#Article 1: Удмуртия (569 words)


Удмуртия (Удмурт Республика, офиц. Удмурт Элькун, ) — Ӵукпал Европаын интыяськем кун (республика), Россия Федерациысь субъект. Приволжской федеральной округысь улосъёс пӧлы пыре.

Шаерлэн шоркарез луэ Иж кар.

Удмурт шаер интыяськемын Шор Ураллэн шунды пуксён палаз, Кам но Ватка шуръёс вискын. Удмурт шоркарысен Мускоозь — 1 129 иськем, Санкт-Петербургозь — 1 904 иськем, Екатеринбургозь — 800 иськем, Кузонозь — 395 иськем.

Удмурт Республикалэн шунды пуксён но уйпал ласянь бускелез — Киров улос, шунды ӝужан палан — Пермь шаер, лымшор ласянь — Башкортостан но Татарстан республикаос.

Удмурт шаер интыяськемын 42,1 сюрс квадрат иськем музъем вылын, со Россия Федерацилэн муэзлэсь 0,25%-сэ басьтэ.

Удмурт шаер интыяськемын Шунды ӝужан пал-Европа равнина лэн шунды ӝужан палаз, Кам шур но солэн бур ӧрыз — Ватка — шуръёс вискын. Бадӟым зарезьёс Удмуртилэсь кыдёкын, соин ик омыр сокем чурыт ӧвӧл: толалтэзэ кезьыт но лымыё, гужемзэ пӧсь но шундыё. Тужгес но кезьыт толэзь — толшор, (шоро-куспо температура Цельсийя — 9,9 градус) самой пӧсь толэзь — пӧсьтолэзь (шоро-куспо температура Цельсийя + 20,9 градус).

Музъем узырлыкъёс пӧлысь валтӥсьёсыз — нюлэс но мувӧй. Удмурт шаерлэн музъем вылаз усьтэмын мувӧй кысконъя 114 месторождение. Удмуртиын кыскем мувӧй пӧлысь 96%-эз уже кутӥське шаерлэн палэназ.

Удмуртилэн 46 % музъемез шобыртэмын нюлэсъёсын, со пӧлысь ӝыныез — лысо писпуос. Республика узыр гыбедлы, азотнометановой интыослы, озьы ик эмъясь дэрилы но лэсьтӥськон сюйлы (луо, горд сюй, бур).

Удмурт музъемез адямиос уже кутӥллям асьме эралэсь азьло VIII—V сюрсаре ини — мезолит вакытэ. Та сярысь иворто Удмурт Республикалэн музъем вылаз шедьтэм археологияя синпелетъёс. Асьме вакытлэсь азьло VIII—III дауръёсы — корт дауре — Кама шаерын бадӟым гинэ кылдӥз ананьино культура. X даурын удмуртъёс пыризы Булгар шаере, нош XIII даурысен лымшор удмуртъёс Зарни Орда улын улӥзы, бӧрысь Кузон ханстволы пыриськизы. Уйпал удмуртъёс выжыяськизы туала Глазкар котыре (отысь тужгес тодмо археологи синпелет — Иднакар).

XVIII даурозь вашкала удмуртъёс выризы гурт удысэн, чорыг но пӧйшур кутылонэн. XIX даурлэн шораз Удмуртиын азинске корт поттон но ӵыжатон промышленность.

Быдӟым Октябрь революция дырозь Удмурт шаерлэн музъемез люкемын Кузон но Ватка губерниос куспын. Нимаз шаерлы Удмуртия пӧрмиз Октябрь революция бере гинэ.

Удмуртстатлэн даннойёсызъя 1-тӥ толшоре 2017-тӥ арын республикаын улӥсьёслэн лыдзы вал 1 516 731 адями. Улӥсьёслэн ӵемлыксы (плотностьсы) — 36,06 адями/км² (2017). Соос пӧлысь каръёсын улэ — 65,57 % (994 504 адями).

Удмуртия луэ трос калыкъем кун. Шаерамы сюлэсь тросгес йӧскалыкъёслэн адямиоссы уло. Соос пӧлысь ваньмызлэсь ӵемгес шедьылӥсь калыкъёс — удмуртъёс, ӟучъёс, бигеръёс, поръёс, чувашъёс, бесермянъёс.

Удмурт Республикаысь калыклэн йӧскалык составезлэн воштӥськонъёсыз:

Удмурт шаере пыре 6 город, 25 ёрос, 11 посёлок но 2119 гуртъёс. Шоркарез — Иж, отын улӥсез 646,3 сюрс адями (2017-тӥ арлы). Мукет каръёс: Вотка — 98,1 сюрс адями, Глаз — 93,6 сюрс адями, Можга — 49,6 сюрс адями, Сарапул — 97,9 сюрс адями, Камбарка — 10,5 сюрс адями.

Удмуртиын кун власть быдэсъяське Удмурт Республикалэн Президентэныз, Правительствоен но Кун Кенешен.

Удмуртиен кивалтэ президент (2017-тӥ арысен — Александр Бречалов). Правительствоен кивалтэ премьер-министр (2017 арысен — Ярослав Семёнов), республикалэн парламентэныз (Кун Кенешен) — Владимир Невоструев.

Удмурт Республика улонзэ радъя кунлэн валтӥсь законэз — Конституция — вылэ пыкъяськыса.

Удмуртилэн ӟеч интые интыяськемез луонлык кылдытӥз корт поттонэз азинтыны но Россиысь валтӥсь улосъёс пӧлы пырыны. Валтӥсь предприятиос: «Ижмаш», «Ижысь механикая завод», «Ижысь электромеханикая завод», «Радиозавод», «Ижсталь».

Удмурт шаерын улӥз но ужаз быдэс дуннелы тодмо луэм конструктор М. Т. Калашников. Солы сӥзем музей шумпотыса пумита калыкез.

Республикалэн музъемэтӥз ортчо 4 бадӟым автомобиль сюресъёс: Р242, Р320, Р321 но Р322. Озьы ик Удмуртия пыртӥ E22 Европаысь маршрут но М7 федерал трасса ортчо.

Шаерамы одӥг гинэ аэропорт вань. Со интыяськемын Иж кар дорын. Лобанъёсын кивалтэ кун авиакомпания — ОАО «Ижавиа».

Удмуртиын туж умой азинтэм чугун сюрес транспорт вань. Со бадӟым роль шудэ, республикамес мукет улосъёсын герӟаса. Поездъёс мыно-ветло кӧня ке гожъёстӥ: «Кузон — Огырчи — Екатеринбург», «Киров — Балезино — Пермь», «Балезино — Иж — Алнаш», «Иж — Вотка», «Люкшудья — Кильмезь».




#Article 2: Иж (532 words)


Иж кар (озьы ик Ижкар, Завод, ) — Удмурт шаерлэн шоркарез. Интыяськемын республикалэн шораз — Ватка но Кам шуръёс вискын, Оӵ шур дурын.

Ижкар кылдӥз 10-тӥ апреле 1760-тӥ арын.

Кызетӥ-куамынэтӥ аръёсы Ижез удмурт гожъясьёс пӧртэм сямен нимало вал. Ваньмызлэсь ӵем уже кутыло вал Ижкар шуон кылэз. Калык вераськонын пумиськисьтэм со ним Удмуртилэн уйпал ёросъёсаз интыяськем нимо-дано Иднакарлэн, Дондыкарлэн но мукет вашкала улон интыослэн нимъёссылэсь адӟем карыса малпамын вал.

Иж кар дума Ижкарлэсь гербзэ 1997-тӥ арын юнматӥз. Солэн авторъёсыз луизы Сергей Львович Бехтерев но Николай Быков.

Переписьёсъя Ижысь улӥсьёслэн лыдзы вошъяськиз тазьы:

Ижкар — Удмурт Республикалэн шоркарыз, Россиысь городъёс пӧлысь тужгес кужмоез. Татын нуналысь нуналэ ужало промышленностья 50-лэсь ятыр бадӟым предприятиос. Котькудӥз выре ас удысэзъя: машина поттон, пӧртэм тӥрлыкъёс-арбериос дасян, корт ӵыжатон но мукет. 

Вузкарон удыс Ижын ӝог азьланьтӥське. Али дыре Ижлэн вузкарон сетез пыртэ 2300 векчиен вузкаронэн предприятиез, 438 сиськон интыез, 4 базарез но 776 огдырлы ужась вузкарон интыез. 

Трос аръёс ӵоже карын векчи вузэн товарооборот дугдылытэк будэ. 2013-тӥ арын со ӝутъяськиз 107,4 миллиард манетозь.

Карын туж трос сиён-юон вузан супермаркетъёс но гипермаркетъёс, компьютеръёсын вузкаронниос, сиськон интыос, фирменной магазинъёс, вузкарись-шулдыръяськытӥсь комплексъёс но бизнес-центръёс ужалляло. Ижлэн рыноказ трос тодмо брендъёслэн вузкарон сетьёссы вань: «Ашан», «Лента», «Metro», «Карусель», «Магнит», «Эльдорадо»,  «М-Видео», «Корпорация Центр», «Уютерра», «DNS» но трос мукетъёсыз.

Со сяна, карын трос вузкарон интыос вань, кытын Удмуртиысь лэсьтӥсьёслэсь вузъёссэс басьтыны луоно.

Озьы ик общепит удыслэн пӧртэм секторъёсыз азинско. Ижын ресторанъёс ужало, кудъёсыз вылӥ ӟечлыко сиёнъёсты но юонъёсты пӧрало. Вань но ӝог сиськон понна туж трос кафеос, соос пӧлын дуннеысь тодмо сетьёс — Макдоналдс, «KFC», «Subway», «Southern Fried Chicken».

Ижын 4 кун вылӥ дышетсконниос интыяськемын:

Озьы ик вань 6 кун вузъёслэн филиалъёссы но кунэн кузёяськонтэм 5 вузъёс.

Удмуртилэн шоркараз 93 нуназе огъя дышетскон школаос ужало, соос пӧлын: 53 шоръёзо школаос, 12 огъя дышетсконниос, кытын мургес дышетоно нимаз предметъёс вань, 4 гимназиос, 12 лицейёс, 1 валтӥсь школа, 10 нимаз (тупатъян) школаос, 1 огъя типъем школа-интернат. Озьы ик вань 4 ӝытазе (сменной) огъя дышетсконниос.

Ижын 213 школаозь дышетсконниос интыяськемын.

Иж кар — Удмуртиысь бадӟым транспортной герӟет.

Мерлыко транспорт

Карын 11 трамвай, 8 троллейбус но 38 автобус маршрутъёс вань. Валтӥсь выжтӥсьёс луо «ИжГорЭлектроТранс» МУП (трамвайёсты но троллейбусъёсты обслуживать каре) но «ИПОПАТ» ОАО (автобусъёсты обслуживать каре). Озьы ик кӧня ке мосъем предприятие вань. 30-лэсь но уно пригородной дача автобус маршрутъёс арлы быдэ тулысэн-гужемен ужало.

Чугун сюрес транспорт

Ижевск станцилэн вокзалэз — Ижкарлэн валтӥсь чугун сюрес ӟезьыез. Озьы ик кык чугун сюрес станция карын ужа — Заводской но Поӟым. Соос интыяськемын промышленной ёросъёсын.

Автомобиль транспорт

Иж кар пыр Е 22 автомобиль сюрес кыстӥське. Озьы ик куинь бадӟым сюресъёс Ижкарын кутско асьсэлэсь маршрутъёссэс: Р320 — Алабгоысен Ижозь, Р321 — Ижысен Глазозь но Р322 — Ижысен Сарапулозь.

Со сяна Иж кар герӟамын автобус сюресъёстӥ таӵе каръёсын: Кузон, Уфа, Пермь, Екатеринбург, Оренбург, Челябинск, Самара, Чебоксары но трос мукетъёсыз. Шор автовокзал но лымшор автостанция карын ужало.

Лобан транспорт

Иж карын одӥг нимъем аэропорт вань. Со Дэри черкогуртлы матын интыяськемын. Ижевск аэропорт луэ Удмуртиысь одӥг гинэ аэропорт. Валтӥсь но одӥг гинэ аэродромен кивалтӥсь компания луэ «Ижавиа» авиакомпания. Самолётъёс лобалляло Ижысен Мускоозь, Санкт-Петербургозь, Пермаозь, куддыръя Кузон, Сочи, Анапа, Баку, Ереван дорозь.

Ву транспорт

Гужембыт Иж тымет вылын шур трамвайлэн маршрутэз ужа «Ижевск» пыжвозьманысен «Воложка» пыжвозьманозь. Та маршрут кивалтӥське «ИжГорЭлектроТранс» МУП-эн.

Иж городлэн дано адямиосыз:

но мукет.




#Article 3: Удмурт кыл (154 words)


Удмурт кыл — Удмуртиын, Татариын, Башкириын, Пермь шаерын, Киров улосын но куд-ог мукет интыосын улӥсь удмуртъёслэн анай кылзы. Сое уже кутыло бесерманъёс но (соослэсь наречизэс нимаз кыл шуыса ниманы вазь на). Удмуртиын но котырын улӥсь куд-огез ӟучъёс но бигеръёс тодо удмурт кылэз, но таӵеослэн лыдзы туж ӧжыт. Россиын улэ ог 464 сюрс удмурт кылэз тодӥсь адямиос (2002).

Арысь аре удмурт кылын вераськисьёслэн лыдзы ӧжытоме. 2013-тӥ арын ЮНЕСКО, Кылъёсъя горд книгазэ выльдытыса, сётӥз удмурт кыллы «бырон кышкытлык вань» статусэз.

Удмурт кыллы уката ик матын луо коми-зырян кыл но коми-пермяк кыл. Озьы ке но, удмуртъёс но комиос ог-огзэс валаны уг быгато, оло нош валало туж шуген. Мукет ӵыжы-выжы кылъёс — пор, эрзя, мокша, финн, эстон но со выллем — удмуртлы воксё валантэм.

Туала удмурт алфавитэ 38 буква пыре.

Удмурт кылын ӧжыт ӧвӧл бигер яке кыӵе ке мукет Z-тюрк кылъёсысь асэстэм кылъёс. Ӵошатон понна:

Удмуртэ пырем бигер кылъёсты тодонын уката дуно луэ Шандор Чучлэн «Бигер асэстэмъёс удмурт кылын» нимо книгаез.




#Article 4: Удмурт диалектъёс (248 words)


Удмурт кыллэн диалектъёсыз — удмурт кыллэн пӧртэм наречиосыз.

Удмурт кыллэн кӧня диалектъёсыз вань, шуг вераны, малы ке шуоно Удмуртилэн музъем вылаз (уй паласен лымшор пала) интыысь говоръёслэн тодметъёссы пумен-пумен гинэ вошъясько, соин ик одӥг диалектлэн йылыз-пумыз урод адӟиське.

Озьы ке но, кылтодонъя гожъямъёсын удмурт диалектъёсты ньыль бадӟым группаосы огазеяло:

Со вӧлмемын Яр, Глаз, Балезино, Кез, Дэбес, Эгра, Красногорск ёросъёсын, озьы ик, Киров улослэн Уни, Фалёнки, Слободской но Зуевка ёросъёсаз. Уйпал наречиез люкыло таӵе говоръёсы: улын чупчи говоръёс (Киров улосын), шор чупчи говоръёс (Яр, Глаз, Балезино, Юкаменск но Красногорск ёросъёсын) но вылын чупчи говоръёс (Кез, Эгра, Дэбес ёросын).

Вӧлмемын Кизнер, Можга, Грах, Алнаш, Пичи Пурга но Кияса ёросъёсын (лымшор (периферийно-южной) диалект), озьы ик лымшор палан бускель улосъёсын (палэнысь лымшор (периферийно-южной) диалект).

Лымшор диалектэ пыро кизнер но можга говоръёс, среднеюжной, грах, алнаш (улын иж) но кырыкмас говоръёс.

Палэнысь лымшор диалектэ пыро шошма, кукмор, бавлы, ташкичи, красноуфимск, шагирт, буй-танып но канлы говоръёс.

Шор говоръёс географи но кыл тодметъёс ласянь интыяськемын уйпал но лымшор наречиос куспын.

Бесерман наречие — со Удмуртилэн уй палаз улӥсь бесерман калыклэн вераськон кылыз. Трос ласянь тодэ вайытэ лымшор говоръёсты.

Ӵемысь шуыло, уйпал удмуртъёс лымшор удмуртъёсты валаны уг быгато шуыса. Со зэм ӧвӧл. Пӧртэм говоръёсын пумиськись мукет говоръёсын пумиськисьтэм куд-ог кылъёс со говоръёсты ог-огезлы валантэм уг на каро. Удмуртиысь удмуртъёслы ӵем дыръя туж аспӧртэмлыко пото палэнысь лышмор говоръёс (кытын пумисько трос бигер асэстэмъёс). Свердловск улосын пумиськись пичи Красноуфимск говор гинэ (али со бырон калэ вуэмын) Удмуртиысь удмуртъёслы туж валантэм потэ (малы ке шуоно, солэн фонетикаезлы пор влияние туж бадӟым вал).




#Article 5: Бесерманъёс (379 words)


Бесерманъёс – Удмуртилэн Юкамен, Балезино, Глаз, Яр но куд-ог мукет ёросъёсын улӥсь калык. Лыдзы – ог 3 сюрс адями (2002).

Волга-Урал шаерлэн историяз бесерман ним нырысь тодмо луэ XIV-XV дауръёсы кылдытэм ӟуч истори ошмесъёсысь: отын вераськон мынэ Кузон ханствоын улӥсь кыӵе ке «бесерменъёс» сярысь (бесермены). Со тюрк выжыысь потэм бесерменъёслэн историзы меӵак герӟаськемын Арча музъемлэн историеныз. Нимзы ваньмызлы тодмо мусульман шуон кыл бордысь потэмын (тюрк кылъёсын со ӵемысь busurman, büsürmen но мукет та выллем формаосын уже кутӥське).

XIV-XVI дауръёсы со бесерменъёслэн куд-ог люкетсы, азьвыл Волга Булгарилэн музъем вылаз пуромем лек ожъёсын сэрен (Зарни Урдоысь феодалъёслэн ваче жугиськемзы; ӟуч князьёслэн но ушкуйникъёслэн омырскемъёссы; эмир Тимурлэн азьвыл булгар музъеме лыктэмез но мукет), Ватка йылэ тубыса, Чупчи уллапала пумен кӧчыны кутскизы, но собере мукет тюрк выжыосын валче чупчи бигеръёслэн (Кариноысь бигеръёслэн) субэтносазы пыризы.

Соосын ӵош Карино музъеме улыны кошкиллям куд-ог кылзыя удмуртъёслы туж матын куд-ог группаос. 1511 арысен ини ӟуч документъёсын ӵемысь вераськон мынэ кыӵе ке Карино котырын улӥсь (арча) чувашъёс («чюваша арская») сярысь. Самой со арча чувашъёс – туала бесерманъёсмылэн вашкала атайёссы-песятайёссы. Чувашъёс пӧлы соосты юнме уг пырто вал. Арча музъемын улыкузы, со удмуртъёслы матын луись группаос юн кусып возизы зэмос чувашъёсын но. Со сярысь верало бесерман нылкышноослэн дӥсьёссы, соос туж но туж кельшо чуваш нылкышноослэн дӥськутсылы.

Озьыен, туала бесерманъёслэн вашкала песятайёссы Ар музъемысь потэм тюрк выжыосын ӵош ик («бесерменъёсын») туала улон интыязы лыктӥллям. Со тюрк (булгар?) выжыослэсь соос асэстӥллям нимзэс но.

Кылзыя удмуртъёслы соос туж матын ке но, сётаки бесерманъёс – удмуртъёс ӧвӧл. Удмуртъёслэсь соос висъясько:

Бесерманъёс асьсэос верало удмуртъёс луымтэзы сярысь. Асьсэды соос ноку уз шуо: «удмурт», одно «бесерман» шуозы. Азьвыл (ӵем дыръя али но) бесерман пи кышно басьтэ вал бесерман выжыысь гинэ, удмуртъёс пӧлысь уг басьты вал. Бесерманъёс удмуртъёсын артэ ке но уло, но тросаз учыръёсы нимаз гуртъёсын. Ваньзэ тае лыдэ басьтыса, 1926 аре ортчем Вань Союзысь калыкез лыдъян дыръя соосты нимаз калык шуыса лыдъяллязы ини. Собере нош: «Бесерманъёс – нимаз калык ӧвӧл, а удмуртъёслэн оглюкетсы, этнографической группазы» шуыса малпаны косэмын вал. 1993 арысен бесерманъёсты Удмурт Республикаысь Вылӥ Кенешлэн пуктэмезъя нош ик нимаз калыкен лыдъяло.

Бесерманъёслэн калык осконъёссы матын луо удмурт калык осконъёссылы, но кык ласянь соос туж висъясько: бесерманъёслэн воршудъёссы вылымтэен но бесерман калык осконъёсы пырем куд-ог мусульман валатонъёс ванен. 

Бесерман нылкышноослэн дӥськутсы тусызъя но терминологиезъя удмурт нылкышно дӥськутлэсь чылкак мукет. Со туж кельше чуваш нылкышноослэн дӥськутсылы.




#Article 6: Глаз ёрос (232 words)


Глаз ёрос — Удмуртилэн уй палаз интыяськемын. . Центрез — Глаз кар. Мукет улон интыос пӧлысь тужгес тодмо луо Октябрьской, Понина, Дондыкар, Парзи. Глаз карлы матэ интыяськемын Иднакар гурт – солэн нимыз тодмо луэм вашкала Иднакар гуӵинэз археологъёслэн шедьтэм беразы. Бускель ёросъёсыз: Яр, Юкамен, Красногорье, Балезино но  Киров улосысь Омутнинск но Афанасьево ёросъёс.

Ёрос кылдӥз 1935-тӥ арын, соку отын 13 сельсовет, 102 населённой пункт лыдъяськиз. 1998-тӥ арын ортчытэм лыдъян-чотанъя ёросын ваньмыз-ӧвӧлэз 21,1 сюрс улӥсез: удмуртъёс - 79,1%, ӟучъёс - 17,7%, бигеръёс - 2,2%, мукет калыкъёс - 1 %. Огъя площадез - 2036,8 кв. км.

Ёросэтӥ бызё Чупчи, Убыть, Пызеп, Кузьма, Белая, Сёва, Люм, Жаба шуръёс. Та палъёс узыресь мувӧен, горд сюен, песокен-луоен, гыбедэн, мергелен. Ёрослэн 30 % му вылаз будэ нюлэс.

Гыбедэн выре «Дзякино» огазеяськон. Машинаосты, тракторъёсты тупатъя «Реммаш» завод, лэсьтӥськон бордын гижысь-пиньысь тырше «Чепца» предприятие. Вань на татын комбикорм поттонъя завод, нянь пыжонъя комбинат, нюлэсэн вырись «Чура», «Леспром» но мукет. Гурт удыс борды кырмиськемын ог 24 хозяйство. Ёросын тылобурдо вордонъя кык фабрика ужа - Глазовской но Удмуртской. 

Ёрослэн шортӥз ик ортче Киров-Пермь бадӟым чугун сюрес. Та ёрос пыр ик асфальт сюрес валемын Юкаменск, Красногорск, Карсовай, Понино черкогуртъёсы. 

Ёросын 22 пала школаос, вань на школа-интернат, ДЮСШ, нылпи искусствоосъя 1 школа, школалэсь азьвыл нылпиосты визьноданъя 23 учреждение, ёрос больница, солэн 20 филиалэз, участокъёсъя 4 больница, 36 ФАП, историысь 89 памятникъёс. Ёросын ваньмыз-ӧвӧлэз 12 клуб ужа. Тужгес бадӟымез - 300 адямилы чаклам культурая юрт.  




#Article 7: Сарапул (253 words)


Сарапул — Удмуртилэн лымшор палаз интыяськем кар (2002 аре — ог 103 сюрс улӥсьёс). Интыяськемын Кам шурлэн бур палаз. Ижысен Сарапулозь — 63 километр. 

Сарапул ним XVI даурысен тодмо луэ. 1596 аре калыкез лыдъян книгаын гожтэмын: «Кузон утемын, Кам шур йылынгес... Сарапулысь но Сиваысь чорыг кутыло». Кызьы адӟиськомы, ӵапак кар сярысь татын вераськон уг на мыны: Сарапул шуыса Кам шурлэн оглюкетэз нимамын, шӧдске. 

Сарапул нимлэсь кытысь потэмзэ ӵемысь герӟало чорыг кутонэн: чуваш кылын сарă пулă ‘ӵуж чорыг’ (Acipenser gueldenstaedtii) шуэмез возьматэ.

Вуоно карлы Вознесенской черкогуртэз кылдытэмен инъет сётэмын вал. 1621 аре дозорной книга «Сарапул дурын Вознесенской черкогурт» сярысь вера. Берло ини Вознесенской черкогурт Сарапул нимо дворцовой слободае пӧрмиз. 1780 аре Екатерина II косэмъя Ватка наместичество кылдытэмен Сарапуллы кар статус сётэмын вал. 

Сарапуллэн шораз ик интыяськиз Вознесенский собор. 1812-тӥ арын со котыре пуктӥзы судьяослы, Дуровлы коркаос, кык этажъем юртъёс (соослэсь нырысетӥ этажзэс вуз карон интылы пӧрмытъязы).

Улӥсез — 101,4 сюрс адями (2010): ӟучъёс — 81,8%, бигеръёс — 8,9%, удмуртъёс — 3,8%, укаинецъёс — 0,9%, мукет выжыысь калыкъёс — 4,6%. 2017-тӥ арын лэсьтэм дунъянъя Сарапулын 98 сюрс пала адями улэ вал.

Сарапулын вань бадӟым порт. Кам шур кузя со Сарапулэз герӟа Улысь Новгород, Пермь городъёсын. 

Городын вань мерлыко транспорт но. Кар автобусъёс 18 маршрутъя калыкез нуо-ваё. Озьы ик карлэн шораз автовокзал сылэ. Со автобус маршрутъёсын герӟа Сарапулэз Ижен, Пермен, Воткаен но трос мукет городъёсын, Сарапул ёросысь черкогуртъёсын.

Асфальт сюресъёсын кар герӟаськемын Удмуртилэн шоркареныз (Р322 трассаен), Камбаркаен но Нефтекамскен. 2016-тӥ арын ужаны кутскиз Кам вамен кема витем выж. Со капчиятӥз автомобилистъёслы Камбарка ёросэ но Башкирие сюрессэс.




#Article 8: Юкаменск ёрос (285 words)


Юкаменск ёрос Удмуртилэн уй палаз интыяськемын. Центрез — Юкаменск черкогурт. Мукет улон интыос пӧлысь тужгес тодмо луо Ёжгурт, Палагай, Пышкизь, Ӵаӵӵагурт.

Бускель ёросъёсыз: Яр, Глаз, Красногорье но Киров улосысь Фалёнки ёрос.

Ёрослэн музъем вылтӥз бызё Ватка, Люкмы, Сада шуръёс.

Юкамен ёросын улӥсьёслэн лыдзы ог .

Юкаменск ёрос кылдытэмын 15-тӥ июле 1929-тӥ арын. Отчы пыризы Глаз уездысь Юкаменск, Ёжевской но Курьинской волостьёсысь 17 сельсоветъёс. 1931-тӥ арын быдтэмын вал Святогорск ёрос, отчы пырись сельсоветъёс выжтэмын Юкаменск ёросэ. 1935-тӥ арын та ёрос нош ик люкемын кыклы: Юкаменск но Святогорской. 1963-тӥ-1967-тӥ аръёсы Юкаменск ёрос пыртэмын вал  гурт удысъя Глаз ёросэ. 3-тӥ январе 1967-тӥ арын Юкаменск ёрос выльысь кылдытэмын вал. 

Юкаменск ёросын 10 сюрс 455 улӥсез. Удмурт Республикалэн 25 ёросъёсыз пӧлысь калыклэн лыдызъя Юкаменск ёрос 24-тӥ интыын. Удмуртъёс - 48,2%, ӟучъёс - 16,1%, бигеръёс - 19,5%, бесерманъёс - 15,1% (2002-тӥ арлы).

Юкаменск ёросын кун власть быдэсъяське, ёрослэн Уставез вылэ пыкъяськыса. Юкаменск ёрос муниципал кылдытэтлэн тӧроез Борис Васильевич Востриков. Ёрос администрацилэн тӧроез Ирина Аверьянова Ипатова. Закон кылдытъян ужез быдэсто ёрос кенеше пырись 22 депутатъёс. Бырйисько 5 арлы, берлоез кенеш быръемын 8-тӥ октябре 2006-тӥ арын. 

Юкаменск ёросысь Агрохимия огазеяськон гыбед поттэ, Монолит предприятие - кирпич. Вань етӥн сэстон заводзы. Юкаменск ёросын нюлэс, пу арбериос дасяло. 27 гурт предприятиос но 76 пала фермер огазеяськонъёс. Будэто картошка, ю нянь, етӥн, бакча емыш. Потто сӥль но йӧл-вӧй. Юкаменск ёрос Ижкарен герӟаське Юкаменск - Глаз - Ижкар автомобиль сюресэн.

Культура но дышетон удыс ёросын 17 школа. Со пӧлысь 10-эз шор ёзо школа, 7-ез - начальной тодон-валан сётонъя но 13 нылпи сад. Ёросын ужа Нылпи творчествоя юрт, спортъя но искусствоосъя школаос. Ёросын культурая 19 юрт, 17 библиотека, 2 музей, ёрос больница но амбулатория. 
ёросын 31 синпелет, со пӧлысь 15-ез археологилэн узырлыкез лыдъяське. Ёросын потэ Знамя Октября газет.




#Article 9: Балезино ёрос (189 words)


Балезино ёрос Удмуртилэн уй палаз интыяськемын. Центрез — кар типъем гурт Балезино. Мукет улон интыос пӧлысь тужгес тодмо луо Каменное Заделье, Кестым, Пибаньшур, Юнда, Люк, Пыбъя. Бускель ёросъёсыз: Глаз, Кез, Красногорье но Эгра ёросъёс.

Ёрослэн музъем вылтӥз бызё Чупчи, Пызеп, Кампызеп, Кеп, Люк, Юнда шуръёс.

Ёрос кылдӥз 15-тӥ июле 1929-тӥ арын. Соку отчы 18 сельсовет, 189 населённой пункт пыриз. Огъя площадез - 2587 кв. км. Улӥсез - 41,1 сюрс. Та пӧлысь 57,6%-эз - удмуртъёс, 28,2%-эз - ӟучъёс, 12,1%-эз - бигеръёс, 2,1%-эз - мукет калыкъёс.

Балезино ёрос интыяськемын Верхнекамской возвышенностьын. Республикамылэн тужгес вылӥ интыез - ёросысь Новосёлы гуртын: зарезьлэсь 323 метрлы вылӥын. Та палъёстӥ бызё Чупчи, Кеп, Юнда, Пызеп, Люк шуръёс. Ёрослэсь 30 %-сэ шобырто нюлэс кушъёс. 

Ёросын 8 промышленной предприятие: литейно-механической завод, 2 нюлэс участок, 1 леспромхоз, етӥн сэстон завод, спирт завод, лэсьтӥськон удыслы чаклам материалъёс дасянъя завод. 

Гурт удысын тужгес бадӟым саклык висъяло йӧл, сӥль поттонлы. Ёросын вань 3 банк. 

Ёросын вань 35 школа, 48 номеро ПТУ, искусствоосъя школа но солэн 2 филиалъёсыз, ДЮСШ, нылпи юрт, пиналъёсты школалэсь азьвыл дышетонъя 36 учреждение, 43 культурая юрт, музей, 54 культурая памятник, 26 библиотека но мукет. Ёрос газетсы - «Вперёд!» (1931).




#Article 10: Шаркан ёрос (397 words)


Шаркан ёрос - Удмурт Республикалэн шунды пуксён палаз интыяськем ёрос. Центрез - Шаркан черкогурт. Герӟаське Дэбес, Эгра, Якшур-Бӧдья, Вотка ёросъёсын, озьы ик Пермь улосэн. Шаркан ёрос интыяськемын Тыловай вырйылын. Со пыр бызё таӵе шуръёс: Шаркан, Ита, Вотка но мукет. Ёрослэн быдӟалаез - 1404,5 квадрат иськем. 

Шаркан ёрос кылдӥз 15-тӥ июле 1929-тӥ арын. Отчы пыризы Ижевск уездысь Шаркан, Сосновка но Тыловай волостьёсысь 15 сельсоветъёс. 1956-тӥ арын, Тыловай ёросэз быдтэмен валче, Шаркан ёрос борды юнматэмын 3 сельсоветъёс. 1963-тӥ арын Шаркан ёрос но быдтэмын вал, солэн интыез выжтэмын Вотка гурт ёросэ. Но кык ар ортчыса - 1965-тӥ арын - Шаркан ёрос нош ик кылдытэмын. 1996-тӥ арын Шаркан ёросэ пыриз 15 пала гурт администрациос, ваньзэ ӧвӧлзэ - 97 пала гурт. Ёросын улӥсез - 21 сюрс 423 адями (2009-тӥ арлы). Удмурт Республикаысь 25 ёросъёс пӧлысь калыклэн лыдызъя Шаркан ёрос 11-тӥ интыын. Удмуртъёс - 83,6 %, ӟучъёс - 14,9%, мукет калыкъёс - 1,5%.  

Ёросын нырысетӥез кылдэм предприятие - М. И. Родигин купечлэн чугун поттонъя но корт ӵыжатонъя заводэз. Отын дасязы чугун тӥрлык, гурт удысын кутӥськись арбериос но мукет. 1918-тӥ арын та заводлэн нимыз луиз Металлист. Поттӥзы пӧраськон тӥрлык, пӧртэм техникалы воштон ёзъёс но мукет. 1950-тӥ арын завод Комсомолец ним нуллыны кутскиз. 1960-тӥ арын та завод инъет луиз дӥсь поттон фабрикалы - туала нимыз Шаркан-трикотаж. Ёросын ужа Лазурь предприятие, отын етӥнэз сэсто. Шаркан ёросын нюлэс поттонэн выре Сельхозлес огазеяськон.Ӟеч радъямын сиён-юон поттон.

Мишкино месторождениын мувӧй поттэ Роснефть огазеяськон. Шаркан ёрос Ижкарен герӟаське Ижкар-Вотка-Шаркан но Ижкар-Якшр-Бӧдья-Шаркан сюресэн. Чугун сюресъя матысь станция Воткаын, Шаркан черкогуртлы 35 иськемлы палэнэ интыяськемын. Шаркан ёрослэн му ултӥз ортче Ямбург-Тула-2 газ гумы.

Ёросын ӟеч радъямын гурт удыс: ужало 18 пала гурт предприятиос, 209 фермер но 5 нимаз хозяйствоос (кылсярысь, Югдон, Колос, Югыт сюрес, Восход). 

Закон кылдытъян уж оскемын ёрос депутатъёслэн кенешсылы. Отчы пыре 33 депутат. Соос бырйисько 5 арлы. Берпуметӥ быръёнъёс ортчизы 8-тӥ октябре 2006-тӥ арын. Ёрослэн вылӥ кивалтӥсез - муниципал кылдытэтлэн тӧроез. Та ужез туннэ нуналлы быдэсъя Александр Аркадьевич Прохоров. Властьлэн быдэсъясь ёзэныз кивалтэ муниципальной образованилэн администрациеныз кивалтӥсь. Бырйиське конкурс ортчытыса. Та дырлы ёрослэн администрациеныз кивалтэ Николай Григорьевич Коровкин. 

Шаркан ёросын ваньзэ ӧвӧлзэ 28 школа, со пӧлысь 12-ез шор ёзо дышетонниос, 23 нылпи сад но 40 номеро училище. Ватсаса тодон-валан сёто Олимпийской резервъя спортшкола, Крезьгуръя школа но Нылпи творчествоя центр. Калыкез эмъяло 3 эмъяськон юртъёсын (Шаркан черкогуртын валтӥсь больница, 2-ез интыяськемын Сосновка но Зюзино черкогуртъёсын). Ёросын культурая 33 юртсы, 20 библиотека, озьы ик ляб тазалыкен нылпиослы чаклам школа-интернат  но музей.




#Article 11: Сисоп (156 words)


Сисоп (от SysOp) — is short for systems operator, and is a commonly used term for the administrator of a bulletin board system (BBS) or special-interest area of an online service or, historically, the operators of any computer system, especially a mainframe computer.

Usage of the term peaked in the early 1990s, being mostly used strictly to refer to BBS operators; someone doing equivalent functions on the Internet is primarily referred to as a sysadmin, short for system administrator.

A Co-SysOp was a user who was granted certain admin privileges on a BBS.  Generally, they would help validate users and monitor discussion forums.

A MSN SysOp is a high ranking volunteer or a paid employee who monitors the actions of those who enforce policy on the MSN chat, and the MSN internet services. They act much like those who ran BBS systems, except deal on a more operator to operator situation rather than user to operator.




#Article 12: Атаманов, Михаил Гаврилович (120 words)


Миха́ил Гаври́лович Ата́манов — тодмо удмурт кылчи но черк ужась, филологи наукаосъя доктор, протодьякон. Вордскемын 1945 аре 19 сентябре Удмурт АССР-ысь Грах ёросысь Вуж Эгра гуртын кресьян семьяын.

Вылӥ Эграысь тямыс аресъем школаез йылпумъям бераз Асангуртысь совхоз-техникумын но дышетскемын. Армиысь бертыса, Вуж Эграын зоотехник луыса ужаз.

Михаил Атаманов — ог 150 научной статьяослэн но ньыль монографиослэн авторзы. Соос пӧлын уката ик тодмо луо «Удмуртская ономастика» (1988) но «Удмурт нимбугор = Словарь личных имён удмуртов» (1990). Ваньмыз сямен научной ужъёссы сӥземын удмурт ономастикалы (кылсярысь, удмурт воршудъёслэн нимъёссылы но исторической географизылы). Со сяна, Атамановлэн улосмылэсь этноисторизэ эскерон удысын но тыршемез вань: та ласянь со туж тодмо луэ аспӧртэмлыко но трос ласянь осконтэм гипотезаосын: Атамановъя, Удмуртилэн музъем вылаз азьвыл Обь угоръёс но самодиос улӥллям, пе.




#Article 13: Баушев, Константин Михайлович (116 words)


Константи́н Миха́йлович Ба́ушев (1894 аре 18 (30) сентябре — 1977 аре 30 мартэ) — удмурт кылчи, методист.

Вордскемын 1894 аре 18 (30) сентябре Ватка губерняысь Сарапул утемысь Брангурт гуртын.

Дышетскемын Кузонысь духовной семинариын но духовной академиын. Академиысь потэм бере Баушев Удмуртиысь гурт школаосын, Ижысь педтехникумын удмурт но ӟуч кылъёслы дышетылӥз. 1926 аре со Ленинградысь пединститутэ аспирантурае пыре; 1928 арысен, аспирантураез быдэстэм бераз, Баушев со институтын ик ӟуч кылъя кафедраын доцент луыса пенсие потытозь ик ужаз.

Константин Баушев кулӥз 1977 аре, 30 мартэ Ленинградын.

Научной ужъёсыз удмурт кыллэсь грамматиказэ эскеронлы но ӟуч кылэз удмурт школаосын дышетон методикалы сӥземын вал. Соос пӧлысь уката ик дуно луэ «Синтаксический строй вотской речи и генезис частиц союзного порядка» (М.-Л., 1929) шуыса нимам монография.




#Article 14: Аристе, Пауль Александрович (286 words)


Па́уль Алекса́ндрович А́ристе (ӵемысь солэсь нимтулзэ Аристэ шуыса гожъяло но) — туж тодмо эстон кылчи, полиглот, Тарту университетысь профессор, академик. Вордскемын 1905 аре 3 феврале Россиын, Эстляндия губерняысь Тартумаа утемысь Ряэбиза нимо мызаын, дуриськисьлэн семьяяз. Аслэсьтыз азьвыл фамилизэ — Берг — со воштӥз 1927 аре (со вие уноез эстонъёс асьсэлэсь немец тусо нимтулъёссэс куштыло вылэм но эстон тусо кылъёслэсь пӧрмытэм выль нимтулъёссэс асьсэлы басьтыло вылэм). 1916 аре Пауль семьяеныз Таллинэ выже. Отын со кутскон школаез но пимурт гимназиез йылпумъяз. Дышесткемын Тарту университетын. Пауль Аристелэн наука ласянь кивалтӥсез вал тодмо эстон кылчи Петер Арумаа. 1931 аре Аристе магистрлэсь степеньзэ басьтэ (магистр луон дисертациез «Эстон-швед асэстэмъёс эстон кылын» шуыса нимаське вал), 1939 аре нош, Хийумааысь говоръёслэн фонетиказылы сӥзем диссертацизэ утьыса, филологияя докторлэсь степеньзэ басьтӥз.

Пауль Аристе Финн-угор научной обществолэн, Финляндиысь но Венгриысь наукаосъя академиослэн сӥё-дано члензы, Эстон ССР-ысь наукаосъя академилэн зэмос членэз вал (1954 арысен). Аристелэн кичӧлтэмезъя Таллинын усьтэмын вал «Советское финно-угроведение» нимо научной журнал. Ачиз Аристе со журналын улонэзлэн пумозяз ик валтӥсь редактор луыса ужаз.

Аристелэн тодос наука удысысь ужъёсыз эстон кылэз эскеронлы (кылсярысь, эстон кыллэн исторической но экспериментальной фонетикаезлы) но огъя финн-угор кылтодонлы сӥземын вал, озьы ке но, со саклык висъялляз водь, лив но ижора кылъёслы.

Ӵапак Аристелэн ӵектэмезъя Россиысь финн-угор калыкъёс пӧлысь потэм егит кылчиосты Тарту университетэ целевой аспирантурае ыстыны кутскиллям. Пӧртэм вакытъёсы Тарту университетын дышетскизы яке асьсэлэсь диссертациоссэс утизы тодмоесь удмурт кылчиос но литературатодосчиос литературоведъёс: Иван Тараканов, Татьяна Владыкина, Георгий Архипов, Михаил Атаманов, Бибинур Загуляева, Валентина Калашникова, Серафим Соколов, Риф Насибуллин, Даниил Яшин но Роза Яшина, Людмила Карпова.
 
Аристе тросэз адямиосты паймытъяз аслаз полиглот (уно кылъёсты тодӥсь) луэменыз. Аристе ог ньыльдон кылъёс тодэ вал, шуо; соос пӧлын — вашкала еврей кыл, эсперанто, швед но латви кыл, цыган кыл но трос мукет кылъёс.

Пауль Аристэ кулӥз 1990 аре, 2 феврале.




#Article 15: Уваров, Анатолий Николаевич (150 words)


Анато́лий Никола́евич Ува́ров — тодмо удмурт кылбурчи, литературовед. Вордскемын 1933 аре 8 инвожое Удмурт автономи улосысь Алнаш ёросысь Юртошур-Какси (Куашкам) нимо гуртын. Сизьым аресъем школаез быдтэм бере Ижын киуж училищеын дышетскиз, собере — ужась егитъёслэн школаязы Глазын, огвакытэ Чупчи механика заводын токарь луыса ужаз. 1957 арысен Уваров ужаз Удмурт радиолэн пӧртэм редакциосаз: нырысь — берыктӥсь луыса, собере корреспондентлэсь но редакторлэсь ужзэ быдэсъяз. 1961 аре Удмурт университетысь историяя но филологияя факультетын вылӥ дышетскемзэ басьтӥз (заочно). 1966 аре со йылпумъяз Ленинградысь вылӥ партийной школалэсь журналистикая люкетсэ. 1967 арын со ужаз Удмурт книжной издательствоын, массово-политической литературая люкетэныз кивалтӥз.

Уваровлэн ужъёсыз сӥземын вал удмурт литературалэн историезлы, уката ик удмурт сатиралы. «История удмуртской советской литературы» шуыса нимам монографиезлы Уваров кык глава гожтӥз. Со сяна, со пыриз венгр литературоведлэсь Петер Домокошлэсь ӟуч кылэ берыктэм «История удмуртской литературы» нимо монографизэ тупатъян уже; мукет кунсьӧр литературоведъёслэсь но фольклористъёслэсь ужъёссэс но ӟуч кылэ берыктылӥз.

Анатолий Уваров кулӥз Ижын, 2005 аре 18 пӧсьтолэзе.




#Article 16: Камбарка (172 words)


Камбарка — Удмуртиысь кар, Камбарка ёрослэн центрез. Улӥсьёсыз – ог 11 сюрс адями (2014).

Камбарка городлэн историез меӵак герӟаськемын татын завод кылдытонэн. 21-тӥ феврале 1741-тӥ арын Урал заводъёслэн кузёзы Акинфий Демидов башкиръёслэсь музъемзэс басьтӥз. 1761-тӥ арын татын ӝутӥськыны ӧдъяз кык завод — корт ӵыжатон но пул пилён. Завод паськытамен валче бордаз бадӟыманы ӧдъяз посёлок но. 1917-тӥ-1923-тӥ аръёсы Камбарка Пермь улосысь Осинск уездлэн шорсюлмыз вал. 1924-тӥ арын сое огазеязы Удмурт Республикае но думизы Сарапул ёрос борды. 1924-тӥ арын нимаз ёрослы люкизы но бордаз 14 сельсовет пыртӥзы. 

Граждан ож вакытэ Камбаркаез кык пол мозмытъяз Азинлэн дивизиез. 1919-тӥ арын городысь пристаньын кык нунал сылӥз «Красная звезда» агитпароход. Татын большевикъёслэн партизылы дурбасьтыса, агитацие пыриськиз Н. К. Крупская. 

Али Камбарка тодмо луэ татысь люизитэз — яд суретъёсты — быдтонъя заводлэн ужаменыз. Уго совето аръёсы татчы люказы быдэс Совето Союзысь 90 процентсэ люизитэз. Заводын чакламын таӵе яд суретъёсты быдтыны, нош азьланяз татын промышленность азинскыны кулэ. 

Туннэ городын вань 4 шор ёзо школа, нылпиослы крезьгуръя школа, искусствоосъя школа, 7 нылпи сад, 3 библиотека, больница. Городын печатлаське «Камская новь» газет.




#Article 17: Улӥсьёс (119 words)


Музъем вылын улӥсьёслэн лыдзы таӵе вылэм: палеолит вапумлэн пумаз (эрамылэсь азьвыл ог 15 сюрс ар), демографъёслэн малпамзыя, ог куинь миллион луиз, неолит вапумлэн пумаз (эрамылэсь азьвыл ог кык сюрс ар) – 50 млн, эрамылэн кутсконаз Музъем вылын ог 230 млн адями улӥз, эрамылэн I тысячелетиезлэн пумаз вань адямиослэн лыдзы ог 275 миллион вылэм, нош 1800 соослэн лыдзы миллиардозь йылӥз ини. 1900 аре Музъем вылын 1,6 миллиард адями улӥз, 1960 аре – ог куинь миллиард, 1993 аре – 5,5 млрд, нош 2003 аре со лыдпус эшшо ӝутскиз на (6,3 млрд адями). 1990-тӥ аръёсы Музъем вылын улӥсьёслэн лыдзы арлы быдэ ог 70 млн адямиослы йылэ вал. Демографъёслэн чакламзыя, 2050 адямиослэн огъя лыдзы 9 миллиардозь йылоз шуыса возьмано.

Улӥсьёссылэн лыдзыя радъям кунъёс




#Article 18: Матысь Шунды ӝужан пал (193 words)


Маты́сь Шунды́ ӝужа́н пал шуыса географиын но политикаын нимало туж бадӟым улосэз: Шор зарезьлэн лымшор но шунды ӝужан пал люкетъёсысеныз Перс сюмозь. Матысь Шунды ӝужан палъёслэн бадӟымез люкетсы кылле Азиын, оглюкетсы гинэ Африкаын. 

Нокыӵе споръяськонъёстэк отчы пырто таӵе кунъёсты: Бахрейн, Египет, Иран, Турция, Ирак, Израиль, Иордания, Кувейт, Ливан, Оман, Катар, Сауд Аравия, Сирия, Огазеяськем араб эмиратъёс, Йемен но палестин музъемъёсты (Сектор Газа но Иордан шурлэн шунды пуксён пал ярдурез).

Куддыръя таос борды ватсало на Магриб кунъёсты: Алжир, Ливия, Марокко но Тунис, озьы ик Судан, малы ке шуоно, Африкаысь со кунъёс история но культура ласянь туж юн герӟаськемын вылӥ верам Азия кунъёсын. Мавритания но Сомали озьы ик герӟаськемын Матысь шунды ӝужан пал кунъёсын, сокем ик юн ӧвӧл ке но ини. Афганистан но Пакистан сярысь ке верано, соос Шор Азилы трослы матынгес, Матысь шунды пуксён паллы сярысь. Турция но Кипр ассэ Европае пырто.

Матысь шунды ӝужан палан тужгес вӧлмемын араб, фарси, турок но курд кылъёс; со сяна, вань на отын туж уно мукет кылъёс но диалектъёс.

Та улосын улӥсьёс ваньмыз сямен мусульманъёс луо. Озьы ке но, ӵапак Матысь Шунды ӝужан пал музъем вылын интыяськемын мукет религиослэн но – иудаизмлэн но христианстволэн – центръёссы но святыняоссы.




#Article 19: Германия (108 words)


Герма́ния (нем. Deutschland) — Федераци Герма́ния Элькун (нем. Bundesrepublik Deutschland), ФРГ — Шор Европаысь кун. 2011-тӥ арын ортчытэм лыдъян-чотанъя, отын 80,2-лэсь уно улӥсьёсыз, территориез — 357 021 км². Та лыдпусъёсъя вераны луэ, Германия - Европаысь одӥгез бадӟымез кун шуыса. Дуннеын 16-тӥ инты басьтэ улӥсьёслэн лыдызъя но 61-тӥ - быдӟалаезъя. Шоркарез - Берлин. Кун кыл - немец. 64 пала процент улӥсьёсыз христианстволы оско.

Германия кылдэ 16 федераци музъемъёслэсь. 

Кунысь кивалтон амал - парламентской элькун. 2005-тӥ арысен канцлерлэсь интызэ басьтэ Ангела Меркель (ХДС).

Германилэн бускельёсыз луо: уйпалан - Дания, шундыӝужан палан - Польша но Чехия, лымшорын - Австрия но Швейцария, Франция, Люксембург, Бельгия но Нидерланд - шундыпуксёнын. 

Германия федераци элькун.




#Article 20: Россия (148 words)


Росси́я Федера́ция () — Европа но Азиысь кун.

Россилэн музъемезлэн быдӟалаез 17 125 191 км² луэ (дуннеын _ нырысетӥ интыын). Россия интыяськемын Евразия материклэн уйшор палаз. Вань музъемез интыяськемын Уйшор полушариын, бадӟымез люкетэз — Шундыӝужан полушариын. Россилэн одӥгез палыз кылле Европаын, мукетыз (бадӟымез) — Азиын.

Шормуӵъёсты но эксклавъёсты лыдэ басьтоно ке, тужгес уйшор интыез луэ Франц-Иосиф Музъем архипелагысь Рудольф шормуӵысь Флигели мыс , тужгес лымшорез — Дагестанын Рагдан гурезьлэсь шундыӝужан палан 2,2 иськемын, Несен но Базардюзю гурезьёслэсь лымшор — шундыпуксёнпалан 3,7 но 7,3 иськемын, 3500 метрлэсь ятыр ӝуждалаын интыяськем пункт (нимыз ӧвӧл) ), тужгес шундыпуксёнпалангес интыяськемын Калининград улосысь Нармельн кунгожзастава , тужгес шундыӝужанпалангес — Чукотка автономи округысь Ратманов шормуӵ .

Континентысь инъет музъемез гинэ лыдэ басьтоно ке, тужгес уйшорынгес интыяськемын Красноярск шаерысь Челюскин мыс , нош тужгес лымшорынгес — Чукотка автономи округысь Дежнёв мыс .

Россиысь территорилэн кузьдалаез шундыпуксёнпалысен шундыӝужанпалозь ог 10 сюрс иськем, уйшорысен лымшорозь 4 сюрс иськемлэсь тросгес.




#Article 21: Глаз (357 words)


Глаз — Удмуртилэн уй палаз интыяськем кар, Глаз ёрослэн административной центрез (ёрослэн составаз уг пыры). Ӵемысь сое шуо «Удмуртилэн уйпал шоркарез».

Выжыяськемын Ижлэсь 180 километрлы палэнэ — Чупчи шурлэн паллян ярдур котыраз. 

Городлэн тужгес вылӥ интыез — Солдырь гурезь. Отысен быдэс Глазкар кырым пыдэсын кадь адске: шунды пуксёнысен шунды ӝужан палозь кыстӥське ог 14 километр, нош лымшорысен уйпалозь — 5 километр. Городлэн быдӟалаез — 6 сюрс 916 гектар. 

Городлы Глаз ним сётон пумысен куинь малпан вань. Нырысетӥез герӟаськемын та палъёслэн выро-гопо музъеменызы. Солдырь гурезе тубыса Глаз карез учконо ке, со укша, пе, бадӟым синлы. 

Кыкетӥез малпан: городлы ним сётӥз императрица Екатерина II - Глаз карлэсь туссэ бумага вылэ суредаллям но та кышномуртлы возьматӥллям. Екатерина II-лы со синлы укша кадь потэм. 
 
Куинетӥяз мадёсын вераськон мынэ кыӵе ке Сингурт сярысь. Но учёнойёс пусъё: удмуртъёс, пе, Глазовез ноку но удмурт кылэ ӧз берыктылэ. Соин ик “Сингурт” - со вашкала дауръёсысь кылем мар ке ӧвӧл, шаерчиослэн малпамзы гинэ.

Глаз кар сярысь нырысьсэ гожтэмын 1678-тӥ арын лыдъян-чотанлы сӥзем ӟуч книгаын. Нош соку лыдъясь-чотасьёс удмурт гурт нимъёсты ноку но ӟуч кылэ ӧз берыктылэ: я удмурт нимзэ, я ӟучез вань ке — ӟучсэ, я гуртэз кылдытӥсьлэсь нимзэ гожъяллязы. Ӵапак та лыдъян-чотанын ик пусъемын: Глазэз кылдытӥз Глазов нимтулэн воргорон. 

Починкаез, аръёс ортчемъя со Глазлы пӧрмиз ини, кылдытӥзы Горд Слудка гуртысь потэм удмуртъёс 1670-тӥ арын. Отын черк ӝутэмзы бере починка Глазов черкогуртлы пӧрмиз. 1780-тӥ арын императрицалэн Екатерина II-лэн указэзъя Глазлы городлэсь статуссэ но гербзэ юнматӥзы. Озьы со Глазовской уездлэн шорсюлмыз луиз. 

Гербез — шори люкем геральдика щит. Щитлэн вылӥ люкетаз пуксемын Вятской губернилэн гербез, угось Глазовской уезд азьвыл аръёсы пыре вал ӵапак та губерние: ӵуж-ӵуж буёл вылын суредамын тӧдьыалэс-чагыр пилемъёс. Нош со пушкысь адске пукыӵен ки. Со возьматэ православилы осконэз но язычествоен нюръяськонэз. Ки вылын пиштэ горд кирос - возьматэ кужмо, сӥлё-виро луммэс. Кунпуслэн ӵуж-ӵуж буёлэз валатон сётэ: та палъёсын уло узыр, сӥё-дано, тыршись, оскись адямиос.

Улӥяз, чагыралэс бусыын, пуктэмын адями син. Чагыралэс буёл возьматэ ӧрекчаськисьтэм, рос-прос, гажамон адямиез. Син возьматэ кык малпанэз. Нырысетӥез малпан герӟаськемын та городлэн нимыныз - Глазкар. Кыкетӥез малпан: Глазов республикамылэн шоркарызлэсь кыдёке интыяськемын ке но, со - шаермылэн синмыз.

Флагез — меӵак сэрего тӧдьы басма юдэс, шораз ик — Глазлэн гербез.




#Article 22: Вотка (223 words)


Вотка () — Удмуртилэн шунды ӝужан палаз интыяськем кар, Вотка ёрослэн центрез. Луэ элькун статусъем кар, соин ик ёрослэн составаз уг пыры.

Вотка карлэн кылдэмез герӟаськемын ӟуч императрицаен Елизавета Петровнаен. 1757-тӥ арын со поттӥз Указ: Вотка шур дурын ӝутоно корт ӵыжатонъя завод. Лэсьтӥськонъя кыл кутӥсе юнматӥзы граф П. Шуваловез. Озьы 21-тӥ сентябре 1759-тӥ арын завод гижысь-пиньысь ужзэ мытӥз. Нырысетӥ нуналаз ик быдэсъяны кутскиз кун ласянь тужгес кулэ луись заказъёсты. Заводын макем огсыр ужъёс мынӥзы, сокем ӝог паськытаз та инты.

Вотка кар — Вотка ёрослэн шорсюлмыз. Ижен виссы — 62 километр, Мускоен — 1 сюрс 191 километр. Городлэн огъя площадез 112,18 квадратной километр.

Город сылэ Вотка тымет дурын. Тымет кылдӥз, Идӟи, Берёзовка но Шаркан шуръёсты огазеяса. Туннэ тыметлэн быдӟалаез 18 квадратной километр, Удмуртиысь тужгес бадӟымез луэ.

Кар люкиське укмыс улоно ёрослы:

Вотка кар аспӧртэмлыко интыын сылэ — Ижез герӟа Шаркан, Дэбес ёросъёсын, Удмурт Республикаез — Пермь улосэн. Та городэтӥ ик ортче Пермь — Кузон — Нижний Новгород газопровод. Ваньмыз-ӧвӧлэз 980 предприятиез вань, отын тырше 42 сюрслэсь трос адями. Татын пӧртэм удысъёс азинско ке но (сиён-юон поттонъя промышленность — 9,8 %, лэсьтӥськонын кутӥськись материалъёсты дасянъя промышленность — 0,8 %) валтӥсь интыын — машина поттон, корт ӵыжатон (85 %). Вотка завод городлэн экономикаяз бадӟым инты басьтэ.

Городын ужа 14 автобус маршрут. Карлэн шораз автовокзал сылэ, отысь автобусъёс бускель каръёсы но черкогуртъёсы нуналлы быдэ ветлыло. Воткалэн лымшор палаз Кузон вокзал вань — Ижысь шунды ӝужан пала мынӥсь чугун сюреслэн пумысь станциез.




#Article 23: Израиль (579 words)


Израии́ль - матысь шундыӝужан кунъёслэн. Калыкъёслэн, израиль вылазы 2017-тӥ аре 27-тӥ оштолэзе юри статистической управление центральной, 680 8 000-лэсь лэсьто адямиос, территория — 072 22 км².Солэн бускельёсыз — Ливан, Йордания, Египет, Сирия но Палестина. Басьтэмезлы 95-148-тӥ интыосты тодматскон но кӧнялыке калыкъёс дунне вылын-вылын тодматскон.

Израиль Кун.

Кузьдалаезъя тысячелетиын берпуметӥ куинь кылын «Израиль» Израиль Музъем пусъемын кадь (ивр. אֶרֶץ יִשְׂרָאֵל, Эрец-Исраэль), озьы вань калыкъёс, еврейёс. Та книгаез ужазы ошмес возиськысал вылэм, кытын вашкала ним басьтэмез бере иаков, израиль инмар нюръяськон: «шуиз: кызьы тынад нимыд? Со шуиз: Иаков. Шуо, [солэн]: туннэ тон нимыд иаков уз ни луы, Израиль, уго тонэн огазьын инмар нюръяськыны, вормыны но адями луэ» (Бытэн. 32:27,28). Та кылъёслэсь пуштроссэс валэктӥсь пуктон вӧлмемын. Одӥг-версиоссы, сара потэмын та ним глаголъёсты (кивалтэ, кужмо луэ, вань кужымзэс сётыса, вылӥысез), но кылдо таӵе амалэн кыл возьматэ «кузёяськыны кужым сётӥсь кужым». Кытчы со мукет пуштрос — «Инмар Принц» яке «Нюръяськон/инмарлэн ожмаськонъёс». Бӧрысь еврей калыклы, иаков бордысь потозы, шуыны луоз «израиль нылпиос», «Израиль Калык» яке «израиль».

Упоминание нырысетӥ кыллэн историяз «Израиль» луоз шараяны вашкала египетын стела вылын мернептаха (xiii дауре пумозь э. н.) , калык доры бигеръёс но, нош шаерысь доры уг].

Туала государствомы нимаське вал «Исраэль Медината» (ивр. מדינת ישראל — Израиль Государство). Озьы ик эскериськыса возиськоз но мукет: Эрец Исраэль (израиль музъеме), Сӥон, Иудеялэн — озьы со кулэтэм кариз. Странамылэн независимостез быръе кыл понна выль государство граждан обозначениосын нырысетӥ арняе правительствое «израиль» (ישראלים — «исраэлим»). Вал ни кунгожсьӧр ужъёсъя министрлэн нырысетӥ со официально нырысетӥ выступленизэс, израиль, Шарет Моше.

Вашкала историез

Туала Израиль улосвыл самой вашкалаез вал улӥсь эректус, археологической памятникъёс вылын возиське улон-вылон пытьыосыз вылэ Убайдия (ивр. תל עובדיה, Телем-Овадия)[16]. Палеолит неандерталецъёс шорысь кылдэм. Нырысетӥ араз сюрс адями, та регионъёсысь туала типъёс 200-75 берлань вуиз (Кесь). Homo sapiens-лы пещераысь Мислие (Cave Misliya) аръёслэсь азьло быдӟа датироваться тыс. 194-177[18].

Вазь театр

Музъем вордскем шаерез возьматыны еврейёслэн израиль калык, асьсэлэсь лул но тусбуйзэ религиозной сформировывать кытын со, йӧскалык лулчеберет дунлыксэ общечеловеческий, нош озьы ик. Авраам патриарх еврейёслэн израиль калыкез дышетон удысъя, музъем кусыпъёсъя но библейской дырысен. Таӵе библиез, еврейёс израиль музъеме соос сӥземын вал, инмар мед луоз «сӥзем музъеме» — калык татын улэ, вӧсяськон интыысь вань еврей.

Патриарх сярысь библейской веранъёсы миграциос дыръя иврить палдытэм (хабир) пырон но египетын луэм учыр тыс. ii гиксос н. э. эпоха-озь. Миграциос дыръя иврить история начальной этапез авраам лэся, нош xiii даурысь потӥз ханаан массовой культура огенызы выжонэн мар воштӥськиз позднебронзовый э. н. выль вормонъёсозь. Бергес филистим калык ханаан гинэ пыри. Израильлы эксэе пуктон власть кылдон но, иудейёс но пумаз эксэйлык xi датироваться нош бергес — x даурлэн шорозяз н. э. Хасмонеев еврей правилоосты иудеялэн азьланьтӥсько.

Крепостьлэн гарнизонэнызы массада пыдул кутэтъёссэс римской

Римской империя, шундыӝужанысен шундыпуксён 395 ар бӧрсязы люкон (Византия) доры кошкиз, кылем арозь со провинция берпуметӥ 619 вплоть Палестина. Ёзъёссэ вакчи дыр, палестина вал империе пыриз ижевске сасанид 614-629 персияын киултэ[19], собере нош ик византийский провинциез луом. 629-630 вылын но йыраз возён массовой результатъёс ар еврейёс, византийский кутскиз ираклий император, еврейёс ӧжыт гожтэт вуиз вань регионъёс понна трехтысячелетний асьмелэн историмы, нош ноку но уз быры копак[21].

Шор дауръёсы

Ог аре дорамы 636 отвоевывать византия луоз мусульманин палестина[22]. Та эскерон вылысьтыз вылаз дауре выжем вуоно куать Омейяд[23] доры Аббасид[24], крестоносец доры но берен.

Эпоха дыр ӵоже араб палестина ньыль люкиськы: кун вормонъёсыз но пусъемын (638-660 арын), азьланьтыны Омейяд (661-750), Аббасид (750-969) но Фатимид (969-1099).

Аккоын рефекториум юнлыкенызы, xii дауръёсы

Иерусалим 1099 крестоносец арын татын кылдӥз королевство. Озьы-ын салах 1187 аръёсы ини-ад-Дина Иерусалимез басьтӥзы, нош берпуметӥ арын усьтэмын, кужым 1291 крестоносец Акр. Кияз 1260 палестинаын арын выжиз мамлюк азьланьтӥсько.




#Article 24: Муско (834 words)


Муско — Россилэн шоркарез, Россиысь бадӟымез карез, Россия Федерациысь субъект.  

Муско интыяськемын Ока но Волга шуръёс вискын — Смоленско-Московской , озьы ик Москворецко-Окской  огазеяськон интыязы. Городлэн площадез — 1 сюрс 91 квадрат иськем, со пӧлысь бадӟым люкетэз усе . Москва интыяськемын Москва шурлэн кыкпал ярдураз. Та шур сяна, картӥ бызё таӵе шуръёс но: Сходня, Химка, Пресня, Неглинная, Яуза, Нищенка, Сетунь, Котловка, Городня. Тросэз та шуръёс бызё кар пушкетӥ — коркаос ултӥ мынӥсь гумыос кузя. Россиысь городъёс пӧлын Москва тужгес но узыр луэ нюлэсэн но будосъёсын. Отын утемын Измайлово, Тимирязев, Битца паркъёс, озьы ик Нескучный но Ботанической садъёс. 

Россия понна Муско — номырин мертантэм инты: отын политикаезлэн но, культураезлэн но, тодосэзлэн, ужбергатонэзлэн но шорсюлмыз. 

Улӥсьёсызлэн лыдзы — ог 10 миллион 382 сюрс 800 адями (2002). Муско висъямын 9 округъёслы. Шор округ интыяськемын городлэн вашкала люкетаз. Мукетъёсыз 8 округъёс Москвалэн котыръёсаз интыяськемын, МКАД котырын но со сьӧрын. Уйпал — шунды пуксён пал округе пыро таӵе ёросъёс - Куркино, Митино; Уйпал — шунды ӝужан пал округе — кар типъем Северный посёлок, Шунды ӝужан пал округе - Выхино, Жулебино; Лымшор — шунды пуксён пал округе — Уйпал но Лымшор Бутово. Со сяна, Москва городэ чотэ пыро солэн котыраз интыяськем Зеленоград, Внуково, Толстопальцево, Рублёво, Некрасовка, Люберцы, Одинцово, Видное, Долгопрудный, Мытищи, Королёв, Балашиха, Реутов, Химки городъёс.

Мусколэн валтӥсь кивалтӥсез карлэн йырыз — мэр. Та ужез али валтэ Собянин, Сергей Семёнович. Кат кылдытъянэн выре Карысь Дума. Отчы пыре 35 депутат, соосты быръё 4 арлы. 

Мускоын ваньзэ ӧвӧлзэ 121 театр. Пӧлазы — Большой но Малый, Чеберлыко, Таганкаысь театръёс. Мускоын 94 пала вылӥ дышетсконниос (29-эз университетъёс), 1 сюрс 433 школаос, 147 училищеос но техникумъёс, 1 сюрс 820 нылпи садъёс. Мускоын ужало осконъя 807 пала огазеяськонъёс. Москваын аккредитъемын 138 посольство, 35 сюрс кунгожсьӧр предприятиос.

Муско – Россиысь валтӥсь но дуннеысь огез бадӟымез тодос шоринты. Туннэ нуналлы Россилэн шорсюлмаз ядерной энергия, микроэлектроника, космонавтика но мукет специальностьёс азинско, кудъёсыз кунмылэсь гинэ ӧвӧл – быдэс дуннеысь наукалэсь азинскон сюрессэ юнмато.

Нырысь тодос эскоронъёс кутскизы та карын 1755-тӥ арын, куке ӧсъёссэ усьтӥз Мускоысь университет. Озьы ик та вакытэ уксёё муртъёслэн мылкыдзыя ужаны кутскизы тодос лабораториос (шуом, Я.В. Брюслэнэз). XIX даурлэн кутсконаз университет бордын кылдылӥзы наукалэн пӧртэм вайёсызъя сообществоос: вашкала историяя (1804), эмъянъя но физикая (1804), инкуазез эскерись сообщество (1805), кылэз яратӥсез (1811) но мукетъёсыз. XIX даурлэн шораз тодосъя эскоронъёс радъяськылӥзы ни мукет университетъёс бордын но. 

Мусколэсь шоркар статуссэ берыктемзы бере 1918-тӥ арысен выль тодос ӧръёс азинскыны кутскизы. Кылдӥз Шор аэрогидродинамикая институт (ЦАГИ, 1918), Л. Я. Карпов нимо Химияя институт (1921), Электротехникая институт (1921) но мукетъёсыз. Ленинградын но Мускоын кутско ужаны пӧртэм академи институтъёс. 1929-тӥ арын ужаны кутске В. И. Ленин нимо гурт удысысь тодос академия. 1934-тӥ арын Ленинградысь Муское выжто СССР-ысь наукая академиез. 1940-тӥ арын кылдытэмын СССР-ысь Медициная академия, РСФСР-ысь педагогика наукосъя академия.

Мускоысь тужгес тодмо тодос ужъюртъёс луо: физикая, кристаллографияя, радиотехникая но электроникая, химияя, органика химияя, химиё физикая, биохимияя, космос эскеронъёсъя, археологияя, но мукет. 

Тужгес тодмо тодос-эскерон институтъёс: Атом энергияя Курчатов нимо институт, Теорияя но экспериментъя физика институт, шор аэрогидродинамикаяя Жуковский нимо институт, Физикая но химияя Карпов нимо институт но мукетъёсыз. 

Совето вакытэ кылдэм коммунист идеологиез эскерись институтъёс туннэ ассьсэлэсь ужзэ историяя, экономикая, политологияя но мер тодос ӧръёсын радъяло.

Российской Федерацилэн шорсюлмаз утемын архитектура синпелетъёс, кудъёсыз туннэ нуналлы историмылэсь азинскон сюрессэ син учкымон но кие кутымон адӟытыны быгато. Тросэз вашкала юртъёс ЮНЕСКО огазеяськонэн утисько, соос пӧлын: Мускоысь Кремль, Горд площадь, Коломенскоеын Вознесение черк, монастыръёс (Андроников, Донской, Новодевичьей), усадьбаос (Кусково, Останкино, Царицыно, Кузьминки), Пашковлэн юртэз, Бадӟым театр но мукетъёсыз.

XII-XIV дауръёсы пулэсь лэсьтэм юртъёс 

Пулэсь лэсьтэм юртъёс туннэ нунналозь утьыны ӧз луы. Ӵем пуромылись тылӝуос архитектурной синпелетъёсты весяклы быдтӥзы. Озьы ке но пуэн лэстӥськон йылолъёс изен лэстӥськон йылолъёслы азинскыны луонлык сётӥзы. Туннэ нуналлы Боровицкой вырйылын Дьяковской культураысь городищелэн люкетъёсыз кылемын ӧвӧл ке но, туала ӧнерчиосын куд-ог реконструкционной ужъёссы вашкала Мусколэсь вылтуссэ адӟытыны быгато ик. 

XIV-XV дауръёсы излэсь лэсьтэм юртъёс 

Мускоын излэсь лэсьтэм нырысетӥ юрт Успенской собор луэ (1326).  

Совето союз дыръя лэстӥськон 

Туала архитектура

Куд-ог эскерисьёслэн лыдъян-чотанзыя Мускоын 1990-тӥ арысен быдтэмын вал эшшо ог 700 архитектурной синпелетъёс (Москва гостиница, Шуныт вузкарон радъёс, Военторг…). Соос интыын туннэ туала модерн стилен лэсьтэм юртъёс сыло. «Лужковский стиль» термин но кылдӥз, куке огазеяськемын луэ одӥг интыын постмодернизм, историзм но эклетика: «Наутилус «вузкарон центр, «Пушкин но Натали» фонтан, «Самсунг» офисной центр но мукетъёсыз.

Муско – культурая но туризмъя Европаысь но дуннеысь огез бадӟымез центрез луэ. Кунооосты паймыто вашкала, совето но туала Россиялэсь историзэ возматӥсь синпелетъёс. Городын туризмез азинтон инфраструтура умой радъямын — трос отельёс но гостиницаос, шутэтскон клубъёс но мукет досуговой юртъёс. 

Театръёс

Туала Мускоын ог сю пала пӧртэмесь театръёс ужало. Тужгес тодмоосыз — Бадӟым театр, Покчи театр, Чехов нимо МХТ, Современник, Ленком, Таганка, Петр Фоменколэн театрез но мукетъёсыз.

Музейёс 

Москоысь кун университетлэн тыршеменыз усьтэмын вал таӵе музейёс: Политехнической, Исторической, Зоологической, Антропологической, Пушкин нимо суредаськон искусствоя музей, Ботанической, Зоологической сад но мукетъёсыз. Тужгес тодмо луэ Третьяковской галерея, кудиз кылдытэмын Третьяков меценатлэн уксёёз вылэ. Адӟытон павильонъёс ужало — Суредаськисьлэн шорюртэз, Манеж но мукетъёсыз.  

Мускоын кун музейёсын одӥг радын ужало частной музейёс но. 

Кинотеатръёс

Мускоын ужало уно кинотеатръёс, кудъёсыз пӧртэм форматъёсын адӟытыны быгато. Тросэз кинотеатръёс мультикомплексной луо: учкыны луэ одӥг интыын одӥг дырэ пӧртэм кинолентаосты.




#Article 25: Алнаш ёрос (257 words)


Алнаш ёрос () — Удмуртиысь кивалтоно люкетэз (муниципал ёрос). Центрез — Алнаш черкогуртын.

Ёрослэн территориез 896 кв. км.

Алнаш ёрос интыяськемын Удмурт Элькунлэн лымшор палаз. Та ёросэз котырто шаерысьтымы Можга, Грах ёросъёс, Бигер шаерысь Агрыз но Менделеевск ёросъёс. Алнаш ёросэтӥ ортче паськыт сюрес — Ижез герӟа Набережные Челны карен.

Тунсыко: ёросысь Кизекгуртын вань Пугачка шурзы. Таӵе ним солы гуртоос сётӥллям Е. Пугачёвлэн ожгарчиосыз татын тулкымъяськем бере.

Алнаш ёрос кылдӥз 15-тӥ пӧсьтолэзе 1929-тӥ арын. Отчы Можга уездысь Большекибьинской но Алнашской волостьёсысь 17 сельсовет пыриз. Аръёс ортчемъя ёрослэн оглюкетэз выжиз Можга районэ, нош Елабужской ёрослэн одӥг сельсоветэз пыриз Алнашлэназ.

Пусъёно: сельсоветъёслэн лыдзы арысь аре вошъяськылӥз. Кылсярысь, 1939-тӥ арын вал 14, 1955-тӥ арын — 10, 1957-тӥын — 12, нош 1971-тӥ арын — 9. 1995-тӥ арысен Алнаш ёросэ пыро 11 сельсоветъёс:

Ёрос кылдыку, ваньмыз-ӧвӧлэз татын 157 гуртъёс, починкаос вылӥллям, нош улӥсьёсыз — 38 сюрс 114 адями. Та вакытэ ёросын ог 80 населенной пункт лыдъяське, улӥсез — ог 20 сюрс 800 мурт.

Нырысетӥез сельхозартель — «Луч» — кылдӥз 1920-тӥ арын. Коллективизация йылпумъяськиз 1937-тӥ арын. 1950-тӥ арозь ёросын ужаз-тыршиз 108 колхоз. Туннэ нуналлы кылемын на 20-ез гинэ. Фермер огазеяськонъёс кылдыны ӧдъязы 1991-тӥ арысен. Али дырлы татын ог 160 фермер-хозяйство.

Ёросын улэ ог . Пӧлазы пӧртэм выжыысь калыкъёс вань: удмуртъёс — 82 %, ӟучъёс — 12 %, бигеръёс — 3,5 %, поръёс — 2,1 %.

Ёросын ужало кирпич поттонъя завод, «Тойма» фирма, вӧй-сыр поттонъя завод, нянь пыжонъя завод, пищекомбинат. Вань 3 банксы но. Быдэс Удмурт шаерын улӥсьёс тодо Ӟатча санаторизэс. Отысь вузы, дэризы пӧртэм висёнъёслэсь эмъя. Та ёрослэн бадӟым узырлыкез со но — писательлэн Г. Красильниковлэн но кылбурчилэн Ашальчи Окилэн музей-коркаоссы.

Ёросын 36 дышетсконни, 22 лыдӟиськонни, 38 культурая юрт но 3 музей вань.




#Article 26: Вавож ёрос (636 words)


Вавож ёрос — Удмуртиысь ёрос. Центрез – Вавож.

Вавож ёрос интыяськемын Удмурт Республикалэн шундыпуксён палаз. Уйпаласен Вавож герӟаське Сюмси ёросэн, шундыӝужанысен - Ува ёросэн, лымшорысен - Можга ёросэн, шундыпуксёнысен - Киров улосэн.

Ёрослэн огъя площадез - 167 сюрс 899 гектар. Ёрослэн уйпалыз интыяськемын Центрально-Удмуртской низменностьын, лымшор палыз - Можгинской возвышенностьын. Ёросэтӥ бызё Вало, Инга, Ува, Кылт шуръёс, трос тыметъёсыз но тыосыз. Тужгес бадӟымез тымет Брызгаловоын - 134 гектар музъем вылын. 

Вашкала дауръёсы та музъемъёс вылын улӥллям Юсь, Можга, Докья, Пельга, Котъя, Уча, Монья, Бия выжыос. Вавожъёс сярысь нырысьсэ вераськонъёс вӧлмиллям 1716-тӥ арын. 

XIX даурын кылдӥз выль волость. Шорсюлмыз луиз Вавож. Татын ӧй вал помещикъёс. Соин ик крестьян калыкъёс гань-гань ужазы музъем бордын. Но, Вавож волость Кам заводъёслэсь кыдёке интыяськемын вал ке но, завод ужлэсь соос пегӟыны ӧз быгатылэ. 

Вотка автономной область кылдэм бӧрсьы та волость пыриз Можга уездэ. Нош 1924-тӥ арын Вавож, Водӟимӧнья, Ува-Тукля волостьёсты огазеязы Вавожской волостной районэ. 

Ёрослэн вань аслаз Уставез, муниципал кылдытэтъёсыз. 
Депутатъёслэн ёрос кенешазы пыре 33 депутат, депутатэ быръёнъёс ортчыло вить арлы быдэ. 
Ёрос муниципал кылдытэтлэн йырыз - Березин Вячеслав Иванович. 
Вавож ёрос муниципал кылдытэтлэн администрациезлэн йырыз - Иноземцева Татьяна Васильевна. 

Туннэ нуналлы ёросын 69 населённой пункт лыдъяське. Соос огазеямын 10 гурт поселение: Вавож, Водӟимӧнья, Тыловыл-Пельга, Какмож, Нюрдор-Котья, Ӟямбай, Гурезь-Пудга, Волипельга, Брызгалово, Большеволково. Ёрослэн бюджетэз 2009-тӥ арын: доходъёсыз - 371 сюрс 339 манет, расходъёсыз - 371 сюрс 947 манет. Бюджетлэн бадӟым люкетэз кошке ЖКХ, дышетон, культура, тазалыкез утён, улон-вылонын юрттэт сётон удысъёслы. 

Вавож ёрослэн кунпусаз куинь символэз вань: чагыр буёл вылын адско нюлэс но ю шеп. Угось ёрослэн экономикаез быдэак герӟаськемын гурт удысэн но нюлэс хозяйствоен. Нош чагыр буёл возьматэ ошмесъёсын, шуръёсын узыр музъемзэс.   

Вавож ёросын ваньмыз-ӧвӧлэз 35 дышетон учреждение: 17 школа, 16 нылпи сад, ватсаса тодон-валан сётонъя 3 центр. Татын визь песьтэрзэ будэтэ 3 сюрслэсь трос пианл, соосын ужало сюрслэсь уно дышетӥсьёс. 2007-тӥ арын Вавож черкогуртысь школа вормисе потӥз инновациослы сӥзем программаосты улонэ пыӵатонъя конкурсын. 2006-2009-тӥ аръёсы 8 дышетӥсь «Россиысь дано дышетӥсь» конкурсын лауреат луиз. 

Озьы ик ёросын вань 23 культурая юрт, 18 библиотека, краеведениея музейёс. 6 самодеятельной коллектив калык ним басьтӥз - кыӵе гинэ но ужрадъёсы соос уг пыриськыло! «Гуждор», «Гербер», «Пичи гуждор», «Радуга», «Дружба», «Улыбка» ансамбльёсты тодӥсьтэмез ик ӧвӧл, дыр. 2008-тӥ арын ёрос библиотека республикаямы ортчись «Большое чтение» конкурсын вормисе потӥз. 

Югдытӥсьлы Кузебай Гердлы (Кузьма Павлович Чайниковлы) сӥзем музей Вавож ёрослэн пусэз выллем луэ. Со усьтӥськиз 1998-тӥ арын - Гердлэн вордӥськемез дырысен 100 ар ортчем бӧрсьы. Музей-коркан Чайников улӥз-вылӥз, дышетскиз, ужаз. Отчы пырыса, син азе яркыт пуксе удмурт калыклэн кылем дауръёсы улэм-вылэмез. Экскурсиос ортчыло удмурт но ӟуч кылын. Шаерысьтымы сяна, К. Гердлэсь юртсэ адӟыны вуыло кунгож сьӧрысь но куноос.  

Ёросын дышетон удыслэн кутсконэз герӟаськемын 1842-тӥ арен. Соку Вавожын усьтӥськиз церковно-приходской школа. Ӵапак татын ик тодон-валанзэ муромытӥз тодосчи Кузебай Герд, авиациысь маршал Фёдор Фалалеев.

Гурт удыс - валтӥсь инты басьтэ ёрослэн экономикаяз. Берло аръёсы, мукет ёросъёсын ӵошатыса, та удысъя соос азьпал радын мыно. Ёросын ваньмыз-ӧвӧлэз 12 кооператив, отын тырше 2 сюрслэсь ятыр адями. Усто тыршо Мичурин нимо, «Колос», «Удмуртия», «Луч», «Зарни Луд», «Жуе-Можга» эштосъёс. 50-лэсь трос дояркаос котькуд скаллы быдэ кыско 6 сюрс литрлэсь уно йӧл. 

Туннэ ёросын ужа промышленностья кӧня ке огазеяськон: «Какможлес», «Вавожлес», «Нюрдор-Котья», «Сайдинг». Одӥгъёсыз нюлэсэн выро ке, мукетъёсыз тыршо гыбед поттонын. Вавож палъёсы чагыр эстӥськон кысконъя но ужъёс огсыр мыно. Берло кык ар куспын 130 километр газопровод нуйтэмын. 

Ёросын тужгес бадӟым саклык висъяло нылпи спортлы. Та ласянь ӟеч тырше Вавож ДЮСШ. Отчы ветлэмъёс тросэз спортъя мастеръёс, эрико нюръяськонъя Приволжской федеральной округысь чемпионъёс луо ини: Тимур Аллакулов, Владимир Аллакулов, Виктория Кочнева. С. Каргашин тренерлэн дышетскисьёсыз - Николай Лебедев, Татьяна Протопопова, Екатерина Лебедева, Андрей Голубьев - шаерысьтымы куасчиослэн сборноязы пыро. Денис Кокорин, Анна Евстафьева, Виталий Коротаев - Иван но Никита Рябовъёс, Мария Чуб - капчи атлетикая кужмо усточиос. Арлы быдэ школаын дышетскисьёслы А. Мезринлы сӥзем спартакиадаос ортчыло. Та сяна, егитъёс мыло-кыдо пырисько Тол но Гурт шудонъёсы. Кылсярысь, 2009-тӥ арын  спортсменъёс Тол но Гужем президент шудонъёсын 3-тӥ инты басьтӥзы. 




#Article 27: Вотка ёрос (219 words)


Вотка ёрос — Удмуртиысь ёрос. Центрез — Вотка кар. Вотка ёрос интыяськемын Удмурт Республикалэн шундыӝужан палаз. Ёросэз котырто Дэри, Якшур-Бӧдья, Шаркан ёросъёс но Пермь шаер.

Ёрос кылдӥз 4-тӥ ноябре 1926-тӥ арын. 22-тӥ октябре 1937-тӥ арын Киров улосысь Удмурт АССР-е шедиз . Отчы соку пыриз 19 сельсовет. 1996-тӥ арын Вотка ёросын 11 гурт администрация, 80 населённой пункт лыдъяськиз.

Ёрослэн быдӟалаез — 1917,6 кв. км. Улӥсез 24,2 сюрс мурт. Пӧлысьтызы 74,6%-эз — ӟучъёс, 22,9%-эз — удмуртъёс, 1,5%-эз — бигеръёс. Шорсюлмыз — Вотка город.

Ёросэтӥ бызё Кам, Сива, Ольховка, Идӟи, Сидоровка, Пихтовка, Кивара, Лып, Мостовка шуръёс. Вань Вотка тымет. Ёрослэсь 28 % муоссэ басьто нюлэс кушъёс.

Ёосын ужало пӧртэм заводъёс: лэсьтӥськон удыслы чаклам арбериос поттонъя комбинат, шунытэз возись материалъёс поттонъя завод. «Чайковский», «Двигатель», «Воткинский» огазеяськонъёсын будэто емышъёс, «Пихтовкаын» — чорыгъёс.

Ёросын 27 школа, искусствоосъя 2 школа, профтехучилище, нылпиосты школалэсь азьвыль дышетонъя 25 учреждение, 4 больница, 26 поликлиника вань. Та сяна, йӧнатонэн выро 12 пичи санаторийёс-профилакторийёс — «Камские дали», «Уральские зори» но мукет. Усьтэмын 17 культурая юрт. Вотка городын но Вотка ёросын оглом 38 культурая памятник лыдъяське.

Ёрос газет — «Воткинские вести» (1930).

Ёрослэн музъем вылтӥз Воткаысь Иж, Чайковск, Пермь каръёсы но Шаркан черкогуртэ асфальт шоссеос кошко. Озьы ик татын ортчо Ижевск — Воткинск но Куарса — Построечной чугун сюресъёс. Вотка ёросын интыяськемын кык станция (Куарса но Построечной), кык чугун сюрес разъезд (Июль но Болгуры) но ньыль платформа (58-тӥ км, 61-тӥ км, 70-тӥ км, 78-тӥ км).




#Article 28: Грах ёрос (227 words)


Грах ёрос — Удмуртиысь ёрос. . Центрез — Грах.

Грак ёрос кылдэмын 1929-тӥ арын 15-тӥ июле. Ёросэз котырто Алнаш, Можга, Кизнер ёросъёс но Татарстан Республика. Грак ёрослэн быдӟалаез - 967, 7 квадрат иськем. Со пӧлысь 340 иськемез шобырскемын нюлэсъёсын, 570 квадрат километрзэ бусыос басьто. 

Ёросэз Удмуртилэсь быдэс туссэ возьматӥсь районэн лыдъяло. Уго татын валче уло пӧртэм выжыысь калыкъёс. Улӥсьёс пӧлысь 42, 3 процентэз ӟучъёс, 36, 6 процентэз - удмуртъёс, 10, 9 процентэз - поръёс, 6, 1 процентэз - крашинъёс, 3, 3 процентэз - чувашъёс. Удмуртъёс татчы котькинлэсь азьвыл интыяськизы. 18-тӥ даурын кылдыны ӧдъязы пор гуртъёс. Бӧрысьгес вуизы ӟучъёс но крашинъёс. 20-тӥ даурлэн кутсконаз кылдӥзы чуваш починкаос. 

Ёросын 8 гурт поселение. Отчы пыре 41 гурт. Соин ёросын уноез калык тырше гурт хозяйство удысын.  Татын 10-лэсь трос гурт предприятиос но фермер хозяйствоос. Уката азинлыко ужась предприятие луэ Родина  СПК. Кивалтэ соин шаерамы туж тодмо воргорон Михаил Крестьянинов.
Ёросысь потэмын трос тодмо но дано адямиос. Нырысетӥ удмурт нылкышно кылбурчи Ашальчи Оки, филология наукаосъя доктор Михаил Гаврилович Атаманов, удмурт гожъяськись Айво Иви, Слава орденлэн куинь полэс кавалерез Пётр Ильич Бельский. Егитъёс пӧлысь пусйыны луоно спортсменкаез Оксана Удмуртоваез. 2008-тӥ арын со пыриськиз Пекинын ортчем гужем Олимпиадае.

Ёросын 20 школа интыськемын. Со пӧлысь 7-ез шор ёзо луо, озьы ик вань 18 нылпи сад. Калыкез эмъяло ёрос больницаын но гуртъёсысь 25 фельдшер пунктъёс. Культура улонэз азинто 26 клуб. Мугорез кыдатон понна ужа 12 спортзал.




#Article 29: Дэбес ёрос (249 words)


Дэбес ёрос — Удмуртиысь ёрос. Центрез — Дэбес. Дэбес ёрос интыяськемын республикалэн уйпал но шунды пуксён палаз. Солэн огпал люкетыз Шаркан, Кез но Эгра ёросъёс пала учке, шунды ӝужан палась бускелез - Пермь шаер. Дэбес черкогуртысен Ижозь 140 иськем. 2008-тӥ арлы ёросын лыдъяськиз 14 сюрс 211 мурт улӥсез. Татын 23 выжыысь калык улэ. Озьы ке но 72 процентэз адямиос – удмуртъёс. Ёросын 10 гурт поселениосы огазеямын 61 гуртъёс.

Ёрослэн историез кутске 1929-тӥ арысен. Татчы пыризы Глазов уездысь Дэбес, Полом волостьёс, Иж уездысь Тыловай волость. Озьы ке но кӧня ке пол 1963-тӥ арын Дэбес ёросэз Кез ёрос ёрос борды огазеяллязы. 1965-тӥ арын Дэбес ёрос нош ик нимаз кариськиз.

Дэбес ёрос быдэс республикалы но солэн палэназ тодмо луэ Сибирь трактлэн люкетэныз. Сое та палан ӝутыны кутскизы 1682-тӥ арын. Сюрес кыстӥськиз Дэбесысен Кунгурозь. Нош XVIII даурлэн шораз та сюресэз герӟазы Сибирь трактэн. Пусйымон соиз: Дэбесын ваче вуылӥз кык сюрес. Огез нуылӥз Москвае, мукетыз – Петербурге. Сибире кошкисьёс яке со палась лыктӥсьёс одно ик Дэбесэ дугдоно луылӥзы. Соос пӧлын Россия империысь туж тодмо адямиос: А. Н. Радищев, Ф. М. Достоевский, М. Е. Салтыков-Щедрин, Н. Г. Чернышевский. 1824-тӥ арын татысь священниклэн юртаз кӧлӥз ӟуч император Александр I. 
Туннэ вашкала сюреслэн люкетэз пыре Сибирь трактлэн историезлы сӥзем музее. Ёросын мыло-кыдо пумитало шаерысьтымы но кунгож сьӧрысь куноосты.

Ёросысь 6 сюрслэсь ятыр воргоронъёс 1941-тӥ арын кошкизы Быдӟым оже. Тылож бусыосысь ӧз берытскы котькуд кыкетӥез пиосмурт. Ёрос данъяське ожын Совето Союзлэн Героез ним басьтэм аспал муртъёсыныз. Л. В. Рыковлэн но А. Е. Ярославцевлэн нимъёссы сётэмын Дэбес черкогуртысь ульчаослы.




#Article 30: Завьял ёрос (272 words)


Завьял ёрос (яке Дэри ёрос) — Удмуртиысь ёрос. Площадез — . Ёрослэн административной центрез — Дэри черкогурт. Завьял ёрос кылле Удмуртилэн шораз ик, Ижез котыртыса. Завьял ёрос луэ Удмуртиысь пристоличной ёрос (официальной статусэз).

Шундыпуксён паласен шунды ӝужан дорозь Дэри ёрос 75 иськем кыстӥське, уйпаласен лымшорозь — 57 иськем. Оглом 2 сюрс 220 квадрат иськем вылэ вӧлскемын Дэри ёрос.

Филология наукаосъя доктор М. Г. Атаманов Дэри топонимлэсь кызьы кылдэмзэ тазьы валэктэ: нырысьсэ Дэри сярысь веран пусъемын 1710-тӥ арын ортчем переписьын. Арчае нуись сюрес вылын Дери-Чудья гурт вань — со ик Завьялово. Завьял — гуртэз кылдытӥсьлэн нимыз. Дэри гурт ним потэмын Дерьянка шурлэн ӟуч нимыз бордысь, дэри, напра шуэмез возьматэ. Чудья — удмурт воршуд ним. 1710-тӥ арын гуртын 55 юрт вылэм, улӥсьёсыз чын удмуртъёс гинэ, пе.

Секыт вакытъёс тупазы Ижлы матын интыяськем ёросын улӥсьёслы. Уго Иж заводэз ӝутон соослэсь палэнэ ӧз кыльы — заводлы 60 иськеме матын пуксем гуртъёсысь калыкез завод борды гожъязы. Завьял но Юсь волостьёсы пырись крестьянъёсты кужмысь ужатӥзы: пристане вуэм вузъёсты ӝоктӥзы, чугун но мукет корт нуллӥзы. Кылсярысь, 1834-тӥ арын Дэри ёросысь 1099 мурт Иж заводын тыршиз.

Ёрослэн туала тусыз кылдэмын 1937-тӥ арын.

Ёросын артэ уло но ужало пӧртэм выжыысь калыкъёс. Соос пӧлысь 50,7 % — удмуртъёс, 43,9 % ӟучъёс, 3,2 % бигеръёс. Вань улӥсьёс — 72 сюрслэсь трос. Гужем вакытъёсы ёросысь калыклэн лыдыз йылэ 5-6 поллы, уго Дэри музъем вылын интыяськемын 164 сад-бакча кооператив.

Ёрослэн экономикаяз бадӟым инты басьтэ гурт удыс. Татын 108,93 сюрс гектар гыроно-кизёно муоссы. Районлэн огъя быдӟаласьтыз 40 процентэз муос нюлэсъёсын шобыртэмын. Татын азинско гурт удыс, нюлэс дасян, му вӧй поттон.

Дэри ёрос люкиське 19 муниципал кылдытэтъёслы. Ваньзы луо гурт поселениос.

Завьял ёросын 127 гурт интыяськемын: 16 черкогурт, 94 гурт но 17 починка.

Кун власть Завьял ёросын Уставезъя радъямын. Муниципал ёросэн кивалто:




#Article 31: Камбарка ёрос (288 words)


Камбарка ёрос — Удмурт Республикалэн ог люкетэз.

Интыяськемын республикалэн шундыӝужан но лымшор палаз, Кам шурлэн паллян пал ярдураз. Ёрос кылдэмын 1939-тӥ арын 7-тӥ мартэ. Со дырозь Камбаркаез Сарапул ёросэ пыртӥзы, нош 1937-тӥ арозь та ёрос вань Удмурт шаерен валче Киров улослэн оглюкетэз вал.

Камбарка ёрослэн быдӟалаез — 762 квадрат иськем. Ёрослэсь 57 процент быдӟалазэ басьто нюлэсъёс. Татын тросгес будо лысо писпуос. Татын му вӧй, луо, торф музъем узырлыкъёс вань.

Татын 21 сюрс адями луэ. Со пӧлысь 40 процентэз гуртын уло, 60 процентэз выжыяськемын Камбарка городэ. Озьы ке но улӥсьёс пӧлын 53 процентэз нылкышноос, 47 процентэз луо воргоронъёс. Соос пӧлын 81 процентэз ӟучъёс, 3,9 процентэз удмуртъёс, 8,6 процентэз бигеръёс, 1,3 процентэз поръёс. Озьы ик татын вань украин, белорус, чуваш но трос мукет выжыысь калык.

Камбарка ёрос люкиське 8 муниципал кылдытэтъёслы. Соос пӧлын 7 гурт но 1 кар поселениос.

Камбарка ёросын 21 улон инты интыяськемын: 1 кар, 1 посёлок, 6 черкогурт, 8 гурт, 1 станция но статустэк 4 улон инты.

Кун власть Камбарка ёросын Уставезъя радъямын. Муниципал ёросэн кивалто:

Ёросын ужа 12 школа, со пӧлысь 8-эз шор ёзэ луо. Нылпиос ветло 13 нылпи садэ. Тазалыкез утё но эмъяло 3 больницаын но 6 фельдшер-акушер пунктъёсын. Озьы ик ёросын ужа 11 культурая юрт но клубъёс, 11 библиотека. Камбаркаын вань крезьгуръя школа но музей.

Камбарка ёрослэн бадӟым люкетэз герӟаськемын промышленностен. Татын азинско машина лэсьтон но корт ӵыжатон удысъёс. Калык тырше нюлэс дасян но пул пилён удысын.

Пусйыны кулэ: ёрослы удалтӥз сюресъёсын но. 74 иськем машина сюрес сяна, татын 104 иськем кыстӥське чугун сюрес. Ёрос пыр ортче «Москва-Свердловск» но «Ижевск-Чайковский» сюресъёс. Ёросын интыяськемын поезд дугдылон 4 станция. Со сяна, Кам шур кузя ветлэ ву транспорт. Кам шур вамен ужа паром. Ӝоген Кам вамен выж лэсьтыны чаклало. Соку Камбаркаысь Нефтекамск городэ кӧня ке минут куспын вуыны луоз.




#Article 32: Каракулино ёрос (287 words)


Удмуртиысь ёрос. Центрез — Каракулино.

Каракулино ёрос интыяськемын шаермылэн лымшор но шундыӝужан палаз. Бускельёсыз луо Сарапул ёрос, Татарстан но Башкортостан республикаос. Ёрослэн быдӟалаез 1192, 6 квадрат иськем. Ёрослэн шунды ӝужан палтӥз кошке Кам шур.

Каракулино ёрос кылдӥз 1923-тӥ арын, но вуоно араз сое быдтӥзы. 1926-тӥ арын 4-тӥ ноябре ёросэз выльысь кылдытӥзы. 1931-тӥ арын районэз Сарапул ёрос борды огазеязы. 1935-тӥ арын Каракулино ёрос кылдӥз куинетӥ ползэ.

Районын улэ 13 сюрс 9 адями. Улӥсьёслэн лыдзыя со шаерысьтымы ёросъёс пӧлын 20-тӥ интыын мынэ. Татын уло 72,6 процент ӟучъёс, 16,9 процент поръёс, 5 процент удмуртъёс но 3,7 процент бигеръёс. Пусйыны кулэ: шаерамы пор калык огазегес интыяськемын куинь ёросъёсын. Ӵапак Каракулино ёросысь Ныргында но Быргында гуртъёсын уло-выло трос поръёс.

Районын кивалтон удыс оскемын муниципал кылдытэтлэн йырызлы - Сергей Александрович Третьяковлы. Ёрос администрацилэн йырыз луэ Сергей Николаевич Русинов.

Ёросын 12 гурт поселение кылдытэмын. Татчы пыро 31 гуртъёс но посёлокъёс. 

Районын интыяськемын 14 школа - со пӧлысь 9-эз шор ёзо, покчи тодон-валан сётӥсь 27 номеро училище. Со сяна, вань 10 нылпи сад. Тазалыкез эмъян удысын тырше ёрос больница, гуртъёсысь 9 фельдшер-акушер пункт. Культура удысын ужа 19 клуб, 16 библиотека, искусствоосъя нылпи школа. Арлыдоослы усьтэмын юрт. Каракулино черкогуртын интыяськемын ёрослэн историезлы сӥзем музей. 

Татысь экономикаын валтӥсь инты басьтэ му вӧй кыскон. Удмуртиысь ёросъёс пӧлысь Каракулино район та удысын котькинлэсь азьпала мынэ - республикаысь 25 процентэз кыскем му вӧй та ёросысь. 

Гурт хозяйствоын ужало 24 процентэз улӥсьёс - ог 1 сюрс 300 адями. Йӧл кыскон но нянь будэтонын тырше 8 гурт предприятие. Со сяна, уно йӧл но сӥль потто нимаз ужбергатӥсьёслэн хозяйствооссы.

Ёросын туж данъясько но сӥлы каро Быдӟым Отечественной ожын Совето Союзлэн Героез ним басьтэм муртъёсты: Александр Андреевич Девятьяровез, Павел Николаевич Кирьяновез, Николай Аркадьевич Коровинэз, Алексей Павлович Котельниковез, Иван Васильевич Масловез но Вадим Александрович Сивковез.




#Article 33: Кез ёрос (220 words)


Кез ёрос – Удмурт Республикалэн ог люкетэз.

Кез ёрос кылдэмын 1929-тӥ арын 15-тӥ июле. 

Интыяськемын шаермылэн уйпал но шунды ӝужан палаз. Бускельёсыз луо Дэбес, Эгра но Балезино ёросъёс но Пермь шаер.  

Ёрослэн шорсюлмсеныз – Кез посёлыкысен – Ижозь 172 иськем.

Ёрослэн быдӟалаез 232 сюрс 102 гектар. Со пӧлысь 37 процентэз – 85 сюрс гектарез – гыроно-кизёно муос. 59 процентэз музъемъёс – 138 сюрс гектарез – нюлэсъёсын шобыртэмын.

Ёросэ туннэ нуналллы пыре 15 муниципал кылдытэт. 

Ёросын 26 сюрс 446 мурт улэ. Кез посёлокын 11 сюрс 700 мурт. Со пӧлысь 68 процентэз удмуртъёс, 30 процентэз ӟучъёс, 1, 5 процентэз бигеръёс.

Кез ёрослэн туж узыр вашкала историез. Татын шедьтэмын 4 городище но 10 могильник. Соос туж трос ивор сётӥзы ёрослэсь историзэ усьтонын. Озьы ик Сибирь трак но ёрослэн ортчем сюресаз бадӟым инты басьтэ. Юрук, Озон, Бани но Полом гуртъёс пыр кыстӥськиз Сибире сюрес. 
Кез ёросысь ог 3 сюрс мурт старообрядецъёс луо. Соос берло 400 ар ӵоже утё асьсэлэсь сямъёссэс. Кулига черкогуртын кылдытэмын старобрядецъёслы сӥзем музей, сое утёнэз ас вылаз басьтӥз ЮНЕСКО. Кулига черкогуртын кутске Кам шур.

Кез ёросын вань 30 школа, со пӧлысь 15-ез шор ёзо, 18 нылпи сад. Ёросын интыяськемын 4 больница но 36 фельдшер-акушер пункт. Калык шутэтске 27 культурая юртъёсын, 27 библиотекаын. Кез посёлокын вань искуствоосъя школа, покчи техникъёслэн станцизы, нылпи творчествоя юрт, 5 музей. Озьы ик Кезын интыяськемын нылпи юрт.




#Article 34: Кизнер ёрос (219 words)


Кизнер ёрос — Удмуртиысь ёрос. Центрез — Кизнер.

Кизнер ёрос интыяськемын шаермылэн лымшор но шунды пуксён палаз. Солэн бускельёсыз луо Вавож, Можга но Грак ёросъёс, озьы ик Татарстан но Киров улос. 

Ёрослэн быдӟалаез 2131, 1 квадрат километр. 

Кизнер ёрос кылдэмын РСФСР-ысь Вылӥ Кенешлэн Указэзъя 1939-тӥ арын 24-тӥ январе. Сое кылдытӥзы, Киров улосысь Вятскополянской но Малмыж ёросъёслэсь музъемъёссэс огазеяса. Ёрослэн шорсюлмыз луиз Кизнер черкогурт. Но 1942-тӥ арын ёрослэсь шорсюлэмзэ Кизнер посёлоке выжтӥзы. Озьы ке но ёрослэн историяз вошъяськонъёс кыстӥськизы эшшо кӧня ке ар. 1963-тӥ арын огазеямын вал Кизнер но Грак ёросъёс. 1965-тӥ арын соос выльысь нимаз луизы.

Туннэ нуналлы ёросын 14 гурт поселение. Татын оглом 70-лэсь трос гурт лыдъяське.

Районын 20 школа, со пӧлысь 14-ез шор ёзо луэ. Вань нылпи юрт – татын 86 пинал будэ. Кизнер посёлокын вань крезгуръя школа но киужъёсъя юрт.

Калыкез эмъян удысын усьтэмын 5 больница, 25 фельдшер-акушер пункт. Озьы ик ёросын  культурая 39 юрт ужа, вань 26 гурт библиотека но ёросысь шаертодонъя музей.

Ёрослэн экономикаяз бадӟым инты басьтэ гурт хозяйство. Татын гыроно-кизёно муос 41 сюрс 735 гектар лыдъясько. Таза сюро пудо ог 7 сюрс йыр мында, кысконо скалъёс 3 сюрс 171 йыр. Оглом районын 13 гурт предприятие ужа.

Кизнер ёрос республикаын бадӟым инты басьтэ чугун сюресэныз. Кизнер пыр ортче Горький чугун сюрес. Озьы ик ёрос пыр пото чагыр эстӥськон нуись «Пермь-Уренгой»  но «Западной Сибирь-Центр» газопроводъёс.




#Article 35: Кияса ёрос (188 words)


Удмуртиысь ёрос. Центрез — Кияса.

Кияса ёрос кылдӥз 27-тӥ феврале 1924-тӥ арын, но кӧня ке аръёс улыса со пыриз Сарапул округе. 1934-тӥ арысен та ёросэз Киров улос борды но гожъязы. 1937-тӥ арын со берытскиз Удмуртия борды. Нимаз ёрос луыны Киясалы удалтӥз 1965-тӥ арын. 

Ёросын тужгес азинске гурт удыс. Огъя поттэм продукцилэн быдӟалаысьтыз гурт предприятиос 80 процентсэ басьто. Татын кыско йӧл, вордо пудо-живот, уката азинске парсь вордон комплекс.

Ёросын вань 14 школа – со пӧлысь 10-эз шор ёзо луо. Ужа 11 нылпи сад. Озьы икт тодон-валан басьтыны луэ 2 крезьгуръя школаын, нылпиослы спорт школаын. Калыклэсь тазалыксэ чакла-эмъя 2 больница но 18 фельдшер-акушер пункт. Озьы ик районын ужа культурая  22юрт, 12 библиотека но музей.

Ёрос туж данъяське Пётр Кривоноговлы сӥзем музей ванен. Со кылдӥз 1997-тӥ арын. Музей усьтэмын Пётр Александрович Кривоноговлы — РСФСР-ысь искусство удысьысь дано ужасьлы, усто суредась-баталистлы. Быдӟым Отечественной оже пыриськыса, Кривоногов ортчиз Волоколамскысен Берлинозь ож сюресъёсты. Бӧрысь аслэсьтыз малпанъёссэ кисьтиз суредъёс пыр. 1948-тӥ арын кылдытэм «Победа» ужез пусъемын СССР-лэн кун премиеныз. Совето Союзысь суредасьёс пӧлысь нырысетӥзэ Пётр Кривоноговез пусйизы М. Б. Грековлэн зарни медаленыз. Киясаысь музейын утисько Пётр Кривоноговлэн Быдӟым Отечественной ожлы сӥзем ужъёсыз но мукет суредъёсыз.




#Article 36: Красногорск ёрос (216 words)


Красногорье ёрос (мукет сямен Красногорск ёрос) - Удмуртиысь одӥгез кивалтоно люкетэз, муниципал ёрос. Интыяськемын шаермылэн уйпал но шундыпксён палаз. Бускельёсыз луо Юкамен, Балезино, Эгра но Сьӧлта ёросъёс, Киров улос. 

Ёрос кылдӥз 1935-тӥ арын 8-тӥ январе. Со вакытэ отчы пыриз 15 сельсовет - ваньмыз 163 гурт. Ёрослэсь нимзэ кӧня ке пол вошъязы: 1935-тӥ арын - Святогорской, 1938-тӥ арозь - Барышниковской. 1938-тӥ арын 10-тӥ июле ёрос Красногорской луиз. Районлэн шорсюлмыз - Красногорье черкогурт.

Ёросын 11 сюрс 658 улӥсез. Татын 76 гурт интыяськемын. Ёрослэн огъя быдӟалаез 1 сюрс 860 квадрат иськем.

Татын бызё Лекма, Убыть, Сепыч, Юнда но мукет шуръёс. 30 процентсэ музъемез шобырто нюлэсъёс. Ӵемгес будо кыз, ньылпу. Ёросысь Уть шур дырын интыяськемын мыйёслэн (бобръёслэн) заповедниксы. 

Красногорьеын потто му вӧй но торф. Валамазысь пияла поттӥсь заводлэн вузэз тодмо котыр улосъёсын. Озьы ик татын кема аръёс ӵоже куас поттонъя фабрика но ужаз. Со сяна, ёросын азинскемын нюлэс коранъя но пул пилёнъя предприятиос. Районын вань 12 школа, со пӧлысь 8-эз шор ёзо. Татын тодон-валан люка 2 сюрс 584 мурт. Ёросысь 11 нылпи садэ ветлэ 557 пинал. Озьы ик ёрос центрын интыяськемын нылпиослы спорт школа, творчествоя нылпи юрт.

Тазылыкез эмъян удысын ужа 17 учреждение. Со пӧлысь 3 больница но 14 фельшер-акушер пункт.

Ёросын вань культурая 34 учреждение: райцентрысь культурая юрт, 13 клуб, 15 библиотека. Красногорскын интыяськемын шаертодонъя музей, искусствоосъя нылпи школа.




#Article 37: Можга ёрос (266 words)


Можга ёрос — Удмурт Республикалэн лымшор-шундыпуксён палаз интыяськем ёрос. Администрацияя центрез — Можга кар (ёрос чотэ уг пыры, Удмуртиысь городъёс пӧлы пыре). 

Можга ёрос интыяськемын Можга кар котырын: уйпалан Ува ёросэн герӟаське, шунды ӝужан палан - Пичи Пурга но Алнаш ёрос Татарстан Республикаен, лымшор-шундыӝужан палан - Грах ёросэн, лымшор - шунды пуксён палан - Кизнер но Вавож ёросъёсын. Можга ёрослэн площадез - 1 сюрс 997 квадрат иськем. Ёрос интыяськемын Можга вырйылын, со пыр бызё таӵе шуръёс: Вало, Сюга, Ныша, Сюга, Поршурка, Пычас, Сарсак, Юринка. Можга ёросын улэ 28 сюрс 997 адями (2009-тӥ арлы). Удмуртиысь 25 ёросъёс пӧлысь Можга ёрос калыклэн лыдызъя 6-тӥ интыын. 2002-тӥ арын ортчем лыдъян-чотанъя Можга ёросын улӥсьёс пӧлын удмуртъёс 64%, ӟучъёс - 30%, бигеръёс - 2%.

