#Article 1: &quot;سرائیکی&quot; دا ناں کائیں اتے کیویں سِترے (1006 words)


(اے مضمون سئیں احسن واگھا دی سرائیکی تحریک دی تاریخ اُتے ریسرچ دا ہک حصہ ہے۔ ایں مضمون وچ ݙتے حوالہ جات کوں اوں ریسرچ دی تفصیلی رپورٹ وچ ݙٹھیا ونڄ سڳدے)
کئی وجوہات کنیں برٹش کالونئیلزم دوران اڄوکے سرائیکی وسیب وچ اجتماعی سُنڄاݨ دی تحریک دی لوڑھ یا حالات پیدا نہ تھئے۔ ایں صورتحال دی ہک جھلکی لسانی ہکڑپ (linguistic uniformity)  دے تصور دے نہ ہووݨ وچ نِظردی ہے۔ ہکی ٻولی کیتے انجو انج علاقیں وچ کئی ناں ورتے ویندے ہئین۔ سرائیکی دے ہکے ناں دا تمام علاقیں دے لوکیں دی پاسوں قبول کرݨ کہیں معجزے کنیں گھٹ نَہی۔  سرائیکی دے ناں دی قبولیت وکھری سُنڄاݨ دی تحریک کیتے میدان تیار کیتا اتے ایندے نال سرائیکی خطہ دے سرحدیں دی وی حد بندی تھئی۔ سرائیکی دی اصطلاح پنجاب دے مقابلے وچ  پورے علاقے وچ مقبول عام تھئی۔

سرائیکی دی اے اصطلاح کݙاں اتے کیویں گھڑی ڳئی اتے ایں پوری کامیاب سکیم کوں تیار کرݨ دے پچھوں کیندا ہتھ ہئی؟ اے کُجھ اینجھے سوال ہن جنہیں اُتے پیلہے وی زورو شور نال ڳالھ مُہاڑ تھیندی ریہی ہے اتے اِنہیں سوالیں دے جواب دی اڄ وی لوڑھ ہے۔ 
ہک اردو روزنامہ دے خصوصی ایڈیشن کوں انٹرویو ݙیندے ہوئیں سرائیکی دے ہک اڳواݨ مہر عبدالحق آکھیا جو اُوں ایں ٻولی کیتے سرائیکی دا ناں ملتان وچ 1962 وچ تھیوݨ آلی ہک میٹنگ وچ تجویز کیتا اتے اینکوں منظور کروایا (مہر عبدالحق 1987)۔ ایں دعوے کوں ریاض انور اوں روزنامہ وچ ہک وضاحتی نوٹ لکھ کنیں فوری مُسترد کیتا۔

اوں اُلٹا دعویٰ کیتا جو سرائیکی ٻولی دی آزاد حیثیت اتے انج خطہ دا سوال اوں رائٹرز گلڈ دی 1960 دے ݙہاکے وچ تھیوݨ آلی ہک میٹنگ وچ چاتا۔ اوندے مطابق ایں ٻولی دے انجو انج ناویں دی وجہ توں اونکوں ݙوجھے لکھاریں اڳوں اپݨی ڳالھ کرݨ وچ پریشانی تھیندی ہئی۔ ایں مسئلے دے حل کیتے اوں کم کرݨ شروع کیتا اتے سرائیکی دے ناں کوں ملتان اتے بہاولپور دے حلقیں کنیں 1966 وچ ہک سپیشل میٹنگ سݙ کنیں منظور کروایا۔ اوندے بیان موجب مہر عبدالحق وی اوں میٹنگ وچ شریک ہئی۔ سرائیکی دا اے ناں وت ہَولیں ہَولیں لکھت وچ آوݨ لڳ پیا اتے ایندی مشہوری تھی ڳئی۔

کُجھ عرصہ تائیں ایں طرانح دا جھیڑا بہاولپور دی پاسوں وی لایا ڳیا۔ سرائیکی دا ناں گھڑن یا مقبول کرݨ کیتے بہاولپور دی پاسوں کریڈٹ گھنݨ کیتے صدیق طاہر (طاہر1990: صفحہ نمبر 39-45) اتے سیٹھ عبیدرالرحمٰن وی ہک ٻئے نال اوں روزنامہ دے سپیشل ایڈیشن وچ اختلاف کریندے ݙسدن۔ صدیق طاہر مطابق اے 1964 وچ بݨن آلی سرائیکی ادبی مجلس ہئی جئیں ایں ناں کوں گھڑیا اتے مقبول کیتا۔ جݙاں جو سیٹھ عبید الرحمٰن آہدن جو اُنہیں دے حلقے اے ناں گھڑیا پر آمرانہ حکومت دے ݙر دی وجہ توں ایں ڳالھ کوں ریکارڈ تے نہ گھن آئے۔  میگزین اختر دے ہک اداریہ وچ اے۔ کے۔ بلوچ دی پاسوں ریاض انور دے دعویٰ دا بالواسظہ تصدیق تھیندی ہے۔
میڈی آپݨی پرکھ پرچول نال کُجھ اینجھے شواہد مِلدن جیڑھے ایں حوالے نال میر حسان الحیدری دے کردار دی تصدیق کریندن (ݙیکھو شیکل 1977، صفحہ 391)۔ جیویں جوہک انٹرویو وچ غضنفر مہدی آہدن ڄو

میر حسان الحیدری دے آپݨے سپوت جاوید چانڈیو، جیڑھے جو اسلامیہ یونیورسٹی بہاولپور وچ سرائیکی زبان دے پروفیسر ہن، اُنہیں ہک انٹرویو وچ آکھیا:

حسان الحیدری دے ایں کردار دے حوالے نال میکوں پنج ڈاکومنٹس مِلن جنہیں وچوں ہک چھپیا ہوئیا ہے جݙاں جو چارذاتی دستخط سمیت ہتھ نال لکھے ہوئے ہَن۔ انہیں ݙاکومنٹس کوں میں حیدری۔1، حیدری 2، حیدری۔ 3، حیدری۔ 4، اتے حیدری۔ 5 دا ںاں ݙتے (حیدری 1961-62)۔
حیدری۔ 1 ہتھ نال لکھی ہوئی ہک میٹنگ دی رپورٹ ہے جیندے وچ رشید طالوت، طاہر غھنی، شبیر حسن اختر اتے ٻئے کئی لوک شامل ہئین۔ رپورٹ دے مطابق اوں میٹنگ وچ اے فیصلہ تھیا جو سرائیکی اکیڈیمی ملتان دے ناں نال ہک تنظیم بݨائی ویسی۔ جݙاں جو ایں رپورٹ نال اڳلے ݙینہہ دے اخبار دے ݙو تراشے وی ڳنڈھے ہوئے ہئین۔ ایں ڈاکومنٹ دا اردو وچ لکھیا ہوئیا پیلھا پیراگراف اے ہے:

ایں ڈاکومنٹ وچ تنظیم دے مقاصد دے علاوہ حسان الحیدری دی پاسوں اے دلیل ݙتی ڳئی جو  سندھ وچ ایں ٻولی کوں سرائیکی آکھیا ویندے اتے ایں ناں کوں مقبول کرݨا چاہیدے۔
حیدری۔ 2 جیڑھا جو ہکی جاہ کنوں شائع تھیا اوندے وچ ایں مسئلے اُتے ہک کانفرس کراوݨ دی تجویز ݙتی ڳئی۔ اے خواب تیراہاں ورہیں بعد 1975 کوں ملتان وچ تھیوݨ آلی سرائیکی کانفرس دی صورت پورا تھیا۔

حیدری۔ 3 ناں دا ڈاکومنٹ وی ہک ہتھ نال لکھی ہوئی میٹنگ رپورٹ ہے جیڑھی جو اوں سال 10 جون کوں تھئی ہئی۔ ایں رپورٹ وچ سرائیکی اکیڈیمی دے کم کوں ودھاوݨ کیتے مظفر گڑھ اتے ڈیرہ غازی خان دے دورے دا احوال لکھیا ہوئے۔ ایں دورے وچ حسان الحیدری جیڑھے معتبر لوکیں نال ملاقات کیتی، اُنہیں وچوں تونسہ شریف دے خواجہ نظام الدین دا ناں وی شامل ہے۔ خواجہ نظام الدین ایں ملاقات وچ اوندی وݙی حوصلہ افزائی کیتی اتے اڳوں ہر طرانح دے تعاون اتے امداد دا وعدہ وی کیتا۔ ایں میٹنگ دی رپورٹ وچ ہک ممبر دی پاسوں تھیوݨ آلیں سازشیں دا وی ذکر ہے۔
وݙا گمان اے ہے جو اے اوہا سازش ہے جیندا تفصیل نال ذکر اڳلی رپورٹ حیدری۔ 4 وچ تھیندے۔ اے میٹنگ اوں سال 21 اکتوبر کوں ملتان وچ تھئی جیندے وچ سرائیکی اکیڈیمی ملتان دا ناں وٹا کنیں ملتان ادبی بورڈ رکھیا ڳیا۔ اوں رپورٹ وچ مہر عبدالحق کوں ایں تبدیلی دا ذمیوار ݙسیا ڳیا جیڑھا جو اوں ویلہے ملتانی زبان دے ناں نال لکھئے ڳئے آپݨے پی۔ ایچ۔ ڈی تھیسس دا اُسیر تھی چُکیا ہئی۔

چھیکڑی ہتھ نال لکھیا ہوئیا ڈاکومنٹ حیدری۔5 وچ حسان الحیدری ننویں تنظیم دے ممبریں وچ اکٹھ اتے اتفاق نہ ہووݨ دا رووݨا پِٹدن۔ او ممبریں دی غیر ذمیواری دا تذکرہ کریندن اَتے نال نال سرائیکی دے کم کوں سندھی طرز اُتے اڳوں ودھاوݨ دی اہمیت  اُتے زورݙیندن۔
میر حسان الحیدری سرائیکی خطہ دی اوں جاہ دا ڄم پل ہئی جیڑھی جو سندھ دی سرحد بݨدی ہئی۔ ایں ڳالھ دا ودھ امکان ہے جو ایں ٻولی دے سندھی ناں کوں او ملتان گھن آئیا ہووے۔ تاہم ایں ناں دی عام مقبولیت وچ ہک فیکٹر کنوں ودھیک کئی عوامل دا عمل دخل ہئی۔




#Article 2: &quot;ڈِڈھ دا دوزک” (403 words)


اوتری ، نامُراد ، لوبھِنڑ چور رَن ، تیکوں شرم نئی آئی ، ایویں کریندییں میں تیڈے آسرے تیں

اپنڑاں پورا گھر سٹی ویندی آں تے توں حرام خور میڈے پِچھوں وی ایویں میڈے بالیں دیاں

مڈیاں کھا ویندی ہوسیں ۔ تُساں جیہاں ہڈ حرام چورڑیاں جیل دے ڈا دیاں ہِن ۔ دِل تاں اہدے

گُت کنوں نپ تیں تیکوں ہِک جھنباڑ چاڈیواں ۔ پر کیا کراں کُولے دِل آلی رن ہاں نمہی کر سگدی ۔

کوثر دے ایں چِکاٹ تیں اوندے گھر دے سبھے بندے سویرے سویرے اُٹھی تے صحن وِچ آ گئے ۔

جو ڈیکھوں تاں سہی کیا تھی گئے ؟

کوئی ڈاکہ مار گئے رات کوں یا کوئی بیا نقصان تھی گئے باہرو آوِن تاں کوثر اپنڑی نوکرانڑی نذیراں

تے چیکدی کھڑی ہئی۔  نذیراں سِر جھِکا کر تے ایویں روندی کھڑی ہئی۔ جو جیویں اونہوں جُرم کیتا

ہووے ۔ جیندی کوئی معافی کائنی تے نذیراں دے چولے دا پاند پکری اوندا چار سال دا رانجھو ڈریں

ہوئیں اکھیں نال کوثر کوں ڈہدا کھڑے جو جیویں رات کوں اماں اہدی ہے سم ونجو نہ تے ککھیں

لڈی آ ویسے وے ۔ اج او ککھیں لڈی رات دے بجائے ڈینہہ کو آ گئی تے او میڈے نال نال

میڈی ماء کوں وی کھا ویسی ۔ 

مریض ہاں ” بابے کوثر توں پُچھیا۔

دی ملکانڑیں بنڑنڑ ہئے گئی ہے ” 

بُڈھڑی اماں اوندا جُرم پچھڑ پئے گئی ۔ 

چیزاں چا ویندی ہوسی ” کوثر کاوڑ کنوں اِلزام لایا

بال وی ڈریا کھڑے ” ابے کوثر توں پچھیا

اُٹھی آیا تے سارا منظر ڈیکھ تے پریشان تھی گیا جو اے کیا متام ہے سویرے سویرے، او وی

چُھٹی دے ڈینہہ 

وِچ بربات چا کریندی ہئیں ، ہنڑ وت کیا تھی گئے ؟؟ 

کو چا کھوائس او وی میکوں ڈسئے تے پُچھے بغیر ، میڈا دِل اہدے جیویں میڈے بالیں دی شئے کھوائی

ہِس ایندے پُتر دے ڈڈھ وِچوں کڈھ گھِناں ” کوثر انسانیت توں لہہ تے آکھیا 

سلیم کوثر کوں آکھیا ۔

کڈاہیں کائنا ، چل دفعہ تھی ونج اِتھوں حرام خور ، چور رَن تے ولا کڈاہیں میکوں اپنڑی منحوس

شکل نہ ڈکھائیں ، کوثر دے گھر والیں دے روکنڑ دے با وجود اوں نذیراں کوں گھرو کڈھ

چھوڑیے تے نذیراں چار سالہ رانجھو کوں ڈھاک تے چا تے روندیں ہوئیں اسمان دو ڈِٹس ،

ہِک ٹھڈی آہ دل وِچوں نکلیس جو واہ وے نیلی چھت والا کیا تھیندا جو اساں غریبیں کوں اے

ڈڈھ دا دوزک نہ لانویں ہا ۔

ختم شُد




#Article 3: '''عاشق ظفر بھٹی''' (622 words)


کجھ لوگاں کوں ݙیکھ کے ہی دل وچ آندا ہے کہ کاش میں انہاں دی طرح بݨاں کیونکہ ہر کہیں دی کوئی نہ کوئی آئیڈل شخصیت ہوندی ہے تے ہر شخص اپݨے آئیڈل انسان دی طرح بݨݨ دی کوشش کریندا ہے.  اج میکوں جس عظیم شخصیت دے بارے ٢چ لکھݨ دا موقع ملا،  انہاں دے بارے وچ بچپن توں سݨدا آنداں، اوہ ہک شخصیت نہیں بلکہ خود وچ ہک ادارہ ہے. آپ دا خاندان 17ویں صدی وچ اس وقت ہجرت کرم تے مجبور تھیا جݙݨ دُلا بھٹی کوں انگریزاں نے سزا دے بعد بھٹی خاندان کوں مٹاوݨ لگے تے انہاں دا جیوݨ حرام کر ݙتا تے ایہ خاندان اتھوں ہجرت کر کے کئی قربانیاں ݙے کے بالآخر راجن پور وچ آباد تھی گیا۔ ڈاکٹر عاشق ظفربھٹی نے ابتدائی تعلیم اپݨے علاقہ توں حاصل کیتی تے گریجویشن اسلامیہ یونیورسٹی توں کیتی.  1977 وچ سرائیکی ادبی سنگت بݨائی ۔ 

کوڑا خان جتوئی مرحوم دی خدمات کوں پیش نظر رکھدے ہوئے انہاں دے ناں نال تنظیم بݨائی. سردار کوڑاخان دوم نے 1892ء وچ 92 ہزار کنال رقبہ ملکی صحت تے تعلیم کیتے وقف کر ݙتا لیکن اس رقبہ توں لکھاں روپے ضلع کونسل دے افسران تے اہلکار کھا گئے. جس دے خلاف آپ نے جدوجہد شروع کر ݙتی۔ آپ نے اپݨی سیاسی قومی شعور دے مطابق سرائیکی قوم دی تکالیف کوں پہچاݨا تے سرائیکی کانفرنسز دا انعقاد کرایا 1984ء میں جݙݨ’’ سرائیکی صوبہ محاذ‘‘ بݨا تاں آپ بنیادی لوگاں وچ شمار کیتے ویندے ہن.  80 دی دہائی وچ وڈیرہ تے جاگیردارانہ نظام چلدا ہئی جس وجہ نال جاگیردار مزدوراں تے ظلم دے پہاڑ توڑدے ہن جیسا کہ مزدوری نہ ݙیوݨ،  زمیناں تے گھراں تے قبضہ کر گھنݨ،  اتھاں تک کہ زندہ ساڑ ݙتا ویندا ہئی.  ایں ظلم دے خلاف آپ صف آرا تھی گئے تے باضابطہ سوشلسٹ پارٹی انجمن اصلاح معاشرہ بمائی جہڑی کہیں فنڈ روپے دے عوض مزدوراں دی خاطر STAND گھن گھندی ہئی کیونکہ ڈاکٹر عاشق ظفربھٹی ہک نڈر صحافی وی ہن جس وجہ نال جاگیردار تے وڈیرے انہاں توں کتراندے ہن۔ آپ نے پرنٹ میڈیا وچ قدم رکھا تے بے باک صحافت کوں 40 سال توں زیادہ عرصہ بیت چکا ہے تے تحصیل پریس کلب جتوئی وچ ستویں مرتبہ صدر دے فرائض سرانجام ݙیندے پن.   

آپ نے اپݨی قلم دے زور تے قومی اخبارات وچ سرائیکی کالم نگاری کر کے سرائیکی نوجواناں کوں بیدار کیتا 90 دی دہائی وچ آپ نے اپݨے دوستاں دے ہمراہ مل کے اپݨے علاقے وچ کئی سرائیکی میلے کرائے ۔آپ سیاسی وسماجی کماں دے علاوہ کݙہیں وی سرائیکی تحریک توں پچھاں نی ہٹے تے آپ نے پاکستان سرائیکی پارٹی،  غوث بخش بزنجو، خان عبدالولی خان تے شہاب خٹک دے نال کام کرݨ دا اعزاز رکھدے ہن.  سرائیکی تحریک دے تاج محمدلنگاہ جیہے رہنماواں نال کم کیتا. 

آپ نے سرائیکستان قومی انقلابی پارٹی دے رہنما دے طور تے فرائض سر انجام ݙتے تے سرائیکی تحریک کیتے خوب محنت کیتی.  15 سال دے عرصے تک آپ نے اس پارٹی دا لوہا منوایا مگر زیادہ سرائیکی پارٹیاں ہوݨ دی وجہ نال تحریک کوں نقصان پہنچدا پیا ہے،  اس نظریے دی وجہ نال آپ نے سرائیکستان قومی انقلابی پارٹی کوں خطہ سرائیکستان دی نمائندہ جماعت سرائیکستان ڈیمو کریٹک پارٹی وچ ضم کر ݙتا جس وچ آپکوں صوبائی کوآرڈینیٹر برائے سرائیکستان بݨا ݙتا گیا تاں آپ نے انتھک محنت تے اچھے ٹیم ورک دے نال پارٹی وچ نویں روح پھونک ݙتی جس وجہ نال ہݨ سرائیکستان ڈیموکریٹک پارٹی پاکستان دی اہم پارٹی ہے ۔ آپ نے سینکڑاں لوگاں دے ہمراہ سرائیکستان لانگ مارچ وچ شرکت کیتی تے لانگ مارچ وچ اہم کردار ادا کیتا. آپ دی تحریک نال محبت دی وجہ نال آپ دا پورا خاندان سرائیکستان نال محبت کرݨ والا ہے ۔اساں امید کریندے ہیں کہ جݙݨ الگ صوبہ بݨسی تاں آپ دا ناں صف اول دے بانیاں وچ گھدا ویسی۔




#Article 4: آ جانی تونسہ ڄلوں (369 words)


تونسہ شریف ءچ اُنویں تاں بدبختی پچھلے ستر سالیں کنیں عروج تے ھے پیریں سرداریں دے قہر ءچ جکڑیا ھویا شہر اج وی پچھلی صدی دا نقشہ ڈیندے، تعلیم یافتہ طبقے دے باوجود جہالت دی انتہا ھے، ول ول آزمائے ھوئے لُوکیں کوں گریٹ لیڈر، فخر سنگھنڑ، دا خطاب ڈے کے آپڑیں نسلیں نال دھوکا فریب کرنڑ وطیرہ بنڑ چکے، جیرھے شہر ءچ دنیاں دا پہلا جانور پارک، کمال پارک جئیندے وچ بھیڈاں بکریاں گڈھاں کھوتے، سیر سپاٹے کریندے ھوون، جیرھے شہر دے اکلوتے لاڈلے ہسپتال ءچ پوری تحصیل دی عزت نفس مجروح تھیندی ھووے، جیرھے شہر ءچ غریبیں دی ساری عمر دی کمائ سڑ کے سُوا تھی گئ ھووے بدلے ءچ باہر دا ایم این اے آ کے انھیں دے ڈکھ ءچ شامل تھیندا ھووے، مقامی سیاہ ست دان ٹھکارے مریندے ھوون، اُلٹا غریبیں تے پرچہ کٹوا کے غریب عوام دے مونھ تے تھپڑ مریندے ھوون،جنھیں پیریں سرداریں دے گھر ویھاڑی تیں ڈی جی خان ھوون، انھیں کوں ترائے چار دفعہ آزما کے ول وی انھائیں دے گیت گاونڑ آلی قوم آپڑیں شہر دا ناں فخر نال یونان صغیر لکھ کے آپکوں باشعور تے پڑھے لکھیے لوکیں ءچ شمار کرے انھیں کوں کوئ ونج سمجھاوے میڈا ویر کھوتے تے کتاباں لڈنڑ نال کھوتا باشعور تیں عالم نیں بنڑ  ویندا.  

خواجہ شیراز صاحب تیرہ سال ایم این اے رہ گئے کوئ ڈس سگدے تیرہ سال ءچ پیر صاحب کتنی دفعہ تونسہ تشریف گھن آئے ہن کتنے ہسپتال و سکول بنڑئن، سردار قیصرانی، آپڑیں وستی یا حلقے ءچ کتناں ترقیاتی کم کرائن جتھاں انسان و جانور کٹھے پانڑی پیندے رہن او حلقے سردار تیں پیر دے ہن، پتہ نیں ساڈی مجبوری کیرھی ھے ساڈیاں زباناں کیوں گونگیاں ہن ساڈے ضمیر کیوں، مرگئین ساڈیں اکھیں تے کینجھی پٹی بدھی کھڑی ھے سب کجھ جانڑ کے وی نانگ پلیندے پئے ہیں ولا اوھے لوک آنڑنڑ دے فکر ءچ ہیں جیرھے ساکوں ویچ کے محل ماڑیاں گھندن،اکھیں بھالو سُتے لوکو، پہلے انھیں کونسلریں کنیں شروع کرو جیرھے آپ تاں لکھاں روپے گھن کے نہال ہن پر ساکوں ایں حالت ءچ آنڑ  آلے ایھے کم ظرف ہن، اُٹھو متاں شام غریباں تھی ونجے متاں خیمے سڑ ونجن متاں علی اصغر تسے مر ونجن، متاں تھاڈیں ساڈیں لاشیں تے گھوڑے دُرکائے ونجن، اٹھو. (جمیل بلوچ)




#Article 5: آ میݙا جانیاں آ میݙے دیس وچ (486 words)


آ میڈا جانیاں آ میڈے دیس وچ

آمیڈا جانیاں آمیڈے دیس وچ آ کے ڈیکھیں جو دردیں دی سولی اتے لوک چڑھدن کیویں لوک لہندن کیویں. 

پتھریں دے بنڑے ہوۓ گھریں دے اندر ریشمی جسم ڈکھاں کوں سہندن کیویں.

مونجھاں کونجیں دے وانگوں چودھاروں پھرن 
شام تھیوے تاں کندھیاں تے بہندن کیویں.

رات بے سئیت لوکاں دے گھر دے اندر ویݨ در دے ولیکھاں توں آندن کیوں.

آکے ڈیکھیں جو دردیں دی درسال تے ایں حیاتی کوں کیویں رو وایا ویندے.

اپنڑیں آکھیں دیں ہنجھوں کوں پالنڑ کیتے بے کسی کوں وسیلہ بنڑایا ویندے.

اتھ تاں معصوم دے ہونٹ سیتے ویندین اوندئیں جذبیں کوں سولی چڑھایا ویندے

عید دی رات ہے بھانویں شب رات ہے دڑکے ڈے ڈے کے اوکوں سمایا ویندے.

آمیڈا جانیاں...

آکے ڈیکھیں جو روہی دا راول اتھاں کیویں جیونڑ دی خیرات پندا کھڑے.

گھگھ اندھارے اندر، گنگےلوکیں کیتے، سنجے سجھ دے کولھوں جھات پندا کھڑے.

اتھاں بکھے ببھر گھن کے کوئی نہ سمے اپنڑے مالک توں او رات پندا کھڑے.

تتی روہی تے روح نال رج کے وسے ایجھیں ساونڑ دی برسات پندا کھڑے.

آمیڈا جانیاں....

آکے ڈیکھیں جو جمدے ہوئے بال کوں سول صدمے ملن ساہ کوں سانگاں ملن.

گھٹی ڈکھاں دی اوکوں پلائی ونجے اوندے کنیں دے وچ بکھ دیاں بانگاں ملن.

دھیریں جمن تاں ما پیو کوں جھورا لگے سیندھ سرمے ملن نہ کوئی مانگھاں ملن

چاندی کھنڈدی ونجے توڑے سر دے اتے سیجھ رنگلی کیتے صرف تانگھاں ملن.

آ میڈا جانیاں آ میڈے دیس وچ...

آ کے ڈیکھیں جو بے علم ملا کنوں دین بدلے زمانے دیں ریتاں دے وچ.

اوندے متھے محراب بکھدا کھڑے اوندی گذری حیاتی پلۂپاں دے وچ.

ساکوں فرقے بنڑا کے لڑایا ویندے اساڈا مذۂب وی آگۓ فصیتاں دے وچ.

چھینڈے اڈدن لہو دے دیواریں توڑیں کیویں انسان کسدے مسیتاں دے وچ.

آمیڈا جانیاں آ میڈے ڈیس وچ.

آکے ڈیکھیں جو حاکم دے ہرکارے اتھ اوندا لکھیا ہے پڑھ پڑھ سنڑیندے ودن .

جنھاں اکھیں کوں خاباں دی عادت ہائی انہاں اکھیں کوں اندھا کریندے ودن.

جنھاں ہونٹیں تے لفظیں ٹھکانڑا کیتے انہاں ہونٹاں توں ہر لفظ چئیندے ودن.

جنھاں ہتھاں کو سچ کوڑ لکھنڑ دی عادت ہائی انھاں ہتھاں کوں بانہاں تئیں کپیندے ودن.

آمیڈا جانیاں آ میڈے ڈیس وچ.

آتے ڈیکھیں جو پڑ تے پئی بار ہے لوک آندے کھڑن آپنڑیں لانڑھیں کیتے.

بار ڈے کے بھتاریں دا لیکھا کیتے کوئی گھلیندا رہا میکوں تھانڑئیں کیتے.

میڈے گندھڑے کلہوٹیاں وی واندیاں رہیاں بال روندے کھڑن شۓ دیں دانڑیں کیتے.

سال پورے دا پوہریا انویں رل گیا بھوں وی بچ نہ سگیا میݙئیں بھانڑے کیتے.

آمیڈا جانیاں آ میڈے ڈیس وچ.

آ کے ڈیکھیں جو میڈے مقدر دے وچ اوکھے پینڈے ریہے پندھ کشالے ریہے.

تیڈے سانگے ڈسا خوشیاں کتھوں پناں میکوں ملنڑ کیتے ڈکھ اوبہالے ریہے.

میڈے کیتے تاں بدرا دی دھپ وانگے ہن اے ہونالے ریہے یا سیالے ریہے.

تیڈے ہتھاں تے مہندی اونویں نہ لگی میڈے پیراں تے آڈیکھ چھالے ریہے.

آمیڈا جانیاں آ میڈے ڈیس وچ.

پرفیسر جہانگیر مخلص




#Article 6: آ پلیس کالڈ ہیئر (252 words)


آ پلیس کالڈ ہیئر (انگریزی: A Place Called Here؛ سرائیکی ترجمہ: اتھاں ہک مقام)آئرستانی مصنفہ سیسیلیا اہیرن دا چوتھا ناول ہے۔ ایہ 2006ء وچ شائع تھیا۔ ریاست ہائے متحدہ وچ ایہ ناول ’’دیئرز نو پلیس لائک ہیئر‘‘ (انگریزی: There's No Place Like Here؛ سرائیکی: اتھوں جیہا کوئی مقام نی) دے عنوان نال شائع تھیا۔

سینڈی شورٹ اپݨی گم شدہ اشیا دے بارے وچ بے حد حساس ہئی۔ اُس دی ہم جماعت جینی مے بٹلر اگرچہ اُس دی حریف ہئی، لیکن بچپن ہی وچ اُس دی گم شدگی نے سینڈی دے ذہن تے گہرے اثرات مرتب کیتے۔ چناں چہ پہلے اُس گاردا (جمہوریہ آئرستان کی پولیس) وچ ملازمت اختیار کر گھدی تے بعد ازاں اوہ ملازمت چھوڑ کے گم شدہ لوگاں سی تلاش دا کم شروع کیتا۔

اتنے وچ جیک رٹل نامی ہک شخص نے سینڈی نال رابطہ کیتا تے اپݨے بھائی ڈونل دی تلاش وچ مدد منگی جیہڑا ہک سال توں لاپتہ ہئی۔ سینڈی اُس دی تلاش وچ مدد کرݨ کیتے تیار تھی گئی لیکن جݙݨ اوہ جیک نال ملݨ ویندی پئی ہئی تاں ہوں دوران وچ اوہ خود گم تھی گئی۔ تݙاں اُس ہک ایسی دنیا دریافت کیتی جتھاں تمام کھوئی ہوئی اشیاء تے گم شدہ افراد چلے ویندے ہن، ہک مقام جینکوں ’اتھاں ‘ آہدے ہن۔

ایک طرف سینڈی اُس نویں دنیا کوں کھوجدی ہے تے اونکوں سالہا سال توں گم شدہ افراد تے اشیاء اتھاں نظر آندیاں ہن، تاں ݙوجھی طرف مقررہ وقت تے ملݨ کیتے سینڈی دے نہ پہنچݨ تے جیک اُس دی تلاش شروع کر ݙیندا ہے۔




#Article 7: آؤ آدر کروں آؤ پیار ونڈاووں (231 words)


آؤ آدر کروں آؤ پیار ونڈاووں.

سارے جھیڑے سٹ کراہیں آو ہک ٻئے دا ماݨ بݨو ہک ٻئے دا آدر کروں. 
اساݙا وسیب جتنا مہمان نواز، پیار، عزت احترام کرݨ آلا ھ، وسیب کیتے قومیتی جدوجہد کرݨ آلے تقریبا تمام شعبیاں دے مہربان اوندے اصلوں بر عکس ہن. 
وسیب دے کہیں وی دور پرے پسماندہ ترین علاقے مثلا روہ، روہی، تھل، دامان یا کچے دے علاقے وچ کہیں عام اݨ پڑھ دے گھر لنگھ ونڄوں تاں او بندہ اپݨی حیثیت کنوں ودھ تے گھر آئیں کوں دلوں جی آئیں کوں کریسے. کھٹ تے سرہاندی آلے پاسوں ٻلہیسے تے آپ پواندی کنوں ٻہسے. ٹرݨ ویہلے یا کھاوݨ ویہلے گھر آئیں کوں پہلے اڳوں کریسے تے آپ بعد وچ. ہک ٻئے دیاں پٹکیاں تے ننگ نموذ ٻہوں سوشل میڈیا تے فیسبک تے لہاتے کیہرے وسیب دی نمائندگی کریندے پیوں؟؟ 
. آؤ کجھ ہک ٻے دا لحاظ کروں ہک ٻئے دی عزت، آدر کروں تے کرواووں. 
سرائیکی وسیب، زبان، ادب ثقافت نال پیار کرݨ تمام سنگتیاں، مہاندریاں وݙے تے چھوٹیاں کوں میݙی دردمندانہ ارداس ھ جو ہر بندہ کم از کم پنج ایسے لوکاں کیتے پوسٹ لاوے جیہرے جو سرائیکی تحریک کیتے کہیں وی شعبے وچ بے لوث کم کریندے پئے ہوون. 
اپݨی پوسٹ دا عنوان آؤ آدر کروںلکھ کراہیں اپݨی پسند تے منشا دے سرائیکی وسیب نال محبت کرݨ آلے شخص کیتے چند مثبت لائیناں لکھ تے شئیر کرو. 
مہربانی ہوسے

عبید خواجہ




#Article 8: آئرن ڈوم (252 words)


آئرن ڈوم (عبرانی میں :כיפת ברזל ‎ kipat barzel انگریزی میں :Iron Dome) اسرائیل دا بݨایا گیا ترے سو کلومیٹر تک مار کرݨ والا اینٹی میزائل سسٹم اے جینکوں حزب اللہ تے حماس دی جانب توں سٹے ونجݨ والے راکٹاں کوں تباہ کرݨ کیتے استعمال کیتا گیا تے اینکوں اسرائیلی کمپنی Rafael Advanced Defence Systems نے بݨایا ہے۔

آئرن ڈوم راکٹ شکن نظام ہے جیہڑا اپݨے ہدف کوں راڈار دی مدد نال تلاش کریندا ہے۔ اوہ مخالف راکٹاں کوں تلاش کرݨ تے انہاں کوں نشانہ بݨاوݨ وچ 20 توں گھن کے 45 سيکنڈ تک صرف کریندا ہے۔ آئرن ڈوم دے عمودی رخ کيتے ہوئے ڈھانچے توں داغا ونجݨ والا کوئی وی راکٹ ترے ميٹر لمبا ہوندا ہے تے ہر واری يکے بعد ديگرے ݙو راکٹ سٹے ویندن۔ غیر ملکی خبر رساں ایجنسی دے مطابق فائر کیتے گئے 75 راکٹ وچوں 72 راکٹ کوں آئرن ڈوم فضا وچ تباہ کرݨ وچ کامیاب ریہا لیکن صرف 3 راکٹ اینجھے ہن جیہڑے اسرائیل وچ ڈھٹھے۔ آئرن ڈوم نامی سسٹم کوں ہک اسلحہ ساز کمپنی نے تیار کیتا ہے جس تے تقریباً 210 ملین ڈالر دی لاگت ہے۔ اسرائیل لبنان جنگ دے بعد اسرائیلی وزیر دفاع عمير بيرتز نے حزب اللہ دی جانب توں راکٹ حملیاں توں بچݨ کیتے فروری 2007 وچ آئرن ڈوم دی تنصیب دا فیصلہ کیتا ہئی۔ آئرن ڈوم سسٹم شروع وچ تاں ناکام ریہا لیکن 2011ء تے ول امریکی امداد دے بعد 2012ء وچ اینکوں کامیاب قرار ݙتا گیا۔ کیونکہ اسرائیلی فضائیہ نے اینکوں ٹیک اوور کریندے ہوئے اپ گریڈ کیتا ہئی۔




#Article 9: آئزک نیوٹن (292 words)


سر آئزک نیوٹن (انگریزی ناں Sir Isaac Newton) 
(جنوری 4، 1643ء توں 31 مارچ  1727ء) ہک انگریز طبیعیات دان، ریاضی دان، ماہر فلکیات، فلسفی تے کیمیادان ہئی جیندا شمار تاریخ دی انتہائی اہم شخصیات وچ تھیندا ہے۔

ہیں کتاب وچ نیوٹن نے کشش ثقل دا قنون تے اپݨے ترے قوانین حرکت ݙسے۔ ایہ قوانین اڳلے ترے سو سالاں تائیںطبیعیات دی بنیاد بݨے ریہے۔ نیوٹن نے ثابت کیتا جو زمین تے موجود اجسام تے سیارے تے ستارے ہکو ہی قوانین دے تحت حرکت کریندے ہن۔ اوں اپݨے قوانین حرکت تے کیپلر دے قوانین دے درمیان مماثلت ثابت کر تے کائنات وچ زمین دی مرکزیت دے اعتقاد کوں مکمل طور تے ختم کر ݙتا تے سائنسی انقلاب کوں اڳوں ودھاوݨ وچ مدد ݙتی۔ تے آئزک نیوٹن نے مسیحیت دے مشهور ٹرینیٹی یا تثلیث دے نظریے کوں رد کر ݙتا -

نیوٹن 1700ء توں 1727ء تک شاہی ٹکسال (Royal Mint) دا سربراہ ریہا ہئی جیہڑی مملیکت کیتے سکے بݨیندی ہوندی ہئی۔ اوں ویلے کاغذی کرنسی وی گردش وچ آ ڳئی ہئی۔ نیوٹن اسٹاک مارکیٹ وچ ݙاڈھا ناکام ریہا تے اپݨی دولت دا وݙا حصہ شیئر وچ سرمائیہ کاری کر کے ون٘ڄا ٻیٹھا۔

فروری 1720ء وچ نیوٹن نے South Sea دے کچھ شِئیر خریدکیتے تے صرف مہینے ݙیڈھ مہینے بعد جیہرلے انہاں دی قیمت ݙوڑی تھی ڳئی تاں خوشی خوشی ویچ کے منافع گھن گھدا۔ پر نیوٹن نے ݙٹھا جو جولائی تائیں انہاں دی قیمت ترے گنا تھی چکی ہے تے اوں دے جنہاں دوستاں  شیئر نہ ویچے ہن اوہ ہݨ وݙے امیر تھی ڳئے ہن۔ ایں ڳالھ پاروں نیوٹن نے وݙی مقدار وچ ٻئے شیئر خرید کر گھدے جنہاں دی قیمتاں تیزی نال اتے ویندیاں پیاں ہن۔ پر اگست دے مہینے توں قیمتاں تیزی نال ڈٹھیاں تے نومبر تائیں نیوٹن  کوں زبردست نقصان تھی ڳیا۔




#Article 10: آئس لینڈ (346 words)


آئس لینڈ دا سرکاری ناں جمہوریہ آئس لینڈ ہے۔ (Icelandic: Ísland or Lýðveldið Ísland; آئس لینڈ ہک جزیرہ ہے جیہڑا شمال مغربی یورپ دا ہک ملک ہے۔ اس دے بیرونی حصے شمال وچ اٹلانٹک (بحر اوقیانوس) سمندر وچ یورپ تے گرین لینڈ دے درمیان موجود ہن.  جولائی 2008ء دے مطابق اس دی آبادی 311396 ہے۔ اس دا دار الحکومت تے سب توں وݙا شہر ریکیاویک ہے۔ 

وسطی اٹلانٹک پلیٹ تے اپݨے محل وقوع دے لحاظ نال آئس لینڈ آتش فشانی تے ارضیات دے حوالے نال کافی وݙے پیمانے تے متحرک ہے۔ اس دا اندرونی حصہ سطح مرتفع تے مشتمل ہے جیہڑا ریتلے میداناں، پہاڑاں تے گلئیشرز(یخ بست دریا) تے مشتمل ہے تے انہاں ہی گلیشئرز (یخ بست دریا) توں دریا نکل کے اس دے زیریں حصیاں توں تھیندے ہوئے سمندر تک ویندن ۔ خلیجی رو دی وجہ نال آئس لینڈ دا درجہ حرارت اس دے محل وقوع دے باوجود نسبتاً معتدل رہندا ہے تے اس وجہ نال اتھاں رہائش کرنا نسبتاً آسان ہے۔ آئس لینڈ وچ انسانی آبادی دے آثار 874ء توں ملدے ہن جݙݨ نارویجیئن سردار انگولفر آرنارسن آئس لینڈ دا پہلا مستقل آباد کار بݨا۔

اس دے علاوہ دیگر لوگاں نے اتھوں دے چکر لائے ہن تے قیام وی کیتا ہئی۔ اگلی صدیاں دے دوران نارڈک تے گائلیک لوگاں نے آئس لینڈ کوں اپݨا مستقر بݨایا۔ ویہوں صدی توں قبل تک آئس لینڈ دی آبادی دا انحصار ماہی گیری تے زراعت تے ہئی تے 1262ء توں 1944ء تک ایہ ناروے دا حصہ ریہا تے اس دے بعد ڈینش (دانمارکی) بادشاہت دا۔ ویہویں صدی وچ آئس لینڈ دی معیشت تے بہبود دا نظام بہت تیزی نال پروان چڑھا۔ اج آئس لینڈ ہک ترقی یافتہ ملک ہے، فی کس جی ڈی پی دے لحاظ نال دنیا وچ پنجویں تے انسانی ترقی دے حوالے نال دنیا وچ ݙوجھے نمبر تے آندا ہے۔ اس دی معیشت فری مارکیٹ (آزاد منڈی) اکانومی تے مشتمل ہے جس وچ خدمات، فنانس(مالیات)، ماہی گیری تے مختلف صنعتاں اہم سیکٹرز ہن۔ سیاحت وی کافی مقبول ہے۔ آئس لینڈ UN, NATO, EFTA, EEA اور OECD دا رکن ہے لیکن یورپی یونین دا رکن نی۔




#Article 11: آئسوٹوپ (244 words)


ہم جا (isotope) کہیں عنصر دے مختلف انواع کوں آکھا ویندا ہے جنہاں دا جوہری نمبر ہک مگر جوہری کمیت مختلف ہوندی ہے۔ چونکہ کہیں جوہر دے مختلف ہم جا مختلف جوہری اوزان رکھݨ دے باوجود دوری جدول (periodic table) وچ ہک ہی مقام تے رکھے ویندن اس واسطے انہاں کوں ہم جا آکھا ویندا ہے۔ انگریزی وچ ایہ لفظ 1913ء توں استعمال وچ آیا ہے جیہڑا یونانی زبان دے ݙو الفاظ دا مرکب ہے، isos (یکساں / ہم) تے topos (مقام/جگہ/جا)۔

ہم جا دراصل فارسی دے الفاظ ہن۔ ہم آہدے ہن یکساں یا ہکو جیہا تے جا دراصل جائے دا متغیر ہے تے اِس دے معنی ہن جگہ، ہم جا دا مطلب ہے یکساں جگہ۔ چونکہ اتھاں ایہ اسم صفت دی حالت وچ ہے لہٰذا اِس توں مراد اینجھی چیزاں ہن جنہاں دی جگہ یکساں ہوون۔

ہک ایٹم یا جوہر دا جوہری عدد (atomic number) تاں ہک ہی ہوندا ہے لیکن بعض اوقات اس دا کمیتی عدد (mass number) مختلف ہوندا ہے۔ جس کوں اس جوہر دا ہم جا آہدے ہن، جبکہ اس مظہر کوں ہمجائیت (isotopy) آہدے ہن۔ ایویں تݙاں تھیندا ہے جیہڑلے ہک ہی عنصر دے جواہر وچ مرکزے (نیوکلیئس) وچ موجود بے بار دے برقياں یعنی متعادلاں ( نیوٹرانز، واحد متعادلہ / نیوٹرون) دی تعداد بدلدی ہے۔ مثلا آبگر دے ترے ہم جا ہن۔ جنہاں دے ناں پروٹئیم، ڈوریٹئیم تے ٹریٹئم ہن۔ اس دے علاوہ وی قدرتی طور تے تقریباًًً ہر عنصر دے ہک توں زیادہ ہم جا ہوندے ہن۔




#Article 12: آئینِ پاکستان ١٩٧٣ء (176 words)


آئین پاکستان کوں پاکستان دا دستور تے اسلامی جمہوریہ پاکستان دا آئین مجریہ 1973ء وی آہدے ہن۔

مارشل لا دے اٹھݨ دے بعد نویں حکومت کیتے سب توں زیادہ اہم کماں وچوں ہک، نویں آئین دا مسودہ تیار کرݨا ہئی۔1971ء وچ مشرقی پاکستان دی علیحدگی دے بعد 1972ء کوں 1970ء دے انتخابات دی بنیاد تے اسمبلی بݨائی ڳئی۔ ہک کمیٹی مختلف سیاسی جماعتاں دے کراس سیکشن نال قائم کیتی ڳئی۔ اوں کمیٹی دا مقصد ملک وچ ہک آئین بݨاوݨا ہئی جیندے تے تمام سیاسی پارٹیاں متفق ہوون۔ کمیٹی دے اندر ہک اختلاف ایہ ہئی کہ آیا کہ ملک وچ پارلیمانی اقتدار دا نظام ہووݨا چاہیدا اے یا صدارتی نظام۔ اس دے علاوہ صوبائی خود مختاری دے معاملے تے مختلف خیالات ہن۔ اٹھ مہینے آئینی کمیٹی نے اپݨی رپورٹ تیار کرݨ وچ صرف کیتے، بالآخر 10 اپریل 1973ء کوں اس کمیٹی نے آئین دے متعلق اپݨی رپورٹ پیش کیتی۔ وفاقی اسمبلی وچ اکثریت یعنی 135 مثبت ووٹاں دے ساتھ اونکوں منظور کر گھدا ڳیا تے 14 اگست 1973ء کوں ایہ آئین پاکستان وچ نافذ کر ݙتا ڳیا۔




#Article 13: آئینہ (پاکستانی فلم) (145 words)


 آئینہ ١٩٧٧ء وچ جاری تھیوݨ والی اردو زبان دی پاکستانی فلم ہئیی۔

فلم آئینہ 18 مارچ، 1977ء وچ نمائش کیتے پیش تھئی۔ اس فلم دے فلم ساز اے آر شمسی، ہدایت کار نذر الاسلام،نغمہ نگار تسلیم فاضلی، اختر یوسف تے موسیقار روبن گھوش ہن۔ آئینہ نے پاکستان وچ کامیابی دے نویں ریکارڈ قائم کیتے۔ کراچی صرف ہک سینما اسکالا وچ اس سی نمائش 4 سال، 9 ماہ، 27 ݙینہہ جاری رہی۔ ایویں اس فلم نے مجموعی طور تے اپݨی نمائش دے 401 ہفتے مکمل کیتے۔

فلم دی کاسٹ وچ ندیم، شبنم، ریحان، قوی خان، زرقا، شاہ زیب (چائلڈ اسٹار)، خالد سلیم موٹا، حنیف، ناصرہ، بابر، نمو تے نینا شامل ہن۔

اس فلم دی موسیقی روبن گھوش نے ترتیب ݙتی جبکہ نغمات تسلیم فاضلی تے اختر یوسف نے لکھے۔ اس فلم وچ مہدی حسن، مہناز بیگم، نیرہ نور تے عالگیر نے اپݨی آواز دا جادو جگایا۔




#Article 14: آئیوڈین (215 words)


آیوڈین (Iodine) ہک کیمیائی عنصر ہے جیہڑا دوری جدول (Periodic table) وچ ہیلوجن گروہ نال تعلق رکھدا ہے۔ اس دا ایٹمی نمبر 53 ہے یعنی اس دے ہر ایٹم وچ 53 پروٹون ہوندن ۔ آیوڈین دا صرف ہک ہی ہمجاء (isotope) پائیدار ہوندا ہے تے اوہ 74 نیوٹرون دے نال آیوڈین127 ہے۔

آیوڈین ہک ٹھوس عنصر ہے۔ گیس دی حالت میں آیوڈین کا رنگ جامنی ہوندے۔ گندھک دی طرح آیوڈین وی غیر دھاتی عنصر ہے۔

آیوڈین انسان تے اکثر جانوراں کیتے خوراک دا لازمی جز ہے کیونکہ ایہ thyroid دے ہارمون thyroxine دا مرکزی حصہ ہے۔ اس دی کمی سے گلہڑ (goitre) کی بیماری ہو جاتی ہے تے نال ای دماغ تے جسم سست تھی ویندا ہے۔ روزانہ چند چمچ سمندر دا پانی پیوݨ نال جسم وچ آیوڈین دی کمی ختم تھی ویندی ہے کیونکہ سمندری پاݨی وچ آیوڈین دی اچھی خاصی مقدار موجود ہوندی ہے۔ آیوڈین ملا نمک انہاں بیماریاں کوں روکݨ کیتے استعمال کیتا ویندا ہے۔ ہک چاہ دے چمچ بھر نمک وچ 0.4 ملی گرام آیوڈین ہوندی ہے۔

انسانی جسم وچ پایا ونجݨ والا ایہ بھاری ترین عنصر ہے۔ انسانی جسم وچ 20 توں 30 ملی گرام آیوڈین ہوندی ہے۔ انسان کوں ہک سال وچ صرف 50 ملی گرام آیوڈین دی ضرورت ہوندی ہے۔ آیوڈین دی زیادتی وی نقصان دہ ہوندی ہے۔




#Article 15: آبدوز (234 words)


آبدوز (فارسی توں ‘‘آب’’ یعنی پاݨی تے ‘‘دوز’’ یعنی تلے یا اندر۔ انگریزی: Submarine) ہک آبی جہاز یا کشتی ہے جیہڑی پاݨی دے اندر عمل کر سڳدی ہے۔ باالفاظ دیگر، ہک خاص قسم دی جنگی کشتی جیہڑی گہرے پاݨی وچ اندر ہی اندر چل کے سرنگاں توں جنگی جہاز تباہ کریندی ہے۔ اینکوں غوطہ خور کشتی تے ڈبکدی کشتی وی آکھا جاتا ہے۔

آبدوز پاݨی دی اچھال دے اصول دے مطابق گہرے پاݨی وچ لہندی تے ول آب تے نمودار تھی ویندی ہے۔ بحری جہاز بہت وزنی ہووݨ دے باوجود سطح آب تے تردا رہندا ہے لیکن سوئی کم وزن ہوݨ دے باوجود بݙ ویندی ہے۔ ہر اوہ چیز جیہڑی اپݨے گھیراو توں زیادہ پاݨی ہٹیندی ہے اوہ تردی رہندی ہے، ہیں اصول دے تحت آب دوز دی دیواراں دے درمیان خالی جگہ بیلاسٹ وچ جیہرلے پاݨی پمپ کرکے بھریج ویندا ہے تاں اوہ زیرِآب چلی ویندی ہے۔ کیونکہ ہݨ اس دا وزن اپݨے حجم توں ہٹائے گئے پاݨی توں زیادہ تھی ویندا ہے۔ دوبارہ سطح آب تے آوݨ کیتے بیلاسٹ پاݨی خارج کر کے ہوا بھر ݙتی ویندی ہے۔ چنانچہ آب دوز دا وزن گھٹ تھی ویندا ہے۔ تے پاݨی اینکوں اتے گھن آندا ہے۔

آبدوزیہ (submersible)، ہک محدود نقل پزیر زیرآب سفینہ جیہڑا عموماً اپݨے عمل دی جگہ تک ہک سطحی سفینہ یا وݙے آبدوز دے ذریعے پہنچایا ویندا ہے۔ یعنی اِس سفینے دی اپمی نقل مکانی دی طاقت گھٹ ہوندی ہے۔




#Article 16: آبنائے باسفورس (295 words)


باسفورس (انگریزی: Bosporus، Bosphorus, ترک: İstanbul Boğazı) ہک آبنائے ہے جیہڑی ترکی دے یورپی حصے (رومیلیا) تے ایشیائی حصے (اناطولیہ) کوں جدا کرکے یورپ تے ایشیا دے درمیان سرحد قائم کریندی ہے۔ اس آبنائے کوں آبنائے استنبول وی آکھا ویندا ہے۔ ایہ بین الاقوامی جہاز رانی کیتے استعمال تھیوݨ والی دنیا دی سب توں تنگ آبنائے ہے جیہڑی بحیرہ اسود کوں بحیرہ مرمرہ نال ملیندی ہے (واضح رہے کہ بحیرہ مرمرہ درہ دانیال دے ذریعے بحیرہ ایجیئن نال منسلک ہے جیہڑا بحیرہ روم نال ملا ہویا ہے)۔

استنبولی باشندے اینکوں صرف Boğaz آہدے ہن جبکہ Boğaziçi دی اصطلاح آبنائے دے نال واقع استنبول دے علاقیاں کیتے استعمال تھیندی ہے. 

اے آبنائے تقریباً 30کلومیٹر وڈی ہے ایندی زیادہ توں زیادہ چوڑائی ابھے داخلی راستے تے 3 ہزار 700 میٹر ہے تے گھٹ کنوں گھٹ چوڑائی کنڈیلی تے اشیان دے مقام تے 700 میٹر تے اینادولوحسان تے رومیلی حسان دے جاہ تے 750 میٹر ہے۔ آبنائے دی جھکائ 36 توں 124 میٹر ہے۔

آبنائے دے ساحل انتہائی گنجان آباد ہن جتھاں استنبول واقع ہے جس دی آبادی 13 ملین توں زیادہ ہے۔

آبنائے باسفورس تے ݙو پل قائم ہن۔ 1973ء وچ مکمل تھیوݨ والا پہلا پل ”باسفورس پل“ 1074 میٹر طویل ہے۔ ݙوجھا پل ”فاتح سلطان محمد پل“ 1090 میٹر طویل ہے تے 1988ء وچ مکمل تھیا۔ ایہ پہلے پل توں تقریباً 5 کلومیٹر شمال وچ واقع ہے۔ حکومت ترکی دی جانب توں نشان زدہ 7 وچوں ہک مقام تے تریجھا پل وی تعمیر کرݨ دا منصوبہ ہے۔ اس پل دے مقام کوں صیغہ راز وچ رکھا ڳیا ہے تاکہ زمیناں دی قیمتاں وچ اضافہ نہ تھیوے۔

مرمرے نامی ہک ٻئی گزر گاہ زیر تعمیر ہے جیہڑی 2008ء وچ مکمل تھیسی۔ ایہ 13.7 کلومیٹر طویل ریلوے سرنگ ہوسی جیہڑی آبنائے دے تلوں 55 میٹر گہرائی توں گزرسی۔




#Article 17: آبنائے ملاکا (230 words)


آبنائے ملاکا (ملے : Selat Melaka، انگریزی: Strait of Malacca) جزیرہ نما ملائیشیا تے انڈونیشیا دے جزیرے سماٹرا دے درمیان ہک آبی گزرگاہ ہے۔

محل وقوع تے اقتصادی لحاظ نال ایہ نہر سویز تے نہر پاناما دی طرح دنیا دی اہم ترین بحری گزرگاہواں وچ شمار تھیندی ہے۔ ایہ بحر ہند تے بحر الکاہل دے درمیان بحری جہازاں دے گزرݨ دا مرکزی رستہ فراہم کریندی ہے تے اس طرح دنیا دے ترئے گنجان آباد ترین ممالک بھارت، انڈونیشیا تے چین کوں منسلک کریندی ہے۔ آبنائے وچوں سالانہ 50 ہزار بحری جہاز گزردے ہن جیہڑے دنیا دی کل تجارت دا ہک پنجواں یا ہک چوتھائی حصے دے حامل ہوندن۔ دنیا بھر وچ تیل دی کل جہاز لݙائی دا ہک چوتھائی اس گزرگاہ توں گزردا ہے تے 2003ء وچ اندازہ ‎ 11 ملین بیرل تیل روزانہ اس آبنائے توں گزرا۔ 805 کلومیٹر (500 میل) رودبار سنگاپور دے قریب رودبار فلپس دے مقام تے محض 1.5 بحری میل(2.8 کلومیٹر) چوڑی ہے، ایہ اس دا تنگ ترین علاقہ ہے۔ اس دی وجہ نال ذرائع نقل و حمل دا دنیا دا اہم ترین تنگ راہ (Bottleneck) بݨدا ہے۔ اس رستے توں گزرݨ کیتے جہاز دے زیادہ توں زیادہ حجم کوں ملاکامیکس (Malaccamax) آکھا ویندا ہے۔

نانویں صدی عیسوی دے مسلم مصنف یعقوبی نے آبنائے ملاکا کوں بحیرہ کلاح دے ناں نال لکھا ہے تے اینکوں چین تک پہنچݨ کیتے ست سمندراں وچوں ہک ݙسیا ہے۔




#Article 18: آبپاشی (120 words)


آبپاشی، مصنوعی طریقے نال زمین تک پاݨی پہنچاوݨ دا ناں ہے۔ ایہ عمل زرعی فصلیں اگاوݨ، زرعی زمین دی ساخت برقرار رکھݨ تے روکھے علاقیاں وچ بنجر زمین کوں قحط یا بارش دی کمی دے موسم وچ قابل کاشت بݨاوݨ دے کم آندا ہے۔ مزید ایہ کہ آبپاشی دے فصلاں دی پیداوار وچ کئی ݙوجھے فوائد وی ہن، جنہاں وچ فصل کوں یخ موسم توں بچاوݨ،  کھیتاں وچ غیر ضروری جڑی ٻوٹیاں دا تدارک،  تے زمین وچ زرخیز مٹی کوں درست طریقے نال پھیلاوݨا شامل ہن۔ 
زمین کوں مصنوعی انداز وچ سیراب کرݨ یعنی کہ آبپاشی دے برعکس، جنہاں علاقیاں وچ بارش دے پاݨی نال زمیناں سیراب تھیون،  اینجھے طریقہ کاشت کوں بارانی یا خشک طریقہ کاشت گردانا ویندا ہے۔ 




#Article 19: آبی چکر (واٹر سائیکل) (143 words)


آبی چکر توں مراد زمین دے اندر، زمین تے،  تے فضاء وچ پاݨی دی حرکت ہے۔ ایں چکر دے دوران پاݨی ٹھوس یعنی برف، مائع یعنی پانی تے گیس یعنی بخارات دی شکل اختیار کریندا رہندا ہے۔ اگرچہ بہت لمبے عرصے توں زمین تے پاݨی دا توازن برقرار رہا ہے تاہم پاݨی دے مالیکیول آندے ویندے رہندن ۔ پاݨی ہک آبی ذخیرے توں ݙوجھے کوں منتقل تھیندا رہندا ہے جیویں کہ دریا توں سمندر کوں پاݨی منتقل تھیندا ہے یا ول سمندراں توں فضاء وچ بخارات دی شکل اختیار کریندا ہے۔

آبی چکر شمسی توانائی دی وجہ توں ہوندا ہے۔ 86 فیصد بخارات سمندر توں بݨدن جس دی وجہ توں اُوندا درجہ حرارت گھٹ تھی ویندا ہے۔ اگر ایویں نہ ہووے تاں زمین دا درجہ حرارت بہت زیادہ تھی ویسی.  تقریباً 67 درجہ سینٹی گریڈ تے زمین ہک گرم سیارہ بݨ ویسی ۔




#Article 20: آتش فشاں (167 words)


آتش فشاں (فارسی توں آتش یعنی بھا تے فشان یعنی اگلݨ والا یا وساوݨ والا۔ عربی: برکان. انگریزی: Volcano) توں مراد اینجھا مخروطی پہاڑ جیندا دہانہ قیف نما ہووے تے جس وچوں گرم مادہ نکلدا ہووے۔ دہانے توں رستہ بطن ارض وچ گہرائی تک ویندا ہووے۔ جیندے ذریعے گیس، لاوا تے بھاپ سطح ارض تے برآمد تھیندی ہے۔ آتش فشاں دا پہاڑ ہووݨا ضروری نی۔

دراصل اوہ نشیب جیندے وچوں مادہ نکلدا ہووے اوہ آتش فشاں سݙویندا ہے تے برآمد شدہ مادے توں مخروطی پہاڑ متشکل تھیندا ہے۔

اوہ آتش فشاں جنہاں وچ آتش فشانی دا عمل گاہے بگاہے تھیندا رہندا ہے تے لاوا وغیرہ دا اخراج تھوڑے وقفے نال جاری رہندا ہے تے ایں عمل وچ طویل عرصہ حائل نی رہندا.  زندہ آتش فشاں سݙیندے ہن۔ انہاں وچ مادے دے اخراج دی رفتار گھٹ ودھ تھیندی رہندی ہے۔

اینجھے آتش فشاں جنہاں وچوں کہیں زمانے وچ آتش فشانی تھیندی ہئی مگر ہݨ ایندا کوئی امکان نظر نی آندا، ایہ آتش فشاں مردہ آتش فشاں سݙیندے ہن۔




#Article 21: آتشی اسلحہ (109 words)


آتشی اسلحہ ایسا اسلحہ ہوندے جس وچ ہک یا ہک توں زائد قذیفہ (projectile) کہیں ٻلدے ہوئے محرک (propellant) دی مدد نال انتہائی تیز سمتار (velocity) نال سٹا ویندے ۔ پراݨے آتشی اسلحے وچ بارود استعمال کیتا ویندا ہئی جبکہ جدید اسلحے وچ بغیر دھوئیں والا بارود تے بہت سارے مختلف قسم دے محرک (propellant) استعمال کیتے ویندن ۔

آتشی اسلحے دی قدیم ترین تصویر سیچوان چین دے ہک غار دی مورتی توں ملدی ہے۔ اوہ مورتی بارھویں صدی دی ہے۔ قدیم ترین بندوق دی تاریخ 1288ء ہے تے اوہ وی چین توں ہی دریافت تھئی ہے۔ اوں دی نلی 6٫9 انچ لمبی تے قطر 1 انچ دا ہے۔




#Article 22: آتشی طوفان (117 words)


آتشی طوفان، آتش زدگی دی ہک ایسی خطرناک قسم ہے جس وچ آگ بھا اپݨے کھنڈݨ کیتے اپݨا ہوائی نظام بݨا گھندی ہے۔ ایویں عموماً قدرتی طور تے تھیندے، جی دے محرکات عموماً جھاڑیاں توں لگݨ والی بھا، موسمی حدت دے باعث جنگلاں وچ لگݨ والی بھا تے جنگل دی بھا وغیرہ شامل ہن۔ ایں سلسلے وچ ایشٹیگو دا آتشی طوفان تے ایش بدھوار آتشی طوفان، آتشی طوفان دی مثال کیتے  خاص طور تے قابلِ ذکر ہن۔ ایں دے علاوہ آتشی طوفان ڄاݨ بجھ کے وی پیدا کیتے ونج سڳدن، مثال دے طور تے آتشیں بماں دی فضائی بمباری جیویں کہ ݙوجھی جنگ عظیم دے دوران درسدن، ہمبرگ، ٹوکیو تے ہیروشیما تے ایٹم بم دا سٹݨا وغیرہ. 




#Article 23: آتشی چٹان (129 words)


آتشی چٹان دراصل اوہ چٹاناں سݙیندیاں ہن جیہڑے زیر زمین لاوے دے سطح زمین تے آوݨ تے سرد تھیوݨ یا زیر زمین شگافاں وچ سرد تھی ونجݨ نال بݨدیاں ہن۔ چٹاناں وچ پائے ونجݨ والے کیمیائی اجزا دے مطابق انہاں دی متعدد قسماں ہوندیاں ہن جنہاں وچ گرینائٹ، بسالٹ تے ڈولے مائٹ انتہائی معروف ہن۔ آتش فشاں پھٹݨ تے زمین دے اندر پگھلی چٹاناں دا سیال تے سطح زمین تے لاوا سرد تھی کے ٹھوس شکل اختیار کر گھندا ہے، ایہے ٹھوس شکلاں آتشی چٹان سݙیندیاں ہن۔ 

آتشی چٹاناں زمین دے اندرونی حصے وچ پائے ونجݨ والے مادیاں توں تیار تھیندیاں ہن، اس واسطے انھاں کوں بنیادی چٹاناں وی آکھا ویندا ہے۔ اکثر آتشی چٹاناں سخت، یک جان تے بھاری ہوندیاں ہن تے انہاں وچ رکازات نی پائے ویندے۔




#Article 24: آتشی چٹاناں (124 words)


آتشی چٹاناں دراصل اوہ چٹاناں ہوندن جیہڑے زیر زمین لاوے دے سطح زمین تے ابھرݨ تے سرد تھیوݨ یا زیر زمین شگافاں وچ سرد تھی ونجݨ نال بݨدن ۔ چٹاناں وچ پائے ونجݨ والے کیمیائی اجزا دے مطابق انہاں دی متعدد قسماں ہوندن جنہاں وچ گرینائٹ، بسالٹ تے ڈولے مائٹ انتہائی معروف ہن۔ آتش فشاں پھٹݨ تے زمین دے اندر پگھلی ہوئی چٹاناں دا سیال تے سطح زمین تے لاوا سرد تھی کے ٹھوس شکل اختیار کر گھندا ہے، ایہے ٹھوس شکلاں آتشی چٹاناں سݙیندن۔ 

آتشی چٹاناں زمین دے اندرونی حصے وچ پائے ونجݨ والے مادیاں نال بݨدن، اس واسطے انھاں کوں بنیادی چٹاناں وی آکھا ویندے ۔ اکثر آتشی چٹاناں سخت، یک جان تے بھاری ہوندن تے انہاں وچ رکازات نی پائے ویندے۔




#Article 25: آخش (114 words)


آخش، پارسیاں دا ہک مذہبی پیشوا ہے، زرتشت توں بہت پہلے پیدا تھیا ہئی۔ اوں نے مادہ پرستی دی تعلیم ݙتی۔ اوہ مادے دے عناصر اربعہ کوں دنیا دا خالق تصور کریندا ہئی لیکن اوں دے پیروکاراں نے صرف بھا کوں پوجݨا شروع کر ݙتا، کیونکہ ظاہر ہے کہ کہیں عبادت خانے وچ معبود یا اوں کوں مظہر دے طور تے صرف بھا دی پوجا تھی سڳدی ہئی۔ آخش دے معبداں وچ رکھی ہوئی بھا کوں آذر آخش آہدے ہن۔ بعد ازاں زرتشت نے اپݨی قوم کوں اصلاح تے خدائے واحد تے ایمان گھناوݨ دی تعلیم ݙتی۔ اوں دے خیال وچ ایہ چار عناصر (مٹی، پاݨی، ہوا تے بھا) صرف قدرت دے مظاہر ہن۔ 




#Article 26: آخیل (248 words)


یونانی دیومالا دا ہیرو، مائی سنا دے بادشاہ اگامیم نن دا سپہ سالار۔ اوں دا پیو (پیلس) انسان تے ماں (تھیئس) دیوی ہئی۔ یونانی دیومالا وچ ایہ واحد مثال ہے کہ کہیں دیوی نے کہیں فانی انسان نال شادی کیتی۔ تھیئس نے آخیل کوں لافانی بݨاوݨ کیتے اوندی اݙی پکڑ کے، دریائے ستائکس وچ غوطہ ݙتا تاں اوں دا سارا بدن (سوائے اݙی دے جیہڑی پاݨی وچ تر نہ تھئی ہئی) ہتھیاراں دے اثر توں مامون تھی گیا۔ (انگریزی وچ قابل تسخیر یا کمزور مقام کوں آخیل دی اݙی Achilles Heel آہدے ہن). 

ہومر دے بیان دے مطابق اگامیم نن نے اپݨی بھاوج شہزادی ہین دی بازیابی کیتے ٹرائے تے حملہ کیتا تاں آخیل بڑی بہادری نال لڑا۔ لیکن اگامیم نن نے آخیل دی محبوبہ کوں اپݨے حرم وچ داخل کر گھدا تاں اوہ خفا تھی گیا تے لڑݨ توں انکار کر ݙتا۔ ایں دی علیحدگی نال فوج وچ سراسیمگی پھیل گئی۔ پٹروکولس کوں آخیل دے روپ وچ میدان جنگ وچ بھیجا گیا لیکن ہیکٹر (ٹرائے دے ولی عہد) نے ہک ہی وار وچ اوں کوں ہلاک کر ݙتا۔ اس دے بعد آخیل بڑا برہم تھیا. اوں نے اگامیم نن نال مصالحت کر گھدی۔ تے آخیل نے ہیکٹر کوں قتل کر ݙتا۔ آخر ٹرائے دے صدر دروازے دے کول ہیلین دے عاشق پارس نے آخیل دی اݙی وچ تیر مار کے اونکوں ہلاک کر ݙتا۔ پارس کوں آخیل دا ایہ کمزور مقام دیوتا اپالو نے ݙسا ہئی۔ آخیل تے ہیکٹر دے مرݨ نال ٹرائے دی جنگ ختم تھئی۔




#Article 27: آدم جی ادبی انعام (105 words)


آدم جی ادبی انعام پاکستان دا اعلٰی ادبی اعزاز ہے جینکوں پاکستان دے مشہور صنعتی گھراݨے آدم جی گروپ دی جانب توں ݙتا ویندا ہے۔ ایہ انعام 1950ء دے ݙہاکے توں ݙتا ویندا پیا ہے۔ اپݨے ابتدائی دور وچ ایہ ایشیا دا سب توں زیادہ قدروقیمت والا انعام منا ویندا ہئی۔
جس وقت ایہ انعامات ویندے پئے ہن ، اوں وقت بنگلہ دیش، پاکستان دا مشرقی پاکستان دے طور تے حصہ ہئی۔ اس واسطے انعامات اردو تے بنگلہ وچ ݙتے ویندے ہن۔

سال 1959-60ء وچ غلام عباس تے شوکت صدیقی کوں اردو وچ انعام ݙتا گیا جبکہ سید عبدالستار کوں بنگالی وچ انعام ݙتا گیا۔




#Article 28: آدم سمتھ (110 words)


آدم سمتھ (Adam Smith) ہک برطانوی ماہر معاشیات تے فلسفی ہئی۔ 1723ء اسکاٹ لینڈ وچ پیدا تھیا۔ آکسفورڈ یونیورسٹی توں تعلیم حاصل کیتی۔ گلاسگو یونیورسٹی وچ فلسفے دا استاد رہا۔ اوں دی وجہ شہرت اوں دی کتاب The Wealth of Nations ہے جیہڑی پہلی دفعہ 1776ء وچ چھپی ہئی۔ سمتھ نے ساری زندگی شادی نی کیتی۔

سمتھ نے سونے دی بجائے تعلیم یافتہ، ہنر مند تء محنتی افراد کوں کہیں ملک دی اصل دولت قرار ݙتا۔ اوں نے پراݨے دور دی پابندیاں دی محالفت کیتی جیہڑے صنعتی انقلاب دی راہ وچ رکاوٹ ہن۔ اوں نے آکھا کہ اگر کم کوں تقسیم کر ݙتا ونجے تاں پیدوار زیادہ تھی سڳدی ہے۔




#Article 29: آدم شماری (1970 words)


راݨا اَبرار خالد

آدم شماری (جُمل ڳݨتڑی) کوں سوکھے مُلخیں وچ وسائل دی ڳݨ مُنجھ اتے اڳونہی سوچ دا وسیلہ بݨایا ویندے، پراِتھاں (پاکستان وِچ) آدم شماری اڄاں تائیں وسائل دی کھَس کھوہ تے ہݨی قومیں کوں ہَتھوں بُکھا مارݨ دا ہتھیار ہے۔ آدم شماری دا پنجوی اگست ݙوہزارستارھاں کوں جاری تھیوݨ آلا کچارزلٹ وی کجھ اینجھا نِکلیئے۔ ادارہ شماریات پاکستان دی طرفوں جاری کیتے ڳئے اعدادوشمارݙسیندِن جو گُذریل اُنوی سالاں وچ پاکستان دی آبادی وچ 56.99 فیصد ودھارا تھئےجیڑھی جو 1998وچ 13 کروڑ23 لکھ 52 ہزار279 ہئی۔ 2017 وچ وَدھ کنیں 20کروڑ 77 لکھ 74 ہزار520 تھی ڳئی ہے، انہاں اعدادوشمارسانویں سب توں گھٹ ودھارا (49.43  فیصد) صوبہ پنجاب دی آبادی اِچ ݙکھایا گئے جیڑھی جو7 کروڑ36 لکھ 21 ہزار290 توں وَدھ کے 11کروڑ 12 ہزار442 تھی ڳئی ہے، صوبہ سندھ دی آبادی (57.31 فیصد) ودھارے نال 3 کروڑ 4لکھ 39 ہزار893 کن وَدھ کنیں 4 کروڑ  78لکھ 86 ہزار 51تھی ڳئی ہے۔ صوبہ خیبرپختونخوا دی آبادی (72.02 فیصد) ودھارے نال ہِک کروڑ  77لکھ 43 ہزار 645کنیں وَدھ کے 3 کروڑ  5لکھ 23 ہزار371، صوبہ بلوچستان دی آبادی (88.01 فیصد) ودھارے نال 65 لکھ 65 ہزار 885 کن وَدھ کے ہِک کروڑ 23لکھ   44 ہزار، فاٹا دی آبادی (57.47فیصد) ودھارے نال 31 لکھ 76 ہزار 331کن ودھ کے 50 لکھ ہِک ہزار 676تے وفاقی دارالحکومت(اسلام آباد) دی آبادی (149.19 فیصد) ودھارے نال اٹھ لکھ 5 ہزار 235کن ودھ کے 20 لکھ 6 ہزار 572تھی ڳئی ہے ۔

ایں حساب نال سرائیکی وسیب[1] (راجن پور،دیرہ غازیخاں، مظفرگڑھ، لیہ، ملتان، خانیوال، وہاڑی، وہاڑی، لودھراں،بہاول نگر، بہاول پور، رحیم یارخاں، بکھر، میانوالی، جھنگ، خوشاب) دی آبادی (52.66 فیصد) ودھارے نال 2 کروڑ 74 لکھ 69 ہزار946 کن ودھ کے 4 کروڑ 19 لکھ 64 ہزار917 تے پنجاب (لاہور،قصور، ننکانہ صاحب، شیخوپورہ، اوکاڑہ، فیصل آباد، چنیوٹ، حافظ آباد، سرگودھا، منڈی بہائوالدین، ٹوبہ ٹیک سنگھ، ساہیوال، پاکپتن، گوجرانوالہ، گجرات، سیالکوٹ، نارووال، جہلم، راولپنڈی، چکوال، اٹک) دی آبادی (47.44 فیصد) ودھارے نال 4 کروڑ 61 لکھ 51 ہزار 344 کن ودھ کے 6 کروڑ 80 لکھ 47 ہزار 525 تے پُڄ ڳئی ہے۔

کچے رزلٹ مطابق چھیویں آدم شماری وِچ پاکستان دی آبادی اِچ صوبہ پنجاب دا حصہ 55.63 فیصد کن گھٹ کے   52.95 فیصد تھی ڳئے جئیں پاروں ایندیاں قومی اسمبلی دیاں ست (7) سیٹاں گھٹ ویسِن، صوبہ سندھ دا حصہ 23 فیصد کن ودھ کے 23.05 فیصد، صوبہ خیبرپختونخوا دا حصہ 13.41 فیصد کن ودھ کے 14.69 فیصد، صوبہ بلوچستان دا حصہ 4.96 فیصد کن ودھ کے 5.94 فیصد، فاٹا دا حصہ 2.40 فیصد کن ودھ کے 2.41 فیصد تےاسلام آباد دا حصہ 0.61 فیصد کن ودھ کے 0.97 فیصد تھی ڳئے۔ جیکر صوبہ پنجاب دی صورتحال کوں ݙیکھوں تاں کچے رزلٹ مطابق (صوبے دی آبادی وچ سرائیکی وسیب دا حصہ 37.31 فیصد کن ودھ کے 38.15 فیصد تھی ڳئے تے پنجاب داحصہ 62.69 فیصد کن گھٹ کے 61.85 فیصد تے آڳئے۔) ایں پاروں صوبیں دے حصے دیاں قومی اسمبلی دیاں سیٹاں دا گھٹ ودھ تھیوݨ انت ضروری ہے۔ کچے رزلٹ پاروں صوبہ پنجاب دیاں قومی اسمبلی دیاں سیٹاں 148 توں گھٹ کے 141 تھی سگدیاں ہِن (پرخبرایہا لبھی  ہے جوسَت سیٹاں دا گھاٹا سرائیکی وسیب کوں ای ݙتا ویسی تے اوندیاں قومی اسمبلی وچ سیٹاں 53 کن گھٹ کے 46 تھی ویسِن۔ پر پنجاب دیاں 95 سیٹاں برحال رہسِن۔ ایں سانگے جیڑھا فارمولا بݨایا ویندا پئے اوندے مطابق جیکرکہیں ضلعے دی آبادی وِچ ایتلا ودھارا نئیں تھیا جو اوندی قومی اسمبلی دی ہِک سیٹ ودھائی ونڄ سڳے تاں اُنوی سال دا آبادی اِچ ودھارا کہیں کم نہ آئوسی۔ ایں  حساب نال لہور کوں قومی اسمبلی دیاں ڈوسیٹاں پہلے کن وادھو لبھسِن بھل جو اُنوی سال وچ لہوردی آبادی وچ 75.49 فیصد ودھارا تھئے،ہروں بھروں لہوردیاں سیٹاں 13 کن ودھ کے 15 تھی ویسِن تے ملتاں دیاں 6سیٹاں آبادی وِچ 52.24فیصد ودھارے مُتوں اُتھاہیں دیاں اُتھاہیں رہسن۔ ضلع خانیوال دیاں قومی اسمبلی دیاں سیٹاں چارکن گھٹ کے 3 تھی ویسن جݙاں جو خانیوال دی آبادی وچ 41.26 فیصد ودھارا تھئے، ضلع لودھراں دی آبادی وچ 45.12 فیصد ودھارے دے باوجود اوندیاں قومی اسمبلی دیاں سیٹاں ݙو ای رہسن۔ آبادی وچ 38.60 فیصد ودھارے دے باوجود ضلع وہاڑی دیاں سیٹاں چارکن گھٹ کے 3 تھی سگدیاں ہِن۔ گزریل اُنوی سالاں وچ راجن پوردی آبادی اِچ 80.86 فیصد ودھارا وی کہیں کم نہ آئوسی۔ اوندیاں قومی اسمبلی دیاں سیٹاں ݙو دیاں ݙو ای رہسن۔ دیرہ غازیخان دیاں سیٹاں وی آبادی اِچ 74.80 فیصد ودھارے مُتوں ترائے دیاں ترائے رہسِن۔ ضلع مظفرگڑھ دیاں سیٹاں پہلے آلیاں 5، لیہ 2، رحیم یارخاں 6 تے بہاولپوردیاں سیٹاں آبادی اِچ 50.76 فیصدودھارے مُتوں 5 کن گھٹ کے 4 تھی وہیسن۔ بہاولنگر دیاں چارکن گھٹ کے ترائے ،جھنگ دیاں چارکن گھٹ کے ترائے تے میانوالی، خوشاب دیاں سیٹاں 2 کن گھٹ کے ہِک ہِک تھی سڳدیاں ہِن۔ ݙوجھی پاسوں چکوال دیاں قومی اسمبلی دیاں سیٹاں 2 کن ودھ کے 3 تھی سڳدیاں ہِن تے پنجاب دے بقایا ضلعیں دیاں سیٹاں نہ گھٹ تھیسن نہ ودھ۔) کچے رزلٹ پاروں صوبہ خیبرپختونخوا دیاں قومی اسمبلی دیاں سیٹاں 35 توں ودھ کے 39 تے صوبہ بلوچستان دیاں قومی اسمبلی دیاں سیٹاں 14 توں ودھ کے 16 تھی سگدیاں ہِن، پر فاٹادیاں قومی اسمبلی دیاں سیٹاں ٻارھاں اتے اسلام آباد دیاں ݙو ای رہسن۔ نتیجہ ایہو نکلدے جو اُنوی سالاں وِچ سرائیکی وسیب دے آبادی دے حصے وِچ تھیون آلا 0.83 فیصدی وَدھارا اڄایا ویسی۔

اڄوکا وݙا سوال ایہواے ، کیا اے کچا رزلٹ درست ہے؟ جیکرسرائیکی وسیب دی آبادی وچ پنجاب کن تھولا زیادہ ودھارا تھئے تاں اینکوں من گِھنیجے؟

ایں کن پہلوں سرائیکی وسیب تے پنجاب دے ضلعیں تے شہریں دی آبادی دا جائزہ گھِنݨ ضروری ہے بھل جوساکوں کیویں چارکروڑ اُنوی لکھ بݨایا ڳئے تے پنجاب کوں کیویں چھی کروڑ اسی لکھ تے پُڄایا ڳئے۔

کچے رزلٹ مطابق اُنوی سالاں وچ سرائیکی وسیب دے ضلع ملتان دی آبادی وِچ 52.24 فیصد تے پنجاب دے ضلع لہوردی آبادی وچ 75.49  فیصد ودھارا  تھئے۔ (اُتوں لہورتاں سارا ضلع  ای شہر وِچ  آ ڳئے پر ملتان اڄ وی اُتھائیں کھڑے ۔)

آدم شماری 2017دے کچے رزلٹ سانویں پاکستان دی آبادی 20کروڑ  77 لکھ 74 ہزار520ہے۔ کُل 3 کروڑ 20 لکھ 5 ہزار 111 گھرانیں کوں ڳݨیا ڳئے تے ایں حساب نال ہِک گھرانہ (ٹٻر) 6.45 بندیں دے سانویں ہے۔ پرالیکشن کمیشن آف پاکستان دے ریکارڈ مطابق پاکستان وچ رجسٹرڈ ووٹریں دی کُل تعداد 9 کروڑ 70 لکھ 21ہزار340 ہے جیہڑی جو کُل آبادی دا 46.70فیصد بݨدی ہے۔ ایں پاروں ہِک ٹٻر وِچ 3 بندے ٻالَک (بالغ) ہووݨ ضروری ہن تے ترائے کنوں گھن چارتئیں ننڈھے ٻال وی ضروری ہِن جیہڑا جو ٻہوں مشکل ہے۔ آدم شماری دے کچے رزلٹ وِچ جیتلا آبادی ݙسی ڳئی ہے۔  ایں حساب نال تاں ٹٻر (گھرانہ) 3.59 بندیں دا بݨدے (کنوارے کڈھ کے ݙو ذال پئے تے ہِک ٻال)،پراے چِین تاں نئیں جتھاں ہِک بال دا قانون ہووے۔ اتھاں ٻہوں سارے لوکیں دیاں ݙو ڈو ترائے زالاں تے اَٹھ اَٹھ بال ہِن۔ ایں پاروں پاکستان دی پکی ٹھکی آبادی 23 کروڑ 51 لکھ 81 ہزار168 بݨدی ہے۔ ایندے نال اے ثابت تھیندے جو کچے رزلٹ وچ 2 کروڑ 74 لکھ  6 ہزار648 آبادی گھٹائی ڳئی ہے جیندے کئی سبب تھی سڳدن۔ پرسب توں وڈا سبب قومی اسمبلی دیاں سیٹاں ہِن۔  ایں کن پہلوں ذرا صوبیں دی آبادی دا اُپٹھ کرݨ ضروری ہے۔ کچے رزلٹ وِچ صوبہ پنجاب دی آبادی 11 کروڑ 12 ہزار 442  ݙسائی ڳئی ہے تے ہِک کروڑ 71 لکھ  3 ہزار835 گھرانے (ٹٻر) ڳݨے ڳئین۔ الیکشن کمیشن دے ریکارڈ مطابق صوبہ پنجاب وِچ رجسٹرڈ ووٹر5 کروڑ 58  لکھ 20 ہزار797 ہِن۔ ایں پاروں صوبہ پنجاب وچ ہِک ٹٻر (گھرانہ)  6.43بندیں دا بݨدے تے آدم شماری دے کچے رزلٹ وِچوں ہِک ٹٻر دے 2.69 بندے گُم ہن (جیکراڳوں تے اُپٹھ کروں تاں پنجاب وِچ 1.5 بندے ہرٹبردے گُم ہن تے سرائیکی وسیب اِچ ہرٹٻر دے 4.15 بندے گُم ہِن۔) کچے رزلٹ وِچ صوبہ سندھ  دی آبادی 4 کروڑ 78لکھ 86 ہزار 51ݙسائی ڳئی ہے تے صوبہ سندھ وِچ کُل 85 لکھ 85 ہزار610ٹٻر (گھرانے) ڳݨے ڳئین۔ الیکشن کمیشن ریکارڈ مطابق صوبہ سندھ  اِچ 4 کروڑ78 لکھ 86ہزار51 رجسٹرڈ ووٹر ہِن۔ ایں حساب نال سندھ  اِچ ہِک ٹٻر (گھرانہ)  5.58بندیں دا بݨدے ، جیکرکچے رزلٹ کوں ݙٹھا ونڄے تاں صوبہ سندھ  اِچ ہِک ٹبردے ترائے بندے گُم ہِن۔ آدم شماری دے کچے رزلٹ وِچ صوبہ خیبرپختونخوا دی آبادی 3 کروڑ  5 لکھ  23 ہزار 371ݙسائی ڳئی ہے تے صوبہ خیبرپختونخوا وِچ کُل 38 لکھ 45 ہزار168گھرانے(ٹبر) ڳݨے ڳئین۔ الیکشن کمیشن ریکارڈ مطابق صوبہ خیبر پختونخوا وِچ ہِک کروڑ 40 لکھ 16ہزار383رجسٹرڈ ووٹر ہن۔ ایں حساب نال صوبہ خیبرپختونخوا وِچ 7.94 بندیں داہِک ٹٻر بݨدے۔ پرکچے رزلٹ اِچ ہِک ٹبردے 2.98 بندے گُم ہن۔ آدم شماری دے کچے رزلٹ اِچ صوبہ بلوچستان دی آبادی 3 کروڑ  5لکھ 23 ہزار  371 ݙسائی ڳئی ہے تے بلوچستان وچ کُل 17 لکھ 75 ہزار937گھرانے (ٹٻر)  ڳݨے ڳئین۔ الیکشن کمیشن ریکارڈ مطابق بلوچستان اِچ 37 لکھ 2 ہزار362رجسٹرڈ ووٹرز ہِن۔ ایں حساب نال بلوچستان وِچ ہِک ٹٻر (گھرانہ) 6.95 دا بݨدے۔ پرکچے رزلٹ وِچ ہرٹٻر دا ہِک بندہ وادھو ڈݙھایا ڳئے۔ اینویں ای فاٹا اِچ ہرٹٻر دے 0.34 بندے وادھو تے اسلام آباد وِچ ہر ٹٻر دے 0.47 بندے وادھوں ݙکھائے ڳئین۔

اِتھائوں ثابت تھیندے جو آدم شماری دے کچے رزلٹ وچ ہِک پاسوں صوبہ پنجاب دی آبادی ہِک کروڑ   64 لکھ 80 ہزار 798گھٹ ݙکھائی ڳئی ہے (جیندے وچ ہِک کروڑ 22 لکھ 84ہزار 834سرائیکی تے 41 لکھ 95 ہزار 964پنجابی شامل ہِن)،صوبہ سندھ دی 83 لکھ 38ہزار  823 آبادی گھٹ ݙکھائی ڳئی ہے تے صوبہ خیبرپختونخوادی 48 لکھ 9 ہزار 882آبادی گھٹ ݙکھائی ڳئی ہے۔ ݙوجھے پاسوں صوبہ بلوچستان دی 16 لکھ 26 ہزار  932 آبادی، فاٹادی ہِک لکھ 93 ہزار  759 آبادی تے اسلام آباد دی چارلکھ 2 ہزار165 آبادی ودھیک ݙکھائی ڳئی ہے۔ ۔

مُنڈھلا سوال تاں ایہو ہےجو اینویں کیوں کیتا ڳئے؟  پاکستان دی  آبادی  20 کروڑ 77 لکھ 74ہزار520 کیوں ݙسائی ڳئی ہے۔ بھل جو 23 کروڑ51 لکھ 81 ہزار168 کیوں نئیں ݙکھائی ڳئی ہے جیہڑی جو بݨدی ہئی۔ ایں سوال دی پچھوکڑکرݨ توں پہلے تلے آلی ٹیبل کوں غورنال ݙیکھن ضروری ہے۔

اُتلی ٹیبل ݙیکھ کنیں اندازہ تھیندے جیکر23 کروڑ51 لکھ 81 ہزار 168 ݙکھائی ویندی تاں جتھاں صوبہ پنجاب دیاں قومی اسمبلی دیاں سیٹاں 148 کن گھٹ کے 143 تھی ونڄن ہا۔ اُتھائیں صوبہ سندھ دیاں سیٹاں 61 کن ودھ کے 62 تھی ونڄن ہا۔ اینویں ای صوبہ خیبر پختونخوا دیاں سیٹاں وی 35 کن ودھ کے 40 تھی ونڄن ہا۔ ݙوجھے پاسوں فاٹا دیاں قومی اسمبلی دیاں سیٹاں12 کن گھٹ کے 11 تھی ونڄن ہا۔ شیئت قومی اسمبلی دے سیٹیں دی اے نویں ونڈ پنجاب دے حاکمیں کوں قبول نہ ہئی۔ پرسوال اے وی ہے جو پاکستان دی آبادی 20 کروڑ 77 لکھ 74 ہزار520 ݙساوݨ نال وی تاں صوبہ پنجاب دیاں قومی اسمبلی دیاں ست سیٹاں گھٹدیاں پیئن۔ ول تاں اے گھاٹے دا سودا تھیا (پہلوں 5سیٹاں گھٹدیاں پیاں ہَن، ہُݨ سَت گھٹا بیٹھِن)۔ ایں سوال دی پچھوکڑ کرݨ سانگے  ہِک بئی ٹیبل ݙیکھݨی پوسی جیندے وِچ پنجاب تے سرائیکی وسیب دی ونڈ ݙکھائی ڳئی ہے ۔  

اُتلی ٹیبل کن معلوم تھیندے جو وسائل کنوں گھِن کے قومی اسمبلی دیاں سیٹاں تئیں ہرونڈ وچ پنجاب دے ݙو بھانگے آندے پیئن۔  1998 دی آدم شماری دے رزلٹ مطابق صوبے دی آبادی وچ پنجاب داحصہ 62.69 فیصد ہئی پراونکوں قومی اسمبلی دیاں 64.19 فیصد سیٹاں ملیئن، جݙانہہ جو آبادی وچ سرائیکی وسیب داحصہ  37.31 فیصد ہئی پرایندے حصے وچ کُل 37.31سیٹاں آئن۔ ایں توں ہِک تاں اے ڳالھ ثابت تھیندی ہے جو ہرڳالھ وچ کَس سرائیکی وسیب چیندے۔

جیکررجسٹرڈووٹراں دی تعداد کوں ݙیکھوں تاں وی پنجاب ای فیدہ چیندا کھڑے۔ 2013 دے الیکشن وچ صوبہ پنجاب دیاں قومی اسمبلی دیاں سیٹاں 148 تے رجسٹرڈ ووٹرچارکروڑ 92لکھ 65 ہزار 640ہَن، ایں پاروں قومی اسمبلی دی ہِک سیٹ 3 لکھ 32 ہزار 876ووٹراں تے بݨدی ہئی، پرپنجاب وچ قومی اسمبلی دی ہِک سیٹ 3 لکھ 25 ہزار 183ووٹراں تے بݨائی ڳئی (ایں پاروں پنجاب کوں قومی اسمبلی دیاں ݙو وادھوسیٹاں مِلیاں، سرائیکی وسیب اِچ قومی اسمبلی دی ہِک سیٹ 3 لکھ 31 ہزار170 ووٹراں تے بݨائی ڳئی تے پوٹھوہارریجن اِچ قومی اسمبلی دی ہِک سیٹ 3 لکھ  83ہزار842 ووٹراں تے بݨائی ڳئی (جیئں پاروں پوٹھوہارریجن کوݙوسیٹاں دی کس لڳی ہے)۔ بئی ورداس ہیٹھلی ٹیبل اِچ ݙیکھ سڳدو۔

ہُݨ وی جݙانہہ جوصوبہ پنجاب دی آبادی 11 کروڑ 12 ہزار442 ݙسائی ڳئی ہے تاں پنجاب دا آبادی وِچ حصہ 61.85 فیصد بݨدے پر پنجاب (صوبے دیاں 141سیٹاں وچوں)  67.38فیصد دا امیندوارہے تے سرائیکی وسیب جیندا آبادی وچ حصہ 38.15 فیصد ہے اوندیاں سیٹاں گھٹ کے 32.62 فیصد تھی ویسِن۔  مطلب اے ہے جو پاکستان دی آبادی 20 کروڑ 77 لکھ74ہزار520 ݙساوݨ نال صوبہ پنجاب دیاں قومی اسمبلی دیاں سیٹاں اونویں تاں 148 کن گھٹ کے 141 تھی ویسِن پرایندی کَس پنجاب دی بجائے سرائیکی وسیب کوں لگسی۔  پنجاب دیاں95 سیٹاں برحال رہسن تے سرائیکی وسیب دیاں 53 کن گھٹ کے 46 تھی ویسِن۔

ہُݨ آؤں ایں سوال دے پاسے جیکر چھیویں آدم شماری دے کچے رزلٹ اِچ پاکستان دی آبادی23 کروڑ 51 لکھ 81 ہزار 168 ݙکھائی ویندی تاں پنجاب کوں کیا خینس لڳدی پئی ہئی۔۔۔۔۔۔۔ایندا جواب ایہو لبھے جو کچے رزلٹ وچ پاکستان دی آبادی 23 کروڑ 51 لکھ 81 ہزار168 ݙکھائی ویندی تاں (ول صوبہ پنجاب دی آبادی وی 12 کروڑ 64 لکھ 93 ہزار240  ݙکھاوݨی پوندی) جیندے وچ سرائیکی وسیب دا حصہ 42.89 فیصد تے پنجاب داحصہ 57.11 فیصد بݨدا ہئی۔ ایں طریقے  نال اونویں تاں صوبہ پنجاب دیاں قومی اسمبلی دیاں کُل 5سیٹاں گھٹدیاں ݙسدیاں ہِن (جیڑھا جوفیدے داکم ہئی) پر پنجاب کوں 13سیٹاں دی خینس لڳدی پئی ہئی تےاوندیاں قومی اسمبلی دیاں سیٹاں 95 کن گھٹ کے 82 تھی ونڄن ہا۔ ݙوجھے پاسوں سرائیکی وسیب کوں 8سیٹاں دا فیدہ تھیندا پیا ہئی۔ جیندیاں قومی اسمبلی دیاں سیٹاں 53 کن ودھ کے  61 تھی ونڄن ہا۔ پنجاب کوں اے ونڈ منظورکائنا ہئی تے آپݨیاں  95 سیٹاں برحال رکھݨ سانگے پنجاب دی آبادی کوں 41 لکھ 95 ہزار  964دی جاݨ بُجھ کے کَس لوائی تاں جوسرائیکی وسیب کوں ہِک کروڑ22 لکھ 84 ہزار 834 آبادی دی کَس لائی ونڄ سڳے ۔




#Article 30: آدم شماری٢٠١٧ ہِک کروڑباوی لکھ سرائیکیں دی اجتماعی قبر (2386 words)


Tuesday, 5 September 2017
آدم شماری ۔۔۔ ہک کروڑ ٻاوی لکھ سرائیکیں دی اجتماعی قبر ۔۔۔۔۔۔۔۔۔۔ راݨا ابرار خالد
آدم شماری2017
ہِک کروڑباوی (22) لکھ سرائیکیں دی اجتماعی قبر!
(راݨا اَبرار خالد) 

آدم شماری (جُمل ڳݨتڑی) کوں سوکھے مُلخیں وچ وسائل دی ڳݨ مُنجھ اتے اڳونہی سوچ دا وسیلہ بݨایا ویندے، پراِتھاں (پاکستان وِچ) آدم شماری اڄاں تائیں وسائل دی کھَس کھوہ تے ہݨی قومیں کوں ہَتھوں بُکھا مارݨ دا ہتھیار ہے۔ آدم شماری دا پنجوی اگست ݙوہزارستارھاں کوں جاری تھیوݨ آلا کچارزلٹ وی کجھ اینجھا نِکلیئے۔ ادارہ شماریات پاکستان دی طرفوں جاری کیتے ڳئے اعدادوشمارݙسیندِن جو گُذریل اُنوی سالاں وچ پاکستان دی آبادی وچ 56.99 فیصد ودھارا تھئےجیڑھی جو 1998وچ 13 کروڑ23 لکھ 52 ہزار279 ہئی۔ 2017 وچ وَدھ کنیں 20کروڑ 77 لکھ 74 ہزار520 تھی ڳئی ہے، انہاں اعدادوشمارسانویں سب توں گھٹ ودھارا (49.43  فیصد) صوبہ پنجاب دی آبادی اِچ ݙکھایا گئے جیڑھی جو7 کروڑ36 لکھ 21 ہزار290 توں وَدھ کے 11کروڑ 12 ہزار442 تھی ڳئی ہے، صوبہ سندھ دی آبادی (57.31 فیصد) ودھارے نال 3 کروڑ 4لکھ 39 ہزار893 کن وَدھ کنیں 4 کروڑ  78لکھ 86 ہزار 51تھی ڳئی ہے۔ صوبہ خیبرپختونخوا دی آبادی (72.02 فیصد) ودھارے نال ہِک کروڑ  77لکھ 43 ہزار 645کنیں وَدھ کے 3 کروڑ  5لکھ 23 ہزار371، صوبہ بلوچستان دی آبادی (88.01 فیصد) ودھارے نال 65 لکھ 65 ہزار 885 کن وَدھ کے ہِک کروڑ 23لکھ   44 ہزار، فاٹا دی آبادی (57.47فیصد) ودھارے نال 31 لکھ 76 ہزار 331کن ودھ کے 50 لکھ ہِک ہزار 676تے وفاقی دارالحکومت(اسلام آباد) دی آبادی (149.19 فیصد) ودھارے نال اٹھ لکھ 5 ہزار 235کن ودھ کے 20 لکھ 6 ہزار 572تھی ڳئی ہے ۔

ایں حساب نال سرائیکی وسیب[1] (راجن پور،دیرہ غازیخاں، مظفرگڑھ، لیہ، ملتان، خانیوال، وہاڑی، لودھراں،بہاول نگر، بہاول پور،رحیم یارخاں، بکھر،میانوالی، جھنگ، خوشاب) دی آبادی (52.66 فیصد) ودھارے نال 2 کروڑ 74 لکھ 69 ہزار946 کن ودھ کے 4 کروڑ 19 لکھ 64 ہزار917 تے پنجاب (لاہور،قصور، ننکانہ صاحب، شیخوپورہ، اوکاڑہ، فیصل آباد، چنیوٹ، حافظ آباد، سرگودھا، منڈی بہائوالدین، ٹوبہ ٹیک سنگھ، ساہیوال، پاکپتن، گوجرانوالہ، گجرات، سیالکوٹ، نارووال، جہلم، راولپنڈی، چکوال، اٹک) دی آبادی (47.44 فیصد) ودھارے نال 4 کروڑ 61 لکھ 51 ہزار 344 کن ودھ کے 6 کروڑ 80 لکھ 47 ہزار 525 تے پُڄ ڳئی ہے۔

کچے رزلٹ مطابق چھیویں آدم شماری وِچ پاکستان دی آبادی اِچ صوبہ پنجاب دا حصہ 55.63 فیصد کن گھٹ کے   52.95 فیصد تھی ڳئے جئیں پاروں ایندیاں قومی اسمبلی دیاں ست (7) سیٹاں گھٹ ویسِن، صوبہ سندھ دا حصہ 23 فیصد کن ودھ کے 23.05 فیصد، صوبہ خیبرپختونخوا دا حصہ 13.41 فیصد کن ودھ کے 14.69 فیصد، صوبہ بلوچستان دا حصہ 4.96 فیصد کن ودھ کے 5.94 فیصد، فاٹا دا حصہ 2.40 فیصد کن ودھ کے 2.41 فیصد تےاسلام آباد دا حصہ 0.61 فیصد کن ودھ کے 0.97 فیصد تھی ڳئے۔ جیکرصوبہ پنجاب دی صورتحال کوں ݙیکھوں تاں کچے رزلٹ مطابق (صوبے دی آبادی وچ سرائیکی وسیب دا حصہ 37.31 فیصد کن ودھ کے 38.15 فیصد تھی ڳئے تے پنجاب داحصہ 62.69 فیصد کن گھٹ کے 61.85 فیصد تے آڳئے۔) ایں پاروں صوبیں دے حصے دیاں قومی اسمبلی دیاں سیٹاں دا گھٹ ودھ تھیوݨ انت ضروری ہے۔ کچے رزلٹ پاروں صوبہ پنجاب دیاں قومی اسمبلی دیاں سیٹاں 148 توں گھٹ کے 141 تھی سگدیاں ہِن (پرخبرایہا لبھی  ہے جوسَت سیٹاں دا گھاٹا سرائیکی وسیب کوں ای ݙتا ویسی تے اوندیاں قومی اسمبلی وچ سیٹاں 53 کن گھٹ کے 46 تھی ویسِن۔ پر پنجاب دیاں 95 سیٹاں برحال رہسِن۔ ایں سانگے جیڑھا فارمولا بݨایا ویندا پئے اوندے مطابق جیکرکہیں ضلعے دی آبادی وِچ ایتلا ودھارا نئیں تھیا جو اوندی قومی اسمبلی دی ہِک سیٹ ودھائی ونڄ سڳے تاں اُنوی سال دا آبادی اِچ ودھارا کہیں کم نہ آئوسی۔ ایں  حساب نال لہور کوں قومی اسمبلی دیاں ڈوسیٹاں پہلے کن وادھو لبھسِن بھل جو اُنوی سال وچ لہوردی آبادی وچ 75.49 فیصد ودھارا تھئے،ہروں بھروں لہوردیاں سیٹاں 13 کن ودھ کے 15 تھی ویسِن تے ملتاں دیاں 6سیٹاں آبادی وِچ 52.24فیصد ودھارے مُتوں اُتھاہیں دیاں اُتھاہیں رہسن۔ ضلع خانیوال دیاں قومی اسمبلی دیاں سیٹاں چارکن گھٹ کے 3 تھی ویسن جݙاں جو خانیوال دی آبادی وچ 41.26 فیصد ودھارا تھئے، ضلع لودھراں دی آبادی وچ 45.12 فیصد ودھارے دے باوجود اوندیاں قومی اسمبلی دیاں سیٹاں ݙو ای رہسن۔ آبادی وچ 38.60 فیصد ودھارے دے باوجود ضلع وہاڑی دیاں سیٹاں چارکن گھٹ کے 3 تھی سگدیاں ہِن۔ گزریل اُنوی سالاں وچ راجن پوردی آبادی اِچ 80.86 فیصد ودھارا وی کہیں کم نہ آئوسی۔ اوندیاں قومی اسمبلی دیاں سیٹاں ݙو دیاں ݙو ای رہسن۔ دیرہ غازیخان دیاں سیٹاں وی آبادی اِچ 74.80 فیصد ودھارے مُتوں ترائے دیاں ترائے رہسِن۔ ضلع مظفرگڑھ دیاں سیٹاں پہلے آلیاں 5، لیہ 2، رحیم یارخاں 6 تے بہاولپوردیاں سیٹاں آبادی اِچ 50.76 فیصدودھارے مُتوں 5 کن گھٹ کے 4 تھی وہیسن۔ بہاولنگردیاں چارکن گھٹ کے ترائے ،جھنگ دیاں چارکن گھٹ کے ترائے تے میانوالی، خوشاب دیاں سیٹاں 2 کن گھٹ کے ہِک ہِک تھی سڳدیاں ہِن۔ ݙوجھی پاسوں چکوال دیاں قومی اسمبلی دیاں سیٹاں 2 کن ودھ کے 3 تھی سڳدیاں ہِن تے پنجاب دے بقایا ضلعیں دیاں سیٹاں نہ گھٹ تھیسن نہ ودھ۔) کچے رزلٹ پاروں صوبہ خیبرپختونخوا دیاں قومی اسمبلی دیاں سیٹاں 35 توں ودھ کے 39 تے صوبہ بلوچستان دیاں قومی اسمبلی دیاں سیٹاں 14 توں ودھ کے 16 تھی سگدیاں ہِن، پرفاٹادیاں قومی اسمبلی دیاں سیٹاں ٻارھاں اتے اسلام آباد دیاں ݙو ای رہسن۔ نتیجہ ایہو نکلدے جو اُنوی سالاں وِچ سرائیکی وسیب دے آبادی دے حصے وِچ تھیون آلا 0.83 فیصدی وَدھارا اڄایا ویسی۔

اڄوکا وݙا سوال ایہواے ، کیا اے کچا رزلٹ درست ہے؟ جیکرسرائیکی وسیب دی آبادی وچ پنجاب کن تھولا زیادہ ودھارا تھئے تاں اینکوں من گِھنیجے؟

ایں کن پہلوں سرائیکی وسیب تے پنجاب دے ضلعیں تے شہریں دی آبادی دا جائزہ گھِنݨ ضروری ہے بھل جوساکوں کیویں چارکروڑ اُنوی لکھ بݨایا ڳئے تے پنجاب کوں کیویں چھی کروڑ اسی لکھ تے پُڄایا ڳے. 

کچے رزلٹ مطابق اُنوی سالاں وچ سرائیکی وسیب دے ضلع ملتان دی آبادی وِچ 52.24 فیصد تے پنجاب دے ضلع لہوردی آبادی وچ 75.49  فیصد ودھارا  تھئے۔ (اُتوں لہورتاں سارا ضلع  ای شہر وِچ  آ ڳئے پر ملتان اڄ وی اُتھائیں کھڑے ۔)

 کچے رزلٹ دا  اُپٹھ :

آدم شماری 2017دے کچے رزلٹ سانویں پاکستان دی آبادی 20کروڑ  77 لکھ 74 ہزار520 ہے۔ کُل 3 کروڑ 20 لکھ 5 ہزار 111 گھرانیں کوں ڳݨیا ڳئے تے ایں حساب نال ہِک گھرانہ (ٹٻر) 6.45 بندیں دے سانویں ہے۔ پرالیکشن کمیشن آف پاکستان دے ریکارڈ مطابق پاکستان وچ رجسٹرڈ ووٹریں دی کُل تعداد 9 کروڑ 70 لکھ 21ہزار340 ہے جیہڑی جو کُل آبادی دا 46.70 فیصد بݨدی ہے۔ ایں پاروں ہِک ٹٻر وِچ 3 بندے ٻالَک (بالغ) ہووݨ ضروری ہن تے ترائے کنوں گھن چارتئیں ننڈھے ٻال وی ضروری ہِن جیہڑا جو ٻہوں مشکل ہے۔ آدم شماری دے کچے رزلٹ وِچ جیتلا آبادی ݙسی ڳئی ہے۔  ایں حساب نال تاں ٹٻر (گھرانہ) 3.59 بندیں دا بݨدے (کنوارے کڈھ کے ݙو ذال پئے تے ہِک ٻال)،پراے چِین تاں نئیں جتھاں ہِک بال دا قانون ہووے۔ اتھاں ٻہوں سارے لوکیں دیاں ݙو ڈو ترائے زالاں تے اَٹھ اَٹھ بال ہِن۔ ایں پاروں پاکستان دی پکی ٹھکی آبادی 23 کروڑ 51 لکھ 81 ہزار168 بݨدی ہے۔ ایندے نال اے ثابت تھیندے جو کچے رزلٹ وچ 2 کروڑ 74 لکھ  6 ہزار648 آبادی گھٹائی ڳئی ہے جیندے کئی سبب تھی سڳدن۔ پرسب توں وڈا سبب قومی اسمبلی دیاں سیٹاں ہِن۔  ایں کن پہلوں ذرا صوبیں دی آبادی دا اُپٹھ کرݨ ضروری ہے۔ کچے رزلٹ وِچ صوبہ پنجاب دی آبادی 11 کروڑ 12 ہزار 442  ݙسائی ڳئی ہے تے ہِک کروڑ 71 لکھ  3 ہزار835 گھرانے (ٹٻر) ڳݨے ڳئین۔ الیکشن کمیشن دے ریکارڈ مطابق صوبہ پنجاب وِچ رجسٹرڈ ووٹر5 کروڑ 58  لکھ 20 ہزار797 ہِن۔ ایں پاروں صوبہ پنجاب وچ ہِک ٹٻر (گھرانہ)  6.43بندیں دا بݨدے تے آدم شماری دے کچے رزلٹ وِچوں ہِک ٹٻر دے 2.69 بندے گُم ہن (جیکراڳوں تے اُپٹھ کروں تاں پنجاب وِچ 1.5 بندے ہرٹبردے گُم ہن تے سرائیکی وسیب اِچ ہرٹٻر دے 4.15 بندے گُم ہِن۔) کچے رزلٹ وِچ صوبہ سندھ  دی آبادی 4 کروڑ 78لکھ 86 ہزار 51ݙسائی ڳئی ہے تے صوبہ سندھ وِچ کُل 85 لکھ 85 ہزار610 ٹٻر (گھرانے) ڳݨے ڳئین۔ الیکشن کمیشن ریکارڈ مطابق صوبہ سندھ  اِچ 4 کروڑ78 لکھ 86 ہزار51 رجسٹرڈ ووٹر ہِن۔ ایں حساب نال سندھ  اِچ ہِک ٹٻر (گھرانہ)  5.58بندیں دا بݨدے ، جیکرکچے رزلٹ کوں ݙٹھا ونڄے تاں صوبہ سندھ  اِچ ہِک ٹبردے ترائے بندے گُم ہِن۔ آدم شماری دے کچے رزلٹ وِچ صوبہ خیبرپختونخوا دی آبادی 3 کروڑ  5 لکھ  23 ہزار  371ݙسائی ڳئی ہے تے صوبہ خیبرپختونخوا وِچ کُل 38 لکھ 45 ہزار168گھرانے(ٹبر) ڳݨے ڳئین۔ الیکشن کمیشن ریکارڈ مطابق صوبہ خیبر پختونخوا وِچ ہِک کروڑ 40 لکھ 16ہزار383 رجسٹرڈ ووٹر ہن۔ ایں حساب نال صوبہ خیبرپختونخوا وِچ 7.94 بندیں داہِک ٹٻر بݨدے۔ پرکچے رزلٹ اِچ ہِک ٹبردے 2.98 بندے گُم ہن۔ آدم شماری دے کچے رزلٹ اِچ صوبہ بلوچستان دی آبادی 3 کروڑ  5لکھ 23 ہزار  371 ݙسائی ڳئی ہے تے بلوچستان وچ کُل 17 لکھ 75 ہزار937 گھرانے (ٹٻر)  ڳݨے ڳئین۔ الیکشن کمیشن ریکارڈ مطابق بلوچستان اِچ 37 لکھ 2 ہزار362 رجسٹرڈ ووٹرز ہِن۔ ایں حساب نال بلوچستان وِچ ہِک ٹٻر (گھرانہ) 6.95 دا بݨدے۔ پرکچے رزلٹ وِچ ہرٹٻر دا ہِک بندہ وادھو ڈݙھایا ڳئے۔ اینویں ای فاٹا اِچ ہرٹٻر دے 0.34 بندے وادھو تے اسلام آباد وِچ ہر ٹٻر دے 0.47 بندے وادھوں ݙکھائے ڳئین۔

اِتھائوں ثابت تھیندے جو آدم شماری دے کچے رزلٹ وچ ہِک پاسوں صوبہ پنجاب دی آبادی ہِک کروڑ   64 لکھ 80 ہزار 798گھٹ ݙکھائی ڳئی ہے (جیندے وچ ہِک کروڑ 22 لکھ 84 ہزار 834سرائیکی تے 41 لکھ 95 ہزار 964پنجابی شامل ہِن)،صوبہ سندھ دی 83 لکھ 38 ہزار  823 آبادی گھٹ ݙکھائی ڳئی ہے تے صوبہ خیبرپختونخوادی 48 لکھ 9 ہزار 882آبادی گھٹ ݙکھائی ڳئی ہے۔ ݙوجھے پاسوں صوبہ بلوچستان دی 16 لکھ 26 ہزار  932 آبادی، فاٹادی ہِک لکھ 93 ہزار  759 آبادی تے اسلام آباد دی چارلکھ 2 ہزار165 آبادی ودھیک ݙکھائی ڳئی ہے۔ ۔

مُنڈھلا سوال
مُنڈھلا سوال تاں ایہو ہےجو اینویں کیوں کیتا ڳئے؟  پاکستان دی  آبادی  20 کروڑ 77 لکھ 74 ہزار520 کیوں ݙسائی ڳئی ہے۔ بھل جو 23 کروڑ51 لکھ 81 ہزار168 کیوں نئیں ݙکھائی ڳئی ہے جیہڑی جو بݨدی ہئی۔ 

اندازہ تھیندے جیکر 23 کروڑ51 لکھ 81 ہزار 168 ݙکھائی ویندی تاں جتھاں صوبہ پنجاب دیاں قومی اسمبلی دیاں سیٹاں 148 کن گھٹ کے 143 تھی ونڄن ہا۔ اُتھائیں صوبہ سندھ دیاں سیٹاں 61 کن ودھ کے 62 تھی ونڄن ہا۔ اینویں ای صوبہ خیبر پختونخوا دیاں سیٹاں وی 35 کن ودھ کے 40 تھی ونڄن ہا۔ ݙوجھے پاسوں فاٹا دیاں قومی اسمبلی دیاں سیٹاں 12 کن گھٹ کے 11 تھی ونڄن ہا۔ شیئت قومی اسمبلی دے سیٹیں دی اے نویں ونڈ پنجاب دے حاکمیں کوں قبول نہ ہئی۔ پرسوال اے وی ہے جو پاکستان دی آبادی 20 کروڑ 77 لکھ 74 ہزار 520 ݙساوݨ نال وی تاں صوبہ پنجاب دیاں قومی اسمبلی دیاں ست سیٹاں گھٹدیاں پیئن۔ ول تاں اے گھاٹے دا سودا تھیا (پہلوں 5سیٹاں گھٹدیاں پیاں ہَن، ہُݨ سَت گھٹا بیٹھِن)۔ ایں سوال دی پچھوکڑ کرݨ سانگے  ہِک بئی ٹیبل ݙیکھݨی پوسی جیندے وِچ پنجاب تے سرائیکی وسیب دی ونڈ ݙکھائی ڳئی ہے ۔

معلوم تھیندے جو وسائل کنوں گھِن کے قومی اسمبلی دیاں سیٹاں تئیں ہرونڈ وچ پنجاب دے ݙو بھانگے آندے پیئن۔  1998 دی آدم شماری دے رزلٹ مطابق صوبے دی آبادی وچ پنجاب داحصہ 62.69 فیصد ہئی پراونکوں قومی اسمبلی دیاں 64.19 فیصد سیٹاں ملیئن، جݙانہہ جو آبادی وچ سرائیکی وسیب داحصہ  37.31 فیصد ہئی پرایندے حصے وچ کُل 37.31 سیٹاں آئن۔ ایں توں ہِک تاں اے ڳالھ ثابت تھیندی ہے جو ہرڳالھ وچ کَس سرائیکی وسیب چیندے۔

جیکررجسٹرڈووٹراں دی تعداد کوں ݙیکھوں تاں وی پنجاب ای فیدہ چیندا کھڑے۔ 2013 دے الیکشن وچ صوبہ پنجاب دیاں قومی اسمبلی دیاں سیٹاں 148 تے رجسٹرڈ ووٹرچارکروڑ  92لکھ 65 ہزار 640ہَن، ایں پاروں قومی اسمبلی دی ہِک سیٹ 3 لکھ 32 ہزار 876ووٹراں تے بݨدی ہئی، پرپنجاب وچ قومی اسمبلی دی ہِک سیٹ 3 لکھ 25 ہزار 183ووٹراں تے بݨائی ڳئی (ایں پاروں پنجاب کوں قومی اسمبلی دیاں ݙو وادھوسیٹاں مِلیاں، سرائیکی وسیب اِچ قومی اسمبلی دی ہِک سیٹ 3 لکھ 31 ہزار170 ووٹراں تے بݨائی ڳئی تے پوٹھوہارریجن اِچ قومی اسمبلی دی ہِک سیٹ 3 لکھ  83ہزار842 ووٹراں تے بݨائی ڳئی (جیئں پاروں پوٹھوہارریجن کوݙوسیٹاں دی کس لڳی ہے)۔ 

ہُݨ وی جݙانہہ جو صوبہ پنجاب دی آبادی 11 کروڑ 12 ہزار442 ݙسائی ڳئی ہے تاں پنجاب دا آبادی وِچ حصہ 61.85 فیصد بݨدے پر پنجاب (صوبے دیاں 141سیٹاں وچوں)  67.38فیصد دا امیندوارہے تے سرائیکی وسیب جیندا آبادی وچ حصہ 38.15 فیصد ہے اوندیاں سیٹاں گھٹ کے 32.62 فیصد تھی ویسِن۔  مطلب اے ہے جو پاکستان دی آبادی 20 کروڑ 77 لکھ 74ہزار520 ݙساوݨ نال صوبہ پنجاب دیاں قومی اسمبلی دیاں سیٹاں اونویں تاں 148 کن گھٹ کے 141 تھی ویسِن پرایندی کَس پنجاب دی بجائے سرائیکی وسیب کوں لگسی۔  پنجاب دیاں 95 سیٹاں برحال رہسن تے سرائیکی وسیب دیاں 53 کن گھٹ کے 46 تھی ویسِن۔

ہُݨ آؤں ایں سوال دے پاسے جیکر چھیویں آدم شماری دے کچے رزلٹ اِچ پاکستان دی آبادی 23 کروڑ 51 لکھ 81 ہزار 168 ݙکھائی ویندی تاں پنجاب کوں کیا خینس لڳدی پئی ہئی۔۔۔۔۔۔۔ایندا جواب ایہو لبھے جو کچے رزلٹ وچ پاکستان دی آبادی 23 کروڑ 51 لکھ 81 ہزار168 ݙکھائی ویندی تاں (ول صوبہ پنجاب دی آبادی وی 12 کروڑ 64 لکھ 93 ہزار240  ݙکھاوݨی پوندی) جیندے وچ سرائیکی وسیب دا حصہ 42.89 فیصد تے پنجاب داحصہ 57.11 فیصد بݨدا ہئی۔ ایں طریقے  نال اونویں تاں صوبہ پنجاب دیاں قومی اسمبلی دیاں کُل 5سیٹاں گھٹدیاں ݙسدیاں ہِن (جیڑھا جوفیدے داکم ہئی) پر پنجاب کوں 13سیٹاں دی خینس لڳدی پئی ہئی تےاوندیاں قومی اسمبلی دیاں سیٹاں 95 کن گھٹ کے 82 تھی ونڄن ہا۔ ݙوجھے پاسوں سرائیکی وسیب کوں 8 سیٹاں دا فیدہ تھیندا پیا ہئی۔ جیندیاں قومی اسمبلی دیاں سیٹاں 53 کن ودھ کے  61 تھی ونڄن ہا۔ پنجاب کوں اے ونڈ منظورکائنا ہئی تے آپݨیاں  95 سیٹاں برحال رکھݨ سانگے پنجاب دی آبادی کوں 41 لکھ 95 ہزار  964دی جاݨ بُجھ کے کَس لوائی تاں جوسرائیکی وسیب کوں ہِک کروڑ 22 لکھ 84 ہزار 834 آبادی دی کَس لائی ونڄ سڳے ۔

ایں لکھت سانگے سرائیکی وسیب  کنیں مراد 15 ضلعے یں۔ اے او ضلعے ہن جتھوں اکثریت سرائیکی الیکشن  جتیندن۔ کجھ دوستاں دا موقف اے جو سرائیکی وسیب وچ ساہیوال،پاکپتن، اوکاڑہ، سرگودھا،ٹوبہ ٹیک سنگھ، چنیوٹ دے ضلعے وی شامل کیتے ونڄن پراتھوں بݨن آلے ایم این ایزدی اکثریت پنجابی ہووݨ پاروں ایں لکھت تے آبادی دی ورداس اوچ اُنہاں ضلعیں کوں سرائیکی وسیب وِچ نئیں ڳݨیا ڳیا۔ ایندے علاوہ پوٹھوہار ریجن کوں چارضلعیں (راولپنڈی، چکوال، اٹک، جہلم) وِچ ڈکھایا ڳئے




#Article 31: آذر بخاری (827 words)


اُݙاری .....تی میݙا محبوب یار آذر بخاری

(لکھت:عدیلؔ بخاری)

شاعری اللہ تعالیٰ دی ݙتی ݙات ہے  جیڑھی خاص تے چُݨے ہوئے لوکیں کوں عطا تھیندی ہے ۔شاعر شعورِ یافتہ لو ک ہوندن، اِنھاں دا ویلے دی نبض تے ہتھ ہوندے، اپݨے سماج نال جُڑیل ہوندن۔ انہیں دا شعور باریک بینی نال وسیب دیاں تبدیلیاں تے نویاں ضرورتاں دا مشاہدہ کریندا رہ ویندے تے ایہ اپݨی شاعری دے ذریعے اُنھاں دی نشاندہی کر تے لوکیں کوں تبدیلی دا احساس ݙیویندن۔ شاعری بیان دے اظہار دا بہترین طریقہ ہے۔ جیڑھا سُݨݨ تے پڑھݨ آلیاں تے بٖہوں جلدی اثر کریندے۔ شاعریں دی شاعری لوکیں دے شعور کوں جڳیندی ھے۔ شعور انسان دی بٖہوں وݙی خوبی ہے ۔جیڑھی انسان کوں ݙوجھی مخلوق توں افضل کریندی ھَ۔شاعری ، شاعر دے اندر دا عکس تے اوندی شخصیت دی آئینہ دار ہوندی ہے ۔ آذرؔ بخاری ہک نوجوان شاعر ھے۔ تھوڑے عرصے وچ شاعری دی دُنیا اپݨی جٖاݨ سُنجٖاݨ بݨائی ہے ۔سرائیکی وسیب وچ سرائیکی شاعری دی حیثیت نال اوندی ہک انج سُنجٖاݨ ہے ۔ ݙوہڑہ، قطعہ، نظم تے غزل ایندیاں پسندیدہ اصناف ہِن۔اِنھاں وچ زور لئی رکھیندے اے ہک محبت کرݨ والا بندہ ہے  تے شاعری نال محبت دی جوت جگائی رہندے۔ شاعری دے موضوعات وچوں عشق تے محبت وی ہک اہم موضوع ھے۔ آذرؔ بخاری دی شاعری وچ وی عشق و محبت دے موضوع تے ڈھیر سارے اشعار موجود ہِن۔ محبت دے وچ گُندھے ہوئے کجھ شعر ایں ہِن جو:

محبت دے موالیں کوں ودا محبوب نظرے بس

محبت دے مریضاں دا ایہو دارو دوا ہوندے

فقط ساتھ تیݙا جو مِل پووے آذرؔ

مخالف ایہ سارا شہر کیا کریسے

جئیں ݙینھ آذرؔ سامہیں آسیں

ٹلسن سارے کال تے ہنجوں

آذر بخاری ہک سُجٖاک انسان ہے ۔ ایہ وسیب دیاں محرومیاں ناانصافیاں توں واقف ہے ۔ ایہ امیراں دیاں عیشاں تے عیاشیاں کوں وی ݙیدھا بٖیٹھے تے غریبیں دیاں بے وَسیاں دا بھائیوال وی ہے ۔غریبی ایندی سنگتاݨی ہے  تے ایہ غریبی دے ڈُٖکھ دا شناسا ہے ۔ایہ ڈُٖکھ ایندے اشعار وچ نشابر ہے :

سُݨ تے روز غبارے والے دی

؂رو تے پُچھدن بٖال غبارے کیا ہوندن

غریبیں دی رت نال بٖلدے کھڑے ہِن

ایہ جتنی وی سوجھل مُنارے نظردن

آذرؔ ہک خوددار انسان ہے  ۔ عزت کرݨ تے عزت کراوݨ دا گُر اینکوں بھَل بھَل آندے۔ سنگت کیتے سب کُجھ وار ݙیوݨ کوں اپݨا ماݨ سمجھدے تے سنگت کنوں وی ایہا اُمیدرکھیندے ایہ نہ مفتی پھوت بݨیندے تے بݨݨ ݙیندے۔ ایہ پھوت بݨاوݨ والیاں دے اڳوں اپݨی اَنا دی کندھ اُساری رہندے۔

اَنا دی کندھی اُسار سڳدوں

ھے پیار توݨیں وِسار سڳدوں

جے توں نکھڑدا ہئیں کہے ل تے آذرؔ

اساں وی کلہیں گُزار سڳدوں

گردن نِو ا تے جیوݨ ساݙا وطیرہ کینی۔ جے توݨیں جیندے رہسوں جیسوں انا دے نال آذرؔ بخاری سرائیکی دھرتی دا پُتر ہے ۔ دھرتی تے دھرتی جٖایاں دے ڈُٖکھ کوں سمجھدے۔ ایہ دھرتی جٖایاں دی کم ہمتی ، بے وسی، تے مجبوری دا پوراپورا جٖاݨو ہے ۔اُنھاں کوں حوصلہ ݙیندیں آہدے:

اپݨا حال سُݨاوݨ سِکھو

ہُݨ تاں یار اَلاوݨ سِکھو

سِر تے کفنی بٖدھو یارو

حق دا جھنڈا چاوݨ سکھو

کُجھ حاکم نال بغاوت کر

کُجھ رعیت دے وی بارے لکھ

آذر ؔ بخاری حُسن پرست ہے ۔ حُسن پرستی، ایندی رڳ رڳ اندر وَسی ہوئی ہے ۔ایہ مخلوق خدا تے خدا دی خدائی کوں وݙے پیار نال ݙیہدے تے منیندے۔ اینکوں اپݨا محبوب سارے جڳ توں پیارا تے سوہݨا لڳدے۔ دُنیا دی کہیں شئے کوں وی اوندے مَٹ نئیں سمجھدا۔

تیݙے پیر دی آذرؔ مِٹی ہِن

ایہ چندر تے بھانویں تارے لِکھ

آذرؔ وسیب نال جُڑیا ہویا بندہ ہے ۔اینکوں اپݨی روہی نال بے پناہ محبت تے عقیدت ہے ۔روہی دی تس، ٹبٖے، ٹوبھے، کرینہہ ، کنڈے، دھݨ، دھݨوال تے روہیلے ایندے من وچ وَسدن۔ اِنھاں نے اپݨی شاعری وچ روہی دے روڳ، سوڳ، بھوڳ، جوڳ کوں سوہݨے انداز وچ بیان کیتے:

ساݙی روہی رنڈݨ پاݨی توں تیݙے بٖیٹ سُہاگاٖں خوش بٖیٹھیں

ساݙا مال ملوٹھا مونجھیں توں تیݙیاں خوش خوش واگاٖں خوش بٖیٹھیں

ساݙے مُلک تے ساول لبھدی نئیں ساݙیاں مر ڳن لاگاٖں خوش بٖیٹھیں

ساݙی سیت کوں آذرؔ نندراں ہِن تیݙی سیت کوں جاگاٖں خوش بٖیٹھیں

اساں روہی دی گذران دیوچ نقصان چاتے اَݨ کُھٹ چاتے

نہ ساوݨ دی کوئی بدلی آئی بھانویں قہر دیں دُھپیں چُٹ چاتے

ساݙی ساوِل تے خوشحالی کوں اِنھاں ہاڑ دیں لُکھیں لُٹ چاتے

ایں سال نئیں آذر پھینگ وَسی ایں سال اندھاریں کُٹ چاتے

آذر بخاری نے ایں کتاب وچ غزل دے نال نال خوبصورت ݙوہڑے، قطعات تے نظماں شامل کیتن۔ جنھاں وچ اُنھاں ݙاڈھے سوہݨیں خیال ورتین۔ سرائیکی لفظیں دا خوبصورت ورتارا کیتے۔ کجھ شعریں وچ اکھاݨاں دا وی خوبصورت استعمال ہے ۔منقبت وی ہے ، غزلاں وچ ݙاڈھیاں سوہݨیاں ردیفاں ورتین۔مختصر گاٖلھ ہے  جو آذرؔ بخاری دی شاعری بٖہوں پُر اثر تے بُلکل سادہ ہے ۔ آذرؔ دے مونہوں نکھتی گاٖلھ ہوں ویلے سمجھ آ ویندی ہے ۔پڑھݨ والیاں کوں معنی دے سمندر وچ غوطے مار تے مطلب کینی لبھڑاں پوندا۔ بیان دا طریقہ بٖہوں پیارا ہے ۔میں دعا گو ہاں جو اللہ تعالیٰ ایندے قلم دے زور وچ مزید اضافہ فرماوے۔شالا ہسدا وَسدا رہوے۔




#Article 32: آذر کیوان (104 words)


( 1529ء سے 1533ء دے دوران پیدائش تے 1609ء توں 1608ء دے دوران وفات ) آذر کیوان زرتشتیت دین دا پیروکار ہئی۔ ایں نے اسلام، زرتشتیت، یہودیت، مسیحیت، مانویت، مزدکیت تے بدھ مت وغیرہ توں مختلف عقائد اخذ کر کے ملا ݙتے ہن۔ اے شیراز وچ پیدا تھیا۔ مغل شہنشاہ جہانگیر دے عہد وچ ہندوستان آیا تے پٹنہ وچ وفات پاتی۔ آہدے ہن کہ اوہ توحید دا قائل ہئی۔ اوں نے ہک آئین وی مرتب کیتا ہئی جیہڑا آئین آذر کیوان دے نام نال مشہور ہے۔ شیخ شہاب الدین مقتول دی حمکت الاشراق تے اوں دی تے اوں دے مریدین دی خاص توجہ ہئی۔




#Article 33: آر ایف آئی ڈی (153 words)


آر ایف آئی ڈی (RFID) توں مراد ریڈیو فریکوئینسی آئیڈینٹی فیکیشن Radio-frequency identification ہے۔ ایہ اینجھے ٹرانسمیٹر ہن جیہڑے تقریباً چاول دے داݨے دے برابر ہوندے ہن تے انہاں وچ کوئی بیٹری نی ہوندی۔ جیہڑے ویلے ہک ݙوجھا بیرونی ٹرانسمیٹر (جس وچ بیٹری ہوندی ہے تے جینکوں ریڈر آہدے ہن) آر ایف آئی ڈی کوں پڑھݨ کیتے سگنل بھڄیندا ہے تاں آر ایف آئی ڈی ہیں بیرونی سگنل توں توانائی حاصل کر کے جواب وچ ہک کوڈ نمبر بھڄیندا ہے جینکوں ریڈر پڑھ گھندا ہے تے آر ایف آئی ڈی کوں پہچاݨ گھندا ہے۔ وݙے دکاناں تے ڈپارٹمنٹل اسٹورز دی اکثر اشیا وچ آر ایف آئی ڈی لگا ہوندا ہے جیں نال نہ صرف چوری تھیوݨ دے امکانات بہت کم تھی ویندے ہن بلکہ موجود اشیا دی فہرست (inventory) تیار کرنا وی بہت آسان تھی ویندا ہے۔ ریڈر کئی میٹر دے فاصلے توں آر ایف آئی ڈی کوں پڑھ تے پہچاݨ سڳدا ہے۔




#Article 34: آر اے نکلسن (114 words)


آر اے نکلسن (18 اگست، 1868ء توں 27 اگست، 1945ء تک) ہک ممتاز انگریز مستشرق ہئی۔ جیہڑا اسلامی ادب تے اسلامی تصوف ݙوہاں دا عالم ہئی، اینکوں انگریزی زبان وچ وسیع پیمانے تے عظیم ترین رومی سکالرز تے مترجمین وچوں  شمار کیتا ویندا ہے۔

نکلسن دا شاہکار، مثنوی مولانا روم تے انہاں دا کم اے۔ ایہ کتاب 1925ء توں 1940ء تک اٹھ جلداں وچ شائع تھئی۔ انہاں نے مثنوی دے پہلے اہم فارسی ایڈیشن کوں لبھا، انگریزی وچ جتنا وی کم رومی تے تھیا ہئی، اوندے وچوں، سب توں پہلے مکمل ترجمہ تے تشریح نکلسن نے کیتی۔ لہٰذا ایں دا کم دنیا وچ رومی دی تعلیمات دے میدان وچ سب توں زیادہ مؤثر ریہا۔




#Article 35: آرائیں (221 words)


میر پور خاص وچ ارائیں برادری دی اکثریت ہے ۔.  جہڑے عرب اچوں اشاعت.  اسلام کیتے آئے ۔ ارائیں ۔۔۔راعی ۔۔۔ بھیڈاں بکریاں چراونڑ والے چرواہے ۔۔۔ اے یہودی النسل لوک ہن جنہاں دا نسبی سلسلہ کنعان دے  نبی حضرت یعقوب علیہ السلام  دے خاندان نال ونج رلدے ۔
مسلمان تھیونڑ بعد اے لوک عرب وچوں  انڈیا سندھ  آئے تے سندھ اجوکے ملتان وچ وس گئے بلوچ برادری دے بعد ڈوجھی وڈی قوم ارائیں برادری ہے ۔۔۔۔۔  الراعی ۔۔۔ دے نام نال ہک رسالہ وی شائع تھیندے ۔تے اے لوک  دریاواں دے بنے زرعی علاقیاں وچ جالندھر تئیں وسدن۔

ارائیں ہک جنگجو تے بہادر قبیلہ ہے  تے اے سو فیصد مسلمان ہے پیا  ۔۔۔ انہاں دا تعلق آریا نال کائنی ۔ انہاں دی سب کاسٹ ' میاں ' ملک' چودھری'  مہر ' تے خان ہے ۔ ایں قبیلے دے  لوک اریحہ ۔۔ فلسطین ۔۔ شام عراق۔۔ تے سعودی عرب وچوں محمد بن قاسم تے بابر سلیمی دے نال مجاہدین دی حیثیت نال سندھ وادی وچ آئے تے راجا داہر کوں شکست ڈتی تے ملتان دے قابض تھئے ۔

بابر سلیمی نال آونڑ آلے ارائیں خود کوں سلیمی ارائیں اکھویندیئن 
۔۔انہاں دی اکثریت ۔اندرون سندھ دے ضلعیاں تے سرائیکی وسیب دے علاقیاں  ڈیرہ جات ۔ بہاول پور ۔ بہاول نگر ۔  ۔ساہیوال ۔خانیوال وہاڑی تے وہاڑی کنوں سرگودھا تئیں آباد ہے پئی۔




#Article 36: آرامی زبان (304 words)


(آرامی، ܐܪܡܝܐ, ארמית،  Arāmît، تلفظ، ɑrɑmɑjɑ, ɔrɔmɔjɔ) عراق، شام، کنعان، فلسطین، فونیشیا تے جزیرہ نما عرب وچ جیہڑے عرب اقوام ہن، او تمام سامی الاصل ہن۔ آکھا ویندے کہ اے تمام قوماں سام بن نوح دی اولاد ہن۔ اس واسطے سامی سݙیندے ہن۔ انہاں ملکاں دی مختلف زباناں (موجودہ قدیم ݙوہاں) کوں سامی زباناں آکھدے ہن۔ اس دے علاوہ ملک سیریا یا شام دی زرخیزی تے  ایندے درالحکومت دمشق دی دلفریبی دے باعث ایں ملک کوں ارم یا باغ ارم وی آکھدن۔ اس واسطے سامی یا سریانی دا تریجھا ناں آرامی ہے۔ 

آکھا ویندا ہے کہ حضرت نوح دے پتر سام دا مسکن شام ہی ہئی اس واسطے تمام سامی قوماں دی مختلف بولیاں دا اجتماعی ناں سامی، سریانی تے آرامی ہے۔ زباناں دے سامی گروہ وچ فونیقی، اسیری، کلدی، عبرانی، بابلی،حطیطی، زباناں شامل ہن۔ حضرت عیسیٰ علیہ السلام دے وقت فلسطین، کنعان وچ آرامی زبان ہی بولی ویندی ہئی۔ جیہڑی عبرانی زبان دی ہک شاخ ہے۔ موجودہ عربی قدیم آرامی ہی دی ہک ترمیم شدہ صورت ہے۔ البتہ رسم الخط وچ تبدیلی تھی گئی ہے۔ لیکن اے تبدیلی اسلام توں ٻہوں پہلے رونما تھئی ہئی۔

حضور پاک صلی اللہ علیہ وسلم دے زمانے وچ مکہ مکرّمہ تے اس دے گرد ݙوجھے قصبیاں وچ مقیم مسیحی آرامی ٻولیندے ہن۔ لہذا قرآن کریم دے آیات وچ کئی آرامی نژاد الفاظ موجود ہن۔ ایندے کئی وجوھات تھی سڳدے ہن —ہک تاں اے کہ چونکہ قرآن شریف کئی مواقع تے اہلِ کتاب نال مخاطب ہے اس واسطے انہاں دی ہی زبان دے کلمات موجود ہن تاکہ او انہاں آیات کوں اپݨی کتب وچ موجود انہاں موضوعات دی روشنی وچ بہتر سمجھ سڳن۔ ݙوجھا اس واسطے کہ مکہ وچ ابھرتی تھئی،  مسلم امّت عرب کافراں دی نسبت اہلِ کتاب نال شناختی لحاظ نال زیادہ منسلک ہئی تے قرآن وچ موجود اے لفظ ایں ڳالھ دی تائید کریندے ہن۔




#Article 37: آرڳالی (106 words)


آرڳالی یا پہاڑی بھیݙ (Ovis ammon)، بھیݙ دی جنگلی نسل ہے۔ ایہ وسط ایشیاء تے جنوبی ایشیاء وچ ہمالیہ، تبت تے آلتے دے پہاڑی علاقیاں وچ پائی ویندی ہے۔ 

ایہ بھیݙاں وچ دریافت تھیوݨ والی سب توں وݙی جسامت والی بھیݙ ہے تے ایں دا قد تقریباً 120 سینٹی میٹر ہوندا ہے۔ ایں دا وزن تقریباً 140 کلوگرام تک تھی سڳدا ہے۔ پامیر آرڳالی یا مارکوپولو بھیݙ جیہڑی عظیم سیاح مارکوپولو دی وجہ توں مشہور ہے۔ ایں نسل وچ سب توں مشہور پہاڑی بھیݙ ہے۔ ایں دی لمبائی 6 فٹ تک ہوندی ہے۔ عالمی سطح تے ایں نسل دی بھیݙ دی بقاء خطرے نال دوچار ہے۔




#Article 38: آریا (826 words)


سنسکرت زبان وچ آریا دے معنی ”بزرگ“ تے ”معزز“ دے ہن۔ ایہ اُس قوم دا ناں ہے جیہڑی تقریباً ڈھائی ہزار سال قبل مسیح وسط ایشیاء توں چراگاہواں دی تلاش وچ نکلی تے ایران کوں پامال کریندی ہوئی ہندوستان وچ وارد تھئی تے اتھوں دے قدیم مہذب قوماں دراوڑ کوں جنوب دی طرف دھک کے خود ملک تے قبضہ کر گھدا.  آریاواں دے کجھ قبیلیاں نے یورپ دا رخ کیتا تے اتھاں آباد تھی گئے۔

آریہ سفید رنگت، دراز قد تے بہادر ہن.  کردار دی بلندی تے تنظیم دی صفات انہاں وچ موجود ہن۔ ابتدا وچ انہاں دا پیشہ مال ڈھانڈھا ہئی جیہڑا رفتہ رفتہ رڑھ واہی وچ تبدیل تھی گیا۔ نہایت سادہ زندگی بسر کریندے ہن۔ کھیر، مکھݨ، سبزیاں تے اناج عام خوراک ہئی۔ میلیاں تے تہواراں وچ مرد و عورتاں آزادانہ شریک تھیندے ہن۔ سورج، بھاہ، پاݨی، بادل تے دیگر مظاہر قدرت دی پوجا یعنی عبادت کیتی ویندی ہئی۔ دیوتا کوں خوش کرݨ کیتے جانوراں دی قربانی دا رواج ہئی۔

گریسن دا آکھݨ ہے کہ آریا ڈھائی ہزار سال قبل مسیح وچ ایہ ایران دے شمالی مغربی علاقے میدیا وچ آباد تھئے۔ ول کئی صدیاں دے بعد کجھ لوگ اتھوں نکل کے ہند وچ چلے آئے تے انہاں دی زبان قدیم آریائی توں الگ تھی کے ہند آریائی تھی گئی تے جیہڑے لوگ ایران وچ رہ گئے انہاں دی زبان بدلدے ہوئے ایرانی بݨ گئی۔

آریاواں دے ابتدائی مذہب دی تفصیل نی ملدی ، ول وی اینجھے ذرائع موجود ہن جنہاں توں انہاں دی مذہبی حالت دا اندازہ تھیندا ہے تے یقین نال آکھا ونج سڳدا ہے کہ انہاں دا ابتدائی مذہب ایشیائے کوچک وچ آباد تھیوݨ والے متانیاں (Mittaniones)، میدیاں تے برصغیر وچ آباد تھیوݨ والے آریاواں توں مختلف نہ ہوسی ۔

عام طور تے خیال کیتا ویندے کہ انہاں لوگاں دا قدیمی مشترکہ وطن روس دے جنوبی گھا دے میدان Steep Land ہن۔ لیکن ایں سوال تے ماہرین وچ بہت اختلافات ہن تے ایں سلسلے وچ مختلف نظریات ہن۔ ایں سلسلے وچ برصغیر، وسط ایشاء، یورپ وچ ہنگری دے میدان، شمالی یورپ تے ایشیا وچ ٹنڈا دے میدان دا ناں گھدا ویندے ۔

کوئی چار ہزار سال پہلے آریائی اقوام اپݨے مسکن توں نکلے۔ انہاں دی ݙو وݙیاں شاخاں ہن۔ ہک شاخ نے یورپ دا رخ کیتا تے ݙوجھی ایران دی طرف آئی۔ یورپ ونڄݨ والی شاخ کوں ہند یورپی تے ایران دی طرف ونڄݨ والی شاخ ککو ہندآریائی آکھا ڳیا۔ ہند یورپی شاخ اٹلی،کلٹ تے ٹیوٹان دی طرف ودھ ڳئی، ایندا سفر خاصہ لمبا ہیی۔ یورپ پہنچدے انہاں کوں کئی صدیاں بیت ڳیے۔ البتہ ہند آریائی تھوڑی مدت وچ اپݨے نویں وطن، جیہڑا آرمینا، صغدیہ، فارس تے برصغیر تے مشتمل ہئی، پہنچ ڳئے۔ انہاں ملکاں وچ انہاں نے اپݨا تمدن تے زبان چھوڑی، لیکن انہاں دے نال شادی ویاہ نہ کیتا تے خود کوں الڳ  رکھا ۔ پامیر دی طرف ہجرت کرݨے ولے گروہ کوں جیہڑے پامیر 1950 ق م پہنچے، اساں انہاں کوں انڈو ایرانی آکھ سڳدے ہیں۔ پامیر پلیٹو توں انہاں دی ہک شاخ ایران وچ داخل تھئی، ݙوجھی شاخ براہ افغانستان، برصغیر وچ داخل تھئی ۔

قدیم آریائی زبان اس وقت موجود نی ، تاہم اس دے بہت سارے الفاظ موجودہ زباناں ہندی، سندھی، سرائیکی وغیرہ وچ مختلف صورتاں تے ہئیت وچ موجود ہن۔ قدیم آریائی زبان جس کوں ہند یورپی زبان وی آکھا ویندا ہے۔ جݙݨ آریا مغربی تے جنوبی حصیاں وچ پھیل گئے، تاں مختلف علاقیاں وچ ونج کے انہاں دی زباناں وچ اختلاف تھیندا گیا۔ ہݨ انہاں زباناں دی شکل بہت حد تک مختلف ہے.
بعض ماہرین دا خیال ہے کہ مقصود شدہ آریائی زبان دی ہک چھوٹی جیہی دستاویز دریافت تھی گئی ہے۔ ایہ عہد نامہ ہے جیندے وچ ہتیاں دے بادشاہ مستنیّ دے دیوتا متر اندر تے ورن دا ذکر کیتا ڳیا اے۔ ایہ زبان نہ تاں ہند آریائی ہے تے نہ ایرانی بلکہ ݙوہاں دا ماخذ آریائی زبان اے۔ ایہ دستاویز پندھویں صدی قبل مسیح وچ لکھی گئی ہئی۔ قدیم آریائی زبان قدیم ہند یورپی آریائی تے سنسکرت زبان وچ اتنی مشابہت ہے کہ معلوم تھیندا ہے ݙوہان زباناں کہیں زمانے وچ ہک ہی مشترکہ زبان دے بولیاں ہن۔ اس زبان دی اصل صورت اہل لسانیات کوں براہ راست معلوم نی، اس معاملے وچ انہاں دا علم محض استخراجی ہے۔ جیہڑا ݙوہاں زباناں دی مشابہت تے مبنی ہے۔ گریسن دا آکھݨ ہے کہ آریا ڈھائی ہزار سال قبل مسیح وچ ایران دے شمالی مغربی علاقے میدیا وچ آباد تھئے۔ ول کئی صدیاں دے بعد کجھ لوگ اتھوں نکل کے ہند وچ چلے آئے تے انہاں دی زبان قدیم آریائی توں الگ تھی کے ہند آریائی تھی گئی تے جیہڑے لوگ ایران وچ رہ گئے انہاں دی زبان بدلدے ہوئے ایرانی بݨ گئی۔ قدیم آریائی زبان قدیم ہند یورپی آریائی تے سنسکرت زباناں وچ اتنی مشابہت ہے کہ معلوم تھیندا ہے کہ اے زباناں کہیں زمانے وچ ہک ہی مشترکہ زبان دی بولیاں ہن۔ اس زبان دی اصل صورت اہل لسانیات کوں براہ راست معلوم نی، اس معاملے وچ انہاں دا علم محض استخراجی ہے۔ جیہڑا انہاں زباناں دی مشابہت تے مبنی ہے۔ 




#Article 39: آریائی زبان (322 words)


قدیم آریائی زبان اس وقت موجود نی ، تاہم اس دے بہت سارے الفاظ موجودہ زباناں ہندی، سندھی، سرائیکی وغیرہ وچ مختلف صورتاں تے ہئیت وچ موجود ہن۔ قدیم آریائی زبان جس کوں ہند یورپی زبان وی آکھا ویندا ہے۔ جݙݨ آریا مغربی تے جنوبی حصیاں وچ پھیل گئے، تاں مختلف علاقیاں وچ ونج کے انہاں دی زباناں وچ اختلاف تھیندا گیا۔ ہݨ انہاں زباناں دی شکل بہت حد تک مختلف ہے. 

بعض ماہرین دا خیال ہے کہ مقصود شدہ آریائی زبان دی ہک چھوٹی جیہی دستاویز دریافت تھی گئی ہے۔ ایہ عہد نامہ ہے جیندے وچ ہتیاں دے بادشاہ مستنیّ دے دیوتا متر اندر تے ورن دا ذکر کیتا ڳیا اے۔ ایہ زبان نہ تاں ہند آریائی ہے تے نہ ایرانی بلکہ ݙوہاں دا ماخذ آریائی زبان اے۔ ایہ دستاویز پندھویں صدی قبل مسیح وچ لکھی گئی ہئی۔

قدیم آریائی زبان قدیم ہند یورپی آریائی تے سنسکرت زبان وچ اتنی مشابہت ہے کہ معلوم تھیندا ہے ݙوہان زباناں کہیں زمانے وچ ہک ہی مشترکہ زبان دے بولیاں ہن۔ اس زبان دی اصل صورت اہل لسانیات کوں براہ راست معلوم نی، اس معاملے وچ انہاں دا علم محض استخراجی ہے۔ جیہڑا ݙوہاں زباناں دی مشابہت تے مبنی ہے۔

گریسن دا آکھݨ ہے کہ آریا ڈھائی ہزار سال قبل مسیح وچ ایران دے شمالی مغربی علاقے میدیا وچ آباد تھئے۔ ول کئی صدیاں دے بعد کجھ لوگ اتھوں نکل کے ہند وچ چلے آئے تے انہاں دی زبان قدیم آریائی توں الگ تھی کے ہند آریائی تھی گئی تے جیہڑے لوگ ایران وچ رہ گئے انہاں دی زبان بدلدے ہوئے ایرانی بݨ گئی۔ قدیم آریائی زبان قدیم ہند یورپی آریائی تے سنسکرت زباناں وچ اتنی مشابہت ہے کہ معلوم تھیندا ہے کہ اے زباناں کہیں زمانے وچ ہک ہی مشترکہ زبان دی بولیاں ہن۔ اس زبان دی اصل صورت اہل لسانیات کوں براہ راست معلوم نی، اس معاملے وچ انہاں دا علم محض استخراجی ہے۔ جیہڑا انہاں زباناں دی مشابہت تے مبنی ہے۔ 




#Article 40: آریوس (330 words)


آریوس (Arius, आरयूस) (قدیم یونانی: Ἄρειος) اسکندریہ، مصر وچ ہک تارک الدنیا شمالی افریقی مسیحی پروہت تے پادری ہئی جیندا اصل وطن قدیم لیبا ہئی۔ آریوس دا مسیح دا تصور بطور خدا دا بیٹا ہمیشہ توں موجود نہ ہئی۔ ایہ بعد وچ بݨا ݙتا ڳیا۔ آریوس (256-336ھ) مسیحی مذاہب وچ آریوسی مذہب (Arianism) دا موجد ہے جیہڑا ایں ڳالھ دا قائل ہے کہ یسوع مسیح معبود نی بلکہ اللہ (باپ) دی طرفوں پیدا کیتا ڳیا ہے تاں یسوع مسیح، اللہ دے نال اوں دی فطرت وچ شریک نی بلکہ انہاں دے درمیان وچ تبنی (بیٹا ہووݨ) دا تعلق تے نسبت ہے۔ آریوس 270ء کوں قورینا (موجودہ لیبیا) وچ آمونیوس (جیہڑا اصلا بربری ہئی) دے گھر وچ پیدا تھیا تے اپݨی مذہبی تعلیم اسکندریہ دے مذہبی مدرسے وچ حاصل کیتی تے اتھوں دے بپتسم (Baptism) جیں دا ناں اوریجن (اوریجانوس) ہئی دے أفکار توں متاثر تھیا جیہڑا خود افلاطونی نظریے توں متآثر ہئی، ہیں وجہ توں اوں نے انطاکیہ دے علاقے لوکیانوس وچ واقع مدرسہ (جیہڑا ارسطو دی منطق توں متاثر ہئی) وچ وی تعلیم حاصل کیتی، جتھاں بعض اینجھے لوگاں دے نال ہک ہی درسگاہ وچ پڑھا جنہاں نے بعد وچ کہانت دے اعلیٰ درجات حاصل کرݨ تک ترقی کیتی تے ہنہاں لوگاں نے اوں کوں اپݨے نظریات دی اشاعت کیتے جدوجہد دے رستے وچ دھک ݙتا۔ 

انطاکیہ دے علاقے لوکیانوس دے مدرسے وچ تعلیم حاصل کرݨ دے بعد انہاں سب حضرات دا لقب  اللوکیانیین یا الاتحاد اللوکیانی پئے ڳیا، لیکن ایندے نال ایں ڳال دی نفی نی تھیندی کہ آریوس نے ایں توں پہلے اسکندریہ دے مذہبی مدرسے وچ وی تعلیم حاصل کیتی ہے تے ایہ آکھݨا بے جا نہ ہوسی کہ آریوس نے تعلیم دے شعبے وچ ݙو مدرسیاں انطاکیہ تے اسکندریہ دے مختلف سمتاں کوں جمع کر ݙتا۔ بعد وچ انطاکیہ دے مدرسے توں نسبت رکھݨ والیاں نے آریوس تے چڑھائی کریندے ہوئے الزام لاوݨ شروع کر ݙتا کہ اوہ اسکندری ہے جبکہ ݙوجھے طرف اسکندریہ دے مدرسے نال تعلق رکھݨ والیاں نے انطاکی مشہور کر ݙتا۔




#Article 41: آریچیا (118 words)


کاستیلی رومانی ( Parco Regionale dei Castelli Romani ) وچ آباد ہے۔ شہر سور دے گوشت نال تیار کردہ روسٹ جیں کوں مقامی زبان وچ پورکیتا (porchetta) آہدے ہن تے اپݨی اعلیٰ معیار دی وائن (شراب) دی وجہ توں شہرت رکھدا ہے۔ شہر دا رقبہ 18 مربع کلومیٹر تے آبادی دسمبر 2004ء وچ 17,995 ہئی۔ شہر سطح سمندر توں 412 میٹر دی بلندی تے واقع ہے۔

شہر دا شمار اٹلی دے قدیم ترین شہراں وچ کیتا ویندا ہے تے آثار قدیمہ دے مطالعے توں اندازہ لایا ڳیا ہے کہ شہر اٹھویں نانویں صدی قبل مسیح وچ آباد ہئی جیہڑا بعد وچ لاطینی لیگ دا رکن وی ریہا۔ شہر کوں رومیاں نے چوتھی صدی قبل مسیح وچ فتح کیتا۔




#Article 42: آزاد آسام تحریک (112 words)


آزاد آسام دی اصطلاح بھارت دے صوبہ آسام وچ تحریکِ آزادی چلاوݨ والے استعمال کریندے ہن۔ اینکوں متحدہ محاذِ آزادیِ آسام (United Liberation Front of Asom) وی آکھدن۔ تے الفا وی آکھا ویندا ہے۔ الفا تنظیم 1979 وچ آسام دی آزادی کیتے تشکیل ݙتی گئی ہئی جیہڑی ہندوستان دی شمال مشرقی ریاستاں وچوں سب توں زیادہ سرگرم علیحدگی پسند تنظيم ہے۔ لیکن ایہ تحریک 1971ء توں جاری ہے۔

اروند راج کھووا نے مرکزي حکومت تے الزام عائد کیتا ہے کہ جتھاں مرکزی حکومت دیگر علیحدگي پسند گروپاں دے نال ہتھیار سٹݨ دی شرط بغیر بات چیت کریندی اے اتھئیں الفا تے ہتھیار چھوڑن دے بعد بات چیت دی شرط لائی ویندی اے.  




#Article 43: آزاد بلگرامی (102 words)


میر غلام علی آزاد بلگرامی (پیدائش: 29 جون 1704ء– وفات: 15 ستمبر 1786ء) شاعر مورخ تے تذکرہ نگار ہن۔ نواب ناصر جنگ، والی حیدر آباد دکن دے اُستاد ہن۔ بلگرام توں اورنگ آباد آ کے دربار نال وابستہ تھی ڳئے۔ عربی، فارسی، اردو تے ہندی زباناں وچ دستگاہ کامل رکھدے ہن۔ کئی کتاباں دے مصنف ہن۔ جنہاں وچ سحبتہ المرجان (علما ہند دا تذکرہ) ید بیضا، (عام شعرا دا تذکرہ ) خزانہ عامرہ (صلہ یافتہ شعرا دا تذکرہ)۔ سرور آزاد (ہندی نژاد شعرا دا تذکرہ) مآثر الکرام( علمائے بلگرام دا تذکرہ) تے روضتہ الاولیا، (اولیائے اورنگ آباد دا تذکرہ) زیادہ مشہور ہن۔




#Article 44: آزاد بندرگاہ (140 words)


اینجھی بندرگاہ جیہڑی کسٹم دے قواعد و ضوابط تے ݙوجھے محصولات توں آزاد ہووے۔ محصول صرف اوں وقت لایا ویندے جیہڑے ویلے اشیاء آزاد بندرگاہ توں ملک دے اندرونی حصیاں وچ منتقل کیتیاں ویندن۔ آزاد بندرگاہواں دا رواج ازمنہ وسطٰی وچ شروع تھیا جݙݨ بے شمار چھوٹی چھوٹی ریاستاں نے اشیائے درآمد تے بھاری محصول لایا تے بحری تجارت خطرے وچ پئے ڳئی۔ سولہویں صدی وچ آزاد بندرگاہواں دی تعداد وچ بہت تیزی نال اضافہ تھیا۔ انیہویں صدی وچ جݙݨ جرائم کوں فروغ حاصل تھیا تاں بہت ساری آزاد بندرگاہواں بند کر ݙتے ڳئے۔ یورپ وچ کوپن ہیگن، ڈنیرک تے ڈنکرک تے مشرق بعید وچ ہانگ کانگ تے سنگاپور 1939ء تک آزاد بندرگاہواں ہن۔ 1937ء وچ امریکا دی پہلی آزاد بندرگاہ سٹیپلیٹن دے مقام تے قائم کیتی ڳئی۔ جدید آزاد بندرگاہواں وچ  دبئی تے گوادر دی بندرگاہواں وی شامل ھن۔




#Article 45: آزاد جموں و کشمیر (264 words)


آزاد کشمیر ریاست جموں و کشمیر دا اوہ حصہ ہے جیہڑا اس وقت پاکستان دے زیر انتظام ہے۔ اس دا باقاعدہ ناں ریاست آزاد جموں و کشمیر ہے جس تے پاکستان تے بھارت دے مابین تنازع ہے۔ ایہ علاقہ 13،300 مربع کلومیٹر (5،135 مربع میل) تے پھیلا ہویا ہے۔ آزاد کشمیر دا دار الحکومت مظفرآباد ہے تے ریاست آزاد جموں و کشمیر دی آبادی اندازہ 40 لاکھ ہے۔ تے اتھاں پہاڑی، ہندکو، گوجری، پوٹھوہاری تے پشتو زباناں بولیاں ویندن۔ آزاد کشمیر دی شرح تعلیم 65 فیصد ہے۔

کشمیر اپݨی قدرتی خوبصورتی تے دلکش مناظر دی وجہ نال ڄاݨا ویندا ہے تے سیر و تفریح کیتے لوگ وݙی تعداد وچ آزاد کشمیر دا رُخ کریندے ہن۔ انہاں خوبصورت مناظر دی وجہ نال مغل شہنشاہ ظہیر الدین بابر نے آکھا ہئی کہ کشمیر زمین تے جنت ہے۔ آزاد کشمیر وچ 10 اضلاع، 32 تحصیلاں تے 182 یونین کونسلاں ہن۔ آزاد کشمیر دے میرپور ڈویژن وچ ضلع باغ، ضلع بھمبر، ضلع پونچھ، ضلع سدھنوتی، ضلع کوٹلی، ضلع مظفر آباد، ضلع میر پور، ضلع نیلم، ضلع حویلی تے ضلع ہٹیاں شامل ہن۔

کشمیر جیہڑا پاکستان دے شمالی حصے وچ واقع ہے، پاکستان دے خوبصورت ترین خطیاں وچوں ہک ہے۔ آزاد کشمیر زیادہ تر سرسبز وادیاں تے پہاڑاں تے مشتمل ہے تے قدرت نے خطے کوں ہر قسم دے نظارے بخشے ہن۔ کشمیر اپݨی قدرتی خوبصورتی تے دلکش مناظر دی وجہ نال ڄاݨیا ویندا ہے تے سیر و تفریح کیتے لوگ بڑی تعداد وچ آزاد کشمیر دا رُخ کریندے ہن۔ ہنہاں خوبصورت مناظر دی وجہ توں مغل شہنشاہ اورنگزیب عالمگیر نے آکھا ہئی کہ کشمیر زمین تے جنت ہے۔ 




#Article 46: آزادی دی اہمیت (453 words)


اساں ازاد پیدا کیتے گیوں، اے ازادی ساکوں بہوں مہانگی پئے گئی ہے، میں تاں حیران آں غلامی آخر کیا ہوندی ہے ؟ ساڈی روح اچ مارشل لاء لایا گئے، اساں آپنڑی مرضی نال پھڑکنڑ لو وی ترس گیوں، تساں نوہے بول سگدے، صرف اوہو کجھ بول سگدو جیہرا معاشرے اچ رائج ہے، ساڈی اتنا اوقات وی کینی جتنا فرشتیں دی ہے، انھیں سوال کیتا مولا انھیں فسادیں کوں کت سانگے خلق کریندا پئیں ؟
اساں اے جرات وی نئیں کر سگدے نہ ساکوں ضرورت ہے۔

اساں خدا دے ناں دی خیرات منگدے ودے ہاسے، ساڈی بھوئیں، ساڈا مال، ساڈیاں کنڑکاں، ساڈیاں جاگیراں، ساڈے گاونڑ، ساڈی وساکھی، ساڈی جھمر، ساڈے دول واجے ساڈے کنوں افضل اتے برتر لوکاں کھس گھدیاں ہن، اساں ہنڑ ہنائیں کنوں خدا دا ناں گھن گھن تے آپنڑی ہر شئے منگدے ودے ہاسے، اساں خوش ہاسے جو ساڈی بھوئیں تیں ہزاراں سالاں توں موجود مندر اچ لاتھا کافراں دا بت پلیدگی دا مرکز ہے، لہذا ساڈی دھرتی تیں ایں مندر اچو سونے دے نال بنڑیا بت تروڑ کے چا ونجنڑ آلا ڈاکو ساڈا ہیرو ہے کیوں جو او شریعت دا پابند ہے، چھیکڑ اچ ساڈی دھرتی کوں ونڈ ڈتا گئے، ساڈی پناکی دی سنڑیج تھی گئے اے، ساکوں پناکی دے بدلے اچ مسلمان زمین ڈے ڈتی گئی اے تے ہزاراں سالاں توں ساڈے نال وسنڑ آلے ساڈے بھراویں کوں جیہری زمین ڈتی گئی اے او کہیں ہندو فاشسٹ بھگوان دے ناویں انتقال تھی گئی اے، خدا تاں اے ونڈ نا ہئی کیتی، لیکن تساں ایں ونڈ دے خلاف وی نوہے الا سگدے کیوں جو اساں او نام نہاد ترقی یافتہ مہذب حملہ آور کوں گورا گورا آکھ تے آپ توں خود افضل کیتا ہا، ولا اساں اچو جیہرا اوندی بولی بول سگدے اوکوں چنگا چوکھا سمجھیا ویندے، ساڈا خدا انگریز کوں حملہ آور سمجھدے اتے اساں اونکوں گورا سمجھدوں، تے اوں آلی کار بنڑنڑ واسطے محنتاں وی کریندوں، پٹ انگریزی تھانڑے  جیویں سندھ دے خدا اے اونکوں حکم کیتا ہووے، اوں خدا دا سنیہا اساں تائیں پجا ڈتے، اوں ساکوں زمین ولا ڈتی، ہئی حرام ضرور کیتی، لیکن ولا ڈتی، اتے ساڈے اتیں سرمایہ دار، جاگیر دار اتے وڈیرے مسلط کر گیا، پننڑ آلیں کوں پہلے آکھ ڈتا ہس جو تساں ہک اسلامی لشکر بنڑاونڑے جیہرا تہاڈے بالیں دے ڈڈھ اچو کھاد کڈھ کے بندوخاں گھننسی، جیہرا تہاکوں پہرے دے ناں تیں کنگال کریسی، جاہ جاہ چیک پوسٹاں بنڑا تیں تہاڈی مقامیت کوں قتل کریسی، اج ساڈے کنوں بھوئیں ہے جیہری ساڈی نئیں، مال ہے جییرا ادھ موا ہے، پانڑی ہے جییرا زہریلا ہے، دول واجے کینی، جھمر کینی، جیکر کتھائیں بچی وی ودی ہے تاں پِھکی ہے، اساں کامیاب ہسے، انگریز شکست کھا گئے، ہاری من گئے،۔۔۔ اساں روس تروڑ ڈتا ہا، انڈیا وی تروڑ ڈیسوں۔ (مظہر حسین)




#Article 47: آزربائجان (368 words)


آزربائجان پہلے روس وچ شامل ہائی، ایندا دارالحکومت باکو ہے۔آذربائیجان (Azerbaijan) جس کوں سرکاری طور تے جمہوریہ آذربائیجان آکھا ویندا ہے، یوریشیا دے جنوبی قفقاز دا سب توں وݙا تے سب توں زیادہ آبادی رکھݨ والا ملک ہے۔ مشرقی یورپ تے مغربی ایشیا دے درمیان واقع اس ملک دے مشرق وچ بحیرہ قزوین، شمال وچ روس، مغرب وچ آرمینیا تے ترکی، شمال مغرب وچ جارجیا تے جنوب وچ ایران واقع ہن۔ 

آذربائیجان دے جنوب مغرب وچ واقع نگورنو کاراباخ تے ست مزید اضلاع نگورنو کاراباغ دی 1994ء دی جنگ دے بعد توں آرمینیا دے قبضے وچ ہن۔ اقوام متحدہ دی سلامتی کونسل دی چار قرارداداں نے آرمینیا کوں آکھا ہے کہ او آذربائیجان دی سرحد توں اپݨیاں فوجاں ہٹا گھنے۔ ملکی رقبے وچ تریہہ مربع کلومیٹر دے لگ بھگ دے چند جزائر وی ہن جیہڑے بحیرہ قزوین وچ واقع ہن. 

آذربائیجان ہک سیکولر جمہوریہ ہے۔ اے ملک آزاد ریاستاں دی دولت مشترکہ، GUAM تے کیمیائی ہتھیاراں تے پابندی دی تنظیم دا بانی رکن ہے۔ ملک دا مستقل نمائندہ یورپی یونین وچ موجود ہے، اینکوں یورپی کمیشن دے خصوصی ایلچی ہووݨ تے اقوام متحدہ دا رکن ہووݨ، OSCE، یورپی کونسل تے NATO دے قیام امن دے پروگرام یعنی PfP پروگرام وچ وی نمائندگی حاصل ہے.

باکو آذربائیجان دا اہم شہر ہے۔ ایہ 40.395278 درجے شمال، 49.882222 درجے مشرق تے واقع ہے۔ اس دا رقبہ 2,130 مربع کلومیٹر ( 822.4 مربع میل ) ہے۔ آبادی 2008ء وچ 19 لاکھ 70 ہزار ہئی۔ سطح سمندر توں بلندی منفی 28 میٹر (-92 فٹ) ہے یعنی ایہ اوسطاً سطح سمندر توں وی نچلی سطح تے واقع ہے۔ موجودہ ناظم دا ناں حاجی بالا ابوطالبوف ہے۔ آبادی دے لحاظ نال ایہ ہک وڈا شہر ہے۔ ایہ آذربائیجان دا دارالحکومت تے سب توں وݙا شہر ہے۔ ایہ بحیرہ کیسپیئن دے کنارے واقع ہے۔ باکو تیل دی دولت نال مالا مال علاقے وچ واقع ہوݨ دے باعث تیل دی صنعتاں دا مرکز ہے۔ شہر 11 اضلاع تے 48 قصبہ جات وچ تقسیم ہے۔ باکو دے وسط وچ قدیم شہر واقع ہے جس دے گرد فصیل ہے۔ دسمبر 2000ء وچ اقوام متحدہ دے ذیلی ادارے یونیسکو نے اینکوں عالمی ثقافتی ورثہ قرار ݙتا۔ شطرنج دے عالمی شہرت یافتہ کھلاڑی گیری کیسپاروف دا تعلق ایں شہر نال ہے۔




#Article 48: آس دی پونبل (663 words)


گھنڈ کھلائی کتاب ’’آس دی پونبل،، 

رپورٹ: اظہر رضا مہروی

مخفی سرائیکی ادبی سنگت بہاولپور دے زیرِ اہتمام گزری رات اقبال ٹاون ریاض بلوچ ہوراں دی جا تے سرائیکی دی نوجوان شاعر سئیں شعبان جھلݨ شعبان ہوراں دی کتاب ’’آس دی پونبل ،، دی تقریبِ رونمائی کیتی گئی. ایں تقریب دی صدارت سردار خادم حسین مخفیؔ ہوراں کیتی. میزبانی دے فرائض ریاض بلوچ ہوراں انجام ݙتے. خصوصی مقالہ حفیظ طاہر گھوٹیہ ہوراں پڑھیا مہماناں اچ چیف ایڈیٹر ست روزہ اخبار ’’سنہڑا،، ملک ریاض شاہد، حکیم محمد عربی اتے محمد سخی دے نال نال طلبہ و طالبات شرکت کیتی. نظامت پروفیسر عصمت اللہ شاہ ہوراں کیتی. سب توں پہلے ایں تقریب دا منڈھ قادر پاک اللہ دے کلام پاک توں شروع تھیا اتے تلاوتِ کلامِ پاک حافظ فرحان ہوراں کیتی. تقریب دی صدارت سانگے خادم حسین مخفی صیب کوں اسٹیج تے دعوت ݙتی ڳئی. 

انہاں محفل دے گھوٹ شعبان جھلݨ شعبان کوں اسٹیج تے سݙ تے پھلاں دے ہار پاوائے اتے اسٹیج تے ٻلہایا. عمصت اللہ شاہ صیب سرائیکی خطے اتے سرائیکی تعلیمی سلسلے تے ڳالھ مہاڑ کریندیں ہوئیں اظہارِ خیال فرمایا. اتے مخفی سرائیکی ادبی سنگت بارے ݙسایا جو اے تریجھا کٹھ اے اتے اساݙی خوش قسمتی ہے جو اساں اپݨے ٻال دی کتاب دی تقریبِ رونمائی کرویندے پیئوں. ایں دوراں محمد سخی ہال اچ آئے اتے شعبان ہوراں کو گجرے تے پھلاں دے ہار پاوائے اتے مبارکباد ݙتی. عصمت اللہ صیب ہوراں سرائیکی ادبی روایت اتے تاریخ تے سوجھلا پیندیں آکھیا جو ’’آس دی پونبل،، سرائیکی شاعری دی آس ہے. ایں دے بعد انہاں ایں تقریب دے خصوصی مقالہ نگار اتے مہاندرے نقاد سئیں حفیظ طاہر گھوٹیہ ہوراں کوں دعوت ݙتی گھوٹیہ صیب شعبان جھلݨ شعبان دی کتاب دی تفصیلی ڳالھ مہاڑ کریندیں قدیم تے جدید اصنافِ سخن تے پوری ڳالھ کیتی اتے اوں دا تقابل شعبان دی کتاب نال کیتا اتے حوالے دے ڈھیر سارے اشعار پڑھیئے. انہاں شعبان دی شاعری کوں حقیقت دی شاعری آکھیا تے قوافی تے ڳالھ کریندیں انہاں جتھاں نویں اتے اوپریاں زبان دے قافیئے کوں وݙی مہارت نال ایں ورتݨ جو او پوری چس رس نال ایں زبان دا حصہ لڳدے پن آکھیا اتھائیں انہاں اے وی نشابر کیتا جو کجھ قافیئے بتھے وی ہن. 

انہاں شعبان دی شاعری کوں جدت دی شاعری آکھیا تے مثالاں وی ݙتیاں. ترفع دے عناصر دی وضاحت کریندیں کتاب اچ کمیاں کوتاہیاں کوں وی نشابر کیتا. ول انہاں ایں کتاب اچ تکرار لفظی تے گالھ کیتی اتے اینکوں ما ٻولی دی بہترین مثال قرار ݙتا. انہاں آکھیا شعبان چھوٹی بحر دا وݙا شاعر ہے. شعبان تلمیحات دا آپݨا جہان آباد کیتے اتے کعبے تے ٹنگیڄݨ آلیاں غزلاں دے مقابلے او وسوں وسبے روہی پتݨ منارے دی تلمیع ورتی اے. چھیکڑ اچ انہاں آکھیا اے سارا میݙا موقف اے اتے ایں نال کہیں کوں اختلاف وی تھی سڳدے. انہاں دے بعد پروفیسر عصمت اللہ شاہ صیب کوں اسٹیج تے سݙیا اتے انہاں ایں کتاب بارے اظہارِ خیال کیتا اتے کتاب کوں ٻہوں پسند کریندیں ہوئیں مستقبل دی آس قرار ݙتے. انہاں دے بعد عصمت اللہ شاہ صیب تقریب دے گھوٹ شعبان جھلݨ شعبان ہوراں کوں اظہارِ خیال دی دعوت ݙتی. او ٻہوں خوشی دا اظہار کیتا اتے کتاب دیاں کوتاہیاں جیڑھیاں کتابت دیاں ہن توں آئندہ ایڈیشن اچ پاک کرݨ دی یقین دیہائی کروائی اتے سب دے لنگھ آوݨ دا شکریہ ادا کیتا. چھیکڑ اچ تقریب دے صدر سردار خادم حسین مخفیؔ صیب آکھیا جلدی دی وجہ توں کتابت دیاں کجھ غلطیاں سامݨے آئن اگر کجھ وقت ویلا ݙتا ویندا تاں ٻیا سوہںا ہا پر ول وی اے مجموعہ سرائیکی ادب اچ سوہݨا ودھارا اے. عصمت اللہ شاہ صیب عوامی گلوکار سئیں سجاد سانول کوں دعوت ݙتی اتے انہاں شعبان ہوراں دی کتاب آس دی پونبل اچوں ݙوں گیت ڳائے جیڑھے انہاں دے پہلے البم دا حصہ ہن اتے انہاں ݙسایا جو میں موسیقی دی ابتدا شعبان صیب ہوراں دی ایں کتاب توں شروع کیتے ایہو میݙا فخر اے. بعد ازاں شعبان جھلݨ شعبان کجھ مہماناں کوں اپݨی کتاب سوکھڑی ݙتی اتے چاہ پاݨی نال اے تقریب اپݨے اختام کوں پہنچی.




#Article 49: آس دی پونپل دی گھنڈ کھلائی (667 words)


گھنڈ کھلائی کتاب ’’آس دی پونبل،،

رپورٹ: اظہر رضا مہروی

مخفی سرائیکی ادبی سنگت بہاولپور دے زیرِ اہتمام گزری رات اقبال ٹاون ریاض بلوچ ہوراں دی جا تے سرائیکی دے نوجوان شاعر سئیں شعبان جھلݨ شعبان ہوراں دی کتاب ’’آس دی پونبل ،، دی تقریبِ رونمائی کیتی گئی.
ایں تقریب دی صدارت سردار خادم حسین مخفیؔ ہوراں کیتی. میزبانی دے فرائض ریاض بلوچ ہوراں انجام ݙتے. خصوصی مقالہ حفیظ طاہر گھوٹیہ ہوراں پڑھیا مہماناں اچ چیف ایڈیٹر ست روزہ اخبار ’’سنہڑا،، ملک ریاض شاہد، حکیم محمد عربی اتے محمد سخی دے نال نال طلبہ و طالبات شرکت کیتی.
نظامت پروفیسر عصمت اللہ شاہ ہوراں کیتی. سب توں پہلے ایں تقریب دا منڈھ قادر پاک اللہ دے کلام پاک توں شروع تھیا اتے تلاوتِ کلامِ پاک حافظ فرحان ہوراں کیتی. تقریب دی صدارت سانگے خادم حسین مخفی صیب کوں اسٹیج تے دعوت ݙتی ڳئی. انہاں محفل دے گھوٹ شعبان جھلݨ شعبان کوں اسٹیج تے سݙ تے پھلاں دے ہار پاوائے اتے اسٹیج تے ٻلہایا.
عمصت اللہ شاہ صیب سرائیکی خطے اتے سرائیکی تعلیمی سلسلے تے ڳالھ مہاڑ کریندیں ہوئیں اظہارِ خیال فرمایا. اتے مخفی سرائیکی ادبی سنگت بارے ݙسایا جو اے تریجھا کٹھ اے اتے اساݙی خوش قسمتی ہے جو اساں اپݨے ٻال دی کتاب دی تقریبِ رونمائی کرویندے پیئوں. ایں دوراں محمد سخی ہال اچ آئے اتے شعبان ہوراں کو گجرے تے پھلاں دے ہار پاوائے اتے مبارکباد ݙتی.
عصمت اللہ صیب ہوراں سرائیکی ادبی روایت اتے تاریخ تے سوجھلا پیندیں آکھیا جو ’’آس دی پونبل،، سرائیکی شاعری دی آس ہے.
ایں دے بعد انہاں ایں تقریب دے خصوصی مقالہ نگار اتے مہاندرے نقاد سئیں حفیظ طاہر گھوٹیہ ہوراں کوں دعوت ݙتی گھوٹیہ صیب شعبان جھلݨ شعبان دی کتاب دی تفصیلی ڳالھ مہاڑ کریندیں قدیم تے جدید اصنافِ سخن تے پوری ڳالھ کیتی اتے اوں دا تقابل شعبان دی کتاب نال کیتا اتے حوالے دے ڈھیر سارے اشعار پڑھیئے. انہاں شعبان دی شاعری کوں حقیقت دی شاعری آکھیا تے قوافی تے ڳالھ کریندیں انہاں جتھاں نویں اتے اوپریاں زبان دے قافیئے کوں وݙی مہارت نال ایں ورتݨ جو او پوری چس رس نال ایں زبان دا حصہ لڳدے پن آکھیا اتھائیں انہاں اے وی نشابر کیتا جو کجھ قافیئے بتھے وی ہن.
انہاں شعبان دی شاعری کوں جدت دی شاعری آکھیا تے مثالاں وی ݙتیاں.
ترفع دے عناصر دی وضاحت کریندیں کتاب اچ کمیاں کوتاہیاں کوں وی نشابر کیتا.
ول انہاں ایں کتاب اچ تکرار لفظی تے گالھ کیتی اتے اینکوں ما ٻولی دی بہترین مثال قرار ݙتا. انہاں آکھیا شعبان چھوٹی بحر دا وݙا شاعر ہے. شعبان تلمیحات دا آپݨا جہان آباد کیتے اتے کعبے تے ٹنگیڄݨ آلیاں غزلاں دے مقابلے او وسوں وسبے روہی پتݨ منارے دی تلمیع ورتی اے. چھیکڑ اچ انہاں آکھیا اے سارا میݙا موقف اے اتے ایں نال کہیں کوں اختلاف وی تھی سڳدے.
انہاں دے بعد پروفیسر عصمت اللہ شاہ صیب ریاض بلوچ صیب ہوراں کوں اسٹیج تے سݙیا اتے انہاں ایں کتاب بارے اظہارِ خیال کیتا اتے کتاب کوں ٻہوں پسند کریندیں ہوئیں مستقبل دی آس قرار ݙتے.
انہاں دے بعد عصمت اللہ شاہ صیب تقریب دے گھوٹ شعبان جھلݨ شعبان ہوراں کوں اظہارِ خیال دی دعوت ݙتی. او ٻہوں خوشی دا اظہار کیتا اتے کتاب دیاں کوتاہیاں جیڑھیاں کتابت دیاں ہن توں آئندہ ایڈیشن اچ پاک کرݨ دی یقین دیہائی کروائی اتے سب دے لنگھ آوݨ دا شکریہ ادا کیتا.
چھیکڑ اچ تقریب دے صدر سردار خادم حسین مخفیؔ صیب آکھیا جلدی دی وجہ توں کتابت دیاں کجھ غلطیاں سامݨے آئن اگر کجھ وقت ویلا ݙتا ویندا تاں ٻیا سوہںا ہا پر ول وی اے مجموعہ سرائیکی ادب اچ سوہݨا ودھارا اے.
عصمت اللہ شاہ صیب عوامی گلوکار سئیں سجاد سانول کوں دعوت ݙتی اتے انہاں شعبان ہوراں دی کتاب آس دی پونبل اچوں ݙوں گیت ڳائے جیڑھے انہاں دے پہلے البم دا حصہ ہن اتے انہاں ݙسایا جو میں موسیقی دی ابتدا شعبان صیب ہوراں دی ایں کتاب توں شروع کیتے ایہو میݙا فخر اے.
بعد ازاں شعبان جھلݨ شعبان کجھ مہماناں کوں اپݨی کتاب سوکھڑی ݙتی اتے چاہ پاݨی نال اے تقریب اپݨے اختام کوں پہنچی. 




#Article 50: آسام وچ اسلام (120 words)


آسام دی کل آبادی لگ بھگ 3,25,00000 (سوا ترے کروڑ ) ہے۔ جس وچ سرکاری اعداد و شمار دی رو نال مسلماناں دی تعداد 85 لکھ ہے۔ ایہ کل آبادی دا 30 فی صد ہے۔ اتھاں بوڈو قبائل دی تعداد 20,00,000 دے آس پاس ہے۔ انہاں قبائلیاں دی نوے فی صد آبادی ہندو مذہب دی منݨ والی ہے۔ بقیہ 9 فی صد دا تعلق مسیحی مذہب نال ہے۔ تاریخ توں پتہ چلدا ہے کہ آسام تک دلی دی مسلم سلطنتاں نہ پہنچ پائے ہن۔

سال 2014ء وچ بوڈؤاں تے مسلماناں دے وچ فسادات تھئے جس وچ کئی مسلمان مارے گئے یا بے گھر تھئے ۔ ایہ قضیہ بوڈو اکثریتی علاقیاں وچ تھیا ہئی۔ اس دی وجوہات ایں طرح ہن :




#Article 51: آسمان محل (217 words)


آسمان محل سنہ 1965ء دی ہک سماجی فلم ہے جیہڑی خواجہ احمد عباس دی ہدایت کاری تے نیا سنسار نامی کمپنی دے بینر تلے منظر عام تے آئی۔ فلم دی کہانی خواجہ عباس نے لکھی، رام چندر نے اینکوں سینما دی اسکرپٹ وچ منتقل کیتا تے اندر راج آنند نے مکالمے مرتب کیتے۔ ہک تصوراتی نواب دے کردار وچ پرتھوی راج کپور فلم دی کامیابی دی ضمانت ہن۔ دلیپ راج نے ہیرو دا کردار نبھایا جیہڑے اس توں قبل شہر تے سپنا (1963ء) وچ وی اپݨی اداکاری دے جوہر ݙکھا چکے ہن۔ سریکھا، ڈیوڈ، نانا پالسکر تے انور حسین نے ݙوجھے کردار نبھائے۔

حیدرآباد دے نواب آسمان الدولہ اپݨی آبائی حویلی آسمان محل وچ رہندے ہن۔ ہیں اثنا وچ ہک شخص ݙاہ لکھ روپیاں دے عوض انہاں دی اس حویلی کوں خریدݨ کیتے لیے آندا ہے تاکہ اوہ اونکوں ہوٹل وچ تبدیل کرے۔ اگرچہ نواب صاحب بڑی عسرت دی زندگی بسر کریندے پئے ہوندن لیکن انہاں کوں اپݨی آبائی حویلی تے شرافت دی آخری یادگار ایویں فروخت کر ݙیوݨ گورا نی، نیز تنگی دے زمانے وچ وی اوہ اپݨی قدیم نوابی وضع برقرار رکھݨ تے مصر ہن۔ انہاں دا فرزند سلیم گوکہ انتہائی نکما ہے لیکن اس غیر حقیقی طرز زندگی توں سخت بیزار ہے۔ تے اونکوں اپݨی حویلی دے ہک نوکر دی چھوہر نال عشق ہے۔




#Article 52: آسٹریا (279 words)


یورپ وچ ہک ملک ہے۔ آسٹریا (Austria) جیکوں سرکاری طور پر جمہوریہ آسٹریا وی اہدے ہن، برِ اعظم یورپ دے ادھ وچ واقع خشکی وچ گھرا ہویا ہک ملک ہے۔ ایں دی کل آبادی 83 لکھ ہے۔ ایں دے شمال وچ جرمنی تے چیک ریپبلک، مشرق وچ سلواکیا تے ہنگری، جنوب وچ سلوانیا تے اٹلی اتے مغرب وچ سوئٹزرلینڈ تے لیچٹنسٹائن دے ممالک واقع ہن۔ آسٹریا دا کل رقبہ 83٫872 مربع کلومیٹر ہے۔ آسٹریا دی سرزمین بلند پہاڑاں تے مشتمل ہے تے  اتھاں ایلپس پہاڑی سلسلہ واقع ہے۔ ملک دا 32 فیصد رقبہ سطح سمندر کنوں 500 میٹر توں گھٹ اُچا ہے۔ ایں دا اُچّا ترین مقام 3٫797 میٹر اُچّا ہے۔

آبادی دی اکثریت جرمنی زبان الیندی ہے تے ایہ ملک دی سرکاری زبان  ہے۔ ٻیاں مقامی زباناں وچ کروشین، ہنگری تے سلوین شامل ہن۔

آسٹریا دی پارلیمان ویانا وچ ہے۔ اے شہر ملک دا دارلحکومت تے سب توں وݙا شہر وی ہے۔ 1920ء دے ائین دے مطابق آسٹریا وفاقی، پارلیمانی، جمہوری ریاست ہے۔ ریاستی سربراہ وفاقی صدر ہوندا ہے جینکوں براہ راست منتخب کیتا ویندا ہے۔ وفاقی حکومت دا سربراہ وفاقی چانسلر ہوندا ہے جینکوں صدر مقرر کریندا ہے۔ حکومت کوں صدارتی حکم یا عدم اعتماد دے ووٹ دے بعد ختم کیتا ونج سکدا ہے۔

آسٹریا وچ اسلام سو سال توں سرکاری طور تے ہک تسلیم شدہ مذہب ہے۔ اس وقت آسٹریا وچ تقریباً پنج لکھ مسلمان آباد ہن جیہڑے ملک دی کل آبادی دا چھ فیصد ہن۔ درالحکومت ویانا وچ اسلام رومن کیتھولکس دے بعد ݙوجھا وݙا مذہب ہے۔ آسٹریا دی اسلامی برادری دے مطابق اس وقت ملک وچ سٹھ ہزار مسلمان بچے مذہبی تعلیم حاصل کریندے پن۔ اے تعلیم جرمن زبان وچ فراہم کیتی ویندی ہے۔




#Article 53: آسٹریا وچ اسلام (156 words)


اسلام 2001ء دی مردم شماری وچ آسٹریا دی کل آبادی دا 4.22 فیصد ہے۔ دیگر ابنائے وطن وچ کاتھولک (73.6٪)، لادینی (12 فیصد) تے پروٹسٹنٹ (4.7٪) ہن۔ 8،032،926 افراد دی رہائشی آبادی وچ آسٹریا وچ تقریباً 338،988 مسلمان موجود ہیں۔

آسٹریا دی قدیم ترین مسجد 1887ء فوجی خدمت وچ شامل مسلماناں دی سہولت کیتے لیے آسٹریائی حکومت دی جانب توں ویانا وچ بݨائی گئی ہئی۔ اس وقت ملک وچ 200 توں زائد مساجد ہن۔

آسٹریا وچ اسلام گزشتہ سو سالاں توں سرکاری طور تے ہک تسلیم شدہ مذہب ہے۔ تاہم اتھوں دے زیادہ تر عوام ہک تاریخی واقعے دے بارے وچ زیادہ ڄاݨدن ۔ ایہ واقعہ سنہ 1683ء وچ ویانا دا محاصرہ ہے، جݙݨ مسلماناں دی سلطنت عثمانیہ دی مسیحیاں دے زیرِ تسلط یورپ دی جانب پیش قدمی روک ݙتی گئی ہئی۔ حالیہ چند سال وچ آسٹریا دے انتہائی دائیں بازو دے خیالات دے حامی سیاست داناں دے اسلام مخالف بیانات شہ سرخیاں وچ رہے ہن۔




#Article 54: آسٹریلیا (236 words)


دولت مشترکہ آسٹریلیا (Commonwealth of Australia) جنوبی نصف کُرے دا ہک ملک ہے جیہڑا دنیا دے سب توں چھوٹے براعظم تے مشتمل ہے۔ اس وچ تسمانیہ دا وݙا جزیرہ تے بحر جنوبی، بحر ہند تے بحر الکاہل دے کئی چھوٹے وݙے جزائر شامل ہن۔ اس دے ہمسایہ ممالک وچ انڈونیشیا، مشرقی تیمور تے پاپوا نیو گنی شمال دی طرف، سولومن جزائر، وانواتو تے نیو سیلیڈونیا شمال مشرق دی طرف تے نیوزی لینڈ جنوب مشرق دی طرف موجود ہے۔

آسٹریلیا دا مرکزی حصہ 42000 سال توں قدیمی آسٹریلین لوگاں نال آباد ریہا ہے۔ شمال توں آوݨ والے اکا دکا ماہی گیراں تے یورپی مہم جواں تے تاجراں نے 17ویں صدی وچ ایݙے آوݨ شروع کر ݙتا ہئی۔ 1770ء وچ آسٹریلیا دے مشرقی نصف حصہ تے برطانیہ نے دعویٰ کیتا۔ اینکوں ول 26 جنوری 1788ء وچ نیو ساؤتھ ویلز دی کالونی دا حصہ بݨا ݙتا گیا۔ جونہی آبادی ودھدی گئی تے نویں علاقے دریافت تھیندے گئے، 19ویں صدی تک اِݙے مزید پانچ کالونیاں وی بݨا ݙتیاں گئیاں۔

یکم جنوری1901ء کوں انہاں 6 کالونیاں نے مل کے ہک فیڈریشن بݨائی تے اس طرح دولت مشترکہ آسٹریلیا وجود وچ آئی۔ فیڈریشن توں گھن کے ہݨ تک، آسٹریلیا وچ معتدل جمہوری سیاسی نظام موجود ہے تے ایہ حالی تک دولت مشترکہ ہے۔ اس دا دارلحکومت کینبرا ہے۔ اس دی آبادی 2 کروڑ 10 لاکھ ہے تے ایہ مین لینڈ دے دارلحکومتاں سڈنی، میلبورن، برسبن، پرتھ تے ایڈیلیڈ وچ پھیلا ہویا ہے۔




#Article 55: آسٹریلیا وچ اسلام (215 words)


آسٹریلیا وچ اسلام ہک اقلیتی مذہب ہے۔ 2011ء دی مردم شماری دے مطابق 476,291 تے 2.2 فیصد آسٹریلوی مسلمان ہن۔ ایہ تعداد اسلام کوں آسٹریلیا وچ چوتھا وݙا مذہب بݨیندی ہے۔ باقی مذاہب وچ مسیحیت (61.1%)، لادینیت (22.9%) تے بدھ مت (2.5%) ہیں۔ جزائر کوکوس وچ حالیہ مردم شماری دے مطابق مسلمان آبادی اپݨی زیادہ شرح پیدائش تے موجودہ غیر ملکی آباد کاری قانون دی وجہ نال زیادہ ہے، جیہڑی 60 % ہے۔ آسٹریلیا دی مسلم آبادی وچ 2030 ء تک 714،000 اضافہ متوقع ہے۔ آسٹریلیا میں مسلمانوں کی اکثریت بڑی تعداد سنی ہے۔ آسٹریلیا مسلم برادری سے مذہبی تعلق رکھنے والوں کی بڑی حد تک وضاحت کی گئی ہے، جبکہ مسلم برادری ثقافتی اور لسانی، نسلی طور بکھری ہوئی ہے۔

آسٹریلیا آوݨ والے ابتدائی مسلماناں دا تعلق انڈونیشیا نال ہئی تے اوہ ماہی گیر ہن۔ آسٹریلیا دے قدیم باشندیاں دے مسلماناں نال تعلقات ہن تے ابوریجنل سݙیجݨ والے ٻہوں سارے لوگاں کوں ہݨ تک اسلام نال دلچسپی ہے۔ قدیم آسٹریلوی باشندیاں کیتے ایبوریجینل دی اصطلاح دا استعمال یورپیاں نے شروع کیتا۔ اولین مسلمان انڈونیشیا دے مکاسانی باشندے ہن جیہڑے ماہی گیری دی غرض نال آسٹریلیا پہنچے ہن۔ ایہ لوگ پہلی واری آسٹریلیا کݙݨ آئے ہن اس دا تعین تاں حالی نی تھی سڳا لیکن لگ بھگ پنج سو سال دا اندازہ لویج سڳدا ہے. 




#Article 56: آسیہ اندرابی (187 words)


آسیہ اندرابی مقبوضہ کشمیر دی ہک خاتون سیاسی رہنماء ہن۔ اوہ کشمیری آزادی پسند ہن تے اوہ کشمیر دے  دے نال الحاق دی حامی ہن۔ زندگی دا کافی حصہ اوہ بھارتی جیلاں وچ گزار چکی ہن۔ آسیہ اندرابی کشمیری خواتین دی تنظیم دختران ملت دی بانی ہن۔ دختران ملت کشمیر دی بھارت توں آزادی کیتے کم کرݨ والی آل پارٹیز حریت کانفرنس دا حصہ ہے، جس دا بنیادی مقصد کشمیر دی بھارت توں آزادی ہے۔ آسیہ اندرابی کشمیری آزادی پسند خواتین وچ سب توں اہم ہن۔ اُنہاں دے حمایت کرݨ والے انہاں کوں آئرن لیڈی آہدے ہن۔

آسیہ اندرابی نے بائیو کیمسٹری وچ گریجویشن کیتا۔ تے کشمیر یونیورسٹی توں عربی وچ پوسٹ گریجویٹ کیتا۔ بعد ازاں  کشمیر وچ بھارتی قبضہ دے خلاف مزاحمت کوں اپݨا مقصد بݨا گھدا۔ آسیہ اندرابی دی شادی 1990ء وچ کشمیری حریت پسند تنظیم حزب المجاھدین دے بانی رکن قاسم فاکتو نال تھئی۔ اس دا خاوند 1992ء توں جیل وچ قید ہے۔ آسیہ اندرابی پہلے توں ہی کشمیر وچ ہک وݙے نیٹ ورک جہادی خواتین دی سربراہ دے طور تے مشہور ہن۔ اس تنظیم کوں اوہ 'دختران ملت' دے ناں نال پکاردیاں ہن۔




#Article 57: آسیہ مسیح دا معاملہ (261 words)


میں نہ آسیہ دی وستی دا ھاں نہ جھیڑے دا گواہ صرف جٹاکا سوال ھے اگر آسیہ بے قصور ہئ 10 سال جیل ءچ کیوں رکھیا گئے ؟
اگر قصور وار ھئ چھوڑیا کیوں گئے ؟ 
ٹرائل کورٹ دے جج آجڑی ہن جج نہ ہن؟
ھائ کورٹ دے جج منجھیں ہن جج نہ ہن؟ 
اگر انھیں دا فیصلہ غلط ھا ول تاں انھیں کوں لٹکا ڈیو کہیں بے گناہ کوں سزائے موت کیویں سنڑائ نے ؟
کجھ لوگ آھدن آسیہ ملعونہ جرگے دیوچ توھین منی ھے ؟
عجیب تماشہ ھے یار۔ جسٹس آصف سعید کھوسہ آھدے اتھاں عدالت ءچ قرآن نہ پڑھیا ونجے اے برطانوی قانون ھے اوں کیس تیں گال کریندیں ھوئیں حادثاتی وزیر اعظم آھدے ملک ءچ قرآن و سنت دا قانون ھے بندہ کیا سوچے کیا آکھے کیرھا سچا ھے ؟ 
مولوی حضرات جنھیں بغیر سوچے سمجھے واجب القتل دے فتوی ڈتن وائے اللہ دے بندے پہلے پورا فیصلہ پڑھو اگر سمجھ توں باھر ھے ولا عدالت نال رجوع کرو کیس نواں کرو گواہ پیش کرو اوندے بعد اگر حکومت یا عدالت ملزمہ نرمی کریندی ھے ول ڈانگاں سوٹے چاؤ نبی پاک دی حرمت دی حفاظت ہر مسلمان تیں فرض ھے،
وزیر اعظم صاحب بہوں ڈر گئے انتہائ بزدل آدمی ھے ایندی بزدلی میں اڈھائیں ڈیٹھی ھئ جڈاں کارکن باہرو کُٹیندے پئے ہن اے بنی گالہ ءچ بیٹھا رییا ھا،نہ اے قوم نال خطاب دا طریقہ ھے نہ اے گالھیں کرنڑ دا وقت ھا مفت دیاں چبلیاں ہن روڈ بند کرنڑ نال مزدور بُکھ مردے ایں گال تیں شرم تاں نہ آئ ھوسی بے شرمیں کوں ،جمیل بلوچ




#Article 58: آصف بن برخیاہ (280 words)


آصف بن برخیاہ یا برکیاہ دیگر ناں، انگریزی Asif ibn Barkhiya،  حضرت سلیمان علیہ السلام دا وزیر ہئی، سلیمان علیہ السلام نے ملکہ سبا دا تخت منگاوݨ دی خواہش دا اظہار کیتا تاں اس آکھا کہ میں آنکھ جھپکݨ توں پہلے اونکوں گھنا سڳدا ہاں۔ لیکن قرآن وچ اس دا ناں مذکور نی۔

قرآن وچ آصف بن برخیاہ دا ناں دے نال ذکر نی تھیا، سورہ النمل دی آیت 40 وچ جس علم والے  دا ذکر ہے،(اس نے عرض کیتی جس دے کول کتاب دا علم ہئی) اکثر مفسرین اس توں مراد آصف بن برخیاہ دی ذات گھندے ہن۔

آصف بن برخیاہ دا ناں دے ساتھ ذکر یہودی و مسیحی عہد نامہ قدیم وچ آیا ہے۔ اردو تراجم وچ اس دے ہجے آ ص ف نی بلکہ  آ س ف ہن یعنی آسف۔ آصف بن برخیاہ دا ذکر تواریخ اول و دوم، سلاطین دوم، زبور، کتاب یسعیاہ، عزرااور نحمیاہ وچ ناں دے نال آیا ہے، پورے عہد نامہ قدیم وچ کہیں جگہ وی آصف بن برخیاہ کوں سلیمان یا داؤد علیہ السلام دا وزیر نی آکھا گیا، ہر جگہ اس دا ذکر ہک ڳاوݨ والے دے طور تے ہے اس دا پیؤ تے اس دے بعد اس دے پتر وی ایہو کم کریندے ہن۔ اوہ عبادت دے وقت شکر گزاری دے الفاظ آکھݨ تے مامور ہن تے مذہبی گیت ڳاندے ہن جیویں کہ زبور۔

کتاب زبور جیہڑی مسیحی تے یہودی منیندے ہن، اس کتاب وچ صرف داؤد علیہ السلام دے ہی زبور (گیت) شامل نی بلکہ مزید کجھ لوگ وی ہن جنہاں وچ حضرت موسٰی علیہ السلام تے ایہ آصف بن برخیاہ وی ہن، زبور نمبر 50 تے زبور نمبر 73 تا 83 تک آصف بن برخیاہ نال منسوب ہن۔




#Article 59: آغا شورش کاشمیری (231 words)


آغا شورش کاشمیری  دے مشہور و معروف شاعر،صحافی، سیاست دان تے بلند پایہ خطیب ہن۔ آغا شورش کاشمیری 14 اگست 1917ء وچ لاہور وچ پیدا تھئے۔ آپ دا اصل ناں عبد الکریم ہئی، لیکن آغا شورش کاشمیری دے ناں نال مشہور تھئے۔ آغا شورش کاشمیری ہک مجموعہ صفات شخصیت ہن۔ صحافت، شعروادب، خطابت و سیاست انہاں چاراں شعبیاں دے اوہ شہسوار ہن۔ آغا شورش نے ہک متوسط گھراݨے وچ جنم گھدا تے بمشکل میٹرک تک تعلیم حاصل کیتی۔

آپدی سیاسی علمی ادبی تربیت دا آغاز ایویں تھیندا ہے کہ گھر وچ ’’زمیندار‘‘ اخبار آندا تے مسجد شہید گنج دی تحریک نصف نہار تے ہئی عبد الکریم اسکول توں فارغ تھئے تاں تحریک شہید گنج دا رخ کیتا تے مولانا ظفر علی خان نال قربت میسر آ گئی۔ عبد الکریم پہلے ہی جوش و جذبے دا سیل رواں ہن، بغاوت و آزادی دا ہدی خواں ہن، شمشیر برہنہ ہن، آپ تخلص الفت کریندے تے زمانے وچ شورش برپا کر رکھی ہئی لہٰذا حسب مزاج الفت کوں شورش دا ناں ݙیوݨ مناسب ڄاݨا،  بس مولانا ظفر علی خان ہن۔ تحریک شہید گنج ہئی تے شورش دا جذبہ ہئی کجھ کر گزرݨ دا جنوں ہئی۔ مولانا ظفر علی خان دی سیاست، صحافت، خطابت تے عشق خاتم النبیؐ آغا شورش دے مزاج وچ سرایت کریندا چلا گیا تے خون وچ حلاوت کریندا چلا گیا تے قادیانی فتنے دے خلاف آپ دے خدمات قابل قدر ہن.




#Article 60: آفاق بلوچ (183 words)


آفاق بلوچ سرائیکی شاعر ہے۔

سردار گڑھ رحیم یار خان نال تعلق ہے۔

ہنج لکا گھن ڈھانوݨ نہ ݙے

اکھ توں باہر آنوݨ نہ ݙے

گھر فصلاں برباد جو کرے

ربا ایجھا سانوݨ نہ ݙے

بزدل نہ تھی اپݨی بھوھیں تے

کہیں کوں پیرا پانوݨ نہ ݙے

دل دی من تے ویندا پیاں میں

پیریں دے وچ ݙانوݨ نہ ݙے

سیاݨاں تھی ھن زندگی اپنی

کہیں کوں یار ہنڈانوݨ نہ ݙے

کر آفاق توں آپ حفاظت

حق ظالم کوں کھانوݨ نہ ݙے

۔۔۔۔۔۔۔آفاق بلوچ سردار گڑھ

وقت ھݨ یار بدلدا ݙیکھیں

ظلم دا سورج ڈھلداݙیکھیں

آہ غریب دی عرش تے پنی

عرش خدا دا ہلدا ݙیکھیں

شیر تےبکری کٹھےچرسن

ایں انصاف عدل دا ݙیکھیں

ملک ءچ اتنی ترقی تھیسے

ھاں دشمن دا ݙلدا ݙیکھیں

سٹ پردیس آفاق وطن تے

ھر ہک بندہ ولدا ݙیکھیں

۔۔۔آفاق بلوچ سردارگڑھ

ہاسےخوش وسدے وچ خوشیاں دےݙتےدر دردیں دا کھول کہیں

ساݙے حصے نفرت عام رھی بھریے الفت دے کشکول کہیں

سم گئے ھن زخم پراݨیں تھی ݙتے زخمیں کوں وت چول کہیں

ساݙے حال آفاق توں کیا پچھدیں ݙتی جھݨک کہیں ماریے بول کہیں

۔۔۔آفاق بلوچ سردارگڑھ




#Article 61: آلو (462 words)


ہک سبزی ہے۔  ایہ اصل وچ  ہک پودے دی ڄڑھ ہے۔ این دا آبائی وطن جنوبی پیرو ہے۔ سولہویں صدی کنوں پہلے اسے باقی دنیا وچ کائناں ڄاݨدے ہن۔ اڄ ایہ سبھ توں ودھ ورتیوݨ والی سبزی ہے۔ اینکوں 1536ء وچ یورپ کنوں گھن آئے  ول ایہ باقی دنیا  وچ پھیل ڳیا۔ ایندیاں ہزاراں قسماں ہن۔

غذائیت دے معاملے وچ آلو کتنا بھرپور ہوندا ہے اس دا اندازہ ایویں وی لایا ونج سگدا ہے کہ اگر پکے ہوئے آلواں دا صرف ہک کپ (173 گرام) گھدا ونجے تاں اس وچ 161 کیلوریز دے نال وٹامن بی 6، پوٹاشیم، تانبا (کاپر)، وٹامن سی، مینگنیز، فاسفورس، فائبر، وٹامن بی 3 تے پینٹوتھینک ایسڈ دی وی وافر مقدار ہوندی ہے۔ 29 فیصد کاربوہائیڈریٹس تے 8.5 فیصد پروٹین انہاں دے علاوہ ہن۔ وٹامن، پروٹین تے معدنیات تے مشتمل ایہ تمام غذائی اجزاء صرف عام لوگاں ہی کیتے نی بلکہ غذائی ماہرین دے نزدیک وی آلو کوں پسندیدہ ترین سبزی دے مقام تے فائز کریندے ہن.

آلو ہک ایسی سبزی ہے جینکوں وݙے،  بچے سب ہی نہایت شوق نال کھاوݨا پسند کریندے ہن۔
شاید ہی کوئی ایسا ہوسی جیہڑا ایہ آکھے کہ اونکوں آلو دے چپس پسند نی، یا ول بریانی وچ آلو شامل کرݨ دا انتخاب کجھ زیادہ خاص نی ہوندا۔ آلو تل دے کھائے ونجن، انہاں کوں ابالا ونجے یا ول کہیں ٻئے انداز وچ پکائے ونجن،  ایہ سب کوں ہی لذیذ لگدے ہن۔ لوگ آہدے ہن کہ زیادہ آلو کھاوݨ نال وزن ودھدا ہے لیکن کیا تساں اس مزیدار سبزی دے اتنے سارے فوائد ڄاݨدے ہاوے؟

جی ہاں آلو تہاݙے بلڈ پریشر کوں بہتر رکھدا ہے، لیکن اس دا ایہ مطلب بالکل نی کہ تساں تیل وچ تلے آلو دے چپس کھاندے ونجو بلکہ پکا کے یا ابال کے اپݨے سلاد دا حصہ وی بݨاؤ۔

آلو وچ موجود الفا لیپوئک ایسڈ دماغی صحت کوں بہتر کریندا ہے جبکہ ڈاکٹرز دا ایہ وی منݨ ہے کہ Alzheimer نامی دماغی مرض وچ مبتلا افراد کوں آلو دا استعمال زیادہ توں زیادہ کرݨا چاہیدا اے۔

آلو وچ موجود فائبر نظام ہاضمہ کوں بہتر کریندا ہے، اگر اینکوں صحیح انداز تے صحیح مقدار وچ کھادا ونجے تاں پیٹ دی خرابی یعنی دائیریا توں وی جلد نجات مل سکدی ہے۔

ٹریپٹوفان ہک ایسا تیزاب ہے جیہڑا آلو وچ موجود ہوندا ہے، ایہ اس سبزی دا پروٹین ہے، جس نال نیندر بہتر آندی ہے، آلو وچ موجود پوٹیشیم وی انسانی جسم دے عضلات کوں آرام ݙیندا ہے۔

آلو وچ کیلشیم دی مقدار کافی زیادہ ہوندی ہے جیہڑا ہڈیاں کوں مضبوط بݨاوݨ وچ مدد ݙیندا ہے۔

آلو وچ موجود وٹامن سی جلد کوں بہتر کرݨ دے کیتے کار آمد منا ویندے، آلو دا استعمال خشک جلد کوں بہتر کریندے، جبکہ اینکوں چہرے تے لایا ونجے تاں جھریاں وی ختم تھی سگدیاں ہن. 

چوٹی دے آلو پیداکار : 

ملین میٹرک ٹن وچ




#Article 62: آلو انشائیہ (1001 words)


از: ڈاکٹر خالد اقبال

اَج کیا پکاؤں۔؟ ایہہ کیہڑے گھر دا مسئلہ نی، گھر وچ اجاں کُئی شئے پکاون بارے صلاح مشورہ جاری ہوندے کہ کچن وچ آلواں دے ڈھون پوون دی آواز کنیں پوندی ہے۔ میکوں نی پتہ جو تُساں آلو کُوں کِتلا من بھاوناں سمجھدے ھیوے اتے کِتلا اہمیت ڈھیندے ھیوے۔کیوں جو میڈے ایں سوال وچ ذوق اتے شوق دا معاملہ وی موجود ہے ایڈوں ساڈا تاں اے حال ہے گھر وچ شایت کُئی اینجھاڈینہہ لنگھیا ہُوسی جئیں ڈینہہ کُنی آلواں بغیر پکی ہووے۔ جے تہاڈی طبیعت اُتے ناگوار نہ گذرے تاں میں پورے ست ڈینہاں دے کھانے دی فہرست بیان کر ڈیواں۔ آلو پالک‘ آلو قیمہ‘ آلو مٹر‘ آلو گھوبھی‘ آلو میتھی‘ آلو وتاؤں‘ آلو گوشت یا گوشت وچ آلو‘ وغیرہ وغیرہ۔۔۔۔۔ہُن کئی جناں ایہہ کینویں دعوٰی کر سکدے جو اُوندا ہاضمہ صحیح سلامت ہے۔ ایہہ وی تھی سکدے جو تہاکوں اُتلیاں سطراں پڑھدے ای یا آلو دا ناں سندے اِی تبخیر معدہ دی شکایت پیدا تھی گئی ہووے لیکن جناب تُساں این گالہہ اُتے غور کرو اج کل کتھاہیں تُساں آپ حسرت یا کثرت نال آلو تاں نی کھاندے پئے؟

آلو کھاون اتے ساندوڑاند کھاون۔ حد ایہ جو بے مزا وی نہ تھیوناں۔ حیرت تھیندی ہے۔ فجر کوں ناشتہ‘ کچھ عرصہ پہلے لوک چاہ‘ انڈے نال کریندے ہن یا وت چھَا لسی مکھن نال‘ پر ہن عجب زمانہ آئے فجریں ہن آلو پراٹھے کھویجن پئے گئین۔ آلو دا کچالو نال کیا رشتہ تعلق ہے؟ ایندے جیناتی پہلو بارے تاں کوئی غذائی ماہر ہی وضاحت کر سکدے البتہ لسانی۔ صوتی تے وزنی اعتبار بارے اساں آکھ سگدے ہیں جو کچالو‘ آلودا بھانویں جو وڈا بھرا ہے پر پبلک ریلیشنگ وچ وڈا بھرا چھوٹے کنوں بہوں پچھاں ہے۔ ایندے وچ کچالو دا ایڈا قصور وی کوئے نی کیوں جو ساڈے سارے وڈیاں وچ اے ہنر نی پاتا ویندا۔ نویں نسل ایں معاملے وچ آلو دے وانگوں ہے تاں یقیناً ایندے وچ وی آلودی کئی کرامت ہے۔

آساڈے ہک سنگتی اینجھے وی ہن جہناں کُوں آلو چپس تے نال چا پیون دا وڈا شوق ہے تے وت ایں توں بعد اؤ سنگتی اینجھاں ڈکاراں ہکلیندن جو نال بیٹھے ہوئے شریف شُرفاء دے تراہ نکل ویندن میڈی انہاں دے نال آلو دی محبت پاروں منہ ماری وی بہوں تھیء اے۔ تے اساں ہک واری ایں نتیجے تے پجے ہیں جو آلو دا بائیکاٹ کیتا ونجے پر کتھاں سیءں ہک ڈینہہ پرہیز ڈو ڈینہہ پرہیز۔ پر جڈاں وِی کتھاہیں مہمان بنئیے تاں تواضع خدمت کیتے آلو انڈے پیش کیتے گئے۔ میں ہوٹل دا کھانا بہوں گھٹ کھانداں پر ہک ڈینہہ نہ چاہندے ہوئیں ہوٹل کھاناں کھاون دا اتفاق تھیا۔ دال روٹی دا آرڈر ڈتا گیا جئیں ویلھے ساڈے سامنے دال دیاں پلیٹاں رکھیاں گئیاں تاں دال وچوں آلو نکل آئے؟۔۔۔۔۔۔

آلو دی ودھدی ہوئی ایں محبت میکوں سوچن تے مجبور کر ڈتے جو آلو دے نال خواہ مخواہ دی چِڑ ٹھیک نی۔ کیوں جو آلو وِچ خوبی ضرور ہے جیندے پاروں آلو کچن توں کیبنٹ تہئیں ہر جا عام وی ہے تے خاص وی۔۔۔۔۔

تازہ اطلاع مو جب اقوام متحدہ نے ودھدی ہوئی آبادی تے بُکھ پاروں آلو دی غذائی چنگپ ڈساون سانگے عالمی سال مناون دا فیصلہ کیتے تے حمایت گھٹن پاروں سال 2008ء کُوں منتخب کیتے۔

لگدے ہن آلو دے حق وچ نعرے لائے ویسن۔ غریب اتے ترقی کریندے تے بان مریندے مُلکاں دے واسیاں دی کھاجے پاروں لوڑاں مُوجب‘ آلو دی چنگائیاں کُوں اُچیچا بیان کیتا ویسی تے ایں طراں آلو دے موہری سبزیاتی حقوق دا ڈھنڈورا ہکلیا ویسی۔

بہوں پہلے دی گالہہ اے آلو کوں بالاں۔ مریضاں یا وت ڈنداں توں فارغ بزرگاں دی غذا سمجھیا گیا ہئی۔ ہن ایہہ صورتحال ہے جو آلو ہر گھر دے ہر جنے نال چنگاں بھلا بے تکلف تھی گئے۔ جینویں جو ہک او ویلہا ہئی جڈاں سارے جی دال کھاتے خوش ہوندے ہن۔ پر ہن ایہہ ویلہا ہے دکاندار کنوں دال دے ریٹ بارے کئی گالہہ کرو تاں آہدے ونج او میاں ’’تیڈا منہ تے مُنگی دی دال۔۔۔۔ تو کہیڑے باغ دی مولی ہیں وغیرہ وغیرہ۔۔۔۔ اینویں ایں جڈاں توں مہماناں نے دال دا ناں سندے ای اچل چیت۔ خدا حافظ آکھن شروع کیتے تاں میزباناں دی ایں شرمندگی تے مجبوری دا فائدہ آلو نے اگاں ودھ کے چاتے تے ہن آلو ہر دسترخوان تے موجود ہوندے۔آکھیا ویندے ذائقے دا تعلق زبان نال ہوندے اتِ پاروں جیہڑی سبزی ترکاری کُوں زبان قبول کر گِھنے اونکوں پہلے دستر خوان اُتے سجایا ویندے تے وت معدے وِچ سٹیا ویندے ہن آلو دی زبان ذائقے نال اینجھی بنی ہے جو ہر پاسے آلو۔۔۔۔آلو دا ذکر خیر سنیدے۔۔۔

آلو‘ جینکوں سبزی ویچن آلیاں رقعہ حامل ہذا دے طور تے کچن وچ روانہ ہئی جو ایندیاں بوقت ضرورت خدمات حاصل کیتیاں ونجن پر ہن اے صورتحال ہے جو آلو نہ ہون تاں گھر وچ ہانڈی نہ پکن دا خطرہ پیدا تھیون لگ پوندے۔

آلو وچ غذائیت دی نسبت تناسب کیا ہے؟ فی الحال اساں ایں بحث وچ نی پوندے۔ البتہ اے گالہہ منی منائی ہے جو آلو پیٹ پال ضرور ہے۔ آلو زمانہء امن تے حالت جنگ ڈونہاں صورتاں وچ ساتھ ڈیندے۔ جنگ دے محاذ تے ہک زمانے وچ سپاہیاں کو بھُنے چنے کھاون کیتے ڈتے ویندے ہن تاں جو اُنہاں کوں فاقے دی فکر نہ راہوے۔ پر بھُنے چنے کھاون توں بعد جو تریہہ لگدی ہئی ہک عجب مسئلہ ہوندا ہئی تے ڈھڈ وچ جو ہوا پھُکیج ویندی ہئی او مسئلہ وی گھٹ نہ ہوندا ہئی ہک اُچے مہانگے (فائیو سٹار ہوٹل) بارے اساں سنیہے جو اتھاں سب کنوں مہانگی ڈش آلو دا حلوہ ہے۔ آلو اُبال تے‘ بھُن تے تل تے چھیکڑ مدا اے جو ہن جلسے جلوساں کوں اِیڈے اوڈے کرن سانگے سیاسی لیڈراں اُتے سجے کھبے پاسوں استعمال کیتا ونجن لگ پئے کیوں جو آلو۔ ٹماٹراں تے انڈیاں دا ہم وزن وی ہے تے ایہہ زخم وی چوکھا لیندے۔ آلو ہک اینجھی سبزی ہے جیہڑا ساوی تے رتی قسم دیاں ساریاں سبزیاں نال سانگا جوڑیندے آلو جءھہاں خوبیاں جے اج دے بندے وچ پیدا تھی ونجن تاں شایت بہوں سارے مسئلے مسائل آپنے آپ مک ونجن؟

(اقتباس از:- کتاب: ’’مُسکار‘‘ (سرائیکی انشائیے)۔ از: ڈاکٹر خالد اقبال)

 () 13:11, 8 September 2018 (UTC)




#Article 63: آلِ جلائر (245 words)


جلائری قبائل ایل خانیاں ہی دی ہک شاخ ہئی تے ایہ نسلاً منگول ہن۔ جݙݨ ایل خانی سلطان ابو سعید دا انتقال تھیا تاں امراء مرکز وچ صاحب اقتدار تھی گئے۔ اوہ جس کوں چاہندے تخت نشین کریندے تے جس کوں چاہندے تخت توں لہا ݙیندے۔ انہاں وچ جلائری سردار شیخ حسن بزرگ نے جݙݨ اقتدار حاصل کیتا تاں اوہ ایل خانی حکمراناں کوں کٹھ پتلیاں دی طرح نچیندا ہئی۔ جݙݨ آخری ایل خانی حکمران نوشیرواں مر گیا تاں حسن بزرگ (1339ء تا 1356ء) عراق تے قابض تھی گیا تے بغداد کوں دار الحکومت بݨاکے ہک مستقل حکومت قائم کر گھدی۔

حسن بزرگ دے بعد اس دا چھوہر اویس خان (1356ء تا 1374ء) تخت نشین تھیا۔ اس ترکماناں توں جیہڑے آذربائیجان تے مشرقی اناطولیہ تے قابض تھی گئے ہن،  تبریز تے آذربائیجان چھک گھدا تے موصل تے دیار باکر تے وی قبضہ کر گھدا۔

جلائریاں دا دور تعمیر و ترقی دے کماں دے لحاظ نال کوئی اہمیت نی رکھدا۔ فارسی دے مشہور قصیدہ گو مسلمان ساوجی (متوفی 1378ء) تے عرب مورخ ابن عرب شاہ (1388ء تا 1450ء) دا جلائری دربار نال تعلق ہئی۔ ابن عرب شاہ دی تاریخ عجائب المقدور اس دور دی تاریخ خصوصاً امیر تیمور دے حالات دا بڑا قیمتی ماخذ ہے۔ ایہ عربی وچ ہے تے اس وچ تیمور دے برائیاں ݙتیاں گئیاں ہن۔ امیر تیمور بغداد فتح کرݨ دے بعد ابن عرب شاہ کوں سمرقند گھن گیا ہئی۔ احمد جلائر نے فارسی دے شاعر حافظ شیرازی دی سرپرستی وی کیتی ہئی۔




#Article 64: آلِ فریغون (191 words)


آل فریغوں (052ھ تا 014ھ) افغانستان وچ حکمران رہے ہن۔ تاریخی کتب مثلاً تاریخ یمنی، آثار الباقیہ، کامل ابن کثیر، تاریخ بیہقی، حدود العالم، یمنتہ الدہر، قابوس نامہ، زین الاخبار، تاریخ بخارا جوامع الحکایات، اصطخری، حیات سلطان محمود (ڈاکٹر محمد ناظم) وچ معلومات ناکافی تے تشنہ ہن۔ 

اس خاندان دا پہلا حکمران تقریباً 052ھ وچ حکمران تھیا۔ ݙوجھا حکمران احمد بن فریغوں ہئی۔ جس بروایت نرشیخی تقریباً 582ء وچ اسماعیل سامانی دی اطاعت اختیار کیتی تے اس دے بعد اس دا پتر ابوالحارث محمد بن احمد 043ھ وچ حکمران تھیا۔

جیویں کہ ابوسعید عبد الحئی بن الضحاک گردیزی لکھدا ہے کہ نوح بن منصور سامانی نے ابوالحارث محمد بن احمد فریغوں دے ناـ دامادی دا رشتہ 563ء وچ قائم کیتا ہئی۔ اس توں معلوم تھیندا ہے کہ ایہ محمد 523ء دے بعد وی زندہ ہئی تے جس زمانے وچ خاندان غزنوی دا موئس و بانی علم شاہی و جہانگیری بلند کیتے ہوئے ہئی۔ 273ھ دے لگ بھگ حدود العالم د نامعلوم مصنف جوزجان وچ اپݨی کتاب لکھدا پیا ہئی. اس خاندان دا حکمران ایہو محمد بن احمد الحرث یا الحارث ہئی۔ جس دا ناں العتبی تے گردیزی نے وی گھدا ہے۔




#Article 65: آلِ مظفر (209 words)


آل مظفر 1315ء توں 1393ء تک ایران وچ زیر اقتدار ہک حکومت ہئی جس دا بانی ہک ایرانی امیر مظفر ہئی جیہڑا ایل خانی حکومت دی طرفوں شہر یزد دا حاکم ہئی۔ 1315ء وچ سلطان ابو سعید نے اس دے پتر مبارز الدین محمد کوں یزد تے فارس دی حکومت ݙے ݙتی تے اوہ ایل خانیاں دے زوال دے بعد آزاد تھی گیا۔ اس 1340ء وچ کرمان، 1353ء وچ شیراز تے فارس تے 1357ء وچ اصفہان تے قبضہ کر گھدا۔ مبارز الدین دا دور اس لحاظ نال وی اہم ہے کہ اس شراب خوری تے ݙوجھے برائیاں کوں جیہڑے شیراز وچ اس زمانے وچ عام تھی گئیاں ہن، روکا تے اس مقصد کیتے سخت قوانین نافذ کیتے۔

مبارز الدین دے بعد شاہ شجاع (1357ء تا 1384ء) جانشیں تھیا جیہڑا اس خاندان دا سب توں ممتاز حکمران ہے۔ شاہ شجاع دے بعد اس دا جانشیں زین العابدین (1384ء تا 1387ء) صرف ترے سال حکمران ریہا۔ 1387ء وچ تیمور نے اونکوں کڈھ ݙتا۔ اس دے بعد آل مظفر دے شہزادیاں وچ خانہ جنگی شروع تھی گئی۔ یزد وچ شاہ یحیی، کرمان وچ سلطان احمد تے اصفہان وچ شاہ منصور حکومت کرݨ لگے۔ اس خانہ جنگی توں فائدہ چا کے تیمور نے 1393ء وچ آل مظفر دی حکومت دا خاتمہ کر ݙتا.




#Article 66: آلٹرنیٹر (تناؤٻگر) (236 words)


تناوبگر (alternator) ہک ایسا آلہ ہے جیہڑا میکانیکی توانائی (mechanical energy) کوں برقی توانائی (electrical energy) (جیہڑی مناوب رَو دی صورت وچ ہوندی ہے) وچ بدلدا ہے۔

کہیں وی مناوب رو (alternating current) پیدا کرݨ والے مولّد (generator) کوں تناوبگر آکھیج سڳدا اے۔ تناوبگر اندرونی احتراقی انجناں، گݙیاں تے پاورپلانٹس وچ استعمال ہوندے ہن۔

آلٹرنیٹر دے موجد مائیکل فیراڈے Michael Faraday تے ہپولیٹ پکسی ہن۔

تناوبگر گھمدے ہوئے مقناطیسی میدان دی مدد نال بجلی پیدا کریندے ہن۔ آلٹرنیٹر مستقل مقناطیساں، کوائلز تے سٹیٹر تے مشتمل ہوندا ہے۔ چند کوائلز کوں لوہے دی کور تے وائنڈ کیتا ویندا ہے۔ اینکوں سٹیٹر آہدے ہن۔ سٹیٹر گول شکل دا ہوندا ہے۔ اس دے درمیان مستقل تے عارضی مقناطیساں تے مشتمل روٹر رکھا ویندا ہے۔ جس دے کئی پول ہوندے ہن۔

عارضی مقناطیس رکھݨ دی صورت وچ انہاں کوں الگ توں برقی رو ݙیوݨی پوندی ہے۔ جݙݨ روٹر گھمدا ہے۔ تاں اس نال گھمدا ہویا مقناطیسی میدان پیدا ہوندا ہے۔ جیہڑا کوائلز وچ میگنیٹک انڈکشن دے ذریعے آلٹرنیٹنگ کرنٹ پیدا کریندا ہے۔ آلٹرنیٹر توں حاصل کردہ کرنٹ دی مقدار تے وولٹیج پولز دی تعداد،مقناطیساں دی طاقت،کوائل وچ ٹرنز دی تعداد تے زیادہ تیزی نال گھماوݨ یا چکر فی منٹ RPM تے منحصر ہے۔

اگر کرنٹ دی سمت وقت دے برابر وقفیاں وچ تبدیل تھیندی پئی ہووے تاں اینکوں الٹرنیٹنگ کرنٹ (AC) یا متبادل رو آکھدے ہن۔ اگر ہک ہی سمت وچ ہووے تاں  ڈائریکٹ کرنٹ یا ڈی سی آہدے ہن۔




#Article 67: آلڈس لیونارڈ ہکسلے (269 words)


بکسلے، آلڈس لیونارڈ (1963 - 1894، Huxley, Aldous Leonard) بکسلے انگریز مصنف ہے۔ ایہ مشہور سائنس داں تھامس بکسلے دا پوترا ہئی۔ ایٹن (Eton) تے آکسفورڈ وچ تعلیم پاتی۔ یورپ دی سیر دے زمانہ وچ اٹلی وچ اس دی ڈی۔ ایچ۔ لارنس نال ملاقات تھئی تے ݙوہاں وچ گہری دوستی تھی گئی۔ 1930ء وچ اوہ امریکا آیا تے ول اتھئیں رہݨ لگا۔ 18 سال دی عمر ہی توں اس دی اکھیاں خراب تھیوݨ شروع تھی گئی ہن۔ ساری عمر انہاں کوں بچاوݨ تے صرف تھی گئی۔

بکسلے دی ادبی زندگی نظم گوئی توں شروع تھئی۔ کجھ تنقیدی مضامین لکھے تے ول ناول دا رخ کیتا۔ اپݨے ناولاں کروم یلو (Crome Yellow)، پائنٹ کاونٹر پائنٹ (Point Counter Point) وغیرہ وچ اس ہک زوال پزیر سماج دا نقشہ پیش کیتا ہے۔ انداز نہایت طنزیہ ہے۔ بریو نیو ورلڈ (Brave New World) وچ اس پنجیہویں صدی وچ آوݨ والے سماج دا ہک خیالی خاکہ پیش کیتا ہے جینکوں پڑھ کے رونگٹے کھڑے تھی ویندن۔

اس دے بعد اس آئیلیس ان غزہ (Eyeless In Gaza)، ڈیولز آف لندن (Devils of London)، دی جینیس اینڈ گوڈیس (The Genius and Goddes) وغیرہ لکھیاں۔ انہاں وچ نویں نویں خیالات دی بھرمار ہے۔ نویں نویں قسم دے پلاٹ ہن۔ اس دی تحریر توں صاف جھلکدا ہے کہ اونکوں موجودہ سماج توں کس قدر ناامیدی تھی گئی ہئی۔ تے اس دی وجہ نال نفرت تے حقارت دا جذبہ پرورش پا گیا ہئی۔ بکسلے دی بعد دی تحریراں توں پتہ چلدا ہے کہ اونکوں تصوف (Mysticism) تے مشرقی فلسفہ نال دلچسپی پیدا تھی گئی ہئی۔ ناولاں دے علاوہ اس دی کہانیاں تے مضامین دے مجموعے وی شائع تھئے ہن۔




#Article 68: آلیاں بھنوالیاں وچوں (185 words)


اپنڑی کتاب آلیاں بھنوالیاں اچو

 مومن تے مسلمان

نانےاشفاق فرماۓ مسلمان او ہےجیہڑا اللہ کوں منےت مومن او ہےجیہڑا اللہ دی منے.اےگال سنڑ ت ہک سنگتی کولو پچھئم انسان ت بندےوچ کیا فرق ہے؟ہنجیں انسان او ہےجیہڑا ماء دی منےت بندہ او ہےجیہڑا رن دی منے.میں پچھۓ ت جیہڑا کہیں دی نہ منے؟ تاں میڈےسنگتی آکھۓ توں میکوں صحافیں کولو پنجویسیں.
صحافی ہیجڑیں کوں پتر ڈیونڑ آلی قوم ہے اےرات کوں ڈینہہ ت ڈینہہ اچ تارےڈکھا سگدن.موٹر سائیکل دےپچھو پریس صرف پولیس آلیں کوں پریس کرنڑ لو لکھوائ ودےرہندن. مخالفیں دی ہوا ٹائٹ ت اپنڑےموٹر سائیکل دی پچھلی ٹوپ دی ہوا گھٹ رکھدن.
میں اپنڑےدوست علوی صاحب دے سکول گیا بیٹھا ہم کجھ دیر بعد ڈو پریس آلےآ گئن ت علوی صاحب کوں آہدن اج دی اخبار اچ سکول آف تھاٹ آلیں کوں منڈ ڈتےمی اے ڈیکھو.علوی صاحب انہیں کوں ٹی بریک کرائ ت انہیں دے ونجنڑ توں بعد ایکسپنڈینچر آلے رجسٹر وچ لکھ ڈتا کتوں کا خرچہ 500 روپے.
گال مومن توں شروع تھئ ت صحافیں تئیں آ گئ..میڈی توبہ.
میڈےنزدیک مومن تے مسلمان اچ فرق کرنڑ آلا نہ مومن ہےنہ مسلمان.

منصور شانی




#Article 69: آمد ثانی دا مسیحی عقیدہ (228 words)


آمد ثانی یا ظہور دوم ہک مسیحی عقیدہ جینکوں یسوع مسیح دی آمد وی آکھا ویندا ہے۔ ، اینکوں متعدد اہم الفاظ اچ بیان کیتا ڳیا ہے۔ پُروضیا (Parausia) جیندا مطلب ”موجودگی“ یا ”آمد“ ہے۔ تے اِینکوں یونانی وچ بادشاہ دی آمد ظاہر کرݨ کیتے استعمال کیتا ویندے۔ بائبل دے مطابق یسوع مسیح آسمان تے چڑھ ڳئے تے ول دنیا دے آخر وچ  مخالفِ مسیح تے بدی کوں نیست کرݨ ، راستباز مُردیاں کوں زندہ کرݨ،  نجات یافتہ لوگاں کوں جمع کرݨ کیتے   ، قدرت تے جلال دے نال  شخصی طور تے ہیں زمین تے آسن۔ اُنہاں دی ݙوجھی آمد اپوکلپسِس (apokalypsis) بمعنی پردہ اٹھیجݨا وی ہوسی۔ اُوں وقت انہاں دے سرفراز ہوݨ تے آسمان تے تخت نشین تھیوݨ دے باعث اُنہاں دی قدرت تے جلال دنیا تے ظاہر کیتے ویسن۔ اِیں وقت مسیح، خدا دے سڄے ہتھ تے ٻیہہ کے حکومت کریندے پئے ہن۔  تے خدا دے تخت وچ شریک ہن، لیکن اُنہاں دی ایہ حکومت دنیا دی نظراں توں پوشیدہ ہے تے ایہ اُنہاں دی آمد ثانی apokalypsis کے ذریعے دنیا تے ظاہر تھی ویسی ۔ ایں طرح مسیح دی آمد ثانی اُنہاں دے صعُودِ آسمانی تے اُنھاں دی آسمان تے تخت نشینی توں الڳ نی تھی سڳدی کیونکہ اوہ دنیا تے اپݨے موجودہ اختیار کوں ظاہر کریسن۔ تریجھا لفظ اِپی فینیا (epiphaneia) ہے جیندا مطلب ظہور، جیہڑا مسیح دی دیدنی آمد کوں ظاہر کریندا ہے۔




#Article 70: آمنہ حق (417 words)


آمنہ حق پاکستان دی فیشن انڈسٹری دا ایسا ناں ہے جیں نے کئی سال تک انڈسٹری تے بلا شرکتِ غیرے حکومت کیتی۔ انہاں دی وجہ شہرت فیشن انڈسٹری دے علاوہ سابق گورنر پنجاب غلام مصطفیٰ کھر دی دھی ہووݨ وی قرار پایا کیونکہ انہاں توں قبل کہیں اتنی ہائی پروفائل شخصیت دی دھی نے فیشن انڈسٹری وچ قدم نہ رکھا ہئی. 

آمنہ حق پاکستان دی ٹاپ دی ماڈلز وچوں ہک ہن جنہاں نے پاکستان فیشن انڈسٹری کوں ہک نویں جہت ݙتی۔ فیشن ڈیزائنر عمار بلال دے نال شادی کے بعد منظر عام توں تقریباً غائب تھی ڳن۔

پاکستانی فیشن تے ٹی وی انڈسٹری دی جانی مانی شخصیت آمنہ حق جنہاں نے مہندی سمیت کئی ڈرامیاں وچ اپݨی اداکاری دے جوہر ݙکھائے تے لمبے عرصے بعد سوشل میڈیا تے اپݨی ایسی تصاویر جاری کر ݙتیاں کہ ݙیکھ کے یقین نی آندا کہ کیا ایہ واقعی ہی اوہا سپر ماڈل آمنہ حق ہے۔ 2009ء وچ فیشن ڈیزائنر عمار بلال دے نال اپݨی زندگی دی اننگز دا آغاز کرݨ دے بعد شوبز انڈسٹری توں غائب تھیوݨ والی اداکارہ نے جݙݨ اپݨی تصاویر انسٹا گرام تے شیئر کیتیاں تاں ݙیکھݨ والے ݙیکھدے ہی رہ گئے. سابق وزیراعلیٰ پنجاب ملک مصطفی کھر دی صاحبزادی تے معروف ماڈل و اداکارہ آمنہ حق طویل عرصے بعد منظر عام تے آ گئیاں۔

اداکارہ آمنہ حق دے قریبی ذرائع دے مطابق اوہ گزشتہ پنج برس توں امریکا وچ مقیم ہن تے اپݨی فیملی دے نال گھریلو زندگی بسر کریندیاں پیاں ہن۔ اوہ امریکا وچ خیریت نال ہن تے انھاں نے نہ تاں گردش شدہ خبراں دے مطابق خودکشی کیتی ہے تے نہ ہی انہاں دی نجی زندگی وچ ایسے کوئی حالات ہن۔ البتہ اوہ ایسی جھوٹی تے منگھڑت خبر چلاوݨ والے ادارے دیخلاف قانونی کارروائی کرݨ دا حق محفوظ رکھدی ہن۔ اس خبر نال انہاں دے چاہݨ والے تے قریبی عزیز و اقارب انتہائی تکلیف نال گزرے ہن۔ واضح رہے کہ آمنہ حق نے اپݨے فنی سفر دے دوران فیشن ڈیزائنر تے بزنس مین عمار بلال نال شادی کر کے شوبز کوں خیرباد آکھ ݙتا ہئی.

SX8 ہونڈا سِٹی کوں کامیاب کرݨ کیتے جنوری 2000ء وچ ہونڈا نے اینکوں ہک نواں انداز ݙتا۔ نویں انداز دی حامل سِٹی دے نال ی ادکارہ آمنہ حق دا ہک نغمہ وی پیش کیتا گیا ہئی۔ اگر مقامی ٹیلی ویژن چینلز تے چلݨ والا اوہ نغمہ تہاکوں یاد نہ ہووے تاں انٹرنیٹ تے موجود ویڈیو ݙیکھ کے ماضی دے جھروکیاں وچ جھانک سکدے او۔ بہرحال، سِٹی دا نواں انداز پیش کریندے ہوئے ہونڈا نے پچھلی خامیاں دا ازالہ وی کیتا.




#Article 71: آٹو کیڈ (Auto CAD) (1071 words)


دورِ حاضر وچ انجینئری / ڈیزائن توں متعلق جیہڑے سافٹ وئرز استعمال تھیندے ہن، اوہ تمام CAD یعنی Computer-Aided-Design دے زمرے وچ آندے ہن۔ CAD نال متعلق ٻہوں سارے پیکجز (Packages) دستیاب ہن ۔۔۔ مثلاً : مائکرواسٹیشن (MicroStation)، تھری ڈی اسٹوڈیو یا تھری ڈی میکس (3D-Max)، ڈاٹا کیڈ (DATACAD)، آرکی کیڈ (ArchiCAD)، اریس (ARRIS)، سوفٹ کیڈ (SoftCAD)، انٹیلی کیڈ (اوپن سورس آٹوکیڈ) (IntelliCAD opensource) وغیرہ۔ کمپیوٹر ایڈڈ ڈیزائننگ تے ڈرافٹنگ (CADD, Computer-Aided-Designing--Drafting) نال متعلق جتنے وی سافٹ وئر دستیاب ہن ۔

دیگر گرافکس پروگرام دے مقابلے وچ آٹوکیڈ دی ایہ انفرادیت ہے کہ  ایندی سافٹ کاپی (یعنی dwg فائل) دا پرنٹ (یعنی ہارڈ کاپی) کاغذ تے کڈھ گھنݨ دے بعد اساں بآسانی کاغذ تے بݨی ڈرائنگ دی کہیں وی Scale توں پیمائش کر سڳدے ہیں۔ مثلاً کہیں کوں اپݨے گھر دا پلان تیار کرنا ہے اور اوہ پلان ایں کوں A4 سائز دے کاغذ تے چاہیدا اے  تاں مکان دے رقبے (Area) تے کاغذ دے سائز (A4; 297x210 mm) کوں دھیان وچ رکھدے ہوئے کوئی وی مناسب Scale ( مثلاً 1:100 یا 1:50 ) تے ڈرائنگ بݨیج سڳدی ہے تے پرنٹ کرݨ دے بعد کاغذ تے بݨے ڈرائنگ دے حصیاں دی بالکل درست پیمائش حاصل کریج سڳدی ہے۔

اِنہاں تمام وچوں ہک AutoCAD ہی اوہ واحد سافٹ وئر ہے، جیہڑا ساری دنیا وچ سب توں زیادہ مقبول ہے تے سب توں زیادہ استعمال وی کیتا ویندا ہے۔ اج توں کوئی پنجیی تریہہ سال قبل، دنیا بھر وچ جیہڑی وی ڈرائنگ (Drawing) بݨائی ویندی ہئی، قوہ کاغذ تے پنسل یا روشنائی والے قلم نال تیار کیتی ویندی ہئی ۔ تے ول، ڈرائنگ وچ کہیں وی قسم دی تبدیلی دا مطلب ہئی کہ ساری دی ساری ڈرائنگ شروع توں تیار کیتی ونجے. ایہ اتنی وݙی خامی ہئکہ جیندا حل نہایت مطلوب ہئی تے CAD دے نظام دی تخلیق نے ایہ مسئلہ مستقل طور تے حل کر ݙتا۔ واضح رہے کہ CAD یا CADD دراصل ڈرائنگ توں متعلق ہک کمپیوٹر نظام (Computer System) ہے تے ایں نظام دے تحت کئی سافٹ وئرز کم کریندن، جنہاں وچ  AutoCAD نسبتاً زیادہ معروف و مقبول ہے۔ آٹو کیڈ سافٹ ویئر ، وژول بیسک (Visual Basic) دے تحت تیار کیتا ڳیا ہے  اور اِیندی جیہڑی فائل بݨدی ہے، ایندا ایکسٹنشن (extension) ہوندے : dwg ۔ دیگر تمام CAD پیکجز کیتے وی ایہو ایکس ٹنشن Default Standard قرار پایا ہے۔ ویسے آٹو کیڈ دے ذریعے ' dxf ' ایکس ٹنشن والی فائل وی بݨ سڳدی ہے، جیہڑی صرف ASCII text تے مشتمل ہوندی ہے تے دیگر سافٹ وئیرز مثلاً فلیش (Flash) یا کورل ڈرا یا پینٹ شاپ پرو وچ ایکسپورٹ کریج سڳدی ہے۔ ایندے علاوہ آٹوکیڈ دی ڈرائینگ کوں 'EPS' فارمیٹ وچ وی ایکسپورٹ کریج سڳیندے۔

حساب و پیمائش دے لحاظ نال بالکل درست ڈرائنگ تیار کرنا AutoCAD دی ہک عمومی خاصیت ہے۔ کیونکہ AutoCAD، پیمائش دی اکائی (Units of measurement)، اسکیل (Scale) تے کاغذ دے سائز کوں مدنظر رکھ کے ڈرائنگ دی تخلیق کریندے۔ اور ڈرائنگ اِیں حد تک درست (accurate) ہوندی ہے کہ ایندے print-out دی بنیاد تے عمارتاں / صنعتی کار خانے (Factories) وجود وچ آندن۔ AutoCAD ہر چند کہ ' اڈوب فوٹو شاپ ' یا ' کورل ڈرا ' دی طرح خالصتاً گرافکس دا سافٹ وئر نی  بلکہ ایہ انجینئری ڈیزائن دے Line-Art نال تعلق رکھݨ والا پروگرام یا اپلی کیشن (Application) ہے۔ اس دے باوجود، ایندے استعمال کنندگان وچ جتھاں زیادہ تر سول انجینئر، آرکیٹکٹ، می
مکینیکل / الکٹریکل انجینئر، ایرو ناٹیکل انجینئر تے نقشہ ساز نظر آندن، اتھائیں مختلف پیشہ ورانہ شعبہ جات وچ وی ایندا استعمال عام ہے۔

AutoDesk Inc اُوں قابل تحسین کمپنی دا ناں ہے جیں نے CAD دی دنیا وچ سب توں پہلے AutoCAD کوں متعارف کرایا ہیئ تے اڄ وی AutoCAD دے جملہ حقوق ہیندے ناں محفوظ ہن۔ آٹوڈیسک انکارپوریشن دے مطابق ورژن ہسٹری کجھ ایویں ہے : دسمبر 1982 ء وچ آٹو کیڈ دا سب توں پہلا ورژن، یعنی Ver.-1.0 ریلیز کیتا ڳیا ۔ آٹو کیڈ دی ریلیز 8 کوں  Ver.-2.6 دا ناں ݙتا ڳیا ، جیہڑا اپریل 1987ء وچ لانچ تھیا تے ول ریلیز 9،  Ver.-9 ہی دے ناں نال ستمبر 1987ء وچ لانچ کیتا ڳیا۔ ہیں طرح ، Ver.-10، اکتوبر 1988ء وچ، Ver.-12، جون 1992ء وچ، Ver.-14، فروری 1997ء وچ، Ver.-2000، مارچ 1999ء وچ  تے Ver.-2006، مارچ 2005ء وچ جاری کیتے ڳئے۔ اِنہاں تمام versions وچ 10، 12، 14، 2000، 2006 نے دیگر versions دے مقابلے وچ زیادہ مقبولیت پاتی تے انہاں دا استعمال وی زیادہ تھیا۔ مارچ 2009ء وچ آٹوکیڈ دا ورژن AutoCAD-2010۔ منظر عام تے آیا تے ایں طرح ایندے وچ مزید تبدیلیاں نال نویں ورژنز دی آمد دا سلسلہ جاری اے۔

معیار اور مقدار ، آٹو کیڈ اِنہاں ݙوہاں دے معاملے وچ کافی اڳاں ہے۔ مثلاً اگر ساکوں کہیں گھر دا بݨا بݨایا پلان مختصر تبدیلی دے نال دوبارہ پرنٹ کر کے ݙیوݨے تاں اساں منٹاں وچ تبدیلی دا کم کرکے ڈرائنگ دا پرنٹ آؤٹ کڈھ سڳدے ہیں۔ ہتھ ن ڈرائنگ بݨاوݨ یعنی Manual Drafting وچ جتنا وقت تے پیسہ ضائع تھیندا ہے، آٹوکیڈ دا استعمال ایں کوں ناقابل یقین حد تک گھٹیندے۔ مسلسل یا متعدد مرتبہ تے تیزرفتاری دے نال اگر کہیں چیز دی نقل بمطابق اصل (Duplicate) بݨاوݨی ہووے تاں ایں کم وچ آٹوکیڈ حیرت انگیز طور تے ساݙا بہترین معاون ثابت تھیندے۔ ایندی ہک مثال :  تہاݙے گھر دے نقشے وچ ترئے عدد بیت الخلاء (Toilet) بݨائے ڳن تے تریہے نقشہ جات وچ ہک مخصوص مقام تے تہاکوں مشرقی کموڈ ݙکھاوݨے تاں ایہ کم آٹوکیڈ کیتے سیکنڈاں دا ہے۔ دراصل آٹوکیڈ، ڈرائنگ وچ موجود ہر قسم دی شے کوں اپݨی میموری وچ محفوظ رکھدا ہے تے دوبارہ طلب کیتی ونڄݨ والی شے کوں ہک ہی command تے اوہ صحیح مقام یعنی بالکل درست dimension تے ٻلہا ݙیندے۔ کاغذ تے کوئی پیچیدہ قسم دے مشینی پرزے دی ڈرائنگ بݨاوݨی بے تحاشا دقت طلب کم ہوندا ہے کیونکہ پیمائش دا حساب کتاب تے reference point توں خاص حصیاں دی پیمائش بہت وقت طلب کم ہوندے، جبکہ ایں معاملے وچ آٹوکیڈ اپݨے خودکار Math-Processor دے سبب تہاکوں حساب کتاب کرݨ دی زحمت چاوݨ نی ݙیندا۔ Zoom-In تے Zoom-Out دی مسلسل دستیاب سہولت دی بنیاد تے اساں ڈرائنگ دے کہیں وی پسندیدہ حصے کوں ساری اسکرین تے نمایاں کر کے اُوں خاص حصے کوں بآسانی تبدیل یا Edit کر سڳدے ہیں۔ ݙو بُعد (یعنی 2-Dimension )، یعنی طول (Length) تے عرض (Width) دے علاوہ آٹوکیڈ وچ اَبعادِ ثلاثہ (3-Dimension) دی ڈرائنگ وی بݨاوݨ دی سہولت حاصل ہے۔ تے 3D Object کوں render وی کر سڳدن۔ تے ول ہیں Rendered Object کوں کہیں وی گرافکس پروگرام کیتے بطور image فائل ایکسپورٹ کریج سڳیندا ہے۔




#Article 72: آپریشن جبرالٹر (322 words)


پاک فوج دی جانب توں اگست 1965ء وچ مقبوضہ کشمیر وچ کیتا ونجݨ والا آپریشن جس وچ تربیت یافتہ کمانڈوز تے مجاھدین کوں مقبوضہ وادی وچ لانچ کیتا گیا ہئی۔ بھارتی فوج دی جانب توں درگاہ حضرت بل دی بے حرمتی نے کشمیری مسلماناں وچ شدید غم و غصہ پیدا کیتا ہویا ہئی۔ مقبوضہ وادی دی حیثیت نال متعلق بھارتی پارلیمان وچ پیش تھیوݨ والے قانون دی وجہ نال وی کشمیری مسلماناں وچ شدید اضطراب دی کیفیت ہئی تے اوہ آزادی دے کیتے تیار نظر آندے ہن ایہ مقبوضہ وادی دی اوہ صورت حال ہئی جس نال  نے فائدہ چاوݨ دا فیصلہ کیتا ۔ 

میجر جنرل اخترملک دے زیر کمان چھی توں اٹھ ہزار کمانڈوز تے مجاہدین کوں مقبوضہ کشمیر وچ داخل کیتا گیا تے انہاں دی جانب توں کیت ونجݨ والی کاروائیاں وچ بھارتی فوج دے ہیڈ کواٹر تے حملہ، مقبوضہ وادی دے اہم پلاں کوں اݙاوݨ، بھارتی فوج دے قافلیاں تے گھات لا کے حملے۔ بھارتی فوج دے اسلحہ دے ڈیپواں کوں تباہ کرݨا شامل ہئی۔مگر کہیں ٹھوس منصوبہ دے نہ ہووݨ دے کارݨ اے آپریشن ناکامی تے ختم تھیا.

