ghe tende. A ogni tocada se impisa na luce verda, róosa, o bianca conforme el tipo de colpo portà.

El fioretto l'è el piasè elegante dele tre armi. El bersajo valido l'è sostansialmente el busto manco i brasi e la testa. Se pol colpir soltanto con la ponta e'l ponto l'è segnà drio el parer de 'n arbitro.

Ła spada la someja al fioretto, a parte che la g'ha dele difarense struturali, come na cocia piasè granda e na lama piasè rigida. El bersajo valido par far ponto l'è el corpo intiero e l'aparechio el se impisa solo se se tóca co la ponta.

La sciabola la g'ha nà difarente impostasion schermistica parchè tuto el gesto atletico l'è coinvolto a portar colpi de tajo. El bersajo valido l'è tuto el busto, quindi dala séngia in su, via dele mane e comprexa la suca.




#Article 19: Siciłia (592 words)


Ła Siçiłia (in siçiłian Sicìlia) ła xe na region (25 711 km², i abitanti i sùpara i 5 miłioni, caołogo Pałermo) itałiana.
Ła xe bagnada a nord da el Mar Tiren, a est da el Mar Jonio e a sudovest da el Canal de Siciłia; el Streto de Mesina ła separa a nordest da ła Całabria.

A łiveł aministrativo ła xe ła region pi estexa del stato itałian.

Ła Siciłia xe na tera piena de storie e difarenti culture che łe ga prodoto na identità forte, tìpega e caraterìstega de l'ìxoa.

Ła xe na ìxoła inte el sud de l'Itałia. Se trata de ła pi granda ìxoła del Mediteraneo.
Ła ga forma de triangoło, co łi tre vertisi rapresentai da Cao Boeo o Łilibeo a ovest, Ponta de el Faro a nordest e Cao Ìxoła de łe Corenti a sudest.

Łe fa parte de ła rejon anca el arsipełago de łe Eolie a nordest, ła ìxoła de Ustica a nordovest, el arsipełago de łe Egadi a ovest e ła ìxoła de Pantełeria co el arsipełago de łe Pełagie a sudovest.

Ła xe in bona parte montuoxa e cołinar, co łi riłievi maxori inte ła banda nordoriental.
El pi' inportante el xe el volcan Etna (3340 m.). Staltri łi fa parte de el Apenin Sicuło, un łongo ałineamento de montagne co orientamento estnordest-ovestnordovest, che el va da el Streto de Mesina a ła vałe de el Torto; el xe divixo inte łi grupi de łi Pełoritani, de łi Nebrodi e de łe Madonìe.
Pi' basi łi xe łi Monti Iblei, ixołai int'el canton sudoriental, łi Monti Erei che łiocupa ła banda sental de ła ìxoła, e łi Monti Sicani inte ła banda sentro-oriental.
Łe pianura pi' estexe ła xe ła Piana de Catania, intra el Etna a nord e e łi Monti Iblei a sud, e cheła de Geła, a sudovest de łi Monti Iblei.

Łi corsi de acua łi ga carater torentisio, co piene inporovixe in inverno e łonghi periodi de magra.
Łi pi' inportanti łi xe el Simeto, el Salso, e el Platani.

Ła ga clima de tipo mediteraneo, influensà da ła distansa da el mar e da ła altitudine.
Łe xone pi' piovoxe łe se cata a nordest, chełe manco piovoxe a sudest.

Ła rejon, xa abitada int'el pałeołitego, ła xe abitada int'el età de el fero da elimi, sicani e sicułi.
Int'el IX-VIII secoło vanti Cristo, ła vien cołonixada da fenici e cartaginexi inte łe coste osidentałi, da grèsi inte łe coste orientałi.
A partir da el III secoło vanti Cristo, co che tuta ła ìxoła ła vien concuistada da łi romani, el teritorio restarà senpre unifegà inte na ugnoła entità połitega, anca se sogeta a un mucio de difarenti governi sia łocałi che foresti.
Int'el V secoło ła vegnarà ocupada da łi vandałi e int'el VI da łi bisantini.
Int'el IX łi arabi kalbiti łi forma el primo stato sovran, sevio int'el XI secoło da łi normani.
Da el XIII a el XIX secoło ghe sarà senpre al poter dinastie foreste: svevi, angioini, aragonexi, spagnołi, àustriaghi, savoiardi, e napołetani.
Int'el 1861 ła vegnarà anesa a el Regno de Ìtałia.
A inisio de el XX secoło cofà molte altre rejon ìtałiane ła sara interesada da inportanti flusi de emigrasion.

Ła Siciłia ła xe aministrà da l'Asenblea Regional Siciłiana, ła xe na region col Statuto Speciałe. I Deputai i xe 90.

Al di de ancuò inte ła Siciłia ghe xe 9 enti łivel paragonabiłe a cheło de łe province itałiane:

Łe sità prinsipałi łe xe Pałermo, Catania, Mesina, e Siracuxa.




#Article 20: Nintendo World Cup (153 words)


Nintendo World Cup (熱血高校ドッジボール部 サッカー編) xe un videosogo de calcio par Game Boy.

In stò videosogo, 13 squadre nasionali (in ordine alfabetico: Argentina, Braxil, Camerun, Fransa, Germania, Giapòn, Inghiltera, Itałia, Mèsico, Paéxi Basi, Rusia, Spagna, Stati Unii de ła Mèrica) va in serca de vincer ea Coppa del Mondo.

El sogo inisia scegliendo na squadra, sistemando in campo i sogatori dea squadra scelta.
Ea formasion che gioca xe: un portier, do difensori, el capitano (controeà da chi soga) e do attaccanti.

In sto videogioco ghe xe 4 tipi di terren:

Per segnar un gol xe posibie usar tecniche diverse: se pol segnar anca fasendo una rovesciata imposibie da fermar.

Aea fin de ogni partia vinta vien mostrada na pasword.

El sogo termina se se finise na partia co un pareggio o co na sconfitta.

Se se vinse ea final, ea squadra se riunise in na festa e al capitano vien consegnada la coppa.




#Article 21: Lenguìstega (468 words)


 
La lenguistega l'è ła disiplina sientifega che studia el lenguajo e łe so struturasion. La lenguistega ła studia anca ła gramadega, ła sintasi e ła fonetega. 

La lenguistega ła xe considerada na disiplina sientifega parché ła se baxa so metodi enpireghi e ojetivi

La lenguistega ła ga come fin cheło de capire profondamente e dare definision a łe carateristeghe del lenguajo, traerso l'anałixi de łe lengue del mondo, indagando e descrivendoghine łe struturasion de łe lengue, par capire come che łe xe e sercando de capire el parché łe xe come che łe xe (e anca capire el parché no łe xe inte n'altra manjiera). El personajo che fa sto laoro el xe ciamà lenguista.

El fin de on lenguista de consenguensa no l'è cheło de studiarse łe lengue par inpararle e parlarle. On exenpio par far capire mejo el laoro de on lenguista, l'è par exenpio ła distinsion intrà on piłota de aerei e on mecanego: On piłota de aerei el conose i comandi par piłotar on aereo, el conose ogni boton e ła so funsion, on mecanego inveçe el conose parti ungiołe del aereo, come ste cua łe sia conese fra de łore e come che mese insieme łe fasa volare l'aereo.  Stando in sta idea, on piłota nol saria in grado de riconosare i çircuiti de l'aereoplano e inte ła stesa manjiera on mecanego nol ga neçesariamente da esar bon de piłotare on aereo. In sta idea, el lenguista corisponde al mecanego, el połiglota corisponde al piłota. Podemo dire che el połiglota l'è cheła persona che conose e ga padronansa de lenguajo in tante łengue e el lenguista l'è cheła persona che studia profondamente el sistema de łe lengue, sensa fermarse so ła superfiçe par dopararle.

La lenguistega indaga łe lengue segondo do aspeti:

Ogni liveło de na lengua (da ła fonołoxia a ła semantega e a ła pragmadega) połe esare studià sia sincronegamente che diacronegamente: par exenpio, se połe studiar el sistema nominałe del latin (o sia łe declinasion: cuałi che łe xe e come che łe xe struturae) par come l'è sta conservà intei testi leterari de on determinà periodo (studio sincronego) o se no se połe ricostruirghine i canbiamenti che i ga portà al sistema nominałe latin par come che ło vardemo, seguendo ła so storia dal protoindoeoropeo fin al latin (studio diacronego).

La lenguistega l'è on canpo de riçerca grando che ła ciapa drento tante disipline e algune de ste cua łe xe cołegade a łe varie parti che łe costituise on sistema lengua. Le prinçipałi sotodisipline de ła lenguistega (che łe corisponde in linea de masima ai livełi che i conpone on sistema łengua) i xe:

A segonda dei ponti de vista co el cual el lenguajo el njien studià, xe pusibiłe far altre distinsion e de conseguensa altre sotodisipline:




#Article 22: Łetaradura (242 words)


Ła łetaradura, o łitaradura ła xe 'l insenbre de łe opare de na łengoa.

Ła ciapa rento tute łe corenti e i zeneri de'l pensier de'l omo raportà a ła vita, ai sentimenti, e a l'omo.

L'importansa deła leteratura ła sta int'el rapresentar, in opere singołe legibiłi da tuti, sentimenti e stati d'animi universai o considerà tai.

Par questo, carateristica fondamentałe de ła leteratura xe poder esar ricordà, overo ła MEMORIA.

Łe opere łe xe ła produsion leteraria del singoło autor.

Un importantisim autor leterario xe stà par esenpio Goldoni.

Łe corente łe xe l'insieme dei stiłi, de łe idee, dei modi de vita, dei stati d'animi, dei desideri e aspirasion de un dato momento storico che gà coinvolto più autori.

Ła corente se dinstingue dała tendenza literaria, parché ła corente ła ga par fondamento un scrito, ciamà statuto, o dichiarasiòn, o manifesto o in miłe altri modi, che rende publici i motivi e łe base del grupo che gà formà ła corente.

Corente leterarie importantisime łe xe stà par esempio el Romanticismo (Ugo Foscolo, Alessandro Manzoni etc.), el Futurismo (Filippo Tommaso Marinetti etc.); mentre tendensa se połe ciamar el sinbołismo (Baudelaire, Giovanni Pascoli etc).

I zeneri i xe i tipi de opere, distinti da canoni e criteri e leje metriche.
Zeneri i xe per esempio ła comedia (Goldoni, Molière, Plauto, Terenzio etc), el romanzo (Manzoni, Dostoieschi, Sartre, Camus, Wolf, etc), ła poesia (Pascoli, Giosue Carducci, Catullo etc etc).. e miłe altri.




#Article 23: Vicensa (1178 words)


Vicensa (nome ofisial en itałian Vicenza) ła xe na sità del Vèneto e ła ga sirca sentoventimiła abitanti, trexentotrentamiła co ła cinta urbana.
Ła xe caologo de provinsia e sede del vescovo.

I abitanti de Vicensa (Visentini) i xe conosui par èsar soranomenà Magnagati; a cauxa del famoxo proverbio:

Vicensa ła xe sta nominà patrimonio de l'umanità da l'UNESCO, par i pałasi costruìdi dal Paładio.

Par la so arte la se una dele sità pì importanti de la Venessia (e de l'Italia). Le so orijni le xe antiché asà, pare che la sia sta fondada dai Veneti atorno l'VIII secolo a.C., difati xe sta catà, soto la Standa in corso Paladio, i resti de on tenpio veneto e de le plachete votive. Fasilmente la so orijine, come tute le çità venete, xe al'età de bronxo o prima ancora. El so nome, come testimonià da documentasion del 135 a.C., jera Vicetia.

Dopo el desfamento de l'inpero roman vien ocupà e sotomesa in tenpi diversi dai Goti, dai Longobardi e dai Franchi e la resta soto l'influensa dei feudatari, dei re e dei inperadori germanici fin al 1000-1200. On poco a la olta dal 1000, el comun ciapà forsa e se svincola dal poder dei feudatari germanici, pur esendo coesti ancora forti e prexenti fra i nobili de la çità. Vicensa in te el medioevo deventa preda dei diversi potentadi feudali visini che i se la contende: i scalijeri, i Exelin da Roman, i Cararexi, e i Milanexi (tuti o cuasi di orijine germanica). Par non esar pì preda de le mire espansionisteghe dei diversi potentadi, Vicensa deçide de sotometarse a la Republica Veneta, a ch'el tenpo na potensa economega e militar e goernà da on rejime çivile che gavaria garantio, paxe, benesare e libartà de comerçar. Unico periodo de goera xe stà el 1509-1517, la Guera de Cambrai, indove Vicensa xe stà diverse olte ocupà da Austrìasi o da Venesiani.

On altro momento tragico xe sta la całada dei Lanzichenechi tedeschi a Mantoa del 1630, che ga portà la peste in tuta la Venesia, e a cauxa del coale xe stà costruia la baxilica de Monte Berico. El tempo de la paxe e del benesare finise co l'arivo de le orde napoleoniche in t'el 1797 e dopo co l'ocupasion francexe del 1809-1815. Difati i francexi i ga invadesto la Venesia, e i ga sacheja e spolià conpletamente le çità venete prima de consegnarla ai Austrìasi. E dopo, dal 1809 al 1815, i ga ocupà la Venesia, mandando via i Austrìasi e inponendo tase enormi e leva obligatoria par finansiar le canpagne militari (p. ex. canpagna de Rusia). 'Ntel 1848 Vicensa ła se ribela ai Austrìasi e i li buta fora dała sità. Dopo na disperata rexistensa, el diexe de giugno, però, la vien ocupà naltra volta dał'esercito austriaco (par sto fato d'arme Vicensa la ga avudo ła so prima medaja de oro al valor militare, ł'altra la ga avuda dopo ła Rexistensa 'nteła seconda guera mondiałe: difati ła xe ł'unica sità d'Italia ad aver do medaje de oro al valor miłitare).

I itałiani i ocupa Vicensa in t'el 1866 e dopo puchi ani scumisia ła granda emigrasion che ga colpìo tuta ła Venesia fin a ła fine de la seconda goera mondial a ondà sucesive.

Ła prima goera mondial segna asà Vicensa, che esendo in te łe retrovie del fronte deventa na sità de smistamento de soldà, armamenti e de ospedai, co grave dan par ła so economia.

Anca co ła seconda goera mondial Vicensa ła subise pesanti bonbardamenti che cauxa la morte de tanti çiviłi e gravi dani al patrimonio imobiliare e cultural (duomo e Baxełega Paładiana distruti), Vicensa e 'a so provincia 'e jera anca n'importante sentro par la rexistensa partijana, che 'a ga conbatù molto anca inte la città. 
Solo dopo la ocupasion anglo-mericana Vicensa la otien la paxe che ghe consente de tornar a esare in poche dexine de ani na potensa economega e industrial.

In cuasi tuto el mese de novenbre 2010, a Vicensa (e anca nei dìntorni), ghè xe stata n'ałuvion potente, che gà ricòperto de aqua, cuasi tuta Vicensa e i so monumenti.

Intorno a Vicensa ghe xe fabriche che łe łaora el fero e i altri metałi, che produse sostanse chimeghe e medisine, che fa la carta e che ghe stanpa de sora. Pì inportante de tuto par ł'artigianà xe el setore de ł'oro, dove che Vicensa xe considerà ła capital de ł'Itałia. Ła pì grosa esposision de artiginà de ł'oro xe VicenzaOro, che ła ga na poxision de inportansa mondiałe par el setore. Suito dopo ł'oro, ła roba pì importante par Vicensa xe ła pełe, che vien łaorà soratuto a Arxegnan e a Cianpo, e che ła vien spedìa in tuto el mondo. El giornałe pì groso de ła provincia, el Il Giornale di Vicenza (El Jornałe de Vicensa), el ga ła so sede in te ła sità de Vicensa.

Vicensa ła xe importante pal vin, che il ghen produse un fraco de queo bon.
Dei meio in tuta la produsion ghe xe i vin de łe xone D.O.C. (Denominasion de Origine Controłà): ła xona D.O.C. Cołi Bereghi, col Tai, ła xona D.O.C. Breganze, col Bianco, el Roso, el Cabernet, el Sauvignon, el Cabernet Sauvignon, el Pinot Nero, el Marxemin, el Pinot bianco, el Pinot grixo, el Vespaioło (Chardonnay e Sauvignon, kuando ke i ga almanco dodexe gradi, i pol aver ła qualifica agiuntiva superiore; Roso, Cabernet, Cabernet Sauvignon, Pinot nero, Marxemin e Torcołato, dopo almanco do ani de inveciamento, a partire dal primo novenbre deł'ano de produsion, i pol avere anca ła xonta de ła cuałifega riserva), ła xona D.O.C. Ganbełara, coi Ganbełara, Ganbełara Recioto, Ganbełara Vin Santo e Dureło (vitigno Garganega, da soło o coła xonta de altri vegnai a perła bianca no aromateghi, al masimo el 20%).
A tuta sta produsion de vin ghe xe da xontarghe anca łe robe da magnare tipiche, che i łe conose anca in giro pal mondo:

Vicenza ga sete circoscrissioni, divisi in vari quartieri:

Vicensa xe sede destacà de l'Università de Padoa: par Ingegneria ghe xe le lesion de Ingegneria gestionale, ingegneria mecanica, ingegneria mecatronica; par medisina veterinaria ghe xe el corso de sicuresa de la roba che se magna. Se anca sede destacà de l'Università de Verona, che la ga meso su i corsi de economia del comercio internasionałe e Economia e ministrasion dele inprese e de Siense infermieristeghe.

(par ordene alfabedego)

Ła squadra dele femene de bala a canestro la ga na tradision beła łonga, co 12 scudeti, 5 cope dei campioni, na Coppa Ronchetti che ła ga vinto.

Ricordemo che anca Schio gà na squadra de bała a canestro che gà vinto du scudeti, du Coppa Ronchetti, tri Coppa Italia e na Supercoppa Itałiana.

La squadra de bala a volo dele femene, parà su in serie A1 in te la staion 1997-98 ga vinto na Coppa Cev, 2 scudeti de beach volley 4x4 e 4 Coppa Italia de beach volley 4x4.
In tel 2003 la ga vinto lo scudeto par le fiole che ga manco de 19 ani.




#Article 24: Gałasia (812 words)


Na gałasia xe un sistema grando gravitasionalmente łigà, che ga stéłe, gas e pólvare interstéłare, plasma e (magari) na parte de sostansa scura che no se połe vèdar. Ła nostra gałasia ła se ciama ła Gałasia (co majùscoła), e serte volte anca Via Làtea. Ła paroła gałasia vien dal greco, γαλαξίας, che vołe dir late.

Na gałasia tìpica ga tra diexe milioni e mile mijardi de stéłe (tra 107 e 1012), tute che łe xira datorno un sentro de gravità comun. Ghemo anca stéłe ixołade e un medio interstéłare che xe tanto débołe. Cuaxi tute łe gałasie ga tanti sistemi stéłari binari e graspi stéłari, e anca tante sorte de nevołoxe. Na gałasia ga na grandesa tra mijari e sentenari de mijari de ani luxe de diàmetro, e normalmente ła xe spartada da łe altre gałasie serti milioni de ani luxe.

Anca se ła sostansa scura e ła enerxia scura par che łe sia pi del 90% de ła masa de cuaxi tute łe gałasie, ła natura de ste sostanse no se capise ancora tanto ben. Cualcuni ga demostrà che podaria èsar che ghe sia un buxo nero supermasivo intel sentro de tante gałasie, furse tute.

El spasio intergałático, che xe el spasio tra gałasie, xe pien de un plasma débołe co na densità media che xe pi basa de na particeła per metro cùbico. Seguramente ghe xe pi de 1011 gałasie intel'universo che se połe védar.

Ghe xe tre sorte de gałasie, prinsipalmente:

Ła secuensa de Hubble fa na descrision na scianta de pi granda su łe gałasie; ła varda soło el so aspeto. Comuncue, ła secuensa de Hubble varda tute łe gałasie, e ła xe baxada soło na so morfołogia. Par cuesto, podaria èsar che no stia drio vardar serte carateristeghe de łe gałasie, cofà, par exenpio, ła tasa de formasion de stéłe.

Ła nostra gałasia ła xe na granda gałasia spirałe xbarada co forma de disco de pi o manco 30 chiłoparsec (100 000 ani luxe) de diàmetro e grosa 3000 ani luxe. Ła ga 3·1011 stéłe e na masa totałe 6·1011 volte pi granda che el Sołe.

Cofà łe stéłe, i braxi spirałi i ga ła forma pi o meno de na spirałe logaritmega, che xe uno schema che se połe calcołar matematicamente, e par che vien de na alterasion inteła masa de stéłe che łe sta drio xirar.

Cofà łe stéłe, i braxi spirałi anca i sta drio xirar datorno el centro, ma i fa cuesto co na vełocità angołare costante. Cuesto vołe dir che łe stéłe łe sta drio entrar e sortir del braxo spirałe tuto el tenpo. Se pensa che i braxi spirałi i xe parti onde ła densità xe pi granda, o onde de densità. Cuando łe stéłe łe va intel braxo, ła vełocità se fa pi basa, e par cuesto ła densità xe pi alta en cuełe parti; sta roba xe cofà i inbotijamenti che se połe vèdar inteła autostrada: ghe xe na onda de machine pi lente che łe se sposta inteła autostrada tra altre machine pi vełoci che łe stà davanti e dedrio. Łe machine che ghinè intel imbotijamento no łe xe senpre łe stese. Nojaltri połemo vèdar i braxi spirałi de łe gałasie, parche ła densità alta fa che ła formasion de nove stéłe sia pi alta, e par cuesto łe ga stéłe pi briłanti e pi xòvani.

Intel ano 2003 Michael Drinkwater, de ła Università de Queensland, ga scoerto na nova sorta de gałasie, che łe xe clasificae come Gałasie Nane Ultradense.

Ghi nè poche gałasie che łe resta ixołade. Cuaxi tute łe xe łigade gravitasionalmente a altre gałasie. Cusita, łe struture che łe forma połe èsar:

Despò a scała de i supergraspi, el aspeto del universo xe ixotròpico e omogèneo.

Ła nostra Gałasia xe drento un grupo, che se ciama Grupo Locałe. Intel Grupo Locałe łe do gałasie pi grandi łe xe ła nostra, e ła gałasia Andròmeda; intel Grupo Locałe ghi né altre 30 gałasie pi pìcołe, che łe xe tute inte un vołume de un megaparsec. El Grupo Locałe el xe drento un supergraspo che el se ciama Supergraspo de ła Vérxene.

Galileo Galilei xe el primo omo che ga vardà el ceło co un tełescopio. Cusita el ga scoerto che ła Via Làtea, ła strisa luminoxa che se połe vèdar intel ceło noturno, ła xe tante stéłete mese insieme. Un secoło pi tardi, intel 1755, Immanuel Kant ga pensà che furse ła gałasia xe un corpo fato de tantesime stéłe che łe xira tute insieme, e che łe sta unide par ła forsa gravitasionałe. Sto disco de stéłe el saria drio vèdarse intel ceło cofà na strisa. Kant anca ga pensà che furse serte nebułoxe che łe se vede intel ceło łe xe altre gałasie separade.

Uncó ła gałasia pi lontana che se ga mai visto ła se ciama Abell 1835 IR1916, scoerta intel 2004.




#Article 25: Spasio vetorial (153 words)


Se dixe spasio vetoriàłe sóra 'n canpo  n'insieme  cò dò operasion: , ciamàda sòma, che xe comutativa e , ciamàda moltiplicasion par 'no scałare, che łe ga ste proprietá:

(i) 

(ii) 

(iii) 

(iv) 

par ogni  e par ogni .

I elementi de 'no spasio vetoriałe i se ciàma vetòri. El vetòre xero 'l xe l'elemento  xero de ła sòma in  (xe fasiłe controłàre che 'l sodisfa łe proprietà de sòra).

'N sotoinsieme  de  'l se dixe sotospasio vetoriałe de  (e 'l se scrive ) se xe vera una de ste proprietà (łe xe tute conpagne, se ła xe vera una ełora łe xe vere anca łe altre dò, se una ła xe sbajà ełora łe xe sbajà anca łe altre dò):

(i) ;

(ii)  e ;

(iii)  'l xe sarà par combinasioni lineari:  .

'N exenpio de spasio vetoriałe sarìa , o anca mejo sarìa .  (risp. ) xe 'n exenpio de sotospasio.




#Article 26: Ençiclopedia (102 words)


Un'ençiclopedia la xe nà racolta par quanto posibiłe de tute łe conosense e el savére uman. 

Ła paroła ła deriva dal latin medioevałe, e vol dire sù par zo corso de studi generałi (dal greco εγκυκλιος =tuto-intorno + παιδεια = educasion, sarìa a dire enkyklios paidéia, che se pòłe inténdare anca come istrusion circołare, sarìa a dire conpleta, che pòłe conprendare tute łe disipline).

Le ençiclopedie pòłe esare generałi, e contegnere articołi su qualsiasi argomento, o anca speciałi e contegnere informasion su un particołare campo de ła conosensa (es. na ençiclopedia de medexina o de fiłoxofia).

(in ordine cronołogico de prima edision)




#Article 27: Trénto (509 words)


	
Trénto (Trènt in Trentin) l'è ła sità cavedal de ła Provinsia Autonoma de Trénto, en ła Region Trentin-Alto Àdexe e en Itałia. Ła sta su łe rive del Àdexe e l'è sircondada de monti alti sirca miłesinquesénto-domiłe metri. Ła ga pasà sentomiła abitanti e l'è recordada dapertuto perché dal 1545 al 1563 gh'è stà el Conséjo de Trénto.

Ła sità ła se cata sol fondoval del'Àdexe, 55 km a sud de Bolxan e 100 km a nord de Verona.
A ovest ła xe sorastada dal Mónte Bondon (Cima Palon 2090 m s.l.m.), a nordovest da ła Paganeła (2125 m s.l.m.), a nordest dal Mónte Całixio (1096 m s.l.m.), a est da ła Marsoła (1738 m s.l.m.) e a sudest da ła Vigołana (Becco de Fiładona, 2150 m s.l.m.). Ghe se cata ła stasion meteorològega de Trento; ła sità ła xe stada ła pì coverta da ła nevegada del sècoło.

Ła sità de Trénto rapprexenta el sentro un'àrea urbana conprexa longitudinalmente fra Mexołonbardo e Roveredo e diładada a est verso ła Valsugana, oltre el comun de Pergine.

Trénto ła prexenta estreme deversidà teritoriałi e de popołasion. Ła popołasion comunal non ła xe presente soło en sità, ma anca en un mucio de sentri sparsi (soborghi), tanto difarenti l'un dal'altro e chei conserva ancora na propia identità che ła sia urbana, paexana, rural o montana. Ła sità antiga conta 55 197 abitanti (otobre 2004). El comun corisponde al'aglomarà urban, al qualè xe qualca volta incluxo quel de Lavis (8 000 ab.; i supera conpagni i 120 000 abitanti). Łe altre localedà confinanti łe xe separae par motivi orogràfeghi.

Fra i soborghi, quel pì popołoxo el xe Gardoło (a nord de ła sità, 12 449 abitanti ła sircoscrision), mentre quel manco popołado el xe Sardagna (soło 1 106 abitanti). Ła magioransa dei soborghi ła xe distribuida sol fondoval del'Àdexe o su łe cołine a est de ła sità, mentre el paexin de Sardagna, catà a ovest el xe su un pian pieroso a 560 metri s.l.m. e el xe łigà al fondoval da na pìcena funivia; i paexi del Bondon i xe invese catai fra i 490 metri s.l.m. de Vìgoło Baxelga ei 1650 metri de Vaxon e i fa tuti parte de ła stesa sircoscrisione comunal.

Ła grandesa del teritorio comunal ła fa derivar dónca na densità de popołasion miga carateristiga de sità conpate e a forte concentrasion de popołasione (668 ab./km² contro, par exempio, i 1 869 ab./km² de Bolxano).

Trénto ła tien un łigame molto streto co ła montagna, en particołar col Mónte Bondon, ciamà anca lAlpe de Trénto, parte del teritorio comunal se pol 'ndarghe so en poco tenpo dal sentro sitadin co ła strada provincial.

Visin a ła conca de łe Viote del Bondon xe posìbile vixitar el Sentro de Ecołogia Alpina e el giardin botànego e anca tacar l'escursion verso ła Rexerva Natural Integral de łe Tre Sime del Bondon (Cornet, Dos d'Abramo e Sima Vèrda).

I 15.803 ètari dei quałi el xe conposto el comun de Trénto i xe cusì divixi (en órdene de grandesa):




#Article 28: Pałermo (272 words)


Pałermo (in siciłian Palermu), 721.163 aneme, xe ła Capital de ła region autonoma de la Siciłia, de ła cual ła ospita ła asenblea e ła xonta, e da ła omonima sità metropołiatana.

Ła se trova a nord ovest de ła reġon, so el bordo sudosidental de el Golfo de Pałermo, inte ła piana de ła Conca de Oro, intra i munti Castellaccio e Cucco' a ovest e Grifone a sud.

Fondada da i fenici int'el VIII-VII secoło v.C., ła ga un sentro istorego ce el ga ċapa el so aspeto atual int'el XVII secoło, ma el ga conservà momnumenti pi' antigi cofà ła Catedral e el Casteło de ła Zisa. Intra i monumenti pi' inportanti i ge xe el veċo Pałaso Real, el Teatro Masimo e łe ċexe baroce de San Domenego e de Santa Caterina.
Int'el XIX secoło ła ga tacà a desviłuparse verso sudest e nordovest fin oltre i munti Castellaccio e Pellegrino.

Pałermo ła ga do aeroporti: uno miłitar a Boccadifalco'  e uno sivil a Punta Raisi (Falcone e Borsellino).
Ła sità ła xe el prinsipal sentro de trafego de ła Siciłia, grasie a un porto grando e ben atresà, indove łe riva strade e ferovie da tuti i cantoni de ła ìxoła.
Torno a el porto i xe cresui conplesi industriałi de prima inportansa ativi inte i rami siderurgego, cantieristego, cimego, de el véro, de el semento, de el łeño, tesiłe e conserviero. Incora inportante ła xe ła coltivasion de colture orticołe e de agrumi; in cresita el xe el turixmo.

In sità i ge xe na università, un orto botanego, muxei e racolte de arte e sientifege.




#Article 29: Sant'Antonio da Padova (366 words)


Sant'Antonio de Padova, al secoło Fernando Bulhão (Łisbóna, 15 de agosto 1195 - Pàdoa, 13 de zugno 1231) xe stà un frate francescan, e el xe un santo de ła Céxa Catòłega. Ła data de nàsita ła xe tramandà par tradision.

El jéra de fameja de nobiłì portoghexi, disendenti dal cavałiere croxà Goffredo di Buglione.

Prima co ì Canonici regolari agostiniani de Coimbra (1210), dopo co ì francescani (1220), el gà predicà dapartuto, 'ntel Portogało prima, e dopo in Itałia; le sò parołe le jéra piene de dotrina de łe Sacre Scriture. 

'Ntel 1221 el gà incontrà, a ła Porziuncola, San Francesco de Asisi, che el ło gà mandà a l'èremo de Montepaolo, tacà Forlì, sità dove el gà scuminsià a predicar.

Profesor de teołogia e a ło steso tenpo predicator, el gà conbatù l'erexia catara, soratuto in Fransa, co tanta fòrsa e co tanta convinsion. Dopo el xe stà trasferìo anca a Bułogna e in fin a Pàdoa, sità dove el xe patron.

El xe morto el 13 de giugno del 1231, a l'età de 35 ani, visin de ła cexa de l'Arceła (Ara Coeli), frasion nord de Padoa, de ritorno dal convento de Canpo San Piero indove ch'el se jera ritirà. Dopo ła so morte i tanti miracołi i gà fato in modo che el fuse invocà dai devoti come un infaticabiłe guaritor, e tuti i lo dixeva santo.

'Ntel 1232, l'ano dopo de ła so morte, papa Gregorio IX el lo gà fato santo.

Pio XII in tel 1946 el gà eleto Sant'Antonio tra i dotori de ła Cexa Catołica; in particołàre ghe xe stà dà el titoło de dotor evangełico', parché el jèra sołito sostegnere łe so afermasion co łe çitasion del Vanxeło.

Ła granda Basiłica de Padoa ła xe dedicà a Sant'Antonio, e in çità ła xe cìamà El Santo. Ghe xe anca un dito su Padoa, ligà anca al Santo: ła sarìa difati ła çità col cafè sensa porte, el santo sensa nome, el prà sensa erba, che sarìa el cafè Pedrochi, sant'Antonio apunto, e el Prà de ła Vałe.

Sant'Antonio el se festeja el 13 de giugno; a Padoa, par l'ocaxion, se fà na inponente çełebrasion co ła proçesion.




#Article 30: Bacajon (185 words)


El Bacajon el xe un fiume che nase in provincia de Vicensa proprio sòto del Pasubio.

El corso del fiume, longo sù par zo 118 km, el ga un basin de racolta che el xe largo par 1400 km².

Le so aque le vien fòra da le sortive de la pianura vicentina e dai tanti torenti de le Prealpi venete.

Dopo aver pasà Vicensa cò dèłe rive piene de meandri e bìsse el se dirije verso Padoa dove che el se presenta co un corso guałìvo e dirito, se pòłe vèdare ì arzari modificà dai laòri dè bonifica. A Vicensa, Pàdova e inte łe canpagne sto fiume el ga provocà in pasà e in tenpi moderni gravi dani pa łe so esondasion.

Infati visìn del Basaneło, frasion del comune de Padoa, da le so acue nàse tre canałi diversi: el canałe dè Batajia, el canałe Scaricatore (el pì grando par portata dè acua) e in fin el Navilio interno de Padoa.

El fiume Bacajon pochi chilometri prima de butarse inte l'Adriatico co na fose ad estuario el se unisse a le aque de la Brenta.




#Article 31: Prà de ła Vałe (1612 words)


Ła granda piassa ełitica del Prà de ła Vałe ła xe uno dei sínbołi de Padova, la pí granda piassa padoana e una de łe pí grande de l'Europa. Ła mixura su par zó 90 000 m², uncò ła se prexenta cofà no spàzio monumental de granda inpresion, co in mezo na ixoła verde díta Ixoła Memia, che ga tuto intorno na canałeta e un dopio baxamento co sóra calche statua; de 'ste qua una ła raprexenta Andrea Memo, el patrissio venessian, nominà proveditor de Padova, che 'ntel 1775 el ga vú l'idea de mełiorar tuta la piassa, che a qûel
tenpo la jera nà pałú sensa forma.

In tel periodo romano e altomedieval l’area la xe conossiùa come Canpo de Marte o Canpo Marzio, parché i ghe fasea, tra le altre robe, le adunate militari. Indopo la xe sta ciamà sia “Vale del Marcà”, par i marcà e le fiere stagionai che i ghe fasea, sia come “Prà de Santa Giustina” parché proprio lì che xe la cesa intitolà a sta santa. El toponimo “Prà de la Vale” (Pratum Vallis) el xe riscontrà par la prima olta nel XII secolo.
 
El termine Pratum el vegnea doparà, in età medieval, par indicar un toco de tera belo grando destinà a usi comerciai che spesso, se nol xera lastricado, el podea anca cuèrzarse de erba. Bisogna quindi intendarlo soratuto come na parola che indica la funsion prevalente de l’area, pi che na efettiva copertura erbosa.
El termine Vale el sta quindi a significar “bassura” e “logo paludoso”. El deriva da la conformasion de l’area lievemente concava, e che quindi la xe sta sogeta a alagamenti e sucesivi inpaludamenti del teren fin a la fine del XVIII secolo.

Nel periodo sabaudo l’area i la ga intitolà uficialmente Piazza Vittorio Emanuele II, anca se ne l'uso comune i padoani i continuava a ciamarghe Prà de la Vale.

L'intiero proxeto, restà squaxi incompiú, xe rafigurà da na famoxa incixion de rame de Francesco Piranesi del 1785. Se dixe che Memo 'l gavese comisionà 'sta raprexentassion insieme co de łe altre e łe tegnese in mostra a Pałaso Venesia, cà de l'Anbasiata de ła Republica a Roma, par catar personagi e autorità proponendo de pagar par costruir łe statue da mètar al ornamento de ła piassa. El progeto de costrussion el xe stà scrivesto, par incarico de Memmo, da Domenico Cerato, profesor de architetura a Vicensa e a Padova.

I scavi in preparassion del laóro, fati par regołar łe aque e bonificar ła vałe, i xe stai direti da Simone Stratico e i ga portà a ła scoverta de i resti de un teatro romano. Questo fato ghe portò łustro a l'inissiativa, che ła jera cusí na scoverta de ła destinassion publica de ła xona.

Andrea Memmo el stava al pałazzo Besarion, fato 'ntel XV secoło (dopo de pałazzo Angełi), ch'el se trova zusto in Prà de ła Vałe, 'ntel angoło co via Umberto I. Uncò el palazzo monumental, propietà del Comun de Padova, l'ospita el Muxeo del Prezinema ła cołession Minici Zotti'.
De particołar intarese storico xe ła Baxiłica Benedetina de Santa Ziustina, ła Logia Amulea in stile neoclasico e i tanti intaresanti pałazzi fati tra el Quatrosento e l'Otosento che i sirconda ła piassa.

Łe statue che adorna ła piassa łe xe 78: 38 łongo l'aneło drento a l'Isola Memia, 40 łongo queło esterno, ma secondo el disegno originario la gavea da esar 88. Le raprexenta i pí iłustri fioi de ła sità, padoani de nasita o d'adossion (soratuto traverso l'università). La disposision de desso la deriva prinsipalmente da la distrusion de sié statue che rafigurava dei doxi venexiani, butà xo da l’esercito napoleonico nel 1797. In sèvito a sto episodio ghe xe sta un riposizionamento de diverse statue e soratuto la colocasion sui pedestai dei ponti est e ovest (originariamente pensà anca lori par dele statue) dei atuali obelischi che prima i xera sistemà longo i quatro viali interni de l’isola. I do pedestai interni del ponte nord i xe ancora desso privi de statua.

Un preciso regolamento (emanà da la Presidenza del Prà el 10 de febraro 1776) el ga fissà le norme par la realixasion de le statue: no le podea rapresentar persone ancora vive, no podea èsarghe santi (a quei xera riservà i altari de le cese) e tuti i personagi ritrati bisognava che i gavesse vu un ligame co la sità. Nela magior parte dei casi se trata defati de profesori universitari, artisti, condotieri o ex goernanti de la sità.

La prima statua realixà, tanto par proar, la xe stà nel 1775 quela de Cicerone, che i la ga cavà subito parché nol ghe entrava gnente con Padoa; al so posto i ga messo l'atuale statua de Antenore oferta a la sità dal stesso Andrea Memmo. L’ultima de le statue originali la xe stà quela de Francesco Luigi Fanzago colocà nel 1838. In sèvito, nel corso de l'Otosento, i ga rifato la statua de Antonio Savonarola parché la s'avea strusià e par finir, nel 1963, par esigense de conservasion i ga sostituìo con na copia (opera de Luigi Strazzabosco) l’unica statua eseguìa da Antonio Canova e rapresentante Giovanni Poleni. Le statue le rafigura solo che òmeni; l’unica ecesion la xe el busto de la poetessa Gaspara Stampa, colocà ai pié de la statua dedicà a Andrea Briosco.
I pedestai e le statue i xe fati in piera de Vicensa, un calcare tènaro cavà in diverse località dei Coli Bèreghi. El se presta ben assè a l’uso in scultura par la so fàsile scolpibilità, ma el presenta de contro un fàsile deterioramento. Diversi interventi de restauro e conservasion i xe sta operà su le statue da la fine de l'Otosento. L'ultimo esteso intervento su le statue el risale ai primi anni novanta del XX secolo.

Le statue le xe sta fondamentai par la trasformasion del Prà mìa solo visivamente, ma anca finanziariamente. Defati, le xe sta pagà da singoli cittadini o gruppi previo el versamento de na somma che la podea variar tra i 135 e i 150 zecchini e che la xe servìa sia al costo vivo de la statua sia come contributo ai laori xenerali del Prà. I schei i podea anca èsar versà in do-tri anni de tenpo.

El Prà de ła Vałe xe entrà fin da súito ne łe sinpatie de i padoani che i ło ciama de sołito el Prà; noto anca come el prà sensa erba par ła carensa de erba dovua a la presensa de masa arbari, oncò xe invesse pien de erba, visto che i arbari che ghe xera na olta, i xe stai tajai parchè i gera malai e ghi n'è sopravisú soło che uno.

Fin a la trasformasion de fine XVIII secolo, el Prà el gavea gran poca erba, sia par via de l'uso intenso, che nol permetea la crésita, sia par via dei frequenti eventi aluvionai che coinvolgea l’area. Nel corso de l'Otosento la fissa piantumasion de platani la ga ostacolà pesantemente la crésita de l'erba dentro de l'isola. Defati, nel XIX secolo, el Prà el xe deentà uno dei tre sensa de un selebre detto popolare su la sità de Padoa.

El primo “àlbaro” de la storia del Prà el xe sta quelo “de la libartà” piantà dai francesi nel 1797. In realtà se tratava de un palo de legno su un piedestal sistemà al sentro de l’isola Memia; el xe durà poco assè parché i austriaci i lo ga butà xo dopo 'pena oto mesi da la so realizasion, in quanto sinbolo dei ideài rivolusionari.

El primo àlbaro par dal bon el xe stà un tiglio, dito 'ncora “de la libartà”, piantà senpre in sèvito a l’arivo dei soldai francesi nel 1805. 
L'estesa piantumasione de àlbari nel Prà la se ghe deve invese al ritorno soto l’Austria nel 1815, quando se ga dato el via a l’inserimento de liriodendri tulipifera e platani. En totale i ga piantà sirca 100 àlbari. Ben presto parò i liriodendri i ga patìo par la crésita pi svelta dei platani, scuminsiando a morir e vegnendo sostituìi un fià a la olta con altri esenplari de platani, fin a verghe, nel corso del XIX secolo, na sola specie arborea presente.
Sti esenplari, rivando a le dimension tipiche de la specie (35-40 metri de alteza) i ga modificà un bel po' la percesion visiva del Prà e del progeto de Andrea Memmo. El spazio nol ga più podù esar abraccià in un sguardo solo e le grande chiome le ga reso manco percepibile la presensa de le statue. El boschetto così creà el xe stà però aprezà a longo da la xente parché el protezea dal sol e l'invogliava al passegio su l’isola.

Colpìi da un fongo (la Ceratocystiis fimbriata (Ell. e Mast.) Davidson), in maniera senpre pi grave e estesa a partir da la metà del Novesento, i platani i xe stai butà xo nel 1990, trane un unico esenplare che el xe scanpà.
In sèvito a n’atenta valutasion, se ga sielto de sostituir i platani co na nova specie: l’acero riccio, varietà Summershade. I novi àlbari i xe tanti de manco de prima (sirca 50) e i xe stai piantà solo longo i viali interni; sta specie i la ga sielta parché la riva a altezze (sirca 20 metri) ben inferiori al platano e la xe quindi piasè conpatibile co la strutura urbanistico-architetonica del Prà, pur continuando a garantir na adeguata onbrìa traverso el so foliame ben fisso.

L’anel de erba che el sirconda l’isola par fora de la canaleta nol xera previsto ne l'idea original. Giuseppe Jappelli el ghe nà proposto la creasion nel 1824; l'efetiva realizasion la xe sta però sucesiva.




#Article 32: Troia (270 words)


Troia (en greco Τροίας) ła xe na sità antica de l'Axia Minore (Turchia), che se pensa che prima ła fuse ła sità de Ilio.

La jera situà a ła confluensa del fiume Simoenta e del fiume Scamandro, na poxision stratèxica del Ellesponto.

Ła sità ła jera un sentro fiorente zà ai inizi del III miłenio vC.
Ghe xe de łe testimonianse atendibiłi dal 900 a.C., quando che i ga costruìo un santuario dedicà a Atena Ilia.
Indopo de esar stà soto dei Persiani tra el V e el IV sec. a.C., ła sità ła xe stà otonoma, łigà a ła Grecia e al'inpero de Ałesandro Magno.
Intel tenpo de i romani ła se aleò co Pergamo e ła se schierò co Silla, sielta che a ghe costò ła distrusion par man de Flavio Fimbria intel'85 a.C.. El steso Sila ła ga fata costruir da nóvo.
Xe stà pì 'olte devastà da guere o teremoti e ricostruía. Indopo de l'ultima distrusion del 1100 a.C. sirca, ła sità ła xe stà abandonà par senpre.

Tenpo indrìo na pasùa de popołi, nasion, fameje e omeni de inportansa xe ndà in serca de darse na orijine nobiłe ciapàndo spunti ke se połéva catàr int'ea leteratura antica . Łi leterài, łi scritori, łi poeti ke ndava in serca de farse bei ałi oci dei potenti, stava al xùgo vołentieri cusìta łe nove dinastie, novi regnanti, invaxori, parkè a łori ghe intaresàva tegnérse in bon i suditi e farli star kieti.

Inte sta maniera tanti popołi, xenti, nasion, re e dinastie ga fato derivar ła so propria orijine jeneałogica e etnica da Troia:
 

Guera de Troia




#Article 33: Provincia de Bełun (376 words)


Ła Provincia de Bełun, ła fa parte deła Rejon del Veneto ła confina al nord cò l'Austria (Tirolo e Carinsia), al est co el Friułi-Venesia Julia (Provincia de Udine e Provincia de Pordenon), al sud cò ła Provincia de Treviso e co ła Provincia de Vicensa, al ovest co el Trentin-Alto Adexe (Provincia de Trento e Provincia de Bolzan).

Ła provincia, tanto łarga e squaxi par intiero fata de munti, ła ga drento łe rejion jeografiche del Cadore, del Feltrin, del'Alpago, deła Val Zoldana e del'Agordin.

Se ghe trova, par la gran parte deła provincia, ła sesion orientałe dełe Dołomiti, co łe sime dełe Tofane, dełe Tri Sime de Lavaredo, del Monte Pelmo, del Monte Civetta, de ła Marmolada e de łe Pale di San Martino (ste ultime dò al confin còl Trentin).
Ła provincia ła xe sìora de corsi de acòe. El pì grande l'è par serto el Piave, co i afluenti Boite e Cordevołe. Ghe entra un tocheto 'ntel Feltrin anca el fiume Cismon, afluente de ła Brenta.

'Nte ła parte meridionałe de ła provincia ghe xe na vale pi larga de le altre, ła Valbelluna, onde che se alsa łe Prealpi vènete, che deso łe fa parte del Parco Nazionale delle Dolomiti Bellunesi.

Na volta l'economia del teritorio l'era baxà su l'alpeggio e su na pòvara agricoltura de montagna. 
Deso l'agricoltura ła cónta de manco, fora che in serti caxi tìpisi come ła coltivasion dei faxułi su l'altopian de Lamon.

'Nte Belumat xe vegnesto sù un dei distretti industriali pi importanti del Nord-est, quel dei ociałi, in particołar su łe xone de l'Agordin e del Cador. A Agordo gh'è ła sede de ła Luxottica, una de łe industrie itałiane pi ative a liveło internasionałe. A Longaron invése, se cata un stabiłimento de ła Safilo.

Un setor ben important par l'economia l'è el turismo: ła provincia ła pol vantar alcune de łe stasion turistiche de montagna pi conosùe a liveło nasionałe come Cortina d'Ampezzo, Alleghe, Auronzo di Cadore, Falcade, Arabba, al col del Nevegal e in xeneral łe xone del Cador e de l'Agordin.

Nella Provincia xe presenti alcune minoranse lenguistiche, tutelà dal statuto provinciałe:

I altri sentri pi grosi de 'sta provincia qua i è Cortina d'Ampezzo, Agordo, Pieve di Cadore e Mel.




#Article 34: Wikipedia (581 words)


Wikipedia ła xe na ensiclopedìa online, multiłenguìstega, ła ga un contenjudo łìbaro, scrita da vołontari che i cołàbora intra de łori e sostenjùa da ła Wikimedia Foundation, na organixasion no-profit. 

Al dì de ancò ła xe pubregada in pì de 200 łengue difarente (de ste cuà so par xo 100 parlàe corentemente), co cueła ingrexe ancò la pì granda; par xonta ła gà rento parołe cofà so i argomenti propi de na tradisionałe ensiclopedìa. Ła só intension ła xe cueła de scuminsiar e difóndar na ensiclopedìa intarnasionałe lìbara inte el pì gran nùmaro de łengue posìbiłi. Wikipedia ła xe xà intra i siti de consultasion pì popołari de'l web, ła ga infati so par xo 60 miłioni de contati a'l dì.

El łanso de Wikipedia en łengua veneta el xe avenjùo inte 'l otobre de'l 2005. Uno de i vari projeti łigà a Wikipedia el xe cueło de Wikisource.

'L obietivo de Wikipedia el xe de crear na ensiclopedìa łìbara e univarsałe, in tèrmeni sia de anpiesa che de profondità de i argomenti tratài. Wikipedia ła xe stà descrita da Jimmy Wales, uno de i só fondadori, cofà un sforso par crear e distribuir na ensiclopedìa lìbara de ła pì alta cuałità posìbile a onji sìngoła parsona so'l pianeta inte ła só propia łengua. 

Wikipedia ła deriva el só nome da ła conpoxision de ła paroła wiki-, tèrmene hawaiano che'l senjìfega vełose, e da -pedia, sufiso che in grego el senjìfega formasion, insenjamento.

Wikipedia, inte łe intension de Wales, ła dovarìa arivar a na cuałità pari o mejor de ła Encyclopædia Britannica e èsar pubregà anca so carta.

So Internet A ghe xe o A ghe xe stài anca altri projeti de ensiclopedìe. Alcuni i se baxa so łe consuete połìteghe editoriałi de propietà intełetuałe so łe voxe, cofà ł'Ensiclopedìa Stanford de Fiłoxofìa o ł'ormài defunta Nupedia, tute do conpiłàe da esperti. Siti web pì informałi, cofà H2G2 o Everything2, i serve cofà guide xenerałi che de cuełe łe voxe łe xe scrite e controłàe da parsone comuni. Projeti cofà Wikipedia, Susning.nu, e ła Enciclopedia Libre, i xe invese wiki co łe voxe dexviłupàe da racuanti autori e che in cuełe A no ghe xe njanca un proceso formałe de revixion. Wikipedia ła xe devenjùa el pì grando de sti wiki ensiclopèdeghi par nùmaro de voxe. A defarensa de tante ensiclopedìe, el contenjudo de Wikipedia el xe stà rełasà soto ła łicensa GNU Free Documentation License.

Wikipedia ła ga rento un insenbre de łinee guida volte a identifegar cuałi tipi de informasion łe sie adate a èsar inserìe. A cueste A se fa speso refarimento inte łe dìspute par desìdar se un partegołare contenjudo el ga da èsar xontà, revisto, trasferìo a un projeto sìmiłe o cavà via.

Ła varsion in łengua itałiana de Wikipedia ła xe ciamada anca it.wiki e ła xe nata a majo de'l 2001, soto el nome a dominio de terso łeveło it.wikipedia.org.

Inte el 2003 łe xe nate łe Wikipedia in Łatin ed in Ocitan.

A apriłe 2004 A xe nasùa ła Wikipedia in Sardo, a otobre ła Wikipedia in Siciłian, a xenaro 2005 ła Wikipedia in Furlan e drio man, inte el corso de'l 2005, łe Wikipedie in Corso, Napołetan, Romancio, Łonbardo e a ła fine cueła che A te si drio łèxar deso, a dir cueła in Veneto. Inte el 2006 invese A xe nate łe edision in Łìgure, Piemontexe, Francoprovensałe e Tarantin. Inte el 2007 A xe nata cueła in Emiłian e in Romanjoło.
  




#Article 35: Provincia de Rovigo (482 words)


Ła Provincia de Rovigo ła xe na provincia itałiana che ła fa parte deła region del Vèneto. El capołogo el xe ła sità de Rovigo.

Ła confina a nord co łe province de Verona, Pàdoa e Venesia, a ovest co ła provincia de Màntoa in Lonbardìa, a sud co ła provincia de Ferara in Emiłia-Romagna. Ła confina a est co 'l Mar Adriàtico.

El teritorio de ła provincia el xe el Połéxine d'inqûo o 'l ghe se cata tuto rento.
El gà n'àrea de 1 789 km² e a ghe stà 244 625 àneme ('nte 'l 2005).
El xe un guałivo alto tra i -2 e i 15 m s.l.m..

El confin setentrional el va seconda del Àdexe a partir de Badìa Połéxine fin 'nte 'l mar, fora che 'l teritorio de Cavàrsere che 'l xe 'nte ła provincia de Venesia.

El confin meridional el va seconda del Po a partir de Mełara fin 'nte 'l mar. 'Nte ła provincia se cata tuto el delta del Po, e 'l confin el va seconda del Po di Goro.

Ła tera ła se ga fata da poco, tirà su da łe fiumane del Àdexe e del Po, che i ne ga dà un percorso fiso e dei àrxeni soło che in sti ùltimi tenpi.
Cusì ła tera ła se sbasa par subsidentia parché ła se ga sugà co łe bonìfiche e deso ła xe drìo conpatarse; se gà xontà anca l'omo, che 'l ga tirà su l'aqua e 'l metano da sototera.

N'altro fiume el traversa ła provincia: el xe el Canal Bianco; pì ghe xe anca asè scołi de bonìfica parché el Po e 'l Àdexe i xe el primo e 'l terzo dei fiumi itałiani par portar aqua, e donca ghe xe asè aqua da tirar vìa.
I scołi pì asè inportanti i xe el Collettore Padano, el Ceresoło e 'l Valdentro.

Ghe xe anca dei altri canałi che i xe stà inportanti par ła storia: i xe l'Adexeto, che 'l xera un vecio córso del Àdexe; el Poaso, che 'l xera un vecio córso del Po; ła fosa Polxeła, che 'l xera un vecio canal che se podéa navigar dal Canal Bianco 'nte 'l Po.

El clima el xe semicontinental e asè mojo; ghe xe sòfego d'istà e ghe xe nebia d'inverno.
Ła piova ła vien xó normal, specie de primavera e d'autuno.

Anca ai dì d'anqûo ghe xe xente che i emigra da ła provincia de Rovigo; i xe soratuto i xóveni che i va a laorar inte łe sità pì sviłupàe del Vèneto o de l'Itałia, e par questo che 'nte ła provincia ghe xe senpre pì asè veci.
Ghe xe anca qûei che i migra da łe canpagne ma che i resta 'nte ła provincia e i va 'nte i sentri pì svilupài.

Ghe xe 50 comuni 'nte ła provincia de Rovigo; i pì asè grandi i xe:




#Article 36: Piasa (161 words)


Ła piasa in urbanistega, la xe on spasio publego indove che ghe xe on çentro abità, pì largo de le strade che là se pole incroxare fra de lore. Fin dai tenpi antighi l'è el posto tìpico par farghe el marcà.

La piasa la ga difarenti funsionalità: La pole ver la funsion da parchejo par la sosta de veture, da postasion del marcà de paexe, la piasa çentrale tante olte la xe el posto andove ghe xe l'entrada dei majori edifiçi de la çità, come la sede del goerno, ciexe, comuni e altri tanti edifiçi. 
On aspeto fondamental par na piasa, xe che la sia çircondada da edifiçi che serve a tuto el publego, che la dà la posibilità de catarse fra persone, e in sta cuà, njien solitamente organixae le funsion che pì ghe intaresa a le persone che le vive in chel momento in chela çità e in baxe a la so inportansa la sarà pì o men frecuentada.  




#Article 37: Sità del Vatican (458 words)


El Stato de Sità del Vatican (in łatin. Status Civitatis Vaticanæ) el xe un Stato de ła Eoropa meridional.
El xe na enclave rento l'Itałia e 'l confina soło co Roma.

L'è grando soło che 0,44 km².
L'è el Stato pi ceo del mondo.

El teritorio vatican vero e propio l'è fato da:

El Vatican, oltre a ła só superfice el ga in gestion de łe parte de teritorio formalmente itałian ma in realtà fora da ła lexe itałiana: łe cusì-ciamàe xone estrateritoriałi.

Co ła conquista de Roma jera stà desfà el Stato de ła Céxa e donca el Papa el jera sóto ła lexe itałiana e no'l gavarìa pi avùo ła łibartà de asion come capo de ła Céxa.

El Vatican l'è stà fondà l' 11 de febraro del 1929 col Tratato de Lateran, firmà fra l'Itałia e ła Santa Sede, cioè el Papa visto come ente giurìdico internasionałe.
El Vatican, donca, el xe stà creà e dà in governo al Papa, come capo de ła Céxa Catòłica e quindi l'è int'un çerto senso subordenà a ła Céxa.

Ła Sità del Vatican ła xe na Monarchìa Asołuta Teocràtica Ełetiva.
El xe ła sede del Papa e de ła Céxa Catòłica.

In baxe a ła Lexe Fondamentałe , modernixà motu proprio int'el 2001, el Papa el ga tuti tri i poteri legislativo, executivo e giudisiaro. L'è cioè un Re asołuto; anca staltre Comision che ło juta int'el governo łe vien nominàe da eło.
D'altra parte el Papa stéso el va al poter dopo èser stà votà dai Cardinałi riunìi in Conclave.

El Governador de Sità del Vatican el va drio i afari interni del Stato Papałe.
El Segretario de Stato el se òcupa de i afari èsteri. 

Ła protesion del Papa e dei confini l'è in man a łe famoxe Guardie Svìsere.
Ła Gendarmeria Vaticana ła xe incargà de łe normałi atività de połisia e sicurésa.

El Vatican 'l ga groso modo 900 abitanti.
Ła demografìa de ła Sità del Vatican ła ga da vegner vałutà in modo particołar parché  ła xe regołà da leji speciałi. 
Ła citadinansa e ła rexidensa vaticane łe xe tenporane e łe dura soło finché se vive rento el Stato. I fiułi del personal làico che vive senpre in Vatican i mantien ła citadinansa soło finché i xe minoreni, dopo i ła perde automaticamente e i ciapa queła itałiana.
El Vatican el xe l'ùnico Stato che par gestir ła sitadinansa l'à bixogno de un Tratato internasionałe co n'altro Stato.

Łe entrade del Vatican łe vien dal turismo, da oferte dei fedełi e da investiminti bancari.
Łe richése artistiche, seben de vałor molto alto, no łe xe robe che se pol vèndar fasilmente donca no łe cónta quaxi gnente dal pónto de vista efetivo.




#Article 38: Cardinal Segretario de Stato (104 words)


El Segretario de Stato del Vatican el ga łe funsion de un Ministri dei Esteri ma oltre a oltre a ndar drio ai raporti statałi (p.ex.: Vatican co altri Stati) el se òcupa anca dei raporti de ła Céxa.

Defati formalmente el Segretario de Stato no'l depende mìa dal Vatican (ente statałe) ma da ła Santa Sede (nome del Papa in quanto capo de ła Céxa Catòłica).

Da un pónto de vista formal, defati, el Stato del Vatican el xe stà creà come garansìa teritoriałe par ła Céxa catòłica (considerà ente internasionałe xa existente ancora sècołi prima) e donca el depende da 'sta qua.




#Article 39: Capo de Stato (192 words)


El Capo de Stato l'è el raprexentante pi alto de un Stato.
El pol èser de tipi difarenti: Re/Prìnsipe/Granduca ('nte łe monarchìe) , Presidente ('nte łe repùbliche).

Ghe xe vari ordenaminti statałi, che i prevéde poteri difarenti par el Capo de Stato:

Par quanto stran che posa senbrar, al mondo ghe xe Monarchìe che, seben che łe sia sołute, el Re el vien votà e no'l xe mìa ereditario: łe vien ciamàe Monarchìe asołute ełetive.

In tuto el mondo ghe xe vari Regni, calche Prinsipato (Monaco o el Liechtenstein) ma un Granducato soło (el Lusenburgo).

Al mondo ghe xe sol che du Stati indove che el Capo de Stato no 'l xe mìa uno soło ma i vien governài da du Capi de Stato contenporaneamente: Repùblica de San Marin (i cusì-ciamài Capitani Reggenti) e el Co-prinsipato de Andora (come che dixe el nome el ga du prìnsipi).

Parò i Capi de San Marin i ga poteri efetivi mentre quii de Andora (che i xe foresti, un vescovo spagnoło e 'l Presidente franséxe) i è sol che garanti internasionałi formałi par asegurar che ła pìcoła Andora no ła vegna mésa sóto da nisuni.




#Article 40: Pànama (123 words)


Panamà, ufisialmente Repùblega de Pànama el xe un stato in Sentrałe.

El Canal de Pànama e ła xona del canal i è exatamente in mexo a ła Repùblica de Pànama.

L'è nata par secesion da ła Cołónbia el 3 de novenbre del 1903, jutà dai Stati Unìi che i gavéa bisogno de ła tera par costruir el Canal de Pànama.
Pànama, donca, el ga fato sùito un tratato coi Stati Unìi par łasarghe el controł escluxivo de ła Xona del Canal che 'sti qua i ga sùito tacà scavar.
Dal 31 de disenbre del 1999 i Stati Unìi i ghe ga dà indrio ła xona del canal a Pànama che quindi prima l'era un Stato tajà in dó parte da un teritorio foresto.




#Article 41: Mónte Athos (200 words)


Ła Repùblica Teocràtica de Monte Athos (semi-autònoma rento ła Grecia) l'è stà fondà formalmente 'ntel 963 d.c. dal mónego Athanasios che'l ga tirà sù el monastièr ciamà Grande Lavra.

L'è poxisionà su l'ùltimo deo de ła Penìxoła Calsìdica, nord-est de ła Grecia.

Come che dixe el nome, el xe un Stato Sacerdotałe: ghe vive soło che frati, móneghi e eremiti de rełijon cristiana ortodosa e pol entrarghe sol che turisti maschi e bestie de seso maschiłe.

I abitanti i è organixài in Monasteri che i vien governài dal Sacro Conséjo e ła Sacra Asenblea che i stà a Karies, ła Capital: qua ghe xe anca el governador che raprexenta el Stato Greco.

Comunque, seben che ła Grecia ła fasa parte de l'Union Europea e l'abia verto łe só frontiere, par ndar rento a Monthe Athos ghe vol un perméso de entrada e sogiorno special (el Diamonithirion) del governo sacerdotałe. Anca łe aque intorno el mónte łe ga de łe règołe particołari de navigasion par evitar che i barcuni i posa disturbar ła vita dei móneghi de 'sta Repùblica Teocràtica.

Ła vita l'è regołà su ritmi e tradision antighe e l'uxo de tecnołogia el xe łimità ben, rispeto a altri Stati.




#Article 42: Andora (645 words)


El Principato de Andora el é en stato de l'Europa, in mes ai monti Pirenei, infra Spagna e Francia.
Andora la confina a nord e a est con la Francia, mentre a sud e a ovest co la Spagna.

El taren del Stato l'é grant 468 km².
L'è el quinto Stato pi picol de tuta l'Europa, e l'é el pì grant infra i 6 microstati d'Europa .

Come se vet dala posision tel versante ocidental dela catena dei Pirenei, Andora la é fata par de pì de montagne co na altesa media de 1.996 m s.l.m., el cui posto pì alt l'é la Coma Pedrosa a 2.942 m.
Ste qua le é separađe de tre val strete fate a Y che le se incontra tel punto onde che el fium Valira el asa la nasion par entrar in Spagna, tel posto pì bas de Andora a 870 m.

Esendo tut infra le montagne, Andora la é par forsa en Stato sensa sboc al mar.

Le aque interne, invese, grasie ai tanti monti e nevai, le é tante.
El fium pì inportante l'é la Valira che la pasa par la caveđàl Andorra La Vella e el fenìs el toc de Andora a Fontaneda.
En altro fium inportnate l'é l'Ariège, che 'l segna na picola part del confin co la Francia.

I laghi, montani e glasiali i vèn ciamađi estanys. El pì inpotante e grant, l'é el Estany de Juciar.

El clima de Andora elò é de tipo alpino in alta montagna e continentale tei posti pì basi ne tela val del Valira e dei so afluenti minori. El clima andoràn el é caraterizà da nevegađe de inverno in e fresch in istà, le nevegađe le é de solito grose.

Andora la é divisa in 7 unità prinsipali ciamađe parochie, parròquies.
Qualche una de ste parochie (Ordino, La Massana e Sant Julià de Lòria) le é divise in quarti, quarts;  invese la parochia de Canillo la é divisa in vesinađi, veïnats.
Ogni parochia la é fata de diversi colmèi.

Le parochie l'è:

Intant ghe vìu 85.458 (2008) abitanti.
La densità la é 178 ab./km².

I andorani i é na minoransa tel loro Stato.
El secondo s-ciap pì grant de forest l'é i spagnoli (32%), co portoghesi (16%) e francesi (6%). El rimanente 8% el é de altre nasionalità. 

La religion pì difusa l'é el catolicesimo.

La léngua uficiale l'è el catalàn . Le altre lengue inportanti l'é el spagnolo, el francese e el portoghese.

.
La produsion agricola la é limitađa - solche el 2% del taren se pol coltarlo - la gran parte del magnàr el é inportà. La prinsipal atività agricola l'é l'alevamento de feđe e de vache.

La produsion artesanàl consiste par de pì de sigarete, sigari e arredamento.

El turismo l'é el pilastro prinsipal dela picola economia de Andora, e el fa sirca el 80% del prodoto interno lordo. Sirca 9 milioni de turisti i visita la nasion ogni an, tirađi dal stato de punto franco e dale località de vileggiatura estive e invernali.
El setor dele banche, grasie al status de paradis fiscale del quale Andorra la gode , el contibuis tant ala economia.

No 'l à gnanca na moneda sua ma 'l dòpera quela de Spagna e Francia : cioè prima de l'euro giréa le pesetas e i franchi mentre intnat se dopera i euri. I é drio far tratative par darghe la posibilità anca a Andora de coniar i só euri come che fa i altri paesi de la zona del euro  che i pol coniar na só version local dela monéda de tuti.

Andorano la é en manbro pien dela Unione europea, ma la gode de na particolar relasion sta quà. La gode anca de tratati speciałi co l'UE seben che no'l ghen fa mìa parte.

Andora la organiza en campionato de balon.Se pol sciar Vallnord, Naturlandia e Grandvalira.




#Article 43: Xermània (247 words)


Ła Xermania (in todesco: Deutschland), ufisialmente Repùblica Federałe de Xermania (in todesco: Bundesrepublik Deutschland) ła xe on stato de l'Europa.
La confina a nord col Mar del Nord, ła Danimarca el Mar Bàltico; a est coła Połonia e ła Repùblica Çéca; a sud co l'Austria e ła Svisera; a ovest co ła Fransa, el Lusenburgo, el Belgio ei Paexi Basi.  L'è el stato pi popołoxo del'Union eoropea, el secondo stato d'Eoropa dopo ła Rusia e el 17º del mondo par popolasion.

Ła rejion denominà ancoi Xermania fu abità da diversi popołi xermaneghi, conosiui e documentài già dal 100 a.C. A partire dal X secoło questi teritori todeschi i gà dà contributo ała parte sentrale del Sacro Romano Impero che'l gà existìo fino al 1806. Inteł corso del XVI secoło, el nord deła Xermania divien el sentro deła Riforma protestante. 

Ła Germania ła xe stà unificà come stato nasion co ła Guera Franco-Prusiana inte el 1871. 

Ła Xermania moderna ła xe nasúa da ła fuxion de ła Repùblica Democràtica Todèsca  e ła Republica Federal Todésca  el 3 de otóbre del 1990.
Łe ga ciapà el nome conpleto de Repùblica Federałe de Xermania: e ła Capitałe Federałe ła xe stà riportà a Berlin.

Ła xe na repùblica parlamentar federałe democràtica.

Ła xe fata de 16 stati ciamài länder:

Ła Repùblica Federałe de Germania ła xe menbro de ONU, NATO, e ła xe anca menbro fondador de l'Union Europèa.

Con oltre 80,2 milioni de abitànti secondo el censimento del 2011




#Article 44: Stati Unii de ła Mèrica (1631 words)


I Stati Unìi de la Mèrica (ufisialmente en ingléxe United States of America, acronimo in ingléxe USA) i xe un stato intè el nord de el continénte mèrican.

El nome Mèrica el riva dal nome de l'esplorador talian Amerigo Vespucci, che par primo el ga reconossuo de essar da rente a un novo contegnente, e no, come che se credeva fin l'ora, a qualche isoea asiatega.
La prima volta che el xe conparso el nome Mèrica xe stà inte la Cosmographiae Introductio, publicada inte el 1507 dal cartografo todesco Martin Waldseemüller, che el ga proposto de darghe al contegnente novo el nome de Vespucci. Scomuncialmente el nome Mèrica el xe stà doparà pa'l Sud del contegnente. Sucessivamente el xe stà estenduo anca a la parte sora.
Ma el xe stà Benjamin Franklin, co intensi raporti epistołari co personalità de ogni clase, a difondar la paroła mericani (parola individuante un popolo ugnolo), cussì da rendarla de doparameneto comun.

El teritorio che uncuò el partien ai Stai Unii el gera abità esclusivamente da varie tribù indizene, inclusi i nativi de l'Alaska che i gera migrai inte la Merica del Nord durante un periodo de tenpo che el podaria essar scomisià 35 000 ani fa e el podaria essar finio 11 000 ani fa.

I primi europei a tacar piè sul solo de chei la che dopo i xe deventai i Stai Unii i xe stai proabilmente i Vichinghi vidai da Erik el Rosso, facilitai inte le so navegazion da un clima relativamente caldo. El nome che i ghe ga dà a sta prima colonia el xe stà chiamà, de fati, Vinland, tera de le vide/tera del vin, a sotolinear come che i gavesse catà un teren tanto fertil.
De lori se ga trazze certe su l'isola de Teranóva, ma xe proabile che i se sie spenzui anca pì a sud. I so insidiamenti no i ga vuo però sucesso, proabilmente a causa de le malatie, de l'ostilità dei indizeni e de l'esiguo numaro dei coloni.

Cristoforo Colombo, inte el so tentativo de verzar na nova via par le Indie, el xe desbarcà el 12 de otobre del 1492 inte le isole caraibiche. Solo ani pì tardi xe rivà su la massa meridional del contegnente, mentre inte le tere atualmente governae dai Stai Unii no'l ga mai tacà piè.

La colonizazion europea de le Meriche, la scumincia a la fin del secolo sedese.
Contemporaneamente ai britanichi, el teritorio el xe stà ocupà e desfrutà da olandesi, svedesi, spagnoi e francesi, ma la classe dominante la gera quela inglese.

L'orizene de la nazion statunitense la resal a la Dichiarazion de Independenza de le tredese colonie britaniche (i atuai Stai de New York, Rhode Island, New Hampshire, Massachusetts, Pennsylvania, Virginia, North Carolina, South Carolina, Georgia, Maryland, Delaware, Connecticut e New Jersey), che inte el 1776 i se ga proclamà libare e independente, dopo gaver convegnuo a formar na federazion infra lore.
La strutura politica orisenal (1777) le gera na confederassion, ratificada sucesivamente inte el 1781 col nome de Articoi de la Confederazion. Dopo un longo debato, questi i xe stai sostituii da la Costituzion, inte el 1789, de un governo federal pi centralizà.

Inte el corso de vari confliti co le varie popolazion native, in primis le Guere Indiane, e par mexo de tratai internasionałi, cofà ła Aquisizion de la Louisiana, el teritorio dei atuai Stai Unii el se ga esteso progressivamente verso ovest.
Durante el secolo disnove se ga zontà altri novi stai ai 13 fondadori e i confini de la nassente nazion i se ga esteso par tuto el Nord de la Merica, aquisendo anca un certo numaro de possedimenti oltra oceano. Inte el 1812 i Stai Unii i ga tentà, senza riussirghe, de chiapar el controlo del Canada (Guera del 1812) mentre inte el 1848 na vitoriosa guera contra el Messico la gà portà a l'anession de la Całifornia e del New Mexico. Na esperienza traumatega inportante par la nazion la xa stada la guera de secession mericana (1861-1865).

Ai primi del Novesénto i Stati Unii de Mèrica i se gà inposto cofà poténsa econòmega mondiałe dominante. Pasà el periodo de  la Granda Depression dei ani trenta, i xe rivai a cuèrdar (prima del scumìsio de ła secónda guera mondiałe) serca el 50% de ła produssion mondiałe.
Dopo ła concluxion de ła secónda guera mondiałe (1945), stante l'inportansa del roło che i gavéa vùo, i xe deventai ła prinsipałe potensa mondiałe anca dal punto de vista połìtico, insieme a l'U.R.S.S, toéndo pi tardi ła poxission de guida de łe potense capitalìsteghe durante ła Guera Fréda. Dopo del 1945, i Stati Unii i xe stai variaménte coinvolti, stante el rolo de superpotensa, in diversi confliti extrateritoriałi. Ła só poxission ła se gà ulteriorménte rinforsà col croło deła rivałe Union Soviètica (1991) e ła só framentassion.

In sèvito a l'ataco terorìstego vegnest l'11 de setenbre 2001, i Stati Unii i gà estéxo ła só lota al terorismo oltra dei confini nassionałi, faxendo guere in Afghanistan cóntro i tałebani e in sèvito in Iraq cóntro ła ditatura de Saddam Hussein e i só sostenidóri iracheni. Sta ùltima guera, in particołar,a càuxa de motivassion dopo rivełae infondae e łe acuxe de vołer inposesarse sol che del petrołio irachen, ła xe stà contestada da gran parte de l'opinion pùblica del móndo intiero e ła gà vùo cofà rixultà primo qûel de far crołar l'imàxene e ła credibiłità dei Stati Unii de front a ła comunità internassionałe, specialménte del móndo àrabo-musulman.

I Stati contegnentai i xe divixi in:

I Stai Unii i chiapa rento, oltra ai 48 stai contegnentai, i stai de l'Ałaska ,  e de le Hawaii.
Xe parte de i Stati Unii anca el distréto de Cołumbia, che el contien ła capitałe Washington, e vari teritori inte l'Osèano Pasìfego e inte i Caraibi, intra i cuali se ricorda Porto Rico, che la xe ligada ai Stai Unii inte na sociazion ciamada Commonwealth . 

Giograficaménte sta xona ła conprénde montane base e asè antighe, i Apałachi, có na anda xeneralménte da nord-est a sud-òvest, oltra a tanti fenòmeni łocałi, conprendésti i fenòmeni glaciałe a nord, łe fałie tetòneghe de ła val de l'Hudson, e ła xona de orìxene calcàrea (corałina) de ła Flòrida.
El córso dei fiumi el xe xneralménte da òvest verso est, i ténde a èsar de poca łongésa, ma grandi e de fluso regołar.
Łe sèvente łe xe forte, soratut al nord.
I inverni i xe ùmedi e frédi inte el nord e moderai inte el sud, łe istà łe xe in stéso ùmede.

Sta xona ła ciapa ła banda meridional dei Apałachi, e pi a òvest łe montagne Ozark.
I fiumi i conprende le foci del Mississippi e del Río Grande.
L'influenza climatica pi granda la vien dal Golfo del Mesico, e la conporta inverni miti, umidità, e de tanto in tanto uragani.

Fredi de inverno, caldi d'istà, con un clima da umido verso est a seco verso ovest.
I xe in gran parte stati agricoli e industriali . Xe qua che se cata el cor, dito heartland, dei Stati Uniti; el Midwest el xe considerà un sentro de valori morali (lavoro serio, casa e fameja, i pionieri su la prateria, e via cussita) par el resto del paese.

Se cata le Montagne Rocioxe e molti deserti (p.e. deserto Sonorano).
La xe na zona seca, soratuto a sud. Ghe xe inverni fredi asè e istà miti a nord, e inverni miti e istà calde a sud.
Sta qua la xe la zona manco abità del paese, e xe in do che se cata molte de le destinazion sèniche dei Stati Uniti (par esenpio el Grand Canyon in Arizona o Yellowstone in Wyoming).

La conprende montagne bele alte (p.e. Sierra Nevada, vari vulcani), deserti (p.e. Death Valley), e zone umide asè (la costa, soratuto a nord).

I Stati Unii i xe na Union Federal de Stadi.

Ła Capital ła xe Washington D.C..

I Stati Unii i gà un sistema bipartitico, caraterizà donca da ł'alternansa al potere tra i do partiti: Partido Democràtego (Democratic National Committee) e Partido Republegan (Republican National Committee o anca GOP, Grand Old Party).
El Partido Democràtico el gà come simboło el mus. I Democratici i gà idee łibarai e progresiste che se identifica col area del sentro e de ła sanca moderà e riformista: pa sti motivi i Democratici i vién anca chiamai Liberals o The Left Wing (l'ała sanca del parlamento). Atualmente i xe el partito de minoransa.
El Partito Republicàn el gà cofà sinboło elvłionfante. I Republicani i gà idee conservatrisi e łibariste che łe corisponde ała area del sentrodrita: pa 'sti motivi i Republicani i xe chiamai anca Conservatives o The Right Wing (l'ała drita). Ancùo i Republegani i ga la majoransa e el presidente Donald Trump el xe republegan

I do partiti i gà ognuno un cołore de riferimento: blu pa i Democratici; ros pa i Republicani.
Mentre in Europa el blu el xe in senerałe el cołore del sentrodrita e dei conservatori, in America el xe invexe el cołore del sentrosanca e dei progresisti. Ma sti cołori no i xe uficiałi, lori i xe invensiòn deła media. De conseguensa se in Europa el roso el xe el cołore deła sanca soçialdemocratica e postcomunista, 'nte ła Mèrica el xe invexe el cołore deł sentrodrita. Quando che ogni 4 ani ghe xe łe elexión presidensiałi americane se parla de Blue States e Red States, cioè rispetivamente i stati dove ciapa ła magioransa el Partito Democratico e i stati dove vinse el Partito Republicàn.
Dopo essere stai pa 8 ani ała presidensa americana (co George W. Bush 2001-2009) i Republicani 'desso i xe ała oposixión, ma nel novembre 2010 ae elession de metà mandato i gà conquistà ea magioransa aea Camera dei Rapresentanti dopo 4 ani de magioransa democratica.




#Article 45: Spagna (241 words)


Ła Spagna (España en spagnoło), ufisialmente el Regno de Spagna (Reino de España en spagnoło) el xe on stato de ła Eoropa meridionałe co cavedaeł Madrid.
Ła Spagna ła ciapa rento granda parte de ła Penìxoła Ibèrega e ła confina a òvest co el Portogało, a nordovest co Andora e Fransa e a sudest co Xibiltera.
Ła Spagna ła ga anca do esclavi inte el continente African, łe sità autònome de de Ceuta e Melilla.

El Teide xe la pì alta montagna de la Spagna (3718 m).

El Re Juan Carlos I che el ga trasportà el paexe da la ditaùra de Francisco Franco a la democrasia parlamentar. 

La Spagna ła xe na monarchia costitusionałe raprexentativa.
Siben che no el sìpie on Stato federałe, la ghe dasa tanti poderi a łe so comunità autònome. 

Ghe xe 17 comunità autònome in Spagna:

In pì de łe pena scriveste comunità autònome, ła ga anca dó Sità Autònome inte el continente african, inte łe coste a nord del Maroco: Ceuta e Melilla. Anałogamente Xibiltera ła depende dal Regno Unìo, anca se, xiografegamente, ła xe inte el fondo de ła Penìxola Ibèrega.

La cavedałe la xe Madrid.

'L articolo 3 de la Costitusion Spagnola de 1978 el dixe che:

El 35% de i spagnoi el parla na segonda lengua.

Racuante comunità autònome łe ga anca una o do léngue coufisiai, reconoseste inte ła costitusion del 1978.

Altre lengoe che no le xe gnoncora reconoseste ufisialmente:




#Article 46: Cavedal (103 words)


Ła Cavedal (dita anca Capital in Vèneto moderno) xe ła sità indove che de sòłito ga sede e se riunise i òrgani de governo statałi (p.ex: Parigi in Fransa o Dublin in Irlanda).

Ła Cavedal Federałe che existe 'ntei Stati Federałi l'è ła sità indove che se riunise i organi de governo de tuta na Federasion (p.ex.: Washington D.C. par i USA o Berna par ła Confederasion Svìsera)

De łe volte ła Cavedal ła pol aver soło che un vałor stòrico mentre el governo el ga sede da n'altra parte (p.ex.: Amsterdam capital dei Paixi Basi me el governo el xe a l'Aja)




#Article 47: Àustria (766 words)


LÀustria (in tedesco: Österreich), ofisilmente Repùblica de l'Àustria, ea xe na nasion de l'Europa Çentrałe.
Ła confina co: Svisara el Liechtenstein al ovest, Italia e Slovenia al sud, Ungarìa e Slovachia al est e Germania e Republica Ceca al nord.

L'Àustria ła xe montuosa suparxó par el 60%.
El oxidente e el meridion del paese i xe percorsi dałe Alpi austriache. El monte piessè alto el xe el Großglockner (3798 m), seguìo dała Wildspitze (3774 m).
Ła parte nord e est ła xe invese conposta da colline.

El clima el xe tenperato: i inverni jè pitosto rigidi, mentre in tei mesi da lujo a setenbre łe tenperature le va dai 25 ai 35 gradi Celsius.

El Paese el xe uno dei più boschivi d'Europa, in quanto el 47% del teritorio el xe fato de foreste.

Dópo che ła xe stada tólta da Romani, Uni, Łongobardi, Ostrogoti, Bavari e Franchi, l'Àustria ła xe finida soto al dominio dei Babenberg dal X al XIII sècoło. I Babenberg, in sèvito, i xe stai mandai via dai Asburgo, che i xe restai a governar l'Àustria fin al XX sècoło.

Dópo ch'el Sacro Roman Inpero el xe cascà 'ntel 1806, el xe stà fondà l'Inpero Austriaco, ch'el xe deventà 'ntel 1867 'nte ła dopia monarchia del'Austria-Ongaria.

Dópo che i Inperi Sentrałi i ga perso ła Prima guera mondiałe, l'inpero el xe spartìo en difarenti Stati indipendenti, strenxendo l'Àustria ai confini de ancò. 'Ntel 1918 l'Àustria ła xe deventada na repùblica, che ła xe 'ndà vanti fin al 1934, có che el cansełièr Engelbert Dollfuß el ga fa na ditatura. L'Àustria ła xe daventada na parte de ła Germania Naxista 'ntel 1938 (el cusì dito Anschluß).

A ła fin de ła seconda guera mondiałe, dópo de ła sconfita naxista, l'Àustria ła xe stada ocupada dai Ałeati fin al 1955, có che ła nassion ła xe deventada ancora na vólta na repùblica indipendente, a condision de restar neutrałe. Parò, dópo de ła cascada del comunismo, en Europa orientałe, l'Àustria la xe stada senpre pì ciamada drénto a łe question europee, e 'ntel 1995, ła xe entrada a far parte de ła Union Europea, e 'nte ła xona del'Euro 'ntel 1999.

L'Àustria ła xe na democrasia parlamentar, conposta da nà federasion de nove Stati.

El capo de Stato el xe un presidente federałe (tedesco: Bundespräsident), el vien votà par 6 ani diretamente dał popoło. El presidente a so olta el vota el canselier federałe , par tradision el capo del partito pì grando come da elesion par el parlamento.

L'Àustria ła xe fata de 9 Stati federałi (tedesco: Bundesländer)

Ła xe entrà 'nte l'ONU 'ntel 1955 e 40 ani dopo, 'ntel 1995, ła ga aderìo a ł'Union Europea (UE).

Łe Sità prinsipałi son ła capitałe Viena e łi capołoghi de łi Bundersalnder: St. Pölten, Linz, Salisburgo, Innsbruck, Bregenz, Klagenfurt, Graz e Eisenstadt.

Çirca eł 90% de ła popolasion austriaca xe de proveniensa bavarexe, eł restante 10% provien prinçipalmente da łe nasion çircostanti: ongarexi  e slavi.
Łi Stati federałi de Carinsia e Stiria ospitan na significatica minoransa indigena slovena de çirca 18 000.

Łi cosideti łavoratori ospiti (Gastarbeiter) e łi łoro diçiendenti , forman anca łoro na importante minoransa en Àustria.

La łegoa ofisial, el tedesco xe parlà da quasi tuti łi rexidenti.
Existe anca un diałeto standard gramaticałe par eł tedesco austriaco, con ałcune significative diferense rispeto a eł tedesco parlà en Germania.
Ła natura montagnosa de eł tereno ga portà a ło sviłupo de numeroxi diałeti, che apatengon tuti a eł grupo austro-bavarexe, trane eł diałeto parlà en eł Vorarlberg, che apartiene a eł grupo de łi diałeti ałemani.

Ł'Austria, con su economia de mercato ben sviłupà e su alta quałità deła vita, xe stretamente łegà ałe altre economie deła Union Eoropea, spesialmente a queła tedesca.
Ła UE ga portà un influxo de investitori stranier atrà dał aceso autriaco a eł mercato unico e a ła su vixinansa ałi novi membri deła Union Eoropea. Ła łenta cresita deła Germania e de eł resto de eł mondo ga influenxado ła Àustria, rałentandone ła cresita a eł 1,2% de eł 2001. Par icontrà ła crexente competision dei paexi de ła UE e deła Eoropa Çentràl, ła Àustria necexiterà de encrementà łi setori economiçi più legà a eł know-how, continuà la dereglutation de eł setòr de łi servisi e abasar eł carico fiscałe.

Se ałevan bovini e se coltivan barbabietołe da sucaro, çereałi ecc. Particołałmente sviłupà xe ła coltivasion de viti con cui se fan boni vini.

Łe Alpe àustriaghe łe xe na meta sciistica de fama mondiałe.

Graz ła xe patrimonio mondial de ła umanità.




#Article 48: Repùblega de San Marin (305 words)


San Marin, ufisialmente ła Serenìsima Repùblega de San Marin, ła xe un Stato picenin de l'Europa meridional.
El xe un enclave de ła Itałia.

El xe el terzo Stato pi ceo de l'Europa.
El xe conpletamente sarà sù rento l'Itałia, fra łe Marche a sudest e e ła Emiłia-Romagna a nordovest.

Drio ła tradision se dixe che 'l xe stà fondà da San Marin  l'ano 301 d.C.

El riconosiménto uficiałe come stato sovran e indipendente l'è rivà sol che co Napoleon e 'l Tratato de Viena.

San Marin ła xe na Repùblega Presidensial.

I du Capitani Rexenti i vien votài ogni sie mixi: i xe i Capi de Stato col poter pi curto del mondo. I ga poter raprexentativo e i xe garanti de l'armonia fra i organismi de governo, donca i presiede łe riunion de vari organi.
El Governo el ga el poter executivo; el xe divixo in Segretarìe de Stato .
El Conséjo Grando e Xenerałe, l'è na Càmbra soła de sesanta parlamentari, che l'a in man el poter legislativo.
Ghe xe anca altri vari òrgani e cambre de governo co incareghi speciałi (p.ex.: el Conséjo dei Dódexe).

El poter giudisiario el vien gestìo da giùdici de San Marin ma ghe xe un giùdice xenerałe itałian.
Anca ła połisia, seben che fata da xente de San Marin, ła vien comandà da un itałian che parò el ga da łavorar in nome de ła Repùblega de San Marin e nò de l'Itałia.

On fato ben tìpigo de 'sta Repùblega l'è ła democrasia direta, indove che el popoło riunìo in Arengo el pol votar proposte de leje da far examinar ai Capi de Stato.

San Marin el xe divixo in 9 castełi (castelli).

I documinti uficiałi i vien firmài ancora co data dópia: el całendario stàndard e l'ano da ła fondasion de ła Repùblica (d.f.R).




#Article 49: Euro (795 words)


LEuro o Eoro el xe el scheo comun eoropea che, al dì de ancò da chel che se crede de sołito, ła vien doparà 'nte ła Xona de l'Euro xa dal 1° de xenaro del 1999, in sostitusion de łe monéde nasionałi.
El equivoco el nase dal fato che ancora par tre ani da cheła data łe monéde nasionałi łe ga sevità a sircołar e èsar doparae.

Dal 1° de xenaro del 1999, defati, łe monede nasionałi łe xe deventàe gnente de pì che sotomultipli de l'Eoro dopo che jera stà fisà dei tasi de cambio fisi e irevocabiłi verso ła nóva moneda ùnica, l'Euro.

I tasi de canbio i jera stà fisài co un no senplice calcoło, ciapando a riferimento el vałor de ogni moneda rispeto al dołaro statunitènse co ła partesipassion del (ałora) ministro del texoro tałian Carlo Azeglio Ciampi.

Da chel momento in vanti, tute łe tranxassion finansiarie łe xe stà obligatoriamente in Euro, e i marcài finansiari i ga scumisià fisar i presi de borsa e i canbi monedari gavendo come unico riferimento l'Euro.
Fin dal 1° xenaro 1999 jera legałe e posibiłe de far ogni tranxassion in Euro (questo no'l escludeva de poder doparar i só sotomultipli nassionałi) e i Stati i gavéa ła posibiłità ma no l'obligo de ciapar qualsiasi inissiativa par favorir e pareciar l'entrada in sircołassion de l'Euro concretizà in forma fìxica, prevista par el 1° xenaro 2001.

La pi conpleta inersia dei vari governi ła ga fato in maniera che el 1° xenaro del 2001 el publico el xe stà de fato sofegà soto ła sorpréxa dei nuvi schei. Tute łe categorie econòmeghe organizàe, nel fratenpo, łe gaveva avuo modo de pareciarse co i nuvi listini e ciapar pa'l coło ła masa dixorganizada asołutamente no pronta. 
L'inpato psicołogico de védar i presi espresi coi novi vałori el ga fasiłità el zógo de chi che, metendo presi conpagni de prima (ma in Euro), el ga praticamente radopià i listini.
Questo spiega tute łe sircołari che jirava favełando de Grande Opportunita' oferta da l'Euro, mentre che, a rigor de lojica, ła senplice introdussion de un nóvo sistema de calcoło ła gavarìa dovùo eser del tuto neutro.

A ogni modo, ła nóva moneda ła ga irevocabilmente ligà insieme le economie dei paixi partesipanti. Questo ga significà na stabiłizassion de l'inflassion e par conseguensa un liveło de costo dei schei (intarese) mai cusì baso in Italia. In sto modo qua i finansiamenti i ga scumisià a èser particołarmente convegnenti e parò l'ineficiensa struturałe del marcà italian in particołare ła ga in realtà favorìo enti finansiari e società imobiliari che i ga portà tuto a só profito el vantajo de l'Euro, e par converso a totałe scapito dei singołi consumatori.
Insoma, i pi svantajài i xe comunque stai costreti a pagar el preso pi grando come che sucede in tuti i grandi stravolgimenti, co l'agravante de ła conivensa del sistema połitico

Visto da na prospetiva piasè a łóngo termine, se trata parò de n' avenimento epocałe e sensa altro de na grandìsima conquista par l'economia nel só conpleso se se łasa da parte łe distorsion e i trasferiminti de rèdito da i poareti (dipendenti e pensionài) verso i siuri. 
Sopratuto, ga ligà de forsa l'economia italiana co łe economie pi sviłupàe obligàndone a afrontar novi canpi produtivi e a abandonar łe produssion a alto contegnùo de manodopra par deventar, no sensa dołor e no in póco tenpo, na economia de ecełensa e servissi.

Dal pónto de vista tecnico de jestion monedaria, ła cołaborassion de łe banche sentrałi co ła BCE in ocaxion de l'introdussion de l'Euro ła xe stada estremamente sodisfasente.
Portar in tuti i sportełi bancari na quantità cusì enorme de banconote e monede in tenpo parfeto e smaltir na quantità altretanto strabiłiante de moneda vecia ła xe stà sensa altro na grandìsima próva de eficiensa e organixassion, motivo de vanto par tuta ła UE.

Le banche nassionałi łe ga conferìo tute łe só sovranità al nóvo organismo creà par jestir ła połitica monedaria comun.
Łe banche nassionałi, in canpo monetario, łe xe deventàe insoma senplisemente agensìe periferiche e executive e de controło de decixion ciapàe da ła B.C.E. (Banca Centrale Europea).
I governadori de łe diverse banche nassionałi, insieme ai òrgani comunitari, i partèsipa a ła jestion de ła BCE e a ła nomina del Presidente Executivo, che 'l gode de gran independensa e autonomìa.

Conpito istitussionałe de ła BCE el xe de garantir e protèjer ła stabiłità e el poder de aquisto de l'Euro, e no de altro come par exenpio de łe połitiche macro-economeghe.
La BCE ła xe stretamente tegnùa a rispetar i só conpiti istitussionałi, che i vien regołai in detajo e i xe sojeti a controło jurisdisionałe da parte de ła Corte de Justisia Europea.




#Article 50: Xona de l'Euro (155 words)


Ła zona del'Euro l'è queła zona econòmica fata dai Paixi Europèi (e só teritori) che i ga decixo de métar da parte łe monéde nasionałi e sostituirle co un scheo soło vałido par tuti.

Ocio!: 
Ła xona de l'euro no l'è mìa exatamente l'Union Europèa parché ghe xe Stati de l'UE che i tien el só scheo nasionałe (sterlina in Regno Unìo, Corona in Svezia) e ghe xe Stati che dòpara l'euro seben che no i fa mìa parte de l'UE (Vatican, Andora, Serenìsima Repùblica de San Marin, Prinsipato de Mònaco, Montenégro, Kosovo...)

In pi, l'euro el vien doparà anca 'ntei teritori geograficamente no-europèi ma dependenti da un Stato UE (Guyana Franséxe in sudamèrica, Ceuta e Melilla 'ntel nordàfrica...)

Ntel 2007 in te ła zona euro ghe xera trédexe stati menbri, con piesè de 316 miłioni de abitanti:

Ntel 2008 e ntel 2009 ł'union monetaria ła se xe estesa a altri tri paexi de ł'Union:




#Article 51: Xibiltera (333 words)


Gibiltera ła xe un Teritorio da Mar del Regno Unìo, inte ła Eoropa meridional, postà a l'estremo sud de ła Penìxoła Ibèrica.
A nord ła confina via tera co ła Spagna; a sud e est l'è bagnà da łe aque del Stréto de Gibiltera e del Mar Mediteraneo e a ovest co ła Baja de Algeciras. Ła xe davanti al Maroco e póco distante da Ceuta.

El nome el vien da l'àrabo Gebel al-Tariq, Montagna de al-Tariq el primo omo che ła ga catà e conquistà.

Ła xe deventà britànica in perpetuo 'ntel 1713  che ła Spagna l'acetava de dar par senpre ła Roca de Gibiltera al Regno Unìo. El tratato el stabiłìa anca na xona neutrałe su l'istmo fra Gibiltera e Spagna.
Col pasar dei ani i Ingleixi i avéa spostà el confin pi a nord ocupando progresivamente na parte de ła xona neutra. A ła fin anca ła Spagna l'à ocupà el resto de ła xona neutra e cusì se ga creà un confin de fato 'ndove che se cata ła frontiera moderna.

Durante ła Secónda Guera Mondiałe l'è stà na baxe angloamericana inportante e anca dopo l'à mantegnùo inportansa stratègica par el controło del pasajo fra Mar Mediteraneo e Oceano Atlàntico.

Par sècołi l'è stà na baxe governà da miłitari po dopo l'è stà proclamà Cołonia sóto el comando de un Governador nominà dal Regno Unìo.

Dal 1969 ła ga na Costitusion che ghe garantise l'autogoverno, mentre el Regno Unìo el mantien ła gestion de ła połìtica èstera e ła diféxa.
El Governador el fa da raprexentante del Regno Unìo ma el poter legislativo el xe in man al Parlamento Locałe che 'l nòmina anca el Governo (poter executivo). Ghe xe anca un sistema giudisiario autònomo baxà sul sistema ingléxe.

Col tenpo l'è stà abità da Ingleixi, Spagnołi, Ebrèi e da Genoveixi disendenti dei pescadouri che i gavéa méso sù caxa a Gibiltera dopo l'arivo dei Ingleixi.
Al dí de anco ła stragran parte dei abitanti ła se consìdara Gibilterani.




#Article 52: Valbełuna (187 words)


La Valbeluna (o Val Beluna) la se cata te la porvincia de Belun e la se stende da nord-ovest a sud-est par żirka 50 km, korendo drioghe a la Piave.
La val la xe serada a nord dal grupo dolomitico de la S-ciara (Schiara), dai Monti del 
Sol e da le Vete Feltrine e a sud da le Prealpe Belunesi e dal Masicio del Grapa.
Al teritorio corisponde a la parte basa de ła provinzia de Belun e dove che se cata tanti centri abitai de gran rilievo storico e economico come: Belun, Feltre, Mel, Sedego, Santa Justina belunese, Trichiana e altri.

I comuni i xe (da nord-est a sud-ovest): 

Par chi che ghe pias 'ndar co i sci la Valbeluna la ofre do posti co piste e inpianti de risalìa:

Par chi che ghe pias la storia oltre che ai belisimi centri storici de Belun e de Feltre (in dove che el stil architetonico veneżian se miŝsia mirabilmente co cuel nordico), interesanti posti da vedar sarìe anca Mel (bandiera rancion del Turing Club), col belissimo Castel di Zumele, e Vedana co la granda e antiga certosa.




#Article 53: Friul-Venesia Julia (258 words)


El Friul-Venesia Julia (Friûl-Vignesie Julie in furlan, Furlanija-Julijska krajina in sloven, Friaul-Julisch Venetien in tedesco) el xe na rejon (7 845 km², sirca 1,2 milion de aneme, co capitàl Trieste) de l'Italia Nord-Orientałe.
El confina al est co ła Slovenia (Alta Carniola e co 'l Litorale, al nord co l'Austria (Carinsia), al ovest co 'l Veneto, al sud el xe bagnà dal Mar Adriatico.
La xe formada dal Friul,
e dała Venesia Julia, separade fisicamente dal fiume Isonzo.

El Friul-Venesia Julia el conprende na xona da montagna a nord e est, ocupada da łe Alpi Carniche, e da łe Alpi Giulie, e una de pianura a ovest e sud ocupada da ła Pianura Veneto-Furlana.

Inte ła banda oriental de ła rejon, al confine co ła Slovenia se cata el teritorio de ła Schiavonia Veneta, indove łi abitanti łi parla in sloven.

El Friul-Venesia Julia el xe na rejon creada a tavołin nei ani del dopoguera; dopo el pasajo definitivo de Trieste a l'Italia (suceso apena ne 'l ano 1954), ła cità ła jera stata privada de tuto 'l so entrotera e ła Venesia Jiulia ła jera ormai quasi del tuto soto ła Jugoslavia; par sto motivo xe stà deciso de unir Trieste al Friul, dàndog a ła nova rejon na serta autonomia, anca parché ła jera ła parte piú meridionałe de ła famosa Cortina de fero.

El Friul-Venesia Julia el xe na rejon otonoma col statuto speciałe.

Ła conprende łe province de Gorissia, Pordenon, Trieste e Udine.

Łe sità prinsipałi łe xe Trieste, Udine, Pordenon, Gorissia, e Monfalcon.




#Article 54: Lista de sufisi Internet de primo liveło (795 words)


I Sufisi Internet de Primo Liveło (engl. Top-Level Domains TLD) i vien spéso considerài come sigle internet de un Stato (p.ex: .it =italia , .fr =fransa, .uk =Regno Unito) ma i pol anca riferirse a Teritori autònomi o Dipendense (p.ex: .gi =Gibiltera , .aw =Aruba) e èser anca sufisi internasionałi xenerałi che no corisponde mìa a un Stato (p.ex: .com', .org, .aero...).

El setenbre del 2005 xe stà asegnà anca el primo TLD del mondo, riferìo a na comunità soło lenguìstico-culturałe: el xe el .cat che'l vegnarà doparà par tuti i siti che trata de łéngua e cultura catałana.



#Article 55: Paexi Basi (1179 words)


I Paéxi Basi (in nederlandexe Nederland), i xe un stato de l'Europa osidental.
I confina a sud col Belgio, a est co ła Germania e a nord e a ovest col Mar del Nord.

La giografia ołandese la ga patìo evolusion consistenti in età storica.
Nel 1287 na granda tonpesta la ga travolto le dune costiere e la ga parméso al mar de riversarse ne l'interno del Paese, formando el golfo noto come Zuiderzee.
Nel 1932, con la costrusion de la diga ciamà Afsluitdijk  fra la Frisia e l'Olanda Setentrional sto golfo el xe sta da novo separà dal mar e trasformà nel lago IJsselmeer
In tenpi pi' resenti sto lago el xe sta in parte sugà su, diventando cusì la provincia de Flevoland.

Ła guera par cavar la tera al mar e ai fiumi ła xe uno dei discorsi ricorénti de ła storia e de ła giografìa ołandéxe.

Ła caraterìstica prinsipal de la giografìa ołandéxe ła xe ła piatésa del teritorio: sérca el 50% de ła superficie ła xe a manco de 1 metro sóra el livel del mar.
Defati bóna part del teritorio ła xe fata da pólder, overo da tereni cavai al mar o a lagune e pałude costiere.
Na caéna de dune e dighe łóngo łe coste e łe rive dei fiumi prinsipałi ła inpedise che ste xone łe vegne inondae, e intanto tante stasion de ponpajo łe provéde a rimòvar l'aqua piovana in più.

El punto pi alto dei Paéxi Basi el xe el Vaalserberg (321 m s.l.m.), inte l'estremo sud-est del paéxe.
  

I Paesi Basi i xe divisi in do parti prinsipai da un sistema inbrojà de fiumi che el conprende la Schelda, la Mosa e el Reno, che in teritorio ołandese i fa un delta conplicà, i cui rami pì inportanti i xe conosudi come Waal, Lek, IJssel e Amstel.

El clima dei Paéxi Basi el xe oseànego tenparà.
I inverni no i xe tanto frédi: ła tenperadura media a xenaro ła resta de calche grado sóra el xero, anca se łe giasade łe xe frequénti.
L'istà ła xe frésca e piovóxa, có tenperadure media a łułio de poc sóto i 20 °C.

Nel I secolo a.C. Giulio Cesare el sotomete el sud dei Paesi Bassi, che el xe sta el confine del mondo romano fin a la disgregazion de l'Inpero.
Indopo nel paese a xe ndà starghe i Sàsoni e i Franchi.

Ne l'VIII secoło i Paesi Basi i faxea parte del Sacro Romano Inpero fondà da Carlomagno. Dopo de łu xe vegnù su vari prinsipadi semi-indipendenti, che i xe restà formalmente sudditi de l'Inpero fin al XV secolo, quando i xe pasà soto a el controlo direto de la fameja inperiale dei Asburgo.
 
Nel XVI secolo la popolasion ołandese la ga acolto ben la Riforma protestante. L'inperador Carlo V el ga finìo par acetare la situasion, ma co l'è morto (1558) l'intransigenza del so erede Filipo II de Spagna la ga provocà na rivolta. Dopo na longa guera, conossiùa come Guera dei Otant'ani, la Republica de le Sete Province Unìe la xe deventà na realtà.

Nel XVII secolo i olandesi i ga fondà un mucio de colonie in India, Indonesia e ne le Meriche, i cui commerci i xera manegià da la Conpagnia Olandese de le Indie Osidentali. Fatostà però che el secoło el xe finiò co na serie de guere che łe ga segnà la fine de l'espansion dei Paesi Basi.

El secoło dopo, el XVIII secolo, el xe sta bastansa chieto fin a ła Rivoluzion francese del 1789: póchi ani dopo i francesi i ga invadesto i Paesi Basi, dove i ga costituìo prima la Republica Batava e indopo el Regno de Olanda, finché non i li ga unìi a la Francia.

El Congresso de Viena el ga restaurà el stato olandese, faxendoło diventar na monarchia. El regno el ga perdùo diversi posedimenti estraeuropei, ma ghe xe sta tacà el Belgio e el Lusenburgo.
Sta situasion no la xe mia 'ndà vanti tanto: nel 1830 el Belgio el ga otegnù l'indipendenza fasendose jutar dai francesi e nel 1890 anca el Lusenburgo el xe deentà indipendente.

I Paesi Basi i ga proclamà la so neutralità in tute do le guere mondiali.
Ne la prima guera mondiale i altri paesi i la ga sostanzialmente rispetà.
Inveze ne la seconda guera mondiale el paese el xe sta ocupà da la Germania nazista nel corso de la Canpagna de Francia (majo 1940); nel 1942 anca l'Indonesia la xe sta ocupà dal Giapon. La liberazion la xe rivà nel majo 1945.

Nel 1948 i Paesi Basi i ga fato l'union doganae del Benelux col Belgio e col Lusenburgo.
A partir dal 1949 i Paesi Basi i ga dovesto rinunciar a gran parte del so inpero colonial. Grazie anca ai aiuti statunitensi del Piano Marshall ła perdita de le cołonie no la ga portà dificoltà de schei, anzi l'economia olandese la ga vudo na fase de rapida crésita.
Da łora la politica estera ołandese la xe dominà da l'inpegno de crear o rinforsar łe istituzion internasionai che ła fa parte.

El Regno de i Paéxi Basi el xe na federasion conposta da 4 nasion:

Ła sitadinansa l'è ùniega (tuti i abitanti i ga sitadinansa olandéxe e donca i xe anca sitadini UE).

Indeso el sovran el xe ła regina Beatrice, invese el primo ministro el xe Jan Peter Balkenende.

Ła fa parte, de l'ONU, de la NATO e de l'Union Eoropea.

Ła capital ła xe Amsterdam, ma el governo, el parlamento e ła rexidénsa del sovran i xe tuti a L'Aia (Den Haag), indove che i ga anca séde ła Córt Internasional de Justisia e el pena istituìo Tribunal Penal Internasional.

Altre çità inportanti łe xe Rotterdam, Maastricht, Eindhoven e Utrecht. Locałità conussude - anca dal punto de vista turistico - łe xe anca Alkmaar, Apeldoorn, Arnhem, Delft, Dordrecht, Edam, Enschede, Gouda, Groningen, Haarlem, Heenrenveen, Leida, Marken, Monickendam, Nijmegen, Volendam e Zwolle.

I Paéxi Basi i xe uno dei Stati pi densaménte popołai del móndo.

Ła divixion giografega dovua a el sistema inbrojà de fiumi la xe inportante anca dal punto de vista cultural, come se poe capire dai difarenti diaeti parlà nel nord e nel sud, e 'ncora pì da la predominanza catolica ne la region a sud dei fiumi e protestante calvinista nel nord, in particołare ne le province frisone a nord de l'IJssel.

El łivel de vita dei abitanti el xe considerà infra i mejo del móndo.
I xe famóxi par ła łejislasion łiberal in canpo social (a es. riguardo ła sfera sesual e qûeła de łe droghe).

Ogni stato de el Regno de i Paexi Basi el ga na monéda sua: i Paexi Basi i dopra l'euro , Aruba l'à mantegnùo el fiorin de Aruba, .

In maniera conpagna a qûeło che capita pa'l Regno Unìo che tante volte el vien ciamà cofà Inghiltera, i Paéxi Basi i vien comuneménte ciamà col nome de Ołanda (Holland), che propiaménte el sarìa sol la part pi popołà del paéxe, ovéro łe do province de l'Ołanda Setentrional (Noord-Holland) e de l'Olanda Meridional (Zuid-Holland).




#Article 56: Aruba (201 words)


Aruba la xe un'ìxoła del Mar dei Caràibi.

La xe granda 180 km².

Descoverta e unìa a la Spagna nel 1499, Aruba la xe sta ocupà dai olandesi nel 1636, e la ga fato parte de le Antille olandesi fin al 1° zenaro 1986, quando la xe deentà un membro autonomo del Regno dei Paesi Bassi.

La xe un stato federà del Regno dei Paéxi Basi.
El capo de stato el xe el re dei Paesi Bassi, che el se fa rapresentar a Aruba da un goernador nominà ogni sié anni.

Ła capitale la xe Oranjestad.

La ga 70 000 anime.

Le lengue oficiali le xe l'olandese e el papiamento.
El papiamaneto el xe na lengua creola parlà anca su le vizine isole de Curaçao e Bonaire, nata da l'union del spagnolo e del portoghese co l'olandese e zerte lengue parlà dai s-ciavi che vegnea de l'Africa e dai nativi mericani.

L'isola la xe suta e pitoca de risorse, e quindi no ghe xe mai sta fate dele piantagioni come in altri posti dei Caraibi.
Difati i abitanti de Aruba i canpa soratuto col petrolio e col turismo.
El goerno olandese el ghe da anca dei schei par jutar el sviluppo.




#Article 57: Antiłe Ołandexi (144 words)


Łe Antiłe Olandexi (ol.: Nederlandse Antillen), łe xe un grupo de ìxołe del Mar dei Caràibi: łe xe stae un Stato de ła federasion del Regno dei Paéxi Basi fin al 10 de otobre 2010.

Łe ìxołe de Bonaire, Saba e Sint Eustatius łe xe deventae comuni ołandixi, dove che se dòpara l'euro, col status parò de region estraperifèrica (UPR - ultraperifere regio). Invese Sint Maarten (ła parte ołandéxe) e l'ixoła de Curaçao łe fa come che ga za fato Aruba e łe xe deventae Stati autònomi (nasion costitutive) che łe fa parte de ła federasion del Regno dei Paixi Basi.

Fin al 2010 łe ìxołe (Curaçao, Bonaire, Saba, Sint Maarten, Sint Eustatius) łe formea la dipendensa de łe Antiłe Olandexi. Aruba invese l'è fora da łe Antiłe Olandéxi za da un toco.

L'èconomìa ła depende pi che sia dal turismo e dal petrolio.




#Article 58: Mar Adriàtico (171 words)


El Mar Adriatico el xe un toc del Mar Mediteraneo, che 'l bagna łe coste orientai de ła penixoła tałiana e chee osidentałi de ła penixoła balcanica.

El xe longo sirca 800 km e largo de media 150 km, el ga na superfiçe
de 132 000 kmsup2;. Xe fondo sirca 300 metri pi a nord e a sud el riva a 1000 metri de fondità.

El xe cołegà al Mar Jonio co el Canałe de Otranto
(tra ła provincia de Lece e l'Albania).

I corsi d'acua pì inportanti che se versa 'ntel Mar Adriatico xe i fiumi vèneti e tałiani Po, Àdexe, Brenta, Reno, Tajamento e Pescara .

L'origine del nome el vegnaria da ła sità veneta de Adria che par i gresi jera a sità pì a nord del Adriàtico e quindi el nome voria dir Mar che 'l finise a Adria.

El Mar Adriatico xe diviso in

El Mar Adriatico bagna ste rejon e łocalità de ła costa oriental, vèneto-tałiana:

'Nte ła costa oriental i sti stadi e locałità:




#Article 59: Scamandro (235 words)


Lo Scamandro l'e un fiume de la Troade ciamà ancò Küçük Menderes in lengua turca 

Ancò el so corso l'e sta cambiado, na volta el se butava ne l'Elesponto col so afluente Simoenta.

Ne l'antica Grecia l'era anca el nome del Dio fiol de Zeus de le so aque. Insieme a la ninfa Idea l'a generà Teucro, el primo re de la Troade.
n'altra so fiola l'e stada Glaucia, che inamorada de l'eroe Dimaco a la morte de questo se mixe soto al protesion de Eracle che l'era amico de Dimaco, visto che ela l'era incinta. Da Glaucia l'e nato un fiol de nome anca lu Scamandro. (Plutarco, quaestiones Graecae, 41).
Un'altra fiola de Scamandro le Calliroe, che l'e diventà mojer de Assaraco e antenata de Anchise.

Ne l'Iliade de Omero se ciama anca Xanto dal color xało de le so aque.

l'e çità in sti punti:

Nel vintuneximo canto se descrive la lota de Achille con Scamandro che l'era agro de vedar le so aque sporcade col sangue e i corpi de tanti morti copadi da quel'eroe.

Ne la Leteratura latina el nome del Scamadro l'e tante volte combinà con quel del Simoenta par indicar un fiume famoso perché cantà da Omero (per es. Properzio, III, 1, 26) o usando na perifrasi par no dir Ilio, (ad es. Orazio, Epodi, 13, 14).

Scamander l'e anca el nome de na cità de l'isola de Tasmania




#Article 60: Emiłia-Romagna (176 words)


LEmiłia-Romagna (Emîlia en emiłian e Rumâgna en romagnol) ła xe nà rejon (22 451,29 km², 4 miłioni de aneme, cò caołogo Bołogna) del Itałia setentrionał.
Ła confina al sud cò ła Repùblica de San Marin, ła Toscana e łe Marche, al ovest cò el Piemonte e ła Łiguria, al nord cò el Vèneto e ła Łonbardia, e ła xe bagnada a est da el Mar Adriàtico.

Ła rejon ła xe conposta da l'union de parte de dò véce rejon istoreghe, l'Emiłia e ła Romagna.

Le zone che fà parte de la region uncuò le xe abitae da tempi lontani, come xe indegà dai vari ritrovamenti: el caso pì famoso xe quelo de l'area de Monte Pojolo, vicin Forlì, dove xe stà catà mileri de reperti veci su par zò de 800 000 ani, a dimostrazion che la xona la jera zà abitada inte el Paleolitego.

Ła conprende ła sità metropołitana de Bołogna e łe province de Ferara, Forlì-Cesena, Modena, Parma, Piacensa, Provincia de Ravena, Reza e Rimini.

Łe sità prinsipałi, łe xe Bołogna, Parma e Modena.




#Article 61: Madrid (589 words)


	
Madrid el xe on comun de ła Spagna, situà inte ła provinsa omònema de Madrid, che ła fa parte a volta soa de ła omònema comunità autònoma de Madrid. Ła xe ła cavedałe de ła Spagna e de ła so comunità autònoma. Ła xe ła sità pì granda de ła Spagna, sia par estension (604,45 km²) che par popołasion. Inte el 2019, Madrid, ła se prexentea co 3 266 126 de abitanti co na consevente densità de popołasion de 5265,91 ab./km².
Situada inte l'altipian de ła Mexeta, ła xe una de łe cavedałi pì alte de ła Eoropa, catàndose a 667 metri de altitùdene (Andorra la Vella, cavedal de Andora ła xe tacada pì in alto, a 1 070 m de altitùdene).

Costruìa su un liogo onde che se levava un forte àrabo (al-Maǧrīṭ - المجريط) costruìo inte el IX sècoło. Ła xe stà conquistà par el re Alfonso VI de Castiłia en 1083, ła xe stà sernìa cofà cavedal, al posto de Tołédo, dal re Fiłipo II inte el 1561. Dal 1601 al 1606, ła cavedal ła xe stà movésta tenporaneaménte a Valladolid. Óltra a èsar cavedal de ła Spagna, Madrid ła xe anca cavoliogo de ła provincia e de ła rejon omòneme.

Ła popołasion de Madrid ła ga subìo na ràpida cresésta da quando che ła çità ła xe deventada cavedal de ła Spagna. Sta cresésta ła xe stà particołarménte significativa inte el XX sècoło, a càuxa de ła granda quantità de imigrati, sia nasionałi che èsteri che i xe rivai qua.

A partir dai ani setanta, ła çità de Madrid ła ga scumisià a pèrsar popołasion, tendénsa che ła se ga rabaltà al prinsipio del XXI sècoło, grasie al forte auménto de l'imigrasion. Par l'Istitutio de stadiìstica spagnol inte el 2004 Madrid ła gavéa 3 099 834 abitanti, co na cresésta de 161 111 unità rispeto a l'ùltimo censiménto del 2001.

Madrid ła xe dividésta aministrativaménte in 21 distréti, che a só volta i xe dividésti in barrios:

El clima de Madrid el xe mediteràneo de tipo continental e el xe asè influensà da łe condision urbane. I inverni i xe fréschi, có tenperadure tante volte pi base dei 8°, e có gełae noturne e nevegae ocaxionałi. Łe istà łe xe tant calde có tenpeadure media che łe sùpera i 24° a łułia e agósto, có màsime che tante volte łe riva fin a 35°.

Ła çità ła ga conoséstun grando sviłupo econòmego da quando che ła xe stà sernìa cofà cavedal del regno, a ła funsion aministrativa che ła ga vést in qûeło perìodo, ingrandìa dal caràtere çentrałista del goerno dei Borboni, el se gà petà un grando sviłupo econòmego e industrial del XX sècol, soratut inte-i setóri chìmiçi e metałùrxego e altri setóri tacai ai consumi urbani de tecnołogìa avansae, cofà ła macànega de prezixion, l'ełetrònega e ła chìmica farmasèutega.

Inte i ùltimi ani a łe tradisionałi atività aministrativa e finansiarie łe se ga unìo altre atività łigae al turismo, a ła cultura e al divertiménto, el crichi de sto proseso el se ga vést inte el 1992 có ła nòmina de Madrid codà cavedal europea de ła cultura.

Par qûel che riguarda ła rejon, Madrid ła xe una de łe 17 Comunità autònome de ła Spagna (comunidades autonómicas in spagnol).
Ła xe tacada al çéntro de ła penìxoła iberica, altre łocałità inportanti łe xe Alcalá de Henares, San Lorenzo de El Escorial, e Aranjuez. 
Ła rejon ła òcupa teritorio de 8 028 km² e el ga 5 423 384 abitanti (çensiménto del 2001).




#Article 62: Astronomia (1279 words)


Ła astronomia (dal greco: ἀστρονομία = ἄστρον + νόμος, che vołe dir lexe dełe stełe) ła xe ła siensa che ła va studiar e descrivar i eventi cełesti. Studia łe orixani e l'evołusion, łe propietà sfixeghe, chìmeghe e tenporałi dei ojeti che i conpone l'Universo e che i połe eser vardai inte ła sfera cełeste.

L'astronomia ła xe una de łe siense pì vecie e che tante çiviltà vecie de tuto el mondo i ga studià el ceło e i vari eventi astronomeghi: Ejisi, greçi (mediteraneo) babiłonexi, indiani, çinexi (oriente) maia e incas (amereghe). Sti veci studi astronomeghi, i vardava al studio de ła poxision dei astri (astrometria), ła periodiçità dei eventi, e la coxmołoxia e de consenguensa, particolarmente st'ultimo, l'astronomia antica la jera caxi senpre cołegada fortemente co aspeti rełijoxi. Al dì de oncò, l'astronomia moderna, la xe cuaxi sinonimo de astrofixega.

L'astronomia no ła va confondesta co l'astrołoxia che ła xe na pseudo-siensa che ła pensa che i movimenti del sołe e che i pianeti inte el xodiaco, i influensa in calche manjiera ła vita de l'omo. Anca se łe do disipline łe ga on ponto de partensa in comun, łe xe totalmente difarenti, visto che l'astronomia, a difarensa de l'astroloxia, ła ga inbrasà el metodo sientifego fin dal tenpo de Galileo Galilei.

L'astronomia l'è una de łe poche siense andove che el trabaco del amadore (astrofiło - la persona che ghe piaxe l'astronomia ma che no l'è studià) el połe xugare on roło de pexo, dando dati so nove scoerte e dando novi dati so łe oservasion.

Inte el scumisio de ła so istoria, l'astronomia ła se ocupava onegamente de ła oservasion e de ła previxion dei movimenti dei ojeti çełesti, che i podea esar visti a ocio dexnudo da l'omo. I primi strumenti che i podaria esare ricondoti a fini astronomeghi, i riva dal XX secoło v.C., on exenpio el połe esare cheło de Stonehenge, che a parte łe so doparasion çerimoniałi, i podea esare doparai par determinar łe stajon (par regołare łe operasion de l'agricoltura, come ła samena de łe piante), e ła longhesa de l'ano e/o par far na mapa astronomega de ła poxision de łe stełe e pianeti (siensa che oncò ła njien ciamada astrometria).

Da ste prime oservasion, ga tacà formarse łe prime teorie so i movimenti dei pianeti e so ła naura del Sołe, de ła Łuna e de ła Tera, che in prìnsipio se pensava ła fuse al çentro de l'universo. Sta vixion ła se ciama sistema xioçentrego o sistema tolemaico, dal nome de l'astronomo greco Claudio Tołomeo. 

De granda inportansa xe sta l'aplicasion de ła Matemàtega a l'astronomia, che ła ga scumisià co i Babiłonexi, che i xe stai pasai de jenerasion in jenerasion e de çiviltà in çiviltà, descoerxendo che łe crisi lunari łe rivava segondo o çiclo ripetitivo conosuo come saros.

Dopo i babilonexi, grandi progresi economeghi i ghe xe stai in Gresia e inte el mondo ełenistego, co l'astronomia greca che vardava a sercar na spiegasion fixega e rasionałe par i fenomani çelesti. Inte el III secoło v.C., Aristarco di Salmo el ghea stimà łe dimension e ła distansa de Sołe e Łuna e el xe sta el primo a propore on model elioçentrego del Sistema sołare (pianeti che jira torno el sołe e no che tuti jira torno ła tera) e inte el II secoło v.C., Ipparco el ghea descoerto ła preçesion dei ecuinosi, el ga calcołà ła grandesa e ła distansa de ła Luna e el ga inventà uno dei primi strumenti astronomeghi, l'astrołabio. Ipparco el ghea fato anca on catałogo finìo de 1020 stełe, e ła major parte de łe costełasion de l'emisfero boreałe le xe stae definie da l'astronomia greca. La machina de Anticitera (c. 150-80 v.C.) el jera on calcoladore mecanego projetà par conosare ła poxision del Sole, de ła luna e dei pianeti inte na determinada data. Altri machinari de sta portada, no i se vedarà fin al XIV secolo, co xe vegnui fora i primi reloji atronomeghi mecaneghi in Eoropa.

L'astronomia, ferma inte el Eoropa medievale, intei paexi Ixlameghi e in altri posti, ła ga portà i primi oservatori astronomeghi a partire dal IX secolo.

Inte el 964, l'astronomo persian Azophi, el xe sta el primo a descrivare ła Gałasia de Andromeda, la pì granda gałasia del grupo locałe, inte el so Libro de łe stełe fise.La ciexa catołega romana ła ga dato on sostegno finansiario e soçałe pa'l studio de l'astronomia par pì de sie secołi, co ła prinipale motivasion de catar ła data de ła pascua.

Inte el corso del Rinasimento, Nicołò Copernico el ga fato l'inportante trabaco de on sistema elioçentrego (no l'è sta el primo a ver ipotixà on sistema co al so çentro el sołe, ma l'è sta el primo a argomentare in modo sientifego ła so teoria). El so laoro l'è sta xviłupà, difenduo e coreto da Galileo Galilei e Keplero. St'ultimo el xe sta el primo astronomo a dare leji che łe descrivese in manjiera coreta e detajada del movimento dei pianeti torno el Sole, anca se njiancora el capìa łe cauxe fixeghe de łe so scoerte, ciarìe pì vanti da Newton che el spiegò i prinçipi de ła mecanega çeleste e ła leje de gravitasion universałe, cavando par senpre ła difarensa intrà fenomani teresti e çełesti. Tra chełe altre robe, Newton el ghea inventà anca el telescopio rifletore.

L'astronomo britanego John Flamsteed, el ghea catałogà pì de 3000 stełe e inte el mentre co i mejoramenti de ła ualità dei tełescopi vegnea fora na scoerta drio chel'altra. Altri catałoghi pì conpleti i xe stai fati da Lacaille e da William Herschel che el ga fato un catałogo de nebułoxe e masi, prima de scoprire inte el 1781, el pianeta Uran. La prima stima de ła distanse da na steła, la ghe xe sta inte el 1838, co Friedrich Bessel el ga mixurà ła parałase de 61 Cygni.

Inte el corso del XVIII E XIX secoło, el studio del problema dei tre corpi de Euler, Clairaut e D'Alembert  el ga portà a vere previxion pì preçixi so i movimenti de Luna e pianeti, e sto studio ll'è sta perfesionà da Lagrange e Laplace, che i ga portà a otegnere łe mase dei pianeti e de ła luna e łe perturabasion che i exerçitava.

Grandi progresi in astronomia i xe rivai col rivo de łe nove tecnoloxie (spetroscopia e astrofotoscopia). Co ste tecnoloxie se ga conosuo novi ojeti pì lontani e xe sta provà che i jera simiłi al sole, ma difarenti in masa, temperadura e dimension. Co ła spetroscopia xe sta posibiłe studiare la naura fixega dei astri (astrofixega). 

L'existensa de ła nostra gałasia, ła Via Latea, e che se capise che sta cua la jera on grumo ixolà de stełe rispeto al resto de l'universo, ła xe sta provada inte el XX secoło, co ła scoerta de l'existensa de altre gałasie. Co ła spetroscopia, se se ga incorto che tanti ojeti i prexentava el redshift (on spostamento del spetro verso el roso rispeto a cuando se se spetava). Sta roba ła jera spegabiłe soło co l'efeto de Doppler, chel xe sta interpretà come na difarensa tanto negativa, o sia de distansamento dal nostro pianeta. Par sto motivo, njien formułada ła teoria de l'espansion de l'Universo. L'astronomia teorega ła ga portà a specułasion so l'existensa de ojeti come i buxi neri e łe stele de neutroni, che i xe stai doparai par spiegar alguni fenomani vardai, come quasar, pulsar, blazar e radiogalasie.

L'astronomia ła połe esare dividesta in cuatro grande rame:

Dependendo da ła longhesa d'onda de ła radiasion eletromagnetega doparada par vardare on corpo çełeste, lastronomia ła xe dividesta en: 




#Article 63: Biołoxia (357 words)


La biołoxia (dal greco βιολογία, fato da da βίος, bìos = vita e λόγος, lògos = studio) ła xe la siensa che ła studia ła vita, o sia i proçesi fixeghi, chimeghi dei fenomani che i caraterixa i sistemi viventi, e anca la biochimega, mecanixmi mołecołari, xenetega, anatomia, fixioloxia, de conseguensa anca łe asion come l'adatamento, xviłupo, evołusion, i contati intrà de łori e el conportamento.

Sìbèn che sta disiplina ła xe conplesa, ghe xe alguni conçeti che unise, che ła ghin regoła el studio e ła riçerca: la biołoxia ła riconose ła cełuła come unità de baxe de ła vita, i xeni come ła strutura de baxe de l'ereditarietà e l'evolusion darwiniana par selesion nadurałe come el proçeso che regoła ła nasita e l'estinsion de łe specie.

Tuti i organixmi viventi, unicełułari che pluricełułari che i sia, i xe dei sistemi verti, che i soravive trasformando l'enerxia e xbasando l'entropia locałe del sistema par regołare el so anbiente interno e mantegnere na condision stabiłe e vitałe definia omeostaxi. La biołoxia ła fa łe so riçerche doparando el metodo sientifego par testare ła vałidità de na teoria in manjiera rasionałe, fora da łe parti e reproduxibiłe chel xe ła formasion de ipotexi, ła sperimentasion e inte l'anałixi dei dati par darghe na vałidità o na invałidità a na teoria sientifega.

Le sotodisipline de ła bioloxia łe vien definie dal tipo de metodo doparà e dal tipo de sistema che se studia: ła biołoxia teorega ła dopara metodi matemateghi par otegnere modełi cuantitativi, ła biołoxia sperimentałe ła fa  esperimenti enpireghi par testare ła vałidità de łe teorie proposte e portar vanti ła conosensa umana, inte el speçifego cheło che rivarda ła baxe de ła vita e come che sta cua ła sia vegnesta fora e ła se sia evołua da materia no vivente co on graduałe alsarse del liveło de conplesità del sistema, çirca 4 miliardi de ani fa. 

La bioloxia ła studia ła vita a pì livełi de scała:

en ordane alfabetego:

La tabeła che njien, el mete in ordane alfabetego łe branche de ła biołoxia, che le trabaca inte el studio de particołari tipi de organixmi:




#Article 64: Fixega (570 words)


La fixega (termine che el deriva dal latino physica, naura che a so olta deriva dal greco  ((tà) physiká), (łe) robe nadurałi, nasuo da  (phýsis), ambedò derivai da l'orixane comune indoeoropea) ła xe ła siensa de ła naùra inte el senso pì grando. 

La ga el fin de studiar i fenomani nadurałi, o sia tuti chełi eventi che i połe esare descrivui, o sia cuantificai o mixurai, co łe grandese fixeghe justa, al fin de catar prinçipi e leji che łe regoła łe interasion intrà łe grandese e łe so variasion, doparando astrasion matemateghe. A sto fin, ghe se połe rivare soło co l'aplicasion dura del metodo sientifego, chel ga el fin ultimo de darne on schema senplifegà, o modełi del fenomano descrivuo.. 

L'union de prinçipi e de leji fixeghe de na determinada clase de fenomani oservai, łe definise na teoria fixega dedutiva, coerente e costruia de sołito a partir dal rajonamento idutivo sperimentałe.

La storia de ła fixega ła inbrasa de seguro on longo arco tenporałe, ma no ghe xe nisun acordo so cuando che ła xe nata.  tanto che Popper el ghea ribatexà Einstein Parmenide.

Tuta via ła fixega cusì ciamada ła nase co ła rivołusion sientifega inte el XVII secolo par oparà de  Niccolò Copernico, Keplero, Tycho Brahe, Galileo Galilei e el so metodo scientifego,

Leibniz e Newton che i ga dato contributi a ła mecanega çeleste e ai prinçipi de ła mecanega clasega dando anca i strumenti matemateghi justi par rivar al fin, come i fondamenti del calcolo infiniteximale.

La fixega ła raprexenta ła prima disipina sientifega inte ła storia de ła siensa, andove inte el XVIII secolo nasarà ła chìmega, inte el XIX secolo la biołoxia e le siense de ła Tera e vanti.. N'el XVIII e XIX secolo i nase e i se xviłupa teorie come la termodinamega e l'ełitromagnetismo. Senpre a liveło storego, se vołe dividare ła fixega in fixega clasega che ła ciapa anca ła mecanega clasega, la termodinamega e l'ełitromagnetismo fin a la fin del XIX secolo e la fixega moderna dal scumisio del XX secolo partendo da ła teoria de ła rełatività, la mecanega cuantistega e tute chełe altre teorie fixeghe de ła segonda metà del novexento.

La mixura l'è chel proçeso che permete de conosare na cuantità de on determinato ojeto (longhesa o masa) dal ponto de vista de cuantità, co on unità de mixura, o sia na grandesa standar che, ciapada N volte, ła ghe daga on vałore unego a ła cuantità da mixurare. La branca de ła fixega che ła se ocupa de ła mixurasion de łe grandese fixeghe, ła xe ciamada metroloxia. El fin de ła metrołoxia, el xe cheło de definire algune grandese fixeghe (o sia na grandesa che ła połe esare definia da on nùmaro e on riferimento), dite fondamentałi, che da ste cuà połe vegner ricavae tute chełe altre, dite derivae (da na grandesa fixega fondamentałe se połe ricavare na grandesa fixega derivada, o sia che par otegnere na derivada se ga da dividare o moltiplicare na grandesa fixega fondamentałe). On altro fin de ła metrołoxia l'è cheło de definir coreti modi de mixura e cusì da vere on vałore standard a che ghe se połe far riferimento co se vołe.

El sistema de unità de mixura che i fixeghi vołe, l'è cheło del Sistema Internasionałe (SI): el se ga baxà so sete grandese fondamentałi che da ste cua deriva tute chełe altre:




#Article 65: Chìmega (116 words)


Ła chìmega (dal àrabo, al-kimiya) ła xe ła siensa che ła va studiar e descrivar cofà che ła xe fata ła materia, ła trasformasion de łe sostanse, e ła so compoxision. Dal II secolo vanti Cristo, intel Egito tolemaico, a vien creà l' alchimia, un insembre de conosiense su ła materia e su łe so trasformasion ligae a convinsion fiłoxofiche e exoteriche; da eła ciapa forma ła chimega de oncò.
Reguardo a ła natura de i composti, a vien, xeneralmente, despartia in dò categorie:

Oltra ste categorie de chimega, ghe ne xe anca altre, cofà ła chimega anałitega, ła biochimega, ła siensa dei materiałi, ła neurochimega, ła chimega nuclear, ła chimega teorica e a chimega fixica.




#Article 66: Łonbardia (162 words)


Ła Łonbardia (Lumbardia in lengoa lombarda) ła xe nà rejon aministrativa (23 860,62 km², ła conta pi o manco de diexe miłioni de aneme, el sò capoliogo el xe Miłan) de l'Itałia nord-osidentałe.
Ła Łonbardia ła confina al nord cò ła Svìsera (Canton Tisin e Grigioni), al est col Veneto e cò 'l Trentin-Alto Adexe/Südtirol, al sud cò l'Emiłia-Romagna e al ovest col Piemonte.
Ła xe rejon ła pì popołada de ł'Itałia.

El nome Lombardia el deriva da ła paroła jermanica-łongobarda, Langbardland o Langbardaland, cò łé tradusion sucesive, latinisasion, e itałianisazion ła se gà trasformà in prinsipio in Langbard, dopo in Longobardia o Langobardia e in fin in Lonbardia, che voł dire Tera dei Longobardi

Ła sede prinsipałe de ła rejion xe el Gratasieło Pirelli, de Miłan.

Ła conprende ła sità metropołitana de Miłan e łe province de Bergamo, Bresa, Como, Cremona, Łeco, Łodi, Mantoa, Monxa e Briansa, Pavia, Sondrio e Varexe.

Łe sità prinsipałi, łe xe Miłan, Bressa, Monxa e Bergamo.




#Article 67: Po (626 words)


El Po (in antighità el jera cìamà Eridano) el xe un fiume de ła Eoropa Meridional, che drena ła Pianura Padana.
El xe el fiume pì longo de Itałia, queo cò la estension de basin pì granda e cò la portata pì granda de acoe ała foce. 

El score par 652 chiłometri atraverso l'Itałia setentrionałe dal ponente verso al oriente.

La sò sorjente se trova a Pian deł Re, intel Monviso (nełe Alpi Cozie), e dopo ver fato tuta ła Pianura Padana el se buta intel Mar Adriatico, intel teritorio deła provincia de Rovigo.
Ała fine del só corso, el Po el fa un bel delta de 380 km², con centinaia de corsi d'acqua minori e 5 prinçipali (ciamè Po de Maestra, Po de ła Pila, Po de łe Tolle, Po de Gnocca e Po de Goro). In te un altro ramo secondario (el Po de Volano) se cata el porto de Ferara.

El bacin idrografego del Po el se destende sirca su 71 000 km².

El registra a ła foaxe na minima de 270 m³/s, na mexa (1 540 m³/s), e na masima de (13 000 m³/s).

Da ła parte a nord el xe impostà sułe Alpe, da staltra parte a sud, sul'Appenin Setentrionałe, de conseguensa el rejime del fiume el xe misto de tipo alpin (cò piene in primavéra e in ìstà e seche in inverno) e de tipo appeninico (cò piene in primavéra e in autuno e seche in istà).
De serto tra i dò tipo de rejime prevałe queło apeninico parchè anca se i jasari alpini moła xò acoe in istà, xe proprio in stà stajon che se rejistra i minimi de portata (de sołito in agosto).

Intrà i afluenti del Po catemo rispeto a ła diresion de l'acua:

In tel Medioevo el ramo prinçipale del delta el xera costituìo dal'atuale Po (morto) de Primaro, che pasa a sud de łe Vałi de Comàchio e che, dała metà del XVIII secolo, el xe deventà ła parte finale del fiume Reno (che na olta el xera anca lu afluente del Po) e nel quale el Reno stesso el xe stà fato pasar dopo de ła creasion del Cao Benedettino.

Torno al bacin del Po vive sirca 16 miłioni de aneme che łe xe concentrà par pì de on terzo intel'industria e inteła produsion agricoła nasionałe, coxì come pì deła metà del patrimonio zootenico.

Tuto questo rende el Po e el só bacino na xona nevralgica par l'intiera economia italiana e una de łe xone, in Europa, con ła màsima conçentrasion de popołasion, d'industria e de comercio.

El delta del Po el xe stà dichiarà patrimonio del'umanità dal'UNESCO.

Ła prima mapa del Po ła xe stà volùa da Napoleone. I cartografi francesi i gà quindi disegnà, dal 1811 al 1814, 38 tavołe de 600x866 mm, in scala 1:15 000, fate a china e colorè ad acquareło.
El trato disegnà el 'ndava dal'Adriatico fin a Ficarolo (tra Rovigo e Ferara).

L'opera cartografica ła xe stà quindi continuà con l'instaurasion del Regno Lombardo-Veneto da parte dei Austriaci, che i gà disegnà el trato da Ficarolo fin ała confluensa del Ticino (1815).
Altre dó carte de 47 tavołe (530x889 mm) łe xe stà fate in tel 1821, e łe xe stà aggiornè tenpo dopo, una da Elia Lombardini (1853) e l'altra da Francesco Brioschi (1872).

Solo co l'Unità d'Italia se gavarà finalmente un'opera cartografica piessè conpleta del fiume, quando Francesco Brioschi (1887) el farà na nova mappa a stanpa da Moncalieri fin al delta. Sta mapa la xe in na tavoła unica (730x9000 mm) in scala 1:50 000, e ła xe doparà 'ncora deso par i agiornamenti e ła rapresentasion del fiume.

El fiume el xe soto l'autorità de un magistrato speciale dito Magistrato de łe Aque.




#Article 68: Antonio Pigafetta (300 words)


Antonio Pigafeta (Vicensa, ca. 1491 - dopo 1534) el xe stà un viajiator, geografo e scritore itałian, conosù anca come Antonio Lonbardo.

Poco se conose de Pigafeta, probabilmente fioło de una de łe più inportanti fameje nobiłi de Vicensa, se non che'l jera on studioxo de matemadega e astronomia. Ła so inportansa ła stà soratuto nel'aver lasà on presioxo rexoconto del gran viajio de Ferdinando Magelan, che'l gaveva conpagnà ne ła so circumnavigasion del mondo dal 1519 al 1522, la Relasion del primo viajio intorno al mondo, anca ancó visto come uno dei pi presioxi documenti su łe gran descoverte giografiche del XVI secolo.

Sicome che'l jera en Spagna in quel periodo e che'l gaveva sentio parlar de ła spedision de Magelan, Pigafeta el ga scominsià el giro come pasegero pagante, spinto da ła so curioxità de védar tere lontane. In prinsipio Magelan no ło vołeva, però Pigafeta el gà savù conquistarse ła so stima un toco a ła olta, fin che'l xe riusìo a deventar el so criado (omo de fiducia). Nel conbatimento co i indigeni del'isola de Mactan (Filipine) dove che Magelan el xe morto, anca Pigafeta el xe restà ferìo.

Par via de ła morte de Magelan, Pigafeta el ga ciapà roli de magiore responsabilità nel'equipagio, pi che altro in te le relasion co le popolasion che i naviganti i trovava.

El xe stà l'unico taliàn, insieme a Martino de Judicibus e Nicola de Napoli, fra i 18 superstiti dela prima circumnavigasion del obo, el 6 de setenbre del 1522 in tel porto de Siviglia co la Victoria.

Probabilmente nel 1524, el gà publicà El primo viajio intorno al mondo co el Tratato de ła Sfera, łe so memorie sul viajio, redate a partire dai soi minusioxi diari che el gavéa tegnù nei tri ani de viajio.




#Article 69: Enxegnaria (279 words)


Lenxegnaria la xe ła disiplina tecnega-sientifega, che la ga come fin chelo de l'aplicasion de łe conosense e rixultati propi de łe sciense matemateghe, fixeghe e nadurali par ła produsion de sistemi e solusion bone a sodisfar exijense tecneghe e materiałi de ła soçetà traerso łe faxi de la projetasion, reałixasion e jestion de st'ultimi. Doparando in sta manjera le norme tecneghe, ła da metodi, projeti e speçifeghe par ła projetasion, reałixasion e jestion de on ben fixego, on prodoto o on servisio e pì xeneralmente pal xviłupo e el controlo de on proçeso industriałe col so justo sistema.  

Dal ponto de vista scolastego, l'inxegnaria la se pole pensarecome na vera e propia teoria de ła tecnoloxia, che ła ciapa drento forti conosense e metodeghe de derivasion prinçipalmente e matematica e fisica par el studio dei aspeti de strutura e de funsion de manfati e servisi boni da permetare ła comunicasion, e la conosensa (mexi de trasporto, reti de telecomunicasion co i so terminali,infrastruture e abitasion), ma anca el far pì façiłe de l'atività medega e paramedega e la doparasion de produsion industrial. La figura profesional che laora in sto anbito el se ciapa l'inxegnero. 

La parola la deriva dal latin ingenium e da ła stesa raixa deriva ła paroła inxegno. Inte el segnifegà orixenal, par inxegnero vegnea ciamà on omo intelijente, pratego, bon a catar na sołusion ai problemi. L'ortografia de ła parola la xe stada influensada intei paexi anglosasoni da ła parola engine (motore) e infati inxegnero in sti paexi el njien ciamà engineer. El termine el se ga dopo doparà par ciapar drento tuti i canpi andove njien doparà el savere de l'aplicasion del metodo sientifego.




#Article 70: Istoria (228 words)


La storia ła xe ła disiplina che se intaresa de studiar coeło che xe capità pa'l pasà a i omani e a łe so comonetà, doparando łe testimonianse scrite che ghe xe, łe conte tramandà par voxe e anca i contribui de altre arte, par exenpio l'archiołogia ma no soło.

La parola ła riva dal greco ἱστορία (in latin historia) e voria dir quel che uno el gà o el gavaria visto. I storici i dòpara fonti, scrite o stampade, interviste (storia oral) e archeologia. Par ogni epoca ghe xe bisogno de metodi de studio difarenti, e in ogni epoca el studio steso de la storia el ga canbià drio de łe mode e de łe manie. Contar ła storia no xe cusì façiłe e in particołar contar na storia che ghe vaga ben a tuti o a tanti: in tuti i tenpi ła storia no ła xe mai coeła de tuto o de tuti ma ła xe senpre vista da na parte o da l'altra.
Ła storia de ła storia, che saria el studiar come che xe sta contà ła storia, ła se ciàma storiografia o anca storigrafia. 
Se dixe che sípia stà Erodoto (on grego de na ‘olta) a inventar ła storiografia.

I tenpi indrio, che gà łasà poche testimonianse, che no ne łasa prasiò contar ben ła storia, i vien ciamà preistoria o anca vantistoria.




#Article 71: Bati marso (256 words)


A l'epoca de ła Serenìsima Republica, el Cao de Ano, invese che al 1° de zenaro, come 'l jera previsto da 'l całendario giułian e dopo da queo gregorian, el caschea el 1° de marso. Sta tradision, ła par che ła vegna da l'antigo całendario doparà da i Romani prima de Giulio Cesare, całendario che el faxea scominsiar l'ano da 'l méxe de marso (e defati in sta maniera i mesi de setenbre, otobre, novenbre e disenbre i vien a èsar efetivamente i méxi numaro sete, oto, nove e diexe come 'l dixe el nome). Par no far confuxion, i Vèneti de na òlta in parte a ła data i ghe scrivéa more veneto, overosìpa, łiteralmente, a ła maniera Veneta. Donca, ła data, par dir, de 'l 14 febraro 1703, a Venesia ła deventava 14 febraro 1702 more veneto, parché el febraro 'l xera efetivamente l'ultimo méxe de l'ano vecio, e el 1703 el scominsiava soło in marso.

Ła festa del Bati Marso ła capitea apunto inte i ultimi dì de l'ano, e ła prevedéa de 'ndar in giro par łe strade smacando su cuerciołi, pegnate e altri strumenti muxicałi fati in caxa faxendo un gran bacàn, co l'intento de far scapar via l'inverno e el fredo e propisiarse l'arivo de ła bea stajon, par poder scuminsiar i łaori 'gricoi.

Inte i ultimi ani, serti grupi culturałi i xe drio sercar de far rivivar el Cao de ano Vèneto e ri-scoerxer ła vecia tradision, che col pasar de i ani ła xera drio 'ndar in desmentegon.




#Article 72: India (359 words)


 

L' India (Hindi: भारत Bhārat) la xe na Union Federal de Stati inte el sud del continente asiatico.
La confina col Pakistan a ovest, Cina, Nepal e Bhutan a nord-est, e Bangladesh e Birmania a est. I so vicini prossimi separai da l'Osèano Indian i xe el Sri Lanka e le Maldive.

La ga na superfisie de 3 287 590 km²; la xe el setimo paese par estension zeografica al mondo.
La xe bagnada da l'Ocean Indian a sud, dal Mar Arabico e ovest e , inte el Golfo del Bengala a est la posenta na ligna costiera che la se desbriga par 7 517 km.

Sento de tante civiltà de la val de l'Indo e region de vie comerciai storiche e de inperi vasti, el subcontegnente indian el xe stà indenfificà col so comercio e la so siorezza cultural par gran parte de la so longa storia.

La xe stada gradualmente anetua a la Conpagnia Inglese de le Indie Orientai dai primi deseni del XVIII secolo e colonisada dal Regno Unio da la metà del XIX secolo
L'India la xe deventada un Stato nazional moderno inte el 1947, dopo de na lota par l'independenza che la xe stà caraterisada da na difusa resistenza nonviolenta.

L'India la xe divixa in 28 stati federali e 6 teritori, uno de sti cua el xe el teritorio de la cavedal nasional.

La Cavedal la xe Nova Delhi.
Altre cità prinzipai le xe Mumbai , Kolkata  e Chennai , Bangalore e Bhopal.

La ga 1 147 995 904 abitanti ; la xe el secondo paese pì popoloso al mondo.
Secondo algune statistiche la podaria superar la Cina nel 2037.

Quatro grande religion del mondo, l'Induismo, el Budismo, el Zanismo e el Sikhismo le xe nassue qua, invence el Zoroastrismo, l'Ebraismo, el Cristianesemo e l'Islam le xe rivae entro el primo milegno Dopo de Cristo dando forma inte la region a na grandissima diversità cultural.

L'India la xe la dodese de le pì grande economie del mondo in termeni nominai, e la quarte in termeni de poder de aquisto.
Riforme economiche le ga trasmormà el paese inte la seconda economia a pì rapida cressua.




#Article 73: Sardełe in saor (203 words)


E sardee in saor e xe el piato piu' tipico de Venesia e el vien fora, in modo particołare, dała tradixion gastronomega dei Ebrei venexian. Ała note del Redentor, a Venesia, se magna proprio łe sardełe in saor.

E xe fate coe sardełe, segoa, pinoi, ueta, axedo, ojo, vin bianco. Par 5 persone ghe vol: 700 grami de sardełe fresche, 700 grami de seołe, farina bianca, 2 goti de aseo, ojo de ołiva, pinołi, uveta, 3 broke de garofano, na scorsa de limon gratà, 4 foje de ałoro, sałe, pevare.