Можга ёрос кылдытэмын 1929-тӥ арын 15-тӥ июле - отчы соку пыризы Можга уездэ пырись 24 сельсоветъёс: Бадӟым Уча, Бадӟым Кибья, Можга но Троцкой. Районэз кылдытыку, ёросын улӥсез 46 сюрс 126 адями лыдъяськиз. 1932-тӥ арын, Нылга-Жикья ёросэз быдтэм бере, отчы пырись сельсоветъёсты выжтӥзы Можга ёросэ. 1937-тӥ арын Можга ёросын висъяськизы кык бадӟым ёросъёс: Пычас но Бадӟым Уча. 1956-тӥ арын та ёросъёс огазеясько но Можга ёрос нош ик бадӟыма. Соку отчы пырто на Вавож но Алнаш ёросъёсысь сельсоветъёсты. 1965-тӥ арын гинэ Вавож но Алнаш ёросъёс нимаз районъёслы висъямын, нош Можга кар нимаз люкемын но Удмуртиысь город шуыса пусъемын.

Можга ёросысь кивалтӥсьёс ужзэ радъяло, Можга ёрослэн Уставез вылэ пыкъяськыса. Муниципальной властез быдэсъяло:

Та вакытэ районэ пыре 19 поселение.
Можга ёросын вордскемын Удмуртиысь дано адямиос: УАССР-ысь калык писатель Трофим Архипов (Выль Бия гурт) , Михаил Коновалов (Акаршур), Совето Союзлэн Героез Павел Вахромеев, филология наукаосъя доктор Василий Ванюшев (Кусо-Какся гурт) но мукетъёсыз.




#Article 38: Пичи Пурга ёрос (303 words)


Пичи Пурга ёрос — лымшор Удмуртиысь ёрос. Площадез — . Центрез — Пичи Пурга черкогурт.

Пичи Пурга ёрослэн гожъёсыз герӟасько Можга, Ува, Завьял, Сарапул но Кияса ёросъёсын. Ёрос пыр бызё таӵе шуръёс: Яган, Кечол, Огырчи, Лудӟи, Постолка, Оӵ, Бобинка.

Пичи Пурга ёрос кылдытэмын Валтӥсь исполнительной комитетлэн Президиумезлэн постановлениезъя 1929-тӥ арын 15-тӥ июле. Ёросэ пыртэмын вал 12 сельсоветъёс, ваньзэ-ӧвӧлзэ — 168 гурт. Туннэ нуналлы Пичи Пурга районэ пыре 80 гурт.

Ёрослэн тӧроез 2016-тӥ арысен — Колодкина Светлана Ивановна.

Ёросын улӥсьёс пӧлысь тросэз (78,1 %) удмуртъёс, ӟучъёс — 17,8 %, бигеръёс — 2,4 %, поръёс — 0,5 %, мукет выжыысь калыкъёс — 1,2 %.

Ёросын улӥсез 33 сюрс 58 адями (2010-тӥ арын ортчем лыдъян-чотанъя).

Пичи Пурга ёрос люкиське 15 муниципал кылдытэтъёслы. Ваньзы луо гурт поселениос.

Пичи Пурга ёросэ пыре 79 улон инты. Соос пӧлын 9 черкогурт, 63 гурт, 6 починка но 1 выселка.

Пичи Пурга ёросын ӟеч азинске гурт удыс. 4 сюрс 438 мурт пудо вордонын, ю нянь будэтонын ушъямон тырше. Ю нянь одӥг гектарысь 24,1 центнер басьто. 30 мурт пусъемын «Удмурт Республикаысь гурт удысын дано ужась» нимен. Тужгес но азьмынӥсь гурт хозяйствоос: «1-тӥ Май», «Родина», «Молния», «Юж-Пурга», «Надежда».

Ёросын ужа 39 школа, пиналъёслы визь-нод сётэ 996 дышетӥсь: со пӧлысь 96 процентэз вылӥ образованиен. Пичи Пургаын 33 нылпи сад. Пичи Пурга калык кемалась данэ потэмын киужъёсыныз. Вуж Мӧнья гуртын ушъямон ужа Киужъёсъя юрт (кивалтӥсез Николай Тарасов). Отын дасям арбериос быдэс дуннее вӧлмизы ини. Пичипургаос туж ярато кырӟаны-вераны. Ёросын 32 пала культурая юрт. Дуннеысь пӧртэм кунъёсы вӧлмиз ини Пичи Пурга ёросысь кык ансамбльёслэн данзы: «Зарни шеп» (кивалтӥсез Феодосья Тубылова) но «Арганчи» (кивалтӥсез Екатерина Антонова). Нош «Брангуртысь песянайёс» паймытӥзы быдэс дуннеез: Пичи Пурга ёросысь Брангуртысь песянайёс пыриськизы «Евровидение-2012» ӵошатсконэ, потӥзы кыкетӥ интые. Пичи Пурга ёросын вордскемын 20-лэсь уно писательёс: Самсонов вынъёс, Анатолий Перевозчиков, Владимир Возняков, Любовь Тихонова но мукетъёсыз.

Пичи Пурга ёрослы удалтӥз транспорт удыс ласянь: со пыр ортчо Кузон—Огырчи—Екатеринбург, Иж—Огырчи чугун сюресъёс, озьы ик Р320 (Иж—Можга—Алабго) федерал автомобиль сюрес.




#Article 39: Сьӧлта ёрос (284 words)


Сьӧлта ёрос — Удмуртиысь ёрос. Центрез — Сьӧлта.

Сьӧлта ёрос интыяськемын Удмурт Республика шундыпуксён палаз. Площадез -  1883,7 сюрс квадрат иськем пала. Ёрос пыр ортче 34 шур но уно ошмесъёс, тужгес но бадӟымез - Калмез шур. Улӥсез 12 сюрс 915 адями (2009-тӥ арлы). Удмурт Республикаысь 25 ёрос пӧлысь Сьӧлта ёрос калыклэн лыдызъя 21-тӥ интыын сылэ.

Сьӧлта ёрос кылдӥз 15-тӥ июле 1929-тӥ арын, отчы пыризы Ижевск уездысь Копки, Сьӧлта но Вуж Ӟатча волостьёсысь 21 сельсовет. 1932-тӥ арын Выль Мултан ёросэз быдтэм бере, 11 сельсовет выжтэмын Сьӧлта ёросэ. Нош 1935-тӥ арын пасьтана луэм ёрос висъямын вал куинь люкетлы: Сьӧлта, Ува, Вуж Ӟатча. 1963-тӥ-1965-тӥ аръёсы ёрослэн радлыкез нош ик воштӥськиз, озьы тӥни Сьӧлта ёрослэн музъемез люкемын вал Ува но Эгра промышленной ёросъёс куспын. 16-тӥ январе 1965-тӥ арын выльысь кылдытэмын Сьӧлта ёрос. 

Кун власть Сьӧлта ёросын быдэсъяське, районлэн Уставез вылэ пыкъяськыса. Закон кылдытъян бордын тырше Ёрос депутатъёслэн кенешсы, отчы пыре 31 депутат. «Сьӧлта ёрос» муниципал кылдытэтлэн тӧроез - Николай Петрович Останин, ёрос администрацилэн кивалтӥсез - Михаил Васильевич Вязников. Сьӧлта ёросысь гуртъёс берлозэ радъямын 2005-тӥ арын, Административной законъёс, воштонъёс вылэ пыкиськыса. Та нуналлы Сьӧлта ёросын кылдытэмын 9 поселение: Валамаз, Сьӧлта, Кильмезь, Копки, Выль Мӧнья, Колесур, Узи, Сюромошур, Калдӥ.

Ёросын ужа 10 школа, 11 нылпи сад, озьы ик профессиослы дышетонъя 49 номеро училище. Пиналъёслэсь быгатонлыксэс волято Искусствоосъя но спортъя школаос. Калыклэсь тазалыксэ утё 2 эмъяськонниос но 17 пала акушер пунктъёс. Сьӧлта ёросын улӥсьёслэсь пуш дуннезэс узырмыто культурая 15 юрт, 13 библиотека но шаертодонъя музей. 

Сьӧлта ёрос туж узыр данэ потэм адямиосын. Кылсярысь, Россиысь Кун Думалэн депутатэз Николай Мусалимов, «Удмурт дунне» газетлэн валтӥсь редакторез Зинаида Вахрушева, филология наукаосъя тодосчи Анна Измайлова-Зуева, Кун премилэн лауреатэз (1967-тӥ арын), дано композитор Герман Корепанов (1924-1985), тодмо прозаикъёс Пётр Блинов (1913-1942), Михаил Иванов (1931) но мукетъёсыз.




#Article 40: Сюмси ёрос (188 words)


Удмуртиысь ёрос. Центрез — Сюмси.

Сюмси ёрос Удмурт Республикалэн шундыпуксён паӟлаз интыяськемын. Гожъёсыз герӟасько Сьӧлта, Ува, Вавож ёросъёсын но Киров улосэн. Музъемезлэн быдӟалаез 1789,0 квадрат иськем. Та ёросын улӥсез 18 сюрс 200 адями (1998-тӥ арлы). Пӧлазы ӟучъёс - 55 %, удмуртъёс - 37%, бигеръёс - 3 % но мукет калыкъёс - 5%. Сюмси ёрослэн центрез - Сюмси черкогурт.

Сюмси ёрос интыяськемын Кильмезь интылэн улыг интыяз. Мулэн ӟечлыкез туж улӥын - сыръясь интыос, потыны луонтэм нюлэсъёс. Ӵем интыын вӧлскемын луо. Кильмезь  шурен артэ кыстӥсько 10 метр выллане ӝутскись луо гурезьёс. Сюмси ёрос пыр ортчо таӵе шуръёс - Инга, Какмож, Пужма, Валой, Лемка, Визирма, Кырчма, Гуринка но самой бадӟымез - Кильмезь шур.

Сюмси ёросын ӟеч азинскемын промышленность. Ужа нюлэс дасянъя Сюрек леспромхоз, гыбед (торф) поттонъя Орловское огазеяськон, Сюрес лэсьтонъя управление, нянь пыжонъя, йӧллэсь сиё-юон лэсьтонъя заводъёс. Сюмси районын гурт удысэн вырись 24 пала предприятие. Будэто ю нянь, етӥн. Ёрос пыр ортче Ижевск-Ува-Кильмезь чугун сюрес. Культура Сюмси ёросын ужа 25 школа (1999-тӥ арлы), озьы ик Искусстоосъя 2 школа, 20 нылпи сад, 4 поликлиника но 200 муртлы чаклам 4 эмъяськонни, культурая 16 юрт, 17 библиотека. Ёросын 1932-тӥ арысен потэ Знамя ёрос газет.




#Article 41: Ува ёрос (428 words)


Ува ёрос — Удмурт Республикалэн ёросэз, интыяськемын Удмурт шаерлэн шундыпуксён палаз. Герӟаське Якшур-Бӧдья, Дэри, Пичи Пурга, Можга, Вавож, Сюмси но Сьӧлта ёросъёсын. Ёрослэн центрез — Ува каргурт. Интыяськемын 2448,8 квадрат иськем музъем вылын. Улӥсез 40 сюрс 882 адями (2009-тӥ арлы). Удмуртъёс - 44,9 %, ӟучъёс - 50,5 %, бигеръёс - 2,3 %, мукет калыкъёс - 1,9 % (2002-тӥ арын ортчем переписья). Калыклэн лыдызъя Удмуртиысь ёросъёс пӧлын Ува ёрос куинетӥ интыын. 

Ува ёрослэн бадӟым люкетэз интыяськемын Можга вырйыл вылэ. Нылга но Ува шуръёс котырын гинэ Тыловай вырйыл вылэ пыре. Ува ёрос пыр бызё таӵе шуръёс: Валой, какмож, Арлеть, Мушковай. Нюлэсъёс Ува ёрослэсь 60 %-сэ басьто. Отын интыяськемын Областновский заказник — отын быронлэсь утисько койыкъёс, дукъяос, вучайыос, кыр пуныос но мукет пӧйшуръёс. Ува ёрослэн муэз узыр мувӧен, гыбедэн, лэсьтӥськон луоен но горд сюен.
 

Ува ёрос кылдытэмын Удмурт обласьтлэн исполнительной комитетэзлэн президиумезлэн постановлениезъя 8-тӥ январе 1935-тӥ арын. Та ёросэз кылдытон сярысь решение кутэмын Сьӧлта но Вавож ёросъёслэн укыр пасьтана вӧлмеменызы сэрен. 10-тӥ июле 1935-тӥ арын Ува ёрос центрлы город выллем каргурт (посёлок) ним сётэмын. 1962-тӥ арын Ува ёросэз висъязы кык люкетлы: промышленностья Ува ёрос но гурт удысъя Ува ёрос. Таин валче 1963-тӥ арысен 1965-тӥ арозь Ува ёросэ пыризы Сьӧлта но Вавож ёросъёслэн люкетъёссы. 1965-тӥ арын промышленностьлы но гурт удыслы люкем Ува ёрос нош ик огазеямын вал. Соку кылдӥз огъя Ува ёрос. 

Та нуналлы Ува ёросын кун властез быдэсъяло ёрос кенеше пырись депутатъёс - 33 адями, бырйисько 5 арлы. «Ува ёрос» муниципал кылдытэтлэн тӧроез - Владимир Анатольевич Головин. Ува ёрослэн администрациеныз кивалтэ Александр Филиппович Штумф.

Ува ёрос люкиське 17 муниципал кылдытэтъёслы. Ваньзы луо гурт поселениос.

Ува ёросэ пыре 89 улон инты: 1 посёлок, 16 черкогурт, 70 гурт, 1 починка но 1 выселка.

Красное черкогурт дорын усьтэмын мувӧй кысконъя Архангельское инты. «Увинское» но «Вишур» огазеяськонъёсын гыбед потто. Ёросын интыяськемын нюлэс поттон 2 комбинат, 1 лесопункт, лэсьтӥськонъя 2 огазеяськон, етӥн поттон но кирпич шуккон огазеяськонъёс. Ува ёросын интыяськемын йӧллэсь, сӥльлэсь сиён-юон поттон. Гурт хозяйствоосын будэто ю нянь, картошка, етӥн, бакча сиёнъёс. Ува каргуртысь вань гуртъёсы сюрес ӝутэмын. 

Ёросын усьтэмын 29 школа, со пӧлысь 20-ез шор ёзо тодон-валан сётэ. 34 нылпи сад но пӧртэм профессиослы дышетӥсь колледж. Ужало Искусствоосъя нылпи школа но Нылпи творчествоя центр. Калыкез эмъяло 3 эмъяськон юртъёсын, юрттэт сёто 3 амбулаториын но гуртъёсы интыяськем 40 пала фельдшер-акушер пунктъёсын. Районын ужа культурая 39 юрт, 23 библиотека, 2 школа-интернат но Историяя но чеберлыкъя музей. 
Ува ёросын вордскемын тодмо писатель Пётр Блинов (1913-1942), Матвей Кельдов (1900-1930), тодмо суредась Геннадий Сидоров но мукетъёсыз. Узей-Тукля гуртын усьтэмын Киужъёсъя юрт. Ёросын потэ Увинская газета, со вӧлме Ува ёросысь вань гуртъёсы. Тиражез 2 сюрс 282, редакторез. П. В. Люкин.




#Article 42: Эгра ёрос (220 words)


Удмуртиысь ёрос. Центрез — Эгра.

Чупчи, Кильмезь но Иж шуръёслэн огазеяськон интыязы пуксемын Эгра ёрос. Та интыын вашкала дауръёсы улӥсьёслы сюдӥсь но сектась чотын вал Чупчие усись Ита но Лоза шуръёс. 

Нырысьсэ Эгра гурт сярысь тодэ ваёнъёс кылемын Фёдор Звенигнордский но Василий Жемчужников воеводаослэн 1615-тӥ арын пусъем книгаоссазы. 

Удмуртилэн уйпал ёросъёсыныз ӵош Эгра но 1489-тӥ арын пыриз Москва княжествое. 1798-тӥ арын Вятка губерниысь Глаз уездын кылдӥз Эгра волость. 

Ӵапак война дыре Эгра ёросын туж зол азинске нюлэс дасян удыс, пул пилён. Бӧрысь Эгра леспромхоз Удмуртиысь та удысысь тужгес валтӥсь предприятие луэ – солэн дасям вузъёсыз Россиысь пӧртэм сэрегъёсы вуылӥзы. 

Ёрослэн туала историез матысь герӟаськемын му вӧй поттонэн. 1973-тӥ арын татын нырысетӥ тонна му вӧй кыскизы. 

Татын улэ 42 сюрс 383 адями (2009-тӥ ар). Со пӧлысь 22 сюрс 260-эз Эгра посёлокын. Улӥсьёс пӧлысь 61 процентэз - удмуртъёс, 36 процентэз - ӟучъёс, 1, 5 процентэз - бигеръёс.

Татын тодон-валан сётэ 19 школа, со пӧлысь 15-ез шор ёзо луэ. Со сяна, вань 23 нылпи сад, сирота нылпиослы интернат, ляб визьем пиналъёслы школа-интернат. Тазалыкез эмъян удысын тырше ёрос больница, со сяна, Факел посёлокын, Зура, Чутыр  черкогуртъёсын но Леспромхоз посёлокын вань асьсэ больницаоссы. Озьы ик ёросын ужа 36 фельдшер-акушер пункт. 

Со сяна, ёросын ужа  культурая 32 юрт, 29 библиотека, 2 нылпи санаторий.

Сундур гуртын интыяськемын Удмурт культурая центр. Ӟуч культуралы сӥзем центр ужа Факел посёлокын.




#Article 43: Якшур-Бӧдья ёрос (343 words)


Якшур-Бодья (Якшур-Бӧдья) ёрос — Удмурт Республикае пырись ёрос. Интыяськемын шаерлэн шораз, Тыловай вырйылын 1778,4 квадрат иськем вылын, 63%-эз шобыртэмын нюлэсэн. Якшур-Бӧдья ёрос пыр бызё таӵе шуръёс: Мукшинка, Большая Умринка, Чур, Сылӥзь (Селычка), Оӵ (Иж) но мукет. Ёрослэн шорсюлмыз — Якшур-Бӧдья. Гожъёсыз тупало Эгра, Шаркан, Вотка, Дэри, Ува, Сьӧлта ёросъёсын.

Якшур-Бӧдья ёрос кылдытэмын ВЦИК-лэн Вотяк автономной областез люкон сярысь Постановлениезъя 15-тӥ июле 1929-тӥ арын. Отчы соку пыризы 13 сельсоветъёс, 131 гурт. 1921-тӥ арлы улӥсез — 22 сюрс 750 адями. Та вакытэ — 23 сюрс 100 мурт (2006-тӥ арлы). 59%-эз удмуртъёс, 34 % ӟучъёс но мукет калыкъёс. Ёросэ пырись гуртъёслэн лыдзы та нуналлы — 91. 1963-тӥ арысен 1965-тӥ арозь Якшур-Бӧдья пыриз Эгра ёросэ. 1996-тӥ арын Якшур-Бӧдья ёросэ пыриз 12 сельсовет: Маляпочинка (Варавай), Мукши, Кӧкоран, Лынга, Пушкари, Сылӥзь, Вуж Ӟатча, Сьӧдӟи (Чернушка), Якшур, Чур, Ӵошкыт (Большие Ошворцы) но Якшур-Бӧдья.

Якшур-Бӧдья ёрос люкиське 12 муниципал кылдытэтъёслы. Ваньзы луо гурт поселениос.

Якшур-Бӧдья ёросэ пыре 80 улон инты: 13 черкогурт, 64 гурт, 1 хутор но 2 выселка.

Ёросын улӥсьёс пӧлысь 75%-эз музъем ужен выро. Ӟеч радъямын дӥськут, пыдкутчан вурон. 1941—1945 аръёсы Якшур-Бӧдья ёросын усьтӥськизы леспромхозъёс: Чуровской, Селычинской, Пастуховской. Та хозяйствоосын поттэм пу кошкылӥз Быдӟым ожлэн фронтъёсаз. Туннэ нуналлы Якшур-Бӧдья ёросын ужзэс радъяло 216 пала пӧртэм предприятиос но огазеяськонъёс. Соос пӧлысь валтӥсь инты басьтэ му вӧй поттон. Со сяна, азинске пу дасян, солэсь пӧртэм арбериос лэсьтон. Якшур-Бӧдья ёросысь Чур каргуртын усьтэмын силикат кирпич шуккон завод, Лынгаын — мебель дасянъя предприятие но мукет. Ёросын улӥсьёс пӧлысь 11%-эз выро ужбергатонэн. Ёросын ӟеч азинске гурт удыс. 11 гурт хозяйствоын но 10 пала фермер огазеяськонъёсын будэто бакча емыш, ю нянь; пӧртэм пудо вордо.

Якшур-Бӧдья ёрос пыр ортче Иж — Глаз автомобиль сюрес, озьы ик Иж — Пибаньшур чугун сюрес.

Ёросын 19 пала культурая юртъёс, 22 библиотека, шаертодонъя ёрос музей, нылпи искусствоосъя школа, киужъёсъя юрт. Якшур-Бӧдья ёросын историлы сӥзем 44 паямтник, 11 тунсыко инты. 2001-тӥ арын йылпумъямын Якшур-Бӧдья черкогуртын Свято-Никольской черкез ӝутон. Ёросын ваньзэ-ӧвӧлзэ 12 школа, 2 школа-интернат, 6 школа-сад, 18 нылпи сад, ватсаса тодон-валан сётонъя 2 школа. Калыкез эмъяло Якшур-Бӧдья ёрос больницаын, 2 амбулаториын но 31 фельдшер-акушер пунктъёсын. Ёросын потэ «Рассвет» (1933) ёрос газет, солэн «Ошмес» (1991) бамез потэ удмурт кылын.




#Article 44: Яр ёрос (258 words)


Удмуртиысь ёрос. Центрез — Яр.

Яр ёрослэн быдӟалаез — 1524,3 квадрат иськем. Интыяськемын Красногорской но Верхнекамской вырйылын. 

Бускельёсыз — Удмурт шаерысь Глаз но Юкамен ёросъёс, Киров улосысь Фалёнки ёрос но Омутнинск ёрос. 

Ёрос пыр ортчо таӵе шуръёс — Ватка, Чупчи, Тум, Моя, Чур, Лёкма. 

Яр ёрос кылдытэмын 1929-тӥ арын 15-тӥ июне. Отчы пыризы Глазов уездысь Укан, Ежево  но Пудем волостьёсысь 19 сельсоветъёс. Ёрослэн администрациез интыяськиз соку Укан черкогуртын, нош 1932-тӥ арын ёрослэн центрез выжтэмын кар типъем Яр посёлоке. 

Яр ёросын улӥсез — 17 сюрс 984 адями (2009-тӥ арлы). Со пӧлысь 6 сюрс 922 мурт улэ кар типъем Яр посёлокын. Удмуртъёс — 68,5 %, ӟучъёс — 29 %, бигеръёс — 1 %, бесерманъёс но мукет калыкъёс — 1,5 %. 

Удмуртиысь 25 ёрос пӧлысь калыклэн лыдызъя Яр ёрос 15-тӥ интыын.

Кун власть быдэсъяське Яр ёрослэн Уставезъя. Сое быдэсъяло таӵе ёзъёс:

Ёросын ужа нюлэс дасянъя Пудем завод, етӥн сэстонъя фабрика, кирпич шуккон завод. 

Ёросын ужзэс радъяло 15 гурт хозяйствоос. Соос будэто бакча емыш, ю-нянь, картош. Ёросын потто сӥль, йӧллэсь сиён-юон. Ужзэ радъя «Эра» агрофирма, отын будэто пӧртэм выжыысь пудо. 

Пудем пыр ортче Яр-Ижевск поезд. 

Ёросын усьтэмын 17 школа (со пӧлысь 9-эз шор ёзо), Искусствоосъя нылпи школа, Спортъя школа, 14 нылпи сад. калыкез пӧртэм удыслы дышето Ярысь политехникум но Ярысь школа-интернат. 

Калыкез эмъяло ёрос больницаын но 24 фельдшер-акушер пунктын.

Яр ёрос узыр Чупчи культураысь синпелетъёсын. Кылсярысь, Учканар, Чибинькар, Поркар. Яр ёросысь Елово гуртын сылэ Троицкой, Укан селоын Спас но Сада гуртын Вознесение черкъё. 

Яр ёросын кутсконзэ басьтэ Ватка шур, озьы ик Тум гуртын интыяськемын гыбедэн узыр инты. 

Ёросын потэ Сельская правда газет.




#Article 45: Инвожо (журнал) (161 words)


Инвожо — удмурт кылын егитъёслы сӥзем Удмуртиын потӥсь журнал. Со висъяське аслаз туала луэменыз, удмуртъёсыз вань дуннелы возьматыны, огъя дунне культурае пыртыны тыршеменыз. Потэ удмурт но ӟуч кылын. Кылдӥз 1990 арын. Со дырысен журнал ортчиз кузь сюресэз, вошъяз вылтуссэ, пуштроссэ. 

Журналлэн кылдон сюресаз пытьы кельтӥз Удмуртиысь культура удысысь дано ужась Никвлад Самсонов. Со луиз журналлэн нырысетӥ редакторез. Солэн кичӧлтэмезъя удмурт егитъёс понна нырысьсэ потыны ӧдъяз яркыт журнал. Бӧрысь журналэн кема аръёс ӵоже кивалтӥз Удмуртиысь калык писатель Егор Загребин. Туннэ журналлэсь редакцизэ валтэ Пётр Захаров. 

Берло аръёсы журнал воштӥз туссэ но, пуштроссэ но. Берло ог 5 ар ӵоже журналын гожъямъёс пото удмурт но ӟуч кылын. Журналлэн яркыт тусыз трос пол пусйылэмын фин-угор фестивальёсын. Эстониын но Финляндиын Инвожоез тужгес кие кутымон журналэн лыдъяло.

Арлы быдэ издание ялэ выль конкурсъёс. Егитъёс ӵошатско кылбур, верос гожъян удысын, кужымззэс эскеро критика ӧрын. 

Озьы ик зол ужа журнал бордын кылдытэм типография но издательство. Татын, дун тырыса, асьсэлэсь кннигаоссэ печатлало егит авторъёс. Туннэлы поттэмын ни ог 100 книгаос.




#Article 46: Сабитов, Гай Сабитович (101 words)


Гай Сабитович Сабитов — кырӟанъёсты гожъясь удмурт кылбурчи.

Вордӥськиз Татарстан Элькунысь Кукмор ёросысь Выль Канисар гуртын 15-тӥ куарусёнэ 1915-тӥ арын. Улонысь кошкиз 24-тӥ толсуре 1993-тӥ арын

Нырысетӥ кылбурез «Шудо улон» печатламын вал 1938-тӥ арын «Молот» журналын.

Нырысетӥ кылбур бичетэз «Кылбуръёс но кырӟанъёс» потэ 1953-тӥ арын. Удмурт кылбурчиос пӧлын Гай Сабитов нырысьсэ гожтэ сонет тугоко амалэн произведениез — «Шунды но ӝужа но…», кудзэ сӥзиз эшезлы М. Покчи-Петровлы.

Тужгес но тодмо кылбур бичетъёсыз:

Кылбуръёсыз вылэ (ог 100 пала) кырӟанъёс гожтэмын. Тужгес тодмоосыз луо:

Пиналъёслы поэмаос гожтӥз:

Бигер кылысь удмурт кылэ берыктӥз Г. Тукайлэсь но М. Джалильлэсь кылбур бичетъёссэс. А. С. Пушкинлэсь «Бахчисарайский фонтан» поэмаез удмурт кылэ берыктӥз.




#Article 47: Венгрилэн гимнэз (235 words)


Венгрилэн гимнэз - «Isten, áldd meg a magyart» («Инмаре, бакель кар венгръёсты»). Крезьгурез Ференц Эркельлэн, кылъёсыз Ференц Кёльчеилэн. 

A magyar nép zivataros századaiból

Isten, áldd meg a magyart
Jó kedvvel, bőséggel,
Nyújts feléje védő kart,
Ha küzd ellenséggel;
Bal sors akit régen tép,
Hozz rá víg esztendőt,
Megbűnhődte már e nép
A múltat s jövendőt!

Őseinket felhozád
Kárpát szent bércére,
Általad nyert szép hazát
Bendegúznak vére.
S merre zúgnak habjai
Tiszának, Dunának,
Árpád hős magzatjai
Felvirágozának.

Értünk Kunság mezein
Ért kalászt lengettél,
Tokaj szőlővesszein
Nektárt csepegtettél.
Zászlónk gyakran plántálád
Vad török sáncára,
S nyögte Mátyás bús hadát
Bécsnek büszke vára.

Hajh, de bűneink miatt
Gyúlt harag kebledben,
S elsújtád villámidat
Dörgő fellegedben,
Most rabló mongol nyilát
Zúgattad felettünk,
Majd töröktől rabigát
Vállainkra vettünk.

Hányszor zengett ajkain
Ozman vad népének
Vert hadunk csonthalmain
Győzedelmi ének!
Hányszor támadt tenfiad
Szép hazám, kebledre,
S lettél magzatod miatt
Magzatod hamvvedre!

Bújt az üldözött, s felé
Kard nyúlt barlangjában,
Szerte nézett s nem lelé
Honját e hazában,
Bércre hág és völgybe száll,
Bú s kétség mellette,
Vérözön lábainál,
S lángtenger fölette.

Vár állott, most kőhalom,
Kedv s öröm röpkedtek,
Halálhörgés, siralom
Zajlik már helyettek.
S ah, szabadság nem virul
A holtnak véréből,
Kínzó rabság könnye hull
Árvák hő szeméből!

Szánd meg Isten a magyart
Kit vészek hányának,
Nyújts feléje védő kart
Tengerén kínjának.
Bal sors akit régen tép,
Hozz rá víg esztendőt,
Megbűnhődte már e nép
A múltat s jövendőt!




#Article 48: Ашальчи Оки (298 words)


Акилина Григорьевна Векшина (литература удысын уже кутоно кушем нимыз Ашальчи́ Оки́) — тодмо удмурт кылбурчи, гожъяськись но эмъясь. Ашальчи — сяськалэсь нимзэ псевдоним.

Вордскемын 1898-тӥ аре 16-тӥ оштолэзе туала Грах ёрослэн музъем вылаз Ускы (ӟуч нимыз Кузебаево) гуртын. Айво Ивилэн сузэрез.

Нырысь-валысь дышетскиз гуртысьтызы 2 классъем школаын. Собере выжиз Марий АССР-ысь Карлыган черкогуртэ. Тае йылпумъямез бере дышетӥсь луиз (Окилы соку 16 арес гинэ вал). 1919-тӥ арын дышетсконзэ азьланьтӥз Казаньысь рабфакын. Бырйиз эмъясьлэсь удыссэ. 1928-тӥ арозь тыршиз син эмъясь луыса. Уно калыкез утиз синтэм кылёнлэсь. Трахома висёнэн ӟеч-ӟеч нюръяськемез понна басьтӥз Удмурт АССР-ысь дано врачлэсь нимзэ. Быдӟым война дыръя Оки хирург кариськиз. Ож йылпумъяськем бере ужаз Алнаш черкогуртысь больницаын. Акилина Векшина — УАССР-ысь дано эмъясь.

Кулӥз 1973 аре 31 коньывуонэ Алнашын. Алнаш черкогуртын усьтэмын быдӟым кылбурчилы сӥзем музей.

Ашальчи Оки — удмурт калыклэн яратоно кылбурчиез. Кылбуръёсыз пӧлысь куд-огез пӧрмытэмын кырӟанлы, соосты али но яратыса кырӟало. Печатласькыны 1918 арысен кутскиз «Гудыри» но «Виль синь» газетъёсын. 1928 аре солэн кык книгаез потэ: «Сюрес дурын» удмурт кылын но «О чём поёт вотячка» ӟуч кылын (та книгалы кылбуръёссэ берыктӥз но дасяз Кузебай Герд), «Мар тодӥз тракома сярысь Карпа агай» (1930) но «Мон тодам вайисько» (1968). Со сяна, Ашальчи кӧня ке туж устоесь очеркъёс но гожтӥз. Ашальчи Оки нылпиослы сӥзьыса но кылбуръёс, очеркъёс, веросъёс пӧрмытъяз. Но калыклы усьтӥськиз кылбуръёсыныз — лирической героез мур пуштросъем, малпаськонэ выйытӥсь.

Лина Григорьевна улонысь кошкем бере эшшо куать бичет печатласькемын вал.

Ӵем дыръя лирической героез — выль улонэ кыстӥськись возьдаськись сямо нылмурт. Со шӧдӥське, кылсярысь, «Возьдаськон», «Мон тодам вайисько», «Мон визьтэм вал азьло» но мукет кылбуръёсаз. Ашальчи Оки А. С. Пушкинлэсь «Если жизнь тебя обманет» кылбурзэ удмуртэ берыктӥз.

Эшъяськиз тодмо удмурт тодосчиен, кылбурчиен но югдытӥсен Кузебай Гердэн.

Акилина Григорьевналэн ужъёсыз пӧртэм кунсьӧр кылъёсы берыктэмын. Франциысь кылысь кылэ берыктӥсь Жан-Люк Моро гожтэ: «Ашальчи Окилэн кылбуръёсыз туж ненегесь, кышномурт кадесь». Ашальчи Окилэн француз кылэ берыктэм кылбуръёсыз кырӟанъёслы пӧрмизы ни.




#Article 49: Сегед (117 words)


Се́гед — лымшор Венгриысь кар, Чонград меделэн центрез. Интыяськемын Тиса шур дуре. Быдӟалаезъя Венгриын со куинетӥез, улӥсьёсыз 161 921 адями. 

Сегедлэн самой вашкала юртэз — карлэн тужгес бадӟым черк вӧзын сылӥсь Деметер колокольня. Азьвыл со колокольня святой Деметерлы сӥзем черклэн люкетэз вал, нош 1879 аре луэм бадӟым тудвуэн сэрен та черк куашказ (карысь ваньмыз сямен мукет юртъёс выллем ик). Малпало, со колокольня возиське XII даурысен (XIX аре со выльдытэмын вал). Со сяна, тудвуэз чиданы быгатӥз Альшоварош (Alsóváros, кылысь кылэ берыктыса, Улын кар) кварталысь францисканъёслэн черксы гинэ (XV даур, бер готика стиль).

Карлэн шораз сылэ Кафедральной собор. Сое лэсьтыны кутскизы 1913 аре, озьы ке но, Нырысетӥ дунне ож кутскемен лэсьтӥськонэз куспетӥ кариллям. Йылаз-пумаз со вуттэмын вал 1930-тӥ аръёсы. 




#Article 50: Палладий (Шиман) (138 words)


Епископ Палла́дий (в миру Пётр Алекса́ндрович Шиман; 15 октябре 1939 — 7 коньывуонэ (октябре) 2000) — Ижысь но Удмуртиысь епископ (1988—1993).

Вуоно епископ Палладий вордскемын 1939 аре 15 октябре Белоруссиын, Витебск улосын, Дисна карын Ӟуч православи черкысь священниклэн Александр Шиманлэн семьяяз. Соин ик, дыр, солэн вань улонэз герӟаськемын вал черклы служить каронэн. Школаез быдтӥз 1957 аре, собере Гродноысь медициная техникуме дышетскыны пыриз. Ар отчыса, Пётр отысь кошке но пыре Минскысь духовной семинарие. 1962 аре, семинариез быдтэм бераз ик, Пётр Шиман пыре Мускоысь духовной академие. 1966 аре со быдтӥз академиез но богословиея кандидат луэ (диссертациезлэн темаез вал «Учение о Церкви христианских писателей доникейского периода»). Академилэн дышетон кенешлэн пуктэмезъя, Пётр академия бордын аспирант луыса кельтэмын вал. Со аре ик Пётр монахе кошке: 13 мае Троице-Сергиева лавраын, Троицкой соборын лавралэн наместникез архимандрит Платон солэсь йырсизэ ӵышкиз но, Еленопольысь епископез Палладиез буре вайыса, солы выль ним сётӥз — Палладий.




#Article 51: Эктон корка (фольклор студия) (271 words)


Удмурт калык культуралэсь дунлыкъёссэ, тужгес ик фольклорной наследизэ, улӟытон, утён но калык пӧлы ик вӧлмытон, обществолы калык культуралэсь кулэлыксэ валан но сое гажан мылкыд пыӵатон.

Общественной но культурно-просветительской удысъёс пыр удмуртъёслэсь но мукет калыкъёслэсь крезьгуро но эктон фольклорзэс туала улонын азинтон, чеберлыкъя но югдытонъя (просветительствоя) ужын выль, альтернативной программаос но проектъёс дасян (обществомылэсь зэмос калык искусство но фольклор бордын кулэяськонъёссэ санэ басьтыса); республикамы фольклор движение кылдытон бордын уж нуон, сое радъян.

Венгриысь «táncház» движенилэсь амалъёссэ уже кутыса, «эктон корка» нимо фольклор ужрадъёсты (презентациосты, адзытонъёсты) радъян; концерт программаосты дасян; Удмуртиысь, Россиысь но кунгож сьöрысь фольклор ужрадъёсы (фестивальёсы, форумъёсы но мукет) пыриськон; удмуртъёслэсь но мукет калыкъёслэсь крезьгуро но эктон фольклор удысысь материалъёсты экспедиция амалэн люкан, соосты эскерон; вашкала удмурт крезьгуро инструментъёсты улӟытон но республикаысьтыты культуры удысын соосты вӧлмытон; крезьгуро но эктон фольклорлы сӥзем семинаръёсты, конференциосты, фестивальёсты, лагерьёсты но мукет ужрадъёсты дасянын юрттэт но экспертиза сётон; Россиысь но кунгож сьӧрысь чеберлык но тодос удысысь калыккуспо организациосын но центръёсын огъя уж нуон (ECTC - Европаысь калык культураез эскеронъя центр, Дуннеысь калык крезьгуръя кенеш, CIOFF – Дуннеысь фольклор фестивальёслэн кенешсы но мукет), ивор вöлмытонъя удысын зэмос калык искусствоез азинтон (радио, телевидение, газетъёс но интернет пыр аудио, видео но печатной продукциез вӧлмытон)

Калык эктонъя «Эктон корка» студия кылдӥз 1997 арын толсур толэзе. Студилэн кылдэмезлы кичӧлтон сётӥзы А. Н. Прокопьев но солэн юрттӥсьёсыз, кин Удмурт шаерын фольклор движение кылдытон но калык культуралэсь дунлыкъёссэ калык пӧлы ик вӧлмытон малпанзэс улонэ пыӵатыны мылкыд каризы.

Студилэн туннэ репертуараз лымшор, уйпал, шор ёросъёсысь, ваткасьӧр но камсьӧр, Слободской палась удмуртъёслэн эктон, шудон, кырӟан но крезьгур сямъёссы; финн-угор но тюрк выжыосысь калыкъёслэн эктонъёссы; «Нуны сюан», «Пӧртмаськон», «Мажес ваён», «Аулак корка» но мукет обрядовой композициос. 




#Article 52: Неофолк (дизайнъя студия) (154 words)


Неофолк — туала модаысь одӥгез валтӥсь удыс. Азинтэ та ужез одӥг тодмо малпан: ваньмызлэсь пӧртэм но чебер луыны потон но быгатон. Винтаж, кантри но этно амалъёсты уже кутыса, студие ветлӥсьёс выль ужъёссэс дасяло. Ваньмыз та куинь амальъёс инкуазьлы матын. Соин ик «Неофолк» студиын уже куто ыж гон, етӥн шортэз, со сяна — буртчинэз но хлопокез. Дӥсез чебермало бисерен, куэн но пу арбериосын.

Студия азяз таӵе ужпум пуктэ: ас калыкедлэсь, анай-атайедлэсь куиськон, керттӥськон, пужъятскон амалъёссэс одно ик азинтоно. Базар дӥськут но туала мода медам быдтэ вылэм зэмос чеберез но дунлыкез. Удмуртъёслэсь сяна, студия озьы ик дась эскерыны мукет калыкъёслэсь дӥсяськон сямъёссэс. Али студентъёс «Такъя» коллекция бордын тыршо.

Та ужен мылпотэмзыя выро студентъёс-филологъёс, асьсэды вашкала стилез валаса дӥсяны дышетско, ас мылкыдзэс, тусбуйзэс усьто-утчало.

Студие ветлӥсьёс Ижын радъям кöня ке адӟытонъёссы но пыриськылӥзы ни. Гуртын будэм егит нылъёслы туж но туж кулэ пӧртэм дизайнэн но вуриськон амалъёсын тодматскон — калык дэрем нош ик мед выльдüськоз но улонэ етӥз мед вамыштоз.




#Article 53: Мынам Удмуртие (162 words)


Телепрограммаосыз пӧлысь тросэз пото удмурт кылын, ӵемысь — ӟуч титръесын. Тужгес но тодмо проект луэ реалити-шоу «По соседству мы живём» («Бускель луыса ми улӥськом»). Пиналъёслы нимаз передача вань — «Шудон корка»: нуисьёсыз – Малыок (Ольга Ардашева) но мунё Моко. Со программа «Тэффи» премиез басьтӥз (2006). «Моя Удмуртия»-лэн кизилиез — режиссёр Лев Вахитов, со — уно тунсыкоесь фильмъёслэн авторзы, «Солнечный зайчик» фильмез понна «Тэффи» премия басьтӥз (2005): отын вераськон мынӥз суредась но удмурт выжыкылъёсын книгаослы иллюстрациосты лэсьтӥсь Менсадык Гарипов сярысь. Трос проектъёс Светлана Кибординалэн. Тросэз учкизы солэсь программазэ «Витисько тонэ». Али Света нуэ котькуд кӧс нунал ӵукнаосы меӵак эфирын «Шундыберганъёс» программазэ. 

Ӟуч кылын потӥсь авторской программаосыз пӧлысь уката тодмо луэ «Шурики» нимо проект (ужа 1996 арысен). Со потӥз нырысьсэ «Новый регион» нимо Ижысь телекомпанилэн эфираз, нош али улонзэ азьланьтэ «Моя Удмуртия»-ын. Та проектлэн жанрез пумысен кивалтӥсез Юрий Широбоков вера, со комикс луэ шуыса. Та проектлэн геройесыз пӧртэм серемес учыръесы шедё; ӵемгес уже кутӥсько пӧртэм звукоподражаниос но междометиос. «Моя Удмуртия»-ын ужа бигер редакция но.




#Article 54: Юнда (141 words)


Юнда — Балезино ёросысь черко гурт, интыяськемын ёрослэн лымшор-шунды пуксён люкетаз, Юнда шурлэн ярдураз, Балезино чугун сюрес станцилы матын (ог 15 иськем). XX даурлэн тямыстонэтӥ аръёсаз пичи гуртъёсты быдтэмен, Юнда гурт борды юнматӥзы Малая Юнда гуртэз но, нош вуж Юндаез Большая Юнда ниманы кутскизы. Кык Юндаосты герӟа шур вамен выж но 500 метр гинэ. Почталэн индексэз: 427524.

Гуртын али 160 пала хозяйство, 600 пала улӥсь лыдъяське. Улӥсьесыз пӧлын бесерманъёс, удмуртъёс, бигеръёс но ӟучъёс. Юнда гурт — Балезино ёросысь бесерман калыклэн центрез. Татын вӧлмемын бесерман наречилэнлэн юнда говорез.

Юнда — «Юндинское» муниципальной образованилэн но «Прогресс» ООО-лэн (азьло СПК «Свобода») центрзы. Юндаын интыяськемын шор ёзо школа, нылпи сад, культурая но киужъя юрт, почта, амбулатория, кык вузкаронни. Бесерман культураез утёнын бадӟым инты басьтэ крезъёсты мадӥсь ансамбль но музей. Та музей 1990 арын усьтэмын вал, али со Анисья Урасинова-Волковалэсь нимзэ нуллэ, отысь шедьтыны луэ гуртлэн кылдэмез, улэм-вылэмез сярысь.

 




#Article 55: Булгаков, Михаил Афанасьевич (123 words)


Михаи́л Афана́сьевич Булга́ков — нимо-дано ӟуч писатель (прозаик, драматург). Вордскиз 1891-тӥ арын Киевын. Кулӥз 1940 аре Мускоын.

Дышетскиз Киевысь университетлэн медицинской факультетаз, кӧня ке дыр ӵоже эмъясь луыса ужаз но.

Россиын туж тодмо луэ «Пуны сюлэм» повестьлэн экранизациез («Ленфильм», 1988, режиссёр Владимир Бортко, профессор Преображенскилэн роляз — Евгений Евстигнеев).

Солэн гожтэмъёсызъя Удмуртиысь театръёсын но спектакльёс пуктэмын вал: «Зойкалэн патерез» пьесаезъя пуктэм таӵе нимо ик спектакль Ижысь Короленко нимо кун драмая ӟуч театрын туж популярной луиз (премьера шудэмын 8-тӥ октябре 2004 аре, Зойкалэсь рользэ быдэстӥз Ольга Слободчикова, Аметистовлэсь рользэ — Иван Слободчиков). Озьы ик, Ижысь театралъёслы Булгаковлэн творчествоез Мускоысь лыктэм артистъёслэн шудэмзыя но тодмо: 11 апреле 2005 аре Ижын «Аксион» нимо культурая центрын «Мастер но Маргарита» нимо спектакльзэс возьматӥз «Театр на Юго-Западелэн» труппаез.

Удмурт кылэ Булгаковлэн произведениосыз берыктэмын öвöл на.




#Article 56: Захаров, Пётр Михайлович (111 words)


Пётр Миха́йлович Заха́ров – удмурт кылбурчи, журналист, берыктӥсь но драматург. Россиысь писательёслэн союзазы пыре, Удмурт ПЕН-клублэн президентэз, «Инвожо» журналлэн валтӥсь редакторез. 

Вордӥськиз 1961 аре 26 январе Татарстанысь Кукмор ёросысь Старая Кня-Юмья гуртын. Дышетскиз Удмурт кун университетын.

Пётр Захаров гожъяське пӧртэм жанръёсын. 1991 но 1992 аръёсы печатласькиз «Инӟарекъян» но «Интыл» книгаосын. 1993 аре удмурт драмтеатр пуктэ солэсь кылбурен гожтэм «Эбга» эпической трагедизэ. 1994 аре удмурт драмтеатр возьматӥз сое Финляндиын, калыккуспо финно-угор фестивальын. Та постановка туж кельшиз финн учкисьёслы. Финн газетъёс Пётр Захаровез ӵошатылизы Шекспирен но Лёнротэн. Со аре ик «Инвожо» журналлэн 9-тӥ номераз нырысьсэ Удмуртиынын печатлаз этнофутуризм сярысь статья. Со луиз Удмуртиысь этнофутуризмлэн кутсконэз.

Произведениосыз печатласько Эстониын, Финляндиын но мукет финн-угор кунъёсын.




#Article 57: Кельмаков, Валей Кельмакович (159 words)


Вале́й Кельмако́вич Кельмако́в – тодмо удмурт кылчи. Вордскемын 1942 аре 14 толшоре Бигер шаерын, Кукмор ёросысь Тыло (Верхняя Юмья) гуртын. Кылтодон (филология) наукаосъя доктор (1993), профессор (1996). Удмурт кун университетысь огъя но финн-угор кылтодонъя кафедралэн кивалтӥсез. 1991-тӥ арын пусъемын УАССР-ысь наука удысысь дано ужась нимын, нош 1993-тӥ арын – Россия Федерациысь наука удысысь дано ужась нимын. Валей Кельмакович 1990-тӥ арысен мыло-кыдо пыриське Финно-угроведъёслэн калыккуспо огазеяськонзылэн ужаз, озьы ик 1994-тӥ арысен Финляндиысь финн-угор калыккуспо обществое пыре.

В.К. Кельмаков - 300-лэсь ятыр кылтодос ужъёслэн авторзы луэ. Соос сӥземын кылтодонлы, диалектологилы, исторической фонетикалы но морфологилы. В. Кельмаковлэн кичӧлтэмезъя ортчытэмын перм кылъёслы сӥзем семинаръёс. Солэн юрттэмезъя но эскеремезъя поттэмын Пермистика сериысь даслэсь уно сборникъёс. Валентин Кельмакович тыршемъя потӥз Удмурт вераськетъёс - Удмуртские диалекты сериысь книгаос. Кылчи пыриськиз ономастикая, озьы ик финн-угор кылтодонъя но удмурт кылтодонлэн историезъя курсъёсты дасянэ. В. К. Кельмаков мыло-кыдо пыриськиз Дуннеысь финно-угроведъёслэн калыккуспо конгрессазы: Таллин (1970-тӥ ар), Будапешт (1975-тӥ ар), Турку (1980-тӥ ар), Сыктывкар (1985-тӥ), Дебрецен (1990-тӥ), Ювяскюля (1995-тӥ ар).




#Article 58: Владыкин, Владимир Емельянович (306 words)


Влади́мир Емелья́нович Влады́кин — тодмо удмурт этнограф. Истори тодос доктор (1991), профессор (1992), Удмуртыись тодос удысын дано ужась (1989), Удмуртилэн кун премиезлэн лауреатэз (1995). Владыкин кылбурчи луыса но тодмо, Россиысь гожъясьёслэн огазеяськоназы пыре (1993). Вордскемын Можгалан 1943 аре 20 южтолэзе. 1966 арын МГУ-эз но отысь ик аспирантураез йылпумъяса, УдНИИ-ын ужаз, 1972 арысен — Удмурт кун университетын доцент луыса ужа, 1988 арысен вашкала но шор дауръёсъя историлэн кафедраеныз кивалтэ, 1997 арысен — этнологи но улостодос кафедраен. 1974—1975 аръёсы Берлинысь Гумбольдт университететын стажировка ортчиз.

Можга педучилищеез йылпумъяса, Влади́мир Емелья́нович дышетскыны пыре Москваысь кун университетысь история факультетэ. Татысен ик 1969-тӥ арын этнографилы сӥзем кандидат диссертацизэ уте, нош 1991-тӥ арын доктор диссертацизэ. Та вакытэ Владимир Емельянович тодматске тодмо ӟуч гожъяськисьёсын: С. Маршакен, А. Твардовскиен, Г. Свиридовен. 1969-тӥ-1972-тӥ аръёсы ужа УдНИИ-ын, 1973-тӥ арын выже Удмурт кун университетэ.

Та дышетсконниын ужакуз, кылдытӥз вашкала дуннелэн историезлы сӥзем кафедра. Соин Владыкин ог 10 ар кивалтӥз. 1974-тӥ-1975-тӥ аръёсы Берлиынсь университетын стажировка ортчиз, вуылӥз пӧртэм странаосы: Индие, Афганистанэ… Мыло-кыдо пыриськиз этнографилы сӥзем пӧртэм экспедициосы. Гижысь-пиньысь выльзэ тодыны тыршиз удмурт калыклэн улэм-вылэмез сярысь. 1997-тӥ арын Удмурт кун университетын усьтӥз этнологи но улостодос выль кафедра.

Владыкинлэн гожъяськон мылкыдыз пуромиз, Можгаысь педучилищеын дышетскыкуз. 1980-тӥ арын потӥз кылбуръёсыныз «Отчего поёт тюрагай?» книгаез. 1998-тӥ арын вордӥськиз мукетыз книгаез — «В народе говорят». Пусъёно: та кыкез но ужез дасямын ӟуч но удмурт кылъёсын. Огъя пуштросэз но паськыт: вордӥськем шаердэ яратон, калыклэн ортчем сюресэз но азьлань улонэз, ож, адями, тупаса улон.

Музон кылбурчиослэсь В. Владыкин висъяське мур малпаськыны быгатэменыз, философиен тунсыкъяськеменыз. Та сяна, со кылдытэ кылбуръёс-миниатюраос, кылбуръёс-метафораос, эссе жанр бордын тырше. 1992-тӥ арын удмурт литератураын нырысьсэ поттэ «Йыбыртскон» книга-эссе. Со сӥземын тодмо дас удмурт гожъяськисьёслы: К. Митрейлы, К. Гердлы, А. Окилы, Г. Красильниковлы, Ф. Васильевлы но мукет. 1993-тӥ арын сое пырто Россиысь Писательёслэн союзазы.

Удмурт фольклорлы сӥзем «Зарни крезь» 6 книгалэн Влади́мир Емелья́нович валтӥсь редакторез вал. 1995-тӥ арын Будапештын радъязы В. Владыкинлы сӥзем устолыко ӝыт. Таӵеез удмурт гожъяськисьёс пӧлын ӧй вал на.




#Article 59: Киров улос (240 words)


Киров улос — Россия Федерациысь субъект, Волга-Урал регионысь улос. Центрез — Киров кар. Пыре Приволжской федеральной округе.

Территориез: 120,8 тыс. км² (2005). Улӥсьёсыз 1461.3 сюрс адями (2005). Улӥсьёслэн плотностьсы: 12,8 адями/км (2005), соос пӧлын каръёсын улӥсьёс: 72,4 % (2005).

Улосын улӥсь калыкъёс: ваньмызлэсь трос ӟучъёс — 91,8 %, со сяна поръёс — 2,6 %, бигеръёс — 2,2 %, удмуртъёс — 1,4 % но мукетъёсыз.

Ужаны ярамон адямиосызлэн лыдзы — 911 сюрс.

Киров улос 39 муниципал ёрослы люкемын, 18 каръёсыз пӧлысь тужгес бадӟымъёсыз луо: Киров, Кирово-Чепецк, Вятские Поляны, Котельнич, Слободской, Яранск, Омутнинск/

Туала Киров улослэн музъемез 1934 арозь пыре вал Горький шаере, собере нимаз Киров шаер кылдытэмын вал. 1936 аре толсур толэзе Киров шаер Киров улосэ пӧрмытэмын вал.

История но лулчеберет синпелтъёслэн лыдзы 3546 луэ, кудъёсыз пӧлысь 806-ез кунэн утиське.

ИКП(б)-лэн Киров шаерысь/улосысь комитетэзлэн нырысетӥ секретарьёсыз

Киров шаерысь/улосысь быдэстон комитетлэн тӧроосыз:

Киров улосысь администрацилэн йыръёсыз

Киров улосысь губернаторъёс

Киров улосысь калык депутатъёслэн кенешсылэн тӧроосыз

Киров улосысь закон кылдытон собранилэн (2002 арлэн июль толэзёзяз — Киров луосысь думалэн) тӧроосыз

Улос пыр Урал, Сибирь, Дальний Восток шаеръёсты Мускоен герӟась чугун сюресъёс ортчо. Огъя кузьдалаез — 1100 искем. Вань аэропорт. Асфальтэн шобыртэм автомобиль сюресъёс кыстӥсько 9690 искем. Вятка шур кузя ортчись ву сюреслэн кузьдалаез 1800 искем луэ.

Улослэн узырлыкез — нюлэс (54 % лысо писпуос), огъя лыдыз 1,2 млрд куб. метр луэ; торф, огъя лыдыз 1,1 млрд тонн луэ; мувой.

Шаерын ог 18 пала пӧртэм минерал ву вань, кудъёссэ эмъяськон амалэн куто.

Экономикалэн валтӥсь люкетэз — обработкаен герӟаськем производство (80 %). Тужгес азинскемын химия удобрение поттон удыс (кунгож сьӧры вузам удобрениос пӧлысь 30%-ез поттӥське Киров улосын).




#Article 60: Волга-Урал регион (135 words)


Во́лга-Урал регион (Ура́ло-Пово́лжье) — Россилэн гуманитарной географиысьтыз валатон. Наукаын но культура удысын ужасьёс озьы ӵемысь шуо Россилэсь оглюкетсэ, кудаз пыро Волга но Кам доры, Урал гурезьёс азе интыяськем Россия Федерациысь субъектъёс. Соос пӧлы ӵемгес пырто Удмуртиез, Татариез, Башкириез, Чувашиез, Марий Элэз, Мордовиез, Киров улосэз но куд-ог бускель улосъёсты.

Волга-Урал регион туж висъяське, кылсярысь, Центральной Россиялэсь география ласянь но, культура ласянь но. Та регионлэн тодметъёсыз пӧлы таӵеоссэ пыртыны луысал: калыкъёс но кылъёс, культураос но религиос ласянь троспӧртэмлык но тупаса улон, Мусколэсь кыдёкынгес улон но огвакытэ ик Россилэн европейской люкетаз, Европалэн культурно-семантической бусыяз интыяськон.

Волга-Уралысь калыкъёслэн духовной культураосазы (кылсярысь, мифологиын, этнографиын, музыкаын, литератураын) туж уно огъя интыос вань. Отысь калыкъёслэн кылъёс куспазы кемаласен ини люконтэм герӟет кылдэмын (куд-ог учёнойёс, кылсярысь, Габор Берецки но Евгений Хелимский, таӵе югдурез лыдэ басьтыса, Волга-Уралысь кылъёслэн союззы сярысь выль валатон юнматыны туртто).




#Article 61: Мориа, Поль (253 words)


Поль Мориа́ (Paul Mauriat) — быдэс дуннелы тодмо композитор, дирижёр но аранжировщик, Россиын тужгес тодмо француз крезьгурчи. Вордскемын Марсельын 1925 аре 4 мартэ крезьгурчиослэн семьяязы. Пинал дырысен ик вуоно крезьгур талантсэ синйылтыны луэ вал: ньыль аресысен Поль шудыны кутскиз фортепьяноен, соин ик солэн атаез ыстӥз егит Полез (солы дас арес гинэ вал соку) Марсельысь консерваторие. Консерваториез Поль азинлыко быдтӥз фортепиано классъя. Отын сое классической крезьгурлыгес дышетылӥзы ке но, ассэ сое ас бордаз трослы кыскиз джаз. 17 арес луыса Поль люка аслэсьтыз нырысетӥ орекстрзэ но та эшъёсыныз ӵош отӥ-татӥ ветлэ Франциетӥ. Кӧня ке дыр улыса, со тунсыкъяськыны кутскиз эстрада крезьгурен, гожтэ популярной крезьгуръёслы нырысетӥ аранжировкаоссэ.

Солэн нимыз тросэзлы тодмо луэ, но 1958 аре, Париже лыктэм бере, солы но солэн оркестрезлы грамзаписья одӥгаз фирмаын аккомпанемент карыса ужаны ӵектӥллям. Поль Мориа ужаз аранжировщик луыса но, собере та ужен ӵош аслэсьтыз композициоссэ но кылдытыны кутске. Соос уката ик йылэтӥзы Польлэсь данзэ: пӧртэм вакытъёсы со гожтэ крезьгуръёс Шарль Азнавурлэн, Далидалэн, Морис Шевальелэн, Мирей Матьёлэн кырӟанъёссылы. Кылсярысь, Азнавурлы Мориа сю кызьлэсь трос крезьгуръёс аранжировать карем.

Мориа гастрольёсы ветлэм США-е, Японие (Япониын сое туж ӟеч тодо но ярато, ачиз нош Мориа аслэсьтыз нырысетӥ авторской альбомзэ— «Love sounds journey» (1976) — ӵапак Японилы сӥзем), озьы ик со ветлэм Австралие, Бразилие. Куинь пол со вуылӥз Россие: 1967 аре (Мирей Матьёен ӵош), 1978 аре (аслаз орекстреныз) но 2002 аре. Россиын али но туж ярато Мориалэсь крезьгуръёссэ: «Un home et une femme», «Parapluies de Cherbourg», «Toccata», «Manchester et Liverpool» но мукетъёссэ.

Поль Мориа кулӥз 2006 аре 3 ноябре Перпиньянын, Франциын.

Европа кылъёсын:

Ӟуч кылын:




#Article 62: Татарстан (341 words)


Татарста́н Респу́блика (, Россия Федерациысь субъект. Пыре Приволжской федеральной округе. Кылдытэмын 27 мае 1920-тӥ арын Автономной Татарской Социалистической Советской Республика нимаса. 

Шоркарез Кузон луэ. Бускельёсыз луо Башкортостан, Удмуртия, Марий Эл, Чувашия, Киров, Ульяновск, Самара но Оренбург улосъёс.

Быдӟым отечественной ож бере ТАССР-ысь нырысетӥ секретарьёс: Зинат Муратов, 1957-тӥ арын со интые пукто Семён Игнатьевез. 1960-тӥ арысен 1979-тӥ арозь та ужзэ быдэсъя Фикрят Табеев, кудзэ воштӥз Рашид Мусин (1979—1982). Мусин бере со постын ужазы Гумер Усманов (1982—1989) но Минтимер Шаймиев (1989—1991) вал.

Татарстан Россиялэн шораз интыяськемын, Шунды ӝужан пал Европаысь равнинаын, Волга-Урал регионын, Кама но Волга шуре итӥськон интыын. Шоркарез Мусколэсь 797 иськемын палэнын сылэ. Татарстан уйпалысен лымшор пала 290 искемлы кыстиське, шунды пуксён паласен шунды ӝужанозь ик 460 иськем кыстӥске. 

Музъемезлэн быдӟалаез 67836,2 км². Улӥсьёсызлэн лыдзы 3768,5 сюрс адями (2005), соос пӧлысь каръёсын уло 74,5% (2005). Улӥсьёслэн плотностьсы: 55,4 адями/км² (2005). Калыкъёсыз: ваньмызлэсь трос бигеръёс (58,5 %) но ӟучъёс (39,0 %).

Татарстан пыр бызё Кам, Волга, Ватка, Тӧдьы Кам шуръёс. Кык бадӟымесь тыметъёсыз вань — Куйбышевской но Нижнекамской. Ужа Нижнекамской ГЭС. Ог 8 сюрс пала пичи тыос лыдъясько. 

Татарстан Республика 43 ёрослы люкемын, со сяна, 14 кар лыдъяське. Республикаен кивалто Президент, Правительство, Кун Кенеш. Валтӥсь законэз — Татарстан Республикалэн Конституциез

Татарстан Республикалэн Конституциезъя кун кылъёс лыдясько бигер но ӟуч кылъёс. 

Республикаын сюрс пала пӧртэм вӧсяськон огазеяськонъёс ужало. Валтӥсь религиос – ислам но православие.

Татариын — 43 ёрос, 20 кар (соос пӧлын 14 — республикалэн подчиненияз), 21 кар типъем посёлок, 897 гурт кенеш. 

Азнакай, Алабго, Альметьевск, Бугульма, Заинск,  Зеленодольск, Кузон, Лениногорск, Нижнекамск, Тупал Чалды, Чистополь.

Бавлы, Болгар, Буинск, Лаишево, Мамадыш, Менделеевск, Мензелинск, Нурлат, Огырчи, Тетюши

Дышетон удысын тырше ог 170 сюрс адями. Республикаын 2434 школа ужа. Кузон 200 ар пала Восточной Еропаысь одӥгез кужмо научной центрен лыдъяське. Татын аслэсьтыз тодос школаоссэ радъязы Н. И. Лобачевский, Н. Н. Зинин, А. М. Бутлеров, А. Е. Арбузов, Е. К. Завойский, В. В. Радлов, К. Фукс, Ш. Марджани и К. Насыри но мукетъёсыз. Быдӟым ож дырья трос пӧртэм дышетсконниос отчы эвакуацие ыстэмын вал. 

Татарстан — Россиысь валтӥсь научной центрен луэ. Отын Россиысь Наукая Академилэн пӧртэм институтъёсыз ужало.




#Article 63: Азин, Владимир Мартинович (106 words)


Влади́мир (Вольдема́р) Марты́нович (Ма́ртинович, Миха́йлович) А́зин — Граждан ожысь герой, горд полководец.

Вордскемын 8-тӥ коньывуонэ (вуж стилья 26-тӥ куарусёнэ) 1895-тӥ аре Витебск губерниысь Полоцк утемысь Марьяново гуртын вуриськисьлэн семьяяз. Выжыезъя латыш (соин ик солэсь нимзэ пӧртэм сямен гожъяло). Дышетскиз черк приход школаын, собере Полоцкысь реальной училищеын (1910—1911). Ужаз куон фабрикаын, собере — вань Россиысь Горд кирослэн земской союзаз.

Собере Азин 10-тӥ армиысь 28-тӥ стрелковой дивизиез валтэ, ожмаське Колчаклы но Деникинлы пумит. 1920-тӥ аре 28-тӥ толшоре Азинлэн дивизиез нырысетӥез Маныч шур дуре потӥз, нош 17-тӥ тулыспалэ ини Мамонтовлэн вал вылын ворттӥсьёсыз сое быдэсак пазьгизы. Азин пленэ шедемын, но 18-тӥ тулыспалэ пленын виемын.

Солэн нимыз сётэмын Ижысь, Кузонысь, Полоцкысь ульчаослы.




#Article 64: Бакишева, Нина Петровна (158 words)


Ни́на Петро́вна Ба́кишева — нимо-дано удмурт театральной актриса, кырӟась.

Вордӥськиз 1927 аре 27 июне туала Вавож ёросысь Иваново-Вознесенск гуртын. 1941 аре Тыловыл-Пельгаысь сизьым аресъем школаез быдтӥз, сояз аре ик Можга педучилищее пыре но отын 1944 арозь дышетске. 1944 арысен 1946 — Тыловыл-Пельгаысь школаын кутскон классъёсын дышетӥсь луыса ужа. 1946 арысен 1951 арозь дышетске Ленинградысь Николай Островский нимо театр институтын. Институтысь бертыса, 1951 арысен пенсие потытозь ик — Удмурт драматической театрысь актриса.

Удмурт АССР-ысь калык артист (1958), РСФСР-ысь дано артист (1960). «Знак почёта» орденэн пусъемын (1958). 1981 аре Нина Бакишевалэн нимыз УАССР-ысь трудовой славалэн но героизмлэн Данъян книгаяз гожтыса кельтэмын вал.

Театрын шудэм сяна, Нина Бакишева мыло-кыдо пыриськиз общественной уже но: со вал Ижысь кар кенешысь но УАССР-ысь Вылӥ кенешысь депутат, Вылӥ кенешысь президиумлэн членэз, Вань Россиысь театр обществоысь президиумлэн членэз, со ик обществолэн удмурт люкетэныз но кивалтӥз, Тупаса улонэз утёнъя комитетын но ужаз, пӧртэм аръёсы кивалтӥз удмурт театрысь партийной но профсоюзной организациосын, со ик луиз Ижысь нылкышно кар кенешлэн нырысетӥ тӧроез.




#Article 65: Белицер, Вера Николаевна (159 words)


Ве́ра Никола́евна Бе́лицер — ӟуч этнограф, Волга-Урал котырысь калыкъёслэсь материальной культуразэс (уката ик дӥськутсэс) эскерись.

Вордскиз Рязаньын 1903 аре 5 апреле (вуж стилья 23 мартэ). Дышетскиз Мускоысь кун университетысь общественной наукаосъя факультетлэн этнологи-кылтодон люкетаз. Дышетскемзэ йылпумъям бераз, Калыктодонъя музейын (берлогес — СССР-ысь калыкъёслэн музейзы) ужаз (1925-1941). Музейын ужан дыръяз ик Белицер трос пол вуылӥз Волга-Урал котырысь калыкъёс доры этнографической экспедициосы. 1943 арысен Белицер — СССР-ысь Наукаосъя академилэн этнографияя институтаз: нырысь аспирант, собере старшей научной ужась (1945-1968) но старшей научной консультант (1968-1978) луыса.

Аспирантураын дышетскем дыръяз Белицер дасяз но азинлыко утиз кандидат луон диссертацизэ («Народная одежда удмуртов. Материалы к этногенезу»). Нош доктор луон диссертациеныз (1959) луиз 1958 аре печатлам «Очерки по этнографии народов коми. XIX – начало XX в.» нимо монографиез. Комиослы (зырянъёслы, пермякъёслы, зюздякъёслы, язваослы, имжаослы) но удмуртъёслы сяна, Белицерлэн вань бесерманъёслы но сӥзем ужез («К вопросу о происхождении бесермян (по материалам одежды)»). Уно аръёс ӵоже Белицер кивалтӥз Мордва этнографической экспедициен.

Кулӥз Вера Белицер 4 апреле 1983 аре Мускоын.




#Article 66: Блок, Владимир Михайлович (129 words)


Влади́мир Миха́йлович Блок — ӟуч композитор, музыковед, журналист.

Вордскиз Мускоын 7 ноябре 1932 аре. 1957 аре йылпумъяз Мускоысь П.И.Чайковский нимо кун консерваториез (профессор Шебалинлэсь композицияя но профессор Гилельслэсь фортепианоя классъёссэс), 1961 аре — аспирантураез (кивалтӥсьёсыз: композицияя проф. Шебалин но проф. Баласанян, крезьгурлэн теориезъя — проф. Мазель). 1958-1960 аръёсы — МузГИЗ-ын редактор луыса ужа, нош 1960-1962 аръёсы Мускоысь Ленин нимо педагогияя институтын дышетэ. 

Владимир Блок туж тунсыкъяське вал удмурт музыкаен. Трос пол вуылӥз Удмуртие, кусыпъёс возиз тросэныз удмурт крезьгурчиосын, уката ик Герман Корепановен, удмурт крезьгуро фольклорысь мотивъёс басьтыса, ачиз но кылдытъяз устоесь, удмурт шӧмоесь крезьгуръёсты. Нылпиослы сӥзем «Удмурт крезьгуръёс» фортепианолы пьесаосын сборникез пыре Удмуртиысь крезьгуро школаослэн дышетскон репертуаразы.

Владимир Блоклэсь нимзэ ӟеч тодо Норвегиысь крезьгурчиос но: со вал Эдвард Григлэн калыккуспо обществоысьтыз Россиысь люкетлэн нырысетӥ тӧроез.

Кулӥз Мускоын 1996 аре.




#Article 67: Бывальцев, Михаил Николаевич (112 words)


Михаи́л Никола́евич Быва́льцев — удмурт композитор, крезьгуро фольклорез бичась.

Вордӥськиз туала Балезино ёросысь Атасгуртын (ӟуч сямен Петухово) 2 толсуре 1908 аре. Пинал дырысеныз ик Михаил туж яратӥз удмрут калык крезьгурез. Солэн атаез баянэн, бубенэн, пу пуньыосын усто шудэ вал, та устолыклы нылпиоссэ но дышетъяз.

Удмурт крезьгуро фольклорез бичанын нырысетӥ вамышъёссэ Бывальцев лэсьтӥз театрально-художественной техникумын дышесткем дыръяз ик, тодмо ӟуч композитор Дмитрий Васильев-Буглай кивалтэм улсын ортчытэм фольклор экспедицын. Со дырысен Бывальцев удмурт калык кырӟанъёсты люкан бордын дугдылытэк ужа, Муское кошкыса ини но та ужез ӧз кушты: со пумиське ӵапак со дыре Мускоысь консерваториын дышетскем Григорий Титовен но солэсь кӧня ке кырӟанъёс гожтыса кельтэ.

Ваньзэ Михаил Бывальцев ог сю удмурт калык крезьгуръёс гожтыса кельтэм.




#Article 68: Али ибн Аби Талиб (104 words)


А́ли ибн А́би Та́либ (араб сямен علي بن أبي طالبي‎‎), Мухаммед пророклэн атаезлэн вынызлэн пиосыз пӧлысь куинетӥез. Нимо-дано ожгарчи, кивалтӥсь но оратор. Ньылетӥ халиф. Суннитъёслэн берпуметӥ «шонерлыко халифсы». Шиитъёслэн нырысетӥ имамзы, кыкетӥ но куинетӥ имамъёссылэн атайзы. Ахль уль-бейтэ пырисьёс пӧлысь огез. 632 аре Гадир-Хумын Мухаммед сое аслаз преемникеныз ялӥз, озьы ке но, солэн халифатэз кутскиз 24 ар ортчыса гинэ.

Вордскемын 599 аре (хиджри календарья 13 раджабе, хиджралэсь азьло 24-тӥ аре) Меккаын, виемын 661 аре Куфаын (хиджри календарья 21 рамаданэ 40-тӥ аре).

Пиосыз — Хасан но Хусейн, кышноез — Фатима аз-Захра (Мухаммедлэн но Хадиджалэн нылзы).

Солэн гожтэтъёсыз, косонъёсыз, проповедьёсыз люкамын нимаз книгае — «Нахдж уль-Балага».




#Article 69: Кубыз (сиосын инструмент) (258 words)


Кубыз — скрипкалэн удмурт калык вариантэз. Азьвыл сое киын лэсьтыло вал, али нош фабрикаын лэсьтэм скрипкаос уже кутӥсько. Азьвыл соин шудо вал ал вылэ пуктыса. 

Кубыз нимлэн этимологиез тюрк: кылсярысь, казахъёс асьсэлэсь одӥг пулэсь вӧлэм скрипказэс комуз, кобуз кылъёсын пусъё, крашиньёс ымкрезез (варганэз) кубыз шуо. Со ик кыл мукет калыкъёсын но асэстэмын: поръёс скрипказэс ия-ковыж шуо, мадьяръёслэн нош koboz кылзы ньыль яке тямыс езо крезьгуро инструментэз возьматэ. 

Калык этимологияя «та кыл кыклы люкиське. «Ку» со кыӵе ке пӧйшурлэн куэз; «быз» кыӵе ке золтэм езлэн куараез. Вашкала дыръя куэз векчи лемта кадь вандылыса, позыръяса, кыӵе ке пу борды золтыса шудозы вылэм. Соин ик сыӵе «бызгетон» шудонлы «кубыз» ним понӥлям» (Кузебай Гердкытысь со цитата басьтэмын?). 

Поръёслэн ия-ковыжзы, удмуртъёслэн кубыззы выллем ик, нырысь-валысь одӥг пулэсь вӧлэм кык езо крезьгуро инструмент вылэм, 1930-тӥ аръёсы соин ал вылазы пуктыса шудо на вал ай (берло сое фабричной скрипка воштӥз) . Сыӵе ик скрипказы чувашъёслэн но вылэм, шудон манерез но удмуртъёслэн выллем вылэм . Мордваос скрипказэс гарьзе, стрепка, кайга шуиллям. Хантъёслэн но мансиослэн одӥг езо вӧлэм нин-юх нимо крезьгуро инструментсы вань. Шор дауръёсы ву шапык выллем формаё одӥг пулэсь вӧлэм скрипказы ӟучъёслэн но вылэм — гудок. Нош коми калык шудэ вылэм си-гудӧк нимо скрипкаен.

Кубыз трос аръёс чоже вунэтэмын вал. Берло аръёсы нимысьтыз кубызэн шудон амалъёсты но гуръёсты каллен бичаны кутскизы. Анастасия Петрова но Миклош Деметер (Печ университетысь, Венгрия) сюрс укмыс сю укмыстон тямысэтӥ арысен ветлӥзы Татарстанэ но Марий-Элэ, утчазы пересь усточиосты. Миклош дышетскиз выль кубызъёс лэсьтыны, быгатыса ачиз шудиз. «Эктон корка» студиысь Алексей Кузнецов та ужез азинтиз. Али кубызэн трос коллективъёс шудо ини (нимъёссы?).




#Article 70: Коробейников, Алексей Владимирович (244 words)


Алексе́й Влади́мирович Коробе́йников (вордӥськиз 26-ти тулыспалэ (феврале) 1961-тӥ арын) — Удмуртиысь историк, археолог, спортсмен (ву ултӥ уясь, PADI  Divemaster  PADI Underwater Archaeologist огазеяськонлэн ёзчиез). РАЕ-ысь профессор. 200-лэсь ятыр научной статьяослэн, 19 монографиослэн авторзы. Иднакар: Методы историко-культуроной реконструкции» нимо тодосъя журналлэн поттӥсез.

А. В. Коробейников 200-лэсь ятыр тодосъя ужъёслэн авторзы, со пӧлысь 19 нимаз лыдзетъёслен, рецензиен потэмын. Со сяна, Алексей Владимировичлэн 16 изобретенилы свидетельствоез - соос улонэ пыӵатэмын археологияя удысын. 

А. В. Коробейников — Россиысь Инкуазьтодон Академилэн история тодос удысъя профессорез. Валтӥсь эскеронъёсыз сӥземын археологиысь шедьтосъёсты выль сямен эскеронлы но валэктонлы. Та удысъя А. В. Коробейников дасяз ни пӧртэм компьютер программаос. Кылсярысь, муысь шедьтэм пукыӵ ньӧлъёслэсь кызьы лобӟемзэс эскеронъя программа (Osseus), пукыӵ ньӧлъёсты баллистика амалъя чакланъя программа (Archer), вашкала каръёслэсь кышкытлыклэсь макем зол утиськемзэс тодонъя программа (Hillfort). Алексей Владимирович история тодосъе пыртӥз выль валатон: вашкала каръёслэн кышкытлыклэсь утиськон амалъёссы, соосты дунъянъя-чакланъя методика кылдытӥз. Со вылэ пыкъяськыса, эскерыны луэ котькыӵе объектлэсь кышкытлыклы дась луэмзэ. 

Тодосчилэсь методиказэ уже куто эскеронъя (исследованиосъя) куд-ог центръёсын. Соя А. В. Коробейниковлы сётэмын методиказэ улонэ пыӵатэм сярысь акт. 
А. В. Коробейниковлэн 6 шаеръёслын (странаослэн) 180 пала тодосъя ужъёсыз потэмын. Со сяна, та тодосчи ву пушкын уянъя вылӥ квалификациен пусъемын. Финн-угор обществолэн (Хельсинки кар) ёзчиез. Вуылэмын пӧртэм кунъёсы. Улэ Ижкарын.

Интернетэз уже кутӥсь тодосчиос пӧлысь А. В. Коробейников тужгес но яркытэз, кужмоез луэ. Солэсь ужъёссэ капчиен шедьтод Интернетысь, угось тросэз сайтъёс мылкыд каро та тодосчилэсь ужъёссэ вӧлмытыны. А. В. Коробейников ӟеч кусып возе иворъёсъя «Удмуртология» порталэн, трос ужъёссэ шедьтыны луэ та портал пыр.




#Article 71: Кралина, Надежда Петровна (124 words)


Наде́жда Петро́вна Кра́лина (в. 1923) — Удмуртиысь фольклорист но литературовед, берыктӥсь. Филологи наукаосъя кандидат, Удмуртиысь кун премилэн лауреатэз.

Вордскемын туала Саратов улосысь Вольск карын. 1942 арысен Улэ Ижын. 1942–1946 аре дышетске Удмурт кун педагогика институтын ӟуч кылъя но литературая факультетын. Распределениея Каракулино черкогуртысь ёрос школае ужаны мынэ. 1948–1951 аръёсы — Ленинградысь Герцен нимо педагогикая институтлэн аспирантураяз. Кандидат луон диссертацизэ утем бере ужа Удмурт научно-исследовательской институтын, дас ар ӵоже кивалтэ литературая но фольклоръя люкетэныз. 1963–1985-тӥ аръёсы Надежда Кралина — Удмурт кун университетысь доцент.

Надежда Петровна Кралина — 50-лэсь уно научной ужъёслэн, газет-журнал бамъёсын печатласькем статьяослэн, нимаз книгаослэн авторзы.

Надежда Петровна Кралина трос удмурт писательёслэсь прозаен гожтэм произведениоссэс ӟуч кылэ берыктиз. Соос полын Семён Самсоновлэн, Роман Валишинлэн, Генрих Перевощиковлэн, Григорий Симаковлэн но мукет удмурт писательёслэн гожъямъёссы.




#Article 72: Ustani bane (128 words)


Ustani bane (Султы, бан!) — хорват калык кырӟан. Сӥземын Хорватиысь банлэн граф Карой Кун-Хедервари де Хедерварлэн венгеромытон политиказэ улонэ пыӵатыны кутскемезлы. Кырӟась вазиське Хорватиысь национальной геройлы, банлы граф Йосип Елачич фон Бужимлы. 

Kad su našu Hrvatsku stigle nesreće.:
Mađarske zastave digo Héderváry,
Silom hoće Hrvatsku da nam pomađari.

Ustani bane Jelačiću!:

Kao što je bio Jelačić ban.:
A sada njega crna zemlja krije,
I zelena trava prekrila mu grob.

Ustani bane Jelačiću!:

Со вал укмыстон куинетӥ аре,
Куке Хорватиямы вуизы шуг-секытъёс:
Хедервари ӝутӥз венгер флагъёсты,
Хорватиез кужмысь венгеромытэмез потэ.
Султы, бан, Хорватия тонэ ӧте, ӧте,
Султы, бан Елачич!

Ӧвӧл батыр, ӧвӧл хорват
Таӵеез, кыӵе вал бан Елачич.
Нош али сое соге сьӧд музъем,
Вож турын нош согиз солэсь шайгузэ.
Султы, бан, Хорватия тонэ ӧте, ӧте,
Султы, бан Елачич!




#Article 73: Бадретдинов, Ульфат Шайхутдинович (473 words)


Ульфа́т Шайхутди́нович Бадретди́нов (1957-тӥ арын 21-тӥ толшоре Башкирия Бураево ёрос Алтау (Алтаево)) — удмурт прозаик, журналист. «Кизили» удмурт нылпи журналлэн валтӥсь редакторез.

Тямыс аръем школаез йылпумъяса, 1972-тӥ арын Можгаысь педучилищее пыриз. Дышетскемъяз литературно-художественной кружоке ветлӥз, ӵапак соку соин кивалтӥзы гожъяськисьёс Григорий Данилов но Николай Байтеряков. Со вакытэ ик Ульфат Бадретдинов гожтэ аслэсьтыз нырысетӥ веросъёссэ. Соос печатламын вал «Советской Удмуртия», «Дась лу!» газетъёсын, «Молот» журналын. «Дась лу!» газетэн автор нырысьсэ тодматске 1969-тӥ арын, туж мыло-кыдо ужась юнкор луэ.

Училищеез йылпумъямез бере, ас гуртаз дышетӥсь луыса ужаз. Армиысь бертыса, кык ар Большой Качакысь шор ёзо школаын тыршиз (Башкирия, Калтаси ёрос). Удмурт кун университетлэн филология факультетлэн заочной люкетаз дышетскыны пыриз.

Егит лыдӟисьлы Бадретдинов ас музъемзэ, дорзэ гажан мылкыд пыӵатэ, тодон-валан люканы дышетэ. Лыдӟисез но азьтэм луыны кулэ ӧвӧл — мед со тунсыкъяськоз котыр дуннеен, выжыосыныз, инкуазь радъяськемен. Книгаосыз чакламын школае ветлӥсь пичи но шоро-куспо арлыдо пиналъёслы. Прозаик бадӟым саклык висъя нылпиез дышетонлы, морально-этической дунъетъёслы, ас семьядэ, ӵыжы-выжыостэ, бускельёстэ, гуртоостэ, музъемдэ но вордӥськем палъёстэ гажанлы.

Азьланяз эшшо потылӥзы на таӵе книгаосыз: «Мар луоз ӵуказе?» (Ижевск, 1991), «Мар со кадик?» (1994).

Берпуметӥ потэм книгаез — «Ӵушъял вордиське веньёстэк», Ижевск, «Удмуртия», 2007 — повестьёсты, веросъёсты, пьесаосты люка. Та зӧк синмаськымон книгаын вужъёсыз но, выльёсыз ужъёс потӥзы.

Писатель туннэ нуналэ но туж чырмыт гожъяське «Кизили», «Инвожо», «Кенеш» журналъёсы. Куд-ог произведениосыз ӟуч, коми, коми-пермяк, башкир, бигер кылъёсы берыктэмын, кӧняез ке «Мурзилка», «Миша», «Вилы» журналъёсын печатламын, учебникъёсы но пособиосы пыртэмын.

Лаптев А. Ӝужалоз-а сяськаез? // Сов. Удмуртия. 1988. 5 мая.

Сергеев В. Следующая книга — впереди // Удм. правда. 1988. 9 июня.

Хайдаров Р. Эшъесы-юлтошъёсы // Сов. Удмуртия. 1990. 3 июня.

Лаптев А. Улӟозы-а мертосъёс? // Дась лу!. 1991. 18 дек.

Ходырев Г. Тау тыныд, Алтау калык! // Удмурт дунне. 1993. 26 мая.

Смирнов В. Чузъясько чингыли куараос // Ӟечбур!1996.14 марта.
     
Ходырева И. Синмаськымон кузьым // Вордскем кыл. 1996. № 3.С. 22-23.
                                               
Рашит Хайдар. Саке шедиз «САК» //Удмурт дунне. 1997. 6 сент.

Тихонова Л. Адӟиське-а серекъянлэн кужымез? //Удмурт дунне. 1997. 27 нояб.

Зайцева Т. Туала нылпи проза сярысь коня ке малпанъёс //Кенеш. 2000. № 8.С.58-61

Зайцева Т. Современная удмуртская детская проза // Финно-угристика на пороге третьего тысячелетия. Саранск, 2000.С.395-397.

Лаптев А. Малпаськон гизьыез улӟыто // Ӟечбур! 2002. 29 августа.

Зайцева Т. Туала нылпи прозалэн азинскемез // Движение эпохи — движение литературы. Удмуртская литература двадцатого века: Учебное пособие для студентов, обучающихся по филологическим специальностям. Ижевск: Издательский дом «Удмуртский университет», 2002. С. 236—244 .

Лаптев А. Выль книгаос // Ӟечбур! 2004.17 июня.

Перевощикова М. Путешествие в шордин // Удм. правда. 2004. 21 июля.

Зайцева Т. Духовные начала творчества: к проблеме развития современной мемуарно-биографической прозы // Современная удмуртская проза. Ижевск, 2006. С. 139—141.

Зайцева Т. Понять ребенка: об удмуртских книгах для детей.// Современная удмуртская проза. Ижевск, 2006. С. 155—159.

Романова Г., Зайцева Т. Нылпиосын но нылпиослы. Ульфат Бадретдиновлы — 50. // Кенеш. 2007. № 1. С.92-95.

Хайдаров Р. Пальыштыклэн эшез. // Удмурт дунне. 2007. 17 января.

Харисова Т. «Ӵушъял вордиське веньестэк».// Ошмес. 2008. 31 января.




#Article 74: Париж (283 words)


Пари́ж (француз сямен Paris, лыдӟы: Пари́) — Францилэн шоркарез, шаерлэн экономикая, политикая, ужбергатонъя но культурая центр. Интыяськемын Францилэн уйшор люкетаз, шор палазгес, Сена шурлэн ярдуръёсаз. Улӥсьёсыз 2 144 700 адями (2005), нош Парижен одӥг агломерацие пырись улон интыосты ке лыдъяно, та лыдпус 12 миллионозь будоз. Кар музъемлэн быдӟалаез — ог 105 квадрат километр.

Париж асьме эралэсь азьвыл III даурлэн шораз кылдӥз, со интыын вал кельт выжыос пӧлысь огезлэн — паризийёслэн — карзы. Вашкала римъёс сое латин сямен Лютеция (Lutetia) шуыса нималлязы (шонерзэ ке верано, та ним туж трос вариантъёсын пумиське: Lutetia Parisiorum, Leucotecia Parrhisiorum, Leucotetia Parrhisiorum, Lotitia Parisiorum, Lucotetia, Lukotekia, Lukotokia, Lutecia, Lutetia, Luticia, Lutitia). Лютеци сярысь иворъёс нырысьсэ гожтыса кельтӥз Юлий Цезарь галлъёсын ожъёслы сӥзем книгаяз (а.э.а. 53 арын луэм учыръёсты вераса). Асьме эралэн ог 300 араз та карез ӵапак «Париж» выллемгес нимъёс улсын пусйылыны кутскизы (та нимъёслэн но вариантъёссы туж трос вылӥллям: Pariseus, Parisia urbs, Parisiaca urbs, Parisiacensis, Parisiensis, Parisii, Parisiorum urbs, Parisium, Parisius, Parisus, Parius, Parixius, Parrhisii, Parysiensis, Parysius, Parysyus, Varisium). Кар нимлэн удмурт чузъяськемез меӵак ӟуч кылысь басьтэмын вал, нош ӟучъёс сое та формаын ик полякъёслэсь асэстӥллям.

Париж — историын туж тодмо кар. Татын ортчиз Быдӟым француз революция, татын ик вал Париж коммуна. Париж вӧзын интыяське Версаль.

Туннэ но Парижлэн дунне политикаын интыез дуно луэ: Парижын интыясько ЮНЕСКО-лэн, Экономика удысын ӵош ужанъя но азинсконъя организацилэн, Калыккуспо вузкарон палаталэн валтӥсь офисъёссы.

Парижлэн,Рим сяна, мукет вынкаръёсыз ӧвӧл. Со юри озьы лэсьтэмын, Парижлэсь но Римлэсь историын укыр дано луэмзэс юнматон вылысь: француз сямен, Seule Paris est digne de Rome; seule Rome est digne de Paris (Париж гинэ Римлы дано луэмезъя тупа, Рим гинэ Парижлы дано луэмезъя тупа).

Со сяна, Парижлэн пӧртэм кунъёсын ог 30 эшкаръёсыз вань на (Россиын — Муско но Санкт-Петербург).




#Article 75: Киров (163 words)


Ки́ров (удмурт сямен озьы ик Вятка но Кылно) — Россиысь кар, Киров улослэн центрез. 1780-тӥ арозь Хлынов, 1780-1934-тӥ аръёсы Вятка.

Ватка шурлэн паллян ярдураз сылэ но шур кузя 20 искем кыстӥське. Ижлэсь 287 иськемлы но Мусколэсь 896 иськемлы палэнын интыяськемын. 2010-тӥ арын ортчытэм Россиысь калыкез лыдъян-чотанъя Кировын 474 сюрс адями улэ.

Н. М. Карамзинлэн «Российской Государстволэн Историез» книгаын пусъёмын: туала Киров котырысь музъемъёс вылын 1174-тӥ арын ӟуч адямиос интыяськизы.

Кар люкемын ньыль ёрослы: Ленин, Первомай, Октябрь но Нововятск.

Трифоновской монастырьлэн Успенской соборез (1686), кар паркын А. Л. Витберг архитекторлэн проектъёссыя ӝутэм юртъёс, XVIII дауре классицизм амалэн пуктэм улон коркаос, Троицкой черк (1770).

Валтӥсь заводъёс: «Лепсе нимо электромашзавод», «Маяк», «Физприбор», «Крин» но мукетъёсыз. Валтӥсь комбинатъёс: пыдкутчан, «Исток», текстильной. Валтись фабрикаос: спичка поттон, крезьгур инструментъёсты поттон.

Порт. Аэропорт. Горький нимо чугун но федеральной машина сюресъёс.

Кировын улӥзы гожъяськисьёс М. Е. Салтыков-Щедрин, А. С. Грин, суредасьёс В. М. и А. М. Васнецовёс, К. Э. Циолковский, эмчиос В. М. Бехтерев но А. Н. Бакулев, революционеръёс А. И. Герцен но С. Н. Халтурин




#Article 76: Кузебай Герд (184 words)


Кузебай Герд (зэмос нимыз Кузьма́ Па́влович Ча́йников) — удмурт кылбурчи, фольклорист но этнограф.

Вордскемын 2-тӥ (14-тӥ) толшоре 1898-тӥ арын туала Вавож ёросысь Покчивуко гуртын. 1912—1916-тӥ аръёсы дышетскиз дышетӥсьёсты дасянъя Кукаркаысь семинариын дышетскиз. 1916—1918-тӥ аръёсы кивалтӥз Бадӟым Учаысь кык классъем школаен кивалтӥз, берлогес — Малмыж уонолэн удмурт ёзэтэныз. Озьы ик Герд удмурт школаос но Выль Мултанысь педтехникум кылдытӥз, нырысетӥ удмурт нылпи юртъёс усьтыны юрттӥз. 1920-тӥ арын К.Гердлэн кивалтэмэз улсын «Муш» нылпи журнал потыны кутскиз.

Гердэз СОФИНлэн (Финн выжыысь калыкъёсты мозмытон союзлэн) ужезъя янгыше уськытӥзы, 1932-тӥ арын пытсэт сьӧры келязы. 1-тӥ шуркынмонэ 1937-тӥ арын туала Карелиысь Медвежьегорск ёросысь Сандормох гурт вӧзын ыбемын вал. 1958-тӥ арын тодосчилэсь ӟеч нимзэ берыктӥзы.
К. Герд удмурт но ӟуч кылын гожъяськиз. Удмурт калык кырӟанъёс но выжыкылъёс трослы творчествозэ азинтыны юрттӥзы. Улэп дыръяз «Крезьчи» (1922), «Сяськаяськись музъем» (1927), «Лёгетъёс»(1931) кылбур бичетъёсыз потӥзы.

Герд — удмурт нылпи литературалэсь инъетсэ кылдытӥсь луиз. Покчи классъёсын дышетскисьёслы «Шуныт зор» (1924), «Выль сюрес» (1929), «Арифметика» (1925) учебникъёс дасяз но поттӥз. Со сяна, Кузебай Герд — фольклорлы, этнографилы, кыллы но литературалы сӥзем 100-лэсь уно статьяослэн авторзы луэ. Аспирантураын дышетскыкуз, со «Удмуртская загадка» но «Родильные обряды и восточнофинская колыбель» диссертациоссэ (утемын ӧвӧл) дасяз.




#Article 77: Удмуртлык (323 words)


Удмуртлык — ВКонтакте социальной вотэсысь дуннеысь вань удмуртъёслэн кусып возён группазы. Кылдытэмын Романов Роман Александровичен 9-тӥ шуркынмонэ 2007-тӥ арын. 

Вконтакте.ру вотэсэз ниманы луэ Веб 2.0 сервис. Интернет кылдэм дырысен солэн азискон концепциез (али нимаське веб 1.0) вал таче: вань активной Интернет-пыриськисьес (контент лэсьтисьес) но пассивной пыриськисьес (контент лыдзисьес). Практикаын со вал тазьы: Интернет-пыриськисьеслэн ог-люкетэз лэсьтэ вал сайтъес, кудъессэ ке выльдыны но азинтыны мукет пыриськисьеслы луонлык уг сетиськы вал технически. Соин ик интернетлэн азинсконэз шонерак герзаське вал сайтъес лэсьтисьеслэн активностенызы. 

Веб 2.0 – лэн концепциез активной но пассивной пыриськисьес куспысь гожъёсты чушылэ. Пассивной пыриськисьёслэн луонлыксы вань контент лэсьтонэ пыриськыны (ас мылкыдзыя интыяны текст, графика но мультимедиа), нош прокетъеслэн администраторъёссылэн ужазы пыре на мукетъеслы сыче технической луонлыкъёс сётыны. Та учыре проектлэн азинсконэз шоненрак герӟаськемын сайтлэн пыриськисьёсызлэн лыдзылэсь но соослэн активностьсылэсь. Веб два ноль проектъёслэн ужамзы туж зол будэтэ куммуникациослэсь уровеньзэ, трос выль коммуникативной каналъес кылдытэ, кудъесыз ке сето пыриськисьлы моральной вознаграждение. 

Вконтакте.ру проект кылдытэмын вал сизьыл 2006 арын. Со дырозь вал на мукет социальной вотэсъёс (одноклассники.ру, мой круг но мукет), кудъёсыз ке уг сето вал коммуникационной проектъес кылдытыны луонлык. Кунгож сервисъёс (Майспейс, Фэйсбук но мукет) популярноесь ой вал, англи кылэз тодымтэеен. Та мугъёсты лыдэ басьтыса малпаны луэ вал ни, социальной вотэсъсесты уже кутон жоген интернетлэсь удмурт секторзэ паськытатоз шуыса. Туннэ нуналэ ВКонтакте.ру проект луэ тужгес но бадӟымез источник, кытысь ке шедьтыны луэ удмурт мультимедийной контент (крезьгуръес, клипъёс, туспуктэмъёс но мукет). 

ВКонтакте.ру прокетысь Удмурт группаосы пыриьскисьес пӧлы пыро Удмуртиысь таӵе тодмо адямиос но – Татьяна Ишматова, Георгий Грязев, Алекскей Ложкин, Надежда Уткина, Леонид Гусев, Дмитрий Загребин, Павел Поздеев, Леонид Гонин но трос мукетъесыз, со сяна татысь шедьтоды на ваньзэсты сямен мукет удмурт Интернет-проектъёслэсь администраторъёссэс. 

Эшшо одӥг веб два ноль проект усьтӥськиз 2008-тӥ арын - Со Юмшан промо группалэн сайтэз – «Удмуртский трансляционный сайт: трансляция удмуртскиз идей, звуков, текстов, фото-видео, электронных сувениров». Та проект луэ удмурт мультимедиа контентлэн быдӟалаезъя кыкетӥез источникез.
 
Вконтакте.ру проектысь удмурт группаос но Юмшан промолэн проектэз пыриськисьёссылы социальной вотэсъёслэн форматэнызы вераськыны ӟеч сям пыӵато. 




#Article 78: Паул де Леу (134 words)


Па́ул де Ле́у (нидерланд сямен Paul de Leeuw) - Нидерландысь комик, юморист, кырӟась но актёр. Вордскемын 1962 аре 26 мартэ Эйселмондеын (та - Роттердам карлэн люкетэз, соин ӵемысь гожъяло, со Роттердамын вордскемын, пе).

Паул де Леу тодмо луиз XX даурысь тямыстонэтӥ аръёслэн пумазы - укмыстонэтӥ аръёслэн кутсконазы телевидениысь комик луыса ужакуз. VARA телекомпаниын шоузэ нуыкуз, со ӵемысь серем карылӥз нидерланд шоу-бизнес удысын ужась адямиосты, таин уката тодмо луиз калык пӧлын.

Со сяна, кырӟась луыса но Паул де Леу туж дано. Сое яратӥсьёс но, яратӥсьтэмъёс но соглаш луо, талантэз туж бадӟым шуыса. Де Леулэн кырӟамез туж лирической, эмоциосын пачылмемын, куараезлэн тембрез но аспӧртэмлыко.

Де Леу кырӟась но комик гинэ ӧвӧл, со киноактёр но.

Де Леу аслэсьтыз гомосексуал луэмзэ уг ваты. Партнёрез - Стефан Нюхтер (нидерл. Stephan Nugter), соослэн кык вордос пиоссы - Кас но Тоби.
 




#Article 79: Пичи Пурга (250 words)


Пичи Пурга — Удмурт шаерысь бадӟым черкогурт (село). Со Пичи Пурга ёрослэн центрез луэ. Улӥсьёслэн лыдзыя удмурт черкогуртъёс пӧлын кыкетӥ интыын сылэ (Дэри черкогурт бере). Интыяськемын Ижлэсь 37 иськемлы палэнын, Удмурт Республикалэн лымшор палаз. Черкогуртлэсь кыдёкын ик ӧвӧл Бигер республика: 4 иськемлы палэнын сылэ бигер шаере пырись Огырчи город — Горький чугун сюреслэн Иж ёзэзлэн станциез.

Пичи Пурга черкогуртлэн нимыз кылдэмын вашкала удмуртъёслэн Пурга воршуд нимзылэсь. Пурга черк усьтӥськиз 1859-тӥ арын, но сое йылозяз-пумозяз ӝутон йылпумъяськиз ай вуонояз 1860-тӥ арын. Со аре ик 12-тӥ толсуре черк освятить каремын но Михаил Архистратиглы сӥземын. Дыр ортчемъя Пичи Пургаысь пу черк куашкан калэ вуиз, 1902-тӥ арын со интые ӝутэмын вал излэсь черк. Таиз бакель каремын 1902-тӥ арын 3-тӥ январе.

Пичи Пурга черкогуртын ӟеч радъямын экономика удыс. Ушъямон тыршо «Пичи Пургаысь МСО», «Пичи Пургаысь сельлесхоз», озьы ик «Агропромэнерго» но «Потребкооператив» огазеяськонъёслэн Пичи Пургаысь ёзъёссы. Черкогуртын вань кирпич шуккон, йӧллэсь сиён поттон но пластмасслэсь арбериос лэсьтон заводъёс.

Культура удыс огсыр азинске. Пиналъёслы мур тодон-валан сётон понна черкогуртын усьтэмын гимназия, шор ёзо школа. Кибашлы нылпиослэсь быгатонлыксэс волятон понна 20 ар талэсь азьло — 1989-тӥ арын — кылдытэмын «Пурга кизилиос» центр. Черкогуртын ӟеч радъямын калыклэсь тазалыксэ утён но эмъян. Удмурт Республикалэн президентэз Александр Волков юрттэмъя Пичи Пурга селоын 2002-тӥ арын усьтӥськиз валтӥсь больницалэн улыно-вылыно юртэз. Со сяна, ӝутэмын нуны витись кышномуртъёслы чаклам выль юрт.

Пичи Пурга черкогуртын вань урамъёс шобыртэмын асфальтэн, котькуд юртэ вуэ чагыр эстӥськон (газ). Берло аръёсы черкогуртын зол азинскиз лэсьтӥськон удыс. Пичи Пургаын кылдӥзы ини уно выль урамъёс: черкогурт тани-тани огазеяськоз Можга нуись тракт вылын сылӥсь Миндэр гуртэн.




#Article 80: Сьӧлта (149 words)


Сьӧлта (ӟуч сямен: Селты́) — удмурт черкогурт, Сьӧлта ёрослэн центрез. Интыяськемын Удмурт Республикалэн шунды пуксён палаз.

Улӥсез — 5 сюрс 800 адями (2009-тӥ арлы). Сьӧлта черкогурт сылэ Калмез шур вылын, Ижлэсь 138 иськемлы палэнын. Сьӧлта черкогурт нырысьсэ пусъемын 1710-тӥ арын ортчем переписьын, отын со пыртэмын Сибире нуись сюрес вылэ интыяськем гуртъёс пӧлы. Сьӧлта сярысь гожъяз тодмо ӟуч писатель А. Радищев — та черкогурт пыр сое ссылкае нуизы.

Нош кылдэмын та черкогурт вазенгес: Ватка музъемез Ӟуч кунэн огазеян вакытэ, 1596-тӥ арын. Соку кӧня ке удмурт семья Сьӧлта селолэн интыяз каръяськем. Сьӧлта нимыз кылдэмын вашкала удмуртъёслэн воршуд нимзылэсь.

Сьӧлта черкогуртын ужзэ радъя 2 шор ёзо школа, Пиналъёслэн искусствоосъя центрзы, 5 нылпи сад, культурая 2 юрт, 2 библиотека но 3 музей: соос сӥземын Сьӧлта школалы, Ленин нимо колхозлы но Быдӟым оже пыриськемъёслы. Черкогуртын ужа Киужъёсъя юрт, православнойёслэн Константино-Еленинской вӧсяськон юртсы. Со сяна, Сьӧлта черкогуртын пумитаны луоз вашкала купечъёслэсь утиськем юртъёссэс. Пуктэмын ӟуч писательлы А. Н. Радищевлы памятник.




#Article 81: Ванюшев, Василий Михайлович (267 words)


Василий Михайлович Ванюшев — удмурт кылбурчи, литератураез эскерись, публицист. Филология наукаосъя доктор, профессор. Удмуртиысь калык писатель, культура удысысь дано ужась, Россиысь Писательёслэн союззылэн членэз, Педагогикая калыккуспо академилэн членэз. Вордӥськиз 10-тӥ феврале 1936-тӥ арын Удмурт АССР-ысь Кизнер ёросысь Улӥ Кусо-Какся гуртын.

Йылпумъяз Можга педучилищеез, Мускоысь кун университетысь журналистикая факультетэз, Общественной наукаосъя академилэсь аспирантуразэ. 1973-тӥ арысен ужа Удмурт историяя, кылъя но литературая институтын: нырысь директорлэн наукая воштӥсез вал, нош туннэ — наукая валтӥсь сотрудник. 1975-тӥ арын утиз кандидат диссертацизэ, 1997-тӥ арын — доктор диссертацизэ. 1998-тӥ-2003-тӥ аръёсы Ванюшев кивалтӥз Удмурт кун университетысь удмурт филология факультетысь удмурт литературая кафедраен.

Со вие ик Василий Михайлович шаерысьтымы пӧртэм газетъёсын-журналъёсын печатлаз аслэсьтыз кылбуръёссэ, рецензиоссэ. Нош 1973-тӥ арын вордӥськиз нырысетӥ книгаез — «Нити времён». 1976-тӥ арын югыт дуннее потӥз «Выжыосы» книгаез, 1980-тӥ арын — «Шунды но гудыри» книгаез. Со арын ик Ванюшев дася «Расцвет и сближение» монографизэ, 1987-тӥ арын — «Вершины корнями сильны» монографизэ. 1982-тӥ арын лыдӟисьёс кие вуиз «Вить чиньы — одӥг кикур» книгаез.

Ванюшевлэн творчествояз бадӟым инты басьто нылпи, вордӥськем шаердэ яратон, эшъяськон темаос. Со быгатыса уже кутэ пӧртэм инкуазь образъёсты. Та юн шӧдӥське 1985-тӥ арын потэм «Колосок, задевший небо» кылбур бичетаз но.

Василий Михайловичлэн ужъёсыз берыктэмын мари, бигер, чуваш кылъёсы. 1993-тӥ арын со юрттӥз поттыны удмурт литературалы сӥзем антологиез чуваш кылын — «Салам, Шупашкар!», «Содружество» (1995). Ванюшевлэн кылбур чуръёсыз печатласькизы «Литературная газета», «Литературная Россия» газетъёсын, «Дружба народов», «Урал», «Волга», «Театральная жизнь», «Луч» журналъёсын, «Удмуртский юмор», «Встреча друзей», «Между Волгой и Уралом», «Побратимы», «Вдохновение», «Отражение» альманахъёсын.

Василий Ванюшев басьтӥськиз югдытӥсьлэсь Г. Верещагинлэсь творчествозэ эскерон борды. Туннэ нуналлы солы сӥзем 9 книгаез потӥз ини. Озьы ик палэнэ ӧз кельты удмурт писательёсты но — Кузебай Гердэз, Кедра Митреез, Михаил Петровез, Михаил Коноваловез но мукетъёссэ.




#Article 82: Верещагин, Григорий Егорович (302 words)


Григорий Егорович Верещагин (куд-ог документъёсын Георгиевич но гожтэмын) — удмурт писатель-этнограф, югдытӥсь, баӵко. Вордӥськиз 11-тӥ октябре 1851-тӥ арын туала Кез ёросысь Полом гуртын. Сарапулысь реальной училищеез йылпумъяса, Льӧльшур гуртын усьтӥз земство школаез но отын дас ар ӵӧже дышетӥсь луыса ужаз. Льӧльшурын сяна, тодон-валанзэ нылпиослы пыӵатыны выриз Сарапул уездысь ик Шаркан, Сосновка, Брангурт черкогуртъёсын.

Наука удысын Верещагин нырысетӥ вамышъёссэ лэсьтӥз Льӧльшур школаын ужакуз ик. Этнографиен герӟаськем трос материалъёс люкаса, Санкт-Петербургын печатлаз Вотяки Сосновского края (1886) но Вотяки Сарапульского уезда Вятской губернии (1889) монографиоссэ. Императорлэн географияя ӟуч обществоез (ИРГО) та ужъёсыз понна Григорий Егоровичез азвесь медален пусйиз. Озьы Верещагин та обществолэн членэз луиз. 1896-тӥ арын Верещагин поттэ О книгах на вотском языке брошюразэ, отын со выль алфавит ӵектэ удмуртъёслы (улонэ пыӵатэмын ӧй вал).

Литература удысын ужаны кутскиз бергес. Трос учёнойёс (Кедра Митрей, П. К. Поздеев, П. П. Домокош, В. М. Ванюшев, Т. Г. Владыкина но мукетъёсыз) малпало, Верещагинлэн 1889 аре потэм «Вотяки Сарапульского уезда» монографиысьтыз кылбур — нуны веттан гур «Чагыр, чагыр дыдыке» — ӵапак Верещагинлэн аслаз гожтэм кылбурез вылэм шуыса, но со ик кылбур, пе, инъет выллем луиз удмурт чеберлыко литературалы (озьы 1989-тӥ арын Москваын нырысьсэ пусйизы удмурт литературалэн кылдэмез дырысен 100 ар тырмонэз). Мукет учёнойёс (Р. Ш Насибуллин, А. Г Шкляев,А. Г. Красильников, Д. М. Сахарных) соин но, таин но соглаш ӧвӧл. Котьма ке но, 1924-тӥ арын кылбуръёсыз печатласькизы Гудыри газетын но Кенеш журналын; Бернат Мункачи пусъе, Верещагин, пе, туж усто кылбуръёс гожъяны быгатэ вылэм, солэсь, пе, та кылбуръёсты коньдонэн вузаны куризы, но со, пе, вузамтэ (жаль, пусъемын ӧвӧл, кыӵе кылын со кылбуръёсыз гожтэмын вал). Кылбур чуръёссэ озьы ик шедьтыны луиз Руководство к изучению вотского языка научно-методической ужысьтыз. Верещагин гожъяз выжыкылъёс-поэмаос но: Зарни чорыг, Батыр дӥсь, Скоробогат-Кащей. Ӧз палэнскылы очерк жанрлэсь — Общинное землевладение у вотяков Сарапульского уезда очеркез сӥземын удмурт калыклэн сямъёсызлы-йылолъёсызлы.

Этнографлэн ужъёсыз берыктэмын ӟуч, бигер, мадьяр, финн, эстон кылъёсы. Г. Е. Верещагинлэсь творчествозэ котыр ласянь эскериз кылбурчи Василий Ванюшев. Вань на Денис Сахарных историклэн Верещагинлы сӥзем статьяосыз.