اس آپریشن دی سب توں وݙی خامی ایہ ہئی کہ بر سر پیکار کمانڈوز تے مجاھدین کوں عقب تون کمک پہنچاوݨ تے سرینگر تک قبضے تک اس آپریشن کوں جاری رکھݨ دے بارے وچ کوئی منصوبہ بندی نہ کیتی گئی۔ ایہا وجہ ہے کہ کمانڈوز تے مجاھدین نے اپݨا مقصد تاں حاصل کر کے وقتی طور تے بھارتی فوج کوں حیران کر ݙتا ہئی لیکن کمک دی عدم دستیابی تے ݙوجھے عوامل نے انہاں کوں باقاعدہ افواج دے سامݨے بے وس کر ݙتا ہئی۔ ماسواے غزنوی فورس دے جیہڑی کہ ميجر منور دی کمان وچ راجوری دے علاقے وچ داخل کیتی گئی تے راجوری، بدھل، تھانہ منڈی تے مينڈھر دے علاقیاں وچ بھارتی فوج کوں شکست ݙے کے قابض تھی گئی ،کوئی وی فورس اپݨا ہدف حاصل کرݨ وچ کامياب نہ تھی سڳی. تے اے آپریشن ناکامی نال دوچار تھیا.




#Article 73: آپریشن زی (223 words)


پرل ہاربر حملہ (انگریزی: Pearl Harbor attack، دیگر ناں: ہوائی آپریشن یا آپریشن زی) 7 دسمبر 1941ء کوں جاپانی شاہی بحریہ دے پہلے ہوائی ٻیڑے دی جانب توں امریکہ دے جزائر ہوائی وچ پرل ہاربر دے بحری اڈے تے اچانک کیتا گیا حملہ ہئی جس دا مقصد ݙوجھی جنگ عظیم دے دوران بحر الکاہل وچ امریکی فوج تے بحریہ دے ٻیڑے کوں بدستور غیر جانبدار رکھݨا ہئی۔ پرل ہاربر، ریاست ہوائی دے جزیرے اواہو تے حملے دی زد وچ آوݨ والی عسکری تے بحری تنصیبات وچوں ہک ہئی۔

اس حملے وچ جاپان دے 6 طیارہ بردار بحری جہازاں نال اݙݨ والے 353 ہوائی جہازاں نے حصہ گھدا۔ حملے دے نتیجے وچ امریکا دے 8 بحری جہاز تباہ تھئے تے 9 کوں شدید نقصان پہنچا۔ 188 طیارے مکمل طور تے تباہ تھی گئے جبکہ 2403 امریکی فوجی تے 68 شہری ہلاک تھئے۔ البتہ بحر الکاہل کیتے امریکی بحری ٻیڑے دے ترے طیارہ بردار جہاز اس وقت بندرگاہ تے موجود نہ ہن اس واسطے انہانکوں کوئی نقصان نہ پہنچا۔

حالانکہ ابتداً اینکوں جاپان دی ایک زبردست فتح سمجھا ویندا پیا ہئی لیکن طویل المیعاد طور تے حکمت عملی دے اعتبار نال ایہ حملہ جاپان دی ہک فاش غلطی ثابت تھیا کیونکہ اس نال امریکا کوں جنگ عظیم دوئم وچ سٹ کڈھاوݨ دا موقع ملا تے ایویں جنگ دا پانسا اتحادیاں دے حق وچ پلٹ گیا۔




#Article 74: آپریشن نیمیسس (218 words)


آپریشن نیمیسس (انگریزی: Operation Nemesis) سن 1920ء دی دہائی وچ وفاقِ آرمینیائی انقلاب (Armenian Revolutionary Foundation) دا تیار کردہ منصوبہ ہئی جس دق مقصد مبینہ آرمینیائی قتل عام وچ شریک ترکی دی اعلٰی ترین شخصیات کوں قتل کرنا ہئی۔ اس آپریشن دا ناں انتقام دی یونانی دیوی نیمیسس (Nemesis) دے ناں تے رکھا گیا۔ اس آپریشن کوں آرمینیائی نیورمبرگ (The Armenian Nuremberg) وی آکھا ویندا ہے۔

آپریشن دا فیصلہ 27 ستمبر توں اکتوبر 1919ء دے آخر تک یریوان وچ تھیوݨ والی وفاق آرمینیائی انقلاب دے نویں عمومی اجلاس دے موقع تے کیتا گیا۔

فیصلے دے مطابق جیہڑا سیاہ فہرست (Black list) تیار کیتی گئی.  اس وچ 200 افراد دے ناں شامل ہن جنہاں تے آرمینیائی باشندیاں دے مبینہ قتل عام دے الزامات ہن۔ طلعت پاشا کوں اولین ہدف قرار ݙتا گیا۔

اس آپریشن وچ نوجوانان ترک دی حکومت دے سابق وزیر داخلہ طلعت پاشا 15 مارچ 1921ء کوں برلن وچ، سابق وزیر دفاع جمال پاشا کوں 25 جولائی 1922ء کوں طفلس وچ تے سابق وزیر اعظم سید حلیم پاشا کوں 5 دسمبر 1921ء کوں روم وچ موت دے گھاٹ اتار ݙتا گیا۔ ایہ اس آپریشن وچ قتل تھیوݨ والی اعلٰی ترین شخصیات ہن۔ انہاں دے علاوہ نوجوانان ترک حکومت دے اہم اراکین وی اس آپریشن وچ قتل تھئے جبکہ مبینہ غداراں تے جاسوساں کوں وی ٹھکاݨے لایا گیا۔




#Article 75: آپریشن پلم باب (185 words)


آپریشن پلم باب (Operation Plumbbob) امریکا دی طرفوں ایٹمی دھماکیاں دی ہک سیریز ہے جیہڑی 28 مئی توں 7 اکتوبر 1957ء تک کیتے گئے۔

آپریشن پلم باب دے تحت 19 جولائی 1957ء کوں جیہڑا ایٹمی دھماکا کیتا گیا اوہ جان شاٹ سݙیندا اے۔ 19 جولائی 1957 کوں 6 آدمی بشمول ہک کیمرا مین نیواڈا وچ گراؤنڈ زیرو تے کھڑے تھئے۔ انہاں دے 3000 میٹر دی بلندی تے ہک ایٹمی دھماکا کیتا گیا، جس دی طاقت 2 کلو ٹن ٹی این ٹی دے برابر ہئی۔ 5 رضاکار تے ہک کیمرا جیہڑا رضا کار نہ ہئی، دھماکے دے مقام دے تلے بغیر حفاظتی اقدامات دے کھڑے اپݨی فلم ٻݨویندے تے بݨیندے پئے ہن۔

اس تجربے دا مقصد امریکی عوام کوں ݙسݨ ہئی کہ ایٹم بم زیادہ خطرناک نی ہوندے، انہاں توں خوفزدہ تھیوݨ دی ضرورت نی۔ دھماکے نال بہت تیز روشنی تے شدت دی آواز پیدا تھئی، جس انہاں تمام افراد کوں پریشان کر ݙتا۔ سب دا خیال ہئی کہ تجربہ کامیاب تھیا ہے مگر جلد ہی ایہ 6 افراد کینسر دا شکار تھی گئے۔ انہاں وچوں کجھ 80 دی دہائی تک وی زندہ ریہے ۔ ۔




#Article 76: آپریٹنگ سسٹم (209 words)


آپریٹنگ سسٹم، کمپیوٹر نظام دا ک سافٹ ويئری جُز ہے۔ ایہ سافٹ ويئر کمپیوٹر دی سرگرمیاں دے انتظام و ہم آہنگی تے کمپیوٹری وسائل دی شراکت داری دا ذمہ دار ہوندا ہے۔ ایہ نظام، کمپیوٹر تے چلݨ والے اطلاقی پروگرام کیتے میزبان دے طور تے کم کریندا ہے۔ بطورِ میزبان، کمپیوٹر ہارڈویئر دی تفاصیل دی تضبیط اِس نظام دے مقاصد وچوں ہک ہے، جس دی وجہ نال اطلاقی پروگرام کوں اِنہاں تفاصیل کوں قابو وچ رکھݨا نی پوندا تے اطلاقیات دی تصنیف آسان تھی ویندی ہے۔ قریباً تمام کمپیوٹر بشمولِ لیپ ٹاپ، بَرمیزی شمارندے، سپر کمپیوٹر تے حتٰی کہ جدید ویڈیو گیم کنسول (Video game consoles) وی کہیں قسم دے عملیاتی نظام اِستعمال کریندے ہن۔

معاملات دی حالت 1960 ء تک جاری رہی جݙݨ آئی بی ایم، پہلے توں ہی ہک معروف ہارڈ ویئر دے فروغ نے، موجودہ نظام تے کم بند کر ݙتا تے مشیناں / سسٹم دی سیریز دے سلسلے وچ انہاں تمام کوششاں کوں روک ݙتا، جنہاں وچوں سبھے انہاں ہدایات تے ان پٹ / آؤٹ پٹ فن تعمیر دا استعمال کریندے ہن . آئی بی ایم نے نویں ہارڈ ویئر کیتے ہک ہی آپریٹنگ سسٹم تیار کرݨ دا ارادہ کیتا، OS / 360. OS / 360 دی ترقی وچ سامݨا کرݨ والے مسائل افسانوی ہن.  




#Article 77: آکسیجن (243 words)


'آکسیجن ہک کیمیائی عنصر ہے جس دا جوہری نمبر 8 ہے تے اینکوں انگریزی حروف تہجی دے حرف O نال ظاہر کیتا ویندا ہے۔ عام طور تے اساں اکسیجن کوں نی ݙیکھ سڳدے کیونکہ ایہ ہک بے رنگ، بے سواد تے بے بو گیس ہے۔ اس دی تلاش، حصول یا ابتدائی تعلیم وچ جے پريسٹلے تے سی ڈبلیو شے لے نے اہم کم کیتا ہے۔ ایہ ہک طبعی عنصر ہے۔ 1772ء وچ کارل شيلے نے پوٹاشيم نائٹریٹ (KNO3) کوں گرم کر کے اكسيجن گیس تیار کیتی، لیکن انہاں دا ایہ کم سن 1777ء میں شائع تھیا۔ 1774ء وچ جوزف پرسٹلے نے مركيرك آكسائیڈ (HgO) کوں گرم کر کے اكسيجن گیس تیار کیتی۔ اے نٹوني لے ووجير نے اس گیس دی خصوصیات کوں بیان کیتا تے اس دا ناں اكسيجن رکھا، جس دا مطلب ہے تیزاب پیدا کرݨ یا بݨاوݨ والا. 

آكسيجن زمین دے مختلف مادیاں وچ ہوندی ہے تے اصل وچ دیگر عناصر دے مقابلے وچ اس دی مقدار سب توں زیادہ ہے۔ اكسيجن ہوا وچ آزاد طور تے ملدی ہے تے تجربیاں دے مطابق ایہ کرۂ ہوائی دا تقریباً پنجواں حصہ ہے۔مرکبات جیویں کہ پاݨی تے ݙوجھی معدنیات دا وی اکسیجن اہم حصہ ہے۔ اس دے علاوہ آکسیجن پودیاں تے جانوراں کیتے وی ضروری ہے۔

کئی قسم دے آکسائیڈز (جیویں پارہ، چاندی وغیرہ دے ) یا (لیڈ، مینگنیج، بیریم) تے اكسيجن والے بہت سارے نمک (جیویں پوٹاشيم نائٹریٹ، كلوریٹ، پرمیگنیٹ تے ڈائ كرومیٹ) کوں گرم کرݨ نال اكسيجن حاصل تھی سڳدی ہے۔ 




#Article 78: آݙو بھگت (557 words)


روھی تے ساݙے  وسیب  ءچ فریدݨ سئیں دیاں کافیاں ڳانوݨ والے ھک ٻہوں وݙے فن کار دی موت ـ لوک موسیقی دا ھک ٻیاء باب بند ـ ...وݙا آݙو بگھت وی ٹُر ڳئے ـ ـ  حضرت خواجہ غلام فریدؒ سئیں دیاں کافیاں ڳانوݨ والا روھی دا ٻہوں وݙا فن کار تے نامور صدارتی ایوارڈ یافتہ گلوکار فقیرا بھگت سمیت ،،روھیلے گلوکاریں ،،دا استاد سادہ دل تے بے ضرر انسان  آݙو بھگت جھوک لݙا ڳئے ـروھی ءچ خواجہ سئیں دیاں کافیاں ڳانوݨ والا اپڑیں فن ءچ بے مثال تے یکتا فن کار دی موت نال فقیرا بھگت دے بعد  لوک موسیقی دا ھک ٻیاء باب وی بند تھی ڳئے ـ آکھیاء ویندے جو موسییقی روح دی غزا اے تے بلا مزھب ،رنگ ،نسل ھر قوم قبیلے تے ریاست ءچ ایندا اپڑاں رنگ اے ـ آݙو بھگت وݙا ھووے یا آݙو بگھت چھوٹا فقیرا بھگت ھووے یا اوندا جانشین تے پڳ دا وارث موھن بھگت اے او لوک ھن جنہاں روھی ءچ رھندیں ھوئیں اپڑیں روھی دے ساز بنڑائن اپڑیاں سُراں تے دُھناں بنڑائین ـ اے او لوک ھن جنہاں کہیں ٻی ݙوجھی ثقافت یا دور جدید دی بے ربط تے بے ھنگم موسیقی تے سازیں دی نقالی نہیں کیتی تے فریدݨ سئیں دے اکھاݨ مطابق ،،اپڑیں نگری آپ وسا توں ،،تے عمل کریندیں ھوئیں فطرت تے حقیقت دے نال نال ٹُردے پئین ،حکومتی سرپرستی نا ھونوݨ دے باوجود ،سرائیکی قومیتی ثقافتی تحریکیں دے اڳوانڑیں دی بے غوری تے عدم توجہی دے باوجود اپڑیں مستی ءچ مست اے لوک اپڑیں نگری آپ وسائی پئین ـ تحصیل لیاقت پور دے شہر فیروزہ کنوں پل چک 37،،کنڈا خواجہ والا ،،جھوک فریدؒ جتھاں خواجہ فرید ؒ فاونڈیشن دی طرفوں. فروری مارچ ءچ سالانہ روھی اـمن میلہ وی تھیندےـ اوندے نال ای اے لوک وسندڑ ھن ـ سادگی شرافت تے مہمان نوازی ءچ وی کمال رکھدن ـ وݙے آݙو بگھت دے جھوک لݙاوݨ تے انہاں دی پوری برادری ،سنگت ساتھ ،شاگردیں تے خاص طور تے موھن بھگت نال ارمان کریندوں. آمدݨ خیر دی ھووے ،شالا خیر  ـ وسدی رھے فریدݨ سرکار دی رنگ رنگیلڑی روھی تے نِت  شاد تے آباد رھن روھیلے ـ جیوے سرائیکی وسیب

شاعر  صوفی تاج گوپانگ

۔

توں گائیک ساڈے وسبے دا گر سر دا پکا

توں استاد دلیں دا

تیڈے گیتیں دی چس رس ھے

پکھیاں دے چلکارے وانگوں

بھگت فقیر کوں اینجھی کافی جھول پلایو

اینجھی رمز ڈسایو اونکوں

ہند سندھ وچ مشہور تھیا او

اوندی کافی دے ہر انگ دا

لڳا جمل جہان اچ نعرہ

سݨ حیران تھیا جگ سارا

سن 47 دی بھاجڑ وچ قدم ٹکائے تیں

پیر فرید دے کنڈے کوں تیں کنڈ نہ کیتی

وسبے دی درسال نہ چھوڑی

دھرم نہ چھوڑیا بھرم نہ ویچیا

لاج رکھیو اپݨی پیڑھی دی

تیڈے من وچ وسدے ریہے

پیر ، پتھورو  ، مرشد ،  رامے

صوفی دا ایمان پیا اوں توں اکھواوے

نرگ تے نار حرام اوں تن تے

جیں ہک کافی خواجے سئیں دی نال سرود دے ڳانوی

کیوں جو کافی غنچا ھے ہک باغ ارم دا

کافی ھے الہام عجم دا

متراں کوں مویا آکھݨ وی دل نئیں  اہدا

موت فرشتہ  ازل کنوں ھے زندگی دا بے رحم شکاری

ایندا  وار تاں ہر وزبر تے  ضرب ھے کاری

اے کئی گیت سنگیت نہ ڈیکھے

میت پریت نہ ڈیکھے

ہار تے جیت نہ ڈیکھے

رات کوں راخس روپ بݨا تے

موت مریندی دھاڑے

سجھ ابھریے تاں بݨ میراثݨ گھر گھر نچے

ساہ دی ویلھ اگاڑے




#Article 79: اباضیہ (504 words)


اسلام دے ہک اعتقادی فرقے خوارج دی ہک شاخ جیہڑی ہک رہنما عبداللہ بن اباض نال منسوب ہے۔ عقیدہ اے ہے کہ غاصب تے ظالم حاکم دے خلاف جنگ و جدال وچ اٹھ کھڑا تھیوݨ مذہبی فریضہ ہے۔ لہذا او بنو امیہ دے خلاف بار بار اٹھدے ریہے، اتھاں تک کہ مسلسل جنگ و جدال نے خود انہاں کوں صفحہ دنیا توں مٹا ݙتا۔ عبداللہ بن اباض نے تشدد دے بجائے رواداری برتی ہئی۔ اس واسطے اس دے پیروکار اج دے اس دور تک وی  اباضی فرقے دے پیروکاراں سے طور تے بچ گئے۔
اباضی ݙوجھی صدی ہجری وچ شمالی افریقا دی طرف نکل گئے ہن۔
اباضی زیادہ تر الجزائر دے علاقہ میزاب تے عمان وچ آباد ہن۔

مذہب اباضیہ کوں عام طور تے عبداللہ بن اباض تمیمیؒ دی طرف منسوب کیتا ویندے، جنہاں دی وفات ۸۰ھ وچ تھئی.  جبکہ علمی تے فکری اعتبار نال اس دا سرچشمہ ابوالشعثاءؒ کوں قرار ݙتا جاتا ہے۔ ابوالشعثاء جابر بن زیدؒ،  متوفی ۹۳ھ محدث، فقیہہ تے حضرت ابن عباس دے شاگرد ہن، دیگر مسالک دی طرح اباضیہ دے کول وی مسائل دے استنباط دے خاص مناہج تے فقہی اصول وضوابط ہن۔ فرقہٴ اباضیہ کوں ”اہلِ دعوت، اہل استقامت تے جماعة المسلمین“ دے نانواں نال وی ڄاݨا ویندا رہا ہے.

مشہور اباضی علماء وچ جنھاں کوں مرجعیت حاصل رہی ہے،  ابراہیم اَطّفش الجزائریؒ تے ابراہیم بن عمر بیوض الجزائری ہن۔ یہ ݙوہیں اباضیت وچ متشدد نی ہن، حتیٰ کہ آخرالذکر دے بارے وچ بعض  نے دعویٰ کیتا ہے کہ مرݨ توں پہلے انھاں نے اباضیت توں توبہ کرکے مالکی مسلک اختیار کیتا ہئی.  اگرچہ اباضیین اس دی سختی نال تردید کریندے ہن۔ خوارجِ اباضیین دے ہاں معتمد تے مستند کتاباں وچ، عقیدہ وچ نورالدین سالمیؒ دی مشارق الانوار، اصول فقہ وچ طلعة الشمس، فقہ وچ محمد اظفیشؒ دی شرح النبیل و شفاء العلیل،  سعدیؒ دی قاموس الشریعة تے احمد کندیؒ دی المصنف جیہی کتاباں ہن. جبکہ حدیث وچ مسند الربیع بن حبیبؒ کوں اتنی زیادہ اہمیت ݙے رکھی ہے کہ اوہ اینکوں اصح الکتب دے بعد کتاب اللہ دا مصداق تے صحیح بخاری و صحیح مسلم توں فائق قرار ݙیندے ہن۔

اس وقت خوارجِ اباضیین دی بڑی تعداد الجزائر، تونس، لیبیا، مشرقی افریقہ تے سلطنت عمان وغیرہ وچ آباد ہے۔ عمان کوں انہاں دی مذہبی تے فکری سرگرمیاں دا مرکز قرار ݙیویج سگدا ہے کیوں کہ ہک اندازے دے مطابق اتھوں دے پچھتّر فیصد باشندے اباضی ہن۔ شیخ ابوزہرہ مصری فرمیندے ہن کہ ایہ فرقہ خارجیاں وچ سب توں معتدل تے فکر ورائے وچ عام اہل سنت مسلماناں نال زیادہ قریب، غلو تے انتہاپسندی توں الگ ہئی، نیز اوہ لکھدے ہن کہ ایہا وجہ ہے کہ عالمِ اسلام دے بعض اطراف وچ یہ ہݨ تک موجود ہن۔“ (تاریخ المذاہب الاسلامیہ مترجم: ۱۰۷)
یاقوت حمویؒ نے وی اپݨے دور دے باشندگان عمان دی اکثریت کوں اباضی قرار ݙتا ہے، اوہ آہدے ہن:

ترجمہ: ساݙے زمانے وچ عمان فے اکثر باشندے اباضی خوارج ہن تے سوائے کہیں اجنبی نووارد شخص دے اباضیہ دے علاوہ فرقے کوں منݨ والا کوئی شخص نی تے اباضیین اپݨے عقائد کوں لکیندے وی نی ۔




#Article 80: ابان بن سعید بن العاص (233 words)


ابان بن سعیدبن العاص صحابی رسول تے مکہ مکرمہ دے خاندان قریش دی سرکردہ شخصیت ہن. 

 
ابان ناں، سلسلہ نسب ایہ ہے، ابان بن سعید بن العاص بن امیہ بن عبد شمس بن عبد مناف بن قصی بن کلاب بن مرہ بن کعب بن لوی القرشی الاموی، ماں دا ناں ہند بنت مغیرہ ہئی، انہاں دا سلسلۂ نسب پنجویں پشت تے عبد مناف تے آنحضرتﷺ نال مل ویندا ہے۔کجھ عرصے تک آبائی مذہب دی لاج تے ہم چشماں دی طعنہ زنی دے خیال توں خاموش ریہے لیکن زیادہ ݙینہاں تک جذبہ حق نہ دب سکا تے غزوہ خیبر توں پہلے مشرف باسلام تھی گئے تے اسلام دے بعد ہی ہجرت دی سعادت وی حاصل کیتی۔

اسلام گھناوݨ دے بعد ہی آنحضرتﷺ نے ہک سریہ دا امیر بݨا کے نجد روانہ کیتا، اتھوں کامیاب تھی کے واپس تھئے تاں خیبر فتح تھی چکا ہئی، ہوں وقت ابوہریرہ وی مہاجرین حبش دے نال واپس تھئے ہن، ݙوہاں نے عرض کیتی یا رسول اللہؐ خیبر دے مال غنیمت توں کجھ اساں لوگاں کوں وی مرحمت تھیوے، انہاں وچ تے ابوہریرہ وچ پہلے توں کجھ مخالفت ہئی، انہاں نے آکھا یا رسول اللہؐ انہاں لوگاں کوں نہ ݙیواہے، ابان کوں غصہ آ گیا بولے پہاڑ دی بھیݙی لتھی » (بلی توں چھوٹا ہک جانور) اوہ وی بولی!آنحضرتﷺ نے ݙوہاں کوں خاموش کیتا۔ نجد دی مہم دے علاوہ انہاں کوں ݙوجھے سریاں دی امارت وی عطا کیتی گئی۔




#Article 81: ابان بن عثمان (332 words)


ابان بن عثمان (عربی نام:  أبان بن عثمان بن عفان الأموي القرشي)  ابان بن عثمان بن عفان بن ابو العاص بن امیہ بن عبد شمس اموی قریشی، آپ دی والدہ عمرو بنت جندب بن عمرو دوسی ہن، کنیت ابو سعید۔ آپ دی جائے پیدائش و وفات مدینہ منورہ ہے. 

سیرت و مغازی وچ سب توں پہلے تالیف کرݨ والیاں وچ ابان بن عثمان دا ناں آندا ہے انہاں دی ولادت 20ھ تے وفات 100ھ ہے تابعین وچ انہاں نے حدیث فقہ تے مغازی دے عالم دی حیثیت نال شہرت پاتی۔ مغازی دی سب توں پہلی کتاب انہاں نے مرتب کیتی جینکوں مغیرہ بن عبد الرحمن نے روایت کیتا ہئی.  مغیرہ بن عبد الرحمن نے کجھ مغازی ابان بن عثمان توں روایت کیتے ہن تاریخ یعقوبی نے وی اس دا ذکر کیتا ہے بعد دے سیرت نگاراں نے بطور سیرت نگار دی بجائے بطور راوی انہاں دا ذکر کیتا انہاں کوں صاحب المغازی توں زیادہ شہرت بطور محدث مسلمہ ہے کیونکہ انہاں دے پتراں عبد الرحمن، ابو الزناد تے الزہری نے انہاں توں روایت کیتی ہے۔

مغازی وچ انہاں دی اصطلاحی معناں وچ کتاب نہ ہئی بلکہ سیرت دے بارے وچ اخبار دا مجموعہ ہئی۔ اس مجموعے توں وی اڳوں کجھ منتقل تاں نہ تھا لیکن اس مجموعے نے ابان بن عثمان کوں مغازی یا سیرت دا پہلا مؤلف بنا ݙتا ۔
کبار تابعین وچ آپ دا شمار تھیندے،جنگ جمل وچ عائشہ رضی اللہ عنہا دا ساتھ ݙتا، مدینہ دے ݙاہ فقہا وچوں ہک ہن ،بہت کم احادیث آپ توں مروی ہن،سیرت نبوی دے موضوع تے سب توں پہلے انہاں نے ہی لکھا، انہاں دی کتاب المغازی عہد اسلام دی قدیم کتب وچ شمار تھیندی ہے۔ عبدالملک بن مروان دے زمانے وچ83-76ھ تک مدینہ منورہ دے گورنر ریہے۔ 83ھ وچ معزول تھئے۔ بقیہ زندگی امارت وسیاست توں دور ریہے،علم کیتے اپݨے آپ کوں پوری طرح وقف کر ݙتا ہانے۔ آخر عمر وچ آپ کوں فالج تھی گیا تے تھوڑا جیہا ݙورا پن آ گیا ہئی۔ سن 105ھ وچ آپ دا انتقال تھی گیا۔




#Article 82: ابرار (207 words)


	
ابرار سرائیکی زبان دا شاعر ہے۔
 

 

 
دستور فراق دی دنیا دا رت پی کے جگر دی چس لیندائے.
 
جہڑی رُنیاں ای پوری نہی ھوندی انسان نوں اتنڑی کس لیندائے.
 
بھُلا ودا ایں توں ابرار دا دل کر نبیاں نوں بے وس لیندائے.

یوسف دا ہجر یعقوب جیہاں توں اکھیاں دا چاننڑ کھس ای لیندائے.

متهے لگ بیمار دے ساہاں دا ضامن ۔ توڑے آ کے واپس ول ونج

میں تاں سئے سمجهایا اے اکهیاں نوں ۔ دس لڑهدی ہنج دے حل ونج

تے ہنڑ ہسڑ ابرار مریندی پئی اے ۔ کجھ آپ اودر نوں ٹهل ونج

تیرے بنڑ ڈٹهیاں پیا مردا هاؤں ۔ او جیڈا شیر خدا دا ایں ٹل ونج

میں تاں غربت نوں استاد سمجھیناں

جس وڈے وڈے سبق سکھائے چا

..

اس سجنڑ دے روپ اچ دشمنڑاں دے 

مونہوں نقلی پردے لاھے چا 

..

ارمان لاچار نوں بہوں ہویائے 

رکھ دل تے سل منوائے چا 

..

لئے کاغذ ناں کر شاعری دا 

سارے دکھ ابرار لکھائے چا

لگے کلر جے سنگت دے ایریاں تے مضبوط چوبارے ہل ویندن 

سوکے کاٹھ دے وانگوں بندیاں نوں لگے گھونڑ تاں اندروں گل ویندن

ڈٹھے وقت دے شاہ وی پھاسی لگدے جداں بخت دےساۓ ڈھل ویندن

کوئ بشر ابرار غریب نہ ہووے بندے غربت ویکھ کے مل ویندن




#Article 83: ابراہام ڈی موافر (125 words)


ابراہام ڈی موافر،  فرانسسی ریاضی دان ہئی جیہڑا 26 مئی 1667ء کوں فرانس وچ پیدا تھیا۔ ایں دی وجہ شہرت ڈی موافر کلیہ ہے۔ اوہ آئزک نیوٹن،  ایدمنڈ ہیلی تے جیمز اسٹرلنگ دا دوست ہئی۔ اوں نے نظریۂ احتمال تے ہک کتاب وی لکھی۔ جیویں جیویں اُوں دی عمر ودھدی گئی اوہ زیادہ تھکدا گیا تے اُونکوں سمہݨ کیتے زیادہ وقت درکار تھیوݨ لگا۔ اُوں نے مشاہدہ کیتا کہ اونکوں ہر رات 15 منٹ زیادہ سمہݨا پوندا ہے۔ اُوں نے اپݨی موت دے ݙینہ دا صحیح تخمینہ لایا کہ جیں ݙینہ اونکوں سمہݨ کیتے 24 گھنٹیاں توں زیادہ وقت درکار ہوسی اوں ݙینہ او مر ویسی. آخر کار اوندے تخمینے دے تقریباً مطابق 27 نومبر 1754ء کوں لندن انگلستان وچ اُوں دا انتقال تھی ڳیا۔




#Article 84: ابراہیم اسماعیل چندریگر (155 words)


ابراہیم اسماعیل چندریگر پاکستانی سیاست دان، 1897ء وچ احمد آباد وچ پیدا تھئے۔ آپ نے ممبئی یونیورسٹی توں قانون دی ڈگری حاصل کیتی تے احمد آباد وچ وکالت شروع کیتی۔ 1924ء وچ احمد آباد میونسپل کارپوریشن دے رکن بݨے تے 1937ء وچ بمبئی اسمبلی دے رکن چݨے گئے۔ اگلے سال بمبئی اسمبلی وچ مسلم لیگ پارٹی دے ڈپٹی لیڈر منتخب تھئے۔ 1940ء توں 1945ء تک بمبئی مسلم لیگ دے صدر وی ریہے۔ 1947ء وچ جݙݨ مسلم لیگ ہندوستان دی عارضی حکومت وچ شامل تھئی تاں لیگ سے نمائندے دی حیثیت نال وزارت تجارت دا قلمدان انہاں دے سپرد کیتا ڳیا۔ اوں سال جینوا وچ اتحادی قوماں دی تجارتی کانفرنس وچ برصغیر دی نمائندگی وی کیتی۔ آزادی دے بعد پاکستان دی مرکزی کابینہ وچ اگست 1947ء تا مئی 1948ء تے اگست 1955ء تا اگست 1956ء وزیر ریہے۔

فروری 1950ء تا نومبر 1951ء صوبہ سرحد دے تے نومبر 1951ء تا مئی 1953ء صوبہ پنجاب دے گورنر ریہے۔




#Article 85: ابراہیم الفزاری (179 words)


ابراھیم الفزاری دے ناں نال معروف ایں مسلم سائنسدان دا مکمل ناں ابو اسحاق ابراھیم بن حبیب بن سلیمان بن سمورہ بن جندب الفزاری ہے جنہاں دا زمانۂ تحقیقات تاریخی اندازیاں دے مطابق ماہرین نے اٹھویں صدی لایا ہے۔ دستاویزات دی تکمیل تے انسائیکلوپیڈیا دی مناسبت نال ایں ڳال دا ذکر وی ہک رسم دے طور تے کر ݙیوݨا ضروری ہے کہ انہاں دا پس منظر خالص عرب تے یا ول خالص فارسی ہوݨ دے بارے وچ درست تے حتمی معلومات نی ۔

خلافت عباسیہ دے دور وچ خلیفہ ہارون الرشید دے تحقیقاتی اداریاں نال وابستگی رہی۔ علم فلکیات تے تحقیق و تصنیف کیتیاں جنہاں وچ اسطرلاب تے سالنامہ دی ترتیب وی شامل ہن۔ ہارون الرشید دے آکھݨ تے یعقوب بن طارق دی شراکت وچ ہندوستانی فلکیاتی تحریراں دا عربی وچ ترجمہ کیتا، ایہ کتاب 750ء وچ بیت الحکمہ بغداد وچ الزیج علی سنی العرب دے ناں نال تکمیل کوںٻ پہنچی۔

انہاں دے بیٹے دا ناں وی مماثلت دے نال محمد الفزاری ہئی، جیہڑا خود وی اپݨی جگہ ہک فلکیات دان ہن۔ ابراھیم الفزاری دا انتقال 777ء وچ تھیا۔




#Article 86: ابراہیم بن ادھم (234 words)


خواجہ ابراہیم بن ادہم، بادشاہِ بلخ جنہاں نے اللہ دی خاطر سلطنت کوں خیرباد آکھ ݙتا. 

ولادت با سعادت 159ھ مطابق 795ء وچ مکہ مکرمہ وچ تھئی۔
بیعت و خلافت آپؒ نے فضیل بن عیاض توں پاتی۔  تے نال امام باقرؒ ،خواجہ عمرانؒ بن موسی بن زید الراعی،شیخ منصور السلمیؒ اورخواجہ اویس قرنیؒ توں ویی خرقہ خلافت پاتا ہانے۔ جنید بغدادیؒ دے بقول آپؒ فقراء دے تمام علوم و اسرار دی کنجی ہن۔ آپؒ دا مشہور قول ہے کہ جیہرلے گناہ دا ارادہ کرو تاں خدا دی بادشاہت توں باہر نکل ونجو۔

آپؒ دے سال وفات دے بارے وچ اختلاف ہے بہرحال مختلف روایات دی روشنی وچ آپؒ دی وفات (160ھ / 876ء تے 166ھ/894ء) دے عرصہ دے دوران قرار پیندی ہے۔ ہک روایت دے مطابق26 جمادی الاولی 161ھ کوں وصال فرمایا، 
آپؒ دے مزار دے متعلق وی اختلاف ہے کجھ لوگاں دا خیال ہے کہ آپؒ شام وچ مدفون ہن۔ بعض روایات دے مطابق آپؒ کوں بلاد روم دے ہک بحری جزیرہ وچ سپرد خاک کیتا گیا۔ ہک روایت دے مطابق آپؒ دا مزار بغداد ( عراق) وچ ہے ہک خیال ایہ وی ہے کہ آپؒ بلاد روم دے ہک قلعہ’’ سوقین‘‘ وچ مدفون ہن۔ شہزادہ دارا شکوہ قادری  نے آپؒ دا شام وچ مدفون ہووݨ زیادہ درست تسلیم کیتا ہے۔ ہک جگہ آپؒ دا مزار مبارک شام وچ حضرت لوط علیہ السلام دے مزار پرانوار دے قریب زیارت گاہِ خواص وعوام ہے۔




#Article 87: ابراہیم بن اغلب (158 words)


عہد عباسی دا ہک حاکم (184ھ تا 196ھ) خلیفہ ہارون الرشید دے عہد وچ شمالی افریقہ وچ آئے ݙینہ بغاوتیں برپا رہندیاں ہن۔ ابراہیم اغلب والیے زاب نے باغیاں کوں شکست ݙے کے تمام ملک وچ امن و امان بحال کر ݙتا تے 184ھ وش سلطنت بنو اغلب دی بنیاد رکھی۔ اوں نے قیروان دے نال عباسیہ ناں دا ہک نواں شہر وسا کے اینکوں دارلحکومت بݨایا۔ ہارون الرشید نے افریقا دی مارت مستقل طور تے اوں دی تحویل وچ ݙے ݙتی۔ ابراہیم دی حیثیت ݙوجھے صوبائی گورنراں دی نہ ہئی۔ اوہ تمام امور وچ خود مختار ہئی تے خلیفہ کوں صرف 40 ہزار درہم سالانہ خراج ادا کریندا ہئی۔ اوں نے بارہ سال تک بڑے امن و امان نال حکومت کیتی تے اوں دے بعد اوں دے بیٹے ابو العباس عبد اللہ نے تے ول 201ھ وچ زیادۃ اللہ نے حکومت دی باگ ݙور سنبھالی۔ اوں دے دور وچ مسلماناں نے سسلی تے صقلیہ تے قبضہ کیتا۔




#Article 88: ابراہیم بن ولید (272 words)


ابراہیم بن ولید، پورا ناں ابراہیم بن ولید بن عبد الملک (عہد:126ھ/744ء تا 127ھ/745ء) (عربی زبان وچ : ابراهيم ابن الوليد بن عبد الملك‎، انگریزی زبان وچ : Ibrahim ibn al-Walid) ہک اموی خلیفہ ہئی۔ اس ٻہوں گھٹ وقت کیتے حکومت کیتی ہئی۔ یزید ثالث دی 126ھ وچ وفات دے بعد تخت نشین تھا۔ ابراہیم بن ولید ذی الحجہ 126ھ وچ تخت تشین تھیا۔ یزید ثالث نے حکومت دے مفاد کیتے کوئی کم نہ کیتا ہئی۔ اوہ کمزور تے برائے ناں خلیفہ ہئی بالکل ہیں طرح ابراہیم بن ولید نے وی حکومت کیتے کوئی کم سر انجام نہ ݙتا تے اوہ وی بے حد کمزور تے برائے نام خلیفہ ہئی۔ 127ھ وچ خلافت دے تھوڑے عرصے بعد ہی اوہ اپݨے مخالفاں دے خوف توں حکومت چھوڑ کے بھڄ نکلا۔ اس اپݨے عہد وچ عبدﷲ ابن عمر کوں عراق دا والی مقرر کیتا ہئی. ابراہیم بن ولید دے والد دا ناں ولید بن عبدالملک ہئی۔ اس دی تعلیم دے بارے وچ کوئی خاص معلومات حاصل نی ۔

ابراہیم بن ولید ہک برائے نام خلیفہ ہئی کیونکہ اس دی خلافت کوں تسلیم نی کیتا گیا۔ صرف چند لوگاں نے بیعت کیتی ہئی۔ اکثریت نے بیعت نہ کیتی ہئی۔ اوہ کݙہیں خلیفہ دے لقب نال پکارا ویندا تے کݙہیں امیر دے لقب نال پکارا ویندا ہئی۔ ہک جمعہ وچ لوگاں نے اینکوں خلیفہ آکھ کے سلام کیتا تے ݙوجھے جمعہ کوں محض امیر دے لقب نال، آئندہ جمعہ کوں نہ خلیفہ آکھا تے نہ امیر آکھا۔ ابراہیم بن ولید ہیں تذبذب دے عالم وچ چار مہینے دے عرصہ تک خلافت تے فائز ریہا۔ ہک روایت دے مطابق اوہ کل ستر (70) ݙیہنہ تک خلیفہ ریہا۔




#Article 89: ابراہیم جاہد (885 words)


ابراہیم جاہد سرائیکی زبان دا شاعر ہے۔اے تحصیل و ضلع راجن پور دے ہک قصبے ساہن والا دا سکونتی اے ـ ایں مڈل تک تعلیم حاصل کیتی اے اتے اے زمیندارہ کریندے

سݙ مار تے ساوݨ وٹھے پینگھاں بدل پاوݨ لگے

سینگی اُٹھی دردیں مٹھی رنگدار پھُل گاوݨ لگے

تند نال تند کوں وُݨ گھنوں چیڑیں دی چل چل سݨ گھنوں

آ باغ دے پھل چُݨ گھنوں کیچوں پنل آوݨ لگے

ہݨ ݙیکھ نہ اسمان کوں مہݨے نہ ݙے بھگوان کوں 

جھمراں ݙکھا کھڑ خان کوں اکھ نال اکھ ݙاوݨ لڳے

جاہد متاں ونجے نکھڑ پاگل نہ تھی جُل ہتھ پکڑ

پھُل گن کرینہیں کوں جکڑ تھل اچ ولا ساوݨ لگے

ابراہیم جاہد

کلہیپے  دے  جانی  سفر  ٹھیک  کائنی

نئیں اینجھے کریندے قہر ٹھیک کائنی

اڳوں لاہی  چاڑھی  ھے  ݙاڈھی کراڑی

میݙے پیر پھل ان پتھر ٹھیک  کائنی

ٻہوں  تار   پاݨی   تے  طوفان    ہوسن

ولا  سر  تے  پچھلے  پہر  ٹھیک کائنی

میݙی جان  جاہد کلہا نئیں چھوڑیندا

مصیبت دے ماریں دے پر ٹھیک کائنی

ابراہیم جاہد

مونجھیں ݙتا ھے مار وے

منہ تاں ݙکھــا ہݨ یار وے

کھیݙݨ دے ویلھے تھے دفـن

بھل ڳے سبھے عیش و امـن

تیݙے کیتے چھوڑیــے وطـن

ہݨ ٻوڑ بھانویں تار وے

قسمت دے سارے پھـــیر ہن

راہیں تے ڈھـینگر ڈھـــیر ہن

ھـــے رات ننگــــے پیـــــر ہن

کن تے ونجاں سرکار وے

ساتھی سبھـــے تھی ڳـن پرے

کھوٹے کـݙاں تھیندن کھـــرے

مجبـــور دل ہݨ کـــیا کــــرے

روندی ھے زارو زار وے

پھل ڳیاں خوشیاں کپڑے چٹے

ݙکھ ویڑھ ڳن کالـــــے کٹھـــے

جاہد سڄـــݨ کل کیں ݙٹھـــــے

ول پاروں آ اروار وے

کافی

میکوں اپݨـــــے کلہیپـے جو ݙتا ھے حال امدا پئے

ولا والیں دے ول سوہݨی تیݙا مہینوال امدا پئے

رکھیں ہݨ خیال بوچھݨ دا اندھاریاں ہن متاں اݙرے

اوندے ہتھ دی نشانی ھے رکھیں ہاں نال امدا پئے

تیکوں جیں جیں الایا ھے سبھے ڳالھیں کٹھیاں کرگھن

پکڑ تــــے پاند چولــــے دا ݙسیں ہــر ڳال امدا پـــئے

اوندے راہ تے کریں سجدے بھانویں پپلیاں بھریجن پیاں

ڈٹھــــی ہنج دا بـــݨا ݙیوا رکھیں ہݨ ٻال امدا پئے

تیکوں جــــــاہـــد سوا اوندے ٻلہیندا کون ھے سݙ تے

زمانہ تھی سیاݨا ڳے ٻلہـــاویں نال امــــدا پئـــــے

کافی 

کر یاد سانول وعدے ولݨ دے

ویلھے گزر گے کھیݙݨ کݙݨ دے

مدت گزر گئی ݙہدیں پتݨ کوں

نہ ترس آیا سانول سڄݨ کوں

لیراں نئیں لبھدیاں سر دے کڄݨ کوں

سینگیاں نکھڑ گن نکھڑیوں جݙݨ دے

کئی کم کریجے اٹکل نئیں امدی

اوکھی تے اڑجل ہاں کیرھے کم دی

بھوئیں پیر ساڑیے بکھ ماس کھمدی

سرخیاں تے کجلے وسریے کݙݨ دے

گیا نال گھن ہئیں کھل ہس تے کھیݙاں

مونجھیاں حویلیاں ہن روز میݙیاں

ہر کئی کریندے کھل تے چہیݙاں

پیریں دے چھالے کائنی ڳنڑݨ دے

بھنورے پھلیں تے زوں زاں نئیں کیتی 

لکھ اینجھا ساڑیے کہیں چھاں نئیں کیتی

کوٹھے تے بہہ تے کاں، کاں نئیں کیتی

راہ ݙیکھ روواں جاہد سڄݨ دے

کافی

ݙے حال سئیں دا سینگی سیاݨی

مونجھیں دی ماری دل ھے نماݨی

کئی سال تھی گن کر ڳے نکھیڑے

آیا نئیں ماہی ول ساݙے ویڑھے

ٻولیاں مریندن بے درد کھیڑے

رنگ پور شہر دی ہر ہک الاݨی

قسمت میݙی دیاں سڑ ڳن لکیراں 

ݙکھ ویڑھ ڳے ہن کر کر وہیراں

تھی ݙاڄ ڳیا ھے لیراں کتیراں

ݙسکیاں بھریندی چنی پراݨی

جند ماݨے جاہد منہ تاں ݙکھا ونڄ

ہکوار میں ݙو پھیرا تاں پا ونڄ

اڄڑی دیاں جھوکاں جانی وسا ونڄ

ݙکھ روز در تے چادر پئے تاݨی

کافی

ساوݨ سر تے پینگھاں پا ڳے

ݙکھ مونجھیں کوں مار مکا ڳے

خوش پیا وسدے ویڑھا پاڑا

ہر ہک در تے مال ھے سوآڑا

کھیر کوں ٻیٹھے لیندوں جاڳ اے

کانہہ ٻوٹے کوہ طور نظردن

ٻیٹ میݙے دا نور نظردن

نور اکھیں دا میں گھر آ ڳے

جاہد مکدی ڳالھ مکاؤں ہݨ

کیا کیا تیکوں حال سݨاؤں ہݨ

انگ انگ دے وچ یار سما ڳے

کافی

چوکے دے وچ چلھ کھڑایم 

چلھ دے نال پتھاری

آ سانول ہک واری

کاٹھیاں چݨ تے بھاہ بھڑکایم

سی ویندا ھے ماری

آ سانول ہک واری

نور حضور دے ویلھے ہتھ پا

ݙیواں انڳݨ ٻوہاری

آ سانول ہک واری

میں ہاں رات کوں تارے ڳݨدی

سم ڳئی خلقت ساری

آ سانول ہک واری

جاہد تیں ݙو چندر دی چوݙاں

میݙو رات اندھاری

آ سانول ہک واری

ݙوہڑہ

ہݨ ول آ ٻیٹ دا واسی آ تیݙے ٻیٹ کوں مونجھ مریندی ھے

ہر سینگی سنڄ تھئے ویڑھے دیاں آ روز مکاݨاں ݙیندی ھے

چنڈ چنڈ تے مال ودی ڈھکدا کانہہ رو رو ویݨ کریندی ھے

جند ماݨے جاہد آوݨ کر ہݨ جان کنوں جند ویندی ھے

ݙوہڑہ

تیݙے ہجر نساہا ایں کیتے ساکوں لحظہ واند ملی نئیں

ساݙے مال کوں سئیں آں ہݨ توݨی وچ ٻیٹ چراند ملی نئیں

ساݙے سڑ گن پیر زمین اتے ساکوں مینہ وسراند ملی نئیں

کہیں رنگ اچ جاہد مر ویندے کہیں رنگ دی راند ملی نئیں

ݙوہڑہ

کئی آکھ انا الحق نچدا ھے کئی کہیں دی ݙیکھ ادا نچدے

کئی نچدے مندر مسیت اندر کئی گل اچ کستہ پا نچدے 

کئی ڳل وچ پا کشکول وݙا بݨ سائل مار صدا نچدے

اے اسم فقط ھے بیا جاہد ودا ہر جاہ آپ خدا نچدے

ݙوہڑہ

میݙے ٻیٹ تے ساوݨ جھک پیا ھے جھڑ بدلے کݨ مݨ لئی پن پینگھاں پئی پن

شنگر ، شکلو ، لئی  تے  لاݨے   چادر  پیار  دی  پئی پن رنگ بدلائی پن

جھٹ تے پیلھوں بھک تے بھنگرے ٻوٹے ٻلھیوں چئی پن جھمراں لئی پن

ہن جاہد چھوہے پورپ دے لڑ ٹالھیاں پاند نوائی پن گالھ بݨائی پن. 




#Article 90: ابراہیم جلیس (122 words)


ادیب تے صحافی ہن۔ حیدر آباد دکن وچ پیدا تھئے۔ علی گڑھ مسلم یونیورسٹی وچ تعلیم پاتی۔ 1948ء وچ پاکستان آ گئے۔ کجھ عرصہ فری لانسر رہے۔ ول روزنامہ جنگ کراچی دے ادارہ تحریر وچ بطورِ کالم نویس شامل تھی گئے۔ 1972 وچ روزنامہ حریت کراچی تے 1976ء وچ روزنامہ مساوات کراچی دے مدیر مقرر تھئے۔ 14 سال دی عمر وچ پہلا مضمون حیدرآباد دکن فے مؤقر روزنامہ رہبر دکن وچ شائع تھیا۔ تے اتھاؤں ادبی زندگی دا آغاز تھیا۔ تصانیف وچ افسانیاں دے پنج مجموعے (چالیس کروڑ بھکاری، آزاد غلام، دو ملک ایک کہانی، جیل کے دن جیل کی راتیں، زمین جاگ رہی ہے) ہن۔ روس، چین تے امریکا دے سفرنامے تے ہک سٹیج ڈراما اجالے سے پہلے قابلِ ذکر ہن۔




#Article 91: ابراہیم دوپاسیؒ (163 words)


ولادت 828ھ تے وفات بمقام تحصیل دھادڑ مورخہ 895ھ کوں تھئی. آپؒ دا نسب حضرت سید خواجہ ابراہیم پیر دو پاسی بن حضرت سید خواجہ میر ہیبت خان بن حضرت سید خواجہ شمس الدین محمد ابراہیم یک پاسی مودودی چشتی حسنی ال حسینی، اے. 

حضرت سید خواجہ ابراہیم پیر دو پاسی مودودی چشتیؒ دا مزار درہ بولان دے دہانے پروا تے واقع ہے۔ آپؒ دو پاسی دے لقب نال مشہر ہن.  قدیم بلوچاں وچ گنتی صرف ویہ تک ہوندی ہئی، بلوچی وچ ویہ کوں گیست آہدے ہن.  ہیں طرح چالہی کوں ݙو گیست،  سٹھ کوں سہ گیست تے سو کوں پنچ گیست آہدے ہن، ہیں طرح وقت دا پیمانہ وی گھنٹیاں دے حساب نال نہ تھیندا ہئی، بلکہ چویہہ گھنٹے کوں اٹھ حصیاں وچ تقسیم کیتا ویندا ہئی تے ہر حصّہ ہک پاس سݙویندا ہئی، خواجہ صاحب دا لقب دو پاسی ہیں دی مناسبت نال مشہور ہے کہ حاجت مند دی دعا اللہ دے دربار توں صرف ݙو پاس وچ قبول کرویندے ہن.  




#Article 92: ابراہیم سرہندی قادری (221 words)


( متوفی 29 شوال 1021ھ )
شیخ ابراہیم مخزنی سرہندی قادری محدث، مفسر، متصوف جیہڑے سلسلہ قادریہ وچ حضرت شاہ قمیص قادری متوفی 992ھ / 1584ء دے مرید تے مولانا نظامی گنجوی دے ݙو واسطیاں توں شاگرد ہن تے انہاں دی کتاب مخزن اسرار کوں سب توں پہلے ہندوستان وچ انہاں نے رائج تے شاملِ درس کیتا۔  آپ ایں کتاب دا کثرت نال درس ݙیندے ہن ایں واسطے انہاں دی نسبت نال ہی مخزنی مشہور تھی ڳئے۔ 

ابراہیم سرہندی قادری سیدنا حضرت ابو بکر صدیق دی اولاد توں ہن۔ شجرہ نسب ایں طرح ہے :

شیخ ابراہیم بن شیخ عبد الرحمن المعروف شیخ میتہا اندودی بن شیخ خلیل اللہ بن شیخ محمد بن شیخ عبد اللہ بن شیخ عمر بن عثمان بن شیخ محمد بن علی بن ابو طالب بن علی بن ابو محمد قاسم بن علی بن جعفر بن شیخ محمد بن علی بن حسن بن شیخ محمد بن نصر بن قاسم بن شیخ محمد بن عبد اللہ بن عبد الرحمن بن قاسم بن محمد بن امیر المومنین ابو بکر صدیق۔
ابراہیم سرہندی قادری ہوراں اکثر علوم حاجی ابراہیم سرہندی توں حاصل کیتے تے صرف ہک واسطے نال مولانا جامی نال وی تعلقِ خاطر ہئی۔
آپ دا وصال 73 سال دی عمر وچ 29 شوال 1021ھ وچ تھیا تے سرہند وچ روضہ شاہ ابو بخاری دے صحن وچ دفن تھئے۔




#Article 93: ابراہیم عادل شاہ اول (143 words)


یوسف عادل شاہ (بانی عادل شاہی) دا چھوٹا بیٹا اے.  اپݨے وݙے بھائی اسماعیل عادل شاہ دی وفات تے اوں دے نا اہل بیٹے کوں بیجاپور دے تخت توں لہا کے خود بادشاہ بݨ گیا۔ سنی مذہب کوں سرکاری مذہب قرار ݙتا۔ ایرانی تے ترکی منصب داراں دی جگہ دکنی تے حبشی افسر مقرر کیتے۔ انہاں برطرف شدہ افسراں کوں وجے نگر دے راجا نے معقول منصب ݙے ݙتے۔ لیکن راجا کوں خود معزول تھی کے ابراہیم دی مدد گھنݨی پئی۔ ابراہیم (دور حکومت 1534 توں 1557) نے بھاری رقم گھن کے معزول راجا کوں وجیا نگر وچ بحال کرایا۔ بیدر، احمد نگر تے گولکنڈہ دی فوجاں کوں شکستاں ݙتے۔ ہر طرفوں اطمینان حاصل کر کے ابراہیم نے عیش و نشاط دی طرف توجہ کیتی تے صحت برباد کر گھدی۔ ایں دے عہد وچ حکومت دے حسابات مراٹھی زبان وچ تیار تھیندے ہن۔




#Article 94: ابراہیم عادل شاہ دوم (123 words)


ابراہیم عادل شاہ ثانی (1556 – 12 ستمبر 1627) بیجاپور سلطنت عادل شاہی سلطنت دے ہک سلطان ہن۔

سلطان بیجاپور سلطنت،  علی عادل شاہ تے چاند بی بی دا بیٹا ہئی.  پیو دے قتل دے بعد ݙاہ سال دی عمر وچ تخت تے بیٹھا۔ نہایت منتظم تے روشن خیال فرماں رواں ہئی۔ صوبیاں دا نظم و نسق اعلٰی پیمانے تے کیتا تے ارضیات دے بندوبست دی خاطر رجسٹر مرتب کروائے۔ تعمیرات دا بہت شوقین ہئی۔ شعر و سخن دا دلدادہ تے موسیقی دا رسیا ہئی۔ موسیقی دی مشہور تصنیف (نورس) ہے، جس وچ مختلف راگݨیاں کیتے گیت لکھے ہن۔ ایں نے فارسی دی بجائے اردو کوں ملک دی دفتری زبان قرار ݙتا۔ فارسی دا مشہور شاعر ظہوری ایں دے دربار نال وابستہ ہئی۔




#Article 95: ابراہیم قلی قطب شاہ (290 words)


 ابراھیم قلی قطب شاہ (1518 - 5 جون 1580)۔ بھارت دے جنوبی حصے وچ واقع سلطنت گولکنڈہ دے قطب شاہی خاندان دے تریجھے سلطان ہن۔ ایہ قطب شاہی خاندان دی پہلی شخصیت ہئی جنہاں نے سلطان لقب استعمال کیتا۔ انہاں دا دور 1550 توں 1580 تک رہا۔
ابراھیم دے بھائی،  نے اپݨے والد دا قتل کیتا، وݙے بھائی دی اکھیاں کڈھا ݙتے تے خود سلطنت دی گدی تے ٻیہ گیا۔ ایں حال وچ ابراھیم بھڄ کے وجے نگر سلطنت دے راجا  دے ہاں مہمان دی طرح رہے۔ اتھائیں انہاں کوں تیلگو زبان نال لگاؤ تھی گیا، جیہڑا اڳوں چل کے اپݨے دور تے اپݨی سلطنت وچ فروغ تیلگو کیتے انتظامات کیتے۔ ابراھیم نے اپݨی سلطنت وچ کئی ہندواں کوں اعلٰی عہدیاں تے، ماموری عہدیاں تے، فوج وچ تے سفارتی امور دے عہدیاں تے فائض کیتا۔
جمشید دے بعد اوں دے بیٹے سبحان قلی قطب شاہ جانشین تھیا تاں ابراھیم وجے نگر توں گولکنڈہ آئے تے سلطنت واپس گھن گھدی۔ جنگ  دے بعد آدونی تے ادئےگری قلعیاں تے فاتح رہے تے مقبوضہ بݨا گھدا۔
ابراھیم قلی قطب شاہ دے دور وچ علم و فنون کافی عروج تے رہے۔ اردو ادب دے نال نال تیلگو ادب دی وی کافی اچھی خدمت تھئی۔ ابراھیم دے دربار وچ تیلگو شعرا مثلاً ، ،  قابل ذکر ہن۔ ابراھیم دے دربار وچ عربی تے فارسی دے شعرا وی ہن۔ تیلگو ادب وچ ابراھیم کوں “ مالکی بھاراما“ دے ناں نال ڄاݨا ویندا ہے۔ ایہ اپݨی رعایا دا خاص خیال رکھݨ وچ کافی مشہور ہن۔ انہاں دے دور وچ گولکنڈہ قلعے دی مرمت تے حسین ساگر دی تعمیر تے ابراھیم باغ کوں بݨوایا۔ مکی دروازے دے کتبیاں وچ، ابراھیم کوں عمدہ و اعلیٰ حکمران ݙسیا گیا اے۔ علالت دی وجہ نال انہاں دی وفات 1580 وچ تھئی۔




#Article 96: ابراہیم واصف (129 words)


ابراہیم واصف عمرانی سرائیکی زبان دا شاعر ہے۔ 

یارو کھوسہ دیرہ غازی خاں نال تعلق ہے۔ پہلی مارچ ١٩٨٦ کوں ڄمے۔

نفرت اپݨی رُول گِھدی کر

رس لہجے وچ گُھول گِھدی کر

واصف جِھݨکاں ݙیندیں ݙیندیں

پیار دی بُولی بُول گِھدی کر

دریا وہندے سُک وی سگدن

ݙینہہ زندگی دے مُک وی سگدن

مردہ واصف آکڑیے ہوندن

جو ہِن زندہ جھُک وی سگدن

کڈھانوݨ دھاڑ آ ویندے

کلیجہ ساڑ آ ویندے

جگر وچ نیر نئیں لکدا

اکھیں کوں پاڑ آ ویندے

اے غم تیݙا سیاݨاں ہے

کلہیپا تاڑ آ ویندے

ہمیشہ سر امیدیں دا

اے سولی چاڑ آ ویندے

فکر باڑیا ودا ہوندے

مٹانوݨ باڑ آ ویندے

میݙا دشمن سجݨ والی

ایں گھن کے آڑ آ ویندے

مسیں واصف سنبھلداں میں

ستم کر کاڑ آ ویندے

ابراہیم واصف عمرانی




#Article 97: ابراہیم گاردی (249 words)


ابراھیم گاردی مسلماناں دا ہک سردار تے مرہٹہ فوج دا توپچی ہئی۔

اکتوبر 1760 توں جنوری 1761 تک مرہٹاں دی اتحادی افواج مختلف مقامات تے ابدالی لشکر نال ٹکراندی رہی، مرہٹاں دی اتحادی افواج وچ ابراہیم خان گاردی وی ہئی جیہڑا اپݨے نال ݙو ہزار سوار تے 9 ہزار پیدل فوج گھن آیا ہئی۔ آخری لڑائی وچ مرہٹاں دی اتحادی افواج دا سپہ سالار بسواں راوُ مارا گیا، ابدالی دے لشکر نے اتحادی لشکر دا قتل عام شروع کر ݙتا، مرہٹاں دی کمر توڑ ݙتی گئی تاں احمد شاہ ابدالی نے تلوار نیام وچ سٹ ݙتی، شکست خوردہ اتحادی افواج دے گرفتار تھیوݨ والے سرداراں تے فوجیاں وچ یارہاں ہزار فوجی مہیا کرݨ والا مسلمان سردار ابراہیم خان گاردی وی شامل ہئی۔ جݙݨ اینکوں فاتح بادشاہ دے سامݨے پیش کیتا گیا تاں احمد شاہ ابدالی نے نفرت آمیز لہجے وچ اوندے توں پچھا، ٻولو خان صاحب کیا حال ہے؟ کیویں تشریف آوری تھئی؟ ابراہیم گاردی نے آکھا، میں ہک جاں فروش سپاہی ہاں، حضور جان بخشی کریسن تاں ہیں طرح حق نمک ادا کریساں ، نفرت تے غصے نال احمد شاہ ابدالی دا چہرہ سرخ تھی گیا ّ گاردی! جاں فروشاں دی جان بخشی تاں تھی سڳدی ہے لیکن ایمان فروش دنیا وچ رہݨ دے قابل نی ہوندے ّ ایہ تاریخی جملہ آکھݨ دے بعد احمد شاہ ابدالی نے حکم ݙتا ” ایں ایمان فروش کوں میݙی اکھیاں توں دور کر کے صفحہ ہستی توں مٹا ݙتا ونجے ” پوری ذمہ داری نال حکم دی تعمیل کر ݙتی ڳئی۔




#Article 98: ابراہیم یکپاسی (180 words)


حضرت شمس العارفین سید خواجہ ابراہیم یکپاسیؒ چشتی ہک عظیم المرتبت شخصیت دے مالک ہن جنہاں نے علاقہ مستونگ بلوچستان وچ ترویج دین دا کم کیتا خواجہ قطب الدین مودود چشتیؒ دی اولاد وچوں انہاں دے ترئے نواسیاں نے چھی سو سال قبل چشت ہرات افغانستان توں سوئے بلوچستان ہجرت کیتی جنہاں وچوں ہک بھائی خواجہ نظام الدین علی نے پشین منزکی وچ سکونت اختیار کیتی. ݙوجھے بھرا خواجہ ابراہیم یکپاسیؒ نے مستونگ بلوچستان دا رخ کیتا تے اتھاں سکونت اختیار کیتی تے تریجھے بھائی خواجہ نقرالدین شال پیر بابا نے کوئٹہ وچ سکونت اختیار کیتی. خواجہ ابراہیم یکپاسیؒ چشتی دی اولاد نے بلوچستان وچ مستونگ قلات ڈھاڈر کچھی ساروان جھالاوان تے سند وچ خان گڑھ جیکب آباد تے شکارپور دے علاقیاں وچ تبلیغ دین دا کم کیتا - مقام تاسیف ہے کہ اولیاء چشتی مودودی نے علاقے وچ جیہڑے خدمات سر انجام ݙتے انہاں توں دنیا بے خبر ہے.  ایں دی سب توں وݙی وجہ تعلیمی میدان وچ پسماندگی ہئی. خواجہ میر ہیبت خان دے بیٹے خواجہ ابراہیم دوپاسیؒ دا مزار بمقام ڈھاڈر (دہانہ درہ بولان) واقع ہے ـ




#Article 99: ابراہیمی مذاہب (100 words)


ابراہیمی ادیان یا ابراہیمی مذاہب اوہ مذاہب یا ادیان ہن جنہاں دا خصوصاً نبی ابراہیمؑ نال تعلق ہے تے انہاں مذہباں وچ اللہ کوں سب توں اعلٰی ذات تے طاقت منا ویندا ہے۔ انہاں تمام ادیان وچ ابراہیمؑ کوں ہک بنیادی شخصیت سمجھا ویندے تے ایہ تمام ابراہیمؑ کوں محض خدا دا برگزیدہ نبی تے رسول منیندے ہن تے اندرونی طور تے ایہ تمام ادیان اپݨے آپ کوں موحد (یعنی ہک خدا دے منݨ والے ) آہدے ہن۔ انہاں مذہباں وچ اسلام مسیحیت تے یہودیت شامل ہن تاہم بہائیت تے دیگر چھوٹے مذاہب وی انہاں وچ شمار کیتے ویندن ۔




#Article 100: ابرق (138 words)


ابرق ہک قسم دی چمکیلی معدن (mineral) ہوندی ہے، جیندے وچوں برق (بجلی) نی گزر سڳدی مگر حرارت گزر سڳدی ہے۔ ایں وجہ نال ایہ برقی آلات بݨاوݨ دے کم آندی ہے جیویں کہ برقی استری تے ہیٹر (heater) وغیرہ۔ غیر دھاتی ابرق پاکستان دی معدنیات وچ  وی شامل ہے۔

ایہ لفظ ض ابرک وی ہے. ممکن اے کہ اصل ابرق قاف نال، براقت توں ماخوذ ہووے یعنی نہایت چمکدار،  جیں طرح فارسی وچ ابلق کوں ابلک آہدے ہن۔ انوارالاسرار وچ ہے  حجر الطلق، حجر براق مؤلف من ورقات۔ یعنی
ابرق دا پتھر ہک چمکدار پتھر ہوندا ہے  جینکوں بھنݨ تے کئی ورق نما ٹکڑے بݨدے ہن۔ ایں صلاحیت کوں cleavage آہدے ہن۔ قدرتی ابرق دی کئی اقسام ہوندیاں ہن۔ کیمائی اعتبار نال ایہ phyllosilicate معدنیات ہوندیاں ہن۔ 
ابرق دی چند اقسام acetone وچ حل تھی ویندن ۔




#Article 101: ابلیس تے آدم (447 words)


ابلیس دا تعلق نوعِ جنات نال اے. اے مسلسل عبادت، ریاضت تے اپݨے علم دے بل بوتے تے روحانی طور تے ترقی کریندے ہوئے اللہ تعالٰی دے انتہائی مقربین وچ شامل تھی ڳیا جیندی وجہ توں تکبر وچ آ ڳیا. اللہ تعالٰی نے جس وقت آدمؑ کوں خلیفہ مقرر کر کے سب کوں ایندے اڳوں تعظیمی سجدے دا حکم ݙتا تاں ابلیس نے تکبر دی وجہ توں انکار کیتا تے مردود بݨ ڳیا.اوں وقت توں ابلیس تے اوندی ذریت دی آدم تے بنی آدم نال جنگ جاری اے.

ابلیس دا سجدے دے انکار توں پہلے ناں عزازیل ہئی. تے اے کائنات دے کئی امور وچ اللہ دی طرفوں نگران تے سربراہ مقرر ہئی تے اللہ دے نظام تکوین دا حصہ ہئی.

ابلیس دی خواہش تے توقع دے برعکس اللہ نے آدمؑ کوں کائناتی تے زمینی امور وچ اپݨا نائب تے خلیفہ قرار ݙتا تے سب کوں آدمؑ دے سامݨے تعظیمی سجدے دا حکم ݙتا. ابلیس نے حسد تے رقابت وچ آ کے اللہ دے حکم دی تعمیل دی بجائے ضد تے تکبر دا مظاہرہ کیتا تے اللہ دے ایں فیصلے نال اختلاف کریندے ہوئے سجدے توں انکار کر ݙتا تے اوندی وجہ وی ݙس ݙتی کہ ایں منصب دا حقدار میں ہم تے تیݙا فیصلہ غلط اے. اللہ کوں ایندی اے بغاوت نا پسند آئی تے ابلیس ہمیشہ واسطے نافرمان تے مردود قرار پایا.

اللہ دی بارگاہ وچوں رد تھیوݨ توں بعد ابلیس نے تہیہ کیتا کہ او آدمؑ کولوں ہر حال وچ انتقام گھنسی. او ایں تاک وچ ریہا تے آدمؑ و حواؑ دی رہائش جنتِ عدن تک رسائی دا سوچݨ لگا جیندے واسطے مور تے نانگ اوندے چکر وچ آڳئے جنہاں کوں استعمال کر کے اوں نے جنت وچ حواؑ تک رسائی حاصل کیتی تے ممنوعہ درخت دے کول ونجݨ واسطے اکسایا تے اپݨا مکر دا ڄال سٹیا. بعد وچ حواؑ دے مسلسل آکھݨ تے آدمؑ و حواؑ ممنوعہ درخت کول ونج کے نافرمان تھی ڳئے تے جنت توں خارج تھی کے اسفل سافلین یعنی زمین تے سٹ ݙتے ڳئے. مگر ابلیس دا انتقام ختم نہ تھیا تے اوں نے آدمؑ دے بنی آدمؑ نال تا قیامت جنگ دا اعلان کر ݙتا. جیں توں حفاظت واسطے انساناں وچ انبیاءؑ مبعوث کیتے ڳئے.

آدمؑ تے حواؑ نے اللہ کولوں مرافی منگ گھدی جیندے نال انہاں کوں جنت وچ واپس تاں نہ بھیجا ڳیا مگر انہاں دی خلافت برقرار رہی. اے ڳالھ ابلیس کوں گوارہ نہ ہئی لہٰذا اوں نے انسان کوں بھٹکاوݨ دا ہورا ڄال تیار کیتا تے غیرمرئی تخریبی نظام قائم کیتا. تے اللہ تعالٰی دی مشیت کوں قبول کرݨ دی بجائے اوندے نال بغاوت دا اعلان کر ݙتا تے جنگ دا اعلان کیتا.  او جنگ اڄ وی جاری اے تے تا قیامت جاری رہسی.




#Article 102: ابن البواب (341 words)


ابن البواب (پیدائش: 961ء– وفات: اگست 1022ء یا یکم ستمبر 1022ء) خلافت عباسیہ تے آل بویہ کے زمانے وچ عربی دا خطاطاور مصور ہئی۔

ابن البواب دا ناں علی بن ہلال ابن البواب ہے، لقب ابن البواب تے کنیت ابوالحسن ہئی۔ ابن البواب دے والد ہلال آل بویہ دے اتھاں دربان ہن، ہیں واسطے اُنہاں کوں ابن البواب تے ابن استری (استر: یعنی پردہ) دے القابات نال یاد کیتا ویندا ہئی۔بغداد وچ صاحب الخط دے لقب نال وی مشہور ہئی۔

ابن البواب نے اصلاً خطاطی دی تعلیم ابوعبداللہ محمد بن اسد بغدادی تے ابن جنی (متوفی 1002ء) توں حاصل کیتی۔ بغداد وچ ݙوجھے اساتذہ خطاطی دی تعلیم پاتی۔ فن خطاطی وچ محنت تے ریاضت دے سبب اپݨا ناں پیدا کیتا تے اپݨے زمانے دا ممتاز ترین خطاط بݨ گیا تے اِس دی استادی کوں مستقبل دے تمام خطاطین نے تسلیم کیتا۔ ابن البواب دی فنی صلاحیتاں دی بنا تے بویہی امیر عراق بہاء الدولہ دیلمی (388ھ-403ھ/ 998ء تا 1012ء) دے وزیر فخرالملک ابوطالب نے اونکوں اپݨا ندیم خاص بݨا گھدا تے ول کہیں مجلس وچ ابن البواب کوں جدا نی کیتا۔ کجھ عرصہ تک بہاء الدولہ دیلمی دے کتب خانہ دا منتظم و کتابدار (لائبریرین) وی ریہا۔

ہیں دور وچ جبکہ ابن البواب دربارِ آل بویہ نال وابستہ ہئی، بہاء الدولہ دیلمی نے کتب خانے توں ابن مقلہ دا خطاطی والا نسخہ قرآن طلب کیتا لیکن ایہ نسخہ مکمل نہ ہئی۔ تریہواں سپارہ اِس نسخے وچ موجود نہ ہئی۔ بہاء الدولہ دیلمی دے حکم تے ابن البواب نے نے آخری پارہ لکھ کے اِس نسخے کوں مکمل کر ݙتا۔ بہاء الدولہ دیلمی خود وی فن خطاطی تے خطوط دا بڑا نقاد ہئی مگر اوہ ایہ تمیز نہ کرسڳا کہ کیہڑا خط ابن مقلہ دا ہے تے کیہڑی تحریر ابن البواب دی ہے؟۔ ابن البواب دا خط حسن و رعنائی وچ ضرب المثل ہئی۔

ابن البواب دا انتقال جمادی الاول 413ھ/ اگست 1022ء وچ بعمر 63 سال قمری (61 سال شمسی) بغداد وچ تھیا تے بابِ حرب دے قبرستان وچ امام احمد بن حنبل دے مدفن دے جوار وچ تدفین کیتی گئی۔




#Article 103: ابن الرشد (223 words)


ابن رشد (پیدائش: 14 اپریل 1126ء– وفات: 10 دسمبر 

فلسفہ دان، ریاضی دان، ماہر علم فلکیات، ماہر فن طب تے مقنن،  قرطبہ وچ پیدا تھئے۔ ابن طفیل تے ابن اظہر جیہے مشہور عالماں توں دینیات، فلسفہ، قانون، علم الحساب تے علم فلکیات دی تعلیم حاصل کیتی۔ خلیفہ یعقوب یوسف دے عہد وچ اشبیلیہ تے قرطبہ دے قاضی ریہے۔ ہسپانوی خلیفہ المنصور نے کفر دا فتویٰ عائد کرکے انہاں دی تمام کتب ساڑ ݙتے تے انہاں کوں نظر بند کر ݙتا۔ چند مہینے دی نظر بندی دے بعد مراکش چلے گئے۔ تے اتھائیں وفات پاتی۔ ارسطو دے فلسفے تے نہایت سیر حاصل شرحاں لکھیاں جنہاں دے لاطینی تے عربی دے علاوہ یورپ دے مختلف زباناں وچ ترجمے تھی چکے ہن۔

ابن رشد دا بنیادی نظریہ ایہ ہئی کہ انسان دا ذہن محض ہک طرح دی صلاحیت یا طبع ہے جیہڑا خارجی کائنات توں ذہانت حاصل کرکے اونکوں عملی شکل ݙیندا ہے۔ انسان از خود یا پیدائشی طور تے ذہین نی ہوندا۔ تمام انساناں وچ ذہانت مشترک ہے تے شخصی دوام دا نظریہ بے بنیاد ہے۔ نیز مذہب تے فلسفیانہ حقیقت وچ تضاد ممکن ہے۔ ایویں تاں ابن رشد نے قانون، منطق، قواعد عربی زبان۔ علم فلکیات تے طب تے متعدد کتب لکھیاں ہن۔ مگر انہاں دی اوہ تصانیف زیادہ مقبول تھئے ہن۔ جیہڑے ارسطو دی مابعدالطبیعات دی وضاحت تے تشریح دے سلسلے وچ ہن۔




#Article 104: ابن الفوطی (276 words)


ابن الفوطی یا ابن الصابونی (پیدائش: 25 جون 1244ء– وفات: 12 جنوری 1323ء) عراقی مسلمان محدث، فلسفی، ماہر فلکیات تے مؤرخ ہن۔ اُنہاں دی وجہ شہرت اُنہاں دی تصنیف مجمع الآداب فی معجم الاسماء و الالقاب ہے۔ خواجہ نصیر الدین طوسی توں علم نجوم حاصل کیتا تے علم نجوم تے علم ہیئت وچ اِس قدر مہارت پیدا کیتی کہ خود خواجہ نصیر الدین طوسی نے اپݨی کتاب ایلخانیہ مرتب کریندے وقت ابن الفوطی توں مشورہ کیتا ہئی۔

ابن الفوطی دا ناں عبد الرزاق بن احمد بن محمد الحنبلی ہے۔ کنیت ابوالفضل تے لقب کمال الدین، ابن الفُوَطِی تے ابن الصابونی ہے۔ اپݨے معاصرین وچ کمال الدین ابن الصابونی دے ناں توں مشہور ہن۔ ابن الفوطی اپݨے نانا موفق الدین عبد القاہر البغدادی الحنبلی دی نسبت توں الفُوَطی سݙیندے ہن.  (جیہڑے فُوَط یعنی دھاری دار کپڑے دا کاروبار کریندے ہن جیہڑا سندھ توں بغداد پہنچدا ہئی)۔ ابن الفوطی دے نانا موفق الدین 656ھ/ 1258ء وچ سقوط بغداد دے سانحہ وچ تاتاریاں دے ہاتھوں قتل تھی گئے۔

ابن الفوطی دا نسب ایویں ہے کہ: عبد الرزاق بن احمد بن محمد بن احمد بن عمر ابن ابی المعالی محمد بن محمود بن احمد بن ابی المعالی المفضل بن عبد اللہ بن معن بن زائدہ الشیبانی۔ ابن الفوطی دا خاندان بغداد دے حنبلی خانداناں وچ شمار کیتا ویندا ہئی جیہڑا معن بن زائدہ الشیبانی (جو ایک امیر کبیر سردار تھے) دی نسل توں ہئی۔ ایہ خاندان مرو نال تعلق رکھدا ہئی۔

ابن الفوطی نے 78 سال 6 مہینے 18 ݙینہہ (بلحاظِ شمسی) دی عمر وچ بروز بدھ 3 محرم الحرام 723ھ/ 12 جنوری 1323ء کوبغداد دے محلہ خاتونیہ وچ وفات پاتی تے محلہ شُونیزیہ دے قبرستان وچ تدفین کیتی گئی۔




#Article 105: ابن القلانسی (289 words)


ابن القلانسی (پیدائش: 1071ء– 27 مارچ 1160ء) عرب سیاست دان تے مؤرخ ہن۔

ابن القلانسی توں متعلق معلومات زیادہ فراہم نی تھی سڳے مگر جس قدر معلومات تک رسائی تھی سڳی ہے، اُس توں معلوم تھیندے کہ ابن القلانسی دا نام حمزہ ابن اسد ہئی تے کنیت ابویعلٰی ہئی۔ اُنہاں دا تعلق قبیلہ بنو تمیم نال ہئی۔ ابن القلانسی دی ولادت 463ھ/ 1071ء وچ دمشق وچ تھئی۔ اُنہاں دی زندگی دا ابتدائی حصہ دمشق وچ گزرا جتھاں اُنہاں نے مشہور علما توں تعلیم حاصل کیتی۔ ابن القلانسی نے شریعت، ادب، الہیات دی تعلیم وی دمشق وچ حاصل کیتی۔ آخرِ کار اوہ دمشق وچ دیوان الرسائل دے عہدہ تے فائز تھئے، علاوہ ازیں اوہ شہر دمشق دے ݙو واری رئیس دے عہدہ تے فائز تھئے۔

ابن القلانسی دی زندگی دا طویل حصہ دمشق وچ گزرا۔ ابن القلانسی دی پیدائش دے وقت دمشق تے دولت فاطمیہ دی حکومت قائم ہئی جبکہ 1076ء وچ زین الدولہ اِنتصار ابن یحییٰ المسعودی دے بعد سلجوقی خاندان دی حکومت قائم تھی گئی۔ 1076ء توں 1104ء تک سلجوقی خاندان دمشق تے حکومت کریندا ریہا۔ 1104ء وچ بوری خاندان برسر اِقتدار آگیا تے اِنہاں دی حکومت 1154ء تک دمشق تے قائم رہی۔ 1154ء وچ سلطان نور الدین زنگی نے دمشق تے حکومت قائم کیتی تے سلطان نور الدین زنگی دی حکومت دے چھیویں سال ابن القلانسی دی وفات دمشق وچ تھئی۔ مسلم مؤرخین دی نسبت اوہ پہلے مؤرخ ہن جیہڑے دمشق تے ترے خاندانی حکمراناں دے عینی شاہد ہن۔ ہک اندازے دے مطابق قیاس کریج سڳدا ہے کہ بوری خاندان دے عہدِ حکومت وچ اوہ والی دیوانِ بلاد الشام مقرر کیتے گئے ہن۔

ابن القلانسی نے 89 سال دی عمر وچ بروز اتوار 17 ربیع الاول 555ھ مطابق 27 مارچ 1160ء کوں دمشق، شام وچ وفات پاتی۔




#Article 106: ابن الہیثم (495 words)


ابن الہیثم ہک عظیم مسلم طبیعیات دان ہئی جیہڑا بصریات وچ مہارت رکھدا ہئی. انہاں دا ناں “ابو علی الحسن بن الہیثم” ہے، ابن الہیثم دے ناں نال مشہور ہن۔ ابن الہیشم (پیدائش: 965ء، وفات: 1039ء) عراق دے تاریخی شہر بصرہ وچ پیدا تھئے۔ او طبعیات، ریاضی، ہندسیات (انجینئرنگ) ،فلکیات تے علم الادویات دے مایہ ناز محقق ہن۔ ان کی وجہ شہرت انکھیاں تے روشنی دے متعلق تحقیقات ہن۔

انہاں دا ناں “ابو علی الحسن بن الہیثم” ہے، ابن الہیثم دے ناں نال مشہور ہن۔ ابن الہیشم (پیدائش: 965ء، وفات: 1039ء) عراق دے تاریخی شہر بصرہ وچ پیدا تھئے۔ اوہ طبعیات، ریاضی، ہندسیات (انجنئرنگ) ،فلکیات تے علم الادویات دے مایہ ناز محقق ہن۔ انہاں دی وجہ شہرت اکھیاں تے روشنی دے متعلق تحقیقات ہن۔

انہاں دے لکھے ہوئے کتاباں عرصے تک یورپ وچ پڑھائے ڳن.ابن ابی اصیبعہ “عیون الانباء فی طبقات الاطباء” وچ لکھدے ہن “ابن الہیثم فاضل النفس، سمجھدار تے علوم دے فن کار ہن، ریاضی وچ انہاں دے زمانے دا کوئی وی سائنس دان انہاں دے قریب وی نہ پھٹک سڳدا ہئی، او ہمیشہ کم وچ لگے رہندے ہن، او نہ صرف کثیر التصنیف ہن بلکہ عابد و زاہد وی ہن ”۔

انہاں دی پیدائش عراق دے شہر بصرہ وچ غالباً 354 ہجری تے وفات 430 ہجری کوں تھئی، اوہ مصر چلے گئے ہن تے اپݨی وفات تک اتھائیں ریہے،
بچپن ہی توں اوہ غور و فکر دے عادی ہن۔ پڑھائی لکھائی وچ خوب دلچسپی گھندے ہن۔ ریاضی، طبیعیات، طب، اِلٰہیّات، منطق، شاعری، موسیقی تے علم الکلام اُنہاں دے پسندیدہ موضوعات ہن۔ ابن الہیثم نے انہاں مضامین وچ محنت کر کے مہارت حاصل کیتی۔ بعد وچ اُنہاں دے دماغ وچ ایہ ڳالھ آئی کہ کیوں نہ اپݨی تحقیق و تجربات کوں قیدِ تحریر میں گھنایا ونجے تاکہ نہ صرف اپݨی کتاباں اوہ خود اپݨے شاگرداں کوں پڑھا سڳن بلکہ آئندہ نسلاں وی انہاں توں استفادہ کر سڳن۔

اس نظر دی کرناں دا قدیم مفروضہ غلط ثابت کر دے ثابت کیتا کہ جیہرلے روشنی کہیں جسم تے پوندی ہے تاں کجھ کرناں پلٹ کے فضا وچ پھیل ویندیاں ہن۔ انہاں وچوں بعض شعاعواں ݙیکھݨ والے دی اکھ وش داخل تھی ویندے ہن جس نال اوہ شے نظر آندی ہے۔

روشنی دے بارے وچ ابو علی حسن ابن الہیثم دا آکھݨا ہے کہ:

جیویں کہ ابن ابی اصیبعہ نے آکھا کہ اوہ واقعی کثیر التصنیف ہن، سائنس دے مختلف شعبیاں وچ انہاں دی 237 تصانیف شمار کیتیاں گئیاں ہن جنہاں وچ کجھ ایہ ہن :

ابن الہیثم نے سوئی چھید کیمرا (pin hole camera) یعنی ثقالہ ایجاد کیتا۔

اس دی مشہور کتاب کتاب المناظر ہے۔ اس دے علاوہ اس پہلی واری اکھ دا تراشہ وی بݨایا۔

محمد الفارسی دے ابن الہثم دی کتاب،  کتاب المناظر تے تبصرہ و تشریح لکھݨ دی وجہ نال ابن الہثم دی ایہ تحقیقی کتاب جیہڑی اہل مشرق نظرانداز کر چکے ہن اجاگر تھی کے سامݨے آئی تے یورپ وچ اس دے تراجم کیتے گئے۔ محمد الفارسی دی اس کتاب کوں عربی میں التنقیح تے انگریزی وچ Tanqih لکھا جاتا ہے۔




#Article 107: ابن حجر عسقلانی (353 words)


ابن حجر عسقلانی مشہور محدث ہن جنہاں نے بخاری دی شرح لکھی۔ آپ دا عہد چوݙہویں صدی عیسوی دے نصفِ اول دے آخر توں گھن کے پندرہویں صدی عیسوی دے نصفِ اول تک دا ہے۔ آپ نامور مؤرخ تے شافعی مذہب فقیہ ہن۔ مصر وچ پیدا تھئے۔ علوم حدیث وچ سند شمار تھیندے ہن۔ طلب علم دے سلسلے وچ متعدد واری مصر، شام، حجاز تے یمن دا سفر کیتا تے اس شوق دے باعث حافظ عصر دے لقب نال مشہور تھئے۔ آپ کوں شیخ الاسلام دے ناں توں وی یاد کیتا ویندا ہے۔ انہاں دا ناں احمد ہئی تے كنيت ابوالفضل ہئی تے انہاں دا لقب شہاب الدين ہئی۔ سلسلہ نسب:احمد بن على بن محمد بن علی بن احمد۔علامہ ابن حجر عسقلانی دی ولادت قاہرہ وچ بدھ 12 شعبان 773ھ بمطابق 18 فروری 1372ء کو ہوئی. آپ نے 79 سال 3 مہینے 26 یوم دی عمر وچ اتوار 8 ذوالحجہ 852ھ بمطابق 2 فروری 1449ء کوں بعد نمازِ عشاء انتقال کیتا۔

بچپن وچ ہی آپؒ دے والدین انتقال کر گئے ہن۔ آپؒ تے آپ دی بھیݨ ست الرکب والدین دے انتقال دے بعد زکی الدین الخاروبی دی سرپرستی وچ چلے گئے۔ 778ھ وچ 5 سال دی عمر وچ آپ کوں زکی الدین الخاروبی نے قرآنی علوم دے واسطے مدرسہ وچ داخل کروایا۔ کم عمری وچ ہی آپ دا حافظہ اِس قدر قوی ہئی کہ ہک ہی روز وچ تمام سورہ مریم حفظ کر گھدی ہئی۔

اس دوران وچ آپ نے ابن حاجب دی فقہ وی پڑھی۔ 785ھ وچ 12 سال دی عمر وچ زکی الدین الخاروبی دے نال عازمِ مکہ تھئے تے رمضان 785ھ وچ حرمِ کعبہ وچ نمازِ تراویح پڑھائی۔ 788ھ یعنی 1386ء وچ سرپرست زکی الدین الخاروبی دی وفات دے بعد آپ دوبارہ مصر لوٹ آئے۔ حدیث دے واسطے مصری محدث شمس الدین ابن القطان دے سامنے زانوئے تلمذ طے کیتا، جتھاں آپ نے علامہ بلقینی (متوفی 806ھ)، ابن الملاقین (متوفی 804ھ) دی فقہ پڑھی تے حدیث وچ علامہ حافظ العراقی عبد الرحیم بن حسين بن عبد الرحمن العراقی المصری (متوفی 805ھ) توں استفادہ کیتا۔ بعد وچ آپ نے مکہ المکرمہ، مدینہ منورہ، یمن، دمشق تے یروشلم دا سفر اختیار کیتا۔




#Article 108: ابن خلدون (507 words)


ابن خلدون (پیدائش: 1332ء -وفات: 1406ء) عالم اسلام دے مشہور و معروف مورخ، فقیہ، فلسفی تے سیاستدان ہن۔ انہاں دا مکمل ناں ابوزید عبد الرحمن بن محمد بن محمد بن خلدون ولی الدین التونسی الحضرمی الاشبیلی المالکی ہئی ۔ اوہ تیونس وچ پیدا تھئے تے تعلیم توں فراغت دے بعد تیونس دے سلطان ابوعنان دے وزیر مقرر تھئے۔ لیکن درباری سازشاں توں تنگ آ کے حاکم غرناطہ دے کوـ چلے گئے۔ ایہ سر زمین وی راس نہ آئی تاں مصر آ گئے تے جامعہ الازہر وچ درس و تدریس تے مامور تھئے۔

مصر وچ انہاں کوں فقہ مالکی دا منصبِ قضا تفویض کیتا گیا۔ ہیں عہدے تے انہاں نے وفات پاتی۔ ابن خلدون کوں تاریخ تے عمرانیات دا بانی تصور کیتا ویندا ہے۔ انہاں نے العبر دے ناں توں ہسپانوی عرباں دی تاریخ لکھی ہئی جیہڑی ݙو جلداں وچ شائع تھئی۔ لیکن اس دا سب توں وݙا کارنامہ مقدمتہ فی التاریخ ہے جیہڑا مقدمہ ابن خلدون دے ناں توں مشہور ہے۔ ایہ تاریخ، سیاست، عمرانیات، اقتصادیات تے ادبیات دا گراں مایہ خزانہ ہے۔

مقدمہ ابن خلدون تاریخ ابن خلدون دا مقدمہ ہے جیہڑی بذات خود ہک کتاب ہے۔ اینکوں ابن خلدون نے تحریر کیتا ہے جیہڑا جدید عمرانیات دا بانی ہے۔ مقدمہ ابن خلدون پہلی دفعہ 1377 وچ شائع تھیا۔ اردو وچ مقدمہ ابن خلدون دا ترجمہ معروف ادیب تے شاعر ڈاکٹر ابوالخیر کشفی نے کیتا ہے۔ اینکوں دار الاشاعت کراچی نے شائع کیتا ہے۔ ترجمہ 534 صفحات تے مشتمل ہے۔ اس دے علاوہ مولانا راغب رحمانی نے وی ترجمہ کیتا ہے جینکوں نفیس اکیڈمی کراچی نے شائع کیتا ہے۔

ابن خلدون شمال مغربی افریقہ دے ملک تیونس وچ ۱۳۳۲ عیسوی وچ پیدا تھیا۔ اس دی ابتدائی تعلیم اس وقت دے دستور دے مطابق تھئی تے اس اپݨے زمانے دے مجوّزہ نصاب تے پورا عبور حاصل کر گھدا۔ اس پہلے قرآن کریم حفظ کیتا تے اس کوں ستاں قرأتاں دے نال پڑھا۔ احادیث وچ اس مُوطّا امام مالک تے صحیح مسلم دی تاں تکمیل کیتی، لیکن صحیح بخاری دے چند اجزا تک ہی اس دی رسائی تھی سڳی۔ لغت تے نحو دے علوم وچ اس دست رس حاصل کیتی، تے ادبیات دے سلسلے وچ اس دا اپݨا بیان ہے کہ عربی ادب و شعر دے کلاسیکی مجموعے کتاب الاغانی دا وݙا حصہ اس کوں ازبَر ہئی۔ اس بیان تے البتہ لوگاں نے زیادہ اعتبار نی کیتا کہ کتاب الاغانی ٻہوں ضخیم کتاب ہے (اج دے زمانے وچ ایہ ویہہ جلداں وچ آندی ہے)۔

اپݨی زندگی دے حالات دے بارے وچ ابن خلدون نے اپݨے سوانح نگاراں دی مشکل ایویں آسان کر ݙتی کہ اپݨے بعد آوݨ والیاں کیتے اس ہک اینجھی خود نوشت لکھ چھوڑی ہے جیہڑی اس دی زندگی دے حالات بڑی تفصیل دے نال بیان کریندی ہے تے انہاں دے تاریخی پس نظر کوں وی اُجاگر کریندی ویندی ہے۔ اپݨی بعض خامیاں دے باوجود (مثلاً ایہ کہ اس وچ ابن خلدون دے بچپن دے حالات دا کوئی ذکر نی) ایہ سوانح بہت جامع تے وسیع الاطراف ہے۔ ایہ اس دی ’’تاریخ‘‘ دا آخری حصہ ہے، جس طرح ’’مقدمہ‘‘ اس دی ’’تاریخ‘‘ دا پہلا حصہ ہے۔




#Article 109: ابن طقطقی (289 words)


صفی الدین بن علی بن محمد بن طباطبا المعروف بہ ابن طقطقی ستویں صدی ہجری دے نامور عرب مؤرخ تے سیاسی مفکر ہن۔

ابن طقطقی 660ھ / 1262ء کوں پیدا تھئے۔ اوہ مشہور مؤرخ تے سیاسی مفکر ہن۔ انہاں نے سیاسیات تے شہرۂ آفاق کتاب الفخری تصنیف کیتی۔ آر اے نکلسن دے مطابق قرآن حکیم دے بعد سب توں وݙا ادبی شہ پارہ الفخری ہے۔ ابن طقطقی نے اپݨی اس کتاب دا ناں حاکم موصل فخر الدین عیسیٰ بن ابراہیم دے ناں تے رکھا۔ اپمی تحریراں وچ ابن طقطقی قرآن حکیم، احادیث تے آثار صحابہ توں جا بجا حوالے ݙیندا ہے۔ جا بجا برمحل اشعار وی پیش کیتے گئے ہن۔ اوہ اُکتائی خان (چنگیز خان دا پتر)، ایرانی بادشاہ اردشیر،سکندر اعظم، نوشیروان عادل دے عاقل وزیر بزرجمہر دے خیالات دا وی معتعرف ہے۔۔

ابن طقطقی اپݨی تحریراں وچ اپݨے ذاتی عقائد کوں آڑے نی آوݨ ݙیندا۔ اوہ کامل بادشاہ کوں الملک الفاضل دے ناں نال یاد کریندا ہے۔ اوہ اس وچ ایجابی تے سلبی اوصاف ڳݨویندا ہے۔ ایجابی اوصاف وچ عقل، عدل، علم، خوف الہٰی، عفو و درگزر، سخاوت، جاہ و جلال، تدبیر تے ایفائے عہد شامل ہن۔ جبکہ عجلت، غصہ، بے زاری تے نفرت دا نہ ہووݨ سلبی اوصاف ہن۔ اس دے مطابق خلیفہ کوں غیر محدود اختیارات نی ݙیوݨے چاہیدے۔ اوہ اُس دے فرائض وچ دار الحکومت دی حفاظت، سرحداں دی نگہبانی، سرحدی چوکیاں دا قیام، رستیاں دی حفاظت تے شر پسنداں دی بیخ کنی، شکرِ خداوندی، کمزوراں دی دستگیری تے حلم و بردباری ڳݨویندا ہے۔ اونکوں انہاں فرائض توں مذہبی جذبے دے نال عہدہ برآ تھیوݨا چاہیدا اے۔ شہریاں تے ایہ فرض عائد تھیندا ہے کہ اوہ اُس دی اطاعت کرن تے اُس دی غیبت نہ کرن۔۔

ابن طقطقی 709ھ بطابق 1309ء کوں وفات پا گئے۔




#Article 110: ابن عابدین (239 words)


محمد امين بن عمر بن عبد العزيز عابدين دمشقی المعروف بہ ابن عابدین شامی شام دے فقیہ تے فقہ حنفی دے امام ہن۔ علامہ ابن عابدین دی پیدائش 1198ھ بمطابق 1783ء وچ تھئی۔ 21 ربیع الثانی 1252ھ بمطابق 1836ء کوں وصال تھیا تے جامع سنان باشا وچ مقبرہ باب صغير وچ مدفون ہن۔

ابن عابدین دے ناں نال ݙو شخصیات مشہور ہن۔ 

آپ دا نسب نامہ حضرت علی تک ونج پہنچدا ہے جیہڑا درج ذیل اے: 

محمد امين بن عمر بن عبد العزيز بن احمد بن عبد الرحيم بن محمد صلاح الدين بن نجم الدين بن محمد صلاح الدين بن نجم الدين بن كمال بن تقی الدين المدرس بن مصطفى الشہابی بن حسين بن رحمت اللہ بن احمد فانی بن علی بن احمد بن محمود بن احمد بن عبد اللہ بن عز الدين بن عبد اللہ بن قاسم بن حسن بن اسماعيل بن حسين نتيف بن احمد بن اسماعيل بن محمد بن اسماعيل اعرج بن امام جعفر صادق بن امام محمد باقر بن امام زین العابدین بن امام حسین بن علی رضوان اللہ علیہم اجمعین۔

انہاں دی ولادت شام دے دار الحکومت دمشق وچ تھئی.  والد بچپن وچ انتقال کر گئے. شروع وچ والد دے کاروبار وچ مصروف رہے، بعد وچ علمی شغف وچ مصروف تھی گئے۔ محمد شاکر السالمی العمری العقاد توں علوم عقلیہ حدیث تے تفسیر پڑھی.  انہاں دی ترغیب نال مسلک حنفی اختیار کیتا تے اپݨے دور دے بہت وݙے عالم و مرجع خلائق بݨ گئے۔




#Article 111: ابن عبد البر (133 words)


ابن عبد البر القرطبی (پیدائش: 29 نومبر 978ء– وفات: 4 فروری 1071ء) حدیث تے فقہ دے امام و مجتہد ہن جنہاں نے اپݨے عہد دے اکابر اساتذہ توں حدیث سݨی تے احادیث دے حفظ و ضبط دے حوالے نال 'حافظِ مغرب' دے لقب نال مشہور تھئے۔ طلبہ تے علما دور دراز علاقیاں توں سفر کر کے انہاں دی خدمت وچ حاضر تھی کے فیض حاصل کریندے ہن۔ مختلف شہراں دی سیر و سیاحت وی کیتی۔ بشونہ ( لزبن ) وچ قاضی وی رہے۔ ادبی علوم تے بلاغت وچ کمال ہووݨ دے علاوہ مقدمات وچ بڑے صحیح فیصلے کریندے۔ کئی علمی و ادبی کتاباں دے مصنف ہن۔ جمعہ 25 ربیع الثانی 368ھ/ 29 نومبر 978ء کوں قرطبہ وچ پیدا تھئے۔ 20 ربیع الثانی 463ھ بمطابق 25 جنوری 1071ء کوں Jativa شاطبہ وچ وفات پاتی۔




#Article 112: ابن قتیبہ دینوری (254 words)


ابن قتیبہ دینوری (پیدائش: 213ھ/ 828ء– وفات: 15 رجب 276ھ/ 13 نومبر 889ء) نانویں صدی عیسوی دے مؤرخ ہن تے انہاں دی تاریخ دی کتاب معروف ہے۔

سن 889۔ 828 ابو محمد عبد اللہ بن مسلم بن قتیبہ الکوفی دینور دے قاضی ہن۔ انہاں کوں اکثر اوقات قتیبیا تے قتبی وی آکھدے ہن۔ کوفہ وچ پیدا تھئے تے بغداد وچ نشوونما تھئی تے تعلیم پاتی تے پیدائش دی نسبت نال کوفی تے والد دی پیدائش دے لحاظ نال انھاں کوں مروزی وی آکھا ویندا ہے۔ بغداد دے نجومی دبستان دے نمائندہ سمجھے ویندے ہن۔ انھاں کوں جاحظ دی طرح مختلف علوم و فنون وچ مہارت ہئی۔ لیکن اس دے برخلاف درایت دی بجائے روایت دے حامی ہن۔ قرآن تے حدیث دی روشنی وچ مذہبی عقائد کوں ݙیکھدے ہن۔ انہاں دی کئی کتاباں معیاری ہن۔ اوہ شعوبی یعنی محدود قومیت دے مخالف ہن۔

الامامہ و السیاسۃ دے مصنف: اس کتاب دی نسبت ہک وݙے عالم ابن قتیبہ دینوری (213-276/828-889) دی جانب کیتی ویندی ہے تاہم ایہ نسبت درست نی ۔ کتاب دے مطالعے توں معلوم تھیندا ہے کہ اس دے مصنف غالی شیعہ ہن جبکہ ابن قتیبہ دے بارے وچ ایہ ڳال معلوم و معروف ہے کہ اوہ اہل تشیع دے سخت مخالف ہن۔ انہاں دی الامامۃ و السیاسۃ  نامی کہیں کتاب دا سراغ کہیں ٻئے ماخذ جیویں فہرست ابن الندیم وچ نی ملدا ہے تے نہ ہی اس کتاب دا اسلوب بیان انہاں دی دیگر کتب توں ملدا ہے۔ اس توں واضح تھیندا ہے کہ الامامۃ و السیاسۃ کہیں شیعہ عالم دی کتاب ہے۔




#Article 113: ابن قدامہ (283 words)


امام ابن قدامہ المقدسی حنبلی (عربی زبان: مؤفق الدین ابو محمد عبد اللہ بن احمد بن احمد بن محمد ابن قُدَامۃ المقدسی الحنبلی العدوي القرشي المقدسی الصالِحِیْ ) (پیدائش: 1147ء– وفات: 28 اکتوبر 1223ء) شیخ الاسلام، محدث، فقہ حنبلی دے عالم تے امام، فقیہ، قاضی تے مفکر ہن۔ فقہ حنبلی دے جدید فقہی مسائل تے بیشتر کتب تصنیف کیتیاں تے امام ابن قدامہ حنابلہ دے عظیم ترین فقہا وچوں ہک ہن۔ ابن قدامہ دی تصنیف کتاب المغنی فقہ حنبلی دی بنیادی کتب وچ شمار کیتی ویندی ہے۔

اما ابن قدامہ دی کنیت ابو محمد ہے جبکہ ناں عبد اللہ بن احمد بن محمد ہے۔ فقہ حنبلیہ نال نسبت دی وجہ نال الحنبلی سݙویندے ہن۔ امام ابن قدامہ دا نسب ایویں ہے :  مؤفقُ الدین أبو محمد عبد اللہ بن أحمد بن قُدَامۃ بن مقدام من ذرية سالم بن عمر بن الخطاب العدوي القرشي الحنبلی المقدسی الصالِحِیْہے۔

ابن قدامہ دی تالیفات دی تعداد 25 توں زائد ہے۔
 عمدة الفقه  
 المقنع  
 الکافی فی فقہ الامام احمد بن حنبل 
 کتاب المغنی
 الاستبصار : فی الانساب  
 لاعتقاد 
 ذم التأويل 
 ذم الوسواس 
 روضة الناظر وجنة المناظر
 فضائل الصحابة
 القدر 
 مسألة فی تحريم النظر في علم الكلام
 مناسک الحج 
 التبيين فی أنساب القرشيين 
 تحريم النظر فی كتب أهل الكتاب
 البرهان فی مسألة القرآن
 مختصر منہاج القاصدین 
 ذم ما عليہ مدعو التصوف 
 رسالة إلى فخر الدين ابن تيمية فی عدم تخليد أهل البدع فی النار
 كتاب التوابين
 اثبات صفة العلو
 الشرح الكبير على المقنع 
 لمعة الاعتقاد
 الرقة والبكاء 
 فضائل عاشوراء
 فضائل العشر 
 الفوائد 
 قنعة الأريب فی الغريب 
 المتحابين فی الله
 مختصر علل الحديث
 مختصر الهداية
 مشيخة شيوخه
 الكفر والتوحيدالوصية

 فقہ اسلامی دی جملہ کتب وچوں ابن حزم دی المحلی تے موفق الدین ابن قدامہ دی المغنی سب توں افضل ہے۔




#Article 114: ابن کثیر (322 words)


ابن کثیر عالم اسلام دے معروف محدث، مفسر، فقیہ تے مورخ ہن۔ پورا ناں اسماعیل بن عمر بن کثیر، لقب عماد الدین تے عرفیت ابن کثیر ہے۔ آپ ہک معزز تے علمی خاندان دے چشم وچراغ ہن۔ انہاہ دے والد شیخ ابو حفص شہاب الدین عمر اپݨی وستی دے خطیب ہن تے وݙے بھائی شیخ عبد الوہاب ہک ممتاز عالم تے فقیہہ ہن۔

حافظ ابن کثیر دی ولادت 701ھ وچ مجدل وچ تھئی جیہڑا بصرہ دے اطراف وچ ہک قریہ ہے۔ کم سنی وچ ہی والد دا سایہ سر توں اٹھی گیا۔ وݙے بھائی نے اپݨی آغوش تربیت وچ گھدا۔ انہاں دے نال دمشق چلے گئے۔ اتھائیں انہاں دی نشوونما تھئی۔ ابتدا وچ فقہ دی تعلیم اپݨے وݙے بھائی توں پاتی تے بعد کوں شیخ برہان الدین تے شیخ کمال الدین توں اس فن دی تکمیل کیتی۔ اس دے علاوہ آپ نے ابن تیمیہ وغیرہ توں وی استفادہ کیتا۔ تمام عمر آپ دی درس و افتاء، تصنیف و تالیف وچ بسر تھئی۔ حافظ ذہبی دی وفات دے بعد مدرسہ ام صالح تے مدرسہ تنکریہ وچ آپ شیخ الحدیث دے عہدہ تے فائز رہے۔ اخیر عمر وچ بینائی ویندی رہی۔ 26 شعبان بروز جمعرات 774ھ وچ وفات پاتی۔

امام ابن کثیر کوں علم حدیث دے علاوہ فقہ، تفسیر، تاریخ تے عربیت وچ وی کمال حاصل ہئی، چنانچہ علامہ ابن العماد حنبلی، ابن حبیب توں ناقل ہن۔ انتھت الیہ ریاستہ العلم فی التاریخ و الحدیث والتفسیر(انہاں تے تاریخ، حدیث تے تفسیر وچ ریاست علمی ختم تھی گئی۔ درس وافتاء، ذکر الٰہی شگفتہ مزاجی :۔ حافظ ابن کثیر دی تمام عمر درس و افتاء تے تصنیف و تالیف وچ بسر تھئی۔ حافظ ذہبی دی وفات دے بعد مدرسہ ام صالح تے مدرسہ تنکریہ (جیہڑے اس زمانہ وچ علم حدیث دے مشہور مدرسے ہن )وچ آپ شیخ الحدیث دے عہدہ تے فائز رہے، وݙے ذاکر شاغل ہن، چنانچہ ابن حبیب نے آپ دے متعلق لکھا کہ امام ذی التسبیح والتھلیل نے طبیعت بڑی شگفتہ پاتی ہئی۔ 




#Article 115: ابن کلیم (172 words)


ابن کلیم (وِلادت:3 جنوری 1946ء وفات:  12 مارچ 2017ء ملتان) سرائیکی دانشور، محقق تے مہاندرے ہن۔ تے جگ مشہور خطاط تے خط رعنا دے موجد ہن۔ آپ معروف اُردو و سرائیکی ادیب، شاعر، خطاط، کالم نگار ہن.  

آپ ملتان دے معروف خطاط احسنُ التحریر محمد حسن خان کلیم رقم (خطاطِ ایشیا) دے گھر پیدا تھئے۔ حفظِ قرآن دے بعد ایم اے عربی دی تعلیم مکمل کیتی تے نال ہی خطاطی دی تمام مروّجہ اصناف تے عبور حاصل کیتا۔ خطاطِ  ہفت قلم ہوݨ دے نال نال آپ کوں ہک نویں طرزِ تحریر ’’خطِ رعنا‘‘ دی ایجاد دا اعزاز حاصل ہے جینکوں دُنیا بھر دے صاحبانِ علم و فن تے معروف اِداریاں دی جانب توں  خطِ نستعلیق دی ایجاد دے 700 سال بعد ہک با ضابطہ خط تسلیم کیتا. 

ابن کلیم دیاں کجھ کتاباں ایہ ہن۔

قومی مقابلۂ خطاطی 1984ء وچ، پاکستان نیشنل کونسل آف دی آرٹس اسلام آباد دی جانب توں، خطِ رعنا دی ایجاد تے بین الاقوامی آرٹ بینال وچ اوّل انعام 1987ء وچ منعقدہ الحمرا آرٹ گیلری لاہور وچ ݙتا گیا۔




#Article 116: ابنِ ابی الحدید (305 words)


ابن ابی الحدید خلافت عباسیہ دے اواخر عہد دے مشہور مصنف، محقق تے مورخ ہن۔ اُنہاں کوں سقوطِ بغداد تک علمی و اَدبی خدمات دے حوالے نال عباسی حکومت وچ نمایاں درجہ حاصل ہئی۔ ابن ابی الحدید دی وجہ شہرت اُنہاں دی مشہور تصنیف شرح نہج البلاغہ ہے۔

ابن ابی الحدید دی ولادت بروز اِتوار یکم ماہِ ذوالحجہ 586ھ مطابق 30 دسمبر 1190ء کو مدائن وچ تھئی۔ مدائن ہݨ موجودہ عراق دے صوبہ بغداد وچ موجود ہے۔

ماہِ ربیع الثانی 642ھ مطابق ماہِ ستمبر 1244ء وچ جݙݨ تاتاریاں نے چغتائی الصغیر دی قیادت وچ بغداد تے حملہ کیتا تاں معتصم باللہ دے سپہ سالار شرف الدین اِقبال الشرابی نے اُنہاں کوں شکستِ فاش ݙتی تاں ابن ابی الحدید نے اونکوں شیعی وزیر ابن العلقمی دے حسن تدبیر دا نتیجہ ݙسیندے ہوئے اُس کیتے ایک مدحیہ قصیدہ پیش کیتا۔ تاتاریاں دی ایہ شکست اینجھی فیصلہ کن معلوم تھئی کہ ابن ابی الحدید نے اینکوں حضرت علی المرتضیٰ رضی اللہ عنہ دی پیشگوئی دا مصداق خیال کیتا تے پورے وثوق دے نال ایہ پیشگوئی کیتی کہ بغداد تے عراق ہمیشہ واسطے تاتاریاں دے فتنے توں محفوظ رہسن ۔

ماہِ محرم 656ھ مطابق جنوری 1258ء کوں تاتاریاں نے ہلاکو خان دی قیادت وچ بغداد تے لشکر کشی کیتی۔ قریباً ہک مہینے دے محاصرے دے بعد تاتاری بغداد وچ داخل تھی گئے۔ تاتاریاں دے داخلہ بغداد تے ابن ابی الحدید دی اوہ پیشگوئی غلط ثابت تھی گئی جس دے متعلق اوہ 642ھ مطابق 1244ء وچ پہلے لکھ چکے ہن۔ بغداد یا عراق وچ داخلے دے متعلق ایہ پیشگوئی 14 سال بعد ابن ابی الحدید دی زِندگی وچ ہی غلط ثابت تھی گئی ۔

ابن ابی الحدید نے 70 سال 6 ماہ دی عمر وچ جمادی الثانی 656ھ مطابق ماہِ جون 1258ء وچ وفات پاتی۔ اُس وقت تک تاتاریاں دے بغداد تے حملے کوں قریباً 6 مہینے گزر چکے ہن۔




#Article 117: ابنِ ابی الدنیا (122 words)


حافظ ابوبکر بن ابی الدنیا المعروف عبد اللہ بن محمد بن عبید بن سفیان القرشی الاموی بغدادی ہن۔ابن ابی الدنیا 208ھ/ 823ء وچ بغداد وچ پیدا تھئے۔انہاں دے مشائخ وچ احمد دورقی، علی بن جعد جوہری، زُہیر بن حرب، ابوعبید قاسم بن سلام، داود بن رشید خورازمی، محمد بن سعد کاتبِ واقدی، امام بخاری اور امام ابوداود وغیرہ ہن جنہاں توں فنِ حدیث دی تعلیم پاتی،انہاں توں امام ابن ماجہ کوں تلمذ حاصل ہے۔ چنانچہ انھاں نے اپݨی ’’تفسیر‘‘ وچ انہاں توں روایتاں کیتیاں ہن، لیکن ’’سنن‘‘ وچ کوئی حدیث انہاں دی روایت توں منقول نی۔

ایہ بڑے مشہور مصنف تھئے ہن۔ 164 تصنیفات ہن دنیوی عروج وی خوب پاتا۔

ابن ابی الدنیا نے 281ھ بمطابق 894ء کوں بغداد وچ وفات پاتی۔




#Article 118: ابنِ ابی حاتم (232 words)


ابن ابی الحاتم الرازی قدیم محدث، مفسر تے جرح و تعدیل دے امام تسلیم کیتے ویندے ہن۔ ابو محمد کنیت ہے ناں عبد الرحمن بن محمد بن ادریس بن منذر بن داود بن مہران تمیمی الحنظلی رازی اے.  240ھ بمطابق 854ء کوں رے، ایران وچ پیدا تھئے۔ ابن ابو حاتم دے ناں نال مشہور ہن.  انہاں دے والد ابو حاتم الرازی امام حافظ تے محدث ہن. ایہ اہلسنت والجماعت نال تعلق رکھدے ہن تے عقیدہ جہیمیہ دے سخت مخالف ہن۔

انہاں دے والد امام فی الحدیث ،امام جرح والتعدیل ہن،  طلب حدیث وچ انہاں دے بال بہت سفر کیتے،  انہاں دے پتر عبد الرحمن آہدے ہن کہ میݙے والد فرمیندے ہن میں طلب حدیث وچ اس وقت نکلا جیہرلے میݙی عمر ست سال ہئی تے اکثر سفر میکوں پیدل کرݨا پئے، ہزاراں فرسخ چل کے علم حدیث حاصل کیتا.  انہاں سفراں وچ كوفہ توں بغداد کتنے سفر میں کیتے میکوں انہاں دا شمار وی یاد نی. ہیں طرح مکہ توں مدینہ کئی سفر کیتے تے بحرین جیہڑا صلا دے قریب ہئی.  پیدل مصر ویندا ہئی. مصر توں رملہ،  رملہ توں بیت المقدس، رملہ توں عسقلان رملہ توں طبریہ تے دمشق، دمشق توں حمص تے حمص توں أنطاكية، تے أنطاكية توں طرسوس، ول واپس طرسوس دا سفر کیتا 

بہت سارے مشائخ وچوں چند ہک ایہ ہن: 

تے مندرجہ ذیل حضرات شاگرداں وچوں ہن: 

ابن ابو حاتم دی وفات 327ھ بمطابق 938ء وچ تھئی۔




#Article 119: ابنِ اسحاق (269 words)


محمدؒ بن اسحاق بن یسار بن خیار المدنی (704ء تا 767ء) اٹھویں صدی دے قدیم ترین سیرت نگار ہن جنہاں دی مشہور کتاب سیرت رسول اللہ صلی اللہ علیہ و آلہ وسلم،  سیرت ابن اسحاق دے ناں نال مشہور ہے۔ ایہ کتاب ہݨ ناپید تھی چکی ہے مگر اس کتاب دا نثری حصہ سیرت ابن ہشام وچ گھدا گیا ہے۔ انہاں دی تاریخ،  اسلامی تاریخ دی قدیم ترین کتاب ہے۔ اوہ یسار دے پوترے ہن جینکوں 12ھ وچ عراق دے مقام عین التمر دے گرجا وچوں گرفتار کر کے مدینے گھنایا گیا ہئی، جتھاں اوہ عبد اللہ بن قیس دے قبیلے دا سردار بݨ گیا.
 ابو عبید اللہ محمد بن اسحٰق بن یسارمطلبی جیہڑے ابن اسحٰق دے ناں نال مشہور ہن،  مدینہ دے رہݨ والے ہن تے سیرت ابن اسحاق دے مصنف ہن۔

ابن اسحاق مدینہ منورہ وچ 85ھ، (704ء) وچ پیدا تھئے.  مدینہ وچ قیام کیتا۔ ول کہیں وجہ توں مصر تے اتھوں کوفہ چلے گئے۔ آخر وچ بغداد وچ مقیم تھی گئے ۔

محمد بن اسحاق نے مدینہ وچ پرورش پاتی۔ ابتدائی تعلیم اتھئیں تھئی۔ انہاں نے محمد صلی اللہ علیہ و آلہ وسلم دے متعلق قصص و روایات جمع کرݨ دی طرف خاص توجہ کیتی.  انہاں دے اساتذہ وچ امام ابن شہاب زہری،عاصم بن عمر بن قتادہ، عبد اللہ بن ابوبکربن محمد مدنی، غزوات دی تفصیل وچ سب توں نمایاں ہن۔ ہک مستند تے ثقہ راوی ہن۔

بغداد وچ سنہ 150ھ، 768ء وچ وفات پاتی۔ اگرچہ انہاں دا تعلق تابعین دے دور نال ہئی تے بعض انہاں کوں تابعین وچ وی شمار کریندے ہن۔ امام ابو حنیفہ دے مزار دے نال قبرستان ’’خیزران‘‘ وچ مدفون ہن۔




#Article 120: ابنِ البناء مراکشی (290 words)


ابو العباس احمد بن محمد بن عثمان الازدی المراکشی، ابن البناء دے ناں توں مشہور تھئے کیونکہ انہاں دے والد “بنا” (تعمیراتی کم کرݨ والا) ہن، اوہ “المراکشی” دے لقب توں وی معروف تھئے کیونکہ اوہ مراکش وچ ریہے تے اتھاں تعلیم پاتی تے اتھائیں انتقال کیتا. انہاں دے بارے وچ مؤرخاں وچ اختلاف پاتا ویندا ہے، کتھائیں انہاں دی تاریخِ وفات 721 ہجری درج ہے تاں کتھائیں 723 ہجری، کجھ دا خیال ہے کہ اوہ غرناطہ وچ پیدا تھئے تے کجھ لوگ مراکش انہاں دی جائے پیدائش ݙسیندن، ہیں طرح انہاں دے سالِ پیدائش وچ وی اختلاف پاتا ویندا ہے مگر حتمی طور تے انہاں دا سالِ پیدائش 639 تے 656 ہجری دے درمیان کوئی سال ݙسا ویندا ہے۔

ابن البناء بہت سارے علوم دے ماہر ہن، لیکن ریاضی تے اس نال متعلق علوم وچ خاص شہرت پاتی، اوہ ہک زرخیز سائنس دان ہن، انہاں نے عدد، حساب، ہندسہ، جبر تے فلکیات تے ستر توں زائد کتب و رسائل لکھے جنہاں دی اکثریت ضائع تھی گئی تے مغربی سائنس دان انہاں دی مکتوبات وچوں بہت کم مواد تلاش کر پائے، لیکن جو کر پائے اس دا زیادہ تر حصہ انہاں نے اپݨی زبان وچ ترجمہ کر گھدا تاں انہاں تے انکشاف تھیا کہ حساب، جبر تے فلکیات دے بہت سارے بنیادی نظریات دا سہرا ابن البناء دے سر ویندا ہے۔

ابن البناء دی شہرت دی ہک بڑی وجہ انہاں دی کتاب “کتاب تلخیص اعمال الحساب” ہے جیہڑی انہاں دی مشہور تے نفیس ترین تصنیف ہے، ایہ کتاب سولہویں صدی عیسوی دے اواخر تک مغرب وچ پڑھائی ویندی رہی، اس کتاب دے علاوہ ابن البناء دی جبر ومقابلہ تے ݙو ٻیاں مشہور کتاباں “کتاب الاصول والمقدمات فی الجبر والمقابلہ” تے “کتاب الجبر والمقابلہ” کوں وی نظر انداز نی کریج سڳدا. 




#Article 121: ابنِ النفیس (240 words)


دمشق وچ طب تے حیاتیات دے مشہور علما توں طب دی تعلیم حاصل کیتی.  خاص طور تے مہذب الدین دخوار توں، ول مصر چلے گئے تے مستشفی الناصری (الناصری ہسپتال) وچ خدمات انجام ݙتے تے ول المستشفی المنصوری وچ جینکوں سلطان قلاوون نے تعمیر کرایا ہئی، اس ہسپتال دے سربراہ تے سلطان بیبرس دے طبیبِ خاص مقرر تھئے، اوہ سلطان دے گھر وچ امرا تے اکابرین طب دی مجلس وچ شرکت کریندے ہوندے ہن۔

طب وچ اوہ اپݨے زمانے دے مشہور اطباء وچ سمجھے ویندے ہن، اس حوالے نال انہاں دی بہت ساری تصانیف ہن، انہاں دی طبی تصانیف وچ جرات تے آزادیء اظہارِ دا بھرپور مظاہرہ ملدا ہے جیہڑا انہاں دے زمانے دے علما وچ بالکل مفقود ہے، اوہ اپݨے زمانے دے علما دے برعکس ابن سینا تے جالینوس دے بر خلاف ویندے ہوئے انہاں تے کھلی تنقید کریندے نظر آندے ہن. 

انہاں دی اہم تصانیف ایہ ہن :

اکھیاں دے طب وچ “المذہب فی الکحالہ۔ المختار فی الاغذیہ۔ شرح فصول ابقراط۔ شرح تقدمہ المعرفہ۔ شرح مسائل حنین بن اسحق۔ شرح الہدایہ۔ ابن سینا کی کتاب القانون کا اختصار “الموجز فی الطب”۔ شرح قانون ابن سینا۔ بغیہ الفطن من علم البدن۔ “شرح تشریح القانون” اس کتاب توں پتہ چلدا ہے کہ ابن النفیس فیزیالوجی دی ہک اہم دریافت تے اپݨے ہم عصر تے اج دے تمام اطباء تے سبقت گھن گئے، انہاں نے اج دی جدید سائنس توں کئی سو سال پہلے Lung Circulation تفصیل نال بیان کیتی ہئی۔




#Article 122: ابنِ بطلان (253 words)


انیس المختار بن الحسن بن عبد ون بن سعدون بن بطلان، اہلِ بغداد دے مشہور طبیب گزرے ہن، ابی الفرج بن الطیب دے شاگرد ہن تے مشہور طبیب ابا الحسن ثابت بن ابراہیم بن زہرون الحرانی دے نال ریہے تے انہاں دے علم توں وی استفادہ کیتا، اوہ مصر دے مشہور طبیب علی بن رضوان دے ہم عصر ہن، ہک ݙوجھے نال ملݨ توں پہلے انہاں دے درمیان کافی بحث ومباحثے تھئے. 

ابن بطلان نے بغداد توں رختِ سفر ٻدھا تے موصل تے دیار بکر توں تھینداے ہوئے حلب وچ کجھ عرصہ ریہے جتھوں دے والی معز الدولہ ثمال بن صالح نے انہاں دا خوب اکرام کیتا تے ول حلب چھوڑ کے اپݨے حریف ابن رضوان کوں ملݨ دی غرض نال مصر دی طرف ٹر پئے تے یکم جمادی الآخر 441 ہجری کوں فسطاط وچ داخل تھئے جتھاں اوہ ترے سال تک ریہے، اس دوران اپݨے حریف ابن رضوان نال انہاں دے خوب بحث ومباحثے تھئے تے اختلافی مقالے لکھے گئے جنہاں دے نتیجے وچ ابن بطلان نے غصہ وچ آکے مصر چھوڑ ݙتا تے ابن رضوان دی مخالفت تے ہک مشہور مقالہ لکھا. 

مصر چھوڑ کے اوہ 446 ہجری کوں قسطنطنیہ دی طرف نکل پئے جتھاں اس زمانے وچ طاعون دی وبا پھیلی ہوئی ہئی، قسطنطنیہ وچ ہک سال گزارݨ دے بعد اوہ انطاکیہ چلے گئے تے اتھائیں دے تھی کے رہ گئے، اس دوران اوہ کثرتِ سفر توں تنگ آچکے ہن چنانچہ دنیا چھوڑ کے عبادت وچ مصروف تھی گئے تے ہیں حال وچ 455 ہجری کوں انتقال کر گئے .




#Article 123: ابنِ بیطار (294 words)


محمد ضیاء الدین عبد اللہ بن احمد بن البیطار المالقی الاندلسی، ایہ طبیب تے پودیاں یعنی نباتاتی عالم ہن، عرب وچ اوہ علمِ نبات (پودیاں دا علم) دے سب توں مشہور عالم سمجھے ویندے ہن، اوہ چھیویں صدی ہجری دے اواخر وچ پیدا تھئے، اندلس دے مشہور نباتاتی عالم ابی العباس دے شاگرد ہن جیہڑے اشبیلیہ دے علاقے وچ پودیاں تے تجربات کریندے ہوندے ہن .

اپݨی جوانی دے ابتدائی زمانے وچ ہی اوہ ملکِ مغرب دی طرف نکل پے تے مراکش، جزائر تے تونس دا سارا علاقہ پودیاں دی تلاش تے تجربات وچ چھاݨ مارا. آکھا ویندا ہے کہ اس جستجو وچ بئے علمائے نباتات توں سکھݨ کیتے اوہ اغریق تے ملکِ روم دے آخر تک گئے تے کارِ آخر مصر آݨ پہنچے جتھاں ایوبی شاہ الکامل نے انہاں دا اکرام کیتا، ابن ابی اصیبعہ لکھدے ہن کہ الکامل نے انہاں کوں مصر وچ تمام علمائے نباتات دا سربراہ مقرر کر ݙتا ہئی تے انہاں تے اعتماد کیتا کریندے ہن، الکامل دے بعد اوہ انہاں دے پتر شاہ الصالح نجم الدین دی خدمت وچ دمشق آ گئے. 

دمشق وچ ابن البیطار پودیاں دی تلاش تے تجربات دے سلسلے وچ شام تے اناضول دے علاقیاں دے مسلسل چکر لیندے ہوندے ہن، اس عرصہ وچ “طبقات الاطباء” دے مصنف ابن ابی اصیبعہ انہاں نال ونج ملے تے پودیاں تے انہاں دی علمیت توں متاثر تھئے بغیر نہ رہ سڳے چنانچہ انہاں دی معیت وچ دسقوریدس دی دواؤاں دی تفاسیر پڑھی، ابن ابی اصیبعہ لکھدے ہن : “میں انہاں دی علمی زرخیزی توں بہت کچھ گھندا تے سکھدا ہئی، اوہ جس دوا دا وی ذکر کریندے ہن،  نال ہی ایہ وی ݙسیندے ہن کہ دسقوریدس تے جالینوس دی کتب وچ اوہ کتھاں درج ہے تے اس مقالے وچ مذکور ادویات وچ اوہ کیہڑے عدد تے ہے. 




#Article 124: ابنِ تغری بردی (273 words)


ابن تغری بردی (پیدائش: 2 فروری 1411ء– وفات: 5 جون 1470ء) مؤرخ مصر و مؤرخ اسلام دی حیثیت نال دنیائے اسلام وچ شہرت رکھدے ہن۔ ابن تغری بردی دا عرصہ حیات نانویں صدی ہجری یعنی پندرہویں صدی عیسوی دا ہے جس وچ دنیائے اسلام وچ کئی سیاسی انقلابات آئے جبکہ مصر وچ خلافت عباسیہ قائم تاں ہئی مگر اُنہاں دی حیثیت صرف کٹھ پتلی خفاء دی ہئی تے اصل حکمرانی سلطنت مملوک (مصر) دے مملوک سلاطین دے ہتھاں وچ ہئی۔ ابن تغری بردی دی وفات دے چند ہی عشریاں دے بعد عباسی خلفاء دی خلافت سلطنت عثمانیہ دے حکمراناں دے سپرد تھی گئی۔ ابن تغری بردی دی وجہ شہرت اُنہاں دی ݙو وݙیاں اہم لکھتاں المنہل الصافی تے النجوم الزاھرہ ہن۔

ابن تغری بِردی دا مکمل ناں ابو المحاسن جمال الدین بن یوسف بن الامیر سیف الدین تغری بِردِی الاتابکی ہے۔

ابن تغری بِردی دے والد یوسف ہک مملوک ہن جنہاں کوں ایشیائے کوچک یعنی بلاد الروم توں گھنایا گیا ہئی۔ سلطان مصر الظاہر برقوق نے اِنہاں کوں خریدا تے ترقی ݙتی۔ یوسف سلطان الناصر فرج دے ماتحت 810ھ مطابق 1407ء وچ مصری فوجاں دے سپہ سالارِ اعظم یعنی امیر کبیر یا اَتَابک مقرر تھئے۔ 813ھ وچ دمشق وچ  اوہ نائب السلطنت مقرر تھئے تے ہیں سال ابن تغری بِردی دی ولادت تھئی۔ 815ھ مطابق 1412ء دے اوائل وچ ابن تغری بِردی دے والد دمشق وچ فوت تھئے جݙݨ ابن تغری بِردی محض 3 سال دے ہن۔ ابن تغری کوں اُنہاں دی بھیݨ نے پالا، جیہڑی پہلے قاضی کبیر محمد بن العدیم الحنفی دی زوجہ ہن تے بعد وچ قاضی کبیر عبد الرحمن البلقینی الشافعی (متوفی 824ھ /1421ء ) دے نکاح وچ آئی۔




#Article 125: ابنِ جبیر (483 words)


ابن جبیر (پیدائش: یکم ستمبر 1145ء– وفات: 29 نومبر 1217ء) اندلس نال تعلق رکھݨ والے قرون وسطی دے جغرافیہ نگار تے سیاح ہن۔ ابن جبیر دا ناں محمد بن احمد تے کنیت ابوالحسین ہے۔ نسب ایویں ہے: محمد بن احمد بن سعید بن جبیر بن محمد بن عبد السلام بن جبیر الکتانی الاندلسی الشاطبی البلنسی. ابن جبیر دی ولادت شب ہفتہ 10 ربیع الاول 540ھ/یکم ستمبر 1145ء کوں بلنسیہ، اندلس وچ تھئی۔ انہاں دا گھراݨہ عرب ہئی تے بنو کنانہ قبیلہ ہئی. انہاں دے والد سرکاری خدمت گار ہن. ابن جبیر نے تعلیم شاطبہ دے قصبے توں حاصل کیتی جتھاں انہاں دے والد ملازمت کریندے ہن. اوہ بعد وچ غرناطہ دے گورنر الموحدون دے مشیر وی ریہے.

محمدابن جبیر دُنیا دے اُنہاں چند سیاحاں دی صفِ اوّل وچ نظر آندے ہن جنہاں نے اپݨی سیاحت وچ ہک دُنیا کوں شامل کر گھدا ۔ ایہ سفرنامہ کم و بیش اٹھ سو سال پہلے دا ہے۔ ابن جبیر دا تعلق غرناطہ (اندلس) نال ہئی۔ ایہ دراصل انہاں دا سفرنامہ حج ہے جیہڑا انہاں نے ذی الحج 578ھ وچ شروع کیتا تے صقلیہ، شام، مصر، فلسطین، عراق، لبنان تے حجاز مقدس دے مکمل احوال و آثار تے مشاہدات کوں سمیٹدے ہوئے محرم 581ھ غرناطہ واپس پہنچݨ تے مکمل کیتا۔ اس سفرنامے دی اہمیت ایہ وی ہے کہ ایہ ݙوجھی صلیبی جنگاں دے زمانے دی مستند تاریخی دستاویز ہے۔

ابن جبیر جتھاں جتھاں وی ڳئے،  انہاں نے اتھوں دے سیاسی، سماجی تے اقتصادی حالات دے نال نال لوگاں دے مذہبی عقائد و نظریات تے رُسوم و رواج تک تفصیل نال بیان کر ݙتے ہن۔ مزید برآں جس انداز و اسلوب وچ ایہ سفرنامہ لکھا گیا ہے، اس توں پہلے اس دی کوئی نظیر نی ملدی۔ اتھاں تک کہ ابن بطوطہ جیہے سیّاحِ عالم نے اپݨے شہرہ آفاق سفرنامے وچ متعدد جگہاں تے ’’سفرنامہ ابن جبیر‘‘ کوں بطور حوالہ پیش کیتا ہے۔ ایہ سفرنامہ چونکہ فصیح عربی زبان وچ ہئی۔ اس دے متعدد قلمی نسخے دُنیا دے مختلف کتب خانیاں وچ موجود ہن تے تقریباً تمام ترقی یافتہ زباناں وچ اس دے تراجم تھی چکے ہن.

انہاں نے غرناطہ دے حاکم دے آکھݨ تے حج دی خدمت کیتے بحری رستے توں سفر اختیار کیتا تے جبل طارق توں تھیندے ہوئے اسکندریہ پہنچے. انہاں نے اس بحری سفر دے دوران جنوبی افریقہ وچ اس مسلمان گھراݨے کوں وی ݙٹھا جس دی عورتاں تے ٻالاں کوں بطور غلام فروخت کر ݙتا گیا. انہاں نے سسلی دے ساحل تے اپݨے بحری جہاز دے شدید سمندری طوفان وچ گِھر ونجݨ دا وی تزکرہ کیتا. اوہ مصر دے سلطان صلاح الدین بن یوسف دا تذکرہ وی کریندے ہن. قاہرہ وچ مدرسیاں دی کثرت توں اوہ کافی متاثر نظر آندے ہن. ابن جبیر نے مکہ،  مدینہ، دمشق تے باقی شام دی وی سیاحت کیتی.

ابن جبیر نے دوبارہ 1217ء وچ مشرق دی طرف سفر اختیار کیتا مگر ہݨ دے فرشتۂ اَزل نے انہاں کوں موقع نہ ݙتا تے اوہ اسکندریہ وچ فوت تھی ڳئے.




#Article 126: ابنِ جریر الطبری (409 words)


أبو جعفر محمد بن جرير بن يزيد الطبری (ابن جریر طبری) عہد عباسی دے مشہور مفسر مورخ ہن۔ طبری دا تعلق طبرستان موجودہ ایران دے علاقہ ماژندران نال ہے۔ 
طبری دی تصانیف وچ سب توں زیادہ اہم تے مقبول انہاں دی تفسیر جامع البيان عن تأويل القرآن تے تاریخ الرسل و الملوک ہن۔ اول الذکر تفسیر طبری تے آخر الذکر تاریخ طبری دے ناں نال مشہور ہن۔ طبری فقہ شافعی دے پیروکار ہن، لیکن بعد وچ انہاں دے آراء تے فتاویٰ دی بنیاد تے ہک مسلک وجود وچ آیا جیہڑا انہاں ہی دی نسبت نال جریری دے نام توں مشہور تھیا۔

محمد بن جریر بن یزید الطبری الآملی ابو جعفر دی پیدائش طبرستان دے علاقہ آمل وچ خلیفہ عباسی المعتصم باللہ دے عہد خلافت وچ 224ھ/ 838ء وچ تھئی۔ آمل دریائے ھراز دے ساحل تے واقع ہے، بحیرہ خزر توں 20 کلومیٹر جنوب وچ، کوہِ البرز توں 10کلومیٹر شمال وچ تے 180 کلومیٹر مشرق وچ تہران توں دور ہے۔

آپ دے والد نے ہک رات خواب وچ ݙٹھا کہ ابن جریر نبی کریم صلی اللہ علیہ و آلہ وسلم دے ݙوہاں مبارک ہتھاں دے درمیان کھڑے ہن تے نبی کریم صلی اللہ و علیہ وسلم دے ہتھ مبارک وچ کنکریاں ہن جنھاں کوں ابن جریر ہک ہک چا کے سٹیندے ویندن۔ جیہرلے خواب دی تعبیر اس وقت دے علماء کرام توں معلوم کیتی گئی تاں انہاں نے آکھا کہ ابن جریر وݙے تھی کے دین دی خدمت سر انجام ݙیسن۔ تے ایہ خواب گویا آپ دے تحصیل علم دا ہک سبب بݨ گیا۔ 

آپ نے قرآن مجید ست سال دی عمر وچ حفظ کر گھدا۔ اٹھ سال دے تھئے تاں امامت جیہا اہم فریضہ انجام ݙیوݨ لگے۔ نو سال دی عمر وچ حدیث لکھݨا شروع کیتا تے جیہرلے سولہ سال دی عمر کوں پہنچے تاں امام احمد بن حنبل دی زیارت دا شوق پیدا تھیا۔ چنانچہ آپ نے بغداد دا سفر کیتا۔ اس دوران آپ دے اخراجات آپ دے والد ادا کریندے ہن۔ والد محترم نے انتقال دے وقت آپ کیتے ہک زمین دا ٹکرا چھوڑا ہئی جس نال آپ گزر بسر کریندے ہوندے ہن۔

آپ نے عباسی خلیفہ المُقتدر باللہ دے عہد خلافت وچ اتوار 26 شوال 310ھ / 16 فروری 923 ء کوں 86 سال دی عمر وچ بغداد وچ وفات پاتی۔ جنازے دے متعلق آکھا ویندا ہے کہ اتنی کثیر تعداد وچ لوگاں نے شرکت کیتی جنہاں دی تعداد اللہ تعالٰیٰ دے سوا کوئی نی ڄاݨدا۔ کئی مہینیاں تک نماز جنازہ ادا کیتی ویندی رہی ۔




#Article 127: ابنِ جزلہ (290 words)


ابن جزلہ (وفات: ماہِ شعبان 493ھ/جون 1100ء) یارہویں صدی تے پنجویں صدی ہجری وچ بقیدِ حیات مسلم طبیب ہئی۔

ابن جزلہ دا مکمل ناں ابو علی یحییٰ بن عیسیٰ ابن جزلہ البغدادی ہے۔ یورپ وچ اوہ بن گسلہ Ben Gesla دے ناں نال مشہور و معروف ہن۔ ابن جزلہ دے سال ولادت دا کوئی تعین نی کیتا گیا تے نہ ہی اِس دا ذِکر خود اُنہاں نے کیتا۔ بعد دے مورخین نے وی سال ولادت دا تذکرہ نہیں کیتا۔ لیکن اِتنا ضرور معلوم ہے کہ اوہ خلیفہ عباسی المقتدی باللہ دے عہدِ خلافت توں کجھ عرصہ قبل بغداد وچ پیدا تھئے۔

ابن جزلہ اولاً نسطوری مسیحی ہن، لیکن اپݨے ہک معتزلی معلم دے اثر نال اوہ بروز منگل 11 جمادی الثانی 466ھ/ 11 فروری 1074ء کوں مسلمان تھی گئے۔ قبولیتِ اسلام نال اُنہاں دا مرتبہ و مقام اہل بغداد دے ہاں مزید ٻیا ودھ گیا۔

ابن جزلہ دی رہائش بغداد دے محلہ کرخ وچ ہئی، جتھاں اوہ واقف و غیر واقف لوگاں کوں وی بلا معاوضہ ادویات فراہم کر ݙیندے ہوندے ہن۔ بغداد چونکہ دار الخلافہ ہئی تے اتھاں مقیم ہر قسم دے مشاہیر کوں دربارِ خلافت دی حمایت یا تائید حاصل تھی ویندی ہئی، باوجود اِس دے کہ اوہ عوام وچ اِس توں قبل شہرت رکھدا ہوندا یا نہ رکھدا ہوندا۔ علاوہ ازیں ابن جزلہ دا زمانہ شہرت خلیفہ عباسی المقتدی باللہ دا عہد ہے جیہڑا سباسی خلفاء دا دورِ زوال وی ہئی مگر اِس نال ابن جزلہ دی شہرت وچ کوئی کمی واقع نہ تھئی۔

مہناج البیان فیما یستعملہ الانسان تے تقویم الاَبدان فی تدبیر الانسان انہاں دے مشہور کتاباں ہن تے ایندے علاوہ مسیحیت دے رَد وچ ہک رسالہ وی لکھا۔ نیز ہک ٻئی کتاب مختار مختصر تاریخ بغداد وی لکھی جیہڑی بغداد دی مختصر تاریخ ہے۔




#Article 128: ابنِ حنیف (166 words)


مرزا ابن حنیف (پیدائش: 30 دسمبر، 1930ء - وفات: 29 جولائی، 2004ء) پاکستان نال تعلق رکھݨ والے اردو دے ممتاز ادیب، ماہرِ آثار قدیمہ، محقق تے مورخ ہن جیہڑے اپݨی کتب، مصر کا قدیم ادب، سات دریاؤں کی سرزمین، دنیا کا قدیم ترین ادب تے جنوبی پنجاب کے آثار ِ قدیمہ،  دی وجہ نال شہرت رکھدے ہن۔

ابن حنیف 30 دسمبر، 1930ء کوں گاؤں کلیانہ، ضلع حصار، برطانوی ہندوستان وچ پیدا تھئے۔ انہاں دا ناں مرزا ظریف بیگ ہئء۔۔

انہاں نے آثار قدیمہ دے موضوع تے ٻہوں نادر و نایاب کتاباں تحریر کیتیاں جنہاں وچ ہزاروں سال پہلے ، گل گامش کی داستان، سات دریاؤں کی سرزمین، دنیا کا قدیم ترین ادب تےجنوبی پنجاب کے آثار ِ قدیمہ، مصر کا قدیم ادب،بھولی بسری کہانیاں ، مصر کی قدیم مصوری تےتخلیق کائنات کے نام سرِ فہرست ہن۔

حکومت پاکستان نے 2005ء وچ ابن حنیف کوں انہاں دی خدمات کے صلے وچ ستارہ امتیاز عطا کیتا۔

ابن حنیف نے 29 جولائی، 2004ء کوں ملتان، پاکستان وچ وفات پاتی۔




#Article 129: ابنِ خلکان (181 words)


ابن خلکان (پیدائش: 22 ستمبر 1211ء– وفات: 30 اکتوبر 1282ء) تیرہویں صدی عیسوی وچ فقہ شافعی دے عالم ہن۔ ابن خلکان دی وجہ شہرت اُنہاں دی تصنیف وفيات الاعيان وانباء ابناء الزمان ہے جیہڑی اج وی مورخین دے نزدیک مقبول و متداول ہے۔

ابن خلکان دی ولادت جمعرات 11 ربیع الثانی 608ھ بمطابق 22 ستمبر 1211ء کوں عراق دے شہر اربل وچ تھئی۔ مورخ، پورا ناں شمس الدین ابن خلکان بن یحٰیی بن خالد برمکی،  اربل وچ پیدا تھیا۔

وفیات الاعیان و ابناء الزمان ( ترجمہ“ تاریخ ابن خلکان ”دے ناں توں نفیس اکیڈیمی اردو بازار کراچی نے شائع کیتا ہے وفیات الاعیان و ابناء الزمان قاہرہ وچ 54ھ بمطابق 1256ء وچ لکھݨا شروع کیتی ہئی۔ لیکن دمشق دی ملازمت دے دوران وچ اینکوں کجھ عرصہ کیتے رک ونجݨا پیا تے بالآخر 12 جمادی الآخر 672ھ بمطابق 4 جنوری 1274ء کوں اس اینکوں مکمل کیتا۔ اس دے ہتھ دا لکھا ہویا نسخہ برٹش میوزیم وچ موجود ہے۔

ابن خلکان نے جمعہ 27 رجب 681ھ بمطابق 30 اکتوبر 1282ء کوں دمشق وچ وفات پاتی. دمشق دے مشہور قبرستان الصالحیہ وچ دفن تھئے۔




#Article 130: ابنِ رجب (202 words)


ابن رجب حنبلی (پیدائش: 4 نومبر 1335ء— وفات: 18 مئی 1393ء) فقہ حنبلی دے عالم، مفسر قرآن تے محدث ہن۔

خیر الدین الزرکلی نے موسوعۃ الاعلام وچ ابن رجب دا مکمل ناں ایویں لکھا ہے :

الامام الحافظ العلامہ زین الدین ابو الفرج عبد الرحمن بن احمد بن عبد الرحمن بن الحسن بن محمد بن ابی البرکات مسعود السلامی البغدادی الدمشقی الحنبلی المعروف ابن رجب ۔

ابن العماد نے شذرات الذہب وچ مکمل ناں ایویں لکھا ہے :

الامام الحافظ زین الدین ابو الفرج عبد الرحمن بن الشیخ الامام المُقری المحدث شہاب الدین احمد بن الشیخ الامام المحدث ابی احمد رجب عبد الرحمن البغدادی الدمشقی الحنبلی الشہیر بہ اِبن رجب۔

ابن العماد اِنہاں دے متعلق مزید لکھدے ہن :

الشیخ الامام العالم العلامۃ، الزاھد القُدوۃ، البرکۃ، الحافظ، العمدۃ، الثقۃ، الحُجۃ، الحنبلی المذہب۔

ابن رجب دی وفات بروز اتوار 6 رجب المرجب 795ھ مطابق 18 مئی 1393ء کوں دمشق وچ تھئی۔ مدتِ حیات 59 سال 3 مہینے 21 یوم ہئی۔

تدفین قبرستان بابِ صغیر دمشق وچ امام ابی الفرج عبد الواحد بن محمد الشیرازی الدمشقی دے پہلو وچ کیتی گئی جیہڑے ذوالحجہ 486ھ مطابق دسمبر 1093ء وچ فوت تھئے ہن تے دمشق وچ مذہب حنبلیہ دی اشاعت وی اِنہاں دے ہتھوں تھئی ہئی۔




#Article 131: ابنِ زیاد (407 words)


گورنر کوفہ، پورا ناں عبید اللہ بن زیاد،  مسلم بن عقیل نے کوفے وچ امام حسین دے حق وچ زمین ہموار کرنا شروع کیتی تاں یزید نے ابن زیاد کوں بصرے توں تبدیل کرکے کوفے دا گورنر مقرر کر ݙتا۔ اس پہلے مسلم بن عقیل تے انہاں دے ݙو کم سن فرزنداں کوں شہید کرا ݙتا۔ ول حُر کوں ہک ہزار سوار ݙے کے حضرت امام حسین دا رستہ روکݨ کیتے بھیجا۔

امام حسین میدان کربلا وچ خیمہ زن تھئے۔ ابن زیاد نے پہلے عمر بن سعد تے ول شمر زی الجوشن کوں فوج ݙے کے انہاں دے مقابلے کیتے بھیجا۔ جس دے نتیجے وچ حادثہ کربلا(محرم 61ھ) رونما تھیا۔ امام حسین دی شہادت دے بعد پہلے شہداء دے سر کٹ کے ابن زیاد کوں پیش کیتے گئے۔ اس امام حسین دے سر مبارک دی بے ادبی کیتی تے تمام سر یزید کوں روانہ کر ݙتے۔ 

محرم 67ھ وچ ابن زیاد دا مختار ثقفی دے جرنیل ابراہیم نال مقابلہ تھیا۔ جس وچ ابن زیاد کوں شکست تھئی تے اوہ میدان جنگ وچ مارا گیا۔ قتل دے بعد اس دے سر کوں کوفے وچ ہوں مقام تے گھنا کے رکھا گیا جتھاں چھی سال قبل اس امام حسین دا سر رکھوایا ہئی۔ مختار ثقفی دے لشکر دے سپہ سالار نے ابن زیادہ دا سر قلم کیتا تے اونکوں نیزے تے چڑھا کے مختار ثققی دے کول بھیجا۔ بدبخت ابن زیاد دا سر مختار ثقفی دے سامݨے رکھا ڳیا۔ 

امام ترمذي رحمه الله (المتوفى279)نے آکھا:

حدثنا واصل بن عبد الأعلى قال: حدثنا أبو معاوية، عن الأعمش، عن عمارة بن عمير، قال:  لما جيء برأس عبيد الله بن زياد وأصحابه نضدت في المسجد في الرحبة فانتهيت إليهم وهم يقولون: قد جاءت قد جاءت، فإذا حية قد جاءت تخلل الرءوس حتى دخلت في منخري عبيد الله بن زياد فمكثت هنيهة، ثم خرجت فذهبت حتى تغيبت. ثم قالوا: قد جاءت، قد جاءت، ففعلت ذلك مرتين أو ثلاثا

عمارہ بن عمیر فرمیندے ہن کہ جیہرلے عبیداللہ بن زیاد تے اس دے ساتھیاں دے سر گھنا کے رحبہ دی مسجد وچ سٹ ݙتے گئے تاں میں وی اتھاں گیا۔ جیہرلے اتھاں پہنچا تاں لوگ آکھݨ لگے اوہ آگیا اوہ آگیا۔ ݙٹھا تاں اوہ ہک سانپ ہئی جیہڑا آیا سراں وچوں ہوندا ہویا عبیداللہ بن زیاد دے ناساں وچ گھس گیا۔ تھوڑی دیر بعد نکلا تے چلا گیا اتھاں تک کہ غائب تھی گیا۔ ول لوگ آکھݨ لگے،  اوہ آگیا،  اوہ آگیا، اس ݙو یا ترے مرتبہ ایں طرح کیتا۔[سنن الترمذي ت شاكر 5/ 660]




#Article 132: ابنِ صفی (379 words)


ابن صفی دا اصل نام اسرار احمد ہئی۔ آپ اردو ادب دے نامور ناول نگار تے شاعر ہن۔ آپ دے تحریراتی کماں وچ جاسوسى دنيا فریدی حمید سیریزتے عمران سیریز شامل ہن۔ اس دے علاوہ آپ افسانے تے طنز و مزاح وی لکھدے ہن۔

ابن صفی 26 جولائی 1928ء کوں الہ آباد، اتر پردیش دے ہک گاؤں نارا وچ صفی اللہ تے نذیرا (نضیراء) بی بی دے گھر پیدا تھئے۔ اردو زبان دے شاعر نوح ناروی رشتے وچ ابن صفی دے ماموں لگدے ہن۔ اگست 1952ء وچ ابن صفی اپݨی والدہ تے بھیݨ دے ہمراہ پاکستان آ گئے جتھاں انہاں نے کراچی دے علاقے لالو کھیت دے سی ون وچ 1953ء توں 1958ء تک رہائش اختیار کیتی۔ انہاں دے والد 1947ء وچ کراچی آ چکے ہن۔

سن 1948ء وچ عباس حسینی نے ماہنامہ نکہت دا آغاز کیتا۔ شعبہ نثر دے نگران ابن سعید (پروفیسر مجاور حسین رضوی) ہن جبکہ ابن صفی شعبہ شاعری دے نگران مقرر تھئے۔ رفتہ رفتہ اوہ مختلف قلمی ناواں توں طنز و مزاح تے مختصر کہانیاں لکھݨ لگے۔ انہاں قلمی ناواں وچ طغرل فرغان تے سنکی سولجر جیہے اچھوتے ناں شامل ہن۔ سن 1948ء وچ نکہت وچ انہاں دی پہلی کہانی فرار شائع تھئی۔ 

ناول بھیانک آدمی کوں ماہانہ جاسوسی دنیا نے نومبر 1955ء وچ کراچی دے نال نال الہ آباد توں بیک وقت شائع کیتا ہئی۔ اکتوبر 1957ء وچ ابن صفی نے اسرار پبلیکیشنز دے ناں نال ہک ادارہ قائم کیتا جس دے تحت جاسوسی دنیا دا پہلا ناول ٹھنڈی آگ شائع تھیا۔ 1958ء وچ ابن صفی، لالو کھیت توں کراچی دے علاقے ناظم آباد منتقل تھی گئے۔ جنوری 1959ء وچ ابن صفی اسرار پبلیکیشنز کوں فردوس کالونی منتقل کر چکے ہن تے ایویں انہاں کوں اپݨی تخلیقات کوں پروان چڑھاوݨ کیتے ہک آرام دہ ماحول میسر آ گیا۔ ناظم آباد دی رہائش گاہ وچ اوہ 1980ء وچ اپݨے انتقال تک مقیم رہے۔ 

ابن صفی دے بقول، انہاں دے صرف اٹھ ناولاں دے مرکزی خیال کہیں ٻیاں توں مستعار گھدے ہن باقی دے 245 ناول مکمل طور تے انہاں دے اپݨے ہن۔ 

عباس حسینی دی ملکیت وچ الہ آباد دے نکہت پبلیکیشنز دے تحت بھارت وچ ابن صفی دے ناولاں دی اشاعت عمل وچ آندی رہی۔ عباس حسینی نے کانپور توں ابن صفی دے کرداراں تے جعلی ناشراں دے خلاف زبردست مہم چلائی ہئی۔




#Article 133: ابنِ ماجہ (233 words)


ابو عبد اللہ محمد بن یزید ابن ماجہ الربعی القزوینی ہک محدث ہن۔ انہاں دا شمار انہاں چھی محدثین وچ تھیندا ہے جنہاں چھی محدثین کوں سب توں زیادہ مستند تسلیم کیتا ویندا ہے۔ تے جنہاں دی کتب صحاح ستہ دے ناں توں مشہور ہن۔ انہاں کوں احادیث جمع کرݨ دا شوق ہئی تے اس سلسلے وچ عراق، عرب، مصر تک سفر کیتا انہاں دی تصنیف دا ناں سنن ابن ماجہ ہے۔ ابن خلکان نے لکھا ہے کہ انھاں نے تفسیر قرآن وی لکھی ہئی۔ لیکن اوہ ہݨ ناپید ہے۔ ابوعبداللہ، ناں : محمد بن یزید بن عبد اللہ ابن ماجہ القزوینی الربعی ہے۔ عراق دے مشہور شہر قزوین وچ 209ھ مطابق 824/ وچ پیدائش تھئی۔ امام ابن ماجہ نے 22 رمضان المبارک 273 ہجری کوں 64 سال دی عمر وچ وفات پاتی۔ آپ دی وفات تے بعض شعرا نے نہایت پر درد مرثیے آکھے۔

امام ابن ماجہ نے جیہرلے شعور دی اکھ کھولی تاں آپ دے شہر قزوین وچ بڑے بڑے علما مثلاً علی بن محمد طنافسی، عمرو بن رافع، اسماعیل بن ابو سہل، ہارون بن موسیٰ تمیمی وغیرہ موجود ہن۔ ظاہر ہے کہ امام ابن ماجہ نے ابتدائی تعلیم کیتے انھاں لوگاں توں استفادہ کیتا ہوسی، لیکن افسوس ہے کہ اس پہلو توں امام صاحب دے تفصیلی حالات معلوم نی تھیندے۔

امام ابن ماجہ نے ترے اہم کتاباں لکھن:

امام صاحب توں کسب فیض کرݨ والیاں وچ نمایاں ناں ایہ ہن:




#Article 134: ابنِ ماسویہ الخوزی (257 words)


ابن ماسویہ دا پورا ناں، زکریا یحیی بن ماسویہ الخوزی اے.  ماسویہ طبیب تھے تے پیؤ دی طرفوں سریانی تے ماں دی طرفوں صقلبی ہن، سامراء وچ جمادی الآخر 243 ہجری کوں وفات پاتی تے ورثے وچ کوئی چالیہہ دے قریب کتب تے مقالے چھوڑے .

ابن ماسویہ دے معروف کتاباں ایہ ہن :

ایہ کتاباں کئی زباناں وچ ترجمہ تھی کے کئی واری شائع تھی چکیاں ہن .

انہاں دی غیر شائع شدہ کجھ تصانیف ایہ ہن: 

ابن ماسویہ دی طبی تصانیف دی ایہ طویل فہرست عباسی دورِ حکومت دے ابتدائی زمانے وچ انہاں دے ہک بہت وݙے کردار دی عکاسی کریندی ہے، طبی سائنس دی ترقی وچ ہݨ ماسویہ دا بہت بڑا کردار ہے، انہاں نے طبی سائنس کوں یکمشت کئی قدم اگوں دی طرف دھکیل ݙتا، طلبہ دی ہک کثیر تعداد انہاں دے حلقۂ درس توں فارغ التحصیل تھئی تے عرب دے وݙے اطباء سݙویجے.

مچھلی تے کھیر نال نال جمع کرݨا شرعاً ممنوع نی البتہ اطباء اس توں منع کریندے ہن.  علامہ ابن قیم رحمہ اللہ نے اپݨی کتاب ”الطب النبوی“ وچ ابن ماسویہ دے حوالہ نال لکھا ہے کہ ”جیہڑا شخص معدہ وچ کھیر تے مچھلی کوں جمع کرے اس دے نتیجے وچ اس کوں جذام برص یا نقرس (پیراں دے جوڑاں دی بیماری جیہڑی اکثر انگوٹھے وش ہوندی ہے) تھی ونجے تاں اوہ اپݨے نفس ہی کوں ملامت کرے (کیونکہ اس انہاں ݙو چیزاں کوں جمع کیتا)۔ ومن جمع فی معدتہ اللبن والسمک فأصابہ جذام أو برص أو نقرس فلا یلومن إلا نفسہ (الطب النبوی لابن قیم: ۱/۳۰۹، ط: دارالہلال، بیروت)۔




#Article 135: ابنِ مسکویہ (473 words)


ابنِ مسکوہ دا پورا ناں ابوعلی احمد بن محمد بن یعقوب مسکویہ ہے، اوہ 942ء وچ پیدا تھئے۔ انہاں کوں مورخین،  موجودات عالم تے سائنسی نقطہ نظر نال بحث و تحقیق کرݨ والا حکیم، حیاتیات دا ماہرِ خصوصی، نباتات وچ زندگی دریافت کرݨ والا پہلا سائنس دان، زندگی دی تحقیق تے دماغی ارتقا دی تشریح تے درجہ بندی کرݨ والا، نباتات، علم سماجیات تے معاشرت دا محقق، علم تمدن تے ثقافت دے نکتے بیان کرݨ والا، علم نفسیات Psychology دا ماہرِخصوصی تسلیم کیتا ہے۔ بہت سارے مغربی مؤرخ تاں ابن مسکویہ کوں اخلاقیات Ethics تے روحانیت دا محقق تے مفکر، کامیاب شہری اصولاں دی تشکیل کرݨ والا علم اخلاق تے علمی کتاب دا عظیم مصنف وی قرار ݙیندے ہن۔

ابن مسکویہ اپݨے بچپن توں گھن کے بلوغت تک ہک لااُبالی قسم دے نوجوان ہن۔ جݙݨ حالات نے محبور کیتا تے حصولِ رزق دی فکر لاحق تھئی تاں انہاں کوں کیمیا گری وچ دلچسپی تھی گئی۔ سونا بݨاوݨ دے شوق وچ جابر بن حیان تے زکریا رازی دی تحریر کردہ کیمیا گری دی کتاباں پڑھنا شروع کیتیاں تے جیہڑا نسخہ سمجھ وچ آندا، اس تے تجربہ کر گھندے مگر ہمیشہ ناکامی دا منہ ݙیکھݨا پوندا۔ انہاں ناکامیاں نے انہاں کو جھنجھوڑ ݙتا تے انہاں وش یکایک ہک انقلابی تبدیلی آئی۔ انہاں دا شعور جاگ اٹھا۔ انہاں نے اپݨی آزاد روی ترک کیتی تے گوشہ نشین تھی کے علوم وفنون دا مطالعہ شروع کیتا۔ قدرت نے انہاں کوں بہترین قوتِ ذہن و فہم تے قوتِ فکر عطا کیتی ہئی. 

چنانچہ ہر علم و فن دا عمیق مطالعہ کیتا تے بہت جلد ادب و اخلاق، حکمت و فلسفہ غرض کہ ہر فن وچ یگانۂ روزگار بݨ کے نمودار تھئے۔ زندگی دے ارتقا دا نظریہ سب توں پہلے معلم ثانی ابو نصر فارابی نے پیش کیتا، ابن مسکویہ نے اس ک
دی تشریح کیتی تے دلائل دے ذریعے ثابت کیتا۔ یورپ جݙݨ چوݙھویں صدی عیسوی وچ جاگا تے علم و فن دی طرف توجہ کرݨ لگا تاں مسلم ممالک دے علم و فن توں اس کافی فائدہ چاتا۔ ڈارون نے وی زندگی دے ارتقا دا نظریہ پیش کیتا، مگر ایہ اُس دا ذاتی نظریہ نہ ہئی، ایہ نظریہ تاں مسلم دانشور دنیا دے سامݨے پہلے پیش کر چکے ہن۔ ڈارون اٹھارویں صدی دا دانشور ہے تے ابن مسکویہ نے تے ابونصر فارابی نے انہاں نظریات کوں اٹھ نو سو سال پہلے پیش کر ݙتا ہئی۔ ڈارون دا نظریہ ارتقاء بالکل ابن مسکویہ دے نظریات دا چربہ ہے، ڈارون نے کوئی نویں ڳال نی آکھی، ہاں انسان کو باندر ضرور بݨا ݙتا۔ ابن مسکویہ نے تاریخ دی ہک کتاب ’’تجارت الامم‘‘ لکھی جینکوں طوفان نوح توں شروع کرکے 931ء تے ختم کیتا۔ انہاں دی ہک ٻئی کتاب ’’آداب والعرب والفرس‘‘ ہے جیہڑی ایرانیاں، عرباں، ہندواں، رومیاں تے مسلماناں دی تصانیف توں ماخوذ اقوال دا مجموعہ ہے۔ تریجھی مشہور کتاب ’’تہذیب الا خلاق‘‘ ہے، اس دا موضوع اخلاقیات ہے۔




#Article 136: ابنِ وحشیہ (194 words)


ابو بکر احمد بن علی، ابن وحشیہ دے ناں نال مشہور ہن، جیویں کہ “الفہرست” وچ مذکور ہے، اوہ تریجھی صدی ہجری دے سائنس دان ہن۔
ابن وحشیہ دی زراعت تے “الفلاحہ النبطیہ” قدیم زرعی تصانیف وچ قابلِ قدر مقام رکھدی ہے، ایں کتاب وچ انہاں نے ایہ ثابت کرݨ دی کوشش کیتی ہے کہ انہاں دے نبطی اسلاف بہت عظیم علم دے مالک ہن.  آکھا ویندا ہے کہ ایہ کتاب قدیم بابلی کتب توں منقول ہے.  ایں کتاب دی تصنیف دا زمانہ کوئی 291ھ دا ݙسیا ویندا ہے، ایں کتاب دا تذکرہ یہودی فلاسفر “ابن میمون” نے اپݨی کتاب “مورہ نبوشیم” وش وثنیاں دے عقائد دے باب وچ کیتا ہے جتھاں انہاں نے ستاریاں دی عبادت تے زراعت دے تعلق تے بحث کیتی ہے، “الفلاحہ النبطیہ” وچ صرف زرعی قواعد ہی بیان نی کیتے گئے بلکہ ایں توں ودھ کے وہمی تے خرافاتی اعتقادات تے انباط تے انہاں دے پڑوسیاں دے درمیان قائم ازمنۂ قدیم توں چلدی ہوئی روایات تے ہے۔

انہاں نے ہیٹھاں درج کتاباں لکھیاں ہن: 

جادو تے طلسمات وچ انہاں دی تصانیف بہت مشہور ہن جیویں کہ اے: 

انہاں دی کیمیا تے وی کجھ تصانیف ہن جیہڑے ایہ ہن :




#Article 137: ابو اسحاق شامیؒ (282 words)


شیخ ابو اسحق شامی دا لقب شرف الدین ہئی۔ خلیفہ چہارم حضرت علی دی نانویں پشت توں ہن. ابو اسحٰق شامی چشتی ملک شام وچ پیدا تھئے، ہیں لحاظ نال شامی سݙویجے۔ قصبہ چشت وچ تعلیم و تربیت تھئی۔ آپؒ نے 940 ء 14 ربیع الثانی 329 ھ کوں وصال فرمایا. بعض دے مطابق شام وچ رہے تے اتھائیں وفات پاتی تے اتھائیں دفن تھئے۔

درویشاں تے فقراء دے اہم سلسلہ، چشتیہ دے بانی ہن۔ مرشد نے جیہرلے ناں پچھا تاں ابو اسحٰق شامی ݙسا۔ مرشد نے آکھا، اج توں لوگ تیکوں ابواسحٰق چشتی آکھسن تے جیہڑا وی تہاݙے سلسلے وچ داخل تھیسی، چشتی سݙویسی ۔ ہیں نسبت نال سلسلہ دی ابتدائی شہرت وچ چشتیہ انہاں دی وجہ نال تھئی۔ آپؒ دے پیرو مرشد نے آپؒ کوں ایہ بشارت ݙتی کہ تساں اہل چشت دے امام بݨسو۔ چنانچہ آپؒ اپݨے وطن چشت واپس آئے تاں ’'’قطب چشتیہ '‘‘دے لقب نال مشہور تھئے۔ آپؒ دے بعد مزید چار مشائخ دا تعلق وی چشت نال ہئی۔ انہاں وچ ابو احمر ابدال چشتی، ابو محمد بن ابو احمد ابدال چشتی، ناصرالدین، ابویوسف چشتی تے مودود چشتی دے اسمائے گرامی مشہور ہن۔ حقیقت ایہ ہے کہ چارے بزرگ، دین دے ستون منے ویندے ہن۔

آپؒ دا مزار مبارک شہر عکہ،  شام وچ ہے۔ سیر الاقطاب دے مصنف نے لکھا ہے کہ آپؒ دے وصل توں گھن کے اج تک آپؒ دے مزار تے ہک چراغ روشن ہے جیہڑا کݙہیں نی وسمدا۔ اوہ شام توں سویر تک روشن رہندا ہے باد و باراں دا کئی وار طوفان آیا۔ مگر رات دے وقت ایں چراغ کوں نی وسما سڳا۔ ایہ چراغ ایں فارسی شعر دی عملی تصویر ہے: 

اگر گیتی سرا سر باد گیرد

چراغ مقبولاں ہرگز نمیرد




#Article 138: ابو الحسن علی ابن سیدہ (176 words)


ابو الحسن علی ابن سیدہ دے والد دے ناں تے مؤرخاں وچ اختلاف پاتا ویندا ہے، “الصلہ” وچ ابن بشکوال نے انہاں دے والد دا ناں اسماعیل ݙسیا ہے جبکہ الفتح بن خاقان نے “مطمح الانفس” وچ احمد لکھا ہے، ایہا ڳال “الحممیدی” یاقوت دی “معجم الادباء” وچ اے، مگر انہاں دی “ابن سیدہ” دے ناں توں کنیت انہاں دے والد دے ناں تے غالب آگئی تاہم کتھئیں وی انہاں دی اس کنیت دی وجہ مذکور نی ۔

انہاں دی کتاب “المخصص” قابلِ تحسین زرعی تجربات تے مشتمل ہے، ایں کتاب کو پڑھ کے ابن سیدہ دی علمیت دا بخوبی اندازہ تھیندا ہے، انہاں دا تجربات کرݨ تے انہاں توں نتائج اخذ کرݨ دا طریقۂ کار حیرت انگیز ہے، ایں کتاب وچ زمین دی نرمی وسختی، اونچائی، گہرائی، استواء، زمین دی صحت و مرض، زراعت تے انہاں نال متعلقہ تمام امور تفصیل نال زیرِ بحث گھنائے گئے ہن.  کتاب وچ ہک باب درختاں تے وی ہے، جس وچ درختاں دے اوصاف، انہاں دے پتیاں، پھلاں تے انہاں دی خامیاں کوں تفصیل نال بیان کیتا گیا ہے۔




#Article 139: ابو الحسین النوری (263 words)


ابو الحسین النوری یا ابو الحسن النوری دا شمار معروف تے  بزرگ صوفیا کرام وچ تھیندا ہے۔ آپؒ دا آبائی وطن افغانستان ہے، جتھوں بعد وچ آپؒ دے والد گرامی ہجرت فرما کے بغداد تشریف گھن آئے تے آپؒ دی ولادت باسعادت تھئی۔ آپؒ سلسلہ نوریہ دے بانی وی ہن۔ مشائخ و صوفیہ آپؒ کوں امیر القلوب دے لقب نال یاد کریندے ہوندے ہن۔
آپؒ دا ناں احمد تے آپؒ دی کنیت ابوالحسین ہے تے آپؒ دا لقب نوری ہے۔ مکمل ناں ایں طرح ہے،  شیخ احمد بن محمد بن الفتوری. 
آپؒ دی ولادت 225ھ بمطابق 840ء کوں بغداد، عراق وچ تھئی۔
آپؒ دا وصال 24 شوال 295ھ بمطابق 908ء کوں بغداد وچ تھیا۔ آپؒ دے وصال تے جنید بغدادی نے فرمایا: نوری دے انتقال نال ادھا علم ویندا رہا۔

آپؒ دی ولادت بغداد وچ تھئی۔ بغداد اس وقت علم و فن دا تے اسلامی علوم دا گہوارہ ہئی۔ جید علما و محدثین و مفسرین تے صوفیا موجود ہن۔ ایں علم و فن دے مرکز وچ اکھ کھولی۔ مختلف شیوخ توں علمی و روحانی استفادہ کیتا۔ آپؒ دا شمار وقت دے جید علما صوفیا وچ تھیندا ہئی۔

آپؒ شیخ سری سقطی دے مرید وخلیفہ ہن۔ ایں طرح جنید بغدادی دے رفیق خاص ہن۔ شیخ احمد بن ابو حواری نال بھی ملاقات تھئی۔ انہاں دے علاوہ بہت سارے مشائخ نال ملے۔

فرید الدین عطار نے تذکرہ اولیاء وچ، سید علی ہجویری داتا گنج بخش نے کشف المحجوب وچ، رسالہ قشیریہ وچ ابو القاسم عبد الکریم بن ہوازن قشیری نے تے عبد الوہاب الشعرانی نے طبقات شعرانی وچ آپؒ کوں ہدیۂ تحسین پیش کیتا ہے۔




#Article 140: ابو العاص بن ربیع (264 words)


ناں لقیط، کنیت ابو العاص،  ام المومنین حضرت خدیجہ کے بھݨینجے ہن۔ صحابی تے دامادِ رسول اللہ ﷺ ہن. انہاں دے والد علی بن العاص ہن۔ آنحضرتؐ دی بعثت تے ایہ ایمان نہ گھن آئے بلکہ غزوہ بدر وچ مشرکین دی طرفوں  مسلماناں دے خلاف لڑے ۔

ابو العاص لقيط بن الربيع بن عبد العزىٰ بن عبد شمس بن عبد مناف بن قصی بن كلاب بن مرہ بن كعب بن لؤی بن غالب بن فہر بن مالك بن النضر بن كنانہ، العبشمی القرشي الكنانی. 

ابو العاص بن ربیع سیدہ زینبؑ بنت محمدؐ دے خاوند ہن۔ جنہاں توں انہاں دا ہک فرزند جنہاں دا ناں علی ہئی تے ہک لڑکی جنہاں دا ناں امامہ ہئی، پیدا تھئے۔ زمانہ جاہلیت وچ انہاں دا بہت وݙا کاروبار ہئی۔ حضرت فاطمہؑ زہراء نے حضرت علی مرتضیٰ کوں وصیت کیتی ہئی کہ میݙی وفات دے بعد آپ حضرت امامہ بنت ابو العاص نال نکاح کر گھنݨاں۔ چنانچہ حضرت علی نے حضرت سیدہ فاطمہ دی وصیت تے عمل کیتا۔

اعلانِ نبوت توں قبل حضرت خدیجہ دی فرمائش تے حضرت محمد ﷺ نے اپݨی وݙی دھی حضرت زینبؑ دا نکاح انہاں دے خالہ زاد بھائی ابو العاص بن ربیع نال کر ݙتا۔ ابو العاص حضرت بی بی خدیجہ دی بھیݨ حضرت ہالہ بنت خویلد دے پتر ہن۔  حضرت زینبؑ تاں مسلمان تھی گئے ہن مگر ابو العاص شرک و کفر تے اڑا ریہا۔ رمضان 2ھ وچ جݙݨ ابو العاص جنگِ بدر توں گرفتار تھی کے مدینہ آئے اس وقت تک حضرت زینبؑ،  مسلمان دی حیثیت نال مکہ مکرمہ ہی وچ مقیم ہن۔ حضرت ابوالعاص نے بعد وچ اسلام قبول کر گھدا. 




#Article 141: ابو العلاء المعری (172 words)


ابوالعلاء معری دا پورا ناں احمد بن عبد الله بن سليمان، التنوخی المعری ہئی. ابو العلاء معری دی پیدائش 363ھ بمطابق 973ء معرۃ النعمان وچ تھئی۔ 4 سال دی عمر وچ چیچک نکل آئی تے ہیں وجہ توں بینائی ویندی رہی۔ ابو العلاء معری دا حافظہ باکمال ہئی۔ حلب، طرابلس، انطاکیہ وچ تعلیم پاتی۔ تعلیم توں فراغت دے بعد 398ھ وچ اے بغداد گیا۔ مگر اتھوں دی فضا پسند نہ آئی۔ اس واسطے اپݨے وطن معرہ واپس آ گیا۔ تے باقی زندگی دنیا توں الگ تھلگ اتھائیں گزار ݙتی۔ روشن دماغ تے ترقی پسند شاعر ہن۔ لب و لہجے دا تند تے مردم بیزار ہئی۔ عربی زبان وچ محاکاتی شاعری دا بانی تصور کیتا ویندے۔ سینکڑاں کتب دا مصنف تے مولف ہے۔ ایندی علمی خدمات دا بیشتر حصہ صلیبی جنگاں دی نذر تھی گیا۔

علامہ اقبال نے نظم وچ معری دی درج ذیل پہلی ݙو تصانیف دا ذکر کیتا اے. 

ابو العلاء معری دا انتقال 449ھ 1057ء وچ تھیا۔ وفات دے وقت ایندے 84 شاگرد شعرا موجود ہن۔فہرس شعرا الموسوعہ الشعریہ : 




#Article 142: ابو العلاء حضرمی رضی اللہ عنہ (306 words)


ابو العلا الحضرمی رضی اللہ عنہ دا ناں زید بن عبد اللہ تے کنیت ابوالعلا ہے، عبد اللہ بن عماد بن اکبر بن ربیعہ بن مالک بن عویف حضرمی دے پتر ہن. انہاں دے والد مکے دے باشندے ہن تے حرب بن امیہ دے ہم پیمان ہن، حضر موت دے باشندے ہن. آپ حضور انور صلی اللہ علیہ و سلم دی طرفوں بحرین دے گورنر ہن.  حضرت صدیق اکبر تے سیدنا فاروق اعظم نے انہاں دا اے عہدہ بحال رکھا، چنانچہ آپ تا وفات ہیں عہدے تے فائز رہے.  بعض نے فرمایا کہ آپ دی وفات عہدِ صدیقی وچ ہے. مرقات نے فرمایا کہ 14ھ یا 21ھ وچ آپ نے وفات پاتی تے مشکوۃ شریف دے بعض نسخیاں وچ آپ دا ناں ابن العلا ہے۔

وَعَن أبي الْعَلَاء بن الْحَضْرَمِيّ أَنَّ الْعَلَاءَ الْحَضْرَمِيَّ كَانَ عَامِلَ رَسُولِ اللَّهِ صَلَّى اللَّهُ عَلَيْهِ وَسَلَّمَ وَكَانَ إِذَا كَتَبَ إِليه بدأَ بنفسِه.( رَوَاهُ أَبُو دَاوُد) 

روایت ہے حضرت ابوالعلاء حضرمی توں کہ ابو العلاء حضرمی رسول الله صلی الله علیہ وسلم دے عامل ہن تے جݙݨ آپ انہاں دی طرف لکھدے تاں اپݨی ذات توں ابتداء کریندے. (ابوداؤد)

یعنی حضرت علاء جݙݨ بحرین توں حضور انورؐ دی خدمت وچ کوئی عریضہ لکھدے تاں پہلے اپݨا ناں ول مکتوب الیہ دا ناں لکھدے ہن کیونکہ ایہ ہی سنت رسول اللهؐ ہے. حضرت سلیمان علیہ السلام نے جݙݨ بلقیس کوں خط لکھا تاں لکھا اِنَّہٗ مِنۡ سُلَیۡمٰنَ وَ اِنَّہٗ بِسْمِ اللہِ الرَّحْمٰنِ الرَّحِیۡمِ جݙݨ حضور انور صلی الله علیہ وسلم نے شاہ روم کوں فرمان عالی لکھا تاں لکھا من محمد رسول الله الی ھرقل عظیم الروم، طریقہ خط لکھݨ دا ایہ چاہیدا اے کہ اپݨا ناں لکھے، ول جینکوں خط لکھݨا ہے اوندا ناں ہووے ،ول کجھ القاب، ول سلام، ول مقصد دی تحریر۔ خیال رہوے کہ ایہ چیز سلام دی تمہید ہوندی ہے اس واسطے اینکوں باب سلام وچ گھن آئے۔




#Article 143: ابو الفتح محمد شیبانی خان (122 words)


ابو الفتح محمد شیبانی خان سولہویں صدی وچ وسط ایشیاء وچ قائم ازبکاں دی سلطنت سلسلہ شیبانیان دا سب توں وݙا بادشاہ ہئی جیہڑا ابو الخیر خان دے ݙوجھے پتر شاہ بداغ خان دا پتر ہئی۔ ازبک قبائل ابو الخیر خان دے انتقال دے بعد دریائے سیحون دی زیریں وادی وچ منتقل تھی گئے ہن تے اتھوں اوہ کݙہیں مشرقی ترکستان دے منگول حکمراناں تے تیموریاں دے حلیف دی حیثيت نال تے کݙہیں انہاں دے خلاف لشکر وچ حصہ گھندے رہندے۔

جݙݨ اوہ تاریخ دے منظر تے پہلی واری ظاہر تھیا تاں لفظ ازبک جاہل تے وحشی دے ہم معنی ہئی لیکن ایہ تعریف شیبانی تے صادق نی آندی۔ اوہ اونویں ہی شائستہ تے مہذب ہئی جیویں تیموری گھراݨے دے ݙوجھے شہزادے۔




#Article 144: ابو الفرج ابن جوزی (299 words)


آپؒ دا ناں عبد الرحمٰن ہے ـ‘ لقب جمال الدین‘ کنیت ابو الفرج تے ابن الجوزی دے ناں توں مشہور ہن۔ سلسلہ نسب ایہ ہے : عبد الرحمٰن بن ابی الحسن علی بن محمد بن علی بن عبید اﷲ بن عبد اﷲ بن حمادیٰ بن احمد بن محمد بن جعفر الجوزی بن عبد اﷲ بن القاسم بن النضربن القاسم بن محمد بن عبد اﷲ بن عبد الرحمٰن بن القاسم بن محمد بن ابی بکر الصدیق‘ القرشی التیمی البکری البغدادی الحنبلیاور شیخ عبد الصمد بن ابی الجیش آہدے ہن کہ ایہ بصرہ دے ہک محلہ دی طرف نسبت ہے جس دا ناں محلۃ الجوز ہے۔ بعض دا قول ہے کہ ایہ نی بلکہ شہر واسط وچ انہاں دے اجداد دے گھر وچ جوز یعنی اخروٹ دا ہک درخت ہئی‘ جس دے سوا اتھاں کوئی اس دا درخت نہ ہئی۔

علم حدیث وچ انہاں کوں ابدی و آفاقی شہرت حاصل تھئی، اس علم وچ آپ دی بہت ساری تصانیف ہن حتیٰ کہ اپݨے مقام علم و تجربہ تے اعتماد دی وجہ توں آہدے ہوندے ہن کہ :

حدیث دی سماعت و کتابت وچ اتنا اشتغال ریہا تے اپݨے ہتھ توں مرویات حدیث دی اتنی کتابت کیتی کہ بعض مورخین دا بیان ہے کہ انہاں نے انتقال دے وقت وصیت کی٥ی کہ انہاں دے غسل ا پاݨی اس کترݨ تے ٻورے توں گرم کیتا ونجے ‘ جیہڑا حدیث دے لکھݨ کیتے قلم بݨاوݨ وچ جمع تھی گیا ہئی، چنانچہ اوہ اتنا ہئی کہ پاݨی گرم تھی گیا تے اوہ بچ ریہا ۔

آپؒ نے اپݨے مشائخ وچ ستاسی (87) اشخاص دا ذکر کیتا ہے۔ حالانکہ انہاں دے سوا وی تے کئی علما توں علم حاصل کیتا۔ چند وݙے وݙے اساتذہ دے ناں ایہ ہن :

ابن جوزیؒ نے 597ھ وچ شبِ جمعہ کوں انتقال کیتا، جامع منصور بغداد وچ نمازِ جنازہ تھئی۔




#Article 145: ابو الفضل ابن مبارک (258 words)


شیخ ابو الفضل علامی، شیخ مبارگ ناگوری دا بیٹے تے ابو الفضل فیضی دا چھوٹا بھرا اے. تعلق سرائیکی وسیب دے علاقے بھٹہ واہݨ نال ڈسیا ویندے جیہڑا ہݨ ضلع رحیم یار خان نال اے. 

اکبر اعظم دے نو رتناں وچوں ہک ایہ وی ہئی۔ 1572ء وچ اپݨے بھرا فیضی دے نال دربار اکبری وچ باریاب تھیا۔ آہستہ آہستہ تقرب شاہی حاصل کر گھدا۔ اتھاں تک کہ صدر الصدور دے عہدے تے فائز تھیا۔ 1600ء وچ منصب چار ہزاری تے فائز تھیا۔ شہزادہ سلیم (جہانگیر) دا خیال ہئی کہ ابوالفضل ایندے پتر خسرو کوں ولی عہد بݨاوݨ چاہندا ہے۔ چنانچہ اوندے اشارے تے راجا نرسنگھ دیو نے اینکوں اس وقت قتل کر ݙتا جݙݨ اوہ دکن ولدا پیا ہئی۔ اپݨے وقت دا عالم تے بلند پایہ مصنف ہئی۔ علامی تخلص رکھدا ہئی۔ آزاد خیال فلسفی ہئی۔ علما اینکوں دہریہ سمجھدے ہن۔ اکبر دے دین الٰہی دے اجرا دا سبب ہینکوں گردانا ویندے ۔ اکبر نامہ تے آئین اکبری مشہور تصانیف ہن۔ ایندے خطوط دا مجموعہ مکتوب علامی فارسی ادب دا شاہکار سمجھا ویندا ہے۔

شیخ ابوالفضل نے اکبر دے مذہبی عقائد تے بہت اثر سٹا۔ تے بہت فنکاری نال اوں نے بادشاہ کوں ایہ یقین ݙوایا کہ مذہب دے معاملات کوں آپ علما توں بہتر ڄاݨدے ہیوے۔ لہذا تہاکوں مذہب وچ بالادستی ہووݨی چاہیدی اے۔ ایندے ڳالہیاں توں متاثر تھی کے اکبر نے پہلے عبادت خانہقائم کیتا۔ جس وچ مختلف عقائد دے علما دے درمیان مناظرے تے بہث مباحثے تھیندے ہن۔ اس دے بعد دین الٰہی جاری کیتا۔ جینکوں سب توں پہلے ابو الفضل علامی نے قبول کیتا۔




#Article 146: ابو القاسم احمد المستعلی باللہ (372 words)


ابو القاسم احمد المستعلی باللہ دولت فاطمیہ دا نانواں خلیفہ تے اسمٰعیلیاں (اسماعیلیہ مستعلیہ، موجودہ بوہری مذہب) دا انیہواں امام (487ھ تا 495ھ)  اے. 

مستنصر دی وفات دے بعد اس دے اکیہ سالہ لڑکے کوں خلیفہ بݨا ݙتا گیا، اس فیصلے کوں مستنصر دے وݙے لڑکے نزار نے نہ منا تے بھڄ کے اسکندریہ چلا گیا ۔

نزار نے اسکندریہ دے والی کوں ترغیب و لالچ دے ذریعے اپݨے نال ملا گھدا تے اسکندریہ تے نزار دا قبضہ تھی گیا۔ نزار نے المصطفیٰ الدین اللہ دا لقب اختیار کر گھدا۔ نزار دے مقابلے کیتے افضل نے 488ھ وچ ہک لشکر گھن کے مصر دا محاصرہ کر گھدا۔ فریقین وچ معتدد معرکے تھئے، ابتدا وچ نزاریاں کوں کامیابی تھئی تے اوہ قاہرہ دے قرب و جوار تک آ گئے۔ لیکن افضل ہک ݙوجھا لشکر تریتب ݙے کے دوبارہ جنگ کیتے لیے تیار تھی گیا تے اسکندریہ روانہ تھیا۔ اس دفعہ نزار دے اکثر ساتھی اس دا ساتھ چھوڑ گئے۔ نزار نے مقابلے دی تاب نہ گھن کے ہتھیار سٹے تے امان طلب کیتی۔ افضل نے اینکوں امان ݙتی تے گرفتار کر کے قاہرہ بھیج ݙتا۔ مستعلی نے نزار کوں ݙو دیواراں دے درمیان کھڑا کر کے چݨ ݙتا۔ گو نزار ناکام ریہا لیکن اسمٰعیلیاں وچ ہک فرقہ نزاریہ وجود وچ آ گیا۔ جیہڑا ابتدا وچ حشیشین سݙویندا ہئی تے ہݨ آغا خانی دے ناں نال مشہور اے ۔

نزار دی شکست دے بعد دولت فاطمیہ وچ مستعلی دی کم سنی دی وجہ نال حکومت دی باگ ڈور افضل دے ہتھ رہی۔ کم سن خلیفہ صرف نمائش کیتے عوام وچ گھنایا ویندا ہئی۔ افضل نے انہاں شہراں کوں جیہڑے فاطمی قبضہ توں نکل گئے ہن واپس گھنݨ دی کوشش کیتی۔ بیت المقدس تے ترکی امیر سکمان قابض تھی گیا ہئی تے افضل دی کوشش نال 490ھ وچ ممالک فاطمیہ وچ داخل تھیا۔

جݙݨ افضل کوں اس دی خبر تھئی تاں اس اوندا خیر مقدم کیتا۔ اس دا خیال ہئی کہ انہاں دی مدد نال بیت المقدس واپس گھنیج سڳدا ہے۔ لیکن صلیبیاں نے بیت المقدس تے قبضہ کر کے اتھاں جیہڑی خون ریزی کیتی اس نال افضل چونکا۔ اس دے بعد عقسلان دے قریب اس تے صلیبیاں دی جماعت نے اچانک حملہ کیتا تے مصریاں کوں شکست ݙتی۔ افضل گھبرا کے مصر بھڄ گیا۔




#Article 147: ابو القاسم الزہراوی (364 words)


ابو القاسم خلف بن عباس الزہراوی اندلس نال تعلق رکھݨ والے علم جراحت دے بانی، متعدد آلات جراحی دے موجد تے مشہور مسلم سائنس دان ہن۔ قرطبہ دے شمال مغرب وچ امویاں دے بݨائے گئے شہر الزہراء دی نسبت نال الزہراوی سݙیندے ہن، یورپیاں نے انہاں دا ناں بہت ساری اشکال تے لاطینی زبان وچ کندہ کیتا ہے، اوہ طبیب، جراح تے مصنف ہن، اوہ عرب دے عظیم جراح تے طبیب منے ویندے ہن جنہاں دی جراحی دا دورِ جدید وی معترف ہے. 

انہاں دا زمانہ اندلس وچ چوتھی صدی ہجری (ݙاہویں صدی عیسوی) ہے، انہاں دی زندگی جلیل القدر کارنامیاں نال بھرپور ہے. اوہ خلیفہ عبدالرحمن سوم الناصر دے طبیبِ خاص ہن، ول انہاں دے پتر خلیفہ الحکم دوم المستنصر دے طبیبِ خاص تھئے، تاریخ وچ انہاں دی زندگی دے حوالے نال بہت کم تفصیلات ملدیای ہن حتی کہ ساکوں انہاں دا سالِ پیدائش 936ء، انہاں دی وفات غالباً 404ھ کوں تھئی۔ انہاں دی سب توں اچھی تصانیف وچ انہاں دی کتاب “الزہراوی” ہے جبکہ انہاں دی سب توں وݙی تصنیف “التصریف لمن عجز عن التالیف” ہے جیہڑی کئی زباناں وچ ترجمہ تھی کے کئی واری شائع تھی چکی ہے۔

الزہراوی صرف ماہر جراح ہی نہ ہن بلکہ تجربہ کار طبیب وی ہن، انہاں دی کتاب وچ اکھیاں دے امراض، کن، حلق، ݙند، مسوڑھے، زبان، عورتاں دے امراض، فنِ تولید، جبڑہ تے ہڈیاں دے ٹٹݨ تے تفصیلی ابواب موجود ہن۔

الزہراوی نے ناسور دے علاج کیتے ہک آلہ دریافت کیتا تے بہت سارے امراض دا استری نال علاج کیتا، زہراوی اوہ پہلے طبیب ہن جنہاں نے “ہیموفیلیا” نہ صرف دریافت کیتا بلکہ اس دی تفصیل وی لکھی۔

زہراوی دا یورپ وچ  بڑا عظیم اثر رہا، انہاں دی کتب دا یورپ دی بہت ساری زباناں وچ ترجمہ کیتا گیا تے یورپ دی طبی یونیورسٹیاں وچ پڑھائی ویندیاں رہیاں، یورپ دے جراحواں نے انہاں توں خوب استفادہ کیتا تے انہاں توں اقتباس وی کیتا، حتٰی کہ بعض اوقات بغیر حوالہ ݙتے انہاں دی دریافتاں اپݨے ناں منسوب کر گھدے، انہاں دی کتاب “الزہراوی” پندرہویں صدی عیسوی دے شروع توں گھن کے اٹھارویں صدی عیسوی دے اواخر تک یورپ دے اطباء دا واحد ریفرنس رہی۔ انہاں دے ایجاد کردہ آلات جراحی اج تک استعمال تھیندے ہن۔




#Article 148: ابو اللیث صدیقی (148 words)


پروفیسر ڈاکٹر ابواللیث صدیقی (پیدائش: 15 جون، 1916ء - وفات: 7 ستمبر، 1994ء) پاکستان نال تعلق رکھݨ والے ماہرِ لسانیات، محقق، ماہرِ تعلیم، نقاد، جامعہ کراچی دے شعبہ اردو دے سربراہ تے کولمبیا یونیورسٹی دے وزٹنگ پروفیسر ہن۔

ابواللیث صدیقی 15 جون، 1916ء کوں آگرہ، برطانوی ہندوستان وچ پیدا تھئے۔ انہاں نے آگرہ، بدایوں تے علی گڑھ توں تعلیم ھاصل کیتی۔ اوہ علی گڑھ مسلم یونیورسٹی توں اردو ادب وچ پی ایچ ڈی کرݨ والے پہلے اسکالر ہن۔ ابواللیث صدیقی ابتدا وچ علی گڑھ مسلم یونیورسٹی نال وابستہ رہے۔ 1948ء وچ لندن اسکول آف ایشین اینڈ افریقن اسٹڈیز چلے گئے تے شمالی ہندوستان وچ ہند-آریا زباناں تے تحقیق کیتی. ۔ تقسیم ہند دے بعد پاکستان چلے آئے۔ پہلے لاہور تے ول کراچی وچ سکونت اختیار کیتی۔

ڈاکٹر ابواللیث صدیقی 7 ستمبر، 1994ء کوں کراچی، پاکستان وچ وفات پا گئے تے جامعہ کراچی دے قبرستان وچ سپردِ خاک تھئے۔




#Article 149: ابو المیمون الحافظ (283 words)


ابو المیمون عبد المجید الحافظ الدین دولت فاطمیہ دا یارہواں خلیفہ (524ھ تا 544ھ) اے.  آمر جݙݨ قتل تھیا تاں اس دا کوئی پتر نہ ہئی اس واسطے اس دے چقچا زاد بھائی کوں خلیفہ بݨا ݙتا گیا۔ ایہ مستنصر دا پوترا تے اس دے پتر محمد دا پتر ہئی۔ چونکہ اسماعیلی عقائد دے مطابق پیؤ دے بعد پتر ہی امام بݨدا ہے۔ اس واسطے اس اس لڑکے دا نائب ہوݨ دا دعویٰ کیتا، جیہڑا آمر دی ہک بیوی دے بطن توں تھیوݨ والا ہئی۔ اس واسطے حافظ اپݨے آپ کوں نائب آہدا ہئی۔ مگر لڑکی دی پیدائش دے بعد اس امام ہوݨ دا دعویٰ کیتا ۔ حافظ نے 75 سال دی عمر وچ 544ھ وچ وفات پاتی ۔
 

حافظ دا پہلا وزیر ہزبر الملک ہئی لیکن فوج نے اس دی وزارت قبول نی کیتی تے اس کوں معزول کرݨ دا مطالبہ کیتا۔ مجبوراً ہزبر الملک کوں معزول کر ݙتا تے فوج دے مطالبہ تے اونکوں قتل وی کرنا پیا. اس دے بعد احمد علی وزیر بݨا۔ ہزبر الملک دی وزارت صرف ہک ݙینہہ رہی۔

احمد نے وزیر بݨدے ہی حافظ دے اختیارات چھک گھدے تے اس حکومت دا مذہب اسمٰعیلی توں بدل کے اثنا عشری جاری کرایا تے امام منتظر دے سکے جاری کیتے تے خطبہ وچوں وی حافظ دا ناں کڈھا کے اثنا عشری دے اماماں تے اپݨا ناں داخل کروا ݙتا۔ ول اس حافظ کوں وی قتل کراوݨ دی کوشش کیتی۔ لیکن اس وچ قوہ کامیاب نہ تھیا۔ احمد کوں 526ھ وچ یانس کتامی نے قتل کر ݙتا۔ حافظ نے یانس کوں وزیر بݨا گھدا۔ ایہ بہت ہوشیار ہئی لیکن ضرورت توں زیادہ سخت ہئی۔ اس واسطے حافظ گھبرا گیا تے موقع پا کے 529ھ وچ اونکوں قتل کروا ݙتا۔




#Article 150: ابو الوفاء البوزجانی (258 words)


ابو الوفاء البوزجانی (پیدائش: 10 جون 940ء — وفات: 15 جولائی 998ء) دا شمار اسلامی دور دے عظیم ریاضی داناں وچ تھیندا ہے۔ انہاں نے الجبراء تے جیومیٹری وچ ایسے نویں مسائل تے قائدے کڈھے جیہڑے اس توں بیشتر موجود نہ ہن۔ انھاں کوں مثلثات یعنی ٹرگنومیٹری دے اولین موجداں وچ شمار کیتا ویندا ہے۔عرب دے عظیم ترین ریاضی دان ہن، ریاضی دی ترقی وچ انہاں دا بہت بڑا کردار ہے۔

انہاں دا ناں “ابو الوفاء محمد بن یحیی بن اسماعیل بن العباس البوزجانی” ہے، عددیات تے حسابیات دی تعلیم اپݨے ماموں ابی عبد اللہ محمد بن عنبسہ تے چاچا ابی عمرو المغازلی توں حاصل کیتی، وی سال دے تھئے تاں بغداد چلے گئے جتھاں اپݨی تصانیف، مقالہ جات تے اقلیدس، دیوفنطس تے خوارزمی دی کتب تے تشریحات دے وجہ خوب شہرت حاصل کیتی۔

مثلثات دے حوالے نال انہاں دی گراں قدر خدمات ہن۔ جنہاں وچ چند ہک مندرجہ ذیل ہن۔

فنِ تصویر سازی وچ وی انہاں دا بڑا کردار ہے۔ ایں حوالے نال انہاں دی کتاب “کتاب فی عمل المسطرہ والبرکار والکونیا” بڑی اہمیت دی حامل ہے۔ ایں کتاب وچ تصویر سازی تے ایندے کیتے آلات دے استعمال دے خاص طریقے درج ہن .

انہاں دی قیمتی تے نفیس تصانیف ایہ ہن :

بوزجانی عرب تے مسلماناں دے سب توں مایہ ناز سائنس دان ہن جنہاں دے تجربات تے تصانیف دا سائنس دی ترقی وچ بڑا اہم کردار ہے، خاص طور تے فلک، مثلثات تے اصولِ تصویر سازی وچ، انہاں نے بڑے ہندسی تے جبری کلیے وضع کر کے تحلیلی ہندسہ دی دریافت دی راہ ہموار کیتی۔




#Article 151: ابو الکلام آزاد (149 words)


ابوالکلام محی الدین احمد آزاد (پیدائش 11 نومبر، 1888ء - وفات 22 فروری،1958ء) (بنگالی: আবুল কালাম মুহিয়ুদ্দিন আহমেদ আজাদ) آزاد ہند دے پہلے وزیرِ تعلیم تے قومی رہنما ہن۔ مولانا ابوالکلام آزاد دا اصل ناں محی الدین احمد ہئی۔ انہاں دے والد بزرگوار محمد خیر الدین انھاں کوں فیروزبخت (تاریخی ناں) آکھ کے پکاردے ہن۔ مولانا 1888ء وچ مکہ معظمہ وچ پیدا تھئے۔ والدہ دا تعلق مدینہ نال ہئی سلسلہ نسب شیخ جمال الدین نال ملدا ہے جیہڑے اکبر اعظم دے عہد وچ ہندوستان آئے تے اتھائیں مستقل سکونت اختیار کر گھدی۔ آپ نے 69 سال دی عمر وچ 22 فروری، 1958ء کوں وفات پاتی۔

مولانا ابوالکلام آزاد، آزاد ہندوستان دے پہلے وزیر تعلیم ہن۔ انہاں دے یوم پیدائش 11 نومبر، 1888ء کوں ہندوستان وچ قومی یومِ تعلیم منایا ویندا ہے۔

مولانا ابوالکلام آزاد دے ناں نال ہندوستان وچ حسبِ ذیل تعلیمی تے سرکاری ادارے منسوب کیتے گئے ہن۔




#Article 152: ابو الہول (198 words)


ابوالہول (Greek: Σφίγξ /sphinx/, Bœotian: Φίξ /Phix, Arabic: أبو الهول،) قصے کہانیاں دی ایسی افسانوی مخلوق دا ناں ہے جیندا جسم تاں شیر دا ہے مگر سر انسان دا۔ مصر دے آثار قدیمہ وچ ابوالہول (Sphinx) دا مجسمہ بہت مشہور ہے۔ ایہ گزہ دے علاقے وچ ہے۔ ایندی لمبائی 189 فٹ تے اونچائی 65 فٹ دے قریب ہے۔ دور توں ݙیکھو تاں پہاڑ جیہا نظر آندا ہے۔ ایہ مجسمہ تقریباً ترے ہزار سال قبل مسیح ہک وݙی چٹان کوں تراش کے بݨایا گیا ہئی۔ ایندے پنجے تے دھڑ شیر دا تے سر انسان دا اے۔

سورج دیوتا دی حیثیت نال ایندی پوجا وی کیتی ویندی ہئی۔ امتداد زمانہ نال ایندی صورت بگڑ گئی ہے۔ ڈاڑھی تے نک ٹٹ چکی ہے تے ایندا اوہ پروقار تبسم جیندا ذکر قدیم سیاحاں نے کیتا ہے ناپید تھی چکا ہے۔ ہݨ ایہ ہک ہیبت ناک منظر پیش کریندا ہے۔ ہیں وجہ نال عرباں نے ایندا ناں ابوالہول یعنی (خوف دا باپ) رکھ ݙتا ہے۔ 

ابوالہول (افسانوی جانور) نال متعلق ہک ٻجھارت وی مشہور اے کہ اوہ کیہڑا جانور ہے جیہڑا سویر کوں چار ٹنگاں تے، ݙوپہر کوں ݙو ٹنگاں تے، تے شام کوں ترے لتاں تے چلدا ہے۔ ایندا جواب 'انسان' ہے۔




#Article 153: ابو ایوب انصاری (502 words)


ابو ایوب انصاری انصار دے سرکردہ صحابی رسول تے میزبان رسول سݙویندے ہن. خَالِد بن زيد ناں ،ابوایوب کنیت، مدینہ منورہ دے قبیلۂ خزرج دے خاندان نجار توں ہن، سلسلۂ نسب ایہ ہے،خالدبن زید بن کلیب بن ثعلبہ بن عبد عوف خزرجی. خاندان نجار کوں قبائل مدینہ وچ خود وی ممتاز مقام حاصل ہئی، تاہم رسول اللہ ﷺ دی اتھاں نانکی قرابت ہئی جس وجہ ایں قبیلے کوں مدینہ دے باقی قبائل توں امتیاز حاصل ہئی. ابوایوب اس خاندان دے رئیس ہن۔ 

ابوایوب انصاری انہاں منتخب بزرگان مدینہ وچوں ہن جنہاں نے عقبہ دی گھاٹی وچ ونج کے آنحضرتﷺ دے دستِ مبارک تے اسلام دی بیعت کیتی ہئی۔ جݙݨ مکہ توں دولتِ ایمان گھن کے پلٹے تاں انہاں دی فیاض طبعی نے گوارا نہ کیتا کہ اس نعمت کوں صرف اپݨی ذات تک محدود رکھن، چنانچہ اپݨے اہل و عیال ،اعزہ واقربا تے دوست و احباب کوں ایمان دی تلقین کیتی تے اپݨی بیوی کوں حلقہ اسلام وچ داخل کیتا۔

آنحضرت صلی اللہ علیہ و آلہ وسلم مدینہ منورہ وچ داخل تھئے تاں ہر شخص میزبانی دا شرف حاصل کرݨ دا خواہش مند ہئی۔ لیکن حضور صلی اللہ علیہ و آلہ وسلم نے فرمایا کہ جس جگہ ݙاچی ٻہسی ۔ اتھائیں آپؐ مقیم تھیسن ۔ ݙاچی،  ابو ایوب انصاری دے دروازے تے بیٹھی۔ انہاں دا مکان ݙو منزلہ ہئی۔ نبی اکرمؐ نے تلے قیام فرمایا تے ست مہینے تک اتھاں رہے۔

ہجرت دے بعد آنحضرتﷺنے مہاجرین وانصار کوں باہم بھائی بھائی بݨایا. ابو ایوب انصاری کوں جس مہاجر دا بھائی قرار ݙتا اوہ یثرب دے اولین داعی اسلام مصعب بن عمیر قریشی ہن۔

آپ دی وفات 42ھ 662ء وچ تھئی.  سفر جہاد وچ عام وبا پھیلی تے مجاہدین دی بڑی تعداد اس دی نذر تھی گئی، ابوایوب وی اس وبا وچ بیمار تھئے، یزید عیادت کیتے گئے تے پچھا کہ کوئی وصیت کرݨی ہووے تاں فرماؤ تعمیل کیتی ویسی ، آپ نے فرمایا تساں دشمن دی سرزمین وچ جتھاں تک ونج سڳو میݙا جنازہ چا کے دفن کرنا، چنانچہ وفات دے بعد اس دی تعمیل کیتی گئی، تمام فوج نے ہتھیار سجا کے رات کوں میت قسطنطنیہ دی دیواراں دے تلے دفن کیتی ،نماز وچ جس قدر مسلمان فوجی شامل ہن دفن کرݨ دے بعد یزید نے مزار دے نال کفار دی بے ادبی دے خوف توں اس کوں زمین دے برابر کرا ݙتا، صبح کوں رومیاں نے مسلماناں توں پچھا کہ رات تساں لوگ کجھ مصروف  نظر آندے ہاوے، ڳال کیا ہئی،مسلماناں نے آکھا کہ ساݙے پیغمبرؐ دے ہک بڑے جلیل القدر دوست نے وفات پاتی اے ،انہاں دے دفن وچ مشغول ہاسے. لیکن جتھاں اساں دفن کیتا ہے تہاکوں معلوم ہے، اگر مزار اقدس دے نال کوئی گستاخی تہاݙی طرفوں روا رکھی گئی تاں یاد رکھو اسلام دی وسیع الحدود حکومت وچ کوئی ناقوس نہ بچ سڳسی۔ 

ابوایوب دا مزار دیوار قسطنطنیہ دے قریب ہے تے ہݨ تک زیارت گاہ خلائق ہے، رومی قحط دے زمانہ وچ مزار اقدس تے جمع تھیندے ہن، اس دے وسیلہ نال بارانِ رحمت منگدے ہن تے خدا دے لطف وکرم دا تماشا ݙیکھدے ہن۔




#Article 154: ابو بکر بیہقیؒ (140 words)


امام بیہقیؒ (پیدائش: ستمبر 994ء— وفات: 9 اپریل 1066ء) مشہور ائمۃ الحدیث تے صاحب تصنیف ہن۔ آپؒ دا اسم گرامی ابو بکر احمد بن حسین بن علی بن عبد اللہ بن موسیٰ خسروجردی، بیہقی، خراسانی ہے۔ انہاں کوں امام بیہقیؒ وی لکھا ویندا ہے. آپؒ شعبان 384ھ 994ء وچ خسرو جرد نامی وستی وچ پیدا تھئے جیہڑی بیہق (نیشاپور) دے نواح وچ واقع ہے ۔

اساتذہ کرام وچ انتہائی شہرت دے حامل ایہ حضرات ہن : 

امام بیہقیؒ دی وفات دے سلسلے وچ امام ذہبیؒ لکھدے ہن کہ آخر عمر وچ اوہ نیشاپور آ گئے ہن تے اتھاں اپݨی کتب دے درس وچ مشغول تھی گئے، لیکن جلد ہی وقتِ رحلت آن پہنچا تے 10 جمادی الاولیٰ 458ھ- 1066ء کوں نیشاپور وچ ہی داعیٔ اجل کوں لبیک آکھا تے بیہق وچ گھن آ کے آپؒ کوں سپرد خاک کیتا گیا۔




#Article 155: ابو بکر جصاصؒ (131 words)


امام ابوبكر احمد بن علی رازیؒ، حنفی فقہ دے اکابرین وچ شمار تھیندن۔ پورا ناں احمد بن على الرازىؒ تے لقب الجصاصؒ اے. ابوبكر احمد بن على الرازى الجصاصؒ توں مشہور ہن ۔ امام جصاصؒ دی ولادت رے شہر وچ تھی. ہیں نسبت نال رازى سݙیندن. آپؒ دی ولادت دا سال 305ھ بمطابق 917ء اے.  وی سال دی عمر وچ بغداد منتقل تھی گئے۔ ابوبکر جصاصؒ نے بہت سارے علمی سفر کیتے تے اکابر علما توں علم حاصل کیتا. بالخصوص علمائے احناف توں بہت استفادہ کیتا.  اہواز، نیشاپور دے سفر کیتے تے ایں علمی سفر دی انتہا بغداد وچ تھئی.  امام کرخیؒ دے کول نیشا پور وچ ہن کہ انہاں دا انتقال تھیا۔ انہاں دی وفات 370ھ بمطابق 980ء وچ بغداد وچ تھئی

انہاں دے مشائخ وچ اے علما شامل ہن: 




#Article 156: ابو بکر شاہ تغلق (148 words)


دہلی سلطنت دے تغلق خاندان دا اے پنجواں حکمران اے جیں نے 1389ء توں 1390ء تک حکومت کیتی۔ ابو بکر خان ابن ظفر خان ابن فتح خان ابن فیروز شاہ تغلق، ہندوستان وچ تغلق خاندان دا پنجواں فرمانروا ہئی۔ اے فیروز شاہ تغلق دے بیٹے فتح خان دا پوترا ہئی۔ 791ھ بمطابق 1388ء کوں سلطان تغلق خان دے بعد تخت تے بیٹھا۔

ایندے عہد وچ باغیاں نے بغاوت کر ݙتی ہئی۔ باغیاں تے قابو پاوݨ دے بعد ملتان، لاہور تے ݙوجھے صوبیاں دے حاکماں کوں سلطانی عہدیداراں دے قتل دا حکم ݙتا۔ چنانچہ فسادات شروع تھی گئے۔ کساناں نے لگان ادا کرݨا بند کر ݙتا تے او محمد شاہ بن فیروز شاہ دی زیر قیادت کٹھے تھیوݨا شروع تھی گئے۔ محمد شاہ دہلی تے حملہ آور تھیا۔ اݙوں اوندا بیٹا شہزادہ ہمایوں خاں وی حملہ آور تھیا۔ ابوبکر تغلق ڈیڈھ سال
حکومت کرݨ دے بعد فرار تھی گیا۔




#Article 157: ابو جعفر طحاوی (332 words)


امام ابو جعفر طحاوی تریجھی صدی دے عظیم محدث و فقیہہ ہن.  محدثین دے ہاں انہاں کوں حافظ تے امام دا درجہ حاصل ہے جبکہ فقہا انہاں کوں مجتہد منتسب قرار ݙیندے ہن۔ عموما امام طحاوی دے ناں نال وی معروف ہن۔ ناں، احمد۔ کنیت، ابو جعفر۔ والد دا ناں، محمد ہے۔ سلسلہ نسب ایویں ہے۔ الامام الحافظ ابو جعفر احمد بن محمد بن سلامہ بن سلمہ بن عبد الملک بن سلمہ بن سلیم بن سلیمان بن خباب ازدی حجری طحاوی مصری حنفی۔ ابوسعید بن یونس نے آکھے کہ میکوں امام طحاوی نے بیان کیتا کہ میݙی پیدائش 239ھ بمطابق 853ء وچ تھئی۔ 

امام طحاوی دے شیوخ و اساتذہ دی ہک طویل فہرست ہے انہاں وچ چند ہک ایہ ہن۔ ابراہیم بن ابی داؤد سلیمان بن داؤد الاسدی ،احمد بن شعیب بن علی النسائی صاحب السنن ،احمد بن ابی عمران القاضی،اسحاق بن ابراہیم بن یونس البغدادی،اسماعیل بن یحیی المزنی ،بحربن نصر بن سابق الخولانی،بکار بن قتیبہ بن البصری القاضی،یونس بن عبد الاعلی الصدفی، ہارون بن سعیدایلی،محمد بن عبد اللہ بن الحکم،عیسیٰ بن مشرود اور عبد الغنی بن رفاعہ. 

امام طحاوی دی علمی شہرت جیہڑے ویلے دور دور تک پھیل گئی تاں ول تشنگان علم تے علم حدیث و فقہ دے شائقین نے دوردراز توں آپ دی جانب رجوع کیتا تے آپ دی شاگردی اختیار کیتی۔ امام طحاوی دے شاگرداں دی وی ہک طویل فہرست ہے جیویں کہ الجواہر المضیئہ وچ  لکھا ہویا اے.  چند اسماء ذکر کیتے ویندن ۔ احمد بن ابراہیم بن حماد احمد بن محمد بن منصور الانصاری الدامغانی عبد الرحمن بن احمد بن یونس المورخ سلیمان بن احمد بن ایوب الطبرانی ابوالقاسم صاحب المعاجم عبد اللہ بن عدی بن عبد اللہ الجرجانی ابواحمد صاحب کتاب الکامل فی الجرح والتعدیل علی بن احمد الطحاوی ابو القاسم عبید اللہ بن علی الداؤدی شیخ اہل الظاہر فی عصرہ، محمد بن عبد اللہ بن احمد بن زبر ابوسلیمان الحافظ ابوبکرمحمد بن جعفربن الحسین البغدادی المعروف بغندرالحافظ المفید. 

امام طحاوی دی وفات یکم ذیقعدہ 321ھ بمطابق 933ء وچ 82 سال دی عمر وچ تھئی




#Article 158: ابو جعفر منصور (612 words)


ابوجعفر منصور دی ولادت 711ء، 95 ھ وچ اپݨے ݙاݙے علی بن عبد اللہ بن عباس دی زندگی وچ حمیمہ قصبہ وچ تھئی۔ ابو جعفر اس دی کنیت تے منصور لقب ہئی۔ اس دی ماں بربری النسل دی ہک لونڈی ہئی جس دا نام سلامہ ہئی۔ اوہ بڑی عابد و زاہد خاتون ہئی۔ ابوجعفر دا خاندان بڑا متمول تے علم و فضل میں یکتا ہئی۔ لہذا بچپن وچ اینکوں جیہڑا شاندار ماحول میسر آیا اس اس دی صلاحیتاں کوں نکھارݨ وش بڑا حصہ ادا کیتا۔

سفاح نے اپݨی زندگی وچ ہی ابوجعفر منصور تے اس دے بعد عیسی بن موسی دے حق وچ وصیت کر ݙتی ہئی۔ سفاح دی وفات دے وقت اوہ حج کیتے  مکہ مکرمہ وچ ہئی۔ بھائی دی موت دی خبر پا کے اوہ فوری بغداد پہنچا۔ جامع مسجد کوفہ وچ جمعہ دی نماز پڑھائی تے اپݨا پہلا خطبہ ݙتا۔ اوہ مسند خلافت تے 754ء کوں متمکن تھیا۔ عمر وچ اپݨے بھائی سفاح توں وݙا ہئی۔ منصور نے خلافت سنبھالݨ دے بعد درالحکومت انبار وچ جشنِ خلافت منا کے اپݨی حکومت دا افتتاح کیتا۔ اس وقت اس دی عمر اکتالیہہ سال ہئی ۔

منصور نے بغاوتاں کوں فرو کر کے ہک مضبوط عباسی حکومت دی بنیاد پاتی تے ملکی نظم و نسق کوں بہتر بݨاوݨ دی طرف توجہ کیتی۔ ایں ملکی استحکام دی وجہ نال انہاں دے جانشیناں نے عظیم الشان کارنامے انجام ݙتے۔ منصور نے ہک ایسی حکومت اپݨے جانشین دے حوالے کیتی جس دا خزانہ پُر، لوگاں دے دل امن نال معمور تے رعایا خوشحال، تجارت روبہ ترقی تے ریاست بے حد مستحکم ہری۔ اس فوج کوں مستحکم کیتا۔ انہاں دی تنخواہواں دا باقاعدہ انتظام کیتا.  فوجی چوکیاں تے چھاوݨیاں تعمیر کیتیاں۔ محکمہ جاسوسی کوں بہتر بݨایا۔ اس علویاں دی طاقت دا خاتمہ کیتا جس نال عباسی خلافت دا وجود یقینی تھی گیا۔ 

اس  خلافت دے مذہبی تقدس کوں بحال کیتا تے پوری اسلامی دنیا وچ خلافت دا روحانی تشخص قائم کیتا جیہڑا کہ خلافتِ راشدہ دا خاصہ ہئی، اے روحانی تقدس خلافت عثمانیہ دے اختتام تک قائم ریہا. مزید ایہ نظریہ پیش کیتا کہ چونکہ بنو عباس وی اہل بیت توں ہن لہٰذا سیاسی قیادت دے علاوہ مذہبی سیادت یعنی امامت وی انہاں ہی دا حق ہے۔ ایویں مستقبل وچ اساں ݙیکھدے ہیں کہ سیاسی قوت تے غلبہ کھو ونجݨ دے باوجود صدیاں تک عباسی خلافت دی اسلامی دنیا وچ مرکزی تے روحانی حیثیت قائم رہی۔ 

مالیات دے محکمے کوں مستحکم کیتا۔ اس دا مشہور قول ہے کہ دولت حکومت کیتے حصن تے دین و دنیا کیتے  بمنزلہ رکن ہے۔ اپݨے اس مقولہ تے عمل پیرا تھی کے اس ساری عمر فضول خرچیاں توں اجتناب برتا تے کفایت شعاری کوں معمول بݨا گھدا۔ انہاں دی وفات دے وقت خزانہ مال و دولت نال پر ہئی۔ ایویں رعایا دی خوشحالی دا آغاز تھیا۔

اس دی نجی تے ذاتی زندگی سادگی دا نمونہ ہئی۔ ابن خلدون نے اس دی سادگی تے اینکوں خراج عقیدت پیش کیتا ہے۔ اوہ پابند و صوم صلوۃ ہئی۔ اکثر پیوند لگے کپڑے پیندا ہئی۔ اس دے کمرے دے اندر ہک ٹاٹ وچھا ہوندا ہئی جتھاں منصور دے بستر، لحاف تے توشک دے کجھ ٻیا موجود نہ ہئی ہوندا۔ موسیقی نال اونکوں کوئی لگاؤ نہ ہئی۔ عیش و عشرت نال اینکوں نفرت ہئی۔

خلیفہ منصور عباسی دے اٹھ پتر ہن۔

سفاح دی وصیت دے برخلاف اپݨ جانشینی اپݨے پتر مہدی دے ناں وصیت کرݨ دے بعد اوہ 775ء بمطابق 148ھ کوں حج کیتے روانہ تھیا۔ دورانِ سفر بیمار تھی گیا تے چھ ذی الحج کوں بیرمیمون دے مقام تے تریسٹھ سال تے کجھ مہینے دی عمر وچ وفات پاتی۔ وفات دے وقت سوائے اس دے خاص خادماں تے وزیر ربیع دے ٻیا کوئی موجود نہ ہئی۔ اس دا عہدِ حکومت تقریبا ٻاویہہ سال ریہا۔




#Article 159: ابو جندل بن سہیل (453 words)


ابو جندل بن سہیل صحابیٔ رسولؐ تے سہیل بن عمرو دے پتر ہن۔ عاص ناں، ابو جندل کنیت ، نسب نامہ ایہ ہے، ابو جندل بن سہیل بن عمرو بن عبد شمس بن عبد ود بن نصر ابن مالک بن حل بن عامر بن لوئی قرشی عامری. 

ابو جندل اس وقت مسلمان تھئے جݙݨ انہاں دا گھر اسلام دشمنی دا گڑھ ہئی.  والد سہیل نے انہاں دے پیراں وچ بیڑیاں پا کے قید کر ݙتا تے اوہ کئی سال تک اس قید و بند وچ گرفتار رہے.  6ھ صلح حدیبیہ وچ انہاں دے والد سہیل ہی قریش مکہ دی طرفوں  آنحضرت صلی اللہ علیہ و آلہ وسلم دے کول مصالحت کیتے آئے ہن۔ جیہڑلے شرائط لکھیندے پئے ہن تاں انہاں وچ ہک شرط اے وی ہئی کہ قریش دا کوئی آدمی وی خواہ اوہ مسلمان ہی کیوں نہ ہووے مسلماناں دے کول چلا آسی تاں مسلمان اس دے قریش مکہ کوں واپس کرݨ دے پابند ہوسن.

ابوجندل جیہڑے اسلام قبول کر چکے ہن تے کفار مکہ دی قید وچ ہن۔ کہیں طرح بھڄ کے بیڑیاں سمیت حضور صلی اللہ علیہ وسلم دی خدمت وچ حاضر تھی گئے تے اپݨے زخم ݙکھا کے فریاد کیتی کہ انھاں کوں اپݨے نال مدینہ گھن ڄلو۔ حضورؐ نے سہیل کوں کافی سمجھایا کہ اوہ ابوجندل کوں مدینہ ونجݨ دی اجازت ݙے ݙیون۔ مگر اوہ راضی نہ تھیا تے آکھا کہ شرائط صلح دی رو نال آپؐ اینکوں نی گھن کے ونج سڳدے۔ چنانچہ حضورؐ نے صحابہ کرام دی مخالفت دے باوجود ابوجندل کوں سہیل دے حوالے کر ݙتا تے آکھا  ابو جندل صبر و ضبط نال کم گھن، خدا تہاݙے تے ݙوجھے مظلوم مسلماناں کیتے  کوئی رستہ پیدا کریسی، اساں صلح کرچکے ہیں اور صلح دے بعد انہاں نال بد عہدی نی کر سڳدے۔ ابوجندل کفار دی سختیاں سہندے ریہے تے جݙݨ مکہ دے ستم زدہ مسلماناں نے مقام عیص وچ ہک پناہ گاہ بݨا گھدی تاں ایہ وی اتھاں چلے گئے۔

جݙݨ کفار مکہ نے صلح حدیبیہ دی اوہ دفعہ جس دی رو نال ابو جندل واپس کیتے گئے ہن،  واپس گھن گھدی تاں آنحضرتﷺ نے ابو جندل تے انہاں دے ساتھی ابو بصیر کوں مدینہ سݙا بھیجا، ابو بصیر کوں مدینہ آوݨ دی نوبت نی آئی تے اوہ اوں وادیِ غربت وچ پیوندِ خاک تھی گئے. ابو جندل مدینہ واپس تھئے، مدینہ آوݨ دے بعد جس قدر غزوات تھئے، سب وچ شرکت دی سعادت حاصل کیتی۔

آنحضرتﷺ دی حیات مبارکہ دے دوران  مدینہ وچ رہے.  اس دے بعد عمرفاروق دے زمانہ وچ جݙݨ شام تے فوج کشی تھئی تاں اس وچ مجاہدانہ شرکت کیتی تے پنج چھی سال تک مسلسل جہاد فی سبیل اللہ وچ مشغول رہ کے حضرت عمر فاروق د ے عہد خلافت 18ھ وچ طاعون دی وبا وچ عمواس وچ وفات پاتی۔




#Article 160: ابو داؤد سجستانی (326 words)


محدث،  اصل ناں سلیمان بن الاشعث السجستانی اے۔ ابوداؤد کنیت ہے۔ بصرے وچ درس و تدریس تے تالیف وچ مصروف رہے۔ تے اتھائیں وفات پاتی۔ احمد بن حنبل دے شاگرد ہن۔ انہاں دی اہم تالیف کتاب السنن ہے جیہڑی سنن ابی داؤد دے ناں نال مشہور ہے۔ اس وچ انھاں نے معروف احادیث جمع کیتیاں ہن۔ کتاب دا موضوع فقہی مسائل تک محدود ہے۔ البتہ اس وچ احادیث دی صحت پرکھݨ دے اصولاں تے وی بحث کیتی گئی ہے۔ کتاب السنن صحاح ستہ وچ شمار تھیندی ہے۔ امام ابوداؤد سیستان (ایرانی سیستان، بلوچستان) وچ 202ھ وچ پیدا تھئے. 

ابوداؤد کنیت، سلیمان ناں تے والد دا اسم گرامی اشعث ہے سلسلہ نسب ایہ ہے۔ ابوداؤدسلیمان بن اشعث بن اسحاق بن بشیر بن شداد بن عمرو الأزدی السجستانی قبیلہ ازد دی طرف منسوب تھی کے ازدی تے خراسان دے شہر سجستان دی طرف نسبت کریندے ہوئے سجستانی سݙیندے ہن۔

کم عمری وچ ہی اخذ علم کیتے سفر شروع کر ݙتا ہئی، حجاز، شام، مصر، عراق تے خراسان وغیرہ بلادِ اسلامیہ دا سفر کر کے اتھاں دے علماء تے مشائخ دی ہک وݙی جماعت توں حدیثِ پاک دا علم حاصل کیتا۔ آپؒ دے اساتذہ وچ امام احمد بن حنبلؒ، قعبیؒ تے ابولولیدؒ الطیالسی جیہے کبارِ مشائخ شامل ہن۔ بعض اینجھے اساتذہ وی ہن، جنہاں توں اخذ علم وچ آپؒ امام بخاریؒ تے امام مسلمؒ دے نال شریک ہن۔ مثلاً احمد بن حنبلؒ، عثمانؒ بن ابی شیبہ تے قتیبہؒ بن سعید وغیرہ۔ 

ابراہیم حربی نے جیہڑے اس زمانہ دے عمدہ محدثین وچوں ہن جݙݨ سنن ابوداؤد کوں ݙٹھا تاں فرمایا کہ ابوداؤد کیتے حق تعالیٰ نے علم حدیث ایسا نرم کر ݙتا ہے جیویں حضرت داؤد علیہ السلام کیتے لیے لوہا تھیا ہئی.

امام ابو داؤدؒ نے تہتر سال دی عمر پا کے سولہ شوال 275ھ وچ انتقال فرمایا تے بصرہ وچ امام سفیان ثوری دے پہلو وچ مدفون تھئے۔ یوم وفات روزِ جمعہ ہے۔

مثل ایوان سحر مرقد فروزاں ہو تیرا

نور سے معمور یہ خاکی شبستان ہو تیرا




#Article 161: ابو رافع رضی اللہ عنہ (390 words)


ابو رافع کنیت، ناں ابراہیم یا اسلم ہے. آپ حضورؐ دے آزاد کردہ غلام ہن. آپ نسلًا قبطی ہن تے عباس بن عبد المطلب دی ملک وچ ہن تے انہاں نے بطور نذرانہ حضورؐ دی ملک وچ ݙے ݙتا۔ جݙݨ عباس اسلام گھنائے تاں انہاں نے ہی حضورؐ کوں آپؐ دے اسلام دی خبر ݙتی. حضورؐ نے اس خوشی وچ انہاں کوں آزاد کر ݙتا۔ آپ سوائے جنگ بدر دے باقی تمام غزوات وچ حضورؐ دے نال رہے. خلافت مرتضویؑ وچ وفات پاتی۔ (مرقاۃ واشعۃ اللمعات)

حضور صلی اللہ علیہ وآلہ وسلم نے آپ کوں آزاد تاں فرما ݙتا مگر انہاں دے دل وچ حضور صلی اللہ علیہ وآلہ وسلم دی جیہڑی محبت ہئی اس محبت نے حضور صلی اللہ علیہ وآلہ وسلم توں دور نہ تھیوݨ ݙتا چنانچہ ایہ حضور صلی اللہ علیہ وآلہ وسلم دے نال رہے بلکہ حضور صلی اللہ علیہ وآلہ وسلم نے ہی انہاں کوں اپݨے خاندان وچ شامل فرما گھدا ہئی کیونکہ حضور صلی اللہ علیہ وآلہ وسلم نے فرمایا مولى القوم من أنفسهم کہ آدمی دا آزاد کردہ غلام اس دے خاندان وچوں ہے۔ ول حضور صلی اللہ علیہ وآلہ وسلم نے انہاں دی شادی وی اپݨی آزاد کردہ ٻانہی سلمٰی  نال کرائی۔ 

کہیں وجہ نال غزوہ بدر تک مکہ مکرمہ وچ رہے.  اس دے بعد ہجرت کیتی تے ول سفر و حضر وچ آنحضرت صلی اللہ علیہ وآلہ وسلم دے نال ریہے۔ غزوہ احد تے اس دے بعد والے غزوات وچ برابر شریک تھیندے رہے. بعض سرایا وچ وی شامل رہے۔ ہر وقت حضور صلی اللہ علیہ وآلہ وسلم دے نال ہووݨ دی بنا تے اللہ تعالٰی نے انہاں کوں علوم دا وافر حصہ عطا فرمایا ہئی جس دی وجہ نال انہاں توں فیضیاب تھیوݨ والیاں دی تعداد بہت زیادہ ہے، بہت سارے صحابہ کرام تک انہاں توں مرجعت کریندے ہن۔ غرض ایہ کہ ابو رافع   اگرچہ غلاماں وچوں ہن مگر جݙݨ انہوااں نے اپݨے دل کوں کفر وشرک توں آزاد کیتا تے محبت نبیؐ نال اپݨے دل کوں معمور کیتا تاں مرجع خلائق بݨ گئے۔ 

یہ ابو رافع جنہاں دے ناں وچ اختلاف ہے،  کسی نے اسلم کہیں نے کجھ آکھا ہے.  انہاں دی زندگی وچ ساݙے کیتے بہت بڑا سبق پنہاں ہے کہ اوہ غلام، بے یارومددگار تے نام و نسب دے بغیر دین و علم دی اتنی خدمت کر گئے جنہاں تے آزاداں دی آزادیاں قربان کریج سڳدیاں ہن۔




#Article 162: ابو ریحان البیرونی (350 words)


ابو ریحان محمد بن احمد البیرونی المعروف البیرونی (پیدائش: 4 ستمبر 973ء، وفات: 9 دسمبر 1048ء) ہک بہت بڑے محقق تے سائنس دان ہن۔ اوہ خوارزم دے مضافات وچ ہک قریہ، بیرون وچ پیدا تھئے تے ایندی نسبت نال البیرونی سݙیجے۔ البیرونی،  بو علی سینا دے ہم عصر ہن۔ خوارزم وچ البیرونی دے سرپرستاں یعنی آلِ عراق دی حکومت ختم تھئی تاں اس جرجان دی جانب رخت سفر ٻدھا.  اتھائیں اپݨی عظیم کتاب آثار الباقیہ مکمل کیتی۔ حالات سازگار تھیوݨ تے البیرونی دوبارہ وطن لوٹا تے اتھائیں دربار وچ عظیم سائنسدان بو علی سینا نال ملاقات تھئی۔

البیرونی نے ریاضی، علم ہیئت، تاریخ تے جغرافیہ وچ ایسی عمدہ کتاباں لکھیاں جیہڑے ہݨ تک پڑھیاں ویندن ۔ انہاں وچ ”کتاب الہند“ ہے جس وچ البیرونی نے ہندو‎اں دے مذہبی عقائد، انہاں دی تاریخ تے برصغیر پاک و ہند دے جغرافیائی حالات بڑی تحقیق نال لکھے ہن۔ اس کتاب نال ہند‎ؤاں دی تاریخ نال متعلق جیہڑے معلومات حاصل تھیندن انہاں وچ بہت ساری معلومات ایسی ہن جیہڑی ٻیا کتھاؤں حاصل نی تھی سڳدے۔ اس کتاب کوں لکھݨ وچ البیرونی نے بڑی محنت کیتی۔ ہندو برہمن اپݨا علم کہیں ݙوجھے کوں نہ سکھیندے ہن لیکن البیرونی نے کئی سال ہندوستان وچ رہ کے سنسکرت زبان سکھی تے ہندواں دے علوم وچ ایسی مہارت پیدا کیتی کہ برہمن تعجب کرݨ لگے۔ البیرونی دی ہک مشہور کتاب قانون مسعودی ہے جیہڑی اس محمود غزنوی دے لڑکے سلطان مسعود دے ناں تے لکھی۔ ایہ علم فلکیات تے ریاضی دی بڑی اہم کتاب ہے۔ اس دی وجہ نال البیرونی کوں ہک عظیم سائنس دان تے ریاضی دان سمجھا ویندا ہے۔ البیرونی نے پنجاب بھر دی سیر کیتی تے کتاب الہند تالیف کیتی، علم ہیئت و ریاضی وچ البیرونی کوں مہارت حاصل ہئی۔ انہاں نے ریاضی، علم ہیئت، طبیعیات، تاریخ، تمدن، مذاہب عالم، ارضیات، کیمیا تے جغرافیہ وغیرہ تے ڈیڈھ سو توں زائد کتاباں تے مقالہ جات لکھے۔ البیرونی دے کارنامیاں دے پیش نظر چندر دے ہک دہانے دا نام البیرونی کریٹر رکھا گیا ہے۔

البیرونی نے تاریخ، ریاضی تے فلکیات تے کوئی سو توں زائد تصانیف چھوڑی ہن جنہاں وچ کجھ اہم ایہ ہن :

قانون مسعودی




#Article 163: ابو سعید مرزا (237 words)


ابو سعید مرزا بن محمد بن میران شاہ بن تیمور (1424ء تا 1469ء) تیموری سلطنت دے ہک حکمران ہن جیہڑی موجودہ قازقستان، ازبکستان، ایران تے افغانستان تے مشتمل ہئی۔ ابو سعید امیر تیمور دا پڑ پوترا، میران شاہ دا پوترا تے الغ بیگ دا بھتریجا ہئی۔ اوہ وادئ فرغانہ دے حاکم عمر شیخ مرزا دا والد تے ہندوستان دی سلطنت مغلیہ دے بانی ظہیر الدین بابر دا ݙاݙا ہئی۔ 

ابتدا وچ ابو سعید نے فوجی لشکر تشکیل ݙتا لیکن سمرقند و بخارا وچ قدم ڄماوݨ وچ ناکام تھیا تے بالآخر یاسی وچ اپݨا اݙا قائم کیتا۔ 1450ء تک ترکستان دا بیشتر علاقہ فتح کر گھدا۔ 1451ء وچ اس ابو الخیر خان دی زیر قیادت ازبک دی مدد نال سمرقند تے وی قبضہ کر گھدا ایں طرح تیموری سلطنت دا تمام مشرقی حصہ اس دے زیر نگیں آ گیا۔ 

اس 1458ء وچ فتح ہرات دے نال ثابت کر ݙتا کہ اوہ وسط ایشیا وچ سب توں طاقتور تیموری شہزادہ ہے۔ 1459ء وچ اس ترے تیموری شہزادیاں دی افواج کوں ہک جنگ وچ شکست ݙتی تے 1461ء تک مشرقی ایران تے افغانستان دا بیشتر حصہ حاصل کر گھدا۔ 1469ء وچ آذربائیجان دے پہاڑاں وچ آق قویونلو ترکماناں دے خلاف ہک مہم دے دوران وچ اوہ گرفتار تھی گیا تے اوزون حسن دے ہتھوں مار ݙتا گیا۔ ابو سعید صوفیاں نال خاص عقیدت رکھدا ہئی تے نقشبندی سلسلے دے شیخ خواجہ عبید اللہ احرار نال بہت قریبی تعلق رکھدا ہئی۔




#Article 164: ابو سلمہ عبد اللہ (298 words)


حضرت ابو سلمہ عبد اللہ ابن عبد الاسد مخزومی رضی اللہ عنہ دا ناں عبد اللہ بن عبد الاسد ہئی.  ام المؤمنین ام سلمہ پہلے انہاں دے نکاح وچ ہن۔ انہاں دی والدہ رسول اللہ صلی اللہ علیہ و آلہ وسلم دی پھوپھی ہن اور ایہ، رسول اللہؐ تے حمزہ بن عبد المطلب رضاعی بھائی ہن۔
پورا شجرہ ابو سلمہ بن عبد الاسد بن ہلال بن عبد اللہ بن عمر بن مخزوم بن یقظہ بن مرہ بن كعب قرشی مخزومی ہے۔

ابو سلمہ دا شمار سب توں پہلے حلقہء اسلام وچ داخل تھیوݨ والیاں وچ تھیندا ہے۔ اصحاب صفہ وچوں ہن.  آپ دا نکاح ہند بنت ابی امیہ نال تھیا تے آپ دے چار ٻال سلمہ، عمر، زینب تے درا ہن۔ آپ دی ݙوجھی زوجہ حضرت ام سلمہ ہن جیہڑے کہ آپ دی وفات دے بعد نبی اکرم صلی اللہ علیہ و آلہ وسلم دے نکاح وچ آگئے۔ ݙو ہجرتاں والے ہن۔ اپݨی بیوی ام سلمہ دے نال حبشہ ہجرت کیتی۔ واپس مدینہ منورہ وچ آئے، بدر تے احد وچ شرکت کیتی۔

ابو سلمہ آخری دفعہ غزوہ احد وچ شریک تھئے جس وچ آپ شدید زخمی تھئے۔ جݙݨ قبیلہ بنو اسد نے محمد صلی اللہ علیہ و آلہ وسلم تے مدینہ دی اسلامی ریاست دے خلاف علم بغاوت بلند کیتا تاں محمد صلی اللہ علیہ و آلہ وسلم نے ابو سلمہ دی سربراہی وچ بنو اسد تے چڑھائی کیتے لشکر روانہ کیتا۔ مدینہ واپسی تے ابو سلمہ دا ہک زخم جیہڑا انہاں کوں احد و  لگا ہئی، ول پھٹ پیا جس دی وجہ نال اوہ جلد ہی وفات پا گئے۔ ابو سلمہ دی اس آخری مہم کوں سریہ ابو سلمہ مخزومی دے ناں توں وی ڄاݨا ویندا ہے۔

غزوہ احد وچ زخمی تھئے،  ٹھیک تھی گئے،  دوبارہ زخم ساوے تھیوݨ نال جمادی الاخر 3ھ وچ وفات پا گئے۔




#Article 165: ابو سہل مسیحی گرگانی (100 words)


ابو سہل عیسیٰ ابن یحییٰ المسیحی گرگانی (پیدائش: 960ء – وفات: 1010ء) فارسی النسل طبیب، شاعر، ماہرفلکیات، ریاضی دان،فلسفی ہئی۔ ابوسہل خراسان وچ ابو ریحان البیرونی دا ہم عصر ہئی۔ ابن سینا، ابوسہل دے مشہور شاگرداں وچوں ہے۔

ابو سہل دی پیدائش سریانی زبان ٻولݨ والے راسخ الاعتقاد کلیسیا نال تعلق رکھݨ والے ہک مسیحی گھراݨے وچ تھئی۔ بعد ازاں ابوسہل نے بغداد وچ طب دی تعلیم حاصل کیتی۔ اوہ ہک مختصر عرصہ خراسان تے خوارزم دے شاہی خانداناں نال وابستہ رہا۔ ابن سینا علم طب وچ ابوسہل دا شاگرد ہئی۔ ابوسہل نے کہیں کلیسیا توں تعلیم حاصل نی کیتی۔




#Article 166: ابو طالب بن عبدالمطلب (406 words)


ابو طالب بن عبد المطلب (پیدائش: 539ء— وفات: 619ء) حضرت محمد صلی اللہ علیہ و آلہ و سلم دے چاچا تے حضرت علی ابن ابی طالب دے والد ہن۔ انہاں دا ناں عمران یا عبد مناف تے کنیت ابوطالب ہئی۔ رسول اللہ صلی اللہ علیہ و آلہ وسلم اپݨی والدہ آمنہ بنت وہب تے ݙاݙا عبدالمطلب دی وفات دے بعد اٹھ سال دی عمر توں آپ دے زیر کفالت رہے۔ آپ نے ہک واری شام تے بصرہ دا تجارتی سفر کیتا تاں آنحضرت صلی اللہ علیہ و آلہ وسلم کوں وی ہمراہ گھن گئے۔ اس وقت حضور صلی اللہ علیہ و آلہ وسلم دی عمر بارہ سال دے لگ بھگ ہئی۔ بحیرا راہب دا مشہور واقعہ، جس وچ راہب نے حضور صلی اللہ علیہ و آلہ وسلم کوں نبوت دی نشانیاں ݙیکھ کر پہچاݨ گھدا ہئی، ایں سفر دے دوران وچ پیش آیا ہئی۔

آپ دے والد دا نام عبدالمطلب تے والدہ دا ناں فاطمہ بنت عمرو ہئی۔ آپ حضورؐ دے والد عبداللہ بن عبد المطلب دے واحد سگے بھائی ہن چونکہ باقیاں دی والدہ مختلف ہن۔

انہاں دے چار پتر تے ݙو بیٹیاں ہن سب توں وݙے پتر دا ناں طالب ابن ابی طالب ہئی۔ باقی پتراں وچ جعفر الطیار، عقیل ابن ابی طالب تے علی ابن ابی طالب شامل ہن تے ݙو دھیاں ام ہانی بنت ابی طالب تے جمانہ بنت ابی طالب ہن. 