Dopo che se ga netà ben łe sardełe e łe se ga pasà 'nteła farina bianca, łe se frixe in tanto ojo. Dopo łe se cava dała farsora e se buta drento l'ojo doparà par frixere łe sardełe, łe seołe tajà a fetełe. Quando ke łe xe diventà bionde, se ghe xonta do goti de aseo e ła scorsa de limon gratà, misciando ben. Sul fondo de na pirofiła se mete el pese frito, se ghe xonta sałe e pevare. Se ghe mete sora, a strati, el conposto de seoła, aseo, pinołi, uveta e ałoro. Se coverse tuto col liquido. 

Ricordarse de magnarle sempre almanco dopo tri giorni sinò no łe xe bone.




#Article 74: Piave (399 words)


Ła Piave  xe un fiume Veneto, na olta se ghe ciamea anca Piau, ła xe un fiume 'ntełe Alpi Orientałi. 

Ła paroła Piave etimołojicamente ła vol dir tera che ła se inpina de acoa de piova che daspò score/và xò par ła pendensa, verso łe gran buxe dei laghi o del mar.

El nase ała base meridionałi del Monte Peralba, 'ntel comun de Sapada, in provincia de Udine, a quota 2.037 m s.l.m..El traversa el Cadore e ła Valbełuna e ła pianura veneta 'ntełe province de Treviso (Valdobbiadene, Ponte della Priula, Ponte de Piave) e de Venesia (San Donà di Piave)Ła sò foce ła xe 'ntel Mar Adriatico, al nord-est de Venesia, visin del porto de Cortełaso. El xe el quinto fiume deł'Itałja par łonghesa fra quełi che se buta diretamente in mar.

Za dopo pochi chiometri da a sorgente ła Piave el asume na notevoe portada dovua all'afluso de numaroxi torenti. I so principai affluenti i è:

El bacin superior del Piave, de cui el fiume costituisae l'asta principae, el comprende i laghi alpini:

El fiume ła Piave l'è considerà sacro aea patria, in virtù degi avenimenti storici accadui sue so sponde durante a Prima guera mondiałe.

A part meridional del cors deła Piave a iera diventada na linea strategica importante in tel 1917, in corispondenza dea ritirata avegnua in seguito a Caporeto.
Dopo el pasajo sua riva destra del rest dee armae 'taliane e a distruzion dei ponti, el fiume deventa a linea de difesa contro e truppe striache e todesche che, nonostante svariai tentativi, non i è stati boni a varcar el fiume. A dificoltà dell'atraversamento a iera anca dovua al periodo de piena del fiume dovuo ae forti piove.
A linea a è resistìa fin all'otobre 1918 quando, dopo a battaja de Vittorio Veneto, i avversari i è stadi sconfitti e se rivò all'armistizio.
Insieme a Vittorio n'altra cità che 'a'à subìo tante distrutziòn (completamente rasa al suolo) 'a é stata San Donà di Piave, che 'a'à ligà el sò destin co quel del fiume, e proprio par sto motivo 'a é stata insignìa dea Crose al Merito de Guera).

A canzon probabilmente pi famosa dea prima guera mondial a iera La leggenda del Piave de Giovanni Gaeta pubblicata in tel 1918.

Fra i grandi fiumi italiani, ła Piave xe el soło ch'el'à a sorgente e a foce che xe in tel stes meridian jeografico.




#Article 75: Àdexe (135 words)


El fiume Àdexe, en diałeto trentin ciamà Ades, (Tał. Adige; ladin Adiç; tod. Etsch) el nase visin del Paso Resia (Reschenpass) inteła Alta Val Venosta (Hochvinschgau) en Alto Ádexe el se buta intel Mar Adriatico visin de Cioxa. El xe par longhesa - sirca 409 km - el secondo fiume tałjan dopo el Po.

El traversa łe sità de Trénto, Verona, Legnago e el pasa visin łe sità de Meran, Bolzan e Roveredo.

En tuto, el so bazin embrifero el è de 12 100 km² (e ke el è el terso pì grande dopo el Po e el Tever): de sti qûi 7 200 i xe ntel Alto Ádexe (Tirol del Sud), ndo che el fiume el va par 140 km (pì de 1/3 de tuto el so parcorso).

I so afluenti prinsipałi i xe:




#Article 76: Piron (172 words)


El piron xe na poxada da toła che ła ga do o pi ponte, ciamae rebi, una de fianco de staltra (de sołito łe xe quatro). Ła se uxa par infilsar el magnar sołido e ficarlo in boca o par tegnerlo fermi e tajarli col corteło. El piron de sołito xe de inox, fero o arxento, ma ghe xe anca pironi de plastega, par butarli via dopo l'uso e no star là a netarli, o anca in łegno.

Saria na bufała darghe na età a sto arnexe e cołocarlo drento un periodo de storia ben precixo. Molti xe stadi i popołi che gavea un sistema sìmiłe par magnare. Paro internasionalmente pare che el piron come che ło conosemo al di d'ancuo el rive da Bixansio (ora Istanbul), traverso de ła man de Teodora, fia del inperador bixantino Constantino Ducas, co che se ga maridada col doxe Doménego Selvo.

Curiosità: in albanexe se dixe pirun, parché i uxa ła stesa raixa greca, mentre che forcheta, fork, forchetta i xe termini derivanti dal latin.




#Article 77: Trieste (401 words)


Trieste, o a la vecia triestina Tarieste (par latin Tergeste, par talian Trieste, par tedesco Triest, par sloven e par croato Trst, per tergestin Trièst), xe na zità e un porto de la Italia nord-oriental, propio sul confin co la Slovenia. Come che 'l dixi 'l poeta triestin Carolus Cergoly, Trieste saria come un fior fato de piera (el altipian del Carso che 'l scominzia drio de la zità), piantà su creste / d'onde marine (el Golfo de Trieste, nel Mar Adriatico setentrional). Trieste la ga 209.557 àneme (stima xenaro 2003), e la xe capital de la Region Autonoma Furlania - Venesia Giulia e de la provinzia de Trieste.

Su l'orixene del nome de Trieste ghe xe diverse teorie. Ghe xe chi che dixi che deriva dal latin Tergeste, che tradoto saria come dir tre volte costruida. Altri dixi che deriva de la parola celtica trg - marcà. Po i romani ghe ga ficà la dexinenza -este per farla più latina. Un'ultima teoria saria questa: in siriaco ( variante de l'aramaico) la parola Ter'uza o Terguza vol dir melon. Una variante al feminile saria Terguzta, che al plurale fa Terguzte.

Ora xe noto a tuti che 'l melon xe un antico simbolo de la zità, al qual ghe se ga zontà l'alabarda. Zerto che saria de vèder come che ghe podeva esser ne l'antichità un nome siriaco, o fenicio, in uni caxo semitico de la sità. Zerto xe che i Fenici traficava per tuto 'l Mediteraneo e i conta de lori anca ne l'Iliade.

In tanti caxi i Romani lassava 'l nome che ghe iera prima, come par esempio Lubiana se ciamava Emona o Aemona prima 'ncora che rivassi i Romani; lori i la ga ciamada solo Iulia Emona. Cussì pol esser che la località dove che ghe iera l'antica Tergeste, za la se ciamassi col nome simile Terguza o Terguzta. Tìpega de Trieste xe el vento ciamà Bora.

Rioni e frazioni

Barcola, Opcina, Miramar, Grignan, Basoviza (sloven Bazovica, tal. Basovizza), Bane, Catinara, Conconel, Contovel, Gropada, Lonjer, Padrice, Proseco (sloven Prosek, tal. Prosecco'), Santa Croxe, Trebician.

Barcola la xe xusto sora el mar, e la xe famoxa per i Topolini che xe diexe stabilimenti balneari gratuiti su tuto'l lungomar, de subito dopo la Pineta fina'l Porticiolo e su'ncora, stavolta proprio la sui scoi, avanti fina'l Bivio de Miramar e oltre.
Ghe xe anca tanti ristoranti de pesse, bareti, chioschi e gelaterie.




#Article 78: Fransa (1488 words)


Ła Fransa (in fransexe, France), ufisialmente Repùblica françexe (in fransexe République française) ła xe un stato de l'Eoropa oçidentałe.
Ła confina a nordest co el Belgio, el Lusenburgo e ła Xermania, a est co ła Svisera, a sudest co ła Itałia e co Mònaco, a sudovest co Andora e ła Spagna.

El teritorio fransexe el ga na superfisie de 547 030 km².

A nord e a ovest, onde che ła Fransa ła xe bagnada da el Mar del Nord, ła Manèga e l'Oseano Atlàntico, se cata de łe łe pianure costiere.

In mezo se cata altre rejon ełevae, cofà el Masicio Sentrałe o łe montagne dei Vosgi, e vasti bazini fluviałi cofà qûełi de ła Łoira, del Ròdano, de ła Garona e de ła Sena.

A sud ła Fransa ła xe bagnada da el Mediteràneo.
Se cata łe caene montuose dei Pirenei a sudovest e de łe Alpi a sudest.
Inte ła caena de łe Alpi se cata el Mont Bianco (4 810 m), che el sconfina anca in teritorio tałian: el xe ła sima pi alta de łe Alpi e una de łe pi alte de Eoropa .

Ła Fransa ła ga na anpia varietà de paesagi: ła va co ła banda nord-osidentałe rento a l'àrea eoropea-atlàntica invesse a sud del masicio sentrałe e a oest de łe Alpi el prexenta un paesagio tipicamente mediteràneo.

I confini de ła Fransa moderna i coinside tanto con cûełi de ł'antigo teritorio de ła Gałia, abitada dai Gałi, na popołasion seltega. I Gałi i xe stai sotomesi inte el I secoło AC dai Romani, co i quałi i se ga fondesto adotando lenguajo e cultura. Anca el Cristianesimo el ga tacà łe so raìxe, inte el II e III secoło DC.

Łe frontiere orientałi de ła Gałia, łongo el Reno, łe xe stae invadeste da łe tribù xermaneghe inte el IV secoło, prinsipalmente dai Franchi, dai quałi el riva l'antico nome de Francie. 
Anca se ła monarchìa fransexe ła vien tante volte datada al V secoło, l'existensa continua de ła Fransa cofà entità a sé stante ła scumissia col IX secoło e ła divixion de ł'Inpero Franco de Carlomagno inte na banda orientałe e una osidentałe: ła banda orientałe ła połe èsar vista cofà el scumisio de qûeła-ła che uncuò ła xe ła Xermania, qûeła-ła osidentałe cofà ła Fransa.

I disendenti de Carlomagno i ga governà ła Fransa fin al 987, quando Ugo Capeto, duca de Fransa e conte de Parigi, el xe stà incoronà re de Fransa. I so disendenti i ga scumissià ła dinastìa dei Capetinji, che i ga governà ła Fransa fin al 1792.

Inte el 1789, co ła Revołussion Fransexe, el xe scumisià un perìodo de canbiamenti senpre pi radicałi che ga portà a ła fondasion de na repùblica.
Napoleone Bonaparte  el ga ciapà el controlo de la Republica 'ntel 1799, autoproclamandose Inperador 'ntel 1804. Le so armade le se ga inpegnà in diverse guere in tuta Europa, le ga conquistà molte nassion e fondà regni novi, guidài dai familiari de Napoleon.
A sèvito de la so sconfita 'ntel 1815, in Fransa i ga restaurà la monarchia, pi tardi abolìa legislativamente e sostituìa da la Seconda Republica francese.
La Seconda Republica la xe finìa quando so neódo del primo Inperador, Luigi Napoleon Bonaparte, el xe sta eleto Presidente e el ga proclamà un Secondo Inpero. Manco anbizioso de so zio, el secondo Napoleon el xe stà anca lu spodestà, e la Republica la xe tornà par la tersa olta.

Anca se la venzùo in te la Prima e 'nte la Seconda guera mondial, la Fransa la ga patìo gravi perdite in termini de vite, inpero, benèssere, forsa laoro e grado de nassion dominante.
Dal 1958, la ga costruìo na democrassia presidensial  che no ga cedesto a le instabilità sperimentàe nei presedenti regimi parlamentari.

Nei ultimi deceni, la riconciliassion e la cooperassion de la Fransa co la Xermania la se ga rivelà sentrale par l'integrassion economica de l'Europa.

La Franza la xe divisa in 13 region regioni (in francese région).

Le region le xe divise uncora in 100 departamenti (in francese départements), de questi 4 i xe de oltramar.
I dipartimenti d'oltremar i xe ex-cołonie che dese i gode de un status simiłe a qûeło de ła Fransa Eoropea o metropołitana. I xe considerai na part de ła Fransa  pitosto che teritori indipandenti.
I departamenti i xe numarai  e i numari i vien doparai par esenpio par i codeghi postai o le targhe de le machine.

I departamenti i xe ulteriormente sudivisi in 342 zone (in francese arrondissements).

I paexi e teritori d'oltramar i fa part de ła Repùblica fransexe, ma no i xe part del teritorio eoropeo de ła Repùblica o de ł'àrea fiscałe de l'UE. I continua a uxar el Franco fransexe del pacifico (CFP) cofà vałuta, che no'l xe stà influensà da ła sostitussion del Franco co l'euro intel 2002.

Łe cołetività teritoriałi łe ga un status a metà intra i dipartimenti d'oltramar e i teritori d'oltramar.

Ła Fransa inoltre, ła mantien el controło su numaroxe ixołete de l'Osèano Pasìfego e de l'Osèano Indian, conprexe Bassas da India, Ìxoła Clipperton, Ìxoła Eoropa, Ìxołe Glorioxo, Ìxoła Juan de Nova, Ìxoła Tromelin.

Ła Fransa la xe uno dei sinque menbri permanenti del Consejo de Sicuressa de le Nassion Unìe.

El xe uno dei menbri fondatori de l'Union Eoropea (UE).

Ła Fransa ła xe menbro anca de: Consejo d'Eoropa, Banca eoropea par ła recostrussion e el sviłupo (EBRD), NATO, Organixasion par ła Cooperassion e el Sviłupo Econòmego (OCDE), OSCE.

Le principai cità de la Franza le xe:
Aix-en-Provence, Ajacio, Albi, Amiens, Angers, Angouleme, Bastia, Belfort, Besanzon, Bordeaux, Brest, Caen, Calais, Cannes, Carcassonne, Charleville-Mézières, Clermont-Ferrand, Colmar, Dijon, Dunkerque, Evreux, Grenoble, La Rochelle, Le Havre, Le Mans, Lille, Łimoges, Lion, Marseja, Metz, Montpellier, Mulhouse, Nancy, Nantes, Nizza, Nîmes, Orléans, Pariji, Perpignan, Poitiers, Quimper, Reims, Rennes, Roubaix, Rovan, Saint-Étienne, Saint-Nazaire, Strasburgo, Tarbes, Tołon, Tołoxa, Tourcoing, Tours e Valence.

La mazor parte de la popolazion francese la xe costituia da fransexi, ma ghe xe anca numarose minoranze etneghe: i provenzai, inte el sud-est del paese (la Provenza), i catelani inte el Rossegion, i baschi in Vascogna, i bretoni inte la penisola de ła Bretagna e i corsi, inte l'isola de la Còrsega.

El goerno fransexe no'l mantien statistiche su ła rełijon.
El CIA World Factbook del 2003 l'ełenca łe rełijoni in Fransa cofà:

Comunque, inte un  el 41% dixe che l'existensa de Dio ła xe escluxa o inprobabiłe. El 33% el diciara che el tèrmine àteo li descrive bastansa o puito, invesse el 51% el se diciara Cristian.
Quando interogai su ła so rełijon, el 62% el ga rispondesto Catòłego Roman, el 6% Musulman, el 2% Protestante, l'1% ebràego, el 2% altre rełijon , el 26% nisuna rełijon e l'1% el se ga rifiutà de rispondar.
Ła discrepansa intra el nùmaro de àtei (41%) e el nùmaro de nisuna rełijon (26%) el połe èsar atribuìo a persone che łe se sente culturalmente vissine a na rełijon, i va drio ai so vałori morałi e łe so tradision, ma difisilmente łe crede in Dio.

In Fransa ła existe na forte distinsion intra rełijon e vita siviłe. La rełijon ła xe considerà fà un fato privà. I fransexi in xenerałe i se opone al poder clericałe e a ła so influensa inte-ła połìtica. El fondamentałismo islamego el xe considerà na reałe menaza par ła coexion de ła società fransexe, onde che el comunitarismo no'l xe acetà.

A sèvito de ła Dichiarassion dei diriti de l'omo e del sitadin del 1789, ła Fransa ła garantise ła łibartà de rełijon cofà dirito costitussionałe.
Na łeje del 1905, el Concordat, ła istituise ła separassion de Ciexa e Stato e ła proibise al goerno de riconòsar, stipendiar o susidiar ogni rełijon. Inte-ła situassion presedente, stabiłìa inte-l'1801-1808, el Stato el sostegnéa ła Ciexa catòłica, ła Ciexa łuterana, ła Ciexa calvinista e ła Rełijon ebràega e ła fornìa ł'insegnamento scołastego de łe sudìte .

La lengua uficial la xe el francese.
Le lengue regionai le vien indesso insignae in algune scołe, anca se el francese el resta ł'unega łengua ufisial in doparamento dal goerno, local o nazional.

Existe difarenti łengue łocai (basco, breton, catelan, corso, fiamingo, alsazian, ocitan), ma el governo francese e el sistema scolastego i ghe ne ga descorazà el doparamento fin a poco tenpo fa.

In tel xenaro 1999 ghe xe stada l'introdusion de l'Euro, sevia int'el 2002 da el ritiro da ła sircołasion del Franco. Ancuò, la Fransa ła xe in prima fiła tra i Stati eoropei che serca de sfrutar el slancio dato da ł'union monetaria par portar vanti la creassion de un aparato polìtego, de difesa e de sicuressa europeo piassè unificà ed eficace.
I paexi e teritori d'oltramar i continua a uxar el Franco fransexe del pacifico (CFP) cofà vałuta.

Ła Fransa ła xe menbro del G8.

I Cóvołi de Lascaux e Monte San Michełe łi xe patrimoni mondiałi de ła umanità.




#Article 79: Bretagna (439 words)


La Bretagna ,Breizh par breton, la xe na region de la Franza nord-ocidental.

Ła xe sudivisa in 4 dipartimenti: Côtes-d'Armor (bret. Aodoù-an-Arvor), Ille-et-Vilaine (bret. Ill ha Gwilen), Morbihan e Finistère (bret. Pennar-Bed).

Sità prinçipałi xe Rennes, Brest, Saint-Malo e Quimper. 
Altre locałità famose xe Camaret-sur-Mer, Carnac, Concarneau, Crozon, Dinard, Guimiliau, Landévennec, Lannion, Lorient, Morlaix, Paimpont, Perros-Guirec (con Ploumanac'h), Pleyben, Plougastel-Daoulas, Pont-Aven, Roscoff, Trégastel, ecc.

Co na superficie de 27 209 km², la conprende la penisola che la se destira par 240 km sul Oçeano Atlantego intra'l canal de la Manega, al nord, e el golfo de Biscaja, al sud, Rennes ła xe ła so capitałe. ła popołasion (1999), ła xe de 2 906 197 abitanti.
la Bretagna la xe una de le region francesi que pì la gode de la mazor longhezza de le coste. Tradizionalmente, se ga destinvìo inte la region costiera (l'Armor, el lido) da la region centrale (l'Argoat).

Ła Bretagna ła gode de un clima oseánego, tenperà, su tuto el łongo del łitorałe, co débołi diferense de temperadura intra'l autun e el inverno. El vento de nordest el dòmina el nord. łe piove ve xe frecoenti, però de poca intensità. Inte na stesa jornada, el xe normałe che i se alterne el ciaro e el siel cuert. ła vexetasion ła xe abondante. Inte ła antighedà, ła Bretagna ła jera na rejòn de bocage, łe tipeghe bariere de àlbari intra i canp, però ła reorganixasion de łe parsełe inte i ani 60 (ła consentrasion parcełaria) ła ga ełiminà na gran parte de ła vexetasion che ła bordava i canp.

Ła Bretagna ła xe conposta storicamente da do àree łenguìstiche: ła Bretagna inferior, o Breizh Izel a ovest (Finistère, Morbihan e parte de ła Côtes-d'Armor) onde se parla ła łéngoa brètona, inparentada al gałexe e al cornico. Inte ła Bretagna superior, Breizh Uhel a l'est (Ille-et-Vilaine e Loire-Atlantique) onde se parla dei diałeti neołatini (langue d'oïl) conosesti col tèrmine de gało.

Cofà tante łéngoe rejonałi in Fransa, e dopo na severìsima połitica anti-brètone del Stato fransexe, l'uxo del brètone el xe diminuìo tant, a vantajo del fransexe, soratuto durante el XX secoło. El xe stà inte i ani '60 che el fransexe el ga superà el brèton, ma a partir dai ani '70 el brètone el se ga risvejà, invese i difensori del gało i ga scumisià a farse senti dai ani '90. Uncuò ghe xe pi o manco 300 000 persone che łe parla el brèton.

L'economía de ła Bretagna ła xe inclinà par la agricoltura e łe indùstre agroałimentarie, el turismo de istà inte el łitorałe, e coalche sentro industriałe e tecnołóxico avansà cofà (Rennese Lannion).




#Article 80: Belun (1875 words)


Belun (na olta ciamada anca Cividal de Belun) al 'è an comun de 36112 abitanti, capoluogo de provincia, e pì gros zentro abità de la Valbelluna.

La sità vecia de Belun la se kata su na ponta de sas vesin de n'dè ke la Piave e gl'Art i se donta. Drio de la sità ghe n'è la Sciara (Sčara) (2531ms.l.m) co la Gusèla del vescovà, 
al monte Serva (2133ms.l.m) co la so pansa grosa e il monte Talvena, invese a sud ghe n'è le prealpi ke le tira na riga tra al Belumat e la Trevisana. Sempre a sud, te 'l Castionese, se kata l'alpe del Nevegal ko i so impianti de risalita e le piste da sci.

Al nome de la sità al gnen dal celtico belo-dunum ke ol dir conkòl che slùsega, propio parkè 'l se kata 'te'n posto de oro in medo a la Valbeluna.
La sità l'è nasèsta atorno al 200 – 220 a.C. e dal 181 a.C. la è deventada na base militar de i romani e 'l municipium Bellunum al temp de Augusto l'è vegnèst ad aver an ruolo de granda importansa 'n te la X Regio Venetia et Histria.

Al posto 'ndè ke la se katea, al controlo par grasia de la prima tor del' castel de Zumele, te la strada pi granda verso 'l nord, la Claudia Augusta Altinate, la ha fat in visa ke la diventese na roca forte inespuniabile.
Taca a rivar i barberi e Belun la se camina verso 'n lent e trist tramont par kuel ke interesa l'età romana.
Par an bel tok Belun la resta sot al dominio longobardo (VI sec. D.C.) e carolingio (VII sec.), e te'l finir del nono sentenèr al met radis al govèrno aristocratico del Vescovo Conte, nas così la sità medieval col castel, i murajoi, porte e torioi.

A l'è sto cuà al temp de brute guere forèste contro i trevisani, specie kuando ke governa al cativo vescovo conte Giovanni che agli'à ingrandì i domìni belumat fin a la grasa piana de Montebelluna, ma presto la grandesa de Venezia la obliga al governo belumat a kogner de sielier, no sensa grosi rabagas interni, a la dedision spontanea a la sità de la laguna tel 1404 an, so kuà, kuando le se finis le guere contro i Trevisani e le lote interne fra le varie fasion. 
La sità la se fa nova 'n tel tesuto urbano in visa anka alla kostrusion di case e palas dei nobili e dei novi siori borghesi, te sti tempi de vache grase anka par grasia de i streti raporti co Venezia, infati se ghe vendèa legne e spade. La Piave la era, te sti secoli navigada da i sater ke i portea do al legnan che dai bosch del Cadore i 'ndea a rifornir la Serenisima e alimentea l'atività economica de i artigiani, de i marangoi, de i porti. Riva pò i burti ani de Napoleòn (1797-1815), e nas co lù al Dipartimento della Piave, Belun al pasa sot i muk striaci e po dopo longhi ani al pasa sot al Regno d'Italia.

'ndando in su co la scala mobile se pol veder an gran bel panorama su la Valbelluna, se riva 'n tel kor de sità vecia e se riva in piasa Domo 'nde ke ghe nè al gran campanil projetà nel '700 da Filippo Juvarra, e 'ndove che se afacia i palas de kuei ke comendea na olta, al palas dei Retori del 1491 (ancoi prefetura), al palas ros del municipio e al palas dei vescovi ancoi sede dell' Auditorium, mes sù tel 1190 dal vescovo-conte Gerardo de' Taccoli. Palas 'nde ke al stile nordico ben al se misia co 'l stile architetonico venesian ko bifore e polifore a sesto acuto, porteghi cornicioi e ornamenti di tant bei, anca ancoi kuel che tira meio i oci l è la bela fontana central fata tel 1411, la statua nova meśa in zima al pilastro la è stata fata da poc e la rapresenta San Joatà (la statua oriunda la è conservada tel vesin Museo Civico). 
Al domo l'è stat fat su tel 1400 al se svilupa su tre navade co l'abside girà verso ocidente, al projet del domo de ades l' è attribui a Tullio Lombardo, architetto venesian, che l'è gnest a Bełun tel 1517 kuando che i lavori de costrusion i era bel che scominziadi sot la direzion de 'n capomastro del posto, an certo Nicolò Tagliapietre, ke le quel che l'a fat anca l'Orolojo del palas de i Retori.
Ndando par via Medatera (al veciodecumano masimo de la sità romana), 'nde che se facia desine de Palas fati su tra 1300 e 1600 se riva a la ceŝa de San Piero tacada a un dei chiostri del vesin Seminario Gregoriano, come ke l'è skrit te na iscrision entro te l'atuale Capela Fulcis, la ceŝa de S. Piero la è stata finida tel 1326, dopo pi de quaranta ani de laori, kuando ke ghe n'era al Jubileo del 1300 olest da Bonifacio VIII.
La ceŝa, fata su dai frati minori in stile gotico, ancoi la è in stile barocco ko tante opere d’arte: ben sinque piture de Andrea Schiavone (San. Pietro, San Paolo, l’Annunciazion …), tre capolaori de Sebastiano Ricci nella Capela Fulcis (fata nel 1704 tra la ceŝa e la sagrestia): na Sacra Conversazion, su tola, meŝa nell’abside, e i do afreschi: “Decollazione di San Giovanni Battista” e “Chiamata di San Pietro” e sin maniera speciale le do meraviliose pale de lenc de Andrea Brustolon.
In zima, sora al presbiterio, ghe n'è un dei pochisimi esempi de organo fonocromico a do tastiere de Giovan Battista De Lorenzi (1860).
Te i do cantoi estremi de la sità vecia se pol veder, ancora intere, le do porte majori, l'imponente porta Dojona a nord e, ko i so merlet in piera e matoi, porta Rugo a sud 'ndè che veŝin se kata al Palas del Capitano e la zinquezentesca ceŝa de Santa Maria dei batuti.

Poki sas i ne dis ke ghe n'era 'n kasel te ka sità vecia, da drio apena fora da le mura se verde in tuta la so belesa e grandesa la piasa Campedel che ancoi se ciama Piazza dei Martiri in ricordo de cuei ke i è stadi picadi dai muc su pa i pai de la piasa. Sta piasa la è cosiderada al saloto dei belumat col so liston (paseggiata) co la cieša de San Roc dove ke ghe n'è cuadri de Padre Santo da Venezia e Luigi Cima.
'ndando verso est e paša ia pisa Tojo Lele (Vittorio Emmanuele), 'nde ke se afacia al teatro Comunale, se riva in via Roma e da là se riva al la ceša de Sant Stefen.

La ceša de Sant Stefen, la pi bela cesa de Bełun, la è stata fata su tel 1463, al posto de la vecia ciešeta de la Madona de le Grazie. Tel 1480, ko i era drio scavar i a katà al sarcofago de Flavio Ostilio, ke ìncoi l'è stat mes tel kortivo de palazzo Crepadona. A cener su le volte a krošéra, e consideradi tra le opere d'arte pi interesanti conservade in te la ceša, ghe n'è doi angioli de Andrea Brustolon

(ke a gl'a fat anca na kros - takà sul mur a sinistra); 'n te la Capela Cesa (1485) a sinistra del presbiterio: 'n altar de lenc intajà, e se pensa che lo epie fat al belumat Andrea di Foro (XV sec), ko i afreschi picenini 'n te la cornìs ke se pensa i epie fati Matteo Cesa; afreschi de Jacopo da Montagnana, ko su al martirio de Sant Stefen e la conversion de Paolo, la vita de 'l Signor, i e saltadi fora da sot le malte dopo de 'l taremoto del 1873. Bel anca al tabernacol de lenc de frà Francesco della Dia; tele del la scola de Vecellio, na Adorasion de i Magi, fursi de la bo tega de Tiziano; quindese formele de ram e una in tela de Francesco Frigimelica te la capela de sinistra; tele de Cesare Vecellio e del Frigimelica sui mur del batistero. Vesin de la cesa ghe ne al convento dei Serviti col bel chiostro gotico ancoi sede dell'intendensa di finansa.
'Nde che finis le scalete l'unico esempio de cesa in stile romanico de la sità dedicada a San Biagio.

Da pensarse: palas Barcelloni Corte, palas Doglioni, palasPiloni, palas Barpo, le cese de Santa Maria de Loreto, la Seicentesca cesa di San Gervasio, la iesa di San Nicolò do a Borgo Piave che lambis le sponde dell'omonimo fiume e la cesa de San Giuseppe marangon (falegname) a Borgo Prà che fin a la fin del medioevo fu la capitale della produpalasion de spade da bataglia. 
La sità po la continua verso i cuartieri residenziali de Cavarzan, Baldenich, Musoi e San Lorenzo.

 
Tante le manifestasion culturali organizade in ambito citadino. Palazzo Crepadona in 'sti ultimi ani l'è gnest al centro culturale citadino par antonomasia co le so numerose importantisime mostre da Vincent Van Gogh a Pablo Picaso, da Jean-Baptiste-Camille Corot a Claude Monet, Ippolito Caffi, Sebastiano Ricci e tanti altri.
La sità la è sede de n'orchestra da camera, de numerosi cori polifonici e popolari,
La stajon teatrale de prosa la ciama spetatori da ogni sità del Veneto.
Ogni an, in occasion de la festa patronale di San Martin, gnen organizada l'ex tempore di scultura su lenc dove che decine de artisti de fama internazional e se fa guera a kolpi de scalpel sparsi par tuti i kantoi pi bei de la sità.
Ogni an in te la manifestasion Oltre le Vette gnen fati tanti incontri, concerti, convegni ecc.. dedicadi a la montagna.

Piati tipici de la tradiẑion belumata:

La sagra de i fiŝċiòt la è sensa dubio la più grosa fiera della sittà e la è in primavera, dò domeneghe prima de Pasqua. Ghe n'è la mesa e na longa procesion 'nde che se porta in giro la statua de la Mađona de i sete dolori che la è cenesta te la capela piciola de la cesa de Sant Stefen. Ghe ne an mucio de roba da magnar, đughi par i boce e traghene varie de artigianato locale. Co riva sera i fa i foghi de artificio che i sluseghea in siel che imbarlumea tuta la sità.

In sto periodo in te la piaza se fà an veċio sogo tipico co i ovi sodi, ke se ċiama Ròlo.

La Fiera de San Martin, patrono della sità, la è a novembre e ghe nè, oltre a la già mensionada ex tempore internasional de scultura su lenc, an bel marcà de la roba vecia te pol snisar i prodoti locali e sercar le canstegne col vin novo. Tut finis a la sera con un concerto de musica sinfonico-corale entro te 'l Domo.

A Belun ghe ne na starnera de impianti sportivi, na pisina olimpionica co cuatro vasche, an palas del gias, an stadio polisportivo, un palaset de lo sport e vesin del zentro su sul Nevegal an comprensorio siistico co piste da sci alpino de varie difficoltà e pendenze e un pista di sci nordico su ai Pianlonghi.

L' Associazione Calcio Belluno 1905, la porta i colori gial e blu.

Persone inportanti naseste a Belun:




#Article 81: San Donà de Piave (541 words)


San Donà de Piave (o San Donà ) l'è un comun de pì o manco 40 000 abitanti nt'ea provincia de Venesia.

A cità 'a se trova ntel bas corso del fiume Piave, a 45 km da Venesia, 'a é na cità moderna parchè 'a é stata ricostruìa dopo che 'a é stata distruta int'e'a Prima Guera Mondiae, co 'a se trovea sul fronte tra Italiani e Austriaci ('e bataje del Piave e del Sostizio), e i bombardamenti de'a II Guera Mondiae). El paese l'è nat int'el Medioevo (l'origine del nome el vien da'a ceseta de San Donato, che però 'a é restada da'a parte de Musìl), int'e na posizion stratexega tra 'a Marca de Treviso e el Dogado che'l dipendea direto da Venezia. Fin all'Otozento a jera na zona paeudosa e maearica; ma pòc pì vanti, col Novezento, l'é nat el Consorzio de Bonifica del Baszo Piave, che'l jera un vanto par tuta l'Italia (el Baso Piave el jera ciamà a pìcoea Olanda d'Italia).

Al di de ancuo San Donà 'a se trova int'e na zona nevralxega tra'l Veneto Oriental e el Friuli, vizin de'e aree de cresita de'a Marca e 'e parti turistiche del mar de Jesoeo (Cavazuccherina), Caorle e Eraclea (Grisoera); ultimamente 'a s'à candidà come capoluogo de'a nova provincia de'a Venezia Oriental, che a dovarae nasar stacandose da Venezia, condividendo el ruoeo insieme a Portogruaro (Porto). 'E atività comerciai e cuee produtive le è drio sviuparse int'e na maniera cusì granda che tanta zente 'a é drio vegner a vivar cua, sopratuto da a zona central dea provincia de Venezia (visto che 'a cità 'a è comoda par viverghe e far el pendoeare co Mestre, Venezia, Padova e Treviso), tanto che 'a cità 'a'à un taso de cresita tra i pì alti de tut el Veneto (cuasi mi'e abitanti l'ano).

El diaeto de San Donà l'e particoare par via de'a posizion de'a cità, che 'a se trova ecuidistante da a laguna de Venezia, el mar, 'a cità de Treviso (San Donà 'a é dentro 'a sò diocesi) e el fato che 'a se trova longo 'a Piave (é de'e carateristiche de'a lengua che se trova longo tut el canal de'a Piave).
El sostrato de'a lengua l'é Veneto Trevisan, parchè i primi abitanti de'a cità i vegnea da'a Marca, però l'e tante influenze dal Venezian, e na carateristica del diaet de San Donà 'a é de cavar da'a fine de'e paroe (cuasi sempre) 'e voca'i, e cuesta 'a é na carateristica che 'a se ritrova longo tuta l'asta dea Piave, da Beun zo fin Feltre, Conejan...
N'altra carateristica importante 'a é l'uso de'a Zeta al posto de'a Ese, che 'a se usa sol che cua e int'e'a provincia de Rovigo, e 'a é carateristica de'e zone agricoe del Veneto; ogni tant i sandonatesi 'i é tolti in giro par sto motivo cua, ma tanti ghe ne fa na cuestion de orgojo.
Na curiosità: esiste de'e locutzion (lampidéa, tonidéa...) che se dise solche a San Donà e anca nei dia'eti veneti de l'Istria (a Pirano e Rovigno), l'e de'e paroe che deriva diretamente dal venezian antico e che l'e é restae int'e 'a parlata odierna.
In pì i sandonatesi i cava tute e elle che j'è tra do vocai.




#Article 82: Catullo (134 words)


Gaio Valerio Catullo gèra un poeta łatin che xe visuo tra l' 87 a.C. e el 54 a.C.

Ła só biografia ła xe inçerta. No xe conosui manco i posti indove'l xe nà e dove che'l xe morto, anca se se pensa che 'sti posti sia identificabiłi a Sirmione 

Nel 60 a.C. se ga trasferio a Roma par studiar, ma no'l ga mai parteçipà ała vita pułitega.

Nel 62 a.C. ga conosuo Lesbia, na dona che gavarìa influensà ła só poesia par el resto deła só vita. 'łga scrito anca poesie spinte quasi sconcie.

Xe par gełoxìa de 'sta chi che el xe tornà a Roma nel 57 a.C., sensa otenìr nisun risultà.

Cusì, nel 56 a.C., xe tornà a vivar a Sirmione, indove el ga pasà łi ultimi do ani deła só vita.




#Article 83: Trè Venèsie (171 words)


Le Tre Venesie, cofà tèrmano xiografego, el xe conparìo par ła prima volta inte el Otosento, in racuanti sìrcułi culturałi, dopo ła Seconda Guera de Indipendensa e el indegheła trè rejon difarenti, Łe Venèsie: ła Venèsia Eugànea, ciamada anca ła Venèsia Pròpia, che ła corisponde al Vèneto e al Friuli de deso (sensa parò serte łocałità bełumate, cofà Cortina, e del Friuli, cofà Tarvixio, che in chełi momenti i xera oncora soto l'Austria), a Venèsia Tridentina (el Trentin-Alto Adexe) e ła Venèsia Jułia, Trieste, Gorìsia, e l'Istria.
Łe Tre Venèsie łe corispondaria su par xo co el teritòrio de ła repùblega de Venèsia, de fati se ghe evidénsia el fato che łe tradision, i dòpari, i costumari e ła łéngua łe sìpia conpagne in tuti i posti.

Sta definision ła xe stà tirada fora par ła prima volta dal studiante de xiografia Graziadio Isaia Ascoli, par xustifegar ła espansion de l'Itałia inte i confronti de l'Austria.

De frecuente, par riferirse a ste trè rejoni, ghe se dòpara anca el tèrmano Trivèneto.




#Article 84: Informàtega (1252 words)


L'informàtega (o enformàtega) ła xe la siensa che ła se ocupa de tratar l'informasion co proçedimenti automatixai. Pì de preçixo ła ga par ojeto el studio dei fondamenti teoreghi de l'informasion, de ła so conputasion a łiveło loxego e de łe tecneghe prateghe par ła so inplementasion e aplicasion in sistemi ełetroneghi automatixai, ciamai sistemi informadeghi.

L'informàtega ła divien parte o ła xe de suporto a caxi tute łe disipline sientifeghe, e come tenołoxia ła entra in calsiasi mexo o strumento che se połe doparare comunemente e ogni dì, cusì tanto che caxi tuti semo in calche manjiera uxuari de servisi informadeghi.

En termini sociałi e economeghi, l'informàtega ła scałinà in pochi ani ła piramide de Anthony, che ła xe pasà da operadiva (in sostitusion o in suporto a conpiti senpliçi e ripetitivi) a tatega (en suporto de ła pianificasion o jestion de curto termine) a stratexega. In sto so ultimo aspeto, ła xe diventada cusì tanto stratexega inte el xviłupo economego e sociałe de łe popolasion che el no poder disfrutar l'informàtega (status batexà col nome divario dijitałe), el xe on problema de intarese mondiałe.

A bràso co l'ełetronega e a łe tełecomunicasion unifegae soto el nome tecnołoxie de l'informasion e de ła comunicasion (TIC), ła raprexenta che ła disiplina e inte el contenpo chel setore economego chel ga dato vita e xviłupo a ła tersa rivołusion industriałe, traerso cheła che ła xe popołarmente conosua soto el nome de rivołusion dijitałe.

L'informàtega dato che ła xe na materia larga la se xlonga dai studi teoreghi sui algoritmi e i limiti de ła conputasion ai problemi prateghi de l'inplementasion dei sistemi informadeghi de hardware e software. La CSAB, ciamada in manjiera formałe Computing Sciences Accreditation Board, la cata fora cuatro aree che łe considera vitałi par la disiplina informàtega: teoria de ła conputasion, algoritmi e struture dati, metodołoxia e lenguaji de ła programasion, e architetura e ełementi del computer. In pì, ła identifega altri canpi speçifeghi come l'inxegneria del software, intełijensa artificiałe, comunicasion e reti de computer, sistemi de baxe dati, calcolo parałeło, calcolo distribuio, interasion omo-machina, computer grafega, sistemi operadivi e calcolo sinbolego e numerego, come aree inportanti de l'informàtega.

L'informàtega teorega ła xe praticamente astrata e matemadega, ma el core de st'ultima ła deriva dai calcoli prateghi e de tuti i dì. El so fin el xe cheło de capire la naura de ła conputasion e, dopo ver capio, dare metodoloxie senpre pì efiçenti.

La teoria de l'informasion ła ga el fin de cuantifegar l'informasion. La xe sta xviłupada da Claude Shannon par catar fora i limiti fondamentali de ełaborasion dei segnałi, come ła conpresion dati e l'archiviasion e ła comunicasion fidabiłe de st'ultimi.

La teoria dei codaxi el xe el studio dei codaxi (sistemi par convertire l'informasion da na forma a n'altra) e ła so adatasion par na preçisa aplicasion. I codaxi i njien doparai par ła conpresion dati, critografia, riçerca e coresion de l'erore e ultimamente anca par ła codifegasion de łe reti. I codaxi i xe studiai col fin de projetar modi de traxmision dati fidabiłi e ben funsionanti.

Segondo Peter Denning, ła dimanda fondamentałe che ła ciapa l'informàtega ła xe «cosa xe che połe esare (e che'l funsiona) automatixà?».  La teoria de ła conputasion ła proa rispondare a łe domande fondamentałi: Cosa połe esar calcoła e ła cuantità de rixorse che se neçesita par far i calcoli. La teoria de ła conputabiłità ła se sforsa de rispondare a ła prima domanda, examinando cuałi problemi conputasionałi i se połe rixolvare traerso vari modełi teoreghi de conputasion. A ła segonda domanda invese serca de rispondarghe ła teoria de ła conplesità conputasionałe, che ła studia i costi spasio-tenpo co conportamenti difarenti par rixolvare problemi conputasionałi. 

El popołare problema P = NP?, el xe oncora un problema verto inte ła teoria de ła conputasion.

Sto canpo el studia i modi de calcoło che njien comunemente doparai e cuanto che i funsionee.

La Teoria dei lenguaji de programasion ła xe na branca de l'informàtega che ła ga a che fari co ła projetasion, inplementasion, anałixi, caraterixasion e lasificasion dei lenguaji de programasion e de łe so carateristeghe.i.

Sta cua ła xe na tecnega particołare baxada so ła matemàtega par ła speçifegasion, xviłupo e verifega de sistemi hardware e software. La doparasion dei metodi formałi par ła projetasion de hardware e software ła xe motivà da ła convinsion che fare anałixi matemadeghe juste posa jutare a ver fidabiłità e darghe corpo a on projeto. I metodi formałi i forma on inportante piłastro de l'inxegneria del software, specialmente andove xe neçesaria ła sicuresa e i xe on utiłe xonta a łe prove de funsionamento del software, parché i połe sparagnarne erori e i połe anca darne on framework par ła prova.

L'informàtega aplicada ła ponta a identifegar spesifeghi conçeti informadeghi che i połe esare doparai diretamente par sistemare problemi del mondo reałe.

L'architetura dei calcoładori el xe el design conçetuałe e ła strutura operadiva de baxe de on sistema computerixà. La se conçentra sol modo andove la CPU ła manda vanti łe operasion interne e ła va drento ai indirisi in memoria.

El rendimento dei computer el xe el studio del laoro fato dai computer, che ła ga par fini xenerałi el mejoramento del throughput de dati, el controło del tenpo de resposta, ła doparasion eficiente de łe rixorse e far si che el computer gapia on bon rendimento col se xe drio doparar intensamente. 

In xenerałe i do canpi aplicadivi prinçipałi de l'informàtega inte łe dite i xe ła programasion (o sia xviłupo software da parte de on team de programadori) e ła projetasion, creasion e jestion de l'infrastrutura IT che ła posa suportare łe desixion de business e operadive de łe dite.

Na rete de computer ła xe na union de dispoxidivi hardware e software ligai l'un co che l'altro da canałi de comunicazion, che ghin permete el pasajo da on uxuario a chel'altro de rixorse, informasion e dati.

Na baxe de dati (en inglexe database) el xe on sistema pensà par organixar, memorixar e recuperar grande cuantità de dati traerso modełi de baxe dati e lenguaji de interogasion.

L'informàtega sientifega el xe el canpo de studio che funsiona inte ła costrusion de Modełi matemateghi e tecneghe de anałixi cuantitadiva cusì da doparare el computer par anałixare e catar na solusion a problemi sientifeghi. Inte ła pratega, se trata de simułasion computerixae e altri tipi de conputasion a problemi de varie disipline sientifeghe.

La computer grafega el xe el studio dei contegnui vixuałi dijitałi. Sto studio el se colega a tanti altri canpi de l'informàtega, intrà sti cuà la vixion artificiałe, l'ełaboasion dijitałe de łe imajini, la xiometria conputasionałe, e ła njien realmente tanto doparada intei canpi dei efeti speçiałi e videoxughi.

Linxegnaria del software el xe el studio de ła projetasion, inplementasion, e modifega del software, in manjiera che se posa garantire alte cuałità, fidabilłtà, sostegnibiłità, e rapidità inte ła costrusion. El xe on conportamento sistemadego al software design, che'l se ga doparando prateghe enxegnere al software. L'inxegnaria del software ła ga a che fari co l'organixasion e l'anałixi del software, e no soło inte ła so creasion e produsion, ma anca co ła so manutension interna e sistemasion.

L'Interasion omo-computer el xe el canpo de riçerca che'l xviłupa fora teorie, prinçipi e linee guida par i projetadori dei intermuxi uxuari, in manjiera che i posa fare de łe esperiense uxuario che łe sia bone a sodisfar i uxuari so computer, tablet, tełefono intełijente e rełojo intełijente (se lexa doparabiłità).




#Article 85: Bernardo Provenzano (107 words)


L'è 'stà considerà él parôn generàl dé la màfia. L'è 'sta scônto da el 1963.
La Pôliçìa Italiàna el l'hà catà el 11 de Avrìl 2006, én en casolàr viçìn à Corleôn; el sô (dé lù) paese natìo.
El prôcèso l'è drìo a farse.

Liggio el dišéa de lù: «el spara come un Dio, ma el g'hà el çervèl de na galìna».

El 30 dé màrso 2006 l'è vegnù fora ne i cìnema en film su Provençàn, El fantàsma de Corleôn, film che el sarà fàto véder anca da la RAI, solo che i ga scançełà tùti i riferimenti a Marçèl del'Utri (Marcello dell'Utri) e Silvio Berlusconi.




#Article 86: Valpołexeła (172 words)


Ła Valpołexeła l'é el tòco de cołina che l'é al inisio de łe Prealpi Veronexi, in Vèneto. L'é rento el teritorio dei sete comuni de ła provinsa de Verona, e ła ga na grandesa de 240 km².

Ła val ła confina a sud col Àdexe a est ła ga łe cołine de Parona, de Cuinzan e de ła Valpantena, a nord ła ga ła Lesínia.

Ła val, inte na poxision favorevołe, l'é senpre sta abità fin da l'età de ła piera, dimostrà anca da ła scoerta de na grota de chel periodo tacà a Fumane, grota abità dal omo de Neanderthal, ancò dita riparo Solinas.

Inte ła preistoria ła jera el sìto ocupà da na popołasion ciamà Arusnati, che soto ła dominasion romàna ła ga senpre avù na larga autonomìa.

En ła Valpolexela se pol catar un gran nùmaro de vile storiche:

Ła zona ła ghe dà el nome a un dei piasè conosùi vini rosi vèneti DOC. Én ła zona del Valpołexeła i xe prodoti sia l'Amarone che el Recioto.

 : 




#Article 87: Zilog z80 (466 words)


El Zilog Z80 l'è en microprocesòr a 8-bit, progetà e prodoto da Zilog da el 1976 fin al dì de ancò. El Z80 l'ha trovà en gran utiliço nei primi anni '80 en la progetaçiôn de élaboratori da tàolo e sistemi par l'ìndustria. El Z80 l'è una de le piasè conosùe CPU de tuti i tèmpi.

Ànca se Zilog la proà de méter en produçiôn procesòri Z80 a 16-bit (Zilog Z800, Z8000) e 32-bit (Z80000), la concorença de àltre società l'è stà piasè forte e avansà: i procesòri dé la sèrie Z80 a 16 e 32 bit no i ha mai catà én gran mercà, parché i è arivè màsa én ritardo.

El Z80 l'è nàto en el lùio de el 1976 par opera del'ingegnèr Federico Faggin che, dopo aver laorà en la Intel par la progetaçiôn de el procesòr 8080, el làsia la società par vèršer da par lu la Zilog.
El Z80 l'è sta progetà par avérghe na compatibilità bìnaria col sô fradél (L'Intel 8080) così che la gràn parte de el codice 8080 (par piasè el sistèma operativo CP/M) el podéa èser fato nàr en el Z80 sènsa modificàr gnente.

El Z80 l'éra òto volte mèjo de el 8080:

En bréve el Z80 l'è diventà la piasè usà CPU de tuti i tempi, concuistàndo velocemente gran parte del mercà de el 8080. La prima verçiôn la g'avea na frecuença de 2,5 MHz, al dì de ancò ghè verçiôni (par uso industriàl) de el Z80 fìn a 20 MHz.

La ciàe del sucèso de el Z80, forse l'è stà en el controller DRAM integrà drénto la CPU. Funçiôn che permetéa de costruìr sistemi con mànco chip de supòrto. La concorrente MOS technology, produtrice del procesòr 6502 (usà en el Commodore 64) l'hà incluso sta importante funçiôn en el sô chip video, el VIC-II.

Ne i primi anni '80 el Z80 l'è stà usà én en mùcio de home computer come l'MSX, el TRS-80 de Radio-Shack i famošisimi Sinclair ZX80 el fradèl picenìn ZX81 e el ZX-Spectrum. L'è stà usà én en gràn nùmero de elaboratori CP/M de sotto-marca (ma ànca én el prìmo elaboratòr portatile, l'Osborne-1), i sistèmi CP/M i era molto usé all'epoca, en pôcô come i sistemi Windows al dì de ancò.
En mèšo i ani 80 el Z80 l'è sta usà come procesòr standard par i élaboratori de la sèrie MSX.
Piasè avanti el Z80 el sarà usà drénto le console par video-šughi Sega Master System e Sega Game Gear.

El sucèso de el Z80 l'avéa varcà ànca i confìni de l'Unione Soviètica, ndoe se podéa catàr varie copie de el Z80, come el U880 (en clone de el Z80 usà en la Germania Est), el КP1858ВМ1 (n'altro clone, usà en l'URSS) o i HC85, HC90, HC91, HC2000 fabriché en Romanìa.




#Article 88: Vera Cexa de Jexù (154 words)


Cofà rama cinexe de ła rama pentecostale del
Cristianèxemo, a Vera Cexa de Jexù ła xe na cexa indipendente nasesta a Pechin inte el 1917. 

E 5 dotrine esenziai dea Vera Ciesa de Gesù le è: 

El Batesimo co l'acqua l'è el sacramento par a remision dei peccai par a rigenerazion. El batesimo l'ha da vegner in acqua corente e naturae, come el fiume, el mar, o a font. El Batista, che l'ha zà ricevù el batesimo del acqua e el Spirito Santo, el manda vanti el batesimo in nome del Signor Gesù Cristo. A persona che riceve el batesimo l'ha da esar completamente imersa in tel acqua con a testa inchinada e a faccia verso el bas. (Giovanni 3:5; Matteo. 3:16; Atti 2:3-8, 10:48). 

Pi tardi, nei anni 1980 i è stadi zontai altri punti a ste zinque dotrine principai, rivando aea definizion dee diese credenze de base dea vera ciesa de Gesù: 

 

 




#Article 89: Piščanci (169 words)


Piščanci (pron. Pis'cianzi, itałian Sottomonte) xe na frasion del rion triestin de Rojan, sol Carso triestin, sai famoxo per la produzion artigianal de vin (Malvasia e Vitovska) che i coltivadori rivendi po inte le osmize. In sti ani qualchidun ga scuminzià de novo a far cresser vide de Glera, un vin che saria la baxe de'l Proseco de Valdobiadene, che i veneti ga ciolto de qua e impiantà vizin de Vicenza.
 

El nome Piščanci deriva de'l cognome Piščanc o Piščanec che se trova in sta zona.

El primo Piščanc che se conosi jera vignù Trieste de un logo 'nte ła Val del Vipaco tacà de Gorisia per vender ła so mandria e imbarcarse per zercar fortuna al inizio del 1600, ma, dato che la nave no rivava, el Piščanc'l se gaveva trovà na molie e'l gaveva construì la caxa nova dove che ancuo xe'l paexe (Probabilmente i primi abitanti de la vale de Rojan).

Altri cognomi de la zona xe Ferluga, Ferfoglia/Ferfolja, Taučer/Tauzher, Bole, Cesar, Fuchs, Andlovitz e Vatovez.




#Article 90: Tełevixion (647 words)


La Tełevixion o Tełe (paroła che ła vien dal greco tele a distansa e dal latino video vardo) el xe uno dei mexi de comunicasion pì difondesti inte el mondo. Ła serve a traxmetare imajini, video e soni a distansa, sotoforma de programi tełevixivi traxmisi dai emisori tełevixivi, sia in direta (live) che en diferita, tute e dò co na çerta latensa, a utenti che i stà in aree xiografeghe dotae de reti de comunicasion (traxmetidori e ripetidori), che i ga on antena par riçevare el segnałe e on televixore par vixionare i servisi riçevui. 

La tełevixion ła xe considerada l'evołusion de ła aradio, che ła trasmeteva soło che soni, e ła ga rapidamente par la vełoçità e ła conpletesa de łe informasion, tanto che ła xe divegnesta el primo mexo de comunicasion de masa.

Considerada l'evołusion de l'aradio, ła cual ła xe limitada a ła unjoła difuxion de contegnui sonori, ła tełevixion ła xe stada dexviłupada da difarenti grupi de studio e laoro in difarenti stati del mondo (de conseguensa el xe bastansa difiçiłe capìr chi che ła gapia realmente xenitàda), e ła xe stada dàda al publego soło in te ła fin de ła seconda guera mondiałe

Se par el sono se podea doparare ła tecnoloxia xà existente de l'aradio, par el video, ła traxmision e ła riçesion de łe imajini, se gheva da studiare nove tecneghe da metare in copia co l'audio. 

Calcołando łe proporsion de definision che ghe vołe in manjiera che el ocio de l'omo no el s'incòrxa del seguirse de imajini, ma el veda on imajine in continuo movimento, si ghea pensà de metare so on schermo (el tełevixore) on imajine scandìa da na tełecamara (poxisionada da n'altra parte) e traxmetesta via aradio. La tełecamara ła anałixava eletronegamente tocheti infiniteximałi de l'imajine incuadrada, doparando on peneło eletronego de letura che el scandìa l'imajine par righe, da sanca a dreta, faxendo un pacheto de dati de tipo luxe-scuro (anałoxego a l'inpisà/stuà e al 0/1 del sistema binario) e ło traxmetìa in manjiera ordinada via aradio. 

Da l'altra parte el riçevidore el decodefegava sti dati traerso n'altro paneło ełetronego (de scritura) che el jera picà da drio so tuto el schermo, senpre par łinee alternàe: sta fasa de ełetroni i inpisava dei fosfori che na volta eçitài i faxea luxe, d'łasando stare chełi che i ghea da restar scuri. La fasa de eletroni i vegnea guidai da on canpo ełetromagnedego creà da bobine poxisionae sol coło del tubo catodego. I tenpi tanto basi de scansion (25 fotogrami al segondo) i consentìa de rendare łe imajini in seguensa a ritmi pì rapidi a confronto de chełi del çinema, rendendo on bon movimento. Par ła riçesion del segnałe, el xe sta neçesario dotare i tełevixori de antene conplese, bone de ciapare con bona anplifegasion łe varie parte del segnałe. La banda che ogni canałe el ocupa el xe de 7MHz par traxmision in VHF e 8MHz par traxmision in UHF.

A partir dai ani 1960, xe sta posibiłe vère in dotasion col tełevixore anca el tełecomando par na mejor doparabiłità del servisio. La so pì granda difuxion ła xe stada intrà i ani 1970 e 1980.

Col progreso de łe tecnołoxie ełetroneghe (ma anca co on progresivo redimensionamento dei conponenti drento a łe tełevixion, grasie ai transistor), el xe sta posibiłe el teorixarse de na traxmision de l'imajine a cołori, anałixando e dividendo l'imajine scandia segondo łe conponenti dei cołori baxe (roso, blè e verde) da riproduxare in anałoxia so schermi andove vegnea meso on strato de fosfori de on soło cołore (sołitamente bianco) co na matrixe poxisionae a delta de fosfori dei cołori baxe, che smisiandose, i creava tuti i cołori.

La tełevixion a cołori ła se ga vùa intrà i ani 1960 e 1970 in tuti i paexi del mondo.

Łe trasmision tełevixive in tuto el mondo łe njien fate, vardando stàndar prestabiłii.




#Article 91: Vigodarxare (163 words)


	

Vigodàrxare el xe on comun de 12 885 aneme 'nte ła provinsa de Padoa.

El toponimo vołe dire vila sul arxare riferendose a ła sò poxisión sul fiume Brenta e dal Muxon dei Sasi. Dal łatin vicus, o sia vilajo, e agger, o sia apunto arxare o terapien. Na teoria xe che sto posto el podeva esare na postasion visin ła via Aurelia de soldai in epoca de l'inpero roman.

Durante l'aministrasion veneto venesiana el comun ga vuo na rełativa stabiłità e el monumento pi caraterìstego xe ła Certosa, divegnua intel '700 Vila Zigno. Sta vila ga visto ła vìxita de xente bona e manco bona come Napoleon Bonaparte, Byron e Pindemonte. Mentre intel '900 sta strutura xe rimasta al so degrado e uxà come ponto łogìstego e polveriera durante ła gran guera.

Atività significative al di de ancuo łe rimane ła produsion de formenton, fien e ùa. Ła xente vive anca grasie al pendołarixmo verso Padoa e co ła produsion industrial łocałe.




#Article 92: Tulcea (266 words)


Tulcea, Tülcea ò Tòlcea (Bulgaro, Ruso, e Ucrain: Тулча, Tulcha; Turco: Hora-Tepé o Tolçu) ła xe na cità de ła Romania sułe rive de el Danubio. Ła gà 91.875 àneme e ła se cata ne ła region de ła Dobrogea.

Ła xe stà fondada nel secoło VIII prima de Cristo, ma ła gaveva el nome del so fondator, un Dacian ciamà Carpyus Aegyssus; cuesto xe scrito anca su dei documenti de Diodorus.
Ovidio par exenpio ła gà citada ne ła so opara ex Ponto, parłando dei so muri e de łe so tori alte e forti, che nisun butava zó facilmente.

Giera el primo secoło cuando ke stà cità vien concuistada dai Romani, ke subito i ghe gà meso łe raixe de ła flotta romana par proteger el confin oriental de l’impero che senò el vegnéa invadesto da i barbari, ncora deso xe visibiłi i ruinasi rimasti là da chel tempo.

Par de cua dopo xe pasà i bixantini nel'VIII fin al IX secoło, dopo xe riva i Xenovesi, ke i se gà fato el posto suo dal X al XIII secoło.

Dopo xe sta ła volta dei Turchi nel 1416, ke i gà acorpà tuta ła zona a ła Romania. Ma bisogna spetar fin al 1860 parché sto posto vegnese alsà al grado de cità e anca al comando de tuta ła so provincia.

I gà fato un censimento nel 2002, par catar fora che a Tulcea de łe so 91.875 teste ghe ne giera el 92.3% de Rumeni e łe altre parti de ła xente giera 3.4% Lipovani e el resto 1.4% de Turchi.




#Article 93: Gravo (326 words)


Gravo (per taliàn: Grado) xe una pìcola ìxola de l'alto Adriàtego, davanti de ła omònema laguna (Laguna de Gravo).

Gravo el xe un comun de 8691 àneme che el faxea parte de ła Provinsa de Gorisia, in tel Friuli Venesia Giulia. Gravo el ga anca do frasion so tera ferma Fosalon e Boscat.

I abitanti i se ciama “graisani” (per taliàn: “gradexi”) e el diałeto parlà el xe el dialeto graisan.

El paxse el xe stà fondà al tenpo de Atila, co el nome de ad Aquae Gradatae. cofà porto a servìsio de Aquileia e Castrum. Xe da torno del 452, che Grado el se ga desviłupà, co ła xente de Aquilea ła ga sercà riparo inte łe ìxole de ła Laguna de Gravo par scanpar da łe orde dei Uni, guidai da Atila. Gravo ła ga cognosùo on periodo de gran sbrełùxego: el xe stà sede de na Patriarchìa, del 568, e . Per sto motivo se dixe che “Gravo ła xe fioła de Aquilea e mare de Venesia”.

Dopo sèculi de decadensa, Gravo xe tornada inportante soto l’Austria a la fin del XIX° Secoło. Gravo jera diventada la spiaja dei siùri e i nòbiłi de Viena e de tuto el Inpero Austro-Ungàrego. 

La pì granda tradision de Gravo xe el Perdòn de Barbana. La prima doménega de lujo, la stàtua de la Madona che la vien portada de ła Ciexa Granda finmente a l'ixoła de Barbana co una procesiòn de barche che łe traersa la laguna.

On'oltra importante tradisiòn de Gravo el xe el Festival della Canzone Gradese, che el xe nasesto in tel 1946.

El graixan pì cognosesto el xe el poeta Biagio Marin, che el ga scrivesto òpare in dialeto graisan.

Xe coniusesti a livelo nasionałe anca el xugador de balon Mario David, che el ga xugà ai Mundiali in Cile e el ga vinsesto la Coppa dei Campioni nel 1963 col Milan, la prexentadora Luana Colussi e el studioxo Marco Marchesan




#Article 94: Biagio Marin (142 words)


Biagio Marin (Gravo, 29 de zugno 1891 – Gravo, 24 de disenbre 1985) xe stà un poeta graisàn.

Durante la Prima Guera Mondial al varave de combate co’ i austriaci, ma al diserta e ‘l se aruola comò volontario ‘ntel esercito taliàn.

Dopo la guera, al se laurea in filosofia co’ Giovani Gentile a Roma, ‘ndola che ‘l insegna per do ani. Dopo, ‘l fa al profesor e al dirigente scolastico a Gorisia. De ‘l 1923 a ‘l 1937 ‘l fa ‘l diretor de la spiagìa de Gravo. Dopo, ‘l và a Trieste a insegnà e a curà la biblioteca de le Asicurasiuni Generali. Durante la Resistensa ‘l fa parte de ‘l CNL de Trieste.

La produsiòn de Biagio Marin la xe principalmente in dialeto graisàn.

Le principali racolte de poisie xe:

Marin ‘l hà scrito anche per taliàn (“Acquamarina” ‘ntel 1973).




#Article 95: Alfabeto ebraico (201 words)


El alfabeto ebraico xe l'alfabeto che vegnea scrite le łengoe ebraica, yiddish, ladina giudeo-spagnoła (non el ladino dołomitico) e altre łengoe ebraiche utilixae da i ebrei ne el mondo.

Vegnea scrito da destra verso sinistra e el contien 22 letere consonanti, de cui dò (  ו vav e  י yod) semiconsonanti. Alcune consonanti le gà na forma difarente se finałi de parola. Le consonanti א  e ע no le gà suono proprio, ma le serve par apogiare la vocałe dopo. La pronunçia de alcune consonanti se modifica a seconda de ła prexensa vocałica.

La pronunçia la xe difarente tra ashkenaziti e sefarditi, ma ła versión de sti ultimi la xe considerà queła standard.

Esiste anca de altre trasliterazion (par esempio, xe comun traslitarar la Kof come Q invenze de K).

Le vocale le xe rapresentae da puntini o ligne (nikud) trazzae sora o soto de la consonante. Inte la lengua scrita zeneralmente no le xe rapresentae.

L'alfabedo ebraego, curiosamente, xe stà forse la prima forma de trasliterazion dei ideogrami cinesi. La comunità ebraega cinese de Kai Feng, fondada inte el X secolo e estintase a l'inizio del XX secolo la ga lassà dei scriti en lengua cinese ma in caratari ebraeghi.




#Article 96: Mafia (126 words)


Coła parola mafia se intende, de sołito, na organixasion criminałe presente in Sicilia, che in realtà se ciama Cosa Nostra, e che ła xe formada da grupi dìti fameje, organisai al só interno soa base de un sistema gerarchico rigido, co gregari de vario livel, i picciotti, e un capo, el padrino.
Ła paroła mafia ła vien però oramai doparada anca par riferirse a altre organixasion criminałi che ghe someja.

Uno dei capi mafioxi piesè noti el xe Bernardo Provenzano.
Mentre le esiste varie mafie, come la mafia americana, la mafia rusa, e la mafia cinese, cosa nostra la xe solche la mafia siciłiana.
Qualcheduni capi mafioxi i xe Gaetano Badalamenti, Giuseppe Genco Russo, Salvatore Lucania ciamà Lucky Luciano, Bernardo Provenzano, Totò Riina e Calogero Vizzini.




#Article 97: Marco evanxełista (1395 words)


De ła só joventù e de ła fameja de proveniensa se sa póco o gnente. Dal Nòvo Testamento, ła soła fonte de informasion su de eło, savemø ch'el jera cuxin de Barnaba (col. 4/10) e che quindi l'era ebreo e de ła stirpe levìtica. 

Inte i Ati de i Apostołi el vien nominà quando che Piero el vien miracołoxamente liberà da ła prixon (Ati 12,12) Dopo ver rifletùo, el xe ndà a ła caxa de Maria, só mare de Jovàni dito anca Marco, indove ghe jera un bon nùmaro de zente par pregar. Da sto scrito qua savemo che só mare ła se ciamava Maria e che in chel tempo el abitava a Jerusałeme. Se nota anca che Marco el gaveva do nomi, un zentiłe e un ebreo (Jovàni). Usansa comun par i ebrei de ch'el tempo, infati anca Paolo el vien ciamà co el nome de Saulo. In altri scriti de i Ati de i Apostołi el xe ciamà o co el nome de Jovàni o co queło de Marco o co tuti e do. 

No ghe xe miga scriti che diga se Marco el gavése conosùo diretamente Gesù, ma se el'abitava in chel tenpo a Jerusałeme almanco el ga da vèrghene sentìo parlàrghene. De serto se sa che pochi ani dopo ła morte de Gesù, i apostołi e i disepołi i se catava in caxa de só mare. El fato ch'el sia el soło vangełista a contare de ła fuga de un zovineto ch'el gavea seguio da lontan i avenimenti de ła catura de Cristo intel'orto de i ulivi, (Marco 14.1/51.52) Un zovaneto però el ło seguiva, vestìo soło de un teło, e i ło ferma. Ma eło, łasà el ninsoło, el xe scanpà via nuo; fa pensar che el fuse eło steso el zovineto nominà. 

Da ła prima łétara de Piero: Ve sałuda ła comunità che xe stà ełeta come voaltri e che vive Babilonia; e anca Marco, mé fiol. Podémo capir che 'l se catava co łu a Babilonia e che dato che 'l vien indicà come mé fiol el ga da ver ciapà el batizo propio da Piéro. 

Dai Ati capimo anca che 'l parte par Antiochia insieme co Paolo e co só cuxin. El vien indicà come aiutante de Paolo quando che eło el predicava e'l difondéa ła paroła del Signor a Salamina (Cipro) (Atti 13/5). Pi vanti, i atti i ne cónta che l'abandona Paolo, forse parché el xe spaventà da łe durìsime fadighe dei spostaminti de l'apostoło o da l'ostiłità senpre pi granda che 'sto qua el catava.  Partìi in nave da Pafo, Paolo e i só conpagni i xe rivài fin Perge de Panfilia. Jovani el se ga destacà dal grupo e l'è tornà Jerusaleme par cónto suo (Atti 13/13). In seguito ała so defesion Pagoło, partendo par consołidar łe cexe deła Siria e deła Cilicia, el se ga sielto come conpagno Silla mentre Marco el xe partìo con so cuxin par Sivro (Atti 15/37.41). Questo accadde del 52. Negli Atti queste sono le ultime indicazioni che troviamo dell'evangelista. In seguito Paolo dovette dimenticare questi dissidi in quanto ritroviamo Marco a fianco dell'apostolo a Roma nel 62 64, ne abbiamo notizia da una lettera di Paolo: Vi saluta Aristarco, il mio compagno di prigione, e Marco, il cugino di Barnaba (intorno al quale avete ricevuto ordini; qualora venisse da voi, ricevetelo), e Gesù detto il Giusto, i quali sono della circoncisione; fra questi sono i soli miei collaboratori per il regno di Dio, in quanto mi sono stati di consolazione (4, 10s). 

Qualche anno più tardi lo ritroviamo in compagnia di Pietro che lo cita nella sua prima lettera come indicato in precedenza. Questo dimostra la sua grande attività svolta negli anni cinquanta non solo a Cipro. Forse rientrato in oriente prima della persecuzione scatenata da Nerone nel 64 ma Paolo nel 66 lo rivuole con sè. Come indicato nella sua lettera a Timoteo:Affrettati a venire da me al più presto... Solo Luca è con me. Prendi Marco e conducilo con te, perché mi è utile per il ministero (2 Tim. 4, 9-11). 

Dopo la morte a Roma del principe degli Apostoli, non vi sono più notizie certe su Marco. La tradizione lo vuole evangelizzatore in Egito e fondatore della chiesa di Alessandria che lo vuole come suo primo vescovo. Non vi sono notizie certe su dove, come e quando morì. Eusebio sostiene che la sua morte sia avvenuta a Alessandria, dove venne ucciso facendo trascinare il suo corpo per la città, questa versione dei fatti viene riportata anche nella Legenda Aurea. 

I so resti i xe sta trafugà dai venesiani 'ntel 828 e portà a Venesia dove pochi ani dopo a xe scuminzià i laori par ła costrusion deła Basełega de San Marco.
El vien festejà dała ciesa catolega el 25 de apriłe.

Tuti quatro i Evanxeisti i ga un simboło che de sojto vien mostrà vissin al Santo nee piture e nee sculture. Sti simbołi xe asocià al Vangeo del Santo. El simboło de San Marco xe el Leon Alato, parchè el inisia el so vangeo coea voxe de San Giovani Batista che, in tel deserto, ea se alza come un rugito, disendo ai omani che xe drio rivare el Cristo. 

El leon de San Marco vien rapresentà in diverse maniere: andante, cioè in piè sue quatro sampe, come se el caminasse, e con un libro verto sotto ea sata dove che xe scrito Pax Tibi Marce Evangelista Meus, opure in moleca che saria a dire incoata'.

Visto che San Marco Vangełista xe el Santo Patrono de Venexia, ea Serenissima gà dichiarà el leon come el so simboło. Par Venesia, ancha el libro deventava un simboło: de pace, quando che el gera mostrà verto; de guera quando che el gera sarà.

Ea raffigurasion de San Marco la compare fin daea prima arte cristiana, co quea dei altri vanxełisti. San Gerònimo (IV secolo) el disea come che se pol asociare i 4 evangeisti coi simboi del tetramorfo che i compare nelle profezie de Ezechiele, riciape dopo nee visioni de l'Apocałise (El primo uman iera simile a un leon, el secondo de un vedeo, il terso de un leon, il quarto de un'aquila mentre che voea; i 4 i ga ciascun 4 ali, dentro e fora i se pieni de oci'). Nel schizo del V secolo – come se osserva par esempio dai mosaici dea Basilica de Santa Pudenziana a Roma - cosi co sti simboli i ga taca ad esere rappresentai i 4 evangeisti: San Marco ragion de tuto es xe rapresentà da un leon co le ale. 
Sa co l'arte bisantina qualche mosaico par esempio quei de San Vidal a Ravenna i rappresentava, co 'n na man el vangeo e in staltra i soo simoi. Sta iconografia a xe deventà difuxisima nte l'arte romanica, po in quea gotica. Nte e cexe de chel tempo i quatro santi i vegneva speso pituradi su le vele de le volte a crociera, sentadi al scritoio, 'ntenti a scrivar i vangeli; altre olte nte 'n canton ghe xera anca i quatro Dotori de la Cexa. A olte se cata anca (ad es. ntei basorilievi che i fa belo el Batistero de Parma) la rafigurasion dei quatro santi che i par bestie orende, 'ndoe che su un corpo umano co le ale vien fora a testa del so simol.

E figure di Evanxeisti – e tra de lore quea de San Marco – e se vede po anca nte e rapresentasione dii Apostoli che catemo in ogni espresion de l’arte sacra. Un par de pale de altar le sprime na speçial devosion par San Marco, come a famosa tea de Tizian ndo che ghe xe  ntea cexa de Santa Maria dea Salude a Venezia.

Le storie de le vide dei santi e xera un impegno costante de l’arte sacra.
De San Marco, patron di Venesia, catemo xà rafigurae sene dea so vita nei mosaici dea Basilica de San Marco (sec. XIII). 
Ntel periodo rinasimentale, i episodi contadi nte a Leggenda Aurea i deventa sojeto par numarosi capolavori fati da artisti dea scola veneta. No se pol mia no ricordarae al manco a tea granda de Gentile e Giovanni Bellini ndo che ghe xe , e anca e quatro tee de Tintoretto piturade par la Scola de San Marco a Venesia che e g'avea par sojeto , , , .




#Article 98: Piasa San Marco (1019 words)


Piaza San Marco xe la prinçipałe e soła piaza de Venesia (tute staltre struture che ghe someja łe se ciama canpi). Cofà che dixe el nome, ła piaza ła xe dedicada a San Marco, l'evangelista. Xe dal sinboło de San Marco che Venesia ga ciapà el suo, che xe el Leon de San Marco.

Cor de la sità lagunare e logo sinbolo del Stato veneto, la xona monumental de Piaza San Marco la se conpone de tri setori:

La forma che ga la piaza desso la xe vegnù fora a seguito de sucessive modifiche e espansion che le ga interessà l'area. In origine la xona la jera destinà a brolo e traversà dal rio Batario, che tacava insieme i atuali rii de la Zecca e del Cavalletto. El palazo dogal, vero castel munìo de tori e difese el jera zircondà par intiero da un canal e frontegià ne la xona de la piazeta de desso da un bacino par cargar e descargar le merci.

Co xe rivà a Venexia el corpo de San Marco ne l'828, xe sta edificà la prima baxełega de San Marco' e l'area la ga scuminsià a assumar la so carateristica de cor monumentale de la sità. Nel 976 l'intiera xona, con la baxełega e el palazo, la xe sta brusà da un furioso incendio, ma zà nel 978 xe sta costruìa na seconda baxełega e ricostruìo el palazo. La baxełega de desso la risale ai anni 1050-1094, con la terza fondazion de l'edificio. In sta epoca la piaza la risultava 'ncora limità dal rio Batario (al delà del quale ghe jera na cesa dedicà a San Geminiano) e dal bacino de Palazo: a testimonianza del quale ne restà 'ncora desso, sul lato de la baxełega rivolto verso la piazeta, na vecia porta d'aqua murà, cioè l'entrada rivolta su l'aqua tipica dei edifici venexiani.

Nel 1156, soto Vitale II Michiel, i ga interà prima el rio Batario e po anca el bacino antistante el Palazo Dogal, dove i ga realizà la Piazeta. Nel 1172, soto el dogado de Sebastiano Ziani, la piaza la xe sta slargà 'ncora de pi par farghe posto a novi edifici monumentali: la cesa de San Geminiano i la ga spostà al limitare de la nova piaza San Marco e i ga inoltre tirà su le do grande colone frontegianti el molo, come entrada monumental a l'area marciana. Nel 1204 la conquista de Costantinopoli con la Quarta Crociata la ga fornìo ai venexiani un mucio de marmi e opere d'arte con cui decorar la baxełega e la piaza. In sta ocasion qua xe rivà i Cavai de San Marco', sistemà a coronamento de la baxełega, e la statua dei Tetrarchi, che desso xe a l'entrada del palazo.
Nel 1264 i ga infine pavimentà la piaza con quarei messi zo a spina de pésse.

Tra el 1301 e el 1442, co na continua e massicia serie de laori, Palazo Dogal el ga perso progresivamente el so aspetto militare fin a assumar la conformazion de desso. Tra el 1495 e el 1517 i ga inveze costruìo le Procuratie Vece e la Tore de l'Orologio, mentre contenporaneamente se procedea al sgónbaro de tuti i broli e i magazini 'ncora presenti ne l'area de la piaza. Tra el 1536 e el 1540 el Sansovino el ga realizà l'edificio de la Libreria e la Logeta ai pié del canpanil. Tra el 1582 e el 1640 xe sta la olta de le Procuratie Nove.

Nel 1722 i ga sistemà le do statue de la Piazetta dei Leonzini. Del 1723 xe inveze la pavimentazion de desso in trachite euganea a fasce laterali in marmo bianco.Xe infine nel 1807 che la dominazion napoleonica la ga procedùo a butar zo la cesa de San Geminiano e a costruir l' Ala Napoleonica (dita anca Palazo Reale o Procuratie Novissime), dandoghe al conplesso de l'area marciana l'aspeto definitivo.

A le prime ore de la matina de luni 14 de lujo 1902 el canpanil de San Marco, zà tacà da na vistosa crepa, el xe ruinà inprovisamente demolendo la Logeta e un canton de la Libreria e ris-ciando de investir la stessa baxełega (i ruinazi i xe sta fortunosamente fermà da la Piera del Bando posta al canton tra la cesa e el palazo). In poco tenpo la tore la xe sta ricostruìa e i danni giustà, fasendo anpio ricorso ai materiali originali 'ncora doparabili.

Cor, come dito, de la Republica Veneta, la piaza la ga senpre seguìo la vita e i costumi de la sità. El Palazo Dogal el xera sede del goerno e de le supreme magistradure de la Republica, nonché preson. Tra le do colone de Marco e Todaro i fasea inveze le esecuzion capitali, mentre da la Piera del Bando vegnea anunzià le leggi e i decreti, che dopo i tacava via su la Porta de la Carta. La baxełega la jera inveze el sentro de le cerimonie religiose de Stato grazie a la presenza de le preziose reliquie e de la so funzion de cappella dogal, in un sistema nel quale el Doxe el jera el capo de la cesa venexiana e el se riservava el dirito a nominar i vescovi. El potere e la richeza de la cesa de San Marco i xera tali che la gavea un so vescovo, distinto da quel de la sità e dal patriarca, el Primicerio de la baxełega de San Marco' e che dei magistrati aposta, i Procuradori de San Marco' i 'ministrava con carica vitalizia el patrimonio, risiedendo ne le Procuratie. La Logeta la xera el posto de guardia dei arsenalotti durante le sedute del Maggior Consiglio, mentre l'atuale Palazo Patriarcal el jera sede del salone par i pranzi e le feste del Senato.

La granda piaza la ospitava procesioni e tornei, fiere e marcà, ne la corte del palazo se tegnea le cacce ai tori. Nel Setezento xe conparso el carneval e i cafè, po dopo la caduta de la Republica xe rivà la sede patriarcale e el Palazo Reale, prima de Napoleon, dopo dei Asburgo e infine dei Re d'Italia. Infine la musealizzazion con l'apertura del Museo Correr.




#Article 99: Giorgio Panto (208 words)


Giorgio Panto (Meolo, Venesia 1° de otobre 1941 - Venesia 26 de novenbre 2006) el jera un inprendidor e un omo polídego vèneto.

Panto ga scuminsià a far schei co i seramenti. Intel 1978 el ga inpiantà a Treviso ła tełevixion Antenna Tre che al dì de oncò la coverze el Friułi-Venesia Julia e un toco de Trentin-Alto Àdexe, Lonbardia e Vèneto.
In sti ani el ga fato su 'ncora schei co ła Panto s.p.a. e co TeleAltoVeneto e TeleNordest.

El xe sta inte ła Lega Nord e in zugno 2004 el ga fato el partío Progeto Nordest, che'l xe par l'autonomía e xe fora dai do połi. El xe stà candidà presidente del Veneto a łe elesion regionali del 2005, 'ndo che'l ga ciapà el 6,0% dei vuti el PNE el ga ciapà el 5,6%, bon pa meter su do consejeri regionali. A łe elesion połídeghe del 2006 el se ga candidà al Senato co el steso partío, ciapando el 3%, quando che ghe saría vosúo almanco el 8% par méter su un senador.

A łe elesioni ministrative del 2006, se ga candidà par ła Provincia de Treviso.

El só ełicòtero xe cascà inte ła Laguna de Venesia el 26 de novenbre 2006, e Panto xe negà.




#Article 100: Braxil (236 words)


El Braxil, ufisialmente ła Repùblica Federałe de Braxil, el xe un stato de ła Mèrica del Sud. Co na superfisie de pi de 8,5 miliuni de km², l'è el quinto stado del mondo par superfisie totałe 
El confina a sud co Uruguay, Argentina e Paraguay, a sudovest co ła Bołivia, a ovest col Perù, a nordovest co Cołonbia e Venesueła, a nord co Guyana, Suriname e ła fransexe.

Le orixini del nome Braxil non łe xe del tuto ciare: un'ipotexi l'è che eso derivi da Pau brasil, el nome popołare in portoghese deła Caesalpinia echinata, un albaro deła famèja dełe Fabaceae nativo deła foresta vergine (Mata Atlântica) che ricopriva completamente łe rejiuni litoranee del Braxil. El nome pau brasil sinjifica, leteralmente «lenjo brasil». La paroła brasil poarìa derivar dal color roso brace (brasa in portoghese) deła rexina del lenjo de sto albaro.

Un'altra ipotesi l'è queła che deriva dal tempo sucesivo ała colonixasion portoghese, quando alcuni navigaduri i parlava de un'ixola imaxinaria al largo dełe coste del'Irlanda, ciamà Hy-Brasil e che sarìa stà intel mezo dal'Atlàntego; alcuni scrituri del XX secoło, tra cui Gustavo Barroso, i ga difendà la teoria che el nome del teritorio dipendese pi da questo che dall'albaro.

Dal punto de vista połitego el xe na republica presidensiałe federal.

I stati che i forma el Braxil i xe 26, co el Distreo Federal do se cata ła cavedal.

Ła só cavedal xe Brasilia.




#Article 101: Portogało (718 words)


  Juto:Stato --
El Portogało el xe un stato de l'Europa meridional.
El confina sol co ła Spagna a est.

El xe el stato pi osidental de l'Europa, dopo de l'Islanda.

Fasà su l'Oçeano Atlantego, co sérca 830 chiłòmetri de coste a sud e a òvest.

El so teritorio, el òcupa na fasa de teritorio łónga quaxi 600 km e larga 150/200 km che dai riłievi de ła Meséta spagnoła el va el va do fin a ła costa atlàntica.

El so teritorio, corisponde a l'antiga provinsia romana de Łusitania.

Favorìo da ła so particołar poxision inte el córso dei sècołi el ceo regno del Portogało el xe riesést a vadagnar na notévołe esperiénsa marinara che ła ghe a permetest de tacar su grant dominio cołonial, co posediménti in tuti i continenti, desfà sol na scianta manco de trénta ani indrìo. 

El Portogało el xe divixo in 18 distreti (distritos) e 2 rejon tònome (regiões autónomas).

El xe menbro de l'Union Europea, de ła Nato, del Conséjo de Europa, de l' OCSE e de l'Unione Europea Occidentale.

Łisbóna, ła cavedal ła xe tacada su ła riva destra del grando estuario del Tago (Tejo). Ła xe na beła e vivaxe sità dal caràtere mediteràneo nonostante ła sìe situada su l'Atlàntico. Ła ga grandi viałi albarai e quartieri che i se rànpega su łe cołine sircostanti, onde se leva na vexetasion lusurejante quaxi tropical. Łe do rive del Tago, che l'é largo quaxi un chiłòmetro, łe xe cołegae da do pónti: el xigantésco pónte de el XXV Abril, in fer; e el longhìsimo (sérca 18 km) ponte Vasco de Gama. El porto de Łisbóna el xe el pi grando del paéxe e qua ghe xe anca qûalcheduna de łe prinsipałi industrie.

Oporto, situada su l'Atlàntico, inte ła part setentrional del paéxe, ła xe na sità sióra de òpare de art medievałi e rinasimentałi. Ła xe traversà dal fiume Douro e ła xe el prinzipal porto de inbarco dei vin portoghéxi, largaménte esportai in tut el móndo. El só séntro stòrico, l'antigo quartier de ła Ribeira el xe stà ciamà da l'UNESCO patrimonio de l'Umanità.

Coinvra, ła xe situada inte ła rejon de Beira , ła xe bagnada del fiume Mondégo. Tersa çità del paéxe, ła xe famóxa pa' ła só università, fondada inte el 1290, intra łe prime in Eoropa. A uncuò ła xe el pi grando çéntro universitario del Portogało e ła òspita , oltra che i studénti del liogo, anca 20 000 toxati e tóxe del resto del paéxe.

Braga, antica Bracara Augusta, ła xe na importante sità de ła rejon de el Minho. Ła xe na sità istorega e moderna, sede de na arsidiocexi.

Funchal, ła xe ła capital de ła rejon autonoma de Madeira.

El Portogało el ga na popołasion de 10 421 000 abitanti.
Ła densità media ła xe de 110 ab./km². Łe xone pi popołae łe xe qûełe costiere setentrionałi e sentrałi.

El 7% sérca de ła popołasion conplesiva del paéxe, el xe formà da imigrai africani che i xe a trasferìo in Portogało da łe ex-cołonie  a partir dai anni setanta. 

Quaxi tuti i abitanti i xe de rełijon catòłica.

Ła łéngua uficiale ła xe el portoghéxe, che l'apartegne al grupo de łe łéngue neołatine.

Ła mentałità e łe tradision del pòpol portoghéxe łe xe łigae a łe inumerévołi visénde stòreghe che łe ło ga vist a contato có tante culture difarénti e foreste.

Caraterìstghe in qualche rejon costiera, łe xe łe caxe in legne dei pescadori piturae a strise cołorae o łe caxe inbiancae co ła calsina có tóchi de cołori vivi o decorasion có piastrełe de majiòłica.
N'altro tipo de costruzion che ancora tira vanti xe i molini: ghe ne xe restà de pi en Portogalo che in ogni altra parte d'Europa. Sparsi in xiro par tuto el paese, ghe xe molini a vento e a aqua, tanti dei quali i va ancora.

Par via de feste tradizionai, la pi conosua la xe la corida, che in portoghese la se ciama tourada. La version portoghese la se destingue de quela spagnola parché el toro nol vien mia copà drento ne l'arena, di fronte ai spetatori.

Tra i canti, el pi popolar el xe el fado: canto urbano conpagnà da la chitara e da la viola che l'esprime dei sentimenti de profonda malinconia.




#Article 102: ASCI Red (329 words)


LASCI Red o ASCI option Red, l'è en super-elaboratòr enstalà én i laboratori Sandia National Laboratories a Albuquerque ntel Nôvô Mèsico.
El progèto el nàse da na colaboraçiôn tra Intel e i laboratori Sandia; en tòco del progèto governativo Statunitense Accellerated Strategic Computing Initiative (ASCI).

El sistèma l'è sta costruìo come la fase uno de el Accelerated Strategic Computing Initiative (ASCI) de la asociaçiôn del dipartimento statunitense de l'energìa e de la Aministraçiôn naçionàl par la sicuresa nucleàr, par svilupàn en sistèma de simulaçiôn bòn de rimpiasàr i test nucleari sototèra che na moratoria firmà da el presidènte George H.W. Bush en el 1992 e confermà da Bill Clinton én el 1993, l'ha proibìo en el teritòrio de i Stati Unidi de America.
ASCI Red l'hà tacà a funçionàr en el 1997.

L'è sta costruìo co na rete a màja (38*3*2) MIMD masively-parallel procesing che la g'ha 4510 nodi de calcolo, 1212 gigabyte de memòria distribuìa e 12,5 gigabyte de memòria 'nter disco.
All'inisio la machina la g'avea procesôri Pentium Pro alla frequença de 200 MHz ma piasè tardi l'è sta agiornà metèndoghe drénto procesôri Pentium II overdrive a 333 MHz. El sistèma l'è composto da 104 armadi che i ocupa na superfice de 230 metri quàdri. El sistema l'è sta progetà in modo da prevedér l'utilisaçiôn de componensistica mìa dedicà e na architetùra mucìo scalàbile.

El primo ASCI Red l'è stà el primo elaboratòr del glòbo a superàr el mur de 1 Teraflops, i test Linack (1996) i diše che l'è diventà el elaboratòr piasè potente del globo en na graduatoria de 500 super-elaboratori.

Divèsi tòchi del el sistèma i utilišava diversi sistèmi operativi. Par la programaçiôn l'è stà utilišà na normale machena unix con na verçiôn distribuìa de el S.O. Unix creà da Intel, el Paragon XP/S Supercomputer. La gestiòn de i nodi de calcolo l'è sta afidà a na verçiôn gràn legera de el sistèma operativo Cougar, na derivaçiôn de el S.O. SUBMON par sistèmi Paragon.




#Article 103: San Francesco de Sisa (777 words)


San Francesco de Sisa (Sisa, 1181 o 1182 - Sisa, 1226), patron de Itaja, el xe un de i santi pì venerà de ła Cexa Catòłica. El xe anca dito el poareto de Sisa, ła sò tonba ła xe meta de pełegrinajo par desine de mijari de devoti ogni ano. Ła sità de Sisa ło gà asunto come simboło de paxe.

Francesco el nase intel 1181 o 1182 da Piero Bernardon de' Moriconi e dała nobiłe Pica Bourlemont, inte na fameja de ła borghesia siora emergente de ła sità de Asìxi. Ła so màre eła se sarìa ciamada contenta averghe meso el nome de Jòvani (dal nome del'apostoło Jòvani) ma el pàre lo cìamò Francesco, in onore de ła Fransa; ła fameja grasie ai comerci in Provensa eła jera rica e benestante.

Eła so casa, eła jera in mezo de ła sità, eła gaveva tacà un negosio e magazin par i tesuti ch'el marcante el se procurava co i so viaji in Provensa (Fransa). Piero el vendea eła so rica mercansia in tuto el teritorio del Dogado de Społeto ch'el conprendeva anca eła sità de Asìxi. 
Oncò al posto de ła bitasion dei Bernardoni, ghe xe eła Cèsa Nova, fata intel 1615 a spese del re Fiłipo de Spagna.

Francesco el xe sta batisà inteła cèsa, catedrałe dal 1036, tirada sù in onor del patrono de ła sità, el martire Rufin. 

Ghe xe diverse biografie soła vita jovaniłe de Francesco che no pòe esar considerà del tuto fidabiłi, xe però de rason pensar che el fuse stà indirisà dal pare a ciapar el so posto inte i afari de fameja.

Dopo de ła scoła da i canonisi de ła Catedrałe, che gavea spasio inteła cèsa de San Giorgio (quea che oncò xe deventà eła basiłica de Santa Chiara) a 14 ani el se ocupò deł'atività de comercio. Xe in sto periodo che, se fasìłe, el santo, zovane e rico marcante, el se rende conto del contrasto tra eła so richesa a rason de ła povertà dei poareti e miserabiłi che vivea in sità.

Intel 1054 se ricorda de na prima guera tra Asìxi contra Perujia; tra łe do sità ghe xe tanta rivałità: Perujia xe guelfa, Asìxi invese, co Fołigno e Todi, eła xe ghibełina. Eła bataja pì famosa xe queła indove i asìxani xe sta batui a Cołestrada, visin de Perujia, intel 1202.

Anca Francesco, come tuti st'altri zovani, el conbate; ma el vien caturà e inprisonà par un ano in preson. Eła prisonia sarà per eło na esperiensa fondamentałe. Se dixe che eła partesipasion ai conbatimenti, eła vista de feriti e de mutiłasion, el'odor repełente de morti asà a marsir par tera, eło terorisa tanto che el ripensarà a tuto el so modo de vivar. Xe in sto modo ch'el scumisia ad sentir queła ch'eło ciama l'esijensa insoprimibiłe de paxe donà da Cristo,

Eła guera finise intel 1203 e Francesco otien eła libartà grasie a on tratato so i prisioneri de guera che, in caso de małatia, i gaveva da eser liberai drio el pagamento di un riscato. 

Francesco, na olta tornà a casa, el recupara in ciantin ała olta eła sałute pasando tante ore intełe tegnue del pare. Sti posti sconti fa in modo de risvejare in eło un asołuto e totałe amor par eła natura, che eła considara na opara mirabiłe de Dio.

El desiderio de justisia eło porta l'anno dopo (1204-1205) a tentar eła strada de ła crociata. Se trata de ndar a Lece ała corte de Gualtieri de Brienne, par movarse co i altri cavałieri ała olta de Jerusałeme. Partecipar come cavałiere a na crociata jera al ch'el tenpo un de pì alti onori par i cristiani de ponente.
Tutavia rivà a Społeto el se mała oncora e così el torna casa convinto, come el contarà indopo, anca da na rivełazione noturna.

 
Indopo dei fati de ła guera Francesco el jera conbià, el se compagnava speso còi poareti che domandava eła carità e strasoni. A Roma, indove ch'el vien mandà dal pare a vendare na partia de mercansia, el distribuìse i schéi guadagnà ai poareti, e anca el fa cambio col vestio de un ch'el domandava eła carità che el si mete anca eło a domandar inansi eła porta de San Piéro. 

Da quando po, intel 1205 pregando inteła ceseta de San Damian el gà sentìo parlar el Crocefiso, i sitadini de Asìxi i pensava ch'el gavese dà de mato o ch'el se fuse małeà de na influensa małigna. A so dir, dała croce, eła vose del Cristo, ghe gavea dito par tri olte: Francesco, va' e justa eła me casa che, come che te vedi, eła xe tuta en roina.




#Article 104: Trentin-Alto Àdexe (179 words)


El Trentin-Alto Àdexe (in itałian Trentino-Alto Adige; tedesco Trentino-Südtirol) el xe na rejion (13 607 km² 0,9 miłjoni de aneme, cavołogo Trent) de l'Itałia nord-orientałe.
Confina al nord co l'Austria (Tiroło e Sałisburghese), al sudest co el Veneto, al sudovest co ła Lonbardia, al ovest co la Svisera (Canton Grigioni).

El xe formà da łi dò teritori istoreghi de l'Alto Àdexe e de el Trentin.

Par efeto del secondo statuto speciałe entrà in vigore intel 1972, el nome uficiałe de ła rejion xe Trentino-Alto Adige/Südtirol. El primo statuto, del 1948, el ghe asegnava a ła region el nome bilingue Trentino-Alto Adige/Tiroler Etschland (Tera tirołese del Àdexe). La lege de modifica costitusionałe nr. 3 del 18 de otobre 2001 ła gà costitusionałizà ła dision del 1972 (varda l' de ła Costitusion).

Ła rejon ga un teritorio pretamente conposto da montagne, e xe caraterixada da n'ase idrogràfico Nord - Sud costituido dal fiume Àdexe.

Ła conprende łe dò provinse otonome de Bolxan (corispondente a l'Alto Àdexe) e Trento (corispondente al Trentin).

Łe sità prinsipałi łe xe Trento, Bolxan, Meran e Roveredo.




#Article 105: Tajamento (571 words)


El Tajamento (in furlan Tiliment) xe el fiume friulan pì inportante, có nà longhesa de 178 km.

Nase al confin tra łe provinse de Belun (Lorenzago de Cador)
e Udine (Forni de Sora), visin del Paso de ła Mauria.
Intel primo toco el traversa ła Carnia, ła parte nord de ła provinsia de Udine, dopo el fà da confin tra sta qua e ła provinsia de Pordenon prima e ła Provincia de Venesia dopo, infin butandose intel Golfo de Venesia tra Lignan Sabìadoro (UD) e Bibion (VE).

El so bacino idrografego se estende so 2 916 86 km², inte i quałi i vive sirca 165 000 persone. Sto bacino se cata scuaxi interamènte in Carnia e inte łe altre valaàe montane furlane (par l' 86,5% in provincia de Udine).
 
El rexime del fiume xe molto iregołare, scuaxi torentisio. Ła so portata media xe de 92 m³/s a Pinzano e de 70 m³/s a ła foce, ma ła so portata masima inte 'l periodo de piena pol esare considerevolmente magiore. El masimo storico xe stà rejistrà a 4000 m³/s durante ła piena dixastrosa del novenbre 1966.

Łe prinsipałi locałità poste so łe so rive łe xe Latisana e San Michele al Tagliamento.
Inte łe imediae vicinanse del fiume se cata łe seguenti locałità: 

Tolmezzo, Gemona del Friuli, San Daniele del Friuli, Spilimbergo, Casarsa della Delizia, Codroipo, San Vito al Tagliamento.

Ła sorxente se cata a 1195 m de altitudine in teritorio vèeneto, fra łe province de Bełun e queła de Udine, a nord ovest de Forni di Sopra inte i presi del paso de ła Mauria.
El so corso inisialmente xe orientà in diresion ovest-est, paralelamènte a ła catena de łe Alpi Carniche. 
El so primo afluente notevołe xe el Lumiei, che se imete inte el Tajamento da ła sinistra, a 26 km da ła sorxente. A partire da sto punto ła valata prinsipałe se alarga netamente e ła scominsia a esare meno montagnoxa. Poco prima de Villa Santina, riseve el Degano, poi el But, inte i dintorni de Tolmezzo.

Ad Amaro (247 m de altitudine), a 56 km da ła sorxente, riseve el Fela, el so prinsipałe afluente, che ne determina scuaxi el radopio de ła portata d'acua. Poi el corso d' acua curva bruscamènte verso sud-ovest, e se alarga considerevolmènte inte el xiro de calche chiłométro inte ła piana de Osoppo; inte ła parte meridionałe de questa score el fiume Ledra che racojie łe acue infiltràe inte el leto sasoso del fiume. Pì a vale, el Tajamento riseve da destra el torente Arzino, el so leto se restrinxe poi netamente inte ła streta de Pinxano.

Pasà Pinzano el leto de el Tajamento, orientà verso sud, el taca a distirarse inte ła pianura rivando a tre chiłometri de łarghesa da łe bande de Spilimbergo, dividendose inte vari rami. El so alveo fato de jara molto permeabiłe el asorbe squaxi tute łe so acue.

Int'el corso inferior, daspò Codroipo e Casarsa, el Tajamento el vien ałimentà da na parte de łe acue che le gaveva perso daprima e che qua łe vien su in corispondensa de łe risorgive. El leto el se strenxe fin a 180 m de łarghesza e, sendoghe na diminusion de pendensa, el taca a formar de i meandri.

Vanti de desfoxar int'el Adriàtico, el riseve łe acue de un fiume de risorgiva picenin, el Varmo. El desfoxa da fin intra ła Łaguna de Maran e cheła de Caorle.

 




#Article 106: Municipium (113 words)


Inteła Roma republicana vecia, i muniçipi (en łatino, municipium) i xera łe comunità sitadine łegae a Roma, ma prive de i diriti połitisi propri de i sitadini romani: i se destingueva da i federai, che i conservava ła propria sovranità, e da łe cołonie.
Ła major parte de i municipia i conserva i propri magistrati e na çerta autonomia aministrativa. 

Con l'estension de ła çitadinansa romana a tuti i popołi de ła penisoła (49 a.C.) e a tuti i abitanti de l'impero (212 d.C.), i muniçipi i gà perso ła so condision particołare.In età medievałe e moderna ła storia de el conçeto e de el termine se sormonta a queła de el comun.




#Article 107: Inpero Roman (1977 words)


L'espresion Inpero roman ła vien doparà par ciamar e descrivar i teritori sóto el controło de ła Antiga Roma intei secołi dopo de ła nóva organixasion del aseto pułitico de ła Republica Romana da parte de Octavianus Augustus. 
L'Inpero Roman el gà controłà el mondo Mediteraneo e la gran parte del Nord Europa dopo del 31 a.C.; El xe 'ndà in crixi intel III secoło d.C. e se ga dà na nóva organixasion co baxi autocratiche, spostando el só sentro intel levante, indove che col inperator Costantinus el ga vudo na capital nóva: Costantinopołi. Pí dopo, quando che i problemi de gestion i jera deventai senpre pezo, l'inpero xe stà divixo in dó co l'inpero de łevante e co l'inpero de ponénte, ma cusita Roma no ła xe pì stà ła cavedal. L'último inperator roman inte ła metà osidental del Inpero, Romolus Augustus, el xe stà deposto intel 476 d.C.. Ła parte orientałe del Inpero ła xe restà in pié, anca se un s-ciantin a ła 'olta ła ga perso teritori, fin del 1453 co Costantinopołi ła xe cascà in man dei Turchi (varda Inpero Bixantin). I Stati sucesori in osidente (Regno franco e Sacro Inpero Roman) e in oriente (ła Rusia dei Zar) jè 'ndè vanti a doparar i titołi adotà dal Inpero Roman, fin a l'epoca de łe rivołusion.
Łe influense del'Inpero Roman sul modo de governar, ła łexe, ła łengua, l'architetura e tanti altri aspeti de ła vida moderna xe evidenti.

Quando che ła Republica Romana (509 a.C. - 31 a.C.) ła xe rivada a ła fin, Caius Iulius Caesar Octavianus, secondo nevodo de Zulio Cesare e da eło adotà, el ga rinforsà ła só poxision co ła desfata del exercito del só único rival par el poder, Marco Antonio, inte ła bataja de Ansio. Ani de guera siviłe i gavéa łasà Roma squaxi sensa łexe. Però Roma no ła jera gnancora preparà par asetar de esar comandà da un inperator.

Octavianus el ga fato astusia. Per prima roba el ga siolto el só exercito e ga ciamà tuti a łe elesion: xe stà cusí sielto par ła inportante róło de cònsołe. Nel 27 a.C. el ga dito che'l gavaría dà de nóvo el poder al Senado de Róma, e 'l ga dito che ghe gavaría ridà indrío l'Egito (infati el tegnéa ła region col só exercito). Ma el Senado ga refeudà e ghe ga da de sóra anca ła region de ła Spagna, de ła Gallia e anca de ła Siria. No xe pasà masa tenpo che el Senado ghe ga da anca el nome de Augustus.

Augustus el savéa che par goernar da soło no ghe saría servío de esar consołe. 'ntel 23 a.C. ga refeudà sto róło, ma ga vosúo esar serto de aver tuto sóto de łu, e 'l ga catà calche vecio róło republican co i só poderi.

El 27 a.C. e el 23 a.C. i xe i ani piesè inportanti de sta rifórma, co che Augustus ga catà daseno tuti i poderi de inperator de Róma, ma eło, co astusia, se ga fato senpre ciamar Prinsipe o Primo Sitadin, par no darghe al Senado (e a tuti i rółi de ła vecia e deso morta republica) l'inpresion de esar comandài da qûalchidun.

Co i nuvi poderi che l'avéa, Augustus ga meso posto ła diresion de l'Inpero. El ga stabiłío bési senpre precixi in tuto el teritorio; el ga méso suxo na conpagnía de servisio sivil formà da cavałieri e òmeni łíberi (prima i jera soło che s·ciavi) e'l ga prometésto riconpénse ai soldài quando che i gavaría łasà el servisio miłitar.

El xe stà maestro nel spanpanarse dapartuto par l'Inpero, parché cusí i sitadini i se bituava e scominsiava a vołerghe ben cofà só capo: el ga scominsià a tirar suxo i archi de trionfo, el semenava só statue dapartuto, ma queło che al pòpoło ghe piaxea de piú jera i zughi. Anca deso se parla de pax augustea, che saría el regno de Augustus, che'l ga fermà tute łe guere siviłi che ghe jera drento l'inpero. Ła pacificasion de łe guere çiviłi ła xe stà çełebrà come na nova età de l'oro dai scritori e poeti de l'epoca, come Orazio, Livio e soratuto Virgilio. Ła celebrasion de i zughi e de i eventi spesiałi i raforsava ła so popolarità. 

Augusto inoltre per primo el ga creà un corpo de vigili, e na forsa de połisia par ła çità de Roma, che ła xe stà divixa aministrativamente in 14 region.

El control conpleto del Stato el ghe gà permetìo de indicar chi che gaveva da vegner dopo de èło, nonostante el rispeto formałe de ła forma republicana. A l'inisio el s'à rivolto a so neodo Marco Claudio Marcello, fiol de so soreła Ottavia, che'l ga maridà con so fioła Giulia. Marcello però l'è morto nel 23 a.C.: alcuni dei storici vegnùi dopo i ga avansà l'ipotexi che'l fuse stà invelenà da Livia (anca se probabilmente no l'era mìa vera).

Augusto quindi el ga maridà ła fioła a ła so man destra, Agrippa. Da sta union xe nato tri fioi Caio Cesare, Lucio Cesare e Postumo (ciamà cosita parché l'è nato dopo che so pare l'era morto) e i du piesè grandi i xe stè adotè dal nono, con l'intension de farghene i so sucesori, ma anca lori i xe morti zoini. Augusto el ga mostrà de esar contento anca de so du figliastri (fioi del primo matrimonio de Livia) Tiberio e Druso, che i ga conquistà a so nome novi teritori 'ntel nord.

Dopo che xe morto Agrippa in tel 12 a.C., el fioło de Livia, Tiberio, el se ga separà da ła prima mojere, fioła de Agrippa, e el s'à maridà coła vedova, Giulia. Tiberio el gera sta ciamà a dividare con ł'inperador ła tribunicia potestas, che ła gera fondamento del poter inperial, ma poco dopo el se ga ritirà in exiłio vołontario a Rodi. Dopo ła morte inaspetà de Caio e Lucio intel 4 a.C. e 2 a.C. rispetivamente, e ła preçedente morte del fradeo Druso magior (9 a.C.), Tiberio el xe sta riciamà a Roma, e el xe sta adotà da Augusto, che ło ga dexignà inte sto modo so erede.

Si veda anche Albero genealogico Giulio-Claudio e 

Vespasiano l'era stà un Generałe de notevole suceso e el gavéa aministrà tante parti esterne de l'Inpero. 

Fu con Domiziano che i rapporti già tesi tra la dinastia flavia ed il senato si andarono sempre più logorando. Le cause di questo difficile sodalizio furono dapprima la divinizzazione del culto personale dell'imperatore secondo modalità tipicamente ellenistiche ed in seguito il divorzio dalla moglie Domizia, di estrazione senatoria. Anche sul fronte esterno le cose non andavano meglio; nonostante i successi della guerra britannica, finita nell'84, e la vittoria sui Catti,la Guerra Dacica (85-89) finì col pagamento dell'alleanza con Decebalo. Nell'89 Domixiàn gà dovùo reprimare ea ribelliòn de Antonino Saturnino a Magonza. La parte finale del suo regno fu macchiata dalla condanna dei filosofi e, nel 95, dalla persecuzione contro i Cristiani. L'anno seguente Domiziano morì, vittima di una congiura.

Il periodo che va dalla fine del I alla fine del II secolo è caratterizzato da una successione non più dinastica, ma adottiva, basata sui meriti dei singoli scelti dagli imperatori come loro successori. 

Nerva (96-98), un anziano senatore scelto come successore di Domiziano, adottò un eminente personaggio militare, Traiano. Durante l'impero di quest’ultimo (98-117), le conquiste derivanti dalle guerre daciche e dalle campagne contro i Parti, con la creazione di tre nuove province (Armenia, Mesopotamia e Assiria), consentirono all'impero di raggiungere la sua massima estensione.

A lui succedette Adriano (117-138), che accrebbe i poteri del principe rispetto a quelli del senato ed unificò la legislazione dell'impero. Negli anni del suo regno vi fu un periodo di pace, turbata esclusivamente dalla seconda rivolta giudaica (132-135), e l'imperatore si occupò della fortificazione dei confini settentrionali, con la realizzazione del Vallo di Adriano in Britannia ed il consolidamento del confine germanico.
Antonino Pio (138-161), capostipite della Dinastia degli Antonini, continuò la politica pacifica del predecessore, fu un saggio amministratore e riconfermò al senato le prerogative passate, tanto da meritarsi l'appellativo di pio.

Alla sua morte gli succedettero Marco Aurelio (161-180) e Lucio Vero, morto nel 169. 
Il periodo del regno dell'imperatore filosofo non fu felice come i precedenti: dal 162 al 165 vi fu una guerra contro i Parti, nel 166 scoppiò una pestilenza, dal 167 al 175 le campagne contro Marcomanni e Quadi e la rivolta di Avidio Cassio in Oriente misero a dura prova le finanze dell'impero. I prodromi della crisi che investì l'impero romano nel III secolo si fecero maggiormente sentire con la successione al trono di Commodo (180-192).  

Il figlio di Marco Aurelio incrinò l'equilibrio istituzionale raggiunto e con il suo atteggiamento dispotico favorì il malcontento delle province e dell'aristocrazia. Il suo assassinio diede il via ad un periodo di guerre civili.
L'ultimo periodo della pax romana può essere considerata l'età più felice dell'impero romano: tramite la politica di pace instaurata e la prosperità derivatane il governo imperiale attirò consensi unanimi, tanto che Nerva ed i suoi successori sono anche noti come i cinque buoni imperatori.

Lo sviluppo economico e la coesione politica ed ideale, raggiunta anche per l'adesione delle classi colte ellenistiche, che contraddistinsero il secondo secolo, non devono, comunque, trarre in inganno, in quanto da lì a poco l'impero comincerà a mostrare i primi sintomi della decadenza.

Durante il III secolo, le guerre civili, la crisi economica conseguente, l'indebolimento delle difese, la pressione dei barbari, i cambiamenti sociali e religiosi mettono in pericolo l'esistenza stessa dell'impero. Da tale crisi l'impero esce trasformato, ma saldo con Diocleziano, che ne modifica profondamente l'ordinamento.

Nei primi anni del secolo la dinastia dei Severi attua una politica accentratrice ed un processo di relativa democratizzazione. In tale programma si inserisce la Constitutio antoniniana promulgata da Caracalla (Marco Aurelio Antonino) nel 212 che, concedendo la cittadinanza romana a tutti gli uomini liberi residenti nell'impero, sana le disparità giuridiche, fiscali ed amministrative. 

Nel 235, l'assassinio di Alessandro Severo apre un periodo di anarchia militare, durante il quale si susseguono  numerosissimi imperatori che restano in carica pochi mesi, o anche pochi giorni. In tale situazione prevalgono gli interessi particolari delle differenti parti dell'impero che cercano di risolvere con interventi pragmatici i problemi che il potere centrale non è in grado di risolvere. 

Le spinte eccentriche vengono in qualche modo frenate dall'imperatore Diocleziano istituendo la tetrarchia, un regime collegiale di due Augusti e due Cesari che amministrano raggruppamenti distinti di province dell'Impero, accresciute in numero e riunite in diocesi. In questa circostanza anche l'Italia viene suddivisa in province. Più in generale si verifica in questi anni una progressiva marginalizzazione delle aree più antiche dell'impero a vantaggio di un oriente, forte della tradizione ellenistica, assai più prospero quanto a politica amministrazione e cultura. Ciò crea i presupposti per il frazionamento dell'impero che avviene di fatto nel 395, alla morte di Teodosio I. 

La pressione dei barbari ai confini e l'enorme estensione degli stessi rende l'esercito garante della sopravvivenza dello Stato ed il comando delle truppe è affidato ad ufficiali di carriera, che sostituiscono nell'incarico i senatori, spezzando il già labile legame fra il potere costituzionale e quello militare ed aprendo agli ufficiali la  possibilità di ottenere cariche di notevole importanza nell'amministrazione dello Stato. Inoltre la necessità di frequenti leve estende il reclutamento a cittadini di tutto l'impero e, poi, anche ai barbari. Lo spopolamento delle campagne, dovuto sia alla crisi militare, sia alla scarsità di manodopera servile, porta ad una crisi economica, aggravata dall'insicurezza delle vie di comunicazione che causa la riduzione dei commerci. La necessità di mantenere in efficienza gli eserciti comporta un inasprimento fiscale e la conseguente inflazione provoca un aumento dei prezzi che colpisce soprattutto le città. Pestilenze e catastrofi naturali aggravano la situazione con un imponente calo della popolazione.

Sora łe bataje:




#Article 108: Provincia de Verona (336 words)


La Provincia de Verona l'è na provincia italiana del Veneto de 925 000.                   Lè la seconda provincia del Vèneto e del Triveneto par numero de abitanti ( dopo chela de Padoa). El só capoluogo l'è apunto la çità de Verona e la confina a Nord col Trentin-Alto Adexe (Provincia de Trento), a est co la Provincia de Vicensa e co la Provincia de Padova, a sud co la Provincia de Rovigo, a sud e a ovest con la Lombardia (Provincia de Mantoa e Provincia de Brescia).

El teritorio de la provincia el ciapa drento la zona dei a Nord, la Pianura Veronexe (che i ghe ciama anca la Basa) a Sud, e a Ovest la zona del Lago de Garda, del Baldo e dela Val d'Adexe.

La provincia de Verona lè la seconda provincia del Veneto par estension, dopo chela de Belùn. El teritorio veronexe lè composto par el 51% da la pianura, par el 28% da coline e par ell 18% da montagne inveze la superficie lacustre del Lago de Garda la rapresenta el 5% de la superficie de l'intiera provincia.

La provincia lè formà da macro aree:

La provincia de Verona la fa parte de na zona climatica  del tipo continental, con inverni fredi ed istà calde e afose, ma influenzà anca da le Alpi. A diferenza del clima de bona parte del veronexe, la zone del Lago la gà un clima de tipo sub-mediteraneo. La tenperatura media anuale la varia dai 9 °C registrà da la stazion meteorologica de San Bortolo (na picola frazione de Selva de Progno) ai 14 °C misurà a Salizol. La zona con tenperature piasè la se estende drio na direzion che la va da NO a SE: scomiziando dal lago de Garda (doe la gran quantità de acqua la mitiga asè le condizion locali)e rivando a un nucleo caldo colocà inte la Basa Veronexe.

La provincia la conta calcosa come un zentenaro de comuni.

Tra i comuni piesè grandi se pol nominar anca San Bonifacio, Bovolon e Cerea.




#Article 109: Łago de Garda (558 words)


El Łago de Garda (]; par łonbardo Lach de Garda ]), o Bènaco (]) el xe on łago intrà el Vèneto, Trentin e ła Łonbardia. El ga na estension de 370 km e 'l xe el łago pì grando de ła Venesia ła Łonbardia e de'l Stado tajan e 'l 34° de ła Eoropa.

Ła xona a nord de'l łago en ła xe łonga e strucada e ghe zira torno montagne pì alte de 2000 metri, chełe pì alte łe fa parte deyl Grupo de'l Baldo. El sud de'l łago el ga torno cołi de formasion morenega: el xe retenjùo dalbon che ła orixane de'l łago ła sipia stà cauxà da on jasar. El flume Sarca el xe el prinsipałe imisario intrà i so 25 chel ga, e intrà sti 25 ghe xe anca el Aril, łongo soło che 175 metri, che el xe ritejnùi esar el flume pì curto de'l mondo. El prinsipałe emisario de'l łago el xe el flum Mincio.

El Łago de Garda banja tre rexoni: el Vèneto, ła Łonbardia e 'l Trentin Sudtirol e defarenti comuni: en provinsia de Bresa ghe xe Sirmion, Dexensan de'l Garda, Padenghe, Moniga, Manerba, San Fełixe de'l Benaco, Sałò, Gardon de Riera, Toscołan Maderen, Gargnan, Tignal, Tremoxin, Łimon so'l Benaco, en provinsia de Verona ge xe Peschiera, Castelnovo, Łasixe, Bardołin, Garda, Tori, Brenxon, Malsexen e par ultimi en provinsia de Trent el toca Riva, Nago-Torbol e Łeder.

Inte el lago ghe xe sincue ixołe: ła pì granda l'è l'ixola de el Garda e łà rente ghe xe anca l'ixola de San Biajo ciamada anca de i Cunich, tute e dó łe xe fora de San Felice del Benaco, envèrs Salò en ła costa de Brixia. intrà łe pì picenine ghe xe l'ixola de 'l Olif, l'isola de el Sojn e l'isola de 'l Trimelon endè la costa veneta enfrè Malsexen e Brenson.

El clima mite el gà parmetùo el cresare de tante plante mediterane (enfrà ste cua l'olivaro), e el ga fato in manjiera che el Lago de Garda el deveniese na stasion toristega mondiałe. Senpre intrà łe pì conosu, ghe le xe le limonàre, che col clima che ghe xe, i sta ben anca de inverno. 

Le spese de pesi che ghe xe inte el lago le xe pì de trenta, e una la ge xe solque qhi: el carpion. Le altre speçe pì de valor le xe: l'Agone, l'Alboreła, ła bixata, la Botatrice, la Carpa, el Cavedano, el Lavarello, el Luçio Marin, el Persego reale, la Tenca, la Trota fario e el gambaro de acua dolse.

El Lago de Garda el xe sta nominà in racuante opare de łiterare: partè i carmi de el poeta latin Catullo (que enxonta el xera de naçida veronesa et el gaveva na vila en Sirmion), et pò anca da Virgilio, naçiù endè la sona de Mantova, et que de el lago el ga scrit cosita:

(traslaçion: Pù de çinqueçento homeni que el Mezenio el mena en bataja envers de el steso; i qhai, paradi (proteti) da el lor pare Benaco co canoça de blu, el Minçio el porta co le sò onde en ruo vasel.

et anca Dante el gà scrivest na terçina su de el:

(traxlasion: la intè la bela Italia el ghe xe on lago a el piè de l'Alpe che granda la lo sorasta, el ga nome Bènaco)




#Article 110: Asociasion Calcio Ceo (731 words)


LAssociazion Calcio ChievoVerona l'è la squadra de balòn del Ceo (ital: Chievo), un quartier de Verona. 
El campo 'ndo che i zuga l'è el stadio Marcantonio Bentegodi de Verona (42.160 posti da sentarse). I colori de ła squadra jè cuei dela çità de Verona, e cioè el gialo e el blu. Ale olte i ghe ciama anca la squadra de ła Diga, parché vissin al Ceo ghè propio na diga su l'Adexe.

El Ceo l'è stà fondà ancora nel 1929, ma sà dovesto spetare el 1986 parché el 'ndese tra i professionisti zugando nel campionato de Serie C2.

Nel 1994 l'è festa granda al Ceo: l'alenator Alberto Malesani el gà portà la squadra fin in Serie B. 

Nel 2001, quando nisuni se lo spetava, riva la promossiòn in Serie A. Tuti i Itałiani i resta a bóca vèrta, visto che el Ceo ała fine dei conti l'è solo un quartier de domìla e çinqueçento anime ała periferia de Verona. In più cosita i vien messi a taser na olta par tute i tifosi del'Hellas Verona (l'altra squadra de ła çità, ben più conossùa), che i se godéa a tór in giro cuei del Ceo disendo che solo quando i mussi i volarà faremo el derby in Serie A. Da de lora i tifosi del Ceo i se fa ciamar anca i Mussi Volanti. Tra l'altro bisogna dir che l'ano dopo è stà zugà el primo derby col'Hellas, che l'è stà veramente na festa par tuta la çità, ma chel'ano lì l'Hellas l'è 'ndà in Serie B, cosita nei ultimi ani la squadra piessè importante de Verona l'è stà el Ceo e no sà più podùo far el derby.

Neła stajion 2001-02 la squadra, in tel giron de andata, la rieçe parfin a battarse per el scudeto, deventando la rivelassion del campionato: pensè che a metà del giron de andata i zugadori del Ceo i sà catà parfin al primo posto de ła classifica, con çinque ponti de vantajio suła seconda (tra le varie partìe da tegnerse inamente, a ghè stà presempio un Inter-Ceo 1-2); nel giron de ritorno jè stà però ciapadi da chełe altre squadre che no le ghe stava mìa a farse bàtar dai ultimi rivadi: ała fine jè rivà comunque quinti podendo nare cosita in teła Coppa Uefa l'ano dopo, in dove che però jè stà butà fóra subito al primo turno dała Stela Rossa Belgrado.

La stajion dopo el Ceo el fa ancora un bel campionato rivando 7°, anca se al'ultima jiornada l'è stà passà via dal Parma e dal'Udinese.

Neła stajion 2003-04, sicome che ghè tocà vendar i sò zugadori piassè importanti (Lupatelli, Corini, Legrottaglie, Luciano), jè rivà solo al 9° posto.

La stajion dopo è 'nda via dal Ceo Perrotta e el mister Gigi Del Neri, che l'era stà l'alenator del miracolo, e al sò posto ghè rivà Mario Beretta: con lu el Ceo el se salva par un gnente dała retroçession, graçie a do vitorie e un parejio in tełe ultime tri jiornade.

In teła stajion 2005-06 el Ceo, allenà staolta dal mister Bepi Pillon, l'è riuçìo a star sempre in teła prima metà de ła clasifica de Serie A, façendo un campionato da Dio e con dei bei risultati contro le squadre lìder del campionato (Ceo-Milan 2-1, Ceo-Juve 1-1), rivando infìn a qualificarse ała prosima Coppa Uefa na jiornada prima de ła fine del campionato. Ma con tuto el spolvaròn che è vegnù su con Calciopoli, el Ceo el sa catà parfin a essarse qualificà par la prima olta in teła so storia ai preliminari de ła prossima Champions League, visto che la Juve l'è stà mandà in Serie B e a Milan, Fiorentina e Lazio ghè stà cavà dei ponti. 

Pecà che dopo i sia stà batùi sia ai prełiminari, sia al primo turno de Copa Uefa, a cui i gà parteçipà come da regołamento esendo stà ełiminè dała Champions. Ma evidentemente l'era propio un ano scarognà par el Ceo, che ała fine deła stagion 2006-07 l'è stà retroceso in B al'ultima giornada, nonostante che el ritorno del mister Del Neri (asunto a metà canpionato al posto de Bepi Pillon) el gavese svejà fora na s-cianta ła squadra. Dopo sié stagion in A, el Ceo el torna cosita in serie B. In te la stagion 2007/08 el Ceo el ga vinto el campionato de Serie B e l'è sta promoso in A.




#Article 111: Hellas Verona Football Club (1437 words)


El Hellas Verona Football Club, ła xe na scuadra de bałon vèneta de serie A, fondà 'ntel 1903 col nome de Hellas 'nte ła çità de Verona. In tei ani pasadi ła xe stà senpre ciamada soło Verona, parché la jera l'unjoła scuadra çitadina che la xugava in tei canpionai de Serie A o de Serie B. Al dì d'ancó, sicome che anca chel'altra scuadra de Verona, el Ceo, la s'à fato conósar in tuta Italia, de solito par distìnguarle se parla de Hellas e Ceo o Chievo.

L'Hellas el pol vantarse de esar stà, da cuando gh'è el canpionato co on xiron solo, l'unjoła scuadra de balòn (insieme al Cagliari) a ver vinsesto on scudeto (inte ła stagion 1984-85) anca se la xe na scuadra provinçiałe, fora dal giro de chełi che conta. Chełi ani là del scudeto el xe stà el periodo mejo de ła squadra, che el xe rivà par tri olte inte ła finałe de Copa Italia. Ła scuadra ła gà xugà 24 canpionai de serie A e 49 de serie B (rècor de prexense in te ła serie cadéta, insième col Bresa).

I cołori i raprexenta la çità, e 'nte ła divixa de ła squadra gh'è anca el stema de Verona (na croxe xała so fondo blu). Du soranòmi de ła squadra i  xe i mastini e i scalixeri, che i se riferise a Mastin I de ła Scala de ła Signoria de ła Scala, che el gà tegnù la çità intel tredaxexemo e in tel cuatordaxexemo secoło. 
El stèma aràldego dei Scalixeri el se cata so ła maja che ła vien doparada par xugar e in tel marchio soçetario cofà on'imàjine stiłixà de do mastini che i varda in diresion oposte.

Mesa sù nel 1903 da un pochi de studenti del liceo clàsico Scipione Maffei, ła squadra l'è stà ciamà Hellas, che l'è el nome con cui i Greci i ciama ła só patria, scoltando ła proposta del profesor Corubolo, che l'insegnava apunto el Greco. In chei ani là el balón el se zugava sul serio solo in te łe grande çità del Nord-Ovest del'Italia, e la major parte dei Veronexi ghe interesava gnente de sto spor. Però, quando che dó squadre de ła çità łe gà decixo de nar a zugar in Arena, la xente la gà scominsià a intersàrsene.

In sti primi ani l'Hellas l'era una de łe tri-quatro squadre che zugava a livel muniçipałe, batendose coi nemiçi de ła Bentegodi par decidar ci era el più forte in çità. In te ła stagion 1907-08 l'Hellas el sà méso a zugar contro squadre dela region, scominsiando na rivałità col Vicensa molto sentìa fin dèso.

Nel 1911 la squadra la gà scominsià a parteçipar al canpionato regionałe, che fin al 1926 l'era ła faxe de quałificassion par el titoło nassionałe.

Nel 1919, dopo la Prima guera mondiałe, la squadra la sà fuxo insieme coi rivali del Verona, canbiando el nome in Hellas Verona. Dal 1926 al 1929 nel Campionato Nassionałe gh'era tute le mejo squadre dei vari grupi regionałi, e l'Hellas Verona el gh'era anca lu, anca se no'l faxea grandi robe.

Al'inissio de ła Serie A, in tel 1929 quando che el Canpionato Nassionałe l'è deventà un canpionato de profesionisti, l'Hellas el sà fuxo con altre dó squadre veronesi, el Bentegodi e ła Scaligera, deventando A.C. Verona e zugando nel canpionato de Serie B. Ghe vorà comunque 28 ani parché el riva in Serie A. Dopo de ver zugà in A par la stagion 1957-58, nel 1959 la squadra la sà fuxo de nóvo con n'altra squadra veronexe (che se ciamava anca sta chì Hellas) e i sà méso el nome de Hellas Verona F.C, in omàgio ałe só origini.

La strutura de ła squadra la xera bona che no se sa: i gh'avea vinto el canpionato de serie B, xera 'ndai do olte de seguito in finale in Cópa Italia e i gh'avea pena fato do canpionati in serie A in dove che a un terso del canpionato i xera primi in clasifica. 
El tènico el xera uno tipo svejo, brao che no se sa; i tifoxi i tegnea su ła squadra e i ła inzitava senpre a far bèn.
In più 'ntel'istà del 1984 è rivà anca do zugadori foresti bei ciosi, el nassionałe todesco Hans Peter Briegel e el nassionałe danese Preben Elkjear Larsen, che i ghà dato subito ała squadra cheła parte de esperiensa e de potensa che l'era mancà 'ntei ani prima.

La formassion-tipo che ghà vinto el canpionato la xera: Garella; Ferroni I, Marangon I; Briegel, Tricella, Fontolan I; Fanna, Volpati, Di Gennaro, Galderisi, Elkjaer; el mister l'era Osvaldo Bagnoli. Tra le riserve, ghe jera Luciano Bruni, Luigi Sacchetti e Fabio Turchetta.

Tra łe partìe da tegnerse in mente de chel'ano ghe n'è almanco dó: la prima l'è queła in caxa contro ła Juve 'ntel 14 de otobre 1984 (quinta giornada), vinta 2-0 con Elkjaer che gà fato un gol descalzo a Tacconi, parché el gavéa perso na scarpa durante el zugo; la seconda l'è queła al stadio Friuli de Udine (10 de febraro 1985, disdotéxima giornada), quando i veronexi i gà batùo l'Udinexe par 5-3 in te na partìa incredibiłe, metendo a taxer cuei che dixea che i zugadori ormai no i gh'avéa più forsa 'ntełe ganbe. Tra i altri epixodi de ła stagion: tri vitorie una dopo l'altra (conpresa na partìa mìa façile vinta contro la Roma 1-0), che le ghà fato védar a tuti che la squadra l'era 'ncora svéia e 'n ganba anca se chełe altre squadre łe stava rimontando; e un pari 1-1 a Bergamo co l'Atalanta, che gà fato vénzar el titoło na giornada prima de ła fine.

Chel'ano lì el Verona el gà finìo con quìndexe vitorie, trédexe paregi, solo do sconfite e 43 ponti, 4 piesè del Torìn, col'Inter e la Sampdoria in tersa e quarta poxission.

El scudeto del'Hellas Verona de Osvaldo Bagnoli, vinto propio quando tuti i piesè brai canpioni de bałon del'epoca (Platinì, Zico, Maradona, Socrates, Rummenigge ecc..) i zugava in Italia, l'è stà na roba che probabilmente no vegnarà mai più, forsi l'ultimo de un çerto modo de zugar a balon.
L'è stà un scudeto stramerità e sensa màcie, otegnù dopo ła longa cavalcada da sołi scominsià in te ła prima giornada de canpionato, che l'ha podùo sucédar anca grassie al fato che in chel'ano lì, par l'unica olta in tuta ła storia del calcio italian, łe dexignassion dei arbitri jè stà fate col sistema del sortegio totałe.

Hans Peter Briegel, Luciano Bruni, Antonio Di Gennaro, Dario Donà, Pietro Fanna, Mauro Ferroni, Silvano Fontolan, Giuseppe Galderisi, Claudio Garella, Preben Elkjær Larsen, Antonio Lonardo, Fabio Marangon, Luciano Marangon, Luigi Sacchetti, Sergio Spuri, Roberto Tricella, Franco Turchetta, Domenico Volpati, alenator Osvaldo Bagnoli.

L'Hellas Vèrona ga debutà nele competisioni internasionali partesipando al torneo Anglo-'Taian in tei primi ani 70, Vegnendo fora prima tra le squadre 'taiane in te un torneo dominà da quele inglesi.
In tel 1982-1983, sicome la gavea vinto el campionato de serie b l'ano prima, l'Hellas Verona ga partesipà al Mitropa Cup, in doe però no ga otegnesto risultadi degni de nota.

L'ano dopo finalmente la ga debutà in te na competision internasional de gran livelo ma la squadra in Coppa UEFA in tel 1983-1984, dopo che la gavea superà el primo turno co na bela vitoria sul campo dela Stela Rossa de Belgrado, le sta eliminà dai austriasi de lo Sturm Graz (2-2 a Verona, 0-0 a Graz). 

La stagion 1985/86 la ga visto la squadra in Copa Campioni grasie alo scudeto che la gavea vinto l'ano prima. In tei sedicesimi l’Hellas la ga incontrà el Paok de Salonico, in tei otavi, la ga catà laJuventus che la gavea vinto la copa l'ano prima e quindi de dirito amesa al torneo de l'ano dopo. La partia de andada l'era al Bentegodi e i ga fato 0-0. Quela de ritorno i ga xugà aTorin a porte serà (par via dela sansion che l'Uefa ga dato ala Juve l'ano prima par colpa dela final de l'Heysel Bruxelles contro el Liverpool) finia 2-0 par la juve, anca se l'arbitro Wurtz ghe na combinà una par color.

Inte ła stagion 2001-02, quando che el Ceo l'è rivà in Serie A, Verona l'è deventà la quinta çità tajana ad averghe un dèrbi de Serie A (el dèrbi de ła Scala), dopo de Milàn, Roma, Torìn e Genoa. El primo dèrbi, zugà al'undicesima giornada, quando che łe do squadre veronesi le jera inte i primi quatro posti de ła clasìfica, l'è stà vinto dal'Hellas par 3-2; el Ceo el gà vinto el ritorno con un 2-1.




#Article 112: Luigi Meneghello (371 words)


Luigi Meneghello (nato a Malo, Vicensa, nel 1922 - morto a Thiene el 26 de giugno, del 2007) el xe stà un scritor italian.
El só primo libro, Libera nos a Malo del '63, el xe ritegnù 'ncora deso dai critici come una de łe opere leterarie piasè rapresentative del Nóvesento.
Dal só libro I piccoli maestri (1964) el xe stà fato anca un film nel 1998 direto dal regista Daniele Lucchetti.

Nato a Malo nel 1922, un paexe de canpagna in provincia de Vicensa, Meneghello el frequenta l'Università de Padoa, in dove ch'el se làurea in fiłoxofia; ghe tóca però asàr lì i studi durante la guèra (tema che, insieme co ła rexistensa, el vien contà in tel libro I piccoli maestri). 

Ła particołare storia de Meneghello ła xe indicativa del personagio, soratuto dopo che ła fameja ła se trasferise da Malo a ła çità: dopo de 'ver frequentà i primi ani de liceo, Meneghello el se ritira parchè drìo lu i studi i xe masa lenti e el finise el liceo par conto suo, faxendo i ultimi dó ani in uno solo (difati el ciapa el diploma de maturità a soło sedex'ani). Dopo del'8 setenbre, Meneghello el entra a far parte, insieme co i só conpagni sbandati, del Partito d'Asion. 

Nel 1947 el fonda e el dirige la càtedra de łeteratura itałiana al'Università de Reading in Inghiltera. Dal''80 el vive faxendo 'vanti e indrío tra Reading e Thiene, in dove el va a star na òlta par tute al'inisio del 2000, quando ghe móre só mujér.

Ła poetica de Meneghello la xe particołarìsima: l'anbiente de paexe de Malo el fa da fonte d'ispirasion par łe prime opere come Libera nos a Malo e Pomo Pero, caraterixe da na lengoa tuta sua, na lengoa itałiana leteraria con contaminasion dal diałeto vixentìn e con tante cólte citasion inglexi. 
Łe tematiche łe và dal contar łe robe picenine che capita tra ła xente, ai episodi de fameja che serca de contar, in vena umoristica, de na società contadina che al dì d'ancó ła xe drio sparire, a łe storie de ła guera, par rivar in fine al periodo inglexe (del “Dispatrio”).

El xe morto a Thiene el 26 de giugno del 2007.




#Article 113: S-cianco (289 words)


El s-cianco a l'è un vecio zugo popolar che'l ariva dal XV secòlo. I'è zugà in tante lande par l'Europa, e se despùtano cuàltanto pali internasionałi.
A seconda deła region el xe nominà in manière destrànie.

El se zuga dopàrando dó tochi de legno, uno piesè longo che l'è el mànego, e uno piesè curto che el se ciama apunto el s-cianco, e ch'el gà do ponte ai lai.

Dapò le tri macàde de slontanàmento, el tacànte el dixe ła mexùra in maneghi del travàło tra ło s-cianco e el sèrcio piciolo.
La scuàdra che la defènde la pol asetàr el travàło o dubitàr. S'ei asèta, ła scuàdra che taca la cata el nùmero de maneghi che'ei ga dito.
Se la scuàdra che la defènde la dùbita, se pàsa ała misurasiòn de li albìtri. 
Se el nùmaro de maneghi 'l è stèso o maxòr de quei che el ga dìto, quel ch'el tàca sdòpia i maneghi, se 'lè manco el vien eliminà con xero maneghi.
    

La vìnse la scuadra che manman le tri òlte che tàca gà catà piassè maneghi.

Ormai no ghè pì nisuni che zuga al s-cianco in giro par łe strade, parché è canbià tante robe: no se połe più zugar par strada parchè pasa le màchine e le te stira se no te stè ténto, è rivà la banbàna e quindi i bocia i gà una saco de altre robe par pasàrse via, e insoma el s-cianco l'è stà quasi desmentegà. Comunque ogni tanto i organìzza ancora qualche manifestasion nełe piase e i fa dei tornei de s-cianco che ghe va un bel po' de xente a védarli, parché questo e chialtri zughi de na olta jè 'ncora na roba che sùsita un certo interèse.




#Article 114: Aril (114 words)


El fiume Aril, dito anca Ri, 'l è un de i 25 fiumi che i entra inte el Lago de Garda. El score par intiero inte la frasion de Cason del comun de Malsexen inte la provincia de Verona. 

'L è conosuo parché 'l è longo solo che 175 metri, e par cuesto se dixe che 'l è el fiume piasè curto del mondo. Inte el sò curto viajo 'l è traversà da tri ponti e el gà parfin na cascada.

Sto fiume el nase da na boja che la fa un lagheto che 'l è na resèrva de pesca protèta, parché le trote le remonta el só leto par métar xò i vovi.




#Article 115: El Miłion (195 words)


El Mijon o Miłion (ital.: Il Milione) l'è un libro sagistico e biografico che è stà scrito dal mercante venesian Marco Polo, indove ch'el conta del so viajo in Cina (dove l'era restà a vivar par tanti ani), e de łe robe che el gà visto e de łe storie che el gà sentìo dir durante sto viajo.

El xe stà meso par iscrito in te na prexón genovexa da un frate de nome Rustichello da Pixa, con Marco Polo che ghe detava, doparando la łéngoa d'Oïl (che ła sarìa ła lengoa da dove dopo è vegnù fora el françexe moderno) col titoło de Le divisament dou monde; dopo de lora l'è stà tradoto anca in latìn e in altre lengoe europee, e l'è deventà subito un suceso leterario del'epoca.

Purtropo però el manoscrito originałe l'è ndà perdù, e cuei copiè dal'original o tradoti che n'è restà, speso i dixe uno na roba e uno n'altra, cosita no se capise mia ben come che la fuxe ła version original.

El nome Miłion el vien dal soranome con cui ła jera conosùa ła fameja dei Polo a Venesia, probabilmente parché un só antenato se ciamava Emilione.




#Article 116: Łesinia (314 words)


La Lesìnia l'è na zona giografica che la se tróva par la majior parte in teła provincia de Verona e un tochetìn anca in cueła de Vicensa. L'è praticamente un tòco de łe Prealpi Venete quasi par conto suo: 
a Nord l'è serà dała Val dei Ronchi, beła fonda e selvajia, e dal maestoso grupo del Carega, a Est dała Val Leogra, a Sud dal corso dell’Adexe e dal'alta pianura veronese e a Ovest dała Val d'Adexe. L'è solcà da un saco de vałi che dai pascoli piassé alti le va zó e le se destende a ventajio verso Verona e la pianura. Andando da Ovest verso Est, catémo le vałi de Fumane, de Maran e de Negrar (che tute insieme le fa la Valpolesela, che però l'è na definision storica pitòsto che giografica), e dopo la Valpantena, el vajo de Squaranto, la val de Mezàne e cueła de Illasi, la Val Tramegna, la Val d'Alpone, la Val del Cianpo e la Valdagno. Le cime a Nord-Ovest le va dai 1500 ai 1800 metri, el grupo del Carega a Nord-Est invese el supera i 2200, mentre la zona centrałe la stà tra i 1000 e i 1300 metri.

El nome Lesinia vien dal dialeto bavarese che se parlaa su l'altopian. Lietzsen - valigian o omo dei monti - l'è diventà Lesinia. I abitanti de la Lesinia vien da la Baviera. El vescovo de Verona, nel secolo XII, gha domandà al vescovo de Monaco de la gente par colonizar l'altopian che l'era udo. Quando i studiosi veronesi gha volesto saver l'origine de sta gente i gha domandà 'voialtri, ci sio', e lori i gha rispondio Tzimber, che volea dir tajaboschi. I abitanti de la Lesinia no i è mia latini, i è de origine todesca, ma no i è cimbri. Che i sia cimbri se trata de na legenda che tanti voria far creder vera.




#Article 117: Siense nadurałi (114 words)


Le siense nadurałi łe xe una de łe do branche de ła siensa (l'altra ła xe łe siense soçali). Drento łe siense nadurałi ghe xe i aspeti fixeghii, chimeghi e bioloxeghii de ła Tera, de l'Universo e de łe varie forme de vita, tra ste cuà anca l'omo. Le siense de ła tera e le siense de la vita le fa parte anca łore de łe siense nadurałi.

In xenare łe siense nadurałi łe ga el conpito de dar na spiegasion ai fenomani oservai inte el universo traerso el metodo sientifego, o sia fare ipotexi so ła baxe de dati tolti sù dopo on atento studio e de conseguensa creando e verifegando modełi sperimentałi.




#Article 118: Mar Jonio (493 words)


El Mar Jonio o anca Mar Ionio (in itałian Mar Ionio, in albanexe Deti Ion, in greco Ιóνιo Πέλαγoς, Ionio Pelagos) el xe na porxion del Mar Mediteraneo.

Ła se cata intra łe coste de ła Sicilia e de ła penixoła itałiana a ovest e chełe de ła penixoła balcanica a est. El se cołega a nordest col Mar Tiren tramite el Streto de Mesina, a nord col Mar Adriàtego grasie al Canal de Òtranto, a sud comunica diretamente col Mar Mediteraneo.

Łe so calanche pi' grande indando in senso orario da ovest verso est le xe, el Golfo de Noto, el Golfo de Catania, el Golfo de Sciłaċe, el Golfo de Taranto, el Golfo de Patraso, el Golfo de Córinto, el Golfo de Arcadia, el Golfo de Mesènia.

No converse un area molto granda, ma el ga na gran fondità (5.267 m), ła masima del Mar Mediteraneo. Ła so parte meridional ła forma el Basin del Jonio (fondo sirca 4000 m), separà da ła piataforma continental dała Scarpata Siciłia-Malta a ovest, dal Rialso de Mesina a nordovest e dała Platea Sałentina a nord. Intra łi primi do tochi de scarpata se cata el Canion de Mesina, tra staltri do ła Vałe de Taranto . A est invese se cata ła fosa oseanica Ełenica e el bordo de ła Dorsal Pełoponeso-Creta.

El Mar Jonio coverse inteła so parte osidentale e setentrional łe piataforme continentałi africana e eoropea, inteła so parte mexana un vecio fondal oseanico, e a oriente un arco insułar. El fondo oseanico el xe un rełito del vecio Oseano Tetide, formà intel mesosoico, l'arco invese el xe ancora in formaxion. Tuta l'area ła xe sogeta a sismisità ełevata, łe coste sudosidentałi e orientałi łe xe a riscio de zunami.

El xe misià in superfisie da na circołaxion co verso antiorario e intensità de 0,4÷0,7 nodi; int'el Golfo de Taranto ghe xe na circołaxion secondaria col steso verso.

Łi fiumi pi' inportanti che łi se jeta intele so acue łi xe l'Achelò, e l'Alfeo; tra i pi' łonghi se ga da sitar i fiumi łucani Basento e Agri, tra chełi col basin pi anpio el siciłian Simeto e tra chełi co ła portata pi' granda l'epirota Aracto.

Łe ixołe pi grande łe xe Corfù, Łeucade, Ìtaca, Sefałonia, Xante.

El bagna łe coste de l'Itałia (rejon de Siciłia, Całabria, Baxiłicata, Puja), de l'Albania (contea de Vałona) e de ła Gresia (Periferie de le Ìxołe Jonie, de Epiro, de Gresia Osidental e de Pełoponexo).

Łe sità pi' grandi łe xe Catania, Mesina, Regio Całabria, Siracuxa, Taranto e Patraso.
Tra łi porti petrołiferi se pode ricordar Augusta.

No el xe un mar particołarmente pescoxo, ła pesca pi' inportante ła xe cheła del tón praticada soratuto su łe coste orientałi e sudosidentałi. Se ricorda anca ła pesca del pese spada fata senpre tra Siciłia e Całabria, e l'ałevamento de peoci a Taranto.

So ła costa visin Croton se estrae gas naturałe preso el canpo de Luna.




#Article 119: Ciao (220 words)


Ła paroła ciao ła xe un sałudo amichevole e informałe de ła Łengua vèneta, che el se dòpara sìpia co se se cata e sìpia co se va via.

Ciao el ven da ła paroła veneta s-ciào (o s-ciàvo) che in italian vorìa dir schiavo o servo [vostro]. Sałudar dixendo ciao l'è quindi conpagno de dir son servo tuo, sò a to dispoxision. Sto sałudo el jera doparà da tuti, sensa distinsion de clase sociałe.

El termine originałe s-ciào el existe ncora dèso in te ła łengoa veneta, doparà come esclamasion o par esprimar rasegnasion e in te'l diałeto bergamasco, brescian e ticinese par esprimar soliévo par 'vérsela cavà da un qûalche guaio.

L'espresion ciao pì! più o meno vorìa dir (ironicamente) te sałudo!, variabił a seconda del contesto, ma che più o meno la esprime na reasion de sorprexa co sucede qûalcosa che no se se spetava.

Ła paroła ła sà difuxa in giro par el mondo co łe varie migrasion dei itałiani, ła xe una de łe parołe de ła lengoa itałiana piasè conosùe al mondo e la xe entrà come sałudo informałe anca in te'l lèsico todesco (Tschao), ungherese, e scrito come čau in ceco e slovaco. Sto sałudo el xe difuxo anca in altre lengoe come el fransexe (Tchao), el spagnoło (Chao/Chau) e el portoghese (Tchau).




#Article 120: Alpe (244 words)


Łe Alpe łe xe na ca cadena montuosa de l'Eoropa sentro meridional.
Łe se slonga intra Mònaco, Fransa, Svìsera, Liechtenstein, Germania e l'Austria verso ovest e nord, senpre l'Austria, ła Itałia e ła Slovenia a este e a sud.

Łe Alpe drénto el stato itałian łe se slonga dal Friułi, pasando pa Vèneto, Trentin, Lonbardia, Vałe d'Aosta el Piemonte e pa ùltima ła Liguria.

Considerando ła estension, ła majoransa łe xe cata inte łi stati de oltralpe.
El monte pì alto el xe el Monte Bianco chel fa 4 810 m e xe considarà el teto de Eoropa.

Ła formasion de sta cordijera ła xe conplesa e prodota de na serie de movimenti tetòneghi prodoti intel Mexoxoico  e al Senoxoico , che i ga interesà da el Magreb fin i Urałi.
Ła existensa de fose marine grande so ste rejon e el so saramento posterior dovúo a ła convergensa de łe plache continentałi africana e europea el ga provocà enormi piegamenti, sol senso norde-ovest prima, e daspó in senso sud-este.
Sti piegamenti łi xe stà cauxai de na serie de despiasamenti de łe plache sedimentarie inte ła diresion precixa.

Ła storia rexente de rimodełamento morfologico de łe Alpe el taca co ła fin de ła ùltima giasasion 15 000 ani indrio.

Łe Alpe le xe inportantìsime pa difarenti raxon, prime fra tute, parché łe influensa el clima, teritorio e economia, sensa desmentegar el aporto de aqua che łe ne dà grasie a i giasari.




#Article 121: Baxéłega de Sant'Antonio (Pàdoa) (112 words)


Ła baxełega de Sant'Antonio, dita anca el Santo, ła xe una de łe céxe piesè famoxe de Pàdoa, e ła xe dedicà a Sant'Antonio da Padoa, le cui rełìchie le xe custodìe proprio cuà.

Ła costrusion de ła baxełega se pensa che ła sia tacà xà 'nte'l 1232, un ano dopo che xe morto Sant'Antonio, e ła xe nà vanti fin al 1310. Altri laori de modifega i xe stà fati inte el XV secoło.

Inte el film La lingua del santo de Carlo Mazzacurati, do ladruncoli da pochi schei i va drento de note inte ła baxełega e i roba dal relichiario ła lengua de Sant'Antonio, par dopo domandar un riscato.