#Article 83: Гаврилов, Игнатий Гаврилович (174 words)


Игнатий Гаврилович Гаврилов — удмурт совето кылбурчи, прозаик, драматург. Удмурт артист Василий Гавриловлэн агаез. Вордӥськиз 30-тӥ мартэ 1912-тӥ арын Можга ёросысь Бадӟым Сибы гуртын. 1924-тӥ арын пыриз Можга педтехникуме, но сое йылпумъяса ӧз вутты-выжиз Ижысь театр курсъёсы. Бӧрысь кошкиз Москвае — театр искусствоосъя институтэ. Со вакытэ ик ужаз Удмурт драмтеатрын, вуттӥськиз Удмуртиысь Писательёслэн союзазы но пыриськыны, правлениезлэн председателез вал.

Удмурт драматургиез гижысь-пиньысь азинтэмез понна УАССР-ысь но РСФСР-ысь искусство удысысь дано ужась ним сётэмын. 1968-тӥ арын Игнатий Гаврилов но Удмурт театрысь артистъёс Жингрес сӥзьыл пьеса понна УАССР-ысь кун премилэн лауреатъёсыз луизы. Писатель данъямын уно гинэ медальёсын но орденъёсын. 1934-тӥ арысен СССР-ысь Писательёслэн союззылэн членэз луэ.

Игнатий Гавриловлэн творчествояз тужгес но бадӟым инты басьтэ трилогиез Вордӥськем палъёсын. Та произведенияз автор паськыт усьтэ дышетӥсьлэсь, артистлэсь, журналистлэсь удысъёссэс.

Писатель выриз кылысь кылэ берыктонэн но. Кылсярысь, ӟучысь удмуртэ берыктӥз А. Пушкинлэсь Медной всадник, Руслан но Людмила, Борис Годунов, Н. Гогольлэсь Ревизор произведениоссэс но мукет.

Быдӟым оже пыриськыкуз киын гожъям материалъёссэ тодосчи А. Ермолаев быдэс книгаен поттыны быгатӥз. Нимаське со Пероен но штыкен (1981).

Кулӥз Игнатий Гаврилов 4 толсуре 1973 аре Ижын.




#Article 84: Байтеряков, Николай Семёнович (272 words)


Николай Семёнович Байтеряков (9-тӥ гудырикошконэ 1923-тӥ арын Алнаш ёрос Ӟатча — 1-тӥ оштолэзе 1997-тӥ арын Можга) — тодмо удмурт кылбурчи. 

Вордӥськиз 9-тӥ гудырикошконэ 1923-тӥ арын Алнаш ёросысь Ӟатча черкогуртын. 1938-тӥ арын тодон-валанзэ муромытыны пыриз Можгаысь педтехникуме. Но висеменыз сэрен дышетсконзэ йылозяз-пумозяз вуттыны ӧз быгаты. Нырысь ужаз гуртысьтыз колхозын, бӧрысь Сарапулысь кирпич поттонъя заводын, Ува — Кильмезь чугун сюрес лэсьтонын. 1942—1944-тӥ аръёсы ожмаськиз Быдӟым Атыкай ожын, вал танкист, миномётчик. Данъямын Горд Кизили, II степенё Отечественной война орденъёсын, «За отвагу» медален. Ож бере дышетскиз Ярославльысь военно-политехнической училищеын. Та бӧрсьы вамыштӥз Ижысь областной партийной школае, собере — СССР-ысь Гожъяськисьёслэн Союззылэн вылӥ литературая курсъёсазы. 1974-тӥ арысен рос-прос кырмиське литература удыс борды.

Кылбур дуннее кыстӥськон мылкыдыз ӝутӥськиз, Можгаын дышетскыкуз. Нырысетӥ кылбурзэ — «Тямыс март» — печталаз «Дась лу!» газетын. Нош 1953-тӥ арын потӥз нырысетӥез книгаез — «Кылбуръёс», 1992-тӥ арын кыкетӥез — «Луысал ке ваньзэ вераме». Чуръёссэ ӟуч кылэ берыктыса, вордӥсько «Вдоль серебряной Варзи», «Черёмуха в цвету», «Над родником» книгаосыз.
Автор улэп дыръя лыдӟисьёс кие вуиз солэн 11 кылбур бичетэз. 2003-тӥ арын ӟуч но удмурт кылбуръёсыныз потӥз «Жин азвесь крезьгурен — Серебряная мелодия» книгаез. Николай Семёновичлэсь чуръёссэ ӟуч кылэ берыктылӥзы В. Семакин, О. Поскрёбышев, В. Емельянов но мукетъёсыз. Пусъёно: кылбуръёсыз 25 пӧртэм кунсьӧр кылъёсы берыктэмын! Ужъёсыз печатласькизы литературалы сӥзем журналъёсын — «Нева», «Дружба народов», «Волга», «Урал», «Наш современник», «Полымя». «Эштэрек» поэмазэ лыдӟыны быгатӥзы Венгриын улӥсьёс но.

Николай Байтеряковлэн кылбуръёсаз историысь учыръёс выль сямен вордӥсько кадь, мур шӧдӥсько лирической геройлэн пуш малпанъёсыз, сюлмаськонъёсыз. Кылсярысь, «Солдатъёс ке кошко» поэмаяз котькудӥз сямен герой яркыт но син азе пуктымон возьматэмын. Автор ужъёсаз пыртэ вордскем палъёсызлы синмаськем мылкыдзэ но. Та сяна, «Азвесь лодка», «Вуюись», «Мӧзмон сярысь» кылбуръёссэ лыдӟыса, шӧдыны луэ Байтеряковлэсь мӧзмонзэ, лапкам мылкыдзэ.

Улонысь кошкиз нырысетӥ ожтолэзе 1997-тӥ арын Можга карын.




#Article 85: Алатырев, Василий Иванович (104 words)


Василий Иванович Алатырев - тодмо удмурт кылчи, удмурт но фин-угор кылъёсъя специалист, филология наукаосъя кандидат (1937), доцент (1938), УАССР-ысь наука удысысь дано ужась, Финн-угор калыкъёслэн обществозылэн ёзчиез (1968). Вордӥськиз нырысетӥ гудырикошконэ 1908-тӥ арын Татарстанысь Бавлы ёросысь Покровской Урустамак черкогуртын. Кулӥз нырысетӥ (1) шуркынмонэ (ноябрь) 1994-тӥ арын

Диссертация ужез (1937) сӥземын вал определительной сложной удмурт кылъёслы. Василий Иванович глаголъёслэн системаязы усьтӥз притворностья, фиктивностья категориосты. Тодосчиосты паймытӥз выль яркыт усьтонэныз: кылъёс кылдо, кыллэн кореняз гласной гожпусъёс вошъясько ке. 

Василий Алатырев - тодослы сӥзем 160 ужлэн кылдытӥсез. Со ужъёс ваньмыз сямен сӥземын грамматикалы, кылъёслэн кылдэмзылы, удмуртъёслэн но карелъёслэн этногенеззылы. Уката тунсыко луо удмурт гожъяськетлэн историезлы сӥзем ужъёсыз.




#Article 86: Васильев, Флор Иванович (242 words)


Флор Иванович Васильев — удмурт совето кылбурчи-лирик, Удмуртиысь кылбурчиос пӧлысь одӥгез тужгес тодмоез. Вордӥськиз 19-тӥ феврале 1934-тӥ арын Яр ёросысь пичи гинэ Мой шур ярдурын сылӥсь Бердыш гуртын. Укан черкогуртысь школаез йылпумъяса, Ф. Васильев дышетскыны пыриз Глазысь педучилищеез, нош 1953-тӥ арын — отысь ик пединститутэ. Тодон-валанзэ муромытэм сяна, дыр шедьтылӥз «Красное знамя» ёрос газетын ужаны. 1959-тӥ арын валтӥсь редакторлэн воштӥсез луиз. 1962-тӥ арысен кутскыса, куать ар ӵоже кивалтӥз «Комсомолец Удмуртии» газетэн, нош 1967-тӥ-1968-тӥ аръёсы «Советской Удмуртия» газетлэн редакторезлэн воштӥсез кариськиз. Бӧрысь ини басьтӥськиз «Молот» журнал борды — редакторе пуктӥзы. Озьы ик Удмуртиысь Писательёслэн союззылэн тӧроез луиз. 6-тӥ июле 1978-тӥ арын, сюрес вылын кышкыт учыре шедем бере, больницаын инфарктлэсь кулӥз.

Флор Васильев кылбуръёс гожъяны кутскиз, педучилищеын дышетскыкуз. Таосыз ужъёсыз ылесьгес вал, шуыны луоз. Пединститутын ини чуръёсыз пур пуштросъемесь, вольытэсь пӧрмыны шӧтазы. 1957-тӥ арын куд-ог кылбуръёсыз шедизы «Стихи удмуртских поэтов», «Ворекъяло кизилиос» бичетъёсы. 1967-тӥ арын потэм «Лирика» книгаяз удмурт кылбуръёссэ ӟуч кылэ берыктыса сётэ. 1971-тӥ арын Мускоын югыт дуннеез адӟе солэн «Черёмуха» книгаез. Васильев поттыса вуттӥз удмурт кылбуръёсын 7 книгазэ, ӟуч кылбуръёсын — 5-сэ.

Флор Васильевлэн кылбуръёсыз печатласькизы Венгриын но. Кылсярысь, 1975-тӥ арын потэм «Medveének» («Гондыр кырӟан») антологиын (бичасез — Петер Домокош) мукет финн-угор гожъяськисьёсын ӵош вань солэн но чуръёсыз.
 
Кылбуръёсаз автор возьматэ вордӥськем палдэ, анайдэ, ӵыжы-выжыдэ яратон мылкыдэз. Лирической героез котьку дурбасьтэ улонын умоез понна. Валаське: кылбурлэсь шокамзэ — ритмзэ, рифмазэ — гожъяськись туж ӟеч шӧдылӥз. Оло, соин но тросэз ужъёсыз пӧрмемын ини кырӟанъёслы. Инкуазь суредъёс Флор Васильевлэн кылбуръёсаз выжыкылын выллем улӟо кадь. Яратонлы, синмаськонлы сӥзем ужъёсыз но сюлэмез бугырто.




#Article 87: Борисов, Трофим Кузьмич (155 words)


Трофим (Трокай) Кузьмич Борисов — публицист, филолог, этнограф. Вордӥськиз 18-тӥ (30-тӥ) шуркынмонэ (ноябре) 1891-тӥ арын Алнаш ёросысь Кизекгуртын. Дышетскиз гуртысьтыз земской школаын. Тодон-валанзэ муромытӥз на Алнаш черкогуртысь 2 классъем школаын, Алабгоысь но Кузонысь техникая училищеосын. Таин гинэ кӧтыз уг тыры — 1912-тӥ-1913-тӥ аръёсы пыре Вӧсьбуро Петыркарысь историяя но филологияя факультетэ. 1914-тӥ-1916-тӥ аръёсы визь песьтэрзэ узырмытэ ини Кузонысь университетысь эмтодосъя факультетын. 

Пусъёно: Вӧсьбуро Петыркарын дышетскыкуз, Борисов мыло-кыдо выриз этнографиен, лингвистикаен, фольклорен. Гожтэт пыр кусып возьылӥз тодмо ӟуч тодосчиен Д. К. Зеленинэн. «Гудыри» иворбамлы (газетлы) редактор луэмез бере кутскиз литература удыс борды. Гожъяз кылбуръёс, листовкаос, этнографилы сӥзем очеркъёс, брошюраос. 1921-тӥ арын поттӥз «Грамматика вотского языка», 1929-тӥ арын «Песни южных вотяков», 1932-тӥ арын «Удмурт кыллюкам» лыдзетъёссэ. Та сяна, дасяз «Удмурт стихотвореняос»,«Удморт кылбуръёс» (1919) антологиоссэ. 1921-тӥ арын, кылбурчиен Кузебай Гердэн валче кариськыса, радъязы Удмурт гожъяськисьёслэсь нырысетӥ съездзэс. Т. Борисов кужымзэ, визьзэ сётӥз на «Кенеш» журналэз кылдытонлы но. 

Улонысь кошкиз 4-тӥ инвожое (июне) 1943-тӥ арын Актюбинск лагерьын (Узбекистанысь Чимкент карын).




#Article 88: Сюмси (217 words)


Сюмси — Удмуртиысь бадӟым черкогурт, Сюмси ёрослэн центрез. Черкогурт интыяськемын Калмез шурлэн ӧрыз — Сюмсинка шур дурын. Сюмси черкогуртысен Ижозь — 132 иськем. Улӥсез — 5 сюрс 316 адями (2010-тӥ арлы). Сюмси черкогуртын уло удмуртъёс, бигеръёс, ӟучъёс.

Сюмси черкогурт нырысьсэ пусъемын 1615-тӥ арын ортчем переписьын. 1780-тӥ арозь Сюмси гурт пыриз Кузон уездэ (соку черкогурт ӧй вал на со, угось озьы ниманы луэ вал черк пуктэм бере гинэ). Удмурт кун архивын утиськись документъёсъя 1759-тӥ арын Сюмси герӟамын вал Зонской приходэн (черкен). Отчы соку ваньзэ ӧвӧлзэ пыриз 16 гурт. Со вакытэ селоын вал 11 юртъер но 126 улӥсез. Гуртэз соку Вуж Сюмси гурт шуыса нималлязы. 1826-тӥ арын Сюмсиын усьтӥськиз пу черк. Нош 1839-тӥ арын со вӧзы пуктӥзы Сретенской нимаськись из черк. Озьы 1826-тӥ арын Сюмси гуртэз черкогурт ниманы кутскизы. Село пыр ортчиз Кузон — Малмыж — Пермь — Екатеринбург городъёсты герӟась Сибирь тракт, соин ик 1822-тӥ арын отын усьтэмын вал тюрьма.

Сюмси черкогуртын нырысетӥ усьтӥськем предприятие — химияя суретъёсты поттонъя артель. 1990-тӥ арын усьтӥськиз нюлэс ворттонъя, пулэсь арбериос лэсьтонъя «Мехлесхоз», «Сельхозхимия», сӥльлэсь сиён поттонъя «Тур» огазеяськонъёс. Сюмси черкогуртын ужзэс радъяло пӧртэм банкъёслэн 3 ёзъёссы. Сюмси черкогурт пыр ортче Ува — Нылга сюрес.

Сюмси черкогуртын ужа ёрос эмъяськонни, Нылпи искусствоосъя школа, Дышетскисьёслэн творчествозыя юрт, 3 нылпи сад, 4 библиотека. Сюмси селоын сылэ Быдӟым ожлы сӥзем 1 монумент, озьы ик «Сюмси черкогурт пыр ортчиз тодмо ӟуч писатель А. Н. Радищев» гожтэмен памятник.




#Article 89: Пермь (235 words)


Пермь — Россиысь кар, Пермь шаерлэн шоркарез луэ. Сылэ Урал гурезьёс дорын, Кам шур вылын. Туала Пермь — пӧртэм удысъёсъя (наука, культура, промышленность) Уралысь центр луэ, улосвылъя куинетӥ инты басьтэ (сое азьпалто Муско но Санкт-Петербург гинэ) — 799,68 кв. км. Пермь Кам шур кузя кыстӥське 65 километрлы. 2007-тӥ арын ортчытэм калыкез лыдъян-чотанъя Пермьын 1180 сюрс адями улэ.

Пермь карын — ог 1400 урамез вань. Валтӥсез — Ленин нимо луэ. Отын интыяськемын 10 этажъем Кенеш Корказы. Валтӥсь карлудзы Октябрьской луэ. Комсомольской ульчазы туж чебер но трос калыко лыдъяське. Архитектура ласянь тунсыко луэ Кам пароходстволэн юртсы (XIX даур). Монументъёс пӧлысь — ожгар но ужась калыклы сӥзем монумент но «1905 арын Мотовилихаын вооруженной восстание» нимо диорама. Пермьлэн аслаз Эксэй-пушкаез но вань. Со пыртэмын «Гиннесс рекорд книгае». Та ожгар арбериез 1868-тӥ арын лэсьтӥзы. Ыбылон гумыезлэн секталаез 2800 пуд луэ. Ядроезлэн секталаез — 30 пуд.

Пермьын чыгун, машинаен ворттылон, омыртӥ лобанъя, ву вылтӥ ветлон сюресъёс огинэ луо но герӟало быдэс Россиен но Европаен. Кам шур кузя Азов, Сьӧд, Балтика, Тӧдьы зарезъёсы потыны луэ. Калыккуспо статусъем «Бадӟым Савино» аэропортысен меӵак луэ вуыны пӧртэм Россиысь но кунгож сьӧрысь городъёсы. Со сяна, Бахаревка нимо аэропорт вань на.

Пермь карлы азинскыны луонлык сётиз Кам шур. Со Волга шуре паллян палысен итӥське. Кузьдалаез — 1805 иськем. Вашкала дырысен та шур котырын финн-угор калыкъёс улӥллям. XI дауре Пермь палъёсы ӟучъёс вуо. Кам шур кузя вуэ Ермак но. Со дырысен Пермь шаер Ӟуч кунлэн люкетэз луыны кутске.

Куазь сярысь (шор лыдпусъёс):

Пермь сизьым ёросъёслы люкиське:




#Article 90: Айкай (театр) (198 words)


Фольклор кырӟанъя «Айкай» кун театр кылдӥз 1990-тӥ арын УАССР-ысь Композиторъёслэн союззы бордысь концертной коллективын воштӥськонъёс ортчем бере. «Айкай» жин-жин возьматэ пӧртэм калыкъёслэсь эктонъёссэс, кырӟанъёссэс, сям-йылолъёссэс. Но тужгес бадӟым саклык висъя удмурт фольклорлы, калыклы. Шаермылэн зарни фондэз, шуыны луоз, «Весенние игрища на горе «Айкай», «Сюан», «Армие келян», «Пӧйшурасьёс», «Йӧ келян», «Выль кен дӥсян» постановкаоссы, Татарстанысь Балтаси ёросысь удмуртъёслэн «Апай сямен эктон», «Зыгытларской», «Слободская кадриль», «Бондари», «Озорные гармонисты», «Сон шамана» тапыртонъёссы. Калык туж яратӥз «Урам гуръёс», «Вамыштомы артэ», «Тон-а со?», «Мон бачям мертто тӧдьы льӧмпу» но мукет кырӟанъёссэс. 

Пусъёно: удмурт постановкаос дасям сяна, айкайёс тупен-тупен возьмато пор, бигер, мадьяр, фин, мордва калыкъёслэсь йылолъёссэс но. Артистъёслы визь-кенешен юртто дано постановщикъёс: А. Поздеев, А. Прокопьев, П. Данилов, Е. Серебренников, Н. Чиркова, М. Роготнева, Д. Кургузова. 

Вератэк кельтыны уг луы та ансамбльлэсь сцена вылэ потыны дасям костюмъёссэ. Огезлэсь пӧртэм мукетыз кильтроесь, таш-таш удмурт шӧмоесь. Талы луыса учкись син азяз рос-прос пуктыны быгатэ, шуом, кызьы дӥсяськизы вашкала лымшор удмуртъёс но уйпал удмуртъёс. «Айкайысь» постановщикъёс но артистъёс мыло-кыдо ортчытъяло мастер-классъёс. Соос сӥземын луо я удмурт дӥсьлы, я удмурт эктонлы, гурлы. 

Та коллектив ӵемысь пыриськылэ Удмурт шаерын ортчылӥсь бадӟым ужрадъёсы. Быгатэмзэс возьмато палэнын но - Мускоын, Казаньын, Пермьын... Трос пол поталлязы ини кунгож сьӧрысь учкись доры. 




#Article 91: Мамонтов, Анатолий Васильевич (234 words)


Анатолий Васильевич Мамонтов — Калык эшъяськон орденэн данъям Удмурт Элькунысь кырӟанъя но эктонъя кун академической «Италмас» ансамбльлэн чеберлыкъя кивалтӥсез луэ.

Ныльдон ареслэсь ятыр кивалтэ та коллективен асьме удмурт адямимы. Вордӥськиз 7 апреле 1937-тӥ арын Завьял ёросысь Изгуртын (Каменное).

Пинал дырысеныз кырӟан борды кыстӥськиз. Сюлмаз вунонтэм кылизы гурт калыклэн секыт уж бере ӵукнаозь арганэн ветлэмзы. Эктӥсь-кырӟась пиосмуртъёс но кышномуртъёс сьӧры чуртнаськыса, шунды ӝужанозь поръяз пичи Толик но.

Дас куинь арес тырмыса, 1950-тӥ арын Ижысь крезьгуръя училищее пыре. Мыло-кыдо дышетскемзэ, быгатонлыкъёссэ пусъё тросэз дышетӥсьёс. Азинскон мылыкыдъёсыз вутто Татарстан Республикае. Татын со 1960-тӥ арын Кузонысь кун консерваториысь дирижёр люкетсэ йылпумъя. Аспирантураын дышетскыны луонлыкез ке но вал, берытске вордӥськем палъёсаз. «Италмас» ансамбльлэн хормейстерез луыса ужаны кутске. Кык ар ортчыса, со дыре ини быдэс Россилы тодмо коллективлэн чеберлыкъя кивалтӥсе юнмато. Арысь аре «Италмаслэн» данэз Россиын гинэ ӧвӧл, кунгож сьӧры но вӧлмыны кутскиз. Та нуналлы крезъгурья но эктонъя ансамбль пӧртэм калыккуспо конкурсъёслэн вормисез, дуннеын радъяськись фестивальёслэн лауреатсы луэ. А. В. Мамонтовлэн кивалтэмез улсын та коллектив шаермылэн но Россимылэн одӥгез дано коллективез луиз.

Кышноез Леонора Викторовна Мускоысь артист выжысь потэмын. Анатолий Васильевичез ӧтё вылэм кунмылэн шоркараз, Муское, ужаны, но кышноеныз ӵош пумит луизы, Иже кылизы. Вань улонзэс герӟазы «Италмас» ансамблен. Кык пизы вордӥськиз. Бадӟымез, Виктор, Мускоысь университетэз йылпумъяса, Мускоын ик ужа. Пичиез, Константин, йылпумъяз Ижысь университетэз, улэ но ужа Ижын.

Анатолий Васильевич Мамонтов — Ужысь Горд Знамя орденлэн кавалерез, Удмуртиысь калык артист, РСФСР-ысь калык артист, Удмурт Республикаысь Кун премилэн лауреатэз, Удмурт Республикалэн дано гражданинэз луэ.




#Article 92: Пермь карлэн историез (178 words)


Пермьлэн туж тунсыко кылдон но азинскон сюресэз луэ. Карлы улон омыр шокчиз гурезь инженер, историк но географ Татищев (1686-1750). 1723-тӥ арын та адямилэн ӵектосэзъя (проектэзъя) Егошихинской ыргонпоттон заводэз ӝутон уж радъямын вал. Завод котырын улӟиз Егошихин (Ягошихин) гуртлэн улонэз но (азьвыл, 1692-тӥ арысен та интыын Брюхановка гурт сылэ вылэм). Та гурт но завод (ворсаське 1788-тӥ арын) бордысен кутске Пермьлэн историез.

Пермьын нырысетӥ излэсь ӝутэм юрт Петропавловской собор луэ (1764-тӥ ар). 

XVIII даурлэн пумаз Усолье но Соликамск котыръёсын сылал поттон заводъёс ужаны кутско. Пермьын «тӧдьы зарниез» складъёсы тыбыр вылазы нулло вылэм. Соин сэрен нуллӥсьлэн нунал ӵоже пелъёсыз сылалэн шобырско вал. Тае лыдэ басьтыса, веран но кылдӥз: пермяк – сылалэсь пельёс

Пермаысь духовной семинариын дышетскизы П.П. Бажов (1879-1950), Д.Н.Мамин-Сибиряк (1852 - 1912), А.С.Попов (1859- 1906). Кема дыр ӵоже та карын улӥз но ужаз В.В.Маяковскийлэн эшез, кылбурчи В.В.Каменский (1884 - 1961). Кар училищеын дышетскиз кылбурчи но литературовед А.Ф.Мерзляков (1778 - 1830). Вордӥськиз Пермьын тодмо суредась П.П.Верещагин (1834-1886). «Звезда» газетын ужаз Аркадий Гайдар (1904-1941). Быдӟым ож дыръя улӥзы но ужазы гожъяськись В.А.Каверин, суредась Б.В.Иогансон, балерина Г.С.Уланова, композитор А.И.Хачатурян, лётчик-космонавт В.Савиных, композитор Е.Крылатов.




#Article 93: Мамонтова, Леонора Викторовна (146 words)


Леонора Викторовна Мамонтова — балетмейстер, педагог, УАССР-ысь кылык артистка (1976), РСФСР-ысь дано артистка (1987). Вордӥскемын Мускоын 15 декабре 1940-тӥ арын. Артист выжысь потэмын.

Шимес война вакытэ кык-куинь аресъем нылаш кузесь черодъёсын нянь но пызь понна сылылӥз. Пичи ныллэн чиданэз тырмылиз соку ини. Бертыкуз репродукторысь чузъяськись кырӟанъёсты кылзылӥз но ульча шорын ик эктылӥз. Анаезлэн юн мылкыдыз вал, нылыз балет школаез мед йылпумъялоз шуыса. Озьы ик луиз. 1958-тӥ арын Леонора йылпумъяз Мускоысь хореография училищеез (И. А. Моисеевлэн кивалтэмез улсын калык эктонъёсъя ёзэтсэ). Мускоысь коллективёсы со вакытэ шуг сюрыны вал, соин ик студентъёсты СССР-ысь пӧртэм каръёсы келяло вал. Озьы Леонора Викторовна Иже вуэ.

Трос аръёс чоже дышетон удысын тырше: дышетскисьёсыз Россиысь пӧртэм театръёсын ужало (Л. Кунакова, Санкт-Петербург, Н. Рогозина, Одесса, но мукетъёсыз).

Картэныз ӵош, Анатолий Васильевич Мамонтовен, вань улонзэс герӟазы «Италмас» ансамблен. Кык пизы вордӥськиз. Бадӟымез, Виктор, Мускоысь университетэз йылпумъяса, Мускоын ик ужа. Пичиез, Константин, йылпумъяз Ижысь университетэз, улэ но ужа Ижын.




#Article 94: Гаврилова, Клавдия Кузьминична (130 words)


Клавдия Кузьминична Гаврилова — удмурт актриса, УАССР-ысь дано кырӟась (1940), УАССР-ысь калык артист (1952) — вордӥськиз 8-тӥ ноябре 1909-тӥ арын Вавож ёросысь Сулвай-Какси гуртын.

Сценаез яртон мылкыдыз пуромиз, школаысь драмкружоке ветлыкуз. 1928-тӥ арын семьяеныз улыны выжизы Ижкаре. Татын Клавдия Кузьминична ужаз нылпи утись луыса. Бӧрысь выжиз Машиностроительной заводэ.

Уж висказ пыриськылӥз Удмурт клубе. 1929-тӥ-1930-тӥ аръёсы дышетскыны пыриз Ижысь театр искусствоосъя курсъёсы. Нош 1931-тӥ арын заводысь кошкиз, интыяськиз Удмурт драмтеатре.

Гавриловалэсь туссэ, выросъёссэ эскероно ке, солы туж тупаллязы серемес геройёс. Соослэсь образъёссэс актриса уката но мур возьматыны быгатылӥз. Кылсярысь, со шудӥз Куашкамез («Вало ӧр куашетэ»), Сьӧд Сандӥез («Кезьыт ошмес»), Апьяез («Камит Усманов»), Оринаез («Сюан»), Семипудихаез («Дуно салам»), Попадьяез («Вуж Мултан») но мукет.

Пусъёно: Гаврилова спектакльёсын гинэ ӧз шудылы. Сцена вылын мыло-кыдо быдэсъялляз удмурт кырӟанъёсты. Театр удысын лулысь-сюлмысь ужамез пусъемын «Знак почёта» орденэн (1958).




#Article 95: Наговицын, Иосиф Алексеевич (194 words)


Иосиф Алексеевич Наговицын — советской кун ужась, революционер. Удмурт автономной областез кылдытӥсь.

Вордӥськиз 18 (6) сентябре 1888-тӥ арын Ватка губерниысь Глаз утемысь Лудошурской волостьысь Туктым гуртын. Улонысь кошкиз 21 ноябре 1937-тӥ арын. Ватэмын Крым улосысь Мисхор посёлокын.

Потэмын удмурт крестьян семьяысь. 1904-тӥ арын Глаз карысь гурезь училищеез йылпумъямез бере, Вяткаысь гурт ужъёсъя технической училищее дышетскыны пыриз. 1905-тӥ арын забастовкае пыриськемез понна училищеысь уллямын вал. Со арын ик РСДРП-лэн ёзчиез луэ. Нуэ партийной уж пӧртэм каръёсын — Вотка, Глаз, Екатеринбург, Кыштым но мукет.

Уралысь, Екатеринбургысь но Уфалейско-Кыштымской РСДРП-лэн улосвыл организациосаз революци понна ужамез понна 1907-тӥ арысен Енисейской губерние ссылкае келямын вал. Отысь пегаса, нош ик ссылкае келямын.

РСФСР-ысь удмуртъёслэн ужъёссыя Наркомнацэзлэн комиссарез, РКП(б)-лэн ЦК-езлэн агитацияя но пропагандая Вотской бюроезлэн тӧроез (1919-20-тӥ аръёсы), ВАО-лэн революционной комитетэзлэн тӧроез (1921-тӥ арын), Вотской областной исполнительной комитетлэн тӧроез (1921-25-тӥ аръёсы), РСФСР-ысь Наркомпрослэн коллегиезлэн ёзчиез но ӧжыт лыдын калыкъёсты дышетонъя Кенешлэн тӧроез (1925-26-тӥ аръёсы), РСФСР-ысь социальной обеспечениея нарком (1926-37-тӥ аръёсы). СССР-ысь Кенешъёслэн I-VIII-тӥ ӧтчамъёсазы делегат (1922-36-тӥ аръёсы), РКП(б)-лэн X-тӥ (1921-тӥ арын), XIII-тӥ (1924-тӥ арын) ӧтчамъёсызлэн делегатэз, ВКП(б)-лэн XV-тӥ (1927-тӥ арын), XVI-тӥ (1930-тӥ арын), XVII-тӥ (1934-тӥ арын) ӧтчамъёсызлэн делегатэз, СССР-ысь ВЦИК-лэн (1926-37-тӥ аръёсы), ЦИК-лэн (1927-37-тӥ аръёсы) ёзчиез. «Социальной обеспечение» журналлэн редакторез (1926-37-тӥ аръёс ӵоже).




#Article 96: Брангуртысь песянайёс (276 words)


Брангуртысь песянайёс () — Удмурт Республикаысь профессионал луисьтэм кырӟасьёслэн коллективзы. Отчы пыро Пичи Пурга ёросысь Брангуртын улӥсь пересь кышномуртъёс, соин ик со «Брангуртысь песянайёс» шуыса нимаське. «Брангуртысь песянайёс» тужгес тодмо луиллям ӟуч но дуннеысь шлягеръёсты удмурт кылэ берыктыса кырӟаменызы.

Удмурт Элькунлэн президетэзлэн указэзъя (№ 97  24.05.12) тямыс песянайёслы  (Граня Байсарова, Алевтина Бегишева, Зоя Дородова, Галина Конева, Наталья Пугачёва, Валентина Пятченко, Ольга Ту́ктарева и Екатерина Шкляева)  Удмурт Элькунысь калык артист даноним сётэмын.
Коллективлэн продюсерзы —Ксения Рубцова.

Брангурт песянайёс пӧлысь тужгес арлыдоез — Зарбатова Елизавета Филипповна. Ӵапак солэн кырӟанэз ик — «Веськрес тӧдьы кызьпу туйлэсь…» чузъяськиз «Евровидениын» но. Баянэн шудӥсьсы, гитара сиосты кырӟатӥсьсы — Николай Григорьевич Зарбатов. 

Йӧспӧртэм мӧйыос котырысь уг кошкыло иворчиос. Удмурт шаерысь сяна, Мускоысь, Санкт-Петербургысь но журналистъёс доразы кожалляло. Микрофонлэсь, камералэсь кырӟасьёс чик уг кышкатско — доразы кожем куноосты я скал гидэз сузяны потто, я киязы лопата мычо. Тужгес но огыр-бугыр вераськонъёс мыно Интернетын. Брангуртысь песянайёс Россиын улӥсьёслэсь сюлэмъёссэс зол позыртыны быгатӥллям. 

Песянйёслы аспӧртэмлыко дуннее — сцена вылэ — нырысетӥ вамыш лэсьтыны юрттӥз «Юмшан Промо» группалэн кивалтӥсез Павел Поздеев. 2004-тӥ арын Ижысь Шор площадьын «Перепеч — пиццалы пумит» акциез дасякуз, тодмо режиссёр но шоу радъясь Поздеев ӧз но вӧталля таӵеез сярысь. 

Коллективлэн кивалтӥсез — Ольга Николаевна Туктарёва — капчи сямо, котькыӵе ужрадъёсы мыло-кыдо пыриське. Экспериментъёслэсь кышкамтэзы, выльзэ утчамзы соослы выль но выль вормонъёс ваё. 

Брангуртысь песянайёс удмурт калык кырӟанъёсты быдэсъям сяна, мыло-кыдо гурлало, кылсярысь, «Битлз» группалэсь, В. Цойлэсь гуръёссэс. Вашкала кырӟанлы туала шӧмо аранжировка лэсьтыса, та усточиослэн куараоссы эшшо но аспӧртэмлыко чузъясько. Песянайёслэсь кырӟанъёссэс шедьтыны луэ YOU TUBE (сайт) сайтысь. Паймоно кадь: «Евровидение» ортчем бере соослэсь куаразэс кылзыны та сайтэ пырам 69 сюрс адями. Асьсэос кырӟасьёс шуо: 

Коллективысь мӧйыослы 70-80 арес. Брангуртысь песянайёсты котькытын шуныт пумитало, куное ӧтчало. Трос пол соос кунгож сьӧры потазы ини. 




#Article 97: Ува (317 words)


Ува — Удмуртиысь посёлок, Ува ёрослэн центрез. 1938-тӥ арысен 2012-тӥ арозь город типъем посёлок вал. Интыяськемын Ва шур дурын, Ижлэсь 93 иськемлы палэнын. Улӥсез 19 сюрс 800 адями (1998-тӥ арлы). Соос пӧлын ӟучъёс — 62,7 %, удмуртъёс — 32,2%, бигеръёс — 3,2 %, мукет калыкъёс — 1,9 %. Кылдэмын 10-тӥ июле 1924-тӥ арын. Нырысь-валысь лыдъяськиз нюлэс корасьёслэн каргуртсы шуыса. 1930-тӥ арын Ува черкогуртын мытэмын гыбед (торф) поттонъя ужъёс. 1934-тӥ арын усьтӥськиз Уваез Ижен герӟась чугун сюрес. 1935-тӥ арын 23-тӥ январе Ува черкогурт Ува ёрослэн центрез луиз. Нош 1938-тӥ арын Ува село юнматэмын рабочийёслэн каргуртсы нимын. 

Ува каргуртын 14 промышленностья 14 предприятие. Соос пӧлысь уноез нюлэс коранэн, пулэсь арбериос лэсьтонэн выро. Тужгес но бадӟым предприятие туннэ нуналлы — «Увадрев-холдинг». Отын потто корка пуктон арбериос, мебель но мукет. Ужа гыбед поттонъя «Увинское» огазеяськон. Ӟеч радъямын сиён-юон поттон удыс. Ужзэ радъя Уваысь тылобурдо вордонъя фабрика, парсь будэтонъя но сӥль поттонъя предприятие. Ува каргуртын дасяло йӧллэсь сиёнъёс-юонъёс, озьы ик нянь но ческыт пыжосъёс потто. 

Ува каргуртын ужа вить школа. Быдӟым Отечественной война аръёсы Ува каргуртысь 1 номеро школаын директор луыса ужаз быдэс дуннелы тодмо луэм педагог В. А. Сухомлинский. Та вакытэ отын ужа 3 удыслы дышетӥсь педучилище, озьы ик лэсьтӥськисьёсты дасянъя 27 номеро ПТУ. Усьтэмын пиналъёслы чаклам спортъя школа, озьы ик Нылпиослэн творчествозыя центр. Ува каргуртын интыяськемын «Юность» культурая юрт но «Восток» кинотеатр. Со сяна, Ува черкогуртын ужзэс радъяло Удмурт Республикаысь Национальной, озьы ик Суредаськон искусствоосъя музейёслэн ёзъёссы. Усьтэмын 270 интылы чаклам эмъяськон юрт. Ува каргуртлэсь кыдёкын ик ӧвӧл интыяськемын «Ува» санаторий. Каргуртын сыло 6 синпелетъёс но искусстволы сӥзем монументъёс.

Ува каргуртын потэ «Увинская газета». Со вӧлме Ува ёросысь вань гуртъёсы. Редакторез — Пётр Люкин.

Каргурт пыр ортче Ижевск — Кильмезь чугун сюрес, кудӥз вылын Ува-1 станция ужа. Озьы ик посёлок доры валтэ Иж — Нылга — Ува автомобиль сюрес. Ува селое вуыса, сюрес куинь пала вайяське: Вавоже, Сьӧлтае, Сюмсие. 

Посёлокын вань мерлыко транспорт — автобус. Со калыкез 9 маршрутъя нуэ-вае.




#Article 98: Шаркан (256 words)


Шаркан — Удмуртиысь черкогурт, Шаркан ёрослэн шорыз. Интыяськемын Вотка карлэсь 30 иськемлы палэнын. Улӥсез — 6 сюрс 600 адями (Шаркан ёросын улӥсьёс пӧлысь 30 %-эз). Соос пӧлысь тросэз — удмуртъёс. 

Нырысьсэ та черкогурт пусъемын 1678-тӥ арын Лонлез гурт нимын. 1838-тӥ арын Шаркан гурт чрекогурт чотэ выжтэмын. Со арын ик йылпумъямын Петропавловской черкез ӝутон. 1849-тӥ арын Шаркан черкогуртын Чугун поттонъя но корт кисьтонъя завод. Со лыдъяськиз М. И Родыгин купечлэн-промышленниклэн огазеяськонэз. 19-тӥ даурлэн пумаз Шаркан пӧрме вуз каронъя бадӟым центрлы. 1859-тӥ арын ортчем ревизия возьматӥз: Вятка губерниысь Сарапул уездысь Шаркан черкогуртысь 57 юртын улӥз 541 адями. Черкогуртын усьтэмын вал гурт удыслы дышетонъя училище, земской станция, пызь изон вуко. 

Со сяна, Шаркан черкогуртын интыяськиз нылкышно монахъёслэн огазеяськонзы, 1918-тӥ арын со инъет луиз монастырь кылдытонлы. Отын утиськиз Инмар Анайлэн «Скоропослушница» нимаськись мудорез. Та мудор ваемын Афон гурезьысь. 

Ижевск-Воткинск бугыръяськон (восстание) дыръя Шаркан басьтэмын вал ож пала дурбасьтэмъёсын. Шарканын улӥсьёс пӧлысь тросэз бугыръяськонэ пыриськизы, бӧрысь Колчаклэн армиез борды итӥськизы. Революция бӧрсьы Шаркан черкогурт пыртэмын Вотской Автономной областе, нош 1929-тӥ арын Шаркан ёрослэн центрез шуыса юнматэмын. 1930-тӥ аръёсы Шаркан черкогуртын кылдӥзы ёрос эмъяськонни, шор ёзо школа, ӧсъёссэ вӧлъяз ёрос библиотека. Быдӟым Отечественной ож бере Чугун поттонъя но корт кисьтонъя завод ворсаськиз, со интые усьтӥськиз дӥсь вуронъя фабрика. Та нуналлы Шарканысь шор ёзо школаын тодон-валан басьтэ 1 сюрслэсь ятыр пиналъёс. 

Шаркан черкогуртын ӟеч азинско пӧртэм удысъёс. Гурт удыс но, промышленность но. Тужгес но бадӟым предприятиос каргуртын: «Шаркан-трикотаж», «Шаркан етӥн», «Сельхозлес», «Сервис», «Шаркан РТП» но мукетъёсыз. 

Каргуртын ужа Культурая юрт, ёрос библиотека, Историяя но шаертодонъя музей, Киужъёсъя юрт, Нылпи творчествоя юрт, Спорт стадион.




#Article 99: Родигин, Михаил Иванович (125 words)


Михаил Иванович Родигин — Вятка губерняысь купеч. Шарканын солэн чугун поттонъя но андан ӵыжатонъя заводэз вал.

Михаил Иванович туж яратӥз музъем ужез. Ачиз православной вал, Инмарлы туж оскиз. Чугун поттонъя но андан ӵыжатонъя заводэз бадӟым барыш поттыны юрттӥз. Со табышез пӧлысь бадӟым люкетсэ сӥзьылӥз черклы. Таӵе сюлмо луэмез понна солы Афон гурезь йылысь монахъёс ыстӥзы «Скоропослушница» мудорез. Солэн мышпалаз гожтэмын вал: М. И. Родигинлы черклы юрттэмез понна тау карыса. Трос калык сое учкыны но вӧсяськыны Шаркан черкогуртэ вуылӥз. Михаил Иванович юри усьтӥз приход — отчы пырасьёс мудорез адӟыны быгатӥзы. Ёрмись, куанер адямиослы Родигин купеч уж но сётъяз, сюдӥз но. 1920-тӥ арын Родигинлы келям мудор чиптэм-чаптэм ышиз. 21-тӥ даурлэн кутсконаз со нош ик вуиз Шарканэ. Сое утем Дорофина нимо монахиня. Мудор пуктэмын М. И. Родигинлы юртаз-музеяз.




#Article 100: Вогау, Гаральд Вильгельмович (134 words)


Гаральд Вильгельмович Вогау — оскон удысын ужась, лютеран пробст. Оскон удысэ выжемез азьвыл ужаз Ижысь Короленко нимо драмая ӟуч театрын режиссёр луыса но. Вордӥськиз 1922 аре, кулӥз 2007 аре 21 мае.

Пичи вакытсэ Вогау ортчытӥз сталин лагерьёсын. Отысен ик книгаез яратон мылкыдыз пуромиз - кечат-вамат укно сьӧрын пукисьёслы Библиез лыдӟылӥз. Нош Быдӟымнуналэ (Паскае) ваньзы ӵошен кырӟаллязы Stille Nacht («Чалмыт уй») кырӟанэз. 

Лютеран община нылъёслы-пиослы пыӵатыны вырылӥз ог-огдэ гажан но яратон мылкыдэз, лул-кужымдэ, ас культурадэ ӝутонэз. 

Таӵе пичи общиналэн бадӟым ужъёсын вырыны ӟигарыз но, кужмыз но ӧзгес тырмылы. Озьы ке но отчы пыриськисьёс котькуд нуналзэс пайдаё ортчытыны вырылӥзы - колониосы, йыртэманы яратӥсь быдэ вуымтэос, пытсэт сьӧрын пукисьёс доры пыраллязы. Лютеранъёс, котькуд адямиен лулысь-сюлмысь вераськыса, шуг-секытъёссэ палэнтыны вырылӥзы. Кинлэн ке ӵыжы-выжыез-а висе, юртъерзэ-а тылпу ньылэ, сюрес вылын кышкыт учыре-а шеде - калыклэсь уксё бичаллязы, благотворительностен вырылӥзы. 




#Article 101: Юкаменск (322 words)


Юкаменск — Удмуртиысь черкогурт, Юкаменск ёрослэн центрез. Интыяськемын Ю но Люкмы шуръёс вылын, Глазовлэсь 40 иськемлы палэнын. Улӥсез 4 сюрс (2010-тӥ арлы).

Черкогурт кылдэмын 18-тӥ даурлэн 70-тӥ аръёсаз. 1775-тӥ арын Глазов уездысь Юм волостьысь крестьянъёс вазиськизы, соослэн волостязы черк пуктыны курыса. Матысез черк гуось интыяськемын вал кыдёкын — 70 иськемлы палэнысь Укан черкогуртын. Священной Синодлэн 1776-тӥ арын пуктэмезъя, черкез ӝутыны чакламын Солшурка шур вылын. Но тодмо луиз: та инты чер пуктыны уг тупа. Укан черкысь баӵкоос вазиськизы Вяткалэн епископезлы но Великопермской Лаврентийлы, черклэсь интызэ воштыны курыса. Соос ӵектӥзы черкез из музъем вылын ӝутыны — Лякма но Ю шуръёс вискын. Озьы пуктэмын вал черк. Со интыез нимазы Юкаменск черкогурт шуыса — Лякма но Ю шур вискын интыяськем село шуэмез возьматэ. Черк сӥземын Богоявленилы.

Нырысь-валысь черк пулэсь ӝутэмын вал. 30 ар ортчыса, Неофит Ильич Мышкин баӵко сюлмаськемъя черкез излэсь ӝутыны кутскизы, сое йылозяз-пумозяз вуттӥзы 1837-тӥ арлы. Сӥзизы сое Дунчылкыт Троицалы. 1844-тӥ арын черк бордын усьтӥськиз попечительство, со пыр юрттэт сётӥськиз ёрмись но ляб тазалыкен адямиослы, висъяськиз эстӥськон пу, уже интыяськиз калык. 1917-тӥ арозь черкогуртлы висъям музъемез черк гинэ уже кутыны быгатӥз. Кылсярысь, кирпич шуккон завод селолэсь палэнын сылӥз. Соин ик Юкаменской село православилэн шорсюлмыз луиз. Праздникъёс дыръя черкогуртын ортчылӥзы ярмаркаос.

Удмурт облисполкомлэн 1-тӥ феврале 1930-тӥ арын пуктэмезъя Дунчылкыт Троицалы сӥзем черк пытсамын вал. Отын ужам баӵкоосты калыкез бугыръянын янгыше уськытӥзы. Соос ыбылэмын яке ссылкае келямын вал. Черклэсь юртсэ библиотекалы сётӥзы. 1936-тӥ арын черк куашкатэмын вал. Туала вакытэ отын сылэ почталэн юртэз.

Юкаменской селоысь черкез улӟытон мытэмын вал 1990-тӥ аръёсы. Сое усьтон понна висъямын книгаосын вуз каронъя магазинлэн юртэз. 2003-тӥ арын «Удмуртэнерго» огазеяськон юрттэмъя черк выжтэмын выль юртэ.

Юкаменск черкогуртын кирпич шукко, йӧллэсь сиён-юон потто, етӥнэз сэсто, пулэсь арбериос лэсьто, озьы ик гурт техникаез тупато. Черкогуртын ужало 3 банклэн ёзъёсыз. Юкаменск черкогурт бадӟым сюресъёслэсь палэнын сылэ. Автомобиль сюрес пыр меӵак герӟаське Глазовен гинэ. Черкогуртын ужало Нылпи творчествоя, Спортъя, Искусствоосъя школаос, 5 библиотека, 5 нылпи сад. Ужа «Юбилейный» культурая юрт. Калыклы эмъян юрттэт сётэ ёрос эмъяськонни. Селоын сыло 3 синпелетъёс.




#Article 102: Самсонов, Семён Александрович (115 words)


Семён Александрович Самсонов — тодмо удмурт прозаик. Вордӥськиз Пичи Пурга ёросысь Сырьезшур (Тыло) гуртын 1931-тӥ арын 1-тӥ сентябре колхозникъёслэн семьяязы.

Можга карысь фельдшер школаез йылпумъяса, 1951-тӥ арысен Эдэйгуртысь медпунктэн кивалтӥз. Со дырысен гожъяськон борды басьтӥськиз. Кусып тупатӥз пӧртэм республикаысь газетъёсын, журналъёсын.

Семён Александрович пӧртэм жанръёсын тыршиз гожъяськыны. «Кылбурчи ӧз пӧрмы мынэсьтым», — шуэ вал Семен Александрович, аслаз литератураын интызэ утчан дыръяз. Удысэз прозаын вылэм — очерк, верос но повесть жанръёсын.

Ужась калыклэсь данзэ, интеллигенцилэсь калык понна тыршемзэ возьмытиз:

Вань улонзэ ужаз «Дыдыкъёс бус пӧлы уг йыромо» роман-триллогия бордын. 1989-90-тӥ аръёсы документальной повестъёсты гожтӥз Адямилы но бурдъёс кулэ (академик В. В. Парин сярысь) но Гурезез ӝужыт, ошмесэз кезьыт (технической наукаосъя доктор П. К. Ощепков сярысь).

Секыт висьыса улонысь кошкиз 1993-тӥ арын 31-тӥ июне.




#Article 103: Якшур-Бӧдья (189 words)


Якшур-Бӧдья черкогурт (нимыз кылдэмын огъя перм вакытэ: яг — бор, шур — река, Бӧдья — воршуд ним) — Якшур-Бӧдья ёрослэн шорсюлмыз. Нимзэ вакчиятыса — Як.-Бодья — шуыса верало. Интыяськемын Оӵ шурлэн Селычка нимаськись ӧр дураз. Ижкарлэсь 41 иськемлы интыяськемын, Иж — Глаз автосюрес вылын.

Улӥсез 7 сюрс 211 адями (2012-тӥ арлы). Уло удмуртъёс но, бигеръёс но, мукет калыкъёс но.

Якшур-Бӧдья нырысьсэ пусъемын 1710-тӥ арын: Арчае нуись сюрес вылын сылӥсь гурт шуыса. Кылдэмын 1682-тӥ арын, соку гуртын сылӥз 12 юртъер, 3-ез кузётэм кылемын (1716-тӥ арын ортчем переписья).

Кема дыр ӵоже та черкогуртын нокыӵе предприятиос усьтэмын ӧй вал. Быдӟым Атыкай ожлэсь азьвыл ужазы сӧсыръёс — соос пунӥзы гозы, сюло. Со сяна, черкогуртын ӝоген усьтӥськиз пыдкутчан вурон мастерской. 1994-тӥ арын Якшур-Бӧдья черкогуртын кылдытэмын «Сельхозлес» предприятие, отын дасяло пу, солэсь пӧртэм арбериос. Ужзэ радъя «Ижторф», «Агрохимия» огазеяськонъёс. Черкогуртлэн шораз интыяськемын Фрунзе нимо предприятилэн валтӥсь ёзэз.

Якшур-Бӧдья черкогурт пыр ортче Ижысь Глазкаре Р321 автомобиль сюрес. Чугун сюрес вылысь самой матысез станция — Кӧкоран каргурт.

Черкогуртын 2 шор ёзо школа, Шаертодонъя музей (1981-тӥ арын усьтэмын), Адӟисьтэмъёслы но кылӥсьтэмъёслы чаклам лицей, Искусствоосъя школа, ёрос библиотека но ёрос эмъяськонни. Черкогуртын утисько историлы сӥзем 2 синпелетъёс. 2003-тӥ — 2005-тӥ аръёсы Якшур-Бӧдья ёросын ӝутӥськиз Николай Чудотворецлы сӥзем черк.




#Article 104: Яр (192 words)


Яр — Удмуртиысь посёлок (1938-тӥ арысен 2010-тӥ арозь — кар типъем посёлок), Яр ёрослэн шорсюлмыз, интыяськемын Удмурт Республикалэн уйпалаз, Ватка шурлэн Чупчи ӧрызлэн паллян ярдураз. Ярысен Ижозь — 225 иськем, станция Киров — Пермь чугун сюрес вылын. Ярысен Глаз карозь ӝутэмын асфальт сюрес. Улӥсез 6,9 сюрс адями. Со пӧлысь 59,6 % -эз удмуртъёс, 37,9%-эз ӟучъёс, 1%-эз бигеръёс но мукет калыкъёс 1,5 %.

Яр гурт нырысьсэ пусъемын 1836-тӥ арын — Ватка губерниысь Глазов уездысь Укан волосте пырись гуртъёс пӧлын. 1901-тӥ арын пуктэмын Ватка-Пермь чугун сюрес — со ортчиз Яр гурт пыр. 1938-тӥ арын 11-тӥ сентябре Яр гурт кар типъем посёлоклы пӧрмытэмын. Нимызлэн кытысь потэмез тодмо ӧвӧл: М. Г. Атамановлэн малпамезъя, ненец кылысь, пе, потэ, но со чик шонер ӧвӧл, малы ке шуоно, ненецъёс но, мукет самоди выжыос но Ватка-Кам музъем вылын ноку улӥллямтэ.

Ярын ӟеч ужа нюлэс дасян удыс. Отын потто пу, солэсь пӧртэм арбериос дасяло. Ӟеч ужало асфальт вӧлдонъя но етӥн сэстонъя, гурт техникаез тупатонъя, дӥсь вуронъя но кирпич шукконъя огазеяськонъёс. Ярын потто сӥльлэсь, йӧллэсь сиёнъёс, нянь пыжо.

Ярын — 2 шор ёзо школа, Глазысь педагогикая техникумлэн ёзэз, дышетӥсьёсты дасянъя училище, 4 нылпи сад, спортъя но крезьгуръя школаос, нылпи творчествоя юрт, 2 библиотека. Пӧртэм учыръёслы но адямиослы сӥзьыса, Ярын сизьым монумент пуктэмын.




#Article 105: Муско (история) (268 words)


Муско сярысь гожтыса кельтэмын 1147-тӥ арын. Озьы ке но та интыын калык со дырлэсь азьвыл но улӥз: куд-ог тодосчиос лыдъямъя, соос отчы интыяськиллям 5 сюрс арлэсь азьлогес. Но тросэз, валамон, таӵе веранэн соглаш уг луо. Куд-ог тодосчиослэн верамзыя, Муско кыл кылдэмын кык люкетлэсь: моск - вашкала славян кылысь кремень шуэмез возьматэ, ков - пегӟыны. Озьыен, «Москва» возьматӥз из сьӧры пегӟон инты шуэмез. Бӧрысь та кылэн нимамын вал город шортӥ ортчись шур но. 

Мускоез кылдытӥсен лыдъяське Суздаль князь Юрий Владимирович Долгорукий. Мускоез радъян но азинтон уже пыриськизы Долгорукий бӧрсьы улэм князьёс-эксэйёс но: Андрей Боголюбский, Иван Красный, Дмитрий Донской, Иван Грозный, Борис Годунов но мукетъёсыз. 

Озьы-а, тазьы-а но, 13-тӥ даурын Муско - ас понназ улӥсь княжестволэн шорсюлмыз. Нош 15-тӥ даурлэн пумаз Муско бордын кылдэ огъя Ӟуч государство. Со дырысен Муско Европаысь одӥгез бадӟым город луэ. Уно дауръёс ӵоже ини Муско Россиысь культурая улонлэн шорсюлмыз луэ. Татын нырысьсэ радъямын вал книга поттон, кылдытэмын нырысетӥ театр но университет. 

Трос курадӟоно луиз Мусколы. Кык но ӝыны даурлэсь кема татаро-монгол зӥбет улын улоно луиз. Тушмонэз пазьгон ужез вырӟытӥз ӵапак Москва - со калыкез огазеяз татар-монголъёслы пумит. Со бӧрсьы но чидано луиз на Мусколы: 1612-тӥ арын поляк-литва интервентъёсын жугиськоно луиз, нош 1812-тӥ арын - француз эксэйлэн Наполеонлэн армиеныз. 1941-тӥ арын Муско доры матэктӥзы Гитлерлэн ожгарчиосыз, но город зэмос крепостьлы пӧрмиз, кожалод. 168 сюрс пала москвичъёс фашистъёсын нюръяськыны кутскизы, 450 сюрс калык сюлмаськиз Мускоез немецъёслэсь утьыны. Тушмон дугдытэмын вал. Табере Муско - вӧл-вӧл, чебер но бадӟым город. Отысь пумиталод эркын поръян интыосты, шуръёс вамен чебер выжъёсты, уно пӧртэм синпелетъёсты. Мусколэсь историзэ чакланы луоз городлэн архитектураез вылысь но. Валтӥсь тодметэз - городлэн 16-тӥ даурлы тупась котырес радлыкез.




#Article 106: Калашников, Михаил Тимофеевич (599 words)


Михаил Тимофеевич Калашников — быдэс дуннелы тодмо луэм конструктор, инженер, СССР-лы но Россилы пыӵал тӥрлык кылдытэм дано мурт, техника наукаосъя доктор, генерал-лейтенант.

Кык пол пусъемын Герой Социалистического труда нимын, Сталин но Ленин нимо премиослэн лауреатсы, Россия Федерацилэн Героез, Дунчылкыт Андрей Первозванный нимо орденлэн кавалерез, Россиысь писательёслэн огазеяськонзылэн ёзчиез. 1952-тӥ арысен КПСС-лэн ёзчиез, 1950-тӥ арысен 1954-тӥ арозь СССР-лэн Вылӥ кенешезлэн депутатэз. Михаил Тимофеевич Россиысь огназ кык пол пусъемын Герой Социалистического труда, озьы ик Герой России нимын.

Михаил Калашников вордӥськиз Алтай шаерын Курья гуртысь крестьян семьяын. Дас укмыс нылпиос пӧлысь со дас сизьыметӥез вал, но вань пиналъёс пӧлысь висёнлы-кулонлы ӧз сётске тямысэз гинэ. 1930-тӥ арын Михаиллэн атаез — Тимофей Александрович — кулакъёслэн радазы пыртэмын вал. Сое семьяеныз валче Алтай улосысь Томск палъёсысь Нижняя Моховая гуртэ келязы. Пичи дырысеныз ик Михаил Тимофеевич тунсыкъяськиз техникаен но пӧртэм механизмъёсын. Школаын яратӥз физикаез, геометриез но лиетратураез. Сизьым классэз йылпумъяса, бертӥз Алтай улосысь вордскем гуртаз — Курьяе. Но отын уже интыяськыны ӧз быгаты. Одӥг ар Курьяын дышетскыса, бертӥз Сибирьын улӥсь анай-атаез доры. Отын документъёсысь вордскем нуналзэ тупатыса, дырызлэсь вазь паспорт басьтӥз. Кӧня ке толэзь ортчыса, нош ик берытскиз Курьяе, отын нырысьсэ тодматскиз пыӵал тӥрлыкен — угось сэрттӥз-пертчиз Браунинг пистолетэз. 18 аресказ Курьяысь кошке Казахстанэ, отысь Туркестано-Сибирь чугун сюрес вылысь Матай станциын депоын учётчик луыса ужа. Токарьёсын, слесарьёсын, машинистъёсын эшъяське — озьы эшшо но юнма техникаен тунсыкъяськонэз.

Сӥзьыл 1938-тӥ арын Михаил Калашниковез Горд Армие басьтӥзы, со сюриз Киевский Особый военный округе. Пичи командиръёслы чаклам курсъёсты йылпумъямез бере, сое танке механик-водителе юнматӥзы. Службазэ ортчиз Стрый городысь (Украиналэн шундыпуксён палаз) танк полкын. Отын со возьматӥз иобретатель луэмзэ. Танкъёслэн пушкаоссылы кылдытӥз инерционный счётчик, ТТ пистолетысь ыбылӥськонэз капчи каронъя ёзъёс, танклэсь моторесурссэ чакланъя счётчик но мукет. Таӵе усьтонъёсыз сярысь тодыса, сое ас дораз ӧтиз Киевский Особый военный округлэн армилэн генералэз Георгий Константинович Жуков. Пумиськылэмзы бере М. Калашниковез келяло Киевысь танкъёсъя технической училищее. Бӧрысь сое ысто Ленинградысь Ворошилов нимо заводэ, отын со ужа усьтонъёсыз бордын.

Быдӟым ож кутскем бере М. Калашниковлы вылӥ сержант ним ёсто но танке командире пукто. 1941-тӥ арын Брянск улосын сӧсырмыны шеде. Госпитальын кылльыкуз, йыраз малпан кылдэ автомат кылдытыны. Со бӧрсьы кутске чертежъёс лэсьтыны. Уже кутэ оже ветлэм эшъёсызлэсь верамъёссэс, дэмланъёссэс. Госпитальысь М. Калашниковез куать толэзьлы отпуске келязы, со берытскиз Матай станцие. Отысь депоысь специалистъёс юрттэмъя кылдытэ пистолет-пулемётэзлэсь нырысетӥ модельзэ.

Матай станциысь М. Калашниковез командировкае келязы Алма-Атае, отчы война аръёсы выжтэмын вал Москваысь авиацияя институт. Та дышетсконнилэн мастерскояз М. Калашников пистолет-пулемётсэ эшшо но ӟечомытэ. Бӧрысь солэн кылдытэм пыӵал тӥрлыкъёсыныз тодматскиз Самаркандэ вуэм А. А. Благонравов — ӵапак со кивалтӥз Ф. Дзержинский нимо Военно-инженерной академиен, пыӵал тӥрлык ласянь дано тодосчи. А. Благонравов М. Калашниковлэсь автоматсэ курлаз ке но, вылӥ дунъяз солэсь утчаськонзэ, техника борды кыстӥськонзэ но разработкаезлэсь аспӧртэмлыко луэмзэ. Вылӥ сержантлы Калашниковлы ӵектэмын дышетсконзэ азьланьтыны.

Бӧрысьгес Калашниковлэн пистолет-пулемётэз РККА-лэн Артиллерияя валтӥсь ёзэзлы возьматэмын вал. Отысь специалистъёс та ож тӥрлыклэсь шекъёссэ но, ӟеч палъёссэ но пусйизы. Но ГАУ-ын ужасьёс та пистолет-пулемётэз технологияя мугъёсъя ожын кутыны ӧз лэзе.

Михаил Тимофеевич автоматсэ ӟечомытон бордын уен-нуналэн ужа. 1947-тӥ арын солэн АК-47 пистолет-автоматэз пыр-поч эскерон пыр ортче, мукет пыӵал тӥрлыкен ӵошатыса, трослы кужмогес луэмзэ возьматэ. 1949-тӥ арын СССР-ысь Вооружённой кужымъёсъя министерство пуктэмъя АК-47 автоматэз уже кутыны лэземын. 1949-тӥ арын М. Т. Калашниковез пуктӥзы Ижкарысь «Ижмаш» заводлэн конструктор бюроеныз кивалтыны.

Вань улонзэ М. Калашников сӥзиз ыбылӥськон тӥрлыкез ӟечомытонлы-кужмоятонлы, туала куронъёсъя тупатонлы. 1950-тӥ арысен 1970-тӥ арозь Калашников кивалтэм улсын кылдытэмын 20-лэсь пӧртэм атвоматъёс: АКМ, АКМС, АКС74, АКС74У, РПК, РПКС, РПК74, РПКС74, ПК, ПКС, ПКМ, ПКСМ, ПКТ, ПКМТ, ПКБ, ПКМБ.

Ижкарын ӝутэмын М. Калашниковлы сӥзем музей. Пыӵал тӥрлык дасянын ужасьёс пӧлын арлы быдэ ортче М. Калашников пимо премиез сётон. Алтай улосын — конструкторлэн вордскем палъёсаз — пуктэмын Михаил Тимофеевичлы сӥзем синпелет.

М. Калашниковен кылдытэм автматъёсты быдэс дуннеын уже куто. Африкаысь Мозамбик страна, кунлык басьтэмзэ возьматон понна, кункышет вылаз пусйиз Калашниковлэсь автоматсэ.




#Article 107: Каракулино (150 words)


Каракулино — Удмуртиысь черкогурт, Каракулино ёрослэн центрез. Улӥсьёсыз — 5 сюрс 134 адями.

Черкогурт интыяськемын Удмуртилэн лымшор но шундыӝужан палаз, Кам шурлэн ярдураз. Каракулиноысен Сарапулозь 53 иськем, Удмуртилэн шоркарозяз — Ижозь — 114 иськем.

Каракулино черкогурт сярысь нырысетӥ ивортонъёс кылемын 1682-тӥ арысен. Соку черкогурт пыриз Уфа провинцие. 1782-тӥ арын Каракулиноез юнматӥзы Ватка губерние. 1926-тӥ арын 4-тӥ ноябре кылдӥз Каракулино ёрос. Ёрослэн шорсюлмыз луиз Каракулино черкогурт.

Каракулиноын со вакытъёсы асьсэлэн купецъёссы вал: Ведерников, Кузьминых, Трегубовъёс, Казанцевъёс, Верхотин.

Со сяна, ёрос туж узыр луэ археологияя памятникъёсын. Татын 100-лэсь трос памятникъёс лыдъясько. Соос пӧлын Зуевы Ключи но Чеганда городищеос, Ныргында могильник.

Туннэ черкогуртын интыяськемын шор ёзо школа, искусствоосъя нылпи школа, ёрос библиотека, калык киужъёсъя юрт, ёрослэн историезлы сӥзем музей.

Каракулиноысь калык киужъёсты утё но азинто татысь центрын. Со кылдэмын 1993-тӥ арын. Киужъёсъя юртын ужало куроен, кызьпу туен, куисько но пужъятско, сюй мунёоос лэсьто. Таытн поттэм арбериос вуыло пӧртэм адӟытонъёсы но «Гербер», «Семык» выллем шулдыръяськонъёсы, мукет республикаосысь адӟытонъёсы.




#Article 108: Кияса (198 words)


Кияса — Удмуртиысь черкогурт. Кияса ёрослэн шорсюлмыз. Интыяськемын Ижевсклэсь 65 иськеме.

Кияса черкогурт кылдӥз 1710-тӥ арын. Гуртлы ним сётӥллям солэн кылдытӥсезлэсь — Кияса нимо воргоронлэсь. 1859-тӥ арын ортчытэм ревизияя Кияса гуртын улӥз 581 адями, татын ужаз 6 вуко.

Черкогуртын интыськемын Пётр Кривоноговлы сӥзем музей. Со кылдӥз 1997-тӥ арын. Музей усьтэмын Пётр Александрович Кривоноговлы сӥзьыса. Со РСФСР-ысь искусство удысьысь дано ужась, ожгар суредасьёслэн студизылэн ёзчиез луэ. Быдӟым оже пыриськыса, со ортчиз Волоколамскысен Берлинозь ож сюресъёсты. Бӧрысь аслэсьтыз малпанъёссэ кисьтиз суредъёс пыр. 1948-тӥ арын кылдытэм «Победа» ужез пусъемын СССР-лэн кун премиеныз. Совето Союзысь суредасьёс пӧлысь нырысетӥзэ Пётр Кривоноговез пусйизы М. Б. Грековлэн зарни медаленыз. Киясаысь музейын утисько Пётр Кривоноговлэн Быдӟым ожлы сӥзем ужъёсыз но мукет суредъёсыз.

Озьы ик черкогуртлы матэ пуксемын дун чылкыт ву сётӥсь Аксарино гуртысь ошмес. Татчы инмарлы оскись трос калык вуылэ.

Киясаын ужало гурт техникаез тупатъянъя «Удмуртская» МТС но «Киясовоагроснаб» огазеяськон. Пусйыны луэ сиён-юон поттонъя огазеяськонъёсты: кетчуп дася «Адмирал» огазеяськон, сӥль сиёнъёс поттэ «Мясной двор» ООО.

Черкогуртын матысь аръёсы усьтӥськоз выль шор ёзо школалэн юртэз. Сое ӝуто «Удмуртиез азинтон» республикаысьтымы программая.

Кияса черкогуртын мыло-кыдо ужа Калык киужъёсъя юрт. Соин кивалтэ Удмуртиысь культура удысысь дано ужась Надежда Викторовна Пахомова. Татын аръёсын утё калык куиськон, кызьпу туйлэсь арбери лэсьтон, удмурт мунё дасян амалъёсты.




#Article 109: Дэбес (230 words)


Дэбес — Удмуртиысь черкогурт, Дэбес ёрослэн шорсюлмыз. Интыяськемын республикалэн уйпал но шунды пуксён палаз. Дэбес черкогуртысен Ижозь 140 иськем. Матысь чугун сюрес станциозь — Кезозь — 32 иськем. Озьы ик черкогурт вӧзтӥ ортче М7 федерал трасса.

Дэбес сярысь нырысетӥ гожъямъёс кылемын 1646-тӥ арысен. 1749-тӥ арын Дэбес гуртын пу черк пуктыны кутскизы. Сое быдэстӥзы 1754-тӥ арын. Сокку ини Дэбес луиз черкогурт. Но 1756-тӥ арын черк ӝуаз, вылез храм ӝутӥськиз 1767-тӥ арын. 1796-тӥ арын Дэбесэз сёто Ватка губернилы, кылдэ Дэбес волость.

Дэбес ёрос быдэс республикалы но солэн палэназ тодмо луэ Сибирь трактлэн люкетэныз. Сое та палан ӝутыны кутскизы 1682-тӥ арын. Сюрес кыстӥськиз Дэбесысен Кунгурозь. Нош XVIII даурлэн шораз та сюресэз герӟазы Сибирь трактэн. Пусйымон соиз: Дэбесын ваче вуылӥз кык сюрес. Огез нуылӥз Москвае, мукетыз — Петербурге. Сибире кошкисьёс яке со палась лыктӥсьёс одно ик Дэбесэ дугдоно луылӥзы. Соос пӧлын Россия империысь туж тодмо адямиос: А. Н. Радищев, Ф. М. Достоевский, М. Е. Салтыков-Щедрин, Н. Г. Чернышевский. 1824-тӥ арын татысь священниклэн юртаз кӧлӥз ӟуч император Александр I. Туннэ вашкала сюреслэн люкетэз пыре Сибирь трактлэн историезлы сӥзем музее. Ёросын мыло-кыдо пумитало шаерысьтымы но кунгож сьӧрысь куноосты.

Туннэ черкогуртын вань шор ёзо школа, Г. М. Корепанов-Камский нимо искуствоосъя нылпи школа, ваньмон дырез радъянъя «Чупчигур» центр, Дэбес ёрос больница, туризмез азинтонъя «Байгурезь» центр.

Ёросын пото «Новый путь» но «Байгурезь» газетъёс. Озьы ик черкогуртын интыяськемын Дэбес политехникум. Сое йылпумъязы шаерамы тодмо луись адямиос «Удмурт дунне» газетлэн 1994-тӥ-2010-тӥ аръёсы валтӥсь редакторез А. П. Шкляев, калык кырӟанъя «Айкай» кун театрлэн директорез П. П. Данилов но уно мукетъёс.




#Article 110: Дэри черкогурт (241 words)


Дэри (яке Завьял, ) — Удмурт шаерысь бадӟым черкогурт, Дэри ёрослэн но Дэри гурт поселенилэн шорсюлмыз. Татын улэ 10 сюрс 384 адями. Интыяськемын Быдвай шур дурын. Дэри черкогуртысен Ижкарлэн шорезозь — 12 иськем, гожезозь — 6 иськем.

Филология наукаосъя доктор М. Г. Атаманов Дэри топонимлэсь кызьы кылдэмзэ тазьы валэктэ: нырысьсэ Дэри сярысь веран пусъемын 1710-тӥ арын ортчем переписьын. Арске нуись сюрес вылын Дери-Чудья гурт пе вань — со ик Завьялово. Завьял — гуртэз кылдытӥсьлэн нимыз. Дэри гурт ним потэмын Дерьянка шурлэн ӟуч нимыз бордысь, дэри, напра шуэмез возьматэ. Чудья — удмурт воршуд ним.

Туннэ Дэри черкогуртын вань шоръёзо школа, спортъя школа, кык нылпи сад, пионеръёслэн юртсы (усьтэмын 1967-тӥ арын), культурая юрт, ёрос больница. 2000-тӥ арын черкогуртын усьтӥськиз шаертодонъя музей.

Дэриын трос вузъюртъёс ужало. Соос пӧлын 4 супермаркет вань: 1 «Ижтрейдинг», 1 «Магнит» но 2 «Пятёрочка».

Завьял — автомобиль сюрес герд. Татын Гольян шоссе герӟаське Ижкарлэн котырес сюресэныз. Кык чуръем Гольян шосселэн Иж но Дэри вискын люкетэз автотранспортэн ялан тырмытэмын.

Ижысен Дэриозь трос транспорт мынылэ: 301-тӥ, 319-тӥ, 321-тӥ, 357-тӥ номеро автобусъёс, 341-тӥ, 353-тӥ (363-тӥ), 367-тӥ номеро маршрутъя таксиос. Соослэн мынонзы-ветлонзы радъямын черкогуртын кык автомобиль сюрестӥ гинэ: Гольян урамтӥ но Калинин урамтӥ.

Спортэз азинтон удысын но черкогуртын трос вормонъёс басьтэмын. Татысь стадионъёсын толалтэ но гужем кӧня ке пол ини радъяськылӥзы республикаысьтымы гурт шудонъёс. Таӵе ӵошатсконъёсын Дэри ёрослэн командаез котьку вылӥ интыос басьтэ. Уго Дэриысь спортсменъёслэн вань адӟем карымон адямиоссы: калык куспо классъем спортъя мастер, дуннеысь чемпион Нина Парамонова, тодмо биатлонистъёс, агай-вынъёс Валерий но Сергей Журавлёвъёс, биатлонъя дуннеысь чемпион Александр Ушаков.




#Article 111: Ватка губерния (162 words)


Ватка губерния — Россиысь (Россия империысь, Россия республикаысь, Кенешо Союзысь) губерния. Губерни кар — Ватка. Кылдӥз 1796-тӥ арын Кузон губерниысь Ватка наместничестволэн интыяз. 1929-тӥ арын солэн музъемез Нижний Новгород улосэ пыре.

XIX-тӥ дауре губернилэн улонэз юн герӟаськемын вал Россиысь политика но мер улонэн. 1812-тӥ арын люкам калык ополчение Вятка губернилэн ог 20 000 улӥсьёсыз гожтӥськиз. Тужгес тодмоез соос пӧлысь — «ныл-кавалерист» Надежда Дурова (1783—1866).

Ватка музъем вылэ трос аръёс ӵоже ысъяллям ссыльнойёсты. Та музъем вылтӥ ортче вал Сибирь тракт — ссыльнойёсты Сибире келян сюрес (со вылэ ог 100 пала декабристъёс ортчемын). Куд-огез ссыльнойёс Вятка карын улэмын. 1830-60-тӥ аръёсы татчы тросэз полякъёс Поляк эксэйлыкын ортчем бугыръяськонъёсы пыриськемзы понна ссылкае келямын вал. Татчы ик ссылкае келямын вал А. Л. Витберг, А. И. Герцен, М. Е. Салтыков-Щедрин.

XIX-тӥ даурлэн пумаз Ватка губерниын революци-демократи мынон кужмояны кутскиз. Трос революционеръёс — Ватка губернилэн нылъёсыз но пиосыз вылӥллям: М. П. Сажин, Н. А.Чарушин, С. Н. Халтурин, Л. В. Чемоданова, А. Д. Кувшинская, А. В. Якимова.

Быдӟым Октябрь социализмо революция бере Ватка губернилэн кивалтон но музъемъёслы люкон югдурез воштӥськыны кутскиз.




#Article 112: Екатеринбург (208 words)


Катьырнакар (1924-тӥ арысен 1991-тӥ арозь – Свердловск) – Свердлов улослэн шоркарез. Улӥсь калыклэн лыдызъя Россиысь ньылетӥ кар луэ (Муско, Санкт-Петербург но Новосибирск бере). Транссибирской магистральлэн транспортно-логистической ёзэз луэ. 

Катьырнакар – Урал улослэн кивалтон, лулчеберет, дышетонъя центрез, Урал федерал округлэн шоркарез. 

Карлэн азинскон сюресэз заводъёслэн ужаменыз герӟаськемын.

Катьырнакар Евразиялэн шораз интыськемын, люке Европаез но Азиез, Мусколэсь 1667 искемлы палэнын сылэ. 

Кар интыяськемын Урал гурезьёс дорын, Исеть шурлэн ярдураз. Городлэн музъем вылаз 4 тымет лэсьтэмын – Верх-Исетской, Городской, Парковой и Нижне-Исетской. Озьы ик кык тыез вань – Шарташ но Шувакиш. 

Город люкемын сизьым административной ёрослы: Верх-Исетской, Железнодорожной, Орджоникидзевской, Кировской, Чкаловской, Ленинской.
Катьырнакарлэн исторической люкетэз люкемын вань ёросъёс куспын – соин со мукет городъёслэсь висъяське. 

Катьырнакарлэн Администрациез интыяськемын 1905-ти арлэн карлудын. 

Карен кивалтэ мэр но Кар дума. 

Свердлов улослэн кивалтэт органъёсыз луо – губернатор, Правительство но Законодательной Собрание. 

Катьырнакарын Урал федерал округлэн кивалтэтэз но Приволжско-Уральской военной округлэн штабез интыяськемын. 

Катьырнакар пыр 6 федерал машина сюресъёс, 7 магистральной чугун сюресъёс ортчо. Калыккуспо аэропортэз вань. 

Катьырнакарын Россиысь наукаосъя академилэн Урал ёзэз интыськемын. 

Карын ог сю пала библиотекаос но ог витьтон музейёс, музыкальной комедилэн, драмая, егит учкисьлэн, мунё театръёс ужало. 

Куать сю пала исторической синпелетъёс лыдъясько: 1905-тӥ арлэн карлудэз, Исторической сквер, Вир-вылын-Храм, Урал консерватория, Росторгуев-Харитоновёслэн, Малаховёслэн, Зотовёслэн улон коркаоссы, Вознесенской черк но мукет юртъёс.




#Article 113: Вавож (279 words)


Вавож черкогурт кылдӥз XIII-XIV дауръёсы. Татаро-монголъёслэсь пегӟыса, удмуртъёс вуизы туж шулдыр Ва (али Ува) шур котыре. Ӵапак та интыосын Ва усе Вало шуре. Та бордысь ик потӥз черкогуртлэн нимыз но — Вавож. Но пусъёно: солы мукет но нимъёс малпаллязы. Кылсярысь, Вавож-Можга, Николаевское. 

Вавожысь Свято-Никольской черклы 170 арлэсь кема ини. Солэн тусыз бордын тыро-пыдо тыршиз Ижысь пыӵал тӥрлык поттонъя заводысь тодмо архитектор С. Дудин. 16-тӥ сентябре 1835-тӥ арын черклэсь нырысетӥ этажзэ дун-чылкыт вуэн пазязы. Татын трос баӵкоос ужазы. Пӧлысьтызы огез Удмуртилэн историяз бадӟым пытьы кельтӥз. Со — Михаил Елабужский, 1912-тӥ арын Ува ёросысь Удугучин гуртысь Вавоже улыны лыктэм. Никольсклй черкын удмурт сямен чирдэм сяна, та воргорон мыло-кыдо выриз этнографиен, нуиз дневник, тодӥз пӧртэм кунсьӧр кылъёсты. Но улон нюжаез Михаил Стефановилэн туж но туж секыт вал: нырысь ик сое коркаысьтыз уллязы, кивалтӥсьёс черксэ пытсаны вырылӥзы, бӧрысь Елабужскиез воксё кулаке поттӥзы, висись пересез ыстӥзы нюлэс коранэ… Отец Михаил Вавоже берытскиз на кулон азяз гинэ. 1937-тӥ арын черкез ворсазы. 
 
Михаил Стефанович юн эшъяськылӥз Меньшикова сузэеръёсын-дышетӥсьёсын. Соос ужазы Удмурт шаерысь тужгес вашкала школаын — черкогуртысь церковно-приходской школа усьтӥськиз 1842-тӥ арын. Вунэтоно ӧвӧл: ӵапак та сузэръёс ик шедьтӥзы егит югдытӥсез, кылбурчиез Кузебай Гердэз. Сютэм улонэн сэрен К. Герд коркась корка кураськыса ветлоно луылӥз. Меньшиковаосын пумиськемез бере сое сюдӥзы-миськизы. Озьы со школаысь тужгес усто дышетскисьлы пӧрмиз.

Вавож черкогурт Сылэ Ува но Вало шуръёс вискын. Черкогуртлэн шорсюлмыз интыяськемын гурезь йылын. Макем трос татын XVIII даурын пуктэм йыг-йыг юртъёс! Кылсярысь, огаз сыӵе коркае «каръяськиллям» ёросысь югдурез утисьёс. Паймымон соиз но: Вавожын туж трос уло Азербайджанысь вуэмъёс.

Вавож черкогурт вашкала дыръёсы тодмо луылӥз вуз каронэныз. Татын огыр-бугыр радъяськылӥз Вавожско-Никольской ярмарка. Соин ик Вавожын трос вуз карон юртъёс сылӥзы. Вал асьсэлэн драмтеатрзы но. Спектакльёс, концертъёс ортчылӥзы азьло вина возён интыын.




#Article 114: Екатеринбурглэн историез (100 words)


Завод ыргон, чугун но корт поттыны чакламын вал. Озьы ке но 1808-тӥ арын Екатеринбург завод ворсамын вал. 

XVIII-тӥ дауре Екатеринбург азинске Урал но Сибирь улосъёслэн горно-промышленной шоркарез луыса. 

Вузкорон удыс но вылӥ чотын лыдъяське вал – сӥлен, майталэн, куэн, кортэн паськыт вузкарон радъямын вал. 

Граждан ож бере заводъёслэн ужзы ӧз воштӥськы. 

Пятилетка дыръёсы промышлtнность азинскыны кускиз. Ӝутэмын вал выль заводъёс (секыт машинаосты поттон завод, Уралэлектромашина, Уральской турбомоторной завод но мукетъёсыз). 

Быдӟым Атыкай ож дырья Свердловске эвакуировать каремын вал 50 завод. Со дырысен Военной промышленность но азинскыны кутскиз. Война бере но карлэн экономикаез машина поттон но кортэз дурон промышленностен герӟаськемын вал. 




#Article 115: Кузон (395 words)


Кузон (, ) — Россия Федерациысь кар, Татарстан Республикалэн шоркарез, вузкаронъя, транспортъя, наукая, религияя но промышленностья центр.

Улӥсьёсыз:(2005):

Та карлэн вашкала удмурт нимыз (али вакытэ со пумозяз вунэмын ӧвӧл на) — Кузон, бигер кылын — Казан. Со нимлэн кытысь потэмез пумысен учёнойёс огкылэ вуэмын ӧвӧл. Тужгес оскымын луэ таӵе версия, кудӥз Казаньлэсь нимзэ Булгарын 1367-1370 аръёсын кивалтыса пукем Хасан-ханлэн нимыныз герӟа.

Казаньлэн кылдон дырыз пумысен но споръяськонъёс мыно. Бигер археологъёс оскыто, Казань 1005 аръёсы волга булгаръёслэн карзы луыса кылдытэмын вал. Мукет учёнойёс талы уг оско, Казань, пе, XIII даурлэсь вазьгес кылдыны уг быгаты вал, шуо. Кызьы ваньмыз со зэмзэ вал, шуг вераны.

Котьма ке но, XIII-XIV дауръёсы Казань Зарни Ордалэн вузкаронъя но политикая центръёсыз пӧлысь бадӟым рользэ шудэ. 1408 аре Казаньысь кивалтӥсьёс асьсэлэсь коньдонзэс поттыны кутскизы. 1438 арысен Кузон ханстволэн шоркарез луэ.

Уно аръёс ӵоже Казаньын пукиллям лымшор удмуртъёслэн кивалтӥсьёссы — нырысьсэ бигеръёс, собере ӟучъёс. Отысь быдэс Волга-Урал регионэтӥ паськыт вӧлмыны кутскиз христиан оскон. Казаньысь университет калыкез югдытонъя туж бадӟым рользэ шудӥз. Университетлэн типографияз печатламын вал нырысетӥ удмурт книгаос (1847). Казаньын ик дасямын вал нырысетӥ удмурт грамматика (1775). Отын ик нырысьсэ малпамын вал нимысьтыз удмурт алфавит (Ильминскилэн алфавитэз; 1870-тӥ аръёсы). Революцилэсь азьвыл Казаньын дасямын но поттэмын вал уно удмурт книгаос.

Кузон муниципальной кылдэт 7 ёрослы люкемын: Авиастроительной, Вахитовской, Кировской, Московской, Ново-Савиновской, Приволжской, Советской. 

Городэн кивалто – мэр, кар дума, быдэсъян комитет.

Кузон – Россиысь огез тужгес ик бадӟымез промышленной, финансовой, вузкарон но туристической центрез луэ. Приволжской федерал округын улон юртъёсты лэсьтонъя нырысетӥ интыын сылэ. 

Кузонын Россиын валтӥсь 6 корпорацилэн штаб-квартираоссы интыяськемын. 

Банк сектор азинскемын – 3 интыын сылэ (Муско но Санкт-Петербург бере).

Промышленность: машина поттон, химия но мувӧй. 

Информационной технологиосъя – огез валтӥсь центр. Татын Европаын самой бадӟымез «Идея» нимо технопарк ужа. 

Кузонын трамвай, троллейбус, автобус транспорт ветлэ. Озьы ик вань метро. 

Кар пыр ортче «Волга» федерал сюрес. Вань на Чугун сюрес, шур порт, аэропорт. 

Городын 282 нылпи сад, 178 школа. 

Выли образованиез сётӥсь дышетскон интыослэн лыдзы 44 луэ. Кузонын гинэ (Россиысь вань городъёсты лыдэ басьтыса) огдыръя федеральной но национальной исследовательской университетъёс ужало. 

Валтӥсь университетъёс:

Ужа Татарстан Республикаысь Наукосъя Академия.

Карын В. И. Качалов, Галиаскар Камал, Муса Джалиль нимоесь театръёс ужало, кудъёсыз быдэс Россиылы но дуннелы тодмо луо. Исторической памятникъёс пӧлын — Кузон кремль, Кремлёвской, Баумана но мукет урамъёсысь вашкала юртъёс, Петропавловской собор но мукет.

Казаньын «Зарни Минбар» мусульман киностудизы ужа. Вань 34 кун музейзы. Кузонын гинэ Эрмитажлэн филиалэз ужа. 

(ваньмыз сямен — ӟуч кылын)




#Article 116: Кузонлэн историез (249 words)


Карлэн историез бигер калыклэн историеныз герӟаськемын. Трос дауръёс ӵоже Кузон та мусульман калыклэсь улон сюрессэ уте но азинтэ вал. 

Кузон нимлэн кылдэмез сярысь пӧртэм веранъёс но легендаос вань. Огез соос пӧлысь: Кузон крепость Волга шурлэн ярдураз ӝутэмын вал Булгар Ханствоез утен понна. Туж умой интыын сылэмез понна, котырес луэмез понна, соин сэрен казанлы (рис пӧзьтон котел) укшаемез понна, Казань ним но, пе, сётэмын. 

Туннэ нуналлы Кузонлэн кылдэмез пумысен историез эскерисьёс одӥг малпанэ вуэмын – кар 1000 ар талэсь азьвыл кылдэмын Волжской Булгарилэн форпостэз луыса. Татаро-монголъёс вуэм бере, Кузон итӥське Зарни Орда борды. XIII-XIV дауръёсы Кузон туж азинске – та кар пыр вузкарон Европаез но Азиез герӟась сюресъёс ортчо, политикая центр луыны кутске. 

Вашкала ӟуч книгаосын Кузон сярысь информация шедьыны кутске XIV—XV дауръёсысен гинэ. 

Муско кунэ пыремез бере, Кузонлэн выль азинскон сюресэз усьтӥськиз. 1556-тӥ арын тӧдьы излэсь Кремль ӝутыны кутско. Бигеръёслы городлы 30 иськемлы матынгес улыны уг яра вал. Соин сэрен – калыклэн лыдыз городын туж ичи вал. 

XVII дауре карлэн экономикаез ӝог азинскыны кутскиз. Усьтӥсько нырысетӥ мануфактураос. 1708-тӥ арын Кузон Казанской губерниялэн шоркарез луыса юнматэмын. Со дырысен город губернской город луыса будыны ӧдъя. Поволжье улосын культурной шоркарез лыдъяськыны кутске: 1758-тӥ арын усьтӥське нырысетӥ гимназия, 1771-тӥ арын – нырысетӥ медресе, 1791-тӥ арын – нырысетӥ театр, 1804-тӥ арын - университет (Россиысь куинетӥез!!!) 

Революция но Граждан ож вакытъёсы Кузон большевикъёслэн огез нюръяськон шоркарзы луиз. Татын ортчизы шимес виркисьтон ожъёс. 

Быдзым Атыкай война дырья Кузонэ трос заводъёсты эвакуировать каремын вал. Озьы ик Наукаосъя академилэсь ёзъёссэ. 

Туннэ нунналы Кузон – Россилэн куинетӥ шоркареныз лыдъяське.




#Article 117: Ленин, Владимир Ильич (442 words)


Владимир Ильич Ленин (зэмос нимтулыз Ульянов) — ӟуч, советской политической но кун ужчи, бадӟым йырвизё мурт, философ, марксизм-ленинизмлэн но большевистской партилэн инъясез, публицист, быдӟым пролетарской революционер, Быдӟым Октябрьской социалистической революцилэн организаторез, РСФСР-ысь но СССР-ысь Калык Комиссаръёслэн Кенешсылэн Председателез, Кенешо Россилы но Куинетӥ (Коммунистической) Интернационаллы инъет сётэм адями.

В. И. Ленин вордскиз 10-тӥ (22) апреле 1870-тӥ арын Симбирск городын (туала нимыз Ульяновск). Атаез — Илья Николаевич — дышетӥсь, егит дыръяз удыссэ мытӥз пичи классъёсты дышетӥсь бордысен, бӧрысь кивалтӥз Самара губерниысь калык училищеосын, дворян ним басьтӥз (улонысь кошкиз 1886-тӥ арын). Анаез — Мария Александровна Бланк — эмъясьлэн нылыз, дышетскиз дораз, кӧня ке кунгожсьӧр кылын вераськыны быгатӥз, роялен шудӥз, трос лыдӟиськиз. Владимир семьяысь куать нылпи пӧлысь куинетӥез вал. Ульяновъёс ог-огзэс валаса, туж тупаса улӥзы.

Школаын дышетскыкуз ик, Володя шӧдыны кутскиз со вакытысь обществолэсь шекъёссэ. Сочинениосаз но таӵе мылкыдъёссэ шараяз. Александр агаез, калык бугыръяськонъёсы пыриськемез бере, 1887-тӥ арын казнить каремын вал. Сое янгыше уськытӥзы эксэез виёнэ пыриськемез понна. Агайзэ быдтон Володялэсь сюлэмзэ бугыртӥз, улон шоры учконъёссэ воштӥз. Со дырысен Владимир пумит султӥз со вакытысь кунлэн радлыкезлы. 1887-тӥ арын со пыриз Кузонысь университетлэн юридической люкетаз. Соку ик со пыриськыны кутскиз студентъёслэн огазеяськонзылэн ужаз — режимлы пумит мынӥсьёслэн радазы. Но таӵе студентъёсты, пӧлазы Владимир Ульянов но, ӝоген кырме полиция. Декабре 1887-тӥ арын сое университетысь улляло, келяло анаезлэн вордскем юртаз. Отын сое полиция чакла, Владимир азьланьтэ ас понназ дышетсконзэ. 1888-тӥ арын Владимирлы луонлык усьтӥськиз нош ик Кузонэ берытскыны. Отын со тодматскиз Карл Маркслэн ужъёсыныз, озьы пыриськыны кутскиз марксистъёслэн кружоказы. Та дырысен В. Ульянов калык бугыръяськонъёслы дур басьтэмысь дугдэ, сюлэмаз-йыраз пыӵало Маркслэн ужъёсыз.

Бӧрысь со улыны выжиз Самарае, отын но сое чаклаз полиция. Уксё поттӥз нимаз урокъёс сётъяса. 1891-тӥ арын со экстерн амалэн Санкт-Петербургысь университетэ кун экзаменъёссэ сётӥз. 1892-тӥ — 1893-тӥ аръёсы В. Ульянов тыршиз Самараысь присяжной судьялэн юрттӥсез луыса. Отын кылдытэ марксист кружок, ӟуч кылэ берыктэ Карл Маркслэсь Коммунист партилэсь Манифестсэ.

Ссылкаын дыръяз но со азинтэ революционер ужзэ. 1897-тӥ арын поттэ «Капитализмлэн Россиын азинскемез» ужзэ, со пыр со ченгеше народникъёслэн улон шоры учкеменызы. Отын ик вортэ, Россиын буржуазной революция тани-тани бугырскоз шуыса.

Ссылкаын улэмез бере мылкыд каре кунгож сьӧры потыны. Кӧня ке дыр ӵоже улэ Мюнхенын, Лондонын, Женеваын. Отысь эшъёсыныз — Вера Засуличен, Юлий Мартовен, Георгий Плехановен, Павел Аксельродэн — огазе кариськыса, поттыны кутско «Искра» газет. 1901-тӥ арысен аслыз выль ним малпа — Ленин, ужъёссэ та нимтулэн тодмостыны кутске. РСДРП-лэн Брюссельын ортчем кыкетӥ съездэз Ленинэз но эшъёссэ кык «бурдлы» люкиз — большевикъёс (Ленин пала дурбасьтӥсьёс) но меньшевикъёс (соослы пумит султэмъёс).

Калык пӧлын радикализаия мынон вакытэ большевикъёслэн данзы ӝутскиз. 1917-тӥ арын, Советъёслэн нырысетӥ съездазы вераськыкуз, Ленин пусйытэк ӧз кельты большевикъёслэн власте вуэмзы сярысь. 1917-тӥ арын сентябрь толэзе Ленин малпанэ вуиз: воштӥськонъёслы дыр вуиз. Октябре Петроградэ интыяськем Временной правительство кушкатэмын вал. Советъёслэн кыкетӥ съездазы кылдытэмын калык комиссаръёслэн кенешсы (СНК), соин кивалтонэз оскизы В. Ленинлы.




#Article 118: Жуйков, Семён Прокопьевич (410 words)


Семён Прокопьевич Жуйков — удмурт кылтодосчи, доцент, удмурт но ӟуч кылъёслы дышетскон книгаослэн, удмурт-ӟуч но удмурт орфографияя нырысетӥ кыллюкамъёслэн, шонер гожъяськон индылэтъёслэн авторзы, Удмурт педагогияя институтысь удмурт кыл но литература кафедралэн нырысетӥ кивалтӥсез.

С. П. Жуйков вордӥськиз 1891-тӥ арын тулыспал толэзьлэн 2-тӥ нуналаз азьло Вятка губерниысь Глазов уездысь Ягошур волостьысь Пусошур гуртын куанер удмурт крестьян семьяын. Тодмо учёной но дышетӥсь луэмезлэсь азьло со трос шуг-секытъёсыз адӟем: узыръёслы ужано но луылӥз, Волгаын бурлак но вылэм, извозын Сибыр сюрес кузя но уно пол ортчылэм, вуылэм Украинае но Польшае. Отын но огаз монастырьын медо луыса ужам. Гожтэтлы кызьы но озьы дышетскемез бере, 1912-1917-тӥ аръёсы, Кизнер ёросысь Асинер гуртысь земской школаын дышетӥсь луыса ужам. Бугырес ожмаськон аръёсы армиын вылэм. 1919-1921-тӥ аръёсы дышетскем Вяткаысь Ленин нимо педагоги институтын. Отын дышетскыкуз, огдыре ужам Вяткаысь калыкез дышетон люкетлэн инструкторез луыса. Педагоги институтэз йылпумъямез бере сое Глазовысь педагоги техникуме ужаны ыстӥллям (1921—1925 аръёс), нош 1925-1929-тӥ аръёсы сое Ижысь педагоги техникуме выжтӥллям. 1929-тӥ арын со дышетскыны пыре СССР-ысь Наукаосъя академилэн Ленинградысь Кыл но малпан институтэзлэн аспирантураяз. Солэн наука ласянь кивалтӥсез вылэм со вакытэ туж тодмо но сӥё-дано кылтодосчи, академик Н. Я. Марр.

Аслаз дышетскисьёсыз пӧлысь С. Жуйковез со нимысьтыз висъяса вера вылэм, одӥгез визьмоез аспирант луэ шуыса. Соин но, оло, С. Жуйков Н. Маррлэн кылъёсты дышетон аспӧртэмлыко методологиезлэсь ӧз куштӥськы — удмурт кыл удысын вань ужъёссэ кылдытъяз дышетӥсезлэн ӵектэм «Кыл сярысь выль дышетон» шуон методэзъя.

Семён Жуйков трос кылъёсты тодэ вылэм: поляк, немец, англи, удмурт, коми, финн, бигер, башкир, казах, узбек но ӟуч.

Аспирантураез йылпумъямез бере сое ужаны ыстӥллям соку гинэ кылдытэм Удмурт педагогия институтэ, удмурт кыл но литература кафедралы кивалтӥсь карыса. Огдыре ик со ужам на 1931-тӥ арын кылдытэм Удмурт наука-эскерон институтын (УдНИИ-ын) но. Удмуртиын 6 ар ужатозяз, со 47 тодос ужъёс, школаослы, педагогияя институтлы но техникумъёслы пӧртэм программаос но методика валэктӥсь книгаос (пособиос), учебникъёс гожтэм, удмурт-ӟуч но удмурт орфографияя кыллюкамъёс, шонер гожъяськон правилоос дасям но соосты печатласа поттэм, студентъёслэн юрттэменызы печатлам удмурт диалектологияя, этнографияс но Удмуртилэн экономикаезлы сӥзем картаос, трос пол потам тодосо экспедициосы.

Куамынэтӥ аръёсы, массовой репрессиос дыръя, С. Жуйковлэн туж азинлыко мынӥсь ужез уриськем: йыр вадьсаз сьӧд пилемъёслэсь вотсаськыны кутскемзэс шӧдыса, Семён Жуйков Удмуртиысь лушкемак гинэ воксёлы кошконо луэм. Нырысь-валысь со ужам Шор Азиысь вылӥ дышетсконниосын: Алма-Атаысь Казах кун университетын, Семипалатинскысь кун педагогияя институтын, бӧрысьгес — Ульяновск улосысь Мелеккес педагогия институтын но Воронеж улосысь Россошанск дышетӥсьёслэн институтазы. Республикаысьтымы кошкемез бере удмурт кыллы сӟзем ужъёсыз ӧз ни поталэ, тросгес дырзэ висъяз, вылды, ӟуч кылэз но солэсь пӧртэм диалектъёссэ дышетонлы. Л. С. Христолюбовалэн гожъямезъя, со пыр-поч эскерем Ульяновск улосысь Николо-Черемшанск ёросысь ӟучъёслэсь говоръёссэс но Донысь диалектъёсты.




#Article 119: Куликов, Кузьма Иванович (197 words)


Кузьма Иванович Куликов — история наукаосъя доктор, Россиысь Инкуазьтодосъя академилэн профессорез (2001-тӥ арысен), тодосчи но гажамон адями. Кема дыр ӵоже кивалтӥз Россиысь наукаосъя академилэн Урал ёзэтысьтыз Историяя, кылъя но литературая Удмурт институтэн. Пусъемын пӧртэм нимъёсын-пусъёсын: Россиысь но Удмуртиысь наукалэн сӥё-дано ужасез, Удмуртилэн кун премиезлэн лауреатэз. Наукая 100 ужъёслэн, публицистикая но литературая материалъёслэн авторзы. Со пӧлысь 23 книгиез сӥземын Удмуртилэсь историзэ, Удмуртилэсь Россиен кусыпъёссэ эскеронлы. Наукая удысаз со бадӟым саклык висъяз Россиын, озьы ик Поволжьеын, Приуральеын XIX-тӥ дауре ортчем пӧртэм событиосты эскеронлы.

Кузьма Куликов мылысь-кыдысь басьтӥськиз финн-угор калыкъёслэн национально-государственной ужпумъёссэс сэрттон-пертчон но эскерон борды. Ужъёсаз со тупен-тупен мадиз финн-угор выжыысь калыкъёслэн юнмамзы, асьсэды нимаз калыкен шӧдыны кутскемзы сярысь.

Кузьма Куликов вордӥськиз 1937-тӥ арын Удмурт АССР-ысь Алнаш ёросысь Елкибасево (Актэмыр). Нырысь йылпумъяз зоотехникъёслэсь техникумзэс, со бӧрсьы — Ижысь гурт удысъя академиез (1963-тӥ арын). Тодон-валан люказ КПСС-лэн ЦК-езлэн Вылӥ партшколазэ. 1962-тӥ арысен 1964-тӥ арозь кивалтӥз Гурт удысын тыршисьёслэн профсоюззылэн Удмурт обкомезлэн культурая ёзэныз.1966-тӥ арысен 1978-тӥ арозь тыршиз КПСС-лэн Удмурт обкомысьтыз пропагандая ёзаз лектор луыса. Мылысь-кыдысь тыршиз вашкала удмуртъёслэсь Глазкарысь «Иднакар» музейзэс кылдытон бордын. «Удмуртия» телерадиокомпаниын мынӥзы Кузьма Куликовен радъям «Кун но ми» передачаос. Ваньмон дырзэ сӥзе пуэз вӧлонлы, солэсь пӧртэм арбериос лэсьтонлы. Та тодосчилэн кичӧлтэмезъя Удмурт шаерын ортчо парк синпелетъёслы сӥзем фестивальёс.




#Article 120: Кулакова, Галина Алексеевна (197 words)


Галина Алексеевна Кулакова — куас вылын ворттылонъя спортсмен, Олимпия шудонъёсын ньыль пол чемпионка луэм кышномурт (1972-тӥ арын — спортлэн куинь удысаз, 1976-тӥ арын — эстафетаын), Дуннелэн 9 пол луэм чемпионкаез, нош СССР-лэн — 39 пол.
 

Та дано кышномурт вордӥськиз 1942-тӥ арын 29-тӥ апреле Вотка ёросысь Степаново (Логачи) гуртын. Аслэсьтыз нырысетӥ куассэ Галина Алексеевна ас киосыныз лэсьтӥз. Дасяз со сое пипулэсь, но куасъёсыз кемалы уг чидало вал, соин ик выльёссэ дасяно луылӥз. Нырысетӥ ӵошатсконаз шедиз малпамтэ шорысь. Отын бызьылыны кулэ вал солэн Лида сузэрез. Но со отчы пыриськыны ӧз быгаты, бызьылыны куриз Галя сузэрзэ. Галина Алексеевна солы юрттӥз, сузэрез понна куасэн бызьылӥз но гуртаз дыртӥз — отын угось сое витё вал кысконо скалъёсыз. Ӝоген со Лида сузэрезлэсь телеграммазэ басьтӥз: «Лыкты Ижкаре!» Ӵошатсконын Галина кыкетӥ инты басьтэм, сое бадӟым спортлы дасяны кутскизы. Со дырысен Галина Кулакова рос-прос басьтӥськиз спорт — куасэн бызьылон — борды.

Галина Алексеевна дышетскиз Кемерово улосысь мугорез кыдатон культурая Прокопьевской техникумын. Сое йылпумъяса, келямын вал Ижысь «Ижтяжбуммаш» заводэ. Отын со тыршиз тренер-дышетӥсь луыса.

Галина Алексеевна Кулакова та нуналъёсы улэ-вылэ Удмуртиысь Дэри ёросысь Италмас каргуртын. Италмас каргурт котырын интыяськемын Г. А. Кулаковалы сӥзем музей. Со сяна, Удмурт Республикалэн Президентэз Александр Волков юрттэмъя шаерамы усьтэмын Г. А. Кулаковалы сӥзем спортъя комплекс. Отын мугорзэс кыдато будӥсь пиналъёс, Удмуртилэн сборнояз пырисьёс.




#Article 121: Удмурт дунне (газет) (159 words)


Потыны кутскиз 1915-тӥ арын Вятской губерниысь губернаторез Андрей Чернявский лэземъя потӥз нырысетӥез удмурт газет — «Войнаысь ивор». Ӵапак со газет потэм дырысен ик кутскиз «Удмурт дуннелэн» историез.

Аслаз улонэз ӵоже газет сизьым пол нимзэ вошъяз:

Али «Удмурт дунне» газет потэ А3 форматэн арняяз 3 пол. Шергес пото «Берекет» но «Герд» («Удмурт кенеш» огазеяськонлэн газетэз) нимо ватсанъёс. Газетлэн огъя тиражез — 10 сюрс пала. Газет вӧлме подпиская Удмуртие, Татарстанэ, Башкортостанэ.

Редакциын 35 мурт ужа. Со пӧлысь 18-эз — творческой ужасьёс: журналистъёс но дизайнеръёс. Газетын ужало тодмо журналистъёс, писательёс но кылбурчиос: Алексей Шкляев, Татьяна Чернова, Лия Малых, Зинаида Рябинина, Любовь Тихонова, Елена Миннигараева… Бадӟым оскон сёто егит гожъяськисьёс.

Газет гожъя Удмуртиысь но Россиысь югдур, политика, культура, дышетон, гурт удыс, национальной ужпумъёс сярысь. Бадӟым саклык висъя шаерез гажан мылкыд пыӵатонлы, артэ улӥсь калыкъёсын тупаса улонлы, аслэсьтыд кылдэ но культурадэ утёнлы-азинтонлы. Арнялы быдэ потэ «Шӧкыч» — сатираен но юморен бам. Нылкышноос котьку возьмало «Наталь» бамез. Со сяна толэзьлы быдэ пото: «Тазалык», «Кузё», «Егитъёс»… Редакция мыло-кыдо ужа авторъёсын.




#Article 122: Санкт-Петербург (603 words)


Санкт-Петербург — Российской Федерацияысь федеральной статусъем кар, Уйпал-Шундыпуксён федерал округлэн шоркарез, Ленинград улослэн центрез, XVIII–XX дауръёсы Россия империлэнлэн шоркарез. 1965-тӥ арын карлы «Город-герой» ним сёто. Пусъемын РСФСР-ысь Горд Знамя орденэн (1919), Ленинлэн орденэныз (1945, 1957) но Октябрь Революцилэн орденэныз (1967).

Санкт-Петербург (немец кылысь берыктыса, Св. Петырлы сӥзем кар) – Петр I-лэн указэзъя 1703-тӥ арын Нева шур вылын городэз ӝутон ужъёс кутскемын. 

Вакчиятыса городлэн нимыз – СПб.

Петр I городлы валтӥсь ужпум пуктӥз – Россиысь Европае ву кузя сюресэз утьыны. Васильевской шормуӵ вылын лэсьтэмын вал Россиысь нырысетӥ порт. 

Мусколэсь 664 иськемлы палэнын интыськемын. Сылэ Нева шур вылын, Балтика зарезь дурын, Европалэн уйпалаз, Российской Федерацилэн Уй-шундыпуксён палаз. 

Карен кивалто: губернатор, Правительство, Санкт-Петербуглэн кар Администрациез, Законодательной Собрание. 

Санкт-Петербуг 18 ёрослы люкемын: 

Санкт-Петербуг – Росси Федерациысь экономикая огез валтӥсь кар. Тужгес отын азинске промышленность но туризм. 

Валтӥсь заводъёсыз: Кировской завод, Ленинградской металлической завод, «Электросила», Ижорской заводъёс, «Вагонмаш» Петербургской трамвайно-механической завод, автобусной завод «Скания-Питер», Toyota, General Motors, Nissan, Hyundai. «Северной верфь», Балтийской завод, Адмиралтейской верфь, Канонерской завод, Невской судостроительной завод но мукетъёсыз.

Санкт-Петербуг – автомашина сюресъёсъя Скандинавской кунъёсты, Европаез, Росиысь портэм городъёсты огазеясь валтӥсь ёзэз луэ. Озьы ик азинскемын ву вылтӥ сюресъёс – карын Европаысь огез бадӟым порт интыяськемын. Кыллыккуспо аэропортъёс ужало – Пулково-1, но Пулково-2. Чыгун сюресъёс транспортной магистральлэн валтӥсь ёзэз луэ. 

Карын 1955-тӥ арысен метрополитен ужа.

Санкт-Петербугын ужало 1047 нылпи садъёс, 735 школаос, 160 специальной дышетскон юртъёс, 95 вылӥ дышетсконниос.

Санкт-Петербуг Россиысь наукая но дышетонъя центрез луэ.

Карын интыяськемын валтись вылӥ дышетсконниос: Санкт-Петербугысь кун университет, Санкт-Петербуг государственной политехнической университет, Санкт-Петербуг государственной электротехнической университет, Гурезь институт, Санкт-Петербуг государственной морской технической университет, Санкт-Петербуг государственной экономикая университет, Санкт-Петербуг государственной лесотехнической академия, Российской государственной педагогической университет, Государственной морской; Технологической институт Инженерно-экономической университет, механики и оптики, Аэрокосмической приборъёсты лэстонъя Вӧсьлыко Петыркар государственной университет приборостроения, Чыгун сюресъёсъя Петербургской государственной университет, Консерватория, Театр искусствоя Академия, Военно-космической академия, Военно-медицинской академия, Михайловской военной артиллерийской университет, Санкт-Петербуг военно-морской институт но мукетъёсыз. 

Санкт-Петербуг – Россиысь бадӟымез тодосъя центрез луэ. Карын ужало пӧртэм научной ужюртъёс: научно-исследовательской институтъёс, Россиысь наукая академилэн пӧртэм ёзъёсыз (60 институт). Огъя Россияен ӵошатыса карлэн наукая но дышетонъя потенциалэз 15 процент луэ – соин сэрен Санкт-Петербугез калыккуспо тодосья центр лыдьяськыны быгатэ. 

Россиысь наука но дышетон удысын ужась калыклэн лыдызья Вӧсьлыко Петыркар кыкетӥ интыын сылэ. 

Петр I карлэсь архитектуразэ Амстердам но Венеция каръёслэсь адӟыса лэсьтыны тыршиз. Соин сэрен татын котькуд урам изен шобыртэмын но ву сюресъёс (каналъёс) трос лэсьтэмын. Озьы ик Петр I ӧз лэзьы мукет городъёсын излэсь юртъёсты ӝутыны. 

Карлэсь архитектурной планзэ радъяз француз Жан-Батист Леблон. 

Тужгес адскымон аспӧртэмлыкез луэ – шонер сюресъёс, трос карлудъёс, паркъёс, ву каналъёс, выжъёс но фонтанъёс.

Исторической синпелетъёс пӧлы пыро XVII-XX дауре лэсьтэм юртъёс: Петропавловской крепость, Александро-Невской лавра, Смольный институт, Дворцовой карлуд, Зимней дворец, Адмиралтейство, Невской проспект, Биржа, Сенатской площадь, Петр I-лы синпелет (усьтэмын 1782-тӥ арын), Восстания карлуд но мукетъёсыз.

Синмаськымон луэ Петергофысь фонтанной комплекс. 

Городлэн исторической люкетэз утиське ЮНЕСКО огазеяськонэн.