آپ نے اسلام قبول کیتا یا نی، اے ہک متنازع موضوع ہے۔ آپ نے تاحیات اشاعت اسلام وچ حضورؐ دا ساتھ ݙتا تے انہاں دی بت پرستی دی کوئی ہک روایت وی نی ملدی جبکہ سیرت ابن ہشام وچ انہاں دے کلمہ پڑھݨ دا ذکر ہے۔ عبد المطلب دی وفات (578ء) دے بعد انہاں نے ہی حضورؐ دی پرورش کیتی۔ آپ دی تقلید وچ ابولہب دے سوا باقی تمام بنو ہاشم نبی اکرم صلی اللہ علیہ و آلہ و سلم دے پشت پناہ بݨے رہے تے حضور اکرمؐ دی خاطر بڑی سختیاں جھیلیاں۔ سیدہ خدیجہ بنت خویلد رضی اللہ عنہا دے نال رسول اللہؐ دا نکاح انہاں نے ہی پڑھایا جس دا آغاز کلمہ بسم اللہ نال تھیا۔

آپ دی وفات دے بعد کفار مکہ نے آنحضرت صلی اللہ علیہ و آلہ وسلم تے مظالم دی انتہا کر ݙتی۔ آپ دی وفات 619ء وچ تھئی۔ اوں سال سیدہ خدیجہ بنت خویلد دی وفات وی تھئی۔ انہاں ݙو واقعات دی وجہ توں حضور صلی اللہ علیہ و آلہ وسلم نے ایں سال کوں عام الحزن یعنی ݙکھ دا سال قرار ݙتا۔




#Article 167: ابو طاہر سلیمان الجنّابی (112 words)


قرامطہ ہک غالی تے باطنی اسماعیلی فرقہ ہئی جیندا مذہبی تے سیاسی رہنما ایہو ہئی. ایندا فرقہ 899 عیسوی وچ ہک مثالی جمہوریہ قائم کرݨ دی کوشش وچ مشرقی عرب وچ مرکوز ہک وݙا گروپ ہئی - ایہ عباسی خلافت دے خلاف بغاوت کرݨ دی وجہ نال مشہور ہن - فرقے دے رہنما ابو طاہر سلیمان الجنّابی‎ نے مکہ مکرمہ تے حملہ کیتا تے اس عظیم تے پاک شہر دی بے حرمتی کیتی.  خاص طور تے اتھاں بے شمار لوگاں دا قتلِ عام کیتا- اس خانہ کعبہ توں حجر اسود کوں وی چرایا تے زمزم وچ لوگاں دی لاشاں سٹیاں تے ایہ سب انہاں نے 930 عیسوی دے حج دے دوران کیتا-




#Article 168: ابو عباس (267 words)


ابو عباس ہک ہوائی جہاز دی ہائی جیکنگ دے منصوبے دے ذمہ دار فلسطینی حریت پسند، فلسطین لبریشن فرنٹ دے بانی تے رہنما ہن.  

عباس انہاں کئی فلسطینیاں وچوں ہک ہن جنہاں نے انیہہ سو پچاسی وچ اسرائیل دی حراست توں پنجاہ فلسطیناں کوں رہا کراوݨ دی غرض نال جہاز ہائی جیک کر گھدا ہئی۔ ݙو ݙینہہ جاری رہوݨ والی اس ہائی جیکنگ وچ مسلح فلسطینیاں نے ویل چیئر تے سوار ہک امریکی یہودی کوں گولی مار کے ہلاک کر ݙتا ہئی تے اس دی لاش سٹ ݙتی ہئی۔ اس واقعہ دے بعد مصر نے ہائی جیکراں کوں حفاظت دے نال نکل ونجݨ دی ضمانت ݙتی ہئی لیکن اس رعایت دے بدلے جہاز تے یرغمال کئی امریکیاں کوں رہا کرا گھدا گیا ہئی۔ تاہم ہائی جیکراں کوں تیونس دی طرف ونجݨ والا ایہ جہاز امریکا دی نیوی دے طیاریاں دی نظر وچ آگیا تے اینکوں اٹلی لہوݨ تے مجبور کر ݙتا گیا ہئی۔

عباس دے ساتھیاں کوں طویل سزاواں سݨائے گئے ہن لیکن اٹلی وچ حکام نے عباس کوں رہا کر ݙتا ہئی کیونکہ انہاں دے خلاف ثبوت ناکافی ہن۔ تاہم بعد وچ غیر موجودگی وچ انہاں کوں ایہ آکھ کے پنج سال دی سزا سݨائی گئی کہ انہاں نے اس ہائی جیکنگ دا منصوبہ بݨایا ہئی۔ عباس نے گزشتہ سال گرفتار تھیوݨ توں قبل تقریباً ستارہاں سال عراق وچ گزارے۔ انیہہ سو چھیانوے وچ انہاں نے آکھا ہئی کہ جہاز تے سوار امریکی یہودی کوں ہلاک کرنا ہک غلطی ہئی۔

مارچ 2003ء وچ امریکی افواج نے انھاں کوں بغداد توں فرار تھیندے وقت گرفتار کر گھدا۔ مارچ 2004ء وچ امریکیاں نے انھاں کوں شہید کر ݙتا۔




#Article 169: ابو عبد الرحمن السلمی (239 words)


حضرت ابو عبد الرحمن السلمیؒ تفسیر تے تصوف دے وݙے امام ہن. ابو عبد الرحمن سلمی بروز منگل، 10 جمادی الآخرہ 325ھ مطابق 52 اپریل 937ء کوں نیشا پور وچ پیدا تھئے۔  پورا ناں محمد بن الحسین بن محمد بن موسیٰ، ابو عبد الرحمن السلمی، الازدی ہئی۔ انہاں دے والد بہت امیر نہ ہن۔ لیکن بیٹے دی ولادت دی خوشی وچ انھاں نے اپݨا تمام اثاثہ ویچ کے صدقہ کر ݙتا۔

ابو عبد الرحمن السلمیؒ دا گھریلو ماحول علمی و دینی ہئی۔ چنانچہ بالکل ابتدا وچ ہی انہاں دی تعلیم و تربیت دا آغاز تھی گیا۔ ابو عبد الرحمنؒ دے نانا ابو عمرو بن نجید وݙے عالم تے صوفی ہن۔ انھاں نے ہی ابو عبد الرحمن دی پرورش کیتی ہئی۔ اس واسطے پیؤ دی نسبت الازدی دے مقابلے وچ نانا دی نسبت السلمی نال زیادہ مشہور تھئے۔ جݙݨ انہاں دی عمر صرف 7 یا 8 سال ہئی،  اس وقت توں انھاں نے حدیث لکھݨی شروع کیتی۔ نیشا پور دے جید عالم ابو بکر الضبعیؒ دے سامݨے زانوے تلمذ تہ کیتا تے اتھوں تعلیم دی تکمیل دے بعد بلاد اسلامیہ دا سفر کیتا تے عراق، بغداد، رے، ہمدان، مرو، حجاز وغیرہ دے مشائخ توں حدیث، فقہ تے تصوف دی تعلیم حاصل کیتی۔ خطیب نے بغداد دے متعدد اسفار دا تذکرہ کیتا ہے۔  

ابو عبد الرحمن سلمیؒ نے تفسیر، تصوف تے اسماءالرجال وچ متعدد کتاباں لکھیاں۔
 

ابو عبد الرحمن السلمیؒ دی وفات اتوار دے ݙینہہ 3 شعبان 412ھ، 1012ء وچ تھئی۔  




#Article 170: ابو عبد اللہ (392 words)


ابو عبد اللہ (مکمل ناں: ابو عبد اللہ محمد الثانی عشر) (1460ء-1533ء) امارت غرناطہ یعنی بنو نصر دا آخری فرمانروا ہئی جیہڑی اندلس وچ مسلماناں دی آخری حکومت ہئی۔ اوہ طائفہ غرناطہ دے حکمران مولائے ابو الحسن دا بیٹا ہئی۔

ابو عبد اللہ ہک غدار ہئی، اس دا استاد ابو داؤد ہک منافق ہئی.  اوہ غیر مسلماں دى مدد كریندا ہئی.  ابو عبد اللہ اس وقت ولى عهد ہئی.  ابو الحسن بادشاہ ہئی تے اس بدر بن مغيرہ تے اس دے ساتھیاں دے نال لوشہ فتح كيتا تے اݙوں ابو عبد اللہ نے ابو داؤد دے آکھݨ تے بادشاہت دا اعلان كر ݙتا تے ابو موسٰى جیہڑا بدر بن مغيرہ تے اس دے ساتھیاں دی طرح بہترين انسان ہئی،  اس كوں قيد كر ݙتا تے سارے باغياں تے فسادياں كوں آزاد كر ݙتا.  بعد ازاں اس دے ضمير نے اس كوں چاتا.  اوہ دراصل ہک كمزور انسان ہئی۔ 1483ء و  ابو عبد اللہ گرفتار تھی کے لوسینا وچ قید تھی گیا تے اونکوں ایں شرط تے رہائی نصیب تھئی کہ امارت غرناطہ عیسائیاں دی باجگزار ہوسی۔ سقوط غرناطہ توں قبل اس چند سال اپݨے والد مولائے ابو الحسن تے عزیز عبد اللہ الزغال دے خلاف جدوجہد وچ گزارے۔

ایہ اوہ تاریخی الفاظ ہن جہڑے مسلم اسپین (اندلس) دے آخری حکمراں ابو عبداللہ بن مولائے ابو الحسن دی والدہ نے اونکوں اُس وقت آکھے جہڑے ویلے اوہ غرناطہ دیاں چابیاں عیسائی حکمراناں دے حوالے کر کے ہمیشہ ہمیشہ کیتے غرناطہ توں جلا وطن تھیندا پیا ہئی۔ اس جہڑے ویلے آخری نگاہ اپݨے آباء و اجداد دے ورثے تے سٹی تاں اس دی اکھیاں ڈبڈبا گئیاں ۔ اس مقام تے جتھاں ابو عبداللہ دی آہ نکلی عیسائیاں نے مسلماناں دی شکست دی علامت دے طور تے محفوظ کر گھدا تے اج اونکوں مور دی آخری آہ دے ناں نال ڄاݨا ویندا ہے ۔خیال رہوے کہ یورپی تاریخ داں اندلس دے مسلماناں کیتے ’’مور‘‘ Moors دا لفظ استعمال کریندے ہن۔

ابو عبداللہ، اندلس دی آخری مسلم ریاست غرناطہ دا وہ بد بخت حکمران ہئی جس عین اس وقت اپݨے والد ابو الحسن تے چاچا محمد بن سعد الزاغل دے خلاف علم بغاوت بلند کر ݙتا جہڑے ویلے اوہ اندلس وچ عیسائیاں دے مشترکہ لشکر نال اندلس وچ مسلماناں دی بقا دی آخری لڑائی لڑدے پئے ہن۔

بعد ازاں اوہ آبنائے جبل الطارق عبور کر کے مراکش آگیا جتھاں فاس شہر وچ اوندا انتقال تھی گیا۔ 




#Article 171: ابو عبداللہ معاویہ بن یسار (207 words)


ابو عبداللہ، عباسی خلیفہ، المہدی دا وزیر ہئی.  مہدی نے حکومت دے آغاز ہی وچ اینکوں اپݨا وزیر مقرر کیتا۔ اس اپݨے کیرئیر دی ابتدا مہدی دے کاتب یعنی سیکرٹری دی حیثیت نال کیتی لیکن اپݨے علم و فضل، انشاء پردازی تے ذہانت و فتانت دی بنا تے مہدی دا منظور نظر بݨ گیا تے بالآخر عہدہ وزارت تے متمکن تھیا۔ 

اس نظم و نسق دی ازسر نو تنظیم کیتی۔ تمام محکمیاں دی نگرانی کیتے اس ہک شعبہ قائم کیتا جس دا ناں دیوان الازمہ رکھا۔ اس خراج دے سسٹم وچ تبدیلی کر کے بٹائی دا طریقہ رائج کیتا۔ پھل دار درختاں تے کھجوراں تے ٹیکس عائد کیتا تے خراج دے موضوع تے ہک کتاب تحریر کیتی جہڑی بعد وچ بطور سند دے طور تے استعمال کیتی ویندی رہی۔ 

اس وچ دیگر خوبیاں دے علاوہ سب توں وݙی خرابی ایہ ہئی کہ اوہ مغرور تے متکبر شخص ہئی.  اس دی ایہ عادت وی شاید برداشت کر گھدی ویندی لیکن شومئی قسمت نال اس دا پتر ملحد (باطنی) تھی گیا تے اس تحریک ملاحدہ (باطنیہ) وچ بڑے جوش و خروش نال حصہ گھدا۔ مہدی نے اونکوں سزائے موت ݙتی تے ابو عبداللہ کوں وی عہدہ وزارت توں برطرف کر ݙتا تے اس دی کل جائداد ضبط کر گھدی۔




#Article 172: ابو علی فارمدیؒ (410 words)


خواجہ ابو علی فارمدیؒ دا ناں فضل بن محمد ہے.  آپؒ دی ولادت 407 ہجری تے وفات 477 ہجری وچ تھئی. اسم گرامی فضل بن محمد بن علی تے کنیت ابو علی تے فارمد دی طرف منسوب ہن جیہڑا طوس (موجودہ ایران) دے دیہات وچ ہک گاؤں ہے۔ علم دا حصول فقہ دے امام ابو حامد غزالیؒ توں تھیا تے ابو عبد اللہ بن باکو شیرازیؒ،  ابو منصور تمیمیؒ، ابو عبد الرحمن نیلیؒ تے ابو عثمان صابونیؒ توں حدیث دا سماع کیتا۔

خراسان دے شیخ الشیوخ ہن اپݨے وقت دے یکتا ہن۔ تے اپݨی طریقت وچ خاص ہن وعظ و نصیحت وچ ابو القاسم دے شاگرد ہن۔ انہاں دی نسبت تصوف وچ ݙو طرف دی ہے۔ ہک تاں شیخ بزرگوار ابو القاسم گرگانیؒ(جرجانی) دی طرف ݙوجھی شیخ بزرگوار ابو الحسن خرقانیؒ دی طرف جیہڑے مشائخ دے پیشوا تے وقت دے قطب ہن۔ طریقہ نقشبندیہ وچ خواجہ ابوالقاسم گرگانیؒ توں بیعت تھئے لیکن اویسی طور تے ابوالحسن خرقانیؒ توں فیض یاب تھئے۔ آپؒ دے صاحب کمال ہووݨ کیتے ایہ دلیل کافی ہے کہ حجۃ الاسلام امام محمد غزالی آپؒ دے مرید تے تربیت یافتہ ہن۔

دوران طالب علمی ابو القاسم قشیریؒ دی خدمت وچ رہے آپؒ فرمیندن جیہڑا حال میݙے تے ظاہر تھیندا،  انہاں کو عرض کریندا، فرمیندن علم سکھو،  لیکن ہر روز روشنائی ودھݨ لگی.  ہک ݙینہ قلم کو ݙٹھا اوہ سفید تھی گیا استاد کوں عرض کیتی تاں فرمایا جیہڑلے علم نے تیݙے کولوں علیحدگی کر گھدی تاں توں وی الگ تھی ونج.  ریاضت وچ مشغول تھی ونج،  میں خانقاہ وچ استاد امام ابو القاسمؒ دی خدمت وچ مشغول تھی گیا. ہک ݙینہ استاد حمام گئے،  میں پاݨی دے ڈول انہاں تے وہائے، جیہڑلے استاد ابو القاسمؒ نماز توں فارغ تھئے،  پچھا ایہ پاݨی کس وہایا ہئی،  میں سمجھا شاید ایہ بیوقوفی کیتی ہے،  خاموش رہا،  تریجھی مرتبہ عرض کیتا میں ہم تاں استاد نے فرمایا اے بو علی جو کجھ ابو القاسم نے ستر سال وچ پاتا توں ہک ہی ڈول وچ پا گھدے۔
بوعلی فارمدیؒ بڑے پر اثر خطیب تے شیریں گو واعظ ہن
طائفہ نقشبندیہ دے ہک بزرگ فرمیندن کہ شیخ بو علی کو خطرات قلب تے واقفیت ݙتی گئی مگر اس دے اظہار دی اجازت نہ ہئی

شیخ بو علی فارمدیؒ دی تاریخ وصال حضرات القدس وچ 511ھ درج ہے جبکہ مشائخ نقشبندی مجددیہ وچ 477ھ لکھی ہے۔ ایران دے مشہور شہر طوس جینکوں اج کل مشہد آکھا ویندا ہے، وچ تھیا۔ آپؒ دا مزار طوس یعنی مشہد وچ زیارت گاہ خاص و عام ہے۔




#Article 173: ابو علی منصور الآمر باحکام اللہ (410 words)


ابو علی منصور الآمر باحکام اللہ دولت فاطمیہ دا ݙاہواں خلیفہ تے اسماعلیاں دا ویہواں امام (495ھ تا 524ھ) ہئی. مستعلی نے اپݨے پنج سالہ لڑکے ابو علی تے نص کیتا تے اونکوں اپݨا جانشین بݨایا۔ ایہ کمسن لڑکا ہئی. اس واسطے افضل کوں اس دا ولی بنایا تے مستعلی دی وفات دے روز ہی منصور ابو علی دے ناں نال بیعت گھن کے اونکوں الآمر اللہ دا لقب ݙے ݙتا گیا ۔ 

صلیبیاں نے یافا تے قبضہ کر گھدا ہئی۔ 495ھ وچ سعد الدولہ کوں افضل ہک لشکر ݙے کے انہاں دے خلاف کارروائی کیتے بھیجا۔ صلیبیاں کوں شکست دا سامݨا کرنا پیا تے رملہ فاطمیاں دے قبضہ وچ آگیا۔ آپس دے اختلاف دی وجہ نال مصری فوج اگوں نہ ودھ سکی۔ اس دے بعد وی صلیبیاں دے خلاف کئی لشکراں کوں بھیجا گیا، لیکن مصری کوئی قابل ذکر کامیابی نہ حاصل کر سکے۔ بلکہ عکہ، جبیل، بنیاس تے صیدا چھک گھدا صرف عسقلان انہاں کول رہ گیا۔ 510ھ وچ انہاں نے مصر تے حملہ کر کے فرما دا کچھ علاقہ ساڑ ݙتا تے تینس دے قریب پہنچ گئے، لیکن صلیبی سپہ سالار دی علالت نے انہاں کوں واپس ونجݨ تے مجبور کر ݙتا۔ 518ھ وچ انہاں نے صور کوں قبضہ وچ گھن گھدا ۔

اس دے بانی ݙو مصری دھوبی برکات تے حمید بن مکی ہن۔ انہاں نے اصلی اسماعیلی عقیدے ظاہر کر ݙتے۔ افضل کوں علم تھیا تاں اس دارلعلم کوں بند کروا ݙتا تے اس فرقہ دے لوگاں کوں سزاواں ݙتے۔ برکات تے حمید قیصر وچ چھپ گئے۔ افضل دے قتل دے بعد 725 ھ وچ درالحکمۃ کوں دوبارہ کھولا۔ حمید تے برکات دوبارہ ظاہر تھئے۔ وزیر مامون البطائحی نے انہاں کوں قتل کروا ݙتا۔

مامون البطائحی دے بعد آمر نے کہیں کوں وزیر نہ بݨایا۔ صرف مشورے کیتے ݙو افسر جعفر بن عبد المنعم تے ابو یعقوب ابراہیم سامری مقرر تھئے۔ ایہ طریقہ ٻیا مضر ثابت تھیا تے جیہڑے الزمات وزیراں تے لگدے پئے ہن اوہ خود آمر تے لگݨ لگے تے خود آمر رعایا تے تشدد کرݨ لگا۔ نزار دے منݨ والے آمر دے سخت دشمن ہن۔ ایہ اس تاک وچ ہن کہ کہیں طرح آمر کوں قتل کر کے نزار دے سلسلے کوں مصر وچ قائم کرن۔ آمر ہک روز اپݨی معشوقہ دے نال سیر گاہ وچ ویندا پیا ہئی کہ چند نزاریاں نے جیہڑے ہک جگہ چھپے ہوئے ہن اس تے اچانک حملہ کر کے زخمی کر ݙتا۔ اونکوں قاہرہ گھنایا گیا.  524ھ وچ اوٻ شب اس دا انتقال تھی گیا ۔




#Article 174: ابو عمر البغدادی (215 words)


حامد داود محمد خلیل الزاوی (1959ء-2010ء) جیہڑا ابو عمر البغدادی، ابو عبد اللہ راشد البغدادی، ابو حمزہ البغدادی تے ابو عمر القریشی البغدادی دے ناواں نال معروف ہے، 21 رمضان 2006ء توں 2010ء تک ریاست اسلامی عراق دا سربراہ ہئی، نیز اینکوں ابو مصعب الزرقاوی دے بعد اینکوں مجاہدین شوریٰ کونسل دا امیر بݨایا گیا،  اس کونسل دے پرچم تلے آٹھ تنظیماں بر سر پیکار ہن جیہڑے عراق وچ امریکی افواج دی موجودگی دی مخالفت کریندی ہن۔

بیان کیتا جاتا ہے کہ ابو عمر البغدادی نے صدام حسین دے دور وچ عراقی فوج وچ ہک افسر دے طور تے کم کیتا ہے۔ 

عراقی وزارت داخلہ نے دعوی کیتا کہ انہاں 9 مارچ 2007ء کوں ابو عمر البغدادی کوں حراست وچ گھن گھدا ہئی، لیکن بعد وچ آکھا گیا کہ اوہ شخص ابو عمر نہ ہئی۔  3 مئی 2007ء کو عراقی وزارت داخلہ نے اعلان کیا کہ شمالی بغداد میں ابو عمر کو امریکی و عراقی افواج نے مار دیا ہے۔  لیکن بعد ازاں جولائی 2007ء میں امریکی افواج نے رپورٹ کیا کہ ابو عمر البغدادی کا کبھی وجود ہی نہیں رہا۔  نیز مذکورہ زیر حراست شخص جینکوں خالد المشہدانی دے طور تے شناخت کیتا گیا، نے آکھا کہ ابو عمر البغدادی دراصل ہک افسانوی کردار ہئی جینکوں خصوصی مقاصد دے تحت تخلیق کیتا گیا ہئی۔ 




#Article 175: ابو عمرو بن علاء بصریؒ (253 words)


ابو عمرو بن العلا البصری التمیمیؒ، قراء سبعہ وچ شامل ہن.  انہاں کوں ابو عمرو بصریؒ وی آکھا ویندا ہے. ولادت 68ھ مکہ وچ تھئی. انہاں دا پورا ناں زبّان بن العلاء ابن العريان بن عبد الله التميمی المازنی البصری ابو عمرو ہے. ایہ ابو عمرو بن العلاء بن عماد التمیمی بصرے دے رہݨ والے ہن۔ ائمہ رجال انہاں دی توثیق کریندے ہم۔
انھاں نے حمید بن قیس الاعرج یحیٰ بن یعمر، مجاہد بن جبیر، سعید بن جبیر، عکرمتہ البریری تے عبد اللہ بن کثیر توں قرآن پڑھا ہئی. 

انہاں توں عبد الوارث بن سعید، حماد بن زید، معاذ بن معاذ، ہارون الاعور، یونس بن حبیب النحوی، یحیٰ بن مبارک الیزیدی، ابو بحر البکراری، خارجہ بن مصعب تے عبد الوہاب بن عطا وغیرہ نے قرآن پڑھا ہئی.  حمید بن قیس الاعرج ابو صفوان المکی الاسدی،  اسدیاں وچوں کہیں دے آزاد کردہ غلام ہن۔ مجاہد توں حدیث روایت کریندے ہن،  انہاں توں ابو عمرو بن العلاء نے قرآن پڑھا ہئی۔ یحیٰ بن یعمر المروزی البصری مرو دے رہݨ والے ہن۔ بصرے وچ آ وسے ہن۔ ول مرو وچ قاضی وی مقرر تھئے ہن۔ بڑے ادیب ماہر عربیت عالم لغت تے مشہور نحوی ہن۔ حسین بن الولید، ہارون بن موسیٰ توں روایت کریندے ہن کہ قرآن مجید تے سب توں پہلے نقطے انھاں نے لائے۔ نحو وچ ابو الاسود الدولی دے شاگرد ہن۔

انہاں تے مختصر مگر جامع تبصرہ جرح و تعدیل دے لحاظ نال پیش خدمت ہے :

انہاں دی وفات سنہ154ھ وچ کوفہ وچ تھئی.  اس وقت انہاں دی عمر 86 سال ہئی. 




#Article 176: ابو عیسیٰ محمد ترمذیؒ (546 words)


ابو عیسیٰ محمد ترمذیؒ ہک مشہور محدث گزرے ہن جنہاں دا پورا ناں ابو عیسیٰ محمد بن سورہ بن شداد ہے۔ آپؒ دے حالات دے متعلق بہت کم علم ہے۔ آہدے ہن کہ پیدائشی نابینا ہن۔ بعض دے بقول آخری عمر وچ نابینا تھی گئے ہم۔ آپؒ نے امام احمد ابن حنبلؒ، امام بخاریؒ تے امام ابو داؤدؒ توں حدیث دا درس گھدا تے ول احادیث جمع کرݨ کیتے خراسان عراق تے حجاز گئے۔ شہر ترمذ وچ، جیہڑا بلخ توں کجھ فاصلے تے دریائے آمو دے کنارے واقع ہے، انتقال کیتا، آپؒ دی ݙو تصانیف اساں تک پہنچیاں ہن۔ ہک آنحضرتؐ دی سیرت، جس دا نام شمائل ترمذی ہے۔ تے ݙوجھی احادیث دا مجموعہ جیہڑا جامع ترمذی دے ناں نال مشہور ہے۔ ݙوہاں کتاباں بہت وقیع تے مستند ہن۔ انہاں دے علاوہ انساب، کنیت تے اسماء الرجال تے وی آپؒ نے کجھ کم کیتا ہئی مگر ایہ کتاباں ہݨ نی ملدیاں۔

کنیت: ابوعیسیٰ، ناں: محمد بن عیسی بن سَورة بن موسیٰ بن الضحاک، نسبت: ترمذی، بوغی، سُلمی، 209ھ وچ شہر ترمذ وچ پیدا تھئے۔ ترمذ، ہک قدیم شہر ہے جیہڑا دریائے جیحوں دے ساحل تے واقع ہے، اتھوں چند فرسخ تے بوغ نامی گاؤں ہے۔ آپؒ اصلاً اوں گاؤں دے باشندے ہن تے قبیلہٴ بنوسُلیم نال تعلق رکھدے ہن، اس واسطے سُلمی، ترمذی تے بوغی سݙیندے ہن۔

آپؒ نے اپݨی تعلیم دا آغاز 220ھ تے 235ھ دے قریب کیتا،  قطعیت دی کوئی روایت نی کیتی۔ آپؒ دے شیوخ دی تعداد جیہڑی کتب وچ آئی ہے اوہ 221 دے لگ بھگ ہے۔ اج کل دے لوگاں کوں ایسے ڳالہیں عجیب لگدی ہن لیکن اس زمانے وچ لوگاں کوں حدیث حاصل کرݨے دا اتنا شوق ہئی کہ جس کوں بیان نہیں کریج سگدا۔ ایہ ہیچمدان عرض کریندا ہے کہ میکوں ایہ بیان کریندے تے لکھدے ہوئے پہلی جماعت توں گھن کے دورہ حدیث تک دے اساتذہ دے گݨن دا خیال تھیا تاں انہاں دی تعداد 30 دے لگ بھگ ہے تے اگر انہاں افراد یا حضرات کوں وی شمار کیتا ونجے جنہاں توں کجھ نہ کجھ سکھا تاں ایہ تعداد چالیہہ تک ونج پہنچدی ہے۔ امام مسلمؒ نال آپؒ دی ملاقات تھئی لیکن انہاں دے حوالے نال ہک روایت اپݨی کتاب وچ گھنائے تے ایویں ہی امام ابوداؤدؒ توں ہک روایت گھنائے. 

بلاشبہ جامع ترمذی صحاح ستہ وچ شامل ہے لیکن اس تے بحث تھیندی ہے کہ اس دا درجہ کس نمبر تے ہے. کئی حضرات آہدے ہن کہ صحیحین (بخاری، مسلم) سنن ابی داؤد، سنن نسائی دے بعد ہے لیکن اکثر دا خیال ہے کہ صحیحین دے بعد اس دا مقام ہے تݙہاں تاں اس کوں جامع آہدے ہن جیہڑی بیک وقت جامع تے سنن ہے۔ جامع ایسی کتاب حدیث کوں آہدے ہن جس وچ حدیث دے تمام موضوعات دا لحاظ رکھا گیا ہووے تے سنن جیہڑی فقہی ترتیب تے ہووے ترمذی وچ ݙوہاں ڳالہیں دا لحاظ رکھا گیا ہے اگر بعض چیزاں یا اعتراضات کوں چھوڑ کے ݙٹھا ونجے تاں جامع ترمذی دے فوائد صحاح ستہ کتب توں زائد ہن اس واسطے ساڈے مدارس عربیہ وچ اکثر روایت ایہ رہی کہ شیخ الحدیث،  بخاری تے ترمذی ݙوہیں پڑھیندا ہے۔ 

آپؒ دا انتقال ستر سال دی عمر وچ 13 رجب المرجب شب دو شنبہ 279ھ ترمذ وچ تھیا؛ لیکن علامہ سمعانی نے مقامِ رحلت قریہٴ بوغ کوں قرار ݙتا ہے تے سنِ رحلت 275ھ ذکر کیتا ہے۔




#Article 177: ابو غوش (165 words)


ابو غوش(Abu Ghosh,  אבו גוש) اسرائیل وچ ہک عرب اسرائیلی لوکل کونسل ہے۔ ایہ کونسل یروشلم دے مغرب وچ ١٠ کلومیٹر دے فاصلے تے واقع ہے۔ ایہ کونسل سطح سمندر توں 610–720 میٹر بلندی تے واقع ہے۔ اس کونسل دا موجودہ ناں ایں قبیلے دے ناں تے رکھا گیا ہے، جبکہ قدیم ناں قریۃ العناب (انگوراں دا شہر) ہے۔ 

ابو غوش، اسرائیل دے قدیم ترین مساکن وچوں ہک ہے۔
ابو غوش دا قدیم عربی ناں  قریۃ العناب (انگوراں دا شہر) ہے، اس دی بنیاد ہک بائبلی شہر قریات یارم ہے، جینکوں انگریزی وچ  Kiriath-jearim تے عبرانی زبان وچ جس دا مطلب لکڑیاں دا شہر ہے۔
 
رومی فوج دے لیگیو ایکس فرٹینسس نے ابو غوش وچ تریجھی صدی عیسوی دے اختتام تک اس کونسل وچ رہائش رکھی۔

ابو غوش وچ لوکل کونسل (اسرائیل) دی حکومت ہے تے ایہ ضلع یروشلم دا ہک حصہ ہے۔ اس کونسل دا موجودہ میئر سلیم جابر ہے۔ اسرائیلی سنٹرل بیورو دی شماریات دے مطابق 2015 وچ ابوغوش دی آبادی 6,978 ہے۔




#Article 178: ابو فتح داؤد (236 words)


سلطان محمود غزنوی نے جݙݨ ہندو راجاواں دے خلاف فوج کشی کیتی تاں داؤد بن نصر اس وقت صوبہ ملتان دا حکمران ہئی۔ جیہڑا شیخ نصر دا پتر ہئی۔ داؤد نے ہندو راجاواں دا ساتھ ݙتا۔ خاص کر جݙݨ محمود نے راجا بھاٹیہ دے خلاف فوج کشی کیتی تاں صوبہ ملتان دے اسماعیلیاں نے راجا بجے رائے دی مدد کیتی ہئی۔ اس واسطے سلطان محمود نے اگلا حملہ ملتان تت کرݨ دا فیصلہ کر گھدا۔

چنانچہ او درہ بولان دا قریبی رستہ چھوڑ کے درہ خیبر دے رستے توں اس واسطے روانہ تھیا کہ داؤد کوں علم نہ تھیوے کہ او ملتان تے حملہ آور تھیندا پیا ہے۔ رستے وچ راجا انند پال نے محمود دا رستہ روکݨ دی کوشش کیتی۔ حالآنکہ سلطان محمود غزنوی نے پہلے ہی اونکوں خبر ݙے ݙتی ہئی کہ او ملتان تے حملہ آور تھیندا پئے ۔ پشاور دے مقام تے آنند پال نے سلطان محمود غزنوی دا رستہ روکݨ دی کوشش کیتی مگر شکست کھادی تے پچھوں ہٹ گیا۔ اوݙوں داؤد کوں وی خبر تھی ڳئی ، اس واسطے او سلطان محمود دی آمد دا سݨ کے قلعہ بند تھی گیا۔ سلطان محمود نے قلعہ دا محاصرہ کر گھدا تے اے محاصرہ ست روز تک جاری ریہا۔ آخر داؤد سلطان دی خدمت وچ عاجزانہ صلح دی درخواست کیتی۔ سلطان محمود نے ݙو لکھ درہم سالانہ خراج تے، تے دریائے سندھ نال متصل علاقہ سلطان کوں ݙے کے صلح کر گھدی۔




#Article 179: ابو فضالہ انصاری (265 words)


حضرتابو فضالہ انصاری غزوہ بدر وچ شامل تھیوݨ والے انصار صحابہ وچ شامل ہن۔ 
انہاں دا نسب الحارث بن ربعی بن بلدمہ بن خناس بن سنان بن عبيد بن عدی بن غنم بن كعب بن سلمہ بن سعد بن علی بن راشد بن ساردة بن تزيد بن جشم بن الخزرج، ابو قتادة الانصاري الخزرجی، ثم من بنی سلمہ، ہے۔ 

مسند احمد:جلد اول:حدیث نمبر 763 وچ ہے، 
فضالہ جنہاں دے والد ابو فضالہ انصاری بدری صحابہ کرام وچوں ہن،  آہدے ہن کہ ہک مرتبہ میں اپݨے والد دے نال سیدنا علی المرتضی  دی بیمار پرسی کیتے گیا، اوہ کجھ بیمار تھی گئے ہن تے اس نال انہاں دی طبیعت بوجھل تھیندی پئی ہئی، میݙے والد صاحب نے انہاں کوں آکھا کہ بیماری نے آپ دا کیا حال کر رکھا ہے؟ اگر آپ دا آخری وقت آ پہنچا تاں آپ دے کول جہینہ دے دیہاتیاں دے علاوہ کوئی نہ آسی جیہڑے آپ کوں مدینہ منورہ گھن ویسن ، اس واسطے اگر آپ دا آخری وقت قریب آ ونجے تاں آپ دے ساتھیاں کوں آپ دا خیال کرݨا چاہیدا اے تے آپ دی نماز جنازہ پڑھنی چاہیدی اے،  سیدنا علی المرتضی نے فرمایا کہ نبی (صلی اللہ علیہ وآلہ وسلم) نے میکوں ایہ ڳال ݙسا رکھی ہے کہ میں اس وقت تک نہ مرساں جے تک کہ میں خلیفہ نہ بݨ ونجاں، اس دے بعد ایہ ݙاڑھی اس سر دے خون نال رنگین تھی ویسی چنانچہ ایویں ہی تھیا تے  سیدنا علی المرتضی اپݨے دور خلافت وچ شہید تھئے، جبکہ ابوفضالہ  علی المرتضی دے نال جہاد وچ شریک تھی کے جنگ صفین دے موقع تے شہید تھی گئے۔




#Article 180: ابو قحافہ (345 words)


عثمان بن عامر،  ابو بکر صدیق دے والد دا ناں ہے جنہاں کوں عثمان ابو قحافہ وی آکھا ویندا ہے انہاں دی کنیت ابوقحافہ ہئی تے تعلق قبیلہ بنو تیم نال ہئی۔ انہاں دا ناں عثمان بن عامر بن عمرو بن كعب بن سعد بن تيم بن مرة بن كعب بن لؤی ہے۔ انہاں دی والدہ قتيلہ بنت أداة بن رياح بن عبد اللہ بن قرط بن رزاح بن عدي بن كعب ہن۔ 

ابو قحافہ عثمان بن عمرو شرفائے مکہ وچوں ہن  تے نہایت معمر ہن ابتدا وچ جیسا کہ ٻڈھیاں دا قاعدہ ہے اوہ اسلام دی تحریک کوں بازیچہ اطفال سمجھدے ہن چنانچہ سیدنا عبد اللہ دا بیان ہے کہ جیہڑے ویلے سیدنا محمد صلی اللہ علیہ وسلم نے ہجرت فرمائی تاں میں محمد صلی اللہ علیہ وسلم دی تلاش وچ ابو بکر دے گھر آیا تے اتھاں ابوقحافہ موجود ہن،  انہاں نے سیدنا علی بن ابی طالب کوں ہک طرف توں گزردے ہوئے ݙیکھ کے نہایت برہمی نال آکھا کہ انہاں ٻالاں نے میݙے لڑکے کوں وی خراب کر ݙتا ہے۔

حضرت ابوبکر نے انہاں کوں قبول اسلام واسطے حضور ﷺ دے سامݨے ٻلہا ݙتا، آپﷺ نے انہاں دے سینے تے ہتھ پھیر کے فرمایا  اسلام قبول کر گھنو چنانچہ اوہ مسلمان تھی گئے.  ابوبکرانہاں کوں مسلمان بݨاوݨ کیتے گھن کے گئے تے قبیلہ بنو تیم کوں ہک خاص اعزاز حاصل تھی گیا، او ایہ کہ اے ایسا گھراݨہ بݨ گیا جس دی چار پشتاں مقام صحابیت تے فائز تھیاں یعنی انہاں دے صاحبزادے ابو بکرصدیق تے انہاں دے بیٹے عبد اللہ(پوترے)، عبد الرحمن(پوترے) تے محمد(پڑپوترے). 
جݙݨ ابو قحافہ مسلمان تھئے تاں رسول اللہؐ نے ابوبکر کوں مبارکباد ݙتی.  اس تے انہاں نے آکھا،  قسم ہے اس ذات دی جس  حق ݙے کے تہاکوں بھیجا اگر ابو طالب مسلمان تھیندے تاں میکوں اپݨے پیؤ توں زیادہ خوشی تھیندی

حضرت محمد صلی اللہ علیہ وسلم دے بعد تے اپݨے فرزند ارجمند سیدنا ابو بکر دے بعد وی کجھ ݙینہاں تک زندہ رہے.  آخر عمر وچ بہت ضعیف تھی گئے ہن تے اکھیاں دی بصارت چلی گئی ہئی۔  14ھ وچ 97 برس دی عمر وچ وفات پاتی۔




#Article 181: ابو محمد ابدال چشتیؒ (298 words)


خواجہ محمد یاابو محمد بن ابو احمد ابدال چشتیؒ 
(پیدائش:محرم 331ھ﴾
﴿وفات:ربیع الاول 411ھ)
آپؒ دا لقب ولی الدین یا ناصح الدین ہئی.  آپؒ ابو احمد ابدالؒ چشتی دے فرزند ارجمند، مرید تے خلیفہ ہن۔ آپؒ مادر زاد ولی ہن۔ ابو احمد ابدال چشتیؒ کوں رسول کائنات ﷺ نے ایں فرزند ارجمند دی بشارت ݙتی ہئی۔ آپؒ نے فرمایا ہئی کہ اے ابو احمدؒ،  خدا تیکوں ہک بیٹا ݙیسی جیں دا ناں میݙے ناں تے محمد رکھݨا۔ 

چویہی سال دی عمر وچ آپؒ دے والد ماجد دا انتقال تھیا تاں آپؒ انہاں دے مصلے تے جلوہ افروز تھئے.  کئی وار کھوہ وچ لٹک کے نماز معکوس ادا کریندے۔ ست ݙینہ بعد یک کجھور تے پاݨی دے ہک گھٹ نال افطار کریندے۔ چہرے تے ایسا نور ہئی کہ ݙیکھݨ والا گرویدہ تھی ویندا ۔ آپؒ دے ہتھ تے کثرت نال غیر مسلماں نے اسلام قبول کیتا۔ 

ہک مرتبہ بادشاہ دیناراں دی تھیلی گھن کے حاضر تھیا جینکوں آپؒ نے انکار کر ݙتا تے فرمایا کہ ساݙے بزرگاں دا ایہ طریقہ نی.  جیہڑے وقت بادشاہ نے اصرار کیتا تاں آپؒ نے دریا دی طرف منہ کیتا، ہزاراں مچھلیاں منہ وچ دینار گھدی کھڑیاں ہن.  آپؒ نے بادشاہ کوں فرمایا جس دے کول اس قدر خزانہ غیبیہ موجود ہووے اوہ تیݙی ایں تھیلی دی کیا قدر کریسی.  
ستر سال دی عمر وچ اشارہ غیبی نال سلطان محمود غزنوی دے نال سومنات دے جہاد وچ شریک تھئے.  چند خدام وی نال ہن.
 آپؒ دے ترے خلفاء ہن.  ہک خواجہ ابو یوسف،  ݙوجھے خواجہ محمد کاکو تے تریجھے خواجہ استاد مروان،  ایہ تریہے حضرات آپؒ دی وفات دے بعد مسند ہدایت و ارشاد تے بیٹھے۔ سیرالاقطاب دے مصنف نے آپؒ دی تاریخ وفات چوݙہ ربیع الاول411ھ ݙسی ہے.  جبکہ شہزادہ دارا شکوہ قادری نے سفینۃ الاولیاء وچ یکم ماہ رجب 411ھ لکھی ہے۔




#Article 182: ابو منصور اسماعیل الظافر لاعداء اللہ (128 words)


ابو منصور اسماعیل الظافر لاعداء اللہ دولت فاطمیہ دا ٻارہواں خلیفہ ہئی. 544ھ تا 549ھ، حافظ دے انتقال دے بعد اس دی وصیت دے مطابق اس دا سب توں چھوٹا بیٹا سولہ سالہ اسمٰعیل خلیفہ بݨا تے اونکوں ظافر لاعداء اللہ دا لقب ݙتا گیا۔ اس دی کمسنی دی وجہ نال حافظ نے وصیت کیتی ہئی کہ ابن مصال وزارت دا کم سر انجام ݙیوے۔ لیکن ابن السلا اس انتظام توں ناراض تھی گیا۔ جس وقت ابن السلا کہیں باغی دی تلاش وچ قاہرہ توں ٻاہر گیا، ابن السلا نے ابن مصال کوں معزول کر کے خود وزارت سنبھال گھدی۔ ابن السلا کوں عباس نے قتل کیتا تے خود وزیر بݨ گیا۔ ظافر عیش و عشرت دا شوقین ہئی.  اونکو عباس نے 549ھ وچ قتل کر ݙتا ۔




#Article 183: ابو منصور ماتریدیؒ (335 words)


محمد ابو منصور امام ماتریدیؒ ( 853ء-944ء )، 
پورا ناں محمد بن محمد بن محمود ابو منصور ماتریدی سمرقندی حنفی ہے.  اسلامی فقہ قرآنی تفسیر دے ہک مشہور عالم ہن . امام ماتریدیؒ مذہب اہلسنت ماتریدیہ دے بانی ہن.  آپؒ اپݨے دور دے علما کرام دے درمیان ہک اعلی مقام دے حامل ہن۔

آپؒ دی تاریخ ولادت دے متعلق کوئی متعین تاریخ تاں نی ملدی مگر علما کرام نے لکها ہے کہ آپؒ دی ولادت عباسی خلیفہ المتوكل دے عہد وچ تھئی، سمرقند دے قریب ماترید وچ پیدا تھئے۔ ماتریدی نسبت ہے ماترید دی طرف تے ایہ سمرقند ماوراء النهر وچ ہک مقام دا ناں ہے. امام أبو منصور الماتريدي کوں وی علما امت نے امام الہدىٰ و امام المتكلمين و امام اہل سنت  وغيرہ دے القابات نال یاد کیتا ، اسلامی الٰہیات، تفسیر قرآن تے اسلامی فقہ وچ مہارت رکھدے ہن۔ 

انہاں دے اساتذہ ابو نصر العياضیؒؒ،  ابو بكر الجوزجانیؒ، امام ابو سليمان موسى بن سليمان الجوزجانی، نصير البلخی ،محمد بن مقاتل الرازی ہن.  آپؒ نے جنہاں مشائخ توں علم حاصل کیتا انہاں سب دی سند امام اعظم ابو حنيفہ النعمانؒ نال ملدی ہے۔ آپؒ علوم قران ، اصول فقہ ، علم كلام و عقائد دے بے مثال و مستند امام ہن تے آپؒ دی پوری زندگی حمایت اسلام و نصرت عقيدة اہلسنت و الجماعت نال عبارت ہے، تے آپؒ بالاتفاق اہلسنت و الجماعت دے امام جلیل محافظ عقائد اہلسنت قرار پائے، معتزلہ تے دیگر فرق ضالہ دا اپݨی مناظرات و محاورات وچ تے تصنیفات و تالیفات وچ بھرپور رد وتعاقب کیتا تے تمام عمر عقائد اہلسنت دی حفاظت و صیانت و تبلیغ و تشہیر کیتی۔

مصنف كتاب كشف الظنون نے ذکر کیتا ہے کہ آپؒ دی وفات ( 332ھ ) وچ تھئی ہے، دیگر کئی مؤرخين نے سنہ وفات ( 333ھ ) وی لکھی.  عبد الله القرشی نے وى الفوائد البھیہ وچ سنہ وفات ( 333ھ) 944ء ہے تے آپؒ دی قبرسمرقند وچ ہے۔
امام اہل سنت تے اللہ دی بے شمار رحمتاں ہوون تے انہاں دے صدقے وچ ساݙی مغفرت فرماوے.  
آمین.




#Article 184: ابو نعیم اصفہانیؒ (339 words)


امام ابو نعیم اصفہانیؒؒ،  علمی اعتبار نال بہت بلند درجے تے فائز ہن.  آپؒ کتاب الحلیہ توں معروف ہن ۔ امام ابو نعیمؒ 336ھ بمطابق 948ء وچ اصفہان وچ پیدا تھئے۔ 

امام ابو نعیم اصفہانیؒ دے علمی کمالات تے غیر معمولی فنی شہرت نے انہاں دی ذات کوں مرجع خلائق بݨا ݙتا ہئی۔ انہاں دا شمار عظیم محدثین وچ تھیندا ہے.  تفسیر حدیث ،فقہ تے جملہ علوم اسلامیہ وچ مہارت رکھدے ہن.  حدیث تے متعلقات حدیث دے علوم وچ انہاں کوں کمال دا درجہ حاصل ہئی.  حدیث دی جمع روایت تے معرفت و روایت وچ امتیاز رکھدے ہن۔ امام ابونعیم اصفہانیؒ جتھاں ہک بہت وݙے محدث ہن، بلکہ اس دے نال نال حفظ و ضبط تے عدالت و ثقاہت وچ وی ممتاز ہن.  امام ابو نعیم اصفہانیؒ مسلکاً شافعی ہن اور حدیث دے علاوہ فقہ و تصوف وچ جامع کمال ہن.  عقیدے ٢چ اشاعرہ دے ہمنوا ہن تے اشعری مذہب دی جا نب میلان رکھدے ہن ایں واسطے انہاں دی مجلسِ درس بڑی وسیع ہئی۔ لوگ دور دراز توں سفر کر کے انہاں دی مجلس وچ حاضر تھیندے ہن تے اتھوں جملہ علوم اسلامیہ وچ استفادہ کریندے ہن شاہ عبد العزیز محدث دہلویؒ نے انہاں دی مجلس درس دا ایں طرح نقشہ چھکیا اے کہ۔ جیہڑے ویلے انہاں دی مجلس درس آراستہ تھیندی تاں اربابِ فن تے محدثین عجز و نیاز دے نال انہاں دے دولت کدے،  بڑی رغبت تے مکمل انہماک دے نال اکتساب فیض کریندے ہن.  بقول علامہ ذہبیؒ

حدیثاں سݨنا تے انہاں دی جمع و تالیف ہی انہاں دی غذا ہئی۔ انہاں نے خراسان و عراق دے بےشمار لوگاں توں کسب فیض کیتا۔ حقیقت ایہ ہے کہ انہاں کوں جس قدر اکابر شیوخ نال ملاقات دا شرف حاصل تھیا اوندے توں ٻئے محدثین محروم ہن۔

امام ابو نعیم اصفہانیؒؒ،  صاحبِ تصانیفِ کثیرہ ہن.  حاجی خلیفہ نے کشف الظنون وچ انہاں دی 29 کتاباں دی فہرست ݙتی ہے.  آپؒ دی تصانیف وچ درج ذیل کتاباں بہت مشہور و معروف ہن ۔

امام اصفہانیؒ نے 96 سال دی عمر پا کے 430ھ 1038ء وچ اصفہان وچ انتقال کیتا۔ 




#Article 185: ابو کامل الحاسب (198 words)


ابو کامل شجاع بن اسلم بن محمد بن شجاع الحاسب، مصری انجینئر تے حساب دان ہن.  انہاں دا زمانہ تریجھی صدی ہجری ہے.  قدیم عربی مصادر وچ انہاں دی زندگی دے بارے وچ کوئی تفصیل نی ملدی، “اخبار العلماء باخبار الحکماء” وچ لکھا ہے :

کجھ انہی الفاظ وچ ابن الندیم نے “الفہرست” تے ابن حجر نے “لسان المیزان” وچ انہاں دا تذکرہ کیتا ہے.  

اے خوارزمی دے زمانے دے بعد دے سب توں وݙے حساب دان منے ویندے ہن. انہاں دی ریاضی تے فلکیات تے بہت ساری تصانیف ہن جیہڑیاں ایہ ہن : 

اے اکھیج سڳدا ہے کہ انہاں نے الخوارزمی دی کتب توں بہت زیادہ استفادہ کیتا تے انہاں وچ بہت سارے مسائل واضح کیتے نیز اپݨی تصانیف وچ وی انہاں نے بہت سارے مسائل واضح کیتے تے انہاں کوں ایں انداز وچ حل کیتا کہ ایہ صرف انہی دا خاصہ رہا.  انہاں دی کجھ ٻیاں تصانیف ایہ ہن : 

ایں دے علاوہ انہاں دی جبرا تے حساب تے وی کافی تصانیف ہن.  جبری کلیے حل کرݨ تے انہاں کوں ہندسی مسائل حل کرݨ کیتے استعمال کرݨ وچ اوہ اپݨے زمانے دے یکتا ہن.  اوہ تیرہویں صدی عیسوی تک یورپ دے سائنسداناں کیتے ہک ریفرنس رہے. 




#Article 186: ابو ہبیرہ بصریؒ (269 words)


خواجہ امین الدین ابوہبیرہ بصریؒؒ،  سلسلہ چشتیہ دی ہک اہم شخصیت ہن۔ اکثر مشائخ نے صرف ہبیرہ ہی انہاں دا ناں لکھا۔ بعض ابو ہبیرہؒ آہدے ہن.  انہاں دا لقب امین الدین ہئی۔ ابو ہبیرہ بصریؒ دی ولادت 167ھ وچ تھئی.  انہاں دا تعلق بصرہ نال ہئی تے اکابر وقت وچوں ہن۔

ابو ہبیرہؒ ستارہاں سال دی عمر وچ علوم ظاہری توں فارغ تھئے.  بعد وچ حذیفہ مرعشیؒ دے مرید و خلیفہ اعظم بݨے۔ ہر روز ݙو وار قرآن ختم کریندے.  حذیفہ مرعشیؒ دے مرید ہووݨ توں پہلے آپؒ نے تریہہ سال ریاضت شاقہ وچ گزارے. مجاہدہ و ریاضت وچ بے مثال ہن.  ہک ݙینہ زارو قطار روندے پئے ہن کہ ہاتف غیبی توں آواز آئی،  اساں تیکوں بخش ݙتا.  حذیفہ مرعشیؒ دی بارگاہ وچ ونج.  مرید تھیوݨ دے بعد ہک ہی ہفتے وچ مقام قرب حاصل تھی گیا تے ہک سال بعد خلافت ملی۔ جیں ݙینہ خرقہ خلافت عطا تھیا،  انہاں دے ناں توں ہک شاخ تصوف وی نکلی جینکوں ’’ ہبیریہ‘‘ آکھا ویندا ہے.  انہاں دے بہت سارے خلفاء ہن.  سب توں زیادہ مشہور ممشاد علوی ہن۔ جیں ݙینہ خلافت ملی اوں ݙینہ توں نمک تے شکر ترک کر ݙتی تے لذت کام و دہن توں دست بردار تھئے. آپؒ اس قدر روندے ہن کہ بعض اوقات حاضرین کوں اندیشہ ہوندا کہ آپؒ فوت تھی ویسن۔ ہک سو ویہہ سال تک زندہ رہے۔ ہمیشہ باوضو رہندے ہن۔ بلا ضرورت گفتگو نہ کریندے ہن تے اللہ دے ذکر وچ مشغول رہندے ہن۔ آپؒ صاحب عالی کرامات ہن. 

ابو ہبیرہ بصریؒ دی وفات 7 شوال 278ھ کوں تھئی.  بعض جگہ 287ھ ہے.  انہاں دی عمر ١٢٠ سال ہئی ۔




#Article 187: ابو یوسف چشتیؒ (360 words)


خواجہ ابو یوسف چشتی 
( متوفی: 459ھ)
پورا ناں،  خواجہ ناصر الدین ابو یوسف چشتیؒ ہے۔ آپؒ دا سلسلۂ نسب امام زین العابدینؒ نال ملدا ہے۔ آپؒ دا لقب ناصرالدین ہئی۔ آپؒ دے والد محمد سمعان نجیب الطرفین سید ہن۔ خالق کائنات نے علم اکمل تے عمل افضل نال نوازا ہئی۔ آپؒ نے خرقۂ فقر و ارادت اپݨے ماموں ابو محمد چشتیؒ توں پاتا تے انہاں توں تربیت حاصل کیتی۔

آپؒ ابو محمد چشتیؒ دے بھݨینجے، مرید تے خلیفہ ہن۔ آپؒ  دی والدہ ماجدہ ابو محمد چشتیؒ دی ہمشیرہ مکرمہ وی ولیہ کاملہ ہن۔ ہمیشہ عبادت و ریاضت وچ رہندیاں۔ چالیہ سال دی عمر تک شادی کوں تیار نہ ہن لیکن ہک ݙینہ والد ماجد ابو احمدؒ  کوں خواب وچ ݙٹھا کہ فرمیندے ہن.  اس شہر وچ ہک سید زادہ محمد سمعانؒ ہے، تہاݙے مقدر وچ لکھا ہے کہ اوہ تہاݙا شوہر بݨسی  تے ہک لڑکا پیدا تھیسی جس دے نور ولایت نال ساݙا خاندان روشن تھیسی۔ ݙوجھی طرف اینجھا ہی خواب ابو محمدؒ نے وی ݙٹھا۔ چنانچہ صبح شہر بھر وچ اس سید زادے دی تلاش کرائی گئی۔ جیہڑلے اوں سید زادے کو گھنایا گیا تاں بی بی دا نکاح سید زادے نال پڑھا ݙتا گیا۔ بی بی وی چونکہ واقف حال ہن معترض نہ تھئے۔ اوں بی بی دے بطن توں ابو یوسف پیدا تھئے۔ آپؒ  دا نسب پاک ایویں ہے

آپؒ اپݨے ماموں ابو محمدؒ چشتی دے زیر تربیت رہے۔ آپؒ دی عمر چھتیہ سال دی ہئی جیہڑلے آپؒ دے ماموں دا انتقال تھیا تے آپؒ  انہاں دی جگہ مسند افروز تھئے۔ پنجاہ سال دی عمر وچ آپؒ ابو اسحق شامیؒ دے ہک خلیفہ حاجی  دے مزار دے قریب ہک تہ خانہ بݨوا کے اس وچ معتکف تھی گئے.  آپؒ تقریباً بارہ سال تک اتھاں معتکف رہے۔ آپؒ دی وفات سوم ماہ رجب المرجب 459ھ کوں تھئی۔ آپؒ علاقے دے قابل احترام شخصیت ہن.  آپؒ دی ملاقات عبد اللہ انصاریؒ (متوفی 481) نال وی تھیدنی ہئی ـ ابوبکر شبلیؒ (متوفی 334) اپݨے وقت وچ ابو یوسف چشتیؒ دے محفل سماع وچ حاضر تھیندے ہن ,

شجرہ شریف از جانب والدہ ماجدہ طریق ب حضرت امام حسن مہر سند آپ دا شجرہ نسب از طرف والدہ ماجدہ -




#Article 188: ابو یوسف یعقوب المنصور (460 words)


ابو یوسف یعقوب المنصور (1160ء تا 23 جنوری 1199ء) خلافت موحدین دا تریجھ خلیفہ ہئی جیں نے اپݨے والد ابو یعقوب یوسف دی جگہ تخت سنبھالا۔ اوں نے 1184ء تون 1199ء تک خلافت کیتی۔ اے موحدین دا سب توں مشہور حکمران ہئی۔

یعقوب کوں سب توں زیادہ شہرت اوں فتح دی وجہ نال ملی جہڑی اوں نے شمالی اندلس دے مسیحی حکمران الفانسو تے جنگ ارک وچ حاصل کیتی۔ الفانسو ہشتم تے امیر یعقوب دے درمیان 5 سال کیتے صلح دا ہک معاہدہ تھی گیا ہئی لیکن الفانسو نے معاہدہ توڑ کے اسلامی علاقے تے حملہ کیتا۔ یعقوب کوں جیہڑے ویلے اطلاع تھئی تاں اوہ مراکش توں اندلس پہنچا تے 8 جولائی 1195ء کوں ارک دے مقام تے الفانسو کوں ویسی ہی زبردست شکست ݙتی جیسی 100 سال پہلے یوسف بن تاشفین جنگ زلاقہ وچ ݙے چکا ہئی۔

اس دے بعد یعقوب نے الفانسو دے دار الحکومت طلیطلہ دا محاصرہ کر گھدا۔ شہر فتح تھیوݨ دے قریب ہئی کہ الفانسو نے اپݨی ٻڈھی ماں کون امیر یعقوب دے کول بھیج کے معافی منگی۔ یعقوب اپݨے دشمن دی ٻڈھی اماں دی درخواست رد نہ کر سگا تے 10 سال کیتے صلح کر کے واپس تھی گیا۔ ایں طرح یعقوب المنصور دی رحم دلی دی وجہ نال طلیطلہ دا تاریخی شہر دوبارہ مسلماناں دے قبضے وچ آوݨ توں رہ گیا۔

ایں فتح دے بعد یعقوب نے المنصور باللہ دا لقب اختیار کیتا۔

خلیفہ یعقوب دی زندگی عام بادشاہواں دی طرح نہ ہئی بلکہ اوہ سادہ زندگی گذاردا، معمولی کپڑے پیندا تے پنجاں وقتاں دی نماز عام مسلماناں دے نال مسجد وچ ادا کریندا ہئی۔ اونکوں انصاف دا اتنا خیال ہئی کہ ہر راہ چلدے فریادی کیتے سواری روک گھندا۔

اس دے عہد وچ علما، فقہا تے محدثین دے وظیفے مقرر ہن۔ اوں نے کئی سڑکاں تعمیر کرائیاں تے جگہ جگہ سراواں بݨوائیاں۔

اوں نے اپݨی سلطنت وچ مدرسے تے شفاخانے وی قائم کیتے۔ انہاں وچ مراکش دا شفا خانہ بہت شاندار ہئی۔ یعقوب ہر نماز جمعہ دے بعد خود ایں عظیم شفاخانے دا معائنہ کریندا تے مریضاں نال مل کے انہاں دی عیادت کریندا۔

خلیفہ یعقوب،  سلطان صلاح الدین ایوبی دا ہمعصر ہئی اور اوں زمانے وچ ساری دنیا وچ سوائے سلطان صلاح الدین دے کوئی ٻیا حکمران انہاں خوبیاں وچ ایندا مقابلہ نہ کر سڳدا ہئی۔

ایہ اچھا حکمران 15 سال حکومت کرݨے دے بعد 23 جنوری 1199ء کوں مراکش وچ انتقال کر گیا۔ اوں وقت اوندی عمر صرف 40 سال ہئی۔

یعقوب دے بعد اوندا بیٹا الناصر تخت خلافت تے بیٹھا۔ اوندا عہد وی بڑی خوشحالی دا زمانہ ہئی لیکن اونکوں 609ھ وچ اندلس وچ معرکہ العقاب وچ مسیحیاں دے مقابلے وچ ایسی شکست تھئی کہ خلفائے موحدین دا زور ٹٹ گیا۔ اگلے سال الناصر دا وی انتقال تھی گیا تے ایندے بعد خلافت موحدین دا زوال شروع تھی گیا۔




#Article 189: ابوالحسن ابنِ یونس (186 words)


ابو الحسن علی بن ابی سعید عبد الرحمن بن احمد بن یونس المصری، البتانی تے ابی الوفاء البوزجانی دے بعد سب توں زیادہ شہرت پاوݨ والے ریاضی تے فلکیات دان ہن، مستشرق سارٹن انہاں کوں چوتھی صدی ہجری دے سب توں وݙے سائنسداناں وچ شمار کریندے ہن، اوہ شاید مصر دے سب توں وݙے فلکیات دان ہن، مصر وچ پیدا تھئے تے اتھائیں شوال 399 ہجری کوں وفات پاتی۔

ابن یونس دا خاندان ہک مشہور علمی گھرانہ ہے، انہاں دے والد سعید مصر دے محدث، مؤرخ تے مشہور عالم ہن، انہاں دے وݙے ݙاݙا یونس امام شافعی دے دوست تے علمِ نجوم دے ماہر ہن۔

ابن یونس نے ہی یحیی بن ابی منصور دا زیچ درست کیتا ہئی، اوہ ٹرگنومیٹری دے ماہر ہن تے کروی مثلثات دے بہت مشکل مسائل حل کیتے تے اقواس دا حساب دریافت کیتا.  آخر وچ ݙسیندے ڄلوں کہ انہاں نے ہی گھڑی دا pendulum ایجاد کیتا ہئی نا کہ گیلیلیو نے جیویں کہ عام طور تے سمجھا ویندا ہے۔ 
علومِ ریاضی تے فلکیات وچ آپ نے قابلِ قدر خدمات سرانجام ݙتے جنہاں کوں سائنس دی تاریخ وچ ہمیشہ یاد رکھا ویسی. 




#Article 190: ابوالحسن خرقانیؒ (773 words)


خواجہ ابو الحسن خرقانیؒ حقیقت و طریقت دا سرچشمہ، فیوض و برکات دا منبع و مخزن، اکابر مشائخ تے اولیائے کرام وچ مشہور ہن۔ اسم گرامی علی بن احمد بن جعفربن سلمان کنیت ابو الحسنؒ تے ولادت 352 ھ وچ تھئی۔ آپؒ دے والد ایران دے علاقے بسطام دے ہک دیہات خرقان وچ کھیتی باڑی کریندے ہن. 

خواجہ ابو الحسن خرقانیؒ نے اپݨی خداداد صلاحیتاں دی بدولت کسب علوم شریعت تے تحصیل سلوک و طریقت وچ کمال حاصل کیتا، نیک لوگاں دی صحبت ، ہمیشہ باوضو تے عبادت و ریاضت وچ وقت گذریندے۔ اویسی نسبت نال سلطان العارفین بایزید بسطامیؒ کولوݨ روحانی فیض حاصل کیتا۔ اپݨے زمانے دے معروف علماء کرام تے صوفیاء عظام نال ملاقاتاں کیتیاں.  شیخ ابو العباس احمد قصاب آملی (خلیفہ محمد بن عبد اللہ طبری) دی زیارت دا شرف حاصل رہا تے ہک مدت تک انہاں دی خانقاہ وچ قیام فرمایا. ۔
ہک مرتبہ ہک شخص خواجہ ابو الحسنؒ دے کول آیا تے عرض کیتا،  میکوں اپݨا خرقہ پواؤ،  آپؒ نے فرمایا میکوں ہک مسئلے دا جواب ݙے چا کہ اگر عورت مرد دے کپڑے پا گھنے تاں کیا اوہ مرد تھی ویندی ہے، اوں نے آکھا کہ نہیں، فرمایا تاں ول خرقے دا کیا فائدہ اگر توں مرد نی تاں خرقہ پاوݨ نال توں مرد نی تھی سڳدا. 
آپؒ کوں اویسی طریقہ تے بایزید بسطامیؒ توں باطنی فیض پہنچا تے انہی دے فیض کوں آپؒ نے تمام جہاں وچ عام کیتا، لیکن آپؒ دی بایزید بسطامیؒ تک نسبت چہار واسطیاں توں مستند وی ہے کہ آپؒ دی ابومظفر موسیٰ طوسیؒ نال نسبت ہے تے انہاں دی خواجہ اعرابی بایزید عشقیؒ نال تے انہاں دی خواجہ محمد مغربیؒ نال تے انہاں دی سلطان العارفین بایزید بسطامیؒ نال نسبت ہے۔

مشہور مسلم حکمران سلطان محمود غزنوی آپؒ دا بڑا عقیدت مند ہئی۔ آپؒ دے استغناء تے خدا دوستی دا ایہ عالم ہئی کہ جݙݨ پہلی وار سلطان محمود غزنوی نے آپؒ دا شہرہ سݨا تے خرقان پہنچ کے پیغام بھیجا کہ حضور میݙے دربار وچ ملاقات کیتے قدم رنجہ فرماؤ تاں آپؒ نے ایں ڳال کوں قبول نہ کیتا۔ خود سلطان ملاقات دے واسطے خانقاہ عالیہ وچ حاضر تھیا، لیکن آپؒ اس دی تعظیم کیتے  نہ اٹھے۔ البتہ جیہڑلے عقیدت و محبت توں سرشار تھی کے تے تبرک دے طور تے پیراہن مبارک گھن کے ادب نال ونجݨ کیتے اٹھا تاں حضرت اس دی تعظیم کیتے اٹھے تے سلطان دے دریافت کرݨ تے فرمایا، پہلے میں تیݙی بادشاہی دے کیتے نہ اٹھا تے ہݨ تیݙی درویشی کیتے کھڑا تھیا ہاں۔ آہدے ہن کہ جݙݨ سومنات تے چڑھائی دے وقت سلطان شکست کھاوݨ لگا تاں اضطراب دی حالت وچ حضور ابوالحسن خرقانیؒ دا پیراہن مبارک ہتھ وچ گھن کے بارگاہ الٰہی وچ ایویں ملتجی تھئے :

الٰہی بآبروئے ایں خرقہ بریں کفار ظفردہ

ہرچہ ازینجا غنیمت بگیرم بدرویشاں بدہم

ترجمہ: خدایا ایں خرقے دی آبرو دے صدقے وچ میکوں انہاں کافراں تے فتح عطا کر، میکوں اتھوں جو مال غنیمت ملسی درویشاں کوں ݙیساں ۔

اپݨے وقت دے یگانہ غوث زمانہ قبلہ وقت ہن کیونکہ انہاں دے زمانے وچ انہاں دی طرف کوچ تھیندا ہوندا ہئی۔ ہک ݙینہ مریداں کوں آکھݨ لگے کہ کیہڑی چیز سب توں بہتر ہے سب نے آکھا اے شیخ آپ ہی فرماؤ.  آپؒ نے فرمایا اوہ دل جس وچ بالکل ہوندی یاد ہووے۔ انہاں توں لوگاں نے پچھاکہ صوفی کیں کوں آہدے ہن،  فرمایا کہ صوفی جبہ و مصلے نال نہیں ہوندا،  صوفی رسم و عادات توں صوفی نی ہوندا، صوفی اوہ ہوندا ہے کہ خود کجھ نہ ہووے.  اوہ ایہ وی فرمیندے ہن کہ کوئی بندہ صوفی اوں ݙینہ بݨدا ہے کہ اوں کوں آفتاب دی حاجت نہ ہووے تے اوں رات ہوندا ہے کہ اوں کوں چندر ،ستارے دی ضرورت نہ ہووے تے نیستی ایہ ہے کہ ہستی دی حاجت نہ ہووے۔

انہاں توں پچھا گیا کہ مرد کوں کیونکر معلوم ہووے کہ اوہ بیدار ہے، آکھا ایں طرح کہ جیہڑلے خدا کوں یاد کرے سر توں قدم تک خدا دی یاد باخبر ہووے۔
پچھا گیا فنا و بقا دی ڳال کیں کوں کرنا مناسب ہے. آکھا اس شخص کوں اگر اس کوں ہک ریشمی تار نال آسمان نال لٹکا ݙیو تے اینجھی ہوا چلے کہ درخت تے مکانات پہاڑ اکھڑ ونجن تے سب دریا پھر ونجن لیکن اوں کوں اپݨی جگہ توں نہ ہلا سڳے۔

جس وقت آپؒ دی وفات دا وقت قریب آیا تاں وصیت کیتی کہ میݙی قبر 30 گز گہری کھٹݨا تاکہ بایزیدؒ دی قبر توں اچی نہ رہوے چنانچہ ایویں ہی کیتا گیا. آپؒ دا وصال خرقان وچ عاشورہ دے ݙینہ 425ھ وچ تھیا.   10محرم الحرام425 ہجری بمطابق 5دسمبر1033ء کوں آپؒ دا وصال تھیا. اس وقت عمر مبارک 73 سال ہئی
خرقان وچ ہی آپؒ دی آخری آرامگاہ ہے۔




#Article 191: ابوالحسن شاذلیؒ (106 words)


شیخ ابوالحسن شاذلی جنہاں دا پورا ناں ابوالحسن علی بن عبد الله بن عبد الجبار بن يوسف ابن ہرمز المغربی الشاذلی الشريف الحسنی ہے، قطب اول، سلسلہ شاذلیہ دے بانی، بہت بڑے شیخ ، اولیاء دے امام تے امت مسلمہ دے بڑے بزرگ ہن۔

غمارہ جیہڑا سبتہ دے قریب شمال مراکش وچ واقع ہے، اتھاں سنہ 591ھ بمطابق 1195ء وچ ہک کسان دے گھر پیدا تھئے۔ انہاں دا لقب شاذلی تے کنیت ابو الحسن ہے۔ آپؒ سلسلہ شاذليہ دے بانی ہن جبکہ طریقت اپݨے شيخ عبد السلام بن مشيش توں حاصل کیتی جیہڑے حضرت عباس ابو المرسیؒ دے خلیفہ ہن. 

آپؒ دی مشہور تصانیف اے ہن: 




#Article 192: ابوالحسن کبیر ٹھٹوی سندھی (321 words)


شیخ ابو الحسن محمد بن عبد الہادی ٹھٹوی سندھی مدنی المعروف شیخ سندھی (وفات: بدھ 12 شوال 1138ھ/ 12 جون 1726ء) سندھ دے مشہور تاریخی شہر ٹھٹہ نال تعلق رکھݨ والے ستارہویں صدی دے عالمی شہرت یافتہ محدث تے فقیہ ہن۔ فقہ حنفی نال نسبت خاص دے سبب عرب دنیا وچ امام السِندی الحنفی دے ناں نال پہچاݨے ویندن ۔

شیخ ابو الحسن دا ناں محمد بن عبد الہادی ہے۔ کنیت ابو الحسن تے لقب نور الدین ہے۔ والد دا ناں عبد الہادی ہئی۔

شیخ ابوالحسن محمد بن عبد الہادی سندھ دے شہر ٹھٹہ وچ پیدا تھئے، البتہ سال ولادت معلوم نی تھی سڳا۔ ابتدائی زندگی ٹھٹہ تے سندھ دے شہراں وچ گزری۔ ۔ عمر دے وسطی زمانہ وچ سفر حجاز دے واسطے روانہ تھئے تے قلیل عرصہ ایران دے شہر شوشتر وش مقیم رہے۔ بعد ازاں مدینہ منورہ پہنچے تے باقی تمام عمر مدینہ منورہ وچ بسر کیتی۔ اتھاں محدث علامہ ابراہیم کردی کورانی، شیخ محمد بن عبد الرسول برزنجی مدنی تے شیخ عبد اللہ بن سالم تے دیگر علماء توں علم حاصل کیتا تے سند گھدی۔ شیخ ابو الحسن نے باقی عمر اتھائیں علمِ حدیث دی خدمت تے درس و تدریس وچ بسر کیتی۔ مدینہ منورہ دے علما و فضلا انہاں دی شاگردی کوں اپݨے کیتے باعث عزت و شرف سمجھدے ہن۔ مشرق و مغرب دے ہزارہا علماء و فضلا نے انہاں توں حدیث دی سنداں حاصل کیتیاں۔

شیخ ابو الحسن نے درس و تدریس دے علاوہ احادیث دی کتاباں تے وی عمدہ حواشی تحریر کیتے، جنہاں وچ چھی کتب دے حواشی مصر وچ وی شائع تھی چکے ہن۔ تحریر کردہ تصانیف تے حواشی دی تفصیل ایویں ہے

شیخ ابو الحسن نے طویل العمری وچ بروز بدھ 12 شوال 1138ھ/ 12 جون 1726ء کوں مدینہ منورہ وچ انتقال کیتا۔ نماز جنازہ مسجد نبویؐ وچ ادا کیتی گئی تے تدفین جنت البقیع وچ کیتی گئی۔ نماز جنازہ وچ خلقت دا اژدھام ݙٹھا گیا حتیٰ کہ خواتین نے وی شرکت کیتی۔




#Article 193: ابوالخیر کشفی (236 words)


ڈاکٹر ابو الخیر کشفی (پیدائش: 12 مارچ، 1932ء- وفات: 15 مئی، 2008ء) کراچی،  پاکستان نال تعلق رکھݨ والے اردو نقاد، محقق، ماہر تعلیم تے کراچی یونیورسٹی دے سابق چیرمین شعبۂ اردو ہن۔

ڈاکٹر ابو الخیر کشفی 12 مارچ، 1932ء کوں کانپور، برطانوی ہندوستان وچ پیدا تھئے۔ انہاں دے ݙاݙا سید شاہ محمد اکبر عربی، فارسی تے اردو زبان دے مشہور عالم ہن۔ انہاں دے والد سید ابو محمد ثاقب کانپوری اپݨے زمانے دے نامور شعرا وچ شمار تھیندے ہن۔ 1947ء وچ انہاں نے انٹرمیڈیٹ دا امتحان پاس کیتا تے ول کراچی آ گئے جتھاں 1952ء وچ انہاں نے جامعہ کراچی توں ایم اے دا امتحان پاس کیتا۔ ایم اے کرݨ دے بعد انہاں نے تدریس کوں اپݨا ذریعہ معاش بݨایا۔ پہلے اوہ اسلامیہ کالج وچ تے ول جامعہ کراچی دے شعبہ اردو نال منسلک تھئے۔ ترے سال تک اوہ ہک جاپانی یونیورسٹی وچ وی اردو دی تدریس دے شعبے نال وابستہ رہے۔

سیدابوالخیر کشفی نے اردو شاعری کا سیاسی و تاریخی پس منظر دے موضوع تے پی ایچ ڈی کیتی ہئی جیندا مقالہ کتابی شکل وچ اشاعت پزیر تھی چکا ہے۔ انہاں دی دیگر کتب وچ ہمارے عہد کے ادب اور ادیب، جدید اردو ادب کے دو تنقیدی جائزے، ہمارے ادبی اور لسانی مسائل اور خاکوں کا مجموعہ یہ لوگ بھی غضب تھے شامل ہن۔

ڈاکٹر ابوالخیر کشفی 15 مئی، 2008ء کوں کراچی وچ وفات پا گئے تے جامعہ کراچی دے قبرستان وچ آسودۂ خاک تھئے۔




#Article 194: ابوالصلاح حلبی (333 words)


تقی بن نجم الدین بن عبید اللہ حلبی المعروف ابو الصلاح حلبی، شیعہ فقیہ تے متکلم شام دے شہر حلب وچ پیدا تھئے.انہاں دی تاریخ ولادت مصدقہ  معلوم نی، تاریخ وفات توں اگر حساب کیتا ونجے تاں غالباً انہاں دی پیدائش چوتھی صدی ہجری دے وسط وچ سال 347 دی نکلدی ہے۔ ابوالصلاح حلبی دی شہرت تے نام وری انہاں دی اوہ علمی تصانیف ہن جنہاں نال تاریخ دے بہت سارے جیّد علماء، محدثین، اساتذہ تے مصنفین نے استفادہ کیتا، انہاں لوگاں وچ علامه مجلسی، شهید اول، شهید ثانی، علامه حلی جیسی نابغہ روزگار شخصیات تے بہت سارے دیگر محققین و مصنفین شامل ہن۔ اگرچہ انہاں دی تصانیف دا بیشتر حصہ ضائع تھی گیا اے لیکن جو باقی بچا اوہ فقہ تے کلام وچ انہاں دی عظمت دا نشان ہے۔

ابتدائی تعلیم اپݨے آبائی ملک توں مکمل کرݨے دے بعد اوہ ملک عراق دے شہر بغداد وچ موجود شیعہ اکابر علماء توں تحصیل علم کیتے گئے تے اتھاں سید مرتضی، شیخ طوسی تء سلار بن عبدالعزیز دے حلقہ درس وچ شامل رہے۔ 

ابوالصلاح کے حالات زندگی دے بیان توں معلوم تھیندا ہے کہ انہاں نے کم از کم ترے مرتبہ شام توں عراق دا سفر کیتا تے بغداد دے وݙے اساتذہ دے حلقہ درس وچ شامل رہݨ دا اعزاز پاتا.

ابوالصلاح دے بیان دے مطابق جنہاں شیوخ و اساتذہ توں انہاں نے تحصیل علم تے دورہ حدیث کیتا انہاں دے ناں درج ذیل ہن:

ابوالصلاح حلبی  نے بے شمار علمی و تحقیقی مقالہ جات تے بہت ساری فقہی تے کلامی کتب تصنیف کیتیاں.  اس دے علاوہ انہاں نے علم طب تے وی کتاباں لکھیاں۔ ابوالصلاح دی تصانیف دے ݙو حصے ہن۔

الف) 

اوہ کتب جنہاں دا کوئی نسخہ موجود نی لیکن مورخین تے شارحین نے انہاں دا تذکرہ کیتا ہے ، جیویں کہ:

ب)  

اوہ تصانیف و تالیفات جنہاں دے قلمی نسخے وی موجود ہن تے کجھ انہاں وچوں طبع وی تھی چکے ہن، جیویں کہ:

ابوالصلاح  سال ۴۴۷ ہجری -قمری  وچ شام دے شہر حلب وچ فوت تھئے تے اتھائیں مدفون ہن۔  




#Article 195: ابوالعباس عبداللہ السفاح (245 words)


ابوالعباس عبد اللہ السفاح ( دورِ خلافت 749ء تا 753ء) خلافت عباسیہ دا پہلا حکمران اے. آخری  اموی خلیفہ مروان ثانی نے ابراہیم بن محمد بن علی کوں گرفتار کرا کے مروا ڈتا تاں ابوالعباس انہاں دا جانشین بݨا۔

اس اپݨے آبائی مسکن حمیمہ (جنوبی فلسطین) دی رہائش ترک کر ݙتی تے اہل و عیال سمیت کوفے وچ آ گیا۔ ابومسلم خراسانی، ابوسلمہ تے دیگر حامیان تحریک عباسیہ دی مدد نال بالآخر عراق تے ابوالعباس دا قبضہ تھی گیا تے ربیع الاول 132ھ وچ اس دی خلافت دا اعلان کر ݙتا گیا۔ بعد وچ فرات دے کنارے امویاں تے عباسیاں وچ فیصلہ کن جنگ تھئی تے ابوالعباس دے چاچا عبداللہ بن علی نے ذوالحجہ 132ھ وچ بنو امیہ دا خاتمہ کرکے تے آخری خلیفہ مروان ثانی دا قتل کر کے بنی عباس دی خلافت کی بنا پاتی۔

ابوالعباس نے اپݨی خلافت دے استحکام دی خاطر بڑی خونریزی کیتی۔ بنو امیہ تے تاں اس دی سختیاں انتہا کوں پہنچ گئیاں۔ مردے وی اس دے جوشِ انتقام توں محفوظ نہ رہ سڳے۔ اکثر اموی خلفا دی قبراں کھٹوا کے انہاں دی ہڈیاں پیسیاں گئیاں۔ اس قتل و غارت گری تے سفاکی دے باعث سفاح دے لقب توں مشہور تھیا جس دے معنی (خونریز) دے ہن۔ سفاح دی سختیاں صرف دشمناں تک ہی محدود نہ ہن۔ بلکہ اس دے اکثر معتمد وی اس دے مظالم دا شکار تھئے۔ مشہور عباسی داعی ابوسلمہ جیہڑا اس دا پہلا وزیر وی ہئی، ایں دے ایماء تے موت دے گھاٹ اُتارا گیا۔




#Article 196: ابوالعرفان (189 words)


ابوالعرفان قادیانی، (25 جون 1945), بچپن دا ناں شیخ محبوب ، تے معروف ابوالعرفان نال اے۔ مصنف تے اسلامک (قادیانیت) ریسورس سینٹر دا چئیرمین، جینکوں ایں نے تبلیغ قادیانیت تے اشاعتِ قادیانی ادب برائے تیلگو عوام کیتے قائم کیتا۔ ایں نے تیلگو زبان وچ قادیانی ادب دے کئی کتب لکھیاں تے تیلگو عوام تک پہنچائے۔ تیلگو ماہنامہ پربودھینی تے گیٹورائی کیتے بحیثیت کالم نگار تے نائب مدیر تے مدیر دا وی کم کیتا۔

اپݨا ادبی سفر، برائے قادیانیت، بذریعے تیلگو زبان دی ابتدا ہی بڑے خوبصورت تے منظم انداز وچ کیتی۔ تیلگو قادیانی رسالہ پرابودھینی وچ کالم نگار دی حیثیت نال شروع کیتا۔ ہیں طرح گیٹورائی وچ وی مضامین مقالے لکھدے رہے۔ بہت ساریاں کتاباں دی تصنیف کیتی، جنہاں کوں مختلف اداریاں نے شائع کیتا۔ فی الحال، اسلامک (قادیانی) ریسورس سینٹر دی جانب توں ایہ قادیانیت دا ادبی کم کریندا پئے۔

ایں نے اسلامک (قادیانی) ریسورس سینٹر (IRC) نامی ہک ادارہ قائم کیتا، جیہڑا چھتہ بازار حیدرآباد دکن وچ واقع ہے۔ اس ادارے دے ذریعے قادیانی ادب، قرآن و احادیث دے تراجم بمطابق احمدیت تیلگو زبان وچ کیتے۔ انہاں دا ایہ کم پچھلے 32 سالاں توں متواتر جاری ہے۔




#Article 197: ابوالفرح طرطوسیؒ (174 words)


شیخ محمد یوسف ابوالفرح طرطوسیؒ،  اپݨے وقت دے قطب وقت تے جامع الکمالات گزرے ہن۔ ابو الفرح طرطوسیؒ دی ولادت طرطوس وچ تھئی۔ ناں محمد یوسف تے کنیت ابوالفرح ہے۔ آپؒ دے والد دا ناں شیخ عبد اللہ طرطوسیؒ ہے۔ 

ابو الفضل عبد الواحد تمیمیؒ دے مرید خاص تے اپݨے زمانے دے قدوۃ الاولیاء تے زبدۃ المشائخ وچ شمار تھیندے ہن.  آپؒ اپݨے عہد دے قطب تے جامع الکمالات شیخ گزرے ہن۔ آپؒ سلسلہ قادریہ دے چوݙہویں امام طریقت ہن۔ آپؒ ولی کامل، عالم فاضل، جمیع العلوم ظاہری و باطنی ہن۔ بہت بڑے صاحب کرامت بزرگ ہن۔ صبر و توکل وچ آپؒ دا مقام بہت بلند ہئی، عظیم خوبیاں دے مالک ہن۔ آپؒ نے پیر و مرشد دے نقش قدم تے چل کے خلق خدا دی رہنمائی دا فریضہ انجام ݙتا تے دین متین دی اوہ خدمات انجام ݙتے کہ اج وی آپ دا نقش قدم فیض روحانی دا سرچشمہ ہے۔

آپؒ 3 شعبان المعظم 447ھ بمطابق 1055ء کوں ایں دارفانی توں رخصت تھئے۔ آپؒ دی آخری آرام گاہ طرطوس نزد بغداد وچ ہے۔




#Article 198: ابوالفضل صدیقی (223 words)


ابوالفضل صدیقی (پیدائش: 4 ستمبر، 1908ء- وفات: 16 ستمبر، 1987ء) پاکستان نال تعلق رکھݨ والے اردو دے صفِ اول دے افسانہ نگار، ناول نگار تے مترجم ہن۔

ابوالفضل صدیقی 4 ستمبر، 1908ء کوں عارف پور نوادہ، بدایوں، اترپردیش، برطانوی ہندوستان وچ ہک معزز زمیندار خاندان وچ پیدا تھئے۔ انہاں دا خاندان 1857ء دی جنگ آزادی وچ مجاہدین دی مدد کرݨ دی پاداش وچ معتوبین ِحکومت وچ رہ چکا ہئی۔ آپ دے ݙاݙا چوہدری احمد حسن علاقے دے معزز زمیندارہوݨ دے نال شاعر وی ہن تے علیل تخلص کریندے ہن، اس دے علاوہ قانون تے اچھی دسترس رکھݨ دی وجہ نال حکومت دی طرفوں اعزازی عدالتی عہدے 'منصفی' تے وی فائز ہن۔ چوہدری احمد حسن دے چھوٹے پتر تے ابوالفضل دے والد محترم ابوالحسن صدیقی وی علی گڑھ دے اعلیٰ تعلیم یافتہ ہن، معروف وکیل تے شاعر و ادیب وی ہن۔ 

ابو الفضل صدیقی دی علمی ادبی خدمات دے اعتراف وچ انہاں دے افسانہ'چڑھدا سورج' تے 1957ء وچ انہاں کوں یونیسکو دا بین الاقوامی انعام ݙتا گیا۔ ناولٹ 'گل زمین کی تلاش میں ' تے 1983ء نقوش صدارتی ایوارڈ ݙتا گیا تے ناول'ترنگ' تے نیشنل بک کونسل ایوارڈ برائے 1989ء ݙتا گیا۔

ابوالفضل صدیقی دی تصانیف و تراجم درج ذیل ہن :

ابوالفضل صدیقی 16 ستمبر، 1987ء کوں کراچی، پاکستان وچ وفات پاگئے۔ اوہ کراچی دے پاپوش نگر دے قبرستان وچ سپردِ خاک تھئے۔




#Article 199: ابوالقاسم عبدالکریم بن ہوازن قشیریؒ (194 words)


امام ابوالقاسم عبد الکریم بن ہوازن قشیریؒ المعروف بہ امام قشیریؒ، (پیدائش: 376ھ بمطابق 976ء/وفات: 465ھ بمطابق 1072ء)، انہاں کوں ابو القاسم قشیریؒ تے صاحبِ رسالہ القشیریہ وی آکھا ویندا ہے. آپؒ کوں قشیر بن کعب بن ربیعہ بن عامر بن صعصہ دی طرف نسبت کرݨ دی وجہ توں قشیری آکھا ویندا ہے۔ 

امام ابوالقاسم عبد الکریم بن ہوازن بن عبد الملک بن طلحہ بن محمد استوائی قشیری نیشاپوری شافعی (376ھ۔ 465ھ / 986ء۔ 1072ء ) انہاں دا پورا ناں اے. 
انہاں دی ولادت ربیع الاول 376ھ نیشا پور دے قریب استواء نامی وستی وچ تھئی ہیں وجہ توں نیشاپوری تے استوائی سݙویندے ہن۔ حالی ٻال ہی ہن کہ والد دا سایہ سر توں چو گیا تے یتیم دی حیثیت وچ پرورش پاتی۔

شیخ ابو علی دقاق دے وعظ وچ ونجݨ دا اتفاق تھیا جیہڑے اپݨے زمانے دے مشہور واعظ ہن جݙݨ انہاں دے اخلاص کوں ݙٹھا تاں انہاں دے حلقہ مریدین وچ شامل تھی گئے تے ول کجھ ہی عرصہ بعد انہاں توں خرقہ تصوف حاصل کیتا۔ خراسان وچ علم و فضل دے امام تے تصوف دے شیخ ہن۔
فقہ ابوبکر الطوسیؒ توں پڑھی. ابوبکر بن فورک توں علم اصول حاصل کیتا۔

۔




#Article 200: ابوالہول (206 words)


ابوالہول (Greek: Σφίγξ /sphinx/, Bœotian: Φίξ /Phix, Arabic: أبو الهول،) قصے کہانیاں وچ ایسی افسانوی مخلوق دا ناں ہے جس دا جسم تاں شیر دا ہے مگر سر انسان دا۔ مصر دے آثار قدیمہ وچ ابوالہول (Sphinx) دا مجسمہ بہت مشہور ہے۔ ایہ جیزہ دے علاقے وچ ہے۔ اس دی لمبائی 189فٹ تے اونچائی 65 فٹ دے قریب ہے۔ دور توں ݙیکھوں تاں پہاڑ جیہا نظر آندا ہے۔ ایہ مجسمہ تقریباً ترے ہزار سال قبل مسیح ہک وݙی چٹان کوں تراش کے بݨایا گیا ہئی۔ اس دے پنجے تے دھڑ شیر دے ہن تے سر انسان دا۔ سورج دیوتا دی حیثیت نال اس دی پوجا وی کیتی ویندی ہئی۔ امتداد زمانہ توں اس دی صورت بگڑ گئی ہے۔ ڈاڑھی تے نک ٹٹ چکی ہے تے اس دا اوہ پروقار تبسم جس دا ذکر قدیم سیاحاں نے کیتا ہے ناپید تھی چکا ہے۔ ہݨ ایہ ہک ہیبت ناک منظر پیش کریندا ہے۔ ایں وجہ نال عرباں نے اس دا ناں ابوالہول یعنی (خوف دا باپ) رکھ ݙتا ہے۔ 

ابوالہول (افسانوی جانور) نال متعلق ہک پہیلی وی مشہور اے کہ اوہ کیہڑا جانور ہے جیہڑا صبح کوں چار لتاں تے، ݙوپہر کوں ݙو لتاں تے،  تے شام کوں ترے لتاں تے چلدا ہے۔ اس دا جواب 'انسان' ہے۔




#Article 201: ابوبکر البغدادی (396 words)


ابراہیم عواد ابراہیم علی البدری السامرائی جیہڑا ابو بکر البغدادی دے نام توں معروف ہے، موجودہ بعض عراقی و شامی علاقیاں تے قابض عراق تے الشام وچ اسلامی ریاست نامی تنظیم و ریاست دا سربراہ ہے۔ اینکوں اکثر ایندی کنیت ابوبکر البغدادی نال سݙا ویندا ہے تے اے خود کوں امیر المومنین تے خلیفہ ابراھیم وی سݙویندے ۔ 29 جون 2014ء کوں عراق تے شام وچ اسلامی ریاست دا پہلا خلیفہ ہووݨ دا ایں نے دعویٰ کیتا تے تا حال ہے۔ ایں دے سخت نظریات تے اسلام کوں بطور سخت متشدد تشخص ݙیوݨ دے سبب اسلامی دنیا تے مغربی ممالک وچ ایندے تے سخت تنقید کیتی ویندی ہے۔

ایں کوں گرفتاری دی صورت یا مارݨ کیتے امریکا نے ݙاہ ملین ڈالر انعام رکھا ،تاریخ امریکا وچ اس وقت سب توں زیادہ انعام ہک القاعدہ دے سربراہ ایمن الزاوھری دے سر توں بعد سب توں ودھ  انعام رکھا ہے جیہڑا 26 ملین ہے تے اس دے بعد ابوبکر البغدادی تے جیہڑا ݙاہ ملین ہے۔

ابوبکرالبغدادی 1971ء کوں سامراء، عراق وچ پیدا تھیا تے بغداد وچ پرورش و تعلیم حاصل کیتی۔ ایندا تعلق عراق دے ہک معزز خاندان نال ہے تے سلسلہ نسب سیدنا امام علی رضا علیہ السلام نال ونج ملدا ہے۔  ایندا اصل ناں ابراہیم ہے۔ تے ایندے پیؤ دا ناں عواد بن ابراہیم بن علی البدری ہے۔ ایندا خاندان معزز تے صوفی ہئی۔ پر  بغدادی دنیا دا ہک بدنام دہشت گرد بݨ گیا۔ ایں نے اسلامیہ کالج بغداد توں اسلامیات وچ پی ایچ ڈی کیتی۔ اس دے بعد اے ہک تعلیمی ادارے وچ پروفیسر وی رہا ۔

ابوبکر البغدادی کوں اس دے لوگاں نے ہک طریقہ کار دے تحت باقاعدہ اپݨا خلیفہ مقررکیتا ہے۔ داعش دے اہم ترین رہنماواں دی مجلس نے اس دے ہتھ تے بیعت کیتی ہے۔ انہاں دا دعویٰ ہے کہ اساں بغدادی کوں اوں طرح خلیفہ منتخب کیتا ہے۔ جس طرح خلفاء راشدین کوں صحابہ کرام نے کیتا ہئی۔ ابوبکر البغدادی نے اپݨے زیر اثر علاقیاں کوں ولایتاں (صوبیاں) وچ تقسیم کیتا ہے۔ ہر ولایت تے والی یا گورنر مقرر ہے۔ الرقہ دار الخلافہ ہے۔ فوج دا جرنیل بغدادی نے ابو عمر الشیشانی کوں مقرر کیتا ہے تے داعش دا ترجمان ابو محمد العدنانی الشامی ہے۔ ابوبکرالبغدادی خود کوں امیرالمومنین سݙویندا ہے۔ اس فوج، تعلیم، صحت، صدقات، مال تے ہر شعبے کیتے الگ الگ دیوان مقرر کیتے ہن ۔ جنگجوواں تے  تنظیم دے ارکان کیتے  باقائدہ تنخواہواں مقرر کیتیاں گئیاں ہن۔ 




#Article 202: ابوبکر شبلیؒ (333 words)


شیخ ابوبکر شبلیؒ (ولادت 247ھ) جیہڑے شيخ الكبير، العارف الخطير، ذو الفضل الجلی دے القاب نال مشہور ہن. حضرت جنید بغدادیؒ دے شاگرد رشید ہن۔ کنیت ابوبکر لقب شبلی ہئی.  آپؒ دا پورا ناں دنف بن جحدر  خراسانى ہئی۔ بعض مؤرخین آپؒ دا ناں جعفر بن یونس ݙسیندن. 

جنید بغدادیؒ،  شبلیؒ دے روحانی مرتبے توں واقف ہن تے ایں واسطے انہاں دی بڑی قدر ومنزلت کریندے ہن۔ ہک ݙینہ انھاں نے شبلیؒ کوں ذوق و شوق تے اضطراب دی حالت وچ ݙیکھ کے فرمایا، شبلیؒ! اگر توں اپݨا کم حق تعالی تے چھوڑ ݙیو تاں راحت پاؤ۔ ایہ سݨ کے شبلیؒ نے آکھا، ایویں تاں نی، لیکن ہا! اگر حق تعالی میݙا کم میݙے تے چھوڑ ݙیوے تاں البتہ راحت پاواں۔ ایہ سݨ کے جنیدؒ نے فرمایا، شبلیؒ دی تلوار توں خون ٹپکدا ہے۔ ہک وار جنید بغدادیؒ نے خواب وچ ݙٹھا کہ رسول اللہ ﷺ نے شبلیؒ دی پیشانی تے بوسہ ݙتا۔ صبح تھئی تاں شبلیؒ کوں خواب بیان کیتا تے پچھا، توں ایسے کیہڑے اعمال کریندا ہوندیں ؟ انھاں نے جواب ݙتا، مغرب دی سنتاں دے بعد ݙو رکعت نفل ادا کریندا ہاں تے انہاں وچ آیت کریمہ ’’لقد جاء کم رسو ل من انفسکم…الخ‘‘ ضرور پڑھدا ہاں۔ ایہ سݨ کے جنیدؒ نے فرمایا، بے شک ایہ ایندی برکت ہے۔

شبلیؒ دے ایہ اقوال تصوف دیاں بنیادی ڳالہیں ہن :

ابوبکرشبلیؒ دا انتقال ذو الحجہ سنہ 334ھ بمطابق 945ء وچ 87 سال دی عمر وچ تھیا۔ ابو محمد ہروی جیہڑے آپؒ دے خادم خاص تے باصفا عقیدت منداں وچ ہن، اس شب وچ جس دے بعد ݙینہ وچ انہاں دی وفات تھئی،  صبح تک آپؒ دے کول ہن، انہاں نے بیان کیتا کہ اس رات شبلی بار بار ایہ شعر پڑھدے ہن :
کُلُّ بَیتِِ اَنْتَ سَاکِنُہ
غَیْرُ مُحْتَاجِِ اِلی السُّرَجِ
وَجْھُکَ اَلماْمُوْلُ حُجتُنَا
یَوْمَ یاَتی النَّاسُ باِلْحُجَجِ
ترجمہ: جس گھر وچ تو رہندا ہوویں اونکوں چراغ دی ضرورت نی۔ تیݙا چہرہ جیہڑی امید ہے، اس روز جݙݨ سب لوگ اپݨی اپݨی حجتاں گھن کے حاضر ہوسن ، ساݙی حجت ہوسی۔




#Article 203: ابوتمیم معد المستنصر باللہ (388 words)


ابوتمیم معد المستنصرباللہ دولت فاطمیہ دا اٹھواں خلیفہ تے اسمٰعیلیاں دا اٹھارواں امام 427ھ تا 487ھ ہئی. مستنصر دی کمسنی دی وجہ نال حکومت دی باگ ڈور اس دے وزیر علی بن احمد جرجرائی دے ہتھ وچ رہی۔ اس ہی لوگاں توں ظاہر دی بیعت گھدی۔ اس دا دور امن تے خوشحالی دا زمانہ ہئی۔ 429ھ وچ بنو فاطمہ تے قیصر قسطنیطنہ دے درمیان وچ صلح تھیوݨ نال حلب تے شام دے ݙوجھے شہر محفوظ تھی گئے ۔

مستنصر 724ھ وچ نہایت کمسنی وچ امام بݨا، یعنی ست سال دی عمر وچ ایہ خلیفہ بݨ گیا ہئی۔ اس کوں بنو فاطمین وچ ایہ امتیاز حاصل ہے کہ اس دی حکومت تمام فاطمین توں زیادہ طویل یعنی سٹھ سال چار مہینے تک رہی، اس دے ناں دا خطبہ بغداد تے عراق وچ ہک سال تک پڑھا گیا البتہ حجاج تے یمن انہاں دے قبضے وچ ویہ سال رہا۔ مستنصر دے عہد وچ شام، صقلیہ تے بلاد مغرب توں فاطمی حکومت ختم تھی گئی ہئی۔ اسے دے دور وچ ناصر خسرو نے مصر دا دورہ کیتا ہئی۔ اس فاطمی دربار دی شان و شوکت تے دولت و ثروت دے چشم دید واقعات لکھے ہن ۔

خلافت دی حالت خراب تھی گئی ہئی کہ مصر وچ کوئی اس قابل نہ رہا کہ خلافت دی حالت درست کرے۔ اس واسطے مستنصر نے بدر الجمالی کوں شام توں مصر طلب کیتا جیہڑا شام دا والی ہئی۔ بدر الجمالی 466ھ وچ مصر پہنچا تے مصر دی حکومت اپݨے ہتھ وچ گھن گھدی تے اس بڑے بڑے فتنہ پردازاں کوں قتل کر وا ݙتا۔ بدرالجمالی نے ملک وچ امن و امان قائم کیتا تے کجھ مدت کیتے دولت فاطمیہ  مستحکم تھی گئی ۔

یازوری جیہڑا زہر نال 450ھ وچ فوت تھیا۔ اس دے بعد کثرت نال وزیر منتخب تے معزول تھئے۔ بدر الجمالی تک چالیہ وزیراں دا تقرر تھیا۔ ایہو حال قاضیاں دا ہے، انہاں دی تعداد ٻتالیہ ہے۔ بعض وزیر تے قاضیاں دا تقرر ݙو ݙو ترے ترے وار تھیا ۔ اس دا سبب خلیفہ دی کمزوری تے دربار فوج دا باہمی اختلاف ہئی۔ مستنصر معمولی اشخاص دے ہتھوں پھنس گیا ہئی تے اوہ اینکوں تجربہ کار لوگاں نام ملݨ نہ ݙیندے ہن۔ ناصر خسرو جیہے داعی کوں مستنصر نال ملݨ کیتے  ڈیڈھ سال تک انتظار کرݨا پیا 

مستنصر نے سٹھ سال چار مہینے حکومت کرݨ دے بعد 487ھ زہر نال وفات پاتی ۔




#Article 204: ابوجا (168 words)


ابوجا (انگریزی: Abuja) نائجیریا دا دارالحکومت ہے جیندی آبادی 25 لکھ ہے۔ 1976ء وچ دارالحکومت دی لاگوس توں منتقلی دے متفقہ فیصلے دے بعد ملک دے وسط وچ ایں شہر دی جگہ دا انتخاب کیتا گیا۔ ایویں وفاقی دار الحکومت دی حیثیت نال ایہ شہر وجود وچ آیا۔

نائجیریا نسلی و مذہبی اعتبار نال کافی حد تک تقسیم ہے تے اس واسطے ملک دی آزادی دے بعد توں ایہ تجاویز سامݨے آندیاں پیاں ہن کہ دارالحکومت اینجھے مقام تے ہوݨا چاہیدا اے جیہڑا تمام فریقاں کیتے غیر جانبدار حیثیت رکھدا ہووے تے اتھاں نسلی یا مذہبی اعتبار نال کہیں فریق کوں اکثریت حاصل نہ ہووے۔ ایں مقصد کیتے 1970ء دی دہائی دے اوائل وچ ایں مقام دا انتخاب کیتا گیا۔ ابوجا دے قیام دا ہک ٻیا سبب لاگوس وچ بہت تیزی نال ودھی ہوئی آبادی ہئی۔

شہر دی تعمیر دا آغاز 1970ء دی دہائی دے اواخر وچ تھیا لیکن اقتصادی مسائل تے سیاسی عدم استحکام دے باعث تعمیر 1980ء دی دہائی دے اواخر تک ہی مکمل تھی پائی۔




#Article 205: ابوداؤد طیالسیؒ (275 words)


امام ابوداؤد طیالسیؒؒ،  (پیدائش: 750ء— وفات: 819ء) عالم، محدث ، حافظ الحدیث تے فقیہ ہن۔ 

امام ابوداؤد طیالسیؒ دا ناں سلیمان بن  داؤد  ابن الجارُودؒ ہے ۔ امام ابوداؤدؒ فارسی الاصل ہن لیکن بعد ازاں بصرہ وچ سکونت دی نسبت توں البصری مشہور تھئے۔ طیالسیؒ دی نسبت ’’طیالسہ‘‘ توں ہے یعنی اوہ سبز چادر جینکوں علماء جبے دے طور تے لباس دے اتے زیب تن کریندے ہوندے ہن۔ اِیں ناں توں اُنہاں دے لباس وچ شامل سبز چادر یعنی طیالسہ دا بیان ملدا ہے۔حافظ الکبیر، صاحب المسند، ابوداؤد الفارسی کے القابات سے مشہور تھے۔ 
امام ابوداؤدؒؒ، حضرت زبیر بن العوام دی اولاد دے غلام ہن تے مولیٰ آل الزبیر بن العوام سݙویندے ہن۔ابن المغلابی نے بیان کیتا ہے کہ امام ابوداؤدؒ دی والدہ دا خاندان بنونصر بن معاویہ دا غلام ہئی۔

بصرہ وچ ہی تحصیل علم وچ مشغول رہے۔ بصرہ وچ ابن عون محدث  (متوفی 151ھ) توں حدیث دا علم حاصل کیتا۔   محدث ہشام الدستوائیؒ (متوفی 152ھ) توں وی علم حدیث پڑھا۔  157ھ  وچ عبدالرحمٰن بن عبداللہ المسعودی توں سماع حدیث کیتا۔ اُنہاں دے بارے آکھا ویندا ہے کہ انہاں کوں 40000 احادیث یاد ہن۔ 

امام ابوداؤدؒ نے جنہاں شیوخ (اُساتذہ) توں علم حاصل کیتا، اوہ ایہ ہن:  ایمن بن نابل (تابعی)،  معروف بن خربوذ،   طلحہ ابن عمرو،  ہشام بن ابی عبداللہ،  شعبہ بن الحجاج،  سفیان ثوری،  بسطام بن مسلم،  ابوخلدہ خالد بن دینار،   قُرہ بن خالد،   سالح بن ابی الاخضر،  ابوعامر الخزاز،  حمادین،  داؤد بن ابی الفرات،  زَمعہ بن صالح،  جریر بن حازم،  فُلَیح بن سلیمان،  المسعودی،  حرب بن شداد،  ابن ابی ذئب،  عبدالرحمٰن بن ثابت ابن ثوبان،  اسرائیل،  ھمام بن یحییٰ،  محمد بن ابی حُمَید،  عبداللہ ابن مبارک،  امام ابن عینیہ،  ابن عون۔




#Article 206: ابوسعید خدری (303 words)


ابو سعید الخدری وݙے عالم، احادیث دے ماہر صحابی ہن۔ سعد ناں، ابوسعید کنیت،  خاندان خزرج توں ہن، سلسلۂ نسب ایہ ہے، سعد بن مالک بن سنان بن عبید بن ثعلبہ بن الجبر(خدرہ) ابن عوف بن حارث بن خزرج.  والدہ دا ناں انیسہ بنت ابی حارثہ ہئی، اوہ قبیلہ عدی بن نجار توں ہن۔ ݙاݙا (سنان) شہید دے لقب نال مشہور ہن تے رئیس ہن.  چاہ بصہ دے قریب اجرد ناں دا قلعہ انہاں دی ملکیت ہئی، اسلام توں پیشتر قضا تھئے۔ پیؤ نے ہجرت توں چند سال قبل عدی بن نجار وچ ہک بیوہ نال نکاح کیتا ہئی جیہڑی پہلے عمان اوہی دی زوجیت وچ ہن.  ابو سعید انہاں دے بطن توں تولد تھئے.  ایہ ہجرت توں ہک برس پیشتر دا واقعہ ہے۔

مدینہ وچ تبلیغ اسلام دا سلسلہ بیعت عقبہ توں جاری ہئی.  خود انصار داعی اسلام بݨ کے توحید دا پیغام اپݨے قبیلیاں کوں پہنچیندے ہن۔ مالک بن سنان نے اوں زمانہ وچ اسلام قبول کیتا. شوہر دے نال بیوی وی اسلام گھن آئے.  اس واسطے ابو سعید نے مسلمان ماں باپ دے دامن وچ تربیت پاتی۔

غزوہ احد وچ پیؤ دے نال رسول اللہ ﷺ دے حضور وچ گئے.  اس وقت 13 سال دی عمر ہئی.  رسول اللہ ﷺ نے سر توں پاؤں تک ݙٹھا کمسن خیال کر کے واپس کیتا.  مالک نے ہتھ پکڑ کے ݙکھایا کہ ہتھ تاں پورے مرد دے ہن تاہم آپ نے اجازت نہ ݙتی۔ اس معرکہ وچ رسول اللہ ﷺ دا چہرہ مبارک زخمی تھیا تاں مالک نے ونج کے خون پونجھا تے ادب دے خیال توں زمین تے سٹݨ دی بجائے پی گئے، آنحضرتﷺ نے فرمایا اگر کہیں شخص کوں ایسے شخص دے ݙیکھݨ دی خواہش ہووے جس دا خون میݙے خون نال آمیز تھیا ہووے تاں مالک بن سنان کوں ݙیکھے.  اس دے بعد نہایت جانبازانہ لڑ کے شہادت حاصل کیتی۔




#Article 207: ابوسفیان بن حرب (216 words)


قبیلہ قریش دی اموی شاخ دے ہک سردار ہن۔ پورا ناں صخر بن حرب بن امیہ.  ابوسفیان کنیت اے.  مکے وچ پیدا تھئے۔ آنحضرت توں چند سال وݙے ہن۔ مدت تک اسلام دی مخالفت کریندے رہے۔ 

غزوہ بدر تے غزوہ احد دے معرکیاں وچ نبی اکرم صلی اللہ علیہ و آلہ وسلم دے خلاف جنگ لڑی۔ ول ہک لشکر جرار گھن کے مدینے تے چڑھائی کیتی مگر مسلماناں نے مدینے دے گرد خندق کھود کے حملہ آوراں دے عزائم ناکام بݨا ݙتے۔ ابوسفیان نے حدیبیہ دے مقام تے صلح کیتی۔ مسلماناں نے مکے تے چڑھائی کیتی تاں ابوسفیان نے شہر نبی اکرمؐ دے حوالے کر ݙتا۔ نبی اکرمؐ نے مکے وچ داخل تھیندے وقت اعلان فرمایا کہ جیہڑے لوگ ابو سفیان دے گھر وچ پناہ گھنسن ، انہاں توں تعرض نہ کیتا ویسی ۔ ابوسفیان کیتے  ایہ بہت بڑا اعزاز ہئی۔ 

فتح مکہ تھیوݨ دے بعد حلقہ بگوش اسلام تھی گئے۔ قبول اسلام دے بعد غزوہ حنین تے ول جنگ طائف وچ حصہ گھدا۔ آخر الذکر جنگ وچ انہاں دی ہک اکھ ویندی رہی۔ حضرت عمر دے عہد وچ شام دی مہم وچ شریک تھئے تے اس دے بعد جنگ یرموک وچ، جس وچ ݙوجھی اکھ وی ویندی رہی۔ مسلماناں دے اموی خلیفہ امیر معاویہ،  ابوسفیان دے بیٹے ہن۔ ابوسفیان، نبی اکرمؐ دے سسر وی ہن۔




#Article 208: ابوعبیدہ ابن جراح (415 words)


حضرت ابوعبیدہ ابن الجراح جنہاں کوں دربار رسالتؐ توں امین الملت دا خطاب ملا، قبیلہ فہر نال متعلق ہن۔ جیہڑا قریش دی ایک شاخ ہئی۔ اصل ناں عامر بن عبد اللہ ہئی۔ ہجرت مدینہ دے وقت عمر 40 سال ہئی۔ بالکل ابتدائی زمانے وچ مشرف باسلام تھئے۔ دیگر مسلماناں دی طرح ابتدا وچ قریش دے مظالم کا شکار تھئے۔ حضور توں اجازت گھن کے حبشہ ہجرت کر گئے لیکن مکی دور ہی وچ واپس ول آئے۔ نبی صلی اللہ علیہ و آلہ و سلم توں چند روز قبل اذن نبی نال مدینہ دی طرف ہجرت کیتی تے حضورؐ دی آمد تک قبا وچ قیام کیتا۔ مواخات مدینہ وچ معزز انصاری صحابی ابوطلحہ دے بھائی بݨائے گئے۔ بے مثال خدمات اسلام دی وجہ نال حضور صلی اللہ علیہ و آلہ و سلم نے جنہاں صحابہ کوں دنیا وچ جنت دی بشارت ݙتی انہاں وچوں ہک ہن۔

ابوعبیدہ ابن الجرح بے حد ذہین،  سلیم الطبع، متقی تے بہادر ہن۔ لمبا قد، بظاہر لاغر کمزور نظر آوݨ والی شخصیت لیکن ایمان کامل دے سبب انتہائی پرنور چہرہ تے آہنی عزم دے مالک ہن۔ ابوعبیدہ بن الجراح نے اپݨے زمانے دی سب توں وݙی عالمی طاقت روم دے خلاف ٹکر گھدی تے اونکوں ایشائی علاقیاں توں پچھاں دھک ݙتا۔

فاتح شام تے فاتح بیت المقدس دی شان فقر دا اندازہ اس توں تھی سڳدا ہے کہ جݙݨ فاروق اعظم بیت المقدس تشریف گھن گئے تاں آپ نے اپݨے بھائی ابوعبیدہ بن الجراح توں فرمائش کر کے انہاں دے کول کھاݨا کھادا جس وچ صرف چند سکے ہوئے ٹکر ہن جنہاں کوں ابوعبیدہ پاݨی وچ  بھے کے کھاندے ہوندے ہن۔ حضرت عمر نے فرمایا ’’شام وچ آکے سب ہی بدل گئے لیکن ابوعبیدہ ہک توں ایں کہ اپݨی ہوں وضع تے قائم ایں۔ ہک ٻئے موقع تے فاروق اعظم نے آپ دے بارے وچ فرمایا :

انہاں 10 صحابہ کرام رضی اللہ عنہم اجمعین دا ذکر عبدالرحمن بن عوف رضي اللہ تعالٰی عنہ دی روایت کردہ حدیث وچ ہے کہ:

عبدالرحمن بن عوف رضي اللہ تعالٰی عنہ بیان کریندے ہن کہ نبی صلی اللہ علیہ وسلم نے فرمایا :

ابوبکر رضی اللہ تعالٰی عنہ جنتی ہن، عمر رضی اللہ تعالٰی عنہ جنتی ہن، عثمان رضي اللہ تعالٰی عنہ جنتی ہن، علی رضي اللہ تعالٰی عنہ جنتی ہن، طلحہ رضي اللہ تعالٰی عنہ جنتی ہن، زبیر رضي اللہ تعالٰی عنہ جنتی ہن، عبدالرحمن رضی اللہ تعالٰی عنہ جنتی ہن، سعد رضي اللہ تعالٰی عنہ جنتی ہن، سعید رضی اللہ تعالٰی عنہ جنتی ہن، ابوعبیدہ رضي اللہ تعالٰی عنہ جنتی ہن ۔




#Article 209: ابوفتح داؤد (236 words)


سلطان محمود غزنوی نے جݙݨ ہندو راجاواں دے خلاف فوج کشی کیتی تاں داؤد بن نصر اس وقت صوبہ ملتان دا حکمران ہئی۔ جیہڑا شیخ نصر دا پتر ہئی۔ داؤد نے ہندو راجاواں دا ساتھ ݙتا۔ خاص کر جݙݨ محمود نے راجا بھاٹیہ دے خلاف فوج کشی کیتی تاں صوبہ ملتان دے اسماعیلیاں نے راجا بجے رائے دی مدد کیتی ہئی۔ اس واسطے سلطان محمود نے اگلا حملہ ملتان تت کرݨ دا فیصلہ کر گھدا۔ چنانچہ او درہ بولان دا قریبی رستہ چھوڑ کے درہ خیبر دے رستے توں اس واسطے روانہ تھیا کہ داؤد کوں علم نہ تھیوے کہ او ملتان تے حملہ آور تھیندا پیا ہے۔ 

رستے وچ راجا انند پال نے محمود دا رستہ روکݨ دی کوشش کیتی۔ حالآنکہ سلطان محمود غزنوی نے پہلے ہی اونکوں خبر ݙے ݙتی ہئی کہ او ملتان تے حملہ آور تھیندا پئے ۔ پشاور دے مقام تے آنند پال نے سلطان محمود غزنوی دا رستہ روکݨ دی کوشش کیتی مگر شکست کھادی تے پچھوں ہٹ گیا۔ اوݙوں داؤد کوں وی خبر تھی ڳئی ، اس واسطے او سلطان محمود دی آمد دا سݨ کے قلعہ بند تھی گیا۔ سلطان محمود نے قلعہ دا محاصرہ کر گھدا تے اے محاصرہ ست روز تک جاری ریہا۔ آخر داؤد سلطان دی خدمت وچ عاجزانہ صلح دی درخواست کیتی۔ سلطان محمود نے ݙو لکھ درہم سالانہ خراج تے، تے دریائے سندھ نال متصل علاقہ سلطان کوں ݙے کے صلح کر گھدی۔




#Article 210: ابوقتادہ انصاری (407 words)


حضرت ابو قتادہ انصاری دا ناں حارث بن ربعی یا ابن نعمان ہے، کنیت توں زیادہ مشہور ہن.  انہاں دا لقب’’ فارسِ رسول اللہ‘‘ ہے۔ 

حارث ناں، ابوقتادہ کنیت ، فارسِ رسول اللہ لقب، قبیلہ خزرج دے خاندان سلمہ توں ہن،
نسب نامہ ایہ ہے، حارث بن ربعی بن بلدمہ بن خناس ابن سنان بن عبید بن عدی بن غنم بن کعب بن سلمہ بن زید بن جشم بن خزرج ،ابو قتادة الانصاري الخزرجی، ثم من بنی سلمہ، ہے۔ والدہ دا ناں کبشہ بنت مظہر بن حرام ہئی تے بنو سلمہ وچ سواد بن غنم دے خاندان توں ہن۔ ہجرت سے تقریبا 10سال پیشتر مدینہ میں پیدا ہوئے۔ 

بیعت عقبہ تے تمام غزوات وچ شامل تھئے، بدر یا احد وچ آپ دی اکھ نکل پئی ہئی. حضور صلی اللہ علیہ  وسلم نے ایں جگہ اکھ ٹکا کے اپݨا لعاب شریف لا ݙتا تاں اے اکھ ݙوجھی اکھ توں زیادہ روشن تھی گئی. ابو سعید خدری دے اخیافی یعنی ماں شریکے بھائی ہن. ستر سال عمر پاتی تے 54ھ وچ مدینہ منورہ وچ فوت تھئے.  علی المرتضی نے جنازہ پڑھایا۔

ابو قتادہ صحابی دے حق وچ حضور صلی اﷲ تعالیٰ علیہ وسلم نے ایہ دعا فرما ݙتی کہ اَفْلَحَ وَجْھُکَ اَللّٰھُمَّ بَارِکْ لَہٗ فِیْ شَعْرِہٖ وَبَشَرِہٖ. یعنی فلاح والا تھی ونجے تیݙا چہرہ ، یااﷲ! اس دے وال تے اس دی کھل وچ برکت ݙے۔ ابو قتادہ نے ستر برس دی عمر پا کے وفات پاتی مگر انہاں دا ہک وال وی سفید نہ تھیا ہئی،  نہ بدن وچ جھریاں پیاں ہن، چہرے تے جوانی دی ایسی رونق ہئی کہ گویا حالی پندرہ سال دے جوان ہن۔  

عہد نبوت دے بعد علی المرتضیٰ دے زمانہ مبارک وچ امارت مکہ تے نامزد تھئے ہن. لیکن ول کہیں وجہ نال قثم بن عباس امیر بݨائے گئے.  ایہ 36ھ دا واقعہ ہے، ایں سنہ وچ جنگ جمل تے ݙوجھے سال صفین دا معرکہ تھیا،  ابو قتادہ ݙوہاں وچ شریک تھئے.  38 ھ وچ خوارج نے علم بغاوت بلند کیتا، جناب علی نے جس فوج دے نال فوج کشی کیتی ہئی.  ابو قتادہ اس دے پیادیاں دے افسر ہن۔

سنہ وفات وچ سخت اختلاف ہے.  بعض دے نزدیک 40ھ ہے. انہاں لوگاں دے نزدیک کوفہ وچ انتقال کیتا ہئی تے جناب علی نے نماز جنازہ پڑھائی جس وچ 6 یا 7 تکبیراں آکھیاں. لیکن صحیح ایہ ہے کہ 50 ھ تے 60 ھ دے درمیان انتقال کیتا، امام بخاری نے اوسط وچ ایہو لکھا ہے تے اس تے دلائل قائم کیتے ہن۔




#Article 211: ابولولو فیروز (273 words)


ابولولو فیروز کوں کجھ لوگاں ولوں پیر نہاوندی وی آکھا ویندا ہے.  اوہ عمر بن خطاب دا قاتل ہئی، اوہ ایرانی الاصل تے مغیرہ بن شعبہ دا غلام ہئی۔ اس  مدینہ منورہ وچ خلیفہ عمر بن خطاب کوں خنجر دے وار کرکے قتل کیتا۔
ابو لؤلؤہ دا اصلی ناں فیروز نہاوندی ہئی، مغیرہ بن شعبہ دا غلام ہئی، ابو لؤلؤہ اس دی کنیت ہئی، اردو بولݨ والے اونکوں ابولولو فیروز آہدے ہن، لیکن اوں دا اصلی ناں فیروز نہاوندی تے کنیت ابولولؤ ہئی۔ 

رومیاں دی ایرانیاں نال جنگ وچ اونکوں اسیر بݨا گھدا گیا تے جݙݨ مسلماناں دی رومیاں نال جنگ تھئی تاں مسلماناں نے اینکوں اپݨا قیدی بݨا گھدا، ایہ اسیر تے غلام مغیرہ بن شعبہ دے حصے وچ آیا۔

ابو لولو دا مالک اوندے مطابق اوندے توں  زیادہ کم گھندا ہئی تے پیسے گھٹ ݙیندا ہئی۔ اوں نے خلیفہ دوم عمر بن خطاب نال شکایت کیتی۔ عمر فاروق نے ڳال سݨ کے جواب ݙتا کہ تیݙے ہنر دے مقابلے وچ ایہ  پیسے گھٹ نی۔ اس تے ابولولو نے آکھا کہ اوہ عمر فاروق کیتے وی ہک چکی بݨیسی ۔ حضرت عمر فاروق نے اپݨے ساتھیاں کوں آکھ ݙتا کہ ایں نے میکوں قتل دی دھمکی ݙتی ہے لیکن اس دے خلاف کوئی کارروائی نہ کیتی۔ لیکن آپ دا خدشہ درست ثابت تھیا تے ابولولؤ نے موقع پیندے ہی آپ کوں شہید کر ݙتا. 

اہل سنت دے نزدیک ابو لولؤ اپݨے اصلی دین آتش پرستی تے قائم ہئی۔ اس کیتے اوہ عبد اللہ بن عباس دا قول مرسلا نقل کریندے ہن.  (راوی عن ابن عباس: کان ابو لولوہ مجوسیا) ابن عباس توں روایت ہے کہ ابو لولؤ مجوسی تے آتش پرست ہئی۔




#Article 212: ابومسلم خراسانی (484 words)


ابومسلم خراسانی ہک ایرانی جرنیل ہے جیں نے بنو امیہ دی خلافت دا تختہ الٹݨ وچ بنو عباس دی مدد کیتی۔ اموی خاندان دے خلاف بنی عباس نے مدت توں خفیہ تحریک چلا رکھی ہئی۔ ابومسلم خراسانی وی ایں تحریک وچ شریک تھی گیا۔ اوں نے ہک خفیہ فوج تیار کیتی تے بالآخر اموی خلافت دا تختہ الٹݨ وچ کامیاب تھی گیا۔ امویاں کوں شکست ݙیوݨ دے بعد ابومسلم نے عباسیاں کوں خلافت سونپ ݙتی مگر ݙوجھے عباسی خلیفہ منصور نے اینکوں قتل کرا ݙتا۔

ابومسلم،  قید خانے وچ عیسیٰ بن موسیٰ دی وجہ نال اکثر ویندا جتھاں تمام قیدی اوہ ہن جنہاں کوں حکومت بنواُمیہ نام نفرت ہئی یا قید تھیوݨ دے بعد لازماً نفرت پیدا تھیوݨی چاہیدی ہئی، انہاں ہی وچ بعض ایسے قیدی وی ہن جیہڑے واقعی بنو عباس یا بنو فاطمہ دے نقیب ہن، لہٰذا انہاں لوگاں دیاں ڳالہیں سݨ کے ابو مسلم دے قلب تے بہت اثر پیا تے اوں نے بہت جلد انہاں لوگاں دا ہمدرد بݨ کے انہاں دی نگاہ وچ اپݨا اعتبار قائم کر گھدا. 

سنہ129ھ وچ امام ابراہیم نے ابومسلم کوں لکھ بھیجا کہ ایں سال موسمِ حج وچ میکوں آکے مل ونج تاکہ  تیکوں تبلیغ دعوت دے متعلق مناسب احکام ݙتے ونجن، ایہ وی لکھا کہ قحطبہ بن شبیب کوں وی اپݨے ہمراہ گھن آؤ. جیہڑلے ابومسلم کوں علانیہ دعوت تے طاقت دے استعمال دی اجازت ملی  تاں ایہ اوہ زمانہ ہئی کہ خراسان وچ کرمانی تے نصربن سیار دیاں لڑائیاں دا سلسلہ جاری ہئی، جیسا کہ اتے بیان تھیا ہے، ابومسلم نے اپݨی جماعت دے لوگاں کوں اے سب فراہم کیتا تے اُنہاں کوں گھن کے کرمانی تے نصربن سیار دے درمیان وچ خیمہ زن تھیا تے بالآخر کرمانی قتل تھیا، اوں دا لڑکا علی بن کرمانی ابومسلم دے کول آ گیا تے ابومسلم نے نصر کوں مرو توں خارج کر کے مرو تے قبضہ کر گھدا. سنہ130ھ دے شروع تھیندے ہی ابومسلم نے کتاب اللہ تے سنت رسول اللہ دی پیروی تے اہلِ بیت نبوی دی اطاعت وفرماں برداری تے لوگاں توں عباسی بیعت گھنݨ دا آغاز کیتا.  اور لوگوں کے فراہم کرنے سے ناراض تھے تے ایں طرح ابومسلم خراسانی دی مسلسل عسکری جدوجہد تے محنت نال عباسی خلافت دا قیام ممکن تھیا. 

ݙوجھے عباسی خلیفہ منصور کوں خدشہ ہئی کہ خراسانی بغاوت كر كے خلافت چھک گھنسی۔ ایں واسطے اوں نے خراسانی كوں اپݨے کول سݙا كے قتل كرݨ دا منصوبہ بݨايا۔ اوں نے خراسانی كوں دار الخلافہ آوݨ دا خط بھیجا ليكن اوں نے انكار كر ݙتا تے دهمکی ݙتی کہ زيادہ اسرار تے اوہ بغاوت كر ݙیسی۔ آخرکار منصور عباسی دیاں چالاں وچ آکے اوہ آنبار پہنچ گيا۔ محل وچ خليفہ نال ملاقات دے وقت خليفہ نے مناظرہ شروع كر ݙتا۔ بحث وتکرار زیادہ تھئی تاں سفاح نے تاڑی وجا کے پردے دے پچھوں لکے محافظاں كوں اشارہ كر ݙتا کہ خراسانی تے حملہ كر کے اینکوں قتل کر ݙیو۔ ایں طرح خراسانی اپݨے برے انجام كوں پہنچا۔




#Article 213: ابی بن کعب (390 words)


ابی بن کعب انصاری  کاتب وحی، فاضل قرآن سیدنا محمد بن عبد اللہؐ دے صحابہ وچوں  ہک ہن۔  ابی بن کعب بیعت عقبہ ثانیہ وچ موجود ہن. آپ نے غزوہ بدر تے ݙوجھے غزوات وچ شرکت کیتی۔ سیدنا محمد بن عبد اللہؐ دی مشہور حدیث دے مطابق جنہاں چار قاریاں توں قرآن پڑھا ونجݨا چائیدا اے۔ انہاں وچوں  ک ابی بن کعب ہن۔ 

ابی نام، ابوالمنذر و ابوالطفیل کنیت، سید القراء، سیدالانصار تے سید المسلمین القاب ہن. قبیلہ نجار(خزرج) دے خاندان معاویہ توں ہن جیہڑا بنی حدیلہ دے ناں نال مشہور ہئی.  (حدیلہ معاویہ دی ما دا ناں ہئی جیہڑی جشم بن خزرج دی اولاد وچوں ہئ. ی سلسلہ نسب ایہ ہے :

ابی بن کعب بن قیس بن عبید بن زیاد بن معاویہ بن عمر بن مالک بن نجار،  والدہ دا ناں صہیلہ ہئی جیہڑے عدی بن نذر دے سلسلہ نال تعلق رکھدیاں ہن تے ابو طلحہ انصاری دی حقیقی پھوپھی ہن اس بنا تے ابوطلحہ تے ابی بن کعب پھوپھی زاد بھائی ہن۔ 
ابی دی ݙو کنیتاں ہن، ابوالمنذر تے ابوالطفیل ، پہلی کنیت آنحضرتﷺ نے رکھی ہئی تے ݙوجھی سیدنا عمرنے انہاں دے بیٹے طفیل دے ناں دی مناسبت نال پسند فرمائی۔

مدینہ دے جنہاں انصار نے مکہ ونج کے آنحضرتﷺ دے دست مبارک تے عقبہ ثانیہ وچ بیعت کیتی ہئی،  انہاں وچ ابی وی ہن.  آپ انہاں چھ صحابہ وچوں ہن  جنہاں نے زمانہ نبویؐ وچ قرآن مجید حفظ کیتا تے انہاں فقہا صحابہ وچوں ہن جیہڑے زمانہ نبویؐ وچ فتویٰ ݙیندے ہن.  صحابہ وچ بڑے قاری ہن۔
ہجرت دے بعد مہاجرین تے انصار وچ برادری ومواخات قائم تھئی ہئی، اس وچ سعید بن زید بن عمرو بن نفیل توں جیہڑے عشرہ مبشرہ وچوں ہن، انہاں دی مواخات تھئی۔ بدر توں طائف تک دے تمام غزوات وچ شریک تھئے۔ حضرت ابوبکر دے عہد خلافت وچ قرآن مجید دی ترتیب و تدوین شروع تھئی تاں اس خدمت تے جو لوگ مامور تھئے انہاں وچ آپ وی شامل ین۔ حضرت عمر دے زمانے وچ مجلس شوریٰ دے رکن وی رہے۔ ابتدا وچ قرآن دی قرات وچ بعض فروعی اختلافات ہن۔ آخر وچ عثمان نے قرات قرآنی دے ممتاز ماہرین دی جانچ دے بعد اُبی بن کعب دے طریقہ کوں پسند فرمایا۔ تے ایں قرات دے مطابق کلام مجید دے چار نسخے لکھوا کے مختلف شہراں وچ بجھوا ݙتے۔ انہاں نسخیاں دی اج تک پیروی کیتی ویندی پئی ہے۔




#Article 214: ابیاہ بادشاہ (248 words)


ابیاہ عبرانی بائبل دے مطابق آل داؤد دا چوتھا تے مملکت یہوداہ دا ݙوجھا بادشاہ ہئی۔ اوہ رحبعام دا بیٹا تے سلیمانؑ دا پوترا ہئی۔  تاریخ وچ اینکوں ابیاہ دے ناں نال یاد رکھا گیا ہے۔

بادشاہواں دی کتاباں تے تاریخ وچ ابیاہ کوں میکاہ، میکائی تے یہوداہ دے بادشاہ آسا دی نسبت نال بیان کیتا گیا ہے۔ علما نے ابیاہ دے خاندان دے بارے وچ بائبل دے بیانات کوں متضاد قرار ݙتا ہے۔ اگرچہ کئی نظریات پیش کیتے گئے لیکن تمام تر دستیاب ذرائع توں متعلق کوئی وضاحت انہاں نال مطابقت نی رکھدی یا ایہ واضح طور تے اختلافی ہن۔ ابیاہ نے 14 شادیاں کیتیاں تے اس دے 22 بیٹے تے 16 بیٹیاں ہن۔

ابیاہ دا دور حکومت،  ریہوبام دی وفات دے بعد اس دے بیٹے ابیاہ نے یہوداہ دی بادشاہت سنبھالی۔ اوں نے بڑے جوش و جذبے نال اپݨے ترے سالہ دور حکومت دا آغاز کیتا (2Chr.،2r. 12:16; 13:1) لیکن اوہ اسرائیلی شمالی سلطنت دے ݙاہ قبائل کوں انہاں دی جاں نثاری دے سبب واپس گھن کے آوݨ وچ ناکام رہا۔

استثنا دے مطابق ”باوجود اِس دے،  اُوندے خُدا نے داؤدؑ دی خاطر یروشلیم وچ اُونکوں ہک چراغ ݙتا یعنی اُوندے بیٹے کوں اُوندے بعد ٹھہرایا تے یروشلیم کوں برقرار رکھا۔“ (سلاطین-1، باب 15 آیت 4)۔ ”ول اُوں نے آکھا تیراں کوں گھن،  سو اُوں نے انہاں کوں گھدا ۔ ول اُوں نے شاہِ اسرائیل کوں آکھا زمین تے مار ۔ سو اوں نے ترے واری مارا تے ٹھہر گیا۔ “ (تواریخ-2، باب 13 آیت 18)




#Article 215: اتحاد کوموروس (386 words)


یونین آف دی کمروز،  بحرِ ہند وچ واقع ہک جزیرہ نما ملک ہے۔ ایہ ملک افریقہ دے شمالی ساحل تے آبنائے موزمبیق دے شمالی سرے تے واقع ہے۔ ایہ مقام شمالی مشرقی موزمبیق تے شمال مغربی مڈغاسکر دے درمیان ہے۔ کوموروس دے ہمسائیہ ممالک وچ تنزانیہ شمال مغرب جبکہ سیشلز شمال مشرق وچ ہے۔ اس دا دارلحکومت مورونی ہے۔

ایں ملک دا کل رقبہ 1٫862 مربع کلومیٹر ہے جیہڑا افریقہ دا تریجھا چھوٹا ملک ہے۔ اس دی کل آبادی اندازہً 7٫98٫000 ہے جیہڑی افریقہ وچ چھیویں نمبر تے سب توں گھٹ ہے۔ تاہم آبادی دی گنجانی دے لحاظ نال افریقہ دے گنجان آباد ترین ممالک وچوں ہک ہے۔ اس دا ناں عربی دے لفظ قمر یعنی چندر توں نکلا ہے۔ ایہ جزیرہ نما اپݨی ثقافتی تنوع تے تاریخ دے حوالے نال مشہور ہے۔ اتھاں ترے سرکاری زباناں ہن جیہڑے فرانسیسی، عربی تے کمورین ہن۔

سرکاری طور تے ملک وچ چار وݙے ٻئے کئی چھوٹے جزائر ہن جیہڑے اتحاد القمری دے آتش فشانی جزیرہ نما دا حصہ ہن۔

یونین آف کموروز یعنی اتحاد القمری افریقی یونین، فرانسیسی بولݨ والے ممالک، اسلامی کانفرنس دی تنظیم، عرب لیگ تے بحرِ ہند کمیشن دا رکن ہے۔ 2008 دے اعداد و شمار دے مطابق نصف آبادی غربت دی شرح توں تلے رہندی ٖٖٖپئی ہے۔

اتحاد القمری کل چار وݙے تے بے شمار چھوٹے جزائر تے مشتمل ہے۔ ملک دے اندر انہاں جزائر کوں انہاں دے مقامی ناواں نال جبکہ بین الاقوامی طور تے انہاں دے فرانسیسی ناواں توں پکارا ویندا ہے۔ اتحاد القمری دا سب توں وݙا شہر مورونی ہے۔ ایہ ملک بحرِ ہند وچ آبنائے موزمبیق تے افریقی ساحل تے مڈغاسکر دے درمیان موجود ہے۔

وفاقی صدارتی جمہوریہ ہووݨ دے اصولاں دے مطابق اتحاد القمری دا نظام چلدا ہے۔ اتحاد القمری دے صدر کوں حکومت تے ملک دے سربراہ دی حیثیت ملی ہوندی ہے۔ ملک وچ کثیر الجماعتی نظام ہے۔

حکومت دے کول انتظامی اختیارات ہوندے ہن۔ وفاقی قانون سازی دا حق حکومت تے پارلیمان ݙوہاں کوں ملا ہویا ہے۔ آئین دے مطابق حکومت وچ اسلامی اثر غالب ہے۔ انسانی حقوق دی ضمانت ݙتی گئی ہے تے جمہوریت وغیرہ تے زور ݙتا گیا ہے۔ اس اتحاد دے اندر ہر جزیرے کوں خاصی حد تک خود مختاری ملی ہوندی ہے۔ انہاں دے اپݨے آئین، صدور تے پارلیمان ہن۔ ملک دے صدر دا عہدہ واری واری تمام جزائر دے کول رہندا ہے۔




#Article 216: اتر پردیش (268 words)


اتر پردیش (المعروف یو پی) بلحاظ آبادی بھارت دی سب توں وݙی تے رقبے دے اعتبار نال پنجویں وݙی ریاست ہے۔ 

اتر پردیش دریائے گنگا دے انتہائی زرخیز تے گنجان آباد میداناں تے پھیلی ہوئی ریاست ہے۔ اس دیاں سرحداں نیپال دے علاوہ بھارت دی ریاستاں اتر انچل، ہماچل پردیش، ہریانہ، دہلی، راجستھان، مدھیہ پردیش، چھتیس گڑھ، جھاڑکھنڈ تے بہار نال ملدیاں ہن۔

اتر پردیش دا انتظامی و قانونی دار الحکومت لکھنؤ ہے جبکہ اعلیٰ عدالت الہ آباد وچ قائم ہے۔

اترپردیش قدیم تے قرون وسطی بھارت دی طاقتور سلطنتاں دا گھر ہئی۔ ریاست دے ݙو وݙے دریاواں، گنگا تے دریائے جمنا، الٰہ آباد وچ ملدے ہن تے ول گنگا مشرق دی طرف مڑ ویندا ہے۔ ریاست وچ کئی تاریخی، قدرتی تے مذہبی سیاحتی مقامات ہن، جیویں کہ، آگرہ، وارانسی، رائے بریلی، کوسامبی، کانپور، بلیا، شراوستی ضلع، گورکھپور، اناؤ، چوری چورا وچ واقع گورکھپور، کشی نگر، لکھنؤ، جھانسی، الٰہ آباد، بدایوں، میرٹھ، متھرا، جونپور، اترپردیش تے مظفر نگر شامل ہن. 

اتر پردیش بھارت دے شعبہ زراعت وچ ہک اہم مقام رکھدا ہے۔ ایں دا اندازا ایں ڳال توں لایا ونج سڳدا ہے کہ بھارت وچ ہر پنج فروخت تھیوݨ والے ٹریکٹراں وچوں ہک ایں ریاست وچ وکدا ہے۔  2010-11 وچ اتر پردیش وچ پچھلے ادوار توں زیادہ یعنی 47.55 میٹرک ٹن غلے دی پیداوار درج کیتی جیہڑا پچھلے سال توں 10 فی صد اضافہ ہئی۔ 2010-11 وچ ریاست وچ پورے ملک دے غلے دا پنجواں حصہ تھیا ہئی۔ ریاست وچ ملک دے کل چاول دا 13 فی صد، گیہوں دا 35 فی صد، دالاں دا 13 فی صد تے موٹے اناج دا 8 فی صد تھیا ہئی۔ ۔




#Article 217: اتم سنگھ بھولا ناتھ (233 words)


اُتم سنگھ بھولاناتھ یا اُتم سنگھ بھولیتیم 20ویں صدی دی ستویں، اٹھویں دہائی دا ہک مشہور پنجابی گلوکار تے گیت نگار ہے جیں نے پنجاب وچ بدامنی تے ݙکھاں دے دور وچ وی ڳاوݨا تے فن جاری رکھا۔ پنجاب دا ہک ٻیا مشہور گلوکار کرتار سنگھ رملا ، اُتم سنگھ دے ہی خاندان توں ہئی۔

ریڈیو دے گیت سݨدے سݨدے ہی ایندے اندر خود ریڈیو تے ڳاوݨ دی خواہش پیدا تھئی۔ تے ایں خواہش دی تکمیل کیتے اوہ جالندھر دے ریڈیو اسٹیشن پہنچ گیا۔ اُتم سنگھ دی محنت رنگ گھنائی تے ݙیکھدے ہی ݙیکھدے ریڈیو جالندھر توں نشر کیتے گئے ایندے گائے ہوئے گیت مقبول تھیوݨ لگے۔ ایندے بعد ایندے دل وچ کالے تویاں ( گراموفون دے گول سیاہ رنگ دے ریکارڈ ڈسک ) تے گیت ریکارڈ کرواوݨ دی خواہش پیدا تھئی۔ جس کوں پورا کرݨ کیتے اوہ کردار سنگھ عملا دے نال بابو مان سنگھ دے کول گیا، لیکن بابو مان سنگھ نے ایں کم کیتے ایہ شرط رکھ ݙتی کہ اُتم سنگھ صرف ایندے لکھے گئے گیت ہی ریکارڈ کرویسی.  ایہ ڳال اُتم سنگھ کوں پسند نہ آئی کیونکہ اوہ صرف اپݨے لکھے گیت ریکارڈ کرواوݨا چاہندا ہئی لہذا اوں نے اس توں انکار کر ݙتا۔ ہݨ ایں کم کیتے اوں کوں دلی ونجݨا پیا تے ول اوں دے لکھے تے گائے گیت ایچ ایم وی (HMV) کمپنی نے ریکارڈ کیتے تے ایویں آہستہ آہستہ گائیکی ایندا ذریعہ آمدن بݨݨ لگی۔




#Article 218: اتھرو وید (115 words)


اتھرو وید ہندو دھرم یا سناتن دھرم دا چوتھا وید ہے، ایندے وچ چھی منتر یا مناجاتی گیت ہن۔ ایہ سب توں آخری وید ہے. ایہ نثر تے نظم دا مجموعہ ہے، طب، حکمت، جادو ٹوݨا، بھوت پریت وغیرہ دے موضوعات ایں وید دے اہم مشتملات ہن، علمائے وید دا ایہ وی خیال ہے کہ آریاواں تے غیر آریاواں دے اختلاط دی وجہ نال کجھ رسوم وی مختلط تھی گئے ہن.  اتھر وید ہیں اختلاط دا نتیجہ ہے، ایندے وچ قبل از آریہ عقائد وی شامل ہن تے سماج دے عوامی رجحانات دی نمائندگی وی شامل ہے نیز ایں وید وچ کئی لحاظ نال مذہبی تے مذہبی عقائد دے تحریری و تاریخی شواہد موجود ہن۔




#Article 219: اتھے کوئی ݙیوݨ ݙیوݨ ہے (371 words)


معظم خان ہاتھی خیل اساݙے علاقے دا ہک عظیم کردار ہائی تے لوک اس دے مرݨ توں پنجھاہ سال بعد وی اس دیاں ڳلاں نئیں بھلے ،او اڄ وی اپݨیاں ڳلاں اچ معظم خان دیاں ڳلاں دے حوالے ݙیندے کھلوتے ہن ۔اوہ ہک اے جھیا لوک کردار بݨ ڳیا ہے ڄہڑا زندہ ہے تے کݙاں وی نہ مرسی ۔۔۔۔۔۔۔۔۔۔۔۔،میں پچھلی پوسٹ اچ اس دی ہک ڳل ورتائی ہم تے ہݨ ہک ہور ڳل تہاݙے نال ورتاوڑاں چاہندا ہاں،کیوں ڄو انہاں چھوٹیاں چھوٹیاں ڳلاں دے وچ ٻہوں وݙیاں وݙیاں ڳلاں لکیاں ہویاں ہن تے اے وݙیاں ڳلاں تساں آپ لبھڑیاں ہن۔

ہک واری میانوالی اچ سیلاب دی وڄاں نال ٻہوں تباہی تھئی ،لوک بے گھر وی تھئے ،مال مال مویشی مر ڳئے ،گھر ݙھا ڳئے ،فصلاں لڑ ڳئیاں تے مخلوق بے حال تھی ڳئی۔سیلاب توں بعد اوں ویلے دے گورنر میانوالی دا دورہ کیتا جس دے وچ علاقے دے وݙے وݙے زمینداراں ،تاجراں،مخیر حضرات کوں سݙیا ڳیا۔تقریب اچ امیر عبد اللہ خان روکھڑی ،نواب ملک مظفر بھچر ،کالاباغ دے نواب ،عیسیٰ خیل دے خوانین ،پپلاں دے خان تے ݙوجھے وݙے زمیندار وی شریک تھئے ۔گورنر صاحب تقریر کیتی،سیلاب دیاں تباہ کاریاں ٻارے ݙسیوس۔۔۔۔۔۔تے نالے سبھ توں اپیل کیتوس ڄو اوہ سارے حکومت دی مدد کرن تاں ڄو سیلاب توں متاثر تھیوݨ آلے لوکاں دی مدد کیتی ونڄ سڳے۔ 

معظم خان ہاتھی خیل ٻہوں غریب بندہ ہائی ،جس دی توے تے وی نائی ویندی پر چٹے کپڑے تے پڳ ہمشاں لیندا ہائی ۔گورنر دی تقریب اچ معظم خان چٹے کپڑے پا کے تے پڳ لا کے ونڄ وڑیا تے سارے منظر نوں غور نال ݙیدھا رہیا،گورنر دی تقریر توں بعد کہیں زمیندار آکھیا ڄو اوہ پنچ سو بوری کݨڑک دی ݙیسی کہیں ترائے سو لکھائی کہیں ݙوں سو لکھائی کہیں ہزار لکھائی۔۔۔۔ تے ایویں لکھیندے گئے۔۔۔۔۔۔۔۔معظم خان دی وراری آئی تاں او وی اٹھیا ،،،،،تے اکھیوس ۔۔۔۔۔میں کݨرک دی ݙوں ہزار بوریاں ݙیساں۔گورنر آکھیا ۔۔۔۔معظم خان آسے تاڑیاں ۔۔۔۔۔ ۔۔۔۔انڄیں معظم خان میلا لٹ ڳدھا۔۔۔۔تقریب ختم تھیئی تاں امیر عبداللہ خان روکھڑی ،معظم خان کول پچھیا ۔۔۔وے معظم خان ۔۔۔! ویندی تاں تیݙی توے تے نیئں ،تیں ݙوں ہزار بوری دا اعلان کر ݙتا ہے تے اے کتھوں ݙیسیں۔۔۔۔۔؟ معظم خان آکھیا ،اہ ،،،،اتھے کوئی ݙیوݨ ݙیوݨ ہے ۔۔۔۔اتھے تاں لکھاوݨ لکھاوݨ ہے. 




#Article 220: اتہاس (تاریخ) (356 words)


پروفیسر ہربرٹ اسپنر Hurbt Spenser تے گرانٹ ایلن Grant Ain دا آکھݨا ہے کہ ابتدا وچ انسان صرف اپݨے اسلاف دا شعور رکھدا ہئی، اوہ اسلاف دے حقیقی تے فرضی کارنامیاں توں واقف ہئی تے انہاں کوں یاد کریندا رہندا ہئی۔ امتتداد زمانہ دے نال انہاں اسلاف دی حقیقی شخصیتاں روایتاں دے انبار تلے دب گئیاں۔ رفتہ رفتہ حقیقت تے خرافات دی اتنی تہواں جم گئیاں کہ لوگ اسلاف دی حقیقی شخصیتاں کوں بھل گئے تے افسانوی شخصیتاں کوں دیوتا سمجھ کے انہاں دی پوجا کرݨ لگے۔ بہرحال اسلاف دی عظمتاں دے افسانیاں نے دیوتا دا روپ دھار گھدا ہووے یا مظاہر قدرت دی فعالی تے صاحب ارادہ شخصیتاں دا تصور دیوتاؤاں دے پیکر وچ ڈھل گیا ہووے، ایہ حقیقت ہے کہ دیوتاؤاں دی تخلیق انسانی ذہن دی مرحون منت ہے، اگرچہ ایہ تخلیق دا عمل کئی مدارج توں گزرا ہے۔ (سبط حسن، ماضی کے مزار۔ 103، 105)

ابن خلدون دا آکھݨا ہے کہ مورخ کیتے ضروری ہے کہ اوہ محض نقال نہ ہووے بلکہ تاریخ نال متعلقہ تمام علوم کوں جاݨدا ہووے۔ اینکوں اچھی طرح معلوم ہووݨا چاہیدا اے کہ حکمرانی و سیاست دے قواعد کیا ہن؟ موجودات دی طبعیت کس ڈھب دی ہے؟ مختلف قوماں دا مزاج کیا ہے؟ زمان ومکان دی بوقلمونی ناـ احوال و عوائد دے گوشے کیوں کر متاثر تھیندے ہن؟ مختلف مذاہب وچ فرق کیا تے حدود اختلافات کیا ہن تے کتھاں انہاں دے ڈانڈے ملدے ہن؟ ایں طرح ایہ وی جاݨنا،  حال کیا ہے تے ایندے وچ ماضی نال کیا کیا چیزاں ملدیاں جلدیاں ہن تے کنہاں نکات تے اختلافات ہن؟ تاکہ جیہڑے موجود ہن انہاں دی مناسبتاں تے مشابہتاں نال ماضی دے دندھلکیاں دی تشریح کیتی ونجے۔ جیہڑے لوگ انہاں نزاکتاں کوں سمجھ نی سڳدے ہن، اوہ ایں حقیقت کوں نی ڄاݨدے ، کہ تاریخ دا ہر واقعہ ہک منفرد واقعہ نی ہوندا ، بلکہ اپݨے اندر کئی پہلو رکھدا ہے تے کئی سمتاں توں ایندی حقانیت تے روشنی پڑھ سڳدی ہے، اوہ ہولناک غلطیاں وچ الجھ کے رہ ویندے ہن تے اینجھے لاطائل قصے تاریخ دے باب وچ پیش کریندے ہن، جیہڑے قطعی مہمل تے مضحکہ خیز ہوندے ہن۔ (مولانا محمد حنیف ندوی۔ افکار ابن خلدون، 75)




#Article 221: اجرک (199 words)


اجرک سندھ وچ چادراں تے ٹائلاں دے دلکش نمونیاں کوں اہدے ہن۔ اجرک اینجھی چادر کوں وی آہدے ہن جس تے ایسے نمونے ہوون۔ چادراں تے ایہ نمونے ٹھپے نال لائے ویندے ہن۔ ایہ نمونے تیز رنگاں مثلا سرخ، نیلے تے کالے رنگاں وچ ہوندے ہن۔ اجرک سندھی ثقافت دا سنگھار اے۔ سندھی ٹوپی تے اجرک سندھی ثقافت دی ہک خوبصورت پہچان ہے سندھ دے صحراواں وچ پھل پھُل تے سبزے دے رنگاں دی کمی ہئی لیکن اتھوں دے واسیاں نے ایں کمی کوں ایویں پورا کیتا کہ دھنک دے سارے ہی رنگ اپݨی اجرکاں تے کھنڈا ݙتے۔ سندھ دی تہذیب و ثقافت کوں زندہ رکھݨ کیتے گزشتہ کئی ورہیاں توں حکومتِ سندھ نے دسمبر دے پہلے اتوار ہر سال سندھی ٹوپی تے اجرک ݙیہاڑا مناوݨ دا سلسلہ شروع کیتا۔

ایں اجرک تے مہرون یا لال رنگ دے ڈیزائن دے بجائے، نیلے رنگ دے ملتانی ٹائیلاں تے ملتانی نقاشی دے ڈیزائن چھاپ ݙتے ونجن تاں ایں چادر کوں سرائیکی اجرک آکھا ویندا اے جیہڑی سرائیکی تہذیب و ثقافت دی ہک عظیم نشانی اے. البتہ سرائیکی لوگ ایں نیلی ملتانی نقاشی والی اجرک دے نال ٹوپی دا استعمال نی کریندے. جتھوں سرائیکی ثقافت، سندھی کولوں جدا تے وکھ نظردی اے.




#Article 222: اجمل خٹک (235 words)


پاکستانی سیاست دان،شاعر، ادیب اورقوم پرست لیڈر۔ 1924ء میں اکوڑہ خٹک کے ایک متوسط گھرانے میں پیدا ہوئے۔ والد حکمت خان بھی قومی کاموں میں پیش پیش رہتے تھے۔ مڈل پاس کرنے کے بعد معلمی کاپیشہ اختیار کیا، لیکن ملازمت کے ساتھ ساتھ علمی استعداد بھی بڑھاتے رہے۔ منشی فاضل، ایف اے اور بی اے کے امتحانات پاس کیے۔ ریڈیو پاکستان پشاور سے بطور سکرپٹ رائٹر وابستہ رہے۔ کافی عرصہ روزنامہ انجام پشاور کے ایڈیٹر رہے۔ سیاست میں اجمل خٹک ابتدا ہی سے قوم پرستانہ خیالات کے مالک رہے۔ شروع شروع میں زیادہ سے زیادہ صوبائی خود مختاری کے حق میں رہے۔ پھر رفتہ رفتہ خان عبد الغفار خان کے زیر اثر پختونستان کی بھی حمایت کی۔ 

بطور شاعر و ادیب اجمل خٹک ترقی پسند تحریک توں متاثر رہے۔ پشتو تے اردو ݙوہاں زباناں وچ شعر آہدے ہن۔ ݙوہاں زباناں دے مجموعے منظر عام تے آ چکے ہن۔ جلا وطن دی شاعری وی انہاں دا مجموعہ کلام ہے۔ جس وچ افغانستان دے دوران جلا وطنی دے احساسات و جذبات دی عکاسی کیتی گئی ہے۔

اجمل خٹک، جیہڑے کافی عرصہ توں علیل ہن، 7 فروری، 2010ء کوں پشاور دی ہک مقامی ہسپتال وچ انتقال کر گئے۔ کافی عرصہ اوہ سیاست توں کنارہ کش رہے تے آخری ایام انھاں نے اپݨے آبائی گراں اکوڑہ خٹک وچ گزارے۔ اکوڑہ خٹک وچ ہی انھاں کوں سپرد خاک کر ݙتا گیا۔ انتقال دے وقت انہاں دی عمر پچاسی سال ہئی۔




#Article 223: اجمل دھریجہ (752 words)


سرائیکی تحریک دے ڈھیر سارے کارکن ایجھے ہن جیرھے جاناں قرباناں کرنْ واسطے ہر ویلھے تیار راہندن۔ انہاں اچ ہک ناں اجمل دھریجہ دا وی ہے ۔ اجمل میڈٖے نال جھوک اچ کم کریندے ، اے وی ہر ویلھے سرائیکی تحریک واسطے بٖہوں کجھ کرنْ واسطے تیار راہندے۔ اجمل دھریجہ ہک غریب ہنر مند تے چِٹا ان پڑھ ہے۔ جیں ویلھے کتاباں بنْیندے تاں ڈٖر رہ ویندے جو کہیں بٖی کتاب دا صفحہ کہیں بٖی کتاب اچ نہ لا ڈٖیوے ۔ کہیں ہک کتاب دا ٹائٹل کہیں بٖی کتاب کوں نہ تھپ ڈٖیوے۔ ایویں ڈٖو چار دفعہ تھیا وی ہے ۔ ہک واری جھوک دے کیلنڈر بنْائے تے دسمبر کوں پہلا مہینہ لا ڈٖتُس ۔ میں پُچھیا جو اے کیوں کیتی بیٹھیں پہلا مہینہ تاں جنوری ہوندے تاں اوں جواب ڈٖتا جو اے ڈٖیکھ ہاں محرم اتھوں نی شروع نی تھیندا پیا ۔ میں ہک مولوی کنوں پُچھئے اوں میکوں ایویں ڈٖسیے تے آکھئے جو پہلا مہینہ محرم ہے۔ اوں ویلھے دسمبر اچ محرم ہا تاں او ایہ سمجھیا جو پہلا مہینہ وی ایہو ہے۔ ہک دفعہ ہک کتاب اُبٖاہل بنْایس ۔ شاعر کتاب چاونْ واسطے آ گٖیا ۔ کتاب اوں کوں ڈٖکھائی گٖئی ۔ او ورقے کھول کھول تے پڑھدا گٖیا ۔ ادھ اچ ونجٖ تے رُک گٖیا ۔ حاجی عید احمد صیب کوں آکھیا جو اے تاں میڈٖا کلام کائنی ‘ اے کیں دا کلام تھپ ڈٖتے وے ۔ حاجی صیب ڈٖٹھا تاں بٖی کتاب دے صفحے اوں وچ لگٖئے پئے ہن ۔

اجمل کجھ نی پڑھ سگدا پر ڈو چار لفظ رٹائی ودے۔ مثلاً دھریجہ ، خانپور، سرائیکی ، سرائیکستان ۔ جیکر اے چار لفظ کتھائیں لکھئے کھڑے ہوون تاں فوراً آکھدے اے کیڑھا دھریجہ ہے ، فلاناں سرائیکی واسطے کیا آکھدے ، اے سرائیکستان لکھیا کھڑے ‘خانپور اچ کیا ہے۔ سرائیکی تحریک واسطے ہر جاہ لڑدا ودا ہوندے ۔ پنجاب حکومت جیں ویلھے سرائیکی تحریک کوں ناٹک آکھیا تے ول کتاب دے پچھوں چھئے ہوئے نقشے بارے تحقیقات دا اعلان کیتا تاں اوں ویلھے سرائیکی اگٖوانْیں جیں ویلھے ترائے ڈٖینھ چوک کچہری ملتان اچ مسلسل احتجاج دا اعلان کیتا ۔ پہلے ڈٖینھ تخت لہور دا جنازہ ، ڈٖوجھے ڈٖینھ تڈٖا تے تریجھے ڈٖینھ قُل ۔ پہلے ڈٖینھ جیں ویلھے جنازے دا ویلھا آیا تاں میں سمیت سارے کارکن جنہاں دے سرائیکی تحریک اچ وڈٖے وڈٖے ناں ہن تے جیالے بنْئے ودن او پچھوں تھی گٖے ۔ ایں موقع تے وی اجمل دھریجہ اگٖوں آیا تے جنازہ بنْنْ واسطے سم پیا ۔ جنازہ چؤیا ویندے ، اجمل مردے آلی کار آکڑیا تاکڑیا پے‘ ’’ الوداع الوداع تخت لہور الوداع ، الوداع الوداع تخت پشور الوداع ‘‘دے نعرے لگٖدے پن۔ جنازے دے ہک کاندھی حاجی احمد نواز سومرو دا تلوں ہتھ لگٖا تاں جنازہ ایویں اُچھلیا جیویں گڈی مچھی پانْی اچوں بٖاہر امدی اے ۔

جیں ویلھے لانگ مارچ ملتوی تھیا ہا تاں اجمل وی میں وانگے ڈھیر سارا جذباتی تھی گیا ہا ۔ اوں ویلھے اجمل دفتر اچ شور مچائی کھڑا ہا جو اساں 10ستمبر کوں لانگ مارچ کریسوں ۔ بھانویں میں کلھا وی ہوواں ، ویساں ۔ کوٹ سبزل بارڈر توں پیدل ٹرساں تاکہ پنجابی اے نہ آکھن جو سرائیکی ڈٖر گٖن تے کجھ نی کر سگٖدے ۔ اجمل دے آکھنْ تے ای ظہور دھریجہ صیب فیصلہ کیتا جو اساں 10ستمبر کوں کوٹ سبزل ویسوں ۔ اساں گٖے تے احتجاج ریکارڈ کرایا ۔ ٹریفک پولیس آلے تھانْے آلئیں کوں فون کیتا جو لانگ مارچ آلے آ گٖن ، اجمل جذبات تھی گٖیا تے آکھیُس’’ آؤ ہتھکڑیاں مارو ، ڈھکو ساکوں ۔ ‘‘ ول گریبان کھول تے آکھنْ پئے گٖیا ’’ مارو اساکوں گولیاں ، ایجھے جیونْ کنوں تاں مرنْ ٹھیک ۔‘‘ ول لانگ مارچ دا ویلھا آیا 15 اکتوبر کوں تھیونْ آلے لانگ مارچ کنوں پہلے آصف خان صیب کینیڈا اچوں فیس بک تے سرائیکی کارکنیں نال مخاطب ہن تے آکھدے بیٹھے ہن ’’ بٖاہر نکلو ، بٖاہر نکلو ، سرائیکی لیڈریں دے نال تھیوو ۔ اگر تُساں ماء دھرتی دے حلالی پُتر ہیوے تاں لانگ مارچ اچ شریک تھیوو ۔ ‘‘ اجمل میکوں سڈٖیا ، آکھیس جو انہاں کوں لکھ ’’ سئیں اساں تاں تیار ہیسے پر تُساں کڈٖاں امدے پیو ؟ کیا تُساں ماء دھرتی دے پُتر کائینی ۔‘‘ آصف خان صیب اجمل دا کوئی جواب ای نہ ڈٖتا۔ 15 اکتوبر کوں لانگ مارچ شروع تھیا تاں ساریں ڈٖٹھا اجمل مونڈھے تے اجرکاں چا تے سرائیکی ثقافت کوں لوکیں تئیں پُجٖیندا ودا ہا ، احتجاج وی کریندا ودا ہا ، نعرے وی مریندا ودا ہا ، جھمراں کھیڈٖدا ودا ہا ، جتھاں قافلہ ونجٖ رُکدا ہا تاں اجرک چا تے بھجٖ پمدا ہا ۔ (زبیر دھریجہ)




#Article 224: اجمل ساجد (808 words)


اجمل ساجد ضلع رحیمیارخان نال تعلق رکھݨ والا نوجوان تے انقلابی ڳویا اے جیندے گیت پورے سرائیکستان وچ سݨے ویندن.

سرائیکی گلوکار اجمل ساجد دا پتر ٹریفک حادثے وچ جاں بحق تھی گیا ہئی۔ تفصیل دے مطابق سرائیکی گلوکار اجمل ساجد دا نو عمر پتر ثقلین اجمل جیہڑا کہ گورنمنٹ سیکنڈری سکول مراد پور وچ نانویں جماعت دا طالبعلم ہئی تے چھٹی دے بعد موٹر سائیکل تے سوار تھی کے اپݨے گھر جندو پیر کمال ویندا پیا ہئی کہ اچانک سامݨے توں آوݨ والے سائیکل نال ٹکرا کے سڑک تے ونج پیا۔ سر وچ شدید چوٹ آوݨ نال ثقلین اجمل موقع تے ہی دم توڑ گیا۔ نو عمر طالبعلم دی حادثاتی ہلاکت تے علاقہ وچ سوگ دی کیفیت طاری رہی۔ انا للہ وانا الیہ رٰجعون. اے سانحہ سرائیکی وسیب کوں کڈہیں نہ بھلسی کیونکہ اجمل ساجد سرائیکی وسیب دا ہیرو اے.  

سرائیکی شہزادہ ۔۔۔

فخر وسیب ۔۔۔۔

میرے دوست اجمل ساجد ۔۔۔۔ آج سے کوئی دس بارہ سال پہلے جب سرائیکی صوبہ تحریک کا کام نوجوان نسل میں منتقل ہورہا تھا اس وقت اس دھرتی کے سپوت نے اپنا پہلا سرائیکی ترانہ گایا  اساں لوک سرائیکی ، ساڈی جھوک سرائیکی  جو چند ھی دنوں میں سرائیکی وسیب کے کونے کونے میں مشھور ہوگیا اور یوں ایک نئی جدت سرائیکی عوام میں آ گئی اپنے رسم و رواج اپنے عظیم اور قدیم ثقافت کا شعور ہر سرائیکی تک پہنچنے لگا ۔۔۔۔ اسی دوران یزمان سے تعلق رکھنے والے چند شر پسند عناصر نے تھانہ بہاولپور میں درخواست دے دی کے جناب یہ گلوکار یہاں لسانیت پھیلا رہا ہے ۔۔اجمل ساجد  کو تھانہ بہاولپور بلایا گیا ۔۔اللّه کے فضل و کرم سے وسیب کا بیٹا ووہاں سرخرو ہوا اپنے دو ٹوک بیان سے اور معاملہ ٹھنڈا ہوگیا ۔۔۔۔۔ پھر جب عوام میں علیحدہ صوبے کی بات زور پکڑنے لگی اور خانبیلا میں ایک سرائیکی صوبے کے نام پے جلسہ کیا گیا ووہاں پے اجمل ساجد نے پہلی بر دو ٹوک الفاظ میں اپنا ترانہ گنگنایا ۔۔۔

سرائیکی عوام کو اپنے حق مانگنے اور پیار اور امن سے تحریک چلانے کا درس اپنی  موسیقی سے دیا ۔۔۔۔ 
آگے چلتے ھیں ۔۔۔۔ وسیب میں آیا سیلاب تو سب کو یاد ہوگا ۔۔۔ جب وسیب کئی شہر ۔۔بستیاں ۔۔۔ دریا میں به گئے ۔۔۔ اس ٹائم بھی اجمل ساجد ھی تھا جس نے وسیب کے درد کو اپنی آواز میں گایا اور انٹرنیشنل سطح پہ یہ بات پہنچائی ۔۔بی بی سی کی وہ 10 منٹ کی رپورٹ آج بھی مجھے یاد ہے ریڈیو پے سنی تھی میں نے اس میں ررپورٹر وسیب کی تباہی بیان کر رہا تھا اور اجمل ساجد کو خراج تحسین بھی پیش کر رہا تھا کے آپ نے وسیب کا درد دوسروں کو بتایا ۔۔۔۔۔۔خیر آتے ھیں اصل مدے پے ۔۔

چند ماہ قبل پیر ذولقرنین شاہ بخاری جو۔ اجمل ساجد  کے بہت اچھے دوست ھیں آئے چاچو سے ملنے ۔۔اور پرزور فرمائش کی کے اجمل بھائی میں الیکشن لڑ رہا ہوں مجھے ترانہ ریکارڈ کرا دو ۔۔۔اجمل ساجد  نے کہا ۔۔مرشد ست بسم اللّه ۔۔کیوں نہں ۔۔۔۔ انہوں نے کہا کے جس میں نواز شریف شہباز شریف کی تعریف هو ۔۔۔اجمل ساجد نے ہاتھ جوڑ لیے مرشد آپکی ذات سر آنکھوں پے پر میں وسیب کے دشمن کی تعریف نہں کر سکتا مجھے معاف کر دیں ۔۔میں نہں گاؤں گا ۔۔۔ اپنے دوست کے پرزور اسرار پے اس شرط پے آمادگی ظاہر کی کہ میں آپکے لیے چند الفاظ گنگنا دوں گا ۔۔۔ اسی دوران کراچی گئے اور انکا ایک ترانہ گایا پیر ذولقرنین کے لیے ۔۔۔۔۔انکے ایک چاہنے والے نے کچھ دنوں پہلے وہی ترانہ فیسبک پے ڈال دیا اور ساتھ  اجمل ساجد  کی تصویر لگا دی ۔۔۔

بس پھر کیا تھا ۔۔۔ کراچی میں۔ بیٹھ کے چند دوستوں نے بغیر کسی تصدیق کے اجمل ساجد کے خلاف گالیاں بکواس اور بائیکاٹ پتا نہں کیا کیا پوسٹ کر دیا ۔۔۔بس پھر کیا جو جو وہ پوسٹ پڑھتا گاگیا اپنے اپنے شعور کا ثبوت دیتا گایا اور گالیاں بکتا گایا ۔۔۔۔کسی نے یہ بھی دیکھنا گوارا نہ کیا کہ کیا یہ ویڈیو اجمل ساجد نے بنائی۔ ہے یا کسی اور نے   یہ بھی دیکھنا گوارا نہ کیا کے وہ چند دن پہلے پی ٹی آئ کا ایک سرائیکی زبان میں ترانہ ریکارڈ کرا آہے ھیں عمران خان کے لیے ۔۔۔اور اپنی فیسبک وال پے وہ یہ واضح بھی کر چکے ھیں ۔۔۔۔۔ 

افسوس کے ہم سرائیکی اپنے آپ کے دشمن ھیں ۔۔۔ ھم نے ہمیشہ اپنا ٹارگٹ اپنا سرائیکی رکھا ۔۔ ایک ھی لمحے میں ھم بھول جاتے ھیں کے کیا کیا خدمات ھیں ایک سرائیکی کی سرائیکی وسیب کے لیے ۔۔
اجمل ساجد ایسے فضول کے پروپگنڈو سے گھبرانے والا نہں نہ ھی ہار ماننے والا ہے ۔۔وہ کل بھی وسیب کا ہیرو شہزادہ ٹھا آج بھی ہے ۔۔کسی کو کوئی حق نہں ایک وسیب زادے سے اسکی۔ پہچان چھینے ۔۔اللّه ھم سب کو عقل شعور اور محبت کا درس دینے کی توفیق عطا فرمائے ۔۔۔۔آمین ۔۔ 




#Article 225: اجمل مسݨ (364 words)


اجمل مسݨ، بہاولپور نال تعلق رکھݨ والے سرائیکی قومیتی تحریک دے سینئر رہنما تے دانشور ہن جنہاں دیاں تحریک واسطے قابل قدر خدمات ہن. مسݨ، سرائیکستان قومی رابطہ کمیٹی دے رکن وی ہن جیندے وچ کئی ݙوجھے ممبران وی شامل ہن. ایں کمیٹی دا مقصد سرائیکستان صوبے دے قیام واسطے راہ ہموار کرنا اے. 

بھرا عامر فہیم دی سرائیکستان نقشہ بارے پوسٹ اتے بھراویں دے Replyes دا جواب :-

سجنڑو :- اول تاں میں کڈھیں خود کہیں کوں نی آکھیا جو نقشہ میں بنڑایا ھا پر میڈا بھرا مجاھد جتوئی اج خود انکاری تھیا بیٹھے جناں خود کئی دفعہ تے ڈھر جاہ تے آکھیے جو اے کم اجمل مسن دا ھے، ایندے وچ رتی بھر کوڑ کینی جو SQM دے ابتدئی ڈینہیں اچ مجاھد بھرا دی ماڈل ٹاون اچ فوٹو گرافری والی دوکان دے چوبارے اتے اے بقشہ تیار تھیا ھا، میں سروے آف پاکستان دے صوبہ پنجاب، سندھ تے سرحد دے نقشے گھن آیا ھم تے بھرا مجاھد دی سرپرستی تے مشورے مطابق طے کیتا کیا جو کہڑا کہڑا ضلع نقشے اچ شامل کیتا ونجے، اے طے تھیونڑ دے بعد اچ اے سرائیکستان دا نقشہ سروے آف پاکستان دے نقشے توں ھر ضلع دی حدود دا خیال کریندیں اناں نقشیں توں میں خود تیار کیتا ھا پر مکمل رھنمائی بھرا مجاھد جتوئی دی ھئی تے اے اناں دے آکھنڑ تے تیار تھیا ، حقیقت تاں ایہا ھے پر میں کڈھیں کہیں کوں نی آکھیا جو میں بنڑے نہ کڈھیں ایندا کریڈٹ چاونڑ دی کوشش کیتی ھے،

بھرا عامر فہیم دی ایں پوسٹ لاونڑ تے تاریخ مسخ پئی تھیندی اے تاں اناں کوں آکھساں جو ادا ڈیلیٹ کر چھوڑ ایں پوسٹ کوں ، میڈے بھرا تے اساڈے تحریکی استاد توں اے برداشت نی تھیا جو ھک کارکن دا ناں کیوں آوے ، فوری آکھ ڈیتے جو تاریخ مسخ نہ کرو ، اے کم تاں صرف لیڈریں دے ھوندن ، بلکہ خود کئی دفعہ مجاھد بھرا خود میڈے ناں آکھیے خو اے کارنامہ اجمل مسن دا اے ۔ سئیں، اساں تاں اپڑں ناں تک نہ لکھیا ھا ، بعد اچ ایں نقشے تے بئے کجھ بندیں وی ناں لکھ تے شائع کیتا ھا تاں یندا مطلب اے نی جو نقشہ اناں بنڑے ۔ جیوے سرائیکی. 




#Article 226: اجمیر سنگھ اولکھ (133 words)


اجمیر سنگھ اؤلکھ(پیدائش : 19 اگست 1942- وفات 25 جون 2017)، پنجاب دے معاشرتی تے سماجی جیون دی الجھناں تے مشکلات کو ترقی پسند سوچ دے نال پیش کرݨ والا پنجابی دا مایہ ناز ڈرامہ نگار ہئی۔ 
اجمیر سنگھ اولکھ کوں 2006ء وچ ہک ڈرامہ عشقَ باجھ نماز دا حج ناہی کیتے بھارتی ساہتیہ اکادمی ایوارڈ ݙتا گیا۔

پروفیسر اجمیر سنگھ اؤلکھ زندگی دے تلخ حقیقتاں دا ہک اچھوتا ناٹک کار ہئی۔ ایندے ترے درجن توں ودھ ڈرامیاں دے ہزاراں پیشکاریاں تھیاں جنہاں کوں لکھاں لوگاں نے ݙٹھا۔

اولکھ ہوراں دا جنم 19 اگست 1942ء کوں کمبھڑوال، ضلع مانسا، پنجاب وچ تھیا۔ انہاں دے والد دا ناں سردار کور سنگھ تے ما دا ناں شریمتی ہرنام کور ہئی۔ اجمیر سنگھ اولکھ، کینسر نال لڑدے اخیر 25 جون 2007ء کوں راہی ملک عدم تھئے.




#Article 227: اجمیر شریف (230 words)


اجمیر جینکوں احترام نال اجمیر شریف پکارا ویندا ہے.  ریاست راجستھان دا شہر تے اجمیر ضلع دا صدر مقام ہے۔ 2001ء دے اندازے دے مطابق ایں دی آبادی 500,000 افراد تے مشتمل ہئی۔ بھارت دی آزادی توں یکم نومبر 1956ء تک ایہ ریاست اجمیر دا حصہ ہئی مگر بعد وچ صوبہ راجستھان وچ شامل کر ݙتا گیا۔ اجمیر ہک اہم ریلوے جنکشن ہے تے کپڑے دی صنعت دا ہک اہم مرکز ہے۔ تے ایں شہر دی سب توں وݙی وجہ شہرت حضرت خواجہ معین الدین چشتی اجمیریؒ ہن۔ جنہاں دی خانقاہ مراجع خلائق ہے۔

اجمیر دی بنیاد ݙاہویں صدی عیسوی وچ راجہ اجے پال چوہان نے رکھی۔ 1193ء وچ محمد غوری نے اجمیر کوں فتح کیتا تے دہلی سلطنت دی بنیاد رکھی۔ محمد غوری نے تاوان دی ادائیگی تے ایں دی اندرونی حکومت دوبارہ چوہان حکمراناں دے سپرد کر ݙتی۔ 1365ء تک ایہ دہلی سلطنت دا حصہ رہا.  جݙݨ اینکوں میوار حکمراناں نے فتح کر گھدا تاں 1509ء وچ ایہ علاقہ میوار دے مرہٹیاں تے میوار حکمراناں دے درمیان کشیدگی دا باعث رہا تے آخر کار میوار حکمراناں نے 1532ء وچ دوبارہ مکمل کنٹرول حاصل کر گھدا۔ 1559ء وچ شہنشاہ اکبر نے علاقہ فتح کر گھدا تے 1770ء وچ مرہٹیاں نے دوبارہ ایں کوں قابو کر گھدا۔ 1818ء وچ مرہٹیاں نے پنجاہ ہزار روپے وچ اجمیر کوں برطانوی حکومت کو ویچ ݙتا تے ایہ برطانوی حکومت دا حصہ بݨ ڳیا۔




#Article 228: اجیت سنگھ (120 words)


اجیت سنگھ (1881–1947) محب وطن تے انقلابی ہئی۔ ارجن سنگھاور جے کور دا ایہ بیٹا پنجاب دے جالندھر ضلع وچ کھٹکڑ کلاں وچ فروری 1881 وچ پیدا تھیا۔ اوں نے اپݨی ابتدائی تعلیم اپݨے گاوں توں حاصل کیتی،  ایں توں آڳوں سائیں داس اینگلو-سنسکرت ہائی اسکول ، جالندھر تے ڈی۔اے۔وی کالج، لاہور توں تعلیم حاصل کیتی۔ ایں دے بعد قانون دی پڑھائی کرݨے کیتے اوں نے بریلی کالج وچ داخلہ گھن گھدا، مگر صحت ٹھیک نہ ہووݨ دی وجہ نال کورس پورا کیتے بغیر پڑھائی درمیان وچ چھور ݙتی۔ اپݨا ٹھکاݨا لاہور بݨا کے ایہ بھارتی زباناں دا استاد بݨ گیا تے 1903 وچ اوں دی شادی قصور دے ہک وکیل دھنپت رائے دی بیٹی ہرنام کور، دے نال تھئی۔




#Article 229: اجے دیو اگن (104 words)


اجے دیوگن بھارت دی فلمی صنعت یا بالی وڈ دے ہک وݙے اداکار ہن۔ 2015ء وچ انہاں دی ہک فلم سنگھم ریٹرنز جاری تھئی ہئی جیندے وچ اوہ ہک دبنگ پولیس افسر دے روپ وچ ممبئی دے غنڈے مافیا تے کرپٹ سیاست داناں دے خلاف ایکشن وچ نظر آندے پئے ہن۔ سنگھم ریٹرنز دی کہانی کالا دھن کماوݨ والیاں دے گرد گھمدی ہے جیہڑی پندرہ اگست کوں ریلیزی تھئی۔ اجے دیو اگن نے آکھا کہ ایں فلم کوں بھارت دے یوم آزادی تے ریلیز کرݨ دا مقصد ہی ایہ ہے کہ لوگاں وچ رشوت تے غلط دھندیاں دے بارے وچ آگاہی پیدا کیتی ونجے. 




#Article 230: احتشام الحق تھانوی (128 words)


ہک مشہور عالم دین ہن تے قصبہ تھاݨہ بھون (یو۔ پی، بھارت ) وچ ١٩١٥ء وچ پیدا تھئے۔ دارلعلوم دیوبند توں دینی علوم وچ سند فضیلت گھدی۔ تحریک پاکستان وچ سرگرم حصہ گھدا۔ ١٩٤٧ء وچ کراچی آ گئے تے جیکب لائین وچ مسجد تعمیر کرائی۔ حافظ قرآن تے خوش الحان قاری ہن۔ ١٩٤٨ء وچ ٹنڈوالہ یار (سندھ) وچ دیوبند دے نمونے تے ہک دارلعلوم قائم کیتا۔ ١٩٨٠ء وچ مدراس، (ہندوستان) وچ ، جتھاں سیرت کانفرنس وچ شرکت کیتے گئے ہن۔ اچانک دل دا دورہ پووݨ نال انہاں دا انتقال تھی ڳیا۔
اللہ تعالی نے آپ کوں بے پناہ کمالات نال نوازا ہئی، آپ دی تلاوت تے شعر خوانی وچ عجیب حسن پایا ویندا ہئی کہ سامع مسحور تھی ویندا ہئی۔  انہاں دی تلاوت قرآن انٹرنیٹ تے دستیاب ہے۔




#Article 231: احتشام الحق تھانویؒ (118 words)


پیدائش؛ 1915ء

وفات؛1980ء

عالم دین،  قصبہ تھاݨہ بھون (یو۔ پی، بھارت ) وچ پیدا تھئے۔ دارلعلوم دیوبند توں دینی علوم وچ سند فضیلت گھدی۔ تحریک پاکستان وچ سرگرم حصہ گھدا۔ ١٩٤٧ء وچ کراچی آ گئے تے جیکب لائین و  مسجد تعمیر کرائی۔ حافظ قرآن تے خوش الحان قاری ہن۔ ١٩٤٨ء وچ ٹنڈوالہ یار (سندھ) وچ  دیوبند دے نمونے تے ہک دارلعلوم قائم کیتا۔ مدراس (ہندوستان) وچ، جتھاں سیرت کانفرنس وچ شرکت کیتے گئے ہن۔ دل دا دورہ پوݨ نال انتقال کیتا۔
اللہ تعالی نے آپؒ کوں بے پناہ کمالات نال نوازا ہئی، آپؒ دی تلاوت تے شعر خوانی و  عجیب حسن پایا ویندا ہئی کہ سامع مسحور تھی ویندے ہن۔  انہاں دی تلاوت قرآن شبکہ تے دستیاب ہے۔




#Article 232: احتشام حسین (171 words)


احتشام حسین ہندوستان نال تعلق رکھݨ والے ادیب، مارکسی نقاد تے افسانہ نگار ہن۔
احتشام حسین 21 اپریل 1922ء کوں ہندوستان وچ اتر پردیش دے ضلع اعظم گڑھ دے ہک قصبے ماہل وچ پیدا تھئے۔ 1936ء وچ الہ آباد توں ایم اے کر کے لکھنؤ یونیورسٹی وچ اردو دے لیکچرر مقرر تھئے۔ ول الہ آباد یونیورسٹی وچ اردو دے پروفیسر رہے۔ نظریاتی حوالے نال ترقی پسند تحریک نال وابستہ رہے۔ اس واسطے انہاں دی تنقید تے مارکسی اثرات کوں بآسانی محسوس کیتا ونج سڳدا ہے۔ 1954ء وچ امریکا دی ہک انجمن نے اتھوں دے ذہنی رجحانات دا مطالعہ کرݨ کیتے  مدعو کیتا. ہک سال بعد امریکا تے لندن توں واپس آ کے اپݨے مشاہدات ساحل و سمندر دے ناں نال کتابی صورت وچ شائع کیتے۔ تنقیدی مضامین دے اٹھ مجموعے چھپ چکے ہن۔ جنہاں وچ تنقیدی جائزے، روایت و بغاوت، تنقید و علمی تنقید تے اعتبار نظر،  خصوصیت نال قابل ذکر ہن۔ ویرانے،  افسانیاں دا مجموعہ ہے۔
احتشام حسین دی وفات یکم دسمبر، 1972ء کوں الہ آباد، بھارت وچ تھئی ۔




#Article 233: احسان اللہ احسان (183 words)


احسان اللہ احسان،  اصل ناں (لیاقت علی) تحریک طالبان پاکستان دا سابق ترجمان ہے۔ ایں نے تحریک طالبان پاکستان وچ 2008ء وچ شمولیت اختیار کیتی۔ اپریل 2017ء کوں ڈائریکٹر جنرل آئی ایس پی آر آصف غفور نے ایہ اعلان کیتا کہ احسان اللہ احسان نے خود کوں پاکستان سیکورٹی ایجینسیز دے حوالے کر ݙتے۔ احسان اللہ احسان نے اپنی ہک اعترافی ویڈیو وچ ایہ دعویٰ کیتا ہے کہ بھارت دی خفیہ ایجنسی را، تحریک طالبان پاکستان کوں پاکستان وچ دہشت گردی کرݨ کیتے  فنڈ مہیا کریندی ہے۔

احسان اللہ احسان سنہ 2013ء تک کالعدم تحریک طالبان پاکستان دا ترجمان رہا ہئی۔ اوہ تے تحریک طالبان پاکستان دے بعض ݙوجھے سابق کمانڈر ہیں سال ایں دہشت گرد گروپ توں الگ تھی گئے ہن تے انھاں نے جماعت الاحرار دے ناں توں اپݨا نواں دھڑا بنا گھدا ہئی۔

احسان اللہ احسان کوں ایں نویں دھڑے دا ترجمان مقرر کیتا گیا ہئی۔ انھاں نے تݙہاں آکھا ہئی کہ تحریک طالبان پاکستان دے 70 توں 80 فی صد کمانڈر تے جنگجو جماعت الاحرار وچ شامل تھی گئے ہن۔ انہاں وچ سب توں معروف عمر خالد خراسانی ہئی۔




#Article 234: احسن خان (270 words)


احسن خان ہک پاکستانی فلم تے ٹیلی ویژن اداکار، پروڈیوسر، میزبان تے پرفارمر ہن۔ انہاں نے 1998ء وچ اداکاری شروع کیتی۔ اوہ نکاح، بلی، گھر کب آؤ گے، عشق خدا، دل میرا دھڑکن تیری جیہی فلماں وچ جلوہ گر تھئے تے بعد وچ ٹیلی ویژن دی طرف چلے ڳئے۔ انہاں نے 2011ء وچ رمضان دے دوران ہم ٹی وی تے ہک کوئز شو حی علی الفلاح دی میزبانی وی کیتی۔

اوہ لندن وچ 9 اکتوبر 1981ء کوں پیدا تھئے۔ انہاں دے چار بھیݨ بھائی ہن۔ ہک وݙا بھائی، ݙو وݙے بھیݨیاں تے ہک جڑواں بھرا، یاسر خان۔ انہاں دا خاندان لاہور واپس آ ڳیا تے اوہ خاندان وچ واحد ہن جیہڑے اداکار بݨے ، انہاں نے گورنمنٹ کالج یونیورسٹی توں انگریزی ادب وچ ماسٹرز کیتا۔
احسن نے 17 سال دی عمر وچ 1998ء دی فلم نکاح وچ کم کر کے اداکاری دا آغاز کیتا تے ہوں سال پی ٹی وی کیتے ہنس کی چال کیتا۔ احسن بعد وچ فلم گھر کب آؤ گے (2000ء) وچ جلوہ گر تھئے تے ایندے بعد ٹیلی ویژن وچ قدم رکھا تے بہت سارے ڈرامیاں وچ کم کیتا۔ انہاں نے سنہ 2011ء وچ رمضان دے دوران ہم ٹی وی تے ہک کوئز شو حی علی الفلاح دی میزبانی وی کیتی۔ انہاں نے سال 2016ء وچ ڈراما اڈاری وچ کم کیتا تے خوب داد وصولی۔ 2016ء توں انہاں نے گھسے پٹے سس نوں والے ڈرامیاں توں تنگ آ کے پروڈکشن شروع کیتی، تے سماجی ڈراما سیریز ”دکھ سکھ“ پروڈیوس کیتا۔ سنہ 2018ء تک اوہ ویہ توں زائد ٹی وی ڈرامیاں کوں پروڈیوس کر چکے ہن۔ سنہ 2017ء وچ انہاں نے فلم چھپن چپھائی وچ کم کیتا۔




#Article 235: احسن واگھا (1077 words)


پروفیسر ڈاکٹر احسن واگھا سرائیکی دانشور ہن۔
تونسہ شریف نال تعلق ہے۔ انہاں نے لندن توں پی ایچ ڈی کیتی ہوئی اے.

احسن واگھا ریڈیو ٹیشݨ اسلام آباد وچ سینئر پروڈیوسر دے طور تے کم کیتے۔  اوندے بعد ڈپٹی کنٹرولر دے عہدے تے کم کیتے۔  سرائیکی زبان دے معروف افسانہ نگار وی ہن۔ انھاں دا افسانوی مجموعہ تھل کرن دریا چھپ وی چکے۔ 

ترقی پسندانہ خیالات تےطبقاتی اوچ جھک انھاں دیاں نظماں دا بنیادی موضوع ہے۔ انھاں دی شاعری مجبوریاں تے محرومیاں دی کُکھ وچوں پیدا تھیندی ہے۔ 

[نوٹ: اے لکھت سرائیکی لوک سانجھ ریت دے چھی ستمبر2015ء کوں ڄام پور وچ تھیوݨ آلے کٹھ وچ پڑھی ڳئی ہئی۔۔۔ جیڑھی سنگت اُتھاں نئیں رَل سڳی، اُنہیں دے پڑھݨ اتیں ڳالھ مُہاڑ سانگے سُنڄاݨ بلاگ وچ چھاپا ویندا پئے]

اڄو کی ی پاکستانی سیاست دے چار اُ پٹھ نشابر ہن: ہک اے جو انرجی مُتوں پنجاب، انرجی نال بھرئیے علاقیں تیں وَزبرائی اتیں ݙَڈھپ ورتݨ منگدے۔

ݙوجھا اُپٹھ اے ہے جو اَساں سرائیکیں دا سیاسی جھیڑا  ݙو مرکزیں،   پنجاب اَتیں وفاق نال ہے۔ پر مُلک دی سبھ کن وݙی مرکز پسند پارٹی، پی پی پی نال سرائیکیں دی آپت اَتیں اُپرپ دا ݙونگھا سمٻندھ ہے (آیا سہی سچ پی پی پی مرکز پسند ہے؟)

تریجھا اُپٹھ اے ہے جو ریاست دے محکمہ فوج دی اپݨی نویکلی اَلاوݨی ہے۔ اتیں اے الاوݨی ہکے واہ واہ کیتے ہے۔ اَٹ نِوٹ دی جاہ کائے نی۔ ہک اللہ پاک دی ذات عیبوں خالی ہے۔ آیا پاک فوج دی ذات وی عیبوں خالی ہے؟

چوتھا اُپٹھ ہےدیسی لوکیں کن کراہت کرݨ آلا مہاجر میڈیا۔ کروڑیں  گونگئیں لوکیں دا پڑ ہے اتیں اُنھیں دے سر تیں لوندا  رڑدا  اوپرا میڈیا۔

ہُݨ، ذرا اُتو چتریے چا ر اُپٹھیں دی تھولی جھئیں مزید الاوݨی کریجے۔ کالونئیلزم دیاں ٻہوں ݙیفی نیشناں تیں پھرولݨیاں ہن۔  ہک اے ہے جو کہیں وسیب دے اُتے کہیں ٻئے وسیب دے تھݙئیے پَٹے لوکیں دا راج۔ اے شک ہُݨ پکا کرݨا پوسی جو پاکستان ہک کالونی ہے۔سبھ کن اُتلئیں کُرسیں تے ٻیٹھے ہک ہک ماھݨو دی پیڑھی پٹیجے تاں کہیں دے وی ݙاݙے پرݙاݙے دیاں قبراں ایں مُلک وچ کائے نی۔ جیندیاں ہن، او  اصل حکمران کائے نی، سنبھوڑا ہے۔ کالونئیلزم وت گِجھ دی وصف آلا ہوندے۔ اے اینویں نئیں ہَٹدا۔

یا تاں جیڑھی جُون کوں اے پٹیندا پئے، اوکوں پور ݙیویجے۔ یا انھیں ڳِجھیں کوں وٹے مار مار ہکلݨا پوندے۔اَتیں اصل ڳالھ اے ہے جو کوئی وسیب موئے جُون آلی کار ہووے کیوں؟  پنجاب دے کولہوں نہ ہائیڈیل انرجی دا کئی سَوب ہے ( پنجاب دے اپݨے دریاویں وچ سندھ جتی ست کائے نی)، نہ تھرمل سارݨ کیتے تیل یا  کوئلہ، نہ سولر پینلیں کیتے خالی پلاٹ ہن اتیں نہ ونڈ ملیں جوڳی ہوا ہے۔ ایں علاقے دے اُتلے طبقے دا ہُݨ بھووݨ پئے ڳئے۔ اتیں پنجابی لوک وت  ہن وی اپݨے۔ اُنھیں نال نہ ہکے  ساݙی ٻنے سانجھ ہے، بلکہ اَلا ٻول، ساہ سوب دے  ڳانڈھے وی ہن۔ انھیں کوں برابری سکھاوݨی پوسی۔ اتیں اے سکھاوت سکھݨی پرَم پریت نال نئیں تھیندی۔ جھیڑا لاوݨا ہوندے

ݙوجھے اُپٹھ دی ڳالھ کریجے تاں سرائیکیں کوں اپݨا صوبہ نہ ملݨ دا ٻہوں ارمان ہے۔ اتیں ایندے نہ ملݨ دی اَلاوݨی وچ سرائیکی سارا ݙوہ پی پی پی کوں ݙیندن۔  ن۔ لیگ یا اڄ دی مہاݙ پی ٹی آئی دا صوبے دے ذکرے وچ ناں کوئی نئیں چیندا۔ ہکے پی پی پی کن اُمید تے جھیڑا  کیوں؟ اے  وی شاند ہے۔

پی پی پی کیا ہے؟ ہند۔سندھ دی نویں تاریخ وچ جنھیں خطیں وچ ڈھیر سیاسی شھادتاں تھئین، اُنھیں وچو ہک خطہ سندھ ہے۔ پی پی پی دے پالیسئیں اتیں ورتارے دے بارے اَٹ نوٹ تھی سڳدے پر تاریخ وچ ایں پارٹی جیرھا پوکھا ݙتے او مُکریج نئیں سڳدا۔

جیرھلے 1977 دی پی پی پی اسٹیبلشمنٹ نال متھا ݙتا، تاں ایندا مُل ݙیوݨ والا کلہا ہک بھٹو شہید ہا اتیں ٻئے اوندے جیالے۔ اڄ دی پی پی پی دا عجب ریکارڈ  اے ہے جو سَٹ پِٹ پارٹی دی اُتم لیڈرشپ چیندی پئی ہے؛ مثال دے طور تیں سید یوسف رضا گیلانی، مخدوم شہاب، سید حامد کاظمی، امین فہیم اتیں ٻئے۔  معروضی وجہ جو وی ہے، جیالے ریزرو   وچ ہن۔ آہدن اکھیں وچ پگھر  او پیندن جنھیں دے پیو مر ویندن۔ سوچیندے او ہن جیرھے مار کھا ٻہندن۔

پی پی پی سرائیکیں دے قومی جھیڑے دی پردھان نئیں۔ اے بھیڑی سرائیکیں دی اپݨی بھیڑی ہے اتیں ݙونگھا وچار تیں پرُامن تݙ   ایندا  رستہ ہے۔ پر پی پی پی  سرائیکیں دی سَوڑ دا جن ہے، ایں پارٹی وچ انٹرازم کرݨ شاید ٹھیک ہوسی۔

تریجھا اُ پٹھ ، یانی فوج دا ورتارا ، آپ وی ہک اُپٹھ ہے اتیں ٻئے ترئیے اُپٹھیں کوں وی تکڑپ ݙیندے۔ فوج دے کُجھ ورتارے اُپٹھے نہ ہوون تاں ٻئے اُپٹھ سوکھے سِدھے تھی سڳدن۔ نظر آوݨ آلی اڳوائی، یانی فورسی ایبل فیوچر وچ ایں ڳالھ کوں دیر ہے جو سماج فوج مُتوں ہووے۔ پر ایران آلی کار  اے مثالاں تاں ہن جو فوج دی نویں اُساری کر ݙویندی ہے۔ پر  اے حالی سرائیکیں دا نویکلا مسئلہ نئیں۔ اپݨی فوج تھئی، ساݙے نال کیرھلے کیا کریسی، ایندا مطالعہ ہݨیں نال کریجے تاں چنڳا ہوسی۔ زندہ باد دے نعرے دا اڳلا منطقی ٹوݨا مُردہ باد ہوندے۔ سرائیکی اپݨی پوری تاریخ وچ زندہ باد دے شوقین نہیں ریہے، تاں وت اللہ کریسی اساکوں مُردہ باد دی لوڑھ وی نہ پوسی۔

چوتھا اُپٹھ اڄوکا میڈیا، ہک لُکا دُشمن ہے۔ اَساں سرائیکیں دیاں وی کُجھ گَھٹکیاں ہَن۔ اَساں دشمن کوں سنڄاݨݨ وچ دیر کر ݙیندے ہئیں۔ میڈیا دے بارے اے مضمونچہ اوھو جیسل کلاسرہ دے کٹھ دی الاوݨی یاد  ݙویندے جو میڈیا سندھ وادی دے سوہݨے مُہاندرے  اُتے روز لیپے چاڑھ ݙیندے، لَے لا ݙیندے۔   

ساݙی ریاست دا سبھ کن وݙا سیاسی اُ پٹھ اے ہے جو ہندوستان ساݙا دشمن ہے پر ہندوستان وچوں آئی ہوئی ٻولی ساݙی قومی ٻولی ہے۔

میں کلھا،پَنڈ حیاتی دا 

بُت کمبے، چیل کماݨ ـ 

میݙے وِسمے وِسمے ٻاݨ ـ 

دھرتی میݙا،میݙی پَنڈ دا بار نہ جھلے 

کِتھاں ٻاہواں ،کِتھاواں ڈھاواں 

کیویں سِر دی پنڈ لہاوں

 ھر کوئی کِھلے 

نہ کوئی وَݨ نہ ٹوبھا راہیں 

سوا نیزے سِجھ،تیں بھوئیں تراما 

میݙے سِر تے،میݙی پَنڈ دی چھاں اے

رل رسدی راند رسا،
کئی وچھڑیئے ویر سنجانڑ،
جے ما-جائی ہیویں حلال دی،
اتھاں رت اچ رت رلا۔
نہ تاں منیڑھیں ڈیسن سینگیاں،
اتیں بکے پوسن یار او ۔ ۔
جیرھے جند دی تھگڑی ساڑ کیں،
گئے وسمی بھا بکھا۔
احسن واگھا

رل رسدی راند رسا،

کئی وچھڑیئے ویر سنجانڑ،

جے ما-جائی ہیویں حلال دی،

اتھاں رت اچ رت رلا۔

نہ تاں منیڑھیں ڈیسن سینگیاں،

اتیں بکے پوسن یار او ۔ ۔

جیرھے جند دی تھگڑی ساڑ کیں،

گئے وسمی بھا بکھا۔

احسن واگھا




#Article 236: احمد آباد (205 words)


 
احمد آباد، ہندوستان دی ریاست گجرات دا سب توں وݙا شہر تے ہندوستان دا ستواں وݙا شہر ہے۔ دُنیا وچ سب توں تیز رفتاری نال ترقی کرݨ والا تریجھا شہر ہے۔ ایہ شہر دریائے سابرمتی دے کنارے آباد ہے۔ احمد نامی چار بزرگاں نے سلطان احمد شاہ دے ایما تے ایندی بنیاد رکھی۔ ایہ شہر سوتی کپڑے دی ملاں دی وجہ نال ہندوستان دا مانچسٹر سݙیندا ہئی۔ لیکن ہݨ سوتی کپڑے دی ساریاں ملاں بند تھی چکیاں ہن۔ یہار میونسپل کارپوریشن دے زیر اہتمام اُردو میڈیم اسکول دے 76 ابتدائی مدارس (پرائمری اسکول) ہن۔ ایندی آبادی تقریباً 52 لاکھ ہے۔ احمد آباد شہر،  احمد آباد ضلع دا صدرِ دفتر وی ہے۔ ایں شہر وچ صوفیائے کرام دے مزارات ایں کثرت نال ہن کہ ملتان دی طرح اینکوں وی مدینۃ الاولیا دے ناں نال ڄاݨا ویندا ہے۔ ایں شہر وچ ہواواں دے نال کثرت ناـ دھوڑ اُݙدی ہے، ایہ ݙیکھ کے مغل شہنشاہ اکبر اعظم نے اینکوں گرد آباد دے ناں نال موسوم کیتا ہئی۔

ایہ ریاست گجرات دا 1970ء تک دار الحکومت وی رہا جینکوں بعد وچ گاندھی نگر منتقل کر ݙتا گیا۔ گاندھی نگر، شہر احمدآباد توں 32 کلو میٹر دے فاصلے تے واقع ہے۔ گجرات دی ریاستی اسمبلی گاندھی نگر ہی وچ ہے۔




#Article 237: احمد الصاوی المالکی (110 words)


احمد الصاوی المالکیؒ (پیدائش: 1761ء– وفات: 1825ء) فقیہ فقہ مالکی تے عالم اہل سنت ہن۔ اُنہاں دی وجہ شہرت تفسیر جلالین دا حاشیہ، حاشیۃ الصاوی علی تفسیر الجلالین ہے۔ احمد الصاوی دا ناں احمد بن محمد الصاوی المالکی الخلوتیؒ ہے۔ احمد الصاوی دی پیدائش مصر دے شہر صا الحجر وچ 1175ھ/ 1761ء وچ تھئی۔ احمد الصاوی دے حفظِ قرآن اپݨے آبائی شہر صا الحجر وچ ہی کیتا تے ابتدائی تعلیم وی حاصل کیتی۔ 1187ھ/ 1773ء وچ اوہ اعلیٰ دینی تعلیم دی خاطر جامعہ الازہر، قاہرہ منتقل تھی گئے۔ شیخ احمد الصاویؒ نے 64 سال دی عمر وچ مدینہ منورہ، حجاز وچ انتقال کیتا تے اتھائیں اُنہاں دی تدفین کیتی گئی۔ 




#Article 238: احمد الصاوی مالکی (108 words)


احمد الصاوی المالکیؒ (پیدائش: 1761ء– وفات: 1825ء) فقیہ فقہِ مالکی تے عالم اہل سنت ہن۔ اُنہاں دی وجہ شہرت تفسیر جلالین دا حاشیہ حاشیۃ الصاوی علی تفسیر الجلالین ہے۔

احمد الصاویؒ دا ناں احمد بن محمد الصاوی المالکی الخلوتی ہے۔ احمد الصاوی دی پیدائش مصر دے شہر صاالحجر وچ 1175ھ/ 1761ء وچ تھئی۔ احمد الصاوی نے حفظِ قرآن اپݨے آبائی شہر صاالحجر وچ ہی کیتا تے ابتدائی تعلیم وی حاصل کیتی۔ 1187ھ/ 1773ء وچ اوہ اعلیٰ دینی تعلیم دی خاطر جامعہ الازہر، قاہرہ منتقل تھی گئے۔

شیخ احمد الصاوی نے 64 سال دی عمر وچ مدینہ منورہ، حجاز وچ انتقال کیتا تے اتھائیں اُنہاں دی تدفین کیتی گئی۔




#Article 239: احمد المستنصر باللہ (405 words)


خلیفہ المستنصر باللہ الثانی دا براہِ راست تعلق بنو عباس نال ہے۔ اُنہاں دی کنیت ابوالقاسم، ناں احمد بن الظاہر ہے۔ المستنصر باللہ دے والد خلیفۃ الظاہر ہن جیہڑے 1225ء تا 1226ء تک خلیفہ رہے۔ امام جلال الدین السیوطی نے تاریخ الخلفاء وچ خلیفہ دا نسب ایویں لکھا ہے : احمد ابوالقاسم ابن الظاہر بامر اللہ ابی نصر محمد بن الناصر لدین اللہ احمد۔ المستنصر باللہ الثانی قاہرہ مصر وچ عباسیاں دے اٹھتیویں خلیفہ ہن۔ اوہ سال 659 ہجری وچ قاہرہ آئے جتھاں سلطان مصر الملک الظاہر رکن الدین بیبرس البندقداری نے اُنہاں دا اِستقبال کریندے ہوئے دوبارہ عہدہ خلافت تے متمکن کریندے ہوئے اُنہاں دی عوامی و سرکاری بیعت گھدی۔ المستنصر باللہ الثانی دا ہک بھائی اُنہاں توں قبل وی خلافت عباسیہ بغداد وچ خلیفہ تھیا ہئی،  اوہ مستنصر باللہ ہئی جیہڑا بغداد وچ 1226ء توں 1242ء تک خلیفہ دے عہدے تے فائز ہئی۔

خلیفہ المستنصر باللہ الثانی قاہرہ وچ دنیائے اسلام دے خلیفہ دی حیثیت نال 13 رجب المرجب 659ھ مطابق 13 جون 1261ء کوں خلیفہ مقرر تھئے۔ 

بروز پیر 13 رجب المرجب 659 ہجری مطابق 13 جون 1261ء کوں سلطان مصر، الظاہر رکن الدین بیبرس البندقدرای تے خلیفہ مذکور، قلعہ جبل دے اِیوان وچ نشست لا کے بیٹھے۔ وزراء تے قاضی اپݨے اپݨے طبقات دے مطابق ٻیہہ گئے۔ 
بیعت کیتے خلیفہ دے نسب کوں حاکم تاج الدین بن الاعز نے ثابت کیتا کہ ایہ خلیفہ خلیفہ مستنصر باللہ العباسی دا بھائی ہے جس بغداد وچ مستنصریہ دی بنیاد رکھی ہئی تے خلیفہ المستعصم باللہ العباسی دا چاچا ہے جنہاں کوں منگولاں نے صفر 656 ہجری وچ شہید کر ݙتا ہئی۔ 

خلیفہ المستنصر باللہ الثانی دی بیعتِ خلافت تمام ملکِ مصر وچ تھئی۔ سلطان مصر الملک الظاہر، قاضی تے اُمراء نے بیعت کیتی۔ بعد ازاں خلیفہ مجلسِ خلافت دے ہمراہ دیارِ مصر چلے تے اُمراء اُنہاں دے ہمراہ اگوں تے لوگ اِردگرد موجود ہن۔ 

ماہِ ذوالحجہ 659 ہجری مطابق نومبر 1261ء کوں خلیفہ المستنصر باللہ الثانی شام توں عراق روانہ تھئے تے موصل، سنجار تے الجزیرہ دے حکمراناں دی مدد نال تکریت تے حدیثہ دے مقام تے قبضہ کر گھدا، اِیندے بعد اوہ بغداد روانہ تھئے۔ بغداد روانگی وچ ہی تاتاریاں نال مقابلہ تھیا۔ مصری فوج کوں شکست تھئی تے خلیفہ خود قتل تھی گئے۔ ابن کثیر دے بیان دے مطابق بروز پیر 3 محرم الحرام 660 ہجری مطابق 28 نومبر 1261ء کوں بغداد وچ بنو عباس دے اٹھتیویں خلیفہ وی شہید تھی گئے جیہڑا سقوطِ بغداد دے بعد ہک وݙا سانحہ ہئی۔




#Article 240: احمد بخت (217 words)


احمد اول (عثمانی ترکی زبان: احمد اول Aḥmed-i evvel; ترکی: I. Ahmed) (پیدائش 18 اپریل 1590ء – وفات 22 نومبر 1617ء) سلطنت عثمانیہ دے چوݙویں سلطان تے خلیفہ ہن جیہڑے 1603ء توں اپݨی وفات تک سلطنت عثمانیہ دے حکمران رہے۔ آپ محمد ثالث دے سب توں وݙے بیٹے ہن۔

اپݨی حکومت دے ابتدائی دور وچ سلطان احمد اول نے زور قوت دا مظاہرہ کیتا لیکن بعد ازاں ایندے عمل توں ایندی قوت عملی دا ثبوت نہ مل سکا۔ ایندے دور حکومت وچ ہنگری تے ایران وچ لڑی ونجݨ والی تمام جنگاں دے نتائج سلطنت دے حق وچ نہ نکلے تے 1606ء وچ معاہدۂ ستواتورک دے نتیجے وچ سلطنت دی ساکھ کوں شدید نقصان پہنچا جیندے نتیجے وچ آسٹریا دی جانب توں ݙتا ونجݨ والا خراج ختم کر ݙتا گیا تے گرجستان تے آذربائیجان ایران دے حوالے کر ݙتے گئے۔

اج احمد اول کوں استنبول وچ واقع سلطان احمد مسجد دے باعث یاد کیتا ویندا ہے جیہڑی نیلی مسجد وی سݙیندی ہے۔ ایہ مسجد اسلامی و عثمانی طرز تعمیر دا ہک عظیم شاہکار ہے تے جب تک اسلامی فن تعمیر دا ایہ حسین نمونہ قائم رہسی، احمد اول دا ناں زندہ رہسی.  ایں مسجد دے گرد واقع علاقہ سلطان احمد دے ناں نال موسوم ہے۔ ہیں معروف مسجد دے دامن وچ ایں سلطان دی آخری آرامگاہ واقع ہے۔




#Article 241: احمد بشیر (113 words)


معروف دانشور، مصنف تے نقاد۔ ممتاز مفتی تے اشفاق احمد دے دوست رہے۔ کئی کتب تصنیف کیتیاں۔ جنہاں وچ خاکے تے ناول وغیرہ شامل ہن۔ انہاں دی مشہور تصانیف وچ خاکیاں تے مبنی کتاب ’جو ملے تھے راستے میں‘ تے ’ دل بھٹکے گا‘ شامل ہن۔ ناول ’ منزل منزل دل بھٹکے گا‘ تے انگریزی ناول ’ رقص کرتے بھیڑیے ‘(ڈانسنگ وولف)شامل ہن۔ خود انہاں نے ہک فلم نیلا پربت بݨائی ہئی جیہڑی کامیاب نہ تھی سڳی ہئی۔ انہاں دی ݙو دھیاں سنبل تے نیلم بشیر مصنفہ ہن جبکہ انہاں دی ہک بیٹی بشریٰ انصاری ٹی وی دی معروف فنکارہ ہن۔ کینسر دے عارضے دی وجہ نال لہور وچ انہاں دا انتقال تھیا۔




#Article 242: احمد بن ابراہیم بن خالد الموصلیؒ (319 words)


آپؒ احادیث دے راوی ہن۔ آپؒ دی پیدائش دے بارے وچ کوئی معلومات نی ۔ آپؒ موصلی ہن، ول بغداد وچ رہائش پزیر تھئے۔ آپؒ دی وفات 236 ھجری وچ بغداد وچ تھئی۔ آپؒ توں کجھ زیادہ احادیث روایت نی۔ ابو داودؒ نے آپؒ توں اپݨی سنن وچ ہک حدیث روایت کیتی ہے جبکہ ابن ماجہؒ نے اپݨی کتاب التفسیر وچ وی آپؒ توں روایت کیتی ہے۔

ابراہیم بن سعد بن ابراہیم، ابراہیم بن سلیمان ابو اسماعیل مؤدب، اسماعیل بن ابراہیم بن مقسم(ابن علیہ)، جعفر بن سلیمان ضبعی، حبیب بن حبیب کوفی، حکم بن سنان باہلی، حکم بن ظہیر فزاری، حماد بن زید، خلف بن خلیفہ، سعید بن عبد الرحمان، سلام بن سلیم حنفی(ابو احوص)، سلام بن سلیمان قاری، سیف بن ہارون برجمی، شریک بن عبد اللہ نخعی، صالح بن عمر واسطی، صبی بن اشعث بن سالم سلولی، عبشر بن قاسم، عبد اللہ بن جعفر بن نجیح، عبد اللہ بن مبارک، عمر بن عبید طنافسی، فرج بن فضالہ، محمد بن ثابت عبد ی، معاویہ بن عبد الکریم، ناصح بن علا، نوح بن قیس، وضاح بن عبد اللہ(ابو عوانہ)، یزید بن زریع، یوسف بن عطیہ صفار

ابو داؤد(حدیثِ واحد)، ابراہیم بن عبد اللہ بن جنید، احمد بن حسن بن عبد الجبار، احمد بن علی بن مثنیٰ(ابو یعلیٰ موصلی)، احمد بن محمد بن خالد، احمد بن محمد بن عبد العزیز، احمد بن محمد بن مستلم، جعفر بن محمد بن قتیبہ، حسن بن علی بن شبیب، حماد بن مؤمل، عبد اللہ بن احمد بن حنبل، عبد اللہ بن محمد بن عبد العزیز (ابو قاسم بغوی)، عبد اللہ بن محمد بن عبید (ابن ابی دنیا)، عبید اللہ بن عبد الکریم (ابو زرعہ رازی)، عمر بن شبہ، فضل بن ہارون، محمد بن عبد اللہ بن سلیمان(مطین)، محمد بن عبد وس بن کامل سراج، محمد بن غالب بن حرب، محمد بن واصل مقری، موسیٰ بن اسحاق بن موسیٰ انصاری، موسیٰ بن ہارون بن عبد اللہ۔ ان سے کتابت کی: احمد بن حنبل، یحییٰ بن معین




#Article 243: احمد بن شعیب النسائی (191 words)


امام نسائی (پیدائش: 829ء— وفات: 28 اگست 915ء) صحاح ستہ وچ موجود سنن نسائی دے مؤلف تے محدث ہن۔

امام نسائی آپ دا ناں  احمد  تے کنیت ابو عبد الرحمان تے والد دا ناں شعیب ہے۔ پورا نسب ایویں ہے: احمد ابن شعیب ابن علی ابن بحر ابن سنان ابن دینار النسائی۔ ابو عبد الرحمن کنیت ہے، لقب حافظ الحدیث ہے۔ ناں: احمد بن شعیب بن یحییٰ بن سنان بن دینار نسائی خراسانی ہے۔ شہر مرو دے قریب ”نساء“ ترکمانستانمیں 214ھ وچ ولادت تھئی، اسی دی طرف منسوب تھی کے ”نسائی“ تے کݙہیں ”نسوی“ سݙیندے ہن۔

اپݨے دیار دے شیوخ توں اخذِ علم دے بعد، 23ھ وچ قتیبہ بن سعید دی خدمت وچ حاضر تھئے تے انہاں توں ݙو سال استفادہ کیتا، اس دے علاوہ خراسان، عراق، حجاز، جزیرہ، شام تے مصر وغیرہ مختلف مقامات دا سفر کیتا، اس دے بعد مصر وچ سکونت اختیار کر گھدی تے افادہ و تصنیف وچ مشغول ریہے۔ ذی قعدہ 302ھ وچ مصر توں دمشق آگئے۔

امام نسائی نے مجاہد و ریاضت تے زہد و ورع دے نال نال جہاد اینجھی مصرفیات دے باوجود متعدد کتب تصنیف کیتیاں، جنہاں دا اجمالی ذکر ایویں ہے :




#Article 244: احمد بن طولون (134 words)


پہلے عباسی خلافت ولوں والئی مصر تے بعد وچ خودمختار حکمران مصر ہئی.  ایندا پیو طولون ہک ترک غلام ہئی جینکوں خلیفہ مامون الرشید نے عباسی فوج وچ شامل کر گھدا ہئی۔ احمد، سامرا دی فوجی چھاوݨی وچ پیدا تھیا۔ فوجی تربیت پاوݨ تے علم دی تکمیل دے بعد ویہہ سال دی عمر وچ مصر دے والی امیر بایکباک دی فوج وچ شامل تھیا۔ 868ء وچ عباسی خیلفہ مہدی دے عہد وچ مصر دا والی مقرر تھیا تے 871ء وچ مصر دا خود مختار فرمانروا بݨ گیا۔ 877ء وچ ایں نے طرسوس پہنچ کے رومیاں کوں شکست ݙتی تے شام تے وی قبضہ کر گھدا۔ برقہ توں فرات تک ایندی مملکت وسیع تھی چکی ہئی۔ 904ء تک ایندا خاندان برسر اقتدار رہا۔ بڑا بہادر، منصف مزاج، مردم شناس، علم دوست تے فیاض حکمران ہئی۔




#Article 245: احمد بن عجیبہؒ (100 words)


احمد بن عجیبہؒ اٹھارہویں صدی عیسوی وچ مراکش وچ درقاویہ صوفی سنی سلسلۂ طریقت دے درویش ہن۔ احمد بن محمد بن المہدی ابن عجيبہ، الحسنی الانجری 1160ھ، 1747ء وچ انجرا قبیلہ دی شاخ شریف دے ہک خاندان وچ پیدا تھئے جیہڑا مراکش دے بحیرہ روم دے ساحلی علاقے دے ساتھ طنجہ توں تطوان تک آباد ہے۔ آپؒ نے 1224ھ (1809ء) وچ طاعون توں وفات پاتی تے انجرہ وچ دفن ہن. 

آپؒ چالہی کتب دے مصنف ہن تے 19ویں صدی دے آغاز وچ تطوان دے علمی مرکز بݨݨ توں متعلق دلچسپ معلومات فراہم کرݨ والی ہک سوانح دے وی مصنف ہن۔ 




#Article 246: احمد بن ماجد (165 words)


عرب جہاز راں بحری ناخدا ”شہاب الدین احمد ابن ماجد“ جیہڑا پندرھویں صدی عیسوی دا ہک عرب جہاز راں ہئی تے اُوں نے علم بحریات تے ہک ایسی کتاب تصنیف کیتی ہئی جس وچ بحر ہند، بحر قلزم، خلیج فارس، بحیرہ چین دے مغربی حصے تے مجمع الجزائر وچ جہاز رانی دی ہدایات درج ہن۔ نیز عرب جہاز راں جیں نے واسکوڈے گاما کوں ہندوستان دا راستہ ݙسݨ وچ اوں دی مدد کیتی۔ اہل یورپ ایندے بحری معلومات دے معترف ہن تے اینکوں عرباں دا جان ہملٹن آہدے ہن ۔

ایندی کتاب کتاب الفوائد مشہور ہے۔ ابن ماجد کوں مورخین نے اٹھتی کتاباں دا مصنف ݙسیا ہے جنہاں وچوں اکثر فلکیات، بحریات تے جہاز رانی دے موضوعات دا احاطہ کریندیاں ہن۔ فرانسیسی مستشرق فیراں لکھدا ہے کہ جہاز رانی تے بحری علوم تے جدید انداز وچ لکھݨ والا پہلا مصنف ابن ماجد ہے۔ اگر عرض بلد دی ناگزیر غلطیاں کوں نظرانداز کیتا ونجے تاں اج وی بادبانی جہاز رانی کیتے اُوندی کتب بے مثال ہن۔




#Article 247: احمد بن محمد ثعلبیؒ (109 words)


ابو اسحاق احمد بن محمد بن ابراہیم الثعلبیؒ یارہویں صدی عیسوی دے مسلمان عالم دین ہن۔
سنی علما دی جانب توں آپؒ کوں بہت بلند مرتبہ ݙتا گیا۔ طبقات الکبریٰ جلد 3 صفحہ 23 تے ثعلبی کوں درج ذیل الفاظ وچ خراج تحسین پیش کیتا گیا:

علم القرآن دے حوالے نال علامہ ثعلبیؒ اپݨے دور دے عظیم عالم تے امام اہلسنت ہن۔ ابو قاسم القیشیریؒ بیان کریندے ہن : میکوں خواب وچ اللہ تعالٰی دا دیدار تھیا، میں اوندے نال گفتگو کریندا پیا ہم، ساݙی گفتگو دے دوران، اللہ تعالٰی نے فرمایا 'ہک نیک شخص آندا پیا ہے، میں ݙٹھا کہ احمد بن ثعلبیؒ ساݙی جانب آندے پئے ہن۔




#Article 248: احمد تمول (109 words)


احمد تمول (3 نومبر 1941ء - 27 اکتوبر 1971ء) ہک بھارتی نژاد جنوب افریقی نسل کشی مخالف کارکن تے افریقن نیشنل کانگریس دے رکن ہن۔

احمد تمول ہک سیاسی کارکن ہن جنہاں نے کھلے عام جنوبی افریقی حکومت دی نسل کشی پالسی دی مخالفت کیتی۔ ایں وجہ توں انہاں کوں ٹررنسوال انڈین کانگریس وچ شامل کیتا گیا.  بعد وچ انہاں کوں افریقن نیشنل کانگریس تے کمیونسٹ پارٹی وچ وی شامل کیتا گیا. 

تمول دی سوانح عمری دے مطابق اکتوبر 1971ء دے دوران اپارتھائیڈ پولیس نے بڑی بے رحمی نال انہاں دا قتل کروایا ہئی، لیکن پولیس دستاویز دے مطابق انہاں نے جان فاسٹر پولیس اسٹیشن وچ خودکشی کیتی ہئی۔




#Article 249: احمد تکودار (115 words)


ایل خانی حکمراناں دا تریجھا حکمران جیہڑا ہلاکو خان دا پتر ہئی، اپݨے وݙے بھرا اباقا خان دے بعد تخت نشین تھیا۔
بادشاہی حاصل کریندے ہی تکودار نے اسلام قبول کر گھدا تے اپݨا ناں احمد رکھا۔

اباقا خان دے پتر ارغون نے ایندے قبول اسلام تے تاتاری امرا کوں برانگیختہ کیتا مگر احمد تکودار نے ایہ شورش دبا ݙتی تے ارغون کوں قید وچ سٹ ݙتا۔ کجھ مدت بعد تاتاری امرا نے ول بغاوت کر ݙتی تے ارغون کوں قید توں کڈھ کے بادشاہ بݨا ݙتا۔

احمد تکودار کوں فرار دے سوا کوئی رستہ نطر نہ آیا مگر گرفتار تھیا تے اے ݙو سال ترئے مہینے دی حکومت دے بعد شہید کر ݙتا گیا۔




#Article 250: احمد خان طارق (1532 words)


احمد خان طارق 1924ء وچ تونسہ شریف دے علاقہ شاہ صدر دین وچ پیدا تھئے۔ انہاں دے والد دا ناں بخش خان ہے۔ پیدائشی ناں احمد بخش تے تخلص طارق ہے۔ تعلیم پرائمری ،پیشہ زمیندارہ تے ذات کھوسہ ہے۔ احمد خان طارق 10 فروری 2017 کوں 93 سال دی عمر وچ انتقال کیتا.

میڈا مالک سچ دیاں سوچاں ڈے، ہر سوچ دِھیان دے کم آوے
ہر بندے کوں انسان بنڑا ، انسان انسان دے کم آوے
ارمان ارمان ارمان ہوون ، ارمان ارمان دے کم آوے
ڈے طارق جان جہان اُوہا ، جیرھی جان جہان دے کم آوے

فائدہ گولیندیں ، کیا فائدہ تھیندئی ؟

مریں یا جیویں ، لوظ _ان برابر

مر گئ سڈیندیں ، کیا فائدہ تھیندئی ؟

اے بئ سبھاں سئیں ، _کتلے _گھدی وے

ہر ڈینہہ ٹلیندیں ، کیا فائدہ تھیندئی ؟

ویلھے ونجیندیں ، کیا فائدہ تھیندئی ؟

سرائیکی زبان دا ٻہوں وݙا شاعر ہے
سرائیکی وسیب وچ کلچرݙہے۔ اتھوں دے ادب وچ ورتیے استعار تے تشبیہات ایندے آپنے ہن۔ پھوڳ ،لئی ،لاݨیں ،جال کرینہیہ،ݙیلھے،پیلھوں تے کانہہ وغیرہ نویکلیاں وسیبی سوکھڑیاں ہن۔جیندے اتے سرائیکی ادب تے ثقافت کوں پھوت چھکدی کھڑی ہے۔اج ا ساݙا سرائیکی وسیب تے انقلابی تے” صوفی ادب ”دا مرقع ہے۔ایویں ای سرائیکی ادب بھرواں نواں نکور رنگ وی رکھدے۔جتھاں سرائیکی ادب وچ پابند نظمیں دا اصول نشابر کھڑے اتھاہیں نویاں اصناف سخن وی سونہیا ں تھین۔ ”ہائیکو” ۔” سرائیکو” دے سوہنے روپ وچ ۔میݙے نزدیک۔  اساݙے سامنے ہے۔جاپانی صنف ”سانیٹ ”دا سوݨپ اپنی مثال آپ ہے۔۔فرید ساجد لغاری ،ݙاݙھی معتبر ”سانیٹ” لکھی ہے۔راقم الحروف وی ”سانیٹ”وچ طبع آزمائی کیتی۔ساریاں حقیقتاں اپنی جاہ تے ۔۔۔۔۔جیرھا سچ سرائیکی ݙوہڑے وچ بیان تھیندے او ݙوجھیں اصناف شاعری دے وچ جاہ کرے۔۔۔۔ممکن ای کائنی۔۔۔۔کافی وچ بیان تھیا تصوف سرائیکی وسیب ،سرائیکی ادب تے سرائیکی ثقافت کوں عروج بخشیا تے ایں پاروں اج سرائیکی زبان تے وسیب دنیا وچ پہلا خطہ ہے جتھاں امن دی علامت ”صوفی ازم”جیندا جاگدا کھڑے۔۔۔۔۔۔ساریاں ڳالھیں سچیاں ۔۔۔۔۔۔ پر ݙوہڑہ سرائیکی شاعری دی سدا بہار”صوفی صنف” ہے ۔ݙوہڑے وچ تصوف ،معرفت ،منطقی دلائل،انقلاب ،بغاوت،پیار،محبت ،وصل تے وچھوڑے دے موضوعات ملدن تے اصلاحی موضوعات وی ݙسکس تھیندن ۔احمد خاں طارق سرائیکی زبان وچ تخیل دا  عضیم شاعر ۔۔۔۔۔عظیم مفکر ۔۔۔تے عظیم فلسفی ہے۔جیں بیٹ دی پسماندگی ،ارباب اقتدار دے بیٹ نال تھئے ظلم تے مترائی ما ء آلا سلوک نعرہ مار تے چیلنج کیتا۔احمد خاں طارق اپنے بیانیے”بیٹ” کوں ݙوہڑے دے ذریعے عالمی سطح تے سنجان ݙتی۔میں خود کوں ایں فیصلے تے حق بجانب سمجھداں جو”بیٹ”احمد خاں طارق تے مان کریسی کیوں جو طارق دی فکر ”بیٹ ”کوں امر کر چھوڑئیے۔احمد خاں طارق دے کلام وچ ”بیٹ دا رنگ نظردے۔بھاݨیں ۔سالھیں ۔مٹیاں ۔مہیں۔جھوک ۔سنݙھے ۔کٹیاں۔گھنݙیاں تے منجھیاں ”طارق ” دی فکر (وژن)کوں سنگھار ݙیندے۔۔۔۔۔۔۔!اج سئیں احمد خا ں طارق ۔میݙے وسیب دی سونہہ۔اساݙے درمیان کائنی پر طارق دی فکر (فلسفہ) طارق دی شاعری دا رنگ اپنے نویکلے روپ نال سنگریا پنگریا کھڑے ۔سرائیکی وسیب دا لاݙلا احمد خاں طارق تاریخ وچ الویندے کھڑے۔طارق دا سچ وسیب دا سانجھا سچ اے۔ایں سچ کوں اڳوتیں ٹورن سرائیکی شاعری دے ہر” پندھیڑو”دا اہر ہے ۔۔۔۔۔بھاݨیں بھان اتے سنج سالھیں مٹیاں تھین ا پٹیھیاں منظر ݙیکھ تباہی دے ،میہیں جھوک تو بھنیاں ترٹھیاں سنݙھے سنݙھ مکاݨاں ݙیون کٹیاں تھی کل کٹھیاں طارق تانگھ تگھیندی کوں گیاں ساڑ برھوں دیاں بٹھیاں
سنگ سجڑیں جھوک آباد جو ہئی گھر مٹیاں دے گھبکار ہنچار چوفیروں منجھیاں دے ڳل گھنݙیاں دے گھݨکار ہن بھاڳ سہاڳ دی حد نہ ہئی تے ݙند ݙند تو مسکار ہن طارق ویلھے خوشیاں دے پر ݙینہہ سارے ݙو چار ہناحمد خاں طارق جتھاں خوابیں دی شادی دے اولے اپنی مراد پاون دا اہر کریندے اتھاہیں ایں دوران سوہݨیں میراثیں کوں داد وی ݙیندے ۔تاں جو وسیب دی ایہا راند رسی رہے:میݙے خوابیں دی شادی ہئی نظارا ہا نوھیں آیا وݙے سوہݨیں میراثی ہن تماشا ہا نوھیں آیامطلوب دے وچھوڑے دا ݙکھ طارق دی زبانی سݨو !تسڑی کوں تس تایا جݙاں ساون کوں پارت ݙے ݙتی رو رو کے کجلا پا گھدا اکھیاں کوں محنت ݙے ݙتی احمد خاں طارق دا عنوان۔ اساݙا عنوان اے ۔ایں عنوان اساکوں حیاتی گزارن دا ݙا سکھایا ۔تے ایہ عنوان ”تحریک”تے ”تحرک” دا ناں ہے۔ طارق دی فکر ۔طارق دا خیال تے طارق دا سنیہا ”وسیب دا سانجھا بیانیہ ہے”

(۱)
اے پاڳل دل! بے ہوش نہ تھی، ذرا آپ کوں جھل ، کل آ ویسی

کل سجھ دا وعدہ کر ڳئے چن ، من کہیں دی ڳل ، کل آ ویسی

شالا خیر ہووِس ، تھیسی خیر دا ݙینہہ ،بہسوں رست مل ، کل آ ویسی

اجاں اج تاں طارق ویندا پئے کل لہسی کل ، کل آ ویسی

(۲)
تیݙی چھاں تے پلدے پئے ہاسے کر پاسہ ڳئیں چن دُھپ کیتی

بس لکدا چھپدا دیکھ تیکوں میݙا سیت وہ ڳئے لک چھپ کیتی

چن چاندڑیاں چٹیاں ݙد ھ راتیں ڳئیں قہر دیاں کالیاں گھپ کیتی

ادھ بزم دے طارق بہن والے اج بیٹھوں چنڈ ءِ چ چپ کیتی

(۳)
میکوں قول نہ ݙے نہ وعدہ کر ،ایہ پلنانئیں ،میں ڳل ونجڑیں

تئیں باجھوں راول روہی وچ روح رلنا نئیں، میں ڳل ونجڑیں 

سن ڳھنسیں موئی دا، پر تیݙا ہاں ہلنا نئیں ، میں ڳل ونجڑیں 

بس طارق ونجن نی ݙیندی میں تئیں ولنا نئیں ، میں ڳل ونجڑیں

(٤)
نہ ساہ مکدے نہ سِک مکدی پئے موتی رُلدن خاک اُتے

میکوں اپنے حال ملال نہیں جگ کھلدے حال ہلاک اُتے

کیں حال دعادے ہتھ چاواں کیویں مرہم لاواں چاک اتے

ہتھ دوہیں طارق رُجھ ڳئے ہن،ہک طاق اتے بیا ڈھاک اتے

(۵)
گھن گھن کشکول ہے ڳل توڑیں تیݙے ناں دی خان خریت ملی

ملیے خیر دے چھالے پیریں کوں اُتے ہاں کوں ہجر دی چھیت ملی

تیکوں ڈھول غلاب دے باغ ڈھیہے میکوں لئی لانے دی کھیت ملی

بس طارق ݙو بھائیوال ہاسے،تیکوں کیچ ملیا، میکوں ریت ملی

آۓ ہاوے کول فقیریں  دے،گھر تھگڑے چھنڈک   وچھاۓ ہم، حال سݨاۓ ہم ..

کھول کے پٹیاں انگلیاں توں ، کپ ݙاتریاں دے ڈکھلاۓ ہم . حال سُݨائے ہم۔۔

تیݙے مٗنہہ دو تک تک بوچھنڑ دے ، رو  پاڑے پاند پساۓ ہم .حال سݨاۓ ہم ..

میݙا مٗنہہ ہا طارق جھولی و چ ، بھوئیں لیکے مار مٹاۓ ہم، حال سݨاۓ ہم ..!