#Article 122: Łaguna de Venesia (351 words)


Ła Laguna de Venesia o Laguna Veneta ła xe na łaguna del Mar Adriatico settentrionałe, łóngo łe coste del Vèneto.
Venesia ła xe situà su ła laguna, a 4 km da ła tera ferma e a 2 dal mar, sora 18 ixołete separae da 160 canałi e da 400 ponti. Ła xe na çità d'arte e de cultura, sede de un'Istituto soveriór de economia e comercio, de biblioteche (cèłebre ła Marciana) de numeroxi muxei, gałerie d'arte e via discorendo.
Łe manifestasioni artisteghe e culturałi a łivèo internasional łe xe numeroxe. 
'Nte ła laguna ła sorge ła famoxa baxiłica de San Marco (costruia 'ntel IX secoło). 

Ła laguna ła xe granda çirca 550 km², dei quałi l'8% i xe ocupai da tera (Venesia stésa e molte ixołe pì picenine). Circa l'11% łe xe permanentemente conposto da soła aqua, o canałi dragati, invese el'80% i xe piane fangoxe e pałui d'aqua sałada.

Ła xe cołegà al Mar Adriatico da tre boche: Lido, Malamoco e Cióxa. Esendo situà 'nte un mar sarà, ła laguna ła xe sogèta a grandi variasioni del łiveło de łe aque, ła pì vistoxa de łe quałi ła xe queła de autuno overo laqua alta, che ałaga regołarmente gran parte de Venesia.

Ła laguna ai inisi gà dato protesion ai romani che gèra drìo fugér dai barbari 'ntel VI secolo e łe condisioni par ła cresita de ła Republica de Venesia e del so inpero maritimo. Anca ancuo ła xe un porto de mar, l'Arsenałe de Venesia e par ła pesca, e anca par un picenìn numero de cacia e par ła nova industria del'ałevamento ìtego. Ai tenpi de Roma, Venesia gèra el nome de ła regione nord-orientałe.

Na volta molte de łe ixołe de ła laguna łe gèra pałudoxe, ma un graduałe programa de bonìfega łe gà fate vivibiłi. Molte de łe ixołe picenine łe xe stà fate dai ómeni, mentre alcune are intorno al porto de Mestre łe xe ixołe bonificae. Łe ixołe che resta łe xe dune, come queła de ła strisia costiera (Lido, Pełestrina e Treporti).

Łe ixołe pù grandi en łinea par grandessa:

Altre ixołe:




#Article 123: Statìstega (291 words)


Ła statìstega ła xe na siensa, che ga ła so derivasion da ła matematega, che ła se òcupa de studiare e descrivare ła realtà dei fenomani intei so aspeti de rilevasion numerica. 
Ła tira fora łe so regołe e łe so valutasion cuałitative atraverso l'anałisi dei riłevamenti quantitativi, sełesionai par ben.

Coła paroła statìstega, inte 'l parlar de tuti i dì, se vołe indicare senplicemente dełi risultadi numerici (łe statìsteghe riciamae inte łi tełegiornałi, ad esenpio: l'inflasion, el PIL eçe.) de un proceso de sintesi dełi dati osservai. 

Ła siensa statìstega ła se soradifarensia in dò rame prinçipałi:

Ła statìstega descritìva ła se pone come obietivo queło de sintetizare i dati par mexo de strumenti grafici (diagrami a bare, a torta, istogrami, scatołe a bafi ciamae anca boxplot) e indeçi (indicatori statìsteçi ,
indicatori de posizion come ła media, 
de variasion come ła variansa e ła conçentrasion, de corełasion, eçe.) che łi descrive i aspeti prinçipałi dei dati osservai.

Ła statìstega infarensiałe, inveçe, ła çerca de far afermasion estendendo a casi generałi łe ipotesi formułae con l'oservasion dei dati; infati ghe xe na posibiłità de sbajare dovua ała natura teòrica (ła lege probabiłistega) del fenomeno che se osserva. Ła conosiensa de sta natura ła parmeterà de far dełe prevision (se pense, ad esenpio, che quando se diçe che l'inflasion del pròsimo ano ła gavrà na çerta entità deriva dal fato che esiste un modeło so l'andamento del'inflasion otegnuo da tècniche inferensiałi). Ła statìstega inferensiałe ła xe fortemente legà ała teoria deła probabiłità.
Ła statìstega inferensiałe ła se sudivide inte altri capitołi; i pì inportanti łi xe ła stima puntuałe, ła stima intervałare e ła verifega dełe ipotesi.

La statistega ła serve dovuncue ła sia neçesaria una de łe condision che vien:




#Article 124: Arte (464 words)


Larte, nel so significato più vario, ła conprende tute łe atività umane - fate da na unica anima o de più - che, poiando tramite robe tecniche e e norme che regola el conportamento, dal studio e da ła esperiensa, ła porta a robe creative de espresion estetica.

Vardando in manjiera atenta ła storia del conçeto de arte, podemo capire che col pasare del tenpo el ga subìo na trasformasion graduałe ma profonda.

In tel'antichità: Latino: Ars, Greco: Τεχνη indica ła capacità de na anima de aparir come ogni ojeto. Ła capacità ła xe ła conosensa de łe regołe.

In tel periodo elenistego le xe scumisiae łe prime clasificasion e łe arti łe se stà divixe in comuni e liberałi, a segonda che łe volese un sforso fixego o mentałe.

In tel Medioevo sà scomensià da novo a rivałutare łe arti comuni, che łe sarà ciamàe mecàniche, ma łe continuarà a ver on ruoło subalterno rispeto a łe arti liberałi.

Ła poexia no se pol mia dir che ła sia nte l'anbito concetuałe de l'arte finora descrito, parché el poeta l'era considerà un vate che 'l faxea i versi ispirà dal Dio. No ghe xera mia na regoła in te łe conpoxision poetiche, almanco parlando del contenuto. Parché anca la poexia la vegnise considerà n'arte, xe stà Bernardo Segni che nel 1549 gà tradoto in volgare la Poetica de Aristotele, opera 'ndo che lo stagira xà el contava ła poexia de tra łe altre arti.

Ła condision sociałe dei artisti che miiorò molto nel corso del Rinasimento, ła contribui a dividarli dai siensiati e dai artigiani. 

C. Batteux nel 1747 el scrive, nel so libro Le belle arti ridotte ad un'unico principio, el sistema dele belle arti, indicando sinque arti - ła pitura, ła scultura, ła poéxia, ła muxega, ła dansa - a cui l'asociava do arti conese - l'eloquensa e l'architetura - el cui caratere comune el stava ne l'imitasion de ła realtà par el fine de creare ogeti bei.

Da ła fine del XVIII secolo scominsia łe prime crixi del conçeto de beło e de arte.

Gèra drio nàsar de łe forme de espresione come ła fotografía, l'architetura industriałe, ła ogetistica par ła caxa, che gavémo da far rientrare nel conçeto de arte.

Par sto motivo nel XX secolo se gà d'asà ła definision oniconprensiva de arte e de opera d'arte. El termine arte el divien on conçeto verto.

Le pì conosue forte de arte, da andove nase altre forme de arte, ciamae arti minori:

St'ultima divixion de łe arti, anca se no łe ciapa drento tute, la xe chela de le nove arti. Scrita da cao inte el 1923 dal poeta italian Ricciotto Canudo, la xe sta ingrandìa co le ultime dò voxe dal critego françexe Claude Beylie inte el 1964:




#Article 125: Eoropa (238 words)


Intel senso zeołoxego e zeografego, lEoropa ła xe na penixoła, ła parte osidentałe de l'Eoraxia.

La vien comunque considerà on continente par motivi de cultura. El xe on continente picinin parché ła só superfisie ła xe soło de 10 400 000 km², popołà da 799 000 000 de àneme che łe ła porta a èsar el terzo continente pi abità daspó de Axia e Àfrica, pari a 1 otavo de łe àneme de ła tera.

Ła storia europea e ła só cultura łe ga influensà notevolmente tuto el mondo çivilizà. Ła só poxision çentrałe rispeto a chełaltre tere e ła penetrasion del mar łe ga senpre favorìo łe comunicasion fra łe popolasion de łe varie region e łe migrasion verso staltre region del mondo. El clima l'è mite in quaxi ła magior parte de łe tere: questo ga favorìo el fato che ła deventése molto abitada.

El mar el ciapa el posto de confin naturałe del continente. Ła xe difati bagnà a Nord dal Mar Giazzal Artego, a Ovest da l'Oceano Atlantico, a Sud dal Mar Mediteraneo e dal Mar Negro e a Est dal Mar Caspio. I unici confini de tera i è a Est el Caucaxo, i munti dei Urali e el fiume Ural.

Al dì de ancó ła xe divixa pułitegamente in 48 stati menbri de łe Nasion Unìe, 1 stato oservador de łe Nasion Unìe, 1 stato co ricognosimento parsial, e vari teritori dipendenti.




#Article 126: Fiume (Croasia) (462 words)


Fiume (en croato Rijeka) ła xe na sità de ła Croasia, ła tersa dopo Zagavria e Spàłato. Ła gà 155.000 abitanti.

Fiume ła xe nata come cołonia romana de nome Tersaticae, po ła xe deventà prorieta dei conti de Duino, par dopo deventar parte del regno d'Austria e dopo corpus separatum de corona ongarexe. xe stà el principae porto d'Ongaria. In sto tenpo Fiume xe un paese importante, soratuto quando che i Austriasi i costruise ła ferovia (1873).

'Nte'l 1918, al tèrmine de ła Prima guera mondiałe, co el desfarse del inpero dei Asburgo, la resta ligà a la corona ongarexe cofà corpus separatum, come definìo dai tratai de Łondra (1915). De fato però la sità la jera ocupà da trupe miste dei paexi che gheva vinto la guera. El 12 de setenbre 1919 un grupo de vołontari guidai dal poeta Gabriele d'Annunzio el gà organisà ła cusidita Inprexa de Fiume ocupando la sità e dimandando l'anesion a l'Italia. Intanto Italia e 'l Regno dei Serbi, Croati e Sloveni i se mete d'acordo co i Tratai de Rapało che stabilise i confini infrà i do paexi e i riconose l'autonomia de Fiume. D'Annunzio e i so legionai però i rifiuta sti acordi e no i vol lasare la sità. El exersito italian donca el intervien par mandarli via. Inte el apriłe 1921 se tien de le elsion 'ndove el fronte autonomista guidà da Riccardo Zanella vinse contro el fronte pro-anesion a l'Italia. Dopo pena un ano i nasionalisti i fa un colpo de stado e 'l goerno de Zanella el va in exilio. Inte el xenaro 1924, col tratà de Roma infrà Regno d'Italia e Regno de Jugoslavia, la sità la pasa soto el goerno de Roma.

Dopo ła seconda guera mondiałe ła sità xe andà a la Jugoslavia secondo i tratai de paxe de Parixe del 1947 e na parte de la popołasion italofona le sielie de lasar la sità.

A Fiume iera italiano lingua ufisial fino che la Croasia se gà fata indipendente dal 1991 e ga proibito uso ufisial de lingua italiana. Oncò no ghe resta che poche unità italofone a causa dea slavisasion volua dal governo croato sta xente la parla na variante de idioma veneto el cusidito fiuman ma i xe ramai veci. ŁA xoventu con raixe italiche la parla pi serbo/croato che talian e Veneto.

Fiume xe na bea cità, che val ła pena visitar, anca par più de na sornata, magari fasendo un siro per Abasia, na cità la visino con la parte del Mar Adriatico più beo.
Comunque ła cità gà dei bei monumenti come el Teatro Zajc e ea Cesa de San Vito. Ma ea cosa più bea, a pochi minuti dal centro, xe el Casteło de Tersato.

Fiume ła xe xemełà co:




#Article 127: Briscoła (177 words)


Briscoła el xe un xugo de carte difuxisimo in tuta Itałia ma soratuto en Veneto.

Se xuga in 2 o 4 , ma ghe xe anca varianti co 3 o 5 xugadori, co un maso de carte (de sołito trevixane) da 40. Smisiae łe carte, bisogna darghene tre a xugador, e una ła va mesa soto el maso de łe carte coerte. Questa ła xe ciamà briscoła, e el seme de sta carta el vinse senpre. Scopo del xugo xe suparar i 60 punti, che se fà catando łe carte, secondo ła regola de ła carta-briscoła sora spiegà. Se infrà łe carte in toła, inte na man del xugo, no ghe xe briscołe, el seme pì forte el xe cheło che ga scominsià el turno. Eco el vałore de łe carte 'nte ła briscoła:

Łe prime do carte, 'l Aso e el Tre se ciamà Càrichi , łe carte che vałe xero xe ciamà scartini, scartełe o isij. Tajar vol dir meter so ła toła na carta-briscoła.

'N altro xugo co łe stese carte xe ła scoa




#Article 128: Osèano (115 words)


Loceano (dal greco Ὠκεανός ōkeanós grande fiume) el xe na granda secia de aqua sałà.

Eł nome oceano, eł vien anca doparà in senso figurato, par indicar na vasta distexa, na granda quantità de calcosa o de fondo e scuro.

L'insieme dei oceani e dei mari ł'è çirca eł 70% de ła superficie terestre, in numeri xe 360 700 000 km²; dei quałi çirca 154 800 000 km² i xe in tel'emisfero nord e 205 900 000 km²; mesi ne l'emisfero sud.

I oceani i xe tri:

I inglexi i considera un oceano anca eł Mar Giazzal Artego (coł nome de Osèano Artego) e anca łe aque tacà a l'Antartide (coł nome de Osèano Antartego).




#Article 129: Bało (136 words)


El bało el xe na arte che ła se esprimise in tel movimento de l'omo sevendo on pian prestabiłio, ciamà coreografia o traerso ła inprovixasion. El bało el se połe catar in tute łe racuante culture ómane: pensare che inte ła cultura osidentałe el xe documentà finmente ła pì fonda preistòria insieme a altre arte, cofà el Tiatro e ła Mùxega de voxe o de instrumento. Racuante volte el bało el xe conpagnà da muxeghe o conpoximenti sonori. I tradisionałi bałi popołare i połe èsar ciamai anca bało ètnego.

Finmente da l'antighidà, el bało el xe parte de rituałi, preghiera e momenti del catarse de ła xente inte łe sagre e anca in ocaxion del catarse intrà parsone in łoghi privai, cofà che ła xe al dì de uncó el bało inte łe bałere o discoteghe.




#Article 130: Emilio Salgari (655 words)


Emilio Salgàri (Verona, 21 de agosto 1862 - Torin, 25 de apriłe 1911) l'è stà un scritor de romanzi de aventura molto popołari, e l'è ritegnù uno dei pionieri de ła fantasiensa in Italia.

Salgàri l'è nato in tel 1862 a Verona in te na fameja de picołi comercianti; só mare l'era venesiana e so 'apà veronexe. Dal 1878 in vanti el gà studià al Regio Istituto Tecnico e Nautico P. Sarpi de Venesia, ma no l'è mai rivà a deventar Capitan de Marina, come ghe sarìa piaxù tanto (pensè che l'è ndà vanti par tuta ła vita a farse ciamar Capitan, anca se nol gh'era). Del resto el gà anca navigà na s-cianta su e zo longo łe coste de l'Adriatico (par tri mexi a bordo de ła nave Italia Una) e sta qua l'è restà l'unica só esperiensa significativa del mar; no l'è mai riusìo invese a viajar in tei paexi distanti in dove ch'el gà anbientà un saco dei só libri.

El só primo laoro publicà l'è stà un raconto in cuatro puntate, I selvaggi della Papuasia, scrito a vint’ani e publicà in te un setimanal de Milàn. Dal 1883 in vanti el gà vù un bel sucèso col romanzo La tigre della Malesia, stanpà a puntate in tel xornal veronexe La nuova Arena, però de schei el ghe n'à visti pochi isteso. Nel 1884 el gà publicà a puntate el só primo romanzo, La favorita del Mahdi, ch'el gavea scrito nel 1877.

Nel 1889 ghe se gà suicidà so pare. Nel 1892 Salgari el gà spoxà Ida Peruzzi, atrice de teatro, e el sà trasferìo a Torin.

Dal 1892 al 1898, soto contrato col'editor Speirani, l'è stà bon de publicar na trentina de laori. Dal 1898 invese el gà laorà col'editor Antonio Donath, prima a Genova, dopo da nóvo a Torin. Nel 1906 l'è pasà al'editor Bemporad. 
Un saco dei só romanzi i gavea un grande sucèso, ma sicome lu l'era un po' masa oco, jera soratuto i editori a metarse i schei in scarsela, mentre Salgari el gà visù in dificoltà economiche fin a ła fine de ła só vita.
In particołar a partir dal 1903, quando che só mujer la gà scominsià a dar de mato, gà scominsià a moltiplicarse senpre piasè i debiti che ghe tocava far par poderghe pagar łe cure.

Nel 1910 le condision de só mujer jè pegiorà de bruto, tanto che nel 1911 ghè tocà métarla in manicomio. Chel stéso ano Salgari, ormai desperà, el sà copà, lasandoghe na letera, che faxea pianzar el cor, a so fioi, e n'antra, sarcastica, ai editori che savéa profità de lu. Nel 1910 el gavea zà proà a coparse, ma l'era stà salvà. Nel 1931 Romero, uno dei só cuatro fioi, el se coparà anca lu.

Salgari el deve ła só popołarità a na produsion de romanzi da far paura, con otanta opere (piasè de doxento contando anca i raconti) distinte in vari cicli de aventure, co l'invension de personagi che è deventà famoxìsimi, come Sandokan, Yanez De Gomera e el Corsaro Nero.

La popołarità dei eroi salgariani la se pol vedar anca dała grande difuxion de falsi o apocrifi: piesè de un çentinaro, che editori con póchi scrupołi i ghe atribuèa; calchedun de sti laori l'è stà meso in giro parfin dai fioi del scritor.

Dai libri de Salgari è stà ricavà un saco de film, zà a partir dai ani Vinti del Novesento. Quei piesè conosù jè sicuramente i film de Sandokan interpretè da l'ator indian Kabir Bedi in tei ani Setanta, con Philippe Leroy ch'el faxea ła parte de l'amico de Sandokan, Yanez de Gomera.

Anca se ła pronuncia Sàlgari, co l'açento suła prima silaba, l'è sicuramente difuxa, cueła giusta l'è col'açento suła seconda. Infati el cognome el ven dal nome de na pianta, el salgàr, ch'el sarìa na specie de sałice che crese in Veneto.

Cronołogia de i laori, separè par cicli narativi.




#Article 131: Arena de Verona (268 words)


LArena de Verona l'è el famoxo anfiteatro romano che gh'è a Verona. Insieme cołe figure de Giulieta e Romeo l'è ritegnùa el simboło stéso de ła çità veneta. El só nome el ven dała parola latina che indica ła sàbia, che na olta la cuerzéa la platea de l'anfiteatro.

Tirà su 'ntel 1° secoło d.C., L'Arena l'è el terso anfiteatro romano piesè grando dopo cuei de Roma - el Coloseo - e de Capua, e l'è de sicuro tra cuei che sà conservà mejo nei anni, anca se quaxi tuto l'anel esterno l'è stà butà xo da un teremoto ncora in tel'ano 1117 (o zó par de lì), e le piére ch'è vegnù zó jè stè doparè in altre costrussion.

La ven doparà ncora deso per manifestassion ligà al mondo del spetacolo - tra cui un prestigioxo festival lirico estivo, oltre a ła finałe del Festivalbar - e par altri eventi culturałi. Nel 1984 i g'à infin fato rivar in Arena l'ultima tappa del Giro d'Italia de ciclismo.

L'anfiteatro l'è fato da tri cinte concentriche: de ła prima esterna ghe ne resta solo un toco, quela che l'è ciamà comunemente Ala: na olta l'era fata da 72 pilastri corispondenti a altretante arcade, con semicolone de ordine tuscanico. La cavea ła se regge su camare e gałerie anulari. Łe gradinade de l'anfiteatro, ragiungibili da 64 vomitorium, i è tute in marmo veronexe. Soto el piano de ła platea se cata 'ncora (ma no se pol mìa 'ndar a védarli) gałerie, anditi e pasagi che i servéa na olta e in parte 'ncora deso par el conpleso funsionamento de l'anfiteatro.
 




#Article 132: Roberto Baggio (194 words)


Roberto Baggio (Caldogno, Vicensa, 18 de febraro 1967) el xe un ex xugadore de bałon fra i pì forti de tuti i tenpi.

El gà scominsià a xugare a bałon in Serie C1 col Vicensa a sedaxe ani, dopo el xe pasà ała Fiorentina dove el gà esordio in Serie A rivandò a zugare anca in nasionałe. 

Dopo i mondiałi del 1990 el xe ndà ała Juventus dove el xe restà sinque ani vinsendo el scudeto del 1995, xugando però solo metà campionato par via de un problema al xenocio.

Nel 1996 el gà vinto da novo el scudeto col Milan, dove el gà xugà do ani, dopo el xe pasà al Bologna par un ano, segnando 22 gol. Dal 1998 el ga xugà in tel l'Inter. I ultimi ani el gà xugà a Brescia, riusendo senpre a far salvar ła squadra da la retrocesion.

El gà xugà tri mondiałi, co 9 gol fati (record italiano). Nel 1994 el gà portà l'Italia in finałe anca se el gà sbaglià l'ultimo rigore 'nte ła finałe contro el Brasiłe. Nel 1998 el gà segnà altri do gol.

Nel 1993 el gà vinto el Bałon de oro.




#Article 133: Cine (230 words)


El çine o çinema (dal greco vecio κίνημα, -τος o sia movimento) la xe l'arte de far pełicole çinematografeghe, la xe che l'arte che disfruta de l'iluxion del movimento prodoto da ła vixion de imajini fise ma che łe canbia vełoçemente. Sta sensasion de movimento la xe xenerada dal çerveło de chi che varda dal fenomano de ła persistensa retinega, dal 1824 grasie a Peter Mark Roget se ga scumisià a conosare sto ponto debołe del ocio uman. Inte el çine moderno, le imajini fise le njien de sołito projetae co na secuensa de 24 fotogrami al segondo. 
Dopo che ghe xe sìe arti claseghe, el çinema el xe considerà ła setima arte, termine butà drento da Ricciotto Canudo inte el 1914 che segondo eło el çine l'è «l'arte plastega in movimento che ła ciapa tute łe arti»

I xe sta i fradei francesi Louis e Auguste Lumière a mostrare ła prima proiesion cinematografica, ła sera del 28 de diçenbre 1895.

Mentre i fradei Lumière i preferiva dedicarse ai documentari, l'ilusionista Mèlies xe stà el primo a capire che el cine podea essere finsion: nasse le prime senejature, i primi efeti speciali (par esempio sovraponendo do pelicole), come acade ne Viajo su la Luna.

In Italia i primi do capolavori del cine i xe del 1913-14. Se trata de Cabiria e Ben Hur. El tema storico-mitologico xe fiorente in Italia.




#Article 134: Pitura (442 words)


La pintura o pitura ła xe l'arte de l'esprimarse sora na superfiçe (che i podaria esar carta, vero, legno o anca na mura) doparando dei pigmenti. A segonda de l'autore, dei so gusti esteteghi e de come che ła xe ła soçetà da torno a eło, el fin l'è cheło de otegner conpoxision co forme, colori, trame e dixegni che łe posa espresare libaramente ła so perçesion del mondo e del so pensiero in xenerałe.

Gran parte de ła pitura artistega oçidentałe e orientałe, ła xe dominada da motivi rełijoxi, bastaria vardare łe someje bibleghe fate intei muri dei posti rełijoxi cristiani (Capeła dei Scrovegni, Baxéłega de San Marco) o inte la pitura orientałe co someje de ła vita de Budđa o łe pinture ejisiane de łe tonbe dei faraoni, che i raprexenta el pasajo a l'imortałità.

Esendo i pigmenti caxi sołidi, xe na neçesità che venga doparà on ligante, ciamà medium, che porti sti pigmenti a on stato pì fluido, permetendo in sta manjiera che'l posa vegner stendùo so ła suparfiçe e che'l posa durare inte el tenpo na olta che el ga ciapà o sugà. Xeneralmente łe opare, par mantegnerłe invariade inte el tenpo e che no łe se rovine, njien doparà tecneghe dijitałi sia par vere na preçixa copia e sia par studiarghine ła preçixa conpoxision e el trato doparà da l'artista. Chi che pitura l'è ciamà pintore e el prodoto finałe l'è ciamà pintura.

La pintura ła xe una de le pì vecie espresion artisteghe de l'omo e ła xe sta considerada una de łe sie bełe arti.

La pintura storega l'è sta considerà come on grando xenare e el tratava de pinture co temi relijoxi, mitoloxeghi, storeghi, literari e i jera na interpretasion de ła vita e łe promovea on mesajo intełetuałe o morale. 

El ritrato l'è on xenare no oncora ben definio, parché da na parte el raprexenta na persona, ma da che l'altra se glorifega ła vanitò de na persona. Co on artista el se ritrae da soło, el rixultà el njien ciamà autoritrato. 

La xe ła raprexentasion pinturada de abitudini de tuti i dì e de conportamenti privati. El xe on xenare pintorego doparà dai pintori contenporanei.

En Cina e Japon xe sta catai pinture de paexaji del V secolo e par catarghine in Eoropa se ga da spetare el XVI secolo, propio co riva el cołesionismo e se ga scumisià a domandare pinture a tema country.

L'è considarà el xenare pì raprexentadivo che'l trabaca inte l'imitasion de ła naura, ojeti inanimai e che i fa xeneralmente parte de ła vita de tuti i dì, come fruta, fiori, magnare, posade, libri, ori e altri.




#Article 135: Teatro (206 words)


El teatro xe l'arte de far un spetacolo dal vivo. El smisia parole, gesti, muxega e altri tipi de arte.
Se ciama teatro (dal greco Theatrón, logo par contenplar) ła rama de ła arte sènica, relasionà co ła atuasión, che ła rapresenta storie rente a na audiensa usando na conbinasion de discorso, gesti, senografía, mùxega, soni e spetácoło. El xe anca el género łiterario chel conprende łe ópare consepíe inte on senario, rente a on público. El teatro el xe anca el posto dove se mete in sèna le opere teatrali.

Ghe xe vari stili de teatro: la distinzion principal la xe tra la comedia, che la xe na rapresentazion alegra e lixiera e de solito la ga un lieto fine, e la tragedia, che come dise el nome la xe de argomento pi serio, con calche personaggio eroico che affronta con corajo el so destin, e de solito el more a la fine de la tragedia. Tra i altri generi de teatro ghe xe la comedia de l'arte, nata in Italia nel Zinquezento, dove i atori i recitava inprovisando, senza un testo preciso scritto prima, solo ndandoghe drio a un canovaccio generico.

Tra i teatranti veneti pi famosi ghe xe el Ruzante e el Goldoni.




#Article 136: Archiołoxia (574 words)


Larchiołoxia (da ła lengua greca vecia , fata da łe parole  archaios , arcàego vècio, e  logos , siensa o studio) ła xe ła siensa che ła studia łe soçetà omane che łe ga vivuo inte el ndar dei secołi, grasie a ła riçerca, documentasion, l'anałixi e al catar fora alguni mestieri o trabachi che i ga d'asà, par exenpio architeture, manfati, resti biołoxeghi e omani.

L'archiołoxia ła xe l'unega che połe studiare łe soçetà che no ga d'asà documenti scrivesti parché no i conosea sta pratega, de fati sta siensa ła xe stà definia, inte el pasà, speçalmente intei Stati Unii de ła Mèrica come branca de ła istoria, parché la jera justa par dare ojeti materiałi de chełi periodi, parché no ghe jera sufiçenti fonti scriveste.

L'archioloxia tradisionalmente ła xe dividesta in soto-disipline, a segonda del periodo o de ła cultura del ojeto studià (par exenpio archioloxia clasega o archioloxia industriale o paletnoloxia) o se no a segonda de łe tecneghe de indajine che se dopara (archioloxia subacuea o archioloxia sperimentale) o de speçifeghe problemadeghe (archioloxia urbana, archioloxia teorega) o oncora, so ła baxe del tipo de materiałe da examinare (numixmadega o epigrafia).

L'archioloxia ła xe cresua e ła se ga xviłupà col cresare e el xviłuparse dei metodi de indajine e de łe tecnoloxie doparae par ła riçerca de ojeti materiałi

I archiołoxi i dopara anca metodi de laoro doparai inte ła soçołogia, da ła demografia, da ła xiografia, da l'economia o anca de łe siense pułiteghe par ricostruir i veci modi de vivare del tenpo.

Se ga da dire parò che i archioloxi moderni, no i połe saver tute łe siense e par sto motivo i cołabora a streto contato co studioxi de altre disipline par studiar i vari aspeti speçifeghi del pasà.

La xe ła soto-disiplina che vołe aprofondire l'anałixi dei resti materiałi del pasà, sercando de replicare łe condision del tenpo. Sta soto-disiplina ła xe sta istituia intei ani 60 e sta sperimentasion ła ga funsionà in do manjiere:

Se ga da dire in manjiera ciara che l'archiołoxia sperimentałe, come el nome dixe, no ła mostra ipotexi vere, ma łe połe esar doparae dopo par catarghine fora una che łe posa esare conpatibiłi co ła produsion e el conportamento de ła soçetà studiada.

La xe la soto-disiplica che ła studia e anałixa i resti materiałi del pasà inte el canpo industriałe. La studia i resti materiałi come fabreghe, mułini, ponti, miniere, machine e tanto altro che njien catà e che se połe ricondur a che'l epoca.

La xe ła soto-disiplina che çerca de studiarse i resti materiałi de l'età medievałe.

La xe cheła soto-disiplina che se intaresa a l'anałixi de chełi resti materiałi del pasà che par difarenti motivi, i xe negai soto acua, sia osèani, che mari, che laghi. L'archioloxia subacue ła xe nasesta co se ga tacà fare łe imersion freelance. La xe cheła branca che studia anca i antichi insediamenti de l'omo che i xe restai soto acua, par colpa del graduałe alsamento dei oçeani.

Xe grasie a l'archiołoxia subacuea se se ga capio łe varie rote del trafego maritimo che łe cołega paexi difarenti co culture e łengue difarenti.

L'archioloxia urbana ła xe cheła branca de l'archiołoxia pì conosua e che ła xe ła someja popołare de l'archiołoxia (i scavi archiołoxeghi inte łe çità). La xe ła soto-disiplina che ła se ocupa de tore sù rapidamente el materiałe catà, prima che vegna costruio sora.




#Article 137: Zugo (200 words)


El zugo (o xógo) el xe n'atività che se fa par gòdarse, e che se pol far in una o più persone (i zugadori), e che se baxa su:

Ghe xe tanti tipi de zughi:

I zughi de carte piesè conosùi i xe:

El videoxògo o Zughi ełetronici xe on xogo łe cui regołe son jestie automaticàmente da on dispositio ełetronego che utiłixa on'interfaçia omo-macchina basa sol display cofà sistema de output. Cofà calsiasi xògo, el videoxògo riproduçe sinbołicamènte determinai contesti culturałi, astraendołi da'łoro anbito de default e aplicandołi a contesti e situaxioni che posono andar dała simułaxion pì fedełe fino ała paròdia.

Divegnuo ormai on fenòmeno culturałe de masa, on mass media o adiritura n'arte visuałe a sé stante, el videoxògo pò vivère en rajion deł'enformatega e deł'eletronica (sia par el software che par ła parte hardware, par esenpio na tełevixion). Nato quaxi par caso già a partir daji anni çinquànta inte' anbienti de riçerca scientifiga e nełe facoltà universitàrie 'mericane, ga avuo el so sviłupo a partir dała seconda metà degli anni setanta. On exenpio de zugo ełetronico xe World Cup Soccer.

Uno dei zughi da strada che se zugava na òlta in Veneto el xe el s-cianco.




#Article 138: Derito (344 words)


El derito o dirito l'è on union de prinçipi e norme, xeneralmente ispirai da idee de ordane e justisia, che łe regoła łe rełasion intrà i omani in ogni soçetà e che tuti i ga da rispetare. L'insieme dei prinçipi jurideghi e łe regołe de on determinà stato l'è ciamà leje.
La leje l'è anca na siensa soçałe che ła studia, interpreta e sistema l'ordinamento parché'l vegna aplicae in manjiera justa. La leje ła ga on lingambo streto co ła pułìtega, economia e istoria e ła xe inte el mexo dei conplesi de l'omo par dire coretamente cosa che xe justo.

El derito no ła xe na invension de ła nostra speçe Homo sapiens, ma ghemo da tornar indrio de racuanti ani, fin a catar i nostri antenai el Homo heidelbergensis che intorno a 350.000 e 450.000 ani fa i ghea inventà i prinçipi del derito. El Homo heidelbergensis par mantenjere stabiłità drento i grupi, el formava grupi da oto a vinti persone parché se i fuse stai pì grandi i garia creà tension interne e a ła fin i se saria dividesti. Sibèn che se se tołeva ste mixure onde evitar problemi, intei grupi formai da na ventina de persone ghe jera xente che ła jera sta butada fora, parché, st'ultimi, i tegneva conportamenti che ndava contro el intarese del grupo: i robava, i barufava, i jera jełoxi, tuti conportamenti de mancansa d'educasion che i justifegava l'escluxion dal grupo. Sto atejamento inte el cuałe vegnea sansionà asion de małeducasion, el xe ła baxe grexa che da sta cuà xe cresuo e se gà xviłupà el derito.

Come par tute chełe altre siense soçałi, se xe sołiti a dividare el dirito so na serie de disipline difarenti, sìbèn sta divixion no ła gapia da intendarse in senso asołuto, ma doparada par pratiçità. El confin intrà el Dirito publico e el dirito privà el jera xà prexente ai tenpi dei primi juristi romani. 

Le prinçipałi distinsion del dirito łe xe:

Altre disipline omanisteghe łe se intaresa al derito, ma sensa vere on conportamento stretamente legałe.




#Article 139: Piaza Bra (220 words)


Piassa Brà l'è el nome de ła piassa çentral e piasè granda de ła çità de Verona. Sui cuatro lati de ła piassa se cata alcuni dei edifici e dei posti piasè inportanti de ła çità: el Listón, l'Arena, el palasso Barbieri indove ghe stà el sindaco e el palasso de ła Gran Guardia.

El nome, de antica tradision, el ven da ła 'osse longobarda braida, che corisponde al tedesco Breit, largo, e che vol dir estension, anpiessa, canpagna piana.

Sto significato che l'è dimostrà da ła presensa de altri dó  conpagni senpre a Verona: ła Bra dei Mołinari e San Giorgio in Braida. Quindi ła denominasion ufiçiałe de Piazza Brà in realtà ła sarìa na tautołogia, cioè sarìa come dir piassa piassa: difati, a Verona tuti quanti i dixe soło la Bra, sensa zontarghe altro.

La 'osse bràida, de uxo comun intel diałeto veronexe de na òlta, intorno a l'ano Mile ła gà evidentemente perso la –j- e l'è pasà a brada, par dopo deventar braa (come gà scrito nel Trexento anca el Boccaccio) e quindi bra. La stesa –j- che casca ła se gà vùa 'ntel veronese bròl (che sarìa el fruteto) dal tardo latìn broglium.

Intel periodo de ła Serenìsima Republica la Bra l'è stà anca dita Piassa d’arme, parché i soldà i ghe faxea łe exercitasion.




#Article 140: Economia (311 words)


Leconomia (dal greco οίκος [oikos], 'casa' e νομος [nomos], 'lexe', voria dir ministrasion de la caxa) i la ga dita la siensa de come ca se ga da divider le robe fra uxi ca no i xe conpagni parchè ghin vegna fora el mejo par tuti. Saria a dir ca ła studia cosa che se produxe, come che lo se manda in volta e come che se consuma.

I conponenti o sotosistemi del sistema economego i xe:

El livelo de svilupo e eficiensa de sti sotosistemi e del so sistema economego, l'é el refleso del svilupo de la società e 'l varia in funsion de le epoche storiche e da la parte del mondo o Stato. Storicamente se pasa da economie de tipo agricolo a economie agricole-industriali fin a rivar a economie agricole-industriali-tersiarie. Le economie inte el mondo le se clasifega co i nomi de: primo mondo, segondo mondo, terso mondo e cuarto mondo. La globalixasion la xe drio portar a na progresiva ugualixasion dei sistemi economisi dei vari paexi, grasie al laoro a livel internasional dei vari marcai nasionali (internasionalixasion).

Łe difarenti atività de produsion de beni e/o servisi, łe vien divideste in setori econòmeghi.

A niveło xenerałe, se dopara ła tradisionałe leje dei tre setori par far na destinsion intrà:

Łe njien inte i dì de uncò doparae anca altre clasefegasion:

I operadori che i ga na funsion de comułasion łe mete in pie variasion de łe atività del sistema. Altre variasion łe ghe połe èsar indipendentemente dal so vołere (par exenpio: teremoti, inçendi, eçe.).
 
Le atività łe se difarénsia intrà finansàrie e no finansiàrie. Łe no finansiàrie łe xe:

Intrà łe atività finansiàrie ghe xe łe monede, depoxiti, asion e altri titołi eçe.. 

Ła mixurasion de łe atività in na determinada data ła ne dà ła manjiera de determinar ła richesa, in cheła data, de on sistema econòmego.




#Article 141: Educasion (263 words)


 
Leducasion (dal verbo latin educĕre (cioè tirar fora, o tirar fora chel che sta drento), derivante a so olta da l'union de ē- (“da, fora da”) e dūcĕre (condure)., segondo altri invese el derivaria dal verbo łatin educare (tirar fora, ałevare). ła xe che l'atività, influensada intei difarenti periodi storeghi da łe varie culture, che ła façiłita, ła xviłupa e ła forma in conoscensa e capaçità mentałi, soçałi e conportamentali in on individuo.

El termine el xe tante olte pensà come interscanbiabiłe a insegnamento o istrusion, anca se st'ultima ła se dopara par indicare metodołoxie pì traxmisive dei saveri. Tutavia, sibèn che łe stratexie de l'istrusion łe połe esare parte de on caminamento educativo, el signifegà de educasion el xe pì grando e che el mira a trar fora e potensiar anca ła cualità e łe conpetense inesprimùe.

In lengua vèneta el termine educà el xe anca sinonimo de on individuo che'l segue na condota soçałe coreta intei confronti de norme che no łe xe neçesariamente codifegae (anca se xeneralmente condivideste), łe cusì ciamae creanse come ła jentiłesa e łe bone manjiere che caxi tuti conosemo e che talvolta no se aplica.

N'altro motivo de caxìn el xe anca dovuo a łe difarenti manjiere de doparare sto termine inte łe difarenti lengue, (par exenpio inte ła lengua inglexe co education  tante olte el njien doparà anca par indicare el termine istrusion). La streta conesion che ghe xe intrà el savere ciapà da uno o pì persone (istrusion) e el so conportamento (educasion), ła połe far parere łe do parołe sinonime in vari contesti. 




#Article 142: El Bo (169 words)


Palazo del Bo, o mejo El Bo come che i ło ciama tuti cuanti, el xe ła sede de l'Università de Padoa dal 1493.
El xe stà regałà in te'l 1405 a un becaro da Francesco Carraresi, Sior de Padoa, come pagamento de łe derate de carne che sto becaro el gavéa dà durante l'asedio de ła sità. Ła propietà de l'Albergo del Bove ła xe pasà nel 1539 al università, che dónca ła gà cavà come sinboło el teschio de bo.

Deso el Bo xe ła sede del retorato, de ła facoltà de Giurisprudensa e de łe aule de raprexentansa de łe altre facoltà.
In te ła córte vecia e in te łe aule storeghe se pol védar sentenari de stèmi nobiłiari e de busti de profesori e de studenti che sà sucedù in te i secołi. Ghe xe 'ncora conservà ła catedra de Galileo, l'antico teatro anatomico del 1594, che xe stà el primo al mondo, e ła statua de Elena Cornèr, prima dòna łaureà del mondo.




#Article 143: Rovigo (189 words)


Rovigo el xe un comun del Vèneto de 51 295 aneme caołogo de ła omonima provincia.

El xe situà tra el Po e l'Àdexe a sirca 40 km dal mar.

Ła Rovigo moderna ga vudo on sviłupo iregołar verso łe strade che porta a Padova, Ferara e Verona.
El centro xe svilupado ai do ladi del Corso del Popolo, la strada ca la se trova de sora del vecio Adexeto: al lado sud, verso Ferara e la vecia Porta Arquà se cata el duomo, el casteło coe so do tori, el vecio spedałe; a nord inveze ghe xe le piaze principałi, ca le xe sta ciamae Garibaldi e Vitorio Manuele II dopo ca i taliani i ga conquistà la cità ntel 1866.
Nteła Piaza Vitorio ghe xe na copia del vecio Leon de Venexia, ca iera sta cavà dai Francesi ntel 1797, e ca xe el simboło del popoło veneto.

Boara Połesine, Borsea, Buxo, Ca' Bianca, Cantonazo, Concadirame, Fenil del Turco, Granzete, Gregnan, Grompo, Mardimago, Roverdicrè, Sant'Apołinara, Sarzan.

Buxo, traversà da ł'Adexeto, el xe sta on comune autonomo con Sarzan fin al 1928.

Rovigo xe jemełà co cuatro sità:




#Article 144: Łengua itałiana (470 words)


LItałian () el xe na łéngua che ła fa parte del grupo de łe léngue romanxe 'nte ła fameja de łe léngue indoeuropee (de diałeti e de léngoe neo-romanze ghe ne xe un bel nùmaro).
L'itałian moderno el xe, cofà tute łe lengue nasionałi, un diałeto che xe riusío a inporse come łengua uficial de na rexon molto pi granda de qûeła orixinal. In 'sto caso qua xe stà el diałeto fiorentin, parlà a Firense, a prevałer, no par raxon pułìtiche - come tante volte capitava - ma par el prestigio cultural che'l gavéa. El toscan, e el fiorentin famoxo (in quanto incalcà de prestiti dal siciłian, fransexe e latin) in particołar, i jera in efeti ła łengua che ga scrito Dante Alighieri, Francesco Petrarca e Giovanni Boccaccio, considerai i tre scrituri itałiani pi grandi. Ła spinta finałe a definir scritura e gramàtica de l'itałian l'è rivà da Pietro Bembo 'ntel '500. No'l va mìa confuxo col tałian che invese el vien parlà in Sudamèrica.

Prima che rivase l'Inpero roman, xera l'etrusco che vegnéa parlà in Toscana e in Lasio setentrionałe (Tuscia). Seben che ła łéngua etrusca ła sipia stà scansełà in puchi sècołi dal latin, dopo ła conquista romana, ła só influensa ła podarìa èser restà viva 'ntel sostrato del toscan, ma l'è na question ancora verta. El latin volgar el ga fato presto a deventar ła łéngua doparà 'nte ła Penìxoła Itałiana e in bona parte de l'Europa. Sicome che el dominio roman sul Continente el xe durà un saco de tenpo, se capise fasilmente come mai che el łatina el xe ła baxe de un mucio de łéngue europèe. Dopo che ntel 476 se ga desfà l'Inpero d'Ocidente, in Toscana gh'è rivà i Ostrogoti e i Łongobardi (V secolo e VI secolo) che i vegnéa da l'Europa del nord e de l'est. I ga influensà ła łéngua soło come vocabołario mentre el resto l'è restà groso modo come prima. El toscan el xe una de łe łéngue neolatine pi visine al łatin (el sardo logudoréxe el xe ancor pi conservativo)

I numeroxi diałeti italo-romanxi i pode èsare clasificài in baxe a łe só orìxene łenguìsteghe comuni. A ła proveniensa comun da el latin łe xe somà łe łengoe preçedenti a ła conquista romana (substrati) e sopratuto i superstrati che li vegnea da i contati co i vari popołi, che i gà diferensià łe diverse parlate łocałi.

Intra i dialeti taliani, comunà da numeroxe carataristiche morfologiche cofà i plurali che i no xe sintagmatiçi, xe pode dividare 'nte dialeti setentrionali (romanzi ocidentali) e çentro-meridionali (romanzi orientali) a seconda del'influensa del sostrato celtico.

Xe posibiłe scoltare anca ła vocałe , come completamento de el sòno de na consonante. Sta qua inte ła łéngoa scrita vegne o tralasà o trascrita come 'e'.

Tra parentexi quadre i alofoni de [n] alveolare.




#Article 145: Doxe (150 words)


El Doxe el xera ła màsima carga de governo de ła Serenisima Republega de Venesia. No el gavéa mìa el potere de un prinsipe o de un re, ma el jera pitosto un primus inter pares. Ła só funsion ła xera pì che altro cuea de raprexentante uficiałe de ła Republega de Venesia inte łe serimonie pùbleghe e inte łe rełasion diplomateghe coi altri Stadi (in pratica el gavéa un conpito che ghe someja un póco a cueło del moderno Presidente de ła Republega). En pì el gavea da guidar el exersito e ła flota en tenpo de guera.

Inte i mie e sento ani de existensa de l'istitusion dogałe a Venesia ghe xe stà in tuto 120 doxi. Tra sti cua ghe ne xe serti che i merita particołarmente de èsar recordà, o par cuel che i gà fato o par cuel che xe suceso durante el so dogado:




#Article 146: Architetura (1236 words)


Ła architetura ła xe na disiplina che la ga come fin l'organixasion del spasio a calsiasi scala, ma prinçipalmente chela andove che vive l'omo. Par senplifegare, se pole dire che la se tien prinçipalmente a la projetasion e costrusion de on imobiłe o de l'anbiente xà costruio. In sta materia i concore aspeti tecneghi e artisteghi. L'architetura, insieme a la scultura, la fa parte del grupo de le cusì ciamae arti vixuałi plasteghe.

Co l'omo ga tacà ver le capaçità cognitive cusì da poderse organixarse in çiviltà, l'achitedura la ga tacà vegner fora e la xe senpre restada in vita. L'architedura l'è nata soratuto par conpensare a le neçesità bioloxeghe de l'omo, come la protesion da i axenti atmosfereghi, e proprio par sto motivo cua, l'è intrà le materie pì prexenti in tute le çiviltà. Solo so on segondo momento, col xvilupo de la divixion del laoro, inte la soçetà, a la funsion primaria ghe jera sta xontà na funsion secondaria in numaro senpre pì cresente. 

Co la vegnua fora de le carateristeghe esteteghe se ghea vuo anca la nasita de l'architedura anca come arte vixuale, dotada parò de propie carateristeghe particolari. Saria caxi ridutivo parlar de valori esteteghi parché na strutura ga na bela architedura, parché el xe caxi senpre el rixultà de valori eteghi e de on studio antropoloxego.

Dar na ciara definision de l'architetura xe tanto difiçile, basta vardare che el fenomano architetonego l'è senpre stato on valore inte la cultura de l'omo, vegnendo senpre pì rico de carateristeghe, definision, funsion, aspeti de spasio e de costrusion caxi senpre difarenti o par fin in contrasto da çiviltà a çiviltà o da epoca a epoca..

El primo termine, ἀρχή – che l'è coneso a ἀρχειν (árchein), “prinçipiare”, “comandare” –, el esplega in greco antico el signifegà de inprexa, partensa, orixane, fondasion o guida. Inte la Metafixega de Aristotele, la xe posibile catar la prima e pì granda definision. Aristotele el ghea dato do signifegai prinçipali a ἀρχή,  osia primo par importansa o primo in ordine temporale. Co el primato valoriale e primato temporale i xe conpagni e che ἀρχή el parla anca de la divinità: Dio come el pì grando valor e cauxa de tute le robe.

El segondo termine, τέκτων (técton), riciama difarenti significai, tra sti cua ghe xe inventare, crear, costruire: el fare tecnego ma anca l'artistego, el fare manuale ma anca l'artixanal.

L'union intrà i do termini (ἀρχιτέκτων) la se cata par la prima olta da Erodoto, chel vole domandarse chi che pole dar na norma rasional a la costrusion de calcosa. El riferimento a l'edilisia o a le abitasion no l'è colegà, ansi l'ἀρχιτέκτων serve par dire de cuanto che xe costruibile in xeneral.  Altro aspeto interesante l'è fato da cuanto che sta parola la resta fonetegamente, grafegamente e leteramente la se someja in tute le lengoe eoropee e no solo, architecture in fransexe, architecture in inglexe, arquitectura in spagnolo, architektur in todesco (che parò st'ultima la xonta la parola baukunst che tradoto significaria arte del costruire).

Una de le definision pì vecie de l'architetura la njien fora da Marco Vitruvio Pollione, l'architetura la xe on insieme de tre categorie:

El primo vero tratato de architetura l'è el De architectura di Vitruvio, andove njien dada la prima definision de sta disiplina e njien creada la speçalixasion de l'architeto e de chelo chel ga da saver. El De architectura el ga influensà in manjiera particolar l'architedura dal secolo XV al secolo XIX.

Inte el Medioevo l'architetura la njien somejada a le artes mechanicae

Inte el contenpo che inte el resto de l'eoropa el gotico el restarà el stile che predominava par on longo tenpo, inte le rejon italiche el rinasimento mete l'architetura soto on novo modo de pensar. Uno dei tratati pì inportanti el jera par exenpio el De re aedificatoria de Leon Battista Alberti chel se refà a la triade Vitruviana (firmitas, utilitas, venustas).  Inte el secoli XV e XVI se xvilupava el conçeto de çità ideal, par la prima olta l'architetura la se interesava a la çità e a la andove che ndava meso le robe in manjiera justa. Xe sta inte el contenpo del umanesimo che l'architeto el pasava da esar on artista-artijan a artista-siensià. Particolarmente inportante la xe sta anca la figura del Vignola che la ga contribuio a fare on galepin unico de l'architetura co la catalogasion dei ordeni architetoneghi claseghi.

L'antropocentrismo del rinasimento el xe sta sostituio da na indajine ghe la ghea el fin de ver na sintexi de la contrapoxision tra el infinio e la çentralità. Grasie anca a la nasita de nove tecneghe e matemateghe, njien fati novi idealo architetoneghi baxai so la riscoerta de la naura come elemento de scena, sol dinamismo e sol moestamento. I schemi claseghi i xe stai modifegai da cuando che xe sta tacà doprar linee curve e se taca a tore solusion che le verse nove porte a la modernità.

Inte el ndar del secolo XVIII ghe xe sta la nasita del conçeto de estetega e de on grando pensamento so sto termine da farte de filoxofi e storeghi del tenpo (Giambattista Vico, Immanuel Kant). Carlo Lodoli e Giovanni Battista Piranesi i ghea teorixà par primi che on artitetura la ga da esar sensa nisun paribon, sensa nisun rivardo al gusto vixivo, ma solo co na granda atension a la doparabilità e al fin funsional. Anca grasie a la rivolusion industrial, i architeti i vegneva ciamai a projetar ojeto da realixar in serie, xe el caso de la manifatura Etruria de Josiah Wedgwood, primo caxo de dixegno industriale che inte l'eta moderna l'è sta capio.

Xe inte l'Otoxento che se ga ufiçalmente diferensià la profesion de l'inxegnere e chela de l'architeto, in pì, algune materie de l'inxegneria le ndarà formandose in Eoropa inte le università, l'architetura la vegnarà confinada inte le academie de bele arti, restando in alguni caxi on solo exerçisio artistego, distante da cuestion prateghe e funsionali.. Intei Stati Uniti d'America nase invese la scola de Chicago, andove l'architetura la se catarà a confrontarse co edifiçi tanto pì alti e co on novo materiale da doparar par costruirli: el calestruso armà. In Fransa, grasie al contributo de Viollet-Le-Duc, nase el restauro e on forte discorimento tuto torno a sta disiplina che la se xlargarà anca in Inghiltera  (John Ruskin e William Morris) e dopo in Italia (Camillo Boito e Luca Beltrami).

Na serie de teorie, tra ste qua anca chela del einfuhlung de l'Art Nouveau e chela de la pura vixibilità de Konrad Fiedler, la cuestion de le abitasion popolari nata da la prima guera mondiałe, i radeghi intrà le clasi sociali, le ga portà a la nasita in architetura de on movimento de projeto e teoria ciamà rasionałismo. 

L'architetura la farà soa tuta na serie de disipline par poder permetarghe ai architeti de rivar a projetar dai elementi pì cei a cheli pì grandi, e se ndarà verso l'eliminasion che calsiasi idea artistega dal conçeto de architetura par ndar verso a opare fate inte l'unica idea de la doparabilità e al servisio de la xente. Intrà i grandi teoreghi e autori de sto movimento ghe xe sta Le Corbusier, Walter Gropius, Ludwig Mies van der Rohe, Frank Lloyd Wright. Intrà i altri grandi maestri del Novexento se se ricorda de Alvar Aalto, Oscar Niemeyer e Kenzō Tange.

Inte la penixola Italica ga vuo tanta inportansa el futurismo de Antonio Sant'Elia e Mario Chiattone.




#Article 147: Istria (2065 words)


LIstria o Ístria (in croato e in sloveno Istra) ła xe ła più granda penixoła del Mar Adriatico (superfice: suparzó 3 500 km²).

La màgior parte de l'Istria ła fa parte atualmente de ła Croazia. Un tocheto, che ciapa drento łe çità costiere de Ìxoła d'Istria (Izola), Portoroxe (Portoros), Piràn (Piran) e Capodistria (Koper), el fa parte invese del teritorio de ła Slovenia. Un tòco ncora piesè picenin de ła penìxoła (limità suparzó a ła zona dei comuni de Muja e de San Dorligo della Valle/Dolina) el xe in teritorio itałian.

Ła costa ocidentałe de l'Istria ła xe longa 242,5 km (co łe isole 327,5 km) e queła orientałe ła xe 202,6 km (contando i isołoti ła riva a 212,4 km). Tuta quanta ła costa ła xe longa 445,1 km. 

Łe çità inportanti de l'Istria łe xe: 

Oltre a ste chì, xe inportanti anca łe picołe çità de Colmo (Hum) e Rozzo (Roč).

El nome el deriva dała tribù illirica dei Histri, ricordai da Strabone come abitanti de sta rejion. 
I Romani i łi descriveva come na tribù feroce de pirati de l'Illiria, proteta dała dificoltà de navigasion dełe so coste rocioxe. Ai Romani ghe ga vołest do campagne miłitari par sotometarli inte el 177 a.C..

Dopo ła fine de l'Impero Romano d'Occidente, l'Istria ła xe stada sachegiada dai invasioni di Awari e Slavi i xe venuti drio i Longobardi. Son rimasti i longobardi in Istria inseme cola popolasion romana. Dopo una parte ła xe pasada soto el controło de Bisanzio (538). Inte sto periodo storico se ga sviłupà un diałeto ladin parlà dai abitanti romani de l'Istria setentrional (inte l'Istria meridional se ga sviłupà l'Istrioto. 
Ła xona istriana ła xe stada anessa al Regno Longobardo (588) di Friuli e Venesia e dopo al Regno Franco da Pipino III (789), re dei Franchi e Longobardi, e ła xe deventada na Marca, par dopo esar controłada dai duchi de Merano, dal duca de Baviera, dai duchi de Carinzia e dal patriarca de Aquileia. Inte el 933, co ła pace di Rialto, Venezia ła ga otegnù un primo riconosimento del dirito de navigar e de far comerci sułe coste istriane: inte sto periodo storico dei popołi itałici i se ga spostà suła costa deła xona e ghe xe stadi de insediamenti de popołi slavi inte ła parte interna istriana.

L'Istria ła xe deventada squasi tuta teritorio deła Repubblica di Venezia piassé dal 1420 finché Napoleon no ła ga fata finire inte el 1797.

Inte el periodo venesian l'Istria ła xe stada periodicamente devastada da guere e pestiłense; par sto motivo ła Repubblica di Venezia ła ga ripopołà l'interno deła rejion co cołoni de diverse razze slave (oltre che de greci e albanesi), trasferìi dai chełaltri so posedimenti.
In Istria, cusì, se ga formà ła tipica composision etnica, co ła costa e i çentri urbani de lengua italiana e łe campagne abitae pi che sia da slavi.

Dopo el trattato de Campoformio l'Istria insieme a tut el teritorio deła Republica de Venesia ła xe stada data ai Asburgo de Austria. Dal 1805 al 1813 ła xe stada dominada diretamente da Napoleon. Dal 1805 al 1808 ła ga fat parte del Regno d'Italia napoleonico, e dopo dełe Province illiriche diretamente anese a l'Impero francese.

Inte el 1814 l'Istria ła xe tornada soto ła dominasion dei Asburgo. Inte el 1825 l'Impero austriaco el ga fondà ła provincia istriana, che inte el 1861 ła xe deventada autonoma con na so dieta a Capodistria (Marchesado d'Istria).

Inte el periodo deła dominasion asburgica l'Istria ła jera abitada da italiani, croati, sloveni e grupi pi ridoti de vałachi/istro-rumeni e serbi. 

Secondo el censimento austriaco del 1910, el total de 404 309 abitanti de l'Istria łi se divideva in sto modo:

Inte el XIX secoło se ga sviłupà i movimenti nasionałi italian, croato e sloveno. Co ła nasita de sti movimenti ga scumisià łe prime barufe fra i italiani da na parte e ii slavi da chełaltra, parché ognun dei grupi el gavarìa vołest l'anesion deła rejion ała so madrepatria.

Esendo una dełe tere reclamae da l'iredentismo italian, el governo austro-ungarico el ga fat in modo che ghe inte ła rejion se trasferese altri slavi par contrastar el nasionałismo dei italiani.

Un pas importante el xe stat el trasferimento da Venesia a Poła deła base pi granda deła Marina austriaca. Sta deçixion ła xe stada fata in seguito a l'insuresion de Venesia inte el 1848-49. In pochi ani Poła ła ga fat na cresita grandisima, pasando da pochi çentener de abitanti ai 30-40 000 de fine '800. 

Grandi i xe stati i benefiçi su l'economia deła penisoła, che inte i ultimi ani del dominio asburgico ła ga prosperà, anca grasie al turismo balnear da tutte łe rejion de l'Impero.

In seguito ała vitoria 'taliana inte ła prima guera mondial col tratato de Versailles (1919) e'l tratato de Rapallo (1920) l'Istria ła xe deventada parte de l'Italia.
Co l'arivo del fasismo xe scumisiada na politica de italianixasion forsada.
Inte ła seconda guera mondial, par colpa de l'ocupasion deła Jugoslavia da parte dełe potense de l'Asse łe rełasion fra italiani e slavi łe se ga guastà uncora de pi.

L'8 de setembre del 1943 el Regno d'Italia el xe stat sconfito e l'esercito italian el se ga desfà. Ła rejion ła xe stada ocupada par poco tempo dai partigiani titini, e dopo dai tedeschi che i ła ga anesa al Terso Reich a l'interno del cosideto Adriatisches Kustenland.
Tra l'april e'l majio del 1945 l'Istria ła xe stada ocupada da novo dai partigiani titini.

A la fìn deła seconda guera mondiał l'Istria, salvo Muja e Pola, la vien ocupada del esercito jugoslavo. Cola Conferenza de Paxe e col tratàdo de Parigi (1947), vien deciso che squasi duta l'Istria, Pola inclusa, ła passi ała Jugoslavia. La parte istriana nordocidentał (500 km²) de Ancaràn a Citanova, ła gavarìa dovesto far parte del Territorio Libero de Trieste come zona B, con capologo Capodistria, insieme co la zona de Trieste cità e dintorni, dita la zona A (200 km²)
Ma anca sta zona B la ga continuà a restar soto ocupaziòn militar Jugoslava, intanto che a Trieste cità xe rimasti i Angloamericani. Pò, visto che pasava i ani e mai no se rivava a meter in pìe sto TLT, i aleati ga lassà che italiani e jugoslavi se spartissi provisoriamente el Teritorio Libero de Trieste, cussì Italia e Jugoslavia le gà firmà iinte el 1954 el memorandum de Londra , e anca la zona B la xe stada incorporada definitivamente a la federativa Jugoslava. Sta spartiziòn del TLT qualchi ano dopo la xe stà de novo confermada, cò Italia e Jugoslavia le ga firmà fra de lore el trattato de Osimo (1975). De facto solo Mùia, che jera el unico paexe istrìan inserido in zona angloamericana, dentro la Zona A, xe desso teritorio aministrativo taliàn. Intant un gran numaro de 'taliani jera stai copadi 'ntel masacro dele foibe, sia 'ntel Istria che 'ntel Carso triestìn. El teròr par sti masacri, seguìo dela repression e dele vesazioni operade sui italiani dele 'utorità Jugoslave, l'a portà a scampar de l'Istria squasi tuti i abitanti 'taliani, tanti subito tel 1945-46 e tanti che ga provà a restar ma dopo ani no ga podù pì resister.
'Ntel 1954-56, xe stà la ultima ondada del’esodo , cò i abitanti de la zona B gà visto sparir le ultime speranze che vegnissi fato el TLT : in totàl l’Istria la ga perdù metà dela so popołazion e deła so identità sociał e culturał. El drama dei taliani de l’Istria se ga vìsto sora detuto col esodo de Poła concentrà tra 'l disembre del 1946 e 'l marso del 1947, in sti pochi mesi ła sità la xe stada bandonada de oltra 28 000 de i so 32 000 abitanti. I polesani fino inalora jera i unici istriani che no gaveva ancora dovesto scampar visto che Pola cità jera soto ocupaziòn angloamericana: i jugoslavi i jera tuto intorno ma no a Pola. Cò se gà savù che el tratado de paxe de Parigi firmado el 10 febraro 1947, el asegnàva Pola a la Jugoslavia, in un impeto de disperasion, tuti a Pola gà deciso de scampar, xe stà organizà navi, e i polesani ga zercà de portar via tuto quel che se podeva e parfin desoterà del zimisterio Nazario Sauro, portandose via la salma. Stò esodo de Pola, l'unico esodo che ga podù eser organizà uficialmente de l'Istria, el gà vu granda difusiòn dela stampa internasional. Tel 1991 la Jugoslavia se ga disolto e l'Istria desso risulta spartida fra Slovenia e Croazia. Dopo de sto esodo dei italiani, tanti paesi e campagne xe restàe despopolàe e ghè ndà a starghe croati, sloveni e tanti jugoslavi de zone anca ssai lontane.

'Ntel dramatico contesto storico de la fine de la II guera mondiale, in te la region triestina, istriana, fiumana e dalmata 4 000-17 000 persone le xe stà copà (ma sul nùmaro efetivo de le vìtime se discute aspramente ancora desso). 
A causa del terór provocà dai massacri e de le vessazioni del governo jugoslavo, circa el 90% de la popolasion 'taliana el gà lasà la so tera.
Le stime dei profughi le varian da le 200 000 a le 350 000 persone (comprese Fiume e la Dalmazia).
Par comemorar sti dramatici eventi, dal 2005 i gà istituìo in Italia un Giorno del ricordo el 10 febraro (aniversario de la ratifica del tratado de pace).

Fra i esuli istriani devegnesti famosi se ricorda: 

Nel 1954-56 i taliani lassa anca la zona B e l'esodo xe quasi sconcluso. La Jugoslavia ga otignù tuta l'istra, i taliani li ga fati scampar squasi duti e le persecusion pol calar anche quele. Ai istriani italiani, che iera restai, perlopiù i comunisti o i veci che no podeva moverse, la repubblica socialista jugoslava ghe lassa qualche blanda tutela. In tante cità de l'Istria i italiani praticamente no xe più ma la bandiera dela comunità italiana (el tricolor co in mezo la stela rossa) la podeva esser picà sui edifici publici e durante le cerimonie. Ano drìo ano sempre pì scole diventa scole slovene o croate, resta sempre manco le scole dove se insegna in italian. Le tabele, un primo periodo fino al 1949 soto l'italian vien zontà el serbocroato, ma in breve diventa scrito tuto in serbocroato e dopo soto in italian.
Per i italiani vien stampade un par de publicasion periodiche propie ( de ideologia comunista ) e a Capodistria una stazion radio in italian, ssai utilizzada anca per difonder verso l'Italia la propaganda jugoslava. Tel 1953 quando diventa ciaro che Trieste no diventerà jugoslava, a Pola, Fiume e tanti altri loghi vien organizade manifestazioni antitialiane, vien dispicade le tabele in italian, eliminà el bilinguismo. Tuto diventa monolingue serbocroato e el ministro del'istruzion jugoslavo decreta serade le scole in italian.

Dopo del sfacelo dela Jugoslavia, el novo Stato Sloveno ga bastanza confermà le tutele, anca se no xe praticamente italiani xe bilinguismo sule tabele. Inveze in Croasia, per via del nasionalismo del partido nasionalista HDZ de Franjo Tuđman, che iera stado tra l'altro el principale artefice dela indipendensa, ghe iera stai 'ssai tentativi per limitarghe i diriti ai italiani e per no riconoser la particolarità de l'Istria. I istriani de ogni raza alora i fondava la Dieta Democratica Istriana, un partido senza una forte conostasion de etnia, che lotava per otegnir l'autonomia de l'Istria a l'interno dela republica croata.
Quando che el HDZ xe stado sconfito, ai italiani in Istria i ghe gà riconosudo le tutele che i gaveva prima soto la Jugoslavia.

I taliani d'Istria i parla do difarenti dialeti autoctoni: l'istrovèneto e l'istrioto, entranbi presenti da prima de la dominassion venexiana (anca se tanti pensa el contrario).

Fra i croati istriani xe prevalentemente doparà el dialeto ciaciavo e in minor misura el stokavo.

In tel'Istria interna sopravive na picenina comunità de Istrorumeni, i Ciribiri 'nte la piana de l'Arsa e i Cicci a Seiane/Sejane (Cicceria), disendenti dei rumeno-valachi, un tenpo molto più numerosi, vegnùi a star in sti teritori nel tardo Medioevo. Al zorno d'ancuò, purtropo, la so lengua e cultura e la so stessa identità nassional le xe a serissimo ris-cio d'estinsion a causa del secolare processo de assimilassion a l'etnia croata e slovena (processo de slavixassion, par lo più naturale), ma anca a causa del scarso intaresse e de la mancansa de tutela da parte de le istitussion.




#Article 148: Sociołoxia (126 words)


Ła sociołogia ła xe ła disiplina che studia łe struture e łe regołe sociałi e i procesi che unise (e divide) łe persone, intexe mìa solo come individui, ma anca come conponenti de asociasion, grupi e istitusion.

Secondo ła definision tipica che se cata in tei łibri, ła sociołogia ła xe el studio de ła vita sociałe dei omeni, dei grupi de omeni e de łe società. Ła sociołogia la se interèsa del nostro conportamento come èseri sociałi; cosita el só canpo de studio el va dal'anałisi dei brevi contàti, par strada, tra xente che gnanca se conóse, fin al studio dei procesi sociałi del mondo intiéro.

Ła paroła sociołogia ła xe stà inventà da Auguste Comte nel 1838, dal latin Socius e dal greco lógos.




#Article 149: Bressa (385 words)


Brèsa (Brèsa in diałeto bresán, Brescia in tałian, Brixia in łatin) xe un comun suparzó de 190 000 aneme, caołuogo de ła Provinsia de Brèsa e seconda sità de ła Łonbardia par numaro de aneme. Ła se cata 'nte ła zona orientał de ła Łonbardia, jiusto 'ndo sbóca ła Val Tronpia.

Brèsa ła xe nasùa 'ntel 1200 v.C. cuando i Łiguri i concuista el nord ovest de ła pianura padana e i fortifega el Cołe Cidneo, 200-300 ani dopo i Vèneti antighi i riva in Orobia e Bresa deventa na sità vèneta. 'Ntel XI secoło v.C. ła xe stà invadesta dai Gałi Çenomani e 'ntel II secoło dai Romani, che 'ntel 7 d.C. i ła ga metésta 'nte ła neonasùa Regio X Venetia et Histria, cusìta ła popołasión ła torna venetica.

Dopo ła fin del Inpero Roman Brèsa vien invadesta prima dai Ostrogoti e po dai Łongobardi e in fin dal Sacro Roman Inpero, dal XII secoło ła xe un común autonomo che vien de novo invadesto dai Visconti.

'Ntel XV secoło Brèsa vien ciapà rento da ła Republica Vèneta 'nte ła cuae ga fato parte fin a ła so fin, 'ntel 1797. El masimo splendor de Brèsa xe rivà co ła Repùblica Vèneta, en sto periodo ła sità xe diventà un gran sentro culturał soratuto par ła muxica, sità pì rica de ła atuał Łonbardia e vien fate grandi opare de costrusión, come ła ricostrusión de łe mura e del Castel.

'Ntel 1797 Brèsa vien invadesta da Napołeon, po pasa soto 'l Inpero Austriaco 'ntel Rejo Łonbardo-Vèneto e 'ntel 1860 vien invadesta dal Rejo d'Itałia.

Ła cultura Bresana ła xe oroba, de matrixe łonbarda, co influense vènete par ła so istoria, prima, co ła Regio X Venetia et Histria, e po co ła Republega Vèneta.

Oltra a'l taian, łengoa ofisiał in tuta Itaja, a Bresa, e 'ntel Bresán se parla diaeto bresan.

El sinboło de Brèsa, fin dal XV secoło xe el Łeon, axuro en canpo arxento, che riciama el łigame col Vèneto e ła so visinansa storega e culturał co sto quà. El bomò xe Brixia Fidelis soè Brèsa Fedeł (a ła Repùblica Vèneta).

Anca se el soranome Łeonesa, dà a ła sità da Giosuè Carducci, fa pensar che el Łeon sinboło de Brèsa sie femena, xe mas-cio e voł ricordar queo Vèneto.




#Article 150: Mexo de comunicasion de masa (390 words)


On Mexo de comunicasion de masa, midia de masa (o en léngua inglexe Mass Media) i xe dei midia speçifegadamente projetai par comunicare in forma verta e distansa al grando publego. Se połe dire che ła comunicasion de masa ła xe costituia da organixasion ben pareciae par rivar al fin de produre e difondare mesaji rivolti a on publego largo e incluxivo, chel ciape tochi de popołasion tan difarenti fra de łori.

Par pì de cuatro secołi l'unego vero e propio mexo de comunicasion de masa el xe sta el jornałe. El primo jornałe eoropeo che se conose, el l'è del 1563 a Venesia, scrito a man da persone incargae dal goerno de ła Republica de Venesia  par difondare notisie so łe guere, so łe pułìteghe de goerno al grando publego. 

Partìo inte el 1895 co ła prima projesion çinematografega fata dai fradełi Lumière, el çine el se ga fin da suito difondesto in tuti i paexi del mondo, par divegner un grando mexo de comunicasion de masa, sia co i çinejornałi, che co i film projetai.

Partìo col scumisiar del XX secoło, l'aradio l'è sta da suito on grando mexo de comunicasion. Le traxmision inte ła penixoła łe xe scumisiae inte el 1924.

Na olta el jera on mexo de comunicasion intrà i pì funsionanti, parché el se podea scoltare co se jera drio far mestieri de calsiasi tipo e de conseguensa no el inpegnava tenpo come che ło inpegnava ła carta stanpada da łexare e anca parché no ghe jera nisuna alternadiva de sto tipo. Se połe ricordare l'existensa dei radiojornałi, de łe publiçità, de łe radiostorie (raconti) e de ła mùxega.

La tełevixion ła xe partìa en Veneto inte el 3 de genaro del 1954, e no ła ga da suito vuo on grando suçeso, parché ła costava masa in confronto al costo de ła vida intei ani çincuanta. La vera difuxion ła se ga vuo intei ani 70.

El rivo de Internet el se ga intorno ła fin dei ani 90, anca se el vero boom el se ga vuo intei primi ani del 2000 co i Computer e intei ani diexe co i dispoxidivi mobiłi (tełefoni intełijenti, tablet, rełoji intełijenti) che i dà ła oportunidà ai mexi de comunicasion de masa de poder vegner drento a ła nostra vita en ogni momento de ła jornada.




#Article 151: Cuxina (168 words)


Co ła paroła coxìna o cuxina se intende tuto chel'insieme de pratiche e tradisioni ligà al magnàr, e piesè in xenerałe ała preparasion de robe da magnàr e da béar. Ogni paexe del mondo gà ła só manièra de cuxinar e i só piati tipici.

Una de łe cuxine piesè rinomate in tel mondo ła xe cueła itałiana, che la vanta varie speciałità tipiche. In Italia ghe xe anca tante coxine regionałi, difuse solo in te na region o na xona giografega.

La base de ła coxina veneta (e mìa soło veneta) ła xe sicuramente ła połenta, che ła se magna sia péna fata, sia brustolà.

Tra i vari piati e prodoti tipici del Veneto ghe xe i seguenti:

Tra łe varie arte (atrezi) che se dopara in coxina ghe xe el piron, el cortel, el cuciàro o sculiaro, el mestoło (minèstro) par misciare ła pasta o altre robe, el pasìn par filtrar i liquidi, ła gratarola par gratar el formajo e tanti altri strumenti e atrézi vari.




#Article 152: Teołoxia (207 words)


Ła teołoxia ła xe el stùdio de Dio. Ła paroła ła vien dal grego Θέος (Dio) e λόγος (discorso).
El conceto de Dio el ga avesto tanta importansa inte el pensiero de l'osidente. In fioxofia el xe vedesto cofà l'èsare inte el cuało pensiero e asion łe xe conpagne inte el isteso tenpo, ma anca cofà ła verità ùltema de łe robe. In teołoxia, se varda pi che altro el aspeto de creator de sto mondo e de cheło che tuto połe so tuti.

Ła teołoxia catòłega ła xe el doparare ła raxon so el mesajo de ła rivełasion scoltà da ła fede. Inte ła baxe ghe xe el raporto intrà fede e raxon, che ła tradision catołega łe ciama conplementari. I teòłoxi cristiani, i dixea che ła fede ła xe da intendar cofà vera fiłoxofia, saria a dir cofà vera e pròpia risposta a łe domande fiłoxòfeghe.

Uno dei argomenti pì inportanti de ła teołoxia catòłega ła xe ła nadura, łe propietà e l'esensa de Dio. 

Sti argomenti i xe prexenti anca inte łe tradision teołòxeghe cristiane no catòłeghe, e anca in chełe no cristiane. Inte el catołicexemo ła teołoxia ła ga faxesto fronte par tradision ła rivelasion divina inte ła Trinità e inte ła cristołoxia.




#Article 153: Torismo (515 words)


El torismo el xe el conpleso de łe manifestasion e de łe organixasion rełative a viaji e sojorni fati a scopo ricreadivo o de istrusion (Devoto, Oli, 2011). 

Inte el çentro de l'esperiensa toristega ghe xe el torista, che'l njien definio da l'Organixasion mondiałe del torismo (World Tourism Organization, ajensia speçałixada de łe nasion Unìe) come ła persone che ła viaja in paexi difarenti da ła so rexidensa abituałe e al de fora del proprio anbiente de tuti i dì, par on periodo de almanco na note, ma no pì longo de on an e che'l fine del viajo el sia difarente da l'exercitasion de calsiasi laoro par schei drento del Stato vixità. In sto termine, i xe considerai tuti chełi che viaja par ripoxarse, divertirse, par na vacansa, na vixita a amighi o parenti, motivi de afari e profesionałi, de sałute, rełijosi e altre motivasion manco disfrutae.

L'indusria del tenpo libaro ła raprexenta on setore economego vero e proprio e talvolta fondamentałe par alguni paexi del mondo, parché el porta schei drento a łe case del stato traerso difarenti manjiere: ła tasasion de servisi coreładi al torismo (tase aereoportuałi), łe tasasion dei servisi doparai dai toristi e altro. L'è nato da l'evolusion de ła industria culturałe.

Col termine turismo se połe intendare anca, a segonda del contesto, el setore industriałe e comerçale, parte del setore tersiario, che'l se ocupa de vendare servisi come i trasporti (aerei, navi, pullman e altri), servisi de ospitałità (alberghi, viłaji toristeghi, baite e altri) e altri servisi corełai (guide toristeghe, ingreso intei muxei, fiere, servisi de ristorasion, intrategnimento e atrasion toristeghe in xenerałe).

Drento a sto setore ghe xe i fornidori de servisi e i intermediatori come i operadori toristeghi e ajensie toristeghe. Se trata de on setore economego estremamente rico, che'l finansia grande manifestasion e che ła i so afari i ga vuo na granda cresita da dopoguera in dopo.

A łiveło internasionałe, se stima che el torismo, al dì de oncò, el sia el 10% del prodoto interno łordo. Par dimostrar ła grandisima cresita del torismo, podemo dire che inte el 1950 ghe jera 25milioni de toristi internasionałi, inte el 2015 ghin'è stài 1186milioni e se pensa che inte el 2030 ghin sarà 1,8miliardi. El numaro de toristi interni l'è stimà a pì de  5milioni.

L'è cusì tanto rico sto sistema economego, che tante organixasion no goernadive, łe ga tacà a trabacare inte el torismo par jutare el xviłupo de łe nasion poarete.

Inte el canpo soçołoxego, Raffaele Alberto Ventura el definise el torismo come «forma sublimada de ła critega soçale parché el ne permete de vivare tenporaneamente come sitadini de soçetà ideałi, ma del tuto artifiçałi.»

Algune olte el torismo porta barufe co łe popołasion che vive inte el posto vixità par colpa de canbiamenti economeghi, soçałi, anbientałi e altre conseguense che el torismo połe portar. Par sto motivo, alguni i parla del ris-cio che ghe xe de far rivar el torismo a na situasion de neocolonialismo e de dominio.*

Arivi internasionałi

Prexense toristeghe inte łe struture ospitanti

Dati OMT al 2018

Dati OMT al 2018




#Article 154: Agricultura (1582 words)


L'agricultura la xe el laoro de l'omo de coltivar specie vexetałi. El fin prinçipal de l'agricultura l'è otegnere prodoti da le piante, da doparare soratuto col fin de magnare. In economia l'agricultura la fa parte del setore primario
On patrono de l'agricultura l'è San Prospero da Centuripe, Martire.
Inte la tradision, l'agricultura l'è popolarmente riferia al disfrutamento de le risorse vexetali par magnar e el disfrutamento de le risorse de orijine animal, o sia l'alevamento, el saria l'antitexi. Col fin sentifego e xuridego, tute e do le materie le xe comunemente unie soto la granda açesion de agricultura, che la inbrasa difarenti laori come la coltivasion de piante (arboree, erbasee), l'arlevamento de le bestie e el disfrutamento de le foreste.

Inte el paleolitego, i omani i magnava co chelo che la tera ghe dava e caçando le bestie. Su par zò el 10.000 a.C., a la fin de l’ultima jasasion, calche grupo uman el ghea scumisia a organixarse par produre el magnare che prima de la giasasion catava e el catzava in bondansa, xe cusì che nase l'agricultura. Le prime a esar coltivae le jiera le tere co tanta acua de le conche fluviali come el Nilo e la xona intra el fiume Tigri e el Eufrate, tere andove nasia cereali de vario xenare.

Da la riçerca molecolare e archeoloxega xenerai inte el corsi dei ultimi ani, njien fora che l'agricultura la xe scumisiada inte el mondo in modo indipendente so na area pì grande de chela che se pensava na volta, e semo drio parlar de almanco 11 rejon del vecio e del novo mondo le jera orixani indipendenti de l'agricultura (se pole dire che l'agricultura no la xe sta inventada solo da na persona o on grupo e dopo insegnada ad altri, ma che pì grupi de persone i a ga inventada in difarenti rejon del mondo), ste rejon le xe xeografegamente ixolae e le xe prexenti so caxi tuti i continenti. El primo xvilupo l'è de çirca 11.500ani fa, indipendentemente inte la mexa luna fertile e al Chogha Golan (inte el chel che onco se ciama Iran), andove se inpiantava el orxo selvadego, gran e lenteje e dove le forme domestiche del gran le xe vegnue fora sirca inte el 9800 aC. 
L'agricultura la se saria de conseguensa xvilupada sirca 10.000 anni fa traverso la domesticasion.

Anca se existe exenpi de insediamenti stansali prima che se scumisiase a coltivar, xe sta proprio col scumisiar de l'agricultura che xe sta da el via al xvilupo de comunità che stava ferme so on posto. che pian pian le divegneva senpre pì grandi e che col tenpo le ga scumisià a struturarse faxendo vilaji e çità.. L'economia de l'Egito la jera baxada so l'agricultura e la xe stada tra le prime popolasion a doparar el versoro in legno, e la sapa, soratuto inte la conca del Medio Oriente e del Mediteraneo, l'omo, na olta d'asada la vita da nomade par star fermo so on posto, el ga scumisià a domestegare le bestie. L'arlevamento el dava co sicuresa na major disponibilità de carne e de late, oltre che materie prime come la lana e peli fin a che no se ga scoerto i motori a s-ciopo, che la xe stada la pì inportante forsa de laoro come  ajudo inte l'araura e inte la bonifega 

El raporto intrà la proprietà de la tera e el rolo sociale, el jera divegnesto suito inportante. Inte el mondo clasego e latin, el sistema agraro el se baxava so la divixion de la tera in baxe a le exigense de la cità e sol 'ager publicus oltre che inte la rodasion ogni do ani, andove, in otuno, sirca metà de la tera la vegneva samenada co cereali e che l'altra metà la vegneva d'asada dormire. El segondo ano, vegneva invertie le tere. Sta pratega la se ciama .

Co jera drio el Medioevo jera rivae in Eoropa nove piante portae dai arabi: Rixo, coton, carubo, pistacio, spinaso, agrumo e dopo la descuerta de la Mèrica, xe rivà el mais, la patata, la Suca, el faxol, l'bajijo, el pomadoro, el pevaron, la papaya e la banana.

L'agricultura baxada so la rodasion trienal e sol maxegà la xe restà dominante fin al XVII secolo.

In particolar, inte le rejon del belgio inte le Fiandre e inte el Brabante  el teren el jera poco fertile, ma el gran xvilupo del comerço de mare el ghea fato vegner pì granda la domanda de prodoti come el lino, le tele, i coloranti e el pano, l'orxo e il lupolo, la canapa, le corde e el tabaco e altre. La grandesa de la popolasion la favoriva el xvilupo de l' orticultura e della fruticultura. Se ghea scumisià a doparare nove tecneghe baxae so la rodasion plurienal e so la sostitusion del maxegà co le bestie, anca par otegnergine el conçime nadural. 

Ste inovasion le xe vegneste da suito studiae da esperti eoropei e americani. L'Inglese Richard Weston el ghea vixità le provinçe flaminghe intorno al 1650 e el ghea dito inte na so famoxa opara A discourse of husbandrie used in Brabant and Flanders el metodo de sti cua chel jera baxà so la rotaẑion de le colture (lino, rapa, avena, trifojo). I novi metodi i ghea dato nasita al cusita dito  sistema di Norfolk, xeneralmente considarà el prototipo de na nova agricultura, che grasie a la rodasion e altri aspeti, come le reçinsion, grandi axiende, el versoro in metal tirà da cavi e altri.. i ghea consentio a l'inghiltera de esportar grande cuantità de gran e farine inte el periodo 1700-1770. Segondo Bairoch, el xvilupo de l'agricultura in sto periodo, el ga contribuio a la rivolusion industriale, grasie a la domanda de novi versori e altri arnexi in metal.  

La rivolusion industrial la ga portà da le canpagne tanti laoradori che i se spostava verso altri continenti e/o grande çità. Inte le nostre xone, la migrasion la xe stada da le rejon del sud italia verso le rejon Piemonte/Veneto/Emilia e par contrastarla el governo ghea meso xò on pian de bonifeghe de tere goernadive che le vegnea doparae par farghe agricultura.

Inte el corso del XIX secolo, i arnexi da laoro i xe mejorai, novi sistemi par samenare, nove samenti e de conseguensa nove piante che produxeva tanto (mais), la nasita de le machine agricole e dei conçimi chimeghi, i ghea dato vita a na granda ristruturasion rurale che la ga dato el via a la costrusion de nove altre machine e arnexi par tute le exijense laoradive agrarie. L'atività agricola la jera divegnua da là a poco de tipo industrial intei paexi ciapai ben economegamente, e inte el contenpo inte el eoropa del est, Merica latina, Axia e africa, xe restai grandi tere no coltivae, anca se se podeva farlo

Intei secoli e sin a tenpi viçini al nostro anca inte el mondo oçidental, l'agricultura la ga vuo senpre primaria inportansa par el xvilupo dei popoli e dei inperi. Uncò la xe caxi senpre degnada de on atension superfiçal inte le economie moderne e inte el contenpo la continua a restar la fonte primaria de soravivensa e dei paexi pì poareti e indrio. L'inportansa de l'agricultura l'è dimostrada dal fato de esar a tuti i efeti na siensa e de esar ormai al confine co tante altre siense come la xenetega e la bioloxia sia animal che vexetal.

I goerni dei paexi industrialixai intrà el 1960 e la fin dei ani novanta, le ga butà drento te l'agricultura la cusì ciamada rivołusion verde, o sia i ga investio tanto inte la riçerca agricola, diretante intei canpi dei agricoltori, çercando altri sistemi par produre de pì. Dopo sti finansiamenti, se ga scumisià a xvilupar pestiçidi e fertilixanti, incorajando i agricoltori a dopararli a doparar ste nove tecnoloxie e rivolusionando le tradisional prateghe agrarie e co l'abandono e l'esinsion de tante varietà locali e tradisionali.

L'agricultura moderna la se baxa senpre pì so l'imision de enerxia esterna al sistema soto forma de fitofarmaghi, mecanixasion, fertilixanti, inxegneria xenedega, tecnoloxia, se parla de conseguensa de agricultura intensiva el contrario de l'agricultura estensiva.

Dixendo in manjiera ciara che doparando na laorasion agricola intensiva masa spenxua, la xe na roba negativa e che ghe xe na continua cresita dei fabixogni de magnar mondiali, la neçesità de tegner basi costi del magnar, le tere coltivabili che le vien senpre manco e l'exijensa de coltivar anca inte le xone andove saria mejo no farlo (a volte anca incuinae) e de dover otegnere prodoti de alta cualità nutrisional, ste situasion le mete i operadori davanti a na sfida granda.

Le laorasion tradisionali doparae prima de la rivolusion verde, le ghea el difeto de no esar in grado de dar prodoti de granda cuantità e economeghi e no i jera in linea co i standard de cualità de sicuresa inposti da la leje e de conseguensa par leje no se pole vendarli a livel industrial. Na parte de sta agricultura tradisional, al dì de oncò la ciapa el nome de agricultura biołoxega che la xe on gran toco de marcà, chel ga na gran rilevansa e de preso medio-alto.

D'altra parte l'agricultura intensiva, la prexenta çerti problemi de sostenibilità e par sto motivo de ano in ano crese senpre pì l'exijensa de tecnoloxia de setor senpre pì atenta a le problemateghe anbientali.
Intrà le solusion tecnoloxeghe, se ga vuo on mejoramento dei conposti chimighi (manco toseghi e duraduri). In sto modo de vedare, se ghe mete i O.G.M. Organixmi jenetegamente modifegai.

ì




#Article 155: Tenołogia (224 words)


El termine tenologia, o anca scrito tenoloxia, xe na parola conponesta e che la riva dal greco antico tékhne-logìa (τεχνολογία), che xe letaralmente tratà sistematego so on'arte. Inte lEtica nicomachea Aristotele el gà separà do forme de axire: prâxis e téchnē.  La prima, la ga el proprio fin in ela, la segonda l'è senpre al servisio de chel'altro, come on mexo. In sto senso la tenega (termine doparà speso come sinonimo), no la jera difarente né da l'arte, né da la siensa, gnanca da calsiasi prosedimento o operasion che la serve par xontar a on efeto calsiasi, e el so canpo se stendea so tute le atività omane. Solo intrà la fin del XX e el scuminsiarse del XXI secoło se xe rivai a darghe a Tenega on signifigà del sotogrupo de le prateghe omane, che se intende el conportamento intei confronti de la naura diresionà a la produsion del ben.

Par tenega se pole intendare la aplicasion de le conosense derivae da la siensa a fini prateghi e a la produsion de mestieri par farli.

La parola tenoloxia indica par sto qua la catalogasion e el studio sistematego de teneghe aplicade, un mucio riferie a on serto dirghe spesifego (se pole parlar, par exenpio, de tenoloxia informatega, tenoloxia mecanega, tenoloxia eletronega, tenoloxia eletrotecnega, tenoloxia del magnare, tenoloxia telematega e on altro bel mucio).




#Article 156: Pandoro (302 words)


El Pandoro l'è el dolce tipico de Verona. Secondo xerti łe origini de ła ricetta le sarìa da xercar in Austria, dove na òlta se faséa el cosideto Pan de Vienna, derivà proabilmente dała brioche fransexe. Secondo altri, invexe, el podarìa derivar dal pan de oro che vegnéa servìo sułe tòle dei veneziani piesè sióri.

Insieme col panetón l'è uno dei dolci de Nadal piesè tipici. La pasta l'è tènara e de cołore dorato par ła presensa dei óvi, e la sà de vaniglia. El pandoro l'è fato a tronco de cono, con riłievi fati a stela, de sołito a oto ponte. Tra i ingredienti ghè: farina, zùcaro, óvi, buro, buro de cacao e łievito.

La tènica de laorasion l'è particołarmente complicà e l'è fata de tante fasi.

De sołito el pandoro nol vien mìa guarnìo par drento con creme o canditi come el paneton), anca se ormai łe case produtrici łe stà xercando de diferensiar ła só oferta inventando o riscoprendo certe ricéte. Se pol quindi magnàrse el pandoro in diverse versión, farcìo con crema o cuerto de un strato de ciocolata, ecc.

Quasi sempre el pandoro el vien vendùo in scatołe de cartón col zucaro a velo in te un sachetin par conto suo, che bisòn udàre inxìma al dolxe quando che el se verxe (questo anca per evitar che el zucaro a velo stando inxima al dolce durante tuto el periodo de confesionamento el perda łe só carateristiche).

Spéxo in teła produsione industriałe in serie dei prodoti da forno come sto chì, el fondo dei dolxi (che in tanti casi l'è l'unica parte che resta descuerta nel forno) el vien brusà in teła cotùra. Par prodoti come el Pandoro purtropo ła contraposision tra el dolxe de ła pasta tènara e el brusà del fondo el pol dar pitosto fastidio.




#Article 157: Endùstria (560 words)


El termine industria el njien doparà par dirghe a na calsiasi atività umana che la njien fata col fin de crear beni o servisi.

El termine el deriva dal latin industria (-ae) (de etimoloxia inçerta), che signifega operoxità e atività.

Xà inte la preistoria le vegnea fate tante atività de trasformasion de materiałi par otegner dei beni (par exenpio la produsion de arnexi in piera), ma par vedare la creasion de na vera e propria industria, bixogna star là spetar finmente la fin del XVIII secolo, co xe rivà la cusì ciamada rivołusion industriałe, che la xe scumisiada co el scumisio del xvilupo de l'endustria tesiłe en Granda Bretagna, da andove xe partio anca el xvilupo de l'Endustria siderurxega.
Inte el XX secolo ghe xe sta n'altro progreso industrial, propio co se ga tacà a doparar el petrolio e el gas naturale come prinçipali fonti enerxedeghe, e co ste cuà anca la nasita de novi stabili e de conseguense nove opurtunità laoradive. Sta cresita economega la se ga ralentà intei ani sesanta, par colpa de la crixi del petrolio, andove se ga visto la manodopara pasar dal setore segondario (setor andove l'endustria ghe fa parte) al setore tersiaro (setor orientà al fornimento dei servisi), particolarmente par chel che rivarda a l'industria de l'informadega e de la tełematega, che le se xvilupa inte el contenpo a la segonda guera mondiale, come conseguensa del vegner vanti de barufamenti intrà nasion.

Dopo a sta ultima trasformasion laoradiva, el termine endustria, el njien doparà in senso pì grando e largo anca pal setor tersaro, inte el segnifegà de industria dei servisi.

El steso termine el njien doparà in senso pì strenxuo par dirghe a algune atività de produsion de beni che i fa parte del setore segondario de l'economia, faxendose diverso in sto modo da l'industria de la produsion agricola (setore primario) e da la produsion de servisi (setore tersiario). In senso oncor pì strenxuo, el termine el jien doparà par dirghe a la sola produsion de beni del setore segondario produsion in serie, o sia traerso proçedure standard, permetendo cusì de produre beni in grandi cuantità, a difarensa de l'artexanà, andove el prodoto el njien fato in cuantità limitae.

Sta carateristega la fa l'atività endustriale pì fadigosa in confronto a chela artixanale, dovendo in sta manjiera doparar on model de organixasion struturà (pì o men conpleso), aplicasion de standard par la produsion in serie, la doparasion de machine e de enfrastruture par la produsion, on schema predeterminà de divixion dei laori, on sistema de distribusion comerçale so on area pì granda e on atento studio de fatibiłità par minimixar el ris-cio par l'inprexa che pole derivar da la costrusion de on stabiłimento endustriałe. De conseguensa se pole dire che en endustria el capitałe e la finansa i domina rispeto a altri fatori che i xe invese dominanti inte l'artixanà.

L'industria la xe divixa in tanti setori, ogniuno co na propria speçalixasion e la xe in continua evolusion propio parché la ga da adatarse continuamente a le exijense de consumo e a le nove tecnołoxie de produsion. Na olta el termine industria, la vegneva doparada par rifarirse a la produsion de prodoti tocabili, parò oramai da tenpo, la njien doparada anca par prodoti che no i pole esar tocai, come par exenpio i servisi.

Na clasifegasion dei vari setori industriali, la pole esar cusì:




#Article 158: Spetacoło (171 words)


On spetacoło l'è on evento fato da ła naura o da l'omo, spontaneo o provocà o anca on imitasion de sto cua, che el atira l'atension de una o pì persone che łe xe dei sojeti testimoni che in xenare i ga on roło pasivo (le varda soło, no łe parteçipa). 

La połe esare anca na raprexentasion artìstega, fata intei confronti del sù dito pùblego, che ła pol èsar de difarenti tipi: teatrałe, çinematografega, cantora o muxicałe. Al dì d'ancó, łe varie forme de spetacoło (e soratuto łe arti vixuałi) łe se ga diferensiae oncor de pì rispeto a na olta, col rivare de ła televixion, de internet e dei computer e tełefoni intełijenti ła ga dato ła posibiłità de dare posibiłità de parteçipar a majori spetacołi e de vario tipo, faxendo preferire al publego łe arti figurative. Anca el spor el xe considerà come spetacoło. 

Co mondo del spetacoło se intende tute łe persone che ghe laora drento a difarente titolo, par exenpio: atori, rejisti, conparse, sienografi, muxiçisti e altri.




#Article 159: Scheda video (103 words)


Na scheda video xe un componente de computer che ga lo scopo de generar un segnal elettrico (output) de queo che el sistema el stà fasendo parché el posa esar mostrà sul schermo. A seconda de tipo de computer 'sto dispositivo el pol esar più o manco potente: i primi modełi de scheda video no i podea mostrar altro che testo; dopo sà difuso anca schede video bòne de mostrar output grafici (cioè imagini non testuali) e, de recente, anca modełi tridimensionałi texturizzà in movimento e in tempo reale. Ogni scheda video ła ga el compito de elaborar sia imagini 3D che 2D.




#Article 160: Comunicasion (682 words)


Par comunegasion o comunicasion (dal latin cum = con, e munire = ligare, costruir e dal latin communico = métare in comun, réndar partèsipe) se intende el proçeso e le modalità de traxmision de on informasion da na anima a n'altra (o da on posto a n'altro), traerso el scanbio de mesajo laorà segondo le regole de on determinà codaxe.

La comunicasion la rivarda sia on anbito de tuti i dì, sia inte el anbito de la publiçità e de le publeghe relasion: in çascun de sti anbiti la comunicasion la ga difarenti fini.
I ajenti de la comunicasion i pole esare persone omane, esari viventi o entità artifiçali. L'è chela anima che la riçeve el mesajo a darghe on signfegà a sto mesajo, e na olta dita sta roba, se pole dire che la xe la potensialità creadiva de l'esare omano a darghe signifegà a ogni roba, creando el sistema de comunicasion co le so dò carateristeghe: l'imajinasion e la creasion de sinboli. L'è comuncue on discorimento continuo capire se la comunicasion signifega l'existensa de cosiensa, o se l'è on proçeso chel pole verifegarse anca tra machine, se de fati el xe chelo che riçeve a darghe on signifegà a chelo che ga riçevuo, ogni roba la pole comunicare. 

El conçeto de comunicasion par esarghe, ga da esarghe na interasion intrà anime difarenti, o sia on asion che parché la ghe sia, la ga bixogno de la cooperasion intrà le anime. Ogni proçeso comunicadivo, el se verifega in ambedò le diresion, e, segondo alguni, no se pole parlar de comunicasion se ghe xe solo uno a parteçipar a l'asion e se parlaria de senpliçe traxmision de segni o informasion. 

Inte el proçeso comunicadivo che el vede indafarà i esari omani, se catemo davanto a dò poli: 

Da na parte la comunicasion come asion de colaborasion, o sia che do o pì comunicasion le comunega fra de lore o na senpliçe traxmision, unidiresional, andove no se ghe pole replicar, o sia na co la televixion, radio o multimedia so internet.

La comunicasion la pole esar disturbada da on caxin, o sia calsiasi fator, fixego o psicoloxego, che interonpe e disturba la comunicasion.

Par sistemare el problema del caxin, se ga do posibili vie da seguir:

Caxin, ridondanza e feedback i fa divegnere la comunicasion dinamega.

Ghe xe pì tipi de caxin che pole disturbar na comunicasion: 

Paul Watzlawick e i so coleghi, inte el 1960, i ga portà na granda difarensa inte el studio de la comunicasion omana: Tuti i proçesi comunicadivi intrà esari omani, i ga do dimension difarenti, el contegnuo (chel che le parole dixe) e la relasion (chel che i parlanti i dasa intendare, sia a livel verbal che non, sol tipo de la relasion che ghe xe tra de lori).

Inte el 1981, el psicologo Friedemann Schulz von Thun, de l'Università di Amburgo, el ga proponesto on model de comunicasion interpersonal chel se difarensia in cuatro dimension difarenti, inte el cusì ciamà cuadrato de la comunicasion. 

Ste cuatro dimension le se pole tegner prexenti sia co se fa i mesaji e sia co li njien scoltai e inte l'interpretasion dei mesaji de altri, in sto segondo caxo, la scola de amburgo, la parla de le cuatro recie (che le corisponde al cuadrato de la comunicasion), andove se se pole sintonixar. Par exenpio, par ciaparmela o sia ofendarme inte el scoltar na comunicasion, garò da darghe on signifegà so la recia xala, o sia ghe do on signifegà al mesajo che riçevo baxandome so chelo chel vole (esplicando o inplicando) dirme.

Sto modelo el varda co se sia senpre libari de darghe a calsiasi comunicasion on segnifegà o n'altro, evidensiando in sta manjiera el podere de chi che scolta de contribuire inte la cualità de on interasion.

Co on fià de alenamento, se sarà posibile sintonixarse anca so la recia verde, al posto de ndar senpre so chela xala, e domandarse, dentro de ni'altri, stando davanti na conversasion che la podaria esar iritante: Come se sentea la persona che parla? Parché la me ga da parlar in sta manjiera?




#Article 161: Doménega (194 words)


Ła doménega (o anca domìnica) el xe el zorno de ła setimana tra el sabo e el luni.

Ła paroła la ven dal latin dies dominicus, zorno del Signor; par el mondo romano, prima che vegnese el Cristianesimo, el se ciamava dies solis, zorno del Sol, doparà 'ncora deso in tei paesi anglofoni (Sunday) e del nord Eoropa.

Nel cristianesimo el xe el zorno da dedicarghe al culto, che tołe el posto del sabo ebraico a causa de ła risuresion de Gesù, che ła xe avegnùa el zorno dopo el sabo (Marco 16,2; Łuca 24,1; Giovani 20,1).

I catołici i santifica ła doménega atraverso ła parteçipasion a l'Eucaristia, el riposo dal laoro, e standoghe adrìo a ła só fameja e anca in xenere ai malati e ai soferenti.

La domenega l'è el primo giorno de la setimana, anche se - par l'influensa anglofona (week-end vold fin de la setimana) - ghe quei che in Eoropa e in Merica latina el ritien la domenega l'ultimo jorno de ła setimana. Invese in tei Stati Uniti e in Braxil el xe ritengù el primo. Par la Cexa Catolica, la Domenega l'è el primo jorno de la setimana.




#Article 162: Ełetrònega (705 words)


Leteralmente, łeletrònega xe la siensa e la tecnołogia che controła i ełetroni. Ma 'sto termine ł'indica 'nco l'insieme dele conosense pratiche e deła teoria che serve par progetar e realizar aparati boni de elaborar grandese fixiche.

Xe usa i circuiti eletròneghi che i xe fati da conponenti ativi e pasivi, cołegai par mezo de fili dove che in mezo pasa ła corente.

Le prime robe fate de l'elitronega, le xe stae i sircuiti radio riseventi e traxmitenti, sensa dubio Guglielmo Marconi e Nikola Tesla, i xe stai i pari de la elitronega, anca se le so radio, no le gaveva njiente de conpleso. El vero e proprio xbaleton, el riva co l'ingegnere britanego John Ambrose Fleming de l'University College de Łondra, che inte el 1904 el ga inventà el primo dispoxitivo elitronego a do terminali, el diodo a vodo, osia la prima valvoła termoionega. Dopo dù ani, inte el 1906 xe rivà el primo conponente elitronego a tre elitrodi de Lee de Foreste, el triodo a vodo, che el permetia de anplifegar on segnal.

Dopo la prima guera mondial, l'elitronega la jera cresua velosemente, soratuto par merito de la Radio, che in chel tenpo, la jera la ponta del elitronega, inte la teoria dei sircuiti, na roba granda, la ghe xe stada inte el 1927, co l'invension del primo sircuito a reasion, chel permetia de raxonxare co pochi conponenti, prestasion mejori. Inte el contenpo, le radio le se fea senpre pì conplicade, pasando dai primi semplisi schemi sircuitali omodina o sincrodina, a schemi pì conplicadi eterodina e superterodina, che le garantia na mejor separasion tra le stasion radio e manco caxin de sotofondo.

N'altra xvolta, la ghe xe sta dopo la segonda gura mondial, co l'invension del transistor, conponente ativo chel podeva ver le stese funsion de le valvole termoioneghe, ma con manco schei, co manco spasio e co manco corente. I transistor i pole esare xontai in dispixitivi conplesi, i sircuiti integrai, che i pole tegnerghene anca milioni de transistor.

Co i transistor e dopo co i sircuiti integrai, l'eletronega la ga ciapà el boom, che oncora oncò no l'è njiancora finio e se xe senpre drio conosar robe nove.

Segondo alguni autori, se pole definir eletronega come el studio del moto dei eletroni al de fora dei metali. Segondo sta definision, l'eletrotecnega e le aplicasion aradio claseghe, no le fa parte del canpo de la eletronega, che l'è riservà ai soli dispoxidivi a semicondutore (siłiço, xermanio, semicondutori conponesti), ai tubi a vodo (valvole) e a la propagasion del canpo eletromagnedego in mexi dieleteghi come l'aria o el vero (fibre oteghe).

L'eletronega e l'elettrotecnega le xe do disipline che le xe tra de lore ligae e che le se difarensia pal tipo de aplicasion: La prima la ga come fin prinçipal l'elaborasion dei segnali elettrici e de l'informasion, la segonda la laora soratuto inte el canpo de la traxmision de la potensa eletrega, o sia de la jestion e projetasion de le machine ełetreghe

L'eletronega, co l'informadega e a le telecomunegasion, ingrumae inte la denominasion Information and Communegation Technology (ICT), la xe anca uncò uno dei setori economeghi trainanti de la cusì ciamada tersa rivolusion industriale.

Dal ponto de vista teorego, l'eletronega la ciapa sia le leji de eletromagnetismo clasego, sia de l'ełetrotecnega e sia de la mecanega cuantistega, che la xe la baxe de la  tecnoloxia dei semicondutori.

In pì njien doparai i metodi matemadeghi fati da la teoria dei sistemi par definir la risposta in frecuensa del sistema eletronego e da l'alxebra de Boole.

I componenti eletroneghi ativi, o sia i diodi e i transistor, i xe cuerti da na tratasion teorega conpleta e xe posibile capirghene el conportamento in ogni so condision oncora prima che suçeda; anca algune tipoloxie de çircuiti, come i anplificadori lineari a basa potensa, i anplificadori operasionali ei osiladori, i ga na baxe de teoria che la pole in parte guidar el projetista, ma in xeneral el projeto de on novo çircuito el xe on laoro chel ga da metar insieme la teoria co la creatività.

L'eletronega la se dixunise in do setori:

Altri setori i xe:

Le aplicasion pì comuni de l'eletronega e dei çircuiti le xe:

I componenti eletroneghi pì comuni e doparai i xe:




#Article 163: Trasporto (819 words)


El trasporto la xe chel'atività umana, che ła permete el spostarse de łe persone, bestie e merse da on posto a che l'altro. El ga na forte rilevansa economega e sociale, parché el permete el scanbio de beni materiałi e co st'ultimi, el favorise la interasion tra esari umani.
El vocaboło el vien da ła latín trans, chel vol dir detraverso, e anca portar.

El trasporto personale sensa motore l'è chel trasporto de esari viventi o merçi fato doparando forsa muscolare de l'omo, par exenpio caminare, corare o noare o anca co la forsa muscolar la njien doparada par uxar alguni tipi de veicoli. De fati, le tecnoloxie le ga fato tanti tipi de mexi e machine in grado de rendar pì sénplego el trasporto personale sensa motore, alguni exenpi xe la biçicreta, i patini a rodele, i sci da neve e da acua, le barche a remi e veivoli che se dopara co la forsa del vento o da la forsa muscolare de l'omo.

La carateristega del trasporto personale sensa motore, l'è na manjiera de trasportare a baso incuinamento e el ga na gran difuxion par motivi economeghi e de jestion, speçalmente inte le aree poco xvilupae del mondo e in chele andove no se ghe pole ndarghe drento in altre manjere. El njien preferìo in algune atività inte el tenpo perso e el costituise el ojeto de alguni sport.

El trasporto a trasion de le bestie, el xe la doparasion de bestie da laoro pal movimento de persone e merçi. I esari umani i pole cavalcar diretamente le bestie o dopararle come bestie da traino pal trasporto o sfrutarli, da soli o in grupi, par trainar veicoli.

I trasporti so sina, i xe nasui a trasion del motore, el se ga xvilupà veloçemente inte el contenpo a la rivolusion industriałe, diventando el tipo de trasporto prinçipałe de la xente par le medie e grande distanse, dato che no existea oncora le auto e i aerei.
A segonda del tipo de la domanda, el trasporto el se difarensia in: Trasporto so sina urban (par exenpio tram e metropołitana) e chelo so sina extraurban (ferovia e altri sistemi de alta veloçità come ła monosina).

In Itałia:

L'axienda de łe Ferovie de Stato che la se ocupa del trasporto pasejeri in Italia la xe Trenitałia, anca se ghe xe difarenti altre axiende privae.

I trasporti so goma, faxendo parte de la categoria dei trasporti sensa vincoli, i xe el tipo de trasporto che ga senpre vuo pì suçeso e par sto motivo, sto tipo de trasporto ga vuo na granda difusion xà da la fin del Otoxento. Inte el Novexento, senpre la stesa motivasion la ga cavà el monopolio de trasporto a i mexi vincolai, propio par la granda flesibilità che el trasporto automobilistego garantise.
Al masimo de la so difuxion, i trasporti automobilisteghi, i ga contribuìo a catarse inte le çità e no solo, on forte incuinamento chimego, incuinamento acustego, gravi problemi de trafego e tal 'olta anca inçidenti pì o manco gravi, faxendo diventar le strade pì pericoloxe. A sti problemi, se xe drio çercar de sistemar, lejiferandoghe sora, riduxendo el trafego, speçalmente in çentri storeghi e col potensiamento dei trasporti publeghi in xeneral, incorajando la xente a dopararli.

I trasporti par via aerea i xe de do tipi:

I se ga difuxesto inte el novexento, anca se no jera convienjente come trasporto, dato chel consumava tanto enerxedegamente e el fea forti rumori. Intei ani, el xe diventà el trasporto pì seguro, segondo alguni, e ben jestio. La so jestion la xe baxada so aereoporti (par ndar in aria e aterar) e so linee aeree preçixe (aviolinee), l'asistensa de volo la xe permesa grasie a tecnoloxie de tipo eletronego che le permete la comunicasion intrà el personal iinte el aereo e cheli de tera e altri sistemi come chelo de localixasion.

El trasporto par vie de acua (fiumi, laghi, mari, canali artifiçali..) el se fa co natanti, par exenpio gondole, navi, barche e altri mexi.
El trasporto par vie de acua el xe uno dei trasporti pì veci che existe, l'è nato inte la preistoria, disfrutando de le corenti de l'acua, de la forsa muscolare de l'omo e de altri fenomani nadurali come el vento.
Xe dal setexento che se ga tacà doparare i primi motori, come el motore a vapore. Dal otoxento, se ga difondesto la navigasion co motori a combustion interna.
El trasporto par vie de acua, l'è doparà par el trasporto in grande cuantità, dato chel xe convegnente rispeto al trasporto de tera e de aria.

Altri mexi de trasporto par esari umani i pole esar in montagna le funivie o cabinovie, intei edifiçi i asensori o le scale mobili o par merçi inte el stato licuido o gasoxo traverso condoti, come chele de l'acuedoto o del gas par le caxe.
Altri mexi de trasporto, i pole esare cheli come i shuttle par esplorasion spasiali.




#Article 164: Vitòrio (227 words)


Vitòrio o Vitòrio Vèneto el xe un comun 28 389 aneme 'nte ła provinsa de Trevixo.

Vitòrio l'è stada ła sità itałiana protagonista sul versante italo-austriaco de ła bataja final de ła grande guera. Ła se trova inte ła provincia di Treviso, ai piè de łe Prealpi Trevigiane, inte na xona de cołine.

Ghe pasa al Mesch, che'l va a finir intel Livensa.

Ła sità l'è nasésta da ła union de dó bórghi medievałi: Zèneda e Seraval. Zèneda ła fa diocexi dal secolo VII, quando l'è deventada sede de un dogado longobardo.

Na 'olta a l'an a Vitorio i fa el Concorso Corale Nazionale (Concorso Coral Nasional) trofeo città della Vittoria dove che i se confronta i mejo cori che i vien da tuta Itałia.
Intant che i fa el concorso, i fa anca un festival par i cori de vóxi bianche e par i cori de bocie e i da anca el Gran Premio Corale dedicà al famoso musicista Efrem Casagrande.

Łe dó semitape de ła 21^ e última tapa del Xiro d'Itałia 1988 łe e' finíe a Vitorio Vèneto co łe vitorie del svisero Urs Freuler ne ła prova in linea e del połaco Lech Piasecki ne ła prova a cronometro.

Vitorio Vèneto l'e anca el comun dove che l'e nasest calche sportivo iłustre: Samuela De Nardi (moto), Francesca Segat (nuoto), Giampietro de Faveri (triathlon).




#Article 165: Venèsia Jułia (106 words)


La Venèsia Jułia  ła xe na rejon xiogràfega longo el Mar Adriatego, sarà in mexo intrà el corso del'Ixonso, le Alpi Julie da łe cuałe ła tołe el nome, el golfo de Trieste e el golfo del Carnaro, e che cuindi ła ciapa drento el altipian del Carso e l'Istria.

El nome Venèsia Julia el xe stà inventà inte el 1863 dal glotòłogo gorisian Graziadio Isaia Ascoli.

Ancó ła Venesia Julia ła xe dividesta intrà tri stati: L'Italia (ła provincia de Trieste e un toco de cheła de Gorisia), ła Slovenia e ła Croasia. La parte itałiana ła xe conprendesta inte ła rejon del Friuli-Venesia Julia.




#Article 166: Pitura Freska (171 words)


I Pitura Freska i xe stà un grupo muxicałe reggae veneto, chel cantava sia in Itałian che in venesian.

El grupo, dopo piesè de vint'ani de atività, el se gà siolto definitivamente a ła fine del 2002. 
Ancó l'eredità dei Pitura Freska la vien comunque portà vanti da Skardy, ch'el jera zà prima l'anema del grupo.

Una de łe cansoni pí famoxe dei Pitura, del 1991, xe Pin Floi, che a parla in maniera pitosto critega del famoxo conserto a Venesia dei Pink Floyd de el 1989. Intel 1997 i xe ndà anca al Festival de Sanremo co ła canson Papa Nero.

I primi di del 2008 a Venessia i Pitura Freska i e tornadi in sieme par sonar al concerto de la festa dela befana.

Anca se i Pitura no esiste più ma i partesipa soŀo a conçerti e i se ritrova a sonar insieme in quełe ocaxion ghe xe na nova band che vol seguir ea strada fata dai Pitura Freska, rifassendo e so canson xe i Pitura Stail. 




#Article 167: Christiania (521 words)


Christiania, conosesta ànca come sità lìbara de Christiania, el xe en cuartiér parsialmente autogoernà de la sità de Copenhagen, Danemàrca; che el ga stabilìo en Stato semi-legàlmente riconosesto de comunità indipendente.
Christiania el xe sta fondà en el 1971, cuando en grùpo de hippie el ga ocupà on area costituìa da edifici militari abandoné. Una de le persone piasé influenti de la maraja l'era Jacob Ludvigsen, che el publicàva en jornàl anàrchico, che anunciò la proclamasion de la sità lìbara. Par anni lo Stato legàl de la xòna el xe rimasto gràn bìxo, e el goèrno Danése el ga proà, invàn, de liberàr la xòna ocupà de Christiania.
Te pol entràr drénto Christiania solo atraverso do entrate prinsipàli e no se pol entràr con autoveicoli, el xe ànca proibìo ciapàr foto drénto la sità.

Famoxa par la so via prinsipàl, ciamà ànca pusher street, ndoe l'hashish l'éra vendesta da negosietti fìsi fin al 2004, Christiania la ga comuncue de le regole che le vieta le dròghe pesanti. Christiania el ga negosià on acòrdo co el ministèro de la difesa danése (che el xe ancora paron de el terén ndoe el xe stà fondà la sità lìbara) en el 1995; e cuei che i abìta en la sità de Christiania no i pàga le tàse.
El futùro de Christiania el xe però mìa cèrto: le autorità danéxi le sèita a far presioni par la rimosion de Christiania.
La risposta de i abitànti el xe stà gràn spiritosa: par esèmpio, en el 2002, el goèrno l'avea chiesto che la comercialixasion de l'hasish la vegnése sconta en poco; cuindi le bancarèle i xe stè coèrte co dei teli mimètici de tipo militàr.
En el 2004 le bancarèle i xe stè demolìe pàr inisiatìva de i proprietàri. Come pàr dìr al goèrno danése de no continuàr co el progèto de demolision de la sità lìbara. La vèndita de le sostanse legére la contìnua comuncue, ànca se su bàse personàl.

La sità la nàse en i anni '70, da na ìdea de en grùpo de hippie europèi che i ga ocupà na sitadèla militàr en dixuso e i tàca a ciamarla stàto lìbaro de Christiania. I abitànti de la sità dopo varie ciàse i ga catà on acòrdo co el goèrno danése par el riconoscimento de Christiania come sìto autogestìo. La comunità la sa, par trent'anni, basà sul prinsìpio de autogestion e de la proprietà coletìva. Ma Christiania l'éra dientà famosa en euròpa parché drénto la sità, se podéa vènder e consumàr le droghe legére.
L'uso e véndita de dròghe pesanti el xe sempre stà vietà e bandìo.
Drénto la sità, gràn conosesti i era i negosi de artexanàto locàl, la famosa pusher street e i servisi par i sitadìni, tuti autogestìi.
La sitadéla danése el xe ànca conosesta par el divièto de circolasion de le màchine, i edifici coloré e la mancansa de polisìa.

Christiania el xe on esperiménto sociàl unico al mondo e ànca on atrasion tùristica; on utopìa en tèra basà su i prinsìpi de el rispèto e de la lìbara decision personàl. Praticaménte, na xòna gestìa da on ideàl de l'anarchìa pacifìsta.




#Article 168: Trabant (399 words)


Trabànt l'éra el nome de na famoša automobile, prodòta da Sachsenring AG, n'açìenda automobilìstica de la Repùblica democràtica Tedésca (RDT). La Trabànt l'è sta mésa en produçiôn en i anni '50, i ultimi modèi i è stè prodoti en el 1991, pôcô dopo che el muro de Berlìn l'è stà butà šô.

La Trabànt P-601 l'era sta inisialménte pensà come en moto-veìcolo a trì rùe, ciamà P-50, con drénto en motòr a dô çilìndri e dô tèmpi da 600 cm³ e 25 cavài, ch'el našéa a miscela. El motòr de la Trabànt no l'éra gràn veloce: el podéa nàr a 100 km/h en 29 secôndi. La velocità màsima l'éra de 112 km/h, e pô, el motòr el fašéa na gràn fumaréga, par via che el našéa a miscela (no g'éra mìa n'impianto de lubrificaçiôn) e quindi el brušàa benšìna misià a ojo da motòr.

Sucesìvamente el progèto l'è stà cambià e la caroserìa convertìa en na automobile picenìna a trì volumi. La caroserìa de tute le Trabànt l'è sempre stà realiçà en un materiàl plàstego, rinforçà con cotòn o cànapa, ciamà Duroplast. El Duroplast l'éra na réšina plàstega gràn resistènte che la permetéa al goèrno de la Jermania Comunìsta de risparmiàr i schèj par la importaçiôn de l'aciàio par la reališaçiôn de le caroserìe.

De la Trabànt i è stè prodoti vàri modèi: quei par uso çivìl i éra la berlina e la jardineta. Pô g'éra ànca na verçiôn militàr e una verçiôn furgonà sensa veri de drìo, da usàr come auto da laòro.
Tùti i modéi i g'avéa el solito motòr a dô tèmpi.

Par via de la gràn crìsi econòmica che el goèrno de la RDT no l'è mai stà bòn de afrontàr, en la Jermània Est g'è sempre stà gràn carença de materie gréše. La produçiôn mecànica l'è sempre stà gràn colpìa da sto fàto. Dopo la prenotaçiôn, no l'éra quindi raro de aspetàr ànca fin a dieše ànni, prìma de compràr na Trabànt.

Dopo la riunificaçiôn de le dô Jermànie, el mercà de la Sachsenring Trabant P-601 l'è stà gràn colpìo da la concorença capitalìsta de el mercà de l'ovest. Un pàr d'ànni dopo la riunificaçiôn, la Sachsenring AG decide de seràr la produçiôn de le Trabant vìsto che l'è imposibile stàr drìo a la tecnologìa de le auto ocidentàli.

Al dì de ancò la Sachsenring la produçe tòchi de ricàmbio par el setòr automobilìstico.




#Article 169: Viładoxe (634 words)


 
Viładóxe el xe on comun de 5 099 aneme 'nte ła provinsa de Rovigo.

Viładose ła se cata in te ła xona medio orientałe del Połéxine e ła xe traversà dal fiume Adexeto, che ła divide in do parti.

Oltre a ł'Adexeto, ghe xe a nord ło scoło Seresoło ai confini con Rovigo e San Martin, Bresega poco pì a nord del sentro del paese e poco a Sud del xentro ło scoło Condùto (ciamà anca Valdentro).

Viładose ła se cata quaxi a metà strada tra Rovigo e Adria

Da ritrovamenti archeołoghi a risulta che el teritorio el fuse xà colonixà inte ł'età romana parché Viładose la se catava a pochi km dal porto etrusco di Adria e ła gera l'entrotera par łe vie de comunicasion verso ł'interno.

Co ła fine de ł'Inpero Romano a xe seguìo on periodo de forte instabiłità idraułica e de spopołamento.

Gino Braggion, intel so libro ... E... Villadose risorse... da secolari tribolazioni el ga descoverto che'l nome del paese el risulta scrito par la prima volte ai scuminsi del XIII secoło quando che in latin el se ciamava Villa Ducis.

Intel 1484 Viładose - dopo ła guera del sałe tra Venesia e Ferara - l'è passà dała dominasion estense a queła venexiana dove l'è restà fin ała fine deła Repubblica intel 1797. Grasie ai venexiani a gera sta fati tanti lavuri de bonifica e lungo l'Adexeto i nobiłi venexiani i se ga fato far dełe bełe ville ca ancora al dì de onquò le ghe xe e qualcheduna ła ga ancora el nome de ła fameja venexiana.

El segno deła dominasion ferarese estense el se poe riłevare anca dal palaxo comunałe, ciamà Ca' Patella, dove i balcuni del piano tera le xe in stile ferarese e quełe dei piani pì alti in stile venexian.

Intel 1778 - grasie al vescovo deła diocexi de Adria Monsignor Arnaldo Speroni degli Alvarotti a Viładose xe sta istituia de novo ła parochia prima agregà e dipendente da queła de Buxo.

Poco dopo l'unità d'Italia Viładose la ga 'vudo tanta xente che l'è sta costretta a migrar verso el Sudamerica. Questo xe sta dovù a tante cause, ła pì importanta ła xe sta ł'ałuvion del 1882 parché ł'Adexe gheva roto i arzeni, ała crisi agraria e anche a ła represion połitega da parte de łe autorità che łe stava da ła parte dei proprietari de tere. A questo bisogna xontare ła guera comerciałe tra l'Itałia e ła Fransa.

Viładose l'è sta - ała fine dei ani '80 del 1800 - el comune połesan col pì elto taso de emigrasion, pari a oltre el 25 par cento deła popołasion.

Intel 1915 ła prima aministrasion comunałe dove ca ge gera anche i sociałisti ła ga scuminsià łe pratiche par comprare el palaxo Ca' Patella par farlo diventare sede municipałe.

Intel 1923 el palazo Ca' Patela el xe deventà ła sede del comune.

Intel 1928, in seguito ała eliminasion del comune de Ca' Emo, Viładose ła se ga ingrandio inglobando ła łocałità Ca' Tron.

Intel 1938 xe sta inaugurà ła Strada Statałe 443 - che cołega diretamente Rovigo ad Adria - ała presensa del gerarca fasista Giovanni Marinelli.

El 25 de apriłe 1945 a xe sta fuxiłà dai todeschi - visin ai muri del simitero - 20 partigiani ciapà a Zernian. I todeschi, dopo aver fuxilà i ostaj, i ga fuxiłà anca do omeni de łe brigate nere che i ghe gaveva dà na man inte l'operazion de rapresaja.

Dopo l'aluvion del 1951 xe scuminzià n'antra onda migratoria sopratuto verso Piemonte e Łonbardia.

Intei ani '80 a xe scuminsià i łaori par ła costrusion de ła nova grande piaza (piaza Barchesa) intel sentro del paexe sorta inte łe proprietà esproprià a ł'ultimo nobiłe venexian ca gaveva ancora proprietà intel comune, el conte Lorenzo Marcello Grimani Giustiniani.




#Article 170: Wikimedia Itałia (210 words)


Wikimedia Itałia, Asociassion par ła difuxion de ła conosensa libara, xe ła controparte tałiana de ła Wikimedia Foundation, Inc.

L'asociassion, che no ga fini de lucro, opera ne el setore de ła cultura e del saver contribuendo ativamente a ła difuxion, miglioramento e avansamento de el saver e de ła cultura ne el mondo; in particolar modo ła se ocupa de promovere e sostegnere ło sviłupo e łe tradussion in lengoa tałiana de i projeti de ła Wikimedia Foundation, Inc. 

Ła Wikimedia Itałia persegue i propri fini sia direttamente, che in cołaborassion con altre organixassion e enti che i ga el steso fine istitussional.

L'asociassion xe stà costituia el 17 de giugno 2005 da 18 soci fondatori che i provegnea da mexa Itałia e i se gà trovà davanti a lo studio notarile de el Notaio Adriano Castaldi de Canino.
El jorno sucesivo preso Valentano se ga tegnù ła prima asemblea de i soci, che i ga ratificà a l'unanimità i componenti de el Consijo Diretivo e delineà le linee guida de łe future atività de l'Asociassion.

Ei detagli su come asociarse e come rinovar ła propia iscrision i xe presenti su ła .

Chiunque el pode contribuir con na , online tramite PayPal o MoneyBookers opure con bonifico bancario.




#Article 171: Wikimedia Foundation (411 words)


 
La Wikimedia Foundation Inc. xe l’organixassion prinsipałe de Wikipedia, Wiktionary (Wikizionario), Wikiquote, Wikibooks, Wikisource, Wikinews, Commons, Wikispecies e Nupedia. Xe na società non-profit organixà secondo łe legi de ła Florida, USA. 

Ła so esistensa la vegne uficialmente anuncià dall’aministrador de ła Bomis e co-fondatore de Wikipedia Jimbo Wales el 20 de giugno, 2003. El nome Wikimedia fu conià da Sheldon Rampton iinte na mail invià a ła mailing list [WikiEN-l] nel marso 2003. Sucesivamente, i nomi de dominio e i è stà asicurai a ła Fondassion da el  Daniel Mayer. 

I scopi de ła fondassion i xe de incoragiare ła cresita e lo sviłupo de projeti open content, basai su el Wiki e fornir gratuitamente e sensa alcuna publicità i contenuti. Par gestire l'ençiclopedia generałe moltilengoe xà sviłupà e l’almanaco ciamà Wikipedia ghe xe un dissionario moltilengoe e un thesaurus ciamà Wiktionary, un’ençiclopedia de citassion ciamà Wikiquote e na cołession de risorse e-book dedicae in particolare a i studenti (come libri de testo e libri comentai de pubblico dominio) ciamà Wikibooks. La Fondassion inoltre la gestise łe operassion de el projeto Nupedia (che non xe wiki ma xe open content).

Con ła creassion de ła Foundation, Wales el ga anca trasferio el poseso de tuti i nomi de dominio de tute łe Wikipedia, Wiktionary e de Nupedia a Wikimedia insieme a i copyright par tuti i materiałi cołegà a i projeti che i era creai da impiegati de ła Bomis o da Wales steso. Ła fornitura stesa de computer usà par i projeti Wikimedia xe stà donà da Wales a ła Fondassion. 

Wales el ga dito in diverse ocaxion che ła Bomis ła gavarìa continuà a fornire corente e banda gratis par sti projeti. Se spera che l’esistensa de na fondassion non-profit la rende posibiłe generare abbastansa schei tramite łe donassion e łe sovension statałi, par garantire ła continua cresita de ogni projeto Wikimedia. 

Ghe xe sta tante discusion su łe responsabilità de el , e tentativi de inisiare a scrivere un . Anca metodi piasè egalitari de  i xe sta valutà. Non xe ciaro come sta roba ła influensa el novo proceso Wikimedia.

I projeti gestii da ła Wikimedia Foundation i xe diversi, ma i se caraterixa tuti par el contenuto libaro e par esere redati in maniera cołaborativa da volontari. Tuti i projeti, inoltre, i xe moltilengoe.

Wikimedia la aceta donassion atraverso el . Atualmente, łe donassion no le pode esere fate eletronicamente tramite PayPal o inviae par posta.




#Article 172: Romano Prodi (214 words)


Romano Prodi (Scandiano, Reggio Emilia, 9 de agosto 1939) el xe un economista e un omo pułítego itałian, Prexidente del Conséjo dei Ministri 17/05/2006- 24/01/2008. Docente universitario de economia e pułitíca industriałe a l'Università de Bologna, el xe stà 'ntel 1978 ministro de l'Industria e, dopo, prexidente de l'IRI. Entrà 'ntel 1995 'nte ła sena połitega, el xe xà stà Prexidente del Conséjo (1996-1998) e Prexidente de ła Comision Europea (1999-2004). Sostansialmente se riconose a Prodi de esere sta l'unico a batare in tle competision politiche, Silvio Berlusconi, solo che par farlo el doveva fare dle coalision de centro-sinistra enormi (l'ulivo in tel 1996 e l'unione nel 2006), che le xe riusi, tute e do le volte, caso unico in tla storia dl' Italia a farghe perdare la fiducia de una dele camare: nel 1998 par un solo voto alla Camera (de Irene Pivetti, che l'eva apena parturì) e in tel 2008 al Senato par colpa de Mastella, Andreotti el se ga gnanche presentà, e Dini. Quindi oltre a esere el primo e l'unico sfiducià in 60 ani de republica, lo xe sta par do volte a fila e na volta da na parte e na volta da claltra e tuti e do i so governi no i xe durà più de do ani.




#Article 173: Domìnega (175 words)


Ła Dominìca ła xe na nasion e un'ixoła del Mar dei Caraibi.

Tra le isole dei Caraibi, la Dominica la xe sta l'ultima a esar colonizà, par via de la forte resistenza dei nativi. Ciapà finalmente dai francesi, nel 1763 la xe passà ai inglesi, che nel 1805 i la trasformà in colonia.

Dal 1958 al 1962 la ga fato parte de la Federazion de le Indie de l'Ovest, un Stato che riunea tute le isolete britaniche dei Caraibi, ma che el xe durà poco parché i abitanti de le varie isole no i era boni de ndar dacordo. 

El 3 novembre 1978 Dominica la ga vu l'indipendenza del Regno Unìo. Deso la xe na republica, per cui anca se i xe restà dentro al Commonwealth britanico, la regina d'Inghiltera no l'è mia el capo de Stato.
Nel 1980 xe nda su come primo ministro Mary Eugenia Charles, la prima dona capo de goerno de un paese caraibico, che la xe restà al goerno fin al 1995, migliorando un fià le condizion economiche del paese.




#Article 174: Pearà (600 words)


La pearà l'è na roba da magnar, se podarea dir salsa, che ła va ben insieme a ła carne de bolito.

'Nte 'l Połéxine i ła ciama panà.

Te ciapi el pan gratà e te lo meti in te na teja, mejo de tera, insieme a la miola e al formajo grana (se te si in carta el parmigiano) e un cicinin de ła sal, tanto ghè tanta roba xa salà. Te ghe xonti brodo e te tachi quasi da subito a misiar. Te fè bójar par do o tre ore a fogo baso, in maniera che ła pearà ła brontoła. Bisogna ricordarse de misiar parché cosita no ła se taca masa su el fondo. A dir ła verità un pochetin l'è mejo che ła se taca cosita vien on bruxin en fondo che te cati senpre almanco un volontario che el neta la teja.

Come dixea prima bisogna misiar e xontarghe brodo par darghe la consistensa giusta, né brodoxa né masa fisa. El péar el se mete da metà quando se mescoła. El nome el direa che bisogna metarghene tanto, ma se se fa cosita ła gente ła resta dalbon a boca verta.
No par mia, ma par un piato asè senplice i a trovà anca dełe varianti. I amanti de la boca verta, penso par béar più vin sensa che i ghe diga su, al posto del péar i ghe mete el cren, speso zontà a de l'axedo. Na olta nol ghe andava, adeso quasi tuti i ghe zonta ojo de oliva o buro dal principio.

El leso, che ci dixe che l'è lu che conpagna ła pearà, l'è misto, un tochetin de tuto. No gha mancarghe ła carne de vedel o de manzo, speso l'è na vaca, e ła carne bianca de galina. A olte te cati, più nei ristoranti che a caxa, la lengua e el codeghin.

En dialeto veronese ghè un deto: Par na bona pearà ghe vole pan vecio, la miola de bò, brodo bon e che la pipa almanco do ore.

Sempre de pi nei ristoranti a olte i serve ła pearà in scudełete insieme a altre robe come ła Salsa verde, gran diversa da ła tradision de caxa (la pìcia de pi), el cren e łe mostarde, che na olta le jera de Vicensa e basta.

Piasè a Verona, ma no i le disdegna mia a Trento, a Vicensa e 'nte 'l Połéxine. Na olta l'era el piato de la dominica su le taole de caxa, de primo te gavei anca el brodo (te lo faxei par coxar el leso), speso con le tajadelete o come i dixe a Varona i tajarin; i veci i ghe zontava drento un pochetin de vin.

A tanti ła ghe piaxe che ła broa, i se ła tira fora da ła teja de tera che ła coxe ancora; i più mati i łe mete su un fornełeto su ła taola. Quando ła se gà in tel piato, ła se slarga un poco e se pò zontare na nina de pévaro e na paca de ojo estravergine. Se smisia tuto e l'è pronta da magnare.

Se podarea far un discorso de paralelo con un popoło lontan, i cinesi. Ghè un so piato, l'anara lacà che i ghe mete ore e ore a cóxarla, serti i dixe giorni. Ghè ci magna ła pel e basta e i buta 'ia el resto, magari i łe magna altri. El bruxin l'è come ła pel de l'ànara: ghè ci va mato par magnarlo e i ghe mete tempo a stacarlo da ła teja, sigando con la mojer che ła vorea lavarla.




#Article 175: Salsa verde (212 words)


La salsa verde l'è na salsa a baxe de parsemoło, che vien fata in varie rejoni d'Itałia, a òlte in maniera diversa da un posto a chel'altro.

Prima de tuto se ciapa el parsemolo, mejo solo le foje, e el se taja fin, ma no masa se no el perde consistensa. Se cóxe uno o du ovi e se ciapa soło el torlo, po' se prepara del pan moło, mejo la mołica e el se pocia in tel'axedo. Dopo se mete el parsemolo in te na scudela, na teja o calcos'altro dove ghe sia abastansa posto, se ghe zonta l'ojo e se ghe dà na beła mesiada con un cuciar. Se ciapi una o do aciughe zà tajade a tochi e dei capari, e i se mete drento e se mìsia. Po' se ghe zonta man man anca l'ajo, l'ovo e un cicinin de sal e se mìsia ancora. In genere se ghe mete fra vinti minuti e meza ora.

Ła so morte l'è magnarla con la carne bołida, magari anca con ła pearà. Ghè anca ci łe magna suła carne freda, magari de istà, e ghè ci invese łe magna con i ovi sodi (e se ła ve piaxe propio asè, podì magnarla anca fora dai pasti, pociandoghe drento el pan).




#Article 176: Max Weinreich (898 words)


Max Weinreich (nato nel 1893 a Kuldiga in Letonia e morto nel 1969 a Nova York) l'è stà un lenguista, scritor, giornałista, połìtico todesco, e anca n'ànema in pena che el sercava senpre robe nóve.

Par na fraxe: La lengua l'è un dialeto che la gà n'esercito e la marina. El par un moto che se dixe in ostaria dopo qualche goto, invese l'è stà el motor de tanta parte de ła só vita. Lu l'era ebreo e in fameja i parlava yiddish. El Yiddish i ło parlava come łéngua sua i ebrei che i stava in nord Europa. In pratica, partendo da robe sue, el ga méso el deo in un sentimento che se cata speso in Italia, dove che ła zente ła ga come łéngua madre na roba diversa dal tałian. A cascada te cati diałeti che i è diversi de n'altro visin e, se podarea dir, che i łe consìdera un sotodiałeto. Par exenpio, nel senso de łéngua, a Verona gh'è un vèneto che pur capendose gran ben l'è diverso dal venesian. Da na parte i poeti de i ultimi doxento ani no i a mai scrito con i grafemi del Veneto puro (da tante parte gh'era soło na tradision oral e i à ciapa corajo de scrìvar de novo da poco, in tanti posti de dove i parla veneto la trascrision l'è solo con i caràteri tałiani) e da l'altra nei film de Roma se i cata un veronexe o un vexentin i le fa parlar in venesian, come dapartuto faxendo finta che exista solo el dialeto de la cità pi inportante.

Nel novantatrì, quando l'è nato, ne la Letonia de adeso, comandava l'Impero zarista ruso, lì ghera zente de madrelingua todesca lu l'era ebreo de madrelingua tedesca. Come tanti zoeni del só posto el deventa socialista. L'è nà a far l'università a San Pietroburgo, catando zente che i le pensava come lù, cosita l'è entrado nel Bund, che l'era la Lega dei lavoratori ebrei, fra l'altro el primo partito socialista de tuto l'Impero ruso. El Bund, fiol de i só tenpi, l'era più de un partito normale, el faxea de le squadre de autodifexa, e l'organixava sindacati e scóle. Par de pi l'era contro a la utopia sionista. Lori i pensava da ebrei Yiddish, stemo ben chi, fémo parte de ste società e no gh'è bixogno par i ebrei de nar ia par star da soli.

Nel 1917 el va a Vilnius, adeso in Lituania, e dal 1921 al 1939 in Polonia. Vilnius i le ciamava Gerusalemme del Nord parché la gavéa na grande comunità de ebrei e tanti i era visini al pensiero de Max Weinreich. I era ebrei che i se sentiva de cultura Yiddish e par quel ligadi a la só tera. La cità l'era el piasè inportante concentrato de inteletuali ebrei de tuta Europa. A Nova York, dove el riva a guera pena scomisiada, el scrive, el insegna e el continua a laorar par la só creatura che vedémo sóto. L'è ne la só nova cità che el vien fora con la fraxe inportante. L'era a lesion e un studente el ga dimandà propio: Profesor, che diferensa gh'è fra un dialeto e na lengua? e lù pol anca darse par una iluminasion de el momento ma che el serava tuto el só amor e i só studi el ga sgnacà: La lengua l'è un dialeto che la ga n'esercito e la marina.

L'à fondà nel 1924 l'YIVO (Istituto sientifico Yiddish) a Vilnius in Lituania, alora Polonia, dove l'à fato el diretor fin al 1939 quando l'è scapà in merica, par só fortuna no l'era mia a Vilnius alora, e pian pian l'è nà a Nova York, parché era rivà i todeschi. Gran parte de el só laoro el l'à fato co só fiol Uriel che el l'à invià a èsar un famoxo linguista. Del primo consiłio diretivo sientifico ghe ne faxea parte parfin Freud. Con el juto de só fiol l'à codificà par la prima olta la lingua yiddish. A Nóva York , dopo la fuga, el riorganixa un nóvo YIVO che el gà continuà l'atività de quel che i nasisti i gà ridoto in tochetini a Vilnius.

Coi só comportamenti e i só scriti el par che l'abia lasà un sugerimento. Sta tacà a le to raixe pi che te pol, se te le uxi ben e te ghè servel te volarè pi in alto.

Se pol divìdarli in do filoni, el primo l'è quel de storico el secondo de linguista, e 'l li à scriti tuti in Yiddish.

Dei do libri da storico i ghe n'à traduxesto solo uno in talian

Sto libro el l'avea scrito nel 1947, tanto par di i ga spetà ani par tradurlo parfin in ingléxe.
L'è stà el primo libro che el parlava del raporto fra i òmeni de coltura e i nasisti. L'è sta spunto par tuti quei che i ga scrito dopo su l'argomento. Drento al libro se cata Carl Schmitt, Karl Haushoffer e Martin Heidegger e 'sa i ga fato soto Hitler. Co sto libro el s'à cavà un gropo par lu e par tuti i ebrei che gh'è tocà scapar de corsa dai nasisti rinunsiando al laoro e a la só vita par poder salvar la ménega.

Perdonè calche parola che no l'è mia in Yiddish, gnanca ne le altre Wikipedia i è riusidi a separarle da l'Yiddish:




#Article 177: Binjaxego (287 words)


	
Binjàxego el xe on comun de 22 519 aneme 'nte ła provinsia de Padoa. Ła sitadina ła fa part de l'area metropoitana de ła tacà sità de Padoa; ła xe el segondo comun de ła provinsia par popołasion.

Binjaxego ła se cata 'nte ła fertiłe area pianexante e rica de cursi de acua a sud de Padoa e a puchi chiometri da i coi Euganei.
 

El teritorio comunałe el xe abità fin dal'era preistòrega. Ojeti chei vegne fora dal'Età del Bronxo i xe stai catai ai inisi del XX sècoło in locałità Mandrioła e oncó i xe conservati al Museo Civico di Padova.

Ła prexensa dei cursi de aqua insiéme a ła fertiłità del teritorio łe ga segurà fin ai tinpi de ła dominasion de Roma na costansa abitativa 'ntel teritorio bignaxeghexe.

Col'arivo de łe lejon romane in Vèneto ła xona ła xe stada intaresada da ła centuriasion e bonifegada par parmétare un mejor sfrutamento del teren.

Infrà el 49 a.C. e'l 45 a.C. el teritorio de sto comun el xe intrà 'nte ła sfera aministrativa del municipium roman de Patavium (Pàdova de oncó).

El primo documento conosesto 'ntel quałe se parla de Bignàxego el xe un diploma del'inperator Berengario I (918) col quałe vegnéva rebatà el dirito de destinasion de łe dèsime de Villa Albignasega ai Canòneghi del Domo de Padova.

El steso nome el salta fora in altri documinti del steso xenare, mentre ghe catémo un difarénte 'nte na stima papałe del 1297, indove ła vegne mensonada ła parocia sitadina come San Tomà de Bignasico'.

Dal XV sècoło Binjàxego łe łiga ła sua istoria a ła fameja dei Obizzi, orixenaria de Łuca co desendénse in difarénti sità del séntro-nord Itałia, infrà łe quałi anca Pàdova.




#Article 178: Torbolin (264 words)


El torbolin, dito anca vin novo, l'è un vin bianco de prima spremitura fato en Lonbardia e nel Veneto.

I produtori de mestier i zerca de confondar el torbolin col vin novelo e a olte i ciama el novelo dei bianchi torbolin. L'è na meza trufa o mejo na bala, el novelo l'è fato con na tenica che l'è sta ciapada dai francesi dove i usa la nidride carbonica par far la vinificasion piasè svelta e i le filtra ben ben, el torbolin, inveze, le propio el vin novo torbido, dolzo e un cicinin moso.
L'è un vin de la tradizion e propio parchè l'è fato par i primi de novenbre i le mete in copia con i Maroni o anca coi Peladei. Se lo bee anca con le torte e la bole fate con la farina de castagna, Nela Basa i fa na torta che i le ciama Gnoca. Ghe un deto, bastanza graso che el dise: Me piase magnar na feta de gnoca con un bicer de torbolin.
L'è un vin con mia tanto grado, ma el cioca steso par el grado zucarìn.

A Monteforte d'Alpone, in provincia de Verona, i g'ha na màscara che se ciama  Re del Torbolin: l'è la màscara più inportante del carnevale del paese. Sto carnevale el se ciama Carnevalon de l'Alpon e l'è uno dei carnevai più grossi e divertenti de la provincia de Verona. El Re del Torbolin el vegne eleto in piassa dai citadini de Monteforte durante la Festa del Torbolin (o de San Martin), che la se festegia el secondo sabo de novenbre.




#Article 179: Radio (114 words)


Ła radiofonia ła xe ła trasmision e ricesion a distansa de contenuti sonori par mezo de onde radio. 
Ła radio (qualchedun ła ciama anca aradio) l'è l'aparecio che parmete de ricévar e sentir ła mùxega e i suoni trasmesi da na stasion grasie a n'antena.
L'è stà inventà dal dotor Guglielmo Marconi.

Adeso l'è stà superà dała tełevixion e dal computer, ma tanta xente ła scolta ancora de gusto. Specialmente tanti ła scolta in màchina. Co internet se ga asè difuxo łe radio streaming. Cussita na radio pol èsar ascoltà in varie parti del mondo sensa problemi. Na radio exenpio de sto tipo in léngua vèneta xe radio tałian, in tałian braxiłero, par l'apunto.




#Article 180: Indovineło Veronéxe (240 words)


LIndovineło Veronexe el xe on testo scrito a man su na pergamena in te l'VIII secoło d. C.. El xe el primo testo volgare romanzo (I giuramenti de Strasburgo i xe datà çinquanta ani dopo) e secondo i studioxi el raprexenta ła prima testimoniansa de lengua volgare in Italia. 

El testo xe:
 

El xe on indovineło bastansa comun in te ła leteradura tardolatina, e el rimanda a diverse interpretasion. Coeło che pì xe visin a ła łengoa veneta xe el sintagma SE PAREBA BOVES, che se połe tradure in [EL] SE PARECIAVA I BO o [EL] PARAVA I BO nel senso de MENARE, TRAR VANTI i bo.
Anca el termine VERSORIO el xe asołutamente tipico de ła Venetia (el Triveneto) e vol dir VARSURO, ARATRO.

El significato el podaria èsar: [El] parava i bo / [el] arava bianchi prà e [el] menava on bianco varsur / [el] semenava semensa mora. 

Opure anca: [El] se pareciava i bo / [el] arava bianchi pra e [el] menava on bianco varsur / [el] semenava semensa mora.

Sto testo el xe stà descoèrto dal Schiapparelli in te ła Biblioteca Capitołare de Verona in t'el 1924. El codexe el xe de proveniensa spagnoła, de Tołedo, portà a Càliari, dopo a Pisa e infin l'è rivà a Verona. Alcuni exempi i fa notare alcune carateristeghe fonetiche venete (versorio = versor e i verbi a l'inperfeto indicativo in -eba invece de l-aba o ava de altri diałeti)




#Article 181: De Babilonia Civitate (149 words)


El De Babilonia Civitate el xe on interesante poemeto del 13° secoło scrito in diałeto veronexe, e in quartine monorime de versi alesandrini. L'autor el xe fra' Giacomin da Verona.

El poemeto el xe divixo in do parte: Jerusalem cełeste (De Jerusalem celesti) in 280 versi, e el Babilonia çità infernal (De Babilonia civitate infernali) in 336 versi. Łe so fonti łe xe l'Apocalise, ła leteradura francescana e el repertorio dei predicadori.

Qûeło de Giacomin da Verona el xe on Veneto veronexe, on poco rustego ma eficaçe par lesico e par dialoghi, con figurasion realistiche: łe gioie dei beati e łe pene dei cativi. El paradixo el xe na çità con muri de perle, fiumi de oro e fontane de argento; l'inferno el xe popolà da draghi, demoni, e se sente urli e lamenti.

El poemeto el xe anoverà anca tra łe fonti de ła Divina Comedia de Dante.




#Article 182: Xeołoxia (195 words)


Giología la xe na paroła che la deriva dal griego GE (tera) + LOGOS (discorso). Co pi presisión ła vol dir Studio de ła tera ma ła conprende el studio de ła màsa sołida, ła conpoxisión, strutura, storia e evołusión de tuti i corpi sełesti. La xe ła rejina de łe siensie de ła tera.

I giologi i ga stabilío che ła etá del nostro planeta la xe pi o manco de 4.6 mijardi de ani. En pí i ga determiná che ła łitosfera, che ła conprende ła scorsa, ła xe framentá en racuante plache tetóniche che łe se move sora a on manteó superiore ciamá astenosfera. Senpre graxie ai giologi se posibiłe jestionar mejo łe risorse naturałi de la Tera, cofá el petrojio, el carbón, el gas, i metałi, cusí come l´aqua soteranea.

El primo homo che ga scumisiá usar ła parola giologia el xe stá Richard de Bury en el 1473, che la utiłixava pa far na distinsión fra la jurisprudensa terena e teołogica. Jean-André de Luc el xe stá el primo che el ga utiłisá sto lèma co on significato compagno ai tenpi moderni.

