#Article 1: ဢပၼ်ႇၼၵ၊ ၸၢတ်ႈ (271 words)


ၽွင်းမိူဝ်ႈမုၼ်ၶမ်းၽြႃး ယူႇသဝ်းတမ်ႈတီႈ ဝတ်ႉꩡေႇတဝၼ်ႇၼၼ်ႉ တပႄးတိတ်ႉထိႁႃႈပၢၵ်ႇ ၸိူဝ်းၼၼ်ႉ ၸင်ႇၸွမ်းဢူၺ်းၵေႃႉၶဝ် သထေးလူင်ဢၼႃႇထပိၼ်ႇသေ မႃးၸူးတမ်ႈတီႈမုၼ်ၶမ်းၽြႃး ယဝ်ႉ။ ထွမ်ႇတြႃး၊ လူႇတၢၼ်း၊ ၵမ်သိၼ်ႁဵတ်းၼႆသေ လႅၵ်ႈလၢႆႈၼပ်ႉယမ်ၵိူဝ်းလီမုၼ်ၶမ်းၽြႃးမႃးယူႇယဝ်ႉ။ ပေႃးဝႃႈ မုၼ်ၶမ်းၽြႃးၶၢႆႉၵႂႃႇယူႇသဝ်းတမ်ႈတီႈ မိူင်းရႃႇၸၵႁၵေႃႈ ၸိူဝ်းၶဝ်ဢၼ်ပဵၼ်တပႄး တိတ်ႉထိသေ မႃးပဵၼ်တပႄးၽြႃးၼၼ်ႉ ၶိုၼ်းၵႂႃႇၼပ်ႉယမ်ၵိူဝ်းလီ တိတ်ႉထိၶဝ်ၶိုၼ်းယဝ်ႉ။ ပေႃးဝႃႈ မုၼ်ၶမ်းၽြႃး လႆႈႁူႉထိုင် လွင်ႈဢၼ်ၶဝ် ၼပ်ႉယမ်ၵိူဝ်းလီ ၽၢႆႇၼႃႈပိူင်ၼိုင်ႈ ၽၢႆႇလင်ပိူင်ၼိုင်ႈၼႆ ၸင်ႇဝႃႈ “မိူဝ်ႈၵွၼ်ႇၵေႃႈ ယွၼ်ႉပိူဝ်ႈ တီႈပိုင်ႈဢိင်ႇဢမ်ႇမၢၼ်ႇမႅၼ်ႈလႄႈ လႆႈလူႉသုမ်းမႃးယဝ်ႉ”ၼႆသေ ၸင်ႇႁေႃးၶႆႈၼႄ ꩡၢတ်ႈၵဝ်ႇ ဝတ်ႉထုဢတိတ်ႉ ၸိူင်ႉၼင်ႇတီႈတႂ်ႈၼႆႉယဝ်ႉ။

ပဵၼ်ၽွင်းမိူဝ်ႈ ပၢၼ်ၶုၼ်ႁေႃၶမ်း ၿြႁမၻတ်ႈ ၼင်ႈၵိၼ်မိူင်းၿႃႇရႃႇၼသီႇ တိူင်းၵႃႇသိၼၼ်ႉယဝ်ႉ။ ၽွင်းၼၼ်ႉ ၼေႃႇၶမ်းၸဝ်ႈ ပဵၼ်ၶိူဝ်းၵူၼ်းၵႃႉလေႃႉ တီႈမိူင်းၿႃႇရႃႇၼသီႇသေ ၵႆႉဢဝ်လေႃႉႁႃႈပၢၵ်ႇသေ ၵႃႉၶၢႆၵုၼ်ႇယူႇယဝ်ႉ။ ၸိူင်ႉၼင်ႇၼေႃႇၶမ်းၸဝ်ႈၼၼ်ႉၼင်ႇၵဝ်ႇ ၵူၼ်းၵႃႉလေႃႈလူင်ၵေႃႉၼိုင်ႈ ဢၼ်ပဵၼ် ၼေႃႇလွင်းၻေႇဝၻတ်ႈၼၼ်ႉၵေႃႈ ဢဝ်လေႃႉႁႃႈပၢၵ်ႇသေ ၵႃႉၶၢႆမီးယူႇတီႈ မိူင်းၿႃႇရႃႇၼသီႇၼၼ်ႉယဝ်ႉ။ ၵူၼ်းၵႃႉၵေႃႉၼၼ်ႉတႄႉ ဢမ်ႇမီးၼမ်ႉၵတ်ႉသေ ဢမ်ႇလၵ်းလႅမ်၊ ပဵၼ်ၵူၼ်းဢၼ် ၺၢၼ်ႇတၢင်းႁူႉဢေႇၼၼ်ႉယဝ်ႉ။ ပုၼ်ႈတႃႇတေၵႂႃႇၵႃႉၶၢႆၼႆႉ ၵူၼ်းၵႃႉလေႃႉသွင်ၵေႃႉၼၼ်ႉ ဢွၼ်ၵၼ် ႁၢင်ႈႁႅၼ်း သိုဝ်ႈၽႂ်တၼ်းမၼ်းယူႇ။ သင်ဝႃႈ လေႃႉႁဵင်လမ်း ၵႂႃႇမိူဝ်ႈလဵဝ်ၵၼ်ၼႆၸိုင် တေမီး လွင်ႈယၢပ်ႇၽိုတ်ႇ တီႈယူႇတီႈသဝ်း၊ တၢင်းၵိၼ်တၢင်းယႅမ်ႉလႄႈ ယွၼ်ႉပိူဝ်ႈ ႁူႉႁၼ်ၼင်ႇၼႆသေ ၼေႃႇၶမ်းၸဝ်ႈၸင်ႇထၢမ် ၼေႃႇလွင်းၵူၼ်းၵႃႉလေႃႉၻေႇဝၻတ်ႈဝႃႈ “ၸဝ်ႈၵဝ်ႇတေၵႂႃႇဢွၼ်တၢင်းႁႃႉ၊ ဢမ်ႇၼၼ် တေၵႂႃႇၽၢႆႇလင်ႁႃႉ”ၼႆယဝ်ႉ။ ၼေႃႇလွင်းၵူၼ်းၵႃႉလေႃႉၻေႇဝၻတ်ႈ ၸင်ႇတူၺ်းႁၼ်ထိုင် “ပေႃးဝႃႈ ႁဝ်းၵႂႃႇဢွၼ်တၢင်းၼႆၸိုင် တေလႆႈၵႂႃႇ ၼိူဝ်သဵၼ်ႈတၢင်းဢၼ်လီ၊ ဝူဝ်းၵေႃႈ တေလႆႈၵိၼ် ယိူဝ်ႈယႃႈဢၼ်လီ” တူၺ်းႁၼ်ထိုင်ဢၼ်လီၸိူဝ်းၼႆႉၵူၺ်းသေ ၸင်ႇလၢတ်ႈဝႃႈ မၼ်းတေၵႂႃႇဢွၼ် တၢင်းၼႆယဝ်ႉ။ ၼေႃႇၶမ်းၽြႃးၸဝ်ႈၵေႃႈ ပဵၼ်ၵူၼ်းႁူႉႁၼ်ထိုင်ၽွၼ်းလီ ဢၼ်လႆႈၵႂႃႇၽၢႆႇလင်ၼၼ်ႉလႄႈ ၸင်ႇၽွမ်ႉၸႂ်သေဝႃႈ “လီယဝ်ႉ၊ တႆးၵေႃႉႁဝ်းၶဝ် ၵႂႃႇၽၢႆႇၼႃႈတႃႉ”ၼႆယဝ်ႉ။

လေႃႉႁႃႈပၢၵ်ႇ ဢၼ်ၼေႃႇလွင်းၵူၼ်းၵႃႉၻေႇဝၻတ်ႈဢွၼ်ႁူဝ်ၼၼ်ႉ ဢွၼ်ၵၼ်ပူၼ်ႉဝၢၼ်ႈ ၵူၼ်းသေ ၽႅဝ်မႃးတမ်ႈတီႈၼႂ်း ၵၼ်ႇတႃႇရႁၢတ်ႇသၢႆးလူင်ယဝ်ႉ။ ၵၼ်ႇတႃႇရၼၼ်ႉၸမ်ႉပဵၼ် ၵၼ်ႇတႃႇရ ဢၼ်ဢမ်ႇမီးၼမ်ႉလႄႈ ဢၼ်မီးၽီလူးၼၼ်ႉယဝ်ႉ။ ၽွင်းမိူဝ်ႈၶဝ်ၽႅဝ်မႃး တမ်ႈတီႈၵၢင်ၵၼ်ႇတႃႇရၼၼ်ႉ ၽီလူးၶဝ်ၽၢၼ်ႇပဵၼ်ၵူၼ်းသေ ၸင်ႇၽၢမ်းႁဵတ်းၼင်ႇ ၽၢႆႇၼႃႈၼၼ်ႉ ဢၢပ်ႈၼမ်ႉၼမ်၊ ဢၢပ်ႈၽူၼ်လိူင်ႇသေ တိုၵ်းသူၼ်း ႁႂ်ႈထွၵ်ႇပႅတ်ႈဢုမ်ၼမ်ႉ ဢမ်ႇတၢပ်ႈတၢင်ႇၼၵ်း ၼိူဝ်လေႃႉႁႃႈပၢၵ်ႇၼႆယဝ်ႉ။ ၼေႃႇလွင်းၵူၼ်းၵႃႉၻေႇဝၻတ်ႈၼႆႉ ယွၼ်ႉဝႃႈ ပဵၼ်ၵူၼ်းဢမ်ႇလၵ်းလႅမ်၊ မီးၺၢၼ်ႇဢေႇလႄႈ ၸင်ႇယုမ်ႇ ၵႂၢမ်းၽီလူးၶဝ်သေ ၸင်ႇဢဝ်ဢုမ်ၼမ်ႉတင်းသဵင်ႈ ထွၵ်ႇပႅတ်ႈယဝ်ႉ။ ၵူၼ်းၵႃႉၸိူဝ်းၼၼ်ႉ သိုပ်ႇၶၢဝ်းတၢင်း တႄႇဢဝ်မိူင်းလႅင်း တေႃႇထိုင်ဝၼ်းၶမ်ႈသေတႃႉၵေႃႈ ဢမ်ႇလႆႈႁၼ်ၼမ်ႉသေဢိတ်း။ ႁဵၼ်းၼႆ ၸဵမ်ၵူၼ်း ၸဵမ်ဝူဝ်း ဢိုပ်းယၢၵ်ႈၶဝ်ႈၼမ်ႉတၢင်းၵိၼ်သေ လႆႈၼွၼ်းဢူၼ်ႈၼူၼ်း ၶၢၼ်ၸႂ် ၶၢၼ်ၶေႃးယူႇ။

ထိုင်မႃးၵၢင်ၶမ်ႈ ၽီလူးၶဝ်ၸင်ႇမႃး ၵိၼ်ပႅတ်ႈ ၵူၼ်းႁႃႈပၢၵ်ႇလႄႈ ဝူဝ်းၼိုင်ႈႁဵင်ယဝ်ႉ။ ႁိုင်မႃး ထႅင်ႈၽၢၵ်ႇလိူၼ်ၼိုင်ႈ ၵူၼ်းၵႃႉလေႃႉႁႃႈပၢၵ်ႇ ဢၼ်ၼေႃၶမ်းၽြႃး ဢွၼ်ႁူဝ်ၼၼ်ႉ ဢွၼ်ၵၼ် သိုပ်ႇၶၢဝ်းတၢင်းမႃးယဝ်ႉ။ ပေႃးဝႃႈ ၽႅဝ်မႃးတမ်ႈတီႈတေၶဝ်ႈ ၵၼ်ႇတႃႇရႁၢတ်ႇသၢႆးၼႆၸိုင် ၼေႃႇၶမ်းၽြႃး ၸႂ်ႉႁႂ်ႈ ထႅမ်ၼမ်ႉယဝ်ႉ။ ၼေႃႇၶမ်းၽြႃးၸဝ်ႈ ၸင်ႇသင်ႇသွၼ်ပၼ်သတိဝႆႉဝႃႈ “ပေႃးဢမ်ႇပၼ်ပိူၼ်ႈႁူႉၸိုင် ၼမ်ႉဢွၼ်ႇၼိုင်ႈဝၵ်ႉၵေႃႈ တေႃႈယႃႇပေၵိၼ်၊ မၢၵ်ႇမႆႉ၊ ယွတ်ႈမႆႉ၊ မွၵ်ႇမႆႉ ဢၼ်ၸဝ်ႈၵဝ်ႇ ဢမ်ႇယၢမ်ႈၵိၼ်ၼၼ်ႉ ယႃႇပေၵိၼ်”ၼႆယဝ်ႉ။ ပေႃးဝႃႈ ၼေႃႇၶမ်းၽြႃးၶဝ် ႁွတ်ႈၽႅဝ်မႃး ၼႂ်းၵၢင်ၵၼ်ႇတႃႇရ ၼႆၸိုင် ၽီလူးၶဝ် မႃးၽၢမ်းလႅၼ်ၶဝ် ၸိူင်ႉၼင်ႇၵႃႈၵွၼ်ႇတွၼ်းဢွၼ်ယဝ်ႉ။ ပေႃးဝႃႈ ၼေႃႇၶမ်းၽြႃး လႆႈႁၼ်လွင်ႈဝႃႈ ၽီလူးၸိူဝ်းၼႆႉ ဢမ်ႇမီးတၢင်းၵူဝ်၊ တႃလႅင်ၸိုၵ်းၶိုၵ်း၊ ဢမ်ႇမီးၵေႃႉငဝ်းၼႆၸိုင် ၵိုင်ႉ ၵၢင်ႉႁူႉဝႃႈ ပဵၼ်ၽီလူးၼႆယဝ်ႉ။

ၵွပ်ႈပိူဝ်ႈ ဢမ်ႇထွမ်ႇဢဝ်ၵႂၢမ်းၽီလူးၶဝ်သေ သိုပ်ႇၶၢဝ်းတၢင်းမႃးလႄႈ ထိုင်မႃးတၢမ်းၶမ်ႈ ၽွင်း ၽႅဝ်ထိုင်တီႈၼိုင်ႈၼၼ်ႉ ၸင်ႇမႃးႁၼ် လေႃႉတၢင်ႇၶူဝ်းတဵမ်ပိၵ်းႁႃႈပၢၵ်ႇလႄႈ လုပ်ႇၵူၼ်းလုပ်ႇဝူဝ်းသေ လႆႈႁူႉဝႃႈ ၼေႃလွင်းၵူၼ်းၵႃႉၸုမ်းၻေႇဝၻတ်ႈၶဝ် လႆႈၶၢမ်ႇတၢင်းၽီလူးၵိၼ်ၼႆယဝ်ႉ။ တီႈၼၼ်ႈ ၸင်ႇဢဝ် ဝူဝ်းဝႆႉၼႂ်းၵၢင်ၵူၼ်းသေ တူၼ်တူဝ်ၸဝ်ႈ ယိပ်းလၢပ်ႇ ပႂ်ႉတင်းၶိုၼ်းဢမ်ႇၼွၼ်းဢမ်ႇလပ်း။ ၵၢင်ၼႂ်မိူင်းလႅင်းမႃး ၸင်ႇဢဝ်လေႃႉဢမ်ႇလီ လႅၵ်ႈလေႃႉလီ၊ ဢဝ်ၶူဝ်းၵႃႈပေႃး လႅၵ်ႈၶူဝ်းၵႃႈယႂ်ႇသေ သိုပ်ႇၶၢဝ်းတၢင်း ၵႃႉၶၢႆသေ ၶိုၼ်းၽႅဝ်မႃး တီႈယူႇၸဝ်ႈၵဝ်ႇ ၵတ်းၵတ်းယဵၼ်ယဵၼ် မၢၵ်ႈမီးလီပဵၼ်ယဝ်ႉ။ ႁဵတ်းၼႆ ၶိုၼ်းႁေႃးၶႆႈၼႄ ꩡၢတ်ႈၵွၼ်ႇယဝ်ႉဝႃႈ “သထေးလူင်... ၵႃႈၵွၼ်တွၼ်းဢွၼ်ၼႆႉ ၵူၼ်း ၸိူဝ်းဢၼ်ဢဝ် လွင်ႈတၢင်းၽိတ်းၽႅၵ်ႇပႅၵ်ႇပိူင်ႈၼၼ်ႉ လႆႈလူႉသုမ်းသေ ၵူၼ်းၸိူဝ်းဢၼ် ဢဝ်လွင်ႈ တၢင်းဢမ်ႇၽိတ်းၽႅၵ်ႇဢမ်ႇပႅၵ်ႇပိူင်ႈၸိူဝ်းၼၼ်ႉ လႆႈလွတ်ႈၽေးၽီလူးသေ လႆႈသိူဝ်းသႃႇ ၶိုၼ်းယၢမ်ႈ လႆႈၽႅဝ် ထိုင်တီႈယူႇၵဝ်ႇယူႇယဝ်ႉ” ၼင်ႇၼႆသေ ၸင်ႇႁေႃးၼႄ ၷႃႇထႃႇတီႈတႂ်ႈၼႆႉယဝ်ႉ-

ဢေတၻၺ်ၺႃယ မေꩪႃဝီ၊ တံ ၷၼေႁ ယ ႆ ၻပၼ်ၼၵံ။

ၽူႈမီးပၺ်ႇၺႃႇၶဝ် မၢင်ၸိူဝ်းၼႆႉ ၶဝ်မေႃလိူၵ်ႈဢဝ် တီႈတၢင်းတိုဝ်းၵမ်လီ ဢၼ်ဢွၵ်ႇမူၼ်ႉ ပူၼ်ႉလွတ်ႈ လွင်ႈတၢင်းတုၵ်ႉယၢၵ်ႈၶၢၼ်ၸႂ်ၼၼ်ႉယဝ်ႉ။ ၵေႃႉဢၼ်ဢမ်ႇမီးပၺ်ႇၺႃႇသေ ၵူၺ်းမေႃ လၢမ်းလိမ်းဝူၼ်ႉဢဝ်ၼၼ်ႉတႄႉ တေၵႂႃႇဢဝ်တၢင်းတိုဝ်းၵမ်ထိသွင် ဢၼ်ၽိတ်းၽိတ်းၽူၼ်ၽူၼ် ဢၼ်ဢမ်ႇလွတ်ႈတၢင်းတုၵ်ႉယၢၵ်ႈၶၢၼ်ၸႂ်ၼၼ်ႉယဝ်ႉ။ ၽူႈမီးပၺ်ႇၺႃႇ ဢၼ်ႁူႉႁၼ် တင်းသွင်ပိူင် ၼၼ်ႉတႄႉ ထုၵ်ႇလီတိုဝ်းၵမ်ဢဝ် တၢင်းတိုဝ်းၵမ်ဢၼ်ဢွၵ်ႇမူၼ်ႉပူၼ်ႉလွတ်ႈ လွင်ႈတုၵ်ႉယၢၵ်ႈၶၢၼ်ၸႂ် ၼၼ်ႉၵူၺ်းယဝ်ႉ။

ၸဝ်ႈလေႃႉၵူၼ်းၵႃႉ ၽူႈမီးပၺ်ႇၺႃႇၼၼ်ႉမႃးပဵၼ် ၽြႃး။ 
ၸဝ်ႈလေႃႉၵူၼ်းၵႃႉ ၽူႈဢမ်ႇမီးပၺ်ႇၺႃႇၼၼ်ႉ မႃးပဵၼ် ၻေႇဝၻတ်ႈ။




#Article 2: ဝၼ်ႇၼုပထ၊ ၸၢတ်ႈ (277 words)


(ဝၼ်ၼုပထ = ၶၢဝ်းတၢင်းႁၢတ်ႇသၢႆး)
ယွၼ်ႉဝီႇရိယသေ လႆႈသိူဝ်းသႃႇ

ၽွင်းမိူဝ်ႈမုၼ်ၶမ်းၽြႃး ယူႇသဝ်းတမ်ႈတီႈ မိူင်းသႃႇဝတ်ႉထိ၊ ဝတ်ႉꩡေႇတဝၼ်ႇၼၼ်ႉ ၵူၼ်းမိူင်းသႃႇဝတ်ႉထိ ၵေႃႉၼိုင်ႈ ယွၼ်ႉပိူဝ်ႈ လႆႈထွမ်ႇငိၼ်း တြႃးၽြႃးပဵၼ်ၸဝ်ႈလႄႈ ႁၼ်တၢင်းၽိတ်းၵႃႇမၷုၼ်ႇသေ ၸင်ႇမႃးႁဵတ်းရႁၢၼ်း တမ်ႈတီႈမုၼ်ၶမ်းၽြႃးယဝ်ႉ။ ၽွင်းမိူဝ်ႈ လႆႈမႃးႁႃႈဝႃႇၼၼ်ႉ ၸင်ႇယွၼ်းဢဝ် ၵမ်ႇမထၢၼ်း ဢၼ်မၼ်းထုၵ်ႇၸႂ် တမ်ႈတီႈၽြႃးသေ ၵႂႃႇယူႇသဝ်း တီႈၼႂ်းထိူၼ်ႇ တီႈၼိုင်ႈယူႇ။ ၼႂ်းဝႃႇသၢမ်လိူၼ် ၶတ်းၸႂ် ၵၢၼ်တြႃးမၼ်း တႄႉတႄႉဝႃႈဝႃႈသေတႃႉ တေႃႈၵႃႈၼိမိတ်ႈသင်ၵေႃႈ ဢမ်ႇႁၼ်သင်လႄႈ “ၵဝ်ၼႆႉ ယူဝ်ၶႄးတေပဵၼ် ပုၵ်ႈၵူဝ်ႇ ပၻပရမ ဢၼ်ဢမ်ႇၸၢင်ႈလႆႈတြႃးၸၢတ်ႈၼႆႉ ယူဝ်ႉ”ၼႆ ယွမ်းၵၢၼ်ႉသေ ပွၵ်ႈမႃးၶိုၼ်း တမ်ႈတီႈ ဝတ်ႉꩡေႇတဝၼ်ႇယဝ်ႉ။

တီႈဝတ်ႉꩡေႇတဝၼ်ႇၼၼ်ႉ ရႁၢၼ်းၶဝ်ၸဝ်ႈ ႁူႉႁၼ်ဝႃႈ မၼ်းၸဝ်ႈၼႆႉ “ၼႂ်းဝႃႇသၢမ်လိူၼ် ၶတ်းၸႂ်ၵၢၼ်တြႃးသေတႃႉ ၼိမိတ်ႈဢွၼ်ႇၵူၺ်ႈၵေႃႈ တေႃႈဢမ်ႇႁၼ်သင်၊ သမ်ႉထၢင်ႇဝႃႈ ၸၢတ်ႈၼႆႉ မၼ်းပဵၼ်ပုၵ်ႈၵူဝ်ႇ ဢၼ်ဢမ်ႇၸၢင်ႈလႆႈတြႃးၼႆ ယွၼ်ႇၸႂ်သေ ပွၵ်ႈမႃး”ၼႆလႄႈ ၶဝ်ၸင်ႇဢွၼ်ဢဝ် မၼ်းၸဝ်ႈ ၵႂႃႇၸူး တမ်ႈတီႈမုၼ်ၶမ်းၽြႃး ၸင်ႇလဝ်ႈလၢတ်ႈၼႄ ၵူႈလွင်ႈလွင်ႈယဝ်ႉ။ ၵမ်းၼၼ်ႉ မုၼ်ၶမ်းၽြႃးၸင်ႇဝႃႈ “ၸဝ်ႈရႁၢၼ်းၼႆႉ ၸၢတ်ႈၵွၼ်ႇၼၼ်ႉ ယၢမ်ႈပဵၼ် ၵူၼ်းဢၼ်မီးတၢင်းၶတ်းၸႂ် ဝီႇရိယမႃးယဝ်ႉ”ၼႆသေ ၸင်ႇႁေႃးလၢတ်ႈၼႄသႃႇꩪၵ ꩡၢတ်ႈဝၼ်ႇၼုပထၼႆႉယဝ်ႉ-

မိူဝ်ႈၵွၼ်ႇၵွၼ်ႇ တီႈတိူင်းၵႃႇသိ၊ မိူင်းၿႃႇရႃႇၼသီႇ ၽွင်းမိူဝ်ႈၶုၼ်ႁေႃၶမ်း ၿြႁမၻတ်ႈ ၼင်ႈၵိၼ်မိူင်းယူႇၼၼ်ႉ ၼေႃႇၶမ်းၽြႃးသမ်ႉပဵၼ် ၸိူဝ်ႉၶိူဝ်းၵူၼ်းၵႃႉလေႃႉယဝ်ႉ။ ပေႃးဝႃႈ မၼ်းၸဝ်ႈ ယႂ်ႇမႃႈၵႃႈသုင်မႃးၼႆ ၸင်ႇဢွၼ်ႁူဝ် လေႃႉႁႃႈပၢၵ်ႇသေ ၵႃႉၵႃႉၶၢႆၶၢႆယူႇ။ ထိုင်မႃးပွၵ်ႈၼိုင်ႈ ၸင်ႇမီးမႃး လွင်ႈတၢင်း တႃႇတေၵႃႉၶၢႆလတ်းၶၢမ်ႈ ႁၢတ်ႇသၢႆးလူင် ဢၼ်ၵႂၢင်ႈ ႁူၵ်းသိပ်းယူႇꩡၼႃႇၼၼ်ႉယဝ်ႉ။ ၽွင်သၢႆး ႁၢတ်ႇသၢႆးလူင်ၼႆႉ ပဵၼ်ဢၼ်ဢူၼ်ႈဢွၼ်ႇၽွင်သေးတႄႉတႄႉသေ ဢဝ်မိုဝ်းၵမ်ဝႆႉၵေႃႈ ၶိုၼ်းႁူင်ႈတူၵ်း၊ ၽွင်းလႅတ်ႇမႆႈမႃးၼႆၵေႃႈ တေႃႈမႆႈမိူၼ်ၼင်ႇၽႆးသေ ၽႂ်ၵေႃႈ တေႃႈဢမ်ႇယဵပ်ႇလႆႈ။ ၵွပ်ႈၼႆ ပေႃးဝႃႈ တေလတ်းၶၢမ်ႈ ႁၢတ်ႇသၢႆးလူင်ၼႆႉၸိုင် လႆႈၶပ်းၶိုင်ဢဝ်ၵႂႃႇ ၼမ်ႉမၼ်း၊ ၶဝ်ႈသၢၼ်၊ ၼမ်ႉ၊ ၽိုၼ်းတဵမ်တဵမ် ထူၼ်ႈထူၼ်ႈယဝ်ႉ။ ၵူၺ်းလႆႈသိုပ်ႇၶၢဝ်းတၢင်း ၵင်ၶမ်ႈၵူၺ်းသေ ပေႃးဝႃႈ မိူင်းလႅင်းမႃးၸိုင် လႆႈၵိုတ်းလေႃႉ ၸွမ်းၵၼ်သေ လႆႈႁဵတ်းမုင်းယူႇသဝ်း တႂ်ႈႁူမ်ႈလေႃႉတင်းဝၼ်းယဝ်ႉ။

ပေႃးၵၢင်ဝၼ်းတူၵ်းၼႆၵေႃႈ ဢွၼ်ၵၼ်ၵိၼ်ၶဝ်ႈၶမ်ႈသေ သိုပ်ႇၶၢဝ်းတၢင်းၵမ်းလဵဝ်ယဝ်ႉ။ ယွၼ်ႉပိူဝ်ႈ လႆႈၵႂႃႇၶၢဝ်းတၢင်း ၵၢင်ၶမ်ႈၵူၺ်းလႄႈ လႆႈတူၺ်း ၼၵ်ႈၶတ်ႈတႃႇရႃႇလိူၼ်လၢဝ်သေ ၵႂႃႇၶၢဝ်းတၢင်း ၸိူင်ႉၼင်ႇ ပိူၼ်ႈၵႂႃႇၶၢဝ်းတင်း ၼမ်ႉသမုၻ်ႉၻရႃႇၼၼ်ႉလႄႈ လႆႈပႃး ၵူၼ်းၼႄတၢင်းၼိုင်ႈၵေႃႉယဝ်ႉ။ ၽုင်လေႃႉလူင် ဢၼ်ၼေႃႇၶမ်းၽြႃး ဢွၼ်ႁူဝ်မႃးၼၼ်ႉ ပူၼ်ႉမႃးၶၢဝ်းတၢင်း 59 ယူႇꩡၼႃႇယဝ်ႉလႄႈ “ပေႃးသိုပ်ႇၶၢဝ်းတၢင်းထႅင်ႈ ၶမ်ႈၼိုင်ႈၸိုင် တၵ်းတေဢွၵ်ႇပူၼ်ႉ ႁၢတ်ႇသၢႆးလူင်ဢမ်ႇႁၢင်ႉ” ဝူၼ်ႉႁၼ် ထိုင်ၼင်ႇၼႆ ဝၢႆးသေၵိၼ်ၶဝ်ႈၶမ်ႈယဝ်ႉ ၸင်ႇၸႂ်ႉႁႂ်ႈဢဝ်ၼမ်ႉ၊ ၽိုၼ်းဢၼ်တၢင်ႇၼၵ်းမႃးၼိူဝ်လေႃႉ ၸိူဝ်းၼၼ်ႉ ၸုၼ်ႉပႅတ်ႈသဵင်ႈသဵင်ႈယဝ်ႉ။

ဝၢႆးၼၼ်ႉ ၼေႃႇၶမ်းၽြႃးၵေႃႈ ၼင်ႈၼိူဝ်လေႃႉၼၢမ်း တူၺ်းၼၵ်ႈၶတ်ႈ လိူၼ်လၢဝ်သေ ၶိုၼ်းသိုပ်ႇၶၢဝ်းတၢင်းမႃးယူႇ။ ၽွင်းတိုၵ်ႉဢွၼ်ႁူဝ်ၼႄတၢင်းမႃးယူႇ တီႈႁူဝ်လေႃႉၼၼ်ႉ ယွၼ်ႉပိူဝ်ႈ ႁိူဝ်ႉၶၢဝ်းတၢင်းမႃးၵေႃႈ ႁိုင်ၼၢၼ်းယဝ်ႉလႄႈ ၸင်ႇဢဝ်ၼွၼ်းလပ်းၵႂႃႇပႅတ်ႈယဝ်ႉ။ ၵွပ်ႈၼၼ် ဝူဝ်းလေႃႉၶဝ် ၶိုၼ်းပွၵ်ႈမႃးၶိုၼ်း တၢင်းၵဝ်ႇၶဝ်ၵေႃႈ တေႃႈဢမ်ႇတၼ်းႁူႉထိုင်။ ထိုင်မႃး ၼႃႈမိူင်းၸမ်လႅင်း ၼေႃႇၶမ်းၽြႃး ၸင်ႇတိုၼ်ႇမႃး ၸင်ႇမႃးတူၺ်း ၼၵ်ႈၶတ်ႈလိူၼ်လၢဝ်သေ ၸႂ်ႉႁႂ်ႈဝူဝ်းလေႃႉ ၶိုၼ်းလဵဝ်လင်ယဝ်ႉ။ ၽွင်းၼၼ်ႉ ၼႃႈမိူင်းလႅင်းပၢင်ႇမႃးယဝ်ႉလႄႈ ၸင်ႇၶိုၼ်းႁူႉဝႃႈ ၶဝ်ၶိုၼ်းၽႅဝ်ထိုင် တီႈၵဝ်ႇၶဝ် မိူဝ်ႈဝၼ်းဢွၼ်ၼၼ်ႉ ၼႆယဝ်ႉ။ ၵမ်းၼၼ်ႉ ၵူၼ်းၵႃႉလေႃႉတင်းသဵင်ႈ ဢွၼ်ၵၼ်ၸႂ်မႆႈၸႂ်လူႉသေ ၼွၼ်းယူႇတႂ်ႈလေႃႉၶဝ်ယဝ်ႉ။
ၼေႃႇၶမ်းၽြႃးၸင်ႇဝူၼ်ႉဝႃႈ “သင်ဝႃႈ ၵဝ်ဢမ်ႇၶတ်းၸႂ်ၼႆၸိုင် ႁဝ်း တေလႆႈလူႉႁၢႆသုမ်းတၢႆ တင်းမူတ်းယဝ်ႉ”ၼႆသေ ၵၢင်ၼႂ်ၸဝ်ႉၸဝ်ႉ ၽွင်းလႅတ်ႇပႆႇတၼ်းမႆႈၼၼ်ႉ ၸင်ႇလဵပ်ႈတူၺ်းၸွမ်း ႁိမ်းႁွမ်းၸိူဝ်းၼၼ်ႉ လႆႈႁၼ်ယိူဝ်ႈယႃႈၶဵဝ်ဢွၼ်ႇ ဢွၵ်ႇဝႆႉလႄႈ ၸင်ႇၸႂ်ႈဢဝ်သဵမ်သေ ၶုတ်းတီႈၼၼ်ႈယဝ်ႉ။ ၽိူဝ်ႇၶုတ်းၵႂႃႇ မွၵ်ႈႁူၵ်းသိပ်းသွၵ်ႇၼႆ ၵႂႃႇတိူၵ်ႈသႂ်ႇ ပိုၼ်ႉၽႃမၢၵ်ႇႁိၼ်လူင်လႄႈ ဢွၼ်ၵၼ်ၸႂ်တူၵ်းၵႂႃႇ တင်းသဵင်ႈ။ ၼေႃႇၶမ်းၽြႃး ၸင်ႇလူင်းၵႂႃႇတူၺ်း တီႈပိုၼ်ႉၽႃမၢၵ်ႇႁိၼ်လူင်ၼၼ်ႉ ၸင်ႇဢဝ်ႁူ ဢိူမ်ႈထွမ်ႇတူၺ်း တီႈပိုၼ်ႉၽႃမၢၵ်ႇႁိၼ်ၼၼ်ႉၼႆ လႆႈငိၼ်းသဵင်ၼမ်ႉလႆဝႆႉလႄႈ ၸင်ႇၶိုၼ်းၶိုၼ်ႈမႃး တီႈၼိူဝ်ယဝ်ႉ။ ဝၢႆးၼၼ်ႉ ၸင်ႇႁႂ်ႈၵူၼ်းၸႂ်ႉမၼ်းၵေႃႉၼိုင်ႈ ဢဝ်ၶွၼ်ႉၸွၵ်းလဵၵ်းသေ ၵႂႃႇထုပ်ႉတႅၼ်ႇ ႁႂ်ႈမၢၵ်ႇႁိၼ်လူင်ၼၼ်ႉလႅဝ်ယဝ်ႉ။ ၵူၼ်းတင်းမူတ်း ဢမ်ႇၶႂ်ႈၶတ်းၸႂ်သေ ထၢတ်ႈၸႂ်တူၵ်းသေတႃႉ ၸၢႆးဢွၼ်ႇၼၼ်ႉတႄႉ ထၢတ်ႈၸႂ်ဢမ်ႇတူၵ်း၊ မၼ်းၸင်ႇဢဝ် ၶွၼ်ႉၸွၵ်းလဵၵ်းမၼ်း ထုပ်ႉတႅၼ်ႇ ပိုၼ်ႉၽႃမၢၵ်ႇႁိၼ်လူင်ၼၼ်ႉ တႅၵ်ႇလႅဝ်ၵႂႃႇလႄႈ ၼမ်ႉၸင်ႇမုတ်းဢွၵ်ႇမႃး မွၵ်ႈတူၼ်ႈထၢၼ်ၼၼ်ႉယဝ်ႉ။ ၵွပ်ႈၼၼ် ၵူၼ်းၵႃႉလေႃႉၶဝ်တင်းသဵင်ႈ ဢမ်ႇလႆႈလူႉႁၢႆတၢႆသုမ်းသင် လႆႈသိူဝ်းသႃႇသေ သိုပ်ႇၵႂႃႇၵႃႉၶၢႆ တီႈဢၼ်ၶဝ်ၶႂ်ႈၵႂႃႇၼၼ်ႉလႄႈ ဢွၼ်ၵၼ်လႆႈ ၼမ်ႉတွၼ်းတင်းၼမ် လႆႈသိူဝ်းသႃႇၵႂႃႇသေ ၶိုၼ်းၽႅဝ်ထိုင် တီႈယူႇမိူင်းလင်ၶဝ်ယဝ်ႉ။ မုၼ်ၶမ်းၽြႃးႁေႃးၼႄ လွင်ႈꩡၢတ်ႈၵွၼ်ႇၼင်ႇၼႆသေ ၸင်ႇသိုပ်ႇႁေႃး ၷႃႇထႃႇတီႈတႂ်ႈၼႆႉ ယဝ်ႉ-

ဢုၻင်ၷၼေ တတ်ထ ပပံ ဢဝိၼ်ၻုံ။

ဢေဝံ မုၼီ ဝီရိယၿလူပပၼ်ၼေႃ၊

ဢၵိလႃသု ဝၼ်ၻေ ႁၻယသ်သ သၼ်တိံ။

ၵူၼ်းၵႃႉလေႃႉ ဢၼ်ဢမ်ႇၶၢၼ်ႉဢမ်ႇဢိူၼ် မီးဝီႇရိယၼၼ်ႉ ပေႃးဝႃႈ ၶုတ်းႁၢတ်ႇသၢႆးၸိုင် ၼႂ်းၶၢဝ်းတၢင်းႁၢတ်ႇသၢႆးၼၼ်ႉ လႆႈၺႃးၼမ်ႉယူႇယဝ်ႉ။ မိူၼ်ၼၼ်ၼင်ႇၵဝ်ႇ ရႁၢၼ်းၽူႈမီးပၺ်ႇၺႃႇ ဢၼ်မီးဝီႇရိယ ဢၼ်ဢမ်ႇၶၢၼ်ႉဢမ်ႇဢိူၼ်ၼၼ်ႉၵေႃႈ ၸၢင်ႈလႆႈ လွင်ႈၸႂ်ၵတ်းယဵၼ် ꧢၢၼ်ႇတြႃး ၸိူဝ်းၼၼ်ႉယူႇ။

		  (2) လူဝ်ႇလႆႈမီးတၢင်းၶတ်းၸႂ် တႃႇသေႇ။




#Article 3: သေႇရိဝဝႃႇၼိၸ၊ ၸၢတ်ႈ (205 words)


(သေရိဝဝႃၼိꩡ=ၵူၼ်းၵႃႉမၢၵ်ႇပွႆးတီး ဢၼ်ၸိုဝ်ႈဝႃႈ သေႇရိဝ)
ပေႃးလေႃးꧤယႂ်ႇၸိုင် ၸၢင်ႈထိုင်တီႈလူႉသုမ်း

ၽွင်းမိူဝ်ႈ မုၼ်ၶမ်းၽြႃး ယူႇသဝ်း တမ်ႈတီႈ ဝတ်ႉꩡေႇတဝၼ်ႇၼၼ်ႉ ဢိင်ပိုင်ႈလူၺ်ႈ ရႁၢၼ်းၸဝ်ႈၼိုင်ႈ ဢၼ်ဝီႇရိယယွမ်းၼၼ်ႉသေ ၸင်ႇတေႁေႃး ꩡၢတ်ႈဢၼ်ၼႆႉယဝ်ႉ။ မုၼ်ၶမ်းၽြႃး ၸင်ႇဝႃႈတီႈၸဝ်ႈရႁၢၼ်းၼၼ်ႉ “လုၵ်ႈႁၵ်ႉရႁၢၼ်း... မႂ်းၼႆႉ လႆႈမႃးပဵၼ်ရႁၢၼ်း တမ်ႈတီႈၼႂ်းသႃႇသၼႃႇ ဢၼ်ၸၢင်ႈလႆႈ မၵ်ႈၽူလ်ႇၼၼ်ႉသေတႃႉ သမ်ႉယူပ်ႈယွမ်း ဝီႇရိယဝႆႉယဝ်ႉ။ ပေႃးဝႃႈ ဝီႇရိယယူပ်ႈယွမ်းၼႆၸိုင် မႂ်းတေလႆႈမႆႈၸႂ် ၸိူင်ႉၼင်ႇ ၵူၼ်းၵႃႉသႅင် ဢၼ်ၸိုဝ်ႈဝႃႈ သေႇရိဝ လႆႈသုမ်းၵွၵ်းၶမ်း ဢၼ်ၵိုင်ႇထိူၵ်ႈ သႅၼ်ၼိုင်ႈၼၼ်ႉယူႇယဝ်ႉ”ၼႆသေ ႁေႃးလၢတ်ႈၼႄ ꩡၢတ်ႈသေႇရိဝၼႆႉယဝ်ႉ-

မိူဝ်ႈၵွၼ်ႇၼၼ်ႉ ၼေႃႇၶမ်းၽြႃးပဵၼ် ၶိူဝ်းၵူၼ်းၵႃႉမၢၵ်ႇပွႆးတီး ဢၼ်ယူႇသဝ်းတမ်ႈတီႈ မိူင်းသေႇရိဝၼၼ်ႉယဝ်ႉ။ တီႈမိူင်းၼၼ်ႉၼင်ႇၵဝ်ႇ ၵူၼ်းၵႃႉမၢၵ်ႇပွႆးတီး ထႅင်ႈၵေႃႉၼိုင်ႈၵေႃႈ ႁိၵ်ႈၸိုဝ်ႈဝႃႈ သေႇရိဝ ၼႆၼင်ႇၵဝ်ႇ။ ၵူၼ်းၵႃႉမၢၵ်ႇပွႆးတီး သေႇရိဝၼႆႉ ၸႂ်လမ်ႇမၢၵ်ႈလေႃးꧤမၼ်း ယႂ်ႇတႄႉတႄႉ။ ဝၼ်းၼိုင်ႈ ၶႃသွင်ၵေႃႉ ၵႂႃႇၵႃႉၶၢႆၸွမ်းၵၼ် တမ်ႈတီႈဝဵင်းဢရိꩦ်ႉꩧယဝ်ႉ။ တီႈတေၶဝ်ႈဝဵင်းၼၼ်ႉ ၸင်ႇၸႅၵ်ႇၽႄ သဵၼ်ႈတၢင်းၵၼ် တႃႇတေၶၢႆမၢၵ်ႇပွႆးတီးယဝ်ႉ။ တၢင်းသဵၼ်ႈဢၼ် ၵေႃႉၼိုင်ႈလဵပ်ႈၶၢႆၵႂႃႇၼၼ်ႉ ၵေႃႉၽၢႆႇလင် မီးသုၼ်ႇလႆႈၵႂႃႇၶၢႆ ဝၢႆးလင်မၼ်းယူႇ။ ၵူၼ်းၵႃႉမၢၵ်ႇပွႆးတီးသေႇရိဝၼႆႉ ၶဝ်ႈၵႂႃႇၼႂ်းသဵၼ်ႈတၢင်း ၶၢႆမၢၵ်ႇပွႆးတီႈမၼ်းၼၼ်ႉသေ ႁွင်ႉဝႃႈ “ၸွင်ႇတေဢဝ်မၢၵ်ႇပွႆးတီးၶႃႈ၊ ၸွင်ႇတေဢဝ်မၢၵ်ႇပွႆးတီးၶႃႈ”ၼႆလႄႈ ၸင်ႇၽႅဝ်ၵႂႃႇတမ်ႈတီႈၼႃႈႁိူၼ်း ၵူၼ်းၽၢၼ်သွင်ၼၢႆးလၢၼ်ယဝ်ႉ။ သွင်ၼၢႆးလၢၼ်ၼႆႉ ပဵၼ်ၸၢဝ်းၶိူဝ်းသထေးသေ ၵွတ်းၽၢၼ်ၵႂႃႇလႄႈ တီႈၼႂ်းၵႄႈၵၢင် မေႃႈၵဝ်ႇၵွၵ်းၵဝ်ႇၶဝ်ၼၼ်ႉ မီးၵွၵ်းၶမ်း ဢၼ်ၶီႈၶႆးၶေႃႇၵဝ်ႇ သဝ်ႈဝဝ်းမွင်ဝႆႉ ၵွၵ်းၼိုင်ႈ။

ပေႃးဝႃႈ လႆႈငိၼ်းသဵင် ၵူၼ်းၵႃႉမၢၵ်ႇပွႆးတီးၼႆၸိုင် လၢၼ်ယိင်းမၼ်းၼၼ်ႉ ၸင်ႇတုၵ်းယွၼ်းႁႂ်ႈ ၼၢႆးၶဝ် သိုဝ်ႉပၼ်မၼ်း မၢၵ်ႇပွႆးတီးယဝ်ႉ။ ၼၢႆးမၼ်းၵေႃႈ ၸင်ႇႁွင်ႉၵူၼ်းၵႃႉမၢၵ်ႇပွႆးတီးမႃးသေ ႁႂ်ႈၵႂႃႇဢဝ် ၵွၵ်းၵဝ်ႇ ဢၼ်မီးဝႆႉၼႂ်းၵႄႈမေႃႈ ၵႄႈၵွၵ်းယွၵ်းၸိူဝ်းၼၼ်ႉယဝ်ႉ။ ၼၢႆးထဝ်ႈ ၸင်ႇဢဝ်ၵွၵ်းၼၼ်ႉသေ လၢတ်ႈႁႂ်ႈၵူၼ်းၵႃႉမၢၵ်ႇပွႆးတီး ဢဝ်မၢၵ်ႇပွႆးတီးဢွၼ်ႇဢိတ်းၼိုင်ႈ ပၼ်လၢၼ်မၼ်းၼႆယဝ်ႉ။ ၵူၼ်းၵႃႉ သေႇရိဝၵေႃႈ ဢဝ်ၶဵမ်ဢွၼ်ႇ ၶိတ်ႇတူၺ်းၵွၵ်းၵဝ်ႇၼၼ်ႉ သမ်ႉလႆႈႁူႉဝႃႈ ပဵၼ်ၵွၵ်းၶမ်းလႄႈ ၸႂ်လေႃးꧤမၼ်း ၶဝ်ႈမႃးၵမ်းလဵဝ်ယဝ်ႉ။ မၼ်းႁဵတ်းၸႂ်ၵူတ်ႉ ဢမ်ႇဢၢၼ်းပၼ်သင်သေ ဢၢၼ်းၶႂ်ႈလႆႈၵွၵ်းၶမ်းလၢႆလၢႆ လႄႈ ၸင်ႇဢဝ်ၵွၵ်းၶမ်းၼၼ်ႉ ထိုမ်ႈပႅတ်ႈၼိူဝ်လိၼ် လၢတ်ႈဝႃႈ “ၵွၵ်းၼႆႉ ၶိုင်ႈပႅၵ်ႉၼိုင်ႈၵေႃႈ ဢမ်ႇမီး ၵႃႈၶၼ်သင်”ၼႆသေ ဢွၵ်ႇၵႂႃႇယဝ်ႉ။

ဢမ်ႇႁိုင်ဢမ်ႇၼၢၼ်း ၵူၼ်းၵႃႉမၢၵ်ႇပွႆးတီး ၼေႃႇၶမ်းၽြႃး ၸင်ႇၽႅဝ်မႃးယဝ်ႉ။ ၵမ်းၼၼ်ႉ လၢၼ်ယိင်းမၼ်း ၸင်ႇတုၵ်းမႆႈၼၢႆးၶဝ် ၸိူင်ႉၼင်ႇ မိူဝ်ႈၸဝ်ႉၼၼ်ႉၼင်ႇၵဝ်ႇ။ ၼၢႆးမၼ်း ထဵင်လၢၼ်မၼ်းသေတႃႉ ဢမ်ႇလိူဝ်လႆႈလႄႈ ၸင်ႇတွင်းပၢၼ်ႇ ၼေႃႇၶမ်းၽြႃးသေ ဢဝ်ၵွၵ်းဢွၼ်ႇၼၼ်ႉ ႁႂ်ႈလႅၵ်ႈပၼ် မၢၵ်ႇပွႆးတီးဢွၼ်ႇ ဢိတ်းၼိုင်ႈၼႆယဝ်ႉ။ ၼေႃႇၶမ်းၽြႃးလႆႈႁူႉဝႃႈ ၵွၵ်းဢွၼ်ႇၼၼ်ႉ ပဵၼ်ၵွၵ်းၶမ်းလႄႈ “မႄႈထဝ်ႈ ၵွၵ်းဢွၼ်ႇၼႆႉ ၵႃႈၶၼ်မၼ်းၵိုင်ႇတၢၼ်ႇ သႅၼ်ၼိုင်ႈဢေႃႈ၊ ၶူဝ်းၶႃႈၸိူဝ်းၼႆႉ ဢမ်ႇမီးၵႃႈၶၼ် ၼိုင်ႈသႅၼ်ၶႃႈ”ၼႆ လၢတ်ႈၵႂႃႇ သိုဝ်ႈသိုဝ်ႈယူဝ်းယူဝ်းယဝ်ႉ။ မႄႈထဝ်ႈၸင်ႇဝႃႈ “ၵူၼ်းၵႃႉမၢၵ်ႇပွႆးတီးၵေႃႉ ၼိုင်ႈသမ်ႉဝႃႈ ‘ၶိုင်ႈပႅၵ်ႉၼိုင်ႈၵေႃႈ ဢမ်ႇၵိုင်ႇ’ၼႆသေ ဢဝ်ပိုတ်ႉပႅတ်ႈၵႂႃႇယဝ်ႉ။ ၵွပ်ႈပိူဝ်ႈ ၽုင်းမုၼ်မႂ်းလႄႈ ၸင်ႇပဵၼ်ၶမ်းမႃးၵႂႃႈ၊ ၵွၵ်းၶမ်းဢွၼ်ႇၼႆႉ မႂ်းဢဝ်ၵႂႃႇတႃႉ၊ ဢဝ်မၢၵ်ႇပွႆးတီးဢွၼ်ႇၵမ်ႈၽွင်ႈ ပၼ်လၢၼ်ၵဝ်သေလႄႈ”ၼႆယဝ်ႉ။ ၵမ်းၼၼ်ႉ ၼေႃႇၶမ်းၽြႃးၵေႃႈ ၸင်ႇဢဝ်ငိုၼ်းဢသပြႃႇႁႃႈပၢၵ်ႇလႄႈ ၶူဝ်းဢၼ်ၵိုင်ႇတၢၼ်ႇ ႁႃႈပၢၵ်ႇၸိူဝ်းၼၼ်ႉ ပၼ်မႄႈထဝ်ႈသဵင်ႈသဵင်ႈသေ ၸင်ႇယွၼ်းဢဝ် ထူင်ယႃႇၸူႇ လႄႈငိုၼ်းပႅတ်ႇၶၼ်ယဝ်ႉ။ ပေႃးဝႃႈ ၽႅဝ်ထိုင်တႃႈႁိူဝ်းၵေႃႈ မၼ်းပၼ်ငိုၼ်း ၸဝ်ႈတႃႈပႅတ်ႇပျႃးသေ ၸႂ်ႉသူင်ႇမၼ်းၽႂ်းၽႂ်းယဝ်ႉ။

ပေႃးဝႃႈ ၼေႃႇၶမ်းၽြႃး ၽႅဝ်ၵႂႃႇတီႈၵၢင်ၼမ်ႉၵေႃႈ ၵူၼ်းၵႃႉမၢၵ်ႇပွႆးတီး သေႇရိဝၼၼ်ႉ ယွၼ်ႉပိူဝ်ႈမၼ်းလႆႈသုမ်း ၵွၵ်းၶမ်းလႄႈ ပဵၼ်တၢင်းမႆႈၸႂ် လိူဝ်ႁႅင်းၼႃႇၼႃႇ၊ ယိပ်းတင်းယႃႇၸူႇသေ ၽႅဝ်မႃးတီႈ ႁိမ်းၽင်ႇၼမ်ႉယဝ်ႉ။ ၶိုၼ်းႁွင်ႉႁႂ်ႈၸဝ်ႈတႃႈ ပွၵ်ႈမႃးၵေႃႈ ဢမ်ႇလႆႈလႄႈ ၸင်ႇဝႆႉၸႂ်ၼႂ်းတေႃႇ ၼေႃႇၶမ်း ၽြႃးသေ တၢႆၵိုၵ်းတၢင်းမႆႈၸႂ်ၵႂႃႇယဝ်ႉ။ မုၼ်ၶမ်းၽြႃးႁေႃးလၢတ်ႈ ၶိူဝ်းꩡၢတ်ႈၵွၼ်ႇဝၼ်းလင်ပၼ် ၼင်ႇၼႆသေ ၸင်ႇတေလွတ်ႈႁေႃး ၷႃႇထႃႇတီႈတႂ်ႈၼႆႉယဝ်ႉ-

 

		  (2) ပေႃးၸႂ်သိုဝ်ႈၽိူၵ်ႇၸိုၼ်ႈ၊ လႆႈမၢၵ်ႈမီးၶိုၼ်ႈယႂ်ႇ။




#Article 4: သထေးၸူႇလ၊ ၸၢတ်ႈ (381 words)


(ၸူꩮသဵꩦ်ꩧိ = သထေးဢၼ်ၸိုဝ်ႈဝႃႈ ၸူႇꩮ)
ထွမ်ႇၵႂၢမ်းၽူႈမီးပၺ်ႇၺႃႇလႄႈ ၼႂ်းသီႇလိူၼ် မီးငိုၼ်းသွင်သႅၼ်

တီႈမိူင်းရႃႇꩡၷႁၼၼ်ႉ မီးသထေးၵေႃႉၼိုင်ႈ ၸိုဝ်ႈဝႃႈ “ꩪၼသဵꩦ်ꩧိ”။ လုၵ်ႈယိင်းသထေး ၵေႃႉၼၼ်ႉ သမ်ႉႁၵ်ႉမႅၼ်ႈ ၵူၼ်းၵိၼ်ၸၢင်ႈ တီႈႁိူၼ်းၶဝ် ၵေႃႉၼိုင်ႈသေ ၶႃသွင်ၵေႃႉ ၸင်ႇလၵ်ႉၵၼ်ပၢႆႈၵႂႃႇ တၢင်ႇတီႈယဝ်ႉ။ ၽိူဝ်ႇလုၵ်ႈယိင်းသထေး ၸပ်းတွင်ႉမႃး တႃႇတေၵိူတ်ႇလုၵ်ႈၼၼ်ႉ မၼ်းၼၢင်း ဢမ်ႇပၼ် ၽူဝ်မၼ်းႁူႉသေ ၸင်ႇလၵ်ႉပၢႆႈမႃး ႁိူၼ်းပေႃႈမႄႈမၼ်းယဝ်ႉ။ ပႆႇထိုင် တီႈႁိူၼ်းပေႃႈမႄႈ ၽွင်းမိူဝ်ႈ ၶၢဝ်းတၢင်းတူၵ်းၶိုင်ႈၼၼ်ႉ မၼ်းၼၢင်း ၸင်ႇမႃးလဵင်ႉ လုၵ်ႈႁူဝ်ၼူမ်းမၼ်းယဝ်ႉ။ ၵမ်းၼၼ်ႉ ၵေႃႉပဵၼ်ၽူဝ် ၽႅဝ်မႃးသေ ၶိုၼ်းႁွင်ႉ မိူဝ်းၸွမ်းႁိူၼ်းၶႃယဝ်ႉ။ ဢမ်ႇႁိုင်ဢမ်ႇၼၢၼ်း မၼ်းၼၢင်း ၶိုၼ်းၸပ်းတွင်ႉပွၵ်ႈ သွင်သေ ၶိုၼ်းလၵ်ႉပၢႆႈမိူဝ်း ႁိူၼ်းပေႃႈမႄႈ ၸိူင်ႉၼင်ႇ ပွၵ်ႈဢွၼ်တၢင်းၼၼ်ႉ ပႆႇထိုင် တီႈႁိူၼ်းပေႃႈမႄႈ ၽွင်းမိူဝ်ႈ ၶၢဝ်းတၢင်းတူၵ်းၶိုင်ႈၼၼ်ႉ မၼ်းၸင်ႇမႃးလဵင်ႉ လုၵ်ႈၵေႃႉထူၼ်ႈသွင်လႄႈ ဢမ်ႇပဵၼ်မိူဝ်းႁိူၼ်း ပေႃႈမႄႈမၼ်းသေ ၶိုၼ်းၸွမ်း ၸဝ်ႈၽူဝ်မၼ်း မိူဝ်းၵႂႃႇယဝ်ႉ။ လုၵ်ႈၸၢႆးမၼ်းသွင်ၸၢႆးၼၼ်ႉ ယွၼ်ႉပိူဝ်ႈ ၵိူတ်ႇၸွမ်းတၢင်းလႄႈ ၵေႃႉယႂ်ႇၼၼ်ႉ ၸင်ႇတၢင်ႇၸိုဝ်ႈဝႃႈ “မႁႃပၼ်ႇထၵ”၊ ၵေႃႉလဵၵ်ႉၼၼ်ႉ ၸိုဝ်ႈ “ၸူꩮပၼ်ႇထၵ”ၼႆႁင်းၽႂ်မၼ်းယဝ်ႉ။ (ပၼ်ထၵ=ၵေႃႉၵိူတ်ႇၸွမ်းတၢင်း)

ပေႃးဝႃႈ မႁႃႇပၼ်ႇထၵ ၵေႃႉယႂ်ႇမႃးၼႆ မၼ်းၸင်ႇထၢမ် လွင်ႈပူႇၼၢႆးၶဝ် တမ်ႈတီႈ မႄႈမၼ်း တိၵ်တိၵ်းယူႇ။ ၵေႃႉပဵၼ်မႄႈၵေႃႈ ဢမ်ႇၸၢင်ႈႁဵတ်းႁိုဝ် ဝႄႈလွတ်ႈလႆႈလႄႈ ၸင်ႇလၢတ်ႈၼႄ ဢၼ်ၸိုဝ်ႈၸႂ်ႈမၼ်းသေ ၸင်ႇဢုပ်ႇၵုမ် ၵေႃႉပဵၼ်ၽူဝ် ၸင်ႇဢဝ်လုၵ်ႈၸၢႆးၶႃသွင်ၵေႃႉ သူင်ႇၵႂႃႇၸူး ပူႇၼၢႆးၶဝ် တီႈဝဵင်းရႃႇၸၵႁယဝ်ႉ။ ၽွင်းမိူဝ်ႈၼၼ်ႉ မုၼ်ၶမ်းၽြႃး ယင်းတိုၵ်ႉယူႇသဝ်း တမ်ႈတီႈ ဝတ်ႉသူၼ်မၢၵ်ႇမူင်ႈ ၶူးမေႃယႃလူင်ꩡီႇဝၵယဝ်ႉ။ မႁႃႇပၼ်ႇထၵၼႆႉ ၵႆႉၵႂႃႇၸွမ်း ပူႇမၼ်းသေ မိူဝ်းထွမ်ႇတြႃးတမ်ႈတီႈ မုၼ်ၶမ်းၽြႃးယဝ်ႉ။

မႁႃႇပၼ်ႇထၵၼႆႉ ယွၼ်ႉပိူဝ်ႈ ၵႆႉလႆႈထွမ်ႇငိၼ်းတြႃးလႄႈ မီးၸႂ်ၶႂ်ႈပဵၼ်ရႁၢၼ်းလႄႈ ၸင်ႇယွၼ်းၶႂၢင်း တမ်ႈတီႈ ပူႇမၼ်းသေ ႁဵတ်းပဵၼ်ရႁၢၼ်းယဝ်ႉ။ ဝၢႆးၼၼ်ႉ ႁဵတ်းၵၢၼ်ၵမ်ႇမထၢၼ်းသေ ပဵၼ်ၸဝ်ႈဢရႁၼ်ႇၵႂႃႇယဝ်ႉ။ ယွၼ်ႉပိူဝ်ႈ ၶႂ်ႈႁႂ်ႈ ၼွင်ႉၸၢႆးဢွၼ်ႇမၼ်း ၸူႇꩮပၼ်ႇ လႆႈႁူပ်ႉႁၼ် လွင်ႈၵတ်းယဵၼ်တြႃး ၸိူင်ႉၼင်ႇမၼ်းလႄႈ မၼ်းၸဝ်ႈ ၸင်ႇယွၼ်းၶႂၢင်းတမ်ႈတီႈ တၵႃႇပူႇမၼ်းသေ ဢဝ်ၼွင်ႉၸၢႆးမၼ်း ႁဵတ်းပဵၼ်ရႁၢၼ်းယူႇယဝ်ႉ။ ၸဝ်ႈၸူႇꩮပၼ်ႇၼႆႉ ၺၢၼ်ႇထိုင်ႉၼိုၵ်းတႄႉတႄႉ။ လိၵ်ႈဢွၼ်ႇ ဢၼ်မီးသီႇၶၵ်ႉၼၼ်ႉ လူဢၢၼ်ႇႁႂ်ႈလႆႈဢူမ်သူပ်း မီးမႃးသီႇလိူၼ်သေတႃႉ ဢမ်ႇၸၢင်ႈလႆႈ။ လွင်ႈ ဢၼ်မၼ်းၸဝ်ႈ ၺၢၼ်ႇထိုင်ႉၼႆႉၸမ်ႉ မိူဝ်ႈပၢၼ်ၽြႃးၵသ်ႉသပၼၼ်ႉ ယွၼ်ႉပိူဝ်ႈ ၵႂႃႇသႄႉၼႄးၵိူမ်ႈလိူမ်ႈ ၸဝ်ႈရႁၢၼ်းၺၢၼ်ႇၼိုၵ်း ၸဝ်ႈၼိုင်ႈၼၼ်ႉယဝ်ႉ။ ၵွပ်ႈၼၼ် မႁႃႇပၼ်ႇထၵ ၸင်ႇဝႃႈ “ပေႃးၺၢၼ်ႇ ႁႅင်ႉထိုင်ႉၼိုၵ်းတၢၼ်ႇၼႆႉ တေၸၢင်ႈႁဵတ်းႁိုဝ် လႆႈမၵ်ႈၽူလ်ႇၼိပ်ႉပၢၼ်ႇ” ၼႆသေ ၸင်ႇလိုပ်ႈမၼ်းၸဝ်ႈ ဢွၵ်ႇဝတ်ႉယဝ်ႉ။ သဵၼ်ႈမၢႆၸဝ်ႈၸူႇလပၼ်ႇထၵ ဢၼ်တေလႆႈၵႂႃႇဢဝ်သွမ်းပဵၼ်း တမ်ႈတီႈ ႁိူၼ်းၶူးမေႃယႃလူင် ꩡီႇဝၵၼၼ်ႉၵေႃႈ မွတ်ႇပႅတ်ႈယဝ်ႉ။
ၵမ်းၼၼ်ႉ ၸဝ်ႈၸူႇလပၼ်ႇထၵ ပဵၼ်ဢၼ်ၸႂ်လဵၵ်ႉၶေႃးၶူမ်ၵႂႃႇ တႄႉတႄႉ။ မီးၸႂ်မူၼ်ႈသိူဝ်း ၼႂ်းသႃႇသၼႃႇယူႇသေတႃႉ ယွၼ်ႉပိူဝ်ႈ ၸဝ်ႈပီႈမၼ်း ဢမ်ႇပၼ်ၼႃႈလီလႄႈ မၼ်းၸဝ်ႈဢၢၼ်းသိၵ်း(ထၢၵ်ႈ)ၼႆသေ ၸင်ႇတေဢၢင်ႈဢွၵ်ႇမိူဝ်း ႁိူၼ်းပူႇၶဝ် ၸဵမ်ၸဝ်ႉယဝ်ႉ။ ၽွင်းၼၼ်ႉ မုၼ်ၶမ်းၽြႃး လႆႈႁူႉႁၼ်ထိုင် လွင်ႈၸူႇလပၼ်ႇထၵလႄႈ ၸင်ႇမႃးပႆၽၢႆႈ ႁိမ်းၽၵ်းတူ တီႈဢၼ်ၸဝ်ႈၸူႇꩮပၼ်ႇတေ ဢွၵ်ႇမႃးၼၼ်ႉယဝ်ႉ။ ႁၼ်ၸူႇꩮပၼ်ႇထၵလႄႈ ႁေႃးတြႃးပၼ်သေ ႁွင်ႉမၼ်းၸဝ်ႈၵႂႃႇတီႈ ၷၼ်ႇꩪၵုꩦီႇယဝ်ႉ။ ၸင်ႇႁႂ်ႈၸဝ်ႈၸူႇꩮပၼ်ႇထၵ ၼင်ႈတီႈပၢၵ်ႇၽၵ်းတူ ၷၼ်ႇꩪၵုꩦီႇသေ “လုၵ်ႈႁၵ်ႉ ၸူႇꩮပၼ်ႇထၵ... ဝၢႆႇၼႃႈတၢင်းဢွၵ်ႇ ၼူတ်ႈၽၼ်ႉ ၽႃႈၸဵတ်ႉၶၢဝ်ၼႆႉဝႃႈ ‘ရꩡေႃႁရၼံ ရꩡေႃႁရၼံ’ၼႆတႃႉ” ၼႆသေ မုၼ်ၶမ်းၽြႃး ၸင်ႇၸွမ်း ၸဝ်ႈရႁၢၼ်းၶဝ် ၵႂႃႇဢဝ်သွမ်း ႁိူၼ်း ၶူးမေႃယႃလူင် ꩡီႇဝၵယဝ်ႉ။

ပေႃးဝႃႈ ၼူတ်ႈၽၼ်ႉၽႃႈၸဵတ်ႉၼၼ်ႉ ၼမ်မႃးၵေႃႈ ၽႃႈၸဵတ်ႉၶၢဝ်ဢွၼ်ႇၼၼ်ႉ ၵဝ်ႇသဝ်ႈၼူၼ်းမွင်မႃးယဝ်ႉ။ ပေႃးဝႃႈ ၸဝ်ႈၸူႇꩮပၼ်ႇထၵ လႆႈႁၼ်ၼင်ႇၼၼ်ၸိုင် “ၽႃႈၸဵတ်ႉဢွၼ်ႇဢၼ်ၼႆႉ မိူဝ်ႈၸဝ်ႉၼၼ်ႉ ၸိုၼ်ႈၶၢဝ်လီတႄႉတႄႉ၊ ယၢမ်းလဵဝ်ၼႆႉ ယွၼ်ႉပိူဝ်ႈ တူဝ်ၵဝ်လႄႈ ဢၼ်ၸိုၼ်ႈၶၢဝ်လီၼၼ်ႉ ႁူင်ႈႁၢႆသေ ၵဝ်ႇသဝ်ႈဝဝ်းမွင်မႃး လွႆးလွႆးယဝ်ႉ။ သင်ႇၶႃႇရတြႃးၼႆႉ ဢမ်ႇမၼ်ႈၵိုမ်းလူင်ၼႆႉ” ဝူၼ်ႉပွင်ႇၸႂ်ၼင်ႇၼႆသေ ၽႄႈတိူၼ်း ဝိပသ်ႉသၼႃႇယဝ်ႉ။ မုၼ်ၶမ်းၽြႃး ယူႇတမ်ႈတီႈ ႁိူၼ်းꩡီႇဝၵသေ ႁူႉႁၼ်လွင်ႈၼႆႉလႄႈ ၸင်ႇပွႆႇဢူဢၢႆသၢႆငဝ်း မႃးႁေႃးတြႃးဝႃႈ “ၸူႇꩮပၼ်ႇထၵ... ၽႃႈၸဵတ်ႉဢွၼ်ႇၼႆႉ ယွၼ်ႉပိူဝ်ႈ ၶႆးလိၼ်လႄႈ မၼ်းလႆႈ ၵဝ်ႇသဝ်ႈဝဝ်းမွင်ၵႂႃႇဢိူဝ်ႈၼႆ ယႃႇပေဝူၼ်ႉႁၼ် လွင်ႈၼႆႉၵူၺ်း၊ တီႈၼႂ်းတူဝ်မႂ်းၼၼ်ႉၵေႃႈ တေႃႈမီး မုၼ်ႈၶႆး ရႃႇၷၸိူဝ်းၼၼ်ႉယူႇ။ ပၢၵ်ႈပႅတ်ႈ မုၼ်ႈၶႆးၸိူဝ်းၼၼ်ႉတႃႉ” ၼႆယဝ်ႉ။

ပေႃးဝႃႈ ၷႃႇထႃႇတြႃးမုၼ်ၶမ်းၽြႃး သုတ်းၵႂႃႇၵေႃႈ ၸဝ်ႈၸူႇꩮပၼ်ႇထၵ ပဵၼ်ၸဝ်ႈဢရႁၼ်ႇ ပꩦိသမ်ႇꧤိၻႃႇပတ်ႉတၵႂႃႇယဝ်ႉ။ ဢမ်ႇတၢပ်ႈလႆႈႁဵၼ်းသွၼ်ဢဝ် ပိꩦၵတ်ႉသၢမ်ၵွင်သေတႃႉ လူင်ႉမေႃၵႂႃႇ ႁင်းၶေႃယဝ်ႉ။ ၵွပ်ႈၼၼ် တႃႇတေႁေႃးတြႃး ဢၼုမေႃးၻၼႃႇပၼ် သွမ်းပဵၼ်းၸီႇဝၵၼၼ်ႉ ပႆႇႁေႃးသေ ၸင်ႇၸႂ်ႉၵႂႃႇပၢင်း ၸဝ်ႈၸူႇꩮပၼ်ႇထၵ ဢၼ်ၵိုတ်းဝႆႉယူႇ တီႈဝတ်ႉၼၼ်ႉယဝ်ႉ။ ပေႃးဝႃႈ မၼ်းၸဝ်ႈ ဢဝ်သွမ်းယဝ်ႉၼႆ မုၼ်ၶမ်းၽြႃး ၸင်ႇပၼ်ပုၼ်ႈၽွၼ်း ႁႂ်ႈၸဝ်ႈၸူႇꩮပၼ်ႇထၵ ႁေႃးတြႃးဢၼုမေႃးၻၼႃႇပၼ် ၶူးမေႃယႃလူင် ꩡီႇဝၵယဝ်ႉ။ ၵမ်းၼၼ်ႉ ၸဝ်ႈၸူႇꩮပၼ်ႇထၵ ၸင်ႇၶူၼ်ႉဢွၵ်ႇမွၵ်ႇၶႆႈဢဝ် ၼႂ်းပိꩦၵတ်ႉသၢမ်ၵွင်သေ ႁေႃးတြႃးဢၼုမေႃးၻၼႃႇ ၵႂႃႇယဝ်ႉ။ ပေႃးဝႃႈ ၸဝ်ႈရႁၢၼ်းၶဝ် ၶိုၼ်းႁွတ်ႈ ၽႅဝ်ထိုင်တီႈဝတ်ႉၼႆ ၶဝ်ၸင်ႇဢွၼ်ၵၼ် မႃးယွင်ႈယေႃးဢၢမ်းဢေႃး ၼမ်ႉၵတ်ႉမုၼ်ၶမ်းၽြႃး ဢၼ်ၵပ်းၵဵဝ်ႇလူၺ်ႈ ၸဝ်ႈၸူႇꩮပၼ်ႇထၵၼၼ်ႉယူႇ။
ၽွင်းၼၼ်ႉ မုၼ်ၶမ်းၽြႃး ၽႅဝ်မႃး၊ မႃးႁူႉငိၼ်း ၵႂၢမ်းဢၢမ်းၸဝ်ႈရႁၢၼ်းၶဝ်သေ မုၼ်ၶမ်းၽြႃး ၸင်ႇဝႃႈ “ၸူႇꩮပၼ်ႇထၵၼႆႉ ဢိင်ပိုင်ႈၵဝ်ၽြႃးသေ လႆႈတြႃးလီၵႂႃႇ မိူဝ်ႈလဵဝ်ၵူၺ်းဢမ်ႇၸႂ်ႈ။ မိူဝ်ႈၵွၼ်ႇၼၼ်ႉၵေႃႈ ဢိင်ပိုင်ႈၵဝ်ၽြႃးသေ လႆႈမၢၵ်ႈမီးလီပဵၼ်မႃးယဝ်ႉ”ၼႆသေ ၸင်ႇတေႁေႃးဢွၵ်ႇမွၵ်ႇလၢတ်ႈ ၼႄ လွင်ႈꩡၢတ်ႈၵွၼ်ႇၼင်ႇၼႆယဝ်ႉ-

မိူဝ်ႈၵွၼ်ႇၼၼ်ႉ ၼေႃႇၶမ်းၽြႃး ပဵၼ်သထေး ဢၼ်ႁိၵ်ႈၸိုဝ်ႈဝႃႈ “ၸူႇꩮသဵꩦ်ႉꩧိ” တီႈမိူင်းၿႃႇရႃႇၼသီႇယဝ်ႉ။ မီးပၺ်ႇၺႃႇတၢင်းၸၢင်ႈတၢင်းမေႃ တဵမ်ထူၼ်ႈသေ မေႃတူၺ်းၼိမိတ်ႉယဝ်ႉ။ ဝၼ်းၼိုင်ႈ ၽွင်းမိူဝ်ႈ တိုၵ်ႉဢၢင်ႈၵႂႃႇၶဝ်ႈၽဝ်ႈၸူး ၶုၼ်ႁေႃၶမ်းၼၼ်ႉ ၸွမ်းတၢင်း ၸင်ႇလႆႈႁၼ် ၼူတၢႆဢွၼ်ႇ တူဝ်ၼိုင်ႈသေ ၸင်ႇတၵ်ႉၼိမိတ်ႉဝႃႈ “ၵေႃႉဢၼ်ဢဝ်ၼူတၢႆၼႆႉသေ ႁဵတ်းတိုၼ်းလၢင်းၸိုင် တေလီၵူႈၸွင်ႈဢွင်ႇၵူႈပိူင်သေ တေၸၢင်ႈ မၢၵ်ႈမီးလီပဵၼ်ဢိူဝ်ႈ”ၼႆယဝ်ႉ။ ပေႃးဝႃႈ လႆႈငိၼ်းၶေႃႈၵႂၢမ်းၼိမိတ်ႉ ၼေႃႇၶမ်းၽြႃးၼႆၵေႃႈ ၵူၼ်းၽၢၼ်ဢွၼ်ႇၵေႃႉၼိုင်ႈ ၸင်ႇဝူၼ်ႉဝႃႈ “သထေးၵေႃႉၼႆႉ ပေႃးမၼ်းဢမ်ႇႁူႉ မၼ်းဢမ်ႇၼပ်ႉတေႃႈလၢတ်ႈ”ၼႆသေ ၸင်ႇၵဵပ်းဢဝ်ၼူတၢႆဢွၼ်ႇတူဝ်ၼၼ်ႉယဝ်ႉ။ ဢဝ်ပဵၼ် တၢင်းၵိၼ်မႅဝ်းသေ ၵႂႃႇၶၢႆၼႂ်းၵၢတ်ႇလႄႈ လႆႈမႃးငိုၼ်းၶႅၵ်းၼိုင်ႈ။ ငိုၼ်းၶႅၵ်းၼိုင်ႈၼၼ်ႉ ၵႂႃႇသိုဝ်ႉၼမ်ႉဢွႆႈၵႅင်ႈ သိုပ်ႇသိုဝ်ႉသိုဝ်ႉၶၢႆၶၢႆၵႂႃႇၼင်ႇၼႆလႄႈ ၽိူဝ်ႇထိုင်မႃး သီႇလိူၼ်ၸင်ႇမီးမႃး ငိုၼ်းဢသပြႃႇ သွင်သႅၼ်ယဝ်ႉ။

ၼႂ်းသွင်သႅၼ်ၼၼ်ႉ ၸင်ႇဢဝ်တွပ်ႇၵုင်ႇၵုၼ်းမုၼ်ငဝ်း သြႃႇမၼ်း တမ်ႈတီႈၼေႃႇၶမ်းၽြႃး သႅၼ်ၼိုင်ႈယဝ်ႉ။ သထေးလူင်ၵေႃႈ တူၺ်းႁၼ်ထိုင် ၼမ်ႉၵတ်ႉတၢင်းၸၢင်ႈ ၵူၼ်းၽၢၼ်ဢွၼ်ႇၼၼ်ႉသေ ထုၵ်ႇၸႂ်ၵႂႃႇလႄႈ ၸင်ႇဢဝ် လုၵ်ႈယိင်းသၢဝ်မၼ်း ၵူပ်ႉၵူႈပၼ်ယဝ်ႉ။

ပေႃးဝႃႈ သထေးလူင်ၿႃႇရႃႇၼသီႇ လူႉႁၢႆတၢႆၵႂႃႇၵေႃႈ မၼ်းၸၢႆးၶိုၼ်းလႆႈပဵၼ် သထေးၵႂႃႇယူႇယဝ်ႉ။ မုၼ်ၶမ်းၽြႃး ႁေႃးလၢတ်ႈ ၶိူဝ်းꩡၢတ်ႈၵွၼ်ႇဝၼ်းလင်ပၼ် ၼင်ႇၼႆသေ ၸင်ႇတေလွတ်ႈႁေႃး ၷႃႇထႃႇတီႈတႂ်ႈၼႆႉယဝ်ႉ-

သမုꩦ်ꩧႃပေတိ ဢတ်တႃၼံ၊ ဢၼံု ဢၵ်ၵိံဝ သၼ်ꩪမံ။

ၵူၼ်းၵေႃႉဢၼ်မီးပၺ်ႇၺႃႇၼၼ်ႉ ပဝ်ႇသူၼ်းၽႆးဢွၼ်ႇသေ ႁႂ်ႈပဵၼ်မုၵ်ႉၽႆးလူင်မႃးၼင်ႇၼၼ် ၵူၼ်းၵႃႉလၵ်းလႅမ် ဢၼ်မီးပၺ်ႇၺႃႇၼၼ်ႉ ဢဝ်တိုၼ်းလၢင်းဢိတ်းဢွၼ်ႇၼိုင်ႈသေ ႁဵတ်းႁႂ်ႈတူဝ်ၸဝ်ႈ ၵဝ်ႇ မၢၵ်ႈမီးလီပဵၼ်ယူႇယဝ်ႉ။




#Article 5: တၼ်ႇတုလၼႃႇလိ ၶဝ်ႈသၢၼ်ၼိုင်ႈၶၵ်ႉ (231 words)


(တၼ်ꩦုလၼႃꩮိ=ၶဝ်ႈသၢၼ်ၼိုင်ႈၶၵ်ႉ)
လွင်ႈလူႉသုမ်း ယွၼ်ႉပိူဝ်ႈၵူၼ်းဢမ်ႇမႅၼ်ႈတီႈမႅၼ်ႈတၢင်း

ပွၵ်ႈၼိုင်ႈ ၽွင်းမိူဝ်ႈမုၼ်ၶမ်းၽြႃး တိုၵ်ႉယူႇသဝ်းတမ်ႈတီႈ ဝတ်ႉꩡေႇတဝၼ်ႇယူႇ ၽွင်းၼၼ်ႉ ၸဝ်ႈၻၿ်ႉၿ တိုၵ်ႉလႆႈဢဝ်ပုၼ်ႈၽွၼ်း တႃႇတေၸႅၵ်ႇၽႄ သွမ်းသလၢၵ်ႇယူႇ။ ၸဝ်ႈလႃႇꩮုၻႃႇယီႇ သမ်ႉၶႂ်ႈဢဝ်ပုၼ်ႈၽွၼ်း ဢၼ်ၼႆႉယဝ်ႉ။ ၵွပ်ႈၼၼ် မၼ်း ၸင်ႇပုတ်ႈဢဝ်ပုၼ်ႈၽွၼ်း လွင်ႈၸႅၵ်ႇၽႄ သွမ်းသလၢၵ်ႇ တမ်ႈတီႈ ၸဝ်ႈၻၿ်ႉၿယူႇ။
ၸဝ်ႈလႃႇꩮုၻႃႇယီႇၼႆႉ ယွၼ်ႉပိူဝ်ႈ ဢမ်ႇႁူႉလၢႆးႁဵတ်းလၢႆးသၢင်ႈ လွင်ႈၸႅၵ်ႇၽႄ သွမ်းသလၢၵ်ႇ လႄႈ ႁဵတ်းၽိတ်းၽိတ်းၽူၼ်ၽူၼ်ယူႇ။ ၸဝ်ႈရႁၢၼ်းၶဝ် ၸီႉသင်ႇ လွၵ်းလၢႆးလီၼႄမၼ်းၵေႃႈ မၼ်း ဢမ်ႇႁပ်ႉဢဝ်။ ၼႄလွင်ႈတၢင်း ပိူင်ၼိုင်ႈယဝ်ႉပိူင်ၼိုင်ႈသေ ဢမ်ႇဢဝ်ၵႂၢမ်းပိူၼ်ႈ။ တႄႇဢဝ် ၸဝ်ႈလႃႇꩮုၻႃႇယီႇ ယိပ်းၵၢၼ် ၸႅၵ်ႇသွမ်းသလၢၵ်ႇၼၼ်ႉမႃးၼႆ ၸဝ်ႈရႁၢၼ်းၶဝ်ၼႆႉ လၢပ်ႈလႃႇꧤၶဝ်ၸဝ်ႈ ယူပ်ႈယွမ်းမႃးယဝ်ႉ။ ၵွပ်ႈၼၼ် ရႁၢၼ်းဢွၼ်ႇလႄႈ ၸဝ်ႈသၢင်ႇဢွၼ်ႇၶဝ် ၸင်ႇဢွၼ်ၵၼ် လိုပ်ႈ ၸဝ်ႈလႃႇꩮုၻႃႇယီႇ ဢမ်ႇပၼ်မၼ်းၸဝ်ႈ ၸႅၵ်ႇသွမ်းသလၢၵ်ႇယဝ်ႉ။ ၵွပ်ႈပိူဝ်ႈ လႆႈငိၼ်း သဵင်ဢူၼ်ဢၢၼ်မေႃးမႄးလႄႈ မုၼ်ၶမ်းၽြႃးၸင်ႇဝႃႈ “မိူဝ်ႈၵွၼ်ႇၵေႃႈ ယွၼ်ႉပိူဝ်ႈ ၸဝ်ႈလႃႇꩮုၻႃႇယီႇ မိူၵ်ႈမႂ်ႈဢမ်ႇၸိုဝ်ႈၸႂ်ႈလႄႈ လႆႈဢဝ်လၢပ်ႈလႃႇꧤပိူၼ်ႈ ယူပ်ႈယွမ်းမႃးယူႇၼင်ႇၵဝ်ႇယဝ်ႉ” ၼႆသေ ၸင်ႇႁေႃးၼႄ ꩡၢတ်ႈတၼ်ꩦုလၼႃꩮိယဝ်ႉ-

မိူဝ်ႈၵွၼ်ႇ ၼေႃႇၶမ်းၽြႃးလႆႈပဵၼ် ၽွင်းမိူင်း ဢၼ်တႅပ်းတတ်းၵႃႈၶၼ် ၸၢင်ႉ၊ မႃႉ၊ ၵႅဝ်ႈ၊ သႅင်၊ ငိုၼ်း၊ ၶမ်းၸိူဝ်းၼႆႉ ပၼ်ၶုၼ်ႁေႃၶမ်း ၿြႁမၻတ်ႈယဝ်ႉ။ ၽွင်းမိူင်းၼၼ်ႉ တႅပ်းတတ်းၵႃႈၶၼ်ၶူဝ်း ၵႃႈႁိုဝ်ၵေႃႈ ၸဝ်ႈၶူဝ်းၶဝ် လႆႈပၼ်ၵႃႈမၼ်း တၢၼ်ႇၼၼ်ႉယဝ်ႉ။ ၶုၼ်ၿြႁမၻတ်ႈၼႆႉ ပဵၼ်ၶုၼ်ဢၼ် လေႃးꧤယႂ်ႇ ၸဝ်ႈၼိုင်ႈ။ ၵႃႈၶၼ် ဢၼ်ၼေႃႇၶမ်းၽြႃး တႅပ်းတတ်းၼၼ်ႉ မၼ်းထၢင်ႇဝႃႈ ၵႃႈမၼ်းယႂ်ႇ ၼမ်ၼႃႇၼႆယဝ်ႉ။ “ပေႃးဝႃႈ တေသိုပ်ႇတႅပ်းတတ်း ၵႃႈၶၼ်ၼင်ႇၼႆယူႇၸိုင် ဢမ်ႇႁိုင်ဢမ်ႇၼၢၼ်း ꧤၼ်ႇꩦႃႇငိုၼ်းၶမ်းၵဝ်ၶုၼ် တေမူတ်းသဵင်ႈၵႂႃႇယူႇ၊ ၵဝ်ထုၵ်ႇလီ လႅၵ်ႈလၢႆႈ ၽွင်းမိူင်းတတ်းၵႃႈၶၼ် ထႅင်ႈၵေႃႉမႂ်ႇယူႇ”ဝူၼ်ႉၼင်ႇၼႆသေ ၸင်ႇဢဝ် ၵူၼ်းၵႃႉမိူၵ်ႈမႂ်ႈၵေႃႉၼိုင်ႈ ႁဵတ်းပဵၼ်ၽွင်းမိူင်း တႅပ်းတတ်းၵႃႈၶၼ်ယဝ်ႉ။ ၽွင်းမိူင်းမႂ်ႇၵေႃႉၼႆႉ ယွမ်းၵႃႈၶၼ်သေ တႅပ်းတတ်းပၼ် ၶူဝ်းၶွင်ယဝ်ႉ။ ၵႃႈၶၼ် ၶူဝ်းၵေႃႈ လႆႈပဵၼ်ၼင်ႇ ၽွင်းမိူင်းမိူၵ်ႈမႂ်ႈ တႅပ်းတတ်းၼၼ်ႉယဝ်ႉ။

ပွၵ်ႈၼိုင်ႈ ၽွင်းမိူင်းမႂ်ႇၼႆႉ ၵႂႃႇတႅပ်းတတ်းၵႃႈၶၼ် မႃႉႁႃႈပၢၵ်ႇ ဢၼ်ၵူၼ်းၵႃႉမႃႉ လုၵ်ႉမိူင်းဢုတ်ႉတရႃႇပထမႃးၼၼ်ႉ ၵိုင်ႇတၢၼ်ႇ မွၵ်ႈၶဝ်ႈသၢၼ်ၼိုင်ႈၶၵ်ႉၵူၺ်းယဝ်ႉ။ ၵမ်းၼၼ်ႉ ၵူၼ်းၵႃႉမႃႉ ဢမ်ႇႁၢၼ်ႉၸႂ်၊ ၸင်ႇၵႂႃႇၸူး ၽွင်းမိူင်းၵဝ်ႇသေ ယွၼ်းတၢင်းၶႂ်ႈၸႂ်ယဝ်ႉ။ ၽွင်းမိူင်းၵဝ်ႇ ၼေႃႇၶမ်းၽြႃး ၸင်ႇပၼ်တၢင်းၶႂ်ႈၸႂ် “ဢွၼ်တၢင်းသုတ်း ဢဝ်ၶူဝ်းၶွင် ၽၢၵ်ႇတွၼ်ႈပၼ် ၽွင်းမိူင်းမႂ်ႇတႃႉ။ ဝၢႆးၼၼ်ႉ တွင်းပၢၼ်ႇ ႁႂ်ႈမၼ်းတႅပ်းတတ်းပၼ်ဝႃႈ ၵႃႈၶၼ်ၶဝ်ႈသၢၼ်ၼိုင်ႈၶၵ်ႉၼႆႉ ၵိုင်ႇတၢၼ်ႇၵႃႈႁိုဝ်ၼႆ ၽၢႆႇၼႃႈ ၶုၼ်ႁေႃၶမ်းတႃႉ။ ၵဝ်တေၸွမ်းမႃးလႆ” ၼႆယဝ်ႉ။ ၵူၼ်းၵႃႉမႃႉၵေႃႈ တေႃႈႁဵတ်းၸိူင်ႉၼင်ႇ ၼေႃႇၶမ်းၽြႃးလၢတ်ႈၼၼ်ႉယဝ်ႉ။

ၵူၼ်းၵႃႉမႃႉၼၼ်ႉ ၸင်ႇထၢမ်ၶုၼ်ႁေႃၶမ်း ၽၢႆႇၼႃႈၽွင်းမိူင်းမႂ်ႇ ႁူမ်ႈလူၺ်ႈၽွင်းမိူင်းတင်းၼမ်ဝႃႈ “ၶဝ်ႈသၢၼ်ၼိုင်ႈၶၵ်ႉ ဢၼ်ၵိုင်ႇတၢၼ်ႇ မႃႉႁႃႈပၢၵ်ႇၼၼ်ႉ ၵႃႈၶၼ်မၼ်း မီးၵႃႈႁိုဝ်တီႈၶႃႈ”ၼႆယဝ်ႉ။ ၵမ်းၼၼ်ႉ ၶုၼ်ႁေႃၶမ်း ၸင်ႇၸႂ်ႉႁႂ်ႈ ၽွင်းမိူင်းမႂ်ႇ တႅပ်းတတ်းၵႃႈၶၼ် ၶဝ်ႈသၢၼ်ၼိုင်ႈၶၵ်ႉၼၼ်ႉယဝ်ႉ။ ၽွင်းမိူင်းမႂ်ႇၵေႃႈ ၵႃႈၵွၼ်ႇတွၼ်းဢွၼ်ၼၼ်ႉ ၸွမ်းၸႂ်ၶုၼ်သေ တႅပ်းတတ်းဝႃႈ “ၵႃႈၶၼ်ၼိုင်ႈ ၶၵ်ႉ”ၼႆယဝ်ႉ။ ၵူၺ်းၵႃႈ ပွၵ်ႈၼႆႉ ယွၼ်ႉပိူဝ်ႈ လႆႈၶူဝ်းၶွင်ၽၢၵ်ႇတွၼ်ႈ တမ်ႈတီႈ ၵူၼ်းၵႃႉမႃႉဝႆႉလႄႈ ၸင်ႇဝႃႈ “ၶဝ်ႈသၢၼ်ၼိုင်ႈၶၵ်ႉၼၼ်ႉ မၼ်းၵိုင်ႇတၢၼ်ႇ မိူင်းၿႃႇရႃႇၼသီႇတင်းမူတ်း ဢၼ်တၢင်းၼႂ်း ၵႂၢင်ႈ သိပ်းသွင်ယူႇꩡၼႃႇ၊ တၢင်းၼွၵ်ႈၵႂၢင်ႈ ပၢၵ်ႇပၢႆသၢဝ်းယူႇꩡၼႃႇ ၼၼ်ႉဢေႃႈ”ၼႆယဝ်ႉ။ ပေႃးဝႃႈ လႆႈငိၼ်း ၶေႃႈၵႂၢမ်းၼင်ႇၼၼ် ၽွင်းမိူင်းၶဝ် ၸိူဝ်းဢၼ်မႃးၶဝ်ႈၽဝ်ႈၸမ် တမ်ႈတီႈ ၶုၼ်ႁေႃၶမ်းၼၼ်ႉ ဢွၼ်ၵၼ်တူပ်းတိၼ်တူပ်းမိုဝ်း ႁုၼ်ႉၶူဝ်သေ ၸင်ႇလွတ်ႈႁေႃး ၷႃႇထႃႇတီႈတႂ်ႈၼႆႉသေ ၵိူမ်ႈလိူမ်ႈယဝ်ႉ။ ၵမ်းၼၼ်ႉ ၶုၼ်ႁေႃၶမ်းၵေႃႈ လီဢၢႆၵႂႃႇလႄႈ ၸင်ႇလိုပ်ႈပႅတ်ႈ ၽွင်းမိူင်းမႂ်ႇသေ ၶိုၼ်းဢဝ် ၼေႃႇၶမ်းၽြႃး ႁဵတ်းၽွင်းမိူင်းၶိုၼ်းယဝ်ႉ-

			

			
ၿႃရႃၼသိံ သၼ်တရၿႃႁိရၼ်တံ၊ ဢယမၷ်ꧠတိ တၼ်ꩦုလၼႃꩮိၵႃ။

ၶုၼ်ႁေႃၶမ်း... လၢတ်ႈၶႃႈလႄႈ၊ “ၵႃႈၶၼ်မႃႉ ၶဝ်ႈသၢၼ်ၼိုင်ႈၶၵ်ႉၼၼ်ႉ ၵႃႈၶၼ်မၼ်း မီးၵႃႈ ႁိုဝ်တီႈၶႃႈ။ ၶဝ်ႈသၢၼ်ၼိုင်ႈၶၵ်ႉၼႆႉ ၵိုင်ႇတၢၼ်းမိူင်းၿႃႇရႃႇၼသီႇတင်းမူတ်း ဢၼ်တၢင်းၼႂ်းၵႂၢင်ႈ သိပ်း သွင်ယူႇꩡၼႃႇ၊ တၢင်းၼွၵ်ႈၵႂၢင်ႈ ပၢၵ်ႇပၢႆသၢဝ်းယူႇꩡၼႃႇၼၼ်ႉ ၸွင်ႇၸႂ်ႈၶႃႈႁိုဝ်”။

		  (2) လိူၵ်ႈၵူၼ်းဢမ်ႇမႅၼ်ႈဢွင်ႈ၊ ပဵၼ်လွင်ႈလႆႈလူႉသုမ်း။
		  (3) ပေႃးၶႂ်ႈလႆႈဢၼ်မၢၼ်ႇ၊ ႁႂ်ႈဢဝ်ၺၢၼ်ႇၵူၼ်းမေႃ။




#Article 6: 006 တေႇဝထမ်ႇမ၊ ၸၢတ်ႈ (277 words)


(ၻေဝꩪမ်မ=တြႃးၽီ၊ ၸဝ်ႈၵူၼ်းလီဢၼ်မီး တြႃးတဵမ်ထူၼ်ႈ)
ထုၵ်ႇလီပႂ်ႉပႃး တြႃးတၢင်းဢၢႆလႄႈ တၢင်းၵူဝ် သွင်ပိူင်

ၽွင်းမိူဝ်ႈမုၼ်ၶမ်းၽြႃး တိုၵ်ႉယူႇသဝ်းတမ်ႈတီႈ ဝတ်ႉꩡေႇတဝၼ်ႇယူႇၼၼ်ႉ ၽူႈမၢၵ်ႈသႃႇဝတ်ႉထိၵေႃႉၼိုင်ႈ မေးမၼ်းတၢႆၵႂႃႇလႄႈ ၸင်ႇမႃးႁဵတ်း ရႁၢၼ်းယူႇယဝ်ႉ။ ရႁၢၼ်းၸဝ်ႈၼၼ်ႉ ၸင်ႇႁႂ်ႈ ပိူၼ်ႈဢဝ်ၶူဝ်းၶွင်မၼ်းသေ ႁဵတ်းသိုင်ႇၽႆးလႄႈ သိုင်ႇၶူဝ်းယဝ်ႉ။ တီႈၼႂ်းသိုင်ႇၶူဝ်းၼၼ်ႉၵေႃႈ ဢဝ် ၼိူၺ်း(ထေႃးပၢတ်ႈ)၊ ၶဝ်ႈသၢၼ်ၸိူဝ်းပဵၼ် တၢင်းၵိၼ်တၢင်းယႅမ်ႉသႂ်ႇဝႆႉ တဵမ်တဵမ်ထူၼ်ႈထူၼ်ႈယဝ်ႉ။ မႃးပဵၼ် ၽဝရႁၢၼ်းသေတႃႉ ႁွင်ႉဢဝ် ၵူၼ်းယူႇႁူမ်ႈမၼ်း မႃးၸႂ်ႉသေ ၶႂ်ႈၵိၼ်သင်ၵေႃႈ ၸႂ်ႉႁုင်လဵင်ႉ ႁဵတ်းလဵင်ႉယူႇ။ ၶူဝ်းၸႂ်ႉၶူဝ်းတိုဝ်းၵေႃႈ လိူင်ႇၼမ်တႄႉတႄႉ။ သၢင်ႇၵၢၼ်း ဢၼ်ၼုင်ႈၵၢင်ၼႂ်၊ ဢၼ်ၼုင်ႈ ၵၢင်ဝၼ်းၸိူဝ်းၼႆႉၵေႃႈ တဵမ်ထူၼ်ႈတႄႉတႄႉ။

ထိုင်မႃးဝၼ်းၼိုင်ႈ ၽွင်းမိူဝ်ႈ တိုၵ်ႉတၢၵ်ႇသၢင်ႇၵၢၼ်း၊ ၽႃႈႁူမ်ႇၶူဝ်းၼွၼ်း ၼႂ်းဝၢင်းဝတ်ႉယူႇၼၼ်ႉ ၸဝ်ႈရႁၢၼ်းဢၼ်ယူႇသဝ်း တီႈထိူၼ်ႇ ၸင်ႇဢႅဝ်ႇၽႅဝ်မႃး တီႈဝတ်ႉၼၼ်ႉယဝ်ႉ။ ယွၼ်ႉပိူဝ်ႈ လႆႈႁၼ် ၸဝ်ႈရႁၢၼ်းၼၼ်ႉ မီးၶူဝ်းၶွင်ၼမ် ဢဝ်မႃးတၢၵ်ႇ ပေႃးမၢၵ်ႇပေႃးမိူဝ်လႄႈ လႆႈႁူႉဝႃႈ မၼ်းၸဝ်ႈမီး လေႃးꧤယႂ်ႇ၊ ဢမ်ႇမီး တၢင်းႁၢၼ်ႉၸႂ်ငၢႆႈလႄႈ ၸင်ႇဢွၼ်ဢဝ်ၸဝ်ႈရႁၢၼ်းၼၼ်ႉ ၵႂႃႇတီႈမုၼ်ၶမ်းၽြႃးယဝ်ႉ။ ပေႃးဝႃႈ ၽႅဝ်ၵႂႃႇ တီႈမုၼ်ၶမ်းၽြႃးၼႆ မုၼ်ၶမ်းၽြႃးၸင်ႇထၢမ် “ၵွပ်ႈသင် ၶူဝ်းၶွင်ပႄႉၼမ် တၢၼ်ႇၼႆႉ၊ ၵဝ်ၽြႃးၼႆႉ ၵူၺ်းၸီႉသင်ႇ ယွင်ႈယေႃး ၵုၼ်းမုၼ် လွင်ႈလေႃးꧤဢေႇ၊ လွင်ႈႁၢၼ်ႉၸႂ်ငၢႆႈ၊ လွင်ႈတဵတ်ႇယဵၼ်၊ လွင်ႈၶတ်းၸႂ်ၸိူဝ်းၼႆႉၵူၺ်း ဢမ်ႇၸႂ်ႈႁႃႉ”ၼႆယဝ်ႉ။

ပေႃးဝႃႈ လႆႈငိၼ်းၶေႃႈထၢမ်ၼင်ႇၼၼ်ၸိုင် ရႁၢၼ်းၸဝ်ႈၼၼ်ႉ ဢွၵ်ႇၻေႃးသသေ ထွတ်ႇလွၼ်ႈပႅတ်ႈ သၢင်ႇၵၢၼ်းမၼ်း ၵူၺ်းၼုင်ႈ သၢင်းပိူင်ၽိုၼ်လဵဝ်ၵူၺ်းသေ ၸုၵ်းၸိူဝ်ႈဝႆႉ ၽၢႆႇၼႃႈ ပရိသတ်ႈယူႇ။ မုၼ်ၶမ်းၽြႃး ၸင်ႇလၢတ်ႈဝႃႈ “ၸဝ်ႈရႁၢၼ်း... မႂ်းၼႆႉ မိူဝ်ႈၵွၼ်ႇ သေႃႉႁႃ လွင်ႈလီဢၢႆ(ႁိရီ)၊ လွင်ႈၵူဝ်(ဢွတ်တပ)သေ ယၢမ်ႈယူႇသဝ်းမႃး ၼႂ်းထိူၼ်ႇ သိပ်းသွင်ပီလုမ်းလုမ်းယူႇလႄႈ ယၢမ်းလဵဝ် ယွၼ်ႉပိူဝ်ႈသင်လႄႈ သမ်ႉယူႇသဝ်း ဢမ်ႇမီးလွင်ႈတၢင်းဢၢႆ တၢင်းၵူဝ်သင်လႃႇ” ၼႆသေ ၸင်ႇတေႁေႃးလၢတ်ႈ ꩡၢတ်ႈၵွၼ်ႇဝၼ်းလင် ၻေႇဝꩪမ်ႇမၼႆႉယဝ်ႉ-

မိူဝ်ႈၵွၼ်ႇ ၼေႃႇၶမ်းၽြႃး ပဵၼ်လုၵ်ႈၸၢႆးလူင် ၶုၼ်ႁေႃၶမ်း ၿြႁမၻတ်ႈ၊ မိူင်းၿႃႇရႃႇၼသီႇ၊ တိူင်းၵႃသိယဝ်ႉ။ ႁိၵ်ႈၸိုဝ်ႈဝႃႈ “မႁိသႃႇသၵုမႃႇရ”ၼႆယဝ်ႉ။ ဝၢႆးသေ ၵိူတ်ႇၼွင်ႉၸၢႆး “ၸၼ်ႇၻၵုမႃႇရ”ယဝ်ႉ မႄႈၸဝ်ႈသဵင်ႈၵၢမ်ႇၼွၼ်းၽေးသေ ၸင်ႇဢဝ်ၼၢင်းယိင်းတၢင်ႇၵေႃႉ ၶိုၼ်ႈပဵၼ် ၼၢင်းႁေႃၶမ်းလူင်ယဝ်ႉ။ ၼၢင်းႁေႃၶမ်းလူင် ထိသွင်ၼႆႉ သမ်ႉၵိူတ်ႇမႃး လုၵ်ႈၸၢႆး ၸိုဝ်ႈဝႃႈ “သူႇရိယၵုမႃႇရ”ယဝ်ႉ။ ပေႃးဝႃႈ ၸဝ်ႈၸၢႆးသူႇရိယၵုမႃႇရ ယႂ်ႇမႃႈၵႃႈသုင်မႃးၸိုင် ၸွမ်းၼင်ႇ လႆႈပၼ် ၵႂၢမ်းမၼ်ႈၵၼ်ဝႆႉၼၼ်ႉ မႄႈၸဝ်ႈမၼ်း ၸင်ႇတုၵ်းယွၼ်း ႁႂ်ႈဢဝ်ဝၢၼ်ႈမိူင်း ပၼ်မၼ်းၸၢႆးယဝ်ႉ။ ၸဝ်ႈႁေႃၶမ်းလူင် ၸင်ႇထဵင်ဝႃႈ “လုၵ်ႈၸၢႆးလူင်ၸိူဝ်းၼၼ်ႉ တိုၵ်ႉမီးယူႇ၊ ပႆႇပၼ်လႆႈၵွၼ်ႇ”ၼႆယဝ်ႉ။ ၵွပ်ႈပိူဝ်ႈ ၵႆႉၵႆႉတုၵ်းယွၼ်းလႄႈ ၸင်ႇလႆႈမႆႈၸႂ် ၵူဝ်ပဵၼ်ၶဵၼ် ပုၼ်ႈတႃႇ လုၵ်ႈၸၢႆးလူင်ၸိူဝ်းၼၼ်ႉယူႇ။ ၵွပ်ႈၼၼ် ၸင်ႇႁွင်ႉဢဝ်လုၵ်ႈ ၸၢႆးလူင်သွင်ၸဝ်ႈ လၢတ်ႈၼႄလွင်ႈၼႄတၢင်းသေ သင်ႇလၢတ်ႈဝႃႈ ပေႃးမၼ်း ၸၢမ်ႇပူႈၼွၼ်းၽေးၵႂႃႇၵွၼ်ႇ ၸင်ႇၵွႆႈပွၵ်ႈမႃးၶိုၼ်း ဝၢၼ်ႈမိူင်းတႃႉ ၼႆသေ ၸႂ်ႉႁႂ်ႈဢွၵ်ႇၵႂႃႇယူႇ ၼႂ်းထိူၼ်ႇယဝ်ႉ။

ပေႃးဝႃႈ လႆႈႁၼ်ၸဝ်ႈပီႈသွင်ၸဝ်ႈ ၶဝ်ႈၵႂႃႇယူႇၼႂ်းထိူၼ် ႁိမဝၼ်ႇတႃႇၼႆၸိုင် ၼွင်ႉပၢႆၶဝ် ၸဝ်ႈၸၢႆးသူႇရိယၵုမႃႇရၵေႃႈ ၸွမ်းၸဝ်ႈပီႈမၼ်း ၵႂႃႇတီႈထိူၼ်ႇႁိမဝၼ်ႇတႃႇယဝ်ႉ။ ပေႃးဝႃႈ ၽႅဝ်ၵႂႃႇၼႂ်း ထိူၼ်ႇတီႈၼိုင်ႈ ၸင်ႇၵႂႃႇၼင်ႈတႂ်ႈတူၼ်ႈမႆႉသေ ၼေႃႇၶမ်းၽြႃးၸင်ႇၸႂ်ႉ “ၸဝ်ႈၼွင်ႉ သူႇရိယၵုမႃႇရ... လူင်းၵႂႃႇ ၼႂ်းၼွင်ၼမ်ႉၼၼ်ႉသေ ဢၢပ်ႇဢၢပ်ႇၵိၼ်ၵိၼ်တႃႉ၊ ဢဝ်မႂ်မူဝ်သေ သႂ်ႇၼမ်ႉမႃးပၼ် ၸဝ်ႈပီႈတႃႉ”ၼႆယဝ်ႉ။ ၼမ်ႉၼွင်ဢၼ်ၼၼ်ႉ မီးၽီလူးၼမ်ႉပႂ်ႉဝႆႉ။ ၵူၼ်းၵေႃႉဢၼ်လူင်း ၼႂ်းၼွင်ၼၼ်ႉ သင်ဝႃႈဢမ်ႇႁူႉ“ၻေႇဝꩪမ်ႇမ=တြႃးၽီ”ၼႆၸိုင် ၽီလူးၼၼ်ႉ မီးသုၼ်ႇၺွပ်းၵိၼ်လႆႈယဝ်ႉ။ ပေႃးဝႃႈ ၸဝ်ႈၸၢႆးသူႇရိယၵုမႃႇရ လူင်းၵႂႃႇ ၼႂ်းၼွင်ၼႆ ၽီလူးၺွပ်းဢဝ်မၼ်ႈသေ ၸင်ႇထၢမ်ႇၻေႇဝꩪမ်ႇမယဝ်ႉ။ ၸဝ်ႈၸၢႆးတွပ်ႇဝႃႈ “ၻေႇဝꩪမ်ႇမၼႆႉပဵၼ် လႅတ်ႇ၊ လိူၼ်”ၼႆ ဢမ်ႇမၢၼ်ႇမႅၼ်ႈလႄႈ ၽီလူးတီႉဢဝ် မၼ်း ဝႆႉယဝ်ႉ။ ဝၢႆးလင်ၼၼ်ႉ ၸဝ်ႈၸၢႆးၸၼ်ႇၻၵုမႃႇရလူင်းၵႂႃႇၵေႃႈ ထၢမ်ၸိူင်ႉၼင်ႇ မိူဝ်ႈၸဝ်ႉၼၼ်ႉသေ ၸဝ်ႈၸၢႆးၸၼ်ႇၻၵုမႃရတွပ်ႇဝႃႈ “ၻေႇဝꩪမ်ႇမၼႆႉ ပဵၼ်သီႇၼႃႈမိူင်း”ၼႆ ဢမ်ႇမၢၼ်ႇမႅၼ်ႈလႄႈ ၸင်ႇတီႉၺွပ်းဝႆႉထႅင်ႈယဝ်ႉ။

ယွၼ်ႉပိူဝ်ႈ ဢမ်ႇၶိုၼ်းႁၼ် ၸဝ်ႈၼွင်ႉမၼ်း ပွၵ်ႈမႃးလႄႈ ၼေႃႇၶမ်းၽြႃးၸင်ႇၸွမ်းမႃး ၶႆႈႁွႆးၶႃ လႆႈမႃးႁၼ် ႁွႆးတိၼ်လူင်းၵူၺ်း၊ ဢမ်ႇႁၼ်ႁွႆးတိၼ်ၶိုၼ်ႈလႄႈ ၸင်ႇႁူႉဝႃႈ ပဵၼ်ၼွင်ၽီလူးပႂ်ႉၼႆယဝ်ႉ။ ၵွပ်ႈၼၼ် ၸင်ႇပႃးလၢပ်ႇဝၢႆႈလႅင်ႈ ၸင်ႇယိပ်းၵၢင်ႇသေ ၽွင်းတိုၵ်ႉၸုၵ်းဝႆႉယူႇၼၼ်ႉ ၽီလူးဢွၵ်ႇမႃး ႁူၺ်း ႁႂ်ႈလူင်းၼႂ်းၼွင်ယဝ်ႉ။ ၼေႃႇၶမ်းၽြႃးၸင်ႇထၢမ်ဝႃႈ “ၵွပ်ႈသင် လႆႈတီႉၺွပ်းဝႆႉ ၼွင်ႉၸၢႆးၵဝ်” ၼႆလႄႈ ၽီလူးဝႃႈ ၵွပ်ႈဢမ်ႇႁူႉၸၵ်း ၻေႇဝꩪမ်ႇမလႄႈ ၸင်ႇတီႉၺွပ်းဝႆႉၼႆယဝ်ႉ။ “ပေႃးၼႆၵေႃႈ ၵဝ် တေလၢတ်ႈၼႄမႂ်း ၻေႇဝꩪမ်ႇမ”ၼႆသေ ၸင်ႇလွတ်ႈႁေႃး ၵႃႇထႃႇတီႈတႂ်ႈၼႆႉယဝ်ႉ။ ၵွပ်ႈပိူဝ်ႈ လၢတ်ႈ လႆႈၼင်ႇၼႆလႄႈ ၽီလူးၸင်ႇၶိုၼ်းပွႆႇလွတ်ႈပၼ် ၼွင်ႉၸၢႆးၸဝ်ႈ တင်းသွင်ၸၢႆးယဝ်ႉ-

			

				
သၼ်တေႃ သပ်ပုရိသႃ လေႃၵေ၊ ၻေဝꩪမ်မႃတိ ဝုၸ်ၸရေ။

ၼႂ်းလေႃးၵၼႆႉ ၸဝ်ႈၵူၼ်းလီ ၵေႃႉဢၼ်မီး တၢင်းလီဢၢႆ(ႁိရီ)၊ တၢင်းလီၵူဝ်(ဢွတ်တပ်ပ) လွင်ႈႁဵတ်းဢၵုသူလ်ႇၻုၸရိတ်ႈ၊ ဢၼ်မီး ၵုသူလ်ၵၢၼ်တၢင်းလီ တဵမ်ထူၼ်ႈ၊ ဢၼ်မီးသူပ်းတူဝ်ႁူဝ်ၸႂ် ၼိမ်ၸိုင်ႈ တဵမ်ထူၼ်ႈၼၼ်ႉ ႁွင်ႉဝႃႈ ၵူၼ်းဢၼ်မီး တြႃးၽီ(ၻေႇဝꩪမ်ႇမ)ၼႆယဝ်ႉ။

 

 

 

		  (2) ၵူၼ်းပၺ်ႇၺႃႇလႅင်းတႅၵ်ႇ၊ ဢမ်ႇၸႅၵ်ႇၽႄၸၼ်ႉထၢၼ်ႈ။




#Article 7: ၵတ်ႉထဝႃႇႁၼ၊ လုၵ်ႈၼၢင်းႁွၼ်းၽိုၼ်း (202 words)


(ၵꩦ်ꩧဝႃႁၼ=ၶုၼ်ၵꩦ်ႉꩧဝႃႇႁၼ လုၵ်ႈၸၢႆး ၼၢင်းႁွၼ်းၽိုၼ်း)
လွင်ႈ လၢၵ်ႈၼၢၵ်ႈသၸ်ႉၸႃႇ ၵတ်ႉယမ်ၼႃႇ

ၽွင်းမိူဝ်ႈမုၼ်ၶမ်းၽြႃး တိုၵ်ႉယူႇသဝ်းတမ်ႈတီႈ ဝတ်ႉꩡေႇတဝၼ်ႇယူႇၼၼ်ႉ ဢိင်ပိုင်ႈလူၺ်ႈ “ဝႃႇသꧤၶတ်ႉတိယႃႇ”သေ ၸင်ႇႁေႃး ꩡၢတ်ႈၵꩦ်ႉꩧဝႃႇႁၼၼႆႉယဝ်ႉ။ ဝႃႇသꧤၶတ်ႉတိယႃႇၼႆႉ ပဵၼ် ၼၢင်းႁေႃၶမ်းလူင် ၶုၼ်ႁေႃၶမ်းၵေႃးသလယဝ်ႉ။ ၶုၼ်သႃႇၵီႇ မႁႃႇၼၢမ်ႇလႄႈ ၼၢင်းၶႃႈ “ၼႃၷမုၼ်ႇꩦ”ႁူမ်ႈႁွမ်းၵၼ်သေ ၸင်ႇၵိူတ်ႇမႃး ၼၢင်းႁေႃၶမ်းလူင်ၼႆႉယဝ်ႉ။ ဝၢႆးသေ ၼၢင်းႁေႃၶမ်းလူင်ၼႆႉ ၵိူတ်ႇမႃး လုၵ်ႈၸၢႆးဢၼ်ၸိုဝ်ႈဝႃႈ “ဝိꩦꩦူꧤ”ယဝ်ႉၵွၼ်ႇ ၸင်ႇတေလႆႈႁူႉဝႃႈ မၼ်းၼၢင်း ပဵၼ်ၸၢဝ်းၶိူဝ်းၶႃႈယဝ်ႉ။ ၵွပ်ႈၼၼ် ၸင်ႇထွၼ်ၸၼ်ႉၼၢင်းႁေႃၶမ်းလႄႈ လုၵ်ႈၸၢႆးၸဝ်ႈပႅတ်ႈသေ ၶႃသွင်ၵေႃႉ မႄႈလုၵ်ႈ လႆႈၼႃႈလဵၵ်ႉယူႇတီႈၼႂ်းႁေႃယူႇ။

ပေႃးဝႃႈ မုၼ်ၶမ်းၽြႃး လႆႈႁူႉထိုင်လွင်ႈၼၼ်ႉၼႆ ၸင်ႇယေႃးၶိင်းမႃး တီႈႁေႃသေ လၢတ်ႈၼႄ ၶုၼ်ၵေႃးသလဝႃႈ “ၶုၼ်လူင်... ဝႃႇသꧤၶတ်ႉတိယၼႆႉ ပဵၼ် ၸဝ်ႈၼၢင်းၼင်ႇၵဝ်ႇဢိူဝ်ႈ။ သမ်ႉၽႅဝ်မႃး တမ်ႈတီႈ ၶုၼ်ႁေႃၶမ်းယဝ်ႉယဝ်ႈ။ ၵဵဝ်ႇၵပ်းလူၺ်ႈ ၶုၼ်ႁေႃၶမ်းသေ လႆႈမႃးလုၵ်ႈၸၢႆးလူးၵွၼ်ႇ။ လုၵ်ႈၸၢႆးၵေႃႉၼၼ်ႉ ၵွပ်ႈသင်လႄႈ သမ်ႉဢမ်ႇထိူၵ်ႈပဵၼ် ၸဝ်ႈၸွမ်မိူင်းလႃႇ။ ၶုၼ်လီၶဝ်မိူဝ်ႈၵွၼ်ႇၼၼ်ႉ တေႃႈလုၵ်ႈၸၢႆးမၼ်း ၵေႃႉဢၼ်လႆႈႁူမ်ႈၵၼ်တင်း ၼၢင်းႁွၼ်းၽိုၼ်းဢွၼ်ႇ ၵမ်းဢွၼ်ႇၼိုင်ႈ သေလႆႈမႃးၼၼ်ႉ တင်းပၼ်ပဵၼ်ၶုၼ်ယူႇ”ၼႆသေ ၸင်ႇတေၶႆႈၼႄ ꩡၢတ်ႈၵꩦ်ႉꩧဝႃႇႁၼယဝ်ႉ-

မိူဝ်ႈၵွၼ်ႇ ၶုၼ်ႁေႃၶမ်းၿြႁမၻတ်ႈ မိူင်းၿႃႇရႃႇၼသီႇၼၼ်ႉ ဢွၼ်ဢဝ်တင်းလုၵ်ႈၼွင်ႉၵူၼ်း သိုၵ်းမၼ်းသေ ၽွင်းၵႂႃႇလဵၼ်ႈ ၼႂ်းသူၼ်မွၵ်ႇ ၸင်ႇၵႂႃႇႁၼ် ၼၢင်းယိင်းဢွၼ်ႇၵေႃႉၼိုင်ႈ ႁဵတ်းမေႃသေႃၵႂၢမ်းသေ ႁွၼ်းၽိုၼ်းယူႇ။ ပေႃးဝႃႈ ၶုၼ်ႁေႃၶမ်း လႆႈႁၼ် ၼၢင်းယိင်းဢွၼ်ႇၵေႃႉၼၼ်ႉၼႆ ၵိုင်ႉၵၢင်ႉ ႁၵ်ႉႁႅင်းပႅင်းယႂ်ႇၵမ်းလဵဝ်လႄႈ ၶႃသွင်ၵေႃႉ လႆႈႁွမ်းသွင်ၵၼ်ၵႂႃႇယဝ်ႉ။ ၼၢင်းယိင်းဢွၼ်ႇၼၼ်ႉၵေႃႈ ၵိုင်ႉၵၢင်ႉ ၸပ်းသၼ်ႇꩪေႇၵႂႃႇၵမ်းလဵဝ်။ ပေႃးဝႃႈ မၼ်းၼၢင်းႁူႉဝႃႈ မၼ်းၸပ်းသၼ်ႇꩪေႇၼႆၸိုင် မၼ်းၸင်ႇလၢတ်ႈ ၶုၼ်ႁေႃၶမ်းယဝ်ႉ။ ၶုၼ်ႁေႃၶမ်း ၸင်ႇထွတ်ႇပၼ် ႁၢင်ၸွပ်ႇသေ သင်ႇလၢတ်ႈဝႃႈ “ပေႃး ပဵၼ် ၼၢင်းယိင်းၼႆၸိုင် ဢဝ်ၶၢႆသေ လဵင်ႉတွင်ႉၵႂႃႇတႃႉ၊ ပေႃးပဵၼ် ၵူၼ်းၸၢႆးၼႆၸိုင် ဢဝ်တင်းႁၢင်ၸွပ်ႇၼႆႉသေ ၸွမ်းမႃးတီႈႁေႃတႃႉ”ၼႆယဝ်ႉ။
ပေႃးဝႃႈ ၶၢဝ်းမၼ်းထိုင်မႃးၸိုင် ၼၢင်းယိင်းႁွၼ်းၽိုၼ်းဢွၼ်ႇၼၼ်ႉ ၸင်ႇၵိူတ်ႇႁၼ်ၼႃႈ ၼေႃႇၶမ်းၽြႃးယဝ်ႉ။ ပေႃးဝႃႈ ၼေႃႇၶမ်းၽြႃး ယႂ်ႇမႃႈၵႃႈသုင်မႃးၼႆ ၸွမ်းၼင်ႇမႄႈမၼ်းၸဝ်ႈ လၢတ်ႈၼႄဝႃႈ မၼ်းပဵၼ်လုၵ်ႈၸၢႆး ၶုၼ်ႁေႃၶမ်းၼႆၼၼ်ႉ ၸင်ႇဢဝ်ႁၢင်ၸွပ်ႇသေ ဢွၼ်ၸဝ်ႈမႄႈမၼ်း ၵႂႃႇတီႈႁေႃၶမ်းယဝ်ႉ။ ပေႃးဝႃႈ ၽႅဝ်ၵႂႃႇတီႈၽၢႆႇၼႃႈ ၶုၼ်ႁေႃၶမ်းၼႆ ၸင်ႇၵႂႃႇၼႄ ႁၢင်ၸွပ်ႇသေ လဝ်ႈလၢတ်ႈဝႃႈ ပဵၼ်လုၵ်ႈၸၢႆး ၶုၼ်ႁေႃၶမ်းၼႆၼၼ်ႉလႄႈ ၶုၼ်ႁေႃၶမ်းသမ်ႉ လီဢၢႆသေ ထဵင်ၵႂၢမ်းယူႇယဝ်ႉ။

ၵမ်းၼၼ်ႉ ၼၢင်းယိင်းႁွၼ်းၽိုၼ်းၼၼ်ႉ ၸင်ႇဢမ်ႇၸၢင်ႈႁဵတ်းႁိုဝ်လႄႈ ၸင်ႇဝႃႈ “ၸဝ်ႈႁေႃၶမ်းလူင်တီႈၶႃႈ... ၶႃႈၼၢင်းၼႆႉ လိူဝ်သေ တိူင်ႇၵႂၢမ်းသၸ်ႉၸႃႇၼၼ်ႉ ဢမ်ႇမီး လၵ်းထၢၼ်သၵ်ႈသေႇသင် ယဝ်ႉတီႈၶႃႈ။ သင်ဝႃႈ ၸၢႆးဢွၼ်ႇၵေႃႉၼႆႉ ပဵၼ်လုၵ်ႈၸၢႆးၸဝ်ႈႁဝ်းၸိုင် ႁႂ်ႈမၼ်းၶင်ႉယူႇဝႆႉ ၼိူဝ်ၵၢင်ႁၢဝ် သေၵမ်း။ သင်ဝႃႈ ဢမ်ႇၸႂ်ႈၼႆ ႁႂ်ႈတူၵ်းတၢႆၼိူဝ်လိၼ်သေၵမ်း”ၼႆသေ ၸင်ႇဢဝ်လုၵ်ႈၸၢႆးဢွၼ်ႇမၼ်း ဝိုတ်ႉၶိုၼ်ႈၼိူဝ်ၵၢင်ႁၢဝ်ၵႂႃႇယဝ်ႉ။ ၵမ်းၼၼ်ႉ ၼေႃႇၶမ်းၽြႃး ၸင်ႇၼင်ႈၶႂႆႇၵုတ်ႇဝႆႉ ၼိူဝ်ၵၢင်ႁၢဝ်သေ လွတ်ႈႁေႃးၷႃႇထႃႇ တီႈတႂ်ႈၼႆႉယဝ်ႉ။
ဝၢႆးၼၼ်ႉ ၼေႃႇၶမ်းၽြႃး ၸင်ႇယေႃႈလူင်းမႃးတူၵ်းသႂ်ႇ ဝၢင်ႈဢူၵ်း ၶုၼ်ႁေႃၶမ်းလူင်ယဝ်ႉ။ ၶုၼ်ႁေႃၶမ်းလူင် ၸင်ႇဢဝ်မႄႈၼေႃႇၶမ်းၽြႃး ပဵၼ်ၼၢင်းႁေႃၶမ်းလူင်သေ ဢဝ်လုၵ်ႈၸၢႆးၸဝ်ႈ ပဵၼ် ၸဝ်ႈၵႅမ်မိူင်းယဝ်ႉ။ ပေႃးဝႃႈ ၸဝ်ႈပေႃႈၶုၼ်ႁေႃၶမ်း ၼွၼ်းၽေးၼႆ ၸင်ႇႁိၵ်ႈၸိုဝ်ႈဝႃႈ “ၵꩦ်ꩧဝႃႇႁ ၼ”ၼႆသေ ပဵၼ်ၶုၼ်ႁေႃၶမ်းယဝ်ႉ-

ဢၺ်ၺေပိ ၻေဝေႃ ပေႃသေတိ၊ ၵိၺ်ၸ ၻေဝေႃ သၵံ ပꩡံ။

ၸဝ်ႈၶုၼ်ႁေႃၶမ်းလူင် ဢၼ်ပဵၼ်ၶုၼ်ပိူၼ်ႈတင်းသဵင်ႈ... ၶႃႈႁဝ်းပဵၼ်လုၵ်ႈၸၢႆးၸဝ်ႈႁဝ်း ယဝ်ႉ။ ၸဝ်ႈၶုၼ်ႁေႃၶမ်းႁဝ်း လဵင်ႉလူတူၺ်းထိုင်ၶႃႈႁဝ်းၶႃႈတႃႉ။ ၸဝ်ႈၶုၼ်ႁေႃၶမ်းႁဝ်း ယင်းလဵင်ႉလူ တူၺ်းထိုင်ပိူၼ်ႈယူႇၶႃႈလူး၊ ၸဝ်ႈၶုၼ်ႁေႃၶမ်းႁဝ်းၼႆႉ ၵွပ်ႈသင် သမ်ႉဢမ်ႇၶႂ်ႈလဵင်ႉလူတူၺ်းထိုင်ၶႃႈႁဝ်း ၵေႃႉဢၼ်ပဵၼ်လုၵ်ႈၸၢႆးၸဝ်ႈႁဝ်းၼၼ်ႉတီႈၶႃႈလႃႇ။

 

 

		  (2) ၶုၼ်လူဝ်ႇမီးသၸ်ႉၸႃႇ၊ ၽႃးၵႃႇလူဝ်ႇမီးၵတီႉ။




#Article 8: 009 မၶတေႇဝ၊ ၸၢတ်ႈ (132 words)


(မꧠၻေဝ= ၶုၼ်ဢၼ်ႁိၵ်ႈၸိုဝ်ႈဝႃႈ မꧠၻေဝ)
ၶုၼ်ႁေႃၶမ်းပၢႆႈၶဝ်ႈထိူၼ်ႇ ၵွပ်ႈၶူၼ်ႁူဝ်ၶၢဝ်ၼိုင်ႈသဵၼ်ႈ

ၽွင်းမိူဝ်ႈမုၼ်ၶမ်းၽြႃး တိုၵ်ႉယူႇသဝ်း တမ်ႈတီႈ ဝတ်ႉꩡေႇတဝၼ်ႇယူႇၼၼ်ႉ ၸဝ်ႈရႁၢၼ်းၶဝ် ဢွၼ်ၵၼ် ယွင်ႈယေႃးလွင်ႈဢၼ် မုၼ်ၶမ်းၽြႃး ပၢႆႈၶဝ်ႈထိူၼ်ႇၼၼ်ႉယူႇ။ မုၼ်ၶမ်းၽြႃး ၸင်ႇၽႅဝ်မႃး တီႈၶဝ်ၸဝ်ႈ ဢုပ်ႇၵုမ်ၵၼ်ၼၼ်ႉသေ “ရႁၢၼ်းၶဝ်... ၵဝ်ၽြႃးပၢႆႈၶဝ်ႈထိူၼ်ၼႆႉ မိူဝ်ႈလဵဝ်ၵူၺ်းဢမ်ႇ ၸႂ်ႈ၊ မိူဝ်ႈၵွၼ်ႇ ၽွင်းမိူဝ်ႈပဵၼ် ၶုၼ်မꧠၻေဝၼၼ်ႉၵေႃႈ ပၢႆႈၶဝ်ႈထိူၼ်ႇမႃးယဝ်ႉ” ၼႆသေ ၸင်ႇႁေႃး လၢတ်ႈၼႄ ꩡၢတ်ႈမꧠၻေႇဝ ၼင်ႇတီႈတႂ်ႈၼႆႉယဝ်ႉ-

မိူဝ်ႈၵွၼ်ႇ တီႈတိူင်းဝိၻေႇႁ၊ မိူင်းမိထိလႃႇၼၼ်ႉ ၶုၼ်မꧠၻေႇဝ ၸွမ်းတြႃးသေ ပဵၼ်ၶုၼ်ယူႇ။ ၸဝ်ႈၶုၼ်ၼၼ်ႉ လႆႈယူႇသဝ်းမႃး ပၢၼ်ၶုၼ်ၸၢႆးဢွၼ်ႇ ပႅတ်ႇမိုၼ်ႇသီႇႁဵင်ပီ၊ ပၢၼ်ၶုၼ်ၵႅမ်မိူင်း ပႅတ်ႇမိုၼ်ႇသီႇႁဵင်ပီ၊ ပၢၼ်ၶုၼ်ႁေႃၶမ်း ပႅတ်ႇမိုၼ်ႇသီႇႁဵင်ပီယဝ်ႉ။
ၶုၼ်လူင်မꧠၻေႇဝၼႆႉ မၼ်းသင်ႇလၢတ်ႈဝႆႉတီႈ ၵူၼ်းလုမ်းလႃးၶူၼ်ႁူဝ်မၼ်း သင်ဝႃႈ ၺႃးႁၼ် ၶူၼ်ႁူဝ်ႁွၵ်ႇမၼ်းၼႆၸိုင် ႁႂ်ႈမွၵ်ႇလၢတ်ႈပၼ်မၼ်းၸဝ်ႈ ၼႆယဝ်ႉ။ ထိုင်မႃးဝၼ်းၼိုင်ႈ ဢမ်ႇမုင်ႈဢမ်ႇမွင်းသေ ၵူၼ်းလုမ်းလႃး ၶူၼ်ႁူဝ်မၼ်းၸဝ်ႈ ၸင်ႇလႆႈႁၼ် ၶူၼ်ႁူဝ်ႁွၵ်ႇ သဵၼ်ႈၼိုင်ႈလႄႈ ၸင်ႇထူၺ်ႈသေ ဢဝ်သႂ်ႇပၼ် ၼႂ်းဢူင်ႈမိုဝ်း ၶုၼ်ႁေႃၶမ်းယဝ်ႉ။

ၽွင်းၼၼ်ႉ ၶုၼ်မꧠၻေႇဝ တိုၵ်ႉတေသိုပ်ႇယူႇသဝ်းလႆႈ ၼႂ်းမိူင်းၵူၼ်း ပႅတ်ႇမိုၼ်ႇသီႇႁဵင်ပီယူႇ။ ၵူၺ်းၵႃႈ ပေႃးဝႃႈ လႆႈႁၼ် ၶူၼ်ႁူဝ်ႁွၵ်ႇမၼ်းၸဝ်ႈ သဵၼ်ႈၼိုင်ႈၼႆၸိုင် ၼႂ်းၸႂ်မၼ်းၸဝ်ႈ မၢႆၸႂ်ဝႃႈ ၶုၼ်တၢႆ လႅပ်ႈတေမႃးႁွင်ႉ မၼ်းၵႂႃႇ တီႈလဵဝ်ၵမ်းလဵဝ်ၼႆယူႇ။ ထၢင်ႇဝႃႈ တူဝ်ၸဝ်ႈၵဝ်ႇ ၵႂႃႇမီးဝႆႉတီႈၼႂ်း သုမ်ႉၽိူဝ်မႆႉၽိူဝ်တွၵ်ႇ ဢၼ်ၽႆးမႆႈၸပ်းဝႆႉၼၼ်ႉသေ တူၵ်းၸႂ်လူင်လူင်လၢင်လၢင်ၵႂႃႇယဝ်ႉ။ ဝူၼ်ႉႁၼ်ထိုင်ဝႃႈ “တေႃႇၶူၼ်ႁူဝ် ပေႃးႁွၵ်ႇသေတႃႉ ၵဝ်ၼႆႉ ဢမ်ႇပႆႇပၢၵ်ႈပႅတ်ႈလႆႈ ၵိလေႇသႃႇၸိူဝ်းၼႆႉၵွၼ်ႇလူင်ၼႆႉ”ၼႆယဝ်ႉ။

ၽွင်းမိူဝ်ႈ တိုၵ်ႉဝူၼ်ႉၼင်ႇၼၼ်ယူႇၼၼ်ႉ ၼႂ်းတူဝ်ၸဝ်ႈ မႆႈမိူၼ်ၼင်ႇၽႆး၊ ႁိူဝ်ႇၸဝ်ႈၸိူဝ်းၼၼ်ႉ လႆဢွၵ်ႇမႃးယဝ်ႉ။ ၶုၼ်လူင် ၸင်ႇတႅပ်းတတ်းၸႂ်ဝႃႈ “မိူဝ်ႈၼႆႉ ၵဝ် တေၶဝ်ႈထိူၼ်ႇ ၵႂႃႇႁဵတ်း ရႁၢၼ်းယဝ်ႉ”ၼႆသေ ဢဝ်ဝၢၼ်ႈ ဢၼ်မီးၶွၼ်ႇငိုၼ်းၶဝ်ႈ ၼိုင်ႈသႅၼ်ၼၼ်ႉ ပၼ်သူးၵူၼ်းလုမ်းလႃး ၶူၼ်ႁူဝ်မၼ်းၸဝ်ႈယဝ်ႉ။ ဝၢႆးၼၼ်ႉ ၸင်ႇဢဝ်ဝၢၼ်ႈမိူင်း ဢၢပ်ႈပၼ် လုၵ်ႈၸၢႆးလူင်ၸဝ်ႈသေ လွင်ႈဢၼ် ၸဝ်ႈလႆႈၶဝ်ႈထိူၼ်ႇၵႂႃႇၼၼ်ႉ ၸင်ႇႁေႃးလွတ်ႈၷႃႇထႃႇတီႈတႂ်ႈၼႆႉ ပၼ်ၽွင်းမိူင်းၶဝ်ယဝ်ႉ-

ပႃတုꧤူတႃ ၻေဝၻူတႃ၊ ပၿ်ၿꩡ်ꩡႃသမယေႃ မမ။

ၽွင်းမိူင်းၶဝ်ဢိူၺ်း... ၵဝ်ၼႆႉ လႆႈတတ်းလတ်းမႃး သၢမ်ပၢၼ်ယဝ်ႉသေ ၶူၼ်ႁူဝ်ႁွၵ်ႇ ဢၼ်ပဵၼ် ၶဵဝ်ၶုၼ်တၢႆၼၼ်ႉ မႃးမီးထၢင်ႇၸႅင်ႈယူႇယဝ်ႉ။ ပဵၼ်ၶၢဝ်းယၢမ်း ၵဝ်ထုၵ်ႇလီႁဵတ်းရႁၢၼ်းယဝ်ႉ။

 

 




#Article 9: 010 သုၶဝိႁႃႇရိ၊ ၸၢတ်ႈ (208 words)