سٸییں احمد حان طارق

روندئیں نہ کر شام ڑی پاڳل

تھی ویسوں بدنام ڑی پاڳل

قسمت دے وچ وٹ وی ہوندن

سینے دے وچ پھٹ وی ہوندن

ہر کوئی روندے چپ کر روندے

تیݙے_ھن کہرام ڑی پاڳل

تھی ویسوں بدنام ڑی پاڳل

شالا جیوے جگ پردیسی

مر ڳیوں کون دعائیں ݙیسی

کہیں دے کارنڑ_جیندی رہ ونج

بھلی کریسی رام ڑی پاڳل

تھی ویسوں بدنام ڑی پاڳل

پاڳل کوں کیا ݙکھ تے غم دی

شان شرم تے بھیم بھرم دی

پاڳل تاں بس پاڳل ہوندن

پاڳل دے کیا دام ڑی پاڳل

تھی ویسوں بدنام ڑی پاڳل

کیا تھیا جیکر رولے آ ڳۓ

ڳھولیۓ جھکھڑ جھولے آ ڳۓ

نہ ݙکھ درد آزار ہمیشہ

نہ سکھ چین مدام ڑی پاڳل

تھی ویسوں بدنام ڑی پاڳل

بھاگ بھریے ہوۓ مانگیں ہوندن

ہار سمجھ کے ڳل وچ پا نہ

مونجھ مکانڑ متام ڑی پاڳل

تھی ویسوں بدنام ڑی پاڳل

میں ݙکھڑے سنڑاواں میݙا ھاں نہیں تھیندا

میں روواں رووانواں میݙا ھاں نہیں تھیندا

ایں چپ چاپ_ݙسدے خیالیں دے ولدے

مگر کیوں ݙسانواں میݙا ھاں نہیں تھیندا

اوندا ھاں ہلانواں میݙا ھاں نہیں تھیندا

میں روواں رووانواں میݙا ھاں نہیں تھیندا

نہ چھلا کوئی مندری نہ تحفے ادانواں

کئ مہندی نہ ونگاں نہ رنگین بانہواں

فقط ھک نشانی ھے ڳل دا ڳلانواں

میں روواں رووانواں میݙا ھاں نہیں تھیندا

کئ آنونڑ اتے کئ نہ آنونڑ دا آھدے

کئ ایں پوہ دا آھدے کئ سانونڑ دا آھدے

اے ملاں وی پھل ݙے جلاونڑ دا آھدے

اوندا ناں جلاواں میݙا ھاں نہیں تھیندا

میں روواں رووانواں میݙا ھاں نہیں تھیندا

میں طارق ݙسانواں تے مکدی مکاواں

اے کھس مس دعانواں رہس وائم نانواں

او دل دی پتھاری تے سر دا پچھانواں

پچھانواں ݙسانواں میݙا ھاں نہیں تھیندا

میں روواں رووانواں میݙا ھاں نہیں تھیندا

سئیں احمد خان طارق

اڄ قاصد گُونگا بݨ تے ونڄ مونہوں نہ الوائیں ،میݙی مونجھ ݙسائیں

تیکوں پہلے رُو ݙکھلانواں میں این٘ویں رو ݙکھلائیں، میݙی مونجھ ݙسائیں 

ٻس آں آں کر کے وِپھل ونڄیں ݙیویں ڈھیر دعائیں، میݙی مونجھ ݙسائیں 

دل آہدے ،طارق، ڄاݨ ویسی توں نہ ڄݨوائیں، میݙی مونجھ ݙسائیں 

تہاکوں   یار   کئیں   ہٹکیے

کرو    تکرار   کئیں    ہٹکیے

ھے  رن٘جگی  نال  رولا  ھے

اے  جیکر   بار    تھولا   ھے

ٻیا    ݙیو    بار    کئیں   ہٹکیے

کرو    تکرار    کئیں     ہٹکیے

جے  اولا  کر  مریندو    تاں

حقی  حق  پار  ویندو   تاں

وسو  ون٘ج  پار  کئیں  ہٹکیے

کرو   تکرار   کئیں    ہٹکیے

دعا   نہ    کئ     دوا    بھیجو

بھانویں منگ توں منگا بھیجو

ݙتے   ہوۓ   بار   کئیں     ہٹکیے

کرو      تکرار     کئیں     ہٹکیے

اساں  ہر  حال   وچ  راضی

اساں  مجرم  تساں  قاضی

کرو   نروار    کئیں    ہٹکیے

کرو   تکرار     کئیں   ہٹکیے

میں طارق_پیت توں صدقے

ایندی   ہر  _ریت  توں  صدقے

کرو   جو   کار ،  کئیں   ہٹکیے

کرو     تکرار      کئیں    ہٹکیے

تارے تروڑ کے چرخہ کتݨے

کھیر ولوڑ کے چرخہ کتݨے

مالک جگ دا منتاں لیسی

آتݨ دے وچ لاج رکھیسی

سوہݨا جوڑ کے چرخہ کتݨے

کھیر ولوڑ کے چرخہ کتݨے

راند کنوں بے راند نہ تھیون

ٻدھیا ٻدھیا باند نہ تھیون

گابے چھوڑ کے چرخہ کتݨے

کھیر ولوڑ کے چرخہ کتݨے

کئی کئی رمزاں کئی کئی اولے

سرخیاں سیندھاں تلک تلولے

کئی رنگ جوڑ کے چرخہ کتݨے

کھیر ولوڑ کے چرخہ کتݨے

طارق سارے جوڑ جڑیندے

اپݨے کم کوں کون چھڑیندے

چرخہ چھوڑ کے چرخہ کتݨے

کھر ولوڑ کے چرخہ کتݨے




#Article 251: احمد خان طارق دا پرسہ (1069 words)


(مرتب: ندیم نواز)

سرائیکی ادب دا مانْ سئیں احمد خان طارقؔ ۳۱ اگست ۱۹۲۴ء کوں شاہ صدر دین (ڈیرہ غازی خان) دے نیڑے کھوہ ماچھی والا وستی دلیل سئیں اللہ بخش کھوسہ دے گھر جٖمئے۔ ۱۹۴۰ء دے ڈٖہاکے وچ سئیں نور محمد سائل ہوریں دی شاگردی حاصل کیتونے۔ ساری حیاتی سرائیکی زبان وادب دی خدمت اچ گزاری۔ سرائیکی زبان دی محبوب صنف ڈوہڑہ سئیں احمد خان طارق دی خاص سُنجٖانْ ھے۔ سرائیکی ڈٖوہڑے کوں دھرتی دے رنگ اچ رنگ کراہیں پیش کرنْ اچ پہلا حوالہ طارقؔ سئیں نظر آندن۔ طارق سئیں دی حیاتی دا قلمی پورہیا اُنھاں دیاں ایہ کتاباں ہِن’’گھروں دَر تانْیں،،احمد خان طارق دے ڈٖوہڑے،،متاں مال وَلے،، میکوں سی لگٖدے،،بٖیٹ دی خوشبو،، ہتھ جوڑی جُٖل،، عمراں دا پورہیا ،، تے سسی پنوں‘‘۔ عجز و انکساری وچ حیاتی گزارنْ والا ایہ فقیر سئیں احمد خان طارق ۱۰ فروری ۲۰۱۷ء کوں سارے وسیب کوں مونجھا کر جھوکاں لڈٖا گٖئے۔ اُنھاں دیاں کتاباں وچ موجود چند وسیبی دانشور ریں اتے شاعریں دے مضامین اچوں کُجھ اقتباس تے شاعری ’’سویل سائیکی‘‘ دے قارئین دی خدمت اچ پیش ھے

طارقؔ سئیں نال اونویں وی اپنْی نیاز مندی دا قدیمی رشتہ اے۔ گاٖلہیں گاٖلہیں وچ میں طارقؔ سئیں کولہوں پُچھیا جو تہاڈٖی شاعری دے بارے عمومی رائے ایہ ھے جو طارقؔ سئیں صرف بٖیٹ دی شاعری کیتی اے۔ اوں دائرے توں بٖاہر نی آ سگٖیے۔ میں ایہ گاٖلھ کریندیں ہوئیں کہیں نہ کہیں حد تئیں اپنْی شعوری گرفت اچ ہم پر طارق سئیں ہک دم ایجھی مسحور کیفیت اچ آ گٖئین تے میں ہک حیرت نال اُنھاں دیں اکھیں تے دید کیتی تے وَل میں گُم تھی گٖیاں۔ اِتھاں گھنڈیاں ، ٹلیاں، چنڑکے، گھنگھرو، جھوکاں، بھانْے، پاہیں، مال، چھیڑو، کانے، کاہیں ، لئی لانْے، بٖیڑیاں، مُہانْے، پاراُروار دیاں ہیلاں، تانگھاں، وینْ، پتہ نی کیجھے کیجھے جہان وَسدے پئے ہن ۔ میں جڈٖاں وَل وَلیاں تے میڈٖی شعوری رَو کوں کُجھ کُجھ یاد آندے جو ایں عرصے وچ طارق سئیں اپنْے اندر دے وَسدے ہوئے بٖیٹ نال اپنْے ذاتی ، فکری ، روحانی تے وجدانی رشتیں دی رنگ برنگی پینگھ رسائی بٖیٹھے ہَن۔ موجودہ لمحے وچ وی میں او لمحہ یاد کرینداں تاں وَل وَل گُم تھی وینداں۔ اُنھاں دی بارگاہ وچ اپنْے عجز دا اظہار کریندیں ہوئیں رُل وینداں تے وَل میں سوچینداں جو بٖیٹ اپنْے اندر بے پناہ بے اَنت رنگ رکھدے۔ سندھڑے سرکار دی منْ تے وَسدیاں کئی ہزار تہذیباں ریت دے ٹیلیں وچ ٹھیڑ تھیاں پئین۔ کیا پتہ آونْ والا وقت کیا کیا دروہ کرے پر طارق سئیں دے اندر وَسدا ہویا بٖیٹ وادئ سندھ دی ہر تہذیب کوں مکانْ وی ڈٖیندا رہ ویسی تے اپنْی سُنجٖانْ وی ڈٖیندا رہ ویسی۔

سئیں احمدخان طارقؔ ساڈٖی دھرتی دا او شاعر ھے جئیں ایں دھرتی دی ہک ہک شئے کوں قریب کولہوں ڈٖٹھے ، محسوس کیتے تے ول اوندا اظہار کیتے۔ سئیں احمد خان طارق بلا مبالغہ ساڈٖی دھرتی دا موجودہ دَور دا ہک صوفی شاعر ھے۔ جئیں عشق مجازی دے رنگ روپ وچ عشق حقیقی دے درشن کرائن۔

طارقؔ سئیں دی شاعری تاں او ھے جیرھی سطریں تے اکھریں وچ لکھی نظردی اے۔ جیکوں ہر کوئی پڑھ سگٖدے پر طارق سئیں دی شاعری دی بٖئی قسم او وی ھے جیرھی سطریں تے اکھریں دے وچاک بغیر لکھی ہوئی نظردی اے۔ ایجھی شاعری کوں پڑھنْ سانگے قاری دا باذوق ہونونْ ضروری ھے۔

سئیں احمد خان طارق دی شاعری سچ تے حُسن دا او ادراک اے جیرھا جذبیں دے بے ساختہ اظہار تے دلیل دی جھنجھٹ توں باہر آتے قبول کر گھننْ نال ممکن تھیندے۔ سرائیکی وسیب دی جھولی وچ کھیڈٖنْ والے دریانویں تے نَیں ہک ایجھا سُکھ ایں دھرتی دے مزاج وچ شامل کر ڈٖتے جو استحصال دیاں صدیاں گُزرنْ دے باوجود ایندے واسی احٖ وی دھرتی دے مزاج وانگوں ہِن ۔ ایں مزاج دے اظہار دی ہک صورت سئیں احمد خان طارق دی شاعری اے۔ سئیں طارق دا تخلیقی تجربہ صوفی دے تجربے وانگوں سادہ اے تے اے سادگی طارق سئیں دی ذات دا حُسن وی ھے تے ذات دے اظہار دا حُسن وی۔

طارقؔ سئیں دی شاعری وچ زبان تے بیان دے گُٖنْ اینویں ہِن جیویں موتی پروتے لاتھے ہوون۔ اُنھاں کتھائیں تھل دی بھوئیں کوں ترامے دا آکھیے تے کتھائیں ریت کوں رونونْی ریت دا ناں ڈٖتے۔ کتھائیں مقسوم کوں چھانْنْ دا ذکر کیتے تے کتھائیں ہنجھ حمیلاں جیہاں ترکیباں ڈٖتین۔ منیا کونجیں دے کُرلاٹ عام جہیں گاٖلھ اے پر کَو دی بُٖجھارت ، پیار دیاں مٹیاں، دھمدی رات دا متھڑا تاں بالکل نویاں سوچاں اِن۔ ایویں بنْ رول رُلیوسے تے بھنورے بنْیے بھوسوں وغیرہ وچ جیڑھا معنوی تے صوتی سُنْہپ اے او سئیں احمد خان طارق دا ای خاصا ھے۔

طارقؔ سئیں دے ڈٖوہڑے دی مقبولیت دی اہم وجہ ڈٖوہڑے دی صنف اچ وسیب دے عام مسئلیں کوں موضوع بنْاونْ اے۔ سماجی ، سیاسی تے معاشی ناہمواری دا ذکر بٖہوں سوہنْے انداز اچ کریندن۔ ایں طرح شاعری وچ نعرہ بازی دا شمہ تک وی محسوس نئیں تھیندا۔ ڈٖوہڑے کوں نویں موضوع تے نویں ادبی حوالیں نال جوڑ تے طارق سئیں نے ڈٖوہڑے کوں جدید شاعری دی اہم صنف بنْا تے ایہ ثابت کیتے جو ڈٖوہڑہ ڈھاندی بھِک دا وَنْ نئیں بلکہ جدید سرائیکی شاعری دی اہم صنف اے۔

طارق صاحب دی شاعری تے ہک پورا مقالہ (Thesis)لکھیا ونجٖ سگٖدے۔ مختصراً عرض کریساں جو میڈٖے نزدیک سیکولرازم ، کلاسیکیت ، شعریت، زبان دی مٹھاس، سادگی تے سچائی، سوز، علامت تے استعارے دا خوب صورت استعمال اتے آفاقیت طارقؔ صاحب دی شاعری دے نمایاں خدو خال ہِن۔

طارقؔ صاحب ایں طرح ہُنْ اپنْے ہمعصر شاعریں وچوں وکھرے اتے وڈٖے وڈٖے قد آور شاعریں کولوں قدآور نظر آندن۔ کیوں جو اُنھاں نے ڈٖوہڑے دی متروک تھیندی ہوئی صنف کوں نواں رنگ بخشیے جیویں کوئی شریف تے رحم دِل بندہ یتیم بٖال کوں گٖل نال لا تے خوش تھیندے۔

سئیں احمد خان طارقؔ ہک شخص دا ناں نی بلکہ ہک مکتبہ ء فکر دا ناں ھے۔ اُنہاں دی شاعری تے اُنہاں دی شخصیت دے متاثرین وچ صرف میں کلہا نی بلکہ سارا جگٖ جہان شامل اے۔ میں سمجھداں جو قوماں دی تاریخ وچ ایجھے شاعر روز روز نی بلکہ صدیاں بعد پیدا تھیندن ۔ جیکر طارقؔ سئیں دے حضور میڈٖا ایہ نذرانہ عقیدت قبول تھی پووے تاں میں سمجھساں ’’عمراں دا پورہیا‘‘ کم آ گٖئے۔

تیڈٖا شاعر وی ھے عابد وی تیڈٖی سندھڑو ڈھول نماز پڑھے ہر لہر تے گھانْ وی حمد آکھے ہر چھولی چھول نماز پڑھے ہر جھوک دے گرد طواف کرے ہر سالھ دے کول نماز پڑھے ایہو پکھی واس فقیر تیڈٖا ودا آپ کوں رول نماز پڑھے ’’ہتھ تسبیح مسجد رقص کرے پا گٖل وچ دُول نماز پڑھے‘‘




#Article 252: احمد خان مدہوش (173 words)


احمد خان مدہوش (انگریزی: Ahmed Khan Madhosh) (پیدائش: 15 اپریل، 1931ء - وفات: 26 جون، 2010ء) پاکستان نال تعلق رکھݨ والے سندھی زبان دے وݙے کہنہ مشق تے مقبول شاعر ہن۔ اوہ کئی کتب دے مصنف ہن۔ انہاں دا شمار سندھی زبان دے بڑے غزل گو شعرا وچ تھیندا ہے۔

احمد خان مدہوش 15 اپریل، 1931ء کوں گاؤں سلطان چانڈیو، ضلع دادو، برطانوی ہندوستان وچ حاجی خان سومرو عرف شغلی فقیر سومرو دے گھر وچ پیدا تھئے۔ احمد خان مدہوش دی پیدائش دے بعد اوں دے والد خاندان دے نال ضلع دادو دے شہر جوہی وچ سکونت اختیار کیتی۔ ایں دے والد دھوبی دی دکان چلیندے ہن۔ ایں دے علاوہ ایں دے والد نعت خواں وی ہن.  اس واسطے شغلی دے ناں توں مشہور ہن۔ 1952ء وچ پرائمری دے استاد مقرر تھئے۔ انہاں نے ملازمت دے نال نال اپݨی تعلیم دی طرف وی توجہ ݙتی تے اوں نے 1957ء وچ سندھی فاضل تے 1965ء وچ ادیب فاضل دا امتحان پاس کیتا۔

احمد خان مدہوش 26 جون، 2010ء کوں کراچی وچ وفات پا گئے۔




#Article 253: احمد خصاف (113 words)


احمد خصاف فقہ حنفی وچ امام دا درجہ رکھدے ہن۔
احمد بن عمرو بن مہران خصاف توں مشہور ہن. 
ابوبکر کنیت ہئی ۔
بڑے عالم فاضل محدث فقیہ زاہد پرہیزگار. تے عارف ہن۔ علم اپݨے پیو جیہڑے شاگرد ہن امام محمد حسن تلمیذ امام ابو حنیفہ توں پڑھا. شمس الائمہ حلوائی آہدے ہن کہ آپؒ انہاں علمائے کبار وچوں ہن کہ جنہاں دا مذہب دے معاملے وچ اقتداء کرنا صحیح ہے۔
خصّاف آپؒ کوں اس واسطے آہدے ہوندے ہن کہ آپؒ اپݨے ہتھ دی کمائی نعلین دوزی نال اپݨا گزارہ کریندے ہن۔

آپؒ دی تصنیفات وچوں ایہ کتاباں ہن :

اسّی سال دی عمر وچ 261ھ وچ بغداد وچ آپؒ نے وفات پاتی۔




#Article 254: احمد دوم (121 words)


احمد ثانی (پیدائش: 25 فروری 1643ء – وفات: 6 فروری 1695ء) 1691ء توں 1695ء تک سلطنت عثمانیہ دے فرمانروا ہن۔ اے سلطان ابراہیم اول دے صاحبزادے ہن تے اپݨے بھائی سلیمان ثانی دی جگہ تخت سلطانی تے جلوہ افروز تھئے۔ مصطفٰی کوں پریلی دا بطور صدر اعظم انتخاب احمد ثانی دے مختصر دورِ حکومت دا بہترین قدم گردانا ویندا ہے۔ احمد دے سلطان بݨݨ دے چند ہفتیاں بعد ہی سلطنت عثمانیہ کوں لوئس ولیم دی زیر قیادت آسٹریا دے ہتھوں جنگ سلانکامن وچ بدترین شکست نال دوچار تھیوݨا پیا تے ایویں عثمانی ہنگری توں باہر کڈھ ݙتے گئے۔ چار سالہ دور حکومت وچ شکست در شکست دے بعد احمد ثانی غم و اندوہ تے بیماریاں دا شکار تھی کے چل وسا۔




#Article 255: احمد رشدی (267 words)


احمد رُشدی (24 اپریل، 1934ء - 11 اپریل، 1983ء) پاکستان دی فلمی صنعت دے ہک مایہ ناز تے ورسٹائل گلوکار ہن۔ برصغیر پاک وہند وچ رُشدی دا ناں تے انہاں دی آواز کسے تعارف دی محتاج نی۔ آواز دے اس جادوگر نے ریڈیو تے نغمیاں نال اپݨے سفر دی ابتدا کیتی۔ نغمگی دا ایہ سفر بہت کامیاب رہا۔ انہاں نے اردو، گجراتی، بنگالی، بھوجپوری دے علاوہ کئی زباناں وچ گیت گائے۔ احمد رُشدی دی خاصیت ہئی کہ اوہ جس فنکار کیتے گاندے، ہوں دی آواز تے ہوں دے انداز کوں اپنیندے۔ اج دے دور وچ فلماں دے کئی مشہور گلوکار رُشدی کوں ہی اپݨا استاد منیندے ہن۔ انہاں نے تقریباً 583 فلماں دے 5000 گانے گائے۔

احمد رُشدی دا تعلق ہک قدامت پسند سید گھراݨے نال ہئی۔ انہاں دے والد سید منظور احمد حیدرآباد دکن وچ عربی تے فارسی دے استاد ہن۔ انہاں دا رُشدی دے بچپن وچ ہی انتقال تھی گیا ہئی۔ رُشدی بچپن توں ہی موسیقی دے شوقین ہن۔ انہاں نے پہلا گیت ہندوستان دی فلم عبرت(1951ء) کیتے گایا۔ ول پاکستان آ کے 1954ء وچ بندر روڈ سے کیماڑی گا کے شہرت دی بلندیاں تے پہنچ گئے۔ ایندے بعد رُشدی نے کݙہیں پچھوں مڑ کے نی ݙٹھا۔ بڑے بڑے گلوکار انہاں دے اگوں وسم کے رہ گئے۔

روک اینڈ رول دے بادشاہ تے آواز دے جادوگر احمد رُشدی 11 اپریل 1983 کوں کراچی وچ 48 برس دی عمر وچ دل دا دورہ پوݨ نال انتقال کر گئے . آپ کوں کراچی وچ ہی دفن کیتا گیا۔ انہاں دا شمار انہاں شخصیات وچ تھیندا ہے جیہڑے مرݨ دے بعد وی دنیا و  بہت زیادہ مقبول ہن۔




#Article 256: احمد زیول (114 words)


احمد حسان زویل (مصری عربی: أحمد حسن زويل، بین الاقوامی اصواتی ابجدیہ: [ˈæħmæd ˈħæsæn zeˈwe:l]; 26 فروری 1946 – 2 اگست 2016ء[20]) امریکی شہریت یافتہ مصری کیمیادان ہن۔ انہاں کوں 1993ء وچ نوبل انعام برائے کیمیا ݙتا گیا جس دی وجہ کیمیاء دی شاخ فمٹو کیمسٹری نال جڑے انہاں دے کارنامے ہن.  انھاں کوں فیمٹو کیمسٹری دا بانی وی آکھا ویندا ہے۔ اوہ پہلے مصری تے مسلمان باشندے ہن جنھاں کوں نوبل انعام برائے کیمیا ملا.  اوہ آخری عمر کیلیفورننیا انسٹیٹیوٹ آف ٹیکنالوجی وچ بطور پروفیسر کم کریندے پئے ہن۔ پروفیسر احمد زویل نے اپݨی تمام زندگی امریکا وچ صرف دی تے امریکی صدر براک اوباما دے مشیراں دی کونسل دے رکن وی رہے۔




#Article 257: احمد سعید ناگی (161 words)


احمد سعید ناگی (انگریزی: Ahmed Saeed Nagi) (پیدائش: 2 فروری، 1916ء - وفات: یکم ستمبر، 2006ء) پاکستان نال تعلق رکھݨ والے عالمی شہرت یافتہ مصور ہن۔ انہاں کوں تحریک پاکستان دا سرکاری مصور ہوݨ دی وجہ توں شہرت حاصل ہے۔

احمد سعید ناگی 2 فروری، 1916ء کوں امرتسر، برطانوی ہندوستان وچ پیدا تھئے۔ انہاں نے امرتسر، لاہور، دہلی تے پیرس وچ تعلیم پاتی۔ 1944ء وچ انہاں کوں قائد اعظم محمد علی جناح کوں روبرو ٻلہا کے انہاں دا پورٹریٹ بݨاوݨ دا اعزاز حاصل تھیا۔ احمد سعید ناگی دی مصوری دی نمائش پیرس، لندن، لوزان، نیویارک، زغرب، تہران، دہلی، شملہ، لاہور تے کراچی دے شہراں وچ تھی چکی اے۔ انہاں دی بݨائی ہوئی پینٹنگز زیارت ریذیڈنسی، گورنر ہاؤس کوئٹہ، گورنر ہاؤس کراچی، موہٹہ پیلس، قصر ناز، گورنر ہاؤس پشاور تے پنجاب اسمبلی بلڈنگ لاہور وچ آویزاں ہن ۔ انہاں کوں تحریک پاکستان دا سرکاری مصور وی آکھا ویندا ہے۔

احمد سعید ناگی یکم ستمبر، 2006ء کوں کراچی، پاکستان وچ وفات پا گئے۔




#Article 258: احمد سعید کاظمی (1940 words)


احمد سعید کاظمی قدس سرہ

غزالی زماں رازی دوراں قبلہ احمد سعید کاظمی قدس سرہ شریعت تے طریقت دے جامع علمی عملی کمالات نال مال و مال ظاہری تے بانی علوم فیوض تے برکات دا بحر بیکراں ہَن اپڑیں تاں اپڑیں غیر وی سئیں ہوراں دے علم دے معترف ہَن ۔ درس و تدریس دے نال نال قوم و ملک دی خدمت وی کریندے رہے تےڈھیر سارے موضوعات تے کتاباں وی لکھ چھوڑیاں۔ آپ دیاں کتب قرآن حدیث ، فقہ ، تفسیر سیرو مناقب، سلوک تے تصوف اِچ گھاٹے مطالعے دا حاصل اَتے آپ دی علمی جلالت دی روشن دلیل ہِن۔

غزالی زماں ‘ رازی دوراں‘ ضیغم اسلام‘ امام اہلسنت‘ ابو النجم سید احمد سعید شاہ صاحب کاظمی رحمتہ اللہ علیہ دا سلسلہ نسب امام الانبیاء سید المرسلینﷺ نال ۴۲ واسطوں نال ایں ملدا ہے۔

٭ امام اہل سنت الشاہ سید احمد سعید کاظمی بن حضرت سیدنا و مولانا الشاہ مختار احمد صاحب کاظمی بن حافظ شاہ سید یوسف علی شاہ چشتی قادری بن مولانا سید شاہ وصی نقشبندی مجددی قادری بن محمد مولانا سید شاہ ضیف اللہ نقشبندی مجددی چشتی صابری بن مولانا سید شاہ سیف اللہ چشتی قادری بن مولانا سید میرمحمد اشرف دہلوی ثم امروہی بن مولانا سید محمد احسن دہلوی بن سید بدیع الزمان بن سید محمد امین اکبر آبادی بن سید شاہ عبدالوہاب بن سید حفیظ اللہ عرف میر بساون بن سید محمد عظیم بن سید محمد حسین بخاری صاحب فرمان شاہ شجاع بن سید محمد یحیٰ مکی صاحب فرمان سلیم شاہ جہانگیر بن سید حسین ثانی بن سید لطف اللہ بن سید محمد بن سید محمود صاحب نان الہی بن سید حسین بن مولانا سید امام بن حضرت خواجہ سید حسین مروی صدر الشریعۃ کھمبائیت صوبہ گجرات صاحب فرمان اکبری بن سید میردوست مروی بن سید اسد اللہ مروی بن سید ناصر علی ہروی بن سید صاحب بن سید خضر بن سید اسد اللہ طائفی بن سید سلیمان بن سید سراج الدین بن سید بدر الدین بن سید سلطان محسن بن سلطان بایزید بن سلطان ابو اسحاق بن علی مہدی بن علی اصغر بن جعفر بن عبیدہ اللہ بن حضرت امام موسیٰ کاظم بن امام محمد بن امام محمد جعفر صادق بن امام زین العابدین بن امام حسین بن سیدنا علی المرتضی کرم اللہ وجہہ و سیدہ النساء فاطمۃ الزہراسلام اللہ علیہا بنت سید المرسلین خاتم النبین حضرت محمد مصطفیﷺ

٭ مراد آباد دے مضافاتی شہر امروہہ دے محلہ کٹکوئی دے ہِک عالی نسب سید گھرانے دے سربراہ حضرت علامہ سیدمحمد مختار احمد شاہ صاحب کاظمی رحمتہ اللہ علیہ دے گھر ۴ ربیع الثانی ۱۳۳۱ھ۔ ۱۹/۱۳ مارچ ۱۹۱۳ء بروز خمیس (ڄیکر ۱۹ مارچ ہے تاں ول بدھ بنڑدا ہے ۔) کوں ہِک ٻال ڄما جیندے متھے کنڑوں سعادت مندی دے آثار ہویدا ہَن۔ ٻلپنڑ اِچ والد محترم دنیا توں ٹر ڳءے ہَن یا۔ایں خاندان دا سلسلہ نسب حضرت امام موسیٰ کاظم رضی اللہ عنہ توں تھیندا ۴۲ واسطوں نال مولائے کائنات سیدنا حضرت علی المرتضی کرم اللہ وجہہ الکریم نال ونڄ رلدا ہے۔

امام اہل سنت الشاہ سید احمد سعید کاظمی بن حضرت سیدنا و مولانا الشاہ مختار احمد صاحب کاظمی بن حافظ شاہ سید یوسف علی شاہ چشتی قادری بن مولانا سید شاہ وصی نقشبندی مجددی قادری بن محمد مولانا سید شاہ ضیف اللہ نقشبندی مجددی چشتی صابری بن مولانا سید شاہ سیف اللہ چشتی قادری بن مولانا سید میرمحمد اشرف دہلوی ثم امروہی بن مولانا سید محمد احسن دہلوی بن سید بدیع الزمان بن سید محمد امین اکبر آبادی بن سید شاہ عبدالوہاب بن سید حفیظ اللہ عرف میر بساون بن سید محمد عظیم بن سید محمد حسین بخاری صاحب فرمان شاہ شجاع بن سید محمد یحیٰ مکی صاحب فرمان سلیم شاہ جہانگیر بن سید حسین ثانی بن سید لطف اللہ بن سید محمد بن سید محمود صاحب نان الہی بن سید حسین بن مولانا سید امام بن حضرت خواجہ سید حسین مروی صدر الشریعۃ کھمبائیت صوبہ گجرات صاحب فرمان اکبری بن سید میردوست مروی بن سید اسد اللہ مروی بن سید ناصر علی ہروی بن سید صاحب بن سید خضر بن سید اسد اللہ طائفی بن سید سلیمان بن سید سراج الدین بن سید بدر الدین بن سید سلطان محسن بن سلطان بایزید بن سلطان ابو اسحاق بن علی مہدی بن علی اصغر بن جعفر بن عبیدہ اللہ بن حضرت امام موسیٰ کاظم بن امام محمد بن امام محمد جعفر صادق بن امام زین العابدین بن امام حسین بن سیدنا علی المرتضی کرم اللہ وجہہ الکریم

اُنویں تاں محدث اعظم علامہ سید احمد سعید شاہ کاظمی رحمتہ اللہ علیہ دی سند حدیث کئی واسطوں نال امام بخاری رضی اللہ عنہ نال ہے پر ہندوستان اِچ رسالہ’’السعید‘‘ شمارہ فروری ۱۹۹۷ء دے خصوصی ایڈیشن امام اہلسنت اِچ اینویں درج ہے۔

۱٭ضیغم اسلام غزالی زماں علامہ سید احمد سعید شاہ کاظمی رحمتہ اللہ علیہ۔۲٭محدث اعظم پاکستان نے استاذ العلماء علامہ سید محمد خلیل کاظمی رحمتہ اللہ علیہ محدث امروہوی کنڑوں سند حدیث حاصل کیتی اَتے آپ رحمتہ اللہ علیہ نے۳٭شمس المحدثین حضرت مولانا ریاست علی خان محدث شاہ جہانپوری رحمتہ اللہ علیہ کنڑوں ۔(ولادت ۱۶ستمبر۱۳۴۹ھ وصال ۱۵۳۰ھ۔)۴٭اَتے انہاں سند حدیث حاصل کیتیی نبراس الفقہا مولانا ارشاد حسین فاروقی مجددی محدث رام پوری رحمتہ اللہ علیہ کنڑوں۔ (ولادت ۱۴ صفر۱۲۴۸ھ۔ وفات۱۵جمادی الآخر۱۳۱۱ھ۔)۵٭اتے آپ رحمتہ اللہ علیہ نے شیخ المشائخ حضرت شاہ احمد سعید مجددی محدث دہلوی رحمتہ اللہ علیہ کنڑوں حاصل کیتی۔ (ولادت یکم ربیع الآخر ۱۲۱۷ھ بمطابق۳۱ جولائی۱۸۰۲ء وصال ۲ ربیع الاول ۱۲۷۷ھ مدینہ منورہ جنت البقیع میں دفن تھئے۔)۶٭اتے انہاں سراج الہند شاہ عبدالعزیز محدث دہلوی رحمتہ اللہ علیہ کنڑوں۔ (ولادت ۲۵ رمضان المبارک ۱۱۵۹ھ بمطابق ۱۷۴۶ء وصال ۷ شوال ۱۲۳۹ھ بمطابق۱۸۲۴ء۔)۷٭انہاں سند حدیث اپڑیں والد حضرت شاہ ولی اللہ محدث دہلوی رحمتہ اللہ علیہ کنڑوں ۔ (ولادت ۴ شوال۱۱۱۴ء وصال ۱۱۷۶ھ /۱۷۶۲ء۔)۸٭شیخ ابو طاہر محدث کردی مدنی رحمتہ اللہ علیہ کنڑوں۔( ولادت مدینہ منورہ ۲۱ رجب ۱۱۰۸ وصال رمضان المبارک ۱۱۴۵ھ بمطابق ۱۶۷۳۲ء مدینہ منورہ اِچ۔)۹٭شیخ ابراہیم محدث کردی رحمتہ اللہ علیہ کنڑوں۔( ولادت ۱۰۲۵ھ وصال ۱۸ ربیع الاول ۱۱۰۱ھ۔)۱۰٭شیخ احمد محدث مدنی رحمتہ اللہ علیہ(ولادت ۹۹۱ھ وصال ۱۰۷۱ھ۔)۱۱٭شیخ احمد محدث شنادی المصری محدث رملی رحمتہ اللہ علیہ کنڑوں حاصل فرمائی۔ (ولادت ۹۷۵ھ۔وصال ۱۰۲۸ھ ذی الحجہ۔)۱۲٭شیخ محمد بن احمد محدث مجددرملی رحمتہ اللہ علیہ(ولادت ۹۱۹ھ وصال ۱۰۰۴ھ۔)۱۳٭شیخ زکریا بن محمد انصاری محدث مصری رحمتہ اللہ علیہ (ولادت ۸۲۳ھ وصال ۹۲۶ھ۔)۱۴٭شیخ ابن حجر محدث عسقلانی رحمتہ اللہ علیہ(ولادت ۷۷۳ھ وصال۸۵۲ھ۔)۱۵٭شیخ ابن العابدین ابراہیم بن احمد محدث تنوقی رحمتہ اللہ علیہ(ولادت ۷۰۹ھ وصال ۸۰۰ھ)۱۶٭شیخ ابو العباس احمد بن ابی طالب محدث حجاز رحمتہ اللہ علیہ سے (ولادت ۶۲۴ھ وصال ۷۳۰ھ۔)۱۷٭شیخ سراجدین حسین بن مبارک محدث رحمتہ اللہ علیہ(ولادت ۵۴۶ھ وصال ۵۵۲ھ۔)۱۸٭شیخ عبدالاول بن عیسیٰ السنجری رحمتہ اللہ علیہ(ولادت ۴۵۰ ھ وصال ۶۳۱ھ۔)۱۹٭شیخ عبدالرحمن بن محمد بن مظفر محدث دائودی رحمتہ اللہ علیہ(ولادت ۳۷۴ھ وصال ۴۶۸ھ۔)۲۰٭شیخ ابو محمد عبداللہ بن احمد محدث سرخی رحمتہ اللہ علیہ(ولادت ۲۹۳ھ وصال ۳۷۳ھ۔)۲۱٭شیخ ابو عبداللہ محمد بن یوسف محدث رحمتہ اللہ علیہ(ولادت ۲۳۱ھ وصال ۳۲۰ھ۔) ۲۲٭امام ابو عبداللہ محمد بن اسماعیل شافی بخاری رضی اللہ عنہ(ولادت ۱۳ شوال ۱۹۴ھ وصال یکم شوال ۲۵۶ھ۔)

آپ حالی چھے سال دے ہَن ڄو آپ دے والد صاحب ٣٩ سال دی عمر اِچ دنیا توں ٹر ڳئے۔آپ دے پیرو مرشد تے برادرِ اکبر حضور سید محمد خلیل کاظمی قدس سرہ نے آپ دی پرورش کیتی۔

٭ حضرت نے ابتداء توں انتہاتوڑی ساری تعلیم اپڑیں برادر معظم کنڑوں حاصل کیتی تے آپ ہی دے دست حق تے بیعت کیتی۔ ستارہاں سال دی عمر اِچ سند فراغت حاصل کیتی ۔ دستار بندی دے موقع تےحضرت سید علی حسین شاہ صاحب اشرفی کچھوچھوی رحمتہ اللہ علیہ تشریف گھن آئے اَتے اپڑیں مبارک ہتھاں نال آپ دے سرتے دستار فضیلت ٻدھی۔ ایں تقریب اِچ حضرت مولانا معوان صاحب رامپوری‘ حضرت صدر الافاضل سید محمد نعیم الدین مراد آبادی‘ مولانا نثار احمد صاحب کانپوری اَتے ٻئے وݙے علماء تےمشائخ اہل سنت موجود ہَن ڄنہاں آپ کو خصوصی دعاواں ݙتیاں۔ امام اہلسنت نے شرعی علوم دے نال نال علم طریقت تے عرفان حقیقت دیاں ساریاں روحانی مننزلاں وی اپڑیں برادر بزرگوار و استاذ ذی وقار محدث اعظم شیخ المشائخ حضرت سید محمد خلیل شاہ صاحب کاظمی رحمتہ اللہ علیہ دی بیعت نال حاصل کیتیاں۔

سبھ توں پہلے آپ لاہورجامعہ نعمانیہ پڑھاونڑ شروع کیتا۔ ول کجھ عرصہ امروہہ وی پڑھیندے رہ ڳئے۔ اِتھے آپ نے مشہور مناظر مرتضیٰ حسین دربھنگی نال کئی مناظرے کیتے تے کامیاب تھئے۔ ملتان اِچ حضرت قبلہ نفیر عالم خواجہ غریب نواز سلطان الہند حضرت خواجہ معین الدینچشتی اجمیری رحمۃ اللہ علیہ دا عرس کرویندے ہَن۔ آپ کوں اُنہاں تقریر دی دعوت ݙتی۔ آپ دی تقریر اُنہاں کو ݙاݙھی بھانڑیں۔ آپ کو ملتان چشتی اجمیری رحمۃ اللہ علیہ دا عرس کرویندے ہَن۔ آپ کوں اُنہاں تقریر دی دعوت ݙتی۔ آپ دی تقریر اُنہاں کو ݙاݙھی بھانڑیں۔ آپ کو ملتان آونڑ دا آکھونے ۔ اُنہاں دے آکھنڑ تے آپ ملتان تشریف گھن آئے۔دوروں دوروں بندے آپ کنڑوں علمی فائدہ گھنڑ کیتے آونڑ پئے ڳئے۔ملتان اِچ اِی آپ قدس سرہ نےہک مدرسہ بنڑایا ڄیڑھا اَڄ ہک شاندار جامعہ دی شکل اِچ موجود ہے۔ چھوریں دا انج تے چھوراں دا انج۔

٭ حضرت علامہ کاظمی صاحب فراغت کے بعد بعض احباب سے ملاقات کے لئے لاہور تشریف لائے۔ یہاں حضرت مولانا سید دیدار علی شاہ صاحب رحمۃ اللہ علیہ کی زیارت سے مستفیض ہوئے اور حضرت مولانا سید ابو البرکات اور مولانا سید ابو الحسنات سے ملاقات ہوئی۔ اسی اثنا میں ایک دن جامعہ نعمانیہ تشریف لے گئے۔ وہاں ایک کلاس میں حافظ محمد جمال صاحب کتاب ’’مسلم الثبوت‘‘ پڑھا رہے تھے۔ آپ سماع کی خاطر ایک طرف بیٹھ گئے۔ اس وقت ماہیت مجردہ پر گفتگو ہو رہی تھی۔ آپ نے بھی بحث میں حصہ لیا۔ آپ کی جودت طبع اور استحضار مسائل کے ملکہ سے حافظ محمد جمال صاحب بہت متاثر ہوئے اور انہوں نے دبیر انجمن خلیفہ تاج الدین صاحب سے آپ کی قابلیت کا تذکرہ کیا۔ انہوں نے آپ کو جامعہ نعمانیہ میں تدریس کی پیش کش کی، جس کو آپ نے اپنے برادرِ معظم کی اجازت کی شرط پر منظور کر لیا۔

٭ جامعہ نعمانیہ میں تدریس کے دوران آپ کے ذمہ درسِ نظامی کی مشہور کتابوں (نور الانوار، قطبی، شرح جامی وغیرہ) کی تدریس مقرر کی گئی، جس سے طلبہ کا میلان آپ کیطرف بڑھنے لگا۔ یہاں تک کہ ایک وقت میں اٹھائیس اسباق کی تدریس آپ کیساتھ متعلق ہو گئی۔

٭ ۱۹۳۱ء میں آپ لاہور سے واپس امروہہ تشریف لے گئے اور کچھ عرصہ تک امروہہ کے مدرسہ محمدیہ حنفیہ میں حضرت محدث محمد خلیل کاظمی کی سرپرستی میں تدریس فرماتے رہے۔ اس دوران ’’مطلع العلوم‘‘ کے حضرت مولانا خلیل اللہ سے مجلس ہوتی اور متعدد علمی مباحثے ہوتے۔ مشہور مناظر مولوی مرتضیٰ حسین دربھنگی سے بھی کئی بار مناظرے ہوئے اور اللہ تعالیٰ کے فضل و کرم سے آپ ہمیشہ کامیاب و کامران رہے۔

٭ آپ رحمتہ اللہ علیہ دی پہلی شادی ۲۱ سال دی عمر اِچ ۱۹۳۴ء کوں تھئی۔ آپ رحمتہ اللہ دی اہلیہ محترمہ نو سال زندہ رہیاں۔ انھاں نو سالاں اِچ چار ٻچیاں ڄمیاں۔ انھاں اِچوں ترے بچیاں اوائل عمر فوت تھی ڳیاں ہِک ٻچی زندہ رہی ڄیندا نکاح آپ رحمتہ اللہ علیہ دے بھتریجے ضیاء المتین کاظمی دے نال تھیا ۔ اُنھاں دیاں وی چار ٻچیاں تھیاں ڄیڑھیاں حضرت اقدس رحمتہ اللہ علیہ دے کول پلیاں کیوں ڄو حضرت اقدس رحمتہ اللہ علیہ دی دی اے ٻچی۱۹۶۲ء اِچ فوت تھی ڳئی ہئی۔ ݙوجھی شادی آپ قدس سرہ پہلی گھر والی دی وفات توں بعد اُنھاں دی بھینڑ نال کیتی۔

٭ (امام اہلسنت نمبررسالہ السعید ص ۹۱) حضورغزالی زماں رحمتہ اللہ علیہ کےچھی صاحبزادے ہِن ۔ انھاں دے ناں اے ہِن ۔

۱٭ جانشین امام اہلسنت صاحبزادہ حضرت سید مظہر سعید شاہ صاحب کاظمی

۲٭ صاحبزادہ حضرت سید سجاد سعید شاہ صاحب کاظمی

۳٭ صاحبزادہ حضرت سیدحامد سعید شاہ صاحب کاظمی

۴٭ صاحبزادہ حضرت ڈاکٹر سید راشد سعید شاہ صاحب کاظمی

۵٭ صاحبزادہ حضرت سید ارشد سعید شاہ صاحب کاظمی

۶٭ صاحبزادہ حضرت سید طاہر سعید شاہ صاحب کاظمی

٭ اَتے آپ رحمتہ اللہ علیہ دیاں چھی صاحبزادیاں ہیں۔




#Article 259: احمد شاملو (187 words)


احمد شاملو جدید فارسی شاعری دا منفرد ناں اے ،انہاں دا قلمی ناں بامدار ہئی۔ 12 دسمبر 1925 وچ تہران وچ پیدا تھئے۔ انہاں دے والد دی پیدائش کابل / افغانستان وچ تھئی ہئی۔ شاملو دا تعلق فوجی خاندان نام ہے۔ شاملو شاعر ہوݨ دے علاوہ قاموس دان، صحافی تے سیاسی کارکن وی ہن۔ اوہ کجھ عرصے نیو جرسی / امریکا وچ وی مقیم رھے۔ اوہ ہک عرصے تک پروفیسر تے مدیر وی رہے۔ انہاں دی نظماں دے تراجم لٹریری رویو تے لٹریچر ایسٹ اینڈ ویسٹ وچ چھپ چکے ہن۔ انہاں دی بارہاں 12 کتاباں شائع تھی چکیاں ہن۔ انہاں دی اہم کتاباں وچ ،آھنگ ھائی فراموش شدہ، زن پشت در مقری، ھوائی تازہ تے قطغامہ شامل ہن۔ شاملو دی تحریراں تے حافظ، خیام، نیما، بیاگی، رلکے، مایاوسکی، آرگن، لانگسٹن ہیوز تے لورکا دے گہرے اثرات ہن۔ انھاں نے ترئے/3 شادیاں کیتیاں۔ اوہ ایران دی کمیونسٹ پارٹی دے سرگرم رکن رہے تے شاملو ہک سال توں زائد پابند سلاسل وی رہے۔ زیباطیس / شوگر دے سبب انہاں دے سڄے پیر دی جراحت تھئی۔ اتوار 23 جولائی 2000ء وچ انتقال تھیا۔ تے خراج، ایران وچ پیوند زمین تھئے۔




#Article 260: احمد شاہ ابدالی (225 words)


نادر شاہ والئ ایران دا جنرل،  افغانیاں دے ابدالی قبیلے دا سردار تے افغانستان وچ ابدالی سلطنت دا بانی ہئی۔ ہک بہادر پشتون ہئی تے نادر شاہ دے قتل 1747ء دے بعد افغانستان دا بادشاہ بݨا۔ ہرات تے مشہد تے قبضہ کیتا تے سلطنت افغانستان دا اعلان کیتا.  اوں نے 1748ء تا 1767ء ہندوستان تے کئی حملے کیتے۔ پہلا معرکہ پنجاب دے حاکم میر معین الملک عرف میر منو دے نال تھیا جس نے بہادری تے دلیری دی داستان رقم کیتی.  مان پور وچ ہندوستانیاں دا بہادر جرنیل ڈٹا رہا آخرکار ابدالی فوج کوں شکست تھئی. ایہ مغل سلطنت دی آخری فتح ہئی.  اس دے بعد مغلاں نے پنجاب کوں اس دے حال تے چھوڑ ݙتا۔ احمد شاہ ابدالی دے ہندوستان تے حملیاں وچوں سب توں مشہور حملہ 1761ء وچ تھیا۔ ایں حملے وچ این نے مرہٹیاں کوں پاݨی پت دی تریجھی لڑائی وچ شکست فاش ݙتی۔ کابل، قندھار تے پشاور تے قبضہ کرݨ دے بعد احمد شاہ ابدالی نے پنجاب دا رخ کیتا تے سر ہند تک دا سارا علاقہ اپݨی سلطنت وچ شامل کر گھدا۔ 1756ء وچ دہلی کوں تاخت و تاراج کیتا تے بہت سارا مال غنیمت گھن کے واپس چلا گیا۔ انہاں حملیاں نے مغلیہ سلطنت دی رہی سہی طاقت وی ختم کر ݙتی۔ پنجاب وچ سکھاں دے فروغ دا ہک سبب احمد شاہ دے پے در پے حملے وی ہن۔




#Article 261: احمد شاہ قاجار (118 words)


احمد شاہ قاجار (Ahmad Shah Qajar) (فارسی: احمد شاه قاجار) فارس (موجودہ ایران) دا شاہ تے قاجار خاندان دا آخری حکمران ہئی۔

شاہ ایران احمد شاہ قاچار، زیادہ تر سرکار انگلشیہ دے رحم و کرم تے ہئی۔ شمال دی طرفوں روس نے ایران کوں ہضم کرنا شروع کر ݙتا ہئی تے 1923ء وچ روس تے ایران دی قلعہ انزیلی تے لڑائی وی تھئی تے کجھ عرصہ تھیندی رہی۔ انہاں ݙینہاں شاہ ایران اپݨے ملک وچ موجود ہئی یا سرکار انگلشیہ دا گھنایا ہویا ہئی۔ قلعہ انزیلی تے روس تے ایران دے درمیان لڑائی تھیندی پئی ہئی تے کوئی نتیجہ نکلدا ݙکھائی نہ ݙیندا ہئی کیونکہ روس دی قوت وی اس زمانے وچ زیادہ طاقتور تے منظم نہ ہئی۔




#Article 262: احمد شاہ قاچار (118 words)


احمد شاہ قاجار (Ahmad Shah Qajar) (فارسی: احمد شاه قاجار) فارس (موجودہ ایران) دا شاہ تے قاجار خاندان دا آخری حکمران ہئی۔

شاہ ایران احمد شاہ قاچار، زیادہ تر سرکار انگلشیہ دے رحم و کرم تے ہئی۔ شمال دی طرفوں روس نے ایران کوں ہضم کرنا شروع کر ݙتا ہئی تے 1923ء وچ روس تے ایران دی قلعہ انزیلی تے لڑائی وی تھئی تے کجھ عرصہ تھیندی رہی۔ انہاں ݙینہاں شاہ ایران اپݨے ملک وچ موجود ہئی یا سرکار انگلشیہ دا گھنایا ہویا ہئی۔ قلعہ انزیلی تے روس تے ایران دے درمیان لڑائی تھیندی پئی ہئی تے کوئی نتیجہ نکلدا ݙکھائی نہ ݙیندا ہئی کیونکہ روس دی قوت وی اس زمانے وچ زیادہ طاقتور تے منظم نہ ہئی۔




#Article 263: احمد شاہ مسعود (165 words)


احمد شاہ مسعود (پیدائش: 2 ستمبر 1953ء – وفات: 9 ستمبر 2001ء) افغانستان دے ہک سیاسی و عسکری رہنما ہن جیہڑے 1979ء توں 1989ء دے درمیان سوویت قبضے دے خلاف مزاحمت وچ تے بعد ازاں خانہ جنگی دے ایام وچ وی مرکزی حیثیت دے حامل ہن۔ اے 11 ستمبر 2001ء کوں امریکا تے تھیوݨ والے دہشت گرد حملے دے ݙینہ ہک خودکش حملے وچ جاں بحق تھئے۔

مسعود نسلاً تاجک تے مسلکاً سنی ہن تے انہاں دا تعلق شمالی افغانستان دی وادی پنجشیر نال ہئی۔ انہاں نے 1970ء دی دہائی وچ کابل یونیورسٹی توں انجینئری دی تعلیم حاصل کیتی جتھاں اوہ دوران تعلیم کمیونسٹ مخالف تحریک دا حصہ بݨے۔ 1979ء وچ سوویت اتحاد دے قبضے دے بعد مزاحمتی رہنما دا کردار نبھاوݨ تے انہاں کوں شیرِ پنجشیر دا خطاب ݙتا گیا۔ 1992ء وچ معاہدۂ پشاور دے تحت انہاں کوں افغانستان دا وزیر دفاع مقرر کیتا گیا۔ ول افغان خانہ جنگی دے ایام وچ اے گلبدین حکمتیار تے بعد ازاں طالبان دے خلاف نبرد آزما رہے۔




#Article 264: احمد صفا (125 words)


احمد صفا (بنگالی: আহমদ ছফা؛ 30 جون 1943ء – 28 جولائی 2001ء) ہک بنگلہ دیشی مصنف، مفکر، ناول نگار، شاعر تے دانشور ہن۔ صفا کوں پروفیسر عبد الرزاق تے سلیم اللہ خان توں گھن کے کئی لوگ میر مشرف حسین تے قاضی نظر الاسلام دے بعد سب توں اہم بنگالی مسلمان مصنف منیندے ہن۔ صفا نے 18 غیر افسانوی کتاباں، 8 ناول، 4 شاعری دے مجموعے، 1 مختصر افسانیاں دا مجموعہ تے مختلف انواع دے کئی کتاباں لکھیاں۔

افسانوی، غیر افسانوی، مختصر افسانہ، شاعری
صفا دا مضمون بنگالی مسلمانیر من (بنگالی مسلماناں دے ذہن)، (1981ء) بنگالی مسلماناں دی پہچان دی تعمیر، انہاں دی نارضامندی دی وجہ، ہک برادری دے طور تے انہاں دی تصنیف تے انہاں دی عقلی ترقی دا ہک انتہائی مبصرانہ جائزہ ہے۔




#Article 265: احمد ندیم قاسمی (151 words)


احمد ندیم قاسمی (20 نومبر 1916ء تا 10 جولائی 2006ء) پاکستان دے ہک معروف ادیب، شاعر، افسانہ نگار، صحافی، مدیر تے کالم نگار ہن۔ افسانہ تے شاعری وچ شہرت پاتی۔ ترقی پسند تحریک نال وابستہ نمایاں مصنفین وچ شمار تھیندا ہئی تے ہیں وجہ نال ݙو مرتبہ گرفتار کیتے گئے۔ قاسمی صاحب نے طویل عمر پاتی تے لگ بھگ نوّے سال دی عمر وچ انھاں نے پنجاہ توں زائد کتاباں تصنیف کیتیاں۔

قاسمی صاحب دی شاعری دی ابتدا 1931ء وچ تھئی ہئی جݙݨ مولانا محمد علی جوہر دے انتقال تے انہاں دی پہلی نظم روزنامہ سیاست لاہور دے سرورق تے شائع تھئی تے ایہ انہاں کیتے بہت بڑا اعزاز ہئی۔ ایہو نہیں بلکہ بعد وچ وی 1934ء تے 1937ء دے دوران انہاں دی متعدد نظمیں روزنامہ انقلاب لاہور تے زمیندار لاہور دے سرورق تے شائع تھیندے رہے تے ایندے نال انہاں لوں عالمِ نوجوانی وچ ہی غیر معمولی شہرت حاصل تھئی۔




#Article 266: احمد ندیم قاسمی دی افسانہ نگاری (235 words)


اوویں تاں احمد ندیم قاسمی مختلف اصناف ادب دی تحقیق تے تخلیق وچ مصروف رہے جنہاں وچ نظم، غزل، افسانہ، کالم نویسی، ٻالاں دی کتب، تراجم، تنقید تے ڈرامے وغیرہ شامل ہن۔ لیکن زیر نظر مضمون وچ صرف انہاں دے فن افسانہ نگاری تے بحث تھیسی۔ اگرچہ کوئی وی ادبی تخلیقی شخصیت مختلف اصناف دی تخلیق وچ اظہار تے موضوعات دے کجھ بنیادی رنگاں کوں اہمیت ݙیندی ہے۔ تاہم ادب دی ہک آدھ صنف ہی ایسی ہوندی ہے جس وچ صاحبِ تحریر اپݨے تخلیقی یا نفسیاتی پس منظر دے حوالیاں نال اظہار دی مناسب سہولت محسوس کریندا ہے۔ لیکن نثری ادب وچ افسانہ ہی اوہ واحد صنف ہے جس وچ ندیم دا قلم جولانیِ طبع دے امکانات روشن کریندا ہے۔ انہاں نے افسانیاں دے کئی مجموعے تخلیق کیتے! 

ندیم دے افسانیاں وچ زمین تے انسان نال انہاں دی بے پایاں محبت تے وی کھل کے سامݨے آندی ہے۔ انہاں دا تخیل پنجاب دی فضاواں وچ چپے چپے نال روشناس ہے تے ایں نے لہلہاندے کھیتاں، گنگناندے دریاواں تے دھپ وچ جھلسدے ہوئے ریت دے ذریاں کوں ہک نویں زبان دی ہے، نویں معنویت عطا کیتی ہے۔ پنجاب دی رومانی فضاء تے اتھاں دے لوگاں دی معصومیت و زندہ دلی، جرات و جفاکشی تے خدمت و ایثار دی تصویراں انہاں دے افسانیاں وچ آخر لازوال تھی گئیاں ہن۔ انہاں دے ہاں غم و غصے، تعصب و نفرت تے تنگ نظر و تشدد دا شائبہ تک نی۔




#Article 267: احمد نواز چھینہ (166 words)


احمد نواز چھینہ سرائیکی دے معروف گلوکار ہن۔ انہاں نے کئی دیگر زباناں وچ گیت گائے ہن لیکن سرائیکی کلام نے انہاں دی گائیکی کوں دوام بخشا ہے۔ انہاں نے ترئے ہزار گیت گائے ہن۔ احمد نواز چھینہ نے سرائیکی گیتاں دی گائیکی دا منفرد انداز اپنایا تے نویں اسلوب متعارف کروائے۔ جس کوں عوام وچ خوب پزیرائی ملی۔ عطاء اللہ خان عیسی خیلوی دی طرح نہ صرف انہاں کوں ایں ملک وچ شہرت ملی بلکہ انہاں نے بیرونی ملک وی بہت محبت سمیٹی۔ انہاں دی شہرت دا آغاز گیت سئیں پتݨ تے لایا اے ڈیرہ دھولے ایڈاؤں آوݨا اے نال تھیا۔ اس دے بعد انہاں نے پچھوں مڑ کے نی ݙٹھا۔ ہر آوݨ والا گیت انہاں دی شہرت وچ مزید اضافے دا باعث بݨا۔ انہاں دے سݨݨ والیاں وچ نہ صرف سرائیکی لوگ شامل ہن بلکہ انہاں گیتاں کوں پسند کرݨ والیاں وچ ایسے لوگ وی شامل ہن جیہڑے سرائیکی زبان توں نا آشنا ہن۔

انہاں دے سب توں زیادہ مشہور گیت درج ذیل ہن:




#Article 268: احمد پرویز (167 words)


احمد پرویز (انگریزی: Ahmed Pervez) (پیدائش: 7 جولائی 1926ء - وفات: 5 اکتوبر 1979ء) پاکستان نال تعلق رکھݨ والے بین الاقوامی شہرت یافتہ مصور ہن۔ اوہ تجریدی مصوری وچ اختصاص رکھدے ہن۔

احمد پرویز 7 جولائی 1926ء کوں راولپنڈی، برطانوی ہندوستان وچ پیدا تھئے۔ انہاں نے اپݨی تعلیم سینٹ جوزف کالج، بارہ مولا تے گورڈن کالج راولپنڈی وچ حاصل کیتی۔ 1952ء وچ انہاں دی مصوری دی پہلی نمائش جامعہ پنجاب لاہور دے فائن آرٹس ڈپارٹمنٹ وچ منعقد تھئی جینکوں اہل فن نے بے حد سراہا۔ 1955ء توں 1964ء تک دا عرصہ انہاں نے لندن وچ تے ول 1966ء توں 1969ء تک دا عرصہ نیویارک وچ بسر کیتا۔

احمد پرویز تجریدی مصوری وچ ہک علٰیحدہ تے منفرد اسلوب دے مالک ہن۔ زندگی دے آخری دور وچ انہاں نے اپݨے کیتے گلدان تے پھل دے موضوع دا انتخاب کیتا ہئی تے ایں موضوع تے لاتعداد تصویراں بݨائیاں ہن۔ تیز تے شوخ رنگ انہاں دی مصوری دی ہک خاص شناخت ہن تے شاید انہاں دی ذات دا اظہار وی ہن۔




#Article 269: احمد پور سیال (413 words)


احمد پور سیال سرائیکی وسیب دا ہک اہم شہر ہے۔ ضلع جھنگ دی تحصیل ہے۔ تحصیل احمد پور سیال ضلع جھنگ، پنجاب، پاکستان دی ترے تحصیلاں وچوں ہک تحصیل ہے۔ اس تحصیل دا صدر مقام احمد پور سیال شہر ہے۔ احمد پور سیال دی مجموعی آبادی 13,131 افراد تے مشتمل ہے تے 119 میٹر سطح سمندر توں بلندی تے واقع ہے۔

ایں تحصیل دا کجھ حصہ ٻیٹ ہے۔ کجھ تھل دے نال نال آلا ریتلا علاقہ ہے۔ زیادہ علاقہ آباد ہے۔

ضلع جھنگ دی تحصیل احمد پور سیال دے بارے وچ آکھا ویندا ہے کہ اتھاں ہک وقت وچ ہندواں دی اکثریت آباد ہئی تے انھاں نے شہر دے مختلف مقامات تے عبادات کیتے مندر تعمیر کر رکھے ہن۔تاریخ داناں دے مطابق تقسیم ہندوستان دے وقت شہر وچ ترے وݙے مندر، ݙو دھرم شالا، ہک گئوشالہ تے ہک یتیم خانہ موجود ہن جنہاں وچوں ہک سیتا رام مندر اج وی عہدِ رفتہ دی یاد ݙیویندا ہے۔ شہر دے مین چوک توں چند گز دے فاصلے تے میئو چوک وچ واقع اس تاریخی مندر دی عمارت ہندوستان دے لاثانی طرزِ تعمیر دا شاہکار نمونہ ہے لیکن وقت دی بے درد لہراں رفتہ رفتہ اس توں اس دا حُسن چھکدی ویندن۔ منا ویندا ہے کہ ایہ احمد پور سیال دا سب توں وݙا مندر ہئی جینکوں ہݨ بطور سنوکر کلب استعمال کیتا ویندا پیا ہے۔ 

احمدپورسیال وچ پیر عبدالرحمنؒ دا مشہور میلا لڳدے۔ صوفی بزرگ پیر عبدالرحمنؒ (تابعی) سن37 ھجری کوں عباس بن ربیع قریشیؒ دے گھر عرب وچ پیدا تھئے.  سن86 ھجری کوں ھجرت کر کے ھندوستان دی سر زمین تے اسلام دی تبلیغ شروع کیتی۔ اسلامی تعلیمات دا درس ݙیندے ہوئے وسیب دے ضلع جھنگ دی تحصیل احمد پور سیال (موجودہ)آپہنچے۔ احمدپور سیال توں چند کلومیٹر جانب شمال اپݨا خیمہ لا گھدا۔ شروع وچ اسلامی درس ݙیوݨ وچ بڑی مشکلات دا سامݨا کرݨا پیا۔آہستہ آہستہ لوگ آپؒ دی تعلیمات سمجھݨ لگے تے آپؒ دے ھتھاں تے بیعت کرݨ لگے. 

دور دور توں لوگ آپؒ دا درس سݨن آندے تے اتھوں دے ہی تھی کے رہ ویندے۔ ہک خیمہ،  ہک شہر بݨ گیا جیہڑا آج پیر عبدالرحمنؒ دے ناں توں مشہور ہے. سن 122 ھجری کوں آپؒ تمام عقیدت منداں کوں روندا چھوڑ کے خالق حقیقی نال ونج ملے۔ ایں تاریخ کوں اج تک انہاں دی یاد وچ میلا لایا ویندا ھے. عقیدت مند انہاں دے دربار تے حاضری ݙیندے ہن تے اپݨی محبت دے پھل نچھاور کریندے ہن۔ ثقافت نال جڑے کھیݙ پیش کیتے ویندن۔مختلف قسم دے سٹال تے دوکاناں سجائے ویندن ۔




#Article 270: احمد پور شرقیہ (187 words)


احمد پور شرقیہ ضلع بہاول پور دی تحصیل ہے۔ 
تحصیل احمد پور شرقیہ سرائیکی وسیب دے ضلع بہاولپور، دی پنج تحصیلاں وچوں ہک تحصیل ہے۔اس تحصیل دا صدر مقام احمد پور شرقیہ ہے۔ اس وچ 31 یونین کونسلاں ہن۔ اس شہر دے ریلوے اسٹیشن دا ناں ڈیرہ نواب صاحب ہے جیہڑا مرکزی ریلوے لائن تے واقع ہے۔

٢٥ جون ٢٠١٧ء کوں، مرکزی ہائی وے تے پنجاہ ہزار لٹر دا پٹرول دا بھریا ٹرالر لیک تھی گیا تے لوگاں کوں قریبی مسجد دے لاؤڈ سپیکر توں لیک تھیندے پٹرول دی نوید سݨائی گئی تے پٹرول لٹݨ تے اکسایا گیا۔ بچیاں، عورتاں تے مرداں تے مشتمل ہک بڑا مجمعہ بوتلاں، بالٹیاں تے گھر دے ݙوجھے برتن گھن کے وہندا ہویا پٹرول کٹھا کرݨ پہنچ گیا۔ تے ول جیہڑلے کہیں نے ہتھوڑے دے وار نال آئل ٹینکر دے سوراخ کوں وݙا کرݨ دی کوشش کیتی تاں پٹرول نے بھاہ پکڑ گھدی۔ ٹینکر دھماکے نال پھٹ گیا تے بھاہ نے اتھاں موجود مجمعے کوں گھیر گھدا۔ 155 توٻ زائد لوگ عین اس جگہ دے قریب سڑ کے راکھ تھی گئے جتھاں غلام عباس کوں پنج سال پہلے ساڑ ݙتا گیا ہئی۔ 




#Article 271: احمد پٹیل (104 words)


احمد پٹیل دی پیدائش 21 اگست 1949ء کوں بھروچ، ریاست بمبئی، بھارتاب گجرات(بھارت)، بھارت وچ تھئی۔ آپ ہک پارلیمنٹ دے رکن تے انڈین نیشنل کانگریس دے سینئر رہنما ہن ۔2001ء توں آپ کانگریس دی صدر سونیا گاندھی دے سیاسی سیکرٹری وی ہے۔ پٹیل نے بھارت دی پارلیمنٹ وچ ست واری وچ ترئے واری ایوان زیریں لوک سبھا ( 1977-1989) تے ایوان بالا راجیہ سبھا (1993 توں ) چار مرتبہ نمائندگی کیتی ہے۔ اج تک اوہ گجرات دے واحد مسلم رکن پارلیمنٹ ہن۔ 9 اگست، 2017 کوں احمد پٹیل دوبارہ بی جے پی دے بلونت سنگھ کوں شکست ݙے کے راجیہ سبھا کیتے منتخب تھئے۔




#Article 272: احمدعبدالحق ابدالؒ (192 words)


شیخ احمدعبدالحق ردولویؒ المعروف قطب الابدال جنہاں دے توسط نال سلسلۂ صابریہ چشتیہ کوں نویں زندگی ملی.  ایں وجہ توں آپؒ کوں مجدد سلسلۂ صابریہ چشتیہ آکھا ویندا ہے. آپؒ شیخ العالم دے ناں نال وی معروف ہن۔

شیخ العالم دی آمد دی بشارت آپؒ دے والدین کوں پہلے ہی مل چکی ہئی۔ آپؒ تے بچپن ہی توں ذوق عبادت تے شوق و حال دا غلبہ رہندا ہئی۔ آپؒ اہل حقیقت دے استاد تے ارباب حقیقت دے قبلہ ہن۔ عبد القدوس گنگوہی نے انوار العیون وچ آپؒ دے حالات دے بارے وچ لکھا ہے کہ احمد عبدالحقؒ جݙݨ ست سال دے ہن تاں ہمیشہ اپݨی والدہ دے ہمراہ نماز تہجد کیتے اٹھی ویندے ہن۔ آپؒ دی والدہ محترمہ نے کئی مرتبہ آپؒ کوں آکھا کہ حالی تیݙے تے نماز فرض نی. لیکن احمد عبدالحؒ کوں والدہ دی ایہ ڳال دل کوں نہ لگدی ہئی آہدے ہن کہ جیہڑے کم آپؒ اپݨے کیتے پسند کریندی ہیوے،  اینکوں میݙے کیتے کیوں مضر خیال کریندی ہیوے ۔

احمدعبدالحؒق 15جمادی الثانی 837ھ کوں ایں دارفانی توں رخصت تھئے۔ آپؒ دی آخری آرام گاہ رودلی بارہ بنکی ضلع،  انڈیا وچ اج وی منبع فیوض و برکات ہے۔




#Article 273: اخبار سیرام پور (108 words)


اخبار سیرام پور، بھارتی ریاست مغربی بنگال دے سیرام پور (ہگلی دے قریب) دے مسیحی مشنریاں دا فارسی اخبار ہے جیہڑا 1826ء وچ جاری تھیا۔ حکومت ہک روپیہ فی کاپی دے حساب نال ایندی 120 کاپیاں خریددی ہئی۔ ایہ کاپیاں اعلٰی حکام تے دہلی، آگرہ، بنارس تے کلکتہ دے کالجاں تے مدرسیاں کوں بھیجے ویندے ہن۔ ݙو سال بعد سرکاری امداد بند تھیوݨ تے ایہ اخبار بند تھی گیا۔ ایں توں قبل 1818ء وچ سیرام پور دے مشنری ڈگ ورسانہ تے سماچار درپن ݙو بنگالی اخبار شائع کر چکے ہن۔ 28 مارچ 1822ء کوں سماچار درپن دا فارسی ایڈیشن جام جہاں نما دے ناں نال جاری کیتا گیا۔




#Article 274: اخباری شیعہ (202 words)


اخباری اثنا عشریہ اہل تشیع وچ نمودار تھیوݨ والا ہک ذیلی فرقہ اکھیج سڳدا ہے جس وچ قرآن، حدیث حضرت محمد صلی اللہ علیہ و آلہ و سلم تے حدیث امامیان اثنا عشریہ دی جانب توں آوݨ والی خبر تے قیام کیتا ویندا ہے تے انہاں دے مطابق کہیں دیگر عالم (علما) دے اجتہاد دی اہمیت دینی امور وچ محض فتاوی دی حد تک ہی محدود ہوندی ہے نا کہ ایں دے برعکس تفرقے اصولی دی طرح علما کوں امام دے بارے وچ اجتہاد دی اجازت فراہم کیتی ونجے۔ شیعاں وچ ایں تحریک یا فرقے دی ابتدا دا زمانہ ستارہویں صدی (یا اس توں کچھ قبل)۔ بیان کیتا ویندا ہے تے اس دا مقام ایران تسلیم کیتا ویندا ہے.  اوں زمانے وچ اوہ علما جیہڑے اجتہاد کوں رد کریندے ہن انہاں توں ہی ایں دا آغاز تھیا جبکہ سنی تفرقے والیاں دے برخلاف (جنہاں دے مطابق اجتہاد دی ہݨ ضرورت باقی نی رہی) شیعہ اخباریاں دے خیال وچ قرآن تے سنت (جس وچ امامیان دی احادیث یعنی خبراں وی شامل ہن) تمام اقسام دے مسائل دی وضاحت کیتے کافی ہن تے غیبت صغرٰی دے زمانے وچ عقل تے اجماع کوں استعمال کریندے ہوئے علما دے کول مذہب وچ مداخلت دی گنجائش نی.  




#Article 275: اخروٹ (155 words)


اخروٹ یا اخروٹ ایرانی (علمی نام: Juglans regia) اخروٹ Juglandaceae خاندان دا ہک درخت ہے جیں دی کاشت ایشیا تے يورپ وچ تھیندی ہے تے موجودہ زمانے وچ دنیا وچ سب توں زیادہ کاشت تھیوݨ والا درخت ہے۔ ایں دی لمبائی 45 میٹر تک ہوندی ہے۔ جنگلی درخت کاشت تھیوݨ والے درخت توں لمبی تے پتلی ہوندی ہے۔ اخروٹ ایراني اپریل توں مئی تک پھلدا ہے . ایں دا پھل عام طور نال اخروٹ دے ناں نال مشہور ہے۔ ایہ درخت بہت سارے طبیعی مواد اسید لینولئیک، گالیک اسید، الاجیک اسید، β-Carotene، حیاتین ج، حیاتین بی - 3، بی - 5، بی - 6، حیاتین اي، ٹریس عناصر پوٹاشیم، فاسفورس اور میگنیشیم , Juglone, كيرسيتين، کائمفرول تے مشتمل ہے۔ اخروٹ کھاوݨ دی صنعت، طب تے سنگار وچ استعمال تھیندا ہے۔ ایں دا پھل 70% چربي مواد، 18٪ پروٹین تے 3٪ کاربو ہائیڈریٹ تے مشتمل ہے مگر ایں دے پودے دا تیل وی حاصل کیتا ویندے۔




#Article 276: اخسویرس (107 words)


اخسویرس ایران دا بادشاہ ہئی جیہڑا یونانی زبان وچ Xerxes دے ناں توں مشہور ہے۔ ایں دا دارالخلافہ سوسن (Shushan) نامی شہر ہئی۔ تاریخ گواہ ہے کہ ایں بادشاہ دی مملکت قدیم ہندوستان دے شمال مغربی علاقوں توں گھن کے مشرقی افریقہ وچ ایتھوپیا (Ethiopia) تک پھیلی ہوئی ہئی۔ اس بادشاہ دی تخت نشینی دا سال 486 قبل مسیح تے سال وفات 465 قبل مسیح ݙسایا ویندا ہے ۔
اخسویرس بادشاہ نے مشہور یہودیہ آستر نال شادی کیتی۔ جیں نے بادشاہ دے ہک وزیر ہامان دی یہودیاں دے قتل عام دی سازش کوں ناکام بݨایا۔ بادشاہ دا ذکر بائبل دی کتاب آستر وچ تفصیل نال آیا ہے۔




#Article 277: اخلاق دی جیت (196 words)


اج پٹرول پمپ تیں تیل گھنڑ گیاں، تیل گھن تیں بائیک کڈھیندا پیا ہم، تاں بائیک دا کلچ پمپ آلے چھوکرے دی پاسے آلی جیب اچ اڑ گئے، اتے اوں شودے دا چولا آدھل تائیں چیریا گئے، بس اوندے بعد چھوکرے دا منہ چُلدا ہا سمجھ کشے کینا اندی پئی ہائی، بس اوندی باڈی لینگویچ ڈسیندی پئی ہئی جو کڈھیندا مندے کھڑے، میں مکمل آرام نال اوندے پہاڑے سنڑیے، جیہرلے چپ کیتیس میں آکھیے لالا تیڈی مجلس ختم تھی گئی اے ؟
چپ کر تے کھڑ گئے، میں بائیک پاسے نال کھڑا کے اوں کنوں معذرت کرنڑ پئے گیاں، ہک دفعہ معذرت کیتیمی، ڈوجھی دفعہ، تریجھی دفعہ چھیکڑ اوں آکھیے ٹھیک اے یار ونج ہنڑ جیہرا کجھ تھی گئے تاں بس تھی گئے، میں لحظہ جمب تے وت پج گیاں، میں آکھیے سوری یار آپکا سوٹ تباہ ہوگیا، ذرا سڑ کےآکھیس ٹھیک ہے بھائی جاؤ، میں وت لحظہ انتظار کر کے وت گیاں وت معذرت کیتیمی آکھیس اڑے جاؤ بھائی ٹھیک ہے بس، اوندے بعد میں وت جو گیاں میں اجاں الایا کشے کینا ہا، اوں آپ ہتھ چا بدھین، آکھیس یار میکوں معاف کر، امیداے جو آئندہ کہیں کوں مندے نہ ڈیسی 😂۔ مظہر حسین




#Article 278: اخلاق مزاری (626 words)


اخلاق مزاری سرائیکی شاعر ہے۔جدید تے نویکلے لب ولہجے دے شاعر سیں اخلاق مزاری دے اعزاز ءچ خان گڑ ھ ڈونمہ تحصیل علی پور ءچ اُتھوں دی ادبی تنظیم وسدی جھوک ادبی سنگت دی طرفوں ہک شاندار شعری نسشت دا اہتمام کیتا گیا جیں وچ مقامی شعرا تے وسدی جھوک پاکستان دے شاعریں شرکت کیتی جیندے وچ شباب بلوچ جام عارف جام شوکت عزیز خصوصی شرکت کیتی.سیں اخلاق مزاری دے شعری مجموعہ ،، پاݨی رنگیاں اکھیوں،، دی مہرے آلا اچ گھنڈ کھلائی سرائیکی لوک سانجھ دے کٹھ کو رومینٹک کر ڈتا۔ سیں اخلاق مزاری دی شاعری آتے ایندے اتے دانشوریں تے شاعریں دی گفتگو ڈوڑی چس چوایی۔ بھوایں وزڈم رکھݨ آلا اے شاعر آپݨی شاعری آلی کار بہوں سونھڑا، جادوئی آتے کمال بندہ ہے۔

پہلی جنوری ١٩٧٨ء کوں ڄمے۔

اوندے گھر ڈو ویندے

اکھیں لتھے رستے

پڑھیاں عشق کتاباں

خالی رہ گۓ بستے

اخلاق مزاری

کوفے دا امیر آگے توڑیں سر دے برابر

بعیت کروں دشمن دی اے منطق نئیں رکھیندے 

بازو جے کٹیے گیئن تاں اخلاق ولا کیا 

کجھ صاحب کردار اتھاں نک نئیں رکھیندے

سندھ جیویں......... شالا جی

لکھیں جوڳا................ .. تھی

رݨک ہمیشہ روݨق.......... تیݙی

کٹیاں منجھیاں........... .... دی

پاڑے وسدیاں مچھیاں تیݙیاں

تیݙے یار....................... پکھی

اپݨے لوکیں اپݨے..... جھو کیں

اپݨا......................... پاݨی پی

لائیاں لاݨے............ پتر مہاݨے

ٻیڑی.................... تیݙی دھی

سندھو سئیں..... پارت ہووی

بھلی کر................ یار بھلی

نکےنکے جھیڑے ہن

اونویں تاں نکھیڑےہن

تیݙے سنگ سانولا 

ساݙے کیا دے جھیڑے ہن

سک دے بزار ءن

مونجھ دے وپار ءن

اساں گھاٹے نفعے سارے 

اللہ اتے چھیڑے ہن

بختیں والی سݨ وو امڑی

سݨ وو میݙی............. ماء

اکھیں تیݙیاں دھیریں امڑی

اکھیں ناں.................. پرناء

چار ݙیہاڑے انہاں کوں وی

دنیا ݙیکھݨ............... ݙے

اونویں تاں ہے دھن پرایا

بابل کوں................ سمجھا

ہک واری تاں انہاں کوں وی

پینگھاں جھوٹݨ....... ݙے

مر پوون تاں ٹاہلی تلے

اکھیں چا............. دفناء

تیݙے ہتھ وصال ڑی امڑی

تیݙے............ ہتھ وصال

برہا روپ وٹیندیاں اکھیں

برہا پیوء تے............. ماء

اخلاق مزاری

کِکرّ آ وؤ کِکرّ آ

پھل تیڈے پیلڑے

چھاں تیڈی ویلڑی

تلے مٹی میلڑی

اتے رنگ نیلڑے

چیچکیں دی چنگ ھے

ساوی تیڈی لنگ ھے

ساون سئیں دے حیلڑے

رتیں رنگی پگ نئیں

ول لتھے بگ نئیں

پکھی تھۓ پسیلڑے

اخلاق مزاری

من منوتیاں درگاہیں تے انت  وکاݨے  پھل

کئیں دے کیتے روندے رہ گن اللہ جاݨے پھل

کتواں ڈینہہ ء مونجھ کنوں وی بلبل کینی بولی

اللہ خیر کرے نئیں ساڈے نال  الاݨے پھل

گلوں ننگئیں وستیں اندر  سروں ننگیاں رتاں

پیروں راݨے سارے پوپٹ کنڈو راݨے پھل

ہک ڈینہہ مونجھ دا جنگل جھاگ تے باہر جھاتی پیسوں

ساڈا رستہ ڈہدے ہوسن ہنجوں ہاݨے پھل

اوندے لب کوں ڈیکھ تے فطرت مونہہ اچ انگلیں پیسے

اوندیں اکھیں اگوں لگسن اندھے کاݨے پھل

جیندے واروں اساں روح دے روزے پورے کیتے

عید اتے اخلاق نئیں بھیجیے اوں فطراݨے پھل

اخلاق مزاری

وصل شیشہ تیݙا  ہجر  جھاتی تیݙی

منی پئے ہیں مٹھا گل تے کاتی تیݙی

چندر چہرے تیݙے ڳل دے سہرے تیݙے

کھل وی تھوݙیں اتے ہے براتی تیݙی

سارے لالݨ تیݙے اݙدیاں کونجاں تیݙیاں

سرمی رنگی ہے سانول حیاتی تیڈی

ساݙے  سینے  اتے تیݙے دڑگار  ہن

سلطنت اے وی ہے یار ذاتی  تیݙی

توں نئیں ملدا تیݙی مونجھ ملدی تاں ہے

او وی مل پمدی ہے چپ چپاتی تیݙی

روح رنڈیپے تیݙے نت کلھیپے تیݙے

کھا ڳئی اے زندگی بے ثباتی تیݙی

توں نکھڑ ڳئیں تاں اخلاق احساس تھئے

مونجھ لڳدی وی ہئی کال واتی تیݙی

شاعر۔۔۔۔۔۔۔اخلاق مزاری

مونجھاں  ڄاوݨ لا دیاں

وستییں  بیریں رادھیاں

ٹر   پیاں  پیر   پیا دیاں

سدراں    گلوں   ننگیاں

پپلیں دے  وچ   پوتیاں

اساں    اکھیں دھوتیاں

رتیں  میندیاں  لو تیا ں

مونجھ ہتھیلیاں رنگیاں

نہ  جنگل   نہ   گونجاں

لالن    نانویں  مونجھاں

وینڑ   کریندیاں  کونجاں

وستی   اتوں     لنگھیاں

جنجوں   وچ   کچا وے

نہ کوئی  کھل    الا وے

نہ   کوئی  درشن پاو ے

نہ  شیشے  نہ  کنگھیاں

اخلاق مزاری




#Article 279: اخلاقیات دی کھیݙ (677 words)


جنگل دے وچ ایویں کائنی، او نفرت نئیں کریندے، اتھاں ہک درندہ وی صرف اوں ویلھے آپ توں کمزور جانور تیں حملہ کریندے جیہرے ویلھے اونکوں بکھ لگدی ہے، خدا اونکوں آپنڑاں خلیفہ شئیت ایں وجہ کنوں نہ آکھایا ہوسی، جیکر حقیقت اچ او خدا دا خلیفہ ہوندا تاں بکھا مر ویندا، لیکن کہیں جانور دا شکار نہ کریندا، بھوئیں تیں رت نہ وہیندا، اج تائیں کئی واری میکوں زہریلے کیڑے نظرین، اگیں میں انھاں توں خوفزدہ ہوندا ہم، انھاں کوں مارنڑ دی کوشش کریندا ہم، لیکن میڈے ہتھاں کوں میڈا دماغ کمانڈ ڈیونڑ دے بعد بہوں پریشان راہندا ہا، میں اج تائیں ککڑ وی ذبح نئیں کرسگیا، کوشش کرنڑ دے باوجود وی، اساں آپنڑے اندر ہک سفاک درندہ رکھدوں، جیہرا لوک کیا آکھسن کوں بنیاد بنڑا تیں او کم وی کریندن جیہرا کڈھاں وی انھاں دا ذہن، انھاں دا ضمیر اتے انھاں دی فطرت نئیں منیندی ہوندی، جیہرلے بندہ سوچنڑ سمجھنڑ پوندے تاں ایجھے سوالات بہوں ذہن اچ آندن، جنہاں دا جواب عام طور تیں رسمی ہوندے، اساں ککڑ کیوں کھاندوں ؟ کوئی پتہ کینی، بس شروع لا توں اماں ابا اتے پورا معاشرہ جو کھاندن تاں اساں وی کھاندوں، ایہو جہیں ڈھگ بئے سوال ہوندن جیہرے انسان دے ذہن دی ماڑی اتیں جھاتیاں پا تے جواباں دی پھلور اچ پریشانی اتے تذبذب نال بھنوالیاں کھاندے ودے ہوندن، لیکن اے معاشرہ رائج معاشرتی نام نہاد قدراں اتے ایجھے افسانے دے پریشر نال جیندے اتیں بولنڑ دی اجازت وی کینی اوندے وچ اوندے سبھے سوال رنمب ڈیندے، اے مقدس پردہ ہٹاونڑ واسطے انسان کوں ڈاڈھی وچار کرنڑی پوندی اے، انسان ہک تکلیف اتے ڈکھ دی کیفیت اچ عمراں لنگھاہ چھوڑیندے، جیکر او ایویں نہ کرے تاں، اوندی جاہ مٹی اچ ہوندی ہے، یا کاربن دے ذرات بنڑ کے فضا دی آلودگی اچ ودھارا کریندیں وی ڈٹھا گئے۔
او درندہ صرف اوں ویلھے حملہ کریندے جیہرے ویلھے اوندے ڈڈھ دا دوزخ اونکوں مبجور کریندے، یا وت زندگی نال محبت دے پاروں حملے دے امکانات محسوس کر تیں، او حملہ کر ڈیندے، لیکن چھوٹے کیڑے مکوڑے جنھاں کوں ساڈی ذات نال بس ایہو مفاد ہے جو اساں انھاں کوں لتاڑوں نہ، اساں وڈی بے دردی نال انھیں دی جند دے دشمن بنڑ ویندوں، نانگ کوں ڈیکھ تیں بس ڈانگ چا گھندے ہیں، اے تاں ساکوں خیال کرنڑاں چاہیدا ہے، او تاں ساڈا دوست ہے، لیکن جیہرے ویلھے تساں دوست اتیں حملہ کریسو، تاں او آپنڑاں دفاع کریسی۔
جنگل اچ نفرت کینی، جنگل اچ بھوئیں دے نال دشمنی کینی، جنگل اچو واہندی ندی اچ کیمیکل نئیں سٹیا ویندا، جنگل اچ اتلے علاقے اچ راہونڑ آلے ڈیم بنڑا تیں ، کھڈ مار تیں تلویں علاقے دا پانڑی بند نئیں کریندے، او ہک بئے کوں کہیں وجہ نال قتل کریندن، انھاں کوں کہیں جانور اتیں حملہ کرنڑ سانگے کوئی جواز چاہیدا ہوندے، او ہک بئے دے وسائل تیں قابض نئیں تھیندے، او خدا دے ناں تیں جنگوں نئیں چھڑیندے، او آپنڑے جنگل اچ رابا نئیں مچیندے، ضرور ساڈی وسوں اچ آ کراہیں انھیں کوں کافی تکلیف تھیندی ہوسی۔
اساں تاں نچدی ہرنی کوں بندوخاں نال مار تیں فوٹو بنڑویندوں، اتھاں تاں نایاب جانور مار تے اساں ڈھیر خوش تھیندوں، اتھاں پکھی قتل کرنڑ دا مقابلہ ہوندے، جیکر ایں وسوں دے لوکاں کائنات دے ہر ذرے کوں خدا سمجھیا ہووا ہا تاں او سارے کٹھے تھی کے، کہیں پکھی توں گاونڑ سنڑن ہا، کہیں کوں جھمراں کھیڈدا ڈیکھن ہا، ایں رنگین اتے سوہنڑی کائنات دے وچ سارے انسان، پرندے، کیڑے، جانور ہر مخلوق کٹھی تھیوے ہا، او کائنات دی زبان سکھ ونجن ہا، کائنات دی زبان اچ ہک بئے نال حال حوال ونڈاون ہا، کہیں شاعر کوں ہک پکھی نال محبت تھی ونجے ہا، او شاعر آپنڑی شاعری اچ اوں پکھی دے ناویں نظماں لکھے ہا، سارے سنڑ تیں داد ڈیون ہا، جیکرکڈھائیں پکھی کہیں گالھ تیں شاعر توں رُس ونجے ہا تاں ساری مخلوق ڈکھی ہووے ہا، اتیں انھاں دے منیوے تیں ہک گرینڈ پارٹی کرن ہا، جیندے اچ سارے رل مل تیں چساں چاون ہا، جھمراں پاون ہا، دول اتے شرنا نال کائنات دی زبان اچ کھیڈن ہا، ول دول، شرنا اتیں جھمر کھیڈنڑ دی ڈاڈھی چس آوے ہا۔ مظہر حسین




#Article 280: اخوان المسلمون (102 words)


ایہ جماعت 1929ء وچ مصر وچ قائم تھئی۔ ایں دے بانی شیخ حسن البنا ہن جیہڑے اسسروریہ دے ہک گاؤں دے رہݨ والے ہن۔ انھاں نے ایں تحریک دا آغاز 1923ء وچ کیتا ہئی مگر 1929ء وچ اینکوں باقاعدہ شکل ݙتی گئی۔ ایں دا منشا اسلام دے بنیادی عقائد دا احیا تے انہاں دا نفاذ ہئی۔ مگر بعد وچ ایہ جماعت سیاسی شکل اختیار کر گئی۔ مصر وچ ایہ تحریک کافی مقبول تھئی تے ایں دیاں شاخاں ݙوجھے عرب ممالک وچ وی قائم تھی ڳئے۔ ݙوجھی جنگ عظیم دے خاتمے تے ایں دے اراکین دی تعداد ویہہ لکھ دے لگ بھگ ہئی۔




#Article 281: اخوندزادہ سیف الرحمٰنؒ (237 words)


اخوند زادہ سیف الرحمن مبارک رحمتہ اللہ علیہ سلسلہ نقشبندیہ مجددیہ، شیخ احمد سرہندی مجدد الف ثانی دی ذات نال منسوب طریقہ دے ہک اسلامی مذہبی تے روحانی رہنما ہن، جنہاں کوں عموماً حضور مبارک سرکار دے ناں نال یاد کیتا ویندا ہے۔۔السیف الصارم انہاں دے ناں نال منسوب تے سلسلہ سیفیہ دا نمائندہ ماہنامہ ہے۔

آپؒ تصوف وچ سلسلہ سیفیہ دے بانی ہن جیہڑا اہلسنت والجماعت دے حنفی مکتب فکر نال تعلق رکھدے ۔ کئی غیر مسلماں نے آپؒ دی تبلیغ نال اسلام قبول کیتا۔
انہاں دے ناں دی نسبت توں انہاں دے پیرو کاراں کوں سیفی آکھا ویندا ہے.  (سیفی) اوہ سلسلہ تصوف ہے جس وش اتباع سنت دی پابندی تے بہت زور ݙتا ویندا ہے جبکہ لطائف، جیویں کہ قلب ،روح ،سر، خفی، اخفا دی تعلیمات دوران ذکر خفی وجد دی کیفیات  بے اختیاری وچ ایسی کیفیات دا ظاہر تھیوݨا جس نال جسم کنبدا ہے،  مختلف آوازاں نکلدیاں ہن،  ایں سلسلے دی خاص علامات ہن۔ لکھاں مریدین، ہزاراں خلفاء تے اولاد مبارکہ اج وی سلسلہ سیفیہ دی ترویج کیتے کوشاں ہن۔ انہاں دے زمانے دے بڑے بڑے اکابرین اہلسنت نے انہاں دی مدح سرائی فرمائی تے آپؒ دے علم و اخلاص کوں سراہا. 

اخوند زادہ سیف الرحمن رحمتہ اللہ علیہ  دی وفات 27 جون بروز اتوار 2010ء بمطابق 15 رجب 1431 ھ کوں تھئی۔
آپؒ دا مزار مبارک مرکزی آستانہ عالیہ نقشبندیہ سیفیہ، فقیر آباد شریف، لکھو ڈھیر، لاہور، صوبہ پنجاب، پاکستان وچ ہے۔




#Article 282: اخی اب (456 words)


آخیاب یا اخی اب سلطنت اسرائیل دا ستواں بادشاہ،  عمری دا بیٹا تے آخزیاہ دا پیو ہئی۔ 918 قبل مسیح وچ تخت نشین تھیا۔ ایں دا ناں مشاہیر تاریخ وچوں ہے۔ اوں دے زمانے وچ سلطنت اسرائیل بت پرستی دی طرف مائل تھی گئی۔ بت پرستی کوں تحریک ݙیوݨ والی اوندی بیوی ایزابل جیہڑی ہک فنیقی بادشاہ دی بیٹی ہئی۔ ایہ عورت فنیقیاں دے دیوتا بعل زبول دی پوجا کوں بڑی تیزی نال فروغ ݙیندی پئی ہئی۔ چنانچہ اوں نے سمرون وچ جیہڑا اسرائیل دا نواں پایہ تخت ہئی، ہک مذبح تے ھیکل اوں بت کیتے تعمیر کروایا۔ آخیاب نے ٻاویہہ سال حکومت کیتی تے 898 قبل مسیح وچ ہک جنگ وچ مارا گیا۔

تواریخ بائبل وچ لکھا ہے کہ اوں دے زمانے وچ ایلیاہ (الیاس) نبی ہن۔ جنہاں نے آخیاب کوں اس دی بت پرستی دی وجہ نال بارش نہ تھیوݨ دی بددعا ݙتی تے مکمل ترئے سال تک خشک سالی رہی۔ اوندے بعد خدا نے بارش عطا کیتی تے ایویں ایلیاہ کوں آخیاب تے فتح حاصل تھئی۔ لیکن ایزبل دے حسد تے غصہ نے ایلیاہ کوں ہجرت تے مجبور کر ݙتا تے اوہ سینا دی وادیاں دی طرف چلے گئے۔

تفہیم القران وچ مولانا مودودی لکھدے ہن کہ اوں موقع تے الیاس علیہ السلام نے جیہڑی دعا منگی، اوں دے الفاظ ایہ ہن۔ بنی اسرائیل نے تیݙے عہد کوں ترک کیتا۔ تیݙے نبیاں کوں تلوار نال قتل کیتا۔ ہک میں ہی کلہا بچا ہاں۔ سو اوہ میݙی جان گھنݨ دے درپے ہن۔ (سلاطین باب 19، آیت 1۔10)

ہیں اثنا وچ آخیاب دی توجہ مذہبی معاملات توں اٹھ کے سلطنت دی حفاظت دی طرف مبذول تھی گئی۔ بن ہدو شاہ آرام ول ایں مملکت تے حملہ آور تھیا۔ اوندے جھنڈے تلے ٻتریہہ بادشاہ موجود ہن۔ اوں نے سمرون دا محاصرہ کر گھدا تے آخیاب کوں اطاعت کرݨ دا ہک ناشائستہ پیغام بھیجا۔آخیاب نے غصے وچ اینکوں رد کر ݙتا۔  گھمساݨ دی جنگ تھئی تے بن ہدو نے شکست کھادی لیکن ݙوجھے ہی سال بن ہدو ول حملہ آور تھی گیا۔ ایں وار اوہ پہاڑی علاقے توں کنارہ کش تھی کے اسدرلان دے میدان وچ خیمہ زن تھیا۔ بہت زور و شور نال جنگ تھئی تے بہت سارے آرامی کم آئے۔ بن ہدو مجبور تھی کے آخیاب دے سامݨے جھک گیا۔ لیکن آخیاب نے غلطی کیتی تے اونکوں معاف کر ݙتا۔ اوہ تریجھی وار رامات جلعاد دے مقام تے نمودار تھیا جیہڑا اردن دے مشرقی کنارے تے واقع ہے۔ آخیاب نے اپݨے ہمسایہ شاہ یہوداہ یہوسفط کوں وی لڑائی وچ شریک تھیوݨ تے اکسایا۔

زوراں دی جنگ تھئی۔ آخیاب ایں جنگ وچ مارا گیا۔ تے اردن دی انہاں اطراف وچ بن ہدو نے جو چاہا سو کیتا۔ تواریخ بائیبل دی اطلاع دے مطابق آخیاب دے ستر بیٹے ہن جیہڑے سمرون دی ایں جنگ وچ مارے گئے۔




#Article 283: ادارہ ادبیات اردو (117 words)


ادارۂ ادبیات اردو دا قیام 1920ء وچ تھیا ہئی۔ ایہ ادارہ حیدرآباد دے علاوہ سابقہ ریاست حیدرآباد دے دیگر اضلاع وچ اردو زبان و ادب دے فروغ دا کم کریندا ہئی تے ایندی ریاست دے اضلاع وچ وی شاخاں ہن۔

ادارے دے حسب ذیل شعبے دور نظام وچ فعال ہن :

ایں ادارے کوں ابتدا وچ 3,500 روپیے سالانہ دی سرکاری امداد ݙتی ویندی ہئی۔ ول ایندے بانی ڈاکٹر محی الدین قادری زور دی حکومت وچ نمائندگی دی وجہ نال 1944ء توں ایہ امداد ودھا کے 12,000 روپیے سالانہ کر ݙتی گئی۔ حالانکہ سرکاری امداد اوں دی ضروریات دی تکمیل دا ہک اہم ذریعہ ہئی، تاہم دیگر ذرائع توں وی مالی ضروریات دی تکمیل وی تھیندی ہئی۔




#Article 284: ادارہ ثقافتِ اسلامیہ (205 words)


ادارۂ ثقافت اسلامیہ، پاکستان وچ واقع اسلامی علوم دا خود مختار غیر سرکاری اشاعتی ادارہ ہے۔ ایہ ادارہ لاہور وچ 1950ء وچ ایں غرض نال قائم کیتا گیا کہ اسلامی تہذیب و ثقافت دے مختلف پہلوؤاں دا علمی و تحقیقی مطالعہ کیتا ونجے۔ ایں ادارے دے پہلے ناظم اعلیٰ خلیفہ عبدالحکیم ہن۔ ڈاکٹر صاحب مغربی و یورپی فلسفے دے نال نال اسلامی فلسفے تے وی عبور رکھدے ہن۔ ادارے دے ارکان دے انتخاب وچ اوں وقت ایں امر دا خیال رکھا گیا کہ اوہ قدیم و جدید علوم تے قدرت کاملہ رکھدے ہوون۔ چنانچہ مولانا محمد حنیف ندوی، مولانا محمد جعفر شاہ پھلواری، مولانا مظہر الدین صدیقی، ڈاکٹر محمد رفیع الدین،  بشیر احمد ڈار، پروفیسر محمد سرور، رئیس احمد جعفری تے شاہد حسین رزاقی جیہے جید علما دا انتخاب کیتا گیا۔ خلیفہ عبدالحکیم دے بعد محمد شریف کوں نظامت دے فرائض سونپے گئے ایندے بعد شیخ محمد اکرام نے ایں ادارے دی صدارت سنبھالی۔ 1973 وچ پروفیسر محمد سعید ایں ادارے دے ناظم مقرر تھئے۔ جب کہ کجھ عرصہ ڈاکٹر وحید قریشی وی ایں ادارے دے ناظم رہے۔ ایں ادارے دی جانب توں سینکڑاں کتاباں شائع تھی چکیاں ہن۔ جنہاں دا موضوع اسلامی و پاکستانی ثقافت و تہذیب تے تاریخ برصغیر پاک و ہند ہے۔




#Article 285: ادارہ فروغ قومی زبان (135 words)


ادارہ فروغ قومی زبان (مقتدرہ قومی زبان)، حکومت پاکستان دی وزارت کابینہ ڈویژن دے ماتحت ادارہ ہے جیں دا نصب العین ملک وچ اردو زبان دی ترویج ہے۔ ایں ادارے دا قیام 4 اکتوبر 1979ء کوں آئین پاکستان 1973ء دے آرٹیکل 251 دے تحت عمل وچ آیا تاکہ قومی زبان 'اردو' دے بحیثیث سرکاری زبان نفاذ دے سلسلے وچ مشکلات کوں دور کرے تے ایں دے استعمال کوں عمل وچ گھناوݨ کیتے حکومت کوں سفارشات پیش کرے، نیز مختلف علمی، تحقیقی تے تعلیمی اداریاں دے مابین اشتراک و تعاون کوں فروغ ݙے کے اردو دے نفاذ کوں ممکن بݨاوے۔ ایں ادارے نے متعدد مفید کتابچے شائع کیتے ہن۔ حالیہ برساں وچ ایں دے ہک ذیلی ادارے مرکز فضیلت برائے اردو اطلاعیات نے اردو دے کمپیوٹر تے استعمال دے حوالے نال کامیاب منصوبے شروع کیتے ہن۔




#Article 286: ادارہ یادگارِ غالبؔ (111 words)


ادارۂ یادگار غالب کراچی وچ واقع پاکستان دا ہک غیر سرکاری خود مختار علمی و ادبی ادارہ ہے، جیں دے قیام دا مقصد اردو زبان دے عظیم شاعر، مرزا اسد اللہ خان غالب دی صد سالہ تقریبات دا اہتمام کرنا تے غالب دی حیات و فن تے تحقیقی کتب دی نشر و اشاعت ہے۔ ایہ ادارہ نہ نفع نہ نقصان دی بنیاد تے اردو زبان و ادب تے بالخصوص غالب دے فن و فکر دی ترویج دے کیتے وقف ہے۔

ادارہ یادگار غالب دی موجودہ انتظامیہ دے ناں ایہ ہن :

ادارۂ یادگار غالب نے غالبیات دے حوالے نال اہم تحقیقی کتاباں شائع کیتیاں جنہاں وچ خاص خاص مندرجہ ذیل ہن:




#Article 287: اداس نسلیں (152 words)


اداس نسلیں اردو زبان وچ لکھا ونجݨ والا تاریخی ناول ہے جینکوں عبد اللہ حسین (پیدائش :14 اگست، 1931ء وفات:4 جولائی، 2015ء) نے 1963ء وچ تحریر کیتا۔ ایہ ناول عبد اللہ حسین دی پہچاݨ بݨا۔ ایں ناول دے پنجاہ توں زیادہ ایڈیشن شائع تھی چکے ہن۔ ایں ناول کوں 1963ء وچ آدم جی ادبی انعام نال نوازا گیا۔

اداس نسلیں دا موضوع برطانوی ہندوستان ہے۔ ایہ ناول اپݨے اندر ہک عہد دی تاریخ سموئے ہوئے ہے۔ ناول دے واقعات دی ابتدا 1857ء دی جنگ آزادی توں تھیندی ہے تے اختتام قیام پاکستان تے تھیندا ہے۔ ناول وچ 1857ء دی جنگ آزادی، جاگیردارانہ ذہنیت دا پھیلاؤ، کانگریس دی سیاست، آل انڈیا مسلم لیگ دی جدوجہد، جلیانوالہ باغ قتل عام، مسلم تشخص دا احساس، ݙوجھی جنگ عظیم تے اوں دے ہندوستان تے اثرات، ہندوستان وچ آزادی دی جدوجہد، تقسیم ہند دے فسادات تے قیام پاکستان دے واقعات کوں خاص کر اجاگر کیتا گیا ہے۔




#Article 288: ادب ضمانت اے زندگی دی (335 words)


ادب زندگی دے اظہار دا ناں ھے ۔ ایہ او راہ ھے جیندے اُتے پندھ کریندے انسان کوں زندگی دے اُنھاں گُٖجھے رازاں دی سُدھ بُٖدھ پوندی ھے جنھاں توں او بے خبر ہوندے۔ادب ہر دَور وچ اَمن دا پیغام عام کریندا رہ ڳئے۔جیندی وجہ توں ایہ دُنیا وچ اَمن دا استعارہ ھے۔اڄ وی دُنیا وچ جتنا ادب تخلیق تھیندا پئے سارا انسان دی فلاح تے بقا دا امین ھے۔سرائیکی دھرتی دے پُراَمن لوک وی صدیاں پُراݨا ادبی ورثہ سینے سانبھ اپݨا ارتقائی پندھ طے کریندن پِن۔ایں وَسوں وچ ادبی وَݨ دی چھاں تلے ساہ گھِنݨ والے شاعر ادیباں دا شمار ہمیشہ پُراَمن لوکاں وچ تھیندا رہ ڳئے۔ ایہ لوک اپݨی دھرتی اتے دیس دے او امانت دار ہِن جنھاں اپݨی قوم دی بے لوث خدمت کریندیں ہوئیں اپݨی قومی شناخت کوں منوائے۔ پر اجٖوکے دَور اچ اِنھاں حق پرستاں داکوجھا حال ݙیکھ کراہیں اساں مونجھے تھی ڳئے ہئیں۔

سرائیکی دھرتی دی صدیاں پُراݨی ادبی ڳوجھی دے امانت داریں دے سینے وچ بغض ، کینہ ، حسد تے لالچ جہیں بیماری خبر نئیں کیویں رچ وَس ڳئی ھے۔ایہ تاں اپݨے ایں قومی پندھ کوں حیاتی دا قرض جٖاݨݨ والے لوک ہن۔ اِنھاں تاں اپݨی آوݨ والی نسل کوں شعور دے سوجھلے ݙتن ، اتے ݙیوݨے ہِن۔ اللہ جٖاݨے اِنھاں سوجھلے دے سفیراں دے اندر لاعلاج روڳ کیویں پلݨ پئے ڳن۔ میݙے خیال اچ ادبی مُہاندریاں کوں ذاتی رنجشاں اتے بے بُنیاد نفرتاں ختم کر تے ہک ٻئے نال جُڑݨ دی ضرورت ھے۔اینویں ایں دھرتی دے سچے ادیباں دا خیال وی اساں ساریاں دی ذمہ داری ھے۔ اساݙے دیس دے حکمراناں کوں وی باقی قوماں دے ادیباں وانگوں سرائیکی ادیباں داحق وی ݙیوݨا چاہیدا ھے۔ ایندے علاوہ سرائیکی دھرتی دے صاحبِ ثروت لوکاں دا حق وی بݨدے جو او سرائیکی ادبی پندھ کوں اڳونہاں کرݨ سانگے سرائیکی ادیباں دے ٻانہہ ٻیل بݨن۔ جیکر اساں اپݨے ادب تے ادیباں دی معاشی سرپرستی نہ کیتی اتے اُنھاں کوں مسائل دی کالی رات اچ کلہا چھوڑ ݙتا تاں اساݙی اُمید دا سجھ ہک ݙینھ صلیب چڑھ ویسی۔

غیورؔ بخاری




#Article 289: ادب وچ تنقید دی لوڑھ (910 words)


جیویں جو ہر جان کیتے ساہ گھنݨ ضروری ہے اونویں ادب آرٹ وچ وی تنقید ضروری ہے تاں جو تخلیقی کم مزید نکھرے سنور تے سݨہپ نال سامݨے آوے۔ تنقید دا فائدہ تخلیق کار کو ں ای تھیندے جو تنقید دے بعد وچ آوݨ والی تخلیقات اچ کوئی کمی نہ رہ ونجٖے تاں جو تمام نقص توں پاک آرٹ سامݨے آوے ۔ جیویں جو گھر وچ تریمت مٹی تے صبّی نال گھر دے تھاں دھوتے چمکا گھِندی ہے۔ ایو یں تنقیدی سوچ دی چھتر ی تلے تخلیق تھیوݨ والی تحریر منجھی تے مانجھی ہوئی سامݨے آندی ہے۔ ایں تخلیق کوں سنوارݨ دی خاطر کہیں بدیسی ادبی سو جھواݨ ٹی ایس ایلیٹ آکھیا ہئی جو نواں تجربہ ول ول پراݨی شئے توں بہتر ہے۔ 

تجربے وچ وی اتنی جان تے عام انسانی سطح تک اینکوں سمجھݨ دا اشارہ موجودہ ہے تاں ول ایہ کامیاب تجربہ ہے۔ اگر عوامی سوچ کوں نی اَپڑ سڳدا تاں ایہ تجر بہ تجربہ گاہ تک رہ ویند ے۔ ادب وچ وی جدت ہک خاص حد تک عوامی ذہناں تے سفر کریندی ہے اگر ایہ گالھ عوامی ذہنی سطح توں ہٹ کے کیتی ونجٖے تاں ایہ شہکار یا ایندی شہرت اڳی تے سفر نی کر سڳدی۔ جدید تخلیق کاری دے ایں سفر کوں ڈاکٹر گل عباس اعواݨ نے ݙیکھݨ ، پرکھݨ ، بھالݨ تے جانچن دی اَہر کیتی ہے۔ ایہ موضوع ایہ انگ ساݙے ویلھے دی لوڑ وی ہے ۔ جو ساݙا اجٖوکا نینگر تنقیدی رَویاں توں آشنا تھیوے تے تخلیق دے سہݨپ دے ورتا ر ے تے اٹکلا ں دی سُنجٖاݨ رکھے۔ ڈاکٹر گل عباس اعواݨ نے ایں تنقیدی سوجھلے کوں جدید رنگ اچ کیویں ݙٹھے اُنھاں اینکوں اپݨی کتاب ’’جدید سرائیکی شاعری‘‘ اِچ چھی حصیّاں اچ تقسیم کیتے۔ جدید شاعری دی وجوہات کیا ہن ۔ 

شاعراں اچ ایہ رویے کیوں آئن، جدید شاعری دے مسائل تے انھاں دے سوب بارے ایہ ڳوئڑ کیتے نیں جو ساݙی بھوئیں تے ساݙی زبان دے علاوہ لوکیں ساݙی سُنجٖاݨ کھسݨ دی شعور ی تے غیر شعوری کو شت کیتی ہے۔ جیویں جو ریاست بہاول پور وچ پنجابی آبادی کاراں دی آمد یا وت ملک وچ بݨݨ والے وݙے ڈیماں تربیلا ڈیم، منگلا ڈیم دے نیڑ ے وسڑینک لوکاں کوں ساݙی بھوئیں تے آباد کیتا ڳئے۔ چولستان اچ ریٹائر تھیوݨ والیا ں کو لاٹاں ݙتیاں ڳن۔ یاجعلی کاغذات تے روہی اچ اپر پنجاب دے لوک لاٹاں گھن تے آباد تھیندے پِن تے تل دا وسٹرینک روہیلا اونویں سُنجٖا رہ ڳئے۔ اینویں ای پاکستان بݨݨ ویلے سرائیکی وسیب اچ مہاجرین دی آبادی کاری دے علاوہ انگریز اں دی غلامی تے خوشامد کرتے جاگیراں حاصل کرݨ والے وݙے زمیندار اَڄ زبردستی سرمائے دی وجہ توں ساݙے آقا تے سردار بݨے وَدن۔ وسیب دے غریب تے شو دے لوکاں جاگیرداراں دا ݙڈھپ تے اندر دا کجھپ ، وسیب واسیاں کو ں اپݨی آواز بلند کرݨ تے مجبور کر ݙتے۔ ایں سمجھو جو ساݙے لکھاری نے اپݨی بھوئیں تے معاشی ، معاشرتی ، ثقافتی ادبی ، تاریخی تے علمی استحصال کوں جبر تے زورز للھل کوں محسو س کریندے ہوئیں اپݨی شاعری تے اپݨی لکھت دے موضو عات کو ں بدلیے۔ا تے شاعری وچ فکری تے فنی سطح تے انسان دوستی تے امن کو ں لِیکݨ دا اَہر کیتے۔ ایں طراحویں شاعری اچ ثقافتی اسلو ب دے اجرک رنگے رنگاں اچ مزاحمتی تے ملامتی تے علامتی رنگ تے انگ نتر تے سامݨے آڳئے۔ ایہ نشابر رنگ ایں ساݙی اجٖوکی شاعری دی سُنجٖاݨ بݨ ڳئے۔ ایندے وچ مختلف شاعراں ہائیکو ، سرائیکو ، نظم، کافی، انقلابی گیت تے ݙوہڑ ے وچ اپݨی جدید سوچ دے موتی پوتن، اجٖوکی شاعری اچ ظلم تے ݙڈھپ دے نظام نال نفرت ، بے انصا فی دا خاتمہ ، ملکی وسائل وچ برابر دی حصہ داری، و ڑنج تے کلنج ،بھوئیں واسیاں دا کُر لاٹ، ویݨ، غریب امیر وی وِ تھ،مال عزت آبرو، جان دا تحفظ نہ ہووݨ ، سوُ دی تے موذی نظام دا ݙنگ خاص موضوع ہِن۔ ڈاکٹر گل عباس مونڈھی مُکھ پنے اچ جدت تے سُݨہپ داویورا کیتے تے نتا ر انتار تے جدید سرائیکی شاعری دے انگ کو ں نشابر کتیس ۔ 

تریجھے پّکھے وچ ڈاکٹر گل عباس سئیں نے ڈاکٹر نصر اللہ خان ناصرؔ تے غزل دے تو انا شاعر اقبال سوکڑی دی شاعری اچ جدید انگ ڳولین، ایہ جدید ادب نویں نکور رُحجانات دا اظہار ہے۔ اجٖوکے جدید موضوعات اچ سماجی قدراں وی بھَن تروڑ ، اجٖوکے واچھے لچھݨ کوں لِیکیا ڳئے تے انسانی معر اج تے فائز روّ یے دی وی تلاش کیتے ڳئے ہِن ۔ شاعری اچ بندے توں بندے نال اوپراپن ، دِ لاں دی وِ تھ فاصلیاں دی وِتھ تے غالب آڳئی اے ۔ اجٖوکی آپ تٹراپی ، غلام نظام توں بے زاری، اخلاقیات دا مکو ٹھپݨ، دین دھرم تے عمل دا ݙیوالہ ، بے عملی پاروں انسان دا روشا، اسطو ر ی پچھوال دی ڳول اچ اڳوال دی دُ ھند نال جڑی شاعری ساݙے ادب تے بھوئیں دی سُنجٖاݨ بݨی ہوئی ہے۔ جدید شاعری میݙے نزدیک چود ھاروں عمیق فکری نظر دا ناں ہے۔ ایہ سماجی حقوق بھوئیں و ا سیاں کو شعور ونڈݨ دے نال نال بے وسی دے ویݨ ہن ۔ ڈاکٹرگل عباس اعواݨ جدید شاعری دا مُنݙھ ڳولیندیں ایں ڳالھ تے پُجِٖن جو ایندا مُنݙھ خواجہ غلام فریدسائیں نے سو سال پہلے ٻد ھ چھوڑیا ہئی۔’’اپنی نگری آپ وسا تو ں پٹ انگریزی تھاݨے‘‘ جہیں روّیے استحصالی قوت دے چنبے گھتݨ دی اطلاع ہئی ۔ ایہ آوݨ والے وقت کتیے ہوکا ہئی ۔ خواجہ سائیں دے بعد جہڑا نرم ملائم تے کُولا چسُو لا لہجہ اختیار کیتا جیویں جو 

؂ شالا کڑکی غیبی گولا (رحیم طلب)




#Article 290: ادبی وساخ (191 words)


اج سرکار عزیز احسن سئیں دی ادارت وچ دیرہ غازیخان توں نکلنڑ والا پہلا ترائے ماہی رسالہ مدیراعلی سئیں دی محبت پسانویں وصول تھئے جیندے وچ جناب صوفی تاج گوپانگ سئیں جناب اقبال سوکڑی سئیں جناب بشیر غمخوار سئیں جناب Asghar Gurmaniسئیں جناب Sahir Rangpuriسئیں جناب Abid Bilalسئیں جناب سیف اللہ آصف سئیں جناب Qasim Sehaniسئیں جناب Hameed Ulfat Malghaniسئیں جناب عزیز احسن سئیں جناب Murtaza Zahidسئیں محترمہ سدرہ رشید ملک سئین سمیت ڈھیر سارے مہان اتے مہاندرے لکھاریں دیاں لکھتاں شامل ہن منظوم حصے وچ جناب Rifat Abbasسئیں صوفی Taj Muhammad Khan Gopangسئیں عامر ملک سئیں امجد امین سئیں Saair Jugnoسئیں جناب جہانگیر لغاری سئیں افکار علوی سئیں نوید چشتی سئیں جناب بشیر ارمان سئیں جناب منور عباس سئیں جناب اکبر مخمور مغل سئیں اتے جناب اسد شاعر رحیم اسد سئیں دی خوبصورت شاعری ایں ادبی رسالے دا سنگھار اے میڈے نزدیک بہوں اعلی اتے لاجواب علمی ادبی اتے پڑھنڑ لائق مجلہ ھے علم دوست احباب ایکوں پڑھ تے خوش تھیسن اتے ایندے باقاعدہ قاری بنڑسن ۔میں ایں رسالے دی اشاعت تے جناب عزیز احسن سئیں اتے انھاں دی معاون ٹیم کوں مبارکباد پیش کرینداں. جاوید آصف، ١٠ نومبر ١٦ء. 




#Article 291: ادبی وساخ (رسالہ) (188 words)


اج سرکار عزیز احسن سئیں دی ادارت وچ دیرہ غازیخان توں نکلنڑ والا پہلا ترائے ماہی رسالہ مدیراعلی سئیں دی محبت پسانویں وصول تھئے جیندے وچ جناب صوفی تاج گوپانگ سئیں جناب اقبال سوکڑی سئیں جناب بشیر غمخوار سئیں جناب Asghar Gurmaniسئیں جناب Sahir Rangpuriسئیں جناب Abid Bilalسئیں جناب سیف اللہ آصف سئیں جناب Qasim Sehaniسئیں جناب Hameed Ulfat Malghaniسئیں جناب عزیز احسن سئیں جناب Murtaza Zahidسئیں محترمہ سدرہ رشید ملک سئین سمیت ڈھیر سارے مہان اتے مہاندرے لکھاریں دیاں لکھتاں شامل ہن منظوم حصے وچ جناب Rifat Abbasسئیں صوفی Taj Muhammad Khan Gopangسئیں عامر ملک سئیں امجد امین سئیں Saair Jugnoسئیں جناب جہانگیر لغاری سئیں افکار علوی سئیں نوید چشتی سئیں جناب بشیر ارمان سئیں جناب منور عباس سئیں جناب اکبر مخمور مغل سئیں اتے جناب اسد شاعر رحیم اسد سئیں دی خوبصورت شاعری ایں ادبی رسالے دا سنگھار اے میڈے نزدیک بہوں اعلی اتے لاجواب علمی ادبی اتے پڑھنڑ لائق مجلہ ھے علم دوست احباب ایکوں پڑھ تے خوش تھیسن اتے ایندے باقاعدہ قاری بنڑسن ۔میں ایں رسالے دی اشاعت تے جناب عزیز احسن سئیں اتے انھاں دی معاون ٹیم کوں مبارکباد پیش کرینداں. (جاوید آصف)




#Article 292: ادریسی (202 words)


الادریسی (1100-1166) پیدائش: 1099ء - وفات: 1154ء، ہک اندلسی عرب نقشہ نویس، جغرافیہ دان تے سیاح ہئی۔ اوہ مرابطین دے دور وچ سیوطہ وچ پیدا تھیا۔ سیوطہ اندلس دا حصہ ہئی۔ اوں نے سسلی دے بادشاہ راجر دویم دے دربار وچ وقت گزارا۔

عرب جغرافیہ دان جیں نے یورپ، ایشیائے کوچک تے بحیرہ روم دے جزائر دی سیاحت کیتی۔ تے آخر شاہ سسلی راجر دوم دے دربار نال وابستہ تھی گیا جتھاں اوں نے چاندی دی پلیٹ تے زمین دا نقشہ کندہ کیتا تے ہک گلوب بݨایا۔ اوں نے ہک کتاب ’’کتاب البصر‘‘ لکھی جس وچ اپݨے سفر تے جغرافیائی تصورات کوں پیش کیتا۔ ایہ کم اوں نے راجر دی خدمت وچ پیش کیتا۔ ایہ اوں دور دا اہم جغرافیائی کم ہے۔ ادریسی نے زمین کوں آب و ہوا دے اعتبار نال ست منطقیاں وچ تقسیم کیتا۔

ادریسی نے 1154ء وچ دنیا دا نقشہ بݨایا۔ آوݨ والی صدیاں وچ اوں دا بݨایا ہویا دنیا دا نقشہ یورپ وچ استعمال تھیندا رہا۔ ایہ ڳال قابل ذکر ہے کہ کولمبس نے اوں دے بݨائے ہوئے نقشیاں کوں استعمال کیتا۔

عربوں کے بنائے ہوئے نقشوں میں مکہ ہمیشہ شمال کے رخ ہوتا تھا۔ اس لیے ادریسی کا بنایا ہوا یہ نقشہ آپکو الٹا لگے گا۔




#Article 293: ادھم سنگھ (310 words)


اُدھم سنگھ، پنجاب دا ہک غیور تے دلیر انسان ہئی۔ اوہ جلیانوالہ باغ دا المیہ فراموش نہ کر سڳا۔ ایہ واقعہ اوں دے سینے وچ کنڈے دی طرح پیوست تھی گیا۔ اوں نے عزم کر گھدا کہ اوہ جلیانوالہ باغ دے قاتل ڈائر توں بدلہ گھن کے ہی دم گھنسی تے اوں نے جلیانوالہ باغ دے شہیداں دی قیمت اوں وقت چکائی جݙݨ سرمایہ دار قومی نیتا آزادی دے ناں تے برطانوی سامراج نال سودا بازی کرݨے وچ مصروف ہن۔ اُدھم سنگھ کوں اپݨا عزم پورا کرݨ دا موقع جلیانوالہ باغ واردات دے ویہ سال بعد ملا جبکہ لندن وچ ہک شام کیگسٹن ہال وچ منعقدہ ہک تقریب وچ لیفٹیننٹ جنرل مائیکل اوڈائر (Michael O'Dwyer)، سانحہ امرتسر دا جلاّد، جینکوں ویہ سال پہلے برطانوی سرکار ہندوستانی عوام دے غضبناک احتجاج دے پیش نظر محض ݙکھاوے کیتے لندن دی عدالت وچ مقدمہ چلا کے بری کر چکی ہئی۔ اگلی صف وچ بڑے اطمینان تے سکون نال براجمان ہئی۔ اوں کوں معلوم نہ ہئی کہ اُدھم سنگھ اوں ہال وچ کجھ فاصلے تے موجود ہے۔

جونہی تقاریر دا سلسلہ شروع تھیا تے کجھ وقفے دے بعد لیفٹیننٹ جنرل مائیکل اوڈائر دا ناں نشر تھیوݨ تے اوہ اسٹیج تے تقریر کرݨ کیتے کھڑا تھیا۔ تقریب دی جگہ پستول دی گولیاں نال گونج اُٹھی تے جلیا نوالہ باغ دا جنرل ایڈوائڑ اسٹیج تے ہی ڈھیر تھی گیا۔ حاضرین دی صفاں وچ اودھم سنگھ پستول ہتھ وچ گھدی کھڑا ہئی. اوں دے چہرے تے اطمینان دی ہک جھلک ہئی.  اونکوں گرفتار کر گھدا گیا۔ اوں نے اقبال جرم کریندے ہوئے آکھا کہ اوہ جلیانوالہ باغ قچ مارے گئے نہتیاں دا انتقام گھنݨ کیتے ہندوستان توں آیا ہئی تے اوں نے جو کجھ کیتا ہے اوندے تے اونکوں فخر ہے۔ انگریزاں نے اُدھم سنگھ کوں لندن دی ہک جیل وچ پھانسی تے لٹکا ݙتا، ایں طرح سرفروشاں دی فہرست وچ ہک سرفروش دا اضافہ تھی گیا۔




#Article 294: ادھوریں محبتیں دی مونجھ (271 words)


ادھوریں محبتیں دی مونجھ

۔۔۔۔۔۔۔۔۔۔۔۔۔۔۔۔,۔۔۔۔۔۔۔۔۔۔۔۔۔۔۔۔۔

لسانیات فلسفہ نفسیات تھیوری پس ساختیات نوآبادیاتی تے مابعد نوآبادیاتی ادب دیں بوجھل موضوعات تے لکھنڑ تے پڑھنڑ نال ایں کتاب دا مطالعہ ہے حد

پر لطف تے سرور انگیز مطالعہ ہا۔ انتہائی بے تکلفی نال زندگی دے ہر موضوع تے لکھئے ہوئے مضمون میڈے سنجیدہ مطالعے کوں نواں رخ ڈتا اتے زندگی دے کئی نویں رخ اجاگر کیتے

انتہائی سلیس تے رواں زبان وچ لکھیے ایہ مضمون میڈی دلچسی واسطے حیرت انگیز ہن ۔اپڑیں بیڈ تے سدھے لیٹیں ہوئیں ہک نشت وچ پڑھیا اتے انھیں میکوں پاسا نہ پترنڑ ڈتا

زاہدہ اجمل ہاشمی دی ایہ کتاب انسانی ڈکھیں سکھیں تے تجربیں دی کہانی ہے لوکیں تے تریمتیں دے عزابیں نال اپڑیں ذاتی المییے وی ہن۔اپڑیں بھرا بارے پروفیسر سلیم محمد ہاشمی دی یاد در اصل ایں کتاب دا نچوڑ اے۔ میڈا خیال اے اگر ایں مضمون دا عنوان ادھوریں

محبتیں دی مونجھ ہووے ہا تاں زیادہ چنگا لگے 

ہا۔

پرانڑیاں گالھیں انھیں دی چھوٹی جہیں خود نوشت ہے جیرھی معلوماتی تے دلچسپ اے

وطن دی محبت دا گیت انھیں دی شاعری نال وطن نال محبت دا اظہار ہے

سرائیکی وچ ایم۔اے ہوونڑ نال سرائیکی میڈی ماء بولی والا مضمون ماء بولی نال محبت دی علامت اے

وٹے سٹےدا روگ  تے قسمت ماری تریمتیں دے عزابیں دی کہانی اے

زاہدہ ہک باشعور لکھاری اے۔الیکشن الیکشن تے کروناوائرس انھیں دےہک تازہ دم لکھاری دی نشاندہی کریندین۔ایویں حالات حاضرہ اتے ہک نظم انھیں دےسیاسی شعور دی علامت ہے

ایویں جیونڑ کیا ہے موت دا ہک ڈینہ معین ہے تےدنیاہک سرائے بنیادی انسانی فلسفے تےاپروچ کریندین۔

کتاب تے بہوں سارا لکھنڑ دی کنجائش اے ۔تساڈے پڑھنڑ واسطےوی چھوڑنا چاہیدااے




#Article 295: ادی نور (2520 words)


ادَی نور۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ہک یاداشت
                                           
ڈرامہ نگاری اچ میں نورالہدیٰ شاہ کوں اپنٹراں اُستاد منیداں۔ادَی نال زہنی ، روحانی جُٹرت دی وجہ ہک اے وی ھِ جو انہاں دااپنٹری ماء بولی اپنٹریں کلچر نال مضبوط رشتہ اے تےاو ہک قوم پرست ہن۔انہاں سندھی قوم پرست دی تحریک کنوں متاثر تھی کراہیں سندھی دے بے مثال افسانے لکھے اتے عملی طور تے تریمت دے آدر مان کیتے صدیاں کنوں مرداں دے ظالم سماج اچ بے معنی رسماں اچ کُہیندی،مرَیندی ستَی تھیندی عورت کیتے جی جی زرینہ بلوچ نال مل تے بانڑ مریندے ریہے۔اپنٹریاں لکھتاں اچ سوجھلا ونڈا ۔وڈیرہ شاہی دے خلاف مقبول و معروف ڈرامے لکھے۔اج وی اساکوں جنگل دیواریںماروی جہیں یادگار ڈرامے یاد ہِن۔اے سندھ دی واحد دھِی ہائی جہیں بظاہر عقیدت و احترام تے آدر آلے مُشک و عنبردی فضا اچ مہکیاں حویلیاں دیاں ڈہڈیاں اندر عورت زات نال تھیونڑوالےغیر انسانی رویّے نُشابر کیتے۔وڈیریاں دیاں اُچیاں ماڑیاں دے بوہاں اُتے ڈٹھے ازلاں توں زلت رسوائی تے نا ناصافی دا شکار تھیندے نسلاں توڑیں سود تے قرضے اچ بدھیجے حاریاں دیاں بے وسَیاں تے ہنجواں کوں زُبان ڈتی۔تے ایندے بدلے کیا تھیا جو ادَی نورالہدٰی دی مخالفت شروع تھی گئی۔ہک واری کراچی جم خانے دی ہک کچاری اچ سندھ دے سابق وزیر اعلیٰ عبداللہ شاہ دی گھر والی کھڑی تھی گئی جو اے ڈیکھو اے سندھ دی تریمت تھی تے سید زادی تھی تے سندھیاں کوں جگ جہان اچ بدنام کریندی ودَی اے۔ بہوں گھٹ لوکاں کوں ایں گالھ دا علم ہوسی جو ادَی دا اپنٹراں تعلق سندھ دے جاگیردار وڈیرے خاندان نال اے۔پرانہاں خُد عَلم چا کراہیں اوں سماج نال بغاوت کیتی۔اے وی سچ اے جو انہاں کوں اپنٹری سندھی آیئڈینٹیفکشن تے ہوں مانڑ اے۔انہاں اوں سماج دے سُہنڑپ کوں اُون کیتے تے اوندے کُجہپ دی عکاسی کیتی اے۔

گالھ زرا پچھوں ڈوں توڑی ونجے تاں  اج پاکستانی میڈیا وچ جتنے وی تجربہ کار  ڈایڑیکٹرز پروڈیوسرز،ایڈیٹرز تے پروڈکشن ٹیم سمیت پلے رائٹ ،اسکرین رایٹرز،تے اسکرپٹ رایٹرز کم پئے کریندن انہاں سبھ دا مَدر انسٹیوٹ انڈس ویژن ٹیلی ویژن نیٹ ورک تے گوڈ فارد غضنفر علی بخاری اے جہیں اساڈی گرومنگ کیتی ہائی تے میڈیا اچ نویں چلینجزدا مقابلہ کرن تے اپنٹریں مشاہدے اپنٹریں بھیتر لُکے آرٹ کوں اپَلائی کرن دی سیکھ تے اعتماد وی ڈتا۔انڈس ٹی وی دا منڈھ نَوے دےڈہاکےدے چھیکٹری ڈینہاں بدھیجا۔اوں کنوں پہلے کمبائن پروڈکشن دے ناں کنوں بخاری سیئں تے میر شکیل الرحمان دی آپسی شراکت اچ ہک کامیاب پروڈکش ہاوس چلدا پیا ہا۔اے او دور ہا جڈاں ڈرامے دی لِکھت سمیت اوندی پری پروڈکشن تے پوسٹ پروڈکشن دے نال نال کیمرہ لائٹس دی تکنیک توڑیں سبھ کجھ بدلدا پیا ہائی ساری فلاسفی نویں دھارے اچ وٹیج گئی ہائی۔حسینہ معین تے فاطمہ ثریا بجیا نال کم کرن دا موقع ملدا پیا ہا۔اساں انہاں دے تجربے توں سکھدے وی پئے ہاسے پر انہاں دی آیئڈیالوجی تے نویں تکنیک دے آدھ اچ بہوں وڈی خلیج ہائی۔ایندا احساس غضنفر بخاری سیئں کوں وی ہا۔ مثلا ڈرامے دی نویں تیکنیک موجب افسانہ نگاری اتے ناول نگاری دی کوالیفیکشن نال ڈرامہ نگاری ناکافی اے۔افسانے دا ہک مختلف کرافٹ اے۔ایویں ناول دی لکھت اچ اوندی اپنٹری ٹائمنگ اپنٹری تکینیک کردارنگاری ڈیوریشن ، کلائمکس ، بینگ تے پیس کھڑے بَھل ڈرامے دی اپنٹری لوڑاں ہِن۔جیندے اچ تھاٹ آندے نال نال کردار نگاری توں گھن کرایئں اسٹوری بورڈنگ،اسکرین رائٹرنگ،اسکرین پَلے،اسکرپٹ رائٹنگ تے وت ڈائلاگ لکھیے ویندن۔ ہن ڈرامہ خالصتا ٹیکنکل تصّور کیتا ویندے ۔ پہلوں ڈرامہ نگاری ون مین شو ہوندا ہا۔ہکو لکھاری اسکرپٹ وی لکھدا ہا۔ڈایئلاگ وی۔پر اوں زمانے اسٹوری بوڑڈنگ ناں تھیندی ہائی۔اسکرین پلے ناں لکھیا ویندا ہا۔اج وَن لائن سائنوپسسز توں گھن کرایئں ڈائلاگ توڑیں ڈو ڈو ترائے تجربہ کار ڈائلاگ لکھاری،تے اسکرین پلَے لکھاری اپنٹریں فن دا مظاہرہ کریندن۔ اجوکے ڈرامے وچ سیناریو دے موجب کردار دی باڈی لنگوئج سمیت اوندی موومنٹ تے توجہ ڈتی ویندی اے۔اوندے حرکات و سکنات اوندے باڈی ایکپریسن کوں اہمیت ڈتی ویندی اے۔ڈائلاگ باد اچ آندن پہلے اوندا بزنس کریئٹ کیتا ویندےپراپس دی وڈی ویلئو ہوندی اے۔ تے ویجوئل کوں مضبوط بنڑاونڑ دا آہر کیتا ویندے۔خیر۔جیویں میں عرض کیتم جو ڈرامے دا اپنٹرا پیرا میٹر اے تے افسانے تے ناول نگاری دیا اپنٹریاں نویکلیاں وکھریاں لوڑاں ہن۔اتھاں اے گالھ آکھنٹری ضروری اے جو پی ٹی وی کیتے منڈھ لا توں لکھنٹر والے سارے ڈرامہ نگار افسانہ لکھدے ہوئے ناول لکھدے ہوئے آئن ہَن۔انہاں اچوں کہیں نیں وی پہلوں ڈراما ناں لکھیا ہا۔ایہا وجہ ہائی جو پہلے ڈینھاں دے ہر ڈرامے وچ ہک ہک کردار کہانٹری ادا گھٹ کریندا ہا بھل کہانٹری کریندا زیادہ ہا۔ لمبے لمبے درگھے ہوئے ڈیئلاگز اچ ای کہانٹری اگَی تے ٹُردی ہائی۔موشن بہوں تھوڑا ہا۔ اُتوں انفارمیٹو اطلاعیہ انداز دی بھرمار ہائی۔اتھاں توڑیں ہائی جو جیکر ہک کردار منظر اچ داخل تھئے تاں او اپنٹریں ہوون دا احساس ناں ڈیویسی بھل اظہارکریویسی۔مثلا ڈاکٹر کامران اپنٹری ماء دے کمرے وڑے تاں اتھاں ڈیکھنڑ آلی اَکھ کیمرے دے توسط نال سبھ کوں پتہ لگ گئے،تے اوندے پیراں دے کھڑکار نال ماء کوں وی اندازہ تھی ونجنٹراں چاہیدے پرسین اچ کجھ ایں طرانح دے ڈائلاگ ہوندے ہَن۔

ڈاکٹر کامران اسلام وعلیکم امی۔۔۔۔میں آگیاں

پچھاں مُڑ تے اپنٹریں پتر ول ڈہدی ہوئیماء کامراں۔۔۔۔توں آگیئں پُتر

حیرت نال کامران دے متھے کوں ڈہدے ہوئےماء اے کیا اے پُتر؟

اپنٹریں متھے دی چوٹ تے ہَتھ لیندے ہوئےکامران اوہ ۔۔ تُساں ایندی گالھ کریندے پئے او؟ اے سٹ لگی اے۔ بس زرا ڈہے پیاہم۔

ہک بیا منظر

خالہ زکیہ صحن اچ آتے کلھی کھڑی اے تے عید دا چندر پئی ڈہدی اے تے نال نال مونولاگ پئی کریندے اے۔

 خالہ زکیہ ارے یہ تو عید کا چاند ہے ؟ ارے واہ اس کا مطلب ہے کہ عید کل ہے۔

اچانک ان دی دھی آندی اے۔

دھی امی جان چاند نظر آیا۔۔

 خالہ زکیہ ارے ہاں ہاں وہ دیکھو سامنے

دھی ارے امی یہ تو چاند ہے ناں پہلی کا۔شوال کا۔ارے واہ امی مبارک ہو ۔

مثلا اے افسانے دی لکھت دی تکینک تھی سکدی اے ریڈیائی ڈرامے د تھی سکدی اے پر ویجوئل دی نیئں۔اشفاق احمد،ڈاکٹر انور سجاد،یونس جاوید،آپا ثریا بجیا،امجد اسلام امجد اے سبھ ریڈیو توں پی ٹی وی اچ آئن ہَن۔ایہا وجہ ہائی جو اوں زمانے دے ڈرامے کہانٹری دے اعتبار نال۔کردار نگاری دے حوالے نال بہوں جاندار تاں ہوندے ہَن پر انہاں دا ویجوئل کمزور ہا۔ایکشن بہوں سُست ہا باقاعدہ طور تیں شورٹس ڈویژننگ ناں تھیندی ہائی۔ اسکرین پَلے موشن ناں لکھیا ویندا ہا پر کہانٹری لکھی ویندی ہائی۔لہور ٹی وی اسٹیشن دے مہاندرے ہدایت کار محمد عظیم انڈس ویژن اچ اساڈے سنیئر دے طور تے اساکوں جوائن کیتا تاں ڈسیندے ہَن جو ہک واری اشفاق احمد یا بانو قدسیہ معراج محمد خان ، یا کہیں بئے وڈے لکھاری دا اسکرپٹ آ ویندا ہا تاں انہاں دی جرات ناں ہوندی ہائی جو کُئی ردوبدل کر سگن یا مجال اے کئی سین اگوں پچھوں تھی ونجے۔تاں انہاں ڈرامیاں اچ پروڈکشن انوالو ناں ہوندی ہائی بس جیویں انہاں لکھ ڈتا انہاں ایویں لکیر دے فقیربنڑ تے کر ڈتا۔بھل سَٹھے جہان اچ ایویں نیئں ہوندا۔

شروع شروع دے ڈینحہاں آپا فاطمہ ثریا بجیا تے آپا حسینہ معین نال وی کم کرَن دی سبیل تھئی۔ایندے اچ کُئی شک نیئں جو اے مہاندرے کہانٹری کار ہَن پر نویں زمانے دیاں جدید تکنیکاں کوں انہاں قبول کرن دے بجائے اسُلک رَد کر ڈتا۔ڈوجھے لوظیں اچ انہاں نویں اثرات کوں اپناونڑ پسند نیئں کیتا۔آپا حسینہ معین آہدے ہَن جو انہاں دا ڈرامہ ای اصل ڈرامہ اے۔ انہاں ٹرینڈ سیٹ کیتا۔جہٹرے کردار انہاں متعارف کرائن انہاں توں باد او جہیں یادگار کردارولا تخلیق نہیں تھی سگدے۔ایندے اچ کجھ شک نہیں۔جو اجوکے ڈرامے کردار نگاری والے پاسے اوہو جہیں مضبوط کایئنی۔پرزیادہ تر اے تاثر ٹھیک نہیں۔البتہ ہنٹر مقابلہ زرا زیادہ شروع تھی گئے۔ پہلے سال اچ ترائے ڈرامے یا ڈوں ڈرامے ٹی وی تے چلدے ہَن ہنڑ کئی کئی ڈرامے آن ایر ہوندن،پر میڈا خیال اے جو کردار الگ کئی شئے نیئں ہوندے او ہک کہانٹری دا تسلسل ہوندن اوندا انگ ہوندن۔آسکر وائلڈ نیں آکھیا ہائی ناں  کہانی کردار توں نہیں بھل کردار کہانٹری توں ہوندن

آپا فاطمہ ثریا آہدے ہَن جو  گل زیب بیٹے صرف لکھنا جانتے ہو کاغظ پھاڑنا نہیں جانتے۔جتنے کاغظ پھاڑو گے اُتنے اچھے لکھو گے

حقیقت اے جو اپنے اپنٹریں ڈراما نگاری دے کریئر اچ آپا فاطمہ ثریا جہں ہر وڈے مہاندرے کنوں بہوں کجھ سیکھ گھدی اے مگر میں اَدی نورالہدٰی شاہ کوں اپنٹراں اُستاد منیداں۔

اے ڈوں ہزار چار دی گالھ اے میں مشہور اداکارہ زیبا بختیار نال ڈرامے دا ہک پروجیکٹ کرینداں پیاں ہم۔انہاں فلماں بنٹراون چھوڑ کراہیں کراچی اچ ساگر انڑٹینمنٹ  دے ناں کنوں ہک ادارہ بنٹرایا۔تاں انہاں کیتے ڈرامہ سریئل  عشق  دے ناں کنوں ویہی قسطاں دا ہک میگا پروجیکٹ لِکھ تے ڈتم۔باد اچ زیبا نے ڈسیا جو ہم ٹیلی ویژن نیٹ ورک اساڈا اے پروجیکٹ خریدن کیتے تیار اے۔اے او ٹی وی چینل اے جتھاں میکوں باد اچ ادَی نور الہدٰی شاہ نال کم کرن دا موقع ملیا۔تے ایں ادارے اچ رہ کراہیں میں اپنٹریں کریئر دے بہوں وڈے ڈرامے لکِھے۔جیندے اچ جھمکا جان  ریشم سی شام سرِفہرست ہن۔

زیبا بختیار دی پروڈکشن اچ میڈا لکھیا ہویا ڈرامہ عشق ہم ٹی وی تے چلیا تے بہوں مقبول تھیا۔اوں زمانے خان پور کٹورہ توں اساڈے سنگتی سردار نور خان رند کراچی آئے تاں میکوں آکھیا جو یار حیدرآباد اچ انہاں دا ہک سنگتی اے سلیم خان دیس والی۔ٹی وی کراچی دا مقبول اداکار رہ گئے تے اجکل ڈرامے دی پروڈکشن کریندا ودَے۔اوندے کول جُلدے ہیں ہک رات راہسوں ڈوجھے جہاڑے ول آسوں تے او بہوں دلچسپ بندا اے یاراں دا یار اے۔توں مل تے خش تھیسیں۔خیر چلے گیوسے۔سلیم خاں نال ملاقات تھئی۔میں نور خاں کوں آکھیا جو میڈا ناں نا ڈسائے جو میڈا تعلق ڈرامے نال اے۔او سمجھسی جو نور خان اپنٹریں ہک بندے کوں کم سانگے گھن آئے۔کافی دیر تھی گئی روٹی ٹُکر کھا گھدا تے سلیم خان دیس والی مُد ڈھیر اپنٹریں ڈرامیاں دی گالھ بات کرینداں رہ گیا۔تے نور خان کوں راضی کریندا پیا ہا جو او اے ڈرامہ پروڈیوس کرے پیسے لاوے۔وڈا منافع تھیسی۔اچاچیت آکھنڑ لگا جو ہم ڈرامہ بھی کسی بڑے رایئڑ سے لکھوایئں گے۔نورالہدیٰ شاہ کوں منتاں کرینداں وداں ہا او ٹائم نہیں ڈیندی ہائی آکھوس جو۔کل او اتھاں حیدرآباد اپنٹریں گھر ولی اے تاں میں ملنڑ گیاں ہم ۔آکھدی ہائی جو سلیم خان ہک نیگر لکھاری اے ۔ اوندا ڈرامہ وی اجکل ہم ٹی وی تے اوَن ایر اے۔کیا کمال دا ڈراما رایئٹر اے۔نویں رایٹرز اچوں اونکوں چھڑا اوں گل زیب خاکوانی نیں ای متاثر کیتے۔بہاولپور دا اے۔میں تیڈی اوندے نال ملاقات کرویساں۔اچاچیت نور خان نیں مُسک تے میڈے ول ڈٹھا۔سلیم خاں نور الہدٰی شاہ دی اے گالھ سنٹرا تے نور خان کوں مِنت نال آکھنڑ لگا۔یار نور خاں اُس رائٹر کو ڈھونڈو۔ ہے بھی تمہارے علاقے کا۔نور خان کھِل کھِل تے موندھا تھیا پیا ہا۔میں وی پھکا تھیا بیٹھا ہم۔انت نور خان کھل روکنٹر دی کوشش کریندے ہوئے میڈے نال مخاطب تھیا خاکوانی صیب وت کیا خیال اے۔لکھ ڈیومیڈے یار کوں وی ہک ڈرامہ ایں ویلھے سلیم خاں کہیں ویلھے پھِکی پھِکی کھِل نال میکوں مُڑ تے ڈیکھے تے کہیں ویلھے نور خان کوں۔

نورالہدیٰ شاہ ہُنڑ وی ڈرامے لکھدے پیئن اتے وڈے کامیاب ڈرامے لکھدے پین جو انہاں نویں موسماں نال خُد کوں ڈھال گھدا۔ نویں فنی تقاضیاں کوں قبول کیتا بلکہ سِکھنڑ دے عمل کوں جاری رکھنڑ تے یقین کیتا۔اتے نال نال کیمرہ لایٹس تے پوسٹ پروڈکشن دیاں ٹیکنیکل چیزاں کوں براہ راست سکِھنڑ دی کوشش کیتی۔ ٹیکنکل ٹیم دے نیگریں کنوں بہوں دلچسپی نال نویں زاویے تے نویں ایکسپیکٹ بارے معلومات گھنڑ توں زری ناں گھبرائے یا کُئی جھیجھک کیتی جو اگلا آکھسی جو نورالہدٰی شاہ سواں ہک وڈا آئی کان،وڈا مہاندرا اساڈے کنوں پچھدا پئے۔ انہاں ہمشاں نویں اثرات قبول کیتے بھل روایت دے تجربے کوں جدیدیت اچ اپلائی وی کیتا۔اتھاں ہک گالھ ضرور کرنا چاہساں جو ہک ڈرامہ لکھاری کیتے پروڈکشن دی ہر تیکنک کنوں سنجان رکھنن بہوں ضروری اے۔

میکوں سب توں پہلے انہاں آکھیا جو میں کمپیوٹر تے اسکرپٹ لکھا کراں۔میکوں ولا ولا ایڈٹ کرن دا موقع وی ملسی تے میں اندھے واہ لکھنڑ کنوں بچ ویساں۔ہک گالھ میں ضرور آکھساں جو ڈرامے دی فیلڈ اچ اسکرپٹ ریکارڈنگ توں گھن تے ایڈیٹنگ تیئں کُئی حرفِ آخر نہیں ہوندا راہندا۔اوندے اچ بے انت تبدیلیاں وٹارے کیتے ویندن۔جو ڈرامے زیادہ توں زیادہ بہتر تھی سگے۔اے کُئی افسانہ یا ناول تاں ھِ کویناں جو ہک ہک اصطلاح ہک ہک لاین پتھر تے لیکر ہووے۔

ہم ٹیلی ویژن دے اسکرپٹ ڈیپارمنٹ اچ میکوں بحثیت پروڈیوسر اسکرپٹس گھن تے آون والے ادَی نور ای ہَن۔انہاں سبھ توں پہلوں ہم ٹیلی ویژن دی ایم۔ڈی مہان ڈایڑیکٹر پروڈیوسر سلطانہ صدیقی نال ملوایا۔ میڈا تعارف کرایا۔

ڈرامہ سریئل  عشق  دے باد میں سرایئکی دھرتی نال جُڑی ہک کہانٹری تے کم پیا کریندا ہم۔ اے میڈی لایف ٹائم دا بہوں وڈا تے نویکلا پروجیکٹ ہا۔۔ جھمکا جان دے ناں کنوں۔میں ایندا پہلے زکر کر آیاں۔میں ڈاہ قسطاں لکھ چکاں ہم تے نورالہدٰی شاہ کوں پڑھن کیتے ڈے آیا۔اسکرپٹ پڑھ تے انہاں آکھیا جو اسکرپٹ تے کہانٹری بہوں جاندار اے ایکوں اساڈے کیتے مکمل کر۔ میڈا ہم ٹیلی ویژن نال معاہدہ تھی گیا تے میکوں انہاں ایڈوانس چیک وی ایشو کرڈتا۔ٹھیک انہاں جہاڑے جڈاں میں جھمکا جان مکمل کرینداں پیاں ہم تے فون آیا۔

گل زیب اسکرپٹ کہاں تک پہنچا میں ڈسیا اتے باد اچ آکھنڑ لگےاچھا میں ایک مہینے کے لیے دبئی جا رہی ہوں ۔ میں چاہتی ہوں کہ تم ہم ٹیلی ویژن کے اسکرپٹ ڈیپارٹمنٹ کو عارضی طور پر ہیڈ کرو اورمیری غیر موجودگی میں جو رایٹرز اور پروڈیوسر ہمارے لیے پروجیکٹ کر رہے ہیں ان کو بھی ڈیل کرو۔اور اپنا پروجیکٹ بھی لکھتے رہو۔

اے میڈے کیتے کہیں وڈے آدر کنوں گھٹ نہیں جو انہاں میکوں ایں قابل سمجھیا۔

ہم ٹی وی اچ میکوں انہاں نال ترائے سال کم کرن دا موقع ملیا باد اچ میڈے تے ہک بھوت سوار تھی گیا جو میں سرایئکی ٹیلی ویژن جواین کراں تے میکوں اپنَٹریاں صلاحتیاں سرایئکی کیتے استعمال اچ گھن آونڑیاں چاہیدن میں ایویں ای کیتا۔کراچی توں مڈی بسترا چا اسلام آباد آ گیا۔انہاں میکوں لکھ سمجھایا جوکامیابی دے ایں دروازے پُج تے مین اسٹریم چینل چھوڑ تے پچھوں تے ہٹنڑ خد کشی دے مترادف اے۔۔اسلام آباد اچ انہاں دے فون وی آئے جو واپس آ جاو۔مگر میں ناں گیا۔

میں اپنٹریں آپ کوں کڈاہیں ہک چنگا پلے ڑایٹ نیئں کنسیڈر کیتا میکوں ہمیشاں میڈے ڈرامیاں نیں ادھورے پن دا احساس ڈیوائے۔جو میں اوہا کجھ نہیں لکھ سگیا جیویں میکوں لکھنٹراں چاہیدا ہا پر ایندے باوجود ادَی نور نیں اساڈی کنڈھ تھپی اے۔اساکوں اسپیس ڈتی اے مارجن ڈتے۔جا جا تے اساڈیاں تعاریفاں کیتیاں ان جو سلیم خاں سویں پروڈیوسر اساڈی گولھ اچ ودے ہن جو نور نیں اآکھے تاں غلط ناں آکھا ہوسی۔ہک واری میڈے ہک ڈرامے دے اسکرپٹ کیتے سلطانہ صدیقی نیں مہاندرے ہدایت کار جاوید فاضل کوں سڈوایا تاں انہاں میڈا اسکرپٹ پڑھا ، بہوں تعریف کیتی تے حامی بھری ۔باد انہاں کوں اسکرپٹ دے لکھاری بارے سُدھ لگی تاں صاف انکار کر ڈتا جو سی کلاس تے بی کلاس کیٹاگری دے نویں لکھاریاں دا اسکرپٹ کایںا قبول کریساں۔میکوں یاد اے جو ادَی نور کوں ایں گالھ تے کیویں غصہ آیا ہا جو اے کلاس بی کلاس سی کلاس دا ہک چنگے اسکرپٹ نال  کیا تعلق۔اتے انہاں میڈی عزت کیتے جاوید فاضل جہیں بندے کوں کھریاں سُنٹراو ڈتیاں۔

اے گالھیں میڈی حیاتی دا اثاثہ ہِن ۔سچ آکھیا ویندے جو وڈا بندہ اپنٹریں عملاں د وڈائی نال ای وڈا بندہ ہوندے۔تے ضروری نیئں جو ہر وڈا فنکار وڈا انسان وی ہووے۔پر چھڑی ایہو گالھ کریساں ،ادَی جیوو ہزاراں سالھ تہاڈے تھورے کیویں لہسن۔

گل زیب خاکوانی




#Article 296: ادیس ابابا (117 words)


ادیس ابابا (addis ababa)، ایتھوپیا دا دار الحکومت ہے۔ ادیس ابابا جیں دا مطلب ہے نواں پُھل، ایہ سب توں وݙا شہر ہے ایتھوپیا دا تے ایں دا دارلحکومت وی۔ جیں دی ٓاباوی 2007 دی مردم شماری دے مطابق 3,384,569 ہے۔ جیہڑی سالانہ 3.8% دے نال ودھدی پئی ہے۔ ہک چارٹرڈ شہر دے طور تے ادیس ابابا ہک شہر تے ہک ریاست ݙوہاں دی حیثیت رکھدے۔ ایہ اوہ شہر اے جس وچ افریقی یونین دا صدر دفتر افریقی اتحاد دی تنظیم جتھاں واقع ہے۔ اقوام متحدہ دا اقتصادی ہیڈکوارٹر اتھاں واقع ہے.  ایں دے علاوہ اتھاں دیگر براعظم تے بین الاقوامی تنظیماں دے دفاتر ہن۔ اس شہر دی جگہ دا انتخاب Emperor Menelik II نے کیتا ہئی۔




#Article 297: ارائیں (222 words)


میر پور خاص وچ ارائیں برادری دی اکثریت ہے ۔.  جہڑے عرب اچوں اشاعت.  اسلام کیتے آئے ۔ ارائیں ۔۔۔راعی ۔۔۔ بھیڈاں بکریاں چراونڑ والے چرواہے ۔۔۔ اے یہودی النسل لوک ہن جنہاں دا نسبی سلسلہ کنعان دے  نبی حضرت یعقوب علیہ السلام  دے خاندان نال ونج رلدے ۔
مسلمان تھیونڑ بعد اے لوک عرب وچوں  انڈیا سندھ  آئے تے سندھ اجوکے ملتان وچ وس گئے بلوچ برادری دے بعد ڈوجھی وڈی قوم ارائیں برادری ہے ۔۔۔۔۔  الراعی ۔۔۔ دے نام نال ہک رسالہ وی شائع تھیندے ۔تے اے لوک  دریاواں دے بنے زرعی علاقیاں وچ جالندھر تئیں وسدن۔

ارائیں ہک جنگجو تے بہادر قبیلہ ہے  تے اے سو فیصد مسلمان ہے پیا  ۔۔۔ انہاں دا تعلق آریا نال کائنی ۔ انہاں دی سب کاسٹ ' میاں ' ملک' چودھری'  مہر ' تے خان ہے ۔ ایں قبیلے دے  لوک اریحہ ۔۔ فلسطین ۔۔ شام عراق۔۔ تے سعودی عرب وچوں محمد بن قاسم تے بابر سلیمی دے نال مجاہدین دی حیثیت نال سندھ وادی وچ آئے تے راجا داہر کوں شکست ڈتی تے ملتان دے قابض تھئے ۔ بابر سلیمی نال آونڑ آلے ارائیں خود کوں سلیمی ارائیں اکھویندیئن 
۔۔انہاں دی اکثریت ۔اندرون سندھ دے ضلعیاں تے سرائیکی وسیب دے علاقیاں  ڈیرہ جات ۔ بہاول پور ۔ بہاول نگر ۔ ملتان ۔ساہیوال ۔خانیوال وہاڑی تے وہاڑی کنوں سرگودھا تئیں آباد ہے پئی۔  




#Article 298: اراکان (راکھائن) (180 words)


ریاست راکھائن یا ریاست اراکان میانمار دی ہک ریاست اے جیہڑی ایں دے مغرب وچ واقع ہے۔

میانمار (برما) دا علاقہ اراکان، روہنگیا مسلماناں دا آبائی وطن ہےـ ارکان یا اراکان 1784ء تک ہک آزاد ملک ہئی تے ارکانی مسلماناں دا چوݙہویں صدی تے پندرہویں صدی عیسوی وچ آزاد ملک ہئی٬ بعد وچ برمیاں نے ایندے تے قبضہ کر گھدا ۔ برما دی فوجی حکومت دے دور وچ امتیازی قوانین دے ذریعے مسلماناں دی زندگی مشکل بݨا ݙتی گئی، جائداداں چھیکیجے، شہریت ختم تھی گئی تے اوہ بے ریاست لوگ بݨ گئے۔ مسلماناں توں بیگار گھدا گیا۔ اینجھے حالات وچ بڑی تعداد تھائی لینڈ تے بنگلہ دیش ہجرت کر گئی۔

جون 2012ء وچ اراکان میں مسلم کش فسادات شروع تھئے۔ جنہاں وچ بدھوں نے ہزاراں مسلماناں کوں شہید تے سینکڑاں مسلم آبادیاں کوں نذر آتش کر ݙتا۔ جیہڑے مسلمان سمندری رستے توں بنگلہ دیش پہنچے انہاں کوں بنگلہ حکومت نے واپس دھکیل ݙتا جیہڑے واپسی تے بدھوں دے ہتھوں قتل تھی گئے۔

راکھائن ریاست دا رقبہ 36,780 مربع کلومیٹر ہے تے ایں دی مجموعی آبادی 3,836,000 افراد تے مشتمل ہے۔




#Article 299: ارباز خان (103 words)


ارباز خان ہک پاکستانی فلم تے ٹیلی ویژن دے اداکار ہن۔ اوہ 13 اکتوبر 1971ء کوں پاکستان دے شہر نوشہرہ وچ پیدا تھئے۔ ارباز خان دی پہلی فلم گھونگٹ ہئی جیں دے ہدایت کار سید نور ہن۔ 2003ء وچ ارباز خان نے پہلی پشتو فلم مینہ قربانی غواڑی بݨائی جیں دے ہدایت کار نسیم خان ہن۔ ارباز خان پاکستان دے مشہور اداکار آصف خان دا بیٹا ہے۔
	
ارباز خان نے 2004ء وچ پاکستانی اداکارہ خوشبو نال شادی کیتی تے 2004ء وچ ارباز خان دا پہلا بیٹا آریان خان پیدا تھیا تے اٹھ سال بعد ارباز دا ݙوجھا بیٹا ادیان خان وی پیدا تھیا۔




#Article 300: اردشیر اول (117 words)


اردشیر اول یا اردشیر دراز دست یا ارتخششتا اول (فارسی: اردشیر یکم، قدیم فارسی: ARATAXASHASSA Artaxšaça / ارتخشتره) ہخامنشی سلطنت دا شہنشاہ تے خشیارشا اول دا تریجھا بیٹا جیہڑا اپݨے پیو تے وݙے بھائی دارا دے قتل دے بعد ایران دے تخت تے ٻیٹھا۔ ایں دا سڄا ہتھ کھٻے ہتھ توں وݙا ہئی۔ ابتدا وچ اے ارتانیس دے زیر اثر ریہا۔ جݙݨ ارتانیس، اردشیر کوں قتل کرݨ دی سازش وچ مارا گیا تاں اے ہک ٻئے امیر باگ تھکشا نامی دے زیر اثر آیا۔ ایں دے عہد وچ سلطنت وچ بغاوتاں تھیندیاں رہیاں۔  ایں دے دور حکومت وچ بہت سارے یہودی قیدیاں کوں رہا کیتا گیا۔ عزرا اُنہاں 5000 رہا شدہ افراد دی قیادت تے مامور ہن۔




#Article 301: اردن (322 words)


ایہ  براعظم ایشیاء دا ہک ملک ہے، ایہ مشرق وسطیٰ وچ ہے۔ ایہ یک اسلامی ملک ہے۔ اردن جینکوں سرکاری طور تے (عربی: المملکۃ الأردنیۃ الہاشمیۃ) وی آکھا ویندا ہے، دریائے اردن دے مشرقی کنارے تے واقع مغربی ایشیا دا ملک ہے۔ اس دے مشرق وچ سعودی عرب تے مغرب وچ اسرائیل واقع ہے۔ اردن تے اسرائیل بحیرہ مردار دا انتظام سنبھالدے ہن۔ اردن دی واحد بندرگاہ اس دے جنوبی سرے تے خلیج عقبہ تے واقع ہے۔ اس بندرگاہ کوں اسرائیل، مصر تے سعودی عرب وی مشترکہ طور تے استعمال کریندے ہن۔ اردن دا زیادہ تر حصہ صحرائے عرب تے مشتمل ہے۔ تاہم شمال مغربی سرے تے ہلال نما زرخیز علاقہ موجود ہے۔ اس دا دارلحکومت عمان ہے۔

اردن دا ناں دریائے اردن دے ناں تے ہے۔ مختلف زباناں وچ اردن دے مختلف مطالب ہن۔ قدیم عربی زبان وچ اردن دا مطلب ڈھلوان ہے جبکہ ارامیک زبان وچ اردن دے معنی او جو لہندا ہے ۔ اپݨے وقت دی نمایاں ترین تہذیب جینکوں عربی وچ الأنباط آکھا ویندا ہے، اتھاں قائم ہئی۔ اس دا دارلحکومت پیٹرا نامی شہر ہئی۔  انہاں لوگاں نے جدید عربی رسم الخط ایجاد کیتا ہئی۔ ایرانی سلطنت وچ جذب تھیوݨ توں قبل صدیاں تک پیٹرا نے آزادی تے خوشحالی دے مزے لٹے۔ بعد ازاں اس علاقے تے رومن سلطنت چھا گئی۔

بعد ازاں اتھاں اسلام دی آمد تھئی. اے دور مختلف خلفاء دے دور تے مشتمل ہئی۔ انہاں خلفاء وچ خلفائے راشدین، بنو امیہ تے عباسی خلفاء شامل ہن۔ عباسیاں دے زوال دے بعد اس علاقے تے منگول، مسیحی صلیبی جنگجو، ایوبی تے مملوک قابض رہے۔ 1516ء وچ ایہ سلطنت عثمانیہ دا حصہ بݨ گیا۔

اردن دا مشرقی حصہ بنجر تے ویران ہے۔ موسمی ندیاں ہن۔ مغربی حصہ نہری علاقہ تے سدا بہار ہے۔

ملک دا اصل حکمران بادشاہ ہے تے ملک وچ آئینی طور تے بادشاہت قائم ہے۔ بادشاہ دے کول زیادہ تر طاقت ہوندی ہے تاہم جمہوری طور تے منتخب پارلیمان دے اختیارات وی ودھدے ویندن۔




#Article 302: اردو زبان (258 words)


اردو ہک زبان ہے۔ اردو تے ہندی ہکو زبان ہے۔ اردو یا ہندی بھارت تے پاکستان دے کہیں وی علاقے دی مقامی زبان کائنی۔ بھارت دی ریاست یوپی وچ ست زباناں ٻولیاں ویندیاں ہن، کھڑی ٻولی، برج بھاشا، قنوجی، اودھی، بھوج پوری ، بندیلی تے باگھیلی۔ کھڑی ٻولی سہارن پور، مظفرنگر، بجنور، میرٹھ، بھاگ پٹ، رام پور ، جوتیباپھول نگر تے غازی آباد دے ضلعیاں وچ ہے، ہیں کھڑی ٻولی دا ٻیا ناں اردو یا ہندی ہے، باقی زباناں برج، قنوجی ،اودھی،بھوجپوری، بندیلی تے باگھیلی اردو تے ہندی کنوں ٻہوں مختلف تے وکھریاں زباناں ہن۔ دلی وچ ہریانوی تے کھڑی ٻولی ہے، لکھنؤ وچ اودھی زبان ہے۔ ہریانہ وچ ہریانوی تے راجھستان وچ راجھستانی زبان ہے۔ علی گڑھ تے آگرہ وچ برج بھاشا ہے.دلی وچ کھڑی تے ہریانوی زبان ہے۔ دلی کنوں علی گڑھ دا پندھ 138 کلومیٹر ہے۔

علی گڑھ دی زبان برج بھاشا ہے۔ علی گڑھ کنوں قنوج 214 کلومیٹر تے زبان قنوجی ہے۔ قنوج کنوں لکھنؤ 125 کلومیٹر دور ہے تے لکھنؤ دی زبان اودھی ہے۔ دلی کنوں لکھنؤ دا کل پندھ 500 کلومیٹر ہے۔ہریانوی دے پنج لہجے ہن: باگڑی،بانگڑو،دیسوالی، میواتی تے ہریانوی۔ باگڑی دی آبادی اٹھ لکھ ، مارواڑی چھیونجھہ لکھ ، میواتی دی آبادی چھی لکھ تے ہریانوی دی آبادی اسی لکھ، ہے۔۔۔ برج بھاشا دے ست لہجے ہن،اودھی دے اٹھ لہجے ہن۔کھڑی بولی دے پنج لہجے ہن: وجیگا، سپیرا، دیہاتی، ہندوستانی تے کھڑی بولی۔ ہیں چھیکڑی لہجے کھڑی بولی دا ݙوجھا ناں ہندی ہے۔ تے اردو ہیں ہندی دا ݙوجھا روپ ہے۔پاکستان وچ ایں زبان کوں قومی زبان دا درجہ حاصل ہے۔




#Article 303: اردو یونیورسٹی وچ سرائیکی ثقافتی ݙیہاڑ (160 words)


بنڑ کے راہسوں یک مثال

مرسوں جیسوں نیلی اجرک نال

جیندے وچ چیئرمین سرائیکستان ڈیموکریٹک پارٹی دے چیئرمین رانا محمد فراز نون نے چیئرمین سرائیکی سٹوڈنٹس فیڈریشن فیڈرل اردو یونیورسٹی صدام فیض بزدار کوں نیلی اجرک پوائی۔ نیلا رنگ اکھیں کوں اتنا بھانڑاں کہ اوں توں بعد کوئی وی پروگرام تھیئا، کوئی وی ثقافتی شو تھیئا نیلی اجرک بغیر پروگرام ٻُسا لگدا ہئی۔
اسلام آباد پنڈی دے طلباء نے اپڑاں حق ادا کیتا سرائیکی اجرک کوں پروموٹ کر کے۔۔۔۔
جیویں نیلی اجرک کوں اوندے وارثاں پہچان گدھا ہووے۔

First of all Let me appreciate The Saraiki Students of Islamabad/Pindi, Lahore, DIKHAN, gujrat, Wah Cantt, BZU multan, Islamia Uni BWP and many others University's Students.
تساں طلباء ہی سرائیکی قوم دے اگوانڑ ہائو، تساں ہی سرائیکی قوم دے فلسفے کوں اگوں تے پہچاونڑ آلے لوک ہائو۔
تساں ہی سرائیکی نیلی اجرک دے ایمبسڈر ہائو۔پوری سرائیکی قوم تواکوں سرخ سلام پیش کریندی حے۔

جیوے سرائیکی

عشق سرائیکستان

جیوے جیوے پاکستان

(فیض کھوسہ)




#Article 304: اردو یونیورسٹی یا پولیس یونیورسٹی (302 words)


اردو یونیورسٹی یا پولیس یونیورسٹی:

قوم دے نوجوان جیڑھے جو مختلف شعبہ ہائے زندگی نال تعلق رکھدن، ہکے پلیٹ فارم تے جمع تھیونڑ لگ گئن۔ ایہا ساڈی سرائیکی قوم دی سب کے وڈی کامیابی ہے۔
عدم تشدد دے مظاہر فطرت ڈیکھنڑے ہوون تاں ساڈی سرائیکی زبان دے دانشوریں کوں اختلاف رائے دے معاملے وچ آپنڑی ذات کوں آڑ نہ بناونڑ والے لوک نظردن، کہیں دانشور کہیں ڈوجھے دانشور دے قتل دا حکم نہیں ڈتا، چار ہزار سالہ تاریخ گواہ ہے جو کہیں دانشور کہیں قوم کوں نفرت نہیں سکھائی۔
اساں امن محبت والے لوک ہیں، ساکوں تشدد کولو شدید نفرت ہے۔ ساڈے وسیب وچ لاقانونیت دا راج ہے۔ کتنے قسم دے قتل تھئن اتھاں تونسے وچ کہیں دا کوئی پتہ کائنی، اتھاں کتنے جعلی پولیس مقابلے تھئن، حالانکہ ایں دور اچ حقیقی پولیس مقابلے دا تصور وی نہیں ہوونڑا چاہیدا ہے۔

پولیس دے ہتھو عوام کوں پریشرائز کیتا ویندا پئے۔ مہانگ دے خلاف مظاہرین کوں احتجاج کرنڑ تے گرفتار کر کے گھن گئن۔ انہیں تے پرچے تھی گئن۔ لیکن اینجھے کیس جلدی نہیں مکدے۔ فریقین ہک بئے کوں روز پیشی تے ڈیکھ دیکھ عق تھی ویندن تاں عدالت اچ بندہ بئے بندے کوں مار سٹیندے، پولیس دا کوئی زخمی نہیں تھیندا، جوابی کاروائی وچ یا تاں بندہ ملزم گرفتار تھیونڑ دی خبر آ ویندی ہے یا فرار تھیونڑ دی خبر آ ویندی ہے، کوئی زخمی فرار زخمی نہیں تھیا، کوئی پولیس مقابلہ نہیں تھیا۔ پولیس مقابلے تھیونڑے چاہیدے ہن عدالت دے احاطے وچ، یا عدالت دے صحن وچ، باقی ساڈے روایتی جعلے پولیس مقابلے دی عدالت تک وی آواز نہیں آندی۔
حکومت کولو مطالبہ کرو جو پولیس کوں بہتر کرنڑ کیتے پولیس ریفارمز دے ناں تے ہک علیحدہ صوبائی محکمہ بنڑایا ونجے۔ جیڑھا صرف پولیس اصلاحات دی یونیورسٹی ہوسی۔ لیکن کیا کریجے مویا ذال دے دم درودیں تے چھٹا کھڑے۔
نصراللہ بلوچ




#Article 305: ارشاد تونسوی (335 words)


ارشاد تونسوی سرائیکی زبان دا شاعر ہے۔

اپنی جھولی چِھن پرون

تے خوشیاں ونڈے ویڑھے

ہرکوئی ہر دی کچھ اچ وسدا

نہ کوئی دور نہ نیڑے

واہ وے جوگیا ؛

خوشیاں کوئی لاچی دانے ِہن

جیڑھے ہَٹی توں چا تے ونج دباریں ونڈوں

یا کوئی ٻال اَیانا

جیڑھا مونڈھے چاوے اوندا

خوشی تاں سینے ِسمدی اے

خوشی تاں رت وچ دھاندی اے

خوشی تاں سیک اے ٻلدی دا

جیڑھی اندروں مچے

خوشی کڈی لُڑھدی نئیں آئی

نہ کہیں کُنڈی لا پھسایا

خوشی تاں ٻوٹا صندل دا

جیڑھا نانگیں پلے

خوشی تاں رنگ اے سرمی دا

جیڑھا چُنی رنگے

خوشی تے مدھ پیالہ

کوئی جھول پلاوے

خوشی جے ملدی اِنویں

جیویں توں ڈسایا

توں کیوں جوگی بنڑدا

میڈا ڈھولن مایا

رُتاں بے پرواہ

سُکے کاٹھ کرِن گُلزاراں

ساوے کرِن سُواه

آپ پواوِن ویس بسنتی

آپیں کرِن سياه

نہ ݙیکھِن کوئی عِجز حلیمی

نہ کوئی منصب جاہ

آپیں کرسی، آپ عدالت

آپیں بݨن گواہ

پیریں پاوِن ہجر زنجیراں

ڳل وچ پاوِن پھاہ

آپ اُسارِن مندر دل دے

آپیں کرِن تباہ

آپیں مارِن آپ جیواوِن

آپیں گُھٹِن ساہ

(ارشاد تونسوی, کتاب ندی ناں سنجوک )

کونجیں شاہ دے پھیرے چھوڑیے دین پناہ دِھڑ تھیا

ایجھیں ڈھا لائی سنگھڑجو باقی کجھ نہ ریہا

تل دے لوڑھ کتھائیں نہ ساکوں تلی ٹیکن ڈتی

پہلی سیڑھ نہ سنبھلن ڈتا ٻان مریندے جِتی

چِٹی برف نظر توں چُکی کالے روہ بُھل ڳئے

آساں ورقا ورقا تھی ڳلیں دے وچ رُل ڳئے

چٹے چوک جواری سٹے کانی تھی بھر ڳئے

آساں سکھ دی ٻار چاویجن توں پہلے ٹر ڳئے

آساں چاک منجھیں دے بنڑیے آساں تھئے لائی ہار

ایجھاں چھٹا تخت ہزارہ وچھڑیے سنگتی یار........

ارشاد تونسوی

ہَر پاسے بے رحم صلیباں،ہَر پاسے اَݨ سُون٘ہے لوک

میݙے چار چودھارءِن اُسریاں،میݙی بے وَسی دیاں کَںدھاں

میں ڄَیں پاسے دید بھوینداں،مَوت دی کالی چادر ݙِیہداں

چُپ دا تار سمندر ݙِیہداں

میں ھاں چِیر تیں سَݙ مَرین٘داں،کہیں پاسوں آواز نئیں آندی

میݙے دُشمݨ میݙے ڄائے،میݙے دُشمݨ حق ھمسائے

میکوں آہدِن تُوں مُجرم ہئیں،کالی گُھپ انھاری راتءِچ

تُوں ماچِس دی تِیلی تیں، سِگرٹ لین٘دیں

تُوں عیسیٰ ایں




#Article 306: ارشاد ناصؔر دی شاعری (1076 words)


ارشاد ناصر دا تعلق تحصیل جامپور دے قصبہ آدھیوالا یونین کونسل بُولے والا نال ھے. ناصر اپݨی شاعری وچ ہک نویکلا نفیس پن تے خودداری دا درس ݙیندے۔

ارشاد احمد

ناصر

حاجی رسول بخش

فیض علی فیض

مزدوری

بُولے والا شہر آدھیوالا

بحوالہ 

عاشق بزدار سرائیکی دانشور شاعر سیاسی وسماجی اہدن ناصؔر ݙوہڑے دا مضبوط شاعر ھے. ایندی شاعری وچ سوز، کرب انسانی حقوق دی ترجمانی اتے بےوسی کوں وسیلہ بݨاکراہیں سرداری تے گوداگیری دے خلاف ناصر عَلم بغاوت بُلن٘د کریندے.جیویں جوعاشق خان اہدے اے ناصر دا کلام ‍‍میکوں ہر ھک شہر ءچ قید نہ رکھ کُجھ قید گھٹا کُجھ شہر گھٹااے واضع ترجمانی کریندے.. 
کمال شاعری ناصر دی

تِیڈے پیار ءچ تھئین بَھانویں جتنا تھئین نقصان نہ یاد ݙِیوائے کر۞‍‍ بھنبھور دی رُل گئ  سسڑی کُوں مکران نہ یاد ݙِیوائےکر۞ تیڈی جُھوک تاں کڈݨ دی چھوڑ آئے ہیں ارمان نہ یاد ݙیوائے کر.۞ تیڈے ھِن پَئےناصؔرھوسن پئے احسان نہ یاد ݙیوائے کر.۞
مَیں پَان٘دبوچَھݨ دے وُݨ وُݨ تے ھم ٻال پَڑھائے‍‍‍‍‍‌‌، مِیݙے کہیں کم آئے۞ٻِیا فِیس دی خاطر خانِیں دے ھم ٹُکرپَکائے، مِیݙے کہیں کم آئے۞وَل ناصؔرہر ہمسائے کُولوں ہَامی قرضے چَائے، مِیݙےکہیں کم آئے۞کَل ݙُو سِیٹاں چَپڑاس دِیاں آئِن گِھن گُودا گئے، مِیݙے کہیں کم آئے.

تُوں وسدیں نال وسوں رہ وَنڄ اساں یار ویرانے ول ویسوں۞ تیݙی مونجھ نئ ٻیٹ ءچ رہݨ ݙتا آیوں جوڑ بہانے ول ویسوں۞
نہ ذات زمات پَھلور اساݙی نہ ݙے بئے طعنے ول ویسوں۞اساں ناصؔر کاہیں ویچ گھنوں اساں کپڑن کانے ول ویسوں۞

یا ساہ کݙھ گِھن یا مِنت لا میݙے سِرتےݙھان٘دےقہر گھٹا۞
یامیکوں وَہم وی تھوک ݙیوے یاپوہ دی رات دے پَہرگھٹا۞
میکوں وقت ݙے ناصؔرسن٘بھلݨ دا ھیں وحشی وقت دی لَہرگھٹا۞
میکوں ہَر ھِک شہرءِچ قید نہ رکھ کُجھ قید گھٹا کُجھ شہرگھٹا۞
ساݙے نال اَلائی احسان تیݙے،تیݙے نال اَلاوݨ روح ݙین٘دے
ݙیواں پِپلیں نال ٻُوہاری مَیں،تیݙا صحن سیجاوݨ روح ݙِین٘دے
جَݙاں چُنری چِیلک نال اَڑے،وَل پان٘دچُھڑاوݨ روح ݙین٘دے
تیݙےناصؔر پیردےتَلیاں کُوں چُم چُم چَمکاوَݨ روح ݙین٘دے

توݨےرُس ڳَئیں دِل دے ویڑھے وچ تیݙا حالی تَئیں کھڑکار ھےپیا
تیݙےرُخ تےتِل دی تات ھےپَئی تیݙا یاد اَڄاں مُسکار ھےپیا
میں پیار گِھدےھَم پیریں دےمیݙےمنہ کولوں مہکار ھےپیا
ھِیں ناصؔردِل کُوں بھوڳ آوِن تیݙےنال اَڄاں مُسکارھےپیا

تیݙےوَالیں دےتیݙیاں والیاں دے کہیں وَل ءِچ ہَیں تَہوں جَھل ءِچ ہَیں
تیݙےہاسیں دے،تیݙے رُوسیں دےکہیں پَل ءِچ ہَیں تہوں جَھل ءِچ ہَیں
تیݙےعاشق ہَیں،تیݙےنوکر ہَیں،اَٹکَل ءِچ ہَیں تَہوں جَھل ءِچ ہَیں
اَساں ناصؔرپِیت دے منڑکےہَیں تیݙےڳَل ءِچ ہَیں تَہوں جَھل ءِچ ہَیں

ھُݨ سوچ سَسّی بَدلا ڳئی اے ھُݨ کوئی بَھن٘بھور نہ بَر تِھیسی
ھُݨ کہیں دء پُھل نہ اُٹھ چَرسِن نہ کہیں دی باغ نظر تِھیسی
اُنویں خان دا معنٰی پھوڳ تَھئے،ھُݨ ہوت دےنال وی شَر تِھیسی
مکران توں ناصؔرکیچ تائیں ہَر وَزبر نال حَشرتِھیسی

مَیں اے سوچے اُونکوں دَردیں دا ٻَہہ ݙیساں حال نِماشاں کُوں
اُو رَن٘ج تھی ڳئے،اُو اَن٘ج تھی ڳئےرُل مُوئیں دے نال  نِماشاں کُوں
کراں کِنتےمُنہ مَیں مُنہ ماری رُس پَ لَڄپال،نِماشاں کُوں
اُنویں ناصؔر سِرتےکھڑڳئی ھے تھی ڳئن کئ سال،نِماشاں کُوں

مَیں مَن٘گ پِن بوچھݨ سینگیاں توں جݙاں پِین٘گھ رَسائی،نَوھی دید بَھن٘وائی
اَڑی ݙیکھوݙیکھسی مَیں ݙو ھُݨ ہامی پُھوت بَݨائی،نَوھی دید بَھن٘وائی
مَیں کُڑکَڑیں لَڑ تے آپ ٻَدھی توݨےکَڑکَڑ تَھئی،نَوھی دید بھن٘وائی
مَیں ناصؔرپِین٘گھ تُوں بُھوئیں تَاݨی توݨےپَھڑکدی 
آئی،نَوھی دید بَھن٘وائی

دَر دَر پِھروائی،مخلوق کِھلوائی،بَھانویں جَئیں سِکھلائی اینکوں پیار اہدِن
مَیں لوئی ہَامی،مَیں لَاواں ہَا اُو رُلدی پَئی اینکوں پیاراَہدِن
مَیں کیا کیتے،تَئیں کیاکیتے،میکوں سَمجھ نی آئ اینکوں پیار اَہدِن
تیݙےپیار دی ناصؔرپُھوت ءِچ ھَم،میݙی پُھوت وَنڄائی اینکوں پیار اَہدِن

تیݙا شہر فقیریں تہوں چھوڑئیےتیݙا شَہرشعور تُوں واقف نَئی
اےڄاݨدےھِن کوہ طُورسڑیے،پرکہیں دےنُورتُوں واقف نَئی
خود داری ݙیکھ غَریبیں دی اے وی کہیں مغرور تُوں واقف نَئی
اُنوں خان کُوں ناصؔر بَھاہ لَیسوں،جہڑاکہیں مغرور تُوں واقف نَئی

تَن٘گ تھی تےشَہر نہ چھوڑ وَن٘ڄاں،ذرا شَہرکُوں آکھ رِعائیت کرے
اِیندیاں چُھولیاں اَکھ نَئ جَھل سَڳدی ذرا بَحرکُوں آکھ رِعائیت کرے
مَیں ان٘دری ان٘در مَرویساں تُوں وی ٻَاہَر کوں آکھ رِعائیت کرے
ہَر پَہرءِچ ناصؔرقہر کھڑے،کہیں قہر کُوں آکھ رعائیت کرے

مَیں ݙَر کُوں ہَر ڳِئیاں ٹھیک تَھئے ہُݨ ہار دا ݙَر نہ راھسی
جݙاں چاوݨےنَئی تیݙی نفرت دے کہیں بار دا ݙر نہ راھسی
سِر لَہسی جیڑھے لَہہ پوسی دَستار داݙر نہ راھسی
اُنویں مَرݨےناصؔرمَر وَن٘ڄݨےکردار دا ݙر نہ راھسی

میݙے مُلخ کُوں مُلاں بَرکیتی بَرتِھیویں بَدلی چال نِوھی
تیݙا مقصد دَہشت گردی ھے تُوں کہیں فِقےدے نال نِوھی
تَئیں بھوئیں تے بَھائیں ٻَال ݙِتِن کیتاخلق خُدا دا خیال نِوھی
سِجھ ناصؔر آپےاُبھرپوسی،نہ ݙےتُوں بان٘گ بِلال نِوھی

اُوندا نائب ھاں میکوں حُجتاں ھِن اُونکوں سُدھ ھے پَئی جہڑے حال ہاں مَیں
اَکھ جِھمکی تخت چَواگِھنساں،کہیں شاہ سَلمان دا خیال ہاں میں
قُرآن ءِچ ناصؔرݙیکھ تاں سَہی رَب آپ آکھیےتیݙےنال ہاں مَیں
تُوں آکھ چا سِجھ اُبھر پووے نِمہی ݙین٘دا بان٘گ بِلال ہاں مَیں

تیکوں پِڑ تےݙیکھ تےخوش تھی ڳئیوں،اَڄ جُھمراں لاوݨ چَس آؤسی
چَس آؤسی مونجھ دے ماریں کُوں کُجھ پُھوت بَݨاوݨ چَس آؤسی
اَڄ سُݨسوں ݙوہڑےݙاکݨی وچ کوئی ڳاؤسی ڳاوݨ چَس آؤسی
چُپ چُپ ءِچ ناصؔر رُل ڳئے ہَیں تیݙے نال اَلاوݨ چَس آؤسی

تیکوں سُدھ کائنی تیݙےبعد سڄݨ پَئےکینجھےبھوڳ بھوڳین٘دے ہَیں
پُچھ پوہ دی رات دےپَہریں تُوں تیکوں کتنا یادکرین٘دے ہَیں
ہَر رَستہ تیݙا اَ‍‌‌‌ن پُچھدےاَساں جیڑھے راہبتُوں وین٘دے ہَیں
تیݙی مونجھ ناصؔرایں کیتےکھڑے کن٘دھیاں نال اَلین٘دے ہَیں

کیوں روہ تے روہی ھِک اَہدِن تَھل نال دامان دا کیا رشتہ ءِ
کیوں بھوئیں تے بارش بھیج ݙین٘دے،بھوئیں نال اَسمان دا کیا رشتہ ءِ
تَئیں وی یار دی خاطر ران٘د رسائی،تیݙے نال جہان دا کیا رشتہءِ
کوئی ناصؔرعید نصیب نَئ تَھئ،میݙےنال ارمان دا کیا رشتہءِ

باران دی کَئ ماہ پھین٘گ نی آئی ٻُک اَݙ اَݙ ہَر اِنسان رُنے
کوئی سِرسَجدےسَٹ روپیا ھےکوئی پڑھ پڑھ قرآن رُنے
میݙی کن٘ڈتےآدم تڑپداں پئےکرعرض اےتَھل دامان رُنے
ساݙی آہ ناصؔر پُڄ عرش تےڳئی کھڑ کئی لحظہ اسمان رُنے

تیݙےنال تاں چان٘دݨی کھیݙ دی ھِےمیݙےنال ان٘دھارے رَہ وین٘دِن
نال تیݙےسُکھ سُمھ وین٘دِن،میݙے نال کھپارے رہ وین٘دِن
ݙےپھوکےاُݙا کِیری،میݙےنال اَنڳارےرَہ وین٘دِن
تیݙی طَلب دے ناصر نوکر ہَیں،تَہوں سِرتےکھارےرَہ وین٘دِن

تیڈےنہ آوݨ دا کہیں آکھیے
سِک سِیک وَدھائےمَیں روپئی آں
روپئی آں گِھن تے ناں تیݙا مَن موج ءِچ آئےمَیں روپَئی آں
کاں کن٘دھ تےݙیکھ تےخوش تَھئ ھم اُو وی اُݙریاڳئےمَیں روپَئی آں
تیݙی تان٘گھ ءِچ ناصؔر ڈینہہ گُزریے،سِجھ روہ ݙو تَھئےمَیں روپئی آں

نِسی چا مُڑتےپاتی جھاتی نِڳل ڳَئے
سَمجِھس چا اپݨا ذاتی نِڳل ڳئے
حیاتی وی ٻَہوں دَرد نِڳلی وَدی ھَئ
تیݙا دَرد پُوری حیاتی نِڳل ڳئے

ناکارےدی زندگی کُوں زندگی نَئ اَہدے
اشارے دی زندگی کُوں زندگی نَئ اَہدے
سہارےتےآڳئیں ناصؔر بہترہےمَر وَن٘ڄ
سَہارے دی زندگی کُوں زندگی نَئ اَہدے

ذرا سُݨ ھاں کُون٘جاں کیا اَہدِن
کُرلاٹ ھےگون٘جاں کیا اَہدِن
ہَاں ݙَلدےناصؔرمونجھ کنوں
تُوں اَہدیں مُونجھاں کیا اَہدِن

سوچ سوہݨی خیال ھووِن
لوظ موتی مثال ھووِن
پن٘دھ نی ناصؔرکڈاہیں تَھکین٘دے




#Article 307: ارشد واقف (118 words)


ارشد واقف سرائیکی زبان دا شاعر ہے۔

ݙمراں والا شمالی نال تعلق ہے۔ ٧ جنوری ٢٠٠٠ء کوں ڄمے۔

تیڈے ہار کیتے پھل چنڑ آئ آں تیڈا ہار جوڑیندیں ڈہنہہ لہہ گے 

تیکوں سدھ تاں ہے پھل نٙازکِ  ہِن پھل ہک ہک پیندیں ڈہنہہ لہہ گے

پھل کھٹ پئے ہٙن تیڈے ہار کنوں پھل لال گولیندیں ڈہنہہ لہہ گے

ڈہنہہ لہہ گے واقٙف رنج نہ تھی تیڈا ہار سجیندیں ڈہنہہ لہہ گے

آ بیٹ اچ رانجھن تئیں باجھوں ساکوں مونجھا مال نظردا ہے

بر بھانڑ چرنداں بر تھی گن ہنڑ بیلے کال نظردا ہے

توں نکھڑئیں ڈکھیں ویڑھ گھدے پیا اوکھا سال نظردا ہے

شک پوندے واقف مرویسی جیڑھا مال دا حال نظردا ہے

ارشد واقف

مونجھ دے منظر




#Article 308: ارضیات (138 words)


زمین دے طبقات تے تہہاں دا علم ارضیات ہوندے۔ ایندے وچ چٹاناں تے چٹاناں وچ تبدیلی دا مطالعہ کیتا ویندے۔ ایہ علم ٻنھاں سیاریاں مثلاً مریخ تے چندر دی ساخت بارے ڄاݨݨ کیتے وی ورتیا ویندے۔ 

زمین دی تاریخ تے معدنیات کیتے وی ارضیات کنوں مدد گھدی ویندی ہے۔

زمین دے ٻاہر آلے خول تے ساختی تختیاں دا علم وی ارضیات وچ ڳݨیندا ہے۔ زمین ہک ڳولا ہے پر ایہ چھوٹے چھوٹے ٹکڑیاں وچ ون٘ڈی ہوئی ہے۔ انہاں ٹُکڑیاں کوں ساختی تختیاں اہدے ہیں۔

قرآن تے ارضیات (Geology) دراصل قرآن وچ جدید ارضیات دے بارے  معلومات تے انکشافات کوں اہدے ہن۔ قرآن دی ہک ہزار توں ودھ آیات جدید سائنس  بارے معلومات ݙیندیاں ہن۔ اور انہاں وچوں کائی آیات صرف ارضیات دے بارے ہن۔ قرآن وچ موجود آبیات دے متعلق حقائق جدید سائنس نال مکمل مطابقت رکھدیاں ہن۔




#Article 309: ارہاص (244 words)


ارہاص (अरहास، دیوناگری سرائیکی) آئندہ نبوت دا پیش خیمہ یا ایہ نبوت دی تمہید ہوندی ہے۔
جیہڑا خرق عادت کم نبی دی نبوت توں پہلے ظاہر تھیوے اوں کوں ارہاص آکھا ویندا ہے، جیویں کہ واقعہ فیل کوں نبی کریم ﷺ دے ارہاصات وچ شمار کیتا گیا ہے۔ 

جیہڑے چیزاں خلاف عادت تے خرق عادت دے طور تے کہیں دے ہتھوں صادر تھیون،  اگر نبی دے ہتھوں نبوت دے اعلان توں پہلے صادر تھیوے تاں اوں کوں ارھاص آہدے ہن۔ ارہاص دا معنی تمہید ہے۔ جیویں کہ آنحضرت ﷺ دے اعلان نبوت توں پہلے آپ مکہ مکرمہ وچ جیہڑے رستیاں توں گزردے ہن تاں پتھر آپ کوں سلام کریندے ہن۔ بچپن وچ ابوطالب آپ ﷺ کوں سفر وچ نال گھن گئے تاں بڑی سخت گرمی تے دھپ ہئی، لیکن بادل نے آپ دے سر مبارک تے سایہ کیتا ۔ ایں کوں ارہاص آہدن تے جیہڑے خلاف عادت چیزاں نبوت دے اعلان دے بعد ظاہر تھیون، انہاں کوں معجزہ آہدے ہن۔ 

مزید اے کہ نبی دی ولادت توں پہلے وی جییڑے امور خلاف عادت ظاہر تھیون،  ارہاص سݙیندن ۔ حضرت عیسیٰ (علیہ السلام) دی والدہ مریم ایسی خاتون توں پیدا تھیاں جییڑی ٻڈھڑی تے ٻانجھ ہن، ایہ حضرت عیسیٰ (علیہ السلام) دا ارہاص ہے، ایں طرح حضرت مریم کوں بیت المقدس دی خدمت کیتے قبول کر گھدا گیا ، ایہ وی انہاں دے معمول دے خلاف ہئی تاکہ انہاں دی پاکیزہ سیرت انہاں دے بیٹے دے روح تے کلمۃ اللہ ہوݨ دا عنوان بݨ ونجے۔




#Article 310: اریا (222 words)


میر پور خاص وچ ارائیں برادری دی اکثریت ہے ۔.  جہڑے عرب اچوں اشاعت.  اسلام کیتے آئے ۔ ارائیں ۔۔۔راعی ۔۔۔ بھیڈاں بکریاں چراونڑ والے چرواہے ۔۔۔ اے یہودی النسل لوک ہن جنہاں دا نسبی سلسلہ کنعان دے  نبی حضرت یعقوب علیہ السلام  دے خاندان نال ونج رلدے ۔
مسلمان تھیونڑ بعد اے لوک عرب وچوں  انڈیا سندھ  آئے تے سندھ اجوکے ملتان وچ وس گئے بلوچ برادری دے بعد ڈوجھی وڈی قوم ارائیں برادری ہے ۔۔۔۔۔  الراعی ۔۔۔ دے نام نال ہک رسالہ وی شائع تھیندے ۔تے اے لوک  دریاواں دے بنے زرعی علاقیاں وچ جالندھر تئیں وسدن۔

ارائیں ہک جنگجو تے بہادر قبیلہ ہے  تے اے سو فیصد مسلمان ہے پیا  ۔۔۔ انہاں دا تعلق آریا نال کائنی ۔ انہاں دی سب کاسٹ ' میاں ' ملک' چودھری'  مہر ' تے خان ہے ۔ ایں قبیلے دے  لوک اریحہ ۔۔ فلسطین ۔۔ شام عراق۔۔ تے سعودی عرب وچوں محمد بن قاسم تے بابر سلیمی دے نال مجاہدین دی حیثیت نال سندھ وادی وچ آئے تے راجا داہر کوں شکست ڈتی تے ملتان دے قابض تھئے ۔ بابر سلیمی نال آونڑ آلے ارائیں خود کوں سلیمی ارائیں اکھویندیئن 
۔۔انہاں دی اکثریت ۔اندرون سندھ دے ضلعیاں تے سرائیکی وسیب دے علاقیاں  ڈیرہ جات ۔ بہاول پور ۔ بہاول نگر ۔ ملتان ۔ساہیوال ۔خانیوال وہاڑی تے وہاڑی کنوں سرگودھا تئیں آباد ہے پئی۔  




#Article 311: اریٹریا (723 words)


ارتریا (Eritrea، इरीटोरिया) (تلفظ: /ˌɛrɨˈtreɪ.ə/ یا /ˌɛrɨˈtriːə/;[13]ٹگرینیا: ኤርትራ? ʾErtrā ; عربی: إرتريا ) براعظم افریقا دا ہک ملک ہے۔ ایں دا دارلحکومت اسمارا ہے۔ ایں دے مغرب وچ سوڈان، جنوب وچ ایتھوپیا تے جنوب مشرق وچ جبوتی واقع ہن۔ شمال مشرقی تے مشرقی طرف بحرِ احمر دے ساحل ہن، جنہاں دی ڊوجھی طرف سعودی عرب تے یمن ہن۔ ارتریا دا کل رقبہ 1٫17٫600 مربع کلومیٹر ہے تے کل آبادی دا تخمینہ 50 لکھ ہے۔

شمالی صومالیہ، جبوتی تے بحیرہ احمر دے سوڈان والے کنارے دے نال ارتریا پراݨے دور دی پُنت سرزمین دا حصہ ہئی۔ ایں سرزمین دا تذکرہ ساکوں 25 ویں صدی ق م وچ ملدا ہے۔ قدیم پُنت قوم دے مصر دے فرعوناں دے نال گہرے تعلقات ہن۔

دمت نامی سلطنت ارتریا تے شمالی ایتھوپیا وچ 8ویں تے 7ویں صدی ق م وچ آباد ہئی۔ ایں دا دار الحکومت یِحا ہئی۔ ایں سلطنت نے آبپاشی کیتے منصوبے بݨائے، ہل دا استعمال، ٻاجھری دی کاشتکاری تے لوہے دے اوزار تے ہتھیار بݨاوݨے شروع کیتے۔ 5ویں صدی وچ دمت قوم دے زوال دے بعد ایں علاقے وچ کئی چھوٹی اقوام آباد رہیاں۔ 
ارتریا دی تاریخ ایں دی بحیرہ احمر دی ہمسائیگی نال جڑی ہوئی ہے۔ ایں دے ساحل دی لمبائی 1,000 کلومیٹر توں زیادہ ہے۔ کئی سائنس داناں دے خیال وچ ہیں علاقے توں ہی موجودہ انسان افریقہ دے براعظم توں نکل کے دنیا دے دیگر حصیاں کوں پھیلے ہن۔ سمندر پار توں آوݨ والے قابضاں تے نو آبادیاتی اقوام جیویں کہ یمن دے علاقے توں، عثمانی ترک، گوا توں پرتگالی، مصری، انگریز تے 19ویں صدی وچ اطالوی وغیرہ اتھاں آندے رہے۔ صدیاں تک ایہ حملہ آور ہمسائیہ ممالک توں وی آندے رہے ہن جیہڑے مشرقی افریقہ وچ ہن۔ تاہم موجودہ ارتریا 19ویں صدی دے اطالوی حملہ آوراں توں ثقافتی طور تے زیادہ متاثر ہے۔

بحیرہ احمر دے ساحل تے معدنیات دی وجہ نال ارتریا بہت اہم ہے۔ ہیں وجہ نال اینکوں ایتھوپیا نال ملا ݙتا ڳیا ہئی۔ 1952ء وچ ارتریا کوں ایتھوپیا دا 14واں صوبہ بݨا ݙتا ڳیا۔ ایتھوپیا نے اپݨا قبضہ ڄمائے رکھݨے کیتے اپݨی زبان کوں زبردستی ارتریا دے سکولاں وچ لاگو کر ݙتا۔ ایں وجہ توں ارتریا وچ 1960ء دی دہائی وچ آزادی دی تحریک چلی۔ ایں تحریک دی وجہ توں 30 سال تک ارتریا تے ایتھوپیا دی حکومتاں دے درمیان مسلح لڑائی جاری رہی۔ ایہ جنگ 1991ء وچ ختم تھئی۔ اقوامِ متحدہ دی زیرِ نگرانی تھیوݨ والے ریفرنڈم وچ ارتریا دے لوگاں نے واضح اکثریت نال آزادی دا فیصلہ کیتا تے ارتریا نے آزادی دا اعلان کر ݙتا۔ 1993ء وچ اینکوں بین الاقوامی طور تے تسلیم کر گھدا ڳیا۔

تگرینا تے عربی کوں وݙی زباناں منا ویندا ہے۔ حکومت دی طرفوں بین الاقوامی معاملات وچ انگریزی زبان استعمال تھیندی ہے تے 5ویں توں اڳوں ہر جماعت وچ اینکوں تدریسی زبان دے طور تے استعمال کیتا ویندا ہے۔ ارتریا وچ ہک ہی سیاسی جماعت ہے۔ 1997ء دے آئین دے مطابق صدارتی جمہوریہ ہے تے یک ایوانی پارلیمانی جمہوریہ دا درجہ ملا ہویا ہے تاہم حالی ایندے تے عمل درآمد تھیوݨا باقی ہے۔ 1998ء وچ ایتھوپیا دےے نال سرحدی تنازعے تے ݙوہاں ملکاں دے مابین جنگ تھئی جس وچ 1,35,000 ایتھوپیائی جبکہ 19,000 ارتریائی فوجی ہلاک تھئے۔

ارتریا دا نظام پیپلز فرنٹ فار ڈیمو کریسی اینڈ جسٹس نامی پارٹی چلیندی ہے۔ دیگر سیاسی جماعتاں کوں کٹھا تھیوݨ دی اجازت نی حالانکہ آئین ہک توں زیادہ سیاسی جماعتاں کوں اجازت ݙیندے۔ قومی اسمبلی وچ کل 150 نشستاں ہن جنہاں وچوں 75 تے متذکرہ بالا جماعت دے اراکین ہن۔ قومی انتخابات دا اعلان تے انہاں دی منسوخی مسلسل تھیندی رہی ہے تے ملک وچ حالی تک عام انتخابات نی تھی سڳے۔ ملک وچ قومی سیاست دے بارے آزاد ذرائع موجود نی۔ ستمبر 2001ء وچ حکومت نے تمام نجی پرنٹ میڈیا تے پابندی عائد کر ݙتی تے حکومت تے تنقید کرݨ والے افراد کوں گرفتار کر کے بغیر مقدمے دے قید رکھا ویندا پیا ہے۔ 2004ء وچ امریکی سٹیٹ ڈیپارٹمنٹ نے مذہبی بنیاداں تے امتیازی سلوک  دی وجہ توں ارتریا کوں خصوصی فہرست وچ شامل کیتا ہے۔ 2001ء وچ ارتریا وچ انتخابات تھیوݨے ہن لیکن آکھا ڳیا کہ چونکہ ارتریا دا 20 فیصد رقبہ ایتھوپیا دے قبضے وچ ہے جیندی آزادی تک انتخابات معطل رہسن۔

ارتریا کوں چھی علاقیاں وچ تقسیم کیتا ڳیا ہے جیہڑے اڳوں مزید اضلاع وچ منقسم ہن۔ آبی خصوصیات دی بنا تے علاقیاں کوں تقسیم کیتا ڳیا ہے۔ ایں طرح ہر ضلعے کوں اپݨی زراعت تے پورا قابو رہندا ہے۔




#Article 312: ازالۃ الخفا عن خلافۃ الخلفاء (138 words)


ازالۃ الخفاء عن خلافۃ الخلفاء شاہ ولی اللہ محدث دہلوی دی کتاب ہے۔ اصل کتاب فارسی زبان وچ ہے۔

ناں قطب الدین عرف ولی اللہ بن عبد الرحیم بن الشہید وجیہ الدین بن معظم بن منصور جیہڑے علمی دنیا وچ شاہ ولی اللہ محدث دہلوی کے نام سے معروف ہیں۔ آپ دی ولادت 14 شوال 1114ھ / 2 مارچ 1703ء کوں تھئی۔ آپ 26 محرم 1176ھ / 17 اگست 1762ء کوں وفات پا ڳئے ۔

شاہ صاحب دے زمانے وچ اہل تشیع دہلی تے لکھنؤ دے آس پاس دے علاقیاں وچ کافی زور پکڑ ڳئے ہن۔ انہاں دے جواب وچ آپ نے ایہ کتاب لکھی۔ شاہ ولی اللہ محدث دہلوی دی ایں تصنیف دا موضوع اسلامی ریاست تے ایں دا نظام ہے۔ جیں وچ خلافت راشدہ توں گھن کے عمومی اسلامی نظام تے بحث کیتی ڳئی ہے ۔




#Article 313: ازبکستان (466 words)


ایہ  براعظم ایشیاء دا ہک ملک ہے، ایہ وسطی ایشیاء وچ ہے۔ ایہ یک اسلامی ملک ہے۔ تاشقند اہم شہر ہے۔ازبکستان، باضابطہ ناں جمہوریہ ازبکستان (ازبک زبان: O‘zbekiston Jumhuriyati، اوزبکستون جمہوریتی) وسط ایشیا خشکی نال محصور (landlocked) ملک ہے۔ اس دی سرحداں مغرب و شمال وچ قازقستان، مشرق وچ کرغزستان تے تاجکستان تے جنوب وچ افغانستان تے ترکمانستان نال ملدیاں ہن۔

ایہ لیختینستائن دے بعد دنیا دا واحد ملک ہے جیہڑا چاراں طرفوں اینجھے ممالک وچ گھرا ہے جیہڑے خود وی سمندر توں محروم ہن۔ انگریزی وچ اینکوں doubly landlocked country آکھا ویندا ہے۔

ملک دی قومی زبان ازبک ہے جیہڑی ہک ترک زبان ہے تے ترکی تے دیگر ترک زباناں نال ملدی جلدی ہے۔ چند ذرائع دے مطابق ملک دی کل آبادی دا تقریباً 42 فیصد تاجک النسل ہن۔ لفظ ازبک دا مطلب حقیقی/اصل (اوز) رہنما(بک) ہے۔

اُزبکستان ہک اینجھے علا‌قے وچ شامل ہئی جیہڑا تاریخ دے دوران مختلف ناواں نال ڄاݨا ویندا ریہا۔‏ اُس علا‌قے کوں ماوراء النہر (‏یعنی دریاواں دے وچکارلا ملک)‏،‏ تارتاری تے تُرکستان آکھا ویندا ہئی۔‏ اُزبکستان دے کجھ شہر شاہراہِ‌ ریشم دے قریب واقع ہن۔‏ پندرہویں صدی دے شروع توں اِس رستے تے سفر کرݨ والے تاجر اِنہاں شہراں وچ ٹکدے ہوندے ہن۔‏ ہک وقت ہئی جیہرلے شاہراہِ‌ ریشم چین کوں بحیرۂ روم نال ملیندی ہئی۔‏ اج‌ کل اُزبکستان وچ کپڑے دی صنعت وچ زیادہ‌ تر چیزاں ریشم دی بجائے کاٹن نال بݨائے ویندے ہن۔‏ بازاراں وچ کاٹن،‏ اُن یا ریشم دے بݨے خوب‌ صورت قالین وی فروخت کیتے ویندن۔

صدیاں دے دوران اُزبکستان دی ثقافت تے ٻہوں سارے قوماں نے گہرا اثر سٹا ہے۔‏ کئی مشہور فاتحین تے اُنہاں دی فوجاں اِس دے شہراں تے قبضہ کرݨ کیتے اِس دے پہاڑی تے ریگستانی علا‌قیاں توں گزرن۔‏ اِنہاں فاتحین وچ سکندرِ اعظم شامل ہئی جیں نے اتھوں دی ہک مقامی لڑکی رُخسانہ نال شادی کیتی۔‏ منگولیا توں تعلق رکھݨ والے چنگیز خان نے وی اِس علا‌قے تے قبضہ کِیتا۔‏ تے بعد وچ امیر تیمور (‏تیمورلنگ)‏ نے اِس علا‌قے کوں فتح کر گھدا جیہڑا کہ اُنہاں دا آبائی علا‌قہ وی ہئی۔‏ امیر تیمور تاریخ دے اُنہاں حکمراناں وچوں ہک ہئی جنہے بہت وسیع سلطنت تے حکمرانی کیتی۔‏ ‏ازبکستان، ٢٥ دسمبر ١٩٩١ء کوں روس کنوں آزاد تھیا۔

ایں ملک چارے پاسوں ایہو جیہے ملک ہن جنھاں کوں سمندر نی لڳدا۔

ازبک زبان  زیادہ لوگ ٻولیندن ، ٤٢ فیصد تاجک نسل دے لوک ہن.  اتھاں باقی  مختلف زباناں وی ٻولے ویندن۔‏ اٹھویں صدی عیسوی وچ اِسلا‌می فوجاں نے ملک تے فتح حاصل کییت تے عربی زبان کوں فروغ ݙتا۔‏ اِس دے بعد جݙݨ اُزبکستان،‏ سوویت یونین دا حصہ بݨا تاں شروع وچ رومن رسم‌الخط دا اِستعمال کِیتا گیا لیکن 1930ء دے ݙہاکے دے آخر تک اِس دی جگہ سیرِلیک رسم‌الخط اِستعمال کِیتا ونجݨ لگا۔‏ 1993ء وچ ہک نویں آئین دے مطابق اُزبک حروفِ‌ تہجی متعارف کراوݨ گئے جیہڑے رومن رسم‌الخط تے مبنی ہن۔‏




#Article 314: اساطير (153 words)


اساطیر اسطورہ دی جمع ہے۔ جیندے معنی قصہ یا داستان دے ہن۔ اسطورہ آباؤاجداد دے زمانے توں چلی آوݨ آلی ہک ین٘جھی داستان کوں آہدے ہن، جیکوں ہک تاریخ دی حیثیت نال من گھد ڳیا ہووے۔ تے ایندے کھرے ہووݨ دا تاثر ایں وسیب وچ پایا ویندا ہووے۔ ایں طرحاں دیاں داستاناں توں کہیں ثقافت یا معاشرے دی دنیادے بارے وچ نظریات دا پتہ لڳدے۔

اساطیر دی بݨیاد انسان  دے ابتدائی حسی تجربے ہن۔ انسان دی نظر نے مختلف سطح تے اساطیر تخلیق کیتی ہے۔ اساطیر دا مطالعہ زندگی دے المیے دے گہرے اچرات تے موت  دے پُراسرار خوف دے جذبے دا وی مطالعہ ہے۔ قبل از تاریخ کہاݨیاں ہوندیاں ہن جنہاں دا ایں مادی دنیا نال کوئی تعلق معلوم نی تھیندا بلکہ ایندے وچ انساناں  کوں جنّاں بھوتاں وان٘گوں سمجھیا ویندے  تے انھاں دستاناں دے کردار عجیب و غریب ہوندن، تے این٘جھیاں حرکتاں کریندن جہڑیاں اڄ دی دُنیا وچ ناقابلِ یقین ہن۔




#Article 315: اساطیر یا خرافات (209 words)


کیا اساطیر Mythology خرافات (قصے قصولیاں/ کہاݨیاں) ہِن؟

تحریر: اجمل صدیقی

ترجمہ: جمیل نتکانی

قدیم انسان دا ذہن تمثیل (قصے) تیں علامت (نِشانی) دے نال اپݨی گال اگوں پچیندا ھا۔ اج وی انسان اینویں ای کریندے۔ اساطیر Mythology (قصے قصولیاں) دی جاہ الیکٹرونک میڈیا، تیں علامت (نشانی) دی جاہ Emogi آ گئی ہے۔

ہک شاعر ٹھیک آکھیے جو دنیا ایٹماں نال نئیں، قصے کہاݨیاں نال بݨی ہوئی ہے۔

جیویں پرانے زمانے وچ انسان ہک ݙوجھے نال پیار پریت جتلاوݨ دے کیتے گانیاں / رومال بھجیندا ھا، سوشل میڈیا دے ایں دور اچ اج اساں اپݨے کہیں جذبے کوں ݙکھاوݨ کیتے Sticker یا Gift بھجیندے (Send) ہائیں۔

کرونا دے ایں زمانے وچ کرونا بارے ڈھیر ساریاں گالہیں کوں اساں سازشی تھیوری آکھ ݙیندے ہائیں۔ جتنیاں قصے قصولیاں (myths) سوشل میڈیا تیں آج پاتے ویندے پئے ہِن، اتنے تاں شائت انسان دی پراݨِیں (قدیم) تریخ وچ وی ناں ہوسِن۔ اے سب کجھ ساݙے ایں قصے قصولیں دے عادی ذہن Mythic mind دا کرشمہ ہے۔ ذہن حقیقت کوں تلاش کرݨ کنے زیادہ گھڑݨ دا عادی ہے۔

فرانسس بیکن ٹھیک آکھیا ہے جو کوڑ ہک تخیلاتی اتیں تخلیقی عمل ہے۔۔

مظاہر تیں واقعات کوں معنی ݙیوݨ دی  عادت دے نال اساطیر (قصے قصولیاں) جم پیاں۔ اساطیر (قصے قصولیاں) ساݙے لاشعور دا اظہار ہِن۔




#Article 316: اساں شاعر کوݨ (443 words)


اساں شاعر کونڑ ہیں؟ کہیندے کیا لگدے ہیں؟ کہیں کوں کیا ڈیندے ہیں؟ جو ساکوں سنڑنڑ ڈھیر سارے لوگ آندن، داد ڈیندن، رات جاگدن، ساکوں مل کے خوش تھیندن تے ساڈے نال تصویر بنڑاونڑ آپڑیں کیتےاعزاز سمجھدن.
ایہو جئے ڈھیر سارے سوال اکثر میڈے ذہن دے خلا وچ پر مریندے رھندن تے جواب ہکو ای ملدے جو انہاں لوکاں تے ساڈے وچ ڈھیر ساریاں شئیاں ہکو جئیاں ہن اساں ہکو جئے ہیں ساڈے ڈکھ، درد، غم، خوشی، خواب تے ول خواب دی تعبیر، بُکھ، تس، رزق تے رزق دے رولے، بے وسی تے وس دا وس وچ نہ ہوونڑ، کرب تے اوندی چس، پیار، پریت، جی پریت، ساہ سلوک، بہونڑ کھلوونڑ، وچھوڑے، کھانونڑ، پینونڑ، میل ملاقات، شادیاں، رسم، ریت، رواج، تے ایہو جیاں ڈھیر ساریاں شئیاں ساڈے تے ساڈے سُنڑنڑ آلاں وچ ہکو جئیاں ہن تے ساڈے وچ کوئی ذات پات، امیر، غریب تے رنگ و نسل دی برتری ناں دی کوئی شئے کوئی نی ہوندی تہوں اساں ہک ڈوجھے نال مل کے روحانی تسکین تے شانتی محسوس کریندے ہیں. 
میں اکثر دوستاں کوں آھدا رھنداں جو ایں دور وچ ہکو رشتہ ہے جہڑا کہیں وی ملاوٹ تے لالچ توں پاک ہے تے او رشتہ لفظ دا رشتہ ہے تونڑیں شاعر ادیب ہوون یا انہاں دے سامعین تےقاری ہوون بغیر کہیں لالچ دے ہک جا تے بہہ تھیندن تے ہک ڈوجھے دے ڈکھ درد ونڈنڑ لگ ویندن. 

ایہو جئیاں محبتاں دا اظہار ظفر عدم تے کروڑ لعل عیسن دے لوکاں میڈے نال کجھ ڈینھ پہلے کیتے. بطور شاعر میں اے سمجھینداں جو میں ہالیں سکھنڑ دے عمل وچوں گزردا پیاں دوست میڈی اوقات توں ودھ محبتاں دا اظہار کریندن تاں اے گالھ کہیں کہیں ویلے میڈے کیتے امتحان دی شکل وی اختیار کر گھندی ہے تے انہاں دیاں محبتاں دے اگوں میں آپڑیں آپ کوں بہوں چھوٹا محسوس کرنڑ لگ وینداں. 

ظفر عدم میڈے نال شام رکھ کے میڈے تے ہک احسان اے وی کیتے جو اوں تقریب دی صدارت مرشد اشولال فقیر کیتی جہڑی میڈے کیتے کہیں وی وڈے توں وڈے اعزاز کن گھٹ کئے نی اتھاں جتنے وی مہمان تے سامعین آئے ہن ساراں دا دلوں نیاز مند ہاں، شعراء جہڑے شریک تھئے ہن انہاں دے آونڑ نال میڈا مانڑ ودھ گیا ہے. انہاں دا وی ممنون ہاں. 

جناب افضل عاجز، سلیم شہزاد، مظہرنیازی، تنویر خالد، مفتی عمران خان، قیوم خان، اختر مجاز، شاہد بخاری، ندیم بخاری، اختر مجاز تے نسیم بخاری تاں میڈے آپڑیں ہن تے انہاں دا شکریہ ادا کرنڑ کوئی مناسب گالھ نئیں. ھا...... انہاں نال سفر کرڑاں میڈے زندگی دے سوہڑیں وقت وچوں ہک اے جیا وقت ھا جہڑا میں چاہواں تاں وی ولا نی سکدا کیوں جو سوہڑیں ویلے کڈاہیں ول کے نئیں آندے.

محمدظہیراحمد مہاروی




#Article 317: اساں قیدی تخت لہور دے (342 words)


شاعر آپنڑی شاعری اچ وسوں نال کھڑدے، آپنڑی بھوئیں نال کھڑدے، اج تخت لہور دی بالادستی کوں بے نقاب کرنڑ دا ویلھا آئے تاں سئیں عاشق بزدار لکھیے، 

جہانگیر مخلص دریا تے قبضہ ڈٹھے تاں بولیے

اساکوں تریہہ دا حساب ڈیوے

خواجہ صئیب آکھیا ہا

رفعت سئیں لکھیا

نت مریندا ساکوں
۔۔۔۔۔

اپنڑیں پہرے داراں توں گھن نت اجازت وڑدے

سئیں اشو دا نوحہ

بے قصور ماری گئی

دے وچ وسوں دا موقف ہے، تل وطنی پندھ دا اتہاس ہے

جہانگیر مخلص سئیں دے

اچ تل وطنی موقف ہے پیا
جینویں جو

سجھ واپس نہ آیا

اے سبھ کیا ہے ؟ آرٹس اتے شاعری فطری طور تے انسان دے دماغ اچ موجود جمالیات دا ہیک اینجھا سوجھلا ہے، جیہرا لاشعوری طور تے اونکوں آپنڑی بھوئیں نال گنڈھیندے،
شہید ذوالفقار علی بھٹو سئیں کیا آھدن، جڈاں انھیں کوں پتہ لگا جو میکوں پھاہا لایا ویسی، تاں انھیں آکھیا میں لاڑکانہ دی بھوئیں اچ رل ویساں، میں لاڑکانہ دی فضا دی خشبو دا حصہ بنڑ ویساں،
اے کوئی غیر سیاسی گالھ ہائی ؟

رب اساڈے گوٹھ جو آیا ساریاں کوں ملویسوں
ایندے اچ سیاست کینی ؟
اینکوں غیر سیاسی لکھیا ونجے تاں کیویں لکھیا ونج سگدے ؟
ایہ گالھ میڈی سمجھ اچ نئیں باہندی پائی جو نثر نگار، دانشور، لکھاری، فلسفی دی گالھ تاں سیاسی ہووے پئی۔
لیکن ہیک شاعر ہے اوندے اتیں اے پابندی لائی ویندی پائی اے،
جو توں محبوب کوں گھیل جتلا گھیل سگدیں، لیکن مقامی بندے دا موقف، نہ ڈس ۔۔!

گانڑھیں تیڈے گل وچ 
(اے کہیں شاعر نئیں لکھیا، لیکن میں ایں رنگی شاعری دی گالھ پیا کریندا)
کیا صرف ایہا شاعری ہے ؟
جو ساگ دے پتر سانول دیں گلہیں تیں سریر کرن؟
شاعری ایہا ہے جیہری وسوں تے تھیونڑ الے حملے دا دفاع کریندی اے، نتاں سانول، ڈھولے آلی شاعری سانگے اے گالھ کڈھاں نہ کیتی ونجے ہا جو
دنیا اج وی شاعر دا
اتبار کریندی ہے
اے رفعت اشو مخلص عاشق بھارے سہو بارے آکھیا ونج سگیندے
وسوں ہنائیں دا اتبار کریندی اے
صرف محبوب دا فلودا بنڑاونڑ آلے دا اتبار کر کے کیا ملسی ؟




#Article 318: اساں قیدی تخت لہور دےـــــــــ آخر کے تئیں (495 words)


اساں قیدی تخت لہور دےـــــــــ آخر کے تئیں... 

لکھت ـ ادی نینا

واہ انصاف سرکار تیݙا انصاف.... ٌ میکوں ووٹ ݙیوو تے میں سرائیکی صوبہ بݨیساں ٌ... اے کل دی ڳالھ اے، 2018 دی الیکشن مہم ءچ نام نہاد سرائیکی اڳواݨ مخدوم زادہ خسرو بختیار تے اڄوکے وزیراعظم عمران خان مشترکہ پریس کانفرنس اچ سرائیکی قوم کوں صوبہ سرائیکی بݨاوݨ دا خاب ݙکھالا ہئی تے اساں بھولے بھالے سرائیکی آپݨیں آپ اچ سممدے نہ ہاسے. ایویں لڳدا ہا الیکشن ءچ تحریک انصاف دی کامیابی تے عمران خان دا وزیراعظم بݨݨ ای اساں سرائیکیاں دی منزل اے. تحریک انصاف دی حکومت کوں ݙوں سالھ تھیوݨ آلن، صوبہ سرائیکستان تاں ٻہوں پرے دی ڳالہہ اے، اے انصافی سرکار تاں سرائیکیاں دی شناخت مٹاوݨ تے تُل ڳئی اے تے اساکوں سرائیکی منݨ کیتے ای تیار کائنی... جیندا ثبوت انصاف سرکار دی طرفوں کرونا وائرس دی وباء کنوں بچݨ سانگے چتاوݨی ݙیوݨ آلی ہیلپ لائن اچ ملخ ءچ سبھ توں ڈھیر ٻولݨ آلی سرائیکی زبان کوں شامل نہ کرݨ اے. حکومت پاکستان آفیشل کرونا چیٹ بوٹ تے انگریزی، اردو، سندھی، پشتو، پنجابی، بلوچی تے کشمیری زبان کوں شامل کرݨ تے اساکوں کئی اعتراض کائنی، مگر چھی کروڑ کنوں ڈھیر سرائیکی ٻولݨ آلیں دے خلاف تخت لہور دی سازش دا حصہ بݨݨ تے سموری سرائیکی قوم مذمت کریندی اے. تخت لہور دے راڄ ءچ تاں سرائیکی پیلھے وی ساہ جھݨ جھݨ جیوݨ دے ترلے کریندے پئین تے اڳی تے وی آپݨے حق سانگے ٻاݨ مریسن ـ اساکوں امسوس وزیراعظم تے وزیر اعلیٰ عثمان بزدار دا ھے جو وݙے وݙے وعدے کرݨ آلے اڄ سرائیکی قوم دی شناخت مٹاوݨ دی سازش دا حصہ بݨ ڳئین. سرائیکی قوم نال اے ول وانجھ 73 ورہیاں توں جاری اے. 

اساݙی شناخت مٹاوݨ دی ایں سازش تے ساریں سرائیکی تنظیماں، صحافیاں، دانشوراں تے سموری قوم کوں جڳاوݨ سانگے دھرتی ڄئی جیوݨ جوڳی ساݙی بھیݨ صحافی ڈاکٹر سعدیہ کمال دی چیک سݨ تے سرائیکی عوامی تریمت تحریک دی صدر ادی کرن لاشاری آپݨی سوہݨی لکھت اچ بھرپور احتجاج کیتے تے اساݙے ٻئے وی ڈھیر سارے بھرا مذمت کریندے پئین. سرائیکی عوامی تریمت تحریک دی ہک ادنیٰ جئیں کارکن دی حثیت نال میں وی اڄوکی سرکار اچ شامل سرائیکی ارکان اسمبلی، تحریک انصاف دے سرائیکی مہاندرے، کارکنان، ملخ دیں ساریں سیاسی تنظیماں، صحافیاں، دانشوراں تے سرائیکی بھیݨیں، بھرانواں کوں ارداس کریندی آں جو ہݨ جاڳو، سڄاڳ تھیوو تے ہک مٹھ تھی آپݨیں حق سانگے چپ دا روزہ تروڑو تے ایں ناانصافی تے احتجاج ریکارڈ کراؤ... 

بقول: غیور بخاری... 

ــــــــــــــــــــــــــــــــــ

کیا حال ہے

کیا ڳالھ ہے

گم سم اتے چپ چاپ ہو

کجھ ٻولݨا ہا بُھل ڳیوں

کجھ ڳولݨا ہا بُھل ڳیوں

روزی دے رولے ٹھیک ہِن

پر دوستو ایں حال وچ

قوماں دے حق دے واسطے

ٻہہ راہواݨا وی کوڑ ہِے

چپ راہوݨا وی کوڑ ہِے

جاڳو جڳارے ٹھیک ہِن

حق دے ٻلارے ٹھیک ہِن

آکھیا ہا ٌ طارق بادشاہ ٌ

چڑیاں اٹھو کوئی دھاں کرو 

چپ نہ کرو چپ نہ کرو 

ٻہہ راہوݨا ہُݨ کوڑ ہے 

چپ راہوݨا ہُݨ کوڑ ہے

جیوے سرائیکی سدا جیوے ٌ




#Article 319: اساݙے لوک کِتھاں ہن؟ (445 words)


سرائیکی لوگlahnda-multitree, A Digital Library of Language Relationships ہک ایسا قومتی گروہ ہے جیہڑے بلحاظ نسل، زبان تے ثقافت الگ شناخت رکھدے ہن. سرائیکی لوگاں دے نسلی رشتے ناتے منڈاری تے دراوڑی نسلی گروہ نال ہن ۔ منڈاری تے دراوڑی اشیائی نسلی گروہ ہے تے سرائیک ہک الگ نسلی گروہ سمجھا ویندا ہے. Glottolog 2.7-Saraiki سرائیک قوم مقامی سمجھی ویندی ہے ۔ پاکستان دے اندر پنجابی واحد گروہ ہے جیہڑا سیٹلر سݙیندا اے تے پنجابیاں دے نسلی رشتے Punjabi Setller ,SIKH SETTLERS IN THE WESTERN PUNJAB DURING BRITISH RULE وسطی ہندی لوگاں دے نال ہن.  اس دے برعکس سرائیکی تے سندھی اپݨے علاقیاں وچ مقامی گروہ سݙیندے ہن.  سرائیکیاں نے چولستان ، تھل ، دمان تے کیچ کوں آباد کیتا ۔ مختلف کتاباں دے حوالے نال سندھ وچ 40 فیصد سرائیکی آباد ہن.  اس دے علاوہ پنجاب دے اندر 55 فیصد سرائیکی آباد ہن. اتھاں ملتان کوں مرکزی حیثیت حاصل ہے.  

سرائیکیاں دی کل آبادی دنیا دے مختلف علاقیاں وچ 80 ملین دے قریب ہے ۔ پاکستان دے علاوہ ہندوستان ، افغانستان ، کینیڈا ، برطانیہ تے خلیجی ممالک وچ سرائیکیاں دی کثیر تعداد آباد ہے. سرائیکیاں دا اصل مادر وطن ملتان ہے جس کوں پوری دنیا دے سرائیکیاں وچ مرکزی حیثیت حاصل ہے.  Immigration and Refugee Board of Canada, Pakistan/India/Afghanistan: Multani language; extent to which it is used by Hindus in Afghanistan ,اس دے علاوہ سابقہ سرحد تے نویں خیبر پختون خواہ وچ سرائیکی ڈیرہ اسماعیل خان تے ٹانک وچ آباد ہن. 
ساݙی تہذیب تاریخ تاں بہوں پراݨی ھ، پر ۔

اساݙےے اپنڑے لوک کتھاں ہن ؟
جیہڑے پراݨے زمانے اچ ونگاراں( سوشل سرگرمیوں ) اچ ودھ چڑھ تے حصہ گھندے ھن جیہڑے مذاحمت کار ہن ؟
اساکوں عرب ، عراق ، ایران دے لوک ھی کیوں ملدے ہن، جیہڑے کار خیر  ودھ چڑھ تے حصہ گھدن ؟

فلاں شخص بغدادی ھا جیہڑا وݙا منتقی ھا،  جیہڑا سال اچ ہک دفعہ وضو کریندا ھا ؟

فلاں شخص دا تعلق ایران کنوں ھا، او وݙا ھی نیک ھا .

فلاں شخص دا تعلق شام کنوں ھا یمن کنوں ھا، او وݙا خدا ترس ھا ؟
 
کیا اساݙےے اجداد خدا ترس کائینہ ہن؟

سوشل سرگرمیوں اچ حصہ کائینہ گھندے ہن ؟

نیک کائینہ ہن ؟

کیا اساݙا تعلق وحشی قبائل کنوں ھا؟

کیااساں عرباں تے حملے کیتے ہن ؟

کیا اساں مقدونیہ تے حملہ کیتا ھا ؟

کیا اساں منگولاں تے حملے کیتے ہن ؟

کیا اساں تاتاریاں دیاں لاشاں وچھایاں ہن ؟

کیا اساں ایہو کجھ کیتا ہا ؟

ول اساݙے  نیک ، مذاحمتی لوگ ساݙی تاریخ کنوں غائب کیوں ہن ؟

اور اج اساں انہاں لوکاں کوں ووٹ دے تے اپنے اتے حکمران مسلط کیوں کریندے ہیں؟

کیا اساں غلام ابن غلام ہیسے ؟




#Article 320: استاد ایاز مسݨ (744 words)


(گاٖلھ مُہاڑ:غیورؔ بخاری، ملک عبداللطیف مسݨ، ملک عبدالرزاق راقم چنڑ)

ایاز مسݨ سئیں اپݨی گاٖلھ کوں مزید اڳوں تے ٹوریندیں ہوئیں آکھیا جو میݙے کول کئی لوک ایں فن کوں سکھݨ دی خواہش نال آندن ، میں اُنھاں داحوصلہ ہمیشہ بلند کریندا ں لیکن اِنھاں نینگراں کوں اتنی جلدی ہوندی ھے جو میں بیان نی کر سڳدا۔ اِنھاں نوجواناں دی ایہ خواہش ہوندی ھے جو اُستاد کولوں ہکے ݙینھ وچ ایہ سارا فن حاصل کر تے واپس وَل آؤں۔ میں اِنھاں ٻالاں کوں ایہ ݙسݨ چاہنداں جو میں حیاتی دے 15سال اپݨے اُستاد دی خدمت کیتی ہے اور میکوں ایں گاٖلھ دا ڈُٖکھ ھے جو اُنھاں نال حیاتی مزید وفا نہ کیتی میں حالی وی اُنھاں توں ٻہوں کُجھ سکھݨا چاہندا ہم۔ ایہ او فن ھے جیکوں انسان ساری حیاتی سکھدا رہ ونڄے تاں وی مکمل علم حاصل نی کر سڳدا۔کیوں جو ایں فن دی ریاضت اچ ہر روز انسان کوں ہک نواں رنگ تے نویں گاٖلھ لبھدی ھے۔؂ موسیقی دی ابتدائی تعلیم دے حوالے نال گاٖلھ تھئی تاں مسݨ سئیں آکھیا میکوں ابتداء اچ میݙے اُستاد محترم ݙوں راڳ بھیم تے مینگھ دا نوٹیشن (سرگم) ݙسایا ۔ اُنھاں راگاٖں وچ میں اَلاپ کیتا تاں میݙے اُستادِ محترم خوش تھئے اتے اُنھاں میکوں آکھیا جو توں میݙے انداز اچ ’’کافی‘‘ وی آکھ۔ جتھوں میں کافی دے انداز کوں اپݨے استادِ محترم وانگوں اپناوݨ دی کوشش کیتی ھے۔ موسیقی دے مستقبل دے حوالے نال اُنھاں نال چند گاٖلہیں تھیا ں تاں او آکھݨ لڳے جو جیرھے فن کوں صوفیاء تے فقراء دُعائیں ݙیون او کݙاہیں زوال پذیر نی تھی سڳدا۔ لیکن افسو س ہک گاٖلھ دا ضرور ھے اساں جتنی محنت کیتی ھے ساکوں اوندا اُتنا ثمر نی مِل سڳیا ۔ ’’فن ‘‘ نال عشق ہووے تاں فنکار مایوس نی تھیندا اساں تہوں اپݨا پندھ کاݨاں نی کیتا۔میکوں اُمید ھے اگر اساں ایں سفر وچ مزید محنت کیتی تاں اساݙیاں او ساریاں شکایتاں دُور تھی ویسن بلکہ او سارے ڈُٖکھ بُھل ویسوں جنھاں دا احٖ اساں اظہار کریندے ہئیں۔ میݙی نظر اچ موسیقی دا مستقبل روشن ہا ، روشن ہے اتے روشن راہسے۔ قدیم اتے جدید موسیقی دے حوالے نال گاٖلھ ٹُری تاں ایاز مسݨ سئیں مُسکر اپئے اتے آکھݨ لڳے جیویں انسان ترقی دیاں منزلاں طے کریندا پئے اونویں موسیقی وی اپݨیاں منزلاں طے کریندی پئی ھے۔ دُنیا اچ فنکاراں دی بھر مار پاروں موسیقی اچ ڈھیر ساری تبدیلی آئی ھے احٖ تیز ردھم اچ گاٖوݨ والی شئے کوں نویں نسل ٻہوں پسند کریندی پئی ھے بھانویں جو اوندی شاعری سمجھ وچ نی آندی ول و ی نویں نسل جُھمدی ودی ہوندی ھے ۔ 

پاپ میوزک بھانویں جو وقت دی ضرورت بݨدی پئی ھے پر انت اِنھاں لوکاں ایں شور شرابے توں تھک تے واپس وَلݨے ۔ پاک وہند وچ گاٖئی ونڄݨ والی غزل دا مقام ہمیشہ منفرد ریہے اور راہسے اینویں سرائیکی دھرتی دے فنکاراں جیویں کافی اتے ݙوہڑے تے محنت کیتی ھے اوندی مثال وی کتھاہیں نہ ملسی۔ ’’کافی‘‘ کوں جیویں ہک نواں رنگ ݙتا ویندا پئے اگرایہ پندھ جاری ریہا تاں کافی ہکواری ول زندہ تھی ویسی۔ سرائیکی لوک موسیقی دے حوالے نال مسݨ سئیں آکھیا ایہ وی سوہݨا رنگ ہے وقت دی ضرورت کوں سامݨے رکھ تے اساݙے دوست پندھ کریندے پِن۔ اگر ایہ فنکار لوک موسیقی دے نال نال کلاسیکل دا فن وی تھوڑا جیہاں ڄاݨ گھِنن تاں اِنھاں لوکیں دی موسیقی دا رنگ نویکلا تھی ویسی۔ باقی سرائیکی فنکار اپݨا اتے اپݨی ماء ٻولی دا مقام دُنیا اچ اُچا کرݨ چاہندن تاں عام شاعری دی بجائے چنگی شاعری دا انتخاب کرن۔ گاٖلھ مُہاڑ کوں مُکیندیں مُکیندیں اُستاد ایاز مسݨ آکھیا موسیقی دا انت کوئینی اساݙے وسیبی فنکار صرف ݙو یا ترائے راڳڑیاں کنوں واقف ہِن میݙے اُتے اللہ دا بے پناہ کرم ھے جو میں 40،45راگاںٖ توں واقف ہاں۔ اُنھاں آکھیا ست سُرے راڳ گاٖوݨ دا تاں کوئی مسئلہ نی ہوندا پنج سُرے راڳ تے فنکار دے فن دا پتہ لڳدے میکوں پنج سُرے راڳ گاٖوݨ دا بے پناہ شوق ہے اتے اِنھاں راڳاں وچ محنت کرݨ دی چس آندی ھے۔ پسند دے راڳ دے حوالے نال مسݨ سئیں آکھیا کیرھے کیرھے راڳ دا ناں گھِناں میکوں میݙے مَن اچ وسݨ والے سارے راڳ پسند ہِن بالخصوص درباری، مال کوس، بھیرویں، چاندنی کنارا، ماروا راڳ، تروڑیاں اتے سویل تے شام دے راگاٖں کوں میں بے حد پسند کرینداں۔ اخیر تے فنکاراں سانگے اُنھاں ایہ پیغام ݙتا جو موسیقی ہک فن ہے اور ایں فن کوں گاٖوݨ توں پہلے سکھݨ دی کوشش کیتی ونڄے کیوں جو سرائیکی موسیقی اتے فنکاراں کوں دُنیا وچ اچھے لفظاں نال یاد کیتا ونڄے۔




#Article 321: استاد تے سرائیکی دانشور جناب محمود نظامی دا ݙکھ (740 words)


دوستو ! تساں کل دی پوسٹ( بجٹ تے زراعت دی ترقی دا کارپوریٹ نظریہ) تے ٻہوں سٹھا رد عمل ݙتا ہے ڄس نال میݙا حوصلہ ودھیا ہے ۔میں انہاں سبھݨاں دوستاں دا شکر گزار ہاں جنہاں میݙی لکھت کوں پسند کیتے،اڳو تے ٹوریا تے نال اپݨے سوہݨے خیالات دا اظہار کیتے،حالانکہ سچی ڳل ہے ڄو لکھت دی حروف ابجد سکھدے ودے ہیں،ݙوجھا میں سمجھی ودا ہم ڄو سرائیکی لکھتاں کوݨ پڑھدا ہے پر تہاݙے ردعمل توں ظاہر تھیندا ہے ڄو وسیب ڄاگدا پیا تے اوں دی ہر ڳل تے نظر ہے۔

کل آلی پوسٹ دی ݙوجھی تے آخری قشط لکھݨ دا اج پروگرام ہا لیکن اساݙے درویش تے دانشور ،استاد محمود نظامی صاحب دی ڈی سی او بہادر ڈیرہ غازی خان تے انہاں دے گارڈز دے ہتھوں ہتک تے گرفتاری توں بعد دل بوجھل ہے تے مذکورہ موضوع تے لکھݨ کیتے دل نئیں پیا کریندا۔ایں حوالے نال اج سائیں رؤف کلاسرا صاحب روزنامہ دنیا اچ ٻہوں سوہݨا کالم لکھیا ہے تے استاد محمود نظامی دی شخصیت دا پورا نقشہ اساݙے سامݨے رکھ ݙتا ہس ،جیں دے بعد لکھݨ دی گنجائش باقی نئیں راہندی پراستاد محمود نظامی دا قرض کیویں لہاؤں؟
استاد محمود نظامی نال میݙا پہلی ملاقات اڄ توں پنج سال پہلے میانوالی اچ تھئی ہائی ڄݙاں او سائیں مشتاق ڳاݙی ،فضل لنڈ تے سائیں خادم حسین نال اساݙے دفتر اچ تشریف گھن تے آئے ہن اوں رات اساں سارے دوست اپݨے دفتر واقع پی اے روݙ اچ ستے ہسے ۔وݙلے ساکوں کالاباغ تے پراݨی ماڑی ونڄ تے دوستاں نال ملاقاتاں کرڑنیاں ہن تے شام کوں کالا باغ اچ دریائے سندھ دے کنارے تے محفل موسیقی تے جھمر دی چس چاوݨی ہائی ۔لنگر اچ گوشت شامل ہووݨ دی وجہ نال سائیں مشتاق ڳاݙی تاں چٹنی نال ٹکر کھادا پر استاد محمود نظامی شہزاد ہوٹل دی کڑھائی کھا کے ٻہوں خوش تھیا ہا۔پوری رات جتنی دیر ڄاڳدے رہے استاد محمود نظامی اساکوں ہسیندے رہے ۔ݙوجھے ݙینہہ پراݨی ماڑی اپڑیوسے تاں اتھاں ٻہوں سارے دوست اساݙے انتظار اچ کھڑے ہن ۔دریائے سندھ پراݨی ماڑی دے کالاباغ دے درمیان اچ گزر کے میدانی علاقے ݙھاندا پیا ہے تے ماڑی کالاباغ دی مخالف سمت اچ ٻہوں پراݨا شہر ہے جس نال کئی پہاڑیاں وی ہن ۔انہاں پہاڑیاں وچوں ہک اچی پہاڑی تے بدھسٹاں دی ٻہوں پراݨی عبادت گاہ وی ہے ۔ اس پہاڑی تے چڑھنا جوان بندے کیتے وی اوکھا ہے پر محمود نظامی اوں ݙیہاڑے مشتاق ،فضل تے ݙوجھے ڄواناں تھوں ودھ کے جوان ہووݨ دا مظاہرہ کیتا۔
واپسی تے دریائے سندھ اچ دھاندے رہے تے ڳاندھے رہے ۔

دریا او دریا پینڈے تیݙے ݙونڳھے 

توں اساݙا ما پیئو اساں تیݙے پونڳے

اشو لعل دا اے ڳیت استاد محمود نظامی سݨ کے دریائے سندھ دیاں لہراں نال کھیݙا ہا،کہے ویلے بیڑی تے ونڄ باندہ ہا تے کہیں ویلے ریت اتے لیٹدا ہا۔ اس دی دریائے سندھ دے پاݨی تے سندھو دی ریت نال پیار تے محبت میتے اوں ݙیہاڑے آشکار تھئی ۔
شام کوں کالاباغ اچ دریائے سندھ دے کنارے طاہر ساقی نے ہک ٻہوں سوہݨی محفل لائی ہوئی ہائی ۔کیا خوبصورت چندر نکلا ہویا ہا ،سندھو دے پاݨی اچ اپݨا عکس پیا پیندا ہا ،دریا اچ بیڑیاں وڳدیاں کھلوتیاں ہن ،اساں بوہڑ بنڳلے دے نال ٻہہ تے دریا دے پاݨی نال کھیݙے رہے تے اپݨے دل دیاں ڳلاں کریندے رہے ۔طاہر ساقی وی ساری رات سرائیکی لوک گیت سݨیدا رہیا تے اساں وی گھمران پیندے رہیوسے ۔ٻس اس شام محمود نظامی ڄہڑی جھمر ماری ہا تے سندھو نال اپݨی لازوال عقیدت دا اظہار کیتوس اوہ اپݨی مثال آپ ہے ۔

اوہ تاں ہک درویش صفت انسان ہے ،اوہ ہک اے ڄیہا دانشور ہے ڄہڑا عدم تششد د تے یقین رکھیندا ہے ،سندھو ،اس دی ریت تے تاریخ نال پیار کرݨ آلا ہک انسان کیویں متششدد ہو سڳدا ہے ۔خان بہادر ڈی سی او صاحب تساں محمود نظامی کوں نیویں سیاݨدے دے پورا وسیب ڄو گواہی ݙیندا کھلوتا ہے ،تساں زرا دریائے سندھ دیاں لہراں تھوں تاں پچھوں ڄو محمود نظامی کوݨ ہے ،انہاں کول نئیں پچھ سکدے تاں سندھو دی ریت کول تاں پچھ ڳھندے ،دھرتی دی تاریخ وی تہاکوں ݙسیندی ڄو میݙا عاشق جارح نئیں،یقینا اے تہاݙے محافظاں کول پھل چک تھی ہے ،انہاں دا محاسبہ تھیوݨا چاہی دا ہے ڄہڑیاں سندھو تے عاشق دی ہتک کیتی ہے ،اے ہتک محمود نظامی دی نئی چار کروڑ سرائکیاں ،سندھو دی ریت تے اس دے پاݨی تے تاریخ دی ہتک ہے ۔ہو سڳدا ہے محمود نظامی تہاکوں معاف کر ݙیوے پر خان بہادر یاد رکھیسیں سندھو دا پاݨی تیکوں معاف کائی نا کریسی. 




#Article 322: استاد عادل رشید دی یا د اچ (223 words)


استاد عادل رشید پکے مارکسسٹ تے ماءسٹ ہن۔ملکی تے بین ا لالقوامی ھالات تے انہاں دی گہری نظر ہوندی ہا ۔انہاں دے تجزیءے شوق نال سݨے ویندے ہن ۔ اوہ میجر اسحاق تے دوست محمد بھچر تے انہاں دے نظریے دے پرچارک تےعاشق ہن تے ساری زندڳی اسے عشق اچ گزار ݙتی ۔اوہ میانوالی اچ تاے مزدور کسان پارٹی دے اندر سراعءیکی قومی تحریک دا ہک وݙا تعارف ہن،انہاں ایں سانگھے ٻہوں سارے آرٹیکل لکھے تے میانوالی دے سیانݨیاں کوں این پاسے متوجہ کیتا۔اوہ پروفیسر اسلم ملک مرحوم دے پھپھیر ہن جہڑیاں سراءیکی تاریخ ۔ثقافت تے ادب واسطے ٻہوں وݙیاں خدمات سرانجام ݙتیاں۔

فیض احمد فیض سمیت سارے ترقی پسند شاعراں دا کلام انہاں کوں زبانی یا د ہا پیا۔اوہ ہک ایڄھے سیاݨے ہن ڄہڑیاں ساری زندڳی کساناں کوں سیاسی تعلیم ݙیندیاں گزار ݙتی۔اوہ چانہدے تاں شہر دی پر آساءش زندڳی گزار سڳدے ہن تے اپݨے ٻالاں کوں شہر دے چنڳے سکولانچ پڑھا سڳدے ہن لیکن انہاں اپݨی مٹی کوں ترجیح ݙتی تے اس دی قیمت انہاں اپݨی اولاد کوں ضاءع کر کے ݙتی۔

انہاں کوں اساتھوں وچھڑاں پنڄ سال تھی گءے لیکن انہاں دی یاداں ،ڳلاں ٻاتاں اڄ وی تازہ ہن۔عادل رشید ۔۔۔اساں تہاکوں کݙاں وی نہ ٻھلسوں ،اساݙا ایمان ہے جو

تھی فریدا شاد ول

مونڄھیں کوں نہ کر یاد ول

اے نہنہ نہ واہسی ہک مݨری 

جھوکاں تھیسن آباد ول




#Article 323: استاد ملنگ حسین (910 words)


شہنائی نواز اُستاد ملنگ حُسین نال ڳالھ مُہاڑ

ّ(ڳالھ مُہاڑ: ملک عبدالرزاق راقم چنڑ، ملک غلام عباس غمگین)

یونان وچ کئی صدیاں پہلے اکھیندن جو ہک حکیم بو علی سینا ہن جنھاں کوں موسیقی نال عشق ہا۔ اُنھاں ققنس پکھی توں بانسری تے شہنائی دا ساز ایجاد کیتا۔ ققنس پکھی دی لمبی چُنج ہئی جیندے ݙوں سوراخ پچھوں تے ہک اڳوں ہا۔ ققنس پکھی پچھلے سوراخ توں راڳ دیپک دی آواز کڈھیندا ہا۔ جیکوں سُݨ تے ققنس کوں بھاء لڳ ویندی ہئی اتے اڳلے سوراخ توں جیرھی آواز کڈھے ہا او راڳ ملہار دی ہوندی ہئی۔ راڳ دیپک دی آواز کوں راڳ ملہار دی آواز آ کراہیں مدھم کر ݙیندی ہئی ۔ راڳ دیپک دی بھاء والی طاقت ملہار دے گونجݨ نال ختم تھی ویندی ہئی۔اونکوں ݙیکھ کے بو علی سینا نے شہنائی تے بانسری دا ساز تیار کیتا۔ ایہ صدیاں پُراݨا تاریخی ساز ھے۔ تُساں احٖ وی اپݨے وسیب اچ دید بھنواؤ چا اساݙے وسیب دی کہیں خوشی غمی وچ ٻیا کُئی ساز ہووے نہ ہووے نقارہ تے شہنائی ضرور ہوسے۔ اساں اِنھاں سازاں کوں اپݨے ثقافتی ساز سمجھدے ہئیں۔ شہنائی دے فن دے حوالے نال ڳالھ ٹُری تاں اُنھاں آکھیا ایں فن کوں پاکستان اچ اُتنی پذیرائی نئیں مِلی جتنی اساݙے ہمسائے مُلک انڈیا وچ ایں فن کوں سراہایا ڳئے۔ کیوں جو اُتھاں اُستاد بسمل خان تے اُستاد انند لعل جہیں لوک موجود ہن۔ جنھاں ایں فن نال وفاداری کر تے پوری دُنیا اچ ناں کمائے۔ اینویں اساݙے وسیب وچ وی ایں فن دے حوالے نال وݙے ناں والے لوک موجود ہن۔ جیویں ڈیرہ اسماعیل خان توں بھائی کریم بخش یا لاہور والے اُستاد رنگی خان ایہ وݙے عظیم لوک ہن۔ استاد رنگی خان دا تعلق ہک استاد گھرانے نال ہا لیکن اُنھاں اپݨے فن دی شکر اُستاد بسمل خاں دے اڳوں رکھی۔ بھانویں جو او خود اُستاد ہن لیکن اپݨے کم کوں مزید چنگا کرݨ کیتے اتے اُستاد بسمل خاں کوں اپݨے دیس اچ متعارف کراوݨ کیتے اُستاد بݨایا۔ پاکستانی فلم انڈسٹری تے نورجہاں دے ہر گانے نال اُستاد رنگی خاں دی شہنائی کوں شامل کیتا ویندا ہا۔ اُستاد ملنگ حُسین ݙسایا ہک او دور ھے جو شہنائی فلم انڈسٹری تے راج پئی کریندی ھے تے ہک ایہ دور ھے جو شہنائی دے فن کوں ڄاݨݨ والے لوک ٻہوں گھٹ ہِن۔ لیکن ول وی کُجھ لوک اساݙی حوصلہ افزائی کر تے ایں فن کوں زندہ رکھی پِن۔ اساں اکثر پروگراماں وچ شریک تھیندے ہئیں کتھاہیں بے پناہ خوشی تھیندی ھے تاں کتھاہیں زور دی دِل آزاری ۔ 

جتھاں ایں فن کوں ڄاݨݨ والے لوک موجود ہوندن اُتھاں اساں اپݨے روح دے رانجھے کوں وی چس چوا گھِندے ہئیں ، جتھاں جہالت دا جبر زور تے ہوندے اساں روزی روٹی کر تے واپس ول آندے ہئیں۔ اساں اُستاد ملنگ حُسین توں پُچھیا تُساں شہنائی دے حوالے نال دیس توں ٻاہر وی کہیں پروگرام شرکت کیتی ھے؟ تاں او کھِلدیں ہوئیں آکھݨ لڳے سئیں جݙاں ݙند ہن تاں چݨے نہ ہن ہُݨ چݨے ہِن تاں.........جوانی وچ ٻاہر ونڄݨ دا موقع نی مِلیا ۔ ہُݨ بُٖڈھیپے وچ طبیعت نئیں منیندی۔ دوست ٻہوں مجبور کریندن لیکن اپݨے مزاج تے طبیعت پاروں ٻاہر ونڄݨ تے دِل نی اَہدا۔باقی ریڈیو پاکستان بہاول پور دے دوستیں دی محبت نال میں پورے پاکستان اچ ہر چھوٹے وݙے شہر اچ ڳیاں۔ریڈیو پاکستان لاہور، کراچی تے اسلام آباد ایں توں علاوہ وی میکوں ڈھیر سارے سٹوڈیوز وچ شرکت دا موقع ملیے۔ ایندے علاوہ اساݙے دیس اچ تھیوݨ والے میلیں وچ اساݙی آواز کوں ریکارڈ کر تے ٻاہر دے مُلکیں بھیجا ڳئے اساکوں شہنائی دے حوالے نال پورے دیس اچ چنگی شہرت ملی ھے۔ ایہ ساری پیر اُستاد دی دُعا تے دوستاں دی محبت ھے۔ ریڈیو بہاول پور دے دوستیں اساݙی بے پناہ حوصلہ افزائی کیتی ھے۔ شہنائی دے فن کوں سکھݨ دے حوالے نال اُستاد ملنگ حُسین آکھیا ایں فن کوں سکھݨ کیتے انسان کوں ݙوں چیزاں دی خاص کر ضرورت ہوندی ھے ہک تاں بندہ سُریلا ہووے ݙوجھا ذہین ۔ ایہ ݙوہیں چیزاں خدا دی عطا ہِن۔ جیکر ایہ ہوون، بندے کوں شوق وی ہووے تے پیر اُستاد وی کامل ہووس تاں او ایہ فن ٻہوں جلدی سکھ ویندے۔ باقی ایہ فن سکھݨ اچ ٻہر دے شوقین لوکیں دی نسبت اساݙے اپݨے ٻال اساں توں تھوڑے وقت اچ سکھ ویندن۔ شہنائی دے فن اچ جدت دے حوالے نال خان صاحب آکھیا اساݙے بابا سئیں دا دَور سادگی دا دَور ہا ۔ کافی گیت سِدھا سِدھا ڳاکراہیں بندہ نامور بݨ ویندا ہا۔ احٖ دا دَور علم دا دَور ھے۔ کیوں جو جیویں گائیک لوک اپݨے فن تے محنت کریندن اساکوں وی اونویں ہُݨ محنت کرݨی پوندی ھے۔ اساں بابے دی سادگی دے دَور اچ دُعا گھِدی ھے ۔ بابا سئیں دے وصال دے بعد اساں ایہ فن اُستاداں دی خدمت کر تے سکھیے۔ اُستاد منیر حُسین توکل ، اُستاد محمد شریف ملتانی (جیرھے اساݙے پاکستان دے بسمل خاں ہن) استاد مبارک علی خاں (گائیک) اساں اِنھاں عظیم لوکاں دی خدمت کر تے ایں مقام تے پہنچے ہئیں۔ اِنھاں دیاں دُعائیں ہِن جو شہنائی وچوں کافی دیاں نویاں رمزاں چھیڑی ٻیٹھے ہوندے ہئیں۔ اُستاد ملنگ حُسین آکھیا میں چھی سال دی عمر اچ شہنائی وڄاوݨ شروع کیتی ھے۔ احٖ میݙی عمر 60سال ھے میکوں تقریباً 54سال تھی ڳن شہنائی وجیندیں ہوئیں۔ پر میں اینویں سمجھداں شہنائی نال سونہاں میں پچھلے 20سالاں اچ تھیاں۔ اخیر تے اُستاد ملنگ حُسین آکھیا سرائیکی خطے دے فنکاراں کوں ہک ٻئے نال پیار دا ڳانڈھا جوڑݨ دی ضرورت ھے۔ نویں فنکاراں دی حوصلہ افزائی ٻہوں ضروری ھے ۔ نینگر فنکار اپݨے سینئر فنکاراں دا احترام کرتے خود کوں چنگا فنکار ثابت کر سڳدن۔




#Article 324: استاد نذیر فیض مڳی دی مکاݨ (166 words)


آہ! استاد نذیرفیض مگی ایں جہان فانی توں ٹر گئین. .
اللہ دا بشک ہووے آمدن خیر دی. . . .
سرائیکی وسوں دے ہک مہان شاعر جنہاں ضیائی آمریت تے ملٹری اسٹیبلشمنٹ دیاں عوام دشمن پالیسیاں کوں کوئی گھندے میڈے پاک فوجی قسم اے خدا دی سارے وچینداں جہاں نظماں لکھ کےنشابر کیتا . .
وسیب زادیں دی اپنڑی وسوں توں پنجابیں ولوں جبری بے دخلی،جعلی الاٹمنٹس دے خلاف میں نئیں اہدا جگ پیا اہدے اتھوں کڈھ پنجابی جہاں شہرہ آفاق نظماں لکھ کے وسوں واسیں کوں جگاون دا ترلا کیتا. .
کالا کالی جہیں غلط رواج دے خلاف قوم کوں جگایا. .
ساری حیاتی سرائیکی حقوق دی قلمی جنگ دا جھنڈا چاتی رہ گئے. . . .
سنگتی ملک سلیم دا اے میسج جو مرشد مگی صاحب ٹر گئین پڑھ کے ڈاڈھا ڈکھ تھۓ دل نئیں منیندا اج وئ اکھیں دے اگوں مھرے آلے دے میلے دی سٹیج تے مگی صاحب جذباتی تے اصلاحی نظماں سنڑیندے کھڑن . .