Facoltà o dipartamenti de giologia inte łe Venesie:




#Article 183: Richard de Bury (202 words)


Richard Aungerville (o Aungervyle) (24 de genaro, 1287 – 14 de apriłe, 1345), mejo conosesto cofà Richard de Bury, el gera on scritor inglese, bibliofiło, benedetín, e monco. El gera on matrono del saver e on de i primi cołexionisti de libri.

El xe nasesto en el 1281 vixín Bury St Edmunds, Suffolk, Inglatera. El ga studià a Oxford e na volta devegnesto benedetín el se ga distinto cofà tutor de Edward III, principe de Gałes.

El ga viajà en Fransia varie olte e el xe stà anca anbasador a la corte papałe de Avignón. No la xe stà la unica ocaxiòn de on cargo diplomatego, ghe xe da ricordar che rento el 1340 e el 1342 ga negoxià pa na pase en Scoxia.

En el 1345 el ga conpletà el Philobiblon, so opera famosa. En el ano prexiso el xe morto che sa el gera vesco a Bishop Auckland; la so cołexión de libri la pare se gàbia dispersa suíto dopo. Se sa che soło che do tomi se rivai fin el tenpo de nialtri: na copia de John of Salisbury che xe cata al British Museum, e naltra Raquanti Tratai Teolojixi de Anselmo (e altri) a la libraría Bodleian (Oxford).




#Article 184: Papa Benedeto XVI (284 words)


Benedeto XVI (Benedictus XVI), al secoło Joseph Alois Ratzinger (Marktl am Inn, 16 de apriłe 1927) xe stà dal 19 de apriłe 2005 al 28 de febraro 2013 el 265° Papa de ła Cexa Catołica. In quanto tałe, xe stà somo pontefice de ła Cexa universałe, sovrano de ło Stato de ła Sità del Vatican, primate d'Itałia, oltre a i altri titołi propi del roman pontefice. Xe stà el setimo pontefice todèsco inte ła storia de ła Cexa catòłica, el sesto xe stà Leone IX.

So pare, de nome Joseph Ratzinger, proprio come so fiòeo, jera un comisario de gendarmeria e vegneva da na modesta fameja de agricoltori dea diocesi de Passau, nea bassa Baviera. Ea madre jera de Rimsting, sol lago Chiem in Baviera, jera fioea de artijani, e prima de maridarse la gaveva fato la cameriera in molti alberghi.

Quando ga' vesto 14 ani, come tutti i so' coetanei, fu arruola' par legge nea Gioventù hitleriana. Do ani dopo, partecipò al programma Luftwaffenhelfer (personae di supporto alla Luftwaffe), partecipò al programma a Monaco come adetto al caricamento in un reparto de artiglieria contraerea esterno aea Wermacht, che defendeva i stabiimenti dea BMW. Nell'aprìe del 1944 disertò, come raconta nea sò autobiografia Ea me vita, evitando ea fucieasiòn prevista pai disertori grassie a un sergente che lo ga' fato scampare.

Dopo che i tedeschi i ga' perso ea guera, nell'aprìe del 1945 Ratzinger fu sarà pa alcune setimane in un campo dej Alleati, taca' a Ulm, come prigioniero de guera; xe sta' poi rilascià el 19 de giugno del 1945.

Ratzinger el ga cuntà 'ntel so libro de non aver mai sparà un colpo e de non aver mai partecipà a na bataja.

 

 




#Article 185: Astenosfera (106 words)


Ła astenosfera ła xe na definision che vien dal griego e ła vol dir sensa forsa. La xe na xona che se cata fra 100 e 200 km de profondità, ma no xe escluxo che ła sipia estexa fin i 400 km. Se pol dir che ła xe na xona che ła ciapa rento ła banda de sora del manteło. Apéna sora ła astenosfera ghe xe ła łitosfera, na xona interasante 'ndo che i se verifica i movementi tetòneghi e isostàteghi.

Anca se ła so esistensa la jera zà stà suposta intel 1926, soło che col teremoto del 22 de majo 1960 ła xe sta scoverta.




#Article 186: Università de Oxford (107 words)


La università de Oxford se cata in Inglatera e ła xe ła pi vècia inte łe università anglofone, si no anca na de le pi rinomà al mondo. La so fondaxión no ła xe lanpra: xa intel 12º secoło el xe risavúo che łi dava lexión e el ghe xera on çentro de studio bastansa frecuentà. Ma xe intel 13º secoło che ła se sviłupa na vocaxión cadèmica, fin rivar a na ofixialixaxión intel 1571 Act for the Incorporation of Both Universities.

La xe senpre sta in conpetixión co staltra inglese università de Cambridge.

Nantra università a Oxford la xe la  , anca ciamà Politecnico de Oxford.




#Article 187: Guglielmo Marconi (171 words)


Guglielmo Marconi (Bołogna, 25 de apriłe 1874 - Roma, 20 de lujo 1937) el xe stà on fisico tałián e premio Nobel, conoxesto pa gaver sviłupà on sistema de tełegrafía sensa i fili de máxima difuxión: Tełevixion, radio, tełefonini, tełecomandi etc.

El sistema de Marconi el xe stà portà vanti sora e graxie a naltre teorie, soratuto de Nikola Tesla e Aleksandr Popov.

Intel 1909 łi ghe ga dà a Stocolma el premio nobel pa la fìxica.
Da el 1933 a la so morte el xe stà presidente de ła Istituto Treccani e del Gabinetto RS/33. Intel 1934 el xe stà nominà primo presidente de el C.I.R.M. chel xera naxesto so na inixiativa sua e de so medico, el dotór Guido Guida.

La rivendicaxión de ła invensión de ła radio de Marconi la xe stà senpre contestà soratuto (e no soło) da Nikola Tesla, anca se el Marconi ga doparà pa primo na versión pratica de sto sistema. Soło che inte i ani 40 na sentensa xe stà favorevołe a Tesla.




#Article 188: Regbi (189 words)


El règbi (in inglexe rugby football) el xe on spor de scuadra difuxo in tuto el mondo, speçialmente inte i paesi nglosasoni (par ła raxón ghe łi si ga destacà cofà cołonie britaniche - confederaxión che ła xe ła patria de el regbi). Enpì el xe bastansa difuxo inte 'l resto de ła Oropa, soratuto en Fransa, Itałia (inte 'l Vèneto in particołare). La xe anca da tegner in conto ła so propagasión in Sudamèrica, ndo ghe xe ła Argentina cofà scuadra pi forte. El regbi el xe on spor de contato pién e ndo che 'l ghe vol ajiłità, forsa, e intełijènsa tàtica. Pras-ció le ghe xe na s-cianta de protesion che łe xe połe uxar, basta no łe sípia rìjide.

Xe caraterístico de 'l regbi el rispeto pa łe regołe, xestíe da on albitro che pòl èsare jutà (in caxi estrèmi) da riciape tiłivixive. El xe xugà in 15 vs 15 e el fin xe vinsare faxendo mèta o tirando la bała ovałe rento do pałi alti sistemà a forma de H.

I mejo club de łe Venexie pa storia e tradixión łi xe Padoa, Trevixo, Rovigo.




#Article 189: Pónte dei pugni (265 words)


El Pónte dei Pugni xe un pónte de Venesia, a Dorsoduro, darénte a Canpo San Barnaba.

I venesiani de dó sestieri se catava e i se sfidava in zughi, anca lota. De sòłito ghe jera quei che stava de caxa a Castèło, San Marco, Dorsoduro, San Nicołò dei Mendícołi, Santa Cróxe, San Poło e Canarégio.

Sto pónte prexenta su quatro vertici de ła pavimentasión de ła somità quatro inpronte de pìe in pièra d'istria e ciapa sto nome da na antiga tradisión de Venesia da secołi sbandonàda: ła Guera dei Pugni. I abitanti de do frasión averse, i Castełani de San Piero de Casteło e i Nicołoti de San Piero dei Mendicołi, se scontrava a pugni so ła parte sòra del ponte. Dal mexe de setenbre a Nadal i Castełani e i Nicołoti se sfida a colpi de pugni so i ponti de ła çità, che a quel tenpo gera squaxi tuti sensa ringhiere in banda, prima i canpioni in dueło po' in risa. Ghe xe infati, anca se manco çełebre, naltro Ponte dei Pugni visin al Canpo de Santa Fosca 'ntel sestièr de Canaregio, anca staltro gà łe inpronte dei pìe in pièra d'Istria. Inaxónta, gera stài utiłixài altri pónti cofà canpo de batàgia ne łe guere dei pugni.

El fin del xogo gera queło de butàr i aversari 'ntel rio danànsi. Vinseva ła squadra che riusìva a tegnir i so omeni so'l ponte. 'Ntel 1705 gera stài proibìi i scontri dopo che pròpio in queł'ano ghe xe stà uno dei più cruenti scontri, in cui dai sołi pugni se xe pasà ai cortełi.




#Article 190: Bałacanestro (287 words)


El Bałonçesto o Bałacanestro el xe un spor de scuadra che'l se xuga 5 contro 5. Vinse chi che fa pì ponti rento un tenpo de 40 minuti efetivi.

El bałonçesto xe nasù a Springfield, na sità dei Stadi Unìi de ła Mèrica, 'ntel 1891, grasie a James Naismith profesor de educasion fìxega canadexe.
'Ntei primi ani del XX secoło el se xe difondesto da par tut 'ntei paexi osidentai, e ancò el xe on spor ołipego.

El campo da bałonçesto el xe 15x28 m. El ga on mexocanpo e do aree de tir torno al canestro.

El canestro el xe alto 2.90 m. e se ga da butarghe rento ła bała par far ponto.

A bałonçeesto se xuga co do scuadre de 5 omeni contro altri 5 e par marcar ponti par a ła propia scoadra se ga da metar ła bała inte el canestro.

Ła partida ła va vanti par 40 minùi co 4 tenpi pì picenini de 10 minùi par on.

I ponti i xe sti cua:

Ghe xe 7 categorie de fai:

'Ntei Stadi Unìi el bałonçesto el xe tanto difuxo, l'asoçiasion de bałacanestro che ga en man l'organixasion del canpionà ła xe ła NBA. Ghe xe gradi scoadre come i Boston Celtics, Los Angeles Lakers, Chicago Bulls e San Antonio Spurs.

No el xe masa seguì, l'asociasion che ła segue e organixa el bałonçesto ła xe ła FIBA Eoropa.

Łe scuadre vènete pì bone e che łe ga vinto pì trofei łe xe el Bałonçesto Trevixo (de Trevixo) e ła Reyer Venesia (de Venesia), ma łe xe bone anca el Bałonçesto Trieste (de Trieste), el Bałonçesto Patavium Petrarca (de Padoa), ła Scajera Bałonçesto Verona (de Verona) e l'Acuila Bałonçesto Trent (de Trent).




#Article 191: Trevixo (457 words)


Trevixo (o anca Travixo, in trevixan de sanca Piave) ła xe na sità de 83 167 aneme, caołogo de ła provinsia de Trevixo.

Trevixo ła xe anca caołogo de ła Marca Trevixana, tera che da l'alta età de mexo xe famoxa par ła richesa culturał e economega. Ła xe situada a 'l sentro de ła pianura vèneta a ła confluensa de 'l Boteniga e dei so rivi inte 'l fiume Sil e poxada su łe tre cołine de 'l Domo, de Piasa de i Siori e de Sant'Andrea.
Ła gà na diocexi tanto granda, che a va oltre anca ai confini de ła provincia, fin a ła province de Pàdoa e Venèsia.

Trevixo ła se cata inte ła pianura veneta, sirca a 15 chiometri a sudovest de ła riva drita de ła Piave a ła confluenza intra el Sil, fiume de sortiva, el Boteniga, che, risevui ła Linbraga e la Piavexeła el riva fin in centro, e 'l se devide inte tanti canai (Cagnan grando, Cagnan medio o Buranei, Rogia o Sileto, el Canal de le Convertie), e ła Storga, che ła bagna el comun a est.

Par che al nome Tarvisium el vegna da na romanixasion de n’altra parola che ła se riferìa ai Taurusci, povoło de area seltega, che el stava sui Monti Tauri a ła fin de łe Alpe Orientai e che se pensa che el gavese costruì ła prima comunidà trevixana. No manca gnanca chi che taca el nome al indoeuropeo tarvos (toro) col sufiso –isium come che faxeva i Romani. N’altra opinion a se rifà al galego trev- dopo canbià in tarv-, che el vołeva dir vilajo de legno. N'altra ipotexe ła xe cueła che el nòme el vegna da na statua co tre vixi che ła dovea star in beła mostra inte ła piasa central. Par ultema ghe xe ła ipotexe de ła derivasion da do paròłe romane, Ter- e –visi, che łe corispondeva a tre cołi, 'ndove deso a ghe xe el Domo, ła Piasa dei Siori e ła Piasa de Sant'Andrea, dove che saria stà fondada ła sità.

Al comune de Trevixo no partien ufisialmente gnanca na frasion, ma al de fora del sentro storego se conta numaroxi cuartieri e soborghi che speso i ciapa el nome da ła parochia prexente. 
A sud del corso del Sil, partindo da ovest, se cata:

A nord:

Località menore łe xe El Ciodo (cinta extramuraria a nord); Sant'Artien (S.Maria del Rovare); Le Corte (S.Maria del Rovare-S.Pelajo); Borgo Furo, Pale del Cornain (S.Bona); Busa de l'ojo (S.Bona-S.Pelajo); Roncole, Lovera (S.Pelajo); Case Sambugole (Selvana); Vila Pendola (Fiera); la Ghirada, Borgo Mestre(S.Zen); Mure, San Vidal, Confin (Canizzano); Sant'Anzolo basso (S.Angelo); La Monchia, Capeleta(S.Isepo-aeroporto).

Ste cua łe xe łe scuadre sportive piesè inportanti de ła sità:




#Article 192: Budapest (274 words)


Bùdapest la xe la cavedal de l'Ongaría e la xe conposta de le do parte vecie de la sità: Buda (insieme co Óbuda) a drita del Danubio e Pest a sanca, che le xe stà unefegae ufissialmente inte el 1873. La xe la sità ongarese co piasè abitanti, sirca 1.690.000, co un aglomerà urban de 2.571.504, e la xe el sentro primario del paese par la vita poìtica, econòmega, industrial e cultural.

Inte el 89 vissin a Óbuda i Romani i ga fondà l'avanposto de Aquincum, su un sito sèltego che ghe jera za da prima, e i ghe ne ga fà la cavedal, dal 106 al quarto sècolo d.C., de la provìnsia romana de la Panonia inferior. Intorno al 896 xe rivà i Óngari, che un sècolo dopo i ga creà el Regno de Ongaria, del qual Buda la xe deventà cavedal dal 1247. Inte el 1526 Pest la xe stà ciapà dai Turchi, sevìa inte el 1541 da Buda. Entranbe le sità le xe stà ciapà dai Asburgo inte el 1686, dopo èssar stà butà zo quasi par intiero durante la guera intra Austrìasi e Turchi, e le xe restà senpre soto l'Inpero Austriaco (dal 1867 Inpero Austro-Ungarico) fin al 1918, quando che l'Ongaria la xe deventà independente e Budapest xe deventà la cavedal del stato novo.

Inte el 1896 se ga tacà a costruir la Metropoitana de Bùdapest, la pi vecia metropoitana del continente europeo.

Inte el 1956 la xe stà el fulgro de la Revolussion Ongarese contra el goerno comunista fiosoviètego, e la xe stà invasa dai Russi coi cariarmai, che i ga represso la rebeion copando mijeri de persone.




#Article 193: San Gioani Lupatoto (307 words)


San Gioani Lupatoto l'è un paese a 7 km da Verona in posixion sud est, l'è su la riva destra de l'Adese el ga suppoxò 25 000 abitanti. L'è el paese piasè industriale de la provincia, l'è anca el so crocevia parchè qua finise la superstrada transpolesana che el le mete in comunicasion con Rovigo e dopo xo fin al mar Adriatico. L'è anca a metà de la circovalasion sud de Verona. No se sa mia da indò vea fora el nome ma ghe dele teorie:

Lucus totus, tuto bosco: nei primi secoli del medioevo el teritorio del paese l'era selvadego e ghera piante dapartuto

Lupi ad totum, lupi dapartuto: anca in sto caso podarea esar par via dela presensa de boschi pieni de lupi.

Lupia: un tipo de erba.

Preistoria: Nel teritorio del paese è sta catà sototera varie robe de l'età del fero e in partcolare nela fraxion de Raldon è sta catà i resti de certe palafite.

Periodo roman: L'evento piasè importante de sto periodo l'è la bataglia dei Campi Raudii combatua tra i romani e i cimbri e vinta dai primi. Certi storici i pensa che la bataglia la sia sta fata nel teren tra le localita de Posso, Raldon e Ponte del'Ebreo. A Raldon è sta catà anca na casa e un cimitero roman.

Medioevo: La roba piasè importante de sto periodo l'è sucesa nel 1233, quando nela località Pace Paquara frà Giovani da Schio el ga tentà de far far na tregua fra Guelfi e Ghibelini.
Nel 1335 La parochia de San Giovani l'è diventà indipendente

Età moderna: Nel 1572 diventa parochia autonoma anca la fraxion Raldon. Nel 1630 quasi metà dela gente del paese la more par via dela peste, pasando da 901 a 467. Nel 1818 i Austriaci i unise el comune de San Giovani a quel de Raldon.




#Article 194: Mèrica (103 words)


Pa Mèrica se intende e tère in tel emisfero ovest, mejo conosue come Novo Mondo.
Dintro sto contintente ghe xe do continenti pi cei: Mèrica del Nord e Mèrica del Sud.

La Mèrica coerxe quasi el 8.3% dee tere emerse, e a ga cuaxi 900 milioni de persone. 

La storia de a Mèrica scumissia 40,000–17,000 ani fa, quando i Paleo indiani ga traversà el Streto de Bering.

In tel 1492 Cristoforo Colombo ga scoerto la Mèrica co e so tre caravele.

In tel linguàgio comune ghè el dito El gà catà la Mèrica, par dir che na persona ła gà fato i schei.




#Article 195: Linux (855 words)


Linux (/'lɪnʊks/ drío łe lezi de l'Alfabéto Fonètico Internasionałe) el xe ła denominasion de on sistema operatio e el xe el nóme de on núcleo. El xe uno de i paradigmi de sviłupo de el software łibaro (e de el codexe verto), ndo chel codexe fonte el stà disponibiłe públicamente e cualsevoja persona, co conosense informadeghe oportune, ła pol łibaramente studiar-lo, usar-lo, modificar-lo e redistribuir-lo.

El termine Linux el fa cao al núcleo Linux, parò el xe pi comunamente utiłisà pa descrivare el sistema operativo tipo Unix (chel inplementa el standar POSIX), chel utilixa primordialmente filosofía e metodołoje łibari. El núcleo nol xe parte ofixiałe de el projeto GNU (chel ga el so propio núcleo chel xe drio sviłuparse, ciamà Hurd), parò el xe distribuío baso términi de ła lixensa GNU GPL. 

La espresion Linux ła xe anca utilixà pa referirse a łe distribusion GNU/Linux, cołesion de software che łe usa gaver rento cuantità grande de pachéti anca del núcleo. El software che łe xe sòite incluidare consta de na enorme difarensa de aplicasion, cofà: server web, server de posta, server FTP, ecetera. Sensa usar termini tecnici a se aplica el łema Linux a ste últime mensionà, anca se saría incoreto, dao che ła distribusion ła xe ła forma pi fasiłe e popołar pa otener on sistema GNU/Linux.

La marca Linux (Numero de serie: 1916230) el partien a Linus Torvalds e el se definise cofà on sistema operatio pa pc che el fasiłita el so uso e łe so operasion.

Dal so łanso, Linux el ga incrementà ła so popołarità intel mercà de servers. La so flexibiłidà ła ga permetesto chel sipia utiłisà inte on rango ben grando, da uso personałe, a architetura, a ła organisaxion de inpresa: personal computers, supercomputers, dispositíi portatiłi, ecetera. 

I sistemi GNU/Linux łi funsiona sora pi de 20 plataforme difarenti de hardware; tra ste chi łe pi comun łe xe cuełe de łi sistemi compatibiłi co PCs x86 e x86-64, computers Macintosh, PowerPC, Sparc e MIPS.

En pi a ghe xe łi Grupi de Usuari de GNU/Linux inte scuasi tute łe bande del pianeta.

Na distribusion ła xe on s-ciapo de aplicasion reuníe inte on grupo, na inpresa o persone, i feri de el mestier pa consomejare sistemi de pacheti de software utiłi.

A ghe xe on sbaro de distribusion GNU/Linux. Cada distribusion ła pol ver rento cualsevoja numaro de software adisional, co anca łi softwares che i fasa pi fasiłe ła instalasion de el sistema. La base de el software rento cada distribusion el ga el núcleo Linux, ndo che de sołito a se xonta anca altri pacheti vari de software. 

I feri del mestier che a se usa metare rento łe distribusion de sto sistema operativo łe se cata da racuante fonti, cofà el GNU e el BSD. 
Usualmente a se utiłisa ła plataforma XFree86 o ła X.Org pa tegner suso el intermuso gráfeghi.

Co ła so adosion (Linux) de on numaro bastansa significativo de inprese, i fabricanti de PC, racuanti computers łi xe vendesti co distribusion GNU/Linux pre-instałade, e Linux el ga scumisià esar inportante en el vasto marcà de i PC.

GNU/Linux el dà na interfàcia grafega alternativa a ła tradisionałe interfàcia de linea de comandi de Unix. A ghe xe pi de on s-ciapo de interface grafeghe, che łe xe profexionałi e che łe xe drio permetare che GNU/Linux el sipia adato cofà fero del mestier de el desktop.

Na s-cianta de distribusion łe fa si che el scumixio de Linux el sipia direto da on disco conpato (ciamà LiveCD) sensa modificar in asoluto el hard disk de el PC ndo che se ga Linux. Pa sto tipo de distribusion, in jenerałe, i archivi de someja (archivi ISO) łi xe disponibiłi in Internet pa ła so descarga.

Altre posibiłità łe xe scumixiar ła atività da na rede (ideałe pa sistemi co requisií minemi) o da on disco flexibiłe o discheto.

La majoransa de i codixi de Linux (pi de el 70%) łi xe del lenguajo C, però łi xe sta utilixà on mucio anca altri lenguaji: C++, Bash, Lisp,Perl, Fortran e Python.

Pi o manco ła metà de el so codexe totałe (contà in linee de codixe) el xe stà łibarà baso ła łixensa GPL.

La storia de Linux ła xe stà on mucio vincołà a cueła de el projeto GNU. El projecto GNU, scumixià intel 1983, el ga cofà obietivo el sviłupo de on sistema Unix conpleto conposto tuto de software łibari. Sora el 1991, cuando ła prima version de el núcleo Linux ła xe liberà, el projeto GNU nol gavea a che fare co el núcleo chel definise on sistema operativo. Tutavia Linus Torvalds, chel jera drio studiare a ła Università de Helsinki, ga rienpío el buxo finałe chel sistema operatio GNU exijea. Daspó, meiare de programadori vołontari in volta pal mondo łi ga partexipà intel projeto, mejorandoło continuamente. Torvalds e altri de i primi vołontari de Linux i ga adatà o conponenti de GNU pa laorar co el núcleo Linux, creando on sistema operatio conpletamente funsionałe.

Cogna mensionar che parò el núcleo de Linux nol xe parte ofixiałe de el projeto GNU.




#Article 196: Andrea Navagero (203 words)


Andrea Navagero el xe nato a Venesia in t'el 1483, el xe sta poeta, orador e studioxo de botanega, el xe morto a Blois (França) nel 1529.
 
De fameja nobiłe venesiana, el ga studià a Padoa soto i profesori Sabellico, Musuro e Pomponazzi.

A Venezia el ga colaborà con Aldo Manuzio, par el qual el gà curà ła edision de testi clasiçi latini. 
In t'el 1516 el xe sta nominà custode de ła biblioteca de San Marco e el xe sta incargà de continuar ła Storia de Venezia scumisià dal suo predecesor Sabellico e che invese ła xe sta finia da Pietro Bembo.
 
El xe sta nominà ambasiador a Madrid e dopo in França, sto el Re Francesco I, indove el xe morto.
Significative łe xe alcune so scriture volgari, par exenpio łe çinque łétare indirisae al Ramusio e łe note sol viajio in Spagna. Ma ła so fama ła xe dovù a łe liriche latine, rancurà in t'el Lusus, in Carmina quinque illustrium poetarum (1548) indove łe xe rapresentae dełisioxe senete idiliache.
 
Su incargo de ła Republica Vèneta el ga composto le orasion funebri par Caterina Cornaro Rejina de Candia (1510), par Bartolomeo d'Alviano (1515) e par el doxe Lunardo Loredan (1521).




#Article 197: Ruzante (224 words)


Angelo Beolco dito el Ruzante (Padoa o forsi Pernumia, 1496 circa - Padoa, 17 de marso 1542) el xe stà un autor e ator de teatro vèneto.

Fiol iłexitimo de Giovan Francesco Beolco, profesor a ła facoltà de medisina de l'università de Padoa, ła so atività de teatrante ła scominsia cuando el scominsia a cołaborar col mecenate e łiterato Alvise Corner. Inte ła so prima opera (ła Pastoral) vien mostrà, in contrapoxision tra de łori, el mondo ideałizà dei pastori arcadi e cheło rùstego dei contadini pavani, tolti in xiro par ła so gnoransa. Piesè vanti parò el Ruzante el canbia el so ategiamento verso el mondo contadin, e el se mete invese a raprexentarlo inte ła so realtà, de mixeria, disperasion, sfrutamento e ingiustisia (val ła pena nominar a tal propoxito el Primo Dialogo - Parlamento de Ruzante che jera vegnù de campo e el Secondo Dialogo - Bilora).

El ga partesipà a ła Academia dei Infiamai.

Łe so opere, che al'epoca łe gavea fato parecchio succèso, łe xe stà praticamente desmentegà a partir dal Siesento, e soło in tenpi rełativamente recenti i studioxi i sa incòrto del vero vałor del Ruzante comediografo. Nel 1997 Dario Fo, 'ntel discorso che el gà fato quando ghè stà consegnà el premio Nobel, el gà definìo Ruzante come el pì grando autor de teatro del Rinasimento.




#Article 198: Software (214 words)


El software in informàtega el ze l'informasion o łe informasion doparàe da uno o pì sistemi informàteghi e memorizàe sora de uno o pì suporti informàteghi. 'Ste informasion łe pol èsar raprezentàe da uno o pì programi, da uno o pì dati, opur da na conbinasion de łe do.

El tèrmene software el ga orìzene inte ła seconda guera mondiałe. I tècneghi de l'ezèrsito ingreze i jera inpenjài inte ła decritasion de i còdezi todeschi de Enigma, che de cueła za i conoseva ła mecànega interna (ciamà hardware, componente dura, inte el senso de feraso) grasie a i servisi segreti połachi. Ła prima varsion de Enigma ła desfrutava tri rotori par misiar łe łétare.

Dopo el 1941, a Enigma A ghe ze stà zontà un rotor, e el grupo de cripto-anałisti ingrezi, capitanài da Alan Turing, el ga dovesto intaresarse mìa pì de ła só strutura fìzega, ma de łe pozision ndove che A venjeva doparài i rotori de ła nova Enigma.

Sicome che 'ste istrusion łe jera scriveste so pàjine sołùbiłi inte l'acua (par poder èsar pì fasilmente destrute, evitando cusì che łe cascase in man nemiga) łe ze stà ciamàe software (conponente ténara), in contrapozision a l'hardware.

Da'l ponto de vista zeràrchego i software i pol èsar devizi in cuatro categorìe prinsipałi:




#Article 199: Computer (129 words)


El computer computerador o calcołador 
el xe on aparecio enformàdego chel ne permete tratar łe enformassion ndando drio serte proxedure prezixe. El xe on sistema digitałe co tecnołoja microełetronica chel xe bon de prozessar dati a partir de on grupo de istrussion ciamà programa.
Na strutura base de on computer ła ga rento: microprocessor (CPU), memoria, dispositií I/O (input/output, che voria dir rento/fora).
In sostansa el computer el xe na màchina che ła xonta el software co el hardware. El software l'è quel che se monta dentro su per l'hard disk, el hardware l'è quel che ti te pol veder e tocar.
Tra i software più famosi potemo trovare: el pacheto Microsoft Office, el sistema Microsoft Windows, el navigator Mozilla Firefox e i driver dele aparechiature colegade alla machina.




#Article 200: POSIX (330 words)


POSIX el xe el acrònimo de Portatiłe Operatío Sistema Intermuxo, e X última łétara de UNIX con el significà de ła jerensa de ła API (Se traduxaría cofà Sistema Operatío Portatiłe basà so UNIX). 

Sti chi łi xe na fameja de standards de ciamade a el sistema operatío definío da el IEEE e spexifegà de modo formałe intel IEEE 1003. I xe drio ocuparse de evołusionar el intermuxo de el sistema operatío pa che na prezixa aplicasion ła se pòsa usar inte difarenti piataforme. Sti standar łi xe nati da on projeto de normalixasion de APIs e i descrive on insieme de intermuxi de aplicasion adatabiłi a na varietà granda de inplementasion de sistemi operatíi. 

POSIX el spesifega i intermuxi de usuario e software a el sistema operatío in 15 documenti difarenti. La łínea de comandi standar e i intermuxi de scripting i se basa so Korn Shell. Altri programi a łivèło de usuario (user-level) e servisi i include awk. I servisi a łivèło de programa vosúi i ga rento definision de standards báxeghi de I/O, (file UNIX), terminal, e servisi de red. POSIX el spesifega anca na API pa łe łibraríe de threading, che ła xe on mucio popołar e ła xe utiłisà so racuanti sistemi operatíi.

Na serie de prove łe conpagna el standard POSIX. Le xe ciamà PCTS co ałusion a el acrònimo Posix Conformance Test Suite.

Da cuando ła IEEE ła ga scumisià a gaver prezi alti pa ła documentasion de POSIX, sensa drio ametare, soralconto, ła publicasion in łínea co i standards, a xe vegnesta fora na tendensia pa el uso de el modèło Single UNIX Specification. Sto modèło el xe verto, el aseta entrae da tuto el mondo e el stà łibaramente disponibiłe so Internet. El xe stà creà da The Open Group.

El tèrmine POSIX el xe stà sujerío da Richard Stallman so dimanda de ła IEEE, che ła sercava on nome fásiłe da recordar.

Atualmente POSIX el se divide inte tre parti:




#Article 201: Provincia autonoma de Trento (225 words)


El Trentin el xe ła xona xiografega corispondente a ła provincia autònoma de Trento, che ła fa parte de ła rejon itałiana del Trentin-Alto Adexe/Südtirol. Ła so cavedal ła xe Trento.

El Trentin el confina a nord co ła Provincia autonoma de Bolxan, a est e a sud-est col Veneto (Provincia de Bełun, Provincia de Vicensa e Provincia de Verona), a ovest e a sud-ovest co ła Lonbardia (Provincia de Bresa e Provincia de Sondrio).

El canbiamento del clima sirca 10 000 ani fa, diventà pì mite e manco rijido, el ga permeso el insediamento de popołasion sedentarie in tel teritorio del Trentin, in particołar in prosimità de corsi d'acua e łaghi picinini.

Dei scavi archeołoxeghi fati finmente i jera drio i ani 30 rente a ła sponda meridional del łago de Ledro, in tel comun de Mołina de Łedro, i ga portà a luxe on inportante insediamento datà a sirca 2000 ani prima de Cristo.

Intorno al VI secoło a.C. a se ga insedià in tel teritorio provinciałe, cofà del resto in bona parte de l'arco alpin sentral e orientale ła popołasion dei Reti, che ła se ga stabiłìxà inte łe diverse vałade e in particołar in tel Trentin osidental (reperti inportanti i xe sta catai a Sanxen in Val de Non, inte 'l altopiano de ła Paganeła, a Stenego inte łe xudegarie esterne).




#Article 202: Łéngua grega (391 words)


El grego (in grego ελληνική γλώσσα, pronuncià elinikì glòssa) el partien a ła granda fameja de łe łéngoe indoropee derivade da na łéngoa vecia comun conoxesta cofà indoropeo. 

La łéngoa grega antiga no ła gera parlà soło in te ła Gresia antiga peninsułare, ma anca inte łe cołònie; sto fato el ga contribuío a na difuxion de raquanti diałeti che a se conose oncó. El grego moderno el xe parlà da xirca 14.000.000 persone, e ła xe ła xe ła łéngoa ofixiałe de ła Grexia e parte de Sipro.

El Neogrego o grego Moderno xe come che vien ciamà ła lengua grega che se parla desso. Co sto termine se indica, par tanto, el ultimo stadio de l'evołusion de ła lengua grega, parlà da circa 15.5 milioni de persone soratuto in Gresia e a Sipro. Se inisia a parlare de grego Moderno a partire dal croło del Inpero Bizantin nel 1453.
Par un periodo de tempo, no ghe xe stà na lingua grega ufiçiałe, ma tanti picołi diałeti legai pi o manco al grego antico. Al di de oncò, el grego moderno ordinario el se basa sul demotico.

Ghe se dełe parołe venete che łe ga na provenienza ligà a serte altre greche e par questo łe se someja. Par exenpio:

In tutte łe maniere, anca se łe parołe sora elencade łe poe far pensare che ghe sipie cołegamenti direti col diałeto, ghe xe bisogno de dire che ła lengua grega ła ga costrusioni gramaticałi e lesicałi un mucio difarenti dal veneto.
Meto qua basso raquanti esenpi:

Da sta picoła tabeła se poe capire e differense de scritura, genere e acentuasion de łe parołe. In pì ghe se anca da tegner conto de łe diferense de pronunciasion che ghe se tra łe do lengue (es. in grego no ghe xe s-c, sci-sce, g, mentre in veneto no ghe se i soni χ (come el ch todesco)e θ (come el th inglese so ła paroła three). Ła letera δ a vien pronuncià neła lengua veneta, ma no da tute łe parti.
'N altra dificoltà del grego xe 'l uso dei verbi, che no xe come queo de łe lengue romanxe ma el ga na forme tute sue.El sistema verbałe graco no se basa pa esenpio so l'inçertesa o so a probabiità del'asion ma so a continuità o manco del verbo nel tempo.




#Article 203: Gay.tv (184 words)


Gay.tv l'è el primo canàl televisìvo italiàn con progràmi dedichè en gràn parte a'n pùblico omosesuàl. El canàl l'è stà vèrto en el màjo de el 2002, trasmeso en ciàro da el satèlite HotBird, el canàl se pôl ancora véderlo en el canàl 810 de SKY. I studi de produçiôn i è a Milàn. Nel Deçèmbre 2006 la direçiôn l'ha anuncià che, en el genàr 2007, la Gay.tv la serarà.

Gay.tv l'è sta iniçialmente finançià da na maràja de açiènde europee che le laôra en el setòr de la telefonìa e de la televisiôn.
Qésta rete televisìva l'è dientà gràn famôsa ànca parché l'ha méso en onda la sèrie TV Queer As Folks, che la pàrla de trì butèi gay de Manchester. I diritti de Queer As Folks i è stè pašè a Gay.tv dal canàl La7. La7 la savéa rifiutà de mandàr en onda Queer As Folks pàr via de preçiôni polìtiche.

Gay.tv l'ha ànca fàto véder dei progràmi de autoproduçiôn, de discreta qualità. En i sô stùdi g'ha laorà gènte famosa come Fabio Canino, Maurizia Paradiso e, pàr ultimo, Alessandro Cecchi Paone.




#Article 204: Carlo Goldoni (535 words)


Carlo Osvaldo Goldoni (25 de febraro 1707 - 6 de febraro 1793) el xe stà un dramaturgo, scritor e avocato vèneto, e on dei pì grandi dramaturghi europei de senpre.
El scrìvea soratuto in łéngoa vèneta, ma el ga fato uxo anca del francexe e del tałian.

En serte so ópare el ga utiłizà on mucio i personaji de ła Comedia De l'Arte, ła cuał ła ga dominà ła sena en chel tenpo (come Il servitore di due padroni co Arlechin e Brighela); parò in generałe el ga reasionà contro sto stiłe, pa dar special rełevanxa a ła descrisión de i personaji e łe çircostanxe che łe roda torno la asion.

Goldoni el ga cołaborà co Baldasare Galupi inte on gran númaro de ópare. I so libreti łi xe stà posteriormente inpiegà par st'altri conposidori. Uno de sti ki el xe stà Joseph Haydn co ła ópara El Mondo deła łuna. Ała fine de ła so cariera, quando se gà trasferìo a Parigi par dirixare ła comèdie-italienne, gà conposto do ópare anca in fransexe: Le bourru bienfaisant e L'avare fastueux.

El mejo de łe so ópare in lengoa italiana łe xe: El Cafè (del 1750), Ła locandiera e El ventajo.

Goldoni gà scrito numeroxe e famoxe ópare anca in lengua vèneta, cui riportemo łe pì inportanti. 

Comedia corałe che nara i diversi momenti de ła vita quotidiana del popoło inte na piassa picenina venessiana.

Comedia en łéngua vèneta, ła xe stà rapresentà pà ła prima olta a Venesia al teatro San Luca verso ła fine del carnevałe del 1760 e publicà inte ło steso ano. Raprexenta el picenin e sereno mondo borghexe conposto da quatro veci rusteghi, ostiłi al prexente e ligài a i antighi vałori del mondo mercantiłe. In contrapoxision, un grupo de done e de xovani che i sente el riciamo del prexente, de ła xoia de vivare e de ła fełisità, raprexentà dal carnevałe. Tuto xe xùga sol conflito generasionałe, che vede el trionfo dei xovani.

Goldoni prexenta ła vita de i pescadori de Chioggia, i łori amori, i łori problemi quotidiani, i łori scontri e łe łoro teneresse; l'exata imitasion de ła natura se rexe qui sull'uxo de ło steso diałeto de Chioggia e se anima de un'intensa nostalxia: segna el trionfo del popoło minuto, de łe so tradission, del so linguajio fato de batute brevi e senplisi, soło aparentemènte caxuałi, inte el xiro arioxo de petegołessi che i se adensa in tenpesta fin al proronpare de ła barufa fra łe fèmane.

Comedia in tre ati en łéngua vèneta raprexentà pà ła prima olta al teatro San Luca. Ła comedia xe contraposta da un vecio pitosto brontołon (come sugerisce el titoło) che vołe a tuti i costi far el paron de caxa e savér tuto de tuti (grasie al so servo Gregorio), e da un matrimonio (nò fasiłe da portar a termine) tra Zanetta (fioła del fioło del paron) e tra un cavałiere venessian.

Ópara pitosto autobiografega. Domenica, fiòła de Zamaria, raprexenta ła comedia riformada, xe inamorà de Anzoletto, łù contracanbia, ła spoxerà portandoseła apreso in Moscovita asieme al pare Zamaria novo spoxo de madame Gatteau, sinboło de ła comédie italienne, che gaveva insidià Anzoletto, sperando de 'verlo tuto par sé.




#Article 205: Łéngoa latina (423 words)


El latin o łéngoa latina el xe na lengoa indoeuropea che la jera parlà a Roma e in tel Lasio fin dal primo milènio a.C.. Nei secołi sucesivi, con l'espansion dei Romani nel Mediteraneo el gà vù na inportanza senpre pì granda, in quanto lengoa uficiałe de l'Inpero Roman, e el gà meso raìxe in bona parte de l'Europa e de l'Africa del nord. In seguito a łe invasion dei barbari el latin l'è ndà póco par volta desmentegà, ma da de lu gà vù origine tute łe lengoe romanze (tra cui anca l'itałian e el veneto). Par tuto el Medioevo el gà comunque continuà a èsar ła lengoa franca de ła cultura europea.

Al giorno d'ancó, el latin l'è ła lengoa uficiałe de ła Cexa Catołica, e fin al Concilio Vaticano Secondo l'è stà anca ła lengoa in cui vegnèa dita ła mésa.

Xe stà inte el I sècolo a.C., co l'estension de la citadenança ai Italici e i canbiamenti sociai che o ghe ne xe derivai, che a Roma xe sorta la preocupazzion par la purezza de la lengua.

Anca soto de la spenta de la speculazzion greca, se ga invià un processo de regolarizazzion de la lengua. Inte sit tenpi xe fiorì letarai cofà Ciceron, che ell xe stà anca omo poìtego e fiòsofo de valor o cofà Catulo e i poetae novi, che i ga revoluzzionà la lengua poètega. La scritura no la jera desconossùa gnanca ai rudi condotieri cofà César, che el xe stà amirà pa'l so stil teso, e del qual resta do òpare uncora studiae e aprezzae: La guera gàlica (Commentarii de bello gallico') e La guerra civil (Commentarii de bello civili).
I tenpi i jera ramenti maùri parché la leteraùra la sfidasse quela greca, che a l'ora la vegneva considerà insuparàbie. Inte la zenerazzion sucessiva, soto el principà de Augusto, xe fiorì i pi grandi poeti de Roma: Orazzio: inte la sàtira e la poesie lìrega, Teocrito, Virzilio, Esìodo e adiritua Omero.

El perìodo clàssego de la lengua latina el xe ben conossùo: el latin, a difarença dei idiomi continuatori, el xe na lengua del tipo SOV (sozeto-ozeto-verbo), co cinque declinazzion e quatro coniugazzion verbai.
La declinazzion dei nomi la ga sìe casi, tre direti (nominatìa, acusatìo e vocatìo). El ga conservà, inoltra, dal indeuropeo, el sistema a tre zèneri: maschil, femenil e nèutro.

El latin el doparava na grafìa rivà da un alfabeto greco ocidental che a so volta el rivava da quelo fenicio (cofà anca quei venètico e etrusco).

La létare le jera:




#Article 206: Eminem (389 words)


Marshall Mathers (St. Joseph, Missouri, 17 otobre 1972), anca noto come Eminem o Slim Shady, el xe un rapper american. Oltre a far el cantante el gà fato anca l'ator e 'l produtore discografico.

Xe cresciuo a Detroit (Michigan) , e 'l primo che 'l gà scoverto el sò tałento xe stà Dr. Dre, el pì famoso produtore americano. El gà tacà a cantare nel 1999, con ła sua prima canson, My Name Is, che gà vuo un gran suceso, anca in Itałia e nel Veneto. El gà avuo anca 3 dischi de platino par stà canson. 

Nel majo del 2000 xe vegnuo fora The Marshall Mathers LP, disco che o gà consacrà come grande neła musica rap mondiałe: el gà venduo pì de dò miłioni de copie in dò setimane, anca grassie ai singołi The Real Slim Shady, The Way I Am, Stan.

Romai Eminem xera divegnuo famoso e łe notissie di gossip riguardo a eo e sò moiere Kim, che g'avea xà un diffisiłe rapporto, e gà girà par tuto el mondo. Se dise che il g'abia minacià un tisio che iera drio baxar Kim. El łoro raporto xe 'ndà vanti instabilmente, ma unìo dal'amor per Halie, łoro toxa putea nata nel 1995.

Nel 2002 gà fato The Eminem Show (Without Me, Sing 4 the Moment, Cleaning Out My Closet, SuperMan, Business). Poi gà recità in 8Mile, e el xe stà el principae compositore deła cołona sonora del film, el gà vinto anca un Oscar come Mijor Canson Originae. Stà cołona sonora fu ciamà 8Mile come il film, e el xe uno dei pì gran sucesi rap, el singolo estrato el xe stà Lose Yourself.

Gà vuo problemi de dipendensa da alcol e droga, ma el xe tornà nel 2004 con un album de gran suceso : Encore. Da questo xe sta estrate cansoni famosisime come Just Lose It, Mosh, Like Toy Soldiers, MockingBird, Ass Like That. 

Dopo Encore se tacò dire che ła cariera de Eminem da cantante iera finìa, molti giornai i o gà afermà, a smentire łe false voxi nel dexembre 2006 el xe rivà on novo album de Marshall: The Re-Up, afiancà al singoło You don't know.

El novo album xe rivà: Relapse (2009)
Eminem gà estrato i singoli We Made You, 3a.m., Crack A Bottle, Old Times Sake (Feat. Dr. Dre), Beautiful




#Article 207: Castel de Miramar (173 words)


El castel de Miramar (it. Miramare) l'è un famoxo castel che gh'è a Trieste, costruì per Massimiliano d'Asburgo, fradel de l'alora imperator de l'Austria.
De piera bianca 'se 'sai presta a cartolina.
Visitelo ma no steghe dormir. Legenda narra de la maledision de Carlotta,
che a chi ve dormi prometi de morir lontano da la patria, i afeti e la grazia di Dio.

El giardin botanico, o parco che se trova atorno al castel, el contien un disìo de specie de piante, da le palme al bambù e anche un per de canoni e qualche cigno.
Nel porticciol del castel (dentro el parco) ghe xe anche una misteriosa statua de una sfinge.
Merita farghe una pasegiada, magari co xe la bela stagion.
Dal castełeto splendida vista de Grignan, borghetto de pescadori ancó noto al mondo per la SISSA, che sarìa ła Scola Internazionale de Studi Avanzadi Superiori.

Quela area de mar atorno al castel dove che no se pol far bagno o pescar.
(Se dovè far el bagno o pescar andè verso Barcola).




#Article 208: Gresa (512 words)


Ła Gresa, oficialmente Repulica Ełenega (in greco Ελληνική Δημοκρατία), ła xe un stado del sud Eoropa.
Ła confina a nordovest co l'Albania, a nord co ła Masedonia e co ła Bulgaria, a nordest co ła Turchia.

La ga na Suparficie de 131 957 km², de łi cuałi 106 778  km² de terafèrma e 25 166 km² de isole.

La Gresa la xe formada da na parte continental e da da sirca 2000 isole catae intei mari Jonio a ovest e Egeo a est.
la parte continental la conprende el toco meridional de la penisola balcanega, che a so volta ła xe formada da un mucio de penìxołe conpagne, come ła penìxoła Calcidega, del'Atica e del Peloponeso. 

Ła longhesa total dei confini terestri ła xe de 1 215,5 km.

L'entrotera el xe par l'80% montagnoso e par el 20% ocupà da pianure.

La caena del Pindo, prolongamento de le Alpe Dinareghe, el nasse in Albania e el se slarga in direzion sud-est, fra Epiro e Tesaja.
La caena dei monti Rodopi ła se cata a nord-est che se slarga da ovest a est al confin fra Gresa e Bulgaria.
Ghe xe anca un mucio de caéne ixołae, come el Monte Ołinpo (2911 m, el Monte Parnaxo e el Monte Taigeto, en Pełoponexo.

Altri mónti inportanti i xe i Monti Acarnaniani, Aenos, Agia Dynati nell'isola di Cefalonia, Agkistro, Aigaleo o Egaleo, Arachnaia, Monti Artemissio, Aroania o Chelmos, Askio, Attavyros.

En Tesaja se cata łe Meteore, de łe formasion de piera sora de łe quałi 'ntel Medioevo i xe stà fati dei monasteri.

Parché el teritorio greco el gà un mucio de mónti, xe siguro che łe pianure łe xe poche.
Ła pianura pì inportante ła xe fata dal basin pianegiante de ła Tesaja, sèvito da cheło de ła Masedonia; łe pì pìcene łe xe visin a ła costa.

El stato greco se fasa interamente sul mar e no existe miga parte del teritorio nasional chel sia distanto pì de 137 km da ła costa.
Ła conformasion de łe coste ła xe bastansa iregołar co numaroxe frastagiadure, tra łe quałi ghe xe i gòlfi de Corinto e Egina,, Patraso, Salonichi, Mesenia, Łaconia, Argòłide, Casandra, Hagiu òrus e de Orfani.
In total ghe xe 15 021 chilometri de coste.
La costa jònega la xe bassa e paludosa. Quele egee e meridionale, le xe alte e pierose.

In total ghe xe pì de 1 500 ìxołe, che łe se divide en arcipèłaghi: 

I fiumi greghi i ga un parcorso curto e dificil e i xe de caratare torentizio, donca la so portada la varia par piovosità e stagion.
Intra i fiumi pì inportanti ghe xe:

Altri fiumi i xe: Penelos, Mestae.

Intra i laghi pì inportanti ghe xe:

Int'el 1967 la gera deventada na ditadura. Int'el 1974 la xe tornada a eser na democrazia.

La xe na Republica democratega.

Rento de la Gresa ghe xe anca el teritorio semi-autonomo del Mónte Athos.

La se divide in 13 periferie (περιφέρειες, perifereies).

La ga 10 655 989 abitanti. 

Mistrà e Mónte Athos łi xe patrimoni mondiałi de ła umanità.




#Article 209: Dexinensa (244 words)


Inteła gramàtica tradisionałe, se ciama dexinensa ła fin de na paroła; propiaménte xe qûeła parte de na paroła che ła canbia inteła flesion (conjugasion o declinasion) de un verbo, un nome, un agetiu e vìa cusì.

Inteła łenguìstega moderna se preferise ciamar dexinensa un morfema gramaticałe che'l połe anca no catarse mìa a ła fin deła paroła; quało dei morfemi gramaticałi se ga da ciamar dexinensa xe confórme ła łéngua.

Par exenpio, inteła paroła magnàvimo ła dexinensa in senso tradisionał ła xe -vimo, ma ła dexinensa in senso moderno ła xe -mo parché -vimo no'l xe un morfema.

Par far un altro exenpio, che'l xe clàsico deła łéngua vèneta, inteła fórma interogativa màgnito ła dexinensa in senso tradisionał ła xe -ito, ma ła dexinensa in senso moderno ła xe -i- e no ła se cata mìa intel finał deła paroła.

Qûeło che'l vansa deła paroła co se tira vìa ła dexinensa el se ciama tema ma el pol èser anca diretamente ła raixa.

Łe dexinense łe se studia stacàe dal tema. Defati tute łe dexinense che łe se poł łigar a on steso tema łe se poł anca łigar a on altro tema de ła stesa coniugasion o declinasion quaxi sensa che łe canbie. Se dixe defati (par exempio) i verbi de ła secónda coniugasion e voł dir che sti verbi qûi inteła só flesion i ga tuti łe stese dexinense, che in sto exempio qûi łe se ciama dexinense de ła secónda coniugasion.




#Article 210: Svèsia (743 words)


La Svèsia (en svedexe: Sverige) la xe un Stado del nord de l'Eoropa, inte la Penisola Scandinava.
La confina co la Norveja a nord-ovest e co la Finlandia a est; la xe coligada a sudest co la Danimarca.

La ga na superfisie de 449 964 km².

La xe bagnà dal Mar Baltego a est, da el Kattegat a ovest.
El paese el xe caraterisà da montagne e foreste.

Ghe xe proe suficienti par sostègnar che la superficie cïapante rento l'atual Svezia la xe stà colonisada quando che i giazzi de l'ùltima era giazzal i se ga ritirà, inte l'età de la piera. Se crede che i primi abitanti i fusse cazzadori e togidori, che i vivea principalmente de chel'à che'l mar el ghe ofrìa.
Proavilmente la Svezia meridional la giera densamente popolà inte l'età del bronzo, sicome se ga catà resti de algune civiltà comerçai.

Durante el IX e el X sècoło, la xe fiorìa in Svezia la cultura Vichinga, co comerci, incursion e colonisazion che le se estendéa principalmente verso est in direzion dei Stati Bàlteghi, de la Rusia e del Mar Negro.

Inte el 1389, le tre nazion de Norvesa, Danimarca e Svezia le se ga unìo inte un ùgnolo regno: la Union de Kalmar.

La Union la ga tegnesto unìe le tre nazion fin al 1523, quando che la Svezia la se ga cavà soto de Gustav Eriksson Vasa.

Inte el XVII sècolo la Svezia la giera una de le magiori potence europee dopo de la vitoria inte la Guera dei trenta ani. La batagia de Poltava , onde che la Svezia la xe stà sconfita da la Rusia, la ga tacà fin a sto bon perìodo del Regno.

L'ùltimo conflito el xe stà có la Norveza inte el 1814.
La recente storia svedese la xe pi pasìfega: la xe restada neutral inte la Prima e la Seconda Guera Mondial.

La Svèsia la xe divixa in 21 contadi (län).

La so cavedal la xe Stocolma che La gà 765 044 abitanti.
Altre cità importante le xe Göteborg, Uppsala, Malmö e Lund.

El primo censimento el se ga tegnùo inte el 1794 e el ga resistrà na popolazion de cerca 1.800.000 abitanti. Inte el sècol sevente ghe xe stà na forte ondada de emigrazion direta inte i Stati Unìi, cerca 1 300 000 persone le xe emigrae soratuto verso la region del Grandi Laghi. A contrastar sta roba ghe xe stà un tasso de nadaità alto e, inte el '900 un saldo imigratorio positìo costituìo soratuto da persone vegnenti dai vicini paesi bàltissi.

Al di de ancò, la povolazion svedese la conta 9 131 425 abitanti.

A causa del numaro relativamente esiguo de abitanti, la Svesia la ga na densità demografega pitosto bassa e despensada iregolarmente: la se concentro inte le principai àree metropoitane; i xe tut'ora in corso movimenti migratori da le region setentrionai verso la banda meridional e le principai cità.

Sirca el 16.7% de la povolazion svedese(un migion e mezo cerca) la ga uno o tuti e do i zenidori de orizene foresta, cofà conseguenza de le varie imigrazion inte el nord Europa, prima in termeni de forza laorativa, e sucessivamente cofà profughi politeghi. 

Le etnie pì numarose dopo quela svedese le xe costituìe principalmente da persone orizenarie de la Finlandia, sevìa da Iraq, ex-Yugoslavia, Somalia, Zermania, Danimarca, Norvesa, Turchìa, Polonia, Romanìa, Russia e Iran.

La lengoa nazional la xe el svedese, che la partien al grupo de le lengue zermàneghe setentrionai.

Dal 1593 fin al 2000 la cïesa de Stato la xe stà quela evangelico-luterana.
El culto catòlico el xe autorisà ufizialmente solo inte el 1860. La leze che la sancisse la libàrtà de culto la risal al 1951.

La magioranza de la popolazion (70%) la aderise a la cïesa evangelico-luterana.
Chei che i se dicïara àtei i xe na inportante minoransa (15%).
Ghe xe na cressente menoranza mussulmana (3%), dovùa ai flussi de imigrazion, menoranze de catolicèsemo (infra el 2% e el 3%) e de protestanti evanzèlici (2%).

I mejoramenti sanitari i ga causà un inportante invechiamento de la povolazion: i ultra-sesanteni i xe el 22,6% de la povolazion zeneral.

El so teritorio el xe sior de legne, fero e aqua.

I Svedesi i gode de un bon livel de vita (ISU fra i primi Paexi del mondo).

Provien dała Svèsia vari grupi muxicałi famosi a liveło internaxionałe quałi i ABBA, i Union Carbide Productions, i Europe, i Roxette, i Ace of Base, i Rednex, ecc.




#Article 211: Valsugana (202 words)


La Valsugana (Suganertal in todesco) la xe na val del Trentin sud-oriental, confinante co le provincie de Vicenza e Belun. La ga andament ovest-est. 

A sud la xe delimitada da l'Altipian de Asiago e dai altipiani de Luserna, Lavaron e Folgaria e a nord da la cadena del Lagorai; la so estremità ocidental la xe prossima a la cità de Trento e a la val de l'Adese, intanto che a est la se incassa infra le montagne, strenzendose infra l'Altipian de Asiago e el Monte Grappa e chiapando el nome de Canal del Brenta, e la desfosa dopo inte la pianura veneta da le bande de Bassan.

La zeografia de la val la xe domenada dal corar de la Brenta, che la nasse dai laghi de Levego e Caldonazzo, e la seve in direzion est, par 'po desfosar inte el Mar Adriatego. Importante xe anca el corso del torente Fersina, che passando par Perzene el se trà 'po inte el fiume Adese inte la cità de Trento.

Dal ponto di vista orografego, la valada la xe chiusa da do cadene montagnose:

Intra le vale laterai de la Valsugana se ricorda la Valle dei Mocheni, la Val del Sela e l'Altipiano del Tesin.




#Article 212: GNU (796 words)


El projeto GNU el xe stà inisià pa parte de Richard Stallman co el objetivo de crear on sistema operatío conpleto łibaro: el sistema GNU . El 27 de setenbre de el 1983 a se ga nunsià piovégamente el projeto pa ła prima olta intel grupo de notisie net.unix-wizards. A sto anunsio orijnałe, ne xe ndà drio altre prove grasie a Richard Stallman come el Manifeesto GNU, che łe ga stabiłio łe so motivasion pa realixar el projeto GNU.
GNU elxe on acrònimo chel vol dir GNU No xe Unix. Stallman el suxerise che el se pronusie, in inglexe, come ghn-noo (se pol oservar che el łogo el xe no gniu) pa evitar confusion co new (novo).

UNIX el xe on sistema operatío no łibaro raquanto popołare, parché el xe basà inte na architetura che xe ga demostrà esare técnicamente stabiłe. El sistema GNU el xe sta disegnà pa esare totalmente conpatibiłe co UNIX. El discorso de esare conpatibiłe co la architetura de UNIX ìnplica che GNU el xe conposto de tochi picenini individuałi de software, on mucio de questi xa łi gera disponíbiłi, come el sistema de edision de testi TeX e el sistema gràfico X Window, che i ga podesto esare adatai e reutiłisai; altri invese a xe ga dovesto rescrivarli tuti.

Pa securarse che el software GNU el sevitava łíbaro pa che tuti i usuari łi potese aviar-lo, copiar-lo, modifegar-lo e distribuir-lo, el projeto el dovéa esar łibarà bàso na lixensa disegnà pa garantir sti diriti pa evitar łe so restrision intel tenpo. Sta idea a se conoze in Inglexe come copyleft -'sanco de copia'- (in lanpra oposision a copyright -'dreto (e dirito) de copia'-), e ła stà contenúa inte ła Licensa General Piovega de GNU (GPL).

Intel 1985, Stallman el ga creà ła Free Software Foundation (FSF o Fondasion pa el Software Libaro) pa prevedare suporti łojísteghi, łegałi e finansiari al projeto GNU. La FSF ła ga contratà anca programadori pa contribuir a GNU, anca si na porsion sostanciałe de el sviupo ła xe vegnesta fora (e ła continua èsare) prodota da vołontari. Manman chel GNU toeva nome, afaristi interesadi i ga scuminsià contribuir a ła comersialixasion de prodoti GNU e el corespondente soporto tècnico. El pi de èxito de sti chi el xe stà Cygnus Solutions, deso parte de Red Hat.

Intel 1990, el sistema GNU xa tenea on editor de testo ciamà Emacs, on òtimo conpiłador (GCC), e ła magior parte de łe biblioteche e utiłidà che łe conpone on sistema operatío UNIX tìpego. Parò a mancava on conponente ciave ciamà nucleo (kernel in inglexe).

Intel manifesto GNU, Stallman el ga mensionà che on nucleo inixiałe existe, parò se nesesita tanti altri programi pa emular Unix. Lu se referea a TRIX, chel xe on nucleo de ciamade remote a prosedimenti, sviłupà da el MIT e i so autori che łi ga dexidesto chel fuse łibaramente distribuxesto; Trix era totalmente conpatibiłe co UNIX version 7. 
Intel Dixenbre de el 1986 xa se gavea laorà pa modificar sto nucleo. Tutavia, i programadori i ga dexidesto che no era inisialmente utiłixabiłe, dovesto a che soło el funsionava encoalcheduna màchina somamente conplicà e cara, rason pa che a dovaría èsare tolto e portà a altre architeture vanti che se posa utiłixar. Finalmente, intel 1988, a se ga dexidesto utiłixar cofà base el nucleo Mach sviłupà ne ła CMU. Inixialmente, el nucleo ga rexevuo el nome de Alix (cusita se ciamava na morosa de Stallman), parò pa dexision de el programador Michael Bushnell xe stà renominà Hurd. Pa pena Hurd, parò, el se ga via via stufà.

Intel 1991, Linus Torvalds a ga scumisià scrivar el nucleo Linux e el ga dexidesto distribuir-lo baso ła GPL. Rapidamente, meiare de programadori łi se ga unío a Linus pa el sviłupo, cołaborando traverso de Internet e otegnendo chel Linux rivàse èsar on nucleo conpatibiłe co UNIX. Intel 1992, el nucleo Linux xe stà conbinà col sistema GNU, e subito drio x esta meso rento on sistema operatío łibaro e conpretamente funsionałe. El sistema operatío formà da sta conbinasion xe usualmente conoxesto cofà GNU/Linux o cofà na distribusion Linux e łe existe difarenti varianti. (Vedarse anca: Controversia pa la denominasion GNU/Linux)

A xe soralconto frequente catar conponenti de GNU instaładi en on sistema UNIX no łibaro, invese de łi programi orijinałi par UNIX. Sta roba se deve a che raquanti de łi programi scriti pal projeto GNU i ga demostrà èsare de pi alta cuałità che łe so version conpagne de UNIX. A sbaro, sti conponenti łi xe conoxesti cołetivamente cofà feri de el mestiere GNU. On mucio de programi GNU łi xe stà anca portà pa altre piataforme cofà Microsoft Windows e Mac OS X.

 

 
El projeto GNU juta anca co el sviłupo de altri pacheti, come:




#Article 213: Prinsipato de Mònaco (304 words)


Mònaco, ufisialmente el Prinsipato de Mònaco (franséxe: Principauté de Monaco'; monegasco: Principatu de Múnegu), el xe un Stato de ła Eoropa osidental.
El confina a nordovest co ła Fransa.

El xe el secondo Stato pi ceo del móndo.

El se cata łóngo a costa franséxe pena a ovest de el confin itałian. 

L'è na governà da na monarchìa costitusionałe.

Int'el Prinsipato de Mònego el Sovran el ga dei poteri veri e no soło formałi. El Prìnsipe de Mònego el ga el poter legislativo insieme col Conséjo Nasionałe (parlamento), el ga el poter executivo exersità traverso un Ministro de Stato  e l'à anca el poter judisiario. 

Fin puchi ani fa un Tratato fra Mònego e Fransa el dixea che, se mancava eredi par el Prinsipato, Mònego el sarìa deventà parte de ła Fransa ma col nóvo Tratato del 2002 xe garantìo che Mònego el restarà ar senpre un Stato sovran e indipendente anca in caxo che manche eredi. 

Mònego el vien normalmente clasificà fra łe sità-stato ma sarìa pi justo definirlo sità-e-stato parché oltre che Stato el xe aministrativamente anca un Comun: geograficamente el Comun el ga i stési confini del Stato ma legalmente el ga dei organismi comunałi (Conséjo Comunałe e Sìndico) diversi da quii statałi e che i va drio i mistieri locałi.

El Comun de Mònaco el xe divixo in quatro quartieri:

I quartieri, dopo, i xe divixi in distriti pi picenini: spiaja de Larvotto, Moneghetti, Tenao, Jardin Exòtico...

Ła diféxa del Prinsipato ła depende da łe forse miłitari fransixi ma Mònego el ga comunque un só exersito picenin che se òcupa de defènder el Prìnsipe e anca de controłar łe coste e 'l póco mar teritoriałe del Stato.

Monaco el xe el stato co ła densità de popołasion pi fisa del móndo.

El xe uno dei stati pi richi del móndo.




#Article 214: Càndia (147 words)


Ła ìxoła de Càndia, conosua anca come Creta, (Κρήτη, Kriti in Greco moderno, Krētē in Greco antico) ła se cata inte el Mar Mediteraneo e ła partien uncó a el Stato greco, de cui la xe una de le 13 divixion 'ministrative.

Co na superfise de 8 300 chiłòmetri cuadri, ła xe la cuarta ìxoła pì granda del Mediteraneo e ła pi granda de la Gresia. La ga na costa de 1 040 km e na popołasion de 600 000 àneme.

Ła ga fato parte dal 1204 al 1669 del stato da mar venesian. Inte el siesento ła xe sta teatro de la tremenda guera de Candia (1645-1669) infrà Venesiani e Turchi Otomani, durante la quale la capital de l'ìxoła (a l'epoca ciamà senpre Candia, ancó Iraklio) la xe stà asedià par ben vintidu anni, in quel che xe sta probabilmente l'asedio pi longo de ła storia.




#Article 215: Sità-stato (261 words)


Na sità-stato (pron. zhità-stato, zità-stato o sità-stato) ła xe un teritorio picenin, de sòłito na sità apunto, che 'l ga sovranità statałe cioè el xe independente da altri Stati. Se pol definirla «un Stato grando come na sità».

Łe sità-stato pi famóxe łe xera łe polis del tenpo dei Greci antighi come Atene e Sparta oben łe cołonie fenicie 'ntel Mar Mediteraneo come Cartàxene.

In tinpi manco distanti, fra el medioevo e ła prima metà del XVII sècoło, ghe xe stà el perìodo de łe sità-stato anseàtiche che se ga sviłupà 'ntel nordeuropa, soratuto in Germania. Col pasar dei ani ła Łiga Anseàtica l'è nà in decadensa perdendo varie guere e desfàndose ma ła vecia denominasion ła ga sopravivesto fin deso int'un par de caxi: se trata de Anburgo e Brema che no łe xe mìa sità-stato independenti ma łe xe comunque du Land cioè du Stati che fa parte de ła Repùblica Federałe Tedésca. Anca łe capitałi łe pol èser dei Land rento na federasion: par exenpio Berlin in Germania (riunificà) e Viena in Austria łe xe de łe sità-land cioè de łe sità-stato che łe fa parte de na federasion.

Do exenpi de sità-stato independenti, al dì de ancûo, i xe Vatican e Mònaco ma fora de l'Europa se cata anca Singapor.

Hong Kong (ex cołonia britànica) e Macau (ex cołonia portoghéxe) le è senpre stà consideràe come sità-stato da ła zente par l'autonomìa granda che łe gavéa seben che no łe fuse mìa independenti e che anca deso łe sipia comunque dó Region Aministrative Speciałi sóto ła Cina.




#Article 216: PIL (218 words)


In economia, el prodoto interno lordo  (scursà PIL) ła xe na grandesa macroeconòmega che ła mexura el vałore agregà, a presi de marcà, de tuti i beni e i servisi finałi (o sia escludendo i rodoti intermedi) prodoti inte el teritòrio de on Stato inte on determenà perìodo tenporałe (de sołito se fa rifarimento al ano sołare, ma vien doparai anca altri archi tenporałi). El se ga ciapà na poxision de preminensa par łe so capasità de esprìmar el benèsare de na comunità rełativamente al so liveł de sviłupo o progreso.

El tèrmano interno el ìndega che sta variàbiłe ła ciapa drento łe atività econòmeghe fate drento de on Stato, escluendo i beni e servisi produxesti da łe inprexe, dai lavoratori e da altri operadori nasionałi inte i paexi foresti

escluendo anca łe prestasion agràtis o l'autoconsumo), mentre i xe includesti i prodoti fati da operadori foresti drento de on Stato. El tèrmano lordo el ìndega invese che el vałore de ła produsionel xe al lordo dei amortaminti, o sia del naturałe depresamento del stock de capitałe fìxego intervegnesto inte el perìodo; sto depresamento el conporta che, par ridur sta dotasion a dispoxision del sistema, parte del prodoto el ga da èsar destinà al so reìntegro. Cavando dal PIL i amortaminti, se otien el PIN (prodoto interno neto).




#Article 217: Roma (257 words)


	

Roma ła xe ła Capital de ła Repùblica Itałiana (e del Regno d'Itałia che gh'era prima).

Ła confina al só interno col Stato Vatican.

Ła xe sede dei organismi de governo de ła Repùblica Itałiana e prima ghe xera i organismi de governo del Regno d'Itałia e de l'Inpero itałian. I vari organismi i xe postài su vari cołi de ła sità e in vari pałasi da nomi famuxi: sul Pałaso del Quirinałe ghe xe ła Presidensa de ła Repùblica, sul Viminal ghe xe el Ministero dei Interni, a Pałaso Chigi ghe xe el Governo, a Pałaso Madama gh'è el Senato.

Roma ła xe sede dei anbasadori foresti sia in Itałia che in Vatican e donca ła òspita l'Anbasada Itałiana in Vatican (l'Itałia cioè ła xe l'ùnico Stato del móndo che 'l ga sul só teritorio el só stéso anbasador a l'estero). Ła òspita anca na zona estrateritoriałe picenina che l'è sede del Sovran Miłitar Órdene de Malta, un ente de ajuti e beneficensa co sovranità riconosesta internasionalmente.

Ea region ea xe relativamente granda, ea xe al centro dea Itałia, el xentro storico el se sviuppa spexialmente sui 7 coli te Roma dove ke ghe xe anca e più importanti ville Romane.

Par via de ła só storia łónga, Roma ła ga tuta na serie de siti stòrico-culturałi che val ła pena èser visti. Fra i posti pi famuxi se pol métar par exenpio:

Dal primo de novenbre 2015, a seguito de ła decadensa del sindico Ignazio Marino,  ła sità ła xe ministrà da un comisario straordinario.




#Article 218: Tałian (189 words)


El Tałian ( o vèneto braxiłian) el xe ła variante vèneta del Braxil, variante de koinè formà e parlà in Braxil (Stadi de Rio Grando do Sul, Santa Catarina e Paranà) dai disendenti dei emigranti vèneti del Otosento-Novesento.

Ła s'à formà su ła baxe del vèneto antigo (varianti vixentin e belumat), del portoghexe braxiłian e de altre parlade del nord-Itàlia e l'è conosesta anca come véneto braxileiro. 

Ła vien scrita co na grafìa somejante al portoghéxe e ghe manca dei suni del vèneto-de-Vèneto: par exenpio no ghe xe mìa łe interdentałi e donca ła z ła pol vegner doparà a ła portoghéxe (zera =xera) mentre in vèneto ła z l'è necesaria par łe interdentałi (mezo, zinque, zhinque) e 'ntei altri caxi se dovarìa doprar ła x : xera, caxa, diéxe, quaxi.

I emigrài i ghe ga dà el nome de tałian parché rispeto al portoghéxe i ła sentìa come italiana seben che par gran parte ła fuse apunto vèneta.

El Tałian donca no'l ga mìa da èser confuxo co l'Itałian che 'l xe ła łéngua uficiałe de l'Itałia e 'l se ga formà su baxe toscana-fiorentina co influense siciliane-romane.




#Article 219: Windows Vista (124 words)


Windows Vista (2006) (ciama in orixine col codixe Longhorn, numero de version 6.0.6000.16386), xe na version dei sistemi operativi Microsoft dełła famiglia Windows, che se rivolge a utenxa domestega opur business, in funxion deła version acquistà. Xe infati el sucessor di Microsoft Windows XP. Come el predecessor, non l'è inpiegabiłe in installaxioni de tipo server, ma xe previsto el suo impiego unicamente come postaxione de lavòro (client).
El nome Vista el vien dal latin videre che vol dir «védare». Sto nome qua el vol evidensiare ła nova interfacia grafica del sistema, che ła se ciama Windows Vista Aero. Adeso, xe diventa el predecessor de Windows 7.

Windows Vista l'è molto esigente el pol andar solche in computer che i g'abia specifici requixsidi de sistema.




#Article 220: Dio (108 words)


Cò el termine Dio, dal latin deus deriv. da divus=splendente , el xe indicà el conceto de esere superior, de tipo trasendente e/o imanente.

Ła siensa che parla de Dio ła xe ła teołogia (da theos, che el vol dir Dio, e logos, discorso, ragionamento).

Ła rełasion tra Dio e l'esare uman ła ciapa el nom de rełigion. Ła radixe sanscrita, da Divus e anca ła paroła Dio, vol dir Luxe. Sto apełativo el se spiega col fato che, dai tenpi antichi fin al dì de ancò, chi che el ga fato esperiensa de Dio, ła gà senpre caraterixà come esperiense de luxe, oltreché de beatitudine, gioia, paxe...




#Article 221: Germano Mosconi (305 words)


Germano Mosconi (San Bonifacio (VR), 11 de novenbre 1932, 1° de marso 2012) el xe sta un giornalista sportivo e condutor.

Mosconi l'é sta uno dei volti tełevisivi pìasè noti del Nord-est tałian dei ani 80-90, grasie al laoro cofà giornałista e prexentadór de el tełegiornal de ł’emitente tełevixiva Telenuovo inte el periodo che ła squadra de bałon de Verona ła vinséa el scudeto.
El jera conosùo par l’elegansa e ła pachèa dénansi a łe tełecàmare e par esar on brao tenista.

Intel 2005 el xe sta ogeto de na vicenda particolar, che el lo ga fato conosare in tuta Itałia. Na fonte anonima ła ga publicà so Internet vari foraonda che vegnèa da registraxion de'l tełegiornal, andoe se faxea vedar e reasion irè de Mosconi a vari disturbi che i causava el fermo dełe riprese (xente che la vien rento intel studio, casoto, notixie scrite so foji ilexibii o anca solo i so Lapsus Linguae).

El gran uso de raxìe, insulti, linguajo colorà en Lengoa veneta e el sapiente montajo ke el faxea scaturir na spontanea comicità, i ga determinà na grandisima difusion de'l video. inte el giro de on fià de tenpo, i xe nati forum dedicà, fan club in Itałia e inte i paexi forèsti, monografie e cartoni animai dopiai co l’utilixo dela vóxe de Mosconi, faxendo su na bonarja maceta comica. A Mosconi parò a no ghe ga mia piasesto sto tipo de notorietà, denunsiando i anonimi che i ga difuso el video e dixendo de no a tute łe richieste de intreviste o proposte rełative ai fati (cofà quea de Lino Toffolo de partexipar a calche serada del so spetacolo)

L'è stà ànca el diretor del fóio en lengoa tedesca Gardasee Zeitung dedichèsto a i turisti del lago de Garda, en pì el scrivea in te ł’inserto veronexe d'el Gaxetin.




#Article 222: Morfema (2041 words)


Inteła łenguìstega moderna se ciama morfema el toco pì picinin de na paroła o de n'espresion che'l gà un significà e che no se pol catarghe rento tochi pì picinini sensa che canbie el significà deła paroła o de l'espresion.

Inteła łenguìstega stòrica i preferise ciamar morfema soło qûel toco che no'l se pol divìdar e che 'l gabia na funsion gramatical; qûeło che ghe resta intena paroła co se ghe cava vìa tuti i morfemi i ło ciama semantema.

I łenguisti fransexi na volta i gavéa el monema inteła só terminologìa che'l jera pì o manco ł'istesa roba del morfema; al dì d'incò i preferise adoparar el morfema anca łori.

Na paroła ła pol èser fata de un morfema soło; par exenpio: ła preposision de e in xeneral quaxi tute łe partexełe invarianti.

In vèneto ghe xe anca dełe parołe varianti (nomi, agetivi e via cusì) che łe xe fate de un morfema soło, in xeneral łe xe masc'iłi singołari; par exenpio: can e bel.
Se ne cata paréce anca in dełe altre łéngue, e 'sta qûi ła xe na regoła intełe łéngue ixoładóre cofà l'inglése e 'l cinése.
Note che 'ste parołe no łe xe morfemi inteła łenguìstega stòrica.

I nomi, i agetivi e via cusì i pol èser fati de do morfemi co che i xe semplisi; par exenpio: inteła paroła vèneto se cata el morfema vènet- che'l xe anca ła raìxa deła paroła, e 'l morfema -o che'l ne dixe che ła xe mas'cil singołar.

Łe parołe derivàe łe pol aver pì morfemi; par exenpio: inteła paroła 'nasionałi se cata el morfema 'nasion- che'l xe anca ła raìxa, el morfema -ał- che'l xe el sufiso che'l ne deriva l'agetivo da un nome e 'l morfema -i che'l ne dixe che ła xe comun plural.

I verbi i pol èser fati de paréci morfemi; par exenpio: inteła espresion łe se invełenava ghe xe:

Un morfema el pol èser fato anca de pì parte stacàe e con dei altri morfemi in mexo; par exenpio in łéngoa tedésca el participio el se fórma tacàndoghe insieme un prefiso e un sufiso.
Ciape el verbo lieben, che vol dir amar, che'l xe fato deła raìxa lieb- e deła dexinensa -en; inteła paroła geliebt, che vol dir amà, i morfemi i xe dó: la raìxa lieb- e 'l morfema del participio ge- (...) -t; sto qûi el xe un morfema parché el prefiso e 'l sufiso no i se pol divìdar: defati in tedésco no se cata mìa *gelieb e gnanca *liebt.
Qûalcuni i ło ciàma circonfiso parché el se taca intorno vìa de na paroła; se cata scrito anca morfema parasintètico.
Calche łenguista no'l xe mìa convinto che 'sti qûi i xe morfemi; i dixe che defati se cata dó pasaji: ghe xe un tema difarente che'l vien fora tacandoghe un prefiso (in 'sto exenpio xe ge-liebt-) e a 'sto tema se ghe taca ła dexinensa (in 'sto exenpio -t); fato stà che par łori 'ste dó partexełe łe xe dó morfemi difarenti.

Łe łéngoe no concadenadore cofà che xe łe łéngoe semìtighe łe xe particołari: łe raìxe łe xe fate de sołe consonanti e ghe se tacona in mexo łe vogałe che łe ghe dà el significà gramatical ałe parołe; par exenpio inteła łéngua ebràica ła raìxa *gdl ła dà el senso de grandura: ła paroła gadol vol dir grando, ła paroła gadal vol dir el se gà xgrandà, ła paroła godel vol dir dimension, e vìa cusì.
El morfema deła raìxa el se pol scrivar g-d-l, e i morfemi gramaticałi che ghe se tacona i se pol scrivar -a-o-, -a-a-, -o-e-, e vìa cusì.

I morfemi i pol divìdarse in maniere diverse.

Na prima divixion xe tra:

Qûalche łenguista el dixe che pol èser morfemi łigà anca parołe intiere che no se pol catar par conto só, ma no tuti i ła pensa cusì; par exenpio: łe partexełe clìtiche (te, el, ła, i, łe) che łe s'adòpara par conjugar i verbi, ła partexeła se deła conjugasion riflesiva e via cusì, łe pol catarse come morfemi łibari e come morfemi łigài, come che ła pensa chi ło dixe.

Un morfema łigà el pol èsar:

Note che qûalche łenguìsta el pol ciamar raìxa anca un morfema łibaro, baste che 'l gabia un significà prinsipałe e che se pol tacarghe dei afisi; par esenpio: can el xe un morfema łibaro, parò el pol deventar cani tacàndoghe l'afiso -i, cusì che ghe xe łenguìsti che i ło ciama raìxa isteso.

Note anca che łe raìxe no i xe morfemi par ła łenguistica stòrica, e gnanca qûalche morfema łibaro cofà par exenpio i averbi.

N'altra divixion adoparà xe tra:

Note che xe propi ła difarensa che ła ghe intaresa ai łenguìsti stòrici, che no i ciama mìa morfemi qûełi lesicałi.

Anca qûi i łenguisti no i se gà meso ancora d'acordo: calcheduno el dixe che serti morfemi i xe lesicałi e calchedun'altro el dixe che i steisi morfemi i xe gramaticałi. Par exenpio: i morfemi che i se adòpara par canbiarghe el contesto de na paroła (el sufiso -ał- che'l trasporta un nome int'un agetivo, el prefiso in- che'l trasporta un nome int'un verbo, e via cusì) i pol catarse come morfemi lesicałi e come morfemi gramaticałi, come che ła pensa chi ło dixe.

N'altra definision che ła se pol catar int'i łibri ła xe:

Anca qûi ła definision ła xe senpre anbigua: uno el pol pensar par exenpio che i prefisi e i sufisi i xe un insieme sarà, però anca qûi ghe pol saltar fora dełe robe nóve che łe xenera dei sufisi nóvi; par exenpio, co xe vegnù fora la televixion xe anca vegnù fora el prefiso nóvo tele-, co xe vegnù fora la lenguìstega moderna xe vegnù fora el sufiso nóvo -ema, e vìa cusì.

Xonta che ghe xe anca dei łenguisti che i dixe che i articołi, łe preposisione, e via cusì, che i fa parte de n'insieme sarà, no i xe morfemi gramaticałi parché i gà un vałor lesical, cioè par exenpio ła difarensa tra łe dó espresióne el can e un can xe na difarensa lesical (semàntica) e no gramatical.

I morfemi gramaticałi, no inporta come i se gà definìi e qûałi che i xe, i se pol dividar in dó clase:

'Sta divixion qûi ła segue ła divixion tra derivasion e flesion e ła xe spiegà mejo intełe vóxe.

Par capìrse mejo tra i łenguisti, i gà catà fora che el morfema el pol averghe forme difarenti; pense a qûełe raìxe che łe pol canbiar al plural, par exenpio fior e fiouri, o inteła conjugasion, par exenpio bévo e beivi, e a tute łe forme che pol averghe i verbi iregołari: èsar e aver in sima, e po far, ndar, e vìa cusì.

I se gà meso d'acordo che el morfema ła xe n'astrasion, cioé che no importa quała che ła xe ła forma che ła se ghe cata rento intena paroła, anca se ła canbia xe l'isteso morfema: fior- e fiour- i xe l'isteso morfema; bév- e beiv- i xe l'isteso morfema; f-, fa- e fax- i xe l'isteso morfema; e vìa cusì.
Ła forma precixa de un morfema che se ghe cata rento de na paroła ła se ciama morfo: fior- e fiour- i xe dó morfi de l'isteso morfema, e via cusì.

In sta maniera qûi se pol darghe regołe fise anca a na conjugasion iregołar; par esenpio se pol confrontar fa-o, f-a, fax-emo co magn-o, magn-a, magn-emo: ła regoła ła xe de tacarghe łe dexinense -o, -a, -emo al morfema deła raìxa.
Quało che'l xe el morfo precixo che'l gà da catarse intena paroła precixa el dipende cofà che se uxa dir in qûeła łengoa.

'Sta astrasion qûi ła gà fato vegner fora n'idea nóva: par exempio el morfema mas-cil singołar el pol catarse na -o cofà in gat-o, na -e cofà in nom-e o anca gnente cofà in can; i łenguisti i dixe che 'sta -o, 'sta -e e 'sto gnente i xe tri morfi difarenti del morfema mas-cil singołar.
A 'sto gnente i ne gà dà el nome de morfo vodo.

Co ghe xe un morfema che'l xe fato soło che dei morfi vodi el se ciama morfema xero o morfema nuło; par far n'exenpio senplise, inteła łéngoa inglése xe fasiłe catar un nome che'l deventa un verbo sensa che'l canbie forma: chat xe ciacoła e to chat xe ciacołar.
'Sta qûi ła xe derivasion parché se ghe canbia el contesto gramaticałe, parò che se ghe taca senpre un morfo vodo; 'sto qûi xe n'exenpio de un morfema derivador nuło.

Par far n'exenpio inteła łéngoa vèneta se gà da vardar ła conjugasion: intel caxo pì xenerałe, ła forma verbałe ła vien fora tacandoghe insiem ała raìxa i morfemi vogal temàdega, qûeło de tenpo e modo e qûeło de persona e numaro; ma el morfema prexente indicativo el gà tuti i morfi vodi par tute łe persone, e par ciò xe un morfema flesivo nuło.

Ghe xe dei łenguisti che no ghe piaxe 'sta idea de morfema nuło e i preferise dir che no ghe xe gnente, punto e a capo.

Ła clìtica ła xe un morfema che no ła pol star par conto só, ma ła gà da tacarse o starghe visin a n'altra paroła.
Ła difarensa co n'afiso xe che ła clìtica ła se taca a na paroła xà conpletà parò che l'afiso el se taca par conpletar ła paroła.
Par exenpio łe partexełe che łe se adòpara par conjugar i verbi (te, el, ła, i, łe) łe xe clìtiche; łe gà da starghe visin a ła paroła (el xe, ła stà) o łe gà da tacarse intełe domande (xeło? viento?).

El morfema fosiłizà el xe un morfema che no'l gà un significà precixo par conto só ma che'l se adòpara l'isteso par formar dełe parołe.
Par exenpio inteła łéngoa ingléxe ghe xe i verbi com-mit, sub-mit, per-mit, ad-mit ma no ghe xe *mit par conto só; 'sto -mit qûi el xe un morfema fosiłizà.

El morfema fuxivo el xe un morfema che'l gà rento pì significà; inteła łéngoa vèneta ghe xe parécie dexinense che łe xe morfemi fuxivi, par exenpio: ła -i de gat-i ła gà rento el significà mas-cil e plural (mentre che par exenpio inteła łéngoa spagnoła se adòpara dó morfemi difarenti: gat-o-s, -o par mas-cil e -s par plural).

Ła testa ła xe el morfema prinsipałe de na paroła, qûeło che'l ne dà ła parte gramaticałe ała paroła.
Inte na paroła co na soła raìxa ła xe ła raìxa; inte na conposision (indove che ghe xe pì raìxe) ła pol èser la prima raìxa (capostasion), ł'ùltima raìxa (ferovìa) o ghe pol anca no èsarghe mìa na testa: in 'sti caxi qûi łe raìxe łe se ciàma sorełe (xałoblù).

Intełe łéngoe no concadenadóre el schema el xe un morfema che'l spiega cofà che łe gà da tacarse łe vogałe che łe xe el morfema flesìvo inteła raìxa.
Par exenpio dała raìxa gdl, dała flesion ao e dal schema CVCVC (C xe consonanta e V xe vogal) se cata fora gadol grando; dała istesa raìxa gdl, dała flesion oa e dal schema CCVCV se cata fora gdola granda.

Se ciama morfema supletivo un morfema che'l ciapa el posto de n'altro morfema sensa ca ghe sìa na regoła precixa; par exenpiò, va- el xe un morfema supletivo deła raìxa inteła conjugasion de nd-ar (va-o, nd-emo).
Anca -e e -a i xe morfemi supletivi de -o come dexinensa mas-cil singołar (nom-e, gat-o, morfem-a).
'Sta definision qûi no ła xe precixa precixa e defati ghe xe dei łenguisti che i ghe vede rento soło che dei morfi difarenti par l'isteso morfema.

Se ciama morfema parasintèdego o morfema separà el morfema che se ghe taca intornovìa, cofà int'i esenpi el morfema ge- (...) -t che se ghe taca a na raìxa de on verbo par tirarghe fora el participio pasà.

Se ciama morfema sdopiador un morfema che no'l gà na forma fisa parò che'l xe na copia de na parte de n'altro morfema; par exenpio in łéngoa łatina se cata 'sto morfema qûalche volta intel pasà remoto: de-d-i (gò dà) conjugà da d-o (dao), te-tig-i (gò tocà) conjugà da tang-o (tóco), pe-perc-i (gò sparagnà) conjugà da parc-o (sparagno), e via cusì.
 conflìct




#Article 223: Polxeła (2428 words)


 
Polxeła (in itałian Polesella) xe un comun de 3962 àneme inteła provincia de Rovigo.

Ghe gera sicuro un paéxe inteła xona co ghe gera i romani; defati i gà catà dei cupi che i adoparava pałe tómbe.
Xe fasiłe che ghe fuse deła xente anca co ghe gera i etruschi parché i xe stà łori a bonifegar par primi el Połexine, co che i gà scavàe łe prime Fose Filistine.
Con tuta ła fadiga che i etruschi e i romani i gà fato par tirar fora deła tera dai pałùi, co che ghe xe stà ła Róta deła Cuca intel 589 ła tera del Połexine e deła basa veronéxa ła se gà canbià de nóvo inte un pałùo.

Ła tera del comun de Polxeła ła gà scuminsià a vegner fora da nóvo dałe magagne de l'ałuvion secołar de l'Àdexe intel X sècolo o intornovìa.
Par tuto qûel tenpo ła tera ła gera stà drìo far sù i połexini (xe stà par qûeło che tuta ła xona ła xe stà ciamà Połexine par antonomàxia); 'sti połexini i gera dełe ixołéte che łe vegnéva fora par caxo dai palùi e i ghe tirava sù dełe caxete, parò 'ste ixołete no łe tegnéva łongo par via che el Po, el Canal Bianco e l'Àdexe i seitava vegner fora dai arxeni.

Co che i gà sestà ben i fiumi in qûełi tempi là, i gà anca łimità i połexini, cusì che gà podùo nàser el primo sentrin fiso, indove che deso pì o manco ghe xe la frasion de Racan che a qûełi tempi là i ła ciamava Orcano.
Tien nota che a qûełi tempi là el braso prinsipal del Po el gera pì a sud e'l pasava par Ferara.
Senpre in qûełi tempi là i gà dà un corso pì o manco fiso ała Fosa che po' ła sarìa stà asè inportante pa' 'l sentro de Polxeła int'i secołi (sarìa dir fin ała małora de l'ałuvion intel 1951).

Ła Fosa ła gera inportante: se cata scrito int'i primi documénti che se podeva ndar su par ła corente e se podeva pasar co łe nave dal Po al Canal Bianco e po' da łà se podeva ndar fin intel Àdexe par altre canałete.
Ła tera a man drita deła Fosa i l'à ciamà Lavigia o Litigia, mentre che ła tera a man sanca i l'à ciamà Policella o Pelosella.
Se cata scrito che ghe gera na parocia de Santa Maria de Litiga inteła tera deła Litigia, che la gera nata insiem co ła parocia de Santa Margherita de Orcano.

Co che se gà róto i arxeni a Figaroło intel 1152 (che l'ałuvion ła gà anca desfà el sentro de Litiga) el braso prinsipal del Po el se gera movésto pì o manco indove che deso ghe xe el Poaso, un fià pì a nor del braso prinsipal de incò; Racan el gera propio lì e'l ne gà vùo un gran spinton a crésar.
Int'i secołi XIII e XIV Racan xe stà na Podesteria del ducà Estense (na specie de capołogo inportante che 'l gavéa giurisdision sułe tere tra Canaro e Guarda Veneta, de qûi e de ła da Po); Racan ła xe stà cusì inportante che ła céxa romànica tirà su intel X sècoło e che incò ła xe dedicà ała Natività de Maria Santisima ła xe stà inpinìa de òpere d'arte bełe asè.
In 'sti ani qûi i xe stà tirà su de nóvo i sentrin de Litiga e Policella, senpre un de qûi e un de łà da ła Fosa.

El Po intel XV sècoło el xe ndà de nóvo fora dai arxeni un paro de volte e'l braso prinsipal el xe vegnù catarse un fià pì a sud, indove che'l xe anca incò; Racan el gà scuminsià ndar zó e tuti pian pianeto i se gà movesto sułe rive nóve del fiume, indove che i dó borghéti che i se catava un de qûi e un de łà da ła Fosa i se gà unìo int'un paexeło che i ło gà ciamà Polxeła.
El sentro de Polxeła xe nasésto e se gà spanìo propi su l'arxene, che no'l jera mìa grando cofà incò parò che'l jera pì baso; i se gavéa inxegnà de tirar sù dei mureiti che i ghe podeva ficar drento dei tramexi de łegno e dei sachi de sabia, cusì che'l Po no'l ndava mìa zó par ła piaza co che ghe jera łe pieine.
Sti mureti i gà tegnù łe pieine del Po par paréci sècołi, fin che i xe stà butà zó intel 1957.

Intel XV secolo ła Repùblica de Venesia e'l Dugà Estense i se faséa la guera par torse el Połéxine, e na volta i uni e na volta qûełi altri i gà comandà sora 'sta tera.
Intel 1482, co che ghe xe stà la guera del sal, i se gà batajà propi da vanti de ła Fosa de Polxeła; i gà vinto i venesiani e ła xe stà na vìnsita asè inportanta par la guera, cusì che intel 1484 Polxeła ła xe pasà de sota deła Serenìsima insiem co tuta ła tera de Rovigo, che a qûei tenpi łà no ła jera tuto el Połéxine.
Polxeła ła xe deventà cusì un sentro asè inportanto parché el Po el faxea da confin con el dugà Estense solo che tra Polxeła e la Guarda Vèneta; ła Fosa ła jera cusì ła soła maniera deła Serenisima de ndar intel gran fiume par łe só tere.

Intel Po propi da vanti da Polxeła ghe xe stà n'altra bataja famóxa asè tra ła Repùblica de Venesia e'l dugà de Ferara; 'sta bataja ghe xe stà al 22 diçembre 1509 mentre che ghe jera in corso i fati deła Łega de Cambrai.
Ła flota de venesia la jera vegnù su par el Po par farghe spavento ała sità de Ferara, che ła jera restà soła a conbatar contra a l'exercito deła Serenisima; i soldà del duga Alfonso I d'Este i jera comandà da só fradeo, che'l jera el cardinal Ipolito I d'Este.
I gà meso l'artiglierìa sułe rive del fiume e i gà petà che ła rivése ła pieina del Po, parché i savéa che ła jera drìo rivar.
Co che ła xe rivà ła pieina, łe cołonbe dełe nave łe jera xuste sota el tiro deł'artiglieria feraresa; el cardinal el gà comandà de far fógo e i gà fato na strage de soldà venesiani e anca de nave.

Anca Ludovico Ariosto el ga contà deła bataja de Polxeła intel só Orlando Furioso:

Ła vitòria asè importanta dei Estensi ła gà vùo el soło efeto de fermar i venesiani indove i jera, Polxeła ła xe vegnùa de novo a catarse de sota deła Serenisima e ła ne gà vùo l'istesa sorte, infin che Napoleon I de Fransa el ne gà dà ła fin intel 1796.

Fintanto che ła xe stà de sota dei venesiani, Polxeła ła xe spanìa parché la jera intena posision asè inportanta par ła strategìa; intel XVI sècoło i gà tirà su el Sostegno, che'l jera na specie de ponte co na seranda granda che no ła faxea ributar inteła Fosa l'aqua del Po col jera in piena.
Anca dełe fameje inportante de Venesia łe gà tirà su na viła o na cà a Polxeła: par exenpio i Grimani, i Donà, i Fòscari e i Morosini.

Co ghe xe stà la guera de Castro intel Połèxine se gà visto batajarse ła Repùblica de Venesia e ło Stato Pontificio; intel 1644 a Polxeła i gà tirà su dełe fortificasion inportante, che łe gà tegnù łontan dal sentro qûełe (par fortuna poche) bataje che ghe xe stà.

Racan se gà svodà int'i ani, parò ła céxa ła xe ndà vanti isteso servir anca łe àneme de Polxeła.
Ła baxìłega deła parocia la xe stà tirà su indove che ła xe indeso soło intel 1730 e ła xe stà intitołà ała Beata Vergine del Rosari.

Intel 1796 ła Serenisima ła xe finìa e Polxeła ła xe ndà drìo el Vèneto de sóta deła dominasion fransexa; insiem co tuto el Połéxine e ła tera de Ferara el se ciamava dipartimento del Baso Po.

Finìa anca ła dominasion fransexa, intel 1815 Polxeła ła xe ancora inportante par ła strategìa: deso el confin tra el Regno Lombardo Vèneto e ło Stato Pontificio el xe stà spostà fin a tòr drento tuta ła tera del Połéxine che ła se catava a nor da Po, e i ne ga dà ała Provincia de Rovigo łe tere che ła gà ancora incò.
El Po el se podéa navigar, el jera inportanto asè par el Regno; ghe jera batełi che ndaxea su e zo par el fiume e i se fermava anca a Polxeła, che ła ndaxea su ł'economìa.

Co ghe xe stà el Risorgimento ghe xe stà asè patrioti che i pasava el Po a Polxeła, indove che el fiume el se strenxe un fià; pì asè ancora co Ferara la xe ndà de sóta del Regno de Sardégna (che'l sarìa stà po' el Regno d'Itałia) intel 1859.
Co che xe finìa ła tersa guera de indipendensa tałiana anca Polxeła ła xe pasà de sota dal Regno d'Itałia intel 1866.

Deso Polxeła no la jera pì sul confin e no ła jera pì inportanta par ła strategìa.
Ghe xe stà na crixi de ł'economìa par tuto el Połéxine; 'sta crixi ła se gà sentìa un fià de manco a Polxeła parché ła gà vegnù catarse propi suła strada e suła ferovìa che i gà meso xó int'i primi ani deła dominasion Savoia par unir Ferara co Rovigo.
Parò ła crixi ła ghe xe stà l'isteso, cusì anca i laoradori de Polxeła i se gà xontà ałe proteste de Ła boje! int'i ani 1880, ma no ghe xe stà dà na vera solusion dała polìtega.
Cusì anca i Polxełani i gà scuminsià ndar intel Mèsico e inte ła Mèrica del Sud, insiem co tanta altra xente vèneta che i vedéa intełe tere del continente nóvo ła soła vera speransa de ndar vanti vivar co dignità.

Ła crixi de ł'economìa e deła cultura la se nota anca parché no i gà pì tirà su el teatro, che'l jera stà butà xó al 19 lùi 1892 da na tronba d'aria, che la xe stà ciamà intełe croniche el ciclon de Polxeła; el ciclon el gavéa butà zó asè caxe e ghe jera stà morti e ferìi.
Anca el palasio dei Grimani inteła piaza, indoce che ghe jera el comun, el jera sta butà xó; el comun el se gà movésto intel palasio dełe poste strìache, e i ruvinasi del palasio i xe stà ciapà drento ałe caxe nóve.

Ła crixi ła se gà frenà intel 1899, co che xe stà fato el ponte in barche che par tanti ani el gà significà tanto par Polxeła; note parò che i laori i xe stà pagà dal comun de Canaro.
El ponte el jera fato de na serie ce barche łigà una co qûeł'altra e'l jera łongo 400 metri; se pasava da Polxeła a Ro.
El séntro del ponte el se podéa sligar par far pasar łe barche intel Po; i se gavéa anca inxegnà de costruir dełe stradełe alte difarenti par poder ndar su par el ponte anca col fiume el jera in piéna.

Ła storia de Polxeła ła xe ł'istesa che'l Połéxine par tuta ła prima mità del XX sècoło: inteła prima guera mondiałe Polxeła ła gà dà ła vida dei só soldà ał'Itałia ma no ghe xe stà bataje da 'ste parte, e co ghe xe stà el fasixmo se gà notà soło croniche lexiere: ła piéna intel 1926 che ła xe stà tegnùa drento i arxeni co i sachi de sabia, o el Po giazà intel 1929 che se podeva ndar intel feraréxe a pié o sbrisando de sóra dei slitin fati in cà.
Inteła seconda guera mondiałe Polxeła ła xe stà bombardà qûalche volte dai ałeati in tra'l 1944 e'l 1945 par via che ghe jera el ponte in barche.

Co che ła xente ła pense a Polxeła par forsa ła pensa anca a qûeła małora de ł'ałuvion intel 1951.
A novenbre de qûeł'ano łà el Po el gavéa róto i arxeni a Oc'bel e ł'aqua ła gà scuminsià ndar int'i canpi; parché ghe jera ła Fosa in sità i 'nzegneri i gà pensà che ł'aqua ła se podese tegner drento intel cain che ghe jera in tra Oc'bel e Polxeła, parò i gà sbajà far i cunti e ghe jera asè pì aqua.
Parò i arxeni no i gà tegnùo e ł'aqua ła xe ndà rento inteła Fosa e intel Canal Bianco, che'l gà róto a Arquà; soło co i se gà incorti i gà tajà i arxeni deła Fosa par darghe sfógo a ł'aqua che ła ndése intel mar travesando i canpi intel baso Połexene.
Xe vero parò che intel baso Połexene ghe jera pena stà łe bonifeghe e ghe jera anca tanti canpi de sóta del liveło del mar; ła piena la jera granda asè e ł'aqua ła xe tornà indrìo incontra Rovigo, indove che la se gà fermà ała perifarìa.
Dó tersi deła tera del Połexene la jera sota ł'aqua, e i gavéa fin paura che no se podése gnanca pì coltivar i canpi.

Da 'sta małora qûi ła xe vegnù fora ła Polxeła d'incò.
Tanta xente ła xe ndà star vìa dal Połexene par ła fame, specie i xe ndà intel triàngoło industriałe de Torino, Milano e Genova, e tanta xente anca da Polxeła.
I gà dito che ła Fosa no ła ndaxea pì ben e che no ła ne servìa pì; no i ła gà terà ma i ła gà soło cuacià; el Sostegno stòrico che'l jera sta tirà su dai venesiani i ło gà butà xó.
I gà anca pensà de tirar su ben asè i arxeni del Po par tuto el Połexene; cusì intel 1957 i gà dovùo butar zò el sentro de Polxeła che'l jera propi stà tirà su sul vecio arxene.
El sentro de Polxeła i ło gà tirà su da nóvo suła Fosa cuacià.

Ła xente che ła xe restà i se gà tirà su i brasi e i gà sutà ła tera e i gà laorà i canpi da nóvo.
Intel 1980 i gà tirà via anca el vecio pónte in barche e i gà tirà su el pónte nóvo de cemento armà.
Int'i ultimi ani Polxeła ła xe scuminsià a piaxerghe de nóvo ała xente e ghe xe rivà tante nóve àneme.

Rubis Zemella: La mia Polesella perduta, stampato in proprio nel 1992 e ristampato dall'A.V.I.S. di Polesella nel 1998.




#Article 224: Stanislao Konarski (249 words)


Stanislao Konarski (in połaco: Stanisław Konarski; véro nome: Hieronim Franciszek Konarski) nato el 30 de setenbre 1700 a Żarczyce; morto el 3 de agosto 1773 a Varsavia, Polonia) el xe stà un monaco dei Scolopi połaco, pedagogo e riformator educativo, ma anca poeta, dramaturgo e scritor de połitica. El xe stà el precursore prinçipałe de l'Iłuminismo in Polonia.

Konarski el gà studià da 1725 al 1727 al Collegium Nazarenum a Roma, dove el xe deventà un profesor de retorica. In seguito, el gà viajà atraverso ła Francia, ła Xermania e l'Austria per estendar ła só educasion. 

Nel 1730 l'è tornà in Polonia e el gà scuminsià un laoro su na nova edisión de lexe połaca (Volumina legum). 

Da 1736 Konarski el gà insegnà a el Collegium Resoviense in Rzeszów e inte el 1740 el gà fondà el Collegium Nobilium, na scoła de Varsavia d'elite par i fioi de ła nobiltà minore (szlachta). Dopo el gà riformà l'educasión de Piari in Polonia, conformemente al so programma educativo (Ordinationes Visitationis Apostolicae..., 1755). Le so riforme le xe stà un punto importante ne ła łota de el XVIII secoło par modernixare el sistema educativo połaco. 

All'inisio, Konarski el xe stà associà politicamente con el re Stanislao Leszczynski; dopo, co ła Fameja de Czartoryski ed el re Stanislao Augusto Poniatowski partecipando a i famosi pranxi de xòbia. Stanislao Augusto Poniatowski el gà vosù che na medaja ła fuse conià a l'onore de Konarski, co el so ritrato e l'iscrisión benemerita latina Sapere auso.




#Article 225: Barcełona (1081 words)


Barcełona (en catałan e spagnoło Barcelona) xe el capołuogo de ła Catałogna, na rejon autonoma del nord-est de ła Spagna, oltre che capołuogo de ła provincia de Barcełona e de ła comarca de Barcelonès.

Co na popołasion de 1 593 075 abitanti in cità e 5 082 126  ne ł'area metropołitana, Barcełona xe ła segonda cità de ła Spagna par numaro de abitanti.
Nel 1992 Barcełona gà avuo i XXV xoghi Olimpici estivi. Nel 2004 gaa ospità un evento internasional, el Forum universal de łe Culture.

Ła xe destirada sul mar Mediterraneo, a sirca 160 km a sud de ła catena montuoxa dei Pirenei e 180 da col du Perthus, che segna el confin co ła Francia, int' una pianura situada fra el mar e ła sudeta catena montuoxa, fra łe foci dei fiumi Besòs e Llobregat. El comun xe delimità a nord dai comuni de Santa Coloma de Gramenet e Sant Adrià de Besòs, a ovest da Montcada i Reixac e da Sant Cugat del Vallès, a sud da ła xona franca co L'Hospitalet e Esplugues de Llobregat, invese a est resta soło el mar.
Ła cità podemo dividarla in tre sesion : i monti de ła Collserola, co el Tibidabo come majore cima (512 m) a dominar ła cità co el suo parco xoghi; ła pianura; el delta del Besòs e del Llobregat perpendicołari a ła costa. Staltre vete minori vien fora da ła piana łitoranea, ła pi conosciua de queste xe el Montjuïc (173 m), vecio sito olinpico nei presi del porto.

Ła sindaca atuale ła  xe Ada Colau.

Segondo ła łegenda, a fondar Barcino xe stà el cartagines Amilcare Barca, pare de Annibale. Dopo i Romani riorganiza ła cità come un castrum (un campo miłitar fortificà), meso a Mons Taber, na cołina dove deso ghe xe na parte del municipio e de fronte ła sede deła Generalitat (region) (Plaça de Sant Jaume). Ła cità xe stà batexada dai Romani co el nome de Colonia Iulia Augusta Faventia Paterna Barcino. L'organixasion antica de łe strade xe 'ncora visibile nełe cartine del centro storico e dełe mura romane rimaste in pié.

 Ła cità xe stà dopo conquistada dai Vixigoti nel V secoło, dai Mori nel VIII secoło, dai Franchi ne l'ano 801 -che ła gha fata ła capital del contado de Barcełona- e sachegiada da Al-Mansur nel 985.

A partir dal X secoło Barcełona gha avuo un bel fia de tenpo de prosperità che xe continua anche quando, nel 1137, par un xogo de ałeanse, a se gha unio al regno de Aragona, deventando el centro pi inportante. Ła cità diventa el porto major del Mar Mediteraneo (e i suo mercanti e armatori gaveva i corni in croxe co i xenovesi), el centro se arichise de inportanti pałasi gotici e, tra el XIII e el XIV secoło, do nove cinte łe fortifica el cor medievałe.

Nel XIV secolo, ła cita casca in un periodo de decadensa che va vanti nei secołi dopo. L'union co el regno de Castiglia, inisiada co el matrimonio fra Fernando de Aragona e Isabella de Castiglia nel tardo '400, segna el termine de ł'indipendensa deła Catałogna.

L'industrialixasion del '800 e continuada par tuto el '900 tira un fia sù l'economia e ła cità torna a eser un inportante centro comercial, połitico e cultural. Ti o vedi anca da łe do Esposizion Universal organizae nel 1888 e nel 1926.
Neła segonda metà del XIX secolo el progeto de butar zo łe vecie mura medievali fà spasio a l'Estension (en catalan Eixample) che slarga i confini de ła cità fin a magnarse i paexeti visini. Xe el caso de Gràcia, Sarrià, Horta, Sant Gervasi de Cassoles, Les Corts, Sants, Sant Andreu de Palomar e Sant Martí de Provençals.

Durante ła Guerra Sivil Barcellona se mete da ła parte de ła Republica. Durante ła guera, ła cità xe bombardada in diverse occasion dai aerei dei franchisti (2750 morti) e dopo a vien occupada el 26 de genaro 1939 da i soldai de Franco. El regime fa sparir łe istitusion połitiche autonome e no se pol pi parlar in łengua catalana. Par i 36 anni de ła ditatura (1939-1975), Barcellona se vede da novo un periodo de decadensa social e cultural. Ła forte imigrasion -quasi tuti del sud de ła Spagna- buta dentro al grupo de ła cità un casin de fioi de łengua spagnoła, copando cusì el catalan.

A ła fine degli anni '70, el ritorno a ła democrasia porta anche un recupero de ła identità połitico-cultural catałana.
Barcełona inisia da novo el sviluppo cultural e urbanistico che ła gha convertia ne ła metropoli moderna che a xe ancuo. I Xoghi Olimpici, organisai nel 1992, de da un bel colpo a ło svilupo de ła capital catalana. In te i ani che va da ła designasion olinpica nel 1986 al 1992, Barcełona se trasforma tanto, rinovandose, anpliandose e promovendo ła so imagine da par tuto nel mondo.

A Barcełona se ga ła posibilità, caminando a pié łe so strade, de catar segni de storia miłenaria, dałe roine romane e anca de ła cita medieval fin a rivar ai quartieri del modernismo catalan, co i soi pałasi tipici, i soi quadrati, i soi viałi alberai e łe so strade łarghe.

Ła cita vecia xe tuta piana invese i posti novi ciapa major sałita man man che ti te vicini a ła catena montuoxa; par questo a volte łe strade de Barcellona te ricorda quełe de San Francisco.

Dentro al Barri Gòtic, ne ła cità vecia, bisogna vardar ła belisima catedrałe (1298-1459) gotica dedicada a Sant'Eulalia, parona deła cità. Ła catedrałe xe łiberamente per tuto el zorno, invese ł'entrada a pagamento ła gà in pi anca ła vixita dei muxei che ghe xe dentro ai palasi cołegai co a catedral come el Palau del Lloctinent che fa da sfondo ała Plaça del Rei.
Senpre in tel Barri Gòtic se cata altre do cexe degne de nota: S. Maria del Mar (1329-1384) e S. Maria del Pi (1322-1480).

Anca el Parc Güell (che en catałàn se dise Guegl) el xe propio un gran bel posto da vedare: el xe un poco łontan e bison tore el metro, ma xe el caso de 'ndare. Da insima te poi vedare ła cità co el mare da drio, el Montjuïc, ła Sagrada Familia, ła Tòre Agbar, el Arc de Trionf, e un pasto de altre robe...

El łuxertołòn che se cata al ingreso del jardin el xe diventà coi ani un simboło deła cità.




#Article 226: Estònia (945 words)


LEstonia, nome ufisiał Repùblega Estona (par łengoa estona Eesti Vabariik), ła xe na nasion del Eoropa setentrional.
Ła confina a sud co ła Łetonia e a est co ła Rusia. L'Estonia ła xe bagnada a nord e a òvest dal mar Bàltego, co el Gólfo de Riga e el Gólfo de Finlandia.

L'Estonia ła xe el pì setentrionał dei Stadi Bàlteghi, łigà co sti cuà da fati storeghi conpagni, ma par łengoa e cultura ła xe ugrofinega e no bàltega.

Ła tera de l'Estonia de ancuo ła xe stà abità fin dal antighità (10.000 v.C.) da tribù fineghe.

'Ntel XII secoło xe stà  cristianixà tuta l'Estonia. 'Ntel stes tenpo xe  stà domenà da popoi foresti: a nord ghe xe stà a domenasion danexe, sot el Ducà de Estonia, e a sud chea todesca, sot a Łivonia.

Dal inisio del XVI secoło fin a ła Gran Guera del Nord l'Estonia ła jera sot l'Inpero Svedexo, ła xe pasà po soto ła domenasion del Inpero Ruso col Tratà de Nystad 'ntel 1721.

Fra a segonda metà del XIII secoło e tut el XIX secoło i crese i sentimenti nasionai e a voja de independensa etona che porta a popoasion estona a ea reolta par l'independensa durante a Rovołusion del 1905, che tanto vien represa dal exersito rus.

Dopo che el zar el xe stà butà zo dal trono i estoni i ga uxà el tenpo de dixorienasion par łibararse e dichiarar l'independensa el 24 de febraro del 1918.

L'independensa estona no ła xe stà reconosùa subito dal Inpèro todésco, che dal otobre del 1917, par ła prima guera mondiał, a ga ocupà.

L'independensa a xe stà reconosua da i stadi del mondo el 3 de marso del 1918 co 'l Tratà de Brest-Litovsk, fra a Rusia bolseviga e i Inperi sentrai.
Po che i todeschi i ga asà el paexe, i bolsevighi i ga invadesto l'Estonia. Cusìta i estoni, judai anca dal Armà Bianca e da voeontari de tanti paexi, i ga tacà a Guera de Independensa Estona (1918-1920) contro a Rusia bolseviga e che ga portà al Tratà de Tartu, el 2 de febraro, 'ntel cuà xe stai signai i confini fra i do paexi e 'l reconosiment del Estonia da part de a Rusia.

'Ntel 1921 l'Estonia a xe intrà 'nte a Sosietà de łe Nasion.

El tenpo de independensa el xe stà  bon par tanti motivi, soratuto culturai e economeghi. I goerni de a prima republega i xe stai de drita/sentro-drita.

Dal setenbre del 1939 l'Union Sovietega ocupa l'Estonia e par sta roba vien deslasà da a Sosietà de łe Nasion. A tremenda ocupasion sovietega a ga portà a ła fin de a democrasia e del autogoerno, a ditatuara bolseviga ga deporta e copa on gran numaro de estoni disidenti.

Co l'Operasion Barbarosa, da a fine de łujo al inisio de otobre del 1941, a Zermania nazista ocupa l'Estonia, e i todeschi i vien al inisio risevui cofà łibaradori, tanto che pì de 100.000 estoni so na popołasion de 900.000 aneme i xe intrai 'ntel exersito todesco e finlandexe.

El pian nazista jera dal bon a zermanixasion forsada de e Nasion Balteghe co a coeonixasion todesca e a popoeasion locał no zermanixabie a saria stà deportà 'ntel est. Anca in Estonia i nazisti i taca el pian de ełiminasion de a popoasion abrea, zà perseguità dai sovieteghi che né copa el 10% e né exija el 70%. Co 'l judo de calcheduni estoni antisemiti, i nazisti i destermina sirca 2000 abrei.

Fra lujo e i primi de novenbre del 1944 i sovieteghi i ocupa tuta l'Estonia no sensa batarse co a numaroxa rexistensa estona. Desine de mijaja de estoni e svedexi-estoni i scanpa dal invaxion sovietega verso ovest soratuto in Svesia.

A segonda guera mondiał fa perdar el 25% de a popoasion del Estonia oltra a ea so independensa. Inaxonta l'URSS roba el 5% del Estonia preguera.

El ditador sovietego Joxef Stałin porta vanti el so pian de rusificasion del Estonia e deportasion de i disidenti 'nte i gulag in Siberia. I sovieteghi, in sti ani de ocupasion ciamai del teror, i serca de copar a cultura, a łengoa, l'identità estona, co gran pene par chi che e serca de tegnerle in vida e no renegarle, e sostituirłe co chee ruse.

A rexistensa in Estonia, e in tuti i Paexi Balteghi, a xe stà granda co 'l movimento de rexistensa i Fradei de 'l Bosc  finì dopo na granda persecusion 'ntel 1978.

El KGB ga perseguità, co gran vioensa, opoxidori e parsone che e parea no comuniste o par l'independensa de 'l Estonia fin a ea fin del URSS.

Sol che el 20 de agosto de 'l 1991 l'Estonia a ga vuo l'independensa dopo a fin de 'l URSS, ma 'l exersito armà sovietego se ne xe 'ndà sol che 'l 12 de setenbre, co l'independensa xe tornà a democrasia.

Ła ga na superfisie de 45 226 km².

Ła xe pravałenteménte guaiva ma có modeste ondułasion, có un gran nùmaro de łaghi e fiumi.
El punto pi alt el se cata inte el meridion, el mónt Suur Munamägi (318 m s.l.m.).

Łe coste łe xe iregołare e davant a łe coste se cata sérca 1 520 ìxołe: łe pi gande łe xe l'ìxoła de Saaremaa 2 668 km² e l'ìxoła de Hiiuma 965 km².

Ła xe cuerta de bosc par el 40% de ła so superfisie.
 

L'Estonia ła xe na repùblica parlamentare.

L'atuałe presitente xe Toomas Hendrik Ilves e el primo ministro xe Andrus Ansip.

Ła ga par cavedal Tallinn.

Ła ga 1 332 893 abitanti.

Ła łengoa ufiçial xe l'estone.
Ła forte minonansa slava dopara el ruso

Mucio difuxa la conoçiensa del inglexe.




#Article 227: Regno Unìo (304 words)


  Juto:Stato --
El Regno Unìo, ufisialmente Regno Unìo de Gran Bretagna e Irlanda del Nord (in inglexe United Kingdom of Great Britain and Northern Ireland), el xe un stado de l'Europa setentrional, co sirca 64,5 mijoni de anime.
El confina a ovest co l'Irlanda.

El Regno Unìo el conprende parte de le Ìsoe Britàneghe, al largo de le coste ossidentae de l'Eoropa setentrional, int'el Oçeano Atlàntico nordoriental.
Intorno el ga a est el Mar del Nord, a sud el Canal de la Mànega e a òvest el Mar de Irlanda e el Oçeano Atlàntico.

Le fa parte del Regno Unìo la Gran Bretagna, le ìxołe del Canal, l'ìxoła de Man e un toco dei teritori de oltra mar.

El Regno Unìo el xe stà formà da na serie de ati de union che i ga meso insieme Inghiltera, Gàes (o Gales), Scossia (o Scozia) e Irlanda; ufisialmente el nasse co l'Ato de Union del 1800 che l'univa el Regno de Gran Bretagna e el Regno de Irlanda.
In sevito gran parte de l'Irlanda la se ga separà 'ntel 1922 ndando a formar el Stato Ìbaro de Irlanda (atuàl Repùblica de Irlanda).

El Regno Unio el xe un stado unitario, fato da quatro Nazion Costitutive (Home Nations): Inghiltera, Gales, Scozia e Irlanda del Nord.
El stado el xe governà da un sistema parlamentar.

La cavedal del Regno la xe Londra, sede del governo.
Le altre cità pì inportanti le xe Ebora, Glasgow, Birmingham, Liverpool, Manchester, Leeds, Newcastle-upon-Tyne, Bristol, Cardiff e Belfast.

El Regno Unio el ga na povolasion de pì de 60 milioni de persone.
Pì de 50 milioni le se concentra inte la Ingiltera, 5,5 milioni inte la Scozia, 3 milioni int'el Gales e 1,7 milioni inte la Irlanda del Nord.

L'urbanixasion la riva a 89%, una de le pì alte inte el mondo.




#Article 228: TeX (369 words)


, scrito cofà TeX co se scrive on testo sensa formato, el xe on sistema de tipografia scrito da Donald E. Knuth, raquanto popołare intel anbiente acadèmico, spexialmente tra łe comunidà de matemádeghi, fíxixi e informàdeghi. El xe drio sostituir senpre pí el troff, altro programa de tipografia abitual in Unix.

TeX el xe jeneralmente considerà come ła mejo forma de componer fórmułe conplese matemàdeghe, parò, spexialmente rento la forma de LaTeX e altri
pacheti de macro, a se pol usar pa altri trafeghi de conposision. A se pol anca par esenpio usar pa conponer espresion matemàdeghe so ła pàxena de Wikipedia.

Knuth el ga scumisià scrivar TeX parché el se gavea inrabià co ła decrexente cuałità
de ła tipografía de i so vołumi I-III de ła so opara L´arte de programar computer. E difati el ga scumisià disegnar el so propio łéngoajo de tipografía. El ga pensà che podea terminar pal so ano sabàtico, 1978; se ga sbajà pa soło oto ani. El łéngoajo a xe stà finalisà e conjiełà (no se ga xontà pi modifeghe) serca de el 1985.

Guy Steele el xe coinsidesto a Stanford inte l’istà de el 1978, co Knuth el gera drio sviłupar ła so prima version de TeX. Co el xe tornà al MIT a fin de ano, el ga rescrito ła entrada/usìa de TeX parché el jiràse sol ITS

Ła prima version de TeX ła xe stà scrita drio el uso de el łéngoajo de programasion SAIL chel se exeguiva inte na PDP-10 rento el sistema operatío WAITS de ła Università de Stanford. Pa version posteriori de TeX, Knuth se ga inventà el conseto de programación łiteraria, na forma de produre códexi fonte conpilabiłi e documentasion co referense de alta cuałità (oviamente scrito in TeX) senpre drio partir de el precixo archivio orijinałe. El łéngoajo usà se ciama WEB e el produxe programi en Pascal.

TeX el ga on sistema de numerasion de version pecułiar. Da ła version 3,
łe atualixasion łe se indica xontando on númaro extra al fin de el deximal,
e donca el númaro de version se apróxima asintóticamente a
π. TeX el xe al di de uncó on mucio stabiłe e solo a se prevede atualixasion picenine.




#Article 229: Paolo Renier (462 words)


Fioło de Andrea e Elisabetta Morosini, el xe sta el sentodisnoveximo doxe deła Republica de Venesia, dal 14 de genaro 1779 fin ała morte.

Durante el so dogado, el penultimo deła storia de Venesia, a no xe sucesi fati inportanti, anca se a ł’estero a ghe gera zà łe baxi par ło scopio deła rivołusion francese, che pochi ani dopo ła morte del Renier ła spasarà via ła vecia Republica.

De fameja siora, el Renier el ga tacà ła so cariera come riformador, afilià ała masoneria e ansioso de abataere el poter dei Inquixitori de Stato.
Apena però el xe sta ełeto anbasador el ga canbià rapidamente parere e, come 'ntel pezor trasformismo połitego, el se ga ałeà contro i so ex amighi par otegnere cariche inportanti.
Durante łe numeroxe anbasade el se gera arichìo a dismisura e el se gera conprò imbrojando łe cariche pì prestigioxe, tanto da farse soranominare dal popoło Barabba.
Restà vedovo el gaveva tolto come amante (e po' maridà) na bałerina de varietà famoxa par ła so propension ała spexa. 
Ała morte del so predecesore el gheva sentìo ca a gera 'rivà ła so grande ocaxion e el ga coroto ała łuce del dì oltre 300 persone, pur de aver abastanza voti par eser ełeto (sti dati i risulta dai raporti dei Inquisidori de Stato che, non intervegnendo, i ga dimostrà d’apoxarlo połiticamente).

Ełeto co 40 voti so 41 el 14 de genaro 1779, el ga tacà małe el so dogado: masa xente odiava el Renier, che el ga ricevù in quei dì parece minace de morte tanto da girare scortà.
Al discorso d’investitura el gheva parlà in modo sialbo par paura de on atentato. El gheva speso parecio par farse voler ben ma el gera riusìo a recuperare ste spexe vendendo cariche e regałi fati a łu in quałità de doxe in modo vergognoxo.
'Ntel 1780 i riformatori i gheva sercà de ripropore inovasion, ma el Renier, ex ałeato, łi ga fati arestare.
In mezo a feste e picoła aministrasion el doxe el gera senpre pì odià par ła so corusion e el trasformismo połitego.

'Ntel 1785 – 1786 par l’ultima volta ła flota venesiana ła xe partìa par na (breve) guera: al comando de Angelo Emo łe nave łe ga bonbardà alcuni porti del Nord Africa in cui a doveva esarghe pirati e corsari.
Infine, 'ntel genaro de 1789, el doxe el se ga małà in modo grave e, dopo na longa małatia, el xe morto el 13 de febraro 1789. Par non rovinare i festegiamenti del carnevałe, ła notisia ła xe sta sconta fin al 2 de marso. El popoło, che no 'l ghe vołeva ben, el se ga sbizarìo in soneti e cante comiche sora ła so persona, vista come sprexevołe e tirchia. 




#Article 230: Bricoła (218 words)


Na bricoƗa Ɨa xe praticamente un paracaro che invese de parar el caro, Ɨa te dixe dove ti pol ndar sensa finir in barena. Ɨe xe dei paƗi de Ɨegno (mejo se de castagnèr) che deƗimita i canaƗi navigabiƗi fora Venesia.

Ɨe ga diverse forme e dimension: queƗe che ga un soƗo paƗo Ɨe xe queƗe che marca el canal, queƗe che ga do o tre paƗi Ɨe marca el prinsipio e Ɨa fine del canal. Nei posti deƗa Ɨaguna dove do o più canai i se tagia, ghe xe bricoƗe a tre paƗi che te dixe dove ti ga da svoltar.

Anca se ghe xe Ɨe bricoƗe, se no se xe pratici se va riscio de perderse, xe più fasiƗe che queƗo che se posa pensar. Serve ricordarse che Ɨa Ɨaguna Ɨa sè granda e piata, e che ghe xe posti dove no se vede do cocai, dove anca Ɨe bricoƗe finise, ma el canal no!

Dopo ghe xe Ɨe bricoƗe impiantae ai angoƗi deƗe fermate dei vaporeti, e ste quà serve a parar i colpi che i batei ghe dà.

Ghe xe anca Ɨe bricoƗe più picenine davanti ai pontiƗi dei paƗassi nobiliari o dei paƗassi deƗa publica aministrasion, coi rispetivi coƗori o stemi.

In fin dei conti Ɨe xe i bordi deƗe strade deƗa Ɨaguna.




#Article 231: Slovènia (419 words)


Ła Xlovenia, ufisialmente Repùblega Xlovena (Republika Slovenija en slovén) el xe no Stato deła Eoropa meridional .
Ła confina co ł'Itałia a ovest, co ł'Austria a nord, co ł'Ongaria a est, co ła Croasia a sud.

Ła Xlovenia ła ga na superfisie de 20 273 km².

Ła xe situada inte l'Eoropa çentral, intra łe Alpe e ła penìxoła balcànega.
Ła xe bagnada a ovest da eł Mar Adriatico (Golfo de Trieste).

I cuatro prinsipałi fiumi del paéxe i xe:

Part del confin co ła Croasia el xe invése segnà dal fiume Culpa (Kolpa).

El łago pi grando el xe qûeło-ła de Cerknica (Cerkniško jezero) che el pol rivar a 38 km², sto basin el ga ła caraterìstica di inpenirse e svodarse periodicamente a causa de ła prexensa de fiumi càrsisi e inghiotitoi inte ła tera sotostante; no'l riva mai a profondità superiori ai 3 m.
El secondo łago pi estéxo el xe qûeło łà de Bohinj (Bohinjsko jezero), ai piè del Tricorno, co na superfisie de 328 ha.
Altro łago da segnar, seben che de cee dimension, el xe el łago de Bled (Blejsko jezero). El ga na superfisie de pena 1,45 km² e el pol rivar a na profondità de 30 m.

El clima el xe submediteràneo su ła costa, alpin su łe montagne e continental co istà sìa miti che calde e fredi inverni sui altopiani e inte łe vałe a est.
Łe tenperadure medie łe xe de -2 °C in xenaro e de 21 °C in lujo.
Łe prezipitasion ordinarie łe xe de 800 miłìmetri inte el sud-est, 1 000 par ła costa, 1 400 miłìmetri inte ła Slovenia sentral e fin a 3 500 inte ła Alpe.

El xe stà par aprecio tenpo on popoło sensa stado e 'l ga fato parte de l'Austria Ongaria fino al 1919. 
Ła xe una de łe ex-repùblica jugoslave.
Ła ga dihiarà ła independensa intel 1991.

Ła Slovenia ła xe divixa in 212 comuni (občine), de i cuałi 11 i ga el status de sità (mestne občine), indicai inte  ła łista co el graseto.

Su cavedal xe Łubiana.

En Slovenia ghe xe n'importanta presensa tałiana neła parte istriana e ongarexe a est.
Ghe xe anca na creçienta imigrasion serba e bosniaca.

Ła łengua ufisial ła xe el xloveno.
A livèl locale ła xe coufisial l'italian in tri comuni litoranei e l'ungherese in tri comuni del Prekmurje.

Ła moneta xe ł'eoro e fino ał 1° de genaro 2007 xera eł tałero.

Se festegia el 25 de giugno, dichiarasion de indipendensa.




#Article 232: Scolopi (350 words)


I Scołopi i xe na congregazión clericałe catołica. 
 
L'òrdene clericałe el xe stà fondà da san Giuseppe Calasanzio, ne el 1597 e ne el 1622 el xe stà riconosudo dala Cesa come Ordene dei Chierici Regołari Poveri de ła Mare de Dio dele scołe Pie. El Calasanzio el gà dato vita a n'atività educativa de ispirazión cristiana, ma no confesionałe, verta anca ai ebrei, a i quali no se ghe proponeva ła conversion. La so scoła popołare ed integrałe la jera a maca (gratuita).

El Calasanzio el ghe zonta a i tri voti tradizionali (castità, povertà e obedienza) un quarto voto, quelo de ła particołare atenzión nel'educazión dei tosatèi pitochi. El gà vosù po' ca quest'opera ła fuse atuada sopratuto atraverso el ministero sacerdotałe. L'ordene tut'ora el cura e el dirize el pi vecio colegio de scołe popołari: el Nazareno de Roma, fondà da el stesso Calasanzio.

Ne ła primavera de el 1597, el Calasanzio, membro de ła Confraternita dei Dòdese Apostołi, el gà visità el quartier de Trastevere a Roma e ne ła paròchia de Santa Dorotea el gà verto na scoła parochiałe picenina, i ło gà ispirà ło stato de abandono ed ignoranza dei tosatèi. Quela scoła la xe deventà l'inisio dele scołe Pie. I xòvani ca se gà unìo a elo ne el corso dei anni i gà deciso de emetere voti e de riunirse en comunità. La Cesa la la gà aprovà come Congregazión inte el 1617 e come Ordene co un voto specifico inte el 1622.

El carisma calasanziano el se gà manifestà progresivamente e el xe stà aprovà dala Cesa come na mission educativa cristiana destinà a tosatèi e xòvani, condivisa en una comunità de vita religiosa e svolta da persone consacrà a Dio, de preferenza sacerdoti.
L'ordene el xe stà siolto par desiderio dei Xesuiti, en quanto i soi adepti i vegnièa considerà massa sèmplizi ne el so vestir, ma dopo zirca un lustro el xe stà riautorixado da papa Pio IX. 

Fino a ła morte, el Calasanzio el gà promoso l'espansion de ła Congregazión e el gà insistìo sempre nele tri carateristiche: 




#Article 233: Parenzo (109 words)


 
Parenzo (in croato Poreč, in latin Parentium) ła xe na çità de ła costa ocidental de ła penisola istriana.

Fondada oltre domiła ani fa, ła se gà sviłupà intorno al porto, proteto da na isołeta, ciamada de San Nicola (Sveti Nikola). La popolatzion de ła çità se gira intorno ałe 7 600 persone, rexidenti in gran parte ne łe perifarie, al de fora dal çentro storico; conprendendo anca i soborghi viçini, ła popolatzion sałe a çirca 12 000 persone. La çità ocupa n'area de 142 km² e çirca 37 km de coste, dal fiume Quieto (Mirna) viçin a Citanova (Novigrad) fin a Fontane (Funtana) e Orsera (Vrsar), a sud.




#Article 234: Croàsia (160 words)


Ła Croasia ła xe 'no Stato de l'Europa çentral.

Ła confina a nord co ła Slovenia, a nord-est co l'Ongaria, ad est co ła Serbia, a sud co ła Bosnia e Erzegovina e el Montenegro, mentre a ovest ła se sporxe sul Mar Adriatico e quindi confina co l'Italia.

Ła superficie territorial ła xe de 56 542 km² mentre ła superfiçie de łe aque teritoriałi 31 067 km.

Ła Republica de ła Croasia ła xe na democrasia parlamentar.

La xe dividesta in 21 rejon e ła so capital ła costituise na rejon propia. La capitałe ła xe Zagavria (in croato Zagreb), che ła ga 810 003 abitanti  (2017)

El 1° de lujo 2013 ła Croasia ła xe entrà nte ła Union Eoropea.

Ła Croasia conta na popolasion de 4 437 460 abitanti.

Ła su łengoa ufiçial xe el croato.
Se parla anca vari diałeti de origine slava o veneta.

Ła sità de Raguxa ła xe un patrimonio de ła umanità.




#Article 235: Prima guera mondiałe (866 words)


Ła prima guera mondial (par i contenporanei Granda Guera) ła xe stà el conflito scominsà el 28 de ługio 1914 sèvito che 'l arsiduca Francesco Ferdinando, eredo al tron de 'l Inpèro Àustro-Ungàrico, el xe stà copà a Sarajevo (Bosnia-Erxegòvina) el 28 de giugno 1914 da parta del studento nasionałista sèrvo-bosnìago Gavrilo Princip e terminà l'11 de novenbre 1918.

Tuto scominsia co ła ritirada de Caporeto, efeto de ła pèrdita neła 12° batagia de 'l Lisonz, e ne ła conseguente rotura de'l fronte.

El exercito el torna indrìo e el se ferma sul monte Grapa , fra el Brenta e el Piave, novènbre 1917.

Dopo i primi dì de sbandamento, ła ritirada ła se organixa megio par mèrito del General Luigi Cadorna. Ła sèrve rèndarse conto che i soldai i gera strachi morti, afamài e demorałixai. Tanti no i gaveva gnanca el s-ciopo: el 91. Cuaxi tuto: canoni mortai e munision i gera stài abandonai par far presto e no èser circondai.

I austriaci, visto come ndava łe robe, za i pensava de rivar in pianura e de méter łe sate su łe sità, su i paexi, e su tuto el ben de Dio che ghe gera ne łe campagne, sensa pensar che i gavarìa ciapà i Bocia a łe spałe su 'l Monteo e su 'l Piave.

I soldai, capìa ła situasion e tirae su łe màneghe, i ga costruì co tanta fadiga e tanti morti na łinea difenxiva nóva par fermar na vòlta par tute sti forèsti.

Ła prima batagia par fermar i austro-ungarici ła xe divixa in do tempi: dal cuatordexe al vintisie de novenbre e da l'ùndexe al vintiun de desenbre del 17.

Dopo un viołento bombardamento de canoni , i austriaci i taca łe nóve łinee de difexa tra Cismon e el Piave.
I méte in campo tuto queło che i ga: i grossi caibri, i spara fógo, e anca i gas asfisianti, e pian pianeło i scominsia a roxegar łe primìsime łinee.

Giorno dopo giorno, sempre più posti vien investìi da ła fanteria (el Roncon, el Prasoean, Còl Caprie, el Pertega, el Tomba ecc.). Sti monti sacri i vien ciapai e pèrsi tante volte co tante pèrdite fin al vintisìe novènbre, giorno che vede ła Brigada Aòsta e soldai del batagion alpin Val Brenta butar fora da 'l Col dea Bereta ła divison Edelweiss.

I austriaci i gera de pì, pì ripoxai e in cuel momento pì carica, ma i tajani i gèra disperai par el pericoło che coreva tuta l'Itałia.

In 'sto momento intanto, riva i Francesi e i Inglexi per dar na man a i tajani, dato che i gèra a corto de canoni e ghe vołeva calcòsa per tirar suxo el moral.

Gnanca el tempo de un cafè che i austro-ungarici i taca n'altra volta l'undexe de desembre. E se torna a coparśe su 'l Col de ła Bereta, su 'l Còl de l'Orso su l'Axołon, ecc.

I tajani i rexiste, ma i pèrde l'Axołon e cusì i austrìaci i riva in vista de Basan.

Ma no xe mìa finio, e el vintiun de desembre i austriaci i śe ferma e tuto pe 'l momento taxe.

Durante l' inverno col frédo łe forse itałiane łe organixa dei gran łavori de difexa sia su 'l teren che in rocia, sicure che co i primi caldi, saria scominsià ła łòta.

I łavori i xe pexanti e pericołoxi, dato che i xe stai spenti a ła fine de ła montagna verso Basan, e no ghe xe tanta tèra da drìo. Par fortuna o par mèrito, Nicola Gavotti el studia e l'inventa ła Galleria Vittorio Emanuele III: na vera e pròpria strada drento ła montagna de 5 000 metri tra el braso prinsipal e cuei secondari. Cuesti i sbóca sui fianchi del Grapa, co postasion de artiglieria e posti de oservasion. Da staltra parte vicevèrsa, i austro-ungarici i se prepara co ła 11° armada a ła concuista del Grapa e, dopo averlo ciapà, riversarse su ła pianura e ciapar a łe spałe łe diféxe su 'l Piave ne 'l steśo momento che ła 5° e 6° armada austriaca łe gavaria tacà frontalmènte.

Ła Batagia del Sostisio ła scominsia ne ła note del cuìndexe giugno de 'l disdoto, da l'Astego a 'l mar.

Su 'l Grapa ghe xe un gran caigo, no se véde un tubo, e in cueła situasion staltri taca sènsa èser visti, e in póco tempo i riva su 'l Col Moschin e anca fin su 'l Ponte San Łorenso.

Anca Cima Grapa vien tacada da divèrse diresion, e i tajani no i ghe ła fa a tegnirli: grandi scontri e tanti mòrti, a ła fine i austro-ungarici i se ferma su ła diretrice Valderoa - Solarolo, riciapada el giorno dopo.

Tuto o cuasi xe tornà come prima, soło che de tanti fiołi de łe dó parti no ghe xe pì tanto.

In cueła batagia Epica, ben siesentocuaranta medagie a 'l Vałor Miłitar łe xe stà dae a i Fanti, Alpini, Arditi e Genieri .

Sto rixultà el xe stà na copada par i Austro-ungarici parché i gera restai co poco magnar, sènsa abiti, pochi rifornimènti e sènsa pì moral. I gaveva naxà ła vitoria e dèso ła sconfita.




#Article 236: Ritmo Belumat (144 words)


El Ritmo Belumat o Belunéxe (it. Ritmo Bellunese) el xe na vecia rima del 1198 d.c. xeneralmente clasificà come documénto volgar itałian 'ntei łibri de leteradura itałiana. Seben che 'l sia itałian geograficamente, esendo stà fato 'nte na parte de ła Penìxoła Itałiana, el xe lenguisticamente vèneto.

Defati da un pónto de vista gramaticałe ghe xe xa el plural verbałe col clìtico i («i lo getà» , moderno «i lo gà/à getà») che anca al dì de ancûo' el xe tìpico de tuta ła łéngua vèneta mentre in altre łéngue vien doparà na final: ven. i parla, it. parl-ano, mil. parl-en.

Fin dal primo cólpo d'ocio se véde po che xe sparìe un saco de vocałi finałi (Ard, cavaler, tut) caratarìstica tìpica acor deso del vèneto belumat e trevixan. 

Pare che 'l sipia stà scrito in ocaxion de na guera fra Belun e Trevixo.




#Article 237: Axol (497 words)


Àxol (taian: Asolo) el xe un comune de 9 209 abitanti deła provincia de Trevixo.

Axol, çità preromana, a xe stata ciamadà cusì dal latin Acelum, nome imprestà dal greco Akedon, che deriva da Ak, cioè «a ponta».

Inte el V secoło, uncora prima de esar cristianixada, ła çita ła xe stata nominada sede vescovil (Catedral de Santa Maria Assunta) dal Patriarca de Aquileia e a xe deventada indipendente dała Diocesi de Padova, che a chel tempo a jera ben granda.

Inte el ano 969 el Imperator Ottone I el ga tirà via a diocesi de Axol e el ghe ga consegnà i so beni al Vescovo de Trevixo (çità anca queła originariamente inte ła diocesi de Padova); a chei tempi łe mese i łe dixeva uncora sonando i tamburi, finché no i xe stati eliminai dal Vescovo de Trevixo.

Axol e a frasion de Pagnan łe xe state interesae dai fati umani e storici che xe sucesi tra'l XI secoło e'l XIII secolo e dae diverse proprietà che ga avù par protagonisti i vari parent deła fameja dei Exełini. Proprietà che e xe state açertae, censie e documentae co gran atension dopo che a fameja a ga pers l'ultima batalia inte el 1260, quando che ai axołani ghe ga tocà giurar fedeltà al Comune de Trevixo.

Inte el ano 1850 un decreto imperial el ghe riconoze a Axol el titol de çità.
Inte el 1928 al teritorio comunal de Axol i ghe ga xontà i comuni de Castelcuc e de Monfun che i xe deventai da novo autonomi inte el 1945.

Łe frasion del comune de Axol łe xe: 

El xe tra łe pi importanti testimonianse de l'antica çità Acelum e tuti i ło riconoze come uno dei acuedoti pi interesanti scavai in cunicol inte ła rocia. El primo toc se pol vedarlo in piaza Angeło Brugnołi. 

Ła xe el simbol deła çità, su in çima al monte Rico. Ła strutura, a połigono iregołar, ła xe deła fine del XII secoło-inisio del XIII secoło.

Ghe gà visù ła regina Caterina Cornaro, e uncò el ga dentro el teatro Eleonora Duse.

El muxeo el xe dentro al Pałaso deła Rexon, costrusion del 1400 co tacada ła Logia afrescada co çène de batalia.

Łe rexidense de Axol łe xe prestigioxe e bełe. Łe pi importanti łe xe:

Ła catedral ła xe stata costruìa sora a dełe costrusion de l'epoca romana e risistemada da Giorgio Massari inte el 1747.
Dentro se pol amirar ła pała d'altar Assunta de Lorenzo Lotto .

Łe xe tante łe personałità che restarà par sempre łigae al nome de Axol.

Inte el comune de Axol ghe xe 1999 cognomi (qualcun de proveniensa straniera); i pi importanti i xe i seguenti (tra parentesi el numero stimà de persone che ło porta):

Feltracco (Feltrac, 112), Gazzola (Gaxoła, 112), Reginato (Reginato, 106), Parisotto (Parisot, 95), Forato (Forato, 70), Basso (Baso, 67), Bazzacco (Basaco, 67), Ceccato (Cecato, 67), Dal Bello (Dal Beło, 61), Dalla Rosa (Dała Roxa, 61).




#Article 238: Atene (388 words)


	
Atene (en greco Αθήνα, trasliterà come Athína) ła xe ła cavedal de ła Gresia e caołogo deł'Atica. 'Ntel antighità el nome el gera Ἀθῆναι, col nome de ancuo che'l xe sta adotà ufisialmente 'ntel 1970. Ła se cata 'ntel mexo de na pianura al séntro de ła penìxoła del'Àtica e ła se slarga dai pie del monte Parnis fin a ła costa. Ła xe divixa in demi, come ai ténpi de ła polis.

Ancuo el comun de Atene in sénso streto el ga na superfice de soło 39 km² e na popołasion de squaxi 750 000 abitanti, ma l'àrea urbana considerada come LUZ (Larger Urban Zone) dal'Eurostat ła cónta 4 013 368 abitanti, e ła xe cusì ła sètima conurbasion più granda del'Union Europea, e ła quinta cavedal più popołada del'Union. In sta manièra ła fa, col Pireo e'l resto de ła conurbasion, el 35% de ła popołasion grega.

Atene ła xe na metròpołi cosmopołita e ła xe el séntro econòmego, finansiario, industrial e cultural de ła Gresia, e ła ga na serta inportansa a liveło europeo ma anca mondial. 'Ntel 2008 ła xe stada clasifegada come ła sità nùmero trentadó par richesa e par poder de cronpar e come ła nùmero ventisinque par costi 'nte na reserca fata da ła socetà svìsera UBS.

Ła xe recordada sui libri de storia par ła nasùa de ła democrasia, par èser stada ła sede de ła cademia de Platon e'l liceo de Aristotele, oltra che ghe xe nasùi Socrate, Pericle, Sofocle e paréci altri fiłòxofi e personagi inportanti del'antighità. Ła xe stada daspò na Polis intrante e ła xe considerada el nio de ła siviltà osidental. In ani più resénti ła xe stada al séntro de ła tension de tuto el mondo par averghe organixà co suceso i Xoghi Ołìnpeghi 'ntel 2004 e par l'inaugurasion del Nóvo Muxeo del'Acròpołi 'ntel 2009, che'l ga verto de novo ła discusion che ła revarda i Marmi de Elgin. Altro łógo de grando interese turìstego el xe l'Acròpołi (patrimonio de l'umanità recognosùo dal UNESCO) 'nte ła qual i spica par inportansa el Partenon, l'Ereteo e i Propilei. Da recordar i xe anca i resti del'agorà e l'Areòpago.

Tradisionalmente ła protetora de ła sità ła xe ła dea Atena, rafigurada sia sul stema che su ła bandièra de ła sità.

Atene la xe xemełada co:




#Article 239: Łubiana (131 words)


Łubiana (en slovèn Ljubljana, IPA [ʎub'ʎʌna]; en todesco Laibach) ła xe ła cavedàl de ła Republica Slovena fin da l'independensa inte el 1991. Situà so'ł picinìn fiume Ljubljanica, ła prexenta n'interesante çentro storico en stiłe liberty.

Łubiana xe anca n'importanta stasion feroviaria inte i cołegamenti infrà Eoropa Oçidentałe e Orientałe.

El nome Ljubljana el deriva dal prefiso Ljub- dal sostantivo slavo ljubezen (en vèneto amòr, aféto), che'l ga ła 'stesa raixa del inglexe love e del todesco liebe. Se pol, quindi denominarla łeteralmente Çità de l'Amór, come speso ła xe ciamada anca dai so abitanti.
Inte el 1941 Łubiana e 'l teritorio çircostante (Carnioła) i xe deventà na provinsa itałiana de ła Regiòn de ła Venesia Julia, co sigla automobilistica LB. Łe łéngoe ufiçiali łe jera 'l itałian e 'l slovén.




#Article 240: Carega (118 words)


Ła carega xe n'ełemento uxà par sentarse, xeneralmente costituìo da un piano orizontàl che pògia su ganbe e da no schinàl. I materiałi coi quai xeneralmente se costruisse łe careghe i xe legno, fero, plastega, ma, esendo dei oxeti majormente utiłixà come exerçisio stiłistico dai designer de tuti i tenpi, no i xe pochi łi exempi creai co altri materiałi.

Ła pì antica forma de carega gera queła egissia, de legno piturà o entarsà co materiałi presioxi quałi ebano, avorio o metało. Ła podaria aver i piè a forma de sata de animal. 

I babiłonexi i doparea careghe de legno de palma, un materiałe morbido e façiłe da łaorà, mentre i re asiri i uxava troni ricamente decorai.




#Article 241: Cióxa (253 words)


Cióxa (Ciôxa come pronunsia da chi che ghe abita, senò Ciòxa) la xe na isola al sud de la laguna veneta che conta 50 857 abitanti dela provincia de Venesia, secondo per popolasion dopo el capoluogo. Oltre a ciò a xe anca un porto, uno dei porti pescherecci pì grandi de l'Adriatico.

Cióxa la se trova su na picola penisola fra la Laguna Veneta e el Delta del Po, a metà strada tra Venesia e Ferara.

A Cióxa, pì precisamente nele frasion de Marina e Isolaverde, xe presente un lido. La spiaia de Marina se estende dala boca de porto de Cióxa, fin ala foxe del fiume Brenta. La spiaia de Isolaverde, invese, se estende dala foce del fiume Brenta fin ala foce del fiume Adese. Par tuta la spiaia ghe xe rinomai stabilimenti balneari, che i xe na risorsa economica per la cità.

In sta sità xe stà vescovo Domenico Maria Mezzadri del 1920 al 1936.

Cióxa xe un caso demografico unico in Italia: l'alto taso de omonimia tra i do cognomi principali, Boscolo e Tiozzo, ga indoto l'uficializasion nel registro del'anagrafe dei detti, tipici de tuto il Veneto e usà popolarmente per distinguere i vari rami de una stesa fameja. Sui documenti uficiali, patente di guida e carta d'identità compresi, sti deti i vien inserìi a tuti i efeti de lege.

Per fare dei esempi, dei Boscolo se distingue i Forcola, i Bachetto, i Anzoletti, i Gioachina, i Cegion, dei Tiozzo i Caenazzo, i Fasiolo, i 'Napoli, i Campanaro, i Brasiola.




#Article 242: Finlàndia (397 words)


Ła Finlandia ła xe un paese de ła Eoropa setentrional. Ła se cata inte ła Penisola Scandinava.
Ła confina a nord-òvest co la Svezia, a nord co ła Norveja, a est co ła Rusia, a sud e a òvest col Mar Bàltego.