Россиысь Уйпал шоркарез тужгес тунсыко луэ туристъёслы, уго куинь даур ортчыса но, архитектура ласянь та карлэн вылтусыз сокем зол ӧз воштӥськы. Пӧртэм политической но экономической ужпумъёс сэрен (огез валтӥсез – советской вакытэ шоркар статуссэ ыштон, кудӥз карлэсь архитектуразэ воштонъёслэсь утиз) Санкт-Петербуг туннэ нунналы еропейской культуралэн синпелетэныз лыдъяське. 

Котькуд ар 100 пала фестивальёс но конкурсъёс радъясько, 50-ез каллыккуспо луэ.

Эрмитаж, Ӟуч музей, Центральной военно-морской, Кар скульптурая, Санкт-Петербуглэн историезъя, Кунсткамера но мукетъёсыз.

Мариинской театр, Александринской театр, Михайловской театр, Бадӟым драматической театр, Комедия Санкт-Петербугысь академической театр, Покчи драматической но мукетъёсыз.

Россиысь национальной библиотека, Наукаосъя Российской Академилэн библиотекаез, Б.Н. Ельцин нимо Президентской библиотека но мукетъёсыз. 

Тытын улӥз но ужаз физиология Нобель премилэн лауратэз Иван Петрович Павлов. Тодмо котькуд адямилы Дмитрий Менделеев татын кылдытӥз аслэсьтыз химической элементъёсъя периодической таблицазэ. 

Санкт-Петербугын улӥзы Пётр Ильич Чайковский, Александр Пушкин, Фёдор Достоевский, Александр Блок, Анна Ахматова но мукетъёсыз.




#Article 123: Красногорск черкогурт (113 words)


Красногорск — Удмуртиысь черкогурт, Красногорск ёрослэн шорсюлмыз. Кылдэмын 1837-тӥ арын 1-тӥ апреле. Интыяськемын Ыбыт шур вӧзын. Красногорскысен Глазкарозь 59 иськем.

Нырысь-валысь черкогуртэз нимазы Святогорск шуыса. Та сярысь гожтэмын Ватка епархилэн Ведомостяз. 1834-тӥ арын Юкаменск приходысь сизьым крестьянъёс вазиськизы Глазысь духовной правление. Куронзы таӵе: кулэмъёсты мед лэзёзы ватыны староверъёслэн шайвылазы. Уго асьсэ шайвылазы сюрес но кузь — 25-30 иськем, озьы ик тулыс-сӥзьыл сюресъёс но уг луо. Но черкын ужасьёс кышказы, калык православилэсь палэнскоз шуыса. Соин Глаз округысь Таракановский гурт доры выль черк пуктыны кутскизы. Та приходэ пырыны мылкыд каризы 50 гуртын улӥсьёс — ваньмыз 346 юрт.

Черкогуртын ог 5 сюрс пала улӥсез. Красногорскын вань шор ёзо школа, вить нылпи сад, спортъя нылпи школа, кык библиотека, шаертодонъя музей.




#Article 124: Кедра Митрей (324 words)


Кедра Митрей (зэмос нитулыз Дмитрий Иванович Корепанов) — тодмо удмурт писатель, журналист, калыкез югдытӥсь.

Вордӥськемын Ватка губерниысь Эгра черкогуртын 1892-тӥ арын 28-тӥ сентябре. 1904-тӥ арын йылпумъяз Эгра черкогуртысь церковно-приходской школаез, бӧрысь — 1907-тӥ арын — Зураысь кык классъем школаез. 1907-тӥ-1911-тӥ аръёсы тодон-валан люказ Кузонысь дышетӥсьёсты дасянъя семинариын. Сое йылпумъяны ӧз кылды: атеист мылкыдъёсыз понна семинариысь уллязы. Уж утчаса вуылэмын Иже, улэмын Кузонын но Пермьын, Сарапулын но Глазкарын. Дышетӥсь луон понна экзаменъёссэ сётэмез бере, сое ужаны басьто Сарапул уездысь Кулаки гуртысь школае. 1914-тӥ арын Дмитрий Ивановичез басьто армие, келяло Благовещенск городэ.

Революциез но граждан ожез пумита Чита городын. Отын со пыриськыны кутске Тасеево ёросысь партизанъёслэн ужазы.

Уж утчаса со толэзьёсын ветлэ Удмуртитӥ, но нокытын уг быгаты дышетӥсь уж шедьтыны, малыке шуоно солэн ӧй вал дипломез. Удмуртитӥ ветлыса со бича ас калыкезлэсь фольклорной материал. 1910—1911 аръёсын Кедра Митрей гожтэ ӟуч кылын автобиографической повесть «Дитя больного века». Та автобиографической произведение вера Кедра Митрейлэн школаын но Зураысь училищеын дышетскем сярысь, тросгес саклык висъяське Казаньысь семинариын дышетскемзэ возьматонлы. Биографизэ веранэ со пыртэ ас гуртэзлэсь но семьяезлэсь историзэ, чебересь инкуазь суредъёсты но туж трос пӧртэм адямиослэсь портретъёсты. Но со дырысь цензура ӧз лэзь та повестез печатланы, со потӥз 1993 арын гинэ.

Нырысетӥ чеберлыко произведениез поттэмын «Сандал» рукописной журналын. 1914 арын Кедра Митрей кошке эксэй армие. 1915 арын военной службаын луыкуз Благовещенскын со поттэ «Эш-Тэрек» трагедиез, кудӥз гожтэмын вал ӟуч кылын. Та трагедиын автор возьматэ 14 даурын удмуртъёслэн поръёсын ожмаськемзэс. Трагедилэн валтӥсь героез Эш-Тэрек будэ огшоры родоначальникысь Вань удмуртъёслэн тӧроёзь. Тушмонъёсты вормыса, удмуртъёс быгато вал пусъйыны ас вормонзэс, но Эш-Тэрек синмаське поръёслэн тӧролэн нылызлы Лӧдалы но удмуртъёсты предать каре. Дыр ортчыса удмуртъёс оскытӥзы Эш-Тэрекез Лӧда сое пӧяса возе шуыса. Ас калык азьын янгыш луэмзэ валаса Эш-Тэрек вие Лӧдаез но ассэ.

Кедра Митрейлэн трос веросъёсыз. Соос пӧлын: «Сурсву», «Калгись», «Нюръяськон». Кылем арлэн 20-30-тӥ аръёсаз Гердлы пумит султэмъёс пӧлын вал. 1928-тӥ арын пыриськиз Союзысь пролетар писательёслэн огазеяськонзылэн (ВААП) съездаз. Максим Горький доры куное вуылӥз. Удмурт кылэ берыктӥз фин писательлэсь П. Пайвяринтлэсь «Матвей с Голодной горки» повестьсэ.




#Article 125: Балезино (173 words)


Балезино — Удмуртиын кар типъем посёлок, Балезино ёрослэн административной центрез. Интыяськемын Удмуртилэн уйпалаз — Чупчи шурлэн паллян ярдураз. Балезиноысен Ижозь — 150 километр, Глазозь — 30 километр. Сое сурано ӧвӧл та ёросысь ик Балезино черкогуртэн.

Нырысьсэ Балезино сярысь кылпум потӥз 1586-тӥ арын ӟуч переписной книгаын. 

Черкогуртлы Балезино ним сётэм пумысен кык мадёс вань. 

Нырысетӥез: 1586-тӥ арын эксэй Фёдор Иоаннович вынъёслы Даниил но Елизар Балезинъёслы ӟеч ужамзы понна Чупчи шур дурысь музъем кузьмам. 

Кыкетӥез: «Балезино» кыл потэмын ыж но син кылъёс бордысь. Ыжлэн синъёсыз — озьы шуылӥзы татын улӥсьёс ошмес синэз.

Улӥсез 16 сюрс котыр. Пӧлазы вань пӧртэм выжыысь калыкъёс: удмуртъёс — 52,6%, ӟучъёс — 28,2%, бигеръёс — 13,1%, музон калыкъёс — 6,1%. 

Промышленность удыс татын рос-прос азинскиз. Туннэ тыро-пыдо ужало: механикая завод, техникаез тупатонъя предприятие, лэсьтӥськон удыслы чаклам материалъёс дасянъя завод, типография, етӥн сэстонъя завод, вӧй шукконъя завод, нянь пыжонъя но колбаса пӧранъя комбинат, куинь банк. 

Балезиноын вань 5 школазы, 48 номеро ПТУ-зы, кинотеатрзы, нылпи юртсы, библиотеказы, шаертодонъя музейзы. Черкогуртын йӧн-йӧн сыло историысь 5 памятникъёс. 

Балезино станция - Удмуртиысь бадӟым чугун сюрес герд.




#Article 126: Марисов, Валерий Константинович (132 words)


Марисов, Валерий Константинович (Вордӥськиз 23 октябре 1915-тӥ арын — Улонысь кошкиз 18 январе 1992-тӥ арын) — советской кун но партийной ужась, КПСС-лэн Удмурт обкомезлэн нырысетӥ секретарез (1963–1985). Социалистической Ужлэн Героез (1982). Пусъемын Ленин нимо куинь медальёсын, Октябрь революцилэн орденэныз, Ужан Горд Знамя кык орденъёсын. 

Вордӥськиз Астрахань городысь заводын ужасьёслэн семьяязы.
Ужан сюрессэ кутскиз кочегар луыса. Бӧрысь пароходысь механиклэн юрттӥсез луыса ужаз на. 

Удмурт АССР-ысь но СССР-ысь (7-10 созывъёсы) Верховной Советъёсы депутат луыса бырыйлӥськиз. ЦК КПСС-лэн ёзчиез.

В.К.Марисовлэн кивалтэмез улсын ужаны кутскизы выль заводъёс, ӝутиськизы выль улон микрорайонъёс, азинскиз кар инфраструктура. 
Марисов фамилиен герӟаськемын Ижкарысь тужгес чебер инты – Шор карлуд (Удмурт Республикаысь Кивалтэт Юрт дорысен «Калыкъёс куспын Эшъяськон» монумент дорозь кыстӥськись фонтанной комплексен чеберъям карлуд). Официальной луисьтэм нимыз солэн – «Марисово луд». Та архитектурной ансамблез нимазы В.К. Марисовлэн Удмуртия понна тыршемзэ пусйыса.




#Article 127: Коновалов, Михаил Алексеевич (219 words)


Михаил Алексеевич Коновалов (5-тӥ инвожое 1905-тӥ арын Можга ёросысь Акаршур гуртын — кулӥз 1939-тӥ арын) — тодмо удмурт гожъяськись.

Вордскиз 5-тӥ инвожое 1905-тӥ арын Можга ёросысь Акаршур гуртын. Дышетскыны пыриз Дышетӥсьёсты дасянъя Алабгоысь семинарие, со бӧрсьы — Сарапулысь дышетӥсьёслы чаклам курсъёсы. 1925-тӥ арын йылпумъяз Можгаысь педагогикая техникумез. 1920-тӥ аръёсы ужаз Можга карысь 7 классъем школалэн кивалтӥсез луыса. Бӧрысь пиналъёсты дышетӥз Бадӟым Кибья но Бадӟым Уча гуртъёсысь школаосын. 1930-тӥ аръёсы улыны выже Иже. Ужаны интыяське Профсоюзлэн Удмурт кенешаз, озьы ик мыло-кыдо гожъяське «Удмурт коммуна» но «За сталь» газетъёсы. 1935-тӥ — 1937-тӥ аръёсы кивалтэ Юкаменск черкогуртын потӥсь «Ударник» газетэн. 1932—1934-тӥ аръёсы пыриське УАССР-ысь писательёслэсь огазеяськонзэс кылдытонэ.

Гожъяськон борды кыстськыны ӧдъя 1924-тӥ арысен. Нырысетӥ произведениосыз печатласько «Гудыри» газетын. 1930-тӥ аръёслэн кутсконазы потэ М. Коноваловлэн «Лизӥ» веросэз. Со бӧрсьы гожтэ уно очеркъёс, ӵапак соос ик инъет кылдыто нырысетӥ романзэ гожтыны. «Вурысо бам» романзэ йылпумъя 1933-тӥ арын. Отын со кылдытэ Гондырлэсь — крестьянлэсь-батраклэсь — образзэ. Та герой мыло-кыдо басьтӥське городын индустриез ӝутонэ, озьы ик пыриське вордскем гуртэзлэсь но улонзэ ӟечомытонэ. 1936-тӥ арын гожтэ «Гаян» романзэ. Отын автор возьматэ 1773—1775-тӥ аръёсы крестьянъёс пӧлын ӝутскем бугыръяськонэз. Ӟеч суреда автор Емельян Пугачёвлэсь образзэ. 1934-тӥ арын пыриське Союзысь писательёслэн огазеяськонзылэн съездаз. Кедра Митреен ӵош куное вуылэ тодмо ӟуч гожъяськись Максим Горький доры. 1937-тӥ арын Михаил Коноваловез пытсэт сьӧры келяло. НКВД-лэн нимысьтыз кылдытэм кенешез пуктэ: М. А. Коноваловез 5 арлы келяно исправительно-трудовой лагере. Улонысь кошкиз, тюрьмаын пукыкуз.




#Article 128: Грах (118 words)


Грах (Грак) - Удмуртиысь черкогурт. Грах ёрослэн шорсюлмыз. Кизнер чугун сюрес станциозь - 41 иськем. Ижозь 164 иськем. Черкогуртын ог 3, 5 сюрс пала улӥсез. Татын артэ уло удмуртъёс, ӟучъёс, бигеръёс, крашинъёс, поръёс но чувашъёс. 

Черкогуртэз кылдытӥзы Хлыстово ӟуч гуртысь потэмъёс: Ефим Осипович Грахов но солэн Егор, Григорий, Николай, Александр но Семён пиосыз. Татын соос ӝутӥзы часовня. 1836-тӥ арын гуртысь часовняез черк каризы. 1859-тӥ арын черкогуртын 25 юрт вал. Татын 293 мурт улӥз. 

Грахын вань шор ёзо школа, кык нылпи сад, ёросысь культурая юрт, кык библиотека. Со сяна, татын интыяськемын Ашальчи Оки кылбурчилэн музеез. Соин кивалтэ шаерамы тодмо луэм шаерчи М. М. Козлов. «Удмуртия» издательствоын солэн потӥзы Грах черкогуртлы но ёрослы сӥзем «Граховский звездопад», «Колыбель генерала Маева» книгаосыз.




#Article 129: Корепанов, Герман Афанасьевич (175 words)


Герман Афанасьевич Корепанов — быдӟым удмурт совето композитор, калык крезьгур культуралэн классикез. Вордӥськиз 1924-тӥ арын 30-тӥ июле Сьӧлта черкогуртын. 1947-тӥ — 1949-тӥ аръёсы дышетскиз Ижысь крезьгуръя училищеын (хорен дирижёрез удысъя). 1950-тӥ арын дышетскыны пыре Кузонысь консерваторие (Г. И. Литинскийлэн композицияя люкетаз).

Пичи дырыз курадӟыса ортчиз. Герман Афанасьевичлы 13 арес но тырмыса ӧз вутты, атайзэ репрессия улэ кыскизы. Пичи Герман огминутскын «тушмонлэн пиез» луиз. Школаын дышетскыкуз, мыло-кыдо ветлӥз Сьӧлта черкогуртысь Чеберлыкъя юртэ, гожъяз кылбуръёс но веросъёс. Быдӟым Отечественной ож мынон аръёсы службазэ ортчиз Дальней Востокын. Ӵапак отын шӧдӥськиз солэн крезьгур дуннее кыстӥськон мылкыдыз. Кылдытэ духовой оркестрлы чаклам вальсъёс но маршъёс. Война йылпумъяськем бере Герман Афанасьевич композиторлэсь удыссэ быръе. Кылдытэ «Мон тодам вайисько», «Зарни нянь» кырӟанъёссэ. Г. А. Корепанов — нырысетӥ удмурт опералэн — «Натальлэн» — авторез. 1964-тӥ арын со кылдытэ нырысетӥ удмурт симфониез. «Наталь» опералы вылӥ дунъет сётӥзы Совето Союзысь тодмо композиторъёс — А. И. Хачатурян но Т. Н. Хренников.

Нырысетӥ удмурт симфониез одӥг кылзӥсьлэсь сюлэмзэ но вырӟытытэк ӧз кельты. Калык пусйиз: отын возьматэмын калыкез репрессиосын курадӟытон. Симфония сӥземын курадӟытыса вием удмурт пилы Кузебай Гердлы, лагерьёсын сюрсэн-сюрсэн быдтэмъёслы. Та симфония капчиен пыриз СССР-лэн крезьгуро фондаз.

Улонысь кошкиз 1985-тӥ арын Ижкарын.




#Article 130: Эгра (черкогурт) (145 words)


Эгра — Удмуртиысь каргурт (посёлок), Эгра ёрослэн шорсюлмыз. Чугун сюрес станция. Интыяськемын Лоза шур дурын, республикамылэн уйпалаз. Эграысен Ижозь 92 иськем. 1954-тӥ арысен 2012-тӥ арозь городлы тупась посёлок вал. 

Эгра пыр ортчо Иж — Балезино чугун сюрес, Иж — Глаз но Кузон — Пермь асфальт сюресъёс. Эгралан 20 сюрс улӥсез. Соос пӧлысь 50 процентэз удмуртъёс, 44 процентэз ӟучъёс, 2 процентэз бигеръёс. 

Эгралэн кылдонэз кутске 1678-тӥ арын. 18-тӥ даурлэн шораз та пала вуо Россилэн шор улосъёсысьтыз крестьянъёс. 

Эграын ужа шаертодонъя музей. Ёросысь калык киужъёсъя юртын усьтэмын удмурт ӝӧккышетъёслы сӥзем «Эгра пужыос» музей. Татчы люкамын 19-тӥ-20-тӥ дауръёсы куэм сюлэсь уно ӝӧккышетъёс. Озьы ик бадӟым саклык висъямын кызьпу туйлэсь, горд сюйлэсь, бадьпу ньӧрлэсь арбериос лэсьтонлы. 

Автостанцилэн юртаз усьтэмын удмурт суредасьёслэн ужъёсынызы галерея. Суредъёсты татчы дунтэк кузьмаз Россиысь наукаысь дано ужась Н. В. Витрук. 

Черкогуртын шутэтскыны луэ «Нефтяник» культурая но спортъя дворецын, ёросысь культурая юртын, калык киужъёсты азинтонъя центрын.




#Article 131: Кизнер (228 words)


Кизнер — Удмуртиысь посёлок, Кизнер ёрослэн центрез. Интыяськемын шаермылэн лымшор но шундыпуксён палаз, Люга шур дурын. Ижозь 135 иськем. Кизнер пыр ортче Казань-Екатеринбург чугун сюрес. Каргуртын 10 сюрс пала улӥсез. Со пӧлысь 54 процентэз ӟучъёс, 29 процентэз удмуртъёс, 12 процентэз бигеръёс. 1939-тӥ арын 24-тӥ январе Кизнерез, Киров улослэсь люкыса, сётӥзы УАССР-е. Соку ик луиз ёрослэн центрез. 1942-тӥ арысен Кизнер луиз посёлок.

Татын вань 2 шор ёзо школа, 2 нылпи сад, ПТУ (гурт предприятиослы кулэ луись специалистъёсты дася). Озьы ик ужало нылпи творчествоя центр, нылпиослы спортъя школа, вань искусствоосъя школа но нылпи юрт. 

Посёлокын интыяськемын ёрос больница но поликлиника. Озьы ик кема аръёс ужа Удмуртиын туж тодмо тазалыкез тупатонъя больница. Татын висисьёслэсь тазалыксэс юнмато минерал вуосын но дэриен. 

Кизнерысь культурая юртын кема аръёс ӵоже ужа Родники калык театр. 1989-тӥ арын посёлокын усьтэмын историлы но шаертодонлы сӥзем музей. Соэн ёзэз (филиалэз) ужа Короленко черкогуртын. 2009-тӥ арын музей выжиз выль ӝутэм культурая юртэ. Татын со кык этаже интыяськемын. Нырысетӥ этажын возьматэмын Кизнер ёрослэн кылдэмез, татын вордскем тодмо но дано адямиос, озьы ик бадӟым саклык висъямын Быдӟым ож вакытлы. Музейлэн кыкетӥ этажез пыр-поч сӥземын этнографилы. Татысь шедьтыны луоз удмурт калыклэн историезлы но культураезлы, ёросысь инкуазьлы, пудо-животъёслы сӥзем сэрегъёсты.

Берло аръёсы Кизнерын пуктӥське химияя ожтӥрлыкез быдтон завод. Татын али кылле 5 сюрс 680 тонна зарин но зоман, со сяна, вань VХ-газ но люизит. Таосты быдтыны чакламын 2012-тӥ арын. Заводын ужъёс кутскизы 2010-тӥ арын.




#Article 132: Медведцев, Валерий Алексеевич (171 words)


Вале́рий Алексе́евич Медве́дцев — Совето Союзысь но Российской Федерациысь биатлонист, СССР-ысь спортья дано мастер (1986). Россиысь дано тренер. 1988-тӥ арын Калгариын ортчись Олимпийской шудонъёсын 4х7,5 иськеме эстафетной бызьылонъёсын чемпион. Ньыль пол дуннеысь чемпион (1986, 1990). Бызьылӥз Удмуртиысь сборной понна. Йылпумьяз Удмурт кун университетэз.

Вордӥськиз 5-тӥ июле 1964-тӥ арын Ижкарын. Биатлонэ малпамтэ шорысь вуиз. Витетӥ классын дышетскыкуз ноку но бызьылымтэ но винтовкаен ыбылӥськымтэ пияшез куро Ижкарысь 64 номеро школаысь командаез понна биатлон чошатсконъёсы пыриськыны (уг тырмы вал одӥг адями). Стартэ Валера потӥз, ыбылӥськиз туж умой — янгыштэк — но пыдъёсын лябытгес дистанциез ортчиз. Озьы ке но пияшез тренеръёс синйылто. Ӧтё «Ижпланета» биатлонъя клубе пыриськыны. Тӥни озьы Валерий Медведцевлэн спортэ сюресэз усьтӥськиз.

Валерий Медведцев — ньыль пол дуннеысь чемпион (1986, 1990), кык пол дуннеысь чемпионатын азвесь наградаез вормись (1987, 1993), дуннеысь чемпионатын бронзовой наградаез вормись (1991) луэ.

Спортъя каръеразэ йылпумъямез бере кивалтытын кутске Удмуртиысь биатлонъя сборноен, кудӥз понна бызьылэ вал азьвыл кышноез олимпийской чемпионка Наталья Снытина. Бӧрысь ужаз кышноезлэн, озьы ик олимпийской чемпионкалэн Ольга Пылевалэн личной тренерез луыса.

Али улэ Красноярскын.

Пусъемын Ужан Горд Знамялэн орденэныз (1988).




#Article 133: Мустаев, Александр Гаевич (241 words)


Александр Гаевич Мустаев (вордӥськиз 15 июне 1954-тӥ арын Ижкарын) — актёр, УАССР-ысь дано артист (1982), УАССР-ысь калык артист (1990), Российской Федерациысь дано артист (1996), Удмурт Республикаысь мунё кун театрлэн директорез.

Удмурт Республикаысь мунё кун театрын Александр Гаевич школаез йылпумъямез бере ик 1971-тӥ арысен ужаны кутскиз. 1972-тӥ арын егит муртэз Ленинградысь Театръя, Крезьгуръя но Кинематографияя кун институтэ дышетскыны ысто. Йылпумьяса та дышетсконниез, берен Удмуртие лыктэ. А. Г. Мустаев Мунё театрлэн репертуараз 80 пала рольёсын шудыны кутске. Быгатонлыкъёссэ тросэз критикъёс но кивалтӥсьёс пусъё. Соин ик толло студентлы кышкатэк валтӥсь рольёсты шудыны луонлык сёто. Соос пӧлын — Югдытӥсь «Божественная комедия» спектакльын, Пугало «Аистенок и Пугало» спектакльын, Папа Карло «Буратино» спектакльын, Герберт «Опять они поют» спектакльын, Пер Гюнт «Пер Гюнт» спектакльын. Берпуметӥ рольёсыз — Кылбурчи «Поэт, или разговор с собственным чертом» спектакльын, Ягужинский «Шут Балакирево» спектакльын, Поприщин «Записки сумасшедшего» моноспектакльын, Андрей «Старомодных чудесах» спектакльын.

Александр Гаевич мур но яркыт котькуд персонажлэсь сямзэ но образзэ возьматыны быгатэ. Поприщин ролез шудэмез Удмурт Республикаысь театрлэн улоназ бадӟым событиен пусъемын вал.

Шудэм рольёсыз понна А. Г. Мустаев пӧртэм фестивальёсын дипломъёсын пусъемын: IX-тӥ Уралысь но Приволжьеысь мунё театръёслэн фестивальзы г. (Пермь, 2003 ар); I-тӥ «Соломенный жаворонок» фестиваль (Челябинск, 2006 ар); «Театральная весна Удмуртии» (Ижкар, 2006 ар). Лауреат диплом сётэмын Ужгород, Челябинск, Рязань но мукет городъёсын радъяськись фестивальёсы пыриськемез понна.

Александр Гаевич — аспӧртэмлыко куараен адями, кудӥз аслэсьтыз Инкуазен сётэм быгатонлыкъёссэ учкисьлы кузьма, озьы ик дышетэ егит актёръёслэсь но студентъёслэсь, юрттэ талантсэс кыре поттыны но солы азинскон сётыны. Удмуртиысь культурая училищеын но Удмурт кун университетын кыл техникая лекциос лыдӟе.




#Article 134: Красильников, Геннадий Дмитриевич (215 words)


Геннадий Дмитриевич Красильников — тодмо удмурт прозаик, УАССР-лэн кун премиезлэн лауреатэз. Солэн нимыз но ужъёсыз, удмурт литератураын гинэ ӧвӧл, Россилэн литератураяз но бадӟым инты басьто.

Геннадий Дмитриевич Красильников вордӥськиз Алнаш черкогуртын. Алнашысь шор ёзо школаез йылпумъяса, Ленинградысь связья училищее дышетскыны пыриз вал, но тазалыкез лябен отысь бертоно луиз. Собере кык ар Алнаш детдомын воспитатель луыса ужаз. Ог вакыт мылкыдыз артист луыны бурдъяськиз вал, но конкурс пыр ӧз ортчы.

Дышетсконзэ йылпумъяса, Геннадий Красильников Алнаше ужаны но улыны бертӥз. Та вакытэ со профессиональной писатель, общественной ужась но депутат вал. Алнаш вакытэз Г. Красильниковлэн улоназ тужгес но шудоез вал, дыр. Та аръёсы со гожтӥз «Тӧлсяська» романзэ, кудӥз «Вуж юрт» повестьлэн кыкетӥ люкетэз луэ.

Алнашын улыкуз ик Красильников поттэ «Тонэн кылисько» повестьсэ, кытын валтӥсь герой, Алёша Курбатов, городэ дышетскыны пырыны ӧз быгаты но гуртаз ужаны берытсконо луиз. Ужакуз гуртысьа дямиосты Алёша мукет сямен адӟыны кутскиз но гурт ужез данъяны кутскиз.

Г. Красильников весь выльзэ утчаз, со тужгес но шодӥськиз пичи жанръем ужъёсаз. Кылсярысь, «Кошкисез мед кошкоз» верос котырын бадӟым кылож жутӥськылӥз, кудӥз туннэ нуналозь но ӧз чалмы ай (Пукроков 2009: 170, Шкляев 2009: 178). Г. Красильниковлэн берпуметӥ ужез — ӟуч кылын гожтэм неоверос — рваные сны. Куд-ог критикъёс (А. Зуева, Н. Лекомцева) отысь экзистенциализмлэсь тодметъёссэ но висъяло.

Г. Красильников трос малпанъёссэ быдэстыса оз вутты. Секыт висеменыз со 1975-тӥ арын оштолэзе улонысь кошкиз.




#Article 135: Ложкин, Кузьма Алексеевич (159 words)


Кузьма Алексеевич Ложкин — тодмо удмурт режиссёр, артист, кырӟась (куараез лирич. тенор). Вордӥськемын 4-тӥ (17-тӥ) октябре 1909-тӥ арын Дэбес ёросысь Зар.-Медла гуртын.

К. А. Ложкинлэн тужгес но яркыт ужез — И. Гавриловлэн ужезъя 1931-тӥ арын пуктэм «Вало ӧр куашетэ» постановка. Со бордысен ӧсъёссэ вӧлъяз драмая Удмурт театр. 1933-тӥ арын К. Ложкин басьтӥське Н. В. Гогольлэсь «Ревизор» ужзэ сцена вылын пуктон борды. Со бере бӧрсьысь бӧрсе кылдо таӵе ужъёсыз:

Артист Кузьма Ложкин пӧртэм рольёсты шудыны пӧрмытӥз. Солы капчиен сётскизы комедия но драмая рольёс. Валтӥсь рольёсыз — Олёш («Зӥбет зурка» М. Петровъя), Азин (М. Гавриловъя), Юрмег («Сюан» В. Садовниковъя), Роман («Аннок» И. Гавриловъя). Кузьма Ложкин крезьгуро спектакльёсын но шудӥз. Тужгес но яркыт партиосыз: Дед Ничипор («Свадьба в Малиновке» В. Александрова), Кавалькадос («Поцелуй Чаниты» Ю. Милютинъя), Булда («Наталь» Г. Корепановъя).

Кузьма Алексеевич Ложкин 1952-тӥ арын пусъемын УАССР-ысь искусство удысысь дано ужась нимын, 1958-тӥ арын со луиз РСФСР-лэн калык артистэз. 1946-тӥ арын пусъемын «Данъян пус» орденэн, нош 1958-тӥ арын — Горд Знамя орденэн.

Удмурт театрлэн борддораз шуккемын Кузьма Алексеевичез данъясь пул.




#Article 136: Ижмаш (461 words)


ОАО «Ижмаш» («Ижмаш» акционеръёслэн усьтэм огазеяськонзы) — Россиысь одӥгез тужгес бадӟым пыӵал поттӥсь концерн. Со кылдӥз Иж корт поттон заводлэн (бӧрысь — Ижысь пыӵал но андан поттӥсь завод) инъет вылаз (ОАО Ижсталь выллем ик).

Иж завод бордысь потӥз Удмуртилэн шоркарез. Иж городлэн кылдэмез меӵак герӟаськемын граф Шуваловлэн нимыныз. 1760-тӥ арын Иж посёлоке вуиз граф Пётр Шувалов. Тулыс 10-тӥ апреле татын кутскизы ӵыпет лэсьтыны. Со вӧзын кылдӥз корт ӵыжатон завод. 1763-тӥ арын заводын нырысетӥ корт кисьтӥзы. Сое пароходъёсын вуттӥзы Тулаысь пыӵал поттонъя заводэ, Петербурге.

Ар ӵоже татын 200 сюрс пуд корт ӵыжатӥзы. Но 1774-тӥ арын заводэз басьтӥз Пугачёвлэн войскоез. Бӧрысь завод кема выриз пыд йылаз султыны. 1859-тӥ арын заводын ӵыжатэм кортэз Россиын тужгес устоеныз лыдъязы. Татын поттэм корт мынӥз Россиысь вань пыӵал-тӥрлык лэсьтонъя заводъёсы. 19-тӥ даурлэн пумаз завод шӧдскымон паськытаз но выль технологиосты пыӵатыны кутскиз. Нырысетӥ мировой война дыръя татын чараклы йылӥз корт ӵыжатон. Война дыръя продукция поттон кык поллы тросгес луиз. 1961-тӥ-1985-тӥ аръёсы заводын шаплы азинскизы выль ужан амалъёс. Туннэ та завод быдэс дунеелы тодмо «Ижсталь» завод шуыса. Татын ужа производствоя ньыль цех. Ижын поттэм корт мынэ пӧртэм машина, гурт техника, самолёт ёзъёс, подшипникъёс, пружинаос лэсьтыны.

Иж заводлэн кыкетӥ вордсконэз герӟаськемын 1807-тӥ арен. Соку татчы вуиз инженер Андрей Дерябин. Со ӵектэмъя татын ӝутӥськиз пыӵал поттонъя завод. Вакчи дыр куспын татын кутскизы пыӵал-тӥрлык поттыны. 1891-тӥ арын татын дасязы Мосин конструкторлэсь винтовкаоссэ. 1897-тӥ арын та пыӵалэз 500 сюрс лыдын поттӥзы ни.

Нырысетӥ мировой ож дыръя нуналаз 2 сюрс 200 винтовка лэсьтӥзы. Озьы ик дасязы гранатаос, патронъёс, снарядъёс.

Быдӟым ож дыръя 1941-тӥ арлэн пумаз татын нуналлы быдэ бичазы 10 сюрс винтовка. «Ижмаш» заводлэн нимыз люконтэм герӟаськемын дано конструкторлэн Михаил Калашниковлэн нимыныз. Татын со ужаны ӧдъяз 1948-тӥ арысен. Кема дыр ӵоже заводыны потӥз АК-47 автомат. Азьланяз со вӧзы ватсаськизы АК-74, АК-74М, киын ыбылон пулёмет но мукет пыӵал-тӥрлык. Та аръёс ӵоже поттэмын 50 миллион АК автомат.

Озьы ик та заводлэн историяз бадӟым пытьы кельтӥз мукетыз конструктор Евгений Драгунов. Солэн СВД снайпер винтовкаезлэсь усто пыӵал та дырозь лэсьтымтэ.

XIX-XX-тӥ дауръёсы та заводын Россиысь пыӵалъёслэсь вань видъёссэ лэсьто вал. Аспӧртэмлыко луэмзэ таӵе лыдпус возьматэ: Быдӟым Отечественной ож дырья та заводын 11,3 миллион винтовка но карабин лэсьтэмын вал, тросгес, Германиысь вань заводъёсты лыдэ басьтыса. Со вакытэ конвейер амалэн производство юнматэмын вал авиационной пулемтъёсты, авиационной пушкаосты, противотанковой орудиосты, пистолетъёсты но револьверъёсты поттонъя.

Война бере завод АК-47 автоматэз поттыны кутске, кудӥз туннэ нуналлы дуннеын тужгес тодмо луэ но паськыт вӧлмыны быгатиз (ог 106 кунъёсын официальной ожгар тӥрлык луэ). Туала куронъёсты чакласа, автоматической, снайперской пыӵалъёслэсь, пистолетъёслэсь выль модификациосты поттонъя ужзэ радъя.

Туннэ ОАО «Ижмаш» — трос профильем машиностроительной предприятие. Производствоез таӵе ӧръёсъя радъяськемын: ожгар пыӵалъёс, спортивной но пӧйшуран пыӵалъёс, авиационной пушкаос, мотоциклъёс, автомобиль, станокъёс, кортлэсь ужан тирлыкъёс но мукет арбериос.

Со дыре ик Павел I императорлэн куремезъя Кам шур вылын пыӵал поттон завод лэсьтыны чакламын. Иже вуэ А. Ф. Дерябин. 1807-ти арын пыӵал поттон завод ужаны кутскиз.




#Article 137: Ижсталь (104 words)


Ижкарысь металлургической завод (ОАО «Ижсталь») — кунысьтымы корт поттон промышленность удысысь огез валтӥсь центр луэ. Заводлэн историез 240 ар пала лыдпусэн мертаське. Туннэ нуналлы завод — Россиысь «Мечел» корпорацилэн ог люкетэз луэ.

XIX-тӥ даурысен заводлэн производствоез азинскыны кутскиз: ужанрадлыказ выль технологиос пыӵаны кутскизы. Вылӥ качествоен корт арбериосты пӧртэм калыккуспо адӟытонъёсын возьматыны кутско. Парижысь огаз калыккуспо адӟытонын Ижысь завод вылӥ наградез басьтӥз.

Бадӟым Атыкай ож дырья корт поттон производство кык поллы будэтэмын вал. Озьы ке но качествоез ласянь воштӥськонъёс ӧй вал.

Туннэ нуналлы «Ижсталь» заводлэн 4 люкетэз ужа: сталелитейной, прокатной, кузнечно-термической, проволока но лента поттон. Заводын поттэм стальлэсь лэсьто подшипникъёсты, пружинаосты, автомобильёсты, сельхоз машинаосты, самолётъёсты, космос аппаратъёсты.




#Article 138: Удмуртская правда (газет) (261 words)


Удмуртская правда — республикаысьтымы огъя югдурез возьматӥсь газет. Потэ ӟуч кылын. Газетлэн учредительёсыз Удмурт Республикаысь Кун Кенеш но Правительство. 

Газетлэн нырысетӥ номерез потӥз 1917-тӥ арын 7-тӥ сентябре Известия Ижевского совета рабочих, солдатских и крестьянских депутатов нимын. Газетлэн кылдытӥсез но нырысетӥ редакторез В. А. Матвеев. Бӧрысь 1918-тӥ арын августэ Ижын но Воткаын ӝутӥськем вожвылъяськон дыръя газет выжиз Сарапулэ. Татын со Борьба нимын потыны кутскиз. Озьы ке но революцилэн комитетэз изданиез берыктӥз Иже, татын 1918-тӥ арын 4-тӥ декабре со Ижевская правда нимын потыны ӧдъяз. Соку редактор луиз Азинлэн дивизиысьтыз комиссар, Петроградысь журналист Д. Ф. Зорин.

Озьы ке но Колчаклэн дивизиез Ижын кузёяськон вакытэ 1919-тӥ арын тулыс газет потэмысь дугдӥз. Выльысь со югыт дуннеез адӟиз 30-тӥ июне 1919-тӥ арын. 

Нош 1937-тӥ арын 15-тӥ мартэ газет нимзэ воштӥз но луиз Удмуртская правда. 1967-тӥ арын газетэз пусйизы Знак Почёта орденэн. 

Удмурт правдаен кивалтӥзы редакторъёс: Е. В. Русинова, В. К. Тронин, А. Н. Колбина, Я. А. Кривицкий, Б. С. Вихарев, М. И. Гнедин, В. Н. Алексеев, Ю.Ф. Кедров, В. А. Злобин, Б. И. Климантов, Л. И. Каткова, Н. И. Нестеренко. туала редактор - С. Г. Сентякова.

Кылсярысь, Юрий Филиппович Кедров — тодмо удмурт писательлэн Филипп Кедровлэн пиез. Вуоно редактор вордскиз 1937-тӥ арын Ижын. Йылпумъяз Свердловскысь юридической институтэз. Кема аръёс ужаз Удмурт телевидениын но радиоын. 1986-тӥ -1990-тӥ аръёсы валтӥз Удмуртская правда газетэз. 1990-тӥ арын кивалтӥз Удмурт Республикалэн суверинетэзлы сӥзем Декларациез кылдытон группаен, чаклаз Удмуртилэсь гербзэ, флагзэ но гимнзэ кылдытонэз. 

Газетлэн огазеям тиражез ог 18 сюрс экземпляр. Татын лыдӟисьёс шедьто «Сфера интересов», «Здоровье и жизнь», «Час письма», «Культура», «Национальная палитра», «Сохраним окружающий мир», «Литературный клуб» но мукет тунсыко рубрикаосты.




#Article 139: Воткалэн гербез (160 words)


Воткалэн гербез — геральдика правилоосъя суредам тодман пус, Удмуртиысь Вотка городлэн валтӥсь символэз. 26-тӥ апреле 2006-тӥ арын Вотка Кар Думалэн ньылетӥ ӧтчамезлэн VIII сессияз депутатъёс кутӥзы Вотка городлэсь гербзэ. 

Вотка городлэн гербез вылӥысен улӥе кыклы люкемын. Одӥг палыз — лызалэс-чагыр, мукет палыз - гордалэс-курень. Соослэн шоразы интыяськемын бадӟым азвесь якорь. Йылаз интыяськемын лавр тугоколэсь эгес. Со пыр лопыръяськыса кадь кошке сьӧд, зарни но азвесь буёло канат. Герблэн паллян палаз пуксемын зарни кларион, бур палаз — гарпунлэн йылыз, вылӥаз - корона.
 
Та арбериос юнме шорысь гербе ӧз шеде. Кылсярысь, якорь возьматэ, Вотка палъёс вашкала дырысен кортэз ӵыжатӥзы, солэсь пӧртэм тӥрлыкъёс лэсьязы шуыса. Ӵапак та удыс ик данэ поттӥз Вотка городэз. Канат возьматэ якорез, кудзэ заводын ужасьёс дасязы вуоно императорен Александр II-ен ӵош. 

Гербысь крезьгур тӥрлык — кларион — Воткаын туала улӥсьёслэн тодазы вайытэ: татын вордӥськиз быдэс дуннелы тодмо, дано крезьгурчи Пётр Ильич Чайковский. Гарпунлэн йылыз но отчы токма шедемын ӧвӧл. Со возьматэ, та городын ракета поттон туж умой радъямын вал шуыса.




#Article 140: Кузебай Герд нимо гимназия (203 words)


Кузебай Герд нимо гимназия — Удмуртиысь национальной кадръёсты будэтонъя инты. Интыяськемын Ижысь Петров ульчаысь 19 номеро юртын.

Удмуртилэн шоркараз удмурт нылпиослы чаклам нимаз дышетон учреждение кылдыттон сярысь малпан вордскиз 1990-тӥ аръёслэн кутсконазы. Улонэ со пыӵаны ӧдъяз 1994-тӥ арын. Соку городысь огаз нылпи садын усьтӥськиз пичи школа. Татын пиналъёсты будэтӥзы нылпи садысен. Чаклазы, азьланяз пиналъёс одно ик вамыштозы гимназие. Та ужлы кутскон сётӥз директор Ольга Константиновна Шилова. 

Татчы люкаськизы усто дышетӥсьёс. Кылдӥз удмурт кылэз дышетонъя ӟеч методика. Вал гимназилэн историяз пумитъяськон вакытъёс но. Удмурт анай-атайёс возьмазы гимназилы ӟеч юрт висъянэз. Вылӥ кивалтӥсьёс оскытӥзы город шорын школа сётыны. Но со интые, 2004-тӥ арын гимназиез келязы город пумысь 21 номеро школае. 

Директоре юнматӥзы удмурт кылэз тодӥсьтэм муртэ. Валамон, югдур лэчытомиз, сое тупатон но радъян понна трос дыр быриз. 

Туннэ гимназиын тодон-валан люка ??? мурт. Со пӧлысь ??? процентэз тодэ но вераське удмурт кылын. Со сяна, татчы мыло-кыдо лыкто гуртысь нылпиос. Соослы гимназиын люкам тодон-валанзы юрттэ улонын асьсэды шедьтыны. Гимназиез йылпумъясь егитъёс котьку висъясько ӟеч тодон-валанъёсынызы. Соос капчиен дышетскыны пыро Удмуртиысь но Россиысь вузъёсы. 
Кузебай Герд нимо гимназиез пыр потэмъёс пӧлын удмурт эстрадаысь егит кырӟасьёс Эльвира Панченко но Снежана Эскандерова. 
Ватсаны кулэ: гимназилы дасян но дышетон уж радъяське нылпи садысен. Матысь дыре сое чаклало выжтыны школа борды.




#Article 141: Парин, Василий Николаевич (272 words)


Василий Николаевич Парин (1877 - 1947) – хирург, медицина наукаосъя доктор, РСФСР-ысь наука удысысь дано ужась. 

Вордӥськиз Вятской губерниысь Малмыж уездысь Сюмси черко гуртын (та черко гурт али Удмурт Республикае пыре). Школазэ но Малмыжысь кар училищеез йылпумъямез бере В.Н. Парин дышетске Кузонысь дышетӥсьёслы институтын (шор ёзо педагогической дышетсконни). 1897-тӥ арын сое йылпумъя но дышетӥсь луыса ньыль ар ужа. 1901-тӥ арын Кузонысь университетэ пыре но отличиен йылпумъя сое. 

Университет бере ик ужаны кутске В.И. Разумовский профессорлэн кивалтэмез улсын факультетской хирургической клиникаын. 1912-тӥ арын медицинской наукаосъя доктор диссертация уте но Европае научной командировкаен вуылэ. 

Нырысетӥ мировой война дырья В.Н. Парин Горд Киросысь консультант луыса армиын ужа но ожгар госпитальёсты кылдытонэ трос кужым сётэ. 1921-тӥ арын Пермьысь госпитальной хирургия кафедралэн кивалтӥсез луыса тырше. Бӧрысь солэн вань улонэз (26 ар) Пермьысь эм академиен герӟаськиз ини. 

Кык ар улӥз Иж карын но: 1933-1935-тӥ аръёсы Ижысь медициная институтэз кылдытыны юрттӥз. Ужаз академиысь кивалтӥсезлэн научно-учебной ужъя кивоштӥсез луыса. 

Быдӟым Отечественной ож дырья госпитальной хирургической клиникаен кивалтӥз, валтӥсь хирург луыса тыршиз Пермь областьысь эвакуационной госпитальёсын. Трос кужымзэ сётӥз госпиталъёслэсь ужзэ умоятон понна. 

В.Н. Парин – пӧртэм удысъёсысь хирург, тодосчи, кудӥз вирсэр хирургие, травматологие, пластической, ымныр хиругие трос выльзэ пыртӥз. Аслэсьтыз тодос школазэ кылдытӥз. 10 доктор но 10 медицинской наукаосъя кандидатъёсты дасяз. 18 дышетскисьёсыз кафедраосын кивалтӥзы. Ог 400 пала научной статьяослэн авторез луэ. 

Василий Николаевич общественной улонэн но герӟаськемын вал: медициная научной общестолэн тӧроез, кар кенешлэн депутатэз, хирургъёслэн вань Союзысь обществолэн членэз, «Хирургия» но «Вестник хирургии» журналъёсысь редколлегиослэн членэз луыса тыршиз. «пермский медицинский журналэз» кылдытӥз но валтӥсь редактор луыса трос дыр ӵоже ужаз. 

Горд Кизили орденэн но «За победу над Германией», «За доблестный труд в Великой Отечественной войне1941-1945 гг.» медальёсын пусъемын.




#Article 142: Перевощикова, Александра Ивановна (130 words)


Александра Ивановна Перевощикова (29 октябрь (11 ноябрь) 1905-тӥ ар — 6 декабрь 1995-тӥ ар) — врач-педиатр, РСФСР-ысь дано эмъясь, нырысетӥ удмурт нылкышно-профессор.

Александра Ивановна Перевощикова вордӥськиз 29 октябре (11 ноябре) 1905-тӥ арын Вятской губерниысь Глаз уездысь Трубашур гуртын.

Медицина удысын тыршыны кутске Глазысь нылпиослэсь тазалыксэ утёнъя пунктын.

Тодон ласянь тунсыкъяськиз Удмуртиысь нылпиослэн тазалыкенызы. Кылдытӥз аслэсьтыз педиатр школазэ, кытын солэн кивалтэмез улсын нылпиослэн шокан ёзъёслэсь висёнъёссэ, рахит висёнэз эмъян но профилактика юанъёс эскерисько.

Александра Ивановна Ижысь медициная институтысь педиатрияя факультетез усьтонлы трос кужымзэ сётиз. Озьы ик солэн сюлмаськеменыз нылпи осты эмъянъя «Селычка» санаторий усьтэмын вал.

А. И. Перевощикова профессор кивалтэм улсын 20 кандидатской но 3 докторской ужъёс гожтэмын вал. 70 тодос статьяослэн авторез луэ.

Ленин нимо орденэн, «Знак Почёта» орденэн, медальёсын пусъемын. А. И. Перевощикова — РСФСР-ысь дано врач, Удмурт Республикаысь наука удысысь дано ужась, Ижысь дано гражданин.




#Article 143: Петров, Михаил Петрович (212 words)


Михаил Петрович Петров (8-тӥ (21-тӥ) шуркынмонэ 1905-тӥ ар — 29-тӥ шуркынмонэ 1955-тӥ ар) — удмурт прозаик, кылбурчи, драматург, кылысь кылэ берыктӥсь.

Вордӥськиз Татарстан Республикаысь Менделеевск ёросысь Монашево гуртын. 1923-тӥ арын областной совпартшколаез йылпумъямез бере дышетскыны келяло Ульяновскысь военной школае.

Быдӟым Атыкай ож вакытэ фронтэ келяло.

Михаил Петров трос саклык висъяз берыктон ужлы. Удмурт кылэ со трос ӟуч классикъёсты берыктиз.

Нырысетӥ кылбуръёсэ но веросъёссэ 1928-тӥ арын «Гудыри» газетын печатлазы. 30-тӥ аръёсы кылбуръёссэ лирик амалэн гожъя (Удмурт шаерез яратон, Партиез данъян, Икуазьлы вазиськон). Со вакытэ ик пыриське фольклор экспедицие, кудӥз бере ик поттэ 3 кылык кырӟанъёсын бичетъёсты. Фольклор материалъёсын ужамез юрттӥзы М. П. Петровлы выль лирической кырӟанъёсты гожтыны, кудъёсыз паськыт вӧлмизы удмурт калык пӧлын («Ой, шулдыр, туж шулдыр», «Марым, лэся», «Уй тылъёс»). 30-тӥ аръёслэн пумаз поэма жанр борды басьтӥське. Тужгес тодмо луизы «Италмас» (1946) но «Кырӟан улоз» (1950) поэмаосыз.

Быдӟым Атыкай ож вакытысь веросъёсыз но очеркъёсыз ожгарчиослы сӥземын. 1948-тӥ арын «Улон понна» война сярысь веросъёсын бичет поттэ.

Драматургия жанръёсын асьсэ эскериз: 10 пьеса гожтӥз, тужгес умойёсыз — «Батрак» (1931), «Тыл пыр» (1933), «Зӥбет зурка» (1934), «Италмас» (1938) — Удмурт драмтеатрлэн сцена вылаз адӟытэмын вал.

Удмурт кылэ берыктӥз «Слово о полку Игореве», «Давид Сасунский» книгаосты, ӟуч писательъёслэсь гожъямъёссэ — А. Н. Островскийлэсь, Л. Н. Толстойлэсь, Н. А. Некрасовлэсь, Т. Г. Шевченколэсь, М. Горькийлэсь, М. А. Шолоховлэсь , М. Джалильлэсь, В. В. Маяковскийлэсь но мукетъёсызлэсь.

Ужан Горд Знамя орденэн, «Знак Почёта» орденэн но медальёсын пусьемын.




#Article 144: Красильников, Алексей Геннадьевич (175 words)


Алексей Геннадьевич Красильников (вордскемын 13 октябре 1954 аре, кулӥз 1 мартэ 2011 аре) — философия наукаосъя доктор, филология наукаосъя кандидат, Россия Федерациысь вылӥ тодон-валан сётон удысысь дано ужась, пусъемын Удмурт Республикаысь Кун Кенешлэн Данъян грамотаеныз но «Парламент России» пусэн. Удмурт Республикаысь Кун Кенешлэн ньыль ӧтчамезлэн Майской округъя быръем депутатэз. Одӥг ӧтчамаз кивалтӥз Наукая, дышетонъя, культурая но егитъёсын ужан политикая ялан ужась комиссиен, бӧрысь та комиссиен кивалтӥсьслэсь воштӥсезлэсь ужзэ быдэсъяз.

Алексей Геннадьевич Красильников вордӥськиз 1954-тӥ арын 13-тӥ октябре тодмо удмурт писательлэн Геннадий Дмитриевич Красильниковлэн семьяяз.

Школаез йылпумъяса, А. Красильников 1971-тӥ арын дышетскыны пыриз Удмурт кун университетысь филологияя факультетэ. 1976-тӥ арын УдГУ-эз йылпумъяса, дышетсконзэ азьланьтэ Ленинградысь кун университетын. 1976-тӥ арысен 1980-тӥ арозь Удмурт кун университетысь кунсьӧр литературая кафедралэн ассистентэз луыса тырше. Бӧрысьгес сое та кафедрае ик юнмато валтӥсь дышетӥсе но доцентэ. 1980-тӥ арысен 1988-тӥ арозь тырше Удмурт кун университетысь филологияя факультетлэн деканэзлэн воштӥсез луыса. 1989-тӥ арысен 1995-тӥ арозь кивалтэ УдГУ-ысь гуманитарной подготовкая но культуралэн историезъя кафедраен.

Алексей Геннадьевич Красильников 2008 арысен 2011 арозь ик кивалтӥз Удмурт Республикаысь Дышетӥсьёслэсь тодон-валанзэс будэтонъя но быгатонзэс волятонъя институтэн (ИПК и ПРО УР).




#Article 145: Романов, Владимир Васильевич (119 words)


Владимир Васильевич Романов (1-тӥ август 1943-тӥ ар — 8-тӥ сентябрь 1989-тӥ ар) — удмурт совето кылбурчи, журналист, Удмуртиысь Комсомоллэн премиезлэн лауреатэз (1975), УАССР-ысь кун премилэн лауреатэз (1989), СССР-ысь Писательёслэн союззылэн ёзчиез (1975).

Вордӥськиз Татарстанысь Бавлы ёросысь Удмурт-Татышлы гуртын.

Ужъёсыз 1962-тӥ арысен печатласькыны кутскизы. Нырысетӥ кылбуръёсыз егит дырлы но комсомоллэн данэзлы сӥземын вал. Лирической героез — война бере улонзэ радъясь егит мурт.

Тужгес умой кылбур бичетъёсаз — «Мынам тулысэ» (1967), «Покчи гужем» (1975), «Йырберыктон турын» (1987) — улонлэсь но ужлэсь чеберлыксэ возьматыны тыршиз.

Владимир Романов тодмо луэ пиналъёслы гожъяськись луыса но («Тыметын шунды уя» (1968), «Тӧдьы Кам» (1973), «Шундыез сайкато барабанщикъёс» (1978), «Луд кеч салам» (1984) бичетъёсыз потэмын). Поэзияз пиналлэн синмыныз дунне шоры учкемез, пичи мурт сямен котьмалы паймемез возьматыны тыршиз.

Критической статьяослэн авторзы луэ.




#Article 146: Лямин, Михаил Андреевич (230 words)


Михаил Андреевич Лямин (1906—1978) — тодмо удмурт писатель. Вордӥськиз 1906-тӥ арын 26-тӥ декабре Ува ёросысь Хомяковоын (Комакгуртын). Школаез йылпумъяса, дышетскыны пыриз Ленинградысь А. И. Герцен нимо педагогикая институтэз. Со быдтӥз 1930-тӥ арын. Дышетсконзэ йылпумъяса, 1931-тӥ арын ужаны интыяське Ижкарысь совпаршколае дышетӥсе, та удыссэ нуэ одӥг ар ӵоже гинэ. 1932-тӥ арысен 1941-тӥ арозь кивалтэ Удмурт книгапоттониен, нош 1948-тӥ арысен 1953-тӥ арозь сое юнмато КПСС-лэн Удмурт Обкомезлэн печатья ёзэныз кивалтӥсе. Со вие ик Удмурт радиоын быдэсъя литературая но драмая передачаос понна кыл кутӥсьлэсь ужзэ.

Творчествое нырысетӥ вамышъёссэ лэсьтыны ӧдъяз 1924-тӥ арын. Быдӟым Отечественной ож кутскем бере Михаил Лямин вамыштэ фронтэ. Ожмаське Удмуртиын кылдытэм 357-тӥ дивизиын. Ож аръёс писательлэсь сюлэмзэ бугыртытэк ӧз кельтэ. Война бӧрсьы кылдытэм ужъёсаз со валтӥсь радэ поттӥз ож темаез, эшъёсызлэсь фронтын вормон понна жугиськемзэс. Ож мыныку, гожтӥз уно очеркъёс, соос потӥзы «За Родину!» фронт газетын. Бӧрысь 1956-тӥ арын со очеркъёсыз потӥзы нимаз книгаосын — «Вунонтэм аръёс», «Ож сюрес» (1962-тӥ ар). Быдэс улонзэ тыршиз валтӥсь ужез — «Шудбур понна» повестез-трилогиез бордын. Нырысетӥ люкетэз потӥз 1950-тӥ арын, кыкетӥез — 1961-тӥ арын, куинетӥзэ йылпумъяны ӧз вутты. М. Лямин нылпиос понна гожтӥз «Туктымысь пи» повестьсэ — со сӥземын Удмурт облисполкомлэн нырысетӥ кивалтӥсезлы И. Наговицынлы. Та ужез нимаз книгаен потӥз 1988-тӥ арын. 1933-тӥ арын М. Лямин пыриськиз 7-тӥ классын дышетскисьёслы чаклам удмурт литературая хрестоматиез кылдытонэ, «Судьбы солдатские» (1975-тӥ ар) но «Сын народа» (1975-тӥ ар) альбомъёсты дасянэ. М. А. Лямин оже пыриськемез понна пусъемын пӧртэм орденъёсын но медальёсын. Пыртэмын УАССР-лэн Данъян Книгаяз (1969-тӥ ар).




#Article 147: Можга (249 words)


Можга — Удмуртиысь кар, Можга ёрослэн центрез, интыяськемын Удмурт шаерлэн лымшор палаз Вало шур дурын. 
 
Интыяськемын Удмуртилэн лымшор-шундыпуксён палаз, Ижен вискыз — 93 иськем. Можга пыр ортче Горький чугун сюрес, озьы ик Муское нуись федеральной сюрес. Можга город пыр ортче Сюга шур — со Вало шурлэн вайяськемез. 

Нырысьсэ Можга сярысь гожтэмын Ландратской переписьын 1710-тӥ, 1716-тӥ аръёсы. 

Можгалэн историез кутске 1835 аре: соку Алабгоысь купец Фёдор Чернов Сюга шур дурын кылдытӥз Сюгиысь пияла поттон заводэз. Со завод бордын кылдӥз Сюгинской нимо посёлок. 1924 аре посёлоклы выль ним сётэмын вал — Красной, собере 1929 аре Красной посёлок каре пӧрмытэмын вал но выль нимзэ басьтӥз — Можга. Та ним Можга карлы матын сылӥсь Можга черкогуртлэн нимызлэсь басьтэмын вал.

Нырысетӥ пияла продукцизэс — тусьтыоссэс, ӟенеликъёссэс — поттӥзы 1842-тӥ арын. Но соослэн ӟечлыксы улӥын вал. Соин ик Чернов заводэз вузаз мукет узырилы — Лебедевлы. 

Ӵапак та вакытэ — 1902-тӥ арын — заводэ вуылэ дано гожъясьчи писатель А. Н. Толстой. С. А. Шишков — та гожъяськисьлэн ӵыжы-выжыез — тодматэ Толстоез заводлэн ужан ӧреныз. Ӟеч продукциенызы можгаос вуз карылӥзы Алабгоын, Сызраньын, Самараын, Чистопольын. 

Можга карын городын поттон удыс промышленность удысын трос гинэ огазеяськонъёс тыршо. Кылсярысь, «Дубитель», «Редуктор», «Можгинский конденсатор», «Авторемзавод «Можгинский», «Свет», «Можгинский лесокомбинат» но трос мукет. 

Карын Городын ог дасо школаос вань, 3 дышетон ужъюртъёс учреждениос — Можга педколледж (1922), Ветеринария колледж (1929), Медучилище (1933), 2 ПТУ, музей, 5 лулчеберетъя культурая юрт, «Спутник» киноюрт но мукет.

Улӥсез — 48,3 сюрс адями: ӟучъёс — 54,2%, удмуртъёс — 27,8%, бигеръёс — 14,9%, музон калыкъёс — 3,2 %.




#Article 148: Удмурт Республикаысь Дышетӥсьёслэсь тодон-валанзэс будэтонъя но паськытатонъя институт (160 words)


Удмурт Республикаысь Дышетон удысын ужасьёслэсь тодон-валанзэс будэтонъя но паськытатонъя институт (ИПК и ПРО УР) — дышетӥсьёслы ватсаса тодон-валан сётонъя кун учреждение. 

Кылдытэмын 1938-тӥ арын. Та институт бадӟым юрттэт сётэ вылӥ тодон-валан басьтэм специалистъёслы: та дышетсконниын соос дышетонлэн но наукалэн туала амалъёсынызы тодматско, азьвыл басьтэм тодон-валанзэс выльдо. Одӥг но ӝыны ар ӵоже ини Институтын выль амал пыӵа: отын тодон-валан люкаса, чылкак выль квалификация басьтыны но соя дышетонэз радъяны луонлык кылдытэмын. Институтын бадӟым саклык висъяське удмурт кылъя но литературая дышетӥсьёслэсь тодон-валанзэс будэтонлы. Та ласянь улонэ пыӵало пӧртэм программаос. Удмурт Республикаысь Дышетон удысын ужасьёслэсь тодон-валанзэс будэтонъя но паськытатонъя институтын ужзэ радъя одӥг факультет, 9 кафедра, дышетонъя но методикая 32 кабинет, наукая 9 лаборатория. Отын тыршо докторъёс, профессоръёс, пӧртэм наукаосъя кандидатъёс но доцентъёс. Институтлэн вань аслаз книгапоттонниез. Институтлэн кивалтӥсезлэсь ужзэ быдэсъя Людмила Мустаева. Удмурт Республикаысь Дышетон удысын ужасьёслэсь тодон-валанзэс будэтонъя но паськытатонъя институт (ИПК и ПРО УР) интыяськемын Ижысь Ухтомского ульчаын, 25 номеро юртын. 

Интернетын сайтэз: . Электрон гожтэт ыстыны луоз таӵе адресъя: ipk18@mail.ru.




#Article 149: Корепанов-Камский, Геннадий Михайлович (177 words)


Геннадий Михайлович Корепанов-Камский — тодмо удмурт композитор, кырӟась (тенор), дышетӥсь но калык уже пыриськись.

Вордӥськиз 1929-тӥ арын 18-тӥ августэ Дэбес ёросысь Ягвуко гуртын. Йылпумъяз Мускоысь П. И. Чайковский нимо консерваториез, кырӟанъя Г. И. Тицлэсь классэ быдтӥз. Со бӧрсьы дышетсконзэ азьлантӥз Кузонысь консерваториын (быгатонлыксэ волятӥз А. С. Леманлэн но Н. Г. Жигановлэн компзициоссыя), йылпумъяз сое 1970-тӥ арын. 1957-тӥ арысен 1965-тӥ арозь крезьгуръя Удмурт театрын валтӥсь актёр луыса тырше. Нош 1965-тӥ — 1967-тӥ аръёсы кырӟа Удмурт телевиденилэн но радиолэн хораз. 1970-тӥ арысен 1985-тӥ арозь Ижысь крезьгуръя училищеысь студентъёсты дышетэ, 1971-тӥ арысен 1976-тӥ арозь кивалтэ Ижысь крезьгуръя училищеен.

Г. М. Корепанов-Камский кылдытӥз нырысетӥ оперетта но балет, нимаськизы соос «Любушка» но «Италмас». Со сяна, Г. М. Корепанов-Камский гожтӥз уно пӧртэм операос, камерной сочинениос, нылпиослы чаклам гуръёс. Та композиторлэн ужъёсаз пыӵамын удмурт фольклор, соос туж жингрес кылӥсько. Солэсь нимзэ нуллэ Дэбес ёросысь Искусствоосъя школа. Г. Корепанов-Камский пыриськиз политикае но. УАССР-ысь Вылӥ Кенешлэн куатетӥ но дасэтӥ ӧтчамаз Геннадий Михайловичез депутатэ бырйизы. 1971-тӥ, озьы ик 1970-тӥ аръёсы со пусъемын УАССР-лэн кун премиосыныз, Горд знамя орденэн, Дружба народов (1986-тӥ ар) но «Дружба» (1996-тӥ). Корепанов-Камскийлэсь нимыз 1980-тӥ арын пыртэмын УАССР-лэн Данъян Книгаяз. 1998-тӥ арын пусъемын «Удмурт Республикалэн дано муртэз» нимын.
 




#Article 150: Майер, Вильгельм Евгеньевич (193 words)


Вильгельм (Василий) Евгеньевич Майер — история наукаосъя доктор, профессор. Удмуртиысь дано но визьмо адямиос пӧлысь тужгес но яркытэз.

Вильгельм Майер вордӥськиз 1918-тӥ арын Высокополье черкогуртын, Херсон город котырысь немец колониын. 1937-тӥ арын Запорожьеысь шор ёзо школаез йылпумъяса, Вильгельм Майер дышетскыны пыриз страналэн валтӥз дышетсконнияз — Москваысь М. В. Ломоносов нимо кун университетэ. Но диплом басьтытозяз, вить ар гинэ ӧз ортчы, угось Быдӟым Отечественной ож кутскем бере Вильгельм вамыштӥз фронтэ. Но отын солы рос-прос ожмаськыны ӧз кылды, сое ыстӥзы Удмуртие. Кин луыса но ӧз тыршы со Удмурт шаерын! Пӧртэм секыт ужез быдэсъяз, Ува ёросысь Выль Мултан школаын дышетӥсь луыса но, военнопленнойёслэн лагерязы политинструктор луыса но тыршиз. Отын ик тодматскиз вуоно кузпалэныз Борислава Петровнаен. 1937-тӥ арын пырыса, 1945-тӥ арын гинэ Вильгельм Майерлы МГУ-лэсь дипломзэ басьтыны кылдӥз. Солы ӵектӥзы дышетсконзэ аспирантураын азьланьтыны, но со, номыр шоры учкытэк, берытскиз Удмуртие. 20-тӥ сентябре 1945-тӥ арын В. Е. Майер улыны каръяськиз Удмуртилэн шоркараз — Ижкаре.

Вильгельм Евгеньевич ӟеч тыршиз публицистика удысын но. 30 ар ӵоже солэн ужъёсыз печатласькизы «Удмуртская правда» газетын. Пусйыны кулэ: Удмурт кун университетысь историяя факультетысь вань сямен ик дышетӥсьёс будэтэмын но визьнодамын Вильгельм Евгеньевич Майерен. 1985-тӥ арын та тодочси улонысь кошкиз. Удмурт кун университетысть историяя факультетлэн одӥгез аудиториез В. Е. Майерлэсь нимзэ нуллэ.




#Article 151: Иж карлэн историез (166 words)


Иж городлэн кылдэмез

Удмуртилэн шоркарез кылдӥз 10-тӥ апреле 1760-тӥ арын. Кам шур шур котырысь заводъёслэн кивалтӥсьсы граф Пётр Иванович Шувалов Иж шур дурын кортэз ӵыжатонъя завод пуктыны малпаз. Та ӵектонзэ Сенат умоен лыдъяз но 20-тӥ октябре 1757-тӥ арын Указ поттӥз. Озьы кутскизы лэсьтӥськон ужъёс. Отын валтӥсь инженер луыса тыршиз Алексей Степанович Москвин. Заводэн артэ ӝутӥськизы улон, ужан юртъёс, ӵыпизы тымет. 

Аръёс ортчемъя кылдӥз быдэс посёлок. Нырысь-валысь со пыриз Казанской губерниысь Хлыновской уездэ. 1780-тӥ арын выжиз Вятской губерниысь Сарапульской уездэ. Завод ар но ужаса вуттэ-а, уг-а - Пугачёв восстанилэн тулкымъёсыз татчы но вуо. Корт ӵыжатон удыс азинскемысь дугдэ. 

Заводлэн кыкетӥ вордӥськонэз герӟаськемын инженерен Андрей Фёдорович Дерябинэн. 1807-тӥ арын татын пуктэмын вал ож тӥрлык поттонъя завод. Вакчи дыр куспын со ужзэ ӟеч-ӟеч радъяз. Нош 60-тӥ аръёсы ини татын усьтӥськыны ӧдъязы нимаз адямиослэн предприятиоссы. Кылсярысь, И. Ф. Петровлэн, Н. И. Березинлэн, А. Н. Евдокимовлэн но мукет. 

Но заводын ужасьёслэсь ӟеч улонзэс бугыртӥз Граждан ож. Сюрслэсь трос Ижын улӥсьёс семьяосынызы кошкылӥзы та интыосысь - кин Японие, кин Китае, кин Америкае. 




#Article 152: Кузнецов, Пантелей Николаевич (209 words)


Пантелей Николаевич Кузнецов — Удмуртиысь дано композитор. Вордӥськемын Алнаш ёросысь Сизьгуртын. Пичи дыръяз ик кыстӥськиз крезьгуран дуннее. Шор ёзо школаез йылпумъяса, Пантелей Николаевич дышетскыны пырыны малпа Ижысь гурт удысъя институтэ. Но ӵапак со вие шедьтэ Удмурт радиоысь пиосъёслэн хоразы ӧтись ялонэз. Но сое отчы уг куто, но пырыны ӵекто Ижысь крезьгуръя училищеысь вокалъя факультетэ. Озьы Пантелей Николаевич вамыштоно кариське крезьгур сюрестӥ.

Ижысь крезьугръя училищеын дышетскыкуз, гур гожъян борды басьтӥське. Но тодмо поэтъёслэн кылбуръёссы борды басьтӥськыны уг дӥсьты на, соин ик аслаз гуръёсызъя ачиз ик кырӟанъёс гожтыны ӧдъя. Училищеын дышетсконзэ Пантелейлы уретоно луиз, службазэ нуиз кунгожъёсты утёнъя войскоосын. Армиын но со крезьгуранлэсь уг куштӥськы, пыриське самодеятельной коллективалэн ужаз. 

Армиысь бертыса, Пантелей Николаевич пыриське Удмурт радиолэн хораз, отын со огез бӧрсьы мукетыз кылдытэ выль кырӟанъёс. 1962-тӥ арын Пантелей Кузнецовлы ӵекто Уваысь крезьгуръя училищеен кивалтыны. Отчы интыяськемез бере нырысь-валысь Ижкаре берытскон мылкыдын улӥз, бӧрысь со сӥяз. Озьы Пантелей Кузнецов Уваысь крезьгуръя училищеен кивалтэ ни 42 арлэсь ятыр. Кылдытӥз 400-лэсь ятыр кырӟанъёс. Тросэз кырӟанъёсыз утисько Удмурт радиолэн фондаз. 1991-тӥ арын Пантелей Кузнецовез юнматӥзы «Купанча» ансамбльлы кивалтӥсе. Отысь артистъёс быдэсто П. Кузнецовлэн гурезъя но А. Окилэн но К. Гердлэн кылъёсызъя гожтэм кырӟанъёсты.

Пантелей Кузнецов — Россиысь но Удмуртиысь культура удысысь дано ужась, Ува ёрослэн дано муртэз, солэн дышетэм пиналъёсыз луизы туннэ нуналлы тодмо артистъёс.




#Article 153: Любич, Виктор Вячеславович (114 words)


Виктор Любич — Удмуртиысь тодмо журналист, публицист. Вордӥськемын Ижын, шор ёзо школаез йылпумъяса, дышетскыны пыриз Удмурт кун университетысь историяя факультетэ. Огвакытэ дышетскиз Удмурт Республикаысь Культерая, печатья но иворъёсъя министрлэн воштӥсеныз Владимир Злобинэн, истоирия наукаосъя докторен Галина Никитинаен. Тунсыкъяськиз но дипломзэ гожтӥз туала историяя. 1977-тӥ арын Виктор Любич йылпумъяз, ужаны интыяськиз Ижысь одӥгаз школае. Отын кӧня ке тыршемез бере, выжиз журналистикае. Со ноку ӧз кышкалля аслэсьтыз малпанъёссэ шара усьтыны, мылкыдзэ вераны. Кема тыршиз «Аргументы и факты в Ижевске» газетын. Виктор Любич пыриськиз «Номенклатура» книгаез гожтонэ. Отысь люкетъёссэ дасязы на Удмурт Республикаысь таӵе тодмо публицистъёс: Андрей Васильев, Александр Зайцев, Кузьма Куликов, Сергей Глухов но Василий Шаталов. Та книгаын бадӟым саклык висъямын властьлэсь шекъёссэ шараянлы, историысь учыръёслы.




#Article 154: Сарапуллэн гербез (148 words)


Сарапуллэн гербез — Удмуртиысь Сарапул карлэн валтӥсь символэз.

Эксэй кышно Екатерина II кивалтон вакытэ ик — ог 1781-тӥ аръёсы — Сарапул городлэн кылдӥз аслаз символикаез. Российской империлэн законъёсын бичетаз пусъемын: «Кунпуслэн вылӥяз интыяськемын Вятской герб, нош улӥяз — азвесь гурезь йылысь таркам город».

Та эмблема, кык сю аръёс ортчыса но, ӧз вуны. Нош малпаз сое герольдмейстер А. А. Волков. Герб кылдытыкуз, Волков лыдэ басьтӥз немец тодосчилэсь, медицина наукаосъя докторлэсь Пётр Симмон Палласлэсь гожъямъёссэ. Та воргорон 1773-тӥ аръёсы улӥз-вылӥз Сарапул карын.

XIX даурлэн кыкетӥ люкетаз — геральдикаын реформа ортчон вакытэ — Сарапуллэн кылдэ вал ини выль гербез, куинь пинё азвесь коронаен но Александровской лентаен. Но со улонэ ӧз пыӵа — эксэй Александр II выль гербез но, реформаез но отӥгес кариз.

Совето вакытэ эксэй кышно Екатерина II дыръя кылдытэм герблэн тусыз воштӥськиз. Вылӥыз — Вятка карлэн гербеныз щит — усиз. Но та герб инъет выллем луиз туала кунпуслы. Кылдэмын со азвесь но лызалэс-чагыр буёлъёслэсь. Нырысетӥез возьматэ инбамез, нош кыкетӥез — Кам шурез.




#Article 155: Иж карлэн символикаез (136 words)


Ижлэсь гербзэ но флагзэ юнматӥзы 21-тӥ апреле 2000-тӥ арын. 

Герблэн тусыз: Геральдика щит вылӥысен улӥе кыклы люкемын, одӥг палыз — тӧдьы, мукет палыз — чагыр, соослэн вис вылазы понэмын клещи тӥрлык. Клещи шортӥз ик ортче пукыӵ. Клещи сьӧрын - кык горд палэзь ӟускиос-вайёс. 

Флаглэн тусыз — герблэн выллемгес ик: шонэр серэго басма юдэс кыклы люкемын. Одӥг палыз - тӧдьы, мукет палыз - чагыр. Шораз ик интыяськемын Иж карлэн гербез. 

Символикалэн авторез - С. Бехтерев но Н. Быков. Сергей Бехтерев шуэ: «Ижлэн гербез возьматэ калыкмылэсь ортчем улонзэ, туннэ нуналзэ но вуонозэ. Котырамы инкуазьмы чылкыт, сӥлё-виро луиз ке, нылпиосмы но тазаесь, йӧноесь будозы. Сак учконо клещиез — соос усьтэмын. Нош мар луоз, соосты пачкатӥд ке? Палэзьпу вай тӥялскоз, емышысь вуэз виялоз. Озьы инкуазь но куасьмоз. Соин сэрен — адями но. Городлэсь улонзэ лэсьто, сое утё огшоры ужась адямиос».




#Article 156: Голдина, Римма Дмитриевна (109 words)


Римма Дмитриевна Голдина — история наукаосъя доктор, Удмурт кун университетысь историяя факультетысь археологияя но первобытной историяя кафедраен кивалтӥсь, Урал котырын улӥсь калыкъёслэсь историзэс но культуразэ эскеронъя институтлэн директорез.

Вордскемын 1941-тӥ арын 10-тӥ ноябре Пермь улосысь Бадӟым Соснова черкогуртын.

Римма Голдина Удмуртиысь археологияя научной школалэн кылдытӥсез луэ.

Иж кар думалэн премиезлэн лауреатэз. 2001-тӥ арын пусъемын Удмурт Республикалэн кун премиеныз.

Удмурт Республикалэн президентэз бордын наука но техника удысын премиос сётъянъя комиссилэн муртэз луэ.

Удмурт кун университетысь этнология, археология, история удысын доктор диссертациосты утёнъя кенешлэн тӧроез. Со кивалтэм улсын Ижысь, Пермьысь, Сыктывкарысь, Йошкар-Олаысь, Самараысь, Саранскысь, Пензаысь, Екатеринбургысь, Нижний Тагилысь, Кировысь, Казаньысь егит учёнойёс утизы 153 диссертация.

Римма Голдина — наукая ог 200 ужлэн авторез.




#Article 157: Загребин, Егор Егорович (208 words)


Егор Егорович Загребин — удмурт гожъяськись, драматург.

Вордскиз 1937-тӥ арын 4-тӥ пӧсьтолэзе Якшур-Бӧдья ёросысь Кутоншур гуртын. Йылпумъяз Лениградысь Ан. Островский нимо театр институтэз. Ужаз Удмурт театрын актёр луыса. Бӧрысь бырйиз режиссёрлэсь ужзэ — выжиз Ижысь телевиденилэн студияз. Со сяна, Удмурт театрлэн литературая ёзэныз кивалтӥз, 1992-тӥ-1999-тӥ аръёсы «Инвожо» журналлэн редакторез вал.
Гожъяськисьёслэн союзазы кутэмын 1978-тӥ арын. 1999-тӥ арысен 2014-тӥ арозь луэ Удмуртись гожъясьёслэн огазеяськонлэн тӧроез.

Вуоно драматурлэн шӧдонэз но быгатонлыкез усьтӥськиз, театр институтын дышетскон вакытаз. 60-тӥ аръёслэн шоразы быдэстӥз «Шуныт зор» драмазэ. Сое пуктӥзы Удмурт театрлэн сцена вылаз. Со сяна, Егор Егорович 20 -лэсь трос пьеса гожтӥз на. Соос пӧлысь тужгес яркытъёсыз — «Тӧдьы юсь», «Портрет», «Мынам яратонэ татын», «Ошмес», «Насьток но Исьток». Драмаосаз ӵемгес ӝутэ гуртлы, вордскем музъемлы сӥзем темаосты.

Со сяна, Егор Загребин тодмо луэ яркыт веросъёсыныз. Усто пӧрмытэ нылпиослы но бадӟымъёслы сӥзем веросъёссэ. Озьы ик тунсыко пӧрмо психологической но серемес веросъёсыз. Ужъёсыз ӵем печатласько Удмуртиысь газет-журналъёсын. Со сяна, потэмын веросъёсын бичетъёсыз — «Нюлэс куараос», «Палэзь ӟускиос» «Секыт адӟон», «Тулыс зор», «Яратонэ тон, вожанэ…», «Гомась шунды». Со сяна, «Секыт адӟон» повестез 1988-тӥ арын пусъемын «Молот» журналлэн премиеныз.

Калыкылы туж ярало Загребинлэн комедиосыз. Кылсярысь «Эн кушты монэ, туганэ» пьесаез пуктэмын Чувашиысь К. Иванов нимо театрын. Егор Загребинлэн произведениосыз берыктэмын ӟуч, чуваш, пор, мордва но мукет финн-угор кылъёсы.

Кулӥз 9-тӥ пӧсьтолэзе 2015-тӥ арын.




#Article 158: Иванова, Маргарита Григорьевна (195 words)


Маргарита Григорьевна Иванова — история наукаосъя доктор, Удмурт Республикаысь наука удысь дано ужась.

Вордскиз 1945-тӥ арын 20-тӥ ноябре Можга ёросысь Кватчи гуртын. 1963-тӥ арын йылпумъяз Можга педучилищеез. Бӧрысь кык арзэ тодон-валан сётӥз покчи классъёсын дышетскисьёслы. 1965-тӥ-1969-тӥ аръёсы дышетскиз Удмурт пединститутысь историяя факультетын. Сое йылпумъяса, ужаны кутсикз Удмуртиысь шаертодонъя музейын. 1970-тӥ-73-тӥ аръёсы дышетске СССР-ысь Наукаосъя академилэн Археологияя институтэзлэн аспирантураяз. Соку ик дася уйпал удмуртъёслэн 9-тӥ-13-тӥ дауръёсы гурт котырзылы сӥзем диссертацизэ. 1975-тӥ арын наукая кандидат луэ.

Маргарита Григорьевна трос тырше удмурт калыклэсь шор дауръёсысь историзэ усьтонлы. Нуакае быдӟым пытьы кельтӥз Иднакар городищелэсь историзэ эскеремез. Прикамьеысь такем бадӟым памятникез шедьтыса но узыр материалъёс люкаса, удмурт культуралы но историлы выль шокчон но утчаськон сюрес сётӥз. Маргарита Григорьевна уно докладъёсын потаз калык куспо конгрессъёсы: Сыктывкар (1985), Дебрецен (1990), Оулу (1993), Ювяскюле (1995). Татын солэн ужъёсыз туж зол тунсыкъяськытӥзы но паймытӥзы трос тодосчиосты. Со сяна, 1989-тӥ арын нырысьсэ радъямын вал Иднакарын бусыын ик семинар. Со сяна, тодосчи радъяз шор дауръёсысь археологиысь ужпумъёсты эскеронлы сӥзем симпозиумъёсты. Та темалы сӥзьыса, Маргарита Григорьевна дасяз 70-лэсь уно статьяос. Солэн ӵектэмезъя Иднакар музей туннэ басьтӥз инбам улысь музей статус.

Со сяна, Маргарита Григорьевна трос ужа студентъёсын. Этнографилы сӥзем лекциос лыдӟе Удмурт кун университетын но Глазысь педагогикая институтын.




#Article 159: Ильин, Михаил Ильич (188 words)


Михаил Ильич Ильин — удмурт поэт, удмурт кылбурет удыслы кутскон сётӥсь. Улӥз 1876-тӥ-1935-тӥ аръёсы. Гожъяськиз Гуртысь Пересь, Пересь дышетӥсь, Мер пи псевдонимъёсын.

Вордскиз 1876-тӥ арын 25-тӥ ноябре туала Кизнер ёросысь Макан-Пельга гуртын. 1895-тӥ арын йылпумъяз Казаньысь дышетӥсьёсты дасянъя семинариез. Ужаны кутскиз Татарстанысь Бавлы ёросысь Урустамак гуртын. Бӧрысь ужаз Алнаш ёросысь школаын. Тодон-валан сётӥз Алабгоысь дышетӥсьёслы дасянъя семинариын, Можгалась педтехникумын, Ижысь педтехникумын.

Азьланяз тыршиз «Гудыри» газетлэн редакцияз. Со сяна, солы оскизы Удмуртиысь шаертодонъя музейлэн директорезлэсь удыссэ.

Михаил Ильинлэн нырысетӥ гожъямъёсыз вордскизы удмурт фольклорез бичан сяменыз. Со вакытэ ик 1915-тӥ арын быдэсмиз «Игры и хороводы вотской молодёжи весной» очеркез.

Нырысетӥ кылбуръёсыз потӥзы «Войнаысь ивор» газетын. Со сяна, гожъямъёсыз пыризы «Удморт кылбуръёс» (Алабго, 1919) но «Удмурт кырӟанъёс» (Кузон, 1920), «Кылбуръёс» (Алабго, 1921), «Кылбуръёс» (Ижкар, 1926) гожъясьёслэн огъя сборникъёсазы.

М. Ильинлы луыса, удмурт литературае пыӵаз «кылбур» кыл. 1920-тӥ арын «кывбур» формаен со пыриз коми кылэ но. Михаил Ильинлэн аслаз 5 сборникез потӥз. 1926-тӥ арын дасям бичетэзлы гуръёс но гожтэмын вал. Озьы ик рукописьын утиськемын «Нади» повестез. Со сяна, Ильин туж ӵем гожъяськиз удмурт изданиосы. Кылсярысь, 1927-тӥ арын солэн 297 пумо материалъёсыз печатласькизы газет бамын.

Нырысетӥ писательёс пӧлын Ильинэз кутӥзы удмурт писательёслэн ВУАРП огазеяськоназы.




#Article 160: Гулин, Сергей Петрович (142 words)


Сергей Петрович Гулин — ӟуч поэт, журналист. 

Сергей Петрович вордскиз 1951-тӥ арын 10-тӥ июне Ижын. 25 номеро школаез йылпумъяса, дышетскыны пыриз Ижысь механикая институтэ. Ужаз Ижсталь заводын слесарь луыса. 

Гулинлэн кылбур гожъян удысэз кутскиз, школаын дышетскыкуз. Солэн тросэз кылбуръёсыз калыке кырӟан луыса вуизы. Нырысетӥ кылбуръёсыз но кырӟанъёсыз калыклы тодмо луизы 60-тӥ аръёслэн пумазы. 1979-тӥ арын Сергей Гулин Грушинской фестивальлэн лауреатэз луиз. Солэсь кырӟанъёссэ ушъязы но дунъязы Юрий Визбор, Александр Городницкий, Татьяна но Сергей Никитин бардъёс. Гулинлэн крезьгуръёсыз кутэмын шаерамы пуктэм постановкаосын но. Кылсярысь, кема аръёс ӵоже Удмурт театрын мынэ «Птичье молоко». Солы кырӟанъёс гожтӥз Сергей Гулин.

Гулинлэн кылбуръёсыз ӵемысь печатласькизы «Урал», «Студенческий меридиан», «Луч» журналъёсын. Авторлэн нырысетӥ «Сторона света» кылбур сборникез потӥз 1987-тӥ арын. Гулинлэсь кырӟанъёссэ туннэ но ӵемысь быдэсто туристъёс. Сергей Петровичлэн кылбуръёсыз туннэ но ӵемысь печатласько шаерысьтымы газетъёсын но журналъёсын. Но соосты тодманы уг луы — автор нимзэ пуктыны «вунэтэ».




#Article 161: Ильминский, Николай Иванович (155 words)


Николай Иванович Ильминский – Востокын улӥсь калыкъёслэсь историзэс, културазэс, сям-йылолъёссэс эскерись. Улӥз 1822-тӥ -1891-тӥ аръёсы.
Вордскиз священниклэн семьяяз. 1846-тӥ арын йылпумъяз Казаньысь духовной семинариез. Собере татчы ик ужаны кылиз. Эскериз бигер кылэ берыктэм Выль Заветэз. 1850-тӥ арын Ильминскиез келязы Санкт-Петербурге черк книгаосты бигер кылэ берыктонэз эскерон вылысь.

Азьланяз Ильминский улэ но ужа Дамаск, Константинополь, Каир гордъёсын, дышетэ араб, перс, турча кылъёсты. 19-тӥ даурлэн кыкетӥ ӝыныяз Ильминский Волга но Урал котырын улӥсь калыкъёслы - удмуртъёслы, бигеръёслы, поръёслы дышетон учреждениос усьтыны юрттӥз . Со сяна, саклык висъяз калыкъёслэн анай кылынызы инмарлы оскон книгаос, пособиос поттыны.

Ильминскийлэн ӵектэмезъя удмурт нылпиослы усьтӥськизы 7 школаос. Соос пӧлын Карлыганысь удмурт школа но. Ильминскийлэн дышетонъя системаез вылын тодон-валан люказ нырысетӥ удмурт но пор интеллигенция. Азьланяз соос пӧлысь потӥзы нырысетӥ удмурт дышетӥсьёс.

Н. И. Ильминский улонысь кошкем бере солэн дышетон амалъёсыз - христиан оскон пыр тодон-валан люкан - пачказы критика улэ. 1911-тӥ-1913-тӥ аръёсы соосты дышетон системаысь куштӥзы. Туннэ тросэз тодосчиос Ильминскийлэсь амалъёссэ дунъяло.




#Article 162: Иднакар (гуӵин) (280 words)


Иднакар — уйпал удмуртъёслэн городищезы. Пуктэмын 9-тӥ-13-тӥ дауръёсы. Чупчи шур дурысь тужгес бадӟымез историяя памятник. Идна - вашкала удмурт батырлэн нимыз.

Инднакар пуксемын Глаз ёросысь Солдырь гурт вӧзын. Быдӟым ож бере Иднакар городищелэн огпал сэрегаз интыяськиз та палан улӥсьёслэн шайвылзы. Соосын вожвылъяськон кема аръёс ӵоже кыстӥськиз. 
Иднакарез эскерон кутскиз 19-тӥ даурлэн пумаз. 1926-тӥ-1929-тӥ аръёсы татын тыршиз С. Г. Матвеев, 1961-тӥ арын - Г. Т. Кондратьева. Городищеез рос-прос эскеронэз радъяз 1774-тӥ арын М. Г. Иванова. 1995-тӥ арлы эскеремын вал ни татысь 8 сюрс квадрат метр музъем.

Иднакарез котыртэ кӧня ке утиськон котыртэт(вал). Ваньмыз соос 3 лыдъясько. 100-150 сантиметр мурдалае утиськемын узыр материалъёс. Кылсярысь, кортлэсь дурем, лылэсь вӧлэм, азвесь но туй чебреръяськон арбериос. Соос пӧлысь синйылтыны луэ Востокысь, Булгариысь, Вашкала Русьысь, Скандинавиысь ваем вузъёссты. Соя вераны луэ, Инда батыр мукет удмурт князьёс пӧлын вылӥ интыын вал. Иднакар ас вакытаз вал уйпал удмуртъёслэн военной, культураез, экономикаез азинтонъя центрзы.

Городищеын туннэ но мыно эскерон ужъёс. Прикамьеысь такем бадӟым памятникез шедьтыса но узыр материалъёс люкаса, удмурт культуралы но историлы выль шокчон но утчаськон сюрес сётӥз Маргарита Григорьевна Иванова. Со уно докладъёсын потаз калык куспо конгрессъёсы: Сыктывкар (1985), Дебрецен (1990), Оулу (1993), Ювяскюле (1995). Татын солэн ужъёсыз туж зол тунсыкъяськытӥзы но паймытӥзы трос тодосчиосты. Со сяна, 1989-тӥ арын нырысьсэ радъямын вал Иднакарын бусыын ик семинар. Со сяна, тодосчи радъяз шор дауръёсысь археологиысь ужпумъёсты эскеронлы сӥзем симпозиумъёсты. Та темалы сӥзьыса, Маргарита Григорьевна дасяз 70-лэсь уно статьяос. Солэн ӵектэмезъя Иднакар музей туннэ басьтӥз инбам улысь музей статус.

Коробейников А.В. Новый Иднакар: очерк историко-культурной реконструкции городища.- 246 с.Полностью доступна для скачивания в формате PDF.
Монография описывает методики доказательной исторической реконструкции средневекового городища для его музеефикации: расчётов численности населения, реконструкции военного использования, параметров фортификаций и пр. Сопровождается формулами и схемами.




#Article 163: Греховодов, Николай Максимович (107 words)


Николай Максимович Греховодов — крезьгурчи, дирижёр, фольклорез люкась. Вордскиз 1903-тӥ арын Усть-Каменогорск городын. Николай Греховодов — удмурт профессиональной крезьгурез кылдытӥсьёс пӧлын нырысетӥез луэ.

Йылпумъяз Ленинградысь Н. А. Римский-Корсаков нимо консерваториез. 1936-тӥ-1938-тӥ аръёсы СССР-ысь ужаз Наукая Академилэн Этнографияя институтаз, ужа фольклор кырӟанъёс бордын. Вуылэ фольклор экспедициосын Мордовие но Комие.

Театрын ужакуз, кылдытӥз нырысетӥ удмурт крезьгуро «Камит Усманов» драма, «Сюан» крезьгуро комедия. Аслаз произведениосаз Николай Греховодов пыртэ удмурт кырӟанъёсты но крезьгуръёсты. Аслэсьтыз удмурт фольклор пумысен малпанъёссэ гожтӥз «Музыкальная культура Удмуртии» сборнике. Со вакытэ ик тодон-валан сётӥз Ижысь крезьгуръя училищеын но крезьгуръя школаын.

Со сяна, дасяз удмурт кырӟанъёсты хорен быдэстонлы тупась гуръёс, симфонической оркестр понна гожтӥз «Сюан» сюита.

Улонысь кошкиз 1971-тӥ арын.




#Article 164: Кенеш (журнал) (217 words)


Кенеш — республикаысьтымы литературалы сӥзем журнал. Солэн бамъёсаз асьсэлэсь ужъёссэс печатлало шаерысьтымы тодмо писательёс но поэтъёс, озьы ик егит авторъёс.

Журналлэн историез кутске 1926-тӥ арын. Соку республикаямы кылдӥз удмурт писательёслэн нырысетӥ огазеяськонзы ВУАРП. Солы кутскон сётӥз тодмо учёной, этнограф но поэт Кузебай Герд.

Удмуртиын писательёслэн союззы кылдэмен валче, журнал 1935-тӥ арын Молот луиз. Таӵе нимын со потӥз кема аръёс ӵоже, нырысетӥ нимзэ берыктӥз 1990-тӥ арын. Быдӟым ож вакытэ журнал ӧз печатласькы, выльысь потыны кутскиз 1954-тӥ арын. 

Журналлэн редакторъёсыз пӧртэм аръёсы вал М. А. Коновалов, М. П. Петров , Т. А. Архипов, С. А. Самсонов, А. Г. Шкляев но мукетъёсыз. 1994-тӥ арысен журнал оскемын П. В. Куликовлы.
кылдэмгес вакытаз Кенеш удмурт гожъясьёслы эскерон инты выллем луиз. 1920-тӥ аръёсын одӥг номерын авторъёс кыӵе ке ужпумъя асьсэлэсь пӧртэм малпанъёссэс вераны быгатылӥзы. Бӧрысь журнал пыр ортчылӥзы удмурт литератураын классика луэм произведениос. 

Берло дыре Кенешын ӟеч сям луиз арлы быдэ огзэ номерзэс быдэсак сӥзьыны одӥг темалы. Озьы бӧрсьысь аръёс ӵоже потӥзы удмурт кырӟанъёслы, серемес веранъёслы, сценкаослы, сиён-юонлы сӥзем журналъёс.
Туннэ журналын ужало туж тодмо но дано адямиос: Удмурт Республикаысь культура удысысь дано ужась, прозаик Олег Четкарёв , Ашальчи Оки нимо премилэн лауреатэз, кылбурчи Галина Романова , прозаик но кылбурчи Лидия Нянькина ,тодмо писатель Генрих Перевощиков, Пётр Сергеев, Ольга Бородина но мукетъёсыз. 

Журнал потэ толэзьлы быдэ. Тиражез возиське 1 сюрс 500 экземпляр котыр.




#Article 165: ГТРК «Удмуртия» (радио) (208 words)


ГТРК «Удмуртия» радио — Удмуртиысь тужгес кема ужась радиостанция. 1932-тӥ арын 5-тӥ ноябре ужаны кутскиз выль радиостанция. Диктор Василий Бутаев быдэс шаерлы кылымон ивортӥз удмурт кылын: Кылзэлэ, кылзэлэ! Вераське Ижкар! Туннэ нуналысен ужаны кутске Удмурт радио! Соку ик эфирын чузъяськиз удмурт кылын передача. Со луиз Удмурт радиолэн вордскем нуналыз. Нырысь студилы инты висъяськиз ӝутӥськись Связья юртын. Радио ужаны кутскем бере гуртъёсы вуыны кутскизы радиоточкаос. Быдӟым ож кутскон азьын шаерамы вал ини 28 сюрс радиоточка. Война аръёсы радиопередачаос «кошкылӥзы» телефон езъёс пыр. Нуналаз куинь пол гуртъёсын ужаны ӧдъяллязы радоточкаос - соос пыр сётъязы Совинформбюролэсь сводкаоссэ. Ож йылпумъяськем бере радио уката паськыт вӧлмыны кутскиз. 

Озьы ке но ас вакытаз Удмурт радиоез кылзӥз быдэс республика. 1968-тӥ арын Балезино посёлокын пуктизы радио вӧлмытонъя передатчик. Соку Удмуртиысь 85 процентэз улӥсьёс УКВ частотаын кылзыны быгатӥзы Удмурт радиоез.
Туннэ радио удысын тырше 50-лэсь ятыр мурт. Нуналлы быдэ 4, 5 час ӵоже эфир кыстӥське. Передачаос мыно удмурт но ӟуч кылын. Озьы ке но анай кылын передачаослы висъям дыр арысь аре ичигес луэ. Тодэ вайыны гинэ кыле на иворъёсын «Визыл» программаез, нылпиослы чаклам «Чагыр, чагыр, дыдыке» передачаез. Нош макем узыр пуштросоесь вал радиоочеркъёс. Туннэ соосты кылыны луэ архивысь гинэ. Радиолэн удмурт ёзаз ужазы но кылзӥсьёслэн сюлэмъёсазы кылизы Пимен Касаткин, Милитина Гаврилова, Галина Баженова, Иван Аркашев, Виктор Ивашкин. 




#Article 166: ГТРК «Удмуртия» (телевидение) (139 words)


Ижысь телестудилэн нырысетӥ передачаез эфире потӥз 4-тӥ ноябре 1956-тӥ арын. Соку ик кутскиз Ижысь телестудилы юрт ӝутон. 1957-тӥ арын июне татын телевидение рос-прос ужаны ӧдъяз. Соку арняяз куинь пол учкисьёс доры вуылӥзы передачаос. Арня ӵоже - 289 час. 1958-тӥ арын вещание будӥз 690 часозь. 1962-тӥ арын Ижын ужан амалъёссэс выльдӥзы, Москваысь телевиденилэсь передачаоссэ учкыны быгатӥзы ни.

Огвакытэ ГТРК-Удмуртия кык каналын ужаз. Соку вещанилы сётэм дырыз но тырмыт вал. Кылдӥзы тросгес удмурт передачаос. «Кылсярысь», «Такъян», «Мылысь-кыдысь», «Рос-прос».

Туннэ телевидениысь анай кылын передачаос понна кыл кутэ Владимир Алашеев, нуналаз куинь пол луэ удмурт иворъёсын программа. Жаляса верано луэ, ваньмыз соос эфире пото ӵукна но нуназе бере, ӝытлы чаклам передачаос ӧвӧл. 

Туннэ удмурт передачаос но иворъёс кылдытон бордын ужало Валерий Сидоров, Анна Федотова, Татьяна Денисова, Татьяна Степанова.

Ӟуч учкисьёслы туннэ мынэ «Доброе утро» ӵукна передача, иворъёсын «Вести-Удмуртия» программа. Али калык мыло-кыдо учке 




#Article 167: Саранск (236 words)


Сара́нск (мокша кылын Саранош, эрзя кылын Саран ош) — Россиысь кар, Мордовилэн шоркарез, Инсар шурлэн бур пал ярдураз интыяськемын, Мусколэсь 642 иськемын, лымшор - шунды пуксён палангес. 1641 аре кылдытэмын. 1780 аре Саранск утемысь (уездной) карлэсь статуссэ басьтӥз. Улӥсьёсыз 296 054 адями (карез гинэ лыдэ басьтыса), 323 116 — карысь округез лыдэ басьтӥм ке (отчы 3 кар типъем посёлок но 4 сельсовет пыро на; ваньмыз лыдпусъёс - 2009 арлы сётэмын). Музъемезлэн быдӟалаез- 71,5 км².

Саранскын улӥсь пӧртэм калыкъёс (2002): ӟучъёс — 70,98 %, мокша но эрзя — 21,20 %, бигеръёс — 5,14 %.

Нырысь Саранск (Саранский острожек) Муско эксэйлыклэн лымшор - шунды пуксён пал пумаз крепостьёс пӧлысь одӥгез вал. Ӝутэмын 1641 аре Атемар нюлэс коран гожын (нюлэс корало вал, тушмон ожгарчиослы могӟет карыны шуыса), Инсар шурлэн ярдураз. Крепосте улыны кариськизы казакъёс, стрелецъёс, пушкарьёс. Соку но Саранск крепостьын уло вал ӟучъёс, мокша но эрзя, бигеръёс. 1651 аре Сарансклы сётэмын вал утемысь (уездной) карлэн статусэз. 1670 аре Саранскез басьтӥзы Степан Разинлэн ожгарчиосыз. Огдырлы со кар разинъёслэн пыкет пунктазы пӧрмем. XVIII дауре Саранск котырын ожмаськонъёс быризы. Карлэн улоназ бадӟым инты басьтыны кутскизы взкарон но вузъёс поттон (ю-тысь, ку, пенька, сӥль, чечы). 1708 аре Саранск Азов губерняе сюриз, собере - Кузон губерняе, 1801 арысен — Пенза губерняын. 1774 аре Саранскез басьтӥзы пугачъёс. 1934 арысен Саранск - Мордовилэн шоркарез.

Саранск - кар округ. Карлэн ёросъёсыз куинь: Ленин, Октябрь но Пролетарской. Со сяна, калыкын таӵе официальной луисьтэм ёросъёс но тодмо: Центр, Химмаш, Светотехстрой но Юго-Запад.

Кар округысь администрацилэн йырыз — Пётр Тултаев.




#Article 168: Булычёв, Михаил Никандрович (108 words)


Михаил Никандрович Булычёв (1902—1959) — удмурт кылтодосчи

Михаил Булычев вордскемын 1902-тӥ арын 20-тӥ куартолэзе (озьы гожтэмын солэн документаз) Вятка губернилэн Малмыж уездэзлэн Узи ёросысьтыз Бабашур гуртын (али со Сьӧлта ёросын) шоро-куспо семьяын. Нош зэмзэ ке, шуг вераны кызьы со вордскемын вал. Аслаз киыныз со витетӥ куартолэзе шуыса гожтэм, нош шайгуэзлэн кирос вылаз 24-тӥ куартолэзь пусъемын. Вуоно тодосчилэн быдэ вуон но ужан сюресэз капчи вылымтэ. Атаез Никандр тямыс нылпи будэтэм. Нырысетӥ кузпалызлэсь вордскиллям кык ныл но пи, кыкетӥезлэсь — кык ныл но куинь пи. Атаез кулыку, Михаиллы куинь арес гинэ вылэм. Соин сэрен со Иван нимо бадӟым агаез дорын быдэсмем, дышетскыны Вуж Ӟатчалась вылӥ кутскон школае ветлэм. Отын куинь классэз йылпумъям.




#Article 169: Коньы (177 words)


Коньы (латин кылын Sciurus vulgaris), лулосъёслэн йырйись лёгетысьтызы коньы динь выжыысь йол нонись пöйшур. Озьы ик вань на горд коньыос (Tamiasciurus) но пальмовой коньыос (Funambulus). 

Коньыослэн мугорзы кузялэс, быжзы кузь но пуштрес, соос луо куренялэс буёло яке пурысялэс. Коньыосты луоз пумитаны котькытысь, Австралияысь сяна.

Тужгес но коньыос висъясько толалтэ асьсэлы мульы дасяменызы. Куд-ог дыръя соос мульыоссэс музъем пушкы вато яке писпу гырке поно. Тужгес секыт вакыт коньыос понна – со вазь тулыс, куке музъем пушкысь ватэм тысьёссы будыны кутско но сиёнлы уг ярало ни, нош выльёсыз будымтэ на. Коньы лыдъяське тужгес но визьмо пӧйшур, малы ке шуоно соос котьку но котькытысь асьсэлы сиён шедьтыны быгато, кылсярысь, гуртъёсын но. Соос быгато мерттэм будосъёсты ишкыса сиыны яке тылобурдоослэн тусьысьтызы лушканы быгато.

Куддыръя коньыос изъянтыны но котьмае быгато, малы ке шуоно соослэн пиньёссы лэчытэсь но котьку шерисько. Соин ик гурт калык умой-умой пытсаны кулэ асьсэлэсь корка сигъёссэс, малы ке шуоно соос отчы кар лэсьтыны быгатозы яке мае ке йырйыны. Корка сиге луоз поныны кыӵе ке пудо-животлэсь гонзэ, малы ке шуоно коньыос соку валало, отын кыӵе ке кышкыт пӧйшур вань шуыса.




#Article 170: Нянькина, Лидия Степановна (234 words)


Лидия Степановна Нянькина — удмурт поэт, прозаик, берыктӥсь. Ужа «Инвожо» журналын. Пичи дырысеныз ик гожъя веросъёс, кылбуръёс.

Со вордскиз 1965-тӥ арын 23-тӥ куарусёнэ Алнаш ёросысь Серп гуртын. Тани мар вера ачиз писатель вордскем гуртэз сярысь: «пичи гинэ гурт, со котьку но бордаз кыске но паймытэ монэ чылкыт сюлэмо, ужез гажась, шулдыръяськыны быгатӥсь, визьмо но нодлыко калыкеныз» («Ваёбыж кар» 1966). Выль Утчан гуртысь школаез йылпумъяз. Пичи дырысеныз нылашлэн сюлмыз гожъяськон борды кыстӥське ни вылэм. Нырысь «пӧрам мыльымъёсыз» «Дась лу!» нылпи газетын печатласькиллям ай. Со мыльымъёсыз соку ик туж усто пӧрмо вылэм, шӧдске. Уго огпол вуоно кылбурчи гуртысьтыз оч карыны яратӥсь пияш сярысь «Ӵушъял» сэрегэ гожтэм. Пияшлы соку ик ас янгышсэ валам. Школа бӧрсьы Лидия Нянькина Можга педучилищеын дышетске, собере Москваысь М. Горький нимо Литературной интитутын. 1966-тӥ арын «Ваёбыж кар» нимо веросъёсын но повестен книгазэ поттӥз, кык ар ортчыса, Ашальчи Оки нимо премилэн лауреатэз луиз. Кылбур бичетсэ 2004-тӥ арын гинэ ай «Синучкон» бичетэн поттӥз. 2009-тӥ арын егит автор пичи лыдӟиськисьёсты но шумпоттӥз вольыт кылбуръёсыныз, кудъёссыз яркыт суредо «Ческыт кӧмеч» но «Косьтэй но кыстыбей» книгаосын поттэмын. Лидия Степановна — аспӧртэмлыко, узырлыко кылбурчи. Адями кусыпъёсты, огназ улонэ ӝимем муртлэсь шал-шал бушесь но кезьытэсь уй-нуналъёссэ, асьме каръян вакытэз со мерта аслаз «мертэтэныз». Со вераське шара но котыръятэк, капчи маде туж пыдлось лул-сюлэм яраос, адӟонъёс сярысь, улон но кулон вискы пачкатэм мылкыдъёс сьӧлыко но пож вуэ выем дунне сярысь. (В.Г. Пантелеева, «Синучкон», 4). Али дыре Лидия Степановна ужа «Кенеш» журналын.




#Article 171: Плотникова, Анна Васильевна (103 words)


Анна Васильевна Плотникова — Удмурт Элькунысь дано кырӟась, крезьгурчи, артистка. Вордӥськиз 1972-тӥ арын Алнаш ёросысь Улӥ Котныр гуртын. Пичи дырысеныз ик баянэн шудыны дышиз. Будӥз трос нылпиё семьяын. Тямыс классэз йылпумъяса, 1990-тӥ арын культурая училещее дышетскыны пыре. Собере гуртысьтыз ЦСДК-ын ужа. Кивалтӥз творческой коллективьёсты кылдытон бордын, гитара кружок нуиз, хор но «Шундыпиос» нылпи ансамбль. Баянэн усто шудэмез понна, пусъемын лауреатлэн дипломеныз I степенен витетӥ Росси фестиваль «Играй, гармонь». 2000-тӥ арын Венгриын калык куспо финн-угор фестивальлэн пыриськисез луэ. 2001-тӥ арын Анна Плотникова Россиысь 10 «зарни аргпнчиос» пӧлы пыртӥзы. 2003-тӥ арын пусъемын Удмурт Элькунысь заслуженной артист нимо премиен. 2010-тӥ арысен ужа Элькунысьтымы «Шулдыр ӝыт» ансамбльын.




#Article 172: Аксакшур гурт (154 words)


Аксакшур — Пичи Пурга ёросысь вашкала удмурт гурт.

Аксакшур — кылдэмын кык люкетлэсь Аксак но шур. Аксак — бигер ним, берыктӥське удмурт кылэ чутӥсь шуыса, шур – топонимика.
Тани ма мадё Аксак гуртлэн кылдэмез сярысь: «Вазен дыръя, калыкъёс племяен улон вакытэ, ӟеч музъемъёс уг ни сюро вылэм, пудо вордыны ӟеч возьёс уг ни тырмо вылэм. Соин сэрен адямиос яна потыны ӧдъяллям.»

Окшак (пиосмурт ним) аслаз семьяеныз яна потэм но ӟеч музъем утчаса шур валлин вылӥе тубем. Котькуд адямилы вылтусызъя, вырем манерезъя ним сёто уго. Бигеръёс Окшакез Аксак шуиллям, со пересь уго чутӥсь вылэм. Со дырысен Окшакез Аксак шуыны кутскизы.

Семьязэ Аксак дугдытӥз Канжашур (нюк ним) доры. Соослы та инты туж кельшиз, отчы ик интыяськизы. Озьы каллен улонзы ӧръяськиз. Шур валлин пуктылӥзы коркаос (Аксаклэн пиосыз будӥзы но яна потӥзы), со ик гуртлэн кылдэмез но луиз. Пыр-поч кӧня арын кылдэмзэ Аксак гуртлэсь нокин но уг тоды.

Туннэ нуналлы Аксакшурын 210 коркаез; 732 улӥсез но 68 дышетскисез.




#Article 173: Баграш-Бигра (186 words)


Баграш-Бигра — Удмурт Элькунысь Пичи Пурга ёросысь вашкала удмурт гурт. Огырчи карысен кык иськеме пуксемын. Гуртлы ог 350 арес.

Гурт кылдэм сярысь кӧня ке веранъёс вань. Кин ке шуэ, калык татчы вуиз Кам шур вӧзын сылӥсь Бадӟым Бигра гуртысь, соос пӧлын, пе, вал чебер нылаш Бигра солэн нимыныз ик гуртэз но нимазы. Кин ке вера, соос Татарстанысь вуизы шуыса, нош кин ке — Киров улоспалысь. Йырзы, пе, соослэн вылэм Бураш, нош кышноез вылэм Бигра. Со интыез, кытын нырысетӥ коркаос лэсьтэмын вал, та дыре но нимало Вужгурт. Берлогес Вавож но Нылга палась вуиллям на мукет адямиос, азьветлӥсьсы соослэн вылэм батыр Ядыгар, соин соосты Ядыгар бӧляк шуо вылэм. Бигралан али ке но вань ай Ядгар нимо ульча. Собере кылдэмын на Уллапал (татын улӥллям Алнаш палась вуэм калык). Музъем тырмымтэен, Бигралась потэм калык кошкылиз мукет гуртъёсы (Орлой гурт, Курег гурт, Пуныгурт но мукет).

Баграш-Бигра гуртысь потэмын Камит Усман, кудӥзлэн кивалтэмез улсын эксэй пумит ӝутскылиз котыр гуртысь калык (та веран вылэ пыкиськыса Игнатий Гаврилов гожтэ «Сани» поэмазэ но «Камит Усманов» трагедиязэ).