October 22, 2016 (بلال بزدار)




#Article 325: استاد کالو خاں بزدار (1046 words)


آہ استاد کالو خان بزدار
.
بندے دی حیاتی اچ کجھ ایہو جیہاں شخصیات ایہو جہیں بھلے مانس ماہݨوں آندن جنہاں کن بندہ متاثر تھیندے اپݨے آپ کو انہائیں وانگوں ڈھالݨ دی کوشیش کریندے پر ایں وی تھیندے جو ویلھے دے نال نال بندہ جیویں جیویں ڄاݨوند تھیندا ویندے کجھ شخصیات تے کجھ نظریات کن اوندا دل پٹیچ ویندے وت او نویں شخصیات دو ٹر پوندے ٻنہاں دا تاں پتا نئیں پر میں جہیں بندے نال تاں ایویں تھئے اپݨے تئیں بہتر کن بہتر دی تلاش ہمیش جاری رہی اے. . 
پر استاد کالو نال کوئی ایہو  جیہاں ڳانڈھا ڳنڈھیا جیرھا جو ہمیش دا ڳانڈھا ہئی جیئندا انت گذریل رات انہاں دے اچݨ چیت نکھیڑے تیں تھیا. 
میں جݙاں شعور سنبھالیا تاں استاد کالو اساݙے ٹریکٹر دا ڈرائیور(آپریٹر) ہئی. استاد دیاں ڳالھیں ݙاڈھیاں چسولیاں تے من بھانوݨیاں ہوندیاں ہن ایں پاروں آٹھئے اچ او جتھ ہل وہاوے یا وت کوئی بیا کم کرے میں تے میݙے سینگے چھوار ٻنے تیں ٻیٹھے رہوں ہا یا وت او تیل پواوݨ ونڄے تاں ساکوں نال چاتی ونجڄے ہا شئیت ایں پاروں استاد میکوں چنڳا لڳدا ہا. 
ستویں اٹھویں پڑھدا ہم تاں وساخ تیں کچاری اچ ٻہݨ دا شوق پئے ڳیا استاد کچاری دا سہرا ہوندا ہئی اوندیاں ڳالھیں ٻٹاں تے قصے ہمیش میکوں اپݨی گرفت اچ رکھی رہ ڳئے . اوں زمانے سرائیکی عوامی مشاعرے دھوم دھام نال تھیندے ہن .استاد تے کجھ ٻئے چھوار تے بزرگ موٹرسائیکلاں تیں مشاعریاں لئیوں اساں وݙے پندھ کیتے . چوٹی کن ہیرو پچادھی سانول سوبھ دا میلہ ہووے یا وت مھرے والا راجنپور عاشق خان بزدار دا میلہ، اساݙے موٹر سائیکل استاد کالو دی قیادت اچ تیار ہوندے ہن. مہرے والے دے میلے تیں جھمر تے نوبت استاد سئیں دے پسندیدہ ہن. ایویں کوݙی تے ملہݨ دا پڑ جتھ ہووے ہا اساں تیار ہوندے ہاسے. میݙے نال عجب رولا رہ ڳیا جو میں چھوہرکی نئیں کر ݙٹھی بس بچپن کن پٹکی بدھاں دی کچاری اچ بیٹھاں تاں اجاں تئیں اے سلسلہ جاری اے تے شئیت ہݨ چھوہرکی دی عمر وی ڳال ٻیٹھاں. پٹکی ٻدھاں دی محفل اختیار کرݨ دا کارݨ صرف اور صرف استاد سئیں دی چسولی شخصیت ھئ. 
تل وطنی دانش، لوک مثالاں، لوک متھاں نال میݙی سونہہ استاد دی وجہ توں ہئی پر جݙاں کالج ڳئیوم تاں انہاں چیزاں کوں مزید سیاسی رنگ اچ فضل رب لنڈ سمجایا فضل خان روشن خیال قومیتی سیاسی شعور رکھݨ آلے کارکن ہن تے انہاں دی سیاسی تربیت استاد فدا حسین گاݙی کیتی تے او استاد سئیں دے ٻانہہ ٻیل رہ ڳئے اڄ وی لوک سانجھ دے ایکٹیو کارکن ہن . او ڳالھیں جیرھیاں اساں استاد کالو کن بچپن اچ سݨیاں انہاں کوں سیاسی رنگ اچ رنگیندا لوک سانجھ اچ ݙٹھم، استاد کالو ان پڑھ بندہ تے لوک سانجھ اعلی تعلیم یافتہ پروفیسرز ، ڈاکٹرز، لکھاری تے دانشوراں دی سلھاڑ ایں پاروں جتھاں میݙا استاد کالو ولوں بیان کردہ تل وطنی دانش دیاں ڳالھیں تیں اعتماد آیا انہاں دیاں ڳالھیں دی اہمیت دی سدھ پئی اتھاں لوک سانجھ اچ کم کریندیاں وی چس آئی.
استاد کالو ہمیش مرکݨی تے چسولی ڳالھ کریندے ہن وسیبی ڄٹ(رڑھ راہ) دے علاوہ میݙے کجھ سفید پوش سنگتی وی استاد نال ٻہہ ٻٹاں لئیندے ہن. پچادھ ٹربائن ونج لایئس تاں اتھاں جݙاں چھٹی تیں سلطان بزدار یارمضان قادر اسلام آبادوں آوۓ ہا تاں استاد نال ٻٹاں ضرور مارݨ ویندے ہاسے.
رمضان قادر دے بارے استاد میکوں اہدا ہا اے تیݙا فقیر یار اے رزق بخت ہووݨ دے باوجود وݙائی کوئنسی. رمضان کوں ہمیش کھپیندا ہا مزاورݨیں دا حال ݙے، سݨدوں جو وݙیاں جھڑکل تے چکھڑیاں تھیندئن. وت ایݙوں رمضان ہا اے کوڑ ٻتوڑ مار ڳالھیں ٹھہائی رہندا ہا.
ہک ݙینہوار میکوں آکھئیس کچھی کینال دا منڈھ ݙکھال ڄلوں وئ ایندی پٹری نال ول تیکوں میں ݙساں جو اے کامیاب تھیسی یا ناکام. خیر اساں موٹر سائیکل اچ پٹرول سٹوا پل تیرہاں کن ابھے تیں وڳ پیو سے جئیں ویلھے دیرے دے اتوں پجئیوں تاں دول بین دی کئو ہئی میکوں آکھیس سدھ ہئی جئیں ویلھے میݙے کنیں بین دی کئو پووے میݙے پیر پٹیچݨ پئے ویندن ،بھاہ لا کچھی کوں آ ڄلوں جھمر ہوسی. . خیر دول بین دی کئو تیں پڄ ڳئیو سے تاں اتھ کتیاں دی دروک ہئی چس دا شغل ھئی سپیکر تیں اعلان تھیا جو اے کتی بہادر خان سیہڑ دی اے تے ایندی قیمت ترائے لکھ لڳ چکی اے . استاد میݙو ݙیکھ تیں کھلیا تے آکھیس ٹریکٹر نال برابری دا سودا لڳدے لاوں چا ؟. . .ایں ڳالھ دا حال سݨا کے وساخ تیں کافی مد کھلدے رہ ڳیئوسے.(کتیاں دی دروک اساں پہلی دفعہ ݙٹھی تے اے ساݙے لئیوں نویں ڳالھ ھئ) .
اڄکل استاد ٹریکٹر تاں نہن چلیندے پر اساݙے جاہ تیں بلاناغہ شام دا چرک تئیں کچاری دی راند رسیندے ہن جیندے سانجھی کمال خان تے اللہ بشک بزدار، دلبہار ٹالبر، ممدی نانگری تے ٻئے وساخ دی کچاری دے مستقل ممبر ہوندے ہن، سلطان تے میݙی بچپن کن ہکا ڈیوٹی آندی پئی ہئی جو استاد کوں حقہ تازہ کر ݙیووں ہا یا وت ڳیٹا ڳول ݙیووں.. 
ݙو راتیں پہلے میکوں آکھیس فضل لنڈ کوں سݙ شیر مند بزدار(چئیرمین) نال ہک پڑ لواوں ہا.(اے پڑ ہمیش میݙی جاہ تیں رہ ویندے فضل خان سیاسی کارکن ان تے چاچا شیرمند لغاریاں دا ایکٹیو ورکر پڑ توں مراد سیاسی مباحثہ).
میں روزی دے ترلے پاروں اپݨے علاقے کن باھر آں اج کوئی ݙاہ وڄے سلطان بزدار دا میسج آیا جو استاد کالو فوت تھی ڳئین دل نہ منیا کال کیتم تاں رووݨ ہاکڑا تھی کے آکھیس جو یار میں وی بہاولپور آں بینک دے کم تیں تے توں وی نویں پڄ سڳدا جنازے تیں بس میں کال کٹی ڳئیوم تے ٻیا کجھ سݨن دی سکت نہ رہی.
اپݨی نال دی وستی دے نینگر عابد بزدار جیرھا جو آسٹریلیا علم دی ڳول اچ پردیس کٹیندا ودے میسنجر تیں پچھیس یار اہدن چاچا کالو جھوک لݙا گئے ، بر تھی ڳئیوں یارا .ہݨ کیندے نال کچاری کریسوں .کیا تھیا ٹھیک ٹھاک تاں ہن کوئی تفصیل؟ میں آکھیا یار میں وی ایویں سݨیے
پر گھر کن باہر پنجاب ڳیا وداں تفصیل پچھݨ دی میݙے اچ نہ سکت ھے نہ کہیں کن پچھداں. .
کجھ دیر پہلے سنگتی اللہ بشک بزدار دا فون آیا تے ݙسائوس جو یارا یار ٹر ڳئے اج بکھر(موضع) دے ونڑ رنن. . استاد دے نکھیڑے دا ݙکھ ناقابل برداشت اے پر کیا کریجے؟
استاد کالو مرحوم دی حق مغفرت کرے آمین

(بلال بزدار)




#Article 326: استاد، استاد ہوندن (220 words)


استاد استاد هوندن

اج جیں کولو ڈاہویں دے نمبر پچھو ہزار کولو تلےنی آندا. مہنگائ نال شید قابلیت وی ودھ گئ ء. ہک ساڈا وقت ہا جو رزلٹ آلے وقت, وقت آ ویندا ہا. شید ساڈے دور اچ پڑھائ کن پکڑنڑ توں وی اوکھی ہوندی ہئ. ٹاٹ تاں ہوندےہن پر اساں باہندے ناسے جو کن پکڑنڑ توں ویلے تھیووں ہا تاں.
ہا البتہ ساڈے دور دے استادیں دے بال کجھ ڈاکٹر بنڑ گۓ، کوئ انجینئر ت گۓ گزریے لو ابے سئیں دی سیٹ تاں حاضر جناب پئ ہئ.
کل شانگرو دی ہوٹل ت استاد محمد خان ڈسیندے پۓ ہن جو کل کیبل خراب ہئ ٹھیک کروائ میں تاں او کیبل آلا شاگرد نکھتے ول کوٹ ادو واپڈا دے دفتر کم ہامی جیہڑے رکشے ت بیٹھاں او ڈرائیور شاگرد ہا پیسے نسی گھدے، اگو دفتر گیاں تاں چپڑاسی وی شاگرد ہا.اتھاں آ تے استاد صاحب چپ ت میں آلانڑاں تھیاں استاد جی ڈیوو حال ول واپڈا آلا کم تھیا یا کائناں؟ تاں آکھۓ نے کائنا شانو خان منہ مہابے دا دور ہے.او افسر میڈا سونهاں کئنا ها.
میں دل اچ سوچۓ سچ آکھۓ وے.پود پیڑھی ت توجو ڈیوو ہا تاں اج تہاڈا شاگرد افسر ہووےہا پر تہاڈے شاگرد تاں کیبلاں جڑیندے ت رکشے چلیندے ودن ت ڈھیر خوش قسمت چپڑاسی ہن.

اپنی کتاب ( زیر_طبع) آلیاں بھنوالیاں اچو تلخیص، 
منصور شانی




#Article 327: استدراج (147 words)


کفار توں جیہڑی ڳالھ یا کم خلاف عادت ظاہر تھیوے اوں کوں استدراج آہدے ہن ۔
کہیں کافر دے ہتھ تے اوں دے دعوے دے موافق خلاف عادت کم صادر تھیوے جیویں کہ دجال کئی کم کریسی ۔

اگر کافر دے ہتھوں خلاف عادت کوئی چیز ظاہر تھیوے تاں اوں کوں استدراج آہدے ہن ۔ دجال جݙݨ آسی تاں اوں دے ہتھ تے بہت کچھ ظاہر تھیسی۔ بادلاں کوں حکم ݙیسی، اوہ کٹھے تھی کے بارش وساوݨا شروع کر ݙیسن  زمین تے پیر مریسی، اوہ سونا چاندی اڳل ݙیسی۔ جیہڑے لوگ اونکوں خدا منیسن، انہاں دے گھراں کوں دولت نال بھر ݙیسی تے جیہڑے اوں کوں خدا نہ منیسن، انہاں دے گھراں دا سامان دجال دے پچھوں چل پوسی، جیویں کوئی چیز ویندی ویندی ہووے، کوئی شے گھر وچ نہ رہسی۔ عجیب امتحان ہوسی تے عجیب و غریب چیزاں اوندے کولوں صادر تھیسن ۔ ایہ استدراج ہے۔ 




#Article 328: استشراق (986 words)


استشراق (Orientalism) تے مستشرق (Orientalist) ݙوہیں اصطلاحواں ہن، ایہ اصطلاحواں لفظی لحاظ نال بہت پراݨے نی۔ انگریزی زبان و ادب وچ انہاں دا استعمال اپݨے مخصوص اصطلاحی معناں وچ اٹھارویں صدی دے آواخر وچ شروع تھیا۔ تحریک استشراق صدیاں مصروف عمل رہی لیکن ایں دا کوئی باضابطہ ناں نہ ہئی۔ اربری آہدا ہے کہ مستشرق دا لفظ پہلی وار 1630ء وچ مشرقی یا یونانی کلیسا دے ہک پادری کیتے استعمال تھیا۔ انگلستان وچ 1779ء دے لڳ بھڳ تے فرانس وچ 1799ء دے قریب مستشرق خی اصطلاح رائج تھئی تے ول جلد ہی ایں نے رواج پاتا۔ سب توں پہلے 1838ء وچ فرانس توں شائع تھیوݨ والی لغت وچ استشراق دی اصطلاح درج ہے۔

ایں دی مختلف ادوار وچ مختلف لوگاں نے الڳ الڳ تعریف بیان کیتی ہے، ایندے وچوں کجھ اہم ایہ ہن۔ 

ہک جامع تعریف ایہ کیتی ڳئی ہے:

لیکن ایں تعریف وچ ایہ خامی ہے کہ ایندے وچ سارا زور مستشرقیں کوں اسلام و مسلماناں تے کم کرݨ والیاں کوں آکھا ڳیا ہے جو ٹھیک نی کیونکہ ہر اوہ غیر مشرقی شخص جیہڑا مشرقی علوم، ادیان تے تہذیباں تے کم کریندے اوہ وی معروف معناں وچ مستشرق ہے۔ 
جبکہ ہک ہور عرب ڈاکٹر محمد ابراہیم الفیومی رودی، بارت دے حوالے نال لکھدن کہ مستشرقین دی اصطلاح وچ لفظ مشرق دا جغرافیائی مفہوم مراد نی بلکہ انہاں دے ہاں ایں اصطلاح استشراق و مستشرق وچ زمین دے اوہ خطے ہن جتھاں اسلام کوں فروغ حاصل تھیا۔ 
گویا لفظ مشرق توں مراد اسلامی ممالک ہن تے دنیائے اسلام کوں اوہ مشرق دے لفظ توں تعبیر کریندن۔ مشرق دے ایں مفہوم دے تحت مستشرقین دی عملی جدوجہد جنہاں خفیہ مقاصد دی غمازی کریندی ہے تے جنہاں دا اظہار کݙہیں کݙہیں بعض مستشرقین دی طرفوں تھیندا رہندے، انہاں کوں تے مستشرقین دے بے شمار علمی کارنامیاں تے انہاں دے مختلف طبقات کوں پیش نظر رکھدے ہوئے مستشرقین (مستشرق) ،
ایویں تعریف کیتی ونڄ سڳدی ہے: 

استشراق اگر صرف اسلام دے خلاف سرگرمیاں دی علامت منا ونڄے تاں ایں قسم دی سرگرمیاں پہلی صدی ہجری وچ ہی شروع تھی ڳئے ہن ۔ تحریک استشراق دی اصطلاح رائج تھیوݨ توں کتنا عرصہ پہلے موجود ہئی؟
کچھ اہل علم آہدے ہن کہ

بعض محقق آہدے ہن:

کجھ علما ایں دے آغاز کوں ٻارہویں صدی عیسوی نال جڑیندن۔ 

بعض دے نزدیک ایں دا آغاز:

دی جامعات وچ علم جاصل کیتا تے یورپ بھر وچ عربی زبان و ادب دا سب توں وݙا عالم شمار تھیا بعد وچ 999 توں گھن کے 1003 تک سلفستر ثانی دے لقب نال پاپاۓ روم دے منصب تے فائز ریہا۔ 
جب کہ ہیں طرح ناویں تے اٹھویں صدی دے وی مثالاں موجود ہن۔ 

تحریک استشراق دا آغاز عملا اٹھویں صدی عیسوی توں تھی چکا ہئی۔ اگرچہ ایں تحریک کوں ایہ ناں کئی صدیاں بعد ملا۔

مستشرقین دا رویہ ہر زمانے وچ یکساں نی ریہا۔ ایں واسطے انہاں دے ہاں علم، تجربہ، انداز استدلال، مذہبی حیثیت تے وابستگی دے مختلف نمونے نظو آندن اور ہیں لحاظ نال انہاں دے فکر و فن تے تحقیق و تالیف دا معیار وی جدا اے۔ ایندے وچ  کوئی شک نی کہ مستشرقین نے کئی مفید کم وی کیتن ، جیندے تے انہاں دی تعریف کیتی ونڄݨی چاہیدی اے۔ ݙوجھی طرف مستشرقین وچ اوہ لوگ وی شامل ہن جیہڑے بنی نوع انسان کیتے فکری بے اعتدالی، نظریاتی بے راہروی تے تہذیباں دی تباہی دا باعث بݨن ۔ ایہ لوگ قابل مذمت ہن۔ مستشرقین دے کم دی نوعیت و حیثیت ڄاݨݨ کیتے انہاں کوں کئی اقسام تے طبقات وچ تقسیم کیتا ویندے ۔

ایہ مستشرقین دا اوہ گروہ ہے جیہڑے مسلمان نہ بالکل نہ ہن، ایں واسطے انہاں دا آبائی ادیان دے زیر اثر ہووݨا فطری ڳال ہئی ایں واسطے انہاں توں ایہ توقع نی کریج سڳدی کہ اوہ اسلام کوں بالکل ہوں نظر نال ݙیکھن جیندے نال مسلمان ݙیکھدن۔ ایں طبقے دی تحریراں وچ بے شمار غلطیاں تاں
ہن لیکن نال ہی نال ایہ اسلام، محمدصل اللہ علیہ والہٖ و سلّم تے اسلامی تعلیمات کوں زبردست خراج تحسین وی پیش کریندن۔ 
انہاں وچ چند مستشرقین ایہ ہن:

ایں طبقے وچ انہاں مستشرقین کوں رکھا ویندے جنہاں دا مقصد بے لاگ تے غیر جانبدارنہ علمی تحقیق دے لبادے وچ اسلام دے متعلق غلط فہمیاں پیدا کرݨ اے ۔ ایں طبقے وچ مزید تقسیم کریج سڳدی اے کیونکہ وقت دے نال نال انہاں دے انداز وچ تبدیلی آندی پئی ہے۔ انہاں وچ چند مشہور افراد ایہ ہن۔ 

اوہ مستشرقین جنہاں کوں جامعات، تحقیقی اداریاں، مجلات، اخبارات، ٹیلی ویژن وغیرہ وچ ایں کم کیتے بھرتی کیتا ویندے۔ انہاں دا کم اکثر سیاسی و مذہبی تعصب تے مبنی ہوندے۔ ایں دی مثال برطانوی ہند وچ انگریز عہدہ داراں دا کم ہے ہیں طرح اکیہویں صدی وچ اسلاموفوبیا پیدا کرݨ وچ وی ایسے لوگ شامل ہن۔

قرون وسطی وچ جݙݨ یورپ وچ مذہب تے سائنس دے درمیان جنگ جاری ہئی، تݙاں جیہڑے لوگ ملحد تھئے۔ انھاں نے مذہب دے خلاف لکھݨ کیتے اسلام کوں بطور رمز استعمال کیتا، کیوں کہ پوپ دی طرفوں مسیحیت تے زبان درازی کرݨ تے کڑی سزاواں ݙتے ویندے ہن ۔ ایں دی ہک بہت وݙی مثال والٹیئر ہے۔ جیں نے محمد صل اللہ علیہ والہٖ وسلم تے معاذاللہ ہک ڈراما (Le Famatisme on Mohammaticv Prophete) لکھا، جیں دا انتساب پوپ دے ناں کیتا، ایں طرح اوں نے پوپ کوں وی خوش رکھا تے مذہب تے وی حملہ کیتا۔

کجھ ایسے مستشرقین وی گزرن جیہڑے عربی زبان توں واقف نہ ہن لیکن ول وی انہاں نے اسلام دے بارے وچ لکھا۔ انہاں لوگاں نے اپݨے توں پہلے مستشرقین دے کم کوں ہی استعمال کیتا تے اوہے غلطیاں دوہرائے۔ انہاں وچ ایڈورڈ گبن دا ناں سب توں نمایاں ہے، جیں نے اپݨی کتاب تاریخ زوال رومہ دے پنجاہویں باب وچ اسلام و پیغمبر اسلام دے بارے معاذاللہ بہت ہی نا مناسب زبان استعمال کیتی۔

ٻہوں تھوڑے مستشرقین گزرن جنہاں نے اسلام دا گہرا مطالعہ کیتا تے ایں دی بنیاد تے اپݨی تحقیقات پیش کیتے، مگر انہاں وچ ایسے لوگ وی شامل ہن جیہڑے  پیشہ ور مستشرقین وچ آندن ۔ اینجھے مستشرقین اے لوگ شامل ہن:




#Article 329: اسحاق دانش (324 words)


اسحاق دانش سرائیکی شاعر ہے

اساں رل گئیں دے پندھ گنڑدے ہیں اساں جبر دی جیل اچ رہندے ہیں

جیڑھی صدقے نال گھولیندی ھے اوں سر دی ویل اچ رہندے ہیں

اساں بوچھنڑ لیر کتیر وانگو کہیں بال دی چیل اچ رہندے ہیں

تونڑیں ڈکھیں دانش مار گھتیے اساں ول وی میل اچ رہندے ہیں

مرشد اسحاق دانش سئیں..

اساں انسان ہیں کملےتساں انسان سمجھا نیئں

ساڈانقصان تھئے جیتلا تساں نقصان سمجھانیئں

میں تاں حیران ھاں ارمان ھے غربت خدا  ڈیندے

تساں ارمان ماریے ھن تساں ارمان سمجھا نیئں

اتھاں متھڑا گسیندا پئے اتھاں حق وی مریندا پئے

تساں قرآن پڑھدے ہئو تساں قرآن سمجھا نیئں

ریاست کوں سیاست دے ٹھگل نہریں نگل چھوڑیے

تونڑیں جو بکھ تو مرگے ہیں ولا سلطان سمجھا نیئں

اساں دانش ستئے ہوئے ہیں تیڈی ۔مخلوق دے مولا

تیں جو کجھ وی ڈسایا ھے انہاں فرمان سمجھا نیئں

میڈی زندگی اودھاری چھوڑ میکوں

مہبت دی بیماری چھوڑ میکوں

میں ونگیں نال گجرے ویچڑیں ہن

میڈے سر تے ہے کھاری چھوڑ میکوں

توں ہولا پھل میکوں ہاں نال نہ   لا

تیڈا جوبن ہے باری چھوڑ      میکوں

او سجھ لہندے کوں تانگھیں وات ہوسی

بڑاں واں ونج پتھاری  چھوڑ     میکوں

ڑے زندگی دا تے لاوانڑ پئے گیاں ہیئں

توں دانش ہئیں جواری چھوڑ  میکوں

میڈا پیارا بھیرا شاعر اسہاق دانش

میڈیاں آہیں تاں بجھ

میڈیاں ہنجوں تاں گنڑ

میڈا  چہرا  تاں  پڑھ

اے ترائےگالہیں تیکوں سمجھ آونجن

تاں میں تاریا ویساں

ناں تے ماریا ویساں

اسحاق دانش

مونجھے   چہرے  کاوڑ   ٹوک   خدا  حافظ

سفریں نال ھے سانجھ سنجوک خدا حافظ

ڳولݨی  ہیسے  چوڳ  کتھائیں  ونڃ  لاہسوں

وستی  والے   سارے    لوک    خدا    حافظ

اسحاق دانش

ڈس میں نندراں کیا کر جانڑاں میں ہاں رات دی رانڑیں

میں تاں مونجھ مسافر دی ہاں میں ہاں کونج  نماڑیں

میں مانواں میں دھیاں بھینڑاں میں ہاں  سگھڑ سیانڑیں

ڈکھ دی ڈینڑ ڈراوے ڈیوے اکھ اچ رہندے پانڑیں

میں روواں تاں رو پوندے ہن سیاں ست اسمان

میڈی ذات پھرول ناں کملا کر کے ڈیکھ دھیان




#Article 330: اسد اشلوک (439 words)


اسد اشلوک سرائیکی زبان دا شاعر ہے۔

١٤ مارچ ١٩٩٠ء کو ڄمے۔

گورنمنٹ ڈگری کالج ژوب توں تعلیم حاصل کیتی ہے۔

روح‪ ‬داری‪ ‬دی‪ ‬جھا‪ ‬ھے‪ ‬ݙاڈھی

ݙاڈھے‪ ‬مٹھے‪ ‬لوک‪ ‬ھن‪ ‬سارے

پیار‪ ‬محبت‪ ‬ونڈݨ‪ ‬والے

کہیئں‪ ‬کوں‪ ‬کجھ‪ ‬نہ‪ ‬آکھݨ‪ ‬والے

درگاہیں‪ ‬دے‪ ‬مݨ‪ ‬والے

جیندے‪ ‬پئے‪ ‬ہن‪ ‬ہالیں‪ ‬تونڑی

ساݙی‪ ‬ہوند‪ ‬دے‪ ‬ہووݨ‪ ‬والے

سارے‪ ‬نقشے‪ ‬چھاپے‪ ‬کھڑن

قد‪ ‬اساݙے‪ ‬ناپے‪ ‬کھڑن

اسداشلوک

کھڑ،کھڑ میکوں فوٹو دے وچ جڑ کے آوݨ ݙے

نہ اے ول کے ویلا ولسی نہ ھوسی دریا 

اسد اشلوک.

ٹھِل پئ ھے تاں ھولے ھولے اللہ پار پچئیسی

ٻیڑی ٹھیلوں ٻیڑی ٹھیلوں توں ڄو آدھا ہاویں

اسد اشلوک

کڈاں ‪ لڳسی پتہ ساکوں 

کڈاں آسی ، جاگ

ساوے تھیسن ، بھاگ

(اسد اشلوک)

ون پونے بندے ملے

ون پونے ڳالھیں سنڑے

ون پونے ویلے ݙٹھے

جنگلاں دے وچ میلے ݙٹھے

وت وی لگدے کجھ نی ݙیٹھا

تونڑیں تئیں روہ ساوے کیتے

تونڑیں تئیں دامان وسایائے

تونڑیں تئیں کائنات بنڑائ اے

بے شک حق اے ہووݨ حق اے

اتنے تونڑی ہر کئیں منے

تیݙا ھووݨ کئیں نی منا

(اسد اشلوک)

[سنگت دے ناویں کجھ ڳالھیں ]

اݨ سونڑی اݨ ݙٹھی ڳالھ کریسوں نئیں

اساں کوئ وی کوڑی ڳالھ کریسوں نئیں

کئیں ڳالھوں کئیں بندے دا دل ݙکھ پووے

مر پوسوں کوئ اینجھی ڳالھ کریسوں نئیں

سدھے سادے شودھے جیاں بندے ہسے

ملݨ کیتے وݙی ڳالھ کریسوں نئیں

اوروں ھے تاں ہر ہک ڳالھ سر اکھیں تے

پروں دی کوئ پرلی ڳالھ کریسوں نئیں

گندا مندا کملا رملا ہر کوئ آکھے

سئیں دے ہوندے آپنڑی ڳالھ کریسوں نئیں

جہیڑی ہوسی پٹھی سدھی منہ تے ہوسی

کنݙوں پچھوں چوری ڳالھ کریسوں نئیں

اسد اشلوک

اللہ تیݙیاں منݨ والاں

واہ واہ آپنڑاں آپ منایا اے

جنگلاں دے وچ وسوں کیتی

روہاں تے ونج دیرے لائے

ہر ہک دور دے اڳوں ٹرے

ویلے کوں محتاڄ بنڑایا اے

اللہ تیݙیاں منݨ والاں

حق سچ دی پہچاݨ کرای 

کْل کائنات دا سوہاں کیتا

اپنڑی میں دا ڳاٹا گْھٹا

ہر ازمائش کوں سر تے چایا اے

اللہ تیݙیاں منݨ والاں

ڄتھاں ڄتھاں جھوکاں لائیاں

اکھیں نال میں ݙٹھی ٻیٹھاں

اڄ میں تیکوں منی ٻیٹھاں

جھاہ جھاہ تیݙا عشق ونڈایا اے

اللہ تیݙیاں منݨ والاں 

واہ واہ آپنڑاں آپ منایا اے

اسداشلوک

سِیندھاں سِترے اساں اپنڑے 

کجلے پا کے ٹرے

راہ ویندے کہیں ویلے دا 

کوئ لحظہ آیا یاد

اساں ول او لحظہ اپنڑے

نال رلا کے ٹرے

راہ ویندے کہیں ھکل ݙتی

اساں ݙکے پیر

کوئ نہ نظرا چار چپھیروں

ݙیکھ ولا کے ٹرے

راہ ویندے کہیں دھاڳا ٻدھا

ٻݙھی ٻوہڑ نال

اوندے کٹھے راہ ویندے کجھ

حال ونݙا کے ٹرے

راہ ویندے کہیں دوکھا ݙتا

اساں چھوڑا راہ

اساں کہیں نہ کہیں کوں اپنڑاں

رستہ لا کے ٹرے

اسد اشلوک




#Article 331: اسد رحیم اسد (505 words)


اسد رحیم اسد سرائیکی زبان دا شاعر ہوونڑ دے نال نال ہک سماجی کارکن ہک ویلفیئر فاؤنڈیشن دا چیئرمین اور ڈینٹل ڈاکٹر ہے -

ابتدائ تعلیم گھر توں حاصل کیتی نے ۔میڑک نیوڈان سکول سنانواں توں کتی ہینے ۔ول ایف ایس سی نیو پنجاب ہائیر سیکنڈری سکول کوٹ ادو دا رخ کیتے نے ۔ول ݙنداں دے ڈاکٹری دی تعلیم نشتر میڈیکل یونیورسٹی و ہسپتال ملتان  توں حاصل کیتی ہے۔اور اجکل سنانواں دے وچ اپݨاں کلینک بݨاوراں چاہندن

کلام مختلف رسالاں اخباراں وچ چھپدا راہندے جیندے وچ تھل اخبار لیہ ،بانگ ادبی فورم ،المنظور ڈائجسٹ ڈی جی خان ،روزنامہ اوصاف ،دیرہ غازی خان ادبی وساخ ڈیرہ غازی خان ،سوجھل سوچ قابل ذکر ہن 

اپݨی کتاب انشاءاللہ 2019 وچ شائع کریسن ۔

؎وعدہ گھنسے تاں یار ݙیساں میں   

ہݨ اونکوں اتنا پیار ݙیساں میں  

؎زمانہ بہوں چلتر ہے اساں گالھے ہیں کیا سمجھوں  

؎میں راہی پیار محبت دا  

میں رل گیاں جگ دے رولیں وچ  

میں تھوڑی دیر تاں جی گھندا  

میکوں زلفیں ہیٹ لکاویں ہا  

؎کربلا دی شام ہئ سجھ دا چہرہ لال ہا  

؎توں وی میݙی نہ تھی سگیوں جیکر کلھیں زندگی گزار ݙیساں میں  

نال ماء دے کھل الینداں میں اوندے لباں توں کھیر آندے ہن 

؎گال حق دی الاوݨی پوسی

ہنج لہو دی وہاوݨی پوسی 

قائم کرنی ہے جے محبت ول 

بھاہ کوئی دل کوں لاوݨی پوسی

؎جیڑھا اسد یار منافق ہے 

اوندے نال الاوݨ چھوڑ ݙیوو 

؎ساݙے ملک دی حالت ابتر ہے  

ساݙے ملک کوں میٹرو کھا گئ ہے 

میݙی ݙاڑھی چٹی تھی گئ اے 

منہ کر کے اکثر شیشے دو 

میں اکثر یار سوچینداں ہاں 

میݙی ݙاڑھی کالی تھئ کائنی 

او پہلے چٹی تھی گئ اے 

ول بابا وی میکوں یاد آندے 

جیڑھا اکثر میکوں آھدا ہا 

جݙاں سر تے کئ کئ بار ہوون 

جݙاں ݙکھڑے آ کے گھیر گھنن 

جݙاں متر وچھوڑا دان کرن 

جݙاں دل دے وچوں دھاں نکلے 

جݙاں آپ کوں آپ کوئی کھاوے 

ول اسد پُتر آ سمجھ ونجیں 

ول کھل پکھی تھی ویندی ہے

ول اکھ تے حلقے پئے ویندے ہن 

ول دل وی مردہ تھی ویندے 

ول خوشی کوئ نی راس آندی 

تھیندے کالے وال وی چٹے ہن 

ول سجݨ تھیندے پھٹے ہن 

میکوں بابا ہݨ توں یاد آندیں 

میݙی اکھ تے حلقے پئے گئے ہن 

میکوں خوشی کوئ نی راس آندی 

میکوں بندہ کوئ نی کیوں بھاندا 

میݙی ݙاڑھی چٹی تھی گئ اے....!!!!

میݙی ݙاڑھی چٹی تھی گئ اے ....!!!

اسدرحیم اسد

امڑی دی میم اچ ماکھی دا رس ہے 

تے جتنا وی پیوو عجب تس ہی تس ہے 

میڈا ادھی راتیں کوں آونڑ 

تے امڑی دا بوہے تیں باہونڑ 

پہل مٹھی ناراضگی دا ڈکھاونڑ 

تے ول سینے لا کے مناونڑ 

میکوں اج تائیں وی نی بھلدا 

محبت دا ناتا کڈاہیں نی تلدا 

امڑی دے بن تاں اے گھر وی ویران ہے 

نئیں بھاندا اے جتنا وڈا جہان ہے 

توڑے ہووےجتنی وی ڈکھ ءچ 

کھلدی ہے ایویں جیویں ہووے سکھ ءچ 

میں رو رو کے اسد دعا ہاں کریندا 

میڈا مالک میڈی دعا نہ ولائیں 

میڈی امڑی رحمت ہے میڈے کیتے 

میڈے سر تے مالک اے رحمت وسائیں 

میڈا مالک !میڈی دعا نہ ولائیں




#Article 332: اسد ملتانی (417 words)


اسد ملتانی (پیدائش: 13 دسمبر، 1902ء - وفات: 17 نومبر، 1959ء) پاکستان نال تعلق رکھݨ والے اردو تے فارسی دے ممتاز شاعر، ماہرِ اقبالیات تے سول سرونٹ ہن۔ 

اسد ملتانی، ملتان شہر نال تعلق رکھݨ والے نامور اردو شاعر ہن تے ٻہوں وݙی علمی شخصیت ہن. آپ دا کلام پڑھݨ تے سݨݨ نال تعلق رکھدے. نظم تے غزل دے علاوہ کئی ٻیاں کلاسیکی اصناف وچ شاعری کیتی۔ 17  نومبر 1959ء کوں راولپنڈی وچ انتقال تھیا۔ 

تماشا ہے کہ سب آزاد قومیں
 
بہی جاتی ہیں آزادی کی رو میں
 
وہ گرد کارواں بن کے چلے ہیں
 
ستارے تھے رواں جن کے جلو میں 

سفر کیسا فقط آوارگی ہے
 
نہیں منزل نگاہ راہرو میں 

ہے سوز دل ہی راز زندگانی 

حیات شمع ہے صرف اس کی لو میں
 
بہت تھے ہم زباں لیکن جو دیکھا 

نہ نکلا ایک بھی ہمدرد سو میں
 
اسدؔ ساقی کی ہے دوہری عنایت 

شراب کہنہ ڈالی جام نو میں

ان عقل کے بندوں میں آشفتہ سری کیوں ہے 

یہ تنگ دلی کیوں ہے یہ کم نظری کیوں ہے
 
اسرار اگر سمجھے دنیا کی ہر اک شے کے
 
خود اپنی حقیقت سے یہ بے خبری کیوں ہے 

سو جلوے ہیں نظروں سے مانند نظر پنہاں 

دعویٔ جہاں بینی اے دیدہ وری کیوں ہے 

حل جن کا عمل سے ہے پیکار و جدل سے ہے 

ان زندہ مسائل پر بحث نظری کیوں ہے 

تو دیکھ ترے دل میں ہے سوز طلب کتنا
 
مت پوچھ دعاؤں میں یہ بے اثری کیوں ہے
 
اے گل جو بہار آئی ہے وقت خود آرائی
 
یہ رنگ جنوں کیسا یہ جامہ دری کیوں ہے 

واعظ کو جو عادت ہے پیچیدہ بیانی کی 

حیراں ہے کہ رندوں کی ہر بات کھری کیوں ہے 

ملتا ہے اسے پانی اشکوں کی روانی ہے 

معلوم ہوا کھیتی زخموں کی ہری کیوں ہے 

الفت کو اسدؔ کتنا آسان سمجھتا تھا 

اب نالۂ شب کیوں ہے آہ سحری کیوں ہے

اسد ملتانی 4 دسمبر، 1902ء کوں کڑی افغاناں، ضلع ملتان، برطانوی ہندوستان وچ پیدا تھئے ہن.
۔ اوہ پاکستان دی وزارت خارجہ وچ ڈپٹی سیکریٹری ہن۔ اوہ اردو تے فارسی دے ہک قادر الکلام شاعر ہن تے انہاں دے شعری اسلوب دا اندازہ انہاں اشعار توں تھیندا ہے۔ انہاں دے شعری مجموعیاں وچ مشارق، مرثیہ اقبال تے تحفہ حرم، اقبالیات دے موضوع تے اقبالیاتِ اسد ملتانی شائع تھی چکی ہے جینکوں ڈاکٹر جعفر بلوچ نے مرتب کیتا۔

ضرورت ایں ڳالھ دی اے کہ اسد ملتانی دے کلام تے علمی خدمات تے تحقیق تے ایندی ترویج تھیوے. 

اسد ملتانی 17 نومبر، 1959ء کو راولپنڈی، پاکستان میں وفات پاگئے۔




#Article 333: اسرائیل (265 words)


اسرائیل (عبرانی: יִשְׂרָאֵל) مغربی ایشیا دا ہک ملک ہے جیہڑا بحیرہ روم دے جنوب مشرقی ساحل تے واقع ہے۔ اس دے شمال وچ لبنان، شمال مشرق وچ شام، مشرق وچ اردن، مشرق تے جنوب مشرق وچ فلسطین تے جنوب وچ مصر، خلیج عقبہ تے بحیرہ احمر واقع ہن۔ اسرائیل خود کوں یہودی جمہوریہ سݙویندا ہے تے دنیا وچ واحد یہود اکثریتی ملک ہے۔

اسرائیل دا معاشی مرکز تل ابیب ہے جبکہ سب توں زیادہ آبادی تے صدر مقام یروشلم کوں آکھا ویندا ہے۔ تاہم بین الاقوامی طور تے یروشلم کوں اسرائیل دا حصہ نی منا ویندا۔

نسلی اعتبار نال اسرائیل وچ اشکنازی یہودی، مزراہی یہودی، فلسطینی، سفاردی یہودی، یمنی یہودی، ایتھوپیائی یہودی، بحرینی یہودی، بدو، دروز، قادیانی تے دیگر بے شمار گروہ موجود ہن۔ 2014ء وچ اسرائیل دی کل آبادی 8146300 ہئی۔ انہاں وچوں 6110600 افراد یہودی ہن۔ اسرائیل دا ݙوجھا وݙا نسلی گروہ عرب ہن جنہاں دی آبادی 1686000 افراد تے مشتمل ہے۔ اس دے علاوہ مسیحی تے افریقی ممالک توں آوݨ والے پناہ گزین تے دیگر مذاہب دے افراد وی اتھاں رہندے ہن۔

اسرائیل وچ نمائندہ جمہوریت ہے تے پارلیمانی نظام چلدا ہے۔ حق رائے دہی سب کوں حاصل ہے۔ وزیر اعظم حکومت دا سربراہ ہوندا ہے تے یک ایوانی پارلیمان ہے۔ اسرائیل ہک ترقی یافتہ ملک ہے تے دنیا دی 43ویں وݙی معیشت ہے۔ مشرق وسطیٰ وچ معیار زندگی دے اعتبار نال اسرائیل سب توں اڳوں ہے تے ایشیا وچ تریجھے نمبر تے ہے۔ دنیا وچ اوسط زیادہ توں زیادہ عمر دے حوالے نال اسرائیل دنیا دے چند بہترین گݨے چݨے ممالک وچ شامل ہے اگرچہ ایندا وچود تے حیثیت متنازعہ اے. 




#Article 334: اسلام (1327 words)


اسلام ہک توحیدی (monotheistic) مذہب اے جیہڑا اللہ دی طرفوں آخری رسول تے نبی، محمد بن عبد اللہ بن عبد المطلبﷺ دے ذریعے انساناں تک پہنچائی گئی چھیکڑی الہامی کتاب قرآن مجید دی تعلیمات تے قائم ہے۔

اہلسنت و الجماعت (أهل السنة والجماعة) مسلماناں وچ پیدا تھیوݨ والے ݙو وݙے فرقیاں وچوں ہک فرقہ ہے تے ایں فرقے دے پیروکاراں کوں عام الفاظ وچ سنی وی آکھا ویندے۔مسلماناں دی ٨٥‍‌٪ اکثریت اہں فرقے نال تعلق رکھدی ہے۔ اہل سنت او لوگ ہن جیہڑے خدا تے اس دے رسولؐ دی اطاعت تے ایمان رکھدے ہن۔ تمام صحابہ کرام کوں احترام تے عزت دی نگاہ نال ݙیکھدن ۔ انہاں دے نزدیک سب صحابی بالخصوص خلفائے راشدین برحق ہن۔ تے انہاں دا زمانہ ملت اسلامیہ دا بہترین تے درخشاں دور ہے۔ انہاں دے نزدیک خلافت تے ہر مومن فائز تھی سڳدا ہے بشرطیکہ او اس دا اہل ہووے۔ انہاں دے نزدیک خلیفہ جمہور دی رائے نال منتخب تھیوݨاں چاہیدا اے۔ او خدا دی طرفوں مامور نہیں تھیندا، او خلافت دے موروثی نظریے کوں وی تسلیم نہیں کریندے۔ انہاں دے نزدیک ابوبکر صدیق صحابہ وچ فضیلت دا درجہ رکھدے ہن۔ تے ول خلافت دی ترتیب نال حضرت عمر فاروق،  حضرت عثمان تے حضرت علی بن ابی طالب تے آخری خلیفہ راشد امام حسن بن علی افضل ہن.  خاندان اہل بیت کوں وی سنی بڑی احترام و عقیدت دی نگاہ نال ݙیکھدن۔ سنی عقیدہ دے مطابق سوائے پیغمبراں دے کوئی انسان معصوم نہیں۔ اے اسلامی فرقہ مذہب وچ اعتدال تے میانہ روی تے زور ݙیندا ہے۔
جیویں کہ ابتدائیہ وچ مذکور تھیا کہ اہل السنت و الجماعت انہاں تمام افراد کوں آکھا ویندا ہے کہ جیہڑے محمد صلی اللہ علیہ و آلہ وسلم دی سنت تے عمل کریندے ہوون تے صحابہ کرام دا احترام کریندے ہوون.  اس ناں دی وجہ تسمیہ انہاں دے ناں توں وی ظاہر ہے کہ اہل سنت آکھݨ دی وجہ تاں اے ہے کہ اے اپݨے آپ کوں سنت تے چلݨ والا منیندن تے جماعت آکھݨ دی وجہ اے ہے کہ انہاں دے مطابق اے او لوگ ہن جیہڑے حق (سچائی) تے جمع تھئے تے تفرقات وچ نہیں پئے۔

اج اکیہویں صدی دی ابتدا تے مسلماناں وچ تفرقہ بازی دے ابتدا ہوئے قریب قریب 1400 سال توں زیادہ تھی گئے ہن۔ ۔ 632ء وچ محمد رسول اللہ صلی اللہ علیہ و آلہ وسلم دی وفات توں شروع تھیوݨ والی مسلماناں دی تفرقہ بازی دی ایں داستان کوں اگر پیچیدہ تاریخی و معاشرتی وجوہات و واقعات دی طوالت توں صرف نظر کر تے  مختصر بیان کرݨ دی کوشش کیتی ونجے تاں اے اکھیج سڳدے کہ مسلماناں دے درمیان أهل السنة والجماعة یعنی سنی تے الشيعة الامامية الاثنا العشرية یعنی شیعہ تفرقے دی تشکیل دا آغاز نفسیاتی طور تے، حضرت محمد صلی اللہ علیہ و آلہ وسلم دی وفات دے بعد آپ صلی اللہ علیہ و آلہ وسلم دے جانشین تے امت کیتے خلیفہ دا تعین کرݨ دے وقت تھی چکا ہئی۔ اس انتخاب تے جنہاں لوگاں دا خیال ہئی کہ چونکہ خود محمد صلی اللہ علیہ و آلہ وسلم نے کہیں جانشین دی جانب اشارہ نہیں کیتا اس واسطے جو وی متقی تے کامل مومن ہووے او خلیفہ بݨ سڳدے ، محمد صلی اللہ علیہ و آلہ وسلم دے ہک ساتھی تے انہاں دی تعلیمات تے عمل کرݨ والے ابو بکر دے حق وچ فیصلہ تھیا تے 632ء تا 634ء دی مدت کیتے او خلیفہ رہے، ایں عمل تے عمل پیرا تھیوݨ والیاں دی نسبت نال ایں گروہ یا فرقے کوں اہل السنۃ یا سنی آکھا گیا۔

کوئی ستویں صدی دے درمیان توں امت محمدی صلی اللہ علیہ و آلہ وسلم وچ ہک پرتشدد تے افراتفری دا دور شروع تھیا جس دی شدت و تمازت عثمان غنی، خلیفہ سوم دی شہادت تے اپݨے عروج تے پہنچی. ہݨ خلافت راشدہ دا اختتام قریب قریب ہئی کہ جݙݨ علی بن ابی طالب خلیفہ دے منصب تے آئے (656ء تا 661ء)۔ لوگ فتنۂ مقتلِ عثمان تے نالاں ہن تے علی بن ابی طالب تے شدید دباؤ انہاں دے قاتلاں دی گرفتاری کیتے پیندے پے ہن جس وچ ناکامی دا ہک خمیازہ امت کوں 656ء وچ اواخر وچ جنگ جمل دی صورت وچ ݙیکھݨ نصیب تھیا. ول حضرت عائشہ دے حامیاں دی شکست دے بعد دمشق دے حاکم امیر معاویہ نے علی بن ابی طالب دی بیعت توں انکار تے عثمان غنی دے قصاص دا مطالبہ کر ݙتا، فیصلے کیتے میدان جنگ چݨا گیا تے 657ء وچ جنگ صفین دا واقعہ تھیا جس وچ علی بن ابی طالب کو فتح نہ تھئی۔ معاویہ دی حاکمیت مصر، حجاز تے یمن دے علاقیاں تے قائم تھی گئی۔ 661ء وچ عبد الرحمن بن ملجم دی تلوار دے حملے وچ خلیفہ راشد چہارم علی بن ابی طالب رضی اللہ عنہ شہید تھی ڳئے۔ اتھوں، حضرت علی بن ابی طالب دے حامیاں تے ابتدائی سنی تاریخداناں کے مطابق، آخری خلیفہ راشد حضرت امام حسن ابن علی دا عہد شروع تھیا۔

انہاں فرقیاں وچ ہک چیز مشترک اے کہ اے ختم نبوت دے قائل نی ہوندے تے نبوت دا دعوٰی انہاں دے نزدیک معمولی چیز اے. اس واسطے علماء اہل سنت تے اہل تشیع دے نزدیک اسلام دے دائرے وچ نی آندے. مگر انہاں دا تعلق اسلامی دنیا نال اے اس واسطے انہاں دا جائزہ ضروری اے. اے تمام فرقے درج ذیل ہن: -

اگرچہ بہائی وی انہاں عقائد دے حامل ہن مگر او اسلام نال اپݨے کہیں وی قسم دے تعلق توں انکار کریندن اس واسطے او الگ مذہب دی حیثیت رکھدن تے زندیق دے زمرہ وچ نی آندے.

فقۂ اسلامی وچ کفر و منافقت کوں درج ذیل مدارج وچ تقسیم کیتا ویندا اے جیندا دارومدار عقائد، رویہ، تاریخ تے اسلامی مقدسات بارے نظریات تے ہے.

عیسائی تے یہودی مذاہب نال تعلق رکھݨ والے،  اہلِ کتاب سݙیندن. انہاں دے حقوق باقی غیر مسلماں توں ودھ ہن. یعنی انہاں دا ذبیحہ حلال اے تے مسلم مرد اہل کتاب عورت نال نکاح وی کر سڳدے. 

اسلام دے علاوہ  بدھ مت، ہندومت، سکھ مت تے دیگر تمام مذاہب کوں منݨ والیاں کوں، جیہڑے خدا دے تصور تے متفق ہن، غیر مسلم آکھیا ویندے. 

خدا دے وجود دے انکار کرݨ والے کوں کافر یا دہریہ آکھیا ویندے. دنیا وچ معقول تعداد دہریہ نظریہ رکھݨ والیاں دی موجود اے. اسلام وچ انہاں کوں تبلیغ دے ذریعے سمجھاوݨ تے قائل کرݨ دا حکم اے. 

اللہ تعالٰی دے علاوہ کسے ݙوجھے کوں خدا یا اوندا پتر یا دھی منݨ والا مشرک سݙیندا اے. 

اگر کوئی فرد یا گروہ بظاہر پکا مسلم ہووے مگر اندروں اسلامی نظریات تے نظام کوں فرسودہ تے غلط سمجھدا ہووے تے اوندے مقابلے وچ دنیا دے دیگر الحادی نظاماں دا حامی ہووے تے انہاں دا مددگار ہووے یا حقوق العباد وچ خود غرضی، جھوٹ، خیانت، رشوت، قطع رحمی، ناپ تول وچ کمی، غیبت، بہتان تراشی، دل آزاری، ظلم و تشدد، فحاشی، چوری، ݙاکا، مذہبی تے مسلکی تعصب، حق تلفی، دھوکہ بازی تے مکاری کوں اپݨے واسطے درست سمجھدا ہووے یا اے سارے یا انہاں وچوں کسے ہک یا چند گناہواں دا مرتکب تھیندا ہووے، منافق دے زمرہ وچ آندے. 

اگر کوئی مسلمان جیہڑا کہ وراثتی مسلم ہووے یا نو مسلم، اپݨا دین اسلام چھوڑ ݙیوے تاں اونکوں مرتد آکھیا ویندا اے. فقہاء دے نزدیک ایندی سزا موت اے مگرصرف اسلامی خلافت کوں اے اختیار اے. 

اگر کوئی شخص یا گروہ اسلام دا حصہ ہوندے ہوئے سیاسی، مذہبی و سماجی فوائد تاں اسلام دے حاصل کرے تے اپݨے تے لیبل وی اسلام دا لاوے مگر اوندے عقائد اسلام دے بنیادی ضروریات توں متصادم ہوون خاص طور تے ختم نبوت دے حوالے نال مشکوک عقیدہ رکھدا ہووے یا انبیاءؑ و مرسلینؑ یا اللہ دا گستاخ تے بے ادب ہووے ، تے او اسلام کوں سیاسی و سماجی نقصان پہنچیندا ہووے تاں اوں گروہ یا فرد کوں سنی و شیعہ فقہ دی رو نال زندیق آکھیا ویندا اے. دور جدید وچ مندرجہ ذیل مذہبی گروہ جیہڑے اگرچہ خود کوں اسلام نال وابستہ ثابت کرݨ دی کوشش کریندن،  مگر او اپݨے عقائد، مقاصد، سرگرمیاں تے مخصوص تاریخ رکھݨ دے پاروں زندیق دے دائرہ کار وچ آندن.اسلامی خلافت کول انہاں نال جہاد دا اختیار ہوندے.زندیق فرقیاں تے گروہاں دی تفصیل فرقیاں دے آرٹیکل وچ موجود اے. 




#Article 335: اسلامی تاریخ (172 words)


اسلام ہک توحیدی (monotheistic) مذہب اے جیہڑا اللہ دی طرفوں آخری رسول تے نبی، محمد بن عبد اللہ بن عبد المطلبﷺ دے ذریعے انساناں تک پہنچائی گئی چھیکڑی الہامی کتاب قرآن مجید دی تعلیمات تے قائم ہے۔

اسلام دے مختلف فرقیاں دے سیاسی نظریات وی مختلف ہن تے انہاں سیاسی نظریات دی روحانی حیثیت ہر فرقے دے نزدیک مسلم اے. اسلام دے وݙے چھوٹے فرقیاں دے روحانی سیاسی نظریات جنہاں تے انہاں نے اپݨے عقائد دی بنیاد تے حکومتاں قائم کیتیاں یا کرݨ دی جدوجہد کیتی یا اپݨے زیر اثر علاقیاں وچ اپݨے عقیدے دے مطابق اسلامی نظام قائم کیتے یا نظام تجویز کیتے انہاں سیاسی نظریات دی تفصیل تاریخ اسلام دا حصہ اے.

اسلامی نظریاتی حکومتاں دے زیر اثر ٻہوں سارے مسلمان حکمراناں نے اپݨیاں علاقائی حکومتاں قائم کیتیاں جیہڑے براہِ راست روحانی یا مذہبی اقدار دے حامل تاں نہ ہن مگر انہاں دے زیرِسایہ ہووݨ دی وجہ نال مسلمان حکومتاں سݙیندیاں ہن کیونکہ انہاں دے حکمران تے رعایا مسلمان ہوندے ہن. انہاں علاقائی سلطنتاں دا جائزہ تاریخ مسلمین وچ آندے.




#Article 336: اسلامیہ یونیورسٹی، بہاولپور (443 words)


اسلامیہ یونیورسٹی بہاولپور،پنجاب، سرائیکی وسیب دے شہر بہاولپور وچ واقع ہے۔ 1928ء میں بہاولپور وچ مصر دی قدیم یونیورسٹی الازہر یونیورسٹی، قاہرہ، مصر دی طرز تے جامعہ عباسیہ بݨائی ڳئی۔ 1975ء وچ ایں جامعہ عباسیہ کوں یونیورسٹی قرار ݙے کے ایندا ناں، اسلامیہ یونیورسٹی بہاولپور رکھ ݙتا ڳیا۔ عام طور تے اینکوں آئی یو بی دے مخفف نال پکارا ویندے۔ شروع وچ ایندے  ݙو کیمپس، جیہڑے شہر وچ ہن، عباسیہ اور خواجہ فرید کیمپس بݨا کے ݙاہ شعبیاں  وچ کم شروع کیتا ڳیا۔ ہݨ ایں یونیورسٹی کوں جدید تقاضیاں دے مطابق بݨا کے  1250 ایکڑ زمین تے حاصل پور روڈ تے بغداد کیمپس قائم کیتا ڳیا اے جینکوں مین کیمپس وی آکھا ویندے۔ صحرا کے ٹٻیاں کوں سرسبز قطعیاں وچ بدل ݙتا ڳیا ہے۔ اسلامیہ یونیورسٹی بہاولپور نے جدید ترین تدریسی طریقہ کار تے قومی و بین الاقوامی پیشہ وارانہ ضروریات نال ہم آہنگ پروگراماں تے مشتمل فاصلاتی ذریعہ تعلیم دے نفاذ دا آغاز کر ݙتا ہے۔ بین الاقوامی تعاون و اشتراک نال شروع تھیوݨ والا فاصلاتی ذریعہ تعلیم ملک وچ موجود ایں طرز دے دیگر پروگراماں نال یکسر مختلف تے زیادہ کار آمد ہو سی۔ کیونکہ جدید ترین انفارمیشن ٹیکنالوجی تے نصاب دی بدولت اے پروگرام بین الاقوامی معیار دی فاصلاتی تعلیم فراہم کریسی۔ یونیورسٹی تمام شعبہ جات وچ ایم فل تے پی ایچ ڈی دی سطح تے فاصلاتی تعلیمی پروگرام متعارف کرا چکی ہے [1]

یونیورسٹی وچ اعلٰی تعلیم واسطے دنیا وچ رائج علوم توں متعلقہ کئی شعبہ جات قائم کیتے ڳئے ہن جنہاں دی تفصیل درج ذیل ہے: -

علم طبعیات یا فزکس کے میدان میں اعلٰی تعلیم اور تحقیق کے لیے یونیورسٹی میں یہ شعبہ عرصہ دراز سے قائم ہے۔ جس میں خاطر خواہ کام ہو رہا ہے اور ہر سال بہت سارے طلبہ و طالبات سائنس کے اس شعبے سے فارغ التحصیل ہوتے ہیں۔

یونیورسٹی میں کالج آف انجینئری کے ذریعے مندرجہ ذیل انجینئری کے شعبہ جات میں بی ایس سی کروائی جاتی ہے جس سے پہلے انٹری ٹیسٹ لیا جاتا ہے اور میرٹ کے مطابق داخلے کیے جاتے ہیں۔ داخلہ کی اہلیت ایف ایس سی ہوتی ہے: -

اسلامیہ یونیورسٹی میں دور جدید کے تقاضوں کے مطابق شعبہ انفارمیشن ٹیکنالوجی میں اعلٰی تعلیم اور تحقیق کا کام بطریق احسن ہو رہا ہے اور مندرجہ ذیل کورسز کروائے جا رہے ہیں: -

اس یونیورسٹی وچ سرائیکی زبان دا شعبہ ١٩٨٩ء وچ قائم کیتا ڳیا جیندا مقصد سرائیکی زبان، ادب و ثقافت دے فروغ کیتے اعلٰی تعلیم دا مہیا کرنا ہئی۔ ایں طرح اسلامیہ یونیورسٹی نال ملحقہ ایس ای کالج بہاولپور وچ بھی سرائیکی دا شعبہ قائم کیتا ڳیا۔ ایں شعبے دے موجودہ سربراہ جاوید حسان چانڈیو ہن۔ جبکہ دلشاد کلانچوی مرحوم دا شمار وی سابقہ اکابرین وچ تھیندے۔




#Article 337: اسلم رسول پوری (3423 words)


سرائیکی ادب وچ تنقید اتے تحقیق بارے آہر کرن والے تنقید اتے تحقیق کاراں وچوں سئیں اسلم رسولپوری  دا ناں بہوں اچیرا ہے۔ انہاں علمی ادبی موضوعات بارے اوں ویلھے کم دا منڈھ بدھا جئیں ویلھے بہوں گھٹ دانشور ایں مشکل کم وچ ہتھ پیندے ہن۔ کیوں جو تنقید اتے تحقیق بہوں محنت۔ لگن اتے جانوندی دا کم ہے۔

سئیں اسلم رسولپوری سرائیکی ادب دے اگوان ناقدہن تے او علمی ادبی موضوعات بارے اپنا ہک خاص نقطہئ نظر رکھدن۔ او تنقید وچ تحقیق اتے تجزئیے دے ایرے بدھ تے اپنے کم کوں اسرگا کریندن اے بئی گالہہ ہے جو انہاں دے تنقیدی‘ تحقیقی نقطہئ نظر نال اختلاف کیتا ونج سگدے۔ انویں وی کہیں نقاد دے تجزیاتی اتے تحقیقی کم دیاں مختلف پرتاں ہو سکدین پر اساں انہاں دی تنقیدی مضامین دی کتاب ”تلاوڑے“ پڑھدے ہوئیں ڈیہدے ہیں جو او اپنے تنقیدی خیالات کارن ہک واضح Approach رکھدن۔ سئیں اسلم رسولپوری علمی ادبی موضوعات بارے بحث کریندے ہوئیں عمرانی نقطہئ نظر نال گالہہ ٹریندین ہوئے تے موضوع دے وچ راہندیں ہوئیں تخلیقی حسن تے معائب اُتے نظر وی رکھدن۔ انہاں دا ذہن تحقیق اتے تجزئیے‘ ڈونہاں زاویے نال موضوع دی گول پھرول کریندے اتے ”تلاوڑے”وچ انہاں ایں گھاڑت کاری (طریقہ کار) کوں ورتئیے۔ سئیں اسلم رسول پوری اپنی کتاب دی ونڈ چار پکھاں وچ کیتی ہے۔ پہلا پکھ۔ ”افکار‘ ڈوجھا پکھ ”جائزے“ تریجھا پکھ ”لوک ورثہ“ تے چوتھا پکھ ”تلاوڑے“ دے سر نانویاں نال نشابر ہے۔

اسلم رسول پوری ہوراں بہوں وسیع المطالعہ نقاد ہن۔ عمرانیات‘ سیاسیات‘ لسانیات‘ ادب تحقیق تے بئے فنون لطیفہ بارے انہاں دیاں دلچسپیاں انہاں دیاں علمی تے فکری صلاحیتاں دی گواہی ہن۔ اسلم رسولپوری ہوراں تحقیق کار وی ہن تے تنقیدی نگار وی۔ اوہ ڈونہاں حیثیتاں وچ سچ دی گول پھرول وچ راہندن تحقیق ہووے‘ بھانویں تنقید‘ ڈونہاں دا دارو مدار تخلیق تے ہوندے تخلیق اصل حقیقت ہوندی ہے۔ تحقیق اتے تنقید‘ ایندے باوجود اہم ہن۔ سئیں اسلم رسولپوری محض تاثراتی تنقیدنی کریندے بلکہ انہاں دی تحقیق اتے تنقید دی بنیاد کئی نہ کئی علمی یا فکری مسئلہ رہی ہے۔ جینویں جو او نظری تنقیدی بحث کریندے ہوئے خواجہ فریدؒؔ دے کلام وچ وجودیت دے نامکمل اثرات بارے لکھدن:

کہیں وی علمی ادبی مسئلے بارے مفروضے دی اہمیت دے پیس نظر او چنگی ریت جانڑدن جو جے تئیں کوئی مسئلہ نہ ہووے تحقیق نی کیتی ونج سکدی۔ سرائیکی ادب وچ ہک زمانے اے سوال اٹھایا گیا جو کیا سرائیکی زبان وچ غزل لکھی ونج سگدی اے؟ ایں بارے اسلم رسولپوری ہوراں کہیں شک و شُبے توں بے نیاز تھی کرانہیں سرائیکی غزل دے مستقبل واضح  موقف اختیار کریندیں ہوئے لکھدن:

جڈاں اپنے تاریخی تہذیبی ثقافتی شعور تے ادبی ریت روایت نال جڑ تے اسلم رسولپوری ہوراں غزل دے امکانات روشن ہون دی گالہہ کیتی ہیء اوں عہد وچ ای رفعت عباس دیاں جدید غزلاں دا مجموعہ ”پڑچھیاں اُتے پھل“ چھپیا تاں انہاں دے تنقیدی مضامین دی کتاب تلاوڑے طباعت دے چھیکڑی مرحلیاں وچ ہئی ورنہ او سرائیکی غزل بارے بھرنواں مضموں لکھدے پر وت وی انہاں رفعت عباس دیاں غزلاں بارے ”سرائیکی غزل دے امکانات“ صفحہ ۰۳ تے  فٹ نوٹ تے ایں گالہہ دا برملا اعلان کیتے جو ”سرائیکی غزل وچ انقلاب آچکے تے میڈے نظرئیے دی تائید مل گئی ہے تے رفعت عباس دی غزل سرائیکی غزل دا مزاج بدل ڈتے“

اے گالہہ منی منائی ہے جو محض ادب دیاں معلومات کٹھیاں کر گھدیاں ونجن تے وت ہک رائے بنا گھدی ونجے بلکہ تحقیق  دا تعلق تاں اینجھے گُر لبھن نال ہے جنہاں کو وت وت ولا جانچیا پرکھیا ونجے تاں وی سچ ظاہر تھیوے۔ ایں قاعدے دی رو نال او سرائیکی وچ علامتی شاعری بارے اپنا نقطہ نظر بیان کرن لگیاں علامت دے تصور دا بہون پچھو کڑ کنوں ویورا کریندن تے اپنے موقف سانگے بے شمار جواز وی پیش کریندن تے او لکھدن جو صوفیاء دے کلام وچ ہیر رانجھا۔ سسی پنوں۔ اتے منصور وغیرہ اپنے وسیع تر علاقی مفہوم وچ استعمال تھیندے رہ گئین۔ او اپنے عہد دے معروضی حالات توں باخبر ہن ”سیاسی جبر تے تشدد دی وجہ کنوں جیڑھیں نویں علامتیں جنم گھدے انہیں وچوں اندھارا‘ سوجھلا بہار خزاں رت اتے کئی بیاں شامل ہن جیڑھیاں حاکمیں دے سیاسی جبر تے جاگیر داریں دے معاشی استحصال دے نتیجے وچ سامنے آئن ایں شاعری کوں عام طور تے ترقی پسند شاعری سمجھیا ویندے تے سئیں ارشاد تونسوی سرائیکی شاعری وچ ایندے نمائندے ہن۔ انہیں دی ہک علامتی نظم ”عیسیٰ“ ملاحظہ ہووے۔

ہر پاسے بے رحم صلیباں 

ہر پاسے ان سو نہیں لوک

میڈے چار چفیرے اُسریاں 

میڈیاں بے وسی دیاں کندھاں 

میں جیں پاسے دید بھوینداں 

موت دی کالی چادر ڈیہداں 

میں ہاں چیر تے سڈ مرینداں 

کہیں پاسوں آواز نی آندی

میڈے دشمن میڈے جائے

میڈے دشمن حق ہمسائے

میکوں آہدن توں مجرم ہیں 

کالی گھپ اندھاری رات اچ

توں ماچس دی تیلی بال تے سگریٹ لیندیں 

توں عیسٰی ہیں!(۳)

جینویں جو اے گالہہ بہوں نتری ہوئی ہے جو تحقیق نویں حقائق کوں گولیندی ہے یا معلوم شدہ حقائق دی تیند کوں اگاں ودھیندی اے تے اوندے تے تبصرہ کریندی ہے ایں زاوئیے نال سئیں اسلم رسول پوری دے خیالات بہوں نشابر ہن او اقبالؒ تے سرائیکی صوفی شعراء  سچل سر مست‘ بیدل سندھی‘ بیکس فقیر تے خواجہ فریدؒ دی شاعری وچ فکری سانجھ دے رشتے کوں دریافت کریندن تے آہدن جو اقبال دا نظریہئ عقل و عشق انہیں صوفیاء دے خیالات دا مرہون منت اے او وی انہیں دی تقلید وچ ول ول علم تے عقل دی نارسائی تے عشق دی کامیابی دا ذکر کریندن     ؎

بے خطر کوڈ پڑا آتش نمرود میں عشق

عقل ہے محو تماشائی لب بام ابھی

خرد کی گھتیاں سلجھا چکا میں 

مرے مولا مجھے صاحب جنوں کر

صوفیاء دی فکر بارے ہک منفی رجحان اتے فکری مغالطے کوں رد کریندے ہوئے او آہدن صوفیاء نے خودی کوں مارن دی جو تعلیم ڈتی اے اے غلط فہمی تے مبنی ہے صوفیاء نے جیڑھی خودی کوں مٹاون دی تعلیم ڈتی اے او دراصل وڈائی ”فخر“، ”غرور“، ”انا“ اے اینویں ای او ہک بئے فکری مغالطے دی چھنڈک پھوک کجھ ایں طرح کریندن جو اقبال ساری عمر صوفیاء دی بے عملی دے شاکی رہ گین۔ او (اقبال) اپنی نظم ”مستیئ کردار“ وچ صوفیاء دے مرد قلندر تے اپنے مردِ مومن دے تصور بارے آہدن:

صوفی کی طریقت میں فقط مستیئ احوال

ملا کی شریعت میں فقط مستی گفتار

شاعری کی نوا مردہ و افسردہ و بے ذوق

افکار میں سر مست نہ خوابیدہ نہ بیدار

وہ مردِ مجاہد نظر آتا نہیں مجھ کو

ہو جس کی رگ و پے میں فقط مستیئ کردار

سئیں اسلم رسول پوری ایندی وضاحت کریندے ہوئے آہدن بھانویں جو اقبال دی ایہہ شکایت عام طور تے درست ہے پر اینکوں کُلیہ نئیں بنایا ونج سگدا کیوں جو صوفیاء نے عمل دی بھر پور تلقین کیتی اے جیویں جو سچل سر مست تے خواجہ فرید آہدن۔

ایں راہ ڈو آنویں نہ ہا

جے آئیں قدم ڈینہو ڈینہہ ودھا

پچھوں تے ڈیکھیں نہ ولا

سر تئیں تنڑیں‘ حیلہ کریں 

                                                            خواجہ فریدؒ

ول پیر پچھو تیں ٹرناں ناہیں 

وت اینجھا سودا کرنا ناہیں 

وت موت کنوں وی ڈرناں ناہیں 

وت بار برہ دا چاون کیا 

وت آپ کوں آپ پناون کیا

                                                                                          سچل سر مست 

سئیں رسولپوری دا تحقیقی طریقہ کار سائنسی اتے منطقی ہوندے اوہ برمبنی شک و شبہ حقائق دی گول پھرول کریندن تے حقیقت کوں جانن تے لبھن دا آہر وی کریندن۔ کیوں جو تحقیق وچ لسانیات دی اہمیت‘ لفظ دی قدرو قیمت‘ زبان تے زبان دے تہذیبی لسانی تے تاریخی پس منظر دا مکمل ادراک رکھدن۔ جیویں جو ڈاکٹر تنویر احمد علوی ایں گالہہ دی اہمیت بارے لکھدن:

سئیں اسلم رسول پوری بلھے شاہؒ دی زبان بارے اپنا موقف بیان کریندے ہوئے لکھدن سب کنوں پہلی چیز اے ہے جو بلھے شاہ دا خاندان ”اُچ“ دا رہن والا اے تے اوں نے بلھے شاہ دے والد دے زمانے وچ ”اچ“ کنوں اپر پنجاب دوں ہجرت کیتی بعض تذکرہ نگار مثلاً میاں سراج الدین دے خیال مطابق اوں وقت بلھے شاہؒ دی گھٹ توں گھٹ عمر پنج چھ سال ہئی۔ ظاہر اے اوں وقت بلھے شاہ اپنی مادری زبان سرائیکی چنگی طرح بول سگدے ہوسن۔تے ایندے بعد وی ساری عمر او ایہا زبان بلیندے رہ گئے ہوسن۔ کیوں جو ہجرت دے بعد کوئی خاندان اپنی زبان چھوڑ نی ڈیندا۔ 

اساں اچی ساڈی ذات اچیری اساں وچ اُچ دے وسدے آں 

o۔     سرائیکی بولن والے شخص کوں بلھے شاہ جتلا سمجھ آندے وارث شاہؒ نی آندا۔ ات واسطے سرائیکی علاقے وچ وارث شاہؒ دی نسبت بلھے شاہؒ زیادہ مقبول اے۔

o۔     بلھے شاہ دی زبان دا مزاج ہو بہو سرائیکی زبان نال ملدے تے اوندی شاعری دا آہنگ سرائیکی شاعری دے مطابق ہے۔ ماہرین لسانیات دے نزدیک اے دلیل اتلا اہم اے جو او کہیں زبان کوں سنجاڑن واسطے ایں کوں اولیں اہمیت ڈیندن۔ بُلھے شاہؒ دی شاعری وچ پنجابی لفظیں دی بھر مار کیوں اے؟ ایں سلسلے وچ اسلم رسول پوری اپنا موقف بیان کریندن جو: 

o۔     سرائیکی دی اجنبیت دور کرن واسطے بلھے شاہؒ دی شاعری وچ پنجابی لفظ استعمال کیتے گئین۔

 o۔    ناشرین نے تحریفاں کیتین جیویں جو علی حیدر ملتانی دی مجموعے وچ کیتا گئے۔(۵)

ایں حوالے نال انہاں دیاں تجاویزقابل غور ہن جو بلھے شاہؒ دے پرانے قلمی نسخے سامنے آندے ونجن تاں جو او نسخے ثابت کر سگن جو بلھے شاہ دی زبان سرائیکی ہئی۔ بحیثیت محقق جے اسلم رسولپوری بلھے شاہؒ دے پرانے قلمی نسخے دی گول پھرول کریندے تاں اے انہاں دا ہک اہم تحقیقی کارنامہ ہووے ہا۔ سرائیکی زبان دی لفظیات اتے ساخت اینجھی ہے جو او عربی فارسی تے اردو عروض دے سانچیاں وچ نی ڈھل سگدی تے سرائیکی شاعری پنگل ماترائی نظام دے بہوں قریب ہے۔ جیندے بارے پروفیسر شمیم عارف قریشی آہدن:

سئیں اسلم رسول پوری ہوراں دا سرائیکی عروض بارے نقطہئ نظر واضح کوئے نی۔ ات پاروں او صنف رباعی بارے ویورا کریندے ہوئی لکھدن جو:

سئیں اسلم رسول پوری ہوراں دا سرائیکی شاعریں کوں مشورہ اپنی جا اہم گالہہ ہے پر ایں توں اہم گالہہ اے ہے جو کیا سرائیکی شاعری دی ہر صنف کوں عربی۔ فارسی تے اردو دے اوزان وچ تولناں ضرری ہے؟ ہرگز کوئے ناں جیویں پہلے گالہہ ٹوری گئی ہے جو ایں سرائیکی خطے دی شعری لئے دا ہک انج نظام ہے تے اے نظام چھند بندی نال رلت کریندے اتے اے نظام ماترک ونڈوچ سائنسی انداز نال سرائیکی شعری ریت کوں ترکڑا کریندے۔

سرائیکی زبان وچ تلفظ دے مسائل دے حل بارے انہاں دی اے تجویز ہے جو حضرت خواجہ غلام فریدؒ دے تلفظ کوں قبول کر گھدا ونجے کیوں جو او سبنھیں شاعیریں دی نسبت سرائیکی زبان دے مزاج کنوں زیادہ واقف ہن تے سرائیکی علاقے دی تہذیب و ثقافت کنیں وی پوری طرح خبر دار ہن۔

سرائیکی زبان دے ابتدائی قاعدے‘ محض قاعدے نی بلکہ انہاں قاعدیاں راہیں حروف تہجی دی تعداد‘ رسم الخط مخصوص حرف اتے حروف دیاں علامتاں نے جتھاں سرائیکی لکھت پڑھت دے سوالات کوں ابھارئیے اُتھاں انہاں قاعدیاں راہیں سرائیکی لکھت دے بنیادی مسائل حل وی تھیئسن سئیں اسلم رسولپوری سرائیکی قاعدئیں دا تنقیدی مطالعہ بہوں پچھوکڑ توں کیتے تے او اپنے تحقیقی علم دے مطابق وحید اختر دے نو(۹) بھتی قاعدے کوں سرائیکی قاعدہ نی سمجھدے اینکوں عربی قاعدہ آہدن کیوں جو اے عربی حروف تہجی تے خط نسخ وچ لکھیل ہے۔ انہاں دے خیال موجب جئیں سب کنوں پہلے سرائیکی قاعدہ لکھئیے او قاضی راضی ہن۔ ا نہاں دے قاعدے وچ مخصوص حرف تے انہاں دیاں علامتاں کجھ ایں طراں ہن۔

ب۔ج۔د۔گ۔گ

تے قاعدے وچ ”ن“ دا انج حرف نہیں بنایا گیا۔سرائیکی دے اضافی حرفیں دیاں کوششاں دی پندھ ویہانی بارے انہاں دا جائزہ لسانیات دے طالب علماں کیتے بہوں دلچسپ اتے معلوماتی ہے۔ میانوالی دے لوک گیت۔ سرائیکی وسیب دے ہک اہم علاقے دے لوک گیتاں تے لوک گیتاں دے کجھ کجھ بولاں کوں اکٹھا کرن دا آہر حقیقت وچ اپنی ثقافت تے سرائیکی سمل دیاں ونجیاں نشانیاں گولن دی کوشس ہے اینویں ای سرائیکی اکھاناں دی گول پھرول اتے لوک قصیاں دے بارے خصوصیات دا جائزہ حقیقت وچ کہیں وی خطے‘ قوم دے مزاج‘ مذہب‘ رسم ورواج‘ تہذیب‘ ثقافت‘ کوں جانن دی تحقیقی کاوش ہے۔

سئیں اسلم رسول پوری ہوراں اپنی کتاب ”تلاوڑے وچ کجھ چھپیل کتاباں کوں تنقید دی ترکڑی وچ تولیئے۔ ”پیت دے پندھ“ احمد اسماعیل احمدانی‘ سفر نامہ۔”اچی دھرتی جھکا اسمان‘‘افسانے۔ مسرت کلانچوی‘ سانولی دھپ۔ افسانے۔ اسلم قریشی۔

سئیں احمد اسماعیل احمدانی دے سفر نامے ”پید دے پندھ“ بارے جائزہ گھندے ہوئے انہاں ”آپنی سنجان“ دے سوال سانگے سفر نامے دے نال آپنی فکر دی وی عمدہ وضاحت کیتی ہے۔

آپنے آسے پاسے (معروض) دے حوالے نال کہیں موضوع دی واہند وچ وہندے ہوئے اپنے اندر دی گول سرائیکی وسیب دے کہیں ہکڑو بندے دی کہانی نئیں بلکہ اے پورے سرائیکی وسیب‘ سرائیکی دھرتی دی سنجان دا سوال ہے۔ اے سفر نامہ جیہڑے تاریخی تہذیبی شعور‘ باہروں (خارجیت) تھی کے اندر دی جھات (داخلیت) دی ٹیکنیک (اٹکل) نال جڑیا ہویا ہے ایندے تخلیقی حسن کوں اسلم رسولپوری ہوراں بہوں خوبصورت تنقیدی بصیرت نال بیانکیتے۔ او کہیں وی تخلیقی بیانیہ کوں اُشاک اکھ نال ڈیہدن تے تخلیق دے پیرائیہ اظہار وچ گم نی تھیندے بلکہ تخلیق (بھانویں شعری بپیرائیہ ہوئے تے بھانویں نثری) کوں فکری اتے فنی ڈونہاں پر تاں وچوں ڈیہدن:

سرائیکی ادب وچ نفسیاتی تجزئیے دا عمل بھانویں بہوں تکڑی پکڑ نہیں کر سگیا شایئت سرائیکی تنقید وچ ایہ پوکھوں کجھ دیر بعد آسی پر وت وی اسلم رسول پوری کتھائیں کتھائیں (وِرلا وِرلا) نفسیاتی رجحانات بارے گالہہ چلیندن۔

سئیں اسلم رسولپوری اینجھے تنقید نگار ہن جیہڑے کیں وی تخلیق (شعری یا نثر پارے) کوں ہک خاص Approach نال ڈیہدن اتے بے خوف اپنی رائی دا اظہار کریندن۔ او کہیں وی تخلیق کوں نہ تاں اچل چیت بلند مرتبے تے پجیدن تے نہ ای بہوں سخت گرفت کرتے اوندے غیر معیاری یا گھٹ معیاری ہوون بارے بہوں محتاط انداز نال اپنی رائے دا اظہار کریندن اتے کہیں وی فنکار دی تخلیق بارے انہاں دا رویہ حقیقت پسندانہ ہوندے اسلم قریشی دے افسانیں دے مجموعے سانولی دھپ دا فنی جائزہ انہاں دی تجزیاتی اتے تاثراتی تنقید دا عمدہ نمونہ ہے۔ 

سرائیکی زبان و ادب دے تنقید نگار اسلم رسولپوری ایں طور نظریاتی اعتبار نال ترقی پسند ہن کیوں جو او اپنے دیس ویسب دے مسائل دا مکمل ادراک رکھیدن تے او اپنے عوام دیاں محرومیاں دا ازالہ چاہندن او ادب شاعری تے بئے فنون کوں حیاتی دے سنہٹپ وچوں ڈیہدن۔ جاگیرداری۔ خانقاہی نظام تے وکاؤ سیاست کوں اپنی ترقی وچ رُکاوٹ جاندن۔ سرائیکی دانشوراں‘ تخلیق کار تے تنقید نگاراں دے خیال موجب ترقی پسندی انیاں روایات کنوں بغاوت نئیں بلکہ روایت دے شعور دے نال جدت پسندی کوں اپناون داناں ہے اُنہاں دے نزدیک ترقی پسندی تاں ہک رویہ ہے جیندنے راہیں او حیاتی دے سوکھ اتے سچ کوں اگتے ودھیدندن۔ سرائیکی ترقی پسند تنقید نگار‘ تخلیق کار انسان دوستی۔ امن اتے آزادی نال حیاتی گذارن دے متلاشی ہن او صدیاں توں تھیون والے ظلم ستم اتے جبر توں جان چھڑاون دا ترلا کریندے پئین۔

ڈاکٹر طاہر تونسوی ہوراں‘ محمد اسلم رسول پوری ہوراں دی تازہ چھپیل تنقیدی کتاب ”نتارے“ وچوں انہاں دی تنقیدی دے ترقی پسندانہ رویے اتے پکھ بارے آہدن:

سئیں اسلم رسول پوری‘ سرائیکی وسیب تے ایں خطے وچ تخلیق تھیون والے ادب دا مطالعہ سماج تے معاشرے دے تعلق نال رلاتے کریندن‘ ایں طرحاں انہاں دا تنقیدی رویہ سرائیکی عمرانیات‘ دا مطالعہ وی بن ویندے۔ ایہا وجہ ہے جو انہاں دے تنقیدی رویے وچوں جھڑی ترقی پسندی نہیں کہ او سرائیکی سماج تے عمرانیات دی لاٹ وچوں اتے تخلیق کاراں دے رویے دا ویورا اتھ دے سیاسی‘ خانقاہی تے اقتصادیات دے علاوہ سیاسی تہذیبی پکھاں کوں وی سامنے رکھ تے کریندن۔

سئیں اسلم رسول پوری ہوراں تخلیقی اتے تنقیدی حوالے نال تنقیدی رجحان سرائیکی سماج دے مطالعے دے نال نال ایں خطے دے سماجی اقتصادی مسائل تے تاریخ دے تناظر وچوں الواون والا انداز ادبی تنقید دی تاریخ تے مارکسی (سماجی) تنقید دی شاند بھاند ڈیندے۔ کیوں جو کہیں خطے وچ وسن رہن والی قوم‘ اوندی زبان‘ اوندے سماج اتے اوں خطے دی تخلیق دا مطالعہ تاریخی تنقید در توجہ ڈیویندے جاں جو محض سماجی ماحول دا مطالعہ سماجی تنقید دے چہرے مہرے کوں واضح کریندے۔ سئیں اسلم رسول پوری دے تنقیدی تحقیقی مقالات وچوں تاریخی تنقیدی اتے سماجی تنقید دے اصول ضابطے واضح شکل ڈکھلیندن۔

سئیں اسلم رسول پوری ہوراں دی تنقید فکری حوالے نال اینجھے سوالات پیدا کریندی ہے جنہاں دا تعلق تہذیب‘ ادب تے ثقافت نال گوڑھا ہوندے جیندے نال سرائیکی خطے دے ادبی۔ معاشرتی اتے سماجی مسائل دا پتہ وی لگدے۔ اسلم رسول پوری ہوراں دا تنقیدی شعور سرائیکی خطے دی تاریخ‘ سماج‘ تے ترقی پسندانہ رویے دی عکاسی کریندے انہاں دا تنقیدی تخلیقی رویہ سماج دے سیو (جامد) پانی دی جاء نویں چشمیاں دے پھُٹن در وی اشارہ کریندے جینویں جو او پاکستان دیاں قومی زباناں وچوں سرائیکی زبان بارے حرکی نظریہ پیش کریندن:

جے تنقید حیاتی دے متحرک جمالیاتی رویے نال جڑت رکھیندی ہووے تاں وت اینجھی تنقید کہیں وی قوم دی ایکتا فکر دی نمائندگی کریندی ہے۔

سرائیکی ادب وچ بدلدے ہوئے تخلیقی رجحانات دی نشاندہی اتے اوندے بارے پرکھ پرچول اتے بحث اسلم رسول پوری ہوراں دے مختلف تنقیدی مضامین وچ جاء جاء تے ڈسدی ہے۔ تے ایہو تنقیدی شعور سرائیکی ادب اتے سرائیکی سماج وچ تبدیلی دا موجب بنٹردا پئے ایہا وجہ ہے جو اسلم رسولپوری ہوراں دا تنقیدی رویہ سرائیکی ادب کوں نویں معیارات تے پرکھ دی سمجھ دان کریندا ڈسدے۔ سرائیکی شعری اتے نثری ادب وچ نویں رجحانات اتے علمی درشن کوں ہک تنقید نگار دے حیثیت نال جی آئیاں کوں آہدن مگر او تقلید دے قائل کوئے نی جیندا سانگا رشتہ وسیب دیاں روایات نال نہ ہووے ات پاروں اسلم رسول پوری ہوراں آہدن:

سئیں اسلم رسول پوری ہوراں دے تنقیدی مضامین وچ نظری اتے عملی تنقید دے ڈونہیں پکھ ملدن جیہڑے سرائیکی تخلیقات تے سرائیکی سماج کوں سمجھن بارے بنیادی کردار ادا کریندن تے ایں طرحاں ہک نویں فکری اتے معنوی طرز احساس دی نمائندگی وی ڈیکھن پڑھن کو ملدی ہے۔

سئیں اسلم رسول پوری ہوراں دی تنقید وسیبی تصور تہذیب‘ تاریخ‘ سماجیات اتے ثقافت نال وی گنڈھیل ہے اتے ایں شعور دی نمائندگی بارے او لکھدن:

سرائیکی تنقید‘ اردو اتے انگریزی ڈونہاں زباناں دے علمی ادبی فکری اتے تنقیدی خیالات توں متاثر تھیندے ہوئے اپنا انج دگ بناون دے عمل توں گذر دی پئی ہے ایں منڈھلے دور وچ سرائیکی زبان و ادب دے بنہاں تنقیدنگاراں دی طرحاں سئیں اسلم رسول پوری ہوراں دے تنقیدی خیالات اتے اردو‘ انگریزی تنقید نگاراں دے تنقیدی نظریات دی جھلک وی ملدی ہے مگر خوشی دی گالہہ اے جو او مغربی ناقدین دے نظریات کوں من و عن قبول نی کریندے او ڈوجھیاں زباناں دی فکر کوں اپنے وسیبی فکری نظام نال موازنہ کرتے ڈیہدن جیویں اپنے ہک مضمون وچ لکھدن:

سئیں اسلم رسول پوری ہوراں اپنا واضح تنقیدی نقطہئ نظر رکھدن۔اتے اپنے اتفاقی یا اختلافی نقطہئ نظر کوں کھل تے بیان کریندن۔ انہان دا ایہو تنقیدی رویہ کہیں تخلیق اتے فن پارے دی پرکھ سانگے دی ہوندے۔ جینویں جو او حفیظ خان دے ہک افسانے بارے ویورا کریندے ہوئے سماجی محرکات تلاش کریندن:

               اسلم رسولپوری سرائیکی زبان و ادب دے جانی جان نقاد ہن۔ انہاں دی سرائیکی ادب، رجحانات، تحریکاں اتے سماجی پھلپھوٹ بارے پوری طرحاں نال نگاہ ہے۔ 

حوالہ جات

۱)         اسلم رسولپوری  ”تلاوڑے“ ملتان‘ بزم ثقافت‘ ۷۸۹۱ء،ص:۳۲

۲)         ایضاً،ص:۰۳

۳)         ایضاً،ص:۹۳

۴)         تنویر احمد علوی‘ ڈاکٹر، مقالہ: ”متن اور روایت“ مشمولہ: ”اردو میں اصول تحقیق“ مرتبہ:ڈاکٹر ایم سلطانہ بخش‘ اسلام آباد‘ مقتدرہ قومی زبان‘ ۶۸۹۱ء، ص:۴۵۳

۵)         اسلم رسول پوری ”تلاوڑے“،ص:۵۶۔۴۶

۶)         شمیم عارف قریشی‘ پروفیسر،نسبت سرورق فلیپ، مشمولہ:”چھند پتری“ از عبدالطیف بھٹی‘ ملتان‘ جھوک پبلشرز‘ ۶۰۰۲ء،ص:۹

۷)         اسلم رسول پوری ”تلاوڑے“ ملتان‘ بزم ثقافت‘ ۷۸۹۱ء،ص:۲۷

۸)         ایضاً،ص:۸۰۱

۹)         ایضاً،ص:۲۱۱

۰۱)      ایضاً،ص:۳۱۱

۱۱)     ایضاً،ص:۷۱۱۔۶۱۱

۲۱)     ایضاً،ص:۰۲۱

۳۱)     طاہر تونسوی‘ ڈاکٹر‘ پہلا صفحہ،مشمولہ:”نتارے“مصنف: اسلم رسولپوری،ملتان‘ سرائیکی ادبی بورڈ‘ ۹۰۰۲ء

۴۱)     اسلم رسول پوری،مضمون: ”پاکستانی معاشرہ تے سرائیکی ادب“مشمولہ: نتارے‘ص:۰۱۔۹

۵۱)     اسلم رسول پوری، ”نتارے“،ص:۵۲

۶۱)     اسلم رسول پوری، ”نتارے“،ص:۲۲

۷۱)     اسلم رسول پوری، ”نتارے“،ص:۰۴

۸۱)     اسلم رسول پوری، ”نتارے“،ص:۱۴

۹۱)     اسلم رسول پوری، ”نتارے“،ص:۴۸

(اقتباس از کتاب: ‘‘سرائیکی تنقیدی شعور’’۔ مصنف: ڈاکٹر خالد اقبال)

 () 14:17, 18 June 2019 (UTC)       




#Article 338: اسلم رسولپوری (660 words)


اسلم رسول پوری سرائیکی دانشور، مصنف، محقق تے ادیب ہے۔ ماہر لسانیات ہے۔ 

ڄام پور وچ رہندے۔ اسلم رسولپوری :

ناں:  محمد اسلم خان رسولپوری

تاریخ پیدائش:  ١٩٤١ء

جائے پیدائش:  رسول پور

کم کار:  وکالت/ ادب

اسلم رسول پوری ہک علمی گھراݨے وچ ١٩٤١ء کوں رسولپور وچ پیدا تھئے۔ 

جام پور دے ہائی سکول توں میٹرک کرݨ دے بعد اُنہاں مظفر گڑھ کنوں جے وی دا امتحان پاس کر تے بھکر پور توں ١٩٦٢ء وچ تدریس دا آغاز کیتا۔ اُنہاں ١٩٧٠ء دے ڈہاکے وچ سرائیکی ادبی تنقید لکھݨ شروع کیتی تے ہک کتابچہ مارکسی نقطۂ نظر تے ساڈا ادب شائع کرایا۔ اسلم رسولپوری کوں احساس ہا جو تنقیدی فکر نال ای کہیں ادب دی بہترین آبیاری تھی سگدی ہے۔ سرائیکی ادب وچ نظریاتی دے خلا کوں پُر کرݨ کیتے اُنہاں مغربی تنقید دا مطالعہ کیتا تے سرائیکی کلاسیکی شاعری دی نویں تعبیر و تشریح کیتی تے ول سرائیکی ادبی تنقید تے ڈوجھی لکھت تلاوڑے شائع کرائی۔ اسلم رسولپوری، سرائیکی لسانیات تے بہوں لکھیئے۔ اُنہاں اپݨی کتاب سرائیکی زبان اوندا رسم الخط تے آوازاں وچ سرائیکی دا منڈا زباناں نال تعلق واضح کیتے تے ایں سلسلے دی ڈوجھی کڑی سرائیکی دیاں بچکار آوازاں ہے اُنہیں دیں لسانی تحریریں دی نظریاتی جہت سرائیکی زبان تے لسانیات وچ نمایاں ہے۔ سرائیکی ادبی تنقید دے حوالے نال ستارے، لیکھے دے بعد سرائیکی ادب وچ معنی دا پندھ سرائیکی تنقید تے ما بعد نو آبادیاتی نظریہ بہوں اہم کتاباں ہن اُنہاں دی کتاب تلاوڑے کوں سرائیکی ادبی تنقید وچ کلاسیک دا درجہ حاصل ہے۔ تلاوڑے دی اشاعت توں پہلے سرائیکی ادبی تنقید محض تاثراتی تنقید تئیں محدود ہئی۔ تلاوڑے سرائیکی ادب وچ نظریاتی تنقید کوں متعارف کرائے۔ سرائیکی زبان، اوندا رسم الخط تے آوازاں ایندے وچ سرائیکی زبان بارے انڈو آریائی نظریئے کوں رد کر تے سرائیکی زبان دیاں بنیاداں منڈا قبائل دی ہک زبان منڈاری وچ ثابت کرݨ دی کوشش کیتی گئی ہے۔ اسلم رسولپوری دی تحقیق موجب سرائیکی زبان دا ڈکشن تے ایندیاں مخصوص آوازاں منڈاری نال مشترک ہن کیوں جو سرائیکی تے منڈا ثقافت (جھمر، تاڑی، گݨتری، رسماں ریتاں، سنگیت وغیرہ) وچ کافی اشتراک ہے۔ سرائیکی زبان، اوندا رسم الخط تے آوازاں وچ پہلی واری سرائیکی صوتیات دا نظام وضع کیتا گئے۔ سرائیکی وچ کُل ٤٦ آوازاں ہن جیندے کیتے ٥٦ علامتاں استعمال کیتیاں ویندین۔ البتہ سرائیکی دیاں بچکار آوازیں بارے ایں کتاب دے نقطۂ کنوں ہَٹ کرانہیں سرائیکی دیں بچکار آوازیں دی بنیاد افریقی زبانیں وچ گولݨ دا آہر کیتا گئے۔ اسلم رسولپوری دا کم سرائیکی رسم الخط متعین کرݨ وچ وی فیصلہ کُن شکل وچ سامݨے آندے۔ سرائیکی لسانیات، ادبی تنقید دے موضوعات تے اُنہاں دیاں تاریخ ساز کتاباں چھپ چُکین۔ اُنہیں اپݨیاں کتاباں سچل سر مست، بیدل سندھی، حمل لغاری دے سرائیکی کلام دے انتخاب دے سلسلے وچ اُنھیں دی شاعرانہ فکر کوں صرف تصوف دی بجائے ترقی پسندانہ فکر، انسان دوستی، رواداری اتے عام انسانی حیاتی دے حوالے نال پرکھیئے۔ اسلم رسولپوری ہوراں تنقیدی مجموعے لیکھے وچ اپݨے تنقیدی شعور کوں عالمی ادب تے مختلف عالمی فکری حوالیں نال رلائے جیندے وچ انسانی زندگی دی بے معنویت اتے لا لعنیت دا نظریہ شامل ہے۔ ایندے علاوہ اُنھیں اپݨے بہوں سارے تنقیدی مضامین وچ سماجی جبر دے خلاف شاعری وچ مزاحمتی رویئے اتے امید دے عنصر کوں وی اجاگر کیتے۔ فنون لطیفہ، موسیقی، ناٹک تے مصوری نال اُنھیں کوں بہوں دلچسپی ہے۔

اسلم رسولپوری ادب دے روایت شکن تے عہد ساز تنقید نگار ہن۔ سرائیکی تنقید تے ما بعد نو آبادیاتی فکر دے حوالے نال مغربی تہذیبی جبر دی مذمت پاروں اسلم رسولپوری ہک دور اندیش نقاد جاپدن۔ اُنہاں درس و تدریس دے بعد قانون دا پیشہ اختیار کیتا تے سرائیکی وسیب وچ سیاسی تے انسانی حقوق کیتے عملی جدوجہد وچ برابر حصہ گھدے۔ اسلم رسولپوری ترقی پسند، تنقید نگار تے دانشور ہن۔ انہیں دی نثر رواں تے سلیس ہے تے اساڈے عہد دی مروجہ سرائیکی دی ترجمانی کریندی ہے۔ اسلم رسولپوری دے تنقیدی تے تحقیقی مضامین استدلالی خاصیت رکھدن۔

سرائیکی پارٹی دی مجلس عاملہ دا رکن ہے۔

ہک درجن کنوں ودھ کتاباں ہن۔ 

 اسلم رسول پوری دیاں کتاباں




#Article 339: اسلوب (190 words)


اسلُوب کوں انگریزی وچ سٹائل عربی تے فارسی وچ سبک آہدے ہن۔ انگریزی دا لفظ سٹائل ہک یونانی لفظ Stilus کنوں نکلا ہے۔ جہڑا ہاتھی ݙند، لکڑ یا کہیں دھات نال بݨا ہویا ہک نوک دار اوزار ہوندے۔ جیندے نال موم دیاں تختیاں اُتے حروف، لفظ تے ٻہوں طرحاں دے نقش بݨائے ویندن، اسلُوب وچ وی لفظاں دا چُݨاؤ، کٹ پھٹ تے تحریر ہوندی ہے۔ ایں کیتے اینکوں سٹائل آکھیا ویندے، عربی لفظ سبک دے معانی دھات کوں پگھلاوݨ تے سان٘چے وچ تبدیل کر ݙیوݨ ہے۔ 

ادبی تحریر وچ کیوں جو لفظ بدلے ویندے ہن۔ ایں کیتے ایں کوں سبک آکھیا ویندے۔

کلاسیکی ادب وچ اسلوب شروع وچ طرزتحریر دے معانی  وچ ورتندا ریہا۔ بعد وچ تقریر تے تحریر وچ آپݨے آپ کوں ظاہر کرݨ کوں اسلوب دا ناں ݙتا ڳئے۔

کہیں شاعر یا ادیب دا اسوب یا تاں نثر دے ذریعے واضح تھیسی یا ول نظم دے ذریعے۔ ایں کیتے اسلوب دیاں ݙو بݨیادی قسماں ہن:

١۔ نثری ادب

٢۔ شعری ادٻ 

اسلوب نثری ہوندے یا شعری۔ عام طور تے اسلوب دے ترائے عناصر ہوندن:

ہک مصنف دی انفادی خصوصیت،

ݙوجھاعام انسانی رویہ،

تریجھا خیال تے زبان دیاں خصوصیات




#Article 340: اسم علم (268 words)


عَلَم دے لُغوی علامت تے نشان دے ہن۔ لیکن گرائمر دی زبان وچ اسم عَلَم او لفظ ہے، جہڑا کہیں خاص شئے یا شخص یا جاہ یا کیفیت دا ناں ہووے، ناں ݙو قسم دے ہوندن۔ 

ہک جہڑا کہیں شخص یا شئے یا جاہ دا خاص ناں ہوندے، جین٘ویں احمد بخش، سندھ، ملتان۔ ݙوجھا عام ناں جہڑا کہیں عام قسم دے تمام افراد کیتے ورتیا ون٘ڄے۔ جین٘ویں آدمی، گھوڑا، کرسی، درخت، کتاب وغیرہ۔

اسم علم ، اسم معرفہ دی قسم ہے۔ اسلم عَلَم دیاں ایہ قسماں ہِن۔

١۔ خطاب: او ناں جہڑا حکومت ولوں اعزازی طور تے کہیں کوں ملے۔ جین٘ویں سر،سید احمدخاں دا خطاب ہے۔

٢۔ لقب: کہیں حصؤصیت یا کہیں وصف دی بنا تے جہڑا ناں مشہور تھی و؟ڄے، جین٘ویں شاعر مشرق ، علامہ اقبال دا، کلیم اللہ حضرت موسیٰ علیہ السلام دا تے قائداعظم محمد علی جناح دا لقب ہے،

٣ عُرف: او ناں جہڑامحبتیا نفرت دی وجہ نال یا اصلی ناں دی مختصر صورت وچ کہیں دا پئے ون٘ڄے۔ عُرف اکھیندے ہن۔  جین٘ویں ڳان٘موں۔ ڳُݙو، راݨی۔ 

٤۔ تخلص: شاعراں دا مختصر  جیہاں ناں جہڑا اصلی نساں دی بجائے او آپݨی نظماں وچ گھن آندے ہن۔ جین٘ویں فرید، نوروز، چراغ، ناصر۔

٥۔ کُنیت: او ناں جہڑا ماء، پیو، پتر، دھی یا کہیں ٻئے سانگے نال ٻولا و؟ڄے اوں کوں کنیت آہدے ہن۔ جین٘ویں ابوطالب، ابن مریم، ام سلمہ وغیرہ

انھاں دے علاوہ مُلکاں، دریاوں، پیاڑاں، جھیلاں، تھلاں دے ناں، وستیاں، شہراں تے سڑکاں وغیرہ دے ناں، بیماریاں دے ناں تے علوم وفنون دے ناں، وی خاص اسم ہوندن۔ 

بعض دفعہ خاص ناں بطور صفت وی استعمال تھیندے ہن۔ جین٘ویں آپڑیں وقت دا بہاول خان ہے۔  




#Article 341: اسماعیل ارشد (224 words)


اسماعیل ارشد ایوراڈ یافتہ شاعر ہے۔ سرگودھا نال تعلق ہے،

وگے ویندے آہیں چھوڑ کے وطن تہاڈااللہ حافظ ڈھول اسائیں دا .

ساڈی قسمت وچ پردیس جو ھویا توں واسی خاص اتھاہیں دا .

میں کے سنبھلیساں زندگی وچ تیں وسدے وطن دے سائیں دا .

توڑے ٹردیاں ارشد مل لیں ہا بچ ویندا مانڑ نگائیں دا.

دتی کیئ دہنوں ہجر دی سیت بھنوالی میری سجناں نال ونجی گئی 

بھاویں اتوں اتوں ہائ گل روسیاں دی اسے وہم توں جند گھبری گئ 

ہک دہنوں کسے بشر دے نال گیوسے  اگوں ماہئ دی شکل دسی گئی 

ساری ۔ارشد ۔کھیڈ وچ جوڑیاں آلی اسے پیر اتے پرتی گئی

تساں آکھیا ناہ مینوں تازندگی ملاقاتاں ہوندیاں راہسن

نال ساہ ساہ خوشیاں ہاسیاں دے اکھیں ہار پروندیاں راہسن

ہک ڊوئے دے  ارشدؔ راہواں تے لگاتار کھوندیاں راہسن

پر صد افسوس نہ اے دسئیوے ۔۔۔ گئیاں نکھڑ تاں روندیاں راہسن

تساں سجن میرا سرمایہ او ، ہر سجن دا رب رکھوالا 

سارے دیسیاں تے پردیسیاں دا ، کدی سیک نہ ویکھاں شالا 

سداں بخت لذیذ دے شربت دا ، وتو پیندے یار پیالا 

ہر سجن دے کانڑ دعائیں منگدائے، تہاڈا ۔ارشد ۔92 آلا

کلہل سجن عزیز دا خط آیا، جداں کھول کے پڑھیا خط آ

وچ لکھیا ہاہ چن وطناں تے ،ڈھل گھت نہئ فٹا فٹ آ، 

مینوں معافیاں دے چا غلطیاں دی ، نویں لگدے ارشد سٹ آ




#Article 342: اسماعیل بن جعفر الصادق (100 words)


امام اسماعیلرحمۃ اللہ علیہ ، حضرت امام جعفر صادق دے وݙے فرزند ہن جیہڑے والد گرامی دی زندگی اچ ہی فوت تھی ڳئے ہن۔ انہاں دے ناں نال شیعاں دا ہک فرقہ اسماعیلیہ وجود اچ آیا۔ انہاں دے نزدیک ا
امام اسماعیل ستویں امام ہن، نہ کہ امام موسیِ کاظم، جیویں کہ اثناعشری عقیدہ ہے۔ حضرت اسماعیل، امام جعفر صادق دی وفات توں پنج سال قبل ہی 143ھ/762ء وچ مدینہ منورہ وچ فوت تھی ڳئے تے جنت البقیع دے قبرستان وچ دفن تھئے جبکہ اسماعیلیاں دے نزدیک امام جعفر دی وفات دے پنج سال بعد وی امام اسماعیل زندہ ہن۔




#Article 343: اسماعیل بیگ (189 words)


اسماعیل بیگ سرائیکی شاعر ہے۔

دیرہ غازی خان وچ ٦ جون ١٩٦١ء کوں ڄمے۔

علامہ اقبال میڈیکل کالج لہور توں ١٩٨٢ء وچ ایم بی بی ایس کیتی۔

کجھ دکھ بیٹھا ' کجھ بال بیٹھا 

کوئی سانول سرت سنبھال بیٹھا

کجھ بھوربیٹھالیکھے ویلھے دے

کوئی سر آئ کوں جال بیٹھا

بہوں دور بہوں پندھ عمراں توں

اونویں تل دی وتھ توں نال بیٹھا

کر یاد سائیں سانویں سک اپنڑی

من مونجھ کلہیپ وندال بیٹھا

اسماعیل بیگ

سندھو تیݙے ٻیٹیں وچ

سیت بھرے پاݨی تیں

بھاڳ بھریں ٻیلیں وچ

پکھی وانگ سخی وے

شام رت آلھڑیں 

لاحظہ لاحظہ کت کیں 

ساہ ساہ جھݨ کیں

رٹھے رٹھے موسم دی

مونجھ ٻہہ مناوݨی 

نیل ٻہہ ٹکورݨے 

ھنجھ ٻہہ لکاوݨی

سندھو تیݙی مݨ تیں

اسماعیل بیگ

بندہ دمی دم ای ہوندے

کوئی ہک واری 

کوئی لکھ واری 

کہیں کیا ڈٹھی 

انڑ ڈٹھی اندر

کہیں کیا آکھی 

کہیں کیا سنڑی

انڑ سنڑی کر کے

توڑے کجھ وی یاد نہ رہوے 

توڑے سبھ کجھ بھلے 

اکھیں بال کے تاریں وانگوں 

ٹھل اسمانیں ٹھلے 

میل ہنڈھا ھتھ لکھاں ھتھاں

ویلھے وقت ویہاوے 

بندہ دمی دم ای ھوندے 

کلہڑے سر بہہ روندے 

کلہڑے سر بہہ کھلدے

اسماعیل بیگ




#Article 344: اسوں پنجوں (379 words)


اسو پنجو

ایں کھیݙ وچ پنج کھݙکار کھیݙ سڳدن.
اتے انہاں دے ناں رکھیے ویندن. انہاں دے جیہڑے ناں رکھیے ویندن او ہیٹھاں ݙتے کھڑن
١. اسو
٢. پنجو
٣. ھار
٤. کبوتر
٥. ݙولی
پنج کھݙکاراں دے اے پنج ناں رکھݨ توں بعد سارے کھݙکار ہتھ ملا تے یعنی ہتھ کٹھے رلا ݙیندن تے یک دم چھوڑ ݙیندن تے بھوئیں تے رکھ ݙیندن. اتے جݙاں ہتھ بھوئیں تے رکھدن تاں چمبا کھول ݙیندن. انہاں وچوں کئی پنجے انگلیں سامݨے کریندے کئی ݙو تے کئی ہک انگل رکھدے. اوں توں بعد کئی ہک کھݙکار ہر انگل تے ہتھ رکھ تے ایں تندیر وچ آہدے ویندا. اسو پنجو ھار کبوتر ݙولی، اسو پنجو ھار کبوتر ݙولی. جتھاں انگلیں مک ویندین اتھا جیہڑا ناں وی ھا او جت ویندے ول باقی چار کھیݙدن تے ول اوہو کھݙکار ول پنجے ناں گھندے ویندا تے انگلیں تے ہتھ رکھیندے ویندا ول جتھاں انگلیں مک پوسن ٻیا کھݙکار پڳ ویسی.
مثال دے طور تے پہلے بندے ݙو، ݙوجھے نے پنج، تریجھے نے ہک چوتھے نے وی ہک پنجویں نے چار انگلیں رکھین اے کل تیراھاں انگلیں بݨڑدین تے اسو پنجو دے ݙو چکر پورے تے ول تریجھے ناں تے انگلیں مک ڳیاں مطلب تریجھا ناں ھ، ھار تاں ول ھار پڳ ویسی پچھوں چار کھݙکار بچ ویسن. ول اے چار بندے انگلیں تلے رکھسن. ھݨ پہلا بندہ ہک، ݙوجھا، ترائے، تریجھا ول ہک تے چوتھا ترائے انگلیں رکھیس تاں ول اے ھار تے انگلیں مکسن، ھار پہلے پڳ گے ایں وجہ توولا انگلیں رکھسن، جݙاں اے انگلیں کہیں ٻئے ناں تے مکسن او پڳ ویسی ایویں سارے پڳ ویندن تے چھیکڑی ہک بندہ بچسی. جیہڑا چھیکڑی ہوسی او معافی منگݨ وانگ ہتھ ٻدھ ٻاہسی تے باقی واری وار اوندے ہتھاں تے تھپڑ مریسن، جݙاں جو ہرݨ والا اوں تھپڑ کول اُک چُک کریسی. جݙاں تھپڑ چک ویسی ول ٻئے دی واری آسی ول ٻئے دے تے ول چوتھے دی. کجھ جاہیں تے اے وی کار ہوندے جو تھپڑ پہلے مکا گھندن مثال دے طور تے ہر بندہ ݙاہ تھپڑ مریسی انہاں ݙاہ تھپڑاں وچوں وی ہرݨ آلا پہلے چکا ونجے تاں اوں بندے کول جند چھٹ ویندی ھ. اتے تھپڑ پورے تھیوݨ یا ساریں دی واری مک ونجݨ دے بعد کھیݙ ول مُݨ مُنݙھوں شروع تھی ویندے ھ. اتے اے سلسلہ ایویں چلدے پیا




#Article 345: اسپین (343 words)


ہسپانیہ (انگریزی میں Spain، اردو وچ ہسپانیہ یا سپین) سرکاری طور تے مملکت ہسپانیہ (Kingdom of Spain) کاستین، کتالان، باسک سمیت بہت سارے قدیم قوماں دا ملک ہے۔ مغرب دی جانب اے پرتگال، جنوب وچ جبل الطارق تے مراکش تے شمال مشرق وچ انڈورا تے فرانس دے نال ملدا ہے۔

براعظم یورپ دے جنوب مشرق وچ بحر اوقیانوس، آبنائے جبل الطارق اتے بحیرہ روم نال ملحق، ملک سپین وچ واقع ایک بڑا گنجان آباد علاقہ ہے۔ ایں علاقے کوں اندلس اہدن۔

اندلس براعظم یورپ دے جنوب مشرق وچ بحر اوقیانوس، آبنائے جبل الطارق تے بحیرہ روم نال ملحق، ملک اسپین وچ واقع ہک وݙا گنجان آباد علاقہ ہے۔ جس تے 19 جولائی 711ء کوں مسلمان سپہ سالار طارق بن زیاد نے بادشاہ راڈرک (رودریگو)کوں شکست ݙے کے قبضہ کیتا ہئی۔ سلطنتِ رومہ والے اس ملک کوں ہسپانیہ آہدن ہن۔ اے جرمن قوم واندلس (Vandalus) نال موسوم ہے۔

اسپین وچ زیادہ تر لوگ مسیحی مذہب کوں منیندے ہن۔ 76 فی صد ہسپانیہ دے باشندے مسیحی ہن۔ 2 فی صد باشندے ݙوجھے مختلف مذاہب نال تعلق رکھدے ہن تے 19 فی صد ایسے لوگ ہن جیہڑے اللہ دے وجود کوں نہیں منیندے۔ ہسپانیہ دے ہک عمرانی تحقیقاتی ادارے نے ہک مطالعے دی روشنی وچ اے ڳالھ واضح کیتی اے  کہ جیہڑے 76 فی صد مسیحی ہسپانیہ وچ موجود ہن انہاں وچوں 54 فی صد لوگ بہت ہی کم یا نہ ہووݨ دے برابر گرجا گھر ویندے ہن۔ 15 فی صد لوگ سال وچ ہک یا ݙو مرتبہ گرجا گھر ویندے ہن۔ 10 فی صد لوگ مہینے وچ ہک یا ݙو مرتبہ گرجا گھر ویندے ہن تے 19 فی صد لوگ ایسے ہن جیہڑے ہر اتوار تے ہفتے وچ کئی مرتبہ عبادت دی غرض نال گرجا گھر ویندے ہیں۔ 22 فی صد اسپین دے رہوݨ والے لوگ ہر مہینے مذہبی تہواراں وچ حصہ گھندے ہن۔

سپین وچ ملک دا سربراہ بادشاہ ہے اتے موجودہ بادشاہ دا ناں خوان کارلوس اول (Juan Carlos I)ہے، سپین وچ پارلیمانی نظام ہے جیندے ݙو ایوان ہن: سینیٹ (ایوانِ بالا) اتے کانگرس (ایوانِ زیریں)، حکومت دا سربراہ وزیر اعظم ہوندا ہے. 




#Article 346: اشرف جاوید ملک (1347 words)


اشرف جاوید ملک نے بہاء الدین زکریا یونیورسٹی توں اردو تے سرائیکی وچ فرسٹ ڈویژن ایم۔اے ا تےاین سی بی اینڈ ای کالج توں اردو وچ ایم فل کیتا ہویا ہے۔اوہ جدید سرائیکی نظم تے گیت دے معروف شاعر تے لکھاری ہن  ۔

ساوݨ آ ڳئے
کھجاں دا ُ ُمکھ
 
ساوا تھی گئے 

ساوے ُ کچ ہن واڑ 

ِ پنڈ پک ڳئی اے 

ِ ِ تل ُ پھل چئی پئن
 
وسݨ کار ِ ِہن ماڑ

دریا خوش ہن 

ساوݨ آ ڳئے

ٙ ٙ تل وسیب ہوا 
دی شوخی 

وچِ ِ گھماٹ اے 

چندر چناب اچ 
دھاوݨ آڳئے

ول بھا ہ لگ گئ ہے 

لہجے دے مسماء دے

وچوں

ِ ِ چخاہ نکلیئے 

ڈو جی

بولئین

بھاء لگ گئ ہے

وس وسیب دے 

شہر قبولے 

بکھ تریہہ توں ُُ 

ُ ُ کونجاں مرگئین

مظلومیں دے ساہ دے 

وچوں 

ِ ِ ِ چخاہ نکلیئے 

بھاہ لگ گئ ہے 

ُ ُ ُ سکیاں جھیلاں دا 

تل ُ رنے 

اپݨیں حالت دے 

تھل ُ رنے 

روپے دے مُل کوں 

شہیں،سوچاں،رشتیاں، 

رتاں ، 

یار ملݨ دے ہر موسم کوں 

بھاہ لگ گئ اے 

لوک مقامی ،غیر مقامی 

فرقہ ،مذہب 

قوم قبیلہ ، تو کیا ?

میں کیا ? 

انساناں جو فرق ورادھن 

انسانیں دے

نفع والے ہر ہک کم کوں

بھاہ لگ گئ ہے 

کھیر تاں کھیر ہئ 

چھاء پھٹ گئ ہے 

چھاء دے وچوں

ِِ چخاہ نکلیئے 

بھاہ لگ گئ ہے 

بھاہ لگ گئ ہے

اشرف جاوید ملک

محبت سانگے

اپݨیں اندر دا ودھایا ہویا ڈر کھاندا ِھم 

تیڈے ویہڑے دا ولایا ہویا در کھاندا ِھم

شہردی بھیڑ دے وچ کوئ سنجاُپوکاِئنھم

گھردےِوچِ پیررکھینداہاں تاں گھرکھانداِ ھم

ویلہاہوواں تاں شریکاں دے سہاپ ِہن ُسنج اے 

دنیا ماݨاں تاں کمایا ہویا زر کھاندا ِھم

ِ گھنآں دریا دا ِکنارا تاں ُبڑیندئم پاݨیں 

ریت وچ ُٹراں تاںُ دھپاں دا بھنور کھاندا ِھم

گالہہ ُ کوڑی جو کراں لوک منافق آہدئیم 

سچ بولیندا ہاں تاں وستی دا ِشمر کھاندا ِھم

رات دھمݨ تئیں سینے اندر

پوہ دا پالا وسدا رہندے

کوٹھے اندر کچی کندھ دے

مکھ موئیاں دا ہسدا رہندے

جیوݨ شال ہنڈھاوݨ لازم

تن اپݨیں کوں کجئی راہنداں

مُونجھیں دا پݨیال دھمی تئیں

اکھیں وچوں رسدا رہندے

سئیت ہے اٹھ ڈینہواری جھڑی

چڑھ اسمانیں کھڑ ویندی ہے

بھانویں جیڈے منتر پڑھوں

ُمشکی وانگوں لڑ ویندی ہے

خوابیں دیاں ست رنگیاں چیڑیاں

ہولے ہولے مردیاں ویندئین

جنگل سوڑے تھیندے ویندئین

دریا ُسکدے ُمکدے ویندئین

ُرت بدلݨ دیاں آساں اشرف

روہی وانگ ِودھردیاں ویندئین

پیپل جالہہ شرینہہ تے بوہڑیں

ہک جہاڑے ڈِھگ تھی راہسن

دشمن دار ماحول دے ہتھیں

اندریں اندر پنگھردیاں ویندئین

واندھ چنانہہ تے سندھ دریا دی

ُسک گئی تاں وت کیویں جیسوں

رڑھیں ڈنگر ڈھور نہ رہسن

جے  ساڈے  دریا  نہ وہسن

کتھوں مٹھڑے پاݨیں پیسوں ؟

اللہ کرے ایں نہ تھیوے

دریا ُسکئین '

جنگل ُمکئین

ہسدی ِکھلدی وسوں ساڈی

ڈوجھا چولستان نہ بݨے

آوو آپݨیں مینہ دی خاطر

چیلک والے ڈینہہ دی خاطر

سُورج ُمکھی تھی کے سوچوں

نویں لیکھ دے ِسجھ کوں لوچوں

اپݨیں دریا چارھے کروں

شہراں دے وچ جنگل لاءوں

جنگل دے وچ منگل لاءوں

اشرف جاوید ملک

چاچا نورا ڈو بینڈ دا سعودیہ آلا ریڈیو کچھ اچ پا کے دیگر نال بی بی سی دے ٹیشن دیاں خبراں دا تانگھی تھی ونجے ہا، ڈاند رہڑی ودھا ،ڈاند کیکر دی چھاں تلے بدھ کے پالہا تھیوݨ بعد ،پہلے آل انڈیا ریڈیو دی اردو سروس ،لتا تے رفیع دی آواز ، پیارے لال تے آر ڈی برمن دیاں دھناں تے طبلے دی سنگت چاچے نورے دی ٹالی تلے سٹی ہوئی منجی ، پگو دے واندھے پاݨیں دے نغال دیاں موسیقی دے ُ سر کھنڈیندیاں اوازاں ،بالہاں دا ککاریاں مریندیں ہوئیں وݨاں تلے ہک بئے دے پچھوں دھروکڑیاں لاوݨاں ،ایں سارے ماحول کوں انڈین گیت گرماون ہا ،تے چاچا نورا سراݨاں سر تلے رکھ تے سمے ہا ، کچے امب پھودنے ،ساویاں مرچاں تے ٹماٹراں دی چٹݨی ،ہک ڈو پیلے پکے پکے خربوزے تے کچے وصلاں دا نبو دے رس آلا سلاد ،مکھݨ نال چوپڑیاں ہوئیاں او روٹیاں جہڑیاں چاچی فضلاں دھمی ویلے تنور بال کے پکائیاں ہن ، ترے وجے ڈینہہ کوں ہک چنگیر اچ جڑئیاں ہوئیاں چاچےنورے دے سامݨے ہوون ہا ، چاچا چوپڑیاں روٹیاں آلے تھندے ہتھ نال مچھاں کوں ُ کولا ہتھ مار کے انگلیں دا مروڑا ڈیوے ہا تاں ایویںں لگئیے آ جو ایں پرے تئیں دگری وستی اتے چاچے نورے دی حکومت اے ،وستی اچ صرف ہوندے کول ای ایہو جیاں ڈبہ ہے جہڑا بی بی سی دے ناں نال سچیاں خبراں سݨویندے ،حق سچ پاروں اے ریڈیو کلہا سپاہی اے جہڑا امریکہ دے چٹے کوڑاں دے خلاف ڈاہڈی جنگ لڑدے ، چاچا نورا بی بی سی کوں غریب ملکاں دا خیرخواہ سمجھدے ،پوری دنیا اچ امن اے ، 65 دی جنگ ،اسرائیل تے فلسطین دے قبضے وچ پھتھے علاقیاں پاروں تھیوݨ آلے تنازعے ، کوئ ہلکے ہتھیاراں نال فائرنگ داواقعہ ، پر اے معاملے وی چاچے کیتے بہوں اہم ہن ،او فلسطین کوں آزاد ڈیکھݨاں چاہندے ، اسلامی ملکاں کوں ہک مٹھ ڈہدے تے کشمیر دے معاملے کیتے بے چین اے ،گاوی لسی دی گڈوی پی کے ،او تسلی دا ڈکار ڈیندیں ہوئیں ،شور کریندے بالاں کوں دڑکا چڑھیندے ،تاں بالہہ گھراں در ُدوس لیندئن ،دیگر 6 وجے ریڈیو دی سوئ 1035 کلوہرٹز دے آندی اے ،ملتان دے سٹیشن توں ،مہر تے ملک دا پروگرام ۔۔جمہور دی آواز لگ ویندے ،چاچا منجی سراݨاں تے ریڈیو چیندا ، گھر دے کچے حویل دے وڈیل سرے دے کھٹ سٹ کے پروگرام سݨدے ،چاچا عاشق، چاچا محمد حسین ،چاچا فیضو تےاساں چھوہر چھٹکر ریڈیو دے نیڑے آ لگدے ہیں ، جمہور دی اواز بعد ،ڈرامہ لگسی ،،،نکا کاکا ،وڈا کاکا ،، زنانیاں چلہاݨے دے چوکیاں اتے بہہ کے حال حویل دی بیٹھیاں سریندئین ،، اہم گالہہ چاچے نورے دے پتر ،،ِ میرے ،، تے اوندی سوتر بختو دے رشتے دی اے ، ِ میرا،، بختو دا دیوانہ اےتے بخت وی اوکوں پسند کریندی اے ، پر چاچے نورے دے وڈے بھرا ،شبیرے کوں ،بختو ،،ہک اکھ نی بھاندی ، کیوں جو او بختو کوں ، ،ِ ِ میرے ِ،، دے مقابلے وچ ان پڑھ تے آواری سمجھدے ، ِمیرا ،ڈاہ جماعتاں پاس اے تے او خودکوں ہݨ امیر بخش سڈیجݨ پسند کریندے ،،،تے بی بی سی دے پروگرام سیربین ،،، بارےاوندے تبصرے ساری وستی وچ منئیے تے جاݨیئے ویندئین ،،، وڈی حویلی اچ کھٹاں سٹیج گئین ، ڈنگر ڈھور بھاݨیں بدھ کے ، ِ میرا ،گھر دی چھت دےکھٹ گھت کے ستا پے ، پاݨیں دا وارہ بدھݨ کیتے کہی کول پئ اے ،بارہوں باغ آلے پاسوں ِ گدڑاں دیاں اوازاں ہن ، کتے بھونک بھونک ِ گدڑاں کوں ڈریندے پیئن ، رات دے ہک وجے دا ویلا اے ، گھر دے بارہوں باغ اچوں رووݨ تے دھاڑ بڑنڈ دی اواز اے ، چاچا نورا ڈانگ چا مچھ کوں وٹ ڈیندا ،منجھلی دی ٹیبک بدھیندا باغ آلے پاسے بھجا ویندے ، بختو دے رووݨ دی اواز اے ، پر اتھاں کوئ بیا بندہ نی نظر آندا پیا ، بختو ، امب دے گھاٹے گھیر آلے پاسے اشارہ کر کے دھاڑ کیتی اے ،،،، ہائے اللہ میں ُ لٹیج گئی آں ،،، چاچے نورے امب آلے پاسے ڈانگ بھنوائ اے ، ِ میرا کوٹھے دی چھت دوں درک مار کے بھجے ، چاچا نورا بھوئیں دے ڈٹھا پئے ، ڈڈھ وچوں خون پیا سمدے ، چاچا دے چھیکڑی ساہ ہن ، زنانیاں ویݨ پیاں کریندین ،، کئ بندہ تکھے قدمیں بھجدا ہویا ، باغ اچ گم تھی گے ، جیندے ہتھیں ،ایں وستی اچ پہلی واری لوکیں بندوق ڈٹھی اے ،،، وستی دا پہلا بندہ گولی نال مارئیا گئے ، گولی چلاوݨ والا چاچے شبیرے ،کنوں علاوہ بیا کئ نی تھی سگدا ،،، پر ، ہک گالہہ بہوں عجیب اے ، ،ِ میرے دا سوتر چاچے شبیرے دا پتر ،، بہوں گھابرئیا ہوئے ،،، وستی دے سارے لوک اے جاݨدئن جو چاچا شبیرا بندوق چلاوݨاں نی جاݨدا ،،،،، میرا ،بختو ،،،تے سارے گھر آلے چپ ہن ، وستی چپ اے ،، چاچے شبیرے دی اواز نی پئ نکلدی ،،، وزیرا دھاڑیں مار مار کے روندا پے ،،،، بی بی سی توں رات دا چھیکڑی بولیٹن ،،،پشتو وچ نشر پیا تھیندے ،، دا لندن دا ، دا بی بی سی دا چلنڈو پرستوخ پاراوانا دا ، دئ دا مخپریجی ،،،،، پر اج چاچا نورا چپ اے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔




#Article 347: اشفاق عارض (224 words)


اشفاق عارض سرائیکی شاعر ہے۔

ظرف رکھ اتناں وسیع چند لفظ کہیں دے ماء ونجن

ظرف کوں جے حرف دی کائینی طلب گالہیں نہ کر

اشفاق عارض

بنڑ مورنڑ شہر نگر تیڈے۔تیڈے قرب دی چاہ تے چھج ویچم

میڈے پوہ دے پندھ انڑ گینڑویں ہن بیا ہاڑ دی بھاہ تے چھج ویچم

تیڈی جھوک کوں لگدن دگ جتلا کھڑ ھک ہک راہ تے چھج ویچم

ہر کوچہ کیچ لگےعارض میں جئیں جئیں جاھ تے چھج ویچم

میڈا بٙھرم جہان تے بٙچ پووے تٙگ قُرب دی آڑ تے پٙئی راہوے۔

ہٙر میل تے رسماٙٙ جھالو بٙݨ روح رٙسم دی باڑ تے پٙئی راہوے۔

بٙئی ہُجت نہ مٙن کئ عارض دی پٙر پٙت اٙگواڑ تے پٙئی راہوے۔

ہوویں سامݨے ہٙر ہِک پٙل میڈے سِک سئیں کوں تاڑ تے پٙئی راہوے

شاعر۔۔۔۔۔۔اشفاق عارض

میں ڈِٹھیمی کون کہڑے دگ تلک ویندا کھڑے

ایں جہان ءچ ہر بشر ہیں جگ تلک ویندا کھڑے

نِس منگیا اوں ذات کولوں بۓکنوں منگدا ریہے

تونڑیں جو ساہ ساہ اوندا شاہ رگ تلک ویندا کھڑے

لب تےحی علی الفلاح دی  گالھ پر واعظ دا دل

دور توں آئ دول دی دھگ دھگ تلک ویندا کھڑے

پیو جو سمجھیندے تاں پُتر اہدا کھڑے چپ کر تے بہہہے

یعنی کے ہُنڑ پتر پِیو دی پگ تلک ویندا کھڑے

دور_حاضر دی حقیقت کر ڈتِم عارض بیاں

دل دا جھیڑا لفظ دی بس تگ تلک ویندا کھڑے




#Article 348: اشلوک (232 words)


اشلوک ݙوں یا ݙوں توں ودھ مصرعیاں دی ایجھی نظم کوں آکھیا ویندے جیکوں کہیں اللہ آلے بزرگ لکھیا ہووے۔ ایندے وچ موضوع مواد  کوئی پابندی کائنی ۔ حمد نعت وغیرہ کنوں لاتے کہیں ظالم دے ظلم تے قہر توݨیں دیاں ڳالھیں ملدئن۔ 

خواجہ فرید الدین مسعود گنج شکر  دا کلام اشلوکاں دی شکل وچ ہے۔ انھاں دے اشلوک کہیں خاص کتاب دی شکل وچ ہتھ نھیں لڳے بلکہ محفوظ وی نھیں رہ سڳے۔ البتہ کجھ اشلوک سکھاں دی مذہبی کتاب گروگرنتھ جی وچ ضرور شامل ہن۔ ایہ اشلوک سکھاں ے مذہبی رہنما بابا گورونانک نے کوٹھیوال آتے کٹھے کیتے ہن۔ تے انھاں کوں آپݨی ہک بیاض وچ لکھ گھدا ہائی۔ ایہ اشلوک بابا فرید الدین گنج شکر دی وفات دے بعد کٹھے کیتے ڳئے ہن۔ ایہ بیاض سکھاں دے ہک رہنما گورو ارجن دیو دے لڳی تاں اُنھاں اشلوکاں کوں گورو گرنتھ جی وچ شامل کر چھوڑیا۔ ایہ تقریباً ترائے چار سو سال بعد شامل کیتے ڳئے ہن۔ 

بابا فرید الدین سرائیکی زبان چنگی طرحاں ڄاݨدے ہن۔ تے سرائیکی اشلوک وی انھاں دے لکھے ہوئے ہن۔ بلکہ انھاں اشلوکاں وچ  فارسی، عربی، سرائیکی ہندی زبان دا ہکو جیہا اثر پاتا ویندے۔ تے انھاں دا مٹھاج وی خوب ملدے۔ بابا فرید الدین مسعود گنج شکر  دے اشلوکاں وچ انھاں دی شاعری دا نگ ݙیکھ سڳدے وے:

فریداؔ  کالے میݙے کپڑے ، کالا میݙا ویْس

گناہیں بھریا میں پھراں ، لوک آکھن درویْش




#Article 349: اشو لال (6241 words)


اشو لال سرائیکی زبان دا شاعر ہے،

اساݙے آسے پاسے دی ہر او شئے جیڑھی کہیں جاندار دے شعور تے زندگی کوں متاثر کریندی ہے، او اوندا ماحول اکھیندی ہے۔

شاعری آپݨے حالات، واقعات تے ماحول دی ترجمان تے اوں ماحول تے معاشرے دی عکاس ہوندی ہے جیندے وچ شاعر راہندے۔ مارکس کتھائیں آکھیا ہا جو ہر ذہن، ہر ادیب آپݨے موجودات توں متاثر تھیندے تے وت ہوندے توں آپݨے مستقبل دا ہک وژن یا شعور پکا کریندے۔ کارل مارکس دا ایہ نظریہ اساں آپݨے مقامی ادب تے لاڳو کروں تاں سولہاں آنے سچ ثابت تھیندے۔

اساݙے آسے پاسے دی ہر او شئے جیڑھی کہیں جاندار دے شعور تے زندگی کوں متاثر کریندی ہے، او اوندا ماحول اکھیندی ہے۔ نامیاتی جُسے (Organisms)تے انہاں دے فطری ماحول دے مطالعے کوں ماحولیات (Ecology)آکھیا ویندے۔ (۱) ایندے وچ نامیہ جُسیاں دے ہک ٻئے نال تعلق دا مطالعہ وی کیتا ویندے، جو ایہ ماحول یا ایندے اڳوں پچھوں دی وَسوں بندے تے زناوراں دے نال نال ساری حیاتیات دی صحت اتے اثر انداز تھیندی ہے، ایں طرانویں ماحول دی جڑت وجہ کار ایں علم کوں ماحولیات دا ناں ݙتا ویندے۔ ماحولیات ہݨ ہک سائنس دے طور تے سوسائٹی تے فطرت دے آپس دے میل میلاپ تے رشتیاں دا مطالعہ کریندی ہے۔ سماجی ماحولیات دی ہک ٹِنگ ماحولیاتی تنقید ہے۔ (۲)

ماحولیاتی تنقید (Ecocriticism)تنقید دا ہک نواں نکور رجحان ہے جیڑھا ادب تے طبعی ماحول دے انہاں رشتیاں دا مطالعہ کریندے، جنہاں کوں قدیم، کلاسیکی، جدید تے ما بعد جدید ادب وچ نشابر کیتا ڳئے۔ ماحولیاتی تنقید ادب تے فطرت دے وچ تعلق تے ماحولیاتی بحران دے اسباب تے سوال قائم کریندی ہے۔ ماحولیاتی تنقید کوئی ادبی تھیوری اصلوں کائنی ایہ ساختیات، مارکسیت، تحلیل نفسی تے تانیثیت وانگوں ہک مطالعے دا طرز ہے، جیڑھا ادبی تخلیقات دے مطالعے کیتے ہک زمین مرکز منہاج اختیار کریندی ہے۔ ماحولیاتی تنقید ٻیاں معاصر تنقیدی نظریات وانگوں انسان مرکز (Anthropocentrism)اصلوں کائنی، ہکو جو انسان دے جنسی، نفسی تے لسانی تجربات کو آپݨا موضوع بݨاوئے، ایہ فلسفہ ایندے توں بالکل پُٹھا ہے، تے ایہ زمین/ ماحول مرکز ہے۔

ماحولیاتی تنقید ادب تے فطرت، فطرت تے ثقافت دے رشتیاں اُتے توجہ کریندی ہے۔ تنقید دے باقی نظریات آفاقیت نال ونڄ جُڑدِن تے ایہ ماحولیاتی تنقید مقامیت نال جڑیا، زمینی فلسفہ ہے۔ ماحولیاتی تنقید ایجھیاں صنفاں تے ہیئتاں کوں مرکزِ مطالعہ بݨیندی ہے، جنہاں وچ خارجی مظاہر دا بیان زیادہ ہووے۔ ماحولیاتی تنقید دا ایہ کمال ہے جو او سائنس،ٹیکنالوجی دی اجارہ داری تے سیاسی مقتدرہ کوں چیلنج کریندی ہے۔ (۳)

ماحولیاتی تنقید یا ماحولیاتی فلسفہ فطرت دیاں جبلی قدراں اُتے اصرار کریندی ہے تے انسان دے فطرت دے ثنویت (Athropocentric Dualism)کوں ماحولیاتی بحران دا سبب قرار ݙیندی ہے۔ ایں واسطے فلسفہ ماحولیات بشر مرکزیت (Anthropocentrism)دی جاہ جِند/ حیات مرکزیت (Biocentrism) دے فلسفے کوں اہمیت ݙیندے۔ بشر مرکزیت دی بجائے ایہ فلسفہ ماحول اساس ہے، انسان تے باقی مخلوقات ہکو جہیئں شہری حقوق رکھیندن۔

ماحول پسند مفکرین سائنس تے ٹیکنالوجی تے جدید صنعتی معاشریاں تے معیشتاں کوں ماحولیاتی بحران، عدم توازن تے وسائل دی کمی دا ذمہ دار قرار ݙیندن ماحولیاتی فلسفے نال جیڑھے مطالعات کوں پہلے ماحولیاتی تحقیق، سبز ثقافتی مطالعات، سبز انتقاد تے ماحولیاتی شعریات دا ناں ݙتا ڳئے۔ ماحولیاتی تنقید دی اصطلاح سبھ توں پہلے ۱۹۷۸ء وچ ولیم روئیکرٹ آپݨے مضمون ”ماحولیاتی تنقید ہک تنقیدی تجربہ“ وچ ورتی ہئی۔

اشولال دا چوتھا مجموعہ ”سندھ ساگر نال ہمیشاں“ ہے (پہلا درشن)، (۲۰۰۲ء) جیڑھا سندھ وسوں دے دریاواں ایندے لینڈ سکیپ تے پکھی پہارواں کوں آپݨا موضوع بݨیندے۔ اشو سئیں لکھیندن:

ماہرین حیاتیات ایں ڳالھ کوں منیندن جو ہکو انسان ای ایں بھوئیں تے ارتقاء دا مقصد اولیٰ اصلوں کائنی۔ ڈارون وی ایں ڳالھ کوں منیدے جو بندہ ہک چھیٻل/ کائی توں وَدھ اہم کائینی۔ فطرت پسنداں دے نیڑے فطرت وچ کجھ وی اُچا جھکا، پہلا، ݙوجھا تے چنڳا مندا اصلوں نئیں ہوندا۔ فطرت وچ تاں حیاتی ہوندی ہے جیڑھی ہک توں بعد ٻئی شکل وچ ڄاپدی ہے۔ ایں ”وسوں“/ ”کرہ حیات“ (Bio Sphere)دی کوئی شئے بے مقصد کائینی، ہک پھپھوندی جیڑھی ساریاں شئیں توں حقیر سمجھی ویندی ہے، او وی مُک ونڄے تاں ایندے نہ ہووݨ دی وجہ توں جنگلات مُک ویسن، جنگل مُکسن تاں ساری آب و ہوا معدنی نظام تے ماحولیاتی توازن وِڳڑ ویسی تے درجہ حرارت ودھ ویسے، جیندے نال ساری ”وسوں“/ ”کرہ حیات“ (Bio Sphere)دا حیاتیاتی نظام تہس نہس تھی ویسے۔

ایں توں ہٹ کے بندے بارے کرسٹو مینز آکھیئے جو ایندے غائب تھیوݨ یا مُکݨ نال باقی جانداراں دی اکثریت تے اصلوں کوئی فرق نہ پوسے۔ (۶) ایں تصور وچ کائنات دی ہر مخلوق برابر، ہک جُز تے آپس وچ گندھی ہوئی اے۔ حیات مرکز اخلاقیات انسان تے فطرت دے رشتے تے زور ݙیندی ہے۔ اشو دی شاعری دا بندہ ایں بھوئیں ڄایا ہے، او ایں وسوں دے مور مہاݨے، جھٻیل، کہیل، کٹاݨے ہن۔ جنہاں بشر مرکزیت (Anthropocentrism)دی بجائے جند مرکز (Biocentrism)دا رشتہ ایں بھوئیں نال جوڑیا ہویا ہے۔

اشو لال دی شاعری بندہ مرکزیت سماج دیاں خامیاں تے خرابیاں کوں واضح کریندی ہے۔ بندہ آپݨی وسوں دا آپ دشمن ہے۔ اونکوں ایہ اصلوں نی پتہ جو جیڑھی تباہی او مچیندا ہے، ایندے آپݨے حق وچ کتلی خطر ناک ثابت تھیسے۔ ”کتھا ہرݨ“، ”کتھا سارنگ“، ”کتھا ہنس“، ”کتھا کونج“، تے ”کتھا ٻلہݨ“ دے نال نال انہاں دریائے سندھ اوندے ٻیٹ ٻیلاں دیاں کتھاواں وی بیان کیتن۔ انہاں کتھاواں وچ انسان مرکز سماج دے انسان دے ظلم، تے فطرت دی بھن تروڑ تے سفا کی دا بیان کیتے نے:

ایہ وی بھل ڳئے ہیں کیں ماریا ہا

کئیں کٹھا ہے ایہ وی بھل ڳئے ہیں

جیں بھؤ آپݨے دی بھال وچوں

بندے نال بندوخ بݨائی ہے

وسوں آݨ اُڄاڑی جیں آپݨی

جیں لیہہ آپݨی وسمائی ہے

جیں ویچی ہے مُل کوݙیاں دے

ہتھوں جنت آپ ونڄائی ہے

اوں آدم کوں دلوں خون آپݨا

اساں ماف کیتا، اللہ ماف کرس

(کتھا ہرن )

کیا ولدا ݙیوں کئیں لکھی ہے

ہتھ مورکھاں دے تقدیر آپݨی

کتھاں کھل آکھوں پُھل پکھیاں دی

ہتھوں آپݨے دور اݙا ٻیٹھے

پھل کیسر نال دھتوایاں دے

کتھاں آپݨے یار وٹا ٻیٹھے

کنڈے چا ٻیٹھے ایں کنڈ اتے

اوں کنڈ اتے کنڈ چا ٻیٹھے

انسان آپݨی ضرورت موجب ڈیم تے بیراج بݨا تے، نہراں وچوں کڈھ تے دریا سکا چھوڑن تے درخت نویں لانوݨ دی بجائے پہلے آلے وی ختم کر چھوڑن۔ دریا جیڑھے سیڑھ مار تے واہندے ہَن اُو ہݨ جھاڳے بݨ تے رہ ڳئیں، جنگل جیڑھے اتلے گھاٹے ہن، جو انہاں وچوں نانگ وی نہ ٹپ سڳدے ہن، ہُݨ انہاں جنگلاں دے گھانگھے پٹ ݙتے گئیں، ہُݨ ایہ جنگل صرف لانگھے بݨ تے رہ ڳئین:

تھیا دریا جھاڳا جھاڳا

تھئے جنگل لانگھے لانگھے

وسوں آپ اُڄاڑی متراں

وسوں آپݨی دے وابھا نگے

سوہݨاں سندھ سائیں تیݙے نانگے

ڈھنڈیں پور کے سوہݨاں سندھ سائیں

کتھاں ٹھیکے تے چھل چڑھ ڳئی اے

ٻہہ ݙوھ ݙیووں کیہاں کرلاں تے

ہتھ کرلاں دے مچھی آپ لڳی

ایں وݨ دے نال نہال اساں

اوں وݨ دے نال نہال اساں

اشو دی شاعری دا بشر خود آپ حیاتیات، نباتات تے جمادات نال اونویں حیاتیات، نباتات تے جمادات بݨ تے بشر مرکزیت فلسفے دی رد تشکیل کریندے۔

پپلاں دے پتر اساں، لائیاں دے ٻور اساں

نال دی نال اساں، دوری دی دور اساں

شام دی رنگ وچوں کروں رنگ لال ولا

سندھو تیݙی سیندھ اندر، بھروں سیندور اساں

اساں وی تُل گھندے

پکھی جے یار وکاؤ ہوندے

اساں وی مُل گھندے

کہیں کندھلی تے کاں بݨ ٻاہندے

آپݨے اڳوں رَہ ویندا اینویں

کہیں ݙینہہ کالے کاں دے اندروں ٻول وے

تیکوں تاں پُھل بݨا کے رکھساں ڈھول وے

تیݙے تاں ناں دا کھوہ کھٹویساں کھوہ اُتے

تیݙے تاں ناں دی جوگ جویساں ڈھول وے

تیݙے تاں ناں دی شے گھنساں کوئی چنڳی جھیئں

تیݙے تاں ناں توں ونڈ ورتیساں ڈھول وے

تیݙے تاں ناں دا باغ لویساں باغ وچ

تیݙے تاں ناں دا وݨ تھی کھڑساں ڈھول وے

اشو سئیں محبوب کوں پھل بݨا کے رکھدن تے اوکوں وسوں آلی کار آدر پئے ݙیندن۔ ایں وسیب دا عاشق محبوب دے ناں دا وݨ بݨ کھڑدے، تے او محبوب کوں ہک وݨ وانگوں فیض پچیندے۔ ایہ ہک مقامی بندہ ای ڄاݨدے جو ہک وݨ دی کیا اہمیت ہے تے اوندا فیض کے جتلا ہے۔ اشو سئیں دی شاعری دا محبوب اپݨی بھوئیں تے ایں بھوئیں دا تل وطنی ہے۔

دریا او دریا پاݨی تیݙے ݙونگھے

توں ساݙا پیو ماء اساں تیݙے پونگے

دریا او دریا پاݨی تیݙے ساوے

اوہو ویلا ہر دم جیڑھا نال راہوے

دریا او دریا تیݙے ساݙے سانگے

ہنساں دی صورت پاݨیاں دے وانگے

دریا او دریا دُھپ تیݙی تکھڑی

ٻیڑیاں وچ لنگھ ڳئی عمراں دی لکھڑی

دریا او دریا چَن تھیا پورا

لوڑھی پلوڑھی جیوݨ ادھورا

دریا او دریا جنگلاں دے سانویں

کہیں ݙینہہ تاں ہوسی خوشی ساݙے نانویں

دریا او دریا ݙسا دل دا جانی

کتھاں تیݙے پکھݨوں کتھاں تیݙا پاݨی

دریا او دریا اُچی تیݙی ماڑی

ماڑی دے اندر مونجھاں دی ماری

سندھ دریا ٻہوں مشکلات وچوں لنگھدا پئے۔ اکیہویں صدی دے منڈھ توں ای ایہ دریا آپݨے پندھ دے آخیرلے حصے وچ کئی سو کلو میٹر توڑیں سُک ڳئے۔ دریا سندھ دا ڈیلٹا کݙاہیں کئی سو کلو میٹر توڑیں ساوے سُکھے درختاں نال بھریا ہوندا ہا۔ گھاہ دے ذخیرے وی ہن، ایندیاں ݙھنڈاں وچ مچھیاں پلدیاں تے ایندے پاݨیاں وچ ٻلھݨیں تردیاں ہَن۔ ادھی صدی پہلے توڑیں انہاں جھائیں وچ پاݨی ہر ویلے رہ ویندا ہئی۔ پاݨی دے وہاؤ دے گھٹ تھیوݨ نال ادھ توں ودھ درخت مک ڳئین۔ ٻہوں ساریاں مچھیاں دے مکݨ نال سال پر سال دا نقصان ویہہ ملین امریکی ڈالر دے برابر ہے۔ ہُݨ تاں پیوݨ کیتے پاݨی وی مکیا ویندے۔ (۷)

اشو سئیں دی شاعری ایں مکدی وسوں تے ”حیاتیاتی سنگوڑ“ دے خلاف ہک مضبوط مزاحمت ہے۔ اشو سئیں دے چوتھے شعری مجموعے ”سندھ ساگر نال ہمیشاں“ (پہلا درشن) وچ سندھ دی لوڑھی پیش کیتی ہے۔

اشو سئیں ایں سُتے سندھ دیوتا کوں جڳاوݨ دا آہر کریندے۔ اشو سئیں سندھو سئیں کوں ہک وار ولا پہلے وانگوں جوبن جوانی وچ ݙیکھݨ چاہندے۔ شینہہ دریا کوں اینویں نچݨ، تے نچ کے ݙکھانوݨ دا آہر کریندے جیویں ہک ملنگ دول دی تھاپ تے نچدے۔ سندھ دریا اینویں ای نچدیں ہوئیں ہک وار ولا جھولی بھر تے آپݨے آبِ حیات سنویں پاݨی نال ہر شئے کوں حیاتی بخش ݙیوے۔ اشو سئیں سندھ کوں جاڳ ݙیوا تے اوندی چپ ترڑوا کے ایں بھوئیں دی روہی، تھل دمان کوں ہک وار ولا گلزار ݙیکھݨ چاہندن۔

اٹھی نال اپݨے انوں چھوݙکھلا، روہ اپݨے کوں ___تھل اپݨے کوں انوں کچھ ݙکھلا، اٹھی نال اپݨے

چنکی اہدے نئیں ایہا نند تیݙی موئے بندے وانگوں ___موئے بندے وانگوں ایہا چپ تیݙچنگی اہدے نئیں

تیݙے نال سدا ایہا دل آپݨی کوئی کیا سمجھے

بھانویں اللہ دی ہے، بھانویں رام دی ہے، تیݙے نام دی ہے

کݙاں ڄائے ہاسے کہیں مندے وچوں کہیں تھک وچوں

کہیں ݙنگ وچوں، کہیں کھچوں وچوں، کہیں مرہیں وچوں

بُٖک پاݨی وچوں، لَب ریت وچوں، کݙاں ڄائے ہاسے

کئی جنم کنوں جیڑھی نال آپݨے آندی لڑھدی ہے

راہ نال آپݨے کلہی لیٹ وچوں، کݙاں ڄائے ہاسے

اساں ناں ڳئے ملامتاں دے سوہݨا سندھ سائیں

تیکوں یاد ہوسی تیݙے پیٹ وچوں، کݙاں ڄائے ہاسے

جݙاں دا سندھو سئیں لمبی تاݨ کے ستے ہُوں ݙینہہ دی چَھل، جیڑھی سنج بیابان کوں آباد کریندی ہئی، او رُس ڳئی ہے۔ او سندھو کوں ولا جوبن وچ ݙیکھݨ چاہندن تے ایجھی چھل منڳدن۔ جیڑھی ست اسماناں توڑیں ہووے۔ ایں شینیہہ دریا دی پہلے وانگوں تراݙ، ایں شوہ دی اوہا پراݨی شوک ولا ݙیکھݨ چاہندن۔ اشو سندھو دے دشمݨ کو آپݨا دشمݨ سمجھدے۔ سندھو کوں ونڈݨ آلا، ایندا سودا کرݨ آلا تے ایندا رُخ پھیرݨ یا ایکوں برباد کرݨ آلا کݙاہیں ایں وسوں تے مقامی بندے دا سڄݨ نئیں تھی سڳدا۔

جیویں دل آکھے تیکوں ٹِھل پوؤں سوہݨاں سندھ سائیں

ہووے دشمن کوئی جان آپݨی دا، تیݙے صدق پچھوں

ہر ویلے توں، ہر پاسے توں، سب توں ای توں

سب توں ہی توں ہاں نال آپݨے، ہر حال اڳوں

کجھ ݙس تاں سہی ناں چوراں دے، مونہہ زوراں دے

جنہاں آݨ تیکوں سندھ لائی ہے، سوہݨا سندھ سائیں

ایں وسوں دے بندے دا پندھ اتے ایندی حیاتی سندھو سئیں نال جڑی ہوئی ہے۔ مقامی بندے سندھو سئیں دے ”دربھ کانے“ تے ٻوٹیاں نال وݙا تھی کراہیں ٹُرݨ سیکھے۔ اشو دے ہر شعر وچ ہر نظم لاہرے تے لوڑھی وچ سندھو سئیں نال نال کھڑے۔ ایہ اشو لال ای تھی سڳدے جیڑھا سندھ دریا کوں تن دا نیل تے اہرام آکھ سڳدے۔

اشو سئیں کوں ایں ڳال دی پوری سوچ دے ادراک ہے اساں سندھو توں پروبھرا تھیسوں تاں آپݨی تہذیب توں پروبھرا تھیسوں، سندھو توں پروبھری ہر تہذیب تے ثقافت اساݙی نئیں، نہ اساݙے حق وچ او چنڳی تھی سڳدی ہے، او تاں اُوپری تے پرائی تہذیب ہوسے۔ اشو سئیں دا ماحولیاتی ادارک ٻہوں ڳوڑھا ہے۔ او ڄاݨدن جو ماحولیاتی توازن کیا ہوندے؟ ایں سانگے انہاں کوں مکدیاں کالے کانواں دی فکر وی ہے تے گھاٹے جنگل برباد تھیوݨ دا ݙکھ وی ہے۔ انسان بے مہابی ترقی پچھوں تے نویں دنیا دی ڳول وچ آپݨا آپ ونڄا ٻیٹھے۔

اوں یار دی چنتا کون کرے، سوہݨا سندھ سائیں

بھلے جون کرے اساں پار ٻیٹھے، اروار ٻیٹھے

اٹھی ݙیکھ تاں سہی، تیکوں ٻدھ کے مارݨ آئی ہے

ہک ونڈ پچھوں ٻئی ونڈ آپݨی، سوہݨا سندھ سائیں

انہاں پاݨیاں دے اڳوں ننگا نہ تھی، متاں پاپ لڳی

متاں پاپ لڳی اماں آہدی ہے، سوہݨاں سندھ سائیں

تیݙے نال وساکھ دا چندر چڑھا کے نچݨا ہے

میلہ متراں نال مناوݨا ہے، تیݙے نال اساں

تیݙے نال اساں اندھے ازل کنوں، سوہݨاں سندھ سائیں

سوہݨاں سندھ سائیں، اندھے ابد تئیں تیݙے نال اساں

اساں لوک نماݨے نال تیݙے ہر حال تیݙے

توں نال ساݙے، ساݙا دُل دریا، ٻہوں بے پرواہ

سوہݨاں سندھ سائیں کتھاں ونڄݨاں ہے تیکوں کنڈ کر تے

بھانویں ݙھا لئی رکھ، بھانویں شوق ݙرا ٻہوں بے پرواہ

دریا نہ ہویا تاں ایہ رام کہاݨی مُک ونڄݨیں ہے۔ ہووݨ تے حیاتی دی اصل ایہ پاݨی ہے۔ اشو سئیں ایں متھ کوں ولا زندہ کریندن جو سندھو دیاں پاݨیاں نال منجھیں بݨݨ، ایندی مٹی وچوں اساݙے ݙاند بݨݨ، ایندے ڳل وچوں چٹے ہنس بݨݨ، کالی دھپ وچوں کالا جسا بݨیا ہے۔ سندھو دی چھَل وچوں ٻیڑی بݨی ہے۔ ہر شئے ایں دھرتی دی فطرت وچوں نسردی ہے۔ روہی وچوں اساݙے لوک گیت تے ݙاچیاں وچوں قصے بݨیے ہن۔ سندھو سئیں کوں آدر ݙیوݨ سانگے اشو آخیر تے سارے وسیب تے پربھ کوں کٹھا کر تے، ہک چندروکی رات ݙیوے ٻال تے سندھو دی مݨ تے لوڑھیاں پاوݨ ونڄ پڄدن۔

ݙیوے ٻال کے آپݨے جھل مل پاݨیاں تے

اکھیں نال تراوݨ آئے ہیں، اٹھی درشن ݙے

ہک سانوݨی نئیں، ݙو ساوݨیاں نئیں، ساری عمر ولا

تیݙے مناوݨ آئے ہن، اٹھی درشن ݙے

اٹھی پاݨیاں نال رلا آپݨے، سوہݨاں سندھ سائیں

اشو سئیں مویاں مُکداں دی ڳال ٹریندے تے ایں وسوں دیاں مویاں مُکداں شئیں کوں ولا آباد کریندے۔ ستلج، سک ویاس، گھاگھرہ، ہاکڑا، سرسوتی سبھ دریا مر ستن، ہُݨ انہاں دی وسوں نئیں لبھدی، میر مہاݨے نئیں رہ ڳئے…… نہ آبادیاں ہن، ٻس لبھدن تاں کھنڈر لبھدن۔

نئیں پتہ جو کہڑے پتݨ اتے

اوہے مور مہاݨے ملدے ہن

کتھاں رُل ڳیا ہے آکھو رستے وچ

یا آپݨا پاݨی خود پی ڳئے

جیں ڳولݨا ہے آپیں ڳول گھنے

ہݨیں لڑھدا لڑھدا گم تھی ڳئے

کتھاں آپݨے نال مراقبے وچ

او سک ویاس دی لیٹ پئی

نئیں پتہ جو پڑھ سہاڳݨیں ناں

کتھاں سُک ڳئی اے ولھ گھاگھرے دی

کہیں جنم کنارے جیوݨ دی

پوہ لڳݨی ہے یا نئیں لڳݨی

کہیں ہاکڑے نانویں سرسوتی

مناں وڳݨی ہے یا نئیں وڳݨی

چندر پچھانویں سکھ ویاس دا نال آپݨے

ساوا ہے ٻہوں درد اڄاں ندی چندر بھاڳی

چندر پچھانویں نال سنبھال کے رکھݨی تھئی

سکھ ویاس دی مونجھ مونجھ ندی چندر بھاڳی

چندر پچھانویں سوہݨی دا گجرات وسے

نال وسے چندر رات ندی چندر بھاڳی

بھانویں ہووے تار تار سر آپݨے توں

بھانویں ہووے ہاتھ ہاتھ ندی چندر بھاڳی

ہر ویلے مہینوال منٹھار نال آپݨے

ہر ویلے ہووے ساتھ ساتھ ندی چندر بھاڳی

چندر پچھانویں عاشقاں راہیں عشق والی

ہیر سیال دے جھلک والی ندی چندر بھاڳی

نال وصال دے ہر ویلے کہیں مزے والی

نال فراق دے ݙنگ والی ندی چندر بھاڳی

آݨ لڳاوے رانجھݨ آپݨے انگ ولا

سوہݨے آپݨے انگ والی ندی چندر بھاڳی

کوئی کیا ڄاݨے سبھ سوہݨیاں توں

ودھ سوہݨی ہے، ندی چندر بھاڳی

ٻلھݨ توں کہیں پُچھ ݙٹھا ہے/ دریا کیندا/ سݨو بھائی سادھو/ دریا اوندا

جیندے نال ہے دل دریا دی/ دریا اوندا/ جیندے نال ہے کھل دریا دی/ کُمیاں وانگوں

کچھووآں وانگوں / گِھل دریا دی/ دریا اوندا/ جیندے نام ہے اکھ دریا دی

کنج دریا دی/ ݙس مائی مچھی دریا کیندا/ مچھی ٻولی/ دریا اوندا جو دریا دا

باقی ویندے راہ دا

اشو سندھ دے ٻانہہ ٻیل دریاواں چناں (چندر بھاڳی) دیاں لوڑھیاں کریندیں اوندی وسوں تے اوندے لوک عشقیہ کرداراں وچوں ہیر، سوہݨی دی کتھا کریندن۔ چندر بھاڳی دی لوڑھی وچ راوی تے کیسر دی کتھا وی شامل ہے۔

اشو سئیں ستلج دیاں لوڑھیاں بھریندیں ہوئیں، ستلج دی وسوں نور محل، ہرݨ تے ہاکڑا دی کتھا وی کریندن۔ اشو سئیں پراݨے استعاریاں کوں نویں رنگ اچ ورتیے، اشوہک  عاشق وانگوں سوسوون نال آپݨی معشوق نال محبت دا اظہار کریندے، پر نہ او عاشق روایتی ہے تے نہ محبوب روایتی ہے۔

ایہ ہک بندے دی محبت آپݨی وسوں نال ہے، وسوں دی ہر ہک شئے نال ہے۔ اشو دی معشوق فطرت ہے تے او ایندا سچا تے کھرا عاشق ہے۔

ہاں ہسدا ویندے

ساہ ان رکدے ویندن

جنگل مینہ وسیندن

جنگل مکدے ویندن

اشو سئیں ایں چیز دا ادراک رکھیندن جو ایں بھوئیں تے ہکو بندہ ای اہم کائینی، بلکہ بھوئیں دی ہر ہک شئے اہم ہے۔ ایں بندے دے رویے تے وحشی پن موجب کئی پکھو پرندے اساݙی وسوں کوں چھوڑ وی ڳئین۔ پکھیاں دا آپݨی بقا کیتے بندے وانگوں ہجرت کر ونڄݨ انسان دی انسانیت دی بجائے اوندی حیوانیت تے دلیل ہے۔

اشو سئیں دی نظم ”کتنے بغلے لمے دواݙ ڳئین، پکھیاں دے ہجرت دے دروہ کوں بیان کریندی ہے۔ ہُݨ چلکݨ جوڳیاں چڑیاں تے ݙیکھݨ جوڳا پکھو وی نئیں رہیا۔

اندروں سالہہ دھو آنکی پئی اے/ ٻاہروں سالہہ دھو آنکی پئی اے/ کھلی ہوا اِچ پکھݨوں ݙٹھیں

ٻہوں مد تھئی اے/ کہیں پاسوں کوئی تاکڑی کھلدی/ اساں وی ݙیہدے/ اساں وی ڳنڈدے

آپݨے نال اینویں آپ اݙیلوں / کتنے بغلے لمے دواݙ ڳئین

جوڑا ٻلہݨیں دا انہاں پاݨیاں تے

کتھوں آیا ہئی کتھاں ول ڳیا ہے

کیا ݙیہدے ہیں جینویں ہݨیں ہݨیں

جوڑا موراں دا کہیں ماریا ہے

تہوں بھڑ تھی ڳئے ہِن کوٹ ایندے

تہوں ہاکڑا آہدن سک ڳیا ہے

دنیا کوں ہݨ جیڑھے ہک وݙے چیلنج دا سامݨا ہے او پاݨی دی کمی ہے۔ پاݨی گھٹ تھیندے ویندن، دریا مردے ویندن، دریا دا سک ونڄݨ، دریا دا مر ونڄݨ ہک دریا دی موت نئیں ہوندی، ایہ تاں پوری وسوں دی سارے ”کرۂ حیات“ دی موت ہوندی ہے۔ جیندا اشو سئیں کوں پورا ادراک ہے۔

ندی مردی ہے تاں سݨ مِترا

اکھیں مردیاں ہن دل مردی ہے

سونہہ مردی ہے وَسوں آپݨی دی

نیلے پاݨیاں دی کِھل مردی ہے

جوڑا ہنساں دا ہک ہنس مردا

پورے دریا دی جھل مردی ہے

کنہاں موئیاں دے اتبار کروں

اتبار کروں موئے دریا دا

پاݨی ہار کے آپݨے ہک ݙو وستیاں نئیں

ہار ٻیٹھی پوری سندھ وادی ندی چندر بھاڳی

موئے بندے وانگوں پاݨی نیلا نیلا

سرہوں پیلی پیلی موئے بندے وانگوں

چندر لڑھدا آوے موئی مچھی وانگوں

موئی مچھی وانگوں تارا لڑھدا آوے

پیلاں پیندا آوے مور مویا جیویں

ہنس مویا جیویں نال ٹردا آوے

سار لاہندا آوے جیویں سادھو کوئی

جیویں جوگی کوئی جوگ جھردا آوے

موئے متراں وانگوں سارا سوہݨا جوہے

سارے سوہݨے دی کیویں کہاݨی کروں

انہاں کمپنی باغ دے پکھیاں توں

ایہا ڳالھ ولا کوئی پچھ ݙیوے

کیہڑے صاحب نال سلامیاں وچ

وݨ وٹے ہن رُت وٹی نئیں

اڄاں درد اکھیندا ثابت ہے

اَڄاں پیڑ پراݨی کھٹی نئیں

ہک دھاڑ پچھانویں ڈھاڑ پئی

نویاں چھاوݨیاں مل کے پیندی ہے

کئی سالاں توں وسوں راوے دی

اونویں پُھل پئی نیلے چیندی ہے

سُݨدے ہیں کوئی فوجاں لتھیئن/ راجاں تاجاں والیاں

کوٹ فصیلاں اُتے نچدن/ ہَنے گھوڑے سانگاں

بھاہ اشادی جھالر وچوں / چھݨدن دھاڑ پچھانویں / چن دی چودھر ݙاہڈیاں لیکھے

رات اساݙے نانویں / سرمیاں سیتی ساول ساکن/ دھرتی دھرم چھیڑایا

ساکوں ساݙی آپݨی مٹی/ پکھی واس بݨایا…… اساں ݙاند وساکھیاں والے

ماریے ڳئے بے خوندے/ زوروراں دے ہتھوں ساݙیاں / وسیاں شہر اموندھے

اساں وی جے ہَل دی اوڑ اِچ/ چا بارود رہیندے

ساݙے تن تے نیل نہ ہوندے/ برہوں ٻار نہ چیندے

کتھاں پور کے آپݨی ڄیر ڄݨے

آئے ول ویندن ڄائے ویندے نئیں

اتھاں آئے ہوئے تاں آوݨ دے

کہیں ساتھ اڳونہیں رہو وی سہی

ول سو ݙو سو دی اجرک دا

مل آپݨے نانویں پیؤ وی سہی

کینویں گھڑی ݙو گھڑی دے آئیاں تے

ایہ ݙیس کھلے نرموݨیاں دا

کتھاں خشبو جنگلی اَسوآں دی

رل ڳئی ہے نال سفیدیاں دے

مقامی بندہ تاں وسوں دیاں شئیں کوں اصلوں شکار نہ کریندا ہا، او ماس کھانوݨ پاپ سمجھدا ہا۔ ایہ ما بعد نو آبادیاتی فکر غالب ہے یا ول نویں استعماریت دا زور ہے جو اڄ وی کتھائیں شکار پچھوں اوہو نو آبادیات آلی ہَیٹ، بندوخ تے کالے ٻوٹ کھڑن تھے۔ نو آبادیات انگریز دی شکل وچ ساݙے تے مسلط رہی ہے یا مقامی طور تے ڄاݨ بُٖجھ تے اساکوں نویں نوآبادیات دے وات وچ ݙتا ڳئے، ہر دور دی نو آبادیات ایں وسوں تے وسوں دی ہر ہک شئے کوں بے دردی نال ہائے حرام کیتے۔ ایں وسوں دے روہی راوے تھل دمان کوں بُکھ تَس ݙے، شکار گاہیں بݨا تے برباد کیتا ڳئے۔

کوئی وستی ہے کیا ݙیہدے ہیں

کیا ݙیہدے ہیں کوئی آدم ہے

جیندا سݨدے ہاسے پرکھاں توں

بھوئیں نال آپݨے بھگوان والا

خاکی ہیٹ والا انگریز وانگوں

مونڈھے نال بندوخ دی شان والا

وݙے ویلے دی انوں بانگ ملی

انوں سانگ تے سر، اساں کیا آہدے

بندے نال شکار دی ڳالھ وچوں

کوئی ڳالھ تاں نئیں اینویں ہوندا ہے

گھوڑیاں نال بھڄا کے مار ݙیوݨ

کتے چھوڑ ݙیوݨ کوئی ڳالھ تاں نئیں

کچے دھاڳے ہن آکھوں ساہ آپݨے

دھاڳے تروڑ ݙیوݨ کوئی ڳالھ تاں نئیں

بے زوراں تے سوہݨا سندھ سائیں

چھڑا زور ݙیوݨ کوئی ڳالھ تاں نئیں

کیا ݙیہدے ہیں شاہی باغ اندر

شاہی بھوجݨ ہے، کیا ݙیہدے ہیں

جرنیل وی ہن کئی با وردی

کجھ با وردی ہن لیڈر وی

دستار پچھوں ٹھلھے مُلاں وی

لکیا ٻیٹھا ہا کوئی شاعر وی

ہک دنیا ہئی ہک دنیا وچ

وݙی ڳالھ ݙکھ دی ٻیٹھا ہا

سردار وی آپݨے ٻیلے دا

جݙاں کیتا ٻوٹی ٻوٹی درباریاں

ایں وسوں دے سردار شینھ دا بے دردی نال شکار کیتا ڳئے۔ انگریز تے سردار آپݨی بہادری ݙکھاوݨ سانگے شیر دے شکار وچ فخر محسوس کریندے ہَن۔ اساݙی وسوں وچ شینھ ہاتاں استعماری تے تخریبی قوتاں ݙر تے وسوں وچ وڑدیاں ہن۔ جݙاں دا وسوں دا شینھ موئے اشو لال ہݨ ایں وسوں کوں کٹھا کر کے آپݨی آپ حفاظت دا اَہر کریندے۔

چھڑا شینھ نئیں مردا ٻیلے دا

ٻیلے نال مرہیں دے راج پچھوں

وسوں راہندی نئیں نال آپݨے

جھل نال آپݨے جھل راہندی نئیں

کالے ٻوٹ ہوندن ساوا گھا ہوندے

ایہو سوچ کے دل ٻہوں ݙردا ہے

نال آپݨے جنگل ویڑھ ٻاہوؤں

بھوئیں نال آپݨے رنگ رنگ ٻاہوؤں

وٹے وٹے پچھوں بھاݨی بھاݨی پچھوں

اکھیں بݨ ٻاہوؤں کن بݨ ٻاہوؤں

جیویں مُشکی چیتا نال آپݨے

اکھیں ٻال کے آپݨیاں راہندا ہے

ادھی راتیں چن پکڑیجے/ جنگل ویݨ کرے/ تازہ تازہ جڳدی چپ کن/ وستی روز ݙرے

پرے کتھائیں مرلی اُتے/ ݙکھ دی راندر سے/ ٻہوں پراݨی تانگھ اساݙی/ رستہ انت کرے

چن دی جان چھٹے

ساݙا کجھ وی ساݙا ناہیں / نہ ہنجوں نہ آہیں / دریا پار وی جھوک نہ جنگل/ نہ پتݨ نہ راہیں

وت وساݙے پنݨ وے سائیں / روندے ونڄ درگاہیں

جیڑھا آپݨے من وچ ناہیں / او ناہیں او ناہیں

کالے قبضے اڳوں تیݙے پاݨی کتھاں

تیݙی مٹی کتھاں کالے قبضے اڳوں

نہر در نہر توں، زہر در زہر تئیں

بھوئیں بیمار تھئی ساویاں کݨکاں پچھوں

چار کنڈے کتھاں اُچے ٹٻے اُتے

ڄال کملی کتھاں چار کنڈیاں پچھوں

نیل ڳائیں متوں مویا آواز ݙے

مویا آواز ݙے کالے ہرݨاں متوں

تیݙی شاہی کتھاں تیݙی شاہی پچھوں

محل ماڑیاں کتھاں، بھوئیں بنگلے کتھاں

ایہو ڄاݨدے ہاسے پُرکھاں توں

مٹی وکدی نئیں، پاݨی وکدے نئیں

کوئی کیا سمجھے اساں کیا آکھوں

مٹی کیا تھئی ہے، پاݨی کیا تھئے ہن

کتھاں کوٹھے جیݙیاں کوندراں دے

ݙینہہ نال پچھانویں ڈھل ڳئے ہن

جھر آپݨے نال جتامیاں دے

منجھیں رنگیاں نئیں، کنڈ کھیݙے نئیں

ہتھ مرلی نئیں، سوہݨاں سندھ سائیں

سر پٹکا نئیں، منجھ ݙیڈھے نئیں

کوئی ویلا ہا تیݙے ٻیلے دی

شینھ آپ مہاڳ چریندا ہا

موئے دریا دی کتھاں کندھی اتے

کاں کٹھے ہن کیا ݙیہدے ہیں

کالے کانواں دے نروار پچھوں

نروار کھلیا وسوں آپݨی دا

اساں کیا کھویا گھڑی ٻہہ سوچوں

گھڑی ٻہہ سوچوں اساں پایا کیا

بھلا ویچ کے روح دی راوی کوں

ہتھیں تخت لہور دے کیا آیا

چھڑی نہر آئی وچوں زہر بھری

اچے برج آئے جنہاں ݙھے ونڄݨاں

انسان تے خاص کر سرمایہ داریت اساݙی زمین توں جنگل مکا کے ایکوں ننگا کر ݙتے جیندے نال ”زمین دا تپ“/ گلوبل ”وارمنگ“ ودھ ڳئی ہے۔ زمین دے تپݨ نال گرمی ودھی ہے ایں گرمی دی وجہ کار برف دے گلیشئر تیزی نال پگھردے ویندن۔

نوح دا طوفان تاں نئیں؟

نئیں بابا

روہ دی مینجھ پنگھر دی پئی ہے

بے کنار اندھارے اڳوں

نکی جیݙی زمین

او وی چھڑا ہک طوفان جوڳی

وݙی وݙائی

ݙو طوفاناں جوڳی

اتنی چھوٹی دنیا

کالی سمنٹ نال اسارے ہوئے

اوں شاہر تو آپݨے ٻیٹ تائیں

ایہا وتھ آپݨی گھݨیاں دی

پنج صدیاں دی شالا وتھ رہوے

ایں وتھ وچوں کہیں ݙینہہ ولا

سو ݙینہاں دا ہک ݙینہہ آوے

ساوا ݙیݙر ول کھوہ آپݨے دا

اوں شہر دے سرتے ونڄ ٻاہوے

ہک شاہر وچوں ہک شاہر ٻیا

نویں روز ݙکھالی ݙیندا ہے

نہ وسوں پراݨی ہوندی ہے

نہ لوک پراݨے ہوندے ہن

اتے پیڑاں دے ٹرکار پچھوں

جیں مندر گھدی ہے، گھل آپݨی

جھل آپݨی جھلاریں دی

جئیں مار ݙتی ہے کھل آپݨی

گندے نالے جتنی عزت وی

جیں بخشی نئیں، اوں شاہر اڳوں

کلہی رہ ڳئی ہے اکھیں نال آپݨے

انہاں پلکاں تے ہنج راوی دی

نئیں ݙس پوندی کیں کوہ کھادی

نیلی نال آپݨے منجھ راوی دی

پیرے میل رکھوں کتھاں متراں دے

کتھا کروں کتھا ونڄ راوی دی

ہنج پاݨیاں نال حضوری وچ

کوئی پاݨی آپݨا ہووے تاں

کوئی ویلا ڄݨے/ وستیاں نال اینویں شاہر وسا کے/ لاؤڈ سپیکراں اتے خلقت

اچا سݨدی اے/ بے وقتے راتیں ٻوہے کھڑکدن/ شور اڳوں تھی/ ٻہوں اٻالہی ٹو اڳوں تھی

ہݨ تاں پچھلے کئی سالاں توں / کوئی نئیں پچھدا/ خیر تاں ہے؟

دریا ٻولیا/ میکوں نئیں پتہ آدم زادہ/ کون بلاں اے/ جیڑھا میکوں سرکی ویندے

میکوں تاں ٻس اتنا علم ہے/ ہنس بادشاہ/ دریا کوہدرا/ دنیا کوہدری

سبھ توں پہلے پکھیاں کوں / ایہ پتہ لڳیا/ بھوئیں پاڳل تھی ڳئی اے

چؤ دھار/ ہک لال اندھاری/ بارود دی بُو/ رت دی ہواڑ

ݙینبھوآں دا مینہ/ رات ݙینھ/ کڑاکے، لسکاں / تراہمام…… تراہمام……

سݨو فقیر و کتھا اساݙی/ جنت وانگوں سوہݨی ساݙے بامیان دی وادی

تھی اے بم بارود حوالے/ سود حوالے/ کن ڳیا کونجاں

دھوں اندھار اسمان پچھانویں / سرمیاں ویڑھ کے/ اساں تاں ٻس ستے ٻدھ کوں

ݙیہدے رہ ڳئے/ کاسے اندر/ کوئی صدقہ خیرات نئیں باقی/ بم بارود اے

دھمی ویلے/ آپ دی آپ الاوݨ والا/ جنگل چپ اے

چڑیاں کوں چھݨکاوݨ والا/ جنگل چپ اے/ چپ ای چپ اے

مینہ رسیا ݙس کون مناوے/ لال سائیں

اشو سئیں دی منظر نگاری وچ ہک عجب رومانس ہے جو اینویں ڄاپدے جو بندہ نندر تے جاڳ دی کہیں وچلی کیفیت وچوں گزر کے اوں منظر کوں ݙیہدا پیا ہووے یا ول کوئی چندر وکی رات دا کوئی خواب ہووے، جیہڑا آن کے اکھیں وچ وس ڳیا ہووے۔

چندر پچھانویں چٹیاں کھیر کپاہیں دا

خواب سنواں کوئی منظر ہے چودھار آپݨے

گھاٹی آپݨی نندر پچھوں کہیں آنند وچ

ݙونگھا نیلا ساگر ہے ندی چندر بھاڳی

پیریں پندھ ہے چاک آپݨے دے نانویں دا

سر آپݨے دے گھاگھر ہے، ندی چندر بھاڳی

کھوہ آپݨے دے ہر پاسوں کئی میلاں تئیں

کھوہ آپݨے دا ناگر ہے، ندی چندر بھاڳی

خالی آپݨی جھولی ہے، کیا ݙیہدے ہیں

خالی آپݨی چھاڳل ہے، ندی چندر بھاڳی

ہنساں وانگوں لال سئیں دا روضہئ

روضے نال مراقبے اندر ڄالیں

نیلیاں تاں جیویں جھال فنا دی نیلی

ساویاں تاں جیویں انت سمندر ڄالیں

چندر وساکھ دے آݨ فقیر کھݙایا

نچ کے ہویاں مست قلندر ڄالیں

ڄالیں نال کہیں رات کروں ہا ڳالھیں

ڈھولک اتے کھیݙ فقیر اللہ دا

میخائل باختن دے مطابق منظر توں مراد فطرت دی وسعت پذیری ہے، بندہ جتھوں توڑیں تے جو ݙیکھ سڳے۔ اشو لال منظر کوں وسعت ݙتی ہے۔ او عام بندے توں ہٹ تے چیزاں کوں ݙیہدے تے پیش کریندے۔

مظاہر پسندی (Animism):

تیکوں شوہ من کے سوہݨاں سندھ سائیں

سوہݨاں سندھ سائیں تیکوں ورمن کے

نمھی دریس سکھی تیݙے پاݨیاں توں

تیݙے پاݨیاں توں مٹھے گیت سکھے

کوئی سݨے تاں اڄ وی آندے ہن

ساکوں لاہرے چندر کھݙاوݨ دے

اشو لال اپݨی شاعری دی زبان بارے لکھدن:

اتنا سݨ کے/ جنگل رڄ ارمانی ہویا/ رب دی سؤں ہے/ میکوں نئیں پتہ

ہوا گھلے تاں بو بارود دی آوے/ لکڑ کھاوے، لوہا کھاوے

ٻلی کھاوے، چوہا کھاوے/ میں کیا ڄاݨاں آدم زادہ کوݨ بلاں ہے

فلسفہ وحدت الوجود تے ماحولیات:

سݙݨ دی لوڑھ کیا ہے/ اللہ تاں جا پجاہ ہے/ پکھیاں دے آلہݨے وچ

آوی دے لوٹے وچ/ ایں مُن دے وچ وی اللہ/ اوں تھمب دے وچ اللہ

اللہ تاں انت باطن/ اللہ تاں انت ظاہر/ اللہ تاں جاہ پجاہ ہے

بھانویں ککھی ہووے

بھانویں لکھی ہووے

بھانویں پاݨی ہووے

بھانویں پکھی ہووے

بھانویں ہاتھی ہووے

بھانویں مکھی ہووے

بھانویں پن ہووے

بھانویں پاپ ہووے

سبھ آپ ہووے

پپلاں دے پتر اساں، لائیاں دے ٻور اساں

نال دی نال اساں، دور دی دور اساں

صبح دے تارے اندر، ایں جگ سارے اندر

ہر ویلے نال ہوندے، سئیں دے حضور اساں

ݙکھݨ دی ہیل جیویں، ہر جاہ لڳدی ہووے

ہر جاہ ݙسدا ہووے، چندر دا نور اساں

وسے اروار سڄݨ، پھلاں دی کار سڄݨ

فانی سنسار اڳوں، پار دا پور اساں

جے تئیں کوہترا من ھِ اپݨا

جے تئیں کوہترا ویہڑا

تیڈفے نال وی ہمدوں جھیڑا

اپݨے نال وی جھیڑا

وستیاں وٹوں وستی اے

شاہراں وٹے شاہر اے

دریا وٹوں دریا اے

لاہراں وٹے لاہر اے

ہتھ آپݨے دا میل اے

پیر آپݨے دی جتی اے

ݙیکھو تاں اینویں جاگدی اے

ݙیکھو متاں اینویں ستی اے

ہنساں وچوں ہنس اے

مٹیاں وچوں مٹی اے

جیویں کناں سݨی اے

جیویں اکھیں ݙٹھی اے

جیویں لوک ہوندے ہن

جیویں لوک نئیں ہوندے

اشو لال شاعری کوں خوابیں نال رلیندے، کجھ ہتھ آندن تے کجھ نئیں آندے۔ شاعری سنگھار، سوہݨپ تے موسیقی تے ترنم نال بھری رمز ہے، جینکوں سراں دے رَس وچ گھولیا ونڄ سڳدے۔ شاعری کہیں انقلابی دا ݙانگ سوٹا نئیں بھلکہ اے ایجھئیں وݨ وانگوہے، جیندا پھل تے چھاں ہک بندوخ کولوں وی وَدھ اوندی مزاحمت بݨدن۔ نظم اینویں بݨدی ہے جیویں ہک ٻیڑی بݨدی ہے۔ نظم اینویں محسوس تھیندی ہے جینویں خوشی غمی محسوس تھیوے۔(۱۸) شاعری فطرت دے بے پناں رنگاں وچوں ہک رنگ ہے، ہک روپ ہے۔ اشو سئیں خود لکھدن:

کهیݙوں ها کهݙاوں ہا

خوشیاں ونڈآوں ہا

پهلاں دی چنگیر اچ

مندریاں لکاوں ہا

آپ تےملاپ دی 

ریت چا بهلائی وی

نرے پرے روپ دی

کندهہ چا بنائی وی...!!!

جھولی وچ سبھ کُجھ

جھولی وچ کُجھ نئیں

کہیں تے وی ݙوہ نئیں

کہیں تے وی  ہُج  نئیں

مِل  پئی تاں  مِل  پئی

لنـگھݨی  تاں  لنـگھݨی

سِـر      نئیں     چاوݨا

مُونہوں   نئیں  مَنگݨی 

(اشو لال فقیر)

کتاب  گوتم نال جھیڑا 

کتھاں پارلڈ گئے ہن لوک مترا

خالی پئی اے دل والی جھوک مترا

بھلا تھیوی کنڈ پچھوسڈمارکے

ویندے پئےہیں رستہ نہ روک مترا

اکھیں وچوں ہری بھری اکھ ڈُس پئی

کنڈ والے نیل تھئے سوک مترا 

سردرسرجتھاں ساہ ہار کے

ویل درویل ساکوں ہوک مترا

اشولال دا کلام

صبح دا ولا شام دا ویلا

نال اپنے الہام دا ویلا

چھت اپنی تے آن لتھا ھے

شام توں پہلے شام دا ویلا

امن دا ویلا امن دی راہیں

سنگ راہیں سنگرام دا ویلا

کرشن دا ویلا رادھا نانویں

سیتا نانویں رام دا ویلا

اٹھی سبھاگا جاگ سویلے

(اشولال)

مِسمے پئے ہیں وَل ہِک واری مچّوں ہا 

بھانبڑ بنڑ کے بھاہ دے اُتّے نچّوں ہا 

نچدے نچدے سب ارمان مِٹا ݙیوں ہا 

وَل اے بھاہ مِسما ݙیوں ہا 

ڈاکٹر اَشُّو لال فقیر

اللہ بادشاہ وو

آندیاں دی جھوک اے

ویندیاں دا راہ وو

اللہ بادشاہ وو

جندڑی نمانی، کملی سیانی

پل وچ ہے پانی

پل وچ تاں بھاء وو

اللہ بادشاہ وو

سانولی جھنگ دی، درشن منگدی

آمل رانجھن، میر ملاح وو

اللہ بادشاہ وو

اکھیں وچ ساگر، سر اتے گھاگھر

من وچ تیکوں ملن دا چاہ وو

اللہ بادشاہ وو

( اشولال)

چندر مُکھی

رستے لدھی مُورت آں

بُت وِچ سئیں دی صُورت آں

دریاواں دی مَݨ ہوندی

چھان٘ہیں بھریا وَݨ ہوندی

ٻان٘ہیں کھول کھڑیندی میں

سئیں کُوں پار پُچیندی میں

وَس فقیراں پئے ڳئی آں

قِصے دے وِچ رہ ڳئی آں 

فانی بندہ کَتھا کرے کیا ہووݨ دی

ہووݨ نال نہ ہووݨ تاں کوئی ہوندا نئیں

اَساں تاں نال ہوا دے ہر جاہ ہوندے ہیں

ہووݨ والا اپݨی جاہ تے ہوندا نئیں

ہِک ہِک کر کے ویلا وَڳلی رکھدا ہے

جوڑا جوڑا کر کے ساکُوں جوندا نئیں 

لکھاں سالاں بعد وی کتنا تھوڑا ہے

ڄتنا ہووے جِیوݨ پُورا پوندا نئیں

میلے کپڑے وَل وَل ٻیٹھا دھوندا ہے

دھووݨ والا اندر اپݨا دھوندا نئیں

ساوی ساوی ککری اُتے.... پیلے پیلے بگ ڈھولݨاں 

اساں مناں لوک سدھے تساں مناں ٹھگ ڈھولݨاں

مینھ پیا پلیاں اُتے.................پھلاں اُتے کلیاں اُتے 

نمھی نمھی اندروں ولا، دُکھ پئی اے اگ ڈھولݨاں

اکھیاں دی سُونہہ ماہی وے، رُس پیوں توں ماہی وے 

اساں تاں فقیراں کنوں........ رُس پیا جگ ڈھولݨاں

نئوں، ݙاہ چندر کتھاں....... سَت اَٹھ سال کتھاں 

عمراں دی عمراں گئی، تیݙے نانویں لگ ڈھولݨاں

سندھو تیݙے پتر اساں..... سندھو تیݙے بال اساں 

تیݙے نانویں لاج سبھو، تیݙے نانویں پگ ڈھولݨاں

اشو لال

کوئی جھیڑا ہئی جیندا انت ہویا

کوئی وسوں ہئی جھیری رہ نئیں گئی

اساں کاں کالے کتھاں ہووݨ دا

اتبار ونڄا کے ٻیٹھے ہیں

کیہرے پار دی آکھوں سک راہیں

اروار ونڄا کے ٻیٹھے ہیں

ہک وستی نئیں ݙو وستیاں نئیں

سو شہر ونڄا کے ٻیٹھے ہیں

کتھاں ہرے بھرے انھاں ٻیلیاں دے

سردار ونڄا کے ٻیٹھے ہیں

نہی سدھ پوندی سوہݨاں سندھ سائیں

تھئے ہنس جدا کیویں پاݨیاں توں

تھئے ہنس جدا اوویں پاݨیاں توں

جیویں پاݨیاں ہووے کھیر جدا

جیویں ٻال جدا ما اپݨی توں

جیویں بھیݨ توں اپݨے ویر جدا

نہی پتا جو غیر ہے گھات دے وچ

پچھوں گھمیاں گھمیاں انھاں لائیاں دے

چٹی شکل وٹا کے بغلیاں دی

نیڑے تھی آیا کوئی تولھیاں تے

کیہڑے آدم دے اتبار پچھوں

اتبار کیتا اساں آدم دا

کوئی سو ݙو سو دا ساتھ ہوسی

اساں جگ پردیساں ہنساں دا

ایویں کل دی گالھ ہے ٻیلے وچ

ودے کھیݙدے ہاسے چندر تلے

ڳچیاں مونڈھے سٹ کے پاݨیاں تے

ادھے جاگدے ہوئے ادھے ستے ہوئے

کھنب کھتے ہوئے کھنب ہوندیاں وی

اکھیں ہوندیاں وی اکھیں متے ہوئے

تیݙی پریت پچھوں سوہݨاں سندھ سائیں

اساں ہنس نا ہوئے جیویں کتے ہوئے

وݙے ویہلے دی انوں بانگ ملی

انوں سب دے سب اساں مارے ڳئے

نانویں ہنساں دے بھانویں جو ہویا

اساں اپݨے نال قبول کیتا

دل ݙکھیا نئیں کہیں درد اڳوں

کہیں درد اڳوں روح رنجی نئیں

پچھوں بہوں ݙونگھی وسموری دے

بت ݙسیا نئیں , اکھ ہنڄی نئیں

پاݨی تھاہریا نئیں انھاں کھنباں تے

انہاں کھنباں تے مٹی تھاہری نئیں

اونویں اج وی پاک دے پاک اساں

اݙ پووں تاں افلاک اساں

کتھاں رت اپݨی سوہݨاں سندھ سائیں

تیݙے ناں دے پھل بݨائے ہن

انھاں پاݨیاں تے کہیں شام سمے

کہیں شام سمے انھاں پاݨیاں توں

انھاں کریاں توں رتے چیتراں وچ

رتے چیتراں نال گلاباں توں

انھاں چنیاں توں سر اپݨے دیاں

ڳل اپݨے دیاں انھاں چولیاں توں

سیئں سیئں کریندیاں نال اپݨے

نمھی ہیل گھلے تاں لائیاں توں

اوہے لال لہو دے پھل مترا

کوئی چݨ ݙیکھے ول جی پوسوں

اشو لال فقیر

۱۔         انجم، زاہد حسین، ”فرہنگِ ماحولیات“، لاہور، اردو سائنس بورڈ، ۲۱۸ء، ص: ۱، ۲

۲۔         عتیق اللہ، ”ماحولیاتی ادب مطالعہ“، مشمولہ، تسطیر، شمارہ نمبر ۷/ اپریل، ۲۰۱۹ء، ص: ۳۴۵

۳۔         اورنگ زیب نیازی، ڈاکٹر، ”ماحولیاتی تنقید: نظریہ اور عمل“، لاہور، اردو سائنس بورڈ، ۲۰۱۹ء، ص: ۷،۸

۴۔         اشو لال، ”سندھ ساگر نال ہمیشاں“ (پہلا درشن)، لہور، شرکت پریس، ۲۰۰۲ء، ص: ۷

۵۔         ایضاً، ص: ۹

۶۔         کرسٹو فرمینز، ”خاموشی اور فطرت“، مشمولہ: ”ماحولیاتی تنقید: نظریہ اور عمل“، مترجم، ڈاکٹر اورنگ زیب نیازی، لاہور، اردو سائنس بورڈ، ۲۰۱۹ء، ص: ۴۳، ۴۴

۷۔         فریڈ ہٹیرس، ”جب دریا سوکھ جاتے ہیں“ لاہور: مشعل بکس، ۲۰۱۸ء، ص: ۳۸

۸۔         اشو لال سندھ ”ساگر نال ہمیشاں“ (پہلا درشن)، ص: ۷

۹۔         انجم، زاہد حسین، ”فرہنگ ماحولیات“، لاہور: اردو سائنس بورڈ، ۲۰۱۸ء، ص: ۴۳

۱۰۔       راب فکسن، ”ماحولیات اور ما بعد نو آبادیات“، مشمولہ: ”ماحولیاتی تنقید نظریہ اور عمل“، ص: ۱۴۹

۱۱۔       ایضاً، ص: ۲۵۰

۱۲۔       اشو لال فقیر، چھیڑو ہتھ نہ مرلی“، لاہور:سانجھ پبلی کیشنز، ۱۹۸۹ء، ص: ۱۰، ۱۱

۱۳۔       گریگ گیرارڈ، ”ماحولیاتی تانیثیت، ماحولیاتی مارکسیت اور سماجی ماحولیات“، مشمولہ: ”ماحولیاتی تنقید نظریہ اور عمل“، ص: ۲۹۲

۱۴۔       کرسٹو فرمینز، ”فطرت اور خاموشی“، مشمولہ: ماحولیاتی تنقید: نظریہ اور عمل“، ص: ۵۲

۱۵۔       اشو لال، ”سندھ ساگر نال ہمیشاں“ (پہلا درشن)، ص: ۰۱

۱۶۔       ایضاً، ص: ۷،۸

۱۷۔       ایضاً، ص: ۷

۱۸۔       نعیم کلاسرا، ڈاکٹر، ”اشو دی نظم تے اوندا علامتی پس منظر“، مشمولہ: ”وسوں ویہڑے“ (اشو لال نمبر)، شمارہ نمبر ۳۲، وسوں واݨ، محبوب تابش، شادن لُنڈ، نومبر ۲۰۱۹ء،ص: ۶،۷

۱۹۔       ایضاً، ص: ۸، ۹

۱۔         اشو لال فقیر، ”چھیڑو ہتھ نہ مرلی“، لہور، سانجھ پبلی کیشنز،۱۹۸۹ء

۲۔         اشو لال، ”گوتم نال جھیڑا“، ملتان، بیکن بکس، ۱۹۹۵ء

۳۔         اشو لال، ”کاں وسوں دا پکھی“، ملتان، بیکن بکس، ۱۹۸۹ء

۴۔         اشو لال، ”سندھ ساگر نال ہمیشاں“ (پہلا درشن)، لہور، شرکت پریس، ۲۰۰۲ء

۵۔         اشو لال، سندھ ساگر نال ہمیشاں، (ݙوجھا درشن)، دیرہ اسماعیل خاں، سپت سندھو، ۲۰۱۸ء




#Article 350: اشولال مہان شاعر تے دانشور (1760 words)


سرائیکی وسیب دا مہا ن شاعر تے دانشور

تنو یر خا لد

اے 20مئی2017ء دی سوہنی شام ہئی تے جنا ح ہا ل میو نسپل کمیٹی لال عیسن کروڑ وِچ سرائیکی دے شاعراں ، ادیبا ں تے دانشور اں دا بہوں وڈا اکٹھ ہا جیہڑا سرائیکی وسیب دے مہان شاعر تے دانشور سئیں ڈاکٹر اشو لا ل دی پنجویں شعری تصنیف ’’سندھ ساگر نا ل ہمیشاں (ڈوجھا درشن ) ‘‘دی تقریب رونما ئی پا روں اکھٹے تھئے ہن ۔تقریب دا سارا اہتما م چو پا ل دے سنگتیاں سئیں منیر شیخ ، سئیں شا ہ نشا ط،سئیں ملک عمر اسراء ، سئیں راج ہنس ، ڈوجھے بہوں سارے سنگتیاں نال مِل کرانی کیتا ۔تقریب ءِ چ سئیں پرو فیسر مزمل علیخا ن ، پرو فیسر مشتاق گاڈی ، سئیں محبو ب تا بش ، سئیں مظہر نواز لا شاری ، سئیں محمود مہے، سئیں اظہر لا شاری ، پرو فیسر ظہور عالم ، سئیں ظہیرما رہروری تے وسیب دے بہوں وڈّے ناں مو جو دہن ۔وسیب دے معروف گلو کار سئیں عاشق دیو انہ ، پرو فیسر کامرا ن نے سئیں شا ہ نشاط نے سئیں اشو لا ل دے کلا م کُوں سا زتے آواز دے جادو نا ل نبھا یا ۔سئیں منیر شیخ میکوں بہوں محبت تے حُج نا ل آکھیا ہا’’ہیں سئیں مر شد ڈاکٹر اشولا ل دی تقر یب ءِ چ تساں شریک وی تھیسوتے کُجھ اظہار خیال وی کر یسو ۔افسوس ایں گالھ دااے جو مَیں کجھ سر کاری مصروفیات دی وجہ توں تقریب ءِ چ شریک نہ تھی سگا ، پر مَیں ایہہ سوچیندا رہ گیاں جو حاضری کیتے اپنے جذبات دا اظہار کہیں طریقے نا ل ضرور کر یساں تے مر شد اشو لا ل تے کُجھ نہ کُجھ لکھیساں ضرور۔کیوں جے سئیں اشولا ل نا ل میڈی یاری اونہہ ویلے دی اے جیہڑے ویلے میں ستویں یا اٹھویں جماعت ءِ چ پڑھدا ہم ۔اج اے اینویں کل دی گالھ محسوس تھیندی اے جڈن اج تو چالی سال پہلاں ساکُوں اشولا ل دا پہلا درشن سئیں رحمت اللہ فاروقی دے با بے دی حکمت دی دکا ن چہ تھیا ہا ۔سیءں اشولا ل اونہہ ویلے ایف ایس سی کر یندے پئے ہن تے اینہہ پہلی ملا قات ءِ چ وی اشو دی گالھیں اینویں ہن علم و دا نش نال سجیاں ہو ئیاں ۔ ہِک بئی گا لھ جو اشولا ل سئیں میڈے اُستاد وی ہِن۔ کیوں جو انہاں ڈاہویں جماعت ءِ چ ساڈے بیا لو جی دے استاد سئیں شریف دے لیکچر رپر مو ٹ تھیون تو ں بعد سائنس ٹیچر رانا جمشید مر حو م دے آکھن تے سا کوں کجھ ڈیہنواراں بیا لوجی پڑھائی ہئی ۔اُوں ویلے ایہہ قائد اعظم میڈیکل کا لج بہا ولپور ءِ چ ایم بی بی ایس کر یندے ودے ہن۔ تے 1992چہ جیہڑے ویلے مَیں اسلا میہ یو نیور سٹی بہاولپور ءِ چ ایم اے ابلا غیات کر ینداں پیا ہم سئیں اشولا ل اوتھاں سرکار ی ملا زمت وچ ہن تے شام ویلے ریلوے کیمپس ہا سٹل چہ سئیں جاوید چا نڈیو رلّے یا کنٹو نمنٹ پارک وِچ دوپیازہ ریسٹورنٹ تے محفلاں ہو ندیاں ہن تے اساں سئیں اشولا ل کو ں لا ئیو سُندے ہا سے ۔

سندھ دریا دی سوہنی وسوں دے مہان شاعر تے دانشور تے کیا الاواں ، جدید سرائیکی ادب دا ایہہ دریائے سندھ جیکوں لوگ ڈاکٹر اشو لال آہدن، نہ کہیں تعارف دا محتاج اے تے ناں اللہ دے اینہہ بندے کوں کڈاھیں کہیں ستائش ، صلے یا شہرت دی پروا ہ رہی اے ۔ ایں مہان شاعر تے دانش ورکوں چھڑا اشولال آکھن ڈُہکدا نہیں کیوں جو ایہہ ہک انسان دوست ، فقیر منش تے درویش شخص ہے ۔ محبتاں ونڈن جیندی زندگی دا ہک نکاتی منشور اے ۔ انہاں دی ایہو درویش صفتی پاروں اَساں سارے سنگتی، ایہہ ساراوسنیک انہاں کو ڈاکٹر اشو لال فقیر آدھا اے ۔ ساڈی ایہہ خوش بختی اے کہ اساں سرائیکی وسیب دے علم و ادب دے مہان شاعر تے دانشورڈاکٹر اشولا ل دے عہد ءِ چ زندہ

ہیں ۔ سندھی دے نامور شاعر امداد حسین دی ہک لمبی نظم دے آخری مِصرے ہِن کہ

میں تو جھُوٹ بول سکتاں ہوں

مگر سندھ جھُوٹ نہیں بولتا

ڈاکٹر اشولال فقیر سئیں وی سرائیکی علم و ادب دا دریائے سندھ ہِن جِنہاں پوری سچائی نال سندھ وادی دے وسنیک ، لوک سنپ ۔ لوک تصوف ، ایندی بدھ مت ، ایندی تاریخ ، ایندی وسوں ، ایندے میلے ٹھیلے، ایندے ٹھیٹھر ، ایندے دریا، لینڈ اسکیپ ۔ پکھی پہارو ،ایندے پربھ ۔ ایندی درگاہیں ۔ ایندے میوزک کوں اپنی نظماں ، اُڈیلاں ، جھلارے ، لوڑھیاں ، کتھاواں ، جاترتے لاہرے دے سوہنڑے رنگاں نال اپنی پنج شعری تصنیفاں ۔ ’’چھیڑو ہتھ نہ مرلی ۔ گوتم نال جھیڑا۔ کاں وسواں دا پکھی اے تے سندھ ساگر نال ہمیشاں پہلے تے ڈوجھے درشن‘‘ وچ پینٹ کیتن ۔ سرائیکی وسیب دی ایہہ مکمل تاریخ ڈاکٹر اشو لال دی شعری تصویراں وچ ڈٹھی ونج سگدی اے اشولا ل اپنی شعری ’’تخلیق سند ھ ساگر نا ل ہمیشاں (پہلے درشن )‘‘دے دیبا چے ء چ لِکھدن ’’پھُل دی سو ہنپ کُوں سوٗتراں ڈکھا ون دی مجبوری شاعر نا ل بہوں پر انی پئی آندی اے ۔مہا بھارت دا رزمیہ اٹھا رہاں پر بھاں دی جاہ اٹھا رہاں ستراں وچ وی بیا ن تھی سگدا ہا ۔پَر اے تاں ویا س جی دا کما ل اے جیں اے جنگ سوٗ تراں کھیڈی اے ۔مقامی ثقافتاں را ہیں سنگھاردااے ویلا اہدن اجاں رخصت نیں تھیا‘‘اشو لکھیندا اے ’’اینو یں کل دی گالھ اے ۔سند ھ سا گر کچھی سونے دی پچھی ‘‘۔’’راجن شاہ دربار ‘‘ تُو ں ’’رانوں ‘‘دی وستی تئیں اے ڈاہ لڑاں اچ وہندا ھا ۔ہر لڑوَت پو را ہک دریا ہا ۔لا لہ ، چھِتا ، شیرا ،کا لی ، کَس ، راٹھی ، بو دو ، کَما ں ، جمنا ، پڑان کتنے دریا ہن جیہڑے اپنڑے بیٹ بیلیاں نا ل مرستن ۔بے مہا با ترقی ایکو ں نیلی ہک لکیر آنڑ بچائے ، خَجیاں دیا ں خَجیاں دُھڈرتھی گین ۔امبا ں دے امب بھو لو ں ہنڑن کھڑن۔ایندے کیہل ، کنگر ، مور ،مہا نے ، ما چھی ، لو ری ، گھاڑو ….مُکدے ویندن ، مُکدیاں دی گا لھ ولا کر ن بے شک نو یں گا لھ ہو ندی اے ۔

ڈاکٹر اشولا ل سندھ وادی دی تریخ کو ں شعراں ءِ چ پینٹ کیتا اے ۔اپنی شعری تخلیق’’ گوتم نا ل جھیڑا‘‘ ، دے یپا چے ، گالھ در گالھ درگا لھ …اچ ڈاکٹر اشولا ل ایں مکدی گالھ کُوں ولا ون کیتے اے وی آہداوے کہ ’’ہا ر سنگھار نال بھلے ڈاچی کُوں لکھ سو ہنا بنایا ونج سگداہووے اوکو ں سوانی نیں بنا یا ونج سگدا ۔اپنے کر میں شاعری ءِ چوں ہمیشاں شاعری ءِ ی کلا م کر یندی اے ۔اشو�آہدا اے ایندی مثال انجھیں وَن دی آکھوں جیکوں اپنی حفاظت کیتے کڈا ہیں بندوق نئی بناونی پو ندی ۔ایندا پھَل اتے چھاں ءِ ایندی حفاظت کر یندن ۔

ڈاکٹر اشو لال فقیر دی شاعری پڑھدے ھویاں ہر شے فلم آلی کار ساڈی اکھیں دے سامنے آویندی اے ۔ ایہہ شاعری ڈاکٹر اشو لال دی پوری زندگی دا سرمایہ اے تے ڈاکٹر اشو لال فقیر سارے سرائیکی وسیب تے پاکستان داسرمایہ تے اثاثہ ھِن ۔ ڈاکٹر اشو لال فقیر سرائیکی وسیب دی صدیاں تے ہزاراں سال پرانی بُنت تے جڑت دی Revival تے محبتاں دے اُوھو سچے تے کھر ے رنگ ولاون کیتے کوشش کریندا پئے۔ اُوندی خواہش ہے جو کلر کہار دے نیلے موراں تو گھن کے تمر دے گھاٹے ساوے جنگلاں تائیں

کہیں پاسوں اینویں ہیل ہوا دی آوے پئی

وستی شالا وستی نال الاوے پئی

ڈاکٹر اشو لال دی ’’کتاب سندھ ساگر نال ھمیشاں ‘‘دا پہلا درشن 2002 وچ آیا ۔ ڈوجھا درشن چوڈاں پندرہ سال بعد 2017وچ آیا چوڈہ پندرہ سال اساں پہلے درشن دی ٹرانس چہ رہ گئے ہیں ۔ اپنی شاعری بارے اشو آہدا ے’’ اج ویہہ(20) سالاں بعد مَیں اپنے کم کو ں اپنے قاری نا ل ولا پڑھداں تے اینویں لگدا اے جیویں مَیں ہکا نظم ولا ولا لکھی ہو وے‘‘۔ تے چھیڑ و ہتھ نہ مر لی تو گھن کے سندھ ساگر نا ل ہمیشاں ڈوجھے درشن تئیں اشودی شاعری ہکا مسلسل نظم اے جہیڑی شاعری نہیں فلم ہے جیکوں اوقاری کو ڈیکھوینداپئے۔ ڈوجھے درشن وچ مَیں سئیں اشولال دی نظم’’ کلس تے کال کڑچھی بولی ‘‘پڑھدے ھویاں اوہندے سارے منظر کوize Visual کریندا پیا ھم ۔ میں اونہوں نظم دا حصہ ہم تے ھک ھک کردار میڈے سامنے ہا۔ جیہڑے لعلن ؒ کال کڑچھی کوں جواب ڈتا کہ

سُن مائی کال کڑچھی

دل دی اچھی

مُو نجھی نہ تھی

تے میں لعلنؒ دی آواز آپ وی سنی ہئی تے میڈی ساری مونجھ ہوا تھی گئی ہئی۔ ایہہ شاعری دی او آواز اے جیکوں معروف انگلش شاعر تے نقاد ٹی ۔ایس ایلیٹ اپنے ھِک مضمونThree Voices Of Poetry وچ Explain کیتا اے ۔ ٹی ۔ایس ایلیٹ آھدا اے شاعری دی تَرے آوازاں ھِن ۔ پہلی آوازوچ شاعر اپنے آپ نال گالھ کریندا اے ۔ ڈوجھی آواز اوہ اے جیندے ءِ چ شاعر ڈوجھاں نال الیندا اے۔ تے شاعری دی تریجھی آواز شاعردی اوہ آواز اے جہیندے وچ شاعر اپنی نظماں وچ ایہو جیے کردار تخلیق کریندا اے جہیڑے آپ بولیندن تے ایہہ اونہہ شاعر دا بہوں وڈا مقام ہوندا اے ۔ ڈاکٹراشولا ل دی شاعری دا ہر کر دار ٹردا پھردا نظر آندا اے ۔ اوہ توڑے گِندی شاہ تے لکھی نظم ھووے یا کال کڑچھی تے ۔پڑھن آلا اونہہ منظر دا ۔ اونہہ واقعے دا ۔ اونہہ کہانی دا حصہ بن ویندا اے۔ ایہہ او خدا داد صلاحیت اے جیہڑی اللہ سئیں ڈاکٹر اشو لال کو ودیعت کیتی اے کیو ں جو شاعر کڈا ھیں بن دا نیں شاعر ھوندا اے ۔ سئیں ڈاکٹر اشو لال فقیر سرائیکی وسیب دا فخر تے ما ن اے کیو ں جو۔

نفرتوں کے عہد میں محبتوں کا رُوپ ہے

یہ گرمیوں کی چھاؤں ہے سردیوں کی دھوپ ہے

ڈاکٹر اشو لال فقیر دی گفتگو دی اپنی چَس اے ۔ اشو سائیں جیہڑے ویلے گفتگو کریندے پئے ھو ن تاں بندہ تھکدا نہیں ۔پروفیسر اثر مذی مرحوم دے ھِک خوبصورت شعرطراں

تُوبول اٹھے تو لفظ خوشبو، تُو سوچ لے تو خیال خوشبو

تیرے تکّلم سے بن گیا ہے جو اب خوشبو سوال خوشبو

ڈاکٹر اشو لال فقیر صرف شاعر تے دانشور نہیں اوہ اینہہ جدید عہد داصوفی اے ۔ مخلوق خدا نال محبت جیندا ایمان اے ۔ اینہہ رمز کو ایہہ فقیر آپ بیان کریندا اے

دل دی نگری ۔ ھر ویلے ست بسم اللہ

درنہ کوئی ، در اگوں دربان نہ کوئی

دُعا اے جو اللہ سو ہنا ڈاکٹر اشولا ل کُوں نِت صحت تے تندرستی ڈیوے تے اُنہاں دا ایہہ تخلیقی سفر اینویں کا میا بی نا ل جاری راہوے.




#Article 351: اصغر بہاولپوری (329 words)


اصغر بہاولپوری 7 نومبر 1960ء کوں بہاولپور شہر اچ پیدا تھئے۔ آپ پاکستان ٹیلی ویژن دے نامور اداکار ہن. سرائیکی ڈرامیاں وچ اداکاری کریندے رہ ڳن.پی ٹی وی دے مشہور ڈرامیاں وچ ریگزار سب توں اہم اے جیندے وچ انہاں نے اپݨی اداکاری دے جوہر ݙکھائن. بہاولپور وچ ہک طویل عرصے تو انہاں دی ٹیم سٹیج شو تے ٻالاں واسطے پپٹ شو وغیرہ کریندی رہی اے.

اصغر بہاولپوری نے پی ٹی وی دے اردو تے سرائیکی ڈرامیاں اچ اپݨی لازوال اداکاری دے جوہر ݙکھائے تے ایندے نال نال تھیٹر، ٻالاں دے شو، پرائیویٹ پروڈکشن تے سوشل میڈیا اچ لازوال کارنامے سرانجام ݙتے جنہاں دی تفصیل درج ذیل ہے۔

انہاں دی ٹیم دا سٹیج شو عینک والا جن وی ٻہوں مشہور اے جینکوں وݙے تے ٻال شوق نال ݙیکھدے ہن. ایں سٹیج شو وچ پی ٹی وی دے ٻالاں  دے مشہور ڈرامہ عینک والا جن دے تمام کرداراں کوں سٹیج تے ݙکھایا ویندے. ایندے علاوہ کئی طرح دے دیگر شو وی کریندن. انہاں دا ادارہ نواب موویز، بہاولپور ایں فن دی ترقی وچ پیش پیش اے. ایندے علاوہ پتلی تماشا انہاں دا او کم اے جیہڑا کہ انہاں نے ہمیشہ جاری رکھا ہئی تے آخر اچ اے انہاں دی پہچاݨ بݨ چکا ہئی۔

پاکستان ٹیلی ویژن دے سنہرے دور اچ اصغر بہاولپوری دا حصہ لازوال تے اعلیٰ معیار دا ہے۔ انہاں دے درج ذیل ڈرامیاں وچ اپݨی اداکاری دے جوہر ݙکھائے۔

انہاں نے یوٹیوب تے اپݨا ہک چینل اصغر بہاولپوری ٹی وی دے ناں نال بݨایا ہویا ہئی جیندے معیاری ویڈیوز پیش کیتے ویندے ہن۔ ایندے علاوہ تھر پروڈکشن تے دیگر کئی پرائیویٹ پروڈکشن کمپنیاں اچ وی اپݨے خدمات پیش کیتے۔

اصغر بہاولپوری دا انتقال دل دے دورے دی وجہ توں 10 اگست 2020ء کوں تھیا۔ 11 اگست کوں انہاں دی تدفین، نماز جنازہ دے بعد بہاولپور اچ انہاں دے آبائی قبرستان اچ کیتی ڳئی۔ پورے سرائیکی وسیب اچ ایں ناگہانی صدمے کوں شدت نال محسوس کیتا ڳیا۔ انتقال دے وقت انہاں دی عمر تقریبا ً 60 سال ہئی ۔




#Article 352: اصغر چھینہ (223 words)


اصغر چھینہ سرائیکی شاعر ہے

وڳ صدر بکھر وچ ڄمے۔ لٹن وچ راہندے۔

ایم اے اردو

بی ایس سی کمپیوٹر سائنس

سکول وچ استاد ہن۔

ساݙے یار تاں یار وی یار ہن پئے جݙاں ساݙے بخت کمال ہن چنگے حال ہن

ساݙے من اچ خشیاں خشیاں ہن کل سنگتی ساݙے نال ہن بہوں لجپال ہن

ساݙا پیار پریت عروج تے ہا دل رکھدے راز دی گال ہن او بھائیوال ہن

ڈھلے بخت تاں اصغر چھوڑ گئے جیڑے رکھدے خاص خیال ہن بخت جو نال ہن

تیݙی منت کریندیاں چن دلبر نہ چھوڑ کے ونج میݙا ہک توں ہیں

جیڑے آسرے ہن تھی ختم ویسن نہ کر توں رنج میݙا ہک توں ہیں

تیݙے باجھ سجݨ انہاں اکھیاں چوں نہ رکسی ہنج میݙا ہک توں ہیں

میں یار ہاں اصغر یار تیݙا نہ کر پنج پنج میݙا ہک توں ہیں

آ ݙیکھ تاں سہی ہک وار سجݨ جیویں میݙی نبھدی پئی ہے

سکھ منہ کر گئے ہن کئی ݙینہ توں ݙکھاں درداں جھوک چا لئی ہے

ہے جندڑی سولاں وات میݙی تھئی زندگی یار اجائی ہے

ہے اصغر ذہن تے یاد تیݙی جیڑی اج تک محض نہ گئی ہے

جݙاں شہر مدینے اپڑ ونجیں میݙا سجݨ سلام توں آکھیں چا

پئی سک دی سیک اچ نبھدی ہے تیݙا گھنداۓ نام توں آکھیں چا

کݙاں وارا آسی اصغر دا راہندی تانگ تمام توں آکھیں چا




#Article 353: اصغر گرماݨی (921 words)


سرائیکی زبان دا ٻہوں وݙا شاعر ہے

پیدائش 02 جون 1976

مظفر گڑھ دے علاقے چوک قریشی نال تعلق ہے۔ بہاؤالدین زکریا یونیورسٹی توں سرائیکی وچ ایم اے کیتا ہوئے۔ جدید سرائیکی شاعری خاص طور تے غزل دے میدان وچ بہوں ناں پیدا کیتے تے تجربے کیتن جنہیں وچ ہک تجربہ سرائیکی مقالماتی غزل دا ہے جیکوں عوام بہوں پسند کیتے۔ سرائیکی شاعری دا پہلا مجموعی سیپ چھپ چکے۔

ھیں ڑی کینجھا سیپ سنگھاری بھاہ لڳ ڳئی اے

چولے تے کئ نقش ابھاری بھاہ لڳ ڳئی اے

اۓ جوڳݨ جنگل دی راݨی پیرو راݨی

شہر ءِچ بوچھݨ آن اݙاری بھاہ لڳ ڳئی اے

تیݙا دل وی پتھر ھا تے میݙا دل وی

پتھر تے ایں پتھر ماری بھاہ لڳ ڳئی اے

تھل کوں آکھی پاݨی تھی ونج پاݨی تھی ڳئے

پاݨی وچوں عشق گزاری بھاہ لڳ ڳئی اے

میݙے سینے لڳ کے میݙا اصغر جیویں

آپو جاݨ تاں سینہ ٹھاری بھاہ لڳ ڳئی اے

کاں کافر

لوکی پچھدن،

کاں کوں کافر کیوں آھدن؟

ہک معصوم پرندہ جیہڑا

مہمانیں دیاں خبراں ݙیندے

کہیں وسوں دیاں شانداں ݙیندے

کافر کیوں ھے؟

میں اے آھداں۔

کافر کہیں مذہب دا ناں نئیں

نہ اے رنگ یا ذات دا ناں ھے

نہ کہیں دی اوقات دا ناں ھے

کافر ہک کردار کوں آہدن

کیتے ہوئے نروار کوں آہدن

میں اے آہدان

بھانویں اݙدا پکھی ھووے

کہیں وستی دا ڳودا ھووے

کہیں درگاہ دا وارث ھووے

بھانویں ملک دا حاکم ھووے

جیکر کہیں مجبور دے ہتھو

کہیں مجبور دے بالیں دے ہتھو

رزق کھسیندے

کافر ہوندے..

تیݙیاں زلفاں رات سیاہ ان کینا لکھساں

تیݙے نیناں نور نگاہ ان کینا لکھساں

میں لکھدا ہم جان میݙی توں جندڑی میݙی

جان تے جندڑی بے پرواہ ان کینا لکھساں

تئیں آکھیئے جو شعر لکھاں میں تیݙے کیتے

نمی لکھدا لوک گواہ ان کینا لکھساں

تیکوں آپڑیں خواب خیالیں لکھدا ہامی

بھاہیں خواب خیال کپاہ ان کینا لکھساں

میݙے شعر گناہ ان جیکر میݙی توبہ

پہلے میݙے ڈھیر گناہ ان کینا لکھساں

چندر ستارے پھل خوشبو تے مونجھ دے منظر

سارے تیݙے گھر دے راہ ان کینا لکھساں

خط ءچ لکھساں چنگی نبھدی پئی اے

ول آ میݙے آوکھے ساہ ان کینا لکھساں...!!!

اصغر گورمانی

پیار دا کوئی اثر تاں کائنا ہا

تیکوں نکھڑݨ دا ݙر تاں کائنا ہا

جیݙی آنوݨ کوں دیر کیتی ہئی

ایݙا لمبا سفر تاں کائنا ہا

دل دے چوریں کوں راہ کتھو مل پئے

میݙے سینے تے در تاں کائنا ہا

نہ او خدا ہا نہ میں کوئی بت

ساݙا ازلاں دا شر تاں کائنا ہا

رات چوݙی دے چن دے جلوے ہن

رات اصغر وی گھر تاں کائنا ہا

سئیں اصغر گورمانی

ویلھی تھی ݙسا گِھن

ڈکھڑے سݨا گِھن

پیریں اتے ہتھ رکھ

یار کوں منا گِھن

دل ݙے حکیم کوں

دل دی دوا گِھن

کنو بُٹی آکھسی

بوچھݨ اتے پا گِھن

گھمی گھمی رات ہے

رات کوں روا گِھن

سک ساگی سانبھ رکھ

مونجھ گھݨیں چاگِھن

مندری تاں منگی وی

خواب وی ولا گِھن

کلھی ہاں وئے ڈھولݨاں

قسماں چوا گِھن

در اتے چوگ سٹ

پکھیں دی دعا گِھن

ویندا پئے وی اصغر

مل پو الا گِھن

اصغر گورمانی

پیار پوجا اے پیار اے عبادت سجݨ

پیار زندہ رہݨ کیتے ساہ ہوندا ہے

پیار دل اے تے دلدار وی پیار ہے

پیار روح دے تعلق دا راہ ہوندا ہے

ساری دنیا دےفتنے فسادیں کنوں،

پیار محفوظ جئیں ہک پناہ ہوندا ہے

پیار ذاتیں صفاتیں کنوں معتبر

پیار شاہیں دا وی شہنشاہ ہوندا ہے۔

پیار ہےتاں زمیں چندر تاریں کنوں،

اچیاں پروازاں خاکی وکھیندا ودۓ،

پیارنئیں تاں اے کیا اے جوبندا بشر،

ہک تصور کوں سجدے کریندا ودئے

اےنئیں سمجھا تاں آ میں ڈساواں تیکوں،

پیارسچا ہے رب دی عطا پیار ہے،

پیار پھل اے تے پھلاں دی شبنم وی ہے

پیار رم جھم ہے باد صباپیار ہے

پیار ساجد دے سجدے دے اندر ڈسے

جیہڑا مسجود ہے او خدا پیار ہے،

پیار موت اے تاں موت اچ بقا ہوندی ہے

پیار ڈکھ اے تاں ڈکھ دی دوا پیار ھے۔

میں تیکوں پیار کیتے تاں وزبر جئے

ڈکھ ساری حیاتی دے ہن سارے نمے تھۓ،

پیار جے کر گناہ ہے تاں محشر دے ڈینہہ،

تیڈے سارے گناہ میڈے ذمے تھئے

توں سخی ہیں تیڈا کم سخاوت جو ہے

نمی آہدا جو ایں نہ تے ایں حال ڈے

نمی آہدا جو پہلے بہوں کاہل ہن

نمی آہدا جونہ کوئی نواں کاہل ڈے،

نمی آہدا جو میں تیڈا بھائیوال ہاں

نمی آہدا جو بھائیوالی بھائیوال ڈے،

نمی آہدا جو اکرس ہے ہاں ہس پئے

آ میڈی تسی روح کوں وی پݨیال ڈے۔۔

اتنا احساس کر بݨ کے گستاخ میں

آکھ باہواں نہ سانول سہیندا ودئے

میں پیغمبر تاں نئیں ول سرعام کیوں،

میکوں مالک بازار اچ وچیندا ودئے

انجیں نائب خدا ہاں مگر دوستا،

میڈا سردار توں،

میڈا سلطان توں،

میڈی اکھیاں دا چانݨ،

میڈی زندگی،

میڈی پوجا وی توں،

میڈا بھگوان توں،

کیچ بھنبور توں،

تھل دے ٹبڑے وی توں،

رلی سسی دا حاکم پنل خان توں،

میں تیڈے پیریں رلدے پچھاویں جیا،

میڈی قامت بلندی

میڈاشان توں،

تیڈا ہر ہک حکم میڈے سر اکھیں تے،

ایندی تعمیل کوں بندگی آکھساں،

توڑے ہوساں جنازے دے بستر اتے

میکوں سڈ ماریں توں

تیکوں جی آکھساں.۔۔۔۔۔

سئیں اصغر گورمانی

یار دی بارات ہووے  ، چوڈویں دی رات ہووے

میندی والے تهال ہوون ، ساریاں سینگیاں نال ہوون

پچهیں گڈیاں کهیڈساں

سوہنڑا سوہنڑا ونڑ ہووے ،پیریں چهنڑ چهنڑ ہووے

سونے رنگی لهاں ہووے،سانولے دی بانهہ ہووے

پچهیں پینگهاں جهوٹساں

گهمی گهمی شام ہووے ،شام تیڈے نام ہووے

میڈا بهاہیوال ہوویں ،رات ساری نال ہوویں

پچهیں ڈیکهیں جاگساں

کجلے دی دهار ہووے ، اکهیاں خمار ہووے

مٹها مٹها بول ہووے، بیا کوئی نہ کول ہووے

پچهیں تیڈو ڈیکهساں

Asghar Gurmani




#Article 354: اظہار تشکر (390 words)


تھینک یو:ـ
جناب نورمحمد تھہیم ایڈووکیٹ سموری بار تے خان پور دے سارے قابل احترام دوستیں دے نانویں۔نظم نِمہیں لِکھدا میں خط پیا لِکھیداں۔جیویں الینداں اویں کاغذ تے لِکینداں۔تُساں ساہ ساہ دے سنگ سنگت جوڑی۔پیت پریت دی ریت بنڑائی ۔تُساں دریا دا لیکا جھاگیا۔ساڈی خاطر دعا دے بُگ جوڑ بنڑایا کاسا۔جہڑا خاصہ معتبر عمل اے ساکوں ودھیک بھانڑاں۔ہر ہِک نِمانڑاں بندہ خدا دے اگوں ہتھ اڈیندے۔تُساں وی اَڈیئے۔ گال ہِک سمجھ نہیں آئی جو تُساں ہِکی سہی اِچ خُدا کنوں منگیے تے ہِکے لہذے نا خُدا دے اگوں ساڈی خاطر پلو اڈیئے۔اے گال سچ اے جو تہاڈا ساڈا ساہ دا سانگھا مُل مہانگا ۔ایویں کُر تے یار نئیں بنڑدے ،وقت لگدے ۔ہاں نِکلدے تاں ناں نِکلدے۔اساں میت پریت دے اینجھے زائچے جوڑوں جو پار اُروار وچ فرق نہ آوے۔پار والیں کوں چھمک لگے تاں اُروار ولیں دی کنڈھ تے پھلوہیں پئے ڈِسسِن۔اے ٹھیک اے ریاست ماء ہوندی اے۔ اتھاں پاک سرزمین دے اُتے مئی اے پر مترائی اے ۔تُساں ریاست کنوں ساڈی خاطر پیسے نہ منگو۔ تُساں آکھو مِسنگ پرسن کتھ اِن۔ رِدھ تے کھا گیو دریاویں لُڑھ گِن یا پتھر پہاڑ دا رزق بنڑیِن۔تُساں ساڈی خاطر کجھ نہ منگو۔ تُساں اے پُچھو جو ایہے پہلوں ہَن پے۔پہاڑیں اندر رہندے نانگ لتاڑ تے مال چریندے سوہنڑے لگدے ہَن۔الغُرزہ دی تار اُتے چوٹیاں رقس کریندیاں ہِن۔ مئی مشین مخبری کیتی وچوں نِختے سونا جِپسم تیل پٹرول بیاں لا محدود دھاتاں بلوچیں کیتے اللہ سئیں دی طرفوں خاص الخاص براتاں سونا چاندی ڈیکھ تے یار اُبھے چڑھ گالہے تھی گے۔ راتوں رات سارے بُگٹی، مری، مسوری تے گشکوری دیش دروہی تھی گئے۔مارو مارو مُلک دے دشمن۔ بند بوری اِچ سانبھ تے رکھوں میڈے زہین یارو تُساں ساڈی خاطر نہ اڈڑاں ہا۔تہاڈے ہتھ خُدا بنڑاۓ ہَن دعا دی خاطر۔سیانڑے لوکو کڈھیں قضا دے ہتھوں شفاء مِلی اےـ وکیل مانڑوں التواء دے عادی عزرائیل کولوں ساڈی خاطر التوا وقفہ نہ منگو۔ موت مرسی اساں نہ مرسوں۔ خاطر جمع رکھو۔ پنڈت دے گھر خُدا نہ گولو۔کُچلے دی ہٹی دے اگوں کھڑ تے۔پرافٹ دے پِٹیے سیٹھ دے کولوں دریاق پئے پُچھدو۔ ساڈی تحریک محکوم لوگیں دی پُر امن تحریک اے ۔اساں غلولی نال ہِک پتھر نئیں اچھالیا دشمن دے گھر ڈو۔ ساڈے وینڑ کوجاں ولیندین۔ ساڈے نوحے چپڑیں دے چِلکارے تے چیڑیں دی چوں چوں ساڈا جلسہ۔ دول نغارے ساڈے راکٹ لانچر۔ سِندھو سئیں اِچ ٹھِلدیاں بیڑیاں ساڈے ہاتھی گھوڑے۔ جُھمر صوبہ جوڑے۔
(صوفی تاج گوپانگ)




#Article 355: اظہر مراد (1288 words)


کنڈا فریدؒ میلے دا اکھیں ڈٖٹھا حال

(رپورٹ: جام اظہر مُراد)

میلے کہیں وی قوم دی شناخت ، تہذیب، ثقافت تے تفریح دا ذریعہ ہوندن۔ ،انسانی تاریخ وچ تقریباً ساریاں قوماں کئی صدیاں توں کہیں نہ کہیں حوالے نال تفریح سانگے میلے ٹھیلے دا انعقاد کریندیاں آندین۔میلیاں وچ لوک اپنْیاں تمام مصروفیات کوں چھوڑ کراہیں اپنْے ذہنی اتے قلبی سکون سانگے شریک تھیندن۔جیندی وجہ توں میلے لوکاں دے سکون دا سبب بنْ ویندن۔ خواجہ فرید روہی امن میلہ وی اینویں ہر سال چولستانیاں دی خوشی دا سبب بنْدے ۔روہی چولستان اچ ایہ میلہ خواجہ غلام فریدؒ دی نسبت دی وجہ توں بے پناہ شہرت دا حامل ھے۔روہی اچ زندگی جتنی عجیب وغریب ھے اُتنی دلچسپ وی ہے ۔روہی اچ راہونْ والے لوک صحرا کوں اپنْی حیاتی دا پورہیا سمجھدن۔خواجہ فریدؒ روہی امن میلہ سرائیکی خطے دی سب توں وڈٖی معاشی ،ثقافتی،سماجی اتے روحانی سرگرمی ہے۔ جئیں وچ لکھاں لوک مُلک دے مختلف حصیاں توں شریک تھیندن۔ حضرت خواجہ غلام فرید ؒ دے روہی چولستان اچ چلہ کشی دے ایں مقام تے لوک چار ڈٖینھ کٹھے تھی کراہیں خواجہ فریدؒ دے ذکر اذکارنال اپنْے قلوب منور کریندن ۔شہری حیاتی گزارنْ والا انسان جڈٖاں روہیلی زندگی دے مناظر ڈٖہدے تاں روہی کوں قدرت دا تحفہ سمجھنْ دے نال نال روہیلیں دی پسماندگی دا احساس وی شدت نال محسوس کریندے۔ خواجہ فرید ؒ دا روہی دے نال محبت دا رشتہ کتنا حسین ہا جو او اکثروبیشتر اپنْی شاعری وچ روہی دا ذکرکریندے ہَن ۔

ایہا روہی یار ملاوڑی ھے

رھے ہر دم شالا ساوڑی ھے

ونجٖ پیسوں لسڑی گاٖوڑی ہے

گھِن اپنْے سوہنْے سئیں وو کنوں

خواجہ فرید ؒ دی روہی دے نال محبت دے رشتے کوں برقراررکھنْ سانگے خواجہ فرید فاؤنڈیشن گزریل 17سالیں توں سجادہ نشین دربار فرید کوٹ مٹھن شریف خواجہ معین الدین محبوب کوریجہ دی سرپرستی وچ خواجہ فرید روہی امن میلہ دے ناں نال (پہلے ترے ڈٖینھ میلہ تھیندا ہا)چارڈٖینھ میلے دا انعقادفیروزہ دے نیڑے کنڈا پیر فریدؒ دے مقام تے منعقد کرویندی ھے۔ایں سال وی خواجہ فرید روہی امن میلہ دے دوران روہی دے ریگستان اچ خیمیاں دا شہر آباد رہ گٖئے اتے کئی کئی کلومیٹر تئیں بازار سجیے نظر آئے۔لوکیں دی تفریح سانگے تھیٹر(چرسی ڈھولااکرم نظامی کی ٹیم) ،موت دا کھوہ (کنواں) پنگھوڑے ،سرائیکی کتابیں دے اسٹال سمیت دیگر کئی تفریحی اتے ثقافتی کھیڈٖاں تے ثقافتی سرگرمیاں منعقد کیتیاں گٖیاں ۔سیکورٹی دے سخت انتظامات کیتے گٖئے۔میلے دے موقعہ تے ترئے ڈٖینھ الخدمت فاؤنڈیشن اتے محکمہ صحت دی طرفوں انج انج فری میڈیکل کیمپ لاتے گٖئے۔جئیں وچ ہزاراں مریضاں دا فری چیک اپ اتے فری دوائیاں ڈٖتیاں گٖیاں۔محکمہ لائیو سٹاک دی طرفوں وٹرنری میڈیکل کیمپ وی چار ڈٖینھ جاری رہا ۔محکمہ زراعت دی طرفوں رہنمائی کیمپ لاتا گٖیا۔جئیں وچ کساناں کوں بِج اتے فصلاں دیاں معلومات ڈٖتیاں گٖیاں۔ میلے دے پہلے ڈٖینھ دا مُنڈٖھ قرآن خوانی توں بٖدھا گٖیا ۔قرآن خوانی دے بعد خواجہ معین الدین محبوب کوریجہ خصوصی دُعاکرائی ،قرآن خوانی دے بعد محفل نعت اتے محفلِ سماع منعقد تھئی ۔نعت خواں حضرات نے نذرانہ عقیدت پیش کیتااتے محفل سماع اچ دربار فرید ؒ دے قوالاں اپنْی حاضری پیش کیتی۔میلے دے چار ڈٖینھ اُٹھاں(اونٹ)دی چال، جُھمر، آرائش وزیبائش دے مقابلے وی تھیندے ریہے۔ نمایاں پوزیشن حاصل کرنْ والیں کوں انعامات نال نوازایا گٖیا۔جڈٖاں جو میلہ دے چارے ڈٖینھ گھوڑیں دا رقص اتے تیاری دے حوالے نال مقابلے وی تھیندے ریہے۔ایندے علاوہ سرائیکی جُھمر ،شہنائی ،ڈھول ،نغارہ دے مقابلے وی تھئے ۔لکھاں لوکاں اِنھاں دلچسپ مقابلیاں کوں ڈٖیکھ تے خوشی دا اظہار کیتا۔میلے دے ڈٖوجھے ڈٖینھ صوفی مجلس منعقد تھئی ۔جیندی صدرات سجادہ نشین خواجہ معین الدین محبوب کوریجہ کیتی۔صوفی مجلس دی نشست اچ سید وقار لطیفی سجادہ نشین شاہ لطیف بھٹائی ،ڈاکٹر قیصر شہزاد سابق سیکریٹری تعلیم ،ڈاکٹر جاوید چانڈیو چیئرمین سرائیکی شعبہ اسلامیہ یونیورسٹی بہاولپور ،ماہر فریدیات مجاہد جتوئی،سید عصمت اللہ شاہ،باسط بھٹی سمیت دیگر مقررین خواجہ غلام فرید ؒ دی شخصیت اُنھاں دے فن اتے کلام دے حوالے نال گاٖلھ مُہاڑ کیتی ۔مقررین آکھیا جو خواجہ غلام فرید ؒ دی شاعری صوفی ازم دی بہترین مثال ہے ۔صوفیا ئے کرام احترامِ انسانیت ڈٖتے اتے صوفیاء کرام دا پیغام انسانیت دی خدمت ہے ۔اساڈٖے معاشرے وچ دہشت گردی دا خاتمہ صوفیائے کرام دے درس دے ذریعے کیتا ونجٖ سگٖدے۔صوفی مجلس دے آخر اچ چولستانی لوک فنکار موہن بھگت حضرت خواجہ غلام فرید ؒ دیاں کافیا ں گاٖکراہیں سامعین کوں محظوظ کیتا۔میلے دے تریجھے ڈٖینھ سویلے چُوری ونڈ دی رسم تھئی ۔سجادہ نشین خواجہ معین الدین کوریجہ دی قیام گاہ نازک نگر توں مہماناں کوں گھوڑیں اتے اُٹھیں تے بٖلہا کراہیں قافلہ دی صورت اچ جھوک فریدؒ تئیں گھِن آیا گٖیا ۔قافلے دی قیادت سجادہ نشین کیتی ۔اُٹھ سوار ،گھوڑا سواراتے ہزاراں لوکاں پیدل ٹُر کراہیں کنڈا پیر فریدؒ پُجٖیے ۔قافلے دے شرکاء سِر تے چُوری دے تھال چاتے ہوئے ہَن۔ایں موقع تے ماہر فریدیات مجاہد جتوئی خواجہ غلام فرید ؒ نال وابستگی دا پس منظر بیان کیتااتے خواجہ معین الدین کوریجہ خصوصی دُعا کرائی۔آونْ والے معزز مہمانان گرامی دی دستار بندی کرائی گٖئی۔ایں سال میلے دا خاص ایونٹ نیزا بازی دا مقابلہ ہا۔میلہ دے تریجھے ڈٖینھ نیزا بازی دے مقابلیں اچ ہری پور ہزارہ توں گھِن کراہیں جھنگ،خانیوال ،شیخو پورہ دیاں ٹیماں مقابلہ اچ حصہ گھِدا۔انھاں مقابلیں دی قیادت درگاہ عالیہ حق سلطان باہو دی نمایاں شخصیت سلطان فتح محمد کیتی ۔جڈٖاں جو ایں مقابلے اچ ایم پی اے عباس بھروانہ وی حصہ گھِدا۔نیزا بازی سانگے خصوصی اہتمام کرنْ تے میلسی دے شہزاد احمد وسیر کوں خصوصی ٹرافی پیش کیتی گٖئی ۔میلہ تریجھے ڈٖینھ رات کوں محفل موسیقی دا اہتمام کیتا گٖیا ۔میوزیکل نائٹ اچ خواجہ فرید فاؤنڈیشن دے صدر خواجہ کلیم الدین کوریجہ ،سجادہ نشین خواجہ معین الدین کوریجہ ،سرائیکستان ڈیموکریٹک پارٹی دے سربراہ رانا فراز نون ،سرائیکستان قومی اتحاد دے سربراہ خواجہ غلام فرید کوریجہ ،سرائیکی فاؤنڈیشن پاکستان دے چیئرمین(راقم الحروف) جام اظہرمراد لاڑ،سرائیکی ایکشن کمیٹی دے رہنما راشد عزیز بھٹہ،قاضی ظفرنوید،مجاہد جتوئی ،حبیب الرحمن فریدی،محمد آصف دھریجہ،نذیر احمد بزمی ،اختر فریدی ،محمد اکرم فریدی خصوصی شرکت کیتی ۔ایں موقع تے رانا فراز نون ،خواجہ غلام فرید کوریجہ خطاب کریندیں ہوئیں آکھیا مردم شماری آندی پئی ھے خواجہ غلام فریدؒ دی زبان سرائیکی دا خانہ ستواں ہے تمام سرائیکی بھرانویں کوں خواجہ غلام فریدؒ دی بٖولی سرائیکی لکھنْ دی اپیل اے۔محفل موسیقی دے پروگرام دے اسٹیج سیکریٹری رازش لیاقت پوری ہَن۔ میوزیکل نائٹ اچ شوکت چولستانی،عباس کارلو،طارق امین یازر،رمضان حسین سمیت بٖئے کئی گلوکاراں خواجہ غلام فریدؒ دیاں کافیاں اتے گیت پیش کیتے ۔محفل موسیقی اچ سُر اتے تال گونجیے تاں لوک مست تھی گٖئے ۔میوزیکل پروگرام چھیکڑ اچ سلیم ناصر دے شاگرد فہیم نوناری ٹیوب آئٹم پیش کر تے خوب داد وصول کیتی ۔ خواجہ معین الدین کوریجہ میلہ دے حوالے نال انتظامی خدمات سرانجام ڈٖیونْ تے جام عطاء محمدلاڑ،جام مہراب لاڑ،جام نادر مہراب لاڑ،جام غلام حسین لاڑ کوں اعزازی شیلڈاں پیش کیتیاں۔میلہ وچ لاہور دے18دانشور افرادجنھاں وچ تریمتیں وی شامل ہن خصوصی شرکت کیتی۔بلوچستان دے 15طالب علماں تے مشتمل گروپ خصوصی طور تے شامل تھیا۔روہی میلہ وچ دیگر تقریبات سمیت کبڈی ،کُشتی ،نلی دا میل دے مقابلے تھئے۔روہی دی ریت دے ٹبیں تے نوجواناں موٹرسائیکل ریس دے مقابلے وی کیتے۔جنھاں کوں ہزاراں لوکاں ڈٖیکھ کراہیں خوشی دا اظہار کیتا۔۔میلہ دے چارے ڈٖینھ نازک نگر وچ خواجہ فرید فاؤنڈیشن دے زیراہتمام لنگر دا وسیع انتظام رہا ۔میلہ وچ ڈپٹی سپیکر پنجاب اسمبلی شیر علی گورچانی دے والد سردار پرویز گورچانی ،اسسٹنٹ کمشنر لیاقت پور اختر منڈیراسمیت بٖہوں ساری سیاسی ،سماجی اتے نمائندہ شخصیات شرکت کیتی۔میلہ وچ سرائیکی فاؤنڈیشن پاکستان ،ڈاہا فاؤنڈیشن سمیت دیگر تنظیماں استقبالیہ کیمپ وی لاتے۔میلے دا آخری پروگرام جُھمر ہئی۔جوں ہی میلہ اختتام پذیر تھیا خیمے ولہیٹ گھِدے گٖئے ۔صحرا وچ بٖلدے ڈٖیوے گُل تھئے تاں ہک چُپ جیہاں سکوت طاری تھی گٖیا۔سیہڑ دیاں غربازیاں ،ہرنْیں دیاں چوکڑیاں ،موریں دیاں جھمراں والی مست صحرائی حیاتی وَل واپس وَلنْ شروع تھی گٖئی ۔خوشیوں نال لبریز 17واں خواجہ فرید روہی امن میلہ بٖہوں ہی دلچسپ یاداں چھوڑ کراہیں اگٖلے سال دے18ویں روہی امن میلے دے انتظاراچ اگٖونہاں پندھ کر گٖیا۔




#Article 356: اظہر کلیانی (144 words)


اظہر کلیانی سرائیکی زبان دا شاعر ہے۔

٢٠ فروری ١٩٨١ء کوں دیرہ غازی خاں وچ ڄمے۔

زکریا یونیورسٹی ملتان وچ  ٥ نومبر ٢٠١٧ء کنوں پی ایچ ڈی اردو دا طالبعلم ہے۔

میݙا پتر بݙهیپا اپݨی جاہ

میݙی ڳال تاں بݙهڑی نیں تهی ڳئی

تیݙے شہر ونجݨ دے نال جیویں

ساݙی وستی نکڑی نیں تهی ڳئی

توں شہریں ونج ہڑتال کریں

پیا روز چهپیں اخباریں وچ

کیویں چوک اچ روٹی مل پوسی

کیویں غربت مکسی نعریں وچ

کیڑھی رمز دے وچ سمجهانواں میں

تیکوں ڳالهیں اپݨے چیتے دیاں

تیݙے بهوڳ دی واچهڑ کیا چئیسن

ساݙیاں کندهیاں کچے لیپے دیاں

توں شہریں ونج پکڑیج پوویں

اساں کوٹ کچہریاں کیا جاݨوں

اساں داݨے چهٹ کے هوک پوندوں

اساں شہر دیاں چاڑهیاں کیا جاݨوں

میݙا پتر بݙهیپا اپݨی جاه

میݙی ڳال ہمیشہ یاد رکهیں

ساݙے ہتھ ہن مال دے ڳهاه جوگے

ساݙے پیر ہن کهوه دے راہ جوگے....!!!