(သုၶဝိႁႃရီ = ရႁၢၼ်းဢၼ်ၵႆႉယၢမ်ႈယူႇ ၵတ်းၵတ်းယဵၼ်ယဵၼ်)
ꧤဝရသေႉရႁၢၼ်း ၵတ်းယဵၼ်လီတွၼ်း

ၸဝ်ႈꧤၻ်ႉၻိယၼႆႉ ပဵၼ်ရႁၢၼ်း ၸွမ်း ၸဝ်ႈၵိမိလ၊ ၸဝ်ႈဢႃႇၼၼ်ႇၻႃႇ ၸိူဝ်းပဵၼ် ၸၢဝ်းၶိူဝ်း ၶုၼ်သႃႇၵီႇၶဝ်ၼၼ်ႉယဝ်ႉ။ ၽွင်းမိူဝ်ႈပဵၼ်ၶုၼ်ႁေႃၶမ်း လႆႈယူႇသဝ်း ၼိူဝ်ႁေႃပြသ်သၢၻ်ႈ မီးၵူၼ်း ပႂ်ႉတင်းၼမ်တင်းလၢႆသေတႃႉ လႆႈၵူဝ်ၵူဝ်ငႅဝ်ငႅဝ် ဢမ်ႇလႆႈၸႂ်သိူဝ်းသႃႇၼႆ မၼ်း လႆႈတူဝ်ထူပ်းမႃးယူႇယဝ်ႉ။ ၵွပ်ႈၼၼ် ပေႃးဝႃႈ မၼ်းပဵၼ်ၸဝ်ႈဢရႁၼ်ႇယဝ်ႉၼႆ ပုၼ်ႈတႃႇမၼ်းၸဝ်ႈၼၼ်ႉ ၵႂႃႇယူႇတီႈလႂ်ၵေႃႈ တေႃႈႁူႉဝႃႈ ဢမ်ႇမီးၽေးၶဵၼ်သင် ပဵၼ် ဢၼ်သိူဝ်းသႃႇၵတ်းယဵၼ်ၸႂ်ၼႃႇလႄႈ ၸင်ႇၵႆႉၶၢၼ်ဝႃႈ “ဢေႃး... သိူဝ်းသႃႇယဵၼ်ၸႂ်တႄႉၼေႃး၊ ဢေႃး... သိူဝ်းသႃႇယဵၼ်ၸႂ်တႄႉၼေႃး”ၼႆယူႇ။
ဢၼ်ၸဝ်ႈꧤၻ်ႉၻိယ ၵႆႉလၢတ်ႈဝႃႈ လွင်ႈဢရႁတ်ႉတမၵ်ႈၽူလ်ႇ သိူဝ်းသႃႇယဵၼ်ၸႂ်ၼၼ်ႉ ၸဝ်ႈရႁၢၼ်းၶဝ်ၸဝ်ႈ ၸင်ႇၵႂႃႇလဝ်ႈလၢတ်ႈၼႄ မုၼ်ၶမ်းၽြႃး ဢၼ်ယူႇသဝ်းဝႆႉ တမ်ႈတီႈ ဝဵင်းဢၼုပီႇယ၊ တီႈသူၼ်မၢၵ်ႇမူင်ႈၼၼ်ႉယဝ်ႉ။ ၵမ်းၼၼ်ႉ မုၼ်ၶမ်းၽြႃး ၸင်ႇဢဝ်ၵႃႇထႃႇ “ယၺ်ၸ ဢၺ်ၺေ ၼ ရၵ်ၶၼ်တိ” ႁၢင်ႈၶိူင်ႈသေ ႁေႃးလၢတ်ႈလူၺ်ႈလွင်ႈ ꩡၢတ်ႈသုၶဝိႁႃႇရိၵႂႃႇယဝ်ႉ-

မိူဝ်ႈၵွၼ်ႇ တီႈမိူင်းၿႃႇရႃႇၼသီႇၼၼ်ႉ ၼေႃႇၶမ်းၽြႃး ပဵၼ် ၶိူဝ်းပုၼ်ႇၼႃး ဢုၻိၸ်ၸယဝ်ႉ။ ယွၼ်ႉပိူဝ်ႈ ႁူႉႁၼ်ထိုင် တၢင်းၽိတ်း ၵႃႇမၵုၼ်ႇလႄႈ ၽွၼ်းလီ ၽဝရသေႉရႁၢၼ်းသေ ၸင်ႇပၢႆႈၶဝ်ႈၵႂႃႇ ၼႂ်းထိူၼ်ႇႁိမဝၼ်ႇတႃႇ ၵႂႃႇႁဵတ်းရသေႉရႁၢၼ်းယဝ်ႉ။ လႆႈသမႃႇပတ်ႈပႅတ်ႇပိူင်သေ မီးလုၵ်ႈၼွင်ႉ ႁႃႈပၢၵ်ႇ။ ၽွင်းၶၢဝ်းၽူၼ်ၼၼ်ႉ ၼေႃႇၶမ်းၽြႃးရသေႉလူင်လႄႈ လုၵ်ႈၼွင်ႉမၼ်းႁႃႈပၢၵ်ႇၼၼ်ႉ ၵႆႉမႃးယူႇသဝ်းတမ်ႈတီႈ ၼႂ်းသူၼ်သိူဝ်း ၶုၼ်ႁေႃၶမ်း ၿႃႇရႃႇၼသီႇယဝ်ႉ။ ထိုင်မႃးၶၢဝ်းၽူၼ်ပွၵ်ႈၼိုင်ႈ ၶုၼ်ႁေႃ ၶမ်း ၿႃႇရႃႇၼသီႇ ၸင်ႇလဝ်ႈလၢတ်ႈဝႃႈ ရသေႉလူင်ၵေႃႈ ဢႃႇယုထဝ်ႈၵႄႇမႃးယဝ်ႉလႄႈ ဢမ်ႇတၢပ်ႈလူဝ်ႇ ၶိုၼ်းၵႂႃႇၼႂ်းထိူၼ်ႇသေ သိုပ်ႇယူႇသဝ်းတမ်ႈတီႈ ၼႂ်းသူၼ်သိူဝ်းၼႆႉၵႂႃႇၼႆယဝ်ႉ။

ၵမ်းၼၼ်ႉ ၼေႃႇၶမ်းၽြႃးရသေႉလူင် ၸင်ႇဢဝ်လုၵ်ႈၼွင်ႉတပႄးမၼ်း ႁႃႈပၢၵ်ႇ ဢၢပ်ႈပၼ် တပႄးလူင်မၼ်းသေ ႁႂ်ႈၶဝ်ပွၵ်ႈၶိုၼ်းၵႂႃႇ ၼႂ်းထိူၼ်ႇယဝ်ႉ။ တပႄးလူင်မၼ်းၸဝ်ႈၼႆႉၵေႃႈ ၸုၼ်ႉပႅတ်ႈ ၽဝၶုၼ်သေ ၸင်ႇမႃးႁဵတ်းရသေႉရႁၢၼ်းယဝ်ႉ။ သမ်ႉလႆႈဝႆႉ သမႃႇပတ်ႈပႅတ်ႇပိူင် ၸိူင်ႉၼင်ႇ သြႃႇလူင်ရသေႉမၼ်းၼၼ်ႉၼင်ႇၵဝ်ႇ။
ဝၼ်းၼိုင်ႈ တပႄးလူင်မၼ်း ၶႂ်ႈမႃးဝႆႈသႃ ၼေႃႇၶမ်းၽြႃး ဢၼ်ပဵၼ်သြႃႇလူင်မၼ်းၼၼ်ႉလႄႈ ၸင်ႇၽႅဝ်မႃး တမ်ႈတီႈသူၼ်သိူဝ်း ၿႃႇရႃႇၼသီႇယဝ်ႉ။ ပေႃးဝႃႈ ၽႅဝ်ထိုင် တမ်ႈတီႈ ႁိမ်းသြႃႇလူင်ၼႆ ႁဵတ်းဝတ်ႈဢွၼ်ႇဝတ်ႈလူင်ယဝ်ႉ ဢဝ်ဢၼ်သိူဝ်ႇ သိူဝ်ႇသေ ၼွၼ်းလိုဝ်ႈၵတ်းၵတ်းယဵၼ်ယဵၼ်ယူႇ။ ၽွင်းၼၼ်ႉ ၶုၼ်ႁေႃၶမ်းလူင် ၿႃႇရႃႇၼသီႇ ၶႂ်ႈမႃးဝႆႉသႃ ရသေႉလူင်လႄႈ ၸင်ႇၽႅဝ်မႃးယဝ်ႉ။ ၶုၼ်လူင် ၽႅဝ်မႃးသေတႃႉ တပႄးလူင်သမ်ႉ ပႆႇလုၵ်ႉၵမ်းလဵဝ်၊ ၸင်ႇၼွၼ်းသေ လၢတ်ႈဝႃႈ “ဢေႃး... သိူဝ်းသႃႇယဵၼ်ၸႂ်တႄႉၼေႃး... ဢေႃး... သိူဝ်းသႃႇယဵၼ်ၸႂ်တႄႉၼေႃး”ၼႆယဝ်ႉ။

ပေႃးဝႃႈ ၶုၼ်လူင် လႆႈႁၼ်ၵႂႃႇၼင်ႇၼၼ်ၵေႃႈ ၸင်ႇပဵၼ် လွင်ႈတၢင်းၸႂ်ဢမ်ႇလီၵႂႃႇ တႄႉတႄႉ။ ၵွပ်ႈၼၼ် ၸင်ႇလဝ်ႈလၢတ်ႈတီႈ ရသေႉလူင်ဝႃႈ “ၸဝ်ႈရသေႉၸဝ်ႈၼႆႉ ပဵၼ်ရသေႉ ဢၼ်ၵိၼ်ဢိမ်ႇ ၵိၼ်တဵမ်သေ ၵုမ်ႇၼွၼ်းယူႇၵူၺ်းလူင်” ၼႆယဝ်ႉ။ ၼေႃႇၶမ်းၽြႃး ရသေႉလူင်ၸင်ႇၶိုၼ်းဝႃႈ “ၶုၼ်လူင်... ရသေႉၸဝ်ႈၼႆႉ မိူဝ်ႈၵွၼ်ႇ ပဵၼ်ၶုၼ်မိူင်းၸိူင်ႉၼင်ႇ ၸဝ်ႈႁဝ်းၼင်ႇၵဝ်ႇ။ ယၢမ်းလဵဝ် မၼ်း ဢဝ်လွင်ႈသိူဝ်းသႃႇယဵၼ်ၸႂ်ꧢၢၼ်ႇ၊ လွင်ႈသိူဝ်းသႃႇယဵၼ်ၸႂ် ၽဝရသေႉရႁၢၼ်းသေ မႃးတႅၵ်ႈလွင်းသိူဝ်း သႃႇယဵၼ်ၸႂ်ၶုၼ် မိူဝ်ႈပဵၼ်ၵူၼ်း ဢၼ်လႆႈၸႂ်ႉပိူၼ်ႈ ယိပ်းၵွင်ႈၵၢင်ႇလၢၵ်ႈၼၢၵ်ႈသေ ပႂ်ႉၼၼ်ႉလႄႈ ၸင်ႇၶၢၼ်ဝႃႈ ၼင်ႇၼၼ်ယဝ်ႉ”ၼႆသေ ၸင်ႇႁေႃးၼႄၷႃႇထႃႇတီႈတႂ်ႈၼႆႉ ပၼ်ၶုၼ်လူင်ယဝ်ႉ-

			သ ဝေ ရႃꩡ သုၶံ သေတိ၊ ၵႃမေသု ဢၼပဵၵ်ၶဝႃ။

ၶုၼ်လူင်... ၵူၼ်းၵေႃႉၼၼ်ႉ ပိူၼ်ႈၵေႃႈ ဢမ်ႇလႆႈပႂ်ႉမၼ်း၊ မၼ်းၵေႃႈ ဢမ်ႇလႆႈပႂ်ႉပိူၼ်ႈ၊ ၵေႃႉဢၼ် ယၢၼ်လွတ်ႈတၼ်ႇႁႃႇ ဢမ်ႇၸပ်းပႅၼ်း ဝတ်ႉထုၵႃႇမ၊ ၵိလေႇသႃႇၵႃႇမၼၼ်ႉ ၸင်ႇတေလႆႈဝႃႈ လႆႈၼွၼ်းလပ်း သိူဝ်းသႃႇယဵၼ်ၸႂ်တႄႉတႄႉယဝ်ႉ။

 

		  လွဝ်းသိူဝ်းသႃႇ ꧢႃႇၼသုၶ၊ ၽလသုၶၸိူဝ်းၼႆႉ ယွၼ်ႉပိူဝ်ႈၵၢင်းယၢၼ် ၼီႇဝရ ၼဢိၵ်ႇ ၵိလေႇသႃႇလႄႈ ပဵၼ်လွင်ႈသိူဝ်းသႃႇၸၼ်ႉသုင် 




#Article 10: 011 လၵ်ႉၶၼမိၵ၊ ၸၢတ်ႈ (246 words)


(လၵ်ၶၼမိၷ= တိုင်လၵ်ႉꧠၼ)
လူဝ်ႇမီး ၽူႈဢွၼ်ႁူဝ်လီ

ပွၵ်ႈၼိုင်ႈ ၸဝ်ႈၻေႇဝၻတ်ႈၼႆႉ မၼ်းတုၵ်းယွၼ်း တမ်ႈတီႈ မုၼ်ၶမ်းၽြႃး လွင်ႈတၢင်းႁႃႈပိူင် ဢမ်ႇလႆႈလႄႈ ၸင်ႇၸႅၵ်ႇၽႄၸုမ်း ႁွင်ႉဢဝ် ရႁၢၼ်းႁႃႈပၢၵ်ႇသေ ၵႂႃႇယူႇသဝ်းတမ်ႈတီႈ “ၷယႃႇသီႇသ” ယူႇယဝ်ႉ။ ၽွင်းမိူဝ်ႈ ယူႇသဝ်း တမ်ႈတီႈၼၼ်ႈၼၼ်ႉ လွင်ႈဝႃႈ ၺၢၼ်ႇတၢင်းႁူႉၸဝ်ႈရႁၢၼ်းၶဝ် ယႂ်ႇႁႅင်း မႃးယဝ်ႉၼႆ မုၼ်ၶမ်းၽြႃး ႁူႉထိုင်ဝႆႉယဝ်ႉ။ ၵွပ်ႈၼၼ် ၸင်ႇလၢတ်ႈဝႃႈ “လုၵ်ႈႁၵ်ႉဢိူၺ်း... သူၶိုၼ်းၵႂႃႇ ႁူၺ်းႁွင်ႉမႃး ရႁၢၼ်းႁႃႈပၢၵ်ႇ ဢၼ်လႆႈၸႂ်ဝႃႇၻ ၸဝ်ႈၻေႇဝၻတ်ႈသေ ၸွမ်းလင်ၻေႇဝၻတ်ႈၵႂႃႇ ၼၼ်ႉတႃႉ”ၼႆယဝ်ႉ။

ၸဝ်ႈသႃႇရိပုတ်ႉတလႄႈ ၸဝ်ႈမွၷ်ႉၷလၢၼ်ႇၶဝ်ၵေႃႈ ၸွမ်းၵႂႃႇ တမ်ႈတီႈ “ၷယႃႇသီႇသ”သေ ၵၢင်ၶမ်း ၵႂႃႇႁေႃးတြႃး ပၼ်ၶဝ်ၸဝ်ႈႁႃႈပၢၵ်ႇလႄႈ ၶဝ်တင်းႁႃႈပၢၵ်ႇ ပဵၼ်ဢရႁၼ်ႇၵႂႃႇ တင်းသဵင်ႈယဝ်ႉ။ ထႅင်ႈၼႂ်ၼိုင်ႈ ပေႃးဝႃႈ ၼႃႈမိူင်းသႂ်မႃး ၸင်ႇႁွင်ႉဢဝ် ရႁၢၼ်းႁႃႈပၢၵ်ႇၸိူဝ်းၼၼ်ႉသေ ပွၵ်ႈမႃးတမ်ႈတီႈ ဝတ်ႉဝေႇꩮုဝၼ်ႇလႄႈ ၵိုတ်းဝႆႉ ၸဝ်ႈၻေႇဝၻတ်ႈ ၸဝ်ႈလဵဝ်ၵူၺ်းယဝ်ႉ။

ပေႃးဝႃႈ ၶဝ်ၸဝ်ႈ ၽႅဝ်မႃး တမ်ႈတီႈ မုၼ်ၶမ်းၽြႃးယဝ်ႉၼႆ ရႁၢၼ်းၶဝ် ၸင်ႇလဝ်ႈလၢတ်ႈဝႃႈ “ဢၼ်ၸဝ်ႈရႁၢၼ်းႁႃႈပၢၵ်ႇ ဢုမ်ႇလွမ်ႉ ၸဝ်ႈပီႈလူင်သႃႇရိပုတ်ႉတသေ ပွၵ်ႈသၢႆႇဝၢႆႇမႃးၼႆႉ ပဵၼ်ဢၼ် ႁၢင်ႈၶိုၵ်ႉၶမ်ႇၶႅမ်ႉလႅပ်ႈ တႄႉတႄႉသေ ၻေႇဝၻတ်ႈတႄႉ ဢမ်ႇမီးၽႂ်ၸွမ်းလႄႈ ငဝ်မွင်ဝႆႉသေႃႇႁေႃႇယူႇ” ၼႆယဝ်ႉ။ ၵမ်းၼၼ်ႉ မုၼ်ၶမ်းၽြႃးၸင်ႇဝႃႈ ၸဝ်ႈသႃႇရိပုတ်ႉတၼႆႉ ဢၼ်မီးၵေႃႉဢုမ်ႇလွမ်ႉသေ ႁၢင်ႈၶိုၵ်ႉၶႅမ်ႉလႅပ်ႈၼၼ်ႉ ဢမ်ႇၸႂ်ႈမိူဝ်ႈလဵဝ်ၵူၺ်း၊ ꩡၢတ်ႈၵွၼ်ႇၵေႃႈ ယၢမ်ႈမီး ႁၢင်ႈၶိုၵ်ႉၶႅမ်ႉလႅပ်ႈမႃးယဝ်ႉ။ ၸဝ်ႈၻေႇဝၻတ်ႈၼႆႉ ဢမ်ႇမီးၵေႃႉဢုမ်ႇလွမ်ႉသေ လူႉသုမ်းၵိုတ်းၶေႃၼၼ်ႉ ဢမ်ႇၸႂ်ႈမိူဝ်ႈလဵဝ်ၵူၺ်း၊ ꩡၢတ်ႈၵွၼ်ႇဝၼ်းလင်ၵေႃႈ ယၢမ်ႈလူႉသုမ်း ၵိုတ်းၶေႃမႃးယူႇ ၼႆသေ ၶိုၼ်းႁေႃးလၢတ်ႈၼႄ ၼင်ႇၼႆယဝ်ႉ-

မိူဝ်ႈၵွၼ်ႇ တီႈတိူင်းမၷꩪ ဝဵင်းရႃႇꩡၵႁၼၼ်ႉ ၽွင်းမိူဝ်ႈ ၶုၼ်လူင်မၷꩪ ၵိၼ်မိူင်းယူႇၼၼ်ႉ ၼေႃႇၶမ်းၽြႃး ပဵၼ် တူဝ်တိုင်သေ တိုင်ႁဵင်ၼိုင်ႈဢုမ်ႇလွမ်ႉ ယူႇသဝ်းဝႆႉ ၼႂ်းထိူၼ်ႇယူႇ။ ၼေႃႇၶမ်းၽြႃး တိုင်ၼႆႉ မီးဝႆႉ လုၵ်ႈၸၢႆးသွင်တူဝ် ၸိုဝ်ႈဝႃႈ “လၵ်ၶၼ လႄႈ ၵႃꩮ”။ ပေႃးဝႃႈ ၼေႃႇၶမ်းၽြႃးတိုင် ထဝ်ႈၵႄႇမႃးၼႆ ၸင်ႇဢဝ်တိုင်ႁႃႈပၢၵ်ႇ ႁႃႈပၢၵ်ႇ ၸႅၵ်ႇပၼ် လုၵ်ႈၸၢႆးမၼ်း တင်းသွင်သေ ႁႂ်ႈၵွၼ်းႁူဝ်ၵႂႃႇယဝ်ႉ။ ၵူၼ်းမိူင်ႈမၷꩪၶဝ်ၼႆႉ ၽွင်းမိူဝ်ႈၶဝ်ႈၼႃးၶဝ် ပဵၼ်ႁူင်းပဵၼ်ၵွၼ်ႈမႃးၼၼ်ႉ ၼင်ႇႁိုဝ် တေႁႄႉၵင်ႈလႆႈ တိုင် ၸိူဝ်းဢၼ်တေမႃးၵိၼ်ၼၼ်ႉ ၶဝ်ၶုတ်းလုၵ်းၶုတ်းထၢင်ဝႆႉယဝ်ႉ။ ပၵ်းဝႆႉမႆႉလႅမ်၊ ႁဵတ်းဝႆႉ ႁိၼ်လၼ်ႇ၊ ႁၢင်ႈဝႆႉႁဵဝ်ႉ ၵူႈပိူင်ပိူင်လႄႈ တိုင်တင်းၼမ် လႆႈလူႉႁၢႆတၢႆယူႇယဝ်ႉ။

ၵမ်းၼၼ်ႉ ပေႃႈတိုင်ထဝ်ႈလူင်ၸင်ႇႁွင်ႉဢဝ် လုၵ်ႈၸၢႆးမၼ်း တင်းသွင်သေ “လုၵ်ႈၵဝ်ဢိူၺ်း... ၽွင်းမိူဝ်ႈ ၶဝ်ႈၼႃးလိူင်မႃးၼႆႉ တိုင်တင်းၼမ် ၸၢင်ႈလူႉႁၢႆတၢႆယႂ်ႇလႄႈ ၸိူဝ်းဢၼ်ႁဝ်း ထဝ်ႈယဝ်ႉၼႆႉတႄႉ သင်ႇထုၵ်ႇၸိူင်ႉႁိုဝ်ၵေႃႈ ႁဝ်းတေတူၺ်းတူၺ်းသေ ဝႄႈၽေးၶဵၼ်သေ ယူႇသဝ်းၵႂႃႇလႆ။ သူတေႃႈ ဢွၼ်ဢဝ်လုၵ်ႈၼွင်ႉသူ ပၢႆႈၵႂႃႇယူႇသဝ်းတမ်ႈတီႈ တိၼ်လွႆတႃႉ”ၼႆယဝ်ႉ။

တိုင်ၵႃꩮၼႆႉ ၺၢၼ်ႇတၢင်းဝူၼ်ႉ လဵၵ်ႉၵေႇဢေႇမၢင်ၼႃႇ။ ၶၢဝ်းလႂ်လီၵႂႃႇလီပႆ၊ ၶၢဝ်းလႂ် ဢမ်ႇလီၵႂႃႇလီပႆၵေႃႈ ဢမ်ႇႁူႉ။ ၵွပ်ႈၼၼ် ၸဵမ်ၵၢင်ၼႂ်၊ ႁူဝ်ၶမ်ႈ ဢမ်ႇလိူၵ်ႈၶိင်ႇလိူၵ်ႈၶၢဝ်းသင် ဢွၼ်ဢဝ် လုၵ်ႈၼွင်ႉမၼ်းသေ လတ်းၵႂႃႇလတ်းမႃး ႁိမ်းဝၢၼ်ႈၵူၼ်း၊ ၵူၼ်းဝၢၼ်ႈၵူၼ်းသူၼ်ၶဝ် မီးသုၼ်ႇတႃႇတေ ပိုတ်းယိုဝ်းလႄႈ တိုင်တင်းၼမ် လႆႈလူႉႁၢႆတၢႆယႂ်ႇ ၵူၺ်းၵိုတ်း ၽူႈဢွၼ်ႁူဝ်မၼ်း တူဝ်လဵဝ်ၵူၺ်းသေ လႆႈၶိုၼ်းပွၵ်ႈမႃးယဝ်ႉ။

တိုင်လၵ်ႉၶၼၼႆႉ မီးၺၢၼ်ႇတၢင်းဝူၼ်ႉ လၵ်းလႅမ်သႅမ်းၵႃႈယဝ်ႉ။ ၵၢင်ၶမ်ႈၵၢင်ၶိုၼ်း ၶၢဝ်းၵူၼ်းၼွၼ်းယဵၼ်ၼၼ်ႉ ၸင်ႇဢွၼ်လုၵ်ႈၼွင်ႉမၼ်း ၵႂႃႇတီႈၵႆတၢင်းၵူၼ်းၼၼ်ႉလႄႈ တိုင်တူဝ်ၼိုင်ႈၵေႃႈ တေႃႈဢမ်ႇလႆႈလူႉႁၢႆတၢႆသုမ်း၊ ဢွၼ်ၵၼ်ယူႇသဝ်း တမ်ႈတီႈ တိၼ်လွႆယဝ်ႉသေ ၶိုၼ်းပွၵ်ႈသၢႆႇဝၢႆႇမႃး ပႃးတင်း တိုင်တင်းသဵင်ႈ ဢၼ်ဢမ်ႇယွမ်းသေတူဝ်ၼၼ်ႉယဝ်ႉ။ ပေႃးဝႃႈ ၼေႃႇၶမ်းၽြႃးတိုင်လူင် လႆႈႁၼ် လုၵ်ႈသွင်တူဝ် ဢၼ်မီးလုမ်းလၢင်း၊ ဢၼ်ဢမ်ႇမီးလုမ်းလၢင်း ပွၵ်ႈမႃး လၢၵ်ႇလၢႆးၼင်ႇၼႆၸိုင် ၸင်ႇလွတ်ႈႁေႃး ၷႃႇထႃႇတီႈတႂ်ႈၼႆႉယဝ်ႉ-

			
လၵ်ၶၼံ ပသ်သ ဢႃယၼ်တံ၊ ၺႃတိသံꧠပုရၵ်ၶတံ။

ဢထ ပသ်သသိ’မံ ၵႃꩮံ၊ သုဝိႁီၼံဝ ၺႃတိꧤိ။

ၽူႈမီးပၺ်ႇၺႃႇ ဢၼ်မီး ꩪမ်မပꩦိသၼ်ႇတႃရ ‘လွင်ႈမေႃႁႄႉၵင်ႈ သင်ႇသွၼ်လွင်ႈဢမ်ႇလီ’၊ ဢႃမိသပꩦိသၼ်တႃရ ‘လွင်ႈမေႃႁဵတ်းႁႂ်ႈလႆႈ တီႈယူႇတီႈၵိၼ်’သေ ဢၼ်မီးသိၼ်သီႇလၼၼ်ႉ တၵ်းမၢၵ်ႈမီးလီပဵၼ်ယဝ်ႉ။ ဢွၼ်ၵၼ် မုင်ႈယဵမ်ႈတူၺ်း တိုင်လၵ်ႉၶၼ ဢၼ်မီး ပီႈၼွင်ႉဢုမ်ႇလွမ်ႉတင်းၼမ် ပွၵ်ႈမႃးၼၼ်ႉလူး။ လိူဝ်သေၼၼ်ႉ ဢွၼ်ၵၼ်မုင်ႈယဵမ်ႈတူၺ်း တိုင်ၵႃႇꩮ ဢၼ်ဢမ်ႇမီး ပီႈၼွင်ႉသေတူဝ် ပွၵ်ႈမႃးၼၼ်ႉလူး။

 

 

 

(1) ပေႃးၽူႈဢွၼ်ႁူဝ်လီ၊ လႆႈယၢၼ်ၶီသိူဝ်းသႃႇ။
		  
(2)ပေႃးၽူႈဢွၼ်ႁူဝ်ၶုၺ်ႈ၊ တုၵ်ႉယၢၵ်ႈၽုၺ်ႈၶၢၼ်ၸႂ်။
		  
(3) ၵူႈတၢင်းဢိၵ်ႇၵူႈတီႈ၊ လူဝ်ႇမီးပီႈဢွၼ်ႁူဝ်။




#Article 11: 012 ၼိ​ၵြေႃးထ၊ ၸၢတ်ႈ (323 words)


(ၼိၷြေႃꩪမိၵ = တိုင်ၼိၷြေႃꩪ)
သင်ၽူႈဢွၼ်ႁူဝ်လီ ယႆႈယၢၼ်ၶီသိူဝ်းသႃႇ

ၵေႃႉပဵၼ်မႄႈ ၸဝ်ႈၵုမႃႇရၵသ်ႉသပၼႆႉ ပဵၼ်လုၵ်ႈယိင်းသထေး ၸိုဝ်ႈသဵင်ယႂ်ႇ ၼႂ်းမိူင်းသႃႇ ဝတ်ႉထိယဝ်ႉ။ ဢမ်ႇမီးၸႂ် မိုတ်ႈမၵ်ႉႁၵ်ႉလူၺ်ႈ လေႃးၵီႇၵႃႇမ ၸိူင်ႉၼင်ႇပိူၼ်ႈ၊ ဢမ်ႇၶႂ်ႈတႄႇၼႃႈႁိူၼ်းဢဝ်ၽူဝ်သေ တုၵ်းယွၼ်း တမ်ႈတီႈပေႃႈမႄႈမၼ်း တႃႇတေႁဵတ်းꧤိၵ်ႉၶုၼီႇ(ရႁၢၼ်းၼၢင်းယိင်း)ယူႇ။ ၵူၺ်းၵႃႈ ပေႃႈမႄႈ ဢမ်ႇၽွမ်ႉလႄႈ ၸင်ႇမၢႆၸႂ်ဝႆႉဝႃႈ ပေႃးတႄႇၼႃႈႁိူၼ်းယဝ်ႉ ၸင်ႇၵွႆႈယွၼ်းၶႂၢင်း တီႈၸဝ်ႈၽူဝ် ၼႆယဝ်ႉ။ မၼ်းၼၢင်း ယႂ်ႇမႃႈၵႃႈသုင်မႃးယဝ်ႉ ၸင်ႇၸွမ်း ၵၢင်ၸႂ်ပေႃႈမႄႈမၼ်းသေ တႄႇၼႃႈႁိူၼ်းလႄႈ ဢမ်ႇႁိုင်ဢမ်ႇၼၢၼ်း မၼ်းၼၢင်းၸပ်းသၼ်ႇꩪေႇယဝ်ႉ။ ၵူၺ်းၵႃႈ မၼ်းၼၢင်း ၸပ်းသၼ်ႇထေႇယူႇသေတႃႉ မၼ်းၼၢင်းဢမ်ႇႁူႉထိုင်။

ထိုင်မႃးဝၼ်းၼိုင်ႈ ဝဵင်းသႃႇဝတ်ႉထိတင်းမိူင်း ပဵၼ်ပွႆးၼၵ်ႈၶတ်ႈလႄႈ ၵေႃႉပဵၼ်ၽူဝ်မၼ်း လႆႈႁၼ်မၼ်းၼၢင်း ဢမ်ႇႁၢင်ႈၶိူင်ႈ ၸိူင်ႉၼင်ႇ ၼၢင်းယိင်းတၢင်ႇၵေႃႉလႄႈ ၸင်ႇထၢမ် လွင်ႈဢမ်ႇႁၢင်ႈၶိူင်ႈ ၸိူင်ႉၼင်ႇပိူၼ်ႈၼၼ်ႉယဝ်ႉ။ ၵမ်းၼၼ်ႉ မၼ်းၼၢင်းၸင်ႇဝႃႈ “တူဝ်ၶၼ်ႇꩪႃႇၼႆႉ ႁၢင်ႈၶိူင်ႈပၼ်ၼွၵ်ႈမၼ်း တၢၼ်ႇႁိုဝ်ၵေႃႈယဝ်ႉ တၢင်းၼႂ်းမၼ်းတႄႉ တူႇၼဝ်ႈသေ ‘တေမိူၼ်ၼင်ႇ ယွမ်ႉၼမ်ႉယႃႈပၼ် ဢုမ်ၶီႈၵူၺ်း”ၼႆသေ လၢတ်ႈလွင်ႈ တူဝ်ၶၼ်ႇꩪႃႇပဵၼ် ဢသုꧤၼၼ်ႉလႄႈ ၵေႃႉပဵၼ်ၽူဝ်ၸင်ႇဝႃႈ “ပေႃးႁူႉ တြႃး ၼင်ႇၼႆၵေႃႈ ၵႂႃႇႁဵတ်း ရႁၢၼ်းႁေယဝ်ႉၼႃႇ”ၼႆယဝ်ႉ။ ၼၢင်းယိင်းဢွၼ်ႇၵေႃႉၼႆႉ မိူၼ်ၼင်ႇ ၵူၼ်းႁႃၵိူဝ်ဝၢၼ် သမ်ႉၵႂႃႇၺႃးၼမ်ႉၽိုင်ႈၼၼ်ႉယဝ်ႉလႄႈ ၸင်ႇယွၼ်းၶႂၢင်း တီႈၸဝ်ႈၽူဝ်မၼ်းၼၢင်းသေ ၵႂႃႇၼုင်ႈရႁၢၼ်းယဝ်ႉ။ တီႈဢၼ်မၼ်းၼၢင်း ၵႂႃႇၼုင်ႈရႁၢၼ်းၼၼ်ႉ သမ်ႉပဵၼ်ၸုမ်းꧤိၵ်ႉၶုၼီႇ ဢၼ်လႆႈၵႂႃႇထွမ်ႇဢဝ် ၵႂၢမ်းသင်ႇသွၼ်တမ်ႈတီႈ ၸဝ်ႈၻေႇဝၻတ်ႈၼၼ်ႉယဝ်ႉ။

ဝၢႆးသေ ပဵၼ်ရႁၢၼ်းယဝ်ႉ ဢမ်ႇႁိုင်ဢမ်ႇၼၢၼ်း သၼ်ႇꩪေႇမၼ်းၼၢင်း ၵႄႇမႃးယႂ်ႇမႃးလႄႈ ၸဝ်ႈၻေႇဝၻတ်ႈ သမ်ႉၵူဝ်လႆႈတၢင်းဢၢႆၼႆသေ ၸင်ႇၸႂ်ႉႁႂ်ႈမၼ်းၼၢင်း သိၵ်း(ထၢၵ်ႈ)ယဝ်ႉ။ ၵူၺ်းၵႃႈ ရႁၢၼ်းၼၢင်းယိင်းဢွၼ်ႇၼၼ်ႉ သမ်ႉဢမ်ႇၶႂ်ႈသိၵ်းလႄႈ ၸင်ႇၽႅဝ်မႃး တမ်ႈတီႈမုၼ်ၶမ်းၽြႃႈယဝ်ႉ။
တူၼ်တူဝ်မုၼ်ၶမ်းၽြႃး ႁူႉထိုင် လွင်ႈပိုၼ်း ရႁၢၼ်းၼၢင်းယိင်းဢွၼ်ႇၼႆႉယူႇသေတႃႉ ၼင်ႇႁိုဝ် ၵူၼ်းတင်းၼမ် တေဢမ်ႇမီးၸႂ်ယူဝ်းယဵင်း သမ်ႇသယၼႆ လွင်ႈပၼ်ႁႃ သၼ်ႇꩪေႇ ရႁၢၼ်းၼၢင်းယိင်းဢွၼ်ႇၼၼ်ႉ ၸင်ႇႁႂ်ႈၸဝ်ႈဢုပႃႇလိ ဢဝ်ပုၼ်ႈၽွၼ်းယဝ်ႉ။ ၸဝ်ႈဢုပႃႇလိၵေႃႈ ၸင်ႇၸွပ်ႇၸႅတ်ႈတူၺ်း လွင်ႈသၼ်ႇꩪေႇမၼ်းၼၢင်း ၽၢႆႇၼႃႈၼၢင်းဝိသႃႇၶႃႇ၊ သထေးလူင် ဢၼႃႇထပိၼ်ႇ ၸိူဝ်းပဵၼ်ပရိသတ်ႈ သီႇပိူင်သေ လႆႈႁူႉဝႃႈ သၼ်ႇꩪေႇမၼ်းၼၢင်း ပဵၼ်မႃး ၸဵမ်မိူဝ်ႈပၢၼ်ၵူၼ်းႁိူၼ်း ၼၼ်ႉလႄႈ ၸင်ႇတႅပ်းတတ်းပၼ် ႁႂ်ႈမၼ်းၼၢင်း သိုပ်ႇယူႇၼႂ်းꧤဝရႁၢၼ်းယဝ်ႉ။ ဢမ်ႇႁိုင်ဢမ်ႇၼၢၼ်း ၸင်ႇၵိူတ်ႇဢွၵ်ႇမႃး လုၵ်ႈၸၢႆးဢွၼ်ႇၵေႃႉၼိုင်ႈ၊ ယွၼ်ႉပိူဝ်ႈ ရႁၢၼ်းတင်းလုၵ်ႈဢွၼ်ႇ ဢမ်ႇၵိုင်ႇငၢမ်ႇၵၼ်လႄႈ ၶုၼ်ႁေႃၶမ်းၵေႃးသလ ၸင်ႇၵဵပ်းမိူဝ်းလဵင်ႉ တီႈႁေႃယဝ်ႉ။ ဝၢႆးမႃး လုၵ်ႈၸၢႆးဢွၼ်ႇၵေႃႉၼၼ်ႉ မႃးပဵၼ် ၸဝ်ႈၵုမႃႇရၵသ်ႉသပသေ ၽၢႆႇႁေႃးတြႃး ၵတ်ႉၶႅၼ်ႇလႅၼ်ႇၽၢႆၼၼ်ႉ လႆႈ“ဢေတၻၵ်ႈ”ယဝ်ႉ။ ၵေႃႉပဵၼ်ၸဝ်ႈမႄႈ ၵေႃႈ ပဵၼ် ၸဝ်ႈဢရႁၼ်ႇၵႂႃႇယဝ်ႉ။

ရႁၢၼ်းၶဝ် ဢွၼ်ၵၼ်ယွင်ႈယေႃးလၢတ်ႈဝႃႈ “သွင်ၶႃမႄႈလုၵ်ႈ ဢၼ်ဢၢင်ႈတေလႆႈလူႉလႅဝ် ၼႂ်းမိုဝ်းၸဝ်ႈၻေႇဝၻတ်ႈၼၼ်ႉ ၽိူဝ်ႇထိုင်မႃး ၼႂ်းမိုဝ်းမုၼ်ၶမ်းၽြႃး သမ်ႉလႆႈၶႅမ်ႉလႅပ်ႈၵႂႃႇ”ၼႆသေ ယွင်ႈယေႃးမုၼ်ၶမ်းၽြႃးယူႇၼင်ႇၼၼ် မုၼ်ၶမ်းၽြႃးၸင်ႇဝႃႈ သွင်ၵေႃႉမႄႈလုၵ်ႈၼႆႉ ၵဝ်ၽြႃးယၢမ်ႈၸွႆႈ ထႅမ်ဢဝ်ၶႃမႃး ၸၢတ်ႈၼႆႉၵူၺ်းဢမ်ႇၸႂ်ႈ ၸၢတ်ႈၵွၼ်ႇၵေႃႈ ယၢမ်ႈၸွႆႈထႅမ် ဢဝ်ၶႃမႃးယဝ်ႉ”ၼႆသေ ၸင်ႇၶႆႈၼႄလွင်ႈၸၢတ်ႈၵွၼ်ႇယဝ်ႉ-

မိူဝ်ႈၵွၼ်ႇ ႁိုင်လွၼ်ႇပူၼ်ႉမႃး တမ်ႈတီႈမိူင်းၿႃႇရႃႇၼသီႇ၊ ၽွင်းမိူဝ်ႈ ၶုၼ်ၿြႁ်မၻတ်ႈ ပဵၼ်ၶုၼ်ယူႇၼၼ်ႉ ၼေႃႇၶမ်းၽြႃး ပဵၼ် တိုင်ၶမ်းယဝ်ႉ။ တူဝ်မၼ်းၸဝ်ႈ ယႂ်ႇမၢၵ်ႈသေ မီႈမွၵ်ႈမႃႉဢွၼ်ႇဝႆႉ။ သမ်ႉမီးတိုင်လုမ်းလၢင်း ႁွမ်းၶၢင်းႁႃႈပၢၵ်ႇ။ ၸိုဝ်ႈတိုင်ၼၼ်ႉ ႁိၵ်ႈၸိုဝ်ႈဝႃႈ “ၼိၷြေႃးထ”။ တီႈႁိမ်းၸုမ်း တိုင်ၸိူဝ်းၼၼ်ႉ ၼင်ႇၵဝ်ႇ သမ်ႉမီးတိုင်ၶမ်း ဢၼ်ၸိုဝ်ႈဝႃႈ “သႃႇၶ”သေ မီးတိုင်လုမ်းလၢင်း ႁွမ်းၶၢင်း ႁႃႈပၢၵ်ႇၼင်ႇၵဝ်ႇ။ ၶုၼ်ႁေႃၶမ်း သမ်ႉပႃး ဝႃႇသၼႃႇ လိုပ်ႈထိူၼ်ႇ။ ပေႃးဢမ်ႇမီးၼိူဝ်ႉ ဢမ်ႇမေႃၵိၼ်ၶဝ်ႈ။ ယွၼ်ႉပိူဝ်ႈ ၵုမ်ႇၵႂႃႇလိုပ်ႈထိူၼ်ႇ ၵူႈဝၼ်းဝၼ်းလႄႈ ၵူၼ်းဝၢၼ်ႈၵူၼ်းသူၼ်ၶဝ်ၵေႃႈ ၵၢၼ်လူႉၵၢၼ်ႁၢမ်း။ ၵွပ်ႈၼၼ် ၸင်ႇၵႅတ်ႇလိုပ်ႈ တိုင်တင်းႁဵင် ဢၼ်တိုင်ၶမ်းသွင်တူဝ် ဢွၼ်ႁူဝ်ၼၼ်ႉသေ ၶင်ဝႆႉ ၼႂ်းသူၼ် သိူဝ်းၶုၼ်ယူႇယဝ်ႉ။

တိုင်ၶမ်းသွင်တူဝ်ၼၼ်ႉတႄႉ ၶုၼ်ႁေႃၶမ်း ပၼ်လွတ်ႈၽေးဝႆႉယဝ်ႉ။ တိုင်ၸိူဝ်းၼၼ်ႉတႄႉ လႆႈၶၢမ်ႇတၢင်းဢဝ်ၵၢင်ႇ ပိုတ်းယိုဝ်းလႄႈ ၵူဝ်ၵူဝ်ႁႄႁႄ ဢႅၼ်ႇဢႅၼ်ႇပၢႆႈပၢႆႈ ၽႃႇၺႃးၵၼ် လူမ်ႉလူမ်ႉ လုၵ်ႉလုၵ်ႉ လႆႈလူႉ လႆႈတၢႆယူႇယဝ်ႉ။ ၵွပ်ႈၼၼ် တိုင်ၶမ်းသွင်တူဝ် ၸင်ႇဢုပ်ႇၵၼ်သေ လႆႈၸႂ်ၵၼ်ဝႃႈ ၼႂ်းၶဝ်သွင်ၸုမ်းၼၼ်ႉ ၼိုင်ႈဝၼ်းၼိုင်ႈတူဝ် တေလႆႈၵႂႃႇလိူၼ်းၶေႃးပၼ် တီႈၶဵင်ယႃႉၼိူဝ်ႉၼၼ်ႉၼႆယဝ်ႉ။

ဝၼ်းၼိုင်ႈ တိုင်မႄႈႁွမ်းလုၵ်ႈ ဢၼ်ၸမ်တေလဵင်ႉလုၵ်ႈတူဝ်ၼိုင်ႈ ဢၼ်မီးၼႂ်းၸုမ်း “တိုင်သႃႇၶ”ၼၼ်ႉ သမ်ႉလႆႈၺႃး တႃႇတေၵႂႃႇၶၢမ်ႇတၢႆယဝ်ႉ။ တိုင်မႄႈတူဝ်ၼၼ်ႉ ယွၼ်ႉပိူဝ်ႈ မီးၸႂ်သမ်ႇယေႃးၸၼ်ႇ တီႈၼိူဝ်လုၵ်ႈမၼ်းလႄႈ ၸင်ႇၵႂႃႇယွၼ်းၶႂၢင်း တီႈတိုင်သႃႇၶ ႁႂ်ႈဢဝ်တၢင်ႇတူဝ်ၵႂႃႇတၢင်မၼ်း၊ ႁႂ်ႈမၼ်းလႆႈလဵင်ႉလုၵ်ႈယဝ်ႉ ၸင်ႇၵွႆႈၵႂႃႇၶၢမ်ႇတၢႆၼႆယဝ်ႉ။ တိုင်သႃႇၶ ဢၼ်မီးမဵတ်ႉတႃႇ ၵရုၼႃႇလဵၵ်ႉ ၵေႇဢေႇမၢင်ၼၼ်ႉ ဢမ်ႇႁပ်ႉၶၢမ်ႇ။ တိုင်မႄႈဢွၼ်ႇတူဝ်ၼၼ်ႉၵေႃႈ ဢမ်ႇယွၼ်ႇၸႂ် ၸင်ႇတေၵႂႃႇယွၼ်း ၶႂၢင်ႉတမ်ႈတီႈ တိုင်ၶမ်းၼိၷြေႃးꩪယဝ်ႉ။ တိုင်ၶမ်းၼိၷြေႃးꩪ ဢၼ်မီးမဵတ်ႉတႃႇ ၵရုၼႃႇယႂ်ႇၼၼ်ႉ ၸင်ႇႁပ်ႉၶၢမ်ႇယဝ်ႉ။ ထိုင်မႃးၼႂ်ၼိုင်ႈ တိုင်ၶမ်းၼိၷြေႃးꩪ ၸင်ႇတၢင်တူဝ် တိုင်မႄႈလုၵ်ႈဢွၼ်ႇၼၼ်ႉသေ ၵႂႃႇၶၢမ်ႇတၢႆတၢင်ပၼ်ယူႇ။ ၵူၺ်းၵႃႈ ယွၼ်ႉပိူဝ်ႈ ပၼ်တိုင်ၶမ်းလွတ်ႈၽေးဝႆႉလႄႈ ၸဝ်ႈမိုင်ႉဢၼ် ႁဵတ်းၽၵ်းၼၼ်ႉ ဢမ်ႇႁတ်းၽၼ်းတၢႆသေ ၸင်ႇၵႂႃႇလဝ်ႈလၢတ်ႈထိုင် ၶုၼ်ႁေႃၶမ်းယဝ်ႉ။ တူဝ်ၶုၼ် ႁေႃၶမ်းၽႅဝ်မႃးသေ ၸင်ႇမႃးထၢမ်တိုင်ၶမ်း ၼိၷြေႃးꩪယဝ်ႉ။ ၵမ်းၼၼ်ႉ တိုင်ၶမ်းၼိၷြေႃးꩪ ၸင်ႇႁေႃး တြႃးပၼ် ၶုၼ်ႁေႃၶမ်းလႄႈ တိုင်တင်းသဵင်ႈလႄႈ သတ်းတင်းသဵင်ႈလႆႈလွတ်ႈၶဵၼ်ၵႂႃႇယဝ်ႉ။

တိုင်တင်းသဵင်ႈၵေႃႈ ၶိုၼ်းဢွၼ်ၵၼ်ၶဝ်ႈ ၵႂႃႇယူႇသဝ်းၼႂ်းထိူၼ်ႇယဝ်ႉ။ တိုင်မႄႈ ဢၼ်ႁွမ်းလုၵ်ႈ ၼၼ်ႉၵေႃႈ ၸင်ႇၵိူတ်ႇမႃး တိုင်ပေႃႈဢွၼ်ႇတူဝ်ၼိုင်ႈယဝ်ႉ။ ဝၼ်းၼိုင်ႈ တိုင်ဢွၼ်ႇၼၼ်ႉ ဢႅၼ်ႇဢႅၼ်ႇလႅၼ်ႈလႅၼ်ႈသေ ၵႂႃႇၽႅဝ်ထိုင်တမ်ႈတီႈ တိုင်ၶမ်းသႃႇၶယူႇ။ မႄႈမၼ်းလႆႈႁၼ်ၼင်ႇၼၼ်သေ ၸင်ႇတေသင်ႇသွၼ် လုၵ်ႈမၼ်းၼင်ႇတႂ်ႈၼႆႉယဝ်ႉ-

(လုၵ်ႈႁၵ်ႉ...) ထုၵ်ႇလီ ယူႇဢိူမ်ႈသဝ်းၸမ် တမ်ႈတီႈ တိုင်ၼိၷြေႃးꩪ ဢၼ်ၶႂ်ႈႁႂ်ႈၸဝ်ႈၸဝ်ႇ မီးၽွၼ်းလီၼၼ်ႉၵူၺ်းဢိူဝ်ႈ၊ ဢမ်ႇထုၵ်ႇလီ ယူႇဢိူမ်ႈသဝ်းၸမ် တမ်ႈတီႈ တိုင်သႃႇၶ။ လွင်ႈဢၼ် လႆႈ တၢႆတီႈတႂ်ႈႁိမ်းတိၼ် ၶုၼ်တိုင်ၶမ်းၼိၷြေႃးꩪၼၼ်ႉ မႅတ်ႈဢိူဝ်ႈ။ လွင်ႈဢၼ်ဢႃႇယုယၢဝ်းယူႇ တမ်ႈတီႈ တိုင်သႃႇၶၼၼ်ႉ ဢမ်ႇမႅတ်ႈ။

		  (2)ပေႃးၽူႈဢွၼ်ႁူဝ်ၶုၺ်ႈ၊ တုၵ်ႉယၢၵ်ႈၽုၺ်ႈၶၢၼ်ၸႂ်။
		  (3) ၵူႈတၢင်းဢိၵ်ႇၵူႈတီႈ၊ လူဝ်ႇမီးပီႈဢွၼ်ႁူဝ်။




#Article 12: 013 ၵၼ်ႇတိ၊ ၸၢတ်ႈ (128 words)


(ၵၼ်ꩦိ = ၵေႃႉဢၼ် ပိုၼ်ၵၢင်ႇၵႃႇမၵုၼ်ႇပၵ်းၶမ်ဝႆႉ)
ပေႃးၸွမ်းၽၢႆႇၽူႈယိင်း ၸၢင်ႈလူႉလႅဝ်

ၽွင်းမိူဝ်ႈမုၼ်ၶမ်းၽြႃး တိုၵ်ႉယူႇသဝ်း တမ်ႈတီႈ ဝတ်ႉꩡေႇတဝၼ်ႇၼၼ်ႉ ဢိင်ပိုင်ႈလူၺ်ႈ ၸဝ်ႈရႁၢၼ်းဢၼ်လႆႈၶၢမ်ႇ မေးၵဝ်ႇမၼ်း မႃးႁူၺ်းၵဝ်းၼၼ်ႉသေ ၸင်ႇတေႁေႃးꩡၢတ်ႈၵၼ်ႇꩦိၼႆႉယဝ်ႉ။

တီႈၵႂၢင်ႈမၼ်း တူၺ်းဢဝ်ၼႂ်း “ဢꩦ်ꩧၵၼိပၢတ်၊ ꩡၢတ်ႈဢိၼ်တြိယ”ၼၼ်ႉတႃႉ။

မိူဝ်ႈၵွၼ်ႇ တီႈတိူင်းမၷꩪ၊ ဝဵင်းရႃႇꩡၵႁၼၼ်ႉ ၶုၼ်မၷꩪႁဵတ်းၶုၼ်ဝႆႉယဝ်ႉ။ ၽွင်းမိူဝ်ႈ ၶဝ်ႈၼႃး ၵူၼ်းမိူင်းမၷꩪၶဝ် လိူင်မႃးၼၼ်ႉၼႆ တိုင်ၶဝ် ၵႆႉၸၢင်ႈမီးၽေးၶဵၼ်ယဝ်ႉ။ ၽွင်းၼၼ်ႉ ၼင်ႇႁိုဝ် ပေႃးတေလွတ်ႈၽေးၶဵၼ်ၼၼ်ႉ တိုင်ၶဝ်ဢွၼ်ၵၼ် ပၢႆႈၵႂႃႇယူႇသဝ်း တီႈတိၼ်လွႆယဝ်ႉ။ ၼႂ်းတိုင်တင်း ၼမ်ၼၼ်ႉ တိုင်ပေႃႈတူဝ်ၼိုင်ႈ ၵႂႃႇမိုတ်ႈၵိုဝ်း တိုင်မႄႈတူဝ်ၼိုင်ႈ ဢၼ်ယူႇၸမ် ဝၢၼ်ႈၵူၼ်းၼၼ်ႉသေ ၽွင်းမိူဝ်ႈ တိုင်ၸိူဝ်းယူႇၸမ်ဝၢၼ်ႈ ၶိုၼ်းဢွၼ်ၵၼ် ပွၵ်ႈမႃး ႁိမ်းဝၢၼ်ႈၵူၼ်းၼၼ်ႉ ယွၼ်ႉပိူဝ်ႈ လႆႈမီး ၸႂ်ႁၵ်ႉႁႅင်းပႅင်းယႂ်ႇၼိူဝ် တိုင်မႄႈဢွၼ်ႇတူဝ်ၼၼ်ႉလႄႈ ၸင်ႇၸွမ်းတိုင်မႄႈဢွၼ်ႇၼၼ်ႉ မႃးႁိမ်းဝၢၼ်ႈ ၵူၼ်းယဝ်ႉ။ တိုင်မႄႈဢွၼ်ႇၼၼ်ႉဝႃႈ မီးၽေးၶဵၼ်ၼမ်ၼႃႇသေ ႁၢမ်ႈမၼ်းၵေႃႈ တေႃႈဢမ်ႇလႆႈ။

ၵူၼ်းမိူင်းမၷꩪၶဝ်ႁူႉဝႃႈ တိုင်ၶဝ် လူင်းလွႆမႃးယဝ်ႉၼႆ ဢွၼ်ၵၼ်ဢဝ်ၵၢင်ႇသေ မႃးပႂ်ႉၸွမ်းတႃႈ ၸွမ်းတၢင်း မူၵ်းယုမ်းဝႆႉယူႇ။ တိုင်မႄႈဢွၼ်ႇၼၼ်ႉ လႆႈငိၼ်းဢၢႆသႅဝ်ၵူၼ်းသေ ႁူႉဝႃႈ မူးသိူဝ်းၵေႃႉၼိုင်ႈ ပႂ်ႉဝႆႉယူႇၼႆလႄႈ ၸင်ႇၸႂ်ႉႁႂ်ႈ တိုင်ပေႃႈဢွၼ်ႇၼၼ်ႉ ၵႂႃႇဢွၼ်တၢင်းယဝ်ႉ။ မူးသိူဝ်းၵေႃႈ ၸင်ႇဢဝ် ၵၢင်ႇမၼ်း ပိုတ်းယိုဝ်းပၼ် တိုင်ပေႃႈ ဢၼ်မႃးဢွၼ်တၢင်းၼၼ်ႉယဝ်ႉ။ ပေႃးဝႃႈ လႆႈႁူႉဝႃႈ တိုင်ပေႃႈဢွၼ်ႇၼၼ်ႉ ၺႃးပိုၼ်ၵၢင်ႇယဝ်ႉၼႆ တိုင်မႄႈဢွၼ်ႇၼၼ်ႉ ၼႅတ်ႈဢႅၼ်ႇပၢႆႈၽႂ်းၽၢႆ ပေႃးတၢၼ်ႇလူမ်းယဝ်ႉ။

လွင်ႈဢၼ်ပဵၼ်ၸိူင်ႉၼင်ႇၼႆၼႆႉ ၼေႃႇၶမ်းၽြႃး ဢၼ်ပဵၼ် ၶုၼ်ၽီတူၼ်ႈမႆႉ ဢၼ်ယူႇတီႈထိူၼ်ႇၼၼ်ႉ ၸင်ႇလႆႈႁၼ်သေ “လွင်ႈဢၼ် တိုင်ပေႃႈဢွၼ်ႇလႆႈလူႉႁၢႆတၢႆၼႆႉ တၢႆယွၼ်ႉပိူဝ်ႈ ပေႃႈမႄႈမၼ်းဢမ်ႇၸႂ်ႈ။ တၢႆယွၼ်ႉပိူဝ်ႈ ၵႃႇမၷုၼ်ႇယဝ်ႉ”ၼႆသေ ၸင်ႇဢဝ်ၷႃႇထႃႇသၢမ်ႁူဝ်ၼႆႉ သႄႉသွမ်း ႁေႃးလၢတ်ႈယူႇယဝ်ႉ-

ꩪိရတ်ထု တံ ꩡၼပၻံ၊ ယတ်ထိတ်ထီ ပရိၼႃယိၵႃ။

တေ ၸႃပိ ꩪိၵ်ၵတႃ သတ်ထႃ၊ ယေ ဢိတ်ထီၼံ ဝသံ ၷတႃ။

ဢူဝ်းသူၶဝ်ဢိူၺ်း... ၵူၼ်းၸၢႆးၵေႃႉဢၼ်ပိုတ်းပိုၼ်ၵၢင်ၽၢႆ ပၵ်းသဵပ်ႇသႂ်ႇပိူၼ်ႈၼၼ်ႉ လီသႄႉ သွမ်းယဝ်ႉ။ ဢိူင်ႇတီႈဢၼ် ၼၢင်းယိင်း ၵွၼ်းဢုပ်ႉၼၼ်ႉၵေႃႈ ပဵၼ်တီႈသႄႉသွမ်းယဝ်ႉ။ သတ်ႉတဝႃႇ ဢၼ်ၸွမ်းၸႂ်ၼၢင်းယိင်းၼၼ်ႉၵေႃႈ ပဵၼ်တီႈသႄႉသွမ်းယဝ်ႉ။

 

 

		  (2)တူဝ်ယုင်းဢိၵ်ႇမႅင်းမဝ်ႈ၊ ဝႅၼ်ၶဝ်ႈၽႆးသုမ်းပၢၼ်။




#Article 13: 014 ဝႃႇတမိၵ၊ ၸၢတ်ႈ (344 words)


(ဝႃတမိၵ = တိုင်မိၼ်)
ၸွမ်းလင်လိၼ်ႉၸႂ်ၽၢၼ်၊ ၶႂ်ႈၵိၼ်ဝၢၼ်တူၵ်းၵိၼ်း

ၽွင်းမိူဝ်ႈ မုၼ်ၶမ်းၽြႃး တိုၵ်ႉယူႇသဝ်း တမ်ႈတီႈ မိူင်းရႃႇꩡၷႁ တီႈဝတ်ႉဝေႇꩮုဝၼ်ႇၼၼ်ႉ ယွၼ်ႉပိူဝ်ႈ လႆႈငိၼ်းထွမ်ႇ တြႃးၽြႃးပဵၼ်ၸဝ်ႈသေ လုၵ်ႈၸၢႆးသထေး ဢၼ်ၸိုဝ်ႈဝႃႈ “တိသ်ႉသ”ၼၼ်ႉ ၸင်ႇမီး ၸႂ်ယုမ်ႇယမ်သေ ဢွၵ်ႇၵၢင်ၸႂ် ၶႂ်ႈမႃးပဵၼ် ရႁၢၼ်းယဝ်ႉ။ ၵႂႃႇယွၼ်းၶႂၢင်း တမ်ႈတီႈ ပေႃႈမႄႈမၼ်းသေတႃႉ ယွၼ်ႉပိူဝ်ႈ ပဵၼ်လုၵ်ႈၸၢႆးလဵဝ်လႄႈ ဢမ်ႇပၼ်ၶႂၢင်း။ ၵူၺ်းၵႃႈ ၸၢႆးတိသ်ႉသ ဢမ်ႇယွၼ်ႇၸႂ်။ မၼ်း ၶၢမ်ႇဢိုပ်း တၢင်းၵိၼ် ၸဵတ်းဝၼ်းသေ ၼႄၵၢင်ၸႂ်မၼ်းယဝ်ႉ။ ၵမ်းၼၼ်ႉ ၸင်ႇလႆႈၶႂၢင်ႉသေ မႃးပဵၼ် ရႁၢၼ်းလႄႈ ၸင်ႇၸွမ်း မုၼ်ၶမ်းၽြုႃး ၵႂႃႇတီႈ ဝတ်ႉꩡေႇတဝၼ်ႇယဝ်ႉ။
တမ်ႈတီႈ မိူင်းသႃႇဝတ်ႉထိၼၼ်ႉ ၸဝ်ႈရႁၢၼ်းဢွၼ်ႇၼႆႉ တိုဝ်းၵမ်ꩪုတင်ႇ သိပ်းသၢမ်ပိူင်သေ ၵၢင်ၼႂ်တင်းၼႂ် ၵႆႉလေႇႁႃတုင်း သွမ်း ၸွမ်းထႅဝ်ႁိူၼ်းယူႇ။ ၵွပ်ႈၼၼ် ၼႂ်းသႃႇသၼႃႇမုၼ်ၶမ်းၽြႃးၼႆႉ ၸိုဝ်ႈဢၼ်ဝႃႈ “ၸူꩮပိၼ်ꩦပႃတိၵတိသ်သ”ၼႆၼၼ်ႉ ၵေႃႉဢမ်ႇႁူႉ ဢမ်ႇၶႂ်ႈမီး။ ဝၼ်းၼိုင်ႈ တီႈမိူင်းရႃႇꩡၷႁၼၼ်ႉ ပဵၼ်ပွႆးၼၵ်ႈၶတ်ႈလႄႈ ဝၼ်းၼိုင်ႈ ဢူႈမႄႈၸဝ်ႈရႁၢၼ်းၼၼ်ႉ ၸင်ႇၶုၵ်းၸႂ်လႆႈ လုၵ်ႈၸၢႆးၶဝ်ႁႅင်းၼႃႇသေ ၸင်ႇတေဢဝ်ၶူဝ်းငိုၼ်းၶူဝ်းၶမ်း ဢၼ်မၼ်းၼုင်ႈၼၼ်ႉ သႂ်ႇသွင်းငိုၼ်းသွင်းၶမ်း ဢုမ်ႈႁွပ်ႇသေ ႁႆႈႁႆႈႁွင်ႉႁွင်ႉ ၸွမ်းၵၢင်ပၢင်ပွႆးၼၼ်ႉယူႇယဝ်ႉ။
ၵမ်းၼၼ်ႉ မႄႈမွၵ်ႇယႃႈၵေႃႉၼိုင်ႈ ၸင်ႇၵႂႃႇႁိမ်းၸမ် ၼၢႆးသထေးၼၼ်ႉသေ ထၢမ်လွင်ႈတၢင်း ဢၼ်လႆႈႁႆႈၼၼ်ႉလႄႈ ၼၢႆးသထေးၵေႃႈ ၸင်ႇလၢတ်ႈၼႄ လွင်ႈတၢင်းမၼ်းယဝ်ႉ။

ၸွမ်းၼင်ႇ ၼၢႆးသထေးလၢတ်ႈၼႄလႄႈ မႄႈမွၵ်ႇယႃႈၼၼ်ႉ လႆႈႁူႉဝႃႈ လုၵ်ႈၸၢႆးသထေးၼၼ်ႉ မၼ်းမၵ်ႉ ၶဝ်ႈလီၽၵ်းဝၢၼ်ၼႆလႄႈ ၸင်ႇဝႃႈ “သင်ဝႃႈ ပၼ်မၼ်း ၶူဝ်းၶွင်ၸီးၸိမ်ႇ တင်းသဵင်ႈ ၼႆၸိုင် တေႁွင်ႉပၼ် လုၵ်ႈၸၢႆး ႁႂ်ႈၶိုၼ်းလႆႈ” ၼႆယဝ်ႉ။ ၼၢႆးသထေးလူင်ၵေႃႈဝႃႈ “လီယဝ်ႉ”ၼႆသေ ၸင်ႇတေ ဢဝ်ၸဵမ် ၶႃႈၸႂ်ႉၵူၼ်းသွႆ ႁူမ်ႈလူၺ်ႈ တၢင်းၵိၼ်တၢင်းယႅမ်ႉ ပၼ်ၵႂႃႇၸွမ်း တဵမ်တဵမ်ထူၼ်ႈထူၼ်ႈယဝ်ႉ။ မႄႈမွၵ်ႇယႃႈၼၼ်ႉၵေႃႈ ႁူမ်ႈလူၺ်ႈတင်း ၶိူင်ႈၸႂ်ႉၶူဝ်းတိုဝ်း ၵူၼ်းၸႂ်ႉၵူၼ်းသွႆ မႃးယူႇသဝ်း တမ်ႈတီႈ မိူင်းသႃႇဝတ်ႉထိသေ ၸင်ႇပၢင်းဢဝ် ၸဝ်ႈရႁၢၼ်းၼၼ်ႉ မႃးၼင်ႈတုင်းသွမ်း ၼႂ်းႁိူၼ်းသေ ႁဵတ်းလူႇႁဵတ်းတၢၼ်း ၶဝ်ႈၽၵ်း ဢၼ်ၸဝ်ႈရႁၢၼ်းပႃးၼၼ်ႉ မၵ်ႉၼၼ်ႉယဝ်ႉ။

ပေႃးဝႃႈ ၶၢဝ်းမၼ်းႁိုင်မႃး လႆႈႁူႉဝႃႈ ၸဝ်ႈရႁၢၼ်းၼၼ်ႉ ၸပ်းပႅၼ်းတၢင်းၵိၼ်လီဝၢၼ် ပဵၼ်ရသတၼ်ႁႃယဝ်ႉၼႆ မႄႈမွၵ်ႇယႃႈၼၼ်ႉ ႁဵတ်းၵဵင်ႈ ဢမ်ႇယူႇလီသေ ယူႇဝႆႉၼႂ်းလုၵ်းၼွၼ်းယဝ်ႉ။ ပေႃးဝႃႈ ဢမ်ႇလႆႈႁၼ် မႄႈမွၵ်ႇယႃႈၼၼ်ႉၼႆ ၸဝ်ရႁၢၼ်း ၸင်ႇထၢမ်လႄႈ ၸင်ႇလၢတ်ႈဝႃႈ မၼ်းၼၢင်း ဢမ်ႇယူႇလီသေ ၶႂ်ႈႁၼ်ၶႂ်ႈဝႆႈ ၸဝ်ႈႁဝ်းၼႆလႄႈ ၸင်ႇၶဝ်ႈၵႂႃႇတူၺ်း ၼႂ်းလုၵ်းၼွၼ်းယဝ်ႉ။ ၵမ်းၼၼ်ႉ မႄႈမွၵ်ႇယႃႈၼၼ်ႉၵေႃႈ ၸင်ႇမွၵ်ႇလၢတ်ႈၼႄ လွင်ႈတၢင်းၵူႈၸိူဝ်ႉၵူႈပိူင် ႁႂ်ႈၸဝ်ႈရႁၢၼ်း သိၵ်းသေ ၶိုၼ်းႁွင်ႉမိူဝ်း မိူင်းရႃႇꩡၷႁယဝ်ႉ။

လွင်ႈၼၼ်ႉ ၸဝ်ႈရႁၢၼ်းၶဝ်လႆႈႁူႉသေ တမ်ႈတီႈ ပၢင်ၵုမ်သင်ႇၶႃႇ တီႈၼိုင်ႈၼၼ်ႉ ဢွၼ်ၵၼ် လၢတ်ႈလွင်ႈၼၼ်ႉယူႇ။ ၽွင်းၼၼ်ႉ မုၼ်ၶမ်းၽြႃး ၽႅဝ်မႃးလႄႈ လႆႈမႃးႁူႉထိုင် လွင်ႈဢၼ် ၸဝ်ႈရႁၢၼ်းၶဝ် လၢတ်ႈၸႃယူႇၼၼ်ႉသေ ၸင်ႇလၢတ်ဝႃႈ “မိူဝ်ႈၵွၼ်ႇၵေႃႈ မႄႈမွၵ်ႇယႃႈၵေႃႉၼႆႉ ယၢမ်ႈဢဝ် ရသတၼ်ႁႃသေ ႁူၺ်းဢဝ် ႁႂ်ႈပႃးၵႂႃႇ ၽၢႆႇမၼ်းမႃးယဝ်ႉ”ၼႆသေ ႁေႃးၼႄ လွင်ႈꩡၢတ်ႈၵွၼ်ႇဝၼ်းလင် ၼင်ႇၼႆယဝ်ႉ-

တီႈမိူင်း ၿႃႇရႃႇၼသီႇၼၼ်ႉ ပဵၼ်ၽွင်း ၶုၼ်ၿြႁ်မၻတ်ႈ ပဵၼ်ၶုၼ်ယဝ်ႉ။ ဝၼ်းၼိုင်ႈ တိုင်မိၼ် တူဝ်ၼိုင်ႈ လႆႈႁၼ်သၺ်ႇꩡယ ၵူၼ်းပႂ်ႉသူၼ်သိူဝ်း ၶုၼ်ႁေႃၶမ်းသေ ၼႅတ်ႈဢႅၼ်ႇပၢႆႈယဝ်ႉ။ သၺ်ႇꩡယ ဢမ်ႇလွၵ်ႇဢမ်ႇလိုပ်ႈမၼ်းသင်။ တိုင်မိၼ်ၼၼ်ႉၵေႃႈ ၵမ်းၵမ်းမႃးႁႃၵိၼ်ယူႇ ၸွမ်းသူၼ်သိူဝ်း ၶုၼ်ၼၼ်ႉယူႇယဝ်ႉ။ ၵူၼ်းပႂ်ႉသူၼ်ၼၼ်ႉ လႆႈဢဝ်မွၵ်ႇမၢၵ်ႇသေ ၵႂႃႇသူင်ႇပၼ်ႁေႃၶမ်း ၵူႈဝၼ်းဝၼ်းယဝ်ႉ။ ဝၼ်းၼိုင်ႈ ၶုၼ်ႁေႃၶမ်း ၸင်ႇထၢမ် တီႈသူၼ်သိူဝ်း ၸွင်ႇမီး၊ ဢမ်ႇမီး လွင်ႈလၢၵ်ႇလၢႆးသင် ၼႆယဝ်ႉ။ ၵူၼ်းပႂ်ႉသူၼ်ၵေႃႈ တွပ်ႇဝႃႈ လွင်ႈတၢင်းလၢၵ်ႇလၢႆး တၢင်ႇၸိူဝ်ႉတၢင်ႇပိူင် ဢမ်ႇမီးသင် ၵူၺ်းလႆႈ ႁၼ်မီး တိုင်မိၼ်တူဝ်ၼိုင်ႈ ၵႆႉမႃးႁႃၵိၼ်ႁႃယႅမ်ႉ တီႈသူၼ်သိူဝ်းၼႆယဝ်ႉ။ ၶုၼ်လူင်ထၢမ်ဝႃႈ ၸွင်ႇတေ ၸၢင်ႈတီႉၺွပ်းႁိုဝ်ၼႆလႄႈ ၵူၼ်းပႂ်ႉသူၼ်ၼၼ်ႉ ၸင်ႇဝႃႈ ပေႃးလႆႈၼမ်ႉၽိုင်ႈ ဢိတ်းၼိုင်ႈၼႆလႄႈ တေၸၢင်ႈၺွပ်းလႆႈယူႇ ၼႆယဝ်ႉ။ ၶုၼ်လူင်ၵေႃႈ ၸင်ႇဢဝ်ၼမ်ႉၽိုင်ႈပၼ် ၵူၼ်းပႂ်ႉသူၼ်သေ ႁႂ်ႈတီႉၺွပ်း တိုင်မိၼ်ၼၼ်ႉယဝ်ႉ။

ၵူၼ်းပႂ်ႉသူၼ်ၼၼ်ႉ ၸင်ႇဢဝ်ၼမ်ႉၽိုင် တႃးယိူဝ်ႈယႃႈသေ ယူႇတီႈလပ်ႉယုမ်း လွမ်တူၺ်းယဝ်ႉ။ ထႅင်ႈပွၵ်ႈၼိုင်ႈ ၼႄႁၢင်ႈၽၢင်ၵူၼ်း ႁိမ်းႁွမ်းမၼ်းၼၼ်ႉယဝ်ႉ။ ႁဵတ်းၼႆ တိုင်မိၼ်ၼၼ်ႉ ငႄႈမႃးလွႆးလွႆးသေ ၵမ်းလိုၼ်းမႃး ငႄႈလွမ်ႈလွမ်ႈ မႃးဢဝ်ၵိၼ်ယိူဝ်ႈယႃႈ ၼႂ်းမိုဝ်းယူႇယဝ်ႉ။ ပေႃးပဵၼ်ၼၼ်မႃး ၵူၼ်းပႂ်ႉသူၼ် ၸင်ႇႁႂ်ႈဢဝ် သၢတ်ႇ ၵင်ႈသွင်ၽၢၵ်ႇၶၢင်ႈတၢင်း တေႃႇထိုင်ဝၢင်းႁေႃ၊ ဢဝ်ၽိူဝ်မႆႉ ဢၼ်တႃးၼမ်ႉၽိုင်ႈ ဝၢင်းတမ်းပၼ် ၵမ်းဢိတ်းဢိတ်း၊ တီႈၼႂ်းမိုဝ်းၵေႃႈ ယိပ်းတင်း ဢုမ်ၼမ်ႉၽိုင်ႈသေ ဢွၼ်ဢဝ်တိုင်မိၼ်ၼၼ်ႉ ၵႂႃႇၽႅဝ် တမ်ႈတီႈ ဝၢင်းႁေႃယဝ်ႉ။

တိုင်မိၼ်ၼၼ်ႉ ယွၼ်ႉပိူဝ်ႈ ၸႂ်ၸပ်းပႅၼ်း တီႈၼိူဝ် ရသတၼ်ႁႃလႄႈ ၸင်ႇၸွမ်းလင် ၵူၼ်းပႂ်ႉသူၼ်ၵႂႃႇယဝ်ႉ။ ၽိူဝ်ႇၽႅဝ်ၵႂႃႇ တမ်ႈတီႈၵၢင်ဝၢင်းႁေႃ ပေႃးပိူၼ်ႈ ဢိုတ်းၽၵ်းတူပႅတ်ႈၼႆ ၸင်ႇလႆႈႁၼ် ၵူၼ်းတင်းၼမ်လႄႈ ၵူဝ်ၵူဝ်ႁႄႁႄသေ ဢႅၼ်ႇဢႅၼ်ႇလႅၼ်ႈလႅၼ်ႈ ၵႃႈပွင်ႇၵႃႈပဵၼ်ယူႇ။ ၶုၼ်ႁေႃၶမ်း ယူႇၼိူဝ် ပြသၢၻ်ႈတူၺ်းၵႂႃႇ လႆႈႁၼ် တိုင်မိၼ်တူဝ်ၼၼ်ႉ ၵူဝ်ၵူဝ်ႁႄႁႄ ထဝ်ႇၵႂႃႇထဝ်ႇၶိုၼ်း ၼင်ႇၼၼ်သေ “တိုင်ဢၼ်ဝႃႈၼႆႉ တီႈဢၼ် ၶဝ် ႁၼ်ၵူၼ်းၼၼ်ႉ ၸဵတ်းဝၼ်း၊ တီႈဢၼ်ပိူၼ်ႈ လွၵ်ႇၶဝ်လိုပ်ႈၶဝ်ၼၼ်ႉ တေႃႇၸူဝ်ႈတေႃႇပၢၼ် ၶဝ်ဢမ်ႇပွၵ်ႈမႃးၶိုၼ်းၵူၺ်း။ တိုင်ထိူၼ်ႇတူဝ်ၼႆႉတႄႉ ယွၼ်ႉပိူဝ်ႈ ၸႂ်ၸပ်းပႅၼ်း ရသတၼ်ႁႃလႄႈ ၸင်ႇတေၽႅဝ်မႃး တီႈၼႆႈယဝ်ႉ။ ၼႂ်းလေႃးၵလူင်ၼႆႉ ဢၼ်ယုတ်ႈၸုတ်ႈတႅမ်ႇသေ ရသတၼ်ႁႃၼႆႉ ဢမ်ႇမီးသင်ယဝ်ႉ”ၼႆ ပဵၼ်ၺၢၼ်ႇသံႇဝေႇၵသေ ၸင်ႇႁေႃးလွတ်ႈ ၷႃႇထႃႇတီႈတႂ်ႈၼႆႉယဝ်ႉ။

ဝ တမိၷံ ၷႁၼၼိသ်သိတံ၊ ဝသမႃၼေသိ ရသေႁိ သၺ်ꩡယေႃ။

ဢူဝ်း သူၶဝ်ဢိူၺ်း... လွင်ႈၸပ်းပႅၼ်း ရသႃႇႁူၵ်းပိူင်ၼၼ်ႉ သၽေႃးတြႃး ဢၼ်ယုတ်ႈၸုတ်ႈတႅမ်ႇသေ ရသတၼ်ႁႃၼၼ်ႉ ဢမ်ႇမီးသင်ယဝ်ႉ။ ရသတၼ်ႁႃၼႆႉ ၸုတ်ႈယုတ်ႈတႅမ်ႇသေ လွင်ႈၸပ်းပႅၼ်း တီႈယူႇတီႈသဝ်းငဝ်းႁူမ်ႈၼၼ်ႉလႄႈသင်၊ လွင်ႈၸပ်းပႅၼ်း တီႈၼိူဝ် ဢူၺ်းၵေႃႉဢူၺ်းသေႈၼၼ်ႉ လႄႈသင် မၼ်းယုတ်ႈၸုတ်ႈတႅမ်ႇ ပၢၵ်ႇပုၼ်ႈ ႁဵင်ပုၼ်ႈ မိုၼ်ႇပုၼ်ႈ သႅၼ်ပုၼ်ႈ ဢမ်ႇၵႃးၵွၼ်ႇယဝ်ႉ။ ၵူၼ်းပႂ်ႉသူၼ် သၺ်ႇꩡယၼႆႉ ဢဝ်ရသႃႇ(ယိူဝ်ႈတႃးၼမ်ႉၽိုင်ႈ)သေ ႁူၺ်းဢဝ် တိုင်ဝႃႇတမိၷ ဢၼ်ယူႇၼႂ်းထိူၼ်ႇပႃႇ ၸွမ်းၼင်ႇၵၢင်ၸႂ်မၼ်းၼၼ်ႉယဝ်ႉ။

 

 

 




#Article 14: 016 တိပၼ်ႇလတ်ႉထမိၵ၊ ၸၢတ်ႈ (270 words)


(တိပလ်လတ်ထမိၵ = တိုင်ဢၼ်မေႃၼွၼ်း သၢမ်ပိူင်)
ထွမ်ႇဢဝ်ၵႂၢမ်းသင်ႇသွၼ်၊ ဢွၼ်ႁွတ်ႈတီႈသိူဝ်းသႃႇ

ပွၵ်ႈၼိုင်ႈ မုၼ်ၶမ်းၽြႃး ယူႇသဝ်းတမ်ႈတီႈ မိူင်းဢႃႇꩮဝီႇ၊ တီႈ ဢၷ်ႉၷႃꩮဝၸေႇတီႇယူႇ။ တႃႇတေထွမ်ႇဢဝ် တြႃးမုၼ်ၶမ်းၽြႃးၼၼ်ႉ ၵူၼ်းၼႂ်းဝဵင်းၶဝ်လႄႈ ရႁၢၼ်းၵူၼ်းၸၢႆး၊ ရႁၢၼ်းၼၢင်းယိင်းၶဝ် ဢွၼ်ၵၼ်ၽႅဝ်မႃး တီႈဝတ်ႉယူႇ။ ၽိူဝ်ႇႁိုင်မႃး ၼၢင်းယိင်းလႄႈ ရႁၢၼ်းၼၢင်းယိင်းၶဝ် ဢမ်ႇမႃးယဝ်ႉသေ ၵူၺ်းမီး ၵူၼ်းၸၢႆးလႄႈ ရႁၢၼ်းၵူၼ်းၸၢႆးၶဝ်ၵူၺ်း ဢၼ်မႃး။ တႄႇဢဝ်ၼၼ်ႉမႃးသေ ၸင်ႇႁေႃးတြႃးၵ ၢင်ၶမ်ႈၵူၺ်းယဝ်ႉ။ ပေႃးဝႃႈ ပၢင်တြႃးယဝ်ႉၵေႃႈ ၸဝ်ႈဝႃႇယႂ်ႇဝႃႇလူင်ၶဝ် ပွၵ်ႈမိူဝ်းဝတ်ႉၽႂ် ဝတ်ႉမၼ်းယူႇ။

ၸဝ်ႈရႁၢၼ်းဢွၼ်ႇ ၸဝ်ႈသၢင်ႇဢွၼ်ႇၶဝ်တႄႉ ဢွၼ်ၵၼ်ၼွၼ်းၸွမ်း ၵူၼ်းၸၢႆး တီႈၼိူဝ် ၸရွပ်ႈႁေႃးတြႃးၼၼ်ႉလႄႈ ၵမ်ႈၽွင်ႈၵေႃႈ ၼွၼ်းၶူၼ်“ၶေႃးၶေႃး”၊ ၵတ်းၶဵဝ်ႈမေႃးဝႆႉယူႇ။ ၸိူဝ်းဢၼ်ၼွၼ်း ၼိုင်ႈၵႅပ်ႉၼိုင်ႈၵမ်းၼၼ်ႉ လႆႈႁၼ် ဢၼ်ပိူင်ႈတႃၼၼ်သေ ၸင်ႇတေၵႂႃႇလဝ်ႈလၢတ်ႈၼႄ မုၼ်ၶမ်းၽြႃးလႄႈ မုၼ်ၶမ်းၽြႃး ၸင်ႇတတ်းမၢႆဝႃႈ “ၸဝ်ႈရႁၢၼ်းၶဝ် တေဢမ်ႇလႆႈၼွၼ်းၸွမ်း ၵူၼ်းလႄႈ ၸဝ်ႈသၢင်ႇၶဝ်”ၼႆယဝ်ႉ။

မိူဝ်ႈဢွၼ်တၢင်းၼၼ်ႉတႄႉ တီႈၼႂ်းသႃႇသၼႃႇၼႆႉ ပုၼ်ႈတႃႇတီ ႈယူႇတီႈၼွၼ်း ၸဝ်ႈရႃႇႁုလႃႇ မီးၼမ်တႄႉတႄႉ။ ယွၼ်ႉပိူဝ်ႈ ပဵၼ်လုၵ်ႈၸၢႆးမုၼ်ၶမ်းၽြႃးၵေႃႈ ပိူင်ၼိုင်ႈ၊ တူဝ်ၸဝ်ႈၵဝ်ႇၵေႃႈ သမ်ႉပဵၼ်ၵေႃႉဢၼ် မီးၸႂ်ႁၵ်ႉပႅင်း သိၵ်ႈၶႃႇသၢမ်ပိူင်ၵေႃႈ ပိူူင်ၼိုင်ႈလႄႈ ပေႃးဝႃႈ လႆႈႁၼ် ၸဝ်ႈရႃႇႁုလႃႇမႃးၼႆၸိုင် ၸဝ်ႈရႁၢၼ်းၶဝ် ဢွၼ်ၵၼ် ပၼ်တီႈယူႇတီႈသဝ်းယဝ်ႉ။ သိူဝ်ႇပၼ် ၵူႇၼွၼ်းဢွၼ်ႇ၊ ဢဝ်သၢင်ႇၵၢၼ်းသေ ႁဵတ်းပၼ် တႃႇမွၼ်ႁူဝ်ယူႇယဝ်ႉ။ ဝၢႆးသေ တမ်းဝၢင်း သိၵ်ႈၶႃႇပုၻ်ႈမႂ်ႇမႃး ယွၼ်ႉပိူဝ်ႈ ၼပ်ႉယမ်သိၵ်ႈၶႃႇပုၻ်ႈလႄႈ ဢမ်ႇၸၢင်ႈပၼ် တီႈယူႇပုၼ်ႈတႃႇ ၸဝ်ႈရႃႇႁုလႃႇသေ ၸင်ႇဝႃႈ “ၸဝ်ႈရႃႇႁုလႃႇ ၶႅၼ်းတေႃႈၵႂႃႇ ႁႃတီႈယူႇတီႈၼွၼ်းၸဝ်ႈ ႁင်းၵူၺ်းတႃႉ”ၼႆယဝ်ႉ။

ၸဝ်ႈရႃႇႁုလႃႇ တေလႆႈၵႂႃႇႁႃ တီႈယူႇတီႈလႂ်။ တီႈဝတ်ႉၵူႈတီႈ ဢၼ်ဢမ်ႇမီး ၸဝ်ႈရႁၢၼ်းၼၼ်ႉ ဢမ်ႇမီးတီႈလႂ်။ တီႈဢၼ်လွတ်ႈ ၸဝ်ႈရႁၢၼ်းၶဝ်ၼၼ်ႉတႄႉ ၵူၺ်းၵိုတ်း တီႈထၢင်ႇၽၢႆႈ(ဝၸ်ႉၸၵုꩦိ) မုၼ်ၶမ်းၽြႃးၵူၺ်းယဝ်ႉ။ ၵွပ်ႈၼၼ် ၶိုၼ်းၼၼ်ႉ ၸဝ်ႈရႃႇႁုလႃႇ လႆႈၵႂႃႇၼွၼ်း တီႈၼႂ်းထၢင်ၽၢႆႈၼၼ်ႉယဝ်ႉ။
ၵၢင်ၼႂ် ၽွင်းႁူဝ်မိူင်းသႂ်မႃး မုၼ်ၶမ်းၽြႃးယေႃးမႃး တမ်ႈတီႈ ဝၸ်ႉၸၵုꩦိသေ လႆႈႁူႉဝႃႈ မီးဝႆႉ ၸဝ်ႈရႃႇႁုလႃႇၼႆယူႇ။ ၸဝ်ႈရႃႇႁုလႃႇၼႆႉ သင်ႇသွၼ်ငၢႆႈသေ ပဵၼ်ၸဝ်ႈသၢင်ႇ ဢၼ်ၼပ်ႉယမ် သိၵ်ႈ ၶႇသၢမ်ပိူင်ၼင်ႇၼႆယဝ်ႉ။ ၸဝ်ႈရႁၢၼ်းၶဝ် လႆႈႁူႉထိုင်ၼင်ႇၼႆသေ တီႈၵၢင်ပၢင်တုမ်သင်ႇၶႃႇၸဝ်ႈၶဝ် ၽွင်းတိုၵ်ႉဢွၼ်ၵၼ် လၢတ်ႈၵႂၢမ်းယွင်ႉယေႃး ၸဝ်ႈရႃႇႁုလႃႇၼင်ႇၼၼ် မုၼ်ၶမ်းၽြႃး ၸင်ႇၽႅဝ်မႃးသေ “ၸဝ်ႈရႁၢၼ်းၶဝ်... ၸဝ်ႈရႃႇႁုလႃႇ သင်ႇသွၼ်ဢွၼ်လီငၢႆႈၼႆၼႆႉ ဢမ်ႇၸႂ်ႈ ၽဝႃႉယၢမ်းလဵဝ်ၼႆႉ ဢၼ်လဵဝ်ၵူၺ်း။ မိူဝ်ႈပဵၼ်ၽဝႃႉ တိရၸ်ႉꧢၢၼ်ႇၼၼ်ႉၵေႃႈ တေႃႈသင်ႇသွၼ်ဢွၼ်လီငၢႆႈမႃးယူႇ ယဝ်ႉ” ၼႆ သေ ၸင်ႇလၢတ်ႈႁေႃးၼႄ ꩡၢတ်ႈၵွၼ်ႇဝၼ်းလင်ၼင်ႇၼႆယဝ်ႉ-

မိူဝ်ႈၵွၼ်ႇ တီႈမိူင်းရႃႇꩡၷႁ ၽွင်းမိူဝ်ႈၶုၼ်မၷꩪ ပဵၼ်ၶုၼ်ၼၼ်ႉ ၼေႃႇၶမ်းၽြႃး ပဵၼ်တိုင်သေ ယူႇသဝ်းႁူမ်ႈလူၺ်ႈ တိုင်ႁႃႈပၢၵ်ႇ တီႈၼႂ်းထိူၼ်ႇယူႇ။ တိုင်မႄႈ ဢၼ်ပဵၼ်ၼွင်ႉယိင်း ၼေႃႇၶမ်းတိုင်ၼၼ်ႉ ၸင်ႇဢဝ် လုၵ်ႈၸၢႆးမၼ်း မႃးဢၢပ်ႈပၼ် တမ်ႈတီႈ ပီႈဢၢႆႈမၼ်း ၼေႃၶမ်းတိုင်သေ ႁႂ်ႈသွၼ်ပၼ် “လၢႆးလိင်ႉတိုင်”ယဝ်ႉ။ ပေႃႈလုင်းတိုင်ၵေႃႈဝႃႈ “လီယဝ်ႉ”ၼႆ ႁပ်ႉဢဝ်သေ သင်ႇလၢတ်ႈဝႃႈ ႁႂ်ႈမႃးႁဵၼ်းဢဝ် တၢင်းမေႃၶၢဝ်းၼၼ်ႉၶၢဝ်းၼႆႉၼႆယဝ်ႉ။ တိုင်ဢွၼ်ႇၼၼ်ႉၵေႃႈ မီးၼမ်ႉၸႂ် ၶႂ်ႈမေႃ တႄႉတႄႉဝႃႈဝႃႈသေ ၵႂႃႇႁဵၼ်းသွၼ်ဢဝ် ၵူႈဝၼ်းဝၼ်းယဝ်ႉ။

ဝၼ်းၼိုင်ႈ တိုင်ဢွၼ်ႇၵႂႃႇဢႅဝ်ႇလႄႇ ႁႃၵိၼ်ၼႂ်းထိူၼ်ႇသေ သမ်ႉၵႂႃႇထုၵ်ႇႁဵဝ်ႉလႄႈ မၼ်းၸင်ႇဢဝ် လၢႆးလိင်ႉတိုင် ႁွင်ႉသႅၼ်ႇဢိဝ်ၸိူင်ႉၼင်ႇ ထုၵ်ႇႁဵဝ်ႉၼၼ်ႉယဝ်ႉ။ ပေႃးဝႃႈ လႆႈငိၼ်းသဵင်ၼင်ႇၼၼ် တိုင်ၶဝ် ၸင်ႇၵႂႃႇလၢတ်ႈထိုင် မႄႈမၼ်းယဝ်ႉ။ တိုင်မႄႈၼၼ်ႉ ၸင်ႇၵႂႃႇၸူး ပီႈဢၢႆႈမၼ်းသေ ထၢမ်ဝႃႈ သွၼ်ပၼ် လၢႆးလိင်ႉတိုင် တမ်ႈတီႈလၢၼ်ၸဝ်ႈၵဝ်ႇယဝ်ႉႁႃႉ ၼႆယဝ်ႉ။ ၼေႃႇၶမ်းတိုင်ၵေႃႈ ၸင်ႇဝႃႈ “ၼွင်ႉယိင်း... ယႃႇပေၵူဝ် လုၵ်ႈၸၢႆးမႂ်း ထူပ်းၽေးသေသမ်ႇသေပိူင်ယူႇလႃႈ၊ လုၵ်ႈၸၢႆးမႂ်းၼႆႉ မၼ်းမေႃ လၢႆးလိင်ႉတိုင် လီၼႃႇၼႃႇယဝ်ႉ၊ ဢမ်ႇႁိုင်ဢမ်ႇၼၢၼ်း မၼ်းတေပွၵ်ႈမႃးသေ ႁဵတ်းႁႂ်ႈၸႂ်မႂ်းသိူဝ်းယူႇ” ၼႆသေ ၸင်ႇတေလွတ်ႈႁေႃး ၷႃႇထႃႇတီႈတႂ်ႈၼႆႉယဝ်ႉ-

		

		

ဢူဝ် ၼွင်ႉယိင်း... လၢၼ်ႇၸၢႆးတိုင်ၵဝ် ဢၼ်မေႃၼွၼ်းသၢမ်ပိူင်၊ ဢၼ်မီးလၢႆးလိင်ႉတိုင် တင်းၼမ်၊ ဢၼ်မီး ၵိပ်ႇပႅတ်ႇဢၼ်၊ ဢၼ်မေႃႁႃၵိၼ် ၼမ်ႉႁူၺ်ႈၼမ်ႉထိူၼ်ႇ ၽွင်းၵၢင်ၶိုၼ်းၵူၺ်းၼၼ်ႉ သွၼ်ပၼ်မၼ်း(လၢႆးလိင်ႉတိုင်)ယဝ်ႉယဝ်ႈ။ လၢၼ်ၸၢႆးတိုင်ၵဝ်ၼႆႉ ၵူၺ်းဢဝ်ၶူးၼင် ၽၢႆႇဢၼ်တိူဝ်ႉ လိၼ်ၼၼ်ႉ ထူၺ်ႈၸႂ်သေ ဢဝ်လၢႆးလိင်ႉတိုင် ႁူၵ်းလၢႆးၼၼ်ႉ လိင်ႉလႆႈမူးသိူဝ်းယူႇယဝ်ႉ။

တိုင်ဢွၼ်ႇတူဝ်ၼၼ်ႉ ပေႃးဝႃႈ ထုၵ်ႇႁဵဝ်ႉၶမ်ႁဵဝ်ႉယဝ်ႉၼႆ ဢဝ်လၢႆးလိင်ႉတိုင်သေ ႁဵတ်းပႅတ်ႉ တၢႆၶႅင်ဝႆႉယူႇယဝ်ႉ။ ဢၼ်တိုင်ဢွၼ်ႇ ႁဵတ်းၵဵင်ႉတၢႆၼၼ်ႉ မၼ်းမိူၼ်လီၼႃႇလႄႈ မႅင်းမူၼ်းၶဵဝ်၊ ၵႃလမ်ၸိူဝ်းၼႆႉ သမ်ႉပေႃးမႃး ဢုမ်ႇသႂ်ႇ ၼိူဝ်တူဝ်မၼ်းၵွၼ်ႇယဝ်ႉ။ ပေႃးမူးသိူဝ်း ၽႅဝ်မႃး မႃးလႆႈႁၼ်ၼင်ႇၼၼ် ၸင်ႇဝူၼ်ႉဝႃႈ “တေထုၵ်ႇႁဵဝ်ႉ ၸဵမ်မိူဝ်ႈၸဝ်ႉၸဝ်ႉၼၼ်ႉၵႂႃႈ၊ သမ်ႉပေႃးမဵၼ်ယဝ်ႉလူး”ၼႆသေ ၸင်ႇလိတ်ႈၸိူၵ်ႈသေ ၸင်ႇၵႂႃႇပိတ်း မႂ်တွင်မႂ်မႆႉ တႃႇတေႁေႃႇၼိူဝ်ႉတိုင်ၼႆယူႇ။ ၵမ်းၼၼ်ႉ တိုင်ဢွၼ်ႇ တူဝ်ၼၼ်ႉ ၵိုင်ႉၵၢင်ႉ လုၵ်ႉၶုၼ်ထင်ႇလႅၼ်ႈၵႂႃႇၸူး တမ်ႈတီႈ မႄႈမၼ်းၵမ်းလဵဝ်ယဝ်ႉ။
 

(2)ပေႃးဝႃႈမီးတၢင်းမေႃ၊ ၸၢင်ႈလေႃလွတ်ႈၽေးၶဵၼ်။




#Article 15: 017 မႃႇလုတ၊ ၸၢတ်ႈ (120 words)


(မႃလုတ=လူမ်း)
ထွမ်ႇဢဝ်ၵႂၢမ်းၵူၼ်းႁူႉ ၸင်ႇႁူႉဢၼ်ၸိုဝ်ႈၸႂ်ႈ

ꩡၢတ်ႈမႃႇလုတၼႆႉ ဢိင်ပိုင်ႈလူၺ်ႈ ၸဝ်ႈရႁၢၼ်းလူင်သွင်ၸဝ်ႈသေ မုၼ်ၶမ်းၽြႃးႁေႃး ၽွင်းမိူဝ်ႈ တိုၵ်ႉယူႇသဝ်း တမ်ႈတီႈ ဝတ်ႉꩡေႇတဝၼ်ႇ တီႈမိူင်းသႃႇဝတ်ႉထိ ၼၼ်ႉယဝ်ႉ။ ၸဝ်ႈရႁၢၼ်းလူင် သွင်ၸဝ်ႈၼၼ်ႉ ယူႇသဝ်း တမ်ႈတီႈဝတ်ႉၼႂ်းထိူၼ်ႇ တမ်ႈတီႈတိူင်းၵေႃးသလၼၼ်ႉယဝ်ႉ။ သွင်ၶႃ ႁိၵ်ႈၸိုဝ်ႈဝႃႈ “ၸဝ်ႈၵႃꩮ လႄႈ ၸဝ်ႈၸုၼ်ႇႁ”ၼႆယဝ်ႉ။ ဝၼ်းၼိုင်ႈ ၸဝ်ႈၸုၼ်ႇႁၸင်ႇထၢမ် ၸဝ်ႈၵႃႇꩮဝႃႈ “ၶၢဝ်းလႂ်ၵတ်းလိူဝ်သေ ၶၢဝ်းလႂ်”ၼႆယူႇ။ ၸဝ်ႈၵႃႇꩮၸင်ႇတွပ်ႇဝႃႈ “လိူၼ်လွင်ႈၵတ်းလိူဝ်” ၼႆယဝ်ႉ။ ၵူၺ်းၵႃႈ ၸဝ်ႈၸုၼ်ႇႁ ဢမ်ႇႁၢၼ်ႉၸႂ် ၶေႃႈတွပ်ႇဢၼ်ၼၼ်ႉ။ မိူၼ်ၼၼ်ၼင်ႇၵဝ်ႇ ဝၼ်းၼိုင်ႈ ၸဝ်ႈၵႃႇꩮ ၸင်ႇထၢမ်ၸဝ်ႈၸုၼ်ႇႁဝႃႈ “ၶၢဝ်းလႂ်ၵတ်းလိူဝ်ၶၢဝ်းလႂ်”ၼႆယဝ်ႉ။ ၸဝ်ႈၸုၼ်ႇႁၸင်ႇ တွပ်ႇဝႃႈ “လိူၼ်မႂ်ႇၵတ်းလိူဝ်”ၼႆယဝ်ႉ။ ၶေႃႈတွပ်ႇဢၼ်ၼၼ်ႉၵေႃႈ ၸဝ်ႈၵႃလ ဢမ်ႇယုမ်ႇယမ်။

ႁဵတ်းၼၼ်သေ ၼင်ႇႁိုဝ် ၶေႃႈၶမ်ၸႂ်ၶႃ တေယဵၼ်ႁၢႆၼၼ်ႉ ၶႃသွင်ၸဝ်ႈ ၸင်ႇၵႂႃႇၸူးတမ်ႈတီႈ မုၼ်ၶမ်းၽြႃးသေ ထၢမ်ဝႃႈ “မုၼ်ၶမ်းၽြႃးတီႈၶႃႈ... ၶၢဝ်းလႂ်ၵတ်းလိူဝ်သေ ၶၢဝ်းလႂ်တီႈၶႃႈ”ၼႆယဝ်ႉ။ ၵမ်းၼၼ်ႉ မုၼ်ၶမ်းၽြႃးၸင်ႇဝႃႈ “ၶေႃႈထၢမ်ၸိူင်ႉၼင်ႇၼႆၼႆႉ ၸၢတ်ႈၵွၼ်ႇၵေႃႈ ၵဝ်ၽြႃးလႆႈတွပ်ႇပၼ် ၶိူဝ်သွင်ၵေႃႉ မႃးယဝ်ႉယဝ်ႈ။ ယွၼ်ႉပိူဝ်ႈ ꧤဝၶၼ်ႈၵၼ်ၵႂႃႇယဝ်ႉလႄႈ သွင်ၶိူဝ် ၸင်ႇဢမ်ႇတွင်းၵႂႃႈ”ၼႆသေ ၶိုၼ်းႁေႃးလၢတ်ႈၼႄ လွင်ႈꩡၢတ်ႈၵွၼ်ႇဝၼ်းလင်ၼၼ်ႉယဝ်ႉ-

မိူဝ်ႈၵွၼ်ႇ တီႈတိၼ်လွႆလုၵ်ႈၼိုင်ႈၼၼ်ႉ မီးထမ်ႈဢၼ်ၼိုင်ႈ။ တီႈၼႂ်းထမ်ႈၼၼ်ႉ မီးသၢင်ႇသီႈ တူဝ်ၼိုင်ႈလႄႈ သိူဝ်တူဝ်ၼိုင်ႈ ႁဵတ်းၵေႃႉၵၼ်သေ ယူႇသဝ်း ထုၵ်ႇမေႃၵၼ်ယူႇယဝ်ႉ။ ၼေႃႇၶမ်းၽြႃး ရသေႉၵေႃႈ ယူႇသဝ်း တီႈႁိမ်းတိၼ်လွႆၼၼ်ႉၼင်ႇၵဝ်ႇ။ ဝၼ်းၼိုင်ႈ သၢင်ႇသီႈ လႄႈ သိူဝ် ၸင်ႇထဵင်ၵၼ် လွင်ႈၵတ်းၼၼ်ႉယူႇ။ သိူဝ်သမ်ႉဝႃႈ “လိူၼ်လွင်ႈၵတ်းလိူဝ်”ၼႆသေ သၢင်ႇသီႈသမ်ႉဝႃႈ “လိူၼ်မႂ်ႇၵတ်းလိူဝ်”ၼႆယူႇ။ ႁဵတ်းၼၼ် ၼင်ႇႁိုဝ် ၸႂ်ယုမ်ႇၽိတ်းၶဝ်တေ ယဵၼ်ႁၢႆၼၼ်ႉ ၸင်ႇၽႅဝ်ၵႂႃႇ တမ်ႈတီႈ ၼေႃႇၶမ်းၽြႃးရသေႉသေ ၵႂႃႇတွင်ႈထၢမ်ယဝ်ႉ။
ၼေႃႇၶမ်းရသေႉၵေႃႈ ၸင်ႇဢဝ်ၷႃႇထႃႇ တီႈတႂ်ႈၼႆႉသေ တွပ်ႇပၼ် ၶေႃႈထၢမ်သတ်းသွင်တူဝ် ၼၼ်ႉယဝ်ႉ-

သူၶဝ်ဢိူၺ်း... လွင်ႈၵတ်းၼၼ်ႉ ပဵၼ်ၵွပ်ႈလူမ်းယဝ်ႉ။ လိူၼ်လွင်ႈလႄႈသင် လိူၼ်မႂ်ႇလႄႈသင် ပေႃးလူမ်းထွင်းၼႆ ၵတ်းမႃးယဝ်ႉ။ ၵဵဝ်ႇလူၺ်ႈပၼ်ႁႃသွင်ဢၼ်ၼႆႉ သွင်ၶိူဝ်ဢမ်ႇသုမ်းသေၵေႃႉ။

		  (2) ထွမ်ႇဢဝ်ၵႂၢမ်းၵူၼ်းႁူႉ၊ ၸင်ႇႁူႉဢၼ်ၸိုဝ်ႈၸႂ်ႈ။




#Article 16: 018 မတၵၽတ်ႉတ၊ ၸၢတ်ႈ (239 words)


(မတၵꧤတ်တ=ၶဝ်ႈသွမ်း ဢၼ်ယိူင်းၸူးၵူၼ်းတၢႆသေလူႇ)
ဢဝ်တၢႆတူဝ်ပိူၼ်ႈသေ ယႃႇပေႁဵတ်းတၢင်းလူႇ

ပွၵ်ႈၼိုင်ႈ ၵူၼ်းမိူင်းသႃႇဝတ်ႉထိၶဝ် ဢဝ်တၢႆ ပႄႉတင်းၼမ်သေ ယိူင်းဢၢၼ်း လူႇတၢၼ်းသွမ်းၶွႆႈၸဵတ်း၊ သွမ်းၶွႆႈလိူၼ်၊ သွမ်းၶွႆႈပီပၼ် ပီႈၼွင်ႉၶဝ် ၸိူဝ်းဢၼ် လူႉႁၢႆတၢႆၵႂႃႇၼၼ်ႉယဝ်ႉ။ ပေႃးဝႃႈ ၸဝ်ႈရႁၢၼ်းၶဝ် လႆႈႁၼ် ပိူၼ်ႈလဵင်ႉသွမ်းၼင်ႇၼၼ် ၶဝ်ၸင်ႇဝႃႈ “ယၢမ်းလဵဝ်ၼႆႉ ၵူၼ်းတင်းၼမ် ဢွၼ်ၵၼ် ႁႅမ်တၢႆ တူဝ်သတ်းတင်းၼမ်သေ ယိူင်းဢၢၼ်းလူႇတၢၼ်းသွမ်းၶွႆႈၸဵတ်း၊ သွမ်းၶွႆႈလိူၼ်၊ သွမ်းၶွႆႈပီပၼ် ပီႈၼွင်ႉၶဝ် ၸိူဝ်းဢၼ်လူႉႁၢႆတၢႆၵႂႃႇၼင်ႇၼၼ် ၸွင်ႇတေမီးၽွၼ်းလီႁိုဝ်”ၼႆသေ ၸင်ႇၵႂႃႇထၢမ် မုၼ်ၶမ်းၽြႃးယဝ်ႉ။ မုၼ်ၶမ်းၽြႃးၸင်ႇဝႃႈ “ဢဝ်တၢႆတူဝ်ၸႂ်ပိူၼ်ႈသေ လဵင်ႉလူႇသွမ်းပၼ် ၸိူဝ်းဢၼ် လူႉႁၢႆတၢႆၵႂႃႇၼၼ်ႉ ဢမ်ႇမီးၽွၼ်းလီသင်။ မိူဝ်ႈၵွၼ်ႇၵေႃႈ ၽူႈမီးပၺ်ႇၺႃႇၶဝ် ယူႇသဝ်း ၼိူဝ်ၵၢင်ႁၢဝ်သေ ႁေႃးတြႃးၼႄ လွင်ႈၸိူဝ်းၼႆႉလႄႈ ၵူၼ်း ၼႂ်းၵုၼ်ၸမ်ႇပူႇၻီႇပႃႇတင်းသဵင်ႈ ဢွၼ်ၵၼ် ၸုၼ်ႉပႅတ်ႈမႃးယူႇယဝ်ႉ”ၼႆသေ ၸင်ႇႁေႃးၼႄ ꩡၢတ်ႈဝၼ်းလင်ၼင်ႇတီႈတႂ်ႈၼႆႉယဝ်ႉ-

မိူဝ်ႈၵွၼ်ႇ ၽွင်းမိူဝ်ႈ ၶုၼ်ၿြႁ်မၻတ်ႈ တိုၵ်ႉပဵၼ်ၶုၼ်ယူႇ တမ်ႈတီႈ မိူင်းၿႃႇရႃႇၼသီႇ၊ သြႃႇပုၼ်ႇၼႃးၻိသႃႇပႃႇမွၵ်ႉ ဢၼ်ၵတ်ႉၶႅၼ်ႇ ၽၢႆႇၿေႇၻၢင်ႇၼၼ်ႉ ၸင်ႇသိုဝ်ႉပႄႉတူဝ်ၼိုင်ႈ သင်ႇတပႄးမၼ်းဝႆႉဝႃႈ “ဢဝ်ပႄႉတူဝ်ၼႆႉ ဢၢပ်ႇၼမ်ႉပၼ်မၼ်းသေ ဢဝ်တူင်ႇမွၵ်ႇသုပ်းပၼ်ၶေႃးမၼ်း ဢဝ်ၼမ်ႉႁွမ်ၼၢမ်ႇသႃႇ တႃးဝၢႆႈပၼ် တီႈၼႃႈမၼ်း ႁႃႈႁွႆးသေ ႁၢင်ႈၶိူင်ႈပၼ်မၼ်းတႃႉ”ၼႆယဝ်ႉ။

တပႄးမၼ်းၸိူဝ်းၼၼ်ႉၵေႃႈ ႁဵတ်းၸွမ်းၼင်ႇ သြႃႇၶဝ် သင်ႇလၢတ်ႈဝႆႉၼၼ်ႉသေ ဢဝ်ၵႂႃႇဝႆႉ တမ်ႈတီႈၽင်ႇၼမ်ႉယဝ်ႉ။ ၵမ်းၼၼ်ႉ ပႄႉတူဝ်ၼၼ်ႉ ၸင်ႇမီးၺၢၼ်ႇၶုၵ်းၶူၼ်ႉဝူၼ်ႉႁၼ် ꧤဝဝၼ်းလင် မၼ်းသေ ၸင်ႇၶူဝ်ႁႅင်းႁႅင်းယဝ်ႉ။ ယွၼ်ႉပိူဝ်ႈ မၼ်းႁူႉထိုင်ဝႃႈ လွင်ႈဢၼ်မၼ်းလႆႈၶၢမ်ႇ ပိူၼ်ႈတႅပ်းႁူဝ် မႃးႁႃႈပၢၵ်ႇပွၵ်ႈၼၼ်ႉ ပွၵ်ႈၼႆႉတဵမ် ႁႃႈပၢၵ်ႇသေ ပဵၼ်ပွၵ်ႈလိုၼ်းသုတ်းယဝ်ႉလႄႈ ႁူႉထိုင်လွင်ႈမၼ်း တေပူၼ်ႉလွတ်ႈယဝ်ႉၼႆလႄႈ ၸင်ႇၶူဝ်ယဝ်ႉ။ ဝၢႆးၼၼ်ႉ ၸင်ႇႁၼ်ထိုင် သင်ဝႃႈပုၼ်ႇၼႃး ဢဝ်တၢႆမၼ်းၸိုင် ပုၼ်ႇၼႃးၵေႃႈ တေႃႈတေလႆႈၶၢမ်ႇ ၸိူင်ႉၼင်ႇမၼ်းၼႆလႄႈ ၸင်ႇဢီးလူႇပုၼ်ႇၼႃးသေ ႁႆႈႁႅင်းႁႅင်းယဝ်ႉ။ ပေႃးဝႃႈ တပႄးမၼ်း လႆႈႁၼ် ပႄႉလူင်တူဝ်ၼၼ်ႉ ႁႆႈၵေႃႈႁႆႈ ၶူဝ်ၵေႃႈၶူဝ်ၼႆၸိုင် ၶဝ်ၸင်ႇဢဝ် ပႄႉတူဝ်ၼၼ်ႉ ၵႂႃႇၸူး ပုၼ်ႇၼႃးသေ လၢတ်ႈၼႄလွင်ႈတၢင်းမၼ်းယဝ်ႉ။

ၵမ်းၼၼ်ႉ ပုၼ်ႇၼႃးၸင်ႇထၢမ် “ၵွပ်ႈသင်လႄႈၶူဝ် ၵွပ်ႈသင်လႄႈႁႆႈ”ၼႆယူႇ။ ပႄႉတူဝ်ၼၼ်ႉ ၸင်ႇဝႃႈ “ၸၢတ်ႈၵွၼ်ႇၼၼ်ႉ ၵဝ်ၵေႃႈတေႃႈပဵၼ် ပုၼ်ႇၼႃး ဢၼ်လွတ်ႈႁေႃးၿေႇၻၢင်ႇ ၸိူင်ႉၼင်ႇမႂ်း ၼင်ႇၵဝ်ႇ။ ၽွင်းၼၼ်ႉ ၵဝ်ၵေႃႈ လႆႈထိူဝ်ၶေႃး ၸဵၼ်ဢွၼ်ႇတူဝ်ၼိုင်ႈသေ ယိူင်းဢၢၼ်းလူႇတၢၼ်းပၼ် ၵေႃႉဢၼ်လူႉႁၢႆတၢႆၵႂႃႇၼၼ်ႉယဝ်ႉ။ ယွၼ်ႉပိူဝ်ႈ ၽွၼ်းၸႃႉဢၵုသူဝ်ႇၼၼ်ႉသေ ၵဝ် လႆႈၶၢမ်ႇထိူဝ်ၶေႃးမႃး သီႇပၢၵ်ႇၵဝ်ႈသိပ်းပၢႆၵဝ်ႈꩡၢတ်ႈယဝ်ႉသေ ၵမ်းၼႆႉပဵၼ် ၵမ်းလိုၼ်းသုတ်း သမ်ႉႁူႉဝႃႈ တေလႆႈပူၼ်ႉ လွတ်ႈယဝ်ႉလႄႈ ၸင်ႇၶူဝ်ယဝ်ႉ။ သင်ဝႃႈ မႂ်းပုၼ်ႇၼႃး သမ်ႉဢဝ်ၵဝ်တၢႆၸိုင် သမ်ႉႁူႉဝႃႈ တေလႆႈၶၢမ်ႇ ထိူဝ်ၶေႃး ၽဝႁႃႈပၢၵ်ႇ ၸိူင်ႉၼင်ႇၵဝ်ၼၼ်ႉလႄႈ ၸင်ႇႁႆႈယဝ်ႉ”ၼႆယဝ်ႉ။

ၵမ်းၼၼ်ႉ ပုၼ်ႇၼႃးၸင်ႇဝႃႈ “ၵဝ်ဢမ်ႇဢဝ်တၢႆမႂ်းယဝ်ႉ။ ယႃႇပေၵူဝ်လႃႈ”ၼႆသေ လၢတ်ႈၵႂၢမ်းပၼ်ႁႅင်းမၼ်းယဝ်ႉ။ ပႄႉၸင်ႇၶိုၼ်းလၢတ်ႈဝႃႈ “မႂ်းဢဝ်တၢႆၵေႃႈယဝ်ႉ ဢမ်ႇဢဝ်တၢႆၵေႃႈယဝ်ႉ မိူဝ်ႈၼႆႉ ႁူႉၵႃႈ ၵဝ်တေဢမ်ႇလွတ်ႈတၢင်းတၢႆလႆႈ”ၼႆယဝ်ႉ။

ပုၼ်ႇၼႃးလူင်လၢတ်ႈဝႃႈ ၼင်ႇႁိုဝ်တေဢမ်ႇလႆႈတၢႆၼၼ်ႉ တေပႂ်ႉပႃးပၼ်ၶႅမ်ႉလႅပ်ႈယူႇ ၼႆသေတႃႉ ပႄႉလူင်ၼၼ်ႉၸင်ႇဝႃႈ “ဢၵုသူဝ်ႇၵဝ်ၼၼ်ႉ မၼ်းႁႅင်းယႂ်ႇလိူဝ်သေ ဢၼ်မႂ်းပႂ်ႉပႃးလွင်ႈႁူမ်ႇလူမ်ႈ ၵဝ်ၼၼ်ႉလႄႈ ဢမ်ႇငၢႆႈ”ၼႆယဝ်ႉ။ ပုၼ်ႇၼႃးလူင် ၸင်ႇပွႆႇပႄႉၼၼ်ႉလွတ်ႈသေ ၼင်ႇႁိုဝ်ပႄႉတေ ဢမ်ႇလႆႈထူပ်းၽေးတၢႆၼၼ်ႉ ၸႂ်ႉႁႂ်ႈတပႄးမၼ်း ပႂ်ႉထိင်းၸွမ်းသေ ဢွၼ်ၵၼ်ၵႂႃႇၸွမ်းပႄႉၼၼ်ႉယူႇ။

ပေႃးဝႃႈ ပွႆႇလွတ်ႈယဝ်ႉၼႆ ပႄႉလူင်တူဝ်ၼၼ်ႉ တိုၵ်ႉလိူၼ်းၶေႃးသေ ဢၢင်ႈဢဝ်ၵိၼ်ၽိူဝ်မႆႉ ၽိူဝ်တွၵ်ႇ ဢၼ်မီးတီႈႁိမ်း ၽႃမၢၵ်ႇႁိၼ်လူင်ၼၼ်ႉယူႇလႄႈ ၽွင်းၼၼ်ႉ ၽႃႉၽႃႇသႂ်ႇမၢၵ်ႇႁိၼ်ၼၼ်ႉသေ ၸၢၵ်ႇမၢၵ်ႇႁိၼ်ဢၼ်ၼိုင်ႈ မၢင်ႈဢွၵ်ႇမႃး မႃးပၢတ်ႇသႂ်ႇၶေႃးပႄႉၼၼ်ႉ ၶၢတ်ႇပႅတ်ႈယဝ်ႉ။ ၽွင်းမိူဝ်ႈ ၵူၼ်းတင်းၼမ် ဢွၼ်ၵၼ်ၽႅဝ်မႃး တီႈၼၼ်ႈၼၼ်ႉ ၼေႃႇၶမ်းၽြႃး ဢၼ်ပဵၼ်ၽီပႂ်ႉတူၼ်ႈမႆႉ ၸင်ႇမႃး ယူႇသဝ်းၼိူဝ်ၵၢင်ႁၢဝ် ၼႄတူဝ်သေ လွတ်ႈႁေႃး ၷႃႇထႃႇတီႈတႂ်ႈၼႆႉယူႇယဝ်ႉ-

	

		ၼ ပႃၼေႃ ပႃၼိၼံ ႁၺ်ၺေ၊ ပႃၼꧠႃတိ ႁိ သေႃၸတိ။

သူၶဝ်ဢိူၺ်း... လွင်ႈဢၼ် လႆႈတႄႇတင်ႈသၼ်ႇꩪေႇယူႇၶိူဝ်းၶိူဝ်းၼၼ်ႉလႄႈသင်၊ လွင်ႈဢၼ် ယႂ်ႇမႃႈၵႃႈသုင်မႃးတိၵ်းတိၵ်းၼၼ်ႉလႄႈသင် (ယွၼ်ႉပိူဝ်ႈပဵၼ်တီႈၵိူတ်ႇဢွၵ်ႇ ၽေးထဝ်ႈ၊ ၽေးၸဵပ်း၊ ၽေးတၢႆလႄႈ) ပဵၼ်တၢင်းၶၢၼ်ၸႂ်တႄႉယဝ်ႉ။ ပေႃးဝႃႈ သတ်ႉတဝႃႇၶဝ် ႁူႉႁၼ်ၼင်ႇၼႆၸိုင် သတ်ႉတ ဝႃႇၵေႃႉၼိုင်ႈ ဢမ်ႇထုၵ်ႇလီဢဝ်တၢႆသတ်ႉတဝႃႇၵေႃႉၼိုင်ႈ။ ၸႂ်ႈတႄႉယဝ်ႉ။ ၵေႃႉဢၼ်ဢဝ်တၢႆ သၢႆၸႂ် ပိူၼ်ႈၼၼ်ႉ (တေလႆႈၶၢမ်ႇတၢင်းၶၢၼ်ၸႂ်ငရၢႆးသေ) တေလႆႈမႆႈၸႂ်ယူႇယဝ်ႉ။

		  (2) ၵေႃႉႁဵတ်းပဵၼ်ဢၼ်မႂ်ႇ၊ ၵေႃႉပဵၼ်ပဵၼ်ဢၼ်ၵဝ်ႇ။
		  (3) ဢဝ်တၢႆတူဝ်ပိူၼ်ႈသေ၊ ယႃႇပေႁဵတ်းတၢင်းလူႇ။




#Article 17: 019 ဢႃႇယႃႇၸိတၽတ်ႉတ၊ ၸၢတ်ႈ (111 words)


(ဢႃယႃၸိတၽတ်တ= ၶဝ်ႈသွမ်း ဢၼ်လႆႈတွင်းပၢၼ်ႇလဝ်ႈလၢတ်ႈဝႆႉ)
ဢဝ်တၢႆတူဝ်ပိူၼ်ႈသေ ယႃႇပေႁဵတ်းတၢင်းလူႇ

ၽွင်းမိူဝ်ႈ မုၼ်ၶမ်းၽြႃးယူႇသဝ်း တမ်ႈတီႈ ဝတ်ႉꩡေတဝၼ်ႇ ဝဵင်းသႃႇဝတ်ႉထိၼၼ်ႉ ဢိင်ပိုင်ႈလူၺ်ႈ လွင်ႈတၢင်း သွင်ႈၽီ(တၢင်ႇၽီ)ၼၼ်ႉသေ ၸင်ႇတေႁေႃးလၢတ်ႈ ꩡၢတ်ႈၼႆႉယဝ်ႉ။

ၵူၼ်းမိူဝ်ႈပၢၼ်ၼၼ်ႉ ပေႃးဝႃႈ ၸမ်တေၵႂႃႇၵႃႉၵႃႉၶၢႆၶၢႆၼႆ ၶဝ်ၵႆႉဢဝ်တၢႆ တူဝ်သတ်းသေ တၢင်ႇၽီယဝ်ႉ။ သမ်ႉသူးတွင်းဝႃႈ “သင်ဝႃႈ ၸွမ်းတႃႈၸွမ်းတၢင်း ဢမ်ႇမီးၽေးသင်သေ ၵႃႉဢွင်ႇၶၢႆမၢၼ် မႅတ်ႈတွၼ်းၼမ်မႃးၸိုင် တေၶိုၼ်းမႃး တၢင်ႇၽီထႅင်ႈယူႇ”ၼႆယဝ်ႉ။

သူးတွင်းၼင်ႇၼၼ်သေ ပေႃးဝႃႈ ၵႂႃႇၵႃႉဢွင်ႇၶၢႆမၢၼ် လွတ်ႈၽေးၶဵၼ်မႃးၼႆၸိုင် ၸွမ်းၼင်ႇ ဢၼ်ၶဝ်လႆႈဝႆႉ ၵႂၢမ်းမၼ်ႈၵတိဝႆႉၼၼ်ႉ ၸင်ႇထိူဝ်တၢႆ သတ်းတင်းၼမ်တင်းလၢႆသေ တၢင်ႇၽီယဝ်ႉ။

ၸဝ်ႈရႁၢၼ်းၶဝ် လႆႈႁၼ်ၼင်ႇၼၼ် ၸင်ႇမႃးတွင်ႈထၢမ် မုၼ်ၶမ်းၽြႃးဝႃႈ လွင်ႈတၢင်ႇၽီၼႆႉ မီးၽွၼ်းလီ ဢမ်ႇမီးၽွၼ်းလီၼႆလႄႈ မုၼ်ၶမ်းၽြႃး ၸင်ႇႁေႃးလၢတ်ႈ လွင်ႈꩡၢတ်ႈၵွၼ်ႇဝၼ်းလင် ၼင်ႇတီႈတႂ်ႈၼႆႉယဝ်ႉ-

မိူဝ်ႈၵွၼ်ႇ တီႈတိူင်းၵႃႇသိ တီႈဝၢၼ်ႈဢၼ်ၼိုင်ႈၼၼ်ႉ ၵူၼ်းမၢၵ်ႈၵေႃႉၼိုင်ႈ ၸင်ႇသွင်ႈၽီတၢင်ႇၽီတူၼ်ႈမႆႉၺွင်ႇ တီႈႁိမ်းဝၢၼ်ႈၶဝ်ၼၼ်ႉသေ ပၼ်ၵႂၢမ်းမၼ်ႈၵတိဝႆႉဝႃႈ “သင်ဝႃႈ လွတ်ႈၽေးၶဵၼ် ပဵၼ်ၵၢၼ်ၵႃႉဢွင်ႇၶၢႆမၢၼ် မီးၼမ်ႉမႅတ်ႈၼမ်ႉတွၼ်းမႃး ၼႆၸိုင် တေၶိုၼ်းမႃး သွင်ႈၽီတၢင်ႇၽီထႅင်ႈယူႇ” ၼႆယဝ်ႉ။ ဝၢႆးၼၼ်ႉ ၵႂႃႇၵႃႉၶၢႆၵေႃႈ သမ်ႉပဵၼ်မႃးၸွမ်းၼင်ႇ သူးတွင်းဝႆႉလႄႈ ၸင်ႇဢၢင်ႈၶႃႈႁႅမ်တၢႆ သတ်းတင်းၼမ်သေ ဢၢင်ႈတေမႃးတၢင်ႇၽီ တီႈငဝ်ႈမႆႉၺွင်ႇလႄႈ ၽီပႂ်ႉတူၼ်ႈမႆႉၺွင်ႇ ၸင်ႇမႃး ထၢင်ႇၸႅင်ႈၼႄတူဝ်သေ လွတ်ႈႁေႃးၷႃႇထႃႇတီႈတႂ်ႈၼႆႉယဝ်ႉ-

		
        ၼ ႁေဝံ ꩪီရႃ မုၸ်ၸၼ်တိ၊ မုတ်တိ ၿႃလသ်သ ၿၼ်ꩪၼံ။

ဢူဝ်ၵူၼ်းၸၢႆး... သင်ဝႃႈ ၶႂ်ႈလွတ်ႈယၢၼ် ၸွမ်းၼင်ႇ ၶေႃႈၵႂၢမ်းယိုၼ်ႁပ်ႉၼၼ်ႉၸိုင် လူဝ်ႇလႆႈ ႁဵတ်းသၢင်ႈႁၢင်ႈပွင် ႁႂ်ႈလွတ်ႈၸၢတ်ႈတေမႃးယဝ်ႉ။ ၶႂ်ႈလွတ်ႈယၢၼ် ၶေႃႈၵႂၢမ်းယိုၼ်ႁပ်ႉၼၼ်ႉသေ သင်ဝႃႈ (ဢဝ်တၢႆတူဝ်ၸႂ်ပိူၼ်ႈ)ၸိုင် တေၵူဝ်ႈၵိူၵ်ႇ ၵၢၼ်ဢမ်ႇလီယဝ်ႉ။ ၽူႈမီးပၺ်ႇၺႃႇၶဝ်ၼႆႉတႄႉ ၶဝ်ဢမ်ႇ ႁဵတ်းႁႂ်ႈလွတ်ႈ ၸိူင်ႉၼင်ႇ ၶေႃႈၵႂမ်းယိုၼ်ႁပ်ႉဝႆႉၼင်ႇၼႆ။ ၵူၼ်းမိူၵ်ႈမႂ်ႈၶဝ်ၼႆႉ (ဢဝ်တၢႆတူဝ်ၸႂ်ပိူၼ်ႈသေ) ႁႂ်ႈလွတ်ႈၶေႃႈၵႂၢမ်းယိုၼ်ႁပ်ႉၶဝ်ၼၼ်ႉၸိုင် တေလႆႈၶၢမ်ႇၵူဝ်ႈၵိူၵ်ႇ ၵၢၼ်ဢမ်ႇလီယဝ်ႉ။

		  (2) ႁဵတ်းၵၢၼ်လွင်ႈမိူၵ်ႈမႂ်ႈ၊ ဢမ်ႇၸႂ်ႈတႃႇပူၼ်ႉလွတ်ႈ။




#Article 18: 020 ၼလပႃႇၼ၊ ၸၢတ်ႈ (251 words)


(ၼꩮ= မႆႉဢေႃႈ၊ ပႃၼ=ၵိၼ်ၼမ်ႉ)
ဢဝ်ၵႂၢမ်းၽူႈဢွၼ်လီ၊ လႆႈယၢၼ်ၶီသိူဝ်းသႃႇ

ၽွင်းမိူဝ်ႈ မုၼ်ၶမ်းၽြႃး တိုၵ်ႉၵႂႃႇၶၢဝ်းတၢင်း တီႈၼႂ်းတိူင်းၵေႃးသလသေ ၽႅဝ်ႁွတ်ႈထိုင်တမ်ႈ တီႈဝၢၼ်ႈၼꩮၵပႃႇၼ၊ တီႈႁိမ်း ၼွင်ၼꩮၵပႃႇၼ၊ ႁိမ်းထိူၼ်တူၺ်ၼၼ်ႉ ဢိင်ပိုင်ႈလူၺ်ႈ မႆႉဢေႃႈ တီႈၼွင်ၼၼ်ႉ ဢမ်ႇမီးပွင်ႈမၼ်းသေ ၸင်ႇတေႁေႃးꩡၢတ်ႈဢၼ်ၼႆႉယဝ်ႉ။

မိူဝ်ႈသိုပ်ႇၶၢဝ်းတၢင်းမႃးယူႇၼၼ်ႉ ယွၼ်ႉပိူဝ်ႈ ၸဝ်ႈရႁၢၼ်းၶဝ် လူဝ်ႇလႆႈႁဵတ်း ဢႅပ်ႇၶဵမ်လႄႈ ၸႂ်ႉႁႂ်ႈၸဝ်ႈသၢင်ႇၶဝ် ၵႂႃႇႁၵ်းဢဝ် မႆႉဢေႃႈမႃးၼႆ မႆႉဢေႃႈၸိူဝ်းၼၼ်ႉ သမ်ႉဢမ်ႇမီး ပွင်ႈ ၸိူင်ႉၼင်ႇပိူၼ်ႈသေ ပွင်ႇပဵဝ်ဝႆႉ ငဝ်ႈတေႃႇပၢႆလႄႈ ဢွၼ်ၵၼ်ဢၢမ်းယူႇယဝ်ႉ။ ၸင်ႇဢဝ်လွင်ႈတၢင်းဢၼ်ၼၼ်ႉ လဝ်ႈလၢတ်ႈထိုင် မုၼ်ၶမ်းၽြႃးလႄႈ မုၼ်ၶမ်းၽြႃးၸင်ႇဝႃႈ “ဢၼ်မႆႉဢေႃႈတီႈၼႆႈ ဢမ်ႇမီးပွင်ႈၼႆႉ မၼ်းပဵၼ် လူၺ်ႈၵႂၢမ်း ဢတိတ်ႉထၢၼ်ႇ ၵဝ်ၽြႃးယဝ်ႉ”ၼႆသေ ႁေႃးလွင်ႈၸၢတ်ႈၵွၼ်ႇဝၼ်းလင် ၼင်ႇတီႈတႂ်ႈၼႆႉယဝ်ႉ-

မိူဝ်ႈၵွၼ်ႇ တီႈထိူၼ်ႇတူၺ်ၼၼ်ႉ ၵႆယၢဝ်ဝၢၼ်ႈၵူၼ်းသေ ပဵၼ်ဝႆႉထိူၼ်ႇလူင်ယူႇ။ တီႈၼွင်ၼၼ်ႉ မီးဝႆႉ ၽီလူးလူင်တူဝ်ၼိုင်ႈ ပႂ်ႉဝႆႉသေ ၵႆႉၵႆႉဢဝ်ၵိၼ်ပိူၼ်ႈ ၸိူဝ်းဢၼ်မႃး လူင်းၵိၼ်ၼမ်ႉၼၼ်ႉယူႇ။ ၽွင်းၼၼ်ႉ ၼေႃႇၶမ်းၽြႃး ပဵၼ်ၶုၼ်လိင်း ဢၼ်ယႂ်ႇတၢၼ်ႇ တိုင်ဢွၼ်ႇၼၼ်ႉသေ မီးလုမ်းလၢင်း လိင်းပႅတ်ႇမိုၼ်ႇ ဢုမ်ႇလွမ်ႉယူႇသဝ်း တမ်ႈတီႈ ၼႂ်းထိူၼ်ႇလူင်ၼၼ်ႉယဝ်ႉ။

ၼေႃႇၶမ်းၶုၼ်လိင်းလူင် ၸင်ႇသင်ႇလၢတ်ႈ လုၵ်ႈၼွင်ႉတပႄးမၼ်းဝႃႈ “ၼႂ်းထိူၼ်ႇလူင်ၼႆႉ မီးတူၼ်ႈမႆႉ ဢၼ်ၸၢင်ႈပဵၼ်ၵွင်ႉပဵၼ်ငူၼ်ႉ၊ မီးၼမ်ႉၼွင် ဢၼ်ၽီလူးပႂ်ႉဝႆႉယူႇယဝ်ႉ။ ပေႃးဝႃႈ ၶႂ်ႈၵိၼ်မၢၵ်ႇမႆႉ ဢၼ်ၸဝ်ႈၵဝ်ႇ ပႆႇတွၼ်ႉယၢမ်ႈၵိၼ်၊ ၶႂ်ႈၵိၼ်ၼမ်ႉ ဢၼ်ၸဝ်ႈၵဝ်ႇ ပႆႇတွၼ်ႉယၢမ်ႈၵိၼ်ၼၼ်ႉ ပေႃးၼႆၸိုင် တေလႆႈမႃး တွင်ႉထၢမ်ၵဝ်သေ ၸင်ႇတေလႆႈၵိၼ်ယဝ်ႉ”ၼႆယူႇ။

ဝၼ်းၼိုင်ႈ လိင်းတင်းလၢႆ ဢွၼ်ၵၼ်ၵႂႃႇႁွတ်ႈထိုင် တမ်ႈတီႈ ဢၼ်ၶဝ် ပႆႇတွၼ်ႉယၢမ်ႈႁွတ်ႈ သေပွၵ်ႈၼၼ်ႉလႄႈ ဢွၼ်ၵၼ်ဢႅဝ်ႇလဵၼ်ႈတင်းဝၼ်း ပဵၼ်ဢၼ်တွင်ႉမႆႈၼမ်ႉ ၼႃႇၼႃႇလႄႈ ၸင်ႇဢွၼ်ၵၼ်ႁႃ ၼွင်ၼမ်ႉယဝ်ႉ။ ၵူၺ်းၵႃႈ လႆႈႁၼ်ၼွင်ၼမ်ႉလူင်သေတႃႉ ဢမ်ႇၵိုင်ႉၵၢင်ႉလူင်းၵိၼ်သေ ၸင်ႇ ပႂ်ႉတေႃႇထိုင် ၶုၼ်လိင်းၽႅဝ်မႃးယူႇ။

ပေႃးဝႃႈ ၶုၼ်လိင်းၽႅဝ်မႃးၼႆ လႆႈႁူႉဝႃႈ လိင်းတင်းလၢႆ တွင်ႉမႆႈၼမ်ႉၼႆလႄႈ ၶုၼ်လိင်းၸင်ႇ လဵပ်ႈတူၺ်း ႁိမ်းႁွမ်းၼွင်ၼမ်ႉၼၼ်ႉယူႇယဝ်ႉ။ ပေႃးဝႃႈ လႆႈႁၼ် ႁွႆးတိၼ်ဢၼ်လူင်းၵႂႃႇသေ သမ်ႉဢမ်ႇႁၼ် ႁွႆးတိၼ် ဢၼ်ၶိုၼ်းၶိုၼ်ႈမႃးလႄႈ “ဢၼ်သူ ဢမ်ႇၵိုင်ႉၵၢင်ႉ ၵိၼ်ၼမ်ႉတီႈၼႂ်းၼွင်ၼႆႉ သူၵၢမ်ႇလီ တႄႉတႄႉ။ ၼွင်ဢၼ်ၼႆႉ ပဵၼ် ၼွင်ၽီလူးပႂ်ႉဝႆႉယဝ်ႉ”ၼႆယဝ်ႉ။

ၵမ်းၼၼ်ႉ ၽီလူးပႂ်ႉၼမ်ႉၼၼ်ႉ ၸင်ႇၸႅင်ႈၼႄတူဝ်သေ တိုၵ်းသူၼ်းဝႃႈ “ႁဵတ်းသင် သူၶဝ် သမ်ႉၼင်ႈဝႆႉယူႇလႃႇ။ ဢွၼ်ၵၼ် လူင်းၵိၼ် ၼမ်ႉၼႂ်းၼွင်တႃႉ”ၼႆယဝ်ႉ။