Баграш-Биграе пӧртэм вакытэ вуылӥзы вылӥ куноос: Венгрилэн президентэз А. Гёнц, Англиысь принц Майкл Кентский, тодмо фин-угор тодосчи Петер Домокош но мукетъёсыз.




#Article 174: Рябинина, Зинаида Кирилловна (173 words)


Зинаи́да Кири́лловна Вахрушева (ныл дыр нимтулыз Рябинина) — «Удмурт дунне» газетлэн валтӥсь редакторез, кылбурчи, журналист.

Вордӥськиз 1971-тӥ арын 26-тӥ тулыспалэ Сьӧлта ёросысь Кейлуд-Зунья гуртын. Нырысетӥ кылбурзэ гожтӥз 1985-тӥ арын, ӟазег возьмакуз(Гужем кылбур). Печатлаз сое «Дась лу!» газетын. . 
Югдон шор ёзо школаез йылпумъяса, егит кылбурчи УдГУ-ысь кылосбуръя факультетлэн удмурт отделенияз пыре. Дышетскон вакытаз ик, 1992-тӥ арын, «» газетлэн редакцияз ужаны кутске. Университетэз йылпумъякуз,  «Лулсэр» нимо творчской диплом гожтӥз. Отчы студенткалэн 48 кылбурез но А. Ахматовалэсь но М. Лермонтовлэсь берыктэм ужъёсыз пыризы.

Мукет нылкышно кылбурчиос пӧлысь Зинаида Рябинина висъяське ӧч карыса, чепылляны турттыса гожъяськон манереныз. Лирической героинязэ со чеберъятэк возьматэ. Финно-угор поэтэссаос пӧлын пиосмуртъёс азьын йыбыртъятэк улыны быгатэменыз висъяське, аслэсьтыз дунзэ ӟеч тодэ. Куд-ог учыръёс-кусыпъёс сое курадӟыто — нырысь учкыса, кужмо, юн сямо героиня мылкыдъёсызлы сётиське, но пиосмурт нылкышноез дунъяны уг вала. Озьы ке но пиосмуртэз со укыр уг пыкылы, валаны тырше. 

Кылбуръёсысьтыз образъёс вакчиесь но валамонэсь луо. Соос аспӧртэм картинкаослы укшало. Чуръёсыз пуштроссыя но, формазыя но эрикоесь, озьы ке но кылбурчи нокытын но мултэссэ уг куасалты. Туала нылкышно лирикаын висъяське психологической ӧре кыстӥськеменыз.




#Article 175: Лондон (113 words)


Лондон () — Быдӟым Британилэн но Уйпал Ирландилэн Огазеяськем Королевствозылэн но Англилэн шоркарез, Британ шормуӵьёслэн бадӟымез карзы. Карлэн быдӟалаез — 1 сюрс 706,8 квадрат иськем. Кылдытемын вал римлянъёсын, кудӥз нимазы сое Londinium, со дырысен кемала дыр ортчиз ни, но Лондон кык сюрс ар ини пӧртэм кивалтӥсьслэн карзы луэ. Шорсюлмыз — Сити. Лондонлэн быръем кивалтӥсез — карлэн йырыз, мэр (Mayor of London). Та ужез али валтэ Садик Хан. Лондонлэн кенеш органэз — Лондон Ассамблея (London Assembly). Дуннелы Лондон — номырин мертантэм инты: со — политика, культура, масс-медиа, тазалыкез утён, мода, наука, ужбергатон, сервис, азинскон, туризм, транспорт, вузкарон, коньдон ужпумъёс но мукет ласянь шорсюлэм луэ. Лондон улӥсьёслэн Европаын бадӟымез GDP-зы (ӟуч валовой внутренний продукт). Татын интыяськемын Европаысь 500 бадӟымез компаниос пӧлысь 100-эз.




#Article 176: Минск (101 words)


Минск (бел. Мінск(Менск) — Белоруссилэн шоркарез, Минск улослэн но ёрослэн административной центрез. Кар Минск ёросэ уг пыры, малы ке шуоно нимаз административно-территориальной единица луэ. Пусъемын Город-герой нимын. Минскын интыяське СНГ-лэн штаб-квартираез. Европаысь каръёс пӧлын улӥсьёслэн лыдзыя со 10-тӥ интыын, нош ЕАЭС-ын - 3-тӥ. Быдӟалаез 348,84 квадрат иськем, улӥсьёсыз - 1 941 сюрс мурт (2015-тӥ ар кутсконлы).

Малпан вань, Минсклэн нимыз Меня (Менка) шур ним бордысь потӥз шуыса. Меня шур ним кылдыны быгатӥз индоевропейской *men - «покчи» бордысь. Но рос-прос сое вераны уг луы, малы ке шуоно мен- (ман-) кылвыжы финн-угор кылъёсын но пумиське: мансиысь манья - «пичи шур» (мань - «покчи, пичи», я — «шур»). 




#Article 177: Курег (112 words)


Курег (латин кылын Gallus gallus domesticus) – курег семьяысь гурт тылобурдо.

Айы курег : Атас

Пичи курег : Чипы

Самой трослыко но паськыт вӧлмем гурт куреглэн выжыез. Соосты сӥль но пуз понна вордо, озьы ик соослэсь тылы но мамык басьто.

Лыдъяське, курегъёс кыр банкиевской курегъёслэсь кылдӥллям шуыса, кудъёсыз уло Азиын. Нырысьсэ курегъёсты адями 2000 ар асьме даурлэсь азьло бордаз карем. Куд-ог тодосчиос верало, со, пе, 6000-8000 аръёс асьме даурлэсь азьло луэм шуыса.

Атас но курег вылтусъёсынызы туж висъясько: атаслэн тылызы яркытгес но быжазы но чыртыязы тылызы кузьгес куреглэн сяна. Атас ӝужытгес но ӟускиез бадӟымгес. Курегъёслэн секталазы 1,5 килограммысен 5 килограммозь.

Курегъёс ваньзэ сиё: турын-куар, тысь, куар, нымы-кибы, нумыр но куддыръя шыръёсты но.




#Article 178: Кызьпу (164 words)


Кызьпу (латин кылын Betula) – кызьпу выжыысь писпуос но куакъёс. Лыдъяське, Росси кунын со тужгес но зол вӧлмем пу. 120 пӧртэм. Кызьпу паськыт вӧлмемын уйпал полушариын. 

Кызьпулэн тросэз люкетъёсыз уже кутӥсько: пуэз, сулэз, туез, сурсвуэз. Кызьпу почкаос но куаръёс кутӥсько эмъяськон удысын. Туй – кызьпулэн уно аръёс ӵоже зӧкам сулэз. Куд-ог кызьпуосын бакчаосты чебермало, мукетъёсыныз бусыосты тӧллэсь утё. 

Кызьпу бадӟым инты басьтэ славян, скандинав, финн-угор но мукет калыкъёслэн лулчеберетазы.

Кызьпулэн ӝуждалаез – ог 30-45 м, зӧкталаез 120—150 см. Куд-ог куакъёс музъмлэсь кӧнялы ке гинэ ӝутӥськыса будо. 

Выжыоссы бадӟымесь но юнэсь. Пӧртэм интыосын соос висъясько – яке музъем валлин будо, яке муре кошко. Кызьпу нырысетӥ аръёссэ гинэ каллен будэ. Собере со шаплыгес выллань кыстӥське. Соин ик со ворме мукет будосъёсты.

Кызьыпу сул ӵемысь тӧдьы, но быгатэ луыны ӵужалэс, лемлет, гордалэс, пурысь, курень яке воксё сьӧд. 

Удмурт шаерын 4 тусоез : ошиськись (Betula pendula) но пазьырес кызьпуос арама кылдыто, будо 25 м ӝужда. Лапкыӵес но карлик кызьпуос кылдыто лапег куакъёс асьме палан шергес пумисько, соосты утёно. 




#Article 179: Пушкин, Александр Сергеевич (190 words)


Пушкин, Александр Сергеевич () — быдӟым ӟуч кылбурчи.

Вордскемын 1799-тӥ арын 6-тӥ инвожое Мускоын.     

Пичи дырысеныз со литература удысэн герӟаськемын вал. Атаез вылӥ дунъяз литератураез, солэн бадӟым библиотекаез вал. Пушкинъёс доры куное вуылӥзы Карамзин, Жуковский но мукетъёсыз.

Песяез, Арина Родионовна няняез, Никита Козлов агаез вӧзын будыса, Пушкин трос тодон-валан басьтӥз, фольклорез йыраз понӥз. Бӧрысь атаез малпаз Александрез Царскосельской лицее келяны, отын со дышетскыны кутскиз 1811-тӥ арын. Лицей Пушкинлэн улоназ бадӟым инты басьтӥз. Тырмыт вераны эшъёсызлэсь нимъёссэс гинэ, кудъёсыныз со лицейын пумиськиз: Иван Пущин, Вильгельм Кюхельбекер, Антон Дельвиг. Соос пыраклы ӟеч эшъёс луизы. Лицейын Пушкин кылбуръёс гожъяны кутскиз, 1814-тӥ арын нырысетӥез — «К другу стихотворцу» — печатламын вал.

Лицеез йылпумъямез бере Пушкин Москвае уг берытскы, 1817-тӥ арын со Петербурге выже но Кунсьӧр ужъёсъя академиын ужаны интыяське. Петербургын со трос литераторъёсын пумиськылэ, балъёсы, театръёсы ветлэ. Нош 1820-тӥ арын «Руслан и Людмила» — нырысетӥ бадӟым ужзэ — йылпумъя.

Петербургетӥ ӝог вӧлмем эпиграммаосызлы, эрико кылбуръёсызлы луыса, 1820-тӥ арын ик Пушкинэз ссылкае келяло. 4 ар ӵоже со пӧртэм каръёсы вуылӥз: Екатеринославе, Кишинёве, Одессае. Со ссылкаын дыръяз дано гожъяськись кылдытэ «Кавказский пленник», «Бахчисарайский фонтан», «Братья- разбойники» романъёссэ, нош 1823-тӥ арын «Евгений Онегин» кылбурен романэз борды басьтӥське.




#Article 180: Латви кыл (100 words)


Латви кыл (аслаз нимыз - Latviešu valoda) - ӵукпалбалт кыл. Латвилэн кун кылыз, Европа Огазеяськонлэн огез нимлыко кылыз. Латви кылын 2 миллион адями мында верасько. Тросэз – Латвиысь улӥсьёс, мукетъёсыз – латви диаспора.
Литва но латгали кылъёсын ӵош балти кыл огинэ пырэ.
Латви кыллэн тужгес но матысь бӧлякез – латгали кыл. Куд-ог тодосчиос сое латви кыллэсь вераськетсэ нимало.

Юн веран куара нырысети ёзын. 
Куд-ог кылъёсын гинэ, тросэз – мукет кылъёсысь, юн веран куара мукет ёзъёсын сылыны луэ.
Латви кылын 33 гожпус, 48 куара
Кык гендер: пиосмурт нимкылъёслэн  -s/-š,- is яке –us пумъёссы; кышномуртлэн - -a,-e яке куд-ог дыръя –s пумъёссы.




#Article 181: Выль Мӧнья (Пичи Пурга ёрос) (370 words)


Выль Мӧнья () — Пичи Пурга ёросысь удмурт гурт. Али дыре татын ог 400 адями улэ (удмуртъёс). Гуртын вань начальной школа, средней школа 9 классозь, библиотека, нылпи сад, клуб но кык магазин. Гурт администрация но почта интыяськемын Улын Юри гуртын. Почталэн индексэз: 427826.

Выль Мӧнья гуртлэн историез но выжыез но туж бадӟым. Тужгес но бадӟым выжыос лыдъясько Эпи, Чокмор но Гозы. Котькудӥзлэн историез туж тунсыко, но мынам вераме потӥз Гозы выжы сярысь.

Гозы выжы — узыр выжы вылэм. Нош та ним соослы «лякиськем» Олексанэн йырин.

Олексан — Верка мемеелэн, мемеезлэн атаез (ӵуж атаез). Гуртын улон секытэн Олексан потэм сюрес вылэ уж утчаны. Вуэм Сарапул городэ, интыяськем купецъёс доры сапегъёс кышъяны, мукет ужъёс быдэсъяны. Одӥг купец туж синмаськем ужамезлы, малпаллям Олексанэз кышъяны. Купецлэн эшез вылэм, соизлэн бызьыны вуэм нылыз, Олексанлэн но арескыз вань ини. Дэмласа, Олексан соглаш луэм. Бертэм Мӧньяла ивор вайыса. Кенлы мынӥллям кык валэн вылэз дӥськут курем асьсэ бӧлякись пиосмуртлэсь.

Башурысь ваем кензы туж узыр вылэм. Атаез сьӧраз бадӟым горшокен азвесь, зарни уксе лэзем. Куинь кабан нянь, гекта нюлэс, возь кузьмам. Вань пирданзэ куинь валэн ваиллям. Ӟуч кензы Мӧнья гуртын удмурт кылэз дышетэм. Олексанлэн озьы усьтӥськиз выль ужан радлыкез — вуз нуллон, вошъян, купецъёсын пумиськонъёс. Нылызлэн фамилиез медаз быры шуыса, купец Олексанлы сётэ аслэсьтыз Воробьёв фамилизэ.

Гуртаз вуз вайыкуз, Алабгоысь бертыкуз, тарантасэзлэн питранэз сӧриськем. Мар карыны ёрмыса, Олексан питранзэ гозыен бинем. Гуртаз мырдэм но кызьы вуэм. Мӧньялась пиосмуртъёс тае кылыса ним лякиллям — Гозы Олексан.

Олексан олокытчы но ветлыса, Мӧнья гуртэ, сирень сяська ваем.

Олексан доры ветло вылэм кеньыр лэсьтыны, пызь изыны. Вукоез ужа вылэм валэз бергатыса. Кулакъёс пӧлы сюриллям Олексанъёс но. Олексан туж ӝикыт, чурыт адями вылэм. Байлыксэ ватыса возем, нылпиосызлы номырно сётымтэ. Кеносысьтыз коръёссэ гыркъяса, зарнизэ отчы туйнаса возем. Раскулачивание вакытэ, кеноссэ колхозэ нуизы. Одӥг гужем ведра дурысь кадь кисьтӥз зор. Кеносэ ӵашъем, олокытӥ-мар ӝуаса бырем. Зарниез ӵыжаса коръёсысь потэм, калык сое бичам но черке сётэм.

Озьы ик тодмо, со ӟуч кензэс лушканы кык пол вуылэм Камит Усманов, ваткаса вуттӥллям. Котькуд пырыкузлы вера вылэм: «Здесь русским духом пахнет».

Озьы ик вань мукет веран: гозы ним выжымылы лякиськем купецэн кузьмам бусы бордысь. Со гозы кадь кузь вылэм, нимыз но «Гозы возь». Со али но вань. Интыяськемын Шорын Юри палан.

Озьы ик ушъяськем потэ милям выжыысь потэм кизилиен. Со Надежда Уткина. Дано Удмурт кырӟась.




#Article 182: Узы (133 words)


Узы (латин кылын Fragaria) – льӧль буёло семействое пырись турын. Евразиын но Уйшор пал Америкаын ог 50 пӧртэмез будэ. 

Удмурт Шаерын 3: нюлэс узы (Fragaria vesca), вожмыт узы (Fragaria viridis) но борылы укшась, шергес пумиське мускусной узы (Fragaria moschata). 

Будо нюлэс кыръёсын, нюлэскын но турыно вырйыл бамъёсын. Кутӥсько ческыт сиен луыса, эмъюм луыса (желч., мочегон., потогон. амаллуо, озьы ик сюлэм, вирсэр но љуш-сюл висьыку). 

Мушъёслы мӧль сёто. Удм. шаерын вӧлмемын садовой но ананасной выжыос. Али тодмо ни ог 20 сортъёсыз: Заря, Зенит, Фестивальной но мук. 

Вӧлмыто вегетативной амалэн (мыйыкъёссэ люкыса) но кидысэн (ремотантный). Тужгес усто рассадаез луэ нырысетӥ арзэ будэмезлэн. Узыез тросгес луэ кыкетӥ гужемаз. 

Изъян ваисьёсыз - эмезь-узы долгоносик (кузьныр) (Anthonomus rubi), узы клещ (Phytonemus pallidus fragariae); висёнъёсыз - узы нематода (Aphelenchoides fragariae), пурысь сись, пызь лысву, куаръёслэн бусӥр но тӧдьы виштыосыз.




#Article 183: Удмурт Элькунысь Йӧскалык музей (256 words)


Удмурт Элькунысь Йӧскалык музей — Удмуртиысь валтӥсь музейёс пӧлысь одӥгез. Ижкарлэн шораз интыяськемын, Ижысь Арсеналлэн юртаз (Президент дворец сьӧрын).

Музейлэн экспозициосыз пӧртэм дыре пӧртэм интыын возиськизы: 1920-1926-тӥ аръёсы — национализированной лютеран кирхаын (Советской урамын Горд но Карл Маркс нимо урамъёс вискын), 1931-1932-тӥ аръёсы — Александро-Невской соборын, 1932-1937-тӥ аръёсы — Михайловской соборын, 1937-1939-тӥ аръёсы — К. Маркс нимо ульчаысь 23-тӥ номеро юртын. 1939-тӥ арысен куарусён толэзьысен музейлэн коллекциосыз Сарапулысь шаертодонъя музее нуэмын (Первомайской урам, 68-тӥ номеро юрт). 1945-тӥ арын музей понна Ижкарын юртъер висъямын (Ленин урамысь 180-тӥ номеро юрт, 1970-тӥ арысен — Сивковлэн урамаз). 1970-тӥ арысен музей Арсеналлэн юртъераз (Ижкарысь пыӵал лэсьтон заводлэн) интыямын. Музейлэн азинсконаз туж бадӟым юрттэт директоръёсыз: А. М. Филимонов (1920-1922-тӥ аръёс), К. П. Чайников — Кузебай Герд (1925-тӥ арысен инвожо толэзьысен 1926-тӥ арозь куарусён толэзёзь), М. И. Ильин (1926-1932-тӥ аръёс), Т. А. Шилова (1982-1997-тӥ аръёс).

Этнографической но антропологической материал бичанъя нырысетӥ экспедиция Кузебай Гердлэн кивалтэмез улсын 1926-тӥ арын Вавож ёросысь Малиновка гуртын радъямын, 1930-тӥ арын та выллем экспедициос, Москваысь но Ленинградысь тодосчиослэн пыриськеменызы, Пичи-Пурга, Можга но Глазов ёросъёсын ортчытэмын вал. 50-тӥ аръёслэн шор вадесысенызы кутскыса музей арлы быдэ 3-5 экспедициос радъялляз — археологической, этнографической, историческо-бытовой, естественно-научной но мукет. 1997-тӥ ар азелы 1-тӥ толшор толэзьлы музейлэн инъет фондаз 131 434 возён единица лыдъяське вал. Туж дуно луо удмурт калыклэн археологиезъя но этнографиезъя люкам арбериос, 19-20-тӥ дауръёсысь гурт но кар улонысь котыр; Ижкарын но тужгес но умойёсаз западно-европейской фирмаосын лэсьтэм пыӵал-тӥрлыкъёс — пӧйшуран но огшоры пыӵалъёс; бадӟым калибрен кузь гумыё пыӵалъёсын коллекция; промышленностьлэн, гурт хозяйстволэн, калык дышетонлэн, тазалык утёнлэн историзыя фотографиосын но ужкагазъёсын люкам коллекция; тодмо шаерчиосмылэн асьсэ киын люкам (личной) фондъёссы; Быдӟым Отечественной ожгаръя материалъёсын коллекция; удмурт суредасьёслэн но скульпторъёслэн произведениоссы.




#Article 184: Удмурт Элькунысь Йӧскалык книга возённи (443 words)


Удмурт Элькунысь Йӧскалык книга возённи, элькунысьтымы печатлам произведеносты бадӟым возённи, научной, информационно-библиографической но методической центр Удмурт Элькунысь вань сӧзнэтъёсысь но ведомствоосысь книга возённиос понна. Усьтэмын 1918-тӥ арын 15-тӥ куартолэзе, 1934-тӥ арозь заводской офицерской ожгар люкамлэн (собранилэн), Ижевскысь Нагорной но Шурсьӧр (Заречной) огъя книга возённиослэн, Калык юртлэн но ревизированной частной люкамъёслэн фондъёссы вылын кылдытэм Шор кар книга возённи нимаськиз. 1934-тӥ арысен Элькынысь научной универсальной книга возённи, 1936-тӥ арысен книга возённилы А. С. Пушкинлэн нимыз сётэмын, 1957-тӥ арын 27-тӥ шуркынмон толэзе УАССР-ысь министръёслэн Кенешсылэн Президиумезлэн пуктэмезъя, йӧскалык книга возённи статус сётэмын. «Книга возённиысь ужъёсты автоматизировать карон», «Удмуртия сярысь тодэ ваёнъёс» (йӧскалык библиографиез, шер пумиськись но дуно луись ужкагазъёсты, Удмуртилэсь огъя йӧскалык фондзэ люкан но утён) целевой программаосъя ужа. Книга возённилэн пуштросаз 20 люкетэз (отделэз) но 5 секторез лыдъяське.

Шаертодонъя но финно-угорской литературая фондын 43 650-лэсь трос экземляр люкамын (ужкагазъёс, книгаос, брощюраос, газетъёс, журналъёс, изоизданиос, диапозитивъёс, аудио- но видеокассетаос, микрофильмъёс, удмурт, ӟуч но куд-ог финно-угор кылъёсын кигожтэм ужъёс (рукописьёс), Октябрь революци дорозь поттэм изданиос, 20-тӥ даурлэн 20–30-тӥ аръёсазы поттэм литература). Тужгес но вашкалаез издание (ксерокопиез) – «Журнал или дневные записки путешествия капитана Рычкова ро разным провинциям Российского государства в 1769 и 1770 году» нимо уж (Санкт-Петербургын, 1770-тӥ арын поттэмын). Оригинальной изданиос пӧлысь пусйыны кулэ Д. Островскийлэсь «Вотяки Казанской губернии» (Казаньын, 1873-тӥ арын потэмын), улэп дыръязы поттэм Г. Верещагинлэн «Вотяки Сарапульского уезда Вятской губернии», «Вотяки Сосновского края» но мукет, Н. Первухинлэн «Эскизы преданий и быта инородцев Глазовского уезда» книгаосты. Периодической изданиос пӧлысь тужгес но вазез «Ижевская правда» газет луэ. 1992-тӥ арысен книга возённи калыккуспо книгаосын вошъяськон удысын США-ысь, Финляндиысь, Венгриысь, Эстониысь, Латвиысь книга возённиосын герӟаськемын. Со кунъёслэн книга возённиосысьтызы 300-лэсь трос экземпляр литература Удмуртие вуиз. 1960-тӥ арысен «Летопись печати Удмуртской Республики» (1995-тӥ арысен – автоматизировать карем режимын) нимо издание потэ: «Знаменательные и памятные даты Удмуртской Республики» литератураен указатель (1963-тӥ арысен, 1971–80-тӥ аръёсы вис каремын). Тужгес но бадӟымъёсыз библиографической указательёс: «Ими гордится удмуртская земля» (серия, 4 поттэмез, Ижкарын, 1976–81-тӥ аръёсы), «Литературная жизнь в Удмуртии» (2 томен, Ижкарын, 1980–87-тӥ аръёсы), «Удмуртия» (Ижкарын, 1991-тӥ арын).
Книга возённилэн та люкетысьтыз ужасьёс «Природа Урала», «Водные ресурсы Урала» (Пермьын, 1983-тӥ арын), «Флора, растительность и растительные ресурсы Урала» (Пермьын, 1987-тӥ арын), «Животный мир Урала» (Ижкарын, 1989-тӥ арын) библиографической указательёс лэсьтонэ пыриськизы. «Удмуртское языкознание», «Удмуртская песня», «Кузебай Герд» нимо но мукет библиографической указательёс поттыны дасямын.

Jжыт пумиськись книгаосъя отделын 7000-лэсь трос книгаос (озьы ик кигожтэм экземпляръёс, печатной книгалэн искусствоезъя образецъёс, кылсярысь, Смотрицкийлэн Москваын 1648-тӥ арын печатлам «Грамматикаез», вашкала печатлам книгаос, кудъёсыз куке но Императорской Александровской лицейлэн но Academia (1921–37-тӥ аръёс) нимо Московско-Ленинградской кооперативной книга поттоннилэн вал, миниатюрной изданиос) возисько. Россия кунлэн историезъя репринт амалэм поттэм изданиос но книгаослэн-синпельметёслэн факсимильной изданиоссы но вань.

Лит-ра: Удмуртская республиканская универсальная научная библиотека им. В. И. Ленина: Путеводитель. Ижевск, 1989.




#Article 185: Лудӵӧж (160 words)


Лудӵӧж (Луд ӵӧж) яке Кыр ӵӧж ( ) — тылобурдо утиные (Anatidae) семьяысь, гусеобразные (Anseriformes) отрядысь. Золгес тодмо но вӧлскемын кыр ӵӧж. Айы ӵӧжлэн мугорызлэн кузьдалаез 62 см вуэ, мумыезлэн — 57 см пала, секталазы вуэ 1-1,5 килограммозь (сӥзьыл дыре, куке тылобурдо трос сиське лобӟон азьын, соослэн секталазы 2 килограммозь вуэ). Йырыз но чыртыыз  айыезлэн вожесь, азьпалыз куренё, тыбырыз но кӧт палыз пурысь. Мумыезлэн буёлэз куреньгес, сьӧд пытьыосын, кӧт палыз куренё-пурысь. Айыезлэн но мумыезлэн бурдазы вань лызо-льӧль «синьучкон».
Шуныт кунъёсы лобась тылобурдо. Уло кынмисьтэм, кӧня ке слало вуосын. Таяз аръёсы уло бадӟым кар вуосын  но каръёс палан.

Лудӵӧжъёсыз ярато кутылыны пӧйшурасьёс. Луд ӵӧжлэсь селекция лэсьтыса поттэмын трос дор ӵӧжъёс.

Лудӵӧж зол вӧлскемын уйпал полушариын. Каръясько арктической широтаосын уйпалын 70° у. ш., озьы ик шуныт субтропической климатын лымшорын 35° у. ш. Уйпал Африкаын но 20° у. ш. Шор Европаын бадӟым гурезё интыосын гинэ уг каръясько, Скандинавияын уйпалгес 70° у. ш. но нюлэстэм тундраын Россия территориын каръяське. Сибирьын вӧлскемын уйпалын Салехардаозь, Туруханскаозь.




#Article 186: Узы-Боры (фильм) (147 words)


Кино пуктыны малпанзэ Польшаысь вуэм Петр Палган усьтӥз, со ик вал кинолэн продюсерез. Сценарий солы Дарали Лели гожтӥз. «Узы-борыез» лэсьтонэ пыриськизы трос удмурт егитъёс. Удмуртъёсын артэ ужазы поляк продюсер – ачиз Петр Палган но Англиын дышетскись Доминик Палган. Со быдэстӥз операторлэсь ужзэ. Эшшо одӥг поляк эшсы Варшаваын быдэс киноез монтировать кариз. 

Гондыргуртысь Максим синмаське шоркарысь кизилилы, Ядыгарова Викториялы. Радио пыр кырӟанъёссэ кылзыса, со уй клубе мыноно кариське. Отын тодматскыны турттэ, но гуртысь пияшлы люкетэ чеберай кырӟасьлэн узыр бигер туганэз. Максимлэн Дыды сузэрез но дедушез сое утьыны выро: армиысь бертэм Митреен но мукет пияшъёсын ӵош соос Викалэсь продюсерзэ утчаны кошко. Кызьы но озьы йӧно кизили но йӧспӧртэм Роберт вуо Гондыргуртэ. Отын соосты витё гурт улонлэн саламъёсыз...

Мукет рольёсын озьы ик шудӥзы: Николай Смирнов, Анна Смирнова, Любовь Киселёва, Анатолий Галиханов, Мария Имбирная, Максим Князев, Анастасия Петрова, Елена Байкова, Александр Коренков, «МАЛПАН» группа  но Пурогуртын улысьёс.

Фильмын уже кутэм крезьгур:




#Article 187: Интернационал (гимн) (107 words)


Интернационал — калыккуспо пролетарской гимн, коммунистической партиослэн гимнзы, кудӥз Эжен Потье француз композиторэн гожъямын вал.

Кулонлэсь кышкатэк люкаськелэ
Ситэк, ютэк улӥсь муртъёс.
Люкаськиды ке, – озьы тӥни
Кур карисез вормын луоз!
Мурт кужымез сиись муртэ
Вочак быттыны тыршоме,
Курадӟыса улон дуньемес
Виль вордчкем кадик кароме!

Ачмиёс мозмоно эм ке карэ
Таӵе курадӟыса улонлэсь
Ачмиёс понна бӧрдӥсь уз луы –
Луиз ке но, эжыт гынэ!
Куӟо муртлэсь ваньзэ-бурзэ
Ачмелы каром шуим-ке,
Ог кенешен улон кулэез
Нэнокуно ум вунэгэ!

Тэк кыльлисьёс тэй кадь ик уло,
Киязы музъём кутыса;
Ачмелэн нош музъеммы-но,
Тырмымон ӧвӧл ужаны!
Ини сыӵе тэк кыльлисез
Кулэ ужлы куткытыны –
Соослэсь ини ваньзэс-бурзэс
Кулэ ведь мерлы сётыны!




#Article 188: Лулпу (103 words)


Лулпу (латин кылын Alnus) – Betulaceae семьяысь (кызьпу семействоысь) куаро писпуос но куакъёс. Дуннеын тодмо ог 30 видъёсыз. Пуэз кутӥське мебель, тара лэсьтонэ, курысьтыз дубильной в-оос но буёл лэсьто, ӵыжинъёccэ медицинаын куто. Лулпу юнматэ шуръёслэсь, вукыремъёслэсь дуръёссэс, гурезь бамъёсты, муэз азотэн узырмытэ.

Удмурт шаерын 3 тусоез : пӧлын клей лулпу яке сьӧд, но пурысь лулпу, ог 20-30 м ӝужда. Сьӧд лулпулэн курез пеймыт-бусӥр, пиналгесъёсызлэн пеймыт-пурысь, йылысьтыз куаръёсыз выемчатой. Пурысь лулпулэн курез ӟарыт-пурысь, йылысьтыз куаръёсыз йылсоесь. Кыкез ик будо мускыт интыосын дрениров. муос вылын шуръёс кузя, ӵемысь чылкыт арама кылдытыса. Пурысь лулпу корам, ӝуам, куштэм муос вылын будыны кутске, Сьӧдэныз ӵошатыса, котькыӵезэгес музъемез чида. 




#Article 189: Турциысь ёросъёс (170 words)


Турциысь ёросъёс яке ильче (турок кылын ilçe ; old ним: kaza = каза) — Турцияын тодмо ог 957 ёросъёсыз. 

Адана кар = Юрегир, Караисалы, Сарычам, Сейхан, Чукурова 

 

Анкара кар = Акьюрт - Алтындаг - Аяш - Баля - Чанкая - Чубук - Элмадаг - Этимесгут - Гёльбашы - Каледжик - Казан - Кечиёрен - Мамак - Синджан - Пурсаклар - Енимахалле 

 Анталья кар = Аксу, Дёшемеалты, Кепез, Коньяалты, Муратпаша 

 

 

 
Бурса кар : Гемлик, Гюрсу, Кестель, Муданья, Нилюфер, Османгази, Йылдырым.

Газиантеп кар : Огузели, Шахинбей, Шехиткамиль.

Диярбакыр кар : Баглар, Каяпынар, Сур.

 
Измир кар : Балчова, Байраклы, Борнова, Буджа, Чигли, Газиэмир, Гюзелбахче, Карабаглар, Каршыяка, Конак, Менемен, Нарлыдере.

Кайсери кар : Хаджылар, Инджесу, Коджасинан, Меликгази, Талас.

 

 
Конья кар : Каратай, Мерам, Сельчуклу.

Мерсин кар : Акдениз, Мезитли, Торослар, Енишехир.

 

Адапазары кар : Арифие, Эренлер, Сердиван

Самсун кар : Атакум, Джаник, Илкадым, Теккекёй.

Стамбул кар : Авджылар, Багджылар, Бахчелиэвлер, Бакыркёй, Байрампаша, Бешикташ, Бейоглу, Фатих, Газиосманпаша, Гюнгёрен, Кадыкёй, Кягытхане, Кючюкчекмедже, Шишли, Ускюдар, Зейтинбурну

 
Эрзурум кар : Паландёкен, Азизие, Якутие.

Эскишехир кар : Одунпазары, Тепебашы.




#Article 190: Абашев, Азат Закирович (151 words)


Абашев Азат Закирович (в. 1.I.1957, Удмурт автономной советской социалистической республикаысь Юкаменск ёросысь Юкаменск черкогуртын), мугоркультурая дышетӥсь, калыкез югдытон удысысь отличник (1994), Россия Федерациысь калыкез дышетон удысысь сӥё-дано ужась (1998). 

Яр педучилищеез (1980) но Удмурт университетэз (1984)  быдтӥз. 1984–86 аръёсы Ижысь 41 номеро шор-ёзо школаын, 1986 арысен — 76 номеро шор-ёзо школаын дышетӥсь луыса ужа. 1984 арысен ёросысь мугоркультурая дышетӥсьёслэн методикая огазеяськонэ пыре, 1994–97 аръёсы та огазеяськонэн кивалтӥз.

Мугоркультура ужлэн уроклэсь палэнын ортчытоно формаосызъя вань Россиысь «Педагог ужъя усточи — 94» нимо III учкон-конкурслэн зоная этапезлэн лауреатэз. Автор программаосъя вань Россиысь «Удмурт республикаысь школаосысь 1–11 классъёсын куасэн бызьылыны дасянъя улос программа» нимо II конкурслэн вормисез. 1993 арысен — Удмурт Республикаысь Дышетонъя но наукая министерство бордысь кадръёслэн аттестацизыя экспертъёслэн группаязы пыре. 2002 арысен – Удмурт Республикаысь правительство бордысь дышетон удысын лицензиос сётъянъя, аттестацияя но кун аккредитацияя комиссие пыре. 

Ижысь калыкез дышетонъя кар кивалтоннилэн но Удмурт Республикаысь Дышетонъя но наукая министерстволэн данъян грамотаосынызы пусъемын.




#Article 191: Шунды пуксён пал Канадаысь инуит кыл (103 words)


Шунды пуксён пал Канадаысь инуит кыл, Шунды пуксён пал Канадаысь инуктитут кыл яке Инувиалуктун (аслаз нимыз: Inuvialuktun ; англи нимыз Inuvialuktun, Inuvialuit language, Western Canadian Inuit language, Western Canadian Inuktitut language) — Эскимос-алеут кылъёслэн семьяысьтызы эскимос инуит кылъёслэн группаязы пырись кыл. Канадаын Уйпал — шунды пуксён пал Территориосыз штатын но Нунавутын улӥсь Шунды пуксён пал Канадаысь инуитъёслэн кылзы.

Уйпал — шунды пуксён пал Территориез штатын (Инувиалуктун [= Сиглитун диалект] но Инуиннактун кылъёс) но Нунавутын (Инуиннактун кыл) со кыл — официальной кыл.

Шунды пуксён пал Канадаысь инуит кылэн диалектъёсыз:

NOTE: Ууммармиутун (Канадаысь инюпиак) диалект инюпиак кылэн диалект.

Уйпал — шунды пуксён пал Территориоссаз

Нунавутын




#Article 192: Лебедева, Серафима Христофоровна (148 words)


Серафима Христофоровна Лебедева — удмурт этнограф, музейын ужась. Вордскемын 20-тӥ гудырикошконэ 1936-тӥ аре, Дэри ёросысь Шабердӥ гуртын (Шабердино), улэ но ужа Ижын.

Экспозициос лэсьтонын но со туж усто, сюлэсь трос адӟытонъёс (стационарнойёссэ но, передвижнойёссэ но) со лэсьтӥз Ижын, Можгалан, Гурезь-Пудга гуртын, Завьялын, Шарканын, Грахын, удмурт калыклэн но удмурт шаерлэн историзылы но культуразылы сӥзьыса. Солэн наука ласянь кивалтэм улсаз кылыдтэмын Национальной музейысь «История и культура края с VIII тыс. до н. э. — нач. ХХ века» нимо бадӟым экспозицилэн этнографияя люкетэз. Удмуртилэн каръёсысьтыз но ёросъёсысьтыз музейын ужасьёс пӧлын Серафима Лебедева методикая уж но нуэ, дышетэ соосты музей ужез радъяны.

Данъямын Удмурт Республикаысь культурая, национальной политикая, дышетонъя но наука министерствоослэн, Кун Кенешлэн, мукет орагнизациослэн данъян грамотаосынызы. «За трудовое отличие» но «Ветеран труда» медальёсын пусъемын. 1987-тӥ аре «Заслуженный работник культуры УАССР» дано ним басьтӥз. Кастрен нимо финн-угор огазеяськонлэн нимо-дано кунсьӧрысь членэз (1995). 2000-тӥ аре со басьтэ Кузебай Гердлэсь премизэ, 2005 аре — Удмурт Республикаысь кун премиез.




#Article 193: Орлой (128 words)


Орлой (, ) — Удмурт Элькунысь Пичи Пурга ёросысь гурт. Азьвыл нимыз — Кваскашур-Пурга (азьло со сылэ вылэм Кваскашур дорын, табере шур куасьмемын ни, со интые Куасканюк кылемын).

Орлой гурт кылдытэмын вал Баграш-Бигра гуртысь потэм калыкен. Та гуртлы ог 200 ар. 189 арын гуртын вал 22 корка.

Орлой тодмо луэ ас спортсменъёсыныз. Татын вань стадион, толалтэ куасэн нискылан инты дасямын луэ. Котькуд ар 7 толшоре Орлойын радъясько Вордиськонлы сизем шудонъёс, кытчы пырисько быдэс районысь но солэн палэнысьтыз лыктэм спортсменъёс. Ортчытӥсько мини-футболъя, куасэн нискыланъя, гурезь вылысь додьыен васьконъя ӵошатсконъёс, озьы ик егит пиос мотогонкиосы пырисько.

Туала вакытэ Орлойын трос егит спортсменъёс будо, кудъёсыз пӧртэм ӵошатсконъёсы пырисько но ӵемысь вормисе пото. Соослы спортын азинскыны юрртэ та гуртысь ик тренер Василий Егорович Трошкин.

Орлой гуртысь пиналъёс дышетскыны ветло Баграш-Бигра гуртысь шор ёзо школае.




#Article 194: Туймыйыл (134 words)


Туймыйыл (ӟуч. Удмуртский Тоймобаш) — Алнаш ёросысь одӥгез бадӟым гурт. Калыкын вакчияк Туймыл шуо.

Нимыз гуртлэн герӟаськемын Туймы шурлэн нимыныз, кудӥз бызе гурт пыртӥ но басьтэ кутсконзэ гуртлэсь ӧжыт гинэ вылӥын. Кылдэмез Туймыйыллэн герӟаськемын батыръёсын, кудъёсыз вуиллям та гурезё-нюлэсо-шуро палъёсы интыяськон инты утчаса. 

Туймыйыл гурт сярысь тырмыт тодонъёс шедьтыны луоз али гинэ поттэм книгаысь Туймыйыл - у истоков Тоймы реки, кудӥз быдэсак сӥземын солэн историезлы, калыкезлы но лулчеберетэзлы. Кылдытӥсез но луэ гуртын улӥсь гажамон арлыдо мурт — Мишагай (Пачей Миша)- кудӥз трос дыр ӵоже люкаса возем гуртын ортчись воштӥськонъёс сярысь материал.
Туймыл гурт - вордӥськем шаерез тодмо удмурт гожъяськисьлэн Садовников, Василий Евдокимовичлэн, Удмурт Элькунысь егитъёсын ужанъя министрлэн В. М. Соловьевлэн.  Гурт пыре Прогресс колхозэ, луэ солэн шорыз. Туймыйылын 300 палан хозяство. Школаын 100 мында дышетскисез (отчы дышетскыны ветло на Вишур но Шубино гуртысь пиналъёс).




#Article 195: Батуев, Эрик (101 words)


Эрик Батуев (зэмос нимыз Валерий Николаевич Батуев; вордиськиз 23 куарусёнэ 1969, Симанки (Куштошур) гуртын, Дэри ёросын, Удмурт АССР — кулиз 31 южтолэзе 2002, Муско) — удмурт кылбурчи, писатель, журналист (дуннелы тодмо луиз «ӟырдыт точкаосысь» репортажъёсыныз).

Май 2003 г. — таланто кылбуръёсыз но яркыт публицистикаез понна, дисьтись журналист но поэт луэмез но геройлыкез понна Валерий Батуев (кулэмез бере ини) пусъемын Мускоысь писательёслэн Союззылэн «Венец» премиеныз.

Кулэмез бере поттэмын вал 2 сборникъёс: «Уйшор вуюись» — 2005 арын но «Сюлэмлэн сэрего яръёсыз» — 2009 арын.

Кылбуръёсыз но веросъёсыз печатламын вал таче журналъёсын но газетъёсын: «Книжное обозрение», «Луч», «Смена», «МК-Воскресенье», интернет-изданиосын.

Журналист луыса ужаз «Аргументы и факты», «МК», «Время МН» газетъёсын.




#Article 196: Перевощиков, Генрих Ксенофонтович (202 words)


Генрих Ксенофонтович Перевощиков — тодмо удмурт гожъяськись, Россиысь гожъяськисьёслэн огазеяськонзылэн ёзчиез, Удмурт Элькунысь калык писатель.

Генрих Ксенофонтович Перевощиков вордскиз 1937-тӥ арын 14-тӥ куарусёнэ Эгра ёросысь Верх-Нязь гуртын. Чутырь черкогуртысь сизьым классъем школаез йылпумъяса, Ижкарысь индустриальной техникуме пырыны малпаз. Но пыриз Якшур-Бӧдья педучилищее, собере Дэбес педучилищее выжиз, сое Генрих Перевощиков 1954-тӥ арын йылпумъяз. Нош 1960-тӥ арын быдтӥз Удмурт пединститутысь история но филология факультетэз. Кышнояськиз Мокрушина Роза Васильевна вылын (одиг пиез но кык нылыз). 1958-тӥ арысен Удмурт радиоын ужаз. 1960-тӥ арын поттӥз пиналъёслы книга «Тӧдьы гырлы». Собере потӥзы граждан-публицистической пуштросо очеркъёсын книгаос «Кыдазы егитъёс» но «Куашетӥз сильтӧл».

Генрих Перевощиков — туала удмурт литератураысь одӥгез валтӥсь прозаик. Ас мытэм удыссэ со ӝыны даур пала ини «гыре».

Г. Перевощиков возьматӥз, удмурт литератураын вань сыӵе ужпумъёс но характеръёс, кудъёсыз одӥг яке кык романэ гинэ уг тэро, романъёслэн сузьетазы курисько. 1980-тӥ арын потэ тетралогилэн кыкетӥ книгаез — «Югдонын» ӟардэ», собере — «Тулкымлы пумит» (1981) но «Нуназе азьын» (1986). «Прозаик умой возьматӥз, мар со косъяськон-приказъяськон (командно-административной) система но тоталитаризм, мар мугъёсъя социализмо шаерамы ужась адямиослы шудо улон пуктыны уг луы. Улонмылэсь кыӵе палъёссэ гинэ уг усьты Г. Перевощиков, кыӵе вормон гинэ колхозын ужасьёс уг басьто, — котькытын кылдо но возьматӥсько социализмлэн „вужеро“ палъёсыз, адямилы пумит луись инъетъёсыз» (В. Л. Шибанов).

Али Генрих Перевощиков «Кенеш» журналын ужа.




#Article 197: Гербер (401 words)


Гербер, Гершыд (мукет нимъёс: геры бере, геры шыд) – Гужем нунал берытскон вакытэ, музъем ужъёс бырем бере, удмурт гуртъёсын шулдыр юондыр-юмшан ортчытъяллям. Калыкмес Христос Инмарлы вӧсяськыны пыртэмзы бере, соослэн та вашкала юмшанзы интые, черк Петро нунал шуиськись праздниксэ пусйыны косэ. Мукет праздникъёсы сямен ик, та нуналэ нырысь вӧсяськиллям, йыр-пыд сётонъёс ортчытъяллям, собере вӧсь нерге ветлӥллям. Туала вакытэ куд-ог гуртъёсын та юмшан луэ гырон быдтон праздник бере одӥг арня ортчыса но кыстӥське 5 – 7 нунал. В. Е. Владыкинлэн ивортэмезъя, рос-прос языческой сямъёс возисько на Удмуртиысь Алнаш ёросысь Кузёбай гуртын но Татарстанысь Огырчи (Агрыз) ёросысь Варклед-Бӧдья гуртын. 

Татарстанысь Варклед-Бӧдья гуртоос верамъя, вирнуналэ праздникез кутскыны уг яра. Нырысетӥ нуналаз мӧйыос узьым кизем бусые мыно. Отын соос вӧсясько, сьӧразы ваем няньзэс но нӧкы вӧйзэс вӧсяло, собере соосыз музъеме копало, ю-нянь мед удалтоз шуыса. Кыкетӥ нуналаз мыно вӧсяськыны юри котыртэм интые, сьӧразы озьы ик нуо нянь но вӧй. Татын тылско, нош ик вӧсяло ваем сиёнзэс. Ваньзэ тае бинялто тӧдьы етӥн ӝоккышетэ, кудзэ трос ар талэсь азьло куизы юри таче вӧсяськонъёслы. Нянез но вӧез нуназе бере ваё быръем интые но кельто соосты ӝытозь выль кызьпу вайёсын вӧлдэм турын вылэ. Та вайёсыз котькуд нунал вошъяло. Уж бере та котыртэме быдэс гурт люкаське. Нылкышноос дӥсяло юмшан удмурт дэремъёссэс, пиосъёс но воштӥськем дӥсенызы вуо. Одӥгзылы но йыртэмпол лыктыны уг яра. Вӧсям нянез но вӧез доразы нуо, соосыз быдэс семья куспын люко. Куинети нуналаз лым пӧзьто, солы вандо така яке ыж. Таяз учыре но нянь но вӧй вӧсяло. Тылско мукет тупатэм интыын. Вӧсясь котькуд нунал вошъяське. Сое азьвыл ик быръё. Ньылетӥ нуналэ Мукылчинлы сьӧд така вандо, ӝук пӧзьто. Лыоссэ, йырзэ но пуштӥрлыкъёссэ музъеме гудо. Ӝытазе татчы быдэс гурт люкаське. Витетӥ нуналэ – йыбырттонэ – Инмарлы ыж но кык ӟазег вандо, нош ик лым пӧзьто. Вӧсьсы бере вӧсясь пуньыен лымез тылскеме кисьта, отчы ик сӥльзэ но кӧня ке куя. Та нуналэ ик кылем арлэсь вайёсты но куаръёсты куинь тыскемъёсын суто. Вань лыктэмъёс черодэн соос доры матэ кариськыса йыбыртто. Собере ортчытӥське люгезь вӧсян – котькуд юртысь бичам уксёез вӧсян. Со коньдон сётиське пудо-животсэ вӧсяны висъясь адямилы. Куатетӥ нуналэ – Акташ вӧсяськонэ – вань люкаськемъёслы сӥлен куарняньёс сётъяло, сӥль лымын ӝук пӧзьто, дэмен сиё соосыз. Бергес куарняньёсыз нуо кыз выжые но йыбыртъяло отын. Собере, соосыз басьтыса, доразы берто. Сизьыметӥ нунал – куяськон – берпуметӥ. Соку ош вандо, но уг ни вӧсясько. Пӧзьто сӥль лымын чабей ӝук. Кызъёс выжые куяло пудо-животсылэсь лыоссэ но кӧня ке пуньы ӝук. Котькуд семья буре вае аслэсьтыз кулэм чыжы-выжыоссэ.




#Article 198: Валишин, Роман Галяскарович (191 words)


Роман Галяскарович Валишин (1937—1979) — тодмо удмурт прозаик.

Р. Валишинлэн вазь кошкемез котьку но шӧдӥськоз. Туннэ но шал-шал буш солэн интыез; улонамы уг тырмо писательлэн чылкытэсь малпанъёсыз, визьмо но зэмлыко кылъёсыз, дуннелэсь яраоссэ тужгес но сак шӧдӥсь сюлмыз.

Роман Валишин вордӥськиз Башкириысь Вылӥ Тыхтем гуртын. Тани кызьы гожтэ со пичи дырыз сярысь аслаз дневникьёсаз:

Р. Валишин нырысь педучилищеын дышетске, собере Удмурт пединститутэз йылпумъя. Грах ёросысь школаын дышетüсь но директор луыса ужа, ёросысь газетын тырше. Берло Ижкаре лыктэ но «Советской Удмуртиын» но «Молотын» ужа.

Роман Валишин усто тодосчи луысал, дыр: дышетсконзэ йылпумъямез бере солы аспирантурае пырыны дэмлазы вал. Но со чеберлыко произведениос гожтон удысэз бырйиз.

Гожьяськыны кутскиз кьшбуръёс бордысен, нош вакчи дыр ортчыса, валаз: кылбур гожъян — солэн ужез ӧвӧл. Со ассэ прозаын шедьтӥз, устоосыз пӧлысь устоез луиз. Кин ке но синмаськымон веросчи луэ, нош бадӟым жанръёсын ассэ уг возьматы. Мукетыз автор верос пыр бадӟым эпической произведение гожтыны дасяське. Р. Валишин огкадь усто ужаз пичи но, бадӟым но жанръёс бордын. Со туж умой шӧдылӥз верос жанрлэсь «сӥльвирзэ». Тросэз соос пӧлысь, чылкыт, чебер, югыт сюлмо адямилэсь мӧзмыса, гожъямын. Потӥзы «Вальс», «Выль лымы», «Родники», «Первая осень» нимо веросъёсын сборникъёсыз.

Р. Валишинлэн сюлмыз 42 аресказ жугиськемысь дугдӥз…




#Article 199: Михаил Покчи-Петров (258 words)


Михаил Покчи-Петров (зэмос нимыз Михаил Петрович Петров) вордскиз 1930 аре Можга ёросысь Бадӟым Сибы гуртын.

Можга педучилищеез йылпумъяса, со Удмурт пединститутэ пыре, отын одӥг ар дышетске но Москваысь театральной искусствоосъя институтэ мынэ.
 
Бертэ, режиссёр луыса, Удмурт театрын спектакльёс пуктэ («Чукдор», «Вуж Мултан» но мукет), ачиз ик рольёсты шудэ. Г. Корепанов-Камскиен, Г. Корепановен но мукетъёсыныз кырӟанъёс гожъя, радиоын ужа. Кылбуръёсын «Тодматскон» но «Малпаськон» нимо бичетъёс поттэ. Но сое лек адӟон возьма вылэм: пыласькыкуз, зымон сяменыз, сюрлызэ чигтыса, кулэ.

М. Покчи-Петров туж эшъяськылӥз Гай Сабитовен. Со ик солы «Покчи» ним кутыны дэмлам, малы ке шуоно Михаил Петров удмурт литератураын вал ини. Нырысь, пе, сюлэмызъя ӧй вал, малы ке шуоно еж луэмзэ, пе, возьматэ, нош берло дышем.

Одӥгез тодмо кылбурез:

Тудвуос ортчыса, кезьытъёс бырыку, 

Тулыс куазь дуннеез улӟытон вакытэ,
 
Возьвылысь бадь улэ вож турын потыку,

Кык лемлет сяськаос ӝужазы вал артэ.

Одӥгез льӧль сяська сокем ӝог ӝутӥськиз,

Шӧдыны но ӧз луы солэсь будэмзэ — 

Ваньмызлэсь ик азьло усьтӥськиз,

Возьматскиз,

Шундылэн син шораз мальдытӥз льӧль бамзэ.

Кузь будэм мугорзэ тӧл азьын сэзь шоназ,  

Ӵук лысву шапыкез бичалляз ки вылаз. 

Вӧзысьтыз турынэз нош ватӥз вужераз,

Вож куакысь уӵыпи но сое кадь данъяз.

Мукетыз нош сяська тэк будӥз ас понназ, 

Котыраз пушйизы турын-куар эшъёсыз. 

Со будӥз но чебер усьтӥськиз ас дыраз,

Музъеме пыдлогес кошкизы пыдъёсыз.

Зор бере куар вылысь лыс вуэн мисьтаськиз, 

Пилемо куазь дыръя юн мӧзмиз шундылэсь,

Тол шорын эшъёсыз пӧлын ик веттаськиз, 

Тусбуйзэ уноез ӧз но адӟе солэсь.

Одӥг пол лек пужмер шӧдтэк шорысь усиз, 

Музъемлэсь вӧсь луись бам вылзэ чепыльтӥз. 

Чеберез льӧль сяська соку ӝог кусӥнскиз, 

Нош востэм будэмзэ турын-куар шобыртӥз.




#Article 200: Сэдык (100 words)


Сэдык — асьме пала тулысэз ваись тылобурдо. Лыктэ со тюрагайёсын ӵош, куддыръя лымы вылэ ик вуэ. Котьку интыяське вулы матэгес.

Солэн кузесь но сюбегесь тылыосыз туж чебер такъя кылдыто. Мумы сэдыклэн такъяез вакчигес.
Лоба туж сэзь, омырын олокыӵе но «цирковой» номеръёс лэсьтэ. Лобакуз но, ветлыкуз но такъяеныз шудыны быгатэ: я шонерак выллань ӝутэ, я лэзе.

Сэдык — сак тылобурдо. Пуныосты но ӟичыосты адӟонтэм каре, куд-ог дыръя соос вылэ урдскылэ но. Бурдо сьӧсьёсын но ожмаськемзэ адӟыны луэ. Нош кропотлэсь кышка: вуэ зыме. Ӵем дыръя та тылобурдоез чарланэн (чайкаен) сурало. Сэдыкез тодманы луоз такъяезъя. Та тылобурдоез пезык, тэзык, эсэдык но шуо на.




#Article 201: Кедров, Филипп Григорьевич (137 words)


Филипп Григорьевич Кедров (1909—1944) — удмурт гожъяськись.
              
Вордӥськиз Филипп Кедров Алнашын. Атаез улонысь вазь кошкемен, анаез куинь нылпиоссэ огназ будэтоно луиз.
 
Филипп Кедров, Алнаш школаез йылпумъямез бере, Можга педтехникуме пыре, школаын но газетъёсын ужа. 1931-тӥ арын, Горд Армие мыныса, Ф. Кедров одӥг ар ӵоже командиръёсты дасян курсъёсын дышетске. Ӵапак война кутскемлэсь азьло, 1939-тӥ арын, Удмурт пединститутэ пыре. Гожъяськыны ноку но рос-прос дырыз ӧй вал ке но, лыдӟисьёсызлы трос кылбуръёс, пьеса, «Катя» повестьсэ кельтӥз. Нош кӧняез гожтытэк кылиз, дыр! Шонер пусъе удмурт кылбурчи Иосиф Иванов: «Война трос нылпиосты гинэ вордскытэк ӧз кельты, со вордскытэк кельтӥз трос-трос устоесь произведениосты но».

Но вераны быгатӥськом, Ф. Кедров али ке но улэп шуыса: гожъямъёсыз калыклэн сюлмаз. «Катя» повестез 1940-тӥ арын потэ. Со дырысен та повесть туннэ нуналозь лыдӟисьёслэн яратоно произведенизы луэ. 1961-тӥ арын Г. Корепанов та книгая «Наталь» нимо нырысетӥ удмурт опера пуктэ.




#Article 202: Эдэйгурт (178 words)


Эдэйгурт () — Пичи Пурга ёросысь гурт.

Кин Эдэйгуртын улӥсьёс пӧлысь уг тоды меда гуртлэсь кылдэмзэ. Со вал сыӵе дыръёсы, куке удмурт музъем вылын шонаськыса сылӥзы нюлэсъёс, куке дӥсьтӥсь пӧйшурасьёс гинэ вуылӥзы татчы, кытын али сылэ гурт.

Одӥг пол Бадӟым Учаысь (Можга ёрос) пӧйшурась Эдэй вуиз та интыосы. Татын туж кельшиз солы ошмес, кудӥз али нимаське  Дада  ошмес шуыса. Малпаз со ошмес вӧзы корка пуктыны. Семъяеныз берен лыктэм бераз, ӧз шедьты ни со ошмессэ. Утчанъяз, со азе сюрылӥзы пичи шуръёс но ошмесъёс, но ӧй вал ни сыӵеез, кудӥз солы яраз. Озьы ветлонъяз со вуиз лапег яр дуре, кытысен потыны кутске вал пичи ошмес, берло со  Мырк  ошмес нимаськиз ини. Татчы ик Эдэй аслыз корка пуктӥз. Чебер но кужмо, шуо, Эдэй вылэм. Бадӟым Учаысен аслаз гуртаз вуытозь, пӧсь нянь но, пе, сӥяса уг вуы вал. Котыр адямиос но вуылыны кутскиллым татчы, юртъеръёс трос но трос луиллям. Нюлэсэз сайкиллям, гыриллям-кизиллям. Гуртлэн нимыз озьы Эдэйгурт луэм. Озьы кылдӥз Пичи Пурга ёросысь одӥгез гурт.

Мырк ошмес али но жильыртыса бызе на. Нош Дада ошмесэз адямиос шедьтӥзы ик. Со Тыло (Сыръезшур) гуртлы кутскон сётӥз.




#Article 203: Федотов, Михаил Иванович (335 words)


Михаил Иванович Федотов (1958—1995) — тодмо бесерман кылбурчи но журналист.

Михаил Иванович Федотов вордӥськиз 7-тӥ коньывуонэ 1958-тӥ арын Яр ёросысь Ворца гуртын бесерман семьяын. Удмурт кун университетын филологияя факультетын дышетскиз. Тунсыкъяськылӥз наукаен, но кылбуран удысэз азьпал радэ потӥз. «Удмуртия» книга поттониын трос аръёс ӵоже ужатозяз Михаил Федотов ваньмызлэсь сямен удмурт писательёслэсь книгаоссэс редактировать кариз, авторъёслы юрттэм сяна, ачиз но соослэсь дышетскиз. Пӧртэм аръёсы «Кенеш» журналын, «Советской Удмуртия» газетын тыршылӥз. Флор Васильев нимо премилэн лауреатэз луиз. Кылбурчилы кема улыны ӧз кылды. Куамын куать арескын, секыт висьыса, со улонысь кошкиз.

Михаил Иванович улытозяз поттэ 3 кылбур бичетъёссэ: 1986 арын «Тӧдьы юсьёс берто», 1988 арын «Берекет» но 1991 арын «Вӧсь». Кулэмез бере кузпалыз но эшъёсыз потто 2 кылбур бичетъёссэ: 1998 арын «Вирсэр — Пульс» но 2008 арын «Ӝуждала».

Нырысь книгаосызъя ик («Тӧдьы юсьёс берто», «Берекет») шӧдиськиз, М. Федотов дано улосвылчиезлэсь Флор Васильевлэсь йылолъёссэ азинтыны тырше шуыса. Пумен солэн кылбуран дуннеез аспӧртэмлыко луиз, «Вӧсь» книгаын азьпал радэ потӥз сыӵе лирической герой, кыӵеез удмурт лирикаын ӧй вал на. Со адями — трагической шӧмо; котырысь улон «сэрего» но «сьӧлыко» луиз бере, герой но ассэ «сэрего», «сьӧлыко» шуиз, сыӵе синмын ик дуннемы но шоры учкиз («Шедьтӥ, лэся, аслым берпум сэрег…»). Озьы пӧрмо яркытэсь психологической суредъёс. Кылсярысь, «Мон пырисько кезьыт вуэ…» кылбурын меӵак гожтэмын: «Лушкем кужым кыске кужмо, / Маке лекез вырӟе пушкам», герой ас лул-сюлмысьтыз пеймыт-кезьыт кужымъёсты вормыны но шунтыны ӝутске. «Укмысэтӥ этажысен» кылбурын сопал но тапал дуннеослэн интыенызы воштиськемзы озьы ик вапуммылы аспӧртэм дунъет луэ.

Оглом учконо ке, М. Федотовлэн кылбур книгаосаз куинь пӧртэм дунне возьматэмын. Одӥгез — уйпал Удмуртиысь вордӥськем палъёсыз, со «Берекет» книгаын возьматэмын бесерман дуннелы матын. Кыкетӥез — туала город, кытын герой аслыз пырон инты уг шедьты, отысь пегӟыны тырше. Куинетӥез — асэныз кылдытэм дунне, «берпуметӥ сэрег», пуштросэзъя со миф дуннелы матын. Вашкала мифъёсты, осконъёсты выль сямен валэктэменыз ик Михаил Федотов тужгес но аспӧртэмлыко луиз.

Кылбурчилэн тросэз малпанъёсыз быдэсмытэк кылизы. Соос пӧлысь одӥгез — бесерманъёслэн улонзы сярысь роман гожтон. Котьма ке но туала лыдӟись, В. Л. Шибанов верамъя, кылбур книгаосын тодматскыса но со романэз «шӧдыны» быгатоз. Сакгес гинэ учкыны, мургес гинэ малпаськыны кулэ.

В. Л. Шибановлэн «Вапумъёс чигиськыку…» статьяезъя




#Article 204: Иванова, Степанида Степановна (220 words)


Степанида Степановна Иванова (вордӥськиз 1927-тӥ арын 29-тӥ гудырикошконэ) Кизнер ёросысь Шор Тыжма (Средняя Тыжма) гуртын. Нылмуртлэн егит дырыз ортчиз секыт война аръёсы. Соин сэрен солы сизьым классэз гинэ йылпумъяно луиз. Озьыен, дышетскемез укыр трос ӧй вал, но узыр вал улонэз.
 
Будӥз со трос нылпиё семьяын, сизьым кузя нылпиоссы вал. Война аръёсы туж курадӟыса улӥллям, кураськыса но ветлӥллям. Анайзы вазь, 50 арескын, улонысь кошке, атайзы нылпиёссэ одӥгназ будэтэ.

Нырысь-валысь Степанида колхозын ужаз, собере, анаез кулэм бере, гуртоос сьӧры Тыжмаысь кошке. Улон сюрес сое вуттэ Свердловск улосысь Первоуральск городэз лэсьтонэ. Семья кылдытыса но ӟеч улонэз ӧз адӟы. Берло аръёссэ улӥз Матӥ сузэрез дорын.

С. Иванова нырысетӥзэ печатлаське 17 арескын «Советской Удмуртия» газетын, со вал «Комсомол сярысь частушкаос». Ида (озьы нимазы сое гуртазы) туж тунсыкъяське вал частушкаосын. Миша выныныз но Матӥ сузэреныз ӵош такмакъёс гожъяса лэзьылӥзы ижкарысь УдНИИ-е. Соос али но возисько институтлэн архиваз. Удмурт кырӟан ик вуттӥз, шуыны луоз, Степанида Ивановаез лирика удысэ.

Ужаз Ижевскысь типографиын, андан поттон заводын, Первоуральск городэз лэсьтонын. 1952-тӥ арысен ужаз чугун сюрес вылын. Литературае со пыриз кылбурчи луыса.

Степанида Ивановалэн кылбурет дуннеез туж тунсыко, тужгес но яратонэз капчи юморен возьматӥсь кылбуръёсыз. Соос лыдӟисьлэсь мылкыдзэ югдыто, либато, шумпотто. Малы ке-а уноез луизы калыклэн яратоно кырӟанъёсыз, кылсярысь: «Сьӧрлось туган», «Ой, эсьмаса, эсьмаса», «Вож тылъёс» но мукетъёсыз. Кылбуръёссэ лыдзыса, чик но уд малпа, макем секыт но курыт вал солэн адӟонэз.




#Article 205: Виноградова, Елена Марковна (239 words)


Елена Марковна Виноградова вордскемын 1967-тӥ арын 27-тӥ толшоре Алнаш ёросысь Елкибаево (Актэмыр) гуртын. Дышетскиз шор ёзо Байтэрек школаын. Пичи дырыеныз ик гожъяськон удысэн тунсыкъяське. Кызьы шуэ ачиз гожъяськись, нырысь кылбуръёссэ со гожтӥз ини 3-тӥ классын дышетскыкуз но ыстӥз Дась лу! газетэ. Кылбурез газет бамын ӧз поты. Покчи авторлэн мылкыдыз куашкам вал но, эшъёсыз кутскем ужезлэсь куштӥськыны ӧз лэзе. 8-тӥ классын дышетскыкуз, школаязы ветло Алнаш колхозник газетысь ужасьёс, соос пуромытӥзы ныллэсь мылкыдзэ. Гожъямъёссэ выльысь но выльысь ыстылӥз газетъёсы, соосты табере печатлаллязы ни Советской Удмуртиын но. Атаез туж шумпотэ вал, нылыз гожъяське шуыса. Газетлэсь котькуд номерзэ чидатэк возьмалляз.

Елена Виноградова шуэ, солы, пе, кылбурет удысэ сюрес Дась лу! газет усьтӥз. Отын со вакытэ Герман Ходырев ужаз. Дано кылбурчи гожтэтъёсаз котьку лӧпкытъялляз:Йырдэ эн ошы - гожъя! Сэзьгес кариськы!. Перозэ волятыны озьы ик юрттӥз университетын ужась удмурт литературно-творческой кружок, кудӥныз кивалтӥз Д.А.Яшин.

Университетэз быдтэм бераз со кӧня ке Кияса ёросысь школаын дышетӥз. Собеое улонзэ герӟаз журналастикаен. Кема дыр ӵоже Удмурт дунне газетын ужаз. Али улэ но ужа Ижкарын.
Тани ма вера кылбурчи аслаз гожъяськон манерез сярысь:Мон паймисько, кызьы одӥг кутскемен кылбур гожто. Мыным со паймымон кадь потэ, малы ке шуоно мон быдэс ар но куд-ог кылбуръёсме гожтӥсько. Одӥг малпан пыре сюлмам, кутскисько, нош быдтыны кылъёсы быро. Мар гожтыны уг валаськы ини. Соин со кылбуре кылле ог ӝыны ар. Нош тетрадьёсы борды берен берытскись ке, адӟисько но выльысь со быдэстымтэ кылбуре вылэ дугдӥсько, выльысь мылкыды ӝутске сое пумозяз вуттыны.

Л.П.Фёдорова Удмурт нылкышно кылбуретлэн тулкымъёсыз




#Article 206: Party for Everybody (106 words)


Party for Everybody — Брангуртысь песянайёслэн кырӟанзы, кудэныз cоос Бакуын Евровидениын выступать карозы.

Коллективлэн кылъёсызъя, кырӟанлэн удмурт кылын кылъёссэ соос асьсэос гожтӥзы, а англи люкетсэ одӥг тодмо британ гожтэм. Мон авторлэсь нимзэ уг вера, вераны уг быгаты, со ӟуч ӧвӧл, — вераз Комсомольская правда газетлэн корреспондентэзлы коллективлэн кивалтӥсез Ольга Туктарёва. Крезьгурез гожтӥз тодмо крезьгурчи Виктор Дробыш, кинлэн студияз та кырӟан гожтэмын вал. Тунсыко, кырӟанлэн удмурт но англи кылъёсыз быдэн гожтӥзы: ку Брангуртысь песянайёс гожтэм текстэнызы студие вуизы, англи кылын вариант но дась вал ни. Ку песянайёслы англи кылъёсты берыктӥзы, соос, Туктарёвалэн кылъёсызъя, абдрамон лэсянэз шедьтӥзы.

Дышетыны англи кылъёсты Брангуртысь песянайёслэн интервьюзыя соослы чик секыт ӧвӧл вал.




#Article 207: Яшин, Даниил Александрович (607 words)


Даниил Александрович Яшин (1929—1988) Можга ёросысь Вуж Какся гуртын вордӥськиз. Пинал дырыз Данииллэн туж секыт вал. Сизьым арес дыръяз атайтэк кылиз. Быдӟым Атыкай ож кутскыку ик ваньмыз ньылез агайёсыз ивортэк ож бусые ышизы. Номыр соос сярысь тодмо ӧй вал, нош кыкезлэн быремзы сярысь похоронка вуиз. Анаез, весь дугдылытэк бӧрдыса улонтияз, дыр, синтэм кылиз. Табере анаезлэн кылиз одӥг пиез, со ик луиз вань осконэз. Даниил котьку юрттӥз анаезлы котькыӵе ужын: бусыын но, юртъер котырын но. Анаез малпа вал, пиез нянь будэтӥсь луоз шуыса. Озьы оз кылды. Пинал дыръяз ик Даниил ас улонзэ калыкезлэн адӟонэныз герӟаны малпаз.

Вуж Какся гуртысь школазэ быдтыса, Даниил Яшин Можга педтехникуме пыре. Сое йылпумъян аре печатламын вал «Вало возь» нырысетӥ кылбурез. Егит кылбурчи шӧдэ вал, кылыз но стилез бордын трос ужано на шуыса. Угось соку гинэ пӧрмоз зэмос, калыклэн сюлэмаз пыӵамон кылбур. А. С. Измайлова-Зуевалэн пусъемезъя, та ужез кылбурет удысэ бадӟым вамыш вал, но зэмос поэзия со ӧй вал на, пе. Озьы сюресъёс вуттӥзы Яшинэз Удмурт пединститутысь кылъя но литературая факультетэ. Татысь дышетсконзэ йылпумъям бере, тодосчи Глазкар пединститутэ ыстэмын вал.

Куамын арлэсь трос Удмурт пединститутысь литературно-творческой кружокен кивалтӥз. Кылбурчи ваньмон дырзэ егит гожъяськисьёсызлы сӥзьылӥз. Котькуд выль вормонъёссылы шумпотэ вал, данъяське «будэтэм» пиналъёсыныз. Кружоклэн занятиосаз студентъёс кылбур гожъян амалъёсын, прозаез гожъянэн тодматскылӥзы. Пӧртэм аръёсы Даниил Яшинлэн «бурд улаз» гожъяськизы В. Романов, В. Ившин, Ан. Леонтьев, Ан. Перевозчиков, Р. Валишин, П. Куликов, О. Четкарев но мукетыз

Глазкар пединститутысен (1951) Д. Яшин аслэсьтыз улонзэ егит дышетисьёслы тодон-валан сётонэн герӟа. 1959-тӥ арысен со Удмурт пединститутын (1972 — Удмурт кун университет) дышетӥсь-доцент луыса тырше. Куамын арлэсь трос Даниил Александрович кунмылэн вузъёсаз калык кылосбурез но удмурт литератураез дышетӥз, соослэн методикаенызы тодматӥз. Солэсь дышетэм студентъёссэ кунмылэн пӧртэм сэрегъёсаз пумитаны быгатӥськомы. Проф. И. В. Тараканов туж шуныт кылъёсын тодаз вае Даниил Яшинлэсь ужамзэ: «…Лекцизэ со котьку дыртытэк лыдӟе вал, валтӥсь малпанъёсты дышетскись мед гожтыны вуттоз шуыса. Ноку но кагаз вылысь ӧз лыдӟылы, котьку выль сямен, студентлы валамон вералляз. Лекцизэ веракуз, пукисьёслы юанъёс сётъялляз, валазы-а меда ӧз-а шуыса валаны тыршыса…».

Удмурт музъемлэн пиез улытозяз весь дышетскиз, выль книгаос бордын ужаз. 1962-1965-тӥ аръёсы аспирантураын дышетскиз, 196-тӥ арын удмурт калык выжыкылъя кандидат диссертацизэ утиз, ар улыса солы доцент ним сётизы. Трос вакыт ӵоже пӧртэм дышетсконниосын ужатозяз, фольклоръя но удмурт литературая лекциос кылдытӥз, студентъёсты финн-угор калыкъёслэн лулчеберетэнызы тодматӥз, педпрактикае но фольклор экспедициосы поталляз. Вакчи улонэз куспын Даниил Яшин кызьлэсь трос тодослыко ужъёс но учебникъёс, 400-лэсь ятыр тодослыко статьяос гожтыны вуттӥз.

Д. Яшин-кылбурчи удмурт кылбуретэ 1950-тӥ аръёслэн пумазы вамыштӥз. Нырысетӥ кылбуръёсын бичетэз «Ортчисьтэм егит дыр» («Непроходящая молодость») 1959-тӥ арын потӥз. Даниил Яшинлэн 12 кылбур бичетъёсыз потӥзы (кыкез соос пӧлысь пиналъёслы), тросэз соос Россиысь литератураын бадӟым инты басьто, кылсярысь «Эшъёс ке вань» («Если есть друзья»), «Ыркыт тӧл» («Свежий ветер») но мукетыз. Яшинлэсь лириказэ аспӧртэмлыко каре лиризм, озьы ик кылбуръёсызлэн калык сямъёслы (традициослы) матын луэмзы («Зэрпал лёгет»). Солэн лирикаез югытэзлы, шунытэзлы, ненегезлы, адямилэн сюлмо луэмезлы сӥземын.

Кылбурчи егитлыкез, эшъяськонэз туж вылэ ӝутӥз, трос солэн озьы ик кылбуръёсыз, кудъёсаз юмор но ирония валтӥсь инты басьто. Но со лек серекъян ӧвӧл — капчиен, эшлыко серекъян, нокинлы вӧсьсэ но уродзэ ваисьтэм.

Калык кылосбур тросэзлэн кылбуръёсызлэн инъетэз луэ. Одӥг пол лыдӟыса, сое валаны но уг луы кадь. Кыӵе ке вакчи чуръёсын ӵемысь ватэмын луэ 
кылдытӥсьлэн (авторлэн) ас калыкез, солэн сям-йылолъёсыз понна сюлмаськемез. Та но, дыр, Даниил Яшинлэсь поэзизэ мукет кылдытӥсьёслэсь (авторъёслэсь) аспӧртэмлыкогес, солы гинэ тупась каре. Озьы ик Даниил Яшинлэн кылбуръёсыз пуштросэнызы туж узыресь, кудъёссыз ас сяменызы эпослы матын луо. Автор котькуд адямилы матын луыны турттэ, ӟуч эстрадной лирикалэн тулкымез пала кыстӥське. Кылбуръёсысьтыз чуръёс али дыре но калык пӧлын вӧлмемын.

Даниил Яшин кытчы ке дыртыса кадь улӥз. Кыӵе уж борды гинэ ӧз кутскылы со, ваньмыз пӧрмылӥз. «Мед кылёз пытьы» кылбурез луэ вань улонэзлы девиз выллем:

Вамыштоно ке — мед кылёз пытьы,
Вазиськоно ке — мед кылёз куара.

Анна Райкова, Галина Глухова




#Article 208: Удмурт нимъёс (187 words)


В настоящее время удмурты используют в основном русские христианские имена, переиначивая их произношение на свой манер. Ударение при этом практически всегда ставится на последний слог, вне зависимости от того, где оно стояло в оригинале. Однако при этом в официальных документах используются русские «прообразы».

Кроме того, продолжают использоваться и дохристианские имена, зачастую обозначающие на удмуртском языке животных и птиц (например, Атас — «петух», Балян — «рысь», Гондыр — «медведь», Койык — «лось», Пислэг — «синица», Сяла — «рябчик», Туливит — «суслик», Чучыбей — «лазоревка», Юбер — «дрозд-рябинник», Шырчик - «скворец», Паля — «ягнёнок», Тутыгыш — «павлин», Какся — «цапля», Дыдык — «голубь», Сэдык — «пигалица», Жакы — «сойка», Куажы — «коростель», «дергач», Кайсы — «клёст»).

Пиосмурт нимъёс: Дзянкей, Камай, Курбанай, Апас, Есекей, Едей, Будя, Бекельдей, Тукташ, Дзюйка, (И)Зянхват, Бегеней, Келдык, Туктар, Падек, Зяндерыш, Датугым, Бекта, Дзямемет, Абыл, Абей, Агым, Адай, Аданаш, Адыр, Азиян, Азмак, Азьмакет, Айсулы, Айтэмыш, Акбай, Акзян, Акки, Акман, Акмая, Аксабей, Аксябей, Акчубей, Ядыгар, Яги, Язбике, Янчабей, Ярхей, Яркипей, Кайсы, Сяськабей, Чачабей, Зангари, Сезяй, Сяськан, Кокон, Койык, Сэдык, Донды.

Нылкышно нимъёс: Чима, Сетым, Дзусван, Узан, Зянсула, Шады, Бисултан, Нылка, Бегичань, Алмас, Чана, Италмас, Эвика.

Удмурт фамилии




#Article 209: Кондратьева, Наталья Владимировна (110 words)


Наталья Владимировна Кондратьева — филологи наукаосъя доктор, профессор, удмурт кылчи, Удмурт кун университетысь удмурт кылосбуръя факультетлэн деканэз.

Вордскиз 29-тӥ июне 1976-тӥ арын Пичи Пурга черкогуртын. Школаез йылпумъямез бере (1993-тӥ арын), Удмурт кун университетысь удмурт кылосбуръя факультетэ, удмурт-немец отделение дышетскыны пыриз. Дышетскон дыръяз пыриськылӥз пӧртэм научной конференциосы: межвузовской, республиканской, международной, студенческой. Дышетскыкуз ик ужаз Ижкарысь 56-тӥ номеро школа-гимназиын дышетӥсь луыса.

Университетэз йылпумъямез бере, 1998-тӥ арын, Наталья Владимировнаез ысто Турку университетэ (Финляндие) стажировкае. 1999-тӥ арын Удмурт кун университетэ «Россия Федерациысь калыкъёслэн кылъёссы (финн-угор но самоди кылъёс)» специальностья аспирантурае пыре. 2002-тӥ арын В. К. Кельмаковлэн кивалтэмез улсын «Выражение прямого объекта в удмуртском языке» темая гожтэм кандидат диссертацизэ уте.

Наталья Владимировна 70 печатлам научной ужъёслэн авторзы луэ.




#Article 210: Пороз гурт (178 words)


Пороз гурт () — Шаркан ёросысь гурт. Висъяське 5 ульча, али нунналы пуктисько трос выль коркаос. 

Гуртын вань школа, «Вуюись» нылпи юрт, ОАО «Восход» колхоз, 4 вузкаронни, «Елена» кафе, сельской администрация, почта но лыдзиськонни. Пуктиськиз выль нянь пыжон юрт но.

Пороз гурт (ӟуч Порозово) — Шаркан ёросысь гурт. Висъяське 5 ульча, али нунналы пуктисько трос выль коркаос.
Гуртын вань школа, «Вуюись» нылпи юрт, ОАО «Восход» колхоз, 4 вузкаронни, «Елена» кафе, сельской администрация, почта но лыдзиськонни. Пуктиськиз выль нянь пыжон юрт но.Муницыпал образованилэн кивалтӥсез луэ Чузов Александр Рудольфович.Колхозлэн кивалтисез-Хохряков Анатолий Григорьевич.ООО «Факел» предприятилэн йырыз луэ Софронов Александр Иванович. Гурт кылдэ 681 коркалэсь. Адямиез-1215.

Та гурт кылдэм егит пиос яна потыса. Соос интыяськиллям Ягги шур дуре. Гурт кылдэм бере улисьёсыз пудо вордыны кутскизы, нош пороззы гинэ ӧй вал. Соку соос Мыддорин гуртэ тубыны малпазы. Уйин лыктыса пороззэс лушкаллям, нош кин та ужэз лэсьтиз медаз валалэ шуыса порозлы пыдаз кут дӥсяллям. Озьы, пе, пороз пытьы уз кыльы. Нош мукет гуртын улӥсьёс валаллям кин та сьӧд ужез лэсьтӥз, но та гуртын улисьёсты порозъёс шуыса серекъян кутскизы. Озьы ик гурт ним но кылдӥз.




#Article 211: Аниме (276 words)


Аниме — со анимация, кудӥз нырысьсэ потӥз Япониын 1917 арын. 

Нырысь со пичи фильмъёс гинэ вал. Кыстӥськизы одӥг минутысен витёзь. Нырысетӥ япон анимационой фильм лыдъяське «Набросокъёсын выль альбом» («Декобоко Син Гатё», 1917 ар) Декотена Симокаваен. Со мелэн суредаз сьӧд доска вылэ, собере суредъёсызъя туспуктэмъёс лэсьтӥз. 1920-тӥ аръёсы Япониын анимационной фильмлэн огшоры кузьдалаез вуылэ вал ни 15 минутозь. Со дыре котькуд анимациез суредаськись ас дораз пичи студиын лэсьтылӥз. Но кинематографической но кинопрокатной фирмаос асьсэлы та анимационной фильмъёсты возьматыны право басьтон понна коньдон но висъяллязы. Но вуэм уксёлэн лыдыз трос ик ӧй вал бере, аниматоръёс мультфильмзылэсь качествозэ лыдын воштылӥзы. Соос одӥг фильмез ик трос ар ӵоже поттыны ӧз быгатылэ.

Япон анимация трослы мукет американ мультфильмлэсь. Сое герӟаны луэ графикалэн но сюжетлэн мукет культурной традициосын. Анимеын уг шӧдӥськы мюзикллэн традициез американ киноосын кадь. Татын ваньмыз трослы серъёзнойгес, нош сюжетез драматичнойгес.

Аниме лэсьтӥсьёс технической экспериментэз ӵем уг кутыло, со понна трос дыр сюжетлы, персонажлэсь образзэ чебер но тунсыко лэсьтонлы висъяло. Соин сэрен анимеын дизайнеръёс бадӟымгес инты басьто аниматоръёсын ӵошатыса.

Символо-графической кыл анимеын но мангаын зол азинтӥськемын, шундыпуксён палась комиксъёсын но мультфильмъёсын ӵошатыса. Кӧня ке гинэ пусэн япон суредасьёс возьматыны быгато персонажлэсь мылкыдзэ яке характерзэ. Персонажлэн бадӟымесь синъёсыз луэ анимелэн валтӥсь тодметэз, кудӥз сое пöртэм каре мукетъёсызлэсь.

Пиосмуртлэн но ныллэн чеберлыкез сярысь валанъёс Япониын потӥзы VIII дауре. Татын сӥлы каро вылэм кышномурт чеберез. Сюбег ымныро, кузь йырсиё, векчи но лапег мугоро, бадӟым синмо нылашъёсты чеберен лыдъяллязы. «Пиштӥсь» синмо но кузь синлысэн персонажъёс нырысь потӥзы сёдзё-мангаын, малы ке шуоно япон традициын таӵе синъёсын адямиез чебер шуо вал.

Синъёс — со япон эстетикаын персонаж ымнырызлэн шор объектэз. Со возьматэ геройлэсь выль тодон-валан басьтыны дась луэмзэ. Соин ик бадӟым синъёс возьмато персонажлэсь пичи луэмзэ.




#Article 212: Кириллов, Сергей Ксенофонтович (276 words)


Cергей Ксенофонтович Кириллов — Алнаш ёрослэн одӥгез данъяськымон адямиез, бард, «Монтажник» ужъюртэн кивалтӥсь. 

Сергей Ксенофонтович Кириллов вордӥськиз но будӥз Алнаш ёросысь Сӥзьгуртын. Аслаз гуртысьтыз начальной классэз быдтыса, дышетсконзэ Алнаш шоръёзо школаын азьланьтӥз. Со бере пыриз Ижкарысь гурт хозяйствоя институтэ, соку гинэ усьтӥськем электрофакультетаз. Дышетсконзэ йылпумъямез бере, Сергей Кириллов Алнаш ёросаз берытске. Одӥг арзэ Кузьымгуртын энергетик луыса ужа.
Собере сое Алнашысь «Сельэнерго» ужъюртэ отё. Тыршыса, сюлмысь ужамзэ синйылтыса, солы «Сельхозмонтажник» нимо огазеяськонэн кивалтонэз оско. Выль ужлы но выль адямиослы дышыса гинэ вуэ, огыр-бугыр улон вуыса, ваньзэ выльысь кутсконо луэ. Соку Сергей эшъёсыныз «Монтажник» ужъюртсэс кылдытэ, кудӥз туннэ нуналлы ёросын одӥгез синйылтымонэз, азинскисез луэ.

Тросэз Сергей Кирилловез кивалтӥсь луэменыз ӧвӧл, кырӟанъёсызъя тодо. Сергей Ксенофонтович егит дырысеныз ик ӧз люкиськылы гитараеныз. Но со мукет крезьгур тӥрлыкъёсын но шудэ. Нырысьсэ сцена вылэ С. Кириллов 1998-тӥ арын потӥз. Соку Алнашын крезьгурез яратӥсьёс, крезьгурчиос пӧлын фестиваль ортчиз. Отын со куинетӥ степеньем данъян басьтӥз (нырысетӥзэ сцена вылэ потыса!). Со дырысен гуръёсыз одӥгез мукетыз сьӧры вордскылӥзы. 
Туннэ нуналлы Сергей Кирилловлэн 200-лэсь трос кырӟанъёсыз, соосын кык дискез потэмын. Выль гуръёс быгато уж дурын но, дорын но, сюрес вылын но вордскыны, соин ик солэн одӥг гитараез дораз, нош мукетыз машинаяз яке ужан интыяз луэ. Али со чемысь самодеятельной крезьгурчиос понна радъяськись ёрос но Элькун конкурсъёсы пыриське, трос вормонъёсыз ини. Сергей Кирилловлэсь кырӟанъёссэ али радио, телевидение пыр но ӵем бергато. Огназ сяна, со кырӟалля «Натӥ» дуэтэн но. Соослэн трос ни ӵош быдэстэм гуръёссы.

Сергей Ксенофонтовичлэн семьяез но туж синмаськымон. Соос Валентина Николаевна кузпалэныз куинь нылпи будэтӥзы, табере внукъёссы но вань ини. Валентина Николаевнаез Алнаш ёросын сяна, палэназ но тодо: трос аръёс ӵоже ини со кивалтэ Алнаш черкогуртысь Г. Д. Красильниковлэн мемориальной музей-юртэныз, пыриське уно ужрадъёсы но конференциосы.




#Article 213: Шунды (огазеяськон) (112 words)


Али огазеяськонлэн ёзэтъёсыз Удмурт шаерысьтымы 12 ёросъёсаз ужало. 2-тӥ тулыспалэ 2012-тӥ арын О. А. Тронина «Шундылэн» 18-тӥез тӧроез луиз но нырысетӥез, кин Правлениез но Кенешез бурд улаз басьтӥз. Со дорозь егитъёслэн огазеяськонэнызы шаерамы но солэн палэназ тодмо луэм адямиос кивалтӥзы. Соос пӧлын Т. Корнилова, С. Смирнова, В. Сидоров, Т. Мазитова, Н. Уткина, Г. Бекманов, Г. Юсупова, Т. Прокопьева, Т. Ишматова, Л. Чернова, Ю. Перевозчиков, Ю. Никитина. 

Ольга Тронина матысь кык арлы ачиз азе бадӟым ужпумъёс пуктӥз. Нырысь ик «Шундылэсь» брендовой проектъёссэ но программаоссэ азинтон, со: Быгатӥсь нылпиос понна калыккуспо «Шундыкар» лагерь, Мерлыко улонысь егит азьветлӥсьёслы «Вамыш» дышетскон, егит семьяослы юрттӥсь «Шудо семья» программа. Туала вакытысь шуг-секытъёсыз лыдэ басьтыса, кылдытэмын вал выль проектъёс:




#Article 214: Лымшор удмуртъёслэн дӥськутсы (1590 words)


Лымшор удмуртъёслэсь дӥськутсэс нулло вал туала Удмурт Элькунысь Алнаш, Дэри, Грах, Пичи Пурга, Кияса, Можга, Кизнер ёросъёсын, Татарстанысь Агрыз, Бавлы, Кукмор, Менделеевск, Балтаси, Мамадыш ёросъёсын, Марий Элысь Мари-Турек ёросын, Башкортостанысь Ермекеево, Татышлы, Янаул, Калтасы, Бураево, Кушнаренково, Балтач ёросъёсын, Киров улосвылысь Малмыж ёросын но Пермь музъем вылысь Куеда ёросын улӥсьёс.

Та удмуртъёслэн дӥськутазы огкадез вань: нылкышно дэрем (тыбырыз но азьыз) одӥг кузь кесэглэсь вуриське. Сӧзултӥз паськытатон понна урдэсъёсыз кырыж вандэм сеп пукто. Саесъёсыз мугор бордаз мырк вурисько, куд-ог дыръя пельпумтӥз ӧжытак шымыръяло вылэм. Кунул ӝыбыез куинь сэрего но, ньыль сэрего но луэ. Сиресэз огшоры, мылазь кыретэз пырак вандэмын, вылтӥз сирес ултӥзгес басма вандэтлэсь муресазь вуремын. Сӧзулыз но кильымъёс вискытӥ пужыятыса куэм 5 см пасьта дэра вуро. Куэмын ӝуткаса яке бичаса, пӧртэм буё ыж гон но вата шортэз уже кутыса, инъетэз мертчан шортлэсь.

Азькышетъёссы (айшет) ӝужыт но лапег гадё, кильымо яке кильымамтэ. Воштӥськон азькышетъёссэс вуро вал пужыятыса куэм дэралэсь.

Лымшор удмуртъёс XIX даурлэн пумаз – XX даурлэн кутсконаз нулло на вал туйлэсь азвесь коньдонъёсын чеберъяса лэсьтэм конус выллем ӝужыт изьыян айшон*, со вылтӥ – пужъятэм сюлык*.

Тани кызьы суреда айшонэз XVIII даурысь этнограф-путешественник Паллас: «Кусок бересты в пядень вышиною сгибают по мере головы в полуцилиндр, назади мягким куском корки связываются, а внутри деревянной дужкой и поперечным деревцом укрепляются и совокупно держатся; на верхнем краю нашита другая – двойная, сзади к поперечнику деревцом укреплённая, четырёхугольная, почти в пядень высокая берёзовая корка, и так утверждённая, что несколько вперёд выдаётся и по обеим сторонам назад пригнута. Сию верхнюю корку прикрывают обыкновенно красным, а в нижнюю иным сукном, а сверх того укладывали последнюю сплошь копейками и оловянными бляшками. Сей в две пядины вышины головной убор «айшун» пришитым назад ремнём на голове укрепляют и, несколько выдав её вперёд, наподобие гренадёрской шапки носят. Наибольшую важность придают сему головному их украшению в локоть величиною четырёхугольное сукно, которое по краям и по углам красными и синими кофейными нитками вышито, а в середине в четырёхугольный узор украшено и вокруг  в палец шириною полосками синими, красными и белыми шнурками обложено бывает. Сие на верхнем краю коры прикрепляется так, чтобы один угол над верхней берестою вниз висел и её покрывал, и чтобы серебряными или оловянными бляшками укладенное место было видно. Два угла покрывают всю сторону убора и голову до плеч, а четвертый висит назаде по спине под сим головным убором». (Учке: Белицер В.Н. Народная одежда удмуртов. М., 1951. 61-62-тӥ бамъёс)

Чалмазылэсь* (диал.:дьыркышетлэсь) пумъёссэ пужыятыса куэм яке пужъятэм дэралэсь лэсьто вылэм; йыркерттэтсы яке уко шортэн пужыятэмын, яке уко тасмаен чебермамын, яке векчи азвесь коньдонэн бырттылэмын.

Лымшор удмурт нылкышноослэн туж тунсыкоесь луо йырси, чырты, гадь но суй чеберманъёссы, тужгес но паймыто пельугыоссы, поскесъёссы, зундэсъёссы*, йырси быртэтъёссы. Валтӥсь инты татын басьто вылэм «…азвесь коньдон – ӟуч коньдон (эксэй монетаос но векчи азвесь) но кунгожсьӧр арбериос (бирдыос-инӟыос*, корт пачкес котыретъёс, ошетъёс, шильыриос). Дуно азвесь коньдонъёслэсь тупатъям чеберманъёссэс узыр семьяосын туж кема утьыса возьылӥзы – анаез нылызлы, соиз аслаз нылызлы, таиз нош аслазэзлы кузьмаса кельтылӥзы. Начаргес улӥсьёсыз азвесь коньдон интые чеберманъёс лэсьтыны уже куто вылэм узвесьлэсь но туйлэсь тупатэм котыретъёсты» (Белицер В.Н., 71-тӥ бам).

Пӧртэм интыосын улӥсь лымшор удмуртъёслэн дӥськутсы ог-огзылэсь шӧдскымон висъясько. Сое лыдэ басьтыса, удмуртъёслэсь дӥськутсэс таӵе ньыль пӧртэмлыкъёслы люки: чын (собственно) лымшор (тапалъёс), Ватка, Кам сьӧр (тупалъёс) но бавлы пӧртэмлыкъёс.

Чын лымшоръёслэн дӥськутсы.

Таӵе дӥськут нуллӥзы Удмурт Элькунэ пырись Алнаш, Грах, Дэри, Пичи Пурга, Можга, Кияса, Кизнер (Бемыж палъёс) ёросъёсысь но Татарстанэ пырись Агрыз, Менделеевск ёросъёсысь удмуртъёс.

Дӥськутэз кылдыто дэрем, азькышет (диал.: айшет), муресазь (диал. кыкрак*), туйлэсь тупатэм ӝужыт нылкышно изьыян (диал.: айшон), йыр шобыртон (диал.: чалма), кымесэ керттон (диал.:йыркерттэт), сюлык, пустоллэсь яке пильыслэсь вурем гужем нуллон выль дӥськут (диал.: дӥсь), саестэм дукес (диал.:саестэм*), зыбын, дукес но шуба (диал.: пась).

Чеберманъёс. Гадь вылазы азвесь коньдонлэсь лэсьтэм чеберманъёс нуллӥзы, чыртыязы уксётӥрлык, чыртывесь ошылӥзы, пельпум вамен – бутьмар*, камали*, сюмысбырттэт*.

Пыдкук. Ветлӥзы кутъёсын; удмурт кутлэн калъёсыз пужыё луо. Юон дыре воштӥськыны кутчало вылэм котӥ, мӧйы кышноос – бигер колоша. Гужем пыдазы дӥсяло вал мертчан шортлэсь, толалтэ – ыж гонлэсь керттэм чуглэс но пыдныр.

Дӥськутсэс лымшор удмуртъёс вурылӥллям кечато яке сюрсо дэралэсь, вӧсяськыны гинэ XIX даурлэн пумаз тӧдьыезлэсь пӧрмыто вылэм.

Паськыт кильымо дэремез пумитаны луэ на Дэри (Завьялово) но Пичи Пурга ёросъёсын улӥсьёс вылысь. Cӧзул но кильымъёс вискытӥ ӝуткаса яке бичаса куэм сюбег дэра вурӟо вал. Сыӵе нимысьтыз куэм дэразы ӧвӧл ке, басма вандэт вурӟылӥллям. Мылазь кыретэз* пырак вандэмын, котырыз пужыё басма вандэтъёсын чебермамын. Ӵапак сое ик «муресазь» шуо. Сюбег сирес ултӥз мыд-мыд палтӥз мылазь кырет борды пунэм калъёс вурӟисько. Гольык гадьзэс ватон понна дэрем улазы ньыль сэрего мурескышет (диал.: кыкрак) нулло.
Чын лымшор удмуртъёслэн чалмазы кык пумо вылэм: одӥгъёсызлэн пумъёссы кузесь (40 см), басма вандэтэн яке пӧртэм буёло шортъёсын кильымамын. Мукетъёсызлэн пумъёссы вакчиесь (20-25 см), векчи базар ыж гон яке буртчин шортъёсын тугъямын. Таӵе чалмаос нулло вылэм Дэри ёросын но Пичи Пурга ёросысь куд-ог гуртъёсын улӥсьёс.

Чалмаоссэс 1920-1930-тӥ аръёсы пӧрмытъяны кутскизы басмалэсь, дуръёссэ буртчин яке бурлат шортэн пужыятыса.

Айшонзы лымшор удмуртъёслэн 30-35 см ӝужда луылэм. Сое вылтӥз дэраен кыско вылэм, улзэ бурлатэн бугоръяллям. Дэра вылэ 10-15 копейкаем азвесь коньдон яке пичи узвесь питыриос бырттыло вылэм. Айшонэз выль кенлы эмеспилэн корказ изьыяло, соку ик чалма но йыркерттэт кертто, сюлыкен шобырто.

Выль кен сюлык – кык кесэглэсь ньыль сэрго карыса вурем маке. Пужыезлэн инъетэз – тӧдьы вылтӥ дунне писпу пуктэмын. Музейлэн люкамъёсаз возисько 1030-тӥ арын Нылга (али Ува) ёросысь ваем сыӵе сюлыкъёс. Со выллемъёс 1980-тӥ арын шедьтэмын вал Алнаш ёросысь но Татарстанысь Агрыз ёросысь. Пужыез кизер-курень шортэн пуктэмын, пӧлаз кӧня ке мукет буёлооссэ ватсаса. Кузь тугъёсыз пӧлэстэм нап-горд буртчин шортлэсь пӧрмытэмын.

Йыркерттэт лэсьтӥське сюбег дэра кесэглэсь, азьдорин палыз пужыятэмын яке укоен кыскемын. Куддыръя дуръёссэ векчи азвесь коньдонэн но бирӟыосын чебермаллям. Пумъёсаз дэра яке басма кал вурӟиське. Йыркерттэт кылдытэмын вал, дыр, кымес вылзэс чеберманы, озьы ик пель дорысьтызы но кымес вылысьтызы йырсизэс ватыны.

Чалма, йыркеттэт, айшон но сюлык выль кенлы дӥсяло вал эмеспилэн корказ (выль кен изьыян), выль кен соосыз нуллэ вал быземез бере нылпиез вордскытозь. Нылпиез вордске ке, йырси пунэтсэ но мукет сямен тупатъя, йырсизэ но кышет улэ мукет сямен ватэ, табере со горд сюлык нуллыны кутске.

Айшонлэн йылаз туйлэсь яке курлэсь трапеция тусо арбери тупато, сое дэраен кыско но азвесь коньдонъёсын чебермало (Верещагинлэн гожтэмезъя – бырттос*).

Сюлык 1930-тӥ аръёсы кутӥське на выль кенэз эмеспилэн корказ пыртыку шобыртыны гинэ.

Нылкышноос XX даурлэн кутсконаз выль йыркышетэн ветлыны кутско – сьӧд чильпам куинь сэрго кышетэн. Сое нулло огшоры кышет улазы пинал вайыны кутскем дырысенызы нылпи ваемысь дугдытозязы. Та йыркышетэз удмурт кышномуртъёс њуч нылкышноослэсь асэстӥзы, шуыны луоз. Со вӧлмемын вал Сарапул уездын.
Нимысьтыз вераны кулэ мӧйы кышномуртлэн йыркышетэз сярысь (диал.: пельшет яке пелькышет*). Чалмалэсь со висъяське куинь люкетлэсь луэменыз (изьыян палыз, бурдъёсыз но пумъёсыз). Пумъёссэ басмалэсь каро, дуръёссэ чильпало яке сюбегак кильымало. Пельшетсэс кышномуртъёс нылпи ваемысь дугдэм беразы нуллыны кутско. Йыразы понэм бере вылтӥз, пумъёссэ гурулазы карыса, кышет кертто.
Выл дукессэс (диал.: саестэм) дӥсяло вылэм гужем салкым куазен. Вуремез сыӵе: азьпалыз одӥг вандэтлэсь, гадь кыретэз сӧзул дорозяз пырак вандэмын, тыбырыз куско каремын, урдэсъёсаз кырыж вандэм сеп вуро, озьы дукес сӧзултӥз паськыта, одӥг палаз ӟеп поно на. Вуро дэралэсь, пустоллэсь, пильыслэсь яке сатинлэсь. Сӧзулзэ но суй кыретъёссэ укоен чебермало, сӧзулъёсаз быдэн куинь векчи азвесь коньдон быртто вылэм.
Яратыса нуллӥллям пустоллэсь, пильыслэсь но буртчин басмалэсь шымыриё карыса вурем куско выл дӥсьсэс.

Сӥзьыл куазен нылкышноос дӥсяло вылэм урдэглэсь яке гордо-сьӧдо гожмо дэралэсь вурем зыбын*. Толалтэ нуллӥллям басьтэм яке асьсэ куэм урдэглэсь дукес*. Зыбынзэс но, дукессэс но кык пӧртэм тусо пӧръяло вылэм: кустэм, урдэсъёсаз сэп пуктыса, яке куско, тыбырзэ шымыриё карыса.

Удмуртиысь Алнаш, Грах, Можга, Кияса ёросъёсын но Татарстанысь Менделеевск, Агрыз ёросъёсын улӥсь нылкышноослэн гадь чеберманъёссылэн, Дэри но Пичи Пурга ёросъёсын ӵошатыса, туссы но нимзы ласянь ӧжытак пӧртэмез вань.

Ныл дӥськут XIX даурлэн пумаз – XX даурлэн кутсконаз кышномурт дӥськутлэсь туж ик уг висъяськы вылэм. Дэремзылэн азьыз но тыбырыз пельпум ултӥ шымыръяса (кокеткаен) вуремын, саес дуръёсыз пуктыса тупатэмын.

Азькышетсы гадьтэм. Дэремзэс ӵемысь кускерттонэн керттыса азькышеттэк нуллӥллям. Йыразы такъя изьыяло вылэм, но берло сое кышет воштӥз. Кышетсылэсь пумъёссэ нылъёс йырбертӥзы керттылӥзы.

Юон дыръёсы но сюанэ кышет вылтӥзы нылъёс укогут* кертто вал, сое укоен кыскем сюбег дэра вандэтлэсь лэсьто, дуръёсыз туго каремын,туг пӧлы позыр карем пулэсьуко шортэн биньылэм шильыриос бырттылэмын. Гадьвесез котькуд ныллэн аслаз луэ. Узыргес семьяын 5-6 аресэмъёсызлы но сыӵе чеберманъёс лэсьто вал ини. Нылъёслэн та чеберманзы «гурул»* нимаське. Начаргес улӥсь семьяосын азвесь коньдон интые пачкес узвесь питыриос тырылӥзы.

Пиосмуртъёс нулло вал горд буёло векчи кечато  дэралэсь вурем дэрем (пиосмурт дэрем), лыз буё сюрсо дэралэсь штани, югытгес но буё дэра куыло вылэм. Толалтэлы штанизэс вуро вал гьыль выртэн куэм урдэглэсь, сьӧд шортсэ сьӧд ыж гонлэсь каро вал.

Пиосмуртъёс йыразы гынлэсь яке дэралэсь вурем шляпа  но ыж кулэсь тупатэм изьы* нуллӥзы.

Выл дӥськутсы – дэралэсь, пустоллэсь, урдэглэсь вурем сукман*, дукес но бадӟым дукес; ыж кулэсь вуремез – тулуп*. Бадӟым дукессэс но тулупсэс воргоронъёс дӥсяло вал сӥзьыл но толалтэ кезьыт куазен, кузь сюрес вылэ потыкузы.

Пиосмуртъёс пыдазы кутъёс нуллӥзы. Пусйыны кулэ, XIX даурлэн пумозяз ик ай удмуртъёс кут калъёссэс тӧдьы мертчан но сьӧд ыж гон шортъёслэсь, юн мед луоз шуыса, вал сиен суро пуно вал. Воргоронъёслы бинялтон* нылкышноослэнлэсь кузьгес но паськытгес каро вылэм, толалтэлы урдэглэсь пӧрмыто вал. Юон дыръёсы но гужем ку сапеген ветлӥллям, толалтэ – гын сапеген. 

Аспӧртэмлыко луэ вӧсь дӥськутсы. Дэремзы но шортдэремзэ вуро тӧдьы дэралэсь. Азьпалыз одӥг курлэсь вуремын, сӧзыез пырак вандэмын, берыз куско, куасалтӥськись пичи сиресо. Огшоры дыръя пиосмурт  куэм ке пунэм сюбег кускерттон нуллэ ке вал, вӧсяськонэ паськыт куэм кускерттон (путо*) керттэ ини. Путоез кышнояськем пиосмурт гинэ нуллыны быгатэ вылэм. Нылмурт, бызьыны дасяськыкуз, вуоно кузпалызлы одно ик путо куылэм. Ужаны дӥсяськукыз, воргорон кусказ кулэсь лэсьтэм паськыт е думылэм, бордаз тӥр поныны конгыри тупатэмын луэ вылэм.

Нош XX даурлэн кутсконаз лымшор удмуртъёслэн дӥсяськоназы трос воштӥськонъёс кылдо: улонысь ышо айшон но сюлык, дэремлэн тусыз воштӥське – муресазь интые дэрем капказь* пуктыны кутско, иське, кыкракез но кулэ каремысь дугдо, дэремлэн шымыриез тросгес луэ, дэремзэс кокеткаен вурыны кутско.




#Article 215: Кам сьӧр удмуртъёслэн дӥськутсы (668 words)


Та пӧртэмлыкен дӥськутэз нулло вал Пермь улосвылысь Куеда ёросын, Башкортостанын Балтач, Бураево, Татышлы, Калтасы, Кушнаренково но Янаул ёросъёсын улӥсь удмуртъёс.

Кам сьӧр удмуртъёс (тупалъёс) ас дӥськутазы троссэ башкиръёслэсь асэстӥллям, соин ӵош ик асьсэлэсь но вашкала тодметъёссэс утьыны быгатӥллям.

Кышномуртъёслэн дӥсьсы пӧлын валтӥсь инты басьтэ дэрем. Сое висъяло вал вурем материалэзлэн буёл тусызъя но пужъятэмезъя. Кылсярысь, кечато дэралэсь ке вуремын, дэремзэс шакмако шуо, дэра бичаса куэмын ке, - чептарь* но мукет. Пужыё куэмлэсь вуремзэ сюанлы каро вылэм. Дэремзэс одӥг дэра вандэтлэсь вуро, ӝутэм сюбег сиресэн. Гадь кыретэз пырак. Паськытэз кильымез (диал.: сӧзы) 50 см пасьта луэ, со кус улланьтӥ ик тупатӥське. Вылӥетӥзгес дуно басмалэсь (яркыт буё кашамирлэсь) эшшо кык кильымъёс пуктӥсько на.

Гадь вылазы дэрем улэ кышноос лякиётупатэм басма вандэт (диал.:мурашет, кыкрак) поно вал, нош вылаз камзол* улэ - чеберъяса лэсьтэм гадькотыртэм (муресазь). Со ньыль сэрего (улӥ палыз конгыро*), укоен кыскемын. Та гадькотыртэмъёссэ нылмурт бызён азяз дася вал, юрттылӥзы солы матысь ӵыжы-выжыосыз. Пирдан сандыказ бызёно ныллэн соос трос гинэ люкасько вылэм, угось сюанысен кузьмаськон арбериос пӧлысь нылкышноос таоосэ тужгес дуноен лыдъяллязы. Воргоронъёслы ӵемгес тамак пуйы кузьмаллям.

Азькышет (диал.: ашет). Юон дыре дисянозэ бичаса куэм кечато дэралэсь вурылӥзы, со гадё луэ. Урдэсъёссэ но сӧзулзэ сюрсо дэраен бугоръяллязы. Ужан азькышетсэс кечато куэм дэралэсь вурылӥзы ке, вӧсяськонлы дасямзэ - тӧдьы дэралэсь. Тазэ азькышетсэс уг кильымало вылэм.

Юмшан дӥськутсы пӧлын одно ик пильыслэсь вурем нго укоен чебермам камзол луэ. Со саестэм вуриське, тусызъя тодэ вайытэ бигер но башкир нылкышноослэсь камзолзэс. Тӧдьы но горд дэралэсь яке басмалэсь кузь яркыт тугъёсын кышет (диал.: ӟалык*) вурылӥзы. Выль кенлэн пирданаз туго бадӟым буртчин шалез (диал.: чуко шаль*) но луэ вал. Кузебай Герд нимо музейын тупал удмуртъёслэн одӥг чалмазы но ӧвӧл, сое нуллӥлям шуыса тодӥськом Н. И. Тезяковлэн гожъямъёсысьтыз (Тезяков Н. И. Вотяки Больше-Гондырской волости. Чернигов, 1892). Одӥгез тодмо: таӵе чалмаосын ветлӥзы ке но, XX даурлэн кутсконаз соос улонысь ышизы ини.

Кышетъёс сяна, нылкышноослэн манлай* йыркерттонзы но вылэм. Со пеймыт буё басмалэсь яке дэралэсь лэсьтэм маке, пумъёсаз калъёс вурӟемын. Улысь дуртӥз кык чур векчи азвесь коньдон бырттылэмын, вылыз ӧжытак шымыртэмын. Манлаез дӥсяло вал дьырсикузя нимаськись йырси чеберъяськонзы вылтӥ, собере кышет (диал.: ӟалык) кертто. Дьырсикузя чеберъян нылкышнолэн тыбыртӥз камзол вылтӥз ваське. Малпан кылдэ, ӵапак та манлай йыркерттэтлы ышыны юрттӥз шуыса.

Чеберъянъёссы: гурултӥ лэзиськисез пелькузя* шуиське, гадь вылэ тупатӥськисьёсыз - паськыт ошет нол ӟоскыт ошет. Паськыт ошет дэра вылтӥ сюбег уко вандэтъёсын чебермаса лэсьтӥське, вылтӥзы сизьым чур векчи азвесь коньдон бырттылэмын. Сое юон дыръя гинэ дӥсяло вылэм. Огшоры дыръя нылъёс но кышномуртъёс ӟоскыт ошет нуллӥллям. Таяз ошетэ векчи азвесь коньдонзэ куинь чур гинэ бырттыло вылэм. Куд ёросъёсын та чеберъянэз удмуртъёс ӟака* шуо. Мукетыз чеберъяськон сырга* шуиське, со жильы борды азвесь коньдонъёс бырттылыса лэсьтӥське. Нулло сыргаез паськыт но ӟоскыт ошетъёсын. Пельпум вылтӥ тупатӥськисьсэ чеберманзэс (диал.: сильсюмыс*) вылазы самой берло ошо вылэм. Суязы поскес (диал.: билязик*) поно, чиньыосазы - векчи коньдоно зундэс (диал.: ӟизыето зундэс).