#Article 357: اعجاز توکل (138 words)


اُستاد توکل حسین خان دے گھراݨے دے چشم و چراغ تے اردو پنجابی دے نال نال سرائیکی غزل آکھݨ آلے انہاں دی مادری زبان پنجابی ھ پر انہاں دی سرائیکی شاعری وچ اُو پیو ݙاݙے توں آوݨ آلی کافی دی سنڄاݨ ݙسدی ݙیکھو جینکوں انہاں دیں وݙکیں وسیب وچوں چہ تے پورے براصغیر اچ پُڄایا  

میݙی سوچیں تُوں انج نکل آئے ہِن

خوش مِزاجی چُوں رنج نکل آئے ہِن

ڈُکھ پچاون کُوئی سوکھی گال نہیں

کِھلدے لفظیں دے ہنج نکل آئے ہِن

آ غماں کُوں سلامِیاں ڈیوُوں

گھوٹ اے گِھن تے جنج نکل آئے ہِن

ڈُکھ اِیہو ھے جو اکھ چُوں پانی نال

خواب وی چار پنج نکل آئے ہِن

سوچ کہیں کُوں وی نئیں چُھوڑیندی پئی

نِکے بالیں دے گنج نکل آئے ہِن

سِک بہوُں ہئی جِنہاں دی تیکُوں او

مِلناں ھووی تاں ونج نکل آئے ہِن




#Article 358: اعظم بلوچ احمد پوری (206 words)


اعظم بلوچ احمد پوری سرائیکی زبان دا شاعر ہے۔ 

اڄ توݨیں ھِے لڑھدا پاݨی

اکھ توں کائینی رکدا پاݨی

جیڑھے خود ھِن کوثر والے

بند انھاں دا تھی ڳیا پاݨی

غازی دیاں وی ٻانہیں کپاں

قطرہ قطرہ وھے ڳیا پاݨی

کس ڳئے او معصوم تریہا

اصغر دا وی بند ہا پاݨی

اپݨی طرز تے ھِے شرمندہ

نہر فرات دا واہندا پاݨی

اڄ تاں اپݨیاں ٹھاٹھاں ݙیندے

ہوں ݙینہہ کِنتے ڳیا ہا پاݨی

وانگ طوفانِ نوح دے اعظم

ہِک لحظہ تاں اٹھدا پاݨی

کپڑے گھنساں چنی گھنساں

پیریں دی میں جتی گھنساں

کنیں دیاں میں والیاں گھنساں

رنگ برنگیاں ونگاں گھنساں

ات واری تاں سمی وانگوں

میں وی سوہنے کپڑے پیساں

نا گھن ݙیسیں تاں رس ویساں

تیݙے کولہوں بابا سئیاں

گݙی دے وی کپڑے گھنساں

دھی رانی دیاں گالھیں سن تے

میکوں لگدے سکتا تھی گے

ہاں دے اندر گھوبا پئے گے

ات واری تاں گودا پکرے

اللہ سئیاں گودا پکرے

پچھلی عید دے اتے وی تاں

کئی شئے کائیناں ݙتی ہاسی

گھن تے گھر ݙسکار ولیا ہم

ݙے تے میں ونگار ولیا ہم

ݙیلھا خن جے منگدا ھامیں

بے تاݙا میں تِھیندا ھامیں

تہوں تاں اعظم آکھناں پئے گے

میں ہوواں نا ہوواں ہا پر

توں تاں غربت ہوویں نا ہا

اعظم بلوچ احمد پوری




#Article 359: افریقہ (361 words)


افریقہ ہک براعظم اے۔ مصر، سوݙان لیبیا، جنوبی افریقہ، نائیجر اہم ملک ہن۔ رقبے دے لحاظ نال ایہ ݙوجھا وݙا براعظم ہے۔

براعظم دے مغرب وچ دریائے نائجر وگدا ہے جیہڑا وسیع دلدلی ڈیلٹا بݨیندا ہویا بحر اوقیانوس وچ ونج ڈھہندا ہے۔ اس دے مشرق وچ دریائے کانگو افریقا دے گھاٹے استوائی جنگلات توں گزردا ہے۔ براعظم دے مشرقی حصے وچ عظیم وادی الشق تے ایتھوپیا دے بالائی میدان ہن۔ قرن افریقا براعظم دا مشرق دی جانب آخری مقام ہے۔

موسم گرم تے نم ہے۔ خط استوا دے نال نال بارشاں دی وجہ کنوں گھنے جنگلات واقع ہن۔ اتھوں دا موسم گرم اتے نمی توں بھرپور ہے۔

١٩٦٠ء تائیں افریقہ دے اکثر ملک یورہی ملکاں دے غلام ہن، ول آزادی شروع تھی ڳئی تے ١٩٨٠ء اکثر ملک آزاد تھی ڳئ لیکن انہاں دے وسائل نو آبادیاتی دور وچ غصب کر گھدے گئے ہن اس واسطے اقتصادی و معاشی طور تے اوہ اج تک نہ سنبھل سکے تے غربت دی دلدل وچ پھنسے ہوئے ہن۔ وݙے پیمانے تے جہالت دے باعث نسلی و قومی تعصب نے وی افریقی عوام دے دلاں وچ جڑاں پکڑیاں جس دے نتیجے وچ خوفناک جنگاں تے خانہ جنگیاں تھئیاں جنہاں وچ لکھاں انسان اجل دا نشانہ بݨ گئے۔

اکثر آبادی دیہاتاں وچ رہندی ہے، قاہرہ وݙا شہر ہے جیندی آبادی 65 لاکھ ہے تے ایہ براعظم دا سب توں وݙا شہر ہے۔ شمال تے مشرق دے بیشتر ممالک دا مذہب اسلام ہے تے اوہ دنیا دے دیگر اسلامی ممالک دے نال عالمی اسلامی اخوت دے گہرے رشتے وچ ٻدھے ہوئے ہن۔

رقبے دے لحاظ نال ݙوجھا وݙا براعظم ہے۔رقبے کے لحاظ نال دنیا دا ݙوجھا سب توں وݙا براعظم ہوݨ دے باوجود افریقا دی آبادی زیادہ نی خصوصاً صحرائی علاقیاں وچ آبادی نہ ہوݨ دے برابر ہے۔ زیادہ تر آبادی پاݨی دے ذخائر تے زرخیز علاقیاں وچ ہے۔ افریقا وچ شرح پیدائش بہت زیادہ ہے اس واسطے آبادی وچ تیزی نال اضافہ تھیندا پیا ہے۔

براعظم دے جنوبی علاقیاں خصوصاً جنوبی افریقا وچ سب توں زیادہ کاناں ہن جتھوں ہیرے، سونا، یورینیم اتے تانبا نکلدا ہے۔ تانبے دے سب توں زیادہ ذخائر جمہوریہ کانگواتے زیمبیا وچ ہن۔ تیل الجزائر، انگولا، مصر، لیبیا اتے نائجیریا وچوں نکلدا ہے۔




#Article 360: افسانہ (262 words)


افسانہ زندگی دے ہک واقعے یا پہلو دی او کامیاب تے فنی پیش کش ہے۔ جہڑی کہاݨی دی شکل وچ پیش کیتی ویندی ہے۔ اینجھی لکھت جیندے وچ ٻہوں سارے مطلب کوں تھوڑے الفاظ وچ بیان کیتا ویندا ہے تے وݙے مطلباں کوں چھوٹے تے سمن٘جھ آ ون٘ڄݨ آلے لفظاں وچ ایں طرحاں ادا کیتا ویندا  ہے کہ نہ تاں لوڑ کنوں گھٹ ہووے نہ ودھ دی بنیادی حیثیت رکھی ویندی ہے۔  تاثر دی وحدت این٘دی سبھ توں وݙی تے اہم خصوصیت ہے۔ 

افسانہ ادب دی نثری صنف ہے۔ لغت دے اعتبار نال افسانہ کُوڑی کہاݨی کوں آہدے ہن۔ لیکن ادبی اصطلاح وچ ایہ لوک کہاݨی دی ہک قسم ہے۔ ناول زندگی دا کُل تے افسانہ زندگی دا ہک چھوٹا جیہا حصہ پیش کریندا ہے۔ ڄݙاں جو ناول تے افسانے وچ لمبائی دا فرق وی ہے۔

داستان، ناول، ڈرامہ تے بنیادی طور تے ہک کہاݨی ہووݨ دے باوجود اصولاں تے قواعد دے اعتبار نال ہک ݙوجھے توں انجھ ہن۔ داستان وچ تخیل تے تصور دی رنگینی، ڈرامے وچ کوئی نہ کوئی کشمکش، ناول وچ زندگی دا ودھارا  تے افسانے وچ موضوع کوں تھوڑا جیہا ݙَسݨ۔ ایہ ہکو جیہاں خصوصیات ہن۔

افسانہ ݙوجھیاں کہاݨیاں کنوں ایں لحاظ نال منفرد ہے جو این٘دے وچ واضح طور تے ہک شئے دی ترجمانی تے مصوری کیتی وین٘دی ہے۔ ہک کردار، ہک واقعہ، ہک ذہنی کیفیت، ہک جذبہ، ہک مقصد، مختصر ایہ جو افسانے  وچ  جو کجھ وی ہووے، ہکو ہووے۔ افسانے دی  ایہ خوبی ہے جو  ایہ آپݨے چھیکڑ وچ پڑھݨ آلے دے ذہن تے واحد تاثر قائم کریندے۔ ایں سانگے اینکوں وحدتِ تاثر اہدے ہن۔




#Article 361: افسانہ تے کہاݨی وچ فرق (223 words)


١۔ افسانہ اصل وچ حقیقت کنوں چوری تھیوݨ آلی شئے دا ناں ہے، ڄݙاں جو کہاݨی گذرے ہوئے واقعہ دے بیان کوں آہدن۔
٢۔ کہاݨی وچ معروضیت تے ڄݙاں جو افسانے وچ موضوئیت دا پلڑا بارا ہوندے۔
٣۔کہاݨی افسانے کیتے خام مال ہے۔
٤۔ کہاݨی وچ کرادراں دی حرکت عمل تے زیادہ زور ݙتا ویندے ڄݙاں جو افسانے وچ کرداری ذہنی سوچ، جذبات، نظریات تے اوندی داخلی تے خارجی دُنیا کوں بحث ہیٹھ گھن آندن۔
٥۔ کہاݨی وچ واقعات کوں اہمیت ہون٘دی ہے تے افسانے وچ کرداریں کوں۔
٦۔ کہاݨی ٹھوس واقعات کنوں جنم گھندی ہے ڄݙاں جو افسانے دی بنیاد احساس تے خیال ہے۔ ایندے  وچ واقعات پَوڑی دے طور تے کم کریندے ہن۔ جیندے ذریعے کرداراں کوں ݙٹھا ویندے۔
٧۔ پُراݨی کہاݨی وچ سوال کرݨ تے اوندے جواب دیاں منزلاں طے تھیوݨ اصل پلاٹ سمجھیا ویندا ہا پر افسانے وچ اچا چیت کہیں خیال، واقعے یا منظر دے ذریعے کوئی خیال پیدا تھیندے جہڑا پلاٹ وچ ڈھَل وین٘دے۔
٨۔ کہاݨی وچ مافوق الفطرت عناصر کنوں وی کم گھدا وین٘دے ڄݙاں جو افسانہ حقیقت حال نال منضبط ہوندے۔
٩۔ کہاݨی کیتے پلاٹ ضروری ہے تے افسانے کیتے پلاٹ ضروری کائنی۔
١٠۔ کہاݨی وچ اصلاحی، اخلاقی سبق ݙیوݨ، تفریح و تحیر پیدا کرݨ مقصد ہے۔ ڄݙاں جو افسانے وچ نفسیاتی، جذباتی، طبقاتی تے وسیبی مسائل کوں بیان کرݨ دی کوشش کیتی ویندی ہے۔




#Article 362: افسانے دا افسانہ (295 words)


ادب دیاں سبھے صنفاں وچوں افسانہ ای اُو صنف ہے جیہنے محض قصے کہانیاں سُٹروالے عام لوکائی کوں اتنا معتبر کر ڈکھا یا کہ کہانی ہن شروع وی اُنہاں تے تھیون لگی تے ختم وی اُنہائیں تے ۔ایں طرحاں کتھائیں اُو خود قصے کہانیاں دا جیندا جاگدا کردار بن گئے۔ لہذا اَساں آکھ سگدے ہئیں کہ افسانے دا لکھیا ونجنا ای کتھائیں بادشاہت تے ملوکیت دے خاتمے دا سبب بن کراہیں جمہوریت دی شروعات دی علامت دے طور تے ساڈے ساہمنے آیا۔ ایہہ گالھ محض اتفاق یا مفروضہ کائی کہ دنیا وچوں بادشاہت تے ملوکیت دا خاتمہ تے جمہوریت دا آغاز دا گھٹ ودھ اوہو عرصہ ہے کہ جیندے وچ عالمی منظر نامے تے قصے تے داستاناں مُکدیاں پِن تے افسانہ عوامی جذبات دی بھرپور قوت تے جمہوریت دی خوشبو نال نسرداپے۔ 

ایں بیک ڈراپ وچ اساں ایہہ وی آکھ سکدے ہئیں کہ ڈوں سو سال پہلے امریکہ وچ افسانے دا آغاز کتھائیں اُوں تحریک دے عکس دے طور تے وی ساہمنے آیا جیہڑی پہلے اُوں خطے وچ تے ول ساری مہذب دنیا وچ عوامی اقتدار دے پھپھوڑ دی بنیاد بنڑیں۔ اساں اگر پاکستانی زباناں وچ لکھے ونجن والے افسانے دی گالھ کروں تاں ایہہ ساکوں پاکستان بنڑن توں بعد ای کہیں نہ کہیں شکل وچ ساہ گھندا ہویا نظر آندے ۔ میں ’’ساہ گھنن‘‘ دی گالھ ایں گالھوں کیتی ہے کہ عام طور تے اساں کہیں وی لکھت دے مُنڈھ کوں اُوں ڈینہہ توں ڈیکھن شروع کریندے ہئیں کہ جڈن اوہ شائع تھئی۔ حالانکہ شائع تھیونا چھپنا کڈھائیں وی نہ تاں کہیں لکھت دے قلم وچوں نکل تے کاغذ تے آ ونجن دی مُد دی نفی کر سگدے تے نہ اُوہندا متبادل بن سگدے کیوں جو طباعت تاں صرف لکھت دے ابلاغ کیتے ہوندی ہے نہ کہ اُوہندی تخلیق دی مُد دے تعین سانگے. 




#Article 363: افضل رندھاوا ہوراں دی مکاݨ (175 words)


اڄ پنجابی دانشوراں ءچ سرائیکیاں دا سب توں وݙا تے واحد نمائندہ ٹُر ڳے۔۔۔۔ ہک عظیم انسان ،پنجابی دانشور عالم ، مہان لکھاری ڄئیں ساری حیاتی قومی ثقافتی حقوق، بلخصوص پنجابی زبان تے ادب ءچ مظلوم نچلے طبقات دی نمائندگی کیتی ۔ پنجابی ادب دے مُنڈھلے ایرے تل دی زبان تے لوکاں نال جوڑ ے۔ سرائیکی قومی حقوق دی مکمل حمایت تے سرائیکی زبان کوں بنجابی زبان توں وکھ سمجھݨ انھاں دی روشن خیالی ترقی پسندی دی ہک اینڄھی وݙی مثال ء جیندا پنجاب دے وݙے توں وݙے دانشوراں ءچ فقدان ء۔ سئیں افضل رندھاوا سویں مہان انسان دا اساکوں چھوڑ ونڄݨ نویں نسل دا ناقابل تلافی نقصان ء۔ سئیں افضل احسن رندھاوا میݙے والد ملک عبداللہ عرفان ہوراں دے انتہائی قریبی دوست ہن ۔ فیصل آباد توں بہاولپور دی ٻیٹھکاں اپݨے وقت دیاں خوبصورت ادبی علمی شاہکار ہن ۔ ݙوہاں دی محفل ءچ عبداللہ عرفان نال صابر چشتی تے افضل رندھاوا نال علی اشرف اکثر موجود ہوندے ہن ڄیہڑے ݙوہیں خوبصورت انسان جوانی ءچ ہی اساکوں چھوڑ ڳئین ۔۔۔ ٻہوں ارمان تھئے۔ شہزاد عرفان




#Article 364: افضل عاجز دی یاد ءچ (197 words)


افضل عاجز دا فرماوݨا ہے ڄو میکوں انہاں دا اوہ کلام یاد ہے ڄہڑا انہاں کوں خود یاد کونی،تے اوں کوں خوبصورت رنگ ݙے کے دوستیں کوں شیر کیتا ونڄیں۔ عرض کیتا سیں ہک وار پنجابی ادبی سنگت افضل عاجز نمبر کݙھیا ہاءی ،ڄیندے وچ ساءیں دا کلام شامل ہاءی ۔اساں تاں اس کوں یاد کیتی ودے ہاں ڄہڑا کہ اصل اچ بہانا ہے یارکوں یاد کرݨ دا۔

افضل عاجز نال میݙی ڄاݨ سنڄاݨ ٻہوں پراݨی ہے ،جݙاں اوہ ڈاکٹر شیر افگن دے جلسیاں اچ شعر پڑھدے ہن تے کہکوں بغیر وضو اپݨے شعر پڑہݨ دی اجازت نن ݙیندے۔ہک دفعہ میݙے کول اے گناہ سر زد تھیا ہاءی پر انہاں دا تھورایت جو میکوں ماف کر ݙتا ہا۔افضل عاجز نال ملاقاتاں دا سلسلہ اوں ویلے ودھ ڳیا ڄݙاں اساں وی لاہور شفٹ تھی ڳیوسے،میݙا ہمیشہ انہاں ڳلہ رہیا جو تساں مزاحمتی سراءیکی شاعری چھوڑ کے اپنݨے وسیب دے افتادگان خاک کوں کلہہ چھوڑ ݙتا ہے،تے اج اساں کلہیاں ٻے کے افضل عاجز کوں یاد کریندے ٻیٹھے ہاں جو اساݙی او آواز کتھے کھڑیچ ڳءی ہے جہڑی کوءل وانگوں آدھی ہے،

شہر تیݙے دیاں سڑکاں اتے چنبا مروا کھلدا ہے

تھل میݙے دے سنڄے ٹٻے ساول کیتے لوہندھن




#Article 365: افضل ندیم افضل (104 words)


سرائیکی زبان دے مہاندرے شاعر تے عظیم خدمت گار سئیں افضل ندیم افضل اج شام 5 وجے دیرہ غازی خان اچ فوت تھی ڳن. آپ دی وفات نال سارے وسیب اچ صف ماتم وچھ ڳئی اے. سرائیکستان قومی کونسل دے صدر ظہور دھریجہ سئیں افضل ندیم افضل دی وفات تے تعزیت دا اظہار کریندے ہوئیں آکھئے جو انہاں دی وفات نال ہک ایہو جیہا خلا پیدا تھئے جیرھا ٻہوں عرصے تئیں پُر نہ تھی سڳسے. انہاں دے بزرگیں دی زبان سرائیکی نہ ہئی پر افضل ندیم افضل ما دھرتی ی زبان دی اتنی خدمت کیتی جو ما ڄایا نہ کر سڳسے.

١٣ ستمبر ٢٠١٩ء




#Article 366: افضل چوہان (334 words)


افضل چوہان سرائیکی زبان دا شاعر ہے۔

افضل چوہان دا تعلق مظفر گڑھ نال ہے۔

طاہر تونسوی لکھدن:

افضل چوہان دی غزل دی بہوں خوبی ایہ ہے جو اوندے وچ عصری شعور تے آگہی وی ہے۔ تے نویں دور دے مسائل دا ادراک وی۔ تے اے موضوع اوندے شعراں وچ ݙھل تے سامنے آ ویندے تے ایں طرح اوندی غزل وچ اوندا شعری تے فکری تجربہ واضح تھی کرائیں سامنے آندے البتہ ہک خوبی ایہ ہے جو غزل دی روایت نال اپناں تخلیقی عمل اڳوں تے ودھیندے”

پروفیسر عمران میر لکھدے ہن:

ہنجھ دا سیک”ہنجھ دا سیک اجوکے عہد دے ہر قسمے رنگاں دا اینجھا البم ہے جیندے وچ پورا وسیب اپنے خال و خد سودھا ‘آپنے ڳناہ ثواب سودھا پوری جزیات دے نال موجود ہے۔افضل چوہان ہنجھ نال آپنی وسوں اتے وسوں واناں دیاں تصویراں بنائن اتے ہر تصور لاتھی کہانی کوںشاعرانہ سلیقے نالب بیان کیتے اتے اے وی ݙسیے جو اے کہانی ساݙی آپنی ہے’مانگویں نی۔افضل چوہان شالا ایہو جیہاں تصویراں بݨیندا رہ ونڄے

نہ جنگل نہ بَر کوں پھول

ہُن توں آپ کو آپ اچ ڳول

پہلے عشق سمند رجھاڳ

ول اسرار دی ڳنݙھڑی کھول

ولا منصور بیٹھا ضد کریندے

بیا جھوٹا ولا ہک کھانونا ہے

عشق کوںظاہر کرا ں یا آپ کو بے گھر کراں

تُوںݙسا کیویں ہمالہ ذات دا میں سَر کراں

پتھراں کو موم کیتم ایہ تا ہا وس وچ میݙے

ہُن ݙسا میں موم کوں کیوں ولا پتھر کراں

چوراں دے دل چھوٹے ہوندن

ٹھڳاں دے دل وݙے ہوندن

غاصب دا دل ہوندا کائنی

منہ کالا تھئے ڳُت مُنی

میں عشق اچ کے تئیں پُنی

میݙیاں لیر کتیر پوشاکاں

میݙی لیر لویراں چُنی

میکوں ساڑے ہجر حشر وچ

ڳئی درد دے سیک اچ بھُنی

پندھ رات اندھاری جنگل

میں ایویں تا نَیں رُنی

کراں پُھل تعویذ وسیلے

متاں یار ملم کہیں حیلے

اساں تتڑی روہی جائے

ساݙے اندر ٹبڑے ٹیلے

اساں ݙیلھے لال کرینہ دے

اساں ساوے رتڑے پیلے

اساں بویاں ببلیں جالیں

ساݙے رنگ بہوں بھڑکیلے

سب سنگتی ساتھی ٹُر ڳئے

ودا افضل آپ کوں گھیلے




#Article 367: افغانستان (354 words)


افغانستان پاکستان دا ہمسایہ ملک اے تے ایشیا دا ہک اہم  ملک ہے۔ جس دا سرکاری ناں اسلامی جمہوریہ افغانستان ہے۔ اس دے جنوب تے مشرق وچ پاکستان، مغرب وچ ایران، شمال مشرق وچ چین، شمال وچ ترکمانستان، ازبکستان تے تاجکستان ہیں۔ اردگرد دے تمام ممالک نال افغانستان دے تاریخی، مذہبی تے ثقافتی تعلق بہت گہرے ہن۔ اس دے بیشتر لوگ مسلمان ہن۔ 

اے ملک بالترتیب ایرانیاں، یونانیاں، عرباں، ترکاں، منگولاں، برطانیویاں، روسیاں تے ہݨ امریکہ دے قبضے وچ ریہا ہے۔ مگر اس دے لوگ بیرونی قبضہ دے خلاف ہمیشہ مزاحمت کریندے رہے ہن۔ ہک ملک دے طور تے اٹھارویں صدی دے وسط وچ احمد شاہ ابدالی دے دور وچ اے ابھرا اگرچہ بعد وچ درانی دی سلطنت دے کافی حصے اردگرد دے ممالک دے حصے بݨ گئے۔

افغانستان وچ پنجاہ ہزار سال پہلے وی انسانی آبادی موجود ہئی تے اس دی زراعت وی دنیا دی اولین زراعت وچ شامل ہے۔ 2000 قبل مسیح وچ آریاواں نے افغانستان کوں تاراج کیتا۔ جینکوں ایرانیاں نے انہاں توں چھک گھدا۔ اس دے بعد اے عرصہ تک سلطنت فارس دا حصہ رہیا۔ 329 قبل مسیح وچ اس دے کئی حصے ایرانیاں توں سکندر اعظم نے چھک گھدے جس وچ بلخ شامل ہے مگر یونانیاں دا اے قبضہ زیادہ دیر نہ ریہا۔ 642 عیسوی تک اے علاقہ وقتاً فوقتاً ہناں، منگولاں، ساسانیاں تے ایرانیاں دے کول ریہا۔ جس دے بعد اس علاقے کوں مسلماناں نے فتح کر گھدا۔ مسلماناں دی اس فتح کوں تاریخ وچ عرباں دی فتح سمجھا ویندا ہے جو غلط ہے کیونکہ مسلماناں وچ کئی اقوام دے لوگ شامل ہن۔ اسلام توں پہلے اتھوں دے لوگ بدھ مت تے کچھ قبائلی مذاہب دے پیروکار ہن۔

آمو دریا (Amu Darya) وسط ایشیا دا سب توں وݙا دریا ہے تے ایہ دریائے جیحوں وی سݙیندا ہے۔ پامیر دے پہاڑاں توں نکلݨ والے اس دریا دی کل لمبائی 2400 کلومیٹر (1500 میل) ہے تے ایہ افغانستان، تاجکستان، ترکمانستان تے ازبکستان توں تھیندا ہویا بحیرہ ارال وچ ڈھہندا ہے۔ اس وش پاݨی دا سالانہ اخراج 55 مکعب کلومیٹر ہے۔

ایں دریا کوں افغانستان تے تاجکستان، افغانستان تے ازبکستان تے افغانستان تے ترکمانستان دے درمیان سرحد قرار ݙتا گیا ہے۔




#Article 368: افکار علوی، پورھیت رمضان آرائیں (1482 words)


                          اساں عرش تیں رہندے پئے ھاسے
ساکوں نوریاں سجدے کیتے ھن،
                             تیکوں ایڈے بھاندے پئے ھاسے
کیوں بھیجی عرش توں فرش اتیں،
                               اس ہجرت دا کوئی مقصد ڈس
کیا بھوئیں تیں ایڈا پندھ کر کے ،
                               اساں لوک مریجنڑ آئے ھاسے
    (افکار علوی)

رب ملدے میکوں پکھیاں وچ 
رب ملدے تیڈیاں اکھیاں وچ 
رب ملدے میکوں کونجاں وچ 
رب ملدے کیں دیاں مونجھاں وچ 
رب ملدے میکوں لالیاں وچ 
رب ملدے ککر ٹالہیاں وچ 
رب ملدے لگیاں لگیاں وچ 
رب ملدے میکوں جھگیاں وچ 
رب ملدے میکوں کاسے وچ 
رب ملدے ہسدے ہاسے وچ 
رب ملدے مست ملنگاں وچ 
رب ملدے رتیاں ونگاں وچ 
رب طبلے پیٹی ساز دے وچ 
رب کھلدے ہر ہک راز دے وچ 
رب روندے دل دی معافی وچ 
رب بلھے شاہ دی کافی وچ 
رب مندریاں چھلے چھاپ دے وچ 
رب رفیع دے آلاپ دے وچ 
رب چردے مال دے ٹلیاں وچ 
رب پھردا ہوندے گلیاں وچ 
رب نکڑے بال دی کھل دے وچ 
رب پیو دے ہوندے دل دے وچ 
رب ہوندے ماء دی جھولی وچ 
رب جھولے لال دی لولی وچ 
رب بر تے سونہہ ءچ ہوندا ہے 
رب سونہہ دے دھوں ءچ ہوندا ہے 
رب ملدے چن تے تاریں وچ 
رب ملدے میکوں ساریں وچ 
رب ڈسدے منشو دولی وچ 
رب کوہنی ہوندا مولی وچ

پر  سک  تیڈی   100   ویس   وٹا  نچدی  کھڑی  اے 

احساس     صلیبیں     تے     دھمالاں     پیا    پیندے 

ول   وی  میڈے   ہونٹاں   تے  دعا  نچدی  کھڑی  اے

انسان   دی    عظمت   دا   بھرم  کھل   گیا  میں  تے

بازار   دے   وچ   کہیں   دی   حیا  نچدی  کھڑی  اے 

اے   دل  تاں ساڈا  خون  دیاں  ہنجھوں  پیا  روندے

خوش  ہیں  تیڈے  ہتھیں  تے  حنا  نچدی  کھڑی اے

تئیں   خان    لٹائے    توڑیں    زمیناں   اوتے   پیسے 

کوٹھے   اوتے   کنجری   تاں   ولا  نچدی  کھڑی  اے

تہذیب    دا   ھک   فیض   نواں   رنگ   تاں  ڈیکھو 

اج   پتر   دی   شادی   اوتے  ماء  نچدی  کھڑی  اے

                              فیض  بلوچ

ڈکھاؤ لوکو اساکوں ڈینہہ دے تارے۔

کوئی فائدہ نہیں ڈیوا جو بالاں
ڈسن سانویں اے سوجھل تے اندھارے۔

سزا میکوں میڈی قسمت ڈتی ہے۔
سزا میڈی کوں کجھ او وی ابھارے۔

اے چھلنی بت کہیں دا کیا کریسی۔
کلہیں مارو یا رل آؤ لوک سارے۔

پریں توں ڈیکھ جو کھلدا کھڑا ہے۔
سڈو اینکوں او ہک پتھر تاں مارے۔

ڈتے سجڑیں دے غم خوشیاں نظردین۔
خوشی نی منگدا شامی غم الارے۔

(محمد فرحان شامی)
[12/6, 12:24] : ( پنڑی )

کل اچانک سرراہ پنڑی ملی ، چن دے وانگے چمکدی ھوئی تصویر ھئ !

نپ کے دامن الانڑیں ھے کجھ ڈے کے ونج ڈھیر ساری نظردی او دلگیر ھئی !

رکھ چوانی تلی تیں سوالی تھیاں ، میڈا مالک کیوں کیتی اے تعمیر ھئی !

ایندا بوتا بنڑئیندئیں ونجا چھوڑیں ھا دربدر جے رلنڑ ایندی تقدیر ھئی !

میڈی بوتھی تیں ہتھ ڈے کے آکھیس ولا میڈے مالک دے بارے نہ ایویں الا .

اوندی حکمت ھے بالا تیڈی سوچ توں اوندی قدرت تے ناجائز تہمت ناں لا .

غرض کولوں بری ھور کوئی چیز نئیں غرض شیریں دے گاٹے بھنا ڈیندی ھے !

غرض مجنوں جھئیں شاہیں کوں ڈے کے چکر ، پیر کتیاں دے اکثر چما ڈیندی ھے !

غرض صرفہ رکھیندی نئیں کہیں دا کوئی جیڑھی چاھے اوہا کر ڈکھا ڈیندی ھے !

غرض غیرت دے سرکش غیوریں دی دھج دھوڑ دودنڑ دے اندر ملا ڈیندی ھے !

غرض پووے ناں کہیں کوں کڈیں کہیں تونڑیں غرض اوکھی وبا ھے زمانے اتیں !

غرض دشمن ھے عزت و ناموس دی غرض بدلی بلا ھے زمانے اتیں !

عشق سونھاں ناں ہا جیڑے ویلھے میڈا کیا میں ھانمی اے دور و دھر جانڑدے !

لاتکائی دے ویڑھے دی ملکہ ھانمی شان میڈا اے سارا شھر جانڑدے !

ناز نخرے ہمیشاں دے ھن ہمسفر حسن کتنا ھانمی اے قمر جانڑدے !

ویس میلا کڈاھیں وی میں پاتا ناں ھم عیش راحت دا گذریا پہر جانڑدے !

بے وفا دلربا چھوڑ کے ٹر گیا سول حاوی تھیا ڈکھ مریندے ودن !

پاک چاھت دے جذبے، بناں دوش دے غیر قاتل دے قدمیں دپھیندے ودن !

اے پنڑ بہانہ ھےفقت سئیں دی گول دا کہیں بہانے او دلدار مل پووے ھا !

بھر گلتھا لہاواں ہا میں اپنڑی سک ڈیکھ میڈو او سوھنڑاں وی کھل پووے ھا !

کیڑھی گالھوں رٹھا ھئیں ڈسا تاں سہی ، گال پچھنڑ دا موقع نکل پووے ھا !

کیویں غیریں اڈارین ھوائیاں اچاں ، ڈھول گذری وہانڑیں سول پووے ھا !

کوڑ سچ دا نتارا کرنڑ دے کیتے روپ کئ کئ وٹیندن میڈا دوستا !

پیار مونھ دا گھراں نئیں سمجھ گال کوں یار اوکھے منیدن میڈا دوستا !

یاد یاد اے جڈاں تئیں اوں پرناز دی ، نین بھالیں دیاں بھالاں بھلیسن ودے !

میڈے جذبات فرقت دی زندان وچ بے گناھی دیاں قیداں کٹیسن ودے !

آپ اپنڑیں امنگیں دے جلاد تھی ، دشت حسرت دا سینہ رنگیسن ودے !

شوق جان اے تمنا دی خاطر سدا ذوق سولی تے خود کوں ٹنگیسن ودے !

میڈے ساقی جڈاں واگ پھیری میڈو ، اینویں رلساں آواری ناں بازار وچ !

سر تیں سایہ جو ھوسی اوں لجپال دا مست رھساں ہمیشاں میں گھر بار وچ

گھر در دے ڈکھ بھائیوال_ھن ، میں گھر_گھناں یا در _گھناں

تیڈی تے میڈی دوستی بس شاہ گدا دے وانگ ہے
توں_نت سجا سر تاج ، میں چولے کوں تروپا بھر _گھناں

مدت کنوں ھک خواب آۓ ، او وی ادھورا رہ گۓ
کوئی گال طے نی تھی سگی، تسبیح_گھناں جھانجھر_گھناں

ویندا جے ہئیں جھٹ تئیں ونجیں، مینہ کھڑ ونجے، میں مر _گھناں

ہتھ روک ڈے کھڑ گال سُنڑ
ماشاءاللہ خوب ہے 
تصویر بہوں ہی خوب ہے
اے کیا کمال ہے فن تیڈا
۔۔۔۔۔۔۔۔۔پر مشورے ہک گال من 
۔۔۔۔۔۔۔۔۔۔۔۔۔۔۔۔۔۔۔۔۔۔
ترمیم کر تصویر وچ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حقائق توں کجھ منفرد
۔۔۔۔۔۔۔۔۔۔۔۔۔۔۔۔۔۔۔۔۔۔
کوئی ہور زاویہ بدل 
۔۔۔۔۔۔۔۔۔۔۔۔
ایں زاویے کوں چھوڑ ڈے
توں اے کہانی موڑ ڈے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دربار ٹھیک ہے بادشاہ دا راہنڑ ڈے 
درباریاں کوں راہنڑ ڈے
جو جتھ کھڑے کھڑا رہے
نہ چھیڑ کہیں کوں کجھ نہ آکھ
جلاد جتھ کھڑے اُتھئیں جلاد کوں توں راہنڑ ڈے
۔۔۔۔۔۔۔۔۔۔۔۔۔۔۔۔۔۔۔۔۔۔
فقط ایہا ترمیم کر
۔۔۔۔۔۔۔۔۔۔۔۔۔۔۔۔۔۔۔۔۔۔۔
زمین تے کٹا ہویا 
۔۔۔۔۔۔۔۔۔۔۔۔۔۔۔۔۔۔۔۔۔۔۔
اے ہتھ ولا فقیر دا ایں چور دا توں جوڑ ڈے
جہڑی چُرائی فقیر ہے 
او روٹی اوندے ہتھ ڈِکھا 
ذرا ایں بادشاہ کوں توں 
اُٹھا ایں تخت توں لہا
میکوں بلہا ایں تخت تے 
فقیر کوں ہٹا اِتھوں 
فقیر دی جگہ اُتے 
توں بادشاہ کوں آ  کھڑا 
جِتھاں او ہتھ پیئے اُتھاں 
توں بادشاہ دا سر ڈِکھا 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بدل ڈے سارا فیصلہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایں ڈِکھا تقدیر کوں 
ول بنڑا تصویر کوں
۔۔۔۔۔۔۔  ۔ ۔۔۔۔۔۔۔۔
۔۔۔۔۔۔۔۔۔۔۔۔۔۔
شفقت عابدلیہ

پتہ وی ہئی جو نیں نبھدی ولا توں یار کیوں رُسدیں
ڈُکھیندیں  روز  دل میڈا  میڈی سرکار کیوں رُسدیں
منینداں  میں رُسیما وی ھے لازم  دوستی  دے  وچ
جے  لازم ہے کڈاہیں ہووے سجنڑ ہروار کیوں رُسدیں

انعام اللہ بادل

میکوں لڳدے مسجد دے وچ دول وڳانوڑاں پوسی۔

پچھے ساڋی نائیں دا پانی پاک پوتر تھیسی۔
پہلے تیکوں جھانجر آلا پیر پسانوڑاں پوسی۔

منشو بھٹہ۔
[12/7, 12:56]: 🌿🍃🌱🍀🌹
ڈھل ڳئے سایہ دیوار کنوں کئی یاد آڳئے
وَل تِرم پیاں پَلکاں بار کنوں کَئی یاد آڳئے

ہِک یوسف ہا جو سینے اَندر وَسدا ہا
اَڄ گُزریاں شہر ، بزار کنوں کئی یاد آڳئے

ݙُو پکھڑو ٻیٹھے ہَن ہِک سانجھی پُونبل تیں
ڈِٹھے ہِک، ݙوجھے کوں پیار کنوں کئی یاد آڳے

جینویں ہَر کہیں دے ݙُکھ نال اوندا ݙُکھ سانجھا ہے
کَئی پِھر ڳئے قول اَقرار کنوں ، کُئی یاد آڳئے

ہِک لال رومال اچ سھرہ سانبھیا لاتھا ہا
ہِک پُھل کِر ڳئے اوں ہار کنوں کئی یاد آڳئے

بھانویں وَلدا سانوݨ وَل آئے شاہدؔ نِکھڑئیے ہوئیں
اَئے یار جو کہیں دا پار کنوں کئی یاد آڳئے

عزیز شاہد

 پل دا   پتہ نی   یار  محبت دی گال کر

ملاں مسیت ونج کے تو منبر دی لاج رکھ 
جیکر   ہیں   دیندار  محبت   دی گال کر

مجنوں جیکر کوی آوے لیلی دے شہر وچ
پتھر  دے بدلے پیار   محبت   دی گال کر

اے شہنشاہ ء  وقت  رعایا   دی خیر منگ
چاہندیں جے اقتدار  محبت  دی   گال کر

دڈکے نہ حضور میڈی جی حضوری سنڑ
توں وی تاں میڈی کار محبت دی گال کر 

اشرف رافت نتکانی
[12/8, 11:55]: غزل 

ہنجوں دے  نال جو پلکاں جُھرݨ  پئے  ڳن
دلیں  دے  زخم  وی  پاݨی   چُرݨ  پئے  ڳن

اجاں کجھ  وی  نمهی  موہوں  الایا   میں 
تیڈے  منہ  تے کویلیاں کیوں  ٹُرݨ  پئے ڳن

اتی  خستہ   ہئی   کیا  بنیاد   رشتیں  دی 
محل  اے  پک سلھے کرݨ  بُھرݨ   پئے  ڳن

اتھاں   کئی   ٻال   مزدوری   کرݨ   ویندن
کینھیں وپرے تیکوں ماسی  درݨ  پئے  ڳن

خوشی ساڋی دی اڃ تاں  انتہا  تھئی  اے
اساڋے   ٻال    پیریں   تے   ٹرݨ   پئے   ڳن 

تیڋے سر  توں  اے دھپ آصف  ٹلݨ  والی
پچھانویں ہݨ تیڋے  پاسے سرݨ   پئے  ڳن

جاوید آصف

کوئی تاں اینجھا ڈکھ ہے جیڑھا اندر رکھی کھڑے 

متاں اللہ تعالیٰ اتے لہو دے چھٹے ونجن 
قاتل میڈی شہہ رگ اتے خنجر رکھی کھڑے 

اوندے نانویں میلہ ہیوے میلہ اوندے نانویں 
کیڈا سونہڑا مونڈھے اتے باندر رکھی کھڑے 

ایندے بچے بکھے ہن پئے لانگری  کوں اے ڈسو 
جیڑھا یار رکابی دے وچ شاپر رکھی کھڑے 

او وی میکوں کافر کافر شیعہ کافر آہدے 
جیڑھا اپنڑے سینے دے وچ مندر رکھی کھڑے




#Article 369: اقبال سوکڑی (958 words)


سرائیکی زبان  دا ٻہوں وݙا شاعر ہے۔ اصغر گرماݨی انہاں دے بارے وچ لکھدے کہ:

اساکوں اقبال سوکڑی دے خلوص تے سرائیکی نال انہیں دی جڑت تے کوئی شک کائے نی۔ اقبال سوکڑی دے قومی تے سیاسی شعور دی عمر میڈی ذاتی عمر کولو وی زیادہ ہے۔ میکوں یقین ہے جے کتھائیں ساکوں اقبال سوکڑی مونجھا کیتے تاں ایں مونجھ دا علاج وی او خود کر سگدے کیوں جو او آپ اے آکھ کے ایں سارے کم دی پارت خود آپ کوں کڈاں دا ڈے چکیے۔

اقبال کوں بے اقبال نہ کر اقبال سلامت ہووی۔

میں کنوں رنج تھی، میݙی صورت کنوں بیزار تھی

میں کݙاں آکھیئے، میݙے کہیں غم دا حصے دار تھی

زندگی پاݨی. دا ٻک نئیں، چھݨ ونڄے انڳلیں وچوں

زندگی اوکھا سفر ہے ، کہیں نہ کہیں دا یار تھی

میکوں علم دی ڳالھ نہ ݙس ملاں میکوں ”الف“ لٹیے ول ”ب “لٹ ڳئی

میݙے پلے جے کجھ بچدا ہا پچھیں پیت پریت دی ”پ“ لٹ ڳئی

اݙو تانگھ دی ”ت“ اݙو ”ٹ“ ٹکری کجھ او لٹ ڳئی کجھ اے لٹ ڳئی

پلو چھنݙک کے ول اقبالؔ کھڑم ہر چیز ”الف“ توں ”ے“ لٹ ڳئی

ساݙی تس تیں کھمݨیں مسکدیاں

ساݙی بکھ تیں کھلدے روہ

اساں کونجاں کال کریہہ دیاں

ساکوں بے شک نَپ نَپ کوہ

اقبال ؔ امید دا سجھ اکثر

چیں کھݙدے روہ وچ خپ تھیندے

٭٭٭

جݙاں کوئی بال میݙا آپنے پیریں تیں کھڑا تھیندے

میݙے گھر قابلی ککریں دا جنگل ݙھیر تھی ویندے

٭٭٭

لعل ہک ظالم دے پاسے تیں بلکدے رہ گئے

بال ہک کتنا سیانا ں ہا انگاراکھا گیا

٭٭٭

شہر والے گھن گئے سارے کھلونے شہر دو

ہن میݙی وستی دا ہرہک بال خالی کھیݙدے

٭٭٭

آپنی واہندی ہنج ایں بے تاب تھی کے چم گھدم

جیویں کہیں کوں پیار آ ویندے چچونے بال تیں

٭٭٭

تہوں اوچا ٹنگیا ہویا ہم آپنے گھر بجلی دا بلب

سوجھلا کجھ میݙے ہمسائے دے گھر ہوے پیا

٭٭٭

وت بَہتر آرزئویں دی شہادت واسطے

ہر قدم تیں مصلحت دی کربلا منگنی پئی

٭٭٭

توں تاں آہدا ہَیں شاہرگ دے نیڑے ہمی

تیکوں گولن تے ساݙیاں حیاتی لگن

٭٭٭

خدا دے بݨا ئے ہوئے ہوس کا ر بندے خدا بن ݙکھاون خطا کار میں ہاں

مسلمان قرآن دے پاڑ ورقے جیکر پئے

جلاون خطا کار میں ہاں

وت کوئی منکر ہے رب دی ذات دا

وت غزل کعبے تے ٹنگنی پئے گئی

خشک کھمڑیں کولھ رم جھم دی ادا منگݨیں پئی

شہر دی بے روح خلقت توں سدا منگݨیں پئی

برف رت اچ یار لوکیں دے پسینے ݙیکھ کے

سرد موسم دی ٹھنݙی سیکر ہوا منگݨیں پئی

ݙیکھ کے ترٹدا اکھیںدے نال رشتہ ہنجھ دا

کئی دفعہ خود اپݨے رووݨ دی دعا منگݨی پئی

سخت گرمی وچ درختیں دے کڑانوے ݙیکھ کے

ہر کہیں کوں اپݨے سر کیتے ردا منگݨی پئی

ذہن وچ محفوظ تحریریں کوں نئیں کاغذ نصیب

شوخ لفظیں کوں اتھاں اپݨی سزا منگڑی پئی

دوستی کوں ہک پراݨی سونہہ سمجھ کے نال رکھ

رنج نہ تھیساں جے سنگتیں توں وفا منگݨی پئی

وت بہتر آرزوئیں دی شہادت واسطے

ہر قدم تے مصلحت دی کر بلا منگݨی پئی

سئیں اقبال سوکڑی

ازل تُوں گھِن کے اج دے ݙینیہہ تائیں

جݙا ں وی دُنیا نے پاسا پترے

مورخیں کوں سفید کاغذ سیاہ کرن دا مواد مل گئے

لکھن پڑھن دا مواد مل گئے

عظیم ناول نگار اُبھرین

تے شاعر دے حسین ترشاہکار اُبھرین

یا سائنس دا نیں انا دی سنگین طلب دی خاطر

نہ اپنی خاطر نہ سب دی خاطر

کئی سیارے، کئی اپالو اُݙا کے تاریں کوں دھوڑ کیتے

میں سوچ دے کھلے ہوئے حسیں چوبارے توں ݙیکھ رہیاں

کہ اج دے انساں دے ذہن اندر

قدیم بوسیدہ بے سروپا عجب خیالیں دا ہک ہجومء

عظیم ادیبو تے سائنس دانو

جے تھی سگے تاں غریب دھرتی دے واسیاں دا مزاج بدلو

جے نہیں تاں میکو یقین ء

اج نہیں تا کل ضرور اے مقام آسی

نہ سمجھ اُھر سی نہ شام آسی

پاندھی آپنڑی چال تے ٹُردے آندے ہَن 

ہک ݙوجھے دی گاٖل تے ٹُردے آندے ہَن

َکہیں َکہیں کوں ہا اِتلا خوف اندھارے دا 

ݙینھ کوں ݙیوےباٖل تےٹُردےآندے ہَن

پئیلیں اوندے پیر چمئیندیاں آندیاں ہَن 

تارے اوُندی شال تے ٹردے آندے ہَن

ُپُل صراط توں گزرنڑ ایݙا مُشکل نئیں 

لوک ہُنڑیں جھئں وال تےٹُردےآندےہن

اقبال سوکڑی صاحب

ساݙے سانگیں تیں سر نکلدے ہن

وستی وستی دے ݙر نکلدے ہن

میں نہ سفریں دے گیت گانواں ہا

کئی میݙے ہمسفر نکلدے ہن

جے اساں سر جھکائی کھڑے رہوں ہا

کئی کویلئیں دے پر نکلدے ہن

مرضی ہووے ہا جے بزرگیں دی

کئی دیواریں توں در نکلدے ہن

جے او چھانٹی کرے ہا محفل دی

میں جھئیں خاص کر نکلدے ہن

اے تاں اوں کہیں کوں یاد نئیں کیتا

لوک تاں سر دے بھر نکلدے ہن

مرشد اقبال سوکڑی صاحب

پاگل ہا کوئی پیار کوں سݙ مار کھڑا ہا

او شخص ولا بے ݙینہہ سر_ دار کھڑا ہا

ھنڑ ول نہ پوا میکوں حیاتی دا اے چولا

پہلے وی ایہو چولا ہا ݙینہہ چار کھڑا ہا

ساہ جیندی امانت ھے چلو اوندے حوالے

اے وی تاں میݙے سر تیں وݙا بار کھڑا ہا

بچ پۓ ہیں جو ویچی_نسے اخلاص دی دولت

ویچوں ہا تاں ہر شخص خریدار کھڑا ہا

ایں حشر کوں سب کہیں دے ختم تھی گۓ لیکھے

ݙیکھنڑ تاں فقط تیݙا گناہ گار کھڑا ہا

سئیں اقبال سوکڑی ,,,,,,,

اُوئیں چچرے. اُوئیں باتے ودے ھیں

تیڈی بُکَل دیوچ پاتے ودے ھیں

اتھاں ھر کوئ ودے شجرے تیں ٹردا

اساں زُونکی ھیں بے ذاتے ودے ھیں

ملاقاتیں دا موسم آکے پچھدے

اساں کیوں بے ملاقاتے ودے ھیں

تیڈا کیا تیکوں نندراں مبارک

تیڈے حصے دے جگراتے ودے ھیں

اوں آکھیا ھا نہ بولیں مُنہ نہ کھولیں

اساں اوں ڈینھ دے بے واتے ودے ھیں

تیڈی وستی وی ھے بۓ لوک وی ھن

تیڈے دیدار دے آتے ودے ھیں

تیڈی مرضی ھے توں سمجھیں نہ سمجھیں

اساں اج وی تیڈے کھاتے ودے ھیں




#Article 370: اقبال سوکڑی دی شاعری تے نواں. تنقیدی بیانیہ (1500 words)


شاعر نہ کوئی فلسفی ہوندے تے نہ اوندی شاعری فلسفے دا نعم البدل ہوندی ہے‌، او اپݨی بھوئیں نال جڑیا ہویا انسان ہوندے. اوندی جڑت اپݨی بھوئیں تے بھوئیں داں چیزاں تے انساناں نال ہوندی ہے. اوں دھرتی دی سماجی، ثقافتی، تاریخ تے سیاسی آئیدیالوجی نال اوندی فطری جڑت ہوندی ہے. اوں بھوئیں دی آئیڈیالوجی اوندے اجتماعی لاشعور دا حصہ بݨ ویندی ہے. ساݙی وسیبی آئیدیالوجی جیݙی قدیم ہے.  ایندا رنگ ساݙے لاشعور وچ اوݙا پکا تے سچا ہے. ساݙے وسیب دی شاعری اپݨی ثقافتی ریت نال جڑی شاعری ہے. ساڈی بھوئیں ایݙی ذرخیز ہے جو نظریہ یا تھیوری، جتھوں جیویں وی ایں بھوئیں تے آئی ہے اوکوں مقامی رنگ وچ رنگ چھوڑیس. ساݙیاں تہزیبی پاڑاں ایݙاں جھکیاں ہن، جو شوہ توڑیں ویندن. ساکوں ہر دور وچ منیا تاں گئے پر تھژ کوئی نیں سڳیا. جو کجھ وی تھی ونجے اساں بے ہاڑے تاں نیں تھی سڳدے. 
اینویں ای ساݙا ادب، ساݙی شاعری اپݨی ثقافت تے تہزیب نال جژی ہوئی ہے. ادیب ناں تاں خلائی مخلوق ہوندے تے نہ اوندا ادب خلا وچ تخلیق تھی سڳدے. اوندا ادب اپݨی. بھوئیں، تے اوندی آئیڈیالوجی وچوں نسردے. او اپݨی بھوئیں دی سیاسی، سماجی تے سماجی آئیڈیالوجی نال جڑیا ہک انسان ہوندے،. اینویں ہک ناں اقبال سوکڑی دا وی ہے. جیندی فکری جڑت اپݨی بھوئیں نال ہے. ہݨ تائیں انہاں دی شاعری دے ست مجوعے آچکن. انہاں دی شاعری دی طبعی عمر میݙی عمراں تو وی ودھ ہے. سرائیکی دا ہر شاعر انہاں کوں اپݨاں استاد منیدے. ایں مہا استاد شاعر ہر صنف شاعری کوں اپݨے اظہار دا ذریعہ بݨائے. انہاں اپݨی شاعری دا منڈھ ݙوہڑے توں بدھا، تے غزل انہاں دا خاص مقام ہے. ایں توں علاوہ نطم، کافی،. قطعے رباعیاں کوں وی اپݨے خیالات دے اظہار دا ذریعہ بݨائے. 

او غزل کوں اوں ویلے اپݨے ورتارے وچ گھن آئن جݙاں اردو وچ وی ایندا چلݨ گھٹ تھی ڳیا ہئی. کجھ ݙہاکے پہلے حالی،. محمد حسین آزاد، شبلی جھئیں بندے نو آبادیات دا آلہ کاربݨ کراہیں انگریزی طرز دی نظم تے زور لیندے پئے ہن نال کلاسیک غرل کوں مندا وی آہدے کھڑے ہین. اوں ویلے تاں اینویں لڳدا ہا جو سرائیکی شاعری دی جھولی غزل توں اوترک رہسی. کجھ لوکاں ایں توڑیں وی آکھیا ہاجو سرائیکی زبان غزل جھئیں ناازک صنف دی بھارو نئیں تھی سڳدی. اوں ویلے اقبال سوکڑی سئیں ناصرف غزل دے اڳواݨ بݨے بلکہ ایں صنف کوں رواج تے ودھارا وی ݙتا. انہاں دی غزل دی خوبی تغزل تے نویں نویں موضوعات ہن. اقبال سوکڑی دی جرت عام بندے نال ہے. عام بندے دیاں محرومیاں دا ذکر تے غاصب قوتاں نال مزاحمت دارنگ انہاں دی شاعری وچ چوکھا ہے. 

؎
ساقی ایں ترسا ترسا کے ݙیندے جام

پیوݨ والے جام توں مر. ویندن

؎
ساݙا کیا ہے موت حیاتی کیا سوچوں

ساݙے ٻال تاں نام توں پہلے مر ویندن

اواپݨی شاعری نال یاسئیت تے مایوسی دا شکار لوکیں دا ڳانݙھا ثقافت نال جوڑ ڈیندن. اساں اپݨی ثقافت نال جڑ تے ای اپݨی بقا پا سڳدے ہیں.

؎
سرمی دے پھل پیلے پیلے باٹݨ مل مل ہسوں

آسانول ہݨ جھوکاں وسوں

؎
دھرتی تے اسمان نہ ترٹے اچی کندھ اساروں

آسانول سک سئیت سنواروں

انہاں دی شاعری اپݨی ثقافت دی ڳول تے تے دریافت ہے. انہاں کوں وسیب دی ہر ہک شئے نال پیار ہے. 

؎
جیرھے چرکھے دی روں روں تیں نندر آندی ہئی 
انہیں چرکھیں دیاں منیاں ٻیڑ مالیں ڈھہ ڳیاں ہوسن

؎میکوں ماء خواب دیوچ آکے آکھئے

میݙی ٻولی تساں ٻولی رکھی نئیں

ماواں اٹا پیہوݨ ہا،نال ٻال کوں جھولی وچ پاتے لولی ݙیوݨ ہا. صنعتی نظام دے آوݨ نال ناں ماء دی لولی رہی، نہ ہتھ آلی چکی دی ماء آلی لولی کار گھر گھر. 

؎ میکوں جے گھرگھر چکی دی گھر گھر تیں نندر. بھل ڳئی 

تیݙے خیال وچ تاں ماء دی ٻولی ضرور ہوسی

سرمایہ داری نظام نے صنعتی ترقی دے نانویں اڄ دے بندے کوں وی مشینی بݨا ݙتے. اوندی سوچ وی اپݨی نئیں رہ ڳئی. 

؎ بݨ سنورتے خیال ٻاہروں آندن 

ذہن کہیں ورکشاپ وانگوں ہے 

انہاں دی شاعری اظہار رائے تے فکری آزادی دی ڳال کریندی ہے. 

؎
جیکوں سݨ مشئیت داد ݙیوے 

اساں او شعر سݨوایا وی کائنی

ساکوں ہمیش توں بے پاڑا کرݨ دی کوشت کیتی ویندی پئی ہے. ایں کم کیتے سب توں وݙا کردار ریاستی نصاب دا ہے. جہرا ساݙی ثقافت، بھوئیں تے اوندی آئیڈیالوجی نال میل نئیں کھاندا. ریاست دا نصاب ہووے بھانویں ملا دا نصاب ہووے اوندا مقصد علم نئیں،. بلکہ اپݨے عزائم دی تکمیل ہے. 

؎
کتاباں ڳل ڳیاں پستول ہن پئے

میݙے ٻالیں کوں ایجھاں گھر ݙتاڳئے

؎
مسیت اچ علم دی کوئی ڳال کائنی 

سکول اچ بے نصابا ظلم تھیندے

ہر دور وچ حکمران،. ملاں،. قاضی دی تثلیث جڑی رہی ہے. انہاں ساݙی وسوں کوں ہمیش توں ہئی حرام کیتے، غاصب دی غصبیت کوں، جبر دی جبریت کوں لمباݨ ڈیوݨ کیتے قاضی، تے ملاں رل تے عامیں تے فتوے لئین تے لٹیا وی ہے. انہاں جابر کوں خدا دا پچھاواں بݨا تے پیش کیتے تے. مظلوم عوام کوں سبھ کجھ تقدیر دا لکھا ڄݨوا کے راضی با رضا رہوݨ دا درس ݙتے. اقبال سوکڑی دی شاعری انہاں تراں طبقاں دے خلاف مزاحمت دا ݙوجھا ناں ہے. 

؎
ٻال غریب دے چٹ تیں رلدن مسجد کھاندی چندے
آسانول اے موسم کھندے

؎الف توں بے نئیں پڑھݨا اساں ملاں جتنا کٹے

آ سانول تن تار نہ ترٹے

انہاں ترے کرداراں سرمائے دی غیر منصفانہ تقسیم تے منڈی دی بے رحمی وچ وی اپݨاں خاص کردار ادا کیتے. سـرمایہ داراں ساݙے عوام تک صنعتی انقلاب دے ثمرات ساݙی ٻالاں کوں پنجاہ روپے ݙینہوار آلے مزدور تے ماحولیاتی آلودگی دی شکل وچ دان کیتن. مزدور نے اپݨا خون ساڑ ساڑ تے بکھ دے نال نال ٹی بی جھئیں موزی مرض سوغات وچ گیدھن. اصل عیش سرمایادار مزدور دے خون نال کریندن. 

؎
سڑیا خون مزدوریں دا مل وچ  

اوکوں تاں مفت عیاشیاں ملیاں 

ایہو حال اشتراکیت نے ساݙے نال کیتے. کہیں وی ایندے اثرات توڑیں نیـئیں پڄݨ ڈتے. 

؎
ساݙی مال وچ کوئی سانجھ کوئنی

پرایاں روز کھیراں کون ݙیکھے

ہر دور وچ ٻاہروں آوݨ آلیاں لٹیراں نے ساکوں لٹیےمویا ماس سمجھ تے حملہ آور ڳجھوں طرانویں پٹے،. تے اپݨی نو آبادیات بݨائی رکھے. ساکوں ہر ہک نے اینویں کھادھے جیویں ڳجھیں مڑھ کوں کھاندن. اج وی کئی ماس خور ساݙی جون تو آنے ہوڑی بیٹھن. 

؎
کوئی سوچ دھماوے رات کوں

کوئی انت ابھارے سجھ

ساݙی جون دو آنے پوڑ تے 

کہیں روہ تیں ٻیٹھی ڳجھ

ساکوں ہر دور وچ نوآبادیات بݨا کے رکھا ڳئے، او پاکستان توں پہلے ہووے بھاویں بعد وچ. ہتھوں تقسیم دے بعد ساݙے تے کئی نویں عذاب ترٹن. ساݙی بکھ تس، بے وسی تے بے وسیلی وچ وادھا تھے. مذہب دے ناں تے ہک نویں ثقافت کوں گھن آندا ڳئے تے ساݙی ثقافت کوں مٹاوݨ دی ہوری کوشت کیتی ڳئی ہے. 

؎
جیویں پہلے بکھ ہئی اوئیں ہے پئیٻالیں ماء پیودا ورثہ ونڄایا تاں کائنی

؎
اساں تاں قبریں دے گونگے کتبے جنہیں دی تحریر مس ڳئی ہے

متاں توں سمجھیں قائداعظم دے مقبرے دے گلاب ہیں

اقبال سوکڑی انہاں سوریا دیوتا کوں ابھردے اصلوں ابھردا نئیں ݙیکھ سڳدا جہرے ساݙے تے ظلم روا رکھی کھڑݨ.

؎
جیندیاں کرناں میݙے ہاں کوں کاتیاں لڳن

ایجھیں سجھ کوں چودھاروں چوانتیاں لڳن

اقبال سوکڑی شاعر انقلاب ہےانہاں دی شاعری ہر گنگدام تے مظلوم دے دل دا الا ہے. او ہر زیاتی تے ظلم دے خلاف علم بغاوت بلند کریندن. 

؎
جݙاں گزریا گنگدامی دا موسم

تیݙا نوکر، تیݙا ہاری ٻولیسی

؎
جیکر شکاریں دے ہتھ غلولی ضرور ہوسی 

پریں ای پر پکھیں دی ٻولی ضرور ہوسی 

اقبال سوکڑی دی شاعری اپݨی ثقافت دی ڳول، اوندی از سر نو دریافت تے اپݨاں رلیاں پوتھیاں دی ڳول ہے. اساں اپݨاں وݙکاں دیاں ورثاں دی حفاظت دی بجائے انہاں کوں برباد کر چھوڑے. 

؏
پیکیاں توں کیا کیا ݙاتاں ملیاں بکسے اجاں کھولے نسے

؎بھل سانولا بھلڑے تیݙے مندریاں تیݙیاں چھلڑے تیݙے

ہتھیں دے سنگ انڳلیاں ڳیاں ڳالیے تاں ہن ڳولیے نسے

مابعد جدید نہ کوئی نویں تھیوری ہے تے نہ نواں نظریہ یا کوئی نویں تحریک.،. بلکہ اساݙے اجوکے صورت حال معروض دا تناظر ہے. جہڑا اجوکی صورت حال دا تناظر ہے ہر او ادیب جہرا اڄوکی صورتحال کوں پیش کریندیـے او مابئـعد جدید تناظر نال جڑیاشاعــر ہے.

؎
ٻاہراویجے تاں کوئی شے پوری نئیں
گھر اویجے تاں گھر ادھورا ہے

؎
میں ایں خوف توں شیشہ کھڑا ݙیہداں یارو

شیشہ رکھدیں میݙا چہرہ تاں نہ چاتا ویسی 

؎
اتھاں ہر کہیں کوں بس فرعون دی جھولی نظردی اے
اتھاں موسیٰ دے وات اچ ہے انگارا کون ݙیہدا ہے

مابعد جدیدیت ساکوں عالمیت توں اپݨیاں پاڑاں تے ثقافت، مرکزیت توں مقامیت، مہا بیانہ، ( خواہ او کہیں غاصب دا ہووے کہیں وی مذہبی ٹھکیدار دا) توں مقامی تے چھوٹے بیانے، ( جہڑے ساݙی بھوئیں توں نسردن) اشرافیہ توں عام لوکاں، عالمی یا غیر زباناں توں اپݨی مقامی ٻولی، ملاں یا کہیں وی مزہبی ٻانبھݨ دی تعلیم توں صوفی، بھگتی یا انسان دوستی دیاں تعلیمات، بدھل معناں توں تکثیریت آلے پاسے پندھ کرویندی ہے. اقبال سوکڑی دی شاعری انہاں ورتاریں نال پر ہے. انہاں دی شاعری مروجہ ہئیتی تے فکری زوایاں نال بغاوت دا ݙوجھا ناں ہے. 

(مطبوعہ مقالہ وسوں ویہڑے اقبال سوکڑی نمبر)




#Article 371: الازہر یونیورسٹی، مصر (160 words)


فاطمی خلفاء نے جݙݨ مصر کوں فتح کرکے قاہرہ کوں اپݨا دارلحکومت بݨایا تاں جوہر الکاتب صقلبی نے،  جیہڑا ہک سپہ سالار ہئی 359ھ وچ ایں جگہ ہک مسجد تے دینی مدرسے دی بنیاد رکھی تے اے ݙو ساک بعد 361ھ میں تیار تھی گئی۔ اس دے بعد مختلف بادشاہواں نے اس وچ توسیع کیتی تے مسجد وچ ہک مدرسہ قائم کیتا گیا جیہڑا کجھ مدت بعد دینی تے دنیوی تعلیم دا سب توں وݙا مرکز بݨ گیا۔

چونکہ اتھاں دور دور توں طلبہ آندے ہن اس واسطے اس دی حیثیت اقامتی درس گاہ دی تھی گئی۔ اڄ وی نصف توں زیادہ طلبہ اقامت گاہواں وچ رہندن۔ شروع وچ اتھاں صرف دینی تعلیم ݙتی ویندی ہئی۔ 1930ء وچ پرائمری، ثانوی، ڈگری تے عالم ایم۔ اے دے مدارج قائم تھئے تے تعلیم کوں مسجد توں علاوہ کالجاں وچ وی منتقل کر ݙتا گیا۔ ہݨ صرف دینیات دا شعبہ قدیم مسجد نال وابستہ ہے۔ اے اسلام دی ہک  قديم ترين یونیورسٹی ہے. 




#Article 372: الامین (202 words)


امین الرشید عباسی خلیفہ تے ہارون الرشید دا بیٹا ہئی۔ زبیدہ دے بطن توں ہئی۔ ہارون الرشید دی وفات 193ھ دے بعد خلافت سنبھالی۔ پیؤ نے سلطنت کوں ݙو حصیاں وچ تقسیم کرکے اپݨے ݙوہاں پتراں امین تے مامون دے حوالے کرݨ دی وصیت کیتی۔ تے یکے بعد دیگرے ݙوہاں کوں اپݨا ولی عہد بݨایا۔ بعد وچ امین نے مامون دی ولی عہدی دا معاہدہ خانہ کعبہ توں منگوا کے پھاڑ ݙتا۔ تے اپݨے پتر دی ولی عہدی دا اعلان کیتا۔ ایویں مامون نے خراسان توں بغداد تے حملہ کر ݙتا۔ دجلہ وچ فرار تھیندے ہوئے امین کوں قتل کر ݙتا ڳیا۔ کاہل تے عیش پسند ہئی اس واسطےے سلطنت توں ہاتھ دھو ٻیٹھا۔ ایندے بعد مملکت دی زمام مامون الرشید دے ہتھ وچ آئی۔

امین دیوانگی دی حد تک ہم جنس پرست ہئی۔ مسعودی لکھدن کہ ایندی ما زبیدہ بنت جعفر ایندے ذوق دی تسکین کیتے مجبوراً مرد نما لونڈیاں لبھدی ہئی تے انہاں کوں مردانہ لباس پوا کے پتر دی خلوت وچ بھڄیندی ہئی ۔ اپݨے غلام کوثر نال ایندا جنسی تعلق گندی حد تک مریضانہ ہئی۔ انہاں عباسی خلفا دے محلاں نے مرد نما لڑکیاں دے فیشن کوں جنم ݙتا تے ”الغلامیات“ ادب دی ہک باقاعدہ صنف بݨ ڳئی۔ 




#Article 373: البرٹ آئنسٹائن (548 words)


البرٹ آئنسٹائن (Albert Einstein)، ویہویں صدی دا سب توں وݙا طبیعیات دان سمجھا ویندا ہے۔ جرمنی دے شہر اولم وچ 14 مارچ 1879ء کوں پیدا تھیا۔ پیو دا ناں ہرمین (Hermann Einstein) تے ماں دا ناں پالین (Pauline Koch) ہاسی۔

آئنسٹائن دا خاندان جرمنی دے خوشحال یہودی النسل خانداناں وچ شمار تھیندا ہئی۔ پیو کاروباری ہئی مگر زیادہ کامیاب نہ ہئی۔ جݙݨ آئنسٹائن چھی ورہیاں دا ہئی، ایہ لوگ میونخ آ گئے۔ ابتدائی تعلیم ہک کیتھولک مدرسہ وچ پاتی۔ اتھوں دا سخت ماحول ایں ٻال کوں ناگوار گزردا ہئی۔ 1894ء وچ آئنسٹائن کوں بورڈنگ مدرسہ وچ پچھوں چھوڑ کے، اس دا پیو کاروباری وجوہات دی بنا تے خاندان سمیت اٹلی منتقل تھی گیا۔1902ء وچ آئنسٹائن دے والد دا انتقال تھی گیا۔ آئنسٹائن عارضی استاد دے طور تے مختلف جگہ کم کریندا ریہا، حتٰی کہ جون 1902ء وچ سوئٹزرلینڈ دے شہر برن دے patent دفتر وچ نوکری مل گئیوس۔ 1901ء وچ آئنسٹائن سویٹزرلینڈ دا شہری وی بݨ گیا۔ جنوری 1903ء وچ ملیوا نال شادی تھی گئیوس۔ پیٹنٹ دفتر وچ کم دے دوران وچ آئنسٹائن فزکس دے مسائل تے وی تحقیق کریندا ریہا تے ایں دوران وچ اس اپݨی زندگی دے عظیم تریں مقالات شائع کیتے۔ کجھ محققین نے خیال ظاہر کیتا ہے، کہ آئنسٹائن دی تحقیق وچ ملیوا مارِک وی شریک ہئی۔ ایہ شبہات آئنسٹائن تے ملیوا دے خطوط نال پیدا تھئے جنہاں وچ آئنسٹائن ساݙے نظریے  دا ذکر کریندا ہے۔ اس دے علاوہ روسی سائنس دان Abraham Joffe نے مبینہ طور تے ایہ ݙسیا کہ جݙݨ آئنسٹائن نے اپݨے مقالے جریدہ Annalen der Physik کوں بھیجے تاں انہاں تے پیٹنٹ دفتر وچ کام کرݨ والے Einstien-Maric نامی کہیں شخص دے دستخط ہن۔

آئنسٹائن دا مقالہ جیہڑا جون 1905 وچ شائع تھیا، او خصوصی اضافیت (special theory of relativity) تے ہئی۔ اس نال زمان و مکاں کوں الگ الگ تصور کرݨ دی بجائے وقت۔ فضاء یا زمان و مکاں  (space-time) دا نظریہ سامݨے آیا۔ پتہ چلا کہ اگر کوئی چیز زیادہ (مگر یکساں) سمتار نال حرکت کرے تاں جس مشاہد دے حوالے نال حرکت تھیندی پئی ہوسی، اس مشاہد کوں اس چیز دی کمیت زیادہ، لمبائی کم تے وقت آہستہ گزردا، نظر آسی۔ البتہ روشنی دی رفتار سب کوں ہک ہی (تقریباً ) نظر آسی۔ تے ایہ وی کہ کوئی مادہ چیز کوں تیز رفتار کریندے ہوئے روشنی دی رفتار تک نی پہنچایا ونج سڳدا۔ تے یکساں (uniform) سمتار نال سفر کرݨ والے جمودی حوالہ جاتی قالب (inertial frame of reference) وچ کوئی ایسا تجربہ ممکن نی جس نال جمودی حوالہ جاتی قالب وچ موجود مشاہد ایہ معلوم کر سڳے کہ اوہ یکساں سمتار نال سفر کریندا پیا ہے یا ساکن ہے۔ واضح رہے کہ اضافیت دا نظریہ اس توں پہلے ہنڈرک لورنٹز تے Henri Poincare پیش کر چکے ہن۔ آئنسٹائن نے ایہ اضافہ کیتا کہ ایسا تجربہ ناممکن ہوݨ دا اطلاق Maxwell دی برقناطیسی موجاں تے وی ہوندا ہے۔ ݙوجھے الفاظ وچ طیبیعات دے قوانین تمام غیر اسراعی (non-accelerated) جمودی حوالہ جاتی قالب وچ یکساں لاگو تھیندن۔ 

ہک ٻیا مقالہ جیہڑا ستمبر 1905ء وچ شائع تھیا۔ طبیعیات دی مشہور ترین مساوات  تے مشتمل ہئی، جس وچ مادہ تے توانائی دا آپس وچ تبدیل تھیوݨ ممکن ݙسیا ڳیا. حال وچ ہک محقق نے رائے ݙتی ہے کہ ایہ مساوات ہک اطالوی نے آئنسٹائن توں کجھ سال پہلے شائع کیتی ہئی، اگرچہ اضافیت نظریہ دے سیاق و سباق وچ نی۔




#Article 374: الراشد باللہ (207 words)


راشد باللہ، (پیدائش: 1109ء - وفات: 1138ء) تریہواں عباسی خلیفہ ہئی۔ اوں نے 1135ء/529ھ توں گھن کے 1136ء/530ھ تک خلافت دا عہدہ سنبھالا۔ مسترشد باللہ نے اپݨی زندگی وچ ہی اپݨے پتر کوں ولی عہد نامزد کرکے اوں دی بیعت گھن گھدی ہئی۔ 1135ء/529ھ اچ پیؤ دے قتل دے بعد راشد باللہ تخت نشین تھیا۔

سلطان مسعود تے راشد باللہ اچ سخت اختلاف پیدا تھیا۔ خلیفہ نے لوگاں توں مال و دولت کٹھی کرݨ کیتے ظلم و زیادتی نال کم گھدا۔
لوگاں دی شکایت تے سلطان کوں موقع ملا تے اوں نے بغداد تے چڑھائی کر ݙتی لیکن خلیفہ موصل چلا ڳیا۔
اوندی غیر حاضری توں سلطان مسعود نے فائدہ چاتا تے لوگاں دی شہادتاں گھن کے مسئلہ فقہا تے قضاۃ دے سامݨے پیش کیتا کہ اینجھے ظلم دے مرتکب شخص کوں معزول کریج سڳدا ہے یا نی۔ قاضی نے نائب السلطنت کوں خلیفہ دی معزولی دا فتوی ݙے ݙتا، جیندے تے اونکوں معزول کر ݙتا ڳیا۔ 1136ء/530ھ وچ بعض عجمیاں نے اونکوں قتل کر ݙتا تے مقتول حکمراناں دی فہرست وچ مزید ہک ٻئے دا اضافہ تھی ڳیا۔ بغداد اچ ایندے  قتل دا رد عمل تھیا تے ایندی ظلم و زیادتی دے باوجود لوگاں نے ایندے قتل دا سوڳ منایا۔ اینکوں قتل کرݨ والے حشاشین ہن۔




#Article 375: الراضی باللہ (116 words)


الراضی باللہ خلافت عباسیہ دا ویہواں خلیفہ ہئی جیں نے 322ھ/ 934ء توں 328ھ/ 940ء تک حکومت کیتی۔ مختصر مدت حکومت وچ اُوں نے اُمور مملکت کوں منظم تے بہتر کرݨ دے کوششاں کیتے مگر وزراء تے امرا دے ہتھاں وچ اختیارات ہوݨ دے باعث اوہ اِس وچ ناکام رہا۔ اُوندے زمانہ وچ قرامطہ دنیائے اسلام کیتے خطرہ بݨے ریہے تے بغداد وچ حنابلہ دی شورشاں نے ہنگامے برپا کیتی رکھے۔ نظام سلطنت مفلوج ریہا تے محض کجھ نویں کماں دے الراضی باللہ دا عہد وی مزید انحطاط و زوال دی جانب گامزن ریہا۔ خلافت عباسیہ دے اُنھاں خلفاء وچ الراضی باللہ وی شامل ہے جنہاں دے ادوارِ حکومت وچ سلطنت مزید رُو بہ زوال تھئی۔




#Article 376: الطاف جابر چانڈیہ (227 words)


الطاف جابر چانڈیہ سرائیکی شاعر ہے۔ جدہ وچ رہائش ہے۔

دیرہ غازی نال تعلق ہے۔

یاری   لانوݨ   دا    شوق    ہاوی  

دل   جلانوݨ  دا    شوق   ہاوی  

ہاں  نال   لائی   ودا   رہ   ہݨ     

ہاں نال لانوݨ  دا شوق  ہاوی   

الطاف جابر چانڈیہ

تیکوں چاندنی لک لک ڈیہدی  ھے تائیں راہ تکوائے ھن پھلیں توں 

تائیں  پتھر  پاݨیں کر  چھوڑین  تائیں بار  چوائے ھن  پھلیں توں          

فریادی    پترا    پترا    ھے    تائیں   پتر   رسائے   ھن  پھلیں توں     

توں جابر خوشبو  کیا جاݨیں تیکوں امن سوائے  ھن  پھلیں توں   

الطاف جابر چانڈیہ

ایویں  وسرݨ   اپݨیں  وس کائینی کوئی  ورد  ڈسا   تیکوں وسر ونجوں 

تیڈی  جان  چھٹے مجبورییں  توں ساڈی  جان چھڑا  تیکوں وسر ونجوں

جیویں  پیار  دے  وچ  پابند  کیتی  انویں جھیڑے لا تیکوں  وسر ونجو ں

ڈے سگدیں  جابر  معافیاں   ڈے  ساکوں  یاد  نہ   آ  تیکوں وسر ونجوں      

الطاف جابر چانڈیہ

کئینات  وسیع  اے   وس   پوساں  توں  لا   پابندیاں  وستیں تیں 

تیڈے  راہ  سنبھلیندا رہ  ویساں تیڈے پیرے چمساں  رستیں تیں 

مجبور  کڈاہیں نیئں  دور  تھیندے  ھے مونجھ مکمل مستیں تیں 

میڈا جابر اجݨ  وی ناں ڈسدے تیڈی چادر تیں تیڈیں بستیں تیں   

 الطاف جابر چانڈیہ

اساں جو کجھ ہیں تیڈے نانویں ہیں توں جاݨ نہ جاݨیں پئے رہسوں 

تیڈی چوکھٹ چم گھم گلیاں وچ اساں ھنجھوں ھاݨیں پئے رہسوں

ہر   وکدا   وقت  دا   یوسف   نیں   بن  مفت   وکاݨیں  پئے رہسوں

ہر  ویلھے  جابر   پیریں    وچ   اساں   لوک    نماݨیں    پئے رہسوں




#Article 377: الظاہر بامراللہ (207 words)


ظاہر بامراللہ بن ناصر لدین اللہ، (پیدائش: 1176ء - وفات: 1226ء) ہک عباسی خلیفہ ہئی۔ اوں نے 1125ء/622ھ توں گھن کے 1126ء/623ھ تک خلافت دا عہدہ سنبھالا۔ اوں نے صرف ہک سال حکومت کیتی۔ اوں نے اپݨے مختصر دور خلافت اچ لوگاں تے ٹیکس دا ٻوجھ گھٹ کر ݙتا تے ہک مضبوط فوج بݨائی تاکہ علاقیاں تے شہراں کوں فتح کیتا ونڄ سڳے۔ 

ایندے دور اچ عدل و انصاف کوں قائم رکھا ڳیا۔

رعایا کوں راحت و سکون پہنچایا تے لوگاں تے تمام لاگو ٹیکس کوں معاف کر ݙتا۔

ضبط شدہ جائیداداں لوگاں کوں واپس کر ݙتے ڳئے۔
قرض داراں دے قرض ادا کیتے ڳئے۔

علماء کی قدردانی کیتی ڳئی تے بہت مال و زر انہاں کوں عطا کیتا ڳیا۔

ایں خلیفہ کوں دولت جمع کرݨ نال کوئی لگاؤ نہ ہئی تے اے اپݨے پیؤ دی طرح حریض نہ ہئی۔ ایں نے لوگاں تے بے دریغ خرچ کیتا۔

ایندا عہد اصلاحات دا عہد ہئی، اس واسطے مورخین نے ایندے عہد کوں حضرت عمر بن عبد العزیز رحمتہ ﷲ علیہ دے عہدے نال مشابہ قرار ݙتے۔ لیکن زندگی نے ساتھ نہ ݙتا تے مختصر حکومت دے بعد اوندی وفات 10 جولائی 1226ء/623ھ وچ تھئی۔ ایندے انتقال دے بعد ایندا پتر مستنصر باللہ بن ظاہر تخت خلافت تے ٻیٹھا۔




#Article 378: الف توں پہلے (504 words)


معروف شاعر ساجد علی پوری دی کتاب (الف توں پہلے) دے اندر ہک جھات 
سب توں پہلے سئیں علی پوری دی نظم ماں بولی دا درشن آخری 6 لائناں 
جیڑھا کجھ اج الینداں میں 
میڈی اماں دی بولی ء
میڈی بولی زمانے ءچ 
جیویں شفقت ونڈیندی اے
میکوں لگدے میڈے اندر 
میڈی اماں الیندی اے۔۔۔۔
شاعری شعور دل دماغ تے دور پرے توں کئو امدی ہے یار دے پاسوں جیرہی عرشوں لاہندی ہے ایندا ناں ملاں دے خوف کنوں وجدان پے لکھدوں اے سارے سنگ سمولے تھی نظماں لکھدن شعر بنڑیندن پیار دے قصے عشق دے حصے من موہنڑیاں سوہنڑیاں غزلاں لکھدن جیرہی شاعری ءچ دھرتی ما ء دا ناں کینی ماں بولی دی چھاں کینی مظلوم مقامی لوگیں دا زکر نہیں او شاعری یتیم اے لاوارث ہے انات ہے ایں گالہوں ساجد سئیں دی کتاب الف توں پہلے وڈی بھاگ وند تے صاحب اولاد ہے
اے کتاب اپنڑے( ناں الف توں پہلے ) دی وجہ کنوں پر اسرار ہے میڈے اندر دا صوفی مچل گئے جو میں (الف توں پہلے) دے معنی و مفہوم خلق خدا کوں ڈسینداں عقل آکھے متاں ملاں ماری بلھے شاہ دا پاسا گھن ونج اوتوں شعر ادھارے منگ چا جیویں سئیں فرمائے اساں الف توں پہلے ہاسے اساں الف کوں آپ ٹھہایا بیا ہک مصرعہ پٹھانے خاں اہدا ہا کن فیکون تا کل دی گالھ ہے اساں پہلے پریت لگائ 
کتاب دے ورقے ورقے تے جہان آباد ہے کتاب دے وچ چندر ہن تارے ہن پکھیاں دے چلکارے ہن صحرا ہن بلدے ہوے تھل ہن اتنا وسیع ہن جو قیس مجنوں ڈیکھے تاں خوف کھاوے تے ساجد سئیں سرکار دے ID دے اتے عشق لیلہ توں فراغت دی پوسٹ لاوے کتاب دے اندر دریا پتن ،واہ وہیرے ،جنگل ،جھڑ تے برساتاں کالیاں شمور گنگیاں راتاں کتاب دے اندر لکھ مسیتاں ہزار مندر تے ملوک لفظیں دا منہ تار سمندر ۔۔۔۔۔
کتاب کیا ہے ؟ 
ہک بجھارت 
رازیں بھری پوتھی ۔۔۔
ایں کتاب وچ قلندری ہے پئ جیکوں راس آوے سکندری ہے پئ ۔۔۔
ہیندے اندر خزاں ہے پئ بہار ہے پئ ۔۔سئیں ساجد لفظیں دی پرشاد ونڈاوے ہر ہک گھر رے اندر اکھریں دی سوغات پچاوے ۔۔
ساجد سوچیندے پہلوں الیندے بعد اچ ۔۔ہیندی شکل نہ ڈیکھو ہیندے لفظ پڑھو۔۔ہیندے مصرے ڈیکھو۔۔

طلب دا یوسف بزار آوے
کہیں زلیخا کوں پیار آوے

یا اے لائن ڈیکھو 
اجاں تماشے کوں ڈھیر دیر اے 
ہیندیاں نظماں 

شاعر دے شعور دا چشم دید گواہ ڈو لائناں پڑھو۔۔۔

ڈیکھ تاں سہی زمانے دی مستک اتے کتنے لہور دے لگے سرخ چھٹے کھڑن۔۔
میڈا غافل قلم آں ذرا جاگ ہن ورق تاریخ دے ڈھیر چٹے کھڑن۔۔
عزیز شاہد تے نظم لکھ تے میڈا ہاں ٹھاریس۔۔۔
نظم مٹھا خواب ہر سرائیکی سوجھوان کوں زبانی یاد ہوونی چاہیدیے۔۔ میڈا خیال اے میں قاری دی خاطر وی کجھ بچاواں یکی کتاب میں نہ سناواں ۔۔میڈی سک نئیں لتھی 
میں ساجد سرکار دا لفظ لفظ پڑھساں 
رب دی طرفوں زبان مل گئ تاں میں الیساں نہ تاں کاغز قلم تے مس ہے پئ۔۔۔۔۔۔تے نال لفظیں دے میڈی چس ہے پئ۔۔میں لکھساں ساجد دی دائ. (تاج محمد گوپانگ)




#Article 379: الفارابی (439 words)


ابو نصر فارابی (Pharabius) معلّم ثانی،  ابونصر فارابی دا پورا ناں ’’محمد بن ترخان ابو نصر‘‘ اے. ابن ابی اُصیبیہ نے اس دا ناں ’’ابو نصر محمد بن اوزیغ بن طرخان‘‘ لکھا ہے۔

ترکستان دے مقام ’’فاراب‘‘ وچ 872ء وچ پیدا تھئے۔ انہاں نے 950ء وچ دمشق وچ وفات پاتی۔

فارابی دی ابتدائی زندگی نہایت ہی غربت تے تنگدستی وچ گزری مگر غربت و تنگدستی انہاں دے علم و جستجو تے غالب نہ تھی سڳی۔

ابتدائی دور وچ ایہ ہک واری رات دے ویلے مطالعہ وچ مصروف ہن کہ تیل ختم تھیوݨ نال چراغ وسم ڳیا۔ انہاں وچ اتنی مالی وسعت نہ ہئی کہ تیل مل گھندے۔ مگر شوق مطالعہ انہاں کوں چھک کے ٻاہر گھن آیا تے گشت کریندے ہوئے پہرے دار دے سامݨے گھن کھڑا کیتا۔ فارابی نے پہریدار کوں سارا ماجرا آکھ سݨایا تے اتھاں تھوڑی دیر رکݨ دی گزارش کیتی تاں جو اوہ اپݨا سبق یاد کر گھنے۔ پہریدار اوں ݙینہ من ڳیا، مگر ݙوجھے ݙینہ اوں نے رکݨ توں صاف انکار کر ݙتا۔ مگر فارابی نے گزارش کیتی کہ اوہ اوں دے پچھوں پچھوں چلدا راہسی تاں جو اوندی لالٹین دے سوجھلے وچ مطالعہ کر سڳے۔ کجھ ݙینہاں تک ایہ سلسلہ چلدا رہا مگر ہک ݙینہ پہریدار نے اوندی علمی لگن تے جستجو توں متاثر تھی کے اونکوں نویں لالٹین گھن کے ݙے ݙتی۔ فارابی دے حصول علم دا ایہ بے مثال واقعہ رہندی دنیا تک ہک مشعل راہ ہے۔ انہاں نے تقریباً 50 سال حصولِ علم وچ صرف کیتے۔

انہاں نے مسیحی طبیب یو حنا بن حیلان توں وی استفادہ کیتا۔ ایندے بعد تحقیق و تدریس دی طرف متوجہ تھی کے سیف الدولہ ہمدانی دے دربار نال وابستہ تھی ڳئے۔

علم ریاضی، طب، فلسفہ تے موسیقی وچ تحقیق و تحاریر،  منطق (logic) دی علمی گروہ بندی کیتی۔ انہاں کوں ارسطو دے بعد ݙوجھا وݙا فلسفی وی آکھا ویندا ہے۔ انہاں نے علم طبیعیات وچ وجود خلا تے اہم تحقیقات کیتیاں۔ ایندے علاوہ ماہر عمرانیات، سیاسیات و موسیقیات وی ہن۔ فارابی، ارسطو تے افلاطون توں بے حد متاثر ہن۔ انہاں نے ارسطو دی اکثر کتاباں دی شرح لکھی.  ایں وجہ نال انہاں کوں ’’معلّم ثانی‘‘ وی آکھا ویندا ہے۔ انہاں شرحاں وچ شرح ’’ایساغوجی‘‘ تے بطلیموس دی ’’المجسطی‘‘ بہت مشہور ہن۔

فارابی نہ صرف حکیم تے فلسفی ہن بلکہ سائنس، نجوم تے موسیقی دے علوم تے وی انہاں کوں دسترس ہئی۔ انہاں دی دیگر تصانیف وچ الموسیقی الکبیرہ، معافی العقل تے ’’ارا ء اہل المدینۃ الفاضلہ‘‘ تے ’’السیرۃ الفاضلہ‘‘ معروف ہن۔ انہاں دی تصانیف دی تعداد سینکڑاں تک پہنچدی اے ۔

فارابی شاعر وی ہن۔ انہاں دی ہک طویل دعا وی بہت مشہور و معروف ہے، جینکوں بعض تذکرہ نگاراں نے نقل کیتا ہے۔




#Article 380: القادر باللہ (678 words)


القادر باللہ (پیدائش: 947ء— وفات: 29 نومبر 1031ء) خلافت عباسیہ دے پنجیہویں خلیفہ ہن جنہاں نے 991ء توں 1031ء تک حکومت کیتی۔ انہاں دے بعد سب توں زیادہ طویل مدت تک حکمرانی خلیفہ الناصر لدین اللہ نے کیتی۔ ناں احمد بن اسحاق، کنیت ابوالعباس تے لقب القادر باللہ ہئی۔ نسب ایویں ہے:

القادر باللہ احمد بن اسحاق بن المقتدر باللہ بن المعتضد باللہ بن الموفق باللہ بن المتوکل علی اللہ بن المعتصم باللہ بن ہارون الرشید بن المہدی باللہ بن ابو جعفر المنصور بن محمد بن علی بن عبداللہ بن عبد اللہ بن عباس (رضی اللہ عنہ) بن عباس بن عبد المطلب (رضی اللہ عنہ)۔ 

قادر باللہ دی پیدائش غالباً 336ھ مطابق 947ء کوں بغداد وچ خلیفہ المطیع للہ دے عہدِ حکومت وچ تھئی۔ قادر باللہ دی والدہ دا ناں تمنیٰ ہئی جبکہ بعض نے ناں دمنہ لکھا ہے۔ تمنیٰ اسحاق بن المقتدر باللہ دی کنیز ہئی۔ شاہی گھراݨے دا فرد ہوندے ہوئے اُنہاں کوں آباؤ اجداد توں علم ورثے وچ عطا تھیا ہئی۔ اوہ فقیہ وی ہن اتھاں تک کہ اُنہاں کوں تفقہ وچ علامہ ابی بشر الہروی الشافعی تے ترجیح ݙتی ویندی ہئی۔

خلیفہ ابوالفضل عبدالکریم الطائع للہ العباسی دی دستبرداری دے بعد یکم نومبر 991ء کوں قادر باللہ کوں خلیفہ مقرر کیتا ڳیا۔ چونکہ قادر باللہ اُوں وقت بطیحہ نامی ہک مقام تے مقیم ہن تے بغداد وچ موجود نہ ہوݨ دے سبب عوام وچ حاضر نہ تھی سڳے۔ 10 رمضان 381ھ مطابق 20 نومبر 991ء کوں قادر باللہ بغداد پہنچے تے سریر آرائے خلافت تھئے۔ شعرا نے اُوں روز دربارِ خلافت وچ انہاں کیتے تہنیتی قصائد پڑھے۔

خلیفہ ابوالفضل عبدالکریم الطائع للہ العباسی دے عہدِ خلافت وچ ہک وار قادر باللہ نے اُونکوں خلافت توں معزول کراوݨ دی کوشش کیتی ہئی جیندی وجہ توں طائع للہ نے اُوندی گرفتاری دا حکم جاری کیتا ہئی۔ اوہ بغداد توں بطیحہ وچ مہذب الدولہ ابوالحسن دے کول چلا ڳیا۔ ابوالحسن نے اُونکوں ہتھوں ہتھ گھدا تے تعظیم و تکریم نال پیش آیا۔ طائع للہ دی معزولی دے بعد امرائے بغداد نے قادر باللہ کوں بحیثیتِ خلیفہ نامزد کیتا۔ بہاؤالدولہ وزیر اعظم نے اپݨے خواص کوں قادر باللہ کیتے بیعت گھنݨ کیتے بطیحہ بھیڄا۔ مہذب الدولہ نے شاہانہ سازو سامان دے نال قادر باللہ کوں بغداد روانہ کیتا تے بہت وݙی رقم نال کیتی۔ 12 رمضان 381ھ کوں قادر باللہ بغداد پہنچا جتھاں بہاؤالدولہ وزیر اعظم تے تمام امرائے سلطنت استقبال کیتے نکلے۔ نہایت تزک و احتشام دے نال دربار وچ گھنایا ڳیا تے خلافت دی بیعت گھدی ڳئی۔

مؤرخ اسلام علامہ شمس الدین الذہبی نے لکھا ہے کہ: 

ماہِ شوال 381ھ مطابق دسمبر 991ء کوں قادر باللہ نے عام دربار منعقد کیتا جس وچ قادر باللہ خلیفہ وقت تے بہاؤ الدولہ وزیر اعظم نے باہمی معاہدہ وفاداری کیتا۔ بعد ازاں قادرباللہ نے اپݨے خاص محل دے علاوہ تمام مملکت وغیرہ بہاؤ الدولہ دے انتظام وچ کر ݙتی۔ 381ھ مطابق 991ء وچ گورنر مکہ ابوالفتوح حسن بن جعفر العلوی نے اپݨی خود مختاری خلافت دا اعلان کر ݙتا تے راشد باللہ دا لقب اِختیار کر گھدا۔ اِیں اقدام نال شاہِ مصر دی مکہ معظمہ تے حکومت ختم تھی ڳئی لیکن تھوڑے ہی عرصے بعد ابوالفتوح دی حکومت وچ کمزوری پیدا تھی ڳئی جس دی وجہ توں اُوں نے دوبارہ شاہِ مصر دی بالادستی کوں قبول کر گھدا۔

ابو علی المنصور الحاکم بامر اللہ (اسماعیل خلیفہ مصر) نے مصری علما کوں زبردستی قید کروا کے قتل کروایا جیہڑے خلفائے راشدین دی عظمت دا اِظہار کریندے ہوندے ہن۔ ابو علی المنصور الحاکم بامر اللہ نے مساجد دے دروازیاں تے شہر دی دیواراں تے خلفائے ثلاثہ دے ناں تے تبرا کروایا تے عوام وچ اِنہاں فعل شنیعہ دا رواج کیتا۔ قاہرہ شہر وچ کتیاں کوں مار ݙتا ڳیا۔ تمام اینجھی شراباں دی اِقسام جنہاں وچ بھرپور نشہ نی ہوندا، کوں بند کروا ݙتا ڳیا ۔ بغیر چھلکے والی مچھی فروخت کرݨ تے پابندی عائد کر ݙتی۔

اِیں طرح انگوراں دے باغات تباہ کر ݙتے ڳئے۔

خلیفہ قادر باللہ نے بروز سونوار 11 ذوالحجہ 422ھ مطابق 29 نومبر 1031ء کوں 87 سال (قمری) دی عمر وچ بغداد میں اپݨے محل وچ انتقال کیتا۔ اُنہاں دی مدت خلافت 41 سال 3 مہینے ہئی۔




#Article 381: القاہر باللہ (138 words)


آپ خلافت عباسیہ دے اُنیہویں خلیفہ ہن جنہاں نے 932ء توں 934ء تک حکومت کیتی۔ آپ دا ناں محمد کنیت ابو منصور تے لقب القاہر باللہ ہے ۔ آپ دی پیدائش 286ھ وچ تھئی آپ دے والد دا نام ابو العباس احمد المعتضد باللہ ہے تے آپ دی والدہ ام ولد ہئی جہاں دا نام فتنہ ہئی۔
آپ دا سلسلہ نسب ایہ ہے:

ابو منصور محمد القاہر باللہ ابن ابوالعباس احمد المعتضد باللہ ابن ابو احمد طلحہ الموفق باللہ ابن جعفر المتوکل علی اللہ ابن ابو اسحاق محمد المعتصم باللہ ابن ہارون الرشید ابن ابو عبد اللہ محمد المہدی باللہ ابن عبد اللہ ابو جعفر المنصور ابن محمد بن علی ابن علی بن عبد اللہ بن عباس ابن عبد اللہ بن عباس ابن عباس بن عبد المطلب ابن عبدالمطلب ابن ہاشم.

آپ دے مندرجہ ذیل چار پتر ہن۔




#Article 382: الله ݙیوایا پرجوش (161 words)


الله ݙیوایا پرجوش سرائیکی زبان دا شاعر ہے۔

شجاع اباد دے علاقے نال تعلق ہائی۔

درداں دی ماری دلڑی علیل اے

سوہݨا نہ سݨدا دکھاں دی اپیل اے

اصلوں بے چنتی بے درد جئی ہم

غم مونجھ دل کو اصلوں نا کئی ہم

جے تئیں نا لئی ھم سوکھی سوائی ھم

لائی یم تے پائی یم گل وچ جنبیل اے

سوہݨا نہ سݨدا دکھاں دی اپیل اے

درداں دی ماری دلڑی علیل اے

چھوٹی عمر وچ دیداں نا لیندی

اے گیڑ گل وچ اصلوں نا چیندی

چالاک ہوندی اے ݙٹ نا چیندی

واہ واہ جو تھئی ہاں جڑ جڑ زلیل اے

سوہݨا نہ سݨدا دکھاں دی اپیل اے 

درداں دی ماری دلڑی علیل اے

کام کار گھر توں بے کار تھئی آں

غم لا میں دل کو بیمار تھئی آں

لکھ لکھ کے چٹھیاں میں ہار گئی آں

دلبر دی ݙیکھاں کیہڑی دلیل اے

سوہݨا نہ سݨدا دکھاں دی اپیل اے 

درداں دی ماری دلڑی علیل اے

کلام: الله ݙیوایا پرجوش




#Article 383: اللہ (162 words)


اللہ عربی زبان اچ خالق دے کیتے استعمال ہووݨ‏ آلا لفظ اے۔ خالق بݨ‏اوݨ‏ آلے (تخلیق کرݨ‏ آلا) کو آہدن۔

مسلمان اللہ کو تمام جہاناں دا خالق، مالک تے رب منیدن۔ اسلام اچ اللہ دی ذات دے نال جیہڑیاں خصوصیات جُڑیاں ہن انہا کولو توحیدیت دا پتا لگدے تے شرک و کفر دی نفی کیتی وندی اے۔ اسلام دے بنیادی تصورات تے مسلمان علماء دین دے رلے اتفاق دے مطابق ؛ اللہ ہک کَلھی ذات اے، اوندے سوا ٻیا کوئی عبادت دے لائق کائنی، ایندے خاطر کئی شبیہ (شکل یا تصویر یا مشابہت یا مثال) کائنی، کوئی اوندے جھیاں کائنی، اوندی کئی اولاد (پتر یا دھی) کائنی، اوندے کوئی والدین (اوکوں بݨ‏اوݨ‏ آلا / اماں یا ابا) کائنی، اوندی کئی صاحبہ (شریک حیات یا زال) کائنی 
 تے اوندا کوئی شریک کائنی۔

اللہ دے ننانوے ناں مشہور ہن جناں وچو اکثرا قرآن اچ ہن۔ 'اللہ' ذاتی ناں ہے تے ننانوے صفاتی ناں ہن جنہاں کوں أسماء الله الحسنى آکھیا ویندے۔ مثلاً الرحمٰن، الرحیم، النور وغیرہ۔ 




#Article 384: اللہ بچایا خان( بھشتی ) (129 words)


اللہ بچایا خان( بھشتی )
وستی پٹواریاں دا راھنڑ آلا ھا, 
عمرہ کرنڑ ونجنڑاں ھس تے جتھ باھندا ھا لوگاں کوں آھدا ھا جو میڈے کیتے دعا کرائے میڈا عمرہ اللہ پاک قبول فرماوے تے میکوں موت وی اتھائیں آوے ؛ مرنڑاں تاں اونویں وی ھے اتھائیں آوے تے اتھائیں دفنیج ونجاں تاں کھٹ ویسیں، 
اللہ پاک دعا قبول چا کیتی اے تے اللہ بچایا خان سعودی عرب اچ ایں کوڑی دنیا توں جھوک لڈا گئے تے اتھائیں اج جمے دے وڈے ڈینھہ کوں جنازہ پڑھیا گے تے دفنیج وی گئے، 
انا لللہ وانا علیہ راجعون. 
اللہ بچایا خان مٹیا ھویا بندہ ھا، 
ناں پھوت پھات ناں آکڑ تے وڈائی، 
ھمیشاں کھدا ملے ھا، 
مٹھا بلیندا ھا، 
سموری عمراں پورھیا کیتس. 

اللہ پاک بخشش کرے آمین. سلیم خان نیازی. 




#Article 385: اللہ روٹی ݙیسی (142 words)


اوں جمعے دی تقریر ءچ رٹایا ھویا مولوی صاحب دا جملہ اج ولا روزانہ دی قار بالیں کوں آکھۓ پتر اللہ روٹی ڈیسی.

ہک ڈینہہ نکڑے پتر پچھ ہی گھدے ابا تہاڈا اللہ نال جھیڑا تاں کائنیں تساں روزانہ آہدے ہاؤ اللہ روٹی ڈیسی پر سنجھ ویہلے تساں تاں خالی ہتھ آندے وے؟

اج او پیو ،بالیں دا ٹکر کما کے کوئٹے توں ولدیں ہوئیں اپنڑیں ہی وطن وسدیئں دی اندھی فائرنگ نال لقمہ ء اجل بنڑ گۓ.....

اتے اج فذر نال مولوی صاحب مسجد کوں بانگ سنڑاونڑ ویندے پۓ ھن تاں بالیں دی ماء بالیں کوں آھدی بیٹھی ھئ اماں تہاڈا ابا تہاڈے واسطے اللہ کولو روٹی گھننڑ لنگھ گۓ....

مولوی صاحب مائک دے کن ءچ اپنڑے کن بند کر کے بانگ ڈینونڑ شروع کر ڈتی ھے......
اللہ اکبر اللہ اکبر....

لکھت منصور شانی

کتاب(زیر_طبع)

December 31, 2014 at 6:05 AM 




#Article 386: اللہ نواز ساحل (213 words)


اللہ نواز ساحل سرائیکی شاعر ہے۔

دیرہ اسماعیل خان نال تعلق ہے

ساکوں اپنےراہ تےآپ ٹرا تیڈےراہ تےٹرسوں راہ ملسی ,

رخ پھیر بہاراں آپ آسن ہر پاسوں سکھ دا ساہ ملسی ,

مل پوسی جیونڑ جگ ساکوں تیڈے درتے جڈنڑ پناہ ملسی ,

بئ حسرت,ساحل,کیاراہسی جڈاں سئیں دے قدمیں جاہ ملسی

بے رحم سلاخاں وقت دیاں کر ڈیون قید ارمان یکے

توڑے بھوئیں بھا لاوے پیراں کوں سرچئی راہسی اسمان یکے

کہیں حال ناشکرے نا تھیسوں ڈکھ ڈیون پئے نقصان یکے

ھک پیار دا ساحل قال مکے بئے جھل گھنسوں طوفان یکے

اللہ نواز ساحل

محبت وچ ضروری ھے بندہ سچ سچ ڈسا چھوڑے ,

ڈسو کیندے وچوں ھوسی جہرا سچ کوں لکا چھوڑے ,

ضرورت ھن اساکوں ھنڑ رلے تیڈے گزارن لیئوں

اساڈی تاں حیاتی دےضرورت ڈینہہ مکاچھوڑے,

کڈانہہ غمناک ویہڑے دی تیڈو ارداس گھن آسی

ڈھٹھےدرگھرکڈاں دےپئےہواکوں سب ڈکھاچھوڑے ,

ھے ٹالہی وی وچالےوچ حویلی وی وڈیندی پئ

پکھی اڈراک تھیون توں پہلے کیئں تاں اڈاچھوڑے ,.

نغارے ھن تماشے ھن اساکوں کون سنڑدا ھا

تونڑیں دیوان غزلیں دےمشاعرےوچ سنڑاچھوڑے ,

تیڈے درتے تاں آگئے ھیں تیڈی سائیاں سخا سنڑ کے

اونویں حاتم تاں بہوں ٹکرے اساں رستے وٹاچھوڑے ,

تیڈے قرب ءچ تاں بئی چس ھےانوویں وی کوئ شکایت نہیں

تیڈیاں یاداں دےوچ ساحل اساں ڈکھ سکھ بھلا چھوڑے,




#Article 387: اللہ ݙتا ڄلواݨا (234 words)


ردار اللہ ݙتہ خان جلوانہ جگمشھور اے ڈی خان
 
ایندا ویس ݙیکھ تے اے ناں سمجھائے جو اے ڈی خان ملنگ اے یا منگݨ پنݨ آلا ھے
 
اللہ دیاں رحمتاں ھنس ؛ اللہ سئیں ڈھڳ ݙتس

لپوڑے مار مار تے وی کھاوے تاں مکسی کیناں

اے ڈی خان دل دا فقیر ھے ؛ چنڳا سچیندے ؛ چنڳا بلیندے ؛ سجݨاں بھراواں کوں رلا جاݨدے

جیندا سجݨ اے اوندی نموشی کنڈ پچھوں ناں کریندا ناں کرݨ ݙیندے

ݙکھ سکھ اچ مونڈھے نال مونڈھا لیندے ؛ جنھاں کوں اپݨاں جاݨدے انھاں کیتے تاں جند گھولݨ کیتے ودا راھندے
بھرپی نبھاوݨ سکھݨیں تاں ول اے ڈی خان دا موں مٹھا کراو

فٹ بال دا منیا تنیا کھڈکار ھا ؛ ھݨ صحافی ھے تاں او وی منیا تنیا ؛ اونویں کھیݙ جیھڑی وی ھووے کھیݙ جاݨدے

ھاری منݨ گناہ سمجھدے مکدے ساہ توݨیں لڑݨ آلا ھے اے ڈی خان

اللہ سوھݨیں پتراں دا برگیڈ ݙتس ؛ جیون ھوون او وی ساڳی پیوء تے ڳن ؛ پڑھدے پن ؛ اللہ سوھݨاں انھاں دے پورھیئیے کوں رنڳ لاوے آمین

ڳال کرݨ تے منواوݨ جاݨدے
غریباں تے گنگے باتے لوگاں کیتے تݨدے

میݙے ھاں اچ وسدے ؛ نکا بھرا ھے میݙا اے ڈی خاں

میݙی رج تے عزت کریندے ؛ اے وی تھی سگدے میکوں رھیندا ھووے جے کر رھیندا وی ھے تاں ول وی میکوں اپݨے سکے بھراواں وانگݨ بھاندے
جیوے جگ تے

جتھ پیر ھووس اتھ خیر ھووس شالا




#Article 388: المامون (220 words)


ربیع الاول 107 ھ (786ء ) وچ پیدا تھیا۔ ایندی ولادت دی رات وی عجیب ہئی۔ جیندے وچ ہک خلیفہ ( ہادی ) نے وفات پاتی۔ ݙوجھا ( ہارون الرشید ) تخت نشین تھیا تے تریجھا ( مامون ) عالم وجود وچ آیا۔ خلیفہ مہدی نے وصیت کیتی ہئی کہ میݙے بعد ہادی تخت نشین تھیوے تے اوندے بعد ہارون۔ ہادی نے بدنیتی نال ہارون کوں محروم کرݨا چاہا مگر موت نے اوندی تمام امیداں کوں خاک وچ ملا ݙتا۔ مامون دی ماں ہک کنیز ہئی جیندا ناں مراجل ہئی تے بارغیس ( ہرات دا ہک شہر ) وچ پیدا تھئی ہئی۔ علی ابن عیسٰی گورنر خراسان نے ایں کوں ہارون دی خدمت وچ پیش کیتا ہئی۔ مراجل، مامون دی پیدائش دے ݙو چار ݙینہ بعد انتقال کر ڳئی تے مامون کوں مادر مہربان دے دامن شفقت وچ پلݨا نصیب نہ تھیا۔

مامون رشید کوں ݙوجھی زباناں دے تراجم دا از حد شوق ہئی، ایں نے بہت ساری یونانی کتاباں دے عربی تراجم کروائے تے انہاں تراجم تے زر کثیر صرف کیتا، انہاں تراجم وچ اقلیدس دا ترجمہ خاص اہمیت دا حامل ہے، مگر انہاں تمام تراجم تے انہاں تے کافی تحقیقی کماں کوں اوں وقت دریا برد کر ݙتا ڳیا جݙݨ ہلاکو خان نے بغداد کوں تباہ و تاراج کیتا، مامون رشید نے 190ھ توں 218ھ تک حکومت کیتی۔ 




#Article 389: المستظہرباللہ (480 words)


المستظہر باللہ (پیدائش: اپریل/ مئی 1078ء— وفات: 6 اگست 1118ء) خلافت عباسیہ دا اٹھاویہواں خلیفہ ہئی جیں نے 1094ء توں 1118ء تک حکومت کیتی۔

مستظہر دا ناں احمد بن عبد اللہ المقتدی بامر اللہ ہے۔ کنیت ابوالعباس ہئی۔ پیدائش ماہِ شوال 470ھ مطابق اپریل/ مئی 1078ء اچ بغداد وچ تھئی۔ مستظہر دے والد المقتدی بامر اللہ تے والدہ التون خاتون ہن۔

خلیفہ المقتدی بامر اللہ دی وفات (2 فروری 1094ء) دے بعد مستظہر دی بیعتِ خلافت سب توں پہلے وزیر عمیدالدولہ نے کیتی۔ وزیر نے سلطان برکیارق توں خلیفہ کیتے لیے بیعت گھدی جیں نے بہ طیب خاطر خلیفہ دی بیعت وزیر عمیدالدولہ دے ہتھ تے کیتی۔ خلیفہ المقتدی بامر اللہ دی وفات دے تریجھے ݙینہ مجلس عزا منعقد تھئی۔ سلطان برکیارق مع اپݨے وزیر عزالملک بن نظام الملک تے اُوندے بھائی بہاء الملک دے مجلس دربار اچ حاضر تھیا تے باب مناصب توں طراد عباسی، معمر العلوی تے علمائے کبار توں قاضی القضاۃ، ابوعبداللہ دامغانی، امام غزالی شافعی تے امام شاشی وغیرہ وی تعزیت کیتے آئے تے خلیفہ مستظہر دی بیعت کیتی۔ بوقتِ خلافت عمر 16 سال ہئی۔

خلیفہ مستظہر دے عہدِ خلافت اچ پہلی صلیبی جنگ دا آغاز تھیا۔ اِنہاں صلیبی جنگاں دی ہک بڑی وجہ خلافت عباسیہ دا رعب و دبدبہ ختم تھیوݨ نال بیرونی طاقتاں دا قوت پکڑنا ہئی۔ جݙݨ توں عباسی حکمران داخلی مملکت دے جھگڑیاں اچ اُلجھے، مہدی، ہارون الرشید، مامون جیہے جاہ و جلال والے خلفا دا دَور ختم تھی چکا ہئی۔ اُنھاں دی کمزور قوت تے نااہلی توں ہݨ عباسی سلطنت دی طاقت بالکل کمزور تھی چکی ہئی۔ چنانچہ رومی سلطنت نے اِیں موقعے توں فائدہ چاتا ۔ رومی سرحداں توں متصل اسلامی علاقیاں تے خاندان بنی حمدان دا قبضہ ہئی جبکہ پوری جدوجہد دے باوجود اوہ رومی افواج دے دباؤ دی تاب نہ گھنا سڳے۔ ایہ رومی افواج بلاد الشام دے ساحلی علاقیاں تے قبضہ کریندے ہوئے دریائے فرات کوں عبور کرݨ لڳیاں تے دار الخلافہ بغداد اِنہاں حملیاں دی زد اچ آ ڳیا۔ مارچ 1095ء وچ مسیحی پوپ اربن دوم دے ہک فتوے توں صلیبی جنگاں دا آغاز تھیا۔ پیاچنزا کونسل اچ اربن دوم نے خلافت عباسیہ دے خلاف عیسائی دنیا کوں متحد کر گھدا تے چند فروعی اُمور دے تصفیے دے بعد مجمع عام نال مخاطب تھی کے آکھا: 

مسلماناں دا ظلم بہت ودھ ڳیا ہے، اُنہاں تے حملہ کرݨا ضروری ہے۔ اِیں وقت جیہڑا شخص اپݨی صلیب نہ چیسی تے میݙے نال نہ چلسی تاں اوہ میݙا پیروکار نی۔ 

پوپ دی تقریر نے حاضرین اچ جنونی کیفیت پیدا کر ݙتی، اِیں طرح عیسائیاں نے اپݨے حکمراناں سمیت یروشلم تے ہلہ ٻولا تے یروشلم تے جون 1099ء اچ قبضہ کر گھدا۔

خلیفہ مستظہر باللہ نے 40 سال دی عمر وچ بروز ٻدھ 16 ربیع الثانی 512ھ مطابق 6 اگست 1118ء کوں بغداد وچ وفات پاتی۔ شیخ الحنابلہ ابن عقیل نے غسل ݙتا تے المسترشد باللہ نے نمازِ جنازہ پڑھائی۔ مدت خلافت 24 سال 6 مہینے 3 ݙینہ شمسی ہے۔ 




#Article 390: المستعصم باللہ (134 words)


ابواحمد المستعصم بالله عبد اللہ بن منصور المستنصر (1213-1258) آخری عباسی خلیفہ ہن جنہاں دے دور اچ منگول وحشی بغداد تے حملہ آور تھئے تے اینکوں تباہ و برباد کیتا۔ ایں خلیفہ کوں قالین اچ لپیٹ کے گھوڑیاں دی سماں نال بیدردی نال ہلاک کیتا ڳیا کیونکہ توہم پرست منگولاں کوں باآور کرایا ڳیا ہئی کہ اگر خلیفہ دا خون دوران ہلاکت زمین تے ڈھٹھا تاں رنگ گھنائے بغیر نہ رہسی۔

انہاں دا سولہ سالہ دور خلافت (1244-1258) زیادہ تر عیش وعشرت تے غفلت اچ گزرا۔ انہاں کوں منگول یلغار تے انہاں دے ہتھوں اسلام دی بیخ کنی دا بالکل ادراک نہ تھی سڳا۔ حتیٰ کہ انہاں دا وزیر ابن العلقلمی انہاں دے پہلو اچ ٻیہہ کے منگولاں نال خط کتابت کریندا ریہا تے انھاں کوں بغداد تے حملہ کرݨ دی ترغیب ݙیندا ریہا۔




#Article 391: المستنجد باللہ (228 words)


مستنجد باللہ دا اصل ناں یوسف ہئی۔ ایں خلیفہ نے 1160ء/555ھ توں گھن کے 1170ء/566ھ تک خلافت دا عہدہ سنبھالا۔ ایہ خلیفہ مکتفی باللہ (اصل ناں محمد بن مستظہر) دا بیٹا ہئی۔ مستنجد باللہ اپݨے پیؤ دی زندگی اچ ہی ولی عہد نامزد تھی چکا ہئی ۔ ایندے انتقال دے بعد 1160ء/555ھ اچ ایندی خلافت دا آغاز تھیا۔

مستنجد باللہ دا نسب ایویں ہے:

المستنجد باللہ یوسف بن محمد المقتفی لامر اللہ بن احمد المستظہر باللہ بن عبد اللہ المقتدی بامر اللہ بن محمد بن القائم بامر اللہ بن احمد القادر باللہ بن اسحاق بن جعفر المقتدر باللہ بن احمد المعتضد باللہ بن محمد الموفق باللہ بن ابوالفضل جعفر المتوکل علی اللہ بن محمد المعتصم باللہ بن ابوجعفر ہارون الرشید بن ابوعبداللہ محمد المہدی باللہ بن ابوجعفر المنصور بن محمد بن علی بن عبد اللہ بن علی بن عبد اللہ بن عباس بن عبد اللہ بن عباس بن عباس بن عبد المطلب۔

شام و مصر دی اسلامی طاقت صلیبی حملیاں اچ مصروف رہی۔ نورالدین زنگی نے صلیبیاں نال کئی معرکے کیتے۔

تمام بے جاٹیکس عوام تے معاف کر ݙتے ڳئے تے ضبط شدہ مال واپس کیتا ڳیا۔

کئی مقامات تے فتوحات حاصل تھیاں۔
عراق، فارس تے دیگر مقامات تے علاقیاں تے حکومت بغداد دا اثر و اقتدار قائم ریہا۔

ایہ زمانہ امن و امان تے مسلماناں دے اطمینان دا زمانہ ہئی۔
ملک تمام دجالی فتنیاں توں محفوظ ریہا۔




#Article 392: المستنصر باللہ (180 words)


المستنصر باللہ خلافت عباسیہ دا چھتیہواں خلیفہ ہئی جیہڑا 1226ء اچ تخت نشیں تھیا تے 1242ء تک خلیفہ ریہا۔ اوہ خلافت عباسیہ دے عہد زوال اچ ݙوجھا آخری خلیفہ ہئی۔ مستنصر باللہ دی ولادت بغداد وچ بروز پیر یکم صفر 588ھ مطابق 17 فروری 1192ء کوں تھئی ۔ مستنصر دی والدہ دا ناں ترکیہ ہئی جبکہ والد ظاہر باللہ بن ناصر ہن۔ 

خلیفہ ظاہر بامراللہ بن ناصر دی وفات دے بعد بروز جمعہ 13 رجب المرجب 623ھ مطابق 10 جولائی 1226ء کوں خلیفہ المستنصر باللہ کیتے  بیعت عامہ گھدی ڳئی۔ ایں روز اُوندے سر تے تاج شاہی رکھا ڳیا تے اہل حِل و عقد اچ عوام و خواص نے اُوندی بیعت کر گھدی۔ روز تختِ نشینی خلیفہ المستنصر باللہ دی عمر 35 سال 5 ماہ 11 ݙینہ ہئی۔ مستنصر باللہ دے والد ظاہر بامراللہ بن ناصر دے زمانہ خلافت اچ جیہڑے لوگ امراء ہن، اوہے مستنصر باللہ دے عہد خلافت اچ وی امیر ریہے۔

المستنصر باللہ نے بروز جمعہ 10 جمادی الثانی 640ھ مطابق 5 دسمبر 1242ء کوں 52 سال قمری تے 50 سال شمسی دی عمر اچ وفات پاتی۔ 




#Article 393: المعتصم باللہ (514 words)


ابو اسحاق محمد بن ہارون رشید أبو إسحاق محمد بن هارون الرشيد جیہڑے عام طور تے اپݨے لقب معتصم باللہ دے ناں. نال ڄاݨے ویندے ہن،  خلافت عباسیہ دے اٹھویں خلیفہ ہن جنہاں دا دور خلافت 833ء توں 842ء تک اپݨی موت تک رہا۔  بمطابق ہجری تقویم 218ہجری وچ تخت نشیں تھئے تے بدستور 227ہجری تک خلیفہ رہے۔ اُنہاں دے عہدِ خلافت وچ مسئلہ خلق قرآن دے فتنے دا عروج ریہا۔

ناں محمد بن ہارون الرشید ہے۔ کنیت ابو اسحاق تے لقب المعتصم باللہ العباسی ہے۔
مورخین نے انہاں کوں المعتصم باللہ دے ناں نال پکارا ہے۔

المعتصم باللہ دا رنگ سفید سرخی مائل ہئی جبکہ داڑھی گھاٹی ہئی۔ قد متوسط ہئی۔

عباسی خلیفہ ہارون الرشید، المعتصم کوں بہت چاہندا ہئی۔ ایں چاہت دے سبب ہک تعلیم یافتہ غلام ہر وقت المعتصم دے نال رہندا جیہڑا اونکوں پڑھیندا رہندا۔ جݙݨ اوہ غلام فوت تھی گیا تاں ہارون الرشید نے آکھا: محمد! ( المعتصم دا اصلی ناں محمد ہے) ہݨ تیݙا غلام وی مر گیا، ہݨ ݙس۔ المعتصم نے آکھا: ہا! اوہ مرگیا تے میں کتاب دی بلا توں چھٹ گیا۔ بعد وچ اوہ تعلیم توں بہرہ مند نہ تھی سڳے تے اَݨ پڑھ ہی رہے۔ آکھا ویندا ہے کہ اوہ کجھ پڑھ گھندا ہئی تے اتنا لکھ وی گھندا ہئی مگر بہ نسبت ݙوجھے خلفاء دے اوہ غیر تعلیم یافتہ ہی ریہا. 

جمعرات 18رجب218ھ مطابق 7 اگست833ء کوں عباسی خلیفہ مامون الرشید نے اِنتقال کیتا تاں طرطوس وچ ہی اُمرائے حکومت نے مامون الرشید دی ولی عہدی دے مطابق المعتصم دی بیعت کر گھدی مگر لشکریاں یعنی افواج نے شورو غوغا کیتا کہ مامون الرشید دے پتر عباس بن مامون الرشید کوں بحیثیتِ خلیفہ تخت نشیں کیتا ونجے۔ المعتصم نے عباس بن مامون الرشید کوں دربارِ شاہی وچ طلب کیتا۔ عباس نے حاضر تھی کے بطیب خاطر اپݨے چاچا المعتصم کی بیعت کر گھدی تاں شاہی افواج وچ مچا ہنگامہ ختم تھی گیا۔

مامون الرشید دے زمانہ حکومت وچ جیہڑا نظامِ سلطنت قائم تھیا ہئی، المعتصم نے اونکوں برقرار رکھا البتہ اُس فوج دے نظام کوں بہت تقویت تے ترقی ݙتی۔ ایں ترقی و تقویت توں اونکوں کثیر فتوحات دا موقع وی ملا۔ اِیں نظام دی بدولت اُس بادشاہانِ آذربائیجان، طبرستان، سیستان، اشیاصح، فرغانہ، طخارستان، صفہ تے شاہِ کابل کوں بھی قید کیتا۔ مغیرہ بن محمد آہدے ہن کہ جتنے بادشاہ المعتصم دے دروازے تے جمع تھئے، کݙہیں کہیں بادشاہ دے وقت وچ جمع نہ تھئے ہن۔

یکم محرم الحرام 227ھ کوں المعتصم دی بیماری دا آغاز تھیا۔ مرض الموت وچ اوہ ایہ آیت تلاوت کریندا ریہا: حَتّٰی اِذَا فَرِحُوْا بِمَا اُوْتُوْا اَخَذْنَا ھُمْ بَغْتَۃً۔ 
حالت نزع وچ آہدا ویندا ہئی کہ:  تمام حیلے ویندے رہے ہݨ کوئی باقی نی رہا۔ کݙہیں ایہ آکھݨ لگدا :  میکوں اِنہاں لوگاں وچوں کڈھ ڄلو۔ آخری دعا جیہڑی اُس کیتی اوہ ایہ ہئی کہ:  اِلہ العالمین توں خوب ڄاݨدا ہیں کہ میں تیݙے کولوں نی بلکہ اپݨے آپ توں ݙردا ہم۔ تیݙے کولوں اُمید رکھدا ہم، اپݨے توں نہ ۔ آخر بروز جمعرات 18 ربیع الاول227ھ مطابق 5 جنوری 842ء کوں 45 سال دی عمر میں المعتصم اپݨے ہی تعمیر کردہ دار الحکومت سامرا وچ فوت تھیا۔




#Article 394: المعتضد باللہ (220 words)


المعتضد باللہ (پیدائش: 854ء– وفات: 5 اپریل 902ء) خلافت عباسیہ دا سولہویں خلیفہ ہن جنہاں نے 892ء توں 902ء تک حکومت کیتی۔ آپ دا ناں احمد، کنیت ابو العباس تے لقب المعتضد باللہ ہے۔ آپ دی پیدائش 242ھ یا 247ھ اچ تھئی آپ دے والد دا ناں ابو احمد طلحہ الموفق باللہ یے۔ آپ دا سلسلہ نسب یہ ہے:

ابوالعباس احمد المعتضد باللہ ابن ابو احمد طلحہ الموفق باللہ ابن جعفر المتوکل علی اللہ ابن ابو اسحاق محمد المعتصم باللہ ابن ہارون الرشید ابن ابو عبد للہ محمد المہدی باللہ ابن عبد اللہ ابو جعفر المنصور ابن محمد بن علی ابن علی بن عبد اللہ بن عباس ابن عبداللہ بن عباس ابن عباس بن عبد المطلب ابن عبدالمطلب ابن ہاشم۔ 

بنی عباس وچ آپ عقل و دانش، تدبیرِ سیاست تے جاہ و جلال وچ ہک امتیازی درجہ رکھدے ہن۔ ایں دل و دماغ تے حوصلہ و ہمت والا خلیفہ ایں تخت تے بہت عرصے بعد ٻیٹھا۔ آپ کݙہیں ترک امراء دا کھݙوݨا نہ بݨے بلکہ تمام سرکش امراء کوں زیر رکھا تے مخالف قوتاں کوں ابھرݨ نہ ݙتا۔ آپ دا دور عام فلاح و بہبود، امن و امان تے عدل و انصاف وچ مشہور ہئی۔ انہاں نے ہی خلافت بنی عباس دے بے روح جسم وچ جان پاتی۔ اس واسطے آپ کوں سفاح ثانی دے لقب نال یاد کیتا ویندے۔ 




#Article 395: المقتدی بامراللہ (538 words)


المقتدی بامر اللہ خلافت عباسیہ دا ستاویہواں خلیفہ ہئی جیں نے 1075ء توں 1094ء تک حکومت کیتی ۔مقتدی نے خلافت عباسیہ دے وقار کوں قائم رکھا۔ اُوندے اچ دِین و سیاست ݙوہیں جمع ہن۔

مقتدی دا ناں عبد اللہ بن محمد ذخیرۃ الدین بن القائم بامر اللہ ہے۔ کنیت ابوالقاسم ہئی۔ شمس الدین الذہبی نے ناں عبیداللہ لکھا ہے۔ والدہ ارجوان نامی ہک کنیز ہن۔ پیدائش توں چھی مہینے قبل مقتدی دے والد ذخیرۃ الدین محمد بن القائم بامر اللہ انتقال کرڳئے ہن۔ مقتدی دی پیدائش اپݨے ݙاݙا القائم بامر اللہ دے عہدِ حکومت وچ ماہِ صفر 448ھ بمطابق مئی 1056ء اچ بغداد اچ تھئی۔

خلیفہ القائم بامر اللہ دی زندگی اچ ہی مقتدی اُنہاں دا جانشین تھی ڳیا ہئی۔ب14 محرم 487ھ مطابق 2 اپریل 1075ء کوں القائم بامر اللہ دی وفات دے بعد مقتدی دی بیعتِ خلافت گھدی ڳئی۔ اُوں وقت مقتدی دی عمر 19 سال 6 مہینے ہئی۔بیعتِ خلافت دے وقت مؤید الملک ابن نظام الملک،  وزیر فخرالدولہ بن جہبز،  عمیدالدولہ،  شیخ ابواسحاق شیرازی،  ابن الصباغ،  نقیب النقبا طراد،  نقیب الطاہر،  معمر بن محمد تے قاضی القضاۃ ابوعبداللہ دامغانی وغیرہ نے علما و اراکین سلطنت توں مقتدی کیتے بیعت گھدی۔ ابن عمیدالدولہ کوں ملک شاہ کولوں بیعت گھنݨ کیتے روانہ کیتا۔ سعدالدولہ کوں ملک شاہ نے شحنہ (محافظ شہر) کر کے بغداد بھیڃا۔

خلیفہ نے عنانِ خلافت ہتھ وچ گھندے ہی تمام لہوولعب دے انسداد دا حکم جاری کیتا۔ خلافِ شرع تمام اُمور کوں سختی نال بند کروایا۔ تھوڑے ہی عرصے وچ نیکی دا حکم عام تھی ڳیا۔ بزمانہ ٔ مقتدی، شہراں اچ عام طور تے اچھائیاں و نیکیاں ظہور افگن تھیاں۔ قواعد خلافت و انتظام مملکت شگفتہ، حرمت خلافت گزشتہ دے برعکس ترقی پزیر و بلندوبالا رہی۔ مقتدی نے بغداد اچ ترنم ریزی تے ڳاوݨ وڄاوݨ موقوف کر ݙتا۔ قحبہ خانے بند کروائے۔ حمام اچ بغیر لنگی ٻدھے غسل کرݨے تے ممانعت عائد کیتی۔ حمام توں کبوتر خانے ختم کروائے تاکہ غسل کرݨ والیاں کوں ایذا نہ پہنچے۔ مذہبی طور تے مقتدی بلندکردار، قوی نفس، عالی ہمت تے بنوعباس دا شریف خاندانی فرد ہئی۔

مقتدی توں قبل ہی فخرالدولہ بن جہبز عہدہ وزارت تے فایز ہئی۔ مقتدی نے کجھ عرصہ اُوں کوں معطل کر ݙتا تے بعد ازاں ول اُونکوں ہی قلمدانِ وزارت سپرد کر ݙتا۔ چند ݙیہاں کیتے ابوشجاع محمد بن حسن مشہور بہ ظہیرالدین وزارت تے فائز رہہا۔

مقتدی دی خلافت دے پہلے سال (یعنی 467ھ مطابق 1075ء) اچ مکہ مکرمہ وچ عباسیاں دی بجائے عبیدیاں دا خطبہ پڑھیجݨ لڳا۔

تتش اول جیہڑا ملک شاہ دا بھائی ہئی، اوہ وی مقتدی دے خیرخواہواں اچ شامل ہیی۔ اُوں نے دمشق کوں تسخیر کر گھدا تے اتھاں 468ھ مطابق 1075ء وچ مقتدی دے ناں دا خطبہ پڑھوایا۔ ملک شاہ توں تتش اول دی ناراضی تھی ڳئی مگر جلد ہی صلح تھئی۔ اِیں ناراضگی دے سبب تتش اول نے خراسان، ترمذ تے قبضہ کر گھدا ہئی، صلح دے بعد ݙوہاں علاقیاں کوں واپس ملک شاہ دے سپرد کر ݙتا ڳیا۔

برکیارق دی دربار اچ حاضری دے اڳلے روز ہی خلیفہ متقدی نے بغداد وچ 15 محرم 487ھ مطابق 3 فروری 1094ء کوں 38 سال شمسی دی عمر وچ وفات پاتی۔ بقول علامہ جلال الدین سیوطی، خلیفہ مقتدی کوں اُوندی کنیز شمس النہار نے زہر ݙتا ہئی ۔ مدت خلافت 18 سال 10 مہینے 1 ݙینہ ہے۔ 




#Article 396: المنتصر باللہ (159 words)


المنتصر باللہ خلافت عباسیہ دا یارہواں خلیفہ ہے جیہڑا محض 6 مہینے تک خلافت دے عہدے تے براجمان ریہا۔ مؤرخینِ اسلام نے اینکوں ساسانی سلطنت دے شہنشاہ شیرویہ قباد الثانی نال مشابہت ݙتی ہے جیں نے اپݨے پیؤ خسرو پرویز کوں 628ء وچ قتل کر ݙتا ہئی۔ چونکہ المنتصر باللہ العباسی نے وی اپݨے پیؤ خلیفہ المتوکل علی اللہ کوں قتل کروا ݙتا ہئی اِیں واسطے عوام اُونکوں شیرویہ ثانی آکھݨ لڳے ہن۔ ݙوہاں وچ مماثلت ایہ ہے کہ شیرویہ قباد الثانی تے المنتصر باللہ محض چھی چھی مہینے ہی حکومت کرسڳے۔ المنتصر باللہ دے عہدِ حکومت دا کوئی نمایاں کارنامہ نی ، اوہ عین شباب وچ تختِ خلافت تے آ ٻیٹھا تے وزراء دے ہتھاں وچ کٹھ پتلی حکمران بݨا۔ انتشار سامراء وچ المنتصر پہلا خلیفہ ہے جیں دے بعد خلافت عباسیہ دی شان و شوکت ویندی رہی۔ 6 مہینے دی مختصر حکومت دے بعد 248ھ وچ فوت تھیا تے خلافت عباسیہ رُو بہ زوال تھیوݨ لڳی ۔




#Article 397: المکتفی لامراللہ (219 words)


المکتفی لامر اللہ (پیدائش: 9 مارچ 1096ء – وفات: 12 مارچ 1160ء) خلافت عباسیہ دے اکتریہویں خلیفہ ہن جنہاں نے 1136ء توں 1159 تک حکمرانی کیتی۔

آپ کوں منصب امامت و خلافت دی بشارت رسول اللہ صلی اللہ علیہ و آلہ وسلم نے خواب اچ تشریف گھن آ کے کے فرمائی تے ایں واسطے آپ نے المکتفی لامر اللہ دا لقب اختیار کیتا ۔ آپ اہل اسلام دے ٻارہاں اماماں وچوں یارہویں نمبر تے امام منے ویندے ہن۔ آپ دے دور امامت وچ انتہائی زوال پزیر ادارہ خلافت بھرپور انداز وچ واپس قائم تھیا ۔ آپ زبردست عالم، فقیہہ فقہ عباسیہ بردار، خوش اخلاق تے ایسی عمدہ خوبیاں دے مالک ہن کہ ائمہ اچ آپ جیہے گھٹ ہی ملدن ۔آپ دے دور اچ چھوٹے توں چھوٹا امر خلافت آپدے حکم و اجازت توں ظاہر تھیندا۔

المقتفی لامر اللہ محمد بن احمد المستظہر باللہ بن عبد اللہ المقتدی بامر اللہ بن محمد بن القائم بامر اللہ بن احمد القادر باللہ بن اسحاق بن جعفر المقتدر باللہ بن احمد المعتضد باللہ بن محمد الموفق باللہ بن ابوالفضل جعفر المتوکل علی اللہ بن محمد المعتصم باللہ بن ابوجعفر ہارون الرشید بن ابوعبداللہ محمد المہدی باللہ بن ابوجعفر المنصور بن محمد بن علی بن عبد اللہ بن علی بن عبد اللہ بن عباس بن عبد اللہ بن عباس بن عباس بن عبد المطلب۔




#Article 398: المہدی (269 words)


المہدی باللہ العباسی (پیدائش: 744ء یا 745ء— وفات: 24 جولائی 785ء) ، خلافت عباسیہ دا تریجھا حکمران تے خلیفہ اسلام ہئی۔ منصور دی وفات دے بعد 158ھ 775ء وچ مہدی منصب خلافت تے متمکن تھیا۔ اوں وقت ایندی عمر تقریباً 33 برس ہئی۔ اوہ ہݨ ہک سرد و گرم دا ڄاݨݨ آلا انسان ہئی۔ منصور نے عیسٰی بن موسیٰ کوں بزور خلافت توں دستبردار کرا کے اینکوں اپݨا ولی عہد مقرر کر ݙتا ہئی۔ جݙݨ مہدی نے عنان حکومت سنبھالی تاں ملک وچ امن و سکون دی فضا قائم تھی چکی ہئی۔ علویاں تے بنو امیہ دے حامیاں دا خاتمہ تھی چکا ہئی۔ مخالفین دے بچے کھچے لوگ قید و بند دی زندگی گزریندے پئے ہن۔ ملک دی اقتصادی حالت مستحکم ،خزانہ پر تے لوگ خوشی و خوشحالی دی زندگی گزارݨ دے عادی تھی چکے ہن۔ ملکی نظم و نسق مضبوط تے مرتب ہئی۔ عدل و انصاف تے دارسی نے معاشرے کوں خیر و فلاح نال معمور کر ݙتا ہئی تے تعلیم و تعمیرات دا ذوق و شوق اپݨی برق رفتاری نال عباسی خلافت کوں دنیا وچ معزز اور ممتاز بݨاوݨ دی ابتدا کر چکا ہئی۔

وفات توں پہلے مہدی نے تاریخ کوں دہریندے ہوئے ولی عہدی وچ تبدیلی کر ݙتی۔ ایں نے عیسٰی بن موسٰی کوں تحدید و ترغیب تے دباؤ پا کے ولی عہدی توں دسبردار کرکے اپݨے بیٹے ہادی تے ہارون کوں اپݨا جانشین نامزد کر ݙتا۔ عیٰسی کوں ایں دے عوض ہک کثیر رقم تے بہت ساری جاگیر عطا کیتی ڳئی۔ مہدی 12 محرم، 25 جولائی 785ء، 169ھ کوں تیرتالیہہ سال دی عمر وچ وفات پا ڳیا۔ ایندی مدت خلافت ݙاہ سال ہک مہینہ ہئی۔ 
 




#Article 399: الناصر لدین اللہ (2086 words)


الناصر لدین اللہ (پیدائش: 6 اگست 1158ء– 5 اکتوبر 1225ء) خلافت عباسیہ دا چونتریہواں خلیفہ ہے جس دا عہد خلافت 575ھ توں 622ھ تک محیط ہے۔ الناصر لدین اللہ خلافت عباسیہ دا او واحد حکمران خلیفہ ہے جس دا عہد حکومت ہک طویل عرصہ یعنی 47 سال قمری تقریباً تک قائم ریہا۔ ایں طویل عہد حکومت وچ اسلامی حکومت دا دائرہ اِقتدار دوبارہ بلاد عراق و شام توں نکل کے ہندوستان تے مغرب یعنی مراکش تک قائم تھی ڳیا۔ الناصر دے زمانہ وچ سلطان صلاح الدین ایوبی دا عہد حکومت بہت اہم ہے جبکہ اوں زمانہ وچ ہندوستان وچ باقاعدہ طور تے خاندان غلاماں دہلی دی حکومت منظم انداز وچ قائم تھی ڳئی جینکوں خلافت عباسیہ دی جانب توں سرکاری سرپرستی وی حاصل رہی۔ او المعتصم باللہ کے بعد پُرہیبت و صاحب جلال خلیفہ واقع تھیا جیندی ہیبت کولوں امرائے حکومت و وزرا تے سلاطین تک لرزہ براندام رہندے ہن۔ الناصر دے عہد حکومت وچ دوبارہ خلافت عباسیہ کی شان و شوکت قائم تھی گئی حتیٰ کہ 581ھ وچ دوبارہ بلاد مغرب (مراکش) وچ ایندے ناں دا خطبہ جاری تھیا۔ ناصر دا زمانہ روشن جبیں تے طرہ تاج فخر ہئی۔خلیفہ ناصر دے عہد خلافت وچ دنیائے اسلام وچ ݙو اہم ترین واقعات رُونما تھئے، اول تاں 589ھ/ 1187ء وچ سلطان صلاح الدین ایوبی نے بیت المقدس کوں صلیبیاں توں چھڑوایا تے 1189ء تا 1192ء تک تریجھی صلیبی جنگ جاری رہی۔ دوم اے کہ ناصر دے زمانہ وچ تاتاریاں دا عظیم طوفان اُٹھا جیہنے دنیائے اسلام کوں شدید نقصان پہنچایا تے کئی مسلم سلطنتاں اِنہاں دے حملیاں نال ختم تھی ڳیاں.

الناصر لدین اللہ دا ناں احمد، کنیت ابو العباس تے خطاب ناصر لدین اللہ ہے۔ جیندا معنی ہے، فتح و نصرت اللہ دے دین دے واسطے وقف. 

خلیفہ ناصر دا نسب 22 پشتاں توں تھیندا ہویا پیغمبر اسلام رسول اکرم محمد صلی اللہ علیہ و آلہ و سلم تک پہنچدا ہے۔ خلیفہ الناصر لدین اللہ دا شجرہ نسب ایویں ہے :

ابوالعباس احمد بن المستضی بامر اللہ بن المستنجد باللہ بن المقتفی لامر اللہ بن المستظہر باللہ بن المقتدی بامر باللہ بن ذخیرۃ الدین محمد بن القائم بامر اللہ بن القادر باللہ بن المتقی باللہ بن المقتدر باللہ بن المعتضد باللہ بن الموفق باللہ بن المتوکل علی اللہ بن المعتصم باللہ بن ہارون الرشید بن المہدی باللہ بن ابو جعفر المنصور بن محمد ابن علی ابن عبداللہ بن علی ابن عبداللہ بن عباس رضی اللہ عنہ ابن عباس بن عبد المطلب ابن عبدالمطلب الہاشمی۔

ناصر لدین اللہ دی ولادت بروز بدھ 10 رجب 553ھ مطابق 6 اگست 1158ء کوں بغداد وچ تھئی۔ ناصر دی والدہ زمرد خاتون ہے جیہڑء ترکی ام ولد ہئی۔ زمرد خاتون دی وفات 599ھ/ 1203ء وچ تھئی، او ناصر دی خلافت دے ابتدائی 24 سال تک زندہ رہی۔ ناصر دے والد خلیفہ عباسی المستضی باللہ ہن۔ ناصر دی ولادت اُس دے پرݙاݙا المقتفی لامر اللہ دے عہد حکومت دے 23 ویں سال وچ تھئی ہئی۔ نہایت خوش خلق، خوبصورت چہرہ، ہتھ پیر دا مضبوط، فصیح اللسان، بلیغ البیان ہئی۔ رنگت سفید و سرخی مائل، میانہ قامت، شکل و صورت وچ ترکی شباہت غالب، خوبصورت آنکھیں، روشن جبیں،ناک اُبھری و ستواں تے رخساراں تے گوشت گھٹ ہئی۔ ناصر کی انگوٹھی کا نقش رجائی من اللہ عفوہ تھا۔

ناصر دی تعلیم و تربیت شاہانہ اطوار وچ تھئی۔ علمائے عصر کولوں اوہنے علوم دی تحصیل کیتی۔ناصر دے عہد حکومت وچ بغداد علم و فضل دا مرکز تے علوم و فنون دا مرکز بݨا ہویا ہئی۔ اوندے عہد وچ علمائے کبار ائمہ و محدثین بقیدِ حیات ہن۔ اوں زمانہ وچ شیخ الشیوخ علامہ شہاب الدین سہروردی، علامی مرغینانی صاحب الہدایہ، قاضی خان صاحب الفتویٰ، ابو الفرج ابن جوزی، عماد کاتب، امام مفسر فخر الدین الرازی صاحب التفسیر، شیخ الاسلام نجم الدین کبریٰ، علامہ فخر الدین ابن عساکر، ابوالقاسم البخاری العثمانی صاحب الجامع الکبیر جیہے نامور علما ناصر دے ہمعصر ہن۔ علمی اعتبار نال ناصر عالم و فاضل ہئی۔ دینی علوم وچ او حدیث نبویؐ وچ خاص ذوق رکھدا ہئی تے بہت سارے علما، سلاطین تے عمائدین کوں قرات و حدیث دی روایت دی اجازت ݙے رکھی ہئی. باقاعدہ علما دے واسطے وظائف وی مقرر کر رکھے ہن۔ اوہنے احادیث نبوی صلی اللہ علیہ و آلہ وسلم دا ہک مجموعہ وی مرتب کیتا ہئی جیہڑا باشندگانِ حلب کوں وی پہنچایا گیا۔ ناصر علم حدیث دا حد درجہ شوق رکھدا ہئی تے محدث ابن جوزی (متوفی 597ھ)توں اکثر درس تے واعظ سݨدا ہئی تے دورانِ گفتگو سوالات وی پچھ گھندا ہئی. محدثین عظام دء بہت خاطرداری کریندا ہئی تے اُنہاں نال نہایت عزت و احترام نال پیش آندا ہئی۔ الموفق عبد اللطیف دا بیان ہے کہ اینکوں درمیان زمانہ خلافت وچ تحصیل علم الحدیث دا شوق پیدا تھیا تے ایہنے دور دور توں محدثین عظام کوں سݙا کے حدیث سݨی تے اُنہاں کولوں روایت دی اجازت حاصل کیتی۔ خلیفہ ناصر دے زمانہ وچ ہی لوگ اوندے کولوں حدیث روایت کرݨ دی اجازت حاصل کرݨ پئے ڳئے ہن۔ اکثر بادشاہواں تے سلاطین و علما نے ناصر کولوں روایت دی اجازت حاصل کیتی۔ خلیفہ ناصر نے ہک کتاب وچ 70 احادیث جمع کرکے حلب شہر بھیج ݙتیاں جتھوں دے علما تے لوگاں نے ایں کتاب کوں بکثرت خوب سݨا۔ ناصرفصیح اللسان، بلیغ البیان ہئی.

بروز جمعہ 29 شوال 575ھ مطابق 28 مارچ 1180ءکوں عباسی خلیفہ المستضی باللہ نے وفات پاتی۔ المستضی باللہ دی اولاد وچ صرف ناصر بقیدِ حیات ہئی اِس واسطے او تخت نشین تھیا.  بروز اتوار 2 ذیقعد 575ھ مطابق 30 مارچ 1180ء کوں ناصر بغداد وچ تخت نشیں تھیا۔ اُس وقت ناصر دی عمر 21 سال 7 مہینے 24 ݙینہہ بلحاظِ شمسی تے 22 سال 3 مہینے 22 ݙینہہ بلحاظِ قمری ہئی۔

عنانِ خلافت ہتھ وچ گھندے ہی ناصر نے 7 ذیقعد 575ھ/ 3 اپریل 1180ء کوں خزانچی وزیر ظہیر الدین ابوبکر بن العطار کوں معزول کر ݙتا تے اُس دے ساتھیاں دی اہانت کیتی گئی تے اُس دے حلقہ دے ٻہوں سارے افراد کوں قتل کر ݙتا گیا تے شہر وچ تشہیر کیتی گئی۔۔مجد الدین ابوالفضل بن صاحب وزیر استاد کوں عہدہ وزارت تے مامور کیتا۔ کجھ عرصہ بعد ناصر نے نظامِ حکومت اوندے ہتھوں وی گھن کے اونکوں معطل کر ݙتا تے سنہ 583ھ/ 1187ء وچ اونکوں قتل کروا ݙتا گیا تے زمامِ حکومت براہ راست ناصر دے ہتھاں وچ آگئی۔مجد الدین ابوالفضل کو معطل کرݨ دی ہک اہم وجہ اے وی ہئی کہ اوندے ہوندے ہوئے دربارِ خلافت دے احکام تے عملدرآمد نہ تھیندا ہئی۔ اُس دی ثروت و مالداری خزانہ شاہی دے مقابلہ وچ ٻہوں ودھ چکی ہئی۔ مجد الدین ابوالفضل دے قتل دے بعد عبید اللہ بن یونس ابوالظفر کوں عہدہ وزارت تے فائز کیتا گیا تے اونکوں جلال الدین دا لقب ݙتا گیا۔ اے وزیر صاحبِ جلال تے باعظمت ہئی۔ اوندے دربار وچ تمام امرا حتیٰ کہ قاضی القضاۃ وی دربارداری کریندے ہوندے ہن۔ ممالک محروسہ وچ بیعت واسطے قاصد روانہ کیتے ڳئے۔ صدر الدین شیخ الشیوخ کوں محمد بن بہلوان والی ہمدان و اصفہان و رے دے کول بھیجا۔ سب نے آخرکار بیعت کرگھدی۔ 582ھ/ 1186ء وچ بہلوان والی ہمدان و اصفہان و رے دی وفات دے بعد اُس دا بھائی کزل ارسلان ملقب بہ عثمان حکمران تھی گیا۔ طغرل عثمان دی نگرانی وچ ہئی، سو او نگرانی توں بھڄ نکلا تے امرا و اراکین کوں اپݨے نال ملا گھدا تے عثمان پر حملہ آور تھیا۔ عثمان نے اپݨا سفیر دربارِ خلافت بھیجا۔ طغرل نے وی چند شہر قبضہ وچ کرکے سفیر دربارِ خلافت بھیج ݙتا تے دارالسلطنت دی تعمیر وچ اجازت چاہی۔ ایں توں پیشتر سلاطین سلجوقیہ دی حکومت دا ٻہوں حد تک عمل دخل تے اثر و رسوخ بغداد وچ جاری رہیا ہئی، مگر المقتضی لامر اللہ نے سلاطین سلجوقیہ نال ایں تعلق کوں منقطع کر ݙتا ، اِس واسطے داراسلطنت بغداد بے مرمت تھی گیا مگر ہݨ ناصر نے کزل ارسلان عثمان دے سفیر کوں باریابی بخشی تے عزت و توقیر کیتی تے معاونت دا وعدہ کیتا تے طغرل دے سفیر کوں بغیر کہیں جواب دے واپس بھیجا۔ انہاں سفیراں دی واپسی دے بعد ناصر نے سلاطین سلجوقیہ دے دارالسلطنت دے انہدام دا حکم جاری کیتا جیندے تے نہایت تیزی نال علمدرآمد کیتا گیا۔ ماہِ صفر 584ھ/ اپریل 1188ء وچ دربارِ خلافت توں وزیر السلطنت جلال الدین ابوالمظفر عبید اللہ بن یونس ہک لشکر عظیم گھن کے کزل عثمان ارسلان دی کمک کوں روانہ تھیا۔ ہمدان وچ کزل عثمان دے اجتماع توں پیشتر طغرل نال مقابلہ تھیا۔ میدانِ جنگ طغرل دے ہتھ ریہا، لشکر بھڄ کھڑا تھیا۔ وزیر السلطنت گرفتار تھی گیا۔ اِس دے بعد ہی کزل عثمان نے طغرل کوں آن گھدا تے فتح نصیب تھئی۔ کزل عثمان نے طغرل کوں گرفتار کرکے قلعہ وچ نظربند کر ݙتا۔ کزل عثمان استحکام و اِستقلال دے نال کل صوبہ جات سلطنت تے حکومت کرݨ لگا۔ 585ھ/ 1189ء وچ طغرل ستے ہوئے قتل کر ݙتا گیا۔ تے سلطنت سلجوقیہ دا آخری بادشاہ وی دنیا وچ بغیر کہیں وارث دے رخصت تھیا. جلال الدین ابوالمظفر عبید اللہ بن یونس کوں گرفتار کر گھدا گیا تے اُس دے بعد موید الدین ابو عبد اللہ محمد بن علی ملقب بہ ابن قصاب کوں عہدہ وزارت تے فائز کیتا گیا تے صوبہ جوزستان دی سندِ حکومت عطاء کیتی گئی۔ 591ھ/ 1195ء وچ شملہ والی خوزستان فوت تھیا تاں وزیر موید الدین دارالسلطنت ونج پہنچا۔ تستر تے قبضہ کرکے خوزستان اپݨے قبضہ وچ گھن آیا۔ ملوک بنی شملہ کوں گرفتار کر گھدا گیا تے بغداد روانہ کیتا گیا۔ طاش ابن تکین کوں انتظاماً والی خوزستان مقرر کیتا گیا۔ خوزستان دی مہم سر کرݨ دے بعد موید الدین رے دی جانب ٹریا، اولاً ہمدان تے قابض تھیا تے اِس دے بعد خوارزم شاہ دی طرف توجہ ݙتی۔ خوارزم شاہ مقابلہ کولوں بھڄدا ریہا حتیٰ کہ او رے چلا گیا تے موید الدین جرجان تک ونج پہنچا تے رے تے تسلط قائم کر گھدا۔ ماہِ شعبان 592ھ/ جولائی 1196ء وچ وزیر السلطنت موید الدین دا انتقال تھی گیا۔ موید الدین دی موت دے بعد خوارزم شاہ نے دوبارہ رے تے قبضہ کر گھدا اور اصفہان تے حملہ کرݨ دا ارادہ کیتا مگر باشندگان اصفہان وچوں ہک امیر صدر الدین خجندی رئیس شافعیہ نے دربارِ خلافت کوں لکھا کہ اساں تہاݙے زیر حمایت آوݨ چاہندے ہیں۔ خلیفہ ناصر نے سیف الدین طغرل جاگیردار بلادِ نجف کوں روانہ کیتا تے سیف الدین نے اصفہان تے قبضہ کر گھدا تے خاطر خواہ انتطامات کیتے۔ اِس دے بعد زنجان تے قزوین وی عباسی دائرہ عملداری وچ آ گئے۔ ملک فارس دا تین تہائی توں زائد رقبہ دوبارہ خلافت عباسیہ وچ شامل تھی گیا.

سید نصیر الدین الناصر بن مہدی العلوی الرازی: اے اصلاً ماژندرانی ہے۔ ماژندران وچ پیدا تھیا۔ نشوونماء رے شہر وچ تے دین دین تحصیل بغداد وچ کیتی تے وفات وی بغداد وچ ہی تھئی. 617ھ/ 1220ء وچ فوت تھیا.
معز الدین سعید بن علی بن حدیدہ الانصاری:
اے بڑا فاضل محتاط تے دولتمند ہئی۔ یہ اپݨی معزولی دے بعد 616ھ/ 1219ء وچ فوت تھیا۔

اے اصلاً عجمی ہئی۔ اِس دا پیو بغداد وچ بصریاں دے محلہ دے سرے تے گوشت وچیندا ہوندا ہئی. فوجی قیادت کریندا ہوندا ہئی۔ کئی جگہ فتح حاصل کیتی۔ اے تلوار تے قلم، ݙوہاں دا دھنی ہئی۔ خوزستان دی جانب گیا تے اونکوں فتح کیتا تے اتھوں واسطے قواعد و ضوابط مرتب کیتے، ول فوجاں گھن کے عجم دی طرف ودھیا تے اِس دا اکثر حصہ فتح کیتا۔ اتھاہیں پیام اجل آ گیا تے او رحلت کرگیا۔

اے خاندان تے پیدائش دے اعتبار نال قم دا ہئی۔ نشوونماء تے وفات بغداد وچ تھئی۔ اِس دا نسب مقداد بن اسود کندی رضی اللہ عنہ نال ملدا ہے۔ اُمور مملکت تے اُصول قیادت توں پوری طرح باخبر ہئی۔ قوانین دا عالم تے دفتراں کی اصلاح توں واقف ہئی۔ یہ اپݨے فرائض خلیفہ ناصر دے عہد خلافت وچ نہایت کامیابی نال سر انجام ݙیندا ریہا۔ ول اے ناصر، ول خلیفہ ظاہر تے ول مستنصر وچ عہد وچ وء وزیر ریہا۔ مستنصر نے اینکوں گرفتار کر گھدا تے شاہی محل دے اندرونی حصہ وچ پک عرصہ تک مقید رکھا تے اتھاہیں بیمار پیا تے فوت تھی گیا.

خلیفہ ناصر نے جنہاں شہروں تے اپݨا اِقتدار قائم کیتا، اتھاں جیہڑے عمال ہن اُنہاں کوں عدل و انصاف دی ہدایت کیتی۔ ہر شہر وچ مدارس قائم کیتے گئے تاکہ تعلیم عام تھی سکے۔ شفاء خانے، مہمان خانے تعمیر کروائے ڳئے۔ باغات لوائے گئے۔ تجارت وچ بڑی سہولیات تاجروں کوں فراہم کیتیاں گئیںاں۔ ناصر دا عہد خلافت امن و امان دا زمانہ ہئی جس وچ عوام کوں مسائل دا سامݨا نی کرنا پیا.

خلیفہ ناصر نے اپݨے چھوٹے پتر ابو الحسن علی بن الناصر کوں ولی عہد مقرر کیتا ہئی۔ ابوالحسن علی نے بروز جمعہ 20 ذیقعد 612ھ/ 11 مارچ 1216ء کو وفات پاتی۔ نماز عصر دے بعد نماز جنازہ پڑھی گئی تے حضرت معروف کرخی دے مزار وچ اونکوں زمرد خاتون یعنی اوندی ݙاݙی کے کول دفن کیتا گیا.




#Article 400: الواثق باللہ (107 words)


واثق باللہ، ناواں عباسی خلیفہ ہئی جیندا تعلق  خلافت عباسیہ، بغداد اے۔ اے 5 جنوری 842ء توں 10 اگست 847ء تک خلافت دے عہدے تے ریہا۔
ایندا پیشرو المعتصم باللہ عباسی ہئی تے جانشین
المتوکل علی اللہ ہئی۔ ایندی ملکہ دا ناں فریدہ ہئی۔
ایں عباسی خلیفہ دا مکمل ناں ، ابو جعفر ہارون ابن محمد المعتصم الواثق باللہ العباسی الہاشمی بغدادی اے۔ ایندا والد المعتصم باللہ ہئی تے والدہ دا ناں قراطیس ہئی۔ ایندی پیدائش اتوار یکم شعبان 196ھ/ 18 اپریل 812ء کوں تھئی تے وفات ٻدھ 24 ذوالحجہ 232ھ/ 10 اگست 847ء کوں تھئی۔ ایں خلیفہ نے 36 سال قمری، 35 سال شمسی عمر پاتی۔ 




#Article 401: الٰہ آباد (256 words)


بھارت دی ریاست اتر پردیش دا ہک قدیم شہر ہے۔ گنگا و جمنا دے سنگم تے آباد ہے۔ تجارتی مرکز، ہندواں دا مقدس مقام تے ریلوے دا بہت وݙا جنکشن ہے۔ مسلماناں دے دور حکومت توں قبل اس دا ناں پراگ ہئی۔ اکبر دا ایوان، جامع مسجد، اشوک دی لاٹھ، زمین دوز قلعہ تے خسرو باغ قابل دید تاریخ عمارات ہن۔ 1857ء وچ جنگ آزادی دے دوران اتھاں انگریزاں تے حریت پسنداں وچ زبردست لڑائی تھئی۔ 1861ء وچ انگریزاں دی عملداری وچ آیا۔

بھارت دی ہک شمالی ریاست اترپردیش دے جنوب وچ واقع میٹروپولیٹین شہر تے ضلع الہ آباد دا صدر مقام، ریاست دا سب توں وݙا تجارتی مرکز تے فی کس آمدن وچ ریاست دا ݙوجھا شہر، اندازہ 1.74 ملین آبادی دے نال اترپردیش دا ستواں گنجان ترین شہر اے.  2011 وچ اینکوں دنیا دا 130 واں تیزی نال ودھدا شہر قرار ݙتا گیا ہئی۔ اتھاں ہندو، مسلمان، سکھ، عیسائی، پارسی، جین تے بودھ مذہب دے منݨ والے امن و آشتی دے نال رہندے ہن۔ زباناں اردو، اودھی، ہندی، انگریزی، بنگالی تے پنجابی ہن۔ الہ آباد کے رہݨ والے الہ آبادی سݙیندے ہن. 

الہ آباد کالجاں تے تحقیقی اداریاں دا گھر ہے۔ تے ایہ شہر دور قدیم توں ہی علمی اہمیت رکھدا ہے اس دے بارے وچ ایہ کہاوت وی مشہور ہے کہ الہ آباد وچ آکے تعلیم حاصل کرݨ تے مقابلہ جاتی امتحانات وچ شرکت نال نمایاں کامیابی حاصل کریج سڳدی ہے۔ قابل دید تاریخی عمارات وچ اکبر دا ایوان، جامع مسجد، اشوک دی لاٹھ، زمین دوز قلعہ تے خسرو باغ وغیرہ شامل ہن۔




#Article 402: الہادی (187 words)


ابو محمد موسیٰ الہادی العباسی (پیدائش: 25 مارچ 764ء— وفات: 14 ستمبر 786ء) خلافت عباسیہ دا چوتھا حکمران تے خلیفہ اسلام ہئی۔ ابوموسیٰ الہادی نے محض ہک سال (785ء سے 786ء تک) حکمرانی کیتی۔ چوتھے عباسی خلیفہ نے اپݨے والد المہدی دی وفات دے بعد 785ء وچ عنان حکومت سنبھال گھدی۔ مہدی دی وفات دے وقت الہادی جرحان دی مہم وچ مصروف ہئی۔ ایندی عدم موجودگی وچ ہارون الرشید نے ایندے کیتے بیعت گھدی تے اطراف و اکناف وچ مہدی دی وفات دی خبر کر ݙتی۔ ویہہ روز دے بعد الہادی جرحان توں بغداد پہنچا تے تخت تے ٻہوݨ دے بعد حاجب ربیع کوں اپݨا وزیر مقرر کر ݙتا۔ ملکہ خیزران دی خواہش ہئی کہ مہدی اپݨے پتر ہادی دی بجائے ہارون الرشید کوں جانشین بݨاوے لیکن مہدی دی اچانک وفات دی وجہ توں ایویں نہ تھی سڳا۔ الہادی کوں اپݨے بھرا ہارون الرشید توں ہک گونہ بدگمانی ہئی تے اپݨی والدہ خیزران دے طرز عمل توں بھی شاکی ہئی لہذا اوں نے آہستہ آہستہ اپݨی والدہ کوں امور سلطنت توں بے دخل کر ݙتا۔ ایں طرح ما پتر دے درمیان دوری دی فضا پیدا تھی ڳئی۔ 




#Article 403: الیکشن ٢٠١٨ء پاکستان (1762 words)


پاکستان وچ ٢٥ جولائی کوں تھیوݨ والے قومی تے صوبائی اسمبلیاں واسطے انتخابات دی تفصیل درج ذیل اے: -

ملکی سطح تے اہم مقام رکھݨ والے کئی سیاسی جماعتاں نے ایں الیکشن وچ حصہ گھدا جنہاں دے ناں اے ہن: -

(عمران خان)

(بلاول زرداری)

(اسفند یار ولی)

(نواز شریف)

(پرویز الٰہی)

(الطاف حسین)

(سراج الحق)

(اعجاز الحق)

ایں الیکشن وچ حصہ گھنݨ والے ٻہوں سارے جماعتاں علاقائی تے صوبائی سطح دے حامل ہن جیہڑے اے ہن : -

(شاہزین بگٹی)

(آفاق احمد)

(سید مصطفیٰ کمال)

(کرنل ریٹائرڈ عبدالجبار عباسی)

(راݨا فراز نون)

(خواجہ غلام فرید کوریجہ)

الیکشن ٢٠١٨ء دے قومی تے صوبائی اسمبلیاں دے انتخابی نتائج کجھ ایویں ہن: -

ٹکٹ احترام کریندے نہ کرے پارٹی ہوکوں ایم این اے ایم پی اے دی ٹوپی چھکیج ویندی ہے ہیں واسطے تواڈی ساڈے نال ذاتی دشمنی ہووے تاں سدھے مندے کڈھو سیاسی لغات ساڈے حق ءچ گواہی ڈیسی گال سمجھ نہ آئی ہوے ہک مثال ڈیندا پاکستان پیپلز پارٹی دے اندر شیخ رشید وی ہا پیا جیرہا کمیونسٹ ہا تے مصطفی جتوئ وی ہا پیا پیپلز پارٹی دے ورکر کوں کہیں ایجنٹ نہ آکھیا ورکر  انقلابی ہے بلکہ ہر کہیں انقلابی آکھیا میں وی پی پی آلیں مہا انقلابی آہداں ساڈا کیا ڈوہ ہے۔۔۔۔
مندیں دے بدلے  ساڈی دعا(تاج محمد گوپانگ)

جلتی جلتی تیاری کر تے اپنڑی بمباٹ تے جگمشھور موٹر سائیکل کوں چھک رکھیم
پیھلوں اپنڑے پولنگ اسٹیشن تے گیم میڈا بھرا ناصر خان تے کونسلر طالب خان اکا خیل کم کوں سمبھالی کھڑے ھن
لوگاں دا ارد ھا
کجھ دیر اتھائیں کھڑ تے شھھر دو موٹر سائیکل چھک رکھیم
ھر پولنگ سٹیشن تے لوگاں دے ارد ھن
مارکیٹ کمیٹی آلے پولنگ اسٹیشن تے گیم تے اتھاں کیمپ کوں الحاج رسول بخش سومرہ سمبھالی بیٹھا ھا
کجھ دیر اتھاں بیھہ تے وستی پٹواریاں پج گیم
لوگ ھن جو ماندے ناں ھن ایویں لگدا ھا جو سمورا شھھر وستی پٹواریاں اچ ووٹ سٹنڑ آیا کھڑے
ایڈا ارد
واہ واہ
پرانڑے سنگتی مل گئے : رج رج تے گالھیں کیتوسے
ول عابد بھٹی دے کیمپ اچ گیم
اعظم بلوچ تے سجاد بلوچ کوں ڈیکھ تے اکھیں ٹھر گئیاں
اتھوں ڈکھ سکھ ونڈا : عباسی گروپ دیاں پارتاں ڈے تے سجو خاں تے حاجی فیظو اراں آلے کیمپ اچ محلہ عباسیہ اچ آ گیم
اتھاں میاں عمر عباسی صیب وی آ گئے ھن انھاں دے نال شیر میاں عباسی تے میاں طلال عباسی وی ھن جیھڑے گاڈی اچوں باھر ای نی نکھتے ایرکنڈیشنڈ چلا تے گاڈی اچ وڑے بیٹھے ریھہ گن او وی کیا کرن؟ تھئے تاں غیر سیاسی بندے ؛ خاندان دی جو صلح تھی گئی اے ھییں گالھوں او وی قھھر دے بڑکے اچ سختی اچ آئے ودے ھن
ایندے باد اسلامک ماڈل سکول آلے کیمپ اچ گیم
عمران جان بلوچ آصف خان بلوچ فرخ خان نتکانی ماسٹر ریاض احمد صیب اراں ارد نال متھا لائی بیٹھے ھن
سلام اے انھاں بھراواں کوں
عثمان کھوکھر ایڈووکیٹ نے کیمپ کیتے جاہ ڈتی ھوئی ھئی
چنگی پیر واہ دے نال کیمپ اچ منصور اقبال کھوکھر : فیصل کھوکھر : شکیل : بوبا : آصف خان علی زئی : احسن خان خاکوانی کونسلر  ایں کیمپ کوں رنگ لائی بیٹھے ھن
جیون شالا
محلہ سرور شاہ پجیم تاں شھزاد اسلم راجپوت صدر شھزادی مارکیٹ تے سید علی رضا کاظمی مونڈھے نال مونڈھا لائی کھڑے ھن ایں پولنگ اسٹیشن تے سید علی رضا کاظمی جیھڑی ھمت تے بھادری نال کم کیتے جتی شابش ڈئیووں گھٹ ھے
محلہ سرور شاہ دے اندر پولنگ اسٹیشن تے پجیم اتھاں قاسم کمبوہ ایڈووکیٹ کونسلر کم کوں چئی لائی کھڑا ھا
اتھائیں پجیم تاں میڈی موٹر سائیکل دی کک ترٹ گئی
خیر میں موٹر سائیکل بند ناں کیتم تے گھر دو چھک رکھیم
شکر اے جو ھک ھٹی کھلی پئی ھئی
کک ویلڈ کروا تے گھر گیم
ڈھڈھ اچ درد مچیا کھڑا ھا بکھ کنوں

محمد سلیم خان نیازی
احمد پور شرقیہ

ایں ٹیئم پی ٹی آئی کنوں وفاق سمیت ملک دے ترائے صوبیئں وچ بھاری اکثریت وی حے،اگر پی ٹی آئی پنجاب وچ نواں صوبہ بنڑاونڑ دی حمایتی حے تے پنجاب وچ اپڑاں وزیراعلی بنڑا کے نویں صوبے دا بل پنجاب اسمبلی اچوں وی پاس کروا سگدی اے۔
اگر وٹے دا سٹا کے پی کے دے بدلے پنجاب وچ نون کوں حکومت بنڑاون  ڈتا گئیا،یا کہیں جمہوری عزر بہانے دے بدلے اپڑاں وزیر اعلی نا بنڑایا پچھیں سمجھائے پی ٹی آئی وی اے پنج سال صوبہ نہیں ڈیوونڑ چاہندی۔

(وٹہ سٹہ مطلب کے پی کے وچ نون لیک نے اپڑیں بھاری اکثریت ہوونڑ دے باوجود حکومت پی ٹی آئی کوں بنڑاون ڈتی ہئی،ہنڑ پنجاب وچ پی ٹی آئی نون کوں حکومت بنڑاون ڈیووے)

ہک بئی اہم گال اے وی حے جو دیرہ اسماعیل خان،ٹانک کوں اگر سرائیکی صوبہ اچ رلاونڑ چاہوے تے ایں ٹیئم کے پی کے وچ وی پی ٹی آئی دی حکومت بنڑدی پئی حے تے بغیر کہیں پریشانی دے اعوام دی امنگیں مطابق دیرے،ٹانک کوں نویں صوبے اچ رلایا ونج سگدے۔
اے یاد رہے اینجھا سوہنڑاں موقع نون دے علاوہ اج تک کہیں وی جماعت کوں نہیں ملیا۔
صرف نیک نیتی ہونڑیں ضروری اے بس۔
فیض_کھوسہ

الیکشن دے دوران میڈا فوکس الیکشن دے دوران متحرک سرائیکی قوم پرست رہنماواں تے ھائی ۔ میڈے حساب نال میں سمجھدا ظہور احمد دھریجہ سرائیکی قوم پرست رہنماواں دی سیاست ءِچ شرکت دے شدید مخالف ھِن ایندی وجہ اپ الیکشن دے دوران ڈٹھا ھوسے آپ ناصرف الیکشن دے دوران غائب ھَن بلکہ کہیں وی سرائیکی قوم پرست رہنما دے جلسے یا کٹھ ءِچ شرکت کر تے اُندا حوصلہ نہیں ودھایا کہیں قوم پرست رہنما دی الیکشن کمپین ءِچ شرکت نہیں نہیں کیتی ۔ ڈوجھا ! سرائیکی پارٹی اَتے پیپلز پارٹی دا یارانہ اینڈ تھی ڳئے ۔ اے سچ ھے اگر سرائیکی پارٹی دے رہنما اللہ نواز یوسف رضا گیلانی دے حق ءِچ بہہ ونجن ھا تاں اُنھیں دے جتڑ دے چانسز زیادہ ھَن ۔ لیکن ھک طرف سرائیکی پارٹی نے بھاول خان عباسی دے حق ءِچ اپڑا نمائندہ دستبردار کروائے بہاول خان جیپ دے نشان کِنوں مسلم لیگ نون دے اُمیدوار ھَن ایندا مطلب ھے سرائیکی پارٹی دے خلاف مخلتف ادوار ءِچ جو کالم لکھے گئے ھِن مسلم لیگ نون نے جو سرائیکی پارٹی دے خلاف کمپین چلائی ھائی اَتے غداری دے فتویٰ جاری کیتے ھَن انھیں کالماں نے سرائیکی پارٹی دے رہنماواں کو خوف زدہ کیتے اَتے مخالفین کامیاب ٹہرے ھِن ایھاں وجہ  ھے ایں الکشن 25 جولائی 2018 ءِچ پاکستان سرائیکی پارٹی پیپلز پارٹی دے خلاف اَتے نون لیگ دے قریب تھائی ھِے نون لیگ دے قریب تھیوڑ نال سرائیکی قوم پرستیں دا اتحاد ڈیکھائی نہیں ڈتا ۔ جیندی وجہ کِنوں سرائیکی قوم پرست ھکو نشان تے الیکشن لڑن دے بجائے مختلف نشانات تے الیکشن لڑدے رہے گئے ھِن جیندا نقصان سرائیکی قوم پرستیں کوں تھئے ۔ تریجھا ! پاکستان سرائیکی قومی اَتحاد دے رہنماواں ءِچ ناچاکی ھے ایں قوم پرست جماعت دے کجھ اگواڑ نون لیگ دے حق ءِچ دسبردار تھئے ھِن نذیر کٹپال شہاب الدین دے حق ءِچ دسبردار تھئے لیکن پیپلز پارٹی دے اے رہنما جت نہیں سڳا ایندی وجہ خسروبختیار دا صوبہ محاذ ھا ۔ صوبہ محاذ دے خسروبختیار اسانی نال جت ڳئے ھِن خسرو بختیار دے خلاف زہریلی الیکشن مہم چلاوڑ دے باوجود خسرو بختیار 50000 دی لیڈ نال جت ڳئے ۔ پاکستان سرائیکی قومی اتحاد دے چیرمین تحریک انصاف کو سپورٹ ڈتی ھِے اَتے اُندے رہنما سید عامر مشہدی نون لیگ دے دوست محمد کھوسہ دے حق ءِچ دستبردار تھیا ھے ۔

چوتھا ! خواجہ غلام فرید دے الیکشن کمپین ءِچ وی غلطیاں ھِن انھیں صرف پیر فرید دے ناں تے ووٹ گھنڑ دی کوشش کیتی ھِے خواجہ غلام فرید کوریجہ دی کمپیں ءِچ کہیں سرائیکی قوم پرست رہنما نے شرکت نہیں کیتی ۔ انھیں دی ہار دی وجہ وی قوم پرست ھِن انھیں واسطہ قوم پرست نے کہیں جلسے دا اہتمام نہیں کیتا ۔ اصغر خان نہڑ تن تنہا اپڑی الیکشن مہم چلیندے رہے گئے ھِن ایں طرح کیویں قوم پرست جت سڳدن الیکشن دے دوران تاں اتحاد ڈیکھائی ڈیوے لیکن الیکشن دے دوران اَتحاد ھی نہیں ڈیکھائی ڈتا قوم پرست مختلف نشانات تے آزادانہ حیثیت نال الیکشن ءِچ حصہ گھدینے جیندی وجہ کِنوں ڈوجھی جماعتاں نے فائدہ اُٹھائے ۔ دیرہ اسماعیل خان دے رمضان شوری جو سرائیکی اَتحاد دے منتخب کردہ ھَن انھیں 13200 کِنوں اُتے ووٹ گھدن ۔اَتھاں ھک طبقہ پیپلز پارٹی دا سپورٹر ھا ڈوجھا طبقہ سرائیکی اَتحاد دا سپورٹر ھا جئیں رمضان شوری دے جتڑ ءِچ رکاوٹ پیدا کیتی ھِے ۔
ایں مسئلے دا حل کیا ھے ؟ 
ایں مسئلے دا حل تاں اے ھِے قوم پرستاں ءِچ شامل ڈوجھی جماعتاں دے رہنماواں کو نکال باہر کیتا ونجے اَتے صرف انھیں رہنماواں کو پارٹی دا عہدہ ڈتا ونجے جو صرف قوم پرست ھِن کہیں ڈوجھی جماعت نال مخلص کائنی ۔ الیکشن دے دوران سرائیکی قوم پرست جماعتاں دے اتحاد کو ہر صورت ءِچ قائم رکھا ونجے اَتے پارٹی اجلاساں ءِچ ڈوجھی پارٹیاں دے رہنماواں کو سڈواں تے شرکت دی دعوت نہ ڈتی ونجے کیونجو اے رہنما سرائیکی قوم پرستاں دے اَتحاد ءِچ رکاوٹ پیدا کریندن ۔ (بھورل گھلیجہ)

١. سامان گھنݨ وچ سارا گرم ݙیہاڑا صحت مند بندے کیتے وی بیماری دا باعث ہے۔ سکریناں تے ݙبے الیکشن کمیشن پولنگ ٹیشناں تے پہلے کیوں نی پچا آندا؟

٢. سویرے چھی کنوں شام چھی وجے تائیں پولنگ...کہیں مزدور کنوں اٹھ 
گھنٹے کنوں ودھ کم گھنݨ جرم تے ظلم ہے. 

٣ـ ہک بوتھ تے ہزار ہزار ووٹر وی رکھے گئے ہن،، حالانکہ صرف ترائے سو ووٹر ممکن ہن،
ترائے سو کنوں ودھ دا بوتھ بنڑاوݨ آلا الیکشن کمیشمن ظالم تے نامراد  ہے. 

٤ـ رات اٹھ وجے دے بعد سارا ݙینہ کم کرݨ آلے تھکے ہوئے بے ہوش. مزدوراں کنوں گنتی کرواوݨ گناہ عظیم تے دھاندلی ہے. 

٥. خواتیں عملے کنوں راتیں ݙیہاں زبردستی ݙیوٹی گھنݨ ٻہوں وݙا جرم تے خدا دا قہر ہے. 

٦. چالہی چالہی ممبراں دے فارم بݨاوݨ ہک دردناک عمل ہے. 

٧. ہزار کنوں ودھ آلے بوتھ تے بیلٹ پیپر کاؤنٹ وچ ادھا فیصد دی رعائت عملے دا حق بنڑدے،، رعائت نہ ڈیوݨ جرم ہے. 

٨. سامان دی وصولی تے واپسی پولنگ ٹیشݨ تے بنڑاؤ.

٩.. پولنگ دا عمل دھپ وچ کرواوݨ ووٹراں تے وی ظلم ہے، قطاراں وچ ووٹر سارا سارا ڈینہ کھڑے رہندن، ہزار آلے بوتھ تے ووٹراں دی نمازاں وی فوت تھی ویندیاں ہن۔

١٠. عملے کیتے رہائش تے کھاݨے دا انتظام وی نی ہوندا. 
ڈیوٹی گھر کنوں پیدل پندھ تے لاؤ. 

١١. عملے کیتے پیوݨ کیتے پاݨی کائنی ہوندا، پاݨی بند کرݨ آلا لعین یزید ہے. 

١٢ـ اگر ملک یا عملہ مسلمان ہے تاں نماز دا عمل متاثر کرݨ آلا کافر ہے. 

١٣ـ جہڑے لوک ڈیوٹی نی ڈے سگدے یا ڈیوٹی نی ݙیوݨ چاہندے انہاں کوں معاف رکھا ونجے،، بیمار تے کمزور تریمتاں(سادات‌ وی شامل ہوندیاں ہن) نال زبردستی کرݨ کہڑے آئین تے کہڑے قرآن وچ جائز ہے؟

پولنگ دا ݙینہہ، سلیم خان نیازی




#Article 404: الیکشن ݙوہزار اٹھارہ (197 words)


 ایں ٹیئم پی ٹی آئی کنوں وفاق سمیت ملک دے ترائے صوبیئں وچ بھاری اکثریت وی حے،اگر پی ٹی آئی پنجاب وچ نواں صوبہ بنڑاونڑ دی حمایتی حے تے پنجاب وچ اپڑاں وزیراعلی بنڑا کے نویں صوبے دا بل پنجاب اسمبلی اچوں وی پاس کروا سگدی اے.
اگر وٹے دا سٹا کے پی کے دے بدلے پنجاب وچ نون کوں حکومت بنڑاون  ڈتا گئیا،یا کہیں جمہوری عزر بہانے دے بدلے اپڑاں وزیر اعلی نا بنڑایا پچھیں سمجھائے پی ٹی آئی وی اے پنج سال صوبہ نہیں ڈیوونڑ چاہندی۔

(وٹہ سٹہ مطلب کے پی کے وچ نون لیک نے اپڑیں بھاری اکثریت ہوونڑ دے باوجود حکومت پی ٹی آئی کوں بنڑاون ڈتی ہئی،ہنڑ پنجاب وچ پی ٹی آئی نون کوں حکومت بنڑاون ڈیووے)

ہک بئی اہم گال اے وی حے جو دیرہ اسماعیل خان،ٹانک کوں اگر سرائیکی صوبہ اچ رلاونڑ چاہوے تے ایں ٹیئم کے پی کے وچ وی پی ٹی آئی دی حکومت بنڑدی پئی حے تے بغیر کہیں پریشانی دے اعوام دی امنگیں مطابق دیرے،ٹانک کوں نویں صوبے اچ رلایا ونج سگدے۔
اے یاد رہے اینجھا سوہنڑاں موقع نون دے علاوہ اج تک کہیں وی جماعت کوں نہیں ملیا۔
صرف نیک نیتی ہونڑیں ضروری اے بس۔




#Article 405: الیکٹرانز (160 words)


الیکٹرانز،
ایٹم دا ہک حصہ  جیندے اتے نفی دا چارج ہووے اوکوں الیکٹران آہدن 
اے ایٹم دے گرد ہک چکر دے وچ گھومدے نیوکلئیس ایندا مرکز ہوندے کیونکہ اوندے وچ موجود پروٹانز ایکو آپ دو چھکیندن اور الیکٹرانز ہک توازن دے اندر گھومنڑ لگ ویندن ۔
ہک الیکٹران تے جیہڑا چارج ہوندے اوکوں یونٹ الیکٹرک چارج آہدن تے ۔
تے چارج ہک الیکٹران تے ہک اشاریہ سٹھ ضرب دا دی طاقت نفی انوی  کولمب (1.60*10^-19) ہوندے ۔
تے وزن ہک الیکٹران دا نو اشاریہ یارہ ضرب ڈاہ دی طاقت نفی اکتری (9.11*10^-31) کلوگرام ہوندے۔
الیکٹران کہئ وی ایٹم دا سب تو ہلکا ترین حصہ ہوندے ات واسطے اس کو بے وزنا آکھیا ویندے نیوٹران تے پروٹان دے مقابلے وچ۔
اور ات واسطے جیہڑلے پورے ایٹم دا وزن نمبر معلوم کیتا ویندے او ویلے الیکٹران دے وزن کو شامل نئیں کیتا ویندا کیونکہ اے بہوں ہی گھٹ ہوندے ۔
الیکٹران کو جے جے تھامسن سن 1897 وچ ایجاد کیتا ہئ ۔




#Article 406: امارت بنی امیہ، اندلس (347 words)


بنی عباس دی طرفوں خلافتِ بنی امیہ دے خاتمے تے اموی خاندان تے مظالم تے انہاں دی نسل کشی توں بعد عباسی امویاں ولوں بے فکرے تھی ڳئے. مگر بنی امیہ دے خاندان دا ہک شہزادہ عبدالرحمٰن بن معاویہ بن ہشام بن عبدالملک بن مروان، عباسیاں دے عتاب کولوں بچ ڳیا تے خفیہ طریقے نال ٻہوں مصیبتاں برداشت کریندے ہوئے آخرکار اندلس پہنچ ڳیا جتھاں بنو امیہ دے وفادار موجود ہن کیونکہ ایں علاقے وچ مسلماناں دی حکومت اموی دور وچ قائم تھئی ہئی. مسلسل کوششاں تے اندلس وچ موجود عرب قبائل دی حمایت نال عبدالرحمٰن اول، ہسپانیہ وچ اپݨی حکومت قائم کرݨ وچ کامیاب تھی ڳیا. ایں طرح اے علاقہ مرکزی خلافت اسلامی وچوں ہمیشہ واسطے نکل ڳیا. 

یورپ دی اسلامی تاریخ دا اے عظیم دور اپݨے عروج وچ اپݨی اہمیت تے مرکز خلافت بغداد کولوں ٻہوں دوری دے کارݨ تے فاطمیاں دی نام نہاد خلافت ولوں مسلسل جارحیت دے توڑ واسطے آخرکار مسلمانانِ یورپ واسطے929ء وچ الگ خلافت دی حیثیت اختیار کر ڳیا. بنی امیہ ولوں امارت کوں خلافت وچ تبدیل کرݨ دی سب توں وݙی وجہ اے ہئی کہ خلافت فاطمیہ دے نام نہاد شیعہ تے ختم نبوت دے منکر اسماعیلی خلفاء دی طرفوں اندلس دے علاقیاں تے مسلسل جارحیت تے حملیاں کولوں حفاظت تے انہاں دے توڑ واسطے ضروری ہئی کہ انہاں دی طرح مزہبی تشخص حاصل کر کے مسلمانان یورپ وچ مرکزی اہمیت حاصل کیتی ونجے تے اسلام کوں بچایا ونجے جیندے وچ بنی امیہ کامیاب تھی ڳئے. امیر عبدالرحمٰن سوم نے اپݨی امارت کوں 929ء وچ خلافت وچ ڈھال ݙتا تے اپݨی حکومت کوں جاری رکھدے ہوئیاں مملکت دے تمام علاقیاں دی مساجد وچ عباسی خلیفہ دی بجائے جمعہ تے عیدین دے نمازاں وچ اپݨے ناں دا خطبہ جاری کرا ݙتا تے ہک نویں دور دا آغاز کیتا. اگرچہ خلیفہ عبدالرحمٰن سوم اموی تے بعد دے خلفاء دا دور وی بنی امیہ دا اے مگر خلافت بنی امیہ، اندلس، دے مذہبی تے روحانی تقدس کوں مد نظر رکھدے ہوئیاں، تاریخ مسلمین دی بجائے، تاریخِ اسلام وچ شامل کیتا ڳیا اے جتھاں ایں عظیم دور خلافت دی تفصیل بیان کیتی ڳئی اے.




#Article 407: امام ابنِ تیمیہ (264 words)


امام ابن تیمیہ دا اصل ناں احمد، کنیت ابوالعباس تے مشہور ابن تیمیہ ہن.  621ھ وچ پیدا تھئے تے قلعہ دمشق ملک شام (سوریا) وچ بحالت قید و بند 20 ذوالقعدہ 728ھ وچ وصال تھیا۔
کہیں عالم دی عظمت تے مرتبے دا اندازہ اس دے شاگرداں توں وی تھی سڳدا ہے۔ امام ابن تیمیہ دے شاگرداں وچ امام ابن قیمؒ تے مشہور مفسر قرآن حافظ ابن کثیرؒ جیہے عظیم المرتبت علما وی شامل ہن۔ امام ابن تیمیہؒ 661 ہجری وچ موجودہ ترکی دے علاقے حران وچ پیدا تھئے۔ انہاں دے بچپن وچ انہاں دا گھراݨہ تاتاریاں دے حملیاں دی وجہ توں ہجرت کرکے شام آ گیا۔

شيخ الاسلام تقي الدين ابو العباس احمد بن عبد الحليم بن عبد السلام بن عبد اللہ بن الخضر بن محمد بن الخضر بن علي بن عبد اللہ ابن تيميہ نميرى، حرانى، دمشقى، حنبلى، عہد مملوكى دے نابغہ روزگار علماء وچوں ہن۔ اللہ تعالى نے انہاں کوں ہك مجدد دى صلاحيتاں نال نوازا ہئی۔ آپ نے عقائد، فقہ، رد فرق باطلہ، تصوف تے سياست سميت تقريبا ہر موضوع تے قلم چاتا تے اہل علم وچ منفرد مقام پاتا۔ آپ بہت فصيح اللسان تے قادر الكلام ہن۔ علم وحكمت، تعبير وتفسير تے علمِ اصول وچ انہاں کوں خاص مہارت حاصل ہئي۔ اپݨے والد دى وفات دے بعد دمشق دے دارالحديث السكرية دى مسندِ حديث تے جیہرلے آپ نے پہلا درس ݙتا، اوں وقت آپ دى عمر ویہہ سال دے قريب ہئي، اس وچ قاضي القضاة تے ديگر مشايخ زمانہ موجود ہن۔ آپ نے صرف بسم اللہ الرحمن الرحيم دے بارے وچ اتنے نكات بيان كيتے کہ سامعين دنگ رہ گئے۔




#Article 408: امام ابو حنیفہؒ (430 words)


نعمان ابن ثابت بن زوطا بن مرزبان (پیدائش: 5 ستمبر 699ء– وفات: 14 جون 767ء) (فارسی: ابوحنیفه،عربی: نعمان بن ثابت بن زوطا بن مرزبان)، عام طور تے آپکوں امام ابو حنیفہؒ دے ناں نال وی ڄاݨا ویندا ہے۔ آپؒ سنی حنفی فقہ (اسلامی فقہ) دے بانی ہن۔ آپؒ ہک تابعی، مسلمان عالم دین، مجتہد، فقیہ تے اسلامی قانون دے اولین تدوین کرݨ والیاں وچ شامل ہن۔ آپؒ دے منݨ والیاں کوں حنفی آکھا ویندا ہے۔ زیدی شیعہ مسلماناں دی طرفوں وی آپؒ کوں ہک معروف اسلامی عالم دین تے شخصیت تصور کیتا ویندا ہے۔ انہاں کوں عام طور تے امامِ اعظم آکھا ویندا ہے۔

علم الادب، علم الانساب تے علم الکلام دی تحصیل دے بعد علم فقہ کیتے امام حماد دے حلقہ درس توں فیض یاب تھئے۔ آپؒ علم فقه دے عالم ہن .آپؒ دے شیوخ و اساتذہ دی تعداد چار ہزار ݙسی ویندی ہے۔ جنہاں توں اوہ وقتاً فوقتاً اکتساب علم کریندے رہے۔ امام محمد باقر تے امام جعفر صادق دی شاگردی دا فخر وی انہاں کوں حاصل ہے۔

امام ابوحنیفہؒ نے تقریباً چار ہزار مشائخ توں علم حاصل کیتا، خود امام ابوحنیفہؒ دا قول ہے میں کوفہ و بصرہ دا کوئی ایسا محدث نی چھوڑا جس توں میں علمی استفادہ نہ کیتا ہووے.

آپؒ نے تحصیل علم دے بعد جݙݨ درس و تدریس دے سلسلہ دا آغاز کیتا تاں آپؒ دے حلقہ درس وچ زبردست اژدھام ہوندا تے حاضرین وچ اکثریت دور دے جید صاحبان علم دی ہوندی۔ علامہ کروری نے آپؒ دے خاص تلامذہ وچ اٹھ سو فقہا محدثین تے صوفیا و مشائخ شامل ہن۔ ایہ انہاں ہزار ہا انساناں دے علاوہ ہن جیہڑے انہاں دے حلقۂ درس وچ شریک تھیندے رہندے ہن۔ آپؒ نے فقہ حنفیہ دی صورت وچ اسلام دی قانونی و دستوری جامعیت دی لاجواب شہادت مہیا کیتی تے اس مدت وچ جیہڑے مسائل مدون کیتے انہاں دی تعداد بارہ لکھ ستر ہزار توں زائد ہے۔ آپؒ دی تالیف تے اجماع ہے تے صحابہ توں نقل روایت وی ثابت ہے۔ آپؒ شریعت دے ستون ہن۔

حضرت امام ابو حنیفہؒ دے ہک ہزار دے قریب شاگرد ہن جنہاں وش چالیہہ افراد بہت ہی جلیل المرتبت ہن تے اوہ درجۂ اجتہاد کوں پہنچے ہوئے ہن۔ اوہ آپؒ دے مشیرِ خاص وی ہن۔ انہاں وچوں چند دے ناں ایہ ہن :

علاوہ ازیں قرآن حکیم دے بعد اہل سنت و الجماعت دی صحیح ترین کتاب صحیح بخاری دے مؤلف امام محمد بن اسماعیل بخاری تے دیگر وݙے وݙے محدثین کرام آپؒ دے شاگرداں دے شاگرد ہن۔

آپ دی چند مشہور کتب درج ذیل ہن :

تے انہاں دی احادیث وچ تصانیف دی تعداد 27 دے قریب اے. 




#Article 409: امام احمد بن حنبلؒ (282 words)


آپؒ دا ناں احمد ہے جبکہ آپؒ دے صاحبزادے عبد اللہ بن احمد نے نسب نامہ ایویں بیان فرمایا ہے : احمد بن محمد بن حنبل بن ہلال بن اسد بن ادریس بن عبد اللہ بن حیان بن عبد اللہ بن انس بن عوف بن قاسط بن شیبان بن ذہل بن ثعلبہ بن عکابہ بن صعب بن علی بن بکر بن وائل ذہلی شیبانی مروزی بغدادی۔

امام احمد بن حنبلؒ دی ولادت ماہِ ربیع الاول 164ھ بمطابق ماہِ نومبر 780ء وچ بغداد وچ تھئی۔ آپؒ دے والد تریہہ سال دی عمر وچ ہی انتقال کر گئے ہن۔ والد محترم دی وفات دے بعد امام صاحبؒ دی پرورش تے نگہداشت اُنہاں دی والدہ دے کندھیاں تے آݨ پئی، خود امام احمد بن حنبلؒ دا بیان ہے کہ میں اپݨے پیؤ ݙاݙے وچوں کہیں کوں نی ݙٹھا۔

اپݨے دور دے بڑے عالم تے فقیہ ہن۔ آپؒ امام شافعیؒ دے شاگرد ہن۔ اپݨے زمانے دے مشہور علمائے حدیث وچ آپؒ دا شمار تھیندا ہئی۔ انہاں نے (مسند) دے ناں نال حدیث دی کتاب تالیف کیتی جس وچ تقریباً چالہی ہزار احادیث ہن۔ امام شافعیؒ دی طرح امام احمد بن حنبلؒ دی مالی حالت وی کمزور ہئی۔ لوگ انہاں کوں بے شمار تحائف تے ہدیہ پیش کریندے لیکن آپؒ اپݨے اتے اس وچوں کجھ وی نہ خرچ کریندے تے سب کجھ ونڈ ݙیندے ۔

امام احمد بن حنبؒ ابتدائی مکتب دی تعلیم حاصل کرݨ دے بعد 179ھ وچ علم حدیث دے حصول وچ مشغول تھئے جبکہ اُنہاں دی عمر محض 15 سال ہئی۔ 183ھ وچ کوفہ دا سفر اِختیار کیتا تے اپݨے استاد ہشیم دی وفات تک اتھاں مقیم رہے، اِیندے بعد دیگر شہراں تے ملکاں وچ علم حدیث دے حصول دی خاطر سفر کریندے رہے۔




#Article 410: امام احمد رضا بریلویؒ (291 words)


 
امام احمد رضا خان (14 جون 1856ء – 28 اکتوبر 1921ء) ویہویں صدی عیسوی دے ممتاز سنی مسلک دے نامور حنفی فقہیہ، محدث، اصولی، نعت گو شاعر، علوم نقلیہ وعقلیہ دے ماہر، سلسلہ قادریہ دے شیخ، عربی، فارسی تے اردو دی کثیر کتاباں دے مصنف جنہاں وچ مشہور ترجمہ قرآن کنز الایمان، فتاوی دا مجموعہ فتاویٰ رضویہ تے نعتیہ دیوان حدائق بخشش مشہور ہن۔ آپؒ نے شدت نال تقلید تے حنفیت دا دفاع کیتا. سلسلۂ حدیث وچ شاہ ولی اللہؒ تے عبد الحق محدث دہلویؒ توں استفادہ کیتا تے فقہ وچ سند اجازت شیخ عبد الرحمن حنقی مکیؒ توں حاصل کیتی، جنہاں دا سلسلہ حضرت عبد اللہ بن مسعود تک پہنچدا ہے۔ آپؒ نے ݙو قومی نظریے دا پرچار کیتا تے کہیں وی سطح تے ہندو مسلم اتحاد کوں رد کیتا، تحریک ترک موالات تے تحریک خلافت وچ مسلماناں کوں متنبہ کیتا کہ انہاں تحریکاں وچ مسلم ہندو اتحاد دا نعرہ لایا ویندا پیا ہے جیہڑا شرعی حیثیت نال ناجائز ہے۔ عورتاں دی ضروری دینی تعلیم دی سختی نال تلقین کیتی، عورتاں دے زیارت قبور کیتے گھر توں نکلݨ دے مسئلے تے ممانعت دا فتوی ݙتا۔

کثرت نال فقہی مسائل تے رسائل تے عقائد و اعمال دی اصلاح کیتے کتاباں تصنیف کیتیاں، ریاضی تے فلکیات دے علاوہ سائنس دے دیگر کئی موضوعات تے علمی تے مذہبی نکتہ نظر نال اپݨی آرا پیش کیتیاں۔ بریلی وچ منظر اسلام دے ناں توں اسلامی جامعہ قائم کیتی، بریلوی مکتب فکر کوں متعارف کروایا، جس دی وجہ شہرت عشق رسول وچ شدت تے تصوف دی طرف مائل ہوݨا ہے۔ آپؒ کوں اعلیٰ حضرت، امام اہلسنت تے حسان الہند جیہے القابات نال وی یاد کیتا ویندا ہے۔ دنیا بھر وچ ہر سال 25 صفر کوں یوم رضا دے ناں نال آپؒ دا عرس کیتا ویندا ہے۔




#Article 411: امام حسن مجتبیٰ (124 words)


امام حسن ابن علی (15 رمضان 3ھ تا 28 صفر 50ھ) شیعہ اثنا عشریہ دے ݙوجھے امام تے اہلِ سنت دے پنجویں تے آخری خلیفۂ راشد ہن تے علی علیہ السلام تے سیدہ فاطمۃ الزھرا علیہا السلام دے وݙے پتر تے محمد صلی اللہ علیہ و آلہ وسلم تےسیدہ خدیجہ علیہا السلام دے وݙے ݙوترے ہن۔ محمد صلی اللہ علیہ و آلہ وسلم دی مشہور حدیث دے مطابق آپ جنت دے نوجواناں دے سردار ہن۔ محمد صلی اللہ علیہ و آلہ وسلم نے انہاں دا ناں حسن رکھا ہئی۔ اے ناں اس توں پہلے کہیں دا نہ ہئی۔ رسولِ خدا صلی اللہ علیہ و آلہ وسلم انہاں نال بے پناہ محبت کریندے ہن۔ انہاں دا ناں حسن، لقب 'مجتبیٰ' تے کنیت ابو محمد ہئی. 




#Article 412: امام علی المرتضیٰ (101 words)


علی بن ابی طالب (599ء –661ء) رجب دی تیرہ تاریخ کوں شہر مکہ وچ خانہ کعبہ وچ پیدا تھئے۔ آپ دے والد دا ناں ابوطالب تے والدہ دا ناں فاطمہ بنت اسد ہے۔ آپ دی پیدائش خانہ کعبہ دے اندر 13 رجب بروز جمعہ 30 عام الفیل کوں  تھئی۔علیؑ، پیغمبر اسلام صلی اللہ علیہ و آلہ وسلم دے چچا زاد بھائی ہن بچپن وچ پیغمبر دے گھر آئے تے اتھائیں پرورش پاےی۔ پیغمبر دی زیر نگرانی آپ دی تربیت تھئی۔ حضرت علی پہلے ٻال ہن جنہاں نے اسلام قبول کیتا۔ آپ دی عمر اس وقت تقریباً ݙاہ یا یارہ سال ہئی۔




#Article 413: امام غزالی (284 words)


ابو حامد غزالیؒ اسلام دے مشہور مفکر تے متکلم ہن۔ ناں محمد تے ابو حامد کنیت ہئی جبکہ لقب زین الدین ہئی۔ انہاں دی ولادت 450ھ وچ طوس وچ تھئی۔ ابتدائی تعلیم طوس و نیشا پور وچ حاصل کیتی۔

نیشا پور توں وزیر سلاجقہ نظام الملک طوسی دے دربار وچ پہنچے تے 484ھ وچ مدرسہ بغداد وچ مدرس دی حیثیت نال مامور تھئے۔ جݙݨ نظام الملک تے ملک شاہ کوں باطنی فدائیاں نے قتل کر ݙتا تاں انہاں نے باطنیہ، اسماعیلیہ تے امامیہ مذاہب دے خلاف متعدد کتاباں لکھیاں۔ اس وقت اوہ زیادہ تر فلسفہ دے مطالعہ وچ مصروف رہے جس دی وجہ نال عقائد مذہبی توں بالکل منحرف تھی چکے ہن۔ انہاں دا ایہ دور کئی سال تک قائم ریہا۔ لیکن آخر کار جݙݨ علوم ظاہری توں انہاں دی تشفی نہ تھئی تاں تصوف دی طرف مائل تھئے تے ول خدا ،رسول، حشر و نشر تمام ڳالھیاں دے قائل تھی گئے۔

انہاں دی مشہور تصانیف احیاء العلوم، تحافتہ الفلاسفہ، کیمیائے سعادت تے مکاشفتہ القلوب ہن۔ 

امام غزالیؒ نے سلطان سنجر کوں لکھے خط وچ ایہ ݙسا ہئی کہ آپؒ دی تصانیف تقریباً ݙو سو ہن ۔ لیکن ایہ وی تصور کیتا ویندا ہے کہ آپؒ دی تصانیف دی تعداد 400 توں زیادہ ہے۔ لیکن مغربی سکالرز نے تحقیقات کرکے طے کیتا ہے کہ ذیل دی فہرست آپؒ دی تصانیف ہن۔ انہاں وچ عربی تے فارسی زباناں وچ لکھی گئی تصانیف ہن۔ 

آخر کار ہک مصری سکالر نے وی ہک فہرست بݨائی جیندے وچ 457 کتاباں دا ذکر ہے، جس وچ 1 تا 72 مکمل طور تے امام غزالی دی تصنیفات ہن۔ تے 73 تا 95 تک دے تصانیف تے شک ہے کہ ایہ تصانیف امام غزالی دی ہن ۔

صوفی طریقہ

فلسفہ

شریعت




#Article 414: امان اللہ ارشد (665 words)


امان اللہ ارشد رحیم یار خان دےشہر  ظاہر پیر وچ رہندن۔

جمݨاں  1971ءآغاز شاعری 1981ءاستاد شاعری صوفی فیض محمد دلچسپ تعلم میٹرک

سئیں امان اللہ ارشد بارے سرائیکی دانشور سئیں سعید خاورؔ لکھدن:

امان اللہ ارشد لفظیں دے وڑنج وپار وچ سرائیکی دیاں سب صنفاں ورتین۔ایندی شاعری اُروار ،پار، حد ،بٖنے تے کہیں خاص عقیدے دی بٖدھل کائنی۔ بس انسانیت تے دھرتی دے ڈُٖکھیں دی پرچارک اے۔ ایندے نوحے دھرتی دے بدن تے کوک بنْ کُرلاندن ۔ محبت تے بغاوت ایندے سندھیں لتھی ہوئی اے۔ او محبت دا منکر نئیں پر ڈڈھپ دے خلاف اوندی محبت بغاوت بنْ ویندی ہے۔ بُکھ ، تریہہ تے روہی ، تھل ، دامان دی زندگی دریا دی ایں منْ تے ہووے تے بھانویں اوں مَنْ تے ، امان اللہ ارشد دے لفظیں وچ سہکدی پئی اے۔

جیڑھا سئیں دا غلام تھی ویندے 

اوہو جگ دا امام تھی ویندے

شہر آقا دا جو وی ڈیکھ امدے

قابل۔ احترام تھی ویندے

جیلے تھیندی ہے سک مدینے دی

خود بخود انتظام تھی ویندے

سئیں دا تھی کے بلال حبشی وی

کتنا عالی مقام تھی ویندے

جیڑھا ایں در دی خاک تھی ویندے 

اوندا دنیا تے نام تھی ویندے

عشق والے مریض کوں ارشد

ذکر سنڑدئیں آرام تھی ویندے

ݙے میݙیاں اکھیں میکوں نیریں سمیت

گِھن اے اپڑیں خواب تعبیریں سمیت

بُھل ونجاں نہ آپڑیں اوقات کوں

میکوں دفناویں میݙیں لیریں سمیت

وقت دے دھوئیں ھے کر چھوریا دُوانک

دل دی الماری کوں تصویریں سمیت

بے گناہ تھی تے وی میں بے قیمتا

معتبر توں اتنی تعزیریں سمیت

ذہن باغی تھی ڳے ہُݨ مظلوم دا

کھس گھنی ترکش متاں تیریں سمیت

اے جیݙا اے کون سرکش ھے جیکوں

دار تے آندا ڳے زنجیریں سمیت

کیڑھی کیڑھی ڳالھوں ارشد مُکرسیں

تیں ݙے آ ڳیاں تیݙیں تحریریں سمیت

کلھپ دے قید خانے وچ نہ ہکلاں مار کوئی کائنی

اتھاں ہک ساہ سنگتی ھے جیندا اعتبار کوئی کائنی

کیجھا ماحول ھے جو سر قلم تھی تھی تے ڈھاندے پن

کیتا تل وار کہیں کائنی چلی تلوار کوئی کائنی

اساں محفل دی رونق ہیں اساں محفل دے وچ تنہا

اساں ہیں یار ہر ہک دے اساݙا یار کوئی کائنی

محبت بے ریا جذبہ نہ کوئی تسبیح نہ کوئی سجدہ

وفا والیں مسیتیں دے اتے مینار کوئی کائنی

امان اللہ ارشد

منہ توں مونجھ کوں نال ہنجھوں دے دھووݨ ݙا نی آیا

ساکوں ہجر دے موسم وچ وی رووݨ ݙا نی آیا

ہار نی اوندے ڳل تئیں پہنچا قدمیں کیر کھڑے ھیں

اوتری اکھ کوں موتی موتی پووݨ ݙا نی آیا

فجریں توں_گھن شام تئیں گھمدوں`ول ݙیہدوں ہوں جاہیں

پل دے اندھے کھوہ تے جوڑا جووݨ ݙا نی آیا

پیر رنگیندے کیا اوندے ہتھ اپݨے رہ ڳۓ _چٹٹرے

ڳال کھڑے ھیں تھال تے مہندی لووݨ ݙا نی آیا

ھیں سانگے تاں اج تئیں کلھے کلھے_پھردے ہیسے

ہتھ پکڑݨ کیا کہیں دے پیریں پووݨ ݙا نی آیا

دل آھدے او ساݙا ھووے ، پر ھووے، کیوں ھووے

ساکوں وی تاں کہیں دا ارشد ھووݨ ݙا نی آیا

در بدر تھۓ ھیں در نہیں لبھدے

ھنڑ تاں اپنڑے وی گھر نہیں لبھدے

جھوک تیڈی توں `ول نہیں ویندے

یار پکھیاں کوں `پر نہیں لبھدے

میکوں آکھیس سفر حیاتی وچ

تیں جیہیں ہمسفر نہیں لبھدے

یار اونویں تاں ڈھیر لبھدے _ھن

یار ! `تیں جھیں مگر نہیں لبھدے

روز `نیناں سجا کے نہ _نکتا

روز اہل_ نظر نہیں لبھدے

پیار والے ایں جگ اتے ارشد

لوک _ھن مختصر نہیں لبھدے

اے سچ ہے جو کہیں شے دی کمی محسوس نی تھیندی 

نکھڑ تے زندگی پر زندگی محسوس نی تھیندی

میڈے جذبات مر گئے ہن یا توں اوہو نیوی رہے گیا 

توں ملدا ہئیں تاں مل کے اوخوشی محسوس نی تھیندی

اونویں تاں بادشاہ ڈھیر ہن اتھاں لفظیں دی شاہی دے 

خیالیں وچ کتھاؤں پر تازگی محسوس نی تھیندی

اونویں کوڑی انا ہنجوں دا رستہ روک گھندی ھے 

سجنڑ نکھڑن جڈاں کینکوں غمی محسوس نی تھیندی

نکل سیلاب اکھیں توں جیندے پیریں تونڑی پج گئے 

میڈیں پلکـیں اُتے اوکوں نمی محسوس نی تھیندی

زمانے دی جفا ارشد ایجھا بے حس بنڑا چھوڑیے

خوشی ھے یا غمی ھے بھا لگی محسوس نی تھیندی




#Article 415: امان اللہ کاظم (262 words)


امان اللہ کاظم سرائیکی زبان دا  عظیم دانشور،ادیب شاعر ہے۔

لیہ نال تعلق ہے۔

جتھاں اُبھا لماں ہک تھیندے

جتھاں لاھی چاڑھی بݨدی اے

جتھاں سورج سیس نویندڑا ہے

جتھاں دھرتی سونا جݨدی اے

جتھاں پانی من کوں موہ گھنندے

جتھاں ہیل حواس جھوٹیندی اے

توڑے چھَم چھَم وسّی٘اں اَکھّیں

وَت وی رِہی٘اں تَسّی٘اں اَکھّیں

ہِک ݙینہہ سُکھ دا ساہ نَئیں وَلّی٘ا

ڄاپے کِتھ وِنڄ پھَسّی٘اں اَکھّیں

عَین بہار دی رُت ءِچ ایجھی٘اں

اُڄرئین وَل نَئیں وَسّی٘اں اکھّیں

ظالِم دُنیا خون رُوائیے

نِت دے رووَݨ کھَسّی٘اں اکھّیں

رِہی٘اں عین چسُولی رُت ءِچ

تَئیں ٻاہجھوں بے چَسّی٘اں اکھّیں

درد کہاݨیاں دل ناں گَنولی٘ا

جَگ بے درد کُوں ݙَسّی٘اں اکھّیں

او اکھّیں وی کیا اکھّیں ہِن

جو نَئیں اپݨے وَسّی٘اں اکھّیں

کُئی منظر تاں ایجھاں ݙِٹھے

وَت ہِک پَل نَئیں ہَسّی٘اں اکھّیں

اَڄ کَل ہر چہرے تے لڳدئین

پھِکی٘اں پھوک کُرَسّی٘اں اکھّیں

رَقص کریندی مَوت دا مَنظَر

نِت نِت تَک تَک بَسّی٘اں اکھّیں

میݙی موت تے غَیر تاں رُنّیں

سڄݨٰیں دی٘اں نَئیں پَسّی٘اں اکھّیں

اَزلُوں ݙات ڈھئی ہِم کاظمؔ

پَڄلئیے ہَنجھوں تَسّی٘اں اکھّیں

ٻَہُوں رَستے کُڈھنویں زندگی دے

جو وَس نَئیں بے سَمَل جھَئیں آدمی دے

توں پہلے خود سنبھل تاں اے زمانے.!

پِچھیں طَعنے ݙے میکوں بےخودی دے

کَلھیپا.،. رَت جَگے.،، َہنجوں دی بارش

مِلئیے تُحفے اے میکوں دوستی دے

تیکوں جگ وِچ لُڑھیندا ہے اندھارا

میکوں کھا ڳئین چِنتے روشنی دے

زمانے کُوں تلاش اُونہہ آدمی دی

رَوٌَئیے جِہڑا بدلے زندگی دے

او رووے کَرب توں ہِس پیٹ خالی

لڳِن تیکوں مِٹھے سُر بینسری دے

پِچھوں کَنڈ دے چَلیندیں تیر بھَیڑا

تقاضے اے کڈھئیں نَئیں دشمنی دے

ݙِٹھوسے ٹَپٌے تَلٌے ریت کاظــــــمؔ




#Article 416: اماں (4975 words)


اماں دی سبھ توں پہلی یاد اُوں ویلے دی ہے جݙاں میں ݙوترے سال دا ہوساں۔ ایہہ ہک تصویر میݙے چیتے وچ ہے ۔ میݙے کن وچ درد ہائی تے میں ککاندا پیا ہم۔ روون مکدا نہ ہا۔ اماں کوں سمجھ نہ آوے کیا رولا ہے ابا گھر وچ نہ ہائی، ابا جیل وچ ہائی ۔اُوں ویلے توں آخری ساہ تائیں اماں نیں اماں تے ابا بن کے میکوں پالیا پر سدا مسکدے ہوئے پیار نال ماں دے پیار دی ٹھݙھ نال ۔ اماں نیں نال دے گھر والیاں توں کھیر منگوایا میکوں کھیر ݙتا تے میں سُم گیا۔ 

کجھ ݙیہاں بعد میݙی نکی بھین کوں نمونیہ تھی گیا۔ گلی کمنگراں دے سرے تے ہک ݙاکٹر دی دکان ہائی جو ابے دا یار ہائی۔ ݙاکٹر آیا اوں نیں ٹوٹیاں لائے آکھیئس بچڑی کو نمونیہ ہے۔ پلستر لگسی تے دوا تھیسی میݙی بھین دے متھے تے رتے رنگ دا ٹکا ہائی۔ ݙاکٹر مشرقی پنجاب دا مہاجر ہائی ٹکا ݙیکھ کھلدے ہوئے آکھیس ’’ایہہ ہندنی ہوگئی ہے ‘‘اماں کو پتہ نہ ہائی جو ٹکا لا کے بالڑیاں ہندنیاں تھی ویندے ہن۔ اماں نیں آکھیاں ٹکا لہا ݙیسوں نے ݙاکٹر ٹُر گیا ۔ 

میں پنچ سال داہم نے ابا حج تے ٹر گیا ۔ ݙاݙی ساݙے نال رہون کیتے آگئی۔ اماں کوں پیکے ونجن دی قیمت وچ میکوں ݙاݙی کول چھوڑنا پیا۔ میں تے میݙا ہک پھپھیر سارا ݙیہاڑا کھیݙدے تے گھیو شکر کھاندے ہاسے ۔ ݙاݙ ی ساݙے ودھ چڑھ کے لاݙ کریندی ہائی ۔ اینا لاݙاں وچ اماں دی کݙاہیں مونجھ وی نہ آئی۔ ہک ݙہارے نانی نیں اماں کوں اکھیا اڑی تیکوں پتر دی مونجھ وی نہیں آندی۔ اماں آکھیاں میں اوں کوں سݙواواں تاں ول وی اوہ نہ آسی۔ خیر میݙے رشتے دے ہک مامے عبدالوہاب کو بھجونے جو فیاض کوں گھن آ۔ عبدالوہاب نیں در کھڑکایا تے ݙیݙھی وچ میݙا انتظار کرن لگا۔ میں باہر آیا مامے نے آکھیاں امی آدھی ہے شکل تاں ݙکھا ونج۔ میݙا جواب ای سنن آلا ہائی۔ میں آکھیاں اماں کوں اکھیں جیں ویلے میں جمیا ہم تاں میݙی شکل نہ ݙٹھی ہائی۔ عبدالوہاب ول گیا نانی پتہ نہیں کیا سوچیندی ہوسی۔ پر ساری عمر میکوں ݙیکھ کے آدھی ہائی مئیں تے ننھے مٹھے تے گنے ۔ 

اماں دی محبت ہمیشہ ایویں ہائی اماں نیں اساں سبھ بھین بھراواں کو پکھیاں رنگ اسماناں تائیں اݙاریاں کرن دی پوری چھوٹ ݙتی۔ ساݙی اݙاریاں ݙیکھ کے ٹھردی رہی۔ ساکوں پنجرے وچ ݙکن دا کݙاہیں چاہ نہ کیتا۔ نکے لاء توں میں سکول ونجناں شروع کیتا۔ سکولوں ویندے آندے رات کوں سمدے ویلے میں اماں کوں چلھے اگوں روٹیاں پکینداں ݙیدھا ہم۔ روٹی کھاندے کݙاں ناہیں ݙٹھا بہوں مدتیں ایہو سچیندا رہم جو اماں روٹی نہیں کھاندی۔ 

اماں دے دل وچ ایہہ سِک ہوندی ہائی جو میکوں سوہنے توں سوہنے کپڑے پواوے چنگی توں چنگی شئیاں کھاون کوں ݙیوے پر گھر تے باہر دی دنیا وچ ہک لمبا پندھ ہائی ۔ ساݙا پہلا گھر گلی کمنگراں وچ کرائے دا گھر ہائی۔ ایہہ ہک ہندو اکھیاں دے ݙاکٹر دا گھر ہائی جیڑا ونݙویلے بٹالے توں آون والے کچھ مہاجراں کو مل گیا۔ ایں وݙے گھر دے ترے حصے تھی گئے۔ اساں اوندے ہک حصے وچ راہندے ہاسے کرائے تے۔ ݙوجھے ݙو حصے الاٹیاں دے اپنے کولوں ہن۔ تریہے گھراں دے باہر ہک صحن ہائی صحن توں بعد ہک وݙی ݙیݙھی تے ݙیݙھی دے پار تلے لہندیاں ہویاں پوڑھیاں۔ گھر دے نال آلی کندھ نال ہک وݙا بھانا ہائی ایں بھانے توں اساں کھیر گھندے ہاسے تے مہیڑ دی ابے نال بہوں دعا سلام ہائی ساݙے گھر وچ صرف اماں، ابا، اساں ݙو بھین بھرا تے میݙی ݙاݙی رہندی ہائی۔ ابے نیں جیون رنگ سادگی دا وٹا گھدا ہائی۔ سرکاری نوکری چھوڑ کے کاروبار شروع کر گھدا ہائی تے ابے دی روحانیت نے سیاست راہیں اپنا راہ گولناں شروع کرݙتا ہائی۔ 

ہک ݙوسال ایں گھر وچ رہون کن بعد ابے نے محلہ چہلیک وچ ہک بیا مکان کرائے تے گھن گھدا۔ اتھاں وی ساݙا ہک گوانݙھی مہیڑ ہائی۔ ہک ملت ہائی سکول دا استاد، ہک کوچوان، ہک وکیل، ہک وکیل دا منشی تے ہک سینما دا منیجر۔ تھلے دے اَدھ وچ ہک مسیت ہائی ایہہ گھر ہک حکیم صاحب دی ملکیت ہائی۔ ایں گھر وچ میݙی ݙوبویاں دے بال وی ساݙے نال رہندے ہن۔ اماں دا دل میکوں چنگی چنگی شیواں کھواون کوں منگدا ہائی ۔ محلے توں بے شمار پھیریاں آلے لنگھدے ہن سارا ݙینہہ اوازاں آندے رہندے ہن۔ ’’بھانݙے قلعی کرا لو ‘‘، آلو کچالو باراں مسالے جیہڑا کھاسی ول ول آسی جیہڑا نہ کھاسی منہ دے بھرنے ݙھاسی، آنہ ہک تے قلفی ݙو نہ مالڑی نہ پیو، منجیاں وٹالوں ، تیل کتیلا ساواں پیلا وغیرہ وغیرہ 

ہک ݙینہہ چھٹی دا ݙیہاڑا ہائی سویرے دے ݙاہ یابارھاں وجے کول ہک پھیری آلا لنگھا اوں نیں ہوکا لایا ’’ایہہ تازی ݙبل روٹی لے ، رس لے ، کیک لے ، بسکٹ لے ، باقر خانی لے ‘‘ امی نیں پھیری آلے کوں رکوایا ہک پیسٹری خریدی ، سبھ بالاں دے پیسے کوئے نہ ہن۔ سبھ دے سامنے میں کلہے کو پیسٹری کھواون چنگی ناہی لگدی۔ اماں اشارے نال میکوں سݙ کے غلام گردش وچ گھن گئی پیسٹری کھوایس تے آکھئیس ہن لگا ونج بیا کیں کوں نہ ݙسیں۔ ایں تھلے دے چار چپیرے ملتان دے وݙے مدرسے تے دینی ادارے ہن۔ ابے دے مہمان بہوں آندے ہن تے اماں دا بہوں وقت ایہناں مہمانداریاں وچ لگدا ہا۔ گھر توں تھوڑے فاصلے تے ساݙا سکول محلہ کڑی افغاناں ہا۔ تے میݙا ݙینہہ گھر،سکول تے محلے دی گلیاں وچ لنگھدا ہائی۔ چار پنج سال اساں کرائے تے محلہ چہلیک رہے تے ول ابے نیں شمس آباد کالونی وچ کوٹھی پا گھدی تے اساں شمس آباد آگئے۔ 

شمس آباد وچ ساݙا گھر بہوں وݙاہائی۔ ایں گھر وچ کل 40بندے رہندے ہن۔ 5چلھے بلدے ہن تے کئی خاندان آباد ہن اوناں وچ ساݙے رشتے دار وی ہن۔ تے ابے دے دیہات توں آیا ہویا ہک جوان جوڑا وی ہائی۔ اماں ایݙے وݙے اکٹھ وچ رہندے ہوئے ساݙے ساہمنے کݙانہہ تنگی ترشی دی شکایت ناہی کیتی ۔ اتھاں ابے دے گھنے مہمان وی آندے ہن۔ ابے دا تعلق جماعت اسلامی نال ہائی۔ جماعت اسلامی دے وݙے لیݙر دی ملتان آندے ہن تاں اتھاں ٹکدے ہن۔ ایں گھر وچ اماں دی جاء ہک ملکہ دی ہائی ۔ اماں گھردے معاملات وی سنبھلیدی ہائی تے سیاست دے کم وچ ابے دے مونݙھے نال مونݙھا ملا کے شامل ہائی۔ 

اماں کوں اوندے وݙیاں نیں ݙو جماعتاں تو زیادہ سکول وچ پڑھن نہ ݙتا۔ ݙوجھی جماعت وچ ہک واری سکول تو واپس آکے اماں نے اپنی سنگیاں نال رسہ ٹپٹا شروع کیتا ۔ ماں پیوں کو پتہ لگا جو ایہہ کھیݙ سکولوں سکھ کے آئی ہے تاں سکول آوناں ونجناں بند۔ ابے توںشادی دے بعد ابا چاہندا ہائی جو میݙی تریمت میݙے نال سیاسی لیݙر بنے۔ پہلا کم اردو بولنا تے پڑھناسکھاوناں ہائی۔ تے ݙوجھا کم تقریر کرنا ۔ ابے نیں آپنے قریبی دوست مرزا مسرت بیگ دے گھردیاں ذالیاں نال اماں دا میل ملاپ شروع کرایا تاں جو اماں اردو بولناں سکھ ونجے۔ اماں آدھی اے پہلی وار مرزا صاحب دی بھین ساݙے گھر آئی تاں میں پچھیا ’’آپ کس کے نال آئی ہیں ‘‘مرزا صاحب دی بھین کیں بئی گالھ دا بہانہ بنا کے کِھلنا شروع کرݙتا۔ ہولے ہولے اماں نیں اردو زبان تے محاورہ ایویں سکھ گھدا جو اہل زبان دے نیڑے پہنچ گئی۔ وستی ݙبکراں دے سکول دی جیہڑے ویلے اماں صدر بنی تاں سکول دی ہیݙ مسٹریس سمجھیندی ہائی اماں دا تعلق دلی نال ہے اوں کوں بہوں وقت بعد ایہہ پتہ لگیا جواماں خالص ملتانن ہے۔ اردو توں بعد اگلا کم انگریزی سکھن دا ہائی۔ اماں نے انگریزی لفظ پڑھنے ، لکھنے تے بولنے شروع کیتے۔ انگریزی دا کھل ہاسا وی بناوناں شروع کیتا انگریزی دے کھل ہاسے دا ہک شعر جو اماں پڑھدی ہائی او ایہہ ہائی 

مانا کہ تم بلیک ہو 

پر دل تو نہیں بلیک 

ابا جماعت اسلامی دا صدر ہائی تے ابے نے اماں کو جماعت اسلامی دی عورتاں دے اجتماعاں وچ گالھ مہاڑ تے تقریر کرن دی تربیت وی ݙتی۔ تے اماں جماعت اسلامی دی وݙی بلیار عورتاں دے وچ گنی ویندی ہائی۔ گلی کمنگراں توں شمس آباد پہنچدے ہوئے اماں اندرون شہر ملتان دی انجان چھوہر توں ’’اہل زبان مقرر بن گئی ‘‘ جماعت اسلامی دا لٹریچر پڑھ گھدا تے ابے دے میل ملاپ وچ نکے توں نکے کارکناں تو گھن کے وݙے توں وݙے لیݙراں دی مہمانداری دا ݙا سکھ گھدا۔ اینہاں مہماناں وچ ساݙے موضع تو آون والے مزارعیاں توں گھن کے مولانا مودودی تائیں سبھ شامل ہن۔ ایہہ ݙینہ ابے دے کاروبار تے لیݙری دے عروج ول سفر دے ݙینہہ ہن۔ 

ول زمانہ پرتیا۔ ابا جماعت اسلامی دے وݙے لیݙراں تے بلیاراں وچ گنیا ویندا ہا۔ نومبر 1962ء وچ مولانا مودودی ملتان آئے تاں ساݙے گھر ٹکے۔ مولانا دے ونجن تو بعد ہک ݙیہاڑے جماعت اسلامی ملتان دے پارٹی اجتماع وچ تقریر کریندے ہوئے اچانک ابے نیں بولناں بند کرݙتا لفظ ابے دا ساتھ چھوڑ گئے۔ چیتا پِھٹ گیا ۔ ابا گھر آیا تاں ابے کوں شیواں، کماں، بندیاں دے ناں بھل ویندے ہن۔ ایہہ یاد نہ آندا ہائی ہن کیا کرنا ہے۔ ابا گھروں باہر نکلدا ہائی تاں اماں ہک بھنیجے کو نال بھجیندی ہائی جو مامیں دے نال رہوے۔ جے مامیں کو اپنا گھر بھل ونجے تاں واپس گھر گھن آوے۔ کجھ ݙیہاں بعدابے تے فالج دا حملہ تھیا۔ ابا ہسپتال داخل تھی گیا ول ٹردا پھردا واپس نہ آیا۔ 

کچھ ہفتے ابے نے نشتر ہسپتال گزارے۔ ول لاہور سی ایم ایچ وچ برین ٹیومر دا آپریشن تھیا ۔ اتھوں میئو ہسپتال تبدیلی تھئی تے جنوری دی ہک ݙوپہراں کو کچھ سدھیاں پٹھیاں خبراں آون لگ گئیاں۔ گھردی سبھ ذالیاں ختم قرآن ودرود پاک تے دعاواں وچ مصروف تھی گئے۔ ول خبر آئی ابے دے ساہ مک گئے ہن۔ اگلے کچھ ݙیہاڑیاں وچ میکوں نہ اماں کو ݙیکھن دا موقع ملیا نا اماں دی خبر ملی۔ اماں کوں بھانویں اگوں سبھ اندھارا نظر آیا ہوسی۔ پر میکوں امی دی اکھیاں تے سکھ تے سوجھلا ہی نظر آیا۔ اماں بھانویں اسمان توں زمین دے آݙٹھی ہوسی پر اماں نیں آپنی چھتر چھاں میݙے تے بیاں بھین بھرانواں توں ہٹن نہ ݙتی۔ 

متام مک گیا سبھ پرچاون والے ٹر گئے۔ ویلے دے سفر ݙینہہ تے رات دے پہیاں تے دوبارہ شروع تھیا تاں سبھ توں پہلا سوال ایہہ ہائی جو گھر دا خرچہ کیویں چلسی۔ ابے دے ہک یار نے بہوں سالاں بعد ہک واری میکوں آکھیا پتر تہاݙا پیو بکھا ننگا بادشاہ ہئی ۔ ابے دا ناں ہک بہوں وݙے کاروباری دا ہئی۔ ابا سوکھاتے سوّلہا وی ہائی۔ پر ابے دی بہوں ساری جائداد علاج وچ مک گئی ۔ ابے نے شریعت دے روایتی طریقے تے بہوں سختی نال پابندی ساری حیاتی کیتی۔ پردے دی سختی ہائی۔ گھر دیاں دھیاں بھینیں کوں پنجویں جماعت توں ودھ تعلیم نہ گھنن ݙتی۔ گھروں باہر دا سبھ کم نوکرانیاں کریندے ہن۔ کپڑے دے تھان گھر چوکے آندے ہن۔ اماں کتھائیں ونجناں ہووے ہاں تا ںسواری ، ٹانگے ، کار دا انتظام ہوندا ہائی اماں برقعہ پیندی ہائی۔ اماں کوں ہک محلے توں بئے محلے پیدل چل کے ونجن دا راہ نا ہی آندا۔ نوکری دا اماں نیں کیں ݙروانے خاب وچ سوچیا نہ ہا۔ ابے دا کاروبار سنبھالن دی میݙی عمر نہ ہائی۔ ابے دے کاروبار وچ چار پنچ بھائیوال وی ہن۔ ابے دے ونجن تو بعد اوہ ایہہ کاروبار کیں نکے بال دے حوالے نہ کرنا چاہندے ہن۔ ابے دی ترے تریمتاں دے پتر وی کیں ہک پتر کوں سبھ دا سانجھا وݙیرا منن کو تیار نہ ہن۔ اماں نیں سبھ اجھکاں ، ہوڑاں، ہٹکاں کو ہک پاسے بھکایا تے نوکری دا فیصلہ کرگھدا۔ 

اپنے بھین بھراواں وچ سبھ توں وݙا میں ہم تے میݙی عمر 11سال ہائی۔ اماں دے ݙیہاڑے دے کماں وچ ترے ٹیم روٹی پکاوناں، بالاں کو تیار کرکے سکول بھیجنا ، نوکری کرنا، نوکری تو واپس آکے گھر دے نکے موٹے سبھ کم کرناں، پڑھائی دی خبر رکھنا۔ بالاں دے جھیڑے جھگڑے سننا تے کھلدے ہوے بستریاں ول ٹورنا شامل ہائی۔ ایہہ سارے کم اماں ایݙی پھرتی تے خوشی نال کریندی ہائی جو ساکوں ایویں لگدا ہائی جیویں ایں ݙھنگ نال رہوناں ہر بندے دے وس دی گالھ اے۔ آون والے سالاں وچ اساں اپنی بے پرواہی تے بے سمجھی وچ اماں دا بھار ودھایا تاں سہی گھٹ اصلوں نہ کیتا۔ انقلابی سیاست وچ آون پاروں ساکوں جیڑھے دھکے لگے مالی طور تے جو اُچ جھک تھئی اوندے نال اساں اماں دی منزل لمبی کیتی گھٹائی کوئے ناں۔ اماں واسطے بھانویں ایہہ وی خوشی دی گالھ ہائی اماں نے ہک ݙہاڑے وی ساݙے وچوں کیں کوں کاوڑ نال ناں الایا۔ 

اماں نیں اپنے سبھ بالاں کوں کالج تے یونیورسٹی دی تعلیم ݙوان دا انتظام کیتا۔ ساݙے بہوں سارے لڑائیاں اینجھے ہن جنہاں دا اماں دی سوچ تے عقیدے نال تعلق نہ ہا۔ پر اماں نے آپنی محبت پاروں ساݙے وچوں کیں دی کنݙھ ناں لگن ݙتی۔ میں ستاراں اٹھاراں سال دا ہم جݙاں میں پہلی واری عید نماز پڑھن نہ گیا۔ واپسی تے میݙے نانکے بزرگاں وچوں کچھ ساݙے گھر آئے تے جواب طلبی کیتی۔ بھئی میں نماز پڑھن کیوں نہیں آیا ۔ ہک جوشیلے وݙیرے نیں آکھیا مذہب دا حکم ہے جو بال ایں عمر وچ نماز نہ پڑھے تا جُتیاں مار کے نماز پڑھائو۔ اماں آپ پنج وقت دی نمازی ہائی۔ مرن توں پہلے وی آخری نماز ہسپتال دے بستر تے پڑھ کے اپنے مالک کو جان حوالے کیتی۔ پر اماں نے صاف لفظاں وچ آکھیا مذہب وچ زور نہیں چلدا زوری مذہب تے ٹورن والیں کوں اختیار کوئی نہیں ایہہ من مرضی دا سودا ہے۔ تساں اپنی نمازاں واسطے جواب دہ ہو۔میݙے بچڑے دی نمازاں دا ذمے دار او آپ ہے گالھ اتھائیں مُک گئی۔ ول ایں بارے کݙائیں کوئی جھیڑا نہ تھیا۔ 

بارھویں جماعت دے امتحان وچ میں فیل تھی گیا وجہ صاف ہئی میں فلسفہ، ادب تے شاعری پرھنا چاہندا ہم تے میݙے ابے دے سنگتی بزرگ میکوں میݙیکل سائنس پڑھاوناں چاہندے ہن۔ اماں نال میݙا ہک ان اکھیا سمجھوتہ ہائی جو ازادی دے نال ذمے داری وی آندی ہے۔ اماں وچ ایہہ چنگی گالھ ہائی جو اوہ چھڑا اپنے ماملیاں دی چنتا کریندی ہائی میݙے ماملے اوں نہیں میݙے اُتے چھوڑے ہن۔ فیل تھیون تو بعد میں پرائیویٹ امتحان ݙیون دا فیصلہ کیتا کالج دی پڑھائی دے امتحان دی تیاری دی ول وی لوڑ ہائی اماں دی سفارش تے میکوں مدرسہ جامع العلوم وچ بارہویں جماعت وچ داخلہ مل گیا۔ اتھاں میݙی طرح دے کئی بئے وی طالب علم داخل ہن۔پر ساکوں استاد وی بہوں چنگے ملے تے جماعتی وہی بہوں ذہین۔ انگریزی دے استاد بڑے کمال دے ہن میݙی طرح اللہ رسول توں انکاری اوہناں دا ناں عبدالعزیز ہائی۔ خالص ملتانی میݙے ابے دے کالج دے زمانے وچ اوہناں دے استاد رہے ہن۔ اوہناں میکوں آکھیاں تو اتھاں کیا کریندا پیا ہیں۔ تیکوں تاں میݙیکل دے مضموناں دی تیاری کرنی چاہیدی ہے میں کیا آکھاں ہا۔ اماں واسطے ایہو کافی ہئی جو میں پڑھدا پیا ہم۔ 

اماں دا نوکری کرن تو پہلے باہر آوناں ونجناں بہوں گھٹ ہئی جیہڑے زمانے وچ اساں اندرون شہر گلی کمنگراں وچ رہندے ہاسے تاں ابے دے سبھ یار بیلی جماعت اسلامی دے کارکن تے لیݙر نیڑے تیڑے محلیاں وچ رہندے ہن۔ اینہاں وچ ملتانی وی ہن تے مہاجر وی ۔ کپڑی تیلیاں ، چوڑی سرائے ، بغوچی مرزا جان، صرافہ بزار، اندھی کھوئی، لوہا ہٹ اینہاں سبھ علاقیاں وچ اوہناں دے گھر تے دکاناں ہن۔ زیادہ تر استاد تے فقیر منش لوک ہن۔ اوں زمانے وچ اماں کوں گھروں دھر سال توں باہر پیر دھرنا ہوے ہاں تاں زیادہ تر جماعت اسلامی تے اجتماعاں واسطے۔ نئیں تاں ملن ملاون ذالیاں ساݙے گھر آندے ہن۔ گلی کمنگراں، محلہ چہلیک تے شمس آباد دے لانگھے وچ اماں دی دنیا بالکل بدل گئی۔ 

اماں نیں صلاح مشورہ کرکے بائیو کیمک، ݙاکٹری دی تعلیم گھنن دا فیصلہ کیتا۔ بیماریاں تے اوہناں دے علاج سنجان واسطے فارماکو پیا پڑھیا بالاں تیں ذالیں دیاں بیماریاں دی سنجان کرنا سیکھی ہک کلینک کھولیا بائیو کیمک دواواں بارے چنگی گالھ ایہہ ہائی جو مریض کو شفا نہ وی تھیوے ہا نقصان ناہی تھیندا۔ ایں کلینک نال اماں کو چنگی آمدنی شروع تھی گئی۔ خدائوں کئی لا علاج عورتاں دے کامیاب علاج تھئے۔ ہک عورت جیکوں ݙاکٹراں نے بانجھ آکھ کے اولاد بارے مایو س کرݙتا ہائی اوندا بال جم پیا۔ اماں دے کئی مریض مٹھائیاں تے تحفے تحائف وی گھن آندے ہن۔ ایہہ کم وی کوئی سوکھا نہ ہائی۔ ویلے کویلے مریض پہنچ ویندے ہن۔ اماں نیں گھر دے کم وی کرنے ہوندے ہن۔ اساں اپنا گھر کرائے تے ݙے کے مامے دے گھر دے چبارے تے رہوناں شروع کرݙتا۔ ایں طرحاں بال گھر وچ کلہے نہ تھیدے ہن۔ ماماں، مامی تے نانی دی نظر تلے ہوندے ہن۔ کجھ وادھو پیسے مل ویند ے ہن تے ساݙا گھر دا خرچہ سوکھا چل ویندا ہائی۔ ہن اماں کوں ملتان دے جغرافیے نال واقفیت تھی گئی۔ اماں کوں پتہ ہائی جو تعلیم دی کمی نیں اماں واسطے کینجھی اوکھتاں پیدا کیتے ہن۔ ایں واسطے اماں نیں پورے خاندان دی مخالفت دے باوجود تریہے دھیاں کو پڑھایا تے پردہ لہاون دی اجازت ݙے ݙتی۔ میݙی ہک بھین ݙاکٹر بنی، بئی نے ایم اے کیتا تے تریجھی نے بی اے کیتا۔ ایہہ1970دے ݙہاکے دی گالھ اے جݙاں بے پردہ جوان چھویر دا باہر آوناں سبھ توں وݙی بے غیرتی سمجھیا ویندا ہائی۔ اپنی آزادی سانبھن واسطے اساں سبھ بھین بھراواں نے بے غیرتی اپنے مونہہ تے مل گھدی تے سینہ تاں کے باہر وی دنیا دے طعنے تشنے جھلے۔ ایہہ بئی گالھ اے جو ݙو ترے ݙہاکیاں وچ تقریباً سارا ملتان ای ’’بے غیرت‘‘ تھی گیا۔ 

میں ایف اے کرگھدا تاں پتہ لگیا جو پنجاب یونیورسٹی لہور وچ بی اے آنرز دا پروگرام شروع تھی گئے جیندے وچ ایف اے تُوں چار سال بعد ایم اے تھی ویندے۔ میکوں شوق تھیا جو بی اے آنر وچ داخلہ گھناں۔ ابے دے شوق دے مطابق ’’اٹھیون بہون‘‘ دا ݙا سکھاں، چنگی تعلیم تے چنگی نوکری تے راہ لگاں تے اماں دا بھار ونݙاواں۔ اماں میݙا خرچہ چاون واسطے تیار تھی گئی۔ میکوں یونیورسٹی وچ داخلہ مل گیا تے بہوں ترلے منتاں توں بعد ہوسٹل وچ کمرہ وی مل گیا۔ اماں میکوں مہینے دے 125روپے بھجیندی ہائی۔ 70روپے میس دے خرچے تے ویندے ہن 30روپے کمرے دے کرائے تے باقی 25روپے وچ چاہ ،پانی، دھوبی، بس دا کرایہ سبھ دا خرچہ پورا تھیندا ہائی کݙاہیں لوڑ وی تھوڑ نہ پئی۔ تے اماں توں کݙانہہ ہک پیسہ وی ودھ نہ منگیا۔ 

میݙی نوجوانی دا سبھ توں اوکھا تے اماں دے حوصلے، ہمت تے دانائی دے امتحان دا سبھ توں کڑوا ویلا میݙے یونیورسٹی وچ داخلے بعد شروع تھیا۔ میں یونیورسٹی ایہہ سوچ کے آیا ہم جو میں سدھی پڑھائی کریساں۔ ہوسٹل توں ݙیپارٹمنٹ تے ݙیپارٹمنٹ تو ہوسٹل ویساں۔ پورے وقت وچ ایم اے کریساں نے نوکری شروع کرکے اماں دا بھار اپنے سر تے چا گھنساں۔ پر ایویں تھیا نہ یونیورسٹی آون تے کجھ مہیناں بعد میݙے جماعتیاں وچوں کجھ نیں میکوں علم، ادب تے سوجھ سوجھلے دے ناں تے سیاست ول چھکنا شروع کیتا۔ میݙا ابا اپنے کالج دے زمانے وچ شیعہ توں سنی تھی گیا ہائی، تے جماعت اسلامی دے اگونہے کارکناں تے لیݙراں دی صف وچ شامل تھی گیا ۔ تے میں اونہی عمر وچ کیمونسٹ سیاست وچ پیر دھر کے ابے دی ریت کو چھوڑ ݙتا۔ ماملہ صرف سیاسی بحث، مباحثے، دانشوری تے چاہ دی پیالیاں وچ فکر دے منارے کھڑے کرن تے رہوے ہا تاں کوئی ہرج نہ ہا۔ میں اوں تھوک وچ رل گیا جنہاں دا دعویٰ ہا خاب ایہہ جو اساں بندوق دی نالی نال سرمایہ دار ریاست کوں ملیا میٹ کرݙیونے۔ بندوق چاون دا ویلا خبرے کݙن آوے ہا ، پر پنجاب یونیورسٹی نیو کیمپس وچ اساں ݙانگ سوٹے تے مارکٹ دی سیاست دے پھیر وچ آگئے۔ مذہب توں بغاوت ، بھیڑ تے بھن تروڑ دے نال نال جیون رنگ وچ بئی بہوں سارے تبدیلیاں آون لگ گئے۔ جماعت اسلامی دے ہک وݙے لیݙر صاحب ملتان تو لہور آئے تاں اوہناں پنجاب یونیورسٹی نیو کیمپس دا چکر لایا ۔ میں نیو کیمپس کیفے ٹیریا دے لان وچ بیٹھا ہم۔ دیگر ویلا ہئی لان وچ چھی کرسیاں دائرے وچ لگے ہوئے ہن اتفاق نال پنج جوان چھویریں بیٹھے ہن تے چھیویں کُرسی تے میں ہم۔ ایہو جیہا اعزاز میکوں عام طور تے حاصل ناہی تھیندا ۔ میں ادب تے عقیدت دے اظہار واسطے اپنی کرسی تُوں اٹھا۔ بزرگ کوں سلام کیتا، ہتھ ملایا گل نال لایا ݙوترے گالھیں کیتے تے ول واپس جواں تے حسین چھویریں دے جھرمٹ وچ بہہ گیا۔ میݙی ایہہ حرکت اونہاں دی نظر وچ خونیں انقلاب توں وی زیادہ خطرناک ہئی، اوہنا نیں دل وچ بہوں برا منایا۔ واپس ولے تاں اماں کو شکایت بھیجی اماں نیں ہمیشہ دی طرحاں ایں فکر نامے کوں سجے کنوں سنیا تے کھبے کنوں کݙھ ݙتا۔ 

فون اوں زمانے وچ پورے ہوسٹل وچ ہک ہوندا ہائی۔ اوہناں ݙیہاں وچ ملتان وچ ساݙے گھر وچ فون نہ ہوندا ہائی۔ خط میں مہینے وچ ہک واری ہی لکھدا ہم جݙن مہینے دا آخری ہفتا ہوندا ہائی۔ اپنی خیر دی خبر اماں کو بھجیندا ہم۔ تاں جو اگلا منی آرݙر میݙے ناں روانہ تھی ونجے۔ ایہ وی ہر مہینے نہ تھیندا ہائی۔ پر اماں کوں اخباراں راہیں دی میݙے بارے خبراں پہنچدے رہندے ہن۔ کیمپس وچ کوئی رولا تھیوے ، بَھیڑ پوے ہا لوک پھٹڑ تھیون ہا تاں سجے تے کھبے پکھ دے جوان اخباراں وچ ودھ چڑھ کے خبراں لویندے ہن۔ ہک پاسے انقلاب دی فتح دا پرچار کرنا مقصد ہونا ہائی بئے پاسے اسلام کوں خطرے توں بچاون دا جہد۔ بعضے ویلے کجھ وی نائی تھیندا چھڑے خبراں لگدے ہن۔ ہک ایہو جہیں خبر لگی جو میں لڑائی وچ زخمی تھی کے ہسپتال داخل تھی گیاں ہاں۔ اماں نے فون تے رابطے دی کوشش کیتی میݙے نال رابطہ نہ تھیا۔ ملتان وچ لوکاں نے فکر تے ہمدردی دے فون ساݙے مامے دے گھر کرنے شروع کرݙتے۔ نانی نیں آکھا ونج پتردی خبر گھن۔ اماں سبھ کم چھوڑ کرایہ پَٹ، اوکھی سوکھی لہور پہنچ گئی ۔ میکوں بہوں ݙکھ تے شرمندگی تھئی۔ میں اماں دا ’’سٹݙی سرکل ‘‘گھدا تے سمجھایا جو ایہہ ’’آرمݙ پراپگینݙا ‘‘ہے۔ ایندا مقصد پراپگینݙے کوں ہتھیار دے طور تے ’’ورتنا ‘‘ہے جیویں میں رب کوں نیں منیندا ۔ او اخبار دی خبراں کوں نہ منا کرے۔ ساݙا نظریہ تاں سچ اے پر اخباردی خبراں وچ بہوں کچھ کوڑ وی ہوندا اے۔ اماں کوں اللہ دی ذات تے ہمیشہ پورا بھروسہ رہیا۔ ایںواقعہ توں بعد میں اخبار خبراں لواون وچ بہوں احتیاط کیتی تے اماں نے میݙی سلامتی اللہ تے چھوڑ ݙتی ۔ تے ول ایں طرحاں دے کیں ماملے وچ لہور دا چکر نہ لایا ۔ 

میں ایہناں ݙیہاں وچ آپنے تنظیمی کم دے حوالے نال فیصل آباد، سیالکوٹ ، ساہیوال، جوہر آباد، سرگودھا تے پنجاب دے ݙوجھے شہراں وچ چکر لیندا ہوندا ہم۔ کئی وار رات ݙو رات اپنے سنگتیاں دے گھر وی ٹکناں پوندا ہائی۔ ہک رات فیصل آباد وچ میݙے ݙھݙ وچ ادھی راتیں بلا دا درد پیا، ݙاکٹر آیا اوں نیں دوا ݙتی درد گھٹ گیا تے میں ولدا نندر تان کے سم گیا ، ہک ݙو واری ولدا ایویں تھیا ۔ یونیورسٹی دے ݙاکٹر کوں ݙکھایا تاں اوں نیں میکوں میئو ہسپتال معائنے واسطے بھیج ݙتا۔ میئو ہسپتال ونج کے پتہ لگا جو اپینݙکس دا درد ہے تے آپریشن تھیسی۔ میکوں اندازہ ہائی اماں کوں پتہ لگا تے اماں اتھاں آگئی تاں پچھوں میݙے بھین بھراواں دے سارے ماملیاں دی ذمہ واری گھنن والا کوئی نہ ہوسی۔ لہور آون دے رہون دا خرچہ انج۔ تے اماں تے بھین بھراواں دی پریشانی انج۔ میں اوں ویلے یونیورسٹی وچ اپنی بوا دے پتر دے نال ہی رہندا ہم میں اوں کوں اکھیا میݙے آپریشن دی خبر اماں کوں نہ پہنچے۔ خیر آپریشن تھی گیا ٹانکے لگ گئے کچھ ݙیہاں بعد عید ہائی عید تے میکوں گھر ونجنا پیا۔ گھر پہنچا تا میں ٹانکے آلے ݙھݙھ تے ہتھ رکھ کے پوڑھیاں چڑھدے لہندا ہم۔ اماں نیں ہک ݙو دفعہ میتھوں پچھیا ݙھݙھ تے ہتھ رکھ کے پولا پولا کیوں ٹردیں ۔ اخیر میکوں ݙسناں پیاں جو آپریشن تھئے ۔ اماں حیرانی نال آکھیا میکوں کیوں نہ ݙسیو۔ ایندا میݙے کول جواب کوئی نہ ہا۔ اماں نے مٹھی نراضگی نال میکوں ݙٹھا تے گالھ ختم تھی گئی۔ ایویں کئی دفعہ کوئی بیماری یا تکلیف ہووے ہاں تاں میں اماں توں لکاون دی کوشش کریندا ہم۔ اماں کو پتہ لگ ونجے ہا تاں میکوں بے وس ݙیکھ نا ہی سگدی۔ بہوں سالاں بعد میکوں گردے دے درد دی تکلیف شروع تھی گئی۔ میں درد دیاں چنگھاں منہ وچ ݙک کے رکھدا ہم، بعضے ویلے درد ودھن توں بعد گھٹناں شروع تھی ویندا ہائی۔ تے دوا داور یا ہسپتال دے پھیرے دی لوڑ نا ہی رہندی۔ ہک واری اماں نے میکوں درد وچ چنھگدا سن گھدا۔ رکشے وچ بلہایا تے اکھیس چل ݙاکٹر کولوں ونج کے درد دا ٹیکہ لگوا گھن، نال ونجن والا کوئی نہ ہائی۔ اماں آپ رکشے وچ میݙے نال بہہ گئی ݙاکٹر دے کلینک تے لمبی لائن ہائی اساں نشتر ٹر گئے نشتر ایمرجنسی وچ میݙا ہک جماعتی اوہناں ݙیہاں وچ ݙاکٹر ہائی اوں نیں میکوں ݙٹھا میݙے نال میݙی اماں کو ݙٹھا تو حیرانی نال اکھیوس اوئے اماں کوں نال گھن کے آگئیں؟ میں اوں کوں کیویں سمجھاوا ہا جو بال جیݙا وݙا وی تھی ونجے اماں اماں ای رہندی اے۔ 

یونیورسٹی وچ پڑھیاراں دے بَھیڑ تے مار کٹائی دے ݙینہہ لنگھدے پتہ وی نہ لگا۔ سارے اوکھی سوکھی گھاٹیاں پار کرن توں بعد میکوں ایم اے کریندے ای پنجاب یونیورسٹی وچ ریسرچ آفیسر دی نوکری مل گئی۔ پہلا سال مُکن توں پہلے ای گومل یونیورسٹی دے وائس چانسلر صاحب لیکچراراں دی تلاش وچ پنجاب یونیورسٹی پہنچ گئے۔ میں وی اپنا ناں امیدواراں وچ پوا ݙتا تے انٹرویو توں بعد میں گومل یونیورسٹی اکنامکس ݙیپارٹمنٹ دا ملازم تھی گیا۔ گومل یونیورسٹی وچ وی پنجاب یونیورسٹی دی طرحاں وائس چانسلر تے شعبے دے سربراہ میݙا رولا رپا برداشت کر گھندے ہن۔ اتھاں بہوں سارے لڑائیاں بہوں وݙے جوڑاں نال تھئے ۔ ساݙی شکایتاں بھٹو صاحب دی ݙیرے آمد تے اوہناں دے وفد وچ شامل مشیر کوں پیش کیتی گئی بعد وچ ݙپٹی کمشنر صاحب نیں اپنے دفتر وچ میݙی طلبی کیتی پر سبھ توں اوکھا ویلا حضرت ضیاء الحق صاحب دے حکومت تے قبضہ کرن بعد شروع تھیا۔ 

بھٹو صاحب دی پھانسی توں بعد میݙے تے میݙے کجھ سنگیاں تے لہور گلبرک تھانے وچ ’’مقدمہ بغاوت‘‘ ،’’اندیشہ نقص امن ‘‘تے مسلح افواج دے خلاف نفرت پھیلاون دا پرچہ درج تھی گیا۔ پولیس دا خیال ہائی جو اساں بہوں وݙی سازش تے تانے بانے وٹنے شروع کیتے ہن۔ ایں واسطے پولیس تے ’’خفیہ ‘‘ دے اہلکاراں نیں لہور وچ میݙے فلیٹ ، تے ملتان وچ میݙے گھر چھاپے مارے۔ میݙے بھرا کوں پکڑ کے تھانے وچ بند کرݙتا۔ تے ہک دہشت دا ماحول پیدا کرݙتا۔ میں یونیورسٹی توں غائب تھیا تاں انتظامیہ نیں اخبار وچ اشتہار ݙے کے میکوں ݙیوٹی تے حاضر تھیون دا فرمان جاری کیتا۔ ݙیوٹی توں غیر حاضر تھیون پاروں میݙی نوکری ختم تھی گئی۔ پولیس دی مخبری تے چھاپیاں دے ݙر توں میں گھر ونجنا بند کرݙتا۔ ایں زمانے وچ اماں نیں بہوں بے خوفی ، حوصلے تے محبت نال کم گھدا۔ تے میکوں سنیہا بھجوایا۔ اپناں خیال رکھیں گھر نہ آویں پولیس تے خفیہ کوں میں آپے سانبھ گھنساں۔ ایہہ لکن میٹی زیادہ دیر نہ چل سکی تے اخیر میں1980وچ پاکستان چھوڑ کے شمالی امریکہ چلا گیا۔ 

اگلے ست سال میں پاکستان تو ں باہر رہیا۔ نہ آونا ونجنا نہ فون تے گالھ وات۔ کݙاہیں کݙاہیں خط پتر دے راہیں دل دا حال ونݙ گھندے ہاسے۔ ایہہ بہوں اوکھے تے دل کݙھ گھنن آلے سال اماں نیں بہوںہمت تے حوصلے نال گزارے۔ کݙانہہ کوئی شکایت دا لفظ مونہہ توں نہ کݙھیا۔ اماں کوں تاں ایہو خوشی ہائی جو میں خیر نال ہاں۔ میݙے بھین بھرا کجھ کالجاں تے کجھ یونیورسٹیاں وچ پڑھدے پئے ہن۔ اوہناں دے خرچے وی ودھ گئے ہن۔ اوہناں کوں بہوں ماملیاں وچ صلاح مشورے دی لوڑ وی ہوندی ہائی ۔ پراماں واسطے ساݙی من مرضی دنیا دی سبھ توں قیمتی شے ہائی۔ تے ایں خزانے کوں محفوظ رکھن واسطے اوہ ہر قیمت ادا کرن کوں تیار ہائی۔ اماں دا دل ایں گالھ تے ٹھردا رہندا ہائی جو اوندے بال دنیادی ہوراں ہٹکاں توں نابر تھی کے چلدے ہن۔ جو دل کوں صحیح جا پے ہا اوں کوں مرشد منیندے ہن ۔اوں کوں ساݙے سچ دا اتنا یقین ہائی جتنا اپنے آپ تے۔ اوکھے سوکھے کرکے کینیݙ امریکہ وچ میں ست سال گزار گھدے تے پاکستان واپس آون دی تیاری شروع کرݙتی۔ 

گھر اندر اماں دا وجود ساݙے واسطے ایویںہائی جیویں دھمی دی من بھاوٹی ہوا ہووے ۔ایں واء دی ٹور نال پھلاں دے مکھ کھڑدے ہن، دھمی دا نور جاگدا ہے، سانجھڑے دا مشک پنگھردا ہے، ویلا اپنے سوہنے روپ وچ مسکاندا ہے، ہر شے نندر دا آلس بھن کے جاگ پوندی ہے۔ حسن دا سوجھلا ہر پاسے نظر آندا ہے پر دھمی دی وا جیڑی ایں سوہنی دنیا دے بوہے کھولیندی ہے آپوں نظر نہیں آندی۔ ہر رنگ وچ اوندا حسن نظر آندے پر اوہ آپوں نظر نہیں آندی۔ ایہو رشتہ میݙی ماں دا اپنے بالاں نال ہائی ہر اوکھے سوکھے ویلے۔ دل مونجھا ہووے ، کم اٹکے ہوئے ہوون اپنے سجناں، بیلیاں ، ملن ملان والیاں نال اُچی جھکی تھی ونجے۔ اماں دے نال آکے بہوناں ای کافی ہوندا ہائی۔ کجھ آکھے بنا دل دا غبار ہولا تھی ویندا ۔ دل دے پَھٹ مل ویندے ہن حوصلے ول جاگ پوندے ہن۔ 

اماں نیں ساݙیاں خوشیاں وچ ای آپنی خوشی ݙٹھی۔ ساݙے نظریے، سیاست، سنگتاں، سبھ اماں دے جیون ݙھنگ توں وکھرے ہن۔ پر اماں دے دل وچ ہر اُوں شے واسطے جاہ ہائی جیہڑی ساکوں بھاندی ہائی۔ میں اماں کوں کݙاہیں اداس، فکرمند یا مایوس ناہی ݙٹھا۔ ابے دے ونجن توں بعد دے کئی سالاں وچ امی ابے واسطے بہوں مونجھیندی ہائی۔ اساں نکے ہاسے ساݙے نال دل دا حال ونݙ ناہی سگدی۔ ذمہ داریاں دے ایݙے بھار اماں دے مونݙھیاں تے آپئے جو اُوں کوں سوچن دی ویہل وی نہ ملدی ہوسی۔ پر کیں کیں ویلے جیہڑے ویلے اماں کلہی ہوندی ہائی ۔ نیڑے تیڑے کوئی نظر نہ آندا ہائی تاں اماوں کو میں ہک شعر پڑھدے ہوئے سنیہا ہائی 

زندگی کی اداس راتوں میں اک دیا اب بھی ٹمٹماتا ہے 

اے تمنا اسے بھی گل کردے، ݙھل گئی رات کون آتا ہے 

شالا مسافر کائی نہ تھیوے 

ککھ جنہاں تھیں بھارے ہو 




#Article 417: امب مندر (381 words)


امب مندر (انگریزی: Amb Temples) سکیسر، خوشاب شہر، پاکستان اچ واقع اوہ منادر ہن جیہڑے ہݨ متروک تھی چکن۔ ایہ مندر سلسلہ کوہ نمک دے مغربی کناریاں تے واقع ہن۔ ایہ مندر تقریباً ستویں صدی عیسوی توں نانویں صدی عیسوی دے وسطی زمانے اچ تعمیر کیتے ڳئے جبکہ اُوں وقت ہندو کابل شاہی خاندان حکومت کریندا ہوندا ہئی۔

امب مندر، امب شریف گرانہہ دے قریب سلسلہ کوہ نمک تے وادی سون سکیسر دے پہاڑی سلسلے اچ واقع ہن۔ اِنہاں منادر دی طرز تے ݙوجھے ہندو منادر ٹلہ جوڳیاں تے کٹاس اچ وی موجود ہن۔

امب دے منادر اچوں ہݨ باقی ݙو ہن جیہڑے تقریباً اپݨی اصل ہیئت و ساخت اچ موجود ہن۔ وݙا مندر جیہڑا 15 تا 20 میٹر بلند ہے، ہک مربع نما پایہ ستون تے تعمیر کیتا ڳیا ہے۔ کابل شاہی عہد اچ تعمیر کیتے ونڄݨ والے تمام منادر مربع نما پایہ ستون تے تعمیر تھئے۔ ہݨ اِیں وݙے مندر دی ترئے منزلاں باقی رہ ڳن جنہاں تک رسائی کیتے  اندرونی جانب سیڑھیاں موجود ہن۔ ایہ مندر کشمیری منادر دی طرز تے تعمیر کیتا ڳیا ہے جیندے بیرونی چہار اطراف خوبصورت کشمیری طرز دے پھل تے نقاشی اٹ نال بݨائے ڳن ۔ داخلے دی محراب وی نقاشی دار ہے۔ بالائی سطح تے مندر دا تکون نما گوشہ کشمیری منادر توں مختلف ہے۔ امب مندر دی مشابہت دے ݙوجھے مندر کافرکوٹ اچ موجود ہن جنہاں دا طرز تعمیر تے معماری انداز بالکل ہکو جیہا ہی ہے۔ چھوٹا مندر وݙے مندر توں 75 میٹر مغرب دی جانب سلسلہ کوہ نمک دی ہک کھائی نال متصل واقع ہے۔ اِیندی بلندی 7 یا 8 میٹر ہے تے عمارت 2 منزلہ ہے۔ اِیں مندر اچ سیڑھیاں قدرے چھوٹے ہن لیکن اِیندا زیادہ تر حصہ منہدم تھی چکا ہے۔ سلسلہ کوہ نمک دے اِیں علاقے اچ منادر دی تعمیر دا کم سب توں پہلے کشان سلطنت دے عہد اچ شروع تھیا۔

انیہویں صدی عیسوی اچ انگریز برطانوی انجینئر الیگزینڈر کننگھم نے ایندا دورہ کیتا تے 1922ء توں 1924ء دی درمیانی مدت اچ اِیندی بحالی دا کم مکمل کیتا ڳیا جیندی نگرانی دیا رام ساہنی نے کیتی۔ مندر دے نودرات مختلف زمانیاں اچ لٹ گھدے ڳئے، بعد ازاں ایہ تاریخی نوادرات عجائب گھر، لاہور منتقل کر ݙتے ڳئے۔ ایہ منادر قانون مجریہ برائے تحفظ تاریخی عمارات و آثارِ قدیمہ 1975ء دے تحت محفوظ قرار ݙتے ڳن۔




#Article 418: امتیاز ظفر (270 words)


امتیاز ظفر صدر رل وسوں سرائیکی ادبی سنڳت ویرسی واہن تحصیل میلسی ضلع وہاڑی  دا سرائیکی زبان دا شاعر ہے۔

استادالشعراسئیں محمد ظفربھٹی صاحب خیرپورٹامیوالی

سوچ دے تھل دے نیڑے آڳۓ

مسئلہ حل دے نیڑے آڳۓ

ہݨ دشمن دا پک تھی ویسی

خنجر ڳل دے نیڑے آڳۓ

لہو دا ݙیوا بال محبت کرنی ہئی

تیں تاں میݙے نال محبت کرنی ہئی

چارݙیهاں دے بعد سجن تو چھوڑ ڳئیں

توں تاں کئ سوسال محبت کرنی ہئی

آکھیاھاتیں دور نه ویساں تیݙے توں

کن تے ڳئی او ڳاھل محبت کرنی ہئی

چھڑناپوسی چھڑسوں عشق دی سولی تے

راھسوں ھک ھر حال محبت کرنی ہئی

آھداھانویں یارظفرتوں رات ݙینھاں

بن سوھنی میھوال محبت کرنی ہے 

ہک جھوک تے ڈیرہ رکھوں ہا رل وسوں ہا

رل رووں ہا   رل ھسوں ہا   رل وسوں  ہا

ایں نفرت تاں بہوں ساڑے ہن گھروسدے ھوۓ

ایں نفرت  کولوں  بچوں ہا رل وسوں  ہا

توں آنویں ہا درساڈے تے کہیں ڈیہنہ دلبر

کہیں ذیہنہ تیں تے پھل سٹوں ہا رل وسوں ہا

رل گولوں ہا کجھ باب نویں کجھ خورل پیار دے چرکھے کتوں ہا  رل وسوں ہا

رل یار ظفر اتھ ڈیکھوں ہا رنگ ساول  دے

رل  وسدی  روہی تکوں ہا رل وسوں  ہا

چھوڑ نہ ساڈی جھوک وے سانول

کھلسن.  سارے.  لوک وے  سانول

کیڈا.      او کھا.     تیڈا.     میڈا

بنڑیا.  ھے   سنجوک. وے. سانول

گاوڑ    دے.  وچ   گھاٹا . ھوندے

کاوڑ.    اپنی  روک . وے.  سانول

نکڑے     لا دا. یار     ہاں.      تیڈا

کر نہ میں. تے ٹوک. وے.  . سانول

اوکھا.    پلدے.    پیار.   دا.   بوٹا

پالوں ڈوہیں. تھوک.  وے. سانول

ہک شعر
کہڑے موقعے چلاک تھئ ھاں سئیں
میں تے چپ اچ ہلاک تھئ ھاں سئیں




#Article 419: امجد کھوسہ تے عمران خان (357 words)


سردار امجد فاروق کھوسہ بنی گالہ ءچ عمران خان دی قدم بوسی کرنڑ پہنچے میڈے زھن ءچ انھیں دے فرزند ارجمند جیرھا مسلم لیگ نون دا سپورٹر تے ضلعی چیئر مین ھے ابا حضور پی ٹی آئ دا پتر نون دا یعنی ہتھ گھیؤ ءچ سر کڑھائ ءچ عوام تتے توے تیں ،خیر عوام ہے ایں ڈا دی جیرھی قوم خود کوں باشعور سمجھ کے انھیں لوکیں کوں تبدیلی دے ناں تیں ووٹ ڈتن اُو صرف میڈے جٹاکے سوالیں دے جواب ڈیون 
کیا ساڈے حلقے دے ایم این اے کوں یا ایم پی اے صاحب کوں پہلے کوئ بدھی رہیاء ھا یا انھیں کوں کوئ فنڈ نہ ملیا اگر ڈوُھائیں گالھیں کُوڑیاں ھن ول میڈے حلقے ءچ جیرھے ترقیاتی کم تھئین جنھیں دا تزکرہ ول ول اے لوک کریندے رہن او کینجھی ترقی ھے جیرھی اج تئیں نظر نیں آئ. 