ၶုၼ်လိင်းၸင်ႇထၢမ်ဝႃႈ “မႂ်းပဵၼ်ၽီလူးပႂ်ႉၼမ်ႉသေ မႂ်းမီးသုၼ်ႇ တႃႇတေလႆႈဢဝ်ၵိၼ် ၵေႃႉဢၼ်လူင်းၵိၼ်ၼမ်ႉၼၼ်ႉ ၵူႈၵေႃႉယူႇႁႃႉ”ၼႆလႄႈ ၽီလူးၸင်ႇဝႃႈ “ၽႂ်ၽူႈလႂ် လူင်းၵိၼ်ၼမ်ႉသေဢမ်ႇဝႃႈ တေႃႈၵႃႈ ၼူၵ်ႉဢွၼ်ႇၵူၺ်းၵေႃႈ ၵဝ်ၺွပ်းၵိၼ်ပႅတ်ႈယဝ်ႉ။ ယၢမ်းလဵဝ် ၵဝ် တေလႆႈၵိၼ်သူတင်း သဵင်ႈယူႇယဝ်ႉ”ၼႆယဝ်ႉ။ ၵမ်းၼၼ်ႉ ၶုၼ်လိင်းၸင်ႇဝႃႈ “ႁဝ်းတင်းမူတ်း တေလႆႈဢဝ်ၵိၼ် ၼမ်ႉၼႂ်းၼွင်ၼႆႉယူႇယဝ်ႉ။ ၵူၺ်းၵႃႈ ဢမ်ႇထၢင်ႇ မႂ်းတေၸၢင်ႈဢဝ်ၵိၼ်ႁဝ်းၵူၺ်း”ၼႆသေ လၢတ်ႈၼႄ လၢႆးဢဝ်ၵိၼ်ၼမ်ႉ တမ်ႈတီႈ ၽီလူးၼၼ်ႉၵွၼ်ႇယဝ်ႉ။ ၶေႃႈၵႂၢမ်းၸိူဝ်းၼၼ်ႉ မုၼ်ၶမ်းၽြႃႈ ၶိုၼ်းဢဝ်ႁဵတ်း ၷႃႇထႃႇသေ ႁေႃးၵႂႃႇၼင်ႇတီႈတႂ်ႈၼႆႉယဝ်ႉ-

	

		
ၼꩮေၼ ဝႃရိံ ပိသ်သႃမ၊ ၼေဝ မံ တဝံ ဝꩪိသ်သတိ။

လုၵ်ႈႁၵ်ႉၶဝ်ဢိူၺ်း... (ၶုၼ်လိင်းၼၼ်ႉ) ဢမ်ႇလႆႈႁၼ် ႁွႆးတိၼ်ဢၼ်ၶိုၼ်ႈမႃး၊ ၵူၺ်းလႆႈႁၼ် ႁွႆးတိၼ် ဢၼ်လူင်းၵႂႃႇၵူၺ်းလႄႈ (ႁဝ်းတင်းၸိူဝ်း) တေဢဝ်မႆႉဢေႃႈသေ လုတ်ႇၵိၼ် ၼမ်ႉၼွင်မႂ်းယူႇ။ ဢၼ်ၵဝ်(ၸိူဝ်းႁဝ်း)ႁဵတ်းၼႆသေ ဢဝ်ၵိၼ်ၼမ်ႉၼၼ်ႉ မႂ်း တေဢမ်ႇၸၢင်ႈဢဝ်တၢႆႁဝ်းလႆႈ”ၼႆယဝ်ႉ။
ဝၢႆးၼၼ်ႉ ၼေႃႇၶမ်းၽြႃးၶုၼ်လိင်း ၸင်ႇၸႂ်ႉဢဝ် မႆႉဢေႃႈလႅမ်ႈၼိုင်ႈ၊ ၸင်ႇမႃး ၶုၵ်းၶူၼ်ႉဝူၼ်ႉၶွပ်ႈ ပႃႇရမီႇၸဝ်ႈ ၸင်ႇဝႆႉသၸ်ႉၸႃႇသေ ဢဝ်သူပ်း တိုင်ႈပဝ်ႇ မႆႉဢေႃႈၼၼ်ႉလႄႈ မႆႉဢေႃႈၼၼ်ႉ တႄႇဢဝ်ငဝ်ႈတေႃႇပၢႆ ဢမ်ႇမီးပွင်ႈသင်သေ ပွင်ႇပဵဝ်ၵႂႃႇယဝ်ႉ။ ႁဵတ်းၼႆ တိုင်ႈပဝ်ႇမႆႉဢေႃႈ လႅမ်ႈၼိုင်ႈယဝ်ႉ လႅမ်ႈၼိုင်ႈသေ ပၼ်လိင်းတင်းလၢႆ ႁႂ်ႈလုတ်ႇၵိၼ်ၼမ်ႉ ၼႂ်းၼွင်ယဝ်ႉ။

ၵူၺ်းၵႃႈ တႃႇတေတိုင်ႈပၼ်လိင်း ပႅတ်ႇမိုၼ်ႇသီႇႁဵင်ၼၼ်ႉ မၼ်းဢမ်ႇပဵၼ်လႆႈလႄႈ ၶုၼ်လိင်း ၸင်ႇဢꩪိꩦ်ႉꩧၢၼ်ႇဝႃႈ “မႆႉဢေႃႈ ဢၼ်မီး ၸွမ်းႁိမ်းႁွမ်း ၼွင်ၼႆႉတင်းသဵင်ႈ ႁႂ်ႈပဵၼ်ၵူင်လဵဝ်သေၵမ်း” ၼႆလႄႈ တႄႇဢဝ်မိူဝ်ႈၼၼ်ႉမႃး တေႃႇထိုင်ယၢမ်းလဵဝ် ၸင်ႇမီးၵူင်လဵဝ်ယူႇယဝ်ႉ။ လိင်းတင်းသဵင်ႈ ၸင်ႇဢဝ် လွတ်ႇမႆႉဢေႃႈၸိူဝ်းၼၼ်ႉ ၸုပ်ႇၵိၼ် ၼမ်ႉၼႂ်းၼွင်ၼၼ်ႉလႄႈ ၽီလူးလူင် ဢမ်ႇၸၢင်ႈႁဵတ်းႁိုဝ် တီႈၶဝ်သေ လႆႈပဵၼ် ၸႂ်ဢမ်ႇသႃႇဢမ်ႇသိူဝ်း ပွၵ်ႈမိူဝ်းၵႂႃႇ ႁေႃတီႈယူႇမၼ်းယဝ်ႉ။

		  
          ၽီလူးပႂ်ႉၼမ်ႉ မႃးပဵၼ် ၻေႇဝတတ်ႈ။
		  
          လိင်းပႅတ်ႇမိုၼ်ႇ မႃးပဵၼ် ပရိသတ်ႈမုၼ်ၶမ်းၽြႃး။

		  (2)ဢဝ်ၵႂၢမ်းၽူႈဢွၼ်လီ၊ လွတ်ႈယၢၼ်ၶီသိူဝ်းသႃႇ။
          
		  (3) ဝူၼ်ႉၶူၼ်ႉႁၼ်ဝႆႉထႃႈ၊ တၵ်းယၢၼ်ၽႃႈတၢင်းၽိတ်း။




#Article 19: ၵုရုင်ႇၵမိၵ၊ ၸၢတ်ႈ (156 words)


(ၵုရုင်ၷမိၵ = ၵႂၢင်)
ဝူၼ်ႉၶူၼ်ႉႁၼ်ဝႆႉထႃႈ၊ တၵ်းယၢၼ်ၽႃႈတၢင်းၽိတ်း

ပွၵ်ႈၼိုင်ႈ တမ်ႈတီႈ ၼႂ်းဝတ်ႉဝေႇꩮုဝၼ်ႇလူင်ၼၼ်ႉ ယင်းတိုၵ်ႉပဵၼ် ပၢင်ၵုမ်ၵၼ် ဢၼ်ၵဵဝ်ႇ ၵပ်းလူၺ်ႈ လွင်ႈတြႃးၼၼ်ႉယူႇ။ တီႈၼႂ်းပၢင်ၵုမ်ၼၼ်ႉ ၸဝ်ႈရႁၢၼ်းၶဝ် ဢွၼ်ၵၼ်ဢုပ်ႇၵၼ်ဝႃႈ “ၸဝ်ႈၻေႇဝၻတ်ႈၼႆႉ ပုၼ်ႈတႃႇ တေႁဵတ်းတီႈမုၼ်ၶမ်းၽြႃးၼၼ်ႉ ပွႆႇၵူၼ်းပိုတ်းၵၢင်ႇသေ မႃးၵေႃႈ ႁဵတ်း၊ ဢဝ်မၢၵ်ႇႁိၼ်လူင် ၵိင်ႈတူၵ်းသႂ်ႇ ၽြႃးၵေႃႈႁဵတ်း၊ ဢဝ်ၸၢင်ႉꩪၼပႃႇလသေ ပွႆႇၸူးၽြႃးၵေႃႈ ႁဵတ်းယဝ်ႈ”ၼႆသေ ဢွၼ်ၵၼ် ၶႃႉၶၢႆတၢင်ႇတၢင်းၽိတ်း ၸဝ်ႈၻေႇဝၻတ်ႈယူႇ။ ၽွင်းၼၼ်ႉ မုၼ်ၶမ်းၽြႃး ႁွတ်ႈၽႅဝ်ထိုင်မႃးသေ လႆႈႁူႉ လွင်ႈဢၼ်ၸဝ်ႈသင်ႇၶႃႇၶဝ် ဢုပ်ႇၵုမ်ၵၼ်ယူႇၼၼ်ႉလႄႈ ၸင်ႇလၢတ်ႈဝႃႈ “ၻေႇဝၻတ်ႈၼႆႉ ၸၢတ်ႈၼႆႉၵူၺ်း ဢၢင်ႈဢဝ်ၵဝ်ၽြႃးတၢႆ ဢမ်ႇၸႂ်ႈ၊ ꩡၢတ်ႈၵွၼ်ႇဝၼ်းလင်ၵေႃႈ ယၢမ်ႈၶိုင်ပွင် ဢၢင်ႈဢဝ်ၵဝ်တၢႆမႃးယူႇ ၼင်ႇၵဝ်ႇယဝ်ႉ ၼႆသေ ၸင်ႇႁၢင်ႈႁႅၼ်းၷႃႇထႃႇ “ၺႃတမေတံ ၵုရုင် ၷသ်သ”သေ ႁေႃးလၢတ်ႈ လွင်ႈꩡၢတ်ႈၵွၼ်ႇဝၼ်းလင် ၼင်ႇတီႈတႂ်ႈၼႆႉယဝ်ႉ-

မိူဝ်ႈၵွၼ်ႇ ၽွင်းမိူဝ်ႈပၢၼ် ၶုၼ်ႁေႃၶမ်းၿြႁ်မၻတ်ႈ ဢုပ်ႉမိူင်းၿႃႇရႃႇၼသီႇယူႇၼၼ်ႉ ၼေႃႇၶမ်းၽြႃးလႆႈပဵၼ် ၸိူဝ်ႉၶိူဝ်းၵႂၢင်ယဝ်ႉ။ ၼေႃႇၶမ်းၵႂၢင်ၼႆႉ မၢင်ပွၵ်ႈမၢင်လႂ် ၵႆႉမႃးၵိၼ်မၢၵ်ႇၽၢၼ်းဢူမ် တမ်ႈတီႈ တႂ်ႈတူၼ်ႈမၢၵ်ႇၽၢၼ်းဢူမ်ယဝ်ႉ။ ပွၵ်ႈၼိုင်ႈ မူးသိူဝ်း ဢၼ်ပႂ်ႉၶႄႉလၢင်းၼၼ်ႉ မႃးတူၺ်း ႁွႆးတိၼ် တူဝ်သတ်း တီႈတႂ်ႈ တူၼ်ႈမၢၵ်ႇၽၢၼ်းဢူမ်ၼၼ်ႉသေ လႆႈႁၼ် ႁွႆးတိၼ် ၼေႃႇၶမ်းတိုင် တီႈတႂ်ႈ တူၼ်ႈမၢၵ်ႇၽၢၼ်းဢူမ်ၼၼ်ႉယဝ်ႉ။
ၵွပ်ႈၼၼ် မူးသိူဝ်း ၸင်ႇႁဵတ်းၶႄႉလၢင်းယူႇသဝ်း တီႈၼိူဝ် တူၼ်ႈမၢၵ်ႇၽၢၼ်းဢူမ်ၼၼ်ႉ ယိပ်းႁွၵ်ႇသေ ပႂ်ႉမိူဝ်ႈတိုင်ၵႂၢင်တေမႃး ၼၼ်ႉယူႇ။
ၶုၼ်တိုင်ၼႆႉ သမ်ႉမီးၺၢၼ်ႇ မေႃဝူၼ်ႉလႆႈၶႆႈၸၢင်ႈယဝ်ႉ။ ပိၵ်ႉသမ်ႉၽႅဝ်မႃး တီႈႁိမ်း တူၼ်ႈမၢၵ်ႇၽၢၼ်းဢူမ်ၼၼ်ႉသေတႃႉ ဢမ်ႇၵိုင်ႉၵၢင်ႉၶဝ်ႈ တႂ်ႈတူၼ်ႈမၢၵ်ႇၽၢၼ်းဢူမ်သေ လွမ်တူၺ်း ၸွင်ႇတေမီး ၽေးၶဵၼ်ဢမ်ႇမီးၼႆယူႇ။ ယွၼ်ႉပိူဝ်ႈ လႆႈႁူႉႁၼ်ဝႃႈ ၵႂၢင်ဢမ်ႇမႃး တႂ်ႈတူၼ်ႈမႆႉၼႆလႄႈ မူးသိူဝ်းၸင်ႇ ဢဝ်မၢၵ်ႇၽၢၼ်းဢူမ်သေ ထိုမ်ႈတူၵ်းၽၢႆႇၼႃႈၵႂၢင်သေ ႁူၺ်းဢဝ်ၵႂၢင်ယူႇ။ ၶုၼ်တိုင် ၸင်ႇဝူၼ်ႉဝႃႈ “မၢၵ်ႇၽၢၼ်းဢူမ် ဢမ်ႇယၢမ်ႈတူၵ်းမႃး ၽၢႆႇၼႃႈၵဝ်သေတႃႉ မိူဝ်ႈၼႆႉ တူၵ်းမႃး တမ်ႈတီႈ ၽၢႆႇၼႃႈၵဝ်ယဝ်ႉ၊ တီႈၼိူဝ်တူၼ်ႈမႆႉၼႆႉ ၶႄးတေမီး မူးသိူဝ်းႁိုဝ်ၵေႃႈဢမ်ႇႁူႉ”ၼႆသေ လွမ်တူၺ်းၵႂႃႇ ၼိူဝ်တူၼ်ႈမႆႉ ၸင်ႇလႆႈႁၼ် မူးသိူဝ်းယူႇယဝ်ႉ။ ၵူၺ်းၵႃႈ ႁဵတ်းၵဵင်ႈဢမ်ႇႁၼ်သေ ႁဵတ်းလၢတ်ႈၵႂၢမ်းတေႃႇ တူၼ်ႈမၢၵ်ႇၽၢၼ်းဢူမ်သေ လၢတ်ႈၶိတ်ႉၵိူမ်ႈလိူမ်ႈတေႃႇ မူးသိူဝ်း ၷႃႇထႃႇတီႈတႂ်ႈၼႆႉယဝ်ႉ-

	

ဢၺ်ၺံ သေပၼ်ၼိ ၷၸ်ꧡႃမိ၊ ၼ မေ တေ ရုၸ်ၸတေ ၽလံ။

ဢူဝ်! တူၼ်ႈမၢၵ်ႇၽၢၼ်းဢူမ်... မႂ်းၸိုင် ၸၢင်ႈမေႃပိတ်းဢဝ် မၢၵ်ႇၽၢၼ်းဢူမ်သေ ယၢတ်ႇတူၵ်း မႃးၽၢႆႇၼႃႈလႃႇၼႆႉ။ ၵဝ်တိုင် ႁူႉလွင်ႈၼၼ်ႉယဝ်ႉယဝ်ႈ။ ၵဝ်ဢမ်ႇၶႂ်ႈၵိၼ် မၢၵ်ႇၽၢၼ်းဢူမ်မႂ်းယဝ်ႉ။ ၵဝ် တေၵႂႃႇႁႃၵိၼ် မၢၵ်ႇၽၢၼ်းဢူမ် တၢင်ႇတူၼ်ႈယဝ်ႈ။

		  မူးသိူဝ်း မႃးပဵၼ် ၻေႇဝတတ်ႈ။

		  (2)ႁၼ်ယိူဝ်ႇဢမ်ႇႁၼ်မဵတ်း၊ ယႃႇပေႁဵတ်းၼင်ႇၼၼ်။




#Article 20: ၵုၵ်ႉၵုရ၊ ၸၢတ်ႈ (169 words)


(ၵုၵ်ၵုရ = မႃ)
ပုၼ်ႈပၢင်ႈၶိူဝ်းၸဝ်ႈၵဝ်ႇ၊ ၸႂ်လဝ်ႇၸုၼ်ႉသုၼ်ႇတူဝ်

ၽွင်းမိူဝ်ႈ မုၼ်ၶမ်းၽြႃး ယူႇသဝ်း တမ်ႈတီႈ ဝတ်ႉꩡေႇတဝၼ်ႇၼၼ်ႉ ၵဵဝ်ႇၵပ်းလူၺ်ႈ လွင်ႈႁဵတ်းသၢင်ႈႁၢင်ႈပွင်ပၼ် ၽွၼ်းလီ ပီႈၼွင်ႉၸိူဝ်ႉၶိူဝ်းၸဝ်ႈၵဝ်ႇသေ ၸင်ႇတေႁေႃးꩡၢတ်ႈၵုၵ်ႉၵုရ ဢၼ် တႄႇ “ယေ ၵုၵ်ၵုရႃ”ၼၼ်ႉ ၸိူင်ႉၼင်ႇတီႈတႂ်ႈၼႆႉယဝ်ႉ-

ပဵၼ်ၽွင်း ၶုၼ်ႁေႃၶမ်း ၿြႁ်မၻတ်ႈ ႁဵတ်းၶုၼ်ယူႇတမ်ႈတီႈ မိူင်းၿႃႇရႃႇၼသီႇၼၼ်ႉယဝ်ႉ။ ၽွင်းၼၼ်ႉ ၼေႃႇၶမ်းၶုၼ်မႃ ႁူမ်ႈလူၺ်ႈ မႃတင်းၼမ်သေ ယူႇသဝ်းတမ်ႈတီႈ ပႃႇႁဵဝ်ႈလူင်ဝႆႉယူႇ။ ဝၼ်းၼိုင်ႈ ဝၢႆးသေ ပွၵ်ႈတီႈသူၼ်သိူဝ်းမႃးမိူဝ်း  ၸင်ႇဢဝ်လေႃႉရထႃးၶုၼ် မႃးဝႆႉတမ်ႈတီႈ ဝၢင်းႁေႃၼၼ်ႉယဝ်ႉ။ ၵၢင်ၶမ်ႈ ၽူၼ်လူင်သမ်ႉမႃးယမ်းသႂ်ႇ ၼင် ဢၼ်ႁၢင်ႈၶိူင်ႈဝႆႉ တမ်ႈတီႈလေႃႉရထႃးၼၼ်ႉလႄႈ ဢၢႆမၼ်း ဢွၵ်ႇမႃးယူႇယဝ်ႉ။ ၵမ်းၼၼ်ႉ ျွႃ ဢၼ်ၶုၼ်ၶဝ်လဵင်ႉဝႆႉၼၼ်ႉ ၸင်ႇဢွၼ်ၵၼ် မႃးၵိၼ် ၼင်ၸိူဝ်းၼၼ်ႉပႅတ်ႈယဝ်ႉ။ ပေႃးဝႃႈ ၶုၼ်ႁေႃၶမ်း လႆႈႁူႉၼင်ႇၼၼ် ပဵၼ်ဢၼ်ၸႂ်လမ်ၼႃႇသေ ၸင်ႇပၼ်ၶေႃႈပူင်ဝႃႈ “ၵႃႈပဵၼ်မႃ ဢၼ်ႁၼ်တႂ်ႈတႃၼၼ်ႉ ဢဝ်တၢႆတင်းမူတ်းတႃႉ”ၼႆယဝ်ႉ။
ၸွမ်းၼင်ႇ ၶေႃႈၵႂၢမ်းၶုၼ်သေ ၵူၼ်းၶုၼ်ၶဝ်ၵေႃႈ ပႅင်ႈၼင်ႇႁၼ်မႃၼၼ်ႉ ဢဝ်တၢႆမႃတင်းၼမ် ယူႇ။ ၼင်ႇႁိုဝ် တေလွတ်ႈတၢင်းတၢႆၼၼ်ႉ မႃတင်းၼမ်ၵေႃႈ ၸင်ႇဢွၼ်ၵၼ် ပၢႆႈၵႂႃႇၸူးတမ်ႈတီႈ ၶုၼ်မႃသေ လၢတ်ႈၼႄ လွင်ႈတၢင်းမၼ်းယဝ်ႉ။ ပေႃးဝႃႈ ၶုၼ်မႃ လႆႈႁူႉလွင်ႈႁၼ်တၢင်းမၼ်း ၵူႈပိူင်ယဝ်ႉၼႆ ၼင်ႇႁိုဝ် ၸိူဝ်ႉၶိူဝ်းမႃၸဝ်ႈၵဝ်ႇ တင်းသဵင်ႈ တေလွတ်ႈၽေးၶဵၼ်ၼၼ်ႉ ၸင်ႇၵႂႃႇတမ်ႈတီႈ ၽၢႆႇၼႃႈ ၶုၼ်ႁေႃၶမ်းသေ ၸင်ႇၵႂႃႇလၢတ်ႈၸႃတေႃႇ ၶုၼ် ၸွမ်းၼင်ႇ တီႈတႂ်ႈၼႆႉယဝ်ႉ-

			

				
ၵေႃလေယျၵႃ ဝၼ်ၼၿလူပပၼ်ၼႃ
				
တေ’မေ ၼ ဝꩡ်ꧢႃ မယ’မသ်မ ဝꩡ်ꧢႃ၊ 
	
ၼႃယံ သꧠၸ်ၸႃ ၻုၿ်ၿလꧠၢတိၵႃ’ယံ။

မႃ ၸိူဝ်းဢၼ်ယႂ်ႇတီႈၼႂ်းႁေႃ၊ မႃ ၸိူဝ်းဢၼ်လဵင်ႉတီႈၼႂ်းႁေႃ၊ မႃ ၸိူဝ်းဢၼ်မီးဢဵၼ်ႁႅင်းတဵမ် ထူၼ်ႈၸိူဝ်းၼၼ်ႉ ဢမ်ႇလႆႈၶၢမ်ႇႁႅမ်တၢႆ။ ၸိူဝ်းႁဝ်းၼႆႉၵူၺ်းယဝ်ႉ လႆႈၶၢမ်ႇႁႅမ်တၢႆ။ ဢၼ်ဢဝ်တၢႆ မႃ ၸိူဝ်းၼႆႉယူႇၼႆႉ မၼ်းဢမ်ႇၸႂ်ႈဝႃႈ ဢဝ်တၢႆမႃတင်းသဵင်ႈ။ ဢၼ်ဢဝ်တၢႆမႃ ၸိူဝ်းၼႆႉယူႇၼႆႉ မၼ်းပဵၼ် တၢင်းဢဝ်တၢႆ မႃႁႅင်းဢေႇ(ၼႃႈလဵၵ်ႉ) ၼၼ်ႉၵူၺ်းယဝ်ႉ။
ပေႃးဝႃႈ လႆႈငိၼ်းၶေႃႈတြႃးတမ်ႈတီႈ ၶုၼ်မႃၼင်ႇၼႆၸိုင် ၶုၼ်လူင် ၸင်ႇတွင်းပၢၼ်ႇဝႃႈ ႁႂ်ႈၸႅင်ႈ ၼႄပၼ် မႃ ၸိူဝ်းဢၼ်ၵိၼ်ၼင်ၼၼ်ႉၼႆယဝ်ႉ။ ၶုၼ်မႃ ၸင်ႇပၼ်တၢင်းၶႂ်ႈၸႂ် ႁႂ်ႈဢဝ်ယိူဝ်ႈယႃႈလႄႈ ၼမ်ႉဢွႆႈၵႅင်ႈ လေႃးၵၼ်သေ တိုၵ်းပၼ် မႃ ၸိူဝ်းဢၼ် ၶုၼ်ၶဝ်လဵင်ႉဝႆႉ ၼၼ်ႉယဝ်ႉ။ ပေႃးဝႃႈ ႁဵတ်းၸွမ်း ၼင်ႇတၢင်းၶႂ်ႈၸႂ် ၶုၼ်မႃၼၼ်ႉၼႆၵေႃႈ မႃ ဢၼ်ၶုၼ်ၶဝ်လဵင်ႉဝႆႉၼၼ်ႉ တင်းသဵင်ႈ ၸင်ႇႁၢၵ်ႈဢွၵ်ႇမႃး ၼင်ယဝ်ႉ။ လႆႈႁၼ်ၼင်ႇၼၼ် ၶုၼ်လူင် ပဵၼ်ဢၼ်ႁၢၼ်ႉၸႂ်တႄႉတႄႉဝႃႈဝႃႈသေ ၸင်ႇတေ ဢဝ်ၸွင်ႉၽိူၵ်ႇသေ ပူႇꩡေႃႇပၼ် ၶုၼ်မႃယဝ်ႉ။ ၸင်ႇပၼ်သတ်ႉတဝႃႇတင်းသဵင်ႈ လွတ်ႈၽေးသေ ဢဝ်တၢင်းၵိၼ်တၢင်းယႅမ်ႉ ၸိူင်ႉၼင်ႇ ဢၼ်ၸဝ်ႈၵဝ်ႇၵိၼ်ၼၼ်ႉ လဵင်ႉပၼ်ၶုၼ်မႃလႄႈ လုမ်းလၢင်း မၼ်းၵႂႃႇယဝ်ႉ။

		  ၶုၼ်လူင်ၿႃႇရႃႇၼသီႇ မႃးပဵၼ် ၸဝ်ႈဢႃႇၼၼ်ႇၻႃႇ။

		  (2)ပေႃးပဵၼ်ၽူႈဢွၼ်ႁူဝ်၊ သုၼ်ႇတူဝ်လူဝ်ႇလႆႈၸုၼ်ႉ။

		  ဢမ်ႇဝႆႉၸႂ်လမ်တေႃႇၽူႈၶဵၼ်လႄႈ ပဵၼ် ၶၼ်ႇတီႇပႃႇရမီႇ။




#Article 21: Character (132 words)


Character ဢၼ်ဝႃႈၼႆႉ မၼ်းပဵၼ် တူဝ်လိၵ်ႈ letter ၊ တူဝ်ၼပ်ႉ number ၊ လွၵ်းပဝ်ႇ space ၊ မၢႆလၢၵ်ႇလၢႆး punctuation mark လႄႈ ဢမ်ႇၼၼ် ပဵၼ် ႁၢင်ႈၼႄ symbol သေဢၼ်ဢၼ် ၸိူဝ်း ဢၼ်ၸၢင်ႈၸၢင်ႈ ပေႃႉလႆႈတီႈၼႂ်း ၶွမ်ႇပိဝ်ႇတႃႇ ၼႆယဝ်ႉ။ တူဝ် ယၢင်ႇမၼ်း မိူၼ်ၼင်ႇ တူဝ်လိၵ်ႈဢင်းၵိတ်ႉ “computer” ၼႆၼၼ်ႉ မၼ်းတေၶဝ်ႈပႃးဝႆႉ တူဝ်လိၵ်ႈဢင်းၵိတ်ႉ character ပႅတ်ႇတူဝ်။ ဢၼ်ပဵၼ်ပွင်ႈလိၵ်ႈ “Hi there.” ၼၼ်ႉ မၼ်းတေမီး ၵဝ်ႈတူဝ်။ Character ၼိုင်ႈတူဝ်ၼႆႉ မၼ်းတေဢဝ် ဢွင်ႈတီႈ လွၵ်းပဝ်ႇ space မၼ်း ၼိုင်ႈ byte ဢေႃႈ။ ပေႃးၼၼ် ဢၼ်ပဵၼ် “computer” ၼၼ်ႉ မၼ်းတေဢဝ် ဢွင်ႈလွၵ်းပဝ်ႇ ပႅတ်ႇ bytes ယဝ်ႉ။ သဵၼ်ႈမၢႆ တူဝ်လိၵ်ႈ characters ၸိူဝ်းဢၼ်တေၸၢင်ႈ ပေႃႉၼႂ်းၶွမ်းၼၼ်ႉ ၶဝ်မၵ်းမၢႆဝႆႉတီႈၼႂ်း ASCII လႄႈတင်း extended ASCII ယဝ်ႉ။

ပေႃးမႃးၼိူင်းတူၺ်း တင်းတူဝ်လိၵ်ႈတႆးႁဝ်းၵေႃႈ ႁူႉတေမိူၼ် ၵၼ် ၵူၺ်းယူႇၼင်ႇၵဝ်ႇ။ ၵ ၼႆၵေႃႈ ပဵၼ် တူဝ်လိၵ်ႈ character ၼိုင်ႈတူဝ်သေ ပေႃးဢဝ်တူဝ်ယၢင်ႇ ၼင်ႇဝႃႈ “တႆး” ၼႆ မၼ်းတေ ၶဝ်ပႃးဝႆႉ တူဝ်လိၵ်ႈ Character သၢမ်တူဝ်။ ၵ ၊ ၵၢႆႇၶိုၼ်း၊ ၸမ်ႈၼႃႈ ၼႆသေ မၼ်းတေမီးဝႆႉ သၢမ်တူဝ်။ ပေႃးဝႃႈပဵၼ်ပွင်ႈ ၵႂၢမ်း ဢၼ်ဝႃႈ “မႂ်ႇသုင်ၶႃႈ” ၼၼ်ႉ မၼ်းတေပႃး တူဝ်လိၵ်ႈ Character သိပ်းဢဵတ်းတူဝ်ဢေႃႈ။ ပေႃးပဵၼ်ၼင်ႇ “ပီမႂ်ႇတႆး  ႒႑႐႘” ၼႆၸမ်ႉ မၼ်းတေၶဝ်ႈပႃး တူဝ်လိၵ်ႈ Character သိပ်းသၢမ်တူဝ်ဢေႃႈ။ ယွၼ်ႉပိူဝ်ႈဝႃႈ ၼႂ်းၵႄႈၵၢင် ပီမႂ်ႇတႆးတင်း ႒႑႐႘ ၼၼ်ႉ ႁဝ်းၶႃႈ ဢဝ် လွၵ်းပဝ်ႇ space သေ ၶႅၼ်ႈဝႆႉ။ ၼၼ်ႉၵေႃႈ လႆႈၼပ်ႉသွၼ်ႇပဵၼ်ဝႃႈ တူဝ်လိၵ်ႈ character တူဝ်ၼိုင်ႈယဝ်ႉ။




#Article 22: ၽႃႇသႃႇၶရိသျၢၼ်ႇ (396 words)


သႃႇသၼႃႇၶရိတ်ႉ () မီးပိုၼ်ႉထၢၼ်မႃးတီႈ ၸူဝ်ႊပၢၼ်လႄႈၵၢၼ်သွၼ်ၶွင်ၸဝ်ႈယေႇသုၸွမ်ႇၼင်ႇဢၼ်ၼႂ်းပပ်ႉထမ်းပၢႆႇပႂ်ႇ (canonical gospel)။  ၽူႈၼပ်ႉထိုဝ်သႃႇသၼႃႇၶရိတ်ႉၼၼ်ႉ ႁွင်ႉဝႃႈၸၢဝ်းၶရိတ်ႉဢမ်ႇၼၼ်ၶရိသျၢၼ်ႇ

ၸၢဝ်းၶရိတ်ႉၶဝ် ယုမ်ႇယမ်ဝႃႈ ၸဝ်ႈယေႇသု ပဵၼ်ၽြႃးပဵၼ်ၸဝ်ႈ လႄႈပဵၼ်ၸဝ်ႈၽြႃး ဢၼ်လႆႈႁပ်ႉပျႃတိတ်မႃးပဵၼ်ၵူၼ်းလႄႈပဵၼ် ၸဝ်ႈၽြႃးၽူႈၾူတ်ႈဢဝ် ၵွပ်ႈလွင်ႈၼႆသေ ၸၢဝ်းၶရိတ်ႉ ၸင်ႇလႆႈႁွင်ႉယေႇသုဝႃႈ ၸဝ်ႈၽြႃးၶရိတ်ႉ ဢမ်ႇၼၼ် ၸဝ်ႈမသၢႆႇယႃႇ သႃႇသၼႃႇၶရိတ်ႉ ယၢမ်းၸင်ႇၼႆႉ ၸႅၵ်ႇပဵၼ်ၵိူင်းလူင်သၢမ်ၸုမ်း - ၸိူဝ်းၼၼ်ႉၸမ်း ရူဝ်ႇမႅတ်ႉၶႅတ်ႉႀလိၵ်ႉ ဢိတ်ႉသထိူၼ်းဢေႃႇတူဝ်ႇတွၵ်ႉ လႄႈပြူဝ်ႇတႅတ်ႉသတႅၼ်ႉ သေယဝ်ႉ ယင်းၸႅၵ်ႇၽႄၵႂႃႇထႅင်ႈ လၢႆလၢႆၵိူင်းလဵၵ်ႉလဵၵ်ႉဢွၼ်ႇ၊ ရူဝ်ႇမႅၼ်ႇၶႅတ်ႉႀလိၵ်ႉ လႄႈ ဢေႃႇတူဝ်ႇတွၵ်ႉ ၸႅၵ်ႇၽႄၵၼ်ၵႂႃႇ မိူဝ်ႈၽွင်းယၢမ်း သႃႇသၼႃႇပွတ်းဝၼ်းဢွၵ်ႇ-ပွတ်းဝၼ်းတူၵ်း (East–West Schism) မိူဝ်ႈၼႂ်းပီႊၶရိတ်ႉ 1054 လႄႈ ၵိူင်းပြူဝ်ႇတိတ်ႉသတႅၼ်ႉ တႄႇမီးမႃး ဝၢႆးသေၵၢၼ်မူၼ်ႉမႄး ပူၵ်းတင်ႈသႃႇသၼႃႇ မိူဝ်ႈၸူဝ်ႊပၢၵ်ႇ 16 သေ ယႅၵ်ႈတူဝ်ဢွၵ်ႇမႃးတီႈ ၵိူင်းရူဝ်ႇမႅၼ်ႇၶႅတ်ႉႀလိၵ်ႉ 

မိူဝ်ႈယၢမ်းၸဝ်ႉၼၼ်ႉ သႃႇသၼႃႇၶရိတ်ႉၼႆႉ သွၼ်ႇဝႃႈပဵၼ်ၵိူင်ၼိုင်ႈၶွင်သႃႇသႃႇၼႃႇၵျိဝ်းမိူဝ်ႈၵၢင်ၸူဝ်ႊပၢၵ်ႇပီႊၶရိတ်ႉ 1 လႆႈပေႃးမီးမႃးတီႈပွတ်းၾင်ႇပၢင်ႇလၢႆႇမႅတ်ႉတီႈတႂ်ႇရေးၼီးယၼ်း တၢင်းပွတ်းဝၼ်းဢွၵ်ႇၶွင် တွၼ်ႊၵၢင်ပွတ်းဢွၵ်ႇ (ယၢမ်းလဵဝ်ပဵၼ် ဢိတ်ႉၸရေးလႄႈပႃႇလႅတ်ႉသတၢႆးလ်) ဢမ်ႇႁိုင်ဢမ်ႇၼၢၼ်းၵေႃႈ မႄႇၾႃႈၵႂႃႇပွတ်းတၢင်းသီးရီးယႂ်း မႄႇသူဝ်ႇပူဝ်ႇတေးမီးယႂ်း ဢေးသီးယႂ်းမၢႆႇၼိူဝ်ႇ လႄႈ ဢီႇၵျိပ်ႉ သႃႇသၼႃႇၶရိတ်ႉ မီးတၢင်းယႂ်ႇလႄႈႁႅင်ႁူမ်ႇငမ်းၸွတ်ႈတူဝ် ၼမ်လိူဝ်းမႃးတေႉတေႉ ၼႂ်းၸူဝ်ႊယၢမ်းဢွၼ်ႇလၢႆပၢၵ်ႇပီႊ လႄႈတေႃႇပေႃးထိုင်ၸူဝ်ႊပၢၵ်ႇပီႊၶရိတ်ႉထီႈ 4 လႆႈယဵၼ်းမႃးပဵၼ် သႃႇသၼႃႇၵိုၵ်းၸိုင်ႈမိူင်းၸိုင်ႈဝူင်ႉရူဝ်ႇမႅၼ်ႇ ၼႂ်းၵႄႈၵၢပ်ႈပၢၼ်ၵၢင် လိၼ်လႅၼ်ႊၼႂ်းယူးရူပ်ႉ ဢၼ်ၵိုတ်းလိူဝ်ၼၼ်ႉ ၵမ်ႈၼမ် ႁပ်ႉသႃႇသၼႃႇၶရိတ်ႉယဝ်ႉ။ ၵူၺ်းၼႃႇ မၢင်ႊလႅၼ်ႊတွၼ်ႊ ၸိူင်ႉၼင်ႇတွၼ်ႊၵၢင်ပွတ်းဢွၵ်ႇ ဢႃႇၾရီးၵႂ်းႁွင်ႇ ဢီႇႀီႇယူဝ်းပီးယႃး လႄႈ မၢင်ႊပွတ်းမၢင်ႊတွၼ်ႊၶွင်ဢိၼ်းတီးယႂ်း တႄႉ ၸၢဝ်းၶရိတ်ႉ ယင်းတိုၵ်ႉပဵၼ်ၸုမ်းၵူၼ်းဢေႇဝႆႉယူႇ။ ဝၢႆးမႃး ယွၼ်ႉပိူဝ်ႈမိတ်ႉသျိၼ်ႇၼရီႇလႄႈ ၵၢၼ်ၶႂၢၵ်ႈမိူင်းၶူဝ်ႇလူဝ်ႇၼီႇ(မိူင်းႁၢႆး)  သေ သႃႇသၼႃႇၶရိတ်ႉၵေႃႈ လႆႈၽႄႈၵႂႃႇပွတ်းတၢင်း လိုမ်လိၼ်ဢမႄးရီးၵႂ်း ဢေႃးသတေးရီးယႃး ဢႃႇၾရီးၵႂ်းသပ်ႉသႁႃႇရႃး လႄႈ လၢႆလၢႆတီႈၼႂ်းလူၵ်ႈၼႆႉယူႇယဝ်ႉ။ 

ၸၢဝ်းၶရိတ်ႉၶဝ်ယုမ်ႇယမ်ဝႃႈ ၸဝ်ႈယေႇသု ပဵၼ်ၸဝ်ႈမသၢႆႇယႃႇ ဢၼ်ပျႃတိတ်ဝႆႉၼႂ်း ပပ်ႉထမ်းႁီးပြူး ဢၼ်ၼႂ်းသႃႇသၼႃႇၶရိတ်ႉၶဝ်ႁွင်ႉဝႃႈ ပပ်ႉထမ်းဢၼ်ၵဝ်ႇ ပိုၼ်ႉထၢၼ် ပၢႆးၾိင်ႈတႅတ်ႈသႃႇသၼႃႇၶရိတ်ႉၼႄဢွၵ်ႇမႃးၼႂ်းလၵ်းပိူင်ယုမ်ႇယမ်  (ecumenical creed) ဢၼ်မီးမႃးၸဵမ်မိူဝ်ႈ သႃႇသၼႃႇၶရိတ်ႉပၢၼ်ႁႅၵ်ႈ လႄႈ ပဵၼ်တီႈဢၼ်တင်းလၢႆ ၼႂ်းၸၢဝ်းၶရိတ်ႉၶဝ်ယွမ်းႁပ်ႉ။ မီးၵၢၼ်ပိုၼ်ႊလၢတ်ႈၶေႃႈယုမ်ႇယမ်ဝႃႈ ၸဝ်ႈယေႇသုလႆႈႁပ်ႉပျႃတိတ် သဵင်ႈၸူဝ်ႊ လႄႈထုၵ်ႇၽင်ႈဝႆႉ မိူဝ်ႈပႆႇၶီးၸႂ်ၶိုၼ်း ပုၼ်ႈတႃႇပၼ် ၸူဝ်ႊပၢၼ်ထႃႇဝရ ၸိူဝ်းၽူႈယုမ်ႇယမ်ၸဝ်ႈယေႇသုလႄႈ ၸိူဝ်းၽူႈဝႆႉဝၢင်းၸႂ်ဝႃႈ ၸဝ်ႈယေႇသုပဵၼ်ၽူႈၾူတ်ႇဢဝ်တၢင်းၽိတ်း  ၸၢဝ်းၶရိတ်ႉၶဝ်ယင်းယုမ်ႇယမ်ဝႃႈ ၸဝ်ႈယေႇသု ၶိုၼ်းမိူင်းၽီ ဢၼ်မၼ်းၸဝ်ႈ ၵုမ်းၵႂၢၼ်းလႄႈၵႅတ်ႇၶႄ ၸဝ်ႈၽြႃး ပေႃလူင်ပဵၼ်ၸဝ် ၵိူင်းၶရိတ်ႉ ၵမ်ႈၼမ်သွၼ်ဝႃႈ ၸဝ်ႈယေႇသု တေပွၵ်ႈမႃးၶိုၼ်း တွၼ်ႇၽိင်ႈ  ၵူၼ်းႁဝ်းၵူႊၵေႃႉ တင်းၵူၼ်းၶီးလႄႈၵူၼ်းတၢႆ တေမႃးပၼ်ၸူဝ်ႊသၢၵ်ႈမၼ်းၸဝ်ႈ เ ပိူၼ်ႈတူၺ်းႁၼ်ဝႃႈ ၸဝ်ႈယေႇသု ပဵၼ်တူဝ်ႈယၢင်ႇၸူဝ်ႊပၢၼ်ဢၼ်ႁၢင်ႊလီငၢမ်း လႄႈ ပဵၼ်ပႃး ၽူႈၽႄၵႂၢမး်သွၼ် လႄႈပဵၼ် ၸဝ်ႈၽြႃး  လူင်းမႃးၵိူတ်ႇပဵၼ်ၵူၼ်း

မိူဝ်ႈယၢမ်းၸဝ်ႉ ၸူဝ်ႊပၢၵ်ႇပီႊၶရိတ်ႉ 21ၸၢဝ်းၶရိတ်ႉမွၵ်ႉ  2.2 ႁဵင်လၢၼ်ႉၵေႃႉၼႂ်းလူၵ်ႈ  ပဵၼ်ၼိူင်ႈၼႂ်းသၢမ်ပုၼ်ႈႁူဝ်ၼပ်ႉၵူၼ်းတင်းၵမ်ႇၾႃႇ လႄႈ ပဵၼ်သႃႇသၼႃႇ ဢၼ်မီးၽူႈၼပ်ႉထိုဝ် ၼမ်တီႈသုတ်းၼႂ်းလူၵ်ႈ   ယဝ်ႉၵေႃႈ ပဵၼ်သႃႇသၼႃႇၵိုၵ်းၸိုင်ႈမိူင်း လၢႆလၢႆၸိုင်ႈမိူင်းပႃးယူႇယဝ်ႉ။ 

ၵူၼ်းႁဝ်း ၸွမ်းၼင်ႇဢွင်ႈတီႈယူႇသဝ်း၊ ၸွမ်းၼင်ႇၽိင်ႈငႄႈ လႄႈ လွင်ႈယုမ်ႇယမ်တူဝ်ႈၵဝ်ႇသေ လႆႈၸႅၵ်ႇၽႄႇသႃႇသၼႇၶရိတ်ႉ ပဵၼ်ၵႂႃႇသၢမ်ၵိူင်း။ 3 ၵိူင်းၼၼ်ႉၸမ်း 

ပွင်ႇဝႃႈ ၵူႊမိူင်းမိူင်း ပဵၼ်ၵိူင်းဢၼ်ၵဝ်ႇသေ ဢၼ်ယိပ်းၵမ်မၼ်ႈ ၵႂၢမ်းးသင်ႇသွၼ်ႇၶွင် ၸဝ်ႈယေႇသုသေယဝ်ႉ ၼပ်ႉယမ်ပႃး ၸဝ်ႈၼၢင်းမေႇရီႇ လႄႈ ၸဝ်ႈလီၵူႊတူၼ်တူၼ်။ တီႈတႂ်းဝတ်ႉဝႃးၶွင်ၵိူင်းၼႆႉၼႆႉ တေမီးႁုၼ်ႈႁၢင်ႊ ၸဝ်ႈယေႇသု၊ ၸဝ်ႈၼၢင်းမေႇရီႇ လႄႈ ၸဝ်ႈလီလၢႇလၢႆတူၼ်။ မီးသုၼ်ၵၢင်ၵုမ်းၵႂၢၼ်းယူႇတီႈ ငဝ်ႈလုမ်းသၼ်ႇတႃႇ မီး [ၸဝ်ႈသၼ်ႇတႃႇပႃႇပႃႇ ပဵၼ်ႁူဝ်ၼႃႈ ဢၼ်ပၼ်ႇပုတ်ႈၵၼ်မႃးတင်ႈတႄႇမိူဝ်ႈပၢၼ် ၽူႈတႅၼ်း ၸုမ်းဢွၼ်တၢင်းသူတ်း ။  ယုမ်ႇယမ်ဝႃႈ ၽူႈလီ သီးၼူမ်းပႄတြူဝ်း  ပဵၼ်ၸဝ်ႈသၼ်ႇတႃႇပႃႇပႃႇတူၼ်ႈဢွၼ်တၢင်းသုတ်း။  မၼ်းၸဝ်ႈလႆႈႁပ်ႉလွင်ႈယိုၼ်ယွမ်း မႃးတီႈၽြႃးပဵၼ်ၸဝ်ႈ ႁႂ်ႈၵုမ်းၵႂၢၼ်း သႃႇသၼႃႇတင်းသဵင်ႈတင်းလူင်လႄႈ ပုတ်ႈသိုုပ်ႇမႃးထိုင်  ၸဝ်ႈၼိူဝ်ႁူဝ်သၼ်တႃႇပႃႇပႃႇၾရၢၼ်ႉသိတ်ႉ ။ တူၼ်မိူဝ်ႈယၢမ်းလဵဝ် ပဵၼ်တူၼ်ႈထီႈ  266 ။ ၶႅတ်ႉႀလိၵ်ႉ မီးမုၼ်ၸဝ်ႈ ဢၼ်ႁွင်ႉဝႃႈ ပေႃႈလူင်  လႄႈ မီးၽူႈၶဝ်ႈၸုမ်း ၸုမ်းမုၼ်ၸဝ်ႈၶႅတ်ႉႀလိၵ်ႉ  ။ သင်ပဵၼ်ၵူၼ်းၸၢႆးၸိုင် ႁွင်ႉဝႃႈ ပြႃးတႃးbrother)၊ သင်ပဵၼ်ၽူႈယိင်း ႁွင်ႉဝႃႈ သိတ်ႉသတိူဝ်ႇ  (sister) မီးၽူႈၼပ်ႉထိုဝ်သႃႇသၼႃႇၵိူင်းၼႆႉယူႇမွၵ်ႇ 1000 လၢၼ်ႉေၵး။ သႃႇသၼႃႇၵိူင်းၼႆႉ ယုမ်ႇယမ်ဝႃႈ ပေႃႈလူင် ပဵၼ်ၽူႈ ၵပ်းသိုပ်ႇပၼ်ၼႂ်းၵႄႈ ၽြႃးပဵၼ်ၸဝ်ႈလႄႈတင်းၵူၼ်းႁဝ်းၼႆယဝ်ႉ။  ๆ

พิธีกรรมสำคัญในศาสนานี้เรียกว่า พิธีศักดิ์สิทธิ์ มีดังนี้

สำหรับนิกายโรมันคาทอลิกและนิกายออร์ทอดอกซ์ จะมีพิธีกรรมทั้ง 7 พิธี แต่สำหรับนิกายโปรเตสแตนต์ จะมีเพียง 2 พิธี คือ พิธีบัพติศมาและพิธีมหาสนิทศักดิ์สิทธิ์

ၵူၼ်းႁဝ်း ၸွမ်းၼင်ႇဢွင်ႈတီႈယူႇသဝ်း၊ ၸွမ်းၼင်ႇၽိင်ႈငႄႈ လႄႈ လွင်ႈယုမ်ႇယမ်တူဝ်ႈၵဝ်ႇသေ လႆႈၸႅၵ်ႇၽႄႇသႃႇသၼႇၶရိတ်ႉ ပဵၼ်ၵႂႃႇသၢမ်ၵိူင်း။ 3 ၵိူင်းၼၼ်ႉၸမ်း 

ပွင်ႇဝႃႈ ၵူႊမိူင်းမိူင်း ပဵၼ်ၵိူင်းဢၼ်ၵဝ်ႇသေ ဢၼ်ယိပ်းၵမ်မၼ်ႈ ၵႂၢမ်းးသင်ႇသွၼ်ႇၶွင် ၸဝ်ႈယေႇသုသေယဝ်ႉ ၼပ်ႉယမ်ပႃး ၸဝ်ႈၼၢင်းမေႇရီႇ လႄႈ ၸဝ်ႈလီၵူႊတူၼ်တူၼ်။ တီႈတႂ်းဝတ်ႉဝႃးၶွင်ၵိူင်းၼႆႉၼႆႉ တေမီးႁုၼ်ႈႁၢင်ႊ ၸဝ်ႈယေႇသု၊ ၸဝ်ႈၼၢင်းမေႇရီႇ လႄႈ ၸဝ်ႈလီလၢႇလၢႆတူၼ်။ မီးသုၼ်ၵၢင်ၵုမ်းၵႂၢၼ်းယူႇတီႈ ငဝ်ႈလုမ်းသၼ်ႇတႃႇ မီး [ၸဝ်ႈသၼ်ႇတႃႇပႃႇပႃႇ ပဵၼ်ႁူဝ်ၼႃႈ ဢၼ်ပၼ်ႇပုတ်ႈၵၼ်မႃးတင်ႈတႄႇမိူဝ်ႈပၢၼ် ၽူႈတႅၼ်း ၸုမ်းဢွၼ်တၢင်းသူတ်း ။  ယုမ်ႇယမ်ဝႃႈ ၽူႈလီ သီးၼူမ်းပႄတြူဝ်း  ပဵၼ်ၸဝ်ႈသၼ်ႇတႃႇပႃႇပႃႇတူၼ်ႈဢွၼ်တၢင်းသုတ်း။  မၼ်းၸဝ်ႈလႆႈႁပ်ႉလွင်ႈယိုၼ်ယွမ်း မႃးတီႈၽြႃးပဵၼ်ၸဝ်ႈ ႁႂ်ႈၵုမ်းၵႂၢၼ်း သႃႇသၼႃႇတင်းသဵင်ႈတင်းလူင်လႄႈ ပုတ်ႈသိုုပ်ႇမႃးထိုင်  ၸဝ်ႈၼိူဝ်ႁူဝ်သၼ်တႃႇပႃႇပႃႇၾရၢၼ်ႉသိတ်ႉ ။ တူၼ်မိူဝ်ႈယၢမ်းလဵဝ် ပဵၼ်တူၼ်ႈထီႈ  266 ။ ၶႅတ်ႉႀလိၵ်ႉ မီးမုၼ်ၸဝ်ႈ ဢၼ်ႁွင်ႉဝႃႈ ပေႃႈလူင်  လႄႈ မီးၽူႈၶဝ်ႈၸုမ်း ၸုမ်းမုၼ်ၸဝ်ႈၶႅတ်ႉႀလိၵ်ႉ  ။ သင်ပဵၼ်ၵူၼ်းၸၢႆးၸိုင် ႁွင်ႉဝႃႈ ပြႃးတႃးbrother)၊ သင်ပဵၼ်ၽူႈယိင်း ႁွင်ႉဝႃႈ သိတ်ႉသတိူဝ်ႇ  (sister) မီးၽူႈၼပ်ႉထိုဝ်သႃႇသၼႃႇၵိူင်းၼႆႉယူႇမွၵ်ႇ 1000 လၢၼ်ႉေၵး။ သႃႇသၼႃႇၵိူင်းၼႆႉ ယုမ်ႇယမ်ဝႃႈ ပေႃႈလူင် ပဵၼ်ၽူႈ ၵပ်းသိုပ်ႇပၼ်ၼႂ်းၵႄႈ

ၵူၼ်းႁဝ်း ၸွမ်းၼင်ႇဢွင်ႈတီႈယူႇသဝ်း၊ ၸွမ်းၼင်ႇၽိင်ႈငႄႈ လႄႈ လွင်ႈယုမ်ႇယမ်တူဝ်ႈၵဝ်ႇသေ လႆႈၸႅၵ်ႇၽႄႇသႃႇသၼႇၶရိတ်ႉ ပဵၼ်ၵႂႃႇသၢမ်ၵိူင်း။ 3 ၵိူင်းၼၼ်ႉၸမ်း 

ပွင်ႇဝႃႈ ၵူႊမိူင်းမိူင်း ပဵၼ်ၵိူင်းဢၼ်ၵဝ်ႇသေ ဢၼ်ယိပ်းၵမ်မၼ်ႈ ၵႂၢမ်းးသင်ႇသွၼ်ႇၶွင် ၸဝ်ႈယေႇသုသေယဝ်ႉ ၼပ်ႉယမ်ပႃး ၸဝ်ႈၼၢင်းမေႇရီႇ လႄႈ ၸဝ်ႈလီၵူႊတူၼ်တူၼ်။ တီႈတႂ်းဝတ်ႉဝႃးၶွင်ၵိူင်းၼႆႉၼႆႉ တေမီးႁုၼ်ႈႁၢင်ႊ ၸဝ်ႈယေႇသု၊ ၸဝ်ႈၼၢင်းမေႇရီႇ လႄႈ ၸဝ်ႈလီလၢႇလၢႆတူၼ်။ မီးသုၼ်ၵၢင်ၵုမ်းၵႂၢၼ်းယူႇတီႈ ငဝ်ႈလုမ်းသၼ်ႇတႃႇ မီး [ၸဝ်ႈသၼ်ႇတႃႇပႃႇပႃႇ ပဵၼ်ႁူဝ်ၼႃႈ ဢၼ်ပၼ်ႇပုတ်ႈၵၼ်မႃးတင်ႈတႄႇမိူဝ်ႈပၢၼ် ၽူႈတႅၼ်း ၸုမ်းဢွၼ်တၢင်းသူတ်း ။  ယုမ်ႇယမ်ဝႃႈ ၽူႈလီ သီးၼူမ်းပႄတြူဝ်း  ပဵၼ်ၸဝ်ႈသၼ်ႇတႃႇပႃႇပႃႇတူၼ်ႈဢွၼ်တၢင်းသုတ်း။  မၼ်းၸဝ်ႈလႆႈႁပ်ႉလွင်ႈယိုၼ်ယွမ်း မႃးတီႈၽြႃးပဵၼ်ၸဝ်ႈ ႁႂ်ႈၵုမ်းၵႂၢၼ်း သႃႇသၼႃႇတင်းသဵင်ႈတင်းလူင်လႄႈ ပုတ်ႈသိုုပ်ႇမႃးထိုင်  ၸဝ်ႈၼိူဝ်ႁူဝ်သၼ်တႃႇပႃႇပႃႇၾရၢၼ်ႉသိတ်ႉ ။ တူၼ်မိူဝ်ႈယၢမ်းလဵဝ် ပဵၼ်တူၼ်ႈထီႈ  266 ။ ၶႅတ်ႉႀလိၵ်ႉ မီးမုၼ်ၸဝ်ႈ ဢၼ်ႁွင်ႉဝႃႈ ပေႃႈလူင်  လႄႈ မီးၽူႈၶဝ်ႈၸုမ်း ၸုမ်းမုၼ်ၸဝ်ႈၶႅတ်ႉႀလိၵ်ႉ  ။ သင်ပဵၼ်ၵူၼ်းၸၢႆးၸိုင် ႁွင်ႉဝႃႈ ပြႃးတႃးbrother)၊ သင်ပဵၼ်ၽူႈယိင်း ႁွင်ႉဝႃႈ သိတ်ႉသတိူဝ်ႇ  (sister) မီးၽူႈၼပ်ႉထိုဝ်သႃႇသၼႃႇၵိူင်းၼႆႉယူႇမွၵ်ႇ 1000 လၢၼ်ႉေၵး။ သႃႇသၼႃႇၵိူင်းၼႆႉ ယုမ်ႇယမ်ဝႃႈ ပေႃႈလူင် ပဵၼ်ၽူႈ ၵပ်းသိုပ်ႇပၼ်ၼႂ်းၵႄႈ




#Article 23: Computer keyboard (166 words)


ပေႃးဝႃႈတီႈ ၶွမ်ႇပိဝ်ႇတႃႇၼႆႉ ဢၼ်ပဵၼ် ၶီးပူတ်ႉ ၶွမ်ႇပိဝ်ႇတႃႇ computer keyboard ၼႆႉ မၼ်းပဵၼ်ၶိူင်ႈၼင်ႇ ၸၢၵ်ႇပေႃႉလိၵ်ႈၵူႈပွၵ်ႈၼၼ်ႉယဝ်ႉ။ မၼ်းၼႆႉ ဢဝ်ၼဵၼ် ဢမ်ႇၼၼ် သေႃးသေ ၶပ်ႉၸႅၼ်ႇဝႆႉ တႃႇႁဵတ်းၼင်ႇ လီႇပႃႇၶိူင်ႈၸၢၵ်ႈ ဢမ်ႇၼၼ် တႃႇႁဵတ်းၼင်ႇ ၼဵၼ်ၶိူင်ႈၽႆးၽႃႉယဝ်ႉ။ 
တီႈ ၶီးပူတ်ႉ Keyboard ၼႆႉၵမ်ႉပႃႈၼမ် တေလႆႈႁၼ် ဢဝ်ႁၢင်ႈတူဝ်လိၵ်ႈ ပေႃႉတဵင်ၸပ်းတိတ်းသႂ်ႇဝႆႉ ၼိူဝ်မၼ်းသေ ပေႃးႁဝ်းၼဵၵ်းသႂ်ႇၼိူဝ် ၼဵၼ်ဢၼ် လႂ်ၵေႃႈ ဢၼ်ပဵၼ် ႁၢင်ႈၽၢင်တူဝ်လိၵ်ႈၼၼ်ႉ မၼ်းတေဢွၵ်ႇမႃးပၼ်။ တူဝ်လိၵ်ႈမၢင်တူဝ်ၼႆႉ ပေႃးၼဵၵ်းၵမ်းလဵဝ်ၵေႃႈ မၼ်းတေဢွၵ်ႇပၼ်သေ တႃႇမၢင် တူဝ်ၼႆႉ တၵ်းတေလႆႈၼဵၵ်း ၼဵၼ်လၢႆဢၼ်ႁူမ်ႈၵၼ်မိူဝ်ႈလဵဝ်သေ မၼ်းၸင်ႇတေဢွၵ်ႇပၼ်ၵေႃႈမီး။  ၼဵၼ်ဢၼ်မီးတီႈၼိူဝ် ၶီးပူတ်ႉ ၽၢင်ၼဵၵ်း ၼႆႉ မၼ်းတေဢဝ် တူဝ်လိၵ်ႈ၊ တူဝ်ၼပ်ႉ ဢမ်ႇၼၼ် ႁၢင်ႈလၢႆး Signs ဢွၵ်ႇပၼ်သေ ပေႃးၼဵၵ်းပၼ်ၼဵၼ်လၢႆဢၼ်ႁူမ်ႈမိူဝ်ႈလဵဝ်ၵၼ်ၸမ်ႉ မၼ်းတေ ႁဵတ်းပဵၼ် ၵၢၼ် မႃးၼိုင်ႈဢၼ် ဢမ်ႇၼၼ် မၼ်းတေပၼ်ၶေႃႈပူင်ၸူး ၶွမ်ႇပိဝ်ႇတႃႇ ႁႂ်ႈႁတေ်းပၼ် ၵၢၼ်ႁဝ်းသေလွင်ႈလွင်ႈ ၼႆယဝ်ႉ။ ႁူမ်ႈဝႃႈ ႁဵတ်းဢွၵ်ႇ ၶိူင်ႈဢဝ်ၶေႃႈမုၼ်းသႂ်ႇၶဝ်ႈ ၼႂ်းၶွမ်း တင်းၼမ်တင်းလၢႆ မိူၼ်ၼင်ႇ  mouse, touchscreen, pen devices, character recongnition လႄႈ voice recognition ၸိူဝ်းၼႆႉသေတႃႉ ဢၼ်ပဵၼ် ၶီးပူတ်ႉ ၽၢင်ၼဵၵ်းၼႆႉ မၼ်းတိုၵ်ႉပဵၼ် ၶိူင်ႈၸႂ်ႉၼမ် တွၼ်ႈတႃႇၵူၼ်း တႃႇဢဝ်ၶေႃႈမုၼ်းသႂ်ႇၶဝ်ႈၸူး တီႈၼႂ်းၶွမ်ႇပိဝ်ႇတႃႇယူႇ။
ဢၼ်လႆႈၸႂ်ႉတိုဝ်းၼမ်တႄႉၵေႃႈ ၽၢင်ႈၼဵၵ်း ၶီးပူတ်ႉၼႆႉ ႁဝ်းၶႃးလႆႈၸႂ်ႉ တွၼ်ႈတႃႇ ႁၢင်ႈတေႃႇၼႃႈ ၵၢၼ်ပေႃႉလိၵ်ႉ  text entry interface  တွၼ်ႈတႃႇ ပေႃႉ လိၵ်ႈ၊ ပေႃႉတူဝ်ၼပ်ႉ သႂ်ႇၶဝ်ႈၸူး word processor, text editor  ဢမ်ႇၼၼ် ၽရူဝ်ၶရႅမ်ႇ တၢင်ႇၸိူဝ်း။ ၼႂ်း ၶွမ်ႇပိဝ်ႇတႃႇ ၶိုတ်းၵၢပ်ႈ ယၢမ်းမိူဝ်ႈလဵဝ်ၼႆႉၼႆၸိူဝ်း ပဵၼ် လွင်ႈၼဵၵ်းၼဵၼ် ၽၢင်ၼဵၵ်းၼႆႉ မၼ်းၸႂ်ႉမႃး တွၼ်ႈတႃႇ ၵုမ်းၵမ် သွပ်ႉဝႄးလ်သေၵွၼ်ႇယဝ်ႉ။  မၼ်းၸၢင်ႈဢဝ်ၸႂ်ႉပႃး တႃႇတေလဵၼ်ႈ ၵဵမ်း ၶွမ်ႇပိဝ်ႇတႃႇ၊ ၽၢင်ၼဵၵ်း ၶီးပူတ်ႉ မၢင်ၸိူဝ်းၼႆႉ ၶဝ်ႁဵတ်းဝႆႉ ႁႂ်ႈၶိုၵ်ႉတွၼ်း တွၼ်ႈတႃႇ လဵၼ်ႈၵဵမ်း ႁႂ်ႈပေႃးၼဵၵ်းလႆႈ ငၢႆႈငၢႆႈ လူမ်လူမ်ၼႆလူးၵွၼ်ႇ။ ၽၢင်ၼဵၵ်း ၶီးပူတ်ႉၼႆႉ မၼ်းၸၢင်ႈပၼ်ၶေႃႈပူင်ၸူး ပိူင်သၢင်ႈၶွမ်း Operation system တႃႇ ၶွမ်ႇပိဝ်ႇတႃႇသေၵွၼ်ႇ၊ မိူၼ်ၼင်ႇ  Windows' Control-Alt-Delete ၼဵၼ်ႁူမ်ႈၵၼ် ၼႆႉယဝ်ႉ။ ၼႆႉ မၼ်းတေႁွင်ႉၼႃႈၵၢၼ် ဝိၼ်းတူဝ်းၶိုၼ်ႈမႃး ဢမ်ႇၼၼ် မၼ်းတေဢိုတ်း ၶွမ်ႇပိဝ်ႇတႃႇ။ ဢၼ်ပဵၼ် command-line interface ၼႆႉၵေႃႈ မၼ်းပဵၼ် ႁၢင်ႈတေႃႇၼႃႈ user interface  ဢၼ်ၸၢင်ႈလုၵ်ႉတီႈ ၽၢင်ၼဵၵ်း ၶီးပူတ်ႉသေ ႁဵတ်းၵၢၼ်ၼႆယဝ်ႉ။




#Article 24: Cursor (user interface) (304 words)


ဢၼ်ပဵၼ် Cursor ဢၼ်ဝႃႈၼႆႉ မၼ်းပဵၼ် တူဝ်ၸီႉၼႄ ဢွင်ႈတီႈ ဢၼ်မီးတီႈၼိူဝ် ၼႃႈၸေႃး ၶွမ်ႇပိဝ်ႇတႃႇသေ မၼ်းၼႄပၼ် ဢွင်ႈတီႈ တွၼ်ႈတႃႇ ၽူႈၸႂ်ႉတိုဝ်းၶဝ် တေလႆႈပေႃႉလိၵ်ႈသႂ်ႇႁိမ်းလႂ် ၼႆၶႃႈဢေႃႈ။ တီႈၼႂ်း ပိူင်သၢင်ႈ ဢၼ်ၸႂ်ႉဝႆႉ graphic user interface (GUI) ၼၼ်ႉၼႆ တေလႆႈႁၼ် Cursor ၼႆႉ ၶၢႆႉၸွမ်း၊ ၵႂႃႇၸွမ်း ပိုၼ်ၸီႉ ဢၼ်ၽႂ်ႉၸႂ်ႉတိုဝ်း ၶဝ်ၸႂ်ႉဝႆႉ မိူၼ်ၼင်ႇ Mouse,  Touch pad ဢမ်ႇၼၼ် မိူၼ်ၼင်ႇ ၶိူင်ႈဢူၼ်း ၶေႃႈမုၼ်းသႂ်ႇ input device သေဢၼ်ဢၼ်ၼၼ်ႉယဝ်ႉ။ ၵမ်ႉပႃႈၼမ်တႄႉ ပေႃးဝႃႈ Cursor ၼႆႉ မၼ်းတေပဵၼ်ၼင်ႇႁၢင်ႈ ပိုၼ်ဢွၼ်ႇသေ ပေႃးဝႃႈ ၸႂ်ႉတီႈ တွၼ်ႈတႃႇ ပေႃႉလိၵ်ႈသႂ်ႇၼႆႉတႄႉ မၼ်းတေပဵၼ်ဝႆႉၼင်ႇ underscore ဢၼ်ၽဵပ်ႉယုပ်းၽဵပ်ႉယုပ်းဝႆႉ ဢမ်ႇၼၼ် မၼ်းတေပဵၼ်ဝႆႉ သၢႆၸုၵ်း vertical bar ဢွၼ်ႇဝႆႉဢေႃႈ။ ၸိူဝ်းပဵၼ် ပိူင်သၢင်ႈၶွမ်း  Operating Systems ၵမ်ႉပႃႈၼမ်တႄႉ ၶဝ်ပၼ်သုၼ်ႇႁႂ်ႈ ၽူႈၸႂ်ႉတိုဝ်းၶဝ် လႅၵ်ႈလၢႆႈ ၸႂ်ႉ ၸိူဝ်းပဵၼ် ႁၢင်ႈ Cursor ယူႇ။ ယွၼ်ႉပိူဝ်ႈၼၼ်လႄႈ ၸဝ်ႈၵဝ်ႇ လႆႈၸႂ်ၸႂ်ႉ ႁၢင်ႈၸိူင်ႉႁိုဝ်ၵေႃႈ ၸၢင်ႈလႅၵ်ႈလၢႆႈသေ ၸႂ်ႉၵႂႃႇလႆႈယူႇ။ မၢင်ၸိူဝ်းၵေႃႈ တေႁူႉဝႃႈ ပဵၼ် i-cursor ၼႆဢေႃႈ။

ဝေႃးႁၢၼ် Cursor ဢၼ်ဝႃႈၼႆႉ မၼ်းပဵၼ် ဝေႃးႁၢၼ် Latin လႅတ်ႇတိၼ်ႇ သေ မၼ်းမီးတီႈပွင်ႇဝႃႈ 'runner' ၵူၼ်းဢႅၼ်ႇ (ၵူၼ်းလႅၼ်ႈ) ၼႆယဝ်ႉ။ ယဝ်ႉၵေႃႈ Cursor ၼႆႉ ထုၵ်ႇဢဝ်တၢင်ႇပၼ်ၸိုဝ်ႈ သဵၵ်ႈမၢႆလဵၵ်ႉလဵၵ်ႉ ဢၼ်မီးထၢၼ်ႇ သဵၼ်ႈၶူၼ်ႁူဝ် ဢၼ်ပိူၼ်ႈတႅမ်ႈမၢႆဝႆႉၼိူဝ် မႆႉထတ်း Slide rule ၼၼ်ႉယဝ်ႉ။ ဢိင်ၼိူဝ် တီႈပွင်ႇတီႈၸႂ်ႉမၼ်း ၶႂ်ႈႁၢမ်ႉငၢႆးၵၼ်ဝႆႉလႄႈ ဝေႃးႁၢၼ်ၶေႃႈၵႂၢမ်း ဢၼ်ၼႆႉ ၸင်ႇဢဝ်ၶၢႆႉမႃးၸႂ်ႉ တီႈၼႂ်း ဝေႃးႁၢၼ် Computer ယူႇယဝ်ႉ။

Text Cursor ၼႆႉ ၵမ်ႉပႃႈၼမ် တေလႆႈႁၼ်တီႈ command-line-interfaces ဢမ်ႇၼၼ် တီႈ text editors ယဝ်ႉ။ ဢၼ်ပဵၼ် text cursor ၼႆႉ မၼ်းမီးၽၢင်ႈႁၢင်ႈ မၢႆလိၵ်ႈတူၵ်း ( ^ )၊ လွၵ်းသီႇၸဵင်ႇဢၼ်တၼ်၊ ဢမ်ႇၼၼ် သၢႆသဵၼ်ႈတင်ႈ ၸၵႂႃႇၸိူဝ်းၼႆႉသေ ၶဝ်ၸိူဝ်းၼႆႉၼႆႉ မၼ်းတေၼႄဝႆႉပၼ်တီႈတႃႇဢၼ် လိၵ်ႈႁဝ်းပေႃႉသႂ်ႇၼၼ်ႉ တေၶဝ်ႈမႃးယူႇၼၼ်ႉၼႆဢေႃႈ (the insertion point)။ ပေႃးတိုၵ်ႉပဵၼ် ၽွင်းပေႃႉလိၵ်ႈ တႃႇတေဢဝ် cursor ဢၼ်ပဵၼ် သၢႆသဵၼ်ႈတင်ႈ ၽဵပ်ႉယုပ်းဢွၼ်ႇ ဢွၼ်ႇ ဢွၵ်ႇၼႄ ႁႂ်ႈမၼ်းလႆႈႁၼ် ၽွင်းမိူဝ်ႈ တိုၵ်ႉပေႃႉလိၵ်ႈဢွၵ်ႇ ဢမ်ႇၼၼ် တေၶိုၼ်းၽိူမ်ႉထႅမ်သႂ်ႇ တူဝ်လိၵ်ႈထႅင်ႈၼၼ်ႉတႄႉ မၼ်းတေဢမ်ႇပဵၼ်လႆႈ။ ၵွပ်ႈပိူဝ်ႈၼၼ် ဢိင်ၼိူဝ် သၢႆငၢႆ၊ ဢွင်ႈတီႈမၼ်းသေ မၢင်တီႈမႃး လႆႈၸႂ်ႉ သၢႆသဵၼ်ႈတင်ႈ၊ မၢင်တီႈမႃးလႆႈၸႂ်ႉ cursor ဢၼ်ပဵၼ်ႁၢင်ႈ under socre ၊ ဢၼ်ပဵၼ်ႁၢင်ႈ block cursor။ ပေႃးပဵၼ် လိၵ်ႈတႆး လိၵ်ႈမၢၼ်ႈတႄႉ မၼ်းတၢင်ႈႁၼ်ငၢႆႈသေတႃႉ ပေႃးပဵၼ် လိၵ်ႈ ဢိင်းၵိတ်ႉမႃး ဢၼ်ပဵၼ် Cursor သၢႆသဵၼ်ႈတင်ႈ Vertical line ၼႆႉ မၼ်းၸၢင်ႈၵႂႃႇ လေႃးၵၼ်တင်း တူဝ်လိၵ်ႈ I ၶဝ်ၼၼ်ႉလႄႈ ၸင်ႇလႆႈၸႂ်ႉ ႁၢင်ႈ Cursor တၢင်ႇဢၼ်ယူႇယဝ်ႉ။ ဢၼ်ႁၼ်လႆႈ ထၢင်ႇၸႅင်ႈသေပိူၼ်ႈၼႆႉ မိူၼ်ၼင်ႇ ပေႃႉၶေႃႈပူင် Command line ၼၼ်ႉ Cursor မၼ်းၸႂ်ႉဝႆႉ ဢၼ်ပဵၼ်ႁၢင်ႈ Under score (-) ဢဝ်ဢေႃႈ။

ပေႃးပဵၼ်တီႈ ဢႅပ်ႇၽရီႇၶေးသျိၼ်း ဢၼ်ႁဵတ်းဝႆႉ တွၼ်ႈတႃႇ မႄးထတ်းလိၵ်ႈ ၵမ်ႉပႃးၼမ်တႄႉ ၸဝ်ႈၵဝ်ႇ ၸၢင်ႈၸႂ်ႉ arrow keys သီႇဢၼ်သေၵေႃႈ ၶၢႆႉၵႂႃႇ ၶၢႆႉမႃး ၶၢႆႉၶိုၼ်ႈ ၶၢႆႉလူင်းလႆႈယူႇ။ ပေႃးၶႂ်ႈၶၢႆႉဢဝ် ၶႃႇသႃႇ cursor ႁဝ်းၵႂႃႇတီႈ ၼႃႈလိၵ်ႈတၢင်ႇဢၼ် တၢင်ႇတီႈၼႆတႄႉ ႁဝ်းၶႂ်ႈၶၢႆႉၵႂႃႇတီႈလႂ်ၵေႃႈ ၵႂႃႇၼဵၵ်းၶလိၵ်ႉ Cliking ဢဝ်လႄႈ။ လွၵ်းလၢႆးၼႆႉတႄႉ မၼ်းၶႅမ်ႉလိူဝ်သေ ဢၼ်ႁဝ်းၸႂ်ႉ ၼဵၼ်ပိုၼ်သီႇႁၼ်သေ ၶၢႆႉဢဝ်ၼၼ်ႉဢေႃႈ။ မၼ်းၵေႃႈတေၸၢင်ႈ ၶၢႆႉၵႂႃႇလႆႈဝႆးဝႆး။ ပေႃးထိုင်တီႈၼႃႈလိၵ်ႈ ဢၼ်ႁဝ်းၶႂ်ႈဢဝ် ၶႃႇသႃႇ cursor ႁဝ်းၵႂႃႇဝႆႉၼၼ်ႉၵေႃႈ ၼဵၵ်းၶလိၵ်ႉပၼ် ၼိုင်ၵမ်းသေၵေႃႈ တင်းၶႃႇသႃႇ လႄႈ တူဝ်ၸီႉ pointer ၼႆႉ မၼ်းတေၵႂႃႇဢွၵ်ႇၼႄတီႈၼႃႈၸေႃး မိူဝ်ႈလဵဝ် ၵၼ်ယူႇယဝ်ႉ။

ဢၼ်ပဵၼ် ၶႃႇသႃႇတူဝ်လိၵ်ႈ ဢၼ်ၽႅပ်ႉယုပ်းၽႅပ်ႉယုပ်းၼၼ်ႉ ပေႃးဝႃႈမၼ်းၶၢႆႉတီႈမၼ်းၼႆႁဝ်း မၼ်းတေႁၢႆၵႂႃႇၸူဝ်ႈၵႅပ်ႉ။ ပေႃးဝႃႈ ႁဝ်းဢမ်ႇႁၼ်မၼ်းၼႆ ပဵၼ်မၼ်းၶၢႆႉဢွင်ႈတီႈယူႇ မၼ်းဢေႃႈ။ တႃႇတေၸွမ်းတူၺ်းလင်မၼ်းတႄႉ ယၢပ်ႇယူႇဢေႃႈ။ ယွၼ်ႉပိူဝ်ႈဝႃႈ ဢၼ်မၼ်းၶၢႆႉၵႂႃႇၼၼ်ႉၵေႃႈ ပဵၼ်ၸူဝ်ႈၵႅပ်ႉၽႅပ်ႉတႃၵူၺ်းလႄႈ တေဢမ်ႇႁၼ် ၽွင်းမၼ်းႁၢႆၵႂႃႇ။

ႁၢင်ႈတေႃႇၼႃႈ interface မၢင်ၸိူဝ်းၸမ်ႉ ၸႂ်ႉဝႆႉ underscore ဢမ်ႇၼၼ် ပႅၵ်ႈသၢႆသဵၼ်ႈလဵၵ်ႉလဵၵ်ႉဢွၼ်ႇ တွၼ်ႈတႃႇတေၸီႉၼႄပၼ် ၽူႈၸႂ်ႉတိုဝ်း တႃႇႁဵတ်းၵၢၼ် ၸဵမ်သႂ်ႇ (insert mode) ၼၼ်ႉဢေႃႈ။ insert ၸဵမ်သႂ်ႇဢၼ်ဝႃႈ ၼၼ်ႉ ၶိုၼ်းဢဝ် လိၵ်ႈၽိူမ်ႉထႅမ်ၸဵမ်သႂ်ႇ ၼႂ်းၵႄႈ လိၵ်ႈ ၸိူဝ်းမီးဝႆႉၼၼ်ႉဢေႃႈ။




#Article 25: ၵမ်ႇၽႃႇ (343 words)


ၵျူဝ်ႇၵမ်ႇၽႃႇ Earth ၼႆႉ ပဵၼ်ၵျူဝ်ႇ ဢၼ်ၵူၼ်းလႄႈသတ်း ယူႇသဝ်း ပဵၼ်ဢွင်ႈတီႈ တူၼ်ႈမႆႉမၢၵ်ႈမွၵ်ႇၶဝ် ဢွၵ်ႇႁုၼ်ႈမုၼ်းလႆႈၼၼ်ႉယဝ်ႉ။ ပေႃးလုၵ်ႈတီႈ လႅတ်ႇ ဢၢၼ်ႇမႃးၸိုင် ၶဝ်ႈပဵၼ် ၵျူဝ်ႇမၢႆသၢမ် လုၵ်ႈၼိုင်ႈ။ ၵမ်ႇၽႃႇ (လုမ်ႈၾႃႉ)ၼႆႉ မီးဝႆႉၵျူဝ်ႇၵႅမ်လုၵ်ႈၼိုင်ႈ ဢၼ်ပဵၼ် လိူၼ်ၼၼ်ႉယဝ်ႉ။ ၵမ်ႇၽႃႇၼႆႉ လႆႈဢဝ်ၶၢဝ်းယၢမ်း 365.2564 ဝၼ်းသေ ပၼ်ႇႁွပ်ႈလႅတ်ႇ ၼိုင်ႈႁွပ်ႈလႄႈ ႁွင်ႉဝႃႈ ၼိုင်ႈပီယဝ်ႉ။ ပေႃးဢဝ် လွင်ႈမၵ်းမၢႆဝၼ်း ရေႇတီႇယူဝ်ႇမႅတ်ႉထရိတ်ႉဝႃႈၸိုင် ၵမ်ႇၽႃႇၼႆႉ ဢႃႇယုမၼ်း မီးမႃး ပီပွင်း 4.54 ၿီႇလီႇယၢမ်ႇပီယဝ်ႉ ၼႆယူႇ။

လႅတ်ႇၼႆႉ ပိူင်းပၼ်သၢႆလႅင်း လႄႈ ပၼ်ပၼ် ထၢတ်ႈဢုၼ်ႇ တမ်ႈတီႈ ၵမ်ႇၽႃႇယဝ်ႉ။ လုၵ်ႈၵမ်ႇၽႃႇၼႆႉ ထၢတ်ႈၼမ်ႉ ၶဝ်ႈပႃးဝႆႉ 71% သေ ၼင်လိၼ် ၶဝ်ႈပႃးဝႆႉ 29% မွၵ်ႈၶၼၢၼ်ႉယူႇ။ ၼႂ်းၸုမ်းတူင်ႇဝူင်းလႅတ်ႇၼၼ်ႉ ၵမ်ႇၽႃႇၼႆႉဢၼ်လဵဝ်ၵူၺ်း ပဵၼ်တီႈယူႇ ဢၼ်တူဝ်သတ်းယူႇသဝ်းလႆႈ။ ၸိူဝ်ႉၽၼ်းတူဝ်ၸႂ် ဢၼ်ယူႇသဝ်း ၼိူဝ်ၵမ်ႇၽႃႇ မီးယူႇမွၵ်ႈ 10 – 14 မီႇလီႇယၢမ်ႇ။ ၸိူဝ်ႉၽၼ်းၵူၼ်းတႄႉ မီးယူႇ 7.6 ၿီႇလီႇယၢမ်ႇယဝ်ႉ။
ဢၼ်မီးႁိမ်းၸမ် ၵမ်ႇၽႃႇႁဝ်းၼၼ်ႉ ယွၼ်ႉပိူဝ်ႈ ၵျူဝ်ႇၽတ်း (ၵျူဝ်ႇၵျႃႇသပတေး) ၼႆႉ ႁႅင်းၸၼ်မၼ်း ႁႅင်းယႂ်ႇၼႃႇလႄႈ တေလႆႈဝႃႈ လွင်ႈမၢၵ်ႇႁိၼ်မိၼ် တေမႃးတူၵ်းသႂ်ႇ ၼိူဝ်ၵမ်ႇၽႃႇႁဝ်းၼၼ်ႉ မၼ်းႁႄႉၵင်ႈပၼ်ဝႆႉယူႇ ၼႆယဝ်ႉ။ ဝၢႆးသေ လူၵ်ႈၵမ်ႇၽႃႇ တႄႇတင်ႈပဵၼ်မႃးယဝ်ႉ မိူဝ်ႈပီၿီႇလီႇယၢမ်ႇ မိူဝ်ႈၸဝ်ႉၼၼ်ႉ တူဝ်မီးၸႂ်ၶဝ် တေလႅပ်ႈတႄႇမီးမႃး ၼႂ်းၼမ်ႉပၢင်ႇလၢႆႇ ၼမ်ႉသမုတ်ႉတရႃႇယဝ်ႉ။ ယွၼ်ႉပိူဝ်ႈ လူမ်းၵမ်ႇၽႃႇလႄႈ ၼင်လိၼ်မႃးၵုမ်ႉၸွႆႈၵၼ်သေ မိူဝ်ႈပူၼ်ႉမႃး ပီပွင်း 4.1 ၿီႇလီႇယၢမ်ႇၼၼ်ႉ သတ်းတူဝ်မီးၸႂ် လႅပ်ႈတေ ပဵၼ်မႃး မီးမႃးယူႇယဝ်ႉ။ ပေႃးဢဝ် ပိုၼ်းၵမ်ႇၽႃႇဝႃႈၸိုင် ယွၼ်ႉပိူဝ်ႈ လႆႈထူပ်းမႃး လွင်ႈမူၺ်ႉၸိူဝ်ႉၶိူဝ်း ၸိူဝ်ႉၽၼ်းတူဝ်ၸႂ်လႄႈ ၸၢဝ်းတူဝ်မီးၸႂ် 99% ၼၼ်ႉ ယၢမ်ႈလႆႈ လူႉႁၢႆမႃးယဝ်ႉ။ ၸိူဝ်ႉၽၼ်း ဢၼ်တိုၵ်ႉၵိုတ်းဝႆႉ ယူႇ တေႃႇထိုင် ယၢမ်းမိူဝ်ႈလဵဝ်ၼႆႉ ႁႅင်ႉၵႂၢင်ႈၶႂၢင်ၼႃႇလႄႈ ယင်းပႆႇၸၢင်ႈ လၢတ်ႈၼႄၵၼ်လႆႈ ၸေးၸွတ်ႇၵွၼ်ႇ။

လွင်ႈၽွတ်ႈပဵၼ် လႅတ်ႇၼႆႉ ဢႃႇယုဢၼ်ၵႄႇသေပိူၼ်ႈၼၼ်ႉ မီးမႃး ပီပွင်း 4.5672 ± 0.0006 ၿီႇလီႇယၢၼ်ႇပီယဝ်ႉ။ ပေႃးဢဝ်ၸွမ်း ႀီႇဢူဝ်ႇရီႇဝႃႈၸိုင် ၵမ်ႇၽႃႇၼႆႉ ပဵၼ်ၸၢၵ်ႈလႅတ်ႇ တႅၵ်ႇဢွၵ်ႇသေ ပဵၼ်မႃးၼႆယဝ်ႉ။ 

ပုၼ်ႈတႃႇ ဢၼႃႇၵၢတ်ႈ ၵမ်ႇၽႃႇမိူဝ်းၼႃႈၼၼ်ႉ မၼ်းၵပ်းၵၢႆႇၵၼ် တင်းလႅတ်ႇဝႆႉယူႇ။ ပေႃးထႅင်ႈ ပီပွင်း 1.1 ၿီႇလီႇယၢၼ်ႇၸိုင် လွင်ႈႁိူဝ်ႈလႅင်း လႅတ်ႇၼႆႉ တေႁႅင်းလိူဝ်သေၼႆႉ 10%၊ ပေႃးထႅင်ႈ ပီပွင်း 3.5 ၿီႇလီႇယၢၼ်ႇၸိုင် တေလိူတ်ႇႁိူဝ်ႈလႅင်းလိူဝ်ၼႆႉ 40% ၼႆယဝ်ႉ။ ၵမ်ႇၽႃႇ မိူင်းၵူၼ်းၵေႃႈ တေမႆႈလိူဝ်မႃး ႁႅင်းၶွၼ်ႈ ထၢတ်ႈၶႃႇပုၼ်ႇတၢႆႇဢွၵ်ႉသၢႆႉ တေယွမ်းမႃးယူႇ။ ပေႃးပဵၼ်ၼၼ်မႃးၸိုင် ၼႂ်းပီပွင်း 500 တေႃ 900 မီႇလီႇယၢၼ်ႇၼၼ်ႉ တူၼ်ႈမႆႉ တူၼ်ႈမွၵ်ႇၸိူဝ်းၼႆႉ ဢဝ်လၢႆးၾူဝ်ႇတူဝ်ႇသိၼ်ႇတိတ်ႉသိတ်ႉသေ တေဢမ်ႇၸၢင်ႈ ႁဵတ်းၵၢၼ် တႃႇမုၼ်းယႂ်ႇမႂ်ႇၵီႈမႃးလႄႈ တူၼ်ႈမႆႉ တေလဵၵ်ႉၵေႇဢေႇမၢင်ၵႂႃႇ။ ယွၼ်ႉၼၼ် လူမ်းဢွၵ်ႉသီႇၵျိၼ်ႇၵေႃႈ တေဢေႇၵႂႃႇ။ ပေႃးႁိုင်မႃးထႅင်ႈ ပီပွင်း 1 ၿီႇလီႇယၢၼ်ႇၸိုင် ၼမ်ႉဢၼ်မီးၼိူဝ်လိၼ်တင်းသဵင်ႈ တေႁႅင်ႈႁႅတ်းၵႂႃႇ၊ ႁႅင်းမႆႈ ၵမ်ႇၽႃႇၵေႃႈ တေထိုင်ၵႂႃႇ 70°C (158°F) ယူႇ၊ တႄႇဢဝ် ၶၢဝ်းယၢမ်းၼၼ်ႉၵႂႃႇ ထႅင်ႈပီပွင်းမွၵ်ႈ 500 မီႇလီႇယၢၼ်ႇၼၼ်ႉ တူဝ်မီးၸႂ် လႅပ်ႈတေသိုပ်ႇယူႇသဝ်းၵႂႃႇလႆႈယူႇ။ သင်ဝႃႈ ပၢၵ်ႈပႅတ်ႈလူမ်း ၼၢႆႇထရူဝ်ႇၵျိၼ်ႇၸိုင် ထႅင်ႈပီပွင်း 2.3 ၿီႇလီႇယၢၼ်ႇၼၼ်ႉ တူဝ်မီးၸႂ် တေလႅပ်ႈယူႇလႆႈယူႇ။ သင်ယုမ်ႇယမ်ဝႃႈ လႅတ်ႈၼႆႉ တေသိုပ်ႇ ၼိမ်မၼ်ႈယူႇၸိုင် ၼႂ်းပီပွင်း 1 ၿီႇလီႇယၢၼ်ႇၼၼ်ႉ ၼမ်ႉသမုတ်ႇတရႃႇ မွၵ်ႈ 27% ၼၼ်ႉ တေႁွတ်ႈထိုင်ၵႂႃႇ တီႈၼႂ်းပိုၼ်ႉလိၼ်ၵမ်ႇၽႃႇယူႇ ၼႆယဝ်ႉ။

ပေႃးထႅင်ႈပီပွင်း 5 ၿီႇလီႇယၢၼ်ႇၸိုင် လႅတ်ႇၼႆႉ တေယဵၼ်းပဵၼ်ၵႂႃႇ လၢဝ်လႅင်လူင်သေ တေယႂ်ႇလိူဝ်သေၼႆႉ 250 ပုၼ်ႈယဝ်ႉ။ တၢင်းယႂ်ႇမၼ်း တေမီး 1 AU (လၵ်းပွင်း 93 မီႇလီႇယၢၼ်ႇ)ယဝ်ႉ။ ၵမ်ႇၵျမ်ႇမႃႇ ၵမ်ႇၽႃႇလူင်ႁဝ်းၼႆႉၵေႃႈ တေႃႈဢမ်ႇတႅတ်ႈၼႅတ်ႈ။ ယွၼ်ႉပိူဝ်ႈ ဢမ်ႇမီး ႁႅင်း Tidal effect  ယဝ်ႉလႄႈ လႅတ်ႇၼႆႉ တေသုတ်ႉၶၢႆႉ ယၢၼ်ၵႆ သၢႆတၢင်းပၼ်ႇၵမ်ႇၽႃႇၵႂႃႇ မွၵ်ႈ 1.7 AU ယဝ်ႉ။ လွင်ႈႁိူဝ်ႈလႅင်းလႅတ်ႇၼၼ်ႉၵေႃႈ တေႁိူဝ်ႈႁႅင်းလိူဝ်မႃး 500 ပုၼ်ႈလႄႈ တူဝ်မီးၸႂ် ၼိူဝ်ၵမ်ႇၽႃႇတင်းသဵင်ႈ ဢမ်ႇၼၼ် တင်းၼမ် တေလူႉလႅဝ်ယူႇ။ ယွၼ်ႉ ဢမ်ႇမီး Tidal effect လႄႈ ၵမ်ႇၽႃႇၼႆႉ တေၶဝ်ႈၵႂႃႇၸူးၸမ် လႅတ်ႇသေ တေမႆႈလႅဝ်ၵႂႃႇၼႆယဝ်ႉ။

ၼႂ်းၵႃႊ လူၵ်ႈလူင်ၵဝ်ႈဢၼ် ဢၼ်မီးတီႈၼႂ်းပၵ်းပိူင်လႅင်ႊဝၼ်းၼႆႉ လုမ်ႈၾႃႉၼႆႉ ပဵၼ်လူၵ်ႈဢၼ်ယႂ်ႇသေပိူၼ်ႈ တီႈသုတ်းထူၼ်ႈထီႈႁႃႈယဝ်ႉ။ ယဝ်ႉသမ်ႉ ပဵၼ်လူၵ်ႈ ဢၼ်တီႈၵူၼ်းၶူင်းၵၢင်ႁဝ်း ယူႇသဝ်းၼၼ်ႉယဝ်ႉ။ လုမ်ႈၾႃႉၼႆႉ 

လႆႈဝႃႈႁမ်ႉၶႂ်ႈပဵၼ်ၼင်ႇ ပိူင်ၾၢင်ႁၢင်ႊမၢၵ်ႇၼင်ၼၼ်ႉယဝ်ႉ။ မီးတၢင်းၵႂၢင်ႈမွၵ်ႈ 7,920 လၵ်း(12,743 ၵီႇလူဝ်ႇမီႇထိူဝ်ႇ)ယဝ်ႉ။ တႃႇမွၵ်ႈ 29 ဝၢၵ်ႈလႅၼ်ႊၵႂၢင်ႈလုမ်ႈၾႃႉပတ်းပိုၼ်ႉ ဢၼ်ပဵၼ်တႃႇ 197 လၢၼ်ႉလွၵ်းလၵ်း(510 လၢၼ်ႉလွၵ်းၵီးလူဝ်းမီးတႂ်း)ၼႆႉ ပဵၼ်လိၼ်ယဝ်ႉ။ ဢၼ်ၵိုတ်းထႅင်ႈလႅၼ်ႊၵႂၢင်ႈလုမ်ႈၾႃႉ ၸိူဝ်းၼၼ်ႉတႄႉ ပဵၼ်ၼမ်ႉသမုတ်ႉ တင်းပၢင်ႇလၢႆႇၶဝ်ႁူမ်ႈဝႆႉယဝ်ႉ။ 

ပွတ်းတွၼ်ႊၼႂ်းၵမ်ႈၾႃႇၼႆႉ ပဵၼ်ဝႆႉၸၼ်ႉထၢပ်ႈ ပိူင်လူင်မၼ်းသၢမ်ၸၼ်ႉယဝ်ႉ။ ၸၼ်ႉထၢပ်ႈတၢင်းၼႂ်းၼႂ်းၼၼ်ႉ ပဵၼ်ၵႅၼ်ၸႂ်ႊမၼ်း။ မၼ်းမီးလတ်းၵၢင်ႊမွၵ်ႈ 43,00 လၵ်း (6,919 ၵီးလူဝ်းမီးတႂ်း)။ ယဝ်ႉၵေႃႈ လႆႈယုမ်ႇယမ်ဝႃႈ ပိူင်လူင်မၼ်းပႃးႁႄႊၼိၵ်းၵလ်ႊ တင်းလဵၵ်းၶၢင်ယဝ်ႉ။ ၶဝ်ၼႆႉမီးဝႆႉပဵၼ်ဝႆႉတၢင်ႉမႆႈသုင်ႁႅင်းၼႃႇလႄႈ ပေႃးပဵၼ်ၼမ်ႉဝႆႉၼၼ်ႉယဝ်ႉ။ ၸဝ်ႈပၢႆးသၢႆႊၶဝ်ယုမ်ႇယမ်ဝႆႉဝႃႈ  ၵႅၼ်ႊၵၢင်ႊၸႂ်ႊၼႂ်းၼၼ်ႉ ပဵၼ်ဝႆႉႁူၺ်ႇမၢၵ်ႇလဵၵ်း ဢၼ်လွမ်ႊလူင်ဝႆႉၼႆလႂ်ယဝ်ႉ။ ဢၼ်ႁူမ်ႇႁေႃႇဝႆႉၸွမ်းၵႅၼ်ႊၵၢင်ႊၼႆႉ သမ်ႉပဵၼ်ၸၼ်ႉထၢပ်ႇႁိၼ်ၵႅၼ်ႇ ဢၼ်မီးတၢင်းၼႃမွၵ်ႈ 18,000လၵ်း( 2,896 ၵီးလူဝ်းမီးတႂ်း)ၼၼ်ႉယဝ်ႉ။ ၽၢႆႇၼိူဝ်ၼႆႉ ၸင်ႇပဵၼ်ၸၼ်ႉထၢပ်ႈလိၼ်မိူင်းယဝ်ႉ။ ၼႆႉၵေႃႈ ပဵၼ်ႁိၼ်ၵႅၼ်ႇၶဝ်သေပဵၼ်ဝႆႉၼင်ႇၵဝ်ႇယဝ်ႉ။ မၼ်းသမ်ႉမီးတၢင်းၼႃမွၵ်ႈ 20 လၵ်း (32 ၵီးလူဝ်းမီးတႂ်း) ၽၢႆႇတႂ်ႈလိုမ်လိၼ်သေ သမ်ႉၼႃမွၵ်ႈ သၢမ်လၵ်း(4.8 ၵီးလူဝ်းမီးတႂ်း) ၽၢႆႇတႂ်ႈၼမ်ႉသမုတ်ႉလူင်ၶဝ်ယဝ်ႉ။



#Article 27: Insertion Point (147 words)


ဢၼ်ပဵၼ် Insertion point ဢၼ်ဝႃႈၼႆႉ မၼ်းပဵၼ် ဢွင်ႈတီႈ location ဢၼ်မီးတီႈၼိူဝ် ၼႃႈၸေႃး screen ႁဝ်းၼၼ်ႉသေ မၼ်းပဵၼ် ဢွင်ႈတီႈ ဢၼ်တေဢဝ်  character တူဝ်လိၵ်ႈမႃး ပေႃႉသႂ်ႇ ထႅမ်သႂ်ႇ ၼၼ်ၶႃႈဢေႃႈ။ ဢွင်ႈတီႈၸိူဝ်းၼႆႉ မၼ်းတေၸၢင်ႈမီး တီႈၽိုၼ်လိၵ်ႈ text document ၊ ဢွင်ႈလွၵ်းတီႈ ၾွမ်ႇ form field ၊ တီႈလွၵ်းသႂ်ႇ ႁဵင်းလိၵ်ႈ တူဝ်ပိုတ်ႇဝႅပ်ႉ Web browser address bar ဢမ်ႇၼၼ် တေမီးသေတီႈတီႈ တီႈၼိူဝ်ၼႃႈၸေႃး ၸိူဝ်းပဵၼ် တီႈဢၼ်ပေႃႉသႂ်ႇ လိၵ်ႈသေတီႈတီႈယဝ်ႉ။

Insertion point ၼႆႉ မၼ်းတေၵႆႉ လႆႈႁၼ်ၼင်ႇ Cursor ၶႃႇသႃႇ ၽႅပ်ႉယုပ်းၼၼ်ႉယဝ်ႉ။ ၶႃႇသႃႇၼႆႉ ႁွင်ႉၸိုဝ်ႈမၼ်းဝႃႈ “I-beam pointer” ၼႆသေ ႁၢင်ႈၽၢင်မၼ်းတႄႉ မိူၼ်ၼင်ႇ တူဝ်မႄႈလိၵ်ႈ ဢင်းၵိတ်ႉ “I”  ဢမ်ႇၼၼ် မိူၼ်ၼင်ႇ သၢႆပူၵ်းတင်ႈ vertical line ၼၼ်ႉယဝ်ႉ။ ပေႃးဝႃႈ ၸဝ်ႈၵဝ်ႇ ၼဵၵ်း Keyboard သေ ပေႃႉလိၵ်ႈ ၼႆ မၼ်းတေဢွၵ်ႇမႃး ၽၢႆႇၶႂႃ ၶႃႇသႃႇ ၽႅပ်ႉယုပ်းၼၼ်ႉဢေႃႈ။ ပေႃးႁဝ်းပေႃႉလိၵ်ႈသႂ်ႇၵေႃႈ ဢၼ်ပဵၼ် insertion point  ၼႆႉ မၼ်းတေၶၢႆႉၵႂႃႇ ၽၢႆႇၶႂႃ တိၵ်းတိၵ်းယဝ်ႉ။ 

ၸဝ်ႈၵဝ်ႇ ၸၢင်ႈၵႂႃႇၼဵၵ်းသေ တီႈတီႈသေၵေႃႈ ၸၢင်ႈၶၢႆႉ လၢႆႈ Insertion point ယူႇ။ ပေႃးပဵၼ် တီႈၼႂ်း လွၵ်းလိၵ်ႈ ဢၼ်ၸၢင်ႈ ပေႃႉလိၵ်ႈသေဢၼ်ဢၼ်လႄႈ ပေႃးပဵၼ် ၼႃႈလိၵ်ႈ word processing ၼႆ ၸဝ်ႈၵဝ်ႇ ၸၢင်ႈၶၢႆႉလႆႈယူႇ။ ၸဝ်ႈၵဝ်ႇၶၢႆႉမၼ်းၵႂႃႇ တီႈႁိမ်းလႂ်ၵေႃႈ မၼ်းတေႁဵတ်းႁႂ်ႈ ၸဝ်ႈၵဝ်ႇ ထႅမ်သႂ်ႇလိၵ်ႈ ဢမ်ႇၼၼ် delete မွတ်ႇတူဝ်လိၵ်ႈ တီႈႁိမ်းၼၼ်ႉယဝ်ႉ။ ပေႃးၸဝ်ႈၵဝ်ႇ တဵၵ်းသေ ၼဵၵ်းသေ ၸၼ်မၼ်းၵႂႃႇၼႆ မၼ်းတေႁဵတ်းၵၢၼ် လိူၵ်ႈ ပၼ်တူဝ်လိၵ်ႈဢေႃႈ။ ပေႃး တူဝ်လိၵ်ႈၸိူဝ်းၼၼ်ႉ ထုၵ်ႇလိူၵ်ႈဝႆႉ ယဝ်ႉၼႆ ဢၼ်ပဵၼ် insertion point ၼၼ်ႉ မၼ်းတေပဵၼ် ဢၼ် တူဝ်ႈတၼ်း ဝႆႉ တႃႇဢဝ်လိၵ်ႈမႃးလႅၵ်ႈလၢႆႈသႂ်ႇယဝ်ႉ။ ပွင်ႇဝႃႈ ၽွင်းတိုၵ်ႉထုၵ်ႇလိူၵ်ႈဝႆႉသေ ပေႃးၸဝ်ႈၵဝ်ႇ ပေႃႉလိၵ်ႈသႂ်ႇၼႆ မၼ်းတေဢဝ် လိၵ်ႈဢၼ်မႂ်ႇၼၼ်ႉ မႃးတၢင်သႂ်ႇတီႈ လိၵ်ႈ ၸိူဝ်း ဢၼ်ၸဝ်ႈၵဝ်ႇ လိူၵ်ႈဝႆႉ ၼၼ်ႉဢေႃႈ။




#Article 28: ပၢႆးႁၢင်ႈ (484 words)


ပၢႆးႁၢင်ႈၼႆႉ ၽၢႆႇမၢၼ်ႈတႄႉ ဢဝ်ၵႂၢမ်းပႃႇလိသေ ၸႂ်ႉဝႆႉဝႃႈ (ရူပဗေဒ) ၽၢႆႇဢဵင်ႈၵလဵတ်ႈၶဝ်ဝႃႈ Physics ၼႆႉ လုၵ်ႉတီႈ ၶေႃႈၵႂၢမ်းၵရိၵ်ႉ φυσική (ἐπιστήμη) phusikḗ (epistḗmē) “တၢင်းႁူႉ ၼိူဝ်သၽႃႇဝ” လႄႈ φύσις phúsis “သၽႃႇဝ” ၼၼ်ႉသေ ယဵၼ်းပဵၼ်မႃး။ 
ပၢႆးႁၢင်ႈၼႆႉ ပဵၼ်တၢင်းႁူႉတၢင်းမေႃ ပၢႆးသၢႆႊ ၸွမ်းလူၺ်ႈ သၽႃႇဝတြႃးသေ ၵႄႈလိတ်ႈပၼ် ပိုၼ်ႉထၢၼ် ၶူဝ်းၶွင်ၸၵျႃႇဝလႃႇ ဢၼ်ဢၼ်ၼိုင်ႈလႄႈ ဢၼ်ၼိုင်ႈ တုမ်ႉတွပ်ႇ ၵွင်ႉၵၢႆႇၵၼ် ႁႂ်ႈပေႃးႁၼ် ၶေႃးတွပ်ႇမၼ်း ၼၼ်ႉယဝ်ႉ။ 
ပၢႆးႁၢင်ႈ Physics ၼႆႉ ပဵၼ်ပၢႆးၽႃႇသႃႇ ဢၼ်လဵပ်ႈႁဵၼ်း ၶူဝ်းၶွင်သၽႃႇဝ လႄႈ လွင်ႈတူင်ႉၼိုင် လွင်ႈမၼ်ႈယိုၼ်းၶဝ်ၼၼ်ႉယဝ်ႉ။ ပၢႆးႁၢင်ႈၼႆႉ လဵပ်ႈႁဵၼ်းပႃး ဢွင်ႈတီႈလႄႈ ၶၢဝ်းယၢမ်း။ ပၢႆးႁၢင်ႈၼႆႉ ၸႂ်ႉတိုဝ်း ၼမ်ႉႁႅင်း၊ ႁႅင်း၊ ၶူဝ်းၶွင် လႄႈ ထၢတ်ႈၾႆးၾႃႉယဝ်ႉ။ ပေႃးႁုပ်ႈသေ လၢတ်ႈၸိုင် ပၢႆးႁၢင်ႈ ရူႇပၿေႇၻၼႆႉ လဵပ်ႈႁဵၼ်းၸွပ်ႇၸႅတ်ႈ လွင်ႈသၽႃႇဝသေ ႁဵတ်းႁႂ်ႈမီးလွင်ႈပွင်ႇၸႂ် တီႈၼိူဝ် ၵူႈသမ်ႇၵူႈပိူင် ၼၼ်ႉယဝ်ႉ။ 
ၶေႃႈၵႂၢမ်း ဢၼ်ဝႃႈ ရူႇပၿေႇၻ ၼႆႉ လုၵ်ႉတီႈ ၶေႃႈၵႂၢမ်းပႃႇလိ (ရူပ = ႁၢင်ႈ၊ ၿေၻ = တၢင်းမေႃပၺ်ႇၺႃႇ) ၼႆလႄႈ ပွင်ႇဝႃႈ တၢင်းႁူႉတၢင်းမေႃ ဢၼ်လဵပ်ႈႁဵၼ်း ႁၢင်ႈၼႆယဝ်ႉ။ ဢဝ်တီႈပွင်ႇဝႃႈ တၢင်းမေႃ ဢၼ်မေႃၸၵ်းၽႄ ႁူႉႁၼ်လွင်ႈႁၢင်ႈ ၼႆၵေႃႈ လႆႈယူႇ။ 

ပၢႆးႁၢင်ႈ ရူႇပၿေႇၻၼႆႉ ယင်းတေ ၸဝ်ႉလိူဝ်သေ တၢင်းမေႃၼၵ်ႈၶၢတ်ႈၿေႇတၢင်ႇ မိူဝ်ႈမိုၼ်ႉသိုၼ်းၵွၼ်ႇၼၼ်ႉၵွၼ်ႇ။ မၢင်ပွၵ်ႈမၢင်လႂ်ၵေႃႈ ၶႂ်ႈမိူၼ် ပၢႆးဝူၼ်ႉ ၾီႇလေႃႇသူဝ်ႇၾီႇ၊ မိူၼ်ပၢႆးထၢတ်ႈ ꩪႃႇတုၿေႇၻသေ ဝၢႆးလင်မႃး သမ်ႉၶႂ်ႈငၢႆးမိူၼ် ပၢႆးၼပ်ႉ လႄႈ ပၢႆးတူဝ်မီးၸႂ် ၸီႇဝၿေႇၻယဝ်ႉ။ ထိုင်မႃး ပီႁူဝ်ပၢၵ်ႇ 16 ၼၼ်ႉ ၸင်ႇပဵၼ်မႃး ပၢႆးႁၢင်ႈပၢၼ်မႂ်ႇသေ ပဵၼ်မႃး ၽႃႇသႃႇၶေႃၶေႃယူႇ ဝႃႈၼႆသေတႃႉ မၢင်ပွၵ်ႈ တိုၵ်ႉၶႂ်ႈၵဝ်ႈၵဝ်လေႃးလႄးၵၼ် တင်းတၢင်ႇပၢႆးၸိူဝ်းၼၼ်ႉယူႇ။

ၵမ်ႉပႃႈၼမ် ပိူၼ်ႈတေဢွၼ်ၵၼ် ႁူႉထိုင်ဝႃႈ ပၢႆးႁၢင်ႈ ရူႇပၿေႇၻၼႆႉ ပဵၼ်ပၢႆးၽႃႇသႃႇ ဢၼ်လမ်ႇလွင်ႈသေ လွင်ႈၶိုၼ်ႈယႂ်ႇ ပၢႆးႁၢင်ႈၼၼ်ႉ လႆႈဢဝ် လွၵ်းလၢႆးပၢႆးပၺ်ႇၺႃႇ Technology သေ ၸၢမ်းတူၺ်းၵေႃႈ ႁူႉႁၼ်လႆႈယူႇ။ ပၢႆးႁၢင်ႈၼႆႉ မၢင်ပွၵ်ႈမၢင်လႂ် ၶဝ်ႈပဵၼ် ပၢႆးၼပ်ႉ လႄႈ ပၢႆးဝူၼ်ႉ Philosophy သေ ၽႄႈၵႂႃႇၼႂ်း ပၢႆးၽႃႇသႃႇ တၢင်ႇဢၼ်ယဝ်ႉ။ တီႈတႅၵ်ႈမၼ်း ယွၼ်ႉပိူဝ်ႈ ၸွပ်ႇၶူၼ်ႉႁူႉႁၼ်လႆႈ ထၢတ်ႈၾႆးၾႃႉမႄႈလဵၵ်းလႄႈ ၸင်ႇႁဵတ်းပဵၼ်မႃး TV, ၶွမ်ႇပိဝ်ႇထိူဝ်ႇ၊ လၢၵ်ႈၼၢၵ်ႈၼိဝ်ႇၵလီးယႃး လႄႈ ၶိူင်ႈၸၢၵ်ႈၸိူဝ်းၼၼ်ႉလႂ်၊ ယွၼ်ႉပိူဝ်ႈ ႁူဝ်ၸၢၵ်ႈ တႃႇမူဝ်ႇတၢႆးၼမႅၵ်ႉ ၶိုၼ်ႈယႂ်ႇမႃးလႄႈ ၸင်ႇပဵၼ်မႃး ၶိူင်ႈၸၢင်ႈ ဢၼ်တိုတ်ႉၸၼ်ရူတ်ႉၵႃးလႂ်၊ ယွၼ်ႉပိူဝ်ႈ လူင်ႉလႅၼ်ႇ လွင်ႈၶိူင်ႈၸၢၵ်ႈ မႅၵ်ႉၵႅၼ်းၼိၵ်ႉၸ် လႄႈ ၸင်ႇပဵၼ်မႃး ၸၢၵ်ႈၼပ်ႉဢၢၼ်ႇ Calculus လႄႈ ၶိူင်ႈထႆႇၵႅမ်ႇမရႃႇ ဢၼ်ထႆႇႁၼ်လႆႈ ၼႂ်းတူဝ်ၵူၼ်းႁဝ်း ၸိူဝ်းၼၼ်ႉယဝ်ႉ။

ၵၢပ်ႈပၢၼ်ယၢမ်းလဵဝ် ပၢႆးႁၢင်ႈ ရူႇပၿေႇၻၼႆႉ ၵႂၢင်ႈၶႂၢင်မႃးတိၵ်းတိၵ်းသေ ပဵၼ်မႃး ပၢႆးလဵပ်ႈႁဵၼ်း တႅတ်ႈၼႅတ်ႈ တႅတ်ႈတေႃး ဢၼ်ၸၼ်ႉသုင်ယဝ်ႉလႄႈ ၵိင်ႇၽႄမၼ်းၵေႃႈ မီးမႃးတင်းၼမ်။ တီႈတႅၵ်ႈမၼ်း ၵပ်းၵၢႆႇလူၺ်ႈ ပၢႆးႁၢင်ႈရူႇပၿေႇၻၼႆႉ ၸၢင်ႈၸႅၵ်ႇၽႄ ပႅၵ်ႇပိူင်ႈၵၼ် ပၢႆးဝူၼ်ႉ တီႇဢူဝ်ႇရီႇလႄႈ ပၢႆးတူဝ်ထူပ်းၼၼ်ႉယူႇ။ ၽၢႆႇပၢႆးဝူၼ်ႉၼၼ်ႉ ၼင်ႇႁိုဝ်တေလႆႈ ပၢႆးဝူၼ်ႉမႂ်ႇၼၼ်ႉ ၶဝ်ၵေႃႈ ၶတ်းၸႂ်သႂ်ႇႁႅင်းႁင်းၶဝ်၊ ပၢႆးတူဝ်ထူပ်းတႄႉ တေၸွပ်ႇၸႅတ်ႈၶူၼ်ႉၶႂႃႉတူၺ်း ပၢႆးဝူၼ်ႉၵဝ်ႇ/မႂ်ႇၸိူဝ်းၼၼ်ႉ မၢၼ်ႇဢမ်ႇမၢၼ်ႇ မႅၼ်ႇဢမ်ႇႇမႅၼ်ႈၼၼ်ႉယဝ်ႉ။ ၼႂ်းၶၢဝ်းတၢင်း သီႇသိပ်းပီၼႆႉ ပၢႆးႁၢင်ႈ မီးတၢင်းၶိုၼ်ႈယႂ်ႇမႃး တင်းၼမ်သေတႃႉ ပိူင်ပဵၼ်သၽႃႇဝ ဢၼ်ပႆႇႁႃႇႁၼ် ၶေႃႈတွပ်ႇမၼ်းၼၼ်ႉၵေႃႈ တိုၵ်ႉမီးဝႆႉယူႇလႄႈ ၽၢႆႇပၢႆးႁၢင်ႈ ရူႇပၿေႇၻၶဝ် သိုပ်ႇတူင်ႉၼိုင် ၵၢၼ်ၶဝ် လႅတ်းလႅတ်းၽၢႆၽၢႆဝႆႉယူႇ။

ပၢႆးႁၢင်ႈ ရူႇပၿေႇၻၼႆႉ မၼ်းသပ်းလႅင်းၼႄလႆႈ ပိူင်ပဵၼ် ၶိူင်ႈၶွင် ဢၼ်လဵၵ်ႉၼွႆႉလိူဝ်တွၼ်းသေ ဢႅၵ်ႉတမ်ႇ တေႃႇထိုင် ၶိူင်ႈၶွင်ယႂ်ႇလူင် ၸိူင်ႉၼင်ႇ ၵလႅၵ်ႉသီႇၶဝ်ၼၼ်ႉ တင်းၼမ်ယဝ်ႉ။ 

တီႈဢၼ်လပ်းသိင်ႇ ၵၢင်ၶိုၼ်းၼၼ်ႉ ႁႂ်ႈလႅင်းမႃး မိူၼ်ၼင်ႇ ၵၢင်ဝၼ်း၊ တီႈဢၼ်ၵႆၼၼ်ႉ ႁႂ်ႈပေႃးၸမ်၊ သဵင်ဢၼ်ၵႆၼၼ်ႉ ႁႂ်ႈပေႃးငိၼ်းလႆႈ ၸမ်ၸမ် လီလီ၊ ၼႂ်းတူဝ်ၶၼ်ႇထႃႇၵူၼ်းႁဝ်း ဢၼ်တႃဢမ်ႇတူၺ်းႁၼ်လႆးၼၼ်ႉ ႁႂ်ႈပေႃးတူၺ်းႁၼ်လႆႈၼႆသေ ၵူၼ်းႁဝ်း ဢွၼ်ၵၼ် ၶိုင်သၢင်ႈႁၢင်ႈပွင်ႇ ၶူင်သၢင်ႈ ႁဵတ်းပဵၼ်မႃး တင်းၼမ်ယူႇ။ မိူဝ်ႈၵွၼ်ႇၼၼ်ႉတႄႉ တႃႇဝႃႈ တေလႆႈငိၼ်း လႆႈႁၼ်ၼင်ႇၼၼ်ၼၼ်ႉ မၼ်းဢမ်ႇငၢႆႈငၢႆႈ၊ ၽၼ်ၵေႃႈ ၶဝ်ဢမ်ႇႁွၼ်ႇတွၼ်ႉ ၼွၼ်းၽၼ်မႃး။ ပေႃးဝႃး ဢမ်ႇမီးၸဝ်ႈပၢႆးသၢႆ ၽၢႆႇပၢႆးႁၢင်ႈၶဝ် ၶတ်းၸႂ် သေႃႉႁႃ သွၵ်ႈႁႃ ဝူၼ်ႉသၢၼ် ႁဵတ်းမႃးၸိုင် ၸိူဝ်းႁဝ်းၼႆႉ ပိၵ်ႉသမ်ႉ ထိုင်မႃး ၵၢပ်ႈပၢၼ်ၼင်ႇၼႆသေတႃႉ လွင်ႈလၢၵ်ႇလၢႆးၸိူဝ်းၼႆႉ ႁဝ်းၵေႃႈ တေႃႈတေ ဢမ်ႇထူပ်း။
ပၢႆးႁၢင်ႈ ရူႇပၿေႇၻၼႆႉ ဢဝ်ၶေႃႈၵႂၢမ်း ဢဵင်းၵလဵတ်ႈ Physics ၼၼ်ႉသေ ပိၼ်ႇပဵၼ်မႃး၊ Physics ၼၼ်ႉၵေႃႈ ငဝ်ႈတႄႇမၼ်း လုၵ်ႉတီႈ ၶေႃႈၵႂၢမ်းၵရိၵ်ႉမႃးသေ မီးတီႈပွင်ႇဝႃႈ “သၽႃႇဝ” ၼႆယဝ်ႉ။ လွင်ႈဢၼ် ၼမ်ႉလုၵ်ႉတီႈသုင် လႆလူင်း တီႈတႅမ်ႇ၊ လွင်ႈဢၼ် သဵင်လတ်းၵႂႃႇ ၼႂ်းလူမ်း၊ လွင်ႈၾႆး ဢွၵ်ႇဢၢႆမႆႈႁွၼ်ႉ ၸိူဝ်းၼၼ်ႉ မိူဝ်ႈၵွၼ်ႇတႄႉ ၵူၺ်းၵႄႈလိတ်ႈဝႃႈၵႂႃႇ မၼ်းပဵၼ်ၸွမ်း ပၢႆးသၢႆႊ သၽႃႇဝ ၵူၺ်းၼႆယဝ်ႉ။

ဝၢႆးၼၼ်ႉ ၸိူဝ်းဢၼ်ၶႂ်ႈႁူႉ ၶႂ်ႈႁၼ်လိူဝ်ၶဝ် လဵပ်ႈႁဵၼ်းၸွပ်ႇႁႃၶူၼ်ႉႁႃလႄႈ လုၵ်ႉတီႈ ပၢႆးသၢႆႊသၽႃႇဝ ၼၼ်ႉသေ ၸင်ႇတေပဵၼ်မႃးထႅင်ႈ ပၢႆးလႅင်လၢဝ်ၼၵ်ႈၶၢတ်ႈ (နက္ခတ္တဗေဒ)၊ ပၢႆးၼင်လိၼ် (ဘူမိဗေဒ)၊ ပၢႆးႁၢင်ႈ (ရူပဗေဒ) ၸိူဝ်းၼၼ်ႉယဝ်ႉ။ ပၢႆးထၢတ်ႈ (ဓါတုဗေဒ) ၼႆႉ ပဵၼ်ပၺ်ႇၺႃႇတၢင်းမေႃ ဢၼ်ၵပ်းၵၢႆႇလူၺ်ႈ ၶိူင်ႈၵွၼ်ႈၶိူင်ႈမမ်ႈ၊ တီႈၼႂ်းၵွၼ်ႈမမ်ႈၼၼ်ႉ မၼ်းၵႄႈလိတ်ႈပၼ် လွင်ႈဢႅၵ်ႉတမ်ႇလႄႈ မေႃႇလီႇၵိဝ်း ၵွင်ႉၵၢႆႇၵၼ်၊ လွင်ႈၶဝ်မီးတၢင်း လႅၵ်ႈလၢႆႈ ၸိူဝ်းၼၼ်ႉယဝ်ႉ။ ပၢႆးႁၢင်ႈ (ရူပဗေဒ) ၼႆႉ လုၵ်ႉတီႈ ပၢႆးသၢႆႊသၽႃႇဝသေ ပဵၼ်မႃး။ တၢင်းမေႃပၺ်ႇၺႃႇ ဢၼ်ၵပ်းၵၢႆႇလူၺ်ႈ ပၢႆးႁၢင်ႈ ရူႇပၿေႇၻၼၼ်ႉၵေႃႈ မီးထႅင်ႈလူးၵွၼ်ႇ။ တၢင်းမေႃပၺ်ႇၺႃႇၸိူဝ်းၼၼ်ႉ ပဵၼ်တၢင်းမေႃၽၢႆႇသဵင်၊ ၽၢႆႇႁႅင်းမႆႈ၊ ၽၢႆႇငဝ်းလႅင်း၊ ၽၢႆႇၾႆးၾႃႉ၊ ၽၢႆႇထၢတ်ႈမႄႈလဵၵ်း ၸိူဝ်းၼႆႉယဝ်ႉ။

လိူဝ်သေၼၼ်ႉ ဢၼ်ဢိင်ပိုင်ႈ ပိုၼ်ႉထၢၼ်ပၢႆးႁၢင်ႈသေ သပ်းလႅင်း ပၢႆးထၢတ်ႈ ပၢႆးႁၢင်ႈထၢတ်ႈ (Physical Chemistry) ၵေႃႈမီး၊ လိူဝ်သေၼၼ်ႉ ဢိင်ပိုင်ႈ ပိုၼ်ႉထၢၼ် ပၢႆးႁၢင်ႈသေ ဢၼ်ၸွပ်ႇႁႃၶူၼ်ႉႁႃ ပျသၼႃႇ တူဝ်မီးၸႂ်၊ ဢၼ်ၵပ်းၵၢႆႇတူဝ်မီးၸႂ်ၼၼ်ႉၵေႃႈ ႁွင်ႉဝႃႈ ပၢႆးႁၢင်ႈတူဝ်မီးၸီ (Bio-Physics) ၵေႃႈမီးယဝ်ႉ။ တၢင်းမေႃ ၸိူင်ႉၼင်ႇ ဢၼ်လၢတ်ႈမႃး ပႃႈၼိူဝ်ၸိူဝ်းၼႆႉ ဢၼ်ၼိုင်ႈလႄႈ ဢၼ်ၼိုင်ႈ ၵွင်ႉၵၢႆၵၼ် ၸမ်တႄႉတႄႉ။ လွင်ႈၸႅၵ်ႇၽႄသေ ပၼ်ၸိုဝ်ႈသဵင်ၵႂႃႇ ၼင်ႇၼႆၼၼ်ႉ ပဵၼ်ပုၼ်ႈတႃႇ မၢႆတွင်းငၢႆႈၼၼ်ႉယဝ်ႉ။

ၶေႃႈၵႂၢမ်း ဢၼ်ၵူၼ်းယူဝ်းယူဝ်း လၢတ်ႈလႄႈ ၶေႃႈၵႂၢမ်း ဢၼ်ၸႂ်ႉတိုဝ်း ၼႂ်းပၢႆးႁၢင်ႈ ရူႇပၿေႇၻၼၼ်ႉ မီးလွင်ႈပႅၵ်ႇပိူင်ႈၵၼ်ယူႇ။ တီႈတႅၵ်ႈမၼ်း ၵႃးဢၼ်ၵႂႃႇယူႇ ၼိူဝ်သဵၼ်ႈတၢင်းၼၼ်ႉ ၵူၼ်းယူဝ်းယူဝ်း တေလၢတ်ႈဝႃႈ တၢင်းၽႂ်းမၼ်း ၵႂႃႇလႆႈၵႆ မီးၶၼၢၼ်ႉ ၶၼၢႆႉ ၼႆယူႇ။ ပေႃးဢဝ် ပၢႆးႁၢင်ႈရူႇပၿေႇၻ ဝႃႈတႄႉ တၢင်းၽႂ်းမၼ်း ဢၼ်ယိုဝ်ႈၵႂႃႇ ၽၢႆႇလဵဝ်ၼၼ်ႉ ၸင်ႇမၵ်းမၼ်ႈပဵၼ် တၢင်းၽႂ်းၶၢဝ်းတၢင်းၵႆ မၼ်းယဝ်ႉ။ တီႈတႅၵ်ႈမၼ်း ၵႃးဢၼ်ၵႂႃႇ ၼႃႈတၢင်းႁွင်ႇၼၼ်ႉ ၼိုင်ႈၸူဝ်ႈမွင်း မၼ်းၵႂႃႇၵႆလႆႈ 30 လၵ်းၼႆၼၼ်ႉ တေလႆႈဝႃႈ တၢင်းၽႂ်းၶၢဝ်းတၢင်းၵႆမၼ်း ဢၼ်ၵႂႃႇၽၢႆႇႁွင်ႇၼၼ်ႉ ၵႂႃႇလႆႈ ၼိုင်ႈၸူဝ်ႈမွင်း 30 လၵ်း ၼႆယူႇ။ ၵူၺ်းၵႃႈ  တၢင်းၽႂ်းၶၢဝ်းတၢင်းမၼ်း ဢၼ်ၵႂႃႇတၢင်းဢွၵ်ႇလႄႈ တၢင်းတူၵ်းၼၼ်ႉ တေလႆႈဝႃႈ ပဵၼ်သုၼ်ၵူၺ်း။

လွင်ႈဢၼ် ၵမ်ႇၽႃႇပၼ်ႇလဵပ်ႈလႅတ်ႇသေ ၶၢႆႉၼိုင်ယူႇၼၼ်ႉ တေလႆႈဝႃႈ မၼ်းၶၢႆႉၵႂႃႇ မၢၼ်ႇမၢၼ်ႇယူႇ ၼႆသေတႃႉ တၢင်းၽႂ်းမၼ်းၼၼ်ႉ လႅၵ်ႈလၢႆႈဝႆႉယူႇ တႃႇသေႇယဝ်ႉ။ ၵွပ်ႈသင်ၼႆၸိုင် လွင်ႈဢၼ်ၵမ်ႇၽႃႇ လဵပ်ႈလႅၼ်ႇသေ ၵႂႃႇၼၼ်ႉ သၢႆတၢင်းမၼ်း ဢမ်ႇသိုဝ်ႈ၊ သၢႆတၢင်းမၼ်း ပဵၼ်သၢႆတၢင်း ပၼ်ႇမူၼ်းဝႆႉယဝ်ႉ။ လွင်ႈဢၼ်ၽႂ်းထိူင်းမၼ်း လႅၵ်ႈလၢႆႈ ပၼ်ႇလဵပ်ႈၵႂႃႇၼၼ်ႉ ႁွင်ႉဝႃႈ ႁႅင်းၽႂ်းမၼ်းၼႆယဝ်ႉ။ ႁႅင်းဢၼ်ၵမ်ႇၽႃႇ ပၼ်ႇၼႂ်းၵၢင်ႁၢဝ် (Space) ၼၼ်ႉ မီးလွင်ႈတၢင်း ၶိုၼ်ႈယႂ်ႇမႃးယူႇ။
လွင်ႈဢၼ်ၵႃး ႁေႃႈၵႂႃႇ ၼိုင်ႈၸူဝ်ႈမွင်း သၢမ်သီႇသိပ်းလၵ်းၼၼ်ႉ ပဵၼ်ယွၼ်ႉသင်၊ ပဵၼ်ယွၼ်ႉႁႅင်း တီႈၼွၵ်ႈ မႃးႁဵတ်းပၼ် မႃးၽိူမ်ႉပၼ်ၼၼ်ႉယဝ်ႉ။ မိူဝ်ႈပိတ်ႉ မၢၵ်ႇၼင်ၼၼ်ႉ ပေႃးၶႂ်ႈႁူႉ တၢင်းၽႂ်း မၢၵ်ႇၼင် မီးၵႃႈႁိုဝ်ၼႆၸိုင် တေလႆႈဢဝ် ႁႅင်းၽႂ်းမၢၵ်ႇလင်လႄႈ ၼမ်ႉၼၵ်းမၢၵ်ႇၼင်ၼၼ်ႉသေ သွၼ်ႇၼပ်ႉဢဝ်ယဝ်ႉ။




#Article 29: ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး (2089 words)


တႃႇတေပဵၼ်တူၼ်ႈမႃးၼၼ်ႉ တၵ်းတေလႆႈမီး ၸိူဝ်ႉယူႇ။ ပုၼ်ႈတႃႇ ပၢင်ပွႆး ပရိယတ်ႉတိသတ်ႉထမ်ႇမပႃႇလ တေပဵၼ်မႃးၼႆႉၵေႃႈ ၸိူဝ်ႉၽၼ်းမၼ်း လႆႈတႄႇမႃး တမ်ႈတီႈ ၸဝ်ႈမႁႃႇၼႃႇယၵ တူၼ်ႈၶူးလူင် ပၺ်ႇၺႃႇၽေႃးၵ (မိူင်းသူႈ) လႄႈ ၸဝ်ႈၾၶမ်းသိူၵ်ႈ (ၸွမ်ပွင်ၸိုင်ႈ မိူင်းၽွမ်ႉႁူမ်ႈမျၢၼ်ႇမႃႇ ၵေႃႉႁႅၵ်ႈ) ၽွင်းမိူဝ်ႈ ၶဝ်ၸဝ်ႈ ထူပ်းၺႃးၵၼ် တမ်ႈတီႈ ဝတ်ႉဝၸီႇရႃႇရႃႇမ၊ ၵျႅၵ်ႉၵသၢၼ်ႇ၊ ဝဵင်းတႃႈၵုင်ႈ ၽွင်းမိူဝ်ႈ ၸဝ်ႈၾၶမ်းသိူၵ်ႈ တိုၵ်ႉပဵၼ် ၸွမ်ပွင်ၸိုင်ႈ မိူင်းၽွမ်ႉႁူမ်ႈမျၢၼ်ႇမႃႇၼၼ်ႉယဝ်ႉ။ ယွၼ်ႉပိူဝ်ႈ ၸိူဝ်ႉၽၼ်းလီ ဢၼ်ၼႆႉသေ တႃႇတေသိုပ်ႇဢွၵ်ႇတူၼ်ႈမႃးၼၼ်ႉ သင်ႇၶႃႇၸဝ်ႈၶဝ် ၸိူဝ်းဝႃႇသၼႃႇမိူၼ်ၵၼ် ၸိူင်ႉၼင်ႇ ၸဝ်ႈသြႃႇဝိၸိတ်ႉတသႃႇရ (လၢင်းၶိူဝ်း) ႁူမ်ႈလူၺ်ႈ သင်ႇၶႃႇၸဝ်ႈၶဝ် ဢွၼ်ၵၼ် ဢုပ်ႇၵၼ် တမ်ႈတီႈ ၵျွင်းမူၺ်ႇတေႃႇ ပၢင်လူင် ၶဝ်ႈၵၢတ်ႇၼွႆႉၵၼ် ၼႂ်းဝူင်ႈၵၢင် ပီၶရိတ်ႉ 1953 တေႃႇ 1956 ၼၼ်ႉယူႇ။ ၵၢၼ်သင်သေဢမ်ႇဝႃႈ ႁူႉတၵႃႈ တေလႆႈမီး ၵၢၼ်လူင်ႈၼႃႈယူႇ။

ၸိူဝ်ႉပိတၵၢတ်ႈ ဢၼ်ၸဝ်ႈသြႃႇပၺ်ႇၺႃႇၽေႃးၵ လႄႈ ၸဝ်ႈၾၶမ်းသိူၵ်ႈ လႆႈလၢတ်ႈၵၼ်ဝႆႉၼၼ်ႉ ထိုင်မႃး ၵေႃးၸႃႇ 1319 လိူၼ်သိပ်းသွင်မႂ်ႇ 27/28/29 ဝၼ်း (18,19,20/11/1957) လႆးဝႃႈ မႃးပိုၼ်ၽၢဝ်ႇၼႄၵၼ် တမ်ႈတီႈ ႁူင်းငဝ်းတူင်ႉဢွင်ႇသီႇရိ ဝဵင်းလွႆလႅမ်ယဝ်ႉ။ တမ်ႈတီႈ ပၢင်ဢုပ်ႇၵၼ် တႃႇဢဝ် ပိတၵၢတ်ႈ ပိၼ်ႇပဵၼ်ၽႃႇသႃႇ ၽၢႆႇတႆးၼၼ်ႉ ၸဝ်ႈပၺ်ႇၺႃႇၽေႃးၵ (ၵျွင်းယုမ်းပွင်ႇ မိူင်းသူႈ) ႁဵတ်းပဵၼ် ၽူႈၼင်ႈၸိုင်ႈ၊ ၸဝ်ႈသြႃႇၸဝၼ ၵျွင်းလွႆၵိူၼ်ႇ မိူင်းပွၼ် ႁဵတ်းပဵၼ် ၽူႈၶပ်ႉပၢင်သေ သင်ႇၶႃႇတႆး တင်းၼမ် ႁူမ်ႈလူၺ်ႈ ၸုမ်းၸဝ်ႈၾ ဢိၵ်ႇလူၺ်ႈ ၵူၼ်းမိူင်းတႆး ဢွၼ်ၵၼ် ၶိုၼ်ႈႁွတ်ႈ ၽွတ်ႈပဵၼ် ၸုမ်းပိၼ်ႇၽႃႇသႃႇ ၽၢႆတႆး ၸွမ်းၼင်ႇ တီႈတႂ်ႈၼႆႉယဝ်ႉ။