El teritorio de ła Finlandia el xe logà inte ła banda oriental de ła rejon giogràfega ciamà Fenoscandia.
El xe ciapà infra i 60° e i 70° de latitùdene nord; oltra un terzo del teritorio el xe a nord del Sircoło Połar Àrtego: questo el fa el paéxe uno dei Stati pi setentrionałi al móndo. 

Ła morfołogìa del teritorio ła xe conseguénsa de grandi moviménti jasałi (glaciai): a sud el rixulta un teritorio pa'l pi pian, co numaróxi łaghi e ìxołe.
A nord del fiume Oulujoki el teritorio el canbia aspeto: se cata prima numeróxi riłievi cołinari fin a rivar, inte-ła banda nord-osidentałe del paéxe a ła banda oriental de łe Alpe Scandìnave .

Ła xe bagnà a sud dal Gólfo dè Finlandia e a òvest dal Gólfo de Bòtnia.

Ła costa del paéxe, pur séndo xeneralménte basa, ła xe iregołar, e ła frontéja numaroxìsime ìxołe. 

El fiume pi lóngo del paéxe el xe el Kemijoki che el sbóca inte el Gólfo de Bòtnia da łe bande de ła sità de Kemi. Se ricorda anca el Oulujoki.
Ghe xe numaroxìsimi łaghi (sérca 187.888 łaghi) de orìxene jasałe e de ogni dimension tante olte cołegai infra de łoro e co numaróxe ìxołe, in particołar inte-ła banda sud-oriental del paéxe. 

El clima de ła Finlandia l'incónbe a ła fasa climàdega temperada fréda, vista ła latitùdene; ła ga caràteri de tranxision intra i climi continentałi de łe xone ruso-siberiane e i climi oseanisi de łe xone atlàntiche a òvest.

Łe foreste łe coverze sérca el 70% del teritorio.
Inte-ła banda nord-oriental del paéxe si estende ła Łaponia, ła tera de ła tundra.

La Finlandia, dal 2010, la xe divisa inte sete azenzie regionai , che le se devide inte vinti altre region (Maakunta) pì pichiole.

La fa part de l'Union Eoropea.

La ga sirca cinque milioni de abitanti.

Ła Łaponia ła xe abitada, oltra che dai finlandéxi, da na minoransa sami.

Łe foreste łe costituise ła major risorsa del paéxe, che el xe un inportante esportador de legne e pasta de legna uxà par prodùxar carta.

In Łaponia el xe difuxo l'ałevaménto de rene, prategà da i sami.




#Article 243: Irlanda (1179 words)


Ła Irlanda (Éire en irlandexe, Ireland en inglexe), ufisialmente Republica del Irlanda, ła xe on stado ingaxià 'nte na republega, che ła ciapa rento 26 de łe 32 contee (5/6) del ixoa del Irlanda  'ntel Eoropa nord-osidental.
Ła confina a nordest co ła Irlanda del Nord, ke fa parte del Regno Unido.

Éire el xe na fórma nominativa del sostantivo in gaèłico, sendo ła fórma dativa Éirinn  e cheła xenitiva Éireann.

Intranbi i nomi łi nase par defignir ła intiera ìxoła de Irlanda, e soło che resentemente łi vien utiłixai par el stato.

In vèneto xeneralménte el stato el vien ciamà senpliseménte Irlanda, a parte quando che se parla anca de l'ìxoła in xenare o de l'Irlanda del Nord, onde che ła xe ciamada Éire o col nome par estéxo par no xenerar inconprension de vario xenare.

Ła Costitusion irlandéxe, de el 1937, ła aférma che el nome del stato el xe Éire in irlandéxe, e po' Ireland in ingléxe.
El Republic of Ireland Act, de el 1949, el aférma che ła descrision oficial de el stato ła xe Poblacht na hÉireann in irlandéxe e Republic of Ireland in ingléxe, par distìnguar el stato da l'ìxoła intiera e enfatixar ła fórma republicana oltre che ła total indipandénsa.

Ła nasion ła ga anca altri nomi e soranomi in ingléxe cofà Éire, The Free State (el Stato łìbaro) e Twenty-six Counties (łe 26 contee).

Seben che tante olte sìe doparà el nome estéxo, che el xe l'ùnego tra l'altro asetà dal Regno Unìo, par tratai e inisiative internasionałi, el vien uxà el sénplise nome Irlanda.

Spéso inte el Regno Unìo el vien ciamà anca Southern Ireland (Irlanda del Sud).

Da el 2007 el stato el xe ciamà co tute e do łe łéngue costitusionałi, irlandéxe e ingléxe, co i contraségni Éire Ireland

Ła republica ła ocupa ła banda sudosidental de ł'ixoła d'Irlanda.

Durante ł'era glaciałe, ł'ixoła de Irlanda ła xera tacà ała Gran Bretagna e questa al continente eoropeo.

El monte pi alto el se ciama Monte Carrauntoohill (1041 m).

El fiume pi łongo el xe el Shannon (386 km).

Par un çerto tenpo, xera posibiłe vegner a pie da ł'Eoropa fin in Irlanda; difati ghe xe trace, 'ntel periodo Mesołitico, 8000 ani prima de Cristo, deła presensa de omeni rivà dal continente.
Mejari de ani pi vanti, 'nteł'era del Fero, xe rivà i celti, fra ł'otavo e 'l primo secoło vanti Cristo, e i xe diventà ła definitiva popołaxion de ł'Irlanda. I Romani no xe mai sbarcà su ł'isoła, ma i ła conoseva col nome de Hibernia. 

'Ntel 5° secoło dopo Cristo, anca grasie a San Patrisio , xe rivà el Cristianesimo. 'Ntel alto Medioevo, visto ke ł'ixoła ła xera al riparo dełe invasion barbariche, ghe xe sta na grande fioridura culturałe cristiana in raquanti monasteri sparsi 'ntei diversi regni celtici, con produxion de manoscriti (el Libro de Kells), bigiù e altri atrezi. Ma soratuto xe partii dał'Irlanda un saco de misionari (San Cołonban, San Gało etc.) ke in pratica i ga riportà indrio el Cristianesimo in Eoropa, dove ke ghe gera devastaxion e guere continue.
Dal nono secoło, però, taca a rivare ondà de vichinghi, ke brusa monasteri, ciese e case, ma ke anca i se inpianta pian pian su ł'ixoła, mis-ciandose coi celti e fondando çità come Dublin, Cork, Limerick, Waterford.

 
'Ntel 1171 i inglesi, col re normano Enrico secondo, i invade ł'Irlanda. Scuminsia secołi de guere fra i celti (o celto-vichinghi) e i inglesi, ke vol comandare.
Ała fine, 'ntel 1603, i inglesi i vinse na volta par tute. Col fato ke intanto ł'Inghiltera ła gera diventà protestante, mentre ke i irlandesi i gerà restà catołici , i inglesi, ała fine del 17° secoło, i ga portà in Ulster  coloni protestanti dała Scozia e dał'Inghiltera. Co ła guera portà da Cronwell in Irlanda contro i catołici xe morta metà deła popołaxion. Dal 1641 el parlamento de Dublin no'l ga pi acetà catołici, anca se el 90% deła popołaxion ła xera catołica.
I irlandesi i ga tacà, 'ntel corso dei secołi, a ałearse co tuti i nemisi deł'Inghiltera, basta ke i ghe dese na man a butarli fora, ma ła ghe xe senpre 'ndà sbusa. Prima coi spagnołi de Filippo Secondo , dopo coi francesi , infine coi todeschi .

'Ntei ani quaranta del 19° secoło, su 8 miłioni de Irlandesi, 1 miłion xe morto de fame 'nteła Grande Carestia  e 1 miłion e mexo xe emigrà; par sta tragedia xe sta ancà incolpà łe połitiche agricołe protezionistiche del governo inglese, incurante del destin dei catołici irlandesi. 

Dopo ła rivolta del 1916  e ani de guerija, ała fine, 'ntel 1921, xe rivà l'indipendensa, ma 6 dełe 9 contee deł'Ulster łe xe resta łigae al Regno Unido cofà Irlanda del Nord.
Tra i Irlandesi ghe xe sta quełi ke ga acetà l'indipendensa fata cusì, coła spartixion, e quełi ke i vołeva continuar ła guera finkè l'Irlanda no ła fuse sta unida. Cusì xe s-ciopà ła Guera civiłe, durà fin al 1923, quando ke ga vinto i primi. Fra i altri, 'nteła guera civiłe xe sta copà anca el patriota deła lota par ł'indipendensa, Michael Collins.

Par tradixion, ł'ixoła de Irlanda ła xe divisa in quatro provinçe: Connacht, Leinster, Munster e Ulster, co 32 contee, ventisie dełe quałi łe xe 'nteła republica de Irlanda.

Ła xe divixa in 26 consiji de contado (county councils), 3 consiji de sità e de contado (city and county councils), 2 consiji de sità (city councils)

Ła fa parte del'Union Europea.

Ła so capitale ła xe Dublin.

Ła gà quatro milioni de abitanti.

Ła religion pi praticada xe el catolicesimo, dopo vien i anglicani e i presbiteriani.

Łe lengoe uficial łe xe el gaelico o irlandexe e l'ingléxe.

Ł'Irlanda ła ga na economia vispa e ativa.
El redito pro capite xe el secondo al mondo.

Ancò ł'economia ła se baxa soratuto su ł'industria, spece queła par l'esportasion: l'Irlanda xe el primo esportatore al mondo de beni łigà al software.

Ła ga avudo na grande cresita anca el setore dei servisi e el turismo. 

Dopo ł'indipendensa, ła republica ła xera pitosto poareta e ła se tegneva su co ł'agricoltura.
'Ntel 1973 coł'entrada 'nteła Comunidà Eoropea (adeso Union Eoropea), xe canbià łe robe. Un uso intełigente dełe risorse mandà da Bruxelles e na połitica fiscałe de tase base par quei ke meteva su inpresa, ga fato s-ciopar l'economia. In particołare, el baso prelievo fiscałe par i capitałi foresti e el fato de esare un paese de łengoa inglexe drento l'Eoropa, ga atirà un saco de multinasionałi e de capitałi apunto, co na cresita vertical deł'economia scancełando ła disocupasion.
'Ntei ani 90 del ventesimo secoło ghe xera un taso de cresita del 10% ał'ano e ł'Irlanda, par questo vegneva ciamà ła Tigre Celtica. 
'Ntel 2006 se xe rivà al punto ke i do governi deł'Irlanda e dei Stadi Unidi d'America i ga fato 'n acordo ufiçial par regołar ł'imigrasion dał'America de gente in çerca de lavoro, quando ke na volta i xera miłioni i Irlandesi ke partiva in nave par trovar lavoro in America.

El skeo xe ł'euro.




#Article 244: Svìsara (257 words)


Ła Svìsera (en tedesco Schweiz, en françexe Suisse, en itałian Svizzera, en romançio Svizra), co nome ofiçial Confederasiòn Svisera (en tedesco Schweizerische Eidgenossenschaft, en françexe Confédération Helvétique, en Itałian Confederazione Svizzera en romançio Confederaziun Svizra, el xe un paexe de l'Eoropa çentrałe.Ła confina a nord co ła Xermàgna, a est co el Liechtenstein e l'Austria, a sud co l'Itałia, e a ovest co ła Fransa.

Ła Confederasion Svisera ła jera abità inte l'antighità dai Elvezi, on popoło de raixa gàłega.Ła xe stà concuistada dai Romani guidai da Giulio Cesare durante ła so concuista de ła Gałia.

El 1° de agosto del 1291 i raprexentanti de tre cantuni i ghea decidesto de ałearse formando na confederasion. Isteso, ła jera senpre influensada da l'inpero Austriaco.
Ła xe stà riconosùa indipendente co ła Paxe de Vestfalia in tel 1648.

Napołeone ła ga invadesta in tel1798 e la xe deventada na repùblega. In tel 1803 se ga riformà na confederasion ciamada Confederasion Elvètega.
In tel 1815, col Congreso de Viena, ła xe stà riconosùa cofà stato de neutralità prmanentemente armada.

Ła Svìsera ła xe on stato federałe.

Ła xe dividesta in 26 cantoni, ognun co ła so otonomia lejislativa e fiscałe.

Ła xe senpre stada neutrałe anca tegnendo rełasion comerçiałi e pułìteghe co altri Stati e ła ga negà de vołer ndar drento in te ła CEE e ła NATO.

Ła cavedałe federałe ła xe Berna, che ła xe anca ła cavedałe de l'omonimo canton.

Durante ła Rivolusion protestante en Svisera vivéa do inportanti teołoghi cofà Ulrico Zwingli e Giovanni Calvino.




#Article 245: Danemarca (277 words)


La Danemarca, la xe un Stato che el se trova in tel nord de l'Europa.
La confina a sud co la Germania. La xe bagnada dal Mare del Nord a ovest e dal Mar Baltico a sudest, e la xe separada da la Norvegia e da la Svezia dai stretti de Skagerrak a nord e de Kattegat a nordest.

La xe considerà parte dei Paesi Scandinavi, ma in realtà no la se cata mia su la penisola scandinava. El paese el xe fato da na granda penisola, el Jutland, e un zentinaro de isole e isolete (le pi grande le xe Sjælland, Fyn, Falster, Lolland, Vendsyssel-Thy e Bornholm).
Grassie a sta conformazion giografica, storicamente la Danimarca la ga senpre poduo tegner d'ocio chi ndasea drento e fora dal Mar Baltico.

La Danimarca la xe na monarchia da pi de mile anni: nel 1849 la xe deentà na monarchia costituzional, e dal 1901 la xe na monarchia parlamentar.  

El Regno de Danimarca (Danmarks Rige) el ciapa rento, oltre a la Danimarca vera e propria, anca le Isole Fær Øer e la Groenlandia, che i ga comunque na granda autonomia.

Dal 1973 la fa parte de l'Union Europea, mentre le Fær Øer, pur fasendo parte del regno, no le xe entrà ne l'Union, e la Groenlandia la sa tirà fora nel 1979.

La so capital la xe Copenaghen.

Finora i danesi i ga preferio tegnerse el so scheo, la corona danese, inveze de l'euro.
Lori e i britanghi i xe i unici che i ga dei acordi speciali co l'Union Europea, che dise che no i xe obligà par forza a doparar el scheo comune se no i vol.




#Article 246: Moldàvia (119 words)


La Moldavia o Moldova la xe un stao de l'Europa oriental.
La confina a nordest co la Ucraina e a sudovest co la Romania.

La cavedal del stao la xe Chişinău.

La ga na popolazion stimada de cerca 4 300 000 abitanti, dei quai 610 000 inte la cavedal.

La lengua ofizial la xe el moldavo, che el coresponde lenguistegamente a la lengua romena.

Za parte del Principà de Moldova, inte el 1812 la xe deventada parte de l'Inpero Russo.

Inte el 1918, dopo de la Rivoluzion de Otobre in Russia, la xe stà unia a la Romania.
Inte el 1940 la xe stà de novo conquistada da l'Union Sovietica.

El 27 agosto 1991 la se ga dechiarà independente.




#Article 247: Islanda (352 words)


LIslanda (Ísland in islandese) l'é on nasion de la Eoropa setentrional.
El teritorio el corisponde co la isola omonima, che l'é tel nord del Oceano Atlantico setentrional, a sudest dela Groenlandia e a nordovest de le Fær Øer.

L'Islanda la toca col so bordo setentrional el Sircol Polar Artico.

Sta isola l'é che la à na granda atività vulcanica: ghe n'é diversi vulcani ativi sula tera e arènt ala costa, sofioni de vapor, laghi termali e geyser.
Scuazi tuto el tarén l'é de orizene vulcanica.

L'é na tera de giasèri. Se ricorda el Vatnajökull, en imenso giasèr a calòta .
De sti giasèri parte tuta na seria de ghèbi co na grant portaða de aqua, con cascaðe che scava el tarén vulcanico. Se ricorda la cascaða Dettifoss. 

La vien riscaldaða dala Corente del Golfo.

A partir del 874 l' Islanda la é staða colonizaða dai vichinghi che i rùea dala Norvegia, ma la avéa bu anca coloni celti dał'Irlanda.
Intotno al an 1000 la isola la à tacà e vegner evangelizaða.

La é staða posidimento danese prima de deventar repùblica independente tel 1944.

L'é na repùblica.

No la fa part dela Union Europea, ma la é drio entrarghe.

La cavedal e sità pi' inportnate l'é Reykjavik.
Altre sità importanti l'é Akureyri, Hafnafjörŏur, Keflavik, Kópavogur.

La popolasion la se concentra sule coste e tela sità importanti.

La Islanda la à 320 000 abitanti che i parla l'islandese.
Ghe n'é anca dialeti norvegesi e danesi.

La religion l'é quasi par tuta la ðènt quela Evangelica Luterana.
L'un par sento i é Catolici Romani soto la diocesi de Reykjavik. 

La base stòriga de l'economìa islandese l'è stat la pesca: l'Islànda la à na gran flota de pì de mili navi de pesca.
Al contrario, el rèst del setor primàrio el é poch svilupà (agricoltura ghe n'é poca, se pianta cartùfole, fén e en cic de fruta e verdura coltivada tele sère).
La produze anca energia geotermica e idroeletrica a bon marcà.

L'Islànda la àna gran rete de stamiblimenti par la laorasion del pés; ten sti ultimi ani se à svilupà anca altri tipi de industria.




#Article 248: Pianeta (316 words)


On pianeta l'è un corpo seleste che no'l sbarluxega de luxe propria, no produsendo enerxia traerso la fuxion nucleare, diversamente da łe stéłe, che da torno ste cuà, i pianeti i orbita. La masa dei pianeti xe sufisente a darghe na forma sferoidal, andove la so dominansa gravitasionale ghe permeta de mantegner libara la so fasa orbital da altri corpi de dimension pari o maxori.

Sta definision la xe divegnua ofisale inte l'astronomia el 24 de agosto del 2006, co la so promulgasion ufisale da parte de l'Union Astronomega Internasionałe. Prima no ghe jera na definision presixa, ma na indicasion, che la njien da l'antica astromia greca, andove se considerava on pianeta come on calsiasi corpo seleste, doto de masa significativa, che el se movese so orbite fise.

Tuti i pianeti del sistema solare, a parte de la tera, i ciapa el nome dai dei romani e gresi. I so sateliti naturai li tole el nome da dei e personaji de la mitoloxia clasega o opare teatrali de Shakespeare .

I asteroidi i pole tore el nome da chi che li scopre. Sta roba la xe sta sielta da l'Union Astronomega Internasional.

In tel nostro Sistema sołare ghe xe oto pianeti:

Da co xe sta conosua l'existensa de Eris e de altri oxeti caxi conpagni de elo inte la fasa de Kuiper inte el 2005, xe sta mesa in discusion se la definision de pianeta sia justa par dirghe a Pluton (♇). Inte el 2006 dopo on longo bota e risposta, l'è sta ridefinio come Pianeta nano, in conpagnia de Haumea, Makemake e Cerere che'l jera considarà el pì grando Asteroide. Xe sta conosua la prexensa de n'altro pianeta nano, el so nome xe Sedna, che el xira intorno al sole a na distansa media de 13 miliardi de km (3 olte pì distante de pluton). El nome xe sta ufisalixà inte el autuno del 2004




#Article 249: Mercùrio (astronomia) (214 words)


Mercùrio el xe el primo pianeta del sistema sołare in ordine de distansa dal Sołe e el xe pì picoło in dimension. A si tratta de on pianeta terestre de dimension modeste, co on diametro inferiore ała metà de queło terestre; El apare pexantemente craterizà, anche a causa deła mancanzaa de on'atmosfera aprezzabiłe che ła posa atutire i impati meteorici, e par questo el so aspeto el ricorda da visin queło deła Łuna. Mercùrio el xe dunque el pì picinin dei pianeti rocioxi del sistema sołare interno.

El so nome el deriva da queło de ł'omonima divinità romana; el so sinboło astronomico (, Unicode: ☿) el consiste nte na rapresentasion stiłizà del caduceo del dio. 

Tratandose de on pianeta interno rispeto ała Tera, Mercùrio el pare senpre tanto visin al Sołe (ła so ełongasion masima ła xe de 28,3°), al punto che i tełescopi terestri i ło pol vedar soło de rado. 

De giorno a luminosità de el sol a impedixxe de vardar direttamente Mercurio, ma se pol vardarlo subito dopo che el sol el sè calà, o altrimenti a matina presto prima che el sol el vegna fora. visto però che el gà un periodo de rotaxion troppo curto, se pol vardarlo soeamente ogni pochi dì uno drio de chealtro. Inoltre, par no  




#Article 250: Ongarìa (482 words)


LOngarìa o Ungarìa ła xe un stato de l'Europa sentrałe.
Ła confina a nord co ła Slovachia, a nordest co ła Ucraina, a sudest co ła Romania, a sud co ła Serbia, a sudovest co ła Croasia, a ovest co ła Slovenia e ła Austria.

El teritorio de l'Ongaria a destra del Danubio el xe sta conquistà nel I secolo a.C. dai Romani, e el xe deentà parte de l'Inpero come provincia de Pannonia.
Co le invasion barbariche xe rivà i Avari, che nel 796 i xe sta batui da Carlo Magno.
In seguito xe rivà i Ungari, che ne l'anno 1000 i ga incoronà el primo re de l'Ongaria, Stefano I , che el ga convertio el so popolo al cristianesimo e creà un forte Stato feudal. Quando el xe morto, nel 1038, xe ndà su par un breve tocheto el venexian Pietro Orseolo, che l'era fiol de la sorela de Stefano, e quindi l'era l'erede legitimo, visto che Stefano nol gavea fioi. Però dopo pochi ani el ga perso el trono par na rivolta. I disendenti de Stefano i ga comunque mantegnesto el trono de Ongaria, fondando la dinastia dei Arpadi, fin al 1302, quando la fameja la sa estinto.
El regno el ghe xe passà quindi a na serie de sovrani foresti. 

Dal XV secolo i Ongaresi i ga dovesto vedarsela coi Turchi Otomani. A l'inizio i Ongaresi i ga tegnuo bota, venzendo presenpio la bataja de Belgrado nel 1456, ma dopo un secolo e passa de guera continua i Turchi i ga vinto la granda bataja de Mohacs (1526), conquistando bona parte de l'Ongaria, che i ga doparà come base par atacar Viena nel 1683. Dopo la sconfita patia a Viena, i Turchi i ga scuminzià a cedar, e i Asburgo i ga podesto conquistar un toco a la olta tuta l'Ongaria.
Nel 1848 i Ongaresi i se ribella ai Austriaci dichiarando l'indipendenza, ma la rivolta la va a finir mal. I ghe riproa però dopo la sconfita de l'Austria ne la guera contro la Prussia del 1866, e col Conpromesso (Ausgleich) del 1867 i riese a farse dar un'anpia autonomia. l'Inpero Austriaco el deenta cosita Inpero Austro-Ungarico.

Nel 1918, dopo la sconfita ne la prima guera mondial, l'Ongaria la dichiara l'indipendenza e nase la Republica.
Ne la seconda guera mondial l'Ongaria la se mete da la parte de Germania e Italia, e a la fine de la guera la vien ocupà da l'Union Sovietica, che la mete in pié un goerno comunista e totalitario. I Ongaresi i proa a ribelarse nel 1956, ma el paese el vien invaso de novo da l'Armata Rossa, che la stofega nel sangue la Rivoluzion.
Finalmente nel 1989, quando casca el muro de Berlin, el regime el cede e ritorna la democrazia.

Nel 2004 l'Ongaria l'è entrà ne l'Union Europea.

Ła ga cofà capitałe Budapest.
Intra le varie sità se ricorda Egra.




#Article 251: Los Angeles (511 words)


Los Angeles (nome orisenario: Ciudad de la Iglesia de Nuestra Señora de Los Angeles sobra la Porziuncola de Asìs, comunemente brevià in LA), a xe a pì granda cità de la California e a seconda de tuti i Stati Unìi de Merica. Co New York e Chicago a xe una de le tre metropoi pì inportanti del paese e el xe un centro economego, de coltura, sientifego.

El sindego el xe Antonio Villaraigosa, primo sior de orisene spagnole a deventar sindego dal 1872.

Proabilmente el sinbolo de LA el xe la famosissima scrita su le coline de Hollywood sora de la cità. Uncuò Hollywood le xe na meta turistega, ma le pì inportanti case del cinema se ga da tenpo trasferìo fora de la cità (soratuto inte la San Fernando Valley, da chel'altra banda de le montagne) e quelo che el stà oncora là dai ani de oro xe le stele co i nomi dei divi sui marzapiè e i locai de moda nel Sunset Boulevard. De note, comunque, no xe tanto racomandà pasegiar la zona de Hollywood Boulevard, cofà anca Downtown.

La municipalità de Los Angeles la costituisse, insieme a tanti altri centri de le contee de Los Angeles e Orange na vastissima area urbana che co oltra 12 migioni de abitanti la xe la seconda dei Stati Unìi dopo de quela de New York e intra le prime del mondo. I abitanti de Los Angeles, conossùi anca come Angelenos. La cità la ga una de le popolazion pì diversifegae etnigamente del mondo. Inte i Stati Unìi, solo Miami la ga na parcentual pì granda de abitanti nassùi a l'estaro. L'Aeroporto Internazional de los Angeles (LAX) la xe la magior porta de acesso de la cità soratuto par i inmigrai.
La popolazion de orisene ispànega (soratuto messicana) la aumenta in mesura considerevole de ano in ano, al punto che oramai el 46,53% la xe de orisene latina e la cità la xe intieramente bilengual. La popolazion asiatega la xe la pì granda dei Stati Unìi (inte la contea de Los Angeles vive cerca 1 400 000 de asiàteghi. Los Angeles la ospita le pì grosse comunità mondiai de armeni, filipini, guatemalteghi, ongari, israeliani, coreani, messicani, salvadoregni, thailandesi e fora dei rispetivi paesi. A Los Angeles se cata anca le pi grande comunità statunitensi de iraniani e zaponesi. Anca la popolazion de orisene nativa mericana la xe consistente.

A Los Angeles se cata consistenti comunità ètnighe oisenarie de oltra 140 paesi, e se parla inmanco 224 lengue difarenti.
Enclaves etnighe cofà Chinatoen, Filipinotown, Koreantown, Little Armenia, Little Ethiopia, Little Persia, Little Tokyo, Thai Town, le testimogna el caratar ipernigà de la cità.

Cofà a New York, a Chicago o a San Francisco, la comunità italo-mericana la xe numarosa; cofà quela de orisene irlandese a todesca. El stesso el val par i afro-mericani che i rapresente l'11,2% de la popolazion.

Le forti desparità economeghe presenti intra le vare comunità le xe stae inte el tenpo orisene de vere e propie rivolte popolari (cofà quela del 1990), anca par vìa de descrimenazion rassiai.




#Article 252: Dolce e Gabbana (135 words)


Dolce  Gabbana xe na casa de moda italiana fondà dai stilisti Domenico Dolce (Polizzi Generosa, Palermo, 13 agosto 1958) e Stefano Gabbana (Milano, 14 novembre 1962), co a sede a Legnano, Milano.

Dolce  Gabbana: stie de lusso non convensional, innovativo, par omani e done che esprime tramite el vestire a sò personalità. A vien considarà a Prima Linea e a xe a pì costosa.

DG: xe un marchio ispirà a tute e robe contemporanee, el rapresenta libertà, irriverensa. Xe amato da xovani e innovatori e el xe detto Seconda Linea.

DG Junior: pa ì pì picenini. 

Dolce  Gabbana salta fora nea canson My humps de i Black Eyed Peas, Gata Sandunguera de Mey Vidal Ft. Qbanito, da LL Cool J nea canson Loungin' (Who Do Ya Luv) e nea canson P.I.M.P. de i 50 Cent.




#Article 253: Ernest Hemingway (142 words)


Ernest Hemingway (21 de lujo 1898, Oak Park rente a Chicago - 2 de lujo 1961, Ketchum, Idaho) el xera un scritor merican. Dopo ver fato ła prima guera mondial sul fronte italian, el gà scuminsià 'ntel 1926 col romanzo The Sun Also Rises (publicà en Italia col titoło Fiesta). El romanzo A Farewell to Arms (en Italia come Addio alle Armi), publicà 'ntel 1929, el gà dato fama mondiałe. Pi tardi, Hemingway el gà scrito el romanzo To Have and Have Not (Avere e non avere); in tel 1940 For whom the bell tolls (Per chi suona ła campana), che 'l conta de ła guerra çivil in Spagna. Sto romanzo qua xe deventà conosùo come un capołaoro. In tel 1952, Hemingway el gà ricevù el premio Nobel par el raconto The Old Man and the Sea (Il vecchio e il mare).




#Article 254: Łetònia (452 words)


Ła Łetonia, ufisialmente Repùblica de Łetonia (en łèton Latvijas Republika) ła xe un paéxe  situà inte l'Eoropa setentrional.
Ła confina a nord co l'Estonia , a òvest co ła Rusia , a sud-ost co ła Biełorusia , a sud co ła Łituania  e a òvest ła xe bagnà dal Mar Bàltico.

Ła ga na superfisie de 64 589 km².

Ła xe conpresdésta intra i 55°40' e i 58°05' de łatitùdene nord e i 20°58' e 28°14' de łonxitùdene est, rivolxesta su ła banda oriental del Mar Bàltico.

El teritorio el xe formà da pian trocà da cołine che no łe pasa i 300 m de altessa.
El punto pi ełevà del paéxe el xe el Gaizina kalns, che eò riva ai 311 m de levatésa.

El paéxe el xe bagnà dal Mar Bàltico, ła łónga costa (531 km) ła xe prevałenteménte sabióxa e no ła ga ìxołe.
L'ełeménto caraterixante del łitorał łèton el xe el Gólfo de Riga o Baia de Riga, (in łèton Rīgas Jūras līcis. L'àrea intrigada dal gólfo ła xe de 18 000 km² e ła fondésa màsima ła xe de 54 m.

El fiume prinsipal el xe ła Daugava.
Altri fiumi che i córe su teritorio łèton i xe: Gauja, Venta, Lielupe, Abava, Quellinor.

Ghe xe pi de 3000 łaghi, de orìxen jasal.

El 40% de ła superfise de ła Łetonia ła xe boscóxa. Se cata anca xone de tórbiera e de pałude.

Ła Łetonia ła xe costituìa da quatro rejon tradisionałi: Curlandia (Kurzeme), Łivonia (Vidzeme), Semigałia (Zemgale) e Łatgałia (Latgale).

Ła Łetonia ła xe na repùblica parlamentàr.

L'atuałe primo ministro l'é Laimdota Straujuma mentre ł'atuałe prexidénte deła republica el xe Raimonds Vējonis.

Ła cavedal ła xe Riga.

Ła Łetonia ła ga 2 254 653 de abitanti (2010).

Ła Łetonia ła ga ła sévente conpoxision etnega, in parsentuałi:

Ła popołasion ła xe prinsipalménte de rełijon cristiana. El pi grando grupo el xe qûeło-łà łuterano (556 000), co pi cee parsentuałi de catòłisi (430 405) e de ortodosi orientałi (350 000).

N'altra rełijon ła xe el dievturi , che el ga raixe stòreghe baxae su ła mitołogìa del perìodo pre-Cristian.

Inoltra in Łetonia ghe xe na comunità ebrea (9 883) che ł xe prinsipalménte qûeło-ła che resta del perìodo soviètego.
Ła comunità ebrea łètona ła xe stà anientada durante ła secónda guera mondiałe: secondo l'ùltimo censiménto ofisial inte el 1935 ła jera formada da 93 479 ebrei, sérca el 6,4% de ła popołasion total.

Ła łéngua ofisial de ła Repùblica de Łetonia ła xe el łèton.
  
El ruso el xe in asołuto ła łéngua de minoransa pi prexente, parlada o capìa almanco da na bóna part de popołasion no rusa.
Ła łéngua łatgałiana ła xe difondésta inte ła Łatgałia.




#Article 255: Miguel de Cervantes (193 words)


Miguel de Cervantes, novełista, poeta e dramaturgo Spagna (*1547 - †1616). EL xe nà el 29 de setenbre de el 1547 e xe morto el 22 de apriłe de 1616 a Madrid (al xe stà interà el 23 de apriłe e popołarmente a se conoze sta data cofà queła de ła so morte). El xe considerà ła másima figura de ła Łiteratura Spagnoła. El xe oniversalmente conozesto, soratuto par gaver scrito L'inzegnoso nobilhomo Don Chissote de la Manchia, che raquanti críteghi i lo descrive cofà la prima novela moderna e una de le mejo opare de la leteradura universal. Se ga dà a sto homo el soranome de Principe dei Inzegnosi.

A se supone chel Miguel de Cervantes el xe nasesto a Alcalá de Henares tegnendo anca conto de łe so dichiarasion che łu prexiso gavea xurà inte ła ), ncora łe existe conjeture sora el so vèro posto de nàxita. El dí exato del so vegnere al mondo el xe parò ncora poco prexiso e conozesto.

A xe curioxo chel so cognome Saavedra nol conpare mia inte i primi so scriti. Probabilmente el ga scumisià dopararlo pa diferensiarse de on so omonimo.




#Article 256: Baìcołi (401 words)


I baìcoƗi i xe biscoti séchi tipici de Venesia. I se ciama baìcoƗi parché Ɨa só forma Ɨa ghe someja a queƗa del pésse baìcoƗo o bransin.

I va ben par èsser tociai nea ciocoƗata, nel cafè, nel tè o nel vin dolse.

Par farli ghe vol tempo e boresso, ma ghe ne val la pena. Se pesa 70 g de farina de fior e se li mete a fontana sula tola e se ghe incorpora subito 15 g de levà de bira (se lo compra dal forner soto casa), destemperà in un poco de late tiepido. Se scominsia a impastar co forza, fin che se forma una specie de balòta.

Co un cortein se ghe incide una croxe par sora e po' se mete la pasta a levàr, par meza oreta, coverta co un tovagiol neto. Quando che se vede che la bala xe deventada quasi el dopio, se la rimete sula tola e se ghe incorpora ancora 300 g de farina de fior, meso eto de butiro descolà, na ciara sbatua, un pizegheto de sal. Se impasta tuto da novo e co forsa, ogni tanto se ghe zonta un giosseto de late tiepido, in maniera da far su na bela balòta de pasta elastica e consistente.

Questa po' se tagia in 4 parti, che se rodola fin a tirar fora un cilindro longo quasi 30 cm. Sti 4 cilindri i va messi sula piastra del forno, un pocheto onta, e un poco distanti uno da staltro. Se i coverse col solito tovagiol neto e se i lassa levar par 1 ora e meza. Passà el tempo giusto se impìra la piastra nel forno, che sarà fato scaldar in precedensa, e lassarli dentro solo 10 minuti, cioè finchè la pasta deventa rosa, sensa che la fassa la crosta. Se cava la piastra dal forno e se lassa riposar i cilindri, coverti dal solito tovagiol neto, par 48 ore, cussì intanto i deventa fredi.

Dopo e fatidiche 48 ore, se scominzia a tagiar i cilindri de pasta a fetine sotii e, me racomando, de sbiego, come quando che se tagia el salame.

Ste fetine de pasta se ciama baìcoli, e se li rimete sula piastra zà caldeta e se impira da novo sul forno caldo. I baìcoli ga da biscotàrse cioè ciapar un bel color de oro da tute do le parti. Prima de magnarli bisogna lassar che i deventa fredi.




#Article 257: Viena (369 words)


Viena (en tedesco Wien, en bavarexe Wean) ła xe ła cavedal e al steso tenpo un Stato federà de l'Àustria, conpletamente sircondà da ła Basa Àustria.

Viena ła xe sede de inportanti organixasiòn internasionałi fra łe quałi: OPEC, AIEA e ONU.

El çentro storego de ła çità xe stà dichiarà patrimonio de l'umanità dal UNESCO.

Abità xà dai Celti, Viena ła xe deentà na sità romana inte el I secolo d.C., col nome de Vindobona. Catandose propio so'l Danuvio, ła xera na sità de frontiera, inportante par defendar 'l Inpero da łe tribù xermaneghe del nord. Inte el alto Medioevo ła zona de Viena ła xe sta invaxa da vari popołi, prima i Longobardi, po i Slavi, i Avari e i Magiari, fin cuando che inte el 955 'l inperador del Sacro Romano Inpero Otto I el ga parà via i Magiari e inte el 976 el ga dato Viena a la fameja dei Babemberg. Xe tacà quindi un longo periodo de sviłupo, deentando una de łe sità pi inportanti de 'l Inpero, e inte el 1156 xe nato el Ducato d'Àustria, co Viena cavedal. Inte el 1246 s'a estinto ła dinastia dei Babemberg, e inte el 1278 l'Àustria la xe sta ciapà da Rodolfo d'Asburgo re de Xermania, e xe tacà la dominasion asburgica (che ła ndarà vanti fin al 1918). Ła xe sta sedià dai Turchi na prima 'olta inte el 1529, ma i Vienexi i ga tegnù bota; i Turchi i ga riproà inte el 1683 e i xe rivà a tanto cusì da ciapar ła sità e invadar l'Eoropa sentral, ma i xe sta fermà da n'aleansa de polachi e todeschi soto el comando del re de Połonia Jan Sobieski. 
Inte el 1815 ła 'a ospità el Congreso de Viena, che'l ga ridixegnà l'Eoropa dopo łe guere de Napoleon. Dopo che xe cascà 'l Inpero Austro-Ungarico a seguito de ła prima guera mondial, Viena ła xe deentà cavedal de ła Republica Austriaca. Inte el 1938 ła xe sta ciapà da Hitler, e dopo ła seconda guera mondial i Aleati i ła ga divixa in cuatro xone de ocupasion, come a Berlin, e dal 1955 ła xe tornà cavedal de l'Àustria.

Viena ła xe xemełà co:




#Article 258: Adam Mickiewicz (549 words)


Adam Bernard Mickiewicz (Zaosie, 24 de diçenbre 1798 - Costantinopołi, 26 de novenbre 1855) el xe considerà el pi iłustre poeta połaco.

El xe nato el 24 de diçenbre 1798 a Zaosie, vizin a Nowogródek, nel vecio Gran Dogado de Lituania da na fameja de antico lignàgio, ma finìa en rovina. Ła so formazión culturałe, imbevùta de clàsici, la se gà andà completando al'Università de Vilnius dal 1815 al 1819. Dal 1819 al 1823 el gà eserzità l'atività de profesor a Kowno. 

Dopo èssarse interesà a i filosofi franzesi iłuministi come Voltaire, presto el gà scuminsià ad apasionarse a i capołaori dei grandi scritori romantici Schiller e Byron.

A Vilnius el se gà afilià a na sozietà segreta conosùa co el nome de Filomati e Filareti. Fortemente critico en raporto a el paterno strucòn russo sul regno połaco, inte el 1823 el xe stà arestà dala połizia russa co altri acòłiti de ła setta. El xe stà imprezonà par alcuni mesi e no el xe tornà mai pi nele so tere. El gà visùo quindi a Odessa, Mosca e San Pietroburgo, strenzendo ligami co numerosi scritori russi, tra cui Alexandr Pushkin.

Come poeta el gà scuminsià a incontrar i primi suzèsi co l'opera Ballady i romanse (Balade e Romanze) de el 1822 che la verze l'età romantica ne ła leteradura połaca. Ła prefazión de l'opera la xe na fotografia sula leteradura de l'Europa ozidentałe.

Tra el 1822 ed el 1832 el gà composto l'opera teatrałe Dziady (Gli Avi), nel quałe el gà conferìo a ła Połonia un ruoło de guida par le altre nazion europee. El titoło de l'opera el xe vegnùo da na vecia festa popołare bielorussa, che gà luogo durante ła festa de Ognisanti; celebrazion ale quali Mickiewicz el partezipava durante ła so xòvineza en Lituania. Ła seconda parte la descrive le soferenze terene, presentando fantasmi de xente maltratà, tosatèi che no pode rivar in paradiso parché no i gà soferto sula tera e contadine vèrzini che no le gà mai sperimentà né l'amor, né le so soferenze. Ła terza parte la presenta el martirio de ła Połonia e la mostra na visione de el futuro de ła nazión, ne ła quałe le soferenze le xe paragonà a ła Passion de Cristo. Sta vision la se sara co ła profezia de un misterioso messia dela Połonia de nome 44. Ła quarta parte la xe un monodramma. El protagonista el xe ło spirito de un xòvane suicida, consumà dala passion che ło gà portà a ła follia e po a ła morte.

Durante el so esilio Mickiewicz el gà scrito tra i altri Konrad Wallenrod (1828), un poema filosofico che gà ispirà ła xòventù połaca ne ła łota contro l'opression. Nel'opera un Maestro Lituano de l'Ordine Teutonico el demołìse le so atività.

Inte el 1825 Mickiewicz el se cata en Crimea e el publica el so laoro erotico Sonety krymskie (Soneti de Crimea, 1826). Sibèn ispirà dal panorama de ła steppa, ła so anima e ła so mente le xe sempre pi assorbìe dai so sentimenti nazionalisti. Ma l'opera pi importante par i połachi la xe Pan Tadeusz (Sior Tadèo) - un poema de 12 libri, ciamà epopèa nazionałe.

Adam Mickiewicz el gà fato anca traduzion en połaco de opere de autori taliani: Francesco Petrarca e Dante Alighieri.




#Article 259: Rùsia (273 words)


Ła Rusia (en ruso, Россия, Rossija, /rʌs'sijə/), ufisialmente Federasion Rusa (en ruso Российская Федерация, Rossijskaja Federacija, /rʌs'sijskəjə fʲɪdʲɪ'raʦijə/), ła xe no Stato che xe estende fra ł'Eoropa oriental e ł'Axia setentrional..
Confina co a ovest co Norvegia, Finlandia, Estonia, Łetonia, Łituania, Biełorusia, Połonia, Ucraina, a sudovest co Xorxania e Azerbaigian, a sud co Casachistan, Cina, e Mongółia, a sudest de novo co ła Cina e ła Corea del Nord.

Co na superfisie de 17.075.200 chiłometi quadrà, ła xe ł'entità statałe pì granda deł mondo.

Xe banià a sudovest dał Mar Negro e dał Mar Caspio, a nord ovest dał Mar Baltico, a nord dał Mar Glaçiałe Artico e a est dał'Oçeano Pacifico. 

Ła rusia ła xe un stato semipresidensial federal.

Ła federasion ła xe costituia da 85 sojeti federałi difarenti.

 dei Adigi dei Altai dei Bašciri dei Buriati dei Cabardi-Balcari dei Calmuci dei Caraĉai-Ĉircasi
 dei Careli
 dei Ĉeĉeni Crimia dei Ĉuvaši dei Còmi Dagestan dei Hacasi dei Iacuti dei Inguši

 dei Mari dei Mordvini dei Osèti dei Tatari dei Tuvani dei Udmurti

 Altai  Camĉatca Crasnodar

 Crasnoiarsc Habarovsc Litoral

 Perm Stavropol Transbaicalia

 Amur Arcangelo Astrahan Belgorod Briansc Caliningrad Caluga Celiabinsc Cemerovo Cirov Costroma Curgan Cursc Iaroslavl Ircutsc Ivanovo

 Leningrado Lipezc Magadan Mosca Murmansc Nisni Novgorod Novgorod Novosibirsc Omsc Orenburg Oriol Penza Pscov Riazan Rostov Sahalin

 Samara Saratov Smolensc Sverdlovsc Tambov Tiumen Tomsc Tula Tver Ulianovsc Vladimir Volgograd Vologda Vorones

 Mosca
 San Pietroburgo
 Sebastopołi

 Provinsia ebraica

 dei Ĉucĉi dei Hanti-Mansi dei Iamalo-Neneĉi  dei Neneĉi

Come priçipałe sucesòr deł'Union Sovietica, ła Rusia xe ancora no Stato co na forte influensa połitica, speçialmente ał'interno de ła CSI, che Comprende bona parte de i Stati deł'ex Uniòn Sovietica.




#Article 260: Axia (142 words)


ŁAxia ła xe el pì grande dei continenti (ła so superfiçie ła xe quatro volte queła deł'Eoropa), ła se prexenta in tel so compleso come na masa continantałe de grande dimension e a xe ł'unica fra łe tere emerse a esare banià da tre oçeani: ł'Atlantico (co el Mar Giazzal Artego e el Mar Mediteraneo), ł'Indiàn e eł Paçifico.

Ła masa continentałe ła se spenxe a sud co łe tre grandi penixołe arabica, indiana e indocinexe. Drio 'sta qua vien anca, come prołungamento naturàl, łe ixołe de l'Indonexia , mentre pì a ost, ne l'Oçeano Paçifico, a ghe xe dei grandi festoni de ixołe che, da łe Curiłi ał Giapòn, a łe Fiłipine, i dełìmita mari costieri.

Al dì de ancó ła xe divixa pułitegamente in 41 stati menbri de łe Nasion Unìe, 11 stati co ricognosimento parsial, e vari teritori dipendenti.




#Article 261: Mónega (107 words)


Ła mónega ła jera na strutura in legno, che ła serviva par tegnere alti i nisiołi e le cuerte del łeto prima de butarse. In tel sentro ła ghea na toła andove métar ła fogara (on contegnitore che el costumava èsar in fero, rame o teracota) che ła vegneva inpienia de bronse calde e de sénare tolte dal fogołar co dei scaldini. 

Co el nar vanti de łe descuerte tecnołòxeghe, ła mónega no ła njien pì doparada. Ła vegnea dóparada in tei ani 60 - 70 del 1900. In tel dì de uncó, par otegnere mejori rexultai e pì senpleghi da otegnere, se dópara el scaldasono ełètrego. 




#Article 262: Birmania (114 words)


Ła Birmania, ofiçialmente Mianmar (in birmano Myanmar), ła xe un Stato del'Axia sudorientałe.
Òcupa parte de ła costa oçidentàl de ła Penixola Indocinéxe, xe afaçià sul Golfo del Bengała e sul Mar de łe Andamane e confina da ovest a est co Bangladesh, India, Cina, Łaos e Taiłandia.

Atualmente, dópo el colpo de Stato del 1988, xe soto el regime miłitare de Than Shwe.

El 27 marso 2006, ła giunta miłitare gà spostà ła cavedàl da Rangùn a Pyinmana, che ła xe ofiçialmente rinominà Naypyidaw.

Ła gà na popołasiòn de çirca 51 miłioni de abitanti, ma ł'ultimo censimento ofiçiałe xe queło deł 1983.

Ła Birmania xe un dei coxideti paéxi en via de sviłupo. 




#Article 263: Arcugnan (2192 words)


Arcugnàn el xe un comun de 7 899 aneme 'nte ła provinsa de Vicensa, el se estende su un teritorio colinare e valivo che'l fa parte del conprensorio dei Cołi Bereghi. Le visende storeghe le segue i fati de Vicensa da la cuale xe senpre dipexo el teritorio, no solo che economicamente.

El teritorio dei coli el ga poche sorxive, mentre inte le vali che se verxe a nord capita spese volte che vegna xo brentane de acua inte le stajon frede. De un gran lago che coverxeva le vali de Fimon almanco fin a la prima metà del Cuatrosento, ciamà lago de Lòngara, xe restà solo che un lagheto, el lago de Fimon par l'apunto, ancò ciapà drento a diversi progeti pien de radeghi sul so futuro, dopo diversi interventi sbałià, anca 'nte i ultimi tenpi, che ga fato peso el tacon del sbrego.

L'economia la xe senpre sta soratuto de canpagna: la vixela, el pi raro olivo, i àlbari da fruto, i xe sta a la base de la susistensa de le pòpolasion de colina; par cuei che viveva in vale, invese, i canpi e la pesca xera pi inportanti. 
La fine del sfrutamento de la cavatura de la torba e del legname, atività che le ga caraterixà el teritorio fin ai ani de l'industrialixasion masicia, ga dà de novo un aspeto verde e morbio a ste coline dolsi e cola forma slungà, co pianori d'altura dixegnà da spiàsi coltivà. Ancò el turismo el xe poco svilupà, a parte la gita de doménega al lago e el turismo par magnare, grasie ai diversi ristoranti e tratorie che ghe xe.

Le testimonianse de prexensa umana in ste tere le va indrio a la preistoria; difati i resti de palafite e canoe che xe sta trovà i xe ncora deso conservà 'nte'l muxeo archeoloxego de Vicensa e i fa capire come che la vita a chèi tenpi la fuse ligà a la prexensa de un gran lago ciamà lago de Lòngara, sugà su, par diverse raxon, xa a la fine del Cuatrosento.

Sindisi de Arcugnan da la fine de la seconda guera al dì de uncò:

Parochiale de Arcugnan, 1826. A partir dal 1824 scuminsia la ristruturasion de la vecia cexa del caoliogo; la vien ingrandia par starghe drio al cresare de la comunidà. Le forme xe neoclaseghe; la fasada la xe de conpoxision lineare e esensiale: un gran tinpano co decorasion dentada che buta in fora tien su ai vertisi tre statue; soto el tinpano cuatro lesene in copia, in stile ionico barochexante, ligae da do festoni de fruta in piera ad altorilievo, che le divide la fasada in tre canpi verticali, in mexo postà sora el portale tinpanà ghe xe un tondo fato come un roxon orbo; soto tuti e do i festoni ghe xe do spasi decorativi retangolari orbi da la cornixa lisia, 'ndove al posto dei cantoni ghe xe de le convesità dal saor rococò; soto altri do spasi incornixà retangolari de diverse misure. La parte drento xe a navata ùgnola retangolare, l'abside xe a pianta mistilinea trapesoidale, la cupola absidale, a sesto ribasà, no se pol vederla da fora, tre altari barochi decorà a tarsia de marmo. El sagrà de la cexa xe alto rispeto la strada e se va su par na scalinada. La xe sta restaurà 'nte'l 2001.

Drento, a dreta de l'altar maxor se cata un Cristo Patiens del XV secolo sirca, a basorilievo de anonimo in piera scura de Nanto. El mostra un Cristo flaxelà, xà incoronà de spine che vien su col busto da na cornixa, e afiancà da do cherubini, i brasi conserti verso i polsi incroxà so la pansa. La figura la xe sarà 'nte'l concavo da un sguso de capa; fa da cornixa torno a la dolente figura un arco decorà co senplisi motivi modulari. Le lesene drento le xe ornà a motivi fitomorfisi, in baso al sentro un buxo cuadro el mostra el tabernacolo.

Fora de ła cexa se cata el canpanile, scuminsià inte el 1838 e finìo inte el 1845 el xe alto 45 metri, el ga na baxe a prisma de piramide, el fusto xe a sesion cuadrangolare, sormontà da na cela canpanaria a cuatro lusi ad arco, decorà ad ogni canton da lesene ioniche; el vertise xe coronà da na guja che sormonta na cupola a seola in stile alpin, tegnù su da un tanburo otagonale co sfexe verte cuadrangolari, riva in sima co na croxe in fero co bandiereta che riporta l'acronimo IHS. Restaurà 'nte'l 2005

La Tore canpanaria la xe del 1911, in stile neogotego e a pianta otagonale, progetà da Vittorio Barichella. Colpia da un fulmine ai inisi dei ani Otanta del Novesento la xe sta ricostruìa co le forme presendenti.

Del XIV secolo, postà drio la Dorsale dei Bereghi, la xe alta su la Vale de la Fontega; la xe na costrusion picola a na navata absidà co strutura a capana. Su la fasada un picolo òcio, come un roxon, el sovrasta l'entrada prinsipale.

Drento se cata un siclo de afreschi del XV secolo atribuidi a Batista da Vicensa. I raprexenta i dodexe apostoli piturà 'nte'l cadin absidale, co i atributi iconografisi par jutarne l'identificasion; al sentro, drento na cornixa a mandola, se vede un Cristo Pantocratore, ai lati i sinboli xoomorfisi dei vangelisti. So'l muro verticale che ciapa drento l'arco absidale ghe xe na Anunciasion e, inte un picolo tondo sora la ciave de volta, xe rafigurà el Pare Eterno; de fianco de l'entrada laterale xe difisile lexare l'altra figura de vescovo. La diresion verso la vale de Sant'Agostin faria pensare a la rapresentasion de st'ultimo. La conposision la ricorda un poco la staxi de la pitura bixantina, anca se se sente le influensa dei gioteschi.

Del XVI secolo. Le forme de fora de la ciesa de ancò le xe soratuto sincuexentesche. Ma el sacelo ghe xe xa, secondo documenti, a la fine del Doxento. Prima dedicà a la Madona de la Neve (documenti del 1418-1443), dopo la pèste manxoniana del 1630, la xe sta dedicà de novo a San Roco, che xe el santo de le vitime de le epidemie. La cexa la xe sircondà da un mureto, che ciapa drento el vecio simitèrio, e la xe dominà da un picolo canpanile intradoso.

Del 1700, senplice capela da la fasada un poco verticalixà incoronà da un fronton triangolare, 'ndove che xe iscrito un fregio che rafigura na stela a oto punte, e da tre statue. Na scalinada curta la mena a la porta d'ingreso incornixà ad architrave, l'abside la xe a pianta semisircolare.

Del 1752, rente Vila Calvi, in suto stile rococò, da le forme lineari e asè giometreghe, el ga so'l davanti un tinpano 'ndove che xe inscrito un fregio elitego decorà da cornixe a forma de reciare; in mexo xe posta' na finestra co la cornixa a linee miste, asè anticlasica, che la sta sora un portale elegante dal tinpano spacà, che inscrive na decorasion a capa de piera in rilievo. La parte interna la xe rovinà dal crolo del plafon, 'nte'l muro contrario al davanti ghe xe 'n altare tardobaroco.

Del 1790, rente la Contrada Saco', in stile neoclasego tacà a 'n altro edificio, e col pian rialsà doparà come atico. Resta solo che i muri perimetrali e la fasada de fora, parchè ancò la xe la portineria de 'n albergo.

Del 1706, rente la Contrada Xanchi, picolo bigiù baroco, 'nte la acesion clasichexante vixentina, l'aula la xe cuadrangolare, decorà da racuante statue in piera de Vicensa o dei Bereghi. La fasada la ga un tinpano a linee miste rotondà e apiatio so'l vertise, coronà da tre statue postà simetricamente, in mexo al muro se verxe un roxone trilobà che riciama el strafòjo, che lasa intravedere drento un grupo scultoreo ciamà el Prexepio. El portale xe sormontà da 'n tinpano ad arco spacà, co in mexo un grupo scultoreo.

Drento se cata el Prexepio, òpara del 1706 de Jacomo Cassetti, la conpoxision la se fa evidente so le cuinte teatrali dà da la posixion rialsà, 'nte la controfasada 'nte'l spasio del roxon trilobà. In mèxo la Madona orante in xanocion la varda Jexù deposto so'l àlbio, a la sanca xe sentà Sant'Ixepo, intanto che cuatro pastori drio Maria i contenpla el putèlo, so la destra de la conpoxision altri do pastori, el bo e 'l muso; tre puti i voltegia so'l grupo incornixà da na luneta.

L'Oratòrio el ga anca altre statue de la botega del Cassetti, alegorie de le virtù teologali e figure de santi, financo el busto del comitente che varda l'aula da la controfasada del manufato. So la fasada de fora, so'l tinpano sora la porta, ghe xe la statua del'Arcànxolo Michièl che inpira un demone, de fianco ghe xe do anxoli postà michelangiolescamente so la curvatura del tinpano.

Del 1772, rente Vila Vegre, la picola capela la ga na strutura con tinpano lineare; de fianco le tien su el tinpano de la fasada do lesene, in mexo ghe xe na finestra cuadra, anca el portale el ga el tinpano.

Del XV secolo, in stile tardogotego la xe postà su na dolse calà in vista de l'Abasia de Sant'Agostin. La ga, vegnendo da la strada, na barchesa del XVII secolo (ricovero de le bestie e dei atresi da lavoro 'nte i canpi) co 'n gran arco a tuto sesto.

De la metà del Siexento, el corpo sentrale de la vila el mostra al pian teren tre arcade cromategamente inpisà dal coto, tegnù su da pilastri a bugnato. Ben pi exile xe la logia balaustrada che ghe xe sora, divixa in tre luxi da colone tuscaneghe a fusto lisio. Costruida su un edificio del Cuatroxento che ghe xera xà prima. Doparà come abitasion privà.

I ghe ga meso le man 'nte'l 1681 e 'nte'l 1803, so na baxe del Sinquexento. Ancò la xe in corso de ricualificasion secondo un projeto del architeto portoghese Alvaro Siza, dopo diversi interventi e slargamenti anca pexanti che i la gaveva trasformà in convento de clauxura dal 1961.

Del 1720 sirca, vila rurale setesentesca da la fasada tripartia, el bloco sentrale diviso da sete intercolumni. La ga drento stanse afrescà in stile arcadico co temi pitoreschi de la rovina e del paesagio selvadego, cupo.

Vila neopaladiana del 1770 costruìa pa'l sedaiolo Girolamo Franceschini so progeto de Ottavio Bertotti Scamozzi, el xe el manufato pì inportante de Arcugnan. Dal 1854 la xe sta de propietà de Valentino Pasini. Po la xe pasà, fin a la metà dei ani otanta del Novesento a Giuseppe Canera de Salasco, de fameja nobile piemontexe. Canera el jera colesionista d'arte moderna sie-setensentesca e la vila la gheva na notevole colesion d'arte pitorica, finia a l'asta inte el 1986 dopo la morte del paron.

In stile neoclasego otosentesco, co influense neopaladiane, asè frecuenti inte le òpare de architeti setesenteschi vixentini, soratuto par la strutura simetrega e i materiali (laterisio e piera de Vicensa). El corpo sentrale el prexente, al pian nobile, tre fenestre balaustrae intervalae da do lesene ioniche. Inte le ale el ritmo che contradistingue la fasada el xe mantegnùo dal steso nùmaro de fenestre par porsion, sormontae da tinpani a arco o triangolari intervalai. Drento, al piano tera se cata un anpio atrio afrescà a monocromi e colone de cuarèli imaltae, i pavimenti i xe a tarsia. Inte el cortile se cata, come che testimonia xà le carte topografege de l'epoca napoleonega (1806), altri edifisi.

Del X secolo, a pianta iregolare; la dà el nome a la contrà de Tori de Arcugnan; secondo serte testimonianse del Siexento (Filippo Pigafetta) e primi del'Otoxento (Gaetano Maccà), gaveva da esarghe do tori de controlo e avistamento, afiancà a le do cuote del monte Croceta che 'l domina la Val de Bura e la Vale de la Fontega, 'ndove che ghe gera el gran lago de Lòngara, ipotexi avalorà anca da vecie mape che le mostra, in loco, do tori. El stile el xe rùstego: el baxamento el xe a blochi de piera lavorà a cubo, verso el vertise la costrusion la xe a materiale misto (oltre a la piera trovemo el laterisio, intervalà a file orixontali). Da poco, xe sta postà na croxe de fero in sima a la tore.

Arcugnan el xe cità inte La tubia del Menon conponimento in pavan de la metà del Cincuesento, el scrito el xe comico, libertin e parodistico, de anbientazione bucolica e vagamente arcadica. L'òpara la jera asè conosua in tuto el Stato Vèneto.

Pì tardi, inte el canto VIII de La secchia rapita de Alessandro Tassoni (1622) se lexe:

Tra i ultemi leterai a parlar de Arcugnan el poeta vixentin Giacomo Zanella, che inte la poexia Un mattino d'inverno sui colli Berici (1871) el descrive del pogio de Vila Malgarita e 'l picolo lagheto de la Fontega.

El nome Arcugnan el xe de derivasion toponomastega antiga, ła ipotexi co pi' credito ła dà na derivasion nominal a un fondo cołinar a sołatìo indove se coltiva ła vida: da sto fondo se połe ipotixar el nome de el propietario, Arquiniano, pi' in xeneral se połe parlar de un Fundus Arquinianus, e da sto cua el derivaria el nome de ancuo. 




#Article 264: Lago de Fimon (860 words)


El Lago de Fimòn el xe un specio d'acua de dimension picołe (0,51 chm²) el xe poco fondo (dai 0.5 ai 2.5 metri) ch'el se trova en provincia de Vicensa, a sud dea sità, nel comune de Arcugnan, frasion Łago de Fimòn.
El xe l'unxoło łago signifegativo prexente sul teritorio deła provincia.
I dintorni del łago i xe anca un sito archeołoxego, ritegnù xa inportante 'ntel secoło XIX dal naturałista vixentin Paolo Lioy.

El łuso o luzo (Esox lucius), xe una de łe rase de pesi che abita el łago e che ło gà reso famoxo 'ntełe ostarie dei Berici.

El łago gà un fondałe de paltaneła e łe piante che ghe crese łe xe asà, carateristeghe che, insieme ała poca profondità, i lo fa un habitat ideałe pai cosideti pesi ciprinidi, tra i cuai łe carpe.

Le rase łe xe: ła carpa (Cyprinus carpio), ła tenca (Tinca tinca), el luso (Esox lucius), ła scardoła (Scardinius erythrophthalmus), ł'angùja o bixato (Anguilla anguilla), ła saveta (Chondrostoma soetta) e ła lasca (condrostoma genei) e infine el re del lago: el pesegato.

La popolasion dei pesi de uncò, rispeto al'Otosento, secoło dei primi studij, ła xe difarente, dal momento che xe rivà nove rase e gh'in xe sparie diverse: tra cueste ła lasca e ła saveta, tra łe prime el persego trota (Micropterus salmoides), el pese gobo (Lepomis gibbosus), el persego (Perca fluviatilis). 

Dall'inisio dei ani '80 xe sta imeso dal'omo anca el siłuro o l'abramide (Abramis brama), rasa de pese, rispeto al lago,soradimensionà, ch'el vien dal Danubio. Deso ła Provincia de Vicensa xe inpegnà par contegnerghe la fiłiasion.

Dal 2008 xe segnałà el ganbero roso deła Łouisiana.

L'intarese archeołoxego deła xona del łago de Fimòn xe dovesto al ritrovamento de resti di abitasion risałenti a dò epoche difarenti: una al neołitego e chel'altra ał'età del bronxo. 

I resti che risae al neolitego se poe riportare al periodo dei cosideti vasi a boca cuadrà. Le datasion al radiocarbonio dei resti i li coloca a ła prima metà del IV milenio a.C..

El ritrovamento principałe xe costitujo dai resti de stanberghe col fogołaro ch'el xe meso su struture orixontai de pałi incroxà. Xe sta ritrovà fogołari fati de piere de calcaro coverti da teracrea e paltan, sia scuadrà che tondi.
In coste a 'ste abitasion xe sta trovà pałi piantà in vertegałe, che al'inisio i gaveva fato pensare a un abitato pałafitegoło.

I legnami utilixà i xe asà neł a xona visina al łago; in de pi' i xe onaro, farsigołaro, fagàro e agro. Se supone che la sielta del'onaro la sia sta dovesta a ła so' resistensa in anbienti umidi.
I muri e i cuerti dee stanberghe no xe sta rinvegnesto, a ecesion de cualche toco de intonaco lisià da na parte e co inpronte de rame da chealtro.

Se poe imaginare che 'e piante dee stanberghe le fuse sta scuadrà.

Visin ał'abitato i xe sta rinvegnesto conchiłie, osi de bestie (mamiferi, pesi e tartarughe), semense carbonixà, atresi de piera e de oso, tochi de cocio e cualche ornamento o ninoło.

Nel posto dei scavi archeoloxeghi xe sta trovà sepołio un toxo de diexe/dodaxe ani, insieme a çeramega del tipo de cueła ritrovà drento ł'insediamento. La datasion al carbonio14 ła senbra indegare par i resti del toxato una età magiore de cueła de łe stanberghe, parché cueste ultime łe xe de çirca doxento ani pi' visine a noaltri.

I atresi de selce a sgrexendatura łaminare, de dimension granda, i xe sta ritrovà in cuantità: gratarołe, punte fołiate, bułini, perforatori, łame ritocà; fochexi spesi de forma słungà (pi comuni) e fochexi curti pi' fini (pi' rare), un toco de scopeło, pestei e na màxena.
Racuanti atresi i portava resti de mastice, forse utiłiixà par farghe el manego a łame e altri utensii su aste de legno.
Un ritrovamento partegolarmente sinifegativo xe costituiio da na frecia de selce con ponta peduncolà e asta de legno.

I xe sta rinvegnesto ance punteròi e spatołe de oso e ojeti ricavà a partire da corni de ciervo, presumibilmente percusori.

Ła ceramega fina rinvegnesto xe: scude łe profonde a boca tonda o cuadrà e broche ad alto piè decorà, vasi e goti a boca cuadrà o a fiasco. Ła ceramega pi' grexa invese xe dà da vasi a boca cuadrà, a fiasco e a tronco de cono, o grandi vasi profondi.
Xe da notare che alcuni vasi i porta sul fondo ł'inpronta de łe stuoie sułe cuałe se pensa łe vegneva poxà neła faxe de reałisasion.

I ritrovamenti in cuesto caso non i xe numarosi e i se limita a dò metatarsi de liòre forà e sincue denti de omo forà e limà.

El łago xe d'intarese turistego, specie neła beła stagion, cuando che'l cui deventa meta ideałe par gite fora-porta da parte dea popołasion del teritorio vixentin.
Nełe so' vicinanse xe presenti ostarie e dò discoteche.

Nee acue del łago vien prategà la pesca sportiva, anca con l'utiłixo de barche, par le cuali xe disponibie un punto de nolo.
Ghe xe diversi che dopara anca ła canoa 'nteła beła stajon.
D'inverno el łago giasa e, anca se xe peregołoxo e vietà, ghe xe cuełi che va patinarghe sora.




#Article 265: Republica Popołare Cinexe (1419 words)


Ła Cina (cinéxe senplificà: 中国 Zhōngguó; cinéxe tradisional: 中國), ufisialmente Republica Popołare Cinexe ła xe un Stato de l'Axia orientałe.
Ła confina a nord co ła Rusia, ła Mongołia, a est co ła Corea del Nord, a sud col Vietnam, ła Birmania, el Łaos, el Bhutan el Nepal, a ovest co ł'India, el Pakistan, el Kazakistan, el Tagikistan el Kirghizistan.

La Cina l'è na repúblega popolare ndove el poter l'è esercità dal Partito comunista cinéxe. El governo 'l ga sede 'ntela cavédal Pechin ed esercita la propia giurisdision su vintidue province (省), sinque regioni autónome (自治区), cuatro munisipalità diretamente controlà 直辖市: (Pechin, Siangai, Tianjin e Chongqing) e due regioni aministrative spesiai 特别行政区: Hong Kong e Macao, parsialmente autónome. 

Ła ga parece dispute teritoriałi verte co paexi visini; se ricorda cheła co ła Republica de Cina, par Taiwan e altre ixołe a sudest e cheła co ła India par el Arunachal Pradesh.

La Republica Popołare Cinexe l'é na nasion pròpio granda: co 9 596 960 km², l'é la cuarta pì estexa de 'l mondo .

En stato sì grant el é tant vario e ghe n'é en mucio de climi: par scriver co poche paròle se pòl dir che ghen sìe 5 macroclimi.

Ła istòria çinéxe ła tàca par tradiçión co ła dinastìa Xia a ła fìn del tèrço miłènio a.C..
Antigamente ła xera n'inpero, che ga durà 4000 ani.

Ła archeołogìa ła ne ga da próve ca łe data ła prexença omàna in tière çinéxi indrìo fin 500'000 àni fa ; col rivàr de ł'ondà migradòria del Homo sapiens tute łe spèce de omìnidi xe stà sopiantà, e ntel gìro de póchi mejàri de àni ła soçietà ca vanti de łóra ła gèra matriarcàł ła xe deventà patriarcàł (datórno del 5'000 a.C. ça) e xe stà inventà agricoltura, ałevamento e artizanà.

Łe prìme fàxe de ła istòria połìtega çinéxe no łe xe inperiàł: de fati al scumìçio ghe gèra xvàrie çità stato tute comandà da ła pì granda e forte, almanco fìn a ła dinastìa Zhou, ca ła ga istituìo dei confìni definìi e el mandà del çéło, strumento diplomatego ca 'l xe stà doparà fin a ła fin de ł'època inperial par zustifegàr el sovràn e el só clan al podèr. Có ca calchidùni el ritenéa ca 'l mandà no 'l fuse pì in faór del clan regnànte (de sółito durante grande serie de catastrofe o revòlte de matrìze pì o manco popołàr), el paséva a n'antra faméja.
El perìodo Zhou se pòł divìdar nte dó momìnti majùri: el Chunqiu o de łé vèrte e i autùni, e el periodo de i stati conbaténti; st'ultimo xe stà caraterixà da na granda sudivizión de ła soranidà, paragonabiłe al feudałeximo eoropèo del medioevo, ca 'l ga portà a forte divizión culturàłi e anca łengoìsteghe rènto del règno, finìe pò nte goère pal podèr. Da ste batàje xe vegnésto fóra on sóło vinçidór, el stato de Qin ca 'l ga unefegà el inpèro ntel 221 a.C. sóto ła goìda de Qin Shi Huangdi.

El inpèro de Huangdì xe durà péna fin al 202 a.C., masa póco rispèto i só sucesùri, sostituìo da ła riòlta popołàr de Liu Bang ca se ga proclamà primo inperadór de ła dinastìa Han.
I Han i xe durà fin al 220 e i xe responsàbiłi de ł'averdùra de ła via de ła seta e de i primi contàti co ł'oçidente  e de ł'invençión de ła carta, oltre ca de ł'introduçión del taoixmo rełijóxo. Cascà ła dinastìa Han, i só teritòri i xe stà dividésti nte tre règni (da ke el nome del Perìodo de i tre Règni), favorìi anca dał difarènte spartìrse deł budhixmo ca 'l vegnéa introdóto in Çìna pròpio in chéł ténpo.
El perìodo de ténpo infra 'ł 220 e el 581 el raprexenta el Medioèvo çinéxe, e xe stà caraterìxà da divizión połìtega (Dinastìa Jin (265 - 420) e dinastìe del Nòrd e del Sud (420 d.C - 589)), ma a difarèsa del medioevo eoropèo ła produçión artìstega e poètega xe sevità.
Ntel 589 ła dinastìa Sui ła xe riuçìa a unifegàr danóvo el inpèro sóto de na sóła cavedàł. Cascà i Sui, ntel 618 ghe ga sucedù i Tang, ca i ga raprexentà on de i màsimi punti de fioridùra de ła coltùra çinéxe. Durante i Tang e i Song (960 - 1279) xe stà inventà ła busoła, ła polvare da xbàro e ła stànpa.

Nteł XIII sentenàro ła Çìna ła ga dovésto afrontàr el istéso nemìgo ca gèra drìo invàdar ła Eoròpa: i Móngołi. Stó pópoło, sóto ła goìda de Gengis Khan prìma e de Kublai Khan pò ga formà in pùki àni on de i inpèri pì grandi ca ła tèra gabie mai vedésto. Ntel 1279 ła cavedàł de i Song meridionàłi ła xe cascà rènto łe màn nemìghe e driomàn el desfàrse del inpèro móngoło ntel XIV sentenàro ła Çìna ła xe rimasta sóto el contròło de i Móngołi, ca i gavéa formà ła dinastìa Yuan - rispetàndo łe tradiçión połìteghe e culturàłi dei vèci ténpi. Pròpio a i primìsimi àni de sta dinastìa el risàłe el viàjo de Marco Poło contà ntel só łìbro el Miłion.
Nteł 1368 na riòlta popołàr ła ga istituìo danóvo on çinéxe sora ła carèga inperiàł, ca 'l ga deçidésto de ciamàr ła só nóva dinastìa Ming, çoè łùze, a signifegàr ła rinàçita da on perìodo scùro de dominaçión forèsta cofà no 'l ghe gèra mìa mai stà nte ła istòria del paéxe.
Ła dinastìa Ming (1368 - 1644) ła ga scumiçià co on ténpo de vèra fioridùra ecomòmega e çientìfega: de fati gèra finançià viàji de scoèrta in òlta par ł'Oçèano Paçìfego e 'l inpèro gèra deventà ła vèra poténsa mondiàł par tecnołogìa e çiénsa, cofà da bòn xa sucèso in pasà.

Çìrca al mèzo de stó perìodo dinastego na fónda crìxi ła ga colpìo el paéxe, łasàndoło fiàpo, dixarmà  e vulneràbiłe a i atàchi ca i podéa végnar da fóra; i Mànciu, ca i gèra pópołi raménghi del Nòrd, i ga donca tacà a móarse vèrso sud e ntel giro de puchìsimi àni i ga conchistà on inpèro ca na òlta gèra stà grando. Col rabaltón de ła cavedàł i ga fondà ła dinastìa Qing, sènpre in stìłe çinéxe, e co łùri el inpèro el xe rivà a ła só màsima espançión, ma 'l ga anca tacà on łénto e ireversìbiłe calà ca 'l menarà el paéxe al só ponto pì xbàso có i Inglèxi i darà el vìa a łe goère de ł'òpio (1839 - 1860) ca łe finirà par obligàr i çinéxi a łasàrghe grandi tère ai eoropèi e Japonéxi.
Ntel 1911 ła se ga scatenà na goèra çivìł anemà da ideàłi marcsìsti da na banda e naçionałìsti da st'altra ca ła ga obligà int'el 1912 el oltimo inperadór Pu Yi a łasàr ła carèga inperiàł scançełàndo cusìta na istòria łónga pì de dó mìłe àni. Łe dó façión de drìta e sànca łe se ga afrontà in dó goère e pasà ł'invazión Japonéxe póco vanti de ła seconda goèra mondiàł i Comunìsti de Mao Zedong i xe riuçìi int'el 1949 a scaçàr i altri de Jiang Jie Shi da ła Çìna continentàł nte ł'ìxoła de Taiwan.

Ła ga 1 306 313 813 abitanti; ła xe ła nasion el stato pì popolada ał mondo, co 'n cuinto de tute le persone su ła tèra. 

La Cina riconose ufisialmente 56 grupi ètneghi, che insieme i forma el Zhonghua Minzu. El pi grando grupo ètnego el xe dei Cinexi Han che i xe sù par xó el 80% de ła popolasion; łuri i xe pi numaroxi in tute e province de ła Cina, manco in tel Tibet e in tel Scincian. Da 2010 ghe xera a vivere inte ła Cina 593,832 de sitadini foresti. La majoransa da ła Corea del Sud (120,750), Stati Uniti (71,493) e Japon (66,159). 

Le religioni ufisialmente reconosùe e in quanto tale gestite a livelo de stato le xe sinque religioni de tipo dotrinale: el Budhismo, el Taoismo, el Protestantesimo, el Catolicésimo e l'Islam. El quadro religioso del paéxe l'è invese pi compleso, na olta che si guarde ala situasion fuori dai riconosimenti ufisiali.  

Ła Cina ła ga 34 sudivixion de primo łivel de el teritorio.

AnhueiCansuĊeċiaṅĊiaṅsuĊiaṅšiĊiłin

ĊiṅhaiCuaṅtuṅFuċianGueiċoHainanHebei

HeiłoṅċiaṅHenanHubeiHunanIunanŁiaoniṅ

ŠenšiŠantuṅŠanšiSiċuanTaiùan*

CuaṅšiMongołia Interna(Nei Meṅcu)NiṅšiaŠinċiaṅTibet(Šizaṅ)

ĊoṅciṅPechìn(Peiċiṅ)Siangai(Šaṅhai)Tienċin

Macao(Aomen)Oṅ Cong(Šiaṅcaṅ)

Ła capital ła xe Pechin.

Ła xe conosua par el su sviłupo economico, che però crea problemi anbientałi, squiłibri fra çità e campania, no scarso riconosimento dei diriti umani e anca censura del governo ancora comunista, ma en via de łiberałisasion. 




#Article 266: Somałia (533 words)


 
La Somalia el xe no Stato de ł'Africa oriental, int'el Corno d’Africa.
La confina co Gibuti a nordovest, l’Etiopia e el Kenya a ovest;la gha na longa costa sul Golfo de Aden a nord e l’Oceano Indiano a sudest.

La Somalia xe on paexe desertico o semi-desertico.

La Somalia l’è sta abitada fin da i tempi preistóreghi.

I egisiani vegnei fin qi par far marcà.

'Ntel II sècoło, el nord faxea parte del regno de Aksum.

Tribù arabe xe rivà su la costa dopo el X secolo. L’islam xe rivà coi comercianti persiani.
Grupi gala xe entrà on poco a la volta en tel teritorio, comprendente anca la region etiopica de l’Ogaden.

El teritorio de la Somalia xe stà diviso tra Italia, Inghiltera e Fransa co la Conferenza de Berlino. El nord xe andà a l’Inghiltera, el sud a l’Italia e l’estremo nord ovest a la Francia.

'Ntel 1960, łe Somalie italiane e inglexe gha vù l’indipendenza e le sa uniò en te la Somalia de ancò.

Dal 1964 al 1967, la Somalia gha fato do guere co l’Etiopia par la region de l’Ogaden. La zente de l’Ogaden l’è de etnia etiopica. Nel 1967 l’Etiopia gha rinuncià a le so rivendicasioni teritoriali.

Nel 1969, el general Siad Barre gha fato on colpo de Stato e sa proclamà presidente de la Somalia. Subito dopo, grupi de l’oposision gha tacà la lota armata contro de lu. El ditator Barre l’à continuà a mantegnar on livel mìnimo de guerija, che no la pi smeso fin ancò.

Nel 1991, Barre gha dovù scapar via, e da alora, la Somalia la vive na guera civil che no sembra verghe solusion.
Dopo l’intervento de l’ONU , falia dopo la gueriglia co i siori de la guera, la comunità internasionale gha provà a iutar la Somalia a vegnar fora da el caos: le Conferenze de Gibuti (2000) e de Mbagathi (Kenya, 2002) ia portà a la formasion de on governo provisorio , che parò no controła tuto el teritorio del Stato.
'Ntel febraro 2006, i siori de la guera  gha tacà la guera co i grupi ligà a la rete terorìstega de Al Qaeda. Mogadisio l’è diventà on campo de bataja. A l'inisio del 2007, le milisie ligà a le corti islamiche xe reuside a controłar ła cavedal e altre cità del sud. Dopo pochi mesi, el governo provixorio sostegnù da soldai etiopici el xe riusì a riconqistare Mogadisio. Soldai ugandesi, nigeriani e ghaneani i xe stà mandà ne la cavedal par jutar e mantegnar ła paxe, co pochi risultati poxitivi.

La cavedal xe Mogadisio.

El 95% de la popolasion xe de etnia somala, divisi in clan.
Ghe picoli grupi de bantu.

El 99% de i somali xe musulmani.
La comunità cristiana la conta poche centinara de persone.

La zente parla somalo, l’italian xe ancora capio da i pi veci.

La Somalia xe considerà ona de le cinque manco svilipà nasioni del mondo

Al sud la tera xe fertile e, par la presensa de acqua, l’agricoltura podaria dar boni risultati.

Co la guera, le atività comerciali legali xe calae, ma xe cresù el marcà ilegale de armi, prodoti eletronici e riciclo de danaro.

Persone inportanti che xe nate in Somalia:




#Article 267: Eritrea (635 words)


  Juto:Stato --
ŁEritrea (en tigrìn Ērtrā) ła xe no Stato de l'Africa Oriental, che xe trova ne ła parte setentrionàl deł Corno d'Africa.
Ła confina coł Sudan a ovest, coł'Etiopia a sud e coł Gibuti a sudest.

Ł'est el nordest deł paéxe gàno na łonga łinea de costa sul mar Roso, diretamente de fronte a ł'Arabia Saudita e a ło Yemen.

El nome Eritrea vien dal greco eritros, che vol dir roso.
El nome del Mar Roso l’è pasá al paexe quando i italiani gha ciamá la colonia Eritrea.

L’Eritrea xe on paexe seco, co precipitazioni scarse.
I altipiani xe fredi e co piova pi frequente.

L’Eritrea xe sempre stá parte de i regni etiopici dal VIII secolo a.C. fin a la conquista islamica del VII secolo d.C..

En tel 1557, i otomani gha conquistá i porti de Massaua e Arqiqo, e gha lasá la conquista de le tere de l’interno a grupi de coloni egiziani.
Co la fin de la presenza egiziana in Sudan, l’Etiopia sa tolto i distreti de la pianura che gavea perso na olta.

I Italiani xe rivá in Eritrea co de le compagnie comerciali che gha comprá i porti da i otomani. El armador Raffaele Rubattino de Genova gha comprá la baia de Assab nel 1870.
Ł'Eritrea xe divegnua ofiçialmente cołonia itałiana el 1 genaro 1880. El governo italiano comprò a so volta el porto de Assab da Rubattino nel 1882. Nel 1885 xe la olta de Masaua. En tel 1890, tuta l’Eritrea xera italiana.
L’Italia gha costruio strade, ponti, la ferovia Masaua-Asmara e altre infrastruture importanti. Tanti coloni italiani gha costruio novi quartieri in Asmara e svilupá l’agricoltura.

Co la seconda guera mondiale, l’Italia gha perso el control su l’Eritrea, che xe stà dichiarà protetorato inglexe fin al 1952.
En tel 1952, l’ONU gha restituio l’Eritrea a l’Etiopia.

Nel 1961 el Fronte de Liberasion Eritreo (FLE) gha scominsiá la guerilia.

Ł'atuałe Stato deł'Eritrea guadagnò l'indipendensa da ł'Etiopia dopo na guera de trent'ani, conbatuta fra el 1961 el 1991.

L’indipendenza rivò nel 1993.

On fronte de guera de confin co l’Etiopia sa riaverto en tel 1998 e ghe ancora tension tra i do paexi.

El Presidente Afeworki no pol perdonar a la cexa de verghe parlá apertamente de i problemi del paexe e de la militarizasion forzada : el governo de l'Eritrea gha arestá el patriarca ortodoxo Antonios en nel 2006 e lo gha sostituio co on laico; el gha anca prová a far lo steso co la cesa catolega, sensa riusirghe; en tel novembre 2007, el governo el gha espulso 15 misionari stranieri e tentá n'altra olta de nasionalizar tute le propietá de la cexa. 

Oservatori internasionali e i militari de l'ONU che controla la frontiera co l'Etiopia i gha paura che l'Eritrea la tentará n'altra guera par rivendicar i tereni in man a l'Etiopia.

Ła costitusiòn, adotata nel 1997, sancixe un regime de repùblica presidensiàl con parlamento monocamerałe; tutavia el proceso de ratifica de ła carta costitusional s'a interoto da quando, neł 1998, łe ostiłita co ł'Etiopia xe scominciá n'antra volta.

La cavedal xe Asmara.

L'Eritrea ła xe no Stato multiłéngoe e multiculturàl. 

In Ertitrea abita nove grùpi etnici: i tigrigna (50%) e i tigrè (40%) xe i do grupi pi grosi.
El resto della popolasion xe de etnia nara, kumana, afar, bilen, rashaida, hidareb e saho.

La popolasion xe divisa tra cristianéximo (cexa ortodoxa oriental) e islamismo (sunita).

L'Eritrea no gà na łéngoa ofiçiałe.
Neł paéxe son utilixà quatro łéngue: el tigrino, l'arabo, el itałiàn e l'inglexe.

La majoria de la gente vive soto el livel de povertá.

L’Eritrea xe on paexe agricolo. L’agricoltura no xe bona de sostener la popolasion, specialmente in te i ani de sicitá.
L’ativitá mineraria, vivace durante el tempo colonial, no l’è de alcuna importansa ancò.

Le industrie se cata a Asmara.




#Article 268: Trusted computing (209 words)


El trusted computing (T.C.) l'è n'acronimo riferìo a un tipo de nôa tecnologìa del contròlo, tecnologìa derivà da le specìfiche de el Trusted Computing Group. El T.C. el g'ha l'obietìvo de far elaboratôri piasé sicuri tramite l'uso de sistèmi hardware e software pàr el tele-contròlo de màssa.

La paròla trusted (fidà) en qésto caso la g'ha en significato particolàr: no la vôl mia dìr che sta nôa tecnologia la sia afidabile pàr l'utente, ma pìtosto la g'ha da èsar considerà fidà pàr i canoni imposti da le açiènde che le ha fondà el consorçìo trusted computing group. En teorìa el sarà posibile che i prodòti tecnologici (elaboratôri, letôri MP3, telèfoni celulàri inteligènti...) che i gavarà el sistèma T.C. i podarà protèger el software e i firmware interni da manomisiòni e impôr restriçiôni a l'utente su aplicaçiôni ritegnùe mìa sicure e afidàbili, parché no i è mìa stè aprovè da l'açiènda produtrìce.

Qéi che i crìtica sta nôa soluçiòn i diše che l'efèto de la tecnologìa T.C. pòsa èsar l'imposiçiôn de màsa limitaçiòni de uso pàr i legitimi proprietari e un contròlo de màssa da parte de le grandi açiènde énformateghe (e ànca da parte de i servìsi segréti) en el stìle de el lìbro Grande Fradél de George Orwell.




#Article 269: Valdagno (754 words)


Valdagno el xe un comun de sirca 27 000 abitanti inte la provincia de Vicensa; el faparte de ła Val de ł'Agno. 

In stà sità ła xe nasesta ła fàbrega tesile de la Marxoto. Le do cexe de la sità le xe intitolae a San Gaetan e a San Clemente.

Ogni ano in autun ghe xe l'omònema Festa d'autun, co atività didàteghe e spetacoli folklorìsteghi.

Novale la xera na frasion de Valdagno de sirca 5000 abitanti. El sò canpanile, uno de i pì alti e veci del vixentin, l'è sta costruio inte el 1904. Dal inisio del '900 Novale la se xe però tacà a Valdagno, insieme al Majo e al Ponte dei Nori. Ai xorni de oncò se poe parlare de na unica sità che la se estende da la xona industriale de Valdagno a Novale. Novale no la se poe pì considerare na frasion, ma na xona periferega a nord de Valdagno.

Un documento del 1184 el nomina par la prima volta Valdagno, in relasion co i Trisino (fameja de orixene todesca), feudatari de la vale, che i gà costrujo dò casteli , el primo sora a la colina del sentro storego, chealtro so'l cole de Panisaco: el primo el xe stà desfà , del secondo invese rimane tracia inte el atuale santuario de Santa Maria, rifato pì volte in pochi secoli; in orixene l'era n'antica capela costruia inte el 1212. Dopo la dominasion scaligera e viscontea, Valdagno l'e pasà inte el 1404 soto el goerno de la Republica de Venesia. In stà epoca inisia un periodo de rigoioxo svilupo artexanale (lavorasion del fero e de la lana), che el gà contribuio a render pì forte la fraxile economia tacà a l'atività agro-silvo-pastorale. Inte el 1700 nase le prime filande par la lavorasion de la lana e de la seta. Dopo la cadua de la Republica, avien l'agregasion a l'Inpero austro-ungarego e inte el 1866 al Regno d'Italia. La fameja Marxoto la taca inte el 1836 l'industria de la lana, portandola da liveli artexanali a le dimensioni de na moderna e gran inpresa. Da ricordarse in particolare l'opara de Gaetano Marxoto (1894-1972) che oltre a 'ver fondà l'atività industriale, el ga promoso vari interventi sul setor sociale (abitasioni pa' i operai, inpianti sportivi e ricreativi, el Stadio de i Fiori dove che gà xugà el Marxoto (che deso el se ciama Nova Valdagno) in Serie B, axilo par l'infansia, caxa de ripoxo pa' i veci, scole, interventi ispirà a criteri architetonisi e funsionali.
 

Valdagno la xe na sità decorà al Valor Militare par la Guera de Liberasion, anca parchè l'è stà premià co la Medaja d'Arxento al Valor Militare pa' i sacrifisi de i sò abitanti e par la sò atività inte ła lota partexana durante ła seconda guera mondiale.

Poco dopo i traxisi fati de la Seconda Guera Mondiale la xona la gà registrà un significativo svilupo economego e sociale, soratuto te ła metà de i ani sesanta. El contesto anbientale naturale, la nova viabilità de colegamento verso est (el traforo co Schio) e verso sud (la sirconvalasion de Cornedo e la strada verso 'l Agno) i gà creà le premese pa' un novo rilancio de ła xona, sia dal punto de vista abitativo sia da queo de insediamento de łe atività produtive ad alto contegnùo tenoloxego e del tersiario avansà.

L'Asociasion Calcio Marxoto Valdagno la xe stà fondà inte el 1926 e presto la xe stà sostegnua da la Marxoto. La gà conosesto el sò periodo mejore inte i ani '50, raxunxendo la Serie B e sfiorando anca la promosion in A. Inte i ani '90, la xe tornà a disputare el campionato de Serie C2, la se gà meso insieme col Thiene, sedendo infine el titolo sportivo a la squadra thienexe, co ła fondasion de na nova società che oncò la xuga in promosiòn.
Da la stagion 2012-2013 nasse na nova società, el Trissino-Valdagno, che xe u smisioto dele do vecie società.

Come tanti altri sentri de Vicensa, Valdagno el vanta na gran tradision de hockey so pista, co nùmaroxi canpionati de Serie A1 disputai.
Stò ki l'è el sito de l'Hockey:
www.hockeyvaldagno.it

Valdagno el gà un palaseto del spor co anca la pista de atletega, nà pisina coerta (e anca n'altra scuerta che non la se uxa da ani), canpi da tenis e da calceto. Ghe xe anca na squadra de siclismo oltre che na strutura coerta par ranpegarse tra le pì grandi in Italia. L'ultima novità xe un campo da beach volley, visin al ponte dei nori.




#Article 270: Etiopia (1078 words)


LEtiopia, ufisialmente Republica Democratica Federale de l'Etiopia la xe no Stato de l'Africa Oriental, int'el Corno d’Africa.
La confina co l’Eritrea a nord, Gibuti a nordest, la Somalia a est, el Kenya a sud, el Sud Sudan a ovest e el Sudan a nordovest.

El nome de ancò vien dal greco aithiopia, el paese da le face brusá, nome che i re etiopici usava par el loro regno dal IV secolo d.C..

La ga na superfisie de 1 127 127 km².

Le montagne e i altopiani xe tajá da la Rift Valley.

El lago Tana, ne l’acrocoro Amara, da vita al Nilo Azzurro.
Da i laghi del sud partono l’Omo, che se buta nel lago Turkana, e altri fiumi.

En Etiopia se cata paesagi diversi.
A sud se cata zone desertiche e savane. 

I pi veci ricatamenti de l’esere umano se cata ne la region de l’Afar, en Etiopia.
Lo scheletro de Lucy, considerá el pi vecio reperto umano fin ora trová, se pol vedar al museo nasional de Addis Abeba.

Za en tempi preistorici, l’Etiopia gavea de i regni importanti. La Bibia la parla de l’Etiopia, testi scriti in geez, la vecia lengoa de l’Etiopia, parla de i habash che abitava la zona. Da habsh vien el nome Abissinia.
La majoria de la zente che vive en Etiopia desende da etnie locali che le sa misciá co popoli semitici che vegnea da la penisola arabica intorno al 1000 a.C.

Nel 300 a.C. circa ghe i primi segni de el regno de Aksum. El regno xera al centro de trafici tra el Mediteraneo, la val del Nilo e l’Oceano Indiano. El guadagno de sti trafici gha parmeso lo svilupo de una cultura complesa e, caso unico en Africa, de lo svilupo de la leteratura scrita.
Nel 330 d.C. sirca, el cristianesimo xe rivá co do misionari siriani, Frumentius e on so compagno. La zente se convertì al cristianesimo.
El regno de Aksum andò vanti fin al VI secolo de la nostra era, quando le invasioni arabe gha tajá fora l’altipian da le carovane de marcanti. I re cristiani fù boni de mantegnar el control de i altipiani, ma i gha dovesto speso combatar co i musulmani.

En tel 1270, dopo na grave crisi politica, la cexa gha iutá la casa reale a tornar en control de el paexe. En cambio, el re gha dato a la cexa tuta la tera che la volea.

La fin del XIX secolo gha visto la spartision de l’Africa tra le potense eoropee. Co l’apertura del canal de Suez, la zona del Corno d’Africa xe diventá importante.
Nel 1870 na compagnia italiana gha comprá el porto de Assab da on sultan locale. Dal porto de Assab le partìa la conquista de l’Eritrea. L’espansion italiana gha portá al conflito co l’Etiopia. La bataglia finale xe stá a Adua nel 1896, quando el negus Menelik II gha fermá i italiani e salvá l’indipendenza.

L’Italia ataca l’Etiopia el 3 otobre 1935 e i entra ne la cavedal el 5 magio 1936. L’ocupasion dura fin al 1941.

Int'el 1941 i inglexi i catura Adis Abeba e restituise el trono a Haile Selasie.

En tel 1974, el paexe xera a tera par la sicitá. Mentre che el negus fasea feste par i so sostenitori, la gente la morea de fame.
L’esrcito gha fato on colpo de stato e Haile Mariam Menghistu sa tolto el poder.

N’altra carestia (1984-1985) gha portá a la morte oto milioni de persone.
La guera civile contro Menghistu e la guera par l’indipendenza de l’Eritrea gha sugá le case de lo Stato. Menghisto gha dovù scapare nel 1991. L’Eritrea l’è diventá indipendente e i ribeli gha meso al poder Meles Zenawi.
Le prime elesioni multipartitiche le se tegnù nel 1994.

Dopo qualche ano de pace tra Eritrea e Etiopia, na guera de confin l’è sciopá en tel 1998.
L’Etiopia gha acetá el cesate el fogo quando la xera rentro a l’Eritrea nel 2000.
I soldai etiopici xe torná sul confin mentre che i soldai de l’ONU gha ocupá na strisia de tera de 20 km par tuta la lungheza del confin. L’Etiopia sa rifiutá de acetar el risultato de na comision internasional che gha studiá i confini e la se pol parmetar de tegnar la tension a on minimo, mentre che l’Eritrea no gha bastanti soldai e schei par tegnar bota.

Dopo le lesioni del 2005, co l’oposision che gavea la majoria in tanti segi, el governo xe intervegnù par mantegnar el control del paexe.
Da alora, el parlamento gha na majoria governativa, ma i centri urbani xe governá da persone filo-governative imposte da Zenawi.

La Etiopia la xe divixa in 9 rejon o riserve (kililoch) e 2 sità autonome (akababiwoch).

La cavedal xe Addis Abeba.

I grupi etnici pi importanti xe: oromo 40%, amhara 32%, tigrini 7%, sidamo 9%, shankella 6%, somali 6%, afar 4%, gurage 2%, altri 1%.

La Cexa Ortodosa Tewahedo, originaria de l’Etiopia, xe seguia da al 51% de la popolasion.
I musulmani xe el 32%; le sete cristiane de vario genere el 10%; i catoleghi xe l’1%; e el resto segue le religioni tradisionali.

Le lengoe pi parlá xe: oromigna, amarico, somali, tigrino (o tigrigno), sidamo, guragigna, e altre lingue locali.

L’inglexe xe parlà da i pi xoveni e l’italiano xe parlá da i pi veci.

La produsion alimentare locale xe suficente par sostener la popolasion, però el paexe resta en pericolo de carestia.
La majoria de la zente segue na dieta monotona par motivi religiosi. Quando ghe na sicitá xe dificile ofrire cibo difarente.

A majoria de la zente vive soto el livel de povertá.

L’Etiopia xe un paexe agricolo.

L’industria la se cata sopratuto rente a la cavedal.

El turismo no l’è ancora en grado de ofrir entrate sicure.

L’Etiopia xe considerá la pi vecia nasion africana.
Se se esclude la curta ocupasion italiana (1936-1941) l’Etiopia xe la sola nasion africana che no gha subì la colonizasion.

Na legenda la vol che la regina de Saba, on regno de i altipiani, saria andá a catar el re Salomone a Gerusaleme. Dopo verghe fato a l’amor col re, la regina gha dato luce a on fiol, che se ciamaa Menelik.
Menelik sarea stá el primo imperatore de Etiopia e tute le dinastie che lo gha seguí dovea dimostrare de esare disendenti de Menelik par poder regnare.
La veritá xe che el re Menelik storicamente conosù no gha niente a che fare co Salomone e la regina de Saba.




#Article 271: Fiume (135 words)


El fiume o fium el xe un corso de acua dolsa, che'l score in un ghebo naturałe sensa forti pendense e co defluso costante. El nase co łe precipitasion o col siołimento dei giasari int'un fóntego.

I fiumi che entra inte un łago i se ciama imisari, quełi che i va fora i xe emisari.
Łe rive de'l fiume łe se ciama riva sanca o drita rispeto a ła diresiòn de ła corente, cioè metendose co łe spałe verso ła sorxente.
El ponto indove el fiume el se buta in te un mar o inte un lago el se ciama fóxa. Ła pol ciapar forma de estuario o delta.

El fiume pì longo del mondo el xe el Nilo; el Rio de łe Amasoni invese el ga el basin pi' grando e ła maxor portada.




#Article 272: Miłan (246 words)


	

Miłàn ła xe na cità itałiana. Ła xe el capołogo de ła Lonbardia e de ła omonema çità metropołitana. Ła gà 1 303 000 abitanti, che i ła rende ła çità pì popołà del nord Itałia e ła seconda çità itałiana; ła xe ricoñosua cofà capitałe econòmega del Stado.

Ła se trova a 122 m s.l.m. int'el mexo de ła Pianura Padana, intra łe Prealpe Ługanexi a nord, el Ada a est, el Po a sud e el Tisin a ovest.

Miłàn l'é uno dei centri universitari, editoriałi, tełevisivi e fieristisi pì avansai de l'Eoropa.

El santo patrono l'è Sant'Anbroxio e ła festa ła xe el 7 de diçenbre.

I sinboli de la çità sostansialmente i xe el Domo, na costrusion gotica finida nel XVII sec., e el teadro Alla Scala, che l'è el vanto de ła łirica italiana.

In sta sità xe nasui Oliviero Toscani, Benedicta Boccoli e Diana Est.

Ła xe na tipega çità de pianura, da ła pianta scuaxi sircołar, che in pasà ła se gà anplià in modo gradual e uniforme in tute łe diresion rispeto a el orixenario nucleo sentral primitivo; soło che int'el ultimo secoło ła ga taca a ingrandirse in modo difarente inte łe varie diresion, sevente na nova strutura urbanistega pi' rispondente a łe exigense moderne.

Da el 2016 ła çità  ła xe divixa in nove munisipi. No ła ghe xe miga na sudivixion uficial in quartieri.
Intra i altri ricordemo:

L'atuale sindaco l'è Giuseppe Sala, del sentro-sanca.




#Article 273: Canada (289 words)


  Juto:Stato --
El Canadà el xe un paéxe de ła Mèrica setentrionàl. 
El se cata a nord de i Stati Unìi de la Mèrica.

El xe el secondo paéxe pì estexo del mondo.

istituio cofà domigno inte el 1867, e dal 1926 partegnente al Commonwealth. El ga na nova Costitusion del 25 de April 1982.
A tuteła de łe minoranse indixene, el 1° de Avril del 1999 xe stà istituio el novo Teritorio autonomo de Nunavut (creà da na posizion dei Teritori del Nord-Ovest).

El Canada el xe un Stato federal.

El xe sudiviso in diese provinse e tre teritori.

Ła capitałe Ottawa ła xe ła quarta sità del Canadà.
Ła pì popołà ła xe Toronto, e dopo vien Montreal e Vancouver.
Altre sità 'nportanti łe xe Calgary, Edmonton, Quebec, Winnipeg, Hamilton, Łondra, Kitchener, Santa Catarina-Niagara, Halifax, Oshawa, Vitòria, Windsor, Saskatoon, Rejina, Sherbrooke, San Janni.

En Canadà a xe riconosue do łéngoe ofiçiałi, ła łéngua inglexe e ła francéxe.
Inte el Quebec el francéxe el xe ła łéngoa ofiçiałe; inte el resto del Canada el xe el angléxe.

El Canada el xe na nasion multiłengoe: oltre a łe łéngoe autoctone,, łe se ghe ne ga difuxe altre sia parchè i inglexi e i francexi i se gha da bataja par el controło del Stato, sia grasie ałe imigrasion.
Pì de un canadéxe su do xe de madrełéngoa ingléxe e grosomodo uno su quatro el ga par łéngoa materna el francéxe. I altri i parla łéngoe autoctone o, infrà i imigrai, łéngoe straniere.
El fransèxe el xe parlà come prima łéngoa inte ła provincia del Quebec e anca in serte parti de łe province de Novo Brunswick, Teranova e Ontario. Dee çità, en particołare Montréal e Ottawa, łe xe biłéngoi.




#Article 274: Età de mezo (231 words)


La Età de Mezo, definia anca cofà Medioevo la xe stà un periodo de storia che xe durà dal 476, col copaton de Inpero Roman, finamente al 1492 co la descoverta de la Mèrica.

Drìo de ła sudivixion pì condivixa de ła Storia del'Eoropa che prevedea tre ere, clàsica, medioevałe e moderna, el Medioevo (termine conià da Flavio Biondo, ispirandose a Francesco Petrarca) xe el periodo entermedio, l'inisio del cual xe cołegà, par l'intera Eoropa, nel 476 d.C., cioè nel'ano che senia, secondo na convensiòn fisà dai storici, la deposisiòn del'ultimo inperatore romano Romoło Augustoło e de conseguensa ła fine del'Inpero Romano.

Diversamente, ła concluxione de sta era xe cołocà en ciascùn paéxe en date diverxe, che le coincide co la nasita de łe rispetive monarchie nasionałi ed el periodo rinasimental.

Algune date comunemente doparae le xe el 1453, co la cascada de Costantinopołi par man dei Turchî o la fin de la Guera dei Cento Ani infra Inghiltera e Franza, el 1492, co la fin del periodo islamego inte la Penisola Iberega e la descoverta de la Merica da banda de Cristoforo Colonbo, e el 1517, col scuminzio del la Riforma Protestante. Secondo l'impostazion de la storiografia marxista, condivisa anca da alguni storeghi no marxisti, el Medioevo el se concludaria co la fin del Feudalesemo e la vegnua de l'industrialisazion inte el XVIII secolo.

El medioevo xe convensionalmente divixo en:




#Article 275: Basiłeus (167 words)


BasiƗeus (en léngoa greca Βασιλεύς), xe na paroƗa che deriva daƗ etimo esizio paser / pasir, in orisine designante el visìr, ovvero comandante deƗe truppe.

La possibiƗe radise se fondà suƗa sircostanza che la paroƗa orisinaria di lengua esizia podaria essere pronuncià con un sono visino a vasir / v'sir o anche basir / b'sir e, pertanto, se considerata afìn al sostantivo greco che, aƗ epoca, dovea essere pronuncià verosimiƗmente anca come vasileos / vasileus.

I antighi gresi usavano questo termine par indicà un prinsipe o un re.

I seguito sto titoƗo, el fu uxà dai re persiani co na conotasiòn anaƗoga a queƗa de tirano.

El termine basiƗeus, neƗ Inpero bixantino, sostituì el presedente titolo romano de Augustus; i bixantini inisieranno ad usarlo dal 610.

Xera el Inperatore bixantino. El periodo in cui questi furono in carica fu dal 610, fino al 1453, anno in cui cascò Ɨa capitaƗe bisantina, CostantinopoƗi. Questo titolo vene introdoto da Eraclio I di Bisanzio dopo che questi sconfisse li persiani.




#Article 276: Risorximento (215 words)


Col termine Risorgimento ła storiografia ła indica el periodo de ła storia d'Itałia durante el qual ła penìxola itałiana ła xe stà unificà połiticamente. El termine el tende a fornir na interpretasiòn en poxitivo del periodo, come rinàsita de na entità nasional par łongo tenpo perdùa. Per quanto ła vixion ideałistica del periodo ła sia rifiutà da diverse interpretasion moderne, el termine el xe ormai sostansialmente acetà e gà asunto na valensa storiga, pì che ideałistica.

Ła prima fàxe del Risorgimento (1847-1849) ła vede el sviłupo de vari movimenti rivołusionari e de na guera anti austriaca (ła Prima Guera de Indipendensa), ma ła xe sara co un sostansiałe ritorno al statu quo ante. Ła seconda fàxe, maturà in tel bienio 1859-1860 (Seconda Guera de Indipendensa), ła porta molto avanti el proceso de unificasion e ła xe sara co ła proclamasion del Regno de Itałia. L'unificasion ła xe stà dopo conpletà col'anesiòn del Veneto in tel 1866 (Tersa Guera de Indipendensa) e queła de Roma, cavedal deło Stato Pontificio, el 20 de setenbre 1870 (Roma ła deventerà l'ano dopo cavedal de l'Itałia unìa).

Ała fine del Risorgimento, però, ghè restà ancora dełe tere iredente, cioè gnancora ricongiunte coła madrepatria, tra cui Trento e Trieste, che łe vegnarà unìe a l'Itałia soło con ła Prima guera mondial.




#Article 277: Montecìa de Crosara (130 words)


 
Montecìa de Crosara (Montecchia di Crosara en tałiàn) l'è un comune de 4189 abitanti 'nte ła provincia de Verona.

Montecìa dista 40 chilometri da Verona. Rispeto a el capologo l'è inte na poxision nord est. L'è in Val d'Alpon e ła ciapa el nome da l'omonimo fiume.

El paese de Montecìa de Crosara l'è inserio inte un paesajo unico: vigne a perdita d'ocio, smisiai a siarexare che łe cuerde de bianco, inte ła stajon de ła fioritura, tuta la vałe, da el fondo a ła sima.

Ventimila quintai de siarexe, doxentomiła etolitri de vin i è el risultà de n'atività agricoła de tradision antica.

Ła xe na xona de produsion del vin Valpołiceła DOC, de l'Amarone DOC e del Recioto DOC.
El Comune fa parte de l'asociasion sità del vin.




#Article 278: Spàlato (449 words)


Spàlato (in croato Split) la xe la più granda e, insiéme a Zara, la più inportante zità de la Dalmazia; co i so 178.192 abitanti (2011), la xe anca el secondo zéntro abità de la Croazia. Spàlato la xe cavologo de la Region spalatin-dalmata, séde universitaria e arzivescovil.

La zità la xe stada fondada col nome de Aspálathos da coloni de Siracusa. El nome latin el jera Spalatum e soto l'inpero Roman ghe xe stà tirà su el palazo de Dioclezian, intrà el 295 e'l 304. Dapsò la xe stada ocupada da un bel fià de popolazion e la xe partignuda altretanti Stati, come l'Inpero bizantin, soto la dominazion del qual la ga scominzià a ritajarse na zerta autonomia, el regno de Croazia, del qual la jera la capital formalmente. La Repùblica de Venezia la ga ciolto Spàlato in tel 1420 e la ga tignuda per tre sècoli, fin al 1797, quando che Napoleon el ga conquistà tuto el teritorio vèneto.

La Dalmazia la xe stada asegnada al'inpero austrìaco dal congresso de Viena (1815). A sti ténpi i Italiani i jera la mazoranza in zità ma la so presénza la ga scominzià a diminuir soto el controlo inperial: l'ultimo podestà italian el xe stà Antonio Bajamonti. Come el résto de la Dalmazia la xe stada rivendicada dal'Italia in tel momento de intrar in guera in tel 1915, ma a la fin de la Prima guera mondial durante i armistizi i ga preferio de dar tuta la Dalmazia a la Jugoslavia, fora che Zara. Durande la Seconda guera mondial la xe stada ocupada per do ani, fin al 1943, co ghe xe stada la riscosa s-ciavona da parte dei partizani de Josip Broz Tito. In tel 1991 la xe deventada parte de la repùblica de Croazia.

Spàlato la xe famoxa soratuto per el Palazo de Dioclezian, la porta Àurea e l'inponénte sistéma de muri che'l zirconda la parte più zentral de la zità. Visitada xe anca la catedral de San Doimo col so zèlebre canpanil. El zéntro stórico el xe bel come tuti queli creadi dai Veneziani in te la costa dàlmata.

In te le vizinanze le xe notévoli le ruine de la zità romana de Salona e i scavi archeològizi i saria da slargar, ma'l paesajo zircostante el xe stà ocupà, in nel sècolo passà, da na granda zona industrial. In ogni caso i xe drio studiar un pian de recùpero e tutéla. Sùbito a Ovest se cata le stóriche località turìstiche dei Sette Casteli e'l specio de mar che da lori el ciol el nome: la Baja dei Casteli, che la penìsola de Spalato insiéme al'ìsola de Bua la divide dal Mar Adriàtico.

Spàlato la xe zemelada co:




#Article 279: Capodistria (157 words)


Capodistria (en slovén Koper), popołasiòn 23 765 abitanti, ła xe na cità costiera del'Istria, capołuogo del comùn de Capodistria (popolasiòn 49 206 abitanti) e el prinsipałe porto de ła Slovenia, afacià sul Mar Adriatico. Tra i prinsipałi luoghi de interese de Capodistria trovémo el Palazo Pretorio del XV secoło, en stiłe gotico venesiàn, la césa Carmine Rotunda del XII secoło e ła Catedrałe de San Nasario col so campaniłe (55 m) del XIV secoło. I Romani ła ciamàvano Giustinopołi. Nel 1278 ła xe stà anéxa a ła Republica de Venesia e nel 1797 i Austriaci ła riçeveron da Napołeone chel gavea conquistà Venesia. Dopo ła Prima Guera Mondiałe (1918) ła xe stà cedua al'Itałia con tuta ła Venesia Julia. 'Ntel 1947 ła ga fato parte del Teritorio libaro de Trieste- Zona B, e 'ntel 1954 ła xe pasà a ła Jugoslavia in cambio del ritorno de Trieste a l'Itałia. Dal 1991 ła fa parte de ła Slovenia.




#Article 280: Dalmazia (683 words)


La Dalmazia (in croato Dalmacija; in altre varianze vènete Dalmasia) la xe na region giogràfica su la costa oriental del Mar Adriàtico, che se spande dal'ìsola de Pago a nord-ovest de le Boche de Càtaro a sud-est. La Dalmazia la se slonga fin a 50 km verso l'indrénto inte la parte nord, e per solo pochi chilòmetri 'nte la parte sud.

La Dalmazia croata la xe ancuo conposta da quatro contee, le cavedal de le quai le xe Zara, Sebenico, Spàlato e Ragusa.

Le prinzipai ìsole dàlmate le xe: Pago, Ìsola Longa, Ujan, Pasman, Incoronade, Braza, Lèsina, Cùrzola, Lissa, Làgosta e Mèleda.

La Dalmazia la òspita la Cadena de le Alpi Dinàriche. I fiumi più longhi i xe Zermagna, Cherca, Cetina e Narénta. 

A causa del modo in tel qual le scor le corénti marine e a come che i vénti i supia sul Mar Adriàtico, l'aqua de mar la xe più néta che su la costa italiàna e sto fato qua, insiéme al'enorme nùmero de spiage, ìsole, canai, el fa la Dalmazia particolarmente atrativa per le regade e'l turismo nàutico in zeneral, quindi ghe xe un bon nùmero de porti turìstizi.

El nome de la Dalmazia el vien fora da la località de Delminium, forsi un comun de l'Erzegòvina de ancuo, zéntro prinzipal, aponto, de la popolazion dei Dàlmati. Quest'àrea la faséva parte de la region ciamada Iliria, conquistada dai Romani, guidai dal cònsole Lucio Cecilio Metello, in tel 118 a.C.. La provincia de Dalmatia la xe nassuda in tel 33 a.C.. La ga avudo un rolo fondamental inte la storia del'Inpero Roman: infati da qua i rivava i cusì ciamadi inperadori ilìrizi (268-285) e, oltratuto, Spàlato la òspita l'inportante palazo de Dioclezian, finido in tel 305. L'ùltimo toco del'Inpero Roman de Ozidénte el xe stà la Dalmazia, conquistada dai Èruli in tel 482.

El controlo del'inpero bizantin, almanco formalmente, el xe durà dal 535 al 1186, anca se in mezo ghe xe stade le invasion dei Schiavoni, che i ga costituido regni indipendénti. Za in tel 1000 el dose venezian Piero Orseolo el gaveva ciolto el controlo de la parte costiera de questa region ma sto qua no'l jera gnénte de definitivo: ghe saria vosudi almanco quatro sècoli a la Serenìsima per gaver pien possesso de la Dalmazia. Le fase più inportanti le xe stade la conquista de Zara del 1202, el passajo tenporàneo al'Ongaria in tel 1358 e a la fin la definitiva presa de poder de Venezia in tel 1420. I posediménti veneziani i se slongava bastanza ben indrénto e i confinava co la Repùblica de Ragusa, nassuda col passajo parzial de la region al regno ongaréxe.

I sècoi daspò i ga visto un ténpo de instabilità par la Dalmazia. El spostaménto dei tràfighi dal Mediteràneo al'Atlàntico el ga significado 
ristagno econòmico per tere za provade da le continue incursion dei Turchi: Ragusa la jera tributaria del'Inpero Otoman, mentre Venezia la ga mantignudo un controlo bastanza saldo. 

In tel 1797 la Dalmazia la xe passada soto la Franza, che la ga ciolto anca Ragusa in tel 1808: aministativamente la jera unida al'Italia, almanco fin a quando Napoleon el ga formà le province ilìriche. El Congresso de Viena el ga dà la Dalmazia al'Àustria e soto l'inpero dei Asburgo i ga scominzià a formarse moviménti nazionai, prinzipalmente de Croati, anca se i Italiani i jera na menoranza miga poco visìbile. 

Drio el Pato de Londra, a la fin de la Prima guera mondial i teritori fin a Sebenico e Tenin i saria stadi dadi al'Italia, solo che in tel 1918 tuta sta zona, cavada Zara, la xe finida a la Jugoslavia. Durante la Seconda Guera Mondial i Italiani i ga ocupà tuta la costiera, ma'l dominio xe durà poco: za in tel 1944 tuta la Dalmazia la jera in man dei partizani de Tito, anca quel che ghe restava de Zara. Ogi squasi tuta la Dalmazia la partien a la Croazia, indipendénte dal 1991: ghe xe dei tochi no croati come el sboco al mar de la Bosnia-Erzegòvina e Càtaro e le so boche che invése i xe del Montenegro.




#Article 281: Golfo del Carnaro (112 words)


El Golfo del Carnaro (co molte altre denominasioni come Quarnero e Quarnaro; en croato Kvarnerski zaljev) xe un golfo del Mar Adriatico setenrionałe, chel separa l'Istria da łe ixole de Cherso e Łuxino.

Ciamà speso golfo, el Carnaro xe en realtà un braxo de mare a forma de inbuto che xe stringe fra ła teraferma e l'arcipełago chersino-łusignàn e comunicante, mediante el canałe de ła Faresina. Dal punto de vista giografico xe generalmente ritegnù el confìn fra ła regiòn giografica tałiàn e la Dalmasia.

El Carnaro no xe da confondere dal Quarneroło (en croato Kvarnerić), n'altro braso de mar chel separa łe ixołe de Cherso e Luxìno de Vegia, Arbe e Pago.




#Article 282: Pago (118 words)


L'ixoła de Pago (en croato Pag) ła xe situà de fronte a ła costa de ła Dalmasia nord-oxidentàl (Da ła quàl xe separà dal canałe de ła Morlacca) e a sud del'ixoła de Arbe (Rab), e xe estende en diresiòn nord-sud par çirca 60 km co na costa rica de baje.

Ła xe cołegà a ła teraferma da un ponte e da na łine de tragheti chei partono da Prizna.

Ła çità de Pago (Pag), el çentro pì grando del'ixoła, fondà nel 1443 e progetà dal çelebre architeto Giorgio Orsini, xe sviłupa atorno na piaza prinçipałe dove xe situà ła baxiłica gotica de S. Maria.

L'ixoła xe granda 305 km² e gà na popołasiòn de 7 979 abitanti.




#Article 283: Sèrbia (1095 words)


Ła Sèrbia, ufisialmente Republica de Sèrbia (en serbo Република Србија, Republika Srbija) ła xe no Stato del sud-est del'Eoropa, ne ła regiòn dei Balcani.
Ła confina a nord co ła Ongarìa, a nordest co ła Romania, a sudest co ła Bulgaria, a sud co ła Macedonia del Nord e ła Albania, a sudovest co el Montenegro, a ovest co ła Bosnia-Erzegovina e a nordovest co ła Croasia.

El teritorio de el Kosovo el xe disputà co ła Republica de el Kosovo. 

El paexagio de ła Sèrbia setentrionałe  el xe costituio da na vasta pianura ałuvionałe che ła se stende fin a ragiunger el Basopian Panònego, del qual ła Sèrbia conprende ła porsion meridionałe, ła Vojvodina. Ła xona ła xe atraversaà da qûalche fluente del Danubio e ghe xe poche modeste are de riłievi cofà a exenpio ła catena cołinare de Fruška Gora (539 m s.l.m.).

Ła xona oçidentałe (Šumadija) ła xe invexe dominà da cołine e da qûalche riłievo de altitudine conprexa fra i 1000 e i 1500 m s.l.m.

Verso sud el teritorio divegne montuoso, el masicio pù inportante el xe queło de Kopaonik, situà 'ntel çentro-sud de ła Sèrbia, 'nte ła xona fra Kraljevo, Kruševac e Novi Pazar. Ła xe n'area incluxa en un parco nasionałe, famoxo anca par na inportanta stasion sistega.

Ła Sèrbia ła xe traversà da mùci fiumi, grande parte del teritorio del paexe fa parte del baxin del Mar Negro, soło ła parte sudoçidentałe fa parte del baxin del Mar Adriatico  e ła parte sudorientałe
fa parte del baxin del Mar Egeo .

El Danubio traversa el paexe da ovest a est par na longhesa conpłesìa de çirca 588 km, 'ntel só percorso el xe ałimentà da numeroxi fluenti:

I łaghi naturałi de ła Sèrbia i xe pochi e rełativamente picenini, tra łori gh xe el Palić (5 km²) e el łago Ludaš 'nte ła Sèrbia setentrionałe vixin Subotica.
I łaghi i xe prinsipalmente de orijin artifiçiałe. El prinçipałe el xe el łago Ðerdap (253 km²) al confin con ła Romania. Altri baxini artifiçiałi i xe el łago Vlasina 'nte ła parte sudorientałe del paexe, el łago Gazivode sul fiume Ibar 'nte ła parte sudosidentałe, el łago Zlatar sul fiume Drina 'nte ła region del Sangiaccato, e el łago Zvornik.

Ła parte setentrionałe del paexe ła gà un clima de tipo continentałe influensà da łe mase d'aria provenienti dal nord ed est eoropeo, con inverni frédi e estati calde e umide, łe precipitasioni łe xe distribuìe lóngo tuto l'ano.
'Nte ła parte meridionałe e sud-oçidentałe del paexe ghe xe un clima el prevałentemente caldo e seco en estate e autuno e rełativamente frédo e rico de preçipitasioni nevoxe en inverno, cauxae de łe influense da parte del Mar Mediteraneo, anca si łe Alpi Dinàreghe łe forma no sbaramento par łe mase d'aria calda.

Ło Stato servo el se gà formà int'el XI secoło, el xe divegnù un Regno stabiłe 'ntel 1220 col re Stefano II Nemanja. 

En sèguito a un periodo de espansion teritoriałe, 'ntel 1346 ła Sèrbia ła gà costituio un Inpero  che el 'ndava dal Danubio al nord de ła Grecia.

Co ła sconfita 'ntel giugno del 1389, 'nte ła storega bataja de Kosovo Polje, e i sucesivi scontri 'ntel nord del Paexe, el gà tacà par ła Sèrbia el łongo período de ła dominasion otomana (1459-1804).
			
Ła Sèrbia, co l'inisio del'XIX secoło, sostegnua ancà dal'Inpero Ruso, ła gà tentà de aumentar ła sóa autonomía rispeto a l'Inpero Otoman e ła se gà struturà 'ntel semi-indipendente Principato de Sèrbia (1815). El Principato el gera caraterixà da na lota interna enfrà łe dó dinastíe pì potenti del Paexe, i Obrenović ei Karađorđević.

'Ntel 1878 el Congreso de Berlin el gà riconosesto l'indipendensa de ła Sèrbia e del vixin Montenégro.

I do Stati i gà partesipà a łe Guere dei Balcani (1912-1913) contro ła i otomani prima e ła Bulgaria dopo, e i xe vegnesti fora da ła guera pì forti e co un teritorio pì grando. El progeto de unificasion dei do regni el xe stà fermà però da l'Àustria-Ongarìa. 
Ła stesa Austria-Ongaría ła gà diciarà un toco de tenpo dopo guera (28 de giugno 1914) al'anbisioxo Regno de Sèrbia, dopo che l'arciduca Francesco Ferdinando el xe stà copà da parte de Gavrilo Princip, un nasionałista servo. 
Dopo ła concluxion de ła prima guera mondiałe, ła Sèrbia ła xe divegnua parte del Regno dei Servi, Croati e Sloveni soto ła dinastía dei Karađorđević; int'el 1929 el Regno canbia nome in Regno de Jugoslàvia, 

Dorante ła seconda guera mondiałe, dopo el smenbramento del Regno de Jugoslàvia, ła Sèrbia ła xe divegnua no Stato fantocio de ła Germania nasista afidà da Hitler al xeneral Milan Nedić e al nasista serbo Dimitrije Ljotić. El governo fiłonasista de Nedić el gà cołaborà pienamente con ła Germania fin a ła łiberasion da parte conxunta de ła cavedal da parte del'Armata Rossa e dei partixani jugoslavi 'nte l'otobre 1944.
Tito en queła ocaxion el gà abandonà l'íxoła de Łisa, dove el jera soto protesion anglexe, e el se gà trasferio a Belgrado dove, par farse acetabiłe da ła çità ostiłe al comunismo, el gà proçeduo con anpie amnistie ai cołaborasionisti integrandołi de ła Armata Popołare de Łibarasion de ła Jugoslavia. 	

Dopo ła seconda guera mondiałe, la Sèrbia gà costituio una de łe sié republiche de ła Republica Sociałista Federałe de Jugoslavia (1945-1991), guidà par un łongo periodo da Tito.

'Ntel 1992, dopo el siojimento de ła RSFJ, Sèrbia e Montenégro łe se gà asocià 'nte ła Republica Federałe de Jugoslavia (1992-2003), divegnua Union de Sèrbia e Montenégro 'ntel 2003.

Col referendum che l'è stà svolto en Montenégro el 21 de majo 2006, el Montenégro el ga decixo de 'ndar fora dal'Union e de otegner el riconosimento internasionałe e ła piena indipendensa. Ła Confederasiòn xe stà siolta e ła Sèrbia ła ga otegnù cusì indiretamente ła ricostitusion de un'entità statałe nasionałe autónoma dopo çirca 90 ani en i quałi ła gavéa sperimentà projèti de Federasion e Confederasion con łe altre rejoni abitae dai slavi del sud.
Cofà stabilío da ła Carta Costitusionałe de ła Confederasion, ła Sèrbia ła xe stà riconosesta cofà dirèto sucesor del'Union Statałe, drìo ereditar el sejio de ła Confederasion al'ONU, łe asociasioni a łe organizasioni internazionałi e tuti i tratai biłaterałi stipułai coi altri Paexi.

Ła Sèrbia ła xe divixa in 29 distreti (окрузи / okruzi):

e inte ła Sità de Belgrado (Град Београд /  Grad Beograd)

Ła cavedal de ła Sèrbia ła xe Belgrado.

'Ntel conpleso ła rete de navigasione interna ła dispon de çirca 1500 km de vie fluviałi.




#Article 284: Braza (114 words)


Braza (en itałiàn Brazza, en croato Brač) ła xe una de łe ixołe de ła Croasia situà poco distante da ła costa de ła Dalmasia.

Co na superfiçie de 396 km² ła xe ła tersa ixoła en ordine de grandessa del Mar Adriatico (dopo Vegia e Cherso) e ła pi granda de ła Dalmasia. El monte pì alto del'ixoła, el monte San Vito (Vidova Gora), co ła so altessa el punto pì alto nel Mar Adriatico.

L'ixoła ła gà na popołasiòn conplesiva de çirca 13 000 abitanti, divixa nei çentri prinsipałi San Piero de Braza, San Giovanni de Braza e Milna, oltre a ła łocałetà turistega de Bol preso el Corno d'oro (Zlatni rat).




#Article 285: Arbe (136 words)


Arbe (en croato Rab) ła xe un'ixoła de ła costa dalmata el capołuogo de ła quàl xe l'omonima çità de Arbe. Ne ła stagiòn estiva xe inportante meta turìstega. Spica tra łe altre ła łocałetà de Łoparo (Lopar), dove xe seniała ła prexensa de spiage sabioxe, na rarità par ła Croasia.

Arbe gà dato i natałi a Marco Antonio de Dominis, mentre Łoparo, secondo ła łegenda, gà dato i natałi al monaco spaccapietre Marino, fondatòr de ła Republica de San Marin.

Arbe ła xe ragiungibiłe comodamente par nave da ła terafrerma dal paéxe de Jablanac e nei méxi estivi anca da Baescanova (Baska) sul'ixoła de Vegia (Krk). Oltre el capołougo omonimo, l'ixoła prexenta altri viłàgi picenini çircostanti tra i cui i pì inportanti, speçie par l'atività turistega, son Palit, Banjol, Barbat, Mundanije, Kampor, Supetarska Draga, Łoparo.




#Article 286: Gorisia (881 words)


Gorisia (en friulan local Guriza, en friulàn standard Gurize, en slovèn Gorica, en tedesco Görz) ła xe un comùn de oltre 36 000 abitanti, capołuogo del'omonima provincia, posta sul confìn itało-slovèn. Ła ga asunto nei secołi el titoło de Capitâl dal Friûl Orientâl cioè Cavedàl del Friułi Orientałe.

El nome Gorisia el deriva dal sostantivo slovèn gora, come dinimutivo gorica, e signiféga monte picenìn. El xe un toponimo molto difùxo 'nte łe sone con prexensa de ła łéngoa slovena.

A ła confluensa de łe do nadurałi vie de comunicasion tra oriente e osidente, łe Vałi del'Ixonso (Soča) e del Vipaco (Vipava), inportante łogo de transito zà en tenpi remoti, Gorisia ła xe bagnà dal fiume Ixonso. Ła sità ła se fasà so ła pianura ixontina sircondà da łe cołine del Cołio (Brda) , note par ła coltivasion de ła vegna e ła produsion de vin bon.
Gorisia ła xe parà a nord dai monti e non ła risente dei fredi venti setentrionałi ma, trovandose quaxi al sboco dei vàłechi prealpini e càrseghi, ła xe sojeta a ła bora che ła sùfia da est. Verta verso ła pianura, anca i venti freschi e umidi che i provien da sud-ovest i influensa el so clima pitosto mite.

El nome de Gorisia el compare par ła prima volta 'ntel'ano 1001, en un documento del'inperador Ottone III col qual iù el regałava el casteło de Salcan e ła viła Goriza catà ai pié del casteło, al patriarca de Aquiłeja e ai Eppstein, conti del Friułi medietatem predii Solikano et Gorza nuncupatum e, dópo, ricordà 'ntel 1015 medietatem unius villae que sclavonica lingua vocatur Goriza.
Ai Eppstein i vegne dópo i conti paładini de Bavièra. 'Ntel so màsemo splendor, anca se i Conti i gera bastansa guerafondai, ła soa estension ła covrìa parta del nord est itałiano (conprexe par un corto perìodo anca łe sità de Trevixo e Pàdova en Vèneto), ła parta osidentałe del'atuałe Slovenia e parta del'atuałe teritorio aostrìaco. Basta pensar che a Meran (BZ) ghe gera ła màsema, se non ùnega, zeca de ła Contea de Gorisia, mentre ła sede vèra e propia (doe abitava i Conti) ła se catava a Lienz en Àustria.

'Ntel 1500 a ła morte del'ùltemo conte Leonardo a Lienz, ła sità pasa a Massimiliano I d'Asburgo anca si rivendicada anca da ła Repùblica de Venesia. Ła sità ła fagarà parta dei domini asbùrgisi (Stato del Litorałe/Kustenland) come cavedal de ła Contea de Gorisia, e come cavołogo de ła provincia aostrìaca de ła Prinsipesca Contea de Gorisia e Gradisca parché Conte de łe zone el gera l'inperador asbùrgico (1815-1918), co dó brevi interusion: l'ocupasion venesiana del 1508-1509 e l'incluxion 'nte łe Province Iłìrrghe napołeòneghe dal 1809 al 1813.

Gorisia ła xe stà ciapà dai Itałiani 'ntel 1916, perdùa dópo ła rota de Cavoreto, 'ntel 1917 e ciapà de nóvo, definitivamente, 'ntel 1918; xe stà inclusa, par poco, 'ntel Goernatorà de ła Venesia Julia (1918-1919); cusì dópo l'anesione (1919) ła xe stà, prima incorporàda 'ntel Vèneto, 'nte ła provincia de Ùdine, vegnendo a formar en sto modo ła provincia del Friułi e, in dópo, ereta a cavołogo de provincia (1927) con jurisdision sul Friułi orientałe (a ecesion de ła Bixiacaria e de Gravo unìe a Trieste e del distreto de Cervignan unio a Ùdine). 'Ntel 1922, Lelio Baggiani, el fondava ła Croxe Vèrda Gorisiana, stórega asociasion de vołontariado e pùblego socorso. 'Ntel'imedià primo dopoguera xe stà cavà vìa na volta par tute ła Contea. Par un corto perìodo (1943-1945) ła xe stà mesa soto l'aministrasion miłidar todesca (de fato un'anesion) e encluxa 'ntel Goernatorà dell' Adriatisches Kuestenland (Litorałe Adriàtico) chel a soa volta el xe stà meso soto el direto controło de Friedrich Rainer, gauleiter de ła Carinsia. 
Col'arivo dei partigiani jugoslavi a Gorisia 'ntel majo del 1945 ła xe tacà łe represion che ła gà vùo l'àpexe fra el 2 e el 20 de majo. Ghe xe stà pì de miłe aresti e sconparidi no soło tra i itałiani, ma anca fra tuti quełi che i gera contro al rexime comunista de Tito. El comun el gà dovuo dar via i tre quinti sirca del propio teritorio a ła Jugoslavia col 15% de ła soa popolasion conplesiva. Ła major parta del'àrea urbana de ła sità ła xe restà en teritorio itałian.

'Ntel dopoguera, ła sità ła ga colto na numeroxa comunedà de èxułi jułian-dàlmati.

Parò parta de ła periferia catà a nord e a est (łe frasion de Salcan, San Piero e Vertoiba) ła xe stà dà vìa a ła Jugoslavia come anca gran parta de ła provincia. El confin traversava na zona semisentrałe de ła sità łasiando 'nte ła parta no itałiana tante frazion ed edifisi. Fra ste qua ła stasion feroviaria de ła Transalpina che cołegava ła Niza aostrìaca (come ła veniva ciamada ła sità) co ła cavedal Viena, da dove veniva gran parta del'aristocrasia aostrongàrega par sogiornarghe durante l'inverno. Ła piaza che stava vanti a ła stasion (parta italłana e parta slovena) fin dal 2004 ła xe stà fata vixitàvełe liberamente su tuti e doi i ładi dópo l'abatimento de parta de ła rede confinarea vegnù co l'entrada de ła Slovenia 'ntel'Union Eoropea. Al sentro de queła un mosaico e na piastra metàłega comemorativa i se alsa, sta qua segna el trasado del'ex confin de stato.




#Article 287: Carso (209 words)


El Carso (en bixiaco la Monte; en sloven Kras, en furlan Cjars, en todesco Karst), conossuo anca cofà Altopian Carsego, el xe un altopiàn cengioso calcareo de l'Eoropa sentro-meridional.
El se estende dal nord-est del'Italia (dai piè de le Alpe Zulie fin a la croda del Velebit (Alpe Bebie), passando par la banda ocidental de la Slovenia, fin al nordovest de la Crovazia, inte l'Istria. 

Secondo ła Partisione de łe Alpe de el 1926 el Carso el xe considerà parte de el sistema alpin e el costituise una de łe 26 sesioni de łe Alpe.

Secondo ła AVE e ła SOIUSA el Carso no el fa parte de łe Alpe ma apartien a ła caena de łe Alpe Dinareghe.

El Carso el xe sior de concavi naturai (foibe) dae da l'estrema solubilità de le piere calcaree rispeto ai azenti atmosfereghi, in particolar a l'acido carbonego contegnuo inte la piova. Tute ste grave le ga parmesso de desvilupar un numaro considerabil de società speleolozeghe

El Carso el xe traversà da na siorissima rea de trozi, che i se desrama traverso i vari aspeti del paesagio: dai coi rinboschii a pin moro, fin a la landa carsega pierosa, passando par la carateristega vesetazion carsegica, mejo mantegnua inte le zone manco urbanisae.




#Article 288: Penìxoła balcànega (110 words)


Ła Penìxoła balcànega, conosiua anca senpisemente come i Balcani, ła xe na penixoła del'Eoropa orientàl dełimità a nord da ła Panonia, a sud-ovest dal Mar Adriatico e dal Mar Ionio, a sud-est dal Mar Egeo e a est dal Mar Negro.

Ła xe prevalentemente montuoxa e rica d'aqua. 
Ła xe un croxioło de pòpołi, etnie, łéngoe e rełigioni e da ła storia senpre burascoxa, come dimostra ła rełativamente bree storia de ła Jugoslavia. 

'Nte ła Penixoła Balcanega son infati situai, en parte i teritori de Croasia, Servia, Slovenia e Itałia (Venesia Julia) e conpletamente i teritori de Bosnia-Erzegovina, Montenégro, Albania, Macedonia, Grecia, Bulgaria. Gha fa parte anca ła Turchia eoropea.




#Article 289: Mar Mediteraneo (191 words)


El Mar Mediteraneo el xe un mar entercontinentàl che se cata fra Eoropa, Africa e Axia.

El idronimo el deriva da ła paroła łatina Mediterraneus, chel signifega en mezo a łe tere. El Mar Mediteraneo traverso ła storia del'umanità el xe stà conosùo co diversi nomi. I antichi romani, i ło ciamava, par exenpio, Mare Nostrum.

La só superfiçie aprosimativa xe de 2,51 miłioni de km² e l'à na longhesa de çirca 3700 km.

El Mediteraneo el xe cołegà a ovest co l'Oceano Atlantico, traverso el Streto de Gibiltera. Ad est ragiunge el Mar de Marmara e el Mar Negro, tramite el Dardanełi el Bosforo. El Mar de Marmara el vien speso considerà parte del Mar Mediteraneo, mentre el mar Nero el xe generalmente distinto. El Canałe de Suez a sud-est el cołega el Mediteraneo al Mar Róso.

Łe maree le è łimitae forte a cauxa del scarso cołegamento co l'Oceano.

El clima mediteraneo el xe generalmente caraterixà da inverni umidi ed estai calde e seche.

Cultivasion caraterìsteghe de ła regiòn le è: ułivo, vite, agrumi e ocara da suro.

Ła regiòn del mediteraneo ła ga na łonga storia de çiviltà




#Article 290: Alerxia ai àcari (349 words)


Lałerxia ai acari ła xe na forma de ałerxia respiratoria che interexa na bona parte de ła popolaxion (ghe xe dei studi epidemioloxeghi che parla del 19%-21%). Ła xe na causa tra cuełe pi importanti de łe alerxie de casa.

I acari i xe dei artropodi (cuesto xe el nome del Phylum), dea clase dei aracnidi. cuełi che centra nel discorso de ła ałerxia de casa i xe ciàma Dermatophagoides, deti anca acari dea casa. Le do specie che conta le xe el Dermatophagoides pteronyssinus e el Dermatophagoides farinae.
Sti acari i xe grandi pochi micron e par rifornirse de acua no i pol bevarla diretamente, ma i dipende dal'asorbimento del vapor acueo. Par sta rason i xe sensibiłi al'umidità relativa del'aria e sicome l'umidità ła xe corełà co ła temperatura, le condisiòn favorevoli al svilupo dei acari xe cuele de un'umidità relativa almanco del 60%-70% e sora i 20-25 gradi sentigradi.

I acari de ła caxa (che na volta i vegnea ciamà acari de ła polvare) i magna resti de pełe umana (rufa, tochi de onxe, pełi) che i trova intei stramasi e intei cusini, dove, tra l'altro ghe xe tute le condision de umidità e de temperatura che ła serve par el so svilupo.
I ałergeni dei Dermatophagoides i xe tochi dei stesi e le so dejesion; cuando che i vién respirà, i scatena, in cuei che xe ałerxeghi, la reasiòn ałerxega parchè i incontra i so anticorpi specifeghi Ig-E. El risultato clinego pol esare rinite, conxuntivite e asma.
Visto che i ghe xe in tute le stajòn, l'ałerxia ła xe persistente e no intermitente come sucede, par esempio, coi pòłini.
cuando che vién fata ła diagnosi de ałerxia da acari, ła prima roba da fare xe na bona bonifega anbientale de ła camara da łeto: gnente mocuette, pelouche, tende gròse, tapeti. Va ben anca sbasare el łiveło de umidità (no umidifegatori), darghe aria diverse volte a ła camara, fodere antiacari par i stramasi e i cusìn. Se pol doparare, sempre in camara, i spray acarisidi sui stramasi e metare dei filtri che neta de continuo l'aria.




#Article 291: Vajo (116 words)


El vajo el xe un canałon pitosto streto e ripido che el se rampega, roega su in mexo ai muri de rocia e ai sgrebani. Sto termine el vien dal latin vallis e el vien doparà specie sułe Picołe Dołomiti e sui Lesini, dai Vixentini e dai Veronexi. A difarensa del voro, el vajo el xe na via bastansa comoda par andar su e rivar in quota.

Par ricordarghene tra i pi conosùdi, se pol mensionare el Vajo deł'Aqua suła Cadena dełe Tre Croxe, el Vajo Pełagata e el Vajo dei Cołori sul Carega, el Vajo Streto sul Sengio Alto, el Vajo del Pino el Vajo del Ponte sul Pasubio,el Vajo dell' Orsa sul Monte Baldo.




#Article 292: Bacałà a ła visentina (335 words)


El bacałà a ła visentina el xe el piato nasional de Vicensa.

Tanto par scominsiàr, nol xe el bacalà taliàn, che el xe el pese Gadus morhua soto sałe, ma el steso pese sicà al vento: un stocafiso.
La tradision ła vol che in tel 1432 el capitan venesian Piero Querini el gabia fato naufragio su l'isoła de Rost, in te łe Lofoten, in Norvegia. Da lì el g'avaria portà xo in Veneto sto stocafisso, che xera, tra l'altro, un magnàr economego, pien de proteine e che se podeva conservàr par tanto tempo.
Intanto che a Venesia el bacaƗà el vegnea fato mantecà (a ła venesiana), a Vicensa vegnea inventà ła riceta a ła visentina. E naturalmente ghe 'ndava tacà na beła porsiòn de połenta.

Ła riceta de ła Venerabile Confraternita del Bacałà a ła Visentina, par 12 persone, la vol:

Bixogna mołar el stocafiso, dopo averlo batù ben, in aqua freda, canbiandoła ogni 4 ore, par 2-3 dì. Cavar parte deƗa peƗe, vèrsar el pese par lungo, cavarghe ła resca e tute le spine.
Tajarlo a tochi quadri, pi che se pol gualivi. Tajar fine le séole, rosołarle in na tecia co 'n goto de ojo, xontar le aciughe disavìe, sensa resche e tajà a tochi; par ultimo, stuà el fogo, metarghe el parsémolo trità.
Infarinàr i tochi de stocafisso, versarghe sora el desfrito preparà e dopo metarli uno tacà l'altro in na tecia de aluminio o na pirofila (sul fondo bixogna prima metarghe raquanti cuciari de desfrito). Coverser el pese col resto del desfrito, metendoghe anca el late, el grana gratà, el sale e el pevare.
Metare l'ojo fin a coverser tuti i tochi, livełandoƗi.
Cusinàr a fogo lento par 4 ore e mesa, movendo ogni tanto la tecia in senso orario, sensa mai mescolar (a Vicensa, se dixe pipare).
Servir caldo coƗa połenta, ma el xe tanto bon anca dopo 12-24 ore.
I vini che ghe va ben insieme i xe el vespaiolo de Breganse o el tocai roso dei Cołi Bereghi.




#Article 293: Lisonz (147 words)


El Lisonz (dal latin Aesontium o forse Sontium, en furlan Lusinç, en bisiaco Lisonz, en slovèn Soča) el xe n'inportante fiume chel scóre en parte en Slovenia Oxidentàl e en parte nel nord-est del'Itałia.

La so longhezza la xe de 136 km co un bacin ampio de 3 400 km² dei quai sol 1 150 km² en Italia. La portada la xe la mazor del Triveneto dopo de l'Adese; el so rezime el xe regolar.

El nasse inte el Monte Gialuz  a 1 100 metri de altezza e el passa par Plezo, Caporeto, Nova Gorisia, el intra en Italia par Gorizia, el borda l'altipian del Carso, e el sboca inte el Mar Adriatico da le bande de Staranzan.

El signa tradizionalmente el confin intra Friul e Venezia Julia. 
Da aluni el xe chiama la belezza de smeraldo par el so color verdo impizzà de le so aque.




#Article 294: San Martin de Venezze (204 words)


San Martin de Veneze (comunemente dito San Martin; San Martino di Venezze in italian) el xe un comun de pì de 4.065 abitanti 'nte ła provinsia de Rovigo.

San Martin el se cata a Nord-Est de Rovigo. El teritorio el xe conpletamente in pianura. A Nord el comune el xe dełimità da ł'Adexe e el xe cołegà a Anguiłara da on ponte che traversa el fiume.

Dai ritrovamenti archeołoghi a xe sta dimostrà che el teritorio de San Martin el gera zà cołonizà fin da ł'epoca romana.
'Ntel 1484 San Martin ła xe pasà dai Estensi de Ferara ała Repiovega de Venesia, a cui ła xe apartegnua fin al 1797.
'Ntel 1844 e 'ntel 1882 San Martin ła xe 'ndà soto aqua a causa de do rovinoxe ałuvion de ł'Adexe.
Dopo el pasajo al Regno d'Italia, avegnuo 'ntel 1866 a San Martin a ghe xe sta zontà ła denominasion de Venezze.
Ała rota de ł'Adexe del 1882, a xe seguio on proceso migratorio verso el Sud America che el xe finio soło ai scuminzi dei ani venti.
'Ntel 1951, dopo ł'ałuvion del Po, a xe scuminzià de novo on proceso migratorio verso łe rejon del Triangoło Industriałe e a on progresivo spopołamento del Comune.




#Article 295: Zernian (116 words)


Zernian el xe on comune de 4018 abitanti de ła provincia de Rovigo.

El teritorio de Zernian el risulta esare sta popoła zà in età romana.

El borgo el ga scuminsià a formarse 'ntel medio evo.

'Ntel 1438 el teritorio el xe sta conpletamente somerso dałe aque in seguito ałe rote de ł'Adexe de Małopera e Castagnaro.

Ała fine deło steso secoło el Comune el xe sta distruto da on incendio dove ca xe seguìo - pochi ani dopo - nantra ałuvion. Dopo, con l'afermarse, 'ntel XVI secoło, deła signoria de Venesia, el teritorio el ga avù — oltre ała stabiłità połitega — ła stabiłità idrica, grasie ai laori arxinałi fati dai primi consorsi de bonifica.




#Article 296: Adria (420 words)


Adria el xe on comune de 20 637 abitanti in provincia de Rovigo.

Łe prime trace de on insediamento 'nte ła xona de ł'atuałe sità de Adria łe risałe al periodo tra el X e el VI secoło a.C., quando i paleo-veneti i ga costruio pałafite sora el teren pałudoxo che, a ł'epoca, el se afaciava sol mar.
Altretanto antica a xe ła frequentasion greca del delta del Po (XII-XI secoło a.C.). Ła serie de łagune prexenti anticamente longo tuta ła costa setentrionałe, dałe foci del Po fin a Grado, łe rendeva sicura ła navigasion dełe navi. Ł'intarese dei greci el gera dà dal fato che 'ntel Delta del Po a vegneva comercià ł'anbra che ła proveniva dal Baltego, de quałità pregiata.

Ai scuminsi del VI secoło Adria ła gera on senplice insediamento venetico che el se catava sol Mincio, che a ł'epoca el sfociava intel mar e el 'ndava drio a queło che inquó el xe el corso del Canal Bianco. I greci, che i rivendeva ł'ambra in tuto el Mediteraneo, e ga fondà chi on emporion, par gestirne diretamente ł'inportasion.
Adria ła xe diventà cusì famoxa da dare el so nome prima al ramo del Po sora eò qual ła sorgeva, indi al golfo tra ła foce del Po e ł'Istria (Adrias Kolpos) e po' a ł'intiero mar fin al Golfo Jonio (che par i greci el se ciamava Ionios Kolpos). 
Par ła so poxision strategica, Adria ła xe pasà prima soto el dominio deła potente Siracuxa, po' ła xe diventà preda dei Galli, aleài deła sità greca.

El progresivo interamento del delta del Po el ga ałontanà ła sità dal mar rendendo senpre pì problematica ła prosecusion de ł'atività portuałe.
Al pasajo dei barbari, el porto de Adria el gaveva zà perso ła gran parte deła so inportansa, ma il ga ciapà on novo ruoło de inportante bastion miłitare, drento i teritori aministrai dała Cexa de Roma. El definitivo declino del porto de Adria el xe avegnuo in seguito ała rota deła Cuca del 589, che ła ga sconvolto ł'intiera idrografia del teritorio sircostante.

Tra ł'VIII e el IX secoło Adria ła xe diventà on feudo vescoviłe indipendente da queło de Ravena. Dopo na parentexi in forma de comun, el xe divegnuo on posedimento estense e el xe restà tałe rimase anca de fronte a ł'espansion deła Republica de Venesia. 
Soło intel XVI secoło Venesia ła ga ciapà el controło del Adrea, quando ormai ła se gera ridota a on mixero viłajo mezo a na pałù małarica.




#Article 297: Sopa coada (222 words)


Ła sopa coada xe el piato bandiera de Trevixo, radici a parte. 
Atension: Ghe xe anca na version ciamada de Mota de Livensa o de Oderso (a xe fata col poeastro al posto dei coeonbi)

Ła riceta par 4 persone la vol:

Netar ben i colonbi e tajarli par metà. Pareciar el desfrito con sełeno, séole, carote, ojo e buro. Quando che la séola ła taca a farse bionda, metare i colonbi in te ła tecia con un poco de vin bianco e lasarli cusinar a fogo lento. Zontar brodo, sale e pevare; metere el parsémoło e covèrsere, finchè i colonbi i xe ben coti. Tajar a fete alte un çentimetro el pan, cavarghe i osi ai colonbi coti, sensa spacarli masa. Zontar a tuto el conposto e ała carne dei colonbi el brodo, de bojo. Lasar cusinar pian pian a fogo lento par altri diexe minuti. Metare sul fondo de na pirofila granda le fete de pan, su ogni feta metarghe sora meso colonbo a toki, spanpanarghe sora el parmesan, metare le altre fete intorno e sora ancora parmesan. Covèrsere el tuto col brodo e metare in forno a coare pian pian par almanco 5 ore, finchè el brodo no xe quasi tuto evaporà. In caso, zontar ancora un poco de brodo de bojo e un toketo de buro. Servir caldo.