میڈے تونسہ شریف دی قسمت ڈیکھو پہلے ایم پی اے صدر ممنون حسین وانگوں چُپ دا روزہ رکھی رہ ،مجال ھے کڈھائیں مرشد پاک عوام دے مسائل دو نظر کرم کیتی ھووے ،عوام باشعور پڑھی لکھی یونان صغیر دے ناں تیں دھبہ بڑنڑ آلی عوام اینجھی کاوڑ کڈھی ھے جو عثمان بزدار جھئیں کوں ایم پی اے دے تخت تیں ونج بلہائے نے عثمان بزدار جیرھا پہاڑ دے غریب بلوچیں دی ہر خوشی دا قاتل ھے جئیں ساری زندگی مفاد پرستی دی سیاست کیتی ھے جیرھا اج تئیں ٹرائیبل ایریا ءچ بنیادی سہولیات نیں پہنچا سگیا جئیندے تونسہ ڈی جی خان ،ملتان ،تے لاھور ءچ ذاتی گھر ہن او میڈے حلقے کوں ترقی ڈیویسی تُھک ہے تھاڈی تبدیلی کوں،ایم این اے وی ڈیٹھا بھالا  ہے سوغند ھے جو پہلے مسلسل اٹھ سال ءچ ایں لاوارث تحصیل دا کوئ قابل زکر کم کیتا ھووے،
اساں گردان کبوتر ہیں کھوسے تے خواجیں دے دوغزے مارو یا کُٹی بنڑا سٹو ،دانڑے سٹو یا بکھ مارو،اُڈسوں تھاڈی سیٹی تے ایھے ڈو کھوکھے ہن جتھاں ساڈی شروعات تے انتہا تھیندی ھے اساں بھانویں جتناں پریں اُڈ ونجوں ساڈی پرواز مثل شاھین ھووے پر سوچ جو غلام ھے لہسوں انھائیں دے پِڑ تیں پچھیں پتہ لگدے جو ساڈے حاکمیں ساڈے پر کٹ کے کھوکھے دی دری بند کر گئین اگلے پنج سال تک. 




#Article 420: امرت جوگی (430 words)


امرت جوگی سرائیکی زبان دا شاعر ہے۔

اساں گل بے خبرے گلشن دے آئے ہتھ مالی کولھ بازاریں وچ 

ہاسے غنچے غیر دا ہتھ نہ ہا نہ ہائی بھر تول بازاریں وچ

ایں روح دے بھنورے بھاوں کھادے تن تھئے بے شول بازریں وچ

اساں امرت گلشن چھوڑ ݙتے ساکوں اج کل گول بازاریں وچ

ساڈی آس دے پھل رنگ رنگلے کوں کوئ رت رنگین نگل گئی اے۰

اساں جیندیں موت دے مونہہ وچ ھاؤں سکھ سئیت سکون نگل گئی اے۰

کوئی چیز تاں ہے ساڈے جیونڑ دا جہڑا یار یقین نگل گئی اے۰

اساں امرت بار زمین تے ہائیں ساڈاں پیار زمین نگل گئی اے۰

کلام : امرت جوگی

دل دے اندر ولا تیر پوتا ہویا قطرے قطرے کوں تریمندا ڈیکھیندے ہاسے.

قطرے قطرے کوں ترتیب ڈے کے ولا لفظ الفت دا آکے لکھیندے ہاسے۰

چھٹی تھیوے جو ہا تیڈے بستے اندر خط ولا آپ ونج کے رکھیندے ہاسے.

رات ساری ولا جاگدیں جاگدیں خط دی ولدی دے بارے سوچیندے ہاسے۰

ڈینہہ تھیوے جو ہا تیڈی ولدی کیتے تیڈے رستے تے دیداں چا لیندے ہاسے.

ولدی کیا ہوندی ہائی کھلدیں کھلدیں ولا ڈوہیں ہک بئے کوں بھاکل چا پیندے ہاسے. 

ساڈی چاہت دا ہمراز ٹوبھا جو ہا بہہ کے ٹوبھے تے گالھیں کریندے ہاسے.

گالھیں گالھیں اندر لڑدیں لڑدیں ولا ڈوھیں ہک بئے تے پانڑیں سٹیندے ہاسے.

ڈوہیں کپڑے پوسا وسدے ساون اندر کیویں کاغذ دا بیڑاں تریندے ہاسے.

ایویں باغیں اندر کوکدیں کوکدیں نال کوئل کوں وی آ کوکیندے ہاسے.

کیویں پھلیں لبیں تے لا کے ولا کیویں بلبل کوں شانداں کریندے ہاسے.

کیویں تتلیاں پکڑ پا کرائیں بک اندر کیویں ہک بئے دے سر توں اڈیندے ہاسے.

کیویں پھلیں دے سہرے بنڑا کے سجن گل ہک بئے دے آ کے پویندے ہاسے.

سہرے پھلیں دے پا بانہیں گل وچ ٹھاہا کیویں ہک بئے دو تر تر تکیندے ہاسے.

یاد ہئی جانیاں ڈہہدیں ڈیہدیں ولا ٹھڈے ساہ ڈوھیں مل کے بھریندے ہاسے.

ٹھڈے ساہواں اندر دل دھڑکدا جو ہا ڈوھیں ہک بئے دے دل ہتھ رکھیندے ہاسے.

دل کوں وندلا کرائیں ساہ سلجھا کرائیں لا نبھاونڑ دے قصے چھیڑیندے ہاسے.

یاد ہئی جانیاں تھی بیتاب ول ڈوھیں ہک بئے تے سر آ رکھیندے ہاسے.

ڈوھیں ہک بئے دی جھولی اندر سم کرائیں انگلیں والیں دے وچ وی پھریندے ہاسے.

بے خطر ہاسے دنیا دی تلخی کولھوں کہیں دے سنڑدے ہاسے نہ سنڑیندے ہاسے.

اپنڑی مستی ہئی اپنڑیں بہاریں اندر اپنڑی چاہت دیاں پینگھاں رسیندے ہاسے.

ساکوں امرت زمانے دیاں نظراں لگیاں ساڈی چاہت داں پینگھاں سبھے گھل گیاں.

ڈٹھے بہوں دور ہک بئے توں تھی کے جدا توں اتھاں رل گیئوں میں اتھاں رل گیاں.

سئیں امرت جوگی




#Article 421: امرتسر (107 words)


امرتسر، مشرقی پنجاب دا ہک اہم تے قدیم ضلع اے جیہڑا سکھ مت دا سب توں مقدس شہر سمجھیا ویندا اے.امرتسر (Amritsar) (ہندی،  ਅੰਮ੍ਰਿਤਸਰ) (مقامی پنجابی تلفظ امبرسر وی ہے) بھارتی پنجاب دا ہک شہر ہے تے ہندوستان دی شمال مغربی ریاست (پنجاب) کے دار الحکومت، چندی گڑھ توں 217 کلومیٹر (135 میل) تے پاکستان دے شہر لاہور توں 28 کلومیٹر (17.4 میل) مشرق دی جانب واقع ہے۔ 2001ء دی مردم شماری دے مطابق اس شہر دی آبادی پندرہ لاکھ ݙسی ویندی ہے جبکہ تمام ضلع امرتسر دی آبادی قریباً چھتیس لاکھ بیان تھیندی ہے۔ امرتسر شہر وچ سکھ مت دا روحانی مقام ہرمندر صاحب واقع ہے۔




#Article 422: امریکہ (560 words)


ریاستہائے متحدہ شمالی امریکا دا ݙوجھا تے دنیا دا تریجھا (یا چوتھا) وݙا ملک ہے۔ اس دے شمال وچ کینیڈا، جنوب وچ میکسیکو، مشرق وچ بحر اوقیانوس تے مغرب وچ بحر الکاہل واقع ہن۔ ریاست ہائے متحدہ ہک وفاقی آئینی ریاست ہے تے اس دا دارلحکومت واشنگٹن ڈی سی ہے۔ 37 لاکھ مربع میل یعنی 96 لاکھ مربع کلو میٹر تے پھیلا ہویا اے ملک دنیا دا تریجھا وݙا ملک ہے جس وچ کل تریہہ کروڑ توں زائد لوگ آباد ہن۔

امریکی فوج، معشیت، ثقافت تے سیاسی اثر و رسوخ وچ انیہویں تے ویہویں صدی وچ ودھیا ہے۔ روس دے زوال دے بعد جݙݨ سرد جنگ ختم تھئی تاں امریکا دنیا دی واحد عالمی طاقت دے طور تے ظاہر تھیا تے ہݨ امریکا دنیا بھر وچ کھلم کھلا مداخلت کریندا پیا ہے۔

ریاست ہائے متحدہ امریکا دے عام ناواں وچ یونائیٹڈ سٹیٹس، یو ایس، یو ایس اے، دی یو ایس اے، دی یو ایس آف اے، دی سٹیٹس تے امریکا شامل ہن۔ امریکا ناں دا پہلا استعمال 1507ء وچ تھیا جݙݨ ہک جرمن نقشہ ساز نے گلوب بݨا کے جنوبی تے شمالی امریکی براعظماں کوں ظاہر کرݨ کیتے لفظ امریکا چݨا۔

امریکا کوں کولمبس دے حوالے نال کولمبیا دے ناں نال وی ڄاݨا ویندا ہئی اور 20 ویں صدی دے شروع تک امریکا دے دارلحکومت کوں کولمبیا وی آکھدے ہن۔ بعد ازاں اس دے استعمال کوں ختم کیتا گیا، لیکن ہݨ وی سیاسی طور تے کولمبیا دا ناں استعمال تھیندا ہے۔ کولمبس ڈے امریکا تے دیگر ممالک وچ عام تعطیل ہوندی ہے جو کولمبس دے 1492ء وچ امریکی سرزمین تے لہوݨ دے حوالے نال منایا ویندا ہے۔

کل رقبے دے لحاظ نال امریکا کوں دنیا دا تریجھا وݙا ملک منا ویندا ہے تے انفرادی رقبے دے لحاظ نال وی روس تے کینیڈا دے بعد اس دا تریجھا نمبر ہے۔ اس دا زیادہ تر کٹھا حصہ مشرق وچ بحر اوقیانوس نال جڑا ہے تے مغرب وچ شمالی بحرالکاہل موجود ہے، میکسیکو تے خلیج میکسیکو جنوب وچ ہن تے کینیڈا شمال وچ ہے۔ الاسکا دے سرحداں وی کینیڈا نال ملدے ہن تے بحرالکاہل اس دت جنوب وچ ہے تے بحر شمالی اس دے شمال وچ ہے۔ الاسکا دے مغرب وچ بیرنگ سٹریٹ یعنی بیرنگ نامی تنگ سمندری پٹی دے پار روس موجود ہے۔ ہوائی دی ریاست بحر الکاہل وچ جزائر دی پٹی دی صورت وچ موجود ہے جو براعظم شمالی امریکا توں جنوب مغرب دی طرف ہے۔

امریکی سرزمین وچ خصوصاً مغرب وچ بہت زیادہ فرق پایا ویندا ہے۔ شمالی ساحل تے ساحلی میدان پائے ویندے ہن جو جنوب وچ وسیع تے شمال میں تنگ تھیندے ہن ویندے۔ ساحلی پٹی نیو جرسی دے شمال وچ ختم تھی ویندی ہے۔ بالکل جنوب مشرق وچ فلوریڈا ہے جو دلدلی میداناں دی سرزمین ہے۔

اپݨے وݙے تے وسیع رقبے دی وجہ نال ریاست ہائے متحدہ وچ دنیا دے ہر خطے دا موسم پایا ویندا ہے۔ زیادہ تر علاقے معتدل ہن، ہوائی تے جنوبی فلوریڈا وچ موسم منطقہ حارہ جیہا ہے، الاسکا وچ قطبی، گریٹ پلینز وچ نیم بارانی ہے، کیلیفورنیا دے ساحل تے بحیرہ روم دے ممالک جیہا تے گریٹ بیسن وچ خشک ہے۔ اس ملک دے نسبتاً فیاضانہ موسم نے اینکوں ورلڈ پاور بݨݨ وچ اہم کردار ادا کیتا ہے کیونکہ اس دے زیادہ تر زرعی علاقے وچ خشک سالی کم کم ہوندی ہے، سیلاب محدود علاقے تک رہندا ہے تے زیادہ تر معتدل موسم ہے جتھاں مناسب حد تک بارش وی تھیندی ہے۔




#Article 423: امریکی ڈالر (163 words)


ڈالر بہت سارے ممالک دی زرِ مبادلہ (کرنسی) ہے جیندے اچ خود امریکہ وی شامل ہے۔ امریکی ڈالر دی موجودہ قمیت تقریباً 142 پاکستانی روپے توں زیادہ ہے۔ جنہاں ممالک دی کرنسی ڈالر دے نال وابستہ ہوندی ہے تے اوہ ڈالر کوں معیاری سکہ فرض کرکے بین الاقوامی تجارت کریندن، انہاں کوں ڈالری ممالک آہدن۔ جنہاں ممالک دی کرنسی انگریزی پونڈ دے معیار دے مطابق گھٹدی ودھدی ہے انہاں کوں سٹرلنگ ممالک آہدن۔ عام طور تے عددی رقم توں پہلے لکھیجݨ والی علامت $ امریکی ڈالر کیتے استعمال کیتی ویندی ہے۔ اے علامت اٹھارویں صدی دے کاتب مخفف ps دے ارتقا دا نتیجہ ہے جیہڑی پیسیاں کیتے استعمال تھیندی ہئی۔ P تے S نے بالآخر ہک ݙوجھے دے اتے لکھیجݨ نال $ دی علامت کوں جنم ݙتا۔ 21 اپریل 2010ء کوں 100 ڈالر دے نویں امریکی کرنسی نوٹ دی تصویر جاری کر ݙتی ڳئی ۔ ایہ نوٹ جعلی چھاپݨا بہت ہی مشکل ہے تے ایہ نوٹ فروری 2011ء توں استعمال تھیوݨا شروع تھئے۔




#Article 424: امن دی لوڑ (335 words)


انھیں کوں ہک پاسے کرو، اے ساڈا ناں اُچا کر آین، انھیں بندوخاں، تلواراں تے جنگی اوچھنڑ مخلوق کوں ڈکھالین، اتے دیواراں تے انگریزاں دی ونڈی(دان کیتی) ریاست دے نعرے چھاپین، لوکاں کوں ڈسیندے رہین جو میں بہوں کرخت آں، میڈا رعب لوکاں دے دلاں اچ بلہاونڑ آلے انھیں مقدس پھوت دیاں پگوں کوں سونے دے تھاواں اچ آب کوثر ڈتا ونجے، بے روزیتیں کوں کھاونڑ پیونڑ تیں لعن طعن کرنڑ آلے اے میڈے مومن، ہر مرتد اتے میڈے وجود دے ہر انکاری نال آڑو بک تھئے رہین، میں انھیں کوں کوئی سرٹیفیکیٹ نہ ہا ڈتا نہ ہی انھیں دی خلافت دا کوئی نوٹیفکیشن کڈھیا ہا، ولا وی انھیں او ذمہ داری پوری کیتی اے، انھیں غریباں کوں اے آکھ تے جو تساں اوندی مرضی دے مطابق غریب او، مقدر تہاڈی روٹی ٹِکی کھس گئے، انھیں کوں مطمئن کیتے تے انھاں کوں کفر توں بچا گھدے، اے ڈاڈھے چنگے لوک ہن، انھاں کوں ہمیش دی سکھی اتے شانت حیاتی مبارکھ ہووے۔

تے ایبی پارٹی کوں کھبے پاسے کھڑاؤ، انھیں بندوخاں، تلواراں چا کے عوام دے ایمان اچ اضافہ کیوں نئیں کیتا؟
انھیں لوکاں کوں انھیں دیاں رسومات توں کیوں نہیں روکیا؟
انھیں ریاست دے نعرے کندھوں اتے کیوں نئیں چھاپیے؟
حلال پرندیں دا شکار جرم کیوں سمجھدے ہن؟
اے خون دی ٹیپی ڈھاونڑ تے اتلا ارمانی کیوں تھیندے ہن ؟
اے وڈے بے غیرت لوک ہن، جھمراں لیندن اتے گاونڑ آھدن ہر قسم دا کنجرپ انھیں دیاں نساں اچ رچیا کھڑے۔
اے شیطان دے نال سڑسن، انھیں کوں شیطان آلے پاسو کھڑاو؟
شیطان کتھ ہے ؟ سارے لبھنڑ لگے۔۔۔۔؟
او تاں کینی۔ شیطان تاں ہک افسانہ ہا۔
ظلم، جبر تے تشدد اے لوک شیطان دا ناں استعمال کر کے خود کریندے ہن تے ڈوہ شیطان تے ڈیندے ہن، اتھاں کوئی شیطان کینی۔۔۔!
دروازہ کھڑکیا تے ملاں دی اکھ کھل گئی، آکھیس ایویں تاں ایویں سہی اگلے خاب اچ انھاں کھبے پاسے آلیاں کوں دوزخ اچ پجا کے اکھ کھولیساں۔۔۔۔!

تیڈی اکھ کینا کھلسی۔۔۔

تیڈا خاب ادھورا راہسی۔۔۔

صرف ادھورا نہ

بلکہ کوڑا راہسی

(مظہر حسین)




#Article 425: امیتابھ بچن (302 words)


امیتابھ بچن دا پیدائشی ناں انقلاب شری واستو ہے تے اے 11 اکتوبر، 1942ء کوں ﺑﮭﺎﺭﺕ دﯽ ریاست اتر پردیش اچ پیدا تھیوݨ والے بھارتی اداکار ہن۔ انہاں کوں ابتدائی مقبولیت 1970ء اچ ملی تے اڄ انہاں دا شمار بھارتی فلمی صنعت دی تاریخ دی معروف ترین ہستیاں اچ تھیندے۔

اپݨے اداکاری دے سفر دے دوران انہاں نے کئی وݙے ایوارڈ حاصل کیتے جنہاں اچ ترئے نیشنل فلم ایوارڈ تے ٻارہاں فلم فیئر ایوارڈ شامل ہن۔ انہاں دے کول سب توں زیادہ دفعہ بہترین اداکار نامزد تھیوݨ دا اعزاز  ہے۔ اداکاری دے علاوہ بچن ہوریں گلوکاری، پیش کار تے میزبانی وی کریندے ریہے ہن۔ 1984ء توں 1987ء تک اوہ بھارتی پارلیمان دے رکن منتخب تھئے۔

امیتابھ بچن دی شادی اداکارہ جیا بہادری نال تھئی۔ انہاں دے ݙو ٻال ہن شوئیتا نندا تے ابھیشیک بچن۔ ابھیشیک وی فلم اداکار ہن تے بھارتی اداکارہ ایشوریا رائے نال رشتہ ازدواج اچ منسلک ہن۔ ﺳﻮ توں ﺯﺍﺋﺪ ﻓﻠﻤاﮞ اچ ﺍﺩﺍﮐﺎﺭﯼ دے ﺟﻠﻮﮮ ݙکھاوݨ ﻭﺍﻟﮯ ﺍﻣﯿﺘﺎبھ اڄ وﯽ ﻣﺪﺍﺣاﮞ دﮯ ﺩﻟاﮞ تے ﺭﺍﺝ ﮐریندن۔ ۔ﺍنہاﮞ ﻧﮯ ﻓﻠﻤﯽ ﮐﯿﺮﯾﺌﺮ دﺎ ﺁﻏﺎﺯ ﺳﻦ ﺍنیہہ ﺳﻮ ﺍﻧﮩﺘﺮ اچ ﻓﻠﻢ سات ﮨﻨﺪﻭﺳﺘﺎﻧﯽ توں کیتا جیندے اچ ﺍنہاں کوں ﭘﮩﻠﮯ ﻧﯿﺸﻨﻞ ﺍﯾﻮﺍﺭﮈ نال ﻧﻮﺍﺯﺍ ڳیا۔ ﺍیندے ﺑﻌﺪ ﺍنہاﮞ ﻧﮯ ﮐﺌﯽ ﮐﺎﻣﯿﺎﺏ ﻓﻠﻤاں ﺍپݨی ﺍﺩﺍﮐﺎﺭﯼ دے ﺟﻮﮨﺮ ݙﮐﮭﺎ کے ﻣﺪﺍحاﮞ دے ﺩﻝ ﺟﯿﺖ گھدے۔  ﺑﮭﺎﺭﺗﯽ ﻓﻠﻢ انڈﺳﭩﺮﯼ اچ ہݨ تک ﺑﮩﺘﺮﯾﻦ ﺍﺩﺍﮐﺎﺭ دے ﻃﻮﺭ تے ﺳﺐ توں ﺯﯾﺎﺩﮦ ﺍﯾﻮﺍﺭﮈﺯ ﺣﺎﺻﻞ ﮐﺮݨ دا ﺍﻋﺰﺍﺯ ﺍیں ﺳﭙﺮ ﺍﺳﭩﺎﺭ ﮐﻮں ﮨﯽ ﺣﺎﺻﻞ ﮨﮯ۔ ﺍیندے ﻋﻼﻭﮦ ﺍنہاﮞ نے ﮐﺌﯽ ﻧﯿﺸﻨﻞ، ﻣﻌﺎﻭﻥ تے ﺩﯾﮕﺮ ﺍﯾﻮﺍﺭﮈﺯ وی ﺣﺎﺻﻞ ﮐیتے۔ ﺍﻣﯿﺘﺎبھ ﺑﭽﻦ  ﺍﺩﺍﮐﺎﺭ دے ﻋﻼﻭﮦ ﭘﺮﻭﮈﯾﻮﺳﺮ، ﭨﯽ ﻭﯼ ﮐﻤﭙﯿﺌﺮ، ﭘﻠﮯ ﺑﯿﮏ ﺳﻨﮕﺮ تے ﺍﻧﮉﯾﻦ ﭘﺎﺭﻟﯿﻤﻨﭧ دے ﺭﮐﻦ وی ریہے ہن۔ ﺍنہاں دی ﻣﺸﮩﻮﺭ ﻓﻠﻤاں اچ ﺷﻌﻠﮯ، ﺷﮩﻨﺸﺎﮦ، ﻻﻭﺍﺭﺙ، قلی، ﺍﮔﻨﯽ پتھ، ﺧﺪﺍ ﮔﻮﺍﮦ، ﮨﻢ، ﺍﻧﺴﺎﻧﯿﺖ، ﮐﺒﮭﯽ ﺧﻮﺷﯽ ﮐﺒﮭﯽ ﻏﻢ، سوریاونشم، شرابی، نمک حلال، نصیب،  ﻣﺤﺒﺘﯿﮟ تے سرﮐﺎﺭ ﺭﺍﺝ ﺷﺎﻣﻞ ہن۔ 




#Article 426: امیر تیمور (240 words)


امیر تیمور جیہڑا (تمر لین)تیمور لنگ دے ناں نال وی مشہور ہئی، (پیدائش: 1336ء، وفات: 1405ء) تیموری سلطنت دا بانی تے تاریخ عالم دا ہک عظیم جنگجو حکمران ہئی۔ تیمور دے استاد دا ناں علی بیگ ہئی۔ آکھا ویندے کہ استاد علی بیگ اپݨے طالب علماں کوں سبق یاد کراوݨ کیتے ݙنڈے دا استعمال کریندے ہن لیکن انہاں نے کݙہیں وی تیمور کوں نہ مارا کیونکہ تیمور ہمیشہ اپݨا سبق یاد کر گھندا ہئی۔ ہک ݙینہ علی بیگ نے تیمور دے والد کوں سݙا کے آکھا کہ ایں ٻال دی قدر ڄاݨ، ایہ نا صرف ذہین تے ݙوجھے ٻالاں توں بہت اڳاں ہے بلکہ ایندے وچ ناقابل یقنین صلاحیتاں ہن۔ تیمور نے ترئے سال وچ قرآن حفظ کر گھدا ہئی گویا صرف ݙاہ سال دی عمر وچ اوہ قرآن دا حافظ بݨ چکا ہئی۔

تیمور ہک ترک منگول قبیلے برلاس توں تعلق رکھڈا ہئی۔ چنگیز خان تے امیر تیمور ݙوہاں دا جد امجد تومنہ خان ہئی۔ تیمورلنگ دا تعلق سمرقند نال ہئی۔ اوہ سمرقند دے قریب ہک گرانہہ ’’کیش‘‘ وچ پیدا تھیا۔ ایندے والدین معمولی درجے دے زمیندار ہن۔ تیمور دریائے جیحوں دے شمالی کنارے تے واقع شہر سبز (جینکوں کش وی آہدن ) 1336ء وچ پیدا تھیا۔ ایہ علاقہ اوں وقت چغتائی سلطنت وچ شامل ہئی جیہڑی زوال دی منازل طے کریندی پئی ہئی ۔ چغتائی حکمران بے وس تھی چکے ہن تے ہر جگہ منگول تے ترک سردار اقتدار حاصل کرݨ کیتے ہک نال لڑدے پئے ہن ۔




#Article 427: امیر راول (379 words)


امیر راول سرائیکی زبان دا شاعر ہے۔

ہک واری کریں ہا توں پیار سانولا

زندگی دا نئیں اتبار سانولا

دل وچ نت ہکا خت خت ہوندی اے

زندگی دے ہن ڈینہہ چار سانولا

پیار تیڈا زندگی دے راہ ڈکھلیندا ہے

سک تیڈی ڈیندی ساکوں مار سانولا

دل نہ ڈکھاوے جیرھا اوندی ایں جگ تیں

لگدی ہے بیڑی ونج پار سانولا

ویندی واری ہک واری ہاں ساڈاٹھاری ونج

ساڈا ہیویں ہکو ہاں ٹھار سانولا

ہک واری کیا اساں ہر ہر واری ہیں

تیڈے نانویں اساں چودھار سانولا

ہک واری راول توں کر آ دوا ونج

اساں ہیں مونجھیں دے بیمار سانولا

امیر راول

ہتھو چھٹکین جڈاں وی تھاں ولا آکھیئے میں بسم اللہ

کہیں چاتا ہے تیڈا ناں ولا آکھیئے میں بسم اللہ

میں تیکوں جان سمجھا ہے میں تیکوں خان سمجھا ہے

ڈتی تیکوں جڈاں ہے دھاں ولا آکھیئے میں بسم اللہ

ہجر دی دھپ تے گزری ہے حیاتی میڈی ہنڑ تونڑیں

ملی تیڈی جڈاں ہے چھاں ولا آکھیئے میں بسم اللہ

میں کہیں توں زیرکیاتھیواں میں کہیں توں زیرکیوں تھیواں

جڈاں سمجھے میں زندہ ہاں ولا آکھیئے میں بسم اللہ

جڈاں اکرس دے موسم وچ گھلی ہے ہیل پوربھ دی

ہوا گزری ہے کر کے شاں ولا آکھیئے میں بسم اللہ

جڈاں راول محبت دے سلیقے آئے توں نکھڑیا ہئیں

جڈاں آکھیئے تیں گانونڑ گاں ولا آکھیئے میں بسم اللہ

امیر راول

حقیقت حیاتی دی چس چانوݨیں ہے

اساں فائدے بھل کیں اے کس چانوݨیں ہے

اساں ہک قسم چا کے ٹردے ہیں ویندے

شروع چانوݨیں ہے نہ بس چانوݨیں ہے

اساں سک سمندر وسائے سینے اندر

تھلاں توں ہمیشاں ای تس چانوݨیں ہے

نکھیڑے دے سنگ بھوگ کرݨاں نئیں جیوݨ

اساں رس کے ماہیا رس چانوݨیں ہے

محبت کہانی لکھیندے ودے ہیں

قلم چانوݨیں ہے تے مس چانوݨیں ہے

تیڈی تاں محبت ہے بے انت راول 

چلو ڈھیر نہ سہی خس چانوݨیں ہے

امیر راول

یار جے بݨاوں سوہݨیں ڈھیر ودے ہن

آسے پاسے ساڈے چوپھیر ودے ہن

چمدے ہیں بھوئیں اوہا سر سٹ کیں

جیرھی بھوئیں اتیں تیڈے پیر ودے ہن

ونجلی وجیندے ودے رانجھے ہر پاسے ہن

ہیر کیتے چھیڑی مال کھیر ودے ہن

زبر آکھوں تیکوں اساں کوڑ ساڈا کائنی

باقی سوہݨیں تیڈے کولوں زیر ودے ہن

راول ہے دیوانہ دل ہکے تیڈے پیار دا

آس والی بیر اتے بیر ودے ہن

امیر راول




#Article 428: امیر عباس ہاشمی (108 words)


امیر عباس ہاشمی چیف ایڈیٹر سلسلہ وارسرائیکستان رحیم یارخان۔خان بیلہ لیاقت پور دے رہائشی ہن۔
 
ایندے علاوہ سوشل میڈیا تے سرائیکی کاز دے حوالے نال خاصے متحرک ہن. سرائیکی کاز دے علاوہ روحانیت دا وی خاصا علم رکھدن. سوشل میڈیا دے سرائیکستان فورم دی ویب سائٹ وی بݨائی نیں.

روحانیت دا وی خاصا علم رکھدن۔ قسمت دا حال، زائچہ، علم جفر، علم نجوم دے نال لوکاں کوں ݙسیندے ہن۔ تے ضرورت منداں کوں تعویذ وی ڈیندن۔ مختلف واقعات تے معاملات بارے پیش گوئیاں وی کریندن۔

سرائیکی نیشنل پارٹی دے عہدیدار ہن۔روزنامہ خبریں دے رویے تے سخت مؤقف رکھدےہن۔ ضیا شاہد دے خلاف عدالت اچ فوجداری کیس وی کیتاہا۔




#Article 429: امیر عبدالرحمٰن اول بن معاویہ بن ہشام (527 words)


عبد الرحمن اول (عربی: عبد الرحمن الداخل) اندلس وچ امارت امویہ دا بانی ہئی جیہڑا 756ء توں 788ء تک اندلس وچ حکمران ریہا۔ او 731ء وچ پیدا تھیا۔ 756ء وچ عبد الرحمٰن الداخل خلافت عباسیہ کوں نظر انداز کر کے امارت قرطبہ فا ایک خود مختار امیر بݨ ڳیا۔پیدائش دمشق وچ  سنہ 731ء دی اے تے وفات قرطبہ شہر وچ سنہ 788ء وچ ( عمر 56–57 سال) تھئی. 

عبد الرحمن خلافت بنو امیہ دے 10ویں خلیفہ ہشام بن عبدالملک دا پوترا ہئی۔ جݙݨ عباسیاں نے دمشق تے قبضہ کرکے خلافت امویہ دا خاتمہ کیتا تاں اوں وقت عبد الرحمن اول دی عمر 20 سال ہئی۔ او عباسیاں دے ہتھوں خاندان امویہ دے قتل عام وچ بچ ونجݨ والا واحد فرد ہئی۔ او تے ایندے بھرا یحییٰ نے محل توں فرار تھی کے صحرا وچ ہک بدوی قبیلے دے کول پناہ گھن گھدی۔ اس دوران عباسی اپنے حریفاں کوں بے رحمی نال قتل کریندے ریہے تے انہاں ݙوہاں بھراواں دء تلاش شروع کر ݙتی۔ ایں دوران انہاں نے عبد الرحمن تے یحییٰ دا  پتہ وی چلا گھدا  پر او ݙوہیں بھرا فرار تھی گئے تے دریائے دجلہ وچ ترپ گئے۔ عباسی سپاہیاں نے واپس آوݨ تے امان ݙیوݨ دا وعدہ کیتا جیندے تے یحییٰ انہاں دے آکھݨ تے یقین کرکے دریا وچوں نکل پیا تاں عباسیاں نے اونکوں فوراً ہی قتل کر ݙتا جبکہ عبد الرحمن تر کے دریائے دجلہ عبور کرگیا تے بعد ازاں شام تے فلسطین توں تھیندا ہویا شمالی افریقہ پہنچ کے عباسیاں دی دسترس توں باہر تھی گیا۔

خلافت بنو امیہ دے خاتمے دے بعد افریقہ دے صوبیاں وچ مقامی سرداراں نے حکومتاں قائم کرگھدیاں ہن۔ سلطنت امویہ دے اے سابق امیر امویاں تے عباسیاں ݙوہاں کولوں آزادی چاہندے ہن اس واسطے عبد الرحمٰن کوں انہاں دی جانب توں زندگی دا خطرہ لاحق ہئی تے اوہنے مزید مغرب دی جانب فرار تھی کے ماریطانیہ وچ بربر قبیلیاں دے کول پناہ گھن گھدی.

ابتدا وچ عبد الرحمن اپݨے حمایت یافتہ افراد نال مشورے دے معاملے وچ خطرات دے باعث محتاط ہئی۔ امیر یوسف نے مذاکرات دے آغاز وچ عبد الرحمن کوں زمین تے اپنی ہک دھی نکاح وچ ݙیوݨ دی پیشکش کیتی۔ عبد الرحمن زیادہ دی امید لائی بیٹھا ہئی لیکن او دباؤ دے باعث اے پیشکش قبول کرݨ دے قریب ہئی کہ امیر یوسف دے ہک اندلسی پیغام رساں دی عبد الرحمن دے ہک حامی عبید اللہ نال جھڑپ تھی گئی۔ اپݨی بہترین عربی لکھݨ دی صلاحیت تے ٹوکݨ تے عبید اللہ نے ایں پیغام رساں تے حملہ کر ݙتا جیندے  باعث عبد الرحمن دا یوسف نال تصادم ناگزیر تھی گیا۔

عبد الرحمن دا طویل دور حکومت عرب تے بربر باشندیاں دی بغاوتوں دیخلاف جدوجہد کرݨ وچ  گزرا جنہاں دی اکثریت آزادی چاہندی ہئی۔ 763ء وچ عبد الرحمن نے اپݨے دار الحکومت دے قریب وی انہاں باغیاں نال جنگ لڑی جیہڑے عباسیاں دی حمایت کریندے ہن ۔ اوہنے فیصلہ کن فتح حاصل کیتی۔ آخری سالاں وچ عبد الرحمن نے کئی محلاتی سازشاں کوں وی کچلا۔ اوہنے فن تعمیر دے نادر شاہکار مسجد قرطبہ دی بنیاد رکھی جس دی تعمیر اوندے پتر تے جانشیں ہشام اول دے دور وچ بھی جاری رہی۔ اوہنے جیں حکومت کوں قائم کیتا وہ 1031ء تک ہسپانیہ تے قائم رہی. 




#Article 430: امیر عبدالرحمٰن سوم بن محمد (201 words)


عبد الرحمن الناصر (912ء توں 929ء تک بحیثیت امیر تے 929ء توں 961ء تک بحیثیت خلیفہ) اندلس وچ خلافت امویہ دا سب توں مشہور حکمران ہئی جیہڑا عبد الرحمن الثالث تے عبد الرحمن اعظم دے ناواں نال وی بھی معروف اے.تخت نشینی17 اکتوبر 912 (عمر 21) کوں بطور امیر دے تھئی تے 929ء وچ خلیفہ دا لقب اختیار کیتس. پیدائش 11 جنوری 889ء دی ہس. وفات 15 اکتوبر 961ء 72 سال دی عمر وچ قرطبہ وچ تھئی. ایندا مسلک اہل سنت (مالکی فقہ) اے.

عبد الرحمن صرف ہک طاقتور حکمران ہی نہ ہئی بلکہ او بڑا لائق، عادل تے رعایا پرور بادشاہ ہئی۔ اس دے زمانے وچ حکومت دی آمدنی ہک کروڑ ویہہ لکھ دینار ہعی۔ اس وچوں ہک تہائی رقم او فوج تے خرچ کریندا ہئی تے باقی کوں وقت ضرورت کم آوݨ واسطے خزانے وچ جمع کر ݙیندا ہئی۔

اس دے عدل و انصاف دا اندازہ اس ڳالھ توں لڳ سڳدے کہ ہک مرتبہ اس دے پتر نے بغاوت کیتی۔ جݙݨ او گرفتار کر کے گھنایا گیا تاں عبد الرحمن نے اس کوں موت دی سزا ݙتی۔ اس تے ولی عہد نے اپݨے بھرا کوں معاف کرݨ کیتے گڑ گڑا کے سفارش کیتی لیکن عبد الرحمن نے جواب ݙتا:




#Article 431: امیرعباس راقب (147 words)


امیرعباس راقب سرائیکی زبان دا شاعر ہے۔

ہے میڈے لفظاں دے وچ روایت

مزاج اج کل دا منگداۓ جدت

جے وصل مل گۓ تاں ول ہوس ہے

جے ہجر مل گۓ تاں ول محبت

ہے زندگی دا شعور ساکوں

اساڈی درداں دے نال سنگت

میں موت منگاں تاں ہرج کوئنی

ہے اپڑیں ہوونڑ کولوں شکایت

جیہڑی تکبر توں پر ڈسیجے

اے جئیں عبادت وی کیا عبادت

میں سر تے اسمان چئی وداں ہاں

ڈساؤ میڈی ہے کیہڑی طاقت

او بھیڑے ملاں میکوں ڈساوو

اے قتل و غارت وی ہے شریعت

_انہاں دا صدقہ گناہ گھٹدن

اے ڈکھ وی ہوندن خدا دی نعمت

اخیر مٹی نصیب ایند

ہے آدمی دی وی کیا حقیقت

غزل تاں آہداں مگر ہے کوشش

میں لکھاں آل_نبی دے مدحت

جہان سارے کوں ویہڑ گئ ہے

ہے چارے پاسوں عجیب وحشت

اساں ہیں ہینڑیں ہلاک راقب

اساں جئیں لوکاں دی کیا حیثیت

امیرعباس راقب




#Article 432: انجم لاشاری (369 words)


سرائیکی دا انجم

انجـم لا شـاری

لکھت: کرن لاشاری

صدر سرائیکی عوامی تریمت تحریک پاکستان

بھا چاوݨ آئی چلھ توں بݨ ٻیٹھی گھر دی سئیݨ،،

ابھے سر دی ݙیݨ، میݙے گھر دیاں خوشیاں کھا ڳئی،،

(انجم لاشاری)

یادش بخیر میں کہیں جاہ پڑھیا ھا جو احمد پورشرقیہ سرائیکی ادب دا لکھنئو ھے برحال اساکوں لکھنئو نال مطلب کینھی،

پر اے حقیقت ھے جو احمدپورشرقیہ دی دھرتی ہمیشہ سرائیکی ادب سانگے زرخیز ثابت رہی ھے، اتے اتھاں سرائیکی ادب دے کئی نامور درخشاں ستاریاں دا خمیر ھے،

اتے جیندے وچو ھک روشن ناں سئیں انجمؔ لاشاری سئیں ھن.

سئیں انجم لاشاری صاحب دا اصل ناں سجاد الحسن خان لاشاری ھا تے جناب عظیم سرائیکی انقلابی شاعر سئیں سفیر لاشاری دے وݙے پتر ھن،،

سئیں انجم صہیب 1956 دے وچ احمدپورشرقیہ دے نیڑے وستی مہراب والا وچ پیدا تھئے تے ابتدائی تعلیم تو گریجویشن تئیں احمدپورشرقیہ تے بہاولپور وچ حاصل کیتی.لفظیں دی جڑت دا سوبھ تے تخیل دا الہام گھر دی وراثت ھا تے شاعری دا آغاز ٻلپݨ توں ہی شروع کرݙتا، جناب سئیں اردو تے سرائیکی دے بہترین شاعر ھن تے خاص سرائیکی شاعری وچ انھاں دا اّچا ناں ھے،،

زندگی دے گزروہاݨی کریندے اسی (80) دے ݙھاکے وچ کراچی آ ڳے اتے صحافت نال وابستہ تھی گے ایں دوران نواے وقت، تے جنگ اخبار جیے اداریاں وچ کافی اہم عہدیاں تے کم کیتا تے نال نال اردو کالج کراچی تو ایم اے صحافت دی ڈگری حاصل کیتی،،

پر قدرت کوں کجھ ٻیا منظور ھا تے سئیں کو ݙو (2)رمضان 1997 کو اچانک سر وچ درد پیا، جنھیں کو ایمرجنسی وچ ہسپتال ٻڄایا ڳیا، پر او تئیں رب سوہݨے اپݨے پیارے کو واپسی دا سݙ مار چکے ھن، تے سرائیکی زبان دے اے روشن ستارے محض چالھی (39)سال دی عمر وچ ماء ٻولی سرائیکی کوں لازوال تخیل ݙے تے ایں جہان فانی تو جھوک لݙا گئے،،

اڄ وی سئیں انجم لاشاری صاحب اپݨے کلام دی صورت وچ اساݙے درمیان موجود ھن تے راہسن،،

آخر وچ سئیں دے کلام دا ھک بہترین نمونہ،، جیندے وچ اپݨی روہی نال محبت دا اظہار کریندے پن

روہی چولستان تے شالا کرم کرے کلتار،

بونداں ساوݨی جل تھل تھیوے چودھار،

نند نہ ماون کھیرڑے ہرپاسو موج بہار،

کنڈا ڄال کرینھ کھپ لئی لاݨا کرے سنگار،




#Article 433: انجینئرنگ (346 words)


سائنسی تحقیق وچ پیش آوݨ والے ٹیکنیکل معاملات و مسائل دے حل تے ضروریات زندگی کوں آسان بݨاوݨ تے انہاں دے ارتقا و بہتری واسطے سائنٹفک تے ٹیکنیکل قوانین تے اصولاں دے اطلاق دا علم انجینئرنگ سݙیندا اے تے این علم دے ماہر کوں انجینئر آکھا ویندا اے. انجینئرنگ دے بہوں شاخاں ہن مثلاّ مکینیکل، سول،. الیکٹریکل، الیکٹرونکس، کیمیکل، ایگریکلچر، مائیننگ، میڈیکل انجینئرنگ، بائیو انجیئرنگ، جینیٹک انجینئرنگ وغیرہ. پاکستان وچ کئی سرکاری و نجی یونیورسٹیاں انجینئرنگ وچ گریجویشن، پوسٹ گریجویشن، ماسٹر، ایم فل تے پی ایچ ڈی کرویندیاں پیاں ہن جنہاں وچ این ای ڈی یونیورسٹی کراچی سب توں قدیم اے تے اس توں علاوہ یو ای ٹی پشاور، یو ای ٹی ٹیکسلاٰٰٰ، یو ای ٹی لاہور، مہران یوای ٹی جامشورو تے زکریا یونیورسٹی ملتان قابل زکر ہن. انجینئرنگ دے شعبے دی ترقی تے انجینئرز دی تکنیکی و علمی تربیت واسطے وی بہوں سارے ادارے موجود ہن جنہان وچون پاکستان انجینئرنگ کونسل، نیشنل ٹیکنالوجی کونسل، ٹیوٹا، آئی ای پی (مراکز کراچی، اسلام آباد، لاہور، ملتان، پشاور، کوئٹہ) تے انسٹی ٹیوشن آف مکینیکل انجینئرز برطانیہ (پاکستان چیپٹر) اہم ہن.

میکانیات تے الیکٹرونیات دا ہک امیختہ لفظ ہے، جس وچ میکانیات توں آلا تے برقیات توں قیات کوں مرکب کرکے لفظ آلاقیات (mechatronics) بݨایا گیا ہے۔ آلاقیات وچ آلاتی ہندسیات، برقی ہندسیات تے کمپیوٹر انجینئرنگ جیہے شعبہ جات علم توں استفادہ کیتا ویندا ہے تے مقصد اس متعدد الاختصاص دا ایہ ہوندا ہے کہ انہاں تریہاں علوم کوں بنیاد بݨیندے ہوئے خودکارین (automata) دا مطالعہ، ہندسیاتی نقطۂ نظر نال کیتا ونجے۔

انجینئرنگ دی اے شاخ کل پرزے تے سادہ مشیناں توں لا کے ہیوی مکینیکل سسٹمز دا احاطہ کریندی اے.

میکانی انجیئرنگ ،انجیئرنگ دی اوہ شاخ ہے جس وچ طبیعیات تے مٹیئریل سائنس دے اصولاں کوں استمال کریندے ہوئے کہیں وی میکانی سسٹم دا تجزیہ، ڈیزائن ،مینوفیکچرنگ تے ݙیکھ بھال کریندے ہن-ایہ انجینرنگ دی او شاخ ہے جس وچ حرارت یا تاں پیدا تھیندی ہے یا ول استعمال تھیندی ہے کہیں وی چیز کوں ڈیزائن کرݨ یا اونکوں بݨاوݨ یا ول مشیناں تے ٹولز کوں چلاوݨ کیتے - ایہ انجینرنگ دی سب توں وݙی تے پراݨی شاخ ہے-




#Article 434: اندلس وچ بنو امیہ دی امارت تے خلافت (294 words)


بنی عباس دی طرفوں خلافتِ بنی امیہ دے خاتمے تے اموی خاندان تے مظالم تے انہاں دی نسل کشی توں بعد عباسی امویاں ولوں بے فکرے تھی ڳئے. مگر بنی امیہ دے خاندان دا ہک شہزادہ عبدالرحمٰن بن معاویہ بن ہشام بن عبدالملک بن مروان، عباسیاں دے عتاب کولوں بچ ڳیا تے خفیہ طریقے نال ٻہوں مصیبتاں برداشت کریندے ہوئے آخرکار اندلس پہنچ ڳیا جتھاں بنو امیہ دے وفادار موجود ہن کیونکہ ایں علاقے وچ مسلماناں دی حکومت اموی دور وچ قائم تھئی ہئی. مسلسل کوششاں تے اندلس وچ موجود عرب قبائل دی حمایت نال عبدالرحمٰن اول، ہسپانیہ وچ اپݨی حکومت قائم کرݨ وچ کامیاب تھی ڳیا. ایں طرح اے علاقہ مرکزی خلافت اسلامی وچوں ہمیشہ واسطے نکل ڳیا.

یورپ دی اسلامی تاریخ دا اے عظیم دور اپݨے عروج وچ اپݨی اہمیت تے مرکز خلافت بغداد کولوں ٻہوں دوری دے کارݨ تے فاطمیاں دی نام نہاد خلافت ولوں مسلسل جارحیت دے توڑ واسطے آخرکار مسلمانانِ یورپ واسطے929ء وچ الگ خلافت دی حیثیت اختیار کر ڳیا. بنی امیہ ولوں امارت کوں خلافت وچ تبدیل کرݨ دی سب توں وݙی وجہ اے ہئی کہ خلافت فاطمیہ دے نام نہاد شیعہ تے ختم نبوت دے منکر اسماعیلی خلفاء دی طرفوں اندلس دے علاقیاں تے مسلسل جارحیت تے حملیاں کولوں حفاظت تے انہاں دے توڑ واسطے ضروری ہئی کہ انہاں دی طرح مزہبی تشخص حاصل کر کے مسلمانان یورپ وچ مرکزی اہمیت حاصل کیتی ونجے تے اسلام کوں بچایا ونجے جیندے وچ بنی امیہ کامیاب تھی ڳئے. 

امیر عبدالرحمٰن سوم نے اپݨی امارت کوں 929ء وچ خلافت وچ ڈھال ݙتا تے اپݨی حکومت کوں جاری رکھدے ہوئیاں مملکت دے تمام علاقیاں دی مساجد وچ عباسی خلیفہ دی بجائے جمعہ تے عیدین دے نمازاں وچ اپݨے ناں دا خطبہ جاری کرا ݙتا تے ہک نویں دور دا آغاز کیتا.




#Article 435: اندھا شاعر (212 words)


{خصوصی تحریر اپنڑے وسیب دے شعراء کرام دی نذر}

اندھا شاعر

ہک تریمت جینداں رنگ کالا، نک پھینا، وال آلہنڑیں آنگوں، قد ڈڈ پڑڈ، انگلیں ترانگل دیاں دھیریں ت پیر پھڈے ھن اوندی شادی تھئ ھک اندھے شاعر نال اوں تریمت آکھۓ آپنڑے اندھے شاعر خاوند کوں جو میں اینجھی سوھنڑی ھاں جو پریاں میکوں ڈیہدیں ڈیہدیں اکھ نئ ولیدیاں.
او اونویں شاعر ھا او ذال دے آکھۓ لگ کے ڈینہہ کوں رات ت رات کوں ڈینہہ لکھنڑ پۓ گۓ.
ھک ڈینہہ او گھر بیٹھا ہئ ت اوں سڈ سنڑۓ جماندرو اندھے آپنڑیاں اکھیں بنڑوا گھنو

اندھے جو سنڑۓ او جتی ڈانگ سنبھال کے باھرو گۓ.
جیہرلے تریمت ڈٹھے جو اگر اے سجاکا تھی گیا تاں میڈی تاں جاہ کئنی.
اوں زیور چاتے ، پیسے لٹھے چاتن مطلب ہر ستر ستارا چا کے حکیم کولو گئ ھے ت اندھے کولو پہلے پچ کے اوں حکیم کوں آکھۓ سی جو اے پیسے گھن تے میڈے خاوند کوں اندھا رھونڑ ڈے.
حکیم آکھۓ میکوں پیسیں دی لوڑ کئنی میں تاں انسانیں دی بھلائ واسطے وداں.
پر اوں اندھے دی ذال اوں حکیم کوں رو ڈپھ کے ٹور چھوڑیا.
ت شاعر....؟
او ودے اونویں اج تئیں لکھدا

میڈے کولو غلطی تھئ ھے میں وی باطنی اندھے شاعریں کول دوا ویچنڑ گیا ھم پر.......!

منصور شانی




#Article 436: اندھــڑاں قصـئی (161 words)


اندھڑاں قصئی

ایں کھݙ وچ ہک توں زیادہ کھݙکار تھی سڳدن. عمر دی کئی حد کائنی. ایں کھیݙ کوں وݙے چھوٹے، بال بلونگڑے، نینگر، چھوہر چھٹکر چھوہریں غرض ہر کئی کھیݙ سڳدے ایں کھیݙ دے کئی خاص اصول وی کائنی تے مشکل وی کائنی. 
ایں کھیݙ وچ پڳݨ وچ ہرݨ آلا واری ݙیندے. اوندی اکھیں تے ہک پٹی ٻدھ ݙتی ویندی ھ. تے اونکوں گھما ݙتا ویندے یا ہلکا جیہاں دھکا ݙتا ویندے تاں جو کھݙکاراں توں پرے تھی ونجے. 
ایں کھیݙ دا ہک اصول اے وی رکھیا ویندے جو ہک نشان لایا ویندے یا دائرہ ماریا ویندے یا گراؤنڈ طے کیتا ویندے تاں جو کئی اوں تو ٻاہر نہ ونجے. 
ھݨ جیندی اکھیں تے پٹی بدھی ہوئی ھ او باقی کھݙکاراں کوں ہتھ لیندے. جݙاں کہیں ہک کوں ہتھ لڳ ویندے اوندی واری مک ویندی ھ ول جیکوں ہتھ لڳ ویندے اوندے اتے واری آویندی ھ تے اونکوں پٹی ٻدھ ݙتی ویندی ھ. اتے اے کھیݙ ایویں چلدی اے پئی.




#Article 437: انشائیہ نگاری (201 words)


سرائیکی ادب وچ انشائیہ نگاری دو دید بھنوائی ونجے تاں سبھ توں پہلے مختلف رسالہ جات وچ 1967 توں انشاییے چھپنڑ شروع تھی گے ہن. انشائیہ نگاری دی پہلی کتاب ڈٹھی ونجے تاں او سئیں اسلم میتلا دی  سرائیکی انشائیے ہے جہڑی جو 1986 وچ شائع تھئ. میڈی معلومات مطابق ہنڑ تک  انشائیہ نگاری دیاں 17 کتاباں چھپ چکن جیندی تفصیل آخری تصویر وچ ڈتی گئ اے.

مریم حفیظ گھوٹیہ دی انشائیہ نگاری دی کتاب اکھ سرائیکی تریمت واروں لکھی پہلی انشائیے دی کتاب ہے اینکوں 2016 وچ ادارہ تحقیقات زبان و ادب بہاولپور نے شائع کیتے. مریم گھوٹیہ سرائیکی زبان دے معروف شاعر ادیب محقق  پروفیسر حفیظ طاہر گھوٹیہ دی بالڑی ہن تے اجکل بی وی ایچ بہاولپور وچ نرسنگ دے شعبے نال وابستہ ہن.

معروف شاعر ادیب دانشور ڈاکٹر خالد اقبال لکھدن جو  میڈا خیال ہے مریم گھوٹیہ انشائیے دے تخلیقی نثری اظہار وچ کامیاب ہن تے میں امید کرینداں جو آونڑ آلے دور وچ ایں توں ودھ انشائیے پڑھنڑ آلیاں کوں دان کریسن

آخر وچ سبھ دوستاں توں ولا عرض کریساں جو سرائیکی زبان دی بقا خدمت تے ودھارے وس تے سرائیکی کتاباں مل گھن کے پڑھو تے اپنڑی ما بولی دے بہاں بیلی بنڑو..

انجنئیر خالد نجیب




#Article 438: انعام (عدیل فلمز) (200 words)


تساں سُنڑیا ہوسی بس ہک گال بندے دی زندگی تبدیل کر ڈیندی اے،، ،،،، میڈے نال وی اینویں تھے،،،،،،
میں ہک پوسٹ کیتی اے ،،،اوندے اچ پُچھئیم تہاڈی کیا رائے ہے انسان کوں جن تھیندن یا کینا ،،،،،، وچ ہک اے کمنٹ وی ہا ،،،،،، سکرین شاٹ ڈیکھ گھنو ،،،، میں فیصلہ کیتے ویڈیوز دا شوق ہا ہوں شوق کیتے اے پیج بنڑایا ہا ،،،،، ول پوسٹس وی کر ڈیندا ہم،،،،،،، اج تو بعد کوئی پوسٹ کینا کریساں انشاءاللہ ،،،، دل ترٹ گے،، ،،،، بس ویڈیوز آسن،، ،،، تھی سگدے پیج ڈیلیٹ کر تے بس یوٹیوب تے ویڈیوز دا شوق پورا کراں،،،،،،،

ایں پیج تے سرائیکی الفاظ ڈسئن،،، ،،
بے شمار سرائیکی ضرب الامثال،،،،،
سرائیکی علاقے دے رسم و رواج،،،،،،،،
سرائیکی وسیب دیاں بے شمار تصویراں پوسٹ کیتئین
سرائیکی شاعری پوسٹ کریندا ریہاں،،،،،،

اوندا اے انعام ملیے،،،،،،، بس ہک کمنٹ میکوں مجبور کر ڈتے پوسٹس نا کرنڑ تے،،،،، ساریاں دا بہوں بہوں شکریہ ،،،،،، چنگا ٹائم پاس تھے،،،،، اے آخری پوسٹ اے،،، بہوں سارے دوست رابطہ کر تے میکوں سمجھیسن، ،،،مگر میں فیصلہ کر گھدے،،،، تہاکوں اے فیصلہ برا لگےتاں میں معزرت چاہنداں ،،، انشاء اللہ ویڈیوز،،،، انباکس تے واٹس ایپ دے ذریعے رہسی رابطہ،،،،،،،،، اللہ حافظ،،،،،،، خوش وسو پئے،،،،،،،




#Article 439: انعام اللہ بادل (710 words)


انعام اللہ بادل سرائیکی زبان دا شاعر ہے۔

پہلی جنوری ١٩٩١ء کوں دیرہ غازی خان وچ ڄمے۔

یار ہیں توں میݙا دلربا کائنویں

زندگی ہیں مـگر ایتلا کائنویں

پیر چُمداں تیݙے ہے عقیدت میݙی

تیکوں سجدہ کراں کوئ خدا کائنویں

میں گنہگار ہاں اے منیداں مگر

یار توں وی ایݙا پارسا کائنویں

تیکوں دنیا دے ݙکھ ڈھیر لڳدن تہوں

درد میݙے کنوں آشــنا کائنویں

تیݙا شکوہ ہے بادل وفا نیں کیتی

تیں وی تروڑیے بھرم باوفا کائنویں

نیں جو نبھدی دلربا میں کیا کراں 

باجھ تیݙے توں ݙسا میں کیا کراں

پیٹ دے پٹڑیں پٹاں سجدے کراں 

کیا کراں میݙا خدا میں کیا کراں

بھن کرائیں شیشے دے وانگوں دل میݙا

ول جو ݙیندا پیں ولا میں کیا کراں

دشمنیں دے بھیس وچ آئے سامنے 

ہن میݙے اپنڑے بھرا میں کیا کراں

نہ ملیو بادل میں آکھیے مر ویساں 

اوں ایہو آکھیے ولا میں کیا کراں

انعام اللہ بادل

سینگـی ݙس ہاں ہتھ رنگوانواں چنڳی لڳساں؟

عید دے ݙینہ جے مہندی لانواں چنڳی لڳساں؟

چھوٹیاںچھوٹیاں پونیاں لانواں کنگھی ݙیواں 

کنگھی کر کے وال گُندھانواں چنڳی لڳساں؟

ڳھـــــگھری آلا چـــــولا ھــــووے لال سنہری

ول چولے تے ھــــار کــڈھانواں چـنڳی لڳساں؟

باہیں دے وچ ونـــگاں ہونون رنــگ برنــگی 

پیریں دے وچ پائیلاں پانواں چــنڳی لڳساں؟

نیـــــلا نیـــــلا تھــــیوا ہووے مندری دے وچ 

ُمنـــدری اتیں ناں لکھوانواں چــنڳی لڳساں؟

بادل ہر کوئی پاتی ودے شوق دیاں ونــڳاں 

میں وی کالا جـــوڑا پانواں چــــنڳی لڳساں؟

انعام اللہ بادل

عشق رب اے تاں ݙیکھݨاں کیا ہے

رب کوں منݨے تے سوچݨاں کیا ہے

ذرے ذرے دے وچ ہے عکس اوندا 

ذات اوندی کوں پرکھݨاں کیا ہے

نیں سماندا او ݙو جہاں دے وچ 

کہیں دے دل وچ سماوݨاں کیا ہے

صاف کائنی جے من دی مسجد ول

سر کوں مفتا جھکاوݨاں کیا ہے

لوک چہرے کوں ݙیکھ پڑھ گھندن 

کہیں دا اندر پھلورݨاں کیا ہے

او تاں بادل ہے نیڑے شہ رگ دے

پار اروار ڳولݨاں کیا ہے

انعام اللہ بادل

رات رل کے گزاروں ولا ہک دفعہ

دل دی حسرت کوں ماروں ولا ہک دفعہ

نال دل دے ولا دل وٹاؤں ڈوہائیں 

جان ہک بے تیں واروں ولا ہک دفعہ

پرلھی کندھی تے کھڑ توں میں ایڈو کھڑاں

یار سڈ کے پُکاروں ولا ہک دفعہ

ڈھیر عرصے توں سڑدیاں ودین مونجھ وچ

انہاں اکھیاں کوں ٹھاروں ولا ہک دفعہ

میڈے نانویں دا اے تیڈے نانویں دا او

نپ کے جگنو اُڈاروں ولا ہک دفعہ

ٹھیک اے بادل جے رنجکی تاں رنجکی رہے 

مل پو آروں ویاروں ولا ہک دفعہ

انعام اللہ بادل

ڈینہ رات جو ھا رہندا سوچیں وچار لہہ گئے 

پاگل تھیاں جڈاں دا دل توں او یار لہہ گئے

پہلے پلیندا ھانویں ساقی نہ لہندی ہئ پل 

کینجھی پلائی جو اج تائیں سارا خمار لہہ گئے

توں کائنا ھانویں جیلھے لحظہ نہ ھاچھوڑیندا 

تیکوں ڈٹھس تاں ٹر پئے ہنڑیں بخار لہہ گئے

دربار اے مصر دے وچ بولی لگی کھڑی ھے

لگدے ولا نواں کوئی یوسف بازار لہہ گئے

کل رات مونجھ کولوں باہر نکل تے آ پئین

شکر اےمیڈیں اکھیں توں ہنجوں دا بار لہہ گئے

دنیا دے اوکھ بدلے جنت ملی ھے بادل

مالک دا ایں کرم تھئے اپنڑاں ادھار لہہ گئے

انعام اللہ بادل

ہک او وقت ھا 

یاد ھے میکوں

ماہ رمضان دی آمد اتیں

وستی والے

خوش تھیندے ہن

ہک ڈوجھے کوں مل کے ڈھیر مبارکھاں ڈیندے

آہدے ربا

سئیں کیڈااحسان کیتا ھئ 

جیندیں ول رمضان ڈتا ھئ

آکھ تے ایویں

کھینڈو کھانڈ تھی ہر کوئی اپنڑے

گھر دو ونج کے سم ویندا ھا

ول جیں ویلھے

پچھلے پہر دا وقت تھیوے ھا

وستی وچ ہک بھانون ناں دا وسدا بڈھڑا

حاجی فیضو آلے چوک تیں

گل اچ پاکے پُھندڑیں آلا دول وجانونڑ آویندا ہا

اٹھو روزہ رکھو اٹھو روز جگوانونڑ آ ویندا ہا

سنڑ کے دول داشور شرابا جاگ ویندے ہن وستی والے

گھر گھر دیوچ شور سنڑیجنڑ پئے ویندے ہن

جاگ لگے ہوئے کھیر وڑیجنڑ پئے ویندے ہن

موسم وقت سیالا بھانویں

سانونڑ ہاڑ ہنالا بھانویں

سچے دل دے نال ہن سارے روزے رکھدے

سدھ نیں کیندی نظر لگی ھے

وستی دے وچ پکیاں چار مسیتاں وی

ہن ڈو ڈو لاؤڈ سپیکر اتیں

روزے ویلھے مسجد آ تے

کہیں کوں آن اٹھیندا کوئی نیں

روزہ یار رکھیندا کوئی نیں

بہہ کے روز سچینداں ایہو کیا پہلے انسان نیں رہ گئے 

یا ہن او انسان تاں بادل سینے وچ ایمان نیں رہ گئے

انعام اللہ بادل




#Article 440: انعام غنی (116 words)


انعام غنی، سرائیکی وسیب اچ حکومت پنجاب ولوں انتظامی اکائی دے طور تے قائم کردہ سیکرٹریٹ دے پولیس بیوروکریسی دے پہلے تے تاریخی ایڈیشنل انسپیکٹر جنرل ہن جنہاں دی تقرری 30 جون 2020ء کوں کیتی ڳئی ۔ یکم جولائی کوں وزیراعلٰی پنجاب ،سردار عثمان احمد خان بزدار نے انہاں نال خصوصی ملاقات کیتی تے مبارکباد دے نال نیک تمناواں دا اظہار کیتا ہے۔ سرائیکی خطے دے معاملات تے مسائل دے بارے وی تبادلہ خیال کیتا ڳیا۔ انہاں نے 2 جولائی 2020ء کوں باقاعدہ اپݨے ڈیوٹی دا آغاز کیتا۔ انعام غنی ہوریں ایندے توں پہلے پولیس دے مختلف اعلیٰ عہدیاں تے فائز رہ چکے ہن۔ 8 ستمبر 2020ء کوں انہاں کوں آئی جی پنجاب تعینات کیتا ڳیا۔




#Article 441: انقلابی تحریک دی کامیابی (148 words)


تحریر: ارشد لاشاری

کہیں انقلابی تحریک ءچ جیکر میرجعفر،تے میر صادق دا کردار نہ ھووے تاں او تحریک کامیاب نی تھی سکدی،وقت دا جابر ڄݙݨ ݙیہدے جو میݙا اقتدار تے ظلم ھݨ مزید نی چل سکدا تاں او ٻݙدے بندے آلی کار ایݙے اوݙے ہتھ مارݨ کیتے میر جعفر تے صادق جہیے کردار ڳولیندے جیندے نال وقتی طور اوں جابر کو کجھ رلیف مل ویندے، پر ایجھے کرداریں دے بعد ھی کوئی انقلابی تحریک کھرے کھوٹے دی سنڄاݨ کریندے ھووے دوبارا منظم تھیندی ھے،، تے کامیابی اوندی منتظر ھوندی ھے، تے الحمداللہ اڄ اساݙی سرائیکی تحریک دے اے کردار نشابر تھی ڳن. 
تے ایندا مطلب اے ھے جو منزل ھݨ نیڑے ھے، 
اساکوں ھݨ کھرے کھوٹے دی سنڄاݨ تھی ڳئی ھے، اساکوں ھݨ دوبارا منظم تھیوݨیں تے پچھلی غلطیاں کو مدنظر رکھ تے جوابی وار کرنے، دشمݨ اپݨا چھیکڑی ہتھیار وی استعمال کر گھدے اور ناکام تھی ڳے.




#Article 442: انٹرنیشنل سرائیکی کانفرنس 1997ء دا احوال (957 words)


اگلے روز (یعنی ۱۷ اگست ۱۹۹۷ء ) کو علی الصبح ہمارے پروگرامر محمد علی ہادی نے بتلایا ناشتہ کرکے جلدی نکلو ’’انٹر نیشنل سرائیکی کانفرنس‘‘  دس بجے دن پرگتی میدان کے نہرو ہال میں ہوگی۔

سب تیارہوکر پرگتی میدان نیو دہلی پہنچ گئے کانفرنس ہال کا ماحول بڑا خوشگوار اور بڑا دلنشین تھا۔ آرام دہ کرسیاں حاضرین کے لئے اور خوبصورت سٹیج مقررین کے لئے سجا ہوا تھا۔ پروگرام کے چیف آرگنائزر بیرسٹر جگدیش چندر بترا سب شرکاء کا اپنے مخصوص انداز میں مسکراکر استقبال کرتے رہے۔ اسٹیج پر بھی بڑی معتبر شخصیات جلوہ افروز تھیں۔ بترا صاحب نے ہی کاروائی کا آغاز کیا اور بتلایا کہ میں جس شخصیت کا تعارف کراؤں گا وہ اسٹیج پر آکر خطاب کریں گے۔ 

سب سے پہلے پروفیسر جگدیش مکھی ( بہاولپوری) جو کہ دہلی سرکار کے منتری ہیں ان کو بلایا گیا انہوں نے سابق وزیر اعظم ہند اٹل بہاری واجپائی کا پیغام پڑھ کر سنایا جبکہ سٹیج سیکرٹری نے وزیر اعظم ہندو اندر کمار گجرال کا پیغام پڑھ کر سنایا۔ ملتان سے نامور صحافی و ادیب جناب  چیف ایڈیٹر روزنامہ جھوک ملتان کو بلایا گیا سٹیج پر آتے ہی ان کو شال پہنائی گئی اور پھر دعوت خطاب دی گئی۔ اس موقعہ پر ایک واقعہ یہ ہوا کہ جناب ظہور دھریجہ نے بھارتی لوک سبھا کے ممبر بدھ راج جی کے یہ خطاب کہ ہم کسی ’’سرحد‘‘ کو تسلیم نہیں کرتے، کا سخت جواب دیا اور کہا کہ اگر آپ ہماری سرحد کو تسلیم نہیں کرتے تو تمہاری سرحد بھی مقدس گائے نہیں، اس پر اسٹیج پر تالیوں کی آواز گونجی اور اسٹیج پر بیٹھے ہوئے بھارتی وزیرِ خارجہ کے ایل بھاٹیہ اٹھ کھڑے ہوئے، ہاتھ جوڑ کر معافی مانگی اور کہا ’’دھریجہ جی کا کہنا درست اور بدھ راج جی کا کہنا غلط ہے‘‘۔ 

ایندے بعد سئیں عبدالمجید کانجو دا سواگت کریندے ہوئے انہاں کوں اسٹیج تے سڈیا گیا ‘ شال پوائی گئی اتے انہاں کوں خطاب دی دعوت ڈتی گئی‘ کانجو سئیں نے وی سرائیکی قوم کوں ہک مِک تھی تے اپنے حقوق حاصل کرن دا شعور ڈتا۔ انہاں دے بعد پروفیسر جگدیش مکھی جیہڑے دلی سرکار دے وزیر خزانہ ہن اتے انہاں دا جم پل بہاولپور دا ہے نے خطاب کریندے ہوئے آکھیا جو اساں کانجو صاحب دی ایں گالھ دی تائید کریندے ہیں جو واقعی سرائیکی واسی ڈوہاں ملکاں وچ امن تے بھائی چارے دے پُل دا کم کرسگدن۔ انہاں جے سی بترا سئیں دی محنت دی تعریف کیتی اتے آکھیا جو اساڈی حکومت وی غیر ملکی قرضیاں وچ جکڑی پئی ہے ہر بال جہڑا پید اتھیندے پنجی ہزار25000/- روپے دا مقروض پیدا تھیندے۔ انہاں آکھا جو ڈوہیں ملک ایں پریشانی دا شکار ہن ول وی اسلحے دی بجائے تعلیم اتے غربت دور کرن کیتے خاص توجہ نہیں ڈیندے ۔ پالیسیاں بدلنیاں چاہیدیاں ہن۔ غریب عوام دی بھلائی دی سوچ اتے فکر کرنی ضروری ہے۔ 

انہاں دے بعد شری بھاٹیہ جی کوں دعوت خطاب ڈتی گئی۔ انہاں آکھیا جو انگریزاں نے آپنیاں پالیساں دے مطابق ایں ملک دے ٹوٹے کیتے۔ ہن اے ڈو آزاد ملک ہن جیوے پاکستان‘ تے جیوے ہندوستان‘ انہاں آکھیا جینویں سجھ تے چندر دی روشنی سب کوں برابر فیدہ ڈیندی ہے اینویں سرائیکی تہذیب جہڑی جو وڈی تے پیار آلی ہے، ایندے کلچر اَتے تہذیب دے ودھن پھلن تے کوئی بن نہیں بدھیا ونج سگیندا۔ اساں سرائیکی دھرتی کوں نیں بھل سگدے کیوں جو اساڈی مادھرتی ہے جینویں ماء توں پرے بال ماء دی محبت وچ مونجھدا تے تڑپدا ہے اساں وی اینویں اپنی ماء دھرتی کیتے تڑپدے ہَیں آپݨی جنم بھومی دی زیارت دے بکھے ہَیں۔

گنگ دا می داویلا لنگھ ڳے 

حق منگسوں ہݨ شیہاں وٖانگ 

نندروں ڄاگ پئی ہِے ہݨ 

وسیب سرائیکی دی ہر تانڳ

دھرتی ماء دا غاصب ہِے ڄو۔!

اَزلِی سِرتے لگسِس ݙانگ

آپݨی موت ہݨ آپ اِی  مرسی

ظلم جبر دا بُشیّر نانگ

قہر غضب تے مظلومی دا۔ !

اڄو چھٹ ویسی ہݨ سانگ 

اُچے اُچے ایواناں تے

ہݨ سُݨیسی ساݙی ٻانگ

محکومی تے مجبوری دی

ہݨ تاں مک ویسی ہر تانگھ

تھیسم ہک ٻِلانگھ ‘‘

وت سئیں فقیرا بھگت کوں سٹیج تے سڈیا گیااَتے کئی فرمائشی کافیاں انہاں پیش کیتیاں۔ آخر وچ سئیں نرندر کمار چیئرمین سرائیکی انٹرنیشنل نے سارے شرکا دا ہتھ بدھ تے شکریہ ادا کیتا اتے نال آلے ہال وچ کھاناں کھانون دی دعوت ڈتی۔ سارے شرکاء کھانڑیں دے بعد ولدے کانفرنس ہال وچ آگئے۔ اتے ڈوجھی نشست شروع تھی گئی۔

سٹیج سیکرٹری نے سب دے مَن وِچ سرائیکی جوت جگاون اتے سبھے سرائیکیاں نال رابطے کرن اَتے سڈا ون تے سئیں جگدیش چند بترا کوں خراجِ تحسین پیش کیتا۔ ایندے بعد سئیں تاج لنگاہ اتے سئیں عبدالمجید کانجو کوں سواگت کریندے ہوئے پھلاں دی مالا پوائی گئی۔ سئیں بودلہ جی۔ نریندر کمار آتے آر ایل بھاٹیہ کوں خطاب دی دعوت ڈتی گئی۔ ایندے بعد سرائیکی سماج دی طرفوں کامریڈر گونند جی دی شریمتی کوں ساڑھی ڈتی گئی۔ کامریڈ جھنگ دے ہن۔ انہاں نے آزادی کیتے کوششاں کیتیاں ہن کئی واری جیل گئے تے آزادی دی جنگ کیتے قربانیاں ڈتن۔ انہاں کانفرنس دے لوکاں نے کامریڈ کوں یاد رکھیا تے اُوندے قربانیاں دا نِروار کیتا۔ 

بعد وچ بودلہ جی سٹیج تے آئے تے انہاں نے سرائیکی دے وڈے پردھاناں دا ذکر کیتا انہاں کوں ودھائی ڈتی۔ انہاں آکھیا 1857ء ایسٹ انڈیا دے انگریزاں نے ساکوں خوار کرکے ساڈے اُتے حکومتی کیتی تے تڈاں دیاں محنتاں تے قربانیاں ہَن، حکومتاں بدلیاں ہَن پر آباد یاں نئیں بدلدیاں۔ لوک وکھو وکھ تھی گئے کئی لوکاں نے جیلاں بھگتیاں، پھانسیاں پاتیاں، اتے انگریزاں کوں کٹھے تھی تے اتھوں کڈھیا۔ اساں آپ لٹ پٹ کے اتھاں آئے تے محنتاں نال آپناں مقام بنایا اساں ہک بئے دی قدر کریندے ہیں۔

(اقتباس از کتاب: دِلّی یاترا-2  مصنف: ابنِ کلیم احسن نظامی (مرحوم)۔ ترتیب: مبشر کلیم بن ابن کلیم احسن نظامی۔ اشاعت:  جولائی ٢٠١١ء۔ پبلشر: جھوک پبلشرز، دولت گیٹ۔  ملتان، تعاون: دبستان فروغِ خطاطی رجسٹرڈ ملتان۔)۔




#Article 443: انڈین نیشنل کانگریس (129 words)


انڈین نیشنل کانگریس (انگریزی: Indian National Congress) (جینکوں کانگریس پارٹی تے آئی این سی وی آکھا ویندا ہے) بھارت دی ہک وݙی سیاسی جماعت ہے۔ جماعت دا قیام دسمبر 1885ء وچ عمل وچ آیا جیہرلے ایلن اوکٹیوین ہیوم، دادابھائی نوروجی، ڈنشا واچا، ومیش چندر بونرجی، سریندرناتھ بینرجی، مونموہن گھوش تے ولیم ویڈربرن نے اس دی بنیاد رکھی۔ اپݨے قیام دے بعد ایہ ہندوستان وچ برطانوی راج دے خلاف جدوجہد کرݨ والی ہک اہم جماعت بݨ گئی تے تحریک آزادی ہند دے دوران اس دے ݙیڈھ کروڑ توں زائد اراکین ہن۔

پارٹی دی موجودہ سربراہ (چیئرپرسن) سابق وزیر اعظم راجیو گاندھی دی اطالوی اہلیہ سونیا گاندھی ہن جبکہ لوک سبھا وچ اس دے رہنما ملیکا ارجن کھڑگے ہن۔ راجیہ سبھا وچ اس دی قیادت غلام نبی آزاد کریندے پئے ہن۔




#Article 444: انگریزی (183 words)


انگریزی ہک زبان ہے۔انگلستان دی زبان ہے۔ امریکہ اسٹریلیا وچ وی انگریز وسدن۔

انگریزی بنیادی طور تے مغربی جرمینک زبان ہے جیڑی قدیم انگلش کنوں بݨی ہے۔ سلطنتِ برطانیہ دی سرحداں  وچ توسیع دے نال نال ایہ زبان وی انگلستان کنوں نکل تے امریکا، کینیڈا،آسٹریلیا، نیوزی لینڈ سمیت پوری دنیا وچ  کھن٘ڈ ڳئی تے اڄ برطانیہ یا امریکا دی سابق نو آبادیاں وچوں اکثر وچ ایہ سرکاری زبان ہے جنھاں وچ پاکستان، گھانا، بھارت، نائجیریا،جنوبی افریقا، کینیا، یوگینڈا تے فلپائن وی شامل ہن۔

سلطنتِ برطانیہ دی وسیع سرحداں دے باوجود انگریزی 20 ویں صدی تائیں دنیا وچ رابطے دی زبان کائناں ہائی بلکہ ایں کوں  ایہ مقام ݙوجھی جنگ عظیم وچ امریکا دی فتح تے دنیا بھر وچ امریکی ثقافت دی ترویج دے ذریعے حاصل تھیا خصوصا ذرائع مواصلات وچ تیز ترقی انگریزی زبان دی ترویج دا باعث بݨی۔

٣٥ کروڑ کنوں ودھ لوکاں دی مادری زبان انگریزی ہے۔ ݙوجھی زبان تے طور تے ٻولݨ پڑھݨ لکھݨ آلے ݙیڈھ ارب کنوں ودھ ہن۔
انگریزی  زبان انگلستان,آسٹریلیا,امریکہ اتے کینڈا وچ بولی ویندی ہے.. لندن وچ ٻاوی فیصد لوک انگریزی دی بجائے ٻیاں زباناں الیندن۔ 




#Article 445: انگریزی ادب دی تاریخ (785 words)


لکھت: محمد شفیق معین چشتی شیروی 

جنرل سیکریٹری بزم_گل محمد چشتی شیروی رح و دبستان_شیرو (سرائیکی)

(660------1066)

دوستو عام طور تے انگریزی ادب دا منڈھ ستویں صدی  عیسوی توں بدھیا ویندے تے ایں زمانے کوں اینگلو سیکسن زمانہآکھیا ویندے کیوں جو کوئی پنجویں صدی وچ تراے قبیلے اینگل،سیکسن تے جیوٹ ؛جرمینک(ہن)قبیلے دے ظلم زبردستئیں   توں تنگ تھی لمے سویڈن تے ڈنمارک توں لڈ برطانیہ دے جزیرئیں وچ ان وسئیےہن-پہلے اے لوک کافر ہن پر بعد وچ عیسائی تھی گئے -ایں دور دے ادب کوں تراے قسماں وچ ونڈیا ونج سگیندے

     انہاں دی شاعری ڈو زمانیاں تے مشتمل ہے

   غیر عیسائی شاعری وچ زیادہ ادبی زور موجود ہے پیا-ایں دور دیاں کجھ مشہور نظماں وڈزتھ،ڈی اور، والڈہئیر،دا فاییٹ ایٹ فنزبرگ،تے بیووولف ہن-بیووولف'ایں دور دی  سنجاپو رزمیہ(جنگی)نظم ہے جیندے وچ ہیرو بیوولف ڈین قوم دے بادشاہ ہروتھگار دے قلعہ وچ بربادی مچاونڑ آلے اژدھے گرینڈل نال بھیڑی ڈے اونکوں تے ولا اوندا پور چاونڑ آلی اوندی ما کوں مار سٹیندے-ایندے نال ای او چالہی سال سانگے آپڑیں گیٹ قوم دا سردار بنڑ ویندے-ہک دفعہ ولا دھن دے پارھے دار ہک بے اژدھے کوں مریندے پر اوندے ڈند دے زہر لگنڑ پاروں خود وی مر ویندے-

    ایں دور دی عیسائی شاعری وچ ڈو شاعر نشابر ہن

  کیڈمن ہک چٹا انڑپڑھ آدمی ہا جیکوں ہک ڈینہہ اچنڑچیت ربوں شاعری ڈات وچ مل پئی-او انجیل دے واقعات کوں نظم کریندا تے جاہ جاہ لوکاں کوں سنڑیندا رہ ویندا ہا-ہنڑ اوندی شاعری دیاں صرف نوں سطراں ملدئین-

       کین ولف ہک بشپ ہا تے اوندیاں چار نظماں کرائسٹ،جیولیانا،ایلن تے دا فیٹس آف اپوسٹلز ملدئین-

        جے تئیں ایں دور دی دی نثر دا تعلق ہے،تراے نثر لکھنڑ آلے ڈکھالی ڈیندن

         الفرڈ بادشاہ ہا تے اوں لاطینی توں  کجھ تاریخی کتابیں دے آپڑیں زبان وچ ترجمے کیتے جیویں جو

بیڈ دی کتاب  ایکلیزی ایسٹیکل ہسٹری دا  ترجمہ 

      الفیرک دی لکھت ہومیلیز الفرڈ دی نثر کنوں ودھ شان رکھدی ہے-

                ایں دور دے بجھارتیں کوں شاعری تے نثر دے وچکار دی کوئی  شئے آکھیا ونج سگیندے-ہر قسمی جانور،ہتھیار،واجے،کپڑے،چندر،تارے ،سجھ اتے دنیا دی ہر شئے انہاں وچ بجھوائی گئی ہے-

                           *1066-----1350 *

       انگریزی ادب دا اینگلو نارمن زمانہ سن 1066 ء کوں ہیسٹنگز دی جنگ وچ  فرانس دے صوبہ نارمنڈی توں آونڑ والے بادشاہ ولیم فاتح دے ہتھوں چھیکڑی اینگلو سیکسن بادشاہ  ہیرلڈ(ڈوجھے) دی شکست نال شروع تھیندے- حاکمیں(نارمنیں)دی زبان  تے ثقافت نے محکومیں(سیکسنیں) دی زبان تے ثقافت  کنوں ڈاڈھا تھیونڑ شروع کر ڈتا-بہر حال ہنڑ نارمنیں دے قبضہ وچ موجود برطانیہ دے  دفتریں،درباریں،مدرسئیں  تے کورٹ کچہرئیں وچ فرانسیسی زبان دا رواج تھیا،کلیسا تے سائنس دی زبان پہلے وانگوں لاطینی ای رہئی-صرف  تلویں طبقے نے ای آپڑیں ما بولی سیکسن زبان  کوں آپڑیں ہاں نال لئی رکھیا-اے صورت_حال اوں ویلہے بدلی جڈاں 1204ء وچ نارمنڈی دا صوبہ نارمنیں دے ہتھیں وچوں نکل گیا تے او صرف برطانیہ دے مالک ای رہ گئے-ہبڑ نارمنیں سیکسنیں دی زبان سکھنڑ شروع کیتی-چوڈویں صدی عیسوی دے شروع وچ نارمن فرانسیسی زبان بھل گئے ہن تے سیکسن زبان وچ وی ڈھیر ساری ادل بدل تھی گئی ہئی-ایہا رلوڑ زبان ای دفتر،سکول،پارلیمان ،کورٹ کچہرئیں تے ویچ وٹا وچ ورتائی گئی اتے  اج دی انگریزی دا آیرا بنڑی-                فرانسیسی زبان نے سیکسن زبان

دےقواعد،صرف،نحو،فقرئیں دی 

بنڑت،تلفظ،بیان،عروض تے اوزان وغیرہ تے زور دا اثر سٹیا تے ایں طرح  ڈو بولئیں دا اے رلا آونڑ آلے  انگریزی ادب سانگے ہک  نعمت ثابت تھیا-

               ایں زمانے وچ ساکوں تراے طرح دا ادب نظر اندے

     نثر وچ  رومانسز پرانڑئیں ہیروز تے ہیروئنز دے گزریل ڈینہواریں دیاں پریم کہانڑیاں تے شان دار کارنامئیں دے قصے  ہن جیرھے زیادہ تر فرانسیسی تے لاطینی ذرائع توں ادھار گھدے  گئین-جیویں جو بادشاہ آرتھر دیاں کہانڑیاں،ٹرائے دی جنگ دے حال تے Charlemagane اتے الیگزینڈر دا گریٹ دے دیو مالائی کارنامے-نثر دئیں چونڑویں کتابیں وچوں انکرن ریول سبھ توں نشابر ہے-ایں کنیں علاوہ ولئیں دی حیاتی تے لکھیاں یویاں نثری کتاباں وی ملدئین-مثال دے طور تے لایف آف سینٹ برانڈن تےلائف آف سینٹ ڈسٹن-فرانسیسی زبان دے کہانڑئیں دا ترجمہ ہینڈلنگ سن  وی نثری لکھت ہے-

           جے تئیں ڈرامے دی گال یے ایں دور وچ انگریزی قومی ڈرامے دا منڈھ بدھیا گیا-زیادی تر ڈو قسمی ڈرامے لکھئیے گئے

     معجزاتی ڈرامے جنہاں کوں کہیں حد تئیں رازاں بھرئیے ڈرامے Mystery Plays وی آکھیا ویندے،انجیل پاک دے واقعات تے ہدایات تے بنڑیاد رکھدے ہن-

       اخلاقی ڈرامے چنگائی تے برائی دے وچکار کھچ تانڑ کوں ظاہر کریندن تے انہاں دے کردار مجرد ہوندے ہن جیویں جو صحت،موت تے ست ہلاک کر ڈیونڑ والے گناہ-ایں تکنیک کوں Allegory وی آکھیا ویندے-

           اینگلو نارمن دور دی شاعری وچ نظماں تے گیت شامل ہن-نظمیں وچ اکثر مذہبی موضوعات تے مبنی نظماں ملدئین مثلاپوئما موریل،آرمیولم،لوو رون کر سر منڈی وغیرہ

   کجھ نظماں تاریخی ہن جنہاں وچ انگلستان تے سکینڈی نیویا دی تاریخ بیان کیتی گئی یے-اینویں ای کجھ نظماں تمثیلی ہن جیویں جودی اول اینڈ نائیٹ اینگلتےدا فاکس اینڈ دا ولف




#Article 446: انگریزی سَمراج، مہاراجہ رنجیت سکھ ، افغان فرنٹیر اتیں وادی سندھ (451 words)


شاکا ہاری

(سیکرٹ پولیٹکل کمیٹی،  ریکارڈ آف ایسٹ انڈیا کمپنی)

برٹش ایسٹ انڈیا کمپنی 1757ء اچ بنگال ہتھیکا کیتا تے اُتھوں دی مالیے تے لگان دی سرکاری آمدݨ نال برٹش انڈٰین آرمی دی بݨیاد رکھی جیندے نال اڳوں پورے ہندوستان اچ انگریزی سمراج ٻدھیڄا۔ بنگال ہتھیکا کرݨ پچھوں انگریزیں  پیلھے 1764ء اچ بکسر دی مشہور بھڑاند اچ مرہٹیں کوں ہرا  کنیں بہار تے اُڑیسہ اچ کمپنی دی سرکار بݨائی۔وت نظام دکن نال رَل 1797ء اچ   میسور دے ٹیپو سلطان کوں ڈھوایا تے اڳوں روہیلیں تے مرہٹیں کوں ہریندے  1803ء اچ ایسٹ انڈیا کمپنی تے انگریز  پوری گنگا جمنا وادی تے مغل دربار دی مولدھاݨی دِلی دے مالک بݨ چُکے ہئین۔ مغل بادشاہ کوں پنشن ݙ ے ݙتی ڳئی۔
دلی نال ڳانڈھویں پنجاب (صوبہ لہور)  اچ  اوں ویلھے خالصہ سکھ تے اُنہیں دیاں کئی مِسلاں رنجیت سنگھ دے ہیٹھوں کٹھے تھی ہک وݙی تݙ بݨ چُکے ہئین۔  رنجیت سنگھ لہور کوں 1799ء اچ ہتھیکا کیتا ۔اوں   1802ء اچ بھنگی مِسل کوں ہرا کنیں سکھیں دے مقدس شہر امرتسر  کوں اپݨی سرکار اچ رَلایا۔
اوں ویلھے انگریزیں مہاراجہ رنجیت سنگھ دے پنجاب تے وادی سندھ  کوں ہندوستان تے افغانستان (سنٹرل ایشاء) دے وچالے ہک ' بفر زون' سمجھ اپݨی فوجی تے سفارتی کھیݙ   سِتری۔اپݨی تکڑی نیوی دی تݙ  نال پورے ہند سمندر اُتے اُنہیں دا زور چلدا ہئی تے ہندوستان اچ کمپنی دی سرکار کوں اوں پاسیوں کہیں وݙی چڑھائی دا ݙر بھئو نہی۔ جݙاں جو افغانستان تے ایران راہیں او پیلھے فرانس دے نیپولین تے وت زارِ روس دی چڑھائی دے ݙر بھئو اچ  ریہے تے جیندی اُنہیں ہر تراویں دی فوجی تے سفارتی ݙک ٹھل کیتی۔

افغانستان دی ایں ݙک ٹھل اچ مہاراجہ رنجیت سنگھ تے سکھیں دی پریتی جاہ ہئی۔ انگریزیں جیڑھی شطرنج دی کھیݙ سِتری، اوندا مُکھ مُہاندرا کُجھ ایں ہئی۔

انگریزی سمراج تےرنجیت سنگھ  دی آپت دی سانجھ  سٻدھ دے ݙوہیں کوں کئی فیدے تھئے۔ جتھاں رنجیت سنگھ  تے اوندا لہور  دربار  انگریزیں کیتے افغانستاندی پاسیوں کہیں دھاڑ  کیتے ہک ݙک ٹھل ہئی تاں ٻئی پاسیوں ایں سانجھ تے سٻدھ نال رنجیت سنگھ کیتے مُلتان، کشمیر تے پشاور ہتھیکا کرݨ سوکھا تھی ڳیا  تے جنہیں  دی لُٹ پُٹ نال اوندے خزانے بھریڄ ڳئے۔

ہک ڳالھ جیندی ساکوں اتھاں سُنڄاݨ دی لوڑھ ہے، او  رنجیت سنگھ دی سرکار دا دیسی ہووݨ ہے۔ اوندا وݙا  ارتھ اپݨے آپ کوں سمراٹھ  بݨاوݨ تے اپݨا خزانہ بھرݨ تاں ہئی، پر اوندی چیتے  کاری اچ انگریزی سَمراج وانگ سوشل انجینرنگ تے پولیٹیکل کالونائزیشن دا کوئی ایجنڈا نہی۔ جے کہیں علاقے کنیں اوندی مرضی دا  نذرانہ تے شُکرانہ ملدا ریہوے ہا تاں اوں علاقے کوں  کُھل چھوٹ ݙیوݨ اوندا مسئلہ نہی ہوندا۔مُلتان اچ ساوݨ مل دی سرکار ایندی ہک مثال ہے۔   
(سُنڄاݨ سرائیکی جرنل اپریل۔ اگست 2015ء دی ہک لکھت کنوں گیدھا ہک سیکشن)




#Article 447: انگونگی واتھیونگو (708 words)


میں رڑھ واہی کرݨ آلے ہک درگھے ٹٻر وچ ڄمیاں۔ ساݙے ٹٻر وچ میݙا پیو، اوندیاں چار ذالیں تے اٹھاوی ٻال ہئین۔ اے اوں ویلھے دی ڳالھ اے جݙاں ہر ٹٻر پورے ویہڑے تے وت اڳوں پورے وسیب نال گنڈھیا ہویا ہوندا ہئی۔ رڑھ واہی کریندیں ہوئیں ساݙا اَلا ٻول اپݨی ما ٻولی گیکئیو وچ تھیندا ہئی۔ ساݙے گھر تے اوندے ٻاہروں گیکئیو ای الائی ٻولی ویندی ہئی۔ 

اڄ وی میکوں چنڳی تراویں یاد اے کیویں اساں دیگر ویلھے پتھاری دے چُودھار ٻہہ کے قصے کہاݨیاں سُݨدے ہاسے۔ اے قصے کہاݨیاں ٻالیں کوں اُنہیں دے وݙ وݙیرے سُݨیدے ہئین۔ ہر کوئی انہیں قصے کہاݨیں کوں شوق نال ٻہے سُݨدا ہئی۔ اساں ٻالیں دا ہک کم اڳلے ݙینہہ اُنہیں سُݨیے ہوئے قصیں کہاݨیں کوں اپݨے یورپئین تے افریقی مالکیں دے چاہ دے باغ وچ پتے تے ٹِنگڑیں چُݨدے ٻالیں کوں سُݨاوݨ ہوندا ہا۔

اے کہاݨیاں، جنہیں دے وݙے کردار جانور ہئین، ساکوں اپݨی ما ٻولی گیکئیو وچ ݙسیاں وینداں ہئین۔ سیہڑ ننڈھڑا تے ہیݨا ہوندیں ہوئیں وی اپݨی نویکلی ذہانت تے ہوشیاری دی وجہ توں ساݙا ہیرو ہوندا ہا۔ جئیں ویلھے او شیر، چیتا تے اینجھے ٻئے شکاری جانوریں دے خلاف اپݨا بچا کریندا ہئی تاں اساں اپݨے آپ کوں او سیہڑ دی جاہ تے سمجھیندے تے محسوس کریندے ہاسے۔ سیہڑ دی کامیابی ساݙی کامیابی ہوندی ہئی تے اوندی کہاݨی کنیں اساں اے سکھیا جو ہیݨا تے کمزور ݙیکھیجݨ آلا کیویں اپݨے سیہݨپ اتے پُھرتی نال ݙاڈھے کوں ہرا سڳدے۔ انہیں قصے کہاݨیاں وچ اساں ݙیہدے ہاسے اے جانور کیویں سخت فطرت۔جیویں جو کُریہہ، جھڑ مینہہ، گرمی سردی، جھکڑ جھولے وغیرہ۔ دے خلاف بِھڑدن تے ایں بھڑاند وچ سانجھ دے راہ رستے ڳولیندن۔ ساݙی ہک دلچسپی انہیں قصے کہاݨیاں وچ جانوریں دی آپت دی بھڑاند ݙیکھݨ وی ہوندی ہئی، خاص کر درندے شکاری جانوریں اتے اُنہیں دے شکار وچالے تھیوݨ آلی بھڑاند۔ فطرت دے خلاف تے جانوریں دی آپت دی بھڑاند دیاں اے کہاݨیاں ساکوں اپݨی اصلی انسانی دنیا دے بھڑاندیں ونگ لڳدیاں ہئین۔ اے ڳالھ نہی جو اساں او قصے کہاݨیاں نَہسے سُݨدے جیندے وچ انسان وݙے کردار ہوندے ہئین۔ انہیں انسانی کہاںیاں وچ کرداریں دیاں وت ݙو ونکیاں ہوندیاں ہئین۔ اینجھے انسان جنہیں دی خصوصیات وچ مہربانی، رحم، برائی کنیں نفرت، ݙوجھیں دا خیال رکھݨ شامل ہئی تے ݙوجھے پاسو ݙو مُونہے آدم خور انسان ہوندے ہئین جنہیں دی خاصیت لالچ، خود غرضی تے ہر اوں شے کنیں نفرت کرݨ ہا جیندے نال سانجھ تے وسوں ودھدی ہئی۔ ساݙے اوں ویلھے دے وسیب وچ آپت تے سانجھ کوں چنڳا ڄاݨا ویندا ہئی۔ ایں سانجھ وچ انسان تے جانور کٹھے رل کے دیہیں ݙیݨیں دا مقابلہ کریندے۔

قصے کہاݨیاں کرݨ آلیں وچوں کُجھ ٻہوں چنڳے تے کُجھ مندے ہوندے ہئین۔ چنڳا کہاݨی سُݨاوݨ آلا ہکا کہاݨی ولا ولا اینویں سُݨیدا ہئی جو ہر دفعہ سُݨن آلے کوں او ننویں کہاݨی ڄاپدی ہئی یا کہیں ٻئے دی سُݨائی کہاݨی کوں اینویں ولا سُݨویندے ہئین جو او کہاݨی ودھیک ڈرامائی تے مݨ بھاوݨی تھی ویندی ہئی۔ قصہ کہاݨی سُݨاوݨ وچ سارا فرق لفظیں تے تشبیہات دے وکھرے ورتارے تے انجو انج تاثرات کوں ݙکھاوݨ کیتے کڈھے ہوئیں آوازیں نال پوندا ہئی۔انہیں قصے کہاݨیں کنیں اساں لفظ تے اوندے معنی دی قدر کرݨ سِکھیا۔ساݙے کیتے ٻولی کلہا لفظیں نال ڳنڈھیا کئی ہار نہی۔ ایندا اثر لفظیں دے فوری ورتارے تے اُنہیں دے لغوی معنیں کنیں ودھ ہوندے۔ ساکوں لفظیں دی لُکی ہوئی جادوئی طاقت دا پتہ اوں ویلھے لڳیا جݙاں اساں ٻُجھارتیں، آکھاݨ تے ہجیاں دے وٹا پھیر دی چس چاوݨ لڳے یا وت جئیں ویلھے اساں بے معنی پر موسیقیت دے حساب نال سلہڑے لفظ اَلاوݨ لڳے۔ ایہا ڳالھ اے جو اساں اپݨی ٻولی دی موسیقیت کوں سبھ توں پیلھے تے ودھ سِکھدے ہئیں۔ ساݙی ٻولی اپݨے استعاریں تے تشبیہات دے ذریعے ساکوں دنیا کوں ݙکھݨ تے سمجھݨ دی راہ ݙتی۔ ایں سبھ توں ودھ ٻولی دا ہک اپݨا اݨ مُک سُہݨپ ہئی۔ ساݙا گھر تے اوندے ٻاہرو رڑھی راہی دے میدان ساݙے کیتے کچی پکی جماعت دے سکول ہوندے ہئین۔ ساݙی ایں بحث کیتے سبھ توں ودھ اہم ڳالھ اے ہے جو ساݙی شام ویلھے دی لکھائی پڑھائی دی ٻولی تے ساݙے ویہڑے وسبے تے کم کار آلی جاہ دی ٻولی وچ کئی فرق نہی ہوندا۔ اساں سبھے جاہیں تے کم کاریں وچ اپݨی ما ٻولی ٻلیندے ہاسے۔ (ایندی ہک لکھت دے زکریا نتکاݨی دے سرائیکی ترجمے توں ماخوذ)




#Article 448: اوندے وچھوڑے دے سال بعد (685 words)


ظفر لونڈ کوں چوݙہ جولائی ݙو ہزار سولہ کوں گھرو سݙ کے سڄی اکھ دے ہیٹھ گولی مار کے ہلاک کر ݙتا ڳیا ہائی۔ اوندے مرݨ دی اطلاع جیکوں جیکوں ملی اوں اپݨی اپݨی سمجھ بوجھ پاروں اوندی وضاحت کیتی تے دماغ کوں تھتھرام اچ گھن آوݨ دا ترلا وی کیتا پر دل دے ارمان تے ݙکھ کوں ٹھڈا کرݨ سانگے کوئی ٹھوس وجہ نہ ملی۔ کیوں جو ظفر ہیک بے ضرر تے فقیر طبیعت بندہ ہائی جیندی وجہ کولو اوندا ارمان اوندے جاݨ سنڄاݨ آلیں لوکاں اچ سال بعد وی ودھدا پلدا پئے۔

خاص کر اوندی گھاٹی سنگت کہیں سیاسی کٹھ اچ، کہیں ثقافتی میلے اچ، کہیں نجی محفل اچ یا کتھائیں غریب طبقے دے حقوق بارے ڳالھ مہاڑھ اچ اوکوں عزت تے احترام نال یاد ضرور کر ٻہندی حے۔

اوندے مرݨ نال اوندے خاندان کوں تاں نا قابل تلافی نقصان تھائے سو تھائے پر اے سرائیکی سیاست، عملی جدو جہد، ملکی تے عالمی سیاسی تناظر دی پرکھ اتے بے لوث محبت کرݨ آلیں لوکاں کیتے وی کوئی گھٹ نقصان کائینا ہائی۔

آھدن جیلے بندہ جھوک لݙا ویندے ول اوندے نہ ہووݨ پاروں اوندی اہمیت دا احساس ٻہوں ودھیک تے اثر پاروں ڈونگھا ہوندے۔ ایں احساس کوں میں اپݨے اندرو تے اوندے قریبی لوکاں اچ ٻہوں شدت نال محسوس کیتے۔

دریا تیں راہوݨ آلے کمزور لوک جیندے حقوق دی اوں بھیڑی بھڑدا رہیا ہائی او اج وی ظفر دا ذکر تھیوے تے رو پوندن، ایویں ظفر کوں ڄاݨڑݨ آلے ٻال وی ٹھڈا ساہ بھر تے اپݨی ڈونگھی بے بسی دا اظہار کیتے متوں بغیر نئیں رہ سڳدے، جیندے نال او اٹھدا ٻاہندا ہائی او وی اوندیاں ڳالہیں یاد کر کر کے اپݨی مونجھ لہیندن، پر مونجھ لہندی نئیں بلکہ مزید گہری تھیندی حے۔

ایویں ٻٹ کڑک دے ویلھے سنگتی ظفر دیاں چسولاں ڳالھیں نئیں بھلدے۔ کل اوندا ہیک سنگتی ظفر کوں یاد کرے پیا تے نال اوندیاں ڳالہیں وی ڈسے پیا. اوں ڈسیا جو ہیک دفعہ ظفر کولو کہیں انگریز سوال کیتا جو تساں غریب تریمتیاں دے حقوق بارے کمپین چلائی حے تے اتھو دیاں تریمتیں تاں گھرو ٻاہر نئیں نکل سڳدیاں ..ظفر اوندی ڳالھ کٹیندے ہویں انگریزی اچ آکھیا ‍‍دے کیم ان پروٹیسٹ فار دے ار رائٹس لائک آ ماکھی۔

آکھݨ دا مطلب اے حے او ہیک دبنگ بندہ ہائی جیرھا پوری آزادی نال اپݨا موقف رکھ ڈیندا ہائی۔ اوندے دل اچ کہیں قسم دا کوئی ڈر بھاؤ سرو کائینا ہائی او خواہ مخواہ دے کمپلیکس، اپݨی تعریف یا جائز گالھ رکھݨ اچ ݙچکدا کائینا ہائی۔

اواپݨی سرت سمبھال اچ رکھدا ہائی اوندا سیاسی، سماجی تے ثقافتی مؤقف واضح تے دل شیشہ ہائی.اوندے اندرو کلاسیکل بلوچ زندہ ہائی جیرھا اوکوں ہیک خاص تݙ ڈیندا ہائی ایں تݙ تیں او اپݨا یاریاں نبھیندا ہائی لوکاں دے کولو آندا ویندا ہائی تے خوب صورت ٻٹ کڑاک وی لایندا ہائی۔

اڄ ظفر دے نہ ہووݨ پاروں جتھاں دریا تیں راھوݨ آلے کمزور طبقے دے لوک اوتر نکھتر تھائن اتھاں سرائیکی سیاست کرݨ آلے اگواݨ وی ݙونگھی سیاسی دانش تے اٹکل کولو محروم تھی ڳئین۔ اوہر گزردے وقت دے نال اپݨی اہمیت دا احساس سنڳتاں کوں ݙیوایندا رہ ویندے. او ݙکھ دے ماریاں کوں رہ رہ کے یاد آندے، اوندی کمی کوں ٻٹ کڑاک آلایاں محفلاں اچ اڄ وی محسوس کیتا ویندے، سیاسی کٹھ، ثقافتی میلے تے ماحول سانگے کم کرݨ آلے پروگراماں اچ اوندا تذکرہ لازمی تھیندے۔

او بندہ زندہ لوکیں دا یار ہائی..اوندی مخالفت کہیں نال ذاتی بنیاد تیں سرو کائینا ہوندی ہائی نہ ہی او کہیں نال تعصب رکھیندا ہائی، او لوکاں دی ذاتی زندگی بارے اکا ڳالھ نہ کریندا ہائی. ڈھیر حرص تے طمع اوندی طبیعت اچ اصلو کائینا ہائی۔ او ہیک فقیر منش انسان ہائی جیرھا کہیں ݙٹ کوڑ پاروں اپݨی شناخت یا اہمیت دا قائل نہ ہا۔

اوندی کھل دے ٹھکارے، اوندیاں پیار آلاں مندے ڳالہیں، اوندے صاف ستھرے ورت ورتارے، اوندیاں وسیب نال سچیاں محبتاں، پراݨے لوکاں دے قصے کہانیاں دا اڄوکی دنیا اچ ڈیکھݨ دا انداز، تاریخ تے فلسفے بارے اوندے نہایت جاندار موقف، ہندو میتھالوجی تے ایں وسبے دی لوک دانش دا اوندے کم اچ نتار، مظلوم قوماں بارے اوندے سچے تے حقیقی جذبات اوکوں ٻنہیں لوکاں کولو ہیک وکھری شخصیت بݨاوݨ اچ اپݨا اپݨا حصہ پائیندے ہن.




#Article 449: اوپریاں ٻولیاں دا ݙڈھپ (313 words)


ریاستی مسلط تھئی ہوئی ملاں دی بولی کوں ماء بولی دے مقابلے اچ افضل تے مقدس سمجھنڑ آلیں سرائیکی وسوں دے لوکاں کوں اج دا جیہاڑا شرم نہ آئی تاں وت کڈھاں نہ اوسی۔
میکوں انھاں لوکاں تے ترس آندے جیہرے یا تاں عربی کنوں متاثر ہن ۔۔ یا وت بنہیں غیر مقامی زبانوں کوں ماء بولی تے مسلط کر تے پڑھے لکھے یا مذہبی ہوونڑ دا تاثر ڈیندن
اے بئی گالھ اے جو عربی وی زبان ہے تے صاف ظاہر ہے ایکوں سکھنڑ چنگی گالھ اے لیکن عربی دے نال نال جیہرا ثقافتی حملہ مقامیاں تے مذہب دے ناں تے ملاں کیتے اوکوں توجہ نال ڈیکھنڑ دی لوڑھ اے۔۔
انگریز اتھاں آ کراہیں ساکوں یاد ڈیوائے جو تساں مسلمان ہندی کیوں الیندو لہذا عربی فارسی تے بیاں زباناں رلا تے فالودہ تیار کیتا گئے۔۔
او فالودہ اج ساڈی گچی دا گیڑ بنڑ کھڑے۔
ایں سارے معاملے اچ سندھی آپنڑاں دماغ استعمال کیتے آپنڑی ماء بولی واسطے الانڑے۔
تے ساڈی حالت اے ہے جو اساں لاہور کراچی پنڈی تے پرے لاتھن ملتان ڈیرے اچ وی اردو الیندوں تے اردو الا تے ترقی پسند ہوونڑ دی اکڑ کر کھڑدوں جو اساں دیہاتی نسے۔۔
پنجابی ہووے پشتو ہووے سندھی بلوچی یا اردو یا وت عالمی زبان انگریزی بہوں سوہنڑیاں زباناں ہن۔
لیکن جیکر کئی زبان تہاڈے اتے مسلط کیتی ویندی پئی اے یا کر ڈتی گئی اے تاں تہاکوں سوچنڑاں چاہیدا ہے۔
خاص طور تے بالاں کوں مقامی زبان سکھاؤ۔۔
تاکہ او خواب مقامی ڈیکھن تے مقامی زبان اچ سوچن تے انھاں دی سوچنڑ سمجھنڑ دی صلاحیت تیز تھیووے۔۔
بالاں تے انگریزی یا اردو مسلط نہ کرو ۔۔
اے تہاڈی کامیابی کینی بلکہ بال تے ظلم اے فطرت دا تقاضہ وی ایہو اے جو بال کوں مقامی زبان سکھالی ونجے۔
غیر مقامی آلی کار تھیونڑ دے چکر اچ بال دی مقامیت دا قتل نہ کرو۔۔
نہ تے بھوئیں تہاکوں کڈھاں معاف کینا کریسی۔۔

مظہر حسین




#Article 450: اوچ ، کاشی گری (123 words)


نظم

اوچ: کاشی گری

کوئی دوروں ڈیکهے تاں، نیل کنٹھ پئے اڈدے، شہر دیاں گلیاں اُتے تَردے، اچیاں جٍهکیاں ماڑیاں واہندے، نیل کنٹھ پئے اڈدے

پر جے نیڑے ونجو، چار چفیرے گُهم کے ڈیکهو ' بهانویں ایہ کوئی مینہ پیا وسدے، پٍنڈے اتے کنڑیاں پوندن، کپڑے نئیں پئے پُسدے، یا وت تکهی دهپ وچ ٹهڈی وا گهل پئی ہے'

بهانویں کہیں پاسوں کهڑ ڈیکهو، نیل کنٹھ تاں چهاونی پاتی بیٹهن، بهانویں کہیں کوں زور زور دیاں ہکلاں مارو، اچیاں اچیاں گالہیں کرو، ایہ نئیں اڈدے، ٹردیں ٹردیں بهج پووو، گلیاں وچ دڑکار کرو، پباں دے بهر چَوْ چَوْ ڈیکهو، ہتھ الارو، ایہ اجهکدے نئیں، ایہ تاں سٍلہاں دے آلهنڑیاں وچ اکهیں نوٹ تے کهمب کهنڈائی بیٹهن۔ رفعت عباس

(بهوندی بهوئیں تے : 1995)




#Article 451: اوچ شریف دا ادبی مقام (313 words)


اوچشریف دی دھرتی ادب دے حوالے نال  ھمیشہ زرخیز رہ ڳئی ہے کہیں وی دور اچ سنج نیں تھئی صدارتی ایوارڈ یافتہ شاعر سرائیکی زبان کوں پوری دنیا وچ متعارف کرانوݨ والے سرائیکی زبان دے عظیم شاعر سئیں جانباز جتوئی رح دی ساری زندگی اتھائیں گزری اور حضرت جہانیاں جہانگشت رحمتہ اللہ علیہ دی مزار اقدس اچ مدفون تھیوݨ دا شرف حاصل تھیا ایندے علاوہ سرائیکی زبان دے مہان شاعر سئیں شمیم اچوی مرحوم سئیں خاک اچوی رح سئیں عاصم اچوی رح اپڑیں دور دے عظیم شاعر ھن جہڑے لوک خاک اچوی رح تے عاصم اچوی رح کوں جاݨدن او لوک انہاں دے مقام دا میں توں بہتر تعارف کرا سڳدن انہاں دے علاوہ بئے وی ڈھگ ناں ھن جہڑے کہیں تعارف دے محتاج کائنی جنہاں وچوں سئیں عبدالحکیم غازی اچوی سئیں منظر اچوی مرحوم سئیں ڈاکٹر اختر تاتاری مرحوم سئیں ظہور احمد واصل مرحوم سئیں منظور احمد شوق اچوی سئیں ہمراز اچوی  سئیں ناصر خان رند اکمل حسین اکمل بلال واصب عبدالغفار حامی دے علاوہ بئے وی بے شمار ھن لیکن انہاں وچوں ھک ناں او ھے جیندے اڳوں لفظ ہتھ بدھ کھڑدن جئیں پورے وسیب اچ اپڑاّں ھک مقام بݨائے جہڑا حالی تئیں برقرار ھے تساں میݙے نال اتفاق کرو یا نہ کرو مگر میکوں احمد خان طارق صاحب دی جھلک اگر کہیں شاعر وچ نظری ہے تاں او سرائیکی زبان دے عظیم شاعر سرائیکی دے متروک لفظاں کوں  زندہ کرݨ والے مہان انسان استاد محترم سئیں جام محمد اقبال اکرام میتلہ صاحب  وچ نظری ھے انہاں دے  چند ڈوھڑے استاد غلام عباس آسی صاحب دی آواز وچ تہاڈی نظر انہاں دے مزید کلام دا چساں بعد اچ وی چوینداں رہساں۔

صرف اساکوں سدھ ھے کیوں تے کہڑے رنگ دے اندر

ہتھ آئے باز اݙیے ڳن یاسر جیتیاں بازیاں ہر ڳیوں

نتاں ساݙی بھوئیں تے تیکوں گنگے ݙاند نہ ݙسدے

اساں اپڑیں گھوڑیں سودھے آلس ہتھوں مر ڳیوں

یاسر خان اچوی




#Article 452: اوکاڑہ (122 words)


اوکاڑہ سرائیکستان دا ہک اہم تے پہلا ضلع ہے. جتھوں دے لوگ زیادہ تر کاشت کاری نال وابستہ ہن. ہݨ البتہ صنعت کاری شروع تھیوݨ نال لوگ ایں شعبے نال وی وابستہ تھیندے ویندن. مقامی کلچر خالص سرائیکی اے جتھاں جھنگوچی یا مشرقی سرائیکی ٻولی ویندی اے. اتھاں یونیورسٹی آف ایجوکیشن، لاہور دا ہک کیمپس وی قائم کیتا ڳیا اے. 

اوکاڑہ ساہیوال ڈویژن وچ شامل ہے، 

اوکاڑہ دیاں ترائے تحصیلاں ہن۔ 

 مزید ݙیکھو

اٹک  بہاولنگر  بہاولپور  بھکر  چکوال  ڈیرہ غازی خان  چکوال  فیصل آباد  گوجرانوالا  گجرات  حافظ آباد  جھنگ  جہلم  قصور  خانیوال  خوشاب  لاہور  لیہ  لودھراں  منڈی بہاؤ الدین  میانوالی  ملتان  مظفر گڑھ ناروال ننکانہ صاجب اوکاڑہ پاکپتن رحیم یار خان راجن پور راولپنڈی ساہیوال سرگودھا شیخوپورہ سیالکوٹ ٹوبہ ٹیک سنگھ وہاڑی




#Article 453: اَدیب کاں تے چار اپریل (391 words)


لِکھتیں کوں سمجھن والے لوکیں دا وجود لِکھاریں کنوں وی زیادہ ضروری ء ، خاص طور تے وڈیں لِکھتیں کوں سمجھن ، وڈے لکھن والیں کوں جیہڑے کرب اچوں گزرنا پُوندے ، اُوں توں زیادہ تپشیا وڈیں لکھتیں دے سمجھن کیتے ضروری اے ، جے کر کوئی زندگی دے سارے اسرار کوں سوکھے انداز اچ نہیں لکھ سگدا تاں کم از کم زندگی کوں جتلا اُوں سمجھے اُونکوں سمجھاون اچ دیانتداری ورتے۔ ہک بدیانت سوسائٹی وچ جتھاں موقع پرستی ہک مستقل قدر دی صورت اختیار کر ونجے اُتھاں فنکاراں دیاں مشکلاں وی ودھ ویندن تے اُونہہ سوسائٹی ای بندے دے وڈے ہوون دے مواقع ای ودھ ویندن ۔ اڄ اُنہیں مُلکیں دے ادیب دی عزت بہوں زیادہ ہے جتھاں طاقت تے اُوندے نتیجے اچ اُونکوں بندے انسانی سطح توں ہِیٹھلے درجے تے زندہ ہِن ۔ اُنہائیں علاقیں اچ طاقت کوں قلم دی ٻہوں ضرورت ہے۔ آزاد مُلکیں دی نسبت پسماندہ مُلکیں اچ ادیبیں کیتے موقع پرستی تے بد دیانتی دے مواقع زیادہ ہِن ، اے ٻئی گالھ اے جو ایں موقع پرستی دے نتیجے اچ ملن آلیاں رعائیتاں اُونکوں کوئی عزت وی ڈیندن یا نہیں ، شاید کہیں موقع پرست کیتے اِیں گالھ تے سوچن دی فرصت ہے وی سہی یا نہیں ، بہرحال اے گالھ ضرور اے جو اُوندے گھر آون والے ہر تریجھے بندے کوں اُونکوں اپنے کیتے دی وضاحت ہی کرنی پُوندی ء ۔ اے کاں دی نفسیات ء جو اُونکوں ہر ٹھونگے دے بعد چنج اُگھڑیں پوندی اے تے ساری زندگی کرکدا ای راہندے ۔ تریجھی دنیا دا ادیب جے کجھ نہیں بن سگدا تاں کم از کم کاں تاں نہ بنے ، گجھیں، کانویں ، ہِیلیں توں وی علاوہ وی تاں پکھی ہِن جنہاں کوں روزانہ روزی مِل ویندی اے ۔ میں خود وی ہک بزدل جیہاں بندہ ہمی روٹی دا مسلئہ میڈے کیتے وی اتنا مشکل ء جتنا تریجھی دنیا دے ساریں لوکیں کیتے ، ڈاڈھیں لوکیں دا ڈروی اُتنا اے جتنا باقی ساریں لوکیں کوں ، بددیانتی دی خواہش وی ساریں لوکیں کنوں زیادہ ہووے تے کہیں وڈے گھاٹے دی بنیاد تے کوئی دیانتداری کڈاہیں نیں کیتی ، اپنی فطری سستی تے کم چوری دی وجہ کنوں سوکھی زندگی گزارن دی خواہش وی ہے ، ایہا وجہ اے جو اڄ چار اپریل ہے میں اڄ تائیں اِیندے اتے کجھ نیں لکھیا یا ڈر کولوں یا وت اے ہے جو میں کاں بنن نہیں چاہندا۔




#Article 454: اَماں ٻولی اَتیں تعلیم وڄیا (1023 words)


احسن واگھا

اَماں ٻولی وچ تعلیم وڄیا پچھئل سوال ہے۔ پیلھی ڳالھ اے ہے جو اَماں ٻولی آپ تعلیم ہے۔ اُتلی سمڑتی،  یانی کانشس سُوجھ اچ اَساں اے ڳالھ وِساری وَدے رہندے  ہئیں۔اَساݙی چیتے کاری، ورتݨ، اَہرݨ، مِتھݨ اتیں کرݨ کرتݨ دی واڳ اَماں ٻولی، یانی اماں دی ٻولی ہوئی، اتیں آکھی سکھائی ہوئی دے ہتھ راہندی ہے۔
سکول وچ جیرھلے ہک دم ٻئی ٻولی ٻال دے متھےلڳدی ہے تاں او ہک جھیڑے نال سُنڄاݨو تھیندے: اُستاد نال جھیڑا، قاعدے کتاب نال جھیڑا، لفظیں اَکھریں نال جھیڑا، سکول نال جھیڑا ('سکول ڈراپس آؤٹس  ' دا ہک وݙا کارݨ ایہا 'اوپری ٻولی وڄیا' دا جھیڑا ہوندے پر پاکستان وچ اے ڳالھ ݙسیندے نہیں) اے جھیڑا وت ساہ نال ویندے۔ اشو لال دی الاوݨی موجب  اپݨے نال وی ہمدوں جھیڑا، ٻئے دے نال وی جھیڑا ۔
ایں ڳالھ کوں سائنس دے لفظیں اچ آکھیجے تاں اے جو  'سِکشا سکھاوت ' سگنل سنیہے دا گِھن ݙے ہوندی ہے۔ اوپری ٻولی اچ سگنل سنیہے کئی دیر نال چیتے توڑیں پُڄدن، کئی ادھورے پُڄدن۔
سُنڄاݨ دئیں قومی موومنٹس وچ ٻولی دے پاسے اَکھ نوٹی
پاکستان اچ ہَݨیاں، ݙاڈھیاں کئی قومی چولاں تحریکاں ہوندل ہن، جیویں جو سندھی، سرائیکی، پختو، بلوچی، بلتی اَتیں ہتا جو   پنجابی وی۔ پر سوا سندھی دے (اَتیں پختو   وچ پچھلے سالیں دی اے۔این۔پی سرکار دے کیتے کم دے) ٻیاں سبھاں تحریکاں  ، توڑے جو ٻولی دے لیکے ہوئے ٻنیں نقشیں دے اُتے اُسریل ہن، ٻولی دے سوال کن اِکھ ںوٹی کریندن۔سرائیکی چول سئیں حسن حیدراݨی، میر حسان حیدری چانڈیو  اتیں اُنہیں دی سنگت ٻولی دے ایرے تیں شروع کیتی ہائی۔ پر جیویں جیویں سرائیکی چول اَڳونہی تھیندی ڳئی، ٻولی دا کم کرݨا  پچھوہاں تھیندا ڳیا۔ سرائیکی شاعر تے لکھاری سرائیکی تحریک کوں کلھئیں جیندا رکھی ریہے۔یونیورسٹی دے پبلک سیکٹر  دےسرائیکی ڈیپارٹمنس ڈھیر کم نہا کر سڳن، اے ڳالھ تاں سمجھ آندی ہے۔ پر جیرھے ڈھنڳ اُنھیں آپ کوں لکھاریں تے وسیب کن انج پنج،  یانی آپ کوں گھیٹوآئیز   کر گدھے، اے ڳالھ سرائیکی لکھاریں دی ہک پکی مونجھ بݨ ڳئی ہے۔ وجہ وت وی سمجھ آندی ہے  ۔ پنجاب دی کالونئیل سرکار دے ہٹھلڳ جیرھے نوکری کریندن، اے ہݙورتی اوھے ڄاݨدن۔ پر او چاھندے تاں ہتھ پیر مار سڳدے ہئین۔
اَماں ٻولی وچ وڄیا دی سوجھ  اتیں کیتی کرتی دا پچھوکڑ
پاکستان دے پیلھے سال یانی 1947-48 (دسمبر۔جنوری) وچ سکشا ٻولی یانی ذریعہ تعلیم دے سوال تیں کانفرنس تھئی۔ اَماں ٻولیں دے حق اچ بحثاں تھیاں۔ پر ساریاں بحثاں پاسے  تیں سٹ کنیں ریزولیوشن اے منظور کیتونیں جو اردو قومی تے تعلیمی ٻولی ہوسی۔  سوا سندھ دے باقی سارے اڄوکے پاکستان وچ اردو  (اتیں انگریزی) لاڳو تھی ڳئی۔ باقی ٻولیں کوں ریجنل دا رُتبہ ملیا۔ انھیں وچو کُجھ وچ ایم۔اے اتیں ادیب/ منشی فاضل دے امتحان پاس کرݨ دی وِتھ رکھیونیں۔ اے رتبہ چار صوبائی ٻولیں کوں ملیا۔ سرائیکی شُمار اچ نہ آئی۔ اصل وچ 1960ء دے ݙہاکے توڑیں سرائیکی اپݨی سُنڄاݨ دے پندھ کریندی ودی ہئی۔ 1970ء دے ݙہاکے وچ بھٹو سرکار دے ہیٹھ تھیوݨ آلی 1975ء دی سرائیکی کانفرنس دے بعد سرائیکی اہرکاریں دی ݙوجھی پیڑھی اُٹھی تاں اُنہیں کوں ڈھیر سارے کم کرݨے پئے ڳئے۔کُجھ تھئے، کُجھ رہ ڳئے۔ اَماں ٻولی وچ تعلیم وڄیا دی ڳالھ ٻہوں گھٹ تھیندی ہئی۔ اساں اکثر لوکی ٻولی دے وݨ کوں پاند کن رہاوݨ تے ٹنگڑیاں پورݨ دا کم کریندے ریہوسے۔
ایندا سٹا نتیجہ اے ہے، جو جیکر اڳونہاں اندازہ لویجے تاں اے ہے جو ڈھیر ٻولیتی (لسانیاتی) والیاں ٻولیاں۔ایرانی ٹولے دی پشتو، بلوچی، ہزارگی (اتیں اُبھے پاکستان دیاں ٻولیاں) ۔ اتیں اینہہ وکھرپ دی وجہ کن، یانی ورتارا تھولا ہووݨ، مارکیٹ دی ٻولی نہ بݨ سڳݨ  دے سوب پچھوہیاں تھی ویسن۔ جݙاں جو ہند آریائی ٹولے دیاں ٻولیاں۔ سندھی، سرائیکی، ہندکو،   پنجابی۔ وݙے کھنڈار  اتیں وادھو ورتارے دی وجہ کن دیر تڳیل نکلسن۔ پر اردو انہیں ٻولیں کوں انت ہندی دے ہٹھلڳ کرݨ دا ہتھیار ہے، اتیں کُجھ سرائیکی لکھاری اردو دے لوبھ کنیں حالی واندے نئیں پئے تھیندے۔ اڄ اے ڳالھ آکھ ݙیویڄے جو ساݙیاں ٻولیاں جتلا ڈھیر اردو دے نیڑے تھیسن، اُتلا تکھئیں اردو دے پچھوآندی ہندی دی چھل وچ ٻݙسن مُکن۔ ڈھیر پڑھیڄݨ اتیں میڈیا دی عزت کماوݨ دی سِک کوں جھلݨا بلکہ سوا  کرݨا پوسی۔گبریل گارشیا آکھیا (انٹرویو، سرائیکی ترجمہ ساجد منصور قیصراݨی، سُنڄاݨ) جو اساں جیرھلے اپݨی ٻولی اچ لکھݨ دا متھیا تاں اے طے کیتا توڑے جو ساݙیاں کتاباں کوئی نہ پڑھسی اَتے اے جالیں اچ لاتھیاں رَہسن، اساں وت وی اپݨی ٻولی اچ لکھیسوں۔
اِماں ٻولی دے ہوکے۔ پنجابی سرکار  اتیں  پنجابی سوجھائیت
پنجاب وچ کافی مُدت کن پنجابی وپارئیں  دی سرکار ٹردی پئی ہے۔ اوپارئیں دیاں سرکاراں نظرئیں اتٰیں نظرئیں دی مخالفت کنیں واندیاں (آئیڈیالوجی نیوٹرل) ہوندئین۔ کُجھ پنجابی لکھاری ہر وریہہ ما ٻولی دا ݙینہہ مَنیدن اتیں سرکار وچ اپݨا ہک ادھ وزیر ہووݨ دے برتے تیں ما ٻولی وچ مُنڈھلی تعلیم شروع کراوݨ کیتے کھمبھ کھڑلیندن۔ اڳلے قدم دے طور تیں اے پنجابی سنگتی سرائیکیں اُتیں کوڑیندن جو بھئی سرائیکیں دے وکھرپ دے ہوکے پارو صوبے وچ ما ٻولی وچ تعلیم دا کم ݙکیا کھڑے۔
ٻنہیں سرائیکیں آلی کار پنجابی لکھاریں  (مشتاق صوفی ہوریں) میݙے نال وی ڳالھ چول کیتی۔ 2006ء دے سال میں اُنھیں دے سَݙے تیں اُنھیں دے ما ٻولی دے کٹھ ݙیکھݨ لہور ڳیم۔ چوہدری فخر زمان دی عالمی پنجابی کانفرنس اتیں سائیں نجم سید دی ٹولی انج انج کٹھ کیتے ہوئے ہئین۔ فخر زمان ہوریں تاں میݙو کَن ای نہ ݙتا۔ نجم سید سائیں دے ہک ادھ  ماٹھو نال ڳالھ  تھئی اتیں میں اے تجویز ݙتی جو ما ٻولی وچ تعلیم شروع کرݨ وچ مسئلہ سرائیکی اتیں پنجابی دے ناویں اتیں انھیں ٻولیں دے نصاب تیں چاڑن لکھݨ دا ہے۔ ایں مسئلہ دا حل اے تھی سڳدے:

ایں طرانح    پنجابی ضلعیں وچ   پنجابی قاعدے اتیں سرائیکی ضلعیں وچ سرائیکی قاعدے لکھیج تے ورتیج ویسن اتیں جھیڑا وی مُک ویسی۔
پر  پنجابی لکھارئیں دی میݙی ایں تجویز تیں تک نئیں پوندی۔ اتیں اڳو  ہک کُراڑی ڳالھ آکھݨی پوندی ہے۔ پنجاب دے لکھاری اپݨے سیاستدانیں کنیں ودھیک پنجابی ہن۔ اے غزنی کن گھن موہنجودڑو توڑیں پنجاب ݙیہدن (ریکارڈ تیں ہے) اتیں اساں سرائیکیں دے منہ متھئیں تیں پنجابی دی موہر لاوݨ چاہندن۔
کریجے کیا؟
اماں ٻولی وڄیا دا ساݙا اَہر سرائیکی کوں بچاوݨ دے کُل اَہر نال جُڑیا ہوئے۔ساݙی ٻولی کوں اے کرتݨ /فیکٹرمُکیندے پئین:

کُجھ تھی سڳدے او اے ہے جو:




#Article 455: اَمڑی (226 words)


کل بیگ چا کے میں گھر کنیں روانه تھئیاں.
سارے گھر آلے الاونڑ واسطے کٹھے تھئین ساریں نال الا کے میں ھولیں ھولیں ٹرنڑ شروع کیتے سارے گھر آلے دروازے تیں کھڑ گئین .

ھک ذات ھئ جیری کجھ پڑھ پڑھ کے میڈے اتیں پھوکے مریندی آندی ھئ میں ھک نظر امڑی دے منھ دو ݙیٹھے عرض کیتم ھنڑ تساں کھڑ ونڄو میں روڈ تائیں پیدل ویساں وت وی او میڈے نال ٹردی آئ ،  آخر میں ضد کر. کے انھیں کوں اتھائیں کھڑنڑ دا آکھ کے خدا حافظ کیتے امڑی میڈا متھا چم کے دعائیں ڈیتن ونج میڈا پتر شالا رب رکھوالا ھووی ساریں پردیسیں دو خیر ھووے سوھنڑے رب دی امان ءچ ھوو .

میں اج فجر آپڑیں منزل تیں پھنچ کے فون کیتے اماں میں خیریت نال پھنچ گیاں امڑی آکھے شکر ھے میڈے الله دا اماں میں ساری رات سم نمھیں سگی بس دعائیں کریندی رھیاں میں کھل کے آکھے اماں تیڈاں دعائیں ھن تاں میں خیریت نال پھنچ گیاں کیوں جو میں اکثر اے گال دوستیں کوں آھداں میں حالی لاپرواه وداں کیوں جو میڈی امڑی جیندی ھے میڈے اتیں مصیبت آ تاں سگدی ھے کھڑ نیں سگدی بھلا اماں دی دعا مصیبت کوں کڈاں کھڑنڑ ڈیندی ھے امڑی دی ذات جھئیں کوئ ذات نئیں شالا ھر کھیں دے سر تیں ما دی چھاں ھووے .
.

By: G M Lakha




#Article 456: اَکھاݨ (227 words)


سرائیکی کہاوت۔

گیدڑ کوں زمیندار
پکڑ گھیدا گیدڑ اکھیا جو میکوں
ناں ماریں نتاں قیامت آویسے زمیندار آکھیا جو تیڈی موت تے قیامت دا کیا تعلق اے گیدڑ اکھیا میکوں پہلے چھوڑ تے ول ڈسےساں زمیندار ڈر تے گیدڑ کو چھوڑ ڈتا پرے ونج تے آکھیوس جو مرنڑ دے بعد میڈےکیتے قیامت اے۔۔
کجھ لوک ایں وی اہدن،،، گِڈر آکھیا جو،  میکوں نہ ماریں نہ تاں سجھ کینھاں ابھرسے زمیندار تکھے تکھے چھوڑ ݙتا کدڑ کجھ پروبھرا تھیا تاں زمیندار الاݨا جو تیݙے مرݨ دے بعد سجھ کیوں کینھاں ابھرسے ؟ گدڑ ولدا ݙتا جو میں تاں ویساں مر میݙے کیتے تاں کینھاں ابھرسے،تے گدڑ ول ڄول ݙتی۔۔۔۔۔

ملاں دے بال کنوں کاں روٹی چا گیا ملاں کاں کوں اکھیا روٹی ولاڈے کاں ضد کیتی تے آکھیوس ناں ڈتوم ولا کیا کریسیں ملاں آکھیا جو کل جمعہ دا ڈیہنہ اے میں ہک اعلان کرڑاں حےجو کاں حلال آے بس ولا ھک کاں ناں بچسے کاں روٹی واپس کیتی تے اکھیوس جو ملاں میڈی قوم دا سر نیدے
میکوں معاف کرڈیو

گیدڑ روڑی تے ونج بیٹھا تے گیدڑ دے پچھ کوں ہک اخبار دا ٹکڑا چمبڑ گیا گھر پناں گیدڑی پچھا اے پچھ کوں کیا بدھی ودیں گیدڑ گیدڑی کوں آکھیاجو میکوں زمیندارین نمبر دار بنڑا ڈتے اےنمبر داری دا پٹہ اے ھنڑ مزے کریسوں
ہک ڈیہنہ واڑی اچ گیا گیدڑ خربوزے کھاونڑ
واڑی آلیں کتے چھوڑ ڈتے




#Article 457: اَیٔ (132 words)


ایہ سرائیکی دا واول(مَصْوَتہ)  ہے۔ انگریزی لفظاں بیڈّ۔ سمیلّ وچ آوݨ آلا واول ɛ  بݨدے۔
ایہ وݙی ے تی چھوٹی ی دی درمیانی صوت ہے. وݙی ے دی آواز تکھے تکھے کڈھوں تاں ایہ صوت بݨدی ہے، وݙی ے جے کہیں لفظ دے درمیان وچ آوے تاں چھوٹی ے دی شکل وچ لکھدن ہن،،. تے ی تے اتے جزم دی علامت  ْ آندی ہے. مثلاً کھیْݙ، میْݙا، 

پر انگریزی لفظاں کوں لکھݨ کیتے ی دے اُتے ء آندے،. مثلاً بیٔڈ

ایں کوں زبر تے یٔ نال ظاہر کریندن(ہیٔڈ، گیٔس، میٔس، لیٔس) واضح راہوے جو ایہ زبرجمع چھوٹی ی جمع ہمزہ ہے۔ زبر+ی+ ٔ ہے۔ ئ تے ی جمع ہمزہ وچ فرق ہے۔ جے ئ نال ہووے تاں تلے ݙو نقطے کائنی آندے، مثال دے سائٹ، سائڈ، ہائی، نائی، رائی، دائی، بائی، بھائی




#Article 458: اَݨ لکھت ٻولی دے ادیبیں دا مسئلہ (105 words)


فدا حسین گاݙی

ساݙے ٹھوس تجربے ہک خاص ذہنی عمل وچوں گزر کے اساکوں مجرد تصور اَتے خیال ݙیندن۔ اَساں اُنہیں تصورات اَتے خیالیں کوں لفظ ݙیندے ہئیں  اَتے انسان لفظیں وچ سوچیندے۔ جے ٻولݨ والے لفظیں وچ نہ لکھیا پڑھیا ونڄے تاں ادیب دی شخصیت ونڈیج ویندی ہے ۔ جے او ماء ٻولی وچ لکھدے تاں لکھت آلی ٻولی دے لفظ اَتے اُنہیں دے تعلق نا ل ڳنڈھیے تصور اَتے خیال وی ذہن وچ آ ویندن اَتے جے او ماء ٻولی کنوں اَنج لکھت پڑھت آلی ٻولی وچ لکھدے تاں ٻولݨ آلی ٻولی دے لفظ نال ڳنڈھے تصور اَتے خیال ذہن وچ آ ویندن۔




#Article 459: اُدھار مَنگݨ انشائیہ (1132 words)


از: ڈاکٹر خالد اقبال

منگ کے کھاون....... منگ کے پاون....... منگ کے کتاباں پڑھن......... سگرِٹ منگن........ چندہ منگن......... ووٹ منگن........ امداد مَنگن....... قرضہ مَنگن تے وَل قرضہ لہاون کیتے قرضہ مَنگن....... مَنگن دے کم تے تُساں سچیندے ونجو تاں تہاڈے من اِچ وی اے سِک جاگ پوسی جو کیوں نال میں وی کہیں کول کوئی شئے ادھار منگ گھِناں۔ تے اُوں ایلے تئیں ناں وَل ڈیواں جڈاں تئیں او واپس ناں منگے۔ پاکستان قوم دی ترقی دا اندازہ ہِیں گالھ توں تھی ویندے جو پوری قوم ’’منگن تنگن‘‘ تے گزارہ پئی کریندی اے۔

کہیں نے ضروری کاغذ تے دستخط کرنا ہووِن تاں آکھسی معاف کرائے ’’قلم ہوسی‘‘ کہیں جنے نے آپنے وال بناونے ہوون تاں آپنی مانگ کڈھن سانگے کنگھی ڈوجھیاں دی ورتیسی۔ تے کنگھی وَلا کے ڈیندے ہوئے آکھسی بھئی صاحب ذرا کنگھی صاف اِی کر گھنائے۔ یوٹیلیٹی بل ادا کرنے ہووِن تاں وَل وی اُدھار جیڑھا جو ول ول منگن نا ل وی اوکھا مِلدے۔

آئی ایم ایف تے ورلڈ بنک توں قرضہ منگ کے کھاون آلیاں نے ایڈا کھا دے جو قوم دا ہک ہک بال مقروض تھی گے۔ تُساںآپ سوچو جیڑھی قوم دے بال جماندروں مقروض ہووِن۔ او وڈے تھی کے کیا بنسن؟۔

گزریل کئی سالاں اِچ آئی ایم ایف تے ورلڈ بینک نے پاکستان کوں جتلا تھی سگدا ہئی۔ قرضہ ڈتے۔ تے ساڈے وڈیاں نے دِل کھول کے قرضہ گِدے۔ جِگراتے تیرکوں ازَماون آلی اے جنگ ہن وی ٹُر دی پئی اے۔ خیال راہوے جو اِتھاں ’’جگر‘‘ دا مطلب پاکستان دے عوام ہِن.........

ہک تَر دی جھات ماروں تاں منگن تے منگ کے گزارہ کرن اوکھا کم لگدے۔ پر چیزاں منگ منگ کے گزارہ کرن آونجے تاں وَل بِن منگے یا مُل گھن تے ورتن نال نعمتاں دا مزا ویندا راہندے۔ کجھ لوک نشہ کرن کیتے منگدِن۔ تے کجھ لوکاں کوں منگن دا نشہ ہوندے۔ نشہ کوئی وی ہووے بُرا سمجھیا ویندے۔ پر منگن آلے مَنگن کوں بُرا نہیں سمجھیدندے۔ کہیں کول روپیہ پیسہ منگن نال صرف پہلی دفعہ اَنا مجروی تھیندی ہے۔ منگن نال ہن آپنی نی بلکہ ڈوجھیاں دی اَنا مجروع تھیندی ہے۔ جیکر ڈٹھاونجے تاں نویں نویں امیر تھے ہوئے لوک او طبقہ ہِن جیڑھا جو مگن دے فن اِچ ماہر تھی چکن۔ منگن تاں ہُن ہک فن ہے۔ تے اوئیں اِی مہانگ دے ایں دور اِچ ’’منگن‘‘ ہر سفید پوش بندے دی لوڑ ہے۔لوڑاں کوں پورا کرن کیتے وسائل گھٹ تے مسئلے زیادہ ہووِن۔ تاں اُدھار منگن دے علاوہ بیاکوئی سِدھا سادا رستہ اِی کینی۔ جیڑھے لوک کہیں کول کجھ نی منگدے۔ اللہ سئیں اُنہاں کوں صبر تے قناعت دی دولت ڈیوے (آمین) کجھ سیانے قسم دے لوک جیڑھے اے جاندِن جو بھئی منگے بنا گزارہ کینی۔ اُنہاں نے امدادی کارکناں کوں آپنا یار بیلی بنا گھدے۔ جیڑھے اوکھے ویلے مدد کر سگن۔ تے جیڑھے ویلے کھاندے پیندے دوستاں تے اوکھا ویلہ آوے تاں غریب غرباء اُنہاں کیتے دعا کریندن۔ معاملہ چونکہ سفید پوشی توں ستر پوشی تک آ پُجیا ہے۔ ودھدی ہوئی مہانگ پاروں ڈو طبقے طبقاتی معاشرت دی تندیر اِچ سامنے نظر آندن۔ ہک نویں نویں امیر تھیون آلے تے ڈوجھا طبقہ منگن آلیاں دا ہے۔ تے اوہر ایلے کجھ ناں کجھ منگدے اِی نظر آندن۔

اِتھاں میکوں ہک لطیفہ یاد آنداپے۔ ’’کہیں فقیر کوں ہک راہ ویندے نے پُچھیا ’’بابامنگدا کیوں ایں؟ تاں اوں نے آکھیا۔ ایں کیتے جو میکوں پتہ لگ سگے۔ جو کون سخی ہے تے کون کَڑوس‘‘.........؟

پہلے لوک منگن توں پہلے سچیندے ہَن۔ کتراندے ہَن‘ اَجھکدے ہَن۔ ہُن منگن چونکہ مجبوری تے بہوں ضروری تھے گے۔ ہِیں کیتے منگن آلے کجھ کجھ بے ڈروی تھی گن۔ تے ایں طرحاں ڈیون آلے ہُن آپنی عزت دا بھرم رکھن کیتے منگن آلیاں کوں کجھ نہ کجھ ڈے ڈیندے ہِن۔ کیوں جو قرضہ ڈیون آلے کہیں چنگے بھلے قسم دے امیر آدمی دے کھیسے اِچوں جیکر کجھ ناں نکلے تاں منگن آلے بے عزتی وی کر ڈیندن۔ تے ڈوچار کھریاں کھریاں سُنو اڈیندن۔ مثال دے طور تے ’’چھوڑ یار تُوں ایں بوکھڑی نکلیں ساڈی طرحاں‘‘ وغیرہ وغیرہ۔سچی گالھ تاں اے ہے جو جیڑھے معاشرے اِچ دولت کجھ ہتھاں اِچ ہووے۔ تاں وَل اُتھاں ڈھیر تعداد منگن آلیاں دی ہی ہوندی ہے؟۔

 آکھیا ویندے ہک سخت کڑویل قرض خواہ نے جڈاں کئی سال تک اپنے قرض دی واپسی بارے ضد نہ چھوڑی تاں چھیکڑ مقروض نے اُونکوں خوشخبری سنائی جو تکڑا تھی میاں اساں ہن تیکوں تیڈا قرضہ واپس کرن دا منصوبہ بنا گھِدے۔ تفصیل ایں منصوبے دی اے ہئی جو مقروض نے اپنے گھر دے نیڑے کیکر دا ہک بوٹالاوناں ہئی اے بوٹا ہک ڈینہہ وڈا تھی تے وڈا ون بننا ہئی۔ ایں ون دے نالوں پئی سڑک تُوں کپاہ دے بھرئیے ٹرک لنگھنٹے ہن۔ انہاں ٹرکاں تے لڈی ہوئی کپاہ نے کیکر ون دے کنڈیاں وچ پھسناں ہئی مقروض نے اوکپاہ روز اکٹھی کرناں ہئی تے اُونکوں ویچ تے قرض لہاوناں ہئی اینجھا شاندار منصوبہ سن تے قرض گھنن والے بندے دا چیتا چکرایا تاں مقروض نے تسلی ڈیندیاں آکھیا توں گھبرا ناں بس ہن آساڈے کول رقم آون والی ہے۔سئیں جے غور کیتا ونجے تاں ساڈیاں حکومتاں دے پنج سالہ منصبوبے وی‘ عوام خوشحالی سانگے کُجھ اِیں طراں دے اِی ہِن۔

سجنو شروع ڈینہاں وِچ جڈاں چیزاں بدلے چیزاں گھنن تے ڈیون دا زمانہ ہئی تاں لگدے اُدھار گھنن ڈیون دا سلسلہ وی اِیں زمانے توں شروع تھیا ہئی تے جیڑا ہُن ترقی کریندیاں کریندیاں باقاعدہ بینکاں تے ڈوجھے سودی کاروباری اداریاں دی شکل وِچ خوب زوراں تے ہے۔ اجوکے دور وِچ بینکاں نے Credit Card ڈیون شروع کر ڈتن۔ تُساں کہیں بندے دی جیب (کھیسے) وِچ ہتھ مارو۔ تلاشی وچ شناختی کارڈ تے کریڈٹ کارڈ ضرور برآمد تھِیسن جتھوں پتہ لگ ویندے جو آسامی خالی ہے تے بندۂ محترم پاکستانی ہن تے مقروض وی ہن ہک بئی گالہہ جیہندا ذکر کرناں میں فرائض کسر نفسی دے پاروں مناسب ننہیں سمجھدا۔ پر وَت وی ڈسا ڈیون وچ کئی حرج نی۔ پر شرط اے ہے جو ایں گالہہ کوں بیان حلفی نہ سمجھیا ونجے۔ الحمدللہ میں پاکستانی وی ہاں تے مقروض وی.........

قرض منگن کوں مرض آکھن پرانے زمانے دیاں گالہیں ہن بدلدے ہوئے دور وچ تاں قرض عین فرض ہے قرض گھن تے خرچ کرن وِچ جو چسکہ تے سواد ہے اُوں کیفیت دا تقاضہ ہے جو اُدھار گھنن ڈیون دے عمل توں منہ نہ موڑیا ونجے۔ جیکر تساں اُدھار دے عمل تے مزید غور کرو تاں تہاڈے تے اے گالہہ شیشے وانگوں لشکاں مریسی جو کُئی گا تے منگدا ڈِسدے تے کئی ہتھ اگاں ودھاتے کئی روتے منگدا ودے تے کُئی دیدہ دلیری نال۔ مُدا ادھار منگن کتھائیں مجبوری ہے‘ کتھائیں پیشہ ہے تے کتھائیں فن ہے۔ فقیر فقرا کتھائیں تہاڈی سخاوت آزماون تے جڑئیے ودن تے کتھائیں کوئی واقف کار تہاڈی مالی حالت دا امتحان گھنن چاہندے اینجھی صورت وچ حالات دا تقاضہ تاں ایہو ہے جو نبدہ ہک ہتھوں ادھار گھنے تے ڈوجھے ہتھ نال اگاں ٹور ڈیوے۔***

(اقتباس از کتاب: مُسکار۔ (سرائیکی انشائیے)۔ از: ڈاکٹر خالد اقبال)

 () 14:25, 9 September 2018 (UTC)




#Article 460: اُٹھ تے وسیب (159 words)


سرائیکی دھرتی دا اُٹھ نال رشتہ اتنا گھاٹا ء جو کؤئی ٻیا زناور ایندا وٹّا نئیں تھی سگدا ۔۔ ہُݨ جِتھ کِتھ سڑکاں ہن۔۔۔۔ ایں روہی دے شاہزادے کنیں ڈھیر تکھا دُھرکّݨ آلی جیپاں موٹراں کاراں ہن ۔ بندا لکھ چنگا تھی ونڄے پر مال ݙھانڈے ڈھور توں زیادہ چنگا تے محبتی نئیں تھی سگدا جو لوڑھ مُکی نئیں تے کپ ٹُک تے کھا ونڄے۔ اڄ جے کوئی اُٹھ روہی تھل دمان دے سرائیکی وسیب ءچ نظردا وی ہے تاں او ریڑھے چھکݨ آلے یا میلے ءچ ناچے تے ملھݨ لڑݨ آلے اُٹھ ضرور ہن پرروہی دا مڑیچہ مہارا اُٹھ لبھو نئیں لبھدا کیوں جو نہ او مال ریڑھے ءچ جویجݨ جوگا ہا تے نہ ناچا ۔۔۔۔ اوندا قاتل تاں ہونڈا 125 نکلا جئیں کُجھ کوں منڈی ونڄ لوایا تے باقی بچدا غمیاں خوشیاں ءچ کوہیج تے مُک ڳیا۔۔۔۔ پر جِتھ روہی تھل دمان مُکدے پئین اُتھاں میں کملا روہی دے مڑیچے اُٹھ دا جھورا پیا جُھرداں ۔(شہزاد عرفان)




#Article 461: اُچ جِھک (106 words)


اٌچ جِھک

اے کھیݙ وسوں وچ ٻہوں گھٹ کھیݙی ویندی ہئی خاص طور تے کہیں پندھ کو جلدی مکاوݨ سانگے ٻال اے کھیݙ کھیݙدے ھن. یا کݙاہیں شوقیہ وی کھیݙ گھندے ھن. 
ایں کھیݙ وچ کھݙکاراں دی کئی پابندی کائنی جو کٹنے کھیݙسن پر پڳیا ضرور ویندا ھا. جیندے اتے واری ہووے ھا ساریں وچوں کہیں ہک کوں ہتھ لیندا ھا. جݙاں جو باقی کھݙکار کم از کم ہک فٹ اچی جاہ لبھ اوندے اتے چڑھ کھڑدا ہئی. ڄݙاں تلے لاہوے ھا تاں اونکوں کھݙکار ہتھ لیندا ھا. جینکوں ہتھ لڳ ونجے ھا واری اوندے اتے آویندی ہئی. تے اے کھیݙ ایویں ٹردی رہ ویندی ہئی.




#Article 462: اِستعارہ (196 words)


استعارہ دے معنی ہن عارضی طور تے منگ گھنݨ، سدھار گھنݨ، علم بیان دی اصطلاح وچ ہک شئے کوں اُون٘ویں دا اُون٘ویں ٻئی یا ݙوجھی شئے آکھیا ون٘ڄے، تے ایں ݙوجھی شئے دے لوازمات کوں پہلی شئے نال رَلا ݙت ون٘ڄے، ایں کوں استعارہ آہدے ہن۔ 

ناز تیݙے من بھاݨے

ایں شعر وچ محبوب کوں یوسف ثانی اکھ تے استعارہ بݨایا ڳئے۔

کوٹھا دل دا ہلدا ہے
ایں شعر وچ دل کوں کوٹھا آکھیا ڳئے، ایہ استعارہ ہے۔

استعارہ دے ترائے ارکان ہن۔

او شئے یا شخص جیندے کیتے کوئی لفظ مستعار یا ادھار گھدا ون٘ڄے۔

؏: یوسف ثانی  دل دا جانی کول میݙے ول آوے

محبوب کوں ' یوسف ثانی' آکھیا ڳئے۔ ایہ محبوب کیتے استعارہ ہے، محبوب  (دا لفظ) مستعار لہٗ ہے۔

او شئے یا شخص جیندے   لوازمات مستعار یا ادھار گھدے ڳئے ہن، جیویں اُتلے مصرعے وچ یوسف ثانی مستعار منِہٗ ہے۔

او مشترک خوبی جین٘دی وجہ کنوں استعارہ ورتیا ویندے۔

اُتلے مصرعے وچ محبوب دا سُہݨپ  وجہ جامع ہے، جہڑے یوسف ثانی دے استعارے وچ موجود ہے۔ 

استعارے وچ لفظی طور تے  مستعار لہٗ دا ذکر کائنی ہوندا بلکہ مستعار مِنہُ  دا لفظ ادا کرتے ایند مطلب  مستعار لہٗ سمجھ گھدا ویندے۔




#Article 463: اّٹھ (1658 words)


تواریخ دے مطابق نبی اکرم صلی اللہ علی علیہ وسلم دا تراے ڈاچیاں ھَن۔تے سرائیکی وسیب۔۔۔۔۔صحرائے چولستان و تھل دا اُڈݨ کھٹولا ۔۔۔اُٹھ۔۔
چراڳاہیں ختم تھیوݨ دی وجہ سانگوں اُٹھ نال نال مال پالݨ آلے خانداناں دی زندگی مشکل تھئیندی پئی ھِ۔۔سرائیکی خطے ءچ مڑیچا ،سندھی ،ٻاگڑی ،ٻریلا تے 

پہاڑی اُٹھ دی اہم نسلاں ھِن۔۔۔۔صحرائے عرب دا جھاز تے تھل ،تھر ،روہی چولستان دا ' اُݙݨ کھٹولا ' اُٹھ انسان دوست جان واراں وچوں ھک خاص اہمیت 

رکھیندے۔۔دنیا دے کَئی ممالک ءچ اگرچہ آڄ وی جنگلی اُٹھ مہجود ھِن۔ لیکن بیش تر خِطاں ءچ ہزاراں برس کِنوں ایں پالتوں ڄان ور دے طور تے پالیاں 

ویندے۔قرآن مجید ءچ آیت مبارکہ 'افلا ینظر ون الی الا بل کیف خلقت ' تو کیا اُوں لوک اُٹھ کوں ݙیکھدے کائنی کہ اوکوں  کینوئے  عڄیب طور نال پیدا 

کیتا ڳیا ھِ۔۔جتھاں انسان دی روز مرہ حیاتی ءچ اُٹھ دی اہمیت تے افادیت سامݨے اَمدی ھِ اُتھئیں اے ڳالھ سوچݨ تے وی مجبور کریندی ھِ کہ انسان دوست ایں 

جان ور دی تخلیق ݙوھڄے جان واراں کِنوں ممتاز تے منفرد ھِ بلاشبہ اُٹھ ھک ایجھا جان ور ھِ جئیں خود کوں مختلف ساخت نال ڈھال ڳھدا ھِ۔۔تے ایں 

صحرائی جان ور میدانی تے پہاڑی علاقاں ءچ وی ٻے شمار مہجود ھِ۔۔۔سرائیکی علاقے کوں جینکوں سرائیکی وسیب وی اکھیاں ویندے اپݨے خوبصورت محل 

وقوع دی وجہ سانڳوں پاکستان دے ݙوھڄے خطیاں کِنوں ھک ممتاز حثیت ةِ فوقیت حاصل ھِ ۔ایں اَپݨے جغرافیے دی وجہ سانگوں ایںکوں فوقیت حاصل 

ھِ۔کیوں جو ایندے وچ میدانی تے صحرائی علاقیاں دے نال نال کوہستانی وی شامل ھِن۔ایں ڄغرافیائی خصوصیت دی وجہ سانگوں اُٹھ وی وسیب ءچ پایاں 

ویندے۔۔تواریخ کِنوں حالی اے ثابت کانئی تھیاں جو سرائیکی علاقے ءچ اُٹھ ایشیا یا عرب کِنوں آئے۔مگر موئن جودڑو تے ہڑپہ دی کھدائی 

کِنوں ملݨ آلی شایاں کِنوں اے ڳالھ ثابت تھئیں چُکی ھِ جو اُٹھ وادئ سندھ ءچ زمانہ قدیم کِنوں محجود ھِ۔ اے سچ ھِ جو عربی لغت دا ھک وݙا حصہ اُٹھ 

دے متعلق ھِ۔بلکہ ھک عربی کہاوت ھِ جو اللہ دے ا٠ا ناواں ءچوں انسان کوں ا٠٠ ناواں دا علم ھ۔جب کہ ھک سوواں ناں صرف اُٹھ حِی جاݨندے۔ایں ڳالھ 

وچ کُئی شک کانئ جو دُنیا بھر ءچ عربی کِنوں بعد سرائیکی اُوں واحد زباں ھِ جیندے وچ نسل ، عمر ، تے صفات دی بنیاد اُتے اُوٹھ دے کَئی ناں ،بے شمار 

آکھاں ،تے محاورے محجود ھِن۔مشہور محاورے اے ھِن۔ اُٹھ دا ویر ۔اُٹھ دا کینہ ۔اوٹھے پیر ۔اوٹھی مَت۔ ݙاچی کرے ویہہ کوہ ۔توݙی کرے تریہہ کوہ

اُٹھ اَلاوے ، لانڑیں دی بو آوے ایجھی آکھاں سرائیکی زبان ءچ مشہور تے عام ھِن۔سرائیکی خطے ءچ مہجود اُٹھ دے رنگ دی بنا نال مختلف اقسام اے ھِن۔
بور ساوا
مکھاتا

کم دی نوعیت دے نال اقسام

چَڑی آلہ اُٹھ ۔۔۔۔سواری کیتے

لڈے آلہ اُٹھ ۔۔۔۔۔۔باربرداری کیتے

ٹورے آلہ اُٹھ۔۔۔۔۔۔ناچنے آلہ قابل زکر ھِن۔

ایں طرح نسل دے اعتبار نال سرائیکی خطے ءچ اُٹھ دی قسماں 
ٻاگڑی 
مڑیچا
سندھی
بریلہ
تے
پہاڑی ھِن۔
برصغیر پاک و ہند ءچ روہی چولستان تے راڄ پٹنہ مڑیچا نسل دا اصل وطن ھِ۔لیکن صدیاں کِنوں ایں نسل میدانی تے پہاڑی علاقاں ءچ وی ملدی ھِ۔سواری تے 

دوڑ دے حوالے کِنوں سب کِنوں اعلی نسل مڑیچا ھِ۔چست جسم تے پتلی ڄڳھاں دی وجہ سانگوں مڑیچا ریتلی زمین اُتے وی ۵٠ کلو میٹر فی گھنٹہ دی رفتار نال سفر کریندے۔
سرائیکی وسیب دے بعض علاقاں ءچ ایںکوں مارھا تے بیکانیری وی اکھاں ویندے۔۔مڑیچے دا سر چھوٹا ،اکھیں وݙا ،ٻوتھاݨ نوکیلہ ،ڳیچی پتلی،چھوٹے تے 

سیدھے کھڑے پیر،تے کوہاں مضبوط ھوندے۔ایں اَپݨا سر ہمیشہ اُوچا کر ةِ رکھیندے۔سرائیکی خطے ءچ مڑیچا سیاہ ،سُرخی مائل ،بھورا ،گندمی تے ہلکے بادامی رنگ دا ھوندے۔۔

صوبہ سندھ دا بھاری کم نسل دا سندھی اُٹھ مضبوط ہڈیاں تے وݙے قد دی بہ دولت بہوں طاقت ور ھوندے۔سرائیکی خطے ءچ ایںکوں ٹُھلھا ،گڈا ۔تے کوجھا 

وی اکھیاں ویندے۔چوڑی چھاتی دا ایں اُٹھ باربرداری دے کم آمدے۔سخت خشک تے گرم آب و ہوا سندھی اُٹھ کیتے نہایت مناسب تے موزوں ھِ۔جبکہ سردی 
ایںکوں نقصان ݙیندی ھِ۔بعض علاقاں ءچ ایںکوں ہل ڄووݨ کیتے وی استعمال کیتا ویندے۔

ٻاگڑی اُٹھ صحرائے تھل و چولستان ءچ بہوں تعداد ءچ ملدے۔ایں اُٹھ وی زیادہ تر ساری دے کم آمدے۔ایندا رنگ بادامی ھوندے۔تاہم گندمی ،سفید۔بھورا۔تے 

چِٹے دھبے وی ھوندن۔ٻاگڑی کوں ٻوجا وی اکھدن۔بریلہ اُٹھ میدانی علاقاں ءچ ملدے۔تے ایں دودھ ݙیوݨ آلی ھک نسل ھِ۔ھک ݙاچی روزانہ ١٠ کِنوں لا تے 

١۵ کلو کھیر ݙیندی ھِ۔ایں کھیر ٩ کِنوں لا تے ١٨ ماہ تک ݙیندی ھِ۔بھاری بھر کم تے سست رفتار ھووݨ دے باوجود بریلہ اُٹھ طاقت ور ھوندے۔٤٠٠ کِنوں لہ 

تے ١٠٠٠ کلو گرام تک وزن چاہ سنگدے۔ایندا سر وݙا تے کھردرا ۔چھاتی کشادہ ۔ہڈیاں وݙی تے مظبوط ۔ڄھڳاں موٹی تے تھوݙ ہمیشہ تَلے دی طرف لٹکے ھوندن۔

پہاڑی اُٹھ اصل ءچ افغانی اُٹھ دی حِی ھک نسل ھِ ایں اُٹھ رنگت ءچ ہلکا تے گہرا بھورا ھوندے۔مشہور ھِ جو ایں ھک ماہ تیں پانی پئے بغیر زندہ رہ 

سگدے۔لیکن ویہہ ݙیہنہ ءچ اندھا تھئیں ویندے۔ایں حوالے کِنوں تحقیق دی ضرورت ھِ۔ݙوجھا اُٹھاں دی نسبت پہاڑی اُٹھ اُتے اون زیادہ ھوندی ھِ۔ایندا قد 

چھوٹا تے بُت سخت ھوندے زیادہ تر باربرداری کیتے پالا ویندے۔سرائیکی علاقے ءچ ٻاگڑی ۔ٻریلا۔سندھی۔اُٹھ زیادہ ملدئن۔جب کہ مڑیچا چولستان و تھل دے 

علاوہ ݙوھڄا علاقیاں دے شوقین لوک رکھیندن۔کیوں جو مڑیچا اُٹھ اُٹھاں وچوں ھک مہنگا ترین اُٹھ ھِ۔ھک اُٹھ دی قیمت ھک لاکھ کِنوں لا تے پوݨے ݙو لاکھ 

تک ھوندی ھِ۔واݙ واݙیرے ݙسیدن جو تقسیم کِنوں پہلے ھک مڑیچے دی قمیت دے بدلے ترائے مربع زمین مل ویندی حَی۔مڑیچا صرف سواری یا ول دھمار کیتے رکھا ویندے۔
اُٹھ دی غذا ءچ گھاہ ۔لانڑاں ۔ڄال۔ٹالھی۔سرینہ تے ٹولھا اہم درخت ھِن۔جب کہ لانڑاں تے ڄال تمام اُٹھاں دا مَن بھاتا کھاجاں ھِ۔اُٹھاں دی اُون ءچوں نہایت 

دیدہ زیب فلاسفیاں دریاں تے گرم چادراں بݨائی ویندی ھِن۔

دُنیا بھر ءچ اُٹھ دی مستی ھک مثال دے طور تے مشہور ھِ دُواَک دی مستی جنوری کِنوں لا تے مارچ تک ھوندی ھِ۔جبکہ ٻوݙھا اُٹھ پورا سال مست 

رھندے۔مستی دے دورانیے ءچ اُٹھ کُئی کم دا نئیں رھندا۔کیوں جو ایں دوران ءچ نظام انہضام ٹھیک نئیں ھوندا۔تے اُٹھ بے قابو تھئیں ویندے۔اُٹھ دے بر خلاف 

ݙاچی کوں واضع حمل تئیں باربرداری تے سواری دے طور کیتے استعمال ءچ لایا ونڄ سگدے۔ݙاچی کوں واضع حمل دے ترائے ہفتے دے آرام دے بعد کم اُتے 

لاتاں ونڄ سگدے۔لیکن سرائیکی خطے دے بیش تر علاقیاں ءچ ݙاچی کوں صرف افزائش نسل کیتے رکھا ویندے۔سرائیکی خطے دے وستیاں ءچ ہر زمیںدار کِنے 

اُٹھ ھوندے۔لیکن تھل دے اکثر قبائل مثلا جت تے لاشاری خاص طور نال اُٹھاں کوں پال رکھاں ھِ۔سرائیکی ءچ باربرداری کیتے اُٹھ راکھݨ تے اُجرت اُتے کم 

کرݨ آلے کوں وی جت اکھدے ھِں۔کجھ ݙاھکے پہلے تک مذکورہ قبائل دے بیش تر خانداناں روزگار اُٹھاں دی وگ ھاں۔مگر تھل ءچ جنگل دی کٹائی تے 

سبزا سُنڄ تھئیوݨ دی وجہ سانگوں اِنھاں لوکاں زراعت دا پیشہ اپݨا گھدے۔وسیب دے دیگر علاقیاں دے بر خلاف روہیلے ھُݨ وی مال پال ھِن۔ہر خاندان کِنے 

ݙوجھا جان وراں دے نال نال اُٹھاں دے وگ وی ھِن۔تاہم روہی ءچ قدرتی چراگاہیں زرعی زمیناں ءچ تبدیل تھیوݨ دے بعد مستقبل قریب ءچ نہ صرف دیگر لائیو 

اسٹاک دے نال نال اُٹھاں دے وجود کوں خطرہ لاحق ھِ۔ول ھُݨ مقامی روہلیے جو صدیاں کِنوں جان ور پلیندے پِن اُنھاں دی وی حیاتی اجیرن تھئیں ویسی۔

عرب ثقافت ءچ اُٹھ صدیاں کِنوں موجود ھِ عربی ادب ءچ اُٹھ تے بدو لازم و ملزوم ھِن۔ اُٹھ دوڑ تے حدی خانی آڄ وی عربی ثقافت دا حصہ ھِ۔ایں طرح سرائیکی 

وسیب ءچ سالانہ موسمی تہوار تے ثقافتی میلے اُٹھ منݙی دے نال نال اُٹھ کُشتی و اُٹھ دھمال دا مرکز ھِ۔کجھ ݙھاکے قبل سرائیکی خطے دے وستیاں وچوں 

شادی بیاہ اُتے بارات اُٹھاں دے کچاوے اُتے ویندی حَی۔ایں طرح اولیاء دے عرساں اُتے یاں ول کُئی بزرگ ہستی دے مزار اُتے منوتی دی ادائی کیتے زنانیاں اٹھاں 

دے کچاوے اُتے ویندا ھَن۔انسان دوست جان ور ھووݨ دی وجہ سانگوں اُٹھ سرائیکی لوک کہاݨیاں تے ڳیتاں دے علاوہ جدی شوعری ءچ ھک وفادار دوست دے استعارے ءچ استعمال تھیاں ھِ۔
؂ ݙاچی والیا موڑ مہاڑ وے
؂ سوہݨے رنگ دی ݙاچی ساوے کچاوے
سنڄاݨاں دے پاسوں ٹھڈی وا پئی آوے

؂ اُٹھاں والے ٹُر ڄاݨ گے
نی سسی اے جاگدی رہ

؂ تِڑ تے دھوندی کپڑے ،چھنڈک سکیندی وال وو
چڑھ پو میڈے مارھے تے ڄے پُجنے دیگر نال وو

ایجھے مشہور گیتاں دے علاوہ حضرت خواجہ فریدؒ دی شاعری ءچ اُٹھ دے متعلق وی بہوں اشعار ملدئن۔

؂ سسی کَرہوں قطار ،کیچ ڈہوں ہَنٹر ہنٹر وے۔
تواریخ دے مطابق نبی اکرم صلی اللہ علی علیہ وسلم دا تراے ڈاچیاں ھَن۔تے 

اِنھاں تراے وچوں قصوی اُوں ڈاچی حَی جیندے اُتے سوار تھئیں تے آپ صلی اللہ 

علی علیہ وسلم ہجرت دے وخت مدینہ تشیف ڳِھن ڳئے۔حضرت صالح دی معجزاتی ڈاچی دا قصہ دینی ادب دا حصہ ھِ۔ سرائیکی خطے دے لوک دیگر 

جانوراں دے علاوہ ڈاچیاں دے وی وݙے پیارے ناں رکھیندن۔مثلا اُڈݨاں۔ پیت ۔پال۔بھاگ بھری۔تے سبھاگی وغیرہ۔کوٹ ادو دی 

ھک وستی دے مشہور بزرگ ہستی حضرت عبدالوہابؒ المروف دین پناہ دے پالتو اُٹھ دا ناں  میاں میلو ھَ۔جیندی ڳیچی ءچ اَپؒ کشتی نما وݙا کِستا لٹکا تے 

اکھدے ھَن ونج میاں میلو پِن آ  ۔روایات دے مطابق میاں میلو کلھا وستی وستی ویندا ھَ تے لوک نذرانے دے طور تے کھاوݨ پکاوݨ آلیاں شئیاں دے علاوہ 

نقدی وی کِستے وچ سَٹ ݙیندے ھَن۔کھیساں بھر ویندا ھَ تے میاں میلو اپݨے سئیں حضرت دین پناہؒ دے کول وال آ وین ھَ ةِ نذرانے وچوں ملݨ آلیاں شئیاں نال لنگر تیار تھیندہ ھَ۔
ایں طرح معروف سرائیکی قصے سسی پنوں  دے اہم کردار  پُنل  دے اُٹھ دا ناں وی کریہل ھاں جینکوں اُوں تھل وچ چھوڑ تے خود کیچ روانہ تھئیں ویندے 

ھَن۔ پاکستان بڑݨ کِنوں پہلے شہر فنون ملتان ءچ ہر سال سسی پنوں دا سوانگ بھرا ویندہ ھاں تے پُنل دے غائب ہووݨ اُتے سسی اپݨے محبوب ت اُندے اُٹھ 

کریہل دی کھوج ءچ گلی گلی ونج تے دروازہ کھڑکیندی حَی جتھاں اوکوں پُنل تے کریہل دی خبر ناں ملدی حَی البتہ لوک اوکوں ایں وجہ سانگوں ںذرانے تے 

پُھل پیش کریندے ھَن تاکہ اوکوں اَپݨے جیوݨ ساتھی دی جدائی دا صدمہ برداشت نہ کرݨاں پووے۔




#Article 464: اٹل بہاری واجپائی (230 words)


اٹل بہاری واجپائی (25 دسمبر 1924ء-16 اگست 2018ء) ترے وار بھارت دے وزیر اعظم رہے۔ انہاں دا پہلا دور 1996ء وچ 13 ݙینہہ دا ہئی، ݙوجھی مرتبہ 1998ء توں 1999ء تک 11 مہینے تک اوہ وزیر اعظم رہے تے تریجھی وار 1999ء توں 2004ء تک انہاں نے اپݨی میعاد مکمل کیتی۔
اوہ چار ݙہاکیاں توں زیادہ عرصے تک بھارتی پارلیمان دے رکن رہے ، ݙاہ مرتبہ لوک سبھا دے کیتے منتخب تھئے تے ݙو مرتبہ راجیہ سبھا کیتے چݨے گئے۔ او 2009ء تک لکھنؤ توں رکن پارلیمان رہے تے اس دے بعد صحت دے مسائل دی وجہ نال سیاست توں الگ تھی گئے۔ اٹل جی اس وقت دی جن سنگھ دے بانیاں وچوں ہن۔ انہاں نے 1968ء توں 1972ء تک جن سنگھ دی صدارت کیتی۔ اوہ مورار جی دیسائی دی کابینہ وچ وزیر برائے امور خارجہ (بھارت) ہن۔
جنتا حکومت دے ڈھہݨ دے بعد اٹل جی نے 1980ء وچ جن سنگھ دی تعمیر نو کیتی تے اس دا ناں بدل کے بھارتیہ جنتا پارٹی رکھ ݙتا۔ او وزارت عظمٰی دی 5 سال دی میعاد مکمل کرݨ والے پہلے غیر کانگریسی وزیر اعظم ہن۔

صدر بھارت نے 2015ء وچ انہاں کوں بھارت دے سب ےوں وݙے اعزاز بھارت رتن نال نوازا۔  مودی حکومت نے 2014ء میں اٹل کے یوم پیدائش (25 دسمبر) کو یوم خوش نظمی کے طور پر منانے کا اعلان کیا۔ ان کی وفات 16 اگست 2018ء کو ہوئی۔ 




#Article 465: اٹلی (174 words)


یورپ وچ ہک ملک ہے۔  (اطالوی میں Italia) جنوبی یورپ وچ واقع ہک جزیرہ نما ملک ہے۔ رومی سلطنت   تے رومی تہذیب ایتھوں  شروع تھئی ہائی۔ بعض لوگ اسے انگریزی کی نقالی میں اردو میں بھی اٹلی کہتے ہیں۔ اٹلی  کوں مسیحیت دا گڑھ اہدے ہن۔ رومن کیتھولک فرقے دے روحانی پیشواہ جیکوں پوپ اہدے ہن او روم وچ  واقع ہک جاہ جیکوں ویٹیکن سٹی (شہر واتیکان) اہدے ہن، رہندے ہن۔ 

اٹلی دیاں سرحداں فرانس،آسٹریا اتے سوئٹزرلینڈ نال ملدیاں ہن۔  اٹلی دے درمیان وچ سان مرینو(سان مارینو) اتے ویٹیکن سٹی( شہر واتیکان) دے آزاد مگر چھوٹے علاقے ہن۔ 

ایہ ہک جزیرہ نما ملک ہے۔

کل رقبہ 301318مربع کلومیٹر اتے آبادی 59337888ہے۔ اٹلی وچ مسلماناں دی کل تعداد 1379047 ہے۔

داراحکومت روم ہے۔ زبان اٹالوی ہے۔  نظام حکومت پارلیمانی جمہوریہ ہے۔ 25 مارچ 1957 کوں ایہ یورپی یونین دا رکن بݨیا ہائی۔ اٹلی یورپی یونین دے بانی ممالک وچ شامل ہے۔

یورو

اسلام اطالیہ (اٹلی) وچ رومن کیتھولک دے بعد ݙوجھا وݙا مذہب ہے، 2011ء دے اندازے دے مطابق اطالیہ وچ مسلمان 2٪ ہن ۔




#Article 466: اٹھارہویں ترمیم دی کهٹی (218 words)


اے پی پی دے جیالے کارکن ہن تے سرائیکی وسیب ءچ سرائیکی دا ناں گھن تے سرائیکی قومی تحریکاں نال رل تے صرف پی پی دے ووٹ کیتے کم کریندن انہاں دا سرائیکی ایشو نا صوبے نال کجھ وی ڈیوݨ گھنݨ نئیں ۔۔۔۔ پر لگ پتہ اوں ویلہے ویسی جڈݨ سرائیکی صوبہ دے مطالبے نال اوندے پاݨی دی تقسیم دا مطالبہ تھیا ۔۔۔۔ کوئی اڄ وگہ زمین دا وی گھندے تے نال اوندا پاݨی وی منضور کرویندے ۔۔۔۔ تے جیکر اساں سرائیکی صوبہ دا مطالبہ کریندوں تے یقیناََ پاݨی دی ونڈ وی نال رکھیندوں ۔۔۔۔ ایں گالھ دا پی پی پی تے سندھیاں کو علم ء ۔۔۔۔۔۔۔۔۔ تے ڈوجھی تہاڈی گالھ سو فیصد درست ء ۔۔۔۔۔ جٰہڑی دیگ ءچ میڈا ھصہ کوئی نئیں سمجھو کھے پیا پکدے اٹھارویں ءچ نویں صوبے بارے کوئی گالھ زکر کوئی نئیں بلکہ مجودہ صوبے طاقتور تھیندن ۔۔۔۔۔۔ مطلب اے ء جو جیکر پنجاب پہلے وڈا بدمعاش ہا تے اٹھارویں ترمیم دے بعد سب توں ڈاڈھا تے اگے توں وی زیادہ طاقتور تھی گئے یعنی اٹھارویں ترمیم پنجاب تے پجنابی اشرافیہ کو باقی صوبیاں تے انہاں دی قوماں دے مقابلے ءچ ٻہوں طاقتور تھیندن جیویں جو تساں ڈیکھدے پئے وے جو باقیاں دا سر ہتھون ڈھیر کُٹیندا پے بلوچ پختون دا حشر اٹھارویں ترمیم دے بعد زیادہ تھئی ۔۔۔۔ درست ء بلکل جو 




#Article 467: اڄ دا سچ (اکبر ملکاݨی) (145 words)


اج دا ایہو سچ اے کوئی گودا فیوڈل سرمایہ دار کوئی وفاقی پارٹی یاکوئی ایم این اے ایم پی اے میڈی دھرتی شناخت دا وفا دار کئینی میں انہیں دے کٹھے ٹرنڑ یا مل بہنڑ مناسب نئیں سمجھدا میں فیصلہ کیتے اج دے بعد میں کلہا بھلا قوم پرستی دا اے تقاضا بنڑدے بندا انہیں کنوں دور رھے اے ساڈے راہ دے دشمن ان انہیں نال رلنڑ ساڈا پندھ کانڑاں تھیندے بس میڈی اپڑیں سوچ اے انہیں دے نال نئیں رلڑاں نویں نسل کوں جتنا وی ممکن تھی سگے انہیں کنوں دور رکھڑیں انہیں دے اثرات وی نویں نسل تیں نہ پون اج دے بعد جیرھی سٹیج تیں اے ھوسن اتھ میں نہ ھوساں چاھے ساری ذندگی جو میکوں کلھا رھونڑاں پووے میں رہساں اپڑیں دھرتی میں ہک ڈیہنہ واگزار کرویساں۔۔۔سرائیکستان زندہ باد سرائیکی عوام زندہ باد۔۔۔۔اکبر ملکانڑیں پاکستان عوامی سرائیکی پارٹی
(١٦ دسمبر ٢٠١٨ء)




#Article 468: اکبر شاه ثانی (277 words)


اکبر شاہ ثانی (پیدائش: 22 اپریل 1760ء– وفات: 28 ستمبر 1837ء) سلطنت مغلیہ دا ستارہواں شہنشاہ تے شاہ عالم ثانی دا فرزند ہئی۔
شہنشاہ شاہ عالم ثانی دی وفات دے بعد اوندا بیٹا اکبر شاہ تخت ہند تے متمکن تھیا۔ اوہ اپݨے باپ دی طرح بے اختیار تے برائے نام حکمران ہئی۔ اصل اختیارات انگریزاں دے کول ہن۔ بادشاہ دے اختیارات لال قلعہ دہلی دے اندر تک محدود ہن۔ بادشاہ کوں شاعری ،شطرنج تے موسیقی نال شغف ہئی۔ 1835ء وچ شہنشاہ نے اپݨے سفیر رام موہن رائے کوں برطانیہ بھیڄا تاکہ اوہ حکومت برطانیہ توں شاہی وظیفے وچ اضافے دا معاملہ طے کرے کیونکہ شہنشاہ کیتے انگریزاں دی طرفوں فدوی خاص دے الفاظ وی حذف کر گھدے ڳئے۔ رام موہن رائے نے سینٹ جیمز دی عدالت وچ اپݨی درخواست پیش کیتی تے شہنشاہ دے حق وچ دلائل ݙتے مگر ایندا کوئی نتیجہ نہ نکلا۔ ایں دوران شہنشاہ دی وفات تھی ڳئی۔ انگریزاں نے نظام حیدرآباد تے نواب اودھ کوں اکسایا کہ اوہ اپݨے کیتے بادشاہ دا لقب اختیار کرن۔ نواب اودھ نے بادشاہ دا خطاب قبول کر گھدا تے بادشاہ دا لقب اختیار کیتا مگر نظام نے انکار کر ݙتا صرف ایہو نہ، سندھ دے تالپور تے کلہوڑیاں نے وی شہنشاہ دا ادب و احترام برقرار رکھا ۔ اکبر شاہ ثانی نے 28 ستمبر 1837ء کوں وفات پاتی۔ بادشاہ اپݨی زندگی دے آخری ایام وچ معدے دی بیماریاں دا شکار تھی ڳیا ہئی، جسمانی کمزوری دے باعث صاحب فراش رہا۔ مرحوم بادشاہ کوں درگاہ خواجہ قطب الدین بختیار کاکی دے نال مہراؤلی(دہلی) وچ دفن کیتا ڳیا ۔ مزار سنگ مرمر دا بݨا ہویا اے جتھاں مغل بادشاہ بہادر شاہ اول تے شاہ عالم ثانی وی مدفون ہن۔




#Article 469: اکبر مخمور دی مکاݨ (157 words)


مکانڑں...
جناب قبلہ عزت مآب سیاسی ورکر معروف دانشور سرائیکی قوم پرست رہنما تے بہوں وڈی سرائیکی لغات دے خالق سئیں اکبر مخمور صاحب ایں فریب نگری کنوں ہجرت کر تے کن دی پر اسرار وستی وچ تشریف گھن گن ....
نہیں معلوم تہہ خاک تماشہ کیا ہے
افسوس بے حد..نکھیڑا انت اے 
سرائیکی زبان دے تمام لفظ یتیم تھی گن..
اکھاناں مونجھیاں ہن 
نظمیں رو رو حال ونجایا
ساڈیاں لہسی کون سنبھالاں 
سندھ دریا وچ اتنا مچھیاں کینی جتنا سرائیکی لفظ مخمور سئیں کٹھے کر تے سرائیکی لغات دی جھولی پاتے...میں ونج نمی سگدا 
گھر روندا بیٹھاں
بال پچھدن روون دی وجہ نمی ڈس سگدا 
پتریں کوں دھیریں کوں ہنیں دی بیوہ کوں ہنیں دی سنگت کوں ہنیں دے ہمساۓ کوں ...دیرے شہر دے پکھیں کوں ,درختیں کوں ,سرائیکی زبان دیں ساریں نظمیں کوں,اکھریں کوں میڈی طرفوں مکانڑں ہووے...
یار ساڈا جھوگ لڈا گۓ
اگوں تے رب دی امان ہووے

(تاج محمد گوپانگ، ٢٢ جولائی ١٧ء)




#Article 470: اکبر ملکاݨی (213 words)


اکبر ملکاݨی، ڈیرہ غازی خان نال تعلق رکھݨ والے سرائیکی قومیتی سیاستدان ہن تے عوامی سرائیکی پارٹی دے بانی تے سربراہ ہن تے سرائیکستان قومی موومنٹ دے سابقہ سرگرم رہنما وی ہن. اکبر ملکاݨی، سرائیکی قومیتی سیاست وچ مزاحمتی سیاست تے یقین رکھدن تے جہدِ مسلسل کوں انہاں نے اپݨا شعار بݨایا اے. انہاں مزاحمتی سرائیکی قومیتی سیاست تے منفرد انداز دی کامیابی دا ثبوت ٢٠١٨ء دے انتخابات وچ ڈیرہ غازی خان وچوں شہباز شریف تے اویس لغاری دی ناکامی اے جنہاں دا منشور سرائیکی قومیتی حقوق تے شناخت دا انکار ہئی. مگر ملکاݨی ہوراں دی انہاں دے سرائیکی مخالف افکار دے خلاف پرچار دے کارݨ اے ݙوہیں عبرت ناک شکست نال دوچار تھئے.

ہک جگہ لکھدن: 

درج ذیل اکبر ملکاݨی دے اقوال توں انہاں دے اندازِ سیاست تے روشنی پوندی اے کہ کس طریقے نال سرائیکی قومیتی سیاست وچ اپݨی جدوجہد کوں جاری رکھے ہوئے ہن. 

اپݨے سرائیکی قومیتی نظریے دی وضاحت کریندے ہوئے لکھدن: 

٢٠١٨ء دے ضمنی الیکشن دے بارے تبصرہ کریندن جتھوں انہاں دے قومیتی ویژن دا اندازہ تھیندے: 

سرائیکی وسیب دے غداراں دے بارے وچ نشاندہی کریندے ہوئے آہدن: 

مزید لکھدن کہ: 

اکتوبر ٢٠١٨ء دے ضمنی انتخابات دے بارے مزید لکھدن: 

اکبر ملکاݨی ہوراں دی سرائیکی قومیتی سیاست تے جدوجہد، باقی سارے سرائیکیاں واسطے مشعلِ راہ اے. (اسماعیل بھٹہ)




#Article 471: اکبر ملکاݨی تے بلال میراݨی دی ملاقات (117 words)


اج سرائیکستان ھاوس رشید اباد کالونی اچ پیرو مرشد سرائیکی سکالر سرائیکی دانشور سرائیکی شاعرسرائیکی رہنماسئیں فرحت نقوی سرکار تیں انہیں دےنال سئیں اپڑیں قبیلے دے چیف صدر پریس کلب کوٹ چھٹہ یونیین کونسل عالی والا لغاری گروپ دے رہنما سردار بلال خاں مرانی کوٹ چھٹہ توں میڈی عیادت سانگے میکوں کجھ ڈیہنہ جیواونڑ سانگے قدم رنجہ فرمائے نیں دل منگدے ساتھی جوھن روح ڈاڈھا خوش تھئے دنیا جہان دی گفتگو تھئی سرائیکی تحریک کوں ہر زاویئے نال ڈٹھا گئے مرانی صاحب مرشد ڈوہیں علم دے سمندر ان اساں جہیں فقریں کوں اج بہوں کجھ سکھنڑ کوں ملیئے اللہ پاک انہیں کوں سکھی رکھے جیون ھونون سرائیکستان زندہ باد
محمد اکبر خاں ملکانڑیں پاکستان عوامی سرائیکی پارٹی۔




#Article 472: اکبر ملکاݨی دا بیان ٨ نومبر ٢٠١٨ء (153 words)


اج سویلے کوٹلہ مغلان ونج کیں مرزا سیف للہ خاں عرب بنی اسد دی قل خوانی اچ شرکت کیتی قل خوانی دے بعد عبدا لواحد ملنگ دی تھپو تیں حاجی غلام شبیر خاں بزدار کامریڈ عمر خاں بزدار دے رلے چائے پیتی اتھاہیں پہلے بیٹھے ھوئے میاں نذیر احمد عرف وڈا میاں مرزا عبدالمالک خاں عنصر کھچی گلوکار سردار دلشاد خاں جتوئی سردارمحمد عباس خاں جتوئی سردار فراست عباس خاں جتوئی اف کوٹلہ بند علی خاں جھگی الاتیں محسن شیراز بھٹی ملک الطاف حسین پنوھاں نال ملاقات تھئی کافی گپ شپ دے بعد میاں محمد اقبال ڈاھا تیں انہیں دے پتر میاں محسن ڈاھاکوں ملنڑ انہیں دی کوٹھی تیں گیوسے اتھاں وی کافی دیر تک عبدالواحد ملنگ تیں کامریڈ عمر خاں بزدار نال سیاسی ملکی سرائیکی صوبے بارے گال موھاڑ تھیند ی رہی اخراچ سبھ دوستیں کوں نوں نومبر الی ریلی دا کانڈھا وی ڈتا ساریں دوستیں شریک تھیونڑ دی یقین دھانی کرائی. 




#Article 473: اکبر ملکاݨی دا سرائیکی تحریک دے حوالے نال بیان (436 words)


وزیریں مشیریں ایم این اے ایم پی ایں کوں ملنڑ نال یا انہیں کوں اجرکیں پوانونڑ نال تاں صوبہ سرائیکستان یا شناخت تاں نئیں ملنڑیں نہ صوبہ فوٹو سیشن نال ملڑیں جنہیں کوں تساں ملدے کھڑے او اے تیں ہن توھاڈے صوبے دے دشمن اے نہ توھاڈی شناخت کوں منیدن نہ توھاڈے سرائیکستان کوں منیندن ول انہیں کوں ملنڑ دا کیہاں فایدہ اجرکاں ضائع کرنڑ دا کیا فایدہ اے وی صرف کہیں بے دے اکھیئے تیں صرف جنوبی پنجاب دے ناں تیں روھا بے روھا سر ھلا چھوڑیندن ول وی انہیں دا اپڑاں رو کئیں نیں ھوندا خواہ مخواہ مفت دے معزز بنڑ تیں ساڈی سٹیج تیں ابہندن پریں کرو انہیں گودیں گوداڑیں کوں اپڑیں تاری اپ ترو صوبہ بنڑسی صرف جدوجہد نال درک بھج نال روڈ بند کرنڑ نال چلوں خون وٹیچنڑ نال ایں پاسے توجہ ڈیوو اج نہ تاں کل تھیونڑاں ایہو کم اے جیل سر تیں ڈھاندی اخر کہیں نہ کہیں ونجڑاں تیں ھ قربانی دے بغیر تیں صوبہ نئیں بنڑڑاں اے تک پجنڑ سانگے وی حمید اصغر شاہیںن کامریڈ عبدالکریم ڈمرا اللہ ڈتہ بدنام خود بندہ اے ناچیز دی جیل کھڑی اے حمید اصغر شاہین مجاھد جتوئی جمشید دھریجہ بندہ اے نہ چیز دی ادھ رات دی گرفتاری کھڑی اےبندہ اے نہ چیز دا دیرہ دیاں سڑکاں بندکرنڑ پولیس نال بھڑاند ول بھڑاند اچ میڈا شدید زخمی تھیونڑ ہسپتال اچ داخل تھیونڑ سراچ بارھاں ٹاکے لگنڑ نال پولیس دازخمی تھیونڑ انہیں داوی ہسپتال اچ داخل تھیونڑ وی شامل کھڑے ملتان نواں شہر چوک دے دھرنے اچ ہک سرائیکی بال نصرللہ دی شہادت رازش لیاقت پوری جاوید شانی دی ناجائز گرفتاری ایں سرائیکی بال نصراللہ دی شہادت تیں باربار ظہوردھریجہ دے جھوک دفتر اچ اا کیں ظہور دھریجہ کوں ٹارچر کرنڑ تیں انہیں دے بھڑینجے عامر سلیم دھریجے دی ناجائز گرفتاری ولا اے کوٹ سبزل توں گھن کیں ملتان تک کامیاب لانگ مارچ وی کھڑے اے سرائیکی تحریک ایویں نئیں ایں منزل تیں پجی کھڑی ایندے وچ جلسے جلوس روڈ بلاک جہیں کم ای شامل ان مظہر کات دا روز بروز روڈ بلاک کرنڑ بہوں وڈا کم اے ہنڑ وی میں ایہو کجھ اہداں ساکوں نیک نامی ہیں جدو جہد الے کم اچ ملدی اے بہتر اے ساکوں اپڑیں سمت دا تعین کرنڑاں چاہیدا اے نہ کہ ایم این اے ایم پی اے پرائے جماعتیں گودے گوداڑیں وزیریں مشریں دی خوشامد چنگی نئیں لگدی اساں پولیٹیکل ورکر ھئیں ساڈے اپڑیں رہنماھن مہربانی کرو کہیں کنیں ونجنڑ چھوڑ ڈیوو جیکوں ضرورت اے او ساڈے کولھو اپ اوسن تساں صرف تحریک الے پاسے زور لاو لوکیں کوں تیارکرو سوٹے چاون اکھیں ڈیکھالیں بغیر کڈاہیں وی صوبہ نہ ملسی ۔۔۔اکبر خاں ملکانڑیں پاکستان عوامی سرائیکی پارٹی. 




#Article 474: اکبر ملکاݨی دی عیادت (279 words)


اج شام کوں سرائیکستان ھاوس رشید اباد کالونی اچ سرائیکی دانشور سرائیکی شاعر ترائے کتابیں دے مصنف صدیں سچ الایا ۔قصہ کراں ست پٹھاتیں ملوک صدراں دے خالق سرائیکی دے مہان رہنما صوفی تاج خاں گوپانگ تیں انہیں دی گگھدامی دے ترجمان بہاودین زکریاملتان دے لیکچرار سبطین خاں گوپانگ تیں بے انہیں دے نال طارق خاں مستوئی صاحب میڈی عیادت سانگے تشریف گھن ائین مہربانی اے مرشد سئیں تاج خاں گوپانگ دی جیرھے اپ وی سخت بیمارن مگر ہر بیماردا حوصلہ ودھاونڑ کیتے ہر کہیں دو بہ نفیس اے نفیس ٹر ٹر تیں بھج بھج تیں دعائیں ودے کریندے ھوندن اوندا اوندے نقش اے قدم تیں چلنڑ الا پتر گودا سبطین خاں جیرھا اج وی اپڑیں لکھ پال پیو دی خدمت سانگے بطور ترجمان دے انہیں نال ھا سرائیکستان ھاوس اچ انہیں دے انونڑدا سردار محمد افضل خاں ملکانڑیں سر براہ پاکستان ملکانڑیں اتحاد فیض محمد خاں ملکانڑیں انسپکٹر بلوچستان پولیس حفیظ اللہ خاں ملکانڑیں ڈاکٹر محمد سعید خاں ملکانڑیں ڈاکٹر اشفاق خاں ملکانڑیں طارق اسماعیل خاں احمدانی پنجاب پولیس محمد وسیم سرائیکی نے بھرپور استقبال کیتااور تاج خاں واسطے وی دعاکرائی گئی تاج پنج گھنٹے کھل کھل کیں گزاریئے تیں نال ول بے تحاشہ کھلوایا سیاسی گال بات تیں کوئی وی نہ تھئی لیکن پرانڑں پیریڈ یاد کرتیں بہوں دیر تک ڈھیر لحظہ اج تاج خاں نال وڈی چس ائی اے تاج خاں ھوریں بے شک لگے گئین مگر اساں تاج خاں ہنڑ وی یاد کیتی بیٹھوں اللہ خیر نال منزل اے مقصود تیں پچاوے اللہ کرے سرائیکی قوم کیتے اے ڈیوا چرک تئیں بلدا رہوے اے ناں بہوں دیر تک ساڈی رہنمائی فرمیندا رہ امین جیون پئے سرائیکستان زندہ باد 
اکبر خاں ملکانڑیں پاکستان عوامی سرائیکی پارٹی۔




#Article 475: اکبر ملکاݨی دی ملاقات (130 words)


اج سرائیکستان ھاوس رشید اباد کالونی وچ سرائیکی دانشور سید نعیم الحسن شاہ صاحب تیں انہیں دے نال ماسٹر ارشاد حسین خاں چانڈیہ صاحب میڈی عیادت سانگے تشریف گھن ائین دل ڈاڈھا خوش تھئے مرشد سرکار دیاں باریک بینی الیاں گالہیں بڑیاں توجہ طلب ھوندین اساں ہمیشہ شاہصاحب کنوں کجھ نہ کجھ سکھدے رہ ویندوں اج شاہصاحب نے اکھیئے میں سجاد خان ملکانڑیں کوں مل کیں اتھائیں سرائیکستان ھاوس اچ سٹڈی سرکل دا دفتر کھولنڑ چاہندوں توھاڈی کیا رائے ھ میں شاہ صاحب کوں اکھییے سرائیکستان ھاوس سرائیکیں دی ملکیت اے ایہے جہیں نیک کم اچ کہیں دیر اے جیوو پئے جلدی کرو میکوں تیں ایہا سک سویل دی اے اللہ کرے تساں ایں قومی کاز اچ سرخرو تھیوو امین سرائیکستان زندہ باد
اکبر خاں ملکانڑیں پاکستان عوامی سرائیکی پارٹی۔




#Article 476: اکرم گرماݨی (1708 words)


عظیم سرائیکی دانشور سئیں اکرم گُرمانْی نال گاٖلھ مُہاڑ. (غیور بخاری)

تونسہ شریف، پیر پٹھانْ(حضرت شاہ سُلیمان تونسوی) دی نگری ہوونْ دے نال نال سرائیکی ادبی، سیاسی تے سماجی شخصیات نال بھریل ہک سوہنْا شہر ھے۔ ایں شہر اچ سرائیکی ادب نال تعلق رکھنْ والے پہاڑ قامت لوکاں جنم گھِدے۔ ایں وَسوں وچ آباد سرائیکی دھرتی جٖئے اپنْی زبان ، ادب تے ثقافت نال بے پناہ پیار کریندن۔ تونسہ شریف نال تعلق رکھنْ والے اِنھاں سچے قوم پرستاں وچ ہک عظیم دھرتی جٖئے ، سرائیکی دانشور سئیں اکرم گرمانْی کہیں تعارف دے محتاج نئیں۔ بھانویں جو روزی روٹی دے رُدھیمے گرمانْی سئیں کوں اوپرے دیساں وچ رُجھائی ودن ، وَل وی ایہ اپنْی دھرتی اتے قوم نال محبت دا گاٖنڈھا ہمیشہ جوڑی رکھدن۔ اکرم گرمانْی سئیں سرائیکی لوک سانجھ اتے پاکستان پیپلز پارٹی وچ ہک متحرک ورکر دی حیثیت نال کم کریندے رہ گٖن ۔ سرائیکی قوم اتے دھرتی دا درد اینویں لگٖدے جو اِنھاں کوں گُھٹی وچ ملئے۔ اساں اِنھاں نال سویل سرائیکی دے قارئین سانگے ہک مختصر گاٖلھ مُہاڑ کیتی جینداخلاصہ تہاڈٖی خدمت اچ حاضر ھے۔

سرائیکی ادبی ، ثقافتی تے سیاسی پندھ اچ شمولیت دے حوالے نال اساں اکرم گرمانْی سئیں توں کُجھ سوال پُچھیے جیندے جواب اچ اُنھاں اساکوں ڈٖسایا جو تونسہ شریف سرائیکی قومی شعور دی گاٖلھ کرنْ والے استاد فدا حُسین گاڈٖی جہیں عظیم رہنماواں دی دھرتی ھے۔ اساکوں یونیورسٹی دور کنوں اپنْی زبان ، قوم اتے ادب نال عشق ہا۔ ایں سانگے استاد فدا حُسین گاڈٖی نال اساڈٖا محبت اتے عقیدت والا رشتہ بنْ گٖیا۔ اساں اُنھاں توں سرائیکی ادبی تے سیاسی شعور حاصل کیتا۔ بخاری سئیں تہاکوں تاں پتہ ھے جو اساڈٖے تونسہ شریف دا ’’ہوٹل ‘‘ والا کلچر کیویں ھے۔ ایں وسوں اچ آباد ہوٹل اساڈٖے او تاڈٖے ہِن جیرھے اساں وساخ دے طور تے استعمال کریندے ہئیں۔ اِنھاں ہوٹلاں اُتے چاہ پیونْ ہک بہانہ ہوندے ۔ حیاتی توں ہارئیے ،پردیس دے مارئیے دھرتی جٖئے رُل پھِل تھک تُرٹ تے انت اِنھاں ہوٹلاں اُتے اپنْے تھکیڑے آ لہیندن۔ اساں وی یونیورسٹی دورتوں اِنھاں ہوٹلاں دے ماچیاں تے بٖہہ کراہیں اُستاد فدا حُسین گاڈٖی توں بٖہوں کُجھ سکھدے رہ گٖئے ہئیں۔ اساکوں ایں گاٖلھ تے فخر ھے جو اساں گاڈٖی سئیں کوں ملئے ہئیں اتے اُنھاں دی علمی ادبی بحث دا حصہ وی بنْدے رہ گٖئے ہئیں۔ غالباً ۸۰ ء دے ڈہاکے وچ سرائیکی لوک سانجھ نویں نویں بنْی ہئی۔ اوں وقت گاڈٖی سئیں جتھاں سرائیکی ادبی تے سیاسی عمل دی گاٖلھ کریندے ہن اُتھاں اُنھاں دیاں اندرونی ہمدردیاں پاکستان پیپلز پارٹی نال وی شامل ہوندیاں ہَن۔ اوں وقت اساں وی پاکستان پیپلز پارٹی دے متحرک ورکر ہاسے اساڈٖی فکر کوں سامنْے رکھ کراہیں اُنھاں اساکوں سرائیکی سُنجٖانْ تے شناخت دا مسئلہ سمجھایا۔ میں احٖ وی ایہو سمجھداں جو سرائیکی قومی تحریک نال اساکوں اُستاد فدا حُسین گاڈٖی جوڑئیے۔ میں استاد صاحب جیہاں مشنری بندہ حالی توڑیں نئیں ڈٖٹھاجیرھا فقیر گھروں قندوری چا سبزی کیتے نکلے ہا تے پتہ ایہ لگٖدا ہا او بہاول پور پہنچ گٖئے۔سرائیکی قومی کاز نال جیویں استاد فدا حُسین گاڈٖی کوں عشق ہا اینویں کہیں بٖئے دھرتی جٖئے اچ حالی توڑیں نظر نی آندا پیا۔ اساکوں گاڈٖی سئیں ہمیشہ پندھ اگٖونہاں کرنْ دا دَرس ڈٖتے۔ تونسہ شریف دے ہک شاعر زبیر چٹھہ دی ہک لائن استاد فدا گاڈٖی دی سوچ دی عکاس نظر آندی ھے’’ڈٖیوا ہر دَم بٖالی رکھو‘‘ ۔ ایہ استاد فدا حُسین گاڈٖی دا مشن ہا اتے ایہے وجوہات ہن جنھاں اساکوں سرائیکی قومی پندھ اچ شامل کیتا۔ ایندے علاوہ میں جڈٖاں یونیورسٹی اچ داخلہ گھِدا اوں ویلے میڈٖے کول ہک ٹیپ ریکارڈر ہوندا ہا ، اوندے اُتے میں خواجہ فریدؒ دیاں کافیاں پٹھانْے خان دی آواز اچ سُنْدا ہامی ۔ خواجہ فریدؒ دی کافی کوں حیاتی دے ساز تے سُر نال گاٖونْ والا پٹھانْے خاں اساڈٖے مَن اچ ایں وَسیا جو اساں ماء دھرتی دے عشق اچ گُم تھی گٖیوسے۔ جے میں توں سچ پُچھدو تاں استاد فدا گاڈٖی تے پٹھانْے خاں جہیں ایں دھرتی تے کئی فقیر ہن جنھاں سرائیکی شناخت تے سُنجٖانْ دا بُنیادی کم کیتے۔ اِنھاں فقیراں دی محنت ہئی جو احٖ سرائیکی مسئلہ اسمبلی وچ پُجٖ گٖئے اتے سرائیکی قومی شعور دی گاٖلھ ہر زبان تے موجود ھے۔ احٖوکی سرائیکی صورتحال دے بارے اکرم گرمانْی سئیں آکھیا اساکوں اپنْے ایں سفر وچ مایوس تاں نئیں تھیونْا چاہیدا لیکن میڈٖی سوچ دے مطابق اساں نویں نسل تئیں او قومی شعور نئیں پُجٖا سگٖیے جیندا او حق رکھدی ھے۔ اساں اجٖوکی نسل کوں حالی توڑیں اپنْے وسائل تے مسائل دے بارے وی نئیں ڈٖسا سگٖیے۔ اساڈٖے نال تھیونْ والی ولوانج دا ذمہ دار کون ھے ؟اساں روہ ، روہی ، تھل ، دامان دے واسی کنڈو رانْیاں وانگوں حیاتی کیوں گُزریندے پیوں؟ اساڈٖے حقوق کون غصب پیا کریندے؟ اساں کئی نسلاں توں غلام ابنِ غلام کیوں ہئیں ؟ ایہو جہیں کئی سوال ہِن جیرھے اساں اپنْی آونْ والی نسل نال سانجھے نئیں کیتے ۔ جیندی وجہ توں وسیبی مستقبل دی تصویر میکوں ڈٖراکلی نظر آندی پئی ھے۔ ایں سانگے میں ایں بارے ایہو کُجھ آکھساں جو اجٖوکی صورتحال خاصی تشویشناک ھے۔ اساکوں نویں نسل توڑیں او گاٖلہیں پُچاونْیاں چاہیدیاں ہِن جنھاں دی وجہ توں اساں صدیاں کولہوں غلامی کٹیندے پئے ہئیں ۔ بھکاویں سڈٖ تے قوماں تُرٹدیاں تاں ہِن جُڑدیاں کوئینی۔ اجٖوکے دور اچ اساکوں جُڑت اتے سانجھ دی ضرورت ھے روایتی مسائل کوں ٹھپ تے اجٖوکے سرائیکی مسئلے اُتے گاٖلھ مُہاڑ اتے عمل کیتا ونجٖے۔ سکھڑیں ہوکے اتے کارنر میٹنگ رکھنْ نال بس اوھے پُرانْے چند لوک تاں ہک بٖئے نال گاٖلہیں کریسن کھڑے پر اُنھاں لوکاں تئیں گاٖلھ نہ پُجٖسی جنھاں ایں پندھ کوں اگٖونہاں کرنْے۔ سرائیکی قومی پندھ دیاں خامیاں خوبیاں دے حوالے نال گاٖلھ ٹُری تاں اکرم گرمانْی سئیں فِکر مندی نال الانْے جو اساڈٖے ایں قومی پندھ دا بُنیادی مسئلہ وسائل ہِن۔ وسائل نہ ہوونْ پاروں اساں اپنْی گاٖلھ اوں طریقے نال نئیں کر سگٖدے پئے جیویں اساکوں کرنْی چاہیدی ھے۔ بٖیا ڈُٖکھ دی گاٖلھ ایہ ھے جو اساں لوک انجو انج اپنْے حقوق دی گاٖلھ کریندے کھڑے ہئیں۔ جیکر اساں ہک مُٹھ تھی ہک فورم تے اپنْی گاٖلھ کروں تاں اوندے وچ زیادہ وَزن ہوسی۔ اساڈٖی بُنیادی خامی ہک ڈٖوجھے دے درمیان فاصلہ ھے۔ ایندے علاوہ اساں اپنْے کاز کوں کاز دی بجائے وقت گزاری دا شغل بنْا گھِدے اساکوں اِنھاں تمام بُرائیاں دا خاتمہ کر تے قومی عمل اچ تکھاج پیدا کرنْ دی ضرورت ھے۔ اساں ہُنْ ول ہکواری استاد فدا گاڈٖی دے مشورے مطابق میلے ٹھیلے رکھ تے رُلی بُھلی قوم کوں ہک فورم تے کٹھا کروں اتے اپنْی گاٖلھ اگٖی تے ٹوروں۔ گھر اچ اُردو زبان کوں رواج ڈٖیونْ والے سرائیکی بھرانویں دی گاٖلھ تھئی تاں گرمانْی سئیں مُسکرا پئے اُنھاں آکھیا اُردو سوہنْی زبان ھے لیکن جتنی سوہنْی انسان دی مادری زبان ہوندی ھے اُتنی سوہنْی بٖئی کُئی زبان نئیں تھی سگٖدی۔ اُنھاں آکھیا میں مختلف ممالک وچ اپنْی حیاتی گزاری ھے اتے گزریندا وی پیاں میڈٖا تے میڈٖے بٖالیں دا مختلف زباناں نال واسطہ پوندے لیکن اساں جتھ وی ہوندے ہئیں اپنْے گھر وچ اپنْی ماء بٖولی سرائیکی بٖولیندے ہئیں۔ میڈٖا پُتر سندھیار (سندھو) جیلے سرائیکی بٖولیندے تاں اُردو زبان تے فخر محسوس کرنْ والے میڈٖے دوست حیران تھی پُچھدن جو سندھو سرائیکی بٖول سگٖدے تاں میکوں سندھو دے سرائیکی بٖولنْ تے فخر محسوس تھیندے۔ جیرھے لوک اپنْی دھرتی اُتے رہ کراہیں اپنْے بٖالاں توں اُنھاں دی حقیقی سُنجٖانْ ماء بٖولی کھیسندن میڈٖی نظر وچ او بٖہوں وڈٖے مجرم ہِن۔ تُساں جتھ ودے ہووو، جیرھے حال اچ ہووو، پر پوری دُنیا وچ ایہ سوال ضرور پُچھیے ویندن جو تُساں کون ہیوے؟کتھ رہندو؟ تہاڈٖی زبان کیا ھے؟۔ جڈٖاں اساڈٖے بٖال اپنْی ماء بٖولی الا نہ سگٖسن تاں ایندے بارے جٖانْنْ تاں دُور دی گاٖلھ ھے۔ میڈٖے خیال مطابق اگر اساں اپنْے بٖالاں توں اُنھاں دی حقیقی سُنجٖانْ (ماء بٖولی)کھس گھِدی تاں او اپنْے ریت روایتاں اتے تہذیب نال سونہہ رونہہ نہ بنْا سگٖسن۔میڈٖے خیال اچ تُساں بھانویں دُنیا دیاں ساریاں زباناں سِکھو پر اپنْے بٖالاں کوں اپنْی ماء بٖولی دے حق توں محروم نہ کرو۔ تونسہ شریف دے حوالے نال گاٖلھ ٹُری تاں گُرمانْی سئیں آکھیا تونسہ شریف ایجوکیشن دے حوالے نال بٖہوں زیادہ ترقی کیتی ھے۔ میکوں یاد ھے ۴۰،۴۰ انجینئر ہوٹل دے ماچے تے بٖہہ تے قومی گاٖلھ مُہاڑ کریندے میں ڈٖٹھن۔ غربت اتے پسماندگی دے باوجود اساڈٖی وسوں دے لوکاں محنت کرتے ترقی کیتی ھے۔ میکوں ایں گاٖلھ تے مانْ ھے جو میں اپنْی محنت نال گھر توں پیسے گھِدے بغیر انجینئرنگ یونیورسٹی توں انجینئر بنْ تے تونسہ شریف آیم ۔ میں توں علاوہ وی ایجھیاں ڈھیر ساریاں مثالاں مِلدین جنھاں لوکاں اپنْے سِر تے محنت کر تے ترقی کیتی ھے۔ اساڈٖے وسیب دے لوک تعلیم والے پاسے زیادہ غور کریندے ہن ، دھیریں پُتریں کوں پڑھیندے ہن جو اُنھاں کوں پڑھا تے نوکریاں کرویسوں ۔ روزی روٹی دے وسائل نہ ہوونْ پاروں اِتھوں دے لوکاں تعلیم کوں اپنْا گاٖہنْاں سمجھیے۔ ہُنْ تاں تونسہ شریف اچ نہر آ گٖئی ھے روزگار دے وسائل ودھین لیکن حالی توڑیں کسان اونویں دا اونویں وسائل توں محروم ڈٖسدا کھڑے۔ ایں توں علاوہ تعلیمی شعور ودھنْ دی ہک بٖئی اہم وجہ حضرت پیر پٹھانْ شاہ سُلیمان سرکار ؒ دی درسگاہ ہئی جتھاں تعلیمی حوالے نال ترقی کرنْ دا درس ڈٖتا ویندا ہا۔ میں سمجھداں تونسہ شریف دی ترقی دا سب توں وڈٖا حوالہ ایہا درسگاہ ھے۔ ایندے علاوہ تونسہ شریف کوں سرائیکی ادب دا لکھنو وی آکھیا ویندے کیوں جو ایں دھرتی تے سرائیکی ادب دے او مُہاندرے لوک پیدا تھِن جنھاں دا ذکر کیتے بغیر سرائیکی ادب دی تاریخ مکمل نی تھی سگٖدی۔میں سمجھداں سرائیکی ادب دے اِنھاں عظیم شاہسواریں سرائیکی قومی تحریک وچ وی مرکزی کردار ادا کیتے۔ سرائیکی ادب پڑھنْ دے حوالے نال گاٖلھ ٹُری تاں گرمانْی سئیں آکھیا ہُنْ پڑھنْ دا شوق تاں گھٹ تھی گٖئے البتہ سرائیکی فنکاریں اتے شاعریں کوں سُنْنْ دی چس ودھ گٖئی ھے۔ عزیز شاہد، جہانگیر مخلصؔ ، ریاض عصمت اتے اجٖوکے دَور دا ہر او شاعر جیرھا دھرتی تے زبان دی گاٖلھ کریندے میکوں چنگا لگٖدے۔ اتے سرائیکی فنکار جیندے سینے وچ دھرتی دا درد موجود ھے میکوں اوندی آواز پسند ھے۔ اخیر تے اکرم گرمانْی سئیں سویل سرائیکی دے قارئین کوں پیغام ڈٖیونْ دے حوالے نال آکھیا جو اپنْی دھرتی ،زبان ، ادب تے ثقافت دی ترقی ترویج سانگے کٹھا تھیونْ اجٖوکے ویلھے دی ضرورت ھے۔ اساڈٖے وسیب وچ جے توڑیں ہک ڈٖوجھے نال حسد دی بھاہ دا مچ مچیا رہسی اساڈٖی منزل مزید پروبھری تھیندی ویسے۔ ایں سانگے ذاتی رنجشاں ، نفرتاں مُکا کراہیں اساکوں ہک فورم تے ہک مٹھ تھی کراہیں اپنْے حقوق دی گاٖلھ کرنْی چاہیدی ھے۔




#Article 477: اکھاݨ (609 words)


اکھاݨ لوک دناوت دیاں او ڳالھیں ہَن۔ جہڑیاں آپݨے اندر ہک تجربہ رکھدیاں ہن۔ او تجربہ جہڑا کہیں شخص دے ذاتی تجربے کنوں گذر کے اجتماعی تجربہ بݨ ڳئے۔ ڄݙاں اوں جیہاں واقعہ ول تھیوے تاں اوں اکھاݨ کوں دہرایا ون٘ڄے تاں جو سݨݨ آلیْاں کوں او ڳالھ سُݨ تے پَک تھی ون٘ڄے جہڑی اُنھاں دے سامھݨے محض ہک خیال دے آئی ہائی۔ جیکر ایہ اکھاݨ کہیں عبارت وچ درج کیتا ون٘ڄے تاں عبارت وچ خوبی، رن٘گینی، لطافت تے تاثر پیدا تھی ون٘ڄے، جین٘ویں جو عربی وچ اہدے ہن جو کلام وچ ضرب المثل اینویں ہے جینویں جو کھاݨے وچ لُوݨ۔

کلام کوں جہڑی شئے سوہݨپ دانال نال سوہݨپ دا رنگ وی ݙیندی ہے۔ اوں کوں ضرب المثل دا اصطلاحی ناں ݙتا ڳئے۔ فارسی، اردو، اتے ٻنھاں زباناں عربی دے ایں لفظ کوں این٘ویں دا این٘ویں گھن گھدے اتے ایہ سمجھݨ دی کوشش نھیں  کیتی ڳئی جو ضرب المثل کیا ہوندی ہے۔ یا این٘دے ضروری اجزاء کیا ہن۔ اتے ایہ کین٘ویں بݨدی ہے۔ کمال ایہ ہے جو فارسی تے عربی  لغت وچ ایندے معنی درج ہن: کہاوت

اتے کہاوت دے معنے اردو لغت وچ ݙتے ڳئے ہن: ضرب المثل تے سرئیکی وچ اکھاݨ۔

گویا کوئی لغت ضرب المثل یا اکھاݨ دے مفہوم کوں پوری طرحاں واضح کائنی کریندی۔ مجبور تھی کراہیں ساکوں انگریزی دی لغت وچ پروَرب دے معنے ݙیکھݨے پئے ڳئے۔ تاں وت کئی ڳالھ ساݙے پلّے پئی۔ انھاں معانیاں دی رُو نال کہاوت، ضرب المثل یا  اکھاݨ دے ضروری اجزا ایہ ہن:

١۔ اختصار

٢۔ جامعیت

٣۔ عام  ورتاوا

٤۔ تجربات کنوں حاصل تھیاں ہوئیاں روائتی سچائیاں جہڑیاں انسانی رویے دے کیتے اصولاں دا کم ݙیون، اتے

٥۔ سہݨپ

اختصار دا معنی ہے تھوڑے کنوں تھوڑے لفظاں دے استعمال نال ودھ کنوں ودھ معنے پیدا کرݨ، جامعیت توں مراد ڈھیر ارے مضامین جمع تھی کے چند لفظاں وچ سما ون٘ڄݨ اتے آکھی ہوئی ڳالھ وچ قوت تے تاثیر ہووے، لوڑ کنوں لفظ تاثیر کوں ون٘ڄا ݙیندن۔

کہاوت یا اکھاݨ اوہو سوہݨا ہوسی جہڑا ہموار، رواں تے آسانی نال زبان تے چڑھ سڳݨ آلا ہوسی اتے لفظاں کنوں پاک رہ کے ایمائیت تائیں محدود رہسی۔ جہڑا کم اشارہ کر ویندے اوتفصیلی کلام نھیں کر سڳدا۔

عام ورتاوے دا ایہ مطلب ہے جو اکھاݨ کوں ہر طبقے، ہر عمر تے ہر سُجھ ٻُجھ دا بندہ ورتیندا ہووے، ایندے ورتݨ دا مقصد غیر شعوری طور تے اندر دے انسان کوں جھنجھوڑݨ ، ایں کوں سِدھا راہ ݙکھاوݨ، بنیادی سچائیاں کنوں آڳاہ کرݨ تے انسانی زندگی دے رویاں سُدھارݨ ہوندے۔ ایں کیتے اکھاݨ کوں سچے جذبات تے ݙونگھے احساسات دا اینجھا آزاد اظہار آکھیا ون٘ڄ سڳدے جیندے وچ کہیں دے ارادے تے کوشش دا عمل دخل نھیں ہوندا ۔ ایندی مثال بالکل این٘ویں ہے جین٘ویں ساف شفاف پاݨی دے قدرتی چشمے پہاڑاں دا سینہ چیر تے آپݨے آپ اُٻل پوندن۔ 

کہاوت یا اکھاݨ دے انھاں معنیاں کوں سامھݨے رکھ تے اساں سرائیکی دے سینہ بہ سینہ آئے ادب دا جائزہ گھندے ہیں تاں اساکوں ایندیاں ایجھیاں رنگ برن٘گیاں ونکیاں نظر آندیاں ہن جنھاں کیتے شاید ٻنھاں زباناں وچ کوئی وکھرے وکھرے الفاظ کائے نھیں۔ بلکہ انھاں ساریاں ونکیاں کوں اکھاݨ ہی آکھیا وین٘دے۔ سرائیکی زبان دے وچ کوئی اکھاݨ  آکھݨ لڳدے تاں ایہ وی ضرور آہدے جو  سیاݨیْاں دا اکھاݨ ہے یا سیاݨے آکھ ڳئین

ایندا مطلب ایہ تھیا جو اَکھاݨ دا لفظ ایجھیں ٻولاں کیتے مخصوص ہے جنھاں دے وچ نفس دی اصلاح دا  کوئی سنیہا ہے، سبق ہے، نصیحت ہے، یا ایجھیں سُہݨپ دی ڳالھ ہے جہڑی سُݨݨ آلیْاں کوں محتاط رہݨ دی تنبیہ کریندی ہے۔ 

سرائیکی زبان دے اکھاݨاں کوں تحریری صورت وچ سبھ کنوں پہلے قاضی فخرالدین راضی آپݨے ملتانی قاعدے وچ کٹھا کیتے۔ انھاں اکھاݨاں دی تعداد ١٣٠ ہے۔ 

مثال دے طورتے کجھ اکھاݨ ایہ ہن۔




#Article 478: اکیہ فروری دا حال (407 words)


اکوی فروری مابولی دا ڈیہنہ۔۔ھاں سئیں ایہو اندا خمیس خیر نال سر تیں اگئے تیاریاں وی خیر نال عروج تیں پج گئین سرائیکی نہال ان کیوں جو انہیں دی سنجانڑ دا ڈیہنہ جو منایا ویندا پئے اساں وی سارے سرائیکستان ھاوس رشید اباد کالونی دیرہ غازیخان ہیں اندے خمیس ڈاہ وجے ڈیہنہ دے کٹھے تھیندے پیوں جیندے وچ سارے رل کیں اپڑیں سرائیکی صوبے بارے سوچ وچار کریسوں توھاڈا ساڈا اصل مقصد صرف سرائیکی صوبہ اے جیندے وچ اساں ہرکہیں کوں سمجھیسوں ساکوں جنوبی پنجاب نئیں چاہیدا اساں سرائیکی صوبہ صرف سرائیکستان منگدوں اے ھ ساڈا کٹھے تھیونڑ دا مقصد ۔گلشن اباد کالونی رشید اباد کالونی دے دوست چونکہ میز بان میز بان دی حیثیت نال ان ذرا وقتی تشریف گھن اوسن مہربانی سرائیکستان ھاوس دے تانگھی۔۔۔۔۔۔۔اکبر خاں ملکانڑیں۔عمر خاں بزدار۔اسلم خاں ملکانڑیں۔ سجاد خاں ملکانڑیں۔وکیل احمد نادر صاحب۔سردار ابولحسن خاں لغاری صاحب۔غلام اکبر خاں کھوسہ۔ڈاکٹر احسان خاں چنگوانی ۔سردار عبدالحئی خاں چانڈیہ۔سید نعیم الحسن شاہ صاحب۔فضل عباس خاں ظفر۔صغیر خاں احمدانی۔محمد بخش براٹھا صاحب۔استاد حاجی طالب حسین خاں جتوئی صاحب ۔حاجی اللہ بخش خاں لشاری ۔منظور خاں زہرانی عرف منظورٹھلا۔ ملک محمد بلال کھنڈواصاحب۔استاد عطامحمد خاں زور حمام الا۔سردار غلام مصطفے خاں عرف سردار جمل خاں سکھانی۔سید عنصر عباس شاہ عظیمی صاحب کونسلرصاحب۔سید علی عمران شاہ صاحب۔ملک محمد ظفر کھنڈوا صاحب۔سردار ھدایت خاں چانڈیہ صاحب۔ملک محمد اکرم بھٹی صاحب۔مہر خالد میکن صاحب۔عمران لکی صاحب صحافی۔ملک یونس ماچھی صاحب۔ابوبکر بلال وثیقہ نویس۔ارشاد شیروانی۔ملک عرفان ککھ۔ملک خلیل لنگانی۔ارشد نتکانی صاحب۔محمد نواز خاں لغاری۔کامران خاں مستوئی۔مسرت عباس خاں گورمانی
۔ارشد خاں سکھانی۔حسنین خاں سکھانی۔نقاش خاں سکھانی۔زاھد شیر بھٹی۔جاوید خاں بھٹی۔ملک منگلا سونترا۔حاجی غلام فرید سنجرانی۔لعل خاں گیس الا۔حاجی نجب گل جروار محمد اسلم ڈکھڑاں۔عبدالغفار خاں تھیم۔سجاول خاں زہرانی۔سردار اختر خاں ملکانی۔نعیم خاں لشاری۔طارق خاں کھوسہ۔وسیم بھٹی فرحان بھٹی۔ذیشان تھیم۔عابد خاں مرانی ۔غلام مصطفے خاں میرانی۔قیصرعباس خاں ملکانی۔ نسیم خاں ملکانی۔سردار مہر خاں چنگوانی۔سردار خلیل خاں چنگوانی۔چوہدری اصف خاں جتوئی سردار مشتاق خاں جتوئی۔ حافظ غلام خاں جتوئی ٹیلر ماسٹر۔استاد خدابخش خاں جتوئی ڈرئیور استاد جمعہ درکھان ۔استاد اقبال خاں جتوئی ڈرئیور بھٹو کالونی۔پیر بخش خاں ملکانی۔سعید خاں ملکانی نورپور۔حاجی رحیم خاں ملکانی جمیل خاں ملکانی امجد خاں ملکانی۔عبدالرشید خاں ملکانی درویش خاں ملکانی۔غلام سرور خاں ملکانی مستری۔محمد خاں ملکانی۔غوث بخش خاں ملکانی۔محمد نواز خاں ملکانی۔اللہ بچایا ملکانی۔ماسٹر عابد حسین خاں ملکانی۔الطاف خاں ملکانی۔حاجی تنویر خاں ملکانی۔پیر منظور خاں ملکانی۔ماہتاب خاں ملکانی۔ سردار طیب خاں ملکانی غلام سرور خاں ملکانی۔ مجید خاں ملکانی ممبرصاحب۔محمد سلیم خاں ملکانی سعید خاں کشانی مدثر چانڈیہ سہیل زور بھورل چاچڑ ۔پاری وھوچہ. (اکبر ملکاݨی)




#Article 479: اکیہہ فروری (238 words)


اکوی فروری مابولی دا ڈیہنہ پاکستان عوامی سرائیکی پارٹی ہمیشہ الی کارسرائیکستان ھاوس رشید اباد کالونی دیرہ غازیخاں اچ بھر پور طریقے نال منیسی وسیب کوں اطلاع تھی گئی پہلے الی کار عزت بخشیسو ۔۔۔۔تانگھی اکبر خاں ملکانڑیں اسلم خان ملکانڑیں ملکانڑیں ذولفقار خان ملکانڑیں فرخ زمان خان ملکانڑیں عمار یاسر خاں ملکانڑیں حماد رضا خاں ملکانڑیں راول امام خاں ملکانڑیں خرم خاں ملکانڑیں عنصر خاں ملکانڑیں عون خاں ملکانڑیں منتظر خاں ملکانڑیں عامر خاں ملکانڑیں سردار ابولحسن خاں لغاری غلام اکبر خاں کھوسہ 
ڈاکٹراحسان چنگوانی منظور ٹھلا خاں زہرانی حاجی اللہ بخش خاں لشاری استاد حاجی طالب حسین خاں جتوئی محمد اسلم خاں ڈکھڑاں گودا بچل خاں سنجرانی سید عنصر عباس عظیمی کونسلر اربن یونین کونسل نمبر بارہ سید علی عمران شاہ ملک محمد ظفر کھنڈویا صحافی عمران لکی اکرم بھٹی نعیم لاشاری
سجاول ذہرانی ملک محمد بلال کھنڈویا استاد عطا محمد ذورحاجی نجب گل خاں جروار 
غلام مصطفی سکھانی عرف جمل ارشد خان سکھانی حاجی غلام فرید سنجرانی
عبدالغفار تھہیم 
استاد غفار درزی
مجید خان ٹھکیدار شوریہ
سردار ہدایت خاں چانڈیہ ملک محمد منگلا سونترا سردار اختر خاں کھوسہ استاد محمد اقبال جتوئی ڈرئیور ہزارہ پیر بخش خاں ملکانڑیں جمیل خاں ملکانڑیں امجد خاں ملکانڑیں سعیدخاں ملکانڑیں حاجی رحیم خاں ملکانڑیں عابد خاں میرانی غلام مصطفے خاں میرانی محمد خاں ملکانڑیں سلیم خاں ملکانڑیں سردار طیب خاں ملکانڑیں مجید خاں ملکانڑیں غلام سرور خاں ملکانڑیں
حافظ غلام قادر جتوئ محمد وسیم. (اکبر ملکاݨی، ٢ جنوری ١٩ء)




#Article 480: اہلِ بیت رسول صلی اللہ علیہ وآلہٖ وسلّم (491 words)


اہلِ بیت عربی زبان دا لفظ ہے جس دے معنی گھر والے  دے ہن۔ انہاں وچوں مخصوص پنج شخصیات کوں پنج تن پاک وی آہدے ہن۔ رسول اللہ صلی اللہ علیہ و آلہ وسلم کفار نال مباہلہ کرݨ کیتے نکلے تاں ایہے حضرات آپؐ دے نال ہن۔ ہک دفعہ آپؐ نے انہاں پنج شخصیات کوں اپݨی چادر وچ گھن کے فرمایا اے اللہ، ایہ میݙے اہل بیت ہن۔

شیعہ نکتہ نظر نال اہل بیت وچ محمد صلی اللہ علیہ و آلہ وسلم، آپ صلی اللہ علیہ و آلہ وسلم دی صاحبزادی فاطمۃ الزھراء ، آپؐ دے چاچا زاد تے داماد حضرت علی تے انہاں دے صاحبزادے حضرت امام امام حسن تے حضرت امام حسین شامل ہن۔ ایہ تمام افراد اصحاب کساء دے ناں نال وی مشہور ہن۔

اہلسنت دے نکتہ نظر نال اہل بیت وچ حضرت محمد صلی اللہ علیہ و آلہ وسلم، آپ صلی اللہ علیہ و آلہ وسلم دی ١١ ازواج مطہرات، آپ صلی اللہ علیہ و آلہ وسلم دے چار صاحبزادیاں سیدہ فاطمہ زھراء ، سیدہ رقیہ، سیدہ ام کلثوم تے سیدہ زینب تے انہاں دے اولاداں، آپؐ دے وفات شدہ پتر، آپؐ دے چاچے امیر حمزہ تے عباس، آپؐ دے والدین تے داماد حضرت علی تے انہاں دے صاحبزادے حضرت امام امام حسن تے حضرت امام حسین شامل ہن۔

بعض سنی علما خلافت عباسیہ دے بانی حضرت عباس بن عبدالمطلب دی اولاد کوں وی اہل بیت وچ شمار کریندے ہن۔

امام سیوطیؒ نے جلالین وچ اھل بیت توں مراد سارے اھل بیت اللہ گھدی ہے ،کیونکہ انہاں کیتے  بیت اللہ بݨیندے وقت ݙو نبیاں نے دعا فرمائی ہئی

ابراہیم بن محمد (عربی:ابراہیم بن محمد) حضور پاک صلی اللہ علیہ و آلہ وسلم تے ماریہ القبطیہ دے پتر ہن۔ آپؑ دا ناں حضور پاک صلی اللہ علیہ و آلہ وسلم دے جد امجد حضرت ابراہیم دے ناں تے رکھا گیا ۔ عرب دی روایات دے مطابق بچپن وچ آپ کوں پرورش و نگہداشت کیتے اُم سیف نامی دائی دے سپرد کر ݙتا گیا، جنہاں کوں حضور پاک صلی اللہ علیہ و آلہ وسلم نے کجھ بکریاں وی ݙتے۔آپ دی پیدائش
سنہ 630ء مدینہ منورہ وچ تھئی تے وفات

غزوہ تبوک دے کجھ عرصے دے بعد ابراہیمؑ بیمار تھی گئے، اُس وقت اُنہاں دی عمر سولہ یا اٹھارہ مہینے ہئی۔

قاسمؑ بن محمدؐ (عربی: القاسم بن محمدؐ) حضور پاک صلی اللہ علیہ و آلہ وسلم تے حضرت خدیجہ دے پتر ہن۔ آپؑ صغر سنی وچ ہی انتقال کر گئے، جݙݨ آپؑ دی عمر محض ݙو سال توں وی گھٹ ہئی۔ آپؑ کوں جنت المعلیٰ، مکہ وچ دفن کیتا گیا۔
آپؑ دی پیدائش سنہ 598ء دی ہے تے مقام پیدائش مکہ مکرمہ اے. وفات سنہ 600ء (1–2 سال) وچ تھئی.  