 မႁႃႇၼႃႇယၵ - ၸဝ်ႈသြႃႇပၺ်ႇၺႃႇၽေႃးၵ ၵျွင်းယုမ်းပွင်ႇ မိူင်းသူႈ
 ႁူဝ်ပဝ်ႈ(1) - ၸဝ်ႈသြႃႇၵွင်းမူးပုတ်း ၵျွင်းၵွင်းမူးပုတ်း ဝၢၼ်ႈႁၢတ်ႇ လၢင်းၶိူဝ်း
 ႁူဝ်ပဝ်ႈ (2) - ၸဝ်ႈသြႃႇပၼ်ႇတိတ ၵျွင်းဝဵင်း မိူင်းၼွင်
 ၽူႈမၢႆ (1) - ၸဝ်ႈသြႃႇဝိၸိတ်ႉတသႃႇရ ၵျွင်းထၢတ်ႈတေႃႇ ဝဵင်းလွႆလႅမ်
 ၽူႈမၢႆ (2) - ၸဝ်ႈသြႃႇၵိတ်ႉတိသႃႇရ ၵျွင်းလူင် ဝဵင်းလၢင်းၶိူဝ်း
 တမ်ႈတီႈ ၸုမ်းပိၼ်ႇပိတၵၢတ်ႈ ၽၢႆႇတႆးၼႆႉ ၸဝ်ႈသြႃႇပၺ်ႇၺႃႇၽေႃးၵ ပဵၼ်ၸဝ်ႈ မႁႃႇၼႃႇယၵလူင်ယဝ်ႉ။ ပဵၼ်ၸုမ်းသေ မီးဝႆႉ ၸိုဝ်ႈၸုမ်းလၢႆလၢႆ ဢမ်ႇႁဵတ်းၵၢၼ်ၼၼ်ႉ ၸဝ်ႈမႁႃႇၼႃႇယၵလူင် မိူင်းသူႈ တိုၼ်းဢမ်ႇပၼ်ပဵၼ်။ ယွၼ်ႉၼၼ် တူၼ်ၸဝ်ႈ ၸင်ႇဢွၼ်ဢဝ် ၸဝ်ႈသြႃႇပၼ်ႇတိတ (မိူင်းၼွင်)၊ ၸဝ်ႈသြႃႇဢွင်ႇၸေႇယ (ၵျေးသီး)၊ ႁူမ်ႈလူၺ်ႈ ၸဝ်ႈရႁၢၼ်း ၸိူဝ်းမီးတၢင်းႁူႉ ပိတၵၢတ်ႈ 26 ၸဝ်ႈ ၸင်ႇယေႃးၶိင်း မိူဝ်းပိၼ်ႇပိတၵၢတ်ႈ တမ်ႈတီႈ ၵျွင်းယုမ်းပွင်ႇ ဝဵင်းမိူင်းသူႈယဝ်ႉ။ ထႃႇၼငဝ်ႈငုၼ်း မုၵ်ႉၸုမ်းပိၼ်ႇၽႃႇသႃႇၼႆႉ  ဢွၼ်ၵၼ်ႁၼ်ထိုင်ဝႃႈ ဝဵင်းပၢင်လူင်ၼႆႉ သၢင်ႇထုၵ်ႇလိူဝ်သေ တၢင်ႇတီႈၼႆလႄႈ ၸင်ႇလိူၵ်ႈ ဢွင်ႈတီႈ ၽၢႆႇႁွင်ႇ ၵျွင်းမူၺ်ႇတေႃႇ ဝဵင်းပၢင်လူင်သေ တိုၵ်ႉပဵၼ် ၽွင်းတင်ႈၵျွင်းမႂ်ႇယူႇ။ ယွၼ်ႉပိူဝ်ႈ တီႈယူႇတီႈသဝ်း ပႆႇတဵမ်ထူၼ်ႈလႄႈ ၶဝ်ၸဝ်ႈ ၸင်ႇမိူဝ်း ပိၼ်ႇပိတၵၢတ်ႈ တမ်ႈတီႈ မိူင်းသူႈ ဢွၼ်တၢင်းယဝ်ႉ။ ၸိုဝ်ႈသဵင် ႁၢင်ႈလီၶဝ်ၸဝ်ႈ ၵိုၵ်းပိုၼ်းဝႆႉၼင်ႇၼႆယူႇ။

 2. ၸဝ်ႈသြႃႇပၼ်ႇတိတ ၵျွင်းဝဵင်း မိူင်းၼွင်
 3. ၸဝ်ႈသြႃႇဢေႃးဝႃႇတ ၵျွင်းပႃႇၵၢင်း မိူင်းၼွင်
 4. ၸဝ်ႈသြႃႇသူႇရိယ ၵျွင်းၼမ်ႉမွတ်း မိူင်းသူႈ
 5. ၸဝ်ႈသြႃႇသုၸႃႇရိၼ်ႇတ ၵျွင်းၼႃးၸၢမ် မိူင်းသူႈ
 6. ၸဝ်ႈသြႃႇၸေႇယ ၵျွင်းၶမ်း ၵျေးသီး
 7. ၸဝ်ႈၺႃႇၼသမ်ႇၽႃႇရ (ꩪမ်မႃၸရိယ) ၵျွင်းဝၢၼ်ႈႁၢတ်ႇ လၢင်းၶိူဝ်း
 8. ၸဝ်ႈၸၢင်းပၼ်ႇတဝ ၵျွင်းယုမ်းပွင်ႇ မိူင်းသူႈ
 9. ၸဝ်ႈၸၢင်းပၼ်ႇတိ ၵျွင်းၵဵင်းႁၢဝ်း မိူင်းၼွင်

ထိုင်မႃး ပီၵေႃးၸႃႇ 1320 ပီၶရိတ်ႉ 1950 ၼၼ်ႉ ယွၼ်ႉပိူဝ်ႈ တၢင်းၶတ်းၸႂ် ၸဝ်ႈမႁႃႇၼႃႇယၵလူင် ပၺ်ႇၺႃႇၽေႃးၵ ဢွၼ်ႁူဝ် သင်ႇၶႃႇၸဝ်ႈၶဝ်လႄႈ ၵၢၼ်ပိၼ်ႇလိၵ်ႈ ပိတၵၢတ်ႈ ၽႃႇသႃႇၽၢႆႇတႆး ယဝ်ႉတူဝ်ႈၵႂႃႇၽႂ်းၽႂ်း ၼႂ်းၶၢဝ်းတၢင်း သၢမ်ပီၼႆႉလႄႈ ပဵၼ်ဢၼ်လီယွင်ႈဢၢမ်း တၢင်းၶတ်းၸႂ်ၶဝ်ၸဝ်ႈတႄႉတႄႉ။ ပပ်ႉလိၵ်ႈပိတၵၢတ်ႈ ဢၼ်ၶဝ်ၸဝ်ႈ ပိၼ်ႇၵႂႃႇၼၼ်ႉ တင်းသဵင်ႈ မီးၵႂႃႇ 35 ပပ်ႉၿေ ဢဝ်တူဝ်လိၵ်ႈၸိုၼ်း ၶပ်ႉႁဵတ်းဢွၵ်ႇ တင်းသဵင်ႈယဝ်ႉ။ ဢၼ်ၼႆႉ ၸိူဝ်ႉပိတၵၢတ်ႈ ဢွၵ်ႇတူၼ်ႈမႃးၼႆယူႇ။ ၸိုဝ်ႈသဵင်ၵိုၵ်းပိုၼ်း ၸဝ်ႈဢၼ်ပိၼ်ႇပိတၵၢတ်ႈ တမ်ႈတီႈ ၵျွင်းပိတၵၢတ်ႈ ဝဵင်းပၢင်လူင်ၼၼ်ႉ ၵိုၵ်းဝႆႉပိုၼ်းႁၢင်ႈလီ ၼင်ႇၼႆ

 1. ၸဝ်ႈမႁႃႇၼႃႇယၵလူင် ပၺ်ႇၺႃႇၽေႃးၵ ၵျွင်းယုမ်းပွင်ႇ မိူင်းသူႈ
 2. ၸဝ်ႈၸၢင်းပၼ်ႇတဝ ၵျွင်းယုမ်းပွင်ႇ မိူင်းသူႈ
 3. ၸဝ်ႈသြႃႇပၼ်ႇတိတ ၵျွင်းဝဵင်း မိူင်းၼွင်
 4. ၸဝ်ႈၸၢင်းလူင်သေႃးၽၼ ၵျွင်းဝဵင်း မိူင်းၼွင်

 6. ၸဝ်ႈၸၢင်းပၼ်ႇတိတ ၵျွင်းဝဵင်းႁၢဝ်း မိူင်းၼွင်
 7. ၸဝ်ႈၸၢင်းပၼ်ႇတိတ ၵျွင်းၵဵင်းလူမ်း မိူင်းၼွင်
 8. ၸဝ်ႈသြႃႇဝိလႃႇသ ၵျွင်းဝၢၼ်ႈႁႆး မိူင်းၼွင်
 9. ၸဝ်ႈၸၢင်းၼရိၼ်ႇတ ၵျွင်းၼွင်ဢူၼ် သႅၼ်ဝီ

လိၵ်ႈထမ်း ဢၼ်ႁဵတ်းမႃးၼၼ်ႉ ဢမ်ႇၸႂ်ႈလႄႈဝႃႈ တႃႇတေမႃး တၢင်ႇဝႆႉ ၼိူဝ်ၶဵင်ႇၽြႃးသေ ဝႆႈၶမ်ႈဝႆႈၼႂ်။ ဢမ်ႇၸႂ်ႈ တႃႇသႂ်ႇဝႆႉ ၼႂ်းတိူၵ်ႈၼႂ်းပီႇတူဝ်ႇၽႃမၢၼ်ႇသေ ဝႆႉတၢင်းႁၢင်ႈလီ။ ယွၼ်ႉပိူဝ်ႈ ပွင်ႉၸႂ်ၼင်ႇၼႆလႄႈ ၼႃႈၵၢၼ် ၸုမ်းပိၼ်ႇၽႃႇသႃႇၼႆႉ မီးမႃးထႅင်ႈ ပုၼ်ႈတႃႇ ပူင်သွၼ်ပၼ်ၵၼ် ႁႂ်ႈပေႃး ႁူႉႁၼ်ၼၼ်ႉယဝ်ႉ။ ယွၼ်ႉပိူဝ်ႈၼၼ် တႃႇတေ ႁႂ်ႈၸဝ်ႈသၢင်ႇ ၸဝ်ႈၸၢင်းၶဝ် တေမေႃၶူၼ်ႉၶႆႈၼၼ်ႉ ၸဵမ်မိူဝ်ႈပီ 1315 ၸဝ်ႈသြႃႇဝိၸိတ်ႉတ မူၺ်ႇတေႃႇ ပၢင်လူင်ၶဝ်ၸဝ်ႈ ဢွၼ်ဢဝ် ၸဝ်ႈသၢင်ႇၸဝ်ႈၸၢင်း 45 ၸဝ်ႈ ႁဵတ်းပွႆးၶူၼ်ႉၶႆႈမႃးထႃႈသေဢမ်ႇၵႃး ၼင်ႇႁိုဝ် တေႁူႉႁၼ် မေႃတႅမ်ႈမေႃတွပ်ႇၼၼ်ႉ ပီ 1320 ၼီႈ လိူၼ်ႁူၵ်းမႂ်ႇ 12 ၶမ်ႈ (30.4.1958) ၸဝ်ႈသြႃႇၺႃႇၼသမ်ႇၽႃႇရ ၸင်ႇဢွၼ်ႁူဝ် ႁဵတ်းၶေႃႈထၢမ်သေ တႄႇႁဵတ်း ပွႆးတႅမ်ႈတွပ်ႇလိၵ်ႈ ပွၵ်ႈၵမ်းၼိုင်ႈလႄႈ သင်ႇၶႃႇ ၶဝ်ႈတွပ်ႇ မီး 12 ပႃး ၸွမ်းၼင်ႇ သဵၼ်ႈမၢႆ တီႈတႂ်ႈၼႆႉယဝ်ႉ။

တႃႇတေပိၼ်ႇ ပိတၵၢတ်ႈတႆးၼၼ်ႉ မိူဝ်ႈၸဝ်ႉ လႆႈသႂ်ႇၸိုဝ်ႈမုၵ်ႉၸုမ်းဝႃႈ မုၵ်ႉၸုမ်းသင်ႇၶႃႇ ပိၼ်ႇပိတၵၢတ်ႈတႆး ၼႆၵူၺ်း။ ၵူၺ်းၵႃႈ ထိုင်မႃး 1959 လိူၼ်ၽေႇၽေႃႇဝရီႇ 16 ဝၼ်း လုၵ်ႉတီႈ ပၢင်ၵုမ်သင်ႇၶႃႇ မိူင်းတႆးပတ်းပိုၼ်ႉ (ရှမ်းရိုးမဂဏသမူဟသံဃာအဖွဲ့) ဢၼ်ႁဵတ်း တီႈၵျွင်းၼွင်ၵုတ်ႇ ဝဵင်းပၢင်လူင်ၼၼ်ႉသေ ယွၼ်ႉပိူဝ်ႈ မုၵ်ႉၸုမ်း သျၢၼ်းယူဝ်းမၵၼသမူႇႁ ဢမ်ႇမီးၽႂ်ယဝ်ႉလႄႈ ၸင်ႉယႃႉပႅတ်ႈ ၸုမ်းၶဝ် ႁႂ်ႈပဵၼ်ၸုမ်းတႆး ဢၼ်တိုၵ်ႉမီးဢဵၼ်ႁႅင်းယႂ်ႇ သႂ်ႇၸႂ်သႂ်ႇၶေႃး ပိၼ်ႇပိတၵၢတ်ႈၼႆႉယဝ်ႉ။ ၽွင်းၼၼ်ႉ ၸဝ်ႈသြႃႇပၼ်ႇတိတ (မိူင်းၼွင်)ၵေႃႈ ၶဝ်ႈပႃးဝႆႉ ၼႂ်းၸုမ်းၼၼ်ႉယဝ်ႉ။ လုၵ်ႉတီႈၼၼ်ႈသေ ၸုမ်းပိၼ်ႇပိတၵၢတ်ႈၽၢႆႇတႆးၼႆႉ ၸင်ႇလႅၵ်ႈလၢႆႈသႂ်ႇၸိုဝ်ႈဝႃႈ ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး ၼႆယဝ်ႉ။

ထိုင်မႃး 1321 (1959) ၼင်ႇႁိုဝ် ပွႆးၶူၼ်ႉၶႆႈတႅမ်ႈတွပ်ႇလိၵ်ႈ တေမီးၸၼ်ႉ ႁူႉလွင်ႈၼႃႈၵၢၼ်မႃး ယိူင်းဢၢၼ်း ၼင်ႇၼႆသေ ၸဝ်ႈသြႃႇပၼ်ႇတိတ(မိူင်းၼွင်)၊ ၸဝ်ႈဝိပသ်သၼ (မိူင်းၼၢင်း) ဢွၼ်ဢဝ် ၸဝ်ႈသၢင်ႇၸဝ်ႈၸၢင်း 6 ပႃး မိူဝ်းၶဝ်ႈပွႆးၶူၼ်ႉၶႆႈတႅမ်ႈတွပ်ႇလိၵ်ႈ ဝိၼယႃၻိၼုၷ်ၷႁ ဝဵင်းယွင်ႁူၺ်ႈ သေ ဢွင်ႇပူၼ်ႉမႃး တင်းမူတ်းယဝ်ႉ။ ၸိုဝ်ႈသဵင်ၶဝ်ၸဝ်ႈ ႁူၵ်းပႃးၼၼ်ႉၵေႃႈ ၵိုၵ်းပိုၼ်းဝႆႉ ၼင်ႇၼႆယူႇ။

တီႈယွင်ႁူၺ်ႈၼႆႉ ၶူၼ်ႉၶႆႈတႅမ်ႈတွပ်ႇ ပဵၼ်ၽၢႆႇမၢၼ်ႈသေတႃႉ ၶဝ်ၸဝ်ႈၼႆႉတႄႉ လႆႈၵႂႃႇၶူၼ်ႉၶႆႈတႅမ်ႈတွပ်ႇ ၽၢႆႇတႆးသေ တူဝ်ၸဝ်ႈၾယွင်ႁူၺ်ႈ မႃးပၼ်ႁႅင်းတႄႉတႄႉ။ ၵူၺ်းၵႃႈ ယွၼ်ႉပိူဝ်ႈ ၽႃႇသႃႇၶေႃႈၵႂၢမ်း ဢမ်ႇမိူၼ်ၵၼ်လႄႈ လႆႈမိူဝ်းၶဝ်ႈတွပ်ႇ ၽၢႆႇတႆး ပီလဵဝ်ၵူၺ်း။ ၼႂ်းပီ 1321-1322 (1959-1960)ၼႆႉတႄႉ ယွၼ်ႉပိူဝ်ႈ ၵၢၼ်ၼမ် ပုၼ်ႈတႃႇ ၶိုၼ်းမႄးထတ်း လိၵ်ႈပိတၵၢတ်ႈ ဢၼ်တႅမ်ႈယဝ်ႉၼၼ်ႉလႄႈ ဢမ်ႇပဵၼ်ႁဵတ်း ပွႆးၶူၼ်ႉၶႆႈတႅမ်ႈတွပ်ႇလိၵ်ႈ။

ထိုင်မႃး 1323 လိူၼ် 12 လွင်ႈ 8 ၶမ်ႈ (30.11.1961) ၸွမ်းၼင်ႇ ၼႃႈၵၢၼ် ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး မီးဝႆႉဝႃႈ တေလႆႈႁဵတ်းႁႂ်ႈ ႁူႉမေႃထမ်း ပိတၵၢတ်ႈၼႆလႄႈ ၸင်ႇတေႁဵတ်းပဵၼ် ပွႆးၶူၼ်ႉၶႆႈတႅမ်ႈတွပ်ႇလိၵ်ႈ ပွၵ်ႈၵမ်းသွင် တမ်ႈတီႈ ၵျွင်းမူၺ်ႇတေႃႇ ဝဵင်းပၢင်လူင်ယဝ်ႉ။ ပီၼႆႉ လႆႈဝႃႈ ပဵၼ်ပီလၢၵ်ႇလၢႆး ပုၼ်ႈတႃႇပွႆးၶူၼ်ႉၶႆႈ တႅမ်ႈတွပ်ႇလိၵ်ႈ ပီၼိုင်ႈယူႇ။ မိူၼ်ၼင်ႇ ပၢင်ပွႆးၶူၼ်ႉၶႆႈတႅမ်ႈတွပ်ႇလိၵ်ႈ မိူင်းမၢၼ်ႈ ၵူႈတီႈၵူႈလႅၼ် ပိူၼ်ႈမီးၸိုဝ်ႈသဵင် ပၢင်ပွႆးၶူၼ်ႉၶႆႈ လိၵ်ႈပိူၼ်ႈ ႁင်းၽႂ်မၼ်းၼၼ်ႉ ႁဝ်းၵေႃႈ ထုၵ်ႇလီမီးယူႇၼႆလႄႈ ၸဝ်ႈသြႃႇၺႃႇၼသမ်ႇၽႃႇရ (ဢၸူဝ်းယထမ်မႃႇၸရိယ)၊ ၸဝ်ႈသြႃႇပၼ်ႇတိတ (မိူင်းၼွင်)၊ ၸဝ်ႈသြႃႇဝိပသ်သၼ (မိူင်းၼၢင်း) ၸင်ႇဢုပ်ႇၵုမ်ၵၼ် လိူၵ်ႈၸိုဝ်ႈ ပွႆးထၢမ်လိၵ်ႈဝႃႈ ပၢင်ပွႆးတႅမ်ႈတွပ်ႇ ၶူၼ်ႉၶႆႈ ပရိယတ်တိသၻ်ꩪမ်မပႃလ ၵႅၼ်ႇၸဝ်ႈ ၸိုင်ႈတႆး ၼႆသေ ၸဝ်ႈမႁႃႇၼႃႇယၵလူင် ပၺ်ႇၺႃႇၽေႃးၵလႄႈ သင်ႇၶႃႇၸဝ်ႈၶဝ် လႆႈၸႂ်သေ ၸင်ႇတေမၵ်းမၼ်ႈၵႂႃႇယဝ်ႉ။ လွင်ႈဢၼ် တႄႇတင်ႈ မၵ်းမၼ်ႈ ၸၼ်ႉလိၵ်ႈၸိူဝ်းၼၼ်ႉၵေႃႈ တႄႇတင်ႈ မိူဝ်ႈပၢင်ပွႆးတႅမ်ႈတွပ်ႇၶူၼ်ႉၶႆႈ ပွၵ်ႈၵမ်းသွင်ၼႆႉယဝ်ႉ။

မႆႉသိုပ်ႇမႆႉ ပဵၼ်လူင် ၵူၼ်းသိုပ်ႇၵူၼ်း ပဵၼ်ဝၢၼ်ႈၼႆလႄႈ ပၢင်ပွႆးတႅမ်ႈတွပ်ႇၶူၼ်ႉၶႆႈလိၵ်ႈ ပရိယတ်ႉတိသတ်ႉထမ်ႇမပႃႇလ ၵႅၼ်ႇၸဝ်ႈၸိုင်ႈတႆးၵေႃႈ ဢမ်ႇၵိုတ်းဢမ်ႇလိုဝ်ႈသေ သိုပ်ႇႁဵတ်းမႃး ထႅင်ႈယူႇ။ ပီ 1962 ၼႆႉ ၵွင်ႇၸီႇလုၵ်ႉၽိုၼ်ႉ (တော်လှန်ရေးကောင်စီ) ၶိုၼ်ႈမႃးသေ သၢႆငၢႆဝၢၼ်ႈမိူင်း ဢမ်ႇၼိမ်ဢမ်ႇတဵင်ႈ မၢင်တီႈၵေႃႈၶဵင်ႈ မၢင်တီႈၵေႃႈယၢၼ်း တိုၵ်ႉပဵၼ်ၶၢၼ်းသုၵ်ႉယုင်ႈလႄႈ သၢႆငၢႆဝၢၼ်ႈမိူင်းၵေႃႈ ၵိူင်းႁိူင်ႈယွၼ်ႈထိုင် ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆးယူႇ။ ၼိုင်ႈၵေႃႉဝႃႈၼိုင်ႈဢၼ် ၶေႃႈၵႂၢမ်းလၼ်ဢွၵ်ႇမႃးဝႃႈ ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆးၼႆႉ ပဵၼ်ၸုမ်းၸဝ်ႈၾ၊ ၸဝ်ႈၾဢမ်ႇမီးယဝ်ႉလႄႈ ၶဝ်ၵေႃႈ တေဢမ်ႇလႆႈမီးယဝ်ႉ ၼႆၵေႃႈဝႃႈမႃး။  
ၵူၺ်းၵႃႈ ၼႃႈၵၢၼ်သႃႇသၼႃႇ ဢၼ်ဝႃႈၼႆႉ မၼ်းဢမ်ႇသၢၼ်ၶတ်း ၵၢၼ်ဝၢၼ်ႈမိူင်း။ ထိုင်တီႈ ႁူဝ်သိုၵ်း ပူဝ်ႇမူးဢူင်းမျိၼ်ႉ ၽႅဝ်မႃး တမ်ႈတီႈ ငဝ်ႈငုၼ်းပၢင်လူင်သေ မႃးတွင်ႈထၢမ် သြႃႇၸဝ်ႈလူင်ၶဝ် ၸိူဝ်းပွင်ၵၢၼ် ပိၼ်ႇၽႃႇသႃႇၼၼ်ႉ သြႃႇၸဝ်ႈလူင်ၶဝ်ၵေႃႈတွပ်ႇဝႃႈ ႁဝ်းႁဵတ်း ၵၢၼ်သႃႇသၼႃႇၼႆႉ ၽႂ်ၸွႆႈထႅမ်ႁဝ်းၵေႃႈ မၼ်းပဵၼ် တၵႃႇႁဝ်းယဝ်ႉ။ သင်ဝႃႈ တၵႃႇသိုၵ်းၶဝ် ၸွႆႈထႅမ်ႁဝ်းၵေႃႈ သူတေပဵၼ် တၵႃႇႁဝ်းၼင်ႇၵဝ်ႇ၊ သႃႇသၼႃႇဢၼ်ဝႃႈၼႆႉ မၼ်းႁပ်ႉၶၢမ်ႇ ၸေႇတၼႃႇတၢင်းလူႇ ၵူၼ်းၵူႈၶိူဝ်း ၵူႈထၢၼ်ႈ ၵူၼ်းၵူႈၸုမ်းယဝ်ႉ ၼႆလႄႈ ႁူဝ်သိုၵ်းဢူင်းမျိၼ်ႉၵေႃႈ ၸင်ႇဝႆႈလဝ်ႈဝႃႈ ႁႂ်ႈႁဝ်းၶႃႈၵေႃႈ လႆႈယွၼ်းပဵၼ် တၵႃႇၸဝ်ႈႁဝ်းၶဝ် သေၵမ်း ၼႆသေ လူႇတၢၼ်းၵမ်ႉထႅမ် ၸုမ်းငဝ်ႈငုၼ်းၵႂႃႇယဝ်ႉ။

ပီၵေႃးၸႃႇ 1324 တႄႇဢဝ် လိူၼ် 6 မႂ်ႇ 9 ၶမ်ႈ တေႃႇထိုင် လိူၼ်ႁူၵ်းမူၼ်း (9-18/5/1962) လႆႈတႄႇတင်ႈ ပၢင်ပွႆး တႅမ်တွပ်ႇၶူၼ်ႉၶႆႈ ပွၵ်ႈၵမ်း(3)ၵႂႃႇယူႇ။ ဢၼ်လၢၵ်ႇလၢႆး ပွၵ်ႈၼႆႉၸမ်ႉ 9 ၶမ်ႈ သင်ႇၶႃႇၸုင်ႇ၊ 10-11 တႅမ်ႈတွပ်ႇ၊ 12-13 ၶမ်ႈ ၶူၼ်ႉၶႆႈ၊ 14 ၶမ်ႈ မၢႆဢွင်ႇဢွၵ်ႇ၊ 15 ၶမ်ႈ ပၼ်သူးမႂ်ဢွင်ႇ ယၢတ်ႇၼမ်ႉၵႂႃႇသေ ပဵၼ်ဢၼ်တႅမ်ႈတွပ်ႇလႄႈ ၶူၼ်ႉၶႆႈ ႁဵတ်းၵႂႃႇၸွမ်းၵၼ်ၼၼ်ႉ ပဵၼ်ပီႁႅၵ်ႈ ဢွၼ်တၢင်းသုတ်းပိူၼ်ႈယဝ်ႉ။ တႄႇဢဝ် ပၢင်တွပ်ႇလိၵ်ႈ ပွၵ်ႈၵမ်း(3)မႃး သိုပ်ႇႁဵတ်းၼၼ်ၵႂႃႇတိၵ်းတိၵ်းယဝ်ႉ။ 
ပၢင်ပွႆးတႅမ်ႈတွပ်ႇ ၶူၼ်ႉၶႆႈလိၵ်ႈၼႆႉ တႄႇဢဝ် ပွၵ်ႈၵမ်း(1) တေႃႇထိုင် ပွၵ်ႈၵမ်း (10)ၼၼ်ႉ ဢွင်ႈတီႈမၼ်း ႁဵတ်းမႃး တမ်ႈတီႈ ၵျွင်းမူၺ်ႇတေႃႇ ဝဵင်းပၢင်လူင် ၵူႈပီသေတႃႇ ထိုင်မႃး ပွၵ်ႈၵမ်း (11) ပီ 1332 (1970) ၼၼ်ႉတႄႉ ၶၢႆႉၵႂႃႇႁဵတ်း တမ်ႈတီႈ ၵျွင်းၽြႃးလူင်မူၺ်ႇတေႃႇယဝ်ႉ။ ပွႆးတႅမ်ႈတွပ်ႇၶူၼ်ႉၶႆႈလိၵ်ႈၵေႃႈ သိုပ်ႇပဵၼ်မႃး ၵူႈပီပီသေ သင်ႇၶႃႇၸင်ႈ ဢၼ်မႃးၶဝ်ႈၵေႃႈ ၼမ်လိူဝ်မႃးယူႇ ၵူႈပီပီယဝ်ႉ။ ၼႂ်းပၢင်ပွႆး တႅမ်တွပ်ႇၶူၼ်ႉၶႆႈလိၵ်ႈ တႄႇဢဝ် ပွၵ်ႈၵမ်း (1) တေႃႇထိုင် ပွၵ်ႈၵမ်း (12)ၼႆႉ ၸဝ်ႈၽူႈ ဢၼ်ဢဝ်ပုၼ်ႈၽွၼ်း ႁေႃးတြႃးၵၢင်ၶမ်ႈၵႂႃႇ ၵူႈပီပီတႄႉ ပဵၼ်ၼင်ႇ တီႈတႂ်ႈၼႆႉယဝ်ႉ။

 ၸဝ်ႈသြႃႇလူင် ဢႃႇလေႃးၵ (ဢၷ်ၷမႁႃႇပၼ်ႇတိတ) ၵျွင်းၵၢင် သႅၼ်ဝီ
 ၸဝ်ႈသြႃႇလူင် ပၼ်ႇတိတ ၵျွင်းမင်ႇၵလႃႇယၢၼ်ႇဢွင်ႇ မိူင်းၼွင်
 ၸဝ်ႈသြႃႇလူင် ၵေႇလႃႇသ ၵျွင်းၵမ်ႇပေႃးၸ တႃႈၵုင်ႈ
 ၸဝ်ႈသြႃႇလူင် ဝိပသ်သၼ ၵျွင်းမိူင်းၼၢင်း မိူင်းၼွင်
 ၸဝ်ႈသြႃႇလူင် ၶေႇမိၼ်ႇတ ၵျွင်းလွႆၵိူၼ်ႇ မိူင်းပွၼ်
 ၸဝ်ႈသြႃႇလူင် ၵိတ်ႉတိသႃႇရ ၵျွင်းလူင် လၢင်းၶိူဝ်း

ထိုင်မႃး 1333 လိူၼ် 11 လပ်း (18/10/1971) ဝၼ်းမိူဝ်ႈၼႆႉ ပဵၼ်ဝၼ်းလိူၼ်လပ်းသေဢမ်ႇၵႃး ပုၼ်ႈတႃႇ ၸိုင်ႈတႆးႁဝ်းၵေႃႈ လႆႈဝႃႈ လပ်းသိုင်ႇၵႂႃႇၵႅပ်ႉၼိုင်ႈယူႇ။ ယွၼ်ႉပိူဝ်ႈသင် ပေႃးဝႃႈၼႆၸိုင် ၽူႈဢွၼ်ႁူဝ် တႄႇတင်ႈ ပိုၼ်းပိတၵၢတ်ႈတႆးႁဝ်း ၸဝ်ႈမႁႃႇၼႃႇယၵလူင် တူၼ်ထဵၼ်လူင် ပၺ်ႇၺႃႇၽေႃးၵ ဢႃႇယု (79)၊ ဝႃႇၸဝ်ႈ (59) ၶဝ်ႈသူၼ်မၢၵ်ႇႁၢၵ်ႈၶမ်းၵႂႃႇ တမ်ႈတီႈ ႁူင်းယႃမျရတၼႃႇ ဝဵင်းတႃႈၵုင်ႈၼၼ်ႉယဝ်ႉ။ တၵႃႇၵူၼ်းမိူင်းတႆး ႁူမ်ႈလူၺ်ႈ လုၵ်ႈႁဵၼ်းတႆး ၸၼ်ႉၸွမ်တႃႈၵုင်ႈ၊ သင်ႇၶႃႇၸဝ်ႈၶဝ် ဢွၼ်ၵၼ် ပၢင်းဢဝ် ၶႂၼ်တူဝ်ၸဝ်ႈ လုၵ်ႉတီႈ တႃႈႁိူဝ်းမိၼ် မင်ႇၵလႃႇတူင်ႇ တႃႈၵုင်ႈ တၢင်ႇႁိူဝ်းမိၼ် မႃးလူင်းၼမ်ႉၸၢင်သေ သိုပ်ႇပၢင်းမႃး တေႃႇပေႃး ႁွတ်ႈပၢင်လူင်ယဝ်ႉ။ ထိုင်မႃး 1334 လိူၼ် 4 မႂ်ႇ 11 ၶမ်ႈ (14/3/1973) သၢင်းၵျူဝ်ႇ ၽဝ်ၽႆးယဝ်ႉ ဢဝ်ထၢတ်ႈလုပ်ႇၸဝ်ႈ သႂ်ႇဢုပ်းငိုၼ်း ႁဵတ်းၵွင်းမူး မႁႃႇၼႃႇယၵဝႆႉ တမ်ႈတီႈ ၵျွင်းပိတၵၢတ်ႈ ဝဵင်းပၢင်လူင်ယဝ်ႉ။ ၵွင်းမူး မႁႃႇယၼႃႇယၵ ဢၼ်မီးဝႆႉ ၼႂ်းၵႄႈၵၢင် ၵျွင်းပိတၵၢတ်ႈလႄႈ ၵျွင်းမူၺ်ႇတေႃႇၼၼ်ႉ ၸဝ်ႈသြႃႇလူင် ၵေႃးဝိတ (ၽိဝ်း၊ ၽူႈမၢႆလူင် ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး) ဢွၼ်ႁူဝ်ႁဵတ်းသၢင်ႈ ၵႂႃႇသေ ဢဝ်ႁိၼ်ၼေႃႇ (ႁိၼ်ၶၢဝ်) ၶႅၵ်းႁဵတ်း ပပ်ႉပိတၵၢတ်ႈတႆးသေ ၶပ်ႉႁဵတ်းပဵၼ် ၵွင်းမူးဝႆႉလႄႈ လႆႈဝႃႈပဵၼ် ထမ်ႇမၸေႇတီႇၼႆၵေႃႈ ဢမ်ႇၽိတ်းၼင်ႇၵဝ်ႇ။ မႁႃႇၼႃႇယၵလူင် ၶဝ်ႈသူၼ်မၢၵ်ႇႁၢၵ်ႈၶမ်းသေတႃႉ ပိတၵၢတ်ႈၸဝ်ႈ ဢၼ်ဢွၼ်ပိၼ်ႇဝႆႉၼၼ်ႉတႄႉ တိုၵ်ႉသိုပ်ႇ ပိူင်းလႅင်းပၼ် ပုၼ်ႈတႃႇ ၵူၼ်းတင်းၼမ်ယူႇ။ ဝၢႆးၼၼ်ႉ 1334 (1973) ၸဝ်ႈသြႃႇပၼ်ႇတိတ မိူင်းၼွင် ၶိုၼ်ႈပဵၼ် မႁႃႇၼႃႇယၵ ပႃးထူၼ်ႈသွင်ယဝ်ႉ။

မိူဝ်ႈ 1339 (1977) ပၢင်တႅမ်ႈတွပ်ႇ ၶူၼ်ႉၶႆႈလိၵ်ႈၵေႃႈ သိုပ်ႇႁဵတ်းမႃး ၵူႈပီသေ ႁွတ်ႈထိုင်မႃး ပွၵ်ႈၵမ်း (18)ယူႇ။ ၶၢဝ်းတၢင်း (18) ပီၼႆႉ သင်ႇၶႃႇ ၽူႈၶဝ်ႈတႅမ်ႈတွပ်ႇ ၼမ်လိူဝ်တိူဝ်းတွၼ်းမႃးသေ ဢမ်ႇၵႃး ၸဝ်ႈၸၢင်းမႁေႃသထႃႇ (မိူင်းၼၢင်း) မႃးၶဝ်ႈတွပ်ႇ ၸၼ်ႉထမ်ႇမႃႇၸရိယ ၸိုင်ႈတႆးသေ ဢွင်ႇပူၼ်ႉၵႂႃႇ ဢွၼ်တၢင်းပိူၼ်ႈယဝ်ႉ။ ၸုမ်ႈၸၼ်ႉၶူးၵေႃႈ ႁိၵ်ႈၸိုဝ်ႈဝႃႈ ဢၽိပႃလ ၼႆသေ ၸဝ်ႈၸၢင်း မႁေႃသထႃႇၵေႃႈ ႁိၵ်ႈၸိုဝ်ႈဝႃႈ မႁေႃသထႃၽိပႃလ ၼႆယဝ်ႉ။ လႆႈဝႃႈ မၼ်းၸဝ်ႈပဵၼ် ၽူႈႁူဝ်ႁႅၵ်ႈ ဢႃၻိၵမ်မိၵသေ ပိုတ်ႇၼႃႈလိၵ်ႈ ပိုၼ်းမႂ်ႇ ပွႆးတႅမ်ႈတွပ်ႇၶူၼ်ႉၶႆႈၵႂႃႇယူႇ။ ယွၼ်ႉပိူဝ်ႈ ၶၢဝ်ႇငၢဝ်းလီဢၼ်ၼႆႉ ႁွမ်ႁူၺ်း ႁူင်ႁွတ်ႈထိုင် တမ်ႈတီႈ ၼႂ်းၵႄႈ သင်ႇၶႃႇတႆး တင်းသဵင်ႈလႄႈ ၸိူဝ်းဢၼ်တေမႃး ပႃႈလင်ၵေႃႈ မီးႁႅင်းယႂ်ႇ ၶႂ်ႈသိုပ်ႇၶတ်းၸႂ် ႁႂ်ႈပဵၼ်ၸိူင်ႉၼင်ႇမၼ်းၸဝ်ႈ ဢွင်ႇပူၼ်ႉၵႂႃႇၼၼ်ႉယူႇ။ ၼႆႉလႆႈဝႃႈပဵၼ် ဢဵၼ်ႁႅင်းလူင် ပုၼ်ႈတႃႇ ၸဝ်ႈႁဵၼ်းလိၵ်ႈထမ်းၶဝ် တႄႉတႄႉ။ 
ထိုင်မႃး 1341 (1979) ပၢင်ပွႆး ပွၵ်ႈၵမ်း (20)တဵမ်ၼၼ်ႉ ၸဝ်ႈၸၢင်းသုၸိၼ်ႇတႃႇၵေႃႈ ဢွင်ႇပူၼ်ႉ ၸၼ်ႉထမ်ႇမႃႇၸရိယ (ၸိုင်ႈတႆး) ၵႂႃႇထႅင်ႈသေ ႁဵတ်းႁႂ်ႈ သဵၼ်ႈတႃႈသၢႆတၢင်း ပၢင်ပွႆးပရိယတ်ႉတိ သမ်ႉထမ်ႇမပႃႇလ ၵႅၼ်ႇၸဝ်ႈ ၸိုင်ႈတႆး ၵႂၢင်ႈၵူင်မႃးယူႇ။ ဝၢႆးၼၼ်ႉ ၸဝ်ႈဢၼ်ၶဝ်ႈတွပ်ႇၸၼ်ႉၶူး ထမ်ႇမႃႇၸရိယၵေႃႈ သိုပ်ႇမီးမႃး ၵူႈပီယူႇ။ လိူဝ်သေၼၼ်ႉ ၵေႃၽႄ ပရိယတ်ႉတိ သတ်ႉထမ်ႇမပႃႇလၵေႃႈ မီးမႃးထႅင်ႈ လၢႆလၢႆမိူင်းယူႇ။

လွင်ႈလၢၵ်ႇလၢႆး ပီ 1342 (1980) ၼႆႉတႄႉ ပၢင်ပွႆးတႅမ်ႈတွပ်ႇ ၶူၼ်ႉၶႆႈလိၵ်ႈ ဢၼ်တေႁဵတ်း လိူၼ်ႁူၵ်းမႂ်ႇတေႃႇ လိူၼ်ႁူၵ်းမူၼ်းၼၼ်ႉ သမ်ႉၵႂႃႇတုမ်ႉၺႃး ပၢင်ၵုမ်လူင် သင်ႇၶႃႇၵူႈမူႇၵူႈၸုမ်း ဢၼ်လူင်ပွင်ၸိုင်ႈ မိူင်းမၢၼ်ႈ ဢွၼ်ႁဵတ်း တမ်ႈတီႈ ၵမ်ႇၽႃႇဢေး တႃႈၵုင်ႈၼၼ်ႉလႄႈ သြႃႇၸဝ်ႈ ၼႂ်းမိူင်းတႆး ၵူႈၸႄႈဝဵင်း သမ်ႉလႆႈၵႂႃႇ တီႈပၢင်ၵုမ် တႃႈၵုင်ႈသေ ၸင်ႇလႆႈၶၢႆႉပၢင်ပွႆးၵႂႃႇႁဵတ်း ၼႂ်းလိူၼ်ႁူၵ်းလွင်ႈ (1) ၶမ်ႈတေႃႇ (8) ၶမ်ႈယဝ်ႉ။ တမ်ႈတီႈ ပၢင်ပွႆးတႅမ်ႈတွပ်ႇ ၶူၼ်ႉၶႆႈလိၵ်ႈ ပွၵ်ႈၵမ်း (21) ၼႆႉတႄႉ ၼင်ႇႁိုဝ်တေမီး ငိုၼ်းၵွင်ၵၢင် တႃႇၸႂ်ႉတိုဝ်းလႆႈ ပီယၢဝ်းၶၢဝ်းႁိုင်ၼၼ်ႉ ၸင်ႇႁဵတ်း တူၼ်ႈပတေႇသႃႇ ၽုၵ်ႇၽင်ဝႆႉ ၼႂ်းယေးငိုၼ်း(ပၢၼ်ႇ) လွႆလႅမ်ယဝ်ႉ။ ၼႂ်းပၢင်ၵုမ် ပီၼႆႉ လႆႈတႅပ်းတတ်းမၵ်းမၼ်ႈၵႂႃႇ ပုၼ်ႈတႃႇ ၵူႈပီပီဝႃႈ ပေႃးဝႃႇဢမ်ႇထၢပ်ႈ ပၢင်ပွႆးတေတႄႇ လိူၼ် 6 မႂ်ႇ 8 ၶမ်ႈ တေႃႇ လိူၼ် 6 မူၼ်း၊ ပေႃးဝႃႇထၢပ်ႈ ပၢင်ပွႆးတေတႄႇ လိူၼ် 6 လွင်ႈ 8 ၶမ်ႈ တေႃႇ လိူၼ် 6 လပ်းယဝ်ႉ။

ၶၢဝ်းတၢင်း ပၢင်ပွႆးတႅမ်ႈတွပ်ႇ ၶူၼ်ႉၶႆႈလိၵ်ႈ သိုပ်ႇယၢင်ႈမႃး လႆႈမႃး (25) ပီသေ ႁွတ်ႈထိုင်မႃး ပီၵွၼ်းငိုၼ်းယဝ်ႉ။ ၶၢဝ်းတၢင်း 25 ပီ ဢၼ်ဝႃႈၼႆႉ ဢမ်ႇငၢႆႈငၢႆႈၼင်ႇၵဝ်ႇ၊ လႆႈဝႃႈ သင်ႇၶႃႇလႄႈ တၵႃႇ ပွင်ႇၸႂ် တမ်ႈတီႈ ၼိူဝ်ၼႃႈၵၢၼ် ပရိယတ်ႉတိသႃႇသၼႃႇသေ မေႃၸွႆႈထႅမ်ၼၼ်ႉလႄႈ ၸင်ႇတေႁွတ်ႈထိုင်မႃး ၶၢဝ်းတၢင်း ၼင်ႇၼႆယူႇ။ တႃႇတေ ႁဵတ်းပဵၼ် ပွႆးပီၵွၼ်းငိုၼ်းၼႆႉ လႆႈၽွတ်ႈၸုမ်း၊ ၸုမ်းၽႄတင်းၼမ် ပၼ်ပုၼ်ႈၽွၼ်းၵၼ်သေ ၶိုင်သၢင်ႈႁၢင်ႈပွင်ဝႆႉ တႄႉတႄႉလႄႈလႆႈႁဵတ်း ပၢင်ၵုမ် (7) ပွၵ်ႈယဝ်ႉ။ 
ပွႆးပီၵွၼ်းငိုၼ်း ၶွပ်ႈၶူပ်ႇ (25) ပီၼႆႉ လႆႈႁဵတ်း မိူဝ်ႈပီၵေႃးၸႃႇ 1345 လိူၼ် 3 လွင်ႈ 3 ၶမ်ႈ တေႃႇထိုင် 12 ၶမ်ႈ (19-28/1/1984) ၵႂႃႇယဝ်ႉ။ ပၢင်ပွႆးပီၵွၼ်းငိုၼ်းၼႆႉ ပိုတ်ႇၽုၺ်ႇၵႂႃႇမိူဝ်ႈ 1345 ၼီႈ လိူၼ် 3 လွင်ႈ 2 ၶမ်ႈ (18.1.1984) ၵၢင်ၼႂ် 7 မွင်းၶိုင်ႈၼၼ်ႉသေ ၸဝ်ႈသြႃႇပၼ်ႇတိတ (မိူင်းၼွင်) ၸဝ်ႈသြႃႇၺႃႇၼသမ်ႇၽႃႇရ (ၵျွင်းပိတၵၢတ်ႈ ပၢင်လူင်) ႁဵတ်းပဵၼ် ၽူႈၼင်ႈၸိုင်ႈ၊ ၸဝ်ႈဢူးၸဵင်ႇ ႁဵတ်းပဵၼ် ၽူႈၶပ်ႉပၢင်၊ ၸဝ်ႈသြႃႇဝိပသ်သၼ (ၵျွင်းပိတၵၢတ်ႈ တူၼ်ႈတီး) ၸၼ်ၸိူၵ်ႈ ပိုတ်ႇၽုၺ်ႇ ပၢႆႉလိၵ်ႈၵႂႃႇယဝ်ႉ။ ဝၢႆးသေၼၼ်ႉ ႁူဝ်ပဝ်ႈ လုင်းလသူၺ်ႇ သိုပ်ႇပၢင်းဢဝ် ၸဝ်ႈသြႃႇၶဝ် ၵႂႃႇတီႈ ႁွင်ႈၼႄ ၵူႈပိူင်ပိူင်သေ လုင်းၶမ်းဢူ (မိူင်းၵိုင်) ဢဝ်ၵိမ်းႁႆး သႂ်ႇၼိူဝ်ပၢၼ်ႉငိုၼ်း ၸဵၼ်းလူႇပၼ် ၸဝ်ႈသြႃႇမိူင်းၼွင် ၵႅတ်းပိုတ်ႇၽုၺ်ႇပၼ် ႁွင်ႈၼႄပိုၼ်း ပုတ်ႉထၸဝ်ႈသေ ဢွၼ်ၵၼ် ၶဝ်ႈလႄႇ ယဵမ်ႈတူၺ်းယဝ်ႉ။   ဝၢႆးၼၼ်ႉ မေႃတႅမ်ႈႁၢင်ႈ လုင်းၺႃႇၼ (ႁူဝ်ပဝ်ႈ သႃႇသၼႃႇ ၸႄႈဝဵင်းပၢင်လူင်) ဢဝ်ၵိမ်းႁႆး သႂ်ႇၼိူဝ်ပၢၼ်ႉငိုၼ်း ၸဵၼ်းလူႇပၼ် ၸဝ်ႈသြႃႇၺႃႇၼသမ်ႇၽႃႇရ (ႁူဝ်ပဝ်ႈ ငဝ်ႈငုၼ်း မုၵ်ႉၸုမ်းလူင် သင်ႇၶႃႇၸိုင်ႈတႆး) ၵႅတ်းပိုၼ်ႇၽုၺ်ႇပၼ် ႁွင်ႈၼႄပိုၼ်း ပိတၵၢတ်ႈတႆးသေ ဢွၼ်ၵၼ် ၶဝ်ႈလႄႇ ယဵမ်ႈတူၺ်းယဝ်ႉ။ ဝၢႆးၼၼ်ႉ လုင်းလ (ၽူႈမၢႆ) ဢဝ်ၵိမ်းႁႆး သႂ်ႇၼိူဝ်ပၢၼ်ႉငိုၼ်း ၸဵၼ်းလူႇပၼ် ၸဝ်ႈသြႃႇ သုၸႃႇရိၼ်ႇတ (ႁူဝ်ပဝ်ႈ သင်ႇၶၸႄႈဝဵင်း မိူင်းသူႈ)သေ ၵႅတ်းၸိူၵ်ႈ ပိုတ်ႇၽုၺ်ႇပၼ် ႁွင်ႈၼႄပိုၼ်း ၸဝ်ႈမႁႃႇၼႃႇယၵ တူၼ်ထီႉၼိုင်ႈ (ၸဝ်ႈပၺ်ႇၺႃႇၽေႃးၵ) ၵႂႃႇသေ ဢွၼ်ၵၼ် ၶဝ်ႈယဵမ်ႈတူၺ်း ၵႂႃႇယဝ်ႉ။ ဝၢႆးၼၼ်ႉ လုင်းၼၼ်ႇတထီး ဢဝ်ၵိမ်းႁႆး သႂ်ႇၼိူဝ်ပၢၼ်ႉငိုၼ်း ၸဵၼ်းလူႇပၼ် ၸဝ်ႈသြႃႇဝိပသ်သၼ ပိုတ်ႇၽုၺ်ႇပၼ် ႁွင်ႈၼႄၸဝ်ႈၶူးမေႃတႆး၊ လုင်းလသူၺ်ႇ (ႁူဝ်ပဝ်ႈပွႆး) သမ်ႉဢဝ်ၵိမ်းႁႆး သႂ်ႇၼိူဝ်ပၢၼ်ႉငိုၼ်း ၸဵၼ်းလူႇပၼ် ၸဝ်ႈသြႃႇသေႃးၽိတ (ႁူဝ်ပဝ်ႈ ၸုမ်းပရိယတ်ႉတိ သတ်ႉထမ်ႇမပႃႇလ၊ ၵျွင်းမူၺ်ႇတေႃႇ ပၢင်လူင်) ၵႅတ်းၸိူၵ်ႈၵႅဝ်ႈ ပိုတ်ႇၽုၺ်ႇပၼ် ႁွင်ႈၼႄ ပၢင်ပွႆးပရိယတ်ႉတိသတ်ႉထမ်ႇမပႃႇလ ၵႂႃႇသေ ဢွၼ်ၵၼ် ဢႅဝ်ႇလႄႇ တူၺ်းၼႂ်းမၼ်းယဝ်ႉ။ ဝၢႆးသေၼၼ်ႉ ၸင်ႇပိုၼ်ၶၢဝ်ႇဝႃႈ ပိုတ်ႇၽုၺ်ႇပၢင်ၵႅဝ်ႈပွႆး ပီၵွၼ်းငိုၼ်းၼႆသေ ယိုဝ်းၵွင်ႈတင်ႈ ႁႃႈၵမ်း ႁမ်းၶိုၼ်ႈၵႂႃႇ ၼိူဝ်ၵၢင်ႁၢဝ် မိူဝ်းတႅၵ်ႇဢွၵ်ႇမႃး ၸွမ်ပိဝ်သႃႇသၼႃႇ ပိဝ်လူင်းၸွမ်းၸွင်ႈမႃး ပဵၼ်ဢၼ် လီၶဝ်ႈၸႂ်တႄႉတႄႉ။  တီႈၼႂ်းပွႆးပီၵွၼ်းငိုၼ်းၼႆႉ သင်ႇၶႃႇတင်းသဵင်ႈ ႁွတ်ႈၽႅဝ်မႃး (800)ပၢႆသေ လႆႈၽိတ်ႈပၢင်းမႃး သြႃႇၸဝ်ႈလူင် ၸွမ်းၼင်ႇ သဵၼ်ႈမၢႆ တီႈတႂ်ႈၼႆႉယဝ်ႉ။  
(1) ၸဝ်ႈထဵၼ်လူင် ဢႃႇၼၼ်ႇတႃႇပၼ်ႇတိတ၊ 
ၵျွင်းမိူင်းပေႇ ၵႅမ်ႁူဝ်ပဝ်ႈ သင်ႇၶမႁႃႇၼႃႇယၵ ၸိုင်ႈမိူင်း 
(2) ၸဝ်ႈထဵၼ်လူင် ဝိမလႃႇၽိဝမ်ႇသ 
ၵျွင်းၵၢၼ်ႇၵျီး ဝဵင်းယွင်ႁူၺ်ႈ ၽူႈၶဝ်ႈၸုမ်း သင်ႇၶမႁႃႇၼႃႇယၵ ၸိုင်ႈမိူင်း 
(3) ၸဝ်ႈထဵၼ်လူင် ဝိလႃႇသႃႇၽိဝံသ 
ၵျွင်းသူၺ်ႇၵူႇ၊ ဝဵင်းယွင်ႁူၺ်ႈ ၽူႈၶဝ်ႈၸုမ်း သင်ႇၶမႁႃႇၼႃႇယၵ ၸိုင်ႈမိူင်း 
(4) ၸဝ်ႈထဵၼ်လူင် ဢႃႇၸႃႇရ
ၵျွင်းဝဵင်းသိူဝ်၊ ဝဵင်းသိူဝ် ၽူႈၶဝ်ႈၸုမ်း သင်ႇၶမႁႃႇၼႃႇယၵ ၸိုင်ႈမိူင်း
(5) ၸဝ်ႈထဵၼ်လူင် ၵဝိၼ်ႇတႃႇၸႃႇရ
ၵျွင်းမဵဝ်ႉလႄႇ၊ ဝဵင်းလႃႈသဵဝ်ႈ။ ၽူႈၶဝ်ႈၸုမ်း သင်ႇၶမႁႃႇၼႃႇယၵ ၸိုင်ႈမိူင်း
(6) ၸဝ်ႈထဵၼ်လူင် ၸၼ်ႇတေႃးၽႃႇသႃႇၽိဝံသ 
ၵျွင်းမႁႃႇၵၼ်ႇထႃႇရူင်ႇ၊ ဝဵင်းဢမရပူႇရ
လိူဝ်သေၼၼ်ႉ ၽူႈၶဝ်ႈၸုမ်း ပႁူဝ်ႇဝုၼ်ႇသွင်ႇၶဝ်ၸဝ်ႈ၊ ၸုမ်းသင်ႇၶၼႃႇယၵ မိူင်းတႆး၊ ၸုမ်းသင်ႇၶၼႃႇယၵ ဝဵင်းတူၼ်ႈတီး တင်းသဵင်ႈ ၶဝ်ၸဝ်ႈတီႈၵႆ (17) ၸဝ်ႈ ႁွတ်ႈၽႅဝ်ထိုင်မႃး တမ်ႈတီႈ ပၢင်ပွႆး ပီၵွၼ်းငိုၼ်းယဝ်ႉ။

ထိုင်မႃး ဝၢႆးဝၼ်း (1) မွင်း ႁဵတ်းပဵၼ်ပွႆး ၵုၼပူႇၸႃႇ ၸဝ်ႈသြႃႇလူင် မိူင်းၼွင်ၶဝ်ၸဝ်ႈ 8 ၸဝ်ႈ၊ ဢဝ်ၶူဝ်းလူႇ ပီၵွၼ်းငိုၼ်း လူႇတၢၼ်းၵႂႃႇသေ ပရိသတ်ႈတင်းလၢႆ ဢွၼ်ၵၼ် ႁွင်ႉသႃႇထုၵႂႃႇ ႁူမ်ၸူမ်းၸွမ်း တႄႉတႄႉယူႇယဝ်ႉ။ လိူၼ် 3 လွင်ႈ (3,4,5)ၶမ်ႈ သိုပ်ႇႁဵတ်းသၢင်ႈ ႁၢင်ႈပွင် ပၢင်ပွႆးတႅမ်ႈတွပ်ႇလိၵ်ႈၵႂႃႇသေ ယွၼ်ႉပိူဝ်ႈ သင်ႇၶႃႇၼမ်လႄႈ တီႈၼႂ်းၵျွင်းၽြႃးလူင် မူၺ်ႇတေႃႇ ဢမ်ႇၵုမ်ႇထူၼ်ႈလႄႈ လႆႈၵႂႃႇတွပ်ႇလိၵ်ႈ တမ်ႈတီႈ ၼႂ်းၵျွင်းပိင်ႇၺႃႇ ဢ.မ.ၵ (5) လႄႈ ၼႂ်းႁူင်းထမ်း ၵျွင်းပိတၵၢတ်ႈၽွင်ႈယဝ်ႉ။

လွင်ႈတႅမ်ႈတွပ်ႇလိၵ်ႈၼႆႉ ထတ်းတူၺ်း ၺၢၼ်ႇတၢင်းမေႃလုၵ်ႈႁဵၼ်းၶဝ် တေၵတ်ႉၶႅၼ်ႇ တၢၼ်ႇလႂ် ၼႆၼၼ်ႉယဝ်ႉ။ ပေႃးဝႃႈ ထိုင်ၶၢဝ်းယၢမ်း တေလႆႈတွပ်ႇလိၵ်ႈၼႆ ၸဝ်ႈသၢင်ႇၸဝ်ႈၸၢင်းၶဝ် ဢွၼ်ၵၼ် ယိပ်းၵမ် ၽိုၼ်မႂ်ၶႂၢင်းၽႂ်မၼ်း ႁူမ်ႈပႃး ၵမ်ၸိုမ်းမႆႉထတ်းဢွၼ်ႇသေ ဢွၼ်ၵၼ်ၽႅဝ်မႃး တီႈၽိူၼ်တႅမ်ႈ ၽႂ်မၼ်းယူႇ။ ဝၢႆးသေ ၸဝ်ႈႁူဝ်ပဝ်ႈ ပၼ်ၶေႃႈဢၼုၺၢတ်ႈ ပိုတ်ႇပၢင်တွပ်ႇလိၵ်ႈယဝ်ႉ ၸဝ်ႈမီးပုၼ်ႈၽွၼ်းၶဝ် ဢဝ်ၶေႃႈထၢမ် ယိုၼ်ႈပၼ် ၸဝ်ႈဢၼ်တေ တွပ်ႇလိၵ်ႈၼၼ်ႉသေ ၶဝ်ၸဝ်ႈၵေႃႈ ဢွၼ်ၵၼ် တႅမ်ႈတွပ်ႇၵႂႃႇ ႁင်းၽႂ်ႁင်းမၼ်း ပဵၼ်တီႈလီၼပ်ႉယမ် တႄႉတႄႉ။ လွင်ႈဢၼ် သင်ႇၶႃႇတႆး တင်းၼမ် ႁူမ်ႈၵၼ် တႅမ်ႈတွပ်ႇလိၵ်ႈတႆးၼႆႉ တီႈပၢင်လူင်ၼႆႉ ၼမ်သေပိူၼ်ႈသေ မီးၼမ်ႉတွၼ်းၽွၼ်းလီ ပုၼ်ႈတႃႇလိၵ်ႈတႆးႁဝ်း တႄႉတႄႉ။ မိူဝ်ႈႁူဝ်ႁႅၵ်ႈ ပွႆးတွပ်ႇလိၵ်ႈ သီႇႁႃႈပီ ၼၼ်ႉတႄႉ တိုၵ်ႉဢွၼ်ၵၼ် ဢဝ်လိၵ်ႈတႆး ပၢၼ်ၵဝ်ႇ တႅမ်ႈတွပ်ႇသေတ ဝၢႆးၼၼ်ႉ ၸဝ်ႈသၢင်ႇဢွၼ်ႇၶဝ် ၸဝ်ႈၸၢင်းဢွၼ်ႇၶဝ် ဢွၼ်ၵၼ်ဢဝ်လိၵ်ႈတႆး တူဝ်တႅတ်ႈ (ပၢၼ်မႂ်ႇ)သေ တႅမ်ႈတွပ်ႇမႃး သဵင်ႈသဵင်ႈယဝ်ႉ။ ပေႃးဝႃႈ ၶဝ်တွပ်ႇယဝ်ႉၼႆၵေႃႈ လႆႈမႃးဝႆႉ ၸေႈတွပ်ႇၶဝ် တမ်ႈတီႈ ၽူႈပႂ်ႉၽိူၼ်သေ ၽူႈပႂ်ႉၽိူၼ်ၵေႃႈ ထတ်းတူၺ်းလီလီ ၸွင်ႇမၢႆၽိူၼ်ၶဝ် မၢၼ်ႇမႅၼ်ႈၼႆယူႇ၊ ဝၢႆးၼၼ်ႉ ၽူႈမီးပုၼ်ႈၽွၼ်းၶဝ် ၶိုၼ်းသိုပ်ႇထတ်း ပၼ်မၢႆၵႂႃႇယဝ်ႉ။

လိူၼ် 3 လွင်ႈ 6-7 ၶမ်ႈ သိုပ်ႇႁဵတ်း ပၢင်ၶူၼ်ႉၶႆႈလိၵ်ႈၵႂႃႇ တီႈၼႂ်းၵျွင်းၽြႃး မူၺ်ႇတေႃႇယဝ်ႉ။ လွင်ႈၶူၼ်ႉၶႆႈလိၵ်ႈၼႆႉတႄႉ ပဵၼ်ပိူင် တႃႇထတ်းတူၺ်း လွင်ႈမၢႆတွင်း သၺ်ႇၺႃႇ လုၵ်ႈႁဵၼ်းၶဝ် တွင်းမၢႆလႆႈ ၵတ်ႉၶႅၼ်ႇတၢၼ်ႇလႂ်ၼႆၼၼ်ႉယဝ်ႉ။ ပွႆးၶူၼ်ႉၶႆႈ ဢၼ်ႁဵတ်းတီႈ ပၢင်လူင်ၼႆႉ လီၶဝ်ႈၸႂ် တႄႉတႄႉ။ ဝၼ်းတႄႇမၼ်းၼၼ်ႉ ၵၢင်ၼႂ်ၸဝ်ႉ 7 မွင်း သင်ႇၶႃႇၸဝ်ႈ ဢၼ်တူၵ်းပုၼ်ႈၽွၼ်း ပႂ်ႉၽိူၼ်ၼၼ်ႉ ဢွၼ်ၵၼ် မႃးဢဝ်တီႈယူႇဝႆႉ တီႈၽိူၼ်ၽႂ်မၼ်းသေ ၼိုင်ႈၽိူၼ် လႆႈပႂ်ႉသၢမ်ပႃး။ တီႈၼိူဝ် ၽိူၼ်ၶဝ်ၸဝ်ႈၼၼ်ႉ တၵႃႇၶဝ် မႃးလူႇဝႆႉ ၼမ်ႉၵိၼ် ၼမ်ႉဝၢၼ် မၢၵ်ႇဢူမ် ယႃႈယႃလႄႈ မွၵ်ႇၸိူဝ်းၼႆႉ ၵူႈၼႂ်ယဝ်ႉ။ 
ၽွင်းမိူဝ်ႈ ပိုတ်ႇပၢင်ၵႅဝ်ႈ တႃႇတေၶူၼ်ႉၶႆႈၼၼ်ႉ ၸဝ်ႈၽူႈမီး ပုၼ်ႈၽွၼ်းၶဝ် လႆႈလွတ်ႈႁေႃး လင်ႇၵႃႇ ဢေႃးၽႃႇမင်ႇၵလႃႇ ပိုတ်ႇၸွင်ႈဢွၼ်တၢင်း၊ ဝၢႆးၼၼ်ႉ ၸဝ်ႈႁူဝ်ပဝ်ႈ ၼဵၵ်းႁိင်ႇ ပၼ်ဢၼုၺၢတ်ႈ ပိုတ်ႇၸွင်ႈလႄႈ ဢွၼ်ႇၸၢႆးၶဝ် ဢၼ်ၼုင်ႈၶူဝ်းတႆး ဢၼ်ၼင်ႈပႂ်ႉဝႆႉ တီႈၽိူၼ်ၼၼ်ႉ ဢွၼ်ၵၼ် လုၵ်ႉပိုတ်ႇၸွင်ႈၵႂႃႇၵမ်းလဵဝ်၊ ၸုမ်းတူႇရိယႃႇၶဝ်ၵေႃႈ ဢွၼ်ၵၼ် ႁႆႇသဵင်တူႇရိယႃႇၵႂႃႇလႄႈ ပဵၼ်လွင်ႈလီၸႂ်တိူဝ်း လီသိူဝ်းတႄႉတႄႉ။ ၸဝ်ႈသၢင်ႇၸဝ်ႈၸၢင်း ဢၼ်တေၶူၼ်ႉၶႆႈလိၵ်ႈ ၼႆၵေႃႈ ဝဵၼ်းမႆ ၽႃႈလိူင်သၢင်ႇၵၢၼ်း ၽဵင်ႇၽဵင်ႇ ယိပ်းၵမ် ပပ်ႉဢွၼ်ႇၽႂ်မၼ်း ၼင်ႈပႂ်ႉဝႆႉ ၼိူဝ်တင်ႇ ဢၼ်ၶပ်ႉယႆၵၼ်ဝႆႉၼၼ်ႉသေ ပေႃးဝႃႈ ငိၼ်းသဵင်ႁိင်ႇ သဵင်တူႇရိယႃႇၵေႃႈ ၼႅတ်ႈလုၵ်ႉၶဝ်ႈၵႂႃႇၼႂ်းၵျွင်း။ ၵႂႃႇၸူးတီႈ ၽိူၼ်ၽႂ်ႇၽိူၼ်မၼ်းသေ ဢဝ်သူပ်းၶူၼ်ႉၶႆႈ လွတ်ႈႁေႃး လိၵ်ႈၶဝ် ၸွမ်းၼင်ႇ မၵ်းမၢႆဝႆႉၼၼ်ႉ သဵင်ဢွၼ်ႇၶဝ်ၸဝ်ႈ သမ်ႉပေႃးပၼ်းၵႂႃႇသဵင်ႈလႄႈ လီထွမ်ႇသေ ဢမ်ႇၵႃး မီးမင်ႇၵလႃႇတႄႉတႄႉ။

ၸဝ်ႈပႂ်ႉၽိူၼ်ၶဝ်ၵေႃႈ လႆႈဝႆႉသတိထွမ်ႇ ၸဝ်ႈဢၼ်မႃးၶူၼ်ႉၶႆႈၼၼ်ႉသေ ပႂ်ႉပၼ် မၢႆၶဝ်ၸဝ်ႈယူႇ။ တၵႃႇၶဝ်ၵေႃႈ ဢွၼ်ၵၼ်မႃးပႂ်ႉၼပ်ႉယမ် ထွမ်ႇတူၺ်း သဵင်ဢွၼ်ႇ ဢၼ်ၶဝ်ၸဝ်ႈၶူၼ်ႉၶႆႈၼၼ်ႉသေ ဢမ်ႇၵႃး မၢင်ၸုမ်း ဢဝ်မၢၵ်ႇဢူမ် မႃးလူႇ၊ မၢင်ၸိူဝ်း ႁဵတ်းၼမ်ႉဝၢၼ် မႃးတၢၼ်း မၢင်ၸုမ်း မႃးဝႆႈမႃးဝၢၼ်းလႄႈ ၶဝ်ႈပဵၼ် ၵၢၼ်လီၵုသူဝ်ႇ ပုၼ်ႈတႃႇ သႃႇသၼႃႇ ႁိူဝ်ႈႁိူင်းပိူင်းသႂ်ယဝ်ႉ။ ၶၢဝ်းယၢမ်း ၶူၼ်ႉၶႆႈၼႆႉတႄႇၵၢင်ၼႂ် 7 မွင်း တေႃႇထိုင် ၵၢင်ၼႂ် 10 မွင်း ပွၵ်ႈၼိုင်ႈ၊ တႄႇဢဝ်ဝၢႆးဝၼ်း 12 မွင်း တေႃႇထိုင် တၢမ်းၶမ်ႈ 4 မွင်း ထႅင်ႈပွၵ်ႈၼိုင်ႈသေ လႆႈႁဵတ်းၵႂႃႇသွင်ဝၼ်းယဝ်ႉ။ ဝၼ်းယဝ်ႉၼၼ်ႉ ၶိုၼ်းမီး ပွႆးတုပ်ႇၸွင်ႈသေ လႆႈႁေႃးလိၵ်ႈ ဢေႃးၽႃႇမင်ႇၵလႃႇ တုပ်ႇၸွင်ႈၵႂႃႇၼင်ႇၵဝ်ႇ။
ႁဵတ်းၼၼ် ၸဝ်ႈမီးပုၼ်ႈၽွၼ်းၶဝ် ၸိူဝ်းလူဝ်ႇထတ်းလိၵ်ႈၵေႃႈထတ်း၊ ၸိူဝ်းလူဝ်ႇ လေႃးမၢႆၵေႃႈလေႃး ၸိူဝ်းလူဝ်ႇတႅမ်ႈမၢႆဢွင်ႇၵေႃႈ ၶတ်းၸႂ် ဢမ်ႇလိုဝ်ႈဢမ်ႇသဝ်းယူႇ၊ မိူဝ်ႈပီၵွၼ်းငိုၼ်းၼႆႉ ပႆႇမီးၶွမ်ႇပိဝ်ႇတိူဝ်ႇလႄႈ ၸဝ်ႈၸုမ်းပွင်ၵၢၼ်ၶဝ် လႆႈဢဝ်လဵၵ်း ၵၼ်းၺိတ်ႈ တႅမ်ႈသႂ်ႇၼိူဝ်ၸေႈၶႆသေ ႁဵတ်းပဵၼ်ၶေႃႈထၢမ်၊ ဢဝ်ၸၢၵ်ႈၵိင်ႈမိုဝ်း ပၼ်ႇဢိတ်ႇဢွၵ်ႇ ၼိုင်ႈၵမ်းၼိုင်ႈမၢင်သေ သိုပ်ႇပၢင်ပွႆးမႃး ၵူႈပီယဝ်ႉ။ ၸဝ်ႈလႂ်တူဝ်လိၵ်ႈႁၢင်ႈလီၵေႃႈ လႆႈဢဝ်ၸဝ်ႈပႃးၼၼ်ႉ တႅမ်ႈၸေႈၶႆယဝ်ႉ။ မၢင်ၸိူဝ်း သမ်ႉၵွႆယွၵ်ႇၵၼ်ဝႃႈ ၸိူဝ်းတူဝ်လိၵ်ႈႁၢင်ႈလီၼႆႉ ၵွပ်ႈၶဝ်ၵႆႉတႅမ်ႈလိၵ်ႈၸူႉ ၼႆလူးၵွၼ်ႇ။ ၼင်ႇႁိုဝ်သဵၼ်ႈမၢႆဢွင်ႇ တေဢွၵ်ႇ ၶိုၼ်းၶိင်ႇၶိုတ်းယၢမ်းၼၼ်ႉ ၸုမ်းၽူႈပွင်ၵၢၼ်ၶဝ်ၸဝ်ႈ သမ်ႉပေႃး ဢမ်ႇတၼ်းၵိၼ်ၶဝ်ႈ လႆႈၶတ်းၸႂ် တင်းၶမ်ႈတင်းၶိုၼ်းယဝ်ႉ။ ယွၼ်ႉပိူဝ်ႈ တၢင်းၵႆႉ ဝီႇရိယၶဝ်ၸဝ်ႈလႄႈ ဝၢႆးၶူၼ်ႉၶႆႈယဝ်ႉ ဝၼ်းၼိုင်ႈ မၢႆဢွင်ႇဢွၵ်ႇယဝ်ႉ။ တမ်ႈတီႈ ၼႄမၢႆဢွင်ႇၼၼ်ႉ ၸဝ်ႈသၢင်ႇ ၸဝ်ႈၸၢင်းဢွၼ်ႇၶဝ် ၵႂႃႇလွမ်တူၺ်း ပေႃးပဵၼ်ဢုမ်ႇပဵၼ်ထၢပ်ႈ၊ ဢွၼ်ၵၼ် ၸူမ်းသိူဝ်း လွင်ႈၶဝ်ၸဝ်ႈ ဢွင်ႇလိၵ်ႈၼၼ်ႉယူႇ။ ဝၼ်းလိုၼ်းသုတ်းၼႆႉတႄႉ ဝၢႆးသုင်းသွမ်းဝၼ်းယဝ်ႉ ပၼ်သူး ပၼ်မၢႆဢွင်ႇ ယၢတ်ႇၼမ်ႉသေ သိမ်းပၢင်ၵႂႃႇယဝ်ႉ။ ၸိူဝ်းယူႇၸမ်ၼၼ်ႉ ဢွၼ်ၵၼ် ပွၵ်ႈမိူဝ်းဝၼ်းၼၼ်ႉ ၵမ်းလဵဝ် ၸိူဝ်းယူႇၵႆတႄႉ ထႅင်ႈဝၼ်းၼိုင်ႈ ၸင်ႇဢွၼ်ၵၼ် ပွၵ်ႈမိူဝ်းယဝ်ႉ။ ယၢမ်းလဵဝ်တႄႉ ဢွၼ်ၵၼ် ၶီႇၵႃး ၶီႇထေႃႈ လေႃႈလူင်မိူဝ်းသေတႃႉ မိူဝ်ႈၵူႈပွၵ်ႈတႄႉ ဝၢႆးပွႆးယဝ်ႉ ဝၼ်းၼိုင်ႈၼၼ်ႉ ၼၢႆးသွမ်းၶဝ် လႆႈၼိုင်ႈၶဝ်ႈၼဵဝ် လႆႈႁဵတ်း ႁေႃႇၶဝ်ႈ ၸွၵ်းၽၵ်းသေ လူႇတၢၼ်းပၼ် ၸဝ်ႈသၢင်ႇၶဝ် ဢၼ်တေပႆမိူဝ်းၼၼ်ႉယဝ်ႉ။ ပဵၼ်ႁိုဝ်ပဵၼ် သင်ႇၶႃႇတႆးႁဝ်း လႆႈသိူဝ်းၸႂ်မႃး ယွၼ်ႉလူၺ်ႈ တၢင်းယိူင်းဢၢၼ်း မီးဝႆႉၼၼ်ႉယူႇ။ 
တမ်ႈတီႈ ပွႆးပီၵွၼ်းငိုၼ်း 1345 လိူၼ် 3 လွင်ႈ 8 ၶမ်ႈၼႆႉ ႁဵတ်းပႃးပွႆးၵၼ်ႇတေႃး ၸဝ်ႈသြႃႇသင်ႇၶမႁႃႇၼႃႇယၵ ၸိုင်ႈမိူင်း ၶဝ်ၸဝ်ႈသေ လူႇတၢၼ်း ပပ်ႉပိတၵၢတ်ႈတႆးပၼ် တမ်ႈတီႈ ၸုမ်းသင်ႇၶမႁႃႇၼႃႇယၵၸိုင်ႈမိူင်းလႄႈ ၵႅမ်ႁူဝ်ပဝ်ႈ သင်ႇၶမႁႃႇၼႃႇယၵ ၸဝ်ႈသြႃႇလူင် မိူင်းပေႇ ႁပ်ႉဢဝ်ၵႂႃႇယဝ်ႉ။ ၸဝ်ႈသြႃႇလူင် မိူင်းပေႇ လႆႈမႃးငိၼ်း သဵင်ၸုမ်းထမ်ႇမၸၵျႃႇၽၢႆႇတႆး ဝဵင်းပၢင်လူင် ႁေႃးလွတ်ႈ ပႃႇလိထမ်ႇမၸၵျႃႇၼႆႉ မၼ်းၸဝ်ႈ ယွင်ႈယေႃးၵႂႃႇဝႃႈ သဵင်ဢၼ် ပီႈၼွင်ႉတႆး လွတ်ႈႁေႃး ပႃႇလိၼႆႉ မၢၼ်ႇမႅၼ်ႈတႄႉတႄႉ ၼႆယဝ်ႉ။
ဝၼ်းယၢတ်ႇၼမ်ႉ ပွႆးပီၵွၼ်းငိုၼ်းတႄႉ ႁဵတ်းၵႂႃႇမိူဝ်ႈ လိူၼ် 3 လွင်ႈ 9 ၶမ်ႈ၊ ပၼ်သူး ပၼ်မႂ်ဢွင်ႇ တမ်ႈတီႈ သင်ႇၶႃႇၸဝ်ႈ ၸိူဝ်းဢၼ်ဢွင်ႇၼၼ်ႉ ၵႂႃႇယူႇ။ ပီၵွၼ်းငိုၼ်းၼႆႉ ယွၼ်ႉပိူဝ်ႈ ပဵၼ်ပီ ၶိုၵ်ႉၶၢႆးလူင်လႄႈ ပီႈၼွင်ႉတီႈၸမ်တီႈၵႆ ၵူႈတီႈၵူႈတၢင်း ဢွၼ်ၵၼ် ႁွတ်ႈၽႅဝ်မႃး ဢွၼ်ၵၼ်မႃး ႁူမ်ႈလူႇတၢၼ်းလႄႈ ၼႂ်းၵျွင်းၽြႃးလူင် မူၺ်ႇတေႃႇ သမ်ႉပေႃးဢမ်ႇမီး တီႈၼင်ႈ၊ သမ်ႉပေႃးလူၼ်ႉဢွၵ်ႇၼွၵ်ႈမႃး ၵမ်ႈၽွင်ႈ လႆႈၼင်ႈတီႈၼွၵ်ႈသေ လူႇတၢၼ်းၵႂႃႇၸွမ်းပိူၼ်ႈၵူၺ်းယဝ်ႉ။ ပၢင်ပွႆး ပရိယတ်ႉတိသတ်ႉထမ်ႇမပႃႇလ ၵႅၼ်ႇၸဝ်ႈၸိုင်ႈတႆး သိုပ်ႇပိူင်းၽႆး ႁိူဝ်ႈႁိူင်းပိူင်းသႂ် ၶၢဝ်ႇငၢဝ်းလင်ၵႆမႃးလႄႈ ၵေႃၽႄၵေႃႈ တူဝ်းတွၼ်ႈၼမ်မႃး ယူႇတိၵ်းတိၵ်းယဝ်ႉ။

တႃႇတေတင်ႈ မုၵ်ႉၸုမ်း ၼိုင်ႈဢၼ်ၼႆႉ ဢမ်ႇယၢပ်ႇ၊ ၵူၺ်းၵႃႈ ပုၼ်ႈတႃႇ မုၵ်ႉၸုမ်းၼိုင်ႈဢၼ် တေသိုပ်ႇယိုၼ်းယၢဝ်းၵႂႃႇ ၶၢဝ်းႁိုင်ၼၼ်ႉ ယၢပ်ႇတႄႉတႄႉ။ ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆးၼႆႉတႄႉ ဢဝ်ပရိယတ်ႉတိ ႁဵတ်းပဵၼ်ငဝ်ႈသေ သိုပ်ႇပႆၶၢဝ်းတၢင်းယၢဝ်း သိုပ်ႇၶၢဝ်းၸွမ်း ယိူင်းမၢႆ သိုပ်ႇသၢႆၸႂ် ပရိယၢတ်ႈ သူပ်းဢမ်ႇလၢတ်ႈလၢႆလၢႆ သိုပ်ႇမၢႆသိုပ်ႇတႅမ်ႈႁဵၼ်း ဢဵၼ်းဢၢၼ်း ပီၼိုင်ႈယဝ်ႉပီၼိုင်ႈ ႁဵတ်းၼႆမႃးသေ ယဝ်ႉၵႂႃႇၸွမ်း ပီလႂ်ပီၼၼ်ႉယူႇ။ မိူဝ်ႈပီ 1988 ၼၼ်ႉ မိူင်းၽွမ်ႉႁူမ်ႈ မိူင်းမၢၼ်ႈပတ်းပိုၼ်ႉ သုၵ်ႉယုင်ႈ ၵွပ်ႈဝႃႇတ ဢမ်ႇမိူၼ်ၵၼ်လႄႈ ႁူင်းႁဵၼ်း လုၵ်ႈဢွၼ်ႇၵျွင်း လႆႈဢိုတ်း၊ ၸၼ်ႉၸွမ် လႆႈယိုတ်း။ တိူၵ်ႈသွၼ်လိၵ်ႈ လႆႈတိုတ်း။ ပၢင်တွပ်ႇလိၵ်ႈ လႆႈၶီႈလိုတ်းၵႂႃႇ တင်းၼမ်ယူႇ။ ၵူၺ်းၵႃႈ တမ်ႈတီႈ ပၢင်လူင်ၼႆႉတႄႉ ႁူဝ်ပဝ်ႈ ၸုမ်းပရိယတ်ႉတိသတ်ႉထမ်ႇမပႃႇလ ၸဝ်ႈသြႃႇသေႃးၽိတ (ၽူႈၶဝ်ႈၸုမ်း သင်ႇၶမႁႃႇၼႃႇယၵ) တႅပ်းတတ်းၸႂ်ဝႃႈ ဢမ်ႇဢၢၼ်းပၼ် ပၢင်တွပ်ႇလိၵ်ႈလူႉၼႆသေ သိုပ်ႇၶတ်းၸႂ်ယဝ်ႉ။ လုၵ်ႈၼွင်ႉတပႄး တၵႃႇၵေႃႈ ၽွမ်ႉလႆႈၸႂ်ၵၼ်သေ ႁၢပ်ႇဢဝ်ပုၼ်ႈၽွၼ်း ၵွၼ်းဢဝ်ၼႃႈၵၢၼ် သိုပ်ႇႁဵတ်းမႃး ၼႂ်းၵႄႈတၢင်းယၢပ်ႇၽိုတ်ႇ ၵူႈပိူင်ပိူင် ဢမ်ႇပၼ်သၢႆၸႂ်လိၵ်ႈ ပရိယၢတ်ႈ လူႉလႅဝ်ၼႆႉ လႆႈဝႃႈပဵၼ် ႁၢင်ႈၽၢင် သြႃႇတၵႃႇ ႁၵ်ႉသႃသႃႇသၼႃႇၸဝ်ႈၼႆ တႅမ်ႈမၢႆ သႂ်ႇဝႆႉၼႂ်းပိုၼ်းယူႇ။ 
မႆႉလီမီးၼိုင်ႈတူၼ်ႈ ၼူၵ်ႉမူၼ်ႈ မိုၼ်ႇသႅၼ်တူဝ် ၸိူင်ႉၼင်ႇ ၵႂၢမ်းမီးဝႆႉၼၼ်ႉ သြႃႇၸဝ်ႈလူင်ႁဝ်းၶဝ်ၼႆႉ လႆႈဝႃႈပဵၼ် တီႈပိုင်ႈဢိင် ၵိူဝ်းလီႁဝ်းႁႃး တင်းသဵင်ႈယဝ်ႉ။ ယွၼ်ႉပိူဝ်ႈ ၵုင်ႇၵုၼ်း မုၼ်ငဝ်း သင်ႇၶႃႇၸဝ်ႈၶဝ် ၶတ်းၸႂ်မႃးၼင်ႇၼႆ ပိုတ်ႇပၢၵ်ႈငၢၵ်ႈတၢင်း ၼႄႁဝ်းၼင်ႇၼႆလႄႈ ၸိူဝ်းႁဝ်း ၸၢဝ်းတႆး လႆႈႁၼ် သၢႆလႅင်း ပိတၵၢတ်ႈမႃး တင်းၼမ်ယဝ်ႉ။ ၵူၺ်းၵႃႈ သင်ႇၶႃႇရတြႃး ဢၼ်ဝႃႈၼၼ်ႉ ဢၼ်ဢမ်ႇမုင်ႈမွင်းၵေႃႈ ၸၢင်ႈပဵၼ်မႃးယူႇ၊ ထိုင်မႃး (10/1/1990) တၢမ်းၶမ်ႈ (5:23)မွင်းၼၼ်ႉ ၸဝ်ႈမႁႃႇၼႃႇယၵလူင် ပၼ်ႇတိတ (မိူင်းၼွင်) ၶဝ်ႈသူၼ် မၢၵ်ႇႁၢၵ်ႈၶမ်း တမ်ႈတီႈ ၵျွင်းပိတၵၢတ်ႈ ဝဵင်းတူၼ်ႈတီးၵႂႃႇလႄႈ လႆႈဝႃႈ ႁူမ်ႈၽူၺ်းလူင်ႁဝ်း ၵၢၼ်ႉတူၵ်းၵႂႃႇထႅင်ႈ ၵိင်ႇၼိုင်ႈၼႆယူႇ။ ၶၢပ်ႈတူဝ်ၸဝ်ႈၵေႃႈ လုၵ်ႉတူၼ်ႈတီး ပၢင်းဢဝ်မႃး တမ်ႈတီႈ ပၢင်လူင်သေ မႃးၽွင်းလွင်း သၢင်းၵျူဝ်ႇ တမ်ႈတီႈ ဝၢင်းၵျွင်း ပိတၵၢတ်ႈ လႄႈ မူၺ်ႇတေႃႇ မိူဝ်ႈ (1991) ၼၼ်ႉသေ ၸဝ်ႈသြႃႇဝိပသ်သၼ (ၽူႈမၢႆလူင် ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး) ဢဝ်ထၢတ်ႈလုပ်ႇၸဝ်ႈ ၵႂႃႇႁဵတ်းၵွင်းမူးမွင်ၸႂ် ဝႆႉတမ်ႈတီႈ ႁိမ်းၵျွင်းၵမ်ႇမထၢၼ်း ပၢင်လူင်ၼၼ်ႉယဝ်ႉ။

ၵႂၢမ်းတႆးႁဝ်း မီးဝႆႉဝႃႈ သိူဝ်တၢႆသိူဝ်တႅၼ်း လႅၼ်းတၢႆလႅၼ်းပုတ်ႈ ၼႆၼၼ်ႉ ဝၢႆးသေ ၸဝ်ႈမႁႃႇၼႃႇယၵ ပၼ်ႇတိတ (မိူင်းၼွင်) ၶဝ်ႈသူၼ်မၢၵ်ႇႁၢၵ်ႈၶမ်းၵႂႃႇယဝ်ႉ သင်ႇၶႃႇတင်းလၢႆ ၸင်ႇလႆႈၸႂ်ၵၼ်သေ ဢဝ်ႁူဝ်ပဝ်ႈ ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး ၸဝ်ႈတူၼ်ၶူးလူင် ၺႃႇၼသမ်ႇၽႃႇရ ပုတ်ႈႁၢင်ႈတႅၼ်းတၢင်ၶိုၼ်ႈပဵၼ် မႁႃႇၼႃႇယၵ ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး တူၼ်ထူၼ်ႈသၢမ်ယဝ်ႉ။ ဢွင်ႈတီႈ ႁူဝ်ပဝ်ႈ ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆးၼႆႉ သမ်ႉဢဝ် ၸဝ်ႈတူၼ်ၶူးလူင် ၵုၼပိယ (လွႆၵေႃႇ) ၶိုၼ်ႈပဵၼ် ႁူဝ်ပဝ်ႈသေ သိုပ်ႇဢွၼ်ႁူဝ် သင်ႇၶႃႇၸိုင်ႈတႆးၵႂႃႇယူႇ။

ၼႃႈၵၢၼ် ဢၼ်ဝႃႈၼႆႉ ပေႃးႁဵတ်းႁိုင်မႃးသေ မီးတၢင်း ၶိုၼ်ႈယႂ်ႇမႃးၼႆ ၼႃႈၵၢၼ်မၼ်း ၵွႆႈယူႇၵွႆႈၵႂၢင်ႈၶႂၢင်ၵႂႃႇ တိၵ်းတိၵ်းယူႇ၊ ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆးၼႆႉ ပဵၼ်ငဝ်ႈငုၼ်းလူင်သေ ၽၢႆႇတႂ်ႈငဝ်ႈငုၼ်းၼၼ်ႉ မီးဝႆႉ ၸုမ်းပၢင်ပွႆး ပရိယတ်ႉတိသတ်ႉထမ်ႇမ ပႃႇလယူႇယဝ်ႉ။ ၸုမ်းပၢင်ပွႆး ပရိယတ်ႉတိသတ်ႉထမ်ႇမပႃႇလၼႆႉ သမ်ႉဢဝ်ပုၼ်ႈၽွၼ်း တႃႇတေ ၶိုင်သၢင်ႈႁၢင်ႈပွင် ပၢင်ပွႆးၶူၼ်ႉၶႆႈတႅမ်ႈတွပ်ႇလိၵ်ႈ ၵူႈပီ၊ ဢိၵ်ႇလူၺ်ႈ တႃႇတေၵိူတ်ႇဢွၵ်ႇပၼ် ၸဝ်ႈၶူးသွၼ် တႃႇတေပူင်သွၼ်ပၼ် သင်ႇၶႃႇၼုမ်ႇၶဝ် ႁႂ်ႈပေႃးမေႃလိၵ်ႈမေႃထမ်းၼၼ်ႉယူႇ။ ၼူၵ်ႉၸွၵ်ႇၵေႃႈ ပႄႉလႅမ်ႈၶႃး ၸၢင်ႉငႃးၵေႃႈ ပႄႉလၢၵ်ႈတုမ်ၼႆလႄႈ ၸဝ်ႈတူၼ်ၶူးလူင်သေႃးၽိတ ၵျွင်းမူၺ်ႇတေႃႇၵေႃႈ သိုပ်ႇဢဝ်ပုၼ်ႈၽွၼ်းမႃး၊ ႁူဝ်ပဝ်ႈပွႆး ပရိယတ်ႉတိသတ်ႉထမ်ႇမပႃႇလမႃး တေႃႇပေႃးထူၼ်ႈထိုင် ပီၵွၼ်းၶမ်းယူႇယဝ်ႉ။ သင်ႇၶႃႇၸဝ်ႈၶဝ် ၵူႈတီႈၵူႈတၢင်းၵေႃႈ ဢွၼ်ၵၼ် ၵွၼ်းၼႃႈၵၢၼ်ႇ တႃၵျွင်းၽႂ်မၼ်းသေ ဢမ်ႇၵႃး သိုပ်ႇပိုတ်ႇ တိူၵ်ႈသွၼ်လိၵ်ႈ တီႈၵျွင်းၽႂ်မၼ်းသေ သွၼ်ပၼ် လုၵ်ႈၼွင်ႉတပႄး ႁႂ်ႈပေႃးမီး ပိုၼ်ႉထၢၼ် ပရိယတ်ႉတိယူႇ။ 

ယွၼ်ႉၼၼ် ၵိင်ႇၽႄ ပရိယတ်ႉတိသတ်ႉထမ်ႇမပႃႇလ ၵႅၼ်ႇၸဝ်ႈၸိုင်ႈတႆးၵေႃႈ မီးမႃးတင်းၼမ်သေ ဢွင်ႈတီႈ ႁဵတ်းပွႆးတွပ်ႇလိၵ်ႈ ပရိယတ်ႉတိသတ်ႉထမ်ႇမပႃႇလၵေႃႈ မီးမႃး (20) ပၢႆယဝ်ႉ။ လိူဝ်သေၼၼ်ႉ ၼင်ႇႁိုဝ် လိၵ်ႈတႆးတူဝ်မူၼ်း ပေႃးတေၸၢင်ႈတႅမ်ႈမၢႆ ပႃႇလိၼၼ်ႉၼႆၵေႃႈ မိူဝ်ႈ 1363 ၼီႈ လိူၼ်ႁူၵ်းလွင်ႈ 14 ၶမ်ႈ (20/5/2001)ၼၼ်ႉၵေႃႈ ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး ႁဵတ်းပဵၼ် ပၢင်ၵုမ်သေ တႅပ်းတတ်း ႁဵတ်းပဵၼ် ပႃႇလိတႆးၵႂႃႇယဝ်ႉ။ ၵူၺ်းၵႃႈ ဝၢႆးသေၼၼ်ႉ ဢမ်ႇပေႃးႁိုင် လႆႈငိၼ်းၶၢဝ်ႇငၢဝ်း မွင်ၸႂ်ဢွၼ်ႇဢၼ်ၼိုင်ႈ လႆႈႁူႉဝႃႈ တီႈပိုင်ႈဢိင်ႁဝ်းႁႃး ၸဝ်ႈတူၼ်ၶူးလူင် ၵုၼပိယ (လွႆၵေႃႇ ႁူဝ်ပဝ်ႈ ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး) လပ်ႉလွႆငိုၼ်းလွႆၶမ်းပႅတ်ႈႁဝ်းၵႂႃႇ ၼႆၼၼ်ႉယဝ်ႉ။ တႅၼ်း ဢၼ်ဝႃႈၼၼ်ႉ ႁူႉတၵႃႈ တေလႆႈ သိုပ်ႇတႅၼ်းၵႂႃႇယူႇ။ ၵွပ်ႈၼႆ ဢွင်ႈတီႈ ႁူဝ်ပဝ်ႈငဝ်ႈငုၼ်း မုၵ်ႉၸုမ်းလူင် သင်ႇၶႃႇၸိုင်ႈတႆးၼႆႉ ၸင်ႇၶိုၼ်းလႆႈလိူၵ်ႈဢဝ် ၸဝ်ႈတူၼ်ၶူးလူင် ပၺ်ႇၺႃႇၼၼ်ႇတ (မႁႃႇၵၼ်ႇထဝႃႇၸၵ ပၼ်ႇတိတ၊ သႃႇသၼထၸ ထမ်ႇမႃႇၸရိယ) ၵျွင်းထၢတ်ႈတေႃႇ ဝဵင်းလွႆလႅမ် ပုတ်ႈတႅၼ်းတၢင် သိုပ်ႇဢဝ်ပုၼ်ႈၽွၼ်း သိုပ်ႇၵွၼ်းၼႃႈၵၢၼ်ၵႂႃႇယူႇ။

တႃႇတေႁႂ်ႈ ၼေႃႇတႅၼ်းၶိူဝ်း ႁူႉႁၼ်လိၵ်ႈထမ်းၼၼ်ႉ သွၼ်ႁဵၼ်းပၼ် ၸဝ်ႈသၢင်ႇၸဝ်ႈၸၢင်းၶဝ် လၢႆလၢႆၵူၺ်းၵေႃႈ ပႆႇၵုမ်ႇထူၼ်ႈၵွၼ်ႇ။ ပုၼ်ႈတႃႇ လုၵ်ႈဢွၼ်ႇ ၵူၼ်းႁိူၼ်း ၸိူဝ်းတိုၵ်ႉၶိုၼ်ႈယႂ်ႇမႃးၵေႃႈ ႁႂ်ႈပေႃးႁူႉႁၼ် လွင်ႈယဵၼ်ႇငႄႈပုတ်ႉထလႄႈ မိူဝ်ႈပီ 1992 ၼၼ်ႉ ၸင်ႇႁဵတ်း ပၢင်ၵုမ်ၵၼ် တမ်ႈတီႈ ၵျွင်းၵွင်းမူးၶမ်း ဝဵင်းမူႇၸေႈသေ ၽွတ်ႈပဵၼ် ၸုမ်းၽိင်ႈငႄႈပုတ်ႈထယဝ်ႉ။ ၸွမ်းၼင်ႇ ၸုမ်းပရိယတ်ႉတိ သတ်ႉထမ်ႇမပႃႇလ မီးၵိင်ႇၽႄ သွၼ်ႁဵၼ်း လိၵ်ႈထမ်းပၼ် ၸဝ်ႈသၢင်ႇၸဝ်ႈၸၢင်းၶဝ်သေ ႁဵတ်းပွႆးတွပ်ႇလိၵ်ႈၵႂႃႇ ၵူႈပီၼၼ်ႉ ၸုမ်းၽိင်ႈငႄႈပုတ်ႉၵေႃႈ ပေႃးဝႃႈ ထိုင်မႃး ၶၢဝ်းမႆႈ ၶၢဝ်းလုၵ်ႈႁဵၼ်းၶဝ် ဢိုတ်းႁဵၼ်းၸိုင် ၸဝ်ႈသၢင်ၸဝ်ႈၸၢင်း ႁူမ်ႈတင်း မေႃသွၼ် ၽိင်ႈငႄႈပုတ်ႉထ ၸုင်ၸၼ်သၢၼ်မိုဝ်းၵၼ် ပိုတ်ႇၽုၺ်ႇ ပၢင်သွၼ်လိၵ်ႈတႆးလႄႈ ၽိင်ႈငႄႈပုတ်ႉထ ၵူႈတီႈၵူႈတၢင်း ၵူႈပီယူႇ။ လုၵ်ႈႁဵၼ်း ၽိင်ႈငႄႈပုတ်ႉထ ၼႂ်ႈမိူင်းတႆး မိူင်းမၢၼ်ႈ ၼိုင်ႈပီ မီးမွၵ်ႈ ၼိုင်ႈမိုၼ်ႇ ၵူႈပီသေ ႁဵတ်းပွႆးလူင်းပၢင်ၵႂႃႇ သိုဝ်ႈၽႂ်တၼ်းမၼ်း ၸွမ်းၼင်ႇ သၢႆငၢႆပၼ်ၼၼ်ႉယူႇ။ 
ၸုမ်းၽိင်ႈငႄႈပုတ်ႉထၵေႃႈ ႁဵတ်းဢွၵ်ႇမႃး ပပ်ႉသွၼ်ႁဵၼ်း တႄႇဢဝ် ၸၼ်ႉငဝ်ႈတေႃႇထိုင် ၸၼ်ႉသိပ်းသေ ဢမ်ႇၵႃး ပပ်ႉၸဵင်ၶမ်းလႅင်းၵေႃႈ ႁဵတ်းဢွၵ်ႇမႃး ၵူႈပီ ထပ်းၵၼ်သေ ပၼ်တၢင်းႁူႉတၢင်းႁၼ် ပုၼ်ႈတႃႇသႃႇသၼႃႇၵႂႃႇယူႇ။ 

ၶၢဝ်းတၢင်း ဢၼ်ႁဝ်းႁႃး သြႃႇတၵႃႇ လႆႈလတ်းမႃးၼႆႉ မိူဝ်ႈတႄႇမၼ်း တႄႇပိၼ်ႇၽႃႇသႃႇ၊ လုၵ်ႉတီႈၼၼ်ႈသေ သိုပ်ႇသွၼ်ႁဵၼ်းၵၼ်မႃးလႄႈ ၵိူတ်ႇဢွၵ်ႇပၼ်မႃး ၵေႃႉႁၢၼ်သႃႇသၼႃႇ တင်းၼမ်။ ႁုပ်ႈၸၼ်ဢဝ် ၼမ်ႉၸႂ်ပီႈၼွင်ႉတႆး ၶွၼ်ႈၵၼ် သိုပ်ႇယၼ်ၶိုၼ်ႈၼႃႈ ဢမ်ႇၽႃႈမိုဝ်းၵၼ် ႁဵတ်းၼၼ်လႆႈႁၼ် ၼမ်ႉတွၼ်းၽွၼ်းလီ မီးမႃးတင်းၼမ် တႅပ်းတတ်း ၵႃႈၶၼ်ပေႃးဢမ်ႇလႆႈယဝ်ႉ။ ႁဵတ်းၼႆသေ ၶၢဝ်းတၢင်းႁဝ်း သိုပ်ႇယၢင်ႈယၢဝ်းသေ မိူဝ်ႈပီၶရိတ်ႉ 2008 ၼၼ်ႉ ႁွတ်ႈထိုင်မႃး (50) ပီတဵမ်ယဝ်ႉလႄႈ ပဵၼ်မႃး ပွႆးပီၵွၼ်းၶမ်းယူႇ။ 
မိူဝ်ႈၶွပ်ႈၶူပ်ႇ ပီၵွၼ်းငိုၼ်း (25)ပီၼၼ်ႉ တီႈၼႂ်းဝၢင်းၵျွင်း ပိတၵၢတ်ႈ လႆႈႁဵတ်းမၵ်းမၢႆဝႆႉ ၵျွင်းပီၵွၼ်းငိုၼ်း လင်ၼိုင်ႈသေ ထို်င်မႃး ပီၵွၼ်းၶမ်း (50) ပီတဵမ်ၼႆႉၵေႃႈ သြႃႇလႄႈ တၵႃႇ ၵူႈတီႈတီႈ ဝႆႉၸႂ်ပိုတ်ႇၵီႈၶၢဝ်သႂ် ၵုမ်ႉၵႅမ်ထႅမ်ၸွႆႈလူႇတၢၼ်းမႃးလႄႈ ၸင်ႇလႆႈႁဵတ်းဝႆႉ တီႈမၢႆတွင်း ႁူင်းထမ်းလူင် သုဝၼ်ႇၼၽူႇမိ သွင်ၸၼ်ႉလင်ၼိုင်ႈ ႁႂ်ႈလႆႈ သဝ်းထင် ၵိုၵ်းၵပ်းၸပ်းၵႂႃႇ ၼႂ်းသႃႇသၼႃႇ ပုတ်ႉထၸဝ်ႈယူႇ။ တၢင်းလူႇ ဢၼ်လူႇဝႆႉၼႆႉ ၽီႁိမ်ၵေႃႈ ဢမ်ႇလႆႈ၊ ၵူၼ်းႁိမ်ၵေႃႈ ဢမ်ႇလႆႈ၊ သတ်ႉတဝႃႇ ႁိမ်ၵေႃႈ တေႃႈဢမ်ႇလႆႈလႄႈ ပဵၼ်ၶူဝ်းၶွင် ဢၼုၷႃႇမိၵ ပုၼ်ႈတႃႇ ပႃးၵႂႃႇၸၢတ်ႈၼႃႈ တေႃႇပေႃးႁွတ်ႈ ထိုင်တႃႈမၢၵ်ႈတႃႈၽူဝ်ႇပုၼ်ႉယဝ်ႉ။

ၼင်ႇႁိုဝ် လုၵ်ႈလၢၼ် ၼေႃႇတႅၼ်းၶိူဝ်း ၸၢဝ်းပုတ်ႉ တေမီးတၢင်းႁူႉ လွင်ႈၽႃႇသႃႇ မၼ်ႈၵႅၼ်ႇၼႅၼ်ႈၼႃၼၼ်ႉ ထိုင်မႃး ပီၶရိတ်ႉ 2014 ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး ၸင်ႇဢၼုၺၢတ်ႈ ႁႂ်ႈၽွတ်ႈပဵၼ် ၸုမ်း ႁူင်းႁဵၼ်းထမ်ႇမသေ ႁႂ်ႈသိုပ်ႇႁဵတ်းၵၢၼ်ၵႂႃႇယဝ်ႉ။




#Article 30: ငူးႁဝ်ႇဢၼ်ဢွၵ်ႇတေႃးသယူႇတီႈၼႂ်းထဵင် ဢုရုဝေႇလ (129 words)


ပုၼ်ႈတႃႇႁႂ်ႈလႆႈပဵၼ်ၽွၼ်းလီ လွင်ႈသိူဝ်းသႃႇငမ်းယဵၼ်ၵူၼ်းတင်းလၢႆၼၼ်ႉ ပုတ်ႉထၸဝ်ႈၼႆႉ ၸင်ႇလႆႈပွႆႇရႁၢၼ်းတႃႇၶဝ် ႁူၵ်းသိပ်းတူၼ် တႃႇတေပိုၼ်ၽႄႈသႃႇသၼႃႇယူႇယဝ်ႉ။ တူဝ်ၸဝ်ႈၵေႃႈ တႃႇတေပိုၼ်ၽႄႈသႃႇသႃႇၼၼ်ႉ ၸင်ႇယေႃးၶိင်းဢွၵ်ႇမႃးၽႅဝ်ထိုင် ထိူၼ်ႇဢုရုဝေႇလယူႇယဝ်ႉ။

ၼိူဝ်ၽင်ႇၼမ်ႉၼေႇရၼ်ႇၸရႃႇၼၼ်ႉ သြႃႇလူင်ဢုရုဝေႇလၵသ်သပတင်းလုၵ်ႈၼွင်ႉမၼ်းႁႃႈပၢၵ်ႇ ယူႇသဝ်းဝႆႉယူႇ။ ပွတ်းတႂ်ႈသမ်ႉ ၼတီႇၵသ်သပ ၵေႃႉပဵၼ်ၼွင်ႉ တင်းလုၵ်ႈၼွင်ႉမၼ်းသၢမ်ပၢၵ်ႇယူႇသဝ်းယူႇ။ ၽၢႆႇႁၢင်ၼမ်ႉၼၼ်ႉ ၵႃႇယႃၵသ်သပၵေႃႉပဵၼ်ၼွင်ႉပၢႆ တင်းလုၵ်ႈၼွင်ႉမၼ်းသွင်ပၢၵ်ႇ ယူႇသဝ်းဝႆႉယူႇ။ ၶဝ်တၢင်းမူတ်းၼႆႉ ဢွၼ်ၵၼ်ဝႆႉ ၶူၼ်ႁူဝ်ယၢဝ်းသေ ၸွၵ်းမူၺ်းၶူၼ်ႁူဝ်ဝႆႉ။ ၶဝ်တင်းသဵင်ႈ မီးတၢင်းယုမ်ႇယမ်ပူႇၸေႃႇၽီၾႆးလႄႈ ၸင်ႇဢွၼ်ၵၼ်ႁဵတ်းပွႆးပူႇၸေႃႇၽီၾႆးယူႇသေႇသေႇယဝ်ႉ။

ဢုရုဝေႇလၵသ်သပလႄႈ လုၵ်ႈၼွင်ႉမၼ်းၼႆႉ ဢမ်ႇယူႇႁူမ်ႈလေႃးတင်းၵူၼ်းဝၢၼ်ႈတၢင်ႇတီႈသေ ယူႇၼႂ်းပရဝုၼ်ႇၶဝ်ယဝ်ႉ ၼႂ်းပရဝုၼ်ႇၼၼ်ႉ မီးဝႆႉသိုင်ႇဢၼ်ၼိုင်ႈ။ ပဵၼ်တီႈပူႇၸေႃႇၽီၾႆး။ ၽွင်းမိူဝ်ႈၽြႃးပဵၼ်ၸဝ်ႈ ၽႅဝ်မႃးၼၼ်ႉ ၸင်ႇယွၼ်းၶႂၢင်ႉ ႁႂ်းလႆႈၵိုတ်းသဝ်းၼႂ်းသိုင်ႇၼၼ်ႉ ၼႆယဝ်ႉ။ ဢုရုဝေႇလၼႆႉ ယွၼ်ႉဢမ်ႇၶႂ်ႈဝႆႉ သမၼၵေႃႉၼိုင်ႈ ၼႂ်းသိုင်ႇၼၼ်ႉလႄႈ ၸင်ႇဝႃႈ သိုင်ႇၼၼ်ႉဢမ်ႇပဝ်ႇ၊ ၵူၺ်းၵႃႈ ႁိမ်းၼၼ်ႉ မီးထဵင်လင်ၼိုင်ႈ၊ သင်ဝႃႈၶႂ်ႈၵိုတ်းသဝ်းၵေႃႈၵိုတ်းသဝ်းတီႈၼၼ်ႉလႄႈ ၼႆသေ ၸင်ႇၸီႉၼႄၽြႃးပဵၼ်ၸဝ်ႈ။ ၼႂ်းထဵင်ၼၼ်ႉ မီးငူးႁဝ်ႇလူင်တိူဝ်ၼိုင်ႈ ၵွင်ႉမၼ်းႁႅင်းၼႃႇ၊ မၼ်းယၢမ်ႈသၵ်းတၢႆၵူၺ်းဢၼ်မႃးၼႂ်းထဵင်ၼၼ်ႉလႄႈ ၾၢင်ႉတူဝ်တႃႉ - ၸင်ႇပၼ်ၵႂၢမ်းၾၢင်ႉတီႈၽြႃးပဵꧣ်ၸဝ်ႈၼင်ႇၼႆ။

ၽြႃးပဵၼ်ၸဝ်ႈ ၸင်ႇဝႃႈ ၵဝ်ဢမ်ႇၵူဝ်သႄႈ၊ ၵဝ်တေလိုဝ်ႈသဝ်းတီႈၼၼ်ႈၵႂႃႈ ၼႆသေ ၽွင်းႁူဝ်ၶမ်ႈၼၼ်ႉ ၸင်ႇၵႂႃႇၼႂ်းထဵင်ၼၼ်ႉ။ ပေႃးၶဝ်ႈၵႂႃႇၵေႃႈ ငူးႁဝ်ႇလူင်ဢွၵ်ႇတေႃးသသေ ဢဝ်ၵၢပ်ႇၶေႃးမၼ်းၵီႈ၊ ပၼ်သဵင်မေႃးသႃႈသႃႈသီႈသီႈယူႇ။ ၽြႃးပဵၼ်ၸဝ်ႈၸင်ႇဢဝ်ၽုၼ်းတၼ်းၶူဝ်းမႅတ်ႉတႃႇ ႁူတ်းယဵၼ်ပၼ်တေႃးသငူဝ်းႁဝ်ႇလူင် ယဵၼ်ႁၢႆၵႂႃႇသေ ၸင်ႇၶဝ်ႈၸၢမ်ႇၸၢၼ်ႇသမႃႇပၢတ်ႈယူႇယဝ်ႉ။

ထိုင်ၵၢင်ၼႂ်မိူင်းလႅင်းမႃး ၵူၼ်းဝၢၼ်ႈၶဝ်ထၢင်ႇဝႃႈ ငူးႁဝ်ႇၼၼ်ႉ သၵ်းသမၼ ဢၼ်မီးႁၢင်ႈၾၢင်လီယၵ်ႉၼၼ်ႉ တၢႆယဝ်ႉၼႆသေ ၸင်ႇမႃးၽုၺ်ႇတူၺ်းၽၵ်းတူ။ ၶဝ်ၸင်ႇလႆႈႁၼ်ၽြႃးပဵၼ်ၸဝ်ႈ ၶဝ်ႈၸၢမ်ႇသမႃႇပၢတ်ႈ ၼိမ်တူဝ်ငမ်းယဵၼ်ယူႇသေ ၽၢႆႈၼႃႈၽြႃးပဵၼ်ၸဝ်ႈၼၼ်ႉ လႆႈႁၼ်ငူးႁဝ်ႇလူင် ၼွၼ်းၶူတ်းယူႇယဵၼ်ယဵၼ်၊ ၶၢမ်ႇတၢင်းမႅတ်ႉတႃႇၵတ်းယဵၼ် ၽြႃးပဵၼ်ၸဝ်ႈ ၶွတ်ႇၶဵၼ်းႁူမ်ႇငမ်းဝႆႉလႄႈ ၸင်ႇဢွၼ်ၵၼ်ဢၢမ်းလူင်ဢၢမ်းလၢင်ၵႂႃႇ။ ၵူၼ်းတင်းၼမ်ၵေႃႈ ၸင်ႇဢွၼ်ၵၼ်ထၢမ်ၽြႃးပဵၼ်ၸဝ်ႈဝႃႈ ၸွင်ႇမီး ဢမ်ႇမီးလွင်ႈၵူဝ်ႁေငူးႁဝ်ႇၼၼ်ႉ-ၼႆယဝ်ႉ။

ၽြႃးပဵၼ်ၸဝ်ႈၼႆႉ လွင်ႈၽၢႆႇပၺ်ႇၺႃႇၼၼ်ႉ သမ်ႉပေႃးႁူႉသဵင်ႈမူတ်းယဝ်ႉ၊ လွတ်ႈယၢၼ်ၵိလေႇသႃႇတင်းမူတ်းယဝ်ႉလႄႈတေႁဵတ်းႁိုဝ်ၵူဝ်ႁႄယဝ်ႉလႃႇ။

သင်ဝႃႈသေၵႃႉၵေႃႉပႃးတေႃးသသေ မႃးလွၵ်ႇငိူတ်ႈၽြႃးပဵၼ်ၸဝ်ႈၸိုင် ၽြႃးပဵၼ်ၸဝ်ႈၼႆႉ ဢဝ်တြႃးဢုပႅၵ်ႉၶႃႇဢၼ်တူၺ်းႁေၼ်ၽဵင်ႇပဵင်းၼၼ်ႉသေ တုမ်ႉတွပ်ႇၶိုၼ်းၵွႆး။ ယွၼ်ႉပဵၼ်ၵေႃႉဢၼ်လွတ်ႈၵၢင်းလွင်ႈမိုတ်ႈမၵ်ႉတင်းလူင်ယဝ်ႉလႄႈ လွင်ႈၶီငဝ်၊ လွင်ႈၵူဝ်ႁႄၸိူဝ်းၼၼ်ႉ တိုၼ်းဢမ်ႇမီးယဝ်ႉ။ ႁဵတ်းႁႂ်ႈၽူၼ်မႅတ်ႈတႃႇၵရုၼႃႇၵွႆး တေႁႃႇတူၵ်းလူင်းပၼ်။

ထမ်မပတ ၊ ႒႑႕
လွင်ႈမိုတ်ႈမၵ်ႉၼႆႉ ၸၢင်ႈႁႂ်ႈပဵၼ်လွင်ႈၶီငဝ်လႄႈ လွင်ႈၵူဝ်ႁေ။ ၵေႃႉဢၼ်ဢမ်ႇမီးလွင်ႈမိုတ်ႈမၵ်ႉၼၼ်ႉ ဢမ်ႇမီးတၢင်းၶီငဝ်လႆႈ၊ ၵွပ်ႈၼၼ်လႄႈ တေႁဵတ်းႁိုဝ်မီးတၢင်းၵူဝ်သင်ယဝ်ႉလႃႇ။

ၼႃႈလိၵ်ႈ ႓႕၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 31: တပဵၵ်ႉၵျိၼ်း၊ ဝဵင်း (138 words)


ဝဵင်းတပဵၵ်ႉၵျိၼ်း (), () ၼႆႉ ပဵၼ်ဝဵင်း ဢၼ်မီးတီႈၼႂ်း ၸႄႈတွၼ်ႈပၢင်ႇဢူး၊ ၸႄႈတိူင်းတႃႈလိူဝ်ႇ၊ မိူင်းမျႅၼ်ႇမႃႇ ယဝ်ႉ။ ပဵၼ်ဝဵင်းပၵ်းလုမ်းၸႄႈဝဵင်း တႃႇ ၸႄႈဝဵင်းတပဵၵ်ႉၵျိၼ်းယဝ်ႉ။ ပဵၼ်ဝဵင်းႁိူဝ်းသိူၵ်ႈ ဢၼ်မီးၽၢႆႇသၢႆႉၽင်ႇ မႄႈၼမ်ႉၵဵဝ်ယဝ်ႉ။

ပဵၼ်ဝဵင်းၾူၼ်ဢေႇသေ မီးၾိင်ႈၾႃႉယႃႇသီႇမႆႈႁႅင်းယဝ်ႉ။ တၢင်းပီၼႆႉ တၢင်ႉၼမ်ႉၾူၼ် လႆႈ 44 ၼိဝ်ႉၵူၺ်း။ ႁူမ်ႈဝႃႈ မီး လွင်ႈၵပ်းသိုပ်ႇၵႂႃႇမႃးတင်း ၸႄႈမိူင်းၶၢင်၊ မိူင်းတႆး ပွတ်းႁွင်ႇသေတႃႉ ၵူၼ်းယူႇၼႂ်းဝဵင်းၼႆႉ ပဵၼ်ၵူၼ်းၸၢဝ်းၶိူဝ်းမၢၼ်ႈ ၵမ်ႉၼမ်ၵူၺ်း။ 

မိူဝ်ႈပၢၼ်လူင်ပွင်ၸိုင်ႈဢင်းၵိတ်ႉၶဝ် တိုၵ်ႉႁႃသိမ်းဢဝ် မိူင်းမၢၼ်ႈပွတ်းၼိူဝ်ၼၼ်ႉ ဝဵင်းတပဵၵ်ႉၵျိၼ်းၼႆႉ ပဵၼ်ႁူးၶဝ်ႈဢွၵ်ႇသၢႆတၢင်းၼမ်ႉ ၵႂႃႇၸူး မိူင်းၵုတ်ႈ မေႃႇသႅင်ၼၼ်ႉယဝ်ႉ။ ယွၼ်ႉပိူဝ်ႈ တွၼ်ႈတႃႇ လူလွမ်ပႂ်ႉတူၺ်း လိၼ်မေႃႇသႅင်ၼႆ လႆႈတမ်းဝႆႉ တပ်ႉသိုၵ်းလႄႈ ပလိၵ်ႈလႄႈ မိူဝ်ႈၵူႈပွၵ်ႈၼႆႉ ႁူဝ်ႁိူၼ်းၵူၼ်းၵိုၼ်းၼမ်သေၼႆႉယဝ်ႉ။

ဝဵင်းတပဵၵ်ႉၵျိၼ်းမိူဝ်ႈၵူႈပွၵ်ႈၼႆႉ ပႃးၼႂ်းၸႄႈတွၼ်ႈမေႃႇသႅင်သေ ပဵၼ်ဝဵင်းပၵ်းလုမ်း ၶုၼ်ပွင်ၼႃႈလိၼ် ၸႄႈတွၼ်ႈၽႄတပဵၵ်ႉၵျိၼ်းမႃးယဝ်ႉ။ ဝၢႆးၼႆႉမႃးၶိုၼ်း လႅၵ်ႈလၢႆႈ ၸႄႈတွၼ်ႈၽႄတပဵၵ်ႉၵျိၼ်းသေ ဢဝ်သႂ်ႇၶဝ်ႈၼႂ်း ၸႄႈတွၼ်ႈၵၢတ်ႇသႃႇ မႃးယဝ်ႉ။ ဝၢႆးၼႆ့ ယွၼ်ႉ တပဵၵ်ႉၵျိၼ်းၼႆႉ ပဵၼ်မႃးၸႄႈဝဵင်း တီႈၼႂ်း ၸႄႈတွၼ်ႈသူၺ်ႇပူဝ်ႇ မႃးသေ ထိုင်မႃး 1965 လိူၼ်ဢွၵ်ႇထူဝ်ပႃႇ 1 ဝၼ်းမႃး တင်း ၸႄႈဝဵင်းမိူင်းၵုတ်ႈ သေ ထုၵ်ႇဢဝ်သႂ်ႇၶဝ်ႈတီႈၼႂ်း ၸႄႈတွၼ်ႈတႃႈလိူဝ်ႇသေ ယၢမ်းလဵဝ်တႄႉ ၶဝ်ႈပႃးၼႂ်း ၸႄႈတွၼ်ႈပၢင်ႇဢူးယဝ်ႉ။ ၼႃႈလိၼ်ၸႄႈဝဵင်းၼႆႉ ဢမ်ႇမီးၼႃႈလိၼ်ပဵင်းသေ ၽၢႆႇပွတ်းဢွၵ်ႇၼႆႉ သုင်ၶိုၼ်ႈၵႂႃႇၸူး ဝဵင်းမိူင်းၵုတ်ႈယဝ်ႉ။ လိၼ်ၽၢႆႇတႂ်ႈ ၸႄႈဝဵင်းၼႆႉ ၵမ်ႉၼမ်ပဵၼ်လိၼ်ႁိၼ်ထုၼ်ယဝ်ႉ။

သဵၼ်ႈသၢႆတၢင်းၵပ်းသိုပ်ႇတိတ်းတေႃႇ ဝဵင်းတပဵၵ်ႉၵျိၼ်းၼႆႉ တေလႆႈဝႃႈ ဢမ်ႇပေႃးႁၢႆႉၸႃႉၼႃႇၼင်ႇၵဝ်ႇ။ တင်း ဝဵင်းတႃႈလိူဝ်ႇသေ ပေႃးဢဝ် ၶၢဝ်းတၢင်းသၢႆၼမ်ႉဝႃႈ ၵႆယၢၼ် 77 လၵ်းယဝ်ႉ။ ဢၼ်ပဵၼ်ႁိူဝ်းလူင် ဢၼ်ၸုမ်း ၵၢၼ်တေႃႉသူင် သၢႆၼမ်ႉၼႂ်းမိူင်းပိူင်ႇ ဢၼ်လဵၼ်ႈ တႃႈလိူဝ်ႇ မၢၼ်ႈမေႃႇ၊ ၸႄႈၼႃး ၼၼ်ႉၵေႃႈ ၼိုင်ႈဝူင်ႈၼိုင်ႈပွၵ်ႈ မႃးသိူၵ်ႈတီႈ ဝဵင်းတပဵၵ်ႉၵျိၼ်းယူႇယဝ်ႉ။ လိူဝ်သေၼၼ်ႉဢမ်ႇၵႃး ဢၼ်ပဵၼ် ႁိူဝ်းဢွၼ်ႇ ဢၼ်ၶိုၼ်ႈၶိုၼ်ႈလူင်းလူင်း တႃႈလိူဝ်ႇ တပဵၵ်ႉၵျိၼ်းၵေႃႈမီးယဝ်ႉ။ ပေႃးဢဝ်တၢင်းလိၼ်ဝႃႈ လုၵ်ႉဢဝ်တီႈ မေႃႇသႅင် ဝဵင်းမိူင်းၵုတ်ႈ သေ ဢဝ်တၢင်းလူတ်ႉၵႃးဝႃႈ ၵႆယၢၼ် 60 လၵ်း၊ လုၵ်ႉတီႈၼၼ်ႈ ၶိုၼ်းၵႂႃႇလႆႈ မိူင်းမိတ်ႈ၊ မၢၼ်ႈမေႃႇ၊ ၸႄႈၼႃး ၶိုၼ်ႈၵႂႃႇၸူး ၸႄႈမိူင်းၶၢင်၊ ၶိုၼ်းသိုပ်ႇၵႂႃႇလႆႈ ၵျွၵ်းမႄး၊ သီႇပေႃႉ မိူင်းတႆးပွတ်းႁွင်ႇ ၸိူဝ်းၼႆႉယဝ်ႉ။




#Article 32: တပ်ႉသိုၵ်းၸိုင်ႈတႆး (178 words)


တပ်ႉသိုၵ်းၸိုင်ႈတႆး(ပွတ်းႁွင်ႇ) ၼႆႉ ပဵၼ်တပ်ႉသိုၵ်းၸိုင်ႈတႆး ဢၼ်ၶဝ်ႈၸိုဝ်ႈဝႃႈ တပ်ႉသိုၵ်းၸိုင်ႈတႆး ၼႃႈလိၼ်ၶိုၵ်ႉတွၼ်း မၢႆ 3။ ပဵၼ်တပ်ႉသိုၵ်းဢၼ် တိုၵ်းတေႃးသၢၼ်ၶၼ်းတင်း ၸုမ်း ၼဢၽ လူင်ပွင်ႊၸိုင်ႈသိုၵ်းမိူင်းမၢၼ်ႊ။ ပဵၼ်တပ်ႉသိုၵ်း ၽၢႆႇတႂ်ႈပႃႇတီႇမႂ်ႇသုင်ၸိုင်ႈတႆး။ 

ပႃႇတီႇမႂ်ႇသုင်ၸိုင်ႈတႆး ၵေႃႇတင်ႈမိူဝ်ႈ 1964။ တပ်ႉသိုၵ်းၸိုင်ႈတႆး ပွတ်ႇႁွင်ႇ ပဵၼ်တပ်ႉသိုၵ်း ဢၼ်လူင်းလၢႆးမိုဝ်း ဢဝ်ငမ်းယဵၼ်မိူဝ်ႈ 1989 ၼီႈ ဝၢႆးသေ ငူပ်ႉငီႉဢုပ်ႇဢူဝ်းတင်း လူင်ပွင်ႊၸိုင်ႈသိုၵ်းၼေႇဝိၼ်းသေ လႆႈမီးၸတ်ႉထၢၼ်ႈဢုပ်ႉပိူင်ႈ ၼႂ်းၼႃႈတီႈတူဝ်ၵဝ်ႇသေ တင်ႈပဵၼ် တွၼ်ႊလိၼ်ၶိုၵ်ႉတွၼ်းမၢႆ 3 တီႈၼႂ်းၸေႊမိူင်းတႆး။ ၼႂ်းတွၼ်ႊလိၼ်ၼၼ်ႉ ၶဝ်ႈပႃးဝႆႉ ၼမ်ႉၶမ်း၊ လၢင်းၶိူဝ်း၊ သီႇပေႃႇ၊ ၵျွၵ်ႉမႄး၊ မိူင်းသူႈ၊ တၢင်ႉယၢၼ်း၊ မိူင်းယႆ၊ ၵေးသီး လႄႈ ၸေႊဝဵင်းလႃႈသဵဝ်ႈ။ တပ်ႉသိုၵ်းၸိုင်ႈတႆး ပွတ်ႇႁွင်ႇ မီးဢဵၼ်ႁႅင်းသိုၵ်းမွၵ်ႇ 4000 ၵေႃႉ။ ဝၢႆးသေလႆႈဢဝ်ငမ်းယဵၼ်တင်း တပ်ႉသိုၵ်းမၢၼ်ႊယဝ်ႉသေတႃႉၵေႃႈ တပ်ႉသိုၵ်းမၢၼ်ႊ ယင်းတိုၵ်ႉသိုပ်ႇတိုၵ်းတေႃး ၼႂ်းၼႃႈတီႈတပ်ႉသိုၵ်းၸိုင်ႈတႆးပွတ်းႁွင်ႇဝႆႉယူႇ။ 

Although the SSA-N is more conciliatory towards the government than other armed Shan independentist groups, in 2005 it abandoned its base rather than disarm. At one point the Burmese government wished the Shan State Army - North to join its border guard force. Two of the three brigades reportedly agreed to join the border guard, while the other refused.

In 2014 the group has clashed with the Burmese army in Kensi Mansam Township, home to the SSA-N Wanhai headquarters. Also the Burmese military attacked and seized Shan State Army-North Mongsu camp and resumed the fight against the SSA-N Brigade 72 in Kehsi Township.

The Shan State Army North had originally 3 brigades: 1st, 3rd and 7th, but presently the organization has changed.