#Article 298: Łendinara (502 words)


Łendinara el xe on comun de 12232 abitanti de ła provincia de Rovigo.

Łendinara ła se cata 'nte ła parte medio osidental del Połexine e ła xe traversà dal fiume Adexeto, che ła divide in du setori.

A no xe ancora sta catà na spiegasion sicura che ła spiega ł'orixene del nome de Łendinara. Afinità etimołogiche łe sarìa a dimostrar ł'orixene celtica; infatti i suoni L-N-D i se cata in parece sità fondae dai Celti, però i disionari etimołogeghi i aferma che tałe spiegasion ła sarìa fantaxioxa, mentre pì senplicemente, esendo lendine on sinonimo de piocio, a ne deriva ł'interpretasion pì probabiłe. Che un primitivo sentro el esistese zà in età romana a xe dimostrà da pareci resti archeołogeghi, come urne senerarie, łapide, monede, véri e anca peche de opare stradałi e idraułiche. Forse a se ga avudo insediamenti piassè veci parché gnente de queło ca xe sta catà a pare vegner dal Medio Oriente. El primo documento storego riguardante ła sità el risałe al 870, quando el veronexe Umberto Cattaneo el ga otegnuo dai carołingi ła signoria sora el paexe, signoria che ła xe durà par pì de quatro secołi.

Zà intel secoło XI Lendinara ła gera on iłustre Casteo, arichìo de parece fabriche e tóri, colte popolasion, come ła ga definìa el Muratori. Ła se catava al sentro de on teritorio pitosto fertiłe e i so fiumi, Adexe e Adexeto, i favoriva łe comunicasion.

Ła sità ła xe sta distruta da Ezzelino da Romano intel 1246 a causa de ł'amicisia dei łendinarexi coi San Bonifacio. Verso el 1275, par on tochetin, ła sità ła se ga proclamà a republica. I padovani i ga aquisìo ła sità intel 1283 e i ła ga dà po' ai Estensi. Inte sto periodo a xe ereto el Granaron, on grande depoxito de vivari e ła sità ła se ga arichìa de cexe e de monasteri. El casteo el gaveva na tore maestra de sinque piani e na fossa che ła sircondava tuto el paexe, soło on ponte de legno ł'univa el sentro co ła roca. Quatro porte łe regołava ł'aceso ała sità. 
Dopo esar sta vendua ai venesiani, par Łendinara el quatrosento el xe sta el secoło d'oro par ła cultura che i pareci conventi deła sità i ga contribuìo a custodire e a difondare. A xe nata anca ła grande scoła dei artigiani del łegno dei Canosio, fra cui el pì grande el xe sta Lorenzo(1426-1477) autore de laori in stiłe gotico.

Al fiorir sia de arte che de economia, a xe seguìa na piasé granda tuteła del teritorio che el subiva frequenti ałuvion che łe ło rendeva pałudoxo. Intel 1495 Lendinara ła ga ricevù el titoło de sità. Ł'economia ła se ga sviłupà co ł'incremento de produsione agricoła. Intel sinquesento ła sità ła se gera ałargada e arichìa de caxe de siuri e de oratori. Intel siesento Łendinara ła xe diventada parecio ativa e ła popołasion, oltre che a ł'agricoltura, ła gera dedita a ł'industria deła łana e al comercio dei pełami.




#Article 299: Voro d'Uderle (260 words)


El Voro d'Uderle el xe un canalon streto e ripido tra el Sojo Roso e el Sojo d'Uderle, sul Pasubio. 
Se pol dopararlo par andar su fin al Rifugio Papa. Se sta mese anca dełe corde de fero par jutar a montare. Partendo da Ponte Verde, el disliveło el xe de 450 metri, con 3 ore de pertegada.

Da Ponte Verde (905 m) se ciapa ła strada che porta a Paso Xomo; dopo un sentenaro de metri, se svolta a sinistra sul Pra' dei Penzi sul sentiero de Raspanche (numero 317). Se va su in parte par el giaron che vien so dała Forçeła deła Tełeferica, se gira a sinistra a l'inboco del Voro. Se monta fasiłe su par scaloni de rocia finchè no se riva in na conca soto la Guglia del Frate. Se gira a sinistra, par segni de troso, e montando altri scaloni se riva a un canal franoso con toki de corda de fero. In sima al canal se xe ała Bocheta d'Uderle (1550 m).

Da qua, andando so un poco sul fianco deła Val Canałe, se taja tuto el versante ovest deła Guglia del Frate, su de un troso segnà col minio. Se riva a un vałon picoło, se monta el vałon e se riva a un pendìo de pini mughi e da qua ała Sima del Sojo (1880 m).
Dała sima, verso nord, se pasa naltro vałon picoło e se riva ała Strada dełe Gałerie, de preciso ała 46ma gałeria.
Girà a sinistra, stando suła strada, se riva al Rifugio Papa in 20 minuti.




#Article 300: Canpołóngo Magior (132 words)


 
Canpołóngo Magior el xe un comùn de 9968 abitanti 'nte ła provincia de Venesia.

De sto paese xe Felice Maniero, boss deła Mała del Brenta, da tuti i campolongari ricordà come Felicetto o Faccia d'angelo. Nei ani 80 Felicetto dettava łege a Canpołongo finchè nei ani 90 el xe sta arestà e el se gà pentio otegnendo così dala giustixia na identità segreta. I dixe che durante el dì el lavora da qualche parte par tornar ogni sera in carcere soto protexion onde evitar vendette de so ex compagni de merende. No ostante i so misfati (rapine, furti, regolamenti de conti) la xente del posto ancora lo rimpianxe ancora dexo parchè el gera bon e el giutava el so paese, la so xente e la so parochia dei santi Felice e Fortunato.




#Article 301: Castelguglielmo (128 words)


 
Castelguglielmo o Casteło el xe on comune de 1765 abitanti de ła provincia de Rovigo, traversà dal Canal Bianco

Sora łe orixene del paexe a no ghe xe dati serti anca se a xe conosesti insediamenti inte ste aree zà da ł'età del bronzo. A xe sta rinvegnui pareci resti de insediamenti romani, in particołar coci, monede e framenti de mosaichi e inte ła toponomastega a par conparir nomi con raixe łongobarde (par exenpio via Stiningarda).

Łe prime vere notisie so Casteło łe risałe al X secoło e łe xe riferìe a na łocałità, ciamà Villa Manegii, che probabilmente ła conprendeva anca ła łimitrofa San Bełin, caraterisada da on casteło e da na cexa dedicada a San Nicołò.

Sopratuto agricoła, limità presensa de atività artigianałi e picoła industria




#Article 302: Frata Połexine (131 words)


 
Frata Połexine (nome ufisial in itałian Fratta Polesine) el xe on comun de 2759 abitanti de ła Provincia de Rovigo.

Frata la xe gran famosa perché lì l'abitava Giacomo Matteotti 'n te na bela vila e lì el gera vegnù grando e deventà deputato socialista a Roma, ma a Roma l'è sta mazà dai fascisti 'n tel 1924. Però la so famegia la vegniva dal Trentin (Val de Sol) e anca lu 'l gera vegnù al mondo lasù, ma po' so pare 'l gaveva vendù 'l toc de casa e quatro campeti che 'l gaveva lasù e coi stesi soldi 'l gaveva comprà la villa e 'n bel po' de tera a Frata perché qua xo la tera e le case le costava tant de men che su 'n tel Trentin.




#Article 303: Arcuà Połexine (104 words)


 
Arcuà Połexine (nome ufisial in itałian Arquà Polesine) el xe on comun de 2896 abitanti de ła provinsa de Rovigo.

Ła storia de Arquà ła ga orixini pitosto vecie e el paexe al ga avudo diversi nomi: Arcunda, Arquata, Arquadum. Pareci i reperti catà inte ła zona, tra cui parece łapide, łe testimonia ł'existensa de on sentro abitado xà in epoca romana. El nome el fa riferimento a ł'andamento de un fiume o de na strada che anticamente ła faxeva chi na curva seca. El teritorio de Arquà a pare che el fuse sta donà dal feudatario łocałe marchexe Almerico ała Cexa de Adria.




#Article 304: El Doło (427 words)


 
El Doło (it. Dolo) el xe un comun de 15106 abitanti 'nte ła Provincia de Venesia, che'l parò se cata 'nte ła Diòcexi de Pàdova.

El teritorio del comun el se cata al séntro de ła Riviera de ła Brenta, slargàndose su tute dó łe rive del Naviłio. In corispondénsa del séntro del Doło, el Naviłio el se desdopia formando queła che ła xe ciamada ìxoła Basa. L'àrea ła xe traversada da parici altri corsi de aqua, pìcołi rii e canałi di scóło come ła Serioła Vèneta, el Serajo, el Brentonsin e'l Tergołin.

Łe orìxene del nome łe xe oncóra bastansa dubioxe. Łe prevałe oncó tre ipòtexe: ła prima ła méte in rełasion ai Dauli, n'influénte faméja del posto; ła seconda ła dixe che qua, 'nte ła seconda metà del Quatroxento łe vegnéva portae persone maciae de qualche criminałe; l'ùltima ła visina alÌxoła Dandolo, come ła gera in antigo nominada ła xona infrà via Mazzini e via Dauli.

Ła nasùa del Doło ła xe bastansa rexente. El primo documento che eło mensona ciaramente el xe un bando del 1540 che'l revarda ła via Venesia-Pàdova ad villam Dolli. Alguni parò i ritegne che el primo referimento el sia n'ato del 1241 che'l parla de na domina Jacobina soror domini Petri de Dolli, roba che ła daria crèdito a chi che'l sostegne che el nome el vegna fora dal'antiga faméja dei Dauli, dai quai i xe vegnesti i padovani Dotto. Un documento del 1451 el xónta che sta faméja ła gaveva dà in soccida del bestian a un villico di Cà del Bosco', un dei quattro colmełi che i formava el paéxe (i altri i gera el comun pìcoło dei Seragi, el comun dei Seragi e lìxoła del Maltempo).

El xe ciaro parò che ła xona ła gaveva da èsare xà abitada da ténpo. Savémo, par exenpio, che fin dal 1454 el se catava qua n'oratorio el gera soto el controło de ła parochia de Fieso.

Ła cresùa del paéxe ła xe stada cauxada da ła slargadura econòmega venesiana (ła Serenìsima ła ga ciavà el teritorio a Pàdova 'ntel 1405), dal XV sècoło revolta verso ła teraferma. El xe stà sto qua el ténpo de major spiandore par el Doło che'l xe deventà el séntro pì inportante de ła Riviera de ła Brenta. Na granda spinta ła xe rivada anca dal'edifegasion de mołini.

Soto Napoleon Bonaparte (dal 1797), el Doło el xe deventà comun del Distreto de Venesia. Daspò el 1815 ła xe partegnesta al Regno Lonbardo-Vèneto e, 'ntel 1866, el xe intrà a fare parte del Regno d'Itałia.




#Article 305: Asia (123 words)


LAssia (in todesco Hessen) la xe un Land de la Zermania. La ga 6 milioni de abitanti. Cavedal la xe Wiesbaden; altre cità importante le xe Kassel, Francoforte sul Men, Wetzlar, Marburg, Fulda, Offenbach e Darmstadt.
La confina co la Sassonia Bassa a nord, co la Turinza e la Bavaria a est, col Baden-Württemberg a sud e co Renania-Palatinà e Renania Setentrional-Vestfalia a ovest.

Łe ultime elexion aministrative del 18 xenaro 2009 łe ga porta al governo del Land ła CDU. Intel parlamento del rejonal ghe xe 110 rapresentanti, cusì disribuii CDU 46, SPD 29, B90/Grüne 17, FDP 20, Die Linke 6.

Al Bundesrat el Land el xe rapresentà da 5 parlamentari.

Al marso 2011 el taso de disocupaxion el jera del 5,8%.




#Article 306: Abano (433 words)


Àbano el xe on comun de 19 349 aneme 'nte ła Provinsia de Padoa.

El xe el prinsipałe sentro de łe Terme Euganee chel se cata a i pie dei Cołi Euganei. Ła prinsipałe atività ła xe el turismo łigà ai stabiłiminti termałi: łe aque, conoseste fin dai tinpi antighi, łe riva da łe Alpe e łe salta fora dal Pojo de Montiron..

Àbano ła xe conosesta fin dal VI sècoło a.C.. El vecio séntro el se catava ełora intel teritorio del'atuałe comun de Montegroto, come che i documenta i scavi archeołòxeghi e parici reverti conservai inte i muxei archeołòxeghi de Pàdova e Este. L'inportansa che el łogo el gaveva inte l'antighità ła xe documentada da łe citasion de parici scrituri łatini, intrà i quai Plinio el Vecio, Marziale, Tito Livio (che drio na tradision mia confermada, el saria nasesto propio qui), Svetonio, Cassiodoro, Claudiano, co ła denominasion de Aquae Patavinorum. El nome el pare végnare fora dal dio Aponus, a protesion del'aqua termałe, xà famoxa a quei tinpi.

Co ła fine del'Inpero Roman anca Àbano ła xe decaxesta, al ponto che Teodorico el ga domandà a n'architeto del posto par restorare i pałasi che i jera drio cascare xó. A ła fin del'Alto Medioevo ła ga scuminsià a stacarse da Montegroto e savémo de sto séntro abità 'ntel 971, có che se parla de na cexa dedicada a San Lorenso. 'Ntel 1167 Àbano ła xe stada el séntro de un scontro infrà i siuri de Canposanpiero e i Ezełini: ła fioła dei siuri de Àbano, Cecilia, ła jera promesa a Gherardo de Canposanpiero, ma Ezełino II el se ga meso in mexo. In risposta Gherardo el ga viołentà Cecilia, Ezełino el ga refudà ła toxa, tacando guera col rivałe. 'Ntel 1257 el ghe xe nasesto Piero da Àbano, inportante siensiato.

'Ntei sècołi daspò Àbano ła ga subio i pasaji dei Ezełini e dei Scaligeri ma grasie a ła paxe segurada da ła Repùblica de Venesia, rivada 'ntel 1405, ła xe cresesta in richesa e spendore. Parece fameje da Pàdova e Venesia łe ga investio schei qua jutando l'agricoltura e łe stasion termałi.

'Ntel 1797 ła Serenìsima ła xe finia, e ła nobiltà che ła controłava Àbano ła xe canbiada. Łe nove fameje (Trieste, Sacerdoti, Luzzatti e Sette) łe ga dà el via a na nova inportante crésita dei seturi alberghiéri e turìsteghi, dando ła spinta anca a studi sul'aqua termałe. 'Nte ła Prima Guera Mondiałe Àbano ła ga ospità el Comando Supremo del'Exersito itałian e qua ghe xe stai inportanti personałità come Luigi Cadorna, Armando Diaz, Pietro Badoglio, Gabriele D'Annunzio, Giovanni Gronchi.




#Article 307: Kazimierz Kuratowski (167 words)


Kazimierz Kuratowski (Varsavia, 2 de febraro 1896 - 18 de giugno 1980) el xe stà uno dei magiori matematici połachi.

Kuratowski el xe stà dal 1927 profesor de matematica al Politechnika Lwowska (Połitènico de Lviv, in Polonia) e dal 1934 a l'Università de Varsavia. 'Ntel 1945 el xe devegnù membro de ła Polska Akademia Umiejętności (Academia Połaca de l'Insegnamento), e 'ntel 1952 de l'Academia Połaca de łe Siense. Dal 1948 al 1967 el xe stà diretor de l'istituto de matematica de l'academia soradita, e par tanti ani el xe stà anca presidente de ła International Mathematics Society e de ła rispetiva Società Matematica połaca. 

Kazimiertz Kuratowski el xe stà un frecuentador del celebre Kawiarnia Szkocka (Café scosexe), dove i matematici de ła formidabile scóła połaca dei primi deceni del XX secoło i era sołiti catarse par confrontar łe proprie idee.

Ła ricerca de Kuratowski ła xe stà incentrà principalmente sul studio de strutture metriche e topołogiche astrate. Tra i so numeroxi contributi a ła matematica va ricordà:




#Article 308: Eraclea (1076 words)


Eraclea el xe un comùn de 12.695 'nte ła Provincia de Venesia su quel golfo chel ciàpa el nome da ła serenisima çità. Fin al 4 de novenbre 1950 ła se ciamava Grisołera (col decreto n. 1061 del Presidente de ła Republica Italiana Luigi Einaudi, ma su na idea del sindaco de quea volta Guerrino Burato e del segretario comunàl Aldo Tassoni, el nome del comun el vegne cambià en Eraclea; el consejo comunàl el gavéa sielto el nome de ła antiga çità che gavéa dà orìxene a Venesia, e che a se trovea al confìn del teritorio del comun vixìn a ła łocaledà de Çitanova, 'nte ła diresiòn de San Donà de Piave.

El nùcleo stórego de ła sitadina baso medievałe, del qual deso tutavia no ghe xe restà gnente, sel xe formà co ła fuga verso ła sicuresa de ła łaguna de łe popołazion romane che łe veniva da łe sitadine de Oderso (Opitergium) e Concordia Sagitaria sachezae dai bàrbari.
El primo nome de ła sità baso medievałe el xe stà Melidissa, dal greco meliedes, posto mejor. L' insediamento primo uman el ga vuo infati drento łe łagune che łe se catava łóngo tuto l'arco del'alto adriàtico, a ciapar dal Po fin al Tajamento. El mar el gera sevarà dal bazin lagunar da un cordon łitoraneo sabioxo 'ntervałato da łe fusi dei vari fiumi el delta dei quałi el verxeva drento łe stese łagune. I primi abitanti de queła che ła xe diventà en breve ła pì granda de łe sità romane che ghe gera łóngo ła via Annia i gera 'ndai qui par scapar da łe distrusioni cauxae da łe invaxioni de popołasioni barbàreghe che taca 'ntel VI sècoło fin a có taca el VII. Ła majoransa de łori venìa propio da Opitergium, mentre altri da Altin, Concordia Sagitaria e Aquiłeja.

L'aglomerà urban se xe spanto su un'ìxoła che, separà da ła terafèrma da acque profonde, ła dava ła sicuresa dei rifuxai da łe incursion e da łe razie periòdeghe de łe s-cere miłidari al sèvito de łe orde barbàreghe che migrava traversando ła pianura padana.

Drio ła metà del VII sècoło, Eraclea ła gera zà ła sità major del'estoario, en poxision sentrałe, proteta da alte mure e difexa da ben ordinai cursi d'acqua, co caràtare spicà de forteza fata a rexìstàre ai asalti da tera e dal mar. A est ła vardava el mar, proteta da na łarga distexa de sabia popołada da pini marini; ai łati di sud e nord ła gavea dei canałi e a òest dei fiti bos-ci e tere cultivae che łe confinava col teritorio trevixan, de Altin e de Oderso.

L'ìxoła modesta dei marinari, pescaduri e casadori ła gera deso na sità inportanta (parghe co 90000 abitanti) rexidensa gradia e cavedal invidià de łe łagune vènete. In eła sorxea ła catedral de san Piero Apòstoło fondà da San Magno.

Łe popolasioni che se xe insediae en Melidissa łe gera de cultura e costumi romani e łe ga tegnù stréti raporti coi sentri del poder inperiałe che se gera conservà en est e 'ntel'exarcà torno a ła sità de Ravena.

Fra el 610 e el 641 Melidissa ła xe stà ribattezà Eraclea en onor del'inperador Eraclio I de Bixansio.

'Ntel 697 ghe ga ciapà sede el dux bixantin de ła Venesia, figura dal qual vegnarà fora dopo el Doxe de ła Serenìsima. El roło de cavedal ducałe el xe stà però perduo contexo dal 742 da Metamauco e da ła nemiga Equilo, fin a che 'ntel'804 ła sità vła xe stà butà xó. Fra le soe rovine ła xe nada ła Civitas Nova Heracliana nome che vive anca deso 'ntel'omònema locałedà.

Grixołera (l'atuałe Eraclea) ła xe nada sirca 'nte ła metà del XVII sècoło dopo ła sanguinoxa guera de Candia. Ła locałedà ła gera ciamada Ła Grixołera parché sircondà da pałù e cane de pałù ciamae justo grixiołe par el cołor grizo del penacio. El teritorio el se cata fra l'ùltemo trà del fiume Piave e quel del fiume Łivensa en un'àrea che fin ai ani 1930 ła gera quaxi spopołada par no soło el teritorio de pałù, ma anca de ła małaria endèmega. Basta ricordar che, fin all'inisio del'òpara de asiugamento de łe pałù, l'82% del teritorio comunałe el gera ocupà da speci de aqua, canałi, canedi e pałù.

Ai inisi del 1700, 'nte ła zona del'atuałe piaza de Eraclea visin al'àrzere del Piave, ła xe stà costruìa na cexa intitołada al'Imacołada e al Roxario, deventando parocia el 4 otobre 1728. Grixołera ła xe deventà comun 'ntel 1806 col Regno d'Itałia. Col'arivo del regno Lonbardo-Vèneto 'ntel 1815 el comun el xe stà cavà el so teritorio divixo fra San Donà de Piave e Cavazucarina parché el gavea soło 1018 abitanti; 'ntel 1818 el xe tornà comun autònomo.

Grixołera ła xe stà ocupà dall'exersedo aostrongàrego da có ghe xe stà ła ofensiva de Cavoreto fin a ła liberasion col spostamento del fronte dopo ła battaja de Vitorio Vèneto.
L'exersedo itałian 'ntel corso de ła ritirada el ga fà saltar tute łe dighe e i àrzeri de łe bonìfege apena tacae: l'intero teritorio comunałe el xe tornà a èsare slagà e inpałudà par el corso che restava de ła guera. Ciò chel no gera stà slagà da ła III armada itałiana en ritirada el xe stà par òpara del'exersedo aostro-ongàrego al momento del'ùltimo ripiegamento, qual stràsego de ła bataja de Vittorio Veneto.

Ła difuxa prexensa omana ła ga vuo inisio co łe bonìfeghe pùbbleghe dopo ła prima guera mondiałe (Consorsio Ongaro Inferior, poi Consorsio de Bonìfega del Baso Piave). 'Ntel 1919 xe stà sùbito tacae de novo łe òpare de Bonìfega de Eraclea che łe xe 'ndae vanti par tuti i ani venti e i primi ani trenta.

Dal'ativedà realizada dal cav. Marco Aurelio Pasti par el prosiugamento de łe pałù catàe drìo el cordon sabioxo de va spiagia (Vałe Livensoła) xe nada la spiagia de Eraclea: Marina de Santa Croxe (verà poi batezà Eracleamare al'inisio dei ani setanta). Propio 'ntel corso de quełe prime ativedà de arzeramento de łe tere emerse ga tacà l'atività che ła gà formà ła prinsipałe carterìstega de ła riviera eracleensa: el cav. Pasti, en union ai visini propiedari de ła Vałe Osi (Conti Gaggia), 'ntei primìsimi ani 20 gà sverdà łe dune che łe coréa łóngo ła costa co mijiagia de pini comuni (Pinus pinea).

St'ultimi i gaveva el dover de rinforsare i rialsi sabioxi prexervàndołi dall'eroxion del vento e de łe marezade.




#Article 309: Portogruèr (370 words)


Portogruèr (Puart par furlàn, Porto par altre varianse vènete) el xe un comun de 25 198 abitanti 'nte ła Provinsa de Venesia su łe sponde del fiume Lèmene.

L'orixene del nome de ła sità no ła xe ciara. Drio na teoria el sarìa ispirà a łe gru, oxełi tìpeghi de łe pałùi e de łe pàciare che 'ntel'antighità i caraterixava el teritorio: da sta ipòtexi a deriva el stema de ła sità. Drio 'n'altra teoria ła xe da tor dal latin par indicar el guardian dei canpi (Gruarius), mestièr che ben se adata al caràtere agrìcoło del teritorio datorno. El prefiso Porto el deriva dal vecio porto mercantil fluvial, rico durante el dominio venesian ma deso in desuxo.

De Portogruèr se sa ła data de fondasion: ła xe el 10 de genaro 1140, có che'l véscovo de Concordia, Gervin el ga conceso spasi su ła riva del Lèmene a un grupo de marcanti par farghe caxe, magaxeni e un porto. Ła vien nominada come Portum de Gruario da ła boła de papa Urban III; probabilmente ła gaveva xa na só organixasion precixa, sia de architeture che dal pónto de vista siviłe, anca se l'ełesion de un só podestà ła gera limitada da ła necesità de aprovasion del véscovo de Concordia.

El dominio venesian el taca 'ntel 1420 e'l porta a Portogruèr, col priviłegio de Portogruèr, un ténpo caraterixà da łibertà e splendor artìstego. A sti ani partien l'edifegasion de alguni dei edifisi più inportanti de ła sità, infrà i quałi el Fóntego del comercio, ła Viła comunal e paréci pałasi 'ntel séntro sitadin. I contati co Venesia i restava cusì stréti che Ippolito Nievo el ga descrito i só abitanti come «màscare» dei venesiani.

Ła fin de ła Serenìsima ła ga signifegà decadénsa anca par Portogruèr. Particołarmente penóxa ła xe stada l'ocupasion dei soldai franséxi che da na parte i ga desfà i lióni de San Marco sui pónti, da st'altra i grevava su łe case comunałi par el mantegnimento costrenxendo l'aministrasion a vénder anca l'argentaria de łe céxe. Anca ła ritirada dei Austrìasi durante ła prima guera mondial ła ga fato dani a ła sitadina, có i ga tagià i dó pónti rinasimentałi del Rastreło e de ła Streta.




#Article 310: Olea europaea (309 words)


L'ołivaro (o ołivèr; nome sientifego Olea europaea L.) el xe na pianta da fruto. El produxe łe ołive chel vien inpiegà par l'ałimentasion e par l'estrasion del'ojo.

L'ułivo ła xe na pianta orixinaria del Medioriente e ła xe stà doparà fin dal'antichià par l'ałimentasiòn. Łe ołive en natura le è asè amare a cauxa del contegnuo en połifenołi, par rèndarle comestibiłi xe necesario farghe dei tratamente specifiçi: ad exenpio ła fermentasion natural, opure metodi artifiçiałi.

Inisialmente cultivà quaxi escluxivamente nei paéxi mediteranei (dove l'inverno el xe mite e l'istà calda), nei ultimi ani el xe stà inpiantà con suceso anca en altri paéxi dal clima anałogo, come Całifornia, Austrałia, Argentina e Sudafrica. En Itałia l'areałe de cultivasiòn el xe molto anpio: łe uniche xone 'ndo no'l xe mìa prexente xe łe montagne e ła Pianura padana, xone co tenperature invernałi masa bàse o de prexensa de nébia e gałaverina. Alcuni ułivi i se trova fin a Bolzan e a Meran. L'area 'ndo prduxe frùti de quałità xe pì ristreta e se produxe en pratica al'Itałia çentromeridionàl (Tuscana e Łiguria conpréxe) e insułàr e a ła xona dei łaghi de Lombardia e Vèneto.

Ł'ułivo el ga un połine anemofiło, ke vol dir ke'l vien portà dal vento. Sto połine el xe bon de dar na forte ałergia respiratoria 'ntei sogeti predisposti. Visto ke'l se trova in diverse parti del Veneto, anca par raxon ornamentałi (ma i fa de l'ojo davero bon in tuta ła fasa prealpina, dal Garda ai cołi veronesi, a Montecio e Soviso fin a Pove del Grapa, sui cołi Berici e Euganei), el problema del'ałergia ał'ułivo el taca a èsare difuso.
De sołito i problemi i salta fora in majo, quando ke'l połine el vien butà in giro par l'aria: ghe pol esare starnudi, oci ke bruxa o anca tose e mancansa de respiro (rinite, congjuntivite, asma).




#Article 311: Tajo de Po (121 words)


 
Tajo de Po el xe on comun de 8289 abitanti de ła provincia de Rovigo.

El se cata a ł'interno del Parco Rejonal del Delta del Po Veneto, int'el baso Połexine.
El sentro del Comune, el se cołoca a Sud de ł'intersesion tra el fiume Po e ła SS Romea 309, arteria stradałe che ła cołega Ravena a Venesia.
El teritorio comunałe, el se estende fin al Mare Adriatico e el fa parte de ł'Ixoła de Arian, formà dai comuni de Arian ntel Połexine e Corboła, in quanto ła xe dełimità dai rami del fiume Po, queło de Goro a Sud e queło de Venesia a Nord.

Proloco de Tajo de Po,
A.V.I.S.,
A.I.D.O.,
Gruppo Scout A.G.E.S.C.I de Tajo de Po




#Article 312: Roxołina (151 words)


 
Roxołina xe on comune de 6003 abitanti de ła provincia de Rovigo.

La se trova in tel delta del Po, pena soto l'Adexe. A 16 km da Cioxa, a 35 km da Rovigo e a 65 km da Venesia e Padova.

L'economia xe basà prinsipalmente sull'agricoltura, curà e pregià (ghe xe un grande mercà ortofruticolo), e anca sol turismo, che se concentra in tel centro de Roxołina Mare e in tel Isoła de Albareła, colegà ala teraferma da na strisa de tera de 12 km solcà da na strada e da un ponte mobiłe.

La isola de Albareła xe tuta turistica e se estende par 5 km de lunghesa e 1.5 de larghesa. Curioso xe el fato che el mezo prinsipale de trasporto sia la bicicleta, difati la isola xe tuta a trafico limità. Pena rivà in tel'isola ghe xe un porto turistico in grado de ospitare fin a 500 barche.




#Article 313: Ferara (196 words)


Ferara ła xe na sità de 131 907 abitanti de ł'Emilia Romagna, cavołogo de ł'omonima provincia.

Ła se cata sol Po de Vołano, ła sità ła ga na strutura urbanistega che ła risałe al XIV secoło, quando ła xe sta governada dała fameja dei Este: el dixegno el ghe xe sta dà da Biagio Rossetti che el ne ga fato ła prima sità moderna d'Eoropa, fato da cui a deriva in łarga parte el so riconosimento come patrimonio mondiałe de ł'umanità. Inoltre, Ferara ła xe una dei 4 cavołoghi de provincia (insieme Bergamo, Lucca e Groseto), indove che el sentro storego el xe restà conpletamente sircondà dałe mura che, a so volta, i ga mantegnuo presoché intato el so aspeto orixinario intel corso dei secołi.

Aguscello, Albarea, Ambrogio, Baura, Boara, Borgo Scoline, Bova, Casaglia, Camatte, Cassana, Castel Trivellino, Chiesuol del Fosso, Coccanile, Anguria di Cona, Anguria di Focomorto, Codrea, Cona, Contrapò, Corlo, Correggio, Denore, Focomorto, Francolino, Gaibana, Gaibanella Sant'Egidio, Jolanda di Savoia, Malborghetto di Boara, Malborghetto di Correggio, Marrara, Mezzavia, Monestirolo, Montalbano, Parasacco, Pescara, Pontegradella, Pontelagoscuro, Ponte Travagli, Porotto, Porporana, Quartesana, Ravalle, Sabbioni, San Bartolomeo in Bosco, San Martino, Spinazzino, Torre della Fossa, Uccellino, Viconovo, Villanova




#Article 314: Ficarolo (117 words)


 
Ficaroło (Figarol en dialeto ferarese) el xe on comune di 2699 abitanti de ła provincia de Rovigo.

Ło storego local Ravelli el fa scuminsiar ła storia del comune verso el X secolo, atraverso on documento del 936, col quałe Bonifacio, secondo conte de Bołogna, e Ingelberto, abate de Nonantoła, i ga fato na permuta de beni, tra cui anca Ficaroło (pago Figariole), a ł'epoca apartenente al contado de Ferara e ała sanca del Po.
Ła forteza de Ficaroło, che ła controłava el Po insieme ała xemeł posta sora ła riva meridionałe del fiume, ła Stełata de Bondeno ła xe sta asedià dai Venesiani durante ła Guera del Sałe(1482-1484) e ła ga capitołà contro łe forse deła Serenisima.




#Article 315: Ałerxia (192 words)


Ł' ałergia ła xe na reaxion infiamatoria scadenà dal sistema imunitario contro sostanse foreste entrà nel' organismo (ałergeni) e che no łe fa mal par gnente, de suo, nei sogeti normali (polini, acari, mufe, magnari ecetera). Ła paroła ła xe sta doparà par la prima volta dal pediatra vienese Von Pirquet nel 1906 e ła deriva dal greco, nel senso de axion o reaxion contro l'altro, queło che vien da fora.
Łe reaxion del'organismo contro queło che vien da fora, anca se nol fa mal, łe porta dani anca seri al'organismo steso, fin ała morte (in te l'anafiłasi). Se ga visto che i mecanismi coi quałi el sistema imunitario el risponde in maniera sbalià, ipersensibiłe, i xe diversi e i xe sta identificà neła clasificaxion de Gell e Coombs.
Par convension, doramai, se riserva el termine ałergia in senso streto ałe reaxion de 1° tipo o imediato, anca se ghe xe łe ałergie de 4° tipo o ritardà (łe dermatiti da contato).
Ł'ałergia imediata o de 1° tipo ła xe scadenà, nei sogeti predisposti geneticamente, da dełe imunoglobułine discoverte nel 1966 a Denver dai sposi giaponesi Ishizaka: łe imunoglobułine E o IgE.




#Article 316: Viła (VR) (350 words)


 
Viła el xe on comun de 5 841 aneme 'nte ła provinsa de Verona.

Viła, conosùa anca come Vila Bartołomea, ła se cata a 45 chiłometri da Verona. Rispeto al cavołogo l'e in poxision sud est, visin al confine co ła provincia de Rovigo.

El sport pesè seguio ala Vila l'è el balon e la squadra locale, che la se ciama ASD Aurora 2009, la zuga in te la terza categoria, in dò che zuga anca la squadra dela frazion de Spinimbeco. La squadra che va mejo, parò, l'è la palavolo: le Spakka Volley Girls, infati, le zuga in serie C.
Inoltre a ghe na scola de tennis, i cicloamatori che va in bici, do squadre de calcetto, na olta gh'era na squadra de bocce, ma adesso ghè restà solo i zugadori,do squadre de calcetto,una la se ciama Concordia Finex e le fata de zoeni, e quell'altra inveze la se ciama Villa Calcio a 5 e zoeni i gh'era na olta, pecà che tute do le zuga sempre in trasferta.

La Sagra de Carpi l'è la prima del paese. La se tien ogni ano in Luglio, vizin a la ciesa del paese. Da poco l'è anca dita sagra del fasolo.

In agosto, in ti dì de 15 e 16, solenità del'Assunta e de San Rocco. In te la sagra de Spinimbeco vien organizà la Festa del faxoło gnoco, co esposizion dei prodoti e co la sfilata de tratori.

Sagra dela Vila che se fa in agosto, intorno al 24, sempre alla quarta dominica del mese.

La Sagra in Fondovila l'è la più vecia del paese. La se tien ogni ano in Fondovila alla prima dominica de otobre, vizin a la cieseta dela Madona. In tel 2013 se tegnarà la sagra numaro 105.

Sagra che la sà tegnù par la prima olta in tel 2008, al 19 de marzo, a la Brancaia.

Carnevale de la Vila che se tien ogni ano a genaro o febraro con na sfilata del carri par Corso Fraccaroli. St'ano l'è la edizion numaro 28 del carneval.

In tuti gli stand de ogni sagra se magna ben.




#Article 317: Ła Mira (401 words)


Ła Mira ła xe un comun de 37 737 abitanti 'nte ła Provincia de Venesia. Ła xe un comune sparso par che ła sede comunàl ła xe ła frasión de Mira Tagio. Ła xe tacada al común de Venesia col qual ła condivide anca na frasión, Malcontenta.

L'àrea urbana, posta al mexo de ła strada infrà Pàdova e Venesia, ła partien a ła Riviera de ła Brenta che ła se slarga łóngo el Naviłio de ła Brenta, costexà da ła SR 11, sul qual łe se fasan łe viłe che i Venesiani i ga edifegà infrà el 1500 e'l 1700. Famóxe in particołar ła viła paładiana ła Malcontenta 'nte ła frasion che ła tol el nome e Viła Widmann Foscari a Mira Porte.

A sud-est łe se cata łe barene, fasade a ła łaguna de Venesia, n'anbiénte costituìo da n'insieme de ixołoti łigai da canałi, che łe fa un terso de ła superfice del comun.
El teritorio comunal el xe traversà da numeróxi corsi de aqua, oltra al Naviłio, sia naturałi che artifexałi.

Ła xona de ła Mira ła xe stada coltivada in maniera fita in età romana e ła xe stà tirada drénto 'ntel graticołato. Alguni i dixe che el nome el vegna fora da na tor de vistamento (in łatino apónto mira) che ła serviva par defénder el teritorio, łigàndose cusì a ła visina Miran. Un vero e proprio séntro abità el xe nasùo però soło 'ntel età de mezo come porto fluvial par i barcarołi che i tegniva Venesia cołigada a ła riviera del Brenta e in orìxene el se ciamava Cazoxana. El nome ła Mira, secondo n'altra ipòtexi, el xe stà tólto co referimento al patro San Nicołò, Myra apónto.

'Ntel 1866 ła Mira ła xe stada tirada drénto al'Itałia, e l'ano daspò i tre comuni de ła Mira, Oriago e Ganbarare i se ga unìi in un soło, el qual el sèłie el nome de ła Mira: da sto fato el vien fora el stema comunal co łe tre corone, sìnboło dei tre comuni orixenari.

Łe pi' grandi łe xe: Borbiago, Ganbarare, Malcontenta, Maran Venesian, Mira Porte, Mira Tagio, Mira Vecia, Oriago. Łe pi' picenine łe xe: Ca' Argentina, Ca' Causin, Ca' Caldara, Ca' Feroti, Ca' Ghedin, Ca' Leandri, Ca' Martin, Ca' Noveło, Ca' Sabioni, Ca' Sorbełe, Ca' Tresievołi, Dogałeto, Fosadone, Zuane XXII, Ła Casona, Malpaga, Mira Buse, Mira Maxerà, Molin Roto, Piasa Vecia, Soresina, Valmarana.




#Article 318: Gèxoło (394 words)


Gèxoło (dita anca Jèxoło o Jéxol) el xe un comùn de 24 479 abitanti 'nte ła Provincia de Venesia. Łe se cata a nord-est del cavołógo, su quea penìxoła che ghe xe infrà laguna e Mar Adriàtico, sora de Cavałin.

Indove ancuo ghe xe el comun de Gèxoło, na volta, fin al IX sècoło, ghe gera na sitadina bastansa rica ciamada Equilium. Sta qua ła gera anca sede de na diòcexi, ma per via de catàstrofe climàteghe ła ga perso tuta ła sóa inportansa. Sto séntro el xe nasùo na seconda volta col nome de Cavazucarina, grasie a ła famégia dei Soranzo, chei gaveva paréci teréni da ste parte. 'Nte'l 1499 i ga sièlto de desviar el Piave e el Sil faxendo un canal chel pasava indrìo sti posti, chei ga tólto el nome de Cavazucarina da Alvise Zucharin, ingegnèr ciamà per reałixar sto progeto.

Dopo la desfata de Caporèto inte el 1917, i Striaci xe rivài fin a ła Piave Nova dove i xe stai conbatui dai Itałiani che inte el 1918 i ga avansà fin in Istria e che i ga mandà via i Striaci che ga perso ła guèra. Infati a Gèxoło se pol vedar i bunker anca de ła Seconda Guèra Mondial fati dai todeschi nazisti e dai fasisti de Musołini. Tra questi bunker xe stà fato uno su l'altare  e cripta (no vixitabiłi) de ła basilega de Santa Maria, ciamada anca Antiche Mura. I ga rovinà tuti i mosaici e i ga destruto chel che restava de ła Basilica ciamada ła pì bèa dopo San Marco.

Cavazucarina, come tuta ła costièra venesiana, ła sofriva sénpre ła prexensa de pałui, indove se ciapa fasilmente anca małani come ła małaria: łe bonìfeghe łe xe scomensae 'ntel 1920 e łe ga avùo ła bona conseguénsa del introdusion de coltivasion de formento, formenton e rave. Ste nove atività łe ga agiutà a sołevar Cavazucarina, che, el 28 de agosto 1930 el ga tólto el nome de ancuo, Jèxoło, evołusion del'antigo Equilium.

Dal secondo dopoguera Jèxoło ła xe cresua anca grasie al turismo: 'ntei ùltemi ani ła mancansa de spasio ła ga portà a crear edifisi senpre più alti, diti tore. Ancuo Gèxoło ła ga na spiada de disète chiłòmetri, ła più łonga de Itałia, e ła fa rivar parécia xente durante l'istà, có el paéxe el riva a ospitar anca 500 000 abitanti.




#Article 319: Lugànega (230 words)


Ła lugànega (da Lucània) o inte ła costumasion popołare anca salcìcia (da sal + cìcia, o sia ła cìcia del porseło involxesta inte el sałe) o salsìcia, el xe on insacà de carne, tìpego in Itàlia e in tuto el mondo. 

Ła prima testimoniansa stòrega so el costumar de insacar inte el bueło de porseło ła so carne insieme a spèsie e sałe el xe del istòrego roman Marco Terenzio Varrone, che el ghe tribuise ła so invension ai Lucani: «I ciama lugànega na carne tritada insacada inte on bueło, parché i nostri soldai i ga ciapà sta manjiera de pareciarla dai Lucani».

Segondo na tradision lonbarda, ła so invension invese ła saria òpara de ła rexina longobarda Teodolinda, che ła ghea inventà ła lugànega e ła garia pò regałà ła riceta ai abitanti de Monsa.

Anca i vèneti i ga revendegà ła paternità de sto prodoto, dixendo che ła salcicia ła xe nasesta so el teritòrio vèneto, insieme a tante altre rejon italiane che i ła reclama da là natałe

De tutavia, łe fonti antighe che łe se òcupa de sta riceta łe xe tute da cordo inte el ritegner che sta riceta ła xe na vera e pròpia invension dei Lucani, concuistà da Roma inte el III sècolo a.C. (l'antiga Lucània ła corisponde a ła atuałe Basilicata, ciapando rento anca cei tocheti de xone de ła Canpània meridionałe).




#Article 320: Càorle (432 words)


Càorle (Cjaurlis en furlàn) el xe un comùn de 11 896 abitanti 'nte ła provincia de Venesia. El xe situà fra łe fóxi dei fiumi Łivensa e Tajamento

Łe raixe de Càorle łe vien fora dal I sècoło a.C. (el nome el salta fora dal latin Caprulae, provàbiłe a cauxa de łe capre selvàdeghe che ghe pascołava), come tanti resti de època romana testimonia: l'ara Licovia, altar sacrifical custodìo indeso in duomo, e i ritrovamenti archiołòxeghi en mar. Però ła sità xe cresiua e deventà importante come porto de ła visina Concordia, per ła soa poxision a ła fose del Łèmene, soratuto en sèguito a łe invaxioni barbàreghe dei Uni, che łe ga spinto tanti concordiexi dal'introtera a ła costa; xe stà en quel tenpo, sirca el VI sècoło, che Càorle xe deventada sede vescoviłe. Ła costrusion del'atual catedral, però, xe del'XI sècoło, su na pre-existente baxìłica pałeocristiana, i resti de ła qual i xe conservai anca deso drento el duomo, 'ntel muxeo tacà e 'ntei xardini de ła canònega.
Nei sècołi dopo łe sorti de Càorle xe stae łigae a quełe de ła repùblica de Venesia, col'alternarse de concesion e privasion de priviłegi su ła pésca e sul controło de łe aque, fin a ła decadensa vegnùa en èpoga napołeònega. 'Ntel XIX sècoło xe stada cavada ła diòcexi, e da ełora el teritorio de Càorle el xe sta tólto dal patriarcato de Venesia.

De antiga data xe ła devosion a ła Madona dell'Ànxoło, tanto amada dai caorloti; ła tradision conta chel simułacro de ła Vèrxene el xe rivà par mar, sun poseto de marmo gałejante (custodìo in santuario) che soło dei putei xe riusìi a sołevar e portar 'nte ła visina cexa dedicada a San Michièl Arcànxoło (de qua el tìtoło Madona del'Ànxeło), mentre invese i pescadori che i gaveva trovà i xe fałii. Ła sena de sto ritrovamento portentoxo decora partr de ła volta del santuario de deso. Tràxega xe stada ła visenda che, el 31 de xenaro 1923, ga portà a ła distrusion del venerà simułacro, bruxà a òpara de sconosui ładri sacrìłeghi; i scultori de ła val Gardena i gà scolpio ełora un novo simułacro de łegno (queło de ancuo) che'l xe rivà a Càorle da ła Baxełega de ła Salute a Venesia recoverto da rete, per rievocar el retrovamento de queło antigo.

'Ntel 1727 in ocaxion de na dixastroxa ałuvion marina molta xente se xe rifuzae 'nte ła Cexa de ła Madona del'Ànxoło sercando riparo, anca se de fora el łiveło del'aqua el gera drio rivar ai do metri drento no xe intrà na soła giosa d'aqua.




#Article 321: Conselve (368 words)


 
Conselve el xe un comun de 10130 abitanti de ła provincia de Pàdova, catà a 21 km dal caołogo. Ła ga dó frasion: Pałù (470 abitanti), forse pì antiga de Conselve stesa, e Beoło (340 abitanti), cresesta co ła prexensa de ła fameja venesiana dei Basadonna.

I primi documinti che i parla de Conselve i vegne dal 954 e i parla de un posto ciamà Caput Silvae; na strasformasion ła se varda xà 'nte na donasion del 983 che ła parla de Causelvo; ła forma squaxi definitiva ła se cata 'ntel 1297, có che na dèsima ła sita el nome Consilvis.

I primi feudatari de ła campagna de Conselve i xe stai i Da Baon-Conti, che i vegnéva da Pàdova. El teritorio el ga subìo ła tirania dei Ezełini: Ezełino III da Roman el xe stà scomunicà dal papa Lisandro IV par ła sóa cativeria, unìa a ła condana de erexia. Contro de łu ła xe stada organixada na crociada durante ła qual Ezełino, sconfito a Parnumia, el xe pasà par Conselve e'l ga sachejà e bruxà el paéxe.

Conselve ła xe stada un comun lìbaro infrà el XIII e'l XIV sècoło. L'invaxion dei Scaligeri ła ga fato deventar ła podestaria un vicariato, che'l ga avesto na vita tormentada par via de łe lote infrà i visini pì putinti. L'ultimo vicario, che'l vegnéva da Basan, el ga fato tirare su el pałaso de ła Vicaria.

Durante i tinpi soto ła Repùblica de Venesia el teritorio el xe mejorà dal ponto de vista econòmego: 'ntel 1556 el governo sentrałe el ga ordinà bonìfeghe e na regołasion dei cursi de aqua. El decreto el prevedéva anca ła prexensa de un magistrato de łe aque par controłar. 'Ntel 1518 el Sansovin el ga projetà ła maravejóxa viła Lazara de Pałù, de ła qual uncó no resta che l'oratorio. Conselve ła jera parte de un comun ùgnoło che'l 'ndava da Anguiłara fin a Bataja.

Daspò el 1797 ła xe deventada parte del'Inpero d'Austria e 'ntel 1866 el xe rivà el Regno d'Itałia. Durante ła Seconda Guera Mondiałe ła popołasion conselvana ła ga partesipà a ła rexisténsa contro i fasisti e i nazisti. Ła libarasion ła xe vegnesta el 28 de avriłe 1945




#Article 322: Cèxiomajor (2699 words)


Ẑes (par talian Cesiomaggiore) (BL) al è an comun de 4 076 abitanti de l'Alto Veneto.

Ẑes al se estende te la destra idrografica de 'l Piave, verso medanot e verso le ẑime de croda de le Dolomiti. Al capoluogo de 'l comun al è Ẑes, che 'l è circa 12 km a Nord-Est de la cità de Feltre e a 18 km a n.o. de la cità de Belun.

La strada provincial pedemontana, paralela setentrional de la statal 50, la sta arent a le montagne e la traversa 'l comune, 'ndando in su da Feltre e po' in do verso Santa Justina, aonde che la torna a dontarse a la statal che la va da Feltre a Belun.

A Sera al teritorio de 'l comune, delimità da 'l Caoran, al confina co 'l comun de Feltre; a Matina se cata i teritori de Santa Justina e de San Gregorio. A medanot, drio le sime, al comun al confina co altri teritori de la Provincia de Belun e de 'l Trentin.

Al teritorio 'l è caraterizà da 'l continuo calar de i còi verso la val de 'l Piave. Al paesagio 'l è vivace, movest e alternà da paeset, vile vece, cesete, canp e boschi de piante a foja larga.

Al teritorio de Ẑes el fa parte, fin da l'antichità, de la zona feltrina, tera che prima de i romani la era abitada da i Reti.

Al nome se pensa che 'l gnene da 'l antroponimo latin caesius, riferì a na gens Caesia, de la qual al fa parte al poeta latin Cesio Basso (I secolo d.C.). 
La presensa de la gens Caesia 'nte la zona de Ẑes la è atestada da 'l ritrovamento de na inscriẑion che menẑona an L. Caesius L. L..
Tra i reperti che testimonia la presenẑa romana ghe n'è na colona monumental de 'l 47 d. C., che la recorda la costrusion de la via Claudia Augusta altinate (tra Altinum, su 'l mar Adriatico e Augusta Vindelicum, ades Augsburg, 'te la region danubiana), e che al è gnest al sinbolo araldico de 'l comune.

Te'l medioevo Ẑes al è deventà sede de la pieve de Santa Maria, cesa dipendente da la diocesi de Feltre e da 'l so vescovo - conte. Al teritorio al è restà fraẑionà in tanti feudi governadi da castaldi sogeti a'l vescovo. Tra de sti qua ghe n'era i Muffoni, ciamadi anca da Cesio, i Rambaldoni da Fianema, da i quai al gnen Vittorino da Feltre, i Corte da Marsiei.
Ste fameje le èa anca la carica de marighi o capovilla cioè i era i capi de i paeset.
Resti de le so residense fortificade se pol vederli 'ncora al dì de incoi 'nte 'l capoluogo comunal de Ẑes e te le fraẑion de Fianema e Marsiei.

De 'l 1404 Ses al è ndat co Feltre a far parte de la Republica de Venesia: la cerimonia de la consegna de le ciau de la cità a 'l anbassiador veneẑian, Bartolomeo Nani, al 15 giugno de quel an, la è stata fata da Vetor Muffoni, da Ẑes, e la gnen ancora rievocada te 'l Palio de Feltre.
Durante al periodo de la dominasion veneẑiana (XV-XVIII secolo), le residenẑe fortificade le se à trasformà in vile, come la vila Tauro a le Ẑentenere, la vila Corà e la vila Muffoni inte 'l capoluogo comunal.

Dopo de la dominaẑion de i francesi de Napoleone al Feltrin, e insieme Ses, al è ndat a far parte de 'l Inpero Austriaco e de 'l Regno Lonbardo-Veneto.

De 'l 1866 insieme a 'l resto de 'l Vèneto, Feltre e Ẑes i è stati anetesti a 'l Regno d'Italia: te 'n quela circostansa Ẑes al à ciapà al nome talian de Cesiomaggiore (inveẑe che Cesio o Ẑes), da' che ghe n'era belche te 'l regno an nantro comun co 'l stesso nome te la Provincia de Inperia.
Al Regno d'Italia al se ha portà drio tanti problemi economici e sociali che i è stati a la base de 'l fenomeno de la emigraẑion.

Al teritorio de Ẑes al è stat metest a la proa durante la prima guera mondial. Al 1917, in particolar, al è stat ciamà al an de la fan par colpa de i sachegi fati intant che ghe n'era i austriaci.

Altre tribolazion le ghe n'é state co la seconda guera mondial, in specie te 'l so ultimo periodo..

La è na fraẑion picioleta inte la Val Cansoi. La confina co Le Ave a N, Le Montagne a W, La Busa a S e Tostcian a E.
Sto paeset al è nassest arent a 'l Caoran e la so economia la era fondada su la energia de l'aqua. Ghe n'era difati la oficina de i Gris e na segheria. AL patrono al è San Gregorio Taumaturgo.

Paeset a E de Dorgnan e Peẑ, a SE de Tussui, a W de Bjei (Santa Jostina). Al è abastanẑa gross e al à an centro co case vece e na area a meodì co case nove.

A S de Peẑ, arent Pont (Feltre), ghe n'è Busche.
Infin a 'n ẑentener de ani fa al era abità da 3 o 4 fameje. La cesa de San Gabriel la è stata trata dò dintorn de i ani '80 de 'l Otoẑento parchè la era dirocada e no la ghe intaressea a gnissuni. 
Ultimamente la so posision su la statal de 'l Grapa la à fat nasser tuta na serie de inprese che le à tirà là anca la đent. Inte sto paeset ghe n'è anca la stasion de 'l treno, de riferimento par i comuni de Sess, Mel e Lentiei.
Famosa la è la lateria de Lattebusche, la pì grossa de la provincia de Belun. Al comun de Ẑess al è drio investir par riqualificar la zona e crear an novo centro de 'l paess, che al gnen cossì a no catarse pì su la riva de San Gabriel.
A matina de Busche ghe n'è al omonimo lago artificial che bina l'aqua par far ndar la central de Quero. De recente è stat fat laori mar la viabilità, e è stat vert an centro comercial. In costruẑion ghe n'è la nova cesa.

Al confina co Culogne a N, Tostcian e Soranẑen a W, Menin e Caljol a S, Ẑessmenor a E.
Al è an paeset abastanẑa gross fabricà pì che sie inte 'l pian. Na olta al fea part tut de na unica vila e parerèe che i residenti i se maridesse tuti fra de parent par no divider la proprietà. Al patrono al è Santa Luẑia.

Paeset de na trentina de persone. Al nome al gnen fursi da col salterio (breviario) parchè fursi na olta al prete al ndea là a dederse al breviario. Al confina co Menin a W, co Soranẑen a N, co Fianema a E, e co Polir a S.
La cesa la è fora de 'l paess e la è dedicada a San Vendemian (1 giugno).
Te 'l centro se pol ricognosser te na casa le fonde de 'l legendario Castel de Roconcui.

A S de Sess, su in sima a 'l omonimo col, che n'è al paeset de Col San Vito. Da là se pol goder an bel panorama su tut al capologo comunal. Al patrono al è San Vito.

A N de Tostcian e de Can ghe n'è al paeset de Culogne. Al è bel e al solivo e cress ben i castegner.

A S de Tussui e Caljol, a E de Polir, a W de Ansaven e a N de Pev ghe n'è sto altro bel paeset. Al patrono al è San Bastcian.

A NE de Salgarda, a SW de Soranẑen, a W de Cossalter e Polir, ghe n'è Fianema. La è na frasion bela grossa, popolada par al passà probabilmente da đent che ferea i cavai. Adess ghe n'è anca an bar e al dugo de i sboci.
La cesa paesana la è piena de piture vece che merita esser viste. La è dedicada a San Roco, ma la è tradision dir messa anca par la inmacolada conceẑion, al 8 de disdenber.

A N de Soranẑen, a W de Tostcian, a S de 'L Bordugo e a E de Le Montagne ghe n'è sto gropet de case, in riva a 'l Caoran. Na olta ghe n'era molin e anca an fol. Adess al è in fase de abandono parchè al è a 'l pustern e la strada par ruarghe la è bruta.

Inte la parte central de la Val Canẑoi ghe n'è sto paeset. Al nome no se sa se al pode gner da la presenẑa de boẑ de au. Drio la ceseta de Santa Rosia se pol veder ancora an toch de la via Claudia Augusta Altinate, scavà inte la croda.

A N de Soranẑen e a E de 'L Bordugo e de La Busa ghe n'è sto altro grop de case picà te la montagna. A W de ste abitasion ghe n'è Arson, inte 'l comun de Feltre. Le Montagne al è an posto che piass pì che sia par le ferie parchè al è al solivo e fora de la confusion. Le case le è tute vecie e in stile feltrin. La festa paesana la gnen fata in ocasion de 'l aniversario de la benedision de 'l Cristo arent a la fontana.

A S de Morẑanch e de Ẑess, e a E de Col San Vito, arent a Sarei (comun de Santa Jostina), ghe n'è Massiei. Inte 'l centro se pol veder ancora al vecio castel. La cesa principal la è dedicada a San Piero (sagra al 29 de giugno) e quela secondaria a San Liberal.

Al è an paeset de 150-200 anime. Al è a SW de 'l capologo e 'l confina co Soransen a NW, Cossalter a W, Polir a S, Caljol a E, Can a NE. Al centro storico al è in medo a 'l Col de Simia e a 'l Col Cumiass, ma te i ultimi 30 ani è stat fat sù tante case anca te la canpagna ciamada Chiẑole. Arent a 'l paess vecio ghe n'è la Vila de i De' Međan, che na olta la era circondada da 'l pì bel giardin de la Provincia de Belun, che al è stat par la gran part eliminà dopo de la prima guera mondial. Arent ghe n'è la cesa de San Biasi, co la pola de nass monumental.
Infin a 50 ani indrio la economia la era basada su la produẑion agricola (ua e vin, po, per, fasoi, sorch, mjel, ...) e su 'l alevamento de vache da lat. Sta tera la era cognossesta par al vin bon che se podea far e al è stat al primo avanposto te la provincia de Belun onde che sie stat inpiantada la ua mericana. Ogni an al conte Gaspare De' Mezan al fea na festa par onorar i contadin pì bravi.
Ancora adess ghe n'è na bona produsion de ua mericana da magnar e de bianche ta da vin. No manca gnanca le vit Grinto che le gnen doperade a far al vin par casa.
An deto al recita:«Tos'cian su la forca, Pulir inte 'l profondo, e Menin 'te 'l fior de 'l mondo.»

Al confina a W co Ẑess, a E co Ẑargnei (Santa Jostina), e a S co Massiai. Al gode de na bona esposiẑion a Meodì e al è tut te 'l sviert.

Al è an paeset grosset e 'l confina co Menin e Cossalter a N, Fianema a W, Pont a S, Pes e Dorgnan a E. Ghe n'è na ostaria e 'n canpo da dugar a balon. Al patrono al è San Lorenso.

Paeset nassest dintorn de 'n castel che custodia al passajo su 'l Caoran de na strada, fursi romana. Al centro abità al è smedà da 'l Caoran, che al segna anca al confin tra i comuni de Sess e Feltre. Al confina co Fianema a E e Vilabruna a W. Na olta la economia la era fondada su segherie e molin. Ghe n'è anca 2 centrai dismeteste, anca se par che sie invià al discorso par ripristinarghen una.
Co la costruẑion de 'n novo pont su 'l Caoran se à creà an novo grupet de case, ciamà anca Salgarda Nova.
Al patrono al è San Giuda.

Al è al secondo paes de 'l comun par popolaẑion. Al confina co Tos'cian a NE, La Busa a N, Arson a NW, Fianema a W, Cossalter a S, Menin e can a E. Al à qualche oficina mecanica. La produẑion na olta la era incentrada su la agricoltura.
Al à an uficio postal, do ostarie e na scola elementare. In altri tenpi ghe n'era anca an castel.
La cesa parochial la è dedicada a i ss. Piero e Paolo (29 giugno).

Al confina co Can a E, Culogne a N, Al Bordugo e La Busa a W, Soranẑen a S. 
Se 'l riconoss par la ceseta de San Valentin (festa 14 febraro) in ẑima a 'n col. Inte 'l centro ghe n'è na oficina e na pizeria.

Al è a N de Dorgnan, a S de Sess, a E de Caljol e a W de Ansaven e Col San Vito. Al è a 'l soliu e al è pien de canp de sorch.

Insieme de case sparse te la parte pi a montagna de la Val Canẑoi. La economia na olta la era fondada su i comerci co 'l Primier, su la produẑion de legn e su i pascoi. Adess la economia che rende de pì la è al turismo.
La à vist nasser una de le confraternite pi vece dintorn de la cesa de San Piero d'Avola, po' sostituida co quela de Santo Stach, e a la fin co quela de Sant' Antoni.

Al è al capologo de 'l comun e anca al centro abità pi gross. Al à Ẑess Menor a W, Tussui, Col San Vito e Marsiei a S, Morẑanch a E.
Al è a 'l solivo e tut in riva. La cesa, dedicada a Santa Maria, la è te la parte bassa de 'l paes vecio. Sot al centro abità ghe n'è la zona industrial, caraterizada da oficine artigianai de 'l legn e de 'l fer.
Interessanti i musei etnografico de Saravela (par andar verso Santa Justina) e de la bicicleta visin le scole. Arent a la zona artigianal ghe n'è al canpo da balon.

Can a W, Caljol a S, Ẑes a E. Al conta an bela poca de đent. Al è interessante darghe na ociada a 'l centro storico fat de case a sass che rispeta tuti i elementi de la architetura tradisional feltrina de i ultimi 400 ani. Sta part de 'l paess però a pinpianet la è drio a gner abandonada da la đent e la è drio a degradarse. Se à svilupà invece tuta na serie de case nove te 'n quela che era la canpagna, infin a dontar Ẑes menor co Ẑes. Al patrono al è San Leonardo.

Al teritorio al viu na discreta produẑion agricola e artigianal.
Se cata 'te la zona diverse inprese artigianai dedicade a la produsion de aredi e de conplementi par la ediliẑia.
Inportanti i è la produẑion e la laoraẑion de la lat tant a livel de media inpresa (Lattebusche) che de nicia (malghe in montagna). Ghe n'è na bona part de popolaẑion che, a titolo principal o no, la à an redito da la coltivaẑion de le patate, de i cereai, de i pon, de la ua mericana e de i fasoi. Inportante la è anca la presensa de arnie e de 'l taj de i bosch.
No manca al turismo che al è drio a cognosser, in graẑia anca de la presensa de 'l Parco Nazionale Dolomiti Bellunesi, an svilupo svelto e cressente.

Al sindaco de 'l comun de Ẑes 'l è Giani de Bastiani, rielegest par al secondo mandato 'nte le elesion de la fin de magio 2007, co pì de 'l 70% de i voti. Vicesindaco l'è Dino Tonin e asesori Michele Balen (cultura, scola e identità locale) e Celso Lenzi (lavori publici e gemelagi).

Al comun de Ẑess al è gemelà co 'l Municipio de Aratiba, 'te 'l Brasil.




#Article 323: Clasificaxion de Gell e Coombs (386 words)


Ła Clasificaxion de Gell e Coombs ła riguarda i diversi tipi de reaxion imunitarie del'organismo e la xe sta fata nel 1963 da sti do imunologi inglesi. Ancò ła sarìa un fiatin masa schematica, ma ła conserva ancora ła so vałidità e ła so praticità.
Par Gell e Coombs, łe reaxion imunitarie łe xe de 4 tipi.

Ła xe na reaxion imediata, ligà all'axion de specifiche imunoglobuŀine E, o IgE, che xe anticorpi che se taca da na parte al'aŀergene e da l'altra ai mastociti e ai granułociti basofiłi, çełułe del'organismo che le ga drento diversi granei pieni de mediatori chimici. 
Quando che se forma sto ponte ałergene-IgE-mastocita, vien sgranà fora tuti i mediatori chimici, che provoca diłataxion dei vasi del sangue, crèsita deła permeabiłità vascołare e contraxion deła muscoładura dei bronchi. El tuto in pochi minuti, masimo mesora.
Reaxion de 1° tipo łe pol dare asma, rinite, congiuntivite, orticaria, sintomi de ałergia ałimentare, anafiłasi.

Łe vien ciamà anca reaxion citotosiche parchè łe çełułe łe vien desfà da dełe imunoglobułine G o M, IgG e IgM, che łe se taca ai antigeni dełe menbrane dełe çełułe stese.
Par far questo, sti anticorpi i ga bisogno che ghe sia el conplemento.
Un esempio de reaxion de 2° tipo xe ła emołisi da medesine.

Łe xe ligà al fato che se forma dei conplesi antigene-anticorpo, tacà insieme, che i xe solubiłi e i se deposita sui tesuti, màsima sui vasi e sui glomerułi dei reni. Quando che riva anca el conplemento, se scadena na forte reaxion infiamatoria. Tuto el vien fora nel giro de 8-10 ore.
Małatie da reaxion de 3° tipo xe tante de quełe da łavoro, come el polmon del contadin par esempio, e çerte małatie dei reni.

Łe xe reaxion fate da çełułe, da ipersensibiłità ritardà. Qua no xe in canpo i anticorpi, ma dełe çełułe del sistema imunitario, i łinfociti T, che cołe so sostanse che i łibera, łe łinfochine, i desfa çełułe e bateri e i stimoła na forte reaxion infiamatoria anca de altri elementi (macrofagi e granułociti neutrofiłi). I tempi che ghe vol parchè se sviłupa tuta ła reaxion i xe de 24-48 ore.
Małatie da reaxion de 4° tipo xe i esèmi da contato o dermatiti da contato, che i vien fora, anca questi, tante volte in tel ambiente de łavoro.




#Article 324: Piove de Saco (294 words)


 
Piove de Saco el xe un comune de 18325 abitanti de ła provincia de Padova.

El teritorio de Piove de Saco el jera abità forse xà in età paleovèneta e'l xe deventà soto i Romani n'inportante nodo stradałe e fluviałe. Infati par Plebs Sacci ghe pasava łe Vie Annia e Popilia e i fiumi Bachiłion e Àdexe. 'Ntei tinpi soto i łongobardi ła sità ła xe deventada sede de n'arimano (cao tribù), 'ntel'VIII sècoło ła xe pasada soto el controło dei carolingi par devégnare daspò, dal'880, teritorio del vescovado de Pàdova. In sto ténpo ła xe stada fortifegada coi terapiini che i caraterixa anca 'ntei jurni de ancuo l'aspeto a forma de quadriłàtaro.

'Ntel XIV sècoło Piove de Saco ła xe 'ndada soto l'influénsa dei siuri de Pàdova, i Cararesi, che i ga conpletà łe fortifegasion col'edifegasion de grande tore a łe porte de intrada, ma mantegnéndo sénpre ła despoxision orixenaria a forma de retàngoło. Con ła fine de ła signoria padovana, sta xona ła xe pasada 'nte łe man de ła Serenìsima e ła despoxision urbanìsega ła xe restada pì o manco sénpre queła, se no consideremo łe numaroxe viłe fate tirar su dai patrisi de Venesia, fin a ła fin del XVIII sècoło. In sti tinpi qua parici edifisi stòreghi, infrà i quałi el pałaso comunałe e łe porte de intrada, i xe stai butai xó, ma i ga tirà su de novo ła céxa de San Martin.

Prima de i ani '40 a Piove ghe jera pì de 300 caxuni, tìpega caxa contadina vèneta, ancùo ghe né xe sol che do.

I foresti rexidenti a Piove de Saco al 31 disenbre 2015 i xe  e i rapresenta 'l 11,31% de ła popolasion rexidente. De seguito ghe xe i grupi pi consistenti:




#Article 325: Montagnana (160 words)


Montagnana el xe on comun de 9351 abitanti de ła provincia de Pàdoa, famoxa pa'l palio de i diexe comuni e pa'l parsùto sałà, el xe anche on paexe de frontiera parché el confina a Ovest cò ła provincia de Verona e a Nord cò la provincia de Vicensa.

Montagnana el xe on paexe sensa rilievi de nota, nando fora da Porta Vicensa se cata prima łe scołe e po pì vanti el fiume Frasine, che'l xe anca l'ugnoło corso d'aqua del paexe, fora dai sentri abità ghè xe soło che canpi.

Secondo ła stasion metereoloxega de Montagnana, el clima del paexe el xe molto piasevołe sia d'istà che d'inverno, difati la tenperaura piasé basa che se registra ła xe de squaxi 2 gradi inte el mexe de xenaro mentre in piena istà se riva a 23 gradi e pasa, no ghè xe on periodo de ła piova. Ła piova ła vien xò in maniera iregołare durante tuto 'l ano.




#Article 326: Cavałin-Treporti (479 words)


Cavałin-Treporti el xe un comùn de 12500 abitanti 'nte ła Provincia de Venesia. El xe comun bastansa resénte (ani '90) chel ga un stema chel raprexenta i dó séntri prinsipałi: in altro a sanca ghe xe un pìcoło cavało su requadro verdo, in baso a drita ghe xe tre àncore (che łe sta per tre porti) su sfondro blu.

Cavałin e Treporti i xe na łocałità turìstega bastansa frequentada: ła òspita squaxi sie miłióni de persone per ano, più o manco come Gèxoło, e ła devénta in istà na sità de più de 100000 persone.

El teritorio del comun el xe costituìo da na penìxoła (el Litoral del Cavałin) che ła divide ła Laguna de Venesia nord dal mar Adriàtico. El fiume Siłe (chel scor 'ntel vecio àlveo del Piave e per sta raxon conosùo anca come Piave Vecia) ła divide a nord-est dal teritorio comunal de Gèxoło.

Ła penìxoła ła xe divixa da ła laguna traverso el canal Pordełio che, verso ovest, el se derama in altri dó canałi, el Portoseco e'l Sacagnana; se pol navegar su tuti sti tre. El Pordełio el finise visin al Siłe al qual el xe cołgà traverso el canal Cason; ła confluénsa de sto qua 'ntel fiume ła xe regołada da na diga. Ła fin de ła penìxoła ła se ciama Punta Sabioni.

El nome Cavałin el cata ła sóa orìxene dal'uxo de st'àrea per l'ałevamento de cavałi dei antighi vèneti. Propio come 'ntel visin comun de Gèxoło, altro nome chel vien fora da Equilium.

El teritorio el xe cresùo ai ténpi dei Romani (a Lio Pìcoło i xe vegnudi fora daspò scavi i resti de un moxaico de na viła romana) e soratuto 'ntel'Alto Medioevo, có 'nte ła Laguna nord i xe nasùi inportanti séntri come Torseo, Amiana e Costansiaco. El canbiar de łe condision ambientałi e l'afermasion de Venesia i ga portà sti posti a na decadénsa 'ntei sècołi daspò; ła xona ła xe ga fata piena de pałui e małaria e i ga recuperà durante łe più resénti bonìfeghe che łe ga avùo come conseguénsa ła fondasion dei paéxi de ancuo. Testimoniansa de sta roba ła xe ła prexensa de ła paroła Ca' in numeróxi topònimi, tèrmene chel èndega na tegnùa agrìcoła. Anca el scavo del canal Cavałin (ancuo canal Cason), chel xe stà bon a cołigar ła Laguna al Piave, el ga contribuìo a megiorar sta xona.

Daspò ła caxua de ła Serenìsima e l'istitusion dei comuni, Cavałin e Treporti łe xe stae parte de Buran e łe ghe xe 'ndae drio fin a có sto qua el xe stà meso drénto a Venesia (1923).

El comun de ancuo de Cavałin-Treporti el xe stà creà el 29 de marso 1999 levando via da Venesia el teritorio del pasà quartièr 9 Cavałin-Treporti. Ła nàsita del comun ła xe stada posìbiłe grasie a na lexe regional seguìa da un referendum.




#Article 327: Este (245 words)


	

Este el xe un comùn de 16954 abitanti 'nte ła provincia de Padova.

El nome Este pare che el deriva dal nome in łéngoa łatina del fiume Adexe (Athesis), che ło ga traversà, fin ała exondasion del 589 che ga spostà el so corso pì a sud. I so abitanti i se chiama Atestini, ma a vien usà anca Estensi, nonostante sto sostantivo el indica, a rigore, i abitanti de Ferara, dove i se ga insedià i Estensi.

Ła zità de Este ła xe abitada fin da ł'antichità: zà inte ł'età del fero, infati, el gera el prinsipal insediamento dei paleoveneti. In seguito, intel III-II secoło a.C., Este e tuto el Veneto el xe diventà cołonia romana. Reperti de sti periodi i xe conservai intel Muxeo Nazional Atestino. Inte ł'89 a.C., con ła lex Pompeia, a xe sta conceso el dirito łatin; intel 49 a.C., ai scuminzi deła guera civil tra Pompeo e Cesare, st'ultimo, par otegner ł'apozo deła popołasion, el ga conceso el dirito romano a tuta ła Gallia cisalpina, indove el gera sta proconsołe tra el 58 e il 49. In seguito ała battaja de Azio, Augusto el ga afidà ai soldati deła V e XI legion i teritori de ł'agro de Este (formà dai terrtori de Galsignán, Teolo, Lonigo, Noventa Vicentina, Trecenta, Pernumia, Monsełexe, e dal monte Venda, che adeso el fa parte del comune de Vò).
In seguito ałe invasion barbariche Este ła se ga spopołà, riduxendose a on viłajo rural.




#Article 328: Monsèłexe (362 words)


Monséłexe el xe un comun de 17 603 abitanti 'nte ła provincia de Padova. Séntro de rełevansa de ła Basa Padovana, ła se cata ai pie dei cołe de ła Roca, al de sora del quałe ghe xe un casteło, tirà su 'ntel'Alto Medioevo e dal grando vałor artìstego. Da sto edifisio parte na sinta de muri fata da tri sirci che i toe drénto tuto l'abità..

Oltra al casteło, a Monséłexe se cata un fià de céxe inportanti dedicade a San Poło, San Stin, San Martin e San Tomà. Ghe xe anca dó viłe vènete, na dei Contarini e st'altra dei Marcello.

El signifegà del nome Monséłexe el podaria vegnere da mons silicis, łigà al'estrasion de ła piéra de sèłexe dal cołe intorno al qual a se cata el paéxe, o da mons elicis (monte del'èłexe), dal nome del'àlbaro.

Ła lexenda ła cónta che Monséłexe ła saria stà fondada parfin da Osicela, un dei compagni de Antenore, méntre ghe xe n'altra version che ła fa risałire l'orìxene al scontro infrà altri du personaji del mito ła regina Egina e'l gigante Sarpedone. In ogni caxo se sa che i primi insediaminti i xe oncora de prima, 'ntel'età del fero.

'Ntel'Età de Mezo ła sità ła xe nasesta bastansa présto respeto ai altri séntri minuri del teritorio. I Bizantini i xe stai i primi a fortifegare el cołe de ła Roca, 'ntel VI sècoło, che'l ga avùo n'inportansa stratèjica soto i Franchi. El sistema de mura el xe sta infin parfesionà da Ezelin da Roman e daspò dai Cararexi, chei ga vosùo che Monséłexe ła fuse l'avanposto defensivo meridionałe de Pàdova.

'Ntel 1405 ła sità ła xe pasada soto ła Repùblica de Venesia, deventando łógo de sojorno par patrisi de łe fameje Marcello (a ła quałe ghe partegneva anca el casteło), Duodo, Nani e Pisani.
Durante sti tinpi ła sità ła ga visto i sui muri decorai secondo el gusto rinasimentałe e, un sècoło daspò, 'ntel '600, el séntro ornà da ełeminti barochi.

Daspò l'intrada 'ntel'Itałia, Monséłexe ła xe cresesta dal pónto de vista agrìcoło e industriałe afermàndose, grasie a ła só poxision, come un dei séntri più inportanti de ła Basa Padovana.




#Article 329: Parnùmia (123 words)


	
Parnùmia el xe un comun de 3 707 abitanti 'nte ła provincia de Pàdova. Ła xe distante 25 km dal capołogo.

El nome el poe végnare fora dal nome de persona łatin Nummius col union de prata(prà) o preta (piéra).

Se pénsa che qua ghe sia nasesto el Ruzante, da queło che łu el dixe de sè 'ntei sui scriti, parlando de tre tore, co probàbiłe referimento al stema aràldego del comun (a' ghe son mi tre de le tore). Altri personaji inportante che i vien da Parnumia i xe Alfredo Magarotto, pasà véscovo de Vitorio, e Bruno Barnes, sonador de liuto.
 
Ghe se fa in setenbre na sagra dedicada a Sant'Agostin. 'Ntel inisio de disenbre ghe se tegne ła festa del porseło.




#Article 330: Baxéłega de San Marco (2859 words)


Ła Baxełega de San Marco a Venesia ła xe ła céxa più famoxa del caołogo vèneto. Ła xe el pì conosuo exenpio de architetura bixantina en Itałia. Ła xe fasada su Piasa San Marco e ła xe tacada e cołigada al Pałaso Dogal. Ła xe anca ła sede del Patriarca de Venesia dal 1807 e ła contien el cadàvere de San Marco Vangełista.

Ła prima céxa dedicada a San Marco ła xe stada un edifisio de poco tenpo edifegà indove ancuo se cata el Pałaso Dogal. 'Ntel 828 có i mercanti venesiani i ga cronpà łe rełiquie de San Marco Vangełista da Ałesandria d'Egito. Sto edifisio el xe stà sostituìo da na nova céxa catda 'ntel łogo de ancuo e tirada su 'ntel'832. Però ła xe 'ndada a fogo durante na rebelion 'ntel 976 e ła xe stada, donca, tirada su de novo 'ntel 978. Ła baxe de ła baxełega de ancuo ła vien fora dal 1063. El texoro del saco de Costantinòpołi durante ła Quarta Crociada ła ga richio ła baxełega e ła ga dà aredi de grando prestixo, fra i quai i famoxi cavałi de bronxo chei vien dal'ipòdromo de ła cavedal del'Inpero Roman d'Oriente e che ancuo i xe mesi 'ntel muxeo de ła baxełega. Sora el portaò magior ghe xe reprodusion dei orixenałi. Sul lai a drita se cata do piłastri łavorai per ben chei vien da ła Baxełega de San Polieucto.

Ła prima céxa dedicada a San Marco, vosùa da Giustiniano Partecipazio, ła xe stada tirada su tacada al Pałaso Dogal 'ntel'828 per ospitar łe rełiquie de San Marco robae, secondo ła tradision, a Lisandria d'Egito da dó mercanti venesiani: Buono da Małamoco e Rustico da Torseo. Sta céxa qua ła ga sostituìo ła cappeła pałatina de prima, dedicada al santo bizantin Tòdaro, tirada su a ocio indove ancuo ghe xe ła piaseta dei leóni, a nord de ła baxełega de San Marco. Anca el primo Canpanièl de San Marco el xe del IX sècoło.

Su ła prima céxa di San Marco daspò un fià ghe xe stada fata na nova, catada 'ntel łógo de ancuo e edifegada 'ntel'832; sta qua però ła xe 'ndada a fógo durante na revolta 'ntel 976 e ła xe stada eora tirada su de novo 'ntel 978 da Piero Orseolo I. Ła baxełega de ancuo ła xe n'altra re-edifegasion (scomensada dal doxe Domenico Contarini 'ntel 1063 e mandada vanti da Domenico Selvo e Vidal Falier) chel ga recalcà bastansa fedelmente ła grandesa e ła forma del'edifisio prima. Ła nova consacrasion ła xe stada fata 'ntel 1094; ła lexenda ła dixe che 'ntel steso ano i ga pescà fora da na cołona de ła baxełega el corpo del santo, chel gera stà sconto có i łavorava e i se eo ga desmentegà. N'altro incendio el ga colpìo ła baxełega 'ntel 1231.

Ła maravegioxa decorasion a moxaisi doreti del drénto deła baxełega ła xe xa squaxi conpletada a ła fin dal XII sècoło. Prima de ła metà del Doxento ła xe stada fata l'intrada (el nartece chel girava datorno tuto el braso osidental, creando łe considion bone per tirar su ła fasada. Infati prima el fora el gera co quarełi a vista, come 'nte ła baxełega de Muran).

I sècołi daspò i ga visto ła baxełega richirse sénpre de più co cołone, sfrixi, màrmari, sculture, ori, portai a Venesia su łe nave dei mercanti. Speso el gera material łevà via da antighi edifisi butai xó. In particołar, quei chei ga tolto svałixando Costantinopoli 'ntel corso de ła Quarta Crociada (1204) el ga richìo el texoro de ła baxełega e da aredi de grando vałor.

'Ntel Doxento, có i łavorava per strasformar l'aspeto de ła piasa, łe cùpołe łe xe stae alsae co tècneghe de edifegasion bizantine e fatìmide: ste qua łe xe struture de legno recoverte da łastre de pionbo sora łe cùpołe orixenałi più antighe, su łe quałi se cata ła covertura de moxàisi che se varda da drénto. Soło 'ntel XV sècoło, co ła decorasion de ła parte alta de łe fasade, i ga da l'aspeto che el fora de ła baxełega el ga ancuo; sta qua, anca daspò tuti sti łavori, no ła xe un insieme coerénte e ùnego de tute łe esperiénse de arte che łe ga influensà ea durante i sècołi. 

A ła fin i xe stai reałixai el Batistero e ła Capeła de San Doro de Chio (XIV sècoło), la sagrestia (XV) e ła Capeła Zen (XVI). 'Ntel 1617, co ła sistemasion de do altari drénto, se pol dir che ła baxełega ła sia fata.

In quanto céxa de Stato, ła baxełega ła gera gestia dal doxe e miga dal patriarca, chel gavéva ła sóa càtedra 'nte ła céxa de San Piero. El doxe steso el sełieva un clero dogal guidà dal primicerio. Soło dal 1807 San Marco ła xe deventada ufisialmente catedral.

L'aministrasion de ła baxełega ła gera fidada a un inportante magistradura de ła Repùblica de Venesia, i Procuratori de San Marco, chei gaveva come séde łe Procuratie. Tuti i łavori de edifegasio e de consada i geran manixai dal proto: anca grandi architeti come Jacopo Sansovino e Baldassarre Longhena i ga avùo sta carga. Procuratóri de San Marco e proto i existe ancora ancuo e i svolxe per il patriarcato i stési łavori de na volta.

Da fora, divixo in tre desferénti registri — pian soto, terasa, cùpołe — ła preval ła łarghesa, perché 'nte na sità come Venesia, che ła se puxa su un teren sabioxo, i tirava su i edifisi più in larghesa, dal pexo più equiłibrà.

Ła xe infato łonga 76,5 metri e łarga 62,60 (al transeto), mentre ła cùpoła sentral ła xe alta 43 metri (28,15 drénto).

 
Ła fasada de màrmaro ła xe del XIII sècoło. Ghe xe stai mési drénto moxaisi, basoriłievi e na granda quantità de material de spogio de ogni tipo. Sta roba ła ga da ła caraterìstega połìcroma, che ła se smisia coi conplesi efeti de ciaroscuro cauxai da łe verture pien de forme e al xógo dei vołumi. Łe dó porte de intrada ai estremi łe xe stae reałixae co tìnpani a arcada inflesa, de ciara ispirasion àraba, forse vosùe anca per recordar Lisandria d'Egito, indove el gera capità el martirio de San Marco.

Łe porte de bronxo łe vien da ténpi desferénti: a sud ła Porta de San Clemente ła xe bizantina e ła xe del'XI sècoło; quea sentral, de produsion inserta, ła xe del XII sècoło; łe porte secondarie łe xe più de daspò e łe xe decorae secondo un gusto per l'antigo. 'Nte ła fasada al lai sud in antico se verxeva ła Porta da Mar, l'intrada cataad visin al Pałaso Dogal e al moło, dal qual se 'ndava drénto Venesia.

Intrà i moxaisi de ła fasada, l'ùnego restà dei orixenałi del doxento el xe queo sora del primo portal a sanca, el portal de Sant'Alipio, chel raprexenta l'intrada del corpo de San Marco 'nte ła baxełega come che'l gera eora. I altri, danegiai, i xe stai refati infrà el XVII e'l XIX sècoło mantegnéndo i sogeti orixenałi, che, sénsa considerar el moxaico sora el portal sentral, i ga tuti come sogeto prinsipale el corpo del santo, i mercanti venesiani che, visin Lisandria d'Egito 'ntel 829, i eo ga catà, có el xe rivà in sità e ła depoxision.

Ła łuneta del portal sentral ła xe decorada secondo l'usansa tipegamente osidental ai ténpi romàneghi, co un Giudisio universal, cornixà da tre arcade scolpìe de desferénti dimension, che i conta de na serie de Profeti, de Virtù sacre e siviłi, de Ałegorie dei méxi, dei Mestièri e de altre sene simbòłeghe co anemałi e puti (1215-1245 a ocio). Sti riłievi qua i smisia ełementi orientałi e del romànego padan (come łe òpere de Wiligelmo), ma i xe stai reałixai da maestri del posto.

Da łe arcade inflese del'órdene de sora, decorai in stiłe gòtego fiorìo, łe statue de łe Virtù cardinałi e Virtù teołogałi, quatro santi guerièri e San Marco i vegia su ła sità. 'Ntel'arcada del fenestron sentral, soto San Marco, el Leon ałà el mostra el łibro co łe parołe Pax tibi Marce Evangelista meus.

Infrà łe òpere che łe xe rivae da Costantinopoli, ła più famoxa ła xe quea dei cavałi de bronxo doreto e arxentà, del qual no savémo l'orìxene, chei xe stai tolti via dai Venesiani, durante ła quarta crociada dal'Ipòdromo de Costantinopoli, ła cavedal del'Inpero roman d'Oriente e posti sora del portal sentral de ła baxełega. De łe parece quadrighe che łe decorava i archi trionfałi dei ténpi antighi, sta qua ła xe l'ùnego exenpio che ghe resta al mondo. Daspò el longo restoro scomensà 'ntel 1977, i cavałi de San Marco ancuo i xe serai 'ntel Muxeo de San Marco drénto ła baxełega, sostituìi su ła balconada da copie.

Rivai a Venesia anca sti qua durante i ténpi de łe crociade, posti vanti al lai de sanca de ła baxełega propio visin a ła Porta de ła Carta, antiga intrada per i archivi de stato de ła Serenìsima, ghe xe dó cormełi che i vien da ła baxełega de San Polieucto, portai via per nave da San Zuane d'Acri, dal qual salta fora el nome. Ła sóa poxision 'ntel panorama de ła Piaseta, che ła sénbra insensada, ła xe cusì perché ghe gera masa decorasion che i venesiani i gaveva tolto durante łe crociade: a sti qua i cormełi i ghe piaxeva per el só vałor, dónca i xe stai mési in mexo a ła piaseta indove i pol eser visti ben. Łavorai per ben, sti qua i prexenta caraterìsteghe sasànide come pìcołe palme ałae, paóni, ua, fati co ciaresa distributiva e precixion màsima; i raprexenta na de łe prime evidénse che anca decorasion dal'oriente łe gera drio rivar 'ntel arte osidental.

Òpera che ła podria èser del III sècoło, strasportada a Venesia daspò el sacchegio de Costantinopoli del 1204. Ła figura, in un bloco de pòrfido roso dal'alteza de, a ocio, 130 cm, i tetrarchi, chei gera i dó cesari e i dó augusti (un cesare e un augusto per ogni parte 'nte ła quae l'inpero roman el xe stà divixo dal'inperador Dioclesian co ła sóa reforma). I istòreghi i xe ancora drio discuter su qual de łe dó tetrarchie ła scultura ła se riferisa.

Na lexenda popołar ła vol invese che sta scultura ła sia quea de quattro ładroni ciapai dal Santo de ła baxełega méntre i robava el sóo texoro sconto drénto e chei xe stai da eo pierifegai e daspò murai al lai de ła Porta de ła Carta dai venesiani, propio al'àngoło del Texoro.

El nartece, co ła sóa łuxe smorsada, el prepara el vixitator al'atmosfera scura del drénto doreto, come l'Antigo Testamento raprexentà dai moxaisi de ła sofita el prepara al Vanxeło figurà in baxełega. I sogeti prinsipałi i xe ła Gènexi e intramexi de łe vite de Noè, Abramo, Isepo, Moisè. Ancuo l'intrada ła se conpon de dó anbiénti, in quanto Batistero e Cappeła Zen i xe stai fati seràndoghe el lai sud.

Ła pianta de ła baxełega ła xe a cróxe greca co sinque cùpołe che łe se cata al séntro e łóngo i asi de ła cróxe e racordae da arconi (anca prexenti per exenpio 'nte ła céxa dei Santi Apòstołi dei ténpi de Giustinian). Łe navade, tre per braso, łe xe divixe da cołonati chei se incontra verso i sodi cormełi chei rege łe cùpołe; sti qua i no xe reałixai come bloco ùnego de muraùra ma articołai anca łóri come el mòduło prinsipal: quatro suporti ai vèrtexi de un quadrato, setóri de raccordo revoltai e parte sentral co cupołeta. 

I muri fora e drento i xe invese sutiłi, per łexierir el pexo del'edifisio sul dełicà terén venesian, e'i sénbra squaxi diaframi téxi intrà cormeło e cormeło, a reger ła ringhiera dei matronei; i no serve miga per reger, ma soło per tanponar. Muri e cormełi i xe conpletamente coverti, 'nte ła parte soto, co łastre de màrmari de più cołóri. El salizo el ga na covertura de màrmaro desegnà co forme geomètreghe e figure de anemałi co łe tècneghe del'opus sectile e del'opus tessellatum. Anca se'l xe sta paréce volte consà, ghe xe ancora trati orixenałi del XII sècoło.

Ełeménti de orìxene osidental i xe ła cripta, che ła ferma el suseguitarse de na de łe sinque unità spasiałi, e ła łogasion del'altar, miga al séntro de ła strutura (come 'ntei martyrion bizantini), ma 'nel presbiterio. Per sta roba i brasi i no xe uguałi, ma sul'ase est-ovest i ga ła navada sentral più granda, creando cusì n'ase longitudinal prinsipal chel porta a véder verso l'altar magior, chel covre i resti de San Marco. Indrio l'altar magior, girada verso l'àbside, ła xe mésa ła Pała d'oro, che ła xe parte del Texoro de San Marco.

El grupo de cołone istoriàe chei rege el ciborio sora del'altar magior, łe ga modełi paleocristiani, con ełeménti anca recalcàe, anca se magari canbiai de contesto o de signifegà. Sto revival qua, chei ga vosùo crear, el xe da cołigar a ła vogia de Venesia de tornar ai ténpi de Costantin tołéndose l'eredità del'Imperii christiani daspò che ła gaveva ciapà Costantinopoli. El presbiterio el xe divixo dal resto de ła baxełega da n'iconòstaxi, ispirada a łe céxe bizantine. Ła xe formada da oto cołone in màrmaro roso brocateło e coronada da n'alto Crocifiso e da statue de Pier Paolo e Jacobello dalle Masegne, caołavoro de ła scultura gòtega (fin XIV sècoło). Dal presbiterio se intra 'nte ła sagrestia e a na cexeta del XV sècoło dedicada a San Tòdaro, indove ghe xe n'Adorasione del Banbin de Zuan Batista Tiepolo.

Al'inisio del transeto a drita, cołigà al Pałaso Dogal, se cata lanbon de łe rełiquie, da indove el doxe 'pena ełeto el se mostrava ai Venesiani. 'Nte ła navada a sanca i se cata ła capeła de San Clemente e l'altar del Sacramento. Qua ghe xe el cormeło 'ntel qual el corpo di San Marco el xe stà catà, come vien contà 'ntei interesanti moxaisi de ła navada a drita (da indove se intra 'ntei anbiénti del Texoro de San Marco).

Al'inisio del transeto a sanca ghe xe invese lanbon dopio per ła łetura de łe Scritture; i segue, 'nte ła navada a drita, ła capeła de San Piero e ła capeła de ła Madona Nicopeia, n'icona bizantina rivada a Venesia daspò ła Quarta Crociada e ogeto de devosion. Sul lai nord ghe xe łe intrade a ła capeła de San Doro de Chio ed a ła capeła Mascoli.

Ła decorasion de mosaisi de ła baxełega ła covre n'arco de ténpo davèro grando, però, forse, ła ga avùo un progeto unitario e coerénte.

I moxaisi più antighi i xe quei del'àbside (Cristo pantocrator, fato de novo però 'ntel XVI sècoło, e figure de santi e apòstołi) e del'intrada (Vangełisti), reałixai a ła fin del'XI sècoło da artisti gresi, sìmiłi ai moxaici, per exenpio, 'ntel domo de Ravena o 'nte ła catedral de San Giusto a Trieste. 

I Vangełisti forse i decorava l'intrada sentral de ła baxełega ancora prima che el nartece el fuse fato. I altri moxaisi i xe stai xontai a partir da ła seconda parte del XII sècoło da artisti venesiani. 

Prinsipalmente l'atrio el prexenta Storie del'Antigo testamento e łe tre cùpołe sul'ase longitudinal łe ga apoteóxe divine e cristołòxiche, mentre i sói arconi i prexenta sene dei Vangełi. 

Ła Cùpoła de ła Pentecoste ła xe stada reałixada prima de ła fin del XII sècoło, forse riproduxendo łe miniature bizantine de un manoscritto de ła corte bizantina. Ła cùpoła sentral ła xe dita de ła Sénsa, mentre quea sora l'altar magior del'Emanuèl, e łe xe stae decorae daspò quea de ła Pentecoste. 

Daspò i se ga mési a far ła Cupołeta de ła Gènexi del'atrio (1220-1240, a ocio), seguéndo in maniera fedełe łe iłustrasion de ła Bibbia Cotton (altra òpera d'ispirasion paleocristiana).

El transeto nord, reałixà daspò, el ga ła cùpoła dedicada a San Zuane Vangełista e Storie de ła Vèrxene 'ntei arconi. Queo sud el prexenta ła cùpoła de San Lunardo (con altri santi) e, sora ła navada a drita, Fati de ła vita de San Marco'. In ste òpere qua e in quee del steso ténpo de ła tribuna i artisti venediani i ghe ga méso sénpre magióri ełementi osidentałi, vegnùi fora dal'arte romànica e gòtica.

Più tardi i xe stai fati i moxaisi de łe cupołete de Iosepo e de Moisè, 'ntel lai nord del'atrio, forse 'nte ła seconda parte del XIII sècoło, indove se prova efeti maravegióxi co na redusion de łe senografie architetòneghe in funsion de ła narasion. Altri notévołi moxaisi i decora el Batistero, ła Capeła Mascoli e ła Capeła de San Doro. 

Łe ùltime decorasion muxive łe xe quee de ła Capeła Zen (canton sud del'atrio), indove el gavria łavorà de novo un maestro greco de granda bravura.

Paréci moxaisi rovinai i xe stai fati de novo daspò mantegnéndo i sogeti orixenałi. Qualche carton el xe sta reałixà da Michele Giambono, Paolo Uccello, Andrea del Castagno, Paolo Veronese, da Tintoreto e dal fio Domenico. Tisian e'l Padovanino i ga invese fato i cartoni per i moxaisi de ła sagrestia.




#Article 331: Maxarà (344 words)


	
Maxarà el xe un comune de ła provincia de Padova, abità da 9 938 persone. De sti qua 1 056 i sta 'nte ła frasion de Bertipaja, che ła se cata a squaxi du chiłòmetri dal séntro del comune.

El nome de Maxarà el poe végnare fora da ła prexensa de aque indove se maxarava el lino, par farghe tesùi. Poe anca èsare che in sto posto ghe fuse portae łe maxerie e i scarti scavai fora có i romani i ga fato ła centuriasion.

Ste xone łe xe stae abitae da popołasion paleovènete, dónca i xe rivai i Romani, chei ga fato insediaminti łóngo ła strada caput silvae. Sti qua i no gera inportanti e daspò łe invaxion barbàreghe no se sa pì gnénte. Se scoménsa a sentire de novo de ła xona de Maxarà grasie ai mùneghi che, datorno al 740, i ga fato el monastier 'nte un łogo ciamà Corte.Se sa anca che el 2 de majo 874 el véscovo de Pàdova, Roerio, el ghe ga fato na donasion de tere: sto fato el confèrma che xà sti posti i gera soto el controło de ła diòcexi de Pàdova; 'ntel 970 el monastier el ga tólto altre tere grasie al véscovo Gauslino. Rivai al 1190, ła céxa de Santa Maria Vèrxene ła xe deventada séde arcipretałe. Se sa de un comun de Maxarà 'ntel 1234, chel gera bastansa inportante e grando, ma a łe dependénse jurìdiche de Pàdova.

Ła popołasion ła xe sénpre restada łigada al monestier, chel ga ajutà a mantégnare ła popołasion dàndoghe łavuri e bonifegando łe tere. Durante i ténpi de dominio venesian sta xona, come tuto el Vèneto, ła ga avùo łóngo ténpo de paxe, interoto soło dai soldai foresti che, 'nte ła Guera de Cambrai, i xe rivai a sachejare el teritorio.

Napoleon el ga sarà el monastier e'l ga dà i sui posediminti a privai. El teritorio el xe restà łigà al'agricoltura e ancora 'ntei ténpi de uncó eo xe bastansa, anca se, daspò ła Seconda guera mondiałe, tuti i seturi econòmisi i xe cresesti.




#Article 332: Bovołenta (130 words)


 
Bovołenta el xe on comun de 3143 abitanti 'nte ła provincia de Padova.

Bovołenta ła se cata desora on teritorio pianexante; ła xe traversada dal fiume Bachiglion e dal canal Vigenzone, che i confluise proprio a Bovołenta, precisamente in łocalità Pontara.

El toponimo Bovolenta el xe vegnuo fora par ła prima olta intel 1027, inte on ato de donasion da parte de Litolfo da Carrara a favor de ł’Abazia de Carara Santo Stefano.

'Nte i ani del basso medioevo el paexe el ga conosesto on serto sviłupo economico, grasie a na favorevołe poxision giografega (Bovołenta ła se cata ała confluensa de du inportanti corsi d’aqua) che ła ga fato on inportante croxevia intel sistema de comunicasion fluviałe par el trasporto dełe merce tra Padova, i Cołi Euganei, Venesia e ł’Adriatico




#Article 333: Fontaniva (563 words)


Fontaniva el xe un comun de 8.249 abitanti de l'alta padovana.

El teritorio comunałe de Fontaniva el se cata 'nte'l core de ła pianura vèneta, al confin tra alta e basa pianura, 'nte ła xona de łe risorgive, e el xe traversà da ła Brenta. Ła gran parte del sentro abità ła se cata in sanca idrografica.

El teritorio de Fontaniva el fa parte de la centuriasion romana de Sitadèła-Basan e l'xe sta abità sicuramente fin da l'epoca romana. Dopo che xe cascà 'l inpero Roman ve se ga stabiłìo xenti longobarde.

Inte el 1147 inte el teritorio fontanivexe xe sta firmà ła pase infrà vixentini e padoani.

Fontaniva ła xe una de łe locałità interesae da łe visende storiche ligae a la famèja dei Exełini che i gheva de łe propietà inte el paexe.

La cexa parochiałe, dedicà al Beato Bartrando e a ła Madòna, che de resente ła xe deventà dòmo, la xe sta ingrandìa pì volte inte la so stòria. Al so interno se cata anca de łe tełe d'autor, come par exenpio na Ultema sèna de Palma el xóvane. De fianco a la cexa ghe xe el canpaniłe, costruìo so na vècia tore del castèło (distruto, el castèło, inte el 1228).

Inte el teritorio comunałe se cata anca la cexa parochiale de San Dordi e racuanti oratori e cexete.

Come inte el resto de ła canpagna vèneta na volta i laori agricołi i jera organixai col sistema de łe viłe. De ste viłe inte el teritorio comunałe ghi ne xe tre:

Inte i ani sesanta vien costruìo da ła Parochia el Cine Teatro Palladio da 400 e pasa posti. Inte el 2008 el xe sta riverto dopo un restauro e soto xe sta fata anca na sała conferense dedicà a Monsignor Nichele, el paroco che gheva fato costruir el Cine.

I rexidenti co na citadinansa foresta i xe pì o meno el 11,5% de ła popołasion del paexe. Ła comunità foresta pì grosa ła xe cueła rumena, poco pì del 5% de ła popołasion del comun el vien da là (scuaxi 1 foresto su 2 el xe rumeno). Segue łe comunità albanexe (poco pì del 1%), del Burkina Faso (1%), del Maroco (poco manco del 1%), de ła Moldavia e de ła Cina (tute do torno el 0,5%, segue altre comunità co nùmeri manco significativi).

Inte el teritorio comunałe se trova do scołe ełementari (una in sentro e n'altra inte ła frasion de San Dordi) e una scoła media, tute statałi.

L'ùgnoła frasion ła xe San Dordi in Brenta, co pì de miłe abitanti, fondà in epoca longobarda e sede de un ramo de ła famèja Borromeo. Po ghe xe łe locałità de Boschi (l'ùgnoła in dreta Brenta), Caxoni, Fontaniveta e Frata.

Ła conomìa del paexe ła xe da senpre ligà a i materiałi ricavai da ła Brenta, fra tuti ła giara. Inportante xe sta, inte el pasà, anca łe fornaxe da calse. Pì resente l'industria ligà ai pre-fabricai.

El sentro de Fontaniva el xe traversà da ła vècia statałe 53, che dal 2004 ła xe sta portà fora dal sentro co la costrusion de na tangensiałe.

Fontaniva ła xe anca traversà da ła ferovia che cołega Vicensa co Trevixo.

'L ùgnoło inpianto sportivo pa' i spòr de scuadra prexente inte el teritorio comunałe xe el picoło stadio comunałe pa'l bałon, 'ndove che xuga ła locałe società de diłetanti.




#Article 334: Agort (146 words)


 Àgordo o Àgort, 'nte ła variansa łocal, el xe on comun de 4080 aneme 'nte ła Provinsia de Bełun.

L'è on çìel sul sfondo, e doi torri coi merli, una per banda, metude sòra dòi crèp. Intè èl méz pasa en rù de agua. Sòra, al centro l'è na stela dè ardènt a siè pònte.

La città de Agort l'è la XXma tra 27  città decorada cò la medaja de oro come Benemerite del Risorgimento nazionale per ésé stata tant patriottica intè èl periodo del Risorgimento. Periodo, compreso tra i moti insurrezionai del 1848 e la fin dela prima Guera Mondial int'el 1918.

El paès de Agort l'è costruì inte na piana e tut intorn l'è le montagne del Tàmer , Agnèr, Moiazza, Pale de San Lugan, Monti del sol e el Framònt el domina de sora dela cèsa. Poc pì in là pasa el Cordeol.




#Article 335: El Muxil (147 words)


 
El Muxil (it. Musile di Piave) l'è un comun de 10222 abitanti de ła provincia de Venesia, che'l se cata su la sponda drita del Piave.

L'è vèro ligada da ła co la vizina San Donà e sta streta relazion la vien zelebrada ogni 7 de agosto (el zórno de San Donà col regalo de dó caponi da parte de San Donà. Sta tradizion la se liga a n'evénto capità 'ntel XIII sècoło, có n'aluvion la ga spostà el corso del Piave, dividéndo i dó paéxi, e faxendo partégner al Muxil n'inportante capela dedicada a San Donà. La zénte del Muxil la ga azetà de dar a quela de San Donà el nome del Santo par la só zità, e cusì st'ùltima, par corisponzion, la ga scuminsià a dar a la prima i dó caponi. Sta zerimonia, remésa 'ntel 1957, la recorda apónto el pato de Amistà.




#Article 336: Rixi e bruscandołi (206 words)


I Risi e bruscandołi xe un piato che se fa in primavera quando che se pol tirar su i bruscandołi dai prà.

Par 4 persone, ghe vol: 4 eti de riso viałone nano, na ròsa de bruscandołi, ojo de ołiva extravergine, do cuciari de buro, do cuciari de formajo grana padan gratà, un goto de vin bianco seco, na séoła, un dado da brodo vegetal, sałe, pevare.

Metare in na tecia 4 cuciari de ojo e ła séoła tajà a fetine, scaldar finchè ła séoła no ła se fa bionda. A sto punto se buta drento i bruscandołi trità e un goto de vin bianco. Quando che se ga sugà el vin, se buta el riso e se fa brustołare par 2 minuti, se buta drento meso minestro de aqua calda de bojo, un dado e se mis-cia. Man man che va via l'aqua, se buta drento aqua calda e se continua a mis-ciare, metendo sałe e pevare. Dopo 20 minuti, pi o manco, se stua el fogo, se buta drento do cuciari de buro, se sara ła tecia col covercio. Desfà el buro, se ghe da na beła mis-ciada, se buta drento el formajo gratà, se mis-cia naltro colpo e i risi i xe pronti.




#Article 337: Lovertin (131 words)


El lovertin el xe na pianta de ła fameja de łe Cannabaceae. El nome del lovertin 'nte ła clasificaxion de Linneo el xe Humulus lupulus (todesco Hopfen, inglese hop, tałian luppolo selvatico').

El lovertin el fa su dełe ruse drio pai fosi e sui prà.

I buti tènari che i vien fora in primavera i se ciama bruscàndołi o bruscànsołi e i xe adoparai 'nte ła cusina vèneta par far rixi e bruscandołi e fortaje. Dei bruscàndołi ghe ne parla anca el grande scritor venesian Ugo Foscoło nel so libro Le ultime lettere di Jacopo Ortis, quando che'l descrive ła cena de na fameja de contadini vèneti, na sera de majo, quando che questi i magna na minestra fata proprio coi bruscàndołi.

I fiori i se dopara par aromatixare ła bira.




#Article 338: Ster (190 words)


Al Ster al è al nome de do diverse unità de mesura doperade una par mesurar superfici agrarie e quelaltra par volumi de cereai.

La so origine la è romana e associada a 'l volume de cereai. La à subì variasion te 'l ndar de 'l tenp, sichè dess la è diversa da 'n posto a quelaltro. La se materjaliza 'te 'l volume de 'n bidon particolar, ciamà ster anca quel, de solito fat de lamjera e co na brega de fer aciajoss par sora, che se pol doperarla par grartarghe do i garnei a le panoce de sorch. Par er na idea, te la provincia de Belun te 'l volume de 'n ster ghe stà inte sirca 20 kg de sorch.

Al ster de superficie al è ligà a quel de volume. In particolar, al representa la area che se pol semenar co 'n ster de forment. Te la provincia de Belun al val 848 m². Durante la guera de 'l '15-'18 la fan la era talmente tanta che gnea scanbià anster de sorch par an ster de canp.

La quarta part de 'l ster la se ciama quarta.




#Article 339: Sass de Mura (168 words)


Al Sass de Mura o Sass de Mur al è la sima pi alta de 'l grupo de 'l Simonega, inte le Dolomiti belunesi. Al versante veneto de 'l Sass de Mura al fa parte de 'l Parco Nazionale Dolomiti Bellunesi

Al Sass de Mura al è par la so part de Nord-Ovest e la sima inte te 'l comun de Tresaqua e par la part Sud-Est inte te 'l comun de Sess, sichè te 'l confin tra al Trentin e al Veneto.

La montagna la è pressapoch a 'l centro de 'l so grupo. A val verso sera che n'è la Val Giasinozza, traversada da 'l ricat Noana. A meodì cor, senpre verso sera al ricàt de Neva e a Sud-Est in diresion Sud al Caoran che 'l cor de tut lonch la Val Cansoi. A nord ghe n'è le sime de 'l Pis de Mes e de 'l Pis de Sagron, sora a 'l Passo Cereda.

No se pol donder in sima par gnissun troi segnà.




#Article 340: Taxus baccata (571 words)


Ła poła de nass o tuja al è an àlbaro de 'l ordine de łe conifere, doperà da spes par far siese ornamentai o cofà pianta da giardin.

Ła Poła de nas ła xe on senprevert co na cresita lenta e par sto motivo in natura ła xe da spes on albaro pisol o on sieson de medie dimension, ma nte łe so condision ideai ła pol donder i 10-20 metri de altesa; ła chioma ła è globosa e inregolar, co i ran basi.

La è de 'n maron che trà a 'l ross, da dovena la è slissa ma co la invecia la se sbrega in plache. I ran doveni i è verdi. 

Le foje le è lineari, an fià incurvade, longhe fin a 3 schei e de color vert scur par sora, pì ciare par sot; le è tacate te i ran co 'n andamento a spiral, in do file oposte. Le è tant velenose.

La è na specie dioica. I fior mastci i è binadi in amenti, quei femena i va a far na pomèla. I se inpolina co 'l vent.

I fruti i è arilli e i gnen ciamadi pomele de Pola de nass. Da crudi i è verdi, co i è fati i è rossi. I à inte na siess dura e velenosa che a sacarla co i dent la mola fora an liquido che insendt. La polpa invese se pol magnarla. La è mola e dolsa fa 'l miel. La gnen magnada da i osei, che cossì i porta in giro le siess.

Al legn, dà che al cress a pianpianet, al è serà e ligadis, e co i ani al tenta de moerse poch. Al color al è gial dorà co i grop scuri.
Par la so elasticità al gnea doperà de 'l Medioevo par far archi. Al dì de incoi ghe n'è diversi che i lo domanda par far cornisi o parti de mobili.

La sta ben inte loch umidi e freschi, con tanta onbria, te n teren calcarei
Preferisce i luoghi umidi e freschi, ombrosi, con terreno calcareo. 

Al alre de difusion la conprende le zone da 'l Europa setentrional a 'l Africa de 'l Nord a 'l Caucaso. In Italia la ghe n'è pitost raramente in montagna. Inte te la Foresta Unbra de 'l Gargano ghe n'è diversi esenplari grandi.

Al principio ativo responsabile de la tossicità de ran, foje e siess, aonde che al ghe n'è in percentual variabile tra 0.5 e 2%, al è an alcaloide, la tassina. Al à efeto narcotico e paralizante inte 'l on e te n tanti animai domestici. Le part che ghe 'n à de pì le è le foje vece.
Da qualche diesina de ani è stat catà fora che ghe n'è an nantro principio ativo (al taxolo), in grado de inibir la mitosi de le cellule tumorai. Sta scoperta la à invià na prometente linea de svilupo de novi farmaci chemioterapici (i taxani).

Etimologia: el nome albaro de a morte el xe doperà tant nte ła pianura vèneta e el deriva da ła tosiçità de ła pianta.

Propagasion e coltivasion:la cress a pianpianet e la se propaga pi che sia par siess o par talea. E' stat selesionà tante sort ornamentai.
La Pola de nass la viu tanti ani e al è fadiga darghe na età parchè se vet poch i anei e tante olte in medo al legn al gnen bos.




#Article 341: Senprevert (175 words)


Se ghe diss senpreverde a tute le piante che no mola do le foje de invern. Le è de solito legnose (alberi e siesoi). Le foje le chej e le ricress in maniera gradual de solito durante la formasion de i oci. Le foje le pol durar e laorar te la pianta par diversi ani.
Se le cata da spess e tante olte le è la gran part te i climi tropicai umidi o te n quei fredi aonde che, par motivi oposti, la persistensa le le foje no la met in pericol la sopravivensa de la pianta.

Le conifere de solito le popola i posti fredi. La unica de ste qua che pers le foje de invern la è al laress.

Serte specie le à conportamenti diferenti secont se le viu inte posti caldi o fredi (par es. serte roe).

tante specie co le foje larghe le è senpreverde come al olivo, al Roro da sughero, al Quercus ilex, al mirto, al lauro e tute le specie tipiche le la vegetasion de 'l Mediteraneo.




#Article 342: Merlara (521 words)


 
Merlara xe on cumune de 2960 abitanti de ła provincia de Padova.

El comune de Merlara se cata nela bassa padana, in mezo al verde e a pochi pasi dale citadine de Montagnana (Pàdoa), Legnago (VR), Badia Polesine (RO).

El nome Merlara (o Merlarla) el pole derivare da on cognome latino ca indicava el posseso. La scoperta de on ripostiglio de bronzi e sepolcreto in tel 1931 dà voze ala tesi ca ghe sia stà dei insediamenti in epoca preromana.

Vizin al Castelaro dovea esarghe el primitivo Vilagio e solo in tel XV secolo, quando chei posti i xe deventà palude par la derivazion del'Adase, el centro l'è sta portà dove ca l'è desso. PAr quelo ca riguarda la storia del primitivo cristianesimo a Merlara, poco se sa fin al'epoca carolingio-ottaviana, ala quale par ca se riferisa la notizia de na donazzion da parte de Almenico, marchese de Toscana e signor dei vilagi dela Scodosia, al monastièr dela Vangadiza, di una casa et corte dominicata, con castello et ecclesia..., iul dicitum Merlaria....

Nel 1001 tuti i beni de ste zone i ga seguio le vicende dela Casa d'Este, fin ai domini de Francesca de Canova e dopo dela Republica Veneta (metà del XV secolo).

Tanti beni de Merlara i xe sta dà ala nobile fameia Barbarigo, che la gà costruio un rico palazo, sarà da un lato da un alto muro e par el resto da un largo fosso ca ricevea l'acqua dala Frata.

Verso la metà del XIX sec tuti i beni de Merlara i xe passà dala man dei Barbarigo a quele dei Giustiniani, dei Venier e dei Da Zara, ebrei de Padova. I Da Zara gà vendù tuti i loro beni, compresa la Vila, tra el 1952 e el 1966.

Da vedare a Merlara ghe xe la Vila Barbarigo, davanti ala Piaza Martiri dela Libertà.

La Vila, parte in via de restauro, l'è de origine zinquecentesca, slargà e ristruturà nei tempi sucessivi.

Poco distante dala Vila ghè la Ciesa parochiale, riedificà in tel 1891, su na vecia pieve del XV secolo.
Dentro la ciesa se pol vedare el quadro dela Natività de Maria, fata da Leandro da Basano. 
Da vedare anca la Dormitio Virgis, opera de artista ignoto del XVII secolo.
In tel 1666 la fameia Barbarigo gà fato fare la capela de San Dario.

El campanile dela ciesa el iera na Forteza del Castelo Medievale che el iera dove che desso ghe la Vila. In te un scrito de Salomano se dise che sto campanile l'è sta fato in tel 1300 da un tale Galvano dela fameia dei Camotorti, che el ga volesto esare soterà in te un arca tacà ala parte ocidentale del capanile, che anca oncò se pol vedare tacà.

Tanti capiteli xe stà fati tra el XVIII e el XIX secolo in tele campagne, el pì importane l'è quelo de San Nicola in Graizara.

Merlara la gà anca vari complessi rurali in mezo le campagne: fatorie, colombare, barchese...

Vegnendo da Montagnana, prima da entrare in centro, ghe xe la Cantina Sociale del'Adase-Frata, dove se pol bevare del bon vin.

Sito del Comune de Merlara
  




#Article 343: Maj (113 words)


Al maj al è an machinario par laorasion de fucinatura o de stanpagio che al deforma an toch sot la asion de na pression. La pression la pol esser generada solche da na masa che chej (maj a senplice efeto), par efeto conbinà de la forsa peso e de 'n sistema idraulico (maj a dopio efeto) o solche da 'n sistema idraulico (maj a contracolpo) aonde che la forsa peso de la masa la è in equilibrio co la forsa peso de 'l incuden che ghe n'è sot.

I primi tipi de maj i gnea moesti da na roda a aqua e i che trasmetea al movimento a la masa da na cam.




#Article 344: Formai (185 words)


Al formai o formajo al è an derivà de 'l lat, otegnest a far precipitar la caseina. Al formai se pol magnarlo fresch o invecià.

Par far al formaj se met la lat inte te na cagliera e se 'l scalda a 25-33 °C; dopo se donta al conaio, na sostansa chimica cavada fora da 'l stomech de i mamiferi che lata. Al conajo al fa coaugular la caseina che la precipita te 'l fondo de la cagliera. Se bina cossì na pasta che la è al inisio de 'l formai.
Sta pasta se la tira fora da la cagliera co na tela o co sistemi mecanici, po dopo se la met inte te i stanp e quela che no se loga inte la se ciama schis.

Secont quant grassa o magra che la è la lat se à formai che se pol inveciar o che à da esser magnadi entro poch. Co se magna al formai se cognoss direti se la lat la è stata pastorizada o no: te 'l secondo caso al ciapa an udor da freschin e an gusto an fià agro.




#Article 345: Càrseri (136 words)


 
Càrseri el xe on comune de 1524 abitanti de ła provincia de Padova.

Ł'orixene del nome 'Càrseri' ła xe oncora inserta, ma de seguro no ła riferimento a ła prexensa de prexon vece: el nome el podaria vegner da Carceres, o sia da stałe picinine, seraji par cavałi, anca se carceres a vołeva dir anca posi par ła racolta de ł'àcua, cuindi de łe cełe picinine, co rifarimento a łe camare con on łeto e on posto par inxenociarse che łe se sfaciava soi chiostri de ł'Abazia. Ła texi pì asé acreditada ła fa resalir el nome a calcĕus, cioè i calsari che i frati camaldolexi i doparava inte i tre secołi de insediamento inte ł'Abasia de Santa Maria, tanto in vèneto a se dopara ancora el moto Calsare par far riferimento al Comune de Carseri.




#Article 346: Paxubio (2049 words)


El monte Paxubio el xe un alto acròcoro dełe Prealpi Venete, postà tra ła provincia de Vicensa e ła provincia de Trento. A sud e a est el casca xo 'ntełe vał Łeogra e val Poxina, che łe xe visentine, e a ovest e a nord nord-est el ga ła Vałarsa e ła Val Teragnoło, che łe xe trentine. El Paso deła Borcoła ło łiga ai Altipiani, el Paso Xomo al monte Novegno e el Pian dełe Fugase al Sengio Alto.
Ła parte de sora del monte ła xe un altopian tajà da diversi vałoni, coi punti pi alti che xe el Roite (2148 m), el Pałòn (2232 m) e l'Incudine (2114 m), tuti in riga da nord a sud. Da sta cadena prinçipal se staca altri rami: queło deła Sima dei Forni Alti (2023 m) che'l va verso el Paso Xomo e i altri che i va al monte Xenevri, ai Soj Bianchi, al monte Bisorte e al Col Santo, tuti sora i domiła metri.

El Paxubio el fa parte dełe Alpi Calcaree Meridionałi e łe piere che ło forma łe xe par ła pi parte de origine marina. Se pol dir che ła storia de sto monte ła xe vecia almanco de 500-600 miłioni de ani e ła se pol vedar studiando i strati rociosi.
El pi vecio e el pi profondo de sti strati xe queło dełe fiładi, che łe se trova in çerti trati deła Val Łeogra e deła Val Posina. Łe xe piere del'età paleozoica, scistose, griso-verdastre, fate soratuto de mike e quarso. Łe xe el baxamento de tuta ła montagna che ghe xe sora. Sora de queste ghe xe łe roce de sedimentaxion ałuvionałe, łe arenarie deła Valgardena, rose e xałe, fate de sabia de quarso cementà (periodo permiano: 260 miłioni de ani) e łe se pol vedare dałe parti de S. Antonio. Sora sti depositi ałuvionałi, 240 miłioni de ani fa, xe rivà el mare e el ga lasà i so sedimenti de calcare e dolomia.

Sul Paxubio ghe xe sta anca dełe eruxion vulcaneghe, l'ultima tra i 60 e i 40 miłioni de ani fa, e łe ga lasà dei fiłoni de roce nere basaltiche che łe se nota in meso ai pieroni bianchi deła dołomia, specie in Val Canałe e al Sojo del'Incudine.
Tuto sto ambaradan de strati de piere, 40 miłioni de ani fa el ga tacà a montare in su, urtà insieme co tute łe Alpi, da imense spinte orogenetiche che łe ga portà el liveło fin ai domila e pasa metri de ancò.
No bisogna infine desmentegarse dei giaxàri che un miłion e meso de ani fa i ga invaso anca el Paxubio, co łe Val Łeogra e Teragnoło che łe xera rami del gran giaxàro deła Val d'Àdexe.

Fin ai 800-1000 metri ghe xe el bosco ceduo dove che se trova el carpano moro, el noxełaro, el fràsene, el ròare e el fagaro, che'l riva anca ai 1400 metri. Fin qua riva anca el tana insieme al'albèo roso. In alto, fin ai 1800 metri se trova el larese, pi raquanti albèi rosi, e dopo, pi in su, ghe xe posto soło par el rododendro, el pino mugo, el xenevro.
Tra i fiori pi bełi, in quota, se trova ła gensiàna e ła steła alpina.

Tra i mamiferi, el pi groso xe el camosio,ke se vede in spece in val Sorapache, in val Gulva e verso el paso deła Borcoła. Xe presente anca el caoriòl e el cervo, spece questo sui versanti nord, nord-est. No manca ła volpe, ła marmota, el martareło, el lievore, el schirato. Tra i oxełi, ła pi inportante ła xe l'aquiła real, ma ghe xe anca el falco, ła cornàcia e ła pojana. Rari, doramai, xe el galo sedròn, ła pernixa bianca e el francołin. Se trova ancora el pigoso moro e ła soeta.

El documento pi vecio ke parla del Paxubio el xe del XIV secoło, quando ke Bailardino da Nogaroła, podestà scałigero de Vicensa par tanti ani, su ordine de Cangrande deła Scała, el ga fato un giro su sto monte par definir i confini fra i diversi comuni.

'Ntel 1598 Francesco Caldogno, proveditor ai confini deła Republica de Venesia, in na relaxion al doxe Marin Grimani, el parla de na bataja fra Posenati e Roveretani in sima al monte, par dirìti de pascoło (da łì el ricordo ke se vede ałe Sete Croxe, sul troso fra el Rifugio Papa e el Rifugio Lancia).

'Ntel 1701 Eugenio de Savoia el pasa cołe so trupe inperiałi pal Paso deła Borcoła, vegnendo dała Val Teragnoło e direto a Schio e ała pianura veneta.

El poeta visentin Arnaldo Fusinato el conbate coi so conpaesani de Schio al Pian dełe Fugase 'ntel 1848 contro i Austriaci.

A Verona vien publicà nel 1877 un estrato deła Guida Alpina deł alpinista inglese John Ball, 'ndove ke vien descrito el Paxubio, anca se in maniera ancora inprecisa. Xe nel 1883 ke ła Guida Alpina de Recoaro, edita dal C.A.I., ła publica na cartina par ła prima volta precisa, 1:75000, deła montagna.

Sul Paxubio xe sta combatù tremende batałje durante ła prima guera mondiałe, con asalti a l'arma bianca, scontri de artijeria, guera de mine e anca tanti morti par valanghe e frane.

Łe operaxion łe xe 'nda vanti dal 1915 al 1918, col monte ke xera proprio suła frontiera fra l'Austria e 'l Regno d'Itałia. Durante tuta ła guera, xe sta scavà un saco de gałerie e de rifugi pa i soldà e pa i canoni: i pi impresionanti i se vede 'nteła Strada dełe Gałerie tirà su dal Genio taljàn, al Pałon, al Dente Italiano e al Dente Austriaco, coła gałeria Ellison, fata dai Austriaci, e sul Monte Corno. El fronte del Paxubio el continuava da na parte co queło deła Vałarsa e da l'altra co queło del Paso deła Borcoła e dei monti torno a Posina.

I scontri pi duri tra i do eseciti i xe capità fra el 1916 e el 1918. 
Ai primi de setenbre del 1916, i Alpini dei batałion Aosta, Vicenza ed Exilles più un batałion de fanteria i tacava i Austriaci suła łinea del Cosmagnon, ma i Kaiserjaeger i riusiva a tegner duro. Ła batałja ła continuava sul Dente Austriaco' (suła parte alta del Paxubio ghe xe ste do gobe de piera ke łe se varda l'una co l'altra: a nord el Dente Austriaco tegnù dai Tirołesi e a sud el Dente Italiano tegnù dai Alpini): dopo ła preparasion de l'artijeria, ke gaveva spacà fora na parte dełe gałerie dei Austriaci, xe rivà in sima al dente i Alpini dei batałion Monte Berico', Aosta e Cervino. I scontri i xe nda vanti fin sera, ma ała fine i Alpini i ga dovudo tornar indrìo al dente taljàn.

El 20 setenbre ga tacà a nevegar e pareva ke łe operaxion łe gavese da rałentare pal tempo, ma el 9 de otobre, dopo el fogo de l'artijeria, i Alpini dei batałion Val Toce, un batałion de Bersaglieri e naltro del 71° regimento de fanteria i ciapa d'asalto la postaxion austriaca del Cosmagnon, con scontri a colpi de bonbe a man drento łe trincee. Sul Dente Austriaco i Alpini del Exilles i torna a montar su e i riese a tegner distanti i Kaiserjaeger, ke verso sera i fa un contrataco e i bloca i taljani prima ke questi i riesa a ndar vanti e ocupare ła postassion principałe.

El 10 de otobre i Kaiserjaeger i taca par ciapar de novo el Cosmagnon, e in çerti punti i sfonda, ma ghe xe el contrataco dei batałion Alpini Val Toce, Adamello e Suello e del'8° batałion Bersaglieri. I Austriaci no xe boni de tegner ła posixion, ma ansi, quando ke sfonda ła 41ma conpania dei Alpini del batałion Aosta, i vien quasi çircondà; raquanti i se rifugia drento łe gałerie, ma ała fine i vien fati prigionieri: i xe 2 ofiçiałi e 83 soldà. Sto posto el se ciama Selletta Aosta.
Intanto, sul Dente Austriaco i Alpini ke gaveva ocupà l'avanposto i serca de ocupare la postaxion principałe, ma i vien butà indrìo dai Kaiserjaeger, ke gaveva avudo dei rinforsi. Ł'artijeria austriaca par tuto el dì ła marteła l'avanposto tegnù dal Monte Berico' e dallExilles. Ała fine, verso sera ai Alpini ghe toca mołar tuto e tornar al Dente Italiano. I bonbardamenti dełe do artijerie i va vanti tuto el dì anca l'undexe e el dodexe de otobre, dopo i cesa. I Austriaci, perso el Cosmagnon, i se ga postà sul Roite e i speta naltro ataco taljàn. E questo riva el 17, dopo na tremenda bufera de neve del giorno prima. 50 Alpini del batałion Aosta i se ranpega su pal Dente Austriaco: ghen riva in sima 8, i altri i casca xo, colpidi dai Austriaci. Ma quei 8 i ghe ła fa a resistere in sima, anca parkè i fa vegner su i rinforsi deła 41ma conpania. Tuto el dì del 18 vien pasà in conbatimenti corpo a corpo, coi Alpini ke serca de ndar vanti e i Kaiserjaeger ke serca de ributarli xo dal dente. 'Nteła note fra el 18 e 'l 19, col rinforso de soldà Bosniaci, i Tirołesi ghe ła fa a ocupar de novo tuto el monte. Il 20 taca a nevegare de novo e łe operaxion łe se ferma.

Solo fra el 9 e el 20 de otobre xe nda persi 4370 soldà deła 44ma division taljàn e 3492 soldà dełe 58ma brigada alpina austriaca.

A novembre ła neve riva a 1 metro e mexo; taca i caxi de congełamento (çento in do dì fra i Austriaci) e i morti par valanghe.

'Ntei mesi invernałi i Austriaci i se dà un gran dafare a sbuxar tuto el so Dente de gałerie par far rifugi, cołegamenti, depositi e camerate pa i soldà. I taca anca a scavar na gałeria ke ła pasa soto ła seła tra i do denti e ła va soto quelo taljàn par metarghe na mina e far s-ciopar tuto. I Taljàn fa isteso sul so dente a partir da l'istà del 1917 e i ło cołega con gałerie al Pałon; anca łori i taca a scavar na gałeria in direxion contraria ai Austriaci par pasar soto ła seła e ndar a metarghe ła mina soto de lori. Fra ła fine del 1917 e i primi mesi del 1918 i do contendenti i continua far s-ciopare soto tera łe mine par far crołare łe gałerie dei altri e copare i soldà del Genio intenti a scavare. Il 13 de marso i Austriaci i riva par primi a metare soto el dente nemigo na gran masa de esplosivo e i fa saltar par aria tuto el Dente Italiano: more soto el croło del monte 2 ofiçiałi e 489 soldà. Sta esplosion no cambia parò el corso deła guera sul Paxubio. I scontri i va vanti soło fra patułie fin al novembre 1918, quando ke finise tute łe ostiłità.

El Paxubio no xe sta coinvolto 'ntełe grandi batałje deła seconda guera mondiałe, ma el xe sta teritorio de operasion durante i ani 1943-1945, durante ła Rexistensa contro i fasisti e i naxisti. 'Ntei paesi dełe vałi a sud deła montagna ghe xera inportanti çentri industriałi (Schio, Valdagno) ke serviva al'economia del regime fasista republican e dei todeschi. A Recoaro, dal 1944, ghe xera el comando supremo deł'esercito todesco in Itałia (Feldmaresiało Kesselring). El Pian dełe Fugase el gera na comunicaxion inportante par andar su verso ła Germania.

Par tute ste raxon, 'nteła zona dełe Picołe Dołomiti xera ative, nel 1944 e nel 1945, łe formasion partigiane Garemi, ke faseva asion de sabotagio e asalti ai distacamenti deła Republica de Sałò. Nel 1944 no i se conta i scontri co morti e feriti in Val Leogra e in Val Posina, ma anca sui monti ( el 17 giugno in contrà Valortigara, el 31 lujo e 1 agosto proprio sul Paxubio, dove combate el capo partixan Tar, el 12 de agosto a Malga Zonta, fra Monte Magio e Paso Coe, dove ke vien copà el capo partigian Marinaio e i so omeni).

In diversi casi, i soldà fasisti e i naxisti deła Wehrmacht i ga fusiłà civiłi 'ntełe contrà intorno al Paxubio par rapresałia.

Ła paxe definitiva ła xe rivà ała fine de apriłe - primi de majo del 1945.




#Article 347: Polvarara (327 words)


 
Polvarara el xe un comune de 2620 abitanti de ła provincia de Padova.

De Polvarara se parla par ła prima volta in un documénto chel vien fora dal 1130 'ntel quałe el Véscovo di Pàdova, San Beìn, el dixe de aver ła céxa de San Fidénsio a ła catedrałe de Pàdova. Ła łejénda ła cónta che ła céxa ła xe sta tirada su 'ntel posto justo 'ntel quałe xe sta catà el corpo de San Fidénsio, mostrà dal Véscovo Beìn dopo na vixion.

Ła prexensa de bén tre Monasteri (Santa Margarìa, Santa Maria e Sant'Agnese) fin dal'an miłe ła méte in ciaro l'importansa del monachésemo 'nte łe stréte vicinanse del Padovan.

'Ntel 1276 Polvarara ła xe deventada podestaria. Da sti tenpi qua a dopo xe tacade łe guere, łe devastasion e i dani che i vien fóra dal pensionatico, dónca da ła pràtega del pàscolo łìbaro, anca al'interno de łe propietà privàe, de łe grèxe dei pasturi visin.

El teritorio, anca grasie a ła vicinansa co un mucio de fiumi, el xe stà spéso ojeto de inondasion e de bufere anca in ténpi pì visini.

L'ałevaménto el xe tìpego de łe tradision econòmeghe del teritorio tanto da verghe creà qualca curiosità. Storie popołare łe cónta del'existénsa de na spèsie de gałi dal łe péne de cołore nèro inténso e de majore dimension del sòłito. Ła rasa ła jera conosùa xà 'ntel XVII sècoło parché ghe parla el poeta modenéxe Alessandro Tassoni 'nte ła sóa òpara pì conosùa, La secchia rapita, parò xà 'ntel'otosénto no ghe se trovava pì trasa inbastardìa fórse co ła pì nota gałina padovana.

Comunque a memòria de ła sentenàrea atividà ła prexenza de un gało anca 'nte ło stèma comunałe, co na xanpa poxada sun ramo de róvare par sinbołejare el bósco 'ntel quałe xe stà catà fóra el corpo sensa vida de San Fidénsio..
Infrà łe rase creade 'ntel teritorio se ricorda ła Polvarara che ła toe el só nome dal comune.




#Article 348: Selvasan (312 words)


	

Selvasan (in itałian Selvazzano Dentro) el xe un comune de 21 164 abitanti de ła provincia de Padova. Ła popołasion de Selvasan ła ga avuo na crésita davèro vełose a partir dai ani 1960, tołendo na bona parte de xente che, 'ntel fraténpo, ła 'ndava fora dal caołogo. Ancó Selvasan ła xe el secondo comune de ła provincia par abitanti.

El nome el deriva forse da un propietario de tere (Salvitius) che'l gaveva otegnesto qualche canpo da ste parte in tinpi de ła dominasion de Roma. L'orìxene da silva Iani (Bosco de Giano, divinità romana) no ła cata conferme, anca se ghe xe refereminti sul stema del comun. A quei tinpi Selvasan ła jera un insieme de strade che łe partiva da Pàdova, su łe quałi i xe nasesti insidiaminti: sti qua i xe tornai 'ntel Medioevo, insieme a un monastier dedicà Santa Maria de Quarta dei Benedetini. Durante el ténpo de dominasion de ła Serenìsima i teritori de Selvasan, tirai drénto 'ntel vicarià de Teóło, i xe 'ndai a inportanti fameje del patrisiato venesian. El comun vèro e propio el xe nasesto durante el Regno Łonbardo-Vèneto e i sói confini i no xe pì canbiai.

El teritorio comunałe de Selvasan el se slarga a ovest de Pàdova e'l xe costituio da na pianura de orìxene ałuvionałe, da ła quałe łe salta fora łe alture de Montecia (44 m) e del Mòtoło (26 m), ùltimi dei Cołi Eugànei in diresion nord-est.

El xe traversà da ovest a est dal corso del fiume Bachiłion che'l divide el caołogo in dó parte, na a drita e na a ła sanca del fiume. Sto aspeto el ga influensà anca el nome itałian: ła paroła Dentro (drénto) el fa referimento a ła poxision del séntro del'abità, catà a ła drita del corso del Bachiłion (de qua dal'aqua come che'l se lese in documinti del XVII sècoło).




#Article 349: Ruban (213 words)


	

Ruban el xe un comun de 13.523 abitanti de ła provincia de Padova.

Se tribuise el nome de Ruban a un soldà roman, Rubius, chel gaveva teritori da ste parte. El sentro abità el se catava sul quinto miłio su ła strada infrà Pàdova e Vicensa. Sarmèoła, invese, ła jera sul terso miłio e ła toe el so nome dal'acanpamento de soldai sàrmati, anca se se pensa chel posa vègnare fora da ła prexensa de un mucio de aqua (forse del fiume Brenta) (raixe sar- per aqua tacada a mèoła).

De sto teritorio se ga tacà a parlar de novo dal ano miłe.

El teritorio del comune el ste cata 'nte ła Pianura vèneta, e'l xe conpletamente pian. Ai ténpi dei romani e del Alto Medioevo  el jera traversà dal corso del fiume Brenta, chel ga trasà coi sui meandri l'andar de qualche strada, de fosai e de parsełe territoriałe; ancó el xe traversa da corsi d'aqua menuri, el prinsipałe dei quai el xe el canałe Brentea che ghe separa el teritorio oriental co queo del comune de Pàdova, mentre el Brenta el pasa qualche chiłòmetro a Nord, visin a Lìmena.

'Ntel so teritorio se cata el Parco etnogràfego, chel xe su ła riva de un lagheto artifexałe, nasùo dal'atività de scavar giara.




#Article 350: Ponte San Nicołò (186 words)


 
Ponte San Nicołò el xe un comun de 12031 abitanti de ła provincia de Pàdova.

Ła frasion cavologo ła xe Ponte San Nicołò, sul fiume Bacajon. La sua céxa ła xe dedicada a San Nicołò de Bari. La frasion prinsipałe ła xe Roncaja, co ła parocia de San Baxejo. 'Ntei ùltimi tinpi un quartiér nóvo de Roncaja el gà costruìo na nóva céxa e dónca el ga fato na nóva parocia, dedicada a San Poldo, santifegà puchi ani prima da Papa Zanìpoło II. Altre frasion łe xe Rio, co ła parocia de Sant'Antonio Abate e Roncajete, frasion stòrega che ła ga na céxa dedicada al'Asunta famóxa par l'arte e par na stàtua antiga che ogni ano ła vien portada in procesion in ocaxion de ła sagra.

Vive a Ponte San Nicołò du canpiuni ołìnpeghi: Rossano Galtarossa, canoista, el gà partesipà a sinque ołinpìade, portando caxa du brunxi (Barcelona e Atene), n'arxento (Pechin) e n'oro (Sydney), che'l vive 'nte ła frasion de Roncaja; Marco Galiazzo, arzier, el ga vinto l'oro 'ntel sìngoło a Atene e l'arxento a squadre a Pechin, e'l vive 'nte ła frasion de Rio.




#Article 351: Łoso Atestin (658 words)


 
Łozo Atestin (3152 abitanti) xe on comune in provincia de Padova.

Łoso Atestin el xe un  comun itałiano de abitanti de ła provinsia de Padoa in Veneto, inserìo inte'l parco rejonałe dei Cołi Euganei.

El paexe xe situà ai pìe del Monte Łoso, parte dei Cołi Euganei, al confin co ła Provinsia de Vicensa.

Łoso Atestin, sito dei pì antighi insediamenti preistoreghi de ła padoano, in epoca romana ła jera na xona paltanoxa: el toponemo Łoso, infati, el podarìa derivar dal łatin Lutum, fango. Segondo altri studioxi, risałendo a ła forma orixenaria Lucium (praedium) el nome de Łoso derivarìa dal cognome de ła fameja romana dei Lucii, proprietària prediałe de ła xona. A conferma de sta derivasion, anca el łenguìsta Dante Olivieri sostien che Luzzo (Ponte e Torreson del Luzzo, Vicensa), derive dal nome Lucius, afermando che: «se cata in cuełi presi i beni de ła fameja visentina dei Lucii». Mentre Atestino signiega estense, dal toponemo Este (in epoca romana Ateste), probabilmente dal nome in latino del fiume Adige (Athesis).

In epoca łongobarda el teritorio xe pasà al comiato visentin e l'è sta reconcuistà da Padoa inte l'età dei comuni. Durante ła dominasion venesiana l'è devegnesto łogo de viłejatura dei patrisi de ła Serenisima, grasie al cołegamento col Frassine e 'l Bisatto: ło testimonia ła setesentesca Viła Lando Correr, co barchese e gran parco.

Segondo ła sudivixion teritoriałe de ła Cexa catołega fin al 1818 Łoso xe apartegnesta a ła diocexi de Vicensa deventando sede de l'omonemo vicariato de ła Diocesi de Padoa. L'antiga cexa parochiałe intitołada ai Santi Leonzio e Carpoforo, de ła cuała se cata testimonianse dal XIII sècoło, inte'l 1861 l'è stà desfà e sostituìa da l'atuałe projetada in stiłe neoclasego, a navata únega e caratterixada da ła cuba sorexesta da un cołonà semisircołar.

Se catemo ai pìe de ła parte osidentałe del Monte Łoso, inte'l Casteło de Valbona che, anca se pìcoło el ga un fasino e 'na so inportante istòria. Sta tera xe un mucio antìga in cuanto ghe xe stài trovài restanse de pałafite e, poco sora el casteło, adiritura alcune restanse de na otintìca fortificasion pałeoveneta. Sto casteło el xe senpre stà na dependensa de cheło asè pì grando che'l se catava inte ła banda oposta del monte el casteło de Łoso, di cui no resta pì trase e se si esclude un antigo tòco de muro deso inglobà inte ał Viła Correr xa Lando a Łozzo Atestin. A par ch'el casteło de Łoso el risałise adiritura al 983 cuando ch'el conte Inghefredo dei Maltraversi xe stà infeudà da l’inperador Ottone II. Ła fortificasion, desfada na prima volta da Exełin III da Roman inte'l 1229 e suito ricostruìa, xe stà teatro ai insii del sècoło XIV de uno dei fati pì misterioxi de ła storia de ła Republega Comunuałe padoana; infati, mentre Padoa ła jera in guera contro Cangrande de ła Scała, xe stà tradìa dal conte Nicolò II da Łoso che, na volta descoerto, l'a faxesto in modo che inte'l 1313 i Scałixeri butase xo isteso el so casteło, parchè no'l ghe ndase in man ai padoani.

Xe serto che'l casteło de Valbona comuncue el existeva xa inte'l 1258 in cuanto ne parla inte'l senso el Còdexe de Gianfrancesco Capodilista, ma senpre come na dependensa del casteło de Łoso, in cuanto soło sta fegùra ła rexultava in un ełenco de castełi par i cuałi xe stà emanà inte'l 1275 un decreto del Comun de Padoa. Desfà el casteło de Łoso inte'l 1313, cueło de Valbona ga asumesto na vera e pròpia poxision stratexega parchè al sentro de łe strade che provegniva da Montagnana e da Este, al confin tra i teritori de Padoa, Vicensa, Verona. A cogna vardar el teritorio sircostante co òci difarenti, imaginando al posto de ła rigoroxa e fertiłe pianura che ne apare ancò un gran palùo malsan e perigołoxo, che se estendeva fino ad Este. Łe ùlteme ópare de bonifica del teritorio xe stàe inte'l 1922.




#Article 352: Montegròto (383 words)


	
Montegròto (it: Montegrotto Terme) el xe un comune de 10 315 abitanti de ła provincia de Padova.

Montegroto ła xe conosesta in gran parte d'Eoropa par łe sue cure termali, infati da difarénti miłeni in sto teritorio qua ghe salta fóra da drénto ła tera fónti d'acqua termałe, che ła ga dà a Montegroto e più in xenerałe łe Terme Eugànee a na richésa ecònomega e culturałe. Ła sità ła xe séde de un inportante muxeo, que ło internasionałe del véro d'arte e de łe terme, de ła Butterfly Arc - Caxa de łe farfałe e de inportanti scavi romani. Montegroto ła xe meta de turismo internasionałe, chel vegne in sità non soło par łe cure ma anca par l'inportante testimoniansa culturałe, artìstega e naturałìstega del posto.

Xà i paleovèneti i gaveva squerto l'aqua termałe e i pensava che fuse i dèi quei chei ghe ła dava. Có che ghe xe rivai i Romani, ghe xe sorte łe prime terme ufisiałi: in sti ténpi qua l'inportansa de Montegroto ła gera łigada a queła de ła tacada Àbano, inportante séntro rełigióxo.

A ła cascada del'inpero roman Montegroto, conpagna a tuta ła xona eugànea, ła ga perso splendor, par cólpa dei Bàrbari e de fenòmeni bradisìsmisi. Verso el 1200 el comun el xe intrà 'ntel òrbita del comun de Pàdova, chel gà posto łeje par ła conservasion del łógo. Daspò qualche dexina de ani ghe xe rivai i Cararéxi, chei ga regnà par squaxi un sècoło.

Xe parò soto el dominio de Venesia (dal XIV sècoło) che Montegroto ła se toe de nóvo ła sua inportansa come séntro termałe: mia soło riva un gran nùmaro de turisti da tuta l'Eoropa, ma anca paréci patrisi venesiani ghe fa tirar so łe łoro viłe de canpagna par sti posti

Col tratà de Canpoformio (1797) Venesia ła pasa a Napołeon e con Congreso de Viena (1815) ła xe tólta dal'Àustria. In sto perìodo nóve łeje łe xe fate par protèxare, sta volta, diretamente l'aqua termałe, dàndoghe na sistemada a ła xona. Montegroto, Montagnon e Bataja i devénta tuti un comune soło.

Durante ła prima guera mondiałe ła xe quartiér xenerałe de łe forse armade itałiane. 'Nte ła seconda Montegroto ła xe stata inportante séntro de rexisténsa al Fasismo; daspò ła ga fata stasion de cura, sojorno e turismo.




#Article 353: Teóło (482 words)


Teóło el xe un comùn de 8188 abitànti de ła provincia de Padova.
El fa pàrt de 'l pàrco rezonàl de i Còłi Eugànei.

Ła łezénda ła vółe ca a Teóło (l'antiga Titulus, fórse da ła piéra mésa ła da i Romàni 'ntel 141 a.C. par segnàr i confìni infrà i Patavìni e i Atestìni) ghe sìa nasùo el stòrego e fiłòxofo romàn Tìto Lìvio. 'Ntei ténpi medievàłi ghe xe stà Federico Barbarossa, łe ruìne de 'l cuàł castèło łe xe vixìbiłi ncóra ancuó in locałidà Speroneła,tra Teóło e Castalnòvo. Un'àltra inportànte testimoniànsa de 'l medioèvo el xe el monastièr de i Olivetàni.Teóło caołògo el xe stà séde de vicarià sóto ła Serenìsima. Ancuó 'ntel çéntro de 'l paés se póe miràr el Pałaséto de i Vicàri.

El nom de ła frasión de Feriołe, ancuó conosùa confà xòna residensiałe, ca 'l sàlta fóra zà 'ntel Dizionario corografico-illustrato dell'Italia sùito daspo el 1866, el vién fóra da un antìgo capiteło dedicà à ła Purificasión de Marìa Vèrxene dìta in veneçiàn de ła Seriòła, a 'l inìsio de ła Stràda Montanàra.

Breseo, cuartiér rexidensiàl de Trepónti,el xe nòto parché i ghe fa i ałenaménti el Calcio Padova, ghe xe un'importànte fiera che ła se tègne, fìn dal 1750, 'nte ła secónda doménega de Otóbre.

Trepónti el xe el càołògo de 'l comùn de Teóło e ànca el paés pi popołàdo (çirca 2800 abitànti).
El nùgleo orixenàł de ła frasión xe considerà ła Vìła Lùgli Cavàłi, inte el cuartiér de Breséo, construìda inte el XVIII siègoło, ła ga ànca un oratòrio, ca el jèra ła céxa de 'l paés,prìma de ła construsión de l'atuàl céxa, dedicàda a Sànta Marìa Màre de ła Céxa, consacràda inte el 1967 e construìa in stìl architetònego modèrno.
Ògni àno, ła secónda doménega de otóbre, a se svòlze l' Antìga Fiéra de Breséo, da 'l nóm de 'l omònimo cuartièr, ca ła xe ła secónda sàgra pi inportànte de 'l Vèneto, dapò ła sàgra de 'l Sóco (Grexignàn de 'l Sóco,VI)

Sàn Biàzio el xe ła secónda frasión pi popołàda de 'l comùn. El xe un paexeto rexidensiàl situàdo su ła Stràda Montanàra.
Ła céxa de 'l paés,intitołàda à Sàn Biàzio,ła xe stàda mensionà par ła prìma òlta inte el 1172 co un decréto de 'l véscovo de Pàdoa.
Ła frasión òspita infasturtùre e servìsi confà supermarcàdi o negòsi.

Castalnòvo ła xe ła frasión mànco popołàda de 'l comùn,gavéndo çirca 50 abitànti.
Ła xe situàda a 350 mètri su 'l livèło de 'l mar e su un pónto panoràmego,da indóve se pól spasiàr un ànpia vedùda de ła pianùra.
Ła céxa paroçiàl,dedicàda à Sàn Biàzio,ła xe na construsión in stìl gòtego e ła se razùnze da na scałinàda rìpida ca ła pòrta su ła somità de ła cołìna su cùi ła xe stàda construìda.
Ła xe stàda construìda inte el XVI siègoło,ad ecesión de 'l canpanìł de 'l siègoło scórso.