عبد اللہؑ بن محمدؐ (عربی:عبد اللہ بن محمد) یا طاہر بن محمد تے طیب بن محمدؐ وی آکھا ویندا ہےحضور پاک صلی اللہ علیہ و آلہ وسلم تے حضرت خدیجہ دے پتر ہن۔ آپؑ وی صغر سنی وچ ہی انتقال کر گئے۔ القاسم بن محمدؐ آپ دے وݙے بھائی ہن۔




#Article 481: ایرا، اسارا اتے لیپا (545 words)


ڈاکٹر احسن واگھا

مقامی ریت دے وی باقاعدہ قانون ہن. انہیں کوں رسمی علم دے طور تے جاری نئیں رکھیج سگیا پر ایندے ٹونڑیں تے ٹوٹکے ازماونڑ اتے منتر ہدے پھوک کیں نفسیاتی علاج کرنڑ ،اتیں ہریٹر ،آنولے دیاں خوراکاں ڈے کیں جسمانی دوا داروں کرنڑ اج وی ورتیل ہن. سنگھار کیتے باٹنڑ ملنڑ اتیں جراثیم مارنڑ کیتے ہرمل دی دھونڑی ڈیونڑ دے اج وی رواج ہن پئے. ایندے لکھیل نصاب یعنی شاستریں دی تعلیم مک گئی ہے. پر ایندا ورتارا بے شمار شکلیں وچ ساڈی ہوند وچ رچیا ہوئے. ایندی پرانڑی کیمسٹری مثلا لانڑے وجوں منہ ہتھ دھوونڑ دے پنور اتیں کپڑے دھوونڑ دی کھار بنڑی ہئی ، تھولی بہوں موجود ہے. جیویں جو پچھوں مذکور تھئے، مقامی علمی ریت وچ کجھ سدا رہنڑ آلے علوم وی ہن جنہیں کوں دنیا کم لیندی جلدی ہے، پر اساں وسار ڈتن. جیویں جو پانینی دی 400 ق م دی جڑی حد درجہ پکی اتیں سائنسی گرامر دی کتاب جیندا ناں اشٹا ادھیایا (اٹھ آدھلاں 
Eight voluns) 
ہے.
اے علمی ریت سنسکرتی 
(سنویں کرنڑی Samskrta) اکھویندی ہے. ایندے کھو کھاڈے یعنی مآخد Sources دنیا دے جدید مطالعات وچ شامل ہن جیرھے اے ہن:
براہمنے اتیں پدے. .
یعنی بغیر مصنف آلے قول کلام، سکریچر یعنی مقدس کتاباں جیویں اپنشدے اتیں ویداں، اتیں فلسفے دیاں بہوں تکڑیاں پوتھیاں جیویں لارڈ کرشن دیاں ارجن کوں پڑھایاں یوگائیں دی کتاب بھگود گیتا اتیں پاتنجلی دے سترے اتیں چانکیہ دے قوانین سیاست وغیرہ وغیرہ. .
بھکتی)Supra.cf) 
اے ہند سندھ دی فکری ریت دا ورثہ ہے کیوں جو پانینی چارسدہ دے نیڑے دا وسینک ہا.
اینکوں کنڈ کرنڑ کئی نفعے فائدے آلی گالھ نئیں. انسانیں دی گمراہی دا داروں علم ہے پر جے علم گمراہ تھی ونجے تاں کیا کریجے ؟ ایندی ھک مثال مقامی لینگوئیسٹکس ہے. 1960۰دے ڈہاکے وچ پورے خلوص نال ایجھے تھیزز لکھیجن جیویں 'ملتانی زبان کا اردو سے تعلق' ( مہر عبدالحق)، اردو کا مولد سندھ (حسام الدیں راشدی) اتیں 'پنجاب میں اردو' (محمود شیرانی) وغیرہ. ایندے وچ سوال اردو کوں موضوع بنڑاونڑ دا نئیں جیرھی ہک وڈے سیاسی، لسانی مسئلے والی زبان ہوونڑ دی وجہ کنوں تحقیق دی حقدار ہے.

جھئیں مصرعے وی اردو وچ ہن تاریخ ایں گالھ تیں اعتراض کریسی جو ملتانی ، سندھی اتیں پنجابی جھئیں پکیئیں پختیئیں زبانیں کوں ھک ایجھیں بولی دے ہٹھلگ کر ڈتے نیں جیرھی آپ ہندی دی 'بولی ونکی' 
(Language variety)
کن ودھ کئی شئے نی.
ایندی ہک مٹال آر .ایل.ٹرنر 
R.L.Turner
دی تاریخی لسانیاتی ڈکشنری
A Comparative Dictionary of Indo-Aryan Languages
ہے. جیندے وچ مثلا بہ شمول کھیترانڑی دے ترائے سو کن ودھ زبانیں دے ناں اتیں انھیں دے چوڈانہہ ہزار ہیڈ ورڈز اتیں لکھ کھن مشتق 
(Derivatives)
درج ہن سواۓ اردو دے.
عجیب المیہ ہے جو اردو جیکوں برٹش سیاست کاریں ہندی دے مقابلے وچ برابری دا درجہ ڈیوائے اونہہ اردو کوں ہند آریائی زبانیں دے وڈے برطانوی سکالر آر .ایل.ٹرنر تسلیم ای نئیں کیتا.
چنانچہ جیرھا تھولا بہوں لسانیاتی کم پاکستان وچ تھئے او اتھوں دے بولئیں دی فارسی،عربی اتیں سامی ٹولے نال ہروبھرو جڑت ڈکھاونڑ ہے.
جیویں جو مثلا آستانہ کوں فارسی آستان دا اتیں تونسہ کوں طاوس دا کڈھول (مشتق) ڈکھاونڑ اتیں انہیں لوظیں دی درست پاڑ Root تھان،استھان اتیں تونس ، تس دو توجہ نہ کرن 
(احس واگھا سئیں دے کتاب اکھر شبدے دی ہک لکھت بعنوان ایرا،اسارا اتیں لیپا وچوں کھ حصہ)




#Article 482: ایران (501 words)


اسلامی جمہوریۂ ایران (عرف عام: ایران، سابق ناں: فارس، موجودہ فارسی ناں: جمہوری اسلامی ایران) جنوب مغربی ایشیا دا ہک ملک ہے، جیہڑا مشرق وسطٰی وچ واقع ہے۔ ایران دے سرحداں شمال وچ آرمینیا، آذربائیجان تے ترکمانستان، مشرق وچ پاکستان تے افغانستان تے مغرب وچ ترکی تے عراق نال ملدے ہن۔ مزید برآں خلیج فارس وی اس نال ملحق ہے۔ اسلام ملک کا سرکاری مذہب تے فارسی قومی زبان ہے۔ فارسی، آزربائیجان، کرد تے لر ملک وچ سب توں زیادہ اہم نسلی گروہ ہن .

ایران دنیا دے قدیم ترین تہذیباں وچوں ہک ہے۔ ملک دی تاریخ ہزاراں سالاں تے محیط ہے۔ یورپ تے ایشیا دے وسط وچ ہووݨ دے باعث اس دی تاریخی اہمیت ہے۔ ایران اقوام متحدہ، غیر وابستہ ممالک دی تحریک (نام)، اسلامی کانفرنس تنظیم (او آئی سی) تے تیل برآمد کرݨ والے ممالک دی تنظیم (اوپیک) دا بانی رکن ہے۔ تیل دے عظیم ذخائر دی بدولت بین الاقوامی سیاست وچ اے ملک اہم ترین کردار ادا کریندے ۔ لفظ ایران دا مطلب آریاواں دی سرزمین ہے۔

تاریخی طور تے زرتشتیت ایران دا قدیم مذہب ہئی خاص کر ہخامنشی سلطنت، سلطنت اشکانیان تے ساسانی سلطنت دے ادوار وچ زرتشتیت ہی ایران دا سب توں وݙا مذہب ہئی۔ 651ء دے لگ بھگ مسلماناں نے ایران کوں فتح کیتا تے اتھوں آتش پرست ساسانی سلطنت دا سقوط تھی گیا، مسلم فتح دے بعد دھیرے دھیرے اسلام پھیلدا گیا۔ ایران وچ لوگ 15ویں صدی تک سنی اسلام دے پیروکار ہن، تاہم 1501ء میں صفوی سلطنت قائم تھی گئی جس نے 16ویں صدی وچ مقامی سنی مسلم آبادی کوں دباؤ دے ذریعے اثنا عشریہ اہل تشیع مسلم وچ تبدیل کیتا۔

اج اثنا عشریہ اہل تشیع،  شیعہ اسلام ایران دا سرکاری مذہب ہے۔ ایران دی 90 فیصد آبادی شیعہ اسلام دی پیروکار ہے، 8 فیصد سنی اسلام تے باقی دے 2 فیصد غیر مسلم ہن۔

اٹھ کروڑ آبادی ہے۔ایران ہک متنوع ملک ہے جتھاں بہت سارے نسلی گروہ پائے ویندن، انہاں وچ فارسی بولݨ والے سب توں زیادہ ہن۔ ویہویں صدی دے اواخر وچ ایران دی آبادی تیزی نال ودھی، 1956ء وچ ایران دی آبادی صرف 19 ملین ہئی جیہڑی 2009ء تک 79 ملین تک تھی ڳئی۔ تاہم حالیہ چند سالاں وچ ایران دی شرح پیدائش وچ نمایاں کمی آئی ہے 2012ء وچ گھدے گئے اندازے دت مطابق ایران دی شرح پیدائش 1.29 فیصد رہی۔

موجودہ آئین 1979ء دے انقلاب دے بعد منظور کیتا گیا جس دے مطابق ایران کوں ہک اسلامی جمہوریہ تے اسلامی تعلیمات کوں تمام سیاسی، سماجی تے معاشی تعلقات دی بنیاد قرار ݙتا گیا۔ مجموعی اختیارات رہبر معظم (سپریم لیڈر) دے کول ہوندن۔ اج کل آیت اللہ علی خامنہ ای رہبر معظم ہن۔ رہبر معظم دا انتخاب ماہرین دی ہک مجلس (مجلس خبرگان رہبری) کریندی ہے جس وچ پورے ایران توں 86 علما منتخب کیتے ویندے ہن۔ رہبر معظم مسلح افواج دا کمانڈر انچیف ہوندا ہے۔

ایران کوں انتظامی طور تے اکتریہ صوبیاں یا استان وچ ون٘ڈیا ڳیا ہے۔

فارسی، آذربائجانی، کُردی تے گیلکی اہم زباناں ہن، ݙو فیصد بلوچی زبان ہے۔ فارسی سرکاری دفتری تے تعلیمی زبان ہے۔




#Article 483: ایران تئیں (حکایت) (162 words)


حکایت

ایران تئیں....

ایہ ہک ماہنڑو دی کہانڑی ہے جیڑھا کڈاہیں ایران نہ گیا پر اوں ایران دے باغیں دی خوشبو تے بارش تئیں پندھ کیتا تے درگھے صحرا تو گزر کے نیلے مقبریاں تئیں پُجیا ابدی پیالیاں وچ جیونڑ جل پیتا

اوندے کول ایران تئیں پُجنڑ دے ڈو وسیلے ہَن'پہلا 'دیوان حافظ' تے ڈوجھا 'رباعیات خیام'اپنڑے قدیمی شہر دے کتب خانے وچ ایران دی اوں سیل دا ارادہ بدھیا'اِنہاں شاعریں دے کلام دیاں بیڑیاں تے مِنی ایچر دے گھوڑے چمکے'پوادھ دے باغیں دی ہوا گُھلی'مہان ڈو شاعریں دے کلام دا ایہ پندھ اونکوں ایران تئیں گِھن گیا'حافظ نال شیراز وچ زمانہ اوں گزاریا'نیشا پور اوہ پُجیا خیام دے شراب دے پیالے اوں خیام نال پیتے'ایران,عشق'موت تے کلام دی دھرتی'فیروزی اسمان تلے ابدی قبراں جنہاں تے شاعری دے ڈیوے بلدن'رستے وچ بادشاہ ایران دی سپاہ اوہ کلام دی راہ تو گزر گیا

اوہ ولدا اپنڑے شہر آیا تاں اونکوں لگیا ایہ کُل عالم شاعری دا ہک نکا جیہا باغ اے. (رفعت عباس)




#Article 484: ایس ایس جھیلم مرحوم (168 words)


دیرہ اسماعیل خان دا ٹائی ٹینک 
(ایس ایس جھیلم مرحوم)
ایس ایس جھیلم جہاز جیکوں دیرے دا ٹائی ٹینک وی آکھا ویندا ہئی، 1735ء اچ تیار کیتا گیا ہئی۔ ایکوں اسکاٹ لینڈ دی مشہور برطانوی شپنگ یارڈ کمپنی بارکلے کرل نے تیار کیتا ہئی۔451 ٹن وزنی اے جہاز کوئی 150فٹ لمبا تے 33فٹ چوڑا ہئی تے ایندے وچ 960 ہارس پاور دا طاقتور انجن وی نصب کیتا گیا ہئی۔ایں جہاز دے عرشے کوں ملا کے کوئی پنج سو بنداں دے باون دی جھا ہئی۔
 
پہلی وڈی عالمی جنگ اچ حکومت برطانیہ نے ایکوں جنگ اچ زخمی تھیون آلے برطانوی فوجیاں دے علاج معالجے دے واسطے بطور موبائیل ڈسپنسری استعمال کیتا، جنگ دے بعد برطانوی حکومت نے ایکوں ہندوستانی حکومت کوں ڈے دتا تے ہندوستانی حکومت نے اے جہاز صوبہ پنجاب کوں بطور تحفہ ڈے دِتا۔

دیرے د اتاریخی جہاز ایس ایس جھیلم المعروف دیرے دا ٹائی ٹینک اساڈی اکھیاں دے اگوں ریت دے قبرستان اچ لے گیا تے ظالم سندھو نے ایکوں ہمیش کیتے آپڑے اندر لکا گدا۔




#Article 485: ایسٹ انڈیا کمپنی (431 words)


واسکوڈے گاما تجارت دے بہانے بحری رستے توں جہانگیر دے دور وچ ہندوستان آیا تے مراعات حاصل کیتس جتھوں ہندوستان وچ یورپی اقوام دی آمد شروع تھئی. اورنگزیب عالمگیر دے بعد مغل سلطنت دا زوال شروع تھیا تاں برطانوی تجارتی کمپنیاں نے سیاسی معاملات وچ مداخلت شروع کر ݙتی تے آخر کار ایسٹ انڈیا کمپنی دا قیام عمل وچ آیا. برطانوی ایسٹ انڈیا کمپنی یا برٹش ایسٹ انڈیا کمپنی یا برطانوی شرق الہند کمپنی جینکوں انگریزی (British East India Company) آکھا ویندا ہے، جزائر شرق الہند وچ کاروباری مواقع دی تلاش دے کیتے تشکیل ݙتا گیا ہک تجارتی ادارہ ہئی تاہم بعد ازاں اس برصغیر وچ کاروبار تے نظراں مرکوز کر گھدیاں تے اتھاں برطانیہ دے قبضے دء راہ ہموار کیتی۔ 1857ء دی جنگ آزادی تک ہندوستان وچ کمپنی دا راج ہئی۔ اس دے بعد ہندوستان براہ راست تاج برطانیہ دے زیر نگیں آ گیا۔ 

مرزا محمد سراج الدولہ المعروف نواب سراج الدولہ (1733ء تا 2 جولائی 1757ء) بنگال، بہار تے اڑیسہ دے آخری صحیح المعنی آزاد حکمران ہن۔ 1757ء وچ انہاں دی شکست نال بنگال وچ برطانوی ایسٹ انڈیا کمپنی دے اقتدار دا سورج طلوع تھیا۔ ٹیپو سلطان 4 مئی، 1799ء وچ سرنگا پٹم، ہندوستان وچ انگریزاں دت خلاف لڑدے ہوئے انتقال کر گئے۔ اور ایں دوران قرآن دء آیٰت پڑھدے ہوئے، انہاں دا قتل تھیا۔ایں طرح میسور دی سلطنت تے انگریز دا قبضہ تھی ڳیا. رائے احمد خاں کھرل (1776ء-1857ء) 1857ء دء جنگ آزادی دے دوران نیلی بار دے علاقے وچ مقامی قبیلیاں دی برطانوی راج دے خلاف بغاوت (گوگیرہ بغاوت) دے رہنما اور سالار ہن۔ 21 ستمبر کوں انگریزاں تے سکھوں دے فوجی دستیاں نے گشکوریاں دے قریب 'نورے دی ڈل' دے مقام تے دورانِ نماز احمد خان تے حملہ کر ݙتا۔ احمد خان تے انہاں دے ساتھی بڑی بہادری نال لڑدے ہوئے شہید تھی گئے ۔ ڈیرہ غازیخان دے سردار جیہڑے انگریزاں دے کتے دھنواوݨ تے انہاں دے گھوڑے چھکݨ تے مراعات حاصل کریندے ریہے۔ جنہاں دے نسلاں خوب تکبر وچ ہن. مگر ݙوجھی جانب اصل مسلمان تے اصل وسیبی ڈیرہ غازیخان، تونسہ شریف نال تعلق رکھݨ والے ہک عظیم سرائیکی رہنما سردار اسلم خان ملغاݨی جنہاں نے برصغیر وچ سب توں پہلے انگریزاں دے خلاف عدم تعاون تحریک چلائی، تے اس دے نال نال اپݨے علاقے دے لوگاں دت معاشی حالات کوں بہتر بݨاوݨ کیتے ہک زرعی بینک وی تشکیل ݙتا جس وچ صرف اناج، بھوں تے ݙوجھے زرعی ضروریات دے چیزاں رکھے ویندے ہن ول بعد وچ ضرورت منداں وچ تقسیم کر ݙتے ویندے ہن۔بعد ازاں انگریزاں نے انہاں کوں جلاوطن کر ݙتا تے او افغانستان وچ ریہے تے فوت وی اتھائیں کابل وچ تھئے. 




#Article 486: ایسٹیبلشمنٹ تے فوج (236 words)


اساڋے لوکیں کِنے غلط نظریہ ھے جو آرمی فوج دے خلاف ھے تاں ایندا مطلب ھے او اسٹیبلشمنٹ دے خلاف ھے جو آدمی فوج دے حق ءِچ ھے تاں او اسٹیبلمشنٹ دے حق ھے اے بلکل غلط نظریہ ھے فوج دے حق ءِچ ڳالھ کرݨ دا مطلب اے کائنی جو او شخص اسٹیبلشمنٹ دے حق ءِچ ھے اپنڑی فوج دی برائی کریجے ؟ بھارت ، ایران ، امریکہ ، روس ، افغانستان دی فوج دی حمایت کریجے ؟ اللہ دے بندو فوج ءِچ پنجاپی / مہاجر اثر و رسوخ دے خلاف ڳالھ کریں فوج ءِچ اڄ وی مہاجر / پنجاپی اتحاد چلدا پئے جو مقامی لوکیں کو فوج دی قیادت ڋیوݨ دے خلاف ھے ایندے خلاف گالھ کریں ایندے خلاف ڳالھ کرݨ نال ھی ملکی سلامتی دا راز لُکا پئے ۔ پاکستان ترائے چار جنگاں وی ایں سانڳے ہارے کیونجو قیادت مقامیں کِنے کائنہ ھائی جو چنڳے انداز ءِچ بھارت کو جواب ڈے سڳِن ھا مہاجر / پنجاپی ایں سانڳے بھارت نال نہیں لڑدے کیونجو انھیں دے لوک پار وی ھن اَتے اُروار وی ھن انھیں کوں ڈر ھوندے جو ڈوھیں پاسو پنجاپی / مہاجر مرسِن ایں سانڳے اے ٹولہ شدت نال بھارت نال کڈھائی نہیں لڑدا صرف لُک چھپ لاتی ودے ھوندن تاں ڄو مقامی سمجھن اے مہاجر / پنجاپی بھارت دے خلاف ھن حالانکہ معاملہ بلکہ الڳ اَتے جدا ھے مہاجر / پنجاپی بھارت دے خلاف کائنی بلکہ پاکستان دے خلاف ھن. (ڄام بھورل)




#Article 487: ایشیاء (283 words)


سب توں وݙا براعظم ہے۔  ایہ زمین دے کل رقبے دا 8.6 فیصد، کل بری علاقے دا 29.4 فیصد اتے کل آبادی دے 60 فیصد حصے دا حامل ہے۔

ایشیا روایتی طور تے یوریشیا دا حصہ ہے جیندا مغربی حصہ یورپ ہے۔ ایشیا نہر سوئز دے مشرق، کوہ یورال دے مشرق اتے کوہ قفقاز، بحیرہ قزوین اتے بحیرہ اسود دے جنوب وچ واقع ہے۔

قرون وسطیٰ کنوں پہلے یورپی ایشیا کوں براعظم کائناں سمجھدے ہن۔ قرون وسطیٰ وچ یورپ دی نشاۃ ثانیہ دے وقت ترائے براعظماں اا نظریہ ختم تھی ڳیا اتے ایشیا کوں بطور براعظم تسلیم کر گھدا ڳیا۔ افریقہ تے ایشیا دے درمیان سوئز تے بحیرہ قلزم کوں سرحد قرار ݙتا ڳیا ڄݙان٘جو یورپ اتے ایشیا دے درمیان سرحد درہ دانیال، بحیرہ مرمرہ، باسفورس، بحیرہ احمر، کوہ قفقاز، بحیرہ قزوین، دریائے یورال اتے کوہ یورال کنوں بحیرہ کارہ تائیں پہنچدی ہے۔

عام طور تے ماہر ارضیات و طبعی جغرافیہ دان ایشیا اتے یورپ کوں وکھرا براعظم تصور نہیں کریندے اتے ہک ہی عظیم قطعہ زمین دا حصہ قرار ݙیندے ہن۔

عرب ممالک تے اسرائیل دا تعلق مشرقِ وسطٰی نال اے. 

پاکستان، بھارت، بنگلہ دیش، سری لنکا، مالدیپ، بھوٹان، نیپال دے ملک جنوبی ایشیاء وچ شامل ہن. 

ایشیا دی بیشتر آبادی دا ذریعۂ معاش زراعت ہے تے چند ممالک وچ تاں صنعتاں بہت ہی گھٹ ہن۔ مشرقی چین تے روس وچ بھاری صنعتاں قائم ہن لیکن سب توں صنعتی پیداوار دے لحاظ نال جاپان سرفہرست ہے۔ جاپان برقی و جدید ٹیکنالوجی دی صنعت وچ عالمی قائد سمجھا ویندا ہے جبکہ تائیوان، جنوبی کوریا تے سنگاپور وی برقی مصنوعات تیار کریندے ہن۔ حالیہ سالاں وچ تائیوان تے ملائیشیا دی معیشتاں نے بڑی ترقی کیتی ہے تے انہاں کوں ایشین ٹائیگر آکھا ویندا ہے۔




#Article 488: ایم ڈی گل (195 words)


ایم ڈی گل دا تعلق بہاولپور توں ہئی ۔انہاں دا اصل ناں محمد دین گل ہئی ۔ انہاں ریڈیو پاکستان بہاولپور توں اپݨے کیریئر دا آغاز کیتا تے ریڈیو پاکستان ملتان نال وی جڑیے رہیے ۔ ایندے توں علاوہ انہاں مختلف سکولاں اچ پتلی تماشے وی کیتے۔ بعد اچ او کراچی ڳئے تے این ٹی ایم اتے وسیب ٹی وی نال رل ڳئے ۔وسیب ٹی وی دے سابق پروگرام منیجر توقیر بیگ نے اے پی پی نال ڳال مہاڑ کریندے ہوئیں ݙسا کہ ایم ڈی گل دے فوت تھیوݨ نال سرائیکی وسیب اداکار اتے منفرد میزبان توں محروم تھی ڳئے ۔ ایم ڈی گل نے این ٹی ایم اچ انہاں دے رلے ڈرامہ سیریل ڈیڈی اچ کم کیتا ۔ ایندے توں علاوہ این ٹی ایم دے مشہور ڈرامہ سیریل ”پس آئینہ “ سمیت مختلف ڈرامیاں اچ اپݨاں فن ݙکھالیا ۔ ایں دوران وسیب ٹی وی انہاں کوں نائٹ شو دا میزبان بݨا ݙتا تے اے شو” ایم ڈی گل دے نال “دے ناں توں کئی سال مقبول رہیا ۔ ایم ڈی گل اپݨی سادہ طبیعت ، خالص سرائیکی لہجے پاروں ٻہوں مشہور تھئے ۔او سرائیکی خطے دے مقبول ٹی وی میزباناں اچ شامل ہن ۔




#Article 489: ایمان دے حصے (154 words)


ایمان دے حصے 

ایمان دے حصے یا ضروریات دین توں مراد او اعتقادات ہن جیہڑے ہک مسلمان بݨݨ واسطے لازمی ہن. انہاں دے بغیر ایمان ادھورا اے تے اسلام دا بنیادی روحانی نظام تے تصور انہاں تے قائم اے. 

اللہ ہک ہے۔ صرف اوہو عبادت دے لائق ہے۔

انساناں دی ہدایت کیتے اللہ سائیں نبی تے رسول بھیجے ہن۔ حضرت محمد ﷺ چھیکڑی نبی ہن۔ 

انساناں دی ہدایت کیتے اللہ سائیں کتاباں وی لہائیاں ہن۔ قرآن مجید چھیکڑی کتاب ہے۔

فرشتہ جبرائیل قرآن مجید گھن آیا ہائی۔

قیامت ، قیامت دے بعد جی اٹھݨ، اللہ دے حضور پیشی تے حساب کتاب، اعمال دے مطابق جنت تے دوزخ ملسی۔ ایہ آخرت دے ایمان دا خلاصہ ہے۔ 

مسئلہ تقدیر

واضح رہوے جو اعمال کرݨ کیتے اللہ سائیں انسان کوں اختیار ݙتے، اعمال دے مطابق بدلہ ملسی۔ ایہ مسئلہ تقدیر یا خیر وشر دا اہم مسئلہ ہے۔ تے مسلمان فلسفیاں تے فقہا دی بحث دا مرکز ہے۔




#Article 490: ایمان قیصراݨی (796 words)


ایمان قیصراݨی، سرائیکستان دے ضلع ڈیرہ غازی خان نال تعلق رکھݨ والی اردو زبان دی ہک نامور تے خوبصورت شاعرہ ہن۔ 

ایمان قیصراݨی دی شاعری نہ صرف سادگی دا حسن گھدے ہوئے ہے بلکہ اوندے اچ فطرت دا جمال وی شامل ہے۔ اوہ اپݨے اشعار کوں جذبات دی شدت، احساسات دی حدت، خیال دی ندرت، فکر دی گہرائی تے تخیل دی بلند پروازی  نال تاں سجیندی ہن مگر مشکل الفاظ دا سہارا نی گھندی۔ لفاظی توں بچدے تے تراکیب کوں دوروں ہی الوداع آکھ ݙیندن ۔ ایہا انہاں دی شاعری دی انفرادیت وی ہے تے خوبی وی ہے۔ اینہی خوبی تے انفرادیت نے ایمان قیصراݨی کوں انہاں دی دیگر ہم عصر شاعرات توں منفرد و ممتاز کر ݙتے۔

ݙوجھے الفاظ اچ ایویں اکھیج  سڳدے کہ  ایمان قیصراݨی دے اشعار سدھے سادے تے پر فطرت ہووݨ دے سبب سدھے دل اچ اتردے چلے ویندن تے ہک اچھے تے سچے شعر دی خوبی وی ایہا ہوندی ہے۔ بقول ِ حسرت (اردو اچ)

؎ شعر دراصل ہیں وہی حسرت

سنتے ہی جو دل میں اتر جائیں

ایمان قیصراݨی دے شعر وی سہل ممتنع ہووݨ دے سبب دل اچ اترتے چلے ویندن ۔ ایمان جیہڑی ڳالھ سدھے سادے انداز اچ اہدن اوندا دل تے گہرا تے دیرپا اثر تھیندے۔ مثال دے طور تے اے اشعار ݙیکھو ۔ (اردو اچ)

؎  یہ تم سے ہو کہ مل سکو، نہ مجھ سے ہو کہ وقت دوں

تمہیں بھی کتنے کام ہیں مجھے بھی کتنے کام ہیں

؎   یا   پھر  میرے بن  جاؤ

یا  او ر  کسی   کے  ہو جاؤ

؎ میرے کاندھے پر سر رکھ کر

اپنا      رونا    رو   جاؤ

ایمان قیصراݨی نے اپݨی شاعری اچ اپݨے جذبات و احساسات دا اظہار سادگی نال  کیتا ہے جیہڑا خود بخود نہ صرف سمجھ اچ آندا ویندے بلکہ کیف و سرور و لطف وی ݙیندے۔ ایہو شاعرہ دا اسلوب وی ہے۔ انہاں دی کتاب ـ’’ میری یاد آئے گی‘‘ دی تمام شاعری دا مطالعہ کر گھنو، آپ کوں ہکو جیہا لہجہ تے ہکو جیہا پیرائیہ  ملسی۔ ایہو اسلوب ہوندا ہے تے کہیں وی تخلیق کار دے جینوئن ہووݨ دا ثبوت وی۔ ایمان قیصراݨی کوں اپݨی فطری شاعری دے سبب قارئین ِ شعر و ادب دے دلاں تک رسائی حاصل کرݨ اچ کافی حد تک کامیاب تھی ڳن کیونکہ اڄ دے دور اچ لسانی گورکھ دھندیاں تے فکری موشگافیاں دے جھمیلیاں توں قارئین دے دل و دماغ الجھاؤ دا شکار تھی ویندن تے اوہ تراکیب، ضرب المثال تے کہاوتاں نال شاعری کوں طاق تے رکھ ݙیندن مگر ایمان قیصرانی دی شاعری ایندے توں برعکس ہے۔ انہاں دے الفاظ مانوس ہن، انہاں دے جذبات و احساسات ہک حساس عورت دے جذبات و احساسات ہن جیہڑے جلدی سمجھ اچ وی آ ویندن تے اپنے جذبات و احساسات وی لڳدن ۔ ایمان قیصراݨی ہک عورت دے نال نال با کمال شاعرہ وی ہے۔ اپنے اندر دی عورت دے احساسات کوں جیہڑے ویلہے اوہ اپݨے اشعار اچ ڈھالدی ہن تاں اوہ نہ صرف عورت دے احساسات دے حقیقی معناں وچ ترجمان ہوندن بلکہ اوہ اشعار ہک شاہپارہ بݨ کے امر تھی ویندن ۔

اشعار ملاحظہ فرماؤ (اردو) ۔

؎ یہ میری تشنگی مجھ کو تمہارے در پہ لے آئی

وگرنہ پاس چل کر تو کبھی دریا نہیں آتا

؎جو اس کے دل کو چھو جائے اور اس کی آنکھ بھر آئے

مرے لفظو، کوئی  جادو  تمہیں  ایسا  نہیں  آتا؟

؎کبھی سوچا ہے؟ ممکن ہے جسے تم بے وفا سمجھے

وہ ایک  لڑکی جہاں بھر میں وفا کا استعارہ ہو!

؎وہ بارشوں کی مہکتی سی ایک خوشبو ہے

یہ میرا جسم کہ پیڑوں کی نرم چھایا ہے

؎یہ لگ رہا ہے تمہارے بدن کے صحرا پر

کسی کی زلف کا بادل اتر کے آیا ہے!

؎ تمہارے عشق میں دل نے عجب تمنا کی

کہ مجھ سے بڑھ کے کوئی تم کو چاہتا ہو!

ایمان قیصراݨی دی شاعری اچ ہک ڳالھ بڑی شدت نال سامنے آئی ہے، اوہ ایہ ہے کہ انہاں دے ڳالہیاں توں محرومی دی بو آندی ہے۔ انہاں دی شاعری یاسیت دی شاعری معلوم تھیندی ہے۔ جیویں ہک شخص اپݨی من پسند شے حاصل کرے تے اوہ اوندے توں استفادہ کیتے بغیر اوندے توں ہتھ دھو ٻہوے۔ ایہ احساس  انہاں دی شاعری وچ جا بجا نظر آندے۔ مَیں انہاں دی ذاتی زندگی توں واقف نی لیکن انہاں دے کلام اچ ایہ حسرت، ارمان تے خواہش دی آواز سݨائی ݙیندی ہے کہ جیویں اوہ ادھوری رہ ڳئی ہوون تے ایہ ادھورا پن انہاں دے اشعار اچ بھی ڈھل ڳیا ہے تے انہاں دے غزلاں دا حصہ وی بݨ ڳیا ہے۔ ݙو اشعار ملاحظہ فرماؤ (اردو اچ) ۔

؎ جس نے کہا تھا وہ نہیں جائے گا چھوڑ کر

اس کے تو لوٹنے کا بھی امکاں نہیں رہا

؎وہ نہیں تو اس کے بعد اب اس کتابِ عشق کا

(جلیل حیدر لاشاری دی لکھت ایمان قیصرانی، میری یاد آئے گی دے کجھ حصے دا سرائیکی ترجمہ از اسماعیل بھٹہ)




#Article 491: اینجھی جمہوریت تے لعنت (273 words)


،،،،،،  لعنت اینجھی جمہوریت تے،،،،، 
آٹا چوری کیس دے ملزم کوں سال دے بعد رہائ، ایان علی کوں باعزت رہائی، 
ڈاکٹر قدیر محسن پاکستان، جئیں ساڈی سوھنڑی دھرتی کوں ایٹمی طاقت دا تحفہ ڈتے بدلے ءچ جمہوریت جیرھا بدلہ ڈتے 
ڈاکٹر عاصم کوں کروڑاں دی کرپشن ءچ سزا دے بجائے کُرسی ڈیونڑ آلی کوں جمہوریت آھدن، 
شرجیل میمن کوں فراڈ قبضہ گیری دے بدلے ءچ سونے، دا تاج پواء کے جمہوریت کوں مضبوط کیتا ویندے، 
ڈنٹونک دے مونھ آلے میاں نوازشریف دے صاحبزادیں کوں ارباں پتی بنڑوانڑ آلی کوں جمہوریت آھدن، 
حسین حقانی جھئیں غدار وطن کوں جمہوریت ہی سفیر بنڑا سگدی ھے، 
بی بی شھید دا قاتل صدر پاکستان پارٹی چئیرمین جمہوریت دے صدقے شہنشاہ سیاست دا لقب پئیندے. 

ملک کوں خانہ جنگی دا تحفہ ڈیونڑ آلا مُکے ڈیکھا کے پاکستان دی دھی ویچنڑ آلا گیدڑ دل کمانڈر کوں باعزت باہر ونجنڑ دی اجازت ڈیونڑ عالی عدلیہ دا خاموش رھنڑ ایں بزدلی کوں جمہوریت آھدن، 
صرف ولڈ کپ جیت کے عظیم سیاسی لیڈر بنڑ کے 340 کنال ءچ محل بنڑا کے صادق و امین دے القاب گھدے ونجن
جیل ءچ اے سی, ٹی وی، بیڈ، جھئیں سہولیات گھن کے عوام دی جنگ لڑنڑ آلے ڈیڈر کوں جمہوریت آھدن،
عوام واسطے اینجھے ہسپتال جتھاں نہ دوائ ھووے نہ ڈاکٹر مریض مونڈھیں تے چاء کے ہسپتال پہنچائے ونجن ایندے بر عکس جمہوریت دے لیڈر باہر ملک علاج کریندے ھوون، 
پہلے وزیر اعظم توں گھن کے بی بی شھید تک قاتلیں دا کوئ اتا پتہ نہ ھووے، 
مساجد دے سپیکر بند، محفل موسیقی تء مہک ملک دے مجرے، نصیبو لعل دے سوھنڑے گیت کنیں ءچ پیھ کے دل دے بجائے کوئ بی تار چھڑیندے ھوون، 




#Article 492: ایوارڈ شاعری دی مُل تھی سڳدے؟ (1055 words)


ایوارڈشاعری دی مُل تھی سگدے؟

تحقیق ولکھت: راݨا ابرارخالداُتیرا

سرائیکی لوک سانجھ فیصلہ کیتا جوپرائیڈآف پنجاب ایوارڈ نہ گھنݨ تے رفعت سئیں دا مُلتان ونج کے آدُرکیتا ویسی، احسن واگھاصیب اینکوں ‘انکارآدُر’ دا ناں ڈِتا، ول فیس بک تےایوارڈ نہ گھنݨ یا ایوارڈ موٹاوݨدی ہک درگھی بحث وی چھِڑ پئی، سنگت گول پھرول کریندی رہئی، کہیں ڈسایا جوضیاخنزیردے دور وچ اقبال سوکڑی سئیں رائیٹرزگلڈ دا ایوارڈ گھنݨ توں انکارکیتاہئی، کہیں عامرفہیم سئیں تے محبوب تابش سئیں دے انکاردی وونت ڈتی، ول ہک اتہاس بݨدا گیا، 26مارچ2017کوں جیسل کلاسرا(ضلع لیہ)وچ سرائیکی لوک سانجھ دا کٹھ تھیاتاں اقبال سوکڑی سئیں کوچادر پوائی گئی، 10اپریل2017کوں ‘مِڈسٹی ہوٹل’ ملتان وچ رفعت عباس سئیں کوں اِنکارآدُروچ پگ بدھیوسے۔۔۔۔۔۔۔۔عاشق بزدارسئیں آپڑیں مکالے وچ رفعت عباس سئیں دے انکارکوں مول راج، کچلوخاں تے مظفرخاں دے انکاردا تسلسل آکھیا (اے بئی گالھ جواحسن واگھاصیب تے پروفیسر مشتاق گاڈی صیب انکارآدُر دی صلاح ڈے کے خودملتان نہ آئے، بلکہ نال ای ہک نواں جھیڑاوی سِترچھوڑیا)۔ بہرحال رفعت عباس سئیں دے اِنکارپاروں پنجاب حکومت دے ادارے ‘پِلاک’ دی انتظامیہ مونہہ پاوݨ جوگی نہ رہئی، انہاں ہِک بئی درک مارن دی کوشش اے وی کیتی جو اشولال سئیں کوں ‘پرائیڈآف پنجاب ایوارڈ’ ڈتا ونجے پر اشوسئیں وی ایہوآکھیا جومیں وی ایوارڈ نہ گھنساں، ول شاکرشجاع آبادی سئیں کوں ‘پرائیڈآف پنجاب’ (سرائیکی شاعری ایوارڈ) ڈیوݨدا اعلان کیتا گیا ،پراے پوُر وی پارنہ پُجا(شیئت)۔

اوندے بعد ڈڈھ سال تاں چُپ رہ گئی، پرگزریل ڈیہاں پرائیڈآف پنجاب ایوارڈ ہک نواں روپ وٹاکے آیا تے انقلابی سرائیکی شاعر سئیں جہانگیرمخلص کوں ‘خواجہ غلام فریدایوارڈ’ (سرائیکی شاعری) ہک لکھ روپے دے نال، سئیں پروفیسرشوکت مغل سئیں کوں ‘شفقت تنویرمرزا ایوارڈ’ (پنجابی نثر) ہک لکھ روپے دے نال، حفیظ خاں ‘شفقت تنویرمرزاایوارڈ’ (پنجابی نثر) ہک لکھ روپے دے نال ڈیون دی وونت ملی، ایہاوونت ملی تاں سنگت ہکے لِنگے جہانگیرمخلص سئیں تے تنقیدشروع کرڈتی، اِتھاں کجھ سنگتی جہانگیرمخلص دے ایں ایوارڈ گھنݨتے سہمت وی نظرآئے، پرشوکت مغل، حفیظ خاں تے کہیں کئی اعتراض نانہہ کیتا، حالانکہ شفقت تنویرمرزا کھبچو دانشور ہووݨ دے باوجود سرائیکی کوں پنجابی دا لہجہ آکھݨوالا پنجاپی اگواݨ ہا، ایں پاروں کہیں سرائیکی دانشور دا شفقت تنویرمرزا ایوارڈ گھنݨ بہوں وڈا سوال اے۔ خیر، گالھ اِتھاں آکے مُکی جو جہانگیرمخلص 2جون2018 کوں(ملتان تے رنجیت سنگھ دے قبضے دے ڈوسوورھیں بعد) پِلاک دا ایوارڈ موٹاوݨ دا اعلان کرڈتا۔

اج اساں پنجابی سرکاردا ایوارڈ موٹاوݨ پاروں جِتھ جہانگیرمخلص سئیں دا اِنکار آدُر پئے کریندوں، اُتھاں ہِک نویں مباحثے دا مُنڈھ وی پئے بدھیندوں۔۔۔۔۔۔۔۔۔۔۔کجھ وسیبی شاعریں، لکھاریں، دانشوریں دا ایہوخیال اے جو سرائیکی شاعریں، لکھاریں، دانشوریں سانگے ‘سرائیکی انسٹی ٹیوٹ آف لینگویج اینڈ کلچر’ دے ناں تے ہک انج ادارہ ٹھہایاونجے جیندے کارمختاروی سرائیکی اگواݨ ہووِن تے او بہہ کے شاعریں، لکھاریں، دانشوریں کوں ایوارڈ ڈیوݨدا فیصلہ کرن۔

ڈوجھی گالھ اے وی نشابر تھئی اے، جیکراساں پنجاپی سرکارکن ایوارڈ گھنݨکوں چنگاں نئیں گَِݨدے تاں ول پنجاپی سرکاردے نوکرکیوں بݨدوں، پگھارکیوں وٹیندوں؟

انہاں سوالاں دے جواب کن پہلوں ہک جائزہ اے وی گھنیجے جو ساڈی دنیاوچ کتھاں کیہڑے شاعر/دانشور ایوارڈ موٹائے تے کیوں موٹائے!!

سرکاری ایوارڈ موٹاوݨ دیاں کجھ بیاں وجوہات وی جاݨن دی کوشش کریندوں تانجو نتاراتھیوے، 1999وچ دفاعی تجزیہ کارکرشناسوامی سبرامینیم ہندوستان دی سرکار کن پدمابھوشن ایوارڈ گھنݨتوں انکار کرڈتا، انہاں دا آکھݨ ہاجو صحافیں تے بیوروکریٹس کوں سرکاری ایوارڈ نئیں گھنݨاں چہیدا، مہالکھاری خشونت سنگھ نے 1974 وچ گھدا گیا ‘پدما بھوشن ایوارڈ’ 1984وچ ہندوستانی فوج ولوں گولڈن ٹیمپل دا محاصرہ کرن تے موٹاڈتا۔ جگ مشہور موسیقار استاد ولایت خاں 1964وچ پدماشری ایوارڈ تے 1968وچ پدمابھوشن ایوارڈ اے آکھ کے موٹا ڈتا جو ایوارڈ ڈیوݨ والے (جج) انہاں دے فن کوں پوری طراں سمجھ نئیں سگیے!!

جیکرایوارڈ دا اتہاس پھلیوریاونجے تاں تریخ دے پنیں وچ سب توں وڈا ایوارڈ ساکوں ‘‘آرڈرآف برٹش ایمپائر’’ ایوارڈ لبھدے جیکوں ‘نائیٹ ہُڈایوارڈ’ وی آکھیاویندے، اے ایوارڈ سلطنت برطانیہ دے ودھارے سانگے کارنامے انجام ڈیوݨوالے انگریزحاکمیں دے علاوہ کلونیل لوکیں کوں وی ڈتا ویندا ہا جیندا ہکو مطلب ہئی جو ایوارڈ گھنݨوالا سلطنت برطانیہ دا اٹوٹ انگ اے، ول برطانیہ وچ رولا پئے گیا جوکلونیل لوک ‘‘آرڈرآف برٹش ایمپائر’’ کیویں سڈواسگدن، انہاں سانگے ڈوجھے درجے دا ایوارڈ رکھیا ونجے، ول ‘آرڈر آف سٹارآف انڈیاایوارڈ’ شروع تھیاجیہڑا کجھ مدت بعد ‘آرڈرآف انڈین ایمپائرایوارڈ’ بن گیا۔ سوچن دی گالھ اے جو ‘آرڈرآف انڈین ایمپائرایوارڈ’ گھنݨ والے بہوں سارے ہندوستانیں وچ ساڈے وسیب دے سرنواب امام بخش مزاری تے سرنواب بہرام خاں مزاری وی شامل ہَن، ڈوجھے پاسوں رنجیت سنگھ، راجہ آف رتلام وی ‘آرڈرآف انڈین ایمپائرایوارڈ’ گھنݨوالیں وچ شامل ہئی۔ اچھا، اوں دور وچ سرکاری ایوارڈ دا ہِک ڈوجھا روپ وی سامڑیں آیا، او روپ ‘لینن ایوارڈ’ ہائی، جیندی ریت سویت یونین دی انقلابی حکومت پاتی تے جگ جہان دے انقلابیں کوں لنن گراد(ماسکو) سڈوا کے سُبھاڈتا گیا، جنہاں کوں آپڑیں وطن وچ سامراجی سرکار چورڈاکو، غدار تے آتنک واد دا ناں ڈے کے انہاں دے سردا مُل لائی بیٹھی ہائی!!

ہندوستان دے وی کئی انقلابی کارکن، شاعر، لکھیک فیض احمدفیض سمیت ماسکو ونج لینن ایوارڈ گھندے رہ گئے۔

پہلی گالھ تاں اے جو اُتلا سارا لبار جیہڑا میں تہاڈے سامڑیں مریندا آیاں، ایں کن ڈوگالھیں نشابُرتھیندین۔۔۔۔۔۔۔۔۔ سرکاری ایوارڈ بھانویں شاعری دا ہووے یا سائنس دا، ہک سیاسی ایوارڈ ہوندے جیندے پچھوں ہِک سیاسی بیانیہ تےمنشور کھڑے تھیا، کیاجیکر ‘سرائیکی انسٹی ٹیوٹ آف لینگویج اینڈ کلچر’ بن ونجے تاں اوندے ڈتے گئے ایوارڈ پچھوں سیاسی بیانیہ بدل ویسی؟

جیکر سیاسی بیانیہ بدل ویسی تاں ول اے ادارہ وی بݨنا چہیدا اے تے ایندے کولوں ‘پرائیڈآف سرائیکستان ایوارڈ’ (سرائیکی شاعری، فن، موسیقی وغیرہ) وی گھنݨاں چہیدا اے!!

ڈوجھی گالھ زیادہ سوکھی اے، کئی سرائیکی، پنجاب سرکاردی نوکری کیوں کریندے، نوکری دے پچھوں تاں بیروزگاری دی مجبوری ہوندی اے، بھل جو ایہا مجبوری کلونیل دوروچ وی ہوندی ہائی پر اوں دور وچ تل وطنی، فرنگی سرکاری دی نوکری توں انکار کرڈیندا ہا تے نوکری کرن والے کوں غدار آکھیا ویندا ہا، کلونیل دوردے مِٹ مُک ونجن بعد ریاست دی شکل وی تبدیل تھئی، ول پارلیمنٹ دے وجود وچ آوݨ دے بعد سامراجی ریاست جمہوری ریاست وچ بدل گئی، جیندا ایہومطلب ڈسایاگیا جوہرآدمی ریاست دا بھائیوال اے، سرکاری نوکری کرن ہربندے دا حق اے۔۔۔۔۔۔۔۔۔۔۔۔۔۔پرایوارڈ تاں کئی مجبوری کائنی!!

ایوارڈ گھنݨتوں انکارکوں سرکاری نوکری نال گنڈھن ایں پاروں وی درست کائنی جوبہوں سارے انقلابی دانشور، شاعر، لکھیک پوسٹ کلونیل دور وچ سرکاری نوکر ہوون دے باوجود آپڑاں تخلیقی کم کریندے آئن، پرانہاں سرکارکن ایوارڈ گھنݨتوں انکار کرڈتا، ایں حوالے نال ہندوستان دے دفاعی تجزیہ کارکرشناسوامی سبرامینیم دے وچار غورکرن دے قابل اِن جیں اے آکھ کے بدمابھوشن ایوارڈ گھنݨ توں انکار کرڈتاجو صحافیں تے بیوروکریٹس کوں سرکاری ایوارڈ نئیں گھنݨاں چہیدا۔




#Article 493: ایڈوں بھاہ ہئی ایڈوں راہ ہئی (204 words)


ایڈوں بھاہ ہئی ایڈوں راہ ہئی 

پلاک دا مسئلہ کوئی مسئلہ نئیں ریہا دوست آپنڑیں آپنڑیں ناراضگیاں تے مٹی پاون اج دے سائنسی دور دی وڈی بیماری عدم برداشت ہے پلاک والیں خود ہتھ کھڑے کر ڈتن انھیں آپ آکھیے لماں انج کر ڈیو پلاک دے دوستیں کوں اے گالھ ڈسو جو اساں لمے پنجابی نسے اساں پہلے صرف سرائیکی ۔۔ ۔۔ ۔۔۔۔۔۔ جہری گالھ واسطے پتھاری بنڑائی ہم او اے ھے جو سرائیکی شاعریں ادیبیں دانشوریں تے پابندیاں تاں لیندو انھیں دے بارے سوچیندے نوہے ہک شاعر زال دے زیور ویچ تے اپنڑی کلہی گاوں ویچ تے کتاب چھپاوے ولا مل گھننڑ دی ریت نا ہووے گھر گھر مفت تقسیم کرے ڈسو میڈا شاعر کن تے ونجے کیڈے مرے تساں ہک مشترکہ فنڈ بنڑاو ساریاں تنظیماں حصہ پانون جہری تنظیم منہ لکاوے دھرموں کھوٹی سوجھل دھرتی واس دے ایجنڈے تے اے گالھ ہے ہر سال ہک انعام نثر دا ہک نظم دا باقائدہ اعلان دا اختیار تنظیم دے صدر کوں ہے میں صرف ترغیب کیتے شاند ماری ہم آخر اچ سلھیں دی بٹھی دے پکووے دا اشلوک لکھداں جہرے ویلھے بٹھی کوں بھا لیندے پڑھدے ۔
ایڈوں بھاہ ہئی ایڈوں راہ ہئی 

جن ہیئں بھوت ہئیں پری ہئیں نکل ونج 

صوفی تاج گوپانگ




#Article 494: ایہا جا ہے (233 words)


نظم

ایہا جا ہے

ایہا جا ہے،خاب اساکوں یاد آونڑیں یا بهل ونجڑیں، اساں ٹیشن تے لیہ پوونڑیں یا ہک وڈے پل دی تانگھ اچ بیٹها رہونڑیں، ڈوہیں پاسے پانی اتے کوک گاڈی دی نانگ دے وانگوں تََردی آوے، بهل اساں وستی چهوڑی پر ایں مشکی ساڈی کو نہ چهوڑی۔

ایہا جا ہے، جتهوں ساکوں خاب پیا بهلدے،پل آونڑ توں بہوں پہلے ہک ٹیشن تے اساں لیہ گیوسے،بئی گاڈی دی تانگهہ دے اندر ڈینہ پیا ڈهلیا، ٹیشن باہروں باغ اے، ساوے گهاٹے امبیں دا ہک باغ پرانڑاں، وچ تلا ہک بهریا ہوئے تے بارہ دری وچ بندہ کوئی نی، طوطے، امب ٹکیندے نئیں پئے تهکدے، ٹبکے کردن، چار چفیروں کهادے ہوئے بہون سارے ٹبکے کردے ہن تے کوک گاڈی دی آندی ہے، گاڈی اوتے امباں دے پئے ٹوکرے چڑهدے، اساں بهج تے ویندے ہیں پر گاڈی ہتھ نی آندی۔

خاب اتهاہوں یاد پیا آندے، گاڈی دی اوہ تاکڑی والی سیٹ تے بیٹها مل پوندےوو میاں! تیڈا پندھ نی مکیا، ساکوں پاندهی کر تے تیڈے ہتهیں کیا پیا آندے، جیڑهی گاڈی وچ تو ہوویں اوہا ساڈے ہتھ نی آندی، درکدیں بهجدیں پج پوووں تاں بہوں کجھ پچهاں رہ ویندا ہے، تیڈے ہتهیں کیا پیا آندےاوہ کهل پوندے، ساکوں ڈیکھ تے کهل پوندے تے تاکڑی کولوں باہر ڈیدهے۔

ایہا جا ہے، خاب اساکوں یاد آونڑیں یا بهل ونجڑیں تے اساں ہک نکے جہے ٹیشن تے، مینہ وچ بیٹهے پسدے ہوئے۔ رفعت عباس

(بهوندی بهوئیں تے:1995)




#Article 495: بئر اریس (227 words)


بئر اریس مسجد قبا توں پنجاہ قدم دے فاصلے تے ہک کھوہ ہے۔ ایں دا پاݨی کھاری ہئی، رسول اللہ صلی اللہ علیہ و آلہٖ و سلّم نے ایندے اندر لعاب دہن سٹیا جیں دی برکت نال ایں دا پاݨی مٹھا تھی ڳیا۔ ہݨ اے کھوہ بند کر ݙتا ڳیا اے۔ ہجرت دے موقعے تے ایں کھوہ توں رسول اکرم صلی اللہ علیہ و آلہٖ و سلّم نے وضو فرمایا،  غسل فرمایا تے ہیں کھوہ دے پاݨی توں مسجد قبا دی مٹی دا گارا بݨایا ڳیا۔ حضور نبی کریم (صلی اللہ علیہ وآلہٖ وسلم) دی اوہ انگوٹھی جیہڑی آپ دے بعدابوبکر صدیق  نے پاتی، ول عمر فاروق نے تے ول عثمان غنی نے پاتی، جنہاں کولوں اوہ بئر اریس وچ ونڄ ڈھٹھی، اینکوں بئر خاتم وی آکھا ویندے ۔  حضرت محمد صلی اللہ علیہ و آلہٖ و سلم تے جادو کیتا ڳیا تاں آپ دے والاں کوں نر کھجور دے خوشے دے غلاف وچ رکھ کے بنی زریق دے ہیں کھوہ دی تہ وچ ہک بھاری پتھر دے تلے دٻا  ݙتا۔  ابو موسیٰ اشعری بیان کریندن کہ میں اپݨے گھر وچ وضو کیتا تے سوچا اڄ میں رسول اللہ (صلی اللہ علیہ و آلہٖ و سلم) دے نال رہساں، آپ مسجد وچ نہ ہن، میں آپ دی تلاش وچ نکلا، آپ اریس نامی کھوہ دی منڈیر تے کھوہ وچ پیر مبارک اندر کیتے ہوئے ٻیٹھے ہن ۔




#Article 496: بئر رومہ (394 words)


بئر رومہ دا کھوہ  جینکوں بئر عثمان وی آکھا ویندے۔ ایہ مدینے دے اوں وݙے کھوہ دا ناں ہے جیہڑا وادئ عقیق ، ازہری محلے وچ مسجد قبلتین توں ہک کلو میٹر جبکہ مسجد نبوی توں ساڈھے ترئے کلومیٹر شمال دی جانب واقع ہے۔ ایں کھوہ دا پاݨی نہایت شیریں، لطیف تے پاکیزہ ہے۔ ایں مناسبت نال کہ آنحضرت (صلی اللہ علیہ وآلہ وسلم) دی بشارت دے مطابق ایں کھوہ کوں خریدݨ تے وقف کرݨ دے سبب حضرت عثمان دا جنتی ہووݨا ثابت تھیا، ایں کھوہ دا ہک ناں  بئر جنت یعنی جنتی کھوہ  وی مشہور ہے، اوں زمانے وچ حضرت عثمان نے ایں کھوہ کوں ہک لکھ درہم دے عوض خریدا ہئی۔  تے اپݨے ݙول کوں مسلماناں دا ݙول بݨا ݙتا  ایہ  وقف کرݨ  نال کنایہ ہے یعنی جیہڑا شخص ایں کھوہ کوں خریدے تے ایں کوں اپݨی ذاتی ملک قرار نہ ݙیوے بلکہ رفاہ عامہ کیتے وقف کر ݙیوے تاکہ جیں طرح خود اوہ شخص ایں کھوہ توں فائدہ چیسی ، ہوں طرح ݙوجھے لوگ وی ایندے کولوں فائدہ چا سڳن۔ ہݨ ایہ محکمہ زراعت دے کنٹرول وچ ہے۔

مہاجرین مکہ معظمہ توں ہجرت کر کے مدینہ طیبہ وچ آئے ، اتھاں دا پاݨی پسند نہ آیا، شور ہئی، بنی غفار توں ہک شخص دی مِلک وچ ہک شیریں چشمہ جیں دا ناں رومہ ہئی  اوں دی ہک مشک نیم صاع نال وچیندا، سید عالم صلی اللہ تعالیٰ علیہ وسلم نے انہاں کوں فرمایا :ایہ چشمہ میݙے ہتھ ہک چشمہ بہشت دے عوض ویچ ݙے۔ عرض کیتی : یارسول اللہ! میݙی تے میݙے ٻالاں دی معاش ہیندے وچ ہے میݙے وچ طاقت نی۔ ایہ خبر عثمان غنی کوں پہنچی ، اوہ چشمہ مالک توں خرید گھدا، ول خدمت اقدس حضور سید عالم صلی اللہ تعالیٰ علیہ وسلم وچ حاضر تھی کے عرض کیتی : یارسول اللہ! کیا جیں طرح حضور اوں شخص کوں چشمہ بہشتی عطا فرمیندے پئے ہن اگر میں ایہ چشمہ اوندے کولوں خرید گھناں تاں حضور میکوں عطا فرمیسن؟ فرمایا: ہا۔ عرض کیتی : میں بِئر رومہ خرید گھدے تےتمسلماناں تے وقف کر ݙتم۔
درمنثور ص 60 ج 5 وچ لکھا ہے کہ غزوہ احزاب (جینکوں غزوہ خندق وی آہدن) دے موقعے تے قریش مکہ ابو سفیان دی قیادت وچ مدینہ منورہ دی آبادی دے قریب بئر رومہ دے کول ٹھہر ڳئے تے قبیلہ بنی غطفان دے لوگ آئے تاں ایہ لوگ احد دی طرف آ کے ٹھہر ڳئے۔




#Article 497: باؤ بقال (332 words)


بیرام خان تے ہاؤبقال

سرائیکی ماواں دا بالیں کوں ڈراونڑ لو ہک کردار ہاؤبقال

بیرام یا بہرام خان ہمایوں دا سپہ سالار ت بھنڑویا ہا جیہڑا بے دےمونڈھےت بندوق رکھ ت چلاونڑ چاہندا ہا.ہمایوں کو چا لوا تےشیر شاہ سوری نال بھڑا ڈتا شکست دےبعد ایران بھج گۓ آپ تاں اہل_تشیع ہا پر ہمایوں کوں وی اہل_تشیع بنڑا تےپناہ، اسلحہ ت اہل_تشیع سادات قبیلے گھن تے واپس آیا.
ہمایوں دےمرنڑ بعد (ہمایوں سیڑھی توں ڈٹھےجتھاں بیرام خان ودا ہا اےوی نوٹ کرنڑ آلا پوائنٹ ہے) ایں سلہیں دا چبوترہ بنڑوا کیں جلال الدین محمد اکبر کوں بادشاہ بنڑا ڈتا ت خود سپہ سالار بنڑ گیا.تاں جو بندوق کیتے مونڈھا میسر رہوے.
پانی پت دی ڈوجھی جنگ اچ اکبر بادشاہ اپنڑےدشمن راجے کوں زخمی حالت اچ قتل نہی کرنڑ چاہندا پر بیرام خان بادشاہ دےہتھوں تلوار گھن تےراجےدا سر کپ ڈتے.ایہ تاریخ دا پہلا ڈکٹیٹر ہے.
چار سال بعد اکبر ایندےاشاریں ت نچنڑ چھوڑ ڈتےتےایکوں مکہ بھیج ڈتا پر اے پنجاب اچ ناکام بغاوت دےبعد حج ت ونجنڑ توں پہلےبادشاہ اکبر دی حکومتءچ مذہبی انتشار لو ابو الفضل ت فیضی(اہل_تشیع شاعر)چھوڑ گیا جنہیں اکبر توں دین_اکبری بنڑوایا اےآپ حج ت ویندیں ہوئیں گجرات دے دیہاتءچ ہک پٹھانڑ حاجی خان میواتی دےہتھو قتل تھیا.
حاجی خان میواتی اصل اچ شیر شاہ سوری دی فوج دا جرنیل ہا ت اے سمجھدا ہا جو بیرام خان دے آکھۓ لگ ت ہمایوں نے سوری سلطنت نال جنگاں کیتاں ہن حاجی خان میواتی ت شیر شاہ ڈوہیں پٹھانڑ ہن.

پر ہاؤبقال دا تاں ذکر نئ آیا...
ہنڑ ڈیکھو شیر شاہ سوری دا غدار سپاہ سالار ہا جیکوں بادشاہ اکبر زخمی حالت اچ قتل نہی کرنڑ چاھندا پر بیرام خان کر ڈتا ہا اےشیر شاہ سوری دےمرنڑ توں بعد کجھ علاقیں دا بادشاہ بنڑ گیا ہا.
اےاتنا ظالم سپاہ سالار تے سلطان ہا جو برصغیر دیاں ماواں بالیں کوں ڈریندیاں ہن چپ کر تے سم پوو ہیمو بقال آ ویسی.
اے ہیمو بقال اجکل ہاؤبقال بنڑیا ودے...

متفق تھیونڑ ضروری نئ، پریشان نہ تھیواہے میں کوئ ہاؤبکال کاۓنمی.(منصور شانی)




#Article 498: بائنری نمبر سسٹم (114 words)


بائنری نمبر سسٹم (बाइनरी नम्बर सिस्टम) توں مراد ثنائی اعداد دا نظام ہے۔ ایں اساسی نظام یعنی نمبر سسٹم وچ کل 2 ہندسے شامل ہن۔ یعنی صفر تے ہک۔

ثنائی عددی نظام یا صرف ثنائی نظام دوئی عددی نظام (binary numeral system)، جینکوں ݙو اساس یا اساس-2 عددی نظام وی آکھا ویندا ہے، ہک عددی نظام اے جیہڑا ݙو علامات، عموماً 0 تے 1 کوں استعمال کریندے ہوئے، عددی اقدار (numeric values) پیش کریندا ہے۔

انہاں ثنائی اعداد دی مدد نال کمپیوٹر مختلف معنی خیز الفاظ بݨیندا ہے۔ عموماً 7 یا 8 ثنائی اعداد مل کے ہک حرف یا علامت بݨیندے ہن، جیویں کہ اردو وچ کئی حروف مل کے ہک لفظ بݨیندے ہن۔




#Article 499: بابا سئیں (437 words)


میڈے بابا سئیں مرحوم و مغفور محکمہ پولیس اچ مہتمم افسر تھانہ (S.H.O) ھن. اتلی کمائ شاید نہ ھوونڑ دی وجہ نال ڈھگ جزائیت نہ بنڑا سگۓ ت نال نال اولاد کوں وی ہمیشہ پیٹ کٹ کٹ ت جفے کرنڑ سکھاۓ نے. (اے صرف میڈی بابے سئیں نال عقیدت نئ بلکہ حقیقت ھے جیندا ہک ثبوت اساں پنج بھرانویں اچو ھک کوں وی محکمہ پولیس اچ ملازم کئنی)
خیر گال تھیندی پئ ہئ 14 اگست دی چھوٹے لا دیاں کجھ گاہلیں یاد ھن جو جھنڈیاں شنڈیاں گھننڑ واسطے پیسے ناں ھوندے ھن ول میں سکولو آ کے کھجیں تلو گکڑیں چنڑدا ھم ول محمد حسین المعروف ڈاڈے حقی کولو ویچ ت جھنڈیاں گھناں ھاں...
پر ھر سال ڈو کم تھیندے ھن ھک تاں میڈے بت اچ بھجدا بلوچکا خون جیہرلے طا اچ ہووے ھا ول کاوڑ کڈھنڑ دا اکلوتا راہ جھنڈیاں شودیاں ھوندیاں ھن..
یا ول اندھاری ت مینہہ آ ونجے ھا ت اٹھ آنے آلے گوٹے ت اٹے دی لیوی نال بدھیاں ہوئیاں 2 گرام آلے کاوظ دیاں جھنڈیاں شودیاں شہید تھی ویندیاں ت ول...
دل کے ارماں آنسووں...
خیر جڈاں ڈبے لاونڑ دا رواج آیا تاں میں وی ایں رواج اچ رنگیجنڑ دا سوچا پر پیسے....
بحرحال
ارادے جن کے پختہ....
ھک صوتر ابوبکر صدیق دی لونڑی تیلی دی ھٹی تو ڈبا مفت ملیا،ڈبل لکھائ سر خان کولو سکھیا ھویا ھم ت کٹائ واسطے مشین آلے ڈبے وچو قینچی چا کے اے نیک کم تھی گیا...
ت رنگ برنگا کاغد...؟
اماں سیئنڑ کولو سکول ونجڑ دی وزنی شرط اچ کجھ قرضہ مل گیا ت عبیداللہ عرف بیدا شیخ دی دکان تو رنگ برنگا کاغذ وی آ گیا..
ھنڑ... لمبی تار آلی لیڈ...
چلو او تاں جاہ تو لبھ پئ...
بلب....
یاد کئنی پر لبھ گیا ھا..
ت بابے سئیں دی اجازت....اوکھا ترین مرحلہ وی اماں سئینڑ دی سفارش نال حل تھی گیا...
(بقول بابا سئیں وکیل فری سبیل اللہ)
ساڈا ڈبہ لگ گیا پر بابے سئیں دا اے فقرہ اج وی انہیں دی کفایت شعاری دا مظہر ھے

یاد رھوے اوں ویہلے بی بی شہید ت واپڈا آلے (کیپکو نمی آھدا اگیں ھک سکا رسائ وداں) سجاک کائنا تھۓ ہن مختصر لوڈ شیڈنگ کئنا تھیندی ھئ...
کل جیوے افنان محمد خان دا فون آۓ ابو اساں گھر سجائ پۓ ہیں تساں آؤ ڈیکھو....
میں سوچیا گھٹ ھے ایں فقرے ت رنا ودھ ھاں...
اپنڑے بالیں کوں نکیاں نکیاں خوشیاں ڈیونڑ واسطے ساڈے بابے کتنے ڈکھ چاتے ھوسن ت اج اساں وی فکر_روز گار اچ گھر توں دور پردیس اچ...
پر وطن تاں اپنڑا ھے جیندیں دے ٹکر ویندن جیہرے جھوکاں لڈا گئن....
.....
.....
....
بابا سئیں تہاڈی کمی قدم قدم ت ھے....(لکھاری، منصور شانی)




#Article 500: بادشاہی دا کمال (381 words)


ھک ھا بادشاہ، اعلان کیتُس جو میݙی بادشاھی تو ں بس اے نواں بادشاہ ڳولو.  دربار ءچ صلاح مشورے شروع تھی ڳئے وزیریں ،مُشیریں وݙے وݙے ناں پیش کیتے لیکن بادشاہ کوں ھِک وی پسند نہ آیا ...درٻار لڳا فرمان شاھی جاری تھیاء ،،دارلخلافے دے چارے پاسے ناکے لاݙتے ونڄن تے.پوری طرح تے سنبھال لدھی ونڄے تے سِجھ اُبھرݨ توں پہلے جہڑا بندہ شہر داخل تھیوے او نواں بادشاہ ھوسی. ݙوجھے ݙیہاڑے دربار ولا لڳ ڳیاء وݙے وزیر رپورٹ پیش کیتی ، عالم پناہ پورے ترسلے تے ہر طرح دی تحقیق مطابق سب توں پہلے ھک فقیر شہر داخل تھئے. بادشاہ ،،تے ول،، بادشاہ ،،ھوندن زبان ءچوں نکلیاء ہر لوظ حکم تے قانون دا حصہ ھوندے. فقیر کوں غسل کروایا ڳیاء ھار سنگھار کر وا تے ،،خلعت شاھی ،،پوائی ڳئی تے تخت تے ٻلھا ݙتا ڳیاء . نویں بادشاہ سلامت دا درٻار لڳ ڳیاء پُچھیا ء ڳیاء . بادشاہ سلامت حکم فرماو ،فرمانِ اِمرُوز جیکوں ایجنڈا آکھیاء ویندے جاری فرماو . شہنشہاہ معظم حکم ݙتا ، حلوے دیاں دیڳاں پکاو. 

حکم دی تعمیل تھی ڳئی ݙسایا ڳیاء دیڳاں تیار ھِن اڳلا حکم جاری تھیاء سبھے چھوٹے وݙے رناں ،جُوان  فقیر کٹھے کرو فقیر آڳئے دیڳیں دے مونہہ کھول ݙتے ڳئے سارے فقیر حلوہ کھانوݨ پئے ڳئے وقت دے بادشاہ کنوں وی نہ رھیاء ڳیاء او وی تخت چھوڑ تے فقیریں نال حلوہ کھانوݨ پئے ڳیاء بادشاہ سلامت دی خوشنودی واسطے باقی درٻاری وی حلوہ کھانوݨ پئے .بادشاہ سلامت حلوے کنوں ،،پُر باش تھی ولا تخت تے ونڄ ٻیٹھے سارے فقیریں بادشاہ کوں راڄ بھاڳ تے تخت دی سلامتی دیاں دعائیں ݙیوݨ شروع کر ݙتیاں دعائیں دی آواز تے شور ختم تھیاء تے ول حکم جاری تھیاء سارے فقیر یں کوں گولی مار ݙتی ونڄے تے ھک وی باقی نہ بچے ..ایں اوکھے فرمان شاھی دی تعمیل وی تھی ڳئی ولا حکم تھیاء ݙیکھو ،سنبھالو کوئی جِیندا تے نہیں بچ ڳیاء ..ترسلا ݙتا ڳیاء آقا سارے مر ڳئین ..دربار ءچ ھک زور دار قہقہہ لڳا تے خلعت شاھی وجود توں لہا تے ھک پاسے بُھکا ݙتی ڳئی تے الوداعی خطاب ءچ فرمایا ڳیاء ،،،اساں حلوہ کھانوڑاں ھا کھا گھد سے ،فقیر مرنوانڑن ھن مروا گھدنسے .تُساں عوام ڄانڑو تہاݙی بادشاھی ڄانڑے ساݙی ،،گودڑی چا،ݙیوو اساں کلھے پنسوں .ـ،،..خیال کراھے مارکہ....ایں کہانی دا حالات حاضرہ نال کوئی تعلق کوئے نی. (آفتاب نواز مستوئی)




#Article 501: بازنطینی سلطنت (174 words)


مشرقی سلطنت روم چوتھی صدی عیسوی وچ مرکزی سلطنت روم دے ݙو حصیاں، مغربی اور مشرقی وچ تقسیم تھیوݨ دے بعد قائم تھئی۔ مشرقی حصہ اپݨے دار الحکومت بازنطین دے ناں تے بازنطینی سلطنت سݙیجا۔ (330ء وچ بازنطینی شہنشاہ قسطنطین نے بازنطین دا ناں اپݨے ناں تے قسطنطنیہ رکھ ݙتا تے 1930ء وچ ترکی حکومت نے بدل کے استنبول کر ݙتا. 

قدیم باز نطینی سلطنت دے تمام ایشیائی ممالک تے عثمانی قابض تھی ڳئے ہن لہٰذا یورپ اچ وی صرف قسطنطنیہ تے ایندے مضافات ایندے اچ شامل تھیوݨا باقی ہن، سلطنت عثمانیہ، قسطنطنیہ دی فتح دے بغیر ادھوری ہئی, ہک اُربان (Urban) نامی توپ خانے دا ماہر ہئی جیہڑا بھڄ کے سلطنت عثمانیہ دے علاقیاں اچ چلا آیا، اوں نے سلطان کوں ہک بہترین توپ بݨا کے ݙتی، جیندے سنگی گولیاں دا قطر ڈھائی فٹ ہئی،  26 ربیع الاول 857ھ بہ مطابق 6 اپریل 1453 ء کوں زبردست محاصرے دا آغاز کر ݙتا ڳیا۔ مسلسل اݨتھک محنت تے جان فشانی دے بعد 29 مئی 1453 ء 20 جمادی الاول کوں بالآخر قسطنطنیہ فتحیاب تھیا۔




#Article 502: باسط بھٹی (273 words)


تیرہ فروری ڈوہزار چوڈاں یاتری حسب معمول الطاف ٹاون اچ واقع باسط بھٹی سئیں دے گھر جمع تھئے ۔یاتریاں وچ قیصر عباس، خالد اقبال ، مظہر عباس ، ذیشان ملک، مظفر بخاری ،سلمان سہو، عمران رجوانہ ، الطاف ڈاہر، شکیل احمد ، رفعت عباس، غضنفرعباس، احمد عقیل، عمر صدیق تے مہر مسعود امجدشامل ہن ۔ یاتریاں صلاح بدھی جو اڄوکی خمیس یاترا سرائیکی وسوں دے نینگر لکھاری سئیں محبوب تابش دے رہائش گاہ واقع محلہ باغبانپورہ نیڑے نواں شہر چوک ملتان اچ ہوونی چاہیدی ہے تانجوں سنگت ڄاݨ سڳے جو دیرہ غازی خان دی وستی گھمن یونین کونسل شادن لُنڈ دا اے نینگرشاعر ادیب اَتے صحافی سرائیکی ادبی سیاسی اَتے سماجی شعبے وچ ہن تک کیا کر چکے تے اڄ کل اووسوں دی سجاکی سانگے کیڑھا کم ستری پئے۔ سبھ توں پہلے ٹیپ ریکارڈ تے استاد حسین بخش خان ڈھاڈھی دی آواز اچ خواجہ فرید سئیں دا کلام سنیا گیا۔ اوندے بعد محبوب تابش اپنی ادبی سماجی اَتے صحافتی کم دے حوالے نال حال ڈتا۔ اوندے بعد انھاں اپݨے سفر نامہ رول گابا اچوں ڈوحصے پڑھ کے سنوائے ۔ پہلا حصہ سرائیکی وسوں دے اہم ضلع دیرہ اسماعیل خان دے علاقے شاہ عیسی بلوٹ تے کافر کوٹ دے حوالے نال ہا۔ڈوجھا حصہ ضلع راجن پور دے تاریخی قصبے ہڑند دے حوالے نال ہا۔ تابش سئیں دے سناوݨ دے انداز نال اینویں ڄاپیا جو یاتری خود وی انھاں انھاں جاہیں تے موجود ہوون جنھاں دا ذکر انھاں دے سفر نامے اچ آندا رہ گیا۔ ایندا اظہار سنگت سفر نامہ پڑھیجن توں بعد موقع تے کر وی ڈتا۔رول گابا دے حوالے نال یاتریاں دا آکھݨ ہا جو سرائیکی نثر اچ اے بہوں خوبصورت ودھارا ہے!




#Article 503: باسط سلطان بخاری (158 words)


سید باسط احمد سلطان بخاری ضلع مظفر گڑھ دے منیے تنئے سیاسی گھرانہ بخاری نال تعلق رکھدن۔

آپ دے والد مخدوم سید عبداللہ شاہ بخاری 78-1977 وچ سیاست شروع کیتی ہائی۔

باسط سلطان پہلی واری 1992 وچ ایم پی اے بنیا اوندے بعد 1996 وچ، ول ہک دفعہ ایم پی اے رہ گئے۔ تے 03-2002 وچ مسلم لیگ ق دی ٹکٹ تے پہلی واری تحصیل جتوئی دے حلقہ این اے 179 توں ایم این اے بنئے۔ 2008 دے جنرل الیکشن وچ ق لیگ دے ٹکٹ تے الیکشن وچ حصہ گھدھا پر الیکشن ھر گئے ول 2010 وچ پی پی پی 259 تے ضمنی الیکشن وچ حصہ گھدھا تے ایم پی اے بن گئے۔ول مسلم لیگ ن وچ رل گئے۔2013 دے الیکشن وچ مسلم لیگ ن دی ٹکٹ تے ایم این اے بن گئے تے 2018دے جنرل الیکشن وچ آزاد حیثیت نال جنوبی پنجاب صوبہ محاذ دے پلیٹ فارم توں الیکشن جت تے پی ٹی آئی وچ رل گئے۔




#Article 504: باغے خاں لشاری (152 words)


باغے خاں لشاری دا مختصر تعارف ایہ جو آپ کھیڈ تلی دے جگ مشہور کھڈاری ہن. ایں کھیڈوچ انھاں دا فلک بوس شہرت دا حامل ہے. اج جے کہیں تے چوٹ کیتی ونجے تاں فورن ایہ جملا آکھیا ویندے.(توں کوئی باغا لشاری ہئیں) ابھے لمے دا مقابلہ ہوندا ہا. انعام صرف پگ ہوندی ہئی. ایں پگ دا اندازہ اتھوں لاتا ونج سگیندے جو ایں پگ دی خاطر ایہ پہلوان پورا سال چوتا رکھدے ہن. آخر پگ دا مقابلہ ہوندا ہا.

باغے داتعلق ابھیچڑ کھڈاریں نال ہا. باغے سئیں دیاں کھیڈاں الطاف ملاں ' الہی بخش پیروز آنی' رمضان بغلانی' کوجھا حسرانی ' جمال ببر ' شفیع ببر نال تھیندیاں رہ گیاں.اتے باغے خان دی آخری پڑ دی سلامی عباس برمانی نال تھئی. انھاں ڈوہیں بزرگیں بک ڈیکھنڑ دی چس چاتی ہاسے.

افسوس ایں جگ مشہور کھیڈ کوں سرکاری و سرداری سرپرستی حاصل کوئینی . ہنڑ ایں کھیڈ دے ناسیں وچ ساہ ہے.




#Article 505: باقر نیازی (432 words)


پاقر نیازی سرائیکی زبان دا شاعر ہے۔

تیڈٖے ڈٖکھ وی پیارے لگٖدے ہن ڈٖیویں جتنے ڈٖکھ اساں ڈُٖکھیاں کوں

ڈٖکھ یار آماندے نئیں ساکول نئیں ڈٖکھ دی بکھ اساں ڈُٖکھیاں کوں

اساں در در پھر کے ڈیکھ گھدا،نئیں لبھدے سکھ اساں ڈُٖکھیاں کوں

جیندے پیار اچ کملے تھئے باقر نئیں ڈٖسدا ، مُکھ اساں ڈُٖکھیاں کوں

۔۔۔۔

جاں ٹردی ہاں میں ویہڑے وچ آندا چھنْکار ہے ونگاں دا

میڈیاںچٹیاں چٹیاں بٖاہواں وچ کیڈٖا سوھنْا شاہر ہے ونگاں دا

تونْے کچ دیاں ہن میکوں بھاندیاں ہن ڈٖتا تحفہ یار ہے ونگاں دا

نمی باقرؔ جھنگ دی ونگ منگدی میڈٖے کول بازار ہے ونگاں دا

۔۔۔۔۔

تیڈٖے عشق ساکوں برباد کیتے آیا پیار نہ تیڈٖا راسے

ساڈٖے گٖل وچ ویس پرانْا ھِ ،ہن ہتھ وچ کھومیں کاسے

تیڈٖے ہجر دے صدمے مار گھتے نئیں پھیرے اجٖ تئیں پاسے

اج ڈٖیکھ کے حالت باقرؔ دی پئے لوک کریندن ہاسے

۔۔۔۔

جٖیویں میں مجبور ہاں دنیاں تے ایویں کوئی مجبور نہ تھیوے

ہر کئیں کوں پیار نصیب تھیوے کوئی کئیں تُوں دور نہ تھیوے

جٖیویں جگ تے میں بد نام تھیاں ایویں کوئی مشہور نہ تھیوے

کئیں بشر دا باقرؔ میں وانگوں ایویں جگر تنور نہ تھیوے

۔۔۔۔

تیڈٖی دید اچ چن ہے عید میڈٖی آ دید کرا میڈٖی عید تھیوے

تیڈٖے ملنْ دی آس ہے عرصے توں میڈٖی آس پُجٖا میڈٖی عید تھیوے

میڈے مونجھے دل دی سانول سئیں آ مونجھ مُکا میڈٖی عید تھیوے

میڈٖی باقر ؔ سُنجٖنْی جھوک اُتے آ پھیرا پا میڈٖی عید تھیوے

اساں اڈٖدے لفافے ہیں خبر نئیں کیڑھی جھا ڈٖھاسوں

جتھاں ساکوں ہوا چھوڑا اتھائیں ونجٖ بھوئیں تے ٹھا ڈٖھاسوں

اساں سجھ دے سڑے لوگو انگاراں وانگ تھی گٖئے ہیں

جڈٖاں ڈھاسوں زمین تے ہنْ تاں بنْ کے بٖلدی بھا ڈھاسوں

ہوا دے جھولے جھل جھل کے،سکے پتراں دا کیا پچھدائیں

اساں ڈٖکھاں دے سنگتی ہیں تے ول ڈٖکھاں دی راہ ڈھاسوں

ساڈٖی اوقات کیا باقرؔ اساں کاغذ دے پرزے ہیں

ہوائیں نال اڈی پوسوں یا ونْ دی گھن پناہ ڈھاسوں

بوہے توں کئیں سوالی کوں ولاونْ ٹھیک نئیں ہوندا

اے کاسہ کھس فقیراں تُوں بھکاونْ ٹھیک نئیں ہوندا

انہاں دے نال کاوٖڑ دا الاونْ ٹھیک نئیں ہوندا

میں ھاں دیدار دا پننْاں تے کر دیدار ٹرا ویساں

بھکاری وی اساں وانگوں خدا دی پیداوار ہوندن

محبت دے پجاری کوں ستاونْ ٹھیک نئیں ہوندا

تیڈٖے ہتھوں تاں دلبر سئیں میں خش تھی زہر پی گھنساں

رقیباں کول عاشق کوں کہاونْ ٹھیک نئیں ہوندا

میں پننْے کوں تیڈٖے در توں ملی خیرات پتھراں دی

دیوانے تے نمانْے کوں رلاونْ ٹھیک نئیں ہوندا

وڈٖا اوکھا تھیا اے سانول ملنْ ساڈٖے نصیباں دا

ذرا جٖئیں گٖالھ تے باقرؔ ونجٖاونْ ٹھیک نئیں ہوندا

       




#Article 506: باندر کلا (343 words)


باندر کلا...
باندر کلا سرائیکی وسیب دے بالیں دا ھک من پسندیدہ کھیڈ ھوندا ھا جیندے وچ ھک بال جیندے سر ایٹی ھووے ھا او ھک کلے نال رسہ بدھ کے پکڑ کھڑدا ھا ت اوں کلے نال سارے گھر دیاں جتیاں کٹھیاں کر کے رکھ ڈیندے ھن ایں چیز دا خیال کریندیں ھوئیں جو کوئ باری جتی نہ ھووے.
باقی بال اڈو اڈو جپٹھیاں مار کے جتیاں چیندے ھن اگر جتیاں چیندے ھوئیں کیں بال کوں ہتھ لگ ونجے تاں ایٹی اوندے سر آ ویندی ھئ پر اگر جتیاں ختم تھی ونجن ھا تاں ایٹی آلے بال دی شامت شروع تھی ویندی ہئ. او اگو اگو ت باقی سارے بال پچھو پچھو ھک پڑ شا تک پجنڑ ضروری ھوندا ھا پر اوتے تک اوندی قسمت جتنے کھلے چھپیج ونجن.
اے کھیڈ پرنے دی ھک رسم واسطے وی تھوڑی جھئیں تبدیلی نال کھیڈی ویندی ھے جو سالیاں گھوٹ دی جتی چا گھندین تیں ول گھوٹ بنرے کوں وڈا عوضانہ ڈیونڑا پوندے ت نال نال سالی اے وی ڈس ڈیندی ھے جو خبردار ھنڑ اے جتی تاں بھنڑویا صاحب تہاڈی ھے پر ہتھیں ساڈے ھے خیال کراھے...
ویسے وی اج کل چائنا دیاں جتیاں آ گئن جیہڑیاں گھنیدیاں تاں پیریں واسطے ھن پر پۓ گچی اچ ویندین.
خیر گال تھیندی پئ ہئ باندر کلے دی ھنڑ اے کھیڈ بال نئ کھیڈدے کیوں جو نسل تھری جی تھی گئ ھے.ھنڑ اے کھیڈ وڈیں سنبھال گھدی ھے.
مثال دے طور ت پوری دنیا کوں ھک رسے نال بدھنڑ دی کوشش کرنڑ آلا صدر بش جیہڑا جو پوری دنیا دا بھنڑویا بنڑنڑ دی کوشش اچ ھا جیہرلے عراق ت حملہ کیتس اوندے بعد غالبا پہلی دفعہ باندر کھلا کھیڈیا گۓ...
ایویں بئ وی کئ دفعہ اے کھیڈ کھیڈیا گۓ...
کل دا واقعہ ھے جو ھک وڈے افسر دے دفتر دے باھرو ھک زنانی افسر کوں ایٹی آلا سمجھ کے پڑ شا تک پچاۓ ت آپنڑی اکلوتی جتی دا وڈی مہارت نال استعمال کیتے...
میں سرائیکی بالیں دے ایں کھیڈ کوں وڈے لوکیں وچ مشہور تھیندا ڈیکھ ت وڈا خوش تھینداں...
کیا تہاکوں وی خوشی ھے؟؟؟ (منصور شانی)




#Article 507: بانگ ادبی فورم دا ہک اجلاس (152 words)


بانگ ادبی فورم پاکستان دی طرفوں پریس سیکرٹری منصور شانی ت مستقل ممبر سئیں بشیر غازی نے احمد خان طارق سرائکی ادبی سنگت دے منتظمین ت عہدیداران سئیں عمران شاکر مہروی، سئیں عبدالرزاق زاہد، سئیں حیدر شیراز، سئیں اشرف مشکور، سئیں شبیر شرر، سئیں ..... ت مستقل ممبر سئیں عباسی ھوران نال میٹنگ کیتی.جئیں وچ سرکار قبلہ مرشد سئیں احمد خان طارق واسطے فاتحہ خوانی کیتی گئ.

کجھ لوک سمجھدن جو احمد خان طارق دے نال نال ڈوھڑہ ت کافی وی دفن تھی گئی اے جبکہ حقیقت اے ہے جو احمدخان طارق ت اوندے الفاظ اج وی سرائیکی وسیب اچ زندہ ہن ت اینویں محسوس تھیندے جو احمد خان طارق اپڑے بیٹ ت اپڑے وسیب اچ زندہ و جاوید ہے۔۔ ایں تعزیتی کٹھ اچ احمدخان طارق ادبی سرائیکی سنگت ت بانگ ادبی فورم پاکستان اپڑے پلیٹ فارم توں انہیں ڈوہائیں صنفیں کوں اجاگر کرن واسطے ادبی کردار ادا کریسن۔ (١٦ فروری ٢٠١٧ء)




#Article 508: بجٹ تے وسیب (147 words)


کہیں کوں ھ کوئی پتہ ایںوفاقی بجٹ اچ جیرھا کل قومی اسمبلی اچ پیش کیتا گئے ایندے اچ سرائیکستان دا چوکھا حصہ کڈھینیں کوئی سڑک ورک کوئی دریاداپل کوئی ریلوے لائین کوئی ائیر پورٹ کوئی سندھ دریا تیں سپر بندھ یاکوئی بجلی دا منصوبہ یاساکوں پنجاب دا ناں ڈے کیں سارے منصوبے اگر کوئی ڈتے وی ھن اوھے ساڈے کھاتے پا چھوڑیئے نیں ساڈے نال ہمیشہ ہر بجٹ اچ مترائی ما الا سلوک کرکیں دڑکے وی نال ڈیندن ول اے وی اہدن اگر تساں کہیں فورم تیں مونہہ کھو لیا تیں اساں توھاکوں مرنڑدی مار ڈیسو اساں ول ہیں ڈر کولھوں زبان وی نسے کھولیندے کہیں کوں ڈسیندے وی نسے ہتھو خوشامد وی نال کریندوں اساں بہوں پریشان اوں ڈیندے وی کوئی شئے نئیں دڑکے ہتھو ڈیندن کٹھے تھیوو کوئی مشورہ ڈیوو ہنڑ کیا کروں جیوو پئے سرائیکستان ذندہ باد
اکبر خاں ملکانڑیں پاکستان عوامی سرائیکی پارٹی۔




#Article 509: بحیرہ بالٹک (211 words)


بحیرہ بالٹک، شمالی یورپ دا ہک سمندر ہے جیہڑا جزیرہ نما اسکینڈے نیویا(سکاندیناویا)، برعظیم شمالی، مشرقی تے وسطی یورپ تے ڈینش جزائر نال گھرا ہویا ہے۔ ایہ بحیرہ آبنائے اوریسنڈ(اورے سوند) تے خلیج کیٹیگٹ (کاتتے گات) دے ذریعے بحیرہ شمال نال منسلک ہے۔
انگریزی دے علاوہ دیگر تمام جرمینک زباناں اچ ایہ بحیرہ مشرق جبکہ بالٹو۔ فنک زباناں مثلا اسٹونین وچ ایہ بحیرہ مغرب اکھیندا ہے۔ انگریزی وچ بحیرہ بالٹک دا لفظ دراصل لاطینی لفظ Balticum توں نکلا ہے۔ فرانسیسی، اطالوی، پرتگیزی، ہسپانوی، پولش، بلغاری، روسی تے دیگر زباناں اچ اینکوں بالٹک ہی آکھا ویندے۔

اے سمندر 1610 کلومیٹر طویل تے اوسطا 193 کلومیٹر چوڑا ہے۔ ایندی اوسط گہرائی 55 میٹر (180 فٹ) ہے تے زیادہ توں زیادہ گہرائی 459 میٹر (1506 فٹ) ہے۔ ایندا سطحی رقبہ 377،000 مربع کلومیٹر تے حجم 21 ہزار مکعب کلومیٹر ہے۔ ایندے ساحلاں دی لمبائی 8 ہزار کلومیٹر ہے۔
ایہ سمندر روسی تیل دی برآمد دی اہم ترین تجارتی آبی گذرگاہ ہے۔
بحیرہ بالٹک دے کنارے واقع ممالک وچ ڈنمارک(دانمارک)، اسٹونیا(ایستونیا)، فن لینڈ(فنلاند/سوؤمی)، جرمنی، لٹویا(لات وِیا)، لتھووینیا(لیتوانیا)، پولینڈ، روس تے سوئیڈن(سوَے رئیے) شامل ہن۔
سینٹ پیٹرز برگ (سانت پیترس بورگ)(روس)، اسٹاک ہوم (سوئیڈن)، ریگا (لیٹویا)(لات وِیا)، ہیلسنکی (فن لینڈ/سوؤمی)، کوپن ہیگن (ڈنمارک)، ٹالن (اسٹونیا) تے مالمو (سوئیڈن) ایں سمندر دے کنارے تے اہم شہر ہن۔




#Article 510: بحیرہ شمالی (109 words)


بحیرہ شمال (تاریخی نام: بحر جرمن، انگریزی: North Sea) بحر اوقیانوس دا ہک حصہ ہے جیہڑا مشرق اچ ناروے تے ڈنمارک، مغرب وچ اسکاچستان تے انگلستان تے جنوب وچ جرمنی، نیدرلینڈز، بیلجیئم تے فرانس دے درمیان ہے۔ بحیرہ شمال جنوب وچ آبنائے ڈوور تے رودباد انگلستان دے ذریعے تے شمال وچ بحیرہ ناروے دے ذریعے بحر اوقیانوس نال منسلک ہے۔

بحیرہ شمال وچ ڈھہݨ والے اہم دریاواں وچ دریائے فورتھ، دریائے ایلب، دریائے ویزر، دریائے ایمس، دریائے رائن، دریائے میوس، دریائے شیلٹ، دریائے ٹیمز تے دریائے ہمبر شامل ہن۔ دنیا دی مصروف ترین مصنوعی آبی گذرگاہواں وچوں ہک نہر کائل بحیرہ شمال کوں بحیرہ بالٹک نال منسلک کریندی ہے۔




#Article 511: بخارانشائیہ (1110 words)


از: ڈاکٹر خالد اقبال

بخارکیتے کُئی وقت ویلہا مقرر کوئے نی۔ بخارکہیں ویلھے‘ کہیں نہ کہیں طراں دا تھی سکدے جاں جو غریب تاں ہوندا ایِ اُکا بخار ہے اینکوں کھنگ کنوں آرام آسی تاں سر درد شروع تھی ویسی۔ سردرد توں جاں چھٹسی تاں کنڈ وچ درد۔ مُدا درد جمع درد تے درد ۔۔ لادوا دے نال گُذارا۔ جئیں مُلک وچ اسپیشلسٹ ڈاکدار ڈینہہ رات صرف اتے صرف روپے پیسے بناون دی مشین بن ونجن اتے ایہہ ڈاکدار سرکاری ھسپتالاں وچوں غائب راہون البتہ پرائیویٹ ھسپتالاں تے ذاتی کلینک تے رات کوں چر تئیں موجود راہون اتے مالدار مریضاں کُوں چیک کرن اتے پیسہ روپیہ کٹھا کرن دی دُھن اِچ مست راہون تاں اینجھے ڈاکداراں بارے آکھیا ونج سکدے جو اِنہاں کُوں ’’مال بناؤ مال‘‘ قسم دا بخار تھی گئے جیندے وچ افاقے دا امکان دُور دُور تئیں نظر نی آندا۔ بھانویں جو ہر بخار دیاں علامتاں وکھو وکھ ہوندین پر بخار دی کیفیت تے حالت بارے حقی سچی گالہہ تاں اُو ہے لوک ڈسا سگدن جیہڑے ایندے سرور‘ لطف یا تکلیف توں واقف ہوندن۔ پاکستان وچ اُو جناں صحت مند اکھویجن دا مستحق ہے جینکوں کئی نہ کئی بُخار ہووے۔ او پاکستانی نئیں غیر ملکی لگدے‘ جینکوں کئی بخار نہ ہووے، جینویں ساڈے بہوں سارے وسیبی تے پاکستانی بھرانواں کُوں بیرون مُلک مثلاً کینڈا‘ جاپان‘ امریکہ‘ ونجن دا بخار ہر ویلھے سِر تے سوار ہے بھانویں جو رات‘ رات وچ جِتلا مواقع یعنی ’’دا‘‘ پاکستان وِچ لائے ونج سکدن۔ اتِلا مواقع شایت ای کہیں بئے مُلک وچ ہوون؟ پر ’’دا‘‘ لاون کیتے ضروری ہے جو بندہ سارے ’’دا پیچ‘‘ جانڈا ہووے۔

 گالہہ تھیندی پئی ہئی بخار دی تاں سئیں یاد راہوے بخار دیاں گنتریں توں وَدھ قسماں ہِن۔ تحقیق‘پرچ پرچول تے لیبارٹری ٹسٹ کرائے ونجن تاں لازمی گالہہ ہے جو پرچ برچول کرن آلیاں لیبارٹریاں دیاں رپورٹاں ہک بئے توں انجو انج ہو سن؟۔۔۔

 ڈاکداراں دا آکھن ہے جو بخار تاں ہر ویلھے بندے دی نبض وچ ہوندے‘ بس تھوڑی جھئیں لاپرواہی۔ بدپرہیزی تے کمزوری دے بعد بخار دا تھیون لازمی ہوندے ۔

سئیں جیکر کڈانہیں بخار آن وَلہٹیے تاں وت چنگا بھلا صحت مند بندہ نی سُنجیڑیندا۔ بخار دی مار پیتے بندے کُوں جے دورُوں ڈیکھو تاں آن سنجاتا لگدے۔ کولوں ڈیکھو تاں دماغ تے زور ڈیوناں پُوندے جو شاید ایں جنے کوں کتھاہیں ڈِٹھے۔؟

پاکستان وچ کیوں جو ہر بندہ بشر طراں طراں دے خواب ڈیہدے وجہ اے ہے جو خواب کڈانہیں حقیقت نئیں بندے اتِ پاروں خواب ڈیکھن وچ تاں کُئی پابندی نی ہوونی چاہیدی۔

خواب ڈیکھن‘ اُگھلاون‘ جاگن‘ روون ایہہ ساریاں علامتاں وی بخار دی حالت تے کیفیت کو سامنے گھن آندین۔ پاکستانی قوم اتِلا وی بیمار کوئے نی جتناں ماہر نفسیات ڈسیندن۔ ہا البتہ ایہہ ٹھیک ہے جو ہر پاکستانی اپنے حالات‘ واقعات‘ موڈ اتے مزاج موجب کہیں نہ کہیں بخار دا مُتھاج ضرور ہے۔ ایندے وچ کجھ شک نی جو صحت وڈی نعمت ہے۔ صحت مند بندہ کہیں کوں پُچھدا اِی نی۔ آپت وچ گالہیں وٹاند وچ جے کہیں کوں نچھ آؤنجے تاں اچل چیت مشورہ ڈتا ویندے ’’میاں کہیں سمجھدار ڈاکدار کوں مِلو اتے اگتے نچھ وی ہولے ہکلی کرو ڈوجھیاں دے تراہ کڈن دی کوئی لوڑ نی۔ ویسے اُو بندہ بہوں خوش قسمت ہے جینکو ں اج دے دور وچ کہیں قسم دا بخار نی پر اے تھی نی سکدا۔؟ اجوکے دور وچ آسے پاسے مسئلے ایں طراں دے ہن جو عام بندہ جیکر انہاں بارے سوچن پئے ونجے تاں اُونکوں بخار تھیون لگ پوندے۔ چیتا چکراون پئے ویندے ایں پاروں غریب بندہ کڈانہیں وی یکا پکا تے اصلوں صحت مند نی ہوندا۔

 بخار۔۔۔۔۔ حقی گالہہ منو تاں ہک کیفیت دا ناں ہے تے اے کیفیت یا حالت چنگے بھلے صحت مند جسم تے وی چمبڑ سگدی اے اتے اے کیفیت یا حالت پل پل بدلدی وی راہندی ہے۔

جینویں جو بقول غالب: 

اوندے ڈیکھن نال جو آندی ہے منہہ تے رونق

او سمجھدے ہن جو بیمار دا حال اچھا ہے

کُجھ لوک جماندروں بیمار ہوندن‘ کجھ بیمارِ محبت ہوندن تے کُجھ گرفتارِ محبت ہوندن بالکل اینویں‘ جینویں کجھ لوک سراپا محبت ہوندن۔ جاں کجھ لوک سراپا بخار ہوندن اینجھے لوکاں کُوں علاج معالجے دِر توجہ کرنی چاہیدی اے۔ کیوں جو بخار ہک موذی مرض بن تے لڑوی سکدے۔ مُدا اے جو بخار ایں گالہہ دی علامت ہے جو جان جُسے وچ‘ کتھائیں نہ کتھائیں کئی خرابی ضرور ہے۔ اتے ہر خرابی علاج منگدی اے۔ لوظ بخار۔ بمعنی عُذر یا بہانہ دے وی استعمال تھیندے اتے سرکاری دفتراں تے اسکولاں وِچ چھُٹی دیاں اکثرہ درخواستاں وِچ ایندا استعمال بہوں زیادہ ہُوندے مُدا بخار نہ ہووے تاں وت شایت بہوں سارے لوکاں کیتے چھُٹی ہک مسئلہ بن سکدے؟میڈی نِکے لا توں بخار نال دوستی پئی آندی ہے یا تُساں ایں وی آکھ سگدے ھیوے جو بخار دی میڈی نال دوستی ہے۔ نکے لا میں بہوں اِی مریل ہوندا ھم۔ ایہہ سبھو بخار دی مُسلسل محبت دا اثر ہے اج وی میں جان اپنے مالیخولیائی مزاج تے غور کرینداں تاں میکوں ڈس ملدی ہے جو اے وی شائیت بخار دی وجہ توں ہے۔

الغرض اج کل طراں طراں دے بخار ظاہر تھیون لگ پئن جنہاں وِچوں کجھ اے وی ہن مثال طور نت نویں فیشن دا بخار‘ آرٹسٹ بنن دا بخار۔ کرکٹ دا بخار وغیرہ۔ کجھ لوک اتنے کنجوس ہوندن جو او منگیاں وی بخار ادھار نی ڈیندے۔

بخار بارے اے وی آکھیا ونج سگدے جو اے ہک دھن دا ناں ہے جیہندے دماغ وچ جو آونجے اور کر گذر دے اینکوں چیتے دا چکر وی آکھیا ونج سکدے۔ بخار اتے تمار دار دا آپت وچ گوڑھا تعلق ہے بھانویں جو کہیں کہیں ویلھے تماردار کوں خوب بھُگتناں وی پُوندے۔ تمار دار نال لکھ ہمدردی دے باوجود بیمار دیاں ناز برداریاں واہ سبحان اللہ۔ بیمار نال خواہ مخواہ دی ہمدردی کہیں کہیں ویلھے چاہ تے محبت وچ ڈھل ویندی ہے ہر تمار دار مریض دی عیادت کُوں جڈاں آتے ملدے تاں دنیا داری دے سامان مطلب اے موسمی پھل فروٹ نال گھن تے آندے۔ بہوں سارے تمار دار بخار کوں بھجاون دے قیمتی مشورے تے نسخے وی نال گھن تے آندن۔ کُجھ لوکاں دا آکھن ہے جو سال وچ ہک ادھ واری بخار تھیون جندجان دی زکوٰۃ ہوندی ہے۔ مطلب اے جو بخار توں گھبراوناں نی چاہیدا۔ یعنی تندرست فٹ فٹاٹ راہون بھانویں جو اللہ سوہنے دی ڈتی ڈات ہے پر وت وی بخار توں بالکل پروبھرا راہون کئی چنگی گالہہ نی۔ بُخار حیاتی دیاں بہوں ساریاں رمزاں ظاہر کریندے اینویں تردی تردی ہک گالہہ بخار اپنے پرائے دی تمیز ڈسیندے‘ جڈان خدانخواستہ تُساں بیمار تھیسوتاں کُئی تہاڈی مزاج پُرسی کیتنے آسی تے کئی آکھسی اوندا بخار۔ اُوندے سِر۔ ساڈا کیا۔۔۔؟ مُدا دنیاداری دے بہوں سارے مُعاملیاں دی جان وندی وِچ بخار ہک وسیلہ بن سکدے۔

(اقباس از: کتاب: مُسکار۔ سرائیکی انشائیے۔ از: ڈاکٹر خالد اقبال)

 () 14:12, 9 September 2018 (UTC)




#Article 512: بخت (128 words)


بھاگ

دریا سندھ اچ پھول سٹو   گند نا سٹو 

سندھو سئیں نال محبت دا ݙینھ  23 مارچ 

سندھو تیکوں پتا ھے میکوں تیں نال ڈھگ محبت ھے  محبت راسی تیکوں اے وی پتا ھے تیڈی منڑ  دے واسی دیرے والاں نال وی میکوں ڈھگ  محبت ھے  محبت راسی

سندھو معافی ڈے سندھو معافی ڈے

اج تیں نال محبت دے ڈینھ  میں نا آسگا

تیں تے پھول نا ورتا سگا تیکوں یاد ھوسی

پچھلے سال میں آیا ھم ولا پچھلے سال وی آیا ھم

اے ڈینھ میں نا بھولا  میں نا بھول سگدا

سندھو تیکوں بخت لگے میڈے وسبے دا بخت تیتوں ھ

سندھو توں آباد راویں میڈے وسبے دی آبادی تیتوں ھ

سندھو معافی ݙے سندھو معافی ݙے

سندھو جیوے سندھو والے جیویں

پُھل  سٹݨ  ݙے  یار اساکوں




#Article 513: بدرو ملتانی (255 words)


مس بدرالنساء عرف بدرو ملتانی دا جمنْا 1910 شہر ملتان ءچ تھیا۔ مس بدرو ملتانی ملتان دے مشہور سرائیکی گائیکی دے وڈے گھرانے ءچوں ہن۔ مولتان دے اے فنکار گھرانے ہندوستان دے تمام وڈے شہراں ءچ سرائیکی گائیکی بلخصوص ملتانی کافی گاونْ ءچ مشہور ہن۔ ایندے توں علاوہ پنجابی ٹپے فلمی گیت سہرے تے ڈوہڑے وی گاندے ہن۔ 1930ءچ پنجاب، بمبئی تے راجستھان ءچ انہاں دی سرائیکی گائیکی دی دھانکاں اُبھے لمے سُنْیج ہائی ۔ انہاں 1930 ءچ ہندوستان دی مشہور گراموفون دی کمپنی ایچ ایم وی تے ریڈیونال مستقل جُڑ گئے۔ پہلی دفعہ سرائیکی لوک سانجھ دی ذیلی تنظیم میلہ سانجھ دے مہاندرے تے لوک گائیک سئیں ڈاکٹر رفیق (سندھی فقیر) ہوراں وسیب ءچوں پرانْے ریکارڈ تھالیاں کٹھے کرنْ اہرشروع کیتا جیہڑا جو انتہائی مشکل اوکھا کم ہا۔ استاد سندھی فقیر ہوراں دی انتھک محنت، بھج دھرُک تے پرانْی قدیم سرائیکی گائیکی کوں کٹھا کرنْ دا جنون انہاں کوں سرائیکی موسیقی دے خزانے دا وارث بنْ چھوڑیا۔ لالہ رفیق نال میں کئے جگراتے کٹھے انہاں تھالیاں کوں ہتھ نال چابی بھرے گراموفون تے سُنْے۔ پہلی دفعہ سندھی فقیر سئیں ہوریں مس بدرالنساء عرف بدرو ملتانی دے ڈاہ خوبصورت چونْویں گاونْاں دی کیسیٹ تیار کیتی تے اوندیاں کئی کاپیاں کرا تے دوستاں کوں ونڈیاں گیاں۔ اوں ویہلے انٹرنیٹ دا عام زمانہ نہ ہا۔ اوہا کیسٹ دے ڈاہ گیت ول لوکاں اپنْے اپنْے ناواں نال یوٹیوب تے چاڑھےنے تے اج سندھی فقیر دے بنیادی کم پاروں ہر کوئی مس بدرو ملتانی کوں سنْدا پئے ۔ سرائیکی وسیب سئیں ڈاکٹر رفیق ہوراں دے تھورائت راہسن۔

شہزاد عرفان 




#Article 514: بدھ مت (308 words)


بدھ مت ہندوستان توں شروع تھیا مگر اے مشرقی ایشیائی ممالک وچ رائج تھیا تے ایندے علاوہ افغانستان، پوٹھوہار تے سرائیکی وسیب وچ وی اسلام دے آوݨ توں پہلے موجود ہئی. ہݨ ایندے اکثریتی ممالک وچ برما، چین، تھائی لینڈ، ہانگ کانگ، جاپان، منگولیا وغیرہ سرِ فہرست ہن.  

تقریباً 500 سال قبل مسیح ءچ نیپال دے ہک علاقے 'کپل وسطو'دے اندر مہراج شدھودھن دے گھر کافی مَنتیں اور دعائیں نال ہک شہزادے دی پیدائش تھئ، جیندا ناں سدھارتھ 'سدھارتھا' رکھیا گیا انھیں کوں گھر ءچ گوتم ووی سڈیا ویندا ہا. مہاراجہ شدھودھن ہندو ہَن اور برہمن قبیلے نال تعلق رکھدے ہن.
مہان رشی اور جوگی لوکیں اے پیشین گوئی کیتی ہئ کہ اے شہزادہ وڈا تھی کنو دنیا وچ محبت دے سوجھلے کوں ودھارا ڈیسی. مگر مہراج شدھودھن اے ناہ چاہنا اور اپنے پُتر کوں سلطنت دا بادشاہ بنڑاونڑ چاہندا ہا اتلو شدھودھن اپنے پتر دی شادی ووی کر ڈتی مگر اللہ کوں کجھ اور ہی منظور ہا
گوتم دے گھر ہک پُتر ووی پیدا تھیا مگر ہک رات گوتم اپنی زال ماہامایا اور پُتر کو سُتا چھوڑ کرائیں سچ دی تلاش ءچ جنگلیں کوں نکل گئے
جتھاں 12 سال دی ریاضت دے بعد انھیں کو‌ نروان حاصل تھیا.. اور پچھیں انھیں اپنے مذہب دی تبلیغ شروع کر ڈتی. اُنھیں دے مذہب دے چار بنیادی اصول ہن جنھیں ءچ پیار کرنڑن اور خواہشات کوں مارنڑ دا درس ڈتا گئے.. نروان حاصل کرن دے بعد انھیں کوں بُدھ سڈیا گئے یعنی  سمجھدار..
کجھ مسلمان محققین انھیں کوں پیغمبر آھدن اور عربی ءچ اوندا ناں ذُلقفل ڈسیندن..
گوتم بدھ دے مذہب بُدھ مت کوں پوری دنیا ءچ پھیلاونڑ والا بادشاہ مہاراج اشوک ہا. چین، دریائے سندھ، اج دے ایران اور اج دے ہندوستان تک اشوک اینھ مذہب کوں پھیلایا ہا.. 1971 دی جنگ کنو پہلے سندھ وچ کُجھ بدھ گھرانے ہن مگر جنگ دے بعد او اِتھو کنو لڈیج گئے. 




#Article 515: براہوی زبان (230 words)


براہوئی ہک قدیم ترین زبان ہے، پر نویں سکھݨ والے کیتے اے زبان بہت مشکل ثابت تھیندی ہے۔ برطانیہ دور وچ انگریزاں نے برصغیر دے تقریباً زباناں سکھ گھدے لیکن جݙݨ براہوئی زبان دے بارے کہیں انگریز توں پچھا گیا تاں اس ہک ٹین دے ڈبے وچ کچھ کنکریاں گھت کے ہلاوݨ شروع کیتا تے اس توں جو آواز نکلی اُس آکھیا کہ براہوئی زبان دی مثال ایویں ہے۔ اے زبان بہت وسیع علاقے وچ بولی ویندی ہے۔ کوئٹہ توں ایران دے سرحداں تک تے حب چوکی تک اے زبان بولی ویندی ہے۔ جیویں اے زبان جتنے وݙے علاقے وچ بولی ویندی ہے ایں طرح اے اتنی ہی غیر معروف ہے۔ کراچی دی طرف حب چوکی دے بعد کوئی اس زبان دے بارے کوئی کچھ نہیں ڄاݨدا۔

ان مفروضیاں توں ہٹ کے براہوئی زبان تے انگریز مستشرقین نے ابتدائی طور تے بہت اہم کم کیتا ہے۔

براہوئی زبان پاکستان دے صوبہ بلوچستان دے علاوہ افغانستان تے ایران دے کئی علاقیاں وچ بولی ویندی ہے۔ اس دے علاوہ پاکستان دے صوبہ سندھ وچ وی براہوئی بولݨ والیاں دی کثیر تعداد موجود ہے۔ سندھ وچ رہݨ والے براہوئی خود کوں 'بروہی' جبکہ بلوچستان، افغانستان تے ایران وچ براہوئی بولنے والے بلوچ سݙویندے ہن جیہڑے کہ جبری انتقال قومیت دا شکار ہن. 

پاکستان وچ پنجوی لکھ بروہی ٻولݨ آلے لوک رہندن۔

پہلی کنوں بروہی لازمی ہے۔ ایم اے تائیں بروہی پڑھائی ویندی ہے۔




#Article 516: برطانوی راج ہند (265 words)


برطانوی راج یا برطانوی ہند (غیر باضابطہ نام: سلطنت ہندوستان) (انگریزی: British Raj یا British India، باضابطہ ناں Indian Empire) دی اصطلاح 1858ء توں 1947ء تک برطانیہ دے زیر نگیں بر صغیر کیتے استعمال کیتی ویندی ہے۔

سلطنت ہندوستان علاقائی و بین الاقوامی سطح تے ہندوستان دے ناں نال ڄاݨی ویندی ہئی۔ ہندوستان جمعیت اقوام دا تاسیسی رکن تے 1900ء، 1920ء، 1928ء، 1932ء تے 1936ء دے گرمائی اولمپک کھیݙاں وچ شامل تھیا۔

ایں عرصے اچ برطانیہ دے زیر قبضہ رہݨ والے علاقیاں وچ موجودہ بھارت، پاکستان تے بنگلہ دیش شامل ہن جبکہ کݙہیں کݙہار عدن (1858ء توں 1937ء)، زیریں برما (1858ء توں 1937ء)، بالائی برما (1886ء توں 1937ء) شامل ہن۔ (مکمل برما 1937ء وچ برطانوی ہند توں الڳ کر ݙتا ڳیا)، برطانوی ارض صومالیہ (1884ء توں 1898ء) تے سنگاپور (1858ء توں 1867ء) کوں وی برطانوی راج دا حصہ شمار کیتا ویندے ۔ مشرق وسطٰی، جنگ عظیم اول دے فوراً بعد برطانیہ دے زیر قبضہ بین النہرین (موجودہ عراق) دا انتظام وی حکومت برطانیہ دے ہندی دفتر توں چلایا ویندا ہئی۔ ہندوستانی روپیہ مشرق وسطٰی دے کئی علاقیاں تے مشرقی افریقہ وچ زیر استعمال ریہا۔

خطے دے دیگر ممالک وچ 1802ء وچ معاہدۂ ایمینز دے تحت برطانیہ دے زیر نگیں آوݨ والا علاقہ سیلون (موجودہ سری لنکا) برطانیہ دی شاہی نو آبادی ہئی تے برطانوی ہند دا حصہ شمار نہ تھیندا ہئی۔ علاوہ ازیں نیپال تے بھوٹان دی بادشاہتاں برطانیہ نال معاہدے دے تحت آزاد ریاستاں دی حیثيت نال تسلیم کیتیاں ڳئیاں ہن تے برطانوی راج دا حصہ نہ ہن۔ ۔ 1861ء دے معاہدے دے نتیجے وچ سکم دی ریاستی خود مختاری تسلیم کیتی ڳئی ۔




#Article 517: برطانیہ (260 words)


مملکت متحدہ برطانیہ عظمٰی و شمالی آئرلینڈ (United Kingdom of Great Britain and Northern Ireland)، جینکوں عام طور تے مملکت متحدہ (United Kingdom) یا برطانیہ (Britain) دے طور تے ڄاݨا ویندا ہے، شمال مغربی یورپ دا ہک ملک ہے۔ اے جزیرہ برطانیہ تے شمالی آئرلینڈ دے علاوہ ملحقہ سمندر دے مختلف جزائر تے پھیلا ہویا ہے۔

برطانیہ دے چاراں طرف بحر اوقیانوس تے اس دے ذیلی بحیرے ہن جنہاں وچ بحیرہ شمال، رودباد انگلستان، بحیرہ سیلٹک تے بحیرہ آئرش شامل ہن. 

برطانیہ چینل سرنگ دے ذریعے فرانس نال منسلک ہے جیہڑی رودباد انگلستان دے تلوں گذردی ہے جبکہ شمالی آئرلینڈ جمہوریہ آئرلینڈ دے نال ملتا ہے۔

چھی کروڑ کنوں ودھ ہے

سرکاری زبان انگریزی ہے۔

برطانیہ آئینی راجشاہی دے تحت ریاست ہے۔ ملکہ ایلزبتھ دوم پندرہ دیگر دولت مشترکہ ریاستاں دا فرمانروا ہووݨ دے علاوہ برطانیہ دا صدر ملک ہے۔ فرمانروا کوں مشورہ ݙیوݨ دق، حوصلہ ݙیوݨ دا تے انتباہ ݙیوݨ دا حق ہے۔ برطانیہ دنیا دے انہاں چار ممالک وچوں ہک ہے جنہاں دا کوئی تدوین شدہ آئین نہ ہووے۔ لہٰذا برطانیہ دا آئین زیادہ تر الگ الگ تحریری ذرائع تے مشتمل ہے، بشمول تحریری قانون، منصف ساختہ نظائری قانون تے بین الاقوامی معاہدے، آئینی رواجاں دے نال چونکہ عام تحریری قانون تے آئینی قانون وچ کوئی خاص فرق نی ہے، برطانوی پارلیمان آئینی اصلاح کر سکدا ہے صرف پارلیمانی قانون جاری کرݨ نال تے لہٰذا آئین دی تقریباًً کوئی وی  یا غیر تحریر شدہ عنصر کوں منسوخ کرݨ دی سیاسی حیثیت رکھدا ہے۔ تاہم کوئی پارلیمان ایسا قانون جاری نی کر سکدا جیہڑا آئندہ پارلیمان بدل نہ سڳے۔




#Article 518: برفانی دور (206 words)


لاف جیہڑا عمل تھیندا ہے جیندے وچ تختہ یخ دی دبازت تے جسامت سکڑݨ لڳدی ہے۔ برف حاشیاں دے مرکز دی بلندیاں آلے پاسے کٹھی تھیندی ویندی ہے۔ ایڈا جو ایہ تختہ یخ غائب تھی ویندا ہے۔ ایہ مدت نایخ زدگی (Deglaciation) سݙیندی ہے۔ نایخ زدگی دے بعد تے اڳلے یخ زدگی توں پہلے معتدل آب و ہوا دا زمانہ آندا ہے جینکوں بین یخ زدگی (Inter Glaciation) آہدے ہن۔ یکے بعد دیگرے یخ زدگی تے بین یخ زدگی دے تواتر دی مجموعی مدت ہک تا 10 ملین سال یا اس توں زیادہ ہوندی ہے جینکوں برفانی دور یا برفانی عہد (Ice Age) آہدے ہن۔

گذشتہ ڈھائی توں ترے ملین سالاں وچ زمین تے صرف ہک برفانی دور آیا۔ برفانی عہد دا عنوان سب توں پہلے ہک ماہر فطرت لوئی اڳاسیز (Louis Agassez) نے انیہویں صدی دے تریجھے ݙہاکے وچ استعمال کیتا۔ ایں زمانے اساں بین یخ زدگی دے دور وچ ہیں جیہڑا نایخ زدگی دے دور دے بعد آیا جیہڑا ہݨ توں تقریباً 15 ہزار سال پہلے شروع تھیا۔

ایں توں پہلے آوݨ آلے یخ زدگی دے دور کوں جدید ترین برفانی عہد (The Pleistocene Ice Age) اکھیج سڳدا ہے۔ ایں دور کوں وسکنسنین یخ زدگی (Wisconsinan Glaciation) دے ناں نال موسوم کیتا ویندا ہے۔




#Article 519: برہم پترا (126 words)


تبت دے جنوب مغرب توں نکلدے جیہڑا ستارہاں سو میل لمبا ہے۔ تبت اچ ایندا ناں تسانگ پو ہے ۔ اے دریا ست سو میل تک مشرق کوں ویندے ، ول ایہ جنوب دی طرف ݙڈھ سو میل تک بھارت دے صوبہ آسام وچ دیہانگ دے ناں نال وہندے۔ تے ول برہم پترا دے ناں نال مغرب دی طرف ویندے ۔ آسام تے بنگلہ دیش توں تھیندا ہویا دریائے گنگا وچ مل ویندے تے ڈیلٹا بݨیندا ہویا خلیج بنگال اچ ونڄ ڈھہندے۔ ایہ ہک اہم آبی شاہراہ ہے۔ ہندو اینکوں متبرک منیندن۔ ایندی وادی بڑی زرخیز ہے۔ دریا دی اوسط گہرائی 124 فیٹ، جبکہ سب توں زیادہ گہرائی 390 فیٹ ہے۔ ایندا اوسط اخراج 19300 کیوبک میٹر فی سیکنڈ (یعنی 680،000 کیوبک فیٹ فی سیکنڈ) ہے۔




#Article 520: بزم کیفی ڄام پور (428 words)


بزم کیفی جام پور مہا محقق ،ادیب تے شاعر حضرت کیفی جام پوری دے نام_ نامی دی نسبت نال قائم کیتی گئی ادبی ثقافتی تنظیم ھے جئیں مسقتل مزاجی نال آپڑاں پندھ جاری رکھیا ہویا ھے۔ اے ضلع راجن پور دی واحد تنظیم ھے جیندا پندھراں ڈیہنواری اجلاس باقاعدگی نال منعقد تھیندے ۔ ایں کنوں علاوہ شعراء نال شاماں مناونڑ کتابیں دی رونمائی ، ادبی ثقافتی سماجی حوالے نال خدمات سر انجام ڈیونڑ والی شخصیات دے آدر اچ تقریبات منعقد کیتیاں ویندن ۔ ماشااللہ بزم کیفی اشاعتی ادارے دے طور تے وی آپڑی خاص سنجانڑ رکھیندی ھے ہنڑ تک سولھاں صفحاتی ڈھگ کتابچیں دے نال نال بزم دے صدر حبیب اللہ طارق دیاں کتاباں پیریں پراگڑے پیار دے ۔ پلکیں ہیٹھ ستارا چھپ چکن ۔ ایں ویلھے وی حبیب اللہ طارق تے سلیم انسب دیاں ڈو کتاباں پریس اچ موجود ان تے کجھ ڈینہہ تک تہاڈے ہتھیں ہوسن ۔ محرالحرام اچ محفل سلام و منقبت، ربیع الاول اچ نعتیہ مشاعرہ ۔ عیدین دے موقعے تے شام_سخن ، یکم اپریل کوں حضرت کیفی جام پوری دی سالگرہ اکتوبر اچ انہاں دی برسی اتے اکویہہ فروری کوں ماء بولی دا عالمی ڈینہہ بزم کیفی دے سالانہ پروگرام ہن ۔ گزریل کلھ وی اے ڈیہنوار حسب سابق پورے جوش و خروش نال منایا گئے ۔ جیندی صدارت بزم دے صدر حبیب اللہ طارق کیتی ۔ کارروائی دا باقاعدہ منڈھ تلاوت قرآن مجید نال بدھا گئے تلاوت دی سعادت فیاض شاد بھٹی (نائبصدر ) دے حصے اچ ائی۔ پہلی نشست اچ ماء بولی دے ڈینہہ دے حوالے نال کلیم اللہ بھٹی لیڈر ، ملک ریاض حیدر، ملک اسحاق علیم ، آفتاب نواز مستوئی تے سلیم انسب آپڑے خیالات دا اظہار کیتا ڈوجھی نشست اچ شعراء کرام حبیب اللہ طارق، ملک اسحاق علیم، سلیم انسب، فیاض شاد، ناصر ڈینہ، جمیل احسن بھٹی، ندیم نصرت، شعیب زمان، جنید قریشی ، غلام عباس ہکدل، نصر اللہ جامی، اکرم لنجوانی، رمضان رمضی، رمضان راوی، تے سیف اللہ آتش، آپڑاں کلام سنڑا تے داد حاصل کیتی جڈانجو گلوکار کاشف اقبال کاشی، طالب حسین بھٹی گیت پیش کیتے معززین علاقے دی کثیر تعداد شریک محفل ہئی ۔جنہاں وچ محمد اختر نسیمی، رؤف بالم، ریحان خان، صابر حسین ، محمد یوسف ببر، شاھد حسین بابا، دے ناں شامل ہن ۔ ایں موقعے تے منڈھلی تعلیم مادری زبان اچ ڈیونڑ، سرائیکی صوبے دے قیام سرائیکی اساتذہ دی بھرتی سمیت بیاں قرارداداں وی منظور کیتیاں گیاں ۔ چیھکڑ تیں محمد اختر نسیمی وسیب اچ امن تے بابا راز تاجدار دے درجات دی بلندی دی خصوصی دعا کرائی۔ ایویں اے شاندار تقریب رات دے بارھاں وجے تئیں جاری رہ گئی. (سلیم انسب)




#Article 521: بزمِ کیفی جامپوری (359 words)


بزم‘ کیفی جام پوری وسیب دی واحد نمائندہ ادبی تنظیم ہے جیندی باقاعدہ ممبر شپ ہے۔ ایں تنظیم دا پندرہ روزہ اجلاس باقاعدگی نال منعقد تھیندے ویلھے سِر شعراء کرام نال شاماں منایاں ویندین تے عید دے موقعے تے عید ملن مشاعرہ‘ ربیع الاول اِچ نعتیہ شعری نشست ‘ محرم الحرام اِچ محفل سلام و منقبت دے پرگرام داسالانہ بنیادیں تے اہتمام کیتا ویندے۔ بزم کیفی دا کتابیں دی اشاعت وچ وی بھرواں حصہ ہے۔آپڑیں روایت کوں برقرار رکھیندیں ہوئیں گزریل ݙینہاں بزم دا پندرہ روزہ اجلاس بزم دے صدر سئیں حبیب اللہ طارق دی زیر صدارت منعقد تھیا اجلاس دا باقاعدہ منڈھ تلاوت قران مجید نال ٻدھا ڳیا تلاوت دی سعادت بزم دے جنرل سیکرٹری محمد سلیم انسب حاصل کیتی تے نظامت دے فرائض سرانجام ݙتے۔موہراچ سابق اجلاس دی کارروائی پڑھ تے سݨائی جیندی حاضر ممبران توثیق کیتی۔اجلاس اِچ جام پور دی دھرتی نال تعلق رکھݨ آلی ادب نوازشخصیت لالہ حمید خان دی یاد اِچ تعزیتی ریفرنس منعقد کرݨ بارے صلاح مشورہ کیتا گیا ۔حاضرین تعزیتی پرگرام کرݨ دی بھر پور تائید کیتی تے آپڑیں تعاون دا یقین ݙیوایا۔ متفقہ فیصلہ تھیا ماہ اکتوبر اِچ ای ایہ پرگرام منعقد کیتا ویسی ۔چھیکڑ تیں محفل سلام و منقبت سجائی ڳئی بزم دے اردو / شعراء کرام بحضور امام عالی مقام آپݨیں عقیدت دے پھل نچھاور کیتے۔ کُجھ شعرا ء کرام دا نمونہ ذوقِ قارئین دی نذر:

سفر کے آگے بھی اک سفر ہے جو بولتا ہے

بلادِصحرا پہ نینوا کا وجود سر چڑھ کے بولتا ہے

(نذیر ثاقب)

حسینؑ دے نال پیار یارو ؂

نبی ؐدی الفت ہے در حقیقت

ہے جیندے جیندے وی دل دے اندر

ایہا محبت عظیم تر ہے

(فیاض شاد بھٹی)

کیویں ناصر شان بیان کرے

جینداذاکر خود قدیر اے او شبیرؑ اے

(ناصر ڈینہ)

اس کی آنکھ لہو کے دیپ جلا دے گی

جو کربل کے غم کے اندر جھانکے گا

(شعیب زمان)

اساں

ݙاڈے بابے دی نیک نامی کیتے

سُنجٖاݨ اپݨی بچاوݨ دی خاطر

گھر جھیاں مدینہ چھوڑ ݙتے سے

بکھے ترسے

لاشاں وی چیندے ریہوں

ھل مِن ناصر دے نعرے

وی لیندے ریہوں

اڄ حجت تمام تھی ڳئی ہے

ہُݨ یقینا

ساݙے قبیلے وچوں

مختار ثقفی بݨ تے

اُبھرسی کوئی

(سلیم انسب)




#Article 522: بزم‘ کیفی جام پوری (392 words)


غمِ حیات دی نوحہ گری وی اپݨی جاہ ؂ غمِ حُسینؑ وی شرفِ نصیب تھیوے تاں

(حبیب اللہ طارقؔ ) بزم ‘ کیفی جام پوری دا اجلاس تے سالانہ محفل سلام و منقبت

بزم‘ کیفی جام پوری وسیب دی واحد نمائندہ ادبی تنظیم ہے جیندی باقاعدہ ممبر شپ ہے۔ ایں تنظیم دا پندرہ روزہ اجلاس باقاعدگی نال منعقد تھیندے ویلھے سِر شعراء کرام نال شاماں منایاں ویندین تے عید دے موقعے تے عید ملن مشاعرہ‘ ربیع الاول اِچ نعتیہ شعری نشست ‘ محرم الحرام اِچ محفل سلام و منقبت دے پرگرام داسالانہ بنیادیں تے اہتمام کیتا ویندے۔ بزم کیفی دا کتابیں دی اشاعت وچ وی بھرواں حصہ ہے۔آپڑیں روایت کوں برقرار رکھیندیں ہوئیں گزریل ݙینہاں بزم دا پندرہ روزہ اجلاس بزم دے صدر سئیں حبیب اللہ طارق دی زیر صدارت منعقد تھیا اجلاس دا باقاعدہ منڈھ تلاوت قران مجید نال ٻدھا ڳیا تلاوت دی سعادت بزم دے جنرل سیکرٹری محمد سلیم انسب حاصل کیتی تے نظامت دے فرائض سرانجام ݙتے۔موہراچ سابق اجلاس دی کارروائی پڑھ تے سݨائی جیندی حاضر ممبران توثیق کیتی۔اجلاس اِچ جام پور دی دھرتی نال تعلق رکھݨ آلی ادب نوازشخصیت لالہ حمید خان دی یاد اِچ تعزیتی ریفرنس منعقد کرݨ بارے صلاح مشورہ کیتا گیا ۔حاضرین تعزیتی پرگرام کرݨ دی بھر پور تائید کیتی تے آپڑیں تعاون دا یقین ݙیوایا۔ متفقہ فیصلہ تھیا ماہ اکتوبر اِچ ای ایہ پرگرام منعقد کیتا ویسی ۔چھیکڑ تیں محفل سلام و منقبت سجائی ڳئی بزم دے اردو /سرائیکی شعراء کرام بحضور امام عالی مقام آپݨیں عقیدت دے پھل نچھاور کیتے۔ کُجھ شعرا ء کرام دا نمونہ ذوقِ قارئین دی نذر:

سفر کے آگے بھی اک سفر ہے جو بولتا ہے

بلادِصحرا پہ نینوا کا وجود سر چڑھ کے بولتا ہے

(نذیر ثاقب)

حسینؑ دے نال پیار یارو ؂

نبی ؐدی الفت ہے در حقیقت

ہے جیندے جیندے وی دل دے اندر

ایہا محبت عظیم تر ہے

(فیاض شاد بھٹی)

کیویں ناصر شان بیان کرے

جینداذاکر خود قدیر اے او شبیرؑ اے

(ناصر ڈینہ)

اس کی آنکھ لہو کے دیپ جلا دے گی

جو کربل کے غم کے اندر جھانکے گا

(شعیب زمان)

اساں

ݙاڈے بابے دی نیک نامی کیتے

سُنجٖاݨ اپݨی بچاوݨ دی خاطر

گھر جھیاں مدینہ چھوڑ ݙتے سے

بکھے ترسے

لاشاں وی چیندے ریہوں

ھل مِن ناصر دے نعرے

وی لیندے ریہوں

اڄ حجت تمام تھی ڳئی ہے

ہُݨ یقینا

ساݙے قبیلے وچوں

مختار ثقفی بݨ تے

اُبھرسی کوئی

(سلیم انسب)




#Article 523: بشیر ارمان (175 words)


بشیر ارمان سرائیکی زبان دا شاعر ہے۔

میݙے در دا ککھ لکھ ککھ اچ رکھ توڑے جھل وچ پئی ونج بجھ گھنسی

اوکوں دنیــــا دے ݙکھ گنڑ سنڑوائیں میݙا درد بھلائی ونج بجھ گھنسی 

کوئی وال جھبــــــــارو پپلی دا ارمان لــــُـــــکائی ونج بجھ گھنسی

ھے کیرھی مہلک مرض میــــکوں میـــــݙا چولا چئی ونج بجھ گھنسی

بشیر ارمان

متاں قسمت سنور پووے حسن دا میر ݙیہدے ہیں

بھلا کے تئیں رلیندی ھے ولا تقدیر ݙیہدے ہیں

تیڈی میندی دا مل ماہی اساں تاں پھر نسے سگدے 

رتی رت دی متاں ھووے جگر کوں چیر ݙیہدے ہیں

زخم ھک بے دے کن وچ کرکدن وت سرخرو تھیووں 

جڈاں یاریں دے ہتھ دے وچ ولا کئی تیر ݙیہدے ہیں

تیڈی الفت دے وچ نقصان جتلا تھئے مگر وت وی

ولا دل تے ہجر تیڈے کوں کھنڈ تے کھیر ݙیہدے ہیں

چمن چلمن چنبیلیاں کیا چٹیاں ڈدھ چاندڑیاں راتیں

فضا مہکی صبا دیوچ تیڈی تصویر ݙیہدے ہیں

بہار آوے یا ھووے عید دا میلہ نماشاں تئیں 

اکھیں توں واہندے ھوے ارمان رت دے نیر ݙیہدے ہیں

سئیں بشیر ارمان




#Article 524: بشیر دیوانہ (151 words)


بشیر دیوانہ سرائیکی زبان دا شاعر ہے۔ صادق آباد نال تعلق ہے۔ تخلص دیوانہ تے ناں بشیر احمد ہے، اٻے دا ناں فقیر بخش ذات ولیاݨی۔ 

بشیر دیوانہ  فی البدیہ شاعر ، گلوکار ،ایڈیٹر ، ناشر ، مخلص کارکن ہے۔

ٹِک ٹِک ٹِک ٹِک ٹِک ٹِک

گھڑی تے وڄ ڳئے پورا ہِک

ہِک  ݙوجھے دی رکھو سِک

ٹِک ٹِک ٹِک ٹِک ٹِک ٹِک

ہِک ݙُوں ترَے چار

دشمن اڳوں بݨو دیوار

کوئی نہ خالی  ون٘ڄے وار

ٹِک ٹِک ٹِک ٹِک ٹِک ٹِک

ݙوں ترَے چار چار پنج چھی

جیڑھا ویند کاوِڑ پی

اُوں کوں ہر کوئی اہدے جی

ٹِک ٹِک ٹِک ٹِک ٹِک ٹِک

چھی ست اَٹھ اَٹھ نَوں ݙاہ

ایجھے کم توں کر ݙکھلا

دنیا آکھے واہ بھئی واہ

ٹِک ٹِک ٹِک ٹِک ٹِک ٹِک

نَوں ݙاہ یارھاں ݙَاہ یارھاں ٻارھاں

ہر دم رہوو باغ بہاراں

علم ادب دے چاؤو ٻاراں

ٹِک ٹِک ٹِک ٹِک ٹِک ٹِک

٢٨ ١پریل ٢٠٢٠ء




#Article 525: بشیر غمخوار (208 words)


بشیرغمخوار سرائیکی زبان دا شاعر ہے۔

یکم اکتوبر ١٩٥١ء کوں جھوک مبارک والی موجودہ نام عباس نگر ’’تونسہ، وچ ڄمے۔

آپ شاکر تونسوی دے شاگرد ہن

ݙر خلق دے سنگھ ایں بہیہ ڳئےکوئی حلق آواز دے قابل نہیں

شاہ ناز نفیس نزاکت دے کئیں نخرے ناز دے قابل نہیں

مونہہ منتاں کرن دا ݙا بھل ڳئے ہتھ عجز نیاز دے قابل نہیں

کوئی راز نہ ݙے غمخوار میکوں میݙا سینہ راز دے قابل نہیں

سئیں بشیرغمخوار

اے ٹھیک ھے ،او اَلـویندا نئیں

میکوں مِہنڑے ݙیوَنڑ شہر آڳۓ

ہر مِہنڑاں ہاں تـے ٹَھک لـڳدے

ہاں مـانـدا ءِ ، ہاں تـے بار آڳـۓ

مجبور جـو ہیـں مجبوری توں 

اوں بــے پـرواہ تــے پیـار آڳـۓ

غمخــوار! اڳَیـں اَلـویندا نئیں 

میکوں لوک آہدِن تیݙا یار آڳۓ

بشیر غمخوار

میڈا یقین وی جیکوں گمان لگدا ھِ

اوندا ضمیر کرپشن دی کان لگدا ھِ

سوا حرام دے کوئی شئے جیکوں پسند کائینی

میڈے وسیب کوں او وڈا جوان لگدا ھِ

میکوں کل کڑکدی دھپ کھڑے ہوئے ہک یتیم آکھے

تیڈے حلقے دا ممبر چھوٹر ی اولاد نئیں رکھدا

روحیں دی عام شام ہے دھرتی دمان دی

مردا ہے بکھ توں مال کوئی زخم ڈے کے ونج

زباناں خشک تھی ویندن الا کہیں دا نکلدا نئیں

جیرھا مردے او پانی دا اشارہ ڈے کرائیں ویندے




#Article 526: بـاندری (250 words)


باندری

اے کھیݙ ساݙے وسوں دی خاص (چونݨویں) کھیݙ ھ ایں کھیݙ وچ کھݙکاراں دی کئی ہٹک نی ہوندی. جو کتلی کھݙکار کھیݙسن. ایں کھیݙ وچ ݙو توں گھن اڳوں تے جتلی دل آکھے کھݙکار رلا سڳدو. اے دیہاتاں، وستیاں دی چونݨویں کھیݙ ھ جیکوں ٻال تے نینگر شوق نال کھیݙدن. اے کھیݙ ݙوپاھر دے ویلھے ڈھڳ کھیݙی ویندی ھ. 
اے کھیڈ وݨاں تے کھیݙی ویندی اے۔ سبھ توں پہلاں پکھے پاتے ویندن یا وت پڳیا ویندے، جیندے اتے واری آوے او ہک بندہ واری ݙیندے تے باقی جتلی وی ہوون او کہیں وی ہک، ݙو یا ترائے مقررہ وݨاں تے چڑھ ویندن۔ ہک کانا یا ݙناں بݨایا ویندے جیکوں ہک کھݙکار زور نال لت دے تلوں لنگھا تے سٹیندے تاں جو پرے ونج پووے تے او کھݙکار وی کہیں وݨ تے چڑھ ونجے. واری ݙیوݨ آلا کھݙکار بھڄ تے ݙناں چانوݨ ویندے تاں جو جلدی جلدی کہیں ہک کوں ہتھ لا گھنے.  واری ڈیوݨ آلے کوں کہیں ہک کوں ہتھ لانوݨاں ہوندے۔ جینکوں ہتھ لڳ ویسی ول واری اوہو ݙیسی. باقی جتلے کھݙکار ہوندن او وݨ توں ٹپہ کھا تے یا وت لڑے نال لڑک تے لہہ اندے تے ݙنے کوں لت تلوں لنگھا تے چمدے اتے او واری مک ویندی ھ تے ول اوہو بندہ ݙنے کوں انویں زور نال لت تلوں سٹیندے، پہلی واری ݙیوݨ آلا ول انویں ݙناں چانوݨ بھڄدے. تے انویں واپس امدے. جے تئیں کہیں کھݙکار کوں ہتھ نہ لڳسی او ایویں واری ݙیندا رہ ویندے.  تے اے کھیݙ ایویں چلدی رہ ویندی اے.




#Article 527: بلال محسن (606 words)


بلال مُحسِن  سرائیکی وسیب دا سُجاک سرائیکی شاعر ہے ۔

٤ اگست ١٩٨٧ء کوں لودھراں وچ ڄمے۔

آپ میں اپڑاں حال ونڈینداں بیٹھا راہنداں

جُھمر تاڑی نال مرینداں بیٹھا راہنداں

میڈی کوئ اہمیت ہوسی دنیا اُتے

ایویں خود خیال سُچینداں بیٹھا راہنداں

گودے دے میں گوڈے پھد کے ملدا کائنی

ایہو ہک کمال کرینداں بیٹھا راہندا

دھی تاں حالی پورہیے کر کے روٹی ڈیسی

گھر دے رشتے ٹال چھوڑینداں بیٹھا راہنداں

دُنیا داری کیا ہے محسؔن پتہ کائنی

میں تاں بُکھا مال چَرینداں بیٹھا راہنداں

بلال محسؔن

رُوح تھئے پیدل وسبے وچوں ٹُردا پِھردا آیاں

ہاں توں لتھے کیجھے کیجھے منظر ݙیدھا آیاں

میݙی مُونجھ دی بُکھ آ لتھی رُوح وی راضی تھی پئے

باجھری کھاندیاں چڑیاں دی میں جھار اُݙیندا آیاں

پل نی گزرے ولدے واپس ساہ نی نکلیا ولدا

مٹیاں دے گھپکارءن اُنویں میں وی جیندا آیاں

نہ کوئ کہیں جاہ دُکھدا دھوہاں نہ کوئ بڈھڑا ٹکریے

آپوں جاݨ تاں وسوں دے میں نالوں لنگھدا آیاں

بین دی بیشک چس چوائ اے میکوں ݙاݙے بشکو

ٹُر ڳئے چاچا نازو دُولی مُونجھا مُونجھا آیاں

میکوں میݙے من دیاں سسیاں جݙاں دُورو نظرین

جوڑ ٹھہیندا ریہاں پٹکا جُڑدا بݨدا آیاں

عشق عمر دی قید ءچ کائنی نہ کوئ ایندے قاعدے

پچھلے پاہرے محسؔن نُکریاں ٹوراں ٹُردا آیاں

بلال محسؔن

(سب دوستاں دی نظر)

پیئو وی بڈھڑا ماء ہے ٻڈھڑی

مرض اے لادوا ہے ٻڈھڑی

تئیں تئی مالک کیویں پُجسی

آسرے نال دعا ہے بڈھڑی

عُشر زکاتاں کٹھیاں کر کے

گھندی ونج دوا ہے ٻڈھڑی

نو نئیں تیݙے رلے راہندی

تیݙی کیا صلا ہے ٻُڈھڑی

رُکھی سُکھی کھا ویندی ہے

گھندی کیندا ساہ ہے ٻُڈھڑی

میں توں رُس کے رُو نہ اماں

کہڑی ݙس خطا ہے ٻڈھڑی

مردیں دم تئیں سُکدا کائنی

اُلفت دا دریا ہے ٻُڈھڑی

جیکوں یاد ورہݨا کائنی

او کیا جاݨے کیا ہے ٻُڈھڑی

بݨ کے مُفتی فتوے نہ لا

درس دی ابتدا ہے ٻڈھڑی

مالک راضی اُونہاں کیتے

رب دی خاص عطا ہے ٻُڈھڑی

ساری رات میں کھنگدا رہیاں

اُو وی بے پروا ہے ٻڈھڑی

ہتھ ٻدھ محسؔن عرضی میݙی

گوݙے نال ٻلھاہے ٻڈھڑی

بلال محسؔن

اج ضروری ہے کل ضروری ہے 

جیونڑ جوگا عمل ضروری ہے

ونجاں نہ سالاں دے سال ندر ءچ

تیڈے کیتے تاں پل ضروری ہے

سجا توں سیرت اے ہے ضروری

نہ سُہنڑی صورت شکل ضروری ہے

عیب اے لوکاں دے عیب نہ گنڑ

عیب اپنڑا در اصل ضروری ہے

ضرورتاں وی ضروری ہودین

ضمیر لیکن اٹل ضروری ہے

توں چھوڑ اینکوں کتاب پڑھ کوئ

کیا میڈی محسن غزل ضروری ہے

بلال محسن

لاج بوچھنڑ دی نئے رکھیندا تاں نال میڈے مُکا کے ٹُر ونج

سوال سینگھیاں دے سر توں لہسن ڈوچار گالھیں الا کے ٹُر ونج

میں سیجهہ سِک دی سجا کے سانول جواب تیڈے دی منتظر ہاں

دل دی دنیا اُجاڑی ویندیں ولا وسیسیں ڈسا کے ٹُر ونج

سنگھار سارا بےکار میڈا رنگین ونگاں ڈیکھیساں کیکوں

پیساں باہیں میں کیندے گل ءچ اے ہار اپنڑاں توں پا کے ٹُر ونج

مونجھ تیڈی مُکا نہ چھوڑے معصوم دل دا احساس کر چا

راہواں تیڈیاں بھلیندی راہساں توں روندے دل کوں رہا کے ٹُر ونج

جوانی تانگ ءچ میں گال ڈیساں بڈھہیپے کولوں ہے خوف میکوں

جہان جیونڑ نہ ڈیسی جگ تے اے بار ہتھاں تے چا کے ٹُر ونج

بے چین دل کوں آ چین ویسی ہے عرض میڈی قبول کر چا

اے پیرے تیڈے کڈاھیں تاں ولسِن توں پیر محسن چُما کے ٹُر ونج

سئیں بلال محسن

ہاویں مقصد میݙی زندگی دا تیݙی تانگ جہان ءچ گھن آئی اے

ٻݨی سِک سئیں  دی پہچاݨ میݙی  تاثیر زبان ءچ گھن آئی اے

چھڑا سُݨ کے محسؔن ناں تیݙا دل ݙیکھ ایمان ءچ گِھن آئی اے

کر یار بہانہ شاعری  دا تیݙی  مُونجھ  میدان ءچ  گِھن آئی اے




#Article 528: بلاول زرداری دی ملتان آمد (138 words)


بلاول زرداری دی ملتان آمد تیں، سرائیکی دے نام نھاد، خود ساختہ، ریموڈ کنٹرول لیڈر بہوں جوش ءچ ہن، انھیں جلدی جلدی زداری، بلاول، قمر زمان کائرہ دی دی گچی ءچ خود ساختہ سرائیکی اجرک جئیندا سرائیکی کلچر تیں ثقافت ءچ دُور دور دا واسطہ کائینی، بلکہ سندھ ثقافت دی نقل ھے، اُو اجرک پواء کے انھیں کنیں صرف ایھے لوظ اکھوا سگئن کہ سرائیکی میٹھی زبان ھے تیں چاریں صوبیں ءچ الائ ویندی ھے، شکر ھے نتاں ساکوں پتہ کائینا،، گھنسوں گھنسوں صوبہ گھنسوں مگر سرائیکی زبان کوں تسلیم نہ کریسوں، صوبے دا نعرہ تاں لئیسوں مگر سرائیکی صوبے دا ناں نہ گھنسوں، زرداری صاحب اگر عوام دے رش کوں ڈیکھ کے خوش تھینداں پئیں تاں اے تیڈی غلط فہمی ھے اساں سرائیکی ھئیں کتھائیں پٹھانڑ درخت کپیندے پئے ھوون ویھ بندے کٹھے تھی کے ڈیھدے ھئیں. 




#Article 529: بلاول ہوراں تے تجزیہ (537 words)


بلاول زرداری نال تھوڑے وقت دی ملاقت ءچ جہڑا میں نتیجہ اخذ کیتے او اے ء جو لفظ   زرداری فیملی دی سیاست دا نہ سنجیدہ موضوع ہے تے نہ ہی ایں ویہلے کوئی ترجیہہ البتہ کل کوں مخصوص حالات ءچ وقت آوݨ تے لفظ سرائیکی کوں پنجاب ءچ بطور سیاسی ہتھیار استعمال کریسن جیندا ثبوت ݙاہ جون دے تمام قومی تے لوکل اخبارات ءچ ہِکے صفحے تے بہاولپور صوبہ بحالی دی حمایت تے سرائیکی صوبے دی یقین دیھانی موجود ہے پر ایں توں پہلے بہاولپور صوبہ دے کارڈ لاہوریاں وستے کھیڈݨ چاہندن تاکہ ݙوجھے پاسے پنجابی آبادکار کوں بھاولپور ءچ ہک سیاسی طاقت ور مستقل دھڑا انھاں دے ہتھ ءچ ہوے جیکوں سندھ دی سرحد دا فائیدہ وی ہے۔ ہُݨ باقی پنجاب تے وفاق کوں خوش رکھݨ کیتے لفظ سرائیکی کوں کڈھ تے جنوبی پنجاب دا نواں صوبہ تشکیل دا منصوبہ ہے جیھڑا جو ہک انتظامی یونٹ دا کم کریسی۔ پر پیپلزپارٹی دے ایں سارے مستقبل دے منصوبے ءچ سرائیکی قوم سرائیکی صوبہ تے ایں سیاسی ایشو تے پنجاب دی تقسیم دا دور دور تک کوئی نام و نشان کوئی نئیں۔ تے جیکر کݙاہیں سرائیکی عوام کٹھے تھی کراہیں پاور پلے دی پوزشن ءچ آ وی ڳئے تاں لگدے سب توں پہلے پیپلزپارٹی ہی سرائیکی صوبہ دے سوال تے اڳوں ولسی تے رکاوٹ بݨسی۔ تہوں انھاں ہک پاسی سینٹ ءچ سرائیکی کوں مسترد کرتے صرف پنج زباناں کوں قومی زبان یا ریست دی قومی زباناں دا بل پاس کیتے جو آئیندہ کڈھایں وی سرائیکی صوبے دا آئینی تے قانونی جواز نہ رہوے تے ݙوجھے پاسوں سرائیکی صوبے دے سیاسی سوال دے تابوت ءچ چھیکڑی کِل ٹھوکݨ کیتے بھاولپور صوبہ دی بحالی تے جنوبی پنجاب صوبہ دا ایجنݙا مکمل ء کیوں جو ایندے نال وفاق راضی تھیندے ـ سرائیکی دھرتی اتے قوم کوں تقسیم کریندے ہوئے بھاوپور دے پراݨیں مقامی ریاستیاں تے نویں طاقتور پنجابی ابادکار سیاسی کاروباری اشرافیہ کوں خوش کریندے ہوئے پنجاب ءچ طاقتور چھوٹا پنجاب بݨیسن ۔ جنوبی پنجاب دا مطلب پنجاب ء نہ کہ سرائیکی صوبہ ۔ تہاکوں یاد ہوسی جو سب توں پہلے جنوبی پنجاب تے بھاولپور صوبہ بحالی دا اے فارمولہ فوج نے یعنی پرویز مشرف نے اپݨی کئی تقاریر ءچ ݙتا ہا جیکوں بعد ءچ قاف لیگ دے چوہدری برادران اپݨے منشور ءچ شامل کرتے باقاعدہ اعلان کیتا ہا تے دبی دبی آواز ءچ بھاولپور دے ن لیگی لیڈرز اپنی تقریراں تے جلسیاں ءچ وی ایہا آکھدے ہن ـ پیپلزپارٹی نے وی تہوں فوج دے آکھݨ تے مائنس سرائیکی ݙوصوبیاں دی تجویز من تے ایوان ءچ اپݨی کاروائی کیتی کیوں جو اے اسٹبلشمنٹ دا فیصلہ ہا لہٰاذا ایندی پیروی کرݨ وفاقی پارٹیاں تے لازم ہے۔ سرائیکی صوبہ دا قیام اڄ دے ݙینہہ پاکستان دی کہیں وی وݙی مین سٹریم پارٹی دا ایجنڈا ہی کوئی نئیں۔ صاف ظاہر ہے جو سرائیکی صوبہ آپے مُک ویندے جیہڑیلے ہک ٻاںہہ تے ہک لت کپ تے آکھو شاباش ہُݨ پِن ودا۔۔۔۔۔۔۔ پیپلز پارٹی کوں ایندا ہک وݙا فائیدا اے ہے جو سندھ ءچ آباد نسلََا بلوچ تے ثقافتی اعتبار نال سندھیاں توں وکھ ابادی دے تناسب ءچ ڈھیر سرائیکی ہن ڄہڑے جو کل کوں سرائیکی ہوݨ دے ناطے سندھ کنیں علہیدگی دی بنیاد تے سرائیکی صوبے نال شمولیت دی تحریک بݨ سگدی ہے جیندا ٹھِکر پیپلزپارٹی اپݨے سِر تے بھنݨ نئیں چاہندی ۔ 

شہزاد عرفان




#Article 530: بلتی زبان (104 words)


بلتی زبان بلتستان اچ ٻلیجݨ والی ہک ساینو-تبتی، تبتو-برمن زبان ہے ۔ بلتستان اچ ایں زبان کوں خطرات لاحق ہن تے بلتستان دے لوگاں نے ایں زبان کوں بچاوݨ دی طرف حالی تک توجہ نی ݙتی۔ کھوار اکیڈمی نے چترال تے شمالی علاقہ جات دی جنہاں معدوم تھیوݨ والی زباناں کوں بچاوݨ کیتے یونیسکو (UNESCO) توں اپیل کیتی ہے انہاں زباناں اچ بلتی وی شامل ہے۔

ترے لکھ کنوں ودھ ہے۔

گلگت بلتستان دے علاقے سکردو دی زبان بلتی ہے۔ چترال دے کجھ علاقے وچ وی ہے۔ ڄموں کشمیر  دے علاقے کارگل وچ وی ٻولیندے ہن۔

ڄموں کشمیر دے سکولاں وچ پڑھائی ویندی ہے۔




#Article 531: بلتی قوم (107 words)


بلتی لوگ تبتی نسل تے درد نسل نال تعلق رکھدن  جیہڑے گلگت بلتستان، لداخ تے پاکستان و بھارت دے مختلف وݙے شہراں اچ چھوٹی وݙی تعداد اچ آباد ہن۔ لداخی نسل تے پوریگ نسل وی ہیں نسل دے ہن۔ بلتی لوگاں دی زیادہ آبادی پاکستان دے نیم صوبے گلگت بلتستان اچ آباد ہے جبکہ ہک چھوٹا گروہ بھارت دے زیر قبضہ کشمیر دے لداخ علاقے اچ آباد ہے۔ بلتی لوگ بلتی زبان ٻلیندن تے انہاں دا اکثریت مذہب شیعہ اسلام ہے۔ گلگت بلتستان دے علاوہ بلتی لوگاں دے چھوٹے چھوٹے گروہ پاکستان دے وݙے شہراں (جیویں کہ کراچی، راولپنڈی، لاہور تے اسلام آباد وغیرہ) اچ آباد ہن۔




#Article 532: بلوچیت (796 words)


جبری انتقال قومیت دی نفی کر تے قومیں اَتے زبانیں کو محفوظ کیتا ونجے ۔
بروہی جو کہ قومتی ، لسانی ، ثقافتی ، تہذیبی اَتے جغرافیائی گروہ ھے ۔ بلوچوں نے انھیں کوں محدود کررڑ واسطے لسانی گروہ ھووڑ دا پروپیگنڈا کیتے تانجو بروہی کوں لسان اکھ تے اوکوں محدود کیتا ونج سڳے اَتے ڈوجھی طرف بلوچ کو قوم اکھ تے بروہی کوں بلوچ قومیت ءِچ جذب کیتا ونج سڳے ایندے نال نال ڈو فائدے تھیسِن اول بروہی دا جغرافیہ ، تہذیب اَتے ثقافت تے بلوچ قابض تھی ویسِن ڈوجھا فائدہ اے تھیسے بروہی دے قبائل خود کو بلوچ لکھسِن تے بلوچیں دی تعداد ودھ ویسے ۔ 

حالانکہ معاملہ ایندے برعکس ھے بلوچ نسلی طور تے عرب شاخ دا حصہ ھِن اَتے تعداد ءِچ ڈوچار خاندانیں تک محدود ھِن بلوچیں دی نسلی گروہ بندی صرف ڈو چار خاندان تک محدود ھے باقی بلوچیں ءِچ شامل تمام گروہ نسلی طور سرائیکی ، سندھی اَتے بروہی دے نال نسلی نسبت رکھیندن جو جبری انتقال قومیت دا شکار بڑ تے اپڑا تعرف بلوچ دے طور تے کرویندن اے ھک غلط روایت دی بنیاد پاتی گئی ھِے ایں غلطی کوں ٹھیک کررڑ کیتے محققین نئے انداز ءِچ تحقیق کرن لسانی اَتے جغرافیائی تحقیق نال وابستہ افراد جبری انتقال قومیت اُتے مکالمے لکھن ۔

ہنڑ کجھ اردو اچ۔۔۔

نسل کے معنی یہ ہیں کہ وہ ہر قوم میں ملتے ہیں ۔ اور وہ قومیت کے معیار پر پورا نہیں اُتر سکتے ۔ پاکستان میں جیسے بلوچ اپنے اپکو نسل کہتے ہیں تو وہ قوم نہیں کہلائے جا سکتے ۔ کیونکہ بلوچ پاکستان اور ایران میں مختلف قوموں کا حصہ ہیں اور عرب خطے میں بلوش کہلاتے ہیں اور عرب قوم و ثقافت کا حصہ ہیں ۔ اس کے برعکس قوم وہ ھوتی ہے جو مختلف نسلوں گروہوں کا حصہ ھو ۔ پاکستان میں سندھی و سرائیکی قومیں اپنے اصلی نسلی (یہ نسلی گروہ ڄٹ ، راجپوت ، دراوڑی نسلی گروہ ) گروہوں کے ساتھ ساتھ غیر نسلی سندھی و سرائیکی گروہوں پر مشتمل ھے ۔ غیرنسلی سرائیک میں بلوچ شامل ہیں ۔ یہ بلوچ بھی دو طرح کے نسلی گروہ ہیں اول وہ جو جبری انتقال قومیت کا شکار بنے ہیں لیکن نسلی طور پر بلوچ نہیں ہیں بلکہ گمراہی کا شکار ھو کر اپنا تعرف بلوچ کے طور پر کرواتے ہیں حالانکہ وہ نسلی بلوچ نہیں ہیں ۔ دوم نسلی بلوچ وہ ہیں جنکا نسلی رشتہ عربوں کی اس شاخ سے جا ملتا ہے جسکا تعلق حلب سے ھے ۔ 
جبری انتقال قومیت کا نشانہ بننے والے بلوچ زیادہ تر نسلی طور پر بروہی ، سندھی ، اور سرائیکی نسل سے تعلق رکھتے ہیں اور اپنا تعرف بلوچی کے طور پر کرواتے ہیں حالانکہ وہ نسلاً بلوچ نہیں ہیں بلکہ غالب اکثریت کا تعلق بروہی ، سرائیک ، اور سندھی قبائل سے ہیں ۔ اول الذکر بلوچ ثقافتی ، تہذیبی ، تمدنی اور لسانی طور پر سرائیکی ، سندھی اور بروہی کا حصہ ہیں لیکن اپنا تعرف بلوچ کے طور پر کرواتے ہیں ثانی الذکر حلب سے تعلق رکھنے والے بلوچ جو اپنا کلچر دیکھاتے ہیں وہ کلچر عربی ، سندھی ، سرائیکی ، ایرانی کلچر کا چربہ ھے جو وہ لسان بولتے ہیں ان میں غالب اکثریت و گرائمر فارسی اور عربی لسان کا حصہ ہیں ۔

پس اس سے ثابت ھوا نسلی گروہ مختلف قوم کا حصہ ھونے کی وجہ سے اپنا جداگانہ کلچر نہیں رکھتے بلکہ مختلف قوموں کی ثقافت کا حصہ ھوتے ہیں اور خود سے قوم نہیں ھوتے ۔

بلوچوں کی سات ثقافتی جعل سازیاں !!!!!!!!

دنیا میں بلوچ واحد منفرد نسلی گروہ ھے جو قوم ھونے کا دعویٰ کرتا ہے لیکن پٹکا ، شلوار ، کھیڑی ، قمیض ادھار کا پہنتے ہیں ۔ 
بلوچوں کا کلچر عربوں کے کلچر کا چربہ ھے ۔ ھم یہاں پر بلوچوں کی جعل سازیاں دیکھانے کی کوشش کرتے ہیں اپ ان بلوچوں کی جعل سازیاں ملاحظہ کریں ۔ 

بلوچ جو پٹکا سَر پر رکھتے ہیں وہ سرائیکی پٹکے کی ھی ایک شکل ھے سرائیکی پٹکے کو بَل کم دیتے ہیں بلوچ سرائیکی پٹکے کو زیادہ بَل دیکر منفرد بنانے کی کوشش کرتے ہیں ۔ 

بلوچ عورتیں جو لباس پہنتی ہیں وہ عرب کلچر کا اج بھی حصہ ہے ۔ بلوچ عورتوں کے لباس یا قمیض میں جو سائیڈ کی جیبیں ھوتی ہیں وہ اس وجہ سے ہیں تاکہ لوٹ مار کے وقت لوٹا گیا مال سائیڈ کی جیبوں میں بھر سکیں ۔ آپ نے دیکھا ھو گا سرائیکی ، سندھی عورتیں جو لباس پہنتی ہیں ان میں اول تو جیبیں ھوتی ہی نہیں ھو اگر بوڑھی عورتوں کی قمیض میں جیب ھو گی تو وہ صرف نسوار کی ڈبیا رکھنے کیلئے ھو گی ۔ لیکن اس کے برعکس بلوچ عورتیں جو جبہ نما قمیض پہنتی ہیں اس میں سرنگ نما بڑی بڑی جیبیں ھوتی ہیں تاکہ لوٹ مار کا مال بھر سکیں ۔

لکھت :(جام بھورل گلیجہ)




#Article 533: بنارس (121 words)


وارانسی (ہندی: वाराणसी؛ جینکوں بنارس وی آکھا ویندے) بھارت دی ریاست اتر پردیش دا ہک تاریخی شہر ہے۔ ایندا ہک  ٻیا ناں کاشی وی ہے۔ دریائے گنگا دے گھٻے کنارے آباد ہے۔ اصل ناں وارانسی ہے جیہڑا بگڑ کے بنارس تھی ڳیا۔ اے ہندواں دے نزدیک بہت متبرک شہر ہے۔ اتھاں ہک سو توں زائد مندر ہن۔ ہر سال تقریباً ݙاہ لاکھ یاتری اتھاں اشنان کیتے آندن۔ ایں شہر اچ شہنشاہ اورنگزیب عالمگیر دی تعمیر کردہ مسجد اسلامی دور دی بہترین یادگار ہے۔ بنارس ہندو یونیورسٹی جیہڑی 1916ء وچ قائم کیتی ڳئی ہئی، بہت بڑی درس گاہ ہے۔ ایندے وچ سنسکرت دی تعلیم دا خاص انتظام ہے۔ ہندومت دے علاوہ ٻدھ مت تے جین مت وچ وی اینکوں مقدس سمجھا ویندے۔




#Article 534: بند کمرے دا صوبہ (406 words)


سرائیکی وسیب دے قومی و صوبائی اسمبلی دے منتخب نمائندگان نال ہک ضروری گال۔۔۔۔۔۔۔۔

اساں صفدر الا سگدوں تاں انسان تھیندے ہیں 
ناں تاں حیوان تھیندے ہیں۔۔۔ملک صفدر بوسن

بند کمرے وچ صوبہ پیا ٹھہیندے ساڈی خوش بختی اے جو اساں بیٹھوں جیندے۔۔ڈیہدے بیٹھوں سارا منظر ٹھردے بیٹھوں۔ خوشی ڈھیر ودھیک اے مگر ھک وہم دل دے اندر چھیت دے وانگوں چبھدا کھڑے۔ ساڈے ممبریں ناں الوایا منہ ناں کھولیا،لب نہ چولیے۔ لنڈا Lunda صوبہ گھن تے بند کمرے دے باہروں آگئے تاں ساڈی آدھل صدی دی محنت ضایو تھیسی اساں عمراں ساری ظلم قہر دی اندھی کالی رات دے سنگ بھڑدے لڑدے رہ گیوں۔ اساں آخر رات کوں مار تے سجھ ابھاریا تساں سجھ ابھرنڑ توں پہلے صوبہ محاذ دے جھنڈے چا تے آ گیو۔۔۔اساں تہاڈی نویں سوچ کوں ویلکم آکھیا۔ فجریں دا بھلیا شام کوں گھر ول آوے تاں ہونکوں بھلیا کوئی نئیں آہدا۔اساں تہاکوں سارے ڈکھ وسار تے موہری کیتا اساں پیچھل بنڑیے۔ راتی رات وچ تساں صوبہ محاذ دا نانواں چا تے لیڈر بنڑ گیو اساں تہاڈے ورکر۔ساڈا پورہیا ساڈی محنت ووٹیں دی صورت چا تے وچ اسمبلی ریٹے پاتے۔ ساکوں دلی خوشی ملی اے۔ 

ایں ساری فلم دے وچ تہاڈی کوئی ہشیاری دا دخل کینی ناں ساڈی سوچ سنجانڑ وچ کوئی کمی بیشی تھائی اے۔اے سارا کھیل تماشا ملکیتی سسٹم دے اندر دا کھوٹ اے۔ساکوں سینئر سنگتی صاف ڈسیندے ہن اساں سارے Testing Pony۔ اساں گھوڑی گرم کریسوں ساکوں چھک تے بدھ کھڑیسن۔ اصیل گھوڑے باہروں آوسن گھوڑی ساوی تھیسی۔ جناب والا! اساں سیاست دی سائنس کوں سمجھدوں اینویں تھیونڑاں ہا اساں ہینکوں آپنڑی صوبھ آہدوں۔ ہنڑ تہاڈا امتحان اے۔ حیلے روزی رزق بہانہ تساں صوبہ صوبہ ہوکا ڈتے اساں تہاکوں جوڑیے ہنڑ تساں صوبہ جوڑ ڈکھاوو۔ لنڈا صوبہ نا منظور ۔۔۔پورے ضلعے گھنو صوبے دے ناں دا مسئلہ الفت دا ماحول بنڑا تے لفظ سرائیکی ضرور رلاوو۔۔آخر دے وچ ہکا گال میڈی سنڑ گھنو جیکر میانوالی ساڈا کائنی ساڈا صوبہ کائنی۔ میکوں قسم اے قصر زینب دی جیہڑا بھکر دی سنجانڑ بنڑ گے۔ میکوں قسم اے سندھو سئیں دے واہندے پانڑی دی۔ بھکر تے میانوالی حصہ ہن سرائیک وطن دا۔ اے قصہ ہے سو صدیں دا ڈوں چوں سالیں دی گال نئیں۔ جیکر چورا چوری سینہ زوری دے سنگ ملدے تخت لہور کوں میانوالی ضلع پچھیں نویں صوبے تے پڑھ ڈیو انا للہہ۔۔۔
کالا باغ تے ڈیم ٹھہیسی سارا پانڑی پنجاب ڈکیسی۔ جیندیاں فوجاں ہوندیاں موجاں۔۔۔۔ابھے والے پانڑی دا عیش کریسن لمے دیاں چیڑیاں تریہہ مر ویسن۔ 
صوفی تاج گوپانگ




#Article 535: بندہ ٻدھݨے وچ ہک رب ہے (429 words)


بندہ ٻدھݨے وچ ہک رب ہے۔ ویلھا ٻدھݨا ہے۔ آکاش ٻدھݨا ہے۔ مَاس ٻدھݨا ہے اتیں ایں طرانح سبھے انوبھوتی اتے وچیت ٻدھݨے وچ ہن۔ ما اے ڄاݨدی ہے جو ٻدھݨا آپ ٻال نئیں پر ٻال اے ڳالھ نئیں ڄاݨدا۔  
اڄاں تائیں بندے کوں اے سُدھ نئیں تھئی جو او ہک ٻدھݨے وچ ہے جیڑھا ہر ݙینہہ، ہر یُگ وٹیندا ریہہ ویندے۔ ایں ڳالھوں اوندی سُدھ ٻدھ وہیند وانگوں ہے اتیں اوندے لفظ ،جیڑھے اوندی ایں سُدھ ٻدھ دا پتہ ݙیندن، کݙاہیں وی سِدھی اتے صاف ݙس نئیں ݙیندے۔ ایں ڳالھوں اوندی ڄاݨ ہک کُہیڑ وچ ولہیٹی ہوئی ہے اتیں اوندا جیوݨ کہیں تُل وچ نَہی۔ اے بندے دی اینجھی وبھرم ہے جیڑھی اوندے چوپھیر کھنڈی ہوئی ہے۔ ایں طرانح بندہ مدد دی پُکار کریندے۔ اوندی چیک دی پڑڈو یُگ یُگ کنیں سُݨی ویندی پئی ہے۔ اوندے ݙُسکیں نال ہر شے سوگوار ہے۔ اوندے ݙسکیں نال ہوا سوگوار ہے، ساگر اوندے ہنجواں نال لوݨ بݨ ڳئے۔ بھوئیں اوندے مزاریں نال بھریج ڳئی ہے، سُرگ اوندی دعائیں نال گونگی تھی چکی ہے۔ ایں وجہ توں بندہ ہالی اپݨی اوں میں  دا مطلب نئیں ڄاݨ سڳیا جیڑھی اوندے کیتے ہک ٻدھݨا ہے اتے جیندے وچ ٻال ٻدھیا ہوئے۔

جئیں ویلھے بندہ میں آہدے تاں ایں لفظ دے ݙو ٹوٹے تھی ویندن: ہک اوندا ٻَدھݨا بݨ ویندے اتے ݙوجھی رب دی موت کنوں مُکت ہوند۔ سچ تاں اے ہے جو بندہ اکھنڈ دی ونڈ وچ لڳ ویندے، جݙاں جو رب کولہوں وی اے شکتی نئیں جو او اکھنڈ دی ونڈ کرے۔ بندے اپݨے ٻلپݨ وچ ہک اینجھی ونڈ دی منوت کریندے۔ بندہ ایں ٻلپݨ وچ اننت دے خلاف یُدھ اتیں بھیڑی وچ جُتیج ویندے۔ او اے یقین کرݨ لڳ پوندے جو اے اننت اوندا ویری ہے۔

ایں بے میل بھیڑی وچ بندہ رَت دیاں ہنجوں اتے نیر وہیندے۔ جݙاں جو رب۔۔اوندا ما پیو۔۔مہر دی نگاہ نال اوندو ݙیہدا رہ ویندے۔ او (رب) چنڳی تراویں ڄاݨدے جو بندہ ہک گہرے پردہ دے ٹوٹے کریندا پئے جئیں اونکوں اپݨے آپ دے ہکڑپ کوں ݙیکھݨ کنیں اندھا کرݙتے۔اے بندے دی تقدیر ہے جو او بھڑے لڑے، پھٹو پھٹ  اتے بے ہوش تھی چھیکڑ وچ جاڳت بݨے تاں جو اپݨی میں دی ݙل کوں اپݨے ماس نال بھر اپݨی رت دی مُہر لاوے۔ ایں ڳالھوں، اے فقیرو، تساکوں خبردار کیتا ویندا پئے جو اپݨی میں دے ورتارے وچ کیری سواہ بݨ ونڄو۔ جے تائیں تُساں ٻدھݨے وچ رہ ٻال کوں ٻھُلئے رہسو، جے تائیں تُساں گھرٹ وچ نہ پہیسو، اُتلے تائیں تُساں بھوڳ وچ رہ اپݨے کیتے اینجھی موت بݨیدے رہسو جیڑھی سبھے ݙکھیں سولیں اُتے کُرک تھی ٻہندی ہے۔ (میخائیل نیمی، سرائیکی ترجمہ از شاکاہاری)




#Article 536: بندے بندے ہوندن گھوٻی گھوٻی ہوندی اے (214 words)


سردار آپڑیں وارث کوں سیاسی میدان ءچ آنڑنڑ کنیں پہلے اوکوں سیاست دے گُر تال سکھاونڑ لُو ہک پرانڑے سیاسی دی خدمت حاصل کیتی اوندے اگو مٹھائ دا ڈبہ رکھ کے آکھیس مرشد ایکو آپڑیں شگردی ءچ قبول کرو ایکوں میں، وانگوں گریٹ لیڈر مخلص مسیحا تے کھرا سیاسی بنڑا ڈیو، مرشد پہلے ڈینھ اوکوں ڈسیا میڈا پتر سب توں، پہلے توں لومڑی وانگوں، چالاک بنڑ ڈیکھال سجی، مار کھبی، اے زھن ءچ، رکھ توں کوئ عام انسان نہویں، نہ عام انسانیں، آلی سوچ رکھڑیں ھے، امریں نال توں، بزنس مین بنڑ کے الاونڑے تے عام انسانیں نال تئیں گودا بنڑ کے الاونڑے، سال ڈو ءچ کہیں غریب دے جنازے تیں ونجے تاں گڈی وڈی ءچ ونجیں بھانویں جوان دی لاش ھووے توں، کاٹن شاٹن لاء کے اوندے وارثیں کنیں زیادہ اوندے انھیں رشتے داریں کوں گلکڑیاں پاویں جیرھے تیڈے ووٹر تے سپوٹر ھوون. 
 
اگر تیڈا کوئ ووٹر تھانڑے ءچ بند ھووے خبردار بھانویں، جنیجھاں چھوٹا کیس ھووے پہلے ڈینھ نیں چُھڑوانڑاں نتاں گالھیں کریسن کیرھا کیس ھا، اونویں چُھٹ ونجوں ھا، تھانڑے ونجنڑ کنیں پہلے تھانڑے دی کالا ماتا یعنی ایس ایچ او کوں فون کرکے آکھیں میں آندا پیاں توں گشت تے چخے تھی ونج، میں ملزم کوں آکھساں بجرنگ بلی گشت تے ھے، اے ول آ وے پچھیں تیڈی گال کریساں، 




#Article 537: بنو اغلب (349 words)


عباسی خلیفہ ہارون الرشید دے زمانے وچ افریقا دا علاقہ جیہڑا موجودہ طرابلس، تیونس تے الجزائر تے مشتمل ہے، نیم خود مختار تھی گیا۔ کیونکہ مرکزِ خلافت توں دور ہوݨ دی وجہ نال ایں علاقے دا انتظام مشکل تھیندا پیا ہئی ایں واسطے ہارون نے اتھوں دی حکومت مستقل طور تے ہک شخص ابراہیم بن اغلب تے اوں دی اولاد دے سپرد کر ݙتی۔ ایں طرح افریقہ وچ ہک نویں حکومت دی بنیاد پئی جیہڑی اغالبہ یا خاندان اغلب دی حکومت سݙویندی ہے۔ ایہ اغلبی حکومت عملاً خود مختار ہئی لیکن عباسی خلافت کوں تسلیم کریندی ہئی تے ہر سال باقاعدگی دے نال خراج ݙیندی ہوندی ہئی جیہڑا ایں ڳال دا ثبوت ہئی کہ اے حکومت عباسی خلافت دا حصہ ہے۔ اغلبی خاندان دی ایہ حکومت 800ء توں 909ء تک یعنی ہک سو سال توں زیادہ عرصے تک قائم رہی۔ ایں دا دار الحکومت قیروان ہئی جیں دی بنیاد عقبہ بن نافع نے رکھی ہئی۔ اغلبی خاندان دے دور حکومت وچ قیروان شمالی افریقہ وچ علوم و فنون دا سب توں وݙا مرکز بݨ گیا ہئی لیکن اغلبی حکومت دا سب توں وݙا کارنامہ جزیرہ صقلیہ دی فتح تے بحری قوت دی ترقی ہے۔ اوں دور وچ نہ صرف ایہ کہ جزیرہ صقلیہ فتح کیتا گیا بلکہ جنوبی اٹلی تے وی مسلماناں دا تسلط قائم تھی گیا ہئی۔ اغلبی حکومت دا بحری بیڑا اتنا طاقتور تھی گیا ہئی کہ مغربی بحیرۂ روم وچ کوئی ایں دا مقابلہ نہ کر سڳدا ہئی۔ ابراہیم اغلب دے بعد اوں دے بیٹے عبداللہ بن ابراہیم نے حکومت سنبھالی۔ بحیرہ روم دا جزیرہ صقلیہ اوں دے جانشیں زیادۃ اللہ دے دور وچ فتح تھیا جس تے سب توں پہلے امیر معاویہ دے دور وچ ناکام فوج کشی کیتی گئی ہئی۔ زیادۃ اللہ نے 100 بحری جہازاں کوں ایں مہم تے روانہ کیتا جیں نے کئی معرکیاں تے جدوجہد دے بعد ایہ عظیم فتح حاصل کیتی تے جزیرے کوں سلطنت اغالبہ دا حصہ بݨا گھدا۔ ابو مضر زیادۃ اللہ،  خاندان اغالبہ دا آخری حکمران ثابت تھیا جیں دے دور وچ ابو عبداللہ الشیعی نے اغلبی حکومت دا خاتمہ کر کے فاطمی سلطنت دی بنیاد رکھی۔




#Article 538: بنی بویہ (289 words)


خلافت عباسیہ دے عروج دے زمانے ٢٤٧ھ تک اندلس تے مراکش دے چھوٹے ملکاں کوں چھوڑ کے باقی ساری اسلامی دنیا موجودہ پاکستان تے فرغانہ توں قیروان تک عباسی خلافت دے تحت ہئی لیکن عباسی خلافت دے زوال دے بعد اس اتحاد تے وحدت دا خاتمہ تھی گیا تے کئی خود مختار حکومتاں قائم تھی گئیاں۔ انہاں حکومتاں وچ ترئے وݙے تے قابل ذکر حکومتاں وچ بنی بویہ دی حکومت وی شامل ہئی۔

ایں خاندان دا مورث اعلیٰ ابو شجاع بویہ ہئی چونکہ اس خاندان دا تعلق ماژندران دے علاقے دیلم نال ہئی اس واسطے بنی بویہ کوں دیالمہ وی آکھا ویندا ہے۔ ایہ ہک ایرانی خاندان ہئی تے انہاں دا تعلق شیعہ فرقے نال ہئی.  اس حکومت دے بانی ترے بھرا علی، حسن تے احمد ہن جنہاں نے بالترتیب عماد الدولہ، رکن الدولہ تے معز الدولہ دے لقب اختیار کیتے تے ایران تے عراق وچ علاحدہ علاحدہ حکومتاں قائم کیتیاں۔ عماد الدولہ انہاں دا مرکزی سربراہ ہئی۔ اس دے بعد ایہا حیثیت رکن الدولہ کوں حاصل تھئی تے اس دے بعد عضد الدولہ تے اس دی اولاد نے بغداد تے ہیں خاندان دے حکمران معز الدولہ نے ٣٣٤ھ میں قبضہ کیتا ہئی۔ عراق دا پورا ملک تے خراسان چھوڑ کے باقی ایران بنی بویہ دے قبضے وچ ہئی۔ بغداد، اصفہان تے شیراز بویہی سلطنت دے وݙے شہر ہن۔ دولت سامانیہ دے زوال دے بعد رے تے وی انہاں دا قبضہ تھی گیا.

بنی بویہ دے حکومتاں مختلف علاقیاں وچ قائم تھیاں جنہاں دے حکمراناں دی فہرست مندرجہ ذیل اے: -

آل کاکویہ (Kakuyids) ہک خاندان ہئی جیہڑا مغربی فارس، جبال تے کردستان دے علاقیاں تے اثر و رسوخ رکھدا ہئی۔ 1051ء تا 1141ء تک ایہ یزد، اصفہان تے ابرکوه دے گورنر ریہے۔ ایہ آل بویہ نال وابستہ ہن۔




#Article 539: بو علی سینا (426 words)


بو علی سینا دا مکمل ناں علی الحسین بن عبد اللہ بن الحسن بن علی بن سینا (980ء تا 1037ء) ہے، جیہڑے دنیائے اسلام دے ممتاز طبیب تے فلسفی ہن۔ ابن سینا یا ابی سینا  فارس دے رہݨ والے ہک جامع العلوم شخص  ہن جنھاں کوں اسلام دے سنہری دور دے سب توں اہم مفکرین تے ادیباں وچ شمار کیتا ویندا ہے۔

صفر 370ھ بمطابق 980ء کوں فارس دے ہک چھوٹے جیہے گاؤں افنشہ وچ پیدا تھئے، انہاں دی والدہ ہیں گاؤں نال تعلق رکھدی ہن، جبکہ انہاں دے والد بلخ (موجودہ افغانستان) توں آئے ہن۔ بچپن وچ ہی انہاں دے والدین بخارا (موجودہ ازبکستان) منتقل تھی گئے ہن، جتھاں انہاں دے والد کوں سلطان نوح بن منصور السامانی دے کجھ مالیاتی امور دی ادارت سونپی گئی ہئی۔ بخارا وچ ݙاہ سال دی عمر وچ قرآن مکمل کیتا تے فقہ، ادب، فلسفہ تے طبی علوم دے حصول وچ سرگرداں تھی گئے تے انہاں وچ کمال حاصل کیتا۔

بو علی دا حافظہ بہت تیز ہئی۔ جلد ہی سلطان نوح بن منصور دا کتب خانہ چھاݨ مارا تے ہمہ گیر معلومات کٹھی کر گھدے۔ اکیہہ سال دی عمر وچ پہلی کتاب لکھی۔ ہک روایت دے مطابق بو علی سینا نے اکیہہ وݙی تے چویہہ چھوٹی کتاباں لکھے ہن۔ بعض دے خیال وچ اوں نے ننانوے کتاباں تصنیف کیتیاں۔

ابن سینا نے علم و معرفت دے بہت سارے زمریاں وچ بہت ساری تصانیف چھوڑیاں ہن جنہاں وچ اہم ایہ ہن :

اس کتاب وچ منطق، لغت تے شعری مواد شامل ہن۔

اس وچ طبیعیات، ریاضی، علومِ الہی و کلی شامل ہن۔

اس وچ کتبِ اخلاق، گھر دی تدبیر، شہر دی تدبیر تے تشریع دی تصانیف شامل ہن۔

انہاں اصل علوم دے ذیلی علوم تے وی انہاں دی تصانیف ہن. 

ابن سینا دی کجھ ریاضیاتی کتاباں ایہ ہن :

ابن سینا دی سب توں مشہور طبی تصنیف کتاب القانون ہے، جیہڑی نہ صرف کئی زباناں وچ ترجمہ تھی کے شائع تھی چکی ہے بلکہ انیہویں صدی عیسوی دے آخر تک یورپ دی یونیورسٹیاں وچ پڑھائی ویندی رہی۔ انہاں دی دیگر طبی تصانیف ایہ ہن :

تے کئی زباناں وچ ترجمہ تھی کے شائع تھیوݨ والی کتاب

ابن سینا نے موسیقی تے وی لکھا، انہاں دی موسیقی تے تصانیف ایہ ہن :

انہاں دا انتقال ہمدان وچ شعبان 427ھ بمطابق 1037ء کوں تھیا۔ آکھا ویندا ہے کہ اپݨی زندگی دے آخری ایام وچ اوہ قولنج دے مرض وچ مبتلا تھی گئے ہن تے جیہرلے انہاں کوں اپݨی اجل قریب نظر آوݨ لگی تاں انہاں نے غسل کر کے توبہ کیتی، اپݨا مال صدقہ کر ݙتا تے غلاماں کوں آزاد کر ݙتا۔




#Article 540: بوطیقا (269 words)


بوطیقیا ارسطو دی کتاب ہے۔ بوطیقا وچ ارسطو نے نقل، فطرت، شاعری دی اصل، شاعری دیاں قسماں، المیہ دے اصول وغیرہ تے بحث کیتی ہے۔ تے شاعری دا ہک آفاقی نظریہ پیش کیتے۔ بوطیقیا دی اصل زبان قدیم یونانی  ہے۔ ایندے مختلف زباناں وچ ترجمے کیتے ڳئے ہن۔ ادبی صنف دے لحاظ نال اہ ہک رسالہ ہے، تے ایندی تاریخ اشاعت ٣٣٥ ق م درج ہے۔

ارسطو دے نزدیک انسان حواس  دے نال کہیں شئے دا ادراک کریندے۔ تے ہر شئے دے اندر ہک مثالی ہیئت موجود ہے۔  لیکن خود ایں شئے  نال ایں ہیئت دا ادھُورا تے نامکمل اظہار تھین٘دا ہے۔ ایہ ہیئت فنکار دے  ذہن اُتے حسی شکل وچ اثر کریندی ہے۔ اتے او اوندے بھرپُر اظہار دی کوشش کریندے، تے ایں طرحاں عالم امثال کوں سامھݨے گھن آندا ہے جہڑا دنیا دے رن٘گ تے ٻو وچ نامکمل طور تے ظاہر تھیا ہے۔ 

حواس دے نال جہڑی دنیا کوں محسوس کیتا ویندے اواصل حقیقت دے نامکمل تے ادھورے مظاہر ہن۔

طبعی دنیا دی مختلف شکلاں خدائی تے مثالی شکلاں دی نقلاں ہن۔ جیکوں مادی دنیا وچ تھیوݨ آلے حادثیاں نے مسخ کر ݙتے۔ فلسفی دا کم ایہ ہے جو او ایں اتفاقی تے مسخ تھیاں ہوئیاں شکلاں دے اندر اصل حقیقت کوں دریافت کرے تے اُوں قوتاں کوں لبھے جہڑی ساری ہستی دی وجہ ہن۔ تے اُوں کوں حرکت وچ گھن آن٘دے ہن۔ ایہوکم شاعراں دا ہے۔ ارسطو دے ایں شاعرانہ نقل دے نظریے نے شاعر کوں فلسفہ دے اعلیٰ منصب وچ ہک اہم مقام عطا کرݙتے۔ ایں نظریے دے مطابق نقل تخلیقی عمل ہے۔ 

تے افلاطون دی بوطیقا وچ افلاطون دے نظریات دا جواب ݙتا ڳئے،




#Article 541: بَالیں دیاں کھیڈاں (127 words)


شِیدݨ:
اے کھیݙ صاف سُتھری تے ہموار زمین تے خانے بݨاتے کھیݙیا وِین٘دے.اے خانے کولے یا نشان نشابُر کرݨ آلی شئے نال بݨائے وین٘دن.انہاں خانیاں وچوں ہِک گول ٹھیکری کُوں جینکوں شیدݨ سݙیا وین٘دے ہِک ڄن٘گھ تےکھڑا تِھی تے بھنوایا وین٘دےتے ݙُوجھی ڄَنگھ دے پیر دے نال تُھڈا مار تے ہِک خانے کنوں ݙُوجھے خانے وچ پُڄایا وین٘دے تے ایں طرح زمین تےٻݨیے ہوئے ساریاں خانیاں وچوں پیر دے انُوٹھے نال شِیدݨ کُوں ٹَپاٹَپاتے آخری خانے تَئیں پُڄایا وین٘دے.بلکہ اوہو کِھڈاری کامیاب تھی وین٘دے جہڑا ہِک ڄن٘گھ تے کھڑا کھڑا آخر تَئیں پُڄ وین٘دے.ھِک کھڈاری دی واری مُک وین٘دی ہے تاں ݙوجھا کھڈاری شروع کر ݙین٘دے تے باقی تماشہ ݙیکھݨ والے اُون٘دے کرتب،اون٘دے ہِک ڄن٘گھ تے کھڑا تھی تے کھیݙݨ دی طاقت کُوں ݙیکھ تے داد ݙین٘دن




#Article 542: بُھوت دی جُتی (حکایت) (676 words)


حکایت

بُھوت دی جُتی : 

ہک بُھوت راتیں درخت تے سُمدا ہا'اوہ جُتی اپݨی درخت ہیٹھ لہاوے ہا سمے ہا دھمی وت جُتی پا کے گُم تھی ونجے ہا'ہک ڈینہوار جُتی اوندی چوری تھی گئی

اوں گالھڑ توں پُچھیا  تو دھمی دا جاگیا ودیں جتی میڈی درخت تلوں چویجی ہے تیکوں کوئی پتہ ہووے' گالھڑ آکھیا  روز میں جُتی تیڈی درخت تلے ڈیدھاں پر اج نہمی ڈِٹھی بھوت پہرے دار کول گیا  تیکوں پتہ ہے میں بھوت تیڈے باغ وچ رہنداں تے راتیں درخت تے سُمداں .....میکوں پتہ ہے تو جُتی راتیں درخت ہیٹھ لہیندیں تے دھمی پا کے گُم تھی ویندیں بھوت آکھیا جُتی میڈی چویجی تیکوں کوئی پتہ ہووےپہرےدار بولیا تیڈی جُتی کینویں چوری تھئی اے ساری رات میں جاگدا ریہاں

بُھوت اپݨی جُتی گولݨ باغ وچوں نکھتا'اوہ سڑکاں توں لنگھدا چوکاں توں ٹپدا بزاراں تاݨیں پُج گیاں'اوہ گلیاں توں گزردا بوہیاں اگوں وگدا فصیلاں تاݨیں آ گیا ' چا خانیاں وچوں تھیندا کباڑی بزاریں وچوں ولدا پوڑیاں توں چڑھدا بئے پاسوں لیہہ گیا' اوہ ٹردا ریہا ڈوپہراں اونکوں تھی گئی تے لکڑ دے ہک بنچ اُتے بیہ تھیا 'کوئی ویلا گزریا جوان ہک لنگھیا'اوں بَھج تے جوان کوں جَھلیا تے بنچ تے بِلہایاتیکوں میں نہ ونجݨ ڈیساں ایہا جتی میڈی اےجوان اگوں کِھل پیا میڈی جُتی تیڈی جُتی کینویں ہے ......جُتی رتے رنگ دی ڈھیر دیر ڈیکھو تاں سنہری آپے تھی آوے..... میں بُھوت ہاں ' جے نہ اپݨی جُتی پانواں گُم نمہی تھی سگدا'ایہا میڈی جتی ہے میں دھمی دا گولیندا وداں بھوت آکھیا ' جوان اگوں تَپ گیا  توں بھانویں بھوت ہوسیں ایہا میڈی جُتی ہے میں سال دی پاتی وداں میڈے کول رسید ہے ' تیڈے کول کیہاں ثبوت ہے ......میڈے کول گالھڑ تے پہرے دار گواہ اے' لہا میڈی جُتی میں پانواں تے گُم اِتھوں تھینویںجوان اگوں اوکھا تھی کے بولیا  کیڑھی جُتی تو آپ اِتھوں گُم تھی  بِھڑاند اُنہاں گھت ڈتی لوک کٹھے تھی آئے پولیس دا سپاہی ہک پُج آیا تھاݨے ڈوہیئں کوں گھن گیا' تھاݨے دار جواں کوں دڑکیا بھوت کوں ڈرایا تے جُتی مال خانے

اوہ کئی ڈینہواراں تھاݨے آئے ' جوان رسید اپݨی چا آوے' بُھوت گواہی وچ گالھڑ تے پہرے دار کوں گھن آوے جُتی انہاں کوں نہ ملی ' اوہ بادشاہ تئیں گئے ' بادشاہ جوان دی بھوت دی گالھ پوری سݨی ' اوں پولیس کوں سڈیا تھاݨے دار جُتی سُودا پُج گیا ' بادشاہ نے جُتی ڈِٹھی......جُتی رتے رنگ دی ڈھیر دیر ڈیکھو تاں سُنہری آپے تھی آوے.......بادشاہ وزیریں کوں سڈیا ایہ جُتی پَوائی میکوں ونجے 

کئی ڈینہواراں بعد ماہݨو تے بھوت ہک بنچ اُتے کٹھے تھئے ' ماہݨو پیرو راݨا تے بھوت اپنی جُتی باجھوں گُم تھیوݨوں رہ گیا ہا  میڈی جُتی تیڈے واروں کَھسی گئی اے ماہݨو آکھیا ' بھوت اگوں مُرکیا  میں تاں ایں جتی باجھوں غائب تھیوݨوں رہ گیا ہاں 

ہک ڈینہوار اوہ شہر وچ وت کتھاہیں ٹکرے  اساں اپݨی جُتی محل وچوں چوری کر سگدے ہیں  بھوت آکھیا .....آپ اپنی جُتی اساں چوری کر سگدے ہیں' واہ ماہݨو اگوں مُسکیا ' ....... بھوت آکھیا  بہوں پھیریں آپ ساکوں اپݨیاں شئیں چوری کرݨیاں پوندیاں ہِن ...... بادشاہ دے گھوڑے ہِن ہاتھی ہِن لشکر ہے کینویں محل وچوں جتی اپݨی چوری تھیوے  ماہݨو اگوں پُچھیا......میں گُم تھیوݨوں رہ گیا ہاں پر تیڈے کٹھے رل تے محل اندر ونج سگداں  رات تھئی تاں ڈوہیں محل دو ٹُر پئے ' بادشاہ دے گھوڑے ہاتھی محل باہروں گشت پئے کریندے ہِن ' اوہ لکدے چھاہندے کندھی تاݨیں پُج گئے ' بھوت وت ماہݨو کوں مونڈھے تے بِلہایا قد ڈوہئیں دا ودھ آیا کندھی تے اوہ چڑھ گئے ڈوجھے پاسے لیہ گئے' اندر وت پہرہ اے ' اوہ پہرے وچ پَیہ گئے بادشاہ دے کمرے تئیں پلنگ تئیں پُج گئے ' بتی ہک بلدی پئی بادشاہ پلنگ تے رتی اوہا جتی پاتی سُتا پئے ' ماہݨو سراندی تھی کھڑا ہے پواندی اوں بُھوت وت بادشاہ دے پیریں وچوں جُتی لہائی اے

اوہ شہر وچ لُکانویں ہک جاہ تے ونج بیٹھے ' بھوت آکھیا  توں بہوں ڈینہاں توں پیرو راݨا ودا ہئیں ایہ جُتی ہُݨ توں رکھماہݨو اگوں کِھلیا  توں بھوت ہئیں تَیں گُم وی تاں تھیوݨا ہے ایہ جُتی ہُݨ تیڈی ہے.




#Article 543: بُݙدیاں کندھیاں، اُڄڑدیاں جھوکاں (1575 words)


فدا حسین گاݙی

ساݙی گاݙیں دی وَستی نَئیں بُغلاݨی والی دی کندھی اُتے ہے، بَھل ہئی۔ ٻن دے نال اَتے جُھڳیں کنیں سو گز گھٹ فاصلے دی پاسوں سَرینہیں دے وَݨ ہائن۔ اوں زمانے کھوہ وستی کنیں ݙو ترائے فرلانگ دور ہئی اَتے ہک اَستاوا پاݨی دا بھر کے بندے دَھاندے ہَن۔ آہدن اُوں ویلھے پھوڳ ناں دے بندے ٹانگیاں بھر بھر اِنہیں سَرینہیں کوں پاݨی پلا کنیں وݙا کیتا ہئی۔ اُوں ویلھے اُنہالے دی گرمی وچ اِتھاں وݙا  روݨق میلہ ہوندا ہئی۔ کم کار کنیں فارغ تھی، روٹی کھا کے ہر ٻُڈھا جوان اپݨا کھٹڑا چا، اِنہیں سَرینہیں ہیٹھ آ سُمدا ہا ۔ݙاݙا حسّو، اللہ بخشسس ، الف لیلیٰ یا داستان امیرحمزہ کَچھ وچ پا، کھٹڑا چا کنیں آ ویندا ہا۔ اے قصے سُݨاوے ہا یا ہک ڳالھ دے ثبوت وچ کلیلہ دَمنہ دا کوئی قصہ اپݨی ثقافت دا رنگ چوکھا چڑھا کنیں سݨاوے ہا۔ او بندے جنہیں کوں کھٹڑے سَٹݨ دی جاہ نہی مِلدی او بھیݙیاں کھیݙن ہا یا وت پھیگݨی پُھدک، تݙاں تاس نہی آئی۔

ساوݨ رُت ہئی۔ نَئیں وچوں کُجھ جوان اَجڑ ٹپیندے پئے ہَن۔ پچھوں ڳائیں دی کھیر آندی پئی ہئی ۔ اُتوں وَنو وَن دے جھڑ بَدل دیاں ٹُکڑیاں پرکھاریاں تھی تھی ول ڄم ویندیاں ہَن اَتے ہک چھیڑو ڳاندا پیا ہا۔ اُوندا ہک مصرعہ ایں سارے منظر سُودھا، اپݨے سارے اثر سمیت میکوں یاد ہے۔

اللہ ساݙی ٻنی وَسائےپہلی دَھمک تَندُولے والی

دَرّے اُتے پہاڑ دی کَچھ وچ مُندراݨی شہر کنیں کُجھ اُتوں پتھر چا چا کے ہک ٻن ٻدھیندے ہاسے۔ ٻَن کینکوں آہدن؟  کیویں ٻَدھی ویندی ہئی؟ رحیم داد بابر چپڑاسی کیویں ٻن ٻدھݨ آلیں کوں دیر نال آوݨ اُتے کَن پکڑا کنیں اُنہیں دی کنڈ تے پتھر رکھیندا ہا؟ او ویلھے تݙاں لفظیں وچ قید کیتے ڳئے ہن۔ اَڄ نہ او لفظ ریہن نہ اُوں سَمیں دا جادو۔ کمارے کراوݨ کیتے جتھاں رودکوہی دا چپڑاسی ہوندا ہا، اُتھاں ہر پتی دے پاسوں ہر نمبردار دا چُݨیا آدمی ہوندا ہا جیکوں ”مہمار“ آَہدے ہن۔ اے کمارے کراو ݨ دا ہوکا ݙیندا ہا۔

سکندر ناں دا آدمی بغلاݨیں کنیں آوے ہا۔ اے آدمی ٻہوں دَبنگ اَتے کُراڑی آواز وچ ہُوکا ݙیندا ہا۔ اُوندا ہُوکا اَڄ وی اپݨے تا ثرات سُودھا یاد ہے۔ اے ݙسݨ کیتے جو فجر کوں وَستی کنیں ݙاہ میل چھینل پہاڑ دے بغل وچ کل ٻن ٻدھݨ وَنڄائے، او ہوکا ݙیوݨ کنیں پہلے اے آکھے ہا:

رولے   ݙے    نہ  پاݨی

روندے رݙ تے چولاݨی

اَڄ نہ ساݙی وَستی دا، نہ رݙ اَتے چولاݨی دی آبادیں دا کوئی آدمی اُوں ویلھے دے درد کوں سمجھ سنڳدے۔ لَݙ ڳئیں دے خالی کھولے کجھ نئیں ݙسیندے۔ لفظ باقی ہِن، کیفیتاں باقی نئیں۔ اَڄ تاں اے موضع رݙ اَتے چولاݨی باغ بہار ہِن، اُوں ویلھے تاں گڑکاں اَتے کھݙاں ہوندے ہائن ۔

اے اَزلی تسے، ساݙی عمراہ دے دریا دی مݨ اُتے وَسدے لوک ڄاݨ سنڳدن جو  پوہ دی رات کُھوہ دی ڳادھی اُتےٻَہہ، دُھسا پا کنیں رَڑھ راہی کیویں کیتی ویندی ہئی؟ اواندھے کیویں وَلائے ویندے ہن؟ بُھرڄل، ڈھینڈھا، کانڄݨ، چکلی، چکل اَتے ٹھاکݨ چا ہوندی ہئی؟  اَتے اُوں ویلھے تیݙے کُھوہ تے آئیاں دا کیا تاثر ہوندا ہئی ؟  کوئی کیویں کُھوہ تے آندی ہئی؟ وعدے دے کُوڑے کنیں چَھلے کیوں اَ تے کیویں منگئے ویندے ہن؟ یا کوُنجاں دریا دی لام گِھن کنیں کیویں اُݙردیاں ہن؟

میں اے نمہی پیا آہدا جو او چنڳے وقت ہن۔ میݙا اے مطلب وی نئیں جو او گندے وقت ہن۔ میݙا مطلب تاں چھڑا اِتلا ہے جو او ویلھے وی ہئین اَتے ہُݨ ہُݨ نال ہے۔  اُوں وقت دیاں وَرتارے دیاں اپݨیاں شئیں ہن۔ اُوں ویلھے دیاں اپݨیاں کہاݨیاں اتے لوک ڳاوݨ ہَن۔ اَڄ او شئیں نئیں ریہاں۔ او لفظ ہوا وچ رَل کے ہوا تھیندے ویندن۔ اَڄ او ماحول نئیں، اُوں ماحول اَتے آس پاس دے تاثرات اَتے کیفیات نئیں۔ او رَڑھ راہی دا سماج ہا ۔ اُوں سماج دی دُعا ہئی ” اللہ گھوڑے جوڑے ݙیوے“۔ اَڄ نہ گھوڑے اَتے جوڑیے منگئے ویندن، نہ ݙدھ پُتر والا تھیویں دی دُعا اُوں کیفیت وچ ݙتی ویندی ہے۔ اَڄ نہ جوڑے ہِن نہ درے ہِن، نہ ہَل ہَن نہ ہَلی وَدھے دی دُعا ہے۔ اے سارا کُجھ تکھیں تکھیں بدلدا پئے اَتے ضرور بدلݨے۔

ایں ساری صورت دا نتیجہ اے تھیندا پئے جو ساݙا سارا ماضی ایں طرانح ختم تھیندا پئے جو ایندا کوئی اَیرا، کوئی نشان باقی نئیں پیا بچدا۔ اَساں ݙور کٹی پتنگ تھیندے ویندے ہئیں۔ وقت لفظیں وچ قید تھی کے گُزریں زمانیں دے اَیرے  ݙکھلیندے۔ لفظ لکھت پڑھت وچ آ کے باقی رہندن۔ اے لفظ، اے ماء ٻولی ساݙی تہذیب اَتے ساݙے کلچر دا نوےّ فیصد حصہ ہِن ۔

ساݙا اے نوّے فیصد کلچر ایں واسطے مِٹدا پئے جو اساں پہلے جنمیں وچ کوئی گناہ کیتا ہا۔ اڄ او گناہ نئیں بخشیندا پیا۔ اے گناہ ہئی آزادی دی چاہت دا، اے گناہ ہئی اپݨی دھرتی اُتے ساول ݙیکھݨ دا۔ اے گناہ  ہئی اپݨے کلچر کوں پَھلدا پُھلدا اَتے ساول ݙیکھݨ دا۔ آہدن ”ݙائݨ تاں ڳئی، ݙند سٹ ڳئی “۔ سامراجی تاں ڳئین پَر اپݨی بیورو کریسی چھوڑ ڳئین۔ اے ݙند تلوار کنوں تکھے اَتے وال کنوں پتلے ہن۔ساݙی گاݙیں دی وَستی نَئیں بُغلاݨی والی دی کندھی اُتے ہے، بَھل ہئی۔ ٻن دے نال اَتے جُھڳیں کنیں سو گز گھٹ فاصلے دی پاسوں سَرینہیں دے وَݨ ہائن۔ اوں زمانے کھوہ وستی کنیں ݙو ترائے فرلانگ دور ہئی اَتے ہک اَستاوا پاݨی دا بھر کے بندے دَھاندے ہَن۔ آہدن اُوں ویلھے پھوڳ ناں دے بندے ٹانگیاں بھر بھر اِنہیں سَرینہیں کوں پاݨی پلا کنیں وݙا کیتا ہئی۔ اُوں ویلھے اُنہالے دی گرمی وچ اِتھاں وݙا  روݨق میلہ ہوندا ہئی۔ کم کار کنیں فارغ تھی، روٹی کھا کے ہر ٻُڈھا جوان اپݨا کھٹڑا چا، اِنہیں سَرینہیں ہیٹھ آ سُمدا ہا ۔ݙاݙا حسّو، اللہ بخشسس ، الف لیلیٰ یا داستان امیرحمزہ کَچھ وچ پا، کھٹڑا چا کنیں آ ویندا ہا۔ اے قصے سُݨاوے ہا یا ہک ڳالھ دے ثبوت وچ کلیلہ دَمنہ دا کوئی قصہ اپݨی ثقافت دا رنگ چوکھا چڑھا کنیں سݨاوے ہا۔ او بندے جنہیں کوں کھٹڑے سَٹݨ دی جاہ نہی مِلدی او بھیݙیاں کھیݙن ہا یا وت پھیگݨی پُھدک، تݙاں تاس نہی آئی۔

ساوݨ رُت ہئی۔ نَئیں وچوں کُجھ جوان اَجڑ ٹپیندے پئے ہَن۔ پچھوں ڳائیں دی کھیر آندی پئی ہئی ۔ اُتوں وَنو وَن دے جھڑ بَدل دیاں ٹُکڑیاں پرکھاریاں تھی تھی ول ڄم ویندیاں ہَن اَتے ہک چھیڑو ڳاندا پیا ہا۔ اُوندا ہک مصرعہ ایں سارے منظر سُودھا، اپݨے سارے اثر سمیت میکوں یاد ہے۔

اللہ ساݙی ٻنی وَسائےپہلی دَھمک تَندُولے والی

دَرّے اُتے پہاڑ دی کَچھ وچ مُندراݨی شہر کنیں کُجھ اُتوں پتھر چا چا کے ہک ٻن ٻدھیندے ہاسے۔ ٻَن کینکوں آہدن؟  کیویں ٻَدھی ویندی ہئی؟ رحیم داد بابر چپڑاسی کیویں ٻن ٻدھݨ آلیں کوں دیر نال آوݨ اُتے کَن پکڑا کنیں اُنہیں دی کنڈ تے پتھر رکھیندا ہا؟ او ویلھے تݙاں لفظیں وچ قید کیتے ڳئے ہن۔ اَڄ نہ او لفظ ریہن نہ اُوں سَمیں دا جادو۔ کمارے کراوݨ کیتے جتھاں رودکوہی دا چپڑاسی ہوندا ہا، اُتھاں ہر پتی دے پاسوں ہر نمبردار دا چُݨیا آدمی ہوندا ہا جیکوں ”مہمار“ آَہدے ہن۔ اے کمارے کراو ݨ دا ہوکا ݙیندا ہا۔

سکندر ناں دا آدمی بغلاݨیں کنیں آوے ہا۔ اے آدمی ٻہوں دَبنگ اَتے کُراڑی آواز وچ ہُوکا ݙیندا ہا۔ اُوندا ہُوکا اَڄ وی اپݨے تا ثرات سُودھا یاد ہے۔ اے ݙسݨ کیتے جو فجر کوں وَستی کنیں ݙاہ میل چھینل پہاڑ دے بغل وچ کل ٻن ٻدھݨ وَنڄائے، او ہوکا ݙیوݨ کنیں پہلے اے آکھے ہا:

رولے   ݙے    نہ  پاݨی

روندے رݙ تے چولاݨی

اَڄ نہ ساݙی وَستی دا، نہ رݙ اَتے چولاݨی دی آبادیں دا کوئی آدمی اُوں ویلھے دے درد کوں سمجھ سنڳدے۔ لَݙ ڳئیں دے خالی کھولے کجھ نئیں ݙسیندے۔ لفظ باقی ہِن، کیفیتاں باقی نئیں۔ اَڄ تاں اے موضع رݙ اَتے چولاݨی باغ بہار ہِن، اُوں ویلھے تاں گڑکاں اَتے کھݙاں ہوندے ہائن ۔

اے اَزلی تسے، ساݙی عمراہ دے دریا دی مݨ اُتے وَسدے لوک ڄاݨ سنڳدن جو  پوہ دی رات کُھوہ دی ڳادھی اُتےٻَہہ، دُھسا پا کنیں رَڑھ راہی کیویں کیتی ویندی ہئی؟ اواندھے کیویں وَلائے ویندے ہن؟ بُھرڄل، ڈھینڈھا، کانڄݨ، چکلی، چکل اَتے ٹھاکݨ چا ہوندی ہئی؟  اَتے اُوں ویلھے تیݙے کُھوہ تے آئیاں دا کیا تاثر ہوندا ہئی ؟  کوئی کیویں کُھوہ تے آندی ہئی؟ وعدے دے کُوڑے کنیں چَھلے کیوں اَ تے کیویں منگئے ویندے ہن؟ یا کوُنجاں دریا دی لام گِھن کنیں کیویں اُݙردیاں ہن؟

میں اے نمہی پیا آہدا جو او چنڳے وقت ہن۔ میݙا اے مطلب وی نئیں جو او گندے وقت ہن۔ میݙا مطلب تاں چھڑا اِتلا ہے جو او ویلھے وی ہئین اَتے ہُݨ ہُݨ نال ہے۔  اُوں وقت دیاں وَرتارے دیاں اپݨیاں شئیں ہن۔ اُوں ویلھے دیاں اپݨیاں کہاݨیاں اتے لوک ڳاوݨ ہَن۔ اَڄ او شئیں نئیں ریہاں۔ او لفظ ہوا وچ رَل کے ہوا تھیندے ویندن۔ اَڄ او ماحول نئیں، اُوں ماحول اَتے آس پاس دے تاثرات اَتے کیفیات نئیں۔ او رَڑھ راہی دا سماج ہا ۔ اُوں سماج دی دُعا ہئی ” اللہ گھوڑے جوڑے ݙیوے“۔ اَڄ نہ گھوڑے اَتے جوڑیے منگئے ویندن، نہ ݙدھ پُتر والا تھیویں دی دُعا اُوں کیفیت وچ ݙتی ویندی ہے۔ اَڄ نہ جوڑے ہِن نہ درے ہِن، نہ ہَل ہَن نہ ہَلی وَدھے دی دُعا ہے۔ اے سارا کُجھ تکھیں تکھیں بدلدا پئے اَتے ضرور بدلݨے۔

ایں ساری صورت دا نتیجہ اے تھیندا پئے جو ساݙا سارا ماضی ایں طرانح ختم تھیندا پئے جو ایندا کوئی اَیرا، کوئی نشان باقی نئیں پیا بچدا۔ اَساں ݙور کٹی پتنگ تھیندے ویندے ہئیں۔ وقت لفظیں وچ قید تھی کے گُزریں زمانیں دے اَیرے  ݙکھلیندے۔ لفظ لکھت پڑھت وچ آ کے باقی رہندن۔ اے لفظ، اے ماء ٻولی ساݙی تہذیب اَتے ساݙے کلچر دا نوےّ فیصد حصہ ہِن ۔




#Article 544: بڄٹ تے زراعت دی ترقی دا کارپوریٹ نظریہ (553 words)


بے شک تہاکوں برا وے لڳے پیا اپݨی ڳل دا آغاز افضل عاجز دے ہک پلوتے توں کریساں ڄہڑا کے بے زمین ،چھوٹے کساناں تے کھیت مزدوروں دے دل دی آواز ہے،افضل جھولی چا کے پلوتا کݙیندا ہے ذرا ملاحظہ ۔۔۔۔

سرمایہ دار شالا بکھ دا اسیر تھیویں

پندا وکھائیں شالا لیرو لیر تھیویں

خزانے دے وزیر اسحاق ݙار اس سال دا وفاقی بجٹ اساݙے سامݨے رکھ ݙتا ہے ،اساݙی لکھاری دوست اوں تے زور آزمائی کیتی کھڑے ہن۔ڄہڑی تحریر کوں اٹھا گھنوں زراعت دے ارد گرد ڳل کریندی کھڑی ہے کہں وی کسان تے ولا چھوٹے تے بے زمین لوکیں دی ڳال نئیں کیتی۔

سارے دانشورتے خود وزیر خزانہ دا وی آکھݨ ہے ڄو زراعت تے زرعی شعبے کوں نظر انداز کرݨ دی وڄہ نال مجموعی اقتصادی ترقی دی شرح گھٹ ڳئی ہے۔ایہہ ٻس اتنا منیدے ہن ڄو ایہہ شعبہ ملک دی پنجھاہ فیصد آبادی کوں روزگار ݙیندا ہے۔

انہں دوستیں دا ایہہ وی آکھݨ ہے ڄو فصلیں دا پیداوار گھٹݨ دی وجہ نال زرعی شعبہ زوال ول ڳیا ہے؟اایں واسطے انہاں اعلاں کیتا ہے ڄو کھاد،ٹیوب ویلاں تے بجلی دا ریٹ ،زرعی دوایاں دا ریٹ تے زرعی قرضاں تے شرح سود کوں گھٹا ݙتا ونڄیں تاں ملکی زراعت تے کسان ترقی دیاں منازل طے کر گھنسن تے اسݙے دیہات تے غریب ،بے زمین کسان تے کھیت مزدور خوشحال تھی ویسن ۔

اے کارپوریٹ اپروچ تے تحت الیندے کھڑے ہن۔انہاں دا خیال ہے ڄو پیداوار ودھسی دا برآمدات ودھسن جݙاں کہ اوہ بنیادی سماجی اصلاحات کرݨ کاݨ تیارنن۔اگر کارپوریٹ نظریہ دے تحت ای زراعت تے کساناں کوں ترقی ݙیوݨی ہے تاں ولا زراعت کوں صنعت دا درڄہ کیوں نئیں ݙتا ویند پیا؟جھتاں کھیت مزدوراں کوں باقاعدہ مزدور تسلیم کیتا ویندا ہے تے انہاں تے لیبر قوانین لاڳو تھیندے ہن اس دے نال انہاں کوں یونین سازی دا وی حق ہوندا ہے۔
حقیقت ہے ڄو زراعت دا مجموعی قومی پیداوار اچ حصہ چوی فیصد رہیا جہڑا کہ حکومتی پالیسیاں دی وجہ تھوں گھٹدا ویندا ہے تے ہن اوہ اکی فیصد آݨ کھلوتا ہے۔اس حصے کوں بنیادی زرعی تے اراضی دیاں اصلاحات نال ہور ودھایا ونڄ سڳدا ہائی لیکن کوئی حکومت اے کرݨ آسطے تیار کونی کیوں ڄو اس دے نال طاقت دے مراکز بلݨ دے امکانات جڑے ہوئے ہن۔

اساݙی زراعت ملک دی پنجھاہ فیصد افرادی قوت کوں روزگار فراہم کریندا ہے لیکن کوئی وی اے منݨ تے تیار نئیں ڄو دیہی آبادی دا پنجیٹ فصد غربت دی لیکر توں تلے زندڳی گزریندا پیا ہے تے بنیادی سہولتاں توں وی محروم ہے۔

حقیقت ہے ڄو پاکستان اچ تک کہیں حکمران وی کسان پالیسی متعارف نئیں کرائی تے ہمیشہ زرعی پالیسی دی ڳال تھیندی رہی ہے ۔پاکستان دے کساناں کو شہری تے انسان نئیں سمجھا ڳیا ۔سوال اے ہے ڄو اگر کسان خوشحال نا ہوسی تے زراعت کیویں خوشحال ہوسی یا ترقی کریسی ؟

پاکستان دا سماجی ڈھانچہ اج وی کالونیل زمانے دی اقدار اتے کھڑا ہے ۔اج وی ملک دی پنجیٹ فیصد کسان زمین دے بنیادی حق تھوں محروم ہن تے زمین دی ملکیت چند جاگیردار گھرانیاں کول ہے ۔سرائیکی علاقاں کون گھن گدا ونڄیں اتھاں دیاں زمیناں مقامی بے زمین کاشتکاراں کوں ڈیوݨ دی بڄئے غیر مقامی لوکاں کوں ݙتیاں ویندیاں پیاں ہن ۔اتنی آبادی کاری کر ݙتی ڳئی ہے ڄو مقامی لوک اقلیت اچ بدلدے ویندے ہن جس نال انہاں دے اندر احساس محرومی ،خوف تے غیر یقینی ودھدھی ویندی ہے. 




#Article 545: بکنگھم اینڈ کرناٹک ملز ہڑتال (303 words)


مدراس لیبر یونین، بھارت دی اولین منظم لیبر یونیناں وچوں ہک ہئی۔ اس دی تاسیس بی پی واڈیا تے وی کلیانا سندرم مدلیار نے 3 اپریل 1918ء
وچ رکھی۔ ابتدائی یونین سرگرمی جون تا اکتوبر 1921ء دے بیچ بکنگھم اینڈ کرناٹک ملز وچ ݙٹھی گئی جݙݨ ملازمین نے کم کرݨ توں انکار کر ݙتا۔  اس سلسلے وچ حکومت دا ردوعمل ایہ ہئی کہ پولیس کوں 9 دسمبر 1920ء کوں ہڑتالی ملازمین تے گولیاں وسیندے ہوئے ہڑتال کوں زبردستی رکوا ݙتا ۔

ملازمین دے درمیان معمولی اجرت تے خراب حالات کو گھن کے کافی بے چینی ہئی۔ انہاں دے مطالبیاں کوں قوم پرست رہنما سی رام گوپال چاری، ایس کستوری اینگر، اے رنگاسوامی اینگر، سنگاراویلو چیٹی، وی چکارائی چیٹیار تے ایس ستیامورتی دی تائید حاصل ہئی تے خود مختاری حامی انڈین نیشنل کانگریس تے انگریزحامی جسٹس پارٹی دی حمایت حاصل ہئی۔

اے ہڑتال بالآخر اکتوبر وچ تھئی۔ سی نٹیسا مدلیار نے ثالثی کیتی۔ اس وقت دے مدراس مزدور یونین دے صدر نے ملازماں کوں کم دوبارہ شروع کرݨ دا مشورہ ݙتا۔ مگر بہ استثنائے چند، بیشتر ہڑتالی ملازمین دے داخلے تے روک لا ݙتی گئی ہئی۔ 

اے ہڑتال چھیہہ مہینے تک چلی۔ ارباب مجاز نے بے رحمی نال احتجاج کوں کچلا۔ 29 اگست 1921ء کوں پولیس نے گولیاں دی بوچھار کیتی  تقریبًا جسٹس پارٹی دے سبھے قائدین کانگریس دی حمایت وچ آئے۔ کجھ لوگاں دے مطابق جسٹس پارٹی دی ایہ حمایت ذات پات دی بنیاد تے ہئی، جبکہ کجھ ݙوجھیاں دی رائے ہئی کہ ایں ہڑتال نے جسٹس پارٹی کوں ہک مطلوبہ موقع فراہم کیتا تاکہ اوہ گورنر کونسل تے حاوی تھیوے، کیونکہ وزارت داخلہ، مدراس گورنر دے براہ راست گرفت وچ ہئی۔ انتظامیہ نے انتہائی ہوشیاری نال ملازمین دے اتحاد کوں توڑ ݙتا اس کیتے انہاں نے دلتاں تے بھارتی کرسچناں دی حمایت حاصل کیتی ہئی جیہڑے ہڑتال وچ شامل نہ تھئے ہن۔




#Article 546: بھا دا طوفان (115 words)


آتشی طوفان آتش زدگی دی ہک ایسی خطرناک قسم ہے کہ جیندے وچ بھاہ، ودھݨ تے پھیلݨ کیتے اپݨا ہوائی نظام بݨا گھندی ہے۔ ایویں عموماً قدرتی طور تے تھیندا ہے، جیندے محرکات عموماً جھاڑیاں توں لگݨ والی بھا، موسمی حدت دے باعث جنگلاں وچ لگݨ والی بھا تے جنگل دی آگ وغیرہ شامل ہن۔ ایں سلسلے وچ ایشٹیگو دا آتشی طوفان تے ایش بدھوار، آتشی طوفان دی مثال کیتے خاص طور تے قابلِ ذکر ہن۔ ایندے علاوہ آتشی طوفان ڄاݨ بجھ کے وی پیدا کیتے ونج سڳدن، مثال دے طور تے آتشیں بماں دی فضائی بمباری جیویں کہ ݙوجھی جنگ عظیم دے دوران درسدن، ہمبرگ، ٹوکیو تے ہیروشیما تے ایٹم بم دا سٹݨا وغیرہ. 




#Article 547: بھارت (326 words)


دریائے سندھ دے مشرق وچ واقع علاقے دا ناں عرب تاریخ نگاراں دے ہاں ہند ہئی۔ اس دا انگریزی ناں انڈیا ہے۔ دریائے سندھ دے ناں دی وجہ توں ایں ملک دا ناں انڈیا پیا۔ ماضی وچ اس خطے کوں عموماً ہندوستان یا بھارت آکھا ویندا ہئی۔ آزادی دے بعد ملک دا سرکاری ناں بھارت رکھا گیا تاہم تمام عالمی زباناں وچ اس دا انگریزی ناں انڈیا ہی مستعمل ہے۔

تاریخی اعتبار نال بھارت کوں کرما بھومی، تپو بھومی تے پُنیا بھومی جیہے ناواں نال وی ڄاݨا ویندا ہے۔

بھارت یا جمہوریہ بھارت جنوبی ایشیا وچ واقع ہک اہم ملک ہے جیندا دارالحکومت دلّی اے.  بھارت آبادی دے لحاظ نال دنیا دا ݙوجھا وݙا ملک ہے اور اس لحاظ نال اے دنیا دی سب توں وݙی جمہوریت وی سݙویندی ہے۔ بھارت دے ہک ارب توں زائد باشندے ہک سو توں زائد زباناں بولیندے ہن۔ بھارت دے مشرق وچ بنگلہ دیش تے میانمار ہن، شمال وچ بھوٹان، چین تے نیپال تے مغرب وچ پاکستان ہے اس دے علاوہ بھارت دے جنوب مشرق تے جنوب مغرب وچ بحر ہند واقع ہے۔ نیز اے ملک سری لنکا ،مالدیپ دے قریب ترین ملک ہے۔ جبکہ بھارت دے نکوبار تے اندامان جزیرے تھائی لینڈ تے انڈونیشیاء نال سمندری حدود نال جڑے ہن۔

ریاستاں
بھارت ایک ملک ہے جیہڑا 29 ریاستاں تے 7 مرکزی زیر اقتدار علاقیاں تے مبنی ہے۔ 1956 دے سٹیٹ ریگولیشن ایکٹ دے تحت، اتحادی علاقے مرکزی حکومت دے زیر اقتدار آندے ہن۔ ریاستاں کوں لسانی بنیاد تے تشکیل کیتا گیا۔ ہر ریاست یا اتحادی علاقہ اضلاع وچ تقسیم کیتا گیا تے اضلاع تحصیلاں وچ۔ حکومت دی آخری انتظامی اکائی دے طور تے گاؤں/پنچایت تشکیل پائے گئے۔

مرکزی حکومت دے زیر انتظام علاقے

بھارت ہک جمہوری ملک ہے۔ بھارت اپݨی 29 ریاستاں (صوبہ جات) تے مرکزی زیرِ حکومت علاقیاں دی یونین (اتحاد) ہے جس دا بنیادی ڈھانچہ وفاقی ہے۔ بھارت دی ریاست دا سربراہ بھارت دا صدر ہے۔ صدر تے نائب صدر پنج سالہ عرصے کیتے منتخب تھیندے ہن۔




#Article 548: بھاندا اݨ بھاندا سخن (717 words)


بشکریہ سئیں سردار عاشق خان بزدار

بھاندا انڑ بھاندا سخن

سئیں ظہور دھریجہ قومی تحریک دے معتبر مہاندرے نصف صدی توں سرائیکی صحافت کریندے پن انہاں دا اتے انہاں دے سوتر بھرا سئیں منیر دھریجہ دی کاوش کوشش نال سرائیکی اخبار جھوک دا اجراء سرائیکی وسیب ءچ وڈا کارنامہ ھے۔ حاکم قوم پنجابی اساں سرائیکی جیندے نرغے وچ ہئوں پورا ملک جیندے ہتھیں ہائی جیک ھے۔ بھل او اتلا نئیں پھر سگی جو او اپنڑاں پنجابی اخبار کڈھ سگے ہا۔ محکوم سرائیکی قوم دی ترجمانی سانگے سرائیکی اخبار دا کڈھنڑ وڈا کم اے جیرھا منیر دھریجہ اتے ظہور دھریجہ کر سٹیا جیندا اعتراف کرنا چاہیدا ھے۔ پرانی گالھ ھے یاسین فخری دھریجہ کتابت کریندے ہن تے کئی رسالیں دی سیریز انہاں جاری کیتی اتے ظہور دھریجہ صاحب جھوک اخبار دے ذریعے سرائیکیں کوں اپنڑے قومی سیاسی ادبی معاشی اتے ثقافتی مسائل دی جانکاری ڈتی۔ منیر صاحب دے بعد ظہور دھریجہ دا اے فیصلہ اچھا ہا جو اخبار کوں سرائیکی وسیب دے تاریخی مرکز ملتان وچوں جاری کیتا ونجے۔ ایندے علاوہ ظہور دھریجہ صاحب سرائیکی دیاں کتاباں چھاپنڑ دا کم شروع کیتا اتے سینکڑاں کتاباں چھاپیاں۔ ہک رپورٹ دے مطابق پاکستانی زبانیں ءچ سب توں ڈھیر کتاباں سرائیکی ءچ چھاپیاں گیاں۔ پنجابی اقتدار پنجابی دانشوریں دی ایما تے سرائیکی زبان کوں مارنڑ دیاں کوششاں کیتیاں۔ کمال اے انہاں اداریاں دا جنہاں اتنی تعداد ءچ سرائیکی کتاباں چھاپ تے سرائیکی زبان کوں جیونڑ دی جاگ لئی۔ انہاں اداریاں وچ جھوک پبلشر دا اگونہاں ناں ھے۔ وسیب واسئیں ظہور دھریجہ کوں Reward ڈیونڑ دی جاء جھوک اخبار کوں پڑھنڑ دی تکلیف وی نہ کیتی۔ ظہور دھریجہ صاحب کتاباں چھاپ چھاپ تے انہاں دے وچوں روپیہ پیسہ بچا تے اوندے نال اخبار چھپیندے ریہے۔ ملتان ءچ انہاں دے ادارے جھوک دا دفتر سیاسی کارکنیں ادیبیں شاعریں فنکاریں اتے دانشوریں دا ٹکانڑاں ھے جتھاں آونڑ والئیں دا آدر کیتا ویندے ول جتنی وی سرائیکی تاریخ دے معتبر ایام ہن تاں او دفتر جھوک ءچ باقاعدگی نال منائے ویندن۔ شاعریں ادیبیں دے اعزاز ءچ شاماں منایاں ویندین۔ نکھڑئیں سنگتیں ادیبیں سیاسی کارکنیں اتے شاعریں دے تعزیتی ریفرنس کرائے ویندن۔ کتابیں دی رونمائی کرائی ویندی اے۔ ساڈے وسیب توں نکھڑیئے ڈیرہ اسماعیل خان تے ٹانک نال سانجھ کرنڑ سانگے 1901 دی احتجاجی تقریب کیتی ویندی ھے۔ ابھے دیرے وچوں جھوک اخبار وی کڈھیا ویندا رہ گئے۔ ظہور دھریجہ لہور ڈیرہ اسماعیل خان ملتان دھریجہ نگر ڈیرہ غازی خان اتے کراچی وچ سرائیکی پروگرام کریندے رہ ویندن۔ پورے وسیب ءچ جاء جاء تھیونڑ آلے ادبی ثقافتی اتے قومی کٹھ بھگتیندے رہ ویندن۔ زکریا یونیورسٹی ملتان وچ سرائیکی مضمون دے اجراء واسطے انہاں خاصی جدوجہد کیتی ھے۔ ہک بندہ اتے اے تلا کم ایندا Reward اونکوں کیا ملئے اوندے اتے بے جا تنقید گلے کہانیاں قصے گالہیں مندے۔ ایندے اتے افسوس نئیں کیوں جو اکثر محکوم قومیں دا ایہو رویہ ہوندے۔ اپنڑے ہیروز کوں بجائے تسلیم کرنڑ دے انہاں کوں کہیں نہ کہیں طریقے مارنڑ دی کوشش کیتی ویندی ھے۔ ظہور دھریجہ ڈھیر سارے محترم دوستیں توں مخاصمت طعن و تشنیع دا شکار اے۔ بندئیں نال اختلاف ہوندن ول وڈیپا ایندے وچ ہوندے جو تحریکی حوالے نال اختلافات طے کریندن پکے جھیڑے نئیں کریندے۔ جتلی جھیڑ سنگت ظہور دھریجہ نال ستری ودی ھے اتلا جھیڑا پنجابی سامراج نال کیتا ونجے ہا تاں سرائیکی سیاسی مسئلہ کجھ اگونہاں تھی گیا ہووے ہا۔ ظہور دھریجہ انسان ھے پسند نا پسند ہر بندے دی ہوندی اے اونکوں اپنڑی سوچ تے پسند دے مطابق جیونڑ دا حق اے۔ تنقید کرنڑ آلی سنگت وچ وی خدا نہ کرے خامیاں ہوون جیرھیاں دھریجے کوں پسند نہ ہوون۔ دوست جے کر انسانی خود مختاری دا حق استعمال کریندن مناسب سمجھن تاں ایہو حق ڈوجھے کوں وی ڈیون۔ یقیناً میڈی اے پوسٹ کجھ دوستیں کوں پسند نہ آوے تاں اوندا مطلب اے نئیں جو دھریجہ خراب اے۔ کہیں دے چنگاں لنگاں ہوونڑ دا فیصلہ لوک کریندن اتے ماشاءاللہ لوکیں ءچ ظہور دھریجہ قابل احترام اے۔ جے میڈی گالھ کہیں کوں پسند نہ آوے تاں انہاں کوں میڈی درخواست اے جو میڈئیں کیتئیں گالہیں دا نروار کرن۔ میں ولا آکھساں جو دھریجے دا سرائیکی قومی ادبی ثقافتی تحریک سانگے کیتا گیا کم سب توں ڈھیر اے انہاں دا کم آدھل صدی تے محیط اے۔ میں سنگت دی وکالت کریندئیں گالہیں مندے کھاونڑ دی امید رکھیندئیں اے تحریر لکھی اے۔ دوستیں دے مہنڑیں سٹھنڑیں اکھیں تے۔

تاں وی چم سر اکھیاں چاتے میں
(فرید)
عاشق بزدار




#Article 549: بھرا اکبر ملکاݨی صیہب کیتے خاص طور (277 words)


ادا ملکانی سئہں ، PTI  دے کہیں اسمبلی ممبر یا وزیر نال ملاقات کرنڑ کہڑی غلط گال اے، ، پنجاب کوں تقسیم کر تے اسکوں انج صوبہ ڈیتا ونجے ایں توں چنگی گال بئی کیا تھی سگدی ھے ، رھی اساڈے جغرافیے دی گال تاں اساڈے  اوھے 23 اضلاع ھن ایں توں گھٹ صوبہ کہیں سرائیکی پارٹی کیتے قابل قبول کینی ھنڑ صرف ایں گال تے زور ڈیتا ونجے ، سئیں ایں ویلے نویں صوبے دا جغرافیہ اساڈے کیتے اھم ھے ، باقی رھی گال جنوبی پنجاب والی تے  نہ اساں جنوبی تے نہ اساں پنجابی ھوں ایہو زرو بعد اچ چا لواھے

نہ اسمبلی پرے تے نہ ممبران پہلے بال جمنڑ تاں ڈیوو سئیں صوبے سرحد دا ناں بدل سگدے تاں اے کوئ حدیث نی جو  بدل نی سگدا ، سئیں ھنڑ تاں اناں ساریں دی کنڈ تھپی ونجے جہڑے پنجاب دی تقسیم  تے اساڈے کیتے انج صوبے  دے حامی ھن یا اساڈے کیتے انج صوبے دی گال کھڑے کریندن بھلے او  ن اچ کیوں نی کھڑے، وسیب دے ھر منتخب ممبر نال ملاقات کر تے اناں کوں پنجاب دی تقسیم اتے مجبور کیتا ونجے تاکہ صوبے دی قرارداد پاس تھیوے ،
رب دا ناں ھیوے کہیں اتے فتوے جاری نہ کرو، اے گال یاد کراھے جو پنجاب دی تقسیم دا ایں توں بہتر موقعہ ول نہ ملسی ، کیونجو ایں وقت PTI تے PPP دے نال اسٹبلشمنٹ وی پنجاب دا زور/طاقت تورنڑ چاھندن ، اے وی سچ ھے جو اے اناں دی ھنڑ اساڈے نال خیرخواھی توں زیادہ اپڑی مجبوری بنڑ گئی اے ، سجنڑو سچ تاں ایہو ھے پر سچ کوں مرچاں وی ھوندن پڑھدیں یاد رکھسو ضرور ۔ ۔ ۔
جیوے سرائیکی. مسن




#Article 550: بھنوالیاں وچوں اقتباس (152 words)


اج کل پیپر سوکھے آندن.
جیندے کولو پچھو 1070، 1060،1040 1020کولو تلے کوئ نئ آندا.
ساڈا دور اف پڑھائ بہوں اوکھی ھوندی ھئ کن پکڑنڑ کولو وی اوکھی ھوندی ھئ.
رزلٹ آلے ڈینہہ جیکوں خوش ڈیکھوں ھا سمجھ ویندے ھاسے ایندیاں ڈو سپلیاں ھن.
آپنڑے یار س کولو پچھئم حال سنڑا جانی آں رزلٹ دا جواب ڈتس میں تاں اونویں شوق کولو مل اچ مزدوری کرنڑی ہئ.
ھا البتہ ساڈے دور دے استادیں دے بال کوئ ڈاکٹر بنڑ گۓ کوئ وکیل ت کوئ انجنئر.
ھک استاد خوشی نال ڈسۓ کل رکشے ت چڑھیاں اوں کرایا نئ گھدا کیوں جو میڈا شاگرد ھئ ،کل کیبل خراب تھئ ھے تاں کیبل جڑوائ دے پیسے نمی بھرے جو میڈا شاگرد ھئ.
ھک استاد پریشان تھیا بیٹھا ھا میں پچھۓ استاد مانو خاں خیر ھے آھدے ھا شانو خاں اپنڑے شاگرد کولو تاش دی بازی ھر گیاں....
اپنڑی زیر_طبع (زیر_عذاب) کتاب بھنوالیاں وچو اقتباس (منصور شانی)




#Article 551: بھوم ڳوجھی (274 words)


بھوم ڳوجھی خالص سرائیکی اصطلاح ہے جیندا مطلب علم و دانائی دا خزانہ اے. بھوم دا لفظی مطلب علم تے دانائی اے تے ڳوجھی دے معنی خزانے دے ہن.اس طرح بھوم ڳوجھی انگریزی لفظ انسائیکلوپیڈیا دا مترادف اے. بھوم ڳوجھی یا انسائیکلوپیݙیا اوں قابلِ فہم خلاصے کوں  آکھا ویندا ہے جیندے وچ علم دے تمام شاخاں یا کہیں ہک مخصوص شاخ تے معلومات ݙتے گئے ہوون۔ اے کئی موضوعات وچ ونڈی ہوئی ہوندی ہے، جس وچ ہک موضوع صرف ہک مضمون تے تفصیلی معلومات فراہم کریندا ہے۔ موضوعات کوں  بھوم ڳوجھی یا انسائیکلوپیݙیا وچ حروفِ تہجّی دی ترتیب وچ لکھا ویندا ہے۔ اے ہک یا کئی جلداں تے مشتمل تھی سڳدے، اِس دا اِنحصار اِس وچ شامل معلومات تے ہے۔

انسائیکلوپیڈیا اصل وچ ہک یونانی لفظ enkyklopaidía توں اخذ کیتا گیا ہے جس دے لغوی معنی، علم تے فن دے لحاظ نال کہیں چیز دا سکھݨاں تے سکھاوݨ ہے، اردو وچ انسائیکلو پیڈیا کیتے ”دائرة المعارف“ تے قاموس العلوم تے سرائیکی وچ بھوم ڳوجھی جیہے الفاظ استعمال تھیندے ہن۔ بھوم ڳوجھی سرائیکی ماہر لسانیات مجاہد جتوئی دا کیتا ہویا ترجمہ اے اِصطلاح انگریزی لفظ انسائیکلوپیڈیا دا صحیح متبادل ہے
،اے ݙو عربی الفاظ دا مجموعہ ہے: ‘‘دائرۃ ’’ یعنی دائرہ تے ‘‘المعارف’’ یا ‘‘معارف’’ جس دا مطلب ہے قانون قدرت یا فطری اشیا دی واقفیت. اے اِصطلاح عربی  فارسی تے اُردو وچ زیرِ استعمال ہے۔ اِس دے علاوہ ݙوجھی عربی اِصطلاحات موسوعہ  تے قاموس العلم بھی اِنہاں تریہے زباناں وچ استعمال تھیندے ہن۔ اِس دے کیتے اصل فارسی لفظ دانشنامہ ہے جیہڑا اُردو وچ کہیں ٻئے مفہوم وچ استعمال تھیندا ہے (دیکھیے مقالہ دانشنامہ).
موسوعہ لکھݨ والے شخص کوں موسوعہ نویس آکھدے ہن

.




#Total Article count: 550
#Total Word count: 199849