Пыдазы кут, колоша но башмак нуллӥллям. Куд-ог семъяосын али ке но колоша выллем нинлэсь* кутам башмакъёс (диал.: башмак кут) нулло. Гужем пыдазы дӥсяло вылэм дэралэсь вурем чуглэс (диал.: буйчуглэс*), толалтэ - урдэглэсь вурем чуглэс (диал.: урдэгчуглэс*) но пыдныр (диал.: нырос). Со озьы ик дэралэсь яке урдэглэсь пӧрмытӥське. Туала арын воштӥськыны одно ик бигер  колоша но кунчизэ чильпаса керттэм ыж гон пыдныръёс возё.

Нылкышноослэн выл дӥськутсы бешмет* нимаське. Со басмалэсь яке урдэглэсь вуремын, сӧзул палтӥз паськытатэмын, куско каремын.

Ныл дэрем вурон манерзыя кышномурт дэремлэсь трослы пӧртэм. Со кильымамтэ, куско, кустӥз шымыръямын. Тодӥсьёслэн верамзыя, нылъёс йыразы котырес но кузялэс такъя нуллӥллям, но XX даурлэн кутсконаз та такъяосыз уд адӟы ни вылэм.

Пиосмуртъёслэн дӥськутсы таӵе: дэрем, гожмо дэралэсь вурем штани (вӧсяськон штанизы тӧдьы дэралэсь луэ), тӧдьыё-пурысё сюрсо дэралэсь вурем дукес но паськыт кускерттон (диал.: пукран). Йыразы гын шляпа изьыяло вылэм. Малэсь но кыӵе тӥрлыкен та шляпаоссэс пӧрмыто вылэм, ӟеч гожъям Н. П. Гринкова, 1939-тӥ арын Кам сьӧр удмуртъёс доры экспедициен потам бераз.

Пичи пиослы но пиосмуртъёслы урдсо гын шляпа лэсьтыны пӧртэм кабъёс (диал.: калэп*) куто вылэм. Ужан тӥрлыкъёссы сыӵе ик, маин гын сапег лэсьто. Шляпаоссэс сӥзьыл вордскем ыжпиослэн тулыс ӵышкем ыж гонзылэсь лэсьтӥллям. Одӥг воргорон шляпалы 300 г ыж гон мынэм, быдэ вуымтэослы — 200 г, пичи пиослы — 150грамм.




#Article 216: Шор ёросысь удмуртъёслэн дӥськутсы (638 words)


Та пöртэмлыкен дüськутэз нулло вылэм Удмурт Элькунысь Шаркан,Якшур-Бодья ёросъёсын, Ува. Дэбес ёросъёсысь куд-ог гуртъёсын улüсь удмуртъёс (азьвыл Вятка губерниысь Сарапул уездэ пыро вал).
Шарканъёслэн но якшур-бодьяослэн дüськутсы
Григорий Верещагин «Вотяки Сосновского края» ужаз котыр ласянь гожтэ Сосновка палась нылкышноослэн но пиосмуртъёслэн дüськутсы сярысь. Воргоронъёслэн, пе, толалтэ огшоры дыръя нулло вылэм тöдьы дэралэсь вурем, куссэс ыж гон кускерттонэн керттыса. «Кускерттон бордазы нулло вал пичигес гинэ кулэсь тыл дурсы (кожаный кисет для ношения огнива, холщавая девичья сумочка) пуйы, отчы тыро вал тылкöльы, сеньки, тылкорт» (Верещагин, 10-тü бам).

Юон дырлы XIX даурлэн пумаз ини пиосмуртъёслы дэрем вурыны кутскиллям басмалэсь, џемгес – горд басмалэсь. Толалтэ нуллон дукессэс вуро вылэм югыт буё урдэглэсь. Юон дырлы дасямзэ чебермало вылэм сьöд пильысэн яке тасмаосын. Воргоронъёс гужем нулло вылэм урдэглэсь тупатэм колпак, толалтэ – тöдьы гын шляпа. 

Ужан пыдкуксы кутъёс вылэм, воштüськыны толалтэ тöдьы гын сапег кутчало вылэм, гужем – ку сапег.

Нылкышноослэн дüськутазы валтüсь инты басьтэ дэрем. Со Чупчи вылланьёслэн дэремзылы кельше. Одüг дэра вандэтлэсь вуремын, сиресэз котырес. Саесъёсыз тöдьыё-гордо куэм дэралэсь. Гадь кыретсэ восраны лякиё муресазь тупато. Дэрем вылазы тöдьы дэралэсь шортдэрем дüсяло вылэм. Вуремзыя со матын вылланьёслэн толалтэ нуллон дüськутсылы. Тыбыр палыз куско каремын, шымыръямын, сöзыосыз пырак вандэмын, саесо. Азькышетсы гадьтэм, кык дэра кесэглэсь яке басмалэсь вуремын.

Воштüськон шортдэремзы ас тусызъя трослы пöртэм огшоры дыръя нуллонзылэсь. Таизлэн сöзулаз горд но вож сюбег урдэг вуро, пужыято уко шортэн, кык чур кильымало буртчин яке парча вандэтъёсын. Саесъёссэ басмалэсь вурылüзы. Басма кылдэмлэсь азьло – тöдьы дэралэсь, са ваменак пужыятэмын. Ултüз кузяна горд но вож сюбег пустол юдэсъёс вурыло. Саесъёсыз басьяськись но луыны быгато вал. Таӵе басьяськись саесъёс асьме музейлэн люкамъёсаз вань. Ваем сое 1930-тü арын директорез Г.Ф. Сидоров, Калыктодонъя музейысь ужасъёсын ӵош экспедицие потакуз.

Та вакытэ ик шедьтэмын нылкышноослэн йыр шобыртонъёссы: тöдьы дэралэсь пöрмытэм изьыян (диал.: подурга(головной убор замужней девушки в виде шапочки)), со кымес палтüз бурлатэн кыскемын. Подурга сярысь Г. Верещагин гожтэ: «Йыразы поно такъя – подурга, кудüз азьпалтüзы ӝыны кымессэс ӵокта, нош мышпалтüзы кус улланёзь ваське. Подурга вылтü кышет кертто» (Верещагин, 11-тü бам).

Выль кенлы йыраз такъя изьыяло. Со вылтü такъякышет (аппликативный платок на девичью шапочку) но кучкышет (головное полотенце) кертто. Эмеспилэн корказ такъязэ кушто но кышномурт такъя – подурга – поно. Вылтüз – куинь сэрго дэра кышет кертто, собере – пичи гинэ куинь сэрго кышет (диал.: йыркотыр (маленькая треугольная косынка шарканских удмуртов)).

Йыркышетсы (кучкышет) тöдьы дэралэсь пöрмытэмын, пумъёсыз гордэн пужыятыса куэмын яке пужыятэмын. Пужылэн суредэз тодэ вайытэ Чупчи улланьёслэсь таӵе йыркышексэс. Пöртэмез пужы кылдытüсь куинь сэрего тусъёсыз бордын. Соос улланьёслэн кышет вылысьтызы таӵе ик тусъёссылэсь кык полы бадӟымесь, шуыны луоз. Со сяна,Шаркан удмуртъёс таӵе кышетъёссылэн пумъёсаз вож ыж гон яке буртчин сüньысъёслэсь кузь тугъёс вурыло, улланьёс – басма юдэсъёс.

Музейлэн люкамъёсаз трос гинэ куинь сэрего кышетъёс. Соос пöртэмесь: дэралэсь вурем но басма яке яркыт пустол юдэсъёсын чеберманъёсыз, сюбег пужыятыса чебермамъёсыз, тугоосыз. Куинь сэрего буртчин кышетъёссы кузь туго, отчы векчи весьёс, инӟыос бырттылэмын. Паськыт палыз бурлатэн бугортэмын. Таӵе кышетсэс «шальк-шальк укыё кышет» (треугольный платок из шёлковой ковровой шали, украшенный по краям полосками сукна, вышивки позументом, кистями и бусами) шуо. Сое кышномуртъёс ӵемгес сюанэ юмшаны кертто вылэм.

Ӟуч музейлэн калыктодонъя ёзэтаз ужам корреспондент И.К. Зеленов та удмуртъёслэн дüськутсыя туж дуно люкам кылдытэм. Соос саесъёссэс но саес дуръёссэс пужыятон амалзыя улланьёслэн дüськутсылы матын луо. 

Чеберманъёссы: гадь вылазы коньдоновесьсы бадӟым азвесь коньдонъёслэсь пöрмытэмын, пельугыоссы – манетъем коньдонъёслэсь, ӵем дыръя бырттылэмын подурга бордазы. Суязы сюбег поскесъёс нулло вылэм.

Ныл дüськутсы яке XIX даурлэн пумаз городысь нылъёслэн дüськутсылы матын, яке шортдэремлы кельше. Дэремзы пуктэм капказё но пичильтык ӝутэм сиресэн. Нылъёс 13 аресысен векчи азвесь коньдонэн чеберман такъя нуллüллям. Кышномуртъёс йырсизэс кык ваё пуно вал, нылъёс – одüг пунэтэ. Верещагинлэн пусъемезъя, нылъёс бызем беразы нылпизы вордскытозь кöня ке арзэ со такъязэс нулло на, пе, вал. Собере куинь сэрего кышетэн тупатэм подурга вылазы пичи буртчин кышет (йырйылкышет) кертто.

Пыдкуксы: ужаны – кутъёс, толалтэ – гын сапегъёс. Юон дырлы дасям кутъёссэс чебермало вылэм ӟазег тылыосын яке буяло. Гужем воштüськыны кутчало вылэм башмакъёс.




#Article 217: Удмурт кылысь каронкыллэсь сям категоризэ эскерон история (510 words)


Удмурт кылрадъянэз (морфологиез) тодослыко эскерон кык сю арлэсь кема кыстӥське ни. Солэн азинскон сюресаз пӧртэм вакытъёс но ӧръёс висъяны луоно.

Пӧртэм вакытысь тодосчиослэсь ужъёссэс но ужан амалъёссэс эскерыса, удмурт каронкылэз дышетон-эскеронын ньыль вакыт висъяны луоно.

I-тӥ вакыт. Удмурт морфологи традициослэн кылдэмзы герӟаськемын 1775-тӥ арын печатласа поттэм нырысетӥ удмурт грамматикаен но М. Могилинлэн «Краткой отяцкiя Грамматики опытъ» (1786) кигожтэм кылрадъянэныз.

Кыказ ик кылрадъянъёсын каронкылэз эскеронлы нимысьтыз саклык висъяське, соос пӧлын сям категориез дышетонлы но. Та ужъёслэсь матын луэмзэс но пӧртэмлыкъёссэс адӟыны луэ таблицаысь:

II-тӥ вакытлы кутскон сётӥз Ф. Й. Видеманнлэн немец кылын гожтэм но 1851-тӥ арын печатласа поттэм удмурт кылъя грамматикаез. XVIII дауре поттэм грамматикаосын ӵошатыса, эстон тодосчи удмурт каронкыл понна куинь сям форма висъя. Котькудӥзлэсь каблэсь положительной но отрицательной формаоссэс нимаз-нимаз сётэ. Нырысетӥ грамматикаосын ӵошатоно ке, Ф. Й. Видеманн сям кабъёслэн кутӥськон амалъёссылы но мугъёссылы радызъя валэктон сётэ ни, ӵем дыръя соосты мукет финн-угор кылъёсын яке немец кылысь сямкылъёслэн кутӥськеменызы ӵошатэ.

Каронкыллэн вошъяськон кабъёсыз озьы ик эскеремын Т. Аминоффлэн «Удмурт фонетикая но грамматикая очеркъёс» (1896) ужаз но. Ф. Видеманнлэсь пӧртэм луыса, финн тодосчи каронкылъёслэн вошъяськоназы ньыль сям кабъёсты висъя: ивортон, луонлык но косон сямъёс, со сяна та ужын нимысьтыз висъямын на оптатив нимо каб. Татчы автор пыртэ мед но медаз кылъёсын пӧрмем формаосты, кудъёссэ Ф. Видеманн пыртӥз вал повелительной наклонение пӧлы:

Тунсыко пусйыны созэ но: Ф. Видеманн медаз кыллэсь быдэс парадигмазэ сётэ ке вал, Т. Аминофф солэсь вань формаоссэ висъя луыны глаголэн кутӥськыкуз гинэ:

Кунгож сьӧрысь тодосчиос, удмурт каронкылэз эскерыкузы, оглом шонер висъязы ни солэсь сям категоризэ но пӧртэм ласянь сое сэрттӥзы-пертчизы:

 
III-тӥ вакытлэн кутскемез герӟаськемын Быдӟым Октябрь революция ортчем бере Удмурт шаерысь но кунгож сьӧрысь финно-угроведенилэн нимаз-нимаз азинскыны кутскеменызы. XVIII-тӥ даурлэн пумаз кунгож сьӧрысь тодосчиос удмурт кылэз эскеронлы ӟеч инъет сётӥзы ни ке но вал, 1920 – 1930-тӥ аръёсы удмурт кылэз эскерон борды басьтӥськем тодосчиос каронкылэз эскеронэ выль сямен басьтӥськизы. Но ӵем дыръя янгышъёс лэсьтылӥзы: яке эскероно кыл явленизылы солы тупасьтэм ним сётылӥзы, яке кыӵе ке кылрадъян категориосты солы тупасьтэм ним сётылӥзы, яке кыӵе ке категориосты солы тупасьтэм примеръёсын юнматылӥзы, яке висъям парадигмаязы мултэс луись ёзъёс висъяллязы.

IV-тӥ вакытлэн кутскемез герӟаськемын 1962-тӥ арын «Грамматика современного удмуртского языка (ГСУЯ)» книга потэмен, кудӥз каронкыллэсь сям категоризэ эскерон ласянь мынӥсь ченгешонъёслы пум пуктӥз. Озьы удмурт кыл понна висъямын вал куинь сям кабъёс: ивортон, луонлык но косон сямъёс.

Каронкыллэсь сям категоризэ эскерыку, та вакытэ гожъясь тодосчиос нош ик саклык висъяны кутскизы сям кабез возьматон пӧртэмлыкъёссылы (аналитической но синтетической формаосты), сям каблэсь веранъёсын кутӥськон мугъёссылы, соослэн семантика ласянь пӧртэм пуштросэз усьтыны быгатэмзылы. Та удысын бадӟым уж нуо И. В. Тараканов, В. К. Кельмаков, Райя Бартенс но мукетъёсыз.

Мукет ласянь, ньылетӥ вакытэ ужась тодосиос нимысьтыз саклык висъяны кутскизы каронкыллэн сям кабезлэн история ласянь азинскемзэ эскеронлы но. Кылсярысь, та ласянь тунсыко луо зуч академик Б. А. Серебренниковлэн, финн тодосчи Р. Бартенслэн но венгер тодосчи Ш. Чучлэн диахрония амалэз уже кутыса гожтэм ужъёссы.

Удмурт морфологилэн XVIII даурысен кутскыса туннэ нуналозь азинскытозяз каронкыллэсь сям категоризэ эскерон нимысьтыз инты басьтӥз. Оглом басьтыса, тужгес но ожыт тэкшеронъёс мынӥзы ивортон но косон сямъёслэн пӧрмемзы но кутӥськемзы ласянь. Тужгес но трос вераськонъёс мынӥзы но мыно условной но желательной сям кабъёсты висъян пумысен.




#Article 218: Семён Александрович Самсонов (754 words)


Семён Александрович Самсонов 1931-тӥ арын 1-тӥ куарусёнэ Пичи Пурга ёросысь Тыло (Сырьезшур) гуртын вордӥськиз. 1952-тӥ арын Можгаысь фельдшеръёсты дасясь школаез, 1956-тӥ арын Ижкарысь пединститутэз, 1967-тӥ арын Москваысь А. М. Горький нимо литинститутысь курсъёсты йылпумъяз.

Пичи дырысеныз Семён Самсонов гожъяськон удысэ кыстӥськиз. Газетъёсын очеркъёсыз, веросъёсыз потылӥзы, нош 1952-тӥ арын сое ассэ «Советской Удмуртия» газетэ отделэн кивалтыны ӧтизы, берлогес редакторлы воштӥсе пуктӥзы. 1963—65-тӥ, 1967—71-тӥ, 1983—84-тӥ аръёсы «Молот» журналын валтӥсь редактор вал, 1985—93-тӥ аръёсы — Удмуртиысь писательёслэн огазеяськонзылэн тӧроез.

Писательёс пӧлысь Семён Самсонов одӥгез тужгес трос гожъяськисез вал. Очеркъёсыз, веросъёсыз, повестьёсыз, романъёсыз Ижын но Москваын кызь куинь книгаын потӥзы. Ӟуч кылэ сяна, куд-ог ужъёсыз украин, финн, литва, эстон, азербайджан, нивх, коми, пор, мордва, авар, осетин, узбек, бурят, якут но мукет кылэ берыктэмын.
С. А. Самсоновлы 1981-тӥ арын УАССР-лэсь Кун премизэ сётӥзы, 1986-тӥ арын со Удмуртиысь калык писатель луиз.

Героез уж пыр возьматыса гожъян   удмурт  литератураын   тужгес   азинскемын. Котькуд вакытэ солэн  куронъёсыз   пӧртэмесь   вал. Проза ӝужан  вакытэ  писательёс  крестьян  калык  пӧлысь  потэм   но   гуртэз   выльдон   понна нюръяськись муртьёсты  возьматылӥзы. Собере калыклэсь висъяськытэк ужась, вордӥськем музъемзэ гажась муртлы саклык висъяны одъязы. Огшап ортчыса, югдур воштӥськиз: ӟеч произведениосын герой удысуженыз (профессиеныз) пырак валчеяськемын вал, калык но кун сое ужын басьтэм вормонъёсызъя дунъязы. 1960—90-тӥ аръёсы удмурт гожъяськисьёс пӧлысь Семён Самсонов лыдӟисьёслы тужгес тодмоез луэ. Геннадий Красильников огъёзэз сямен ик, со но литературае «оттепель» шуон вакытэ вуиз ке но, гожъямъёсыныз «застой» дыре но выльдӥськонлэн нырысетӥ аръёсаз тодмогес луиз. 1970-тӥ аръёслэн шоразы Семён Самсонов удмурт литератураын одӥгез валтӥсь писатель вал ини, книгаосаз ас вакытысьтыз лэчыт югдуръёсты возьматыны тыршиз.

Писательлэн творчествоез публицистика удысын тужгес ӟеч адӟиське. Солэн очеркъёсын тямыс книгаез потӥз. Нырысь-валысь гуртын улӥсьёс, музъем вылын тыршисьёс сярысь трос гожъяз, нош берло интеллигентлэсь образзэ кылдытыны сюлмаськиз. Очеркъёсыз пӧлын Сталин кивалтон вакытэ адямиез юнме шорысь янгыше уськытонлы сӥземъёсыз, «Гурезез ӝужыт, ошмесэз кезьыт» (1988) но «Адямилы но бурдъёс кулэ» (1991), висъяськогес, соос нимысьтыз эскеремез кулэ каро.

Вакытэзлы тупась темаос — адями но азинскем техника кусыпъёсты эскерон, литература пыр гурт улонлэн радлыказ пыриськон — Семён Самсонов публицистлэн быдэстоно ужпумъёсыз. Очеркъёсаз адями сямъёсты усьтыны, ас вакытсэ возьматыны, сое шодыны быгатэмез туннэ но лыдӟисьлы тунсыко.

Кыкетӥ книгаез 1961-тӥ арын потӥз — «Льӧмпу сяськая». Отчы ньыль веросъёсыз но укмыс очеркъёсыз пыремын. Таяз ини пӧртэм кивалтӥсьёслы бадӟымгес саклык висъямын. Геройёсыз — азьветлӥсьёс. Соос ужась калыклэсь куронъёссэ ӟеч тодо но соос понна сюлмасько. Писательлэн одӥг героез но коллективлэн кыӵе ке малпанъёсызлы, ужъёсызлы пумит уг кариськы,  кунлэсь  но куронъёссэ умой тодэ. Со янгышасьтэм, шуг-секытъёслэсь кышкасьтэм геройёсты возьматыны тырше.

Очеркъёсыз пӧлын писательлэн тус суредъёсын (портрет жанр) ужьёсыз тужгес тодмо луизы. Геройёсыз   —   гуртысь   ӧнерчиос: колхоз кузёос, механикъёс, агрономъёс. Ваньзы ик ужын пӧзьыса уло, коллектив понна быдэс лулынызы сюлмасько. Но берлогес ини Семён Самсонов герой¬ёсызлэн    ӧнер быгатонлыксы ужез яратэмзы бордысь гинэ потэ шуыса возьматыны ӧз ни тыршы, соослэсь дышетскыса басьтэм тодон-валанзэс но пусйылӥз.

Семён Самсоновлэсь быдэс творчествозэ учкыса ортчоно ке, со, ужась муртлэсь тужгес ӟеч сямъёссэ возьматыса, положительной геройлэсь образзэ кылдытыны сюлмаськиз. Но мултэсгес озьы тыршемез кытӥяз геройлэсь пуш малпанъёсызлэсь мур сӥоссэ бугыртыны люкетӥз. Соин ик образъёсыз огшоры калыкысь потэм геройёс кадесь адӟисько. 
Удмурт публицистикаын Семён Самсоновлэн 1978-тӥ арын потэм «Мынам гуртэ — Тыло» очеркез классика луыса кылиз. Татын вордӥськиз бере, писатель сое туж яратэ. Тылоысь ик потӥзы удмурт литератураысь куать тодмо гожъяськисьёс, пӧлысьтызы ньылез - Самсоновъёслэн выжыысьтызы.

Улон азинскиз, лыдӟись выль геройёсыз кулэ кариз. Семён Самсонов удмурт шаерын вордӥськем но будэм, быдэс кунлы тодмо луэм Антонина Пальшина, радиолокация удысысь бадӟым ӧнерчи Павел Ощепков, озьы ик Василий Николаевич, Борис Васильевич но Василий Васильевич Парин профессоръёс сярысь художественно-документальной повестьёс гожтӥз. «Выжыкыл ӧвӧл та» повестяз паймымон нылкышноез возьматӥз. Антон Пальшин нимын со Нырысетӥ мировой войнае пыриськиз но Георгиевской крестэн, медальёсын пусъемын вал.
Азьвыл гожъямъёсаз писатель геройёсыз шоры кунлэсь курем-косэм ужзэ быдэсъясьёс шоры кадьгес учкыса возьматылӥз. Табере огшоры адями но солы тунсыко потылӥз ни. Валтӥсь интыын — солэн быгатонлыкез, ӝутскем мылкыдын тыршемез. Геройёсыз курадзонъёс пыр пото, трос секытеэ чидано луо ке но, соос ас мылкыдзыя, сюлэм косэмзыя калык, кун понна тыршо, котькуд адямилэсь быгатонлыксэ улӟытон сярысь сюлмасько. Сыӵеен адӟиськомы Паринъёсты, Павел Ощепковез. Соос туж огшорыесь, вормонъёсынызы уг данъясько. Лыдӟись азе адямилыкоен пуксё.
Семён Самсоновлэн берпуметӥ очеркез 1992-тӥ арын потӥз — «Парижын улэ удмурт нылкышно». Героинязэ автор сямъёсыз, мылкыдыз, вераськонэз, малпамтэ шорысь лэсьтэм ужез пыр усьтэ. Калык, кун понна тыршемзэ возьматэм интые, таяз ини со кышномуртлэсь улэм-вылэмзэ, ортчем сюрессэ суреданэз кулэенгес лыдъя. Социалистической кунлэсь висъяськись, чылкак мукет дуннеын улӥсь тодосчилэсь ӟеч, быгатыса, узыр улон интызэ писатель усьтэ, Парижын ассэ шедьтэм кышномуртэн данъяське.

Самсонов дуннеысь ӟечсэ, чеберзэ адӟыны но возьматыны тыршиз. Очеркъёсыз пыр со дыр, дунне, улон сярысь малпаськиз, сюлмаськиз, висиз. Вань мылкыдыныз, сюлмыныз вордӥськем шаерез, отысь калык борды бурмемын вал. Соин ик солэн гожъямъёсаз кужмо сюлэмлэн юн жугиськемез шодӥське.




#Article 219: Ижкар трамвай (246 words)


Ижкар трамвай — Ижкарысь рельс мерлыко транспорт. Кивалтӥсь компания — «Ижгорэлектротранс» (ИжГЭТ) муниципал унитарной предприятие. 

Ижкартӥ трамвай ветлыны кутскиз 1935 арын 18-тӥ шуркынмонэ. Та дырлы карын 11 маршрутъёсъя мынон-ветлон радъямын. Огпала мынон сылэ 20 манет.

Нырысетӥ трамвайной вить километръем маршрут усьтӥськиз ӵукна 18-тӥ ноябре 1935-тӥ арын. Солэн сюресэз кыллиз Карл Маркс урамын Вятской переулокысен Воткинск чугун сюресозь. Ар улыса маршрут кузь каремын вал кыкнаысенызы пумъёсысен — Киров нимо паркозь но Кузон вуж вокзалозь («Хозяйственной база» туала дугдылонни ёрос). 1941-тӥ арын трамвайёс Ленин но Орджоникидзе урамъёстӥ ветлыны кутскизы — тазьы кыкетӥ маршрут кылдӥз. Вагонъёслэсь лыдзэс будэтӥзы витьысен дас укмысозь.

Ветлонэз усьтон дырысен 1943-тӥ ар пум дырозь вагонъёс тупатскылӥзы кулэ производственной базатэк пу боксын либо липеттэм канаваос вылын. Нош трамвай ветлонэз азьланьтэмен нырысетӥ депо усьтӥськиз. 1949-тӥ арын 2-тӥ номеро маршрутэз Киров урамтӥ кузь каризы. 1957 но 1958 аръёсын трамвайлэн сюресъёсыз лэсьтэмын вал Металлургъёслэн городоказы но Гагарин урам кузя — одӥгетӥ маршрут туалаез кадь луиз. Соин ӵош выль вагонъёсты уже кутыны кутскизы: КТМ/КТП-1 — 1955-тӥ арысен но КТМ/КТП-2 — сизьым ар ортчем бере.

Озьы 1963-тӥ арысен 1970-тӥ арозь предприятие кык пол кадь бадӟымаз: сюресъёслэн кузьдалазы бадӟым луиз 36-ысен 64-озь километр, ужасьёслэн лыдзы — вить сюысен сюрсозь, трамвайёслэн лыдзы — 104-ысен 152-озь но арскын нуэм-ваем пассажиръёслэн лыдзы куинь пол кадь бадӟымаз — 38,6 миллионысен 100 миллионозь.

Троллейбус мынон-ветлон лэземен (1968) трамвай сеть калленгес азинске. 1982-тӥ арын ӝог (скоростной) трамвай лэземын вал, но со дырысен сюресъёсызлэн кузьдалаез нокызьы но уг вошты. Берпум маршрут 1988-тӥ арын усьтэмын, со дырысен выль маршрутъёс ӧвӧл.




#Article 220: Ижевск станция (144 words)


Ижевск станция — Горьковской чугун сюреслэн Иж люкетысьтыз чугун сюрес станция но валтӥсь вокзал. Ижкарлэн валтӥсь чугун сюрес вокзалэз. Станция усьтэмын 1919 арын. Городлэн лымшор палаз интыяськемын, Гагарин но Пойма урамъёс вискын.

Станция пассажиръёслы билетъёс вузалля, багаж кутылэ но сётъя, озьы ик котыръёсын ужалля.

Ижевск станциез усьтон герӟаськемын Нырысетӥ дунневыл ож кутсконэн. Соку Иж но Вотка заводъёсысь продукцизэс ӝог нуллыны кулэлык кылдэм. Озьы, 1915-тӥ арын Иж заводэ Кузонысь Огырчи пыртӥ чугун сюрес вуиз. Толэзь улыса, 15-тӥ (28-тӥ) куартолэзе ни та сюрес Вотка завод дорозь кузёмытэмын вал но, Иж но Вотка куспын нырысетӥ составъёс ветлыны ӧдъязы.

Ижын станциез посёлок пумын лэсьтӥзы («Хозяйственной база» туала дугдылонни ёросын). Куд-ог дыр ортчыса валамон луиз, со инты станцилы уг лэся шуыса. Солэсь иськемын выль инты быръемын вал, кытын 1950-тӥ арын вокзаллы выль юртэз ӝутыны кутскизы. 1954-тӥ арын ини станция выль интыяз усьтӥськиз. 1971-тӥ арын пригород чугун сюрес вокзал лэсьтэмын.




#Article 221: Есенин, Сергей Александрович (176 words)


Сергей Александрович Есенин (21 куарусён (3 коньывуон) 1895, Константиново черкогурт, Рязанской губерния — 28 толсур 1925, Ленинград) — ӟуч кылбурчи.

Сергей Есенин вордскиз Рязанской губерниысь Константиново черкогуртын крестьян семьяын. Атаез — Александр Никитич Есенин (1873—1931), анаез — Татьяна Фёдоровна Титова (1875—1955).

Берпуметӥ улон нуналъёсаз Есенин пумиськылэ Н. А. Клюевен, Г. Ф. Устиновен, Иваном Приблудныен, В. И. Эрлихен, И. И. Садофьевен, Н. Н. Никитинэн но мукет литераторъёсын.

Берпуметӥ улон аръёсаз Есенинлэн творчествоезлэн сяськаян вакытэз кутске. 1925 арын Есенин — Россиялэн нырысетӥ кылбурчиез. Со дася поттыны сочинениосыныз быдэс собранизэ. «В России почти все поэты умирали, не увидев полного собрания своих сочинений. А я вот — увижу своё собрание» — вера вал кылбурчи. Шуркынмонлэн пумаз сочинениосын собраниез куинь томен наборэ сётэмын вал.

Адямиос пӧлын тужгес но вӧлмемын версия, Есенин ассэ ачиз быдтӥз шуыса. Есенинлэн кулэм бераз нокыӵе мукет версиос ӧз усьтылӥське. 1970-1980-тӥ аръёсы потэ версия, кылбурчиез виизы шуыса. Та версия бордын ужаз Московской уголовной розыскысь следователь, полковник Эдуард Хлысталов. Та версия озьы ик художественно возьматэмын вал «Есенин» (2005) телесериалын но.

Ленинградын поэтъёслэн герӟетазы гражданской понихида ортчытэм бере Есенинлэсь шӧйзэ Москвае нуо. Татын соин люкиськизы ӵыжы-выжыосыз но эшъёсыз. 31 толсуре 1925 арэ Москваысь Ваганьковской кладбищеын сое ватӥзы.




#Article 222: Уэсли, Пол (175 words)


Пол Томас Уэсли (; вордскыкуз Пол Томас Василевский) — америкаысь тодмо артист но кинорежиссер. 

Вордӥськиз 23 пӧсьтолэзе 1982-тӥ арын, США-ысь, Нью Джерси карын. Будӥз Мальборо карын. Солэн анай-атаез Агнешка но Томас Василевские. Вань бадӟым апаез Моника но пичи кык сузэръёсыз — Джулия но Лия. Умой тодэ поляк кылэз, одӥг арлы 4 толэзьзэ дас куать аресозяз ортчытэ вал Польшаын.

Ветлӥз Christian Brothers Academy Линкрофте но Marlboro High School. Школаын дышетскон дыръяз  «Направляющий свет» киносериалын Макс Никерсонэз шудыны отбор ортчиз. Киноактреской расписаниез плотной луэменыз, со кошкиз выль школае — Lakewood Prep School кудӥз вал Хэуэльын. 2000 арын йылпумъяз школазэ но пыриз дышетскыны Рутгерский университетэ, но отын со одӥг семестырзэ гинэ дышетскиз, малы ке шуоно солэн актёреской карьеразэ азинтэмез потӥз.

Василевски туж секыт вал вераны. Мон юай анай-атайлэсь но соос пумит ӧй вал.
Нырысь киноын со пичи гинэ рольёсты шудӥз. Со киноос: «Направляющий свет», «Любовь вдовца», «Тайны Смолвиля», «Одинокие сердца», «8 простых правил для друга моей дочери-подростка», «Закон и порядок. Специальный корпус» но мукет.

Али  «Дневники вампира» телесериалын шудэ Стефан Сальватороез. «Curfew»(«Сейчас или никогда», 2012) кинолэн продюсэрез луэ.




#Article 223: Гондыргурт (350 words)


Гондыргурт (, ) — интыяськемын Татарстанысь, Балтаси ёросын.

Архивъёсысь документъёсын гожтэмын тазьы:

Гондыргурт (Гондырево) интыяськемын Сибир трактлэн паллян палаз. Карозь гуртысен 107 иськем, нош волостной правлениось 7 иськем. Гуртлэн нимыз «ГОНДЫР» кыллэсь пӧрмем. Азьло гуртамы интыяськиллям вал Бадӟым–Лӧзя гуртын улисьёс, малы ке шуоно соос пӧйшураны яратӥллям. Гондыргурт пыре Сергеевской приходэ. Крестьян музъем составить каре 366 десятина. Азьло дыре 25 корка вал. Гуртын  89 пиосмурт но 92 нылкышно улӥллям, кудъёсыз крещенной вал. 4 пиосмурт но 6 нылкошно крещенной ӧй вал. Соос ваньзы чош, ог-огзылы юртыса, умой улӥллям. Гуртлэн общинаяз 4 пиосмурт муш утем, но 50 муш умортоез луэм.

Вань вал черк кудӥз пуктэмын вал 1891-тӥ арын, нош берло аръёсы сое школа каризы, кудаз дышетскизы но. Нош со усьтэмын вал юртэмен, нош юрттӥз братство свитея Гурия. Нырысьсэ школаын вал одӥг гинэ дышетӥсь. Кудӥз дышетӥз Инмар кылэз, нош солэсь дышетэмзэ свещенник учкыса пукем. Школаын дышетскиллям 30 пиосмурт, кудъёсыз ваньзы одӥг гуртысь луиллям. Та данной гожтэмын вал 20 даурлэн кутсконаз…

Гуртын азьло но али дыре но чебер. 19-тӥ даур пумын луэм 60 корка. Нош уноез семьяос кошкиллям мукет интыосы. Уноез Новосибирской, Амурской, Иркутской областьёсы. Уноез кошкем малы ке шуоно, ож бере улыны туж секыт луэм. Нош мукетъёсыз кылиллям. Азьло дыре гуртын тракторъёс но машинаос но луымтэ. Котыр вож гинэ луэм. Нош адямиос ветлӥллям валэн, пыдын. Мунчооссы но соослэн ваньзылэн луымтэ. Соин ик шур дуре кык мунчо лэсьтӥллям, кытчы ветлӥз вань гурт калык. Азьло луэм 5 колодец, нош али дыре огез но ӧвӧл. 4 соос пушкысь мур ик луымтэ. Но мур луэм, огез гинэ 18 метр, вуэз но отын кезьыт луэм. Уно ошмесъёс луиллям, но скважина пуктэмзы бере одӥг гинэ ошмес кылиз.

Гуртын луэм конюшня, ыж ферма, парсь ферма, амбар, школа, клуб, медпункт, магазин. 

Калык верамъя кызьы кылдӥз гурт:

Куке но азьло дыре гурт интыйын луэм нюлэс, кудаз улӥллям гондыръёс, нюлэскез чогаллям, но адямиос со нюлэс интые интыяськизы. Нош нюлэссэз чогамзы бере, гондыръёс кошкиллям. Музъеме соос юос но мукет культураос пуктылӥзы. Али дыре но гурезь йылъёсын   вань на пенекъёс кудъёсыз со нюлэслэсь кылизы. Сыло на коня ке пужымъёс но кызъёс, кудъёсаз азьло дыре лэсьтэмын дьотьыран (качели). Отын люкаськиллям пиналъёс но пересьёс но.

Гурт али дыре:




#Article 224: Элькуновидение (121 words)


Элькуновидение — удмурт кырӟанъя ӵошатскон, кудӥз телевизионной Евровидение ӵошатскон амалэн ортче. Ӵошатсконэ пыриськыны быгато коллективъёс яке нимаз кырӟасьёс. Котькуд ёросысь пыриськисьёс кырӟаны быгато одӥг гинэ кырӟан, со кырӟан гожтэмын луыны кулэ со ёросын улӥсь яке отын вордӥськем адямиен. Одӥг ёрос — одӥг пыриськись (коллектив яке огназ кырӟась). 

Элькуновидение нырысьсэ ортчиз 2012-тӥ арын. Со Элькунмылэн но «Мынам Удмуртие» телерадиокомпанилэн вордӥськем нуналэзлы сӥзьыса концерт-ӵошатскон выллем ортчиз. Концертэ пыриськизы пӧртэм ӧръя кырӟанъёсын артистъёс: трос аръёс ӵоже кырӟась фольклор коллективъёс, егит артистъёс.  Ваньмыз ӵошатсконэ пыриськиз 20 ёросысь коллективъёс но артистъёс. Кырӟасьёсты эрико жюри дунъяз — котькуд ёрослэсь одӥг представитель. Эшшо одӥг вормись пусйиськиз sms-куарасётонэн. Озьы ик нимысьтыз кузьымъёс — Бран Песянайёслэсь («Евровидение-2012» ӵошатсконэ пыриськисьёс) но Silent Woo Goore группалэсь («Пичи Калыкъёслэн Евровиденизы» ӵошатсконэ пыриськисьёс) сётӥськизы.




#Article 225: Ӟозлуд-Какся (101 words)


Ӟозлуд-Какся () —  удмурт гурт, пыре Удмурт Элькунлэн Вавож ёросаз . Интыяськемын Вавож ёрослэн уйпал но шунды ӝужан висказ, Вавож черкогуртлэсь 20, Ижкарлэсь 95 иськеме. Ува ёросэн бускелъяське. Али гуртын 5 урам, 105 юрт но 350 тросгес улӥсьёсыз лыдъясько. Али гуртын школа, нылпи сад, библиотека, почта, 2 вузкаронни вань.

Татын ортчиз «Артана» фестиваль но «Сэр но тур» симпозиум.

Гурт кылдэмын XVIII дауре. Гурт нимлэн кылдэмез сярысь таӵе веранъёс вань:

Выль улон инты утчаса, татчы вуиллям Какся выжыысь удмуртъёс, соослы кельшем шулдыр но трос ошмесо инты: гудӟыса курадӟоно ӧвӧл — Инмар ачиз ву сётэ. Тапалан трос ӟозъёс вылиллям. Озьы пуксиллям выль интые. 




#Article 226: Россиысь коммунистической рабочей партия (182 words)


Россиысь коммунистической рабочей партия КПСС-лэн составаз (РКРП-КПСС) — Россиысь политической партия. 

Партилэн ёзэсъёсыз — «Трудовая Россия» но «Мысль» газетъёс, «Советский Союз» журнал. Партилэн кивалтӥсез — Виктор Аркадьевич Тюлькин.

Россиысь коммунистической рабочей партия (РКРП) 23-тӥ шуркынмонэ 1991-тӥ арын кылдытэмын вал. Солэн нырысетӥ съездэз ортчиз 23—24-тӥ шуркынмонэ 1991-тӥ арын Свердловск карын но вань улосъёсысь 525 делегатэз люказ. Съезд программной ивортонэз кутӥз, 85 адямиез Центральной Комитетэ (ЦК) бырйиз. ЦК-е пыризы В. Тюлькин, А. Сергеев, Михаил Попов, Виктор Анпилов, Юрий Терентьев, Альберт Макашов, Теймураз Авалиани, Ричард Косолапов, А. Золотов, Юрий Слободкин (Россиысь калык депутат) но мукетыз.

Оштолэзе 2001-тӥ арын РКРП но РПК огазеяськизы одӥг партие. Солэн нимыз луиз РКРП-РПК, Россиысь коммунистической рабочей партия — Коммунистъёслэн революционной партизы.

Куартолэзе 2007-тӥ арын Вылӥ суд партиез формально ликвидировать карыны судъяз ёзчиослэн тырмонтэм лыденызы сэрен.

Партилэн идеологиез луэ «ортодоксальной» (революционной) марксизм-ленинизм. Мукет сямен вераса социализм пролетарской революциен гинэ юнматскыны быгатэ шуыса, партия лыдъя. Партия меӵак нюръяське котькыӵе реформизмен но оппортунизмен Россиысь но дуннеысь коммунистической движениын. КПРФ уг луы зэмос коммунистической партия шуыса, РКРП лыдъя.

РКРП-КПСС-лэн кивалтӥсь ёзэсэз луэ Центральной Комитет. Со бырйиськылэ съездын. Центральной Комитет солэсь секретарьёссэ но Политсоветсэ бырйылэ.




#Article 227: Марӟан (130 words)


Марӟан — Удмурт Элькунысь Дэри ёросысь Подшивал гуртысь кырӟанъя но эктонъя калык ансамбль.   

Азьло дыре Марӟанлэн репертуараз вал сям-йылолъёсты адӟытӥсь эктонъёс но кырӟанъёс гинэ. Озьы ик уже кутӥзы удмурт композиторъёслэсь гуръёссэс. Берло дыръёсы фольклор материал вылэ пыкиськыса кылдӥз «Мелодии родникового края» программа, кытын жингыртыны кутскизы Удмурт Шаерысь Дэри ёрослы тупась кырӟанъёс. Туннэ нуналлы «Марӟан» ансамбльлэн репертуарез узыр но аспӧртэмлыко. Учкисьёс шуныт пумитало Удмурт Элькунлэн пӧртэм ёросъёсысьтыз бичам кырӟанъёсты но эктонъёсты. Кылсярысь, син шоры йӧтытэк уг кыльы Дэри ёросысь «Ваче эктон», «Парен эктон», «Ньылен эктон», Алнаш ёросысь «Куатен эктон», «Тямысэн эктон», Пичи Пурга ёросысь  Пурга эктонъёс, Аксакшур кадриль но мукетъёсыз.

Ансамбльлэн нырысетӥ кивалтӥсез вал Людмила Анатольевна Яковлева — Удмурт Элькунысь дано ужась. Туннэ нуналэ та ансамблен быгатыса кивалто Удмурт Элькунысь культура удысын дано ужась Елена Александровна Макарова но Наталья Леонидовна Яковлева. 




#Article 228: Анфиногенов, Богдан Витальевич (171 words)


Богдан Витальевич Анфиногенов — удмурт кылбурчи но кырӟась.

Вордӥськиз 8-тӥ гудырикошконэ 1990-тӥ арын Пичи Пурга ёросысь Пичи Пурга черкогуртын. Пичи Пурга черкогуртысь 1-тӥ номеро школаез йылпумъяз, нош 2012-тӥ арын Удмурт кун университетысь исторической факультэтэз. Богдан университетын специализация басьтӥз этнология но регионоведение кафедраын. Андрей Николаевич Прокопьевлэн кивалтэмез улсын чаклаз удмурт этнофутуризмлэсь азинскемзэ. 2012-тӥ арын Богдан Анфиногенов вылӥ дунъетэн утиз выпускной квалификационной ужзэ «Этнофутуризм и удмуртская культура в ХХI в.» темая. 2016-тӥ арын УИИЯЛлэн аспирантуразэ йылпумъяз. Богдан мыло-кыдо пыриськылӥз факультетазы ортчылӥсь научно-практической конференциосы. Этнофутуризмлы сӥзем статьяосыз пӧртэм научной журналъёсын потылӥзы.

Вотэсын трос огинъёсты нуэ: «» гожъяськисьёслэсь кылбуръёссэс бича, «» огиназ пӧртэм удмурт видео люка.

Школаын дышетскыкуз уг вала вал удмурт кыллэсь кулэлыксэ, нош Удмурт университетэ дышетскыны пырем бераз валаз солэсь дунзэ, соин ик ачиз дышетӥз удмурт кылэз. Тросэз кылбуръёсыз сӥземын вордӥскем палъёсызлы. Кылбура Богдан Маяковскийлэсь адӟем карыса. Кылбуръёсыз солэн кытчы ке ӧтисесь, яркытэсь, зол чузъяськисесь. 2007-тӥ — 2008-тӥ аръёсысь кылбуръёсын валтӥсь темаос — нылмуртэз яратон но калыкез гажан — бус пыр адӟисько гинэ ай, нош 2009-тӥ — 2014-тӥ аръёсы гожтэмъёсаз соос кылбурчилэн аслыз гинэ тупась манереныз яркыт усьтӥсько ини.




#Article 229: Черезов, Иван Юрьевич (199 words)


Ива́н Ю́рьевич Че́резов — Россияысь биатлонист, дано спортъя мастер, кык полъем олимпи эстафетаосын вормись, 2005-тӥ арын быдэс дуннелэн чемпионэз смешанной эстафетаын, 2007-тӥ арын дуннелэн чемпионэз но 2008-тӥ арын пиосмуртъёслэн эстафетаязы вормись, 2011-тӥ арын пиосмуртъёслэн эстафетаязы дуннелэн азвесь чемпион, 2009-тӥ арын стартысь ваньзы ӵош потон видья ыргон призёр.

Биатлонэн эшъяськыны кутскиз 9 аресысен (1989-тӥ арысен). Нырысетӥ тренерез — Новиков Владимир Игнатьевич. Нырысетӥ биатлонын вормонэз луиз спринт видъя 1995 арын Удмуртиын.

Дуннелэн кубок этапъёсаз вормӥсь интыосын вал, 4-тӥ толсуре 2003 арын Контиолахтиын басьтӥз 20-тӥ инты спринт видъя. Россиялэн сборнояз кутӥзы 2004-тӥ/2005-тӥ аръёсын.

Вить пол пыриськиз дуннелэн чемпионатъёсаз (2005, 2007, 2008, 2009, 2011) но кык пол тол олимпи шудонъёсаз (2006, 2010).

Олимпи шудонъёсын Туринын 2006-тӥ арын Сергей Челиковэн, Павел Ростовцевен но Николай Кругловэн ӵош вормиз азвесь медальёс эстафетаын. Куинь полъем дуннелэн чемпионэз эстафетаын (2005 — смешанной, 2007 но 2008 — огшоры).

Черезов утӥз 7 ас вормонъёс дуннелэн Кубок этапъёсаз. Вормиз 2-тӥ толсуре 2007-тӥ арын Контиолахтиын сутӥсь видъя гонкаын, со дыръя Иван Юрьевич мертаз вормисьёслэсь ӵуж майказэс — со нырысетӥ инты басьтэ вал огъя зачётын дуннелэн Кубоказ.

Кореяын 2009-тӥ арын толсуре вормиз одӥг гинэ зарни медаль.

Гужем чемпионатын Россияын 2011 арын Уфаын Черезов Иван Юрьевич чиге палян пыдзэ, соин сэрен со уг пыриськы 2011-тӥ но 2012-тӥ аръёсы этапъёсаз.




#Article 230: Монья (138 words)


Монья — вашкала удмурт гурт, Удмурт Элькунлэн Вавож ёросаз пыре. Интыяськемын Вавож ёрослэн лымшор но шунды ӝужан висказ, Ижкарлэсь 30 иськеме. Кировской областен бускелъяське. Али гуртын 6 урам, 107 но 80-100 улӥсьёсыз лыдъясько.

Гурт кылдэмын XVIII дауре. Гурт нимлэн кылдэмез сярысь таӵе веранъёс вань:

Гурт интыын азьло, пе, вал бадзьы шур, нош котыраз кыстиське тэль. Та палъёсы лыктэм пересь кык пиосыныз. Кельшем солы татын. Малпам со татчы корка пуктыны. Кораллям соос писпиосыз, ваньзэ кораллям ма соослы кулэ вал. Озьы тини соос интыяськиллям. Нош коняке нунал ортчыса, весь кокаськем куара кылиське вал. Нош чакланы мынэм но, адзем отысь воргоронэз, кудиз писпуосты кораса улэ вал. Пересь мыниз со доры но шуиз, ойдо, пе, чош кариськом, одӥг гурт кылдытом. Мон татчы тынэсьтыд первойгес, пе, лыкти. Соин ик татын луоз ваньмыз монъя. Воргорон пересен соглаш луиз. Озьы кылдэм гуртлэн нимыз — Монья!




#Article 231: Узы сяськаян вакытэ (187 words)


Узы сяськаян вакытэ — Генрих Перевощиков та повестьсэ Марина нылылы но... сӥзисько чурен кутске.

Маша онкологической больницае пыктосэн сюре. Юрий Сергеевич - атаез - весь вӧзаз, чакла сое, сюлмаське. Кышноеныз со люкиськемын (Машалы 5 арес дыръя, Назаров командировкае кошкем. Бертыса, кышнозэ валесысьтызы кыӵе ке пиосмуртэн адӟе но улля). 

Маша йӧна, больницаысь потэ, но дышетскыны пырыны со бере кылиз, соин аптекаын ужаны кутске, вуонояз гужем дышетскыны пырыны малпа. Маша сьӧры учкыкуз, Назаров аслэсьтыз ӵемысь кӧт висемзэ шӧдылэ, но ортчоз ай шуэ. Но уг ортчы. Ӝоген со ачиз больницае Машалэн ик комнатаяз сюре. Табере нылыныз интыенызы воштӥськизы. Маша атайзэ чакла, ужысьтыз куриське. Больницаысь потыса, Юрий Сергеевичлэн висёныз кемалы ӧз быры. Со нош отчы вуэ, солы химиотерапия лэсьто. Азьвыл Инмарлы но сьӧд кужымъёслы оскиськтэм, со оскыны кутскиз кадь. Простить мед карозы шуыса, азьвыл заводын ужам Данилова Елизавета доры ветлэ (Назаров сое мыскыл карыса кадь улляз вал), нош азьвыл кышноез доры мыныны уг дӥсьты. Куке шӧдэ кулонэзлэсь матэктэмзэ (узы сяськаян вакытэ - Назаровлэн но Машалэн яратоно ар вакытсы), Машаез анаез доры лэзе, мед, пе, лыктоз больницае. Лиза лыктэ. Назаров, сое простить карыны курыса, адӟыса, анаен нылыз ог-огзэс ӟыгыртӥзы шуыса, каньылэн кулэ.




#Article 232: Чумой (152 words)


Чумой — Удмуртиысь черкогурт. 

Чумой черкогурт пыре Эгра ёросысь «Мужбер» гурт администрацие. Администрацилэн тӧроез Шкляев Валентин Анатольевич луэ. Мужбер, Верх-Чумой, Шорни, Узырмон, Кабаново гуртъесын ООО Мужбер кылдыто. Ерос центрозь 45 иськем луэ. Гурт люкиське 7 ульчалы -  Центральной, Речной, Заречной, Родниковой, переулок Родниковой, Школьной но Полевой. Гуртын  42 пала корка, 1 медпункт, 1 огъядышетсконни но 1 магазин. Али нуналлы гуртын  черк ӧвӧл, сое школалы спортивной зал пӧрмытӥзы, но нылпи сад. Алигес, 2012 арын гужем, гуртысь сюресэз выльдытӥзы — гравий вӧлдӥзы. Черкогуртын  100 тросгес  адями улэ.Самой пересез адями Никитина Ксения Петровна лыдъяське. Нош самой егитэз - Поторочина Таисия Андреевна, вордӥськиз 2013 арын. Со вордиськиз 1930 арын.8 % ӟуч калык лыдъяське.   

Гурт кык вырйылъёс вискын — гопын кылдэмын. Одӥг вырйыл вылын уло вылэм адямиос, но коркаоссы соослэн ӧй вал, со интые соослэн чумъёс вылӥллям. Дыр ортчыса, калык  гурезь йылысь гопе васькем, отын ик улыны кутскем. Со чумъёс бордысь ик гуртлэн нимыз потэм — Чумой.




#Article 233: Катя (повесть) (101 words)


Филипп Кедров та произведенияз азинтиз Иван Дядюковлэсь («Пашка Педор») но Кедра Митрейлэсь («Секыт зибет» но «Зурка Вужгурт») истогрической проза кылдытон амалъёссэс. Соослэн произведениосазы сямен ик, татын со нырысь интые пуктэм революцилэсь азьло гуртын куспазы тэрытэк улэмзэс, нюръяськемзэс, тусызъя но Бектыш Вужгуртэз тодэ вайытэ.

Куанеро-узыро Бектыш гуртын улэ повестьысь главной героиня Катя. Вылаз дисяны дэремез, укмысо кутэз оволэн со шудон полы но уг пота. Узыр Максимлы лушкамзы бере, картэзлы, картэзлэн анай-атаезлы вазьыны но уг дисьты. Кулак ки улысь мозмыны со малпа, ас йырзэ быдтыса гинэ. Витьымтэ учыр сэрен со улэп кыле. Яратоно эшсэ пумита. Соку гинэ Катя дисьтэ ас яратонэз доры мыныны.




#Article 234: Бернар, Сара (708 words)


Сара Бернар (; зэмос нимыз — Генриетт Розин Бернар, ; 22 коньывуон 1844 — 26 южтолэзь 1923) — француз актриса, кудзэ XX-тӥ даурлэн кутсконаз нималлязы «тужгес но тодмо актриса быдэс историын». Тодмо луиз со Европалэн сцена вылаз 1870-тӥ аръёсы, собере гастрольёсын шудылӥз Америкаын но. Тросгес шудылӥз драматической сценаосын, соин ик сое нимазы «Божественная Сара».

Сара Бернар вордскиз 22-тӥ коньывуонэ 1844 арын Парижын. Анаез — Юдифь (собере со Юлия луиз) Бернар (1821, Амстердам — 1876, Париж) вордскиз еврей семьяын но вал коммивояжёрлэн Мориц Барух Бернардтлэн но Сара Гиршлэн (1727-1829) нылзы. 1835 арысен Юдифез, ньыль сузэрзэ но братсэ будэтӥз сюранайзы — Сара Кинсберген (1809-1878). Атаез сярысь номыр но тодмо ӧвӧл. Куддыръя соин лыдъяло Поль Моремез, француз флотысь офицерез. Мукетъёыз малпало Эдуард Бернарез, егит адвокатэз.

Францие вуэмзылэсь азьло Юдифь ужа вал модистка луыса. Но Парижын со луиз куртизанка. Вордскем нылыз люкетӥз солы тазьы улыны, соин ик со Сараез келяз Англие, кытын со улӥз няняен. Со отын кыльысал, дыр, быдэ вуытозяз, но соин шудтэм учыр луиз: няняез кельтӥз Сараез огназэ аслаз кузпалэныз (кудӥз инвалид вал), Сара креслоысьтыз потӥз но камин доры вуиз. Дэремез ӝуаны кутскем. Бускельёссы юрттӥллям пичи нылашез мозмытыны. Со дыре Саралэн анаез Европаетӥ путешествовать каре вылэм аслаз очередной спонсореныз. Сое ӧтизы нылыз доры, со вуиз но нуиз Сараез сьӧз Париже, но вылысен кельтӥз сое выль нянька вылэ.
Саралы улыны кылдӥз туж «мрачной» интыын, кытчы ваиз сое няняез. Сара вераськисьтэм луиз, векчиомиз. Но адӟон герӟаз выльысен анаез но нылэз. Куке со пумитаз аслэсьтыз тётязэ (Розинаез), кудӥз озьы ик вал куртизанка, Саралы умойтэм луиз. Солы луиз сыӵе урод, что со усиз няняезлэн киосыз вылысь но тӥяз пыдзэ но кизэ. Анаез сое нуиз сьӧраз но трос аръёс кулэ луизы огназ кылем ныллы тодаз вайыны, мар со анай яратон.

Сара уг быгаты вал гожъяськыны но, лыдӟиськыны но, лыдъяськыны но. Сое ыстӥзы Мадам Фрессардлэн школаяз, кытын со ортчытӥз кык ар. Школаын дышетскыкуз, Сара нырысьсэ шудыны кутскиз спектакльёсын. Одӥгаз спектакльын со адӟиз анайзэ, кудӥзлэн учкемез потӥз нылыз шоры. Саралэн вал нервной приступ, со вунэтӥз вань текстсэ но «сценалэсь кышкан» кылиз соин кулытозэз, мировой слава дыръяз но.

Подросток дыръяз Сара вал туж векчи, котьку кызылӥз. Врачъёс солы вераллязы, со вазь кулоз туберкулёзлэсь шуыса. Сара уй но,  нунал но малпаськыны кутске кулон сярысь. Та дыре ик лэсьтэмын туспуктэмъёс, кытын со кылле гробын (со куриз анайзэ гроб басьтыны). Одӥг пол анаез люказ вань родственникъёссэс но эшъёссэс, кудаз ваньзы вуизы одӥг малпанэ: Саралы ӝоггес бызёно. Куке солы верало со сярысь, со учке вылӥе но вера, со сётэмын Инмарлы гинэ шуыса но солэн участез монахиня луыны. Герцог Морни оценить каре та сценаез но ӵектэ Юдифьлы Сараез сётыны консерваторие. Со дыре ик Сара нырысьсэ шеде зэмос спектакле — «Комеди Франсэз» театрын. Та бере солэн улонэз решиться кариське.

Консерваторие пырон понна Саралы сётоно вал комиссия азьын экзамен. Солы дасяськон понна Сара дикциеныз ужаны кутске. Солэн дышетӥсез луэ Александр Дюма (старший). Со дышетэ Сараез характеръёсты кылдытонлы, жестъёсты но куараез уже кутыса. Экзаменын ваньмызлы яра Саралэн куараез, но со пыре дышетскыны, кудӥзлы со вань кужымзэ сётэ. Выпускной экзаменын со басьтэ кыкетӥ приз.

Театрысь кошкемез бере Саралэн улоназ шуг-секытъёс кутско. Со улонэз сярысь трос тодмо ӧвӧл. Тодмо соиз гинэ, та дыре со воштӥз кӧня ке любовникъёссэ. Но куртизанка (анаез сямен) солэн луэмез ӧз поты. 22 толсуре 1864 арын Саралэн вордске пиез, Морис. Атаез вал Анри, принц де Линь. Пизэ сюдон но будэтон сярысь сюлмаськыса, со ужаны кутске «Одеон» театрын, кудӥз вал кыкетӥез  значимостезъя театр со вакытэ. Куд-ог рольёсыз бере (кудъёсыз удачноесь ӧй вал) критикъёс сое синйылто «Король Лирысь», кытын со шудӥз Корделияез. Мукетыз успешной ролез луиз «Kean» пьесаын (А. Дюма старшийлэн).

Ужаз «Комеди Франсез», «Жимниз», «Порт-Сен-Мартен», «Одеон» нимо театръёсын. 1893 арын басьтӥз «Ренессанс» нимо театрез, 1898 арын — «Насьон» театрез, кудӥз собере нимамын вал «Театр Сары Бернар» шуыса. Тросэз тодмо театр удысын тыршисьёс (кылсярысь К. С. Станиславский) Бернарлэсь искусствозэ лыдъязы «образцом технического совершенства».

Тросэз тодмо современникъёс (А. П. Чехов, И. С. Тургенев, А. С. Суворин но Т. Л. Щепкина-Куперник) ӧз шедьтылэ актрисалэсь талантсэ. Тужгес но умойъёсыз рольёсыз: донья Соль («Эрнани» Гюголэн), Маргарита Готье («Дама с камелиями» Дюма пилэн), Теодора («Теодора» Сардулэн), принцесса Грёза, герцог Рейхштадский («Герцог Рейхштадский» но «Орлёнок» Ростанлэн), Гамлет («Гамлет» Шекспирлэн), Лорензаччо («Лорензаччо» Мюсселэн). 1880-тӥ арысен Бернар гастролиосын выступать карылӥз Европаын но Америкаын, Россиын (1881, 1892, 1908-1909) Михайловской театрын но провинциын.

Актриса кулӥз 26 южтолэзе 1923 арын Парижын 78 аресказ. Ватэмын Пер-Лашез нимо кладбищеын.




#Article 235: Удмурт сиён-юонъёс (129 words)


Удмуртъёс вашкала вакытъёсы нюлэсъёсын улӥллям. 

Кыр тылобурдоосты, пӧйшуръёсы кутылыса, бадӟым но пичи шуръёсысь чорыгаса, турын-куар но соослэсь выжыоссэс бичаса, узы-боры но губи октыса, сиён-юон пӧраллям. Собере нюлэсъёсты сайкыны дышиллям но вазь, ӟег, чабей, йыды, сезьы, кӧжы но мукет тысё будосъёсты, бакча сиёнъёсты но емышъёсты будэтыны ӧдъяллям, пумен пудо но вордыны кутскиллям. Аръёс ортчемъя сиён-юонъёс воштӥськылӥзы ке но, азьвыл сямен ик пӧртэм кеньыръёслэсь пӧрам ӝукъёсты ӝӧк вылысь ӵемысь адӟыны луэ. Сиён-юонъёсазы озьы ик турын-куаръёсты, кыр емышъёсты, узы-борыосты, губиосты, шур чорыгъёсты ӵемысь куто. Нош табань, перепеч, пельнянь тужгес но сӥлы сиёнъёс луизы. Пыжем тылобурдо сӥльтэк но удмуртъёслэсь ӝӧк вылзэс син азе пуктыны шуг. Ӝӧк вылазы табере мурт шаерын будэтэм-лэсьтэм чай кузёяськыны ӧдъяз ке но, палэнысь лыктэм дуно кунооссэс, вашкала сямен ик, турын-куар чаен, ческыт сюкасен, аръянэн, аракыен, пӧсятэмен, мусурен утялтыны тыршо.




#Article 236: Шудон (106 words)


Шудон — арбери, кудӥз кутӥське шудон пӧлын.

Шудон, зэмос но йырысь кутэм арбериосты, образъёсты кылдытыса, быдэстэ пӧртэм кулэлыкъёсты. Кылсярысь, умственной, нравственной, эстетической но мукет. Шудон юрттэ пиналлы валаны асьме дуннеез, дышетэ сое кыдёке адӟон вылысь, валаса ужаны, озьы ик шудон юрттэ вераськон, мылкыдэз усьтон, малпаськон но йырсазь удысъёсын. Шудон быгатэ паськыт кутӥськыны пиналъёсты дышетонын но соослы визь-нод сётонын. Шудонлэн типъёсыз, характеръёсыз, пуштросэз но вылтус ласянез герӟаськемын конкретной визь-нодысь ӝутэм ужпумъёсын, пиналъёслэсь арессэс, азинскемзэс но тунсыкъяськонзэс ужэ кутыса.

Пуштросэз но вылтус ласянь шудон герӟаськемын адямимерлэн социальной строеныз, лулчеберетлэн азинскеменыз. Озьы ик шудон туж юрртэ анай-атай но пинал вискын герӟет возьыны, ма асьме нуналъёссы туж вӧлскем  ужпум луэ.




#Article 237: Колобок (104 words)


Колобок — ӟуч калык выжыкылысь персонаж, кудӥз возьматэмын выжыкылын котырес пичи нянь формаен. Колобок песянаезлэсь но песятаезлэсь кошкиз, кудъёсыз сое пыжизы вал, но пӧртэм пӧйшуръёслэсь (луд кечлэсь, кионлэсь, гондырлэсь). Выжыкыллэн пумаз сое ӟичы сие.

Та выжыкыллэн вань аналогъёсыз мукет калык произведениосын но, кылсярысь: англи Джон-пончик, американской пряник-человек. Озьы ик та выжыкыллы вань тупась славянской, скандинавской но немец выжыкылъёс. Таӵе сюжетэз пумиськылэ на узбек, бигер но мукет калыкъёслэн выжыкылъёсазы.

Колобок — пичиятэм кыл колоб кыллэсь — «погыллям шар; пичи, котырес нянь». Тверь вераськетъёсын вань колобуха «галушка, увалень», колобан «зӧк табань», околобеть кылъёс. Зӧк, котырез табанез пыжо котырес нянь формаен, кудӥз пыжыса вуыкуз шар формаё луэ.




#Article 238: Эстон сиён-юон (114 words)


Эстон сиён-юон — эстонъёслэн вашкала дырысен ик яратоно сиёнзы ӝук луэ. Ӝуксэз эстонъём пӧсьтылӥзы йыды пызьлэсь яке йыды кенырлэсь. Со ӵем дыръя нянез воштылӥз. Озьы ик сезьы, чабей, йыды кеньыръёсын шыд пӧрало, нош вандэм пудо-животлэсь вирзэ будэтыса, виртырем лэсьто. Пуртэсо будосъёслэсь (кӧжы, чабей, йыды, ӟег) сурам пызен ӝожон шукко. Азьвыл сӥлез сӥзьыл но толалтэ гинэ сиылӥзы. Сӥзыл сиылӥзы соку вандэмзэ, толалтэ — сылалтэмзэ яке ӵынатэмзэ. Тужгес но яратоно — выль вандэм парсь пыдлэсь сиёнъёс. Озьы ик эстонъёс чорыгез туж ярато, ӵемысь сылалтэмзэ сиё. Эстон шаере картофка вуэмлэсь азьло отын сяртчылэсь но калягалэсь тросгес пӧраськылӥзы. Кӧня ке дыр ортчыса ини картофкаен сылалтэм чорыг сиыны дышизы. Сиён-юоназы озьы ик нюлэс будосъёсты трос куто: узыез, ягмульыез, нюрмульыез.




#Article 239: Кечгурт (193 words)


Кечгурт (ӟуч сямен Козино) — интыяськемын Шаркан ёрослэн уйпалаз (Удмуртия). Татын 66 корка, 190 улӥсьёсыз. Соос пӧлысь ужан арлыдын — 130, школае ветлӥсез — 27, мӧйыос — 40 пала. Пиналъёс дышетскын ветло Пороз (Порозово) школае. Гуртын вань клуб, одӥг райполэн магазинэз но куинь частной магазин, гараж, молочно-товарной ферма, кунян гид, вал гид, пилорама, кузница. Калыклы юрттэт сётэ больница (ФАП). 

Урам — со гуртлэн ымнырыз. Кечгуртын ваньмыз-ӧвӧлэз куинь урам: 

Самой кузез Родниковой урам (2 км), нош самой пичиез — Молодёжной (500 м). Самой вужез, вашкалаез луэ Зелёной урам (1,5 км). Гуртлэн кылдэмез кутске та ульчаысен. Нырысь ик калык, пе, отчы интыяськем. Кылем даурлэн кутсконаз гинэ но ай куд-ог удмуртъёс люкен-люкен, бӧлякен улӥллям. Одӥг люк — одӥг выжылэн, мукет люк — мукетызлэн. Озьы ик Кечгуртын но ӵем пумисько таӵе фамилиос: Корепанов но Ефремов.

Кыдёкын ик ӧвӧл Кечгуртлэсь сыло Сильво (гуртъёс вискын 1,5 км); Порозово (Пороз) — 9 км; Карсашур (Карса) — 7 км; Гондырвай — 9 км; Ниж. Кивары (Балтач) — 2 км; Вверх. Кивары (Тюар) — 2,5 км. Карез, бадӟым сюресэз учконо ке, Кечгурт дорысен туж матын ӧвӧл. Кечгурт дорысен райцентырозь 25 км; матысь карозь — Воткаозь — 40км, но бадӟым сюресозь 15 км.




#Article 240: Вылегжанин, Максим Михайлович (103 words)


Максим Михайлович Вылегжанин (вордӥськиз 18-тӥ коньывуонэ 1982 арын Удмурт шаерысь Шаркан черкогуртын) — куас вылын вортылонъя спротсмен, дано спортъя мастер, куинь полъем дуннелэн азвесь чемпионэз.

Куинь полъем дуннэлэн азвесь чемпионэз: 50 км масс-старт видъя 2009 арын, 30 км дуатлон видъя но 50 км масс-старт видъя 2011 арын.

Куинь полъем Россиялэн чемпионэз: 30 км дуатлон видъя 2007 арын, 50 км масс-старт видъя 2007 арын, 50 км масс-старт видъя 2008 арын.

Кык полъем дуннелэн кубок этапъёсаз вормӥсьез: 30 км масс-старт видъя 2010-тӥ/2011-тӥ аръёсын но 15 км масс-старт видъя «Тур де ски» этапын 2012-тӥ/2013-тӥ аръёсын. Ванкуверын ортчем Олимпи шудонъёсы пыриськиз. Тужгес но умой результатэз 8-тӥ инты.




#Article 241: Удмурт Википедия (101 words)


Удмурт Википедия — со Википедилэн удмурт кылын версизы.

Тросаз пичи калыкъёслэн википедияосазы сямен ик удмурт википедиын саклык висъяське лулчеберетлы, шаертодонлы но пöртэм йӧскалык (национальной)  ужпумъёслы. Ляб интыосыз пöлысь висъяны луэ: инъет статьяос öжыт, статьяосын кыл возетъес ӵем дыръя лыдэ басьтэмын öвöл, озьы ик пыриськем муртъёс öжыт.

Удмурт википедиез узырмытон секыт ужпум, удмурт кылэ берыктон кулэ каре етӥз визьбурлыкез но волятэм кылэз. Тырмыт öвöл йöс оръя гожтэм тодосъя (научной) ужъёс. Озьы ик секыт ужпум википедие пыриськисьёсты ужрадлэн öраз пыртон бордын.

Нош али дырын Удмурт Википедиын  статья вань ини.

Удмурт википедиез азинтон понна 2013-тӥ арын оштолэзе «ВКонтакте» мер вотэсын UdmWiki нимаз огин кылдытэмын вал.




#Article 242: Уткина, Надежда Эдуардовна (106 words)


Надежда Эдуардовна Уткина — Удмурт Элькунысь дано кырӟась, артистка. Вордӥськиз 24 куарусёнэ 1966 арын Ижевскын. 1988 арын быдтӥз Удмурт кун университетысь кылосбуръя факультетэз, 2005 арын — ГИТИС-ысь эстрадая факультетэз. Надежда Уткиналэн вань кырӟанъёс удмурт но ӟуч кылын, кырӟа финн-угор калык кырӟанъёсты но.

Кырӟан карьераез кутскиз 1991 арын — А. Анкудиновлэн «Арганчи» театр-студияз огез кырӟасез луыса, бергес «Лулгур»-лэн кивалтӥсез луиз. Трос аръёс ӵоже кырӟалляз Венгриын, Эстониын, Финляндиын, Уэльсын, Норвегиын, Коми, Мордовия, Марий Эл, Татарстан но Башкортостан шаеръёсын, Перм улосвылын, Москваын, Ульяновскын, Саранскын но Пензаын.

Надежда Уткина поттӥз 5 альбом: «Песни надежды»(1995), «Витьы монэ (1997)», «UDM.RU» (2002), «UCHKE ALI»(2004).
Надежда Эдуардовна Уткина — «Культурный капитал Ижевска» фондлэн азьветлӥсез, Ижевскысь Общественной палаталэн ёзчиез.




#Article 243: Сомерхолдер, Йен (156 words)


Йен Сомерхолдер вордӥськиз 8 толсуре 1978 арын. Со американской актёр, но тужгес ик тодмо луэ «Дневники вампира» сериалын, кытын шудэ Дэймон Сальватореез.

Вордӥськиз пичи городын Ковингтон, массажистлэн но строительлэн семьяяз. Солэн вань сузэрез-Робин, но Боб выныз, кыкназы ик нимамын атайзы кадь.

Атаезлэн английской но французской выжыосыз, нош анаезлэн ирландской но индейской. Чорыган но валэн ворттылон пичи дырьесаз вал солэн яратоно дырез ортчытон. Дас арес дырьяз анаезлэн кичелтэмезъя модель школае мынӥз, арлы быдэ гужем дырья ветлиз Нью-Йорке съёмкаосы. Кӧня ке ар ортчыса со луиз европейской модель. Куке солы вал 17 арес со малпаз актёрлы дышетскыны. 19 аресаз ини ужаз тодмо но усто дышетӥсьёсын. Тодмо луиз «Остаться в живых» кино потэм бере, кытын шудиз Бун Карлайлэсь рользэ. Но Иэнлы та ролез кельшымон ой вал. Та киноысь кошкемез бере со шудӥз таӵе киноосын «Ощущения видения» но «Турнир на выживание». Но самой тунсыко ролез солэн вал «Дневники вампира» киноын, кытын со шудэ коварной вампирез. Али дыре ӵош уло Нина Добревен.




#Article 244: Овидий (125 words)


Публий Овидий Назон — со рим поэт, кудӥз тыршиз литературалэн вань жанръёсаз. Со тужгес но тодмо луиз яратон элегиосыныз но поэмаосыныз — «Метаморфозы» но «Искусство любви». Туж зол влиять кариз европалэн литератураез вылэ, озьы ик Пушкин вылэ но, кудӥз сизиз Овидийлы 1821 арын кылбуръёссэ.

Овидий вордиськиз 20 мартэ 43 арын до н. э. Сульмон карын. Атаез солэн вылэм бай, соин ик вань нылпиосыз басьтӥзы умой образование. Школаын дышетскыкуз ик Овидий шодиз аслэсьтыз кылбур гожъян мылкыдзэ. Анай-атаезлэн мылкыд каремезъя вазь кышнояське. Но кема ӵош улыны уг кылды, люкисько. Кыкетӥ кышноеныз озьы ик кема уг уло ӵош. Куиньметӥ кышноеныз гинэ, кудӥзлэн вал нырысетӥ картэзлэсь нылыз, соос уло кема но шудо. Аслаз нылпиосыз Овидийлэн ой вал. Тямысэтӥ аре Август валантэм причинаосъя ыстэ Овидиез Томы каре ссылкае, кытын со укмысэтӥ араз улонысь кошке.




#Article 245: Пои (322 words)


Пои — жонглировать каронлэн одӥгез тӥрлыкез, гозыен тупъёс, кудъёсыз кутӥсько киосы но олокызьы но бергатӥсько. Потэмын поинг маори, Выль Зеландия, калыклэн устолыкисьтыз, кытын пои луэ капа хака (маори Kapa Haka) калыклэн йӧскалык устолыкисьтызы одӥгэз элементэз («пои» маори кылын луэ «шар»). Маори калык али дырозь уте пои бергатон традицизэ. Сыӵе бергатонъёс ӵемысь одно ик луо кун церемониосын, праздникъёсын но общественной выступлениосын. 

Али вакытлы устолык пои кыдёке кошкемын аспӧртэмлыко маори лулчеберетлэсь. Жонглёръёс полын быдесак кылдэмын пои субкультура, кудӥз пӧрмытиз пои бергатонэз хоббие, треннировкаосы яке шоуэ. Пои лыдъяське жонглированилэн одӥгез пӧртэмлыкез и пойстэръёс пуктӥсько жонглёръёсын, боды бергатӥсьёсын (стафферъёсын) но мукетъёсыныз артэ. Со сяна, пои пырэмын цирке но кырын театръёсы.

Тросэз, кин кутске поиосын заниматься кариськыны, кутско кык тренировочной пои бордысен. Ӵемысь соос лэсьтэмын луо марлэсь ке небытлэсь, вӧсь медам лу шуыса. Кутско самой каньыл движениос бордысен, каллэнэн элементъёс пыртылыса, быдэсак элементъёсын герӟет выступлениослы. Тросэз бергато крезьгурэн — со юрттэ ритмзэ умой кутыны. Поинг дыатэ выросъёслэсь координацизэс, концентрациез, огвозьсконэз.

Утчаны одно ик кулэ ӧвӧл юри басьтыны умой пои, капчиен луэ лэсьтыны аслыд. Самой капчиез — тэннисной тупъёслэсь. Басьтӥськом 2 туп, но лэсьтӥськом котькудаз кык пась, пумит луись ог огзылы. Пасьёс капчи лэсьтыны пежъянэн, но соос луозы пичиесь, соин соосты бадӟыматоно луоз. Бадӟыматыкуды умой учке тупты медаз зол кесиськы шуыса. Басьтӥськом гозы, но конгро венен со гозыез поттӥськом со пасьёс пыртӥ. Пӧрмэ туп гозыен. Одӥг пумаз лэсьтӥськом гэрӟет, гозы медаз поты шуыса. Пои вуизы, кыле на кия тупатыны кузьдалазэ но лэсьтыны чиньыослы пасьёс-кутонъёс. 

Мукет сямен тренировочной пои лэсьтон — пои-носки. Соос туж умой ярало выль кутскисьёслы, соос калленгэс бергало но туж вӧсь уг каро бере. Соосты лэсьтон понна кулэ гольфи но кеньыр. Гольфие понӥське кеньыр. Поныку учконо, туж секыт медаз луэ шуыса. Пумаз лэсьтӥське герӟет. Гольфи кузьдалазэ учкыку лыдэ басьтоно, со кыстӥськыны быгатэ бергатыку шуыса. 

Поилэн кузьдалаез ки кузьда луыны кулэ.

Тросэз лыдъяло тылэн пои — самой вылӥ быгатонлыкез пойстэрлэн. Соос лэсьтӥсько кевлар (асбест, базальт, углеволокно) «фитильёслэсь», кудъёсыз тыатӥсько ӝуась жидкостьын (кизер парафин, керосин, солярка) но ӝуатӥсько.




#Article 246: Ватка (этностудия) (133 words)


Та студия кылдытэмын вал удмурт кылосбуръя факультетын дышетскисьёслэн мылкыд каременызы 2011 арын. Нош учкисьёс азе со 2012 арын гинэ потӥз ай. Ӵапак та арын 4 куартолэзе «Ватка» пуктӥз Удмурт кун университетын премьеразэ, соин ик вордӥськем нуналэныз но та ик лыдпусэз лыдъя. Студиен кивалтэ Удмуртиысь лулчеберетъя сӥё-дано ужась Василий Серафимович Ушаков. Солэн кичӧлтэмезъя этностудия пуктӥз «Яратон, яратон…» спектакль. Та этноспектакль пуктэмын Николай Карамзинлэн «Бедная Лиза» веросэзъя но Михаил Петровлэн «Италмас» поэмаезъя. 23 куартолэзе 2013 аре «Ватка» этностудия поттӥз кыкетӥ ужзэ — «Матӥ но Мардан» бадӟымъёслы туала выжыкыл. Та студие ветло 10 егитъёс. Спектакльёссэз тыршо удмурт — анай кылынызы гинэ пуктыны. «Ватка» поталля ёросъёсы, гуртъёсы но котыраз быгатэ люканы трос калыкез. Студилэн азьветлӥсьёсыз тыршо адямилэсь пуш дуннезэ чебер буёлъёсын возьматыны, куро уродэзлэсь куштӥськыны. Учкисьёссылы вазисько: ог-огзэс валаны мед тыршозы, секытлэсь медаз кышкалэ но улонлы шумпотыса мед улозы!




#Article 247: Котельников, Иван (139 words)


Иван Котельников — ӝужась удмурт кизили.

Вордӥськиз 14-тӥ коньывуонэ 1988 арын Дэбес ёросысь Уйвай гуртын. Вить арескысен кырӟаны кутскиз, соку ик арганэн шудыны мылкыдыз ӝутскиз. Быгатонлыксэ адӟыса, анаез 4-тӥ классын дышетскыкуз, сётӥз Ваняез Дэбесысь крезьгуръя школае. Куать ар ӵоже тодон-валан басьтӥз, дышетскиз отын. Берло пыриз Ижкарысь крезьгуръя колледже. Али дышетске Пермьысь искусствоосъя но лулчеберетъя академиын художественно-педагогической факультетын калык хор ёзэтын. Шудэ баянэн, арганэн, фортепианоен, балалайкаен, домраен, гитараен, саксофонэн, аккордеонэн. Пыриське пӧртэм ансамбльёсы.

Удмуртиын улыкуз ай кылдытӥз вал «КПП» группа (Котельников Иван, Перевощиков Дмитрий, Пономарёв Вячеслав), берло нимзэ воштӥзы «КПП+», малы ке шуоно группаязы пыриськиз на Дима Галичанин. Группа кылзӥсьлы туж яраз, но пиос али кин кытчы кошкемын, ӵошен гужем гинэ люкасько на.

Али Ванялэн кутскиз сольной каръераез. Кырӟанъёсызлы кылъёс, гур но минусовка со ачиз лэсьтэ. Солэн кырӟанъёсыз сюлме ик пыро. Тодмо луизы Чебер нылаше Ой малы меда, Ортчем Яратон кырӟанъёсыз.




#Article 248: Марк Твен (241 words)


Марк Твен (, зэмос нимыз Сэ́мюэл Лэ́нгхорн Кле́менс — ; 30 шуркынмон 1835, Флорида (штат Миссури) — 21 оштолэзь 1910, Реддинг (штат Коннектикут); ватэмын Элмайреын (штат Нью-Йорк) — америкаысь гожъясьчи, журналист но мерлыко ужчи. Солэн творчествяз пыро трос жанръёс — юмор, сатира, философской фантастика, публицистика но мукет. Котькуд жанрын со султэ гуманистъес но демократъес пала.

Сэмуэл Клеменс вордӥськиз 30 шуркынмонэ 1835 арын пичи Флорида городын (штат Миссури, США). Со вал куинетӥ, ныль улэп кылем нылпиос пöлысь.

Клеменслэн атаез, тыосыз висьыса, кулӥз 1847 арын но ас бераз кельтӥз трос пунэманъес. Самой бадӟым пиез, Ора́йон, ӝоген кутскиз поттыны газет, Сэм отын тыршиз типограф, но куд-ог дыръя автор луыса. Но сое ас дораз туж кыскиз Миссисипи, соин со огвакыт параходын лоцман луыса ужаз. 1861 аре граждан ож шоро-куспо кариз солэсь яратоно ужзэ. Озьы, со вуиз массонской движенилэн бичаськон интыяз, кудӥз интыяське вал Сент-Луисын но нимаськиз «Полярная Звезда» № 79 22 куартолэзе 1861 аре. 1861 аре пöсьтолэзе Клеменс кошкиз ӝытпала, ожлэсь палэнэгес. Невадаын, узыр луыны малпаса, со кутскиз ужаны шахтаын, азвесь утчаса. Но татын узырмыны öз пöрмы, соин ик со ужаны интыяськиз Вирджиниысь «Territorial Enterprise» газетэ. Та газетын ик со нырысьсэ поттӥз кушемнимзэ «Марк Твен». 1864 арын со улыны кариськиз Сан-Франциское но кутскиз печатланы ужъессэ пöртэм газетъесы.

Нырысетӥ вормонэз Марк Твенлэн вал 1869 арын, куке потӥз книгаез «Простаки за границей». 1870 арын со кузпалъяськиз Оливия Лэнгдонэн но интыяськиз Баффало каре.

Тужгес но тодмо ужъесыз: «Приключения Гекльберри Финна», «Приключения Тома Сойера», «Принц и нищий», «Янки из Коннектикута при дворе короля Артура».




#Article 249: Аль-Фатих мечеть (120 words)


Аль-Фатих мечеть (араб кылын مسجد الفاتح‎) — Бахрейнлэн мечетьез, луэ одӥгез самой бадӟым мечеть, быдэс дунне вылысь, кудӥз быгатэ пыртыны 7 сюрс пала оскисьёсты. Озьы ик та мечеть луэ одӥгез самой бадӟымез храм Бахрейнын. Интыяськемын со тодмо король дворец вöзын, кудӥз сылэ кунлэн шоркараз Манам карын, кытын улэ Бахрейнлэн королез - Хамада ибн Иса аль-Халиф.

Аль-Фатих мечетез лыктыло учкыны трос туристъёс быдэс дуннеысь. Та мечетез чебер но узыр каре бадӟым чылкыт стекловолокнолэсь купол, кудӥз интыяськемын Аль-Фатих мечетьлэн вылӥяз ик. Та купол кыске 60 тонна. 

Туннэ нуналлы Аль-Фатих мечетьын интыямын калык библиотека, кудӥз усьтэмын вал 2006 арын. Ӝутэмын та тодмо мечеть вал 1987 арын, мукет дуннее кошкем Шейхен Исой ибн Салманэн аль-Халифен. Аль-Фатих мечеть нимамын вал, Бахрейнлэн вормисезлы сӥзьыса, Ахмада аль-Фатихлы.




#Article 250: Славян фэнтези (135 words)


Славян фэнтези — фантастической жанр, быдэсак пӧрмытскиз XX но XXI дауръёс вискын. Славян фэнтези, со сыӵе жанр кудаз кутӥсько славян фольклор элементъёс (мифъёс, выжыкылъёс, веранъёс) ог фэнтэзи жанырлэн формаяз пыртыса. Славян фэнтези валан паськытгес ӟуч фэнтези валанлэсь, но куд-ог та валанъёсты куто синоним карыса. Славян фэнтези вордскемын кунгож фэнтези пумит, кудӥз пӧрмытэмын кельт но скандинав мифология элементёсты кутыса. Сергей Чупринин но Борис Невскойя, славян фэнтезилэн кылдытӥсез луэ вунэтэм автор Александр Вельтман «Кощей Бессмертный» (1833) и «Святославович, вражий питомец» (1834) романъёсыныз, нош туала славян фэнтезилэн кылдытӥсез луиз Юрий Никитин «Трое из леса» романъёсыныз[.славян фэнтезилэн азьветлӥсез луэ  Мария Семенова  «Волкодав» цикылэныз. Уг яра вератэк кельтыны, ӟуч кылын гожъяськись авторъёс скандинав мифологиез но кутыло шуыса—шуом Елизавета Дворецкая  «Корабль во фьорде» романъёсыныз, нош куд-ог кунгож авторъёс—вашкала ӟуч фольклорэз (шуом Кэролайн Джианис Черри «Русалка» (Rusalka, 1989) и «Черневог» (Chernevog, 1990)романъёсыныз).




#Article 251: Камасинъёс (182 words)


Камасинъёс (лымшор самодъёс, калмажъёс (асьсэ ним)) — саянысь самодъёс пӧлы пырись калык, кудӥз пыре урал кыл семьяысь самод группае, кудъёсыз улӥзы гурезё интыосаз лымшор палаз туала Красноярск шаерлэн (Кан но Мана шуръёс кузя) но Хакас шаерын. Озьы ик нимасько вал таёжной бигеръёс. 

 
XVII дауре камасинъёс вал ог 500 пала. XVIII—XIX дауръёсы люкисько вал кык валтӥсь группаослы: таёжной камасинъёс, кудъёсыз пӧйшурало, пужей вӧзё но чорыгало вал, но кырал камасинецъёслы, тросгес кашинец нимын тодмоослы, кудъёсыз пудо но вал вордо, музъеме мерттӥсько-бичасько, пӧйшурало но тюрк-качин кылын верасько вал. 
 
Почти быдэсак ассимилировать каремын вал ӟуч крестьян калыкен XIX даурлэн пумаз энерам хозяйствое потэмен йырин, кудӥз кылдӥз пужей вӧзьыны кутскемзы бере. Люкетэз камасинъёс пӧлӥсь пыриськизы тюрк кыло хакас йӧсэ. 
 
XX даурлэн кутсконаз тросгес кулэ луись материал камасин кыл но кылосъя бичаз финн кылчи К. Доннер. 1960-1970 аръёсы соку улэп кыл нулдӥсьёсын, кудъёсыз пӧлысь берпуметӥез (Клавдия Захаровна Плотникова) кулӥз 94 аресаз 1989 арын, ужаз эстон кылчи Аго Кюннап.

Антропонимиос матын улӥсь камасинъёс интыос: Абалаково, Пермяково, Пьянково: Алжибаев, Анджигатов (Сили выжыись), Ашпуров (Ниги выжыись), Джибьев (Мадор выжыись), Додышев, Кочеров, Разманов, Саламатов, Сартыганов, Судачаков, Тошилкин, Тугуин, Туинаков, Шайбин, Янгулов гуртъёс.




#Article 252: Перфоманс (190 words)


Перфоманс ( — быдэстон, представление) — туала устолыклэн формаез, кудаз тусъетэз кылдыто суредасьлэн яке кӧня ке адямиослэн кулэ интыын но кулэ дырын дауртэмзы. Перфоманс луэ шуыны котькуд учырез, кудаз пыро ньыль валтӥсь ёзъёс: вакыт, инты, суредасьлэн мугорыз но суредасьлэн но учкисьлэн герӟаськемзы. Соин пӧртэмесь луо перфоманс но суредаськон устолыклэн суред яке скульптура выллем пӧртэм амалъёсыз, кудъёсаз тусъет луэ адӟон арбери гинэ.

Куддыръя перфоманс шуо сыӵе чеберлыко ужрадъёслэсь пӧртэмлыксэс, театр, эктон, крезьгур, цирковой выступление кадьёссэ но мукетъёссэ. Озьы ке но, туала устолыкын «перформанс» нимкыл матынгес луэ авангард яке концептуальной устолыклы, кудиз выжыятэ суредан устолыклэсь традицизэ.

Нырысьсэ «перформанс» кыл кутэмын вал крезьгурчиен Дж. Кейджен 1952 арын возьматоназ, кудӥз возьматӥз сцена вылын «4’33» (4 минут 33 секунд шыпытэз). Та концертлэн ялоназ пусъемын вал - перфоманс. Перфоманс кылдӥз футуристъёслэн кыр возьматонъёсӥсьтызы, дадаистъёслэн клоунадаисьтызы, Баухаузлэн театрисьтыз. Перфоманс кылдэм герӟамын авангард суредаськон ужпумэн: суредан тусъетлэсь вӧлмытэзлэсь вормонзэ, авангардной устолыклэсь валтӥсь тенденцизэ конструкцие потонзэ. Ив Кляйн, Вито Аккончи, Герман Нитч, Крис Бурден, Йоко Оно, Йозеф Бойс но мукет суредасьёс пӧлын перфоманс потӥз устолыклэн одӥг люкетэз кадь 1960 арын. Россиын тужгес но тодмо Олег Куликлэн, Олег Мавроматтилэн, Елена Ковылиналэн но мукетъёслэн перфомансъёссы, удмуртъёс пӧлын - Кучыран Юрилэн перфомансъёсыз.




#Article 253: Набат памяти (113 words)


Уно данъян грамотаосын но медальёсын пусъемын. «Набат памяти» музейлы — Удмуртиысь нырысетӥезлы — 1984-тӥ арын калык музей ним сётӥзы.

Мукет залын верамын Можга ёросысь Малая Сюга гуртысь Сидоровъёслэн семьязы сярысь: 8 пиос будӥзы анай-атайзылы зэмос юрттӥсьёс, выжызэс азинтӥсьёс луон понна. Но кутскиз война. Огзы бӧрсьы мукетсэ Сидоров агай-вынъёсты фронтэ басьтӥзы. Дораз берытскиз огез гинэ — со но кема ӧз улы — ранениосыз ӧз ортче. Та залысь ик мукетыз выставка авиацилэн маршалэз Фёдор Фалалеев сярысь. Совето армиысь военачальник но Можга ёросын вордскиз.

Мукетыз зал быдэсак сӥземын Бухенвальд концлагерьлэн историезлы: кивалтӥсьёсыз, нылпиослэн улэмзы, эмъяськон, сиён, ужан но трос мукет темаос усьтэмын уно туспуктэмъёс, лагерьысь шедьтэм чыры-пырыос пыр. Татын ик возисько пӧртэм вазиськонъёслы ӟуч, немец, англи но мукет кылъёсын валэктонъёс.




#Article 254: Трир (216 words)


Трир (, лат. Augusta Treverorum) — «Уйпал Рим», Германияысь вашкалаез кар. Кылдытэмын асьме эралэсь азьло 15-тӥ даурын Октавиан Август рим императорен треверъёслэн племязылэн вӧсяськон интызы вӧзын, со бордысь ик карлэн нимыз — «Августа Треверская».

Кар интыяське Рейнланд-Пфальц федерал музъемлэн шундыпуксён палаз.

Городын трос чебер, синмаськымон интыосыз. Нырысь ик, со Порта Нигра (Porta Nigra) — «Сьӧд капкаос». Азьвыл солэн кӧльыосыз югытэсь вылӥллям, но дыр ортчемъя, тӧлэн но жобаськись куазен сэрен, сьӧдэктӥллям. Капкалэн пасьталаез — 36 метр, ӝуждалаез — 30 метр, нош мурдалаез — 21,5 метр. Шундыпуксён Рим империялэсь кылем капкос пӧлысь Порта Нигра — тужгес бадӟымез но умой возиськемез. Ас вакытаз со пушкын таможня интыяськем. 

Туж чебер но узыр адске Трир собор но со вӧзысь нылкышноослэн монастырьзы — Либфрауэнкирхе. Соборез утён вылысь пӧртэм ужъёс нуисько. Пушказ пыраны уг лэзё. Собор 320-тӥ арын Дунчылкыт Агриций Трирскиен пуктэмын вылэм, та ужез солы быдэстыны косэм Константин император. 

Быдӟым Константинлэн 310-тӥ арын пуктэм базиликаез туннэ но, куке вӧсяськон инты быдэсак выльдэмын, кыске бордаз огшорыеныз. Укноосаз азьвыл суредъёсыз ик кылемын на. XII даурысен отын епископлэн резиденциез интыяськем. Пулэсь лэсьтэм вӧлдэтэз лыдэ басьтытэк, базиликаын нокыӵе чеберъянъёсыз ӧвӧл. 

Рим выж вылтӥ туннэ но сюрес ортче, нош пуктэмын ни со Порта Нигралэн даураз. Рим калыкъёс пуктӥллям — со бордысен ик нимыз.  

Городысь история синпелетъёс ЮНЕСКО-ен утисько.

Трир тодмо луэ на, Карл Маркслэн вордӥськем интыез шуыса.




#Article 255: ЮНЕСКО (174 words)


ЮНЕСКО (UNESCO — The United Nations Educational, Scientific and Cultural Organization) — дышетон, тодос но лулчеберет удысысь юанъёсъя Огазеям Нациослэн Огазеяськонзы.

Валтӥсь ужпумъёсыз — кунъёслэн ог-огенызы дышетон, тодос но лулчеберет удысъёсын ӵош ужаменызы валче быдэс дуннеын тупаса улонэз юнматон но кышкытлыкез палэнтон; выжы, кышномурт яке пиосмурт луэм, кыл но оскон шоры учкытэк, вань калыкъёслэсь катрадлыксэс гажан но утён - со сярысь гожтэмын Огазеям Нациослэн Огазеяськонзылэн Уставаз.  

Огазеяськон кылдытэмын 1945-тӥ арын 16-тӥ шуркынмонэ, солэн штаб-квартираез интыяське Парижын, Франциын. Али огазеяськонын 195 кунъёс-ёзчиос но 8 ёзчи-ужасьёсыз — внешней политика понна кыл кутӥсьтэм территориос. 182 кунъёслэн-ёзчиослэн Огазеяськон бордын ас представительствооссы вань, отын но 4 ялан учкисьёсыз но правительствоос вискысь огазеяськонъёслэн эскерись 9 миссиоссы ужало. Огазеяськонэ пыро дуннелэн пӧртэм сэрегъёсаз интыяськем 60-лэсь уно бюроос но подразделениос.

Огазеяськон ужа таӵе юанъёс бордын: дышетон удысын дискриминациен герӟаськем шуг-секытъёс; национальной лулчеберетъёсыз дышетон но национальной кадръёсты дасян; социальной тодосъёслэн, геологилэн, океанографилэн, биосфералэн шуг-секытъёссы. ЮНЕСКО тужгес эскерыса возе Африкаез но гендер ласянь огкадь луэмез.

Огазеяськонлэн валтӥсь ужан ӧръёсыз пусъемын 5 программной секторъёсын: дышетон, естественной тодосъёс, социальной но гуманитарной тодосъёс, лулчеберет, коммуникация но ивор.

 




#Article 256: Бонн (131 words)


Бонн () — Германиысь кар, интыяське Уйпал Рейн-Вестфалия федераци музъемын, Рейн шур вылын. Улӥсьёсыз — 324 899 мурт (2010), улӥсьёслэн лыдзыя Бонн Германиын 19-тӥ интыын сылэ. 

С 3 ноября 1949-тӥ арын 3-тӥ шуркынмонысен 1990-тӥ арын 3-тӥ коньывуонозь — Германия Федераци Элькунлэн шоркарез. Германия огазеяськем бере огъя шоркар Берлин луиз. Озьы ке но, Бонн али но Германиысь политикая бадӟым центр лыдъяське.

Боннлэн историез рим вакытъёсысен кутске. Асьме эралэсь азьло 11-тӥ даурын Бонн рим войскоос понна лагерь луиз. Со вакытысен ик, лэся, карлэн нимыз кылдэмын (Bonna — герман эбурон племялэн нимыз). 

Карысь валтӥсь дышетскон интылэн но — Бонн университетлэн — кузь но тунсыко историез: 1697-тӥ арын Боннлэн курфюрстэзлэн, Йозеф-Клеменслэн, косэмезъя, кивалтӥсьёслэн выль резиденцизылэн инъетэз пуктӥське, бӧрысь со резиденция Быръёнъёсъя Дворецлы пӧрме, нош XIX-лэн кутсконаз, Рейн бордысь музъемъёсыз Пруссия борды итэм бере, университет луэ.




#Article 257: Кёльн (165 words)


Кёльн (нем. Köln [kœln]) — Германия Федераци Элькунысь кар, интыяське Уйпал Рейн-Вестфалия музъемын. Германиысь каръёс пӧлын улӥсьёслэн лыдзыя Кёльн сылэ ньылетӥ интыын, нош быдӟалаезъя - куинетӥ интыын. Со сяна, со - кунысь огез тужгес бадӟымез экономикая но культурая центр. Кёльнэз ӵемысь нимало «Метрополия на Рейне» шуыса. Со - огез вашкалаез кар, Рим эпохаысен кутскыса, Европалэн историяз бадӟым инты басьтӥз. Тужгес тодмо та кар луэ Кёльн собор понна - Германиысь одӥгез валтӥсез католической черк. 

Кёльн сылэ Рейн вылын Кёльн бухтаын. Кёльнлэн шундыӝужаназ интыяське Нагорье (Bergisches Land) но гурезё инты Зауэрланд; шундыпуксёнын — Вилле национальной парк; лымшор-шундыпуксёнын — Эйфель вырйыл; лымшор-шундыӝужанын - Рейн Сланцевой гурезьёс. Городысь тужгес ӝужытэз инты — Кёнигсфорст — 118 метрын, тужгес улынэз (Воррингенский разлом) — зарезь вадесын 37 метрын. 

Улӥсьёслэн лыдзы - 1 000 298 мурт.
Национальностья ке учконо, тросэз улӥсьёс - 82,6 % - немецъёс, мукетъёсыз - палэнысь лыктэмъёс. Тужгес бадӟым диаспораос турецкой (6,6 %), итальян (2%) но азьвыл Югославиысь (1,56 %) но СНГ кунъёсысь (0,97 %) калыкъёс. Огъя 150 пала национальностьёс.




#Article 258: Лермонтов, Михаил Юрьевич (199 words)


Михаи́л Ю́рьевич Ле́рмонтов (вордскиз 1814-тӥ арын 3-тӥ коньывуонэ [15-тӥ коньывуонэ], Муско — кулӥз 1841-тӥ арын 15-тӥ пӧсьтолэзе [27-тӥ пӧсьтолэзе], Пятигорск) — ӟуч кылбурчи, прозаик, драматург, суредась. Вордскиз офицерлэн семьяяз, сое будэтӥз песяез. 

Нырысетӥ кылбуръёссэ М. Лермонтов гожтӥз, Москваысь университет пансионатын дышетскыкуз. Сое йылпумъяса, дано гожъяськись Мускоысь университетэ, собере Петербургысь гвардейской прапорщикъёслэн школаязы пыре. Служить каре Гусаръёслэн полказы, Царской селоын. «Кылбурчилэн кулонэз» («Смерть поэта») кылбурез понна Лермонтовез ссылкае келязы. Кавказэ мыныкуз, гожъяськись 1 толэзь Москваын ортчытэ. Соку ик кылдӥз «Бородино» ужез - со ожлы 1 ар тырмонлы сӥземын. Кавказын улыкуз, Лермонтов гожъяськемысь дугдымтэ сяна, эшшо суредаськыны но кутскиз. Дано литераторлэн песяез сюлмаськемен, сое дырызлэсь вазь лэзё Петербурге но отын со выльысь службазэ азьланьтэ. 

Бӧрысь улонэз М. Ю. Лермонтовлэн «Отечественные записки» редакциен герӟаськемын. Но отын но кема ужаны уг кылды: Э. Барантэн дуэльлы луыса поэтэз выльысь Кавказэ ссылкае ысто, отын со оже пыриське. Пятигорскын, кыкетӥ ссылкаысьтыз дораз берытскыкуз, гожъяськись тодмозэ пумита. Лек шоккетэмез бере соиз Лермонтовез дуэле ӧте. Дуэльын Лермонтов быре.

Вакчи улонэз ӵоже гожъяськись ог 30 поэмаос, 40 кылбуръёс, кӧня ке проза но драма произведениос гожтӥз, тросэз соос пӧлысь кулэмез бере гинэ поттэмын вал. М.Ю. Лермонтовлэн творчествояз тужгес устоен лыдъясько та произведениосыз: «Мцыри», «Бородино», «Герой нашего времени», «Маскарад», «Демон», «Узник».

 




#Article 259: Эрьзя, Степан Дмитриевич (131 words)


Степа́н Дми́триевич Э́рьзя (зэмос фамилиез Нефёдов; вордскиз 1876-тӥ арын 27-тӥ коньывуонэ (8-тӥ шуркынмонэ), Симбирск губерняысь Алатырь уездысь Баево черкогуртын (али Мордовиысь Ардатовской ёрос — кулӥз 1959-тӥ арын 24-тӥ шуркынмонэ, Муско) — росси но совето суредась, пуэн ужась скульптор, модерн стилез азинтӥсь. Псевдонимез возьматэ эрзя луэмзэ.

Степан Нефёдов вордскиз 1876-тӥ арын 27-тӥ коньывуонэ (8-тӥ шуркынмонэ) крестьян семьяын Баево эрзя черкогуртын. Алтышев черкогуртын черк школаез йылпумъяз. 1882-тӥ арын Нефёдовъёс Алатыре улыны выжизы. Суредаськонъя нырысетӥ урокъёсыз Степан Эрьзялэн Алатырьысь но Казаньысь оброс лэсьтонъя мастерскойёсын вал. 1902-тӥ-1906-тӥ аръёсы дышетскиз Мускоысь суреданъя, ваяния но зодчествоя училищеын С. М. Волнухин но П. П. Трубецкой дорын.

Бергес Степан Эрьзя улэ но ужа Уралын (Мраморской черкогуртын но Екатеринбургын), Новороссийскын, Батумиын, Бакуын, Аргентинаын.

Кулӥз со Мускоын 1959-тӥ арын 24-тӥ шуркынмонэ. Ватэмын Саранскын. Саранскын ик али интыяське С. Эрьзялэн бадӟым музеез.

 




#Article 260: Мозель (139 words)


Мозель (, , люксемб. Musel) — Францитӥ, Люксембургтӥ но Германитӥ бызись шур, усе Рейнэ. Кузьдалаез — 544 иськем, бассейнэзлэн площадез - 28 286 квадрат иськем.

Шур кутске Вогез вырйылын, шонергес ке - Баллон-де-Эльзас (Ballon d’Alsace) гурезьын, отысен бызе Лотарингие. Рейнэ усе Германиысь Кобленц карын, отын кылдытэ немец сэрег (нем. Deutsches Eck). Мозеле усё Саар, Рувер, Авьера шуръёс. Мозель вылын сыло таӵе тодмо каръёс: Нанси, Мец (Франция), Трир, Кобленц (Германия).

Шурлэн нимыз кылдэмын латин Mosella кыллэсь - «пичи Маас» (лат. Mosa). Мозель шурлэн нимыз ик сётӥз нимъёс Франциысь 2 департаментъёслы: Мозель но Мёрт.

Мозель кузя трос виноград мерттэмын, солэсь вина пӧзьто. Мозель котырысь улос - Германиысь одӥгез вашкалаез вина пӧзьтонъя (та уж борды кутскизы ни ог 2 сюрс ар талэсь азьло). Туристъёс понна та улосын нимысьтыз сюрес но лёгемын - Moselradweg: мылкыд карисьёс велосипедъёсын Мозель кузя Мецысен Кобленцозь мыныны быгато. 




#Article 261: Брэст (150 words)


Бре́ст (, , ) — Белоруссиысь кар, Брест улослэн но ёрослэн административной центрез. 

Карлэн быдӟалаез — 146,12 км². Карын улӥсьёслэн лыдзы (2014-тӥ арын 1-тӥ толшорлы)- 330 934 мурт.

Интыяське улослэн лымшор-шундыпуксён палаз, Мухавец шурлэн Шундыпуксён Буг шуре усён дораз, Польшаен кунгож вӧзын. Брест - чугун сюресысь бадӟым станция, Мухавец вылысь порт.

Брест — узыр но вашкала историен кар. Ошмессинъёсын пумиськемезъя, со - Белоруссиын пуктэм ньылетӥез кар (1019), солэсь вазь гожъямын Полоцк (862), Витебск (974) но Туров (980) сярысь гинэ.  Туннэ нуналлы со тужгес тодмо луэ крепостез понна. 

Брест интыяське Минсклэсь 320 иськемын. Карлэн шундыӝужан палаз Мухавец шур усе Шундыпуксён Буге, кыклы люкиськыса. Брестлэн уйпалтӥз бызе Лесная шур. 

Брест интыяське дыр поясын, кудзэ калыккуспо стандартъя Восточноевропейское летнее время нимало (UTC+3).

Толшоре шор температура -2,6 °C, пӧсьтолэзе +19,3 °C. Араз зор-котъёслэн лыдзы - 609 мм. Шорлыдын араз 160 нунал зоре, 68 нунал лымыя. Бус вӧлдӥське ог 33 нунал ӵоже, гудыръя 27 нунал.




#Article 262: Брест крепость (223 words)


Бре́ст кре́пость (белор. Брэсцкая крэпасць, крепость Брест-Литовск) — Белоруссиысь Брест карысь крепость, интыяське Мухавец шур Шундыпуксён Буге усён вадесын.

Брест крепость пуктыны кутскемын 1836-тӥ арын Карл Иванович Опперман топографлэн но инженерлэн проектэзъя. Йылпумъямын 1842-тӥ арын. Крепостьлэн вал цитаделез (валтӥсь укрепление) но сое утись куинь укреплениосыз. Огъя площадез вал 4 км², копакыз кыстӥськиз 6,4 иськеме. Цитадельлэн борддоръёсызлэн пасьталаез вал 2 метр, цитадель пушкын интыяськизы 12 сюрс муртлы дасям 500 казематъёс. 

Нырысетӥ дунневыл ож кутскем бере крепость утиськыны дасяськиз, но уйин 1915-тӥ арын нырысетӥ (13-тӥ) августэ, чигнамлы луыса, со ӟуч войскоосын кельтэмын но кӧня ке пуштытъямын вал. 1918-тӥ арын 3-тӥ мартэ Цитадельын Брест огкыл гожтэмын вал. 1918-тӥ ар пумозь крепость немецъёс киын вал, нош собере полякъёслы выжиз. 1920-тӥ арын сое киултӥз Горд Армия, но бӧрысь Рига огкылъя со выжиз II Речь Посполитаялы. 

Войнаос вискын крепостьын интыяськиз казарма, склад но политической пытсэт (1930-тӥ аръёсы отчы интыязы кивалтэтлы пумит мынӥсьёсыз). 

Нырысетӥ дунневыл ож кутскем бере мукет нуналаз, 1939-тӥ арын 2-тӥ сентябре, немецъёс нырысетӥзэ пуштытъязы Брест крепостез: самолётъёс куштӥзы 10 бомба, йӧттӥзы Тӧдьы дворецез. Со вакытэ казармаосын интыяськизы пехотая полкъёслэн 35-тӥ но 82-тӥ батальонъёссы, озьы ик армие басьтэм солдатъёс, кудъёссэс мукет частьёсы келяны дасяло вал но мукетъёсыз. 

Карлэн но крепостьлэн гарнизонэнызы кивалтӥз Францишека Клееберг генераллэн «Полесье» группаез; 11-тӥ сентябре гарнизонэн кивалтӥсе пуктӥзы Константин Плисовский генералэз. Крепостез утисьёслэн ӧй вал ожтӥрлыксы танкъёслы пумит, но ӵапак танкъёсын соослы ожмаськоно луиз.  




#Article 263: Бродский, Иосиф Александрович (322 words)


      

Ио́сиф Алекса́ндрович Бро́дский (вордскиз 1940-тӥ арын 24-тӥ мае Ленинградын, кулӥз 1996-тӥ арын 28-тӥ январе Нью-Йоркын, США) — ӟуч но американ кылбурчи, эссеист, драматург, берыктӥсь, 1987-тӥ арын литературая Нобель премилэн лауреатэз, 1991—тӥ-1992-тӥ аръёсы США-ысь поэт-лауреат. Тросгес кылбуръёсыз ӟуч кылын, нош эссеосыз - англи. XX даурысь одӥгез тодмоез кылбурчи.

Иосиф Александрович Бродский вордскиз Ленинградын. Солэн анаез бухгалтер вал, атаез — тодмо фотожурналист, ож аръёсы ужаз флотын корреспондент луыса. Иосифлэн анаез малпаз, корка вӧзысьтызы школа ляб шуыса, соин пизэ воргоронъёслэн школаязы, дорзылэсь кыдёке сётӥз (соку нылъёс но пиос дышетскизы нимаз). 1955-тӥ арын Бродский йылпумъяз сое но заводэ ужаны интыяськиз. Со вакытэ ик дышетӥз англи но поляк кылъёсыз.

Нырысетӥ кылбуръёссэ Иосиф Бродский 1957-тӥ арын гожтӥз. 60-тӥ аръёсы берыктон уж борды басьтӥськиз. Солы кельшизы славян но англи кылбурчиос. 60-тӥ аръёслэн пумазы Бродскийлэн нимыз Ленинградысь егитъёс но литератураен тунсыкъяськисьёс пӧлын тодмо вал ни.