#Article 33: တိတ်ႉတိရ၊ ၸၢတ်ႈ (246 words)


(တိတ်တိရ = ၼူၵ်ႉၵၢတ်ႇ)
လူဝ်ႇလႆႈၼပ်ႉယမ်ပၼ် ၊ ၸိူဝ်းဢၼ်ယႂ်ႇသေႁဝ်း

တီႈမိူင်းသႃႇဝတ်ႉထိၼၼ်ႉ ပေႃးဝႃႈ သထေးလူင် ဢၼႃႇထပိၼ်ႇ ႁဵတ်းယဝ်ႉ ဝတ်ႉꩡေႇတ ဝၼ်ႇယဝ်ႉယဝ်ႈၼႆ ၸင်ႇၵႂႃႇပၢင်းၽြႃးယဝ်ႈ။ ၽွင်းမိူဝ်ႈ မုၼ်ၶမ်းၽြႃး လုၵ်ႉတီႈ ဝဵင်းရႃႇꩡၷႁ ၵႂႃႇတမ်ႈတီႈ မိူင်းသႃႇဝတ်ႉထိယူႇ ၽွင်းမႃးထိုင် တမ်ႈတီႈ မိူင်းဝေႇသႃႇလီႇၼၼ်ႉ ၸင်ႇလိုဝ်ႈသဝ်း ၶမ်ႈၼိုင်ႈယဝ်ႈ။ ၸိူဝ်းဢၼ်ပဵၼ် တပႄးရႁၢၼ်းꧡၿ်ႉၿၷီႇၶဝ်ၼၼ်ႉ ၸင်ႇၵႂႃႇ တီႈၼၼ်ႈ ဢွၼ်တၢင်းသေ ၵႂႃႇဢဝ်တီႈယူႇ တီႈသဝ်းဝႆႉထႃႈ ဢွၼ်တၢင်းယဝ်ႈ။
ပေႃးဝႃႈ မုၼ်ၶမ်းၽြႃး ႁူႉလွင်ႈၼႆႉၼႆ ၵၢင်ၼႂ် မိူင်းလႅင်းပၢင်မႃးၵေႃႈ ၸင်ႇႁွင်ႉဢဝ် သင်ႇၶႃႇၸဝ်ႈၶဝ် မႃးတုမ်ၵၼ်ယဝ်ႈ။ တီႈပၢင်တုမ်သင်ႇၶႃႇၼၼ်ႉ မုၼ်ၶမ်းၽြႃး ၸင်ႇသႄႉၼႄး တၢင်းႁဵတ်း ရႁၢၼ်းꧡၿ်ႉၿၷီႇၶဝ်ယဝ်ႈ။ ၸင်ႇလၢတ်ႈၼႄ ၵေႃႉဢၼ်ထုၵ်ႇလီလႆႈ တီႈယူႇ၊ ၶဝ်ႈၼမ်ႉတၢင်းၵိၼ် ဢွၼ်တၢင်း  ၼႂ်းသႃႇသၼႃႇၼၼ်ႉယူႇ။
ဝၢႆးၼၼ်ႉ ၸင်ႇၶိုၼ်းဝႃႈ “ၸဝ်ႈသႃႇရိပုတ်ႉတၼႆႉ ဢၷ်ႉၷသႃႇဝၵၵေႃႈၸႂ်ႈယဝ်ႈ။ မေႃႁေႃးၶုၺ် တြႃး ၸိူင်ႉၼင်ႇၵဝ်ၽြႃးယူႇ။ ယၢမ်းလဵဝ် ၸဝ်ႈသႃႇရိပုတ်ႉတၼႆႉ ဢမ်ႇလႆႈတီႈၼွၼ်းသေ လႆႈၵႂႃႇၼွၼ်း တႂ်ႈတူၼ်ႈမႆႉယဝ်ႉ။ ၽွင်းမိူဝ်ႈ ၵဝ်ၽြႃး တိုၵ်ႉမီးယူႇၼၼ်ႉ ၸဝ်ႈၼိုင်ႈလႄႈၸဝ်ႈၼိုင်ႈ သင်ဝႃႈဢမ်ႇမီး လွင်ႈတၢင်း ၼပ်ႉယမ်ၵၼ်ၼႆၸိုင် ဝၢႆးသေ ၵဝ်ၽြႃး ဢမ်ႇမီးၼႆၸိုင် တေဢမ်ႇယၢပ်ႇႁိုဝ်၊ မိူဝ်ႈၵွၼ်ႇၵွၼ်ႇၼၼ်ႉ တေႃႈၵႃႈ တူဝ်သတ်းတိရၸ်ႉꧡၢၼ်ႇၶဝ် ယွၼ်ႉပိူဝ်ႈ မေႃၼပ်ႉယမ် ၽူႈယႂ်ႇသေ ယူႇသဝ်းၵႂႃႇလႄႈ ယၢမ်ႈထိုင်မိူင်းၽီမႃးယဝ်ႉ”ၼႆသေ ၸင်ႇတေႁေႃးၼႄ လွင်ႈꩡၢတ်ႈၵွၼ်ႇဝၼ်းလင် ၼင်ႇတီႈတႂ်ႈၼႆႉယဝ်ႉ-

မိူဝ်ႈၵွၼ်ႇ ၼႂ်းထိူၼ်ႇႁိမဝၼ်ႇတႃႇ တမ်ႈတီႈ တူၼ်ႈမႆႉၺွင်ႇလူင် တူၼ်ႈၼိုင်ႈၼၼ်ႉ ၼူၵ်ႉၵၢတ်ႇ၊ လိင်း လႄႈ ၸၢင်ႉ ၶဝ်သၢမ်တူဝ် ပဵၼ်ဢူၺ်းၵေႃႉ ယူႇသဝ်းၸွမ်းၵၼ်ယဝ်ႉ။ ၼႂ်းၶဝ်သၢမ်တူဝ်ၼၼ်ႉ တူဝ်ၼိုင်ႈလႄႈ တူဝ်ၼိုင်ႈ ဢမ်ႇမီး လွင်ႈၼပ်ႉယမ်ၵၼ်။ တၢင်းၵိၼ်ၶဝ်ၵေႃႈ ပႅၵ်ႇပိူင်ႈၵၼ်။ ဝၼ်းၼိုင်ႈ ၶဝ်သၢမ်တူဝ် ၸင်ႇဢုပ်ႇၵုမ်ၵၼ်ဝႃႈ “သင်ဝႃႈ ႁဝ်းတေသိုပ်ႇယူႇၵႂႃႇ ၸိူင်ႉၼႆယူႇၸိုင် မၼ်းဢမ်ႇၵိုင်ႇလႅပ်ႈ၊ ၼႂ်းႁဝ်းၼႆႉ သင်ဝႃႈ ၼပ်ႉယမ် ၵေႃႉၽူႈယႂ်ႇသေ ယူႇသဝ်းၵႂႃႇ ပေႃးၼႆၸိုင် တေလီဢိူဝ်ႈ”ၼႆသေ ၸင်ႇၶႄႉၵၼ် လွင်ႈဢၼ် ဢႃႇယုၽႂ်တေယႂ်ႇၼႆယဝ်ႉ။
ၸၢင်ႉၸင်ႇဝႃႈ “ၵေႃႉၶဝ်ဢိူၺ်း... မိူဝ်ႈလဵၵ်ႉ ပေႃးဝႃႈ ၵဝ်ၸုၵ်း ၼိူဝ်တူၼ်ႈမႆႉၺွင်ႇၼႆႉၸိုင် ပၢႆတူၼ်ႈမႆႉၺွင်ႇၼၼ်ႉ ပဵင်းသၢႆလီၵဝ်ၵူၺ်းဢိူဝ်ႈ”ၼႆယဝ်ႉ။ လိင်းၸင်ႇဝႃႈ “ၵေႃႉၶဝ်ဢိူၺ်း... မိူဝ်ႈၵဝ် ၵေႃႉလဵၵ်ႉၼၼ်ႉ ပေႃးဝႃႈ ၵဝ်ၼင်ႈၼိူဝ်လိၼ် ဢမ်ႇႁႅၼ်ၶေႃးၸိုင် (လႆႈၵူမ်ႈသေ) ၶူပ်းၵိၼ်ယွတ်ႈပၢႆမႆႉ ၺွင်ႇၼႆႉယဝ်ႉ”ၼႆယဝ်ႉ။ ၼူၵ်ႉၵၢတ်ႇ ၸင်ႇဝႃႈ ၵေႃႉၶဝ်ဢိူၺ်း... မိူဝ်ႈၵူႈပွၵ်ႈ ၵဝ်ၵႂႃႇဢဝ်ၵိၼ် မၢၵ်ႇမႆႉၺွင်ႇ တၢင်ႇတီႈသေ မႃးၽၢႆႈတီႈၼႆႈယဝ်ႉ၊ တူၼ်ႈမႆႉၺွင်ႇ ဢၼ်ႁဝ်းယူႇသဝ်းယူႇ တီႈလဵဝ်ၼႆႉ ပဵၼ်တူၼ်ႈၸိူဝ်ႉမၢၵ်ႇ ဢၼ်ပႃးၼႂ်းၽၢႆႈၼၼ်ႉသေ ၸင်ႇတေပဵၼ်မႃး တူၼ်ႈလူင်ၼႆႉယဝ်ႉ”ၼႆလႄႈ ၼူၵ်ႉၵၢတ်ႇၼၼ်ႉ ဢႃႇယုယႂ်ႇသေၶဝ် တင်းသဵင်ႈယဝ်ႉ။
တႄႇဢဝ်ၼၼ်ႉၵႂႃႇ လိင်းလႄႈၸၢင်ႉ ၸင်ႇဢဝ် ၼူၵ်ႉၵၢတ်ႇ ပဵၼ် ၵူၼ်းလူင်ၽူႈယႂ်ႇသေ ဝႆႈသႃ၊ ၼပ်ႉယမ်၊ ၵၼ်ႇတေႃး၊ ႁပ်ႉႁူဝ်တၢင်း၊ ႁွမ်းမိုဝ်းပၼ်ယူႇယဝ်ႉ။ ၼူၵ်ႉၵၢတ်ႇ သင်ႇသွၼ်ၼင်ႇႁိုဝ်ၵေႃႈ ထွမ်ႇတုင်းဢဝ်သဵင်ႈသဵင်ႈယဝ်ႉ။ တူဝ်ၼူၵ်ႉၵၢတ်ႇၼၼ်ႉ ႁပ်ႉသိၼ်ႁႃႈသေ ၸႂ်ႉႁႂ်ႈတႆးၵေႃႉမၼ်း သွင်ၵေႃႉၼၼ်ႉၵေႃႈ ႁပ်ႉသိၼ်ႁႃႈယဝ်ႉ။
ဝၢႆးသေ ၶဝ်သၢမ်တူဝ် လူႉႁၢႆတၢႆၵႂႃႇ ပေႃးၼႆၸိုင် ၸင်ႇၵႂႃႇၽႅဝ်ထိုင် မိူင်းၽီယဝ်ႉ ႁေႃးဝႃႈၼႆသေ “လုၵ်ႈႁၵ်ႉၶဝ်ဢိူၺ်း... ပဵၼ်သတ်းသေတႃႉ တူဝ်ၼိုင်ႈလႄႈတူဝ်ၼိုင်ႈ မီးတၢင်းၼပ်ႉယမ်ၵၼ်သေ ယူႇသဝ်းၵႂႃႇၵွၼ်ႇယဝ်ႉ။ သူၸိူဝ်းၼႆႉ ပဵၼ်လုၵ်ႈႁၵ်ႉၽြႃးသေ ၵွပ်ႈသင် သမ်ႉဢမ်ႇမီး လွင်ႈၼပ်ႉယမ်ၵၼ်သေ ယူႇသဝ်းၵႂႃႇယူႇလႃႇ။ တႄႇဢဝ်ၼႆႉၵႂႃႇၼႃႈ တေလႆႈဢဝ်ဝႃႇဝႃႈသေ ၼပ်ႉယမ်ၵၼ်ၵႂႃႇယဝ်ႉ။ တေလႆႈပႃႇၸႃး ဝႆႉပၼ် တီႈယူႇတီႈၵိၼ်ဢွၼ်တၢင်း ပုၼ်ႈတႃႇ ၸဝ်ႈဝႃႇယႂ်ႇၶဝ်ယဝ်ႉ။ ၸဝ်ႈဝႃႇလဵၵ်ႉ တေဢမ်ႇလႆႈၵႂႃႇ ႁၢမ်ႈတၢပ်ႈ တီႈယူႇတီးသဝ်း ၸဝ်ႈဝႃႇလူင်ၶဝ်၊ သင်ဝႃႈ ၵႂႃႇႁၢမ်ႈတၢပ်ႈၼႆၸိုင် ရႁၢၼ်းပႃးၼၼ်ႉ ပဵၼ် ဢႃႇပတ်ႈၻုၵ်ႉၵꩦ်ႉယဝ်ႉ” ၼႆသေ ၸင်ႇတေႁေႃး ၷႃႇထႃႇတီႈတႂ်ႈၼႆႉယဝ်ႉ-

		37 -	ယေ ဝꩨ်ꩩ မပၸႃယၼ်တိ၊ ၼရႃ ꩪမ်မသ်သ ၵေႃဝိၻႃ။
			ၻိꩦ်ꩧေဝ ꩪမ်မေ ပႃသံသႃ၊ သမ်ပရႃယေ ၸ သုၷ်ၷတီ။

ရႁၢၼ်းၶဝ်... ၵေႃႉဢၼ်လၵ်းလႅမ် ၸွမ်းလူၺ်ႈတြႃးၼၼ်ႉ မေႃၼပ်ႉယမ် ၽူႈယႂ်ႇသေ ပူႇၸေႃႇမူးၸႃးယဝ်ႉ။ ၶဝ် ၸိူဝ်းဢၼ်ႁဵတ်းၼၼ်ၼၼ်ႉ ၽဝၸၢတ်ႈၼႆႉၵေႃႈ လႆႈၶၢမ်ႇ တၢင်းယွင်ႈယေႃးယဝ်ႉ။ ၽဝၸၢတ်ႈၼႃႈၵေႃႈ လႆႈၵႂႃႇႁွတ်ႈ တီႈသုၷတိ တီႈဢၼ်ၽူႈလီၶဝ် ၵႂႃႇႁွတ်ႈထိုင်ၼၼ်ႉယဝ်ႉ။




#Article 34: တိတ်ႉထ၊ ၸၢတ်ႈ (193 words)


(တိတ်ထ = တႃႈဢၢပ်ႇၼမ်ႉ)
လူဝ်ႇမေႃႁဵတ်းသၢင်ႈၸွမ်းၼင်ႇ ၸရိတ်ႈမၼ်း

ပဵၼ်ၽွင်းမိူဝ်ႈ မုၼ်ၶမ်းၽြႃး တိုၵ်ႉယူႇသဝ်း တမ်ႈတီႈ ဝတ်ႉꩡေႇတဝၼ်ႇၼၼ်ႉယဝ်ႉ။ ဝၼ်း ၼိုင်ႈ ၵႅမ်ၶႂႃမိုဝ်း မုၼ်ၶမ်းၽြႃး ဢၼ်ပဵၼ် ၸဝ်ႈသႃႇရိပုတ်ႉတၼၼ်ႉ ၼင်ႇႁိုဝ်တပႄးမၼ်း ဢၼ်ပဵၼ် လုၵ်ႈၸၢႆးၸၢင်ႈၶမ်း တေႁွတ်ႈထိုင် ဢရႁတ်ႉတၽူလ်ႇၼၼ်ႉ ၸင်ႇပၼ်ၵမ်ႇမထၢၼ်း ဢသုꧤယဝ်ႉ။ ၸဝ်ႈရႁၢၼ်းဢွၼ်ႇၼၼ်ႉ ၶတ်းၸႂ်ၵၢၼ်တြႃးလႆႈမႃး သီႇလိူၼ်သေတႃႉ ယွၼ်ႉပိူဝ်ႈ ၵမ်ႇမထၢၼ်း ဢမ်ႇမႅၼ်ႈၸရိတ်ႈမၼ်းလႄႈ ၼိမိတ်ႉဢွၼ်ႇၵူၺ်းၵေႃႈ ဢမ်ႇထၢင်ႇၸႅင်ႈသင်မႃး။ ၵွပ်ႈၼၼ် ၸဝ်ႈသႃႇရိပုတ်ႉတ ၸင်ႇဢဝ်တပႄးမၼ်း သူင်ႇၵႂႃႇၸူး မုၼ်ၶမ်းၽြႃႈယဝ်ႉ။
ၸဝ်ႈသႃႇရိပုတ်ႉတၼႆႉ ယွၼ်ႉပိူဝ်ႈ ဢမ်ႇမီး ၺၢၼ်ႇဢႃႇသယႃႇၼုသယ ၺၢၼ်ႇဢၼ်ႁူႉႁၼ် ၵၢင်ၸႂ်ပိူၼ်ႈလႄႈ ၸင်ႇပၼ် ဢသုꧤၵမ်ႇမထၢၼ်း ဢၼ်ဢမ်ႇမႅၼ်ႈ ၸရိတ်ႈတပႄးမၼ်းယဝ်ႉ။ တပႄးမၼ်းၸဝ်ႈၼၼ်ႉ ၼႂ်းၵႃႈꧤဝႁႃႈပၢၵ်ႇ သမ်ႉယၢမ်ႈ တႄႇသၼ်ႇꩪေႇမႃး တမ်ႈတီႈ ႁိူၼ်းၸၢင်ႈၶမ်းလႄႈ ယၢမ်ႈႁၼ်ၶမ်း ဢၼ်ႁၢင်ႈလီ ဢူၼ်ႈဢွၼ်ႇၼၼ်ႉၵူၺ်း။ မုၼ်ၶမ်းၽြႃး ၸင်ႇဢဝ် ၺၢၼ်ႇဢႃႇသယႃႇၼုသယ ႁူႉႁၼ် လွင်ႈတၢင်းၸိူဝ်းၼၼ်ႉလႄႈ ထိုင်မႃးတၢမ်းၶမ်ႈ တီႈသူၼ်မၢၵ်ႇမူင်ႈ ၼႂ်းၵၢင်ၼွင်သီႇၸဵင်ႇၼၼ်ႉ ၸင်ႇၽၢၼ်ႇသၢင်ႈ ႁဵတ်းပဵၼ် မွၵ်ႇမူဝ်လူင် လူင်ႇၼိုင်ႈသေ ႁႂ်ႈယၵ်ႉတူၺ်းယူႇယဝ်ႉ။ ၸဝ်ႈရႁၢၼ်းၼၼ်ႉၵေႃႈ ၸင်ႇဢဝ် ဝိပသ်ႉသၼႃႇယၵ်ႉတူၺ်း မွၵ်ႇမူဝ် ဢၼ်မုၼ်ၶမ်းၽြႃး ၽၢၼ်ႇသၢင်ႈၼၼ်ႉယဝ်ႉ။ မုၼ်ၶမ်းၽြႃး ႁူႉထိုင် လွင်ႈဝႃႈ ၺၢၼ်ႇဝိပသ်ႉသၼႃႇ ၸဝ်ႈရႁၢၼ်း ၶိုၼ်ႈမႃးလႄႈ ၸင်ႇယူႇသဝ်း တီႈ ၷၼ်ႇꩪၵုꩦီႇသေ လွတ်ႈႁေႃးၷႃႇထႃႇ ဢၼ်တႄႇ “ဢုၸ်ꧢိၼ်ၻ သိၼေႁမတ်ထၼေႃ”ၼၼ်ႉသေ ၸီႉၼႄ တၢင်းၵႂႃႇယဝ်ႉ။ ပေႃးဝႃႈ ၷႃႇထႃႇႁူဝ်ၼၼ်ႉ သုတ်းၼႆ ၸဝ်ႈရႁၢၼ်းဢွၼ်ႇၸဝ်ႈၼၼ်ႉ ပဵၼ်ၸဝ်ႈဢရႁၼ်ႇၵႂႃႇယဝ်ႉ။
ၶၢဝ်ႇငၢဝ်းဢၼ်ၼႆႉ ၽႄႈၸွတ်ႇႁွတ်ႈၽႅဝ်ၵႂႃႇ ၼႂ်းၵႄႈၵၢင် ၸဝ်ႈရႁၢၼ်းၶဝ်လႄႈ ၶဝ်ၸဝ်ႈ ၸုသုမ်တုမ်ၵၼ်သေ ယွင်ႈယေႃး “လွင်ႈၽုင်းတၼ်းၶူဝ်း မုၼ်ၶမ်းၽြႃးယႂ်ႇ”ၼႆၼၼ်ႉယူႇ။ မုၼ်ၶမ်းၽြႃး လႆႈႁူႉလွင်ႈၼၼ်ႉသေ ၸင်ႇတေၶိုၼ်း ႁေႃးမွၵ်ႇ ၶႆႈဢွၵ်ႇၼႄ လွင်ႈ ꩡၢတ်ႈၵွၼ်ႇဝၼ်းလင် ၸဝ်ႈရႁၢၼ်း ဢွၼ်ႇၼၼ်ႉယဝ်ႉ-

မိူဝ်ႈၵွၼ်ႇ တီႈမိူင်းၿႃႇရႃႇၼသီႇ ပၢၼ်ၶုၼ်ႁေႃၶမ်း ၿြႁမၻတ်ႈၼၼ်ႉ ၼေႃႇၶမ်းၽြႃး ပဵၼ် သြႃႇၶုၼ်ႁေႃၶမ်းဝႆႉယဝ်ႉ။ ဝၼ်းၼိုင်ႈ ၵူၼ်းထိင်း မႃႉမင်ႇၷလႃႇၼၼ်ႉ ဢဝ်မႃႉမင်ႇၷလႃႇ လူင်းဢၢပ်ႇၼမ်ႉ တီႈတႃႈၼမ်ႉ ဢၼ်ယၢမ်ႈဢၢပ်ႇယူႇ ၵူႈပွၵ်ႈၼၼ်ႉသေတႃႉ မႃႉမင်ႇၷလႃႇ ဢမ်ႇလူင်းဢၢပ်ႇသေ ၸုၵ်းၸိူဝ်ႈဝႆႉယူႇ။ ၶုၼ်ႁေႃၶမ်း လႆႈႁူႉလွင်ႈၼၼ်ႉလႄႈ ၸင်ႇၸႂ်ႉႁႂ်ႈ ၼေႃႇၶမ်းၽြႃး ၽူႈမီးပၺ်ႇၺႃႇ ၵႂႃႇၸွပ်ႇတူၺ်း လွင်ႈဢၼ် မႃႉမင်ႇၷလႃႇ ဢမ်ႇလူင်း တီႈတႃႈၼမ်ႉၼၼ်ႉယဝ်ႉ။
ၼေႃႇၶမ်းၽြႃး ၸင်ႇႁၼ်ထိုင်ဝႃႈ “မႃႉတူဝ်ၼႆႉ ပဵၼ်မႃႉသိၼ်းꩪေႃးဢိူဝ်ႈ၊ ဢမ်ႇပဵၼ်ရေႃးၵႃႇ သေသမ်ႇသေပိူင်သေ သမ်ႉဢမ်ႇလူင်းဢၢပ်ႇၼမ်ႉၼၼ်ႉတႄႉ တေပဵၼ် ၵွပ်ႈ မႃႉယုတ်ႈတၢင်ႇတူဝ် မႃး ဢၢပ်ႇၼမ်ႉ တီႈတႃႈၼမ်ႉၼႆႉယဝ်ႉ”ၼႆ ၸွမ်းၼင်ႇၵၢင်ၸႂ် မႃႉမင်ႇၷလႃႇၼၼ်ႉသေ ၸင်ႇတိုၵ်းသူၼ်း ႁႂ်ႈၵႂႃႇဢဝ်ဢၢပ်ႇၼမ်ႉပၼ် တီႈတႃႈၼမ်ႉ တၢင်ႇဢၼ်လႄႈ ၸင်ႇလွတ်ႈႁေႃးၷႃႇထႃႇတီႈတႂ်ႈၼႆႉယဝ်ႉ-

		25 -	ဢၺ်ၺမၺ်ၺေႁိ တိတ်ထေႁိ၊ ဢသ်သံ ပႃယေႁိ သႃရတိ။
			ဢၸ်ၸႃသၼသ်သ ပုရိသေႃ၊ ပႃယႃသသ်သပိ တပ်ပတိ။

ၵူၼ်းထိင်းမႃႉ... ယွၼ်ႉပိူဝ်ႈ ၵိၼ်ၶဝ်ႈႁုင်ၼမ်ႉၼူမ်းꧠၼႃႇလိူဝ်ၼႃႇလႄႈ ပီးသၼ်းယူႇၸိုင် မၼ်းဢိမ်ႇဢိူဝ်ႇၵႂႃႇယူႇယဝ်ႉ။ (ၵွပ်ႈၼႆ မႃႉတူဝ်ၼႆႉ ႁႅင်ႉၵႆႉလႆႈဢၢပ်ႇၼမ်ႉ တီႈတႃႈၼမ်ႉၼႆႉ တႃႇသေႇ လႄႈ မၼ်းတေဢိမ်ႇဢိူဝ်ႇၵႂႃႇယူႇ) ဢဝ်မႃႉမင်ႇၷလႃႇၼႆႉ ၵႂႃႇဢၢပ်ႇၼမ်ႉ တီႈတႃႈၼမ်ႉ တၢင်ႇတီႈတႃႉ။

		  ၶုၼ်လူင်ၿႃႇရႃႇၼသီႇ မႃးပဵၼ် ၸဝ်ႈဢႃႇၼၼ်ႇၻႃႇ။
		  မႃႉမင်ႇၷလႃႇၼၼ်ႉ မႃးပဵၼ် ၸဝ်ႈရႁၢၼ်းၼၼ်ႉ။




#Article 35: တိုဝ်ႉၸၢႆးၶႃး၊ ၼမ်ႉတူၵ်းတၢတ်ႇ (185 words)


တိုဝ်ႉၸၢႆးၶႃးၼႆႉ ပဵၼ်ၼမ်ႉတူၵ်းတၢတ်ႇဢွၼ်ႇ မီးဝႆႉတမ်ႈတီႈ ဝူင်ႈၵၢင်လႅၼ်လိၼ် မိူင်းယၢင်းလႅင်လႄႈ မိူင်းတႆး ၸပ်းတိတ်းၵၼ် ဢၼ်ပဵၼ် ႁွင်ႈၼမ်ႉတမ်ႇၽၢၵ်ႇ ၶႅၼ်ႈၵၢင်သွင်မိူင်းဝႆႉ။ ဢွင်ႈတီႈမၼ်း မီးဝႆႉ ၽၢႆႇႁွင်ႇၶူဝ်လူင် ဢၼ်ၶၢမ်ႈၼမ်ႉတမ်ႇၽၢၵ်ႇ။ ၼမ်ႉတူၵ်းတၢတ်ႇမၼ်း တေသုင်မွၵ်ႈ 6 ထတ်းတေႃႇ 8 ထတ်းမွၵ်ႈၶၼၢၼ်ႉၵူၺ်း။ ၼမ်ႉဢၼ်တူၵ်းမႃးၼၼ်ႉ ငၢႆးမိူၼ်ႁေႃႇၸၢႆးၶႃးဝႆႉလႄႈ ပီႈၼွင်ႉတႆးၸိူဝ်းႁိမ်း ႁွမ်းၼၼ်ႉ ဢွၼ်ၵၼ် ႁွင်ႉဝႃႈ တိုဝ်ႉၸၢႆးၶႃး၊ 
ပဢူဝ်းၶဝ်ၵေႃႈ ယိူင်ႈၸိုဝ်ႈတႆးသေ ႁွင်ႉဝႃႈ ထီႇစဲးခါး၊ 
မၢၼ်ႈၵေႃႈ သမ်ႉဢွၼ်ၵၼ်ႁွင်ႉဝႃႈ ထီးစဲခါးၼႆယဝ်ႉ။

တမ်တီႈမိူင်းတႆးတႄႉ မီးဝႆႉၼႂ်းၸေႈဝဵင်းသီႇသႅင်ႇ မူႇဝၢၼ်ႈၵုၼ်ၵေႃႇသေ တမ်ႈတီႈ မိူင်းယၢင်းလႅင်တႄႉ မီးဝႆႉၼႂ်းၸေႈဝဵင်းလွႆၵေႃႇ ဢိူင်ႇလွႆလႅမ်ဢွၼ်ႇ၊ ဝၢၼ်းၸၢႆးၶႃး။ (ဝၢၼ်ႈၸၢႆးၶႃးၼႆႉ ပီ 2015 လင်ႁိူၼ်းတႆး 35 လင် မၢၼ်ႈ 30 လင် ၵယၢၼ်းပတွင်ႇ 17 လင်) တၢတ်ႇဢွၼ်ႇဢၼ်ၼႆႉ မီးဝႆႉ ၸဵမ်မိူဝ်ႈမိုၼ်ႉသိုၼ်းၵွၼ်ႇယူႇသေ ၵူၼ်းမိူဝ်ႈၵွၼ်ႇၶဝ်ၵေႃႈ ဢွၼ်ၵၼ် မႃးလူလွမ်တူၺ်းယူႇ၊ ယွၼ်ႉပိူဝ်ႈ ဢမ်ႇပေႃးၵႂႃႇယၢပ်ႇၵေႃႈပိူင်ၼိုင်ႈ၊ သမ်ႉၸမ်တၢင်းၵႃး သီႇသႅင်လွႆၵေႃႇၵေႃႈ ပိူင်ၼိုင်ႈလႄႈ ယၢမ်းလဵဝ် ၵူၼ်းဢွၼ်ၵၼ် ၶဝ်ႈၸႂ်မႃးဢႅဝ်ႇလႄႇၵၼ် လိူဝ်မႃးတိၵ်းတိၵ်းယူႇ။ တၢတ်ႇမၼ်းၼၼ်ႉ ၸဵမ်ၶၢဝ်းႁိုဝ်ႉ ၶၢဝ်းႁႅင်ႈ ၼမ်ႉမၼ်းတိုၼ်းဢမ်ႇထၢတ်ႇ၊ ၵူၺ်းၵႃႈ ၶၢဝ်းႁိုဝ်ႉတႄႉ ၼမ်ႉမၼ်းၼမ်တိူဝ်း။ ၼမ်ႉတမ်ႇၽၢၵ်ႇ ဢၼ်မႃးပဵၼ်တိုဝ်ႉၸၢႆးၶႃးၼႆႉ ႁူဝ်မၼ်း လုၵ်ႉမႃးတီႈ ၼမ်ႉမွတ်းႁူဝ်ပူင်း၊ လူင်းလတ်းထုင်ႉပူင်း ထိုင်မႃး ထုင်ႉတမ်ႇၽၢၵ်ႇသေ လႆလတ်းလူင်းမႃး ၸင်ႇမႃးပဵၼ် တိုဝ်ႉၸၢႆးၶႃးယဝ်ႉ။ ၼမ်ႉတမ်ႇၽၢၵ်ႇ လုၵ်ႉတီႈ တိုဝ်ႉၸၢႆးၶႃး သိုပ်ႇလႆလူင်းၵႂႃႇ ထႅင်ႈႁူၵ်းလၵ်း ၵႂႃႇလႆၶဝ်ႈ ႁူးလဝ်သေ ႁၢႆလၢႆၵႂႃႇၼႆယဝ်ႉ။

တိုဝ်ႉၸၢႆးၶႃးၼႆႉ ၽၢႆႇၼိူဝ်တၢတ်ႇမၼ်း လူင်ပွင်ၸိုင်ႈ ဢဝ်မၢၵ်ႇႁိၼ် မႃးၵေႃႇတႅၼ်ႈ တႃႇတေၵႅတ်ႇၼမ်ႉဝႆႉယူႇ၊ မိူဝ်ႈပႆႇမီးတႅၼ်ႈၼၼ်ႉ မၢင်ပွၵ်ႈမၢင်လႂ် တုမ်မႆႉယႂ်ႇမႆႉလူင် ၵႆႉလႆလူင်းမႃး ၶင်ႉတၢတ်ႇသေတႃႉ ယၢမ်းလဵဝ်တႄႉ တေဢမ်ႇပဵၼ်ယဝ်ႉ။ ၽၢႆႇမိူင်းယၢင်းလႅင်ၼႆႉတႄႉ ပဵၼ်ၼႃး၊ ၽၢႆႇမိူင်းတႆးတႄႉ ယၢမ်းလဵဝ် ပဵၼ်ဝႆႉ ၵျွင်းၵမ်ႇမထၢၼ်း သထုင်ႇမူႇလမိၼ်းၵုၼ်းသေ ပဵၼ်တီႈ မႃးၵျၢင်ႉၵမ်တြႃးယူႇယဝ်ႉ။ ဢွင်ႈတီႈၼႆႈ မိူဝ်ႈၸဝ်ႉၼၼ် ၸဝ်ႈသြႃႇပၺ်ႇၺႃႇဝမ်ႇသ (လွႆၵေႃႇ) မႃးတင်ႈပဵၼ် ၵျွင်းဢွၼ်ႇ ပႅင်ႈၼင်ႇ ဢဵၼ်ႁႅင်းမၼ်းမီးယူႇ၊ ထိုင်မႃး ပီ 2012 လိူၼ်မၢတ်ႉ 23 ဝၼ်းၼၼ်ႉ ၸဝ်ႈသြႃႇပၺ်ၺႃႇဝမ်ႇသ ဢဝ်ၵျွင်းမၼ်း မႃးလူႇတၢၼ်းပၼ် ၸဝ်ႈသြႃႇသုၶမ်း ဢၼ်မႃးႁေႃးတြႃး တမ်ႈတီႈ ၵျွင်းပိင်ႈၶဵတ်ႇ၊ ဝၢၼ်ႈပိင်ႈၶဵတ်ႇၼၼ်ႉယဝ်ႉ။ ၸဝ်ႈသြႃႇသုၶမ်း သမ်ႉဝူၼ်ႉတႃႇ သႃႇသၼႃႇႁိူဝ်ႈႁိူင်းပိူင်းသႂ်ၵႂႃႇ ပုၼ်ႈတႃႇ မိူဝ်းၼႃႈသေ ၶိုၼ်းဢဝ်လူႇတၢၼ်းပၼ် မူႇၸုမ်း ၵမ်ႇမထၢၼ်း သထူင်ႇမူႇလမိၼ်းၵုၼ်း ဢၼ်ၸဝ်ႈသြႃႇမိူင်းၼွင် ဢွၼ်တႄႇတင်ႈမႃးၼၼ်ႉယဝ်ႉ။ တႄႇဢဝ် ပီ 2013 မႃး ၸဝ်ႈသြႃႇပၼ်ႇတိတ (တူၼ်ႈတီး) မႃးဢွၼ်ၵေႃႇတင်ႈပဵၼ် ဝတ်ႉၵမ်ႇမထၢၼ်းသေ တေသိုပ်ႇႁဵတ်းပဵၼ် ဢွင်ႈတီႈ ၼင်ႈၵၢၼ်ြတႃးၵႂႃႇယူႇ။ ၼႂ်းပီ 2013-14 ၸဝ်ႈသြႃႇသုၶမ်း ႁဵတ်းလူႇပၼ်ၶူဝ်ဢုတ်ႇဢွၼ်ႇ တႃႇလတ်းၶၢမ်ႈ ႁွင်ႈၼမ်ႉတမ်ႇၽၢၵ်ႇသေ ႁႂ်ႈလႆႈတူၺ်း တၢင်းႁၢင်ႈလီ တၢတ်ႇၼၼ်ႉယဝ်ႉ။ ၼႂ်းပီ 2015 လူင်ပွင်ၸိုင်ႈမိူင်းတႆး ၶုၼ်ၽွင်းလူင် ၽၢႆႇပႃႇမႆႉ လုင်းၸၢႆးဢၢႆႈပဝ်း ၸင်ႇၸႂ်ႉပိူၼ်ႈ မႃးၵူတ်ႇထတ်းတူၺ်းသေ ႁူႉထိုင်ဝႃႈ ပဵၼ်ပုၼ်ႇတႃႇ သႃႇသၼႃႇတေႁိူဝ်ႈႁိူင်းၼႆလႄႈ ၸင်ႇမၵ်းမၼ်ႈပၼ် ၼႃႈလိၵ်ႈ 35 ဢေႇၵယဝ်ႉ။ 




#Article 36: တိုၵ်းတေႃးတင်းသိုၵ်း ၵႅမ်မိုဝ်းၶုၼ်သူင် (105 words)


ၼေႃႇၶမ်းၸဝ်ႈၼႆႉ ဝၢႆးသေၵိၼ်သွမ်းၶၼႃႇၶဝ်ႈၼမ်ႉၼူမ်းသုၸႃႇတႃႇယဝ်ႉ ယူႇႁိမ်းၼမ်ႉၼေႇရၼ်ႇၸႃႇၵႅပ်ႉၼိုင်ႈ။ ဝၢႆးၼၼ်ႉ ၸင်ႇၵႂႃႇၸူးတူၼ်ႈၺွင်ႇၽေႃးထိ ၸူဝ်ႈၵၢင်ဝၼ်းပႆႇတူၵ်းၼၼ်ႉသေ ၵျၢင်ႉၵမ်ၼင်ႈၵၢၼ်တြႃးယူႇ။

ၸင်ႇဢတိတ်ႉထၢၼ်ႇဝႃႈ ၵႃႈဢမ်ႇလႆႈၺၢၼ်ႇသမ်ႇမႃႇသမ်ႇၽေႃးထိ တိုၼ်းတေဢမ်ႇလုၵ်ႉဢွၵ်ႇယၢၼ်တီႈၼႆႈၼႆယဝ်ႉ - ၼႆ။ ၶုၼ်သူင်မတ်ႉၸုရႃႇၸႃႇၼႆႉ ၶတ်းၸႂ်ၼင်ႇႁိုဝ်ၼေႃႇၶမ်းၸဝ်ႈ တေဢမ်ႇလႆႈလွင်ႈဢွင်ႇပူၼ်ႉ ၼႆယူႇ။ ၸႂ်ႉတိုဝ်းသိုၵ်းၵႅမ်မိုဝ်းမၼ်းသေ ႁဵတ်းႁၢႆႉတေႃႇလႄႈသင်၊ ယိပ်းၵမ်လၢၵ်ႈၼၢၵ်ႈၵူႈပိူင်ပိူင်သေလႄႈသင်၊ ၽၢၼ်ႇသၢင်းမႃႇယႃႇၵူႈပိူင်ပိူင်လႄႈသင်၊ ၼင်ႇႁိုဝ် ၼေႃႇၶမ်းၸဝ်ႈပေႃးတေဢွၵ်ႇယၢၼ်ၵႂႃႇတီႈၼၼ်ႈၼၼ်ႉ ၸင်ႇႁၢင်ႈသိုၵ်းတိုၵ်းတေႃးတေႃႇၼေႃႇၶမ်းၸဝ်ႈယူႇယဝ်ႉ။ ၵူၺ်းၵႃႈ ၼေႃႇၶမ်းၸဝ်ႈတႄႉ ယင်းဢမ်ႇသုတ်ႉၶၢႆႉသေပႅၵ်ႉၶႅၵ်းလႅင်ၵွၼ်ႇယဝ်ႉ။

ၶုၼ်သူင်ၼႆႉ ႁိုဝ်းႁၢတ်ႇၸၢတ်ႇသဵင်သႂ်ႇၼေႃႇၶမ်းၸဝ်ႈဝႃႈ ပလၢင်ႇဝၸီႇရႃႇသၼ ဢၼ်ၸဝ်ႈၵဝ်ႇၼင်ႈယူႇၼၼ်ႉ ပဵၼ်ၶွင်ၵဝ်ၵေႃႉပိူင်ႇဢိူဝ် ၼႆယဝ်ႉ။ ၼေႃႇၶမ်းၸဝ်ႈၸင်ႇၶိုၼ်းဝႃႈ ပလၢင်ႇဢၼ်ၼႆႉ ပဵၼ်တႃႇၵေႃႉထႅမ်သၢင်ႈပႃႇရမီႇၵေႃႉပိူင်ႇဢိူဝ်ႈ၊ ၵဝ်ပဵၼ်ၸဝ်ႈပႃႇရမီႇယဝ်ႉ၊ လွင်ႈဝႃႈၵဝ်ထႅမ်သၢင်ႈပႃႇရမီႇမႃးဢၼ်ဝႃႈၼၼ်ႉ ၼင်ႇလိၼ်မိူင်းၼႆႉ ပဵၼ်သၢၵ်ႈသေႇလၵ်းထၢၼ်မၼ်းယဝ်ႉ ဝႃႈၼႆသေ ၸင်ႇတိူင်ႇၵႂၢမ်းသတ်ႉၸႃႇ၊ ၼင်ႇလိၼ်မိူင်းလူင် ၸင်ႇသၼ်ႇႁွၼ်ႈၶွၼ်းဝႆမႃးယူႇယဝ်ႉ။ ၽွင်းယၢမ်းၵႅပ်ႉဢွၼ်ႇၼၼ်ႉၵွႆး ၶုၼ်သူင်ၵေႃႉသုမ်းသိုၵ်းၼၼ်ႉ တင်းသိုၵ်းမၼ်းသေ ၸင်ႇလႅၼ်ႈပၢႆႈၵႂႃႇယူႇယဝ်ႉ။

သိူဝ်ႈၶူဝ်းလဵၵ်းပႃႇရမီႇ ဢၼ်ထႅမ်သၢင်ႈမႃးလၢႆလၢႆပၢၼ်ၼၼ်ႉ ၸင်ႇႁႄႉၵင်ႈပၼ်ၼေႃႇၶမ်းၸဝ်ႈသေ ၵၢင်းယၢၼ်ၽေးၶဵၼ်တင်းလူင်ယဝ်ႉ၊ ၸင်ႇမၼ်ႈၼိမ်လူၺ်ႈပၺ်ႇၺႃႇ ဢၼ်တဵမ်ထူၼ်ႈတင်းဢၼၼ်ႇတမႅတ်ႉတႃႇ၊ ၵရုၼႃႇသေ ၶုၼ်သူင်ၵေႃႈ သုမ်းၵၢၼ်ႉၵႂႃႇယူႇယဝ်ႉ။

ၸႂ်ႉတိုဝ်းဢဵၼ်ႁႅင်းပႃႇရမီႇ ဢၼ်ၶဝ်ႈပႃးတႃႇၼပႃႇရမီႇ ၸိူဝ်းၼၼ်ႉသေ ၼေႃႇၶမ်းၸဝ်ႈ ၸင်ႇပေႉၵႂႃႇလႄႈ ၸင်ႇဝႃႈ ၻႃႇၼၻိ ꩪမ်မႃဝိၻိၼႃ ꩡိတွႃမုၼိၼ်ၻေႃ ၼႆယူႇယဝ်ႉ။

(ꩡယမင်ၷလဢၑꧣꩦ်ထၷႃထႃ)
ဢမ်ႇထွမ်ဢဝ်ၵႂၢမ်းမိူဝ်ႈၵွၼ်ႇသေ သင်ဝႃႈလဵပ်ႈႁဵၼ်းၼင်ႇႁိုဝ်တႁူႉလႆႈ တြႃးမၢၼ်ႇမႅၼ်ႈ ဢၼ်ၵဵဝ်ႇပၢႆးၸႂ် ဢၼ်ဢိင်ၼိူဝ်ပၢႆးသၢႆႈၸိုင် ယေႃးၵီႇၵေႃႉဢၼ်ၼင်ႇတြႃးယူႇသေ မိူဝ်ႈၽွင်းပႆၼိူဝ်သဵၼ်ႈတၢင်းထမ်ႇမၼၼ်ႉ ၸႂ်ဢၵုသူဝ်ႇ (ၸေတသိၵ) ႁဝ်းၸိူဝ်းၼႆႉ တေလႆႈႁၼ်ၶဝ်ႈၶတ်းၸႂ် ႁႂ်ႈႁဝ်းဝႄႈဢွၵ်ႇယၢၼ် သဵၼ်ႈတၢင်းထမ်ႇမတြႃးပႅတ်ႈယူႇယဝ်ႉ။ ၵွပ်ႈၼၼ်လႄႈ တေလႆႈဢဝ်ႁႅင်းထမ်ႇမတြႃးသေ ၶတ်းၸႂ်ဢွၵ်ႇပူၼ်ႉ ၸင်ႇတေလႆႈယဝ်ႉ။

မိူဝ်ႈၶမ်ႈလိူၼ်ႁူၵ်းမူၼ်း တႂ်ႈမႆႉၺွင်ႇၽေႃးထိၼၼ်ႉ ပွႆးတိုၵ်း ဢၼ်ၼေႃႇၶမ်းၸဝ်ႈသိတ်ႉထတ်ႉထလႄႈ ၶုၼ်သူင်မတ်ႉၸုရႃႇၸႃႇၶဝ်တိုၵ်းၵၼ်ၼၼ်ႉ ပဵၼ်ပၢင်တိုၵ်းထမ်ႇမလႄႈ ဢထမ်ႇမယဝ်ႉ။ ထမ်ႇမၵွႆး တေဢွင်ႇပေႉသေ ႁဵတ်းႁႂ်းၼေႃႇၶမ်းၸဝ်ႈႁဝ်း လႆႈပဵၼ်သမ်ႇမႃႇသမ်ႇပုတ်ႉထ (ၵေႃႉႁူႉႁၼ်ဢဝ်ႁင်းၵွႆးၵူႈဢၼ်ဢၼ်)ၼၼ်ႉယူႇယဝ်ႉ။

ၼႃႈလိၵ်ႈ ႒႗၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 37: တိၼ်ႇဢေး၊ လုင်း (496 words)


မြန်မာ့လွတ်လပ်ရေးကြိုးပမ်းမှုသမိုင်းတွင် ရှမ်းလူထုခေါင်းဆောင်နှင့် သမိုင်းဝင်ပင်လုံစာချုပ် လက်မှတ်ရေးထိုးခဲ့သော ဦးတင်ဧ (ရှမ်းပြည်)အား ရှမ်းပြည်နယ်တောင်ပိုင်း ညောင်ရွှေမြို့ ကန်သာရပ်တွင် အဖရှမ်းတိုင်းရင်းသား ဦးဝိုင်း၊ အမိအင်းတိုင်းရင်းသူဒေါ်သွယ်တို့မှ ၁၉၁၆ ခုနှစ် ဒီဇင်ဘာလ ၉ ရက် စနေနေ့တွင် ဖွားမြင်ခဲ့သည်။ မွေးချင်းနှစ်ယောက်တွင် အကြီးဖြစ်သည်။ ငယ်မည်မှာ မောင်ဘအေးဖြစ်သည်။

ငယ်စဉ်က အင်းလေးဟဲယာရွာမ ဆရာကြီးဦးမြ၏ မြန်မာမူလတန်းကျောင်း၊ ညောင်ရွှေမြို့ဆရာညှာ၏ မြန်မာမူလတန်းကျောင်းတို့၌ (၄)တန်းအောင်သည်အထိ ပညာသင်ကြားခဲ့သည်။ ယင်းနောက် ညောင်ရွှေ အင်္ဂလိပ်-မြန်မာအလယ်တန်းကျောင်း၊ တောင်ကြီးအေဘီအမ်အထက်တန်းကျောင်းတို့တွင် ဆက်လက်ပညာသင်ယူ ခဲ့သည်။ ငယ်စဉ်ကပင် ဉာဏ်ပညာထူးထူးချွန်ထက်မြက်၍ စာမေးပွဲတိုင်းတွင် ပထ မဆင့်မှအောင်သည်။ အ လယ်တန်းအောင်စဉ်က ရှမ်းပြည်နယ်အစိုးရ၏ ထောက်ပံ့ကြေးရသည်။ ၁၉၃၄ တွင် (၁၀) တန်းစာမေးပွဲကို ထူး ထူးချွန်ချွန်အောင်မြင်၍ ရှမ်းပြည်နယ်အစိုးရ၏ ထောက်ပံ့ကြေးထပ်မံရရှိသည်။

၁၉၃၄ တွင် ရန်ကုန်တက္ကသိုလ်တွင်ဆက်လက်ပညာသင်ကြားရာ ၁၉၄၀ ပြည့်နှစ်တွင် မြန်မာစာဂုဏ်ထူးတန်း၊ ပထမဆင့်ဖြင့် ဝိဇ္ဇာဘွဲ့(B.A) အောင်ခဲ့သည်။ ထိုစဉ်က ဒုတိယကမ္ဘာစစ်မတိုင်မီ ရန်ကုန်တက္ကသိုလ် တွင်မြန်မာစာဂုဏ်ထူးတန်း ပထမဆင့်ဖြင့်အောင်ခဲ့သူမှာ (၄)ဦးသာရှိပြီး ယင်းတို့မှာ မောင်စိန်တင် (သိပ္ပံမောင်ဝ)၊ မောင်ဝန် (မင်းသုဝဏ်)၊ မောင်လှဖေ၊ မောင်တင်ဧ (ဦးတင်ဧ – ရှမ်းပြည်) တို့ဖြစ်သည်။

၁၉၄၀ မှ ၁၉၄၂ ထိ ရန်ကုန်တက္ကသိုလ် မြန်မာစာဌာနနည်းပြအဖြစ်အမှုထမ်း၍ မဟာဝိဇ္ဇာတန်းဆက်တက်ခဲ့သည်။ စစ်ကြောင့် မဟာဝိဇ္ဇာ စာမေးပွဲကို မြန်မာစာပါမောက္ခ ဦးဧမောင် (တက္ကသိုလ်မောင်သန့်စင်) က ကျိုက်လတ်မြို့တွင်ကျင်းပရာ ဖြေဆိုရန်အသွား ကျန်းမာရေးချို့ ယွင်း၍ မဖြေဖြစ်တော့ချေ။ ထိုစဉ်က မဟာဝိဇ္ဇာစာမေးပွဲဖြေဆိုအောင်မြင်ခဲ့သူမှာ မောင်မောင်ကြီး (နောင်မြန်မာစာပါမောက္ခ တက္ကသိုလ် မောင်မောင်ကြီး) ဖြစ်သည်။

တက္ကသိုလ်ကျောင်းသားဘဝတွင် ရန်ကုန်တက္ကသိုလ် ကျောင်းသားများသမဂ္ဂအသင်းဝင်၊ ရှမ်းပြည်ကျောင်းသားများတည်ထောင်သူနှင့် ဥက္ကဋ္ဌ၊ လူငယ်များကြီးပွားရေးအသင်းဝင်၊ နဂါးနီစာအုပ်အသင်းဝင်အဖြစ် ဆောင်ရွက်ခဲ့သည်။

လက်ဝဲဝါဒစာအုပ်များကိုလေ့လာ၍ လက်ဝဲဝါဒကို စိတ်ညွတ်ခဲ့သည်။ ၁၉၃၆ ဖေဖေါ်ဝါရီ ၂၅ တွင်ဖြစ်ပွားခဲ့သော ဒုတိယကျောင်းသား သပိတ်တွင်ပါဝင်၍ သပိတ်အပြီးတွင် ဇာတိညောင်ရွှေမြို့၌ အလင်းရောင်စာကြည့်တိုက်ကို ဦးဆောင်ဖွင့်လှစ်ခဲ့သည်။ စာကြည့်တိုက်တွင် ဟောပြောပွဲ၊ ဆွေးနွေးပွဲများ မကြာခဏကျင်းပကာ ရှမ်းပြည်တွင်စနစ်ကျသော ပထမဆုံးစာကြည့်တိုက်အဖြစ် မှတ်တမ်းတင်ရစ်ခဲ့သည်။

စာပေဝါသနာထုံ၍ ရွှေနှင်းဆီ၊ တင်ဧ (ရှမ်းပြည်) ကလောင်ကွဲများဖြင့် တက္ကသိုလ်နှစ်လည်မဂ္ဂဇင်း၊ အိုးဝေမဂ္ဂဇင်း၊ ကြီးပွားရေးမဂ္ဂဇင်းတို့တွင် ပါဝင်ရေးသားသည်။ ထို့ပြင် ရန်ကုန်တက္ကသိုလ်မဂ္ဂဇင်းတွင် ၁၉၄၀ မှ ၁၉၄၁ ထိ မြန်မာစာ စာတည်းအဖြစ်ဆောင်ရွက်ခဲ့သည်။

၁၉၃၉ ခုနှစ်၊ အောက်တိုဘာလ ၃၁ ရက်နေ့တွင် ဟဲဟိုးမြို့ သနပ်ဖက်ပွဲစားကြီး ဦးခေါင်နှင့် ဒေါ်ဒေါ်မျှင်တို့၏သမီးငယ် မဧတင်နှင့် လက်ထပ် ခဲ့သည်။

ဂျပန်ခေတ် (၁၉၄၂-၄၅)တွင် ဗိုလ်ချုပ်အောင်ဆန်း၏တာဝန်ပေးချက်အရ ရှမ်းပြည်နယ်ဗဟိုစစ်သားစု ဆောင်းရေးအဖွဲ့ဝင်၊ တောင်ကြီး အာရှ လူငယ်အစည်းအရုံး ဥက္ကဋ္ဌအဖြစ် ဆောင်ရွက်ခဲ့သည်။ ဂျပန်ခေတ် လယ်ယာစိုက်ပျိုးရေးဝန်ကြီး သခင်သန်းထွန်းနှင့်ဆက်သွယ်၍ ဖက်ဆစ်တော်လှန်ရေး ရှမ်းပြည်နယ်နိုင်ငံရေးတာဝန်ခံအဖြစ် ဆောင်ရွက်ခဲ့သည်။

စစ်ပြီးခေတ် ၁၉၄၆ ဇန်နဝါရီလ ၁၇ မှ ၂၃ ရက်အထိ ရွှေတိဂုံစေတီတော်အလယ်ပစ္စယံတွင် ကျင်းပခဲ့သည့် ဖဆပလနိုင်ငံလုံးဆိုင်ရာညီ လာခံတွင် ရှမ်းပြည်လူငယ်နိုင်ငံရေးသမားများကို ဦးဆောင်၍တက်ရောက်ခဲ့သည်။ ညီလာခံအပြီးတွင် သခင်စိုး၊ ကိုသိန်းဖေ (သိန်းဖေမြင့်)၊ သခင်တင်မြတို့ပို့ချသော လက်ဝဲသဘောတရား သင်တန်း တက်ရောက်ခဲ့သည်။ ဖဆပလအဖွဲ့ချုပ်ခေါင်းဆောင်များနှင့် ရှမ်းပြည်အနာဂတ် အရေး ဆွေးနွေးခဲ့သည်။

ဦးတင်ဧသည် ၁၉၄၆ ဧပြီလတွင် တောင်ကြီးမြို့လူငယ်အစည်းအရုံးကို ဦးဆောင်တည်ထောင်ခဲ့သည်။ ထို့ပြင် ရှမ်းပြည်လွတ်လပ်ရေး အဖွဲ့ချုပ်၏ ပညာရေးမှူးအဖြစ်လည်း ဆောင်ရွက်ခဲ့သည်။

၁၉၄၆ မေလ ၁ ရက်တွင် တောင်ကြီးပဒေသရာဇ်ကျောင်း (ယခင်ရှမ်းစော်ဘွား သားသမီးများစာသင်ကျောင်း) ၏ ကျောင်းအုပ်အဖြစ် အမှု ထမ်းသည်။ ထိုသို့တာဝန်ထမ်းဆောင်နေစဉ်အတွင်း ဗိုလ်ချုပ်၏ဆန္ဒအရ ဒီဇင်ဘာ ၂၄ ရက်တွင် ဗိုလ်ချုပ်၏တောင်ကြီးလူထုတရားပွဲတွင် သဘာပတိအဖြစ်ဆောင်ရွက်ခဲ့ရာ နောက်တနေ့ (ဒီဇင်ဘာ ၂၅) တွင် ကျောင်းအုပ်ကြီးရာထူးမှ နုတ်ထွက်ခဲ့ရသည်။

ထို့နောက် ရှမ်းပြည်လွတ်လပ်ရေးအဖွဲ့ချုပ်ဥက္ကဋ္ဌအဖြစ် တာဝန်ယူဆောင်ရွက်ခဲ့သည်။ ဦးတင်ဧသည် ဥက္ကဋ္ဌအဖြစ် ဆောင်ရွက်နေခိုက် ဗိုလ်ချုပ်အောင်ဆန်းဦးဆောင်သော မြန်မာကိုယ်စားလှယ် မြန်မာ့လွတ်လပ်ရေးအတွက် လန်ဒန်မြို့ အမှတ် (၁၀) ဒေါင်းနင်းလမ်းရှိ ဗြိတိ သျှနန်းရင်းဝန်ရုံး၌ ဆွေးနွေးနေစဉ်အတွင်း စော်ဘွားအချို့၏ “ဗိုလ်ချုပ်အောင်ဆန်းသည် တောင်တန်းဒေသကို ကိုယ်စားမပြု” ဟူသော ၁၉၄၇ ဇန်နဝါရီ ၂၁ ရက်တပ်ထားသောကြေးနန်းရောက်ရှိလာရာ မြန်မာကိုယ်စားလှယ်အဖွဲ့နှင့် ဗြိတိသျှအစိုးရကိုယ်စားလှယ်တို့ ဆွေးနွေး နေမှုကို အကျပ်ရိုက်ခတ်ကာ အနှောက်အယှက်ဖြစ်လာသည်။ ထိုအခြေအနေတွင် ဖဆပလအဖွဲ့ချုပ်၏အကူအညီဖြင့် ဦးတင်ဧ၊ ဦးထွန်း မြင့် (လင်းစေး) ဦးဆောင်၍ တောင်ကြီး၌ လူထုအစည်းအဝေးကျင်းပကာ ဇန်နဝါရီ ၂၅ ရက်တွင် ရန်ကုန်ဖဆပလအဖွဲ့သို့လည်းကောင်း၊ လန်ဒန်ရှိဗိုလ်ချုပ်အောင်ဆန်းထံသို့လည်းကောင်း၊ ဗြိတိသျှနန်းရင်းဝန်အက်တလီထံသို့လည်းကောင်း ဗိုလ်ချုပ်အောင်ဆန်းကို ထောက်ခံ သည်ဆိုသော ကြေးနန်းရိုက်ကြားစာပေးပို့ခဲ့သည်။ ဤဖြစ်ရပ်၏နောက်ဆက်တွဲအဖြစ် ပြည်မနှင့်အတူ တောင်တန်းဒေသပါ လွတ်လပ် ရေးရယူလိုကြောင်း သက်သေပြသည့်အနေဖြင့် ၁၉၃၇ ဖေဖေါ်ဝါရီ ၁၂ တွင် ရှမ်းပြည်နယ်ပင်လုံမြို့၌ သမိုင်းဝင် ပင်လုံစာချုပ်ချုပ်ဆိုခဲ့ရသည်။ ပင်လုံညီလာခံခေါ်ယူခဲ့ရသည်။

သမိုင်းဝင်ပင်လုံစာချုပ် အောင်မြင်စွာချုပ်ဆိုနိုင်ရေးအတွက် ဦးတင်ဧဦးဆောင်သော ရှမ်းပြည်လွတ် လပ်ရေးအဖွဲ့ချုပ်သည် ရှမ်းပြည်သူ လူထုကို စည်းရုံးလှု့ံဆော်ခဲ့ရသည်။ နောက်ဆုံးတွင် ပြည်ထောင်စု၏အုတ် မြစ်ပင်လုံစာချုပ်တွင် ရှမ်းပြည်လူထုကိုယ်စားလှယ်အဖြစ် ဦး တင်ဧသည် လက်မှတ်ရေးထိုးခဲ့သည်။

ထို့ပြင် ဦးတင်ဧသည် ဗိုလ်ချုပ်အောင်ဆန်းဦးဆောင်၍ ၁၉၄၇ ဖွဲ့စည်းပုံအခြေခံဥပဒေရေးဆွဲရာတွင် ကော်မတီအဖွဲ့ဝင်အဖြစ် ပါဝင်ဆောင် ရွက်ခဲ့သည်။ ထိုနှစ် အောက်တိုဘာလတွင် ရှမ်းပြည်တိုင်းထောက်ပံ့ရေး အရာရှိ (လစာ ၁၀၀၀ ကျပ်)ပေးအပ်ရာတွင် ငြင်းပယ်ခဲ့သည်။

ရှမ်းပြည်နယ်လွတ်လပ်ရေးအဖွဲ့ချုပ် ဥက္ကဋ္ဌတာဝန်ကိုမူ ဆက်လက်တာဝန်ယူခဲ့သည်။ ဦးဗဆွေ၏တာဝန်ပေးချက်အရ ဗီယက်နမ်လွတ် မြောက်ရေးတိုက်ပွဲကို အကူအညီပေးရန်ကိစ္စများကို စီစဉ်ပေးခဲ့သည်။

၁၉၄၈ မေလတွင် နိုင်ငံရေးကိုစွန့်၍ ရန်ကုန်တက္ကသိုလ်ဘာသာပြန်နှင့် စာအုပ်ထုတ်ဝေရေးဌာန ဌာနမှူး ဦးဝန် (မင်းသုဝဏ်) ၏လက် အောက်၌ လက်ထောက်စာတည်းရာထူးကို ဝင်ရောက်ဆောင်ရွက်ခဲ့သည်။ ၁၉၄၈ မှ ၁၉၅၁ ထိ လက်ထောာက်စာတည်း၊ ၁၉၅၀ မှ ၁၉၅၁ အထိ သြစတြေးလျနိုင်ငံ ပညာရေးလေ့လာသူ၊ ၁၉၅၁ မှ ၁၉၆၈ တွင် စာတည်း၊ ၁၉၅၇ မှ ၁၉၅၈ တွင် အင်္ဂလန်ပြန်အဘိဓါန်လေ့လောရေး ပညာတော်သင်။ ၁၉၆၈ မှ ၁၉၇၆ အထိ စာတည်းမှူး၊ ၁၉၇၄ မှ ၁၉၇၅ ထိ ရန်ကုန်တက္ကသိုလ် မြန်မာစာပါမောက္ခအဖြစ် ဆောင် ရွက်ခဲ့သည်။

၁၉၇၆ မှ ၁၉၇၇ ထိ မြန်မာစာအဖွဲ့ဝင် ညွှန်ကြားရေးမှူးချုပ်အဖြစ် ဆောင်ရွက်သည်။ ထို့နောက် ၁၉၇၇ တွင် မြန်မာစာအဖွဲ့ညွှန်ချုပ်အဖြစ်မှ အငြိမ်းစားယူခဲ့သည်။ အငြိမ်းစားယူပြီးနောက် ၁၉၇၇ မှ ၁၉၇၈ ထိ မြန်မာ စာအဖွဲ့အကြံပေး ဆက်လက်ဆောင်ရွက်ခဲ့သည်။

၁၉၇၈ ဒုတိယအကြိမ် ပြည်သူ့လွှတ်တော်နှင့် ပြည်သူ့ကောင်စီအဆင့်ဆင့်ရွေးကောက်ပွဲတွင်း ရှမ်းပြည်နယ်ညောင်ရွှေမြို့နယ် မဲဆန္ဒနယ် အမှတ် ၂ ပြည်သူ့လွှတ်တော်ကိုယ်စားလှယ်အဖြစ် ရွေးကောက်ခံရသည်။

ယင်းနောက် ၁၉၇၈ တွင် နိုင်ငံတော်ကောင်စီဝင်အဖြစ် တာဝန်ပေးအပ်ခံရသည်။ ၁၉၈၁ နိုဝင်ဘာလ ၉ ရက်တွင် နိုင်ငံတော်ကောင်စီဝင်အဖြစ်မှ အငြိမ်းစားယူခဲ့သည်။

ဝန်ထမ်းအဖြစ်ထန်းရွက်နေစဉ် တက္ကသိုလ်များ စာအုပ်ပြုစုထုတ်ဝေရေးကော်မတီ အတွင်းရေးမှူး၊ သင်ရိုး၊ မာတိကာနှင့် ကျောင်းသုံးစာ အုပ်ကော်မတီဝင်၊ တက္ကသိုလ်များတိုင်းရင်းသားစာပေနှင့် ယဉ်ကျေးမှုဗဟို ကော်မတီဥက္ကဋ္ဌ၊ မြန်မာစာအဖွဲ့ဒုတိယဥက္ကဋ္ဌ၊ အမျိုးသားစာပေဆုစီစစ်ရွေးချယ်ရေးကော်မတီဝင်၊ မြန်မာနိုင်ငံသုတေသနအသင်းဥက္ကဋ္ဌအဖြစ် ဆောင်ရွက်ခဲ့သည်။

ဦးတင်ဧသည် မြန်မာနိုင်ငံသုတေသနအသင်းအတွက် ရှင်ဥက္ကံသမာလာ၏ “ဝဏ္ဏဗောဓနသတ်အင်း” ကို တည်းဖြတ်၍ မြန်မာနိုင်ငံသုတေသနအသင်းဂျာနယ်တွင် သုတေသနဆောင်းပါးများ ရေးသားခဲ့သည်။ ထို့ပြင် မြန်မာနိုင်ငံသုတေသနဆွေးနွေးပွဲနှင့် စာပေဗိမာန်စာတမ်း ဖတ်ပွဲများနှင့် စာတမ်းများ ရေးသားဖတ်ကြားခဲ့သည်။

ထို့နောက် ဦးတင်ဧသည် ၁၉၉၅ အောက်တိုဘာလ ၁၆ ရက်တွင် တောင်ကြီးမြို့ စဝ်စံထွန်းရပ်၊ မင်းလမ်းအမှတ် စ/၃ နေအိမ်၌ ကွယ်လွန် သွားခဲ့လေသည်။ ကြွင်းကျန်သောရုပ်ကလာပ်ကို တောင်ကြီးမြို့ မြို့မသုသာန်၌ မီးသင်္ဂြိုဟ်ခဲ့သည်။ ကွယ်လွန်ချိန်၌ ဇနီးဒေါ်အေးတင်၊ သမီး တောင်ကြီးတက္ကသိုလ် သချင်္ာပါမောက္ခ ဒေါ်ခင်နေဝင်းတို့ ကျန်ရစ်ခဲ့သည်။

ဦးတင်ဧ (ရှမ်းပြည်) သည် နိုင်ငံတော်၏ကြီးလေးသောတာဝန်များကို စွမ်းစွမ်းတမံဆောင်ရွက်ခဲ့သောကြောင့် နိုင်ငံတော်မှချီးမြှင့်သော မော်ကွန်းဝင် (တတိယဆင့်) နှင့် နိုင်ငံဂုဏ်ရည်ဘွဲ့(ပထမဆင့်) တို့ကို ရရှိခဲ့သည်။

ၼႃႈလိၵ်ႈဝႅပ်ႉသၢႆႉ 




#Article 38: တီးမေႃႉသူဝ်ႇ၊ ၸႄႈဝဵင်း (233 words)


ၸႄႈဝဵင်းတီးမေႃႉသူဝ်ႇ (), (), () ၼႆႉ ပဵၼ်ၸႄႈဝဵင်းဢၼ်ၼိူင်ႈ ဢၼ်ၶဝ်ႈပႃးဝႆႉ ၸႄႈတွၼ်ႈလွႆၶေႃ၊ ၸႄႈမိူင်းယၢင်းလႅင်၊ မိူင်းမျၢၼ်ႇမႃႇ ၼၼ်ႉယဝ်ႉ။ ဝဵင်းပၵ်းလုမ်းၸႄႈဝဵင်းတႄႉ ပဵၼ် ဝဵင်းတီးမေႃႉသူဝ်ႇ ၼၼ်ႉယဝ်ႉ။

ၸႄႈဝဵင်းတီးမေႃႉသူဝ်ႇၼႆႉ တႄႇႁွင်ႉဝႃႈပဵၼ် ၸႄႈဝဵင်းတီးမေႃႉသူဝ်ႇမႃး မိူဝ်ႈပီ 1962 လိူၼ်တီႇသႅမ်ႇပႃႇၼၼ်ႉယဝ်ႉ။ မိူဝ်ႈပႆႇထိုင် ပီ 1952 ၼၼ်ႉ ႁွင်ႉဝႃႈပဵၼ် ၼွင်ပလႄးလၢၼ်းၼႆသေ ဢမ်ႇပႆႇမီးႁိူၼ်းၵူၼ်းၼမ်ၵႃႈႁိုဝ်။ ဝၢႆးလင် ပီ 1952 မႃး ၵေႃႉပဵၼ်ၽွင်းလူင်ၸႄႈတွၼ်ႈ ၸႄႈမိူင်းယၢင်းလႅင် ဢူးဢေႇမျႃႉလေး ၸင်ႇမႃး ႁဵတ်းၵၢၼ်လွင်ႈလဵင်ႉတူဝ်သတ်းသေ မႃးႁဵတ်းႁိူၼ်း ႁဵတ်းသူၼ်လဵင်ႉတူဝ်သတ်း တီႈ ဝဵင်းတီးမေႃႉသူဝ်ႇၼႆႉယဝ်ႉ။ ထိုင်မႃး ဝၢႆးလင် ပီ 1955 မႃး ပၼ်ၸိုဝ်ႈဝႃႈ သူၼ်လေးဢဵင်ႇၸု ၼႆသေ ၶိုၼ်းၵေႃႇသၢင်ႈ ႁူင်းသူၼ်မွၵ်ႇတီႇမေႃးသူဝ်း လႄႈ ႁိူၼ်းဢွၼ်ႇတၢင်ႇၸိူဝ်းၼၼ်ႉယဝ်ႉ။

ထိုင် ပီ 1972 လိူၼ်ၵျူႇလၢႆ 27 ဝၼ်းမႃး ၸွမ်းၼင်ႇၶေႃႈပူင် ထၢၼ်ၽွင်းလူင်ၵၢၼ်ၼႂ်းမိူင်းသေ လႆႈၽွတ်ႈႁႅၼ်းၸႄႈဝဵင်းတီးမေႃႉသူဝ်ႇမႃးယူႇယဝ်ႉ။

ၸႄႈဝဵင်းတီးမေႃႉသူဝ်ႇၼႆႉ မီးဝႆႉတီႈၼႂ်းၵႄႈ လတ်ႉတီႇတုတ်ႉႁွင်ႇ 19 တီႇၵရီႇ 15 မိတ်ႉၼိတ်ႉ လႄႈ 19 တီႇၵရီႇ 45 မိတ်ႉၼိတ်ႉ၊ လွင်ႇၵျီႇတုတ်ႇဢွၵ်ႇ 90 တီႇၵရီႇ 15 မိတ်ႉၼိတ်ႉလႄႈ 97 တီႇၵရီႇ 25 မိတ်ႉၼိတ်ႉၼၼ်ႉသေ တၢင်းၵႂၢင်ႈၶႂၢင်မၼ်းမီး  ယဝ်ႉ။ လုၵ်ႉတၢင်းဢွၵ်ႇတေႃႇတၢင်းတူၵ်း မီး 31 လၵ်းသေ လုၵ်ႉတၢင်းၸၢၼ်းတေႃႇ တၢင်းႁွင်ႇ ယၢဝ်းမွၵ်ႈ 35 လၵ်းၼၼ်ႉယဝ်ႉ။

ၸႄႈဝဵင်းတီးမေႃႉသူဝ်ႇၼႆႉ ၽၢႆႇဢွၵ်ႇလႄႈ ၽၢႆႇႁွင်ႇမီး ၸႄႈဝဵင်းလွႆၶေႃ၊ ၽၢႆႇတူၵ်းမီး ၸႄႈဝဵင်းၽၢႆၶုၼ်ႇ ၸႄႈမိူင်းတႆး၊ ၽၢႆႇၸၢၼ်းမီး ၸႄႈဝဵင်းၽရူးသူဝ်ႇ လႄႈ ၸႄႈဝဵင်းဝေႃးလၶႄႉ ၸိူဝ်းၼႆႉသေ ဢိူမ်ႈၸပ်းၵၼ်ဝႆႉယူႇယဝ်ႉ။

တီႈၸႄႈဝဵင်းတီးမေႃႉသူဝ်ႇၼႆႉ လွႆၵုင်းၼမ်လိူင်ႇသေ ပႃႇထိူၼ်ႇၸိူဝ်းၼႆႉ သုမ်ႇႁူမ်ႇဝႆႉယဝ်ႉ။ ယွၼ်ႉပဵၼ် ထုင်ႉၼိူဝ်လွႆလႄႈ ၼႃႈလိၼ်ပဵင်းလႄႈ ၶူင်ႈၸိူဝ်းၼႆႉ မီးဢိတ်းဢီႈၵူၺ်း။ လွႆဢၼ်သုင်သေပိူၼ်ႈၼႆႉ ပဵၼ်လွႆၼၢင်းၾႃႉသေ တၢင်းသုင်မၼ်း မီးၽၢႆႇၼိူဝ်ၼႃႈပၢင်ႇလၢႆ 5010 ထတ်းယဝ်ႉ။

တီႈၸႄႈဝဵင်းတီးမေႃႉသူဝ်ႇၼႆႉ မီး ႁွင်ႈၼမ်ႉၼၢင်းၸၢမ်ၽူး ဢၼ်လုၵ်ႉ ၽၢႆႇတူၵ်းလႆၸူးၽၢႆႇၸၢၼ်း၊ ႁွင်ႈၼၢင်းမႄႈၶုမ် လႄႈ ႁွင်ႈလွႆၸၢင်ႉ (သိၼ်ႇတွင်ႇ) ဢၼ်လုၵ်ႉၽၢႆႇတူၵ်းလႆၸူးၽၢႆႇဢွၵ်ႇ၊ ႁွင်ႈလွႆငိုၼ်း ဢၼ်လုၵ်ႉ ၽၢႆႇတူၵ်းလႆၸူးၽၢႆႇႁွင်ႇ ၸိူဝ်းၼႆႉယဝ်ႉ။

ၸႄႈဝဵင်းတီးမေႃႉသူဝ်ႇၼႆႉ မီးၾိင်ႈၾႃႉ လူမ်းယဵၼ်ယိုၵ်းယမ်းသေ တၢင်ႉမႆႈ ဢၼ်သုင်သုတ်း မီး ႓႔ တီႇၵရီႇ သႅၼ်ႇတီႇၵရဵတ်ႉသေ တၢင်ႉမႆႈ ဢၼ်တႅမ်ႇသုတ်းမီး ႖ တီႇၵရီႇ သႅၼ်ႇတီႇၵရဵတ်ႉယဝ်ႉ။ တၢင်ႉၼမ်ႉၽူၼ်ၽတ်ႉၽဵင်ႇၼႆ့ မီး ႓႐.႖႕ ယဝ်ႉ။

တီႈၸႄႈဝဵင်းတီးမေႃႉသူဝ်ႇၼႆႉ တေႃႇထိုင် ပီ 2017 လိူၼ်တီႇသႅမ်ႇပႃႇၼၼ်ႉ ႁူဝ်ၼပ်ႉၵူၼ်း မီးဝႆႉ ႘႕,႗႙႖ ၵေႃ့သေ ၸၢဝ်းၶိူဝ်းၵူၼ်းပိုၼ်ႉတီႈတႄႉ ပဵၼ် ၸၢဝ်းၶိူဝ်းၵူၼ်းယၢင်းလႅင် ၵမ်ႉၼမ်ယဝ်ႉ။ ၵူၼ်းၶိူဝ်းၼွၵ်ႈမိူဝ်းၸိူဝ်းယူႇသဝ်းတႄႉ မီးဝႆႉ ၵူၼ်းၸၢဝ်းၶိူဝ်းၵေႃႇလၶႃး ၶဝ်ယဝ်ႉ။ ၽၢႆႇၽႃႇသႃႇၵိူဝ်းယမ်တႄႉ မီးဝႆႉ ၸၢဝ်းၶရိတ်ႉယၢၼ်ႇ၊ ၸၢဝ်းပုတ်ႉထ၊ ၸၢဝ်ႈႁိၼ်ႇတူႇ လႄႈ ၸၢဝ်းဢိတ်ႇသလၢမ်ႇ ၸိူဝ်းၼႆႉယဝ်ႉ။

ၸႄႈဝဵင်းတီးမေႃႉသူဝ်ႇၼႆႉ ႁဵတ်းၵၢၼ်ငၢၼ်းၽၢႆႇၽုၵ်ႇသွမ်ႈ ပဵၼ်ပိူင်လူင်မၼ်းယဝ်ႉ။ ၶူဝ်းၵုၼ်ႇဢၼ်ဢွၵ်ႇတီႈ ၸႄႈဝဵင်းၼႆႉ ပဵၼ် ၶဝ်ႈသၢၼ်၊ ၶဝ်ႈၵၢပ်ႇ၊ ထူဝ်ႇလိၼ်လႄႈ ၸိူဝ်းပဵၼ်မွၵ်ႇမၢၵ်ႇတၢင်ႇၸိူဝ်း ၼၼ်ႉယဝ်ႉ။

တီႈၸႄႈဝဵင်းတီးမေႃႉသူဝ်ႇၼၼ်ႉ ႁူင်းႁဵၼ်းသွၼ်ပႆႇၺႃႇၸၼ်ႉသုင် ဢမ်ႇလႆႈမီးဝႆႉ။ ၸိူဝ်းပဵၼ်ႁူင်းႁဵၼ်းပႆႇၺႃႇပိုၼ်ႉထၢၼ် ဢၼ်ပဵၼ် ႁူင်းႁဵၼ်းၸၼ်ႉသုင် ႕ ဢၼ်၊ ႁူင်းႁဵၼ်းၽႄၸၼ်ႉသုင် ႙ ဢၼ်၊ ႁူင်းႁဵၼ်းၸၼ်ႉၵၢင် ႑ ဢၼ်၊ ႁူင်းႁဵၼ်းပုၼ်ႉၸၼ်ႉငဝ်ႈ ႑႙ ဢၼ်၊ ႁူင်းႁဵၼ်းၸၼ်ႉငဝ်ႈ ႗႙ ဢၼ်၊ ႁူင်းႁဵၼ်းၽႄၸၼ်ႉငဝ်ႈ ႖ ဢၼ် လႄႈ ႁူင်းႁဵၼ်းလူင်ႈၼႃႈၸၼ်ႉငဝ်ႈ မၼ်း ႕႓ ဢၼ်ယဝ်ႉ။

တီႈၸႄႈဝဵင်းတီးမေႃႉသူဝ်ႇၼႆႉ မီးဝႆႉ ႁူင်းယႃႇၸႄႈဝဵင်း ႑ ဢင်၊ ႁူင်းယႃဢိူင်ႇ (တႅၵ်ႉၼႄႇ) 3 ဢၼ်၊ ႁွင်ႈယႃပၢႆးယူႇလီဝၢၼ်ႈၼွၵ်ႈ ႗ ဢၼ်၊ ႁွင်ႈယႃၽႄပၢႆးယူႇလီဝၢၼ်ႈၼွၵ်ႈ ႒႙ ဢၼ်။




#Article 39: တီႇမူဝ်ႇၶရေႇသီႇ (1243 words)


တီႇမူဝ်ႇၶရေႇသီႇ  (Democracy)
တီႇမူဝ်ႇၶရေႇသီႇဢၼ်ဝႃႈၼႆႉ ၸၢဝ်းပၢႆးယုမ်ႇယမ်ၵေႃႈဢမ်ႇၸႂ်ႈ၊ ပၢႆးတၢင်းႁူႉႁၼ်ၵေႃႈဢမ်ႇၸႂ်ႈ၊ ပဵၼ်လၢႆးဢုပ်ႇပိူင်ႇ ဢၼ်ဢဝ်ၸႂ်ႉတႃႇပိူင်ႇၸိုင်ႈမိူ်င်းလႄႈ မူႇၸုမ်းၽုင်ၵူၼ်းႁဝ်းၼၼ်ႉယဝ်ႉ။ မိူၼ်ၼႂ်းၶေႃႈၵႂၢမ်းဢၼ်ဝႃႈ ဢရိတ်ႉသ်တူဝ်ႇၶရေႇသီႇ (Aristocracy)၊ ဢေႃႇတူဝ်ႇၶရေႇသီႇ (Autocracy)၊ ပျူႇရီႇယူႇၶရေႇသီႇ (Bureaucracy)၊ တီႇမူဝ်ႇၶရေႇသီႇ(Democracy)၊ ၸၵႂႃႇၶဝ်ၼၼ်ႉ ၶေႃႈပၢႆၵွႆဝႃႈ ၶရေႇသီႇ Cracy ၼႆၼၼ်ႉ တီႈပွင်ႇမၼ်းဝႃႈ ပဵၼ်လၢႆးဢုပ်ႇပိူင်ႇၼႆယူႇယဝ်ႉ။

လၢႆးဢုပ်ႇပိူင်ႇၽွင်းငမ်းတီႇမူဝ်ႇၶရေႇသီႇဢၼ်ၼိုင်ႈ၊ ဢၼ်ၵူၼ်းတင်းလၢႆ လႆႈႁူႉဝႆႉဝႃႈ တီႇမူဝ်ႇၶရေႇသီႇၵမ်းသိုဝ်ႈ ၼႆၼၼ်ႉ ၸႃႉတႄႇပေႃႇပဵၼ်မႃး ၼႂ်းၸေႈမိူင်းဢွၼ်ႇတီႈမိူင်း ၵရိတ်ႉ (Greek) လႄႈ ရေႃးမ (Rome) ၶဝ် ၸဵမ်မိူဝ်ႈပူၼ်ႈမႃး 2500 ပီႊၼၼ်ႉယဝ်ႉ။ လၢႆးပိူင်ဢုပ်ႇပိူင်ႇၼၼ်ႉၼႆႉ မီးၽွၼ်းလီတႃႇၶႃႈဝၢၼ်ႈၵူၼ်းမိူင်းၽၵ်းၵႃႇၶဝ်ၼၼ်ႉတေႉယဝ်ႉၼႆ ၵူၼ်းတၢင်းၼမ် ႁပ်ႉၶၢမ်ႇယုမ်ႇယမ်ဝႆႉလႄႈ မိူင်းၼႂ်းလုမ်ႈၾႃႉၼိူဝ်လူၵ်ႈၶူင်းလူင်ၶဝ်ၼႆႉ ၸဵဝ်းလႄႈၼၢၼ်းဢွၼ်ၵၼ်ယိူင်းၸူးၶၢႆႉႁႃ လၢႆးပိူင်ဢုပ်ႇပိူင်ႇၽွင်းငမ်း ဢၼ်တိူဝ်းမီးသုၼ်ႇတီႇမူဝ်ႇၶရေႇသီႇၼၼ်ႉ ယူႇၵူႈၶၢဝ်းယၢမ်းယဝ်ႉ။ ၸိုင်ႈမိူင်းၸိူဝ်းလႆႈမီးတီႇမူဝ်ႇၶရေႇသီႇယဝ်ႉၼၼ်ႉ ယိူင်းဢၢၼ်းထိုင်တီႈ ၽဝပၢၼ်မူႇၸုမ်းၽုင်ၵူၼ်း ဢၼ်တေတိူဝ်းမီးလွၼ်ႉမွၼ်းတီႇမူဝ်ႇၶရေႇသီႇတဵမ်ထူၼ်ႈလီလိူဝ်ၼၼ်ႉလႄႈသင်၊ ၸိုင်ႈမိူင်းၸိူဝ်းပႆႇလႆႈမီးတီႇမူဝ်ႇၶရေႇသီႇၶဝ်ၼၼ်ႉသမ်ႉ ယိူင်းထိုင်တီႈပၢင်မူႇၸုမ်းၽုင်ၵူၼ်း ဢၼ်တီႇမူဝ်ႇၶရေႇသီႇႁိူဝ်ႈႁိူင်းမီးလႆႈၼၼ်ႉလႄႈသင်၊ ယဵပ်ႇယၢင်ႈၶိုၼ်ႈၸူးယူႇၵူႈၶၢဝ်းယၢမ်းယူႇယဝ်ႉ။ မူႇၸုမ်းၽုၵ်ၵူၼ်းမိူင်းၽွမ်ႉႁူမ်ႈ မိူင်းမႅၼ်ႇမႃႇၼႆႉၵေႃႈတေႃႈၼင်ႇၼၼ်။ ၸၢတ်ႈပၢၼ်ၽဝၵူၼ်းၸၢဝ်းၸိူဝ်ႉၶိူဝ်းမိူင်းတႆးႁဝ်းၶဝ်ၵေႃႈ ၸိုၼ်ႇတူဝ်ၶွၼ်ႈႁႅင်းယိူင်းၸူးသၢႆလႅင်းတီႇမူဝ်ႇၶရေႇသီႇၼၼ်ႉဝႆႉယူႇယဝ်ႉ။
မိူဝ်ႈပၢၼ်မိုၼ်ႇသိုၼ်းၵွၼ်ႇ ၼႂ်းမိူင်းၵရိတ်ႉလႄႈ ရေႃးမၶဝ်ၼႆႉ ယိပ်းတိုဝ်းလၢႆးတီႇမူဝ်ႇၶရေႇသီႇၵမ်းသိုဝ်ႈၼၼ်ႉလႄႈ လၢႆးပိူင်ႁဵတ်းသၢင်ႈမၼ်းသၢင်းလၢင်းဝႆႉယူႇၵေႃႈ၊ ဢၼ်ၸိုင်ႈမိူင်းၼႂ်းလုမ်ႈၾႃႉၶဝ် ၵျၢင်ႉၵမ်ယိပ်းတို်ဝ်းတီႇမူဝ်ႇၶရေႇသီႇယူႇၵၢပ်ႈပၢၼ်ဝၼ်းမိူ်ဝ်ႈၼႆႉတႄႉ ပဵၼ်လၢႆးပိူင်တီႇမူဝ်ႇၶရေႇသီႇတၢင်တူဝ်ၼၼ်ႉလႄႈ လွၵ်းပိူင်လၢႆးႁဵတ်းဢၼ်ၶွၵ်းယွၵ်းၶွၼ်ယွၼ်ယုင်ႈယၢင်ႈဝႆႉၵမ်ႈၽွင်ႈၼၼ်ႉလႆႈၶဝ်ႈၸိမ်ပႃးၸွမ်းမႃးယဝ်ႉ။ ၵၢပ်ႈပၢၼ်တီႇမူဝ်ႇၶရေႇသီႇတၢင်တူဝ်ၼႆႉ ပိူင်ၾၢင်ႁၢင်ႊတီႇမူဝ်ႇၶရေႇသီႇတႃႇတႅၵ်ႈၼိူင်းတူၺ်း (Comparative models) ၶဝ် ပေႃႇပဵၼ်မီးမႃးဢၼ်ၼိူင်ႈယဝ်ႉဢၼ်ၼိူင်လႄႈလွင်ႈထဵင်ထွင်ၵဵဝႅႇၵပ်းလူၺ်ႈ တီႇမူဝ်ႇၶရေႇသီႇၸႅတ်ႈဢမ်ႇၸႅတ်ႈၼႆၼၼ်ႉၵေႃႈ ၽုတ်းပေႃႇမီးမႃးၸွမ်းယဝ်ႉ။ ပိူဝ်ႈၼၼ်လႄႈ ၽူႈၸွပ်ႇသွၵ်ႈႁဵၼ်းႁႃၶဝ် ၸင်ႇၵုၺ်ႇဢွၵ်ႇမွၵ်ႇၼႄ “လၵ်းမၢႆတႅၵ်ႈၼိူင်း”(  ) ၵမ်ႈၽွင်ႈဝႆႉပၼ်ယူႇယဝ်ႉ။
ၼႂ်းၵႃႈ “လၵ်းမၢႆတႅၵ်ႈၼိူင်း” တင်းလၢႆၼၼ်ႉဢၼ်ၽူႈၸွပ်ႇသွၵ်ႈႁဵၼ်းႁႃၵမ်ႉၼမ် ႁပ်ႉၶၢမ်ႇဝႆႉပဵၼ်တႃႇ “တီႈၼိူင်းတူၺ်းတီႇမူဝ်ႇၶရေႇသီႇ” (Democratic criteria) ၼၼ်ႉ-

ပပ်ႉၽိုၼ်လဵပ်ႈႁဵၼ်းၼႆႉ တၵ်းၸၢင်ႈပဵၼ်ဢၼ်ၵမ်ႉထႅမ်ပၼ် ၽူႈၶဝ်ႈၸႂ်လဵပ်ႈႁဵၼ်းလွင်ႈ တီႇမူဝ်ႇၶရေႇသီႇၼၼ်ႉယူႇၼႆ ယုမ်ႇယမ်ဝႆႉယူႇ။
မိူၼ်ၼင်ႇႁဝ်းၶႃႈပီႈၼွင်ႉၸိူဝ်းႁူႉမေႃလိၵ်ႈတႆး ၸူဝ်းၵၼ်ၶဝ်ႈလေႇၼႂ်းသူၼ်မွၵ်ႇမၢၵ်ႇတူၼ်ႈမႂ်လိူင်ႇၸေးမဵဝ်းမၼ်းဝႆႉၼၼ်ႉၵူၺ်း။ ထုၵ်ႇမႅၼ်ႈၸႂ်ဢၢႆႁွမ်မဵဝ်းလႂ်၊ ၽႂ်သမ်ႉမၵ်ႉၼမ်ႉဝၢၼ်မၢၵ်ႇမဵဝ်းလႂ်၊ မိုတ်ႈၸႂ်တီႈယွတ်ႈတီႈမႂ်ၸိူင်ႉႁိုဝ်၊ တူၼ်ႈမႆႉသင်ၸႂ်ႉတီႈလႂ်တေလီ၊ မီးတီႈလႂ်တေထုၵ်ႇ၊ ၽုၵ်ႇတီႈလႂ်တေလႅပ်ႈၼႆၼၼ်ႉ ဢမ်ႇလိူဝ်သေၵၢင်ၸႂ်ၶႂ်ႈလႆႈၶႂ်ႈပဵၼ်ၽူႈၵေႃႉၶဝ်ႈလႄႇၸွမ်း ၼႂ်းသူၼ်ၵႂၢင်ႈလူင်ၼႆႉၼၼ်ႉယဝ်ႉ။ ဢၼ်ၶႃႈႁဝ်းယွၼ်းသူးပႂ်ႉမွင်းၼႆႉတႄႉ လဵပ်ႈႁဵၼ်းႁူႉႁၼ်ၸႅင်ႈလႅင်းလွင်းတၢင်းသၢင်းလၢင်းယဝ်ႉသေ ႁႂ်ႈၸၢဝ်းၸိူဝ်ႉၶိူဝ်းတႆး ၵူၼ်းမိူင်းတႆးႁဝ်းၶဝ် ပူၵ်းတင်ႈလႆႈၸၢတ်ႈၽဝပၢၼ်ၵူၼ်း တီႈလီထီႉသုတ်းၼၼ်ႉၼႆယူႇယဝ်ႉ။

 ၵူၼ်းႁဝ်းၼႆႉ ယူႇသဝ်းၵေႃႉလဵဝ်ၶေႃၶေႃဢမ်ႇလႆႈ။ တေလႆႈၵွင်ႉၵၢႆႇၵပ်းသိုပ်ႇၵေႃႉၼိုင်ႈတင်းၵေႃႉၼိုင်ႈ၊ မူႇၸုမ်းၽုင်ၵူၼ်းဢၼ်ၼိုင်ႈတင်ဢၼ်ၼိုင်ႈ၊ မိူင်းၼိုင်ႈတင်းမိူင်းၼိုင်ႈ ႁဵတ်းၼၼ်ယူႇၸွမ်းၾိင်ႈပိူင်ပဵၼ်ပၢၼ်ၵူၼ်းႁဝ်းၼၼ်ႉယဝ်ႉ။ ပိူဝ်ႈၼၼ်လႄႈ တၢင်းလွတ်ႈလႅဝ်း (Free)။ တၢင်းၽဵင်ႇပဵင်း (Fair)။ တၢင်းတႅၵ်ႇလႅင်းသၢင်းလၢင်း (Frank)။ ၸိူဝ်းၼႆႉ လူဝ်ႇလႆႈပဵၼ်ၶူဝ်ၵၢႆႇသဵၼ်ႈတႃႈသၢႆတၢင်းႁဝ်းသေယဝ်ႉ ၵူၼ်းႁဝ်းၵူႈၵေႃႉ ႁႂ်ႈယဵပ်ႇယၢင်ႈၶိုၼ်ႈၸူးယိူင်းမၢႆတီႈလီ ဢၼ်မီးလွင်ႈမၢၼ်ႇမႅၼ်ႈၽဵင်ႇၽဵၼ်ႈၸွမ်းပိူင် (Justice)၊ လွင်ႈသုၼ်ႇလႆႈလွတ်ႈလႅဝ်း( Liberty)၊ လွင်ႈမီးတၢင်းၽဵင်ႇပဵင်းၵၼ် (Equality)၊ လွင်ႈမိုတ်ႈၵိုဝ်းႁၵ်ႉႁွမ်ၵၼ် ( Fraternity) ၼၼ်ႉလႆႈၼႆႉ လူဝ်ႇႁူႉလွင်ႈပွင်ႇလၢႆးသေ မေႃၸွမ်းၾိင်ႈပိူင်ၼၼ်ႉယဝ်ႉ။ ဢုပ်ႉပိူင်ႇၽွင်းငမ်းၸွမ်းပၵ်းပိူင် (Rule of Law) ၼႆႉပဵၼ်ငဝ်းၶၢမ်ႇပိုၼ်ႉမၼ်းယဝ်ႉ။ လွင်ႈငမ်းယဵၼ်(Peace) ၵေႃႈဢမ်ႇမီးဢမ်ႇပဵၼ်။

 ၵွပ်ႈပိူဝ်ႈဢမ်ႇႁူႉလွင်ႈႁၼ်လၢႆး၊ ဢမ်ႇလူင်ႉလႅၼ်ၽၢႆႇပၢႆးမိူင်းလႄႈ ဢမ်ႇႁတ်းႁၢၼ်၊ တေႁဵတ်းဢၼ်လႂ်ၵေႃႈ “ၵူဝ်ၽိတ်း” ၼၼ်ႉမႃးတိတ်းတီႈၸႂ်လႄႈ ၸၢတ်ႈပၢၼ်ၽဝၸၢဝ်းၶိူဝ်းတႆးႁဝ်း ထိုင်ၸူဝ်ႈၵၢပ်ႈပီႊမိူင်းႁူဝ်ပၢၵ်ႇ 20 ပေႃးၸမ်သဵင်ႈၵေႃႈ ယင်းတိုၵ်ႉလႆႈၶၢမ်ႇတင်းမၵ်းမၢႆဝႃႈ ပဵၼ်ၵူၼ်းၶိူဝ်းဢွၼ်ႇ (Minority)၊ လႆႈပဵၼ်ၶိူဝ်းၵူၼ်းပႆႇၶိုၼ်ႈယႂ်ႇ၊ ၶိူဝ်းၼွႆႉၼႆယူႇ။ ပပ်ႉလဵပ်ႈႁဵၼ်းၽိုၼ်ၼႆႉ သင်ဝႃႈလႆႈမီးၼမ်ႉတွၼ်းၽွၼ်းလီတၢၼ်ႇမႅတ်ႇငႃးတႃပူဢွၼ်ႇယူႇၼႆၵေႃႈၸူမ်းယဝ်ႉ။ ပိၵ်ႉဝႃႈဢမ်ႇပၼ်ၽွၼ်းလီသင်လႆႈသေၵေႃႈ သင်ဝႃႈပဵၼ်မႃးမိူၼ်ၼင်ႇပူၵ်းတွႆႇတူင်ႉတိုၼ်ႇပၼ်ၼၼ်ႉၵေႃႈလီယူႇ။

မိူဝ်ႈပိၼ်ႇတႅမ်ႈၽၢႆႇတႆးၼႆႉ လႆႈယိပ်းၸႂ်ႉဝႆႉၶေႃႈၵႂၢမ်းဢၼ်ထၢင်ႇဝႃႈ တေသၢင်ႇထုၵ်ႇႁူႉလွင်ႈပွင်ႇၸႂ်ငၢႆႈ တႃႇမိူဝ်ႈလဵ်ပ်ႈႁဵၼ်းလွင်ႈတီႇမူဝ်ႇၶရေႇသီႇၼၼ်ႉယူႇ။ လိုၼ်းလၢႆးဝၢႆးၼႆႉမႃး သင်ဝႃႈႁၼ်မႅၼ်ႈၶေႃႈၶႅမ်ႉလႅပ်ႈလီတိူဝ်းၼၼ်ႉၵေႃႈ မႄးပိၼ်ႇၸႂ်ႉယိပ်းတိုဝ်းၵႂႃႇလႆႈယူႇယဝ်ႉ။ သင်ဝႃႈဢမ်ႇၸႅင်ႈလႅင်းသၢင်းလၢင်း မီးတၢင်းငမ်းငဝ်း ပဵၼ်လၢႆၸႂ်လၢႆၶေႃးဝႆႉၼႆၸိုင် တၢမ်တူဝ်ႁူပ်ႉထူပ်းထတ်းသၢင်တွင်ႈထၢမ်ၵေႃႈလီ၊ ဢဝ်လၢႆးပၢႆးၵၢႆႇသိုပ်ႇတိတ်းတေႃႇလၢႆးလႂ်ၵေႃႈလီ၊ ၸီႉၸမ်ႈမူၼ်ႉမႄးပၼ်တၢင်းႁၼ်ထိုင်တမ်ႈတီႈၶႃႈႁဝ်းသေၵမ်းၶႃႈ။

ပပ်ႉႁဵၼ်းၽိုၼ်ၼႆႉ ပႆႇဝႃႈထိူၵ်ႈလႆႈလွင်ႈတီႇမူဝ်ႇၶရေႇသီႇၼႆႉ ဝႃႈၸွတ်ႇပႃးၸေးယဝ်ႉၼႆလူးၵွၼ်ႇ။ ပဵၼ်ပပ်ႉၽိုၼ်ၸႃႉတႄႇသိုပ်ႇမိုတ်ႈပၼ် တႃႇၽူႈၸိူဝ်းလဵပ်ႈႁဵၼ်းတီႇမူဝ်ႇၶရေႇသီႇၶဝ်ၼၼ်ႉၵူၺ်း။ လၢႆးလဵပ်ႈႁဵၼ်းၼႄဝႆႉမၼ်းၸမ်ႉ ၸၵ်းၽႄဝႆႉမီးပွတ်းတွၼ်ႈၽႄ 3 တွၼ်ႈယူႇယဝ်ႉ။ ပွတ်းတွၼ်ႈ 1 ၼႆႉ သမ်ႉၶိုၼ်းၸႅၵ်ႇဝႆႉၵၼ် 5 ၵၼ်သေ တႅမ်ႈၼႄဝႆႉလွင်ႈၾိင်ႈပိူင်သၽေႃးတီႇမူဝ်ႇၶရေႇသီႇၵၢပ်ႈပၢၼ်ဝၼ်းမိူဝ်ႈၼႆႉၼၼ်ႉယဝ်ႉ။ ပွတ်းတွၼ်ႈ 2 ၼၼ်ႉသမ်ႉ ပႃးဝႆႉ 6 ၵၼ်သေ တႅမ်ႈၼႄဝႆႉလွင်ႈတၢင်းဢၼ်သၢၼ်ၶတ်းပႅၵ်ႇပိူင်ႈၵၼ်တင်းတီႇမူဝ်ႇၶရေႇသီႇလႄႈ ပိူင်ၽၢင်လွၵ်းလၢႆးပၢႆးမိူင်းဢၼ်တီႇမူဝ်ႇၶရေႇသီႇဢမ်ႇႁိူဝ်ႈႁိူင်းလႆႈၼၼ်ႉဝႆႉယဝ်ႉ။ ၼႂ်းပွတ်းတွၼ်ႈ 3 ၼႆႉသမ်ႉ လဵပ်ႈႁဵၼ်းဝႆႉလွင်ႈပိူင်ၽၢင်တီႇမူဝ်ႇၶရေႇသီႇလၢႆၸိူဝ်ႉလၢႆမဵဝ်းၶဝ်ၼၼ်ႉၼႄဝႆႉယူႇယဝ်ႉ။ 

ပပ်ႉၽိုၼ်ၼႆႉ လႆႈပိုင်ႈဢိင်တီႈပပ်ႉ (HISTORY OF POLITICAL THOUGHT ) လႄႈပပ်ႉၽိုၼ် ( ) ၼၼ်ႉႁဵတ်းပဵၼ်ငဝ်ႈပိုၼ်ႉသေယဝ်ႉ ဢဝ်လွင်ႈတၢင်းဢၼ်ႁဝ်းၶႃႈလႆႈလဵပ်ႈႁဵၼ်းဝႆႉၵမ်ႈၽွင်ႈၼၼ်ႉ ထႅမ်သႂ်ႇလေႃးမၢင်တီႈမၢင်ဢၼ်ၼၼ်ႉၶႃႈယဝ်ႉ။ လႆႈၶပ်ႉၶိုင်ပိၼ်ႇတႅမ်ႈ တၢင်းႁိုင်ၸမ်ၶၢဝ်းတၢင်းပီႊၼိူင်ႈယွမ်းယွမ်း။ ၼႂ်းၶၢဝ်းတၢင်းပိၼ်ႇတႅမ်ႈလိၵ်ႈၼႆႉ လႆႈႁူပ်ႉထူပ်းတွင်ႈထၢမ်တမ်ႈတီႈၽူႈလူင်ႉလႅင်းၶဝ်လႄႈသင်၊ လႆႈပိုင်ႈၸွႆႈထႅမ်ႁႃပၼ်ပပ်ႉၽိုၼ်ဢိင်လႄႈသင်၊ ၸွႆႈပေႃႉၶွမ်ႇပိဝ်ႉတိူဝ်ႇ၊ ၸွႆႈမေးထတ်းမႄးၶပ်ႉၶေႃႈၵႂၢမ်းသေ ၶပ်ႉၶိုင်ပဵၼ်ပပ်ႉလႄႈသင်၊ တမ်ႈတီႈၽူႈႁၵ်ႉၸိူဝ်ႈၸၢတ်ႈဝၢၼ်ႈမိူင်းႁဝ်း၊ တႆးၵေႃႉဢူၺ်းလီႁဝ်းၶဝ်ၼၼ်ႉ ၶႃႈႁဝ်းမီးတၢင်းၶွပ်ႈၸႂ်ယႂ်ႇၼမ်သေ ယွင်ႈယေႃးမၵ်းမၢႆဢဝ်ၵုင်ႇမုၼ်တႄႉတႄႉၶႃႈယဝ်ႉ။
ပိၼ်ႇတႅမ်ႈ 
ထီးၶမ်း
ပီႊတႆး 2093

တီႇမူဝ်ႇၶ​ရေႇသီႇဢၼ်ဝႃႈၼႆႉ ၸၢဝ်းပၢႆးယုမ်ႇယမ်ၵေႃႈဢမ်ႇၸႂ်ႈ၊ ပၢႆးတၢင်းႁူႉႁၼ်ၵေႃႈဢမ်ႇၸႂ်ႈ၊ ပဵၼ်လၢႆးဢုပ်ႉပိူင် ဢၼ်ဢဝ်ၸႂ်ႉတိုဝ်းတႃႇဢုပ်ႉပိူင်ႇၸိုင်ႈမိူင်းလႄႈမူႇၸုမ်းၽုင်ၵူၼ်းႁဝ်းၼၼ်ႉယဝ်ႉ။ မိူၼ်ၼင်ႇၼႂ်းၶေႃႈၵႂၢမ်းဢၼ်ဝႃႈ

တီႈၵၢၼ်ၶုၼ်ၽွင်းငမ်းမိူင်းၼၼ်ႉ ဢမ်ႇဢဝ်ၸုမ်းၾၢႆႇပၢႆးမိူင်းဝႆႉပဵၼ်ၵႄႈၵၢင်မၼ်းသင်သေ ဢဝ်ၵူၼ်းမိူင်းၶဝ်ၶဝ်ႈဢုပ်ႉပိူင်ႇၵမ်းလဵဝ်ၼၼ်ႉ ႁွင်ႉဝႃႈ တီႇမူဝ်ႇၶရေႇသီႇၵမ်းသိုဝ်ႈ(Direct demorcracy)ၼႆယဝ်ႉ။ မိူဝ်ႈပၢၼ်တီႇမူဝ်ႇၶရေႇသီႇ ၸင်ႇႁႃႁိူဝ်ႁိူင်း မႅၼ်ႈမိူဝ်ႈ BC 500 တီႈၼႂ်းမိူင်းဢွၼ်ႇ ၵရိၵ်ႉ ၶဝ်ယိပ်းတိုဝ်းၼၼ်ႉ ပဵၼ်လၢႆးပိူင်ဢုပ်ႉပိူင်ႇ တီႇမူဝ်ႇၶရေႇသီႇၵမ်းသိုဝ်ႈၼႆႉယဝ်ႉ။ တီႇမူဝ်ႇၶရေႇသီႇၵမ်းသိုဝ်ႈၼႆႉ ယိပ်းတိုဝ်းလႆႈမႅၼ်ႈမိူဝ်ႈ ႁူဝ်ၵူၼ်းဢေႇ၊ လၢႆးၵပ်းသိုပ်ႇတိတ်းတေႃႇၵၼ်ၵေႃႈငၢႆႈၼၼ်ႉၵွၺ်း။ မိူဝ်ႈႁူဝ်ပၢၵ်ႇပီႊ 17 -18 ၼၼ်ႉ မိူင်းဢမႄးရီးၵႂ်း ယိပ်းတိုဝ်းလၢႆးၼႆႉမႃးယူႇယဝ်ႉ။ မိူင်းၸိူဝ်းဢၼ်ႁူဝႅၵူၼ်းမီးဢေႇၵမ်ႈၽွင်ႈ ဢၼ်တိုၵ်ႉယိပ်းတိုဝ်းလၢႆးပိူင်တီႇမူဝ်ႇၶရေႇသီႇၵမ်းသိုဝ်ႈ ၸိူင်ႉၼင်ႇဝႃႈမႃးၼႆႉၵေႃႈ တိုၵ်ႉလႆႈႁၼ်ႁၢၼ်ႉတေၢႆဝၼ်းမိူဝ်ႈၼႆႉယူႇ။ ၸေႊတွၼ်ႊၼႂ်းမိူင်းဢိင်ႇၵလႅၼ် ၼႃႈလိၼ် ဝူၺ်းလ် (Wale)ၼၼ်ႉလႄႈသင် ၊ ၸေႊမိူင်းဢွၼ်ႇ ဢၼ်မီးၼႂ်းမိူင်းႁူမ်ႈတုမ်ႊဢမႄးရီးၵႂ်းၶဝ်ၼၼ်ႉလႄႈသင်၊ ၸေႊမိူင်း ၵႅၼ်ႇတွၼ်(Canton)  ၼႂ်းမိူင်းႁူမ်ႈတုမ်ႊ သဝိတ်ႉၸိူဝ်းလႅၼ်း(Switzerland)ၶဝ်ၼၼ်ႉလႄႈသင် ယင်းတိုၵ်ႉယိပ်းတိုဝ်းလၢႆးၼႆႉဝႆႉယူႇ။ 

မိူင်းယႂ်ႇမိူင်းလူင် ဢၼ်ႁူဝ်ၵူၼ်းၶဝ်မီးၼမ်တင်းသဵင်ႈၼႆႉ ယိပ်းတိုဝ်းလၢႆးပိူင်တီႇမူဝ်ႇၶရေႇသီႇတၢင်တူဝ်ယဝ်ႉ။ ၵမ်ႈၽွင်ႈ ယင်းယိပ်းတိုဝ်းလၢႆးပိူင်ၽွင်းငမ်း ဢၼ်ပၼ်ႁႂ်ႈၵူၼ်းမိူင်းၶဝ်ႈၸိမ်ၸွမ်းၼၼ်ႉယူႇ။ လၢႆးၼႆႉၸမ်း ပဵၼ် လၢႆးၵဵပ်းဢဝ်ၵၢင်ၸႂ်ၵူၼ်းမိူင်း (Referendum)ပဵၼ်လၢႆးဢၼ်ၼႂ်းမိူင်း သဝိတ်ႉၸိူဝ်းလႅၼ်း၊ မိူင်းၾရင်ႇသဵတ်ႈ၊ မိူင်းတဵၼ်းမၢၵ်ႉ၊ မိူင်းဢေႃးသထြီးယႃး လႄႈ မိူင်းဢမႄးရီးၵႂ်းၶဝ် တိုၵ်ႉယိပ်းတိုဝ်းဝႆႉၵမ်ႈၼမ်ယူႇ။ လွင်ႈၵဵပ်းၵၢင်ၸႂ်ၵူၼ်းမိူင်းဢၼ်ဝႃႈၼႆႉ တီႈၼိူဝ်လွင်ႈပၢႆးမိူင်း ဢၼ်ၸၢင်ႊလူဝ်ႇၵဵဝ်ႇၵပ်းၼၼ်ႉ ဢဝ်လၢႆးပိူင်တီႇမူဝ်ႇၶရေႇသီႇၵမ်းသိုဝ်ႈသေ တုင်းႁပ်ႉၶၢမ်ႇဢဝ်ၶေၢႈတႅပ်းတတ်းမၼ်းၼၼ်ႉယဝ်ႉ။

ၸိုင်ႈမိူင်းလူင် ဢၼ်မီးႁူဝ်ၼပ်ၵူၼ်းၼမ်ၼၼ်ႉ တႃႇႁႂ်ႈပၼ်ၵူၼ်းမိူင်းၶဝ်တင်းသဵင်ႈ ၶဝ်ႈပႃးတီႈလၢႆးပိူင်တီႇမူဝ်ႇၶရေႇသီႇၵမ်းသိုဝ်ႈၼႆႉ မီးတၢင်းယၢပ်ႇၽိုတ်ႇတင်းၼမ်လႄႈ ၶဝ်ၸင်ႇလႆႈႁဵတ်းဢွၵ်ႇလၢႆးပိူင်ၵဵပ်းဢဝ်ၽူႈတၢင်တူဝ် ဢၼ်ၸႅတ်ႈၸၢင်ႇၼၼ်ႉသေ ၽွင်းငမ်းမိူင်းလႄႈ ၸင်ႇလႆႈႁွင်ႉဝႃႈ တီႇမူဝ်ႇၶရေႇသီႇတၢင်တူဝ် ၼႆယဝ်ႉ။ 

ဢၼ်လႆႈယိပ်းတိုဝ်းတီႇမူဝ်ႇၶရေႇသီႇတၢင်တူဝ်ၼႆႉ လွင်ႈတၢင်းဢၼ်လိုၵ်ႉလမ်ႇမၼ်းတႄႉ ယွၼ်ႉဝႃႈၵူၼ်းမိူင်းမီးၼမ်လၢႆၼႃႇၼၼ်ႉယဝ်ႉ။ ပိူဝ်ႈၼၼ်လႄႈ ၼင်ႇႁိုဝ်တေဢမ်ႇတုမ်ႉတိူဝ်ႉမႅၼ်ႈ သုၼ်ႇတီႇမူဝ်ႇၶရေႇသီႇၼႆႉ လၢႆးၽွတ်ႈႁႅၼ်းမၼ်း လမ်ႇလွင်ႈဝႆႉတေႉတေႉယူႇယဝ်ႉ။ လၢႆးၽွတ်ႈႁႅၼ်း ဢွင်ႈတီႈၶုၼ်ၽွင်းမိူင်းၵူႊၸၼ်ႉၸၼ်ႉၼၼ်ႉ တေလႆႈႁႂ်ႈမီးဝႆႉၽူႈတၢင်တူဝ်ၵူၼ်းမိူင်းၶဝႅၼၼ်ႉယဝ်ႉ။ ပေႃးၵုမ်ႇပဵၼ်ၽူႈတၢင်တူဝ်ၸဝ်ႈမီးဢႃႇၼႃႇၶဝ်လႄႈတၢမ်တူဝ်ၶဝ်ၼၼ်ႉၵွၺ်းၸိုင် မၼ်းဢမ်ႇၸႂ်ႈ တီႇမူဝ်ႇၶရေႇသီႇသေ တေပဵ်လၢႆးပိူင်ၽွငမ်းငမ်းၸဝ်ႈဢႃႇၼႃႇၵႅမ်တူဝ်ၼၼ်ႉယဝ်ႉ။ လိူဝႅသေမိူင်းၸိူဝ်းဢၼ်လႆႈလၢတ်ႈၼေမႃးဝႃႈ ၶဝ်တိုၵ်ႉယိပ်းတိုဝ်းလၢႆးတီႇမူဝ်ႇၶရေႇသီႇၵမ်းသိုဝ်ႈယူႇၼႆႉၼၼ်ႉ ၼႂ်းမိူင်းလုမ်ႈၾႃႉဝၼ်းမိူဝ်ႈၼႆႉၼႆႉ ယိပ်းတိုဝ်း လၢႆးပိူင်တီႇမူဝ်ႇၶရေႇသီႇတၢင်တူဝ်ဝႆႉယူႇယဝ်ႉလႄႈ ဢၼ်တေလဵပ်ႈႁဵၼ်းလွင်ႈတီႇမူဝ်ႇၶရေႇသီႇၼႆႉၸမ်း တေလႆႈႁဵၼ်းလွင်ႈ တီႇမူဝ်ႇၶရေသီႇတၢင်ႇတူဝ် ၼၼ်ႉၵမ်ႈပႃႈၼမ်ယူႇယဝ်ႉ။ တီႈပွင်ႇဢၼ်ၶႂ်ႈဝႃႈၼႆႉၸမ်း တေလႆႈလဵပ်ႈႁဵၼ်း လွင်ႈဢၼ်ဝႃႈ မၼ်းပဵၼ်ၽူႈတၢင်တူဝ်ၵူၼ်းမိူင်းၸႂ်ႈဢမ်ႇၸႂ်ႈ၊ ငဝ်းလၢႆးတႃႇပၼ်ႁႂ်ႈလႆႈတၢင်တူဝ်ၼၼ်ႉ မီးဢမ်ႇမီး ၸၵႂႃႇၸိူဝ်းၼႆႉ ႁဵတ်းပဵၼ်ငဝ်ႈငႃႇၶၢမ်ႇပိုၼ်ႉသေ ၸၢမ်းလၢမ်းထတ်းတူၺ်းလွင်ႈတၢင်းလၢႆးဢုပ်ႉပိူင်ႇတီႇမူဝ်ႇၶရေႇသီႇၼၼ်ႉယူႇယဝ်ႉ။ ၵွပ်ႈၼၼ်ႉလႄႈ တေလႆႈႁၼ်လွၵ်းလၢႆးတီႇမူဝ်ႇၶရေႇသီႇလႄႈ လွင်ႈလႆႈတၢင်တူဝ်၊ ဢိၵ်ႇပႃးလွင်ႈငဝ်းလၢႆးတႃႇတၢင်တူဝ်လႆႈၶဝ် ၵွင်ႉၵၢႆၵၼ်ဝႆႉၸိူဝ်ႉၼင်ႇႁိုဝ်ၼႆၼၼ်ႉယဝ်ႉ။

ၵဵဝ်ႇလွင်ႈၼႆႉ မီးဝႆႉလွင်ႈတၢင်းလီလႆႈထဵင်ၵၼ်ၼၼ်ႉယူႇတင်းၼမ်။ တီႇမူဝ်ႇၶရေႇသီႇၼႆႉ တင်ႈတႄႇႁိူဝ်ႈႁိူင်းမႃးၼႂ်းမိူင်း ၵရိၵ်ႉ လႄႈ ရေႃးမ ၶဝ်ၼႆၵေႃႈ လွင်ႈဝႆႉၽူႈတၢင်တူဝ် ၼႂ်းၶႂၢင်ႈၵၢၼ်ပၢႆးမိူင်းၼၼ်ႉ ၸွင်ႇၶဝ်ပွင်ႇၸႂ်ႁိုဝ်ဢမ်ႇပွင်ႇၸႂ်ၼႆ ၽႂ်ၵေႃႈဢမ်ႇႁူႉလႆႈ။ ၶေႃႈၵႂၢမ်းဢၼ်ၵူၼ်းတင်းၼမ်ႁူႉဝႆႉ ဢၼ်ဝႃႈ ရီႇပရီႇသႅၼ်ႇတေးတိပ်ႉ (Representative)ဢၼ်ပဵၼ်ၵႂၢမ်းဢိင်းၵလဵတ်ႈၼႆႉ လုၵ်ႉတီႈလိၵ်ႈ လႅတ်ႉတိၼ်ႇ ၶဝ်ဢၼ်ဝႃႈ ရီႇပရီႇသႅၼ်းတႃး( Representare)ၼၼ်ႉသေ တႄႇပဵ်မႃးလႄႈ ၼႂ်းၶေႃႈၵႂၢမ်းပၢႆးမိူင်းၵူၼ်းၶိူဝ်းၵရိၵ်ႉၶဝ်မိူဝ်ႈၵွၼ်ႇၼၼ်ႉ ဢမ်ႇလႆႈလဵပ်ႈႁဵၼ်းႁၼ်မႅၼ်ႈၼႆ ၽူႈမေႃၸွပ်ႇသွၵ်ႈႁဵၼ်းႁႃ ၶဝ် ၸီႉၸမ်ႈၼေဝႆႉၼင်ႇၼႆယဝ်ႉ။ 

လႆႈႁၼ်ဝႃႈ မိူင်းယူးရူပ်ႉပၢၼ်ၵၢင်(Medieval Europe)ၶဝ်တႄႇၸႂ်ႉတိုဝ်း လၢႆးပိူင်တၢင်တူဝ်ၼႆႉမႃးၼႆယူႇယဝ်ႉ။ မႅၼ်ႈမိူဝ်ႈၸႅတ်ႈထၢမ်ႈဢမူႉတီႇလုမ်းၶုၼ်ႁေႃၶမ်းလႄႈ တီႈႁူင်းဝတ်ႉဝႆႈသႃၶဝ်ၼၼ်ႉ ဝႆႉၽူႈတၢင်တူဝ်သေ ႁဵတ်းသၢင်ႈၵႂႃႇယူႇယဝ်ႉ။ လုၵ်ႉတီႈၼၼ်ႉသေ ဝၢႆးမႃးတီႈၼႂ်းၼႃႈဝၢၼ်ႈၵၢၼ်သူၼ်၊ ထိုင်ပႃးၼႂ်းၼႃႈတီႈၵၢၼ်ပၢႆးမိူင်း - ႁဵတ်းၼႆသေလႄႈ လိုၼ်းလၢႆးဝၢႆးမႃး ဢဝ်ၵေႃႉတၢင်တူဝ်ၶဝ် မႃးႁူမ်ႈႁွမ်းၵၼ် ၶွတ်ႇၽွတ်ႈပဵၼ်မူႇၸုမ်းမႃးယူႇယဝ်ႉ။ တေလႆႈဝႃႈ ၵၢၼ်မိူင်းၶိုၼ်ႈၸၼ်ႉသင်မႃးဝႃႈၼႆၵေႃႈ မၼ်းပဵၼ်ယွၼ်ႉလူၺ်ႈႁူဝ်ၵူၼ်းၼမ်မႃးၼၼ်ႉၵွၺ်း။ မိူဝ်ႈယၢမ်းၼင်ႇၼၼ် ၼႂ်းမူႇၸုမ်းတၢင်တူဝ်ၼႆႉ ၶဝ်ႈပႃးဝႆႉ ၽူႈတၢင်တူဝ်းၶိူဝ်းၸဝ်ႈၶႆႇၾႃႉၶုၼ်မိူင်းၶဝ်၊ ၽူႈတၢင်တူဝ်ဝတ်ႉဝႆႉသႃ(Church)ၶဝ်၊ ၽူႈတၢင်တူဝ်ၸေႊတွၼ်ႊလႄႈဢိူင်ႇဝၢၼ်ႈၶဝ်ၸိူဝ်းၼႆယူႇယဝ်ႉ။ ပေႃးဢဝ်ပၢႆးမိူင်းဝၼ်းမိူဝ်ႈၼႆႉတႅၵ်ႈၼိူင်းသေလၢတ်ႈၸိုင် ၽူႈတၢင်တူဝ်ၸိူဝ်းၼၼ်ႉၸမ်း ဢမ်ႇၸႂ်ႈၽူႈတၢင်တူဝ်ၵူၼ်းမိူင်းဢၼ်ၸႅတ်ႈၸၢင်ႇ။ ပိၵ်ႉသမ်ႉဝႃႈ လႆႈလဵပ်ႈႁဵၼ်းႁၼ်ဝႃႈ မိူဝ်ႈယၢမ်းၼင်ႇၼၼ် တေမၵ်းမၢႆဝႃႈ ပဵၼ်လူင်ပွင်ၸိုင်လၢႆးတၢင်တူဝ် (Representative Government)ဝႆႉယဝ်ႉၼႆၵေႃႈ ပဵၼ်ယၢပ်ႇဝႆႉၼင်ႇၵဝ်ႇ။

လွင်ႈပၢႆးဝူၼ်ႉႁၼ်ထိုင်ထိပ်ႉပရႄႇပၢၼ်မႂ်ႇ လႆႈႁိူဝ်ႈႁိူင်းမႃးမိူဝ်ႈႁူဝ်ပၢၵ်ႇပီႊ 18-19 The Rise of Modem Liberalism, 18-19 century

လွင်ႈဢၼ်တၢင်းဝူၼ်ႉႁၼ်ထိုုင် လိပ်ႉပရႄႇပၢင်ႁူဝ်ပၢၵ်ႇပီႊ 18 - 19 ႁိူဝ်ႈႁိူင်းမႃးၼၼ်ႉ မႃးပဵၼ်ဢၼ်ၵမ်ႉၵႅမ်လၢႆးပိူင်ႇတီႇမူဝ်ႇၶရေႇသီႇၼၼ်ႉတေႉယဝ်ႉ။ ယိူင်းဢၢၼ်းတႃႇၶွတ်ႇၽွတ်ႈလူင်ပွင်ၸိုင်ႈ ဢၼ်မၵ်းၶၢၼ်းဢႃႇၼႃႇဝႆႉပၼ်ၼၼ်ႉလႂ်၊ တႃႇၽေႃႇၼမ်ႉၽေႃႇတူဝ်လွၵ်းလၢႆးၽွင်းငမ်းၸွမ်းပိူင်မီႈၽွတ်ႈဝၢၼ်ႈမိူင်းၼၼ်ႉလႂ်၊ တႃႇပူၵ်းတင်ႈမူႇၸုမ်းၽုင်ၵူၼ်း ဢၼ်တေႁႂ်ႈၵူၼ်းၵေႃႉလႂ်ၵေႃႉၼၼ်ႉ မီးသုၼ်ႇလႆႈသုၼ်ႇပဵၼ်ၼၼ်ႉလႂ် ၸၵႂႃႇၸိူဝ်းၼႆႉ မႃးပဵၼ်တီႈလမ်ႇလွင်ႈ “ပၢႆးဝူၼ်ႉႁၼ်ထိုင်လိပ်ႉပေႃႇရႄႇ” ၼၼ်ႉယူႇယဝ်ႉ။ ၵၢပ်ႈပၢၼ်မိူင်းမိူဝ်ႈလဵဝ်ၼႆႉၵေႃႈ ယင်းလႆႈဢဝ်လွင်ႈၸိူဝ်းၼၼ်ႉ မႃးႁဵတ်းပဵၼ်တီႈတႅၵ်ႈၼိူင်း တႃႇထတ်းတူၺ်းလူင်ပွင်ၸိုင်ႈ လွင်ႈဝႃႈၶဝ်ပဵၼ်လၢႆးပိူင်တီႇမူဝ်ႇၶရေႇသီႇႁိုဝ်ဢမ်ႇပဵၼ်-ၼႆၼၼ်ႉလူးၵွၼ်ႇယဝ်ႉ။ ပိူဝ်ႈၼၼ်လႄႈ တီႇမူဝ်ႇၶရေႇသီႇဢၼ်ႁိူဝ်ႈႁိူင်းယူႇဝၼ်းမိူဝ်ႈၼႆႉၼႆႉ ၸင်ႇလႆႈႁွင်ႉႁဵၵ်းၸိုဝ်ႈဝႃႈ “လိပ်ႉပရႄႇတီႇမူဝ်ႇၶရႄႇသီႇ”(Liberal Democracy) ၼႆယဝ်ႉ။ မိူဝႅႈယိပ်းတိုဝ်းတီႇမူဝ်ႇၶရေႇသီႇၼၼ်ႉ ႁဵတ်းၸွမ်းၼင်ႇလွၼ်ႉၵႅၼ်သၽေႃးၶၢမ်ႇပိုၼ်ႉလိပ်ႉပရႄႇ (Concepts Liberalism) ၼၼ်ႉယဝ်ႉ။ ဢၼ်ဢွၼ်ၵၼ်ႁွင်ႉဝႃႈ တီႇ မူဝ်ႇၶရေႇသီႇၸႅတ်ႈၸၢင်ႇၼႆယူႇၼၼ်ႉ တေလႆႈႁူႉပွင်ႇဝႃႈပဵၼ် “လိပ်ႉပရႄႇတီႇမူဝ်ႇၶရေႇသီႇ” ၼႆယူႇယဝ်ႉ။ ပုၼ်ႈတႃႇတေဢဝ်လၢတ်ႈတႅၵ်ႈၶေႃႈၼႆႉၵေႃႈ  “တီႇမူဝ်ႇၶရေႇသီႇၵူၼ်းမိူင်း” (People Democracy) ၼႆလႄႈသင်၊ “တီႇမူဝ်ႇၶရေႇသီႇမႂ်ႇ” (New Democracy) ၼႆလႄႈသင် ၸင်ႇလႆႈၵိုၵ်းပႃးမီးမႃးၸွမ်းၵၼ်ဝႆႉယူႇယဝ်ႉ။

ပၢႆးဝူၼ်ႉႁၼ်ထိုင်လိပ်ႉပရႄႇၼႆႉ တႄႇႁိူဝ်ႈႁိူင်းမႃးမိူဝ်ႈႁူဝ်ပၢၵ်ႇပီႊ 18 ၸမ်သုတ်း၊ မႅၼ်ႈမိူဝ်ႈလွင်ႈလုၵ်ႉၽိုၼ်ႉမိူင်းၾရင်ႇသဵတ်ႈ (France) လႄႈလွင်ႈလုၵ်ႉၽိုၼ်ႉမိူင်းဢမေႇရိၵၼ်ႇ(American) ၶဝ်ယဝ်ႈတူဝ်ႈသေလႄႈ ထိုင်မႃးပၢၼ်ၶိုင်ႈၵၢင်ႁူဝ်ပၢၵ်ႇပီႊ 19 ၼၼ်ႉၵွၼ်ႇ ၸင်ႇၵိုမ်းၶိူင်ႇႁိူဝ်ႈႁိူင်းမႃးယူႇယဝ်ႉ။ မိူဝ်ႈယၢမ်းၼၼ်ႉ ၵူၼ်းၸိူဝ်းယူႇသႃႇၵိၼ်လူမ်ၶဝ်တီႈမိူင်းဢိင်ႇၵလၢၼ်ႇၼႆႉ တေႃႇသူႈတွပ်ႇထဵင်ၶႄႉၶႅင်ႇၼိူဝ်ဢႃႇၼႃႇၶုၼ်ႁေႃၶမ်းၼၼ်ႉသေ လၢႆးဝူၼ်ႉႁၼ်ထိုင်လိပ်ႉပရႄႇလႆႈတႄႇႁိူဝ်ႈႁိူင်းမႃးယူႇယဝ်ႉ။ ႁၢၼ်ႉတေႃႇထိုင်ႁူဝ်ပၢၵ်ႇပီႊ 19 တႄႇၼၼ်ႉ ၶိူဝ်းၸဝ်ႈၶႆႇၾႃႉၶုၼ်မိူင်းၶဝ်ၼႆႉ တိုၵ်ႉယိပ်းၸိၵ်းဝႆႉၾၢႆႇပၢႆးမၢၵ်ႈမီး။ ပၢႆးၽွင်းငမ်းမိူင်းၶဝ်ၼၼ်ႉဝႆႉလႆႈယူႇ၊ ထိုင်ပၢၼ်ၶိုင်ႈၵၢင်ႁူဝ်ပၢၵ်ႇပီႊ 19 မႃးၼႆႉ ၵၢၼ်ငၢၼ်းပၢႆးၸၢၵ်ႈၶိုၼ်ႈယႂ်ႇႁိူဝ်ႈႁိူင်းမႃးၼႃႇလႄႈ ၽူႈႁူႉႁၼ်လူင်ႉလႅၼ်ႇၶဝ်၊ ၽူႈၵတ်ႉၶႅၼ်ႇၶဝ်၊ ၵူၼ်းႁဵတ်းၵၢၼ်ၶဝ်-ၸၵႂႃႇထၢၼ်ႈၵူၼ်းေၸးမဵဝ်းမၼ်းမႃးသေဢွၼ်ၵၼ်သၢၼ်ၶတ်းၽိုၼ်ႉဝၢႆႇ လွင်ႈၸဝ်ႈၶႆႇၾႃႉၵိၼ်မိူင်းၶဝ်ယိပ်းၸိၵ်းတီႈလွၵ်းပၢႆးမိူင်းဝႆႉၼၼ်ႉလႄႈ။ ပၢႆးဝူၼ်ႉႁၼ်ထိုင်လိပ်ႉပရႄႇ ၸင်ႇတိူဝ်းၶိူင်ႇၵိုမ်းမႃးၼၼ်ႉယဝ်ႉ။ လိပ်ႉပရႄႇဢၼ်ဝႃႈၼႆႉပဵၼ်ပၢႆးႁၼ်ဢၼ်ဢဝ်လွင်ႈလွတ်ႈလႅဝ်းသုၼ်ႇၵေႃႉလႂ်ၵေႃႉၼၼ်ႉ ဝႆႉပဵၼ်လွင်ႈယႂ်ႇထီႉသုတ်းၼၼ်ႉယဝ်ႉ။ တီႇမူဝ်ႇၶရေႇသီႇဢၼ်ဝႃႈၼႆႉၸမ်း မၵ်းမၼ်ႈႁပ်ႉႁွင်းလွင်ႈသုၼ်ႇလႆႈၽဵင်ႇပဵင်းၵၼ်သေဢမ်ႇၵႃး တီႈၵၢၼ်ပၢႆးမိူင်းၼၼ်ႉေၵႃႈ ဢမ်ႇၸႅၵ်ႇၽႄၼိူဝ်ႉႉလိူတ်ႈၸၢဝ်းၶိူဝ်းသင်သေ မီးသုၼ်ႇႁူမ်ုႈႁွမ်းႁဵတ်းသၢင်ႈၸွမ်းၵၼ်ၼၼ်ႉယဝ်ႉ။ ယွၼ်ႉၼၼ်လႄႈ လိပ်ႉပရႄႇတီႇမူဝ်ႇၶရေႇသီႇၼႆႉ ပဵၼ်လၢႆးပိူင်ၽွင်းငမ်းလႄႈ လၢႆးပိူင်ပၢႆးမိူင်းဢၼ်ထုၵ်ႇမႅၼ်ႈၵိုင်ႇလႅပ်ႈတင်းမူႇၸုမ်းၽုင်ၵူၼ်းႁဝ်းၼၼ်ႉလႄႈလိုၼ်းလၢႆးဝၢႆးမႃးၼႆႉ တၵ်းတေၶဝ်ႈပုတ်ႈတၢင်တီႈပၢႆးမိူင်းလုမ်ႈၾႃႉလူင်ႁဝ်းၼႆႉၵႂႃႇဢမ်ႇႁၢင်ႉၼႆ ၽူႈမေႃၸွပ်ႇသွၵ်ႈႁဵၼ်းႁႃဢမေႇရိၵၼ်ႇFrancis Fukuyama တႅမ်ႈၼႄဝႆႉၼႂ်းပပ်ႉမၼ်း ဢၼ်မီးၸိုဝ်ႈဝႃႈ “ပဵၼ်လႅၼ်သုတ်းပိုၼ်းမိူင်းၼၼ်ႉႁႃႉ?” The End of History? 1989 ၼႆၼၼ်ႉယူႇယဝ်ႉ။ ၵူၺ်းၵႃႈ ၼႂ်းၽူႈႁူႉႁၼ်လူင်ႉလႅၼ်ႇၶဝ်ၼႆႉ တိုၵ်ႉမီးလွင်ႈတၢင်းလီလႆႈထဵင်ၵၼ် တီႈၼိူဝ်လွင်ႈတၢင်းၵမ်ႈၽွင်ႈ ဢၼ်မၼ်းတႅမ်ႈဝႆႉၼႂ်းပပ်ႉမၼ်းၼၼ်ႉယူႇ။ တီႈၼႂ်းမိူင်းဝၼ်းတူၵ်းၶဝ်ၼႆႉတႄႇ လွၼ်ႉၵႅၼ်သၽေႃးလိပ်ႉပရႄႇၼႆႉ ပဵၼ်ဢၼ်ၵမ်ႉၵႅမ်ပၼ်လၢႆးပိူင်ပၢႆးမိူင်းတီႇမူဝ်ႇၶရေႇသီႇဝႆႉယူႇဢၼ်ဝႃႈၼၼ်ႉ လႆႈႁၼ်သၵ်းလႅင်းလႅင်းဝႆႉယူႇယဝ်ႉ။

ၸုမ်းမီးၽွၼ်းမိူၼ်ၵၼ်ၶဝ်လႄႈသဵင်ႁူဝ်ၸႂ်ၵူၼ်းမိူင်း Interest Groups and Public Opinion 
တီႇမူဝ်ႇၶရေႇသီႇဢၼ်ဝႃႈၼႆႉ ပဵၼ်လၢႆးပိူင်ဢုပ်ႇပိူင်ႇၵူၼ်းမိူင်းတင်းလၢႆၼႆၼၼ်ႉလႄႈ သဵင်ႁူဝ်ၸႂ်ၵူၼ်းမိူင်းၼႆႉ ပဵၼ်တီႈလမ်ႇလွင်ႈထီႉသုတ်းမၼ်းယဝ်ႉ။ ၵူၺ်းၵႃႈ တႃႇတေႁုပ်ႈၸူႉသဵင်ႁူဝ်ၸႂ်ၵူၼ်းမိူင်း၊ ၵၢင်ၸႂ်ၵူၼ်းမိူင်း မႃးမၢၵ်းမၼ်ႈၽဵၼ်ဢၼ်လဵဝ်ၵၼ်ဢၼ်ဝႃႈၼၼ်ႉ ယၢပ်ႇဝႆႉယူႇ။ ပိူဝ်ႈမီးၸၢဝ်းၶိူဝ်းလၢႆမဵဝ်း၊ ၸၼ်ႉထၢၼ်ႈလၢႆပိူင်၊ လွင်ႈယုမ်ႇယမ်ၵိူဝ်းလီလၢႆသႅၼ်းဝႆႉလႄႈ တႃႇတေဢွၵ်ႇၼႄသဵင်ႁူဝ်ၸႂ်ၵူၼ်းမိူင်းသဵင်လဵဝ်ၵၼ်ဢၼ်ဝႃႈၼၼ်ႉ တိုၼ်းယၢပ်ႇဝႆႉယူႇယဝ်ႉ။ ပိူဝ်ႈၼင်ႇၼၼ်လႄႈၵူၼ်းၸိူဝ်းမီးၽွၼ်းမိူၼ်ၵၼ်ၶဝ်ၼၼ်ႉ ၶွၼ်ႈတုမ်ၵၼ်သေပဵၼ်မူႇပဵၼ်ၸုမ်းမႃး၊ ဢွၼ်ၵၼ်ၶဝ်ႈမႃးၼႂ်းလွၵ်းပိူင်ပၢႆးမိူင်းၼၼ်ႉယဝ်ႉ။

ၼႂ်းမူႇၸုမ်းၽုင်ၵူၼ်းႁဝ်းၼႆႉ လိူဝ်သေၸၼ်ႉထၢၼ်ၵူၼ်းၼၼ်ႉ ဢၼ်ၸၢဝ်းၶိူဝ်းဢမ်ႇမိူၼ်ၵၼ်လႄႈ ၸၢဝ်းယုမ်ႇယမ်ၵိူဝ်းလီဢမ်ႇမိူၼ်ၵၼ်ၼႆႉ မႃးပဵၼ်လွင်ႈၶွင်ႉၶမ်ဢၼ်လိုၵ်ႉဢၼ်ၶိုၵ်ႉလူင်ၼႂ်းၵၢၼ်ပၢႆးမိူင်းၼၼ်ႉယဝ်ႉ။ မိူၼ်ၼင်ႇၼႂ်းမိူင်းၽွမ်ႉႁူမ်ႈ “သူဝ်ႇဝီယႅတ်ႉရႃႇသျူး” ၼႆႉ ၽူႈဢွၼ်ႁူဝ်ၶွမ်ႇမိဝ်ႇၼိတ်ႉ Communist ၶဝ် ဢဝ်တင်းႁၼ်ထိုင်ဢၼ်ဝႃႈ “ပေႃးၵႄႈၶႆလႆႈလွင်ႈၶွင်ႉၶမ်ၸၼ်ႉထၢၼ်ႈၵူၼ်းယဝ်ႉၸိုင် လွင်ႈၶွင်ႉၶမ်ၸဝ်းၶိူဝ်းၼၼ်ႉၵေႃႈ မိူၼ်ၼင်ႇၵႄႈၶႆလႆႈယဝ်ႉၼၼ်ႉယဝ်ႉ” ဝႃႈၼႆသေ ၶတ်းၸႂ်ၵႄႈလိတ်ႈလွင်ႈသုၵ်ႉယုင်ႈၶွင်ႉၶမ် ၵဵဝ်ႇလူၺ်ႈၸၢဝ်းၶိူဝ်းၼႂ်းမိူင်းၶဝ်ၼၼ်ႉမႃးယူႇယဝ်ႉ။ ဢၼ်မိူင်းသူဝ်ႇဝီႇယႅတ်ႉရႃႇသျူး လႆႈတႅၵ်ႇၽၢတ်ႇၽႄပဵၼ်မိူင်း 15 မိူင်းၼၼ်ႉမႃးတၢင်းပဵၼ်သၢၵ်ႈသေႇဢၼ်ဝႃႈ “ဢဝ်လွင်ႈႁၼ်ထိုင်တေၵႄႈလိတ်ႈပၼ်ၾၢႆႇလွင်ႈၶွင်ႉၶမ်ၸၼ်ႉထၢၼ်ၵူၼ်းၼႆႉပၢႆးလဵဝ်သေ ဢၢၼ်းၵႄႈလိတ်ႈလွင်ႈသုၵ်ႉယုင်ႈၶွင်ႉၶမ်ၸၢဝ်းၶိူဝ်းၼႆႉ ဢမ်ႇပဵၼ်လႆႈယဝ်ႉ” ၼႆၼၼ်ႉယဝ်ႉ။ ဢိင်ၼိူသ်ၼႆႉသေလႄႈ ၼွၵ်ႈသေဢၼ်ဝႃႈ “ၸၼ်ႉထၢၼ်ပၢၼ်ၵူၼ်း” ၼၼ်ႉ ပိူင်ၾၢင်ႁၢင်ႈလၢႆၸိူသ်ႉလၢႆပိူင်ၵေႃႈ ယင်းၶဝ်ႈပႃးမီးဝႆႉၼႂ်းၶႂၢင်ႉတၢင်းႁၼ်ပၢႆးမိူင်းယူႇယဝ်ႉၼႆတၵ်းလႆႈမၵ်းမၢႆပၼ်ဢမ်ႇႁၢင်ႉယဝ်ႉ။ ပိူင်ၾၢင်ႁၢင်ႈလၢႆၸိူဝ်ႉလၢႆပိူင်ၶဝ်ဢၼ်ဝႃႈၼႆႉ ဢိင်ၼိူသ်ပုၼ်ႈပၢင်မီးမိူၼ်ၵၼ်ၼၼ်ႉသေလႄႈ ၽွတ်ႈပဵၼ်မူႇ၊ ပဵၼ်ၸုမ်း ၶဝ်ႈပႃးၼႂ်းပၢႆးမိူင်းၼၼ်ႉဝႆႉယဝ်ႉ။

ၸုမ်းမီးၽွၼ်းမိူၼ်ၵၼ်ၶဝ်ၵမ်ႈၽွင်ႈၼႆႉ ၸၢင်ႈၵႂႃႇႁူမ်ႈငမ်းမႅၼ်ႈပေႃႇလသီႇလူင်ပွင်ၸိုင်ႈၼၼ်ႉသေ ယွၼ်ႉလူင်ပွင်ၸိုင်ႈၼႆႉ ဢမ်ႇလႅၵ်ႈလၢႆႈၶၢမ်ႈပူၼ်ႉလွင်ႈႁူမ်ႇငမ်းၶဝ်ၼၼ်ႉလႄႈၵမ်ႈၽွင်ႈထတ်းသၢင်ဝႃႈ တေၸၢင်ႈမႃးတုမ်ႉတိူဝ်ႉမႅၼ်ႈလွင်ႈၽဵင်ႇပဵင်း သုၼ်ႇလႆႈသုၼ်ႇပဵၼ်ၵူၼ်းၼၼ်ႉယဝ်ႉၼႆ ၸီႉၸၢမ်းၼႄဝႆႉယူႇယဝ်ႉ။ ပိူဝ်ႈၼၼ်လႄႈ တႃႇငူပ်ႉငိထိင်းသိမ်းဝၼ်လွင်ႈဢမ်ႇၽဵင်ႇပဵင်းၵၼ်လႆႈၼႆႉ ထုၵ်ႇလီတိူသ်းဢၢပ်ႈပၼ်ဢႃႇၼႃႇသုၼ်ႇႁဵတ်းလႆႈလူင်ပွင်ၸိုင်ႈၼၼ်ႉယူႇယဝ်ႉၼႆသေ-ၵမ်ႈၽွင်ႈၼႆႉ မီးလွင်ႈၶႂ်ႈပဵၼ်တုၵ်းယွၼ်းမႃးယူႇယဝ်ႉ။ ပေႃးပဵၼ်ၼၼ်မႃးၸိုင် ၸၢင်ႈမေႃပဵၵ်ႇပိူင်ႈၵၼ်တင်းဢၼ်ဝႃႈ “ဢႃႇၼႃႇၽွင်းငမ်းၼႆႉ တေလႆႈလုၵ်ႉတီႈၵူၼ်းမိူင်းမႃး” ၼႆၼၼ်ႉသေလႄႈ မၢင်ပွၵ်ႈၼႆႉၸၢင်ႈႁိူင်းၵိူင်းၸူးၾၢႆႇလၢႆးပိူင်ၸဝ်ႈဢႃႇၼႃႇၵႅမ်တူဝ်ၼၼ်ႉယူႇယဝ်ႉ။ လွင်ႈဢၼ်လွၵ်းလၢႆးပိူင်ဢုပ်ႉပိူင်ႇၽွင်းငမ်းတၢင်ႇမဵဝ်းၶဝ် ဢမ်ႇပွႆႇၶႂၢင်ႉပၼ်လႆႈၼၼ်ႉ ၸၢင်ႈလႆႈႁၼ်မီးၼႂ်းလၢႆးပိူင်တီႇမူဝ်ႇၶရေႇသီႇၼၼ်ႉယူႇ။ ၵွပ်ႈၼၼ်လႄႈ လွင်ႈၶွင်ႉၶမ်ၸၢင်ႈမီးမႃးၼႂ်းမူႇၸုမ်းၽုင်ၵူၼ်းႁဝ်းယွၼ်ႉၸုမ်းမီးၽွၼ်းမိူၼ်ၵၼ်ၼၼ်ႉဝႃႈၼႆၵေႃႈ ယင်းမီးဝႆႉလၢႆးပိူင်တႃႇတေၵႄႈလိတ်ႈၼင်ႇၼၼ်ဝႆႉယူႇလႄႈ ၵူၼ်းၵမ်ႈၽွင်ႈတႄႉဢမ်ႇႁၼ်ထိုင်ဝႃႈ တေၸၢင်ႈတုမ်ႉတိူသ်ႉမႅၼ်ႈလၢႆးဢုပ်ႉပိူင်ႇတီႇမူဝ်ႇၶရေႇသီႇၼၼ်ႉၼႆသင်။ ၼႂ်းလၢႆးပိူင်ပၢႆးမိူင်းလႄႈ လၢႆးဢုပ်ႇပိူင်ႇမဵဝ်းလႂ်သေမဝ်ႇဝႃႈ ၸုမ်းဢၼ်မီးၽွၼ်းမိူၼ်ၵၼ်ၶဝ် တၵ်တေၵိုၵ်းႁွမ်းမီးၸွမ်းဝႆႉယူႇႁဵတ်းၼၼ်ယဝ်ႉ။