#Article 354: Stela alpina (279 words)


Ła stéła alpina (Edelweiss in todesco, stelutis alpinis in furlan, planika in sloveno) ła xe na pianta de montagna e ła xe ciamà Leontopodium alpinum 'nte ła clasificaxion de Linneo.

El nome Leontopodium vol dir pie de leòn, parchè na volta i disèa che el ghe someja apunto a na sata de un leon. Ła stéła alpina ła fa parte dełe Compositae, pi de preciso dełe Asteraceae.
Ła piantina ła xe alta dai 5 ai 20 çentimetri e ła ga dałe 5 ałe 15 bratèe felpà bianche come ła neve co in meso i fioreti veri e propri che xe załi.
El tenpo deła fioridura el va da lujo a setenbre.

Ła pianta ła vien su soratuto su tereni calcarei, ma ła se pol trovar ciare volte anca sui prà. Ł'altèsa sua ła va dai 1800 ai 3000 metri e ła vive su tute łe Prealpi Venete, ma anca su tute łe Alpi, sui Carpazi, sułe Alpi Dinariche e sui Pirenei.

Ła stéła alpina ła xe sta selta come sinboło da diverse istituxion.
Ła xe el sinboło dełe Squadre Sanitarie dei Volontari de Protexion Civiłe del'Asociaxion Naxionale Alpini (Associazione Nazionale Alpini) in Italia, dei club alpini in Germania, Austria e in Sudtirolo (Deutscher Alpenverein, Oesterreicher Alpenverein, Alpenverein Suedtirol). In Svisera ła ga l'ente turistico e na compagnia de voli charter (Schweiz Tourismus e Edelweiss Air).

Ła stéła alpina ła se trova sul skeo da 2 çentesimi de euro austriaci.
Nei ani trenta e quaranta del secoło pasà, vegnèa ciamà pirati deła steła alpina (Edelweisspyraten) grupi de tosi e tose deła Rexistensa todesca al regime naxista. Raquanti de sti tosi i xe sta portà 'ntei campi de conçentramento o inpicà.




#Article 355: Japon (224 words)


 
El Japòn o Xapon (in Japonexe Nihon o Nippon), ofiçialmente Stato de el Japòn (in Japonexe Nihon-koku o Nippon-koku), el xe un stato de l Asia oriental.
I stati pi' visini i xe a sudovest le Filipine e la Cina, a ovest la Corea del Sud, a nordovest la Corea del Nord e a nord la Russia; a sudest se cata le Ìxołe Mariane Setentrionałi.

Le iscrision coi caratari kanji che fa el so nome le vol dire indove che nasse el sol, e el xe par sto motivo che el Japon vien ciamà el paexe del sol łevante.

El xe inte el Oceano Pacifico nord osidental. El se stende dal mar de Okhotsk a nord fin al mar Cinexe Meridional a sud.
El Japon xe fato de pì de 3.000 ìxołe, e le piasè grande de queste le xe Honshū, Hokkaidō, Kyūshū e Shikoku.

El xe sudivixo in 47 prefeture.
Le rejon le xe de le sudivixion tradisionali che no le ga funsion aministrativa.

El Japon el xe na gran potensa e el fà parte dełe Nasiòn Unite.

Ła cavedal del Japon xe Tokyo.

El Japon xe el deçimo paese pì popolà del mondo, co 126,7 miłiuni de persone.

El Japon el xe la segonda economia pì granda del mondo par prodoto interno łordo.
El fà parte del G8 e de l APEC.




#Article 356: Albaredo (206 words)


Albaredo el xe on comun de 5 276 aneme 'nte ła provinsa de Verona.

Albarè se cata a 30 km da Verona. Xe situà sula parte sinistra de l'Adexe e il sò teritorio xe de 28,22 km2. Albarèdo g'ha tre frasiòn: Coriàn Veronexe, Presìna e Michellòrie.

Se pensa che Albarè el deriva dal latin arbor con la zonta del suffisso -etum, che voria dire abondansa.

El stema de Albarèdo el presenta tri piopi su de un pra' verde su un cielo azzurro.
 

Ad Albarè ghe xe un'economia agricola e ghe xe molti allevamenti de bestie. Xe importante la coltivasione delle vegne che le dà el vin Arcole DOC. Se produse anca pomi e fragole. 
Ultimamente se sta svilupando la zona industriàl nela parte nord del capoluogo.

La se fà in giugno e ghe xe giostre e stend con cucina tradisional.

La scomisia el 16 agosto e la va vanti fin el marti dopo. La xe molto granda e la g'ha giostre, stend gastronomici, pista da balo. L'ultimo giorno ghe xe uno spetacolo su l'Adexe con fôghi d'artificio. 

La vien in luglio. Ghe xe giostre e cucuna tradisional.

La se fa agli ultimi de agosto nel capoluogo e ghe xe stend gastronomici e se magna cibo tradisional.




#Article 357: Ła Boje (193 words)


Ła Boje xe el nome de na rivolta contadina s-ciopà inte łe campagne in tel periodo 1884-1886.

I storici no' i se ga gnancora meso d'acordo in dove ca xe nata la rivolta. Sertuni i dixe in tel Mantovan, serti altri in tel Trevigian. Ma xe pi probabiłe che ła sia nata in tel Połesine, visin a Zernian, in te ła frasion Pezołi, dove la jente la gera particolarmente inrabià parché ghe gera tanta fame. Ła boje la gera riferia ała rabia che la xente la gheva indoso.
 

Łe cause de ła fame łe cata origine intel fato che l'Adexe intel 1882 el gaveva roto i arzeni causando in tei ani sucesive na grande carestia. La xente non riusiva pì a vivare con łe paghe basse e sensa łavoro e ła fame ła spinseva i poareti de łe canpagne a fare la rivoluzion. I
Do po che i carabinieri i gà represso ła rivolta, parecia xente ła xe finia in preson e - dopo qualche ano - invese che inrabiarse, tanti połesani i ga fato łe valixe e i se 'nda a finire in Brasiłe o in Argentina a sercar de vivar mejo.




#Article 358: Vajo del Pino (335 words)


El Vajo del Pino el xe sul Pasubio. Se pol dopararlo par rivar su al Rifugio Papa in 3 ore e mesa.
Se parte da Ponte Verde (901 m) e se va su par la strada par Paso Xomo. Quando che se riva ała prima curva a sinistra, se gira drento a sinistra, drio ai paŀeti bianchi e rosi, sui prà. Se riva a na stradina e se ghe va drio verso destra, fin a un slargo, dove che ghe xe na frecia co scrito zona dei vaj. Sempre driti verso est fin a Malga Cornebe (1180 m), paxare la giara deła Val Fontana d'Oro fin in sima a na pontara dove, a sinistra, ghe xe un ometo che'l mostra ła via pal Voro dei Toni.
Bisogna montar su par ła giara del voro (ghe xe ła scrita in roxo sul muro de rocia, a destra, 300 metri in su: Voro dei Toni). Se va su finchè no se trova na frecia rosa a sinistra co scrito PINO. Ciapàr el troso, franoxo e co l'erba, deła Łora (Troxo dei Contrabandieri). A un çerto punto se trova un camin e se va su tegnendo ła destra, su par ła giara deła Łora, se continua su na pontara de erba (ocio se piove). 
Se riva a na piera piata, el Tavołin dei Contrabandieri. Su ancora a sinistra fin ała Sełèta dełe Poe, dopo un poco in xo, e in diexe minuti se riva ała Boketa dełe Sgralaite. Vanti senpre a destra fin al Scaranto dei Contrabandieri e via fin a naltra frecia rosa co scrito PINO. 
Se inboca el Vajo del Pino e se va su fin a na cresta verde, ła Cresta dei Cotorni. Se xe rivà suła Val Camoxara, se continua par ła cresta, se traversa a sinistra e se va su fin a na sełèta. Da qua, in su a destra fin al Saxo dei Contrabandieri e ała Strada dełe Gałerie (fra ła 32ma e ła 33ma). 
Da qua al Rifugio Papa (1934 m).




#Article 359: Provincia (100 words)


Provincia o provìnsia xe el nome co cui se indica de sołito na entità governativa subnasionałe. Ła definision justa de łe forme e de i poteri de na provincia łe varia a seconda de łe nasion. Senpre a seconda de łe nasion el termine provincia el vien cambià con termini alternativi: distreto, dipartimento, stato, rejon, contea ecc.

El termine el vien dal latin provincia, provinciae, conposto da pro+victa, overo presedentemente vinta, cioè presedentemente sojogà. 
Łe province, inte l'antica Roma, łe gera infati i teritori conquistà, sotoposti al dominio del Inpero e ca no łe gheva dirito a ła civitas romana.




#Article 360: Mediçina (BO) (105 words)


 
Mediçina xe on comune de 13276 abitanti de ła provincia de Bołogna.

Visin a Mediçina (inte ła frasion de Fiorentina) ghe xe on radiotełescopio, composto da 'n'antena parabołica del diametro de 32 metri e da na crose fata da na serie de antene ad arco messe longo do brasi de ła lunghesa di 560 e 625 metri. 
Ł'intiero complesso, che 'l ciapa el nome de Croce del Nord, el xe gestio da ł'Istituto di Radioastronomia di Bologna, creà dal CNR e onquò parte de ł'INAF, e el ga on jemeł a Noto, in Sicilia.

A Mediçina ghexe tante ciese, campaniłi e torri in stiłe neobarocco.




#Article 361: Metri sora el łiveło del mar (190 words)


Ła fraxe Metri sora el łiveło del mar (m s.l.m.) o mejo Metri sora el niveło del mar ła se riferise a ł'altitudine de un punto giografego (par exenpio na locałità o ła sima de na montagna) o de un ojeto sospexo in voło (come on reoplan) rispeto al łiveło del mare mexan.

El conceto de łiveło mexan del mar el xe difisiłe da rapresentar in forma matematega. El livel del mar el varia in continuasion parché łe maree, ła presion atmosferega, l'atrasion de ła luna, el movimento de ła Tera i influensa el livelo del mar.

Par la cartografia marina moderna se uxa el liveło mexan de le maree so ła costa de l'Olanda cofà referensa del livelo mexan del mar. El rexultà l'è che al sentro del Oseano Atlantego la superfise del mar la pol esar 200 metri sora el livel del mar mexan. El livel del mar in Inghiltera oriental l'è mediamente de 80 cm piasè baso che ne l'Inghiltera osidental. Da questo se capise che el livel mexan del mar l'è na mexura desixa a tavołin par darse na referensa, ma nol l'xe un punto definitio.




#Article 362: Superficie (106 words)


El conceto de superficie el se forma da ł'esperiensa quotidiana, considerando par esempio el bordo de ojeti concreti o łamine estremamente sottiłi. In matematica ste idee łe vien formałisà intendendo par superficie on ente jeometrico che 'l se pò pensar generà in vari modi, come dal movimento continuo de na łinea o dal contorno de on corpo sołido. Ła pol esare piana, curva, łimità, iłimità, serà o verta. Łe definision matematiche łe xe diverse ma łe xe tute quante drento ła nosion de superficie astrata e de varietà differensiabiłe. 'Ntei casi pì comuni el termine el xe usà par riferirse a superfici inte on spasio tridimensional.




#Article 363: Densità de popołasion (141 words)


Ła densità de popolasion l'è na mixura del nùmaro dei abitanti de na determinata area (che ła pol inclùdare o manco łe superfici de łe acue interne). In senso pi esteso, ła densità de popolasion non se riferise soło ai esseri umani, ma ła pol esare usada con riferimento a popolasion de cualsiasi organismo vivente.

Normalmente ła se misura in abitanti par chiłometro quadrato. El vałore el se cata semplicemente dividendo el numaro dei abitanti de on determinato teritorio par la superficie del territorio stesso (espressa in kmsup2;). 

El xe on dato indicà generalmente par łe çità, łe province, łe rejon, i Stati e e mondo intiero. Inte łe voxe sui Stati ła densità ła se riferise ae sołe tere emerse, mentre inte ł'Elenco de nasion par densità de popolasion ła se riferise a ła superficie totałe comprese łe acue interne.




#Article 364: Brendoła (299 words)


 
Brendoła xe on comune de 6538 abitanti de ła provincia de Vicensa. El topònemo podaria rivar dal todesco o longobardo Brent, che vol dir sorjente.

I reperti catadi i testimonia orijini Neołiteghe (nel 1995 vien scoerta na strada in łocałità Soastene rixalente ała seconda metà del V miłenio a.C.). Durante l'època romana sta xona gera popołà parchè visina a ła via Postumia, e bonifegada (42 a.C.). Poi col tenpo i abitanti i se ga ristreto ałe xone cołinari.

Ła storia e Brendoła, parò, ła xe in granda parte łigà ała Roca dei Véscovi, che ła xe datada torno al X sècoło. Łogo de refugio de i Véscovi in varie storie e guere co łe istitusion tenporałi. Dopo, dal XV sècoło, ła Serenissima aministra ben el teritorio che el gode de un periodo łongo de tranquiłità.

Ogni ano, neła prima stimana de marso, ghe xe ła fiera dedicada a San Roco. Secondo ła tradisione, Brendoła xe sta risparmiada da na pestiłensa grasie a l'intercesion del Santo e da łora San Roco el xe el patron del paexe e, come ex voto, ogni 3 de marso vien fata na procesion par łe vie del sentro. Par l'ocasion łe vien preparà varie mostre e resentemente se ciama łe giostre.

Ogni parocchia de Brendoła organixa tuti i ani ła so sagra: 

Xe tradision che soto Nadałe grumi de parsone i va caxa par caxa e i canta l'anunsio de ła vegnuda del Cristo. Łe fameje, po, dona ciuci ai putełi.

Xona sała consiłiare del Munisipio

Ła Sała de ła Comunità Don Giovanni Burati se cata rente ła ciexa parochial de S.Stefano a Vò.

Ła picoła frasion colinare de San Vio la vien soranominà:San Vio, l'ultimo paese creà da Dio, chel vien canbià dai sanvitexi in:San Vio, el pì bel paexe creà da Dio.




#Article 365: Ebora (Scosia) (100 words)


Èbora (in inglese Edinburgh, in gaelego scosexe Dùn Éideann) ła xe na sità de 454.000 persone intel Regno Unio, cavedal de ła nasion scozexe dal 1437 e sento del Parlamento dal 1999.

Sta sità ła xe situà pa volta de ła costa oriental de ła Scozia. Ła ga na cełebrasion granda chiamà Hogmanay par festezar l'ano novo.

El centro storego del Ebora el xe costituio da tre aree prinsipai: ła Vecia Sità (Old Town) che ła conserva ła so fatura medieval, ła Nova Sità (New Town) costruia inte el 17° secolo, el South Side e Leith (Lìte), ła zona portual.




#Article 366: Arcołe (186 words)


Àrcołe el xe on comun de 5 930 aneme in te ła provinsa de Verona.

Arcole se cata çirca a metà strada tra Verona e Vicensa. Se cata inte na xona ben fornia de aqua, ai piè dei monti Lessini (Prealpi).

In tel so teritorio a pasa el torente Alpon, che poco distante el se buta in te ł'Adexe.

Arcołe ła ga do frasion: Gaxolo e Volpin, che łe se cata a nord-nordest del paexe.

Xe conosesto in tuto el mondo par ła bataja del ponte de Arcołe che ła xe sucesa tra el 15 e el 17 de novenbre 1796 in cui Napoleon Bonaparte ga vinto i austriaci. On obełisco, fato metare da ło steso Napoleon e che lè anca l'ultemo ancora en piè in Itałia, el ricorda ł'evento: ła scrita en łatin che la se cata ała base de ł'obełisco ła xe ł'unega parte original e ła xe sta scrita da Carlo Cattaneo. Prima el xera sta incaricà el Foscolo, che el se ga rifiutà dopo el tratà de Campoformio.

Łe memorie napoleoneghe łe xe custodie in un picinin  muxeo al sentro del paexe.




#Article 367: Montecio Majore (163 words)


Montecio Majore (nome ofisial in itałian Montecchio Maggiore) el xe on comun de 23 218 abitanti de ła provincia de Vicensa.

Montecio el xe el paese dei Castełi de Romeo e Giułieta, che dal monte i domina el paese, e che i xe diventà el sinboło steso deła sità, nonché sede de varie manifestasion. I abitanti de Montecio i xe ciamà infati castełani.

El comùn de montecio l'è diviso in cuatro parti, oltre che a le frasioni. Ghe xe Alte, San Piero, (o San Pietro) che xe la il posto do che stan i carabinjeri e la ciesa de San Piero; el Duomo de Santa Maria e San Vitale indove che stà la ciesa pì importante, la sede de la squadra de balòn che xuga en serie D e el municipio; en fondo ghe xe la Valle, che xe la parte pì vecia, indove ai bordi, en via Bivio San Vitale, ghe xe la stasiòn dei autobus denominà eroneamente Stasion de San Vitale.




#Article 368: Cesena (134 words)


Cesena (Zisêna in romagnoło) xe una çittà de 94 078 abitanti sita in provincia de Forlì-Cesena.

Acquarola, Aie, Bagnile, Borello, Borgo delle Rose, Borgo di Ronta, Borgo Paglia, Botteghino, Budrio, Bulgaria, Bulgarnò, Calisese, Calabrina, Capannaguzzo, Carpineta, Casalbono, Casale, Case Castagnoli, Case Frini, Case Gentili, Case Missiroli, Case Scuola Vecchia, Celincordia, Celletta, Diegaro, Formignano, Gattolino, Gualdo, Il Trebbo, Lizzano, Luogoraro, Luzzena, Macerone, Madonna dell'Olivo, Martorano, Massa, Molino Cento, Monte Aguzzo, Monte Vecchio, Montereale, Monticino, Oriola, Osteria di Piavola, Paderno,Pievesestina, Pioppa, Ponte Abbadesse, Ponte Pietra, Pontecucco, Provezza, Rio Eremo, Rio Marano, Ronta, Roversano, Ruffio, Saiano, San Carlo, San Cristoforo, San Demetrio, San Giorgio, San Mamante, San Martino in Fiume, San Matteo, San Mauro in Valle, San Tomaso, San Vittore, Santa Lucia, Sant'Andrea in Bagnolo, Settecrociari, Tessello, Tipano, Torre del Moro, Trebbo, Valdinoce, Villa Calabra, Villa Casone.




#Article 369: Istituto nasionałe de statistega (133 words)


'L Istituto nasionałe de statistega (nome uficiałe itałian: Istituto nazionale di statistica, scursà in ISTAT) el xe un ente de riserca publico itałian. El se ocupa de: censimenti so ła popołasion, l'industria, i servisi e l'agricoltura; indaxini canpionarie so łe fameje (comsumi, sałute, sicuresa, tenpo libaro, evc.) e de numaroxe indaxini economiche.

El xe sta istituio come Istituto Sentrałe de Statistega (Istituto Centrale di Statistica) inte el 1926 (leje n. 1162 del 9 de lujo 1926), durante el Fasismo, par ranucrare in modo organixà dati esensiałi rivardanti el stato. El xe sta in seguito riorganixà, co decreto legislativo n. 322 del 6 de setenbre 1989, che'l ga istituio el Sistema Statistego Nasionałe (Sistema Statistico Nazionale, scursà in SISTAN). Col steso decreto xe sta canbià ła denominasion da cheła vecia a cheła de deso.




#Article 370: San Bonifaso (144 words)


San Bonifaso (nome ufisial in itałian San Bonifacio) el xe on comun de 20 605 abitanti de ła provincia de Verona.

Ła fa parte de ła xona de produsion del vin Arcołe DOC.

San Bonifaso xe distante 26 chilometri da Verona.

Parchejo Palù (rente al centro de San Bonifaso); intorno al 25 de april, xe na specie de marcà par el paexe co dei espoxitori e dei tendoni in tel parchejo

quartiere Praissola; intorno al 1 de majo

a Łocara intorno a feragosto i coxe łe vache sorane intiere

in te ła piasa de Sant'Antonio intorno al 13 giugno ghe xe le giostre par i buteleti

in agosto vixin la ciesa di Sant'Abondio

Festival dei camion a Łobia in majo

a Prova, in tei weekend tacà al 3 de febraro

Parchejo Palù (vixino al centro de San Bonifaso) in giugno musica e da bear




#Article 371: Caldiér (105 words)


 
Caldiér el xe on comune de 6046 abitanti 'nte ła provincia de Verona.

El fa parte de ła xona de produsion del vin Arcole DOC.

Caldiér xe distante 17 chilometri da Verona. Rispetto al capołogo el xe in poxision est. Caldiér se cata a sinistra de ł'Adexe, de fronte a ło sbocco deła Val d'Iłasi, tra ła statałe Padana inferiore e el monte Roca, propagine sud dei Lesini.

En Caldiér ghè le Terme,ciamade Terme di Giunone. Ghe sòn anca dò pissine romane: la Brentella e la Cavalla. 'Nte la Cavalla se dise che Napoleone g'abbia fato bearare i so' cavai 'nte la bataia de Arcole.




#Article 372: Caxelon (165 words)


 
Caxelon el xe on comune de 5906 abitanti de ła provincia de Verona.

Casaleon el xe distante 50 chilometri da Verona. Rispetto a Verona l'è in posision sud.

'Ntel corso de ł’età del Fero (fin ała metà del I sec. a.C.) el teritorio de Caxełon el pare completamente spopołà; scarsa, paraltro, a xe ła documentasion in tuta ł’area dełe Vałi Grandi, forse parché in sto periodo ła sta sojeta a inondasion e pałudamenti.

Soło co ła romanisasion del teritorio e quindi co ła senturiasion, che ła ga conportà laori de disboscamento e de bonifica, a xe tacà el popołamento del paexe.

So ła baxe dei ritrovamenti a se pò ritegnere che i primi insediamenti i fuse de modeste fatorie intorno ai corsi d’aqua, al sentro de proprietà medie e picinine.

Ł’unica strutura identificabiłe come na viła urbano-rustega ła xe queła in dove a xe sta catà uno dei texori romani: el ripostexo deła Venera, ai confini tra el Comune di Caxalon e queło de Sanguinetto.




#Article 373: Forlì (102 words)


Forlì (Furlè in romagnoło, Forum Livii in łatin) xe na Çità de 112 477 abitanti (anno 2005) de ła provincia de Forlì-Cesena.

Bagnolo, Barisano, Borgo Sisa, Branzolino, Bussecchio, Ca' Ossi, Carpena, Carpinello, Casemurate, Caserma, Castiglione, Cava, Collina, Coriano, Durazzanino, Forniolo, Grisignano, Ladino, Magliano, Malmissole, Massa, Ospedaletto, Para, Pescaccia, Petrignone, Pianta, Pieve Acquedotto, Pievequinta, Poggio, Ponte Vico, Quattro, Ravaldino in Monte, Romiti, Roncadello, Ronco, Rotta, Rovere, San Giorgio, San Leonardo in Schiova, San Lorenzo in Noceto, San Martino in Strada, San Martino in Villafranca, San Tomé, San Varano, Vecchiazzano, Villa Rovere, Villa Selva, Villafranca di Forlì, Villagrappa, Villanova

Elezioni del 13/14 giugno 2004




#Article 374: Concamarixe (106 words)


 
Concamarixe el xe on comune de 1064 abitanti 'nte ła provincia de Verona.

Ła xe sta cità par ła prima volta inte on documento del 1114 come Conchamaris.

El paexe el se ga proclamà libaro comune 'ntel 1225, ma dopo poco el perde l'autonomia canbiando pì volte i feudatari: prima el diventa feudo dei De Palatio e po' dei Sanbonifacio. 'Ntel 1405 el feudo el pasa ai Verità, sucessivamente ai Malaspina e po' ai Montanari.

Concamarise ła xe distante 31 chilometri da Verona, in posision sud.

Ła vien cità par ła prima volta inte on documento del 1114 come Conchamaris ca vol dir capa del mare.




#Article 375: Còdaxe catastałe (141 words)


El còdexe catasticałe el xe un còdexe ugnoło identificativo, doparà dal catàstico, asegnà a ogni comun itałian.

El vecio còdexe el jera formà da cuatro carateri: na letara e un nùmaro i identificava ła provincia pì do letare che identificava el comun. In serti caxi ghe jera un cuinto caratere (na letara) che'l identificava ła sesion censuaria. I do carateri asegnai al comun i jera in ordene alfabetego cresente rispeto al elenco de i comuni de ła provincia, el codexe AA però el vegnea tegnuo par ła cavedal provinciałe.

El novo còdexe invese el corisponde al còdexe ISTAT xà doparà inte el còdexe fiscałe. Se trata de na conbinasion de cuatro carateri: na letara e 3 nùmari. El vien asegnà in ordene alfabetego cresente rispeto al elenco de tuti i comuni itałiani, sensa tegner conto dele province.

Esempio: Venezia = L736.




#Article 376: Sanguiné (166 words)


 
Sanguiné (it. Sanguinetto) lè un comune de 4066 persone. L'è in provincia de Verona e el se cata a 30 chilometri a sud del capoluogo.

No se sa ben da dove el vien el nome de sto paese, se pensa che el vegna da na pianta che la se ciama Sanguinelo (l'è un arbusto che el produse dele bache rose) ma l'è piasè probabile che el nome Sanguinè el ghe sia sta dato dopo le bataglie che i gavea fato par conquistar el teritorio, che lè situà in na zona strategica. Le prime notizie storiche che catemo ìè del 1300.

Nel XIV secolo, su ordine dei Scaligeri, siori de Verona, vien costruio el Castel: el vegnarà sachegià varie olte nel corso dei ani.
Sanguinè l'è sta distruta dai Mantoani più o men nell'ano 1232, dopo el deventarà un feudo dela Republica venexiana e par ultimo l'è vignuo conquistà dai feraresi nel 1483. Nel 1511 i Francesi i distruse e robaron tuto.

El Sindaco le: Daniele Fraccaroli.




#Article 377: Monteforte d'Alpon (137 words)


 
Monteforte d'Alpon l'è on comune de 8300 abitanti che se cata in provincia de Verona. L'è conossù par el vin Soave, la Montefortiana, el carnevale, la festa de l'ua e l'alto canpanile, che l'è deventà el simbolo del paese.

L'è el primo paese de la Val d'Alpon.el paese dista 25 chilometri da Verona. Rispeto al capoluogo el se trova a est, e l'è al sboco de la Val d'Alpon. Dal punto de vista eclesiastego el comun de Monteforte l'è sudiviso tra le diocesi de Verona (parochia de Monteforte) e de Vicensa (parocchie de Brognoligo e de Costalunga)

L'economia la se basa su la coltivassion de la vigna, infati a Monteforte se produse el vin Soave e 'l Recioto de Soave. Se produse anca ojo de oliva e, quando l'è stajon, se pode catare de le bone sarèse.




#Article 378: Łìmena (280 words)


	

Łìmena el xe un comune de 7 289 abitanti de ła provincia de Padova. A Łìmena dal fiume Brenta se staca el canałe Brenteła.

Cresesta, soratuto 'ntel secondo daspò-guera, da paéxe agrìcoła a séntro de produsion prinsipalmente industriałe, ła łocałità ła mostra na rica prexensa de fàbriche e axiénde.

Par parici ani ła xe stada colpia da un tràfego (specialmente de mexi industriałi) davèro sofegante, cauxà dal'inexisténsa de na łigadura autostradałe che ła 'ndase da Pàdova al'ase Trénto-Bolzan (raxon che anca ancó ła òbliga pasar par ła Valsugana).
Ancó parò ła situasion ła xe parecio mejorada, grasie al fato che i ga verto ('ntel 2005) na nova tangensiałe che ła scansa el traversamento del'abità da parte dei cami.

De conseguénsa Łìmena ła xe drio vìvare na spece de renasua che ła xe drio portarla sénpre de pì sul teren del setor tersiario, par quanto revarda łe atività de produsion de richesa pì tìpeghe (par exenpio na bona parte dei concesionari de automòbiłi de Padova i se ga spostai qua), e anca par i pì sìnplixi servisi par ła popołasion, come l'intratenimento (ła ga un grando cinema), e par i turisti (i ga verto alberghi co grande e moderne sałe par congresi).

Ła granda desminusion del tràfego e ła redusion, de conseguénsa, del'inquinamento, i projeti de difarénti òpare che łe mejorarà ła quałità de ła vita (come nuvi parchi e piase, pì l'edifegasion de nove caxe e nuvi quartieri drento i confini comunałi) e ła pìcoła distansa dal caołogo de provinsa (Łìmena infati ła xe el primo comun fora da Pàdova in diresion nord-ovest), i podariao spìnxer un nùmaro sénpre majore de persone o fameje a 'ndar a vìvare 'ntel comune.




#Article 379: Brenson (156 words)


 
Brenson (nome uficiale italian Brenzone) el xe en comum de 2357 abitanti 'nte ła provincia de Verona.

El se afacia sora el lago de Garda.

No esisti en paes che el se ciama propri Brenson, disem che l'è la soma che la se ciama en sta maniera.
El comum de Brensom el ga molti paesech :, Magugnaa (che el saria el capoluogo), Castelet, Port, La Sensa, Biasa, Fasor, Castel, Somaila, Boraach, Pos, Xignaac, Bosii, Marniga, Caamp, Veens.
Sti qua i è i paeseti sul lac, ma el comun de Brenson l'ariva anca en montagna, sul Baldo, infati ghè anca Prada Alta dove ghè i impianc da sci

El clima che ghè a Brenson, come en tut el lach, l'aiuta a creser l'olivo e infati ghè 2 oleifici e l'ojo de Brensom el xe rinomà

A Brenson ghè diversa zent che l'è tanto brava a nar en barca vela; do personagi i è anca nai ale olimpiadi.




#Article 380: Carleti (116 words)


I carleti o s-ciopeti o tajadełe de ła Madona i xe dełe erbe che łe buta in primavera e vive fin in autuno. Nase so i prà, dal liveło del mar fin a pi de domiłe metri. Ła pianta (todesco Taubenkropf-Leimkraut, inglese bladder campion, taljàn strigoli) ła ga el nome sientifico de Silene vulgaris, de ła fameja de łe Caryophyllaceae, e ła crese fin 50-60 sentimetri.

I fiori, che i se verze fra apriłe e giugno, i par dełe bałete bianco-vioła ciaro che si łe vien schinsàe, łe s-ciopa (da qua el nome s-ciopeti). Łe fojete pena nate (in primavera) łe xe bone da magnar e łe vien doparàe pa' far risoti, minestre, sope e fortaje.




#Article 381: Vigonovo (181 words)


Vigonovo el xe on comun de  aneme 'nte ła Sità metropułitana de Venèsia.

El comune de Vigonovo el se cata so ea riviera del Brenta, famosa pa e viłe venete e pa ea produssion del calsature. El paixe sorxe so el punto de incrocio tra ea Idrovia Padova-Venessia e el fiume Brenta. Co e sò frassion el comune el se estende pa cuasi 13km².

Vigonovo el ga na storia chea scomisia da i antichi Romani: difati Vigonovo el xe sta fondà co el nome latino de Vicus Novus che voe dire viagio novo. 'Ndando vanti col tempo, Vigonovo el ga fato parte dea Serenissima e de l'Inpero Istriaco fin al 1866 quando el xe devegnuo parte de el Renio d'Itałia.

De beo da vedare a Vigonovo ghe xe ea ciexa dedicà a Maria Asonta (che ea gà una pała dea Pentecoste piturà da un fiło de Giambattista Tiepoło), ea zona dea piassa, ea Viła Sagredo del Setesento e el Municipio de ea fine Otosento.

Ghe xe el marcà de luni a Vigonovo in piassa e de sabo nea frassion de Tombee.




#Article 382: Borgo Toxignan (159 words)


 
Borgo Toxignan (Borg Tusgnan in romagnoło) xe on comune de 3010 abitanti de ła provincia de Bołogna.

Ł'ultimo conflito mondiałe el ga visto ła zona teatro de traxichi eventi. 'Ntel setembre del 1944 Tosignan ła xe sta presidià par dodexe dì da forse partixane che łe gheva parà via i todeschi. Quando ł'avansata ałeata 'ntel tardo autuno ła se ga fermà, ła xente ła ga dovesto scapare e Borgo ła xe sta dichiarà tera de nesuni. Po', a ł'inisio del 1945, na formasion de ex partexani deła 36° Brigata Garibaldi, inquadrà 'ntel novo exercito itałian, ła xe entrà a Borgo e ło ga tegnuo fin a ł'ofensiva de ł'apriłe 1945, quando el paexe ła xe sta łiberà e ła popołasion ła ga podesto tornar e dedicarse ała ricostrusion de ł'abitato.

A ghe xe nati Papa Giovani X (X secoło) e Maria Chiara Serafina Farolfi (1853 - Bertinoro, Forlì, 1917), fondatrice de ł'Ordine delle Clarisse Francescane Missionarie del SS. Sacramento.




#Article 383: Noenta Padoana (278 words)


	
Noenta (nome ufisial in itałian Noventa Padovana) el xe on comun de 10 820 abitanti de ła provincia de Pàdoa, conosùo par łe viłe vènete e pa' ła  sagra del folpo, cusita ciamà parché se vende pese e se magna en conpagnìa. On tenpo 'sta sagra ła xera l'ocaxion pa' véndare i prodoti de ła tera e anca vache e gałine: Noenta ła se mantignea grasie a ł'agricoltura e a ł'ałevamento. Tra łe viłe piasé nominae presenti en te'l teritorio comunałe ghe xe viła Giovanełi (che ghe xe anca en te ło stema de Noventa) e viła Valmarana, famoxa par łe opare d'arte de gran vaeore artistico-culturae.

El so nome el vien fora par ła prima olta in te on documento de'l 918, ma sto paexe el ciapa inportansa co vien definio mejo el alveo del Brenta e co vien scavà el Piovego, i primi ani de'l 1200. Par pasar sto novo canal el venia costruio un ponte che el ga durà fin al 1919. In cuel ano un novo ponte, l'atual, co łe chiuse vien costruio e st'altro el casca in dixuxo fin ła so demolision.

El sentro del paexe el xe senpre stà ła ciexa parocial de San Piero e Paolo, nome sità pa ła prima oltain tel 1572, anca se sta ciexa ła esisteva almanco fin dal 1203.

Łe vile de Noventa łe ga dà łustro anca a łiveło eoropeo, soratuto intel '700. Cua i siori vèneti e venesiani coi bessi i venia a far afari e en vacansa inte i so posedimenti. Ła vila pi inponente ła xe vila Giovanelli, de'l 1600. Ma ghe ne xe tante altre: viła Grimani, Vendramin Calergi, Valmarana, etc.




#Article 384: Vigonsa (334 words)


	
Vigónsa (nome ufisial in itałian Vigonza) el xe on comun de 21 993 abitanti de ła provincia de Pàdova.

Ła crésita demogràfega, spece dei ùltemi quarant'ani, ła ga portà Vigonsa a èsare el quarto comune de ła provinsa par abitanti, daspò el caołogo, Bignàxego e Selvasan.

Sti posti i xe abitai da un mucio de sècołi, xà da łe popołasion paleovènete. El teritorio de Vigonsa se se cata 'ntel séntro del Graticołato roman. Pare chel nome de sto posto el vegna da un cao łongobardo ciamà Gunz, al quałe el xe stà tacà ła raixa de vicus, deventada vigo, prexente anca 'ntel nome de Vigodàrxare. Pol darse chel salti fora da un bivio (Bicuntius) su ła strada che, da Pàdova, ła portava a Venesia da na parte e a Trevixo da st'altra.

El nome de Vigonsa el se vede par ła prima volta 'nte un documento del 999 col qual un notaro el dava dei teritori a na toxa propio de Vigonsa, parte de na dote. Par tuto el Medioevo i xe saltai fora come funghi castełi de faméje inportante come i Da Vigonsa, i Da Peraga e Da Dalesmanini.

Col rivar dei Venesiani, paréce faméje de ła cavedałe łe ga sièlto el teritorio del comun de ancó de Vigonsa per tirar su łe łore viłe: ste qua łe xe i Pisani, i Donà, i Soranso, i Badoèr. Sti ténpi i xe particołarixai da na łonga paxe, ma anca de epidemie de małaria e carestie. Parte de łe frasion łe partegneva a ła podestaria de Canpo San Piero, altre al vicarià de Oriago, méntre Vigonsa queo de Miran.

Napoleon el ga rivołusiona sto sistema de provinse e daspò i xe rivai i Austrìasi. Ła xona ła xe pasada al'Itałia 'ntel 1866 come tuto el Vèneto. Łe condision de mixeria e poartà łe xe 'ndae vanti par parecio tenpo, fin a ła Seconda guera mondiałe, daspò ła quałe, grasie al'agricoltura e a ła crésita del'industria, anca sti posi i se ga tulti na serta richesa.




#Article 385: Ranpusołi (149 words)


I ranpùsołi (o ravìse) i xe dełe erbe ke łe riva fin a 1 metro de altésa e łe vive fin ai otoçento metri sul liveło del mar. Ła pianta (todesco Rapunzel-Glockenblume, inglese rampion bellflower, taljàn raperonzolo) ła ga el nome sièntifico de Campanula rapunculus e ła fa parte deła fameja dełe Campanulaceae.

I fiori, ke vien fora fra apriłe e łujo, i par dełe canpanełe de cołor łiła sbasìo. Łe raixe łe se tira fora in inverno parkè łe xe bone da magnare: łe xe bełe grose e bianche. Łe xe piene de inulina, ke ghe dà el saor un poco dolse, invese ke de amido, ke nol sa da gnente.
Na volta, łe vegnèa doparà dała industria farmaçeutica par fare el levulosio (par i malà de diabete).
Ła maniera pi tradisional de magnar i ranpùsołi xe queła de magnarli crui in salata, consà col łardo fuso desfà.




#Article 386: Rosoła (196 words)


Łe rosołe (o rosołine) łe xe piantine ciamà 'nteła clasificaxion de Linneo Papaver rhoeas, deła fameja dełe Papaveraceae. 
Ła rosoła (todesco Mohn, inglese poppy, taljàn papavero o rosolaccio) ła xe alta 80-90 çentimetri, ła ga i fiori rosi tipici ke vien fora fra apriłe e lujo. Le fojete, bełe fixe, łe se trova su pal fusto.
Łe piantine tenare deła primavera łe vien doparà come verdura cota e łe xe tanto bone.

'Ntei paesi anglosasoni ła rosoła ła xe el sinboło dei soldà morti 'nteła prima e 'nteła seconda guera mondiałe, ma anca 'ntełe altre guere. Pi de preciso, ła vien portà sul bavaro 'ntel giorno del armistìsio o giorno deła rimenbransa o giorno deła rosoła. Sto giorno el xe lundexe de novenbre e el xe sta selto dal re Giorgio V d'Inghiltera par onorare i soldà morti 'nteła prima guera mondiałe (el xe sta el giorno ke xe finìa ła guera). Łe rosołe łe xe sta selte parchè i campi de batalja dełe Fiandre ghi nera pieni. E da ałora, Americani, Inglesi, Australiani, Neoselandesi, Canadesi e i altri del Commonwealth, ogni 11 de novenbre i porta na rosoła in memoria dei so morti in guera.




#Article 387: Bruschi (104 words)


I bruschi, dal latin bruscus e forse dal çeltico ruscus, xe piantine sensa foje, ma co dei rameti piati, skisà, a forma de łancia, coła punta ke spuncia e ke i pare dełe fojete. 
In primavera, in meso a sta fojeta vien su un fioreto verde ke'l deventa na beła perla rosa d'inverno. 
'Nteła clasificaxion de Linneo i se ciama Ruscus aculeatus, deła fameja dełe Asparagaceae.

I bruschi (todesco Stechender Maeusedorn, inglese butcher's broom, taljàn pungitopo), vien doparà in inverno par le decoraxion de Nadal.
In primavera i buti tenari i vien mèsi sotaceto, o cusinà coi risi o magna coti coi ovi sodi.




#Article 388: Acua (1384 words)


Lacua (dita anca łensa o agua), en condision de tenperadura e presiòn standard, ła xe un liquido sensa cołor, sensa saor e sensa odor, co un punto de fuxion a 0 °C e un punto de ebołision a 100 °C. Ła só mołecoła ła xe formà da un àtomo de osìjeno dove che xe łigai dò atomi de idrògeno; ła sò formuła chimega ła xe quindi H2O
 
Al stao sołido ła xe ciama giaso e ła ghe someja al véro. Al só stao gasoxo invese ła xe nota cofà vapor aqueo o pì senpliçemente come vapor.

Al de sora de çerti vałori de tenperadura e presión (ciamài crìteghi), che par l'aqua i xe 647 K e 22,064 × 106 pascal, l'aqua ła va drento un stao dito supercritego, ndo' che i agregai de aqua al stao simil-liquido i fluise en na faxe de simil-vapór.

Se trova en gran parte del universo, come 'nte ła Łuna e en altri pianedi. Su ła Tera l'aqua coerxe el 70,8% de ła superfise de'l pianeda.

El vołúm de aqua prexente 'nte ła Tera el xe stimà en 1 360 000 000 km³; de sti qua:

El termine acua 'l gà orixine da'l latin aqua che vien ricondòto a na radixe indoeuropea ak- co 'l signifigà de piegar (che xe prexente 'nte 'l sanscrito ak-na, piegà, cofà anca in altre łengue), talvolta co un scanbio de soni fra c, p e f (cfr. el sanscrito ap e el zendo afs, l'itita akwanzi łori i beve, e 'l lituan uppe on fiume).

Ła convinsion che l'aqua fuse 'n ełemènto primixenio e indivixibiłe se ga protato fin 'nte i ultemi dexeni de'l XVIII secoło, cuando i siensiài Antoine Lavoisier e Henry Cavendish i ga descoerto che sta sostansa ła xe formà in realtà da do costituènti: idroxeno e osìgeno. 'Nte 'l 1742, Anders Celsius el ga definìo ła scała de tenperatura che porta 'l so nome, ponendo el ponto de fuxion del'aqua (a ła normałe presion atmosferega) a 0 gradi e 'l ponto de ebołision a 100 gradi. Ła prima sconpoxision del'aqua in idroxeno e osìgeno (i so conponènti ełementari) ze stà exeguìa 'nte 'l 1800 da'l chimego inglexe William Nicholson, tramide el proceso de eletrołisi del'aqua. L'aqua xe infati parsialmènte disocià in ioni H+ e OH-, che i migra verso i do połi de ła sela eletrołitiga, 'ndove che se verifega łe seguènti reasion:

l'osìgeno e l'idroxeno i xe produzesti soto forma de bołe gasoxe su ła superfise de i eletrodi, da ndo' che i pol esar rancurài. Gilbert Newton Lewis el gà ixołà el primo canpion de pura aqua pexante ('ndove l'idroxeno xe sostituìo da'l deuterio, só ixotopo) inte 'l 1933.

Na controversia scientifega xe nada a ła fin de i ani sesanta a propoxito del'existensa de na forma połimerega del'aqua (ła połiaqua). Xe ora mai condivixa l'opinion che tałe połiaqua nó ła exista.

'Nte 'l 2007 grasie al'uxo de superconputer e a ła mecanega cuantistiga xe stà sviłupà un modèło numerego del'aqua che a partir da i prinsipi de ła mecanega cuantistiga de łe mołecołe ghe ne estrapoła el conportamènto in modo coreto.

L'acua ła xe una de łe pì picenine tra łe sostanse existenti (insiem a galio, bismuto e antimonio) 'ndove el proceso de sołidificasion avien co 'n aumento de vołume spesifego (pari a sirca 0,087 L/kg, a ła tenperadura de 0 °C (273,15 K) a ła presion de 1 atm), mèntre el so ponto de ebołision 'l xe a 100 °C (373,15 K).
Cuèsto conporta che a ła diminusion de ła tenperadura, ła presion corispondènte al pasajio de stato sołido-licuido aumènti sensibilmènte: se gà na pendensa negadiva de ła linea de pasajio sołido-licuido inte 'l diagrama de faxe presion-tenperadura. In particołar, par ogni senteximo de grado Celsius (0,01 °C) de diminusion de ła tenperadura se gà 'n aumento de ła presion de fuxion de sirca na atmosfera. Sta relasion ła se verifega fin a ła presion de 2070 atm e a ła tenperadura de -22 °C, oltra se gà altri stati ałotropisi.

A ła presion atmosferega (1 atm) l'aqua ła boje a ła tenperadura de 100 °C. Cofà par tute łe altre sostanse, dorante ła trasformasion cogna fornir na serta cuantità de całor (deto całor latènte), che 'nte 'l caxo del'aqua 'l xe pì ełevà de ogni altra sostansa nota: a condisioni de 0 °C e de 1 atm cuesto całor de vaporixasion 'l xe infati pari a 2501 kJ/kg.

Fra i 90 °C e i 250 °C vałe ła regoła enpirega che ła presion de vaporixasion  (in bar) ła xe pari a ła cuàrta potensa de ła sentesima parte de ła tenperadura de vaporixasion  (in gradi Celsius):

L'acua ła xe anca na sostansa anfòtera, overo bona de conportarse sia da açido che da baxe (chìmega).

A pH 7 (condision de neutrałità) ła consentrasion de ioni idrosido OH- xe uguałe a cuèła de ioni idroxeno H+ (o idronio o osonio H3O+). Cò cuesto equiłibrio 'l vien alterà, ła sołusion ła se trasforma in açida (majior consentrasion de ioni idroxeno) o baxiga (majior consentrasion de ioni idrosido).

Secondo ła tèoria de Brønsted-Lowry, 'n açido 'l xe na spese chìmega bona de donar un ione H+ e na baxe xe na spese chìmega bona de adisionarlo a sé. In prexensa de un açido pì forte de eła, l'aqua ła se conporta da baxe, in prexensa de 'n açido pì debołe de eła, l'aqua ła se conporta da açido. Par exenpio, inte 'l equiłibrio:

l'aqua ła se conporta cofà baxe e un açido łe dona el so ione H+. Invese inte ła reasion co l'amoniaga:

ła xe l'aqua a azir da açido, donandoghe el so ione H+ a st'ultema.

El ione H3O+, prexente senpre in cuantità picenine insieme a ła normałe mołecoła d'aqua, se forma dopo a ła reasion chìmega de autoprotołixi del'aqua:

Sta reasion ła xe anca nota cofà autoionixasion, semi-ionixasion o autodisociasion del'aqua, e spiega ła natura anfòtera del'aqua.

L'acua ła xe na conponènte fondamentałe de tuti i organismi vivènti prexenti su'l nostro pianeda. Ła se cata in ełevate persentuałi 'n te łe celule (in particołar inte 'l sitoplasma e 'nte i vacuołi – prexenti 'nte łe celule vexetałi e in on fià de protisti), indove al' interno vien convojià 'traverso el proceso de pinocitoxi. Inte el protoplaxma de tute łe celule, sia procarioti sia eucarioti, l'aqua raprexenta el conposto predominante e ła agise cofà solvente par tute łe biomołecołe (cofà i carboidrati, łe proteine, łe vitamine idrosołubiłi ecc.), dandoghe ła posibiłità de reagir tra de łore 'n te łe varie reasion biochìmighe. Oltre che cofà solvente, l'aqua partesipa ativamènte anca cofà reaxente in diverse reasion metabołiche, soratuto cuèłe de idrołisi e ła xe, asieme a l'anidride carbonega, uno de i prinsipałi reaxenti de ła fotosintexi clorofijana; xe anca, senpre asieme a ła CO2, el prodoto concluxivo de'l proceso de respirasion selułar.

Esendo el prinsipałe costituènte de ła gran parte de i viventi, l'aqua xe donca prexente anca inte 'l organixmo uman, in persentuałi variabiłi a seconda de l'età, de'l seso e del pexo. I fluidi corporei che i gà el majior contenuo de aqua xe el licuido cefało-rachidian (99%), el midoło oseo (99%) e 'l plasma sanguigno (85%). Ła rixulta cuindi de fondamentałe inportansa pa'l trasporto de i nutrienti in tuti i distreti corporei e par l'eliminasion e l'escresion, tramide l'urina, de łe scorie prodote inte łe reasion biochìmighe. L'aqua ła svolge anca na funsion de granda inportansa 'nte ła regołasion de ła tenperadura corporea (tramide ła sudorasion) e de ła consentrasion de i sałi minerałi; partesipa anca a ła digestion, faorèndo el tranxito intestinałe e l'asorbimènto de łe sostanse nutridive. Propio parché l'aqua ła gà da esar prexente in cuantità asè elevàe 'nte ła alimentasion umana ła vien clasifegà cofà macronutriente.

'Nte łe piante ła xe el conponènte prinsipałe de ła linfa, che ła gà ła funsion de trasportar i prinsipi nutritivi in tuti i tesuti, e de i vacuołi, che i regoła ła presion osmotega.

L'aqua ła riveste un ruoło sentrałe in un grando numaro de canpi. Sostansialmènte se pol sudividare i uxi del'aqua in:

Anca se l'aqua recoerxe 'l 71% de ła superfise terestre, ła majior parte de cuesta nò ła xe utiłixabiłe diretamènte, in cuànto nesesita de particołari tratamènti, che i xe diversificài a seconda de l'utiłixo che l'aqua ła xe destinà.




#Article 389: Pisacan (193 words)


El pisacàn (o radìcio de can) (nome sientifego Taraxacum officinale) el xe na pianta deła fameja dełe Compositae, pi de preciso dełe Asteraceae.

In todesco el se ciama Loewenzahn, in inglese dandelion, in taljàn tarassaco', dente di leone o soffione.
El ga dełe fojete coi bordi tuti tajà a formar come dei denti a punta (da qua el nome in taljàn e todesco). Ste foje łe vien su tute insieme dała tera e łe fa dełe rosete. In sima al pecol, da apriłe a otobre, sbocia el fiore tipico zało, ke ała fine el se trasforma in na bala tonda e bianca de pełuki: basta sofiarghe sora e i scapa via tuti (da qua l'altro nome in taljàn).

Łe foje łe ga tanti sałi minerałi e vitamine. El pisacàn el se ciama cusì parchè el ga anca na bona atività diuretica.

In cusina se dopara łe foje tenare deła primavera, mejo se prima ke vegna su i fiori. Se pol magnarle crue in sałata o cote con toketi de łardo o metarle 'ntel risoto (risi e radici). I buti, prima ke se verza i fiori, i se mete via sotaxeo, come i càpari.




#Article 390: Paeta al malgaragno (201 words)


Ła paèta al malgaragno xe l'altro piato tipico de Vicensa, dopo el bacałà.
Par farlo ghe vol: 1 paèta de 1,5 chilogrammi, 80 g de panceta fresca tajà a fetełe fin, el malgaragno (4 fruti), 80 g de butiro, 5-6 foje de salvia, 5 cuciari de ojo extravèrgine de ołiva, 1 minestro de brodo, sałe, pevare.
Netar la paèta, vèrsarla e metarghe drento 30 g de butiro mis-cià a un bel pìsego de sałe. Coverser el peto cołe fetełe de panceta e ligar ben.

Scaldar in na tecia 20 g de butiro con 3 cuciari de ojo e ła salvia e metarghe drento ła paèta. Lasàr cusinar par 2 ore pi o manco a fogo medio, metendoghe ogni tanto un cuciaro de brodo. Intanto, dopo 1 ora, versar 'nteła tecia el sugo de 2 malgaragni e xontar un poco de sałe. 

Finchè se cusina ła paèta, lavar, sugar e tritar łe coradełe; cusinarle col butiro e l'ojo che xe restà, xontandoghe el sugo de naltro malgaragno pi sałe e pevare.
Quando che ła paèta ła xe cota, tajarla a tochi e servirla su un piato caldo con sora ła salsa de coradełe e i grani del' ultimo malgaragno che xe restà.




#Article 391: Burati (116 words)


I burati (nome sientifego Plantago major, deła fameja dełe Plantaginaceae) i xe de łe erbe che łe cresse 'nte i prà e drio łe strade.
In todesco el nome xe Breitwegerich, in inglese plantain, in taljàn piantaggine maggiore.

I xe dełe piantine ke vien su con uno o pi pecol driti sensa foje, con in sima na specie de spiga fata de tanti fioreti verdi-załi prima e maròn dopo, uno tacà l'altro. Łe foje łe vien su direte da tera, a rosete.
I burati i crèse dal liveło del mar fin su in montagna.
In erboristeria se dopara specie łe foje par far infusi e decoti parchè sta pianta ła ga proprietà łenitive, diuretiche e astringenti.




#Article 392: Chipilo (455 words)


Chipilo ła xe na çità çenina que ła se cata a 12 km a el Sud de ła çità de Puebla, en Mèsico. La xe a 2150 metri desora el nivèo de el mar. El so nome ofiçial el xe: Chipilo de Francisco Javier Mina. El nome de qhełi orijnari de Chipilo el xe chipilegni.

Chipilo ła xe stàda fundàda en el 2 de otobre de 1882 da enmigradi que i vieniva da la rejon de el Vèneto, en Italia, La maxoransa de ei i vien da Segusino (Trevixo). I enmigradi i xera veniudi en Mèxico par çercar tere fertili et par scansàr da la puertà que gèra en Vèneto en qhela epoca. Pluxori i xe dedicò a el slevo. i sò produti de late i xera diveniui famoxi en multe xone de el Mèxico. Intè i primi 20 ani de la so fundaçion, Chipilo la fù na colonia de foresti ciamada Colonia Fernàndez Leal.
Amò ancoi i chipilejni i xe na minoransa ètnica no reconosuda ofiçialmente, que la presenta radiçi etnoculturali propie et distentive. Al di de ancoi en Chipilo gè 29 cojnom en vita:
Bagatela, Barbisàn, Berra, Bortolini, Bortoloti, Bronca, Colombo, Crivello, Dosetti, Galeazzi, Lavazzi, Martini, Mazzocco, Cossileon, Merlo, Minuti, Mioni, Montagner, Orlansino, Piloni, Prècoma, Salvatori, Sebenelo, Simoni, Spezzia, Stefanoni, Vanzini, Zago, Zanella et Zechinelli.

Parte de la influençia vèneto - italiana la xe dovuda a la creaçion de la italian coffè company et de la cadena de mòbi fabricadi en Chipilo ciamada Segusino.

I chipilegni i conserva łe so tradiçion e sora de tuto ła so łengoa. Oncora ancòi a Chipilo i descore ła łengoa vèneta de i so bisnoni. Ła varianta vèneta que se discore ła la xe el feltrin-belumat. El xe spetacolar que el idioma no el gabia gavudo grose enfluense da 'l espajnoło, confà inveçe el xe drio capitar a el Vèneto d'Italia co el Italian.

Multi linguisti locai et foresti i ga tratà par estabilir en piàn de scritura par el vèneto de Chipilo. En piàn el fu creà da la linguista stadunitensa Carolyn McKay domente la realiseva la soa envestigaçion intè la Universidad de las Americas. Ela la ga proposto en piàn basado prinçipalmente entè el alfabeto italian, et la publicò el sò pian endè en libre entitolà il dialetto vèneto di Segusino e Chipilo. I fu propoti anca auteri piàni ma a Chipilo no sè mai dropà la scritura vèneta unificada deçixa da la Regione Vèneto en Italia.

La prima novela scrita en vèneto de Chipilo la se entitulada Al Prim et la trata de Giuseppe Roman (1870 - 1896), naçiù ende en muniçipio en provinçia de Belun, que el migrò co tuta la so fameja et el fù el prim member fundator de la comunità.




#Article 393: Grùmoło (486 words)


Grùmolo (tałian: Grumolo delle Abbadesse) xe on comune de 3 311 abitanti de ła provincia de Vicensa.

El nome del Comun el vien dal łatin grumŭlus, diminutivo de 'grumus mucio de tera (mucchio di terra en tałian), colle.

No xe rimasto nisun documento che  'l dixe che a Grùmoło ghe sie stà on casteło, che parò ghe jera de seguro, parché el resulta anoverà tra chei vescoviłi che el diploma inperiał de Oton III del ano 1000 l'esentava da ła tasa del fodro.

Secondo ła tradisiòn riferia dal Maccà, l'antigo casteło se catea nel sito de ła cèxa parociał de ancò.

'Ntel 1004 el vescovo Liudigerio el da a ła abasia de łe monache benedetine de San Piero de Vicènsa. L'abasia ga bonificà de i tereni e prosiugà łe pałudi e ga costruìo dei canałi.

L'antica pieve de Santa Maria ła cipea rento łe capełe, deventà po cèxe parociai, dei Santi Gervasio e Protasio de łe Tori, de San Martin de Lerin, de Santa Maria de Maroła, de San Michele de Sarmego, de San Piero Intrigogna, de San Michele de Grantortin, de Santa Maria de Casałe de Settecà e chea de San Zenon de Rasega. Ła cèxa ła gera cołegià e ła giurisdisiòn de łe monache benedetine ła xe 'ndà vanti fin el 1797, co ła cadua de ła Republica Vèneta e l'arivo de łe trupe napołeoniche.

Verso ła metà del Trexento, durante ła sioria scałixera, el teritorio de Grumolo el xe stà sotoposto, soto l'aspeto aministrativo, al Vicariato siviłe de Camisan e tałe el rimase, anca 'ntel età de ła Republica Vèneta, sin a ła fin del XVIII secoło.

A Grùmoło:

Intel la frasiòn Vancimujo se trovan:

Fra Vancimujo e Sarmego ghe xe altre vile:

A Grùmoło ghe xe do scołe de l'infansia (de cui una privà), na scoła primaria e una scoła secondaria inferior.

Intel capologo ghe xe anca la Biblioteca civica, che la fa parte de la rete de biblioteche visentine.

Al terzo fin de la setimana de setenbre de ogni anno a Grùmoło el se tien la tradisional e ormai rinomà sagra paesana Festa del riso, giunta a la 30ª edisiòn nel 2016 (del novo arco de la sagra)

Le frasioni del comune de Grùmoło le xe Sarmego e Vancimujo.

Altre locałità o contrade le xe: Al Passo, Baruchelle, Bottegon, Ca' Longa, Case sparse, Giardini, Grezzi, Leopardi, Monteverdi, Nicolin, Ponte del Becco, Ponte Settimo, Rasega, Scuole, Serenissima, Storte.

L'economia de Grùmoło, da secołi centro agricolo, el se basa su la produsiòn de cereałi e foragi co numerosi ałłevamenti bovini e suini. Tipica del logo la xe la produsiòn del riso, introdoto dałe monache benedettine fin dal Sinquecento. La varietà de Grùmoło - el viałone nano - el gà chicchi minuscołi ma la qualità, grasie ała carateristiche del teren e dełe acque, la xe eccełente. 'Sto riso l'è diventà Presidio Slow Food e prodoto De.Co., sostenuo dała Rejon Veneto.

Le attività industriali, oltre a alcune importanti aziende operanti nella produsiòn de atresature agricołe, sono limitate a picole aziende ałimentari, ediłi e dee confesiòni




#Article 394: Màntova (220 words)


Màntova o Màntoa (in latin Mantua, mantegnù anca in mantovan e in inglexe) el xe on comun de sirca 48 000 abitanti, capołogo de ła omonima provincia. Ła xe parte de l'area metropołitana de ła Granda Màntova, che ła contien qualche comun intorno per rivar a 100 000 abitanti, a ocio.

Ła se cata 'nte ła Łonbardia Orientałe, a vinti minuti da Verona, infrà el Po e'l Mincio, pì visina a st'ùltemo. Ła ga intorno tri łaghi artifexałi (Superior, de Mezo, Inferior) che na volta i gaveva el scopo de deféndare ła sità, insieme a queło che per raxon ixeniche el xe stà sugà, el Paiolo.

Ła xe famoxa perché visin a eła ghe xe nasuo el poeta łatin Virgilio e per ła fameja dei Gonzaga, che ła ga governà ła sità e i soi posedimenti dal 1328 fin al 1708. Sti siori i ga ospità pareci artisti inportanti come Donatello e Andrea Mantegna e ła sità ła xe piena de monumenti e edifisi davèro bełi, come el Pałaso Te e'l Pałaso Dogal. Màntova, insieme a Sabioneta, ła xe un patrimonio de l'umanità proteto dal'UNESCO e par el 2016 ła xe nominada Capital italiana de la cultura.

Belfiore, Borgo Angeli, Borgo Belgioioso, Borgochiesanuova, Cinciana, Cittadella, Dosso del Corso, Due Pini, Frassino, Lunetta, Te Brunetti, Trincerone, Valletta Valsecchi, Valletta Paiolo, Virgiliana.




#Article 395: Montorso Visentin (292 words)


 
Montorso Visentin (nome ufisial in itałian Montorso Vicentino) el  xe on comun de 3126 abitanti de ła provincia de Vicensa.

Citadina al confin con Verona, famosa par la Vila Da Porto, 'uogo de nasita dea prima version dea novea de Giulietta e Romeo.
L' attuae amministrasion xe guidà dal Sendago Diego Zafari.

A Montorso xe vissù el noto giornalista, scrittore, vaticanista, Guido Guarda (1922-1991). Risercatore e autore de numerose pubblicassion, nel quinto sentenaro dela nasita de Luigi Da Porto (1485-1985), el ga scrito l'autorevole volume Montorso mio dolce e ameno.

Nel paese de Montorso a xe nato el scritore Candido Lucato (1930), par 40 ani maestro elementare e poi brillante narratore e memoria storica che con i so libri el ga racconta l'insolita provincia vixentina prima che de diventare el mitico Nord-est.
Ondaxe i libri al so attivo: dall'esordio nel 1992 con Storia mirabile di Arzignano con la valle del Chiampo a Tra le nuvole (1996); e quindi de seguito: Un tuffo al cuore (1998); Tra Grime e Fratta in legger pendio (1998); Nani Mave (2000); La murétta del fornaro (2002); C'era una volta Piazza Colle (2003); Notturno in villa (2005); Moro Mincio e compagnia bella (2006) e con Francesco Mezzaro, Caro vecio paese mio (2001) e Poesia di Montorso (2001).

Sensa desmentegare 'o scrittore pi famoso vissuo a Montorso, Luigi da Porto (1485-1529), el quae sfigurà e storpio 'opo aver affrontà 'a battaia con i Lanzichenecchi in Friuli al servisio dea Serenissima Repubblica di Venezia, se ritirò a Montorso nea villa che la porta el suo nome, dove, nel 1524, scrisse 'a prima stesura dea novea de Giulietta e Romeo, che dopo un pò de tempo vegnerà trasposta a teatro da William Shakespeare devegnendo forse 'a pi famosa tragedia al mondo.




#Article 396: Połònia (185 words)


  Juto:Stato --
Ła Połonia (en połaco: Polska) ła xe no stato del'Eoropa çentràl.
Ła confina a ovest co ła Germania, a sud co łe repùbliche Ceca e Slovaca, a est co l'Ucraina e ła Biełorusia, a nordovest co ła Łituania e ła Rusia e a nord col Mar Baltico.

Ła ga na superfiçie de 312 679 km².

Ła Połonia è una repùblica parlamentàr.
El presidente de ła Republica de indeso el xe Andrzej Duda, el primo ministro xe Mateusz Morawiecki.

Ła xe sta fondà nel 966 D.C. dal so primo sovran Miesko I , re dei Polani. Nel 1569 la gà formà ła Confederasiòn Połaco Lituana. Nel 1795 ła xe stà spartia da Austria, Russia e Prussia.

Nel 1918 ła xe tornà stato libero fin al 1939 cuando ła xe stà invasa da ła Union Sovietica e da ła Germania Nazista. Nel 1945 ła xe tornà como Republica Popolar de Połonia. Nel 1989 ła xe tornà na Republica Democratica Parlamentar.

Dal ponto de vista aministrativo el so teritorio el xe organixà in sedese vaivodai.

Ła cavedal ła xe Varsavia.

Ła gà 38 502 396 abitanti.




#Article 397: Ostrya carpinifolia (120 words)


El càrpano mòro o càrpane mòro (nome sientifego Ostrya carpinifolia) el xe 'n'albaro de ła fameja de łe Corylaceae, ligà a łe Betułaceae. El nome in todesco el xe gemeine Hopfenbuche, in inglexe hop hornbeam, in taljàn carpino nero, in françese ostrie.

Ła xe na pianta che ła se trova dai cołi fin su łe Prealpi e łe Alpi, anca a 1200 metri, e ła pol esare alta anca 20 e pi metri.

Ła scòrsa ła xe roxa-maron, screpołà. I fiori, in autuno, i par dei bigołi maron ciari, longhi 5-8 çentimetri; i fruti, achèni, i xe dei graspeti bianchi o verde ciaro.

El càrpano mòro el vien doparà de sołito come legna da ardere o par far picołi atrèsi.




#Article 398: Curtaroło (120 words)


	
Curtarolo el xe un comun italian inte ła Rejon Vèneto e parte de ła Provinsa de Pàdoa, el conta 7302 abitanti che i ga nome curtarołexi, i cuałi i festeja ła Madona de Tesara che ła cade el segondo luni de otobre.

El comun el se poxa intieramente so ła pianura vèneta a circa 15 km a nord de'l caoliogo provinsiałe. El confina a nord co Canpo San Martin, a est co San Dordi de łe Pèrteghe, a sud-est co Vigo d'Àrxere, a sud co Łìmena e a ovest co Piasoła so ła Brenta.

Curtaroło el xe spartìo inte el abità omònemo, łe frasion de Pieve, Santa Maria de Non, łe locałità de San Andrea, Póncia, Tesara, Pałasina e Jarona.




#Article 399: Mojan (186 words)


Mojan (deto anca Mogian, in venexian) el xe on comune de 26 292 abitanti de ła provincia de Treviso.

Ła storia de Mojan scumissia in età romana. In 'sto periodo 'a zona jera centuriada e intensamente coltivada.

Co 'a fine de'l' Impero e l'inissio de l'età barbarica 'a zona decade e i campi arai deventa boschi e pałude. Ma zà in 'sto periodo ghea da essarghe on piccoło centro abitato torno na pieve co fonte batisimal, dedicàa forse a ła Madona.

Nel 997, su ordine de'l vescovo de Treviso, vièn fondà on monastièr benedetino (all'inissio de muneghi, po'de muneghe), che farà deventar Mojàn fiorente fin a 'l XV sec., quando e muneghe 'e se trasferirà Treviso. L'atività pastoral 'a sarà mandada vanti da 'a confraternita de laici de Santa Maria dei Batuti.

Dal XVI sec. a campagna de Mojan deventa uno dei lioghi preferii da i patrissi venessiani: qui e sorge tutora na gran quantità de vile venete, sopratuto drio 'a strada de 'l Terajo.

Intel 1797 el va drio 'e sorti de Venessia e passa ai Francesi e po' a l'Austria. Intel 1866 deventa italian.




#Article 400: Canpo San Martin (189 words)


	
Canpo San Martin el xe un comun italian inte ła Rejon Vèneto e parte de ła Provinsia de Pàdoa, el conta 5775 abitanti i cuałi i ga nome canposanmartinari o canposanmartinexi.

El comun el se poxa intieramente so ła pianura vèneta a circa 20 km a nord de el caoliogo provinsiałe. El confina a nord co San Dordi in Bosco, a nord-est co Viła de el Conte, a sud-est co San Xorxo de łe Pèrteghe, a sud co Curtaroło, a ovest co Piasoła so ła Brenta.

Canpo San Martin el xe spartìo inte el abitato omònimo, łe frasion de Marsango e Busiago, łe locałità de Busiago Vecio, Capitelbeło, Caxere e de numarévołi altre contrade.

El teritorio de Canpo San Martin el xe intieramente pianejante. Denja de nota ła xe ła Brenta che cuà ła traversa el caoliogo comunałe, indove che ła forma na gunbiara, despartendo cosita el teren in du bande. Ste ùlteme łe xe unìe da un ponte percorso da ła SP10 che ła conete el vixentin co el miranexe, ła cuała ła incroxa ła SS47 Valsugana in locałità Capitelbeło, che ła unise el pavan co el trentin.




#Article 401: M (120 words)


La M (ciamada eme par veneto) ła xe ła tredaxèxema létara de l'alfabeto latin, ma ła reprexenta anca ła maiùscoła de la létara mi inte l'alfabeto greco e in cheło sirìłego.

Inte el alfabeto fonètego internasionałe,  ła reprexenta on sono naxałe biłabiałe.

La M la deriva da la letera greca Mi (Μ μ), che a so olta la derivea da 'l fenicio Mem. Sto ultimo al cavea la so origine probabilmente da 'l sinbol egisio de l'aqua te i alfabeti iconografici, e se pensa che al derive apunto da 'l geroglifico che al representea na N te 'l antico egisio, e che al à passà a M par semitico parchè co quel suono scominsiea la parola aqua ten sta lengua.




#Article 402: Venezia Football Club (12274 words)


Ła Asociasion de Bałon de Venesia o  Venesia Football Club ła xe na socetà de bałon, nasùa 'ntel 1907, co sede 'nte ła sità de Venesia.

Fondà 'ntel 1907, 'ntel 1909 ła riva a ła semifinal nasional (par mancansa de aversarie 'nte ła zona). Intrà alti e basi, ła riva in serie A nel 1925-26. El Venesia da ła stagion 1929-30 el canbia anca nome e cołori (par ła cronaca el gera ciamà Serenisima e i cołori de łe magie i gera de roso venesian). L'esperimento el tèrmina tre ani daspò.

Al'inisio dei anni quaranta el Venesia el vinse ła Copa Itałia (1940-41), e riva terso 'nte ła stagion daspò. A quei tenpi 'ntel Venesia ghé gera dó grandi del calcio itałiàn come Ezio Loik e Valentino Mazzola, vinsidori de scudeti a ripetision col Gran Torin.

La socetà nel 1987 ła conpra i diriti de ła squadra de Mestre (che ła ga anca xogà col nome de Mestrina) par darghełi pò al Pałermo rexentemente fałìo e ciapa par un breve periodo el nome de Venesia-Mestre.
Na curioxità: 'ntei primi ani novanta 'ntel Campionado Nasional Diłetanti ghe ga xogà n'altra squadra de calcio col nome Venezia. Łe divixe de sta squadra qua łe gera del clàsego cołór neroverdo. El gera stà fondà da sogeti contrari a ła fuxion infrà Venesia e Mestre. El xe desconparso datorno al 1996.

Co ła rivada de Maurizio Zamparini e grasie al'integrasion de łe dó roxe del Venesia e del Mestre, ła squadra ła xe subito promosa in C1 e l'ano daspl ła tol de novo ła denominasion Associazione Calcio Venezia 1907. Daspò, 'ntel 1990-91, ła torna indrio B daspò un sparégio contro el Como, e 'ntel 1997-98 el Venesia el torna in serie A (Ałenadór Novellino) daspò trent'anni. Se salva ła stagion daspò grasie a łe prodese de Recoba e Maniero. Daspò ła retrocesion 'ntel 2001-02, ła squadra ła va in profonda crìxi anca par l'abandono del prexidente Zamparini (che 'ntel pasagio al Pałermo se tol drìo un bel fià de xogadori, infrà i quałi el stéso Maniero) e a ła fìn del 2004-05 ła va xó in Serie C1.

El 22 giugno 2005 ła vien diciarà fałìa.

Ła nova socetà ciamà Socetà Sportiva Calcio Venesia, cavegià dal Grupo Guaraldo rapresentà da Lorenzo Marinese, riparte da ła Serie C2 'ndo dopo na partensa al rałentadór rixàl vełosemente łe poxisioni fìn a oténare co dò xornae de antiçipo ła promosiòn en serie C1, dopo ła vitòria contro Jèxoło en trasferta par 3-1.

'Nte ła staxón 2006/2007 el Venesia riva nel campionado de Serie C1 come matricoła, ma dimostra fìn de suvedo de avere łe carte en regoła par n'immedià promosión en serie B. Dopo massa parégi 'nte łe prime xornae de campionado, el Venesia scomensa a infiłàr na bona serie de vitòrie.

Da ła prima jornada de ritorno fino a indeso ła formasiòn łagunare gò detegnù na beła posisiòn 'nte ła classifica, anca si en coabitasioni co altre formasioni, parché ghe xe un grando equiłibrio.
Co grande fadiga el Venesia xe riussio a quaificarse ai play-off batendo in casa a l'ultima giornata el Pisa pa 1-0, con gol de Romondini a un minuto daa fine: na emossiòn grandissima pa tuti quei (mi compreso) che gà visto ea partìa.
Dato che in campionato gerimo rivà quinti ai play-off ne gà toccà zogàr l'andata in casa contro, ironia dea sorte, propio el Pisa. Ma putropo dopo essere 'ndai in vantagio 1-0 stavolta nà xe finia come ea altra volta: el Pisa gà ricambia el favore pareggiando eo stavolta a pochi minuti daa fine. Così al ritorno a Pisa el Venesia, nonostante esserse portà in vantagio, el xe croà 3-1, el Pisa xe 'ndà in finae (e dopo el gà vinto anca quea 'ndando in serie B)e el sogno promosion pal Venesia gera finio. Restava comunque el ricordo e la sodisfaxion de na stagion vissua in alta classifica.

Ea stagion 2007-08 xe comincia poco ben e finìa quasi mal. Dopo un avvio con la sconfita casainga coa Cremonese (1-2) tra alti e basi el Venesia gà avuo ben 4 alenatori: Corradini (che el gera el vice de Deschamps aa Juve in serie B),sucedùo a Neo De Costanso soa panchina del Venesia a giugno, xe stà silurà de punto in bianco subito dopo ea prima giornata; dopo xe rivà D'Adderio, che però el gà porta ea squadra dal sogno play-off all'incubo de dover zogar i play-out e infine xe rivà Michele Serena, mestrin, che xe riusio a far conquistare aa squadra ea salvessa diretta.
Ea stagion 2008-09 ea xe comincia sin da subito in salida parchè el Venesia xe partio penaisà de 4 punti a causa dei mancati pagamenti dee tasse da parte dea società. Ea squadra gà sempre navigà nee zone basse dea classifica piombando a xenaro adiritura a l'ultimo posto. Michele Serena xe sta esonera a metà novembre e al sò posto ghe xe stà Michele Cuoghi che però no gà fato mejo del colega Serena che anzi xe sta riciamà a marso pà sercare de fare l'impresa: recuperare 6 punti dal penultimo posto pa disputar almanco i paly-out e sperar de salvarse così.
Ea squadra gà pian pian ripreso fiducia e nonostante el muro contro muro coa dirigensa, accusà de no aver pagà i stipendi ai zogadori, e qualche sciopero anca dei stessi zogadori, el Venesia gà comincià a far punti pesanti sopratuto in casa e a recuperare punti e quindi speransa.
E ultime partie casainghe e xe finie 3-1 col Novara, 1-0 col Pergocrema, 2-0 col Legnàn, 0-0 coa Sambenedetese (avversaria paa salvesa) e l'esaltante 1-0 col Ravena secondo in clasifica. Manca soo nà partia aa fine del campionato: Pro Sesto-Venesia. Ai play out el Venexia vinse pa 3-1 a l'andata e paregia 1-1 in trasferta al ritorno e dunque resta in Lega Pro Prima División dopo comunque na sofertissima salvessa.

L'8 lugio 2009 el Venexia el xe neł'elenco dełe sedeze squadre escluse dała Lega Pro dopo i controłi deła Co.Vi.Soc.

El 10 Lugio i zogadori e i alenadori i xe stà convocà in sede pa ciapare i aretrati dei stipendi e firmare łe liberatorie (indispensabili pa l'iscrixión) a mezodì. Ghe xe un primo rinvio ałe dó e meza. El tempo passa e i tifosi i taca a impinire ła sede ma no sucede gnancora gnente. Ałe sie del pomerigio riva ła notixia che el neo proprietario Golban el se gà ritirà e el xe intensionà a far causa ai Poleti pa non aver iscrito ła squadra al prossimo Campionato de Lega Pro. Ałe ore 20 ła piassa deła sede ła xe gremia de tifosi in lacrime par l'ormai inevitabiłe fałimento dei Lagunari. Riva però ła smentia da parte de Golban de vołer ritirarse ma ormai nessuno sa pì quałe che xe ła verità. Sta de fato che entro le 13 de sabo 11 Lugio el Venexia el gavaria dovuo presentar ricorso pa la non amission in Prima Divisione, invexe non xe stà mandà nessun scheo ała Lega Pro. 
Pare ormai inevitabile neła migliore dełe ipotesi ripartire con na nova società dała serie D, ma el rischio de 'ndare adiritura nel Campionato Regionałe (Ecełensa, 1°,2° e 3° categoria) el xe pì che mai vivo.
Questa xe l'amara verità: el glorioso Venexia Calcio el xe spario dal calcio professionistico.

Grassie al lavoro deła aministrassion comunałe mirà a asicurare un futuro al calcio venexiàn, a fine lugio 2009 xe sta fondà na nova società, la F.B.C. Union Venexia, co presidente Mauro Pizzigati e ałenador Paolo Favareto. El Venexia xe riussio a iscrivarse in SERIE D. El zoga nel giron C par l'esatessa.

Se riparte da zero co na squadra che se raduna par el primo alenamento solo a feragosto, co na preparaxion in ritardo che se rivelerà decisiva par le prime partie che la squadra zoga: se fa fadiga a trovar el ritmo e se buta via punti prima perdendo dopo co tanti paregi. El Venexia trova finalmente el zogo nel giron de ritorno fasendo 7 vitorie consecutive e fasendo più punti de tuti. Ma purtropo el primo posto xe massa distante sicchè i lagunari riva tersi in classifica ale spale de Montichiari (promosso) e Este. El disputa cossì i play-off vinsendo la prima partia co lo Jesolo in casa ma perdendo però a sorpresa la seconda in casa co l'Union Quinto che espugna el Penzo co un 2-0 neto. La stagiòn se conclude co l'addio al sodalissio da parte del segretario generale Leandro Casagrande e dell'alenador Paolo Favareto.

Enrico Cunico vien nominà novo alenador del Venexia e l'organico dela squadra vien rivoluzionà: pochi i zogadori che resta (solo le vechie glorie Collauto e Vianelo), tanti quei che parte da Venexia e altretanti i novi che invesse sbarca in laguna. L'obietivo xe costruire un giusto mix de zoventù e esperiensa pa essere pì forti de l'ano passà e combattere par el primo posto fin alla fine del campionato. A marso dei russi compra ea società, el presidente deventa Yuri Korablin, dopo pochi giorni more el patron Enrico Rigoni che ghevà salvà el Venexia nel 2009 daea scomparsa e che gheva vendù la società ai russi. La squadra lotta tuta ea stagion par el primo posto insieme al Treviso, ma alla fine i biancoseesti trevisani i gà ea mejo e el Venexia riva secondo, nonostante l'arrivo in panchina de Gianluca Luppi al posto dell'esonerato Cunego. Ai play-off, dopo ea vitoria contro el San Polo Padova, el Venexia perde 3-2 ea finale del giron C al Penzo contro el San Donà-Jesolo: l'amaressa xe tanta perché na papera del portier Casini (comprà a genaio dal Rovigo) rovina un campionato intiero ma anca riasume ea difesa ineficiente, piena de problemi pa tuta ea stagion, dall'inissio aea fine.

Anca se durante l'istà, ła Lega Pro se gà slargà novamente a 76 squadre, łe speranse de ła squadra de poder vegnir ripescà in quel canpionato xe andàe perse del tuto quando anca a ła fin no xe stàda prexentàda ła documentasion necesaria che podeva servìr par far el gran salto. L'Union Venesia gà cussì da far i conti co ła realtà dovendose preparàr par un novo ano de canpionato in serie D. Ghe xe comunque a l'interno de ła società na riconpoxision de tuti i ròłi e i inpreditori rusi 'rivài da pòco che ciapa in man el destin de ła società e de ła squadra controłandoghene cussì in modo ciaro el so futuro dandoghe sicuresa e sołidità. 'Ntel C.D.A. ghe xe alcuni dirigenti che no vien più riconfermà : el D.S. Andrea Seno e l'ałenador Gianluca Luppi; al so posto riva Oreste Cinquini e 'l xovene ałenador Davide Sassarini. I xogadori invese che fa ancora parte de ła roxa xe 'l sentrocanpista Casagrande, el capitan Mattia Collauto e 'l goleador Emil Zubin, ai quałi se ghe xonta na serie de xoveni che riva da xovaniłi de squadre profesionistiche, alcuni xogadori che prima miłitava nel giron toscano de ła serie D, e qualche colpo ben studià, cofà l'ingàgio del defensor central navegà Roberto Mirri, e dei esterni d'ataco Diego Oliveira (che l'ano pasà xogava in serie B) e Fabio Lauria (che riva dal Lumezzane in C1). Durante el mercà invernàłe vien po' ingagià el centrocanpista che xogava a ła Triestina Nicola Silvestri, e dopo el ritorno de l'atacante Marco Moro, vecia conosensa del calcio łagunàr che xa gaveva disputà un canpionato co ła squadra arancioneroverde nei ani de ła gestion dei Poletti.
L'Union Venesia otien ła promosion in Lega Pro co do xornàe de antisipo, dopo na longa batagia col Delta Porto Tolle in un canpionato dove co undexe ponti de distaco e un cało de punti (da ricordàr anca ła sostitusion de l'ałenador Davide Sassarini co 'l mister Giancarlo Favarin, el Venesia riese comunque a vìnser el canpionato co na xornàda de antisipo. 
Dopo ła finałe ne ła corsa par el scudeto de Serie D, l'Union Venesia vinse 3 a 2 col Teramo Calcio deventando cussì Canpion de Itałia par quanto rivarda ła serie diłatentistica (D) xontando cussì un novo trofeo ne ła so bacheca in vista de ła Lega Pro.

El 12 de giugno 2012 un sión el ga colpio łe ixołe de Sant'Erasmo, de ła Certoxa e Sant'Elena. Anca el Stadio dove xoga ła squadra łagunar el gà avùo tanti dani, primo fra tuti un plàtano cascà xo so'l muro che ghe xe in banda. I dani xe stài tanti ma se pensa che comunque par el scominsio de ła stagion sucesiva sarà tuto giustà.

 

Dopo ła tronba d'aria che gà desfà anca bona parte del stadio, (co ła decixion anca de tegnìr bon el stadio de Portogruaro), taca i laori par el Penzo. El 28 de Xugno ła Società Sportiva Diłatentisca Union Venesia deventa Società Sportiva Profesionistica. Anca se ła società spera de poder partesipar a un xiron unico de legapro, in realtà vien decixo ancora che i vegna fati do e cussì se cata in seconda divixion. Oreste Cinquini, el dirigente de ła società che gà vinto el scudeto ne ła serie diłatentistega, nel mexe de ługio, decide de acetar na ciamàda da ła nasionałe rusa de Fabio Capello però el ciama Andrea Gazzoli nova fegura a l'interno de ła società, co queła del novo ałenador sielto par la stagion Diego Zanin che gà xogà nel Venesia 'ntel 1990 quando ła squadra in quel'ano gà vinto el canpionato andando in Serie B.

Mattia Collauto, capitàn del Venesia da senpre bandiera de sta squadra esendo anca venesian che par un serto periodo gà xogà anca iinte el Bari, 'ntel mexe de łujo gà decixo de sbandonàr el calcio e fenìr la so cariera, probabilmente el andarà coi altri ex canpioni, Paolo Poggi, Nicola Marangon a insegnar el calcio. Esendo stà un gran canpion e un grand' omo, sarà senpre ricordà e amà dai so tifoxi. 

Dopo i ritardi dovùi al marcà (in seguito anca al fato che Oreste Cinquini gà łasà ła socetà par raxonxer Fabio Capello in Russia e 'l so novo sostituto Andrea Gazzoli ex diretor sportivo del Groseto.
Durante el ritiro riva xogadori ma ła squadra no xe ancora al conpleto finchè ała fin dopo de łe setimane el mercà xe finìo.
Taca el canpionato novo in un xiron de Seconda divixion de Lega Pro che vede ła formasion lagunar dover afrontàr squadre del nord, Nord-ovest, Nord-centro e anca del Nordest in un xiron che gà łe so dificoltà.
Ne ła prima partìa el Venesia vinse, ma in quełe dopo ła squadra esendo nova e avendo dovùo canbiàr abastansa, ła scominsia a far i conti col fato che ghe xe stà poco tenpo ancora par i xogadori de conoserse e donca alcuni de łori no se conose gnancora.
Finìo el xiron de andata ła squadra xe a pochi punti da ła xona playoff. El xiron de andata se gà caraterixà par rexultadi altałenanti a volta dovùi anca a un fià de sfortuna. Ła notisia che el prexidente Korablin gà dà durante a na riunion so'l fato de no pensàr che łu no'l gabia più amor par sta squadra gà fato star megio tanti tifoxi che gà avùo diversi dubi pa'l fato che no gà risevùo notisie par diversi mesi dal steso prexidente. El prexidente gà anca varentà el so forte inpegno par vołer costruìr el stadio in teraferma a Tesera nominando anca come so vice na persona che conose ben l'anbiente venesian ma che al tenpo steso gà anca avùo esperiensa de laoro in un paexe come ła Rusia dove continuarà a łavoràr cołaborando co l'autual prexidente de ła società. 

Pasà el xiron de andata co rexultadi piutosto alternanti, una de łe prime xornade del canpionato de ritorno, Andrea Gazzoli, decide de vołer sostituìr Mr Diego Zanin (ex ałenador del Trevixo che gera stà sielto par sta stagion), anca pa'l fato che segondo el diretor qualcossa se gaveva roto tra eło e ła società).
Vien sielto mister Davide Sottili toscan che xa conoseva Andrea Gazzoli e che scominsia nel megio dei modi ła so nòva aventura a l'Union Venesia vinsendo łe prime do sfide e proando a canbiarghe mentałità a ła squadra. Dopo na setimana de conosensa de l'anbiente col diretor Gazzoli fasendo el ponto i decide de andar so'l marcà e conprar qualche altro rinforso mirà che possa farghe far el salto de quałità a sta squadra. Ła squadra durante ła nova gestion d'ałenador canbia ła pròpia pèłe e perde soło che na partìa. Ła partìa che ghe permete de intrar playoff xe na partìa un mucio conbatùa in trasferta a Fano dove so'l fenìr del primo tenpo col rexultado de 2 a 1 pa'l Fano inpata, 3 a 2 pa'l Fano po' segna ancora 3 a 4, 4-4 so' eror de un difensor e infìn 4 a 5 par la squadra ospite. Protagonista de sta partìa xe stà Davide D'Apollonia che gà fato quatro gol.
L'ultema partìa de canpionato co ła caolista Savona finise 3-2 pa'i lagunari che no gaveva a dispoxision alcuni xogadori tra cui anca Davide D'Apollonia, ma che riese a bater el Savona che oramai no gavea più nisun obietivo avendo xa raxonto la matemadega promosion e cussì ła Pro-patria che vinse col Caxałe raxonxendo cussì ła prima poxision. Arancioneroverdi tersi e pronti pa'i playoff.

Ła vitoria par 1 a 0 col Renate a Portogruaro (parchè el Penzo gà dei problemi) (dopo l'1 a 1 in Briansa) fa sì che i łagunari intra cussì in finàl co el Monza a Monza dove i inpata 0 a 0 co na squadra el Monza comunque dura da afrontàr 'vendo parixà anca durante el canpinato. Ła vera finàl sarà quindi rimandà da nòvo a Portogruaro invese che al Penzo, idea che gà fato destòrxer el naso a tuti i tifoxi.
El nùmaro de bilieti vendùi xe stà bon, ła partìa vien trasmesa anca in streaming so'l sito del Venesia. Ła partìa scominsia col xogo maxenà pì che altro dal Monza che par pì in partìa e infati va in vantagio. I lagunari par un fià masa sfiłasà. Sentrocanpo e difexa masa distanti, el xogo no vien fora. El primo tenpo ło vinse el Monza che mostra cussì de eser un mucio forte. 
Secondo tenpo scominsa co più convinsion dei łagunari che par un fià de sfortuna no i riese a 'vantar el parixo. No pasa tanti minuti però quando Bocalon xovane venesian ciapa el bałon e ło fraca drento in fondo al saco. Cussì contento ch'el xe decide parfìn de cavarse ła magieta e cussì el vien amonìo. Ła partìa par inpisàrse ma poco dopo da nòvo el Monza co Gasbarroni vol indormensarla portando in vantagio ła squadra briansoła che qundi sbalia el 3-1 a so favor senpre co Gasbarroni. Ła squadra łagunàr no trova el bałìn del xogo. Dopo aver ritrovà un fià più de segurésa i łagunari provando ad avisinarse e a tiràr pur sensa łasarse descoverti in difexa, i riese a inpatàr da nòvo co Bocałon. In canpo ghe xe anca D'Apollonia da poco intrà, tute łe volte che xe intra ne łe partìe pasàe, el gà segnà, e nei ultimi minuti oramai el parégio par el soło rixultato posibiłe sensa ris-ciar de ciapàr altri gol dal Monza, eco rivàr el segondo venesian che segna Davide D'Apollonia che regała cussì na nova promosion diresion C1, i tifosi taca far festa.

Su'l fronte del mercà tuto xe in forse anca i zogadori che gà contribuìo a far vansàr la squadra de categoria no xe intocabiłi e cussì zogadori come Fabio Lauria e altri vien mesi su'l mercà.
I tifosi se ła ciapa un fià parchè ła società no se fa sentìr, ma po' a l'arivo del prexidente russo Korablin tuto vien sistemà, łù senpre pronto de saver par la question del novo stadio de Tessera e spetando de veder cossa che dise el comùn. Dopo na specie de ultimatum dà dal prexidente al sindico Giorgio Orsoni e na nova confarensa anca co i novi sponsor, se gà savesto che vegnarà mostrà el progeto dal prexidente a disenbre, anca se ghe xe parti contrarie a ła costrusion del stadio pròpio in quel'area de Tessera, che gà anuncià che sarà pronto reałixà 'ntel 2017.

In seguito al so arivo da ła Rusia el prexidente ruso del Venesia dopo qualche dì fà saver che el ds Gazzoli xe stà riconfermà, a breve vegnarà comunicà anca el nome de novo ałenador. Al primo posto co altri ałenatori in lista, ghe xe Alessandro Dal Canto vecia conosensa dei tifoxi che ło gà seguìo come xogador ai tenpi ormai łontani de ła serie A, quel Venezia AC 1907 che co Novellino come ałenador da ła serie B gaveva raxonxesto ła serie masima. Łs società fà saver de aver sielto łù, i tifosi xe un fià divixi però tuti pensa che se vedarà so'l canpo se sarà stada na bona sielta.
Dal Canto da ałenador gà ałenà el Padova fasendo ben e ła pasàda stagion gà ałenà el Vicensa col qual però da ła serie B xe retroceso in Legapro.

Tra łe amichevołi estive spica queła xogà a Gexoło col Sydney FC de Alessandro Del Piero dove i arancioneroverdi vinse co un gol de Bocalon.

Spetando de aver el stadio del Penzo da novo a posto ła squadra dovarà zogar al Mecchia de Portogruaro łe prime partìe.
Ła prima xornàda vede na sconfita a Salò che però vien subito desmentegà co ła partìa zogàda al Mecchia de Portogruaro dove dopo un primo tenpo xogà a basi ritmi da l'Unione Venesia col Lumezzane ciapando tre gol ma riusindo vinser par 5 a 3, mostrando un bon zogo soratuto in ataco co i novi zogadori che dispone el novo mister Dal Canto.
Inisio un fià difiçiłe co do vitorie in caxa e nissuna in trasferta, bona partita nel derby col Vicensa trasmesa anca par tełevision su Rai Sport 1 e prima vitoria in trasferta a Pavia.

El 3 de novenbre in ocaxion de ła partìa co ła Reggiana dopo un scominsio de canpionato zogà a Portogruaro, par dei laori de manutension del stadio de S.Elena, ła squadra torna a zogàr in laguna. Beła reasion de ła squadra dopo ła dificoltà inisiàl e 'l gol ciapà.

Bon giron de andàda e de ritorno co più fadiga co diverse partìe xogàe ben, ma indove s'à visto qualche epixodio a sfavor o punision che gà punìo ła partìa, dei ponti persi soratuto in casa dove par exenpio co l'Entella Calcio s'à visto un bon xogo però finì co na sconfita o nel derby col Vicensa dove, pur xogando ben, gà perso na partìa de mixura.

Grande novità comunicae dal stesso prexidente russo a tuti i tifosi mediante You Tube. El gà incontrà diverse persone e xe drìo andar avanti el discorso col Comùn, ma el gà cronpà i tereni de Tessera, el dixe che pol darse che ła prima pièra vegnarà butadà xo in sto ano, intanto ła squadra drìo aver perso co ła segonda in clasifica, ła Pro Vercelli xe drìo slontanarse da ła xona playoff.

El ziron de ritorno gà mostra i limiti de na squadra, la poca continuità de resultadi e le numarose sconfite algune anca capitàe co un mucio de sfortuna. L'ultima partìa zogàda co l'Albinoleffe podeva segnàr la sicurezza de far i playoff e che inveçe co na sconfita gà segnà l'intràda ai playoff da parte de la squadra lombarda, la batarela ancora mazor quela de aver segnà oltre oramai al novantesimo cussì, co ancora più amaro in boca da parte dei tifosi del steso presidente che, deluso e ancora lontan da l'Italia, gà za anuncià grandi cambiamenti.

Dopo aver tegnùo tuti i tifosi col fià sospeso, el presidente russo Yuri Korablin scoverze le carte presentando do novi componenti del team manageriale de la squadra cambiando diretore zeneral Dante Scibilia che za conosse la squadra e l'ambiente, e diretor sportivo saludando e augurando un bon ritorno a Ivone De Franceschi che gavarà quel compito de ocuparse de l'aspeto sportivo de la squadra avendo anca el desiderio de darghe ancora fiducia a l'alenator Dal Canto.

Finìa ła staxón la squadra se salva ma vien sbandonà dal prexidente ruso Yuri Korablin che no se prexenta più a pagàr i xogadori. I tifoxi taca preocuparse fin cuando se conosse l'intensión de sto ultimo e del fato che vogia vender la società.
Col ris-cio de desparìr da ogni conpetisión e co un novo fałiménto, e come società grasie anca al laoro fato dal novo sìndico Luigi Brugnaro che tra qualche cordàta interessàda decide de selièr el progeto descrito da na cordata americana el cui prexidente gà anca cołaborà col patrón mericàn del Bołogna Calcio Joe Tacopina.
James Daniels el 21 de Lujo invia dei documenti da l'America par far si che a Roma possa nasser la nova società : Venezia Football Club.
Se ocupa de igiene personàl la industria che fa parte el futuro prexidente del Venesia, co un gran faturato. 
Quel che gà convinto el sìndico xe stà el fato de aver visto un grupo che possa varentàr a la squadra e a ła società segurésa e sołidità, quel che insuma adesso gà bexogno tuto l'anbiente partìndo però da na serie minór dei diłetanti, ła serie D organixando anca ben ła squadra xovenìl.
El fato de dover canbiàr el nome e tegnìrghene uno nòvo par un ano no gà entusiasmà i tifosi che gà un fià alsà ła vóxe par cuanto riguarda i cołori sociałi chi par tegnìr l'arancioneroverde e chi nostalgico dei cołori del Venesia neroverde.
Giorgio Perinetti, diretór sportivo de altre squadre tra cui anca ła Juventus Football Club che gà anca cołaborà col Venesia de Maurizio Zamparini, che gavarà el conpito de gestìr la squadra conprando xogadóri e organixàr le squadra dei xoveni, siando nominà nòvo DS.
Primi ritorni de Paolo Favaretto che ałenarà el novo Venezia FB in serie D e el difensor Matteo Malagò.

Sinque partìe, sìnque vitorie e tute co rixultati de poker 4 a 0, 4 a 1, la nova squadra Venezia FC(Foot ball Club Union Venesia cussì ciamàda par ano de tranxisión, co stèma studià e laorà da 'mericani in America, gà scominsà nel mejo dei modi el canpionato 2015/2016.
Sensa conosser ben gnancora la proprietà i tifoxi che spetava i primi de agosto par sto evento dovarà spetàr fìn l'8 de otobre cuando segondo alcune voxi l'avocato 'mericàn Joe Tacopina dopo aver sbandonà la società del Bologna, sarìa drìo rivàr pròpio in laguna.
Saràło stà łù a mover el mercà dandoghe el conpito a Giorgio Perinetti de conpràr novi xogadóri e slargàr la formasión, roba che fin desso senbra darghe avùo raxón, infati la squadra voxi dixe che par xa da promosión ma come che dise l'ałenatór xe senpre mejo pensàr de non aver mai xa vinto, parchè sinò sarìa quèło un gran małàn.

Venare 9 otobre de matina, se svolxarà na riunion co ła nova propietà 'mericana prexentà da Joe Tacopina, cołù che intrarà a far parte de ła nova società deventando prexidente e iłustrando un puóco i futuri progeti e possibiłi obietivi da raxónxer.
Xornałsti da tuta Italia gà partesipà a ła conferensa e 'l prexidente se gà dito convinto che riussirà a portàr in serie A questa squadra che tuta ła sità e i tifosi se merita de aver e 'l gà dà apuntamento a tuti a Sant' Elena domenega par seguìr sempre più in gran numero a lo stadio.
Dopo qualche partìa la squadra xe ancora prima, dopo aver avùo un rałentamento co l'Abano, el Venesia vinse 3 a 0 co l' Calvi Noale squadra al secondo posto.
Intanto el prexidente, dopo l'aquisto de la squadra, avendo avùo un servisio anca so Sport Mediaset roba che no sucedeva da tenpo par la squadra del Venesia e i so tifoxi, prima de tornàr a New York partesipa a ła trasmision Il Processo del Lunedì in cołegamento da ła sede Rai veneta. Vien realixà un servisio su el novo prexidente Joe Tacopina e ghe vien dimandà da Errico Varriale come mai gabia sielto pròpio el Venesia. A la fin ghe vien dimandà par mesagio quała podaresseła esser l'area de interesse par costruìr in un futuro un  possibiłe stadio se a Tessera o a Marghera. El prexidente risponde che l'area podarìa esser queła nei pressi de l'Aeroporto Marco Polo a Mestre, architeti inportanti xe xa drìo studiàr le xone in cui el stadio podarìa esser reałixà.
El prexidente gà pałentà el vołér de portàr la squadra in Serie A.

Dopo la parte de andata del xiron a inseguir el Canpodarsego che gera deventà primo grasie a dei parìxi de ła squadra e na sconfita col Este, el Venesia FC sera el xiron co de łe partìe piene de gol 6 a 1. Dopo łe feste el scominsia ben vinsendo 2 a 0 e co ła Saciłexe co ła seconda squadra a Saciłe co un roboante 7 a 1 rexultado che gera tanto che no capitava ma che in calche stagion gà podesto viver, tipo nel canpionato 48-49.
Dopo esser stà secondo dovendo seguìr el Campodarsego gà riciapà na setimana prima del scontro direto coi padoani. La partìa al Penzo finisse 2 a 0 par i lagunari e la partìa drìo i riesse a slongàr ancora un fià el vantagio a +5 so'l Campodarsego in atexa del derby col Mestre.
Col Este la partìa finisse 1 a 0 per i lagunari, col Belùn calche partìa drìo finisse 1 a 4 concedendo el primo gol ai belunexi.
Ma co l'Union Ripa Feiedora de Rasai, Seren del Grappa finisse 3 a 3 e co el ponto conquistà la squadra lagunàr  vien promosa a la Lega Pro. L'emosion xe tanta da parte de tuti e parte i festegiamenti.

Vinta la stagion, la prima partìa col Sporting Bellinzago al Penzo scominsia, dopo aver avùo la premiasion de la copa par el canpionato svòlto, co un inaspetà 3 a 4 par i ospiti na bea partìa dove i venesiani gà d'ogni modo tegnìo testa soratuto nel segondo tenpo dopo un bruto primo tenpo, ma l'espulsion de Aquadro xe stà la giossa che ga cavà ogni speransa de poder zogarsela conpagno.
Cussì anca la partìa col Piacensa gà visto na squadra straca e che no gà par gnente respecià cossa che gaveva fato véder durante le canpionato.
Dopo aver patà 1 a 1 el Piacensa gà avùo anca fortuna de trovàr altri quatro gol e vìnser cussì 5 a 1, contro na Unione che gà molà massa presto, ma za co la testa in vacansa, e rasegnà dopo el bruto rixultato col Bellinzago.

Novo alenator a sorprexa, decixion da parte del Prexidente che forse gà volesto tor, dopo la bruta prestasion che xe stà oferta durante la Pole Scudeto.
Favarin, cussì che pareva ch'el dovesse restàr, vien deciso che se slontana.
La Società lo gà ringrasià par el laoro svolto e comunque la serie D vinta, ma sto ultimo pur dovendo acetàr la decision, xe stà sorpreso.
El gà dito che forse dovesse riguidarlo in Lega Pro el podarìa pensarghe, ma se gavesse da riguidar la squadra in serie D no'l se prexentaria altro.
Dopo qualche alenator disponibile, la Società selie e vede in Filippo Inzaghi l'omo giusto par poder guidàr la squadra in Lega Pro.
Inzaghi rifiuta cussì un mucio de oferte anca più grande parfìn da la Cina par sbarcàr in laguna.
El se porta drìo na parte del staff suo che gaveva e dise che la società del Venezia FC par na società de Serie A.
Vien prexentà in cità e a livèlo mediatico xe stà na bona sielta, e tuti spera anca a livèlo sportivo, anca se el xe stà fermo un ano, ancora soto contrato del Milan.
Tanti tifosi rossoneri ghe gà augurà bon sucesso, e alcuni de lori tifarà, d'ora in avanti, anca el Venezia FC.
Inzaghi dise che el xe contentà par tuti i xogadori novi ch'el vol tor par la squadra.

L'ex prexidente Jurij Korablin ex presidénte ruso, che gaveva el progeto de portàr in serie A la squadra e costruìr un novo stadio e che gà consegnà la società al grupo 'merican guidà desso de Joe Tacopina, xe morto a l'età de 56 ani.
La notisia gà fato el giro del web el 19 setenbre 2016.

El canpionato va vanti ma par quanto la squadra ghe meta inpegno, i gol fati par partìa xe pochi e in qualche caxo come ne la partìa che gà visto tanto publico al stadio de S. Elena col Bassano, anca la sfortuna ghe gà messo del suo, e finisse 1 a 1.

La classifica no canbia sia la squadra venesiana che quela de Bassan resta prime in sìma.
La squadra łagunàr vinse el xiron de andata rivando prima e vegnindo ciamà Regina del xiron de andata.

La partìa col Parma gà mostrà a tuti el caratere de no molàr, e infati riesse a recuperàr el 2 a 0 del primo tempo che vinse el Parma e a inpatàr 2 a 2. Le partìe dopo vede un Venesia cresser sempre de più e cussì la squadra prima in clasifica riesse a slongàr la distansa dal Parma che gà inpatà qualche partìa deventando cussì sete i punti. Ghe xe ancora sete partìe e la speransa xe de continuàr cussì.

Anca in Copa Italia la squadra continua e riesse a razonzer la finàl dove zogarà co el Matera a Matera.

Ała 34° jornata el Parma perde, e el distaco co i lagunari se ingrosa: el Parma perde 2 a 0 col Ancona, ultimo, e 'l Venesia vinse el derby col Padova. Ła promossion xe a un paso: 11 punti pi dei parmigiani, e manca soło che 4 partie. Sabato 15 de aprile 2017, a łe 16:30, scominsia na partia destinada a entrar 'nte ła storia. El Venessia ga bisogno de un punto par tornar in Serie B dopo dodexe ani. E al minuto 29 Moreo sigla el gol deł 1 a 0. Il Fano paregia nel secondo tempo, verso l'80°, ma eł xe un fiantin masa tardi: nisun riese pi a far gol, e ła squadra pol festegiar non soło che ła B, ma anca na dopia promosion in do ani (dała D ała B): ghe gera riusio anca el Modena, 'nte el lontan 1960, ma ła resta isteso na impresa mirabile. El Parma perdarà po' ła sera stesa, 1 a 0, a Basan. Cussì, ła riapre ła lota col Pordenone par el secondo posto.
Ragiunge la promosion.
In Copa Italia riesse a bater el Matera vinsendo cussì la Copa.

Luni 8 in Pescaria a Rialto se gà svolto la festa dei tifosi e de la società par aver ragiunto la serie B dopo 12 ani, co el presidente Joe Tacopina, Giorgio Perinetti, e Inzaghi che gà festegià insieme ai tifosi e po' sfilata in gondola de la squadra, co le do cope conquistàe.
Ne la gondola de Tacopina ghe gera anca el sindaco Luigi Brugnaro, col qual da oramai un ano el xe drìo studiar par el progeto del novo stadio.
El presidente co anca Paolo Poggi va in visita a la società del Real Madrid par vedar come xe struturà e par parlar de business, dopo aver visto la partìa de l'Atletico Madrid co el Real Madrid.
Sabo intanto scominsia el triangolar de Supercopa.

Novo ełemento in società rivà da ła Fiorentina Andrea Rogg, che gà el compito de slargàr i orixonti de na società e de na squadra che vol megioràr.
Tra tute łe amichevoli svolte alcune nel ritiro de Sappada, spica quèla che xe stà fata el 18 de Lugio so'l canpo del Detroit FC, squadra 'mericana.
La prima esperiensa de partìa a livèło internasionàl par la squadra lagunàr che pur perdendo 2 a 0 anca a causa de la poca preparasión svolta, i tanti tifosi 'mericani gà podesto seguìr da visìn la squadra.
Da ricordàr anca el laor del mai desmentegà Paolo Poggi che fa parte de ła Società e che gà el compito de studiàr novi Stati nel mondo dove poder far i campus.

Infati no xe stà canbià, dopo i grandi festegiamenti de promosion in serie B, società che gà fato el dopio salto, el Mercà lagunàr gà visto rivàr in Laguna alcuni zoveni interessanti, e qualche zogador più esperto, anca che vien da ła serie A.
L'ultimo colpo da ricordàr de Giorgio Perinetti xe Gianmarco Zigoni, xogador de łe giovanili A.C. Milan, che gaveva segnà 33 reti.

Sabo scominsia el Campionato. La squadra lagunàr dovarà sercàr de vinser co la Salernitana.
La prima partìa co ła Sałernitàna finisse co porte vode, quindi 0 a 0 ma anca se le ocasion no xe stàe tante, xe stà visto un bon zogo, e el novo portier Emil Audero de scola juventina, se gà conportà ben, in partìa, in atesa de un rinforso a centrocanpo dove forse la squadra gà avùo qualche problemin.
La traversa de Bentivoglio xe stà l'unica asion degna de esser ricordà...

Ne łe prime partìe se vede na squadra conpata in difexa e poco incixiva in ataco,
Infati alcune finisse 0-0, però vinse a Bari in un canpo difisiłe batendo par 2 a 0 ła squadra.
Dopo ancora un paraegio 0-0 col Spesia, el Parma riva in laguna e riesse a bater la squadra łagunar co un 1 a 0 anca se i xałoblu no gera drìo xogàr ben, cussì Emil Audero ciapa el so primo gol, dopo na indormensàda de tuta ła difexa.
Finisse 3 a 2 ła partìa a Terni co ła Ternana. Dopo un 2 a 0 de ła squadra ła squadra de Terni riesse a inpatàr na partìa che parea xa conpromesa par lòri e che po' i lagunari xe boni de vinser co un gol de Domizzi.

Intanto in setimana ła notisia de ła partensa del responsabiłe de area tecnica Giorgio Perinetti, e del tatico de Filippo Inzaghi Castellazzi che gà risevùo na proposta da l'Antalyaspor, al so posto Duccio Innocenti.
Leandro Rinaudo gà ciapà el posto de Perinetti.

Partìa che finise 3 a 3 co el riscio de perdarla co la squadra de l'Ascoli.

Bon paregio dei łagunari in caxa co el Frosinone.

Partìa che parea fenìr 0 a 0 dopo un primo tenpo pien de ocaxión ne ła partìa xogàda a Bressa, ma a l'85 segna Caracciolo, e ła squadra dei lagunari paregia subito i conti co Pinato e po' poco dopo Falzerano segna, na vitoria che val oro e sicuramente che conferma el bon momento de ła squadra che xe drìo creser.

In caxa co el Perugia, ghe pensa Garofalo a seràr la partìa, ma anca se altre ocaxion no xe mancàe, la squadra no riesse a seràr la partìa fasendo el 2-0 e quindi finisse 1 a 0, co un posibiłe rigor che no vien dà...

In caxa coel Novara riva na sconfita dopo un primo tenpo mal xogà e un secondo tenpo xogà mejo finisse 3 a 1.

Co el Pałermo ła partìa vede asión del Pałermo e del Venesia, Modolo difensore łagunàr che gà i sgranfi e cussì łasa el canpo, e qualche altro se fa mal.
Domizzi xogador inportante par la difexa se fa mandàr via da l'arbitro, dopo qualche bruta paròła dita.
Difexa sensa uno dei omeni pì inportanti.
Qualche bona punisión de Bentivoglio e Pinato bona asion secondo tenpo. Finisse 0 a 0, co altri xogadori dołoranti.

Co ła Pro Vercelli finisse 1 a 1.
Co el Foxa se vede segnàr Zigoni ma dopo el 88° el Foxa riesse a trovàr el paregio co l'incredułità de tuti e in tribuna el dirigente Scibilla vien insultà. El prexidente Joe Tacopina finìa ła partìa dise che el gera andà a difender el dirigente del Venesia e che na cossa del xenere no ła gà mai vista i ani che xe Italia, la società del Foxa dise  che xe stà soło che fełisità de aver ragiunto el paregio in quel modo, ma Tacopina gà dito che vegnarà verta na indagine.
Altro paregio de 1 a 1 co ła Cremonexe in una partìa dove el Venesia dopo el paregio fato, gà riscià anca de perder. Al stadio Penzo prexente anca na dełegasion del Venezia FC Canada Supporters de Toronto.

L'ultima partìa del xiron de andata xe finìa 1 a 0 co ła Pro Vercelli, pur zogando ben la squadra gà subìo el gol no riussindo a far pata.

El mercà vede ła partensa de Moreo verso Pałermo e l'arivo de Marco Firenze in laguna.
El xogador del Crotone xe rivà co dirito de riscato.
Novo atacante cronpà da la società Gianluca Litteri rivà dal Sitadèła.
La partìa co ła Salernitana xe finìa 3 a 2 par i paroni canpani che gà segnà tre gol in un primo tenpo che gà visto ła difesa lagunàr in vacansa co un black-out xeneràl de tuta ła squadra e un secondo tenpo invese dove ła squadra xe tornàda a far el so łavoro co un gol de Bentivoglio e un altro del novo Marco Firenze la squadra deboto paregia, ma no par esser la xornàda giusta, e quindi i tre ponti va a ła Salernitana che ragiunge propio ła squadra veneta in clasifica.
Gianluca Litteri e Frey dal Chievo Verona che riva al Venesia in prestìo.
La partìa co l Cesena gà visto un bon zogo e un Geijo che a la fine riesse a sblocàr el risultato.
La partìa co el Bari vede na squadra in gol co Stulac da łonga distansa, e do gol del novo zogador Litteri che so' corner riesse a segnàr do volte, 3 a 0 el primo tenpo.
El secondo el Bari riesse a far un gol 3 a 1, l'alenator lagunàr xe parà via parchè el gà protestà e Litteri vien espulso.
Col Spezia finisse co un paregio 1 a 1 dopo un gol de Gejo.
In casa col Avellino 1 a 0 de Litteri par el primo tempo.
Secondo tempo paregio de l'Avellino. Domizzi segna su corner. Litteri vien sostituìo co Zigoni. Nei ultimi minuti de recupero riva el terso gol de Zigoni che sera la partìa.
Al Tardini dopo un primo tempo a favor del Parma, Marco Firenze riesse a sblocar el risultato co un bel gol, e dopo Andelkovic secondo l'arbitro cauxa la cadùa de un zogador del Parma, calcio de rigor Calaiò la buta drento.
Al Penzo finisse 2 a 0 contro la Ternana.
La partìa a Carpi no vien zogàda a cauxa de la sospension de le partìe dovùe a la sconparsa de Davide Astori zogador de la Fiorentina, se recuperarà ad Avrìl.
La partìa al Penzo col Ascoli finise 1 a 0 co gol su rigore de Geiko che sbalia el secondo gol.
El primo tempo xogà co l'Empoli vede la squadra de casa in vantagio so'i lagunari, el secondo tempo i veneti riesse a paregiar, l'Empoli poco dopo segna el 2 a 1 po' fa gol Litteri, 2 a 2 e l'Empoli riesse a trovar la tersa rede, Inzaghi dise che co na squadra come l'Empooli co campioni da serie A no se pol regalar quei gol, che comunque la so squadra pol continuar a sognàr, cussì pur perdendo la squadra venesiana gà fato na bona figura.
El derby col Sitadea finisse 2 a 1 per la squadra lagunàr Litteri e Gejo segna.
La partìa col Frosinone a Frosinone finisse 2 a 1 par i paroni de casa che fa el primo gol in autogol regalandoghe el vantagio ai venesiani, co l'alenator Inzaghi fora dal so posto abitual par l'espulsion risevua col Sitadela.
A Carpi finisse 0 a 0 co una de le piu brute partìe co na squadra no in xornàda, col Bressa in casa, riva na sconfita par 2 a 1 e un gol vien anulà, co na squadra che gà avuo ocasion ma che no gà finalixà el xogo.

A Novara la squadra va in svantagio anca par un erore del portier Audero, ma po' la formasion vinse 3 a 1 co dopieta de Marsura e gol de Bruscagin.
Mejo primo tenpo xogà co el Palermo Suciu e Marsura e la partìa finisse 3 a 0 co na sconfita storica par el Palermo de Maurizio Zamparini che infati el zorno drìo decide de paràr via l'alenator Tedino.
La partìa a Provercelli vede un altro tipo de partìa zogà a ritmi bassi e qualche riscio coresto, ma co na vitoria dei lagunari 2 a 0 in trasferta, Marsura al 32' e Stulac al 77', i gol.
La partìa in casa col Foxa finisse 2 a 1 co un gol de Stulac a la fine, e un gol de Litteri so rigor nel primo tenpo.
Vien premià el zogador Falzerano e el dirigente Rinaudo, come mejo de ła serie B. 
El canpionato finisse co un 0 a 0 in casa al Penzo co el Pescara, e el ragiungimento dei playoff in una stagion incredibiłe.

Co el Perugia la prima partìa del 03 Xugno finisse 3 a 0 par el Venesia, un gol de Stulac da 25 m, e nel secondo tempo Modolo e Pinato apena entrà sul campo.
Garofalo amonìo.
Adesso Venezia - Palermo co ritorno a Pałermo, el sogno continua.
Al Penzo riva el Palermo mercore 6 xugno e la partìa finisse 1 a 1, gol nel secondo tempo del Palermo co Antonino La Gumina  e poco dopo paregio de Marsura. 
El Palermo xoga mejo perchè gà avùo più xorni par repoxarse, ma el Venesia fa comunque na beła figura. Audero salva el rixultato a pochi minuti da ła fine su un tiro de Igor Coronado.
In seguito a ła partìa ghe xe stà anca dei scontri tra tifoxi e quełi del Venesia ris-cia de no poder andàr a Palermo a seguìr la squadra domenega 10 xugno a łe 18.30 co ghe sarà ła partìa che decidarà chi andarà in finàl, in atexa de saver co chi tra Frosinone e Cittadella.
La partìa co el Palermo finisse co la vitoria del Palermo, che g'ha avùo più modo de repoxàr, ma xogando po' co el Frosinone el Palermo perde la posibiłità de andàr in serie A.

Inzaghi sałuda e ringrasia tuti e dise che i xogadori se gavarìa merità un finàl diverso e magari na promosión dopo la staxon che s'a pena concluxo, e cussì decide de andàr al Bologna FC. Va via anca Rinaudo che va a Cremona a far el DS.

El novo DS Angeloni, scout de l'Atalanta che gà laorà anca co ła Fiorentina, ariva al Venezia FC, anca so consejo del Real Madrid e el prexidente Joe Tacopina decide anca de far rivàr Stefano Vecchi ałenator de l'Inter Primavera che g'ha vinto un scudeto co questa squadra de xóveni.
I vien prexentà e ła nova połitica xe queła de pontàr so' ła łigna verde de xogadóri magari tolendo qualcheduni anca da quel'Inter.

Ariva dei novi xogadóri Audero e Stulac parte, Pinato par che ło vogia el Parma ma inveçe andarà in ritiro, Falzerano pol partìr par Frosinone ma al Venesia riva un xogadór xóvene scosexe Harvey St Clair dal Chelsea, Jacopo Segre dal Torino, Giacomo Vrioni par l'ataco da ła Sampdoria, Andrea Schiavone dal Cesena ma de scoła Juventus.
In difesa novo arivo de Coppolaro da l'Udinexe e Lorenzo Migliorelli da ła Primavera de l'Atalanta.
Arivà el atacante Francesco di Mariano.
Luca Lezzerini, novo portièr ex de l'Avellino de scoła Fiorentina, raxonxe el ritiro de Bedollo, fortemente vołesto dal diretor sportivo Angeloni.

Le amichevołi  :
L'amichevołe co ła Raprexentativa de Bedollo finìa 12 a 0 co anca gol de Litteri, quèła prestigióxa co ła Fiorentina finisse 1 a 0 co gol verso el novanteximo de Segre dopo calcio d'angolo ribate el bałón da na bona distansa, per i lagunari a Moena su un canpo pien d'aqua, el 24 vinse 1 a 0 co el Trento gol de Mariani e el 25 amichevołe co Verona Virtus e vinse 2 a 0 co do gol de Zigoni.
Atacante in più, ne l'ultimo xorno de calcio mercato el 17 agosto, ariva Nicola Citro in préstio dal Frosinone.

I xovani gà scominsià el tornedo de Viaregio, vinto co 2 a 1 el Pisa dopo esser andai in svantagio, e 3 a 0 contro la Sampdoria la seconda xornada.
La squadra dei zovani vinse anca contro el Partisan 3 a 0 e desso xe prima in clasifica.

Marti 24 lugio vegnarà prexentà a Ca' Farsetti, ore 11.30 el progeto del novo stadio de Tessera, na xornàda che pol intrà in te ła storia.
Tuti quanti xe xa in trepidasión.
Sensa ła reałixasión del stadio, el progeto del Venezia FC no gavarìa senso, queste xe stàe łe paròłe del prexidente Joe Tacopina, che g'ha ringrasià anca l'inpegno del sindaco Luigi Brugnaro, che xe drìo suportarlo par sto progeto, un omo che farìa ben anca nei Stati Unìi g'ha dito soridendo el prexidente 'merican.
I tifosi el stadio ło speta da trent'ani.

Come par l'ano pasà la squadra vien eliminà in Copa Italia dal Sudtirol par 1 a 0 dopo aver xogà in ataco e subindo un contropie da parte dei trentini.
Ałenarse in vista del canpionato.
Vien fata un'amichevole co la Clodiense, finìa 3 a 1 co do gol del novo xogador rivà dal Chelsea Harvey St Clair e un gol de Bruscagin.
El triangołàr co San Donà e Campodarsego finisse 2 a 0 co Rossi e Zennaro in gol, e un gol co el Campodarsego.
Pordenone - Venezia amichevołe prosima.

Caos per quanto riguarda le squadre da iscriver al canpionato e Lunedì 13 vien fati i całendari co l'intension de ła Lega de B de portàr le squadre da 22 a 19, un svantagio secondo el ałenator Vecchi.
Anca el prexidente Joe Tacopina sensa parołe vedendo quanto suceso.

La prima partìa xe in caxa col Spezia, Bruscagin se scontra co Domizzi e g'ha da andàr fora dal canpo per le ferìe a la testa, el xe sostituìo da Coppolaro e va in ospeàl a far controło, e ła squadra no ga dei altri xogadóri.
A ła fine del primo tenpo segna Bentivoglio dopo un corner a favór dei lagunari.
El Derby xogà a l'Euganeo co el Padova finisse 1 a 0 par i paroni de caxa co gol de Ravanelli.
Amichevołe co el Delta Porto Tolle xogà in vista del canpionato, finìa 2 a 1 par i arancioneroverdi co gol de Geijo 11 e Pinato 13 e co gol de Gritti al 63.
La partìa de Venare 15 anticipo finise 2 a 3 par el Benevento in caxa de la squadra lagunàr, 1 gol de Gejo e un rigor de Citro scursa e da una speransa de poderla inpatàr, dopo un secondo tenpo xogà mejo che el primo.
Co el Lecce vien anulà un gol al Lecce, vinse 1 a 0 co gol de Di Mariano so ribatùa de Falzerano, dopo poco Palombi paregia e nei ultimi minuti segna el 2 a 1 so na usida par gnente segura del portier Lezzerini.
Rigor par l'Empoli e squadra in vantagio in laguna, la squadra lagunàr paregia al 57' co Nicola Citro, ma la prestasión no g'ha entusiasmà gnanca el prexidente deluso dal xógo de  ła squadra.
Co el Perugia finise 1 a 0 par i paroni de caxa, co gol de Federico Melchiorri al '53, e deso la squadra xe in crixe.
El presidénte anticipa el so rientro dai Stadi Unìi, e se tol do xorni par decider se canbiàr ałenator.
Infati el 12 Otobre el decide de canbiàr ałenatór e tołendo Walter Zenga che oltra a l'esperiensa del Crotone, g'ha ałenà anca a l'estaro.
Primo ałenamento e sabo ła prexentasión nel Venezia Store de Mestre, in atexa de ła partìa col el Verona nel Derby de Domenega 21 Otobre.
El Verona va in gol al Penzo al 8' minuto de xógo co Mattia Zaccagni, nel segondo tenpo ła squadra de caxa xoga un bon calcio e al Francesco di Mariano segna al 67'
A Pałermo la squadra resta in difexa al primo tenpo co invese el Pałermo taca, nel segóndo tenpo anca grasie al fato che Trajkovski vien espulso, ła squadra vien fora e intrà Jacopo Segre, segna al 59' entra anca el xóvene Zennaro e al 90' el Palermo paregia co Struna, resta un fià na sbèfa ma contro na squadra che sarà protagonista par andàr in A come el Palermo, ghe stà, Zenga, che in pasà xe stà anca al Palermo, vien espulso, ma xe bastansa sodisfà par el xógo de ła so squadra.
A Cremona el Venesia vinse co un gol de Di Mariano al 78' e conquista ła prima vitoria esterna.
La partìa al Penzo finise co 1 a 0 co gol de Domizzi che g'ha ribatùo na punisión al 31' de Di Mariano. Qualche ocaxión de poder far el secondo ma nisuni xe stà bon de meterla drento, ma ła squadra ga fato na bon partìa, fełìse anca el presidénte.
A Sitadèɫa el Venesia pasa in vantagio co un rigor segnà da Bentivoglio a l'11', poco dopo al 18'Mirko Drudi segna ne ɫa porta sbalià e porta el Venesia in vantagio 2 a 1 ma nel secondo tenpo el Cittadella scominsia a zogàr e cusì trova prima el gol co Mattia Finotto al 16' che può fa el segondo al 72' paregiando e nei ultimi minuti segna al 83'. Prima sconfita par Zenga.
Al Penzo la squadra trova ɫa vitoria, segna do gol Di Mariano al 14' e al 37', Alfredo Donnarumma segna al 92'.
Ma ɫa partìa canbia un pòco cuando nel primo tenpo al 22' vien espulso Marcello Falzerano.
Co l'Ascoli a Sant'Elena, el Venesia segna co Citro al' 83, l'Ascoli resta in diexe al 73' Rossetti, vien parà via dal canpo.
Squadra che xoga no tanto convinta davanti al so public, cusì al Penzo finise 1 a 0 par el Cosenza co gol de Tommaso d'Orazio al 80', dopo un secondo tenpo xogà co più convinsion, ma el Cosenza ga fato ła partìa.
A Pescara, finise 1 a 0 par i paroni de caxa co el gol de Gastòn Brugman al 74'.
Al Penzo co el Carpi, finise 1 a 1, primo gol de Emanuele Suagher al 20' e al 61' Gianluca Litteri segna so rigor. Nel segondo tenpo ghe xe na squadra che zoga de più ma sensa eser decixiva.
Co el Spezia segna Domizzi al 60' al 64' fa pata co Alesso Da Cruz, novo aquisto.
Al Penzo segna Jacopo Segre al 5' dopo un calcio de punision parà dal portier, Trevor Trevisan fa un belisimo gol a sanca del portier dove se incroxa i pałi, 
e al 90 + 3 so previxion anca de Zenga, Di Mariano dopo el fało subìo da rigor da Cappelletti, segna 2 a 1.
Ma al 90+5' dopo discusion e barufe par la rivałità tra łe do tifoxerie e anca in canpo, vien espulso Di Mariano. Zenga sbandona el canpo.
El prexidente no ga podesto seguir la squadra per via de un proceso inportante in America, ma contento par i tre punti ciapài.
La squadra perde 3 a 0 a Benevento, co non poche critiche riguardo come xe stà condota la partìa. Segna Robero Insigne al 63' e al 90+5', Massimo Coda a l'89, espulso Domizzi.
In caxa co el Lecce la partìa finise 1 a 1 Nicola Citro al 50' e Simone Palombi al 51' par el Lecce.
Davide Facchin espulso al 76'.
Co el Livorno in trasferta i arancioneroverdi perde nei ultimi minuti co un gol de Raicevic che segna al 90+2.
Mercore 27 Febraro, Al Penzo segna el Perugia e finise 3 a 2 par i ospiti, Sadiq al 12' al 38' Jacopo Segre fa pata, al 40' segna Valerio Verre e Federico Melchiorri al 44', Gian Filippo Felicioli fa un autogol al 81' e Bocalon sbalia un rigor.
Vien sostituìo Zenga e riva Serse Cosmi.
Al Penzo co el Palermo segna Bocalon al 39' ma squàxi al final a l'84 el Palermo riese far pata.
La partìa a Venesia co la Cremonexe finise 1 a 1 : Nicola Citro so rigor al 45 e Del Fabro al 30'.
A Saɫerno segna l'ex dei granata Bocalon al 10' e Milan Duric inpata al 80'.
Co el Sitadèɫa finise 1 a 1 segna Modolo so punision de Garofalo al 60', Giuseppe Panico inpata al 90+1.
La partìa co el Brescia finise 2 a 0 Torregrossa al 44' e Tonali a l'80.
In caxa el Venezia FC vinse 1 a 0 co el Foxa. Segna Di Mariano so rigor al 34'.
La squadra ad Ascoli perde 1 a 0, l'Ascoli segna co Ardemagni al 36'.
Coel Crotone in caxa segna Maurizio Domizzi so' rigor al 16' ma po' el Crotone segna quatro gol : Barberis al 22', Benali al 48' e '71, e Zanellato al 55'.
Cristiano Lombardi espulso al 76'.
Co el Cosenza la squadra segna co Bocalon el gol al 55' de l'1 a 1 dopo el gol de Tutino al 44'.
Col Pescara al Penzo, finise 2 a 2 gol al 21' Brugmann, al 30' rigor so Bocalon e Domizzi segna, al 30' del secondo tenpo Mancuso segna e al 51' novo rigor che Domizzi segna.
A Carpi ɫa squadra de caxa segna co Karamoko Cissè al 16' so rigor, al 47' Mamadou Coulibaly, Gianmarco Zigoni fa el miracoɫi de segnàr al 64', 89' e al 90+2, na partìa che pareva xa persa.
Alessandro Buongiorno vien espulso al 49'.
La partìa de ritorno al Penzo finise 1 a 0 par i paroni de caxa co gol de Marco Modolo al 41', al 45+1 xe espulso Joseph Minala.
La partìa se decide ai rigori dopo i suplementari. Del Venesia segna Domizzi e Bentivoglio e sbalia Coppolaro che manda in alto sora la porta de la Salernitana,
Venesia in C. Ghe xe ancora na pìcola speransa.

Gera scominsiada in modo strano sta serie b co vinti squadre.
Par ch'el Palermo vaga in serie B, riva na letera a la società del Venezia FC che dixe che la xe salva.
Xe xogài i playoff, vien decixo che el Palermo resta in serie B e che el Foxa vaga in C.
Co pareva che fuse decixo che i playout no se xogava, eco che la squadra ga da pareciar la partìa dei playout co la Salernitana.
Sia el prexidente Lotito che el prexidente Joe Tacopina d'acordo co le so idee a riguardo.
La prima amighevołe contro el Las Vegas Internantional, dopo na setemana de ałenamento a Mezzana in Val di Sole, finise 11 a 0.
Gol de Ricardo Bocalon (32', 34', 44' e 47')
Giuseppe Caccavallo (11', 14', 47', 60')
Maleh al 54' e Pimenta a l'81'.
Saltàda l'amighevołe co el Benevento de Pippo Inzaghi el Venesia xoga co na squadra furlana Cjarlins Muzane de serie D dopo eser andai in svantagio, la squadra vinse 3 a 1.
Al 18' segna Migliorini par i furlani, al 13' pata Cremonesi e po' segna al 32' St. Clair, al 39' Aramu da 35' metri. 
El novo difensor cronpà dal Lecce Marino vien sostituìo, e par sinque mexi dovarà star lontan dal canpo, par un problema al zenocio, sarà operà.
Ne l'amichevołe de prestigio co l'Empoli a Vigasio, dopo 0 a 0 del primo tenpo segna Capello al 12 so pasagio de Aramau, entranbi novi xogadóri.
Ceccaroni xe el novo difensor conprà dal Spezia par sostituìr Marino, che no pol zogàr parchè infortunà.

El 12 lugio xe stà decixo da la Federasion taliana del xogo calcio che el Palermo falisa scominsiando da la serie dei Dilettanti e che el Venesia FC fusse ripescà.
El ritiro a Mezzana in Val di Sole.

Dopo no poche poɫemiche vien decixo de xogàr i playout tra Salernitana e Venezia FC.
La partìa a Salerno finise 2 a 1 par i paroni de caxa, segna Duric ak 14', Jallow al 25' e Zigoni segna al 90+1'.

In società entra a far parte Evans Soligo ex capitan de ła squadra, che aiutarà Nicola Marangon e Mattia Collauto, ma anca Paolo Poggi, nei ròłi che tuti sti ex xogadori g'ha atutalmente ne ła società.
Va via Rogg e riva Fabio Lupo come diretor sportivo. Alessio Dionisi deventa novo ałenator.

Partìa del 25 xenàro 2020 xogàda al stadio Aldo e Dino Ballarin de Cióxa col AC Milan persa 0 a 2 co gol de Daniel Maldini.

La prìma partìa ofisiałe de ła squadra finise 2 a 1 par i arancioneroverdi, segna Franco Zuculini al 3', Tommaso Silvestri al 42' par el Catania e Mattia Aramu al 56'.
La partìa a Parma finise 3 a 1 par la squadra de caxa.
Gol de Gervinho al 9', al 22' Iacoponi, Mattia Aramu al 24' so calcio de rigor, al 27' segna ancora Gervinho par i paroni de caxa.
Al 47' Lezzerini para so calcio de rigor de Inglese, par falo so Karamoh.
Al 31' ese Gervinho par Karamoh.
Al 33' ese Capello e entra Senesi.
Al 37' par el Parma ese Gagliolo, entra Dermaku.
Al 41' va fora Aramu e entra Gavioli.

Venezia-Carrarese : 2 a 0. 2 Gol de Johnsen. (65',90')
Verona-Venezia : Dopo el 2 a 0 del Verona, i łagunari verxe da novo ła partìa co Johnsen e Capello.
(Gol : 41’ Ilić, 59’ Salcedo, 84’ Johnsen, 87’ Capello, 98’ Modolo, 110’ Vieira) Rig. 3-1 (Lazović, Barák, Colley - Fiordilino)

Vasile Mogos segna al 68' par la Cremonese dopo un bon primo tenpo de ła squadra arancioneroverde.
Marco Modolo segna al 74' so invensión de Aramu.
Michele Castagnetti segna el 2 a 1 par i ospiti co un gol so punisión da 30 metri.
A Trapani segna Ricardo Bocalon al 24', 
Al 29 assist de Aramu al sentro par Capello, che par un gnente no cata' el bałón del radopio.
Al 39' Bocalon colpise ła traversa, po' ariva Maleh ma Dini para.
Al 56' va via dal canpo Zuculin e entra Lollo.
Al 66' va via Capello entra Montalto, novo zogadór.
Coel Chievo in caxa el Venesia perde 2 a 0, al 4' vien espulso Mattia Aramu, espulsión che no ghe xe come dixe tanti, Emanuele Giaccherini al 44' e Filip Dordevic al 64'.
A Frosinone el Venesia fa pata : gol de al 54' Alessandro Capello, e Marco Capuano al 65'.
A Chiavari i arancioneroverdi vinse 2 a 0 co l'Entella, i gol de Alessandro Capello al 3' e Bocalon al 16' del secondo tenpo.
Maleh entra al 54', xe amonìo al 59' e espulo al 79'.
Co el Pisa al Penzo i lagunari paregia : Francesco Lisi al 32', Marco Pinato al 39' segna ne ɫa so porta (AUT), e Simone Benedetti vien espulso al 70' par el Pisa.
A Coxensa segna i paróni de caxa, Emmanuel Riivère al 20' e Adrian Montalto al 78' sengna par i łagunàri : 1 a 1.

In caxa co ła Sałernitana de l'ex ałenator Ventura, i łagunari vinse 1 a 0 gol de Bocalon, ex che gà zogà a Sałerno anca, segna al 42'.
A Crotone segna Mattia Aramu al '9, Nwanko al 35', 55' , Alessandro Capello al 68' e Vladimri Golemič a l'84', finise 3 a 2.
Co el Pordenone in laguna ła squadra perde a l'ultimo 1 a 2 : Alessandro Capello al 57', Michele de Agostini al 87', e Luca Strizzolo al 93'.
In caxa co el Livorno finise 1 a 0 co gol de Aramu al 39'. Espulso Lorenzo Lollo al 90+4'.
A Enpołi Leonardo Mancuso segna al 5' par i paróni de caxa, Mattia Aramu a l'86 segna un rigór.
Al Penzo col Benevento 0 a 2 gol de Massimo Coda al 29' e Luca Caldirola al 65'.
Amonìi : Zuculini, Hetemaj, Kragl, Antei.
A Pescara ła partìa finise 2 a 2 : Christian Galano al 11', José Machin al 48', Elhan Kastrati al 70' (autogol) Mattia Aramu a l'89'.
In caxa 0 a 0 co el Spezia, Giulio Maggiore al 66' espulso.
Co ła Juve Stabia i lagunari perde 2 a 0 : Alfredo Bifulco segna al 1', Francesco Forte al 62', Bocalon riscia de far un gol.
In laguna co el Sitadèła ła squadra perde 1 a 2. Gol de Davide Diaw al 10', Christian D'Urso al 20', e gol de Pietro Ceccaroni al 77' che gà scurtà.
Espulso Mattia Aramau al 85'.
A Perugia i łagunari segna co Adriano Montalto al 25'. Espulsi : Aleandro Rosi al 61', Pietro Iemmello al 96'.
Amighevołe co ła primavera in vista del canpionato. Ła squadra vinse 5 a 1 gol de : Zigoni, Di Mariano, Maleh, Montalto e Simeoni, par la Primavera gà segnà Marchesan.
Altra amighevołe co l Giorgione i łagunari vinse 3 a 0. Segna Capello in tel primo tenpo, Di Mariano e Monachello segna altri do gol in tel secóndo tenpo.
Al Penzo co el Trapani finise 1 a 1 gol de : Aramu al 25' e Stefano Pettinari al 74'.
A Verona co el Chievo i arancioneroverdi riese a vinser par 0 a 1 co gol de Alessandro Capello al 32'.
Al Penzo col Frosinone finise 0 a 1 par i ospiti, segna Marcus Rohdén al 63'.
Venezia - Entella finise 2 a 2 : gol de Samuele Longo al 9' so rigór, Giuseppe de Luca (R) al 29', Mattia Aramu al 78' e Matteo Mancosu al 92'.
A Pisa finise co na vitoria dei łagunari 1 a 2 Gaetano Masucci al 38', Mattia Aramu al 42' so rigór, Samuele Longo al 47'.
Al Penzo col Cosenza finise 1 a 1 : Samuele Longo al 38', e Zinédine Machach al 61' par el Cosenza.
A Sałerno Salernitana Venezia finise 2 a 0 Sofian Klyine so rigór al 45'che pareva no ghe fuse, e Antreas Karo segna al 69'.
Dei lagunari vien espulso Davide Ricciardi al 78'.
A Venesia col Crotone finise 1 a 3 par i ospiti. Gol de Ahmad Benali al 12' e al 47', Luca Marrone al 36' e 'l gol de ła bandièra dei paróni de caxa xe stà segnà da Fabrizio Caligara al 83'.
A metà marso finise el canpionato, dopo che se gà verifegà epixodi de Covid 19 anca in tel calcio.
Se deçide de no zogàr altro.
Chievo - Venezia : 1 a 1. Forte al 9' segna, Gigliotti fa pari al 92'.
Al 37' Modolo va fora dal canpo entra Svoboda.
Dopio canbio par el Ceo : entra Margiotta e D'Amico, ese Djordjevic e Fabbro mentre vien fora anca el całìgo.
Par i venesiani ese Vacca, entra Fiordilino.
Al 61' ese Ferrarini, entra Mazzocchi.

Tre mexi de partìe no xogàe, gà costreto anca tute łe squadre de ła serie B come anca quèłe de ła serie A a caxa. 
Mèrcore 17 de xugno se deçide de zogàr da nòvo.
I łagunari dovarìa tornàr in canpo Sabo 20 co el Pordenone ma el zogadór Felicioli e qualcun altro gà prezentà ancòra segni de ła małatìa.
Ła partìa a Trieste a ła fin vien xogàda finise 0 a 0 e Aramu sbalia un rigór.Vien espulso Simone Passa del Pordenone al 52'.
Al Penzo co l'Ascoli finise 2 a 1 : gol de Mattia Aramu al 8', Gianluca Scamacca al 24', Marco Firenze al 66'.
Livorno - Venezia finise 0 a 2. Gol de Samuel Longo al 18', servìo da Lollo, e Alessandro Capello al 22' co un bałón de testa segna el segóndo gol.
Al Penzo l'Empoli vinse 0 a 2. Do gol de Leonardo Mancuso al 48' e al 58'.
Benevento - Venezia finise 1 a 1. Gol de Adriano Montalto al 51', e Marco Sau al 56'.
Pescara-Venezia finise 1 a 1. Gol de Marco Firenze al 48', Gabriel Zappa segna al 76'.
Espulsi Cristian Galano al 23', Fabrizio Caligara al 68'.
A La Spezia i łagunari vinse 0 a 1 co gol de Mattia Aramu so rigór al 16'.
Al Penzo i łagunari riese a vinser col Juve Stabia. Gol de Yousself Maleh al 47'.
A Sitadèła i paróni de caxa vinse 1 a 0 so i łagunari co gol de Federico Proia al 94'.

Squadra in ritiro precanpionato a San Vito de Cadór.

Venezia - Perugia del 31 ługio 2020 finise 3 a 1 par i łagunari. Do gol de Aramu al 42' so rigór e al 51', e Alessandro Capello che segna al 69', 
Filippo Sgarbi al 69' par el Perugia. Gabriella Angela xe slontanà dal canpo al 86'.
I festegiamenti par na salvésa che a ła fin xe rivàda, el Perugia che xogarà el playout.

Venezia - Vicenza. Gol a l'8 anułà de Padella (Vicenza).
Al 36' Aramu segna so rigór.
Venezia - Frosionone : 0 a 2.
Gol al 57' de Novakovich e de Szyminski al 71'.
Cremonese-Venezia finise 0 a 0.
Venezia-Pescara finise 4 a 0. Gol de Aramu al 46', Forte al 47' so asion fata partìr da Vacca e so finta de Maleh.
Al 51 traversa per Johnsen.

A l'80 segna Maleh.

Venezia - Empoli. Gol de Fiordilino al 21'.
Al 58' Johnsen.

Partìa sospexa al 17' par el całìgo fiso. Posibiłe rinvio.
A łe quatordexe ła squadra continua ła partìa finìa par całìgo fiso de sabo e conferma el rexultado otegnùo sabo 31 otobre so'l canpo.
Reggiana-Venezia 2 a 1 : Segna al 11 Radrezza, al 19' segna Forte.
Simone Mazzocchi segna al 65' par i paroni de caxa so eror de Lezzerini.
Recupero Virtus Entella - Venezia 0 a 2 : Gol de Forte al 48'. Aramu pasa a Pietro Ceccaroni che segna al 76'. 
Canbi : Currarino e Poli fora, Cleur e Petrovic. 

Brescia - Venezia.  2 a 2. Bisoli al 14'. Gol anułà par Spalek al 16'.

Ciccio Forte al 32' paregia. Al 54' Forte segna el segondo gol. Al 74' Modolo salva so ła łinea un tiro de Donnarumma.
Aramu amonìo al 13', Donnarumma amonìo al 51'.

Papetti segna al 95'.
Venezia - Ascoli : 2 a 2. Segna par l'Ascoli Pucino al 13'.
Aramu al 55' e Fiordilino al 68'. Al 93' Bocalon becà so'l foraxogo, fursi dubio.

Lecce - Venezia : Mancosu al 20', al 32' Di Mariano deboto segna un grandisimo gol, Forte al 34' e al 40'.

Entra Crnigoj e Johnsen.

Venezia - Monza: 0 a 2. Al 7' cartełin xało par Cremonesi, sbrisando el sentra Dany Mota.

Reggina-Venezia : 1 a 2. A l'11' segna Laffelty.

Aramu riese a parixar.

Venezia - Spal : 0 a 0. 17' xało par Fiordilino che sbrisando ga çentrà Di Francesco.

Par el Venesia ese Capello entra Crnigoj.

Al 93' ese Forte dopo èsar stà amonìo (al 92') ed entra St.Clair.
Cosenza - Venezia.: 26' xało a Tiritiello che łasa ła ganba so Forte par el pasagio del bałon.

Venezia - Salernitana : 1 a 2. Al 33' Anderson segna.

Venezia - Pisa 1 a 1 : segna Marconi al 39'.
Al 44', amonìo Marin del Pisa par perdita de tenpo.

Canbi : Ferrarini par Felicioli, Taugourdeau par Vacca.

Pordenone - Venezia FC : 2 a 0.  

Eror de Lezzerini, gol so rigor de Diaw al 30'. 
Al 52' entra el novo acuisto Sebastiano Esposito al posto de Crnigoj.
Ciurria al 75' segna el 2 a 0.

In caxa co'l Sitadèła, segna Forte al 4'.
Al 53' pało de Forte.
Al 60' va fora Esposito entra Johnsen.

Al 75' va fora dal canpo Forte ed entra Bocalon.

Finise 1 a 0.
Vicenza - Venezia finise 0 a 0. Gol del Vicenza anułà a Beruatto al 32', 

Al 59' vien parà via el portier Grandi del Vicenza che stende Di Mariano, cartełin roso.

Al 78' Bocalon slarga verso dreta par Crnigoj che fa cross, po' riva Forte che co na torsion tira ma'l ciapa el pało.

A San Vito de Cador i łagunari bate 8 a 0 i xogadori de ła primavera.
Gol de 5', 42' Johnsen, 48', 58' Zigoni, 63', 65' Di Mariano, 76' 86' Bocalon.
A Cordovardo (Pornenon) Udinese-Venezia  finise 0 a 1 : gol de Bocalon al 39' so pasagio de Di Mariano, al 45' rigór sbalià da l'Udinese e Lezzerini para. 
Canbi de alcuni zogadori.
Segondo tenpo traversa de Capello.
Podenone-Venezia zogada a Nervesa della Battaglia Stadio Gipo Viani finise 2 a 2 : 6'pt Diaw (rig.) , 19 (29.19') pt Capello (rig.), 2'st Bassoli, 36'st Rossi.
Modena - Venezia : 1 a 6.
Al 43' pasagio de Gagno a Capello che aprofita e segna.
Crnigoj ricupera, Capello ghe pasa a Johnsen.

Di Mariano 
al 25' autogol di Ingegneri. 

In tel periodo de no zogo dovùo al małe che gà colpìo el mondo del spór e tuto el paéze in zeneràl, ghe ze stà na sostitusión de presidénte.
El 19 Febràro Joe Tacopina dopo èser stà parón e presidénte de ła squadra e de ła sosietà par sìnque ani, gà deciso de deventàr presidénte onoràrio.
El novo presidénte riva anca łù dai Stati Unìi, e in pasà el xe stà Aministradór de ła Borsa de New York, za asionista de ła soçietà el gà vołésto entarghe a farne parte a tuti i efeti. Duncan Niederauer, ch'el ga aquixìo el 100% de łe partesipasión.
In soçietà continuarà a èserghe Andrea Rogg, John Goodman e John Tapinis che i fa parte ancòra del Conséjo de Aministrasión, e Americo Nardis in quałità de menbro.

Fabio Lupo łasa el Venezia FC e Mattia Collauto novo Diretór Sportivo e Paolo Poggi Responsabiłe area tecnèga.

Dopo el Venezia FC Store prexente in Calle dei Specchieri in tel sestier de San Marco, vien verto un altro punto in Via Poerio a Mestre, a pochi pasi da Piasa Ferretto e luni 13 Agosto vien verto anca el punto in Canpo San Aponal in tel sestièr de San Poło, e prexentà un novo kit de magia firmà Nike. 
El prexidente arivà dai Stadi Unìi, parteciparà a l'inaugurasion del novo centro.

La prexentasión al Venezia FC Store a Mestre de Walter Zenga xe stà seguìa da tanti tifoxi.
El ga dito che vol ferocia da ła so squadra e quindi o drento o fora.




#Article 403: Sitadèła (557 words)


Sitadèła (nome ufisial in itałian Cittadella) el xe un comun de 20 025 abitanti de ła alta padovana.

Ła sità, co ła só resintada muraria, ła xe nasesta 'nte'l 1220 par vołer del comun de Pàdoa. Da łora, i ełeminti pì caraterìsteghi de ła sitadina i xe stai propio l'inportansa del aneło murario e ła so poxision stratèxega 'nte'l ànbito del teritorio padovan.

Fin da l'età del bronxo rexulta documentà ła prexensa del omo 'nte ła xona, mentre 'nte i tinpi romani ła xe sta interesà da n'inportante agro senturià, che'l gavea come decuman màsimo ła via Postumia, fata 'nte'l 148 a.C.. A partir dal XI sècoło ga tacà formarse siorìe rurałi inte i colmełi de ła xona, tirai su torno a pieve (come cueła de San Donà) e abasie (come cueła de Santa Lusia de Brenta). 'Nte l'età de mexo, sùito daspò ła só fondasion, Sitadèła ła ga garantìo al comun de Pàdova na baxe da ła cuałe conbàtare el poder de sti sioroti rurałi, come l'aristocrasia del feudo de Onara e de Fontaniva.