     
Бродский Ленинградэ берытскиз. Кылбуръёссэ солэсь печатланы кышказы, соин ужъёссэ со «ӝӧказ» возиз. Трос аръёс ӵоже, кунгож сьӧры кошкытозяз, со 4 кылбурзэ гинэ поттыны быгатӥз. Солэн творчествоез калык пӧлы вӧлмиз но тодмо луиз «самиздат» понна гинэ. Вордскем караз улонэз нуналмысь секытгес но секытгес луиз. Выльысь басьтӥськиз берыктон уж борды, но кема ӧз чида - 1972-тӥ арын 4-тӥ июне СССР-ысь кошкиз, интыяськиз Нью-Йоркын. Отын профессор Бродский Саутхедлиын ӟуч но англи литературалэн историезъя дышетӥз, ӟуч кылбуръёс гожъяз, но выль кыл творчествояз пыӵатэк ӧз кыльы: 1973-тӥ арысен куд-ог кылбуръёссэ но эссеоссэ англи кылын кылдытъяз. 1987-тӥ арын Бродский Нобель премия утӥз (Бунин, Пастернак, Шолохов но Солженицын бере со витетӥ ӟуч кылбурчи луиз, кудӥзлы литература удысын та вылӥ премиез сётӥзы). 1987-тӥ арын «Новый мир» журнал поттӥз быдэс дуннелы тодмо луэм Бродскийлэсь кӧня ке кылбуръёссэ. Собере солэсь ужъёссэ поттыны кутскизы кунысь мукет газет-журналъёс но. Нош 1992-тӥ-1994-тӥ аръёсы Пушкинлэн фондэз, Бродскийлэсь ужъёссэ люкаса, дасяз но поттӥз 4 томен бичет. Озьы ик книгаосыз потӥзы кунгож сьӧрын но, тросгес - США-ын. 
 
Палэнын улыса, кылбурчи дуннеез котыръяз, пӧртэм каръёсын лекциос лыдӟиз. Малпанъёссэ, шӧдонъёссэ гожъяз кылбуръёсаз, вакчи заметкаосаз, эссеосаз.

Иосиф Бродский кулӥз 1996-тӥ арын 28-тӥ январе Нью-Йоркын.




#Article 264: Цветаева, Марина Ивановна (107 words)


Мари́на Ива́новна Цвета́ева (вордскиз 1892-тӥ арын 26-тӥ куарусён (8-тӥ коньывуонэ) Мускоын — кулӥз 1941-тӥ арын 31-тӥ гудырикошконэ Алабгоын) — ӟуч поэт, прозаик, берыктӥсь, XX-тӥ даурысь одӥгез тодмоез кылбурчи.

Марина Цветаева вордскиз Мускоын. Солэн атаез университетысь профессор вал, анаез — пианистка. Нош Мариналэн кылбурчи луэмез потӥз, кылбуръёс со вазь гожъяны кутскиз, 6 аресысен. Дышетскиз Мускоын, собере Швейцариын, Германиын, Франциын.

Кылбуръёсыныз нырысетӥ бичетэз — «Вечерний альбом» — 1910-тӥ арын поттэмын вал. Собере Цветаева статьяос гожъяны ӧдъяз, нош 1912-тӥ арын кылбуръёсын кыкетӥ — «Волшебный фонарь» — книгазэ поттӥз. Со арын ик Сергей Эфронлы бызиз, Ариадна нылзы вордскиз.

Али кылбурчилы сӥзем музейёс вань, валтӥсез интыяське Мускоысь Сретенка урамын, озьы ик Владимир улосысь Александровын, Башкортостанын, Алабгоын но мукет интыосын.




#Article 265: Смоленск (406 words)


Смоле́нск — Россиысь кар, Смоленск улослэн административной, промышленной но культурной центрез. Россиысь одӥгез вашкалаез город, 1985-тӥ арын 6-тӥ куартолэзьысен «Город-герой» ним нуллэ, данъямын Ленинлэн но Отечественной войналэн I степенё орденъёсын, «Зарни Кизили» медален.

Смоленскез азьло дырысен «злой город» нималлям. Уноез тушмонъёс, Москваез киултыны малпаса, нырысь ыштонъёссэс адӟизы ни Смоленскын: отын улӥсьёс котькыӵе вакытъёсы дась вылӥллям Родиназэс утьыны. Бадӟым кайгу, сютэм улон, трос ыштонъёс усизы город вылэ Быдӟым Атыкай ож дыръя но.

Быдӟым ож вакытэ нацистъёс Смоленск улосысь 5 сюрслэсь уно гуртъёсыз но черкогуртъёсыз сутӥллям, соос пӧлысь ог 300-зэ – улӥсьёсыныз валче. Кунысьтымы чрезвычайной комиссилэн ивортэмезъя, со аръёсы быризы 546 сюрс пала оже пыриськымтэ огшоры улӥсьёс.

Смоленск котырын кӧшкемыт ожмаськон ортчиз 1941-тӥ арын 10-тӥ июльысен 10-тӥ сентябрёзь. Со шӧдскымон дугдытӥз Москваез киултыны дыртӥсь тушмонъёсыз. Ассэ городэз утёно луиз 15-тӥ июльысен 28-тӥ июлёзь. Но трос ыштонъёсыз адӟыса, 1941-тӥ арын 16-тӥ июле Совето Армилы городэз кельтоно луиз, И.Сталин приказ ке но сётӥз, Смоленскез котькызьы асьме киын возёно шуыса. Выльысь город берыктэмын вал 1943-тӥ арын 25-тӥ сентябре Смоленск-Рославль операцилы луыса. 

Туала Смоленск – пичи яркыт город. Отын артэ сыло пӧртэм стильем пӧртэм вакытъёсы пуктэм юртъёс, синпелетъёс. Кылсярысь, ог-огзылы туж матэ пуктылэмын Фёдор Конь зодчийлы, А. Суворов полководецлы, М. Исаковский гожъяськисьлы, В. Ленинлы но мукет синпелетъёс.

Но тужгес бадӟым данъяськонэз, дыр - 16-тӥ-17-тӥ дауръёсы пуктэм кремльлэн борддоръёсыз, соос городлэн вуж люкетаз котькытын пумисько. Азьвыл со одӥг кузь, кульчо сямен пуктэм борддор вылэм, кылдытӥллям сое тушмонъёслэсь утиськон вылысь, но туннэ нуналозь кремль копакыз возиськемын ӧвӧл. Соин ик табере со Днепр ярдуртӥ нимаз пуктылэм борддоръёслы укша, кытын ке кузьдалаез кӧня ке метр, кытын ке – кӧня ке иськем. Кремльлэн одӥгаз борддораз нимысьтыз плитаос бордын карлэн историез вакчияк гожтэмын, валамон, нимысьтыз саклык висъямын ассэ кремлез пуктонлы но.

Борддор кузя ик Геройёсыз бурё ваён сквер вань. Отын – «Благодарная Россия» синпелет, М.Кутузовлэн бюстэз, ож сярысь кылбуръёсын плитаос интыясько. Скверлэсь кыдёкын ӧвӧл – Лопатинлэн садаз – Смоленскез утисьёслы, пехотая Софийской полклы, Родинамес тушмонлэсь мозмытӥсьёслы синпелетъёс сыло, отынгес ик – пушка. Озьы ик городын тодмостэмын уно интыос, кытын кыӵе ке полкъёс, армиос быризы яке юнме шорысь нацистъёсын быдтэм огшоры адямиослэн огъя шайвылъёссы интыясько.

Озьы ик городын вань Город-геройёслэн нимысьтыз аллеязы. Со интыяське кремльлэн борддорез кузя, нырысь ик азе сюре Ялан ӝуась тыл, собере - «Город-герой» нимын пусъем 12 каръёслы но «Крепость-герой» нимын пусъем Брест крепостьлы пичияк синпелетъёс.

Озьы ик Смоленскын паймытэ вӧсяськон интыослэн лыдзы – котькытысен одӥг ке но черк адӟиське, оглом соос 10-лэсь уно, нош вӧсь огазеськонъёссы 60-лэсь трос лыдъясько. Со сяна, вань католик костёл но. 




#Article 266: Медведев, Григорий Сергеевич (195 words)


Григорий Сергеевич Медведев (Татарстан, Балтач ёрос, Лöзя гурт 1904 — Магадан, Берлех посёлок 1938) — удмурт прозаик, удмурт литературае чылкак выль сямен гожтэм нырысетӥ бадӟым романэн — «Лӧзя бесмен» трилогиен но фантастика вылын гожтэм «Выль дунне» веросэн ноку вунонтэм пытьы кельтӥз.

Григорий Медведев вордскиз 1904 арын Малые Лызи черкогуртын (туннэ Татарстанысь Балтач ёрос) шоро-куспо улӥсь крестьян семьяын. Со дышетскиз земской но средней школаын. 1922—1925 аръёсы дышетскиз Можга педтехникумын. Соку ик гожъяны но кутске. 1927—1929 аръёсы «Гудыри» газетын но «Кенеш» журналын пото писательлэн нырысь веросъёсыз. Соос пӧлын таӵе веросъёсыз: «Ярдурын», «Выль улон лэсьтӥське», «Выль дунне», «Лёва Матран», «Лулпыжет». 1929—1930 аръёсы Г. С. Медведев печатла веросъёсын но очеркъёсын «Ез юбо кырӟа» но «Етӥн штурм» нимо сборникъёссэ.

Григорий Сергеевич Медведев вордӥськиз 1904-тӥ арын 5-тӥ (18-тӥ) южтолэзе Лöзя (Малые Лызи) гуртын (туала Татарстанысь Балтач ёросысь) трос нылпиё семьяын. Атаез Сергей Федотович но анаез Екатерина Прокопьевна сизьым нылпи будэтӥзы. Лӧзяысь куинь классъем покчи ёзо школаын дышетскӥз. Гришаез дышетӥз Мария Емельяновна Филиппова. Со витьтон ар ужаз Лӧзя школаын, кема аръёс ӵоже тыршемез понна Ленин орденэн пусъемын. 1919-тӥ арын Г. Медведев Алабгоысь епархиальной училищелэн ньыль аръем педагогической курсаз дышетскыны пыриз. Кыкетӥ курсысен, Колчак вуэмен, дышетсконзэ куспетӥ кароно луиз. 1922-тӥ арын Кузонысь рабфаке пыриз, но ӝоген отысь кошкиз.




#Article 267: Уйпал Рейн-Вестфалия (121 words)


Уйпал Рейн-Вестфа́лия () — Германия федераци элькунысь музъем. Шоркарез — Дюссельдорф. Улӥсьёслэн лыдзы — 17,6 миллион мурт (Германиысь тужгес трос улӥсьёсын музъем), тужгес трос улӥсьёсын кар — Кёльн. Быдӟалаез — 34,1 сюрс квадрат иськем (ФРГ-ын ньылетӥ интыын).

Уйпал Рейн-Вестфалия Германилэн шундыпуксён палаз интыяське, бускельёсыз луо Бельгия (99 иськем), Нидерланд (387 иськем), озьы ик Германиысь Улӥ Саксония (583 иськем), Гессен (269 иськем) но Рейнланд-Пфальц (307 иськем) музъемъёс.

Уйпал Рейн-Вестфалиялэн тужгес бадӟым но тодмо каръёсыз луо: Дюссельдорф, Кёльн, Боттроп, Гельзенкирхен, Херне, Реклингхаузен, Дортмунд, Хаген, Хамм, Бохум, Эссен, Оберхаузен, Мюльхайм, Дуйсбург, Мёрс, Мюнстер, Минден, Райне, Падерборн, Липпштадт, Билефельд, Зауэрланд, Зигерланд, Бонн, Леверкузен, Бергиш-Гладбах, Вупперталь, Ремшайд, Золинген, Ахен, Мёнхенгладбах, Крефельд.

Музъемтӥ бызё бадӟым шуръёс: Рейн, Рур, Эмс, Липпе но Везер. Падерборн картӥ бызись Падер шур Германиысь тужгес вакчи шурен лыдъяське.




#Article 268: Der Funke Leben (600 words)


Автор возьматэ Меллерн кар вӧзысь концлагере шедемъёслэсь 1945-тӥ арын тулыс улэмзэс (улон сое шуыны луэ ке). Пытсамъёс нацист кивалтӥсьёслы ваче пумит пуктэмын. Романысь валтӥсь герой – 509 номеро пытсам мурт (солэсь нимзэ лыдӟись произведение шорын гинэ тодэ). Со концлагерьын 12 ар улэ ни, политической заключенноен лыдъяське. Мар понна – ивортэмын ӧвӧл. Мукет пытсамъёслэсь но мар понна Меллернэ сюремзэс ум тодӥське. 

Мугор юзыр-кезьыр луэ, куке лыдӟиськод пытсамъёслэн кыӵе ке кизер шыд понна вожмаськемзы, калгись пуныос но шер-тур лобась тылобурдоос шоры сиён шоры кадь учкемзы, кивалтӥсьёслэн пытсамъёсыз жугемзы сярысь. Нацистъёс эшшо но юрӟым пото, куке сютэм улонлэсь но уно пӧртэм висёнъёслэсь адямиос кулылыку, кӧттыр сисько, котырысьтызы муртъёсыз адями чотэ но уг султыто. Соос понна быдэс концлагерь – цирк яке зверинец, нош соослэн рользы отын -  дрессировщик луон. Пичи нылпиос сямен, лагерьлэн кивалтӥсьёсыз ог-огзы азьын мактасько визьмынызы, пытсамъёсыз жугыны, мыскылляны быгатэменызы.   

Автор бадӟым саклык висъя секыт дыръёсы узникъёслэн ог-огзылы юрттэмзы, адямилыксэс ыштымтэзы вылэ. Со соосыз ӵемысь «скелетъёс» яке «призракъёс» шуэ ке но, шӧдӥське жалямез, соослэн чиданзылы но кулонлы сётскымтэзылы паймонэз. Аръёсын концлагерьын улыса, пӧртэм кунъёсысь, пӧртэм выжыысь калыкъёс ог-огзэс валаны, ог-огзылы юрттыны, палэнысь иворъёсыз тодыны, Меллерн городэн кусып возьыны дышо. Озьы ке но вунэто огшоры арбериосыз. Кылсярысь, 509 номеро узник паймыса вылтусыз шоры учке вупуктэмысь (лужа) но синйылтэ, лагерьын ортчытэм 12 ар куспын со туж зол пересьмиз, пурысьтаз, лябӟиз шуыса, нош улонын нокыӵе пытьы ӧз кельты. Мукетыз герой -  Бергер - пытсэтэ сюрытозяз эмъясь луыса тыршем. Лагере шедемез дырысен трос аръёс ӵоже со кияз скальпель но мукет ужан инструментъёс ӧз кутылы бере, быгатонлыкъёссэ ыштӥз, кожаз. Нош мозмытон дыръя но солэсь азьвыл уно адямиос сӧсырмизы, Бергерлы операциос ортчытоно луиз. Макем со шумпотӥз, пӧрмытӥз шуыса, выльысь ачиз аслыз оскиз!

Автор туж быгатыса возьматэ пытсамъёслэсь мылкыдзэс, куке соос туж ӟеч валазы ини, Германия уз вормы шуыса. Куанеръёс нокыӵе ожтӥрлыктэк асьсэды вормисьёсын шӧдо: уно курадӟонъёс но мыскыллямъёс пыр потыса, соос улэп кылизы! Но ӧз дугдэ улонэз но югыт дуннеез яратэмысь. Нацистъёс ке со вакытэ ик малпасько, кызьы улозы ож бере: вунэтозы-а соослэсь сьӧсь ужъёссэс, луоз-а пегӟемзы кунгож сьӧры, сётозы-а соослы пытсамъёс ӟеч характеристикаос. Кин ке оскиз на Германилэн вормонэзлы, мукетъёсыз дасяськизы ни коммунистъёс пӧлы пырыны. Куинетӥосыз «номыр сярысь ӧз малпаське, малы ке шуоно ӧз быгатэ (малпаськыны)».

Мозмытон нуналэ валтӥсь герой быре, туж улэмез ке но потӥз. Висьыса ӧвӧл, эшъёссэ кулонлэсь утьыса, эрик вайыса. Соин солэсь шӧйзэ, вань мукетъёсызлэсь сямен, концлагерь гурын уг суто – гробын вато. Концлагерьысь мозмемъёслы туж секыт вал азьвыл сямен улыны, асьсэ понна, нокинлэсь но номырлэсь кышкатэк, возь вылтӥ яке каретӥ поръяны. Куке концлагерез мозмыто, узникъёслы ӵектӥзы майтал но ӵушкон, мисьтӥськыны. Нош соос кышкало, угось тодо: озьы ик луэ газ камераосын, кытысь улэпкын нокин ӧз поты. Мозмытӥсьёс, но ӵапак озьы нацистъёс уно адямиез алдаллязы. Но тросэз соос пӧлысь ӧз тодэ, кытчы мыныны: ӵыжы-выжыоссы виылэмын яке пегӟемын, улон интыоссы таркамын вал. «Соос вал эрикоесь, но ӧз тодэ, мар со эрикен карыны. Соос кыллизы лагерьын. Соослэн ӧй вал уксёзы. Соос юрттӥзы баракъёсыз утялтыны. Соослы сётӥзы койкаос, сюдӥзы. Соос тодазы возизы: номыр нокытын соосыз уг возьма».  

Меллерн карез но со вӧзысь концлагерез Ремарк малпам, но быдэсак произведениез шонертэмен, выжыкылэн ниманы уг луы – со пыкиське Бухенвальд сярысь даннойёс вылэ, нош городэз суредакуз, автор аслэсьтыз вордскем Оснабрюк карзэ син азяз пуктэм. Ачиз Ремарк концлагерьын ноку вылымтэ ке но, пӧртэм концлагерьёс пыр ортчемъёслэсь верамъёссэс, тодэ ваёнъёссэс ужаз кутэм. Та роман понна Э.М.Ремаркез ас вакытаз уно пыкылӥллям, тышкаськиллям, издательство соин контрактэз кесям. Нокин ӧз возьма, луоз, немец гожъяськисьлэсь немец концлагерь сярысь озьы гожтэмзэ. Нош концлагерь пыр потэмъёс произведениез туж ӟеч пумиталлям.

Они понимали: ничто и нигде их не ждет.»

Бухер поднял глаза.

как выразился Бергер при прощании: «Не забывать и вместе с тем не допустить, чтобы эти воспоминания тебя погубили».




#Article 269: Кун (147 words)


Кун — мер улонэн кивалтӥсь политической форма, кудӥз публичной властьлэн кылдэменыз но уженыз сэрен кылдытӥське. Публичной власть ик — нимаз сӧзнэт, кудӥз мер улонлэн валтӥсь удысъёсыныз кивалтэ но кужмысь карон вылэ пыкъяське кулэ дыръя.

Кун лэсьтӥське территориальной принципъя бере, та кыл куддыръя умойтэм кутӥське «шаер» кыллэн синонимез выллем. 

Кунъёслэн пӧртэм типъёссы вань — рабовладельческой, феодальной, капиталистической, социалистической; кивалтон амалъя — монархия (абсолютной но конституционной), республика (парламент но президент), совето республика; территориослы люкиськонъя — унитарной кун но федеративной кун. Али (южтолэзе 2015 аре) дуннеын 194 кун. Ватикан сяна ваньзы пыро Огазеяськем Нациослэн Организацизылэн кун-ёзчиосыз пӧлы.

Кунлэн валтӥсь тодметъёсыз:

Кун — классовой мерлыклэн валтӥсь политической ёзэсэз, нош мукетъёсыз вань на. Бадӟым мерлыкын кунэн ӵош пӧртэм партиос, союзъёс, религиозной огазеяськонъёс ужало. Соос кунэн ӵош мерлыклэсь политической организацизэ кылдыто. Классовой мерлыклэн мукет политической институтъёсызлэсь пӧртэмъяськыса кун мерлыкын вылӥ властез возе. Та аслыкез суверенность яке асэрик шуыса нимаське.

Кун властьлэн мукет пӧртэмлыкъёсыз:




#Article 270: Карелилэн гимнэз (142 words)


Карелия Республикалэн кун гимнэз — Карелия Республикалэн кун символэз. Юнматэмын Карелия Республикаысь Вылӥ Кенешен 6-тӥ оштолэзе 1993-тӥ арын. Текстлэн авторъёсыз — Армас Мишин но Иван Костин, крезьгурлэнэз — Александр Белобородов.

Гудырикошконэ 1990-тӥ арын Карел АССР-ысь Вылӥ Кенеш кутӥз Карел АССР-лэн кун суверенитетэз сярысь декларациез. КАССР выль нимзэ басьтӥз — Карелия Республика. Таин ӵош Карелиысь Вылӥ Кенешлэн Президиумез кутӥз кун символикаез воштон сярысь пуктэмез. Выль герб, флаг но гимн понна конкурс ялэмын вал.

Крезьгурез гожтӥз Александр Белобородов — композитор, Карелия Республикаысь композиторъёслэн союззылэн тӧроез. Ӟуч кылын текстлэн авторъёсыз — Иван Костин но Армас Мишин кылбурчиос. Гимнлэн текстэз финн кылэ А. Мишинэн берыктэмын вал.

Карелия Республикаысь Йӧскалык политикая комитетлэн куронэзъя гимнлэн текстэз берыктэмын карел кылэ А. Л. Волков кылбурчиен. Берыктэм текст кылчиосын умоен лыдъямын вал но 1998-тӥ арын Карелилэн правительствояз но парламентаз сётэмын.

Толсуре 2001-тӥ арын карел парламентысь депутатъёс финн сямен гимн кырӟанэз дугдытӥзы.




#Article 271: Эстонилэн гимнэз (126 words)


Mu isamaa, mu õnn ja rõõm — Эстонилэн 1920 арысен кун гимнэз. Солэн крезьгурез гожтэмын финн композиторен Фредрик Пациусэн (вордскемезъя со немец вал). Та крезьгур луэ финн гимнлэнэз но. Кырӟанлэсь эстон кылъёссэ гожтӥз Йохан Вольдемар Янсен. Эстониын со нырысьсэ кырӟамын вал 18-20 пӧсьтолэзе 1869 аре Тартуын праздник дыръя.

Mu isamaa, mu õnn ja rõõm,

kui kaunis oled sa!
Ei leia mina iial teal
see suure, laia ilma peal,
mis mul nii armas oleks ka,
kui sa, mu isamaa!

Sa oled mind ju sünnitand
ja üles kasvatand,
sind tänan mina alati
ja jään sull' truuiks surmani,
mul kõige armsam oled sa,
mu kallis isamaa!

Su üle Jumal valvaku,
mu armas isamaa!
Ta olgu sinu kaitseja
ja võtku rohkest õnnista,
mis iial ette võtad sa,
mu kallis isamaa!




#Article 272: Быдӟым Атыкай ож (158 words)


Быдӟым Атыкай ож — 1941—1945-тӥ аръёсы Совето Союз но Германия вискын ортчем ож, Кыкетӥ дунневыл ожлэн люкетэз. Пусйыны кулэ, Германилэн союзникъёсыз со вакытэ вал Болгария, Венгрия, Италия, Румыния, Словакия, Финляндия, Хорватия.

Белорус ССР, Украин ССР, Молдавской ССР, Эстон ССР, Карело-Финской ССР, Латвийской ССР, Литовской ССР, озьы ик таӵе улосъёс: Ленинград, Мурманск, Псков, Новгород, Вологда, Калинин, Москва, Тула, Калуга, Смоленск, Орёл, Брянск, Курск, Липецк, Воронеж, Ростов, Рязань , Сталинград, Краснодар, Ставрополь, Калмык АССР, Кабардино-Балкарской АССР, Крым АССР, Северо-Осетинской АССР, Чечено-Ингушской АССР, Краснодар улос (ты вылысь ожъёс) , Чуваш АССР (авианалёт), Астрахань улос (авианалётъёс), Архангельск улос (авианалётъёс), Горький улос (авианалётъёс), Саратов улос (авианалётъёс), Тамбов улос (авианалётъёс), Ярославль улос (авианалётъёс), озьы ик Казах ССР (Гурьев кар вылэ авианалёт), Абхаз АССР (ГССР).

Совето солдатъёс ожмаськизы мукет кунъёсын: Германиын, Польшаын, Финляндиын, Норвегиын, Румыниын, Болгариын, Югославиын, Чехословакиын, Венгриын, озьы ик соку Германие пырись Австриын, Хорватиын но Словакиын.

Совето Союзлэсь но Германилэсь Быдӟым Атыкай ож вакытысь ыштонъёссэс пӧртэм сямен дунъясьёс вань. 

Россиын официальноен таӵе лыдпусъёс лыдъясько:




#Article 273: Ленинградлэн блокадаез (494 words)


Ленинградлэн блокадаез — немец, финн но испан армиослэн (соослы юрттӥзы на Уйпал Африкаысь но Италиысь мылкыд карисьёс) Быдӟым Атыкай ож вакытэ Ленинградэз блокировать каремзы. Кыстӥськиз 1941-тӥ арын 8-тӥ куарусёнысен 1944-тӥ арын 27-тӥ толшорозь (блокадалэн кульчоез тӥямын вылэм 1943-тӥ арын 18-тӥ толшоре) - 872 нунал ӵоже.  

Та городэз киултон гитлер армия понна одӥгез валтӥсь ужпумъёс пӧлысь вылэм, соин 1941-тӥ арын 8-тӥ сентябре тушмонъёс Ленинградэз быдэсак котыртӥзы. Сиён, тыл, шуныт, ву лыктэмысь дугдӥзы. Германиын малпазы: сютэм калык кема уз чида, сётскоз. Нош Ленинград сётскем бере быдэс Горд Армилэн, быдэс Совето Союзлэн мылкыдыз куашкалоз, сыӵе армиез вормыны капчи луоз. 1941-тӥ арын 8-тӥ ноябре, Мюнхенэ вуылыкуз, А. Гитлер верам: «Ленинградлы номырлы оскыны. Вазь яке бер со куашкалоз. Блокадаез куштыны нокин уз быгаты. Ленинград сютэм улонлэсь быроз».

Котыртэм городын адямиос нуналлы быдэ кулылӥзы. Официальной даннойёсъя, 642 сюрс пала мурт улонысь кошкем блокада вакытэ. Мукет даннойёсъя, 850 сюрслэсь уно. Соос пӧлысь 97 процентэз – сютэм улонлэсь. М. Уолцер американ философлэн пусъемезъя, ож аръёсы Ленинградын огшоры калык тросгес быриз, со вакытэ ик Гамбургысь, Дрезденысь, Токиоысь, Хиросимаысь но Нагасакиысь вань быремъёсыз лыдэ басьтыса.

Сиёнэз городэ вуттӥзы на самолётъёс но вертолётъёс, нош 1943-тӥ арысен, Ленинград вӧзысь кӧня ке иськем музъемез берыктэм но 3 арня куспын отӥ чугун сюрес пуктэм бере - поездъёсын но.

Блокада сярысь вераськыку, вунэтыны уг яра Таня Савичеваез. Ленинградын будӥсь нылашлэн, отысь трос мукет нылпиослэн сямен ик, ож вакытэ син азяз кулӥллям песяез, агайёсыз, анаез но апаез. Таня сое ваньзэ апаезлэн блокнотаз гожъям. Эвакуация кутскем бере, нылашез Ленинградысь нуо. Эмъясьёс тыршизы утьыны солэсь улонзэ, но бер вал ни: со кулӥз кема сютэм улыса но висьыса. 

Быдӟым ож вакытэ нылпиослэн котыртэм Ленинградын улэмзы – нимысьтыз бадӟым тема, со сярысь трос гожъямын, верамын. Но та юан туннэ но бордаз кыске. Ленинградэз мозмытон дырысен 70 ар тырмонлы сӥзьыса, «Линия Марты» кино пуктэмын вал. Со возьматэ нылпиослэсь ож вакытэ улэмзэс но али, уно аръёс ортчыса, ог-огенызы пумиськемзэс. 

Ож аръёсы Ленинградын озьы ик таркамын но выжытэм быдтэмын вал туж уно синпелетъёс, вашкала юртъёс. Тужгес трос синпелетъёс берыктонтэм быдтэмын Ленинград улосын. Куд-ог возиськемъёсызлэсь но, оло, воксё номыр ӧз кыльысал, дыраз соосыз мешокъёсын но пулъёсын ӧз ватысалзы ке. Озьы, кылсярысь, утиллям Ленинградысь Пётр I-лы но Финляндской вокзал вӧзысь В. Ленинлы синпелетъёсыз.

Куашкатэмын вылэм Павловскысь дворец, бӧрысь со ӝуам, нош паркысьтыз 70 сюрс пала писпуосты кораллям. Озьы ик Царской Селоын Бадӟым Екатерининской дворец ӝуам (немецъёс отын лазарет усьтӥллям), тыл потэм чигнакузы. Петергоф тодмантэм калэ вуттэмын вылэм. Пётр I-лы кузьмам Янтарной комнатаысь узырлыкез тушмонъёс ваньзэ поттӥллям. 

Но тросгес синпелетъёс кылдӥзы, дыр, Быдӟым Атыкай ож бере ни – котыртэм Ленинградэ сюремъёсыз, со понна нюръяськисьёсыз, отын быремъёсыз данъяса но буре вайыса. Ож йылпумъяськем бере ик карез выльдыны-тупатъяны кутскизы. Соку ик городын кылдӥзы буре ваён интыос, шайгуос. Али Санкт-Петербургын но улосаз ож вакытлы сӥзем трос пӧртэм монументъёсыз, обелискъёсыз, синпелетъёсыз, стелаосыз синйылтыны луэ. Тужгес тодмоосыз соос пӧлысь: «Ленинград Город-геройлы» обелиск, Пискарёвской шайвыл (солэн музеяз интыяське Таня Савичевалэн дневникезлэн копиез), «Блокадный трамвай» мемориал но мукетыз.

Ленинградлэн ож вакытэ улэмез, нюръяськемез сярысь трос выльзэ но тунсыкозэ тодыны луэ Ленинградэз утёнлы но котыртонлы сӥзем мемориальной музейын.




#Article 274: Москва понна ожмаськон (531 words)


Москва понна ожмаськон (, ; 1941-тӥ арын 30-тӥ куарусён — 1942-тӥ арын 20-тӥ оштолэзь) — совето но немец войскоослэн Москва палъёсын ожмаськемзы. Люкиське 2 вакытлы: оборонительной (1941-тӥ арын 30-тӥ куарусёнысен 4-тӥ толсурозь) но наступательной, кудӥз 2 люкетлэсь кылдэ: совето армилэн контрнаступлениез (1941-тӥ арын 5-тӥ толсур — 1942-тӥ арын 7-тӥ толшор) но огъя наступлениез (1942-тӥ арын 7-10 толскрысен 20-тӥ тулыспалозь).

Адольф Гитлер Москваез — СССР-лэсь тужгес бадӟым карзэ но шоркарзэ — киултонэз «Барбаросса» операцилэсь валтӥсь ужпумзэ сямен эскериз. Москва понна ожмаськон герман но шундыпуксён историын «Операция „Тайфун“» шуыса тодмо.

А. Гитлер чакламъя, вермахт Москваез киултыны кулэ вал Быдӟым Атыкай ож кутскем бере 3-4 толэзь куспын. Ӵапак озьы гожтэмын вал «Барбаросса» операцилэн планаз. Но быдэстыны сое ӧз кылды. 1941-тӥ арын коньывуонэ кунамы секыт югдур кылдӥз: тушмон шоркарлы матэ но матэ вуиз, соин йырин уно предприятиосты Москваысь эвакуировать кароно луиз. Озьы ке но со аре 7-тӥ шуркынмонэ Горд площадьын лэзизы салют, отысен ик выль басьтэм солдатъёсты шонерак фронтэ келязы. 1941-тӥ арын, бадӟым ыштонъёс адӟемез бере, Совето армия кужымзэ огазеяны быгатӥз но тушмонлы пумит зол ожмаськыны кутскиз. Смоленск котырын ожмаськон дугдытӥз вермахтэз ог 2 толэзьлы, нош Ленинград но Киев дорын ожъёсы пыриськизы Москваез киултыны дасям фашист армиос: одӥг операцизэс йылпумъятэк, мукетыз борды басьтӥськыны соос ӧз быгатэ. Соин Москва понна ожъёс 30-тӥ куарусёнэ кутскизы гинэ ай. Ортчизы соос 1941-тӥ-1942-тӥ аръёсы (отын Совето армия Быдӟым ож вакытэ нырысетӥзэ бадӟым вормонъёс вайиз). Толсуре тушмонъёс дугдытэмын но кӧня ке иськемлы берлань уллямын вал.

Германиысь пропагандая министр Й. Геббельс ож азьын оскиз, большевикъёс ӝог сётскозы шуыса. Но 1941-тӥ арын 2-тӥ июле ини со аслаз дневниказ гожтэм: «Шундыӝужан фронтын ожъёс азинтӥсько. Тушмонлэн трос быремъёсыз, ӧжыт сӧсыръёсыз но пленэ шедемъёсыз. Огъя вераса, туж секыт ожъёс мыно. „Поръян“ (прогулка) сярысь вераськонэз ик ӧвӧл. Асьме солдатъёс мырдэм возисько».

Совето армилы но, вермахтлы но Москва понна ож бадӟымесь ыштонъёс вайиз. Нялтас вераса, Быдӟым Атыкай ож вакытэ ыштонъёсъя но отчы пыриськемъёслэн лыдзыя со тужгес бадӟымен лыдъяське. Тушмонъёс соку асьме солдатъёслэсь тросгес ке но вал, ӧз ворме. Нош асьме армия мозмытыны быгатӥз Тула, Рязань, Москва улосъёсыз но Калинин (али Тверь), Смоленск, Орёл улосъёсысь троссэ ёросъёсыз но гуртъёсыз.

Москваын — быдэс кунмылэн шоркараз — вань быремъёсыз буре вайыса, вань утисьёсыз данъяса но соослы тау карыса, уно синпелетъёс, мемориалъёс, обелискъёс, стелаос, аллеяос пуктэмын вал. Озьы ик — Быдӟым ожлы сӥзем нимысьтыз музей, кытын котькуд бадӟым ожлы нимысьтыз зал висъямын, диорамаос лэсьямын, нош музей шорын ӝужыт синпелет сылэ но со котырысь копакыз борддор Быдӟым ож вакытысь Совето Союзысь геройёслэн нимъёсынызы тырмытэмын.

Нош 1966-тӥ арын, Быдӟым Вормонлы 25 ар тырмон азьын, Александровской садын кремльлэн борддорез бордын Тодмотэм Солдатлэн шайгуэз кылдӥз. Отчы ватӥзы Зеленоградын бырем ожмаськисьлэсь огъя шайгуысь поттэм лысьӧмъёссэ. Со шайгу Быдӟым Атыкай ож дыръя Родиназэс утьыса бырем вань нимтэм солдатъёслы сӥземын, вӧзаз «Нимыд тынад тодмотэм, подвигед тынад кулонтэм» гожтэмын но Ялан ӝуась тыл интыяське. Бордазы ик понэмын знамя, нош со вылэ — солдат каска но лаврлэн ваез. Вӧзазы ик город-геройёслэн аллеязы интыяське.

Со сяна, Быдӟым Атыкай ожлы сӥземын нимысьтыз бадӟым мемориальной комплекс, со интыяське Вормон паркысь Йыбырттон гурезьын. Со азьысь «Война аръёс» аллеяын 1418 фонтан ужа — ӵапак сомында нунал Быдӟым ож кыстӥськиз. Быдӟым Атыкай ожлы сӥзем валтӥсь музей азьын сылэ 140 метрлэсь ӝужыт Вормон монумент. Нош музей сьӧрын интыяське ож техникалы сӥзем бадӟым выставка. Отысь адӟыны луэ пӧртэм танкъёсыз но соослы пумит пуктылӥськись «ӵушъялъёсыз», машинаосыз, самолёт-вертолётъёсыз, пушкаосыз но мукетсэ.




#Article 275: Лекомцев, Владислав Алексеевич (122 words)


Лекомцев, Владислав Алексеевич (вордскиз 8-тӥ толсуре 1994-тӥ арын, Блатгурт, Алнаш ёрос) — Россиысь спортсмен, сиё-дано мастер. 2014-тӥ арын Сочиын ортчем Паралимпийской шудонъёслэн куасэн бызьылонын кык полэс чемпион, куинь полэс бронзовой призёр.

Владислав Лекомцев вордӥськемын но будэмын Алнаш ёросысь Блатгуртын, йылпумъяз Алнаш шор ёзо школаез, али Удмурт кун университетын психологлы дышетске.

Огпол Владиславлэн анаез радио пыр кылӥз Виктор Кузнецовлэсь, Удмуртиысь инвалид спортсменъёслэн огазеяськонэнызы кивалтӥсьлэсь, вераськемзэ. Со бордысен ик кутскиз Владлэн улонэзлэн выль ӧрез. Пияш спортэ берытскиз. Котькуд нунал ас азяз чурыт куронъёс пуктыны быгатэменыз, Владислав бадӟым вормонъёс басьтӥз. Владислав Лекомцевлэн Сочиын ортчем Олимпиада улоназ нырысетӥез луиз, со, отчы пыриськыса, 5 медаль вайиз. Сочиын ортчем Олимпиада бере, Владиславлэсь нимзэ быдэс дунне тодӥз. Со сяна, Влад трос пол пыриськиз ни Дуннелэн чемпионатаз, отын но медальёс утӥз.




#Article 276: Европа союз (143 words)


Европа союз (Евросоюз, ЕС) — Европаысь 27 кунъёслэн экономика но политика ласянь огазеяськонзы. Региональной интеграцилы эсэпам Союз Маастрихтын договорен юнматэмын вал 1992-тӥ арын Европа сообществоослэн принципъёссыя.

Союзлэн вань шаеръёсаз кутӥськись огкадь катъёслэн сӧзнэтсы луэмен огъя рынок кылдӥз. Со адямиосты, вузъёсты, капиталэз но услугаосты эркын мыныны-ветлыны лэзьылэ. Союзысь дас укмыс шаер, еврозонаез кылдытыса, огъя валютаез — евро — уже кутэ.

Европа союз — калыккуспо кылдытэт, со калыккуспо организацилэсь но кунлэсь тодметъёссэс пыртэ. Нош зэмлыкъя шуыса не соиз, не мукетыз уг луы. Евросоюзлэн институтъёсыз пӧлы пыро: Европа комиссия, Европа союзлэн кенешез, Европа кенеш, Европа союзысь суд, Европа лыдъясь палата, Европаысь шор банк но Европа парламент. Европарламент вить арлы быдэ ЕС-ысь кунмуртъёсын бырйиськылэ.

Европа союзэ 27 кунъёс пыро: Австрия, Бельгия, Болгария, Венгрия, Германия, Греция, Дания, Ирландия, Испания, Италия, Кипр, Латвия, Литва, Люксембург, Мальта, Нидерланды, Польша, Португалия, Румыния, Словакия, Словения, Финляндия, Франция, Хорватия, Чехия, Швеция но Эстония.




#Article 277: Европа парламент (117 words)


Европа парламент — Европа союзлы кат сётӥсь ёзэс. Евросоюзысь кунъёслэн кунмуртъёсынызы шонерак бырйиське. Европа союзлэн Кенешеныз ӵош парламент кылдытэ Евросоюзын властьлэсь кат сётӥсь кык палатаем вайзэ.

Европа парламент кылдӥз 1957-тӥ арын. Нырысь-валысь Евросоюзысь кунъёслэн парламентъёссы ёзчиоссэ бырйылӥзы. 1979-тӥ арысен вань улӥсьёсын бырйиськылэ. Парламентэ быръёнъёс ортчытӥсько вить арлы быдэ. Европарламентлэн депутатъёсыз люкисько партийной фракциослы. Парламентлэн тӧроез — Мартин Шульц. Депутатъёслэн лыдзы — 751 (2014-тӥ арысен).

Европа парламент пыре Евросоюзлэн сизьым институтъёсыз пӧлы. Парламентэз кылдытон дырысен ужоскетъёсыз ялан паськыталлязы, уката ик Маастрихтын договор (1992-тӥ ар) но Ниццаын договор (2001-тӥ ар) бере.

Европа парламент пуке Страсбург карын, мукет интыос — Брюссель но Люксембург. Али парламентын 7 фракциос но партие пырымтэ кӧня ке депутатъёс вань. 

Парламентлэн ужанрадэз гожъямын Европа парламентлэн регламентаз.




#Article 278: Чишмы ёрос (130 words)


Чишмы ёрос () — Башкириысь муниципал ёрос. 

Центрез — кар типъем Чишмы посёлок.

Чишмы ёрос интыяське Башкортостанлэн шораз. Ёростӥ бызё Дёма, Уршак, Кармасан, Чермасан, Уза шуръёс. Озьы ик отын 250 пала тыос лыдъясько. Ёрос пыр Уфа — Муско чугун сюрес но Уфа — Самара трасса ортче.

Чишмы ёрослэн узыр историез. Башкирилэн шорсюлмаз интыяськыса, со троссэ адӟиз. Та музъемъёстӥ XIV даур пумын ортчиз Тамерланлэн армиез. XVIII даурын Михельсон полковник Чишмы пыр Пугачев пала мынӥз. 1920-тӥ арын М. В. Фрунзе Чишмы станциысь тӧдьыосты улляз.

Озьы ик та ёрос тодэ на Тура-ханэз но Хусейн-бекез — соослы Чишмы вӧзын нимысьтыз мавзолейёс пуктэмын. 

Чишмы ёросысь Калмашево гуртын юн утиське мусульман шайвыл, отын вань на 18-тӥ даурысь шайгуос. Барсуанбашево гуртын утиське 1724-тӥ арын пуктэм мечеть. Енгалышево гуртын кылемын XX даурлэн кутсконаз Манаев купецлэн пуктэм земской школаез.




#Article 279: Тура-хан (131 words)


Вань кӧня ке малпанъёс Тура-хан пумысен, но рос-прос тодмо ӧвӧл, кин со сыӵе вылэм. Одӥгезъя малпанъя, со чингизид вылэм — Чингисханлэн выжы-кумыез. Одӥг вакытэ со Иртыш кузя (туала Тобольск палъёсти) калгем. Ӵыжы-выжыосыныз керетэмез бере, Шундыпуксён Сибирьысь кошкем но башкир музъемъёсы вуэм.

Мукет малпанъя, Тура-хан Басман ханлэн выныз вылэм но междоусобной ожын бырыны шедем. 

Историяя туала учебникъёсын ивортэмын, Тура-хан Башкортостанын XVI даурлэн кутсконаз кивалтӥз шуыса. Куд-ог башкиръёс верало, солэн ставкаез Туратау гурезьын Тӧдьы Кам шур вылын интыяськиз шуыса. 

Тура-ханлэн мавзолеез — XIV—XV дауръёсы излэсь пуктэм инты, со «Судлэн коркаез» вылэм, отын пӧртэм судъёс ортчылӥллям. Вӧзаз интяськем из мечеть. 

Мавзолей интыяське Башкириысь Чишмы ёросын, Чишмылэсь 12 иськемын, Чишмы — Нижние Термы сюрес вӧзын ик. 

Али Тура-ханлэн мавзолеез котыртэмын-замокамын. Пушказ пырон ворсамын.

Тура-ханлэн мавзолеезлэсь кыдёкын ӧвӧл — Чишмыысь Акзират шайвылын — Хусейн-беклэн мавзолеез интыяське.




#Article 280: Смоленск улос (171 words)


Смоле́нск улос (ӟуч кылын сое Смоленщина шуо на) — Россия Федерациысь улос, Центральной федерал округе пыре.

Бускельёсыз: Россиысь Москва, Калуга, Брянск, Псков но Тверь улосъёс, озьы ик Белоруссиысь Могилёв но Витебск улосъёсын.

Быдӟалаез — 49 779 км².

Улӥсьёсызлэн лыдзы — 964 791 мурт (2015).

Улослэн центрез — Смоленск кар, со дорысен Муско карозь 365 иськем.

Кылдытэмын 1937-тӥ арын 27-тӥ сентябре. 1958-тӥ арын Ленинлэн орденэныз пусъемын.

Смоленск кылдӥз кривичъёслэн музъемъёсазы, со сярысь нырысетӥосыз гожтэмъёс кылемын 863-тӥ арысь, куке Аскольд но Дир, Новгородысь Царьградэ мыныкузы, Смоленсклэн палэнтӥз ортчизы, малы ке шуоно со юн утиськиз но отын трос калыкез вал. 882-тӥ арын Олег князь Смоленскез киултӥз но Киев Русен огазеяз.

XII даурын Смоленск быдӟым княжество сяськаяськиз, соку со интыяськиз туала Смоленск улослэн бадӟым люкетаз. 

XIII даурлэн шораз княжество ас музъемъёссэ ыштылыны ӧдъяз. 1404-тӥ арысен, смоленск князьлэн мылкыдызъя, Литвалэн Быдӟым княжествояз пыриз. 1514-тӥ арын Смоленск кар, нош бергес мукет смоленск музъемъёс но, Москва княжествоен киултэмын вал. 1618-тӥ арын, Деулин тупанкылъя, смоленск музъем Речь Посполитаялы берыктэмын вал.

Россие Смоленск улос пыриз 1654-тӥ арын Ӟуч-поляк ож бере.




#Article 281: На Западном фронте без перемен (101 words)


Ож сярысь тодӥськом валтӥсь геройлэсь - Пауль Боймер огшоры егит солдатлэсь - но Нырысетӥ дунневыл ожез адӟем эшъёсызлэсь. Эрнест Хемингуэй сямен, ож аръёсы кӧшкемыт суредъёсыз адӟыса, эшъёссэс ватыса, тупаса улыны дышымтэ егитъёс сярысь веракуз, Ремарк «ыштэм поколение» валатонэз кутӥз. 

Книга пӧртэм мылкыдъёс кельтӥз, нош кино соя пуктыны Германиын ӧз лэзе. 1933-тӥ арын 10-тӥ майысен Ремарклэсь тазэ но мукет книгаоссэ нациостъёс ваньмыз азьын сутылӥзы, нош кивалтыны кутскемзы бере солэсь ужъёссэ поттыны но лыдӟыны ӧз лэзе.  

Озьы ке но, романъя одӥг гинэ кино пуктэмын ӧй вал. 

Нош Совето Союзысь гожъяськись Николай Брыкин Нырысетӥ дунневыл ож сярысь книгазэ «На Восточном фронте перемены» (1975) нимаз.




#Article 282: Лида (155 words)


Ли́да (, , ) — Белоруссилэн шундыпуксён палысьтыз кар. Гродно улосысь бадӟым промышленной центр, Лида ёрослэн шоркарез. 

Интыяське Гродно улослэн шорсюлмаз. Лида дорысен Польшаен кунгожозь — 120 иськем, Литваен — 35 иськем, Гродно дорозь — 110 иськем, Вильнюсозь — 100 иськем, Минскозь — 164 иськем. 2013-тӥ арын 1-тӥ толшоре Лидаын улӥсьёслэн лыдзы 99 976 вылэм.

Лыдъяське, Лида 1323-тӥ арын кылдытэмын вал шуыса. Но Теодор Нарбут историк гожъяз, Лида 1180-тӥ арын кылдӥз но соку Дайнов княжествое пыриз шуыса.

Карысь улӥсьёсыз бигеръёслэсь но тевтон рыцарьёслэсь утён вылысь, 1323-тӥ арын кык шуръёс — Лидея но али куасьмон калэ вуэм Каменка — огазе луон интыын, Гедимин Быдӟым Литва Князь Лида замок пуктӥз, со секыт дыръёсы ватӥз карын улӥсьёсыз. Вашкала вакытъёсысь замок асьме дырозь возиськиз но туннэ Лидалэн символэз луэ. XIV—XVI дауръёсы Лида Литва Быдӟым Княжествоысь одӥгез бадӟым каръёс пӧлысь вал.

Карлэн нимыз кылдэ балтийской lyda бордысь — корам нюлэс интыын утялтэм бусы.

Лидаын ужало 33 пӧртэм предприятиос: химической, сиён-юон, машина поттонъя, металлэн но пуэн ужанъя, электротехнической но мукет.




#Article 283: Пузкар (фильм) (117 words)


Та фильм Пётр Палганлэн Узы-Боры кино бере кыкетӥ ужез луиз. 

Куинь егит удмурт пияшъёслы Ижысь одӥг коркаын улоно луэ. Куиньназы ик соос туж пӧртэмесь: Гаян (Максим Князев), дуннеез ас синмыныз адӟем егит журналист. Сюлэмызъя солы кельшо визьмо нылъёс. Малпа удмуртлыкез ӝутыны. Солэн нырысетӥ бускелез — Саша (Никита Моисеев), гуртысь пияш. Удалтэм йылпумъяз шор ёзо школаез. Мукетыз — Стёпа (Иван Плотников), гуртын улэмын, нош Ижкарын дышетске агрономлы. Соин со мӧзме гурт улонъя. Стёпалэн зарни киосыз, чылкыт лулыз но бадӟым яратон ас вордскем шаерез борды.

Киноын яратонлы но инты сюре. Геройёс синмасько, ярато, кытӥяз чупасько но. Удмурт нылъёс но пӧртэмесь: рос-прос Даша (Ксения Ворончихина), шаплы Арина (Наталья Алексеева) но востэм Таня (Надежда Наговицына). Ваньзэсты герӟа, огазея огыр-бугыр улон инты.




#Article 284: Гродно улос (175 words)


Гро́дно улос () — Белоруссиысь улос, бускельёсыз луо Польша но Литва.

Гродно кар — Гродно улослэн административной центрез но тужгес бадӟымез город. Со сылэ Неман шур вылын.  Гроднолэн вашкала люкетаз, Неманлэн бур палаз, интыясько 2 замокъёс, лулчеберет удысысь уно юртъёс. 

Мирской замок, XVI даурысь история синпелет, но  Беловежской пущалэн (кудӥз ЮНЕСКО-ен утиськись заповедникъёс пӧлы пыртэмын) оглюкетэз интыясько Белоруссиысь Гродно улосын. 

Гродно улос син шоры йӧтэ улӥсьёслэн пӧртэмлыкенызы. 20%-лэсь тросэз отын полякъёс. 

Гродненщинаын адямиос улыны кутскизы палеолит дырысен. Тужгес вашкалаосыз улӥсьёс интыяськиллям Свитязь ты доры, Новогрудок ёросысь Черешля, Дятлово ёросысь Несиловичи, Лида ёросысь Збляны гуртъёс вӧзы, Котра шурлэн кутсконэз доры.  

Гродно улосэ пыро 17 ёросъёс:

Вазьгес ортчытэм лыдъянъя, воргоронъёс улосын 552,8 сюрс (47,1 %), нылкышноос — 621,1 сюрс (52,9 %). 19 аресозь улӥсьёс 312 сюрс кузя, 20-59 аресъем — 622,5 сюрс, 60 арес но тросгес — 239,4 сюрс.

Улӥсьёсыз калыкъёсъя ке учконо, белорусъёс луо 66,7 %, полякъёс — 21,5 %, ӟучъёс — 8,2 %, украинъёс — 1,4 %, литваос — 0,2 %, бигеръёс — 0,2 %, мукет калыкъёс — 1,9 %.

Гродно улосысь Мир посёлокын интыяське Мирской замок - ЮНЕСКО-ен утиськись юрт. 

Улосын ог 20 музейёс ужало. 




#Article 285: Папи гурт (244 words)


Папи — Удмурт АССР-ысь Ува ёросысь бырем удмурт гурт. Интыяськиз Увалэсь 16 километрлы но Бадӟым Каркалай гуртлэсь 2 километрлы палэнын, Калёгурезьлэн уйпал бамаз. Гуртын кык ошмес огазеяса Папи шур бызьыны кутскылӥз. Таиз шур гуртлы ним сётӥз.

Тукля воршудысь удмуртъёс луизы нырысь улӥсьёс гуртын. Соос 1843-тӥ арын кӧня ке семьяен Вуж Тукляысь кошкизы. Бӧрысь та семьяос фамилиосты нуыны луизы: Сапаровъёс, Зубаревъёс Ляминъёс но Устиновъёс.

Генеральной межевание бере 1870-тӥ арын гуртлы 477 десятинаем музъемез сётӥзы.

Гурт дорын шунды пуксён, шунды ӝужан но лымшор палъёслань лудъёс кыллизы. Соос нимаськылӥзы гуртъёсъя, кытчы Папиысь сюресъёс нуизы — Вамьяпал, Папилуд (Каркалайпал), Тукляпал. Гуртысен уйпаллань, туж трос нюкъёсын турнан но пудо возён интыос вал — Лопшась, Бадӟым Еренюк, Пичинюк, Мурнюк. Папи шурлы нялтас, армесын пыш но етӥн чӧлтылӥзы, та интыез Пышты нимаса.

Со дырын лэсьтэм планировка возиськылӥз трос мукет аръёс ӵоже. Урамлэн шунды ӝужан палэз нимаськиз Валпал, шорез — Зубарвадес (Зубаревъёслэн кӧня ке корказы отын вал), шунды пуксён палэз — Ограбер (Аграфена нимъя). Ульча пумъёс пыдсаськизы капкаосын. Кыз пу нюлэсын интыяськиз Пудошай. Соиз нюлэсын ик вӧсяськизы но, вашкала выжыосты буре вайылыса. Тазьы ортчылӥз Валсётем — огъя гурт праздник.

Папиын вуко ӧвӧл, соин ик тысь изылӥзы Итчи-Вамья гуртын.

Уйпалын, нюръёс сьӧрын, вуж пужым нюлэсын эгыр сутӥзы но сир поттӥзы. Соосыз келязы Иж заводэ.

Ижкарысен Уваозь чугун сюрес лэсьтонэн сэрен вуж дышем улон куашканы кутскиз.

Гуртын клуб ӧвӧл бере, егитъёслэн шудон интызы луиз Калёгурезь, кытын кык тополь но беризь сылӥзы.

Документъёсъя Папи гуртэз быдтӥзы 14 ар улыса гинэ — 27-тӥ декабре 1979 арын.




#Article 286: Лида замок (122 words)


Лида замок — Белоруссиысь замок, интыяське Лида карын. Пуктэмын 1323-тӥ арын Гедимин князь косэмъя. Со сьӧрын утиськиллям Новогрудокысь—Кревоысь—Медникиысь—Трокиысь крестоносецъёслэсь.

Замок пуктэмын вылэм кӧльылэсь но кирпичлэсь луо гурезьын, со котыртӥ бызиллям Лидея но Каменка шуръёс, уйпалаз 20 метръем бадӟым гу гудэмын вылэм. Со гу 2 шуръёсыз герӟам, нош замокез карлэсь люкем. Бергес (XVI—XVII дауръёсы, вылды) вӧзаз ты но лэсьтӥллям на.

Замок 4 сэрего, 2 башняосын - сыӵеен ик возиськемын туннэ нуналозь.  

Замок пушкын интыяськиллям черк (1533-тӥ арын со Лида городэ выжтэмын вал), юртъеръёс, 1568-тӥ арысен - суд, архив, острог. Улон интыос вылӥллям башняослэн вылӥ этажъёсазы. 

Замок шонертэм квадратлы укша. Солэн тужгес бадӟымез борддорезлэн - уйпалэзлэн - кузьдалаез - 93,5 м. Лымшор борддорез - тужгес вакчиез - 80 м. Шундыпуксёнэз кыстӥське 84 м, шундыӝужанэз - 83,5 м.




#Article 287: Африка (148 words)


А́фрика — Евразия бере кыкетӥ бадӟым континент. Уйпалаз солэн Средиземной зарезь, уйпал-шундыӝужаназ - Горд зарезь, шундыпуксёназ - Атлантик океан, лымшораз но шундыӝужаназ - Инди океан. Африка нимын озьы ик верало дуннеысь люкетэз, кудаз пыре Африка материк но вӧзысьтыз шормуӵъёс. Африкалэн быдӟалаез - 29,2 млн иськем², шормуӵъёсын ӵош — ог 30,3 млн иськем². Африкаын 55 кунъёс интыяськемын.

Улӥсьёсыз отын одӥг миллиард котыр. Та материк вань адямиослэн кылдон но вашкала вакытъёсы улон интыенызы лыдъяське: ӵапак татысь шедьтӥзы адямилэсь тужгес вашкалаоссэ лысьӧмъёссэ. 

Африка пыр ортче экватор но кӧня ке климат зонаос. Со одӥг гинэ сыӵе континент, кудӥз кыстӥське уйпал субтропической поясысен лымшор субтропической поясозь. 

Африкалэсь лулчеберетъя, экономикая, политикая но мерлыко шуг-секытъёссэ эскере африканистика тодос.

Африкаын интыясько 55 кунъёс но 5 признать карымтэ кунъёс. Тросэз соос пӧлысь азьвыл европа кунъёслэн колониоссы вал, эрико луизы ХХ даурлэн 50-тӥ-60-тӥ аръёсаз гинэ. Отчыозь эрико вал Египет (1922-тӥ арысен), Эфиопия (Шор дауръёсысен), Либерия (1847-тӥ арысен) но ЮАР (1910-тӥ арысен).




#Article 288: Иванов, Андрей Вячеславович (114 words)


Андрей Вячеславович Иванов (вордскиз 1971-тӥ арын) — Эстониысь ӟуч гожъяськись. Эстон гожъясьёслэн союззылэн ёзчиез.

Вордскиз 1971-тӥ арын Эстон ССР-ын, улэ Таллинын. Дышетскиз Таллинысь педагогикая университетын ӟуч филология ӧнеръя. Ужаз сварщик, азбар ӵужись но пелепон оператор луыса, улӥз Скандинавиын.

Гожъяськыны кутскиз 2004-тӥ арын, нош нырысетӥ ужъёсыз печатласькизы 2007-тӥ арысен ФинляндияФинляндиысь но США-ысь ӟуч журналъёсын. Эстониын Андрей Ивановлэн книгаосыз 2009-тӥ арысен потыны кутскизы. Печатлаське «Звезда» но мукет ӟуч журналъёсын. Ӟуч но эстон кылъёсын кӧня ке книга поттӥз. «Путешествие Ханумана на Лолланд» романэз Германиын немец кылын поттэмын вал, нош 2011-тӥ арын - Мускоысь «АСТ» книгапоттонниын. 

Азьвыл солэн эстон паспортэз ӧй вал, но собере тыршемез понна солы гражданство сётӥзы.

Вераське англи, датской но норвег кылъёсын, дышетэ эстон кылэз.




#Article 289: Тартуысь шудонлэн музеез (127 words)


Шудонлэн музеез () — Тартуысь музей.

XIX даурлэн кутсконаз музейлэн юртаз интыяськиз школа, отын тросгес ремесленникъёслэн нылпиоссы дышетскизы. 1829-тӥ арын музейлэн кузёез потӥз, сое выльдӥзы-тупатъязы. 

XIX даурлэн пумаз — XX даурлэн кутсконаз юртын кӧня ке висъетъёс лэсьтэмын вал, котыраз мукет юртъеръёс пуктӥзы, но бергес соос сэрттэмын вал. XX даурын со юрт улон коркалы пӧрмытэмын вал, но одӥг вошъяськисьтэм кузёез солэн ӧй вал. 1994-тӥ арын Тартуысь кивалтӥсьёс малпазы отын шудонлэсь музейзэ усьтыны. Музей усьтӥськиз 1994-тӥ арын куартолэзе. 2002-тӥ-2003-тӥ аръёсы юрт быдэсак тупатэмын вал. 2004-тӥ арысен музей интыяське карлэн вашкала люкетаз Лутсу урамын, музейлэн комплексаз пыро XVIII—XIX дауръёсысь 4 юртъёс. 2010-тӥ арысен — Театр юрт но.

Музейлэн коллекциез бадӟым, отын возисько 6000-лэсь уно шудонъёс но мунёос. Соос ваньзы йӧскалык эстон стилья люкамын. Возьматэмын чеберлыко мунёос, пӧртэм кунъёсысь кузьымъёс-сувениръёс, озьы ик финн-угор шудонъёс. 




#Article 290: Псков (286 words)


Псков — Россилэн уйпал-шундыпуксёнысьтыз кар (903-тӥ арысен), Псков улослэн но Псков ёрослэн административной центрез. Интыяське Великая но Пскова шуръёслэн огазе луонзы дорын. 

Псков — Россиысь одӥгез вашкалаез кар. Нырысетӥ гожъямъёс Лаврентьев летописьын со сярысь 903-тӥ арысен кылемын. 1348-тӥ—1510-тӥ аръёсы со эрико Псков элькунлэн шоркарез вылэм. 1510-тӥ арын герӟамын Быдӟым Москва княжествоен. XVIII даурлэн кутсконозяз Псков Россиысь но Европаысь одӥгез бадӟымез кар вал, утиськон но вузкарон центр. Псков крепость, кудаз 5 крепостной кульчоос пыризы (туннэ нуналлы соос пӧлысь куинез возиськемын), карез киултонтэм кариз. Трос дауръем историяз Псков ӵемысь ожъёслэн центрзы луылӥз, но огпол гинэ киултэмын вал (кыкез но дунневыл войнаос вакытэ оккупациосыз лыдъятэк). Санкт-Петербург  кылдэм бере Псков валтӥсь интызэ ыштӥз, нош куке Уйпал ож бере кунгожъёс кыдёке шундыпуксён пала кошкизы (Россия пушкы пыризы Рига но Ревель - али Таллин), Псков утиськон но вузкарон центр сямен но кулэ ӧз ни луы.  Быдӟым Атыкай ож дыръя город 3 ар ӵоже Германиен оккупировать каремын вал, со дыр ӵоже 3,5 сюрс огшоры улӥсьёс быризы. 2009-тӥ арын толсуре Псковлы «Город воинской славы» ним сётэмын.

Псков — Псков улослэн но Россилэн уйпал-шундыпуксёнысьтыз туризмъя валтӥсь центр. Троицкой черк, Псков крепость, Мирож монастырь, Поганкинлэн палатаосыз, Псковысь вашкала черкъёс Росси Федерацилэн лулчеберет наследиезъя лыдметэ пыро. 

Псковын улӥсьёслэн лыдзы — 207 571 мурт (2015).     

Карлэн нимыз герӟаськемын гидронимен — Пскова шурен. Вань пӧртэм версиос шурлэн но карлэн нимъёссы пумысен. Одӥгезъя соос пӧлысь - славян теорияя, - Пьсков (Плесков, Пльсков) ним кылдэ вашкала ӟуч «плесъ» кыллэсь — шурлэн люкетэз, яке «песок» кыллэсь. Мукет версияя - прибалтийско-финской — piskava (лив кылын), piskva, pihkva (эстон кылын) - сиро ву; возьматэ вашкала дыръёсысен карын пӧртэм калыкъёслэсь улэмзэс. Гидронимлэн мукет валэктонъёсыз - «плеск», «блеск», «чорыго шур», «песок». Археологъёс тодӥзы, Псковын X—XI дауръёсы славянъёслэн выжыоссы — псков кривичъёс, озьы ик прибалтийско-финской, балтской но скандинавской племяос улӥзы шуыса.
 




#Article 291: Нарва (шур) (110 words)


Нарва кыллэн мукет валатонъёсыз но вань.

На́рва (Наро́ва; Narva jõgi и Naroova (вашкала эст. — Алуксе)) — Эстонилэн но Ленинград улослэн кунгожзы дорти бызись шур. Литератураын озьы ик пумиське Алуксе (Наровалэн вашкала нимыз) но Бек нимъёсыз. Шур вылын 2 каръёс интыясько: Россиысь Ивангород но Эстониысь Нарва. Шур котырысь улосэз нимало Принаровье.

Тужгес тодмо М. Фасмерлэн этимологиез, со шурлэсь нимзэ narvaine «порог» кылэн герӟа. Гласнойёслэсь чередованизэс лыдэ басьтоно ке, мукетыз но малпан (балтийской) шонер луыны быгатэ: гидронимической  вӧлмем *Nar-/*Ner- («нырять») кылвыжы бордысь. 

Черк-славян кыллюкамын шурлэн нимыз тазьы валэктӥське: «Нарова — по своей воле, своевольно». Озьы ик вашкала летописьёсын шурлэн Норова нимыз пумиське, о пыр (Норов кыллэсь), со возьматэ шурлэсь ассэ аспӧртэмлыко воземзэ. 

Нарвае усё: Плюсса, Россонь




#Article 292: ВИА Гра (108 words)


ВИА Гра — Украинаысь тодмо нылкышно группа. Со 3-тӥ куарусёнэ (сентябре) 2000-тӥ арын кылдытэмын. ВИА Гра 5 альбомъёсыз гожтэмын, со сяна, 1 альбом англи кылын 2003-тӥ арын берыктэмын. ВИА Гра «Зарни состав» 2000 арысен — 2004 арысозь вал. Вера Брежнева, Алёна Винницкая, Анна Седокова но Надежда Грановская таиз составлэ вал. «Не оставляй меня, любимый» туж тодмо кырӟан вань. Солэн кырӟанъёсыз: «Попытка № 5», «Стоп, стоп, стоп», «У меня появился другой», «Кислород», «Это было прекрасно», «Убей мою подругу», «Океан и три реки» но мукетъёсыз.

Али Эрика Герцег, Анастасия Кожевникова но Миша Романова ВИА Граын кырӟало.

ВИА Гра туж трос зарни граммофонъёсы вань. Со сяна, ВИА Гра «Бомба года» коньдонкузьым 2004-тӥ арын басьтӥз.




#Article 293: Терек (футбольной клуб) (276 words)


ФК Терек - ӟуч Элькунысь (Чечняысь - Грознойысь)) футбольной клуб. ФК Терек ӟуч премьер-лигаын шудэ. Солэн валтӥсь тренер - Рашид Рахимов 7-тӥ шуркынмонэн 2013-тӥ арысен. ФК ТЕРЕК 1958-ти арын кылдытэмын. Солэн капитанэз - Ризван Уциев.

ФК Тереклэн формаез - вож футболка но тӧдьы трусикъёс.

Солэн стадионэз - АХМАТ АРЕНА - 30 597 адямиоссэ тэре.

Собере ФК Тереклэн нимез Динамо 1946-ти арысен, нимез Нефтяник 1948-ти арысен,  табере ФК Тереклэн нимез Терек 1958-ти арысен вань.

ФК Терек РСФСР-ысь чемпионлэн 1974-ти арын вал. Со сяна, РФК Терек 5-ти интыын Нырысь лигаен 1978-ти арын тырмиз.

ФК Терек кыкети (2) дивизионын (2001-2002-ти арын), нырысети дивизионын (2003-2004, 2006-2007-ти арын) шудиз. Али РФК Терек премьер-лигаын 2005 арын но 2008-ти арысен шудэ.

РФК Терек премьер-лигалэн Кубокез 2004-ти арын вормиз. Со сяна, Терек Лехлэн но Базелен шудиз. РФК Терек Лехлэз вормиз, но Базелез нырысь котырын келяз.

РФК Терек Турциысь Элькунлэн Кубокез 2012-ти арын вормиз.

Вылӥ интыосэз-8-ти интыез 2013-ти арын, 9-ти интыез 2014-ти арын.

РФК Тереклэн кивалтисъёсыз: Ахмат Кадыров (2001-ти арысен-2004-ти арозь), Рамзан Кадыров (2004-ти арысен-2011-ти арозь) вал. Али Магомед Даудов РФК Тереклэн кивалтисез 2011-ти арысен.

РФК Тереклэн валтись тренеръёсыз: Хайдар Алханов (1992-ти арысен-2000-ти арозь), Шахин Диниев (2001 но 2009-ти арын), Рамзан Дзайтиев (2001-ти арын), Лев Платонов (куартолэзь 2002-ти арын), Александр Корешков (2002-ти арын), Ваит Талгаев (2003-ти арысен-2005-ти арозь, 2006-ти арысен-2007-ти арозь), Александр Тарханов (2005-ти арысен -куартолэзь 2006-ти арозь), Виталий Шевченко (2006-ти арын), Леонид Назаренко (куартолэзь 2008-ти арын), Вячеслав Грозный (2008-ти арысен-2009-ти арозь),Анатолий Байдачный (2010-ти арын), Рууд Гуллит (2011-ти арысен-куартолэзь 2011-ти арозь), Иса Байтиев (2011-ти инвожонэн), Станислав Черчесов (27 куарусёнэн 2011-ти арысен-26-ти куартолэзь 2013-ти арозь), Юрий Красножан (27-ти куартолэзен 2013-ти арысен-27-ти коньывуонэн 2013-ти арозь) вал. Али Рашид Рахимов РФК Тереклэн валтись тренерэз 7-ти шуркынмонэн 2013-ти арысен.




#Article 294: Широбоков, Степан Павлович (435 words)


Степан Павлович Широбоков — Удмуртиысь калык гожъясь — вордиськиз 18-тӥ толсуре 1912-тӥ арын Шаркан ёросысь Вортча Починка (Малый Казес) гуртын куанер крестьян семьяын.

Трос аръёс ӵоже улэ Дэбесын. 1928-тӥ арын Можга педтехникуме дышетскыны пыре. Бератазгес, 1930-тӥ арын, Дэбес педтехникуме дышетскыны выже. Сое йылпумъяса, 1937-тӥ арозь школаын ужа. 1937-тӥ арысен Ижкарысь учительской институтысь естественно-географической факультетаз дышетске. Дэбес ёросысь Тольёнской 7 классъем школаын географиен но биологиен дышетӥсь луыса ужа.

Ожысь бертэм бераз ик, Степан Павлович кышнояське. Но семья улонэз солэн ӧз радъяськы. Нырысетӥ кузпалыныз люкиське. Кыкетӥ кышноеныз шудо улэ: трос гожъяське, улыса-вылыса калык кылбурчи — котькинлы тодмо адями — луэ. 1951 арысен со — Гожъяськисьёслэн Огазеяськонзылэн ёзчиез.

Степан Широбоковлэн нырысетӥ кылбуръёсыз 1930-тӥ арын «Гудыри» газетын печатласько. Нош 1945-тӥ арын солэн нырысетӥ кылбур бичетэз потэ, кудӥз нимаське «Ожмаськон лудын», ар улыса — «Кык вынъёс» поэмаез. Степан Широбоковлэн кылбуретаз, вань мукет лирикъёслэн сямен ик, ог-выллем темаос пумисько: ас шаердэ, пичи родинадэ данъян, яратон, шудо улон, шумпотон но инкуазез котыр ласянь чеберен, яркыт буёлэн суредан. Солэсь гожъяськонзэ куинь люкетлы висъяны луоз: граждан лирика, ожмаськон лирика но яратон лирика.

Гражданской лирикаяз бадӟым инты басьтэ шудо улонэз возьматон, шудо улонлы оскон. Мукет сямен вераса, синмаль дунне кузёяське («Кемалась малпанъёс» сборник). Ваньмыз со таӵе образъёс пыр возьматӥське: йылтэм-пумтэм ю-нянен гыась бусы, бадӟым вож нюлэс, паськытэсь вольытэсь сюресъёс, тулыс, ӵукна, ошмес. Ӵем дыръя бусы но ӵукна образ пумиське, тужгес но со тулыс ӵукна. Инкуазез суредакуз Степан Широбоков — поэт-созерцатель. Поэт инкуазьлэсь чеберзэ адӟе, солэн пачылме чеберен мылкыдыз. Тужгес но яркыт луэ та ласянь «Россия» кылбур:

Тонэ лымы-а шобыртэ,
Лудын тудву-а куашетэ,
Ю-нянь-а веттаське, шудэ,
Сӥзьыл нюлэс-а льӧлектэ -
Россия, котьку тон чебер!
Россия — вордӥськем шаер!

Ож лирикаысьтыз кылбуръёсыз верало, солэн лирической героез зэмос патриот шуыса. Та кылбуръёсысьтыз вань кылъёсаз пыӵамын тушмонлы пунэмзэ берыктонэн. Валтӥсь лирической героез — солдат, кудӥз ялан тодаз вае вордӥськем шаерзэ, яратоно нылзэ. Вордӥськем шаерез но яратоно адямиез солы юртто, ожмаськыны кужым сёто кадь. Ож бырем бере Степан Широбоков войналы сӥзем кылбуръёс ӧз ни гожъя.

Яратонлы сӥзем тема Степан Широбоковлэн творчествояз нимысьтыз инты басьтэ. Вань кылбуръёсаз сямен нылкышнолы яратонэз юн герӟаськемын инкуазен, со люконтэм ас шаередлы яратонлэсь. Степан Широбоковлэн гожъяськоназ яратон — со шумпотон но, куректон но, ватэм яратон, яратоно нылыныд данъяськон. Лирической герой ас гажанзэ яратэ ужамез понна. Ӵемысь кык яратӥсь муртъёс ужын пумисько.

Яратонлы сӥзем кылбуръёсаз вань сыӵеосыз, кудъёсыз гожтэмын нылмуртлэн синмыныз. Степан Широбоков таӵе шом удмурт литературае нырысьсэ пыртӥз. «Ӧй быгаты вунэтыны» кылбураз со туж умой адӟиське.

Кырбуръёсыз капчи мылкыдоесь, кырӟанлы матынэсь луэмзы понна, ачиз но кылбуръёссэ вольыт, учы кадь лыдӟемез понна, Степан Широбоковез «удмурт учы» нимазы.

С. П. Широбоков ас удысаз бадӟым пытьы кельтӥз прозаын но, кылбуретын но, драматургиын но, нош тужгес но — калыклэн йырсазяз. Юнме ӧвӧл, Степан Широбоковлы нырысьсэ Удмуртиысь калык кылбурась дано ним сётэмын. (Надежда Никитина)




#Article 295: Сюкасьпукон нюк (162 words)


Сюкасьпукон нюк — нюк. Интыяськемын 1 иськем палан Выль Монья гуртлэсь (Пичи Пурга ёрос).

Выль Монья () — Пичи Пурга ёросысь удмурт гурт, интыяськемын ёрослэн лымшор но шундыпуксен палаз.

Али дыре татын ог 400 адями улэ.

Гурт администрация но почта интыяськемын Улын Юри гуртын. Почталэн индексэз: 427826.

Историез нюк ним кылдэмлэн туж тунсыко. 1914-тӥ арын Российской Империын кылдытэмын вал эксейлэн косэтэз, кудӥз уг лэзьы вал лэсьтыны но вузаны аракы, сюкась но мукет курыт юонъёс быдэс Россия шаерын. Озьы ик Выль Монья гуртэ но со косэт вуиз. Гуртын курыт юон пӧзьтыны уг лу ни вал. Адӟо ке аракы пӧзьтэмез, соку ик юон пӧзьтон ваньбурдэ талало вал. Нош со вакытэ гурт вӧзын бадзым пеймыт нюлэс вал ай. Куд-ог адямиос кескич кариськыны быгатиллям. Соос, нюлэскы мыныса но нюке васькыса, сюкась но, аракы но лэсьтын дышиллям. Отын ик кыштыр курыт юонзэс но юо вылэм. Озьы выремзы сярысь кивалтисьёс таки ӧз тодылэ. Собере калык полын нюкез ниманы кутскизы «Сюкась пукон нюк». Со тырысен та нюкез озьы ик нимало на.




#Article 296: Лужанин, Афанасий Васильевич (230 words)


Афанасий Васильевич Лужанин (Корепанов) — (12-тӥ толшоре 1912-тӥ арын Лужан гурт, Эгра ёрос — 1966-тӥ арын) — удмурт кылбурчи.

Дышетскиз Дэбес ёросысь неполной шор ёзо школаын. Собере дышетскыны пыриз Глазовысь педагогической техникуме, нош куштӥз атаез кулэмез бере. Быдтӥз краткосрочной курсъёсты Якшур-Бӧдья черкогуртын. 1934—1938 быдтӥз Удмурт пединститутлэсь вечерней отделениез. 1933-тӥ арысен журналист луыса ужаны кутскиз удмурт газетъёсын «Ижевская правда», «Егит большевик», «Дась лу!». 1940-тӥ арын кошке Совето армие но Быдӟым Атыкай ож дыръя шеде Иж гарнизонэ. 1944-тӥ арын луэ Удмурт гожъяськисьёслэн союзазы тӧро луэ, кытын со ужа 1950-тӥ арозь. Афанасий Васильевич Лужанинлэн кылбуран куараез юнмаз Быдӟым Атыкай ож аръёсы но, собере но. Вордӥськем музъемез утёнлы, калык куспын эшъяськыса улонэз юнматонлы сӥзем кылбуръёсыз но поэмаосыз ӟырдыт мылкыдзэс туннэ но ӧз ыштэ. Лыдӟисьёслы тужгес тодмо луиз Граждан Ож вакытэз возьматӥсь «Осотовецъёс» поэмаез. Жингрес кырӟанъёс луыса, калыке паськыт вӧлмизы «Бусъёсын шобырскизы», «Насьток но Исьток» кылбуръёсыз. Эшъёсыз, тодмоосыз Лужанин сярысь ӵем дыръя тазьы шуылозы вал: «Удмурт Крылов!» Зэм но ӟуч кылбурчи музэн ик, асьме литератураын со котькинлэсь трос устоесь басняос кылдытӥз но та жанрез вылӥе ӝутӥз. Кылбурчи синазькыл кариз ужаны люкетӥсь азьтэмъёсты, вылтӥяськисьёсты сереме уськытӥз йыртэмасьёсты, юисьёсты. Гожтэм ужъёсыз асьмеды бордазы кыско, сюлмаськыто, малпаськыто но пальпотто. 35 ар творческой деятельностяз Лужанин удмурт кылын 9 кылбуръёсын сборникъёс поттӥз. Афанасий Лужанин вал берыктӥсь. Со берыктӥз Пушкинлэсь, Гогольлэсь, Некрасовлэсь, Горькийлэсь, Мицкевичлэсь произведениоссэс. Солэн литературной но мер ужъёсыз понна солы сётэмын «Знак Почёта» орден, медальёс, но Почётной Грамотаос Удмурт Вылӥ Кенеш Президиумлэсь.




#Article 297: Псков улос (186 words)


Пско́в улос — Росси Федерациысь улос, пыре Северо-Западной федерал округе.

Административной центрез — Псков кар.

Псков улослэн бускельёсыз: Ленинград, Новгород, Тверь но Смоленск улосъёс, Белоруссия но Европа союзысь кунъёс — Эстония но Латвия. 

Псков улос - Россиысь одӥгез кык улосъёс пӧлысь, кудӥзлэн кунгожез 3 кунъёсын ортче (мукетыз сыӵе улос - Алтай, солэн вань кунгожъёсыз Казахстанэн, Китаен но Монголиен).

Аслаз кылдэмез дырысен Псков улос пӧртэм уездъёсы но волостьёсы пырыны вуттэм, кӧня ке улосъёслы люкиськылэм, со пушкы я пыриллям, я отысь потӥллям куд-ог гуртъёсыз но каръёсыз... «Туала» Псков улос кылдэмын ай 1958-тӥ арын гинэ. 1967-тӥ арын со Быдӟым Атыкай ож дыръя юн партизан огазеяськонъёсыз но ожмаськемез понна Ленинлэн орденэныз пусъемын. Озьы ик вашкала документъёсын пусъемын, кунмылэн армиез но со палъёсын кылдӥз шуыса. Кинлы ке Псков тодмо 76-тӥ десантно-штурмовой дивизиеныз. Со сяна, историлы ке осконо, ӵапак та улосын вордӥськем вылэм Ольга княгиня. Солы сӥзьыса, Псковын синпелет но кӧня ке часовняос пуктэмын. 

Псков улосысь Печора ёросын улэ сету финн-угор калык.

Псков 

Великие Луки 

Остров 

Невель 

Опочка 

Печоры 

Порхов 

Дно 

Дедовичи 

Новосокольники 

Струги Красные  

Себеж 

Пыталово 

Пушкинские Горы 

Идрица 

Пустошка 

Бежаницы 

Гдов 

Красногородск 

Локня 

Новоржев 

Плюсса 

Усвяты 

Палкино 

Кунья 

Сосновый Бор




#Article 298: Возлюби ближнего своего (роман) (116 words)


Романын возьматэмын Нырысетӥ дунневыл ож бере вакыт, Европаысь секыт улон. Мур возьматӥське Германиын улӥсь еврейёслэн трагедизы: та калык куинетӥ сорт лыдъяське, сое уг куто уже, талало документъёссэс но ысто палэнэ, кунгож сьӧры, кытын соосыз нокин уг возьма. Котыр алдаськисьёс, лушкаськисьёс, чагиськисьёс трос, соин адямиослэн осконзы быре. Эмигрантъёслэн семьяоссы куашкало, соос нимаз, котькудӥз аслэсьтыз улонзэ утьыны тыршыса, аслыз выль улон инты утча, но туж ӧжытэз шедьтэ. Эмигрантъёс трос луэмен, вань кунъёсын катъёс чурытгес каремын, туж секыт басьтыны паспорт, кунын улыны но ужаны лэзись документъёсты. 

Быдэс роман ӵоже валтӥсь геройёс — Людвиг Керн но Рут Холланд, озьы ик соослэн эшъёссы (тужгес матысез — Штайнер) — кунысь кунэ ветло, тюрьмаын пуко, ужаса поттэм копейкаосынызы уло. Валче, эшъяськыса улэмзы гинэ шуг-секытъёсыз вормыны юрттэ.




#Article 299: Альпзэе (107 words)


Альпзэе яке Альп ты (нем. Der Alpsee) -  Бавариысь Остальгау интыысь 1,9 иськеме кыстӥськись ты. Пыре Швангау гуртэ. Мурдалаез 4,70 иськем.  

Альпзэе вӧзын сыло 2 тодмо королевской замокъёс: Хоэншвангау но Нойшванштайн - Сойлинг гурезь улын ик. Тылэн уйпал-шундыпуксёназ, 2 иськемын, интыяське Фюссен кар, лымшораз 450 метрын Австриен кунгож ортче, уйпалаз 400 метрын вань пичигес Шванзэе ты. 

Альпзэе - Германиысь одӥгез тужгес чылкытэз ты. Гужем солэн вуаз пыро матаз улӥсь немецъёс но, туристъёс но. Ты вӧзын интыяське пыжъёсыз но ву вылтӥ ветлӥсь мукет арбериосыз возён юрт, отысь кулэзэ арендовать карыны луэ. Толалтэ, кезьыт дыръя, ты вылтӥ конькиен нискыланы луэ.  

Альпзэе - Баварилэн узырлыкез, нош Виттельсбахер фонд сое арендовать каре. 




#Article 300: Байметов, Александр Кальманович (136 words)


Алекса́ндр Ка́льманович Байме́тов — учёной-психолог, педагог, педагогика удысын менеджер. Психологи наукаосъя кандидат. «Отличник народного просвещения РСФСР» (1987), «Заслуженный работник народного образования Удмуртской Республики» (1999) нимо дано нимъёсты басьтӥз.

Вордскемын 1938 аре 30 пӧсьтолэзе Удмурт АССР-ысь Вавож ёросысь Удмурт Можга гуртын. Будэмын Бигер республикаысь Кукмор ёросысь Выль Канисар гуртын.

Ижысь педагогикая училищеын дышетскиз. Вылӥ дышетскемзэ басьтӥз Удмурт педагогикая институтын, историяя но филологияя факультетын. Нырысь ужаз удмурт но ӟуч кылъя, литературая дышетӥсь луыса. Психологияя аспирантуразэ пырпотӥз Пермь карын. Отысь бертэм бераз 1968 арысен ужаз Удмурт педагогикая институтын (1972 аре со луиз Удмурт кун университет) психологияя но педагогикая кафедраын старшей преподаватель но доцент луыса. 1976—1982 аръёсы та кафедраен кивалтӥз.

А. К. Байметов вал усто администратор, лектор, учёной. Туж трос кужымзэ понӥз со Удмуртиысь школаосын психологияя службаез азинтонын. Наука ужъёсыз огъя но арлыд психологи удысысь ужпумъёслы сӥземын вал.

Кулэмын 12 гудырикошконэ 2016 аре Ижын.




#Article 301: Муми-трольёс (693 words)


Муми-трольёс (швед. Mumintroll) - швед кылын гожъяськись Туве Янссон финн гожъяськисьлэн книгаосысьтыз валтӥсь геройёсыз. Муми-трольёс сярысь книгаос швед кылысь 43 пӧртэм кылъёсы берыктэмын, та книгаосъя мультфильмъёс суредамын, аудиокнигаос гожтэмын, спектакльёс но балет пуктэмын. 

Пусъёно созэ но, Туве Янссон книгаысь валтӥсь геройёсты ачиз суредаз. Нырысетӥез книга швед кылын Småtrollen och den stora översvämningen нимын 1945-тӥ арын потӥз, нош финн кылэ со 1991-тӥ арын гинэ Muumit ja suuri tuhotulva (Муми-трольёс но бадӟым вутудӟон) нимын берыктэмын вал ай. 

Муми-трольлэн вылтусыз кылдӥз Туве Янссонлэн суредъёсаз 1930-тӥ арын. Нимыз но солэн Снорк вал. Гожъяськись Муми-трольлэсь суредзэ котькуд гожтэм веросэз улэ пуктэ вал. Озьы суредъя гинэ но валано ни вал, кин верослэн гожтӥсез. 

Муми-троль - гиппопотамлы укшась валтӥсь герой. Арлыдызъя 14-15 арес сётод. Со котькыӵе пинал кадь ик выльзэ тодыны яратэ, соин ик олокыӵе но учыръёсы сюрылэ. Со кышкасьтэм, но со дыре ик дӥсьтӥсьтэм. Олокинэн но тодматскыны яратэ, со понна солы ялан анаезлэсь сюре. 

Муми-анай - льӧль малпанъёсысь анай, малы ке шуоно ваньзэ лэзе. Котьку дась пиезлэсь выль тодмооссэ доразы куноятыны, сюдыны, изьыны выдтыны. Солэн бордаз котьку сумкаез ветлэ, отын со туж кулэ арбериосты - кӧс пыдвылъёсты, кампет, мусурлы эмъюм - нулдэ. Муми-атай пумитаз Муми-анаез шторм дыръя, кудӥз соосты герӟаз. 

Муми-атай - вордскем бераз Хемулиха апай кие куштыса кельтэмын вал. Егит дыръяз трос кытӥ ветлӥз, ас киосыныз Муми-коркаез пуктӥз. Муми-нёжалын со мемуаръёс гожъяменыз тодмо. Яратэ аспӧртэмлыко арбериосты, дышем сямъёссэ ноку уг вошты. Ассэ со таланто шуэ, но валантэм. 

Снифф - Муми-трольлэн эшез. Комаклы тупась кузь быжо пӧйшур. Туж кышкась, трос ӝожтӥськись но кӧня ке жадной. Коӵо кадь ик ваньзэ яркытсэ но чилясьсэ яратэ. Туж кышка быжзэ ыштыны. Яратоно веранэз: Мон кадь пичи пӧйшур понна та уж туж кышкыт луыны быгатэ. 

Снусмумрик - Муми-трольлэн матысь эшез. Котькуд гужемзэ Муми-нёжалын ортчытэ, нош сӥзьыл мукет шаеръёсы кошкылэ. Котькуд пӧйшурез но тылобурдоосты нимзыя тодэ. Яратэ пӧртэм учыръёсы сюрылыны, огназ улыны, чильым кыскыны но ымдур-арганэн шудыны. Уг яраты маке карыны лэзисьтэм пусъёсты но караулчиосты. Улэ палаткаын, кудзэ котьку сьӧраз нулдэ.

Коркакузё - Муми-семьялэн кыдёкысь ӵыжы-выжыез. Улэ соосын ӵош гур сьӧрын. Куке но туж кемалась вань муми-трольёс гур сьӧрын адями коркаосын уло, пе, вал, нош собере Муми-нёжалэ улыны выжизы. 

Снорк - тусызъя Муми-трольлы укша, но вань сноркъёс кадь буёлэз мылкыдызъя вошъяське. Яратэ, куке ваньмыз ас интыяз кылле, нош котькыӵе мугъя кенеш ортчытэ. Туж рос-прос но кӧня ке акылес. Солэн туж потэ кылдытэмез сыӵе машинаез, кудӥз вера, мар умой, нош мар урод. 

Фрёкен Снорк - Снорклэн апаез, Муми-трольлэн туганэз. Быдэс мугорыз небыт-небыт гоно, вань чёлкаез но пыдаз зарни суйпоскесэз. Яратэ пӧртэм чеберъяськон арбериосты, синучкон азьын туж трос дырзэ быдтэ. Куддыръя туж визьмо луыны быгатэ. 

Туу-тикки - Муми-трольёс сярысь куд-ог книгаосын гинэ пумиське. Туу-тикки зарезь дорысь коркан улэ. Кинэн ке кусыпъёс тупатонлэсь кулэлыксэ туж ик уг вала. Та улонын со тужгес но музъем вылын кылльыса инбаме учкыны яратэ. Но со доры кин ке куное вуэ ик ке, со котьку шыдэн куноятыны дась. 

Хемуль - Муми-нёжалысь тужгес но трос тодӥсез улӥсь. Акылес, но вожзэ уд поттӥськы ке, чидамон. Косъяськыны яратэ, ассэ котьку шонерен лыдъя. Почта маркаосты но будосъёсты люка. Вылаз апаезлэсь кылем дэремен ветлэ. Солэн туж трос ӵыжы-выжыосыз. 

Ондатр - йырыз философиен тырмытэмын. Дуннепум вуэмез вите но Котырысь арбериослэн кулэтэмзы сярысь книга лыдӟе. 

Пичи Мю - дунне вылысь тужгес но пичиез мюмла. Урод ӧвӧл, но мукетъёсыз вылын серекъяны яратэ. Мӧзмыны уг быгаты, шумпотыны но вожпытыны гинэ пӧрмытэ. Ӵашетэмез яратэ.

Мюмла - рос-прос нылаш, ваньзэ ачиз лэсьтыны но эрико луыны тырше. Яратэ аслэсьтыз пуштрес йырсиоссэ, кудъёссэ со ялан сына. Сузэрзэ Пичи Мюэз дышетыны тырше, туж ик уг пӧрмы ке но. 

Филифьонка - алекъяськись нылкышно, туж кышка нымы-кибыослэсь, ялан кытчы ке дыртэ. Яратэ утялскыны но сиён пӧраны. Уг яраты ӵыжы-выжыоссэ, но ассэ кияз возьыны тырше. 

Тофсла но Вифсла - кык пичи но туж ӝог пӧйшуръёс. Валантэм, нылъёс-а, пиос-а соос. Верасько валантэм кылын. Бадӟым чемоданзэс ноку киысьтызы уг куяло. Ярато йӧл но чемодан пушкысьтызы арбериосты. 

Морра - кӧшкемыт юрӟым но кезьыт. Кытӥ со ортче, отын ваньмыз кынме. Шунскон понна котькуд тылскем вылэ пуксе, нош соиз соку ик кысэ. Морра кылэз нёжалын улисьёс тышкаськонэз кадь вераськоназы кутыло. 

Хатифнатъёс - ымныртэм но мылкыдъёссэс возьматӥсьтэм макеос, уло езтылэз сиыса. 

Лякпыдъёс (Скалотяпъёс яке Липолапъёс) - уллёосын улӥсь но туж зульыны яратӥсь пичи пӧйшуръёс, туссыя пыдъёс вылын возиськись комак яке пуны йыръёслы тупало. Туж мыло-кыдо луэменызы уродэ вуттыны быгато. 




#Article 302: Снусмумрик (375 words)


Снусмумрик (швед. Snusmumriken, фин. Nuuskamuikkunen) - Туве Янссонлэн Мумми-трольёс сярысь книгаосысьтыз огез персонаж. 

Снусмумрик - Муми-трольлэн матысь эшез. Котькуд гужемзэ Муми-нёжалын ортчытэ, нош сӥзьыл мукет шаеръёсы кошкылэ. Котькуд пӧйшурез но тылобурдоосты нимзыя тодэ. Яратэ пӧртэм учыръёсы сюрылыны, огназ улыны, чильым кыскыны но ымдур арганэн шудыны. Уг яраты маке карыны лэзисьтэм пусъёсты но караулчиосты. Улэ палаткаын, кудзэ котьку сьӧраз нулдэ. 

Снусмумриклэн прототипез - финн журналист но политик Атос Казимир Виртанен (1906-1979), Туве Янссонлэн эшез но карт луонэз (но сюан дорозь кусыпъёс ӧз возиське). Снусмумриклэн вож изьыез ӵапак сыӵе ик, кыӵе нулдэ вал Виртанен. Тросэз Туве Янссонлэн лыдӟисьёсыз огымысь кадь верало, та персонаж тужгес но удалтэмез шуыса. Снусмумрик - эрико адями, гань-гань мурт, кудӥз уксё вылын возиськись дуннелэсь палэнскиз. Ачиз Янссон интервьюосаз шуылӥз: Эрико луыны но улыны отын, кытын потэ - тужгес но бадӟым шуд. 

Снусмумрик - тодмо огназ мынӥсь-ветлӥсь. Янссон сое котырес ымнырын, бадӟым синъёсын адямиен возьматэ. Солэн вылаз - вож зорлэсь утись плащ но тылыен вож шляпа. Нырысьсэ та персонаж Муми-троль но быжокизили книгаын пумиське: Муми-троль но Снифф Снусмумрикен гурезьёсы мыныкузы тодматско. Нош Муми-атайлэн ачиз сярысь гожтэмъёсыз книгаысь тодмо луэ, Снусмумриклэн анай-атаез - со Мюмла-анай но Юскаре. Атаез кадь ик Снусмумрик трос уг вераськы, мыныкуз-ветлыкуз сое адӟытэк но кылёд, угось со туж шыпыт ветлэ но котыр улослэсь уг висъяськы. Но со дыре ик Снусмумрик ассэ воземеныз паймытыны быгатэ, кылсярысь, паркез чакласесь кышкатыса (ас улоназ со караулчиосты гинэ адӟемпотостэм каре). Снусмумриклэн туж вожез потэ, куке со Гуждор вылтӥ ветлыны уг яра выллем гожтэмъёсты адӟе. Улоназ со трос кытӥ ветлӥз ни бере, тодэ, кызьы кышкыт учыръёсысь потыны. Огпол со арбуз лушкамез понна пытсэт сьӧры сюриз, но, музъем ултӥ сюрес лёгыса, пегӟыны быгатӥз. Снифен ӵошатоно ке, Снусмумрик арбериос борды уг думиськы, солэн тужгес кулэ арбериосыз пӧлы пыро: чильым, ымдур-арган, пуйы, палатка, вож зорлэсь утись плащ, вуж шляпа, вуж штань. Книгаысь книгае выжонъя, адӟиськом, Снусмумрик ас пушказ вые, огназгес кариськыны выре, лекгес но вераськисьтэмгес луэ (Шуркынмон пумын книгаын но Тулыс кырӟан веросын). Озьы ке но со котьку Муми-нёжалэ берта, пушдуннеяз гань-гань мед луоз шуыса. 

Тунсыко книгаысь книгае чакланы та персонажлэсь воштӥськемзэ. 1946-тӥ аръёсы потэм книгаосын Снусмумрик - отӥ-татӥ ветлӥсь кылбурчи, кудӥз котькыӵе мугъя кылбур гожтыны дась; ӵаш поттӥсь, ассэ яратӥсь персонаж, кудӥз йырин мукетъёсызлэн шуг-секытъёссы кылдо. Берло потэм книгаосаз Янссон та персонажзэ копак воштэ но вераськисьтэм дуннеез котыръясь муртлы пӧрмытэ. 




#Article 303: Africanews (105 words)


Africanews — Африкаысь уен-нуналэн иворъёс верась телеканал. Интыяське Пуэнт-Нуар карын, Конго Республикаын. Та канал луэ Франциын интыяськем Euronews телеканаллэн люкетэз. Солэн он-лайн, ТВ но спутник пыр вещаниез кутскиз 20-тӥ оштолэзе 2016 арын.

Africanews иворъёс поттылэ ӝыны часлы быдэ. Али вань программаосыз англи но француз кылъёсын потыло. Канал мукет кылъёсын но вещаниез кутскыны эсэпа, соос пӧлын — суахили, араб но португал кылъёс.

Africanews каналэз али учкымон шаеръёс: Буркина-Фасо, Бурунди, Камерун, Шор Африкаысь Республика, Чад, Конго Демократи Республика, Джибути, Экваториальной Гвинея, Габон, Гамбия, Гана, Гвинея, Гвинея-Бисау, Кот-д’Ивуар, Кения, Либерия, Мадагаскар, Мали, Мавритания, Мозамбик, Нигер, Нигерия, Конго Республика, Руанда, Сан-Томе но Принсипи, Сенегал, Сьерра-Леоне, Лымшор Африкаысь Республика, Танзания, Того, Уганда.




#Article 304: Бадӟым Каркалай (201 words)


Бадӟым Каркалай () — Удмуртиысь Ува ёросысь ӟуч гурт. Пыре Каркалай гурт поселение. Интыяськемын Ува — Мушковай — Чекан автомобиль сюрес дурын, ёрослэн центрезлэсь 11 километрын шунды ӝужан пала но Ижлэсь 54 километрын шунды пуксён пала. Гурт пыр Каркалай шур бызе.

Солэн нырысетӥ нимыз Костинский починка вылэм. Гуртэз 1864-тӥ арын ӟуч крестьянъёс инъязы.

XIX даурлэн пумаз гуртын одӥг гинэ Каркалай шур дуртӥ уйпалась лымшор пала кыстӥськем палдуръем урам вылэм.

Гуртлэн бусыосыз кыллизы солэсь шунды пуксён но шунды ӝужан палъёсын, кытын Папилэнъёсыз но Пичи Каркалайлэнъёсыз борды пыкиськизы. Нюлэсъёсыз кыллизы лымшор палан, кытын Каркалай станция туннэ интыяське, нош турын возьёс — шур дуртӥ.

Гуртысь тужгес зол хозяйствоос луизы: Иван Шутовлэнэз, Семён Загребинлэнэз, Варлам Копысовлэнэз, Афанасий Фёдоровлэнэз но Фома Коробейниковлэнэз.

Быдӟым Атыкай ож дырын кӧня ке адямиос быризы: И. М. Шутов, Г. Н. Коробейников, М. Н. Коробейников, З. Е. Костляев, Н. И. Дюпин но мукетъёсыз.

Гурт бусыосты Удмуртиысь МВД-лы сётэмен Бадӟым Каркалайын улон 1985 арысен умойгес луиз но гуртлэн тусбуйез туж воштӥськиз.

Со арын ик колония-поселениез инъямен гурт калыклэн трос малпамъёсыз быдэстӥськизы. Вакчи дыр куспын клуб, вузъюрт, нылпи сад, контора, аптека, библиотека, трос квартираосын юртъёс, мастерскойёс, муш бакча но мукет юртъёс пуктэмын вал.

Бадӟым Каркалай пыртӥ Ува — Каркалай но Ува — Чекан автомобиль асфальт сюресъёс ортчо. Автобусъёс гуртэз герӟалляло ёрослэн центреныз, Каркалай но Подмой станциосын, Мушковай но Чекан черкогуртъёсын.




#Article 305: Муско дыр (226 words)


Муско дыр (МСК, MSK) — дырлэн зонаезлэн нимыз, кытын Муско кар интыяськемын — Россия Федерацилэн шоркарез. Та дыр Россилэн Европаысь люкетысьтыз уноез улосъёсын кутӥське. 26-тӥ октябрьысен 2014-тӥ арысен со UTC+3 дырлы кельшэ, 27-тӥ мартысен 2011-тӥ арысен 25-тӥ октябрёзь 2014-тӥ арозь UTC+4 дырлы кельшиз.

Нырысь пал муско дыр Удмуртиын вожпотон ӧз кылдыты. Нош толлань трос адямиос валазы, муско дыръя пеймыт одӥг часлы вазьгес вуылэ шуыса. А инвожое куазь ӟардылэ уйшор бере ни. Соин сэрен адямиос, кинъёслы муско дыр ярамтэ, тросазы. Шуркынмонэ 2010-тӥ арын соос огазеяськизы неформальной организацие — «Время по Москве — жизнь во тьме» («Муско дыр — пеймытын улон»).

Шуркынмонэ — толсуре ини 2010-тӥ арын Ижын Шор площадьын ӝыт пал кӧня ке флэш-мобъёс ортчизы. Со флэш-мобъёс ӵоже люкаськем адямиос площадь вылтӥ тэк ветлылӥзы, фонарьёсын югыт карыса. 1-тӥ толсуре, 15 сюрс манет люкаса, активистъёс Карл Маркс урамын ошизы «Время по Москве? Жизнь во тьме!» рекламной баннерез. Однако 3-тӥ толсуре ини рекламной фирма та билборд васькытӥз, мугъёсты валэктытэк. Собере та баннер трос полъёс эшшо кутӥськиз мукет акциос дыръя. Озьы, 11-тӥ толсуре 2010-тӥ арын но 26-тӥ тулыспалэ 2011-тӥ арын Ижысь Шор площадьын та баннер улын кык пикет ортчытэмын вал. Соосты ортчытыкузы, активистъёс гражданъёслэсь гожъянъёссэс бичаллязы Самара дыре берытскон понна. Ваньмыз 2010—2012 аръёсын муско дырлы пумит петиция улын гожтӥськизы сюрслэсь трос адямиос.

Таки 2014-тӥ арын гинэ Удмуртиысь властьёс кылзӥзы калыклэсь верамзэ но берен сётӥзы республикалы час пояссэ. 26-тӥ коньывуонысен 2014-тӥ арысен Удмуртия выльысь Самара дыръя улэ.




#Article 306: Янссон, Туве (106 words)


Туве Янссон (9-тӥ гудырикошкон 1914 — 27-тӥ инвожо 2001) — тодмо финн-швед гожъяськись, суредась. Быдэс дуннелы тодмо луиз мумми-тролльёс сярысь книгаосыныз. Гожъяз швед кылын. 

Туве Янссон вордскиз 9-тӥ гудырикошконэ 1914-тӥ арын Хельсинкиын. Солэн анай-атаез — финн-швед скульптор Виктор Янссон но Швециын вордскем суредась Сигне Хаммарштен — ог-огзэс Парижын дышетскыкузы пумитазы но 1913-тӥ арын кузпалъяськизы. Туве кылдэм семьяын нырысетӥ пинал вал. Анай-атаез оскизы, солэсь суредась пӧрмоз шуыса. Берло семьяын эшшо кык нылпи вордскиз. Пер-Улоф Янссон (1920-тӥ арын) но Ларс Янссон (1926-тӥ арын) берло озьы ик суредасьёс луизы. 

Тувелэн пичи дырыз ортчиз Хельсинкиысь огаз коркан, кудаз со дыре трос мукет суредасьёс улӥзы. Но ӵемысь Туве кунояз песянаез дорын Швециысь Блидё нимо интыын.




#Article 307: Кайшева, Ульяна Николаевна (103 words)


Ульяна Николаевна Кайшева — Удмуртиысь биатлонист, 2012-тӥ арын егитъёслэн Инсбрукысь тол Олимпийской шудонъёссылэн чемпионзы 7,5 километръем уён гонкаын но бронза призёрзы 6 километръем спринтын. 2013-тӥ арын быдэс дуннелэн чемпионэз нылъёс пӧлын (19 аресозь). Европалэн биатлонын кык полъем чемпионэз нылъёс пӧлын (21 аресозь).

Ульяна Кайшева вордӥськиз Можгаын 8-тӥ южтолэзе 1994-тӥ арын спортивной семьяын. Солэн анай-атайёсыз — Николай Кайшев но Людмила Кайшева — куасэн ветлӥсьёс. Можгаын Ульяна 10 аресысен биатлонэ пырылыны кутскиз Алексей Фёдорович Коротаев, Удмурт Республикаысь дано тренер дорын. 2008-тӥ арысен со дышетскылӥз Ижын А. Л. Богданов Удмуртиысь дано тренерлэн кивалтэм улсаз. 2009-тӥ арын тренироваться кариськыны кутскиз Н. П. Савиновен А. И. Сусловен тренеръёсын Россиысь егитъёслэн командаязы. Солэн сузэрез но — Настя — биатлон яратэ.




#Article 308: Выль Ӟатча (101 words)


Выль Ӟатча () — Удмурт Элькунысь Эгра ёросысь черкогурт, Выль Ӟатча муниципал кылдытэтлэн центрез.

Интыяськемын Сибир трактын, Ижевсклэсь 80 иськемлы уйпал-шундыпуксён палангес но 30 иськемлы палэнтӥськемын Эгра черкогуртлэсь. Татын вань 7 ульча. Валтӥсь ульча, Центральной, кыстӥське 3 иськемлы Сибир тракт кузя. Лымшорпал-шундыӝужан палтӥз ульча быре шайвыл азьын, нош уйшорпал-шундыпуксён палтӥз быре Выль Ӟатча нюлэсвылэтлэн корка азяз. Центральной улчатӥ вамен кошке Красногор тракт.

Черкогурт палась нюлэсъёсын луэ адӟыны таӵе пӧйшуръёсыз: койык, лудкеч, ӟичы, бобр, кион, кырпарсь, коньы, гондыр. Чорыгъёс: карась, линь, налим, чипей, юш, биткон, карп. Нюжветлӥсьёс: уж, сьӧдйырокый, бака.

Писпуос: кызьпу, пипу, бадяр, лулпу, кыз, пужым, лыстэмпужым, беризь. Куакъёс: эмезь, сутэр, лэгезьпу.




#Article 309: Какумяэ (135 words)


Какумяэ () — Таллиннысь Хааберсти ёросысь микрорайон. Татын улэ 1 139 адями (2008).

Микрорайонын трос урамъёс вань: Ahvena tänav, Havi tänav, Jõeküla tee, Kahva tänav, Kammelja tänav, Kessi tänav, Kilu tänav, Kiviranna tee, Kiini Tänav, Kruusaranna tee, Kudu tänav, Landi tänav, Laose tänav, Latika tänav, Lehtmäe tänav, Lesta tänav, Liivaranna tee, Loigu tänav, Loomuse tänav, Lõhe tänav, Merihärja tänav, Nata tänav, Nigli tänav, Nooda tee, Ojakääru tänav, Oti tänav, Otsatalu tänav, Poru tänav, Põlde põik, Põlde tänav, Rajapere tänav, Räime tänav, Selise tänav, Siia tänav, Sikuti tänav, Silgu tänav, Silmu tänav, Soolahe tee, Sooranna tänav, Suurevälja tänav, Säina tänav, Särjesilma tänav, Teivi tänav, Tindi tänav, Tirgu tänav, Tursa tänav, Ujuki tänav, Unna tänav, Uustalu Tänav, Vabaõhumuuseumi tee, Vabe tänav, Vainutalu põik, Vainutalu tänav, Viidika tänav, Vimma tänav, Võrgukivi tänav, Vähi tänav, Kakumäe tee, Kaheküla tee.




#Article 310: South Park (107 words)


South Park (Лымшор парк) — Америкаысь Трэй Паркерен но Мэтт Стоунэн кылдытэм мультсериал. Американ телевиденилэн историысьтыз кыстӥськемъя кыкетӥез анимационной сериал (нырысетӥ интыын — «Симпсонъёс»). Потылэ 1997-тӥ арысен Comedy Central кабельной телеканалэ.

Сюжетлэн шораз ньыль пияшъёс — Эрик Картман, Стэн Марш, Кайл Брофловски, Кенни Маккормик — но эшъёссы, кудъёсыз Колорадо штатысь Саут-Парк пичи карын уло но школаын дышетско.

Мультсериал сереме уськытэ обществолэн улонысьтыз пӧртэм учыръёсты, культураысьтыз явлениосты, дуннеысь иворъёсты. Зол сатираен, сьӧд юморен но пышкылонэн сериал серекъялля трос мур осконъёсты, табуосты, мыдлань малпанъёсты; соос пӧлын — религиознойёсыз но расизмъяосыз.

Удмуртиын «2x2» но Paramount Comedy телеканалъёс та сериалэз ӟуч кылын адӟытыло (кабельной но спутниковой ТВ гинэ, удмурт кылын яке дунтэк эфир пыр вещанизы ӧвӧл).




#Article 311: Герд (огазеяськон) (156 words)


Удмурт лулчеберет ужчи Кузебай Герд Мускоын вылэм бере, ӵектӥзы огазеяськон дышетон понна сое шоркаре кылдытомы удмурт лулчеберетлы, удмурт кылос но улон-вылонэз.

Огазеяськонын «Бӧляк» 48 адями пырыны. Со ёзъёс лэсьтыны кутскизы Кузонын, Глазкарын, Ижкарын но Ваткаын. Егит адями, ёзмуртъёс этнографической экспедицие, научной конференциосы но издательской уж пыриськизы. 1925 арын кылдэм шуг-секыт. Берен берыктэ троссэ удмурт активистъёсты. 1926 арын потэ солэн Ижкарын шаертодонъя музейын огазеяськон понна ӵектэмын вал. Огазеяськон властьлэн ёзъёсаз сильтӧл кадь национализм результатъёс проявить ужез дунъяны. 1928 арын «Бӧляк» куашказ.

Выль тубон национально-культурной 63 ар ортчиз Мускоысь движение кутскимы, куке удмурт кылэз утён ужпумез луэ. Вань та ужпум шоры со вакытэ шаплы обсуждаться калыккуспо финн-угроведъёслэн конгрессъёс. Валан кылдытоно «финн-угор дунне».

Нырысетӥ этапаз ужа «Герд» организационной ужаз кыдо пыриськизы Россия Федерацилэн азьмуртэз бордын Удмурт Элькунлэн азьмуртэзлэн ялан ужась ёзэз ужасьёс басьтоно, сое тӧро В. С. Лебедев луиз.

Арлы быдэ ёзмуртъёс лыдзы будӥз. Удмурт йылолъёссэ, кылэз но лулчеберетлэн, наукалэн но дышетонлэн азинсконъёс вӧлдиз огазеяськон «Герд» Удмуртилэн палэназ. Со активной мер ужен Мускоын выре.




#Article 312: Дарт (836 words)


Dart — удмурт егитъёслы сӥзем газеты, Удмурт дунне газетлэн ватсэтэз.

Dart газетлэн нырысетӥ номерез потӥз 2011-тӥ арын 26-тӥ толшоре. Газетэз кылдытонлэн валтӥсь мугъёсыз герӟаськемын егитъёслэн улоназы Интернет мур пыӵамен, выль, туала егит лыдӟисьёс будэмен. Зинаида Рябинина «Удмурт дунне» газетлэн редакторез нырысетӥ номераз гожтэ: «Егитъёсын пумиськонъёс дыръя матысьгес эшъяськыны ӵектэммылы соос, шумпотэм гинэ ӧвӧл, юрттӥськыны дась луэмзы сярысь веразы: сётэ гинэ милемлы амал, ми ваньзэ лэсьтом!»[2]. Ваньзэ тае лыдэ басьтыса, кылдытэмын вал котыр ласянь туала газет. 4 ар ӵоже Dart туала удмурт егитъёс пӧлын тужгес тодмоез но лыдӟымонэз газет луиз. 