ၸုမ်းဢၼ်မီးၽွၼ်းမိူၼ်ၵၼ်ၶဝ်ဢၼ်ဝႃႈၼၼ်ႉ ပိူင်လူင်ၶႂ်ႈယိူင်းဝႃႈ ပဵၼ်ၸုမ်းဢိင်ၼိူသ်ပၢႆးမၢၵ်ႈမီးသေ ၽွတ်ႈႁႅၼ်းပဵၼ်ၸုမ်းမႃးၼၼ်ႉယဝ်ႉ။ ၸုမ်းၸိူသ်းဢၼ်ဢိင်ၼိူသ်လွင်ႈပၢႆးၵၢၼ်ၵူၼ်း မိူၼ်ၼင်ႇၾၢႆႇၸၢဝ်းၵိူသ်းလီ၊ ၸိူသ်ႉၶိူသ်း သီၽိဝ်ၼိူသ်ႉၼင်သေ ၽွတ်ႈပဵၼ်ၸုမ်းဝႆႉၼၼ်ႉႁွင်ႉႁိၵ်းဝႃႈ “ၸုမ်းပႅၵ်ႇပိူင်ႈတီႈပၢႆးၵၢၼ်ၵူၼ်း” (Social Cleavages) ၶဝ်ၼႆယူႇယဝ်ႉ။ လွင်ႈၸုမ်းဢၼ်မီးၽွၼ်းမိူၼ်ၵၼ်ၶဝ်ၼၼ်ႉလႄႈ ၸုမ်းပႅၵ်ႇပိူင်ႈတီႈပၢႆးၵၢၼ်ၵူၼ်းၶဝ် လႆႈၶဝ်ႈၸိမ်ပႃးၼႂ်းပၢႆးမိူင်းမႃးၼၼ်ႉ ႁွင်ႉႁိၵ်းၸိုသ်ႈဝႃႈ “ၸုမ်းပႅၵ်ႇပိူင်ႈတီႈပၢႆးမိူင်း” ( Political Cleavages ) ၼႆယူႇယဝ်ႉ။ ၼႆႉပဵၼ်ၽူႈလူင်ႉလႅၼ်ႇၾၢႆႇပၢႆးမိူင်း။ ၾၢႆႇပၢႆးၵၢၼ်ၵူၼ်းၶဝ်မၵ်းမၢႆဝႆႉပၼ်ၼၼ်ႉယဝ်ႉ။
လွင်ႈ “ၸုမ်းဢၼ်တူၺ်းပုၼ်ႈသုၼ်ႇတူဝ်ၵဝ်ႇ” ၶဝ်လႆႈၶဝ်ႈပႃးၼႂ်းၶႂၢင်ႉပၢႆးမိူင်းၼၼ်ႉလူင်ပွင်ၸိုင်ႈၼႆႉ လႆႈတမ်းၽႅၼ်ပေႃႇလသီႇ ဢၼ်သၢင်ႇထုၵ်ႇတႃႇၽွၼ်းလီပုၼ်ႈပၢင်ႈမၢၵ်ႈမီးၶဝ်ၼၼ်ႉ 3 သဵၼ်ႈသၢႆသေ ၵွင်ႉၵၢႆႇၵပ်းပၼ်လၢႆးၵၢၼ်ၵႂႃႇယူႇယဝ်ႉ လၢႆးၵၢၼ်ၼၼ်ႉသမ်ႉ-

တီႇမူဝ်ႇၶရေႇသီႇလႄႈမူႇၸုမ်းၽုင်ၵူၼ်းၼမ်လၢႆ Democracy and Plural Society 
ၸုမ်းဢၼ်မီးၽွၼ်းမိူၼ်ၵၼ်ၶဝ်တင်းၼမ်ၼႆႉ ၶဝ်ႈပႃးၸိမ်ၸွမ်းၼႂ်းၶႂၢင်ႉၵၢၼ်ပၢႆးမိူင်းလႄႈၼႂ်းမူႇၽုင်ၵူၼ်းႁဝ်းဝႆႉ ၼင်ႇလၢတ်ႈၼႄမႃးပႃႈၼိူဝ်ၼႆႉယူႇယဝ်ႉ။ လွင်ႈၶွင်ႉၶမ်တင်းလူင်တင်းလၢႆၵေႃႈ သိုပ်ႇလၢမ်းတၢမ်းပုတ်ႈၵၼ်သေ ပေႃႇပဵၼ်မီးမႃးယူႇႁဵတ်းၼၼ်ယဝ်ႉ။ ၼႂ်းလၢႆးပိူင်ပၢႆးမိူင်းတီႇမူဝ်ႇၶရေႇသီႇၼႆႉ တႃႇၵႄႈလိတ်ႈလွင်ႈၶွင်ႉၶမ်ၸိူဝ်းၼၼ်ႉ လႆႈႁဵတ်းႁႃလၢႆးတင်ဢၼ်ဝႃႈ“ၵွၼ်ႇသူဝ်ႇၸီႇရေးသျိၼ်းတီႇမူဝ်ႇၶရေႇသီႇ” (Constructional Democracy )ဢၼ်ပဵၼ်လၢႆးၸၢင်ႈတၢင်တူဝ်လႆႈၵၢင်ၸႂ်တင်းသဵင်ႈၼၼ်ႉယူႇယဝ်ႉ။ လွၵ်းလၢႆးၼၼ်ႉၸမ်း-တီႈၵႄႈၵၢင်မူႇၸုမ်းတင်းလၢႆၼၼ်ႉလႄႈသင်၊ တီႈၵႄႈၵၢင်ၵူၼ်းၸၢဝ်းၶိူသ်းဢမ်ႇမိူၼ်ၵၼ်ၶဝ်ၼၼ်ႉလႈသင်၊ တီႈၵႄႈၵၢင်ၵူၼ်းၸၢဝ်းယုမ်ႇယမ်ၵိူသ်းလီပႅၵ်ႇပိူင်ႈၵၼ်ၼၼ်ႉလႄႈသင်၊ တီႈၵႄႈၵၢင်ၵူၼ်းၸိူသ်းတၢင်းဝူၼ်ႉႁၼ်ပၢႆးမိူင်းဢမ်ႇမိူၼ်ၵၼ်ၶဝ်ၼၼ်ႉလႄသင်၊ ၼင်ႇႁိုဝ်ၵူၼ်းၾၢႆႇပႃႈၼမ် ဢမ်ႇလႆႈၵႂႃႇပေႉၵိၼ်ၵူၼ်းၾၢႆႇပႃႈဢေႇၼၼ်ႉ ဝႆႉလၢႆးၶပ်ႉၶိုင်လႄႈ လွင်ႈပူင်တမ်ႈတီႈၶိုၵ်ႉတွၼ်းမၼ်းသေ ယိပ်းတိုဝ်းလၢႆး ”ၵွၼ်ႇသူဝ်ႇၸီႇရေးသျိၼ်းတီႇမူဝ်ႇၶရေႇသီႇ” ၼၼ်ႉယူႇယဝ်ႉ။

မိူင်းၸိူသ်းဢၼ်ပဵၼ်ၵူၼ်းၸၢဝ်းၶိူသ်းဢမ်ႇမိူၼ်ၵၼ်ၶဝ်ယူႇသဝ်းဝႆႉၼၼ ်ႉဢဝ်လၢႆးတီႇမူဝ်ႇၶရေႇသီႇယူဝ်းယူဝ်းဢၼ်ဝႃႈ “ဢဝ်ၵၢင်ၸႂ်ၵူၼ်းၾၢႆႇပႃႈၼမ်ၽွင်းငမ်းသေ ပႃႇၸႃးၼပ်ႉထိုဝ်တီႈၼိူသ်ၵၢင်ၸႂ်ၵူၼ်းၾၢႆႇပႃႈဢေႇ” ၼႆၼၼ်ႉသေ ဢၢၼ်းတေၵႄႈလိတ်ႈလွင်ႈၶွင်ႉၶမ်ၵႂႃႇၼႆႉ ဢမ်ႇပႆႇၵုမ်ႇထူၼ်ႈထိုင်တီႈလႆႈလူးၵွၼ်ႇ။ မၼ်းတေၵႂႃႇမိူၼ်ၼင်ႇ ၵိူတ်ႇလဵင်ႉဢွၵ်ႇထၢတ်ႈၸႂ်ၸၢဝ်းၶိူသ်းပူၼ်ႉလႅၼ်(Extreme Nationalism ) ၼၼ်ႉသေ လိုၼ်းလၢႆးဝၢႆးမႃး ၸၢင်ႈပဵၼ်ၶဵၼ်လူင်တုမ်ႉတိူသ်ႉမႅၼ်ႈလွင်ႈၽွမ်ႉႁူမ်ႈၸိုင်ႈမိူင်းမႃးယူႇယဝ်ႉ။ 

ၼႂ်းမိူင်းၽွမ်ႉႁူမ်ႈ“သူဝ်ႇဝီယႅတ်ႈ” ၼႆႉ ၶဝ်ဢဝ်လၢႆးပၢႆးမိူင်း“ၶွမ်ႇမိဝ်ႇၼိတ်ႉ” ၼၼ်ႉဢၢၼ်းၵႄႈလိတ်ႈလွင်ႈၶွင်ႉၶမ်ၸၢဝ်းၶိူသ်းၶဝ်ၼႆၵေႃႈဢမ်ႇလႆႈလႄႈ ဝၢႆးမႃးၸၢဝ်းၶိူသ်းၸိူသ်းမီးထၢတ်ႈၸႂ်ၸိူသ်ႉၶိူသ်းပူၼ်ႉလႅၼ်ၶဝ်ၼၼ်ႉ ဢွင်ႇပေႉၶွမ်ႇမိဝ်ၼိတ်ႉၶဝ်ၵႂႃႇယဝ်ႉ။ ဢၼ်မိူင်း“သူဝ်ႇဝီႇယႅတ်ႉ” လႆႈတႅၵ်ႇယၢႆႈၵႂႃႇၼႆႉ ဢမ်ႇၸိုသ်ႈဝႃႈတီႇမူဝ်ႇၶရေႇသီႇဢွင်ႇပေႉ၊ ပဵၼ်တင်းဝူၼ်ႉႁၼ်ထိုင်ပၢႆးထၢတ်ႈၸႂ်ၸၢဝ်းၶိူသ်းၼၼ်ႉဢွင်ႇပေႉၵႃႇၼၼ်ႉယဝ်ႉ- ၼႆသေၽူႈၸွပ်ႉသွၵ်ႈႁဵၼ်းႁႃၵမ်ႈၽွင်ႈၶဝ် ထတ်းသၢင်ဝႆႉၼင်ၼႆယူႇယဝ်ႉ။
မိူင်း “သဝိတ်ႉၸိူသ်းလႅၼ်း” ၼႆႉ ၵူၼ်းၸိူသ်းၶိူသ်းယႂ်ႇ 4 ၶိူသ်းၶဝ်ၵူၼ်းဢမ်ႇၵႃး မီးၵူၼ်းၸၢဝ်းၶိူသ်းဢမ်ႇမိူၼ်ၵၼ်ၶဝ် ယူႇသဝ်းႁူမ်ႈၵၼ်ဝႆႉယဝ်ႉ။ မိူင်း “သဝိတ်ႉၸိူသ်းလႅၼ်း” သမ်ႉလႆႈႁၼ်ၶဝ်ယိပ်းတိုဝ်းလၢႆး “ၶွၼ်ႇသူဝ်ႇၸီႇရေးသျိၼ်းတီႇမူဝ်ႇၶရေႇသီႇ” တႅတ်ႈတေႃးလီငၢမ်းသေလႄႈ ၵႄႈလိတ်ႈလႆႈလွင်ႈၶွင်ႈၶမ်ၸၢဝ်းၶိူသ်းၶဝ်ၼၼ်ႉယူႇယဝ်ႉ။ ၼႂ်းမိူင်းယူးရူပ်ႇ Europe ၶဝ်ၼၼ်ႉၵေႃႈ ယိပ်းတိုဝ်းလၢႆးၶွၼ်ႇသူဝ်ႇၸီႇရေးသျိၼ်းတီႇမူဝ်ႇၶရေႇသီႇၼႆႉ တႅတ်ႈတေႃးလီငၢမ်းသေ ထိင်းသိမ်းႁႂ်ႈမိူင်းၶဝ်ၵိုမ်းၶိူင်ႇဝႆႉလႆႈၼၼ်ႉယူႇယဝ်ႉ။

တီႇမူဝ်ႇၶရေႇသီႇလႄႈလွင်ႈၽဵင်ႇပဵင်းတီႈၶႂၢင်ႉၵၢၼ်ပၢႆးမိူင်း Democracy and Political Equality
ၼႂ်းလၢႆးပိူင်ပၢႆးမိူင်းတီႇမူဝ်ႇၶရေႇသီႇၼႆႉ ၵူၼ်းၵူႈၵေႃႉတေလႆႈမီးလွင်ႈၽဵင်ႇပဵင်းတီႈၶႂၢင်ႉပၢႆးမိူင်းၼၼ်ႉယူႇယဝ်ႉ။ “လွင်ႈၽဵင်ႇပဵင်းတီႈၶႂၢင်ႉပၢႆးမိူင်း” ဢၼ်ဝႃႈၼၼ်ႉပဵၼ်ႁိုသ်? တေလႆႈဢဝ်ဢၼ်လႂ်ၼိူင်ႈတူၺ်းသေ သမ်ႉတေလႆႈႁဵတ်းႁိုသ်တႅၵ်ႈၼိူင်းတူၺ်း? ၸၢင်ႈမီးၶေႃႈထၢမ်မႃးၼင်ႇၼႆယူႇ။

ဢၼ်ၽူႈႁူႉႁၼ်လူင်ႉလႅၼ်ႇၶဝ်ၽုၺ်ႇဝႆႉတီႈပွင်ႇဢၼ်ငၢႆႈမၼ်းၼၼ်ႉၸမ်း လွင်ႈၽဵင်ႇပဵင်းတီႈၶႂၢင်ႉပၢႆးမိူင်းဢၼ်ဝႃႈၼႆႉ “ၵူၼ်းၵေႃႉမီးသုၼ်ႇတွတ်ႈၶႅပ်းၵၢင်ၸႂ်ၵူႈၵေႃႉၼႆႉ လႆႈတွတ်ႈၶႅပ်းၵၢင်ၸႂ်ၵေႃႉၶႅပ်းၼင်ႇၵၼ်သေ ၶႅပ်းၵၢင်ၸႂ်ၵူႈၶႅပ်းၼႆႉ ၼမ်ႉၼၵ်းၵႃႈၶၼ်မၼ်းတေလႆႈၽဵင်ႇပဵင်းၵၼ်” ဝႃႈၼႆယဝ်ႉ။ ဢမ်ႇလႆႈၸႅၵ်ႇၽႄၸၢဝ်းၶိူသ်း၊ ယိင်းၸၢႆး၊ ၽၢၼ်မီး၊ လွင်ႈၵိူသ်းလီ၊ လွင်ႈယုမ်ႇယမ်ပၢႆးမိူင်းၸိူသ်းၼၼ်ႉလႄႈသင်သေယဝ်ႉလႄႈ မိူၼ်ၼင်ႇဝႃႈမႃး လွင်ႈၼမ်ႈၼၵ်းၵႃႈၶၼ်ၶႅပ်းမႄးတေလႆႈၽဵင်ႇပဵင်းၵူၺ်းသေဢမ်ႇၵႃး လွင်ႈယႃႇႁႂ်ႈလႆႈမီးတၢင်းလွၵ်ႇငိုတ်ႈ တဵၵ်းတဵင်ယိပ်းၸိၵ်းၵၼ် တီႈတေတွတ်ႈၶႅပ်းၵၢင်ၸႂ်ၼၼ်ႉၼႆၵေႃႈ ဢမ်ႇမီးဢမ်ႇပဵၼ်ယဝ်ႉ။

မိူင်းၵမ်ႈၽွင်ႈၼႆႉ ၵူၼ်းမီးသုၼ်ႇတွတ်ႈၶႅပ်းၵၢင်ၸႂ်ၼင်ႇၵၼ်ၵေႃႈ ဢမ်ႇမီးသုၼ်ႇလႆႈၶႅပ်းၵၢင်ၸႂ်ၼမ်ဢေႇတၢၼ်ၵၼ်။ ၸႅၵ်ႇၽႄထၢၼ်ႈၵူၼ်း၊ ၽူႈၽွင်းငမ်းမိူင်း၊ ၽူႈမီးပၺႃႇ၊ ၵူၼ်းမီး ၵူၼ်းၽၢၼ်၊ ၵူၼ်းထၢမ်းၵၢၼ်ၶုၼ်၊ ၵူၼ်းႁဵတ်းၵၢၼ်၊ ၵူၼ်းႁဵတ်းႁႆႈၼႃး-ၸၵႂႃႇၼႆသေ ယိပ်းတိုသ်းလၢႆးဢၼ်ၸႅၵ်ႇၽႄထၢၼ်ႈၵူၼ်းသေ လႆႈတွတ်ႈၶႅပ်းၵၢင်ၸႂ်ၼၼ်ႉယဝ်ႉ။ လၢႆးၼၼ်ႉၸမ်းႁွင်ႉဝႃႈ “လၢႆးပိူင်တွတ်ႈၶႅပ်းၵၢင်ၸႂ်ၵွၼ်ႈၵိူင်း” (Weighted Voting System ) ၼႆယူႇယဝ်ႉ။ လၢႆးပိူင်တွတ်ႈၶႅပ်းမႄးၵွၼ်းၵိူင်းၼႆႉ ဢမ်ႇပၼ်လွင်ႈၽဵင်ႇပဵင်းတီႈၶႂၢင်ႉပၢႆးမိူင်းၼၼ်ႉလႆႈ။

ဢၼ်လၢတ်ႈမႃးပႃႈၼိူသ်ၼႆႉ ပဵၼ်လွင်ႈၽဵင်ႇပဵင်းတႃႇၵူၼ်းၵေႃႉလႂ်ၵေႃႉၼၼ်ႉယူႇယဝ်ႉ။ တႃႇႁႂ်ႈၸၢဝ်းၶိူသ်းၽႂ်မၼ်း မီးသုၼ်ႇႁဵတ်းလႆႈၽဵင်ႇပဵင်းၵၼ်၊ တႃႇႁႂ်ႈသုၼ်ႇႁဵတ်းလႆႈၽူႈၸၢႆးၽူႈယိင်းၽဵင်ႇပဵင်းၵၼ်-ၸၵႂႃႇၸိူသ်းၼႆႈၼၼ်ႉသမ်ႉ တေလႆႈတႅမ်ႈမၢႆပူင်တမ်းလွင်ႈၶိုၵ်ႉတွၼ်းမၼ်းပၼ်တီႈၼႂ်းမူႇၸုမ်းၽုင်ၵူၼ်း ဢၼ်ၸၢပ်ႈလူၺ်ႈၵၼ်ၶဝ်ၼၼ်ႉ ၸွမ်းၼင်ႇငဝ်းလၢႆးဢၼ်တေငၢမ်ႇမႅၼ်ႈၸိုင်ႈမိူင်းၼၼ်ႉယူႇယဝ်ႉ။

လုၵ်ႉဢဝ်တီႈလႆႈထဵင်ထွင်ၽဵင်ပဵင်း/ဢမ်ႇၽဵင်ႇပဵင်းၼႆၼၼ်ႉသေ လွင်ႈၶွင်ႉၶမ်ပၢႆးမိူင်းၵမ်ႈၽွင်ႈ ၸၢင်ႈပေႃႇပဵၼ်မႃးၵူႈမိုသ်ႉၵူႈဝၼ်းယူႇယဝ်ႉ။ ပေႃးပဵၼ်သၢႆငၢႆငဝ်းလၢႆးၼင်ႇႁိုဝ်ၸင်ႇဝႃႈလႆုမီးလွင်ႈၽဵင်ႇပဵင်းဢၼ်ဝႃႈၼၼ်ႉ တႃႇတေၸီႉၸမ်ႈၼႄတႅတ်ႈတႅတ်ႈတေႃးတေႃးၼႆႉ မီးလွင်ႈယၢပ်ႇယူႇ။ ၽူႈၸွပ်ႇသွၵ်ႈႁဵၼ်းႁႃမီးပၺႃႇၾၢႆႇပၢႆးၵၢၼ်ၵူၼ်း (Social Scientist) ၶဝ်ဝႃႈတႄႉ-“ၵဵဝ်ႇလူၺ်ႈတၢင်းၶွင်ႉၶမ်တီႈၼိူသ်လွင်ႈၽဵင်ႇပဵင်းၵၼ်ၼၼ်ႉၼႆႉ သွၵ်ႈႁႃငဝ်းလၢႆးတၢင်းတႃႇတေၵႄႈလိတ်ႈပၼ် ႁႂ်ႈယဝ်ႉတူဝ်ႈသုတ်းႁၢႆၵႂႃႇၼၼ်ႉၼႆၵေႃႈ တၵ်းတေဢမ်ႇၸၢင်ႈလႆႈႁၼ်လႆႈထူပ်း”
ဝႃႈၼႆယဝ်ႉ။ ယွၼ်ႉဝႃႈ လွင်ႈၽဵင်ႇပေင်းတီႈၶႂၢင်ႉၵၢၼ်မိူင်းဢၼ်ဝႃႈၼႆႉ မၼ်းတိူသ်းၵေဝ်ႇၵပ်းတီႈတူၼ်ႈၸႂ်လႆႈတုမ်ႉယွၼ်ႈႁပ်ႉၶၢမ်ႇၼၼ်ႉသေ ဢမ်ႇမိူၼ်ၼင်ႇငဝ်းလၢႆးတႂၢၵ်ႈပၢႆးၼပ်ႉဢၼ်ဝႃႈ မိူၼ်ၵၼ်ၽဵင်ၵၼ် တၢၼ်ႇၵၼ်ၼႆၼၼ်ႉယဝ်ႉ။ “ၵူၼ်းႁဝ်းၼႆႉ တႄႇႁူၵ်းၾင်ႉႁႄႇမႃးၼင်ႇၵၼ်သေ မီးလွင်ႈထၢင်ႇႁၢင်ႈလွတ်ႈလႅဝ်းၵူႈၵေႃႉဝႆႉၼင်ႇၵၼ်ၼၼ်ႉယဝ်ႉ” ၼႆၽူႈၵေႃႉတႅမ်ႈၶေႃႈပိုၼ်ၽၢဝ်ႇလွင်ႈလွတ်ႈလႅဝ်းဢမေႇရိၵၼ်ႇ Thomas Jeyfersom 1743-1826 တႅမ်ႈမၢႆဝႆႉၼင်ႇၼႆယဝ်ႉ။ တႃႇၵူၼ်းႁဝ်းၵူႈၵေႃႉၼႆႉ တေလႆႈမီးလွင်ႈႁွင်းႁပ်ႉ (ဢႃႇမၶၢမ်ႇ) လွင်ႈသုၼ်ႇႁဵတ်းလႆႈၽဵင်ႇပေင်းၵၼ်ၼၼ်ႉၵူၺ်းလႄႈ ပေႃးတေဢဝ်ငဝ်းလၢႆးပၢႆးၼပ်ႉၼၼ်ႉတမ်းသေ ဢၢၼ်းၽႃႇၵၢင်ဝၢင်းၶိုင်ႈၸွမ်းတၢင်းၼမ်တၢင်းဢေႇမၼ်းၼႆၼၼ်ႉတႄႉ တိုၼ်းဢမ်ႇလႆႈလႃးလႃး။ လၢႆးပိူင်တီႇမူဝ်ႇၶရေႇသီႇၼႆႉၸမ်း တေႁွင်းႁပ်ႉဝႆႉပၼ်တႃႇလွင်ႈလႆႈၽဵင်ပေင်းၵၼ် တီႈၶႂၢင်ႉပၢႆးမိူင်းၼၼ်ႉၵူၺ်းယဝ်ႉ။ ပုၼ်ႈတႃႇႁဵတ်းႁႂ်ႈလွင်ႈမၢၵ်ႈမီးလႄႈ ၶိူင်ႈလူဝ်ႇၵၢင်ၸႂ်ၵူၼ်းႁဝ်းတၢင်ႇၸိူသ်ႉတၢင်ႇမဵဝ်းႁႂ်ႈတဵမ်ထူၼ်ႈ (ဢမ်ႇၼၼ်) ႁႂ်ႈမီးလွင်ႈႁွင်းႁပ်ႉလႆႈၼၼ်ႉ မၼ်းဢမ်ႇၸႂ်ႈပုၼ်ႈၽွၼ်းပိူင်လူင်တီႇမူဝ်ႇၶရေႇသီႇၼၼ်ႉ။ ပဵၼ်ပုၼ်ႈၽွၼ်းမူႇၸုမ်းၽုင်ၵူၼ်း ၸိူသ်းႁွမ်းပႃးၸွမ်း တီႈဢၼ်ယိပ်းတိုသ်းတီႇမူဝ်ႇၶရေႇသီႇၼၼ်ႉယဝ်ႉ။ တီႇမူဝ်ႇၶရေႇသီႇဢၼ်ဝႃႈၼႆႉ မၼ်းပဵၼ်လၢႆးဢုပ်ႉပိူင်ႇၽွင်းငမ်းၼၼ်ႉၵူၺ်း။ မၼ်းဢမ်ႇၸႂ်ႈတၢင်းယိုၼ်ႈႁပ်ႉ “တီႇဢူဝ်ရီႇ” Theory တႃႇႁႂ်ႈၵူၼ်းႁဝ်းလႆႈမၢၵ်ႈမီးလႄႈ လႆႈၶိုၼ်ႈယႂ်ႇၽဵင်ႇပဵင်းတၢၼ်ႇၵၼ်ၼၼ်ႉ။ (ပိူင်တႅၵ်ႈမၼ်းၸမ်ႉ ၸိုင်ႈမိူင်းဢၼ်ယိပ်းတိုသ်းတီႇမူဝ်ႇၶရေႇသီႇၵူၼ်းမိူင်းဝႆႉယူႇၼၼ်ႉ ပုၼ်ႈတႃႇ
တေဢႃႉမႃႉၶၢမ်ႇလႄႈၽေႃႇၼမ်ႉၽေႃႇတူဝ်ပၼ် ႁႂ်ႈၵူၼ်းမိူင်းလႆႈမၢၵ်ႈမီးလီပဵၼ်ၽဵင်ႇပဵင်းၼင်ႇၵၼ်ၼႆႉ-ၶဝ်လႆႈဢဝ်ဝႃႇတၶွမ်ႇမိဝ်ႇၼိတ်ႉလႄႈ လၢႆးပိူင်ပၢႆးမိူင်း၊ လၢႆးပိူင်ပၢႆးမၢၵ်ႈမီး လၢႆးပိူင်ၶွတ်ႇၽွတ်ႈၸုမ်းလူင်ပွင်ၸိုင်ႈ ဢၼ်ဢဝ်ဝႃႇတၶွမ်ႇမိဝ်ႇၼိတ်ႉတႄႇငဝ်ႈ ပူၵ်းတင်ႈဝႆႉၸိူဝ်းၼၼ်ႉသေလႄႈ ႁဵတ်းသၢင်ႈၶိုင်ပွင်ၵႃႇၼၼ်ႉယဝ်ႉ)။

လၢႆးၵျၢင်ႉတၢင်းၵမ်တီႇမူဝ်ႇၶရေႇသီႇ Democracy “လၢႆးပိူင်ဢုပ်ႉပိူင်ႇၽွင်းငမ်းတီႇမူဝ်ႇၶရေႇသီႇၼႆႉ ပဵၼ်လၢႆးလီတီႈသုတ်းပိူၼ်ႈယဝ်ႉ။ ၵွပ်ႈသင်ၼႆၸိုင်-ၵွပ်ႈဝႃႈလၢႆးပိူင်ဢုပ်ႉပိူင်ႇၽွင်းငမ်းတၢင်ႇဢၼ်ၸိူသ်းၼၼ်ႉ ႁၢႆႉလိူဝ်သေလၢႆးပိူင်ဢုပ်ႉပိူင်ႇၽွင်းငမ်းတီႇမူဝ်ႇၶရေႇသီႇၼၼ်ႉယဝ်ႉ” ၼႆသေ ၵေႃႉဢၼ်ပဵၼ်ၸွမ်ၽွင်းမိူင်းလူင်ဢွၼ်တၢင်းသုတ်းမိူဝ်ႈပၢၼ်မိူင်းဢိၼ်းတီႇယိူဝ်းတႄႇလႆႈလွတ်ႈလႅဝ်းသဝ်းၶေႃ ဢၼ်ႁွင်ႉၸိုသ်ႈဝႃႈ “ၼႄႇရူး” (Jawaharlal Nehru 1889-1954 ) ၼၼ်ႉ ယၢမ်ႈလၢတ်ႈၼင်ႇၼႆယဝ်ႉ။ တေႃႇထိုင်ႁၢၼ်ႉၼႆႉၵေႃႈယွၼ်ႉပိူသ်ႈႁပ်ႉၶၢမ်ႇဝႃႈ လၢႆးပိူင်ဢုပ်ႉပိူင်ႇတီႇမူဝ်ႇၶရေႇသီႇၼႆႉ ၶႅမ်ႉလီလိူဝ်လၢႆးဢုပ်ႉပိူင်ႇၽွင်းငမ်းတင်းလၢႆၼၼ်ႉၼႆလႄႈ  ၸင်ႇဝႃႈ ၶတ်းၸႂ်တႃႇလႅၵ်ႈလၢႆႈယိူင်းထိုင်တီႇမူဝ်ႇၶရေႇသီႇၼၼ်ႉယူႇယဝ်ႉ။ ၽူႈၵေႃႉမီးပၢႆးဝူၼ်ႉႁူႉႁၼ်ၶဝ်လႄႈ ၵူၼ်းမိူင်းၶဝ်ၵမ်ႈၽွင်ႈ ယၢမ်ႈၵႆႉလၢတ်ႈဝႃႈ လၢႆးပိူင်ဢုပ်ႉပိူင်ႇၽွင်းငမ်း ဢၼ်ၶႅမ်ႉလိူသ်တီႇမူဝ်ႇၶရေႇသီႇၼႆႉမီးယူႇ-ဝႃႈၼႆ။ ဢၼ်ၶဝ်ဝႃႈၼၼ်ႉမႅၼ်ႈယူႇႁိုသ်? ၽိတ်းႁိုသ်? ၼႆ တႃႇၸီႉၸမ်ႈသေတွပ်ႇထဵင်ၶိုၼ်းတႄႉၵေႃႈယၢပ်ႇယူႇ။ ယွၼ်ႉသင်ပေႃးႈၼႆၸိုင်-ယွၼ်ႉပိူသ်ႈတီႇမူဝ်ၶရေႇသီႇၼႆႉ ဢမ်ႇၸႂ်ႈလၢႆးဢုပ်ႇပိူင်ႇၽွင်းငမ်းဢၼ်တဵမ်ထူၼ်ႈၵူႈပိူင်ၼၼ်ႉလႄႈသင်၊ ဢဝ်လၢႆးဢုပ်ႉပိူင်ၼၼ်ႉသေ ၵႄႈလိတ်ႈလွင်ႈၶွင်ႉၶမ်ၵမ်ႈၽွင်ႈပႆႇလႆႈၼၼ်ႉၵေႃႈ ၵိုတ်းမီးဝႆႉယူႇၼၼ်ႉလႄႈသင်-ၸိူသ်းၼႆႉ မႃးပဵၼ်လွင်ႈတၢင်းယွၼ်ႉဝႃႈ လၢႆးပိူင်ဢၼ်တေၶႅမ်ႉလႅပ်ႈလီလိူသ်သေတီႇမူဝ်ႇၶရေႇသီႇ ၸၢင်ႈတေပေႃႇဢွၵ်ႇမႃးမႂ်ႇမႂ်ႇထႅင်ႈယူႇၼႆၼၼ်ႉယဝ်ႉ။ ပဵၼ်ႁိုဝ်ၵေႃႈယႃႇ တႃႇပၢၼ်မိူင်းမိူသ်ႈၼႆႉၼႆႉ ပႆႇၽႅဝ်ႁွတ်ႈလႆႈတီႈပၢၼ်လၢႆးဢုပ်ႇပိူင်ႇၽွင်းငမ်း ဢၼ်ၶႅမ်ႉလႅပ်ႈလီသေလၢႆးပိူင်တီႇမူဝ်ႇၶရေႇသီႇဢၼ်ဝႃႈၼၼႆႉတႄႉ လပ်ႉလွင်းဝႆႉယူႇ။ ပႆႇၸၢင်ႈမေႃၵုၺ်ႉဢွၵ်ႇႁၼ်ၺႃးဢၼ်ဝႃႈၼၼ်ႉၵေႃႈလပ်ႉလွင်းယူႇ။ ပိူသ်ႈၼၼ်လႄႈ ဢဝ်တီႈယူပ်ႈယွမ်းတီႇမူဝ်ႇၶရေႇသီႇၼၼ်ႉဢၼ်ၵူၺ်ႊသေဢၢၼ်းတေပိုၼ်ႉပႅတ်ႈ ဢမ်ႇၼၼ် သၢၼ်ၶတ်းလၢႆးဢုပ်ႉပိူင်ႇၽွင်းငမ်းတီႇမူဝ်ႇၶရေႇသီႇၼႆတႄႉပႆႇသၢင်ႇထုၵ်ႇၵိုင်ႇထိူၵ်ႈႁဵတ်းၼင်ႇၵဝ်ႇ။ ႁူႉတိူၵ်ႈဝႃႈ တေလႆႈယူႇသဝ်းၵိၼ်သၢင်ႈၸွမ်းလၢႆးၵျၢင်ႉတၢင်းၵမ်တီႇမူဝ်ႇၶရေႇသီႇၼၼ်ႉသေ ၶဝ်ႈပႃးၼႂ်းလၢႆးပိူင်ဢုပ်ႇပိူင်ႇၽွင်းငမ်းတီႇမူဝ်ႇၶရေႇသီႇၼၼ်ႉဢမ်ႇၵၢတ်ႈယဝ်ႉ၊ ဢမ်ႇႁၢင်ႉယဝ်ႉ။

လၢႆးၵျၢင်ႉတၢင်းၵမ်တီႇမူဝ်ႇၶရေႇသီႇဢၼ်ဝႃႈၼႆႉ တေလႆႈႁူႉပွင်ႇၼင်ႇႁိုဝ်? ၵမ်ႈၽွင်ႈတေတွပ်ႇၵႄႈဝႃႈ- “ဢဝ်ၵၢင်ၸႂ်ၵူၼ်းၽၢႆႇပႃႈၼမ်ၼၼ်ႉဢုပ်ႉပိူင်ႇၽွင်းငမ်းသေ ပႃႇၸႃးၼပ်ႉထိုသ်ၵၢင်ၸႂ်ၽၢႆႇပႃႈဢေႇ” ၼႆႉ ပဵၼ်လၢႆးၵျၢင်ႉတၢင်းၵမ်တီႇမူဝ်ႇၶရေႇသီႇယဝ်ႉ-တေဝႃႈၼႆယူႇ။ ပေႃးၼပ်ႉသွၼ်ႇဢဝ်တီႈၸမ်ၸမ်တႄႉ မၢၼ်ႇမႅၼ်ႈၸိုဝ်ႈၸႂ်ႈယူႇယဝ်ႉ။ ၵူၺ်းၵႃႈ လီလႆႈၾၢင်ႉလွင်ႈဢၼ်ဝႃႈၵၢၼ်လိုၵ်ႉလမ်ႇလိူဝ်သေလွင်ႈၼၼ်ႉၵေႃႈ ပႃးဝႆႉတင်းၼမ်လူင်ယူႇၼႆၼၼ်ႉယဝ်ႉ။ ထုၵ်ႇလီၵုၺ်ႉဢွၵ်ႇသွၵ်ႈႁႃယိပ်းတိုသ်းၵႂႃႇယူႇ။

တီႇမူဝ်ႇၶရေႇသီႇဢၼ်ဝႃႈၼႆႉ ၸႂ်ႉႁႂ်ႈဢဝ်လၢႆးငမ်းယဵၼ်သေလႄႈ ၵႄႈလိတ်ႈလွင်ႈၶွင်ႉၶမ်ၶဝ်ၼၼ်ႉယဝ်ႉ။ ယႃႇပေႁႂ်ႈလွင်ႈၶွင်ႉၶမ်လႆႈပေႃႇပဵၼ်မီးမႃးၼႆၼၼ်ႉ လၢႆးပိူင်ပၢႆးမိူင်း၊ ပၢႆးဢုပ်ႉပိူင်ႇၽွင်းငမ်းလၢႆးလႂ်ၵေႃႈ တေႁၢမ်ႈသီးဝႆႉဢမ်ႇၸႂ်ႈ။ တေဢဝ်လၢႆးလႂ်ၵႄႈလိတ်ႈလွင်ႈၶွင်ႉၶမ်ဢၼ်ဝႃႈၼႆၼၼ်ႉၵူၺ်း ဢၼ်တေပဵၼ်ဢႃမၶၢမ်ႇႁဵတ်းႁႂ်ႈလၢႆးပိူင်ပၢႆးမိူင်းလႄႈ လၢႆးပိူင်ပၢႆးဢုပ်ႇပိူင်ႇၽွင်းငမ်းၶိူင်ႇၵိုမ်းလႆႈၼၼ်ႉယဝ်ႉ။ တႃႇႁႂ်ႈတီႇမူဝ်ႇၶရေႇသီႇႁိူသ်ႈႁိူင်းၼႆၼၼ်ႉ မၼ်းၵႂႃႇၵဵဝ်ႇၵၼ်တင်းဢၼ်ဝႃႈ မူႇၸုမ်းၽုင်ၵူၼ်းႁဝ်းႁပ်ႉၶၢမ်ႇယုမ်ႇယမ်တီႈၼိူသ် “သၽေႃးတီႇဢူဝ်ႇရီႇၶေႃႈၵိၼ်ၵႅၼ်ႇၶႂၢင်ႉပၢႆးၵၢၼ်ၵူၼ်း” (Social Contract Theory ) ၼႆၼၼ်ႉယဝ်ႉ။ ၵူၼ်းႁဝ်းၼႆႉ ယူႇၵေႃႉလဵဝ်ၶေႃၶေႃၵူၺ်းဢမ်ႇလႆႈ။ ၼင်ႇႁဝ်းလႆႈၶၢမ်ႇၸႃးသုၼ်ႇလႆႈသုၼ်ႇပဵၼ်ႁဝ်းၼၼ်ႉ ႁဝ်းလႆႈမီးလွင်ႈတႃႇပႂ်ႉပႃးထိင်းသိမ်းပုၼ်ႈၽွၼ်း ယႃႇပၼ်လုတ်ႈပၼ်ႁၢမ်းၼၼ်ႉယူႇယဝ်ႉ။ ပေႃးၼၼ်ၸင်ႇပဵၼ်ၵူၼ်းမေႃယူႇသဝ်းၵိၼ်သၢင်ႈၼႂ်းမူႇၸုမ်းၽုင်ၵူၼ်းသေ မေႃၸွမ်း “သၽေႃးတီဢူဝ်ႇရီႇၶေႃးၵိၼ်ၵႅၼ်ႇၶႂၢင်ႉပၢႆးၵၢၼ်းမိူင်း” ၼၼ်ႉၼႆယဝ်ႉ။ ပေႃးတေၵုမ်ႇဢဝ်လွင်ႈတၢင်းၶႂ်ႈလႆႈၶႂ်ႈပဵၼ်ပုၼ်ႈတူဝ်ၵဝ်ႇၼၼ်ႉဝႃႈဢၼ်လဵဝ်ၵူၺ်းၸိုင် လူဝ်ႇလႆႈယူႇၽၢႆႇၼွၵ်ႈမူႇၸုမ်းၽုင်ၵူၼ်း (ဢၼ်မီၶေႃႈၵိၼ်ၵႅၼ်ႇၵၼ်ဝႆႉ)ၼၼ်ႉဢဝ်ယဝ်ႉ။ ၵူၼ်းႁဝ်ႊၵေႃႉလႂ်သေဢမ်ႇဝႃႈ မိူသ်ႈယူႇသဝ်းၵိၼ်သၢင်ႈၼႂ်းမူႇၽုင်ၵူၼ်းႁဝ်းယူႇၼႆႉသုၼ်ႇလႆႈသုၼ်ႇပဵၼ်လႄႈပုၼ်ႈၽွၼ်း (Right and Obligation ) သွင်ပိူင်ၼႆႉ လူဝ်ႇမေႃယွၼ်ႇယၢၼ်းၶိုင်ႁႃၵၼ်သေ ယိပ်းၸႂ်ႉပႂ်ႉပႃးဝႆႉၼၼ်ႉယဝ်ႉ။ ပေႃးႁဵတ်းၼၼ်ၸင်ႇၶူပ်းငၢမ်ႇမႅၼ်ႈသၽေႃးလၢႆးဢုပ်ႉပိူင်ႇတီႇမူဝ်ႇၶရေႇသီႇၼၼ်ႉသေ ထုၵ်ႇမႅၼ်ႈလၢႆးၵျၢင်ႉတၢင်းၵမ်တီႇမူဝ်ႇၶရေႇသီႇၼၼ်ႉယဝ်ႉ။ ၵူၼ်းႁဝ်းၵူႈၵေႃႉၼႆႉ မီးၸႂ်ၶႂ်ႈတၢင်ႇလၢတ်ႈၼႄလွင်ႈၼမ်ႉၸႂ်ၸဝ်ႈၵဝ်ႇသေ ၶႂ်ႈတုၵ်းယွၼ်းႁႂ်ႈလႆႈႁဵတ်းၸွမ်းၵႂႃႇၼၼ်ႉယူႇယဝ်ႉ။ ၵၢပ်ႈပၢၼ်မိူင်းတီႇမူဝ်ႇၶရေႇသီႇၼႆႉ မီးဝႆႉသုၼ်ႇတႃႇတၢင်ႇလၢတ်ႈၼႄၼမ်ႉၸႂ်ႁဝ်းတဵမ်တဵမ်ထူၼ်ႈထူၼ်ႈလႆႈယူႇ။ ၵူၺ်းၵႃႈ တႃႇႁႂ်ႈၵူၼ်းၵူႈၵေႃႉလႆႈႁဵတ်းၸွမ်းၼင်ႇၵၢင်ၸႂ်မၼ်းမီးၼၼ်ႉ ဢမ်ႇပဵၼ်လႆႈ ။ ၵၢင်ၸႂ်ၵူၼ်းၼႆႉ ပႅၵ်ႇပိူင်ႈၵၼ်လၢႆဢၼ်လၢႆမဵဝ်းဝႆႉလႄႈ ၸင်ႇလႆႈဢဝ်ၵၢင်ၸႂ်ၵူၼ်းတၢင်းၼမ် ဢၼ်ၵူၼ်းၽၢႆႇပႃႈၼမ်ႁပ်ႉၶၢမ်ႇၼၼ်ႉ ဝႆႉပဵၼ်တႃႇႁဵတ်းသၢင်ႈယဝ်ႉ။ ပေႃးပဵၼ်ၼၼ်မႃး ၵၢင်ၸႂ်ၵူၼ်းၽၢႆႇပႃႈဢေႇၼၼ်ႉသမ်ႉတေၵိုတ်းဝႆႉယူႇ။ ၵူၼ်းၽၢႆႇပႃႈဢေႇၶဝ်ၼၼ်ႉ ပိၵ်ႉဝႃႈဢမ်ႇငၢမ်ႇမႅၼ်ႈၵၢင်ၸႂ်ၶဝ်ၼႆၵေႃႈ တေႃႈတေလႆႈႁူမ်ႈႁွမ်းႁဵတ်းႁဵတ်းသၢင်ႈၸွမ်း၊ ယိပ်းတိုဝ်းၸွမ်းၵၢင်ၸႂ်ၵူၼ်းပႃႈၼမ်ၼၼ်ႉယဝ်ႉ။ ဢၼ်ၼႆႉၼႆႉ ပဵၼ်ပုၼ်ႈၽွၼ်းလူဝ်ႇလႆႈၸွမ်းတီႈၼႂ်းမူႇၸုမ်းၽုင်ၵူၼ်းဢၼ် “သၽေႃးတီႇဢူဝ်ႇရီႇၶေႃႈၵိၼ်ၵႅၼ်ႇၶႂၢင်ႇပၢႆးၵၢၼ်ၵူၼ်း” ၶႂ်ႈပွင်ႇဝႃႈၼၼ်ႉယဝ်ႉ။

ၽူႈလူင်ႉလႅၼ်ႇမီးပၢႆးဝူၼ်ႉႁၼ်ထိုင်ပၢႆးမိူင်းပၢၼ်ပီႊမိူင်းႁူဝ်ပၢၵ်ႇ 20 ၶဝ်တႅမ်ႈဢွၵ်ႇၼႄဝႆႉဝႃႈ-လွင်ႈဝႃႈလီလႆႈပၼ်ၶႂၢင်ႉယိပ်းတိုသ်းသုၼ်ႇလႆႈသုၼ်ႇပဵၼ်လွတ်ႈလွတ်ႈလႅဝ်းလႅဝ်း ႁင်းၽႂ်မၼ်းႁင်းမၼ်းယူႇၼႆၼႆႉ ပဵၼ်တၢင်းလွတ်ႈလႅဝ်း ဢၼ်မီးသၽေႃးမေႃလူလႅဝ်ၼၼ်ႉ-ဝႃႈၼႆယဝ်ႉ။ တၢင်းဝူၼ်ႉၶႆႈၸႂ်ဢၼ်ၼႆႉ လႆႈႁၼ်ဝႃႈမႃးပဵၼ်လွင်ႈထႅမ်ႁႅင်းပၼ် “လၢႆးၵျၢင်ႉတၢင်းၵမ်တီႇမူဝ်ႇၶရေႇသီႇ” လႄႈ “သၽေႃးတီႇဢူဝ်ႇရီႇၶေႃႈၵိၼ်ၵႅၼ်ႇၶႂၢင်ႉပၢႆးၵၢၼ်ၵူၼ်း” ၼၼ်ႉယူႇယဝ်ႉ။

ၵွမ်ႉဝႃႈၵျၢင်ႉၵမ်ႁဵတ်းၸွမ်းလၢႆးၵျၢင်ႉတၢင်းၵမ်တီႇမူဝ်ႇၶရေႇသီႇ ဢႃၼ်ဝႃႈဢဝ်ၵၢင်ၸႂ်ၵူၼ်းတင်းလၢႆဢုပ်ႇပိူင်ႇၼႆၼၼ်ႉသေ တေလႆႈဝႃႈ ပႃႇၸႃးၼပ်ႉထိုဝ်တီႈၵၢင်ၸႂ်ၵူၼ်းၽၢႆႇပႃႈဢေႇၼၼ်ႉယဝ်ႉ-ၼႆတႄႉ ပႆႇလႆႈဝႃႈထိူၵ်ႈလူးၵွၼ်ႇ။ လွင်ႈဢဝ်ၵၢင်ၸၸႂ်ၵူၼ်းတင်းလၢႆသေ ဢုပ်ႉပိူင်ႇၽွင်းငမ်းၼၼ်ႉ ၸၢင်ႈမေႃၸပ်းၽၢႆႇဝၢႆႇၸူး “လွင်ႈၵူၼ်းတင်းၼမ်ၶဝ်လူလၢႆၸႂ်ႉၵိၼ်ဢႃႇၼႃႇႁႅင်းပွင်” Majority Tyranny  သေၽွင်းငမ်းၼၼ်ႉယဝ်ႉ။ ၵိုင်ႇလီလႆႈႁႃလွၵ်းလၢႆးဢၼ်တေဝႃႈထိူၵ်ႈလႆႈ လွင်ႈဝႃႈမီးတၢင်းပႃႇၸႃးၼပ်ႉထိုဝ်တီႈၼိူသ်ၵၢင်ၸႂ်ၵူၼ်းပႃႈဢေႇၶဝ်ဢမၢၼ်ႇယူႇၼႆၼၼ်ႉလူးၵွၼ်ႇယဝ်ႉ။ တီႈမူႇၸုမ်းၽုင်ၵူၼ်း ဢၼ်ပဵၼ်တီႇမူဝ်ႇၶရေႇသီႇၵမ်ႈၽွင်ႈၼၼ်ႉတႄႉ လႆႈႁၼ်ၶဝ်တႄႇယိပ်းတိုဝ်းႁဵတ်းသၢင်ႈလွၵ်းလၢႆးၼၼ်ႉယူႇ။ ပၢၼ်မိူဝ်ႈပီႊႁူဝ်ပၢၵ်ႇ 19 ၸမ်တေသုတ်းသေင်ႈၼၼ်ႉ လႆႈႁၼ် “မိူင်းယယူးရူပ်ႇ” ၶဝ်ၵမ်ႈၽွင်ႈယိပ်းတိုဝ်းလၢႆးဢၼ်ဝႃႈ “တီႇမူဝ်ႇၶရေႇသီႇႁဵတ်းၼင်ႇၵၢင်ၸႂ်မီးၼမ်ဢေႇ” (Consensus Democracy) ဢၼ်ဝႃႈၼၼ်ႉသေ ပၼ်ႁႂ်ႈၵၢင်ၸႂ်ၵူၼ်းပႃႈဢေႇၶဝ် လႆႈၶဝ်ႈပႃးၸွမ်းမိူဝ်ႈတေတမ်းဝၢင်းၶေႃႈတႅပ်းတတ်းၼၼ်ႉယူႇယဝ်ႉ။ မီးသုၼ်ႇလႆႈၸႂ်ႉတိုဝ်းမိူဝ်ႈတေတမ်းဝၢင်းလွင်ႈတႅပ်းတတ်းပေႃႇလသီႇၼၼ်ႉမႃးယူႇ။ လၢႆးၼႆႉၸမ်း ၶႅပ်းၵၢင်ၸႂ်ၵူၼ်းၽၢႆႇပႃႈဢေႇၶဝ်ၼႆႉဢမ်ႇလႆႈၶၢမ်ႇတင်းပိုၼ်ႉပႅတ်ႈၵႂႃႇလုမ်းလုမ်းၼၼ်ႉယဝ်ႉ။ ဢၼ်ထုၵ်ႇလီဢဝ်ၼိူင်ႈၵၼ်သေလဵပ်ႈႁဵၼ်းၸွမ်း “တီႇမူဝ်ႇၶရေႇသီႇႁဵတ်းၼင်ႇၵၢင်ၸႂ်မီးၼမ်ဢေႇ” ၼၼ်ႉမီးဝႆႉ “တီႇမူဝ်ႇၶရေႇသီႇဢဝ်ၵေႃႉပေႉဝႃႈဢေႇၼၼ်ႉလုမ်းလုမ်းသေ ႁဵတ်းၼင်ၵၢင်ၸႂ်ၵူၼ်းပႃႈၼမ်ၵႂႃႇတိၵ်းတိၵ်းၼၼ်ႉယဝ်ႉ။ ယွၼ်ႉပိူဝ်ႈဝႃႈၵမ်ႈၽွင်ႈသမ်ႉထတ်းသၢင်ဝႃႈ လၢႆးတီႇမူဝ်ႇၶရေႇသီႇဢၼ်ၼၼ်ႉၼႆႉ ပဵၼ်ၵူၼ်းတင်းလၢႆၶဝ်လူလၢႆၸႂ်ႉၵိၼ်ဢႃႇၼႃႇၼၼ်ႉဝႃႈၼင်ႇၼႆလႄႈ တီႇမူဝ်ႇၶရေႇသီႇႁဵတ်းၼင်ႇၵၢင်ၸႂ်မီးၼမ်ဢေႇၼၼ်ႉ ၸင်ႇလႆႈၽုတ်းပေႃႇယိပ်းတိုဝ်းမႃးယဝ်ႉ-ၼႆယူႇယဝ်ႉ။

ၼင်ႇႁိုဝ်ၵၢင်ၸႂ်ၵူၼ်းၽၢႆႇပႃႈဢေႇၶဝ်ၼၼ်ႉ ပေႃးလႆႈၶဝ်ႈပႃးၸွမ်းတီႈလိုၵ်ႉလမ်ႇၶိုၵ်ႉတွၼ်းမိူၼ်ၼင်ႇတီႈတေတမ်းဝၢင်းၶေႃႈတႅပ်းတတ်းၼၼ်ႉလႆႈၼႆလႄႈ ၸင်ႇလႆႈသွၵ်ႈႁႃႁၼ်လၢႆး “ၶွၼ်ႇသူဝ်ႇၸီႇရေးသျိၼ်းတီႇမူဝ်ႇၶရေႇသီႇ” ၼၼ်ႉမႃးယူႇယဝ်ႉ။ တီႇမူဝ်ႇၶရေႇသီႇႁဵတ်းၼင်ႇၵၢင်ၸႂ်မီးၼမ်ဢေႇၼၼ်ႉလႄႈ “ၶွၼ်ႇသူဝ်ႇၸီႇရေးသျိၼ်းတီႇမူဝ်ႇၶရေႇသီႇ” ၼႆႉမီးတၢင်းၵပ်းၵၢႆႇၵၼ်ဝႆႉသေ ပဵၼ်ဢၼ်ၼႄႉၼမ်းၼႄလွင်ႈဝႃႈ ၼပ်ႉထိုဝ်တီႈၼိူဝ်ၵၢင်ၸႂ်ၵူၼ်းပႃႈဢေႇၶဝ်ၼၼ်ႉယဝ်ႉ။

တီႇမူဝ်ႇၶရေႇသီႇဢၼ်ဝႃႈၼႆႉ ဢဝ်လၢႆးငမ်းယဵၼ်ၵႄႈလိတ်ႈတၢင်းၶွင်ႉၶမ်ၶဝ်ၼၼ်ႉ ႁဵတ်းပဵၼ်ၶဝ်ႈၶၢမ်ႇပိုၼ်ႉသေ ယိူင်းၸူးထိုင်တီႈပၢႆးမိူင်းလႄႈ ပၢႆးတိတ်းတေႃႇၵၢႆႇသိုပ်ႇၵူၼ်းႁဝ်း ဢၼ်မီးလွင်ႈတၢင်းမၢၼ်ႇမႅၼ်ႈၽဵင်ႇပဵင်းၵၼ်ၼၼ်ႉယူႇယဝ်ႉ။ ိၵၢင်ၸႂ်ၵူၼ်းၽၢႆႇပႃႈဢေႇၶဝ် လႆႈၶၢမ်ႇတၢင်းပိုၼ်ႉပႅတ်ႈဝႆႉၸူဝ်ႈၵႅပ်ႉၸူဝ်ႈၵမ်းၵေႃႈ ဢမ်ႇၵိုင်ႇထိူၵ်ႈလုတ်ႈႁၢမ်း တႃႇၸွမ်းလၢႆးပိူင်တီႇမူဝ်ႇၶရေႇသီႇၼၼ်ႉၼင်ႇၵဝ်ႇ။ လၢႆးဢၼ်တေပိုၼ်ႉပႅတ်ႈၵၢင်ၸႂ်ၵူၼ်းၽၢႆႇပႃႈဢေႇၶဝ်တေႃႇၸူဝ်ႈတေႃႇပၢၼ်ၼၼ်ႉၵေႃႈ ဢမ်ႇလီပဵၼ်။ ၸင်ႇဝႃႈ တီႇမူဝ်ႇၶရေႇသီႇႁဵတ်းၼင်ႇၵၢင်ၸႂ်မီးၼမ်ဢေႇလႄႈ ၶွၼ်ႇသူဝ်ႇၸီႇရေးသျိၼ်းတီႇမူဝ်ႇၶရေႇသီႇၶဝ်ၼႆႉ ပဵၼ်သၢၵ်ႈသေႇတီႈယိပ်းတီႈၵႅမ်းယိပ်းတိုဝ်းမႃးယဝ်ႉၼၼ်ႉယဝ်ႉ။ တီႇမူဝ်ႇၶရေႇသီႇၼႆႉမီး “လၢႆးတၢင်း” လႄႈ “ငိူၼ်ႈငႂ်ႈ” ဢၼ်ဢဝ်လၢႆးငမ်းယဵၼ်သေႁဵတ်းႁႃလွင်ႈၵႄႈၶႆမၼ်းယူႇၼၼ်ႉလႄႈ တၵ်းတေၸၢင်ႈသွၵ်ႈႁႃၵုၺ်ႉဢွၵ်ႇႁၼ်မႅၼ်ႈလၢႆးၵျၢင်ႉတၢင်းၵမ်တီႇမူဝ်ႇၶရေႇသီႇ ဢၼ်တိူဝ်းမီးတြႃးမၢၼ်ႇမႅၼ်ႈၽဵင်ႇပဵင်းၼၼ်ႉယဝ်ႉ။

သၽေႃးလွင်ႈတဝ်ႉၶဵင်ႇၶတ်းၶိုၼ်းလႄႈလၢႆးၵျၢင်ႉတၢင်းၵမ်တီႇမူဝ်ႇၶရေႇသီႇ Political Opposition with Democratic Ethic 
လၢႆးပိူင်ဢုပ်ႇပိူင်ႇတီႇမူဝ်ႇၶရေႇသီႇၼႆႉ ပဵၼ်လၢႆးပိူင်ၵူၼ်းမိူင်းတင်းလၢႆ ပဵၼ်ၸဝ်ႈပိူင်ႇဢႃႇၼႃႇၽွင်းငမ်းၼၼ်ႉယဝ်ႉ။ တႃႇႁႂ်ႈၵူၼ်းၵေႃႉလဵဝ် ဢမ်ႇၼၼ် ၵူၼ်းၸုမ်းယွပ်းဢွၼ်ႇဢၼ်ၼိူင်ႈလႆႈသုမ်ႇငမ်းၸိၵ်းပၢႆးဢုပ်ႇပိူင်ႇၽွင်းငမ်းၼၼ်ႉ လၢႆးပိူင်တီႇမူဝ်ႇၶရေႇသီႇၼႆႉ ဢမ်ႇပၼ်ၶႂၢင်ႉပဵၼ်လႆႈ။ ပုၼ်ႈတႃႇတေဢုပ်ႇပိူင်ႇၽွင်းငမ်းၽုင်ၵူၼ်းႁဝ်းၼႆႉ ဢႃႇၼႃႇဢုပ်ႇပိူင်ႇၽွင်းငမ်းၼၼ်ႉ တေလႆႈၸႅၵ်ႇၽႄၽႄႈၸွတ်ႇဝႆႉၼႂ်းမူႇၸုမ်းၽုင်ၵူၼ်းၼၼ်ႉယူႇယဝ်ႉ။ ပေႃးၼၼ်ၸင်ႇပဵၼ်လၢႆးဢုပ်ႉပိူင်ႇတီႇမူဝ်ႇၶရေႇသီႇၼႆယဝ်ႉ။ ၼႆႉပဵၼ်လွင်ႈၸႅၵ်ႇၽႄဢႃႇၼႃႇဝႆႉၸွမ်းလၢႆးပိူင်ဢုပ်ႉပိူင်ႇတီႇမူဝ်ႇၶရေႇသီႇၼၼ်ႉယဝ်ႉ။ လုၵ်ႉတီႈလၢႆးၸႅၵ်ႇၽႄဝႆႉဢႃႇၼႃႇၼႂ်းၵူၼ်းမိူင်းၼၼ်ႉသေ လိုၼ်းလၢႆးဝၢႆးမႃး လႆႈယိပ်းၸႂ်ႉလၢႆးၸႅၵ်ႇၽႄဝႆႉၼႂ်းၸုမ်းၽၢႆႇပႃႇတီႇပၢႆးမိူင်းၶဝ်ၼၼ်ႉယဝ်ႉ။ ဢၼ်ဝႃႈ ပႃႇတီႇလႆႈပဵၼ်လူင်ပွင်ၸိုင်ႈၽွင်းငမ်းမိူင်း ( Governing Party)၊ ပႃႇတီႇယူႇၽၢႆႇၶတ်းၶိုၼ်း (Opposition Party) ၼႆသေၶဝ်ႈပႃးမီးဝႆႉၼႂ်းလုၵ်ႉတေႃႇပႃႇလီႇမၼ်ႇၼၼ်ႉၼႆႉ ပဵၼ်ဢၼ်ၸီႉၼေဝႆႉဝႃႈ ၸႅၵ်ႇၽႄဢႃႇၼႃႇၽွင်းငမ်းဝႆႉၼၼ်ႉယူႇယဝ်ႉ။ ၼႆႉပဵၼ်လၢႆးပိူင်တီႇမူဝ်ႇၶရေႇသီတၢင်တူဝ် ဢၼ်ႁိူဝ်ႈႁိူင်းဝႆႉၼႂ်းမိူင်းလုမ်ႈၾႃႉႁဝ်းပၢၼ်ယၢမ်းလဵဝ်ၼႆႉယဝ်ႉ။ ပိူဝ်ႈၼၼ်လႄႈ မိူင်းၸိူဝ်းယိပ်းတိုဝ်းတီႇမူဝ်ႇၶရေႇသီႇၶဝ်ၼႆႉ ၸင်ႇလႆႈၶူင်သၢင်ႈႁဵတ်းဝႆႉလၢႆးပၢႆးမိူင်း ဢၼ်ၸႅၵ်ႇၽႄဢႃႇၼႃႇဝႆႉ ၼႂ်းၵႄႈၸုမ်းၽၢႆႇပႃႇတီႇဢၼ်ႇလႆႈပဵၼ်လူင်ပွင်ၸိုင်ႈၽွင်းငမ်းမိူင်းလႄႈ ၸုမ်းပႃႇတီႇယူႇၽၢႆႇၶတ်းၶိုၼ်းၶဝ်ဝႆႉႁဵတ်းၼၼ်ယဝ်ႉ။
ပႅင်ႇသေမိူင်းၸဝ်ႈဢႃႇၼႃႇၵႅမ်တူဝ်ၶဝ်ၼၼ်ႉ မီးပႃႇတီႇလႆႈပဵၼ်လူင်ပွင်ၸိုင်ႈၽွင်းငမ်းလႄႈပႃႇတီႇၽၢႆႇသၢၼ်ၶတ်းၶိုၼ်းၶဝ်ဝႆႉယူႇယဝ်ႉ။ ၸုမ်းၶတ်းၶိုၼ်းၵႆႉၸၢင်ႈမီးတင်းၼမ်လူင်ယူႇယဝ်ႉ။ ၼႂ်းၶႂၢင်ႉလၢႆးပိူင်ဢုပ်ႉပိူင်ႇတီႇမူဝ်ႇၶရေႇသီႇၼႆႉ လွင်ႈၶတ်းၶိုၼ်းၼႆႉ လီလႆႈပဵၼ်ၼင်ႇႁႃလၢႆးတၢင်းတၢင်ႇဢၼ်သေ ၵႄႈၶႆၼႄတူၺ်း (Alternative Solution ) ၼၼ်ႉယူႇယဝ်ႉ။ ဢၼ်ၶႂ်ႈဝႃႈတႄႉ မိူၼ်ၼင်ႇဝႃႈပႃႇတီႇပဵၼ်လူင်ပွင်ၸိုင်ႈၼႆႉ ႁဵတ်းၽိတ်းယဝ်ႉၼႆသေလႄႈ ပေႃးတေထတ်းသၢင်ၶတ်းၶိုၼ်ႊးၸိုင်တေလႆႈမီးလၢႆးတၢင်းဢၼ်ထၢင်ႇဝႃႈတေမၢၼ်ႇမႅၼ်ႈၼၼ်ႉသေ လႆႈတၢင်ႇၼႄၸွမ်းၼၼ်ႉယဝ်ႉ။ သင်ၸိူဝ်ႉဝႃႈ ဢမ်ႇၸီႉၸမ်ႈၼႄလႆႈတၢင်းတၢင်ႇဢၼ်ၼင်ႇၼၼ်ႉေသ  တွပ်ႇထဵင်ၶတ်းၶိုၼ်ႊၼႆၸိုင်မၼ်းဢမ်ႇမႅၼ်ႈလၢႆးၶတ်းၶိုၼ်း ဢမ်ႇမႅၼ်ႈဝွင်ႇတီႇမူဝ်ႇၶရေႇသီႇၼၼ်ႉယဝ်ႉ။ လွင်ႈတွပ်ႇထဵင်ၶတ်းၶိုၼ်ႊ ဢဝ်ပႃးလၢႆးတၢင်းတၢင်ႇဢၼ်ၸီႉၼႄပႃးၸွမ်းၼၼ်ႉၵွၼ်ႇ ၸင်ႇမႅၼ်ႈဝွင်ႇသေ မႃးပဵၼ်ဢၼ်ၵမ်ႉၵႅမ် ႁႂ်ႈလၢႆႈပၢႆးမိူင်းတီႇမူဝ်ႇၶရေႇသီႇၶိူင်ႇၵိုမ်းၼၼ်ႉလႆႈယဝ်ႉ။ ပေႃးဢမ်ႇၼၼ်တႄႉ ၼႂ်းၵႄႈပႃႇတီႇဢၼ်လႆႈပဵၼ်လူင်ပွင်ၸိုင်ႈလႄႈ ပႃႇတီႇယူႇၽၢႆႇၶတ်းၶိုၼ်းၶဝ် ၸၢင်ႈၵႆႉၵႆႉပေႃႇပဵၼ်လွင်ႈလၢႆႈပၢႆးမိူင်ႊတၢင်းတိူၵ်ႈ (Political Deadlock ) ၼၼ်ႉသေ မိူၼ်ၵၼ်တင်းႁဵတ်းႁႃလၢႆးၸဝ်ႈဢႃႇၼႃႇၵႅမ်တူဝ်ၶဝ်ၼၼ်ႉၵူၺ်း။ မဵဝ်းၸဝ်ႈဢႃႇၼႃႇၵႅမ်တူဝ်ၶဝ်ၼႆႉ ပႂ်ႉငွႆးႁွႆးပိူၼ်ႈယူပ်ႈယွမ်းၼင်ႇၼၼ်ဝႆႉယူႇတႃႇသေႇၼၼ်ႉယဝ်ႉ။
ပၢၼ်မိူဝ်ႈပႆႇထိုင်သိုၵ်းၵမ်ႇၽႃႇ (လုမ်ႈၾႃႉ) ပွၵ်ႈသွင် မႅၼ်ႈမိူဝ်ႈ (AD-1918-1933) ၼီႈၼၼ်ႉ မိူဝ်းၵျိုဝ်ႇမၼီႇ (မိူဝ်ႈၼႆပဵၼ် Federal Republic of Germany ) ၼႆႉ ယၢမ်ႈပဵၼ်မိူင်း ၸွမ်ၸိုင်ႈဝႆႇမႃႇ) Wei mar Republic ၼႆယူႇယဝ်ႉ။ မိူဝ်ႈပၢၼ်ၼၼ်ႉ ယွၼ်ႉဝႃႈၶဝ်ဢမ်ႇၸွမ်းလၢႆးတဝ်ႉၶဵင်ႇၶတ်းၶိုၼ်းဢၼ်မႅၼ်ႈဝွင်ႇ ဢၼ်ဢဝ်လၢႆးတၢင်ႇဢၼ်ၸီႉၸမ်ႈၼႄပႃးၸွမ်းဝႆႉၼၼ်ႉလႄႈ မိူၼ်တင်းၵႂႃႇလႆႈၵမ်ႉၵႅမ်ႁႅင်းၸဝ်ႈဢႃႇၼႃႇၵႅမ်တူဝ် ႁိတ်ႇတလိူဝ်” ၽုတ်းပေႃႇမႃးၼၼ်ႉယဝ်ႉ။ ပၢၼ်မိူဝ်ႈလဵဝ်ၼႆႉ မိူဝ်ႈၽွင်းၾႅတ်ႇတရႄႇၵျိူဝ်ႇမၼီႇ (Federal Republic of Germany) ယိပ်းတိုဝ်းလၢႆးပိူင်ပၢႆးမိူင်း ပႃႇလီႇမၼ်ႇတီႇမူဝ်ႇၶရေႇသီႇ (Parliamentary Democracy ) ဝႆႉလႄႈ လူင်ပွင်ၸိုင်ႈၶဝ် ၸၢင်ႈလႆႈၶၢမ်ႇတင်းလွင်ႈၶတ်းၶိုၼ်းၼၼ်ႉၵူႈၶၢဝ်းယၢမ်းဝႆႉယဝ်ႉ။ ၼင်ႇႁိုဝ်ပေးတေဝႄႈလႆႈ လွင်ႈယူပ်ႈယွမ်းလၢႆးၶတ်းၶိုၼ်းၼၼ်ႉ ၼႂ်းပိူင်မီႈၶွတ်ႇၽွတ်ႈဝၢၼ်ႈမိူင်း (Con-Stitution ) ၶဝ်ၼၼ်ႉ ပူင်တမ်းတွၼ်ႈမၢႆဝႆႉဢၼ်ၼိုင်ႈယူႇ။ တွၼ်ႈမၢႆ (Section ) ၼၼ်ႉဝႃႈဝႆႉၼႆႉမိူဝ်ႈပႆႇပူတ်းလူင်းၸွမ်ၽွင်းမိူင်းလူင် (Prime Minister) လႄႈလူင်ပွင်ၸိုင်ႈၼၼ်ႉ ၸုမ်းယူႇၽၢႆႇၶတ်းၶိုၼ်းၶဝ်ၼႆႉ တေလႆႈလိူၵ်ႈတၢင်ႇၼႄပႃးဝႆႉလႆႈၼင်ႇၼၼ်ၸိုင် ဢမ်ႇမီးဢၶႂၢင်ႉပူတ်းလူင်းၸွမ်ၽွင်းမိူင်းလူင်လႄႈ လူင်ပွင်ၸိုင်ႈဢၼ်တိုၵ်ႉယိပ်းမိူင်းဝႆႉၼၼ်ႉလႆႈလူးၵွၼ်ႇ။ လွၵ်းလၢႆးႁဵတ်းသၢင်ႈၼႆႉၸမ်း ပဵၼ် (Constructive Non-confidence) (     ) 
လၢႆးတဝ်ႉၶႅင်ႈၶတ်းၶိုၼ်းလွင်ႈလီၼႆၼၼ်ႉယဝ်ႉ။ လၢႆးၸိူဝ်ႉၼႆ ၸင်ႇပဵၼ်လၢႆးၶတ်းၶိုၼ်းလွင်ႈၵၢၼ်ပၢႆးမိူင်း ဢၼ်မီးတၢင်းယိူင်းဢၢၼ်းလီၼၼ်ႉသေ ပႃးသၽေႃးတႃႇမူၼ်ႉမေးပဵၼ်လွင်းလီၼၼ်ႉယဝ်ႉ။
ပေႃးဝႃႈတေယိူင်းဢၢၼ်းပူၵ်းတင်ႈလၢႆးပိူင်တီႇမူဝ်ႇၶရေႇသီႇယဝ်ႉၼႆၸိုင် ယင်းလူဝ်ႇလႆႈၽၢၼ်ႇသၢင်ႈဝႆႉပၼ် လၢႆးပိူင်ဢၼ်ၸုမ်းယူႇၽၢႆႇၶတ်းၶိုၼ်းၶဝ်ၼၼ်ႉလႆႈမီးႁႅင်းသေ ၸုၵ်းမၼ်ႈၶိူင်ႇၵိုမ်းလႆႈၸွမ်းၼႂ်းၶႂၢင်ႉပၵ်းပိူင်ၼၼ်ႉယူႇယဝ်ႉ။ ဝႆႉႁႂ်ႈၸုမ်းၶတ်းၶိုၼ်းၶဝ်လႆႈမီးဝႆႉၼၼ်ႉ မိူၼ်ၼင်ႇပၼ်ၶဝ်ႁပ်ႉထၢမ်းဝႆႉပုၼ်ႈၽွၼ်းလူင် တႃႇတေၵုမ်းထိင်းလူင်ပွင်ၸိုင်ႈ ဢၼ်လႆႈၽွင်းငမ်းမိူင်း ယႃႇႁႂ်ႈလႆႈပဵၼ်လူင်ၵႂႃႇလူင်ပွင်ၸိုင်ႈၸဝ်ႈဢႃႇၼႃႇၵႅမ်တူဝ်ၼၼ်ႉယဝ်ႉ။ ပဵၼ်ပိူင်ၾၢင်ႁၢင်လၢႆးၸၵ်းၽေဢႃႇၼႃႇၽွင်းငမ်းမိူင်းဝႆႉၼၼ်ႉလူးၵွၼ်ႇယဝ်ႉ။ လူဝ်ႇလႆႈၾၢင်ႉသတိၼၼ်ႉတႄႉ မူႇၸုမ်းၽၢႆႇၶတ်းၶိုၼ်းၶဝ်ၼႆႉ တေလႆႈဢဝ်လွင်ႈလီ (ဢမ်ႇၼၼ်)ၸီႉၸမ်ႈၼႄပႃးလၢႆးတၢင်းတၢင်ႇဢၼ်ၼၼ်ႉသေ တွပ်ႇထဵင်ၶတ်းၶိုၼ်းၵႂႃႇၼၼ်ႉယဝ်ႉ။




#Article 40: တီႈပွင်ႇ Shan (347 words)


ၶေႃႈၵႂၢမ်းဢၼ်ဝႃႈ    (သျၢၼ်း)ၼႆႉ ပဵၼ်ၶေႃႈၵႂၢမ်းဢၼ် ၵူၼ်းတၢင်ႇၶိူဝ်းႁွင်ႉ ၶိူဝ်းၵူၼ်းတႆးၼၼ်ႉယဝ်ႉ။ ၵူၼ်းၶိူဝ်းတႆးတႄႉ ၶဝ်ၶိုၼ်းႁွင်ႉတူဝ်ၸဝ်ႈၵဝ်ႇဝႃႈ တႆး ၼႆယူႇ။ တီႈပွင်ႇၶေႃႈဢၼ်ႁွင်ႉဝႃႈ Shan ၼၼ်ႉ လႆႈႁၼ်ပိုတ်ႇၼႄဝႆႉ ၵူႈပိူင်ပိူင်ယူႇ။

ၼႂ်းလိၵ်ႈမၢၼ်ႈ မိူဝ်ႈၵွၼ်ႇ လႆႁၼ်ၶဝ်တႅမ်ႈဝႆႉ လွင်ႈတႆးၼၼ်ႉ ၶဝ်ၸႂ်ႉတႅမ်ႈ သျ​မ် ဢမ်ႇၼၼ် သျံ လႆႈႁၼ်ၼင်ႇၼႆ။ ၵပ်းၵၢႆႇလူၺ်ႈ Shan ၼၼ်ႉ ၽူႈၵတ်ႉၶႅၼ်ႇၽၢႆႇပႃႇလိၶဝ် ႁဵတ်းဝိၵႁဝႆႉဝႃႈ - သႃႇမိဢိသ်သရီႇတီႇတိ သႃႇမ ၼင်ႇၼႆယဝ်ႉ။ တီႈပွင်ႇမၼ်းၸမ်ႉ ၵွပ်ႈပိူဝ်ႈမေႃဢုပ်ႉပိူင်ႇ ၸိူင်ႇၼင်ႇ ၸဝ်ႈၸွမ်လႄႈ ၸင်ႇႁွင်ႉဝႃႈ သႃႇမိ။ လွင်ႈဢၼ်ပိုတ်ႇဝႆႉ ၼင်ႇၼႆၼႆႉ ၵွပ်ႈပိူဝ်ႈ ယုမ်ႇယမ်ဝႃႈ ၶိူဝ်းတႆးႁဝ်း ပဵၼ်ၶိူဝ်းၶုၼ် ၶတ်ႉတိယသႃႇၵီႇမႃးၼႆၼၼ်ႉယဝ်ႉ။

လုၵ်ႉတီႈတူဝ် သႃႇမ ၼၼ်ႉသေ ၸင်ႇတေၽေသိုပ်ႇပဵၼ်မႃး သျႃႇမ  သျၢမ်ႇ  သျၢမ်း (Shan) ၼႆယူႇ။ လွင်ႈတူဝ်လိၵ်ႈ ဢၼ်လုၵ်ႉတီႈ သႃႇမ သေပဵၼ်မႃး သျၢမ်ႇၼၼ်ႉ တေလႆႈႁၼ်ၼႂ်းလိၵ်ႈပႃႇလိၸဝ်ႈ ၶေႃႈဢၼ်ဝႃႈ သုဝၼ်ႇၼသႃႇမ ၼၼ်ႉသေ ဢွၼ်ၵၼ်ႁွင်ႉဝႃႈ သုဝၼ်ႇၼသျၢမ်ႇ ၼႆၼင်ႇၼၼ်။ တေႇဢဝ် A.D 1200 ၼၼ်ႉ တီႈၼႂ်း လိၵ်ႈႁိၼ် ပူးၵမ်ႇၵေႃႈ မၢၼ်ႈၶဝ် တႅမ်ႈဝႆႉၶေႃႈဢၼ်ဝႃႈ သျမ် ၼႆ လႆႈႁၼ်မွၵ်ႈသၢဝ်းပၢႆယူႇ။

ၵပ်းၵၢႆႇလူၺ်ႈ ၶေႃႈသဵင် ဝေႃးႁႃႇရ Shan ၼႆႉ ၸိူဝ်းၽူႈတႅမ်ႈပိုၼ်းတႆးပိုၼ်းမၢၼ်ႈ  ၶဝ်တႅမ်ႈဝႆႉဝႃႈ Shan ၼႆႉပဵၼ်ၵူၼ်းတၢင်ႇၶိူဝ်း ႁွင်ႉၸိူဝ်ႉၶိူဝ်းတႆးယဝ်ႉ။ ၵွပ်ႈသင်လႄႈလႆႈႁွင်ႉၼင်ႇၼၼ် ၼႆၸိုင် ဢမ်ႇပႆႇႁၼ်ထိုင် တီးၵမ်ႉတီႈယၼ်မၼ်း မၼ်ႈမၼ်ႈၵႅၼ်ႇၵႅၼ်ႇၼႆယဝ်ႉ။ ၵူၺ်းၵႃႈ Mr.Terrien de lacouperie သမ်ႉ သပ်းလႅင်းဝႆႉၼႂ်းပပ်ႉ  ၼၼ်ႉဝႃႈ  တီႈၼႂ်းမိူင်းၶႄႇ ၵူၼ်းၶိူဝ်း Shang (ပွင်ႇဝႃႈ ၵူၼ်းၵႃႉ) ၼၼ်ႉ ၶဝ်ႁူမ်ႈႁွမ်းၵပ်းသိုပ်ႇၵၼ်တင်း ၵူၼ်းၶိူဝ်းတႆးသေ တိုၵ်းတေႃးယႃႉလႅဝ်ပႅတ်ႈ ၶိူဝ်းၶုၼ် ႁိရ (Hia) ၼႆယဝ်ႉ။ ၸိုဝ်ႈၶုၼ်ႁေႃၶမ်းၶႄႇၼၼ်ႉ ပဵၼ် သျႅင်းဝူႉတီႇ (Shang- Wu- Ti)။ သျႅင်းဝူႉတီႇ ၼႆႉ မႃးတိုၵ်းပႄႉမိူင်းပၢင်ႇ မိူဝ်ႈ B.C 1122 ၼၼ်ႉသေ ၸုမ်းတႆးၶိုၼ်းတိုၵ်းၶိုၼ်းၶုၼ်ၶႄႇ Shang Wu Ti မိူဝ်ႈ B.C 1231 ယဝ်ႉ။ ယွၼ်ႉတိုၵ်းၶႄႇ ၶိူဝ်းသျႅင်း (Shang) လႄႈ တႆးၼႆႉ ပိူၼ်ႈၸင်ႇႁွင်ႉဝႃႈ Shan ၼႆၵေႃႈဝႃႈယဝ်ႉ။ ၶေႃႈၵႂၢမ်း Shang ၼႆႉ ငၢႆးၸမ်ၵၼ်တင်း ၸိုဝ်ႈၵူၼ်းငဝ်ႈမိူင်း ဢၼ်ယူႇသဝ်းဝႆႉ ၼႂ်းမိူင်းၶႄႇၵဝ်ႇၵဝ်ႇ မိူၼ်ၼင်ႇ Tchang, Saing, Shen, Sien ၸိူဝ်းၼႆႉတႄႉတႄႉ။ ၸိုဝ်ႈၸိူဝ်းၼႆႉၵေႃႈ တေပဵၼ်ၸိုဝ်ႈ ဢၼ်ၶႄႇႁွင်ႉတႆးၼၼ်ႉယူႇ။ တီႈၼႂ်း ပပ်ႉ ၼၼ်ႉ Shan ၼႆႉ လုၵ်ႉတီႈ Rhwam သေ ပဵၼ်မႃးၼႆ (Rhwam  Yhwam  Hyam  Cyam  Sham  Shan) ယဝ်ႉ။

ပေႃးမႃးၵဵပ်းဢဝ်ၸိုင် ၶေႃႈၵႂၢမ်းဢၼ်ဝႃႈ Shang ဢၼ်မီးတီႈပွင်ႇဝႃႈ ၵူၼ်းၵႃႉၼႆႉ တေပဵၼ်ၶေႃႈၵႂၢမ်း ဢၼ်သိုပ်ႇလႅၵ်ႈလၢႆႈတၢမ်းၵၼ်သေ ပဵၼ်မႃးၶေႃႈ Shan ၼႆၼၼ်ႉယဝ်ႉ။

လိူဝ်သေၼၼ်ႉ တီႈၼႂ်းပပ်ႉ  ဢၼ်ၵွတ်ႉၵရိင်း (Wilbur Willis Cochrane) တႅမ်ႈဝႆႉၼၼ်ႉၵေႃႈ ၵူၼ်းၶိူဝ်း ဝႃႉ လႄႈ လွႆလ ၶဝ်ႁွင်ႉတႆးဝႃႈ Shen (သျႅမ်ႉ) ၼႆသေ ၶႄႇၵႂၢၼ်းတူင်ႇလႅင်သမ်ႉ ႁွင်ႉတႆးဝႃႈ Tsim (ၸဵမ်ႇ) ၼႆယဝ်ႉ။

ၶၢင်ႁွင်ႉတႆးဝႃႈ Sam (သမ်ႇ) ၼႆသေ မွၼ်းသမ်ႉႁွင်ႉတႆးဝႃႈ Seam (သဵမ်ႇ)၊ မၢၼ်ႈသမ်ႉႁွင်ႉတႆးဝႃႈ Shan (သျၢၼ်း)၊ ၵူၼ်းမိူင်းဝၼ်းတူၵ်းၶဝ်သမ်ႉႁွင်ႉဝႃႈ တႆးထႆးဝႃႈ Siam (သယၢမ်ႇ) ၼႆယဝ်ႉ။ မိူဝ်ႈသၵ်ႉၵရၢၸ်ႉ 1151 ၼၼ်ႉ ယွၼ်ႉပိူဝ်ႈ ဢိင်လူၺ်ႈ ၼိူဝ်ၶေႃႈၵႂၢမ်း သျၢမ်ႇ ၼၼ်ႉ ၶုၼ်သီႇႁူဝ်ႇၶဝ် ႁဵၻ်းၶဵဝ်မိူင်း (Diplomatic relation) သေ ၼႂ်းလိၵ်ႈၶဝ်ၼၼ်ႉ တႅမ်ႈဝႃႈ မိူင်းထႆးၼၼ်ႉ ၸႂ်ႉဝႆႉပဵၼ် သႃႇမရတ်ႉထ ၼႆ တီႈၼႂ်းၽိုၼ်ပိုၼ်း ႁူမ်ႈပွင်းမုတ်ႉတမ (ၽၢႆႇမၢၼ်ႈ) ၼၼ်ႉ တႅမ်ႈမၢႆဝႆႉ လႆႈႁၼ်ၼင်ႇၼႆယူႇ။

တီႈၼႂ်း မႃႇၵထဢၽိထၢၼ်ႇတႄႉ ၶေႃႈၵႂၢမ်းဢၼ်ဝႃႈ သႃႇမ ၼႆၼၼ်ႉ ပိုတ်ႇၸႅင်ႈဝႆႉဝႃႈ ႁဵတ်းႁႂ်ႈၼိမ်သဝ်းယဵၼ်ၸႂ် လႄႈ သီလိူင်ၸိုမ်းယမ်းမိူၼ်ၼင်ႇၶမ်း ပိုတ်ႇဝႆႉၼင်ႇၼႆ။ ၵွပ်ႈပိူဝ်ႈသီၼိူဝ်ႉ ၸၢဝ်းၶိူဝ်းတႆးႁဝ်း ၶၢဝ်လိူင် မိူၼ်ၼင်ႇ သီၶမ်းလႄႈ ၵူၼ်းမိူင်းသီႇႁူဝ်ႇ၊ ၵူၼ်းမိူင်းမၸ်ႉသိမၶဝ် ၸင်ႇတူၺ်းဢဝ်ၽိဝ် ၼိူဝ်ႉၵူၼ်းၶိူဝ်းတႆးႁဝ်းသေ မိူင်းဢၼ်ႁဝ်း ယူႇသဝ်းၼၼ်​ႉၵေႃႈ ၶဝ်ၸင်ႇတၢင်ႇပဵၼ်ဝႃႈ မိူင်းၶမ်း (မိူင်းၵူၼ်းသီၼိူဝ်ႉ ၶၢဝ်လိူင်မိူၼ်ၶမ်း = သႃႇမရတ်ႉထ) ၼႆယူႇယဝ်ႉ။

ၵွပ်ႈၼႆ ၽူႈမီးတင်းႁူႉၼမ်ၶဝ် ၸင်ႇတူၺ်းသီၼိူဝ်ႉတႆး ၶၢဝ်လိူင်ၸိုမ်းယမ်း မိူၼ်ၼင်ႇၶမ်းသေ ၸင်ႇႁဵတ်းဝိၵႁဝႆႉၼင်ႇၼႆ။ သႃႇမေႃးဝၢၼ်ႇ​ၼေႃး ဢေႇတေႇ သၼ်ႇတိ သျႃႇမေႃး (ၵူၼ်းၸိူဝ်းၼၼ်ႉ ၽိဝ်ႉၼိူဝ်ႉၶဝ်ၶၢဝ်လိူင်ၸိုမ်းယမ်း မိူၼ်ၼင်ႇၶမ်းယဝ်ႉ၊ ၵွပ်ႈၼၼ် ၶဝ်ၼၼ်ႉၸင်ႇၸိုဝ်ႈဝႃႈ သျႃႇမ (ဢမ်ႇၼၼ်) သျၢမ်း ယူႇယဝ်ႉ။

ထႅင်ႈပိူင်ၼိုင်ႈ တီႈၼႂ်းလိၵ်ႈပႃႇလိ မီးဝႆႉဝႃႈ သႃႇမသတ်ႉတိ ၼႆထႅင်ႈ။ သႃႇမသတ်ႉထိ ဢၼ်ဝႃႈၼႆႉ ပွင်ႇဝႃႈ ႁဵတ်းၵၢၼ်သင်သေဢမ်ႇဝႃႈ မီးၸႂ် ၼမ်ႉၼိုင်ႈၸႂ်လဵဝ်ၵၼ် ၽွမ်ႉသဵင်ပဵင်းပၢၵ်ႇၵၼ်သေ ႁဵတ်းပဵၼ်လႆႈၼၼ်ႉ ႁွင်ႉဝႃႈ သႃႇမသတ်ႉတိ ၼႆယဝ်ႉ။ ၵွပ်ႈပိူဝ်ႈတႆးႁဝ်း မီးလွင်ႈၽွမ်ႉႁူမ်ႈၵၼ် ၼင်ႇၼၼ်လႄႈ ၸင်ႇႁွင်ႉတႆးဝႃႈ  ၶိူဝ်းၵူၼ်း သႃႇမ ၼႆယူႇ။ ၵွပ်ႈၼၼ် ၽူႈမီးပိင်ႇၺႃႇၽၢႆႇတႆးႁဝ်းၶဝ် ၸင်ႇတႅမ်ႈဝွၵ်းဝႆႉဝႃႈ ၽွမ်ႉၽဵင်ႇႁူမ်ႈၶၼ်ဝႆး ၸင်ႇပဵၼ်တႆးမၢၼ်ႇၸႂ်ႈ ၼႆယူႇ။ ၼႂ်းပပ်ႉ မျႅၼ်ႇမႃႇဢၽိထၢၼ်ႇ ၼၼ်ႉ Shan ၼႆႉ ပိုတ်ႇဝႆႉဝႃႈ ၵူၼ်းငဝ်ႈၶိူဝ်း ၼႂ်းမိူင်းမၢၼ်ႈ ဢၼ်လၢတ်ႈၵႂၢမ်းၸုမ်းထႆးၶႄႇ (ၵမ်ႈၼမ်ယူႇသဝ်းၼႂ်းၼႄႇမိူင်းတႆး ၊ ၼႄႇမိူင်းၶၢင် ၊ ပွတ်းၼိူဝ်ၼမ်ႉမႄႈၶျၢင်း)ၼႆယဝ်ႉ။

ႁူဝ်ႁုပ်ႈမၼ်းၸမ်ႉ Shan ဢၼ်ဝႃႈၼႆႉ ပွင်ႇဝႃႈ-

ၸဝ်ႈသုၶမ်း (တၢင်ႉယၢၼ်း)၊ ၼႃႈလိၵ်ႈ 79၊  ပပ်ႉသႅင်တဵၼ်း၊ Vol. 5, ပီ  2000




#Article 41: တီႈလီဢၢမ်းၼႂ်းၵမ်ႇၽႃႇ (335 words)


ႁုပ်ႈတုမ်ႊဢဝ် လွင်ႈဢၼ်ၵူၼ်းႁဝ်းသၢင်ႈဝႆႉၼိူဝ်ၵမ်ႇၾႃႇမႃးပီႊယၢဝ်းၶၢဝ်းႁိုင်လႄႈလွင်ႈဢၼ်ပဵၼ်ယူႇၸွမ်းၼင်ႇၾိင်ႈတိုၼ်းပဵၼ်ၼၼ်ႉသေ ၸင်ႇလႆႈႁဵတ်းပဵၼ် သဵၼ်ႈၸိုဝ်ႈ တီႈလီဢၢမ်းဢေႃးၼႂ်းၵမ်ႇၾႃႇ မႃးယူႇယဝ်ႉ။ တီႈလီဢၢမ်းဢေႃးပၢၼ်ႇၵွၼ်ႇၸဵတ်းပိူင်ၼႆႉ ပဵၼ်သဵၼ်ႈၸိုဝ်ႈဢၼ်လႆႈႁၼ်ၸဝ်ႉတီႈသုတ်းသေ ပဵၼ်ၵၢၼ်သၢင်ႈဢၼ် လိုဝ်းလင်ႊလႄႈၵိုၵ်းပိုၼ်းၶွင်ၸၢဝ်းၵူၼ်းႁဝ်းယူႇယဝ်ႉ။ သဵၼ်ႈၸိုဝ်ႈၼၼ်ႉ ဢိင်ၼိူဝ်ဢဝ် ပပ်ႉၼႄတၢင်းၶွင် ၸၢဝ်းၵူၼ်းၵရိၵ်ႉမိူဝ်ႈပၢၼ်ၵွၼ်ႇၶဝ်သေ ၶဝ်ႈပႃးဝႆႉ သိင်ႇဝႅတ်ႉလွမ်ႉၸွမ်းသၢပ်ႇလႅၼ်ႊပၢင်ႇလၢႆႇ။ လွင်ႈလႆႈလိူၵ်ႈတူဝ်ၼပ်ႉၸဵတ်းၼၼ်ႉၸမ်း ယွၼ်ႉဝႃႈ တူဝ်ၸဵတ်းၼႆႉ ပဵၼ်တူဝ်ၼပ်ႉ ဢၼ်ၸၢဝ်းၵရိၵ်ႉၶဝ် ၼပ်ႉသွၼ်ႇဝႃႈ ပဵၼ်တူဝ်ၶိုၵ်ႉတွၼ်းၼႆယဝ်ႉ။ 

ၽူႈဢၼ်ၵဵပ်းသဵၼ်ႈသၢႆမၢႆ ဢၼ်ၵပ်းၵၢႆႇလူၺ်ႈ ဢွင်ႈတီႈလီဢၢမ်းဢေႃးလူင်ၸဵတ်းပိူင် ၼႂ်းလုမ်ႈၾႃႉၼႆႉၼၼ်ႉၸမ်း ပဵၼ်ၸဝ်ႈပၢႆးပိုၼ်း ႁီးရူဝ်းတူဝ်းတသ်ႉ(ဢွၼ်တၢင်းပီႊၶရိတ်ႉ 484 - 425) လႄႈ ၽူႈႁူႉမေႃ ၶႅလ်လီႇမႃးၶျူး ၸၢဝ်းသၢႆးရိၼ်း (scholar Callimachus of Cyrene) (ဢွၼ်တၢင်းပီႊၶရိတ်ႉ 305- 204) ၶဝ်ယဝ်ႉ။ ၵူၺ်းၼႃႇ ၼႂ်းလိၵ်ႈတႅမ်ႈမၢႆၶဝ်ၼၼ်ႉၸမ်း ၼွၵ်ႈလိူဝ်သေ ၶေႃႈဢၢင်ႈဢိင်မၼ်းယဝ်ႉၼၼ်ႉ ဢမ်ႇၵိုတ်းလိူဝ်ဝႆႉဢီႈသင်ယဝ်ႉ။ ဢၼ်လီဢၢမ်းဢေႃးလူင်ၸဵတ်းပိူင်ၼၼ်ႉၸမ်း ၼင်ႇပႃႈၼႆႉယူႇယဝ်ႉ။ 

ပေႃးဢဝ်ၸွမ်းၼင်ႇလိၵ်ႈလၢႆးၽႃႇသႃႇၸၢဝ်းၵရိၵ်ႉၶဝ်ဝႃႈၸိုင် theamata ဢၼ်ဝႃႈၼႆႉ ဢမ်ႇပွင်ႇဝႃႈ လီဢၢမ်း၊ ပွင်ႇဝႃ ဢမ်ႇတူၺ်းဢမ်ႇလႆႈ ၼႆယဝ်ႉ။ သဵၼ်ႈၸိုဝ်ႈ ဢၼ်လီဢၢမ်းဢေႃးလူင် ၼႂ်းလုမ်ႈၾႃႉ ဢၼ်ၵူၼ်းၵမ်ႈၼမ် ႁူႉၸၵ်းၵၼ် ဝၼ်းမိူဝ်ႈၼႆႉၼၼ်ႉၸမ်း ပဵၼ်သဵၼ်ႈၸိုဝ်ႈ ဢၼ်ထတ်းထွင်မႃးဝႆႉ မိူဝ်ႈယၢမ်းၵၢပ်ပၢၼ်ၵၢင်ၼၼ်ႉယဝ်ႉ။ ၵူၺ်းၼႃႇ ဝၼ်းၸင်ႇၼႆၸိုင် ႁူင်းၵေႃႇၵၢႆႇၵမ်ႈၼမ် ဢမ်ႇမီးယဝ်ႉ။ ႁူင်းၵေႃႇၵၢႆႇ ဢၼ်ၵိုတ်းဝႆႉယူႇတေႃႇထိုင်ဝၼ်းမိူဝ်ႈလဵဝ်တႄႉ ၵိုတ်းပီႉရီႉမိတ်ႉလူင်ၵၢႆႇၸႃႇၵွၺ်းယူႇယဝ်ႉ။

အလယ်ခေတ်တွင် ကမ္ဘာ့အံဖွယ်များနှင့်ပတ်သက်၍ စာရင်းအမျိုးမျိုးရှိခဲ့သည် ဟု ဆိုကြသည်။ သို့သော်အောက်ပါစာရင်းမှာ ထိုခေတ်မှစာရင်းဖြစ်သည်ဟု မယူဆနိုင်ပေ။ အကြောင်းမှာ အလင်းခေတ်တိုင်သည်အထိ အလယ်ခေတ်ဆိုသော စကားလုံးကို သုံးနှုန်းခဲ့ခြင်းမရှိခြင်းကြောင့် တစ်ကြောင်း၊ အလယ်ခေတ်ဆိုသော သဘောတရားမှာ ၁၆ရာစုတိုင်သည်အထိ ထင်ရှားခြင်းမရှိခဲ့ခြင်းကြောင့်တစ်ကြောင်း စသည်တို့ကြောင့်ဖြစ်သည်။ ဘရူဝါမှ ထိုစာရင်းမှာ အလယ်ခေတ်နောက်ပိုင်းမှပြုစုခဲ့သောစာရင်းဖြစ်သည်ဟု အကြံပြုခဲ့ပြီး နောက်ကျသောစာရင်းဟု ညွှန်းဆိုခဲ့သည်။
ထိုစာရင်းများမှ အဆောက်အဦးအများစုမှာ အလယ်ခေတ်မတိုင်မီ အလွန်စောစီးသောအချိန်ကပင် တည်ဆောက်ခဲ့ကြပြီး ထိုစာရင်းမှာ အလယ်ခေတ်မှကမ္ဘာ့အံဖွယ်များ (၇ နှစ်ဂဏန်းဖြင့် ကန့်သတ်ထားခြင်းမရှိပေ။)၊ အလယ်ခေတ်မှ အံဖွယ်ခုနစ်ပါး၊ အလယ်ခေတ်စိတ်ကူး နှင့် အလယ်ခေတ်မှ ဗိသုကာဆိုင်ရာအံဖွယ်များ ဟူ၍ အမည်အမျိုးမျိုးခေါ်ဝေါ်ကြသည်။
ပုံမှန်အားဖြင့် ထိုစာရင်းတွင် ပါဝင်သော အလယ်ခေတ်မှကြီးကျယ်ခမ်းနားသော အံ့ဖွယ်များမှာ အောက်ပါအတိုင်းဖြစ်သည်။

ထိုစာရင်းတွင်ပါဝင်သော အခြားအဆောက်အဦးများမှာ အောက်ပါတို့ဖြစ်သည်။

ခေတ်သစ်ကမ္ဘာတွင် တည်ဆောက်ခဲ့သော သို့မဟုတ် ယနေ့ထက်တိုင်တည်ရှိဆဲဖြစ်သော ကြီးကျယ်ခမ်းနားသော အဆောက်အအုံများနှင့်ပတ်သက်၍ စာရင်းအမျိုးမျိုးပြုစုခဲ့ကြသည်။ ထိုစာရင်းများထဲမှ ထင်ရှားသောစာရင်းအချို့မှာ အောက်ပါအတိုင်းဖြစ်သည်။

အမေရိကန် မြို့ပြအင်ဂျင်နီယာများအသင်း မှခေတ်သစ်ကမ္ဘာမှ အံ့ဖွယ်များနှင့်ပတ်သက်၍ စာရင်းပြုစုခဲ့သည်။

၂၀၀၁ ခုနှစ်တွင် ဆွစ်ဇာလန် ကော်ပိုရေးရှင်းတစ်ခုဖြစ်သော နယူးအိုးပင်းဝေါလ်ကော်ပိုရေးရှင်း မှ လက်ရှိတည်ရှိနေသော တည်ဆောက်မှု ၂၀၀ ထဲမှ ခေတ်သစ်ကမ္ဘာ့အံ့ဖွယ်ခုနစ်ပါး ကို ရွေးချယ်ရန် စတင်လုပ်ဆောင်ခဲ့သည်။ ဇန်နဝါရီလ ၁ ရက်၊ ၂၀၀၆ ခုနှစ်တွင် နောက်ဆုံးယှဉ်ပြိုင်ရွေးချယ်မည့်အရာ ၂၁ ခုကို ကြေငြာခဲ့သည်။ အီဂျစ်တို့က သူတို့၏ ရှိပြီးသား ကမ္ဘာ့အံဖွယ်ကို လေဘာတီရုပ်ထု၊ ဆစ်ဒနီမှ အော်ပရာပြဇာတ်ရုံနှင့် အခြား အထိမ်းအမှတ် အဆောက်အဦးများနှင့် ယှဉ်ပြိုင်ရမည်ကို မကျေနပ်ပဲ ထိုပရော့ဂျက်ကို ရူးနှမ်းသော ပရော့ဂျက်အဖြစ် သမုတ်ခဲ့သည်။ ထိုအခက်အခဲကို ဖြေရှင်းရန်အတွက် ဂိုင်ဇာမဟာပိရိမစ်ကြီးကို ဂုဏ်ထူးဆောင်ယှဉ်ပြိုင်သူအဖြစ် သတ်မှတ်ခဲ့သည်။ ထိုယှဉ်ပြိုင်မှုမှ ရလာဒ်အဖြေကို ပေါ်တူဂီနိုင်ငံ လစ်စဘွန်းမြို့ရှိ ဘယ်နီဖီကာ အားကစားရုံတွင် ဇူလိုင်လ ၇ ရက်၊ ၂၀၀၇ ခုနစ်တွင် ကြီးကျယ်သော အခမ်းအနားဖြင့် ကြေငြာခဲ့ပြီး အဖြေမှာ အောက်ပါအတိုင်းဖြစ်သည်။

၂၀၀၆ ခုနှစ် နိုဝင်ဘာလတွင် အမေရိကန်အမျိုးသားသတင်းစာဖြစ်သော ယူအက်စ်အေတူဒေး နှင့် အမေရိကန် တယ်လီဗီးရှင်းအစီအစဉ် ဂွတ်ဒ်မောနင်းအမေရိကား တို့ပူးပေါင်း၍ ဆုံးဖြတ်သူ ၆ ဦးမှ ရွေးချယ်သော အံ့ဖွယ်ခုနစ်ပါး စာရင်းအသစ်ကို ဖော်ထုတ်ကြေငြာခဲ့သည်။ အံ့ဖွယ်များကို တစ်ရက်လျှင်တစ်ခုနှုန်းဖြင့် ဂွတ်ဒ်မောနင်းအမေရိကား အစီအစဉ်တွင် တစ်ပတ်ကြာကြေငြာခဲ့သည်။ ကြည့်ရှုသူတို့၏ တုံ့ပြန်မှုအရ ၈ ခုမြောက် အံ့ဖွယ်ရာကို နိုဝင်ဘာလ ၂၄ရက်တွင် ကြေငြာခဲ့သည်။

အခြားသော အံ့ဖွယ်စာရင်းများကဲ့သို့ပင် သဘာဝအလျောက်ဖြစ်သော အံ့ဖွယ်များကို ရွေးချယ်ရာတွင်လည်း အများ၏သဘောတူညီမှု မရရှိခဲ့ပေ။ အကြောင်းမှာ စာရင်းမည်မျှ ရှည်လျားသင့်သည် ဆိုသောကိစ္စနှင့် ပတ်သက်၍ အငြင်းပွားခဲ့ကြသောကြောင့် ဖြစ်သည်။
ထိုစာရင်းများထဲမှ စာရင်းတစ်ခုကို စီအင်န်အင်န် သတင်းဌာနမှပြုစုခဲ့ပြီး အောက်ပါအတိုင်းဖြစ်သည်။

သမုဒ္ဒရာထိန်းသိမ်းရေးနှင့် သုတေသနပြုလုပ်ရန်အတွက် ရည်စူးဖွဲ့စည်းထားသော အမေရိကန်မှ အကျိုးမဖက် ရေငုတ်သမားအဖွဲ့အစည်းတစ်ခုဖြစ်သည့် စီဒမ်အင်တာနေရှင်နယ် (CEDAM International) မှ ရေအောက်ကမ္ဘာမှ အံ့ဖွယ်ခုနစ်ပါးစာရင်းကို ရေးဆွဲခဲ့သည်။

၁၉၈၉ခုနှစ်တွင် စီဒမ်မှ ဒေါက်တာ ယူဂျန်းနီးကလက်ခ်(Dr. Eugenie Clark) အပါအဝင် အဏ္ဏဝါသိပ္ပံပညာရှင်များ ပါဝင်သည့်အဖွဲ့တစ်ခုဖြင့် ရေအောက်ရှိ ကာကွယ်ထိန်းသိမ်းရန်သင့်သော ဒေသများကို ရွေးချယ်ခဲ့သည်။ ရလာဒ်ကို ဝါရှင်တန်ဒီစီရှိ အမျိုးသားငါးပြတိုက်၌ Sea Hunt တယ်လီဗီးရှင်းအစီအစဉ်တွင် ပါဝင်သော သရုပ်ဆောင် လွိုက်ဘရစ်ချ်(Lloyd Bridges) မှ ကြေငြာခဲ့သည်။

ဗြိတိသျှစာရေးဆရာ ဒီဘိုရာကက်ဒ်ဘူရီမှ စက်မှုကမ္ဘာမှ အံ့ဖွယ်ခုနစ်ပါးစာအုပ်ကို ရေးသားခဲ့သည်။ ထိုစာအုပ်မှာ ၁၉ရာစုနှင့် ၂၀ရာစုဦးပိုင်းရှိ အင်ဂျင်နီယာပညာ၏ ကြီးကျယ်သောအောင်မြင်မှု ၇ ခု၏ ဇာတ်လမ်းကို ရေးသားထားခြင်းဖြစ်သည်။ ၂၀၀၃ ခုနှစ်တွင် ဘီဘီစီမှ ထိုစာအုပ်ကို ၇ ပိုင်းခွဲ၍ သတင်းရုပ်ရှင်အဖြစ် တင်ဆက်ခဲ့သည်။ တစ်ပိုင်းစီ၌ အံ့ဖွယ်တစ်ခုခြင်းစီ၏ တည်ဆောက်မှု ကို ဇာတ်လမ်းဆင်၍ တင်ပြခဲ့သည်။ စက်မှုကမ္ဘာမှ အံ့ဖွယ်ခုနစ်ပါးမှာ အောက်ပါအတိုင်းဖြစ်သည်။

ခရီးသွားစာရေးဆရာတစ်ယောက်ဖြစ်သော ဟောင်းဝပ်ဟေးလ်မန်းသည် ထိုသို့သော စာရင်းများကို ပြုစုခဲ့ပြီး သဘာဝအလျှောက်ဖြစ်သော နှင့် လူတို့ပြုလုပ်သော ကမ္ဘာလှည့်ခရီးသည်တို့အတွက် အံဖွယ်များကို အောက်ပါအတိုင်းစာရင်းပြုခဲ့သည်။

လူတို့ပြုလုပ်သော ခရီးသွားခြင်းဆိုင်ရာအံဖွယ်

ဘဘာဝအလျှောက်ဖြစ်သော ခရီးသွားခြင်းဆိုင်ရာအံဖွယ်




#Article 42: တုၵ်ႉၵရၸရိယႃႇ (523 words)


တုၵ်ႉၵရၸရိယႃႇ (ၻုၵ်ၵရၸရိယႃ) ဢၼ်ဝႃႈၼႆႉ ပွင်ႇဝႃႈ ပဵၼ် လွင်ႈတိုၵ်းၵမ် ဢၼ်ႁဵတ်းသၢင်ႈယၢပ်ႇၼၼ်ႉယဝ်ႉ။ လွင်ႈတိုဝ်းၵမ်မဵဝ်းၼႆႉ ဢမ်ႇတိုဝ်းၵမ်လႆႈ ၵူႈၵေႃႉ။ ၵွပ်ႈလႆႈၶၢမ်ႇ တၢင်းၶၢၼ်ၸႂ်သေ တိုဝ်းၵမ်ဢဝ် ယၢပ်ႇယၢပ်ႇယဵၼ်းယဵတ်း တႄႉတႄႉဝႃႈဝႃႈလႄႈ ၵမ်ႈၽွင်ႈပၢႆလၢတ်ႈဝႃႈ တုၵ်ႉၶၸရိယႃႇ (ၻုၵ်ၶၸရိယႃ) ၼႆလူးၵွၼ်ႇယဝ်ႉ။ တီႈတႄႉမၼ်း ဢမ်ႇၸႂ်ႈ တုၵ်ႉၶၸရိယႃႇ (ၻုၵ်ၶၸရိယႃ) ပဵၼ် တုၵ်ႉၵရၸရိယႃႇ (ၻုၵ်ၵရၸရိယႃ) ၵူၺ်း။

တုၵ်ႉၵရၸရိယႃႇ ဢၼ်ဝႃႈၼႆႉ ပဵၼ်တၢင်းတိုဝ်းၵမ် (ၵျၢင်ႉၵမ်) ယၢပ်ႇယၢၵ်ႈၶၢၼ်ၸႂ်လူင် ဢၼ်ၶႃႈပႅတ်ႈ ၸႂ်ၵႃႇမၵုင်ႇၼၼ်ႉယဝ်ႉ။ ငဝ်ႈတိုၼ်းမၼ်းတႄႉ လုၵ်ႉတီႈ လွင်ႈတိုဝ်းၵမ် တပၼၼ်ႉသေမႃးလႄႈ ပဵၼ်တၢင်းတိုဝ်းၵမ် ဢၼ်ႁဵတ်းႁႂ်ႈ တူဝ်ၶၢၼ်ၸႂ်သေ ၶတ်းၸႂ် ၵုမ်းထိင်းၸႂ်ၵႃႇမၵုင်ႇ ႁႂ်ႈလႆႈၼၼ်ႉယဝ်ႉ။ ၼေႃႇၶမ်းၸဝ်ႈၵေႃႈ ၽိုၵ်းတိုဝ်းၵမ် ပႅင်ႈၼင်ႇ ၸဝ်ႈယၢမ်ႈႁူႉ ယၢမ်ႈငိၼ်းမႃးၼၼ်ႉယူႇ။

လုၵ်ႉတီႈ ၼႂ်းတၢင်းတိုဝ်းၵမ်တပၸိူဝ်းၼၼ်ႉသေ ဢၼ်ၸိုဝ်ႈသဵင်ယႂ်ႇသေပိူၼ်ႈၼၼ်ႉတႄႉ ပဵၼ်တပ 3 ပိူင်ၼႆႉယဝ်ႉ။

လွင်ႈတိုဝ်းၵမ် တုၵ်ႉၵရၸရိယႃႇၼႆႉ ၽြႃးပဵၼ်ၸဝ်ႈၵေႃးတမ လႆႈၶၢမ်ႇၸုၼ်ႉဢႃႇယုသၢႆၸႂ်သေ တိုဝ်းၵမ်ဢဝ်ယဝ်ႉ။ လႆႈၶၢမ်ႇဢိုပ်းယၢၵ်ႈ ဢူတ်းယိူတ်ႉ တၢင်းၵိၼ်ဢႃႇႁႃႇရသေ တိုဝ်းၵမ်မႃး ႁူၵ်းပီလုမ်းလုမ်းယူႇယဝ်ႉ။ ယွၼ်ႉၵွပ်ႈ ၽြႃးပဵၼ်ၸဝ်ႈ တိုဝ်းၵမ် တုၵ်ႉၵရၸရိယႃႇၼၼ်ႉသေလႄႈ ၽိဝ်ၼိူဝ်ႉၼင်ၸဝ်ႈ ပေႃးလႆႈၸွပ်ႈႁဵဝ်ႇ ႁႅင်ႈႁႅတ်ႇၵႂႃႇ၊ လၵ်ႉၶၼႃႇလူင်ၸဝ်ႈ 32၊ လၵ်ႉၶၼႃႇဢွၼ်ႇၸဝ်ႈ 80 ၸိူဝ်းၼၼ်ႉၵေႃႈ သမ်ႉပေႃး လႆႈႁၢႆလၢႆၵႂႃႇယူႇယဝ်ႉ။ ၵဵဝ်ႇၵပ်းလူၺ်ႈ လွင်ႈၽြႃးပဵၼ်ၸဝ်ႈ တိုဝ်းၵမ် တုၵ်ႉၵရၸရိယႃႇသေ ၼႂ်းဢပႃၻႃၼၵထႃ ၼႃႈလိၵ်ႈ 1၊ 81 ၼၼ်ႉ တႅမ်ႈဝႆႉဝႃႈ

တီႈပွင်ႇမၼ်းဝႃႈ တီႈၼိူဝ်ၵၢင်ႁၢဝ် ပၢင်ႇပွင်ႇသူဝ်ႇႁူဝ်ႇၼၼ်ႉ ဢဝ်ၸိူၵ်ႈမတ်ႉ ႁဵတ်းႁိုဝ်ၵေႃႈ ဢမ်ႇလႆႈ၊ ဢမ်ႇၸၢင်ႈၵႂႃႇမတ်ႉ ၵိုၵ်းသင်။ မိူၼ်ၼၼ်ၼင်ႇၵဝ်ႇယဝ်ႉ လွင်ႈတိုဝ်းၵမ် တုၵ်ႉၵရၸရိယႃႇၼႆႉၵေႃႈ ဢမ်ႇၸၢင်ႈမေႃႁဵတ်း ႁႂ်ႈႁူႉႁၼ်တြႃးၸႅတ်ႈ တြႃးမၢၼ်ႇလႆႈ။ တိုဝ်းၵမ် တုၵ်ႉၵရၸရိယႃႇ ႁိုင်ၵႃႈႁိုဝ်ၵေႃႈ ဢမ်ႇႁူႉႁၼ် သတ်ႉၸႃႇ 4 ပႃးလႆႈ။ ဢမ်ႇပဵၼ် ၽြႃးလႆး ၼႆယဝ်ႉ။

ၽွင်းၼေႃႇၶမ်းၽြႃးၸဝ်ႈ တိုဝ်းၵမ် တုၵ်ႉၵရၸရိယႃႇ လႆႈႁူၵ်းပီယဝ်ႉၼၼ်ႉ မၼ်းၸဝ်ႈ ၸင်ႇဝူၼ်ႉပွင်ႇဢွၵ်ႇမႃး မိူၼ်ၼင်ႇ ၶေႃႈၵႂၢမ်းပႃႈၼိူဝ်ၼႆႉသေ မႄးလႅၵ်ႈလၢႆႈၸႂ် ဝူၼ်ႉႁႃ လွၵ်းလၢႆးမႂ်ႇ တႃႇတေပဵၼ် ၽြႃးၼၼ်ႉယူႇယဝ်ႉ။ ယွၼ်ႉၵွပ်ႈၶဝ်ႈပဵၼ် ၸဝ်ႈၽူႈလႆႈထႅမ်သၢင်ႈဝႆႉ ပႃႇရမီႇ တဵမ်ထူၼ်ႈလႄႈ ၽွင်းၵႅၼ်ႇၸဝ်ႈ တိုၵ်ႉပဵၼ် ၼေႃႇလွင်းၸဝ်ႈသေ တိုဝ်းၵမ်တြႃးၼၼ်ႉၵူၺ်း သမ်ႉပေႃး လီယွင်ႈယေႃး ဢၢမ်းၼႃႇၼႅၼ်ႈယဝ်ႉ။ လွင်ႈၵႅၼ်ႇၸဝ်ႈ တိုဝ်းၵမ် တုၵ်ႉၵရၸရိယႃႇမႃးၼၼ်ႉ ႁူႉထိုင်ဝႃႈ ဢမ်ႇပဵၼ် လွင်ႈၽွၼ်းလီ တႃႇလႆႈမၢၵ်ႈၽူဝ်ႇၼႆလႄႈ ပူတ်းဝၢင်းပႅတ်ႈ ၵမ်းလဵဝ်သေ ႁဵတ်းႁႃ လွၵ်းလၢႆးမႂ်ႇထႅင်ႈၼၼ်ႉ ပဵၼ်တီႈၵူၼ်းႁဝ်း ထုၵ်ႇလီဢဝ်သႂ်ႇၸႂ် ယိူင်ႈၸွမ်းတႄႉတႄႉ။ ၵူၼ်းႁဝ်း ၵမ်ႉၼမ်ၼႆႉ ၵုမ်ႇၵူမ်ႈႁူဝ်သေ မိုင်ႉႁဵတ်းယူႇ ၼႃႈၵၢၼ် ဢၼ်ၸဝ်ႈၵဝ်ႇ ယၢမ်ႈႁဵတ်းမႃး (ဢၼ်ပေႃႈမႄႈ ဢွၼ်ႁဵတ်းမႃး) ၼၼ်ႉၵူၺ်း။ လီႁိုဝ်၊ ဢမ်ႇလီႁိုဝ်၊ ဝၼ်းၼၼ်ႉ ႁဵတ်းသၢင်ႇထုၵ်ႇသေတ ဝၼ်းၼႆးႁဵတ်း ၸွင်ႇသၢင်ႇထုၵ်ႇႁိုဝ်ၼႆၵေႃႈ ဢမ်ႇမေႃဝူၼ်ႉ။ တႃႇဝၢင်းပႅတ်ႈ လၢႆးၵဝ်ႇ ဢၼ်ဢမ်မီး ၼမ်ႉတွၼ်းၼၼ်ႉသေ ႁႃလႅင်ႈ လွၵ်ႈလၢႆးမႂ်ႇ ႁႂ်ႈပေႃးၶိုၼ်ႈယႂ်ႇၼၼ်ႉၵေႃႈ ဢမ်ႇမေႃဝူၼ်ႉ။ ၵမ်ႈၽွင်ႈ ႁူႉလၢႆလၢႆ ဢမ်ႇမေႃဝူၼ်ႉ၊ ၵမ်ႈၽွင်ႈ ႁူႉသေဝူၼ်ႉၵေႃႈ သမ်ႉဢမ်ႇပွင်ႇလႄႈ လႆႈၶၢမ်ႇတၢင်း ၼႃႈလဵၵ်ႉတူၵ်းတႅမ်ႇ ႁဵတ်းၶႃႈၸွမ်းလင်ပိူၼ်ႈယူႇၼႆႉ တေလႆႈဝႃႈႁိုဝ်၊ တေလႆႈဝႃႈ ၵၢမ်ႇ ၺၢၼ်ႇ ဝီႇရိယ ပႃႇရမီႇႁဝ်း ၶျေႃႉၵူၺ်းယူဝ်ႉ။

ဝၢႆးသေ ၼေႃႇၶမ်းၽြႃးၸဝ်ႈ ဝၢင်းပႅတ်ႈ လွင်ႈတိုၵ်းၵမ် တုၵ်ႉၵရၸရိယႃႇယဝ်ႉၼၼ်ႉ ၵႅၼ်ႇၸဝ်ႈ ၸင်ႇသိုပ်ႇတိုဝ်းၵမ်ၸွမ်း လွၵ်းလၢႆးသဵၼ်ႈၵိဝ်ၵၢင် (မꩡ်ꧢိမပꩦိပၻႃ)ယူႇယဝ်ႉ။ ပေႃးဝႃႈ ၸဝ်ႈမႃးတိုဝ်းၵမ် လၢႆးသဵၼ်ႈၵိဝ်ၵၢင် (သဵၼ်ႈတၢင်းပၢၼ်ၵၢင်)သေ တုင်းသွမ်းၵိၼ်ၼႆ ဢၼ်ပဵၼ် လၵ်ႉၶၼႃႇ ၶိုၼ်းပေႃႇမႃး၊ ႁၢင်ႈၽၢင် ၽိဝ်ၼိူဝ်ႉ တူဝ်ၶိင်းမၼ်းၸဝ်ႈၵေႃႈ ၶိုၼ်းမိူၼ်ၵဝ်ႇမႃးဝႆႉ ၼင်ႇသီၶမ်းၼၼ်ႉယဝ်ႉ။

ၽွင်းၼင်ႇၼၼ်ၼၼ်ႉ ဢၼ်ပဵၼ် ၽူႈလူလွမ်လုမ်းလႃးမၼ်းၸဝ်ႈ ပၺ်ႇၸဝၵ်ႉၵီႇၶဝ် ဢွၼ်ၵၼ် ဝူၼ်ႉပိူင်ႈ ထၢင်ႇၽိတ်းဝႃႈ “ၼေႃႇၶမ်းၽြႃးၸဝ်ႈတူၼ်ၼႆႉ ၵၼ်ႉတိုဝ်းၵမ် တုၵ်ႉၵရၸရိယႃႇ ႁူၵ်းပီလုမ်းလုမ်းသေတၵေႃႈ ဢမ်ႇႁုပ်ႈဢဝ်လႆႈ သပ်ႉပၺ်ႇၺုတတၢၼ်ႇ၊ ၵမ်းၼႆႉ သမ်ႉဝၢင်းပႅတ်ႈ လွင်ႈတိုၵ်းၵမ် တုၵ်ႉၵရၸရိယႃႇယဝ်ႉလႄႈ ႁဵတ်းႁိုဝ်ၵေႃႈ မၼ်းတေ ဢမ်ႇႁုပ်ႈဢဝ်သပ်ႉပၺ်ႇၺုတၺၢၼ်ႇလႆႈ မၼ်းတေ ဢမ်ႇပဵၼ်ၽြႃးလႆးယဝ်ႉ” ၼႆသေ ၶဝ်ဢွၼ်ၵၼ် ဢွၵ်ႇယၢၼ်ၼေႃႇၶမ်းၸဝ်ႈ ၵႂႃႇယူႇသဝ်းၵူၺ်း ႁင်းၶဝ် တၢင်ႇတီႈယူႇယဝ်ႉ။ 

လွင်ႈတိုဝ်းၵမ် တုၵ်ႉၵရၸရိယႃႇ ဢၼ်ဝႃႈၼၼ်ႉ ၽြႃးပဵၼ်ၸဝ်ႈ ၶိုၼ်းႁေႃးဝႆႉ ၼႂ်းထမ်ႇၸၵၵ်ႉၵသုတ်ႉၼၼ်ႉဝႃႈ ပဵၼ်လွင်ႈတိုဝ်းၵမ် ဢတ်တၵိလမထႃၼုယေႃၷ ၵူၺ်း၊ ဢမ်ႇၸႂ်ႈ လွင်ႈတိုဝ်းၵမ် မꩡ်ꧡိမပꩦိပၻႃ၊ ၵွပ်ႈၼႆ ဢမ်ႇတိုဝ်းၵမ် တုၵ်ႉၵရၸရိယႃႇၵေႃႈ တိုၼ်းၵိုင်ႇထိူၵ်ႈပဵၼ် ၽြႃးလႆးယူႇ။ လွင်ႈၼႆႉ ၼႂ်း မꩡ်ꧡိမ ပꧣ်ꧣႃသဢꩦ်ꩧၵထႃ မႁႃသၸ်ၸၵသုတ်ႈ ၼၼ်ႉ တႅမ်ႈၽုၺ်ႇဝႆႉဝႃႈ

လွင်ႈတိုဝ်းၵမ် တုၵ်ႉၵရၸရိယႃႇၼႆႉ ၵွပ်ႈပဵၼ် မဵဝ်းဢတ်ႉတၵိလမထႃႇၼုယေႃးၵ (ႁဵတ်းႁႂ်းၶၢၼ်တူဝ်ၶၢၼ်ၸႂ်) လႄႈ ဢမ်ႇတိုဝ်းၵမ်မၼ်းၵေႃႈ ပဵၼ်ၽြႃးလႆးယူႇ၊ ပေႃးၼႆၸိုင် ၵွပ်ႈသင် ၼေႃႇၶမ်းၸဝ်ႈၵေႃးတမ သမ်ႉလႆႈတိုဝ်းၵမ်မၼ်းလႃႇ။ ၵွပ်ႈမၼ်းၸဝ်ႈ လႆႈႁဵတ်းမႅၼ်ႈ ၵၢၼ်ဢမ်ႇလီ (ဢၵုသူဝ်ႇ)၊ လႆႈၽိတ်းမႅၼ်ႈ ၽြႃးပဵၼ်ၸဝ်ႈၵတ်ႉသပ  မိူဝ်ႈပဵၼ်ပုၼ်ႇၼႃး ၸေႃးတိပႃႇလၼၼ်ႉလႄႈ ၸင်ႇလႆးၶၢမ်ႇဝူတ်ႈၶိုၼ်းၼႆ ၼႂ်းဢပႃၻႃၼ ဢꩦ်ꩧၵထႃ ၼႃႈလိၵ်ႈ 1၊ 129 ၼၼ်ႉ တႅမ်ႈဝႆႉဝႃႈ

ပေႃးၼႆ ၼႂ်းထမ်ႇမတႃႇ ၽြႃးပဵၼ်ၸဝ်ႈ သၢမ်သိပ်းၼၼ်ႉ ၵွပ်ႈသင် လႆႈသႂ်ႇပႃး တုၵ်ႉၵရၸရိယႃႇ? ၽြႃးပဵၼ်ၸဝ်ႈ သူႇဢွၼ်တၢင်းၸိူဝ်းၼၼ်ႉလူး ၵွပ်းသင် လႆႈတိုဝ်းၵမ် တုၵ်ႉၵရၸရိယႃႇ? ၼႂ်းဝေႇမတ်ႉတ တြႃးႁႃႈယိူင်ႈၼၼ်ႉၵေႃႈ ၵွပ်ႈသင်လႄႈ လႆႈသႂ်ႇပႃး ပထႃႇၼဝေမတ်တလႃႇ? ပေႃးၼႆၸိုင် ၶေႃႈတွပ်ႇမၼ်းတႄႉ ၽြႃးပဵၼ်ၸဝ်ႈ ၸိူဝ်းၼၼ်ႉတႄႉ ၵွပ်ႈပိူဝ်ႈ ၶဝ်ပဵၼ်ပုၵ်ႉၵူဝ်ႇ လႆႈထၢပ်ႈပႃႇရမီႇမႃး တဵမ်ထူၼ်ႈလီငၢမ်းယဝ်ႉလႄႈ ဢမ်ႇတိုဝ်းၵမ် တုၵ်ႉၵရၸရိယႃႇၵေႃး တိုၼ်းပဵၼ်ၽြႃးလႆႈယူႇ။ ပေႃးၼၼ် ၵွပ်ႈသင်လႄႈ လႆႈၶၢမ်ႇယၢပ်ႇၶၢမ်ႇယၢၵ်ႈသေ တိုဝ်းၵမ် တုၵ်ႉၵရၸရိယႃႇလႃႇ ပေႃးၼႆၸိုင် ၵွပ်ႈပိူဝ်ႈ ၶႂ်ႈႁႂ်းပဵၼ် လွင်ႈၸူမ်းသိူဝ်းၶိုၼ်း ႁႅင်းၶတ်းၸႂ် ၸဝ်ႈၵဝ်ႇၼၼ်ႉၵေႃႈ ပိူင်ၼိုင်ႈလႄႈ ၸင်ႇလႆႈတိုဝ်းၵမ်ယဝ်ႉ။

တီႈတႅၵ်ႈမၼ်းၸမ်ႉ ၼႂ်းၶူင်းလေႃးၵၼႆႉ မီးဝႆႉ ၶုၼ်သွင်မဵဝ်း။ မဵဝ်းၼိုင်ႈၼႆႉ ၸဝ်ႈၵဝ်ႇ ဢမ်ႇလႆႈၶတ်းၸႂ် သႂ်ႇႁႅင်းသင် ယူႇယူႇသေ ပိူၼ်ႈယုၵ်ႉယွင်ႈ ဢဝ်ႁဵတ်းၶုၼ်၊ ထႅင်ႈမဵဝ်းၼိုင်ႈၼႆႉ တႃႇတေလႆႈပဵၼ်ၶုၼ်ၼၼ်ႉ လႆႈၶတ်းၸႂ်သႂ်ႇႁႅင်း တိုၵ်းပႅတ်ႈၵေႃႉၶႄႉၶဵင်ႇ ၽူႈၶဵၼ်ၸိူဝ်းၼၼ်ႉသေ ၸင်ႇၶိုၼ်ႈပဵၼ်ၶုၼ်။ ၼႂ်းၵႃႈ ၶုၼ်သွင်မဵဝ်းၼႆႉ ၵေႃႉဢၼ်ယူႇလၢႆလၢႆသေ ပဵၼ်ၶုၼ်မႃးၼၼ်ႉ ပိုၼ်းမၼ်း ဢမ်ႇၶိုၵ်ႉ။ ၵူၼ်းတင်းၼမ်ၵေႃႈ ဢမ်ႇထၢင်ႇယႂ်ႇ။ ၵေႃႉဢၼ်ယိပ်းလႅဝ်း ယိပ်းၵွင်ႈသေ တိုၵ်ႉႁိုဝ်ႉ ၽၼ်းႁိုဝ်ႉၼႆ လႆႈၶတ်းႁႅင်းတႄႉတႄႉဝႃႈဝႃႈသေ ၸင်ႇပဵၼ်ၶုၼ်မႃးၼၼ်ႉတႄႉ ပိုၼ်းမၼ်းၵေႃႈၶိုၵ်ႉ၊ ၵူၼ်းတင်းၼမ်ၵေႃႈ တၵ်းတေ ထၢင်ႇယႂ်ႇ ယုမ်ႇယမ်ယူႇယဝ်ႉ။

မိူၼ်ၼင်,ၼၼ်ယဝ်ႉ။ ဢမ်ႇလႆႈ တိုဝ်းၵမ် တုၵ်ႉၵရၸရိယႃႇသေ ပဵၼ်ၽြႃးပေႃးၼႆၸိုင် ပိုၼ်းပုတ်ႉထ တေဢမ်ႇၶိုၵ်ႉ၊ ၵူၼ်းတင်းၼမ်ၵေႃႈ တေဢမ်ႇယုမ်ႇယမ်၊ လႆႈတိုဝ်းၵမ် တုၵ်ႉၵရၸရိယႃႇၸိူင်ႉၼႆသေ ပဵၼ်မႃးၽြႃးၵွၼ်ႇ ပိုၼ်ႈပုတ်ႉထၸင်ႇတေၶိုၵ်ႉ၊ သတ်ႉတဝႃႇ ၽီ သၢင် သတ်း ၵူၼ်း တင်းလၢႆၵေႃႈ ၸင်ႇတေထၢင်ႇယႂ်ႇ ယုမ်ႇယမ်လႆႈယူႇယဝ်ႉ။

ထႅင်ႈလၢႆးၼိုင်ႈၸိုင် ၼင်ႇႁိုဝ် လုၵ်ႈၼွင်ႉတပႄး လိုၼ်းလင်ၶဝ် တေမေႃယူင်ႈသေ တိုဝ်းၵမ်ႁဵတ်းသၢင်ႈၸွမ်းၼၼ်ႉလႄႈ ၸင်ႇလႆႈတိုဝ်းၵမ် တုၵ်ႉၵရၸရိယႃႇယဝ်ႉ။ ႁႂ်ႈလုၵ်ႈၼွင်ႉ တပႄး လိုၼ်းလင်ၶဝ် ဝူၼ်ႉႁၼ်ထိုင်ဝႃႈ “ၽြႃးပဵၼ်ၸဝ်ႈၼႆႉ ပႃႇရမီႇ ပေႃးတဵမ်ထူၼ်ႈယဝ်ႉ တေႃႈယင်းတိုၵ်ႉၶတ်းၸႂ် ယူႇတၢၼ်ႇၼၼ်ႉ၊ ႁဝ်းၵေႃႈ လူဝ်ႇလႆႈၶတ်းၸႂ်တႄႉတႄႉဢိူဝ်ႈၼႆ” ၼၼ်ႉလႄႈ ၸင်ႇလႆႈ တိုဝ်းၵမ် တုၵ်ႉၵရၸရိယႃႇယဝ်ႉ။

ပထႃႇၼဝေႇမတ်ႉတ ဢၼ်ဝႃႈၼႆႉ ၽြႃးပဵၼ်ၸဝ်ႈ တူၼ်ၼိုင်ႈလႄႈ တူၼ်ၼိုင်ႈ လွင်ႈလႆႈၵျၢင်ႉၵမ် ၶၢဝ်းယၢမ်း တုၵ်ႉၵရၸရိယႃႇ ဢမ်ႇမိူၼ်ၵၼ်ၼၼ်ႉယဝ်ႉ။

မိူၼ်ၼင်ႇ ၽြႃးၻီပင်ၵရႃ၊ ၽြႃးၵေၢꧣ်ꩦၺ်ၺ၊ ၽြႃးသုမၼ၊ ၽြႃးဢၼေႃမၻသ်သီ၊ ၽြႃးသုꩡႃတ၊ ၽြႃးသိၻ်ꩪတ်ထ ၸိူဝ်းၼႆႉလႆႈၵျၢင်ႉၵမ် တုၵ်ႉၵရၸရိယႃႇ (10) လိူၼ်၊ ၽြႃးမင်ၷလ၊ ၽြႃးသုမေꩪ၊ ၽြႃးတသ်သ၊ ၽြႃးသိၶီ 4 တူၼ်ၼႆႉ လႆႈၵျၢင်ႉၵမ် တုၵ်ႉၵရၸရိယႃႇ (8) လိူၼ်၊ ၽြႃးရေႇဝတ လႆးၵျၢင်ႉၵမ် (7) လိူၼ်၊ ၽြႃးသေႃၽိတ လႆႈၵျၢင်ႉၵမ် (4) လိူၼ်၊ ၽြႃးပၻုမ၊ ၽြႃးဢတ်ထၻသ်သီ၊ ၽြႃးဝိပသ်သီ 3 တူၼ်ၼႆႉ လႆႈၵျၢင်ႉၵမ် တုၵ်ႉၵရၸရိယႃႇ (14) ဝၼ်း၊ ၽြႃးၼႃရၻ၊ ၽြႃးပၻုမုတ်တရ၊ ၽြႃးဝေသ်သ ꧤူ၊ ၽြႃးၵေႃၼႃၵမၼ 4 တူၼ်ၼႆႉ လႆႈၵျၢင်ႉၵမ် (6) လိူၼ်၊ ၽြႃးၵေႃတမ လႆႈၵျၢင်ႉၵမ် (6) ပီယဝ်ႉ။