Cascà in man a Exelin da Roman par un curto ténpo, ła se ga tólto un róło stratèxego 'nte i confrunti del teritorio torno 'nte ła seconda metà del duxento, sècoło 'nte'l cuałe ła ga conosesto na granda fiorida. 'Nte'l 1236 Pàdoa ła ga parmeso a ła sità ła posibiłità de darse łexe propie.
 
'Nte'l 1318 Sitadèła ła xe pasà soto el controło de Cangrande de ła Scała. Ła xe tornà daspò indrio a Pàdoa, łora sioria dei Da Carara. 'Nte'l trexento el róło de Sitadèła el xe cresesto ncora e ła Podestaria ła se ga slargada.

'Nte'l 1405 Sitadèła ła se ga data de só vołer a ła Repùblica de Venesia, otegnendo in canbio el parmeso de conservare łe só łexe. Dal 1483 ła xe sta regałà da Venesia a Roberto Sanseverino, ła cui faméja ła ga tegnesta fin el 1499, mentre pa' un ano, dal 1503 al 1504, ła xe sta data a Pandolfo Małatesta, daspò i pati xurai striti intrà Pandolfo e la Serenisima.

'L ano 1508 el ga visto ła nasesta de ła łiga de Cambrai, contro Venesia. El Małatesta, sior de Sitadèła, el xe pasà łora al s-ceramento nemigo. Par sta raxon cua ła sitadina ła xe sta pì volte tacà e sachejà da łe trupe inperiałi. Ła paxe venesiana ła xe tornà soło che 'nte'l 1516.

Daspò sti fati, Sitadèła ła ga conosesto tri sècułi de paxe, destacai 'nte'l 1797, có che łe trupe de Napoleon łe se ga tolto el poseso de tuto el teritorio partegnesto a ła Repùblica de Venesia. Sitadèła ła xe pasà łora soto el dipartimento del Bachion e, pa' un serto ténpo, anca soto ła provincia de Vicensa. Dal 1814 ła ga conosesto anca ła dominasion austriaca, che ła xe finia 'ntel 1866, ano 'nte'l cuałe ła xe sta tolta drénto al Regno d'Itałia.

Ancó Sitadèła ła xe una de łe sità pì riche d'Itałia: co soło che 20 000 abitanti, ła cónta pì de 2.500 dite.

Dal 2004, a Sitadèła se svolxe ła Festa dei Vèneti, na festa che 'nte'l arco dei ani ła ga visto 'ndare su el nùmaro dei partesipanti fin a pì de 30 000 persone.

Ła ga na scuadra de bałon l'Associazione Sportiva Cittadella, che ła se cata in Serie B, seconda divixion del canpionà itałian.




#Article 404: San Xorxo in Bosco (186 words)


	

San Xorxo in Bosco el xe un comun italian inte ła Rejon Vèneto e parte de ła Provinsia de Pàdoa, el conta 6290 abitanti che i ga nome sandordexi, el cuał santo patrono l'è San Xorxo che el caje i 23 avriłe.

El comun el se poxa intieramente so ła pianura vèneta a circa 23 km a nord de'l caoliogo provinsiałe. El confina a ovest co Piasoła so ła Brenta, nord-ovest co Grantorto e Fontaniva, a nord co Sitadeła, a nord-est co Tónboło, a est co Viła de el Conte e a sud co Canpo San Martin.

San Xorxo in Bosco l'è spartìo inte'l abitato omònimo, łe frasion de Lobia, Sant'Ana Moroxina e Pajoła, łe locałità de Conjo, Jarabasa, Persegara, Bolxoneła e numaroxe altre contrà.

A San Ðordi se cata Viła Bembo, inportante dimora de ła faméjia venesiana, che ła vien fora dal Setesénto. De un sècoło pì vanti ła xe Viła Anselmi, che ła xe stada sede del munisipio dal 1924 al 2001, in stiłe romàntego. Ła céxa parociałe, dedicada a San Ðordi, del quałe se cata un afresco del Santo chel conbate col drago.




#Article 405: Piasoła (508 words)


Piasoła so ła Brenta (o senplisemente Piasoła) ła ze un comun italian inte ła Rejon Vèneto e parte de ła Provinsia de Pàdoa, ła conta 11244 abitanti che i ga nome piasołani, i cuałi i festeja ła natività de Santa Marìa che ła caje i 8 setenbre.

El comun el se poza intieramente so ła pianura vèneta a circa 18 km a nord de'l caoliogo provinsiałe. El confina a nord co'l Gado e Grantorto, a nord-ovest co San Dordi in Bosco, a ovest co Canpo San Martin, a sud-ovest co Curtaroło, a sud co Łìmena e Viłafranca Padoana, a sud-est co Canpodoro e a est co Ca' Mizan.

Piasoła so ła Brenta ła ze spartìa inte'l abitato omònimo, łe frasion de Carturo, Ìzoła Mantenja, Prezina, Treminjon, Vacarin e łe locałità de Santa Cołonba e Boschiera.

Spartìa in cuarte: ła prima e ła ùltema indorae co na àcuila de arzento in voło, łe mezane verde co zejo de oro.

El teritorio de Piasoła so ła Brenta l'è intieramente pianejante, co lezieri declivi in prosimità de'l fiume che el forma el confin comunałe a ponente. Denje de nota łe ze łe buze rente ła Brenta, overo łe ex cave de jara, nomadeso lagheti artificiałi, uno de i cuałi de demension notévełe. Par Piasoła pasa anca ła rosta Contarina che ła alimenta el bacino de Prezina e el vecio majo de Piasoła darente ła piasa.

Da'l miraneze riva ła SP10 proseguente fin a'l vezentin, domente da Pàdoa łe SP75 e SP94 łe converze in Piasoła sentro sevitando soto el nome de sta ùltema fin Carminjan de Brenta, altresì ciamà popołarmente el stradon.

El teritorio comunałe fin al 1268 el partegnéva a ła sità de Vicensa e qui ghe gera un castèło chel jera posidùo dai Dente, faméja che durante ła storia ła gaveva conbatuo par tóre el controło de Padova, e daspò dei Belludi, e a ła fin dei Da Carara. Un prìnsipe de sta faméja qua, Jacopo, el gà łasià tuto el teritorio de Piasoła a ła fióła Maria che, 'ntel 1413, ła gà spoxà Nicolò Contarini, patrision venesian. 'Ntel posto el riva in sto modo el nome che in ténpi più resénti el ga dà el nome a ła viła.

Na trasa del'antigo casteło ła se poe forse capire drénto al zòcoło sora del qual se cata la viła de ancuo. Sto zòcoło poe darse chel sia el recordo de na costrusion che a sua volta ła podeva végnare dal casteło.

Da recordare ła xe anca ła prexensa, 'ntel XIX sècoło de ła faméja Camerini, ła quałe ła ga restorà ła caxa, che ła jera drio cascare in ruina, faxendoła tornare beła come 'ntel pasà. Ła xe anca stada fondamental par l'industriałixasion e par ła strutura del stesso paéxe, infati grasie a ła faméja Camerini łe xe stae turà su caxe e fàbriche par ła mandòpara che che ła łavorava łà drénto. El paéxe el xe stà strasforà conpletamente e el xe pasà, 'ntei ani vinti, da teritorio de sołi canpi a un dei posti più industriałixai del Vèneto.




#Article 406: Cianpo (222 words)


Ciànpo (nome uficiałe italian Chiampo) el xe on comùn de 12 137 abitanti de ła provincia de Vicensa.

El comùn de Ciànpo xe situà in te la zona in mexo de ła Val del Ciànpo, na vałàda ai màrxini dei Monti Lessini. La val xe delimità a nord da ła Val d'Alpon, a nord e ad est dal fiume Agno/Guà, vanti vèrxerse a ła vasta piànura ke colega Verona e Vicensa. El torente Cianpo, omonimo del paéxe, score traverso el territorio comunal e el xe afluente del torente Alpon (e, de conseguensa, subafluente del fiume Àdexe), inte el cuale và rento visin San Bonifacio, en provincia de Verona.

Se połe catar do difarenti zone del comùn:

El comùn de Cianpo el ga asè comuni visin: confina defàti ad ovest e nord-ovest co i comuni de San Giovani Ilarion e Vestenanova (tuti do en provincia de Verona), a nord co i comuni de Nogarole Vixentin e San Piero Musołin e ad est e a sud co i comuni di Arxegnan e Roncà.

De particołàr interèse storego-cultural xe i 31 capitèi votivi, calchedùni risałe al XVII sècoło, le 4 tolete del XV sècoło e le 25 nìcie inte le cuali xe rapresentae la Madona o el Croxefiso, a indicar cuanto xe radicà el sintimento rełigioso in te stà tera.

Xe nati a Cianpo:

Xe molto ligà a Cianpo la figùra de beato Claudio Granzotto (S. Lùçia de Piave 1900 - Cianpo 1947) francescan, scultor del locàl santuario, copia de ła gròta de Lourdes.




#Article 407: Canposanpiero (395 words)


	

Canpo San Piero xe on comun de 12 211 abitanti de ła provincia de Pàdova.

El 20 lujo del 2009 el Presidente de ła Repùblica Giorgio Napolitano el ghe ga conferìo el titoło de sità.

Fin dai tinpi pì remoti, Canpo San Piero ga avuo na serta importansa quałe cołonia romana posta longo ła via Aurelia; ma el periodo de major valensa xe sta rajunto daspò el Miłe, col dominio dei feudatari che del ga ciapà el nome del logo. 'Ntel 1013 l'imperatore Enrico I el gavea conceso el teritorio al cavałier Tiso che, proclamàtose vasało del patriarca de Aquileja, el ga fato tirar su un casteło e'l ga dà orìxene a ła poténte dinastia de Canpo San Piero.

El sito el ga ciapà col tempo inportansa stratèxica, el xe stà fortifegà e difexo co terapiéni, fosai, òpare de muradura; de tałe compleso - un vèro casteło feudałe - deso resta łe do bełe tore medioevałi de matuni: ła Tore del Rełojo e ła Tore de ła Roca o del Munisipio, oltre a ła Roca stésa, pì volte ristruturà e deso denominada Pałaso Tiso, sede Munisipałe.

I longhi anni de guere e scorerie de exersiti guelfi e ghibełini i xe finidi 'ntel 1405 co ła cadua de ła signoria Cararese par òpara de ła Serenìsima; el dominio de Venesia ła ga portà a tuto el teritorio bonìfeghe fondiarie e un mejoramento de łe condision de vita de łe popołasion. On ùltimo sachejo Canpo San Piero ło ga avuo 'ntel 1512 par òpara de Masimilian d'Austria e de i cołejadi de ła liga de Cambrai che i gaveva moso guera a ła Repùblica Vèneta. Daspò el borgo el ga perso ła so importansa miłitare e col ténpo casteło e fortifegasion i xe stai smantełai. Xe naseste numaroxe bełe viłe patrisie dei Querini, Gritti, Barbarigo e ła canpagna ła se ga richida de ordenai rùsteghi dai grandi portegai.

Na caraterìstega de ła Canpo San Piero de oncó xe de averghe łe tre parochie divixe infrà łe diòcexi de Pàdova e de Trevixo; ła céxa parochiałe de San Marco ła partien a ła prima méntre San Piéro e ła céxa de Santa Maria Asunta 'nte ła frasion de Rùstega łe xe 'nte ła diòcexi de Trevixo. Xe da menxionare anca la Céxa dei Frati e 'l Santuario de ła Nogara, tuti e do ligai a Sant'Antonio da Padoa.




#Article 408: Castèło (Vèneto) (122 words)


Castèl o Castèło (Castelfranco Veneto in tałian) xe on comune di 33 407 aneme in provinsa de Trevixo. El se cata in meso ai caologhi vèneti de Trevixo, Vicensa e Padoa.
A xe na inportante sità murada e a xe famosa 'nca parchè xe nasùo el pitor Giorgione.

Ła crixi połitega che ała fine del XII secoło ła coinvolxeva i comuni de Trevixo e Padova, ła ga spinto el tirar su (1195) na forteza par contrastare el rivałe.

Castelfranco Veneto el xe sta pi volte arivo de tapa del Giro d'Italia:

A Castelfranco Veneto xe nati ł'ałenatore de balon Francesco Guidolin , el xugadore de balon Alessandro Dal Canto, ła cantautrice Donatella Rettore, el çiclista Alessandro Ballan e el musicista Mario Brunello




#Article 409: Loria (239 words)


 
Loria el xe on comune de 9210 abitanti de ła provincia de Trevixo.

El nome xe ligà ała via Aurełia, strada romana che da Padoa te porta fin a Asolo. I documenti veci i riporta i toponimi Aurilia (972), Lorgna (1175), Lorlea (1221), Lorlia. Altri invese i attribuise l'orixine del toponimo a na faméja del logo, i da Loria, anca se pì probabilmente i xe stai łori a ciapare el nome da ła locałità e nò viseversa.

Dopo ła cadùa del'inpero roman Loria xe stà invaxa dai barbari, da Exelin da Roman e poi da Venesia.

Loria e tute łe so frasion łe xe tra łe locałità coinvolte inte łe visende che, tra l'XI secoło e el XIII secoło, i gà visto cofà protagonista ła potente faméja de i Ezzelini. I sentri i xe sitai inte el conputo de łe molte propietà de ła caxata, stilà dopo ła so sconfita avegnùa inte el 1260.

Inte el 1754 el viłaxo de Loria xe stà teatro de un misterioxo fenomeno naturałe, i cussiditi «foghi insendiari», che i gà provocà oltre 80 insendi de abitasion, caxoni, siepi inte el arco dei mexi primaveriłi. El fenomeno se gà manifestà fin dai primi ani del '700 inte i viłaxi sircostanti de Ramon, Godego, Rosan, Gałiera e gaveva atirà l'atension de studioxi e eruditi del tenpo. Da ultimo ghè gaveva dedicà atension anca Scipione Maffei inte el tentativo de individuar na spiegasion rasionałe al fenomeno.




#Article 410: Basan (212 words)


Basan el xe un comun de 43.709 abitanti de ła provincia de Vicensa.
A nord el ga el Mónte Grapa e 'l confina co i paixi de ła Valbrenta, mentre a nordest el confina col comun de Roman, a est co Casoła, a sud col comun de Roxà, a sudòvest co Cartijan e Łe Nóve a òvest co Maròstega. Ła frasion de montagna Rubio de Basan ła confina co ła frasion Rubio de Conco: insieme łe fa praticamente un paexeto ugnło, che sta par conto suo, ciamà apunto Rubio.

Basàn se trova su de na conoide formà da ła Brenta, al sboco del Canałe de ła Brenta e ai pie de l'Altipian de Axiago e del Monte Grapa. Ła Brenta ła divide Basàn in do parte: cueła est (Sanca Brenta) almanco tre volte pi sviłupà de cueła ovest (Drita Brenta).

Ł'area urbana de Basàn ła se estende ben oltre i confini comunałi: ła conprende i comuni de Pove del Grapa, Sołagna, Canpołongo sol Brenta, Cartijan, Łe Nóve, e i abitai de San Giusepe e San Zeno del comune de Casoła, Roman Alto, San Giacomo e Fełette del comun de Roman, ła frasion Travetore del comune de Roxà. L'àrea urbana de ła sità de Basàn ła ga na popołasion de sirca 65.000 abitanti.




#Article 411: Pionbin (311 words)


	

Pionbin (in itałian Piombino Dese) el xe un comun de 9333 abitanti de ła provincia de Pàdova.

Daspò l'alta età de mezo, co łe invaxion barbàreghe e ła rivada dei Longobardi, se ga ła prima citasion de Pionbin: 'nte na boła de papa Ugenio III del 1052, ła xe recordada infrà łe partegnénse de ła pieve de Trebaxełeghe, a so volta soto ła diòcexi de Trevixo.

'Ntel età de mexo el teritorio el jera oncora particołarixà dal'inportante prexensa de bóschi e canałi, fondamentałi par l'economia de quiłi tinpi, baxada oncora su casa, pesca e rancura.

El poder del véscovo el xe stà seguìo da queło làico dei comuni, ma de sto qua no se parla de particołari evénti che i revarda el paéxe.

Infrà el Tre e'l Quatroxento ła salta fora ła Serenìsima, co grandi canbiaminti pal sistema econòmego e sociałe.

Se 'nte ła fin del'età de mexo i fèudi i gaveva smenuìo łe so dimension a faor de ła pìcoła propietà borghexe, a partire dal primo Quatroxento l'agricoltura ła scuminsia a èsare tolta tuta 'nte łe man de ła nobiltà venesiana e da altre póche faméje de spico. Venesia ła gaveva ramai bandonà łe tradisionałi atività marcantiłi e industriałi verte verso l'Oriénte, dedicàndose pitosto a darghe forsa al'economia agrìcoła de ła teraferma da póco conquistada. Sti qua i ì xe i tinpi de łe viłe vènete che łe ga influensà par vèro el teritorio de Pionbin: gavemo notisia de pałasi de siuri fin da ła prima metà del Quatroxento.

Al stéso ténpo, ła se ga sparpagnada na nóva concesion del teritorio, devegnesto deso łógo dei insediaminti da modifegare e ordenare in funsion del'omo. Cusì i ga fato un bel fià de intervinti par regołare i fiumi Siłe, Xero, Dexe e Marzenego (XVI-XVIII sècoło). Łe inisiative łe capitava speso grasie a łe stese fameje patrisie, prima infrà tute queła dei Cornaro.




#Article 412: Istrana (196 words)


 
Istrana xe un comun de 9187 aneme 'nte ła provinsia de Trevixo.

I reperti pì veci, molto numeroxi, i risałe ai periodi preroman e roman. Una de łe trase pì evidenti, a propoxito, xe ła via Postumia, reałixà inte el 147 a.C. dal consołe Spurio Postumio Albino Magno e che tutora raprexenta un'inportante arteria stradałe che score in linea reta a nord de Sala.

I primi riferimenti toponomastisi, comunque, i xe conparsi a partir dal X secoło: Pezzan e Sala łe xe citae inte el 996, Ospedałeto inte el 997, Viłanova inte el 1014; Istrana, poi, xe ricordà 'ncora pì tardivamente (boła Justis fratrum del 1152) tra łe pievi de ła diocexi de Treviso.

Có ła concuista de ła Serenisima, el teritorio fu al sentro de i interesi del patrisiato venesian che incentivò l'agricoltura ma anca l'arte locałe (se ricorda alcune viłe vènete e łe ricostrusion de edifisi sacri).

Durante ła prima guera mondiałe Istrana se catò inte łe retrovie del fronte del Piave e ospitò un'infermeria, mentre a Sala xe stà vegnesto verto un aeroporto ligà all'eroe Francesco Baracca.

Anca durante ła seconda guera mondiałe sofrì de bonbardamenti e raprexaje vista ła so poxision stratexica.




#Article 413: Pojan (527 words)


Pojan (Povegliano in Italian) el xe un comune de quasi 5000 abitanti dea provincia de Treviso.

Pojan, con e so do fraxion de Camaeò e de Sanandrà, xe estende sua fertie pianura dea Marca trevisana ai piè del Montel e a pochi chiometri dal Piave. El territorio, na volta teatro de irregoari diramaxion fluviai, xe ades solcà dal Javera e dai canai Bretea e Piavesea. El suoeo, variamente conformà, nei secoi passai l'à consentio un'economia esclusivamente contadina, ma da qualche decennio a stà parte e xe nasue dee botteghe artigianai, piccoe imprese locai e, de recente, qualche complesso industriae.

Par tanto tempo a tera a ga dato quanto bastea par non morir de fame a quasi tutti. A miseria dei campi xe aggiungea ogni tanto qualcoxa da a pastorixia e dai lavori fatti a man. Stò tipo de economia contadina-artigianae a ga subio un sostansiae cambiamento soeo qulche decennio finia a seconda guerra mondiae. A nasita deè fabbriche sui paesi visini e dè piccoe asiende sul nostro comune, e gà fatto scampar a sente dai campi, aumentando cussì i operai, che i ciapava pì schei e i stava meio che ndar a varnar e vacche. Dopo e xe stae anca costruie mi no sò quante case, una par canton, che e gà consentio de ndar in bagno sensa ndar fora in tel cortio.

Incuò el comune xe un dei centri industriai e commerciai dea provincia. I pochi contadini restai i sè drio speciaixarse su dee piante dà orto, come el radicio trevisan, e altre verdure staionai, ma anca sua produxion dè fruta in particoae dee sarese, pere, pesche, pom, kiwi, nasy e prugne.

E' vecè stae e sè sparie asando el posto à dei moderni allevamenti dè porsei, cùnici, poàstri, vacche e tori; ma và anca sottolineada à passion dè qualche vecio contadin a tegnar à pìcoea staea par a produxion dè latte à uso exclusivo dea Latteria dè Sanandrà e del caseificio dè Camaeò, dove i vìen fatti dei formaj locài ormai conùsui in tutta Italia (come el formajo imbriago).

Sul territorio comunae sè conta ancora diverse botteghe artigianai dè vecio stamp, in particoar modo sua lavoraxion del legno e del fero, ma à magior parte dèi laboratori e dee officine e sè dè tipo industriae e concentrae in sone fòra dai centri abìtai.

Notèvoe svìupo el gà anca el setòr del tersìario: servixi e negoxi ì completa el quadro dell'èconomìa dè stò Comune chè, nonostante el sia abbastansa lontan da à Pontebana, l'è penaisà dà problemi dè viabìità interna e dè coegamento coi comuni da visìn. Sè segnàea bassi tassi dè disocupàxion e l'imigraxiòn non dà segnài dè particòae fastidio.

Nà nota dà segnàar lè che a trasformaxion economica che a ghè sè stà sù stà verde pianura dè Pojan à sè manco evidente rispetto a chèaltre parti: quà sè respira ancora un sapor antico che sè rispècia sui borghi e sue case vècie, sui pàeassoti dè campagna e sui lavori tramandai dà pare in fiol. L'è à memoria dè un mondo contadin che non el vol morir sensa assar nà traccia dè sè stesso, suscitando nà profonda nostalgia par lè èsperiense dè nà volta.




#Article 414: Carean de San Marco (385 words)


 
Carean de San Marco, che xe ciamà anca Carean, el xe un comun de 7026 abitanti 'nte ła provincia de Treviso. A Carean ghe xe łe famoxe industrie fà Sanremo, Diadora, Sanmarco.

Carean de San Marco, xe stà nominà par ła prima volta nel 27 Xenaro del 1148 'nte un documento del vescovo de Trevixo Gregorio che el recitava en łéngoa latina: peciam unam de terra in villa de Cairano, supra ripam. 'Nte el 1297 risałe ła prima apparision de ła capeła de San Marco a Carean, che par tuto el Medioevo e oltre la jera un colmel de la pì granda Montebełuna, e come esa Carean fu par buona parte deła sua esistensa soto la signoria dełi Exełini. Dopo che i Exełini i xe caisti, Carean ła xe passada ai Scałigeri de Verona par un toc, prima de passar alla Republica de Venesia come tuto el Vèneto. Nel 1797 ła Republica venesiana a xe pasada a Napoleon che geh la data ałi austriaci, e con łori a xe restada fin ała Tersa Guera de Indipendensa, dove Carean e tuto el Véneto el xe finio al Itałia. Da eora ła storia de Carean ła xe stata ła stesa del Itałia, cambiando nome 'nte il 1872 diventando Carean de San Marco e dopo ła Seconda guera mondiałe, nel 1946, Carean a xe deventà un comun autonomo stacandose da Montebełuna. L'era nà el comun de Carean de San Marco, che nel dopoguera a xe deventà un paéxe industiałe che iutò l'aumento de xente.

El comun de Carean de San Marco el confina a nord con Cornuda, a ovest col comun de Maxer, a est con Montebełuna e a sud con Intiòe. Carean el xe un comun streto pì che largo, el teritorio del comun risulta tra i 91 e i 175 metri sora el łiveło del mar. A 175 metri ghe xe łe Rive de Carean, che el xe un picoło rilievo montuoso che el xe situà a nord-est del comun. Łe Rive le xe l'unica parte cołinare del comun, parché tuto el resto xe pianura. Par Carean de San Marco pasa el canal Brenteła, detta anca Brenteła de Pederoba, che xe un canal costruìo nel secolo XV su domanda del popoło al senato venexiano par irrigar mejo i campi.

Carean de San Marco l'é gemełà co:




#Article 415: Cafè Pedrocchi (197 words)


El Cafè Pedrocchi el xe uno dei pì grandi e famoxi cafè del mondo. El xe situà nel pieno çentro de Padoa, en via VIII Febbraio n° 15. 

Proxetà dal'architéto Jappelli, el se compòn de dò piani: el piantereno, inaugurà nel 1831, el ospita łe sałe par i aventori, el bancòn, i laboratori e la coçina. El piano nobiłe el ospita enveçe alcune bełe sałe (sała Rosini, sała egizia) che xe atualmente utiłizà par mostre e espoxissioni tenporanee.

L'inportansa stòrega del logałe xe anca data dal fato che l'8 de febraro 1848, el ferimento al so enterno de un studente universitario el gà dato el via ad alcuni moti caraterizzanti el Risorgimento tałiàn e che i xe ancora deso ricordài nel'ino ofiçiàl universitario, Di canti di gioia.

Prèso el piàn nobiłe de ła costrussiòn xe situà el Muxeo del Risorgimento e dell'età contenporanea, dove i xe conservai tra i altri i ritràti del fondadòr Antonio Pedrocchi e del so sucesòr Domenico Cappellato Pedrocchi, tuti do opera de Achille Astolfi.

El Cafè xe noto anca col nome de Cafè Sensa Porte parché ai tenpi d'oro, fin al'avento de ła Prima Guera Mondial el jèra verto jorno e note.




#Article 416: Scopa (213 words)


Ła scopa (dita anca scoa) l'è un zugo de carte italian, che se zuga con un maso de 40 carte, come quełe da briscoła (in Vèneto de sołito se dòpara łe carte trevixane).

Se xuga in 2 o 4 xugadori, ma se xe un numaro dispari anca co 3 xugadori.
Se scominsia smissiando łe carte, se ghin dà 3 par omo e 4 łe va in toła. Na volta par omo se tira su łe carte in toła. 
Scopo del xugo xe far pì punti de maso, i xe 5: tirar su pì carte, pì ori, che i xe i danari, pì 6 e 7, che i fa punto de primiera, e il 7 beło e il Re beło de ori.
Cò un xudagore tira sù na carta e lasa la toła vòda, el ghà fato Scopa e ła vałe un punto.
Se in toła ghe xe 2 carte, par esempio 3 e 4 te połi tor sù tuti e dò se te ghe un 7. Se non te ghè carte da ciapare xe mejo coverdare.

Ghe xe na variante ciamà Scopon (sientìfico) dove se zuga in 2 copie e se dà 10 carte par omo. In stà version l'aso se ciàma Pija tuto parchè połe tirar sù tute e carte in toła.




#Article 417: Punica granatum (400 words)


El melagragno (dito anca magragno, malgaragnaro, pomoingranà, pomogranà o punegaro) el xe na pianta alta anca 2-4 metri, col nome sientifico de Punica granatum, de ła fameja dełe Punicaceae o Lythraceae. Sto arbusto, originario del'Asia Çentrałe, el xe difuso specie in Medio Oriente, anca se 'l se pole cstate in tuti i paexi del Mediteraneo. El nome in łatin (malum punicum) el deriva dal fato che i Romani i pensava che'l fuse originario de łe tere puniche, Cartagine in specie. I ło ciamava anca malum granatum, par via dei grani o miołe de le quali i xe pieni i fruti.

In todesco el se ciama Granatapfel, in inglese pomegranate, in italian melograno, in yddish milgroym, in spagnoło granada. 

Łe foje łe xe łónghe, a forma de łancia, i fior cołor róso vivo e i fruti i xe de łe bałe dure e róse anca quełe. Ła polpa dei fruti ła xe divixa in diversi setori cołor roxa-róso, tuti pieni de picołe megołe róse (łe ga tanta vitamina C).

El malgaragno entra 'ntel mito del rapimento de Persefone, fioła de Demetra, dea del gran e dei racolti, da parte del dio de l'oltretonba, Ade.
Demetra ła mandava su ła tera mesi e mesi continui de fiuri e de fruti, sensa interusion, da senpre. Un bel dì el dio dei morti Ade el se ga inamorà de ła fioła de ła dea, Persefone, e'l ła ga atirà con un truco xo nel so regno soto tera. Łì el ghe ga oferto un malgaragno e eła, par bona creansa, ła ghin'à tastà soło ke sie grani, ma questi i xe bastà par blocarla xo 'ntei inferi. Difati no ła saveva ke ki ke magna i fruti dei inferi no'l pol pi tornar su ła tera.

Quando ke Demetra ła ga savu ke ła fioła ła jera sta tegnu xo soto tera, ła se ga inrabià de bruto e no ła ga pi fato cresare nè fiori nè piante nè erbe: tuto morto.
Ga dovudo saltar fora so marìo, el dio Zeus, ke'l ga fato un conpromeso con Ade: so fioła ła saria sta xo 'ntei inferi un numero de mesi uguałe a queło dełe megołe de malgaragno ke ła gaveva magnà. El resto ła podeva tornar su da só mama.
Cusì, Demetra, contenta pal ritorno de Persefone, ła fa crésare e fiorir tuto par sie mixi a l'ano, in primavera e in istà.




#Article 418: Provincia de Trevixo (120 words)


	
Ła Provincia de Trevixo ła xe una de łe 7 province del Vèneto. Ła confina a nord co ła provincia de Bełun, a est co qûeła de Pordenon (in Friul-Venesia Jułia), a sud co quełe de Venesia e de Padoa, e a ovest co queła de Vicensa. A Provincia de Trevixo ła xe anca dita Marca Trevixana. Ła xe granda 2 382 chiłòmetri quadrai e ła ga poco pi de 700 000 abitanti, co na densità de 295 àneme par chiłometro quadro. El capoliogo el xe oviamente ła sità de Trevixo che ła xe ła sità pi granda de ła provincia.

Ghe xe in tuto 95 comuni.

I comuni pi grandi, par nùmaro de anime che ghe vive, i xe:




#Article 419: Castrocaro Terme e Tera del Sołe (142 words)


 
El comune de Castrocaro Terme e Tera del Sołe (Castruchêra e Tèra de Sòl in romagnoło), el se cata 'nte ła provincia de Forlì-Cesena, a sirca 10 km dal capoluogo, Forlì. El xe composto dai paexi de Castrocaro Terme, Tera del Sołe e Pieve Sałutare. In tuto el cunta circa 6000 abitanti.

El nome Castrocaro el conpare par ła prima volta so vece pergamene databiłi intorno a ł'ano 1100.
El primo nucleo del paexe el xe sta costruio inte on posto ełevà, a controło de on percorso che cołegava ła Romagna ała Toscana. Ła xe sta ła potente fameja ghibełina dei conti Pagani (rapresentà in ste tere del poter di inperadori germanici) a far costruire ła prima strutura fortificà.
Łentamente, intorno ała roca a se ga formà el primo sentro abità; col tenpo el borgo el se ga estexo più a vałe.




#Article 420: Larix decidua (185 words)


El làrese, làress o łarexe (nome sientifego Larix decidua) el xe na pianta conifera, deła fameja dełe Pinaceae. El vive sułe Alpi, sui Carpazi (sui Tatra in spece), e in 'tel'Europa çentrałe. Sui monti se pol trovarlo dai 1000 ai 2600 metri de quota, el pol resistere anca a manco 50 °C e el vien alto fin a 40-50 metri.

Lärche pa i todeschi, larch pa i inglesi, larice pa i taljàn, mélèze pa i françesi, el pol vivere pi de 500 ani. No el xe na pianta senpreverde e difati in autuno le foje prima łe diventa załe e dopo łe casca xo. Ste foje łe xe dei aghi verdi ke vien su a ciufeti de 20-30 sui rami, i fioreti feminiłi i xe roxi, longhi 1 çentimetro, quei maskiłi załi, de meso çentimetro, i vien su in apriłe-majo. Łe pigne łe xe longhe 2-6 çentimetri, ła scorsa grisa-maron ła xe lisia 'ntełe piante xovani, crepà a crostoni maron in quełe vecie.

Col legno se fa mobiłi, infixi, barche e altri atresi; dała scorsa se tira fora tanini par ła concia e ła tintoria.




#Article 421: San Martin de Lupari (174 words)


San Martin de Łùpari , o senplicemente San Martin, el xe un comun de 13 424 anime de ła provincia de Pàdova.

San Martin de Łupari el xe un posto che xe stà interesà da tanti avenimenti che se svolxe tra el XI secoło e el XIII secoło e da vari posedimenti de ła fameja dei Exełini.

A San Martin ghe xe ła squadra locałe de calcio a 5, ła Luparénse, che xuga inte el canpionà de serie A e che inte ła stajon 2013-14 ga vinto el so 5° scudeto.

Ghe xe anca ła squadra feminiłe, e Lupe Calcio a 5, e anca lore łe xuga in serie A.

Ghe xe anca łe Lupebasket, squadra locałe feminiłe de basket, ke le xuga in serie A.

A San Martin ghe xe molte industrie famoxe in tuto el mondo.
Una tra le pi importanti xe OZ racing, leader nea costrusion de serci in lega de tuti i tipi e fornitrice ufisiae de varie machine da formula1 ( Ferrari, Red Bull, ecc...), del campionato rally e molti altri.




#Article 422: Viła del Conte (208 words)


	
Viła de'l Conte el ze un comun italian inte ła Rejon Vèneto e parte de ła Provinsia de Pàdoa, el conta 5549 abitanti ciamài cuełi da Viła de'l Conte o pi resentemente comitensi o viładelcontezi, i cuałi i festeja Santa Juliana che ła caje i 16 fevraro.

El comun el se poza intieramente so ła pianura vèneta a circa 21 km a nord de'l caoliogo provinsiałe. El confina a nord co Tónboło e San Martin de Lóvari, a est co Santa Justina in Cołe, a sud co Canpo San Martin e a ovest co San Dordi in Bosco.

Viła de'l Conte el ze conposto da'l abitato omònimo e da Basìa Pizani.

Spartìa in cuarte: ła prima e ła ùltema in canpo verde, l'una co thìncue spighe indorae ligà co un nastro roso, st'altra co cuatro bizanti indorai posti a muo' de uno, du, uno; ła segonda ła ze na croze d'arzento in canpo cełeste, ła tersa na croze rosa in canpo d'arzento.

El teritorio de Viła de'l Conte l'è intieramente pianejante, solcà da varie brentełe, cofà el Piovego de Viłabosa, el Ghebo Musato, l'Orcon, ła Vandura e da un fiume, ła Tèrgoła, che ła se prensipia so ła pałù de Onara, àrea resorgiva in oro a'l teritorio comunałe.




#Article 423: Łéngua catałana (415 words)


Ła łéngoa catałana ła xe na łéngoa romanxa parlada da 10 miłioni de àneme in Spagna, Fransa, Andora e 'ntel comun de Alghero, Sardegna. Inte ła Comunità Vałensiana el ciapa el nome de valencià, invese inte łe Isołe Bałeari el xe ciamà mallorquì. Ste tre varianti qua łe połe comunque èsar considerà tre varianti de ła stesa łéngoa, co poche difarense dovue ai sviłupi tònomi che łe ga avuo inte i ùltimi do o tre secołi.

L'uxo łeterario del catałan l'è antico ben: i primi scriti famuxi in catałan i stà fati 'ntel Medioevo da Ramon Llull, un poeta, scritor, teòłogo, fiłoxofo de Maiorca che 'l savéa anca l'àrabo. El ga scrito i só tratati conbinando ła vixion fiłoxòfica europèa de l'època co łe conosense matemàtiche àrabe e donca el catałan el xe stà ła prima łéngua neolatina doparà par parlar de łe prime robe sientìfiche (par el mètodo galileian moderno bexon' spetar invese Céco Ronchiti che 'l ga scrito in vèneto padovan antigo el Dialogo de Cecco da Ronchitti da Bruzene in perpuosito de la stella Nova).

Inte i primi ani del 1800 ghe xe stai tentativi de recuperar e promóvar l'uso del catałan (dai pi considerà ormai un diałeto), del qual el pi inportante el xe stà ła Renaixença, un movimento letarario che el ga dà el via a ła renasesta de ła leteradura catałana. Inte i primi del '900 Pompeu Fabra el ga portà a fine l'unificasion del ła grafìa (normałixasion) in maniera da raprexentar łe diverse varianti co na ortografìa ùnega. Questo el ga dà un forte inpulso a ła produsion łibraria, teatrałe, de xornałi e quindi al riconosimento del catałan cofà łéngoa. Durante ła ditatura franchista l'uso del catałan el xe tornà a èsar proibìo e xe stà propagandà ła vixion del catałan cofà diałeto (cioè variante) del spagnoło.

Dal 1979, el xe stà riconosesto cofà łéngoa a l'interno de ła comunità tònoma de ła Catałogna e xe stà romovesto l'uso uficiałe e l'insegnamento su łe scołe. El catałan el xe ła łéngoa uficiałe, insieme al castijan, anca inte ła Comunità Vałensiana, inte łe Isołe Bałeari e in Aragona. Inoltre el catałano el xe l'ùnega łéngoa uficiałe inte el Stato de Andora.
Dal 2005 el xe stà anca riconosesto cofà łéngoa co-uficiałe de l'Union Eoropea.

El catałan, come el vèneto, el xe na łéngua fata de tante varianti.

El catałan stàndard el vien parlà soratuto co ła variante de Barsełóna ma el vien scrito tegnendo cónto de tute łe varianti.




#Article 424: Łéngoa brètona (276 words)


El breton (nome nativo brezhoneg) el xe na lengua celtega isolar del grupo britonego.

Cofà tante lengue regionai in Franza, el breton el xe squasi spario a vantagio del francese, soratuto da la fin del XIX secolo. 

A la fin de marzo 1941 Joseph Barthélémy, ministro de la zustizia del governo de Vichy el dichiara: 

Je m'opposerai à l'enseignement de la langue bretonne dans les écoles primaires, me oponarò a l'insignamento de la lengua bretona inte le scole primarie.
 
Inte el1972 Georges Pompidou, presidente de la Republica el dise: 
il n'y a pas de place pour les langues régionales dans une France destinée à marquer l'Europe de son sceau, no ghe xe spazio par de le lengue regionai inte na Franza destinada a signar el pian europio.

Ma la cosienza bretona la se ga resvegià dopo de la seconda guera mondial co na progression inportante inte i ani '70 e i difendaori del galo i ga scumicià a farse sentir inte i ani '90. Atualmente ghe xe cerca 300 000 persone che le parla la lengoa bretona.

la Bretagna la xe conposta storicamente da do aree lenguisteghe:

Tutavìa el galo e el breton i se ga infruenzà tanto l'una co chel'altra inte el corso dei secoi.

Inte el dicenbre 2004, el Consegio regional de la Bretagna el ga uficialmente reconossuo a l'unanimitae el galó e el breton cofà «lengue de la Bretagna» in banda a la lengua francese, inte l'anbito de un pian a favor del bilenguismo in Bretagna par salvar le lengue regionai.
Dal 2006, el galo el xe proposto cofà lengua facoltativa al bacalaureà. Sta opzion la xe efetiva solo inte i departimenti bretoni.




#Article 425: Afi (136 words)


 
Afi el xe on comune de 1940 abitanti 'nte ła provincia de Verona.

Afi el xe distante 25 chiłometri dal cavołogo. El se cata ai piè del Monte Moscal che coi so 427 metri de altitudine el domina ła parte sud del Łago de Garda e el xe el masicio che el se mete in contrapoxision al Monte Baldo; el xe łanbto dal torente Tasso, on afluente de destra del fiume Adexe. El xe da sempre ła ciave de aceso ała parte sentral del łago de Garda. 'Nna olta el gera stasion deła dismesa łinea feroviaria Verona-Caprino e adesso a ghe xe on caxeło de ł'Autostrada Modena - Brenero che el permete ł'aceso al łago de Garda, inserendose diretamente a Garda, par i turisti todeschi e del nord Eoropa.

ultima setimana de giugno

ponte de Feragosto




#Article 426: Toscana (116 words)


Ła Toscana ła xe na region (22 994 km², sirca 3 000 000, capoluogo regionałe el xe Firense) de ł'Italia centrałe.
Ła confina a nord-ovest co ła Liguria, a nord co l'Emilia-Romagna, a est co łe Marche e l'Onbria, a sud co el Lasio. Ad ovest, ła xe bagnà dal Mar Ligure metre el Mar Tiren bagna invese la costa meridionałe. El fa parte de la rejon anca el arcipełago toscan.

Ła conprende ła sità metropołitana de Firense e łe province de Arezo, Groseto, Łivorno, Łuca, Masa Carara, Pixa, Pistoja, Prato e Siena.

Łe çità prinsipałi, łe xe Firense, Prato, Łivorno, Arezo. Altre çità capoluogo de provincia łe xe  Groseto, Lucca, Masa, Pixa, Pistoia e Siena. 




#Article 427: Cren (348 words)


El cren el xe na pianta dełe Brassicaceae: ła Armoracia rusticana o anca Cochlaria armoracia. Ła xe ciamà kren anca in Austria, anca se el so nome todesco xe Meerrettich; i inglexi i ła ciama horseradish, i taljàn rafano. Originaria del Sud e del'Est Europa, deso el se trova dapartuto.
Ghin parla Catone intei so scriti su l'agricoltura. A Pompei ghe xe un mosaico ke ło rafigura. Plinio el Vecio el parla del cren 'nteła so opera Historia Naturalis.

El ga foje grandi e ła riva a 1 metro - 1 metro e mexo da tera.

Ła ga groxe raixe bianche ke par tuberi e xe queste ke se dopara par far ła salsa de cren. Łe raixe crue no łe sa da gnente, ma quando ke łe vien tajà o gratà, i ensimi dełe cełułe i spaca ła sinigrina (un glicosinołato) faxendo vegner fora un allylisotiocianato ke xe queło ke fa sbrusar i oci e el naso. Na volta gratà, el cren ocore smisiarlo subito co l'axedo, se no el diventa scuro e amaro.
El cren el ga vitamina C, B1, B2, B6, fero, calcio, fosforo, potasio e magnesio.
Ł' ensima perosidasi del cren vien doparà un saco 'nteła biołogia mołecołar e 'nteła dignostega de łaboratorio par evidensiar i anticorpi.
I Giaponesi i grata ła raixa de naltra pianta, ła Wasabia japonica dełe Cruciferae, par far na salsa ke ghe someja al cren e ke se dopara in specie par magnar el pese crudo, el sushi. Sto cren giaponese el se ciama wasabi e el xe pi forte ancora del cren nostran e el ga un cołor verde ciaro.

El cren vien doparà da senpre 'nteła cuxina dei Ebrei, in queła dei Todeschi e de l'Est Europa. El xe anca un magnar tipico dełe Venezie. Ła salsa clasica veneta xe queła de smisiar el cren gratà col'axedo de vin bianco (calkedun ghe mete anca un poco de sucaro e sałe). Altri ghe mete anca buro o crema de łate.
Ła so morte ła xe coła carne bojà o col pese fumegà. Bon anca el cren coł speck.




#Article 428: Sunny Day Service (165 words)


Sunny Day Serviceサニーデイ・サービス el xe un grupo musicale giaponese formà da tre musicisti. El so genere de musica se ciama J-pop e sto grupo se gà formà in tel 1992.

el grupo se gà formà in tel 1992, in prinsipio da Keiichi, Takashi e altra xente. Co sta formasiòn i gà publicà Cosmo-Sports e Super Disco. In tel 1994 i gà fato Hoshizora no doraibu e Cosmic Hippie. In tel 1995, i gà mandà fora el so primo singolo Gokigenikaga? e fato el so debuto co na casa discografica.
Maruyama Harushige el se gà xontà al grupo pì vanti. El grupo gà publicà dopo i album Wakamonotachi Tokyo Ai-to-warai-no-yoru e Sunny Day Service. In tel 1999, i gà sonà in tour co i The Trash Can Sinatras. 
El grupo se gà desfà in tel 2000, ma Keiichi el sona ancora come solista.
Dopo che i se gà separà xe vegnu fora do dischi de le so mejo canson Best Sky（2001）e BEST FLOWER -B SIDE COLLECTION-（2001).




#Article 429: Pravisdomini (139 words)


 
Pravisdomini (Pravisdomini en furlàn) el xe on comune de 3463 abitanti de ła provincia de Pordenon.

Pravisdomi el xe un comun de la provincia de Pordenon alquanto picenin e se trova tra Cions e il confin col Veneto.
El xe diviso in 4 frazsion, il capoluogo Pravisdomini e Panigai, Frattina e Barco.
El fiume prizipal se ciama Sile, da non confonderse col Sile pasante par Trevixo.

I primi insediamenti de contadini i xe verso 'l finir del Neolitico (1250 a.C.) dove che incuò se trova Panigai.
Soto dominio romano el terèn l'erà centurizà e i lo abitava soldai in congedo.
Inte el Medioevo i tereni i gera de poseso de un Vicedomine, vassallo del Patriarca de Aquilea che governava le tere par conto soo.
Defati, el nome derivelo da Pratum Vice Domine , andove Pratum el vol dir pianura.




#Article 430: Opean (100 words)


 
Opean el xe un comune de 8620 abitanti 'nte ła provincia de Verona.

Opean el se cata a 22 chilometri da Verona. Rispeto a Verona l'è in posixion sud-est. In 'tel teritorio comunałe i se svilupa tri çentri magiori, Opean capoluogo (est), Cà dei Opi (nel mexo) e Valese (a ovest), ghe anca fraxion de Maxantica e ale località de Vilafontana (parchè Vilafontana l'è a metà con Bovołon e Isola de ła Scała) e Bagnolo (sud-ovest).
El paese l'è traversò da du fiumi, el Bussè e el Piganzo che i se buta in 'tel Tartaro.

Opean el xe xemełà co:




#Article 431: Pałù (VR) (137 words)


 
Pałù el xe on comune de 1119 abitanti 'nte ła provincia de Verona.

Pałù ła se cata a 19 chilometri da Verona.

In corispondensa deła nasita deła Verona comunałe, a se ga notisia par ła prima volta deła xona de Pałù. El comune intorno al 1100 el ga ciapà poseso de na vasta xona da bonificar, dita Palus Comunis Veronae o Palus Basseti. El primo laoro de bonifica el xe durà 5 anni, dal 1194, canałisando łe aque del Busè e del Fosso Storto fin a ł'Adexe, e finìi 'ntel 1199. Ła xona ła xe sta bonificà e ła xe diventà fin da ałora na inportante area coltivabiłe. Ła xe sta on'area inportante par ło sviłupo demografego de Verona capołogo: na xona produtiva co on ligame direto con ła sità, aprovigionandoła con prodoti ałimentari a baso preso.




#Article 432: Comunità Vałensiana (137 words)


 

Ła Comunità Vałensiana o Paéxe Vałensian (vałensian Comunitat Valenciana o  País Valencià), ła xe na comunità autonoma de ła Spagna orientałe. Benché łe frontiere no łe sie propio łe stese, ła xe storicamente conosua cofà Renio de Vałensia (Regne de València) o Paexe Vałensian (País Valencià).

El goerno de ła Comunità Vałensiana el se ciama Generalitat Valenciana opure La Generalitat. El sò Presidente, el rapresenta el Re de Spagna inte ła Comunità Vałensiana.

Ła confina co łe comunità de Murcia a sud-ovest, co la Castiłia-La Mancha a ovest, l'Aragona a nord e co ła Catałogna a nord-est. Łe coste orientałi łe xe bagnae dal Mar Mediteràneo.

Łe łéngoe uficiałi łe xe el vałensian e el spagnoło o castiłian.

Łe sità prinsipałi o de intarese łe xe: 

Ła Comunità Vałensiana ła tołe drento łe provinse de: 

Fiumi prinsipałi: 




#Article 433: Feltre (231 words)


Feltre al è 'n comun de 19 400 abitanti de la provincia de Bełun e al è al pi grant centro abità dopo de 'l capoluogo. La è in te la Valbełuna, a sera de 'l Piave e a i piei de le Dolomiti e, in particolar, de le Vete.
 

Feltre la è tra le cità decorade a 'l Valor Militar par la Guera de Liberasion parchè la è stata insignida de la Medaja de Argento a 'l Valor Militar par i sacrifici de la popolasion e par la so atività 'nte la guera de i partigiani durante la seconda guera mondial.

Feltre la è stata un de i posti tocadi da i fati umani e storici che ghe n'è stat tra 'l XI secolo e 'l XIIIsecolo e da le tante proprietà che à avest par protagonisti i vari conponenti de la fameja de i Ezzelini.

Feltre la à serte persone inportanti pì che sia de 'l periodo de 'l quatro-sinquesento:

La cità la è gemelada co 

Al 26 majo 2000 la 12^ tapa de 'l Giro d'Italia 2000 la se à fenì a Feltre co la vincita de Enrico Cassani.
Al 25 majo 2011 la 17^ tapa de 'l Giro d'Italia l'é partì da Faltre

Ansù, Arson, Canal, Cart, Selarda, Cross, Fara, Foen, Grum, Lamen, Lasen, Mugnei, Nemejo, Pont, Pren, Sansan, Ton, Umin, Velai, Vignui, Vilabruna, Vilaga, Vilapajera, Đermen




#Article 434: Carbonera (116 words)


 
Carbonera el xe on comune de 10741 abitanti 'nte ła provincia de Treviso. El se cata a sirca 5 km da Treviso. Carbonera el xe el primo comun a nord-est de Trevixo.

Łe prime date storeghe de Carbonera łe conpare subito dopo el miłe. Intel 1115 i frati
cluniacensi i ga avudo in dono el monastièr de San Giacomo Apostoło.
Inte na pergamena scrita el 21 de marso 1121 on serto Oderico da Carbonera el xe sotoscrito quałe testimone a na donasion de tereni fatta da Gisla da Casiero ała cexa de Santa Fosca de Trevixo. Ła cexa de Carbonera ła faxeva parte deła mensa vescoviłe, perciò el vescovo el gaveva donà alcuni fondi ai canoneghi.




#Article 435: Fiume Vèneto (300 words)


Fiume Vèneto (Vile di Flum en furlàn) el xe on comune de 11 494 abitanti 'nte ła provincia de Pordenon.

El xe el 10° comun piasè popołoso de la provincia con un taso del 10% 'nti ultimi diese anni 
e 'l dista gnanca 10 km dal capoluogo.

La storia de Fiume no la è molto longa, causa la marginałità del picenin inglomerà urban.
I primi centri i xe stai piceni vilagi de l'età del Bronzso, anca se a Bania i ga fat rilevamenti de resti de un vilagio pi vecio.
In epoca romana gera una villa (azienda agricoła co casa paronal) dove incuò ghe stà la frazsion Tavella.
La storia medievàl de Fiume la ga poca rilevansa, ma el soo terèn el xe cità nel diploma de Ottone III, otenendo la denominazsion de comun.
Inte'a Località de Tavella se cata la prima ciesa del comun, risalente al X sec.
Le varie frazsion le gera divise soto diversi paroni finquando 'rivò La Serenissima (1409) 
che la unì tutti i paes soto Fiume come capoluogo. Da qui le nase le rivałità fra Fiumani, che i parla in vèneto, e Banioti, in furlan, (così i fiumani i ciama con disprezzo quei de Bania),
anca se incuò, vol l'imigrazsion o vol che i tosati i va tuti a scoła insenbrai, la tende a sconparir.

Anca grazsia al dominio veneto in sta tera se tacò a ciacolàr in vèneto, anca se 'l lesico el se preso dal furlan.
Dopo la caduta de Venexia il comun (come del resto anca tuto il Friul) pasò prima soto Napoleòn, poi soto i Austriaci grazsie a Campoformido.
El Paès de Fiume entra inte el Regno d'Italia nel 1866 e ghe se taca al nome la paroła Veneto, par no confondarlo co la pi famosa zità de Fiume d'Istria (Rijeka).




#Article 436: Nogara (188 words)


 
Nogara el xe on comune de 8154 abitanti 'nte ła provincia de Verona.

El nom 'l vien da 'n'ostaria (ostaria a la nogara, val a dir che ghe gera na grossa nogara per far ombrìa) che ghe g'era (e che ghe gè anca ades, anca se la se ciama albergo alla nogara ma senza pù l'alber de nogara) sul stradon che va da Mantova a Legnago (ades strada regional 11 e prima strada statal 11) e che po' la va avanti sin a Montagnana, Este, Monselice. Vizin ala vecia ostaria, su na piazeta ghe sè na fontana 'do che da sempre la xent de pasagio e anca le bestie i podeva bever e i paesani idis che la sè 'n acqua spezial che la vien da lontan e l'è tant bona e quasi miracolosa. Tanti del paes i se la porta a casa.
Ani 'ndrio ghe gera 'n posto de difesa vers 'l mantoan anca per ciapar le gabele su chi pasava 'l ponte sul Tartaro, che l'era 'l confin o vizin al confin.
En par de chilometri pu 'n là ghe se 'l castel mantoan de Vilimpenta.




#Article 437: Provincia de Prato (101 words)


	
Ła Provincia de Prato ła xe na provincia de ła Toscana de quasi 240 000 abitanti. 

Ła confina a nord co ł'Emilia-Romagna (provincia de Bołogna), a est e a sud con ła provincia de Firense e a ovest con ła provincia de Pistoja.

Ła sità de Prato, nonostante el so grande sviłupo demografego e economico, no ła ga mai conosesto autonomia aministrativa a ł'interno del Granducato de Toscana. I pratexi i ga scuminsià a rivendicare ł'autonomia aministrativa 'ntel 1919 e 'ntel 1925 a xe sta istituio el sircondario, comprendente i comuni de Prato, Calensan, Cantagało, Montemurlo, Tisana (inquó Quarata) e Vernio.




#Article 438: Topinanbur (252 words)


El topinanbur (nome sientifico Helianthus tuberosus) el xe na pianta deła fameja dełe Asteraceae (anca dite Compositae). I pecol i riva a esare alti anca 3 metri, i fiori i xe załi e i vien fora in setenbre. El topinanbur (Topinambur in todesco, Jerusalem artichoke in inglese e topinambur in taljàn) el crese selvadego specie drio ai fosi. Ła pianta ła vien da l'America e ła xe sta portà in Europa 'ntel 1610.

Łe raixe, grose, łe se tira su d'inverno parchè łe xe bone da magnar (łe sa da patata e articioco insieme) e łe vien cuxinà in tecia, de sołito. In Germania ghin fa anca na graspa: el Rossler.

Łe raixe de topinanbur łe xe un magnar sano e ipocałorico parchè el sucaro ke'ł ga drento (15%) el xe inułina, un ołigofrutoso ke non vien asorbìo dał'intestin e ke no l'alsa ła glicemia, anca se'l xe dolcificante. Cusì el va ben par i diabetici. Ł'inułina, ke vien considerà na fibra vegetal, ła stimoła anca el sviłupo dei Bifidobateri e Latobaciłi 'ntel intestin (na roba bona parchè questi i serve par ła digestion) e ła fa in modo ke no se inpianta bateri patogeni, ke porta małatie. 

Par sta rason, ł'industria ałimentare ghe xonta inułina in çerti yogurt, łati o formaj. Sempre co sto sucaro, o mejo, ołigosacaride, pare ke se sbasa el cołesteroło e i trigliceridi 'ntel sangue e inveçe ke vegna asorbìo pi calcio dała dieta.
Łe raixe łe contien anca fero, calcio, sodio, vitamina A e vitamina C.




#Article 439: Sipro (506 words)


  Juto:Stato --
Sipro o Cipro (Κύπρος, Kypros en grego; Kıbrıs en turco) el xe un stato de l'Axia osidental.
El ocupa l'omonema ìxoła del Mar Mediteraneo orientałe. Ła xe situà 70 km a sud de ła Turchia, 100 km a ovest da łe coste del Medio Oriente, e 500 km a nord dal'Egito.

Ła partegnénsa de Sipro a l'Axia o a l'Europa la xe na roba controversa: de fati se dal ponto de vista giogràfego la par partegnir al contegnente asiàtego, dal ponto de vista storego-cultural, Sipro se pol considararla un Stato europeo. 

L'ìxoła de Sipro ła ga na superficie conplesiva de 9 250 km².

El relievo del'ìxoła el xe conposto da do caene montagnose: queła del Kyrenia, che ła sponta inte el nord de ła penìxoła de Karpas, e quela de Troodos, inte el sud-ovest de l'isola, onde che sponta el monte Ołinpo (1 953 m), la cima pì alta de l'isola.
Łe do caene montagnose łe xe divise da ła fertile piana sentral de Messaria

I ùgnołi fiumi che i ga un rezime de portada regolar i xe el Yialias el Peidos, tuti do longhi cerca 100 km.

El desvełupo de ła costa el xe de 648 chiłòmetri.

El clima de l'isola el xe de tipo mediteraneo, co istà calde e sute e inverni morestai. Anualmente su l'isola casca 500 mm de piova prevalentamente durante l'inverno. Spesso su Sipro ghe tira venti caldi.
Le zone dell'introtera cipriota le sofre in istà un gran seco, che el favorisse el desvełupo de qualche incendio intra le vexetasion selvàdeghe. In inverno su łe piche dei Troodos ghe casca neve co tenperadure senpre comunque sora i 2 °C.
El clima caldo el ga modełà el paesagio faxendoło deventar l'habitat ideal par àlbori come l'olivaro.

Dal 1489 al 1571 ła ga fato parta de ła Republica de Venesia.

Ła Republica de Sipro ła aministra sirca i dó tersi de el teritorio rivendicà.
De el restante teritorio 3 355 km², 'nte ła zona setentrionałe de l'ixoła, łi xe ocupai da ła Repùblica Turca de Sipro Nord (TRNC), che ła xe stà proclamà dopo l'asion miłidar par stabiłir ła paxe 'ntel 1974.
El 5% el fa parte de łe baxe britàneghe de Akrotiri e Dhekelia.

Ła Republica de Sipro dal'1° de majo 2004 ła fa parte del'Union Eoropea, de ła cual ła costituise l'avanposto più meridional inte el Mediteraneo.

El grego el xe parlà soratuto inte el sud de l'isola, invese el turco inte el nord.
Storegamente, comunque, el grego inte la so variante cipriota el gera parlà da cerca l'82% de la popolasion e el gera anpiamente distribuio inte l'isola intiera; la divixion la risal a l'intervento militar turco de Sipro del 1974, daspò el qual i grego-ciprioti del nord i xe stai espulsi verso el sud.

In sevito al dominio britànego, anca l'inglese el xe anpiamente doparà.

Xe in doparamento un dialeto arabo de tipo siro-palestinese in via de estinzion parlà da la comunità maronia de Kormakiti, orizenà da un stanziamento de cristiani maronii libanesi inte el XII secolo.




#Article 440: U2 (6429 words)


I U2 i xe on grupo rock irlandese, formà a Dublin inte el 1976. I xe tra i artisti de major suceso 'nte ła storia de ła musega, sin da ła metà de i ani otanta. I gà venduo pì de 170 miłioni de dischi, e i xe anca i musiçisti rock col major numaro de vitorie ai Gramy Awards, co 22 premi rixevui. Fin da i exordi, i U2 i se ga ocupà de ła cuèstion irlandese e de'l rispeto pa' i diriti çiviłi, inprontando su sta ciave anca ła so atività artistega.

 

Inte el otobre de'l 1976 Larry Mulen Jr. el taca via so ła bacheca de ła Mount Tempe School, na scoła de Dublin, un mesajo par catare fioi co cui formar na band. Ghe risponde Adam Clayton (famoso ne ła scoła pa'l so atexamènto scanzonato e pa'l suceso co łe fiołe), David (The Edge) Evans, so fradeo Dick Evans e un fiol ribel e introverso dal nome de Paul David Hewson (soranominà Bono Vox, dal nome de na botega de apareci acustici). El grupo el gà ciapa cussì el nome de Feedback.

Dopo cuasi n'ano pasà a provar ne ła cuxina de ła casa de Larry, inte el 1977 i Feedback i fa ła prima aparision dal vivo proprio a ła Mount Tempe School, prexentando on fià de cover (Show Me The Way de Peter Frampton, Jumping Jack Flash de i Rolling Stones e Suffragette City de David Bowie). Dopo un fià, el grupo el deçide de canbiar el nome in The Hype, ma da ła formasion va fora Dick Evans (che el gà crea insieme ad altri i Virgin Prunes): nase cussì ła formasion definitiva.

Inte el marso del 1978, el grupo el gà ciapa el nome U2. El nome par che sia stà sugerio dal cantante de i The Radiators, Steve Averill, ispirà al celebre aereo spia, ma che podea anca esar inteso col significato, sia de you too (anca ti), che de you two (vialtri do). Ła legenda ła dise che, indecisi se mantegner el vecio nome o dopàrar el novo, el grupo el gabia dełegà ła selta al publico de un concerto pa alzata de man, e che i gabia preferio el novo. Ła band ła partesipa cussì a un concorso a Limerick, vinzendo la posibiłità de poder registrar un demo co ła casa discografica CBS. A sto punto, durante un concerto al Project Arts Centre de Dublin, xe avegnù un incontro fondamentałe pa' ła band; prexentà dal xornałista de Hot Press Bill Graham, i U2 i conose Paul McGuinness, el cuàłe el deenta el manager del grupo, posizion che el ricopre 'ncora deso.

Verso ła fin del 1978, quindi, i U2 i registra el primo demo ai studi Keystone de Harcourt Street, contenente Street Mission, Shadows And Tall Trees e The Fool. El disco ł'inpresiona favorevolmente i responsabiłi de ła CBS, che i decide de publicar in 1000 copie numerae a man el primo singolo dei U2, un EP, dal titolo U2 Three. El disco contien tri brani: Out of Control, Boy-Girl e Stories for Boys, registrai nel disenbre del stesso anno. Le copie le vien esaurie in póche ore. I U2 i scuminsia a esar na realtà, almanco a Dublin.

Ne l'otobre del steso ano i U2 i fa anca el proprio esordio in televixion sul canal RTE sonando ben 9 brani.

El 1979 el xe anca ł'ano de ła prima tournée nei locałi de Londra. L'anno che vien i U2 i taca na tournée de sirca un mese in Irlanda e al steso tenpo i publica a febraro un novo singoło dal titoło Another Day. Paul McGuinness el riese a verghe un contrato co la Island Records (la casa discografica de Bob Marley) par 100 000 sterline, co łe quałi el gruppo el pol publicar el so terzo singoło dal titoło 11 O'Clock Tick Tock e ripartir par un tour in Gran Bretagna come spała dei Fashion.

A sto ponto un novo incontro segna ła strada dei U2: queło col produtor Steve Lillywhite, che cołaborarà ai primi tri album del grupo. Con Lillywhite la band publica un novo singoło dal titoło A Day Without Me, canson scrita in onor de Ian Curtis, el cantante dei Joy Division, morto suicidà da poco.

La band publica el primo album, Boy, che el vien fora ne le boteghe el 20 de otobre. L'album el xe stà registrà durante l'istà nei Windmill Lane Studios de Dublin. Vien fora anca un novo singolo: I Will Follow.

I U2 i parte par el so primo tour europeo, che łi portarà a sonar in Olanda e Belgio. In seguito, su proposta del manager, el gruppo intraprende na tournee nei USA, sonando in città cofà New York e Washington.

El 1981 dei U2 el taca co na serie de concerti in Gran Bretagna, Svezia, Belgio, Olanda, Germania e Francia. Visto i boni resultadi de łe vendite, l'album el vien riłasià anca nei States, ma co na covertina diversa par evitar le acuse de ałusion a ła pedofiłia che el gavaria posùo simentar nel continente merican. Par suportar l'album nei USA i U2 i taca na nova tournée, dove i quatro irlandesi i otien dei boni resultadi. Ormai i U2 i xe pi famosi nei States che in Europa.

A giugno ła band publica cussì un novo singoło, Fire, registrà in un studio a łe Bahamas durante el tour merican. A fine istà el grupo el torna quindi in Europa par registrar el so secondo album e el se esibise cofà spała dei Thin Lizzy al festival del Slane Caste. A otobre el secondo laoro dei fioi el xe pronto e, preceduo de calche giorno da un novo tour in Inghiltera, Olanda e Germania, el vien fora el 12 col titolo de October. El rivarà a l'undisesima posision ne lłe clasifiche UK. La prima trasa estrata da ł'album sarà Gloria.

La band, quindi, riparte par un tour a ła volta dei USA. Ne ła seconda leg i quatro fioi irlandesi i fa na inportante conosenza: a New Oreans difati i cata Anton Corbijn, el quało el deventarà el curator storico de ł'imazene de ła band (covertine, video, ecc.)

A marso vien publicà un novo singoło inedito, dal titoło A Celebration. El grupo torna quindi in Europa par na serie de concerti durante l'istà, che portarà i U2 a far da spała ai Police.

El 21 de agosto Bono se sposa co Alison Stewart. A fine ano, durante naltra serie de concerti in giro par l'Europa, vien presentà alcuni brani novi: tra sti qua ghe xe ła çełeberima Sunday Bloody Sunday, Surrender e New Year's Day, che i antiçipa l'usìda del terso album.

A xenaro del 1983 vien fora el singolo New Year's Day, che antisipa de calche mese ł'usìda del terzo album War. Sto qua el vien fora ne łe boteghe el 28 de febraro; segue póco dopo lła seconda trasa trata da ł'album, Two Hearts Beat As One ed i concerti promosionałi. Durante la data de Denver (a Red Rocks) in un sugestivo anfiteatro vien registrà el video Under a Blood Red Sky. Dopo in istà la band torna in Europa e The Edge se sposa co Aislinn O'Sullivan. Infine i U2 i se esibise in Giapon, e i publica el mini EP trato dal video.

El 1984 el se verxe con un novo incontro che canbiarà la storia dei U2. El xe queo coi produtori Brian Eno e Daniel Lanois, coi quali i U2 i se mete a laorar al Slane Caste par la registrazion de un novo album. Al termine del laoro, la band la efetua na serie de concerti in Nova Zelanda e Australia. A la fine de sto tour vien publicà el primo singolo che antisiparà el novo disco: Pride. El brano el riese a rivar al terzo posto ne le chart inglesi. El 1° de otobre vien fora ne le boteghe The Unforgettabe Fire, che el se piaza diretamente al primo posto ne le clasifiche de vendita. Ormai i U2 i xe la rock band pi prometente del mondo. Co vien fora l'album i parte 'ncora na olta par un novo tour, durante el quale Bono e Adam i cata el tenpo de registrar insieme co altri artisti el singolo Do They Know It's Christmas par el projeto Band Aid a favor dei pitochi de l'Etiopia.

Ai primi de febraro 1985 i U2 i se esibise par la prima olta in Italia par tri date: una a Milan e do al Teatro Tenda de Bologna.

Nel stesso periodo vien anca publicà, in formato VHS, Unforgettable Collection, indove xe presenti i video tratti da ł'album e alcune riprese fate durante la registrazion al Slane Caste.

La band, finio el tour in Europa, la riparte par na seconda olta par i Stati Uniti, publicando anca el mini LP Wide Awake in America, che el contien 2 brani dal vivo e 2 inediti. Intanto vien fora anca el singoło The Unforgettabe Fire.

La consacrazion definitiva del grupo la riva el 13 de lujo: la band quel xòrno partesipa al Live Aid, concerto che rancura tuti i pi grandi artisti mondiali su 2 palchi a Londra e Filadelfia. I schei catà su i ghe va anca in sto caso al projeto umanitario Band Aid. Durante la so esibizion, i U2 i sona Bad e Sunday Bloody Sunday, co Bono che prolunga el primo brano par ben 15 minuti (tanto che ghe toca rinunciar a sonar Pride) e el se buta pi olte fra el publico.

Entro la fine de l'anno Bono el partecipa a n'altra inisiativa umanitaria, Sun City; se trata de un album con vari artisti ciamai da Litte Steven, chitarista de la celeberima E Street Band, par svejar le cosiense del mondo ne la lota contro l'apartheid in Sudafrica. Bono el scrive par l'ocasion el brano Silver And Gold.

El 17 de majo 1986 i U2 i partesipa al Self Aid, un concerto che se tien a Dublin in solidarietà dei fioi irlandesi sensa laoro. I partecipa anca a giugno insieme co altri artisti (tra i quali Sting, Lou Reed, Peter Gabriel) al Conspiracy Of Hope Tour, fato da sié date nei USA a sostegno de Amnesty International.

El 3 de lujo capita un avenimento tragico che l'influenzarà profondamente el quarteto: in un incidente de moto a Dublin more Greg Carroll, el roadie de Bono. Sto toso jera ormai entrà in forte sintonia con tuta la band, che la decide de dedicarghe el futuro album, oltre a un brano de tale opera. I quatro, difati, i ga ormai pronto el so novo laoro e i se sera a agosto in studio insieme a Brian Eno e Daniel Lanois. Intanto, Bono el conpie na visita in Nicaragua e in El Salvador (l'influensa de sta visita lo portarà a scrivar Mother Of Disappeared), mentre Edge el scrive ea colona sonora del film Captive e Larry el sona nel brano Heroine de Sinead O'Connor.

El 9 de marso 1987 vien fora finalmente el novo disco: The Joshua Tree. L'album, la so opara forse pi çełebre, el porta i quatro irlandesi in sima a le clasifiche de tuto el mondo. A la fine sarà vendue pi de 15 milioni de copie. El xe el disco che tuti, critici e fans, i considera come ła sima de na cresita interior e musical. L'album el va diretamente al primo posto anca ne la clasifica italiana. Vien publicà come singolo el brano With Or Without You.

Senpre a marso la band la registra el video par el novo singolo, Where The Streets Have No Name, a Los Angeles. Par l'ocasion la band la se esibise su un cuerto su la 7th Avenue, ma la polizia la ferma le riprese par l'ecesivo afolamento simentà in strada. El tuto vien imortalà in un videoclip che pasarà a la storia.

La band la xe pronta a portar el novo album in giro. El tour (Joshua Tree Tour) el parte da Temple in Arizona e el portarà i U2 in tuto el mondo par ben 110 concerti.

La vertaùra del tour europeo xe a Roma, dove i U2 i sona el 27 de majo al Stadio Flaminio. In Italia i U2sona anca al Stadio Braia de Modena el 29 e 30 majo.

A lujo e agosto vien publicai rispetivamente i singołi I Still Haven't Found What I'm Looking For e Where The Streets Have No Name.

A setenbre, dopo na curta pausa, la band torna in tour nei USA e sta olta vien filmà tuti i concerti par un futuro projeto discografico. Tra ł'altro, a Indianapolis i U2 se presenta so'l palco in màscara, fasendo finta de esar un grupo spała de nome The Dalton Brothers, sonando cussì a l'insavùa dei fans alcuni brani.

L'11 de novenbre, inveze, i U2 inprovisa un concerto par le strade de San Francisco col titoło Save The Yuppies, e Bono col spray el strusia un monumento scrivendo la frase Rock  roll stops the traffic jam. Bono sarà sucesivamente condanà par sto ato.

Nel 1988 i U2 i taca a laorar insieme col regista Phil Joanou sul material girà ne ł'ultima parte del The Joshua Tree Tour par l'usìda de un film. In un deposito abandonà de Dublin vien registrai alcuni novi brani e alcune interviste che farà parte del film. El local el sarà sucessivamente conprà dai U2 e el ciaparà el nome de Point Depot.

A setenbre el laoro el xe finalmente finio, e la band la decide de publicar insieme al film anca un disco, antisipà dal singolo Desire. El novo album, dal titolo de Ratte and Hum, el xe ne le boteghe el 10 de otobre, mentre la prima del film la avien al cinema Savoy de Dublin el 27 del stesso mese. La proiezion la xe precedua da un breve concerto acustico de la band. El film el xe un viajo in bianco e nero de la band ne la cultura mericana 'traverso el proprio tour, con varie canzon nove e altri sucessi in version dal vivo. Nel stesso mese, vien fora anca un omajo a Woody Guthrie e Eadbelly dal titolo Folkway - A Vision Shared a cui i U2 i partecipa con Jesus Christ. A la fine de l'anno vien publicà el novo singolo Angel of Harlem.

Ad avril del 1989 vien fora n'altro singolo, When Love Comes to Town, seguio da All I Want is You, el cui video direto da Meiert Avis el vien girà su le spiaje romane de Ostia.

In Agosto, Adam el vien arestà al Blue Light Pub de Genculen con 19 grami de marijuana. Sucesivamente el vegnarà condanà al pagamento de 25 000 sterline de multa. El 12 de setenbre la band la torna in tour con el Lovetown Tour a cui partecipa anca el grande B.B. King. In sto periodo el gruppo el par soferente e in crisi, e taca a sircolar anca voci de un posibie siolimento. Se riva cussì a la vixilia de Capodano, dove i U2 i speta l'arivo del 1990 sonando al Point Depot in direta mondial.

Nei primi mesi del 1990 i menbri del grupo se dedica a inisiative personałi, Bono e The Edge parteçipa aea rapresentasion teatrae de Arancia Meccanica a Londra, Adam cołabora a ł'albun dei Nevile Brothers, Larry promove un albun country.

Ea band sul scominsio de ł'istà, se suna par registrare el novo album: vien scelta Berlino, ea cità dove se gà verto un novo mondo dopo che xe cascà el muro. Intanto, i U2 partesipa aea compilation Red, Hot  Blue, i cui proventi xe devoeui aea lota contro l'AIDS, co ea cover del brano de Frank Sinatra Night And Day, registrà pròpio a Berlin e co el videoclip direto da Wim Wenders.

Ai primi del 1991, durante ea registrasion del novo album, però, nea stansa de Bono, vien robài i demo registrài. Ciò naturalmente influise fiso so ła produsion, ła quała se trasferise par el mixagio ai Windmill Lane Studios de Dublin.

Durante łe łavorasion tanti xe stài i radeghi sbocià intra i fioi, co Bono e Edge da ‘na parte che vołe convertirse ai novi soni britanici, mentre da cheł'altra Adam e Larry vol seguìr ła vecia strada rock: 'ntel mexo se cata Eno, el quało co ła pròpia esperiensa riese a mitigare esperiense e difarense emerse.

El rexultado xe Achtung Baby, l'albun del rinovamento. I U2 co l'album ormai pronto va a lujo in Maroco co el somejàro Anton Corbijn par ea reałixasion del materiae grafego del disco. Anca l'imàxene ei U2 xe drìo canbiàr.

A setenbre vede ea luce el primo attesissimo singolo: The Fly. El video vien girà intra Dublin e Londra dal regista Ritchie Smith. El canbiamento xe forte, e un mucio de fans xe łeteralmente spiasà. Bono gà sbandonà el giet de pełe e se gà creà un pròpio personàxo ironico: Mr. The Fly, ea rockstar par eçelensa, ea figura che ea band gaveva tanto rifiutà nea prima parte de cariera.

El 18 novembre xe ea data de usìda de ł'albun. Vien publicada anca ‘na seconda trasa Mysterious Ways. Achtung Baby ga un otimo riscontro de critica e publico: Secondo ea critica, co Achtung Baby i U2 se ga savùi reinventar, sensa desmentegàr ea pròpia orìxene, co ironia ed un novo sound. E nove sonorità introdote se fonde perfetamente co el vechio stìłe U2 e co ea vena intimistica dee nove liriche de Bono.

A xenaro del 1992 ea band tàca a pareciàre a Dublin el novo tour. Ea senografia vien fidà ad Eno e Peter Williams e se avae de vari schermi xiganti e de alcune Trabant artisticamente dipinte da Katherine Owens.

El 29 febraro, a Lakeland in Florida, tàca el ZooTV Tour, concepìo in un primo momento par svòlzerse in spazi serài e ristreti. El show puza ea so base eenografega so i messaji multimediałi e su i siménti, indove capegia el bomò (slogan) Tuto queo che ti conosi xe sbałià. 'Ntel corso del tour, ad ogni sjerata, Bono teefona in direta a vari personazi pi o manco famosi del pianeta. El pi taca' xe el Presidente dei Stati Uniti par ea question Sarajevo. A marso, inaxonta, ese el singoło One, conpagnà da ben tre difarenti version del video, de cui uno, in particołar, girà a Berlin in cui i U2 xe vestìi da done.

A majo el tour sbarca in Europa, ed in Italia dove i U2 sona el 22-23 majo al Forum de Assago. I biłieti par e do date va esaurìi in poco pi de 4 ore.

A giugno vien publicà el singoło Even Better Than The Real Thing. Par l'ocasion ea band inprovisa un concerto nea vetrìna de ła botega de abiłiamento Zoo in Carnaby Street a Londra.

Ad agosto, i quatro va su‘na picoła sitadina dea Pennsylvania, Hershey, par e prove del novo tour, ‘na version da stadio del presedente ZooTV, denominà ZooTV outside broadcast. El tour tàca el 12 agosto nei USA a East Rutherford par terminare in California el 14 novembre ad Anaheim. Segue alcuni concerti in America Centrae.

A ł'inisio del 1993 Paul McGuinness conferma che i U2 xe drìo laorare in studio a Dublin ad alcuni brani par un'eventuae mini-Lp. L'8 majo, intanto, riparte el Zoo Tv Tour nei stadi de tuta Europa.

In Itałia ea band riva in luio par ben 8 concerti. E proprio mentre el grupo xe in Itałia, vien publicà el novo album, Zooropa, che a rovèrso de quanto dichiarà precedentemente xe un vero e pròpio album co 10 brani. Co ‘sto disco ea band se spenze ancora pi in ea in teritori inesplorà, oltre anca Achtung Baby. El tour procede intanto con ea presensa de un stranbo personazo che se agira verso el finae dei concerti so'l palco: Mister MacPhisto. Bono gà infati creà‘sto alter ego che durante i concerti incarna l'icona dea vecia rock star, fruàda dai ecesi del rock'n'roll.

Ad agosto ese el singoło Emon, mentre sempre a fin del mese el concerto a Dublin vien trasmeso in direta mondiae radiofonica. El mese seguente xe ea volta de Stay (Faraway So Close), che farà parte insieme a The Wanderer dea cołona sonora del novo film de Wim Wenders. El singoło - ‘na sorta de dopio singoło, in efeti - contien anca I've got you under my skin, vecia canzon scrita da Coe Porter par Frank Sinatra, in cui Bono dota con The Voice.

Dopo e fadighe de 2 ani de tour e 2 dischi, ea band decide de ciaparse un ano de riposo. Bono pubica comunque un doto co Gavin Friday che farà da cołona sonora par el film In the Name of the Father. Inazonta A marso vien publicada ea videocaseta del concerto registrà a novembre del 1993 a Sydney.

A luio de ł'ano seguente ese el singoło Hold Me, Thrill Me, Kiss Me, Kill Me che farà parte dea cołona sonora del film Batman Forever, inazonta ea band reałiza co Eno el progeto dal nome Passengers.

El 12 setenbre Bono, Edge ed Eno parteçipa al Pavarotti International presentando in anteprima ea nova Miss Sarajevo.

El 6 novembre, invese, ese l'album Passengers: Original Soundtracks 1, dove par Passengers se intende i U2 co Eno, Luciano Pavarotti ed Howie B. L'album xe un mucio influenzà dale idee de Eno, e ea band gà pi volte dichiarà che ghe gà trovà posto tante canzon che no sarìa mai comparse in un album dei U2.

Nel 1996 Larry ed Adam se mete in mostra par el rifacimento del tema del film de Brian De Palma co Tom Cruise, Mission Impossibe, mentre Bono continua a scrivare ea senezadura par el film The Million Dollar Hotel. El grupo taca a pensare al novo lavoro, par el quae decide de reméterse in Howie B, tentando ea via dea sperimentazion su ‘na strada ancora mai frontà daea band. El divorzio da Eno xe comunque qualcossa che sarà destinà ad influenzar fiso el sound dei U2.

L'11 febraro 1997, dopo mesi trascorsi in studio a Dublin, ese el novo singoło Discothxeque, mentre el video vien trasmeso in anteprima da MTV. Molti fan resta siocà da ‘sto lavoro dance dea band e dal look da Village Peope adotà dai 4 fioi nel video dea canzon.

Ea conferenza stampa de presentazion avien al K-Mart de New York in cui, oltre ad esibirse in alcuni brani, vien svełài i piani dei U2. El 3 marso ese in tuto el mondo el novo album Pop. Nel disco ea band gà ormai estremizà e sonorità chemical e dance de Howie B.

I U2 taca cussì a lavorare al tour promozionae, che parte da Las Vegas. El PopMart Tour xe mastodontico. El palco xe composto da uno schermo de 50 metri par 17, con 21 000 schede de circuiti, con un arco dorà alto 30 metri e un'ołiva inluminàda larga 4 metri inpałàda so' un stusega denti alto 30. Ghe jera anca 1000 rifetori, ‘na pedana da bało in pexiglas, un limon motorizà de 12 metri che se trasformava in ‘na paea de speci stìłe discoteca, otre a 100 luci stroboscopiche. El scopo xe queo de ironizare sul conceto del kitsch e del prodoto da supermarket, de carente quałità e da ł'utiłizo midiato. El risultato, no esendo a ł'altesa dee aspetative, costrenze ea band, ad intervegnir, riciapando in mano tanti brani contegnùi ne ł'album, smussandoghene e sonorità pi techno in altre pi consone al stìłe U2. 

El tour vede tra ł'altro do tape itałiane, ea prima el 18 setenbre a ł'aeroporto Roma Urbe e davanti a 70 000 persone. ‘sta data purtropo xe funestà da ł'inprovisa morte de un spetador a causa de un małor. Ea seconda do giorni dopo a Reggio Emilia. ‘sto concerto xe un evento mondiae: el grupo gà infati rancurà ben 150 000 spetatori paganti, record asołuto par ‘na band. Durante l'esibizion Bono ghe dedica ea serata al fan decedùo a Roma, intonando par l'ocasion MLK. El 23 setenbre, può, finalmente Bono corona un sogno rincorso nei ultimi 5 ani: el PopMart infati desbarca a Sarajevo e pur se soto el tiro dei cechini ci xe 80 000 spetadori.

Nei primi 3 mesi del 1998 se conclude el PopMart Tour co concerti in Mèrica del Sud ed Australia. A ‘sto ponto ea band decide de torse del tempo łibaro. Ma verso fine ano, vien publicà el primo The Best Of, che comprende i majori sucessi dal 1980 al 1990, ed a cui parteçipa novamente Eno e Lanois.

Conpagna l'insìda de ł'album el singoło The Sweetest Thing, el cui video vien girà par e strade de Dublin ed ałe cui riprese partesipa anca ea mojere de Bono, Ali, a cui ghe xe dedicà ea canzon. In efeti el toco xe ‘na b-side dei ani Otanta (par ea precision de Where the streets have no name), revedesta e coreta. Al steso tenpo, el grppo torna in studio par scomissiare i laori che portarà al novo album.

Nel 1999 Bono entra a far parte del movimento Jubiee 2000, che gà cofà scopo prinsipae dea propria atività queo de sensibiłizare i governi osidentałi a fin che i posa azerar i debiti dei Paesi del terzo mondo e dando cussì ea posibiłità a sti ultimi de poder creser economicamente. L'atenzion de Bono par el probema xe squasi maniacae, e porta el cantante a girare tuto el mondo ed a ventiłar co tanti Capi de Stà e de governo, oltre a no perderse gnanca ‘na riunion del Fondo Monetario Internazionae. Par ‘sta so atività Bono vien anca tolto in considerazion par l'asegnazion del Nobel par ea pase, e se trova ad incontrare el Papa al Vaticano: el 23 setenbre el cantante xe risevùo co ea so dełegazion da Giovanni Paolo II, a cui susura: «Ei xe un grande omo del spetacoło» e regała al Santo Padre un libro de poesie ed i so cełebri ociałi da sołe neri che el Pontefice no esita ad indosare. El Papa a so volta dona a Bono un crocifiso. Tuto ‘sto porta inevitabilmente a diłatar i tempi de reałizasion del novo albun, anca parché ea band xe impegnada nel completare ea cołona sonora de The Million Dollar Hotel, film scrito dal steso Bono e direto da Wim Wenders che sarìa insìo da lì a poco.

El 2000 se verze co ea band che xe drìo oramai fenìr i łavori che portarà a ł'usìda del novo disco. Intanto a xenaro Bono parteçipa aea prima del film The Million Dollar Hotel a Sarajevo. El 26 febraro Bono e The Edge se presenta a Sanremo e reałiza ‘na version acustega All I Want Is You e The Ground Beneath Her Feet, canzon el cui testo xe stà scrito da Salman Rushdie. Nel mese seguente, el grupo insieme a Mc Guinness, riseve a Dublin el storego premio Freedom Of The City davanti a 70 mila dublinesi.

El quarteto intanto prosegue nea preparazion del novo łavoro discografico e vien efetuàda a Parigi ea registrazion par el video del primo singoło Beautiful Day. El 30 otobre vedarà el ciaro l'album All That You Can't Eave Behind, el cui titoło riciapa un verso de Walk On. Prima de ‘sta data, però, ea band se esibise in vari brani dal vivo in un mucio de ocasion: a Top Of The Pops, so'l coerto del Clarence Hotel, al Manray de Parigi, nei studi dea BBC a Londra ed a Los Angeles. Altre aparizion seguirà dopo l'usìda del novo cd, come ai MTV European Music Awards de Stoccarda, a Rio de Janeiro. Se taca ormai a parlare de un novo tour mondiae, e ea band intanto se esibise a disembre in un miniconcerto all'Irving Plaza de New York.

A xenaro 2001 ese el novo singoło Stuck In A Moment..., mentre in direta web el quarteto anuncia l'inizio de un novo tour che partirà dai U.S.A. e che se desvolzarà in picołe arene. In febraro, inazonta, i U2 riseve 3 Grammy Awards par el novo album e publica el singoło Walk On soło che par el mercà canadese.

El 24 marso inizia l'Eevation Tour da Miami, tournexe che portarà ea band in giro par i USA co un suceso incredibiłe de publico. Bono riusirà anca a trovare el tempo de partesipar aea colonna sonora del film Moulin Rouge!. Vien in seguito publicà el singoło Eevation, mentre i U2 xonxe in Europa con el novo tour ed in Itałia par el concerto de Torin del 21 lujo davanti a setantamiła spetadori.

Ad agosto mor el pare de Bono, Bob Hewson, małà da longo tempo. Nea stesa sera, Bono decide de no scansełare el concerto previsto a Londra, dedicandoghe al pare el toco Kite. A ła fin del mese ea band se esibise in un apuntamento storico, el ritorno dopo 20 ani al Slane Caste. El sucesso de prevendite xe talmente grando che se decide de replicar el 1 setenbre, concludendo ea serie de concerti in Europa.

El 10 otobre, dopo alcuni dubi par i gravi fati nati l'11 setenbre a New York, i quatro irlandesi decide de riprender el tour da novo nei States. I U2 sarà ea prima band ad aver el coragio de tornare ad esibirse in USA dopo i atentati ałe Tori Zemełe. Sarà date inevitabilmente un mucio influenzàe da questi fati, come quełe sentitisime al Madison Square Garden de New York. Va 'vanti intanto ea promosion de ł'album co l'usìda del singoło Walk On e DVD Dal vivo From Boston.

A febraro 2002 ea band se esibise al Superbowl, mentre el mese sucesivo vinse 4 Grammy Awards a Los Angees. Intanto el tour riva al termine, infati el previsto ritorno in Europa vien inspiegabilmente revocà, Bono riciapa a pien regime ea propia atività a favor dei Paesi del Terzo Mondo, incontrando el Presidente George W. Bush aea Casa Bianca e andando in Africa col Segretario de Stàdo 'merican Paul O'Neil.

Fratanto el grupo irlandese gà fenìo e registrazion de un novo brano, The Hands That Built America, che sarà contegnùo 'ntel disco che vien nea cołona sonora del film Gangs of New York de Martin Scorsese. A novembre xe ormai pronto el The Best Of 1990/2000 che vien precedùo dal singe Eectrical Storm, el cui video vien girà so ła spiagia de Nice davanti aea casa de Bono.

El 2003 se verze co The Hands That Built America che vinse i Golden Globe Awards, ma fałise l'asalto all'Oscar, vinto da un brano de Eminem. I U2, inazonta, partesipa al disco We're Are A Happy Family in tributo ai Ramones, co el toco Beat On The Brat.

A majo par ea seconda volta Bono partesipa al Pavarotti  Friends, fasendo One, Miserere co Zucchero e ‘na tocante Ave Maria. A fine ano un regało speta i fans nei negozi, l'usìda del DVD U2 Go Home, Dal vivo In Slane Caste 2001 che imortała ‘na dee performance dal vivo pi bełe dea band. Intanto el grupo xe al lavoro a Dublin par l'insìda del novo disco prevista nel 2004.

Nei primi mesi del 2004 Bono continua i propi viagi atraverso el mondo par sostegnìr ea propria campagna a favor dei Paesi africani, mentre a marso ese ea publicazion del libro par bambini Peter  The Wolf curàda proprio dal steso Bono co ł'amigo de senpre Gavin Friday.

In istà xe conpletà el novo album. Vien anca girà in Spagna el videoclip de queo che sarà el primo estrato. El singoło, dal titoło Vertigo, che vien presentà el 24 setenbre durante ‘na registrazion par ea trasmision Top Of The Pops.

Al singoło seguirà ł'album, par ea precision el 22 novembre, dal titoło How To Dismante An Atomic Bomb, ma za da pi de un mese l'album vien reso reperibiłe in version definitiva atraverso i canałi de internet. ‘sto fato però no frena el sucesso de vendite e con ‘sta opara i U2 se conferma intra i gruppi rock pi amà.

El steso xorno de insìda de ł'album, ea band se trova a New York e pasa ea xornàda so un camion par e strade dea metropołi esibendose ed incontrando i fans, fin a zonzer al tardo pomerigio soto el ponte de Brooklyn par un miniconcerto in cui vegnarà presentà al publico el novo cd.

El 2005 scomisia co l’anuncio dee date del novo Vertigo Tour, che partirà dai States par po' trasferirse in Europa. Intanto a febraro ea band se azudega ben 3 premi Grammy par ea soła Vertigo, ł'unico brano candidabiłe de How To Dismante An Atomic Bomb (l'album jera infati insìo dopo i termini stabiłìi par ea candidatura), nełe categorie Best Rock Performance By A Duo Or Group With Vocal, Best Rock Song (Songwriters Award) e Best Short Form Music Video.

El grupo irlandese però riçeve un altro prestigioso riconosimento: el 14 marso vien infati introdoto nea Rock  Roll Hall of Fame, l'onor dea presentazion spetarà a Bruce Springsteen, el quało tra ł’altro ghe rendarà el piaser a Bono, che a so volta gaveva introdoto ani prima propio el Boss. Par l’ocasion ea band se esibise in 4 brani, tra cui I Still Haven’t Found What I’m Looking For propio co el Boss.

Ea prima data del tour xe el 28 marso in quel de Miami. Un tour che farà segnare un record de presenze e de vendite dei tałiandi, polverizài nel giro de poche ore. In Europa i U2 riva el 10 giugno co l’esordio a Bruxeles. 

Dopo vari concerti xe ea volta dell’Italia, co tre indesmentegabiłi serade: el 20 e 21 lugio a lo Stadio San Siro de Milano e do giorni dopo a ł ’Ołimpico de Roma. Durante ‘sta parte del tour, ea band parteçipa el 2 lujo al Dal vivo8 esibendose in 3 brani a ł’Hyde Park de Londra. A Bono e compagni speta addiritura ł’onor de verzer ‘sto mega evento esibendose co Paul McCartney in Sgt. Peppers Lonely Hearts Club Band. Ea segonda parte dea tourne se concludarà ad agosto, e nel steso mese in cui Bono reałiza ea canzon Don`t Come Knocking assieme ad Andrea Corr par ea cołona sonora del prosimo film de Wenders. ‘na tersa eg del tour se concludarà a Portland. ‘sto 2005 gà quindi visto ea band esibirse dal vivo par ben 110 volte. Intanto l’11 novenbre ese so'l mercà el dvd U2 Vertigo 05 Dal vivo From Chicago.

El 2006 se verze co ea consegna, avegnùa l’8 febraro Los Angees de ben 5 Grammy Awards dove Bono e soci vinse in tute e sinque categorie a cui partesipava, tra cui miior album de ł'ano, mejo rock album e mejo canson de ł'ano co ea struzente e poetica Sometimes you can't make it on your own, premi che va a somarse co i 3 de ł'ano precedente de Vertigo. Ad anco ea band połe vantare ben 22 Grammy in cariera!

Ea band se esibise par l’ocasion in do brani dal vivo: Vertigo e One, quest'ultimo in ‘na vibrante version cantà da Bono in doto con Mary J. Blige. Tałe version, publicà po' cofà singoło daea Blige stesa, restarà al top dee clasifeghe 'mericane ed eoropee par tanti mesi, segnando anca numarosi novi record infra e canzon pi scaricate (descargà) dal web.

Riparte po' el Vertigo Tour, che torna intra el rescaldo xenerałe in Mèrica del Sud, dove ea band no se esibiva da quasi 10 ani. Al momento però de spostarse in Austrałia e Giapon, el tour vien sospeso par problemi personałi e privai dea band. In ‘sta pausa, Bono profita a majo par conpìr un novo viagio in Africa par controłar i progresi fati in favor de questi popołi.

Al ritorno da ‘sto viazo, ea band dichiara de aver tacà i laori so'l materiae par un novo album in usìda 'ntel 2007 e vien infinamente anuncià e date del Vertigo Tour in Australia, Nova Zelanda, Giappone ed Hawaii che xe sta sospese ad inizio ano e che se svolzarà nel periodo tra novembre e disembre.

A setenbre ese invese el dvd U2 ZooTv Dal vivo From Sydney rimasterizazion de ł'omonema VHS publicada 'ntel 1994, mentre nel steso mese vien publicada ea biografia uficiae e completa U2 by U2 scrita in parte dai stesi U2.

Nel fratenpo i łavori so'l novo materiae prosegue e ea band se sposta a Londra nele prime setimane de setenbre dove se sera nei mitici Abbey Studios co produtore Rick Rubin e fa ‘na cołaborasion co i Green Day par l'incision de The Saints Are Coming, un vecio sucesso del 1978 dei The Saints, i cui recavadi vien devoeui in beneficensa e che vede e do band esibirse dal vivo el 25 setenbre a New Oreans. El brano, oltra ad sortìr cofà singoło, fa parte anca de U218 Singes, el greatest hits publicà a novenbre.

L'album contien 18 canson, 16 intra e pi conosùe dea Band, pi do inediti de cui xe proprio The Saints Are Coming e l'altro Window In The Skies. Nea version deluxe l'album contien anca un DVD Dal vivo co 10 canson trate dal concerto del 21 lujo 2005 a Miłan del Vertigo Tour. Aea fin del 2006, inazonta, vien riciapàda ea fase conclusiva del Vertigo Tour precedentemente sospeso, recuperando e date in Austrałia, Nova Zełanda, Giapon e che porta ea band a ł'apuntamento finae co el concerto ad Honolulu el 9 disembre.

A ł'inisio del 2007 Bono vien nominà daea rexìna Elisabetta cavalier in vertù dei meriti in campo musicae nonché del so impegno a favor dee cause umanitarie. Tutavia el cantante irlandese no podarà fregiarse del titoło de Sir, in quanto ‘sto utlimo xe riservà soło ai sitadini inglesi.

El 19 Majo, ea band al completo presenta a Cannes durante el Festival ea prima mondiae del novo film U2-3D, ripreso durante e tape sudamericane del Vertigo Tour, che sarà disponibiłe nei cinema de tuto el mondo che sfruta ea tecnołogia i-max da fin 2007. Ne ł'ocasion i U2 se esibise in ‘na performance dal vivo sonando do brani: Vertigo e Where The Streets Have No Name.

Da Zugno sarà invese disponibiłe el dvd de Popmart Dal vivo From Mexico City, rimasterizazion de ł'omonema VHS publicada nel 1998.

Ea band intanto ha tacà i primisimi łavori so'l materiałe par ea incision del novo album, prevista atualmente par ea segonda metà del 2008.

In una intervista contegnùa nel dvd dea serie Classic Albums U2 - the Joshua Tree (in itałia in ałegà a ‘na testata del grupo Editoriae L'Espresso; l'orixinae xe edito nel 1999) Bono dichiara che no arivarà mai pi co ea voze dove ch'el rivava ai tenpi de The Joshua Tree, no par l'età ma parché par colpa del fumo el gà perso ea capaçità de razonzer el registro alto.




#Article 441: Prato (142 words)


Prato el xe on comune de 185 538 abitanti. Ła xe la tersa çità de l'Italia çentrałe par numaro de abitanti dopo Roma e Firense.
 

A Prato ghe xe dai 10 ai 15 000 abitanti che i vien dała Cina, corispondenti al 7-10% dela popołasion comunałe, ca provien dała provincia cinese de Wenzhou.

Elenco delle frazioni di Prato:
Borgonuovo, Cafaggio, Canneto, Capezzana, Carteano, Casale, Castelnuovo, Cerreto, Chiesanuova, Coiano, Figline, Filettole, Fontanelle, Galcetello, Galceti, Galciana, Gonfienti, Grignano, I Ciliani, I Lecci, Il Cantiere, Il Guado, Il Pino, Il Soccorso, Iolo, La Castellina, La Conca, La Dogaia, La Macine, La Pietà, La Querce, Le Badie, Le Caserane, Le Fonti, Le Fornaci, Maliseti, Mazzone, Mezzana, Narnali, Paperino, Pizzidimonte, Reggiana, San Giorgio a Colonica, San Giusto, San Paolo, Santa Cristina a Pimonte, Santa Lucia, Santa Maria a Colonica, Sant'Andrea, Sant'Ippolito, Tavola, Tobbiana, Vergaio, Viaccia, Villa Fiorita.




#Article 442: Joule (104 words)


El joule (J) ła xe ła unità de mixura adotata dal sistema Internasionale par mixurare l'enerxia, el laoro e el całore (anca se par st'ultimo njien doparà anca ła całoria) e dimensionalmente è kg·m²/s² = 1 N·m = 1 W·s. Sta unità de mixura ła ciapa el so nome in onor al fìxego James Prescott Joule.

El joule el xe anca conpagno a 1 watt par segondo.

Equivałense:

Co aprosimasion, on joule el xe ła quantità de energía neçesaria par tirar sù on kilogramo a na altesa de 10 cm da ła superfisie de ła Tera.

Intrà i multipli del joule se połe catar:




#Article 443: Joani Batista (654 words)


San Joani Batista martirixà in tel 27 d.C. De lu ghe ne parla sìpia i Vanxełi che el storego ebreo Bepi Flavio.

El xera secondo cuxìn de Jexù. So mare, Santa Beta ła xera vecia e no ła połea aver fioi, ła ga vudo ła vixita de ła Madona, mare de Jexù, l'ora gràvia pa òpara del Spirito Santo e el toxeto scorlava in pansa, in tel visinarse Jexù, oncora in te ła pansa de ła Verxene (Łuca 1, 39-45).

Ła nàsita del Batista ła xe sta preanunsià da l'Arcanxeło Gabriełe, conpario a San Xacaria, prete del tenpio e pare del Batista. Xacaria el xe  restà muto par cualche tenpo parchè no ghe credeva a l'anunsio de l'Anxoło (Łuca 1, 13-20 ). San Xacaria cuando che xe nato el toxeto el ga scrito in te na tołeta el nome de Joani (Łuca 1,63) e secondo ła łexe del tenpo dopo oto dì ghe xe sta fato el rito de circoncixion. 

El Batista xe sta on profeta che predicava ła conversion e el ritorno dei boni usanse morai. E xe sta el precursor del Mesia, e pareciò ła mision. Vivea in tel deserto e xera vestio de pełe de cameło e de na centùra de coràme intorno ai fianchi e el so magnare xera cavałete e miełe selvadego (Matio 3, 4). Dexunàva e faxeva na vita de pratega reljoxa mistega. El batexo che prategò a Jexù in te łe rive del Xordan el xera sol on rito de penitensa e no el sacramento del batexo come dopo ga istituio da Jexù. El Batista reconoseva in Jexù el Mesia, che no xera degno infati el dixeva Vien dopo de mi colù che el xe pi forte de mi; al cual mi no so degno de indanociarme a desfrare i łigasi dei so sandołi (Marco 1, 7). E oncora  - mi go bixogno de esere batexà da ti; e te vien da mi? (Matio 3, 14). Dopo anca domanda ła conferma a Jexù de eser lu el Mesia, mandandoghe do desepołi, cuando el Batista el xera in prexon, i cuałi domandava a Jexù sito ti cuel che ga da vegnere o ghemo da spetar nantro? (Łuca 7, 19). E Jexù ghe da ła conferma co sta risposta Ve a referìr a Joani cuel che gavì visto e sentio: i orbi riciaparà ła vista, i soti i caminerà, i łebruxi i vegnarà sanà, i sòrdi i sentarà, i morti i risusciterà, ai pòvari xe anunsià ła bona novèła. E beato chichesìpia no sarà scandałixà de mi! (Łuca 7, 22-23). 

Ma anca Jexù persa nantra considerasion, a so volta, del Batista, che definise come el pì grando trai nati de dòna (Łuca 7, 28).

Gavendo condanà publegamente ła rełasion adulterina e parente (Erodiade) tratenù dal Re Erode, custù prima ga fato inprexonare el Batista (fasilmente in te ła fortesa de Macheronte) sensa intension de coparlo. Ma Erodiade ła ghea ła so cosensa che mordegava par el so pecà, ła ga vu l'ocaxion de vendegàre. Ła fioła de Erodiade gaveva dansà drio a on bancheto pa Erode, ma cuesto sodisfà, el ghe domanda cosa che ła vol in canbio; incità da so mare Salomè domanda ła testa del Batista, che sultio ła xe sta mesa in te on piato de arxento davanti a Erode, Erodiade e Salomè (Łuca 14, 3-12; Marco 6, 17-26). 

El copro del Santo el xe deso conservà in te ła Cèxa de San Silvesto in Capite, a Roma. Ła vantièra de arxento che tien ła so testa in te ła Catedrałe de San Łorenso, a Genoa e on so deo se cata al Muxeo de l'Òpara de Firense.

De tute do łe sità el Batista el xe patron, anca del'Òrdene de Malta (Òrdene dei Cavałièri de San Joani). Patron anca dei petenàduri de łana, sarti pełisai, conciaduri de pełe, de albergaduri, de trovatei e de tante confraternite che on tenpo łe asistia i condanà a morte.   




#Article 444: Monte Ortigara (770 words)


El Monte Ortigara el xe alto 2105 metri e el xe postà suł'orlo nord de l'Altopian de Asiago, a strapionbo suła Valsugana, 1000-1500 metri pi in baxo.

A est el casca xo sul Vałon deł'Agnełiza, ke ło destramesa dała Sima deła Caldiera (2124 metri), a sud el Coston dei Ponari e ła Val deł'Agneła i ło divide dal Monte Canpigołeti (2052 metri). A ovest, dopo el Paxo de Val Caldiera, se va verso Sima Undexe e Sima Dodexe (2336 metri).

Ł'Ortigara ła xe na montagna calcarea, de tipo carsico, con crepe e busi dove ke se versa tuta l'aqua ke piove. Ghe crese el pino mugo e fiori come ła steła alpina e el rododendro.

Ła batałja deł'Ortigara xe sta combatua 'nteła prima guera mondiałe, fra l'Esercito Tałjàn e l'Esercito Austro-Ungarico, fra el 10 e el 29 giugno del 1917. Par ła tremenda strage de Alpini ke ghe xe sta, l'Ortigara xe sta ciamà anca el 'Calvario dei Alpini'.

Da na parte ghe xera 20 batałjoni Alpini (52.ma Division), el 9. Regimento Bersaglieri e la 29. Division de Fanteria, par un totałe de 54 batałjoni. Come artijeria ghe stava 428 canoni e 220 mortari. Da kel'altra parte, i Austriaci gaveva ła 6. Division de Fanteria, con 24 batałjoni, e 150 canoni e 75 mortari.

Ła batałja xe incominçià ałe 5.15 del diexe de giugno quando ke l'artijeria tałjàn ga tacà a bonbardare el Monte Ortigara ke xera tegnù dai Austriaci. Łe bonbe łe ga continuà fin ałe 3 del dopomesodì. A kel punto, vegnendo da sud e da est (Sima Caldiera), xe partii a l'asalto i batałjon Alpini Mondovì, Ceva, Val Stura, Vestone e Bicocca. 

Butandose xo de corsa par el Valon deł'Agnełiza, rivando dałe postaxion tałjàn de Sima Caldiera, xe rivà anca i batałjon Alpini Bassano, Monte Baldo, 7 Comuni, Val Ellero e Monte Clapier. Vien ciapà el Monte Ciesa, el Corno deła Segała, quota 2003 e quota 2101 (ke i Austriaci ciama Sima Le Pozze). 

El 20. batałjon austriaco Feldjaeger vien soprafato e a fadiga tien duro el 7. Feldjaeger; vien mandà rinforsi e, anca se vien copà subito el comandante del 20. Feldjaeger e queło del batałjon de fanteria de rinforso, i Alpini no i xe boni de ciapar ła Sima deł'Ortigara (2105 metri), ke resta ai Austriaci.

Dał'undexe al quindexe piove e anca nevega; i scontri i xe de patułje e de plotoni. Xe inpiegà i batałjoni Alpini Verona, Val Arroscia, Monte Mercantour, Tirano e Monte Spluga. Ałe 0.30 del 15, 3 batałjoni de Kaiserjaeger i taca e riese a ciapar de novo quota 2101, ma pochi giorni dopo i Alpini del Valtellina, del Saccarello e del Monte Stelvio i ocupa ancora Sima Le Pozze.

Ŀa matina del 18 de giugno ł'artijeria tałjan taca de novo a bonbardar el monte e łe vie de rifornimento; riva anca ł'aviaxion, con 145 aerei (conpresi 26 bonbardieri pesanti Caproni). I Austriaci risponde con 26 aerei da cacia. El 19, finalmente, in 45 minuti, 7 batałjoni Alpin, guidà dal 7 Comuni, i taca e i ocupa ła Sima deł'Ortigara, ciapando pi de 1000 prigionieri, 5 canoni e 15 mitrajatrici. Pi vanti, però, i soldà tałjàn no i riese a ndare.

El 22 de giugno, taca un bonbardamento austriaco ke scarica sui do kiłometri quadri in sima al monte tegnù dai Alpini 250 tonełate de bonbe, dełe quałi 90 'nteł'ultima ora soło suła Sima deł'Ortigara. El 25, ałe 2.30, coi lanciafiame, parte 7 batałjoni de Kaiserschuetzen ke i taca quota 2105. Vien mandà in socorso łe riserve deła 52. Division e el regimento de Fanteria Regina. Xe na strage: i se copa cołe piere, coi piconi, coi cortełi. 

I Austriaci i riese a vegner vanti e i buta xo i Tałjàn anca da quota 2101, 2003 e dal Paxo Deł'Agneła. I pochi Alpini ke no xe sta copà i core xo pal Vałon deł'Agnełiza par torna su da keł'altra parte, a Sima Caldiera, ma i Austriaci i ga butà granate a gas sul fondo del Vałon e così i ultimi i more o copà dal gas in fondo o sparà dał'alto. Pi de 1000 morti tałjàn e 1000 feridi o prigionieri. 

El 26 un contrataco dei do batałjoni Cuneo e Marmolada riporta i Alpini sul Paxo deł'Agneła e su quota 2003, ma el 29 tuti e do i batałjon vien çircondà e ciapà prigionieri.

Ała fine deła batałja, ke ga lasà łe robe come ke łe stava, i Alpini deła 52. Division ga avudo 12 633 perdite su 15 000. El totałe dełe perdite tałjan (morti, feridi, dispersi, prigionieri) xe sta de 25 199. I Austriaci ga avudo 8 828 perdite.




#Article 445: San Martin de Tours (100 words)


Martin de Tours (in łatin: Martinus), (316 o 317 - Candes 11 de novenbre 397), el xe venerà come santo dała Cexa catołega, dała Cexa ortodosa e da queła copta. El jera nato a Sabaria, in Panonia. So pare, che el jera on inportante uficiałe de l'esercito de l'Inpero Roman, el ghe ga da el nome de Martin in onore de Marte, el dio de ła guera. Co la fameja el xe 'ndà a Pavia, e, a 15 ani, el ga dovesto aruołarse 'nte l'esercito e mandà in Gallia dove che'l se ga fato monaco 'nte ła rejon de Poitiers.




#Article 446: Provincia de Pesaro e Urbin (126 words)


Ła Provincia de Pesaro e Urbin ła xe na provincia dełe Marche di çirca 365 000 abitanti.

Ła confina a nord con ła Republica de San Marin e con ł'Emilia-Romagna (Province de Rimini e Forlì-Cesena), a est col Mare Adriatico, a sud-est con ła Provincia de Ancona, a sud con l'Onbria (Provincia de Perugia), e a ovest co ła Toscana (Provincia de Arezo).

Ła xe una dełe province storeghe italiane. Prima deła nasita deło Stato Italian, ła ga avudo diverse denominasion, partendo dal Ducato dei Montefeltro, pasando par el Dipartimento del Metauro a opara de Napoleon e ła Łegasion Apostołega de Urbin e Pexaro deło Stato Pontificio.Ła se estende par 2 892 km² e ła rapresenta on crocevia tra Marche, Onbria, Toscana e ła vizina Romagna.




#Article 447: Rimano (144 words)


Rìmano (Rèmnè in romagnolo, Rimini par talian) el xe un comun de sirca 140 000 abitanti, caoliogo de l'omonema provincia romagnoła, istituia inte el 1992.

Rimano xe el prinsipal, se no el pì popołoxo, sentro de ła Riviera romagnoła e ła seconda sità par nùmaro de abitanti (dopo Ravena) de tuta ła Romagna. Locałità de sogiorno estivo de fama internasionałe, ła se estende par 15 km longo ła costa del mar Adriatego co hotel, locałi noturni e lidi. Rimano no'l xe soło che un logo de vilegiatura de ła Riviera, ma anca un sentro storico-culturàl inportante. Colonia fondà dai Romani 'nte'l 268 a.C., par tuto el periodo de ła dominasion romana ła xe sta un sentro de comunicasiòn tra el nord e 'l sud. I inperadori romani i gà fato costruir monumenti cofà el Arco de Augusto, el Ponte de Tiberio e 'l Anfiteatro.




#Article 448: Foiba (150 words)


Na fòiba l'è na cavedà càrsega, solidamént de orìxen naturàłe (gròte), co engrèso à strapiónbo. Łe fòibe łe xe defùxe preinsipalmelénte 'nte ła Provìnçia de Trièste, 'nte łe zòne de ła Slovènja zà pàrt de ła sconpàrsa rezòn Venèçia Jùlia, no ca en mólte zòne de 'l Ìstria e de ła Dalmàsia.

Atualmente łe xe un argomento studià soto el punto de vista storego, par èsare stà 'ntei secołi, ma en partigołar durante ła Seconda guera mondial e 'ntel imedià dopoguera, łuogo de ocultamento dei cadaveri durante łe represioni de comunisti slavi contra tałiani avenùe 'nte ła çità de Trieste e 'nte łe regioni nord orientałi tałiane.

En sto contesto, łe xe xeneriegamente indicae cofà foibe anca quełe che xeologegamente non xe tałi, cofà ła foiba de Basovizza, che en realtà l'è un pozzo minerario.

Ła paroła foiba l'è na paroła evolusionà da el łatìn fovea che a significa fòsa.




#Article 449: Todesco ałeman (404 words)


El todesco ałeman, o senplisemente ałeman, el xe na serie de varianti de ła łéngoa alta todesca, cioè diałeti del todesco ufisiałe, che i vein reconduxesti al popoło dei Ałemani.
El vien parlà da serca 10 miłioni de persone inte el Baden-Württemberg inte el sud de ła Jermania, in Alsazia, in Svisera e inte ła rejon austriaca del Vorarlberg e anca intel Liechtenstein.

Qua podee catar na sudivixion de łe varie varianti de l'ałeman. El nome spesifego tante volte no'l existe, dunque el sarà asà el nome in todesco co na spiegasion intra paréntexi in vèneto.

El Schwäbisch el xe parlà in parte del Baden-Württemberg e de ła Bavaria. El prexenta afinità cola lengua boarexe.

łe sità pi grande onde che'l xe parlà łe xe Stocarda, Augusta, Ulm, Reutlingen e Tubinga. 

El Schwäbisch el xe caraterixà da ła prexensa de ła paroła seltica keja (cascar). In oltre i fonemi todeschi hûs, îs i deventa hous, eis () e no huus/hüüs, iis cofà inte qûeł' altri diałeti ałemani.

El diałeto el prexenta łe pròsime varianti:

El Templer-Schwäbisch e el Sathmarisch i xe intra łe varianti del Schwäbisch parlae fora de ła Jermania.

ElHochalemannisch el xe un diałeto parlà inte ła Svisera jermanòfona, in Liechtenstein, in Alsazia (Fransa) e in coalche comun tałian.

Carateristeghe: el sono // el deventa el Fricativo , e no  o  cofà in Baso Ałeman.

Existe difarenti varianti:

Parlà oviamente inte ła Svisera jermanòfona, el se devide in Westschweizerdeutsch (Svisero todesco osidentałe) e Ostschweizerdeutsch (Svisero todesco orientałe).

łe difarense infra ste do varianti łe xe intel ditongo  (e non ) e inte i verbi co do forme plurałi () (e no co na soła, come che invese càpita normalmente ).

El xe na variante menor de l'alto ałeman che no'l prexenta ditonghi ( e gnanca ) e tre forme plurałi par i verbi (). łe finałi łe xe mantegeste anca intel plurałe.

El vien parlà in tanti canton e comuni sviseri (Berna, Uri, Obvaldo, Canton Nidvaldo, Glarona, Friburgo, Vałexe.

In seguito ai spostamenti de l'etnìa Walser, el se ga po difondest anca inte el Canton Tisin e intel Canton Grixoni (Svisera), in Liechtenstein, intel Vorarlberg (Austria) e a Gressoney (Itałia).

El Niederalemannisch el xe un diałeto ałeman parlà in Baviera e Baden-Württemberg (Jermania), in Svisera, inte na banda de l'Alsazia (Fransa) e inte el Vorarlberg (Austria).

Existe ste varianti menori:

LOberrheinalemannisch el xe na sub-partision del baso ałeman. L'existe in do varianti:




#Article 450: Muga (109 words)


La muga (pino mugo par tałjàn, Bergkiefer, Bergföhre, Latsche par todesch, mountain pine par inglese) el xe un bar pi ke 'n albaro, un'aghifołja senpreverde. El fa parte (Pinus mugo) deła fameja dełe Pinaceae. Ła scorsa ła xe grisa scura, i aghi i xe verdi scuri, longhi 3-5 çentimetri, cusì come ke łe xe longhe łe pigne.

El crese dai 1000 metri in su e el riva a quote dove ke no riva i altri albari. El se trova sułe Alpi, sui Apenini, sui Pirenei e sui Carpazi.
Dai rameti se ricava l'ojo de mugo. Ł'ojo de pino mugo vien doparà come espetorante par ła tose e come balsamico.




#Article 451: Marche (139 words)


Łe Marche le xe na rejon (9 366 km², de 1 543 088 abitanti , co capoluogo Ancona) de ł'Italia sentrałe.
Ła confina co la Republica de San Marin, l'Emilia-Romagna e ła Toscana a nordovest, ł'Onbria a sudovest, el Łasio e ł'Abruso a sudest, e ła xe bagnada da el Mar Adriatico a nodest.

Łe Marche, rejon del sentro Italia, łe se cołoca sul versante medio Adriatico e łe ocupa 9 694 km² de teritorio italian. Łe prexenta na forma carateristega de on pentagono iregołare e łe se sviłupa par ło pì in verticałe da nord a sud.
Ła rejon ła xe a prevałensa cołinare, el 68,8% del territorio , mentre el restante 31,2% el xe montuoxo.

Ła conprende łe province de Ancona, Ascołe, Fermo, Macerata e Pexaro e Urbin.

Łe sità prinsipałi łe xe Ancona, Péxaro e Fam.




#Article 452: Arsiero (151 words)


 
Arsiero xe' un comune di 3335 abitanti della Provincia de Vicensa.

Łe orixini de Arsiero łe xe incerte. El primo documento che el parla de sto paese el xe del 975.
Ł'orixine łatina de Arsiero ła pol esare testimonià dal nome, anticamente Arserium che vol dir łuogo fortificà, casteło.

Giovanni da Schio, 'ntel so Saggio del dialetto vicentino el ga fornìo na interpretasion particołar de ł'orixine del nome Arsiero. El conoseva ła tradusion de una fraxe etrusca: arse verse ca vołeva dir guardia al fogo. Sucesivamene el ga notà che ła particeła ars ła gera contegnùa in pareci toponimi mesi ai confini dei teritori. Par es: Arsego tra el padoano e el trevixan, Casarsa fra Udine e Pordenon, Arsiè meso ai confini del vixentin come Vałarsa e Arso (visin a Ciampo). Sta asociasion ła ghe ga fato ipotisare che, come Arsiero, i fuse veci posti de guardia ai confini. Forse etruschi.




#Article 453: Pióva (167 words)


Ła pióva ła xe ła fórma pi comùn de precipitasion atmosfèrega e ła se fórma có che jose separae de aqua łe va xó al sóło da łe nùvołe. Na scianta de ła pióva che ła casca da łe nùvołe no ła xe bona a rivar a ła superfise e evàora 'ntel'àrie có che ła casca, spesialmente si ła traversa aria séca (sto tipo de precipitasión ła xe ciamà virga).

Ła pióva ła xóga un róło inportantìsimo 'ntel sércio del'aqua, 'ntel qual el łìqueo chel evàora dai mari el se condensa 'nte łe nùvołe e el casca de novo a tera, poi tórna indrio 'ntei mari co łe corénti e i fiumi par ripètare de nóvo el sércio.

Tuta ła pióva che ła casca ła xe mixurada en miłìmetri: na precipitasion de 1 mm ła xe come dir che su na superfisie a caxo ghe xe cascà na quantità de aqua alta dapartuto 1 mm. Ła mixura la xe indipendénte da ła grandesa de ła superfisie considarà.




#Article 454: Połenta e oxei (212 words)


Ła połenta e oxei xe un piato tipico dei Veneti, dei Furłan, ma anca dei Bresani, dei Bergamaschi e pi in generałe de tuti i abitanti de queła ke xera ła republica de Venesia. Ła xe na conbinasion de połenta e osełeti (séłeghe, finchi, tordi, łodołe, petarełi ecetera) fati al speo.

Se prepara da na parte ła połenta e da kel'altra i oxei. A sti qua, ke i ga da esare 20-30, bisogna prima cavarghe tute łe piume e dopo metreli un poco sora el fogo par sbrusarghe quel ke resta. Se ciapa, dopo, un oseo par volta e ło se inpira su pal speo, metendoghe de fianco na feteła de lardo e na foja de salvia, e se fa girar pian pian el speo par 10-15 minuti. Pi vanti, ogni tanto se ghe mete sora 'n fià de buro ke'l se desfa, e un poco de sałe e se va vanti cusì par ore e ore. El tocio ke vien xo el ga da cascare 'nteła łecarda. Finio de cuxinar, se porta in toła i oxei insieme ała połenta ke se pol magnar moła, ma anca brustoła a fete drento ła łecarda. El tocio el se versa sora.
Ghe va ben insieme un goto de keno, tipo Cabernet o anca Merlot.




#Article 455: Połenta (618 words)


Ła połenta xe un magnar tipico del Veneto e de tuto el Nord Italia, ma ła fa parte anca deła cuxina popołar in Croazia, Austria, Svissera, Slovenia, Serbia, Masedònia del Nord, Bulgaria, Romania e Moldavia. 

Se trata de un paston de farina de sorch, aqua, ojo e sałe, fato bòjere in un całiero (mejo se de rame) misciando drio fila par 3 quarti d'ora (par 6 persone, do litri de aqua, 4 eti e mexo de farina). Finia de cuxinar, ła połenta se versa sul panaro e dopo ła vien tajà coło spago o coł corteło. Se pol farla fisa o anca moła; de sołito ła xe xała, ma dałe parti de Venexia, Rovigo, basa Padovana e Vixentina ła poŀe esare anca bianca, parchè se dopara anca ła farina bianca. Ła połenta trentina ła xe fisa e grumosa; łe fete de połenta fise łe se pol anca brustołar e tociar in te ła łecarda, soto al speo de osei.
Se pol magnarghe drio de tuto: łate, formajo, carne, pese. In ogni caso ghe xe dełe varianti, da xona a xona, a seconda de queło ke se ghe xonta drento. In Friuli se magna połenta e frico, in Valtełina ghe xe ła połenta taragna, dove ke se dopara ła farina de formenton negro. In Lombardia se fa anca ła połenta uncia, coi toki de formajo desfà drento, a Aosta i buta el formajo a fine cotura e dopo i ghe versa sora buro fuso e pevare (połenta concia). 'Ntel Trentin se xonta ała połenta łe patate a toki. Dapartuto, in Nord Italia, se pol magnar anca połenta e sosołi (a Piacensa i łi ciama grasèi). El piato comunque pi carateristico resta połenta e osei.

El formenton na volta no ghe xera dałe nostre parti; difati el xe originario de la Merica e xe sta Cristoforo Colombo a portarlo in Europa 'ntel 1498. In Nord e Çentro-America i nativi i lo conoseva da secoŀi e i saveva anca come magnarlo. Sti popoli, in specie i Maya e i Aztechi, i faxeva stare a bagno maria in aqua e calsina o aqua e sénare (solusion alcałine) i grani de formenton. Sta operaxion, conosuda dal 1200-1500 avanti Cristo, faseva in modo ke el formenton el gavese bastansa vitamina B3 (o niacina o vitamina PP) disponibiłe. Difati el problema nutrisional del formenton xe ke, a diferensa dei altri cereałi, nol ga bastansa niacina e aminoacido triptofano; ła niacina, in specie, ła ghe saria 'ntei grani, ma no ła pol esare asorbìa dal'intestin dei omeni se no ła vien prima łiberà col sistema conosudo dai nativi Mericani, visto prima, ke se ciama nixtamałizasion. Ste conosense, ke sti popołi i gaveva sviłupà coł'esperiensa in mejari de ani de storia, no i łe gaveva i Europei quando ke i ga scominsià a coltivar e a magnar el formenton. Cusì, quando ke in çerti Paesi i contadini i xe pasà a magnar quasi soło ke formenton (faxendo ła połenta), xe vegnù fora na vera e propria małatia da carensa ałimentare, da ipovitaminosi. Difati ła niacina xe na vitamina indispensabiłe par i procesi vidałi del'organismo, cusì come xe fondamentałe el triptofano. Ła mancansa de ste sostanse ła porta ała morte 'ntel giro de 3-5 ani e el nome de sta małatia xe pelagra. Ła prima volta ke ła se ga vista xe sta 'ntel 1735 in Spagna. Tute łe volte ke el formenton vegneva magnà da soło, sensa el proceso de nixtamałizasion, o sensa xontarghe altre fonti de niacina o triptofano (carne, łate, formajo, pese), come ke sucedeva ai poareti, sciopava epidemie de pelagra. Queste łe xe 'nda vanti fin ałe prime diexene de ani del 20. secoło e uno dei posti pi colpidi xe sta el Veneto.




#Article 456: Arezo (116 words)


Arezo el xe on comune de 95 229 abitanti, capołuogo de ła provincia de Arezo.

Agazzi, Antria, Badia San Veriano, Bagnaia, Bagnoro, Battifolle, Campoluci, Campriano, Ceciliano, Chiani, Chiassa Superiore, Cincelli, Frassineto, Gaville, Giovi, Gragnone, Il Matto, Indicatore, La Pace, Le Poggiola, Meliciano, Misciano, Molinelli, Molin Nuovo, Monte Sopra Rondine, Montione, Mugliano, Olmo, Ottavo, Palazzo del Pero, Patrignone, Pieve a Ranco, Poggio Ciliegio, Policiano, Pomaio, Ponte a Chiani, Ponte alla Chiassa, Pieve a Quarto, Ponte Buriano, Poti, Pratantico, Puglia, Policiano, Quarata, Rigutino, Ripa di Olmo, Rondine, Ruscello,S.Anastasio, San Firenze, San Giuliano, San Leo, San Marco Vill'Alba, San Polo, Santa Firmina, Santa Maria alla Rassinata, Sant'Andrea a Pigli, San Zeno, Sargiano, Staggiano, Stoppe d'Arca, Torrino, Tregozzano, Venere, Vitiano.




#Article 457: Aquaviva (Republica de San Marin) (103 words)


	
Aquaviva el xe on casteło de ła Republica de San Marin de 1678 abitanti. El confina co i castełi de Borgo Maggiore e Città di San Marino e co i comuni italiani de San Leo (IT-PU) e Veruchio (IT-RN)

El so nome el vien da na inportante sorgente ai piè del Montecerreto, sora sto cołe a sorgeva anticamente ła corte de Stirvano dove a xe sta redato intel 885 el Placito Feretrano, el pì vecio documento deła repubblica de San Marin, ła lexenda inoltre ła cunta che ła rupe deła Baldasserona el gera sta el primo rifujo de San Marino e San Leo.




#Article 458: Pelagra (263 words)


Ła pelagra ła xe na małatia da carensa vitaminica, in particołare de niacina (vitamina B3 o vitamina PP). El nome el vien da uno dei sintomi de sta małatia: ła dermatite, ke ła fa ła pełe apunto agra.

Ła niacina ła xe na vitamina indispensabiłe par i procesi de osidoriduxion cełułari del'organismo; ła so mancansa no ła xe conpatibiłe co ła vita. Ła małatia ła vien fora quando ke se ga na dieta ke no ła gabia niacina drento e questo sucedeva quando ke ła gente, i pi poareti, i magnava soło ke połenta. Difati ła połenta ła xe fata col formenton, ke no ga niacina disponibiłe e gnanca triptofano, 'n aminoacido ke'l podaria trasformarse in niacina. In America, da dove ke riva el formenton (portà in Europa 'ntel 1498), i nativi no i gaveva ła pelagra parchè, prima de magnarlo, i ghe faxeva el proceso de nixtamałizaxion. Ła prima segnałasion de pelagra ła xe sta in Spagna 'ntel 1735, ma xe sta sopratuto nel Vèneto ke ghe xe sta tanti e tanti casi de małà e de morti, fin al XX secoło. Ła pelagra ga colpìo anca i Stadi del Sud dei Stadi Unidi d'America, ała fine del XIX secoło, e xe sta presente in tuti i canpi de prigionia dove ke no i ghe dava da magnare el giusto (Konzentrazionslager dei naxisti e gulag dei comunisti sovietici, nel XX secoło).

Ła małatia, ke se ciama anca ła małatia dełe 3 D (Demensa, Dermatite, Diarea), ła ga sti sintomi:

Se no ła vien curà, ła pelagra ła fa morir in 3-5 ani.




#Article 459: Muran (647 words)


Muran ła xe n'ìxoła catada a nord-est de Venesia, daspò San Michièl, łongo el canal de Maran. Ła xe conpletamente urbanixada, se no per ła Saca San Matia, indeso in faxe de bonìfega. Ła ga a ocio 6 000 abitanti. Ła xe conposta da sete ìxołe più pìcołe divixe da canałi e rii ma cołigae intrà łore da ponti.

Ła xe conosùa in tuto el mondo per ła produsion de véro supià. Grasie al'artexanà l'ìxoła ła gode de un granda fluso turìstego. El véro de Muran el xe speso ogeto de imitasion, per el più de quałità scarsa.

Muran ła xe stada un dei tanti séntri fondai da èxułi de Altin durante łe invaxion barbàreghe. Secondo ła tradision, el topònimo el vegniria fora da Ammuriana, na de łe porte de ła sità mare.

Ła sità, da sénpre inseria 'nte ła Venesia marìtima, ła ga avuo na serta autonomia fin al 1171, có ła xe stada unìa al sestièr de Santa Cróxe. Dal 1275 ła xe stada invese governada da un só podestà; ła ga anca avuo el vantagio de poterse gare qualche lege, varantìa da un Magior Consegio formà da un bon nùmero de nòbiłi muranéxi (a ocio sinquexento e co un Podestà a cao), e de cugnar na sóa monea (lOxea).

Bastansa presto ła xe deventada inportantìsima per ła łavorasion artìstega del véro, grasie ad un decreto de ła Serenìsima Repùblica del 1295 che ghe dava el strasferimento de łe fornaxe da Venesia: più de na volta, infati, łore łe gaveva cauxà grandi incendi, gravai dal fato che eora i edifisi a Venesia i gera soratutto in legno.

L'autonomia del'ìxoła, indeso come comun, ła xe confermada soto Napoleon, el qual el ga però despupiłà e desfà paréci convénti e céxe (ancuo ghe ne xe soło tre), e soto i Austrìasi. L'istitusion, che ła contegniva anca Sant'Erasmo e łe Vignołe, ła xe stada smorsada 'ntel 1923 e'l teritorio meso drénto a queo de Venesia.

Ła Vóxe de Muran ła gera ła gaxeta ufisial del'ìxoła.

'Ntel 1295 i ga sièlto che i verièri de Venesia, al łavoro forse xà prima del miłe, i fuse spostai a Muran perché i fórni dei lavoratóri i gera speso responsàbiłi de tremendi incendi, che i deventava davèro grandi perché a quei ténpi i edifisi i gera prinsipalmente in legno. Però, documenti e reperti antighi i prova che l'industria ła se fuse mosa 'ntel'ìxoła xà da ténpo.

Spostar i verièri a Muran el xe servìo a ła Serenìsima per controłarghe megio el mestièr, xełosa den'arte che ła ea gaveva fata famoxa in tuto el mondo fin da łe orìxene. I mastri verièri i gera obligai a vìver sul'ìxoła e'i no podeva miga łasiar Venesia sensa un permeso spesial. Paréci, però, i xe stai boni a scapar, esportando ai foresti łe łore famoxe tècneghe. Ła più inportante crixi ła ga colpìo l'industria ła xe stada quea del XV sècoło, có i ga scomensà a fabricar i cristałi de Boemia, forse ispirai ai stési véri de Murano. Venesia ła xe vegnùa fora da sta situasion, spece da có el véro el xe stà doprà per ła reałixasion de lanpadari, ancuo infrà i prodóti più cognosùi de Muran.

Soło i mastri verièri, infrà quei chei no gera nòbiłi, i podeva maridarse co fie de patrisi. Ła Repùblica infati, ła ga bandixà un decreto, daspò łe cagnare capitae 'ntel Magior Consegio de Muran, chel deciarava sitadini muranéxi soło quei chei fuse nasùi 'ntel'ìxoła o'i gavese cronpà edifisi in sta qua. 'Ntel 1602, el podestà Barbarigo, 'ntel censir i ixołani, el ga sièlto de scrìver un Libro d'Oro. Per èser scriti drénto bixognava averghe el consénso de ła Repùblica, roba che no ła gera né sénplexe né breve. Chi nol rexultava iscrito no'l podeva svolxer un qualche tipo de łavoro da verièr, no'l partesipava ai conségi e no'l deponeva de tuti i altri vantagi acordai ai sitadini muranéxi.




#Article 460: Buran (455 words)


Buran ła xe un'ìxoła abitada de ła laguna de Venesia; ła xe parte del comun de Venesia. Ghe abita a ocio 2.700 persone e ła xe cołigada co un ponte al'ìxoła de Masorbo.

El só nome el vien fora da Boreana, nome de na de łe porte de ła sità romana de Altin, de quea posta a Nord-Est, da indove rivava ła bora; a Buran, e 'nte łe visine ìxołe de Masorbo e de Torseo, i xe scapai i abitanti de ła granda sità vèneta daspò l'invaxion dei Uni de Àtiła.

Ła xe conosùa per ła łavorasion artexanal dei merleti e anca per łe sò tipeghe caxe cołorae.

Buran ła se cata 'nte ła Laguna Vèneta setentrional, a nord-est de Muran, e ła xe cołigada a sta qua traverso el percorso da navegar del canal Bixato-canal Carbonera-scomenzera San Giàcomo. Datorno ła se slarga qualche formasion de pałù, specie ła pałù de Santa Catarina, a sud-ovest, e ła pałù de Buran, a sud est. A nord ghe pasa el canal dei Borgognoni-canal de Buran, col qual se riva a Treporti (a sud) e Torseo (a nord). Sùbito a ovest se trova invese Masorbo, a ła qual ła xe unìa traverso un ponte.

Ła xe costituìa da quatro ìxołe divixe da tre canałi drénto, chei xe el rio Pontexeo, el rio Zueca e'l rio Teranova. Come Venesia, ła xe divixa in sinque sestièri, destinti dai sti canałi qua., sui quałi se baxa el sistema dei indirisi:

El só nome el vegniria fora da Boreana, un dei quartièri de ła sità romana de Altin, o forse na de łe sóe porte (quea catada a nord-est, da indove ła rivava ła bora). Buran ła xe stada infati tirada su, come łe altre ìxołe visine, dai abitanti de sto séntro chei se ga mési in laguna per scapar da łe invaxion barbàreghe, in particołar ai Uni de Àtiła e ai Longobardi.

Interesanti, ma forse sénsa baxe istòrega, łe ipòtexe che łe revarda l'orìxene del séntro dae dal'istòrego Jacopo Filiasi (1750-1829):
 

Le prime abitasion łe geran poste su pałafite coi muri fati de cane e paltan e soło a partire dal'ano Miłe łe xe stae tirae su caxe in quarełi. Buran ła podeva goder anca de un clima bon e san grasie a na serta ventiłasion che ła mandava via ła małaria. El governo local, de tipo comunal, el xe caxuo bastansa presto soto l'influensa de Venesia a ła qual el xe restà sénpre ligà.

El xe stà comun autònomo fin al 1923, ano 'ntel qual ła xe stada mesa drénto Venesia, co Muran e Pełestrina. El só teritorio el se slargava anca su Cavałin-Treporti e su łe ìxołe de Masorbo, Torseo, Santa Cristina, Montiron, Ła Cura, San Francesco del Dexerto.




#Article 461: Torceło (269 words)


Torceło ła xe na ìxoła situà 'nte ła xona setentrionałe de ła laguna de Venesia dełimità a sud-ovest dal canàl de Buran, a nord e a est confina co łe formasioni pałudoxe de ła Roxa e de ła Centrega. L'è un łogo torìstego un mùcio frequentà.

El sò nome co ogni probabiłedà el deriva da Torricellium, el nome de ła prinsipałe tore de guardia de Altin, o forse de un sò quartiere.

Ła xe stà una de łe prime ìxołe de ła Laguna de Venesia a èsare abitae, tra el V el VI secoło, a cauxa de ła vicinansa co Altin. I exułi de ła çità Altin i ghe gheva trasferio anca ła sede episcopałe 'ntel 639, sopravisua sin al 1818, qûando che ła xe stà soprèsa e tacà a queła de ła visina çità de Venesia.

L'ixoła xe sta co Masorbo e Buran ła testa de ponte del comercio venesiàn verso el Mar Adriatico, e ła xe stà cusì fiorente da aver mijaja de çitadini. Se parla de numeri chei osiła fra i 20 000 e 50 000 rexedenti 'ntel XVI secoło.
Ma la sò visinansa a ła çità de Venesia, l'aria malsana e łe continue pestiłense, durìsima quełe del XIV secoło e del XVI secoło, gà provocà un progresivo svodamento de l'ìxoła. I edifici i xe ndà en rovina o i xe stà smantełai par fornir łaterisi e materiałi łapidei par el sviłupo ediłisio de Venesia. Atualmente l'ìxoła gà poche decine de àneme, anca se remane una de łe magiori atrasion turistiche de ła çità de Venesia, co na baxełega, na Ciexa e un Muxeo de storia.




#Article 462: Conco (251 words)


Cónco (in cinbro Kunken) el xe on comune de 2 200 abitanti 'nte ła provincia de Vicensa, località de villegiatura a 830 m su 'l livelo de 'l mare e parte de l'Altipian dei sete comuni. L'è sta compreso 'nte la storica Federazione dei Sette Comuni. El xe l'otavo comun, difati fin al 1796 el xera na contrà de Lusiana.

L'etimo el vien da l'antico tedesco Kunke: giogo, passo che 'l vien a sò volta da 'l latino Concha.

El Comune de Conco el fa parte de la Diocesi de Padova.

Conco la xe tra le Città decoràe al Valor Militare pa la Guerra de LIberassion parché l'é stà insignìo de la Croxe de Guera al Valor Militare pa' i sacrifici de le sò popolassioni e pa' la sò atività 'nte la lota partigiana durante la Seconda Guera Mondiale.

Le frassioni principali le xe:

Vissin a Fontanelle ghe xe Tortima, co na popolassion de 200 abitanti, repartìa tra le contràe de Alto, Bielli, Boffi, Busa, Tumeleri e Ucchese. Da Tortima se pol vedere un splendido panorama: le coline del marosticense, i Colli Euganei e i Monti Berici, la Laguna de Venessia e, in caso de giorni sereni, parfin i Appenini e la penisola Istriana. Tortima xe stà teatro de un inportantissimo episodio pa' la Federassion dei Sette Comuni, durante la Guera tra la republica de Venessia e la Lega de Cambrai 'nte 'l 1509: desso stì episodi i xe ricordai 'nte la alabarda inserìa 'nte 'l stemma del Comune de Conco.




#Article 463: Enego (334 words)


Enego (in cinbro Ghenebe o Ghenewe) el xe on comune de 1 872 anime de ła provincia de Vicensa, a'n'altéxa de 768 mètri. Xe ne l'Altopian de Axiago e xe uno dei Sete Comuni.

La storia de Enego la xe mis'ciada cun quèla dei altri pósti de l'Altopian de Axiago nei sècoi XI e XIII, quando ghe i èrano i Exełini. Dopo ch'i xei scapai da l'altopian, nel 1240, Enego se ghà metùo insèma ai altri sei comuni e ghà formào la Spetàbile Regenxa dei Sete Comuni (ciamada anca Lega de le Sete Tere) nel 1310. I Sete Comuni i xe pasài prima ai Scaligeri (1327), dópo ai Visconti (1387) e dópo oncòra a la Republica de Venexia (20 febràro 1405, ma i han sempre tenùo ona granda autonomia.
Dópo la fin de l'indipendenxa de Venexia nel 1797 e quéla dei Sete Comuni al 29 giùnio 1807, Enego xe paxà a Napoleon e nel 1815 a l'Austria. Insèma a tuto el Vèneto l'è paxà a l'Italia nel 1866.
Durant la Prima guera mondiałe la xe stada un pósto interexao da bombardamenti e da bataje.

El comune de Enego le partìo in tante fraxióni; el zentro prinxipàl se tróva a 768 mètri e la xe svilùpa intorno a la Piaza San Marco. In zima a na scalinata de 101 gradini ghe xe la césa de Santa Justina, col campanil che l'è stà costruìo a la metà del XX sècolo cui matùni del Forte Lisser, vécia fortéxa fata durant la Prima guera mondiałe su la montagna con lo stéso nóme. Néla piaza la ghe xe anca na tor, che la xe l'ultima restà del vécio casteło dei Exelini.
L'altra fraxion granda xe Stoner, che se tróva su la strada che la và da Enego a Foza.
Alre fraxioni son Valdefàbro, Cóste, Valgóda, Valdezìna, Coldarco, Pióvega, Fóxe, Dori, Marzésina ed Enego 2000.
Su la strada tra Enego e Foza ghe xe el ponte de la Val Gàdena, el pì alto d'Europa (175 mètri).

Son nasùdi a Enego:




#Article 464: Fara Visentin (125 words)


Fara Visentin ( nome ufisial itałian Fara Vicentino) el xe on comun de 3810 abitanti de ła provincia de Vicensa.

Ła xe nata al inisio del Medioevo como 'n canpo militar de i Longobradi dal so nome Longobardo Farra. Tra el 917 e el 921 ła xe sta donà dal Inperador Berengario al Vescovo de Pàdoa co łe altre tere tra ła riva destra del Brenta e chea sanca del Astego. Nel 1223 ła passa al paròn Ezzelìn III da Roman, pì tardi (neła Serenissima)  ła passa soto al visconte de Marostega fin al XVIII secoło. Durante ła seconda Guera Mundiàl ła xe sta ciamà un covo de Partigiani , parchè ghe xera i centri de riùniòn de cuesti tra i cali ła Brigata Mazzini.




#Article 465: Maràn Visentin (145 words)


Marano Visentin (nome ufisial in itałian Marano Vicentino) el xe on comun de 9364 abitanti de ła provincia de Vicensa.

Fin al 1867 el comun se ciamava soło Maran.

El Mais Marano (in dialeto Maraneło) el xe na varietà de mais selexionà al'inixio del 1900 in te ła xona de Maran Vicentin.
El xe distingue da łe altre sorte par ła basa resa e pal gusto deła połenta che vien fora.
In te ła xona de Vicensa l'era conosudo come maraneło dal nome del posto de orixane.
Le panocie ga un color rosso che trà al'arancion coi grani che xomeia de vero missi in fiłe che gira intorno al torso e łonghe non pì de 20 sentimetri.
Xe attualmente coltivà in te ła xona de Maran Vicentin e dei comuni intorno da un grupo de produtori che aderise al Consorzio di Tutela del Mais Marano.




#Article 466: Maròstega (119 words)


Maròstega el xe un comun de 14 093 abitanti de ła provincia de Vicensa in Vèneto.

Ła xe popołare in tuta Italia pa ła partia a scachi che se fa in piasa ogni do ani (ani pari) el segondo fin stimana de setenbre. Sta tradision ła xe nasesta in tel 1923 e ła se dixe ispirà a fati stòreghi acadesti en el 1454. El comun el xe anca conosesto pa łe siarexe IGP e el połe vantar ła bandiera naranson del Touring Club Italiano.

I reperti pi veci catài, i ne da ła conferma de ła prexensa de insediamenti preistòreghi e in tel contenpo, peche pì arente ai nostri dì catai su pal Pauso łe xe cołigabiłi ai Paleovèneti.




#Article 467: L'Internasionałe (183 words)


L'Internasionałe (L'Internationale in francexe) ła xe ła pì famoxa canson sociałista e comunista, riconosuda confà l'ino dei lavoradori in tuto el mondo.

Łe parołe originałi łe xe stà scrite in francexe da Eugène Pottier (1816–1887) inte el 1871 par çelebrare ła Comune de Pariji. Pierre Degeyter (1848–1932) el ga scrito ła muxica inte el 1888. Fin a queła data el testo el vegneva generalmente cantà co l'aria de ła Marsejexe.

L'Internasionałe ła xe vegnesta l'ino del sociałismo rivolusionario internasional, come el dixe el so ritorneło: C'est la lutte finale / Groupons-nous et demain / L'Internationale / Sera le genre humain (Ła xe ła łota final / Metemose insieme e doman / l'Internasionałe / Ła sarà el gènare uman).

Ła canson ła xe stà tradota inte inumerevołi łengoe, e de tradision ła xe cantà col pugno sanco alsà in maniera de sałudar.

In tante nasioni eoropee l'Internasionałe ła xe stà iłegal a scomiçiar dal XX secoło cauxa ła so imajine rivolusionaria e łe so łirighe d'ispirasion insuresionałista.

No existe na tradusion vèneta ofiçiałe, però ła pol vegner cantà traduxendo el testo itałian in vèneto.




#Article 468: Çiviteła in Val de Chiana (139 words)


 
Çiviteła in Val de Chiana el xe on comune de 8967 abitanti 'nte ła provincia de Arezo.

Çiviteła ła sorge in zima a on cołe a 280m s.l.m., 15 km a sud-ovest de Arezo. El teritorio comunałe el se può de fato dividare in do zone: una de basa montagna, 'nte ła quałe a se cata ła stesa Çiviteła, coerta de boschi e costituente na propagine dei preapenini; e una pianexante, che ła forma ła parte setentrional deła Val de Chiana. In efeti el teritorio çivitełin, dełimità a sud dal comune de Monte San Savino e a nord-est da queło de Arezo, el riva fin ai primi comuni del Valdarno, Laterina, Bucine e Pergine che i ło dełimita a nord-ovest.

Albergo, Badia al Pino (sede comunale), Ciggiano, Cornia, Oliveto, Pieve a Maiano, Pieve al Toppo, Spoiano, Tegoleto, Tuori, Viciomaggio.




#Article 469: Tresete (161 words)


El tresete el xe un xugo de carte. Se dopara łe stese carte de ła briscoła e parò łe carte in man de ognun łe xe diese se se xuga in quatro o oto; se se xuga in çinque ełora el xugo el xe dito sinquilio o viliaca.

Ła carta che tien banco ła xe ła prima tirà dal primo de man e se pol ciapare soło che co na carta pì alta de ła stessa rasa.

Se xuga a copie in 4 e l'aso vałe un punto e chealtre figure che no xe scartełe gà un unità de misura dita figura; co tre figure se fa on punto.

Ła variante del sinquilio (o viliaca) ła se xuga in 5 e prima de partire a zugare co łe carte xà in man uno ciama na carta che ghe farìa comodo e el so conpagno sarà queło che ła gà. El conpagno no ło dixe mia e i altri no ło sa.




#Article 470: Provincia autonoma de Bolxan (230 words)


El Sud Tirol (par todesco Südtirol; par ladin Sudtirol par itałian Alto Adige) el xe na rejon xiografega del Tirol, che aministrativamente ła coresponde a ła Provinsia autonoma de Bolxan (par todesco Autonome Provinz Bozen; par itałian Provincia autonoma di Bolzano; par ladin Provinzia autonòma de Balsan), che ła xe una de łe do provinsie autonome de ła rejon Trentin-Sud Tirol en Itałia.

Co su par xó 500.000 aneme e na superfisie de de 7 400 km², ła xe ła pì granda provinsa de Itałia, da co ła provinsia de Sasari ła xe stà scursada.

El Sud Tirol el xe on area triłengue, se parla todésco cofà prima łéngoa, el ladin inte łe do vałi ładine de Badia e Gherdena e l'tałian, ofisiałe en tuta l'Itałia.

I vien considerai parlanti itałiani anca i parlanti vèneti, de diałeto trentin, che i vive in te ła xona pì a sud de ła provincia.

L'Alto Adexe el xe dividesto interiormente inte oto Comunità Conprensoriałe (it: Comunità Comprensoriali, tod: , lad: Comunitês Comprensoriales), de ste cuà ła cavedal Bolxan ła xe na comunità pa conto soo. Pułitegamente, le Comunità le vien considerae cofà on ente de segondo liveło, parché no łe ga organi ełexesti diretamente. Infra i so doveri le conta el desvelupamento dei comuni che ghe fa parte inte l'ambito cultural, social, economego e ecolosego.

Oto sità łe detien el titoło de caołogo




#Total Article count: 469
#Total Word count: 199963