Dart «Удмурт дунне» газетлэн егитъёслы сӥзем ватсэтэз луэ, потэ 8 полосаен А3 форматэн толэзяз одӥг пол, тӧдьы но сьӧд буёлъёсын. Тиражез али дырлы 1600 экземпляр котырын. Пуштросэзъя 16-30 аресъем удмурт егит лыдӟисьлэсь тунсыкъёссэс лыдэ басьтэ. Газетлы нимаз гожтӥськыны луэ почта но редакция пыр, куд-ог интыосы нуллэ курьер. Газет нимысьтыз уж нуэ вотэсын, «Вконтакте» мерлыко бамын. Газетэз быдэсак асьсэос егитъёс лэсьто: сое поттон понна кыл кутӥсьёс номерлэсь темазэ малпало, суредъёс утчало-лэсьто, егит авторъёсты материал гожтыны куро. 

Пӧртэм дыре егитъёслы Dart ватсэтэз поттон понна пӧртэм адямиос кыл кутӥзы, озьы солэн тусыз но пӧртэм луылӥз. Таин сэрен газетлэсь улон сюрессэ 3 вакытлы люкыны луэ: 

Воштӥське газетлэн вылтусыз но. Газетлэн али дизайнэз туала куронъёсъя радъямын: йыръянъёсын но врезъёсын засечкаостэк вакчи шрифтъёс кутӥсько (Museo Sans), бамъёсын юромо кельтӥсько буш интыос (омыр), материалъёс ӵемысь вакчиесь луо, кузьёсыз люкемын рубрикаосын, интервалъёсын, материалъёслэн валтӥсь малпанъёссы висъясько врезъёсын, газетэ пуктылӥсько бадӟым но умой ӟечлыкен туспуктэмъёс я суредъёс. 

Суред но материал газетын кылдыто одӥг образ - котькуд суред, туспуктэм материал борды нимысьтыз утчаське/лэсьтӥське, котькудӥз аслаз стиленыз висъяське (коллаж, графика, суред, туспуктэм, иллюстрация). Соосты лэсьтон понна уже кутӥсько туала программаос Adobe Photoshop но Adobe Illustrator. Та ласянь газет бордаз кыске туала егит усточиосты - туспуктӥсьёсты но суредась Евгений Бикузинэз (Чудья Жени), Ксения Ворончихинаез, Денис Корниловез, Марина Сергееваез, Андрей Першинэз, Евгений Ардашевез но мукетъёссэ. Озьы ик пусйыны кулэ, газет ивор сётонъя выль графической амалъёсын ужа: пумиське инфографика, комиксъёс но графика амалэн быдэстэм йыртӥянъёс.

Газетлэсь нырысетӥ макетсэ лэсьтӥсь дизайнер Алексей Шкляев вера:

Али дыре лыдӟись дышемын вакчи, капчи но яркыт материалъёслы. Кызьы И. Заппатерра (Yolanda Zappaterra) Editorial Design ужаз гожтэ: «Интернет чаляк малпаськыны быгатӥсь, чидасьтэм лыдӟисез кылдытӥз, кудӥз газетлэсь возьма радызъя тырем иворъёсты» [3]. Озьыен, чебер суредъёсты, инфографикаез сяна, тунсыко материалъёсты но. Dart газет авторъёс азе ужпум пуктэ: материалъёс тунсыкоесь, эмоциональноесь но тыроесь луыны кулэ. Туала егитъёс котьмаин тунсыкъясько, дуннеез котыръяло - таос сярысь соос газетэ гожъяло. Dart газетлэн авторъёсыз - азьветлӥсь но котьма быгатӥсь егитъёс. Соос пӧлын егит дизайнер Вера Штыкова, мур но тунсыко гожъяськисьёс Настя Шумилова, Марина Пахомова, Алёна Петрова (Дарали Лели), Настя Тутаева но мукетъёсыз; Туспуктӥсьёс, суредаськисьёс Евгений Бикузин (Чудья Жени), Ксения Ворончихина (Ксюша Чимали), Денис Корнилов, Марина Сергеева (Удмурточка) но мукетъёсыз. Котькудзылэн дунне шоры учконзы но темазы асьсэлэн, соин ик газетэз но соос тунсыкогес каро. Вераны кулэ, тросэз авторъёс ӧвӧл дышетскемын журналистлы, соос уг тодо жанръёслэсь аспӧртэмлыкъёссэс, уг ужало редакциын. Соин сэрен текстъёссы - трос жанръёслэсь сурет. Таӵе материалъёсты колонкае яке блоге гожтэм пост шуыны луоз. Талэн умой палыз - ортчем ужрад бере егитъёс мӧзмыт отчёт уг гожто, со понна асьсэ малпанъёссэс шараяны тыршо. 

Газетэз жанръёсъя дунъяд ке, ӵемысь пумисько репортажъёс (М. Пахомова «Куарагур гурла», Дарали Лели «Удмурт Ренессанс»), кунгож сьӧры ветлэмзы сярысь очеркъёс (К. Ворончихина «Isn’t it good, norwegian wood», В. Штыкова «Трос ымныро, бадӟым сюлэмо»), фин-угор конференциосысь отчётъёс (Л. Рябина «Мар уз луы Википедиын, со уз луы улонын», Н. Тутаева «Удмурт рэп воректӥз»), книгаослы, киноослы рецензиос (А. Шумилова «Берыктон пурты», В. Штыкова «Пылесос малпаське?»), тунсыко адямиосын интервьюос (М. Векшина «Пичи жанръем адями», Л. Шихова «Чумолё?»), ужпумъёсты сэрттӥсь-пертчись материалъёс (П. Эль «Кавер, ремикс яке плагиат», Н. Шумилова «Кӧня сылэ вӧсям ӝук?»). Куд-ог авторъёс - П. Эль, С. Коньков, С. Коробов, И. Трубицына, К. Шкляева - гожъяло ӟуч кылын - со пӧртэм удысъёсысь специалистъёс. Dart газетысь трос пумо рубрикаос «крезьгур», «мода», «зарни егитъёс», «культпросвет», «кино», «книга ӝажы», «иворъёс» шоры учкыса, валаськод: газет котькыӵе удысэз лыдэ басьтэ. Пуштросэзъя журнал доры.
Кылыз ласянь Dart газет кылчиослэсь но писательёслэсь трос тышкаськонъёс кылэ. Егитъёслэн гожъяськон амалзы пӧртэм луэ. Материалъёсазы соос пырто англи, ӟуч но юромо малпам выль (блогер - «чурали», модель - «модали») кылъёсты. «Кенеш» журналысь проза отделлэн валтӥсь редакторез О. Г. Четкарёв шуэ: «Куддыр Dart газетлэн материалъёсыз туала кылбурчилэн Богдан Анфиногеновлэн гожъямъёсызлы укшало: суро-пожо, ӟучо-удмурто». 
Dart газет лыдӟисьёсын кусып возьыны турттэ. Литературной ӝытъёс, творческой пумиськонъёс радъя, концертъёс ортчытъя, лыдӟисьёсын пумиськонъёсы гуртъёсы пота (Алнаш ёросысь Байтэрек гурт, Шаркан ёросысь Ляльшур гурт).

Улон азинскемен валче газетлы оглом куронъёс но воштӥсько. Али дырлы Dart бордын тыршисьёс, лыдӟисьёсты город улонэн тодматэм, гурт егитъёслэсь асваланзэс ӝутэм сяна, ас азязы мукет но ужпумъёс пукто:

Та ужпумъёс бордын Dart газет азьланяз ужалоз. 

Россиын информационной ӧрлэн аслаз аспӧртэмлыкъёсыз, но арысь аре шундыпуксён палась информационной культура пыӵа асьме культурае но. Удмурт егитъёс, вераны кулэ, мукет калыкысь егитъёсын оградын вамышъяло. Глобализация ӵушылэ калыкъёс вискысь борддоръёсты, ӧжыт лыдъем калыкъёс адӟем каро трос лыдъемъёсызлэсь. Удмуртъёс али шундыпуксён палась фин-угор кунъёсын ӟеч кусып возё, конференциосы ветло, пӧртэм культураосын тунсыкъясько. Газетлы куронъёс чурытгес луо. Туала удмурт культура сярысь йырмес выллань ӝутыса веран понна кыл кутыны кулэ котыр ласянь ӟеч газет (пуштросэзъя, дизайнэзъя, калыкен ужамезъя) поттон понна но. Dart газет та куронъёслы быдэсак тупа.




#Article 313: Чернобров, Вадим Александрович (147 words)


Вадим Александрович Чернобров (17-тӥ пӧсьтолэзе 1965 — 18-тӥ куартолэзе 2017) — Россиысь туж тодмо уфолог, аномальной явлениосты исследователь, криптобиолог, спелеолог, футуролог, «Космопоиск» калыккуспо научно-исследовательской огазеяськонлэн координаторез. Техника наукаосъя кандидат. Витьтонлэсь ятыр книгаослэн авторзы.

Вадим Чернобров вордӥськиз 17-тӥ июле 1965-тӥ аре Волгоград улосысь Жирновск карын. Школаез йылпумъяса со кошкиз совето армие, пограничной войскоосы. Армиысь берытскыку Мускоысь Орджоникидзе нимо авиационной институтэ (МАИ) дышетскыны пыриз, аэрокосмической факультетэ. Отын со дышетылӥз инсьӧр системаосты но ракетаосты лэсьтонэз. Институтэз йылпумъяса аэрокосмической инженер луиз. Собере Хруничев нимо заводын ужаз. Уйин 18-тӥ мае 2017-тӥ аре Мускоын секыт висён бере Вадим Чернобров улонысь кошкиз.

Институтын дышетскыку на Вадим студентъёсын ӵош инъяз группаез, кудӥз аномальной явлениосты эскерыны кутскиз. Группа походъёсы но экспедициосы мынылэмез вал СССР-ысь пӧртэм улосъёсын но кунгож сьӧрын. Берло, 1990-тӥ аръёсын, та группа пӧрмиз «Космопоиск» огазеяськонлы.

В. А. Чернобров «Космопоиск» ООНИО ӵошен ӧжыт тодмо криптофизической, аномальной явлениосты но мукет пограничной, прорывной направлениосты эскеризы басьтэм тодонъёсты азьланяз уже кутон понна.




#Article 314: Сарапулысь автобус (101 words)


Сарапулысь автобус () — кар мерлыко транспорт Сарапулын. Со сяна транспортлэн мукет йӧсъёсыз городын ӧвӧл, соин ик автобусэн нуонъёс-ваёнъёс Сарапул улонын бадӟым роль шудо. Огпала мынон сылэ 20 манет (2017 арын).

Нырысетӥ автобусъёс кар урамъёстӥ 1930-тӥ арын ветлылыны ӧдъяллямзы. Со арын 1-тӥ толсуре Сарапул урамъёсын ошемын вал ялонъёс, кытын автобусъёслэн ужанрадзы, билетъёссылэн дунзы пыр-поч гожтэмын вал но дугдылон интыоссы пусъемын. Багажен огпала мынонлэн дуныз (карысен вокзалозь) одӥг манет вал, но кар пушкын — 25 копейка. Билеттэк мынон бере 3 манетъем штраф тыроно вал. Автобусэн мынон-ветлонлы таӵе правилоосты пуктӥз городысь возёсъя комитет.

Сарапулын автобус транспорт удысын трос коммерческой предприятиос ужало.

Автобусэн нуись-вайись компаниослэн списоксы:




#Article 315: Уэльс (128 words)


Уэльс (, ) — Великобританилэн но Уйпал Ирландилэн Огазеяськем Королевствоязы пырись шаер, азьвыл дыръя эрико кельт королевствоослэн котретсы. Великобританилэн лымшор-шундыпуксён палаз интыяськемын, шунды ӝужан палан солэн бускельёсыз Англиысь графствоос луо: Чешир, Шропшир, Херефордшир но Глостершир. Куинь палысен со вуэн котыртэмын.

Туала кунгожъёсаз Уэльс нимаз кун ноку но ӧй вал. Шаерлэн шоркарез 1955-тӥ арысен луэ Кардифф.

Уэльс узыр вумуслы, музъем эгырлы, кортлы (Гламорган), графитлы, узвесьлы. Лымшор палаз Лымшор Уэльсысь музъем эгыр бассейн интыяськемын.

Валтӥсь ужъёс: гурезь уж но промышленность, со сяна, музъем ужан но пудо вордон (19 % — гырон интыос, 10 % — возьёс, 3 % — пудо возён интыос, 31 % — нюлэсъёс).

Валтӥсь калыкъёс — уэльсъёс (яке валлиецъёс, 1,9 млн) но англичанъёс. Куд-ог уэльсъёс ас вордскем кылазы верасько. Уэльс кыл уже кутӥське масс-медиаын (газетъёс, ТВ, радио), интернет-сайтъёсын.




#Article 316: Лигур зарезь (131 words)


Лигур зарезь (, , ) — Средиземной зарезьлэн люкетэз Корсика шормуӵ но Лигурия (Италилэн ярдурез) куспын.

Нимыз пӧрмемын лигуръёс вашкала ӵыжы-выжылэсь, кудӥз улэ вал Рона шур валлин.

Лигур зарезь интыяське Средиземной зарезьлэн шундыпуксёнпал бассейназ но кыстӥське Лигурилэн но Тосканалэн ярдуръёсысенызы Францилэн Корсика шормуӵозяз.

Лигур зарезьлэн уйпалаз Генуэзской сюм кылле. Лымшор-шунды ӝужан палан Тоскана архипелаг пыр со Тиррен зарезен герӟаськемын.

Калыккуспо гидрографической организация Лигур зарезьлэн дуръёсыз сярысь озьы шуэ:

Лымшор-шунды пуксён палан. Гож, кудӥз герӟа Кап-Корс мунырез (9°23′ ӵ. д.) — Корсикалэсь уйпал точказэ, Францилэн но Италилэн огъя кунгоженызы (7°31′ ӵ. д.).

Лымшор-шунды ӝужан палан. Кап-Корсэз Тинетто шормуӵен герӟась гож (), а отысен Тино но Пальмария шормуӵъёс пыртӥ Италилэн ярдураз интыяськем Сан-Пьетро-Пойнтозь ().

Уйпалан. Италилэн Лигур ярдурез.

Зарезь ярдур вылын интыясько Ривьера тодмо курортной ёрос, Генуяысь порт, Савона, Специя (Италия), Ницца (Франция) портъёс.




#Article 317: Урасинова, Ангелина Петровна (338 words)


Ангелина Петровна Урасинова (нылдыр нимыз Ангелина Петровна Наговицына, вордскемын 15-тӥ куарусёнэ 1938) — удмурт шаертодосчи, гожъяськись, удмурт но бесерман калыкъёслэн культуразылэн популяризаторез, удмурт но бесерман калыкъёслэсь сям-йылолъёссэс утисез.

Вордскемын Удмурт Автономи Элькунысь Балезино ёросысь Турецкой райсоветысь Поторочино гуртын (ХХ даурысь 80-тӥ аръёсы перспектива луисьтэм шуыса ликвидировать каремын). Удмурт. Вамъя воршудысь.

Аиз — Наговицын Пётр Романович, мумиз — Наговицына (ныл дыръяз Максимова) Агния Фёдоровна. Ожлэсь азьло атаез машина-трактор станциын ужамын, анаез кунян возьмась луыса колхозын тыршемын.

Атаез Быдӟым Атыкай ож вакытэ ужан фронтын Мускоын быриз, пинал дырзэ А. П. Урасинова атаезтэк ортчытӥз.

Глазкарысь педагоги дышетсконниез пичи классъёсын дышетӥсь специальностен 1956-тӥ арын йылпумъяз. 1966 -ти арын Глазкарысь педагоги институтэз заочной амалэн быдтӥз.

Дышетэмзэ быдтэмез бере, Балезино ёросысь Юнды черкогуртэ уже лэземын вал. Отын бесерман семьяысь Урасинов Гаен тодматскиз, солы бызиз.

Бесерман семьяын, бесерман черкогуртын улыса, бесерман калыкен, солэн кылыныз, культураеныз тунсыкъяськыны ӧдъяз. Та калыклэн историез, культураез, сям-йылолъёсыз сярысь тодэт люканы кутскиз. Шаертодосэн вырыны ӧдъяз: тупен-тупен шаерлэсь историзэ эскериз, Урасинов семьяысь Миколапи выжылэсь генеалогизэ эскериз, со сяна Юндылэсь историзэ но, Балезино ёрослэн историысьтыз пӧртэм аспектъёсты но сэрттылӥз-пертчылӥз.

Юнды черкогуртысь школаын удмурт кыл но удмурт литератураен дышетӥсьын, покчи классъёсын дышетӥсьын, пионеръёсты нуисьын, класссьӧр (внеклассной) но школасьӧр (внешкольной) ужлэн радъясез луыса, школаысь лыдӟетъюртлэн кивалтӥсез луыса ужаз.

А. П. Урасиновалэн кичӧлтэмезъя 6 куартолэзе 1986 аре Юнды черкогуртын фольклор ансамбыль кылдытэмын вал. Та ансамбыль Юндыысь бесерман крезьёсты мытыса улӥз.

Ангелина Урасиновалэн тыршемезлы тау карыса, Юндыысь ог 10 бесерман крезь гожтыса утемын вал. Урасиновалы тау карыса дуннелы бесерман крезьёс тодмо луизы.

А. П. Урасиновалэн кичӧлтэмезъя Юндыын шаертодос музей кылдытэмын. Нырысь со школа музей луыны кулэ вал, нош сэре со быдэс черкогуртлэн музеез луиз. 1990-тӥ арын нимлыко усьтӥськонэз ортчиз. 1992-тӥ арын музеез шаертодос статусэн пусйизы. Ангелина Урасинова музейлы экспонатъёс ас киыныз люкалляз. Та ужын трос юрттӥзы Юндыысь мӧйыос: Урасинов Варсанофий Михайлович, Урасинов Сократ Яковлевич, Биянов Вениамин Терентьевич, Урасинов Николай Максимович, фольклор ансамбыле пыриськисьёс.

Со вакытысен та 2018 арысь шуркынмонозь Урасинова Ангелина музейлэн директорез луыса ужаз.

Юнды шайвылысь Быдӟым Атыкай оже бырем тодмотэм солдатъёслэсь шайгузэс тупатон мытӥз. Юндыын ужам черкысь вӧсясь но солэн семьяезлэсь шайгузэс тупатон ужъёсты радъяз, Урасинов семьяысь Миколапи выжыысь Урасинов Николайлэсь шайгузэс кичӧлтэмезъя тупатӥзы.




#Article 318: Выль Мултанысь бугыръяськон (245 words)


Выль Мултанысь бугыръяськон — Ватка губерниысь Малмыж утемысь Мултан, Сюмси (мукет даннойёсъя Сьӧлта) но Узи волостьёсысь удмурт но ӟуч крестьянъёслэн восстанизы. Нырысетӥ ӟуч революцилэн люкетэз луэ. Ортче вал 1906-тӥ аре куарусён толэзе.

Эксэй улын курадӟыса улон удмурт калыкез но бугыръяськыны ӝутылӥз.

Куанеръёслэсь секыт улэмзэс адӟыса Выль Мултан ёросысь, Сьӧлта но Узя волостьёсысь дышетӥсьёс калыкез валэктон уж котыре кутскизы. Школаосы удмуртъёсты люкаллязы но отын лыдӟиськон валэктон ортчытылӥзы. Та ужпумын азьворттӥсьсы Выль Мултан школаысь дышетӥсь Кондорский вал. Со сяна но верам волостьёсысь дышетӥсьёс тросэз сюлмо калык пӧлын ужазы. Ваньзы соос «Учительской Союзэ» пыремын вал. Правительство дышетӥсьёслэсь ужамзэс шӧдыса, жандармъёссэ гуртъёсы пуктылӥз. Соос кенешъёсты улляллязы, ужасьёсты кутылӥзы. Со сэрен дышетӥсьёслы лушкем (губечын) ужано луиз. 1905-тӥ арын Кондорский дышетӥсез арестовать карыса Сибире келязы.

Раппопортэз пытсамзэс тодыса, 5-тӥ (18-тӥ) сентябре Выль Мултанэ пумтэм-йылтэм калык люкаськиз. Люкаськем калык Раппопортэз лэзьыны куриз. Исправник Панаев калыкез буйгатыны медэ вал но, ӧз пӧрмыты. Крестьянъёс, запасной солдатъёс пумен ӟырдаса Раппопорт понна кесяськизы. Исправник полициеныз соку правленилэн коркаяз вал. Педлось лекомем калык Раппопортэз лэзьымтэзэс тодыса, кужмысь правление пырыны ӧдъязы. Кинке «Долой полицию» шуиз но вань калык бугырскиз. Кин бодыен, кин тӥрен правление вылэ мынэ. Начальникъёс правлениысь укноосытӥ тэтчазы. Пегӟисьёсты кутылыса кылзэс юаса жугылӥзы.

Туж сылало усиз Выль Мултан калыклы дышетӥсьёслы эрике поттэмзы. 8-тӥ (21-тӥ) сентябре Выль Мултанэ 30 мурт конной полиция вуиз. Кӧня гинэ куанер удмуртъёсты курадӟытӥзы соос. Кинэ бычкизы, кинэ тышказы, кинэ виылӥзы. Дышетӥсьёсты тюрьмае пытсаллязы. Удмуртъёс коркасьтызы ке потаны ӧз ни дӥсьтылэ. Ар ортчыса суд вал: 4 муртлы 10 ар каторга сётӥзы. Троссэ ссылкае келязы.




#Article 319: Ижысь подшипниковой завод (216 words)


Ижысь подшипниковой завод (ИПЗ) — Иж карысь подшипник поттонъя завод. Интыяськемын вал городлэн шораз, Удмурт урам, 304 адресъя. 1993-тӥ арын акционерной обществолы пӧрмытозь, со 13-тӥ номеро кун подшипниковой завод шуыса нимаське вал. 1995-тӥ арын татын 1500 пала адями ужаз, заводлэн площадез 22 сюрс м² вал.

Заводлэн проектэз 1957-тӥ арын куартолэзе юнматэмын. 1958-тӥ арын оштолэзе ни нырысетӥ подшипникъёс поттэмын. 1958—1965 аръёсын предприятиын лэсьтэм продукция Удмуртиысь но Предуральеысь машиностроительной заводъёсы кошкылӥз. ИЖ мотоциклъёслы 203-тӥ но 205-тӥ сериослэн подшипникъёссы поттӥсько вал, Ижысь механической заводлы — 306-тӥ серилэнъёсыз. Ижысь мотозаводэ подшипникъёслэсь 15 йӧссэс келяло вал, Воткаысь машиностроительной заводэ — 4 йӧссэс, Сарапулысь электрогенератор заводэ — 3 йӧссэс. 80-тӥ аръёслэн пумазы арлы быдэ завод 35 миллионлэсь трос подшипник лэсьтылӥз, потребительёслэн лыдзы укмыс сюозь йылӥз. Трос технологической процессъёсыз заводын станок-автоматъёс быдэстылӥзы. 1988—1990 аръёсын игольчатой подшипникъёсты поттон радъямын. 1996-тӥ арлэн кутсконаз предприятилэн продукциез кутӥськылӥз «Жигули», «Волга», «Москвич» автомобильёсын передачаослэн коробкаосазы, подшипник поттонлэн ог 60%-эз экспортэ потӥз. Валтӥсь продукция сяна завод озьы ик калыклы тросэн кулэ луись вузъёсты поттӥз.

Предприятиез ӝог быдтонлы кутскон понэмын луиз 2003-тӥ арын гудырикошкон толэзе, куке заводлэн акциосызлэсь контрольной пакетсэс басьтӥз «Курскысь подшипниковой компания» ЗАО (АПЗ-20). Бӧрысь тодмо луиз: выль кузёослэн валтӥсь ужпумзы вал — конкурентэз быдтыны. Кӧня ке нуналскын заводлэн уникальной оборудованиез витёнтэм шорысь Курске нуэмын вал. Ижысь предприятие юри пӧрмытэмын банкротлы но собере быдтэмын. Али азьвылыз заводлэн юртъёсаз офисъёс, вузкаронниос но супермаркетъёс интыясько.




#Article 320: Metro AG (219 words)


Metro AG — компаниослэн группазы, Европаын быдӟалая куинетӥ интыын но дуннеын — ньылетӥ интыын сылӥсь вузкарон сетен кивалтӥсь. 

Кивалтӥсь компания 1996-тӥ арын кылдытэмын вал, Metro Cash  Carry, Kaufhof Holding AG но Asko Deutsche Kaufhaus AG огазеяса.

Metro Cash  Carry кылдытэмын вал Шунды пуксён пал Германиын 1964-тӥ арын профессорен Отто Байсхаймен (Otto Beisheim, 2013-тӥ арын тулыспал толэзе кулэм). 1967-тӥ арын Отто Байсхайм, Шмидт-Рутенбек (Schmidt-Ruthenbeck) семья но Franz Haniel  Cie компания огкадь люкетъёсын эштосэз кылдытӥзы. Сеть кылдытӥсь, Отто Байсхайм, Кыкетӥ дунневыл ож дыръя ожмаськиз СС-лэн элитной люкетаз — 1-тӥ танковой дивизиын «Лейбштандарте СС Адольф Гитлер». Быдэс улэмез ӵоже Байсхайм одӥг но интервью ӧз сёты.

Бӧрысь Metro Cash  Carry но Makro сэзь азинскылӥзы герман рынокын гинэ ӧвӧл, Нидерландын но, собере быдэс дуннеын но.

Metro Group-лэн валтӥсь кузёосыз — немец ужбергатӥсьёслэн семьяоссы Ханиель (30,01% куара сётӥсь акциос), Шмидт-Рутенбек (15,77% куара сётӥсь акциос) но Байсхайм (9,10 % куара сётӥсь акциос), кылем акциос эркын обращениын луо.

Metro Group-лэн 2200 вузкарон центрез дуннеысь 31 кунын вань: Австриын, Бельгиын, Болгариын, Вьетнамын, Венгриын, Германиын, Грециын, Даниын, Испаниын, Индиын, Италиын, Казахстанын, Китайын, Молдавиын, Люксембургын, Нидерландын, Пакистанын, Польшаын, Португалиын, Румыниын, Россиын, Сербиын, Словакиын, Турциын, Украинаын, Франциын, Хорватиын, Чехиын, Швейцариын, Швециын, Япониын.

Оглом Metro Group-ын 255 сюрслэсь трос адямиос ужало. Компанилэн табышез 2013/14 арын 63,035 млрд евро вал.

Холдинге пырись Metro Cash  Carry вузкарон сетьын 766 вузкарон центр лыдъяське 28 кунын.




#Article 321: Заводской станция (164 words)


Заводской () — Горький чугун сюреслэн Иж регионысьтыз чугун сюрес станция. Интыяськемын Иж карысь Ленин административной ёросысь Эмезь гурезь улон ёросын, Иж тыметлэн бурпал ярдурезлы матын.

Заводской луэ Ижысен Балезиноозь чугун сюреслэн нырысетӥ дугдылон интыез. Станция ужаны кутскиз 1944-тӥ арын.

Станцилэн уйпал люкетаз сюресъёсыз ортчо Иж тыметэ усись Малиновка шур вамен выж вылтӥ. Собере уйпаллань Люкшудья пала чугун сюрес тымет дуртӥ ортче вулэсь сю метрын гинэ. Станцилэн лымшорпал пумызлэсь кӧня ке промышленной служебной сюресъёс улвайясько, со лыдын, ячеистой бетон поттонъя заводэ пырон сюрес.

Азьло дыръя та станциын вить сюрес вал. Табере (2018-тӥ арын) куинь гинэ ужась сюресъёс кылизы.

Станцилэн кык платформаез вань: урдсысез но шормуӵ тусъемез. Урдсысь платформа кузь луэ но 1-тӥ сюресэн ужа. Шормуӵ тусъем платформа вакчи, со 2-тӥ но 3-тӥ сюресъёс вискын кылле.

Станциын вань пригород поездъёс дугдыло. Кыдёке мынӥсь поездъёс станция пыртӥ дугдытэк ортчыло. 2017-тӥ арын пригород поездъёс мынӥзы-ветлӥзы таосызозь станциосозь:

Станцилэсь 600 метрлы палэнын, Шабердӥ тракт вылын, «Эмезь гурезь» дугдылонни интыяськемын. Отын 8-тӥ, 21-тӥ, 34-тӥ но 353-тӥ номеро автобусъёсы пуксьыны луоз.




#Article 322: 92 км (Киров улосысь платформа) (159 words)


Дугдылон инты пуктэмын Озёрница-Кировская — Лесные Поляны одӥг сюресъем электрифицировать карымтэ перегонэ. Нимамын Яр станцилэсь иськемъёсъя. Лэсьтэмын одӥг урдэс платформалэсь, кудӥз чугун сюреслэн шунды ӝужан палыз валлин кылле.

Азьло дыръя 92-тӥ километр луэ вал разъезд, кудӥз вӧзын железнодорожникъёслэн посёлоксы кылдэм — 92 км чугун сюрес разъезд. Чугун сюреслэн люкетэз, кудӥз бордын со ужаз, 1930-тӥ аръёсы лэсьтэмын вал но 1940-тӥ аре ялан эксплуатацилы сётэмын. Нырысь-валысь 92-тӥ км Волосковской сельсоветлэн территорияз интыяськиз, собере — Белозерской сельсоветлэн (гурт округлэн) территорияз. 2011-тӥ арын Белозерской гурт поселение быдтэмын вал, солэн музъемъёсыз Ватка гурт поселенилэн составаз пыризы. 2010-тӥ арысь даннойёсъя посёлокын 5 адями гинэ ялан улэ.

Платформаысен шунды пуксён пала пыдын мыныса, Турундаевской гуртэ лыктыны луоз. Отӥяз, со гурт сьӧрын, Ватка шур бызе.

Дугдылон интыын пригородной но местной поездъёсысь пассажиръёслэн васьконзы но пуксёнзы быдэсъясько. Багажез басьтон но сётон уг быдэсъясько. 92-тӥ км платформа пыр калыкез нуон-ваёнъёсын кивалтэ Волго-Вятской пригородной пассажирской компания (ВВППК). 2018-тӥ арын поездъёс мыно-ветло уйпаллань Рудничной но Светлополянск посёлокъёсозь, лымшор пала — Удмуртие (Яр ёросэ) но Киров карозь.




#Article 323: Горький чугун сюреслэн Иж регионэз (177 words)


Горький чугун сюреслэн Иж регионэз — Горький чугун сюреслэн вить регионъёсыз пӧлысь одӥгез. Кылдытэмын 2010-тӥ арын ГЖД-лэсь одӥг нимъем люкетсэ (отделенизэ) пӧрмытэмен. Удмуртиысь тросэныз чугун сюресъёсын кивалтэ. Озьы ик ужа чугун сюрес инфраструктура бордын Свердловск улосын, Пермь шаерын, Татарстанын но Башкортостанын.

Горький чугун сюреслэн Иж регионэзлэн кивалтонниез интыяськемын Иж карын, Гагарин урам, 4-тӥ юрт адресъя. Иж регионлэн валтӥсь станциез луэ Ижевск станция.

ГЖД-лэн Иж регионэзлэн историез 1945-тӥ арын кутскиз. Со аре южтолэзе Кузон чугун сюреслэн кивалтонниезлэн косонэныз Ижевск станциын нуон-ваёнъя но паровоз возёсъя ёзэтъёс кылдытэмын вал. 24-тӥ толсуре 1947-тӥ арын соос пӧрмытэмын Кузон чугун сюреслэн Иж люкетэзлы. Составаз пырем сюресъёслэн огъя кузьдалазы нырысь-валысь 347 км гинэ вал. Иж люкетлы ужаны юрттылӥзы Агрыз станцилэн но Пермь чугун сюреслэн паровоз депооссы.

Регионлэн пумъёсыз луо станциос: Зилай (уйпалан), Алнаш (лымшор палан), Кизнер (лымшор-шунды пуксён палан) но Дружинино (шунды ӝужан палан). Вань сюресъёслэн огъя кузьдалазы 1200 пала километр.

Иж регионлэн сюресъёсаз сложной инженерной лэсьтӥськемъёс ӧжыт ӧвӧл. Соос пӧлын Кам вамен кык сюресъем выж, 40 метр мурда шорнюк вамен виадук Полухино котырсконын, гурезь сюрлоос улын трос иськемъем тоннельёс Красноуфимск кар ёросын но мукетыз.




#Article 324: Горький чугун сюреслэн Кузон регионэз (111 words)


Горький чугун сюреслэн Кузон регионэз — Горький чугун сюреслэн вить регионъёсыз пӧлысь одӥгез. Кылдытэмын 1-тӥ пӧсьтолэзе 2010-тӥ арын ГЖД-лэсь одӥг нимъем люкетсэ (отделенизэ) пӧрмытэмен. Кивалтэ чугун сюрес инфраструктураен Татарстанын, Марий Элын, Мордовиын, Чувашиын, Киров улосын, ӧжытак Удмуртиын (Кизнер ёросын) но Ульяновск улосын. Регионлэн кивалтонниез интыяське Кузонын, Чернышевский урамын.

Регионлэн начальникез — Черемнов Александр Павлович. Валтӥсь инженерез — Ананьин Евгений Сергеевич.

Горький чугун сюреслэн Кузон регионэзлэн пумъёсыз луо станциос: Кизнер (шунды ӝужан палан), Канаш (шунды пуксён палан), Красный Узел но Цильна (лымшор палан).

Удмуртиысь Кизнер ёросын ГЖД-лэн Кузон регионэз кивалтэ Казанбург чугун сюреслэн 8 километръем оглюкетэныз (Киров улосэн кунгожысен Кизнер станциозь). Со оглюкетын электричкаослэн одӥг гинэ дугдылон интызы вань — Кочетло платформа.




#Article 325: Эгей зарезь (131 words)


Эгей зарезь (, ,  — «Тӧдьы зарезь») — Средиземной зарезьлэн бассейназ, Балкан но Пичи Азия мукожъёс но Крит шормуӵ куспын интыяськем ӝубис зарезь. Уйпал-Шунды ӝужан палан Дарданелъёс проливен со герӟаське Мрамор зарезен но отӥяз Сьӧд зарезен, лымшор палан шормуӵъёс вискын ортчись кӧня ке проливъёсын — Средиземной зарезен. Площадез ог 179 км². Зарезь кылдэмын плиоцен пумын но плейстоцен вакытэ кӧсмувырлэн (Эгеидалэн) выеменыз сэрен, кудӥзлэсь кылемъёсыз туж трос шормуӵъёслы пӧрмиллям (соин ик Эгей зарезез азьвыл дыръя Архипелаг зарезь шуо вылэм). Зарезьлэн огшоры мурдалаез 200-ысен 1000 метрозь (тужгес но мурез инты — 2529 метр). Зарезьлэн ӝытпал люкетаз ву бызе лымшор пала, ӵукпал люкетаз — уйпаллань; бызёнъёслэн ӝоглыксы 0,5—1 км/ч палозь. Ву выллэн температураез тол 11—15 °С, гужем 22—25 °С. 350 метрлэсь мургем ву температура арбыт уг вошъяськы (12—13 °C). Вулэн кузьытлыкез 37,0—40,0 ‰. Валтӥсь портъёс: Пирей, Салоники (Греция), Измир (Турция).




#Article 326: Туктамышева, Елизавета Сергеевна (109 words)


Елизавета Сергеевна Туктамышева (вордскемын 17-тӥ толсуре 1996-тӥ аре, Глазкар, Удмуртия) — Удмуртиысь фигурной нискыланъёсъя спортсмен, оген нылкышно нискыланъёсъя ӵошатскылэ, дуннелэн чемпионэз 2015-тӥ арын, со арын ик дуннелэн командной чемпионатэзлэн азвесь призёрез но Европалэн чемпионэз, 2013-тӥ арын Россилэн чемпионэз но Европалэн чемпионатэзлэн бронза призёрез, 2014/2015 сезонын Гран-при финаллэн вормисез, I тол юношеской Олимпи шудонъёслэн чемпионзы (2012), 2010-тӥ арын юниоръёс пӧлын Гран-при финаллэн азвесь призёрез, 2011-тӥ арын дуннелэн юниоръёс пӧлын чемпионатэзлэн азвесь призёрез. Россиысь спортъя дано мастер.

Елизаветалэн анаез дышетӥсь луыса школаын ужа. Солэн атаез — азьвылыз куасчи, собере футболъя командалэн тренерез — 2011-тӥ арын оштолэзьлэн кутсконаз кулӥз. Елизавета вить аресаз конькиен нискыланы кутскиз, эшъяськыса ныл-фигуристъёсын гужем спортивной лагерьын, кытын атаез ужаз.




#Article 327: Глаз карлэн гербез (143 words)


Глаз карлэн гербез — геральдика правилоосъя суредам тодман пус, Удмуртиысь Глаз городлэн валтӥсь символэз. Нырысьсэ сое юнматӥз ӟуч императрица Екатерина II 28-тӥ куартолэзе (8-тӥ инвожое) 1781-тӥ арын. Кыкетӥзэ герб кутэмын вал 28-тӥ гудырикошконэ 2001-тӥ арын Глаз кар думалэн решениезъя.

Глазлэн гербез — шори люкем геральдика щит. Щитлэн вылӥ люкетаз пуксемын Ватка губернилэн гербез, угось Глазовской уезд азьвыл аръёсы пыре вал ӵапак та губерние: ӵуж-ӵуж буёл вылын суредамын тӧдьыалэс-чагыр пилемъёс. Нош со пушкысь адске пукыӵен ки. Со возьматэ православилы осконэз но язычествоен нюръяськонэз. Ки вылын пиштэ горд кирос — возьматэ кужмо, сӥлё-виро луммэс. Кунпуслэн ӵуж-ӵуж буёлэз валатон сётэ: та палъёсын уло узыр, сӥё-дано, тыршись, оскись адямиос.

Улӥяз, чагыралэс бусыын, пуктэмын адями син. Чагыралэс буёл возьматэ ӧрекчаськисьтэм, рос-прос, гажамон адямиез. Син возьматэ кык малпанэз. Нырысетӥез малпан герӟаськемын та городлэн нимыныз — Глазкар («глаз» — со «син» ӟуч сямен). Кыкетӥез малпан: Глазов республикамылэн шоркарызлэсь кыдёке интыяськемын ке но, со — шаермылэн синмыз.




#Article 328: Югытлэн ӝоглыкез (104 words)


Югытлэн ӝоглыкез буш интыын (вакуумын) — котькуд электромагнитной тулкымъёслэн (со лыдын, югытлэн) вӧлскон ӝоглыксы. Инъето физической константаос пӧлысь одӥгез, кудӥз физикалэн трос законъёсызлэн формулаосазы пыре. Та формулаосын сое c пичи латин букваен пусйыло. Та ӝоглыклэсь бадӟым ӝоглык, пӧй, ӧвӧл ини шуыса, Эйнштейнлэн относительностья теориез вера. Со теориын югытлэн ӝоглыкез инвариантэн лыдъяське.

Югытлэсь ӝоглыксэ нырысьсэ мертаз Даниысь астроном Рёмер XVII даурлэн пумаз. Собере та ӝоглыкез весяк шонергес но шонергес мертазы. Туннэ югытлэсь ӝоглыксэ кутыло 299 792 458 м/с карыса (вакуумын). Омыретӥ ортчем югытлэн ӝоглыкез но талэсь туж ичи пӧртэмъяське. Ву пушкетӥ югытлэн ӝоглыкез, омыретӥ мынэм сярысь ¾ луэ. Пияла пыр но омыретӥ сярысь югыт каллен мынэ.




#Article 329: Ву (202 words)


Ву (водородлэн оксидэз, химической формулаез — H2O) — водородлэн но кислородлэн огшоры условиосын куашкантэм химической герӟетсы (11,19 % массаез луэ водород но 88,81 % — кислород), молекулярной массаез — 18,0160; зынтэк но шӧмтэк тусбуйтэм кизер маке. Ву туж бадӟым роль шудылэ Музъемлэн геологической историяз, улонлэн кылдэмез дыръя, асьме планета вылын физической но химической пӧлъёсты, куазез кылдытыкуз. Вутэк асьмелы тодмоесь луло макеос улыны уг быгато.

Инкуазьын ву тужгес ик уно вӧлмем тырмет луэ. Кизер но чурыт тусэн со зарезьёсын, шуръёсын, тыосын тырмыса но лымы но йӧ луыса музъем выллэсь 4/5 интызэ басьтэ. Со музъеме но гурезь изъёсы пыӵамын, омыре пар луыса вӧлскемын, будосъёслэн но котькыӵе луло животъёслэн составазы пыре. Муртлэн мугораз, секталаезъя учкон дыръя, ¾ люкетэз вулы усе.

Инкуазьын ву ноку но чылкак чылкыт уг луы. Со пушкын котьку сылмем сылалъёс, газъёс но органической тырметъёс вань.

Химиын вулэн кӧня ке шонер нимъёсыз вань:

Нормальной условиосын ву луэ кизерлык. Солэн пӧзён температураез — 100 °C (373,15 K). 0 °C (273,15 K) температура дыръя кизер ву кынме, йӧлы пӧрмыса. Та пӧзён но кынмон температураос шонересь огсямен омыр зӥбет дыръя гинэ (760 мм рт. ст., 101 325 Па). Зӥбетлэн кулэсмемез дыръя, йӧлэн ӵыжан температураез каллен будэ, нош вулэн пӧзён температураез — синэ. 

Омыр зӥбет будэ дыръя, вулэн пӧзён температураез озьы ик будэ:




#Article 330: Югыт дунне (169 words)


Югыт дунне — асьмемыз котыртӥсь быдэс дунне. Со пространствоын но, дырын но йылтэм-пумтэм. Югыт дунне со формаосъя, кудъёсызлы пӧрмылэ материя азинскылыкуз, турлы-турлы луэ. Югыт дунне улӥз но улэ объективно, сое валаны турттӥсь адями визьсазь бордысь быдэнак. Югыт дуннеын унолэсь но уно ин телоос, кудъёсыз пӧлысь тросэз быдӟалаоссыя Музъемлэсь трослы бадӟымгес. Котькудӥз зэмос научной исследование соглаш луэ, югыт дунне зэмен но ик вань шуыса, огсямен вераса, солэсь материальностьсэ чотэ басьтэ.

Дуннеын луылӥсь пӧртэм учыръёс ог-огенызы герӟаськемын шуыса, материализм лыдъя. Соос азьланьтӥськыло пространство пушкытӥ но дыр кузя. Со герӟаськонъёсын кивалтӥсь закономерностьёсыз эскерон луэ естествознанилэн валтӥсь ужпумез. Пространствоез но дырез объективной реальностен лыдъясьтэм, соосты адямилэн шӧдон формаеныз гинэ шуись философской идеализмлы пумит сылыса, материализм пространствоез но дырез объективной реальность шуыса лыдъя. Соин пространство но дыр озьы ик дышетӥсько естествознаниын.

Материлэн югыт дунне пушкытӥ пространствоын но дырын интыяськемез, пӧртэмесь ин телоос но телоослэн системаоссы, кудъёсызлэсь луэ югыт дунне, астрономилэн куд-ог люкетъёсаз дышетоно предметэ пыро. Астрономия тодылэ югыт дуннелэн али эскерымон люкетэзлэсь пуштроссэ. Быдэс югыт дунне сярысь малпанъёс, вань научной тодонъёсысь потэмъёс, луо космологилэн ужпумез.




#Article 331: Керчь проливын учыр (201 words)


Керчь проливын учыр — Россия но Украина куспын 25-тӥ шуркынмонэ 2018-тӥ арын луэм зарезь ож. Со нуналэ Украинаысь ВМС-лэн корабльёсыз Сьӧд зарезьысь Азов зарезе выжыны турттӥзы. Керчь пролив ёрсын соосыз дугдытӥз Россиысь танкер, оккупационной властен лэсьтэм керчь выж улын сюресэз асэныз пытсаса. Собере украин корабльёс вылэ урдӥськизы Россиысь ВМФ-лэн но Ярдур охраналэн кужымъёссы — «Яны Капу» буксир таранэн вазгатэмын вал, но 12 миляем зоналэсь палэнын украин артиллерийской келясь катеръёс ыбылэмын вал.

Вань куинь украин судноосты ӟучъёс басьтӥзы. Пленэ шедизы 24 украин морякъёс, соос пӧлын 6 сӧсыртэмъёс.

Украинаын со нуналэ ик ожгар югдурез тупатон сярысь кенешыны СНБО-лэсь заседанизэ туж ӝог ӧтизы. Ожгар югдурез 30 нуналлы ялон пумысен решение 26-тӥ шуркынмонэ юнматэмын вал.

Евросоюзысь но НАТО-ысь кунъёс, Европалэн Кенешезлэн парламент ассамблеяез Россилэсь инцидент дыръя агресси каронъёссэ зол куркаризы. Россилэсь куризы-косӥзы Керчь проливын судоходстволы эрик берен сётыны, киултэм корабльёсты но экипажъёссэс мозмытыны. Украин корабльёсты ӝегатонэ пыриськисьёс ласянь санкциос бӧрысь тупатэмын вал.

Огазеяськем Нациослэн Организацизылэн Генеральной Ассамблеяез 17-тӥ толсуре тэргаз «Россилэсь Украиналы пумит кужымез зэматымтэ уже кутонзэ» но ӧтиз «кыл вератэк но ӝегатскытэк судноосты, экипажъёссэс но оборудованизэс эрике лэзьыны», озьы ик Украиналэсь Сьӧд но Азов зарезьёс вылтӥ но Керчь проливын эрико навигацизэ могӟытъямысь дугдыны.

Эстонилэн Президентэз Керсти Кальюлайд дуннелэсь куриз украин корабльёсты ыбылонэз Европаын война шуыса лыдъяны.




#Article 332: Миронов, Александр Сергеевич (134 words)


Александр Сергеевич Миронов (1905—1931) — удмурт писатель, проза гожъясь.

Александр Миронов 1905-тӥ арын Ватка губерниысь Глаз утемысь Вӧёгуртын вордскем. Глазкарын кык ёзо школаез пырпотыса быдтэ но «Гудыри» газетлэн редакцияз ужаны пыре. 1927-тӥ арын мынэ со Горд армие, ар ӵоже Одесса карын ожгар ужлы дышетске. Армиысь бертыса, нош ужа газет поттон ужын, «Кенеш» журналлэн редакцияз секретарьын но улэ. 1931-тӥ арын ожгар манёврын бырыны шеде.

Миронов егит писатель вал. Пичиесь веросъёс 1925-тӥ арысен гожъяны кутскиз. Нырысь веросъёсыз улонлэсь воштӥськемзэ выл ласянь гинэ возьмато. 1926-тӥ арын «Гудыръян дыръя» веросэз книгаен потӥз. Ньыль ар ортчыса, вылез «Шунды шорын» книгаез потэ, татын гожтэмез солэн Горд армия сярысь очеркъёс луо.

Литература ужпумын уногес ужамезъя солэн «Дас тямыс» но «Кыдало» веросъёсыз творчество ласянь азинскемзэ адӟыто 1933-тӥ арын, Мироновлэн бырем бераз ини, солэсь та дырозь печатламтэ веросъёссэ «Кыдало» нимо книгаен Удгиз поттӥз на.




#Article 333: Удмуртиысь экономика (144 words)


Удмуртиысь экономика — Россиысь улосъёс пӧлысь 34-тӥ экономика (ВВП-лэн объёмезъя лыдъяса). 2016-тӥ арын Удмуртиысь ВВП-лэн быдӟалаез 540,1 миллиард манет вал, адямилы быдэ — 356 сюрс манет.

Асьме эралэн 1-тӥ сюрсарезлэсь азьло туала Удмуртилэн территориез Ватка шур котыре интыяськем Ватка музъемлэн составаз пыре вал. Солэн пыр-выжы улӥсьёсызлэн — удмуртъёслэн, поръёслэн, комиослэн — валтӥсь ужъёссы вылэм огшоры музъем ужан, пӧйшуран, чорыгаллян но чечы кыскон.

Асьме эралэн 2-тӥ сюрсарезлэн кутсконаз шаерамы улэмъёслэн хозяйствозылы инъет луиз валэн гырыса музъем ужан. Будэтӥськылӥзы вазь, йыды, сезьы, валэс ӟег, небыт но карликовой чабей, тари, кӧжы, сяртчы, пыш, яснык. Удалтонэз сюрлоосын но кусоосын октылӥзы-калтылӥзы, октэм тысь изылӥзы, кӧос киын бергатыса. Гыроно мулэн быдӟалаез ялан паськыталляз вӧльылэмен, куке нюлэсэз кораса яке кенжытыса быдто, но выль интыын кизиське тысь, кудӥз пу усыен усыяське.

Озьы ик вордылӥзы сюро таза пудоез, валъёсыз, гурт кечъёсыз, ыжъёсыз, парсьёсыз. Нош пудо вордон бадӟым роль ӧз шуды, малы ке шуоно сӥльлы кулэяськон пӧйшуранэн тырмытскылӥз.




#Article 334: Удмурт латин алфавит (436 words)


Удмурт латин алфавит — латин букваослэсь лэсьтэм удмурт алфавит. Таӵе алфавит вылэ пыкъяськись гожъяськон сӧзнэтэз удмурт латиница шуо. Туннэ нуналлы удмурт латиницалэн трос пӧртэм йӧсъёсыз малпамын, нош соос пӧлысь одӥгез но официально кутэмын ӧвӧл.

Удмурт письменность кылдӥз XVIII даур пумын кириллицалэн инъет вылаз. Валамон, эксэй Россия вакытэ мукет алфавитъёс мыдвыжы кылъёс понна ӧз эскериськылэ ик: удмурт кыл со дыре ӟуч букваосын гинэ гожтӥськылыны быгатэ вал. Кириллицалэсь плюсъёссэ но минусъёссэ нокин ӧз ёзвия.

Ваньзэ воштӥз Быдӟым Октябрь социалистической революция. Россиысь калыкъёсты эрике лэзьыса, со культураоссэс но кылъёссэс азьланьтонлы выль инвисъёсты усьтӥз. 1918-тӥ арын ӟуч орфографиез реформа ортчытэмын вал. Со бӧрсьы мукет калыкъёс но письменностьёссэс умоятыны тыршылӥзы. Тросэз, нырысь ик тюрк калыкъёс, латиницае выжыны ӧдъязы. Совето власть сыӵе кичӧлтонъёслы мылкыд сётылӥз но котькызьы юрттылӥз. 1930-тӥ арын латиницае выжон пумысен Удмуртиын но малпаны кутскизы. Латин алфавит бордын малпакузы, удмурт активистъёс коми эшъёсын (В. И. Лыткинэн но мукетэныз) ӵош ужазы, угось удмурт но коми кылъёслэн фонематической сӧзнэтъёссы куспазы копак тупало бере, пуктэмын вал соослы кыкназылы одӥг латин алфавитэз лэсьтоно шуыса. 1931-тӥ арын Удмуртиын ужаны ӧдъяз Выль алфавитъя Всесоюзной центральной комитетлэн (ВА ВЦК) интыысь комитетэз (солэн ужаз пыриськизы Семён Жуйков, Яков Ильин, удмурт калыкез югдытон удысын мукет тодмо ужасьёс но). 16-тӥ толшоре 1931-тӥ арын ВА ВЦК-лэн пленумез огъя коми-удмурт алфавитлы проектсэ юнматӥз. Со проектэз лэсьтӥзы выль унифицированной алфавитлэн инъет вылаз. Солэн вылтусыз туж аспӧртэм вал: алфавитэ пыртэмын вал уно берыктэм, гожмам, курикоесь, олокызьы эшшо мукет карем латин но ӟуч букваос. Лингвистикая учкыса, алфавитлэн проектэз кылдытэмын вал «одӥг графема — одӥг фонема» принципъя.

Удмурт латин алфавитэз 1933-тӥ арын улонэ кабенак пыӵатыны чаклазы, однако 1932-тӥ арын на, ужез умойтэм радъямен, выль алфавитъя интыысь комитет фактически куашказ. Соин сэрен удмурт кылэз латинизация ортчытэмын ӧй вал.

Латинизаци сярысь юан султӥз выль кужымен 1990-тӥ аръёсы, перестройка бере. Соку Удмуртия, суверенитет басьтыса, быдэс дуннелы усьтӥськиз. Удмурт кылэз выльдытон ласянь пӧртэмесь идеяос кылдӥзы, со лыдын чузъяськылӥзы куараос но латин алфавитэ выжон пумысь. Таӵе ужрад удмурт калыкез «бадӟым братъёсызлы» (финнъёслы, эстонъёслы, венгръёслы) матэ карысалыз. Жаляса верано, та малпанъёс быдэсмыны ӧз быгатэ.

XXI даурлэн нырысь аръёсаз удмурт латиница бордын уж азинскылӥз тырмыт практической ужпумъёс понна. Со вакытэ Удмуртиын Интернет ӝог азьланьтӥськиз, удмурт кылын нырысетӥ сайтъёс потыны кутскизы. Нош та процесс шуген мынӥз, малы ке шуоно трос шрифтъёсын но кодировкаосын аспӧртэм удмурт букваос (ӝ, ӟ, ӵ) ӧй вал. Та удмурт пусъёсты клавиатураен печатлан озьы ик луиз секыт уж. Соин удмурт латиница но транслит татын умой альтернативае пӧрмизы. Юникодлэн вӧлмонэныз сэрен 2010-тӥ аръёсын проблемалэн лэчытлыкез ичиёмиз но, удмурт латиница кулэлык быриз.

Али дыре (2019 ар) удмурт кылэз латин каронъя нокыӵе официальной ужъёс уг ортчытӥсько. Со шоры учкытэк, куд-ог удмурт активистъёс латиницалэсь пӧртэмесь вариантъёссэ Интернетын мылысь-кыдысь уже куто (кылсярысь, социальной сетьёсын — Фэйсбукын).




#Article 335: Лудорвай музей-заповедник (181 words)


Архитектурая но этнографияя «Лудорвай» музей-заповедник — ялан будӥсь экспозициен ин улысь аспӧртэмлыко музей. Удмуртиысь Дэри ёросын интыяськемын, Лудорвай гуртлэсь 1 иськемын. 2006-тӥ арын вормиз «Воштӥськись музей воштӥськись дуннеын» вожвылъяськонын «Вукочилэн лушкем малпанъёсыз» проектэн.

Музей-заповедник 1980-тӥ арын УАССР-ысь Министръёслэн Кенешсылэн решениезъя кылдытэмын вал. 1990-тӥ арын солы висъямын музъем Ильинка бырем гуртын, со интыяськем Лудорвай гуртлэсь ог иськемын. 1997-тӥ арын музей нырысетӥ куноосэ пумитаз. 2004-тӥ арозь «Архитектурно-этнографический музей „Ильинка“» нимаськиз. Малпамъя, музей 5 секторъёслэсь кылдоз: уйпал, шор но лымшор удмурт, ӟуч но бигер. Пуктӥськонлэн валтӥсь принципез — пичи гуртъёс кылдытон, кытын луозы возьматэмын вӧсенызы герӟаськем но валтӥсь юртъеръёс. Соос возьматыны кулэ XIX даурлэсь пумын — XX даурлэн кутсконаз улэмез.

Али музейын 3 синпелетъёс ужало: Востриковлэн усадьбаез («Шор удмуртъёс» сектор), Драгомиров семьялэн тӧл вукоез но Атамановлэн усадьбаез («Лымшор удмуртъёс» сектор), ваньзэ-ӧвӧлзэ 21 постройка, огъя адӟытон площадь — 691 м². 2006-тӥ арын фондлэн коллекцияз 2177 арбериос лыдъяськизы. Музей бордын фольклор коллектив ужа, учкисьёс понна радъясько экскурсиос, удмурт шудонъёсын, сьӧд мунчоен тодматскон. Ар ӵоже заповедникын пӧртэм ужрадъёс, календарной праздникъёс (Пӧртмаськон, Вӧйкелян, Петров нунал, Чечы спас, Выль Ар но мукет) ортчыло, соос тодмато Ижын улӥсьёсыз но куноосыз Удмуртиын улӥсь калыкъёслэн сям-йылолъёсынызы.




#Article 336: Иж — Кузон электропоезд (114 words)


Иж — Кузон электропоезд — ӝог пригородной электропоезд-экспресс. Удмуртилэсь но Татарстанлэсь шоркаръёссэс ог-огенызы герӟа. Поездлэн маршрутэз Удмуртиысь Завьял, Пичи Пурга, Можга но Кизнер ёросъёстӥ, Киров улостӥ но Татарстанэтӥ ортче.

Ижысен Кузонозь шонер электричкаез маршрут кузя нырысьсэ лэзизы 2001-тӥ арын коньывуон (октябрь) толэзе. Со дыре Горький чугун сюресын та маршрут тужгес но кузез вал (337 иськем). 2002-тӥ арын апрель толэзе Иж но Кузон куспытӥ мыныны-ветлыны кутскиз нырысетӥез ЭД9МК электропоезд, кудӥзлэн составаз пӧртэм классо вагонъёс вал.

Ижысен Кизнерозь: Ижевск, Лудзя, Юски, 9-тӥ км, Агрыз, Уром, Карамбай, Пычас, Можга, Сардан, Люга, Саркуз, Ягул, Кизнер (мукет поездэ выжон).

Кизнерысен Кузонозь: Кизнер, 962-тӥ км, Сосновка, Заструг, Ямное, Вятские Поляны, Кукмор, Братъёс Комаровъёс, Шемордан, Арск, 804-тӥ км, Компрессорной, Ометьево, Метро Аметьево, Кузон.




#Article 337: Eminem (212 words)


III Мэтерс Маршалл Брюс (англ. III Marshall Bruce Mathers; 1972 октябрь 17, Сент-Джозеф, Миссури, АОШ), сценический псевдоним улсын трос тодмо Эминуть (англ. Eminem; стилизовать EMINƎM кадь) но альтер-ачимлыксэ Слим Шейди (англ. Slim Shady) — американскойзэ рэпер, крезьгур продюсер, крезьгурчи но актёр. Сольный карьера башка, озьы но пуштроссыя группаослы D12 Маршалл хип-оп-Bad Meets Evil дуэт. Крезьгур дунне лыктозы артистъёсын пӧлысь одӥгез самой эминуть вузало, нош артистлэн озьы ик вузаны 2000-тӥ. Быдӟым музыкант журнал шуыса нима со дыре ик вань трос пӧлысь одӥгез, Stone Rolling гожтэмын, солэн улаз интыяны эминема 83-артистлэн тужгес но бадӟым списокын 100 м номер. Нош соосын та журналын король ивортэмъя, хип-оп. Ужъёсын но группаын студийный сое лыдъяно ке, доразы альбом вань эминема 12 ке, нырысетӥ чуре вуизы 200-лэсь billboard. 107 миллион-лэсь трос вузаса 100 миллион-лэсь трос артистъёс кадь вань дуннеысь эминь сольный альбомын но америка альбомъёсысьтым книга гинэ ачиз аслэсьтыз но копия миллион 44. 

Эминуть пӧртэм ужъёсын вырыны: ассэ со звукозаписывающий лейбл вал, кивалтӥз соин ӵош асьмеос Розенберг менеджер Пол, нош озьы ик вань ас радиостанцие, Sirius XM вылын 45 Shade Radio. 2002-тӥ арын усьтэмын полуавтобиографический эминуть хип-оп-драма «Тямысэтӥ миля». Со премия басьтэм «Оскар» кырӟан понна умой пала фильм, нырысетӥ луиз рэп-артистъёс, та кузьымез утӥз. Со кылдӥз кинокартинаос но камео «Мойка» (2001), «Приколист» (2009), «Интервью» (2014) телесериалын но «чебер пиос».




#Article 338: Камбаркаын кышкыт жуг-жагез быдтонлы пумитъяськылон (334 words)


Камбаркаын кышкыт жуг-жагез быдтонлы пумитъяськылон кутскиз 2019-тӥ арын инвожо толэзе, Россиысь правительстволэн 540-тӥ номеро постановлениезлэн шарае потэмез бере. Та постановлениын Россилэн премьер-министрез Д. Медведев юнматӥз федерал властьёслэсь медэмъёссэс кышкыт кылем-мылемзэ возёнъя, переработкая но утилизацияя комплексъёсты лэсьтыны. Соосыз пуктыны чаклало хими оружиез быдтон интыосы — Удмуртие но Киров, Курган, Саратов улосъёсы. Удмурт шаерын таӵе комплексэз интыян понна Камбарка кар быръемын вал, кытын 2006—2009 аръёсын люизит быдтылӥзы.

Ӝоген шараяськизы мукет кышкатъясь фактъёс но:

Камбаркаысь кышкыт предприятиез улӟытыны чаклан сярысь ивор вань Удмуртиез бугыртӥз. Социал вотэсъёс вожпотэм комментарийёсын куашетыны кутскизы. 5-тӥ инвожое Камбаркаын улӥсь Надежда Кузьмина Change.org сайтын  кылдытӥз, утилизировать каронъя завод лэсьтонэз алыны курыса-косыса. Кык толэзьскын со петиция улын 18 сюрслэсь трос адямиос гожтӥськизы.

Калыкез буйгатыны турттыса, шаерысь общественной палата 13-тӥ инвожое Камбаркаын чиновникъёсын но экспертъёсын пумиськонэз ортчытӥз. Ужрадэ пыриськыны яра вал ваньмызлы мылкыд карисьёслы (азьвыл ик регистрациез ортчемъёслы). Пумиськон дыръя солэн спикеръёсыз люкаськемъёслэн тросэзлы юанъёссылы валэктонъёсты сётыны ӧз быгатэлэ. Ужрадэз йылпумъям бере камбаркаосты ӧтизы заводлы пумит чаклам митинге.

Митинг ортчиз ӵукна 22-тӥ инвожое. Камбаркаысь властьёс сое ортчытонлы олокызьы но люкетыны дауртӥзы: акциез ортчытон инты выжтэмын вал городлэн шорысьтыз пумаз — «Юность» нимо стадионэ; бюджетникъёсыз кышкатъязы ужысь куштонэн. Озьы ке но, 22-тӥ инвожое митинг удалтӥз, трос сю адямиосты люкаса. КПРФ партиен радъям ужрадэ вуизы камбаркаос гинэ ӧвӧл, бускель бадӟым каръёсын улӥсьёс но. Люкаськемъёс азьын выступить каризы интыысь активистъёс но Ижысь, Сарапулысь, Нефтекамскысь, Чайковскысь куноос. Митингез йылпумъяку, акцие пыриськисьёс кутӥзы резолюциез, кудаз завод лэсьтон сярысь юанэз референдуме поттон куремын вал.

Камбаркаысь акция луиз кутскон гинэ. Пӧсьтолэзе ини митингъёслэн тулкымзы быдэс Шор Прикамьеез шобыртӥз. Камбаркаын кышкыт кылем-мылемез быдтонлы пумит акциос ортчизы Удмуртиын но, Башкортостанын но, Пермь шаерын но.

Удмурт шоркарын нырысетӥез та темалы сӥзем митинг 5-тӥ пӧсьтолэзе ортчытэмын вал. Сое радъяз Россиысь социализмо движенилэн Ижысь люкетэз. Акцие лыктӥзы пӧртэм дунъямъёсъя 350-ысен 500 адямиозь. Калык черекъяз лозунгъёсты: «Бречаловез — отставкае!», «Росатом, выжт Удмуртиысь!», «Лэсьтӥськелэ Рублёвкаын!». Митингын кыл сётэмын вал общественной активистъёслы, Ижын, Камбаркаын, Сарапулын но Чайковскын улӥсьёслы.

Музон нуналэ, 6-тӥ пӧсьтолэзе, митинг люкаськиз Сарапулын. Интыысь коммунистъёсын радъям акция ортчиз кар пумын, «Электрон» культура юрт вӧзын. Ужрадэ пыриськизы 300 адямилэсь трос.




#Article 339: Астрофизика (110 words)


Астрофизика — ин телоосын, системаосазы но космосын луылӥсь физической явлениосты но химической процессъёсты дышетӥсь астрономилэн люкетэз. Астрофизикае пыртӥсько Югытдуннеысь физической явлениос сярысь информациез поттон амалъёс бордын ужан, та информациез (астрономической эскерылонэнгес) люкан, сое наукаен обработать карон но теориен огъян. Теоретической астрофизика, чакласькись астрофизикаен люкам фактъёсыз огъяку но валэктыку, уже кутэ законъёссэ но амалъёссэ теоретической физикалэсь. Чакласькись астрофизикалэн амалъёсызлэсь герӟоссэс практической астрофизика ӵемысь шуо.

Ас историяз чакласькись астрофизикалэн нимаз дисциплинаослы люкиськемез кык тодметъя радъяськиз: эскерон амалъёсъя но эскероно объектъёсъя. Пӧртэм пумо амалъёслы сӥземын сыӵе дисциплинаос: астрофотометрия, астроспектроскопия, астроспектрофотометрия, астрополяриметрия, астроколориметрия, рентген астрономия, гамма-астрономия но мукетъёсыз. Эскероно объектъя висъям дисциплинаослэн примеръёссы луо: Шундылэн физикаез, планетаослэн физиказы, буслыкъёслэн физиказы, кизилиослэн физиказы но мукетъёсыз.




#Article 340: Ботаника (107 words)


Ботаника (,  — «турын, будос») — будосъёс сярысь наука, биологилэн люкетэз.

Ботаникалэн ужпумъёсыз унолэсь но уно: будосъёслэн педпалась но пушпал (морфология но анатомия) туссылэн закономерностьёсыз, будосъёсты радъян, соослэн геологи дыр ӵоже азинскемзы (эволюция) но ӵыжыя-выжыя герӟаськемъёссы (филогения), Музъем вылтӥ азьвыл но туала вӧлскемзылэн аспӧртэмлыкъёсыз (будосъёслэн географизы), пӧлэн кусыпъёссы (будосъёслэн экологизы), будослыко шобырлэн кылдэмез (фитоценология, оло геоботаника), будосъёсты хозяйствоын уже кутыны луонлыкъёс но сюресъёс (ботанической ресурсоведение, оло экономической ботаника). 

Эскероно объектъёсъя ботаникаын висъяло фикологиез (альгологиез) — вутурын пумысь наукаез, микологиез — губиос сярысьсэ, лихенологиез — пужей ӝуйёс сярысьсэ, бриологиез — ӝуйёс сярысьсэ но мукетъёссэ; будосъёслэн дуннеысьтызыгес микроскопической организмъёсты (бактериосты, актиномицетъёсты, куд-ог губиосты но вутурынъёсты) эскерылонэз потто нимаз наукае — микробиологие. Будосъёслэсь висёнъёссэс дышетэ фитопатология.




#Article 341: Музъемлэн атмосфераез (106 words)


Музъемлэн атмосфераез — Музъемен секытлык кужымен герӟаськем но солэн уйнунал но ар ӵоже берганаз пыриськись Музъемлэн омыр оболочкаез. Атмосфералэн пушпал вылыз шобыртэ гидросфераез но ӧжытак музъем курез, педпал вылыз Музъемлы матысь космосэ зыл-зыл кошке. Атмосфераен огшоры лыдъяло Музъем котырысь созэ улосэз, кудаз газ среда Музъемен ӵош берга одӥг быдэс маке кадь. Атмосфералэн массаез (5,1—5,3) кг.

Атмосфералэн улӥ сӥосаз омырлэн пуштросэз: 78,1 % — азот, 21 % — кислород, 0,9 % — аргон, кӧня ке углекислой но мукет газъёс, озьы ик ву паръёс, тузон, йӧ кристаллъёс но мукетыз. 10—25 км ӝуждалаын интыяськемын озон сӥ. 100 километрлэсь вылынгес капчи газъёс тросгес луо, эшшо вылынгес валтӥсь луо гелий но водород.

Музъемлэн атмосфераяз висъясько 5 валтӥсь сӥос.




#Article 342: Быдӟым тыос (169 words)


Быдӟым тыос (, ) — Уйпал Америкалэн шунды ӝужан палаз, Дун-чылкыт Лаврентий шурлэн бассейназ интыяськем бадӟым тыослэн группазы. Соослэн нимъёссы: Вылӥ ты, Гурон, Мичиган, Эри но Онтарио. Мичиган ты быдэсак США пушкын кылле, кылем тыос вылтӥ но соосыз ог-огенызы герӟась вакчи шуръёстӥ ортче США-лэн но Канадалэн кунгожзы.

Ярдуръёссылэн кузьдалазы (шормуӵъёсынызы ӵош) 18 сюрс пала иськем. Быдӟым тыос луо Музъем вылын самой бадӟымез шӧг ву люкаськон. Соослэн вылзылэн быдӟалаез 244 106 км², бассейнзылэн площадез 768 сюрс км². Вулэн объёмез 22 671 км³. Ньыль тылэн мурдалаез 200 метрлэсь трос, Эри тылэн гинэ тужгес мур интыез 64 метр. Быдӟым тыос пӧлысь самой бадӟымез но тужгес мурез луэ Вылӥ ты, самой пичиез — Онтарио ты.

Тыос герӟаськемын куспазы вакчи куасег, туж вуо шуръёсын: Вылӥ но Гурон тыос — Сент-Мэрис шурен (кузьдалаез 112 км), Гурон но Эри тыос — Сент-Клэр шурен (кузьдалаез 43 км), Сент-Клэр но Эри тыос — Детройт шурен (кузьдалаез 51 км), Эри но Онтарио тыос — Ниагара шурен (кузьдалаез 54 км). Огез ӝуждала вылын кыллись Гурон но Мичиган тыосты герӟа 3 пала иськем пасьта Макино вакчи пролив.




#Article 343: Р320 (100 words)


Р320 «Иж — Алабго» — Удмуртия но Татарстан вылтӥ мынӥсь автомобиль сюрес. Герӟа удмурт шоркарез Татарстанысь Тупал Чалды агломерацие пырись каръёсын — Алабгоен, Тупал Чалдыен но Нижнекамскен. Сюреслэн кузьдалаез 170 иськем. Солэн бадӟымез люкетэз удмурт музъемтӥ кыстӥське, витьмос люкетэз гинэ бигер шаерлы усе. Удмурт шаерын трасса ортче Завьял, Пичи Пурга, Можга но Алнаш ёросъёс вылтӥ, Татарстанын — Менделеевск но Алабго ёросъёс вылтӥ.

Р320 трасса совето вакытэ лэсьтэмын вал, УАССР-ын сое лэсьтон 1982-тӥ арын йылпумъяськиз.

Ижкаръёс та сюреслэсь Можга но Иж куспысь оглюкетсэ ӵем Можга тракт шуо. Россиын официальной документъёсъя «Иж — Алабго» автомобиль сюрес лыдъяське М7 «Волга» федерал трассалэн люкетэныз (Ижкаре но Перме нуись ваеныз).




#Article 344: Lua (394 words)


Lua ( — толэзь) — векчи, вылӥ лёгетысь, трос-ӧро косонрадъян кыл. Со мукет косонрадъетъёсы пыӵатъянлыгес лэсьтэмын вал. Дась байт-кодзэ валатӥсез ANSI C-эн гожъямын бере, Lua котькудӥз инъетын уже кутыны луэ. Lua'лэн пыӵатъяны капчи C API-ез вань.

Lua ӧнерчиослы гинэ тупатымтэ. Соин ик бадӟым саклык капчи радлыкезлы но дышетонэзлы висъяське. Кылэз поттонлыдо косонрадъетъёсыз лэсьтон бордын юн уже куто (кылсярысь, Lua'ен Adobe Lightroom'лэн графика интерфейсэз гожъямын вал). Озьы ик компьютер шудонъёслэсь пагӟаоссэс но ватсэтъёссэс кылдыто (соос пӧлысь огез — World of Warcraft).

Огшоры «Ӟечбур, Дунне!» косонрадъетэз озьы гожтыны луэ:

print('Ӟечбур, Дунне!')

яке тазьы:

print 'Ӟечбур, Дунне!'

Валэктонъёс кыкто вакчигожен кутско но чурлэн пумозяз кыстӥсько. Трос чур басьтӥсь валэктонъёс но пусрадъёс кыкто квадрат скобкаен висъясько.

Факториал функциез пӧрмытон пример:

function fact (n)
  if n == 0 then
    return 1
  else
    return n * fact(n - 1)
  end

print('Лыддэс гожтэ:')
local a = io.read('*number') -- лыдэз кутоно
print(fact(a))

Lua'лэн ньыль пӧртэм циклэз вань: while, repeat (со do while-лы укша), лыдо но огшоры for циклъёсыз.

while condition do
  --condition зэм луыку быдэстоно

  --condition зэм ӧвӧл луытозь быдэстоно
until condition

for i = start, end, delta do
  --косонъёс

Огшоры for циклэз:

for key, value in pairs(t) do
  print(key, value)

Таиз t таблицаез стандарт pairs функциез уже кутыса пырпотэ, со nil берыктытозь.

Озьы ик огзэ циклэз мукетаз понэм луэ:

local grid = {
  { 11, 12, 13 },
  { 21, 22, 23 },
  { 31, 32, 33 }

for y, row in ipairs(grid) do
  for x, value in ipairs(row) do
    print(x, y, grid[y][x])
  end

Lua'лэн функциосыз инъетасен лыдъясько. Со возьматэмын татын:

  -- Ализэ print функциез oldprint'э пононо
  local oldprint = print
  function print(s)
    -- Выльысь print функциез тупатон. Огшоры print'эз али но уже кутыны луэ
         oldprint вылэ чӧлскыса. Вылез одӥг гинэ аргумент басьтэ.
    oldprint(s == foo and bar or s)
  end

print'эз котькудӥз вуоно курон выль функцие ыстӥськоз. Нош Lua'лэн лексической ватонэзлы луыса нырысетӥзэ print уже кутыны воштэмез print пыр гинэ луэ.

Lua озьы ик берпумъянъёсты лэзе:

function addto (x)
  -- x-эз аргументлы ватсась функциез берыктоно
  return function (y)
    -- Педпалась x вошъяськись, кудӥзлэн улон дырыз та лушкем функцилэсез сярысь
         вакчигес луыны луэ, вылэ чӧлскыса Lua берпумъян кылдытэ.
    return x + y
  end

local fourplus = addto(4)
print(fourplus(3)) -- 7 возьматоз

print(addto(4)(3)) -- берыктэм функциез курон

x-эз кутӥсь берпумъян addto котькудӥз куремен кылдэ. Соин ик берыктэм котькуд лушкем функция нимаз x-зэ кутэ. Берпумъянъёсты мукет объектъёсты кадь ик Lua'лэн жаг октӥсез октылэ.




#Article 345: Дунне кыстӥськон сярысь закон (119 words)


Дунне кыстӥськон сярысь закон (Ньютонлэн кыстӥськон сярысь законэз) — универсальной инкуазь законъёс пӧлысь одӥгез. Та законъя ваньмыз материальной арбериос ог-огзэс кыско, соин ӵош ик кыстӥськон кужымлэн быдӟалаез уг герӟаськы арбериослэн физика но хими аслыкъёсынызы, соослэн вырылонэнызы, соосыз котыртӥсь пӧллэн аслыкъёсыныз. Музъем вылын кыстӥськон шараяське нырысь ик секытлыклэн кужымез луэмен, кудӥз Музъемлэн котькыӵе материальной арбери кыскемезлэсь кылдэ. Таин герӟаськемын термин «гравитация» ( — «секытлык»), «кыстӥськон» кыллы эквивалент луись.

Дунне кыстӥськон сярысь закон XVII даурын англи тодосчиен Исаак Ньютонэн усьтэмын вал. Закон озьы вера:

Котькыӵе кык арбериос ог-огзы борды кыстӥсько сыӵе  кужымен, кудӥз меӵак пропорциё соослэн  но  массаоссылы но берлань пропорциё соос куспысь  кузьдалалэн квадратэзлы:

 кужым та арбериосыз герӟась шонер гож кузя ӧръяськемын. Пропорци коэффициент  — вошъяськисьтэм лыд (гравитаци яланлыд), СИ системаын .




#Article 346: Bobolenin (152 words)


bobolenin — удмурт рок-группа.

Кылыдӥз Ижкарын 2018-тӥ арын. «bobolenin» кыл (гожтӥське пичи букваысен) малпамын группалэн кылдытӥсеныз — Кирилл Кирилловен. Нырысь ик со вал аслаз сценической псевдонимез, нош собере быдэс группа озьы нимаськыны кутскиз.

bobolenin — 11-тӥ классын дышетскись пияшлэн йыраз кылдэм кыл.[…]. Группаысь крезьгурчиосты огазея одӥг малпан: улыны но улонзэс крезьгурен сутыны. Валтӥсь вормонзы — группа куспын но, кылзӥсьёс пӧлын но эшлыко омыр. Крезьгурзылэн шӧмзы сярысь малпаськыны кутскид ке, соку ик тодад ваёд Сиэтлысь гранжез но „Нирвана“ группаез. — гожтэмын группалэн «Вконтакте» вотэсбамаз.

Татчы пыризы таӵе кырӟанъёс:

Пиос шудо гранж, панк-рок, альтернативной рок жанрен кырӟанъёс. Али дырлы гожтэмын ини 9 кырӟанзы. Со сяна вань на Post-dukes группаен ӵош кылдытэм ужъёссы электронной жанрен.

Озьы ик 12 куарусёнэ 2019 арын потӥз нырысетӥ клипсы «Гопе» кырӟанлы. Шедьтыны сое луэ «ВКонтакте» вотэсбамысьтызы. Клип бордын ужазы: Егор Артемьев, Наташа Никитина.

Группае пыриськисьёс: Алексей Софронов — бобосист, Владимир Жуйков — боботарист, Евгений Уткин — боборанщик, Кирилл Кириллов — боболенин. Огшоры нимъёс интые та группа «бобо» приставка пуктэ.




#Article 347: Куара (огазеяськон) (239 words)


Куара — удмурт егитъёслэн луонлыкъёс сётонъя улосвыл мер огазеяськонзы. Кылдӥз шуркынмонэ 2018-тӥ арын. Огин удмурт кылын ӟечлыко но тунсыко материалъёсты вотэсын кылдытон но вӧлмытон бордын ужа: соос удмурт кылын видеоконтент — лекциос, интервьюос, маскаръяськон видеоос лэсьто, форумъёс, лекторийёс но мукет ужрадъёс. Вӧлмытон каналъёссы — со «ВКонтакте», «Facebook» но  вотэсъёсысь огинъёс. Озьы ик мерлыко вотэслэн инъетэз сьӧрын () но уж нуиське. Али дырлы та нырысетӥез удмурт огазеяськон, кудӥз лэсьтэ медиаконтент.

Кивалтӥсьсы луэ Влад Степанов. Артём Малинин, огазеяськонлэн кивалтӥсезлэн воштӥсез.Огазеяськонэ пыриськыны быгатэ котькуд мылкыд карись.

 ӵектос - удмурт кылын потӥсь научно-популярной видеолекциосын сузьет. Со Куара огазеяськонлэн нырысетӥ видео-проектэз шуыса лыдъяське. Ӵектос улсын пӧрмо удмуртъёслэн кылзы, лулчеберетсы но сям-йылолъёссы сярысь видеолекцияос.Нош лекци лыдзисьёс - тодӥсь-валась огин, ас удыссыя валтӥсь ӧнерчиос - этнографъёс, историкъёс, филологъёс но мукет тодосчиос. Удмурт кылын сяна, видеолекциосы ватсамын ӟуч но англи кылъёсын субтитръёс. Сузьетысь ужъёс кутӥсько дышетӥсьёсын но студенътёсын Удмурт элькунысь дышетсконниосын. Ужанъяз та проект социальнойлы пӧрмиз но Удмурт Элькунысь йӧскалык политикая министерствоен субсидия висъямын вал. 

Удмурт анай-атайёс понна  удмурт медиашкола. Ужаны кутскиз гудырикошконэ 2019 арын, сое малпась - Ольга Степанова. Проектлэн валтӥсь малпанэз – удмурт кылэз азинтон, удмурт кылын видео кылдытон. Удмурт медиашколае пыриськыны быгато вань удмурт анай-атайёс, кудъёсызлы тунсыко туспуктэм но видео лэсьтыны, фильмъёс кылдытыны, монтаж ужен вырыны. Дышетскон нуиське очно но заочно. Дышетӥсь ӧнерчиос – фотографъёс, видеографъёс, SMM-специалистъёс. Кылдытэмын удмурт кылын видеоблогъёс пӧртэм темаосъя: ,  но мукет. Та медиашколалэн ик мукет ужез - #аныкаймарафон. Сётэм темаосъя ёзчиосын лэсьтэмын туспуктэмъёс, видео - но аудио - ужъёс, узырмытэмын удмурт контент.  




#Article 348: Chukinder (185 words)


Chukinder — yдмурт ӝӧквыл шудонъёсты лэсьтӥсь огин.

Кылдытэмын 2018-тӥ арын «Шунды» огазеяськонлэн ёзчиосыныз, соос пӧлын: Вадим Крестьянинов, Алина Чернова, Маша Емельянова, Августина Михайлова, Гриша Иванов, Кирилл Кириллов.

Огинлэн Chukinder нимыз Вадим Крестьяниновен малпамын. Солэн вордскем гуртаз гордкушманэз «чукиндэр» шуо. Нош эшшо chu+kinder «пичи пинал» шуыса англи кылысь берыктӥське. Ӝӧк выл шудонъёсты кылдытӥсь огинлы туж тупась ним.

Та дырлы огинлэн кык шудонэз поттэмын.

Нырысетӥез со «Вожодыр» шудон. Шудонысь валтӥсь геройёс — удмурт мифологиысь персонажъёс. Пӧлазы Палэсмурт, Вуныл, Обыда, Пеллясь, Алангасар, Коркакузё. Шудонын «уй» вуэ ке, сьӧд кужымъёс сайкало но асьсэ ужъёсынызы вырыны кутско, кылсярысь, Палэсмуртъёс кинэ ке бичато но шудонысь потто, Алангасар Палэсмурт сьӧры уйиське, Обыда быръем муртэзлэсь вераськыны быгатонзэ тала но мукет. Гурт калык гинэ «уйин» гань-гань изе, нош «ӵукна» Палэсмуртэз шедьтыны выре. Татын ини шудӥсьёс асьсэ малпанзэс вераны дышетско, удмурт кылын ог-огзылы валэкто, малы малпанзы шонер. Йырвизез но кылэз туж умой ужатӥсь шудон.

Кыкетӥез шудон — со «Ӟеч Перепеч». Шудон пичиослы но, бадӟымъёслы но шудыны тупа. Чакламын 2-8 муртлы. Шудӥсьёс перепеч пӧрало, кинлэн со бадӟымгес пӧрмиз — со ик ворме. «Ӟеч Перепеч» йырвизез туж умой ужатэ, соин ик калыклы туж кельше. Таиз шудон удмурт сиёнэз дышетыны туж тупа.




#Article 349: Shoozymade (167 words)


Shoozymade — тодмо удмурт кырӟась, рэпер.

Shoozymade — удмурт кырӟасьлэн Денис Максимовлэн псевдонимез. Кырӟась вордскемын но будэмын Дэбес ёросысь Данёгуртын. Дышетске Удмурт кун университетын удмурт филологлы. «Shoozymade» псевдонимзэ пияш нырысетӥ курсын дышетскыкуз малпаз. 2018-тӥ арын та нимын со удмурт но ӟуч кылын кырӟанъёссэ гожъяны но поттаны кутскиз. Псевдонимзэ кык пӧртэм сямен валаны луэ: shoozymade-ез удмурт сямен лыдӟыны ке — со «шузи маде», нош англи кылысь берыктыны ке — со «бырйиськись», эшшо «made» — со МАксимов ДЕнис нимысь нырысетӥ букваосыз.

Кырӟасьлэн нырысетӥ удмурт кырӟанэз вотэсын 31-тӥ куартолэзе 2019-тӥ арын потӥз. Нимаське со «Али». Жанрезъя кырӟан рэп луэ. 25-тӥ куарусёнэ «Али» кырӟанлы вотэсын клип потӥз. Отын удмурт егитъёслэн «Юмок» театрысьтызы артистъёс шудӥзы.

Shoozymade-лэн кыкетӥ кырӟанэз «Сак» нимаське. Таиз рэп вотэсэ 12-тӥ толсуре 2019-тӥ арын понэмын вал. «Сак» рэпын тышкаськон кылъёс кутӥсько, соин ик кырӟан калыкез паймытӥз. «Али» кырӟан капчи но туала луэменыз ваньзылы кельшиз ке вал, таиз кырӟан сярысь пӧртэм малпанъёс вань: кинлы ке со туж кельше, таӵеез ӧй на вал, шуо, нош кин ке курла.
Удмурт кырӟанъёс сяна, Shoozymade-лэн ӟуч кырӟанъёсыз но вань:




#Article 350: Shoner Paul (104 words)


Shoner Paul (зэмос нимыз Павел Александров) — тодмо удмурт кырӟась. Вордскиз Татарстанысь Бавлы ёросысь Утор гуртын. Дышетскемын Кузонысь Н. Жиганов нимо консерваториын. Али улэ но ужа Кузонын.

Павел Александров вордскиз 21-тӥ южтолэзе 1994-тӥ арын Татарстанысь Бавлы ёросысь Утор гуртын. Пичи дыръяз садике ветлэмын ӧвӧл, со интые песяезлэн ансамбляз кырӟаны ветлӥз. Озьы 4 аресказ нырысьсэ сцена вылэ потӥз ни. Школаез йылпумъямез бере, Альметьевске дирижёрлы дышетскыны пыриз. Одӥг ар дышетскиз но кошкиз отысь. Кузонысь Н. Жиганов нимо консерваторие этнокрезьгуръя отделение дышетскыны пыриз но «Песенная традиция Бавлинской группы южных удмуртов» дипломзэ утиз. Shoner Paul псевдонимез Павел Александров вотэсэ удмурт кырӟанъёссэ поттакуз кутыны кутскиз. Та псевднонимез — песятаезлэн кушем нимыз.




#Article 351: Minecraft (289 words)


Minecraft ( «шахта» но craft «ӧнер» кылъёслэсь) — луоен шудон ӧрын видео-шудон, со Швециысь программистэн Маркус Перссонэн кылдытэмын но Mojang'ен 2011 арын поттэмын вал. Сое Microsoft 2014 арын басьтӥз. Minecraft — вань дырысь тужгес но ӟеч басьтӥськисез видео-шудон, солэн 180 миллион копиез, ваньзэ платформаосты лыдэ басьтыса, вузамын вал 2019 арлэн пумаз. Шудонлэн 112 миллионлэсь трос толэзья сэзь шудӥсез.

Minecraft-ын шудӥсьёс процедурен кылдытэм блокъёслэсь, пиксельёслэсь 3D дуннеез эскеро но чаклэтъя лэсьтымтэ материал поттыны, тӥрлык лэсьтыны, юртъер пуктыны, мукет шудӥсьёсын огазеяськыны яке ӵошатскыны быгато. Чаклэтъёсыз пӧлын улэп кылён чаклэт, кудӥныз шудӥсьлы дуннеез лэсьтэмез но тазалыксэ воземез понна ванёс люкано, но креатив, кудӥныз шудӥсьлэн быронтэм ванёсэз вань. Java Edition'эн шудӥсьёслэн выль шудон сюрес, арбери но пуштрос ватсась модъёс пуктэмзы луэ.

Minecraft — со «луоен шудон», солэн пуктэм ужпумыз ӧвӧл. Шудӥсьёсыз эркын ас шудон сюрессэс быръяло. Шудон ортчемъя шудӥсь маке каремез понна азинсконъёс басьтылэ.

Вазиськытэк шудӥсь персонаженыз нырысь муртысь кивалтэ, но солэн озьы ик куинетӥ муртысь чаклэтэ выжемез луэ.

Дуннеез 3D объектъёслэсь пӧрмемын. Соос «блокъёс» нимасько () но ог-огзылэсь текстураенызы, физика но мукет тодметъёсынызы висъясько. Шудӥсьлы блок люкано но пуктоно. Блок му, из, руда, писпу, ву, лава яке мукет луэ. Шудӥсьлэн пӧртэм юртъер пуктэмез луэ, соин ик шудон LEGO конструкторлы кельше.

Шудон дунне пумтэм-йылтэм луэ но, шудӥсь сое эскеремъя, процедурен кылдытылӥське, шудэм азьын пуктэм кидысэз яке дуннеез кылдытон дыръя система часэз лыдэ басьтыса. Выллань вырем сюбегатӥське, нош горизонталь плоскостья пумтэм бадӟым дунне кылдытыны луэ. Озьы ке но, техникая ужпумъёслы луыса, висъет шудӥсьёсты дуннелэн шорысьтыз 30.000.000 блок ортчемлэсь дугдытэ. Дуннелэн пумтэм луэмез понна шудон солэсь тодэтъёссэ пичигес «чанк» () ёзъёслы люке, кудъёсыз шудӥсь матын луыку кыскисько. Дунне люкиське биомъёслы: бушкыр бордысен тундра бордозь. Музъем выл ӵошал, гурезё, мугырко, лава яке ву тыосын луэ. Шудон дыр уй-нунал цикл ортче но, одӥг уй-нуналыз 20 зэмос минут кыстӥське.




#Article 352: Иж кар думае депутатъёсты быръёнъёс (2010) (154 words)


Иж кар думалэн витетӥ созываз депутатъёсты быръёнъёс — Иж карын 2010-тӥ арын 10-тӥ коньывуонэ ортчем кар муниципал быръёнъёс. Партийной списокъёсъя быръемын вал 21 депутат 42 пӧлысь, эшшо 21 депутат потӥз одӥг мандатъем округъёсысь. Кар дума вить арлы быръемын вал.

Быръёнъёсы пыриськизы ньыль партиос: «Огъя Россия», КПРФ, ЛДПР но «Зэмлыко Россия». Партия «Россилэн патриотъёсыз» регистрациез ортчиз, нош бӧрысь Ижкарысь Индустри ёрос судэн быръёнъёслэсь палэнтэмын вал. Озьы ке но, «Россилэн патриотъёсыз» партиен дэмлам кандидатъёс одӥг мандатъем округъёсын быръёнъёсы пыриськизы.

Быръёнъёс ялэмын вал 2010-тӥ арын 15-тӥ пӧсьтолэзе Иж кар думалэн 646-тӥ номеро решениеныз.

Одӥг мандатъем округъёсын баллотироваться кариськиз 88 кандидат, со лыдын быдэн 21 кандидат «Огъя Россиысь» но КПРФ-ысь, 18 — ЛДПР-ысь, 12 — «Зэмлыко Россиысь», 3 — «Россилэн патриотъёсысьтыз» но 13 ассэ ачиз дэмлась кандидат.

Иж кар думалэн V созывез быдэсак люкамын. Отчы бырйиськиз 30 депутат «Огъя Россиысь», 6 — «Зэмлыко Россиысь», быдэн 3 депутат — КПРФ-ысь но ЛДПР-ысь.

Иж кар думалэн V созывезлэн депутатъёсызлы список
 




#Article 353: Иж кар думае депутатъёсты быръёнъёс (2015) (108 words)


Иж кар думалэн куатетӥ созываз депутатъёсты быръёнъёс — удмурт шоркарын 2015-тӥ арын 13-тӥ куарусёнэ ортчем кар муниципал быръёнъёс. Партийной списокъёсъя быръемын вал 21 депутат 42 пӧлысь, эшшо 21 депутат потӥз одӥг мандатъем округъёсысь. Кар дума вить арлы быръемын вал.

Быръёнъёсы пыриськизы укмыс партиос. ПАРНАС партилэн регистрациез палэнтэмын вал.

Быръёнъёс ялэмын вал 2015-тӥ арын 18-тӥ инвожое Иж кар думалэн 777-тӥ номеро решениеныз.

Одӥг мандатъем округъёсын баллотироваться кариськиз 122 кандидат, со лыдын 19 ассэ ачиз дэмлась кандидат.

Иж кар думалэн VI созывез быдэсак люкамын. Отчы бырйиськизы «Огъя Россиысь» 32 депутат, КПРФ-ысь 4 депутат, ЛДПР-ысь но Россилэн патриотъёсысьтыз быдэн 2 депутат, 2 ассэ ачиз дэмлась.

Иж кар думалэн 6-тӥ созывезлэн депутатъёсызлы список




#Article 354: COVID-19-лэн Удмуртияын вӧлмемез (102 words)


COVID-19-лэн Удмуртияын вӧлмемез— Удмуртиялэн улосвылаз  пандемиялэн (COVID-19) вӧлмемез. 22-тӥ южтолэзе 2020 арын Удмурт Элькунлэн улосвылаз нырысетӥ учыръёс шедьтэмын. 20-тӥ оштолэзе 2020-тӥ арын Удмуртиын 137 черлам адями  сярысь тодмо. Соос пӧлысь 7 мурт бурмиз ни,3 кулэмъёс.

УдГУ  дистанционной дышетсконэ потӥз.

Властьёс самоизоляция режим сярысь веразы. Доразы пукыны кулэ вань Удмуртиын улӥсь адямиос, арлыд шоры учкытэк.

Пичи Пургаын но Баграш-Бигра гуртын карантин ялэмын.

Одӥг адями бурмем.

Удмуртилэн тӧроез Александр Бречалов ивортӥз: 20-тӥ оштолэзысен шаерысь каръёсы пырон - потонъёсы контрольно-пропускной пунктъёс пуктозы. Глазкарын соос 17 оштолэзысен ужаны кутскозы ни. Отын документъёсты эскерозы.17-тӥ оштолэзысен республикаысьтымы храмъёс ворсаськозы   нимысьтыз вазиськонозь.Москваысь, Санкт-Петербургысь но Муско улосысь вуэмъёссамоизолироваться карыны кулэ. 




#Article 355: Усков, Пётр Михайлович (175 words)


Пётр Михайлович Усков — удмурт агроном, гожъяськись, журналист но публицист.

Усков Зуриын, шорлыко крестьян семья пушкын 1888-тӥ арын вордскемын. Земской кык классъем школаез пырпотэм бераз, Нартассын гурт возёсъя школаын дышетске. 1907-тӥ арысен со агроном, кӧня ке ар ӵоже нюлэс ужпумын культурной надзиратель луыса ужа. 1910-тӥ арын басьто сое армие, 1914-тӥ арын пырто Германиен ожмаськонэ, отын ранить каремын луэ, Октябрь революци бере гинэ, 1918-тӥ арын, со армиысь гуртаз бертэ. Совет исполкомъёсын кӧня ке ужам бераз нош ик агрономе пыре. 1925-тӥ арын коньывуон толэзе Усковез «Гудыри» газетлэн редакцияз ужаны ӧтё.

Агроном луэм бере, Усков туж уно статьяос гожъя музъемез умой ужан сярысь, пудо, тылобурдо, муш вордон сярысь, ужан тӥрлыкез, машинаосыз утялтон сярысь но мар. Валэктэмзэ капчиенгес валаны мед луоз шуыса, верос выллемесь «Дэмен уж» но «Шуныт гид» книгаос гожтэ. 1926-тӥ арысен кутскыса Пересь Шамардан ним улын Усков капчи кылбуръёс гожъя. Та кылбуръёсыныз со асьме улонлэсь шек азьёссэ зол шуккылэ, мыдлань ужасьёсты лэчыт кылыныз юн тышка. Сыӵе кылбуръёс серемез но поттыто, умойтэм ужъёслы пумит йырез но кур каро, классовой тушмонлэн выросэзлы пумит но сэзёмыто.

Кулӥз 1939-тӥ арын тывисёнэн йырин.




#Article 356: Зура (330 words)


Зура (Зури) —  Эгра ёросысь черкогурт, быдӟалаезъя та кыкетӥ населённой пункт, Зура гурт поселениелэн административной центрез луэ.

Интыяськемын Эгралэсь шундыӝужан пала 19 иськемлы но Ижкарлэсь 85 иськемлы уйпала. Черкогурт пыр ортче Ыта шур, Лоза шурлэн бурпал притокез. Гурт вӧзтӥ ортче  Р242 трасса, объездной сюрес пуктытозь со гурт пыр ортчиз.

Официальной летописьёсын Зура сярысь верамын  1646-тӥ арын. Соку ини татыын 11 азбар вылэм.

XIX дауре черкогурт пыр ортче вылэм сибирь тракт, Кузонэз но Екатеринбургез герӟась люкетэз. Трактлы луыса пуктэмын вал почтовой станция но этапной тюрьма (солэн юртэз XX-ын земской училищелы сётэмын, нош 1976-тӥ арысен федерал значениен луись синпелет лыдъяське).

Революцилэсь азьвыл Зура пыре вал Ватка губерниысь Глаз утемысь Эгра волосте. Дасэтӥ ревизилэн гожтэмзыя 1859-тӥ арын черкогуртын 113 юртын улэм 907 адями.

Пу черк пуктэмын вал 1847. 1894-тӥ арын пуктэмын выль излэсь черк. УАССР-лэн ВС-лэн Президиумезлэн  постановлениезъя 1938 арын черк пытсаськиз. 90-тӥ аръёсы гинэ юрт вӧсяськисьёслы берыктэмын, нош 2001-тӥ арысен региональной значениен культурной объект шуыса лыдъяське. Черк азьын площадьын ортчылэм Митрофановской базар, кудаз люкаськылӥизы котыр гуртъёсысь улӥсьёс.

Зура волость кылдытэмын вал Глаз утемын 2-тӥ оштолэзе 1918-тӥ арын. 1921-тӥ арын Зура волость  Дэбес уездэ пыртӥське, нош 1924 арын ини, расформированиен йыринь, берытске Глаз утеме. Со аре ик Глаз утеме ватсасько быдтэм Большепургинской, Игринской но Чутырской волостьысь куд-ог гуртъёс.

ВЦИК президиумлэн постановлениезъя 1929-тӥ арын 15 пӧсьтолэзе ёрос кылдытэмын вал. Татчы пыризы Зура, Поломской но Якшур-Бодьинский волостьысь сельсоветъёс.

Оглом ёросэ пыртэмын вал 16 сельсоветъёс: Бачкеевской, Большепургинской, Быдзимошурской, Вукогуртской, Гереевской, Деменлудской, Зуринской, Игринской, Карачумской, Косолюкской, Кузьмовырской, Сепской, Сепожской, Тюптиевской, Чубоевской, Штанигуртской но Факел»заводлэн поселковой советэз. 1931-тӥ арын  ёрослэн площадез 1578 км² вылэм, татын вал 175 населённой пункт, кудаз улӥзы 33198 адями.

Гуртын вордскемын Совето Союзлэн героез Спиридон Стрелков.

Гуртлэн валтӥсь предприятиез ООО «Зуринской Агрокомплекс» луэ, кудӥз кылдытэмын «Зуринской» совхозлэсь. Со сяна вань на: ООО «Зура Етӥн», ООО «Зура-Агро», ООО «Зура мясокомбинат».

Зураын вань МОУ «Зура шор ёзо школа», ГСОУ «Зура школа-интернат», МДОУ «Нырысетӥ номеро Зура нылпи сад», МДОУ «Кыкетӥ номеро Зура нылпи сад», Играысь кыкетӥ номеро школалэн филиалэз, Игра краеведческой музейлэн филиалэз, участковой эмъюрт, фельдшерско-акушерский пункт.




#Article 357: Карл Маркс урам (Иж) (136 words)


Карл Маркс урам () — Ижысь инъет но тужгес кузь урамъёс пӧлысь одӥгез. Интыяське Первомай но Октябрь ёросъёсын. Бадӟым транспорт магистраль. Город пыр лымшорысен уйшор пала ортче, Магистральной урамысен кутске но Холмогоров ульчаын йылпумъяське. Урамлэн кузьдалаез 6,3 пала иськем луэ.

Вамен сюресъёсыз луо Краснопосельской урам, Ястребов, Ботенёв, Октябрь, Интернациональной, Паськыт, Уйпал пролкаос, Карл Либкнехт, Пастухов, Ленин, Советской, Бородин, Киров но Шумайлов ульчаос.

Урамлэн шунды ӝужан палаз кутско Чугуевский, Красногеройской, Май но Октябрьлы 10 ар ульчаос. Шунды пуксён пал ласянь со борды Лихвинцев урам огазеяське. Коркаослэн номеррадзы кутске лымшорысен, Магистральной урамысен.

Karla Marksa street (Izhevsk) 16.jpg|Модая центр «Аксион»
Ул. Карла Маркса - panoramio (3).jpg|Трамвай станция «ЦУМ»
Central Mosque (Izhevsk)-1.jpg|Ижысь шор мечеть
ДК Металлургов.jpg|ДК «Металлург»
Karla Marksa street (Izhevsk) 17.jpg|Ижысь мотозаводлэн юртъёсыз
Tram 1002 (Izhevsk).jpg|Трамвай Tatra T3R«Центр» станциын
Karla Marksa Street (Izhevsk).jpg|
Karla Marksa street (Izhevsk) 4.jpg|Ижстальзаводлэн улон юртэз




#Article 358: Центр даних у Криму (559 words)


Дата-центр або Це́нтр да́них (, альтернативні терміни центр зберігання та обробки даних (ЦЗОД), центр опрацювання даних (ЦОД), ) — приміщення в будівлі, будівля або група будівель, призначена для збирання, нагромадження й зберігання великих обсягів інформації та їх опрацювання. Ядром обчислювальних засобів центру є комп'ютер (або електронно-обчислювальна машина, скорочено ЕОМ) високої продуктивності та комплекс пристроїв для записування та видавання інформації, які за допомогою інтернету здійснюють обмін інформації між центром даних і зовнішнім середовищем — людьми, технологічними пристроями, іншими центрами даних, тощо.

Центр опрацювання даних (ЦОД) є сукупністю спланованих певним чином територій, зовнішніх майданчиків (анклавів), будівель, приміщень, зі встановленими інженерними системами забезпечення та обслуговчим персоналом, що утворюють загальний фізичний простір і технологічне середовище для розміщення комп'ютерів, електронних та інших засобів прийому, передачі, обробки, зберігання інформації і забезпечують задану ступінь доступності (готовності), розміщеного обладнання в заданому режимі функціонування.

Будівництво та експлуатація центрів даних здійснюється згідно з рядом стандартів. Центр даних може бути підрозділом телекомунікаційної компанії або ж окремою організацією.

Основна діяльність центру даних полягає у встановленні та подальшому обслуговуванні серверного та комунікаційного обладнання клієнтів згідно з умовами колокації або виділення серверів. Обладнання монтується на серверних стійках і/або шафах. Якість та пропускна здатність каналів зв'язку центру безпосередньо впливають на якість послуг, які він надає, позаяк основним критерієм їх оцінки є час доступності розміщеного в центрі сервера ().

Найстарішим центром даних України є ColoCall' (працює з 1 серпня 2000 року). Найбільшим спеціалізованим центром України є ЦОД «De Novo», з площею 2117 м² і потужністю 3,3 МВт.

Відповідно до TIA/EIA-942 структура ЦОД складається з трьох основних підсистем:

Центр обробки даних (ЦОД) — це комплексна централізована система, що забезпечує безперервність бізнес-процесів з високим рівнем продуктивності та готовності сервісів, що має:

До то́го ж надає переваги у наступних сферах:

У ряді країн є стандарти щодо обладнання приміщень центрів даних, що дозволяють об'єктивно оцінити здатність центру забезпечити той чи інший рівень сервісу. Наприклад, у США прийнятий американський (ANSI) стандарт TIA-942, що дає рекомендації як створювати центри даних, і ділить ці центри на типи за ступенем надійності.

Фактично, TIA-942 сприймається в усьому світі як єдиний стандарт для ЦОД, однак слід зазначити що він досить давно не оновлювався. У той же час, активно розвивається стандарт BICSI 002 2010 Data Center Design and Implementation Best Practices, що з'явився в 2010 і оновлений в 2011.

Кожен із стандартів, як правило має свою внутрішню класифікацію за сукупністю їх параметрів.

Основний показник роботи ЦОД — відмовостійкість; також важлива вартість експлуатації, показники енергоспоживання і регулювання температурного режиму.

Наприклад, стандарт TIA-942 передбачає чотири рівні надійності ЦОД:

ЦОД за видом використання поділяють на корпоративні, призначені для обслуговування конкретної компанії, і комерційні (аутсорсингові), що надають послуги всім бажаючим. Також поділяють провайдерозалежні і провайдеронезалежні центри. Перші служать для забезпечення діяльності телекомунікаційних операторів, другі можуть використовуватися різними компаніями відповідно до їх потребами.

Комунікації ЦОД найчастіше базуються на мережах з використанням протоколу IP. Центр містить кілька маршрутизаторів і мережевих комутаторів, які керують трафіком між серверами і «зовнішнім світом». Для надійності ЦОД іноді підєднаний до інтернету за допомогою безлічі різних зовнішніх каналів від різних постачальників послуг інтернету (провайдерів).

Деякі сервери в ЦОД служать для роботи базових і інтранет-служб, які використовуються всередині організації: поштові сервера, проксі-сервери, DNS-сервери і т. П.

Мережевий рівень безпеки підтримують міжмережеві екрани, VPN-шлюзи, IDS-системи тощо. Також використовуються системи моніторингу трафіку і деяких додатків. Розвиваються й дешеві «треш-дата-центрів» — це великий склад або ангар, мінімально пристосований для розміщення стійок. Якщо клієнт бажає мати гарантоване електроживлення, то повинен поставити власні ДБЖ.




#Article 359: Удмурт автономной областьлэн революционной комитетэз (103 words)


Удмурт автономной областьлэн революционной комитетэз (Удмурт облревком) — Удмурт автономиен огвакытлы кивалтӥсь кун орган. Кылдытэмын 1921-тӥ арын 5-тӥ толшоре ВЦИК-лэн декретэзъя. Ужаны кутскиз 9-тӥ тулыспалысен. Интыяськиз со Глаз карысь Столбов вузчилэн коркаяз.

Революционной комитетлэн тӧроез луиз Иосиф Наговицын. Со сяна нырысь удмурт правительствое озьы ик пыризы Трокай Борисов, Степан Барышников но Н. Ф. Шутов.

Ревком кивалтӥз политикаын, калык хозяйствоын, социально-культурной но национальной удысын лэсьтӥськонэн, шаерысь ужъюртъёслэн радъяськеменызы но ужаменызы. Ревкомлэн одӥгез валтӥсез ужпумез луиз удмурт шаерысь советъёслэсь нырысетӥ съездзэс дасян. Та съезд 1921-тӥ арын пӧсьтолэзе люкаськиз но 20-тӥ пӧсьтолэзе Удмурт автономной областьлы исполнительной комитетэз (облисполкомез) бырйиз. Таин валче облревком быдтэмын вал.

Удмурт облревкомлэн таӵе структураез вал:




#Article 360: Вега, Лопе де (173 words)


Лоп Вега де Карпио (Мадрид, 25 шуркынмон - ын 1562-ibidem, август 27, - ын 1635 арын) значимые пусъемын вал поэт но драматург пӧлысь одӥгез зарни дауръёслэсь испанский но солэсь ужзэ паськытатон, писательёслэн дунне литератураысь одӥгзэ тужгес но емыш. 

Призыв сахар заводын Феникс но Сям Монстръёс (кылсярысь, Мигельлэн Сервантес) кузь формула, испанский театре, со дыре, мар луысал, театре феномен масса лулчеберетъя кутскиз. Экспонент, дорын де Тирсо Молин но Барк Кальдерон де ла, театр барокко испанский, соослэн произведениоссы азьло сямен ик вылӥ быдӟалазы литератураын но искусствоын вутскем пӧлысь одӥгез испание али дырез возьматэ возьматӥськиз ни. Соос пӧлысь одӥгез вал туж но лирической тӥ кастильский кылъёсъя повествование но кӧня ке роман авторъёс но произведениос, кузь кылбуръёсаз но прозаяз.

Табыдӟа со ог 3000 сонет, куинь роман, ньыль новеллаос, укмыс эпопея, куинь кылбур дышетскон сюэн но комедия (1800 гырпумаз Монтальбан де Перес Хуан). Ог де Кеведо Франсиско но де Руис Аларкон Хуан, споре пыриз де Гонгора Луис но кема ӵош соперничество Сервантес, соос кужмоесь луэмын, улон-а озьы, кызьы со ужез. Улӥсь атаез, сузэр драматург озьы ик Санэ Марсел-Феликс




#Article 361: Удмуртиысь Кун Кенеше быръёнъёс (2012) (106 words)


Удмурт Республикаысь витетӥзэ ӧтчам Кун Кенеше депутатъёсыз быръёнъёс 2012 арын 14-тӥ коньывуонэ луизы. Партийной списокъёсъя быръемын вал 45 депутат 90 пӧлысь, эшшо 45 депутат одӥг мандатъем округъёсысь потӥз. Полномочиоссылэн сроксы вить ар вал.

Быръёнъёсы пыриськизы 11 партиос: «Огъя Россия», КПРФ, ЛДПР, «Зэмлыко Россия», «Яблык», «Вожъёс» экологи партия, «Россиысь демократической партия», «Россиысь городъёс», «Россилэн патриотъёсыз», «Россиысь коммунистъёс» но «Альянс зелёных — Народная партия».

Одӥг мандатъем округъёсы баллотироваться кариськиз 258 кандидат, со лыдын «Огъя Россиысь» 43 кандидат, КПРФ-ысь 41 кандидат,  ЛДПР-ысь но «Россиысь коммунистъёсысь» быдэн 40 кандидат, «Зэмлыко Россиысь» 34-ез, «Яблыкысь» 9-эз, «Альянс Зеленых - Народная партия» пушкысь 7-ез, «Россилэн патриотъёсысьтыз» 6-ез но 38 ассэ ачиз дэмлась кандидат.




#Total Article count: 361
#Total Word count: 77993