ဢၼ်ပထႃႇၼဝေမတ်ႉတ လွင်ႈလႆႈၵျၢင်ႉၵမ် တုၵ်ႉၵရၸရိယႃႇ ပႅၵ်ႇပိူင်ႈၵၼ်ၼႆႉ တေလႆႈဝႃႈ ၵွပ်ႈၵၢမ်ႇဝၼ်းလင်ၶဝ်ၸဝ်ႈယဝ်ႉ။ မိူၼ်ၼင်ႇ ၽြႃးၵေႃးတမၼႆႉ မိူဝ်ႈလႆႈႁူႉဝႃး ၽြႃးၵသ်သပ ၵျၢင်ႉၵမ် တုၵ်ႉၵရၸရိယႃႇ 6 ဝၼ်းသေ ပဵၼ်ၽြႃးၼၼ်ႉ မၼ်းၸဝ်ႈ ယၢမ်ႈလၢတ်ႈဝႃႈ “ပေႃးၵဝ်တေပဵၼ် ၽြႃးယူႇတႄႉ ၵျၢင်ႉၵမ် 6 ပီၵေႃႈ ၸၢင်ႈပဵၼ်သင်” ၼႆလႄႈ ၸင်ႇလႆႈမႃး ၵျၢင်ႉၵမ် ၸွမ်းၼင်ႇမၼ်းၸဝ်ႈ လၢတ်ႈဝႆႉ 6 ပီၼၼ်ႉယဝ်ႉ။ 

ဢပၻႃၼ ပႃႇလိ ပပ်ႉမၢႆၼိုင်ႈ 349၊ 39၊ ဢဝတၽလဝၷ်ၷ 10၊ ပုၿ်ၿၵမ်မပိလေႃႁိတၿုၻ်ꩪႃပၻႃၼၼႆႉ ႁေႃးၼႄဝႆႉ လွင်ႈၵျၢင်ႉၵမ် တုၵ်ၵရၸရိယႃႇ ၶၢဝ်းယၢမ်းမၼ်း ပႅၵ်ႇပိူင်ႈၵၼ်ၼႆႉ ပဵၼ်လူၺ်ႈ ၵၢမ်ႇပႃႇရမီႇ ဝၼ်းလင်ၶဝ်ၸဝ်ႈ ၼႆယဝ်ႉ။ 




#Article 43: တုၼ်ႇတေး၊ ဝဵင်း (110 words)


ဝဵင်းတုၼ်ႇတေး ၼႆႉ ပဵၼ်ဝဵင်း ဢၼ်ၶဝ်ႈပႃးၼႂ်း ၸႄႈဝဵင်းတုၼ်ႇတေး၊ ၸႄႈတွၼ်ႈပွတ်းၸၢၼ်းတႃႈၵုင်ႈ၊ ၸႄႈတိူင်းတႃႈၵုင်ႈ ၼၼ်ႉယဝ်ႉ။ မီးဝႆႉ ပွတ်းတူၵ်း ဝဵင်းတႃႈၵုင်ႈ ၸွမ်းသၢပ်ႇ မႄႈၼမ်ႉလႅင်ႇ ၼၼ်ႉယဝ်ႉ။ ပေႃးဢဝ်ၽႃႇသႃႇမွၼ်းဝႃႈ တုၼ်ႇ-ၵွင်းသူတ်ႇ၊ တေ-ဝၢၼ်ႈ၊ မီးတီႈပွင်ႇဝႃႈ ဝၢၼ်ႈၵွင်းသူတ်ႇ ၼႆႉယဝ်ႉ။ တီႈၸႄႈဝဵင်းတုၼ်ႇတေးၼႆႉ ဝၢၼ်ႈ (220) ဝၢၼ်ႈ၊ ဢိူင်ႇ (65) ဢိူင်ႇ လႄႈ ပွၵ်ႉ (8) ပွၵ်ႉသေ ၽွတ်ႈႁႅၼ်းဝႆႉယဝ်ႉ။

ဝဵင်းတုၼ်ႇတေးၼၼႆႉ ၶဝ်ႈပႃးၼႂ်း ၸႄႈတိူင်းတႃႈၵုင်ႈသေ မီးဝႆႉႁိမ်းၶၢင်ႈ ႁွင်ႈၶုတ်းတုၼ်ႇတေး ယဝ်ႉ။ မိူဝ်ႈ ပၢၼ်ပူးၵမ်ႇ ၼၼ်ႉ တုၼ်ႇတေးၼႆႉ ႁွင်ႉဝႃႈ ဝဵင်းတလ ၼႆယဝ်ႉ။ မိူဝ်ႈပႆႇထိုင်ပၢၼ်ၼၼ်ႉ ယွၼ်ႉႁဵတ်းၵၢၼ်မေႃႈလႄႈ ႁွင်ႉဝႃႈ ၵလသပူႇရ ၼႆ ၼႂ်းပိုၼ်းမႂ်ႇပၢၼ်ၶုၼ်ထၢၼ်ႇ ၶဝ်ဝႃႈၼၼ်ႉယဝ်ႉ။  မိူဝ်ႈ ပၢၼ်ပူးၵမ်ႇ ၼၼ်ႉ ပဵၼ်တႂ်ႈမိုဝ်း ၶုၼ်ႁေႃၶမ်းပူးၵမ်ၶဝ်သေတႃႉ ၽႅဝ်ထို်င်မႃး ပၢၼ်ဢႃႇဝ မႃး ၶုၼ်ႁေႃၶမ်းႁၢၼ်ႇတႃႇဝတီႇ ၵေႃႉဢုပ်ႉပိူင်ႇမႃးယဝ်ႉ။ ဝဵင်းတလ မိူဝ်ႇၵွၼ်ႇၼႆႉ ပဵၼ်ဝဵင်းတပ်ႉဝဵင်းၼိူင်ႈလႄႈ ႁဵတ်းႁူဝ်ႉၶိုင်ႇၶိုင်ႇၶမ်ႉၶမ်ႉသေ သၢင်ႈဝဵင်းဝႆႉယူႇယဝ်ႉ။

ၸဵမ်မိူဝ်ႈတူၵ်းတႂ်ႈမိုဝ်း ဢင်းၵိတ်ႉ ပီ 1952 ၼၼ်ႉ  ပဵၼ်ဝဵင်းပၵ်းလုမ်း ၵိင်ႇၸႄႈတွၼ်ႈတၢၼ်ႇလုၼ်ႇ မႃးယဝ်ႉ။ ႁူဝ်ၼပ်ႉၵူၼ်း မိူဝ်ႈပီ 1978 ၼၼ်ႉ မီးမႃး 1870 ၵေႃႉသေ ထိုင်မႃး ပီ 1901 ၼၼ်ႉ မီးမႃး 4684 ၵေႃႉယဝ်ႉ။

ႁွင်ႈၶုတ်းတုၼ်ႇတေးၼႆႉ တႄႇပိုတ်မိူဝ်ႈ ပီ 1833 ၼၼ်ႉသေ ယွၼ်ႉၼၼ်လႄႈ သၢႆတၢင်းၵပ်းသိုပ်ႇၵေႃႈ ၶႅမ်ႉလႅပ်ႈမႃးယဝ်ႉ။ တၢင်းယၢဝ်းႁွင်ႈၶုတ်းၼၼ်ႉ မီး 22 လၵ်းသေ ငိုၼ်းသဵင်ႈမႃး 103 သႅၼ်ယဝ်ႉ။

ၽြႃးသူၺ်ႇသၢၼ်ႇတေႃႇ တီႈဝဵင်းတုၼ်ႇတေးၼၼ်ႉ ပဵၼ်ၵွင်းမူးၵိုၵ်းပိုၼ်းသူႇၼိူင်ႈယဝ်ႉ။ ၵွင်းမူးပွင်ႇတေႃႇၶျူၵ်ႉၵ​ေႃႈ ပဵၼ်ၵွင်းမူးလိုဝ်းလင်သူႇၼိူင်ႈ တီႈဝဵင်းတုၼ်ႇတေးၼၼ်ႉယူႇယဝ်ႉ။ 




#Article 44: တူင်းၶႂႃႉ၊ ဝဵင်း (157 words)


ဝဵင်းတူင်းၶႂႃႉ ၼႆႉ ပဵၼ်ဝဵင်းပၵ်းလုမ်းဝဵင်းၼိူင်ႈ ဢၼ်ၶဝ်ႈပႃးၼႂ်း ၸႄႈတိူင်းတႃႈၵုင်ႈ၊ (ဢွၼ်တၢင်း ပွတ်းဢွၵ်ႇ ၸႄႈတွၼ်ႈႁၢၼ်ႇတႃႇဝတီႇ၊ ၸႄႈတိူင်းပႃႇၵိူဝ်) ၼၼ်ႉယဝ်ႉ။ ဝဵင်းတူင်းၶႂႃႉၼႆႉ မီးဝႆႉတီႈ ၽၢႆႇဢွၵ်ႇ ဝဵင်းတၢၼ်ႇလိၼ်ႇ ပေႃးဢဝ်ၶၢဝ်းတၢင်းၼိူဝ်လိၼ်ဝႃႈ ၵႆယၢၼ် 22 လၵ်းသေ ၸၢင်ႈဢဝ်လူတ်ႉၵႃးၵႂႃႇမႃးလႆႈယူႇယဝ်ႉ။ မိူဝ်ႈပီ 1928 ၼၼ်ႉ လုၵ်ႉတီႈဝဵင်းပႃႇၵိူဝ်သေ လတ်းၶၢမ်ႈ ဝဵင်းတႅၵ်ႉၵလႃႉ၊ ဢူင်းၼႄး၊ တၼၢတ်ႉပိၼ်ႇၸိူဝ်းၼႆႉသေ ႁဵတ်းတၢင်းလူတ်ႉလဵၼ်းထိုင်ၸူး ဝဵင်းၶယၢၼ်းယဝ်ႉ။ ထိုင်မႃး 1931 မႃး ၸင်ႇလတ်းၶၢမ်ႈဝဵင်းပတူၵ်ႉသေ သိုပ်ႇႁဵတ်းတၢင်းလူတ်ႉလဵၼ်း တေႃႇထိုင် ဝဵင်းတူင်းၶႂႃႉ ၼၼ်ႉယဝ်ႉ။ ပေႃးလုၵ်ႉတီႈ ဝဵင်းပႃႇၵိူဝ် သေ ၸွမ်းတၢင်းလူတ်ႉလဵၼ်းမႃးၼႆ ၵႆယၢၼ် 49 လၵ်းသေ ပေႃးလုၵ်ႉတီႈ ၽၢႆႇၸၢၼ်း ဝဵင်းၶယၢၼ်း မႃးၼႆ ၵႆယၢၼ် 11 လၵ်းယဝ်ႉ။ ၵူၺ်းၵႃႈဝႃႈ ၸိူဝ်းပဵၼ်တၢင်းလူတ်ႉလဵၼ်းၼၼ်ႉ ၵျပၢၼ်ႇၶဝ် ယႃႉလႅဝ်ပႅတ်ႈ မိူဝ်ႈၼႂ်း သိုၵ်းၵမ်ႇၽႃႇပွၵ်ႈသွင် ၼၼ်ႉယဝ်ႉ။ သဵၼ်ႈမၢႆႁူဝ်ၼပ်ႉၵူၼ်း ဢၼ်ၵဵပ်းမိူဝ်ႈ ပီ 2014 ၼၼ်ႉ မီးၵႂႃႇ 157,774 ၵေႃႉယဝ်ႉ။

ဢၼ်ပဵၼ်ၸုမ်း မူတ်းသႂ်ႇဝၢၼ်ႈဝဵင်းၵိုၼ်း ၸုမ်းမျူႇၼီႇၸီႇပႄႇ ၼၼ်ႉ လႆႈၽွတ်ႈႁႅၼ်းမႃး မိူဝ်ႈပီ 1920 လိူၼ်ဢေႇပရ​ႄႇ 1 ဝၼ်းၼၼ်ႉယဝ်ႉ။ ယၢမ်းလဵဝ်တႄႉ ဢမ်ႇႁွင်ႉဝႃႈ ၸုမ်းမျူႇၼီႇၸီႇပႄႇယဝ်ႉသေ လႅၵ်ႈလၢႆႈႁွင်ႉဝႃႈ ၸုမ်းဝဵင်းမူၼ်းၵူၼ်းၵိုၼ်းၸႄႈဝဵင်း ()  ၼႆသေ ႁဵတ်းသၢင်ႈၼႃႈၵၢၼ်ယူႇယဝ်ႉ။ ယွၼ်ႉသင်လႄႈ ႁွင်ႉဝႃႈ တူင်းၶႂႃႉ သၢမ်ႈငၢမ်ႈ ၼႆၸိုင် ယွၼ်ႉပိူဝ်ႈမၼ်းၵႂႃႇမီးဝႆႉတီႈ ပၢၵ်ႇႁွင်ႈသၢမ်ႁွင်ႈ ၸိူဝ်းပဵၼ် ႁွင်ႈမေႃႇဝုၼ်း၊ ႁွင်ႈဢူၵ်ႉၵၢၼ်ႇ၊ ႁွင်ႈၼၢၼ်ႉယေႃး ၸိူဝ်းၼႆႉလႄႈ ၸင်ႇလႆႈဝႃႈ ဝဵင်းတူင်းၶႂႃႉ () ၼႆႉယဝ်ႉ။ မိူဝ်ႈၵူႈပွၵ်ႈၼႆႉ ပဵၼ်ၸႄႈဝဵင်း ဢၼ်ၶဝ်ႈသၢၼ် ဢွၵ်ႇၼမ်သေပိူၼ်ႈ တီႈၼႂ်း ၸႄႈတွၼ်ႈႁၢၼ်ႇတႃႇဝတီႇၼၼ်ႉလႄႈ ၵၢၼ်ၶဝ်ႈၼႆႉ ပဵၼ်ပိူင်လူင်မၼ်းယဝ်ႉ။ ၵၢၼ်ၶဝ်ႈယဝ်ႉ ၸိူဝ်းပဵၼ် ၵၢၼ်ၵိူဝ်၊ ၵၢၼ်ၽုၵ်ႇသွမ်ႈထူဝ်ႇ ၸိူဝ်းၼႆႉၵေႃႈႁဵတ်းယဝ်ႉ။ တီႈၼိူဝ်ဝဵင်းၼႆႉ မီးႁူင်းၵၢၼ်ၸၢၵ်ႈၶဝ်ႈ ၸၢၵ်ႈၼမ်ႉမၼ်း သေယဝ်ႉ။

တီႈၼိူဝ်ဝဵင်းတူင်းၶႂႃႉၼႆႉ မီးဝႆႉ ႁူင်းႁဵၼ်းလူင်ပွင်ၸိုင်ႈ 2 ႁူင်းယဝ်ႉ။ ႁူင်းပလိၵ်ႈ၊ ႁူင်းယႃ၊ ႁူင်းသူင်ႇလိၵ်ႈ ၸိူဝ်းၼႆႉၵေႃႈမီးယဝ်ႉ။ တီႈၼိူဝ်ဝဵင်းၼႆႉ မီးဝႆႉ ၽြႃးသွင်သူ ၽြႃးပႅတ်ႇၼႃႈ လႄႈ ၽြႃးတွင်းလူင် ၼႆသေ ဢၼ်ပဵၼ် ၽြႃးတွင်းလူင်ၼႆႉ မီးဝႆႉတၢင်းၶဝ်ႈဝဵင်းတူင်းၶႂႃႉၼၼ်ႉယဝ်ႉ။ တီႈၸႄႈဝဵင်းတူင်းၶႂႃႉၼႆႉ မီးဝႆႉ ဝၢၼ်ႈ 1747 ငၺၼ်ႈယဝ်ႉ။ တၢင်းၢင်ႈၶႂၢင် ၸႄႈဝဵင်းတင်းဢၼ်ၼႆႉ မီး 8311 လွၵ်းလၵ်းယဝ်ႉ။ ႁူဝ်ၼပ်ႉၵူၼ်း မိူဝ်ႈပီ 1972 ၼၼ်ႉ လၢမ်းဝႃႈ မီး 101000 ၵေႃႉၼႆႉယဝ်ႉ။ ၵူၼ်းၵမ်ႉၼမ် ပဵၼ်ၵူၼ်းႁဵတ်းၼႃးသေ ႁႃလဵင်ႉတွင်ႉယဝ်ႉ။




#Article 45: တူင်ႇဝိူင်းၵူၼ်း (256 words)


လွင်ႈၶိုၼ်ႈယႂ်ႇမုၼ်းလႅင်း

	ပေႃးလၢတ်ႈထိုင် “လွင်ႈၶိုၼ်ႈယႂ်ႇမုၼ်းလႅင်း”ၼႆ လွင်ႈၼႆႉ တေႁူမ်ႇငမ်း “လွင်ႈလႅၵ်ႈလၢႆႊ”ၵူႊလၢႆပႃႈၵူႊ လၢႆၾၢႆႇၶွင်တူင်ႇဝူင်းၵူၼ်းႁဝ်း။ လႅၼ်ႊၶွင်လွင်ႈၶိုၼ်ႈယႂ်ႇမုၼ်းလႅင်းၼႆႉ မၼ်းလၢၵ်ႇလၢႆၵႂၢင်ႈၶႂၢင်တေႉတေႉ၊ တေႁူမ်ႈ ဢဝ်ၸဵမ် လွင်ႈၵၢၼ်မၢၵ်ႈမီး၊ လွင်ႈၵၼ်ၵူၼ်း၊ လွင်ႈၵၢၼ်မိူင်း၊ လွင်ႈမုၵ်ႉၸုမ်း၊ လွင်ႈပၢႆးၸၢင်ႊလၢႆလၢႆၸိူဝ်း(ၸိူင်ႉ ၼင်ႇ ပၢႆးသၢႆႊတူဝ်ႁၢင်ႊ ဢမ်ႇၼၼ် ပၢႆးသၢႆႊၾိင်ႈတိုၼ်းပဵၼ်၊ ပၢႆးၸၢင်ႊၸၢၵ်ႈလႄႈ ၵၢၼ်သိုဝ်ႇသၢၼ်)၊ လွင်ႈသိုင်ႇ ဝႅတ်ႉလွမ်ႉ၊ လွင်ႈပၢႆးၵိူဝ်းယမ်၊ လွင်ႈပၢႆးမွၼ်းလႄႈၽိင်ႈငႄႈၸိူဝ်းၼႆလႂ်ယဝ်ႉ။ ၽူႈဢၢၼ်ႇမၢင်ႊၵေႃႉယင်းတေဝႃႈ ၵႃႊၼင်ႇလၢတ်ႈမႃးၼႆႉ ယင်းတိုၵ်ႉၵႅပ်ႈယူႇၼႆၵွၼ်ႇ။

	ၵမ်းၼႆႉတေသိုပ်ႇၶႆႊၼေတီႈပွင်ႇလွင်ႈၶိုၼ်ႈယႂ်ႇမုၼ်းလႅင်းသၢမ်ဢၼ်။ ဢၼ်ထီႈၼိူင်ႈ ပဵၼ်လွင်ႈၶိုၼ်ႈယႂ်ႇ မုၼ်းလႅင်းၸွမ်းသၢႆပိုၼ်းလႄႈဢၼ်ၸႂ်ႉၶၢဝ်းယၢမ်းႁိုင်၊ ယဝ်ႉၵေႃႈ ပဵၼ်ၼင်ႇသၢႆၵၢၼ်ပဵၼ်(process)လွင်ႈလႅၵ်ႈ လၢႆႊ။ ထီႈသွင်တႄႉပဵၼ်လွင်ႈထတ်းသၢင်ၶူၼ်ႉၶႆႈဢၼ်ၵွင်ႉၵၢႆႇတင်းပေႃႇလသီႇ ဢမ်ႇၼၼ် ဢၼ်လႆႈမီး ၶိူင်ႈ တႅၵ်ႈၶိူင်ႈယင်ႇ၊ ယဝ်ႉၵေႃႈ ဢိင်ၼိူဝ်ၵၢၼ်ၶၢတ်ႈလၢမ်းႁိဝ်ႈၸင်ႈလႄႈ ဢိင်ၼိူဝ်ၼႂ်းၶၢဝ်းပွတ်းတေႃႇၶၢဝ်းၵၢင်။ ဢၼ်ထီႈသၢမ်ႈတႄႉ ပဵၼ်လွင်ႈဢၼ်ပၢႆးၼေႁႂ်ႈႁူႉၸၵ်းလွင်ႈၶိုၼ်ႈယႂ်ႇမုၼ်းလႅင်း ဢၼ်ဢိင်ၼိူဝ်ပၢႆးဝူၼ်ႉပၢႆးႁၼ် မိူင်းဝၼ်းတူၵ်းၶဝ်၊ ယဝ်ႉၵေႃႈ ယုၵ်းမုၼ်းလၢႆးတၢင်းတႃႇတေလႅၵ်ႈလၢႆႊႁႃတၢင်းဢွၵ်ႇမႂ်ႇမႂ်ႇတႃႇပၢႆးႁၼ်မႂ်ႇမႂ်ႇ ၼၼ်ႉယဝ်ႉ။

	လွင်ႈၶိုၼ်ႈယႂ်ႇႁုၼ်ႈမုၼ်းဢၼ်ထီႈၼိူင်ႈ ဢမ်ႇၼၼ် ဢၼ်ပဵၼ်ပၢႆးႁၼ်ထီႈၼိူင်ႈၼၼ်ႉတႄႉ ပဵၼ်လွင်ႈၶိုၼ်ႈ ယႂ်ႇမုၼ်းလႅင်း ဢၼ်ပဵၼ်သၢႆၵၢၼ်လွင်ႈလႅၵ်ႈလၢႆႊယူင်ႉသၢင်ႈတူင်ၵူၼ်းတင်းလုမ်ႈယဝ်ႉ။ ၽူႈႁူႉမေႃမၢင်ႊၵေႃႉ ပိုတ်ႇတီႈပွင်ႇဝႃႈ ပဵၼ် “သၢႆၵၢၼ်လွင်ႈလႅၵ်ႈလၢႆႊသၢႆပိုၼ်း” ၼႆယဝ်ႉ။ ၽူႈႁူႉမေႃ ဢၼ်ၸိုဝ်ႈႁွင်ႉဝႃႈ “ၵေႃး” တႄႉ လၢတ်ႈဝႃႈ “လွင်ႈလႅၵ်ႈလၢႆႊပူၵ်းသၢင်ႈ ၵဵဝ်ႇၵပ်းလူၺ်ႈယူင်ႉသၢင်ႈ”လႄႈ “လွင်ႈလႅၵ်ႈလၢႆႊပူၵ်းသၢင်ႈၾၢႆႇ လွင်ႈၵၢၼ်မၢၵ်ႈမီးလႄႈ လွင်ႈၵၼ်ၵူၼ်း ၼႂ်းၶၢဝ်းယၢဝ်း” မိူဝ်ႈၼႂ်းၸူဝ်ႊပီႊ 1950 လႄႈ1960 ၼၼ်ႉ ၸၢင်ႊ လၢတ်ႈလႆႈဝႃႈ ပဵၼ်လွင်ႈၶိုၼ်ႈယႂ်ႇမုၼ်းလႅင်း ဢၼ်ယူႇၼႂ်းပၢႆးႁၼ်ဢၼ်ၼႆႉၼႆ။

	ပၢႆးႁၼ်ဢၼ်ၼႆႉ ပိူင်လူင်မၼ်းပၵ်းၸႂ်ၼိူဝ် သၢႆၵၢၼ်လွင်ႈလႅၵ်ႈလၢႆႊယူင်ႉသၢင်ႈတူင်ႇၵူၼ်းတင်းလုမ်ႈ၊ ယဝ်ႉၵေႃႈ ပဵၼ်ပၢႆးႁၼ်ဢၼ်တူၺ်းၼႂ်းၶၢဝ်းယၢဝ်းလႄႈ ပၢႆးႁၼ်ဢၼ်တူၺ်းသၢႆပိုၼ်း။ ပေႃးၼႆၸိုင် သင်ၸိူဝ်ႉဝႃႈ တွၼ်ႊၵၼ်ပိူင်ယႂ်ႇၶွင်ၼႂ်းတူင်ႇၵူၼ်းသေတွၼ်ႊတွၼ်ႊမီးလွင်ႈလႅၵ်ႈလၢႆႊၸိုင် တၢင်ႇၾၢႆႇတၢင်ႇၵၼ်တွၼ်ႊၶွင်ၼႂ်း တူင်ႇၵူၼ်းၵေႃႈ မီးတၢင်းလႅၵ်ႈလၢႆႊၸွမ်းၼႆယဝ်ႉ။ တူဝ်ယၢင်ႇမၼ်းၸိုင် မိူၼ်ၸိူင်ႉၼင်ႇလွင်ႈလႅၵ်ႈလၢႆႊတူင်ႇၵူၼ်း ဢၼ်လုၵ်ႈတီႈၵၢၼ်ၽုၵ်ႇသွမ်ႈသူႇၸူး တူင်ႇၵူၼ်းဢၼ်ဢိင်ၼိူဝ်ႁူင်းၵၢၼ်ၸၢၵ်ႈ(မၢင်ႊပွၵ်ႈတေလၢတ်ႈဝႃႈလုၵ်ႉ တီႈပၢၼ်ၵွၼ်ႇ သူႇၸူး ပၢၼ်မႂ်ႇ)။ ယဝ်ႉၵေႃႈလွင်ႈလႅၵ်ႈလၢႆႊဢၼ်ၼႆႉ ႁဵတ်းႁႂ်ႈလွင်ႈၵွင်ႉၵၢႆႇၵၼ်ၼႂ်းၵႄႇၸၼ်ႉထၢၼ်ႈ ၵူၼ်းလႄႈၸုမ်းၵူၼ်းႁဝ်းၵေႃႈလႅၵ်ႈလၢႆႊမႃး။ ၶႂ်ႈဝႃႈၼႆႉ လွင်ႈၶိုၼ်ႈယႂ်ႇမုၼ်းလႅင်း ၶဝ်ႈပႃးဝႆႉ လွင်ႈလႅၵ်ႈလၢႆႊယူင်ႉ သၢင်ႈပၢႆးမၢၵ်ႈမီးတူင်ႇၵူၼ်း ႁူမ်ႈပႃးတင်းလွင်ႈပဵၼ်ၸဝ်ႈၶွင်ၶိၼ်ႈ၊ လွင်ႈၵၢၼ်ႁဵတ်းဢွၵ်ႇၶူဝ်းၶွင်၊ လွင်ႈပၢႆးၸၢင်ႊ ပၢႆးသႅၼ်ႉ၊ လွင်ႈယူင်ႉသၢင်ႈၸုမ်းၾၢႆႇလႄႈလွင်ႈမၢႆမီႈၽိင်ႈမိူင်းၸိူဝ်းၼႆယဝ်ႉ။

	ပေႃးၶၢဝ်းယၢမ်းလႅၵ်ႈလၢႆႊၵေႃႈ ၵမ်ႈၼမ်ၼမ်တႄႉ ၸိုင်ႈမိူင်းၵူႊဢၼ်ဢၼ် ႁူပ်ႉထူပ်းလွင်ႈၶိုၼ်ႈယႂ်ႇပၢႆး မၢၵ်ႈမီးလႄႈ လွင်ႈလႅၵ်ႈလၢႆႊတူင်ႇၵူၼ်းယူႇၵွၺ်း။ တႃႇတေၶိုၼ်ႈယႂ်ႇလႄႈလႅၵ်ႈလၢႆႊမႃးၸိူင်ႉၼႆၵေႃႈ လႆႈဢဝ်ၶၢဝ်း ယၢမ်းၼပ်ႉႁူဝ်ပၢၵ်ႇပီႊယူႇယဝ်ႉ၊ ယဝ်ႉၵေႃႈ လွင်ႈလႅၵ်ႈလၢႆႊၸိူင်ႉၼႆၼႆႉ တီႈၼႆႉ ႁဝ်းႁပ်ႉႁၼ်ဝႃႈ ပဵၼ်လွင်ႈ ၶိုၼ်ႈယႂ်ႇမုၼ်းလႅင်းၼႆယဝ်ႉ။ ပၢႆးႁၼ်ၵဵဝ်ႇလူၺ်ႈလွင်ႈၶိုၼ်ႈယႂ်ႇမုၼ်းလႅင်းၼႆႉ ဢမ်ႇတၢပ်ႈလူဝ်ႇၵွင်ႉၵၢႆႇတင်း လွင်ႈ လႅၵ်ႈလၢႆႊဢၼ်လီ။ တီႈတေႉတေႉမၼ်းၸိုင် လွင်ႈၶိုၼ်ႈယႂ်ႇမုၼ်းလႅင်းၼႆႉ ၸၢင်ႊၵႆႉမီးလွင်ႈယူပ်ႈလူင်း၊ လွင်ႈၶွင်ႉ ၶမ်လႄႈ ငဝ်းလၢႆးဢၼ်မီးလွင်ႈၶွင်ႈၶမ်တင်းလၢႆယူႇ။ ၵူၺ်းၼႃႇ လွင်ႈၸိူဝ်းၼႆႉၼႆႉ တေၶဝ်ႈပႃးမီးယူႇၼႂ်းပၢႆးႁပ်ႉ ႁၼ်ၶွင် လွင်ႈလႅၵ်ႈလၢႆႊပၢႆးမၢၵ်ႈမီးတူင်ႇၵူၼ်း။

	ပၢႆးႁၼ်လွင်ႈၶိုၼ်ႈယႂ်ႇမုၼ်းလႅင်းထီႈသွင်တႄႉ ပေႃးၸွမ်းၼင်ႇ ႀွမ်းမသ်ႉလၢတ်ႈၸိုင် “ပဵၼ်လွင်ႈတႅၵ်ႈ ယင်လွင်ႈလႅၵ်ႈလၢႆႊဢၼ်မီးတၢင်းၶိုပ်ႈၼႃႈ”၊ “ၵေႃး”တႄႉ တေလၢတ်ႈဝႃႈပဵၼ် “လွင်ႈၼပ်ႉသၢင်ႈထတ်းသၢင် လွင်ႈတူင်ႉၼိုင်ႁဵတ်းသၢင်ႈ။ ပၢႆးႁၼ်ဢၼ်ၼႆႉ တီႈပွင်ႇမၼ်းၵေႃႈၵႅပ်ႈ၊ ယဝ်ႉၵေႃႈ ပဵၼ်ပၢႆးႁၼ်ဢၼ်ဢိင်ၼိူဝ်ၶူဝ်း ၶွင်ဢမ်ႇၼၼ် ပၢႆႊၸၢင်ႊ။ ၸၼ်ႉပိုၼ်ႉထၢၼ်ႈၶွင်ပၢႆးႁၼ်ဢၼ်ၼႆႉတႄႉ ၵမ်ႈၼမ်ၼမ်တေၵဵဝ်ႇၵွင်ႉတင်း လွင်ႈၶိုၼ်ႈ ယႂ်ႇမုၼ်းလႅင်းဢၼ်ပဵၼ်မႃးၼႂ်းၶၢဝ်းပွတ်းတေႃႇၶၢဝ်းၵၢင် ဢၼ်မီးလွင်ႈတႅၵ်ႈယင်ႇတၢင်းတူင်ႉၼိုင်ႁဵတ်းသၢင်ႈ။ ၸၢင်ႊလၢတ်ႈလႆႈဝႃႈ လွင်ႈၶိုၼ်ႈယႂ်ႇမုၼ်းလႅင်းဢၼ်ၼႆႉ မီးတႃႈယိူင်းဢၢၼ်းဢမ်ႇၼၼ် ၽွၼ်းလႆႈ ဢၼ်ၸၢင်ႊ တႅၵ်ႈယင်ႇလႄႈ ၼိူင်းတင်းၸၢၵ်ႇမၢႆ(ၸိူင်ႉၼင်ႇ လွင်ႈလႅၵ်ႈလၢႆႊတီႈလွင်ႈၵွတ်းၽၢၼ် ဢမ်ႇၼၼ် လွင်ႈလႅၵ်ႈလၢႆႊ တီႈလွင်ႈၸၼ်ႉထၢၼ်ႈငိုၼ်းၶဝ်ႈ)

	ပၢႆးႁၼ်ထီႈသွင်ၼႆႉ ပိူင်လူင်မၼ်းပၵ်းၸႂ်ၼိူဝ်လွင် ၽွၼ်းလႆႈၶွင်လွင်ႈလႅၵ်ႈလၢႆႊသေ ပဵၼ်ပၢႆးႁၼ်ဢၼ် ဢိင်ၼိူဝ်ၶၢဝ်းပွတ်း။ လွင်ႈၶိုၼ်ႈယႂ်ႇမုၼ်းလႅင်းဢၼ်ၼႆႉ သမ်ႉၸၢင်ႊၵႆႉပဵၼ်လွင်ႈၶွင်ႈၶမ်ပုၼ်ႈတႃႇ ၽူႈႁူႉမေႃၸိူဝ်း ယူႇၼႂ်းမူႇမုၵ်ႉၽုင်ၵူၼ်းလွင်ႈၶိုၼ်ႈယႂ်ႇမုၼ်းလႅင်းၼၼ်ႉဝႆႉယူႇ။ ယွၼ်ႉဝႃႈ တႃႇယိူင်းဢၢၼ်း ဢမ်ႇၼၼ် ယိူင်းမၢႆ ၶွင်လွင်ႈၶိုၼ်ႈယႂ်ႇမုၼ်းလႅင်းဢၼ်ၼႆၼၼ်ႉ ၵူၼ်းတင်းၼမ်တေဢမ်ႇၸၢင်ႊလႆႈႁူမ်ႈၸွမ်းလႄႈ တေဢမ်ႇလႆႈၼမ်ႉ တွၼ်းသင်ၼၼ်ႉယဝ်ႉ။ 

	ပၢႆးႁၼ်လွင်ႈၶိုၼ်ႈယႂ်ႇမုၼ်းလႅင်းထီႈသၢမ်တႄႉ ပဵၼ် “လွင်ႈၶိုၼ်ႈယႂ်ႇမုၼ်းလႅင်းဢၼ်ပၢႆးဝူၼ်ႉၵၢပ်ႈပၢၼ် မႂ်ႇၶွင်မိူင်းဝၼ်းတူၵ်းႁူမ်ႇငမ်း”ၼၼ်ႉယဝ်ႉ။ တီႈပွင်ႇၶွင် လွင်ႈၶိုၼ်ႈယႂ်ႇမုၼ်းလႅင်းဢၼ်လၢတ်ႈမႃးပႃႈၼိူဝ်ၼႆ သွင် ဢၼ်ၼၼ်ႉတႄႉ ဢိင်ၼိူဝ် ပၢႆးႁၼ်လွင်ႈလႅၵ်ႈလၢႆႊလႄႈ လွင်ႈၽွၼ်းလႆႈၼႆယဝ်ႉ။ တီႈပွင်ႇထီႈသၢမ်ၼႂ်းပၢႆးႁၼ် ထီႈ သၢမ်ၼႆႉသမ်ႉ ဢိင်ၼိူဝ်ပၢႆးႁပ်ႉႁၼ်ဢၼ်ဝႃႈ လွင်ႈၶိုၼ်ႈယႂ်ႇမုၼ်းလႅင်းၼႆႉ ၶဝ်ပႃးဝႆႉ “လွင်ႈလႅၵ်ႈလၢႆႊၸႃႉ” လႄႈ “ၽွၼ်းလႆႈၸႃႉ”၊ ၼႆႉပဵၼ်ပၢႆးဝူၼ်ႉလွင်ႈၶိုၼ်ႈယႂ်ႇမုၼ်းလႅင်းၶွင်မိူင်းဝၼ်းတူၵ်သေ ပဵၼ်ပၢႆးဝူၼ်ႉဢၼ်ႁူမ်ႇ ငမ်းဝႆႉၼိူဝ် “လူၵ်ႈထီႈသၢမ်” ဝႆႉယူႇၼၼ်ႉယဝ်ႉ။ ၼွၵ်ႈသေၼႆႉ ၶိုၼ်ႈယႂ်ႇမုၼ်းလႅင်း ဢမ်ႇၼၼ် လွင်ႈၶိုတ်းၵၢပ်ႈ ၶိုတ်းပၢၼ်ဢၼ်ဝႃႈၼၼ်ႉၵေႃႈ သမ်ႉလူဝ်ႇလႆႈမိူၼ်မိူင်းဝၼ်းတူၵ်းၶဝ်ၼႆၼၼ်ႉယဝ်ႉ။

	ၼၼ်သေ မိူဝ်ႈလႂ်ပၢႆးဝူၼ်ႉမိူင်းဝၼ်းတူၵ်းၶဝ်ႁူမ်ႇငမ်းမႃးယဝ်ႉၸိုင် လွင်ႈၶိုၼ်ႈယႂ်ႇမုၼ်းလႅင်းၵေႃႈ ၵွင်ႉ ၵၢႆႇတင်းလွင်ႈၶိုတ်းၵၢပ်ႇၶိုတ်းပၢၼ်မႃး။ ၵူၼ်းယူႇတီႈ “လူၵ်ႈထီႈသၢမ်” ၵေႃႈ လွင်ႈၶိုတ်းၵၢပ်ႈပၢၼ်မႂ်ႇဢၼ်ဝႃႈ ၼၼ်ႉ ႁၼ်ဝႃႈ တေလႆႈမိူၼ်မိူင်းဝၼ်းတူၵ်းၶဝ်။ တီႈၼႆႉတေသပ်းလႅင်းၼေတီႈပွင်ႇလွင်ႈၶိုတ်းၵၢပ်ႈပၢၼ်မႂ်ႇၵွၼ်ႇ။ ပေႃးဝႃႈၶိုတ်းၵၢပ်ႈပၢၼ်မႂ်ႇၼႆ လွင်ႈပၢႆးမၢၵ်ႈမီးၵေႃႈ တေလႆႈပဵၼ်ၾၢင်ႁၢင်ႊမိူင်းဝၼ်းတူၵ်း၊ တေလႆႈၸႂ်ႉတိုဝ်း ပၢႆးမၢၵ်ႈမီးၵၢၼ်ၵၢတ်ႇ၊ ႁူင်းၵၢၼ်ၸၢၵ်ႈတေလႆႈႁိူင်း၊ လွင်ႈလႅၵ်ႈလၢႆႊယူႇသဝ်းပဵၼ်ၼင်ႇၾၢင်ႁၢင်ႊဝဵင်းၵေႃႈ တေလႆႈမီး(ၸိူင်ႉၼင်ႇ ၼႂ်းဝၢၼ်ႈၵေႃႈမီးထီးဝီး၊ မီးၶိူင်ႈၸၢၵ်ႈလူတ်ႉၵႃး)၊ လွင်ႈၸႂ်ႉတိုဝ်းပၢႆးၸၢင်ႊၵေႃႈၼမ်တိူဝ်း မႃးၸိူဝ်းၼႆႉယဝ်ႉ။

	တူင်ႇၵူၼ်းဢၼ်ၶိုတ်းၵၢပ်ႈပၢၼ်မႂ်ႇလူၺ်ႈပၢႆးဝူၼ်ႉမိူင်းဝၼ်းတူၵ်းၶဝ်ၸမ်း ပဵၼ်တူင်ႇၵူၼ်းဢၼ်ႁဵတ်း သင်ၵေႃႈ တေလႆႈမီးလွင်ႈတၢင်း(ယွၼ်ႉတွၼ်း)၊ ဝူၼ်ႉသင်ၵေႃႈတေလႆႈမီးလွင်ႈပၢႆးသၢႆႊ(မီးလွင်ႈတၢင်း၊ ၼေ လၵ်းထၢၼ်လႆႈ)၊ မီးပၵ်းပိူင်ၵၢၼ်မိူင်းလႄႈ မီးလွင်ႈၶိုၼ်ႈယႂ်ႇလွင်ႈပၢႆးမၢၵ်ႈမီး။




#Article 46: တူၼ်ႈတီး (272 words)


ဝဵင်းတူၼ်ႈတီး (), (), (), () ၼႆႉ မီးၼႂ်း ၸေႊဝဵင်းတူၼ်ႈတီး၊ ၸေႊတွၼ်ႈတူၼ်ႈတီး၊ ၸေႊမိူင်းတႆး၊ မိူင်းမျၢၼ်ႇမႃႇသေ ပဵၼ်ဝဵင်းပၵ်းလုမ်း ၸႄႈမိူင်းတႆး ၶႃႈဢေႃႈ။

မိူဝ်ႈဢင်းၵိတ်ႉၶဝ် ပႆႇၶဝ်ႈမိူင်းၼၼ်ႉ တူၼ်ႈတီးၼႆႉ တိုၵ်ႉပဵၼ်ဝၢၼ်ႈဢွၼ်ႇ မီးႁိူၼ်းသုမ်ႉဢွၼ်ႇ လၢႆလင်ၼၼ်ႉၵွၺ်း။ ထိုင်ပၢၼ်ဢင်းၵိတ်ႉ ဢုပ်ႉမိူင်းၼၼ်ႉၸင်ႇ တူၼ်ႈတီးၼႆႉ ပဵၼ်ဝဵင်းပၵ်းလုမ်း လူင်ပွင်ၸိုင်ႈ တႃႇမိူင်းတႆးပွတ်းၸၢၼ်း။ မိူဝ်ႈ ပ.ၶ 1894 ၼၼ်ႉ ၵွပ်ႈပိူဝ်ႈ ၼမ်ႉလိၼ်ႁိၼ်ၽႃလႄႈသင်၊ ပၢႆးယူႇလီလႄႈသင် လူင်ပွင်ၸိုင်ႈဢင်းၵိတ်ႉၶဝ် တႅပ်းတတ်း တႃႇလုမ်းလူင်ပွင်ၸိုင်ႈ ၸိူဝ်းပၵ်းဝႆႉ တီႈမိူင်းသွၵ်ႇ ဢၼ်မီးတီႈၾင်ႇဝၼ်းဢွၵ်ႇ ၼွင်ႁၢႆးယႃႈၼၼ်ႉ ၶၢႆႉၸူး တူၼ်းတီး။ တႄႇပီႊၼၼ်ႉသေ ဝဵင်းတူၼ်ႈတီးၵေႃႈ ၶိုၼ်ႈယႂ်ႇမႂ်ႇသုင်မႃးတိၵ်း⁠တိၵ်းယဝ်ႉ။

မိူဝ်ႈပီႊမိူင်း 1906 ၼၼ်ႉ မီးလင်ႁိူၼ်းႁဵင်ၼိူင်ႈ။ မိူဝ်ႈပီႊ 1900 ပၢႆးၸဝ်ႉၼၼ်ႉ ၵွပ်ႈပိူဝ်ႈတီႈမိူင်းတႆး ဢမ်ႇပႆႇငမ်းယဵၼ်လႄႈ ဝဵင်းတူၼ်ႈတီးၼႆႉ ပဵၼ်ပၢင်သဝ်း တပ်ႉသိုၵ်းဢင်းၵိတ်ႉၶဝ် ဢၼ်လမ်ႇလွင်ႈတီႈသုတ်း။ ပၢႆပဵၼ် ပၢင်သဝ်း ဢၼ်ၵမ်ႉၸွႆႈ ၶဝ်ႈၼမ်ႉတၢင်းၵိၼ် တႃႇတပ်ႉသိုၵ်းဢင်းၵိတ်ႉ ၼႂ်းမိူင်းတႆး။

ၢဝ်းၶိူဝ်းၵူၼ်း ၸိူဝ်းယူႇသဝ်းတီႈတူၼ်ႈတီးၸမ်း ပိူင်ယႂ်ႇမၼ်းပဵၼ် တႆး၊ မၢၼ်ႊ၊ ပဢူဝ်း၊ ဢၢင်းသႃး။ ၼွၵ်ႈသေ ၸၢဝ်းၶိူဝ်းပိုၼ်ႉတီႈ မီး ၶႄႇ လႄႈ ၵႃးလႃးမုသ်ႉလိမ်းၶဝ် ယူႇသဝ်း။ ၵူၼ်းဝဵင်းတူၼ်ႈတီးၶဝ်ၵမ်ႈၼမ်ၵေႃႈ ပဵၼ်ၸၢဝ်းပုတ်ႉ မိူၼ်ၼင်ႇ တၢင်ႇတီႈတၢင်လႅၼ်ႊ ၼႂ်းမိူင်းမၢၼ်ႊ။ မီးဝတ်ႉဝႃးၽႃသိူဝ်ႇ ၸၢဝ်းပုတ်ႉၶဝ် ၸွတ်ႇတူဝ်ႈဝဵင်း။

တီႈတူၼ်ႈတီးၼႆႉ မီးၸၢဝ်းၶရိတ်ႉၵမ်ႈၽွင်ႈယူႇသဝ်းသေ ပဵၼ် ၸၢဝ်းရူဝ်ႇမႅၼ်ႇၶႅတ်ႉလိၵ်ႉ လႄႈ ၸၢဝ်းပႅပ်ႉတိသ်ႉၶဝ်။ မီးပလီႇၸၢဝ်းမုသ်ႉၶဝ် သီႇလင်ေသၸၢဝ်းမုသ်ႉလိမ်းၶဝ်ၵမ်ႈၼမ် ၵႂႃႇဝႆႈတီႈ ပလီႇႁူဝ်ဝဵင်း၊ ပလီႇၵၢင်ဝဵင်း လႄႈ ပလီႇတၢင်းၸၢၼ်း။ ၶႄႇပၢၼ်းသေးၶဝ်တႄႉ ၵႂႃႇဝႆႈတီႈပလီႇပၢၼ်းသေးၶဝ်ၵွၺ်း။ ဝတ်ႉၶႄႇ ဢၼ်ၸၢဝ်းၶႄႇၶဝ် ၵႂႃႇဝႆႈၼၼ်ႉၵေႃႈ မီးယူႇၵမ်ႈၽွင်ႈ။

တူၼ်ႈတီးၼႆႉ ပဵၼ်ဝဵင်းဢၼ် ၵူၼ်းထွင်ႊလႄႇၶဝ် ႁိုၼ်ႇသူင်လႄႇလၢဝ်း။ မီးႁႃႈဝၼ်းၼိူင်ႈၵၢတ်ႇသေ ပေႃးဝၼ်းၵၢတ်ႇမႃး မီးၵူၼ်းဝၢၼ်ႈၼွၵ်ႈၼႃးပၢင်ႇ ႁိမ်းႁွမ်းတူၼ်ႈတီးၶဝ် မႃးၶဝ်ႈၵၢတ်ႇသေ ၵိုၼ်းဢိုၵ်ႉ⁠ဢိုၵ်ႉဝႆႉ။ ၵူၺ်းၵႃႊ ၾၢင်ႁၢင်ႊဝဵင်းလူင် ပီႇလီမႃးယႂ်းယႂ်းလႄႈ ၾိင်ႈဝၼ်းၵၢတ်ႇၵေႃႈ ၶႂ်ႈဝွတ်ႈဝၢႆးႁၢႆမႃးလွႆး⁠လွႆးယဝ်ႉ။ ၵႃႈတီႈဝၢၼ်ႈႁိမ်းႁွမ်းတူၼ်ႈတီးၼၼ်ႉတႄႉ တိုၵ်ႉလႆႈႁၼ် ၾိင်ႈဝၼ်းၵၢတ်ႇယူႇ။

တီႈထုင်ႉၼွင်ႁၢႆးယႃႈ ဢၼ်မီးၸမ် တူၼ်ႈတီးၼၼ်ႉၵေႃႈ တေလႆႈႁၼ် ၾိင်ႈထုင်းယဵၼ်ႇငႄႈ ဢၢင်းသႃးၶဝ်။ ပွႆးၽြႃးၸၢမ်ၵဝ်ႈတွၼ်ႊ (ၽွင်ႇတေႃႇဢူး) ဢၼ်ၸတ်းႁဵတ်း မိူဝ်ႈလိူၼ်ၵဝ်ႈၵူႊပီႊၼၼ်ႉၵေႃႈ ပဵၼ်ပွႆးလူင်ၶိုၵ်ႉၶၢႆး တႃႇမိူင်းတႆးဢၼ်ၼိူင်ႈယဝ်ႉ။ မူၺ်ႇတေႃႇၵၢတ်ႇၵူႇ ဢၼ်ၸမ်တင်းတူၼ်ႈတီးၼၼ်ႉ ပဵၼ်ၵွင်းမူးသႅမ်း ဢၼ်ၵေႃႇဝႆႉ ၸဵမ်မိူဝ်ႈႁူဝ်ပၢၵ်ႇပီႊသိပ်းႁူၵ်း။ ၼွၵ်ႈသေၼႆႉ မီးထႅင်ႈ ၵွင်းမူးသူၺ်ႇၽုင်းပုၼ်ႉ၊ လွႆမျႃႉၸဵင်း၊ ၽြႃးမုင်ႈမိူင်း၊ ထမ်ႈမုင်ႇတဝႃႉ ၸိူဝ်းၼၼ်ႉၵွၼ်ႇ။

ၵွပ်ႈပိူဝ်ႈ တူၼ်ႈတီးၼႆႉ ပဵၼ်ဝဵင်းငဝ်ႈၸိုင်ႈမိူင်းတႆးလႄႈ မီးလုမ်းလူင်ပွင်ၸိုင်ႈ ၸၼ်ႉၸေႊမိူင်း၊ ငဝ်ႈၸိုင်ႈတိူင်းသိုၵ်းပွတ်းဢွၵ်ႇ၊ ၸၼ်ႉၸွမ်တူၼ်ႈတီး၊ ၵေႃးလဵၵ်ႉပၢႆးႁူႉမေႃ၊ ႁူင်းၼႄယဵၼ်ႇငႄႈမိူင်းတႆး ၸိူဝ်းၼၼ်ႉ။

ဝၼ်းထီႈ 21/09/2014 မီးၵၢၼ်ၸတ်းပၢင်ႁပ်ႉတွၼ်ႈ တုင်းၸၢတ်ႈတႆး တီႈႁူင်းႁေႃၵေႃလိၵ်ႈလၢႆးလႄႈ ၾိင်ႈငႄႈတႆး တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း မီးၸုမ်းၼၢင်းယိင်းတႆး၊ ၸုမ်းၵူၼ်းၼုမ်ႇတႆးၸိူဝ်းၼႆႉ ၼုင်ႈသိူဝ်ႈၶူဝ်းတႆး၊ ႁူမ်တင်းႁႆႇၵွင်မွင်း ၼူၵ်ႉတူဝ်းသေ မႃးၶဝ်ႈႁူမ်ႈႁပ်ႉတွၼ်ႈၵိုၼ်းၶွၼ်ႈ ဢမ်ႇယွမ်းမွၵ်ႈ 400-500 ။

တုင်းၸၢတ်ႈတႆး ဢၼ်ၸတ်းပၢင်ႁပ်ႉတွၼ်ႈ ပွၵ်ႈၵမ်းၼႆႉ ယူႇတီႈပီႈၼွင်ႉတႆးဝဵင်းတူၼ်ႈတီး ၵႂႃႇႁပ်ႉဢဝ်မႃး တီႈဝဵင်း ၵဵင်းတုင် ၸိုင်ႈတႆးပွတ်းဢွၵ်ႇ။ ပဵၼ်တုင်းၸၢတ်ႈတႆး ၽိုၼ်ယႂ်ႇ ဢၼ်ပူၵ်း/တၢင်ႇ တီႈပၢင်ပွႆးပီႊမႂ်ႇတႆး ဝဵင်းၵဵင်းတုင် ဢၼ်ၸတ်းမိူဝ်ႈပီႊတႆး 2107 ပူၼ်ႉမႃး၊ ပဵၼ်ပၢင်ပွႆးပီႊမႂ်ႇတႆး ဢၼ်ၸတ်းယႂ်ႇသုတ်း ၼႂ်းၸိုင်ႈတႆး ပွၵ်ႈၵမ်းတီႈၼိုင်ႈ။ ၵမ်းတီႈသွင် တေၸတ်းတီႈ ဝဵင်းတူၼ်ႈတီး ပွၵ်ႈၵမ်းၼႃႈၼႆႉ။

ပၢင်ပွႆးပီႊမႂ်ႇတႆး ပီႊတႆး 2109 ၼီႈ (ပီႊလပ်းမဵတ်ႉ/လပ်းမူတ်ႉ-ပီႊပႄႉ)ၼႆႉ တေတူၵ်းမႅၼ်ႈဝၼ်းတီႈ 22/11/2014 ။ ပီႊၼႆႉ ငဝ်ႈငုၼ်းၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းတူၼ်ႈတီး ဢွၼ်ႁူဝ်သေ ၵေႃလိၵ်ႈလၢႆးလႄႈ ၾိင်ႈငႄႈတႆး ၵူႈၸႄႈဝဵင်း ၼႂ်းၸိုင်ႈတႆးပတ်းပိုၼ်ႉ ႁူမ်ႈၵၼ်ၶိုင်ပွင်ႁဵတ်းသၢင်ႈလႄႈ တေမီးပႃးပၢင်ဢုပ်ႇဢူဝ်း (Seminar) လွင်ႈပိုၼ်းလႄႈ ၽိင်ႈငႄႈလိၵ်ႈလၢႆးၵူၼ်းၶိူဝ်းတႆး မိူၼ်မိူဝ်ႈၸတ်းတီႈၵဵင်းတုင်။ 

ပၢင်ပွႆးပီႊမႂ်ႇတႆး ဢၼ်ၸတ်းႁဵတ်း တင်ႈတႄႇဝၼ်းထီႈ 18-24/11/2014 ၼၼ်ႉ မိူဝ်ႈၼႆႉဝၼ်းထီႈ 18 ယၢမ်းပွတ်းၼႂ် လႆႈပိုတ်ႇပၢင်ပွႆးတီႈ ဝၢင်းဢဝေႇယႃႇ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ယဝ်ႉတူဝ်ႈၵႂႃႇလီငၢမ်း။ တီႈပၢင်ၵႅဝ်ႈ ပိုတ်ႇပၢင်ပွႆးၼႆႉ မီးၸွမ်ၽွင်းလူင်ၸိုင်ႈတႆး ၸဝ်ႈဢွင်ႇမျၢတ်ႈ၊ ႁူဝ်ပဝ်ႈၵေႃႇမတီႇၵေႃပွင်ပဵၼ်ပၢင်ပွႆး ၸၢႆးထုၼ်းမျၢတ်ႈ၊ ႁူဝ်ပဝ်ႈသၽႃးမိူင်းတႆး ၸၢႆးလူင်းသႅင်၊ ၵႅမ်ႁူဝ်ပဝ်ႈ သြႃႇၸၢႆးၶမ်းမၢတ်ႈ၊ ၽွင်းလူင်ၾၢႆႇပႃႇမႆႉလႄႈ ႁိၼ်ႁႄႈ လုင်းၸၢႆးဢၢႆႈပဝ်း၊ သြႃႇၸၢႆးဢွင်ႇထုၼ်း၊ ၶူးၼၢင်းၶိူဝ်းသႅၼ်၊ ၻွၵ်ႇတႂ်ႇၸၢႆးသၢင်ႇၽေႇ ၸိူဝ်းၼႆႉၶိုၼ်ႈႁွတ်ႈၶဝ်ႈႁူမ်ႈ။

တႃႇတေၵႂႃႇထိုင်လႆႈ တူၼ်ႈတီးၼႆႉ မီးသဵၼ်ႈတၢင်းၵႃးလၢႆ⁠လၢႆၵွၺ်း။ မိူဝ်ႈ 1995 ၼၼ်ႉ သိူဝ်ႇသဵၼ်ႈတၢင်းလႅင်ၾႆး လတ်းၽၢၼ်ႇ တူၼ်ႈတီးၵႂႃႇသေတႃႉ လုၵ်ႉတီႈတူၼ်ႈတီး ဢမ်ႇၸၢင်ႊၶိုၼ်ႈၶီႇလႅင်ၾႆးလႆႈ။ ပေႃးၶႂ်ႈၶီႇလႅင်ၾႆးလႆႈၵႂႃႇၶီႇတီႈ ဝဵင်းသူၺ်ႇၺွင်ႇ ဢၼ်ၵႆတင်းတူၼ်ႈတီး 12 လၵ်းၼၼ်ႉ။ ၶူင်ႇလႅင်ဝိၼ် ဢၼ်ၸမ်သေပိူၼ်ႈၼၼ်ႉ မီးတီႈႁၢႆးဝူဝ်းသေ ၵႆၵၼ် 24 လၵ်း။




#Article 47: တူၼ်ႈၺွင်ႇၽေႃးထိ ဢႃႇၼၼ်ႇတႃႇ (138 words)


ပေႃးၶၢဝ်းၽူၼ်ၼႆ ႁိမ်းႁွမ်းမိူင်းသႃႇဝတ်ႉထိၼၼ်ႉ ၽူၼ်လူင်ၵႆႉၵႆႉႁႃႇယႂ်ႇလႄႈ ၽြႃးပဵၼ်ၸဝ်ႈၼႆႉ ဢမ်ႇဢွၵ်ႇၶၢဝ်းတၢင်း၊ ၸင်ႇဢဝ်ဝႃႇတီႈၼႂ်းၵျွင်းၸေႇတဝၼ်ႇ မိူင်းသႃႇဝတ်ႉထိယူႇယဝ်ႉ။ ၽွင်းၽြႃးပဵၼ်ၸဝ်ႈလႄႈ သင်ႇၶႃႇၸဝ်ႈၶဝ် ဢဝ်ဝႃႇတီႈၵျွင်းၸေႇတဝၼ်ႇၼၼ်ႉ ၵူၼ်းၼႂ်းမိူင်းသႃႇဝတ်ႉထိၶဝ်သေဢမ်ႇၵႃး ၵူၼ်းမိူင်းႁိမ်းႁွမ်းၸိူဝ်းၼၼ်ႉၵေႃႈ ၽႅဝ်မႃးတီႈၵျွင်းၸေႇတဝၼ်ႇယူႇယဝ်ႉ။ ၶၢဝ်းၽွင်းၼၼ်ႉ တီႈၵျွင်းၸေႇတဝၼ်ႇၼႆႉ ၽြႃးပဵၼ်ၸဝ်ႈလႄႈ သင်ႇၶႃႇၸဝ်ႈၶဝ်တင်း ၽိၵ်ႉၶုၼီႇၶဝ်၊ ၼၢႆးၶၢဝ်ၶဝ် ၵူၼ်းႁိူၼ်းၶဝ် ပေႃးၵိုၼ်းလူင်ဝႆႉယဝ်ႉ။ ၵူၼ်းႁိူၼ်းၸိူဝ်းၼၼ်ႉ ယွၼ်ႉမင်ႇၵလႃႇတြႃးမီးမႃးဝႃႈ ၵႃလေၼ၊ ꩪမ်မသႃဝၼ မႃးထွမ်ႇငိၼ်းဢဝ်တြႃးၽြႃးပဵၼ်ၸဝ်ႈလႄႈသင်၊ ၵႃလေၼ၊ ꩪမ်မသႃၵတ်သႃ မႃးတွင်ႈထၢမ် ဢၼ်ၶဝ်ဢမ်ႇသၢင်းလၢင်းၼၼ်ႉ တမ်ႈတီႈၽြႃးပဵၼ်ၸဝ်ႈလႄႈ ၸင်ႇဢွၼ်ၵၼ်ၽႅဝ်မႃးယူႇယဝ်ႉ။

ပေႃးၶၢဝ်းၽူၼ်ပူၼ်ႉ ၾႃႉလႅတ်ႇၽူၼ်ႁိူင်မႃးတႄႉ ၽြႃးပဵၼ်ၸဝ်ႈလႄႈ သင်ႇၶႃႇၶဝ်ၸဝ်ႈ ဢွၵ်ႇပိုၼ်ၽႄထမ်ႇမတြႃးယူႇယဝ်ႉ။ ၽွင်းၽြႃးပဵၼ်ၸဝ်ႈၶဝ် ယေႃးၶိင်းဢွၵ်ႇၵႂႃႇၼၼ်ႉ တီႈၵျွင်းၸေႇတဝၼ်ႇၼႆႉ ဢမ်ႇၵိုတ်းၽႂ်ဝႆႉ။ ၵွပ်ႈၼၼ်လႄႈ ၵျွင်းၵေႃႈပဝ်ႇသူင်ႁူင်သေ တဵတ်ႇယဵၼ်ဝႆႉ။ ၽွင်းယၢမ်းၼၼ်ႉ ၵူၼ်းၵမ်ႈၽွင်ႈ ယင်းဢမ်ႇႁူႉဝႃႈ ၽြႃးပဵၼ်ၸဝ်ႈဢမ်ႇယူႇသဝ်းတီႈၵျွင်းၼႆၵွၼ်ႇ။ ပိူင်လူင်မၼ်း ၵူၼ်းၸိူဝ်းယူႇသဝ်းတီႈၵႆၵႆၼၼ်ႉ ဢမ်ႇႁူႉ၊ ၶဝ်ၸိူဝ်းၼၼ်ႉ တႃႇတေမႃးဝႆႈသႃၽြႃးပဵၼ်ၸဝ်ႈၼႆသေ ဢွၼ်ၵၼ်မႃးၼိုင်ႈၵေႃႉသွင်ၵေႃႉ၊ ႁဵတ်းၼၼ်သေ ၽႅဝ်မႃးၽေႃႈၽေႃႈၽႄႈၽႄႈလႄႈ ၵူၼ်းၸင်ႇၼမ်တိူဝ်းမႃးယူႇယဝ်ႉ။ ၵမ်ႈၽွင်ႈပႃးၶိူင်ႈၶူဝ်းလူႇတၢင်းတၢၼ်းသေ ၽႅဝ်မႃးတီႈၵျွင်းယဝ်ႉ ၽိူဝ်ႇလႆႈႁူႉဝႃႈ ၽြႃးပဵၼ်ၸဝ်ႈဢမ်ႇယူႇသဝ်းတီႈၵျွင်းၼႆ ဢွၼ်ၵၼ်ၸႂ်တူၵ်းသေ ႁိူဝ်ႉမွႆႈၵႂႃႇယူႇယဝ်ႉ။ ႁဵတ်းၼၼ်သေ ၸင်ႇဢဝ်ၶိူင်ႈၶူဝ်းလူႇၶဝ်ၵွင်ဝႆႉ ႁိမ်းပၢၵ်ႇၽၵ်းတူၵၼ်ႇထၵုတိ တီႈၽြႃးပဵၼ်ၸဝ်ႈယူႇသဝ်းဢဝ်ၼႃႇၼၼ်ႉယဝ်ႉသေ မိူဝ်းၶိုၼ်းႁင်းၽႂ်ႁင်းမၼ်းယူႇယဝ်ႉ။

ပေႃးဝႃႈ တၵ်ႉၵႃႇၵျွင်းလူင် ဢၼႃႇထပိၼ်ႇတိၵ ႁူႉငိၼ်းလွင်ႈၼႆႉယဝ်ႉၵေႃႈ ယိၼ်းပဵၼ်ဢၼ်ၸႂ်ဢမ်ႇလီတႄႉတႄႉယူႇယဝ်ႉ။ ၵူၺ်းၵႃႈ ၽွင်းၶၢဝ်းၽူၼ်ၼႆ ၽြႃးပဵၼ်ၸဝ်ႈၶဝ် ဢဝ်ဝႃႇသေ ပေႃးဝႃႈၾႃႉလႅတ်ႇၽူၼ်ႁိူင်မႃး ၽြႃးပဵၼ်ၸဝ်ႈၶဝ် ဢွၵ်ႇၵႂႃႇႁႃပိုၼ်ၽႄႈႁေႃးတြႃးလႄႈ ယူႇတီႈၵျွင်းတၵ်ႉၵႃႇၵေႃႉၼိုင်ႈႁူႉဝႆႉလႄႈ ဢမ်ႇၶႂ်ႈလၢတ်ႈသင်ၼင်ႇၵဝ်ႇ။

ၵူၼ်းၸိူဝ်းတေဢၢၼ်ႈမႃးဝႆႈသႃ ၽြႃးပဵၼ်ၸဝ်ႈသေ ဢမ်ႇလႆႈႁူပ်ႉထူပ်းဝႆႈသႃၵေႃႈ သင်ဝႃႈလႆႈဝႆႈသႃ ႁုၼ်ႁၢင်ႈသေဢၼ်ဢၼ်တႄႉ တေလီဢိူဝ်ႈ ဝူၼ်ႉၼင်ႇၼႆယူႇယဝ်ႉ။ ၵွပ်ႈၼၼ်လႄႈ တီႈၵျွင်းၼၼ်ႉ ၶႂ်ႈဝႆႉႁူၼ်ႁၢင်ႈ ဢမ်ႇၼၼ် ၶႅပ်းႁၢင်ႈသေဢၼ်ဢၼ်ၼႆယဝ်ႉ။ သင်ဝႃႈလဝ်ႈလၢတ်ႈၼႄၵၢင်ၸႂ်မၼ်းၼႆ ၽြႃးပဵၼ်ၸဝ်ႈ တေဢမ်ႇၶႂၢင်ႉပၼ်ၼႆ မၼ်းလွမ်ႁူႉဝႆႉယူႇၼင်ႇၵဝ်ႇ။ ၵွပ်ႈၼၼ်လႄႈ ၸင်ႇၵႂႃႇယွၼ်းတၢင်းၸွႆႈထႅမ် တမ်ႈတီႈၸဝ်ႈဢႃႇၼၼ်ႇတႃႇယူႇယဝ်ႉ။ ၸဝ်ႈဢႃႇၼၼ်ႇတႃႇၵေႃႈ ႁူႉဝႃႈ ၽြႃးပဵၼ်ၸဝ်ႈဢမ်ႇၶႂၢင်ႉၼႆလႄႈ ဢမ်ႇၸၢင်ႈႁဵတ်းႁိုဝ်ယဝ်ႉ။

ၽြႃးပဵၼ်ၸဝ်ႈၸင်ႇပူင်လၢတ်ႈဝႃႈ ၵွင်းမူးၸေႇတိယၼႆႉ မီးသၢမ်ဢၼ်သၢမ်မဵဝ်းဢိူဝ်ႈ၊ ဝၢႆးသေ ၽြႃးပဵၼ်ၸဝ်ႈဢဝ်ပရိၼိပ်ႉပၢၼ်ႇယဝ်ႉ ထၢတ်ႈၸဝ်ႈဢၼ်ၵိုတ်းဝႆႉၸိူဝ်းၼၼ်ႉ ဢဝ်ထႃႇပၼႃႇႁဵတ်းၵွင်းမူးၸိုင် ၼၼ်ႉပဵၼ်ၵွင်းမူးသရီႇရထႃႇတု၊ ထႅင်ႈမဵဝ်းၼိုင်ႈၸမ်း - ယိူင်းဢၢၼ်းထိုင်ၽြႃးပဵၼ်ၸဝ်ႈသေ ၵေႃႇႁဵတ်းၼၼ်ႉႁွင်ႉဝႃႈ ဢုတိတ်ႉသ၊ ထႅင်ႈမဵဝ်းၼိုင်ႈၸမ်း - ပဵၼ်ၵွင်းမူးပရိၽေႃးၵ ဢၼ်ဢဝ်ၶိူင်ႈၶူဝ်းၽြႃးပဵၼ်ၸဝ်ႈယိပ်းတိုဝ်းသေ ထႃႇပၼႃႇႁဵတ်းဝႆႉၼၼ်ႉဢိူဝ်ႈ ပူင်လၢတ်ႈၼင်ႇၼႆယဝ်ႉ တူၼ်ႈၺွင်ႇၽေႃးထိ ဢၼ်လႆႈၺၢၼ်ႇသပ်ႉပၺ်ႇၺတ တႂ်ႈႁူမ်ႈမၼ်းၼၼ်ႉၵေႃႈ ထွတ်ႈမျၢတ်ႈဢိူဝ်ႈ ပူင်လၢတ်ႈၼင်ႇၼႆယူႇယဝ်ႉ။

ၼႃႈလိၵ်ႈ ႘႗၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 48: တေႁဵတ်းႁိုဝ် သွၵ်ႈႁႃၼႂ်း Google (321 words)


ထိုင်မႃး ၵၢပ်ႈပၢၼ်ဢဝ်ၶေႃႈမုၼ်း (data) လႄႈ လွၼ်ႉၶၢဝ်ႇ (information) သေ ႁဵတ်းၵၢၼ်ယူႇ ၵူႈတီႈၵူႈတၢင်း ၵူႈၶၢဝ်း၊ ၵူႈယၢမ်းယဝ်ႉ။ ဢီႈသင်ၵေႃႈ လူဝ်ႇၶေႃႈမုၼ်း၊ တီႈလႂ်ၵေႃႈ လူဝ်ႇၶေႃႈမုၼ်း၊ ပေႃးၶေႃႈမုၼ်းမီးတဵမ်ထူၼ်ႈ ႁဵတ်းသင်ၵေႃႈငၢႆႈ၊ ၼႃႈၵၢၼ်ၵေႃႈၽႂ်း၊ ၶၢဝ်းယၢမ်းၵေႃႈဢမ်ႇပေႃးသဵင်ႈၸွမ်းၼမ်။ ယဝ်ႉၵေႃႈ ထိုင်မႃးယၢမ်းၼႆႉ ဢၼ်ပဵၼ်လွင်ႈၵပ်းသိုပ်ႇ ဢိၼ်ႇထိူဝ်ႇၼႅတ်ႉၵေႃႈ လီမႃးတိူဝ်းမႃး ၶိုၼ်ႈယႂ်ႇမႃးလႄႈ ႁဝ်းၶႃႈၵေႃႈ မီးသုၼ်ႇ တႃႇတေသွၵ်ႈႁႃ ၶေႃႈမုၼ်း တီႈၼိူဝ်ဢိၼ်ႇထိူဝ်ႇၼႅတ်ႇ ဢၼ်ၵူၼ်းၵူႈတီႈတီႈ ၵူႈတၢင်းတၢင်း တၢင်ႇဝႆႉ လွင်ႈၵူႈသမ်ႇသႅၼ်ပိူင်ၼၼ်ႉယူႇယဝ်ႉ။ တွၼ်ႈတႃႇတေသွၵ်ႈႁႃ ၶေႃႈမုၼ်းတီႈၼိူဝ် ဢိၼ်ႇထိူဝ်ႇၼႅတ်ႉၼႆႉ လွၵ်းလၢႆးမၼ်း မီးဝႆႉတင်းၼမ်တင်းလၢႆယူႇ။ ၼႂ်းၵႃႈ တင်းၼမ်တင်းလၢႆၼႆႉ တေသိုပ်ႇမိုတ်ႈပၼ် လွင်ႈ   ဢိတ်းဢွၼ်ႇၼိုင်ႈ။

ၸိူဝ်းပဵၼ် လွၵ်းလၢႆးပိတ်းပွတ်းၸိူဝ်းပႃႈတႂ်ႈၼႆႉ မၼ်းၵေႃႈ တေၸၢင်ႈၸွႆႈထႅမ် တွၼ်ႈတႃႇၸဝ်ႈၵဝ်ႇ တေသွၵ်ႈႁႃ ၶူၼ်ႉႁႃ လွၼ်ႉၶၢဝ်ႇ (information) တီႈၼိူဝ် Google ၼၼ်ႉလႆႈယူႇ ဢိတ်းဢွတ်း

လွၵ်းလၢႆး ႑ : ၵေႃႈဝူၼ်ႉတူၺ်းသၢင်းသၢင်းလၢင်းလၢင်း

ၸဝ်ႈၵဝ်ႇၶႂ်ႈသွၵ်ႈႁႃသင်ၵေႃႈ ဢမ်ႇပဵၼ်သင်။ ဢွၼ်တၢင်းသုတ်း ႁဝ်းဝူၼ်ႉတူၺ်းဝႃႈ ႁဝ်းၶႃႈတေၶႂ်ႈသွၵ်ႈႁႃတူၺ်း တႃႈႁိူဝ်းမိၼ် ဢၼ်ၸမ်ႁဝ်းသေပိူၼ်ႈၼႆႉ မၼ်းပဵၼ်ဢီႈသင်? မၼ်းမီး တီႈလႂ်? ၼႆယဝ်ႉ။ တႃႇတေသွၵ်ႈႁႃၸိူင်ႉၼၼ် ၸဝ်ႈၵဝ်ႇ ၸၢင်ႈထႅမ်သႂ်ႇပၼ် ၶေႃႈၵႂၢမ်း ဢၼ်ယမ်ယမ်မၼ်းၵူၺ်း။ မိူၼ်ၼင်ႇ ႁဝ်းၶႃႈ ၶႂ်ႈၶူၼ်ႉႁႃ ယွင်ငိုၼ်း KBZ မၢႆ 15 တီႈဝဵင်းလိူဝ်ႇၼႆၵေႃႈ ႁဝ်းလူဝ်ႇပေႃႉသႂ်ႇပၼ် KBZ 15 Mandalay ၼႆၵေႃႈလႆႈယဝ်ႉ။

လွၵ်းလၢႆး ႒ : ၸႂ်ႉဢဝ်သဵင်ၸဝ်ႈၵဝ်ႇသေၵေႃႈ သွၵ်ႈႁႃ

တွၼ်ႈတႃႇပေႃႉလိၵ်ႈၼႆႉ မၼ်းဝႆႉ တၢင်းယၢပ်ႇၽိုတ်ႇႁႃ့ ဢမ်ႇၼၼ် ၶၢၼ်ႉပေႃႉႁႃႉ ဢမ်ႇၼၼ် ႁိူဝ်ႉမွႆႈၼူၼ်းၸႂ်ဝႆႉႁႃ? ဢမ်ႇပဵၼ်သင်... ၵေႃႈၸႂ်ႉႁၢင်ႈႁိင်ႈ microphone ဢၼ်မီးတီႈၼႂ်း Google app ဢမ်ႇၼၼ် တီႈၼႂ်းလွၵ်းသွၵ်ႈႁႃ Chrome ၼၼ်ႉသေၵေႃႈ ၸဝ်ႈၵဝ်ႇ ၸၢင်ႈဢဝ်သဵင် ပၼ်ၶေႃႈပူင်သေၵေႃႈ သွၵ်ႈႁႃ ၶေႃႈမုၼ်း ဢၼ်ၸဝ်ႈၵဝ်ႇ ၶႂ်ႈသွၵ်ႈႁႃၼၼ်ႉၵေႃႈ လႆႈယူႇ။ ၵူၺ်းၵႃႈဝႃႈ ပေႃးဢဝ်ၵႂၢမ်းတႆးလၢတ်ႈတေႃႇမၼ်းတႄႉ မၼ်းတေဢမ်ႇပႆႇႁဵတ်းပၼ်ၵၢၼ်။ လူဝ်ႇလႆႈၸႂ်ႉ ၵႂၢမ်းဢင်းၵိတ်ႉသေၵေႃႈ ႁႂ်ႈမၼ်းသွၵ်ႈႁႃပၼ်တႄႉ လႆႈယူႇ။

လွၵ်းလၢႆး ႓ : ၽၢင်ႉပၼ် ၶေႃႈၵႂၢမ်းမၼ်းလီလီ

ပေႃးၸဝ်ႈၵဝ်ႇ တႅပ်းတတ်းဝႃႈ တေႁႃၶေႃႈၵႂၢမ်းသင်ၼႆသေ ပေႃႉသႂ်ႇၼႂ်း တိူၵ်ႈၶူၼ်ႉႁႃ search box ၼႆ ၸဝ်ႈၵဝ်ႇ ထုၵ်ႇလီလိူၵ်ႈပၼ် တူဝ်လိၵ်ႈၶေႃႈၵႂၢမ်း ဢၼ်တေဢၢပ်ႈမႅၼ်ႈၺႃးဢဝ် ၸွမ်းၼင်ႇ ၸဝ်ႈၵဝ်ႇ ၶႂ်ႈသွၵ်ႈႁႃၼၼ်ႉ။ တူဝ်ယၢင်ႇမၼ်း သင်ၸိူဝ်ႉဝႃႈ ႁဝ်းၶႃႈ ၶႂ်ႈသွၵ်ႈႁႃ ၶေႃႈမုၼ်းၵပ်းၵၢႆႇလူၺ်ႈ တၢင်းပဵၼ် ႁူဝ်ၶႆႈၼႆ ယႃႇပေၵႂႃႇပေႃႉဝႃႈ ႁူဝ်ၵဝ်ၶႃႈၶႆႈ၊ ထုၵ်ႇလီပေႃႉဝႃႈ ႁူဝ်ၶႆႈ ၼႆၵူၺ်း။ ယွၼ်ႉပိူဝ်ႈသင်ၼႆ ဢၼ်ပဵၼ် ၶေႃႈၵႂၢမ်း ႁူဝ်ၶႆႈ ဢၼ်ဝႃႈၼႆႉ ၸိူဝ်းပဵၼ် ၼႃႈလိၵ်ႈ ဝႅပ်ႉသၢႆႉ ပၢႆးယူႇလီၶဝ် တေဢဝ်ၸႂ်ႉဝႆႉတင်းၼမ်လႄႈ ၶေႃႈမုၼ်းတွၼ်ႈတႃႇ ၸဝ်ႈၵဝ်ႇၵေႃႈ တေဢွၵ်ႇမႃးပၼ် တင်းၼမ် ၼင်ႇၸဝ်ႈၵဝ်ႇ မုင်ႈမွင်းဝႆႉၼၼ်ႉယူ။

လွၵ်းလၢႆး ႔ : ယႃႇပေမႆႈၸႂ်ၸွမ်း လွင်ႈလဵၵ်ႉလဵၵ်ႉၼွႆႉၼွႆႉ

လွင်ႈလေႃးတူဝ်လိၵ်ႈ Spelling ။ ဢၼ်ပဵၼ် တူဝ်ထတ်းလွင်ႈလေႃးတူဝ်လိၵ်ႈ Google's spell checker ၼႆႉ မၼ်းတေၵႂႃႇ ထတ်းသၢင်တူၺ်း ၶေႃႈၵႂၢမ်းဢၼ်ၶဝ်ႈမႃးၼၼ်ႉသေ လွင်ႈဝႃႈ မၼ်းၽိတ်းႁိုဝ်ထုၵ်ႇၼႆယဝ်ႉ။ ယဝ်ႉၵေႃႈ ပေႃးဝႃႈ တူဝ်လိၵ်ႈဢင်းၵိတ်ႉၼႆ မၼ်းမီး တူဝ်လဵၵ်ႉ တူဝ်ယႂ်ႇ လွင်ႈႁဝ်းသွၵ်ႈႁႃ ၶေႃႈၵႂၢမ်းၼင်ႇ New York TImes လႄႈ new york times ၼႆႉ မၼ်းၵေႃႈ မိူၼ်ၵၼ်ၵူၺ်း။ ဢမ်ႇၸႂ်ႈဝႃႈ ဢၼ်လဵၵ်ႉႁႃမဵဝ်းၼိုင်ႈ ဢၼ်ယႂ်ႇ ႁႃမဵဝ်းၼိုင်ႈ။

လွၵ်းလၢႆး ႕ : သွၵ်ႈႁႃလႆႈ ၶေႃႈတွပ်ႇၽႂ်းၽႂ်း

တွၼ်ႈတႃႇ ၵၢၼ်ၶူၼ်ႉႁႃ ၵမ်ႉပႃႈၼမ်တႄႉ Google တေႁဵတ်းၵၢၼ်ပၼ်ၸဝ်ႈၵဝ်ႇ လႆႈယူႇ ၵမ်ႉပႃႈၼမ်။ တေၸၢင်ႈတွပ်ႇပၼ်ၶေႃႈတွပ်ႇၼိူဝ် ၶေႃႈထၢမ်ၸဝ်ႈၵဝ်ႇ။ မိူၼ်ၼင်ႇ လွၼ်ႉၶၢဝ်ႇ လွင်ႈၶေႃႈၵႂၢမ်း လဵၼ်ႈႁႅင်း Sports ၸိူဝ်းၼႆႉ၊ ၵူၺ်းၵႃႈဝႃႈ မၼ်းတေဢမ်ႇၸၢင်ႈတွပ်ႇပၼ်လႆႈ ၵူႈတီႈၵူႈလႅၼ်ၼင်ႇၵဝ်ႇ။

ၽိင်ႈၽႃႉ : တွၼ်ႈတႃႇသွၵ်ႈႁႃ လွင်ႈၽိင်ႈၽႃႉ ဢၼ်ၵပ်းၵၢႆႇလူၺ်ႈဢွင်ႇတီႈ ဝဵင်းၸဝ်ႈၵဝ်ႇ ဢမ်ႇၼၼ် ဝဵင်းဢၼ်ၸဝ်ႈၵဝ်ႇ ထႅမ်သႂ်ႇ၊ မၼ်ၼင်ႇ ၽိင်ႈၽႃႉတႃႇ ဝဵင်းတူၼ်ႈတီး၊ ၼၼ်ႉမၼ်းတေသွၵ်ႈႁႃပၼ် တီႈဢၼ်မၵ်းမၼ်ႈပၼ် မၼ်းဝႆႉ။ 
ၶေႃႈသပ်း Dictionary : တီႈၽၢႆႇၼႃႈ ၶေႃႈၵႂၢမ်း ဢၼ်ႁဝ်းၶႂ်ႈသွၵ်ႈႁႃၼၼ်ႉ သႂ်ႇပၼ် တူဝ်လိၵ်ႈ define ၼႆ ၸဝ်ႈၵဝ်ႇတေလႆႈႁၼ် တီႈပွင်ႇ definition တူဝ်လိၵ်ႈၼၼ်ႉယူႇ။ 
လွင်ႈၼပ်ႉသွၼ်ႇ Calculations : ပေႃႉသႂ်ႇပၼ် လွင်ႈၼပ်ႉသွၼ်ႇ ဢၼ်ၵပ်းၵၢႆႇလူၺ်ႈပၢႆးၼပ်ႉ ၼင်ႇ 3*9123 ဢမ်ႇၼၼ်ႉ ႁႂ်ႈမၼ်းၵႄႈလိတ်ႈ လွင်ႈၼပ်ႉသွၼ်ႇ ဢၼ်သုၵ်ႉယုင်ႈသေၼႆႉၵေႃႈလႆႈ။ 
တွၼ်ႈတႃႇ လႅၵ်ႈလၢႆႈ Unit converstions : ပေႃႈသႂ်ႇလႆႈ လွင်ႈလႅၵ်ႈလၢႆႈ conversion လႆႈၵမ်ႉပႃႈၼမ်။ မိူၼ်ၼင်ႇဝႃႈ ငိုၼ်းတေႃႇလႃႇ $3 တေႃႇလႃႇၼႆႉ တေလႆႈငိုၼ်း ယူးရူပ်ႉၵႃႈႁိုဝ်ၼႆ ပေႃႉပၼ် 3 dollars in euros ၼႆ မၼ်းတေၼႄပၼ် ၶေႃႈတွပ်ႈမၼ်းယူႇ။ 
ၵၢၼ်လဵၼ်ႈႁႅင်း Sports : ပေႃးၶႂ်ႈသွၵ်ႈႁႃ ၶူၼ်ႉႁႃလွင်ႈၸုမ်းလႂ် မီးၶပ်းမၢႆသင်ၼႆၵေႃႈ သွၵ်ႈႁႃလႆႈ။
ႁႃၶေႃႈမုၼ်းၽႂ်းၽႂ်း : သွၵ်ႈႁႃၼင်ႇၸိုဝ်ႈ ၸၢႆးငဝ်းၼၢင်းငဝ်း၊ ဢွင်ႈတီႈ၊ ငဝ်းတူင်ႉ ဢမ်ႇၼၼ် ၽဵင်းၵႂၢမ်း ၸိူဝ်းၼႆႉသေၵေႃႈ ႁႃလႆႈ လွၼ်ႉၶၢဝ်ႇဢၼ်လမ်ႇလွင်ႈ။




#Article 49: တွင်ႇတႂိၼ်းၵျီး၊ ဝဵင်း (266 words)


ဝဵင်းတွင်ႇတႂိၼ်းၵျီး (), () ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းတွင်ႇတႂိၼ်းၵျီး၊ ၸႄႈတွၼ်ႈမၵူၺ်း၊ ၸႄႈတိူင်းမၵူၺ်း ၼၼ်ႉယဝ်ႉ။ ဝဵင်းတွင်ႇတႂိၼ်းၵျီးၼႆႉ မီးဝႆႉ ၽၢႆႇဢွၵ်ႇ ဝဵင်းမၵူၺ်း ယၢၼ် (႕႑) လၵ်းယဝ်ႉ။ ယွၼ်ႉပဵၼ်ဝဵင်း ပေႇလေးပိၼ်ႇ သျိၼ်ႇလေးပႃး ဢွၵ်ႇမႃးလႄႈ ပဵၼ်ဝဵင်းဢၼ်လိုဝ်းလင် ၼႂ်းၵႃႈတူင်ႇဝဵင်းလိၵ်ႈလၢႆးမၢၼ်ႈၼၼ်ႉယဝ်ႉ။
တီႈၼႂ်းၸႄႈတိူင်းမၵူၺ်းၼႆႉ ၼင်ႇမီးဝဵင်းတွင်ႇတႂိၼ်းၼင်ႇၵဝ်ႇ တီႈၽၢႆႇၼိူဝ်ၶၢင်တွင်း (ၶျိၼ်းတႂိၼ်း)ၼၼ်ႉ မီးဝႆႉဝဵင်းဢၼ်ၼိုင်ႈ ဢၼ်ၸိုဝ်ႈမိူၼ်ၵၼ်တင်ႈ တွင်ႇတႂိၼ်းၼၼ်ႉယဝ်ႉ။ တွၼ်ႈတႃႇ ႁႂ်ႈဝဵင်းသွင်ဝဵင်းၼၼ်ႉ ပႅၵ်ႇၵၼ်ၼႆ တွင်ႇတႂိၼ်း ဢၼ်မီးတီႈၼႂ်း ၸႄႈတိူင်းမၵူၺ်းၼၼ်ႉ ႁွင်ႉပဵၼ် တွင်ႇတႂိၼ်းၵျီး ၼႆသေ တွင်ႇတႂိၼ်း ဢၼ်မီးတီႈ ပွတ်းၼိူဝ်ၶၢင်တွင်း (ဢထႅတ်ႉၶျိၼ်းတႂိၼ်း) ၼၼ်ႉ ယွၼ်ႉမၼ်းတူၵ်းၸွၵ်ႉလႄႈ ၸင်ႇႁွင်ႉဝႃႈ တွင်ႇတႂိၼ်းၶျွင်ႇ () (ချောင် ၼႆႉ ၵႂၢမ်းတႆးပွင်ႇဝႃႈ ၸွၵ်ႉ) ၼႆ မိူဝ်ႈပၢၼ်ဢုပ်ႉပိူင်ႇၵုင်းပွင်ႇၼၼ်ႉ လႆႈၸႅၵ်ႇၵၼ်မႃးၼင်ႇၼႆယဝ်ႉ။

ၸႄႈဝဵင်းတွင်ႇတႂိၼ်းၵျီးၼႆႉ မီးႁၢင်ႈသၢမ်ၸဵင်ႇသေ ပဵၼ်ထုင်ႉလိၼ်ပဵင်း ဢၼ်ၶွၼ်ႇၼမ်ႉၶွၼ်ႇလိၼ် ၶႅမ်ႉၼၼ်ႉလႄႈ ပဵၼ်ၸႄႈဝဵင်း ဢၼ် ၶဝ်ႈသၢၼ် ဢွၵ်ႇၼမ်သေပိူၼ်ႈ တီႈၼႂ်း ၸႄႈတွၼ်ႈမၵူၺ်းၼၼ်ႉယဝ်ႉ။ တွၼ်ႈတႃႇႁဵတ်းၽုၵ်ႇသွမ်ႈၼႃးၼႆႉ လႆႈၶုတ်းႁွင်ႈသေၵေႃႈ ႁဵတ်းၵၢၼ်ယဝ်ႉ။ ႁွင်ႈၽၢႆၵဝ်ႇၵဝ်ႇမိူဝ်ႈၵူႈပွၵ်ႈၼၼ်ႉၵေႃႈ တိုၵ်ႉလႆႈႁၼ် တေႃႇထိုင် ယၢမ်းမိူဝ်ႈလဵဝ်ယဝ်ႉ။ ၸုမ်းမျူႇၼီႇၸပႄႇ ဝဵင်းတွင်ႇတႂိၼ်းၵျီးၼႆႉ လႆႈၽွတ်ႈႁႅၼ်းမႃးမိူဝ်ႈပီ 1887 ၼၼ်ႉယဝ်ႉ။

ဝဵင်းၼႆႉ ဢဝ်ပွၵ်ႉလူင် ႑႐ ပွၵ်ႉသေ ၽွတ်ႈႁႅၼ်းဝႆႉယဝ်ႉ။ ၸိူဝ်းၼၼ်ႉတႄႉ ဢူင်းတေႃး-ပွၵ်ႉ ႑၊ ဢူင်းတေႃး-ပွၵ်ႉ ႒၊ တွင်ႇပျိၼ်ႇ-ပွၵ်ႉ ႑၊ တွင်ႇပျိၼ်ႇ-ပွၵ်ႉ ႒၊ သူၺ်ႇဢူဝ်း-ပွၵ်ႉ ႑၊ သူၺ်ႇဢူဝ်း-ပွၵ်ႉ ႒၊ မွင်းတႅင်ႇ-ပွၵ်ႉ ႑၊ မွင်းတႅင်ႇ-ပွၵ်ႉ ႒၊ သူၺ်ႇၵျႃႇဢိၼ်း-ပွၵ်ႉ ႑၊ သူၺ်ႇၵျႃႇဢိၼ်း-ပွၵ်ႉ ႒ ၸိူဝ်းၼႆႉယဝ်ႉ။ တီႈၵၢင်ဝဵင်းၼၼ်ႉ မီး ၵၢတ်ႇလူင် လႄႈ သူင်ႇမွၵ်ႇလုတ်ႉလၢတ်ႉယေးယဝ်ႉ။ ပွတ်းဢွၵ်ႇဝဵင်းၼၼ်ႉ မီးဝႆႉ ၼွင်လူင် ယတၼႃႇပႂိၼ်ႉယဝ်ႉ။ ၼွင်လူင်ၼၼ်ႉ ၸဵမ်မိူဝ်ႈ ပၢၼ်ပူးၵမ်ႇ ၼၼ်ႉ ပဵၼ်ၼွင်ၽၢႆႇလဵဝ် ဢၼ်လႆႈၸႂ်ႉမႃး တႃႇသႂၢင်းၼမ်ႉတွၼ်ႈတႃႇၵၢၼ်ၽုၵ်ႇသွမ်ႈယဝ်ႉ။ ၽၢႆႇႁွင်ႇၸမ်ႉမီး ၵွင်းမူး ၸေႇယမင်ႇၵလႃႇ သူၺ်ႇဢိၼ်းတွင်ႇ ယဝ်ႉ။ တီႈပွတ်းတူၵ်းဝဵင်းၼၼ်ႉ မီးဝႆႉ ၵွင်းမူးဢွင်ႇမျိၼ်ႇၸေယရၶႅင်ႇ ဢၼ်သူႇယႂ်ႇယႂ်ႇၼၼ်ႉယဝ်ႉ။ မိူဝ်ႈၵူႈပွၵ်ႈတႄႉ ပဵၼ်ၵွင်းမူးႁၢမ်းဢၼ်ပဵၼ် ၵွင်လိၼ်သေ ၶိုၼ်းမႄးၵုမ်းလုမ်းလႃးယဝ်ႉတူဝ်ႈ မိူဝ်ႈပီ 2003 ၼၼ်ႉယဝ်ႉ။ ထိုင် 2013 မႃး လႆႈတၢင်ႇထီးယဝ်ႉတူဝ်ႈလီငၢမ်းယဝ်ႉ။

ဝဵင်းတွင်ႇတႂိၼ်းၵျီးၼႆႉ ၽၢႆႇတူၵ်း မီးတၢင်းလူတ်ႉၵႃးၵႂႃႇၸူး ဝဵင်းမၵူၺ်း တၢင်းယၢဝ်း ႘႒ ၶီႇလူဝ်ႇမီႇတႃႇ (႕႑) လၵ်းလႄႈသင်၊ ၽၢႆႇတၢင်းၸၢၼ်း တၢင်းလူတ်ႉၵႃး ဢၼ်ၵႂႃႇၸူး ဝဵင်းပျီႇ တၢင်းယၢဝ်း ႑႖႒ ၶီႇလူဝ်ႇမီႇတႃႇ (႑႐႑) လၵ်းလႄႈသင်၊ ပွၵ်းဢွၵ်ႇ တႃႇၵႂႃႇၸူး ၼေႇပျီႇတေႃႇ လႄႈ ဝဵင်းပၢင်မၢၵ်ႇၼႃႉ တၢင်းယၢဝ်းမီး ႖႘ ၶီႇလူဝ်ႇမီႇတႃႇ (႔႒) လၵ်းလႄႈသင်၊ ၽၢႆႇႁွင်ႇ တၢင်းလူတ်ႉၵႃး ဢၼ်ၵႂႃႇၸူး ဝဵင်းမျူဝ်ႉတိတ်ႉ ယၢၼ်ၵႆႇ ႒႙ ၶီႇလူဝ်ႇမီႇတႃႇ (႑႘) လၵ်းလႄႈသင် ၵပ်းသိုပ်ႇဝႆႉယူႇယဝ်ႉ။ ပေႃးဢဝ်ၶၢဝ်းတၢင်းလူတ်ႉၵႃးသေ လုၵ်ႉတီႈ သဵၼ်ႈတၢင်းလူင် တႃႈၵုင်ႈ-ၼေႇပျီႇတေႃႇသေၵေႃႈ တင်း ဝဵင်းတႃႈၵုင်ႈ ၼႆႉ ၵႆယၢၼ်ႇ ႔႗႕ ၶီႇလူဝ်ႇမီႇတႃႇ (႒႙႐) လၵ်းၼႆႉ လႆႈႁေႃႈတႃႇၶၢဝ်းတၢင်း ႗ ၸူဝ်ႈမူင်းၼႆႉယဝ်ႉ။ လုၵ်ႉတီႈ သဵၼ်ႈတၢင်းလူင် တႃႈလိူဝ်ႇ-ၼေႇပျီႇတေႃႇသေ ပေႃးတေၵႂႃႇၸူး ဝဵင်းတႃႈလိူဝ်ႇၼႆ ယၢၼ်ၵႆ ႒႗႗ ၶီႇလူဝ်ႇမီႇတႃႇ (႑႗႒ လၵ်း) သေ လႆႈႁေႃ တႃႇၶၢဝ်းတၢင်း ႔ မူင်းၵိုင်ႇၼႆႉယဝ်ႉ။ လိူဝ်သေၼၼ်ႉဢမ်ႇၵႃး ဢၼ်ပဵၼ်တၢင်းလူတ်ႉလဵၼ်း ပၢင်မၢၵ်ႇၼႃႉ-ၵျွၵ်ႉပတွင်းၼၼ်ႉ လႆႈလတ်းၶၢမ်ႈ ဝဵင်းတွင်ႇတႂိၼ်းၵျီးၵႂႃႇယဝ်ႉ။ မီးတၢင်းလူတ်ႉလဵၼ်းၸူး ဝဵင်းမၵူၺ်းယူႇယဝ်ႉ။

ဝဵင်းတွင်ႇတႂိၼ်းၵျီးၼႆႉ ပဵၼ်ဝဵင်းဢၼ်ဢဝ် ၵၢၼ်ၽုၵ်ႇသွမ်ႈပဵၼ်ပိုၼ်ႉမၼ်းၼၼ်ႉယဝ်ႉ။ တီႈၼႂ်းၸႄႈဝဵင်းၼႆႉ မီးထုင်ႉပဵင်းဢၼ်ၵႂၢင်ႈ တွၼ်ႈတႃႇၽုၵ်ႇသွမ်ႈသေ ႁဵတ်းၽၢႆႇၵႅတ်ႇဢဝ်ၼမ်ႉ ဢၼ်လုၵ်ႉတီႈ သၼ်လွႆပႃႇၵိူဝ်ႇပွတ်းဢွၵ်ႇသေ လႆမႃးၼၼ်ႉယဝ်ႉၵေႃႈ ဢဝ်ၸႂ်ႉတႃႇၵၢၼ်ၽုၵ်ႇသွမ်ႈယဝ်ႉ။ တီႈၼိူဝ်ႁၢတ်ႇသၢႆးၼမ်ႉႁူၺ်ႈၼမ်ႉလွႆၼၼ်ႉ ဢွၼ်ၵၼ်ႁဵတ်းၵၢၼ်ၽုၵ်ႇသွမ်ႈ ၽၵ်းမီႇ တႄႉတႄႉဝႃႈဝႃႈယဝ်ႉ။ ၶူဝ်းၵုၼ်ႇၸိူဝ်းဢွၵ်ႇပဵၼ်ပိူင်လူင်မၼ်းၼႆႉ ၶဝ်ႈသၢၼ်၊ ထူဝ်ႇၵူႈမဵဝ်းမဵဝ်း၊ ၶဝ်ႈၵၢပ်ႇ၊ ငႃး၊ ဢွႆႈ လႄႈ ၼမ်ႉမၼ်းၵိၼ် ၵူႈမဵဝ်းမဵဝ်းၼၼ်ႉယဝ်ႉ။ မိူဝ်ႈၵူႈပွၵ်ႈတႄႉ ၵၢၼ်မႆႉၵေႃႈ ယၢမ်ႈပဵၼ်မႃးတႄႉတႄႉဝႃႈဝႃႈသေတႃႉ ယၢမ်းလဵဝ်တႄႉ မႆႉၵေႃႈဢမ်ႇလိူင်ႇယဝ်ႉလႄႈ ၵၢၼ်ႁဵတ်းမႆႉၵေႃႈ ယူပ်ႈယွမ်းၵႂႃႇယူႇယဝ်ႉ။

လိူၼ်ဢေႇပရႄႇၼႆႉ ပဵၼ်ၶၢဝ်းဢၼ်မႆႈသေပိူၼ်ႈသေ ၽွင်းၵၢင်ဝၼ်းၼႆႉ တၢင်ႉမႆႈဢၼ်မႆႉသုတ်းၽတ်ႉၽဵင်ႇၼႆႉ ၵႆႉမီးတေႃႇထိုင် ႔႐ တီႇၵရီႇသႅၼ်ႇထီႇၵရဵၵ်ႉယဝ်ႉ။ ၶၢဝ်းဢၼ်ၵတ်းသေပိူၼ်ႈၼႆႉ ပဵၼ် လိူၼ်ၸၼ်ႇဝႃႇရီႇသေ တၢင်ႉမႆႈၽတ်ႉၽဵင်ႇၼႆႉ မီးတေႃႇထိုင် ႑႔ တီႇၵရီႇသႅၼ်ႇထီႇၵရဵၵ်ႉယဝ်ႉ။ ပေႃးၵၢင်ၶမ်ႈၼႆႉ တၢင်ႉလူမ်းမႆႈ ၵႆႉတူၵ်းႁႅင်းယဝ်ႉ။ ပေႃးထိုင်ၶၢဝ်းၽူၼ်ၼႆ ၼႂ်းလိူၼ်ဢေႃးၵၢတ်ႉၼႆႉ ၽူၼ်ၵႆႉၼမ်လိူင်ႇယဝ်ႉ။




#Article 50: တွင်ႇတႂိၼ်းၵျီး၊ ၸႄႈဝဵင်း (107 words)


ၸႄႈဝဵင်းတွင်ႇတႂိၼ်းၵျီး (), (), () ၼႆႉ ပဵၼ်ၸႄႈဝဵင်း ဢၼ်မီးဝႆႉတီႈၼႂ်း ၸႄႈတွၼ်ႈမၵူၺ်း, ၸႄႈတိူင်းမၵူၺ်း တီႈမွတ်းၵၢင်မိူင်းမျၢၼ်ႇမႃႇၼၼ်ႉယဝ်ႉ။ ဝဵင်းပၵ်းလုမ်းၸႄႈဝဵင်းတႄႉ ပဵၼ် ဝဵင်းတွင်ႇတႂိၼ်းၵျီး ယဝ်ႉ။ ဢၼ်ပဵၼ် ဝဵင်းၵဝ်ႇ ပျူႇ၊ ဝဵင်းၵဝ်ႇပိၵ်ႉသၼူဝ်း ၼၼ်ႉၵေႃႈ မီးဝႆႉတီႈႁိမ်း ဝဵင်းတွင်ႇတႂိၼ်းၵျီးၼၼ်ႉယဝ်ႉ။ ၼႃးလိၼ်ပဵင်းသေ ၶဝ်ႈ၊ ၵျုင်ႇ၊ ဢွႆႈလႄႈ မၢၵ်ႇၼမ်ႉၶဝ်ႈတႅင် တၢင်ႇၸိူဝ်းၵေႃႈ ပဵၼ်လီဝႆႉယဝ်ႉ။

ၸႄႈဝဵင်းတွင်ႇတႂိၼ်းၵျီးၼႆႉ ၸပ်းဢိူမ်ႈၵၼ်တင်း ၸႄႈဝဵင်းၼင်ႇၽၢႆႇတႂ်ႈၼႆႉယဝ်ႉ။

ပၢႆးမၢၵ်ႈမီးပိူင်လူင် တီႈၸႄႈဝဵင်းတွင်ႇတႂိၼ်းၵျီးၼႆႉ ပဵၼ် ၵၢၼ်ၽုၵ်ႇသွမ်ႈယဝ်ႉ။ ၽုၵ်ႇသွမ်ႈ ၶဝ်ႈ၊ ထူဝ်ႇၵူႈမဵဝ်းမဵဝ်း၊ ၵျုင်ႇလႄႈ ဢွႆႈၸိူဝ်းၼႆႉယဝ်ႉ။

ဝဵင်းတွင်ႇတႂိၼ်းၵျီးၼႆႉ ၽၢႆႇတူၵ်း ဝဵင်းမၵူၺ်း ယၢၼ် (႖႘ ၶီႇလူဝ်ႇမီႇတႃႇ / ႔႒ လၵ်း)၊ ၽၢႆႇၸၢၼ်း ဝဵင်းပျီႇ (႑႖႒ ၶီႇလူဝ်ႇမီႇတႃႇ / ႑႐႑ လၵ်း) လႄႈ ၽၢႆႇဢွၵ်ႇ ၼေႇပျီႇတေႃႇ (႖႘ ၶီႇလူဝ်ႇမီႇတႃႇ / ႔႒ လၵ်း) သေ ဢဝ်တၢင်းလူတ်ႉလဵၼ်း လႄႈ တၢင်းလူတ်ႉၵႃး ၵႂႃႇၸူးလႆႈ ဝဵင်းၸိူဝ်းၼၼ်ႉယူႇယဝ်ႉ။ တင်း ဝဵင်းတႃႈလိူဝ်ႇ ႒႒႗ ၶီႇလူဝ်ႇမီႇတႃႇ လႄႈ တင်း ဝဵင်းတႃႈၵုင်ႈ ယၢၼ်ၵႆ ႓႖႕ ၶီႇလူဝ်ႇမီႇတႃႇယဝ်ႉ။ ၶူင်ႇၶိူင်ႈမိၼ် ဢၼ်ၸမ်သုတ်းတႄႉ ပဵၼ် ၶူင်ႇၶိူင်ႈမိၼ်မၵူၺ်း ဢၼ်မီးတီႈ ဝဵင်းမၵူၺ်းၼၼ်ႉယဝ်ႉ။

ၶၢဝ်းဢၼ်မႆႈလိူဝ်သုတ်းၼႆႉ ပဵၼ် လိူၼ်ဢေႇပရႄႇသေ တၢင်ႉလူမ်းမႆႈ ၽွင်းၶၢဝ်းယၢမ်းတဵင်ႈဝၼ်း ၽတ်ႉၽဵင်ႇၵၼ်ၼႆႉ မီး ႓႙ တီႇၵရီႇသႅၼ်ႇတီႇၵရဵၵ်ႉယဝ်ႉ။ ၶၢဝ်းယၢမ်းဢၼ်ၵတ်းသေပိူၼ်ႈၼႆႉ ပဵၼ် လိူၼ်ၸၼ်ႇဝႃႇရီႇသေ တၢင်ႉလူမ်းမႆႈ ပွတ်းၶမ်ႈၽတ်ႉၽဵင်ႇၼႆႉ မီး ႑႔ တီႇၵရီႇသႅၼ်ႇတီႇၵရဵၵ်ႉယဝ်ႉ။ လိူၼ်ဢေႃးၵၢတ်ႉၼႆႉ ၽူၼ်မႃးယဝ်ႉ။ လိူၼ်မၢတ်ႉၶျ်ၼႆႉ ပဵၼ်ၶၢဝ်းႁႅင်ႈႁွင်ယဝ်ႉ။




#Article 51: တွင်ႇတႃႇ၊ ၸႄႈဝဵင်း (362 words)


ၸႄႈဝဵင်းတွင်ႇတႃႇ (), () ၼႆႉ မီးဝႆႉတီႈၼႂ်း ၸႄႈတွၼ်ႈမျိၼ်းၶျၢၼ်ႇ၊ ၸႄႈတိူင်းတႃႈလိူဝ်ႇ၊ မိူင်းမျႅၼ်ႇမႃႇ ဢေႃႈ။ ဝဵင်းပၵ်းလုမ်းၸႄႈဝဵင်းတႄႉ ပဵၼ် ဝဵင်းတွင်ႇတႃႇယဝ်ႉ။ ဝဵင်းတွင်ႇတႃႇ ၼႆႉ မီးၽၢႆႇၸၢၼ်း ဝဵင်းမျိၼ်းၶျၢၼ်ႇသေ ယၢၼ်ၵႆၵၼ် 16 လၵ်းယဝ်ႉ။ ပဵၼ်ဝဵင်း ဢၼ် တၢင်းၸိူဝ်းလုၵ်ႉတီႈ ဝဵင်းၵျွၵ်ႉပတွင်း၊ ဝဵင်းမဵၵ်ႉထိလႃႇ လႄႈ ဝဵင်းမျိၼ်းၶျၢၼ်ႇ မႃးႁူပ်ႉၵၼ်သေ မီးဝႆႉတီႈၼိူဝ် သဵၼ်ႈတၢင်းလူင် တႃႈၵုင်ႇ-မျိၼ်းၶျၢၼ်ႇယဝ်ႉ။ တီးၼိူဝ်ဝဵင်းၼႆႉ မီးပွၵ်ႉ 6 ပွၵ်ႉသေ ႁူင်းႁဵၼ်းၸၼ်ႉၵၢင် မိၼ်းၸု လႄႈ ႁူင်းႁဵၼ်းၸၼ်ႉသုင် တွင်ႇတႃႇၼႆႉ ပဵၼ်ႁူင်းႁဵၼ်း ဢၼ်ၵူၼ်းၸိူဝ်းယူႇသဝ်းႁိမ်းႁွမ်းၸႄႈဝဵင်း လႆႈပိုင်ႈဢိင် တႃႇပၢႆးပႆၺႃႇ ၼၼ်ႉယဝ်ႉ။ ပဵၼ်တီႈဢၼ်ၽုၵ်ႇသွမ်ႈ ၽၵ်းမီႇႁူဝ်လႅင်၊ ၼမ်ႉထၢၼ်၊ ထူဝ်ႇၵူႈမဵဝ်းမဵဝ်း၊ ၶဝ်ႈၵၢပ်ႇ၊ ငႃး၊ ၵုၺ် ၸၵႂႃႇၸိူဝ်းၼႆႉလႄႈ ၵၢၼ်ငၢၼ်းပၢႆးမၢၵ်ႈမီးၵေႃႈ ၶိုၼ်ႈယႂ်ႇယူႇ။

ဢိင်ၼိူဝ် သဵၼ်ႈမၢႆႁူဝ်ၼပ်ႉၵူၼ်း ဢၼ်ၵဵပ်းမိူဝ်ႈ ပီ 2014 ၼၼ်ႉသေ တီႈၼႂ်း ၸႄႈဝဵင်းတွင်ႇတႃႇ ၼႂ်းၵႃႈ ပွၵ်ႉ 6 ပွၵ်ႉ၊ ဢိူင်ႇ 77 ဢိူင်ႇၼၼ်ႉ မီးၵႂႃႇ ႁူဝ်ၼပ်ႉၵူၼ်း 216,642 ၵေႃႉယဝ်ႉ။ လွင်ႈသတ်ႉ ႁူဝ်ၼပ်ႉၵူၼ်းၼၼ်ႉ 1 လွၵ်းၵီႇလူဝ်ႇမီႇတႃႇၼႆႉ မီး 164.9 ၵေႃႉသေ ႁူဝ်ၼပ်ႉၵူၼ်းၸၢႆး မီး 91,761 ၵေႃႉသေ ႁူဝ်ၼပ်ႉ ၼၢင်းယိင်း 119,481 ၵေႃႉသေ ၵူၼ်းၸၢႆးမီး ႁူဝ်ပၢၵ်ႇ 44.8 ၊ ၼၢင်းယိင်းမီး ႁူဝ်ပၢၵ်ႇ 55.2 ယဝ်ႉ။ ၵူၼ်းၸိူဝ်းယူႇ ဝၢၼ်ႈၼွၵ်ႈ မီး 199,144 သေ ၸိူဝ်းယူႇ ၼႂ်းဝဵင်း မီးၵႂႃႇ 17,528 ၵေႃႉယဝ်ႉ။ ပေႃးဢဝ်ႁူဝ်ပၢၵ်ႇဝႃႈ ၵူၼ်းယူႇတီႈဝၢၼ်ႈၼွၵ်ႈ မီး ႁူဝ်ပၢၵ်ႇ 91.9 သေ ၵူၼ်းယူႇတီႈၼႂ်းဝဵင်းၸမ်ႉ မီး ႁူဝ်ပၢၵ်ႇ 8.1 ယဝ်ႉ။ ၂၀၁၄ ခုနှစ် မြန်မာနိုင်ငံလူဦးရေနှင့် အိမ်အကြောင်းအရာသန်းခေါင်စာရင်း မန္တလေးတိုင်းဒေသကြီး မြင်းခြံခရိုင် တောင်သာမြို့နယ် အစီရင်ခံစာ 

ႁူင်းၵၢၼ်ၸၢၵ်ႈၽႃႈၽႅၼ်ႇ မၢႆ (10)(တွင်ႇတႃႇ) ၼႆႉ လႆႈတႄႇတင်ႈမႃး မိူဝ်ႈ ပီ 2005 ၼၼ်ႉသေ ၽိူဝ်ႇထိုင် 2006 မႃး တႄႇလွင်ႈႁဵတ်းဢွၵ်ႇ ၶူဝ်း မႃးယဝ်ႉ။ၶူဝ်းၼုင်ႈတၢင်းမႆ ဢၼ်ႁဵတ်းဢွၵ်ႇတီႈ ႁူင်းၵၢၼ်ၸၢၵ်ႈၽႃႈၽႅၼ်ႇ မၢႆ (10)(တွင်ႇတႃႇ)ၼၼ်ႉ

ဢၼ်ပဵၼ် ဢၢႆၵႂၼ်းထၢတ်ႈ တွၼ်ႈတႃႇၸႂ်ႉပဵၼ်ႁႅင်းၾႆးၾႃႉၼႂ်းမိူင်း ၼိုင်ႈဝၼ်း ဢၢႆၵႂၼ်းထၢတ်ႈၵုပထတ်း 50 လၢၼ်ႉၼႆ့ လုၵ်ႉတီႈ ဢွင်ႈပိုၼ်ၽႄဢၢႆၵႂၼ်းထၢတ်ႈတွင်ႇတႃႇ (Off-take station) ဢၼ်ပဵၼ် ဢွင်ႈတီႈပိူင်လူင်ပိုၼ်ၽႄ လွတ်ႇဢၢႆၵႂၼ်းထၢတ်ႈ မျႅၼ်ႇမႃႇ-ၶႄႇ ၼၼ်ႉသေ သူင်ႇပၼ်ယူႇယဝ်ႉ။

လုၵ်ႉတီႈလွတ်ႇဢၢႆၵႂၼ်းထၢတ်ႈ မျႅၼ်ႇမႃႇ-ၶႄႇသေ ဢွင်ႈတီႈဢၼ်ပိုၼ်ၽႄပၼ်ဢၢႆၵႂၼ်းထၢတ်ႈ (Off-take station) ဢၼ်ပဵၼ်ပိူင်လူင်မၼ်းၼႆႉ မီးဝႆႉတီႈ -

ဢၼ်လုၵ်ႉတီႈ ဢွင်ႈပိုၼ်ၽႄဢၢႆၵႂၼ်းထၢတ်ႈတွင်ႇတႃႇသေ သူင်ႇပၼ် ၵၢၼ်ၼမ်ႉမၼ်းမဵၼ် လႄႈ ဢၢႆၵႂၼ်းထၢတ်ႈသၽႃႇဝမျႅၼ်ႇမႃႇၼၼ်ႉ ဢဝ်ၵႂႃႇၸႂ်ႉတီႈ ႁူင်းၵၢၼ်ၸၢၵ်ႈလဵၵ်းမျိၼ်းၶျၢၼ်ႇ၊ ႁူင်းၵၢၼ်ၸၢၵ်ႈပၼ်ၾႆးၾႃႉ Aggreko လႄႈ ႁူင်းၵၢၼ်ၸၢၵ်ႈပၼ်ၾႆးၾႃႉ V power ၼၼ်ႉယဝ်ႉ။ လုၵ်ႉတီႈႁူင်းၵၢၼ်ၸၢၵ်ႈပၼ်ၾႆးၾႃႉၸိူဝ်းၼၼ်ႉသေ ၸင်ႇလႆႈပိုၼ်ၽႄပၼ်ၾႆးၾႃႉတႃႇ ၵူၼ်းပိုၼ်ႉတီႈယူႇယဝ်ႉ။

ဢွင်ႈပိုၼ်ၽႄဢၢႆၵႂၼ်းထၢတ်ႈ တွင်ႇတႃႇၼႆႉ တႄႇပၼ်ႇ မိူဝ်ႈ ပီ 2015၊ ဢေႇပရႄႇၼၼ်ႉယဝ်ႉ။

ဢွင်ႈတီႈပိုၼ်ၽႄဢၢႆၵႂၼ်းထၢတ်ႈ တွင်ႇတႃႇၼႆႉ မိူဝ်ႈပီ 2015 ၼၼ်ႉ လႆႈသူင်ပၼ်ဢၢႆၵႂၼ်းထၢတ်ႈ တႃႇႁူင်းၵၢၼ်ၸၢၵ်ႈပၼ်ၾႆးၾႃႉ တႃႇ ယူႇၼိတ်ႉ 4,869.45 လၢၼ်ႉ၊ ပီ 2016 ၼၼ်ႉႁဵတ်းဢွၵ်ႇမႃး တႃႇ ယူႇၼိတ်ႉ 13,205 လၢၼ်ႉသေ ပီ 2017 တေႃႇထိုင်လိူၼ် ဢႄႇပရႄႇ ၼႆႉ ႁဵတ်းဢွၵ်ႇသူင်ပၼ်မႃးတႃ ယူႇၼိတ်ႉ 5,905.2 လၢၼ်ႉ ယဝ်ႉ။

ဢၢႆၵႂၼ်းထၢတ်ႈ ဢၼ်လုၵ်ႉတီႈၸႄႈဝဵင်းတွင်ႇတႃႇသေ သူင်ႇပၼ်တႃႇ ႁဵတ်းဢွၵ်ႇၾႆးၾႃႉ ဢဝ်ၵႂႃႇၸႂ်ႉတီႈ ႁူင်းၸၢၵ်ႈပၼ်ၾႆးၾႃႉ Aggreko ယဝ်ႉ လုၵ်ႉတီႈၼၼ်ႈသေ ၵႂႃႇႁူမ်ႈ ယူင်ႇၸၢၵ်ႈၽႄၾႆးၾႃႉ ၸႄႈတွၼ်ႈမျိၼ်းၶျၢၼ်ႇသေၵႃႈ ၽႄပၼ်ၾႆးၾႃႉတႃႇ ၸႄႈတွၼ်ႈမျိၼ်းၶျၢၼ်ႇတင်းမူတ်းယူႇယဝ်ႉ။

ႁႅင်းၾႆးၾႃႉ ဢၼ်ဢွၵ်ႇတီႈ ႁူင်းၸၢၵ်ႈပၼ်ၾႆးၾႃႉ V power ၼၼ်ႉၸမ်ႉ သူင်ႇၸူး သၢႆၾႆးၾႃႉတပျေႇသေ လုၵ်ႉတီႈၼၼ်ႈယဝ်ႉ ၶိုၼ်းသိုပ်ႇသူင်ႇတီႈ ပိူင်ပၼ်ႁႅင်းၾႆးၽႃႉၸိုဝ်ႉၸၢတ်ႈ () ယူႇယဝ်ႉ။ ဢၼ်ပဵၼ် ႁူင်းၵၢၼ်ၸၢၵ်ႈပၼ်ၾႆးၾႃႉ V power ၼႆႉ တႄႇပၼ်ႇမိူဝ်ႈ ပီ 2016၊ လိူၼ်ၵျုၼ်ႇ ၼၼ်ႉသေ ႁႅင်းၾႆးၾႃႉ ဢၼ်ႁဵတ်းဢွၵ်ႇလႆႈၼႆႉ မီး 133 မႅၵ်ႇၵႃႇဝတ်ႉယဝ်ႉ။

ႁူင်းၵၢၼ်ၸၢၵ်ႈပၼ်ၾႆးၾႃႉ Aggreko ဢၼ်မီးတီႈ ၸႄႈဝဵင်းတွင်ႇတႃႇၼႆႉ တႄႇပၼ်မိူဝ်ႈ ပီ 2015၊ လိူၼ်ဢေႇပရႄႇ ၼၼ်ႉသေ ႁႅင်းၾႆးၾႃႉဢၼ်ႁဵတ်းဢွၵ်ႇလႆႈၼႆႉ မီး 90 မႅၵ်ႇၵႃႇဝတ်ႉယဝ်ႉ။

ဢၼ်ပဵၼ်လွတ်ႇဢၢႆၵႂၼ်းထၢတ်ႈ မျႅၼ်ႇမႃႇ-ၶႄႇ ၼၼ်ႉ တႄႇၵေႃႇသၢင်ႈမိူဝ်ႈ ပီ 2016၊ လိူၼ်ၵျုၼ်ႇ ၼၼ်ႉသေ မၼ်းမီးဝႆႉ လွတ်ႇၼမ်ႉမဵၼ် လႄႈ လွတ်ႇဢၢႆၵႂၼ်းထၢတ်ႈ ၼႆသေ မီးသွင်လွတ်ႇယဝ်ႉ။ ဢၼ်ပဵၼ်လွတ်ႇဢၢႆၵႂၼ်းထၢတ်ႈ မျႅၼ်ႇမႃႇ-ၶႄႇ ၼႆႉ MOGE, ၶွမ်ႇပၼီႇၶႄႇ CNPC, ၶွမ်ႇပၼီႇၵူဝ်းရီးယႃး တေႇဝူး, ၶွမ်ႇပၸီႇၼမ်ႉမၼ်းမဵၼ်ဢိၼ်းတီးယႃး, ၶွမ်ႇပၼီႇဢၢႆၵႂၢၼ်းထၢတ်ႈၵူဝ်းရီးယႃး လႄႈ ၶွမ်ႇပၼီႇဢၢႆၵႂၼ်းထၢတ်ႈဢိၼ်းတီးယႃး ၶဝ် ႁူမ်ႈၵၢၼ်ၵၼ်သေ ၵေႃႇသၢင်ႈမႃးယဝ်ႉ။

လွတ်ႇဢၢႆၵႂၼ်းထၢတ်ႈသၽႃႇဝ မျႅၼ်ႇမႃႇ-ၶႄႇၼႆႉ လုၵ်ႉဢဝ်တီႈ ၵုၼ် Ramree ဢၼ်မီးတီႈ ဝဵင်းၵျွၵ်ႉၽျူႇ၊ ၸႄႈမိူင်းရၶႅင်ႇ ၼၼ်ႉသေ မီးတၢင်းယၢဝ်း 793 ၶီႇလူဝ်ႇမီႇတႃႇယဝ်ႉ။ လုၵ်ႉတီႈလွတ်ႇ ဢၢႆၵႂၼ်းထၢတ်ႈသၽႃႇဝၼၼ်ႉသေ တီႈဢၼ်ၽႄပၼ်တႃႇၸႂ်ႉၵၢၼ်ၾႆးၾႃႉၼႂ်းမိူင်း ၼႂ်းၵႃႈ Off-take station ၼၼ်ႉ ဢၼ်ပဵၼ်တီႈ Off-take station ၵျွၵ်ႉၽျူႇၼႆႉ ၼိုင်ႈဝၼ်း လႆႈသူင်ႇပၼ် ႁူင်းၵၢၼ်ၸၢၵ်ႈပၼ်ၾႆးၾႃႉ တီႈ ၸႄႈဝဵင်းၵျွၵ်ႉၽျူႇၼႆႉ မီး ဢၢႆၵႂၼ်းထၢတ်ႈၵုပမီႇတႃႇ 5,800,000 ၼၼ်ႉယဝ်ႉ။ တီႈ Off-take station ယေႇၼၢၼ်ႇၶျွင်းၼၼ်ႉၸမ်ႉ ၼိုင်ႈဝၼ်း လႆႈသူင်ႇပၼ် ဢၢႆၵႂၼ်းထၢတ်ႈၵုပမီႇတႃႇ 56,000 ၼႆႉယဝ်ႉ။ တီႈ Off-take station တွင်ႇတႃႇၼၼ်ႉၸမ်ႉ ၼိုင်ႈဝၼ်း လႆႈသူင်ႇပၼ် ဢၢႆၵႂၼ်းထၢတ်ႈၵုပမီႇတႃႇ 740,000 ၼၼ်ႉ လႆႈသူင်ႇပၼ်တႃႇ ႁူင်းၵၢၼ်ၸၢၵ်ႈပၼ်ၾႆးၾႃႉ ၸႄႈတွၼ်ႈၵျွၵ်ႉသႄႇ လႄႈ ႁူင်းၵၢၼ်ၸၢၵ်ႈႁုင်ၵႅဝ်ႈ ယဝ်ႉ။




#Article 52: တွၵ်ႇတိူဝ်ႇဢႅမ်ႇပေႇတၵႃႇ (389 words)


ၸိုဝ်ႈတဵမ်ထူၼ်ႈ မၼ်းတႄႉ ႁွင်ႉဝႃႈ ၿီမရႃႇဢူဝ်ႇရၢမ်ႇၵျိ ဢႅမ်ႇပေႇတၵႃႇ ၼႆသေ ပဵၼ်ၽူႈ ထတ်းသိၼ်၊ ၽူႈဢွၼ်ႁူဝ် ပၢႆးမိူင်း၊ ၽူႈပၢႆးဝူၼ်ႉ ၻသ်သၼ၊ ၽူႈမီး ၸႂ်မေႃဝူၼ်ႉ၊ ၽူႈတႅမ်ႈလိၵ်ႈ ၵတ်ႉၶႅၼ်ႇ၊ ၽူႈမီးပၺ်ႇၺႃႇ လွင်ႈပၢႆးမၢၵ်ႇမီး၊ ပဵၼ်ၽူႈလုၵ်ႉၽိုၼ်ႉလႄႈ ပဵၼ်ၽူႈ ၸိုဝ်ႈသဵင်ယႂ်ႇလူၺ်ႈ လွင်ႈၶိုၼ်းမႄး ပူၵ်းတင်ႈ ပုတ်ႉထၽႃႇသႃႇ တမ်ႈတီႈ ၼႂ်းမိူင်း ဢိၼ်ႇတိယယဝ်ႉ။ လိူဝ်သေၼၼ်ႉ မၼ်းၼႆႉ ပဵၼ်ၽူႈမီးပၺ်ႇၺႃႇ လွင်ႈၽၢႆႇတႅမ်ႈ ဢုပတေႇ ပိူင်မိူင်းၼၼ်ႉ ၵေႃႉၼိုင်ႈ။ တီႈၼႂ်း မိူင်းဢိၼ်ႇတိယၼႆႉ မီးဝႆႉ ၶိူဝ်းၵူၼ်းၶိူဝ်းၼိုင်ႈ ႁိၵ်ႈၸိုဝ်ႈဝႃႈ မႁႃႇ ။ ဝၢႆးမႃး ၶိူဝ်းၼၼ်ႉ လႆႈၶၢမ်ႇ မၵ်းမၼ်ႈဝႃႈ ပဵၼ်ၶိူဝ်း လီႁင်ႈ လီဢဵတ်ႇသဵတ်ႇၼႆသေ ၽႂ်ၵေႃႈဢမ်ႇၶႂ်ႈယိပ်း ဢမ်ႇၶႂ်ႈတိူဝ်ႉၶဝ်။

မၼ်းၸၢႆးၼႆႉ လႆႈၵိူတ်ႇမႃး တမ်ႈတီႈ ၼႂ်းၵႄႈၶိူဝ်းၼၼ်ႉယဝ်ႉ။ မၼ်းၼႆႉ သၢၼ်ၶတ်းလွင်ႈ ၸၢဝ်းႁိၼ်ႇတူႇၶဝ် ၸႅၵ်ႇၽႄထၢၼ်ႈၶိူဝ်းၵူၼ်း (ၶိူဝ်းၸဝ်ႈ၊ ၶိူဝ်းပုၼ်ႇၼႃး၊ ၶိူဝ်းသထေး၊ ၶိူဝ်းၵူၼ်းၽၢၼ်)ၼၼ်ႉ တင်းပိုၵ်းယူႇ။ ပုၼ်ႈတႃႇ ၸၢဝ်းၶိူဝ်း ၸၼ်ႉတႅမ်ႇ ဢၼ်ပိူၼ်ႈ ဢွၼ်ၵၼ် မၵ်းမၼ်ႈဝႃႈ ဢမ်ႇလီထီႉတိူဝ်ႉၼၼ်ႉ မၼ်းဢွၼ်ဢဝ်ၸိူဝ်းၶဝ် ဢၢၼ်ႇႁူဝ်သႅၼ်မၼ်း ၶဝ်ႈပဵၼ် ၸၢဝ်းပုတ်ႉမႃးယဝ်ႉ။ ၵူၼ်းမိူင်း ဢိၼ်ႇတိယၶဝ် ဢွၼ်ၵၼ် မၵ်းမၼ်ႈဝႃႈ မၼ်းပဵၼ် ၼေႃႇၶမ်းၸဝ်ႈ ၼႆသေတႃႉ မၼ်းတႄႉ တိုၼ်းဢမ်ႇဝႃႈ မၼ်းပဵၼ် ၼေႃႇၶမ်းၸဝ်ႈ။

မၼ်းၼႆႉ ပဵၼ် ၽူႈမီး ပၺ်ႇၺႃႇၵေႃႉၼိုင်ႈသေ လဵပ်ႈႁဵၼ်းႁႃ တၢင်းမေႃပၺ်ႇၺႃႇ ၵူႈပိူင်ယူႇ။ ၽႃႇသႃႇၵူႈပိူင်ပိူင်၊ ပၢႆးဝူၼ်ႉၵူႈပိူင်ပိူင်ၵေႃႈ လဵပ်ႈႁဵၼ်း၊ ဝႃႇတမၢၵ်ႉၸ်ၵေႃႈ လဵပ်ႈႁဵၼ်းယဝ်ႉ။ ၵမ်းလိုၼ်း လႆႈမႃး လူႁၼ် တူၺ်းၺႃး ပိတၵၢတ်ႈ ထမ်းတြႃးၽြႃးပဵၼ်ၸဝ်ႈလႄႈ မၼ်းၶဝ်ႈၸႂ်ၵႂႃႇ တႄႉတႄႉယူႇ။ မိူဝ်ႈ 1935 လိူၼ် ဢွၵ်ႇထူဝ်ႇပိူဝ်ႇ 13 ဝၼ်းၼၼ်ႉ တွၵ်ႇတိူဝ်ႇဢႅမ်ႇပေႇတၵႃႇ Dr. Ambedkar ပိုၼ်ၶၢဝ်ႇ ႁတ်းꧦႁၢၼ်ꧦဝႃႈ  ၵဝ်ၶႃႈၼႆႉ လုၵ်ႉတီႈ ၸၢဝ်းႁိၼ်ႇတူႇ ၵေႃႉၼိုင်ႈသေ ၵိူတ်ႇမႃးဢေႃႈ။ ၵူၺ်းၵႃႈၵဝ်ၶႃႈ တေဢမ်ႇတၢႆၸိူင်ႉၼင် ႁိၼ်ႇတူႇ။ ၵွပ်ႈသင် ပေႃးၼႆၸိုင် ပဵၼ်လူၺ်ႈ ၵွပ်ႈဢဵၼ်ႁႅင်း ၼႂ်းၸႂ်ၶႃႈ ပိူင်ၼိုင်ႈၼၼ်ႉယဝ်ႇ ၼႆသေ ပိုၼ်ၽၢဝ်ႇ လွင်ႈမၼ်း ၸုၼ်ႉပႅတ်ႈ ၽႃႇသႃႇႁိၼ်ႇတူႇၼၼ်ႉယဝ်ႉ။

ၽႃႇသႃႇ သိၵ်ႉၶ်၊ ၽႃႇသႃႇ ဢိတ်ႉသလၢမ်ႇ၊ ၽႃႇသႃႇၶရိယၢၼ်ႇ ၶဝ်ၵေႃႈ မႃးႁွင်ႉမၼ်း ၵမ်းလဵဝ် ႁႂ်ႈမၼ်း ၶဝ်ႈၼႂ်း ၽႃႇသႃႇၶဝ်ၼႆယူႇ။ ၶဝ်ၸိူဝ်းၼၼ်ႉ ဢဝ်ငိုၼ်းၶမ်း ၶူဝ်းၶွင် တင်းၼမ်သေ တေၵုမ်ႉၸွႆႈမၼ်း ဢိၵ်ႇလူၺ်ႈ ၵူၼ်းၸွမ်းလင်မၼ်း ၼႆသေ မႃးႁူၺ်း မၼ်းယဝ်ႉ။ တွၵ်ႇတိူဝ်ႇ ဢႅမ်ႇပေႇတၵႃႇလႄႈ လုၵ်ႈၼွင်ႉတပႄးမၼ်း ၸိူဝ်းၼၼ်ႉ ထဵင်ပႅတ်ႈ လွင်ႈပိူၼ်ႈႁူၺ်းၶဝ်ၼၼ်ႉယူႇ။ ယွၼ်ႉသင် ပေႃးဝႃႈၼႆ ယွၼ်ႉပိူဝ်ႈ ၼႂ်းၸႂ်ၶဝ် ယုမ်ႇယမ်ဝႆႉ ၽြႃး၊ တြႃး၊ သင်ႇၶႃႇ ရတၼႃႇၵႅဝ်ႈမျၢတ်ႈသၢမ်ပိူင် ၼၼ်ႉယဝ်ႉ။

ၶေႃႈၵႂၢမ်း တီႈတႂ်ႈၼႆႉ ၼႄပၼ် လွင်ႈတွၵ်ႇတိူဝ်ႇ ဢႅမ်ႇပေႇတၵႃႇ ယုမ်ႇယမ် ၶဝ်ႈၸႂ် ၼိူဝ်ပုတ်ႉထၸဝ်ႈၼၼ်ႉၼႆ ထၢင်ႇၸႅင်ႈယူႇ။ ပုတ်ႉထၸဝ်ႈၼႆႉ ပေႃးတႅၵ်ႈတူၺ်းတင်း ၽူႈဢွၼ်ႇႁူဝ် ၽႃႇသႃႇတၢင်ၸိူဝ်းၸိုင် ၵႅၼ်ႇၸဝ်ႈ မီးဝႆႉလွင်ႈလၢၵ်ႇလၢႆး ဢၼ်ဢမ်ႇမိူၼ်ပိူၼ်ႈၼၼ်ႉ ပိူင်ၼိုင်ႈယူႇ။ ဢၼ်ၼၼ်ႉတႄႉ ပဵၼ်လွင်ႈ ၸဝ်ႈၵဝ်ႇ ပၢၵ်ႈပႅတ်ႈ တူဝ်ၸဝ်ႈၵဝ်ႇၼၼ်ႉယဝ်ႉ။ ယေႇသူႉတႄႉ မၼ်းလၢတ်ႈဝႃႈ မၼ်းပဵၼ် လုၵ်ႈၽြႃးထႃႇဝရၼႆယဝ်ႉ။ မူဝ်ႇႁႃႇမႅတ်ႉတႄႉ လၢတ်ႈလိူဝ်သေၼၼ်ႉ ဢိတ်းၼိုင်ႈယဝ်ႉ။ မၼ်းလၢတ်ႈဝႃႈ မၼ်းပဵၼ် တမၢၼ်ႇ (ၽူႈတၢင်တူဝ်ၽြႃး) ၵေႃႉၸႂ်ႉမၼ်းမႃး မိူင်းၵူၼ်း ၵမ်းလိုၼ်းသုတ်းၼႆယဝ်ႉ။ ၶရိတ်ႉသျၼႃးတႄႉ သမ်ႉၶႅၼ်း လၢတ်ႈလိူဝ်တွၼ်းသေ ယေႇသူႉလႄႈ မူဝ်ႇႁႃႇမႅတ်ႉလူးၵွၼ်ႇ။ မၼ်းဝႃႈမၼ်းပဵၼ် ၽြႃးၼိူဝ်ၽြႃးတင်းသဵင်ႈၼႆယဝ်ႉ။ ပုတ်ႉထၸဝ်ႈတႄႉ မၼ်းၸဝ်ႈၵူၺ်းဝႃႈ မၼ်းပဵၼ်ၽူႈမျၢတ်ႈ ၸဝ်ႈၼိုင်ႈ ၼႆၵူၺ်း။ လွင်ႈဢၼ်ဝႃႈ ပဵၼ်လုၵ်ႈၽြႃး သူႇၼၼ်ႉ၊ ပဵၼ်ၽူႈတၢင်တူဝ် ၽြႃးသူႇၼၼ်ႉၼႆၵေႃႈတေႃႈဢမ်ႇဝႃႈ။ ပုတ်ႉထၸဝ်ႈၼႆႉ လုၵ်ႉတီႈ ၽဝၵူၼ်း သေၵိူတ်ႇမႃး။ ယူႇသဝ်းသိုပ်ႇသၢႆၸႂ်ၵႂႃႇ ၸိူင်ႉၼင်ႇၵူၼ်းသေ တြႃးဢၼ်ၵႅၼ်ႇၸဝ်ႈ ႁေႃးၼၼ်ႉၵေႃႈ ႁေႃးၵႂႃႇၸိူင်ႉၼင်ႇ ၵူၼ်းၵူၺ်း။ ၸိူဝ်းယေႇသူႉ၊ မူဝ်ႇႁႃႇမႅတ်ႉၶဝ်တႄႉ ၶဝ်ပိုၼ်ၶၢဝ်ႇဝႃႈ ၶဝ်ပဵၼ် ၸဝ်ႈၽူတ်ႇ (ကယ်တင်ရှင်) ၼႆယဝ်ႉ။ ပုတ်ႉထၸဝ်ႈတႄႉ မၼ်းၸဝ်ႈလၢတ်ႈဝႃႈ မၼ်းၸဝ်ႈပဵၼ်ၽူႈမႃး ပၼ်တၢင်းႁူႉ တမ်ႈတီႈပိူၼ်ႈ ၵူၺ်းၼႆယဝ်ႉ။

ၵွပ်ႈသင် မၼ်းၶဝ်ႈပဵၼ် ၸၢဝ်းပုတ်ႉ ပေႃးဝႃႈၼႆၸိုင် တေလႆႈဝႃႈ ယွၼ်ႉလူၺ်ႈ ၵၢၼ်လဵပ်ႈႁဵၼ်း ပၢႆးမၼုတ်ႉသၼၼ်ႉၼႆယူႇ။ ဢၼ်မၼ်းၶူၼ်ႉၶႂႃႉႁႃႁၼ် ဢၼ်လၢၵ်ႇလၢႆးမၼ်ႈတႄႉ မီးဢၼ်ၼိုင်ႈ ဢၼ်ၼၼ်ႉတႄႉ မၼ်းႁၼ်ထိုင်ဝႃႈ ၸိူဝ်းၶဝ် ဢၼ်လႆႈၶၢမ်ႇ ၵူၼ်းတၢင်ႇၶိူဝ်း တဵၵ်းတဵင် ဢမ်ႇၶႂ်ႈႁဵတ်းၵေႃႉ (ၸိူင်ႉၼင်ႇမၼ်း)ၼႆႉ မိူဝ်ႈၵွၼ်ႇ ၶဝ်ပဵၼ်ၸၢဝ်းပုတ်ႉမႃးသေ ပိူၼ်ႈတေ ဢထမ်ႇမ ၸႂ်ႉၶဝ်ၸုၼ်ႉပႅတ်ႈ ဝႃႇတပုတ်ႉထယူႇ။ ယွၼ်ႉၶဝ် ဢမ်ႇၸုၼ်ႉလႆႈလႄႈ ပိူၼ်ႈၸင်ႇဢမ်ႇဢဝ်ၶဝ် ၶဝ်ႈၼႂ်း သဵၼ်ႈမၢႆၵူၼ်းသေ ဢမ်ႇႁဵတ်းၵေႃႉၶဝ်လႄႈ ၵမ်းလိုၼ်းမႃး လႆႈပဵၼ်မႃႈၽဝႃႉ ဢၼ်ၽႂ်ၵေႃႈ ဢမ်ႇၶႂ်ႈတိူဝ်ႉၼိူဝ်ႉၶဝ်သေ ပဵၼ်ၵႂႃႇ ၸၢတ်ႈထၢၼ်ႈတႅမ်ႇ ၼႆယဝ်ႉ။ မၼ်းၶူၼ်ႉၶႂႃႉသေ တႅမ်ႈဢွၵ်ႇ ပဵၼ်ပပ်ႉၼႄဝႃႈ လွင်ႈၸိူဝ်းၶဝ် ၵူၼ်းၽၢၼ်ၼႆႉ ႁဵတ်းႁိုဝ် လႆႈပဵၼ်မႃး ၽူႈၶၢမ်ႇတဵၵ်းတဵင်ၼႆယူႇ။

ၽႃႇသႃႇတြႃး ဢၼ်ဝႃႈၼႆႉတႄႉ ပဵၼ်ပုၼ်ႈတႃႇၵူၼ်းႁဝ်း လႆႈယူႇသဝ်း သိုပ်ႇမီးၸႂ် ပဵၼ်ၵူၼ်းၵႂႃႇၼၼ်ႉယဝ်ႉ။ ၵူၼ်းၼႆႉတႄႉ ဢမ်ႇၸႂ်ႈတႃႇ ၽႃႇသႃႇတြႃး။ ၽူႈဢွၼ်ႁူဝ်ၽႃႇသႃႇ ၵေႃႉၽူႈဢၼ်ႁေႃးတြႃးသေ သၢၼ်ၶတ်း လွင်ႈၸႅၵ်ႇၽႄထၢၼ်ႈၵူၼ်း၊ ၽိဝ်ၼိူဝ်ႉၼင်၊ ၶိူဝ်းၵူၼ်း၊ ၸၼ်ႉတႅမ်ႇ၊ ၸၼ်ႉသုင်ၼၼ်ႉတႄႉ ၼႂ်းလေႃးၵၼႆႉ ၵူၺ်းမီးၵေႃႉလဵဝ်ၵူၺ်း။ ၼၼ်ႉတႄႉပဵၼ် ပုတ်ႉထၸဝ်ႈယဝ်ႉ။ မိူဝ်ႈ 1956၊ လိူၼ်ဢွၵ်ႇထူဝ်ႇပိူဝ်ႇ 14 ဝၼ်းၼၼ်ႉ ပႃႇမွၵ်ႉၶတွၵ်ႇတိူဝ်ႇ ဢႅမ်ႇပေႇတၵႃႇၼႆႉ ဢွၼ်ဢဝ် တပႄးမၼ်း ႁႃႈသႅၼ်ၵေႃႉသေ ၶဝ်ႈပဵၼ် ၸၢဝ်းပုတ်ႉ ၵႂႃႇယူႇယဝ်ႉ။ ၶၢဝ်ႇငၢဝ်းဢၼ်ၼႆႉမုၼ်းယႂ်ႇ လိုဝ်းႁူင်ၵႂႃႇ တမ်ႈတီႈ ၼႂ်းမိူင်းဢိၼ်ႇတိယ ၽွင်းမိူဝ်ႈ တိုၵ်ႉပူၵ်းတင်ႈ မိူင်းပၢၼ်မႂ်ႇၼၼ်ႉယူႇတႄႉတႄႉယဝ်ႉ။ တီႈၼႂ်းမိူင်း ဢိၼ်ႇတိယၼႆႉ လႆႈဝႃႈပဵၼ်ဢဝ်ထမ်းတြႃး ပုတ်ႉထၸဝ်ႈသေ ႁူၺ်းဢဝ် ၵူၼ်းတင်းၼမ် ပွၵ်ႈဢွၼ်တၢင်းပိူၼ်ႈ ၼႆယူႇ။ ယွၼ်ႉပိူဝ်ႈ တၢင်းဢွၼ်ႁူဝ် ပႃႇမွၵ်ႉၶ တွၵ်ႇတိူဝ်ႇဢႅမ်ႇပေႇတၵႃႇသေ တမ်ႈတီႈ မိူင်းဢိၼ်ႇတိယၼႆႉ တြႃးၽြႃးပဵၼ်ၸဝ်ႈ ၶိုၼ်းႁိူဝ်ႈႁိူင်းမႃးယဝ်ႉ။ ၵူၼ်းၸိူဝ်း ဢၼ်လႆႈၶၢမ်ႇ ပိူၼ်ႈမၢင်ပႅတ်ႈၼၼ်ႉၵေႃႈ ၶိုၼ်းမီး ဢူမုၼ်သိၵ်ႈၶႃႇမႃးသေ ဝၢႆးလိုၼ်းမႃး ပဵၼ်မႃးၸုမ်းဢဵၼ်ႁႅင်းယႂ်ႇ ပၢႆးမိူင်းလူင်ၸုမ်းၼိုင်ႈယူႇ။

တွၵ်ႇတိူဝ်ႇ ဢႅမ်ႇပေႇတၵႃႇၼႆ့ ဝၢႆးသေ ႁဵတ်းဢွၵ်ႇပပ်ႉ ပုတ်ႉထၸဝ်ႈလႄႈ ထမ်းၸဝ်ႈ ယဝ်ႉ သၢမ်ဝၼ်း မိူဝ်ႈဝၼ်းထိ 1965 လိူၼ်ၻီႇၸိမ်ႇပိူဝ်ႇ (6) ဝၼ်းၼၼ်ႉ မၼ်းသဵင်ႈၵၢမ်ႇ သုတ်းမုၼ်ၵႂႃႇယဝ်ႉ။ မၼ်းသဵင်ႈၵႂႃႇ တမ်ႈတီႈ ႁိူၼ်းမၼ်း တီႈဝဵင်းၼိဝ်းတေႇလီႇ ၼၼ်ႉယဝ်ႉ။ ၶေႃႈၵႂၢမ်း ဢၼ်မၼ်း သင်ႇဝႆႉၼၼ်ႉတႄႉ 

ပွႆးတိုၵ်း ဢၼ်ၼႆႉ ပဵၼ်ပုၼ်ႈတႃႇ လႆႈၶိုၼ်း ၼမ်ႉၵတ်ႉ သုၼ်ႇလႆႈသုၼ်ႇပဵၼ် ၵူၼ်းႁဝ်းၵူၺ်း။




#Article 53: တွၼ်ႈယသေႃႇထရႃႇ ၼွမ်းႁူဝ်ဝႆႈသႃ (151 words)


ပုတ်ႉထၸဝ်ႈၼႆႉ တိုၼ်းႁူႉဝႆႉ ၵုင်ႇမုၼ်လီမျၢတ်ႈယသေႃႇတရႃႇယူႇ။ ၵွပ်ႈၼၼ်လႄႈ မိူဝ်ႈၽြႃးပဵꧣ်ၸဝ်ႈယေႃးၶိင်းမႃးတီႈ ယသေႃႇတရႃႇၼၼ်ႉ ၶုၼ်လူင်သုတ်ႉထေႃးထၼၼႆႉ ယိပ်းဢဝ်သီႇပိတ်ႈၽြႃးပဵၼ်ၸဝ်ႈသေ မႃးၸွမ်းၸဝ်ႈသႃႇရိပုတ်ႉတရႃႇလႄႈ ၸဝ်ႈမွၵ်ႉၵလၢၼ်ႇ။ ၽြႃးပဵၼ်ၸဝ်ႈ ၸင်ႇသင်ႇဝႆႉတီႈ ဢၵ်ႉၵသႃႇဝၵမၼ်းၸဝ်ႈဝႃႈ ၼင်ႇၵၢင်ၸႂ်ယသေႃႇတရႃႇမီးသေ ၶႂ်ႈၼပ်ႉယမ်ဝႆႈသႃႇၼၼ် ယႃႇပေႁၢမ်ႈသီးမၼ်းၼၢင်း ၼႆယူႇယဝ်ႉ။

ꧤိၵ်ႉၶုတင်းသဵင်ႈၼႆႉ ဢမ်းမီးၶႂၢင်ႉတိူဝ်ႉၼၢင်းယိင်း၊ တေႃႈပၢႆတိၼ်ၵွႆးယင်းဢမ်ႇလႆႈတိူဝ်ႉ၊ တေႃႈလဵဝ် ပုတ်ႉထၸဝ်ႈၼႆႉ ဢမ်ႇၸႂ်ႈꧤိၵ်ႉၶုထမ်ႇမတႃႇသေဢမ်ႇၵႃး ပဵၼ်ၸဝ်ႈဢၼ်လႆႈသပ်ႉပႆႇၺုတၺၢၼ်ႇယဝ်ႉလႄႈ ပဵၼ်မေးၼၢင်းၵဝ်ႇသေတႃႉၵေႃႈ တေဢမ်ႇလႆႈတိူဝ်ႉ။ ၵူၺ်းၵႃႈ ၼႂ်းၸႂ်ၽြႃးပဵၼ်ၸဝ်ႈၼႆႉ ဢၼၼ်ႉတမႅတ်ႉတႃႇၸိုမ်းဢွင်းဝႆႉ တဵမ်ထူၼ်ႈ။ ယသေႃႇတရႃႇၼႆႉ သုတ်ႉမႃးၸူးၸမ်ၽြႃးပဵၼ်ၸဝ်ႈယဝ်ႉ ဢဝ်ႁိူဝ်တိူဝ်ႉတိၼ်သေ ယိပ်းတိၼ်ၽြႃးပဵၼ်ၸဝ်ႈ ၼပ်ႉယမ်ဝႆႉသႃၼၼ်ႉ ၽႂ်ၵေႃႉလႂ်ၵေႃႈ ဢမ်ႇႁႄႉဢမ်ႇသီးသင်။

ဝၢႆးၼၼ်ႉ ၶုၼ်လူင်သုတ်ႉထေႃးတၼ ၸင်ႇလဝ်ႈလၢတ်ႈၼႄ ၵုင်ၵုၼ်းလွင်ႈလီမျၢတ်ႈ ယသေႃႇတရႃႇယူႇယဝ်ႉ။

႑။ မိူဝ်ႈၸဝ်ႈႁဝ်း ပိုတ်ႇပွႆႇပႅတ်ႈၵၢၼ်ၵူၼ်းႁိူၼ်းၵႂႃႇၼၼ်ႉ  ၸဝ်ႈၸၢႆးၶုၼ်မၢဝ်ႇၶဝ်ၼႂ်းႁၢင်ႈႁေႃ ၶႂ်ႈမႃးသွၼ်ႉမိင်ႈၵူပ်ႉၵူႈတင်း ယသေႃႇတရႃႇသေတႃႉၵေႃႈ လုၵ်ႈယိင်းယင်းဢမ်ႇႁႅၼ်တူၺ်းၼႃႈၶဝ်ၵွၼ်ႇဢေႃႈ။

႒။ မိူင်ႈငိၼ်းဝႃႈ ၸဝ်ႈထႃႁူဝ်သေ ႁပ်ႉႁဵတ်းပဵၼ်သမၼၼႆၼၼ်ႉ လုၵ်ႈယိင်းၵေႃႈ ၸင်ႇပၢတ်ႇၵႅတ်းပႅတ်ႈၶူၼ်ႁူဝ်မၼ်းၼၢင်းဢေႃႈ။

႓။ မိူဝ်ႈၸဝ်ႈႁဝ်းၼိုင်ႈသၢင်ႇၵၢၼ်း ဢၼ်ယွမ်ႉမႂ်မႆႉဝႆႉၼၼ်ႉ မၼ်းၼၢင်းၵေႃႈ ထွတ်ႇလူတ်းပူတ်းပႅတ်ႈ ၶူဝ်းၼုင်ႈတၢင်းဝႆႁၢင်ႈႁေႃသေ ၼုင်ႈၽႅၼ်ႇမၼ်ႈ ဢၼ်ယွမ်ႉၼင်မႆႉဝႆႉၵွႆးဢေႃႈ။

႔ ပေႃးဝႃႈလႆႈႁူႉငိၼ်း ၸဝ်ႈၵိၼ်သွမ်းဝၼ်းၼိုင်ႈတႃႇၵွႆးၼႆၵေႃႈ မၼ်းၼၢင်း ၵိၼ်ဢႃးႁၢၼ်ဝၼ်းၼိုင်ႈပွၵ်ႈၵွႆးၼင်ႇၵဝ်ႇၶႃႈ။

႕။ ပေႃးဝႃႈၸဝ်ႈႁဝ်း ဢမ်ႇၼွၼ်းၼိူဝ်သုင် တီႈဢူၼ်ႈၼူၼ်းၼၼ်ႉၼႆၵေႃႈ မၼ်းၼၢင်းလူင်းၼွၼ်းတီႈဢၼ်တႅမ်ႇၵွႆးဢေႃႈ။

႖။ ပေႃးဝႃႈလႆႈႁူႉၸဝ်ႈႁဝ်းပွႆႇၽႃႈပႅတ်ႈ ဢၼ်ႁွမ်ဢၼ်ႁိုၼ်း လွင်ႈႁဵတ်းႁၢင်ႈႁဵတ်းၾၢင်ၸိူဝ်းၼႆႉၵေႃႈ မၼ်းၼၢင်းပွႆႇၽႃႇၸွမ်းဢေႃႈ။

႗။ ပေႃးၸဝ်ႈႁဝ်းပွႆႇၽႃႈ လွင်ႈလဝ်ႇမူၼ်ႈၵႃႈဝႅၼ်ႁွင်ႉသေႃၸိူဝ်းၼၼ်ႉၵေႃႈ မၼ်းၼၢင်းပွႆႇၽႃႈၸွမ်းဢေႃႈ။ လွင်ႈလႆႈပဵၼ် ၸိူင်ႉၼႆတႄႉ - 

ၸဵမ်မိူဝ်ႈၽဝၸဝ်ႈသိတ်ႉထတ်ႉထပဵၼ်ရသေး​ သုမေႇထႃႇ မိူဝ်ႈပူၼ်ႉမႃးလၢႆလၢႆဢသင်ႇၶေႇၼၼ်ႉလႄႈသင်၊ ယသေႃႇတရႃႇၵေႃႈ လႆႈပဵၼ်ၽဝၼၢင်းယိင်းပုၼ်ႇၼႃးဢွၼ်ႇၼၼ်ႉလႄႈသင်၊ မိူဝ်ႈၽွင်းလႆႈဝႆႈသႃၽြႃးပဵၼ်ၸဝ်ႈ တီႇပင်ႇၵရႃႇၼၼ်ႉ သုမေႇထႃႇၼႆႉ တေပဵၼ်ပုတ်ႉထၵေႃးတမၼႆလႄႈသင်၊ ယသေႃႇတရႃႇၵေႃႈ တေပဵၼ်ၵေႃႈထႅမ်ပႃႇရမီႇမၼ်းၸဝ်ႈၼႆလႄႈသင်၊ ပေႃးလႆႈၶၢမ်ႇတၢင်းပၼ်ပျႃႇတိတ်ႈဝႆႉယူႇယဝ်ႉ။ တေႃႈလဵဝ်ၵေႃႈ ၼႂ်းၽဝၶႃၵမ်းလိုၼ်းသုတ်းၼၼ်ႉ ယသေႃႇတရႃႇၼႆႉ တေပဵၼ်ၵေႃႉထႅမ်ပႃႇရမီႇၸဝ်ႈၺၢၼ်ႇသပ်ႉပၺ်ႇၺုတသိတ်ႉထတ်ထ ဢမ်ႇႁၢင်ႉယဝ်ႉ။

သင်ဝႃႈ ယသေႃႇတရႃႇၼႆႉ ဢမ်ႇပဵၼ်ၵူၼ်းၵေႃႉမီးတၢင်းႁူႉၼႆ ၵွပ်ႈၸဝ်ႈၽူဝ်ဢွၵ်ႇၵႂႃႇၶဝ်ႈထိူၼ်ႇပႅတ်ႈလႄႈ တေမိူၼ်ၼင်ႇမႄႈႁိူၼ်းတၢင်ႇၵေႃႉသေ မႆႈႁွၼ်ႉႁႆႈပွင်ႉၶၢင်းယူႇဢမ်ႇႁၢင်ႉယဝ်ႉ။ တေဢမ်ႇပွႆႇၽႃႈပႅတ်ႈၶူဝ်းၼုင်ႈတင်းဝႆ ဢၼ်ႁၢင်ႈလီၸိူဝ်းၼၼ်ႉသေ ယွၼ်ႉပဵၼ်ၸဝ်ႈၼၢင်းႁၢင်ႈလီၵေႃႉၼိုင်ႈလႄႈ ယင်းတေၵူပ်ႉၵူႈတင်း ၸဝ်ႈၸၢႆးၶုၼ်မၢဝ်ႇသေၵေႃႉၵေႃႉယဝ်ႉ တေတႄႇၼႃႈႁေႃတေႃႁိူၼ်း ယူႇမူၼ်ႈမူၼ်ႈသိူဝ်းသိူဝ်းၵွၼ်ႇယဝ်ႉ။

ၵူၺ်းၵႃႈယသေႃႇတရႃႇၼႆႉ လႆႈပဵၼ်ၵေႃႉထႅမ်ပႃႇရမီႇ ၼေႃႇၶမ်းၸဝ်ႈမႃးလၢႆလၢႆၽဝလႄႈ ၵၢၼ်ဢမ်ႇလီၼၼ်ႉ တိုၼ်းတေဢမ်ႇႁဵတ်းယဝ်ႉ။ ပွင်ႇၸႂ်ႁၼ်ထိုင် လွင်ပိုၼ်ႉပွႆႇ ယွၼ်ႉတၢင်းဢဵၼ်းဢၢၼ်းယႂ်ႇသုင် ၶွင်ပုတ်ႉထၸဝ်ႈလႄႈ ဢမ်ႇၶီငဝ်မႆႈႁွၼ်ႉသေ ယင်းတေမၢင်ႇမွင်းလွင်ႈယိူင်းဢၢၼ်းယႂ်ႇလူင်ၸဝ်ႈ ႁႂ်ႈထိုင်တီႈ ၼႆၵွၼ်ႇယဝ်ႉ။

ဝၢႆးလိုၼ်းမႃး ႁူမ်ႈတင်းမႁႃႇပၸႃႇၵေႃးတမီႇသေ တႄႇတင်ႈသႃႇသၼႃႇၽိၵ်ႉၶုၼီႇယူႇယဝ်ႉ။ ၸဝ်ႈၵဝ်ႇၵေႃႈ ၽိုၵ်းသႃၵျၢင်ႉၵမ်တြႃး တေႃႇပေႃးလႆႈပဵၼ် ရႁၢၼ်းတႃႇ လႆႈလွတ်ႈပူၼ်ႉသမ်ႇသရႃႇဝူတ်ႈတုၵ်ႉၶလူင်ၼႆႉသေ ႁူၺ်းႁွင်ႉပၼ်ႁႅင်းႁႂ်ႈၼၢင်းယိင်းတင်းၼမ် လႆႈပႆၼိူဝ်သဵၼ်ႈတၢင်းဢၼ်ၼႆႉယူႇယဝ်ႉ။ ပဵꧣ်ယသေႃႇတရႃႇ ၵေႃႉဢၼ်ထမ်ႇတြႃးတဵမ်ထူၼ်ႈ၊ ၵေႃႉဢၼ်မီးမၢၵ်ႇႁူဝ်ၸႂ် ၽိူၵ်ႇၸိုၼ်ႈၶၢဝ်သႂ်ၼၼ်ႉယူႇယဝ်ႉ။

ၼႃႈလိၵ်ႈ ႔႓၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 54: တၢင်းသုမ်းၵၢၼ်ႉၶုၼ်သူင်လႄႈ လုၵ်ႈယိင်းမၼ်း (117 words)


ဝၢႆးသေ လႆႈၺၢၼ်ႇသမ်ႇမႃႇသမ်ႇၽေႃးထိယဝ်ႉ ၽြႃးပဵၼ်ၸဝ်ႈ သမ်ႇမႃႇသမ်ႇပုတ်ႉထၼႆႉ မိူဝ်ႈသတ်ႉတႃႇႁထူၼ်ႈႁႃႈၼၼ်ႉ ၼင်ႈယူႇတႂ်ႈငဝ်ႈမႆႉၺွင်ႇ ဢꩡပႃႇလၼၼ်ႉယူႇ။ ၽွင်းယၢမ်းၼၼ်ႉ ၶုၼ်သူင်ၼႆႉ တႃႇတေတွပ်ႇထဵင်ၽြႃးပဵၼ်ၸဝ်ႈၼႆသေ ၶိုၼ်းမႃးၶိုၼ်း။ ၸဝ်ႈၵဝ်ႇၼႆႉ လႆႈလွင်ႈဢွၵ်ႇမူၼ်ႉပူၼ်ႉလွတ်ႈ သမ်ႇသရႃႇသေ ယွၼ်ႉသင်လႄႈ သမ်ႉလႆႈဢဝ်ဢတိတ်ႉထၢၼ်ႇ တႃႇၶိုၼ်းသွၼ်ပၼ်ပိူၼ်ႈ ဝႃႈၼႆႁင်းၽြႃးပဵၼ်ၸဝ်ႈ၊​ၽြႃးပဵၼ်ၸဝ်ႈတႄႉ တဵတ်ႇယဵၼ်သေ သိုပ်ႇၼင်ႈၵၢၼ်တြႃးယူႇ။ ၶုၼ်သူင်ၼႆႉ လႆႈသုမ်းၵၢၼ်ႉထႅင်ႈပွၵ်ႈသွင်လႄႈ ပဵၼ်ၸႂ်တူၵ်းသေ ၵႂႃႈၼင်ႈယူႇတီႈၼိုင်ႈယူႇ။

လုၵ်ႈယိင်းၶုၼ်သူင် ၸိူဝ်းပဵၼ် တၼ်ႇႁႃႇ၊ ဢရတီႇ(ၻေႃးသ)၊ ရၷႃႇ(ရႃႇၵ) ၶဝ်သၢမ်ၵေႃႉၼႆႉ ၽႅဝ်မႃးတမ်ႈတီႈၽြႃးပဵၼ်ၸဝ်ႈသေ မႃးႁူၺ်းပၢႆးတင်းမႃႇယႃႇၵူႈပိူင်ပိူင်ယူႇယဝ်ႉ။ ၵူၺ်းၵႃႈ ၽြႃးပဵၼ်ၸဝ်ႈၼႆႉ ၶဝ်ႈၸၢမ်ႇသမႃႇပၢတ်ႈဝႆႉသေ ယင်းဢမ်ႇၽုၺ်ႇမၢၵ်ႇတႃတူၺ်းၶဝ်ၵွၼ်ႇယဝ်ႉ။ ၵွပ်ႈၼၼ်လႄႈ လုၵ်ႈယိင်းၶုၼ်သူင်ၸိူဝ်းၼၼ်ႉၵေႃႈ သုမ်းၵၢၼ်ႉသေ ၶိုၼ်းမိူဝ်းၵႂႃႇယဝ်ႉ။ ဢတ်ိတ်ႉထၢၼ်ႇၽြႃးပဵၼ်ၸဝ်ႈၼႆႉ မိူၼ်သဝ်ႁိၼ်လူင် ဢမ်ႇဝႆ ဢမ်ႇၼိုင် ဢမ်ႇၶွၼ်းၼၼ်ႉယဝ်ႉ။ ၸုၵ်းမၼ်ႈၼိူဝ်ပၺ်ႇၺႃႇတဵမ်တဵမ်ထူၼ်ႈထူၼ်ႈယူႇယဝ်ႉ။

ဝီတရႃꧤယၵေႃ ꩧိတꩪီမုရုꩡ်ၸတေ၊ (ꧤၵဝတ် ၷီတႃ)
မႁႃမုၼိၼႆႉ ꩧိတꩪ (ဢမ်ႇၼၼ်) ပဵၼ်ၵေႃႉဢၼ်မၼ်ႈၼိူဝ်ပၺ်ႇၺႃႇယဝ်ႉ။ ၵွပ်ႈၼၼ်လႄႈၸင်ႇပဵၼ် ဝီတရႃႇၵ ယဝ်ႉ။ လုၵ်ႈယိင်းၶုၼ်သူင်ၶဝ် ၸိူဝ်းၼၼ်ႉ တိုၼ်းဢမ်ႇယွၵ်ႈမွၼ်ႇလႆႈတင်းၵႃႇမရႃႇၵတီႈၽြႃးပဵၼ်ၸဝ်ႈ။ ၵႃႇမရႃႇၵၼၼ်ႉ ပဵၼ်ၽေး ꧤယ လႄႈ ပေႃးဢဝ်ပၺ်ႇၺႃႇထွၼ်ပႅတ်ႈသေ ပဵၼ်ဝႆႉ ဝီတꧤယ ယူႇယဝ်ႉ။ ယင်းဢမ်ႇပဵၼ် ၵေႃးꩪ (ဢမ်ႇၼၼ်) တေႃးသတေႃႇသိုၵ်းၶုၼ်သူင်ၸိူဝ်းၼၼ်ႉသေဢိတ်း။ ဢဝ်ပၺ်ႇၺႃႇတႅပ်းၶၢတ်ႇႁၢၵ်ႈ ၵေႃးꩪ ယဝ်ႉလႄႈ ပဵၼ် ဝတီၵေႃးꩪ ဝႆႉယူႇ။ ၸဵမ်တူဝ်ႁူဝ်ၸႂ် ၵရုၼႃႇတဵမ်ထူၼ်ႈဝႆႉယူႇလႄႈ ၸင်ႇႁွင်ႉဝႃႈ မၼ်ႈတီႈပၺ်ႇၺႃႇ (ဢမ်ႇၼၼ်) ꩧိတꩪီ ယူႇယဝ်ႉ။

မိူဝ်ႈပၢၼ်ၽဝဝၼ်းလၼ်ဢၼ်ၼိုင်ႈၼၼ်ႉ ပရမ်ႇမၼမႃႇၵမ်ႇထိယၼႆႉ ယၢမ်ႈယိုၼ်ႈယွၼ်း ႁႂ်ႈၽြႃးပဵၼ်ၸဝ်ႈ ၵူပ်ႉၵူႈတင်းလုၵ်ႈယိင်းမၼ်းၵွၼ်ႇ။ မိူဝ်ႈယၢမ်းၼၼ် ၽြႃးပဵၼ်ၸဝ်ႈၵေႃႈ ၸင်ႇလွတ်ႈၵႃႇထႃႇၼင်ႇပႃႈတႂ်ႈၼႆႉသေ ထဵင်ၶိုၼ်း လွင်ႈယိုၼ်ႈယွၼ်းၼၼ်ႉယူႇ။

ၻိသွႃၼတꧣ်ၼံ ဢရတိင်ႇၷၼ်ၸ၊ ၼႃႁေႃသိ သၼ်ၻေႃပိ မေထုၼသမိင်
ၵိမေၻိၻံ မုတ်တၵရီသ ပုꧣ်ၼံ၊ ပႃၻႃပိ ၼံ သမ်ၽုသိတံု ၼ ဢိၸ်သေႁိ။ 

ၼႃႈလိၵ်ႈ ႒႙၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 55: တၢင်းၵိၼ် ဢၼ်ဢမ်ႇလီၵိၼ် ၵိုၵ်းၵၼ် (847 words)


အောက်ပါ စားသောက်စရာများသည် တွဲဖက်၍ မစားသင့်ပေ။ အဘယ့်ကြောင့်ဆိုသော် ဤ အစားအစာများသည် လူတို့အား အန္တရာယ် ရှိစေနိုင်သော အစားအစာများဖြစ်သည်။ ဤစာရင်းတွင် ပါဝင်သော အချို့ အစားအစာများသည် လူကို မူးဝေစေခြင်း၊ အော့အန်စေခြင်း၊ ရံဖန်ရံခါ လူကိုပင် သေစေနိုင်သည်။ 



#Article 56: တၢင်ႇသင်ႇၵႃႇယၼႃႇပွၵ်ႈၵမ်းထီႉၼိုင်ႈ (313 words)


ရႁၢၼ်းၶဝ် ၸိူဝ်းပႆႇၵၢင်းရႃႇၵၸိူဝ်းၼၼႉ ပေႃးဝႃႈလႆႈငိၼ်းၽြႃးပဵၼ်ၸဝ်ႈဢဝ်ပရိၼိပ်ႉပၢၼ်ႇယဝ်ႉၼႆၵေႃႈ ဢွၼ်ၵၼ်တမ်ႇၼွႆႉမွင်ၸႂ်သေ ဢိုတ်ႇႁႆႈယူႇယဝ်ႉ။ ရႁၢၼ်းၸိူဝ်းၵၢင်းရႃႇၵၶဝ်သမ်ႉ ၽႄႈတိူၼ်းၽႃႇဝၼႃႇႁူႉႁၼ်ၸွမ်း သင်ႇၶႃႇရတြႃးဢၼ်ဢမ်ႇမၼ်ႈၵိုမ်း၊ ဢၼ်လူႉဢၼ်လႅဝ်ၼၼ်ႉသေ ယူႇတဵတ်ႇတဵတ်ႇယဵၼ်ယဵၼ်။ မိူဝ်ႈၼၼ်ႉ ရႁၢၼ်းလူင် သုꧤတ်ႉတ ဢၼ်ဢႃႇယုယႂ်ႇယဝ်ႉ ၸင်ႇမႃးႁဵတ်းရႁၢၼ်းၼၼ်ႉ ၸဝ်ႈၶဝ်ယႃႇပေႁႆႈ၊ တေႃႈလဵဝ်ၼႆႉ ႁဝ်းလွတ်ႈဢွၵ်ႇၼႂ်းလွင်ႈၵုမ်းၵမ်သမၼေႇ ၸဝ်ႈၵေႃးတမယဝ်ႉ၊ ႁဝ်းၶႂ်ႈႁဵတ်းသင်ၵေႃႈ ႁဵတ်းလႆႈယဝ်ႉ ဝႃႈၼႆ။

ၸဝ်ႈမႁႃႇၵသ်သပၼႆႉ ပေႃႈဝႃႈလႆႈငိၼ်းၶေႃႈၵႂၢမ်းၼၼ်ႉၵေႃႈ ပဵၼ်ဢၼ်ဢၢမ်းလူင်ၵႂႃႇယဝ်ႉ။ ၽြႃးပဵၼ်ၸဝ်ႈ ဢဝ်ပရိၼိပ်ႉပၢၼ်ႇသေ ၶၢပ်ႈတူဝ်ၸဝ်ႈယင်းတိုၵ်ႉမီးယူႇ။ ရႁၢၼ်းဢၼ်ဢမ်ႇလၵ်းလႅမ်၊ ဢမ်ႇႁူႉသင်ၼၼ်ႉ တေႁဵတ်းႁႂ်ႈၶေႃႈသင်ႇသွၼ်ၽြႃးပဵၼ်ၸဝ်ႈယူပ်ႈယွမ်းယဝ်ႉ၊ တေထွၼ်ပႅတ်ႈ ဢၼ်ၶဝ်ဢမ်ႇသူင်ၸိူဝ်းၼၼ်ႉသေ ဢဝ်ၶဝ်သူင်ၸိူဝ်းၼၼ်ႉသမ်ႉ တေဢဝ်မႃးလေႃးယဝ်ႉ၊ တေပဵၼ်တၢင်းယႃႉၵဝ်းပုတ်ႉထသႃႇသၼႃႇ မၼ်ႈၵိုမ်းယိုၼ်းယၢဝ်းယဝ်ႉ ထမ်ႇမဢၼ်ပွမ် တေဢွၵ်ႇမႃးယဝ်ႉ။

ၶေႃႈၵႂၢမ်းငဝ်ႈတိုၼ်း ၽြႃးပဵၼ်ၸဝ်ႈတေႁၢႆလၢႆသေ ပရိယတ်ႉတိ၊ ပတိပတ်ႉတိ ဢၼ်ပဵၼ် သဵၼ်တၢင်းဢွၵ်ႇလွတ်ႈလေႃးၵၼၼ်ႉ တေၵိုတ်းတီႈလႂ်ၵွႆးယဝ်ႉ၊ လွင်ႈၽွၼ်းလီသိူဝ်းသႃႇ တႃႇလေႃးၵ ဢၼ်တႄႉတႄႉမၼ်းတေႁၢႆလၢႆယဝ်ႉ။

ၵွပ်ႈၼၼ်လႄႈ ၸဝ်ႈမႁႃၵသ်သပၼႆႉ တိူင်ႇပၢင်ႇရႁၢၼ်း ႕႐႐ ၶဝ်သေ ဢဝ်ၶေႃႈတူၵ်းလူင်းၵၼ်တင်းသဵင်ႈယဝ်ႉ ဝၢႆးသေၽြႃးပဵၼ်ၸဝ်ႈဢဝ်ပရိၼိပ်ႉပၢၼ်ႇလႆႈသၢမ်လိူၼ် ၸင်ႇႁဵတ်းပဵၼ်ပၢင်ပွႆးတၢင်ႇသၢင်ႇၵႃႇယၼႃႇ ပွၵ်ႈၵမ်းထီႉၼိုင်ႈယူႇယဝ်ႉ။

ပၢင်ပွႆးတၢင်ႇသၢင်ႇၵႃႇယၼႃႇၼႆႉ ဢဝ်တၢင်းၸွႆႈထႅမ်လွင်ႈၸၢတ်းၵၢၼ်ၵုမ်းထိင်း ၶုၼ်ႁေႃၶမ်းဢၸႃႇတသၢတ်ႈသေ ႁဵတ်းသၢင်ႈတီး ၵူင်ထမ်ႈသတ်ႉတပၼ်ႇၼီႇ မိူင်းရႃႇၸၵျူဝ်ႇၼၼ်ႉယူႇယဝ်ႉ။ ထတ်းထွင် ထမ်ႇမလႄႈ ဝိၼယ ဢၼ်ၽြႃးပဵၼ်ၸဝ်ႈႁေႃးမႃးၼႂ်းၶၢဝ်းတၢင်း သီႇသိပ်းႁႃႈဝႃႇၼၼ်ႉယူႇယဝ်ႉ။

ဢဝ်ၸဝ်ႈဢႃႇၼၼ်ႇတႃႇ ၶဝ်ႈပႃးၼႂ်းပၢင်ပွႆးတၢင်ႇသင်ႇၵႃႇယၼႃႇၼႆႉ ပဵၼ်ဢၼ်ထိုင်တီႈတႄႉတႄႉ။ ၵွပ်ႈပိူဝ်ႈ ၸဝ်ႈၼႆႉ ပဵၼ်ၽူႈဢၼ်လုမ်းလႃးၽြႃးပဵၼ်ၸဝ်ႈသၢဝ်းႁႃႈပီ ယူႇၸွမ်းၼင်ႇၵေႃႉငဝ်းၸဝ်ႈယဝ်ႉ။ ၺၢၼ်ႇလႅတ်းၽၢႆသေ ဢူမ်သူပ်းလႆႈ ထမ်ႇမတေႇသၼႃႇ၊ ၵူၺ်းၵႃႈ ပၢင်ပွႆးၼႆႉ ပဵၼ်ရႁၢၼ်းတႃႇၶဝ်ၸဝ်ႈၵွႆးၶဝ်ႈပႃး၊ ဢႃႇၼၼ်ႇတႃႇသမ်ႉ တိုၵ်ႉပဵၼ်သေႃးတႃႇပၢၼ်ႇၵွႆး၊ ၵွပ်ႈၼၼ်လႄႈ တႃႇတေၶဝ်ႈပႃးၼၼ်ႉ ပဵၼ်တၢင်းယၢပ်ႇၽိုတ်ႇဝႆႉ၊ ၵွပ်ႈၼၼ်လႄႈ ၸဝ်ႈဢႃႇၼၼ်ႇတႃႇၸင်ႇၶတ်းၸႂ်ၼင်ႈၵၢၼ်တြႃးတင်းၶိုၼ်းသေ ထိုင်ၵၢင်ၼႂ်ၸဝ်ႈၼၼ်ႉလႆႈပဵၼ်ရႁၢၼ်းတႃႇယဝ်ႉ ၸင်ႇလႆႈၶဝ်ႈပႃးၼႂ်းပၢင်ၵုမ်လူင်ယူႇယဝ်ႉ။

ပၢင်ပွႆးတၢင်ႇသင်ႇၵႃႇယၼႃႇ ပွၵ်ႈၵမ်းၼိုင်ႈၼႆႉ ၵဵဝ်ႇၵပ်းလူၺ်ႈထမ်ႇမသေ ၸဝ်ႈမႁႃႇၵသ်သပတွင်ႈထၢမ်ယဝ်ႉ ၸဝ်ႈဢႃႇၼၼ်တႃႇ တွပ်ႇၵႄႈႁူဝ်ယွႆႈမၼ်း၊ မိူၼ်ၼၼ်ၼင်ႇၵဝ်ႇ ၵဵဝ်ႇၵပ်းဝိၼယသေ ၸဝ်ႈမႁႃႇၵသ်သပတွင်ႈထၢမ်သေ ၸဝ်ႈဢုပႃႇလိတွပ်ႇၵႄႈ။ ၸဝ်ႈရႁၢၼ်းတႃႇလူင်ၶဝ် ငူပ်ႉငိမႄးထတ်းထွင်ယဝ်ႉ ပေႃးတင်းသဵင်လႆႈၸႂ်ၵေႃႈ ဢွၼ်ၽွမ်ႉၵၼ်ဝႃး သင်ႇၵႃႇယၼႃႇ ၼႆယဝ်ႉ။ ရႁၢၼ်းတႃႇၶဝ်ႁႃႈပၢၵ်ႇၸဝ်ႈမၵ်းမၼ်ႈတၢင်ႇၽိုၼ်လွတ်ႈႁေႃးသေ တၢင်ႇသင်ႇၵႃႇယၼႃႇလႄႈ ပၼ်ꩡသတိၵႃ သမ်ၷီတီ ၼႆၵေႃႈႁွင်ႉယဝ်ႉ။ မႁႃႇသင်ႇၵီႇပွၵ်ႈထီႉၼိုင်ႈၼႆႉ ထိင်းသိမ်းဢဝ်ငဝ်ႈတိုၼ်းသႃႇသၼႃႇၽြႃးပဵၼ်ၸဝ်ႈယူႇယဝ်ႉ။

သုတ်တၼ်တေသု ဢသၼ်တေသု၊ ပမုၻ်ၻေ ဝိၼယမ်မိၸ၊
တမေႃ ꧤဝိသ်တိ လေႃၵေ၊ သူရိယေ ဢတ်ထင်ၷတေ ယထႃ။
(ဢၻ်ꩪ ႑၊ ၼႃႈ ႗႒၊ မၢႆပုၵ်ႈ ႑႓႐)

မိူဝ်ႈပၢင်ပွႆးတၢင်ႇသင်ႇၵႃႇယၼႃႇ ပွၵ်ႈၵမ်းထီႉၼိုင်ႈၼၼ်ႉ မိူဝ်ႈၽြႃးပဵၼ်ၸဝ်ႈ ပႆႇဢဝ်ပရိၼိပ်ႉပၢၼ်ႇသင်ႇဝႆႉဝႃႈ သိၵ်ႉၶႃႇပုတ်ႉ ဢၼ်လဵၵ်ႉၼွႆႉၸိူဝ်းၼၼ်ႉ ၶႂ်ႈထွတ်ႇထွၼ်ၵေႃႈလႆႈယူႇ ၼႆယဝ်ႉ။ ၵူၺ်းၵႃႈ ၵဵဝ်ႇလူၺ်ႈၶေႃႈသင်ႇဢၼ်ၼၼ်ႉသေ ၸဝ်ႈဢႃႇၼၼ်ႇတႃႇယင်းဢမ်ႇလႆႈတွင်ႈထၢမ်ၽြႃးပဵၼ်ၸဝ်ႈသေၶႃႈ ၼႆ၊ လွင်ႈဢမ်ႇလႆႈတွင်ႈထၢမ်ၼၼ်ႉၵေႃႈ ပွင်ႇၸႂ်ဝႃႈ ဢမ်ႇတၢပ်ႈလူဝ်ႇထွတ်ႇထွၼ်သိၵ်ႈၶႃႇပုတ်ႉဢၼ်လႂ် ၼႆယဝ်ႉ။ မိူဝ်ႈတၢင်ႇသင်ႇၵႃႇယၼႃႇပွၵ်ႈၵမ်းထီႉၼိုင်ႈၼၼ်ႉ သိၵ်ႉၶႃႇပုတ်ႉ ဢၼ်တေလႆႈထွတ်ႇထွၼ်ပဵၼ်ဢၼ်လႂ်ၼႆ ဢုပ်ႇၵုမ်ၵၼ်ယဝ်ႉ ဢမ်ႇမီးသိၵ်ႉၶႃႇပုတ်ႉ ဢၼ်တေလႆႈထွတ်ႇထွၼ်ၼႆလႄႈ ၸင်ႇတႅပ်းတတ်း ဢမ်ႇထွတ်ႇထွၼ်ဢၼ်လႂ်သေ ဢွၼ်ၵၼ်ၵျၢင်ႉၵမ်ၵႂႃႇၸွမ်းပၵ်းၵဝ်ႇပိူင်ၵဝ်ႇမၼ်းၵွႆးၼႆယူႇယဝ်ႉ။

ၵူၺ်းၵႃႈဝၢႆးသေ တၢင်ႇသင်ႇၵႃႇယၼႃႇပွၵ်ႈၵမ်းထီႉၼိုင်ႈယဝ်ႉ ရႁၢၼ်းၵမ်ႈၽွင်ႈ (ဢထမ်ႇမဝႃႇတီႇ) ဢဝ်ဝိၼီးဢၼ်ယွမ်းယၢၼ်းတင်းၼမ်ၸိမ်ၶဝ်ႈမႃးသေ ၵျၢင်ႉၵမ်ႁဵတ်းၸွမ်းယူႇယဝ်ႉ။

ရႁၢၼ်းၶဝ် ၸိူဝ်းၵျၢင်ႉၵမ်ၸွမ်းဝိၼီးၸဝ်ႈၼၼ်ႉ ၸင်ႇဢွၼ်ၵၼ်ႁႄႉႁၢမ်ႈႁၢဝ်ႈႁၢဝ်ႈႁႅင်းႁႅင်းယဝ်ႉ။ ၵွပ်ႈၼၼ်လႄႈ ရႁၢၼ်းၶဝ်ၼင်ႇၵၼ် လႆႈထဵင်ၵၼ်မေႃးၵၼ်မႃးယဝ်ႉ။ ၼင်ႇႁိုတေၸၢင်ႈၵႄႈလိတ်ႈ ဢထမ်ႇမဝႃႇတီႇၶဝ်ၼၼ်ႉ ဢဝ်တၢင်ႈၵမ်ႉၸွႆႈၶုၼ်ႁေႃၶမ်းမိူင်းဝေႇသႃႇလီႇ ၵႃႇလႃႇသေႃးၵသေ ႁဵတ်းသၢင်ႈပၢင်ပွႆးတၢင်ႇသင်ႇၵႃႇယၼႃႇပွၵ်ႈၵမ်းထီႉသွင်ယူႇယဝ်ႉ။ တီႈပၢင်ပွႆးၼၼ်ႉ လိူၵ်ႈဢဝ်ရႁၢၼ်း ႗႐႐ တူၼ်သေ ၸဝ်ႈယသဢွၼ်ႁူဝ်ၼၢမ်းၼႃႈယဝ်ႉ တၢင်ႇသင်ႇၵႃႇယၼႃႇလႄႈ ၸင်ႇႁွင်ႉဝႃႈ သတ်ႉတသတီႇသင်ႇၵႃႇယၼႃႇ ၼႆယူႇယဝ်ႉ။

ရႁၢၼ်းဝိတ်ႉၸီႇ ၸိူဝ်းၸုမ်းသၢၼ်ၶတ်းၶဝ်သမ်ႉ ဢမ်ႇယိုၼ်ႁပ်ႉႁဵတ်းၸွမ်းၼင်ႇ ဢၼ်ပၢင်တၢင်ႇသင်ႇၵႃႇယၼႃႇ ပွၵ်ႈၵမ်းသွင်တႅပ်းတတ်းၼၼ်ႉ။ ဢွၼ်ဢဝ်ရႁၢၼ်းဝၸီႇႁဵင်ၼိုင်ႈသေ ၸင်ႇတၢင်ႇသင်ႇၵႃႇယၼႃႇႁင်းၶဝ်ၵွႆးၶေႃၶေႃယူႇယဝ်ႉ။ ပၢင်တၢင်ႇသင်ႇၵႃႇယႃၼႃႇၶဝ်ၼၼ်ႉ ယွၼ်ႉပိူဝ်ရႁၢၼ်းၼမ်လႄႈ ၸင်ႇတၢင်ႇၸိုဝ်ႈဝႃႈ မႁႃႇသင်ႇၵီႇတိ ၵိူင်းမႁႃႇသင်ႇၵိၵ ၼႆယူႇယဝ်ႉ။

ၶုၼ်လူင်ဢႃႇသေႃးၵၼႆႉ လႆႈထူပ်းႁၼ်သႃႇမၼေႇ ၸဝ်ႈဢၼ်ပဵၼ်ၼွင်ႉၸၢႆးမၼ်း သုမၼၼၼ်ႉသေ ပွင်ႇၸႂ်တြႃးၽြႃးပဵၼ်ၸဝ်ႈမႃး။ ဝၢႆးၼၼ်ႉ တိုၵ်းသိုၵ်းတေႃႇမိူင်းၵလင်ႇၵသေ လႆႈထူပ်းႁၼ်လွင်ႈလူႉသုမ်းၵူၼ်းမိူင်းသေ မၼ်းၸဝ်ႈၸင်ႇတူၵ်းၸႂ်ၵႂႃႇ။ ဝၢႆးမႃးတေဢမ်ႇတိုၵ်းသိုၵ်းတေႃႇမိူင်းလႂ်ယဝ်ႉၼႆ တႅပ်းတတ်းၸႂ်မၼ်း။ ဝၢႆးၼၼ်ႉ သွၼ်ႁဵၼ်းဢဝ် ပရိယတ်ႉတိတီးၸဝ်ႈမႁႃႇမွၵ်ႉၵလိပုတ်ႉတတိသ်သသေ သွၼ်ႁဵၼ်းဢဝ် ပရိပတ်ႉတိတီး ၸဝ်ႈဢုပၵုတ်ႉတလႄႈ ၵျၢင်ႉၵမ်ၵႂႃႇၸွမ်းလႄႈ လႆႈပဵၼ်ရႁၢၼ်းတႃႇၵႂႃႇ။ ယၢမ်းၼၼ်ႉ ၼႂ်းၸႂ်မၼ်းၼႆႉ ဢေႁိပသ်ဝိၵေႃ သၽႃႇဝထမ်ႇမလုၵ်ႉတိုၼ်ႇမႃးလႄႈ ၸင်ႇၶပ်းၶိုင်ႁႂ်ႈၶႃႈဝၢၼ်းၵူၼ်းမိူင်းပေႃးလႆႈပွင်ႇၸႂ်ၼိူဝ်ထမ်ႇမတြႃးၵႂႃႇယူႇယဝ်ႉ။

ဢဝ်တၢင်းၵမ်ႉပၢမ်ႉၶုၼ်လူင် ဢႃႇသေႃးၵသေ ၸဝ်ႈမႁႃႇမွၵ်ႉၵလိပုတ်ႉတတိသ်သ ဢွၼ်ႁူဝ်ယဝ်ႉ ၸင်ႇတၢင်ႇသင်ႇၵႃႇယၼႃႇပွၵ်ႈၵမ်းသၢမ် တီႈၵျွင်းဢႃႇသေႃးၵႃႇရုင်ႇ မိူင်းပႃႇတလိပုတ်ႉၼၼ်ႉယူႇယဝ်ႉ။

ဝၢႆးသေ ပၢင်ပွႆးတၢင်ႇသင်ႇၵႃႇယၼႃႇပွၵ်ႈၵမ်းသွင်ယဝ်ႉ သႃႇသၼႃႇဝွတ်ႈဝွႆးမႃးသေ ထမ်ႇမဢၼ်ပွမ်မၼ်းၸင်ႇၽုတ်းငွၵ်ႈႁူဝ်မႃးယူႇယဝ်ႉ။

ၽြႃးပဵၼ်ၸဝ်ႈဝႃႈ ပေႃးဝႃႈထမ်ႇမဢၼ်ပွမ်မၼ်းၽုတ်းပေႃႇမႃးၼႆ ထမ်ႇမဢၼ်ၸႅတ်ႈဢၼ်ၸိုဝ်ႈၸႂ်ႈမၼ်းတေၸူမ်ႁၢႆၵႂႃႇဢိူဝ်ႈ ၼႆယူႇယဝ်ႉ။

(သံ၊ ၼီ၊ ႒.႕.႑႖႕၊ ၵသ်သပသံယုတ်တ)

ၸဝ်ႈမႁႃႇမွၵ်ႉၵလိပုတ်ႉတတိသ်သၼႆႉ ၼင်ႇႁိုဝ်တေတိုတ်ႉၸၼ်လႆႈ ၸိူဝ်းပႆၼိူဝ်တၢင်းၽိတ်းၼၼ်ႉ ၸင်ႇတႅမ်ႈၽိုၼ်ပပ်ႉ ၵထႃႇဝတ်ႉထု ယဝ်ႉ။ ၽိုၼ်ပပ်ႉဢၼ်ၼႆႉ ဢဝ်ၵိုၵ်းႁွမ်းပႃးၸွမ်း မိူဝ်ႈတၢင်ႇသင်ႇၵႃႇယၼႃႇပွၵ်ႈၵမ်းထီႉသၢမ်ၼၼ်ႉယဝ်ႉ။ တီႈပၢင်တၢင်ႇသင်ႇၵႃႇယၼႃႇၼၼ်ႉ ၶဝ်ႈပႃးရႁၢၼ်းႁဵၼ်ၼိုင်ႈယူႇယဝ်ႉ။ ဝၢႆးသေပၢင်ပွႆးယဝ်ႉ မထေႇၶဝ်ၸဝ်ႈ ၸင်ႇႁႂ်းဢွၵ်ႇႁႃပိုၼ်ၽႄႈသႃႇသၼႃႇၵဝ်ႈတိူင်း ၵဝ်ႈမိူင်းၼင်ႇပႃႈတႂ်ႈၼႆႉယူႇယဝ်ႉ။

႑။ ꧤတ်ႉၻၼ်တမꩡ်ၸုၼ်တိၵ - မိူင်းၵသ်မီရလႄႈ ၵၼ်ထႃႇရ
႒။ ꧤတ်ႉၻၼ်တမႁႃၻေဝ - မႁိဝၵမၼ်တလ
႓။ ꧤတ်ႉၻၼ်တတရၵ်ၶိတ - ဝၼဝႃသီ
႔။ ꧤတ်ႉၻၼ်တမႁႃꩪမ်မရၵ်ၶိတ - မႁႃရသျ
႕။ ꧤတ်ႉၻၼ်တရၵ်ၶိတ - တိူင်းယေႃၼၵလေႃၵ
႖။ ꧤတ်ႉၻၼ်တမꩡ်ၸိမ၊ ၵသ်သပၷုတ်တ - ႁိမဝၼ်တႃ ဢꩮၵၻေဝ၊ ၻုၼ်ၼုၵိသ်သရ၊ မႁႃၻေဝ
႗+႘။ ꧤတ်ႉၻၼ်တသေႃꧣ၊ ဢုတ်တရ - သုဝꧣ်ꧣၽုမိ (ထႆး+မၢၼ်ႈ)
႙။ ꧤတ်ႉၻၼ်တမႁိၼ်တ - တမ်ပပꧣ်ꧣိ (သီရိလင်းၵႃ)

ၸဝ်ႈရႁၢၼ်းတႃႇမထေႇၶဝ်ႈၸဝ်ႈၼႆႉ ပုၼ်ႈတႃႇသႃႇသၼႃႇတေႁိူဝ်ႈႁိူင်းပိူင်းသႂ်ၵူႈတီႈၵူႈမိူင်းၼၼ်ႉ ဢွၼ်ၵၼ်ၶတ်းၸႂ်သႂ်ႇႁႅင်းတႄႉတႄႉဝႃႈဝႃႈယဝ်ႉ။ လွင်ႈၶတ်းၸႂ်ၸဝ်ႈဢုတ်ႉတရလႄႈ မႁိၼ်ႇတၶဝ်ၼႆႉ ၵိုမ်းမၼ်ႈၵႂႃႇသေ ပဵၼ်ၽွင်းလီတႄႉတႄႉ။ မိူင်းၸိူဝ်းဢၼ် ၶဝ်ၸဝ်ႈပိုၼ်ၽႄႈသႃႇသၼႃႇမႃးၼၼ်ႉ သႃႇသၼႃႇၸဝ်ႈၼႆႉ တိုၵ်ႉႁိူဝ်ႈႁိူင်းပိူင်းသႂ်သေ ၵိုမ်းမၼ်ႈဝႆႉယူႇတေႃႇယၢမ်းလဵဝ်ယဝ်ႉ။

ၼႃႈလိၵ်ႈ ႑႐႘၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 57: တၢၼ်ႇလိၼ်ႇ၊ ဝဵင်း (398 words)


ဝဵင်းတၢၼ်ႇလိၼ်ႇ (), (), () ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းတၢၼ်ႇလိၼ်ႇ လႄႈ ထုင်ႉတၢၼ်ႇလိၼ်ႇ၊ ၸႄႈတွၼ်ႈႁၢၼ်ႇတႃႇဝတီႇမႃးသေဢမ်ႇၵႃး တႄႇဢဝ် ပီ 1958 လိူၼ်တီႇသႅမ်ႇပႃႇ 22 မႃး လႆႈပဵၼ်မႃး ဝဵင်းပၵ်းလုမ်း တႃႇ ၸႄႈတွၼ်ႈႁၢၼ်ႇတႃႇဝတီႇမႃးယူႇယဝ်ႉ။ ယၢမ်းလဵဝ်တႄႉ ပဵၼ်ဝဵင်းပၵ်းလုမ်း ၸႄႈဝဵင်းတၢၼ်ႇလိၼ်ႇ၊ ၸႄႈတိူင်းတႃႈၵုင်ႈယဝ်ႉ။ မိူဝ်ႈၵူႈပွၵ်ႈတီႈထုင်ႉတၢၼ်ႇလိၼ်ႇၼႆႉ ၶဝ်ႈပႃးဝႆႉ ၸႄႈဝဵင်းၵျွၵ်ႉတၢၼ်း၊ ၸႄႈဝဵင်းတူင်းၶႂႃႉ၊ ၸႄႈဝဵင်းၶယၢၼ်း လႄႈ ၸႄႈဝဵင်းတၢၼ်ႇလိၼ်ႇ ၸိူဝ်းၼႆႉယဝ်ႉ။ ဢင်းၵိတ်ႉၶဝ် ႁွင်ႉမႃးဝႃႈ (သီႇရီႇယႅမ်ႇ) Syriam ဝႃႈၼႆႉယဝ်ႉ။ ပေႃးတႅမ်ႈတင်းလိၵ်ႈတႄႉ တႅမ်ႈဝႃႈပဵၼ် တၢၼ်ႇလိၼ်ႇၼႆသေတႃႉ ပေႃးႁွင်ႉပေႃးလၢတ်ႈတႄႉ ၵူၼ်းမၢင်ၸိူဝ်းႁွင်ႉဝႃႈ တၺိၼ်ႇ (ဢမ်ႇၼၼ်) တၢၼ်ႇလိၼ်ႇ ၼႆၵေႃႈမီးယဝ်ႉ။ မီးဝႆႉတီႈၼိူဝ် မႄႈၼမ်ႉပႃႇၵိူဝ် သေ ပဵၼ်တႃႈၼမ်ႉ ပိူင်လူင် တႃႇမိူင်းမျၢၼ်ႇမႃႇယဝ်ႉ။ 

ၼႂ်းပိုၼ်းပူၼ်ႉမႃးတင်းသဵင်ႈၼႆႉ ၽူႈဢၼ်ဢုပ်ႉပိူင်ႇတၢၼ်ႇလိၼ်ႇမႃးၼႆႉ ပဵၼ်မွၼ်းယဝ်ႉ။ မွၼ်းၼႆႉ ဢဝ် ပႃႇၵိူဝ် ႁဵတ်းပဵၼ်ၵၢင်ၵႅၼ်မၼ်းသေ ၽွင်းၶဝ်ဢုပ်ႉပိူင်ႇ မိူင်းမျၢၼ်ႇမႃႇပွတ်းတႂ်ႈမႃးၼၼ်ႉ ၶဝ်ႁွင်ႉတၢၼ်ႇလိၼ်ႇဝႃႈ ၸၺိၼ်ႇ ဝႃႈၼႆႉယဝ်ႉ။ ဝၢႆးသေ ၶုၼ်မၢၼ်ႊၶဝ် ဢၢမ်းၼၢၵ်ႈယႂ်ႇမႃးသေ ၽွင်းၶဝ် ဢုပ်ႉပိူင်ႇထုင်ႉမွၼ်းၶဝ်မႃးၼၼ်ႉ တၢၼ်ႇလိၼ်ႇၼႆႉ တိုၵ်ႉသိုပ်ႇပဵၼ် ဝဵင်းလူင်မႃးယဝ်ႉ။ ၵမ်းလိုၼ်းသုတ်း ထိုင်မႃးပၢၼ် ဢလွင်းၽယႃး မႃး ၸင်ႇလႅၵ်ႈလၢႆႈၸိုဝ်ႈဝႃႈ ပဵၼ် တၢၼ်ႇလိၼ်ႇ ၼႆယဝ်ႉ။

ဝဵင်းတၢၼ်ႇလိၼ်ႇၼႆႉ မီးဝႆႉတီႈၼိူဝ် ၽင်ႇၽၢႆႇသၢႆႉမႄႈၼမ်ႉပႃႇၵိူဝ်သေ တင်း မီးဝႆႉ တီႈ ပၢၵ်ႇမႄႈၼမ်ႉ မႄႈၼမ်ႉတႃႈၵုင်ႈ၊ မႄႈၼမ်ႉပႃႇၵိူဝ် လႄႈ ႁွင်ႈပၸုၼ်ႇတွင်ႇ မႃးႁူမ်ႈၵၼ်ၼၼ်ႉ ၵႆယၢၼ်မွၵ်ႈ သၢမ်လၵ်းၼၼ်ႉယဝ်ႉ။ တင်းဝဵင်းတႃႈၵုင်ႈသေ မီးႁိူဝ်း ၶႅၼ်ႈၼိူင်ႈၸူဝ်ႈမူင်းၵႂႃႇမႃးၼိူင်ႈၵမ်းလႄႈ ၸၢင်ႈၵႂႃႇၸၢင်ႈမႃး မိူၼ်ၼင်ႇ ႁိူဝ်ႁိူၼ်းႁၢင်ႁိူၼ်းၼၼ်ႉယဝ်ႉ။ လိူဝ်သေၼၼ်ႉဢမ်ႇၵႃး တႃႇၵႂႃႇၸူး ဝဵင်းၵျွၵ်ႉတၢၼ်း ဢၼ်ၵႆယၢၼ်တင်းဝဵင်းတၢၼ်ႇလိၼ်ႇ ႑႒ လၵ်းၼၼ်ႉလႄႈသင်၊ တင်းဝဵင်းတူင်းၶႂႃႉ ဢၼ်ၵႆယၢၼ် ႒႒ လၵ်းၼၼ်ႉလႄႈသင် ႁဵတ်းတၢင်းလူတ်ႉၵႃးဝႆႉယဝ်ႉ။

မိူဝ်ႈၵူႈပွၵ်ႈၼႆ့ ၵူၼ်းတၢင်းတၢၼ်ႇလိၼ်ႇလႄႈ ၵူၼ်းတၢင်ႇတီႈၸိူဝ်းၼႆႉ ပေႃးဝႃႈၶႂ်ႈၵႂႃႇတႃႈၵုင်ႈၼႆႉ ၸၢင်ႈၶီႇႁိူဝ်းသေၵႂႃႇလႆႈၵူၺ်း။ ႁိူဝ်းၵေႃႈ ၵႆႉပိၼ်ႈလႄႈ လႆႈမီးလွင်ႈလူႉလွင်ႈတၢႆမႃးယဝ်ႉ။ တွၼ်ႈတႃႇဢဝ်လူတ်ႉလဵၼ်းသေၵႂႃႇၵေႃႈ တိုၵ်ႉၶပ်းၶိုင်ယူႇ။ ဢၼ်ပဵၼ် ၶူဝ်တၢၼ်ႇလိၼ် ဢၼ်ပဵၼ်ၶူဝ် တႃႈၵုင်ႈတၢၼ်ႇလိၼ်ႇ တီႈမၢႆတွင်းဢူၺ်းလီၶႄႇလႄႈမၢၼ်ႈ  ၼၼ်ႉ ပိုတ်ႇလႆႈ မိူဝ်ႈပီ 1993 ၼၼ်ႉယဝ်ႉ။ ဢၼ်ပဵၼ်တၢင်း တီႈၽၢႆႇသၢႆႉ ၽၢႆႇၶႂႃၶူဝ်ၼၼ်ႉ ပဵၼ်သဵၼ်ႈတၢင်းၵႂႃႇၼိူင်ႈၽၢႆသေ တီႈၼႂ်းၵၢင်မၼ်းမီး တၢင်းလူတ်ႉလဵၼ်းယဝ်ႉ။ မိူဝ်ႈၵူႈပွၵ်ႈတႄႉ တီႈၼိူဝ်ၶိူဝ်ၼၼ်ႉ မီးၵူၼ်းပႆတၢင်း ၵူၼ်းႁဵတ်းၽိုၵ်းသၢၼ်းၸိူဝ်းၼၼ်ႉတင်းၼမ်သေတႃႉ ဝၢႆးမႃး ၵူၺ်းပၼ်တႃႇလူတ်ႉပႆၵူၺ်းယဝ်ႉ။ တေႃႈလဵဝ်တႄႉ ၽၢႆႇတႂ်ႈၶူဝ်လူင်ၼၼ်ႉ ယွၼ်ႉမီးၵုၼ်ဢွၵ်ႇမႃးလႄႈ ႁိူဝ်းသၢင်းၽေႃးလူင်ၸိူဝ်းၼႆႉ ဢမ်ႇၸၢင်ႈၵႂႃႇမႃးယဝ်ႉ။ ဝၢႆးသေ ႁဵတ်းၶူဝ်ယဝ်ႉ လွင်ႈႁိူဝ်းၵႂႃႇမႃးဢဝ် ယွမ်းလူင်းၵႂႃႇသေဢၼ်ပဵၼ် တႃႈလူတ်ႉၵႃး တူင်းၶႂႃႉ၊ ၶယၢၼ်း ဢၼ်မီးတီႈႁိမ်းတႃႈႁိူဝ်းၼၼ်ႉ လႆႈၶၢႆႉၵႂႃႇတီႈႁိမ်းၵၢတ်ႇလူင်ဝဵင်းတၢၼ်ႇလိၼ်ႇယူႇယဝ်ႉ။

ဢၼ်ပဵၼ်တႃႈၼမ်ႉတီႇလဝႃႇ ၵူႈမိူင်းမိူင်းတီႈမျၢၼ်ႇၼႆႉ ပဵၼ်တႃႈၼမ်ႉ ၼမ်ႉလိုၵ်ႉဢၼ်ၼိူင်ႈသေ တင်းၸႄႈလူင်တႃႈၵုင်ႈၼႆႉ ၵႆယၢၼ် 25 ၶီႇလူဝ်ႇမီႇတႃႇယဝ်ႉ။ ပဵၼ် ၶွင် ဢၼ်  Hutchison Port Holdings (HPH) ၵေႃႉပိူင်ႇသေ ပဵၼ်တႃႈႁိူဝ်း ဢၼ်ႁဵတ်းၵၢၼ် 24 ၸူဝ်ႈမူင်း ဢမ်ႇမီးဝၼ်းဢိုတ်းတႃႇ ၶူဝ်းၵုၼ်ႇၵူႈသႅၼ်းၼၼ်ႉယဝ်ႉ။ ယၢမ်းလဵဝ်တိုၵ်ႉႁဵတ်းတၢင်းလူတ်ႉလဵၼ်းၵႂႃႇၸူး တႃႈႁိူဝ်းၼၼ်ႉသေ ဢမ်ႇႁိုဝ်ၼၢၼ်းတေမၵ်းမၼ်ႈပဵၼ် ဢွင်ႈတီႈပၢႆးမၢၵ်ႈမီးၶိုၵ်ႉတွၼ်း ၼႆယဝ်ႉ။

တီႈဝဵင်းတၢၼ်ႇလိၼ်ႇၼႆႉ ဢၼ်ပဵၼ်ၵုၼ်ႇပိူင်လူင် ၶွင်မိူင်းမျၢၼ်ႇမႃႇ ဢၼ်ပဵၼ်ၶဝ်ႈသၢၼ်ၵေႃႈဢွၵ်ႇသေ မၢၵ်ႇတႅင်တၢင်ႇၸိူဝ်းၵေႃႈဢွၵ်ႇယူႇယဝ်ႉ။ ပေႃးဢဝ်ပၢႆးမၢၵ်ႈမီးဝႃႈ ပဵၼ်ဝဵင်းတႃႈႁိူဝ်းဝဵင်းၼိူင်ႈသေ မီးဝႆႉတီႈဢွင်ႈတီႈ ဢၼ်ၸၢင်ႈၵႂႃႇၸူး ဝဵင်းတႃႈၵုင်ႈလႄႈ တႃႈႁိူဝ်းမိၼ်ၵူႈမိူင်းမိူင်း ၼႂ်းၶၢဝ်းတၢင်းၸူဝ်မူင်ႈဢွၼ်ႇၼၼ်ႉယဝ်ႉ။ ထုင်ႉတၢၼ်ႇလိၼ်ႇၼႆႉ ယွၼ်ႉၵၢၼ်ၶဝ်ႈသၢၼ်လႄႈ ၵၢၼ်ၼမ်ႉမၼ်းမဵၼ်လႄႈ ႁူဝ်ၼပ်ႉၵူၼ်းၵိုၼ်းၼမ်ယဝ်ႉ။

ၵၢတ်ႇမျူဝ်ႉမႃႉဝဵင်းတၢၼ်ႇလိၼ်ႇၼႆႉ ထိုင်ပၢၼ်လူင်ပွင်ၸိုင်ႈသိုၵ်းမႃး ၶိုၼ်းမႄးၵေႃႇသၢင်ႈဢၼ်မႂ်ႇမႃးယဝ်ႉ။ ၵၢၼ်လူင်ဢၼ်ၶိုၼ်းၵေႃႇသၢင်ႈၼႆႉ ႁူမ်ႈဝႃႈဢမ်ႇၶိုတ်းၸၼ်ႉထၢၼ်ႈမိူင်းသေတႃႉၵေႃႈ မီးဝႆႉ လၢၼ်ႉၶၢႆၶမ်း လႄႈ ႁွင်ႈပၢင်ၶႅၵ်ႇဢၼ်ၼိူင်ႈယဝ်ႉ။ တီႈၼႂ်းတႅဝ်းၵၢင်မၼ်း မီးဝႆႉ လၢၼ်ႉၶၢႆၶူဝ်းႁႅင်ႈႁွင်လႄႈ လၢၼ်ႉၶၢႆၽႃႈၽႅၼ်ႇ၊  ၸိူဝ်ႈပဵၼ်တႅဝ်းၽၵ်းယိူဝ်ႈၼၢင်းၶဵဝ် လႄႈ တႅမ်းၼိူဝ်ႉပႃၸိူဝ်းၼႆႉ မီးဝႆႉ ၽၢႆတူၵ်းၵၢတ်ႇလူင်ယဝ်ႉ။ တီႈၵၢတ်ႇလူင်ၼႆႉ ၸိူဝ်းပဵၼ် ၵူၼ်းသိုဝ်ႉၼွၵ်ႈမိူင်းၶဝ်ၵေႃႈ ၵႆႉဢွၼ်ၵၼ်မႃးသိုဝ်ႉယဝ်ႉ။ ၵၢတ်ႇလူင်ၼႆႉ ပေႃးဝႃႈလုၵ်ႉၽၢႆႇၼႃႈမၼ်းၶဝ်ႈ လႆႈႁၼ်မီးလွင်ႈမူတ်းသႂ်သေတႃႉ ပေႃးတူၺ်းၽၢႆႇလင်မၼ်းတႄႉ တေလႆႈႁၼ်လွင်ႈၸၼ်ႉထၢၼ်ႈၵၢတ်ႇၼႆႉ တူၵ်းတႅမ်ဝႆႉယူႇယဝ်ႉ။ ၵၢတ်ႇမျူဝ်ႉမႃႉ ဝဵင်းတၢၼ်ႇလိၼ်ႇလိၼ်ႇ ၸိူဝ်းပဵၼ် ၽူႈၶၢႆၽၵ်းယိူဝ်ႈၼၢင်းၶဵဝ် တီႈႁိမ်းႁွမ်းထုင်ႉတၢၼ်ႇလိၼ်ႇၸိူဝ်းၼႆႉလႄႈ ၸိူဝ်းဢဝ်ၵုၼ်ႇတီႈ ဝဵင်းတႃႈၵုင်ႈမႃးၶၢႆသေ လႆႈဝႃႈ ပဵၼ်ၵၢတ်ႇၵိုၼ်းလူင်ဢၼ်ၼိူင်ႈယဝ်ႉ။

တီႈတၢၼ်ႇလိၼ်ႇၼႆႉ မီးႁူင်းၵၢၼ်ၸၢၵ်ႈလူင် ဢၼ်ႁုင်ၼမ်ႉမၼ်းမဵၼ် သွင်လင်  ၶွင် ၵေႃႇပူဝ်ႇရေးသျိၼ်း ၼမ်ႉမၼ်းမဵၼ်မျၢၼ်ႇမႃႇ (ဢွၼ်တၢင်းပဵၼ် ၶွမ်ႇပၼီႇပီႇဢူဝ်ႇၸီႇ) ယဝ်ႉ။ ဢဝ်လွတ်ႇလူင်သေ တေႃႉဢဝ် ၼမ်ႉမၼ်းမဵၼ် ဢၼ်ဢွၵ်ႇတီႈမိူင်းမျၢၼ်ႇမႃႇပွတ်းၼိူဝ်ၼၼ်ႉမႃးသေ မႃးႁဵတ်းၼွင်သိမ်းလူင်သေ ၸူးႁုင်ဢဝ် ၼမ်ႉမၼ်းမဵၼ်၊ ၼမ်ႉမၼ်းလူတ်ႉ၊ ၶီႈတဵၼ်း ၸၵႂႃႇၸိူဝ်းၼႆႉယဝ်ႉ။ ယွၼ်ႉပိူဝ်ႈၼၼ်လႄႈ ၵူၼ်းယူႇဝဵင်းတၢၼ်ႇလိၼ်ႇ ၶိုင်ႈၼိူင်ႈၼႆႉ တိုၼ်းဝႃႈပဵၼ် ၵူၼ်းႁဵတ်းၵၢၼ် ၵပ်းၵၢႆႇလူၺ်ႈ ၼမ်ႉမၼ်းမဵၼ်ယူႇယဝ်ႉ။

ႁူင်းၵၢၼ်ၸၢၵ်ႈၼမ်ႉမၼ်းမဵၼ်ၼႆႉ မၼ်းပဵၼ်တီႈဢွင်ႈၵၢၼ် ဢၼ်ၵူၼ်းမိူင်းဝဵင်းတၢၼ်ႇလိၼ်ႇ ပိုင်ႈဢိင်ၵေႃႈၸႂ်ႈ ပဵၼ်ဢွင်ႈတီႈ တွၼ်ႈတႃႇၵူၼ်းၵေႃႇႁဵတ်းၵၢၼ်လွင်ႈဢမ်ႇလီၵေႃႈၸႂ်ႈယဝ်ႉ။ ပၼ်ႁႃလွင်ႈလၵ်ႉဢဝ်ၼမ်ႉမၼ်းမဵၼ်ဢွၵ်ႇၼႆႉ ႁူမ်ႈဝႃႈဢမ်ႇပႃးတီႈၼႂ်းလိၵ်ႈပိုၼ်ၶၢဝ်ႇသေတႃႉ ၵူၼ်းယူႇဝဵင်းတၢၼ်ႇလိၼ်ႇတႄႉ လႆႈႁၼ်လွင်ႈၼႆႉယူႇၵူႈဝၼ်းယဝ်ႉ။ ၽူႈမၢၵ်ႈမီးတီႈဝဵင်းတၢၼ်ႇလိၼ်ႇၵမ်ႉပႃႈၼမ်ၼႆႉ ပဵၼ်ၸိူဝ်းဢၼ်ၵွင်ႉၵၢႆၵၼ်တင်း ၵၢၼ်လွင်ႈလွမ်ၵႃႉၶၢႆၼမ်ႉမၼ်းမဵၼ်ၼႆႉယူႇယဝ်ႉ။ ၵူၼ်းႁဵတ်းၵၢၼ်တီႈ ႁူင်းၵၢၼ်ၸၢၵ်ႈၼမ်ႉမၼ်းမဵၼ်ၼႆႉ ယွၼ်ႉပိူဝ်ႈဝႃႈ ငိုၼ်းႁူဝ်လိူၼ် ဢမ်ႇၵုမ်ႇထူၼ်ႈလႄႈ ၸင်ႇလႆႈလၵ်ႉဢဝ် ၼမ်ႉမၼ်းမဵၼ် သႂ်ႇတီႈၼႂ်းတဝ်ႈၼမ်ႉသေ ၶိုၼ်းဢွၼ်ၵၼ်ၵႂႃႇၶၢႆ ၽၢႆတင်းၼွၵ်ႈ ၸွမ်းလူၺ်ႈၶၼ်လၵ်ႉလွမ်ၼၼ်ႉယဝ်ႉ။ ၸိူဝ်းပဵၼ်ၶီႈတဵၼ်း ဢၼ်ွၵ်ႇတီႈ ႁူင်းၵၢၼ်ၸၢၵ်ႈႁုင်ၼမ်ႉမၼ်းမဵၼ်ၼၼ်ႉ တွၼ်ႈတႃႇၵူၼ်းဝဵင်းတၢၼ်ႇလိၼ်ႇ ဢၼ်ၽႆးၽႃႉပႆႇတဵမ်ထူၼ်ႈၼင်ႇ ဝဵင်းတႃႈၵုင်ႈၼၼ်ႉတႄႉ ပဵၼ်ၶူဝ်းၶွင်ဢၼ်လႆႈပိုင်ႈဢိင်မဵဝ်းၼိူင်ႈယဝ်ႉ။

ၵူၼ်းမိူင်းၸိူဝ်းႁၢပ်ႇၵၢၼ်တီႈ ႁူင်းၵၢၼ်ၸၢၵ်ႈႁုင်ၼမ်ႉမၼ်းမဵၼ်ၼၼ်ႉ မီးသုၼ်ႇယူႇတီႈ ဝၢင်းႁိူၼ်းၵူၼ်းႁၢပ်ႇၵၢၼ် တီႈဢၼ်မီးႁိမ်းႁွမ်း ႁူင်းၵၢၼ်ၸၢၵ်ႈႁုင်ၼမ်ႉမၼ်းမဵၼ်ၼၼ်ႉသေ လႆႈမီးသုၼ်ႇ ၸႂ်ႉတိုဝ်းၽႆးၽႃႉလၢႆလၢႆယဝ်ႉ။ ၸိူဝ်းပဵၼ်ၽူႈမီးၸၼ်ႉၶဝ်တႄႉ လႆႈယူႇႁိူၼ်းလင်ၽႂ်မၼ်းသေ ၸိူဝ်းပဵၼ်ၽူႈႁၢပ်ႇၵၢၼ် သမတႃႇၶဝ်တႄႉ လႆႈဢွၼ်ၵၼ်ယူႇ ႁွင်ႈႁိူၼ်းထႅဝ်ယဝ်ႉ။ ဢွင်ႈတီႈၼၼ်ႈၼၼ်ႉယွၼ်ႉလႆႈ ၽႆးၽႃႉ 24 ၸူဝ်ႈမူင်းလႄႈ ၽူႈႁၢပ်ႇၵၢၼ်ၶဝ်ၼႆႉ ဢဝ်ၸႂ်ၸႂ်ႉလႆႈ ၽႆႈၽႃႈယဝ်ႉ။ ယွၼ်ႉၼၼ်လႄႈ ယင်းမီးၵူၼ်းၸႂ်ႉ ၸၢၵ်ႈလူမ်းၵတ်းၵွၼ်ႇ။ ဢွင်ႈတီႈၽူႈႁၢပ်ႇၵၢၼ်လႄႈ ၸိူဝ်းပဵၼ်ႁိူၼ်းႁိမ်းႁွမ်းၼႆႉ ဢဝ်ႁူဝ်ႉသေ ၶႅၼ်ႈၵၼ်ဝႆႉလႄႈ ဢၼ်ပဵၼ်ဝၢင်း ၽူႈႁၢပ်ႇၵၢၼ်ၶဝ်ယူႇၼၼ်ႉ မိူၼ်ဝႆႉၼင်ႇဝၢၼ်ႈလုၵ်ႈၼိူင်ႈသေ တီႈၼႂ်းၼၼ်ႉ မီးလၢၼ်ႉၶၢႆၶူဝ်းၶွင်၊ လၢၼ်ႉတီႈၵိၼ်ယႅမ်ႉ လႄႈ မိူၼ်ၼင်ႇ ဝၢၼ်ႈၵိုၼ်းလူင်ဝၢၼ်ႈၼိူင်ႈယဝ်ႉ။ ယွၼ်ႉတီႈၼႂ်း ႁူင်းၵၢၼ်ၸၢၵ်ႈၼၼ်ႉ ၽႆးၵႆႉမႆႈလႄႈ တွၼ်ႈတႃႇၵူၼ်းႁၢပ်ႇၵၢၼ် ယူႇတီႈၼႂ်းဝၢင်းၼၼ်ႉလႄႈသင် တွၼ်ႈတႃႇၵူၼ်းယူႇတီႈ တၢၼ်ႇလိၼ်ႇၼၼ်ႉလႄႈသင် လႆႈပဵၼ်ၽေးၶဵၼ် ဢၼ်လႆႈၵူဝ်ႇဝႆႉယူႇဢၼ်ၼိူင်ႈယဝ်ႉ။

တီႈဝဵင်းတၢၼ်ႇလိၼ်ႇၼႆႉ လူင်ပွင်ၸိုင်ႈသိုၵ်းၶဝ် လႆႈၵေႃႇသၢင်ႈမႃး ၸၼ်ႉၸွမ်ပွတ်းဢွၵ်ႇတႃႈၵုင်ႈ ယဝ်ႉ။ ၸၼ်ႉၸွမ်ၼၼ်ႉ ၵေႃႇသၢင်ႈဝႆႉတီႈၼႂ်းၼႃး ဢၼ်မီးဝႆႉတီႈႁိမ်းသဵၼ်ႈတၢင်းၵႂႃႇၸူး ဝဵင်းတူင်းၶႂႃႉလႄႈ ၵွင်ႈမူးသၢၼ်ႇတေႃႇသျိၼ်ႇၵျႅၵ်ႉၶွၵ်ႉ ၼၼ်ႉယဝ်ႉ။ ၸိူဝ်းပဵၼ်ၸၼ်ႉၸွမ်တၢင်ႇဢၼ် ဢၼ်မီးတီႈဝဵင်းတၢၼ်ႇလိၼ်ၼႆႉ ပဵၼ် ၸၼ်ႉၸွမ်ပၢႆးပႆႇၺႃႇသၢႆၼမ်ႉမိူင်းမျၢၼ်ႇမႃႇ ၊ ၸၼ်ႉၸွမ်ပၢႆးသၢႆႊ (တၢၼ်ႇလိၼ်ႇ) လႄႈ ၸၼ်ႉၸွမ်တမဝႃႇယမ (တၢၼ်ႇလိၼ်ႇ) ၸိူဝ်းၼႆႉယဝ်ႉ။

ၽြႃးဢၼ်ၸိုဝ်ႈလိုဝ်းလင်တီႈဝဵင်းတၢၼ်ႇလိၼ်ႇၼႆႉ ပဵၼ် ၽြႃးၵျႅၵ်ႉၶွၵ်ႉယဝ်ႉ။ တီႈၸွင်းတၢၼ်းၽၢႆႇႁွင်ႇ ၽြႃးၵျႅၵ်ႉၶွၵ်ႉၼၼ်ႉ တေလႆႈႁၼ် ၶုမ်လုပ်ႇ ဝုၼ်ႇလူင်ႇပတေႇတရႃႇၸႃႇ ႁၢၼ်ႉတေႃႇဝၼ်းမိူဝ်ႈၼႆႉယဝ်ႉ။

ၵူၼ်းဝႆႉၽြႃး ဢၼ်မႃး ယေႇလႄႇၵျွၵ်ႉတၢၼ်းၼႆႉ လႆႈလတ်းဝဵင်းတၢၼ်ႇလိၼ်ႇမႃးယဝ်ႉ။ ယေႇလႄႇၽယႃး ၼႆႉ မီးဝႆႉတီႈ ဝဵင်းၵျွၵ်ႉတၢၼ်းသေ ပေႃးလုၵ်ႉတီႈ ဝဵင်းတၢၼ်ႇလိၼ်ႇ ၵႆယၢၼ် 20 ၶီႇလူဝ်ႇမီႇတႃႇ (သိပ်းသၢမ်လၵ်း)ၼႆယဝ်ႉ။ ၽြႃးဢၼ်လၢၵ်ႇလၢႆးၼၼ်ႉ ပဵၼ်ၶုၼ် ပေႃးၵၸၼ တႄႇမႃး ၸဵမ်မိူဝ်ႈ ႁူဝ်ပၢၵ်ႇပီသၢမ်ၼၼ်ႉသေ ၸိူဝ်းပဵၼ် ၸိူဝ်းပဵၼ်ႁူၼ်ႁၢင်ႈ၊ ပၢၼ်းသီဢၼ်လီဢၢမ်းဢေႃးတီႈ ၽြႃးၼၼ်ႉ ၼႄဝႆႉႁွႆးမိုဝ်းပုတ်ႉထၽႃႇသႃႇ ၵူၼ်းၶိူဝ်းမၢၼ်ႊယူႇယဝ်ႉ။




#Article 58: တၢႆၽၢၵ်ႇ၊ တၢင်းပဵၼ် (331 words)


ၼႂ်းၵမ်ႇၽႃႇၼႆႉ ႁူဝ်ၵူၼ်းႁူၵ်းၵေႃႉ ၼိုင်ႈၵေႃႉ ၶၢဝ်းၼိုင်ႈဢမ်ႇၶၢဝ်းၼိုင်ႈ ၸၢင်ႈပဵၼ် တၢင်းပဵၼ်တၢႆၽၢၵ်ႇယူႇ။ ယွၼ်ႉတၢင်းပဵၼ် တၢႆၽၢၵ်ႇလႄႈ  ၵူၼ်းလႆႈတၢႆယူႇ ႁူၵ်းၸႅတ်ႉၵၢၼ်ႉ ၼိုင်ႈၵေႃႉယဝ်ႉ။ ဢႃႇယုလႂ်သေဢမ်ႇဝႃႈ၊ ၵူၼ်းယိင်းၵူၼ်းၸၢႆးဢမ်ႇဝႃႈ၊ ၵူၼ်းၶိူဝ်းလႂ်ဢမ်ႇဝႃႈ၊ ၽႃႇသႃႇလႂ် ဢမ်ႇဝႃႈ၊ တီႈလႂ်ဢမ်ႇဝႃႈ၊ ၶၢဝ်းလႂ်ဢမ်ႇဝႃႈ ၸၢင်ႈပဵၼ် တၢင်ႈပဵၼ်တၢႆၽၢၵ်ႇယူႇယဝ်ႉ။ ၼႂ်ႈၵမ်ႇၽႃႇၼႆႉ ၼိုင်ႈပီၼိုင်ႈပီ ႁူဝ်ၵူၼ်းမွၵ်ႈ ႑႕ လၢၼ်ႉၼႆႉ လႆႈပဵၼ်တၢင်းပဵၼ် တၢႆၽၢၵ်ႇသေ ၼႂ်းၵႃႈ ၶဝ်ၸိူဝ်းၼၼ်ႉ ႁူဝ်ၵူၼ်းႁူၵ်းလၢၼ်ႉၼႆႉ လႆႈလူႉႁၢႆတၢႆယွၼ်ႉ တၢင်းပဵၼ်ၼၼ်ႉယူႇယဝ်ႉ။ ယၢမ်းတေႃႈလဵဝ် ၵူၼ်းပဵၼ်တၢင်းပဵၼ် တၢႆၽၢၵ်ႇၼႆႉ မီးမႃးမွၵ်ႈ လၢၼ်ႉ ႓႐ ၼႆႉသေ ၵူၼ်းၵမ်ႉၼမ်ၼႆႉ ၵိုတ်းပဵၼ် ၵူၼ်းဢမ်ႇယူႇလီ၊ ၵူၼ်းဢမ်ႇႁဵတ်းသင်လႆႈ၊ ၵူၼ်းပဵၼ်တၢင်းပဵၼ်ၶၢဝ်းယၢဝ်းၵႂႃႇယဝ်ႉ။

  တၢင်းပဵၼ်တၢႆၽၢၵ်ႇၼႆႉ မၼ်းပဵၼ်တၢင်းပဵၼ် ဢၼ်လူဝ်ႇလႆႈယႃႁိပ်ႈၼႅတ်ႈၼၼ်ႉယဝ်ႉ။ တၢင်းပဵၼ်တၢႆၽၢၵ်ႇၼႆႉ ယွၼ့််ပိူဝ်ႈဝႃႈ လိူတ်ႈဢၼ်ပႆယူႇၼႂ်း ဢွၵ်းဢေႃႁဝ်းၼၼ်ႉ ၵိုတ်းၵႂႃႇလႄႈ ပဵၼ်မႃ​းဢေႃႈ။ ဢွၵ်းဢေႃႁဝ်းၼႆႉ တွၼ်ႈတႃႇ မၼ်းတေႁဵတ်းၵၢၼ်လႆႈ လီလီငၢမ်းငၢမ်းၼႆ ႁဝ်းၶႃႈတေလႆႈမီးလိူတ်ႈပၼ်မၼ်း ၵုမ်ႇၵုမ်ႇထူၼ်ႈထူၼ်ႈယဝ်ႉ။  တွၼ်ႈဢွၵ်းဢေႃၼႆႉ သင်ၸိူဝ်ႉဝႃႈ မၼ်းဢမ်ႇလႆႈ လိူတ်ႈ ၵုမ်ႇၵုမ်ႇထူၼ်ႈထူၼ်ႈၼႆႉ တွၼ်ႈၼႃႈၵၢၼ် ဢၼ်မၼ်း ၵုမ်းထိင်းပၼ် တႃႇတူဝ်ႁဝ်းတူင်ႉၼိုင်ၼၼ်ႉ မၼ်းၵိုတ်းၵႂႃႇလႄႈ ၸင်ႇလႆႈပဵၼ် ၽၢင်ႁၢင်ႈ တၢင်းပဵၼ် တၢႆၽၢၵ်ႇမႃးယူႇယဝ်ႉ။ 

 တၢင်းပဵၼ်တၢႆၽၢၵ်ႇၼႆႉ မီးဝႆႉယူႇသွင်ႇယိူင်ႈ။   

လွင်ႈတၢင်း ၸိူဝ်းႁႂ်ႈပဵၼ် တၢႆၽၢၵ်ႇ

(ၵ) လွင်ႈတၢင်း ၸိူဝ်းဢၼ်လႅၵ်ႈလၢႆႈ မူၼ်ႉမႄးဢမ်ႇလႆႈ

(ခ) လွင်ႈတၢင်းၸိူဝ်းဢၼ် လႅၵ်ႈလၢႆႈမူၼ်ႉမႄးလႆႈ

ပေႃးဝႃႈ လိူတ်ႈဢၼ်ပႆႇယူႇ ၼႂ်းဢွၵ်းဢေႃႁဝ်းၼၼ်ႉ ၵိုတ်းၵႂႃႇၼႆ ၽၢင်ႈႁၢင်ႈ ဢၼ်တေပဵၼ် တၢႆၽၢၵ်ႇၼႆႉ ၵႆႉဢွၵ်ႇၼႄမႃးယဝ်ႉ။ ၽၢင်ႁၢင်ႈၸိူဝ်းၼၼ်ႉ မၼ်းၵႆႉႁိုင်ၸူဝ်ႈ လၢႆမိတ်ႉၼိတ်ႉ သေ သင်ၸိူဝ်ႉဝႃႈ လိူတ်ႈၶိုၼ်းပႆၼႂ်း ဢွၵ်းဢေႃႁဝ်းလီယဝ်ႉၼႆၵေႃႈ မၼ်းၸၢင်ႈႁၢႆၵႂႃႇၶိုၼ်းယူႇ။ ၵူၺ်းၵႃႈ ၽွင်ႈယၢမ်းမၼ်းၼႄ ၽၢင်ႁၢင်ႈၼၼ်ႉ ပေႃးဝႃႈ ဢမ်ႇယူတ်းယႃၸွမ်း ႁႂ်ႈထုၵ်ႇလၢႆး မၼ်းၼႆ ၸၢင်ႈပဵၼ် တၢႆၽၢၵ်ႇၵႂႃႇယဝ်ႉ။ 

ၽၢင်ႁၢင်ႈမၼ်းၼႆႉ

ဢိင်လူၺ်ႈ တီႈၼႂ်းဢွၵ်းဢေႃး ဢၼ်လိူတ်ႈပႆႇ ၵိုတ်းၵႂႃႇသေ ၽၢင်ႁၢင်ႈတၢင်းပဵၼ်ၵေႃႈ မၼ်းတေၸၢင်ႈပႅၵ်ႇပိူင်ႈၵၼ်လႆႈယူႇ ၵူႈယိူင်ႈယိူင်ႈယဝ်ႉ။ ၽၢင်ႈႁၢင်ႈမၼ်းတႄႉ-

ၸဝ်ႈၵဝ်ႇ (ဢမ်ႇၼၼ်) ပေႃးသေၵေႃႉၵေႃႉ ပဵၼ်တၢင်းပဵၼ်၊ ၽၢင်ႁၢင်ႈ တၢႆၽၢၵ်ႇမ​ႃးၼႆႉ ထုၵ်ႉလီယူတ်းယႃ ႁႂ်ႈၶိုတ်းမိူဝ်ႈၶိုတ်းယၢမ်းမၼ်းၼၼ်ႉ ပဵၼ်ဢၼ်လမ်ႇလွင်ႈတႄႉဢေႃႈ။ သင်ၸိူဝ်ႉမီး မေႃယႃလူင်ႉလႅၼ်ႇ၊ ၽူႈလုမ်းလႃး၊ ၽူႈလူင်ႉလႅၼ်ႇ တႃႇႁဵတ်းႁႂ်ႈ ဢဵၼ်ႁဝ်းပေႃးၶိုၼ်းႁႅင်းမႃး သင်ဝႃႈမီးဢွင်ႈတီႈၸိူင်ႉၼၼ် (ဢမ်ႇၼႆ) ႁူင်းယႃၼႆ ထုၵ်ႇလီၵႂႃႇယူတ်းယႃဢေႃႈ။  

ႁူမ်ႈဝႃႈပဵၼ်ၵမ်ႉဢွၼ်ႇသေ တၢင်းပဵၼ်ၶႅၼ်းမႃးၼႆၵေႃႈ ထုၵ်ႇလီၵႂႃၸူး ႁူင်းယႃ ႁွင်ႈယႃ ႁိမ်းႁွမ်းၸဝ်ႈၵဝ်ႇယူႇ။ ပေႃးၼၼ် ၸင်ႇၵွႆႈၵႅတ်ႇၶႄလႆႈ လွင်ႈတၢင်းပဵၼ် တၢႆၽၢၵ်ႇတႄႉတႄႉ ၼၼ်ႉယဝ်ႉ။ ၽွင်းတိုၵ်ႉမီးယူႇတီႈ ႁူင်းယႃၼၼ်ႉ ထုၵ်ႇလီႁႃ လွင်ႈတၢင်း ယွၼ်ႉသင်​လႄႈလႆႈပဵၼ် တၢႆၽၢၵ်ႇၼႆၼၼ်ႉယဝ်ႉ။ ထုၵ်လီ ဢဝ်ၶွမ်ႇၽိဝ်ႇတိူဝ်ႇသေ ပေႃႉတူၺ်းထၢတ်ႈမၢၼ်ႇ ဢွၵ်းဢေႃ၊ ထတ်းသၢင်တူၺ်းလိူတ်ႈ၊ ထတ်းသၢင်တူၺ်း မၢၵ်ႇႁူဝ်ၸႂ်ၸၵႂႃႇၸိူဝ်းၼႆႉသေ ထုၵ်ႇလီထတ်းသၢင်ႈသင်ၵေႃႈ ထတ်းသၢင်ႈမူတ်းမူတ်းလႄႈ။ ယွၼ်ႉပိူဝ်ႈသင်ၼႆ ဢိင်ၼိူဝ် လွင်ႈတၢင်းလႆႈပဵၼ်သေၵေႃႈ လၢႆးယူတ်းယႃမၼ်းၵေႃႈ တေၸၢင်ႈပႅၵ်ႇပိူင်ႈၵၼ်ၵႂႃႇဢေႃႈ။  တူဝ်ႇယၢင်ႇမၼ်း သင်ၸိူဝ်ႉဝႃႈ ယွၼ်ႉဢဵၼ်လိူတ်ႈၼႂ်းဢွၵ်းဢေႃႁဝ်းၼၼ်ႉ မၼ်းတၼ်ၵႂႃႇ ဢိုတ်းၵႂႃႇလႄႈ လႆႈပဵၼ်တၢႆၽၢၵ်ႇၼႆ လႆႈပၼ်ယႃႈယႃလိူတ်ႈၸိူမ်ႈ၊ ႁႂ်ႈလိူတ်ႈႁဝ်းလေႃႈလီ၊ သင်ၸိူဝ်ႉဝႃႈ ဢဵၼ်လိူတ်ႈ​ဢွၵ်းဢေႃပွင်ႇလႄႈ မၼ်းပဵၼ်တၢင်းပဵၼ် တၢႆၽၢၵ်ႇၵႂႃႇၼႆ ၸွမ်းလူၺ်ႈ လိူတ်ႈမၼ်းဢွၵ်ႇသေၵေႃႈ တေလႆႈႁႃ သဵၼ်ႈတၢင်းမၼ်း ယူတ်းယႃႇၵႂႃႇဢေႃႈ။  

ယွၼ်ႉပိူဝ်ႈတၢင်းပဵၼ် တၢႆၽၢၵ်ႇလႄႈ ၸိူဝ်းပဵၼ် ၵွၼ်ႈၼိူဝ်ႉႁဝ်းၼၼ်ႉ ​ႁႅင်းမၼ်းတေယူပ်ႇယွမ်းၵႂႃႇလႄႈ ၼင်ႇႁိုဝ်ၵွၼ်ႈၼိူဝ်ႉႁဝ်းပေႃးတေမီးႁႅင်းမႃးၶိုၼ်းၼၼ်ႉ လွင်ႈၽို်ၵ်းဢဵၼ်ႁႅင်းၸိူဝ်းၼႆႉ ထုၵ်ႇလီႁဵတ်းပၼ်ယူႇဢေႃႈ။ 

ၼႂ်းၵမ်ႇၽႃႇၼႆႉ လွင်ႈတၢင်း ဢၼ်ႁဵတ်းႁႂ်ႈ ၵူၼ်းႁဝ်း ဢမ်ႇႁဵတ်းသင်လႆႈ၊ ႁႅင်းဢေႇၵႂႃႇ မၼ်းပႃး လွင်ႈတၢင်းပဵၼ် တၢႆၽၢၵ်ႇၼႆႉ ဢၼ်ၼိုင်ႈယဝ်ႉ။ ၵူၼ်းပဵၼ် ဢၼ်ၸပ်းတၢင်းပဵၼ် တၢႆၽၢၵ်ႇၼႆႉ ထုၵ်ႇလႆႈလုမ်းလႃးပၼ်လီငၢမ်း တႃႇၶၢဝ်းႁိုင်ယူႇယဝ်ႉ။ ၵူၼ်းပဵၼ်တၢႆၽၢၵ်ႇၼႆႉ ၼင်ႇႁိုဝ်တူဝ်ၶဝ် ပေႃးတေၶိုၼ်းၵႅၼ်ႇၶႅင်မႃးၼၼ်ႉ လွင်ႈႁဵတ်းၵၢၼ်တူင်ႉၼိုင်ပၼ်ၼႆႉၵေႃႈ ပဵၼ်ဢၼ် လမ်ႇလွင်ႈဝႆႉဢၼ်ၼိုင်ႈဢေႃႈ။ ပေႃးဝႃႈတိုၵ်ႉႁႃပဵၼ် တၢႆၽၢၵ်ႇၼႆ ဢၼ်ႁဵတ်းၵၢၼ်ႉတူင်ႉၼိုင်ပၼ်ၼႆႉ မၼ်းပဵၼ်ဢၼ်မီးၽွၼ်းလီသေ မၼ်းၸဵဝ်းမီးလွင်ႈထၢင်ႇႁၢင်ႈမႃး ဝႆးဝႆးဢေႃႈ။  

ၵူၼ်းပဵၼ်တၢင်းပဵၼ် တၢႆၽၢၵ်ႇၼႆႉ ၶဝ်ၵႆႉသိုပ်ႇပဵၼ် တၢင်းပဵၼ်ဢၼ်ၵပ်းၵၢႆႇၸႂ်သေၵွၼ်ႇဢေႃႈ။ ၼင်ႇႁိုင် ထၢၼ်ႈၸႂ်ၵူၼ်းပဵၼ် ၼၼ်ႉ ပေႃးတေၶိုၼ်းသုင်ၶိုၼ်ႈမႃးၼႆႉ ၸိူဝ်းပဵၼ် ပီႈၼွင်ႉႁိူၼ်းလဵဝ်ၵၼ်၊ ၸိူဝ်းပဵၼ် ဢူၺ်းၵေႃႉဢူၺ်းသေႈ၊ ၸိူဝ်းပဵၼ် ၽူႈႁၢပ်ႇၵၢၼ်ပၢႆးယူႇလီၶဝ်ၸိူဝ်းၼႆႉ ထုၵ်ႇလီ ဢွၼ်ၵၼ် ပၼ်ႁႅင်းၸွႆႈထႅမ်ပၼ်တႃႇသေယဝ်ႉ။ ၼႆႉပဵၼ် ဢၼ်ထုၵ်ႇလီ လႆႈႁဵတ်း လႆႈမီးတႄႉတႄႉဝႃႈဝႃႈယဝ်ႉ။  

ၵူၼ်းၵေႃႉဢၼ်ယၢမ်ႈပဵၼ် တၢႆၽၢၵ်ႇမႃးယဝ်ႉပွၵ်ႈၼိုင်ႈၼႆႉ မၼ်းမီးတိုဝ်ႉတၢင်း တၢႆတေပဵၼ်ၶိုၼ်း တၢင်းပဵၼ်တၢႆၽၢၵ်ႇ ၼမ်လိူဝ်သေ ၵူၼ်းပႆႇယၢမ်ႈပဵၼ်ၼၼ်ႉဢေႃႈ။ ယွၼ်ႉပိူဝ်ႈၼၼ်လႄႈ ၵူၼ်းပဵၼ်ၼၼ်ႉ မၼ်းထုၵ်ႇလီ ႁႃလွင်ႈတၢင်း တၢင်းပဵၼ်တၢႆၽၢၵ်ႇသေ ယူတ်းယႃႁႂ်ႈထိုင်တီႈမၼ်းလီလီ၊ လွင်ႈယူႇလွင်ႈသဝ်း​ႁဝ်းၵေႃႈ ႁႂ်ႈဝူၼ်ႉၵိုၵ်းတင်း ပိုၼ်ႉႁူႉ ပၢႆးယူႇလီသေ ယူႇသဝ်းၵႂႃႇ၊ ဢဝ်လွင်ႈတူၺ်းထိုင်၊ တၢင်းၶႆႈၸႂ် တီႈ ၽူႈႁၢပ်ႇၵၢၼ် ၽူႈလူင်ႉလႅၼ်ႇ ပၢႆးယူႇလီၶဝ် ၸၵႂႃႇၸိူဝ်းၼႆႉ ပဵၼ်ဢၼ်လွင်ႈယႂ်ႇဝႆႉယဝ်ႉ။ တွၼ်ႈတႃႇတေဢမ်ႇပဵၼ် တၢႆၽၢၵ်ႇၶိုၼ်းထႅင်ႈပွၵ်ႈၼိုင်ႈၼႆႉ ထုၵ်ႇလီႁႄႉၵၼ်ဝႆႉလီလီ။ 

တၢင်းပဵၼ်တၢႆၽၢၵ်ႇဢၼ်ဝႃႈၼႆႉ မၼ်းပဵၼ်တၢင်းပဵၼ် ဢၼ်ႁဝ်းၸၢင်ႈၵႅတ်ႇၶႄႁႄႉၵင်ႈလႆႈဢေႃႈ။ ပေႃးႁဝ်းႁူႉဝႆႉ လွင်ႈတၢင်းဢၼ်ႁႂ်ႈပဵၼ် တၢင်းပဵၼ်တၢႆၽၢၵ်ႇ၊ လၢႆးႁႄႉၵင်ႈတၢင်းပဵၼ်၊ လၢႆးယူႇသဝ်း ႁႂ်ႈပၢႆးယူႇလီ ၶႅမ်ႉလႅပ်ႈ ၸိူဝ်းၼႆႉ ပဵၼ်ဢၼ်ထုၵ်ႇလီမီးဝႆႉတႄႉတႄႉ။ ႁူမ်ႈဝႃႈမီးတၢင်းပဵၼ်သေတႃႉ ပေႃးဝႃႈ ၶၢမ်ႇဢဝ် လွင်ႈယူတ်းယႃလီလီငၢမ်းငၢမ်းၼႆ တွၼ်ႈတႃႇတေ ပဵၼ် တၢင်းပဵၼ်တၢႆၽၢၵ်ႇၼႆႉ မၼ်းၵေႃႈ တေယွမ်းၵႂႃႇယူႇ။ 

လွင်ႈႁႄႉၵင်ႈတၢင်းပဵၼ် တၢႆၽၵ်ႇ (႖) ဢၼ်ၼႆႉ ၽူႈလႂ်ၽႂ်သေဢမ်ႇဝႃႈ ႁဵတ်းၸွမ်းလႆႈယူႇ။ ၶဝ်ႈၸိူဝ်ႈၼၼ်ႉၼႆႉ 

လိူဝ်သေၼၼ်ႉဢမ်ႇၵႃး ၸိူဝ်းယၢမ်ႈပဵၼ် တၢင်းပဵၼ် ဢဵၼ်လိူတ်ႈမၢၵ်ႇႁူဝ်ၸႂ်တၼ်၊ ဢိုတ်း၊ ၸိူဝ်းယၢမ်ႇမီး တၢင်းပဵၼ် လူမ်းႁူဝ်ၸႂ် ၸိူဝ်းၼႆႉ ၼင်ႇႁိုဝ်တေဢမ်ႇပဵၼ် တၢင်းပဵၼ်တၢႆၽၢၵ်ႇၼႆ ထုၵ်ႇလီဢဝ် လွင်ႈယူတ်းယႃ လွင်ႈထတ်းသင်ႈလီလီၼႆႉ ၸုမ်းၵႅတ်ႇၶႄႁေႉၵင်ႈတၢင်းပဵၼ် ၵမ်ႇၽႃႇ မီးတၢင်းၶႆႈၸႂ်ဝႆႉၼင်ႇၼႆယဝ်ႉ။ 

ၸွမ်းၼင်ႇၶေႃႈၵႂၢမ်းဢၼ်ဝႃႈ လွင်ႈႁႄႉၵင်ႈၼႆႉ မၼ်းတိူဝ်းယမ်လိူဝ် လွင်ႈယူတ်းယႃ ၼၼ်ႉသေ ၼင်ႇႁိုဝ်တေဢမ်ႇပဵၼ်တၢင်းပဵၼ် တၢႆၽၢၵ်ႇၼၼ်ႉၼႆ ၶတ်းၸႂ် ၵႅတ်ႇၶႄႁေႉၵင်ႈဝႆႉ ဢွၼ်တၢင်းၼႆႉ မၼ်းတေႁဵတ်းႁႂ်ႈ လွင်ႈပဵၼ်တၢင်းပဵၼ် တၢႆၽၢၵ်ႇၼႆႉ တူၵ်းယွမ်းလူင်းၵႂႃႇယူႇၼႆ ဢမ်ႇႁၢင်ႈယဝ်ႉ။ 




#Article 59: တၵူင်ႇ၊ ၸႄႈဝဵင်း (196 words)


ၸႄႈဝဵင်းတၵူင်ႇ (), (), () ၼႆႉ မီးဝႆႉတီႈ ၽၢႆႇႁွင်ႇ ဢၼ်ဢိူမ်ႈ ၵၢင်ဝဵင်း ဝဵင်းတႃႈၵုင်ႈ ၼၼ်ႉယဝ်ႉ။ တီႈၸႄႈဝဵင်းတၵူင်ႇၼႆႉ မီးပွၵ်ႉ (႕) ပွၵ်ႉယဝ်ႉ။

ၸိူဝ်းပဵၼ်တီႈၸိုဝ်ႈလိုဝ်းလင်သေပိူၼ်ႈ တီႈဝဵင်းတႃႈၵုင်ႈ ဢၼ်ပဵၼ် ၵွင်းမူးသူၺ်ႇတၵူင်ႇ၊ ႁွင်ႈၼႄၸိူဝ်ႉၸၢတ်ႈ ()၊ ႁွင်ႈၵႃႈၸၢတ်ႈၸိူဝ်ႉၸၢတ်ႈ ()၊ သၽႃးၸႄႈတိူင်းတႃႈၵိုင်ႈ ၸိူဝ်းၼႆႉ မီးဝႆႉတီႈၼႂ်း ၸႄႈဝဵင်းတၵူင်ႇယဝ်ႉ။ ယွၼ်ႉပိူဝ်ႈၸိူဝ်းပဵၼ်ဢွင်ႈတီႈ ၸိုဝ်ႈလိုဝ်းလင်ၸိူဝ်းၼႆႉလႄႈ တီႈၸႄႈဝဵင်းတၵူင်ႇၼႆႉၵေႃႈ ႁူင်းလႅမ်းလူင်၊ လုမ်းၽွင်းၼွၵ်ႈမိူင်း လႄႈ ဢွင်ႈႁိူၼ်းတီႈယူႇ ၽွင်းၶဵဝ်ၶဝ်ၸိူဝ်းၼႆႉၵေႃႈ ဢွၵ်ႇပေႃႇပဵၼ်မႃးယူႇယဝ်ႉ။ ၸိူဝ်းပဵၼ်  ဢထၵ (႑) တၵူင်ႇ၊ ဢထၵ (႒) တၵူင်ႇ ဢၼ်မီးဝႆႉတီႈၼႂ်း ၸႄႈဝဵင်းတၵူင်ႇၼႆႉ ပဵၼ်ထႅၼ်ႈႁူင်းႁဵၼ်းၸၼ်ႉသုင် ဢၼ်မီးတီႈ မိူင်းမျၢၼ်ႇမႃႇၼႆႉယူႇယဝ်ႉ။

ပီ 2011 လိူၼ်ၾႅပ်ႇဝႃႇရီ (6) ဝၼ်းၼၼ်ႉ တႄႇပိုတ်ႇ ၵၢတ်ႇတေႃႇဝိၼ်ႇသႅၼ်ႇထႃႇ ဢၼ်မီး 15 ၸၼ်ႉၼၼ်ႉ လႄႈ ႁွင်ႈၵူၼ်းယူႇ ၵႃႈတီႈ ၸႄႈဝဵင်းတၵူင်ႇၼၼ်ႉယဝ်ႉ။ ပီ 2011 လိူၼ်ၵျုၼ်ႇၼၼ်ႉ  ၸဝ်ႈသြႃႇသီႇတၵူႇ ပိုတ်ႇၽုၺ်ႇ ႁူင်းႁဵၼ်းပုတ်ႉထၽႃႇသႃႇ သီႇတၵူႇၵူႈမိူင်းမိူင်း ၼၼ်ႉယဝ်ႉ။

တၵူင်ႇဢၼ်ဝႃႈၼႆႉ ပဵၼ်ဝၢၼ်ႈတမ်ႇငႃႈမွၼ်းဢွၼ်ႇ ဢၼ်မီးတီႈႁိမ်း ၵွင်းမူးသူၺ်ႇတၵူင်ႇၼၼ်ႉသေ ပေႃးဢဝ် ၽႃႇသႃႇမွၼ်း ဝႃႈ လႆႈၸိုဝ်ႈဝႃႈ လၵုင်ႇ ဝႃႈၼႆယဝ်ႉ။ ပေႃးဢဝ်သၢႆပိုၼ်းဝႃႈ ဝၢၼ်ႈဢွၼ်ႇၼႆႉ  မီးႁိမ်းပၢႆဝဵင်း ဝဵင်းတၢၼ်ႇလိၼ်ႇ ဢၼ်ပဵၼ်ဢွင်ႈလီပၢႆးမၢၵ်ႈမီး ဢၼ်မီးတီႈသၢႆ မႄႈၼမ်ႉတႃႈၵုင်ႈၼၼ်ႉယဝ်ႉ။ ၵူၺ်းၵႃႈဝႃႈ ဝၢၼ်ႈတၵူင်ႇဢွၼ်ႇၼႆႉ ယွၼ်ႉပိူဝ်ႈ ၵွင်းမူးသူၺ်ႇတၵူင်ႇလႄႈ ပေႃးဢဝ်ၾိင်ႈငႄႈဝႃႈ မၼ်းပဵၼ်တီႈလိုဝ်းလင်မႃးယဝ်ႉ။ ပီ 1755 ၼၼ်ႉ ဢလွင်းမိၼ်းတယႃး သိမ်းဢဝ် ဝၢၼ်ႈတၵူင်ႇသေ ၵွပ်ႈဢွင်ႇပႄႉလႆႈ ယၢၼ်ႇတင်းသဵင်ႈလႄႈ ၸင်ႇႁွင်ႉဝႃႈ ယၢၼ်ႇၵူင်ႇ () ၼႆယဝ်ႉ။ ဝၢႆးသေၼၼ်ႉ ၸိူဝ်းပဵၼ် ဢလူင်ႇ၊ ပပႄးတၢၼ်း၊ ၵျွၵ်ႉတတႃး၊ ပူဝ်ႇတထွင်ႇ ဢဝ်ၸိူဝ်းၼႆႉႁူမ်ႈၵၼ်သေ ၸင်ႇတႄႇတင်ႈဝဵင်းလူင်မႃးယဝ်ႉ။
မိူဝ်ႈပၢၼ်ၶူဝ်းလၼီႇဢင်းၵိတ်ႉၼၼ်ႉ တၵူင်ႇၼႆႉ ပဵၼ်ၵၢင်ဝဵင်းလႄႈ ႁိမ်းႁွမ်းၼၼ်ႉ မီးပွၵ်ႉၵူၼ်းၽၢၼ်ၸိူဝ်းၼႆႉ ပေႃးတဵမ်လူင်ဝႆႉၵေႃႈ မၼ်းပဵၼ်ၼႃႈလိၼ် ဢၼ်ၶိုၼ်ႈယႂ်ႇသေပိူၼ်ႈယဝ်ႉ။ ဝၢႆးပီ 1950 ထိုင်ပၢၼ်လူင်ပွင်ၸိုင်ႈမၢၼ်ႊမႃး ၸင်ႇၽဵဝ်ႈပဵတ်ႈပွၵ်ႉၵူၼ်းၽၢၼ်ႈဢၼ်ၶႂၢၵ်ႈတီႈယူႇ မီးတီႈပွတ်းၸၢၼ်းၸႄႈဝဵင်းၼၼ်ႉသေ ၸင်ႇၵေႃႇသၢင်ႈပိူင်ၵၢၼ် ဝၢင်းႁိူၼ်းမိၼ်းမၼႅင်ႇ တွၼ်ႈတႃႇ ၵူၼ်းႁၢပ်ႇၵၢၼ်လူင်ပွင်ၸိုင်ႈ ၸိုဝ်းႁဵတ်းၵၢၼ်မႃးၶၢဝ်းႁိုင်ၼၼ်ႉယဝ်ႉ။ ထိုင်မႃးပီ 1980  ပူဝ်ႇၶျူၵ်ႉၼေႇဝိၼ်း လႆႈတႄႇၵွင်းမူး မႁႃႇဝိၸယ ဢၼ်ၶဝ်ႈပႃးၼႂ်း ၵွင်းမူးလိုဝ်းလင်ၼၼ်ႉယဝ်ႉ။

ၸႄႈဝဵင်းတၵူင်ႇၼႆႉ ၶဝ်ႈပႃးတီႈၼႂ်း ၸႄႈတွၼ်ႈပွတ်းတူၵ်းတႃႈၵုင်ႈသေ မီးဝႆႉတီႈၼႂ်းၵႄႈ လတ်ႉတီႇတုတ်ႉႁွင်ႇ 16 တီႇၵရီႇ 45 မိတ်ႉၼိတ်ႉ 51 ၸႅၵ်ႉၵၢၼ်ႉ လႄႈ လွင်ႇၵျီႇၵျူႉ 97 တီႇၵရီႇ 59 မိတ်ႉၼိတ်ႉၼၼ်ႉယဝ်ႉ။ ၸႄႈဝဵင်းတၵူင်ႇၼႆႉ ၽၢႆႇဢွၵ်ႇမီး ၸႄႈဝဵင်းမိင်ႇၵလႃႇတွင်ႇၺူၼ်ႉ၊ ၽၢႆႇၸၢၼ်း မီး ၸႄႈဝဵင်းပပႄးတၢၼ်း၊ ၸႄႈဝဵင်းလႃႉတႃႇ၊ ၸႄႈဝဵင်းလၢၼ်းမတေႃႇ တိူဝ်ႉၸပ်းဝႆႉတင်း ၸႄႈဝဵင်းၸိူဝ်းၼႆႉယူႇယဝ်ႉ။ ၽၢႆႇတၢင်းတူၵ်းၸမ်ႉ တိူဝ်ႉၸပ်းဝႆႉတင်း ၸႄႈဝဵင်းဢလူင်ႇ လႄႈ ၽၢႆႇတၢင်းႁွင်ႇတႄႉ တိူဝ်ႉၸပ်းၵၼ်ဝႆႉတင်း ၸႄႈဝဵင်းပႁၢၼ်း လႄႈ ၸႄႈဝဵင်းၸၢၼ်းၶျွင်း ယဝ်ႉ။

ပေႃးဢဝ် ၼႃႈတၢင်းဢွၵ်ႇတေႃႇတၢင်းတူၵ်း မီး (0.96)လၵ်း လႄႈ ပေႃးဢဝ် ၼႃႈတၢင်းၸၢၼ်းတေႃႇတၢင်းႁွင်ႇ မီး (0.99) လၵ်းယဝ်ႉ။ တၢင်းၵႂၢင်ႈၶႂၢင်မၼ်းတႄႉ မီး  ယဝ်ႉ။

ယူင်ႉသၢင်ႈၸိူဝ်းဢၼ်မီးဝႆႉ တီႈၼႂ်း ၸႄႈဝဵင်းတၵူင်ႇ ဢၼ်ၼႄဝႆႉၼင်ႇပႃႈတႂ်ႈၼႆႉၼႆႉ ထိင်းသိမ်းဝႆႉပဵၼ် ၶူဝ်းပူၺ်ႈၵဝ်ႇမွၼ် တီႈဝဵင်းတႃႈၵုင်ႈ ၶႃႈဢေႃႈ။




#Article 60: တၼိၼ်းတႃႇယီႇ၊ ၸႄႈတိူင်း (171 words)


ၸႄႈတိူင်းတၼိၼ်းတႃႇယီႇ (), (), () ဢမ်ႇၼၼ် (တနၚ်ဩဳ) ၼႆႉ ပဵၼ် ၸႄႈတိူင်း ဢၼ်ၼိူင်ႈ ဢၼ်မီးပွတ်းမိူင်းမၢၼ်ႈ သုတ်းသုတ်းၼၼ်ႉယဝ်ႉ။ ၸႄႈလူင်ၼႆႉ ပဵၼ် ဝဵင်းထဝႄႇ ၶႃႈဢေႃႈ။ ၸိူဝ်းပဵၼ် ဝဵင်းလမ်ႇလွင်ႈ တၢင်ႇဢၼ်ၼၼ်ႉတႄႉ ပဵၼ် ဝဵင်းပဵၵ်ႉ လႄႈ ဝဵင်းၵေႃႉတွင်း ၼၼ်ႉယဝ်ႉ။ ႁူဝ်ၼပ်ႉၵူၼ်း ၸႄႈတိူင်းတၼိၼ်းတႃႇယီႇ ဢၼ်ၵဵပ်းမိူဝ်ႈ ပီ 2014 ၼၼ်ႉ ဝႃႈ မီးၵႂႃႇ ႑,႔႐႘,႔႐႑  ၼႆယဝ်ႉ။

ၸႄႈတိူင်းတၼိၼ်းတႃႇယီႇ တၢင်းၵႂၢင်ႈၶႂၢင် ဢေႇရိယႃႇမီး ႑႖,႗႓႖ လွၵ်းလၵ်းယဝ်ႉ။ မီးဝႆႉ ပွတ်းၸၢၼ်း မိူင်းမၢၼ်ႈ တီႈထုင်ႉၽင်ႇပၢင်ႇလၢႆႇသေ ပဵၼ်ၼႃႈလိၼ် ဢၼ်ၵူၼ်းယူႇသဝ်း ဢေႇၼၼ်ႉယဝ်ႉ။ ပၢင်ႇလၢႆႇဢႅတ်ႇတမၢၼ်ႇ၊ မိူင်းထႆး၊ ၸႄႈမိူင်းယၢင်းၽိူၵ်ႇ၊ ၸႄႈမိူင်းမွၼ်း ၸိူဝ်းၼႆႉ လွမ်ႉႁွပ်ႈဝႆႉယဝ်ႉ။ မီးဝႆႉတီႈၼႂ်း ၵႄႈ လတ်ႉတီႇတုတ်ႉႁွင်ႇ 9 တီႇၵရီႇ 30 မိတ်ႉၼိတ်ႉ တေႃႇ 15 တီႇၵရီႇ 5 မိတ်ႉၼိတ်ႉ၊ ၼႂ်းၵႄႈ လွင်ႇၵျီႇတုၼ်ႇ 97 တီႇၵရီႇ 40 မိတ်ႉၼိတ်ႉ တေႃႇ 99 တီႇၵရီႇ 40 မိတ်ႉၼိတ်ႉ ၼၼ်ႉၶႃႈယဝ်ႉ။

ယွၼ်ႉပိူဝ်ႈပဵၼ်ၼႃႈလိၼ် ဢၼ်ၸမ်ပၢင်ႇလၢႆႇလႄႈ မီးၾိင်ႈၾႃႉၽူၼ်ၼမ်သေ ယိုၵ်းယမ်းၼၼ်ႉယဝ်ႉ။ ယွၼ်ႉပိူဝ်ႈ ပဵၼ်တီႈဢၼ်ၸမ် ဢီႇၵူၺ်ႇတႃႇၼၼ်ႉလႄႈ တၢင်ႉမႆႈၵေႃႈ သုင်ဝႆႉယဝ်ႉ။ တၢင်ႇမႆႈၼႆႉ မီးဝႆႉ ၼႂ်းၵႄႈ 83 တီႇၵရီႇၽႃႇရိၼ်ႇႁၢႆႉ တေႃႇ 78 တီႇၵရီႇ ၽႃႇရိၼ်ႇႁၢႆႉၼၼ်ႉယဝ်ႉ။ ၽူၼ်မႃးတင်းပီသေ တၢင်ႉၼမ်ႉၽူၼ်ၼႆႉ မီး ႑႗႐ တေႃႇ ႒႑0 ၼၼ်ႉယဝ်ႉ။

တီႈၸႄႈတိူင်းတၼိၼ်းတႃႇယီႇၼႆႉ မီး ၸႄႈတွၼ်ႈ (႓) ၸႄႈတွၼ်ႈဢေႃႈ။

ၸႄႈဝဵင်း မီး (႑႐) ၸႄႈဝဵင်းယဝ်ႉ။
တီႈၸႄႈတွၼ်ႈထဝႄႇၼႆႉ  ၸႄႈဝဵင်းထဝႄႇ၊ ၸႄႈဝဵင်းလွင်းလူင်၊ ၸႄႈဝဵင်းတယႅတ်ႉၶျွင်း၊ ၸႄႈဝဵင်းယ​ေႇၽျူႇ

တီႈၸႄႈတွၼ်ႈပဵၵ်ႉၼႆႉ ၸႄႈဝဵင်းပဵၵ်ႉ၊ ၸႄႈဝဵင်းၵျုၼ်းၸု၊ ၸႄႈဝဵင်းပုလေႃး၊ ၸႄႈဝဵင်းတၼိၼ်းတႃႇယီႇ

တီႈၸႄႈတွၼ်ႈၵေႃႉတွင်းၼႆႉ ၸႄႈဝဵင်းၵေႃႉတွင်း၊ ၸႄႈဝဵင်းပူၵ်ႉပျိၼ်း

ၶဝ်ႈပႃးဝႆႉ ၸႄႈဝဵင်း (႑႖) ၸႄႈဝဵင်း၊ ပွၵ်ႉ (႘႓) ပွၵ်ႉ၊ ဢိူင်ႇ (႒႖႔) ဢိူင်ႇလႄႈ ဝၢၼ်ႈ (႑႒႓႐) ဝၢၼ်ႈယဝ်ႉ။ 

ၵူၼ်းၶိူဝ်းထဝႄႇ ၵမ်ႉၼမ်ၼႆႉ ဢွၼ်ၵၼ်ယူႇသဝ်းတီႈ ၸႄႈတိူင်းတိၼ်းတႃႇယီႇ ၼၼ်ႉယဝ်ႉ။ ဢွၼ်ၵၼ်လၢတ်ႈၵႂၢမ်းၽႃႇသႃႇထဝႄႇ ပဵၼ်ပိူင်လူင်မၼ်းယဝ်ႉ။ တွၼ်ႈတႃႇ လိၵ်းလၢႆး ၵူၼ်းၶိူဝ်းထဝႄႇ ၶဝ်တႄႉ ဢမ်ႇပႆႇမီးဝႆႉ ၸွမ်းၼင်ႇၶႂၢင်ႇမၼ်း။ တွၼ်ႈတႃႇလိၵ်ႈလၢႆးထဝႄႇ ဢၼ်ၵူၼ်းၶိူဝ်းထဝႄႇ တင်းသဵင်ႈတေႁပ်ႉၶၢမ်ႇလႆႈၼၼ်ႉ ပေႃးတေဢွၵ်ႇပဵၼ်မႃး တိုၵ်ႉဢွၼ်ၵၼ်ၶတ်းၸႂ်ဝႆႉယူႇယဝ်ႉ။

တီႈၵူၼ်းၶိူဝ်းထဝႄႇၶဝ်ၼႆႉ မီးၾိင်ႈငႄႈၶွင်တူဝ်ဝႆႉယဝ်ႉ။ ၵူၼ်းၸၢႆးထဝႄႇၶဝ်ၼႆ့ ၶဝ်ၼုင်ႈ သိုဝ်ႈၽိူၵ်ႇၶေႃးမူၼ်းတင်း သိုဝ်ႈထဝႄႇ၊ ၽႃႇတူင်ႇထဝႄႇ ၸိူဝ်းၼၼ်ႉယဝ်ႉ။ ၼၢင်းယိင်းထဝႄႇၶဝ်ၵေႃႈ ၼုင်ႈသိူဝ်ႈၼႃႈဝၢႆႈလႄႈ သိၼ်ႈထဝႄႇသေ ၸွၵ်းပႃးႁူဝ်ယဝ်ႉ။ ဢၼ်ပဵၼ် တၢင်းၵႃႈၽိင်ႈငႄႈထဝႄႇ ဢၼ်ပဵၼ်တၢင်းၵႃႈတဵင်ႇဢုမ်ၼုမ်ၼၼ်ႉၵေႃႈ ပဵၼ်တၢင်းၵႃႈ ဢၼ်ၸိုဝ်ႈသဵင်လိုဝ်းလင်ဝႆႉယဝ်ႉ။




#Article 61: တၼၢတ်ႉပိၼ်ႇ၊ ဝဵင်း (206 words)


ဝဵင်းတၼၢတ်ႉပိၼ်ႇ (), (), () ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းတၼၢတ်ႉပိၼ်ႇ၊ ၸႄႈတွၼ်ႈပႃႇၵိူဝ်၊ ၸႄႈတိူင်းပႃႇၵိူဝ် ၼၼ်ႉယဝ်ႉ။ မီးဝႆႉၽၢႆႇဢွၵ်ႇဝဵင်းပႃႇၵိူဝ် ၵႆယၢၼ် မွၵ်ႈႁႃႈလၵ်းၼၼ်ႉယဝ်ႉ။ လွင်ႈတၢင်းႁွင်ႉဝႃႈ တၼၢတ်ႉပိၼ်ႇ ဢၼ်ဝႃႈၼၼ်ႉ မိူဝ်ႈပူၼ်ႉမႃး ပီ 70 ပၢႆႇ မိူဝ်ႈပႆႇတင်ႈဝဵင်းၼၼ်ႉ ဢၼ်ပဵၼ်ဢွင်ႈတီႈ တႄႇတင်ႈဝဵင်းယူႇ ယၢမ်းလဵဝ်ၼႆႉ မိူဝ်ႈၼၼ်ႉ မီးတူၼ်ႈ တူၼ်ႈတၼၢတ်ႉ တင်းၼမ်သေ ၼႂ်းၵႃႈၶဝ်ၼၼ်ႉ ဢၼ်ပဵၼ် တူၼ်ႈလူင်သွင်တူၼ်ႈၼႆႉ တူၼ်ႈယႂ်ႇသုင်သမ်ႉပေႃးလုၵ်ႉတီႈဝဵင်းပႃႇၵိူဝ်သေ မုင်ႈႁၼ် ဝႃႈၼၼ်ယဝ်ႉ။ မိူဝ်ႈၼၼ်ႉတႄႉ ၵူၺ်းမီးသုမ်ႉဢွၼ်ႇ သီႇႁႃႈလင်သေ တီႈႁိမ်းႁွမ်းၼၼ်ႉ ယွၼ်ႉပႃႇထိူၼ်ႇၼႃလႄႈ ပဵၼ်တီႈလမ်းတူဝ်ထိူၼ်ႇတႃႇ  ဢင်းၵိတ်ႉၵူၼ်းၼႃႈၽိူၵ်ႇၶဝ်ယဝ်ႉ။ ယွၼ်ႉပိူဝ်ႈၼၼ်လႄႈ ၸင်ႇႁွင်ႉၵိုၵ်း တူၼ်ႈတၼၢတ်ႉလူင်သွင်တူၼ်ႈၼၼ်ႉသေ ဝႃးပဵၼ် ဢွင်ႈလိုဝ်ႈတၼၢတ်ႉပိၼ်ႇ ဝႃႈၼႆယဝ်ႉ။ ၵူၼ်းၸိူဝ်းယူႇႁိ်းႁွမ်းၸိူဝ်းၼၼ်ႉ ပဵၼ် ၸၢဝ်းၶိူဝ်းမွၼ်း ၵမ်ႉၼမ်သေ ၶဝ်ဢွၼ်ၵၼ်ၽဵဝ်ႈပႃႇမႆႉမႃႇထိူၼ်ႇသေ ႁဵတ်းလွင်ႈၽုၵ်ႇသွမ်ႈမႃးယဝ်ႉ။ ယွၼ်ႉလင်ႁိူၼ်းတူဝ်းၼမ်မႃးလႄႈ ထိုင်မႃး ပီ ႑႑႗႐ မႃး ၸင်ႇႁွင်ႉတီႈၼၼ်ႈဝႃႈပဵၼ် ဝၢၼ်ႈတၼၢတ်ႉပိၼ်ႇ ၼႆယဝ်ႉ။ လုၵ်ႉတီႈၼၼ်ႉသေ ပဵၼ်ထုင်ႉၽုၵ်ႇသွမ်ႈ ၶႅမ်ႉလႅပ်ႈမႃးလႄႈ ဝဵင်းမူၼ်းၵူၼ်းၵိုၼ်းမႃးသေ ၸင်ႇပဵၼ်မႃး ဝဵင်းပၵ်းလုမ်း ၶုၼ်ပွင်ဝဵင်းမႃးယူႇယဝ်ႉ။

တၢင်းၵႂၢင်ႈၶႂၢင်ဝဵင်းၼႆႉ မီးမွၵ်ႈသွင်လၵ်းပၼ်ႇမူၼ်းၼၼ်ႉယဝ်ႉ။ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ဢၼ်ၵဵပ်းမိူဝ်ႈ 1953 ၼၼ်ႉ ႁူဝ်ၼပ်ႉၵူၼ်း မီးမႃး 6,805 ၵေႃႉသေ ၵမ်ႉပႃႈၼမ် ပဵၼ် ၵူၼ်းၶိူဝ်းမၢၼ်ႊ ယဝ်ႉ။

ဝဵင်းတၼၢတ်ႉပိၼ်ႇၼႆႉ ပဵၼ်ဝဵင်း ပၢႆးၵပ်းသိုပ်ႇၵႂႃႇမႃး ၵႃႉၶၢႆၶႅမ်ႉလႅပ်ႈဝဵင်းၼိူင်ႈယဝ်ႉ။ သဵၼ်ႈတၢင်းလူတ်ႉၵႃး ပႃႇၵိူဝ် - တၼၢတ်ႉပိၼ်ႇ ၼႆႉ ၶဝ်ႈပႃးၼႂ်းသဵၼ်ႈတၢင်းၽႄ သဵၼ်ႈတၢင်းလူတ်ႉၵႃး တႃႈၵုင်ႈ-ဝဵင်းလိူဝ်ႇ ပွတ်းတွၼ်ႈဢၼ်ၼိူင်ႈယဝ်ႉ။ မိူဝ်ႈပႆပဵၼ်သိုၵ်းၵမ်ႇၽႃႇပွၵ်ႈသွင်ၼၼ်ႉ သဵၼ်ႈတၢင်းလူတ်ႉလဵၼ်း ပႃႇၵိူဝ် - တူင်းၶႂႃႉ ဢၼ်မီး 49 လၵ်းၼၼ်ႉ လတ်းၵႂႃႇ ဝဵင်းတၼၢတ်ႉပိၼ်ႇယဝ်ႉ။ တႄႇဢဝ်သိုၵ်းၵမ်ႇၽႃႇပွၵ်ႈသွင်မႃးသေ သဵၼ်ႈတၢင်းလူတ်ႉလဵၼ်းၼၼ်ႉ ဢိုတ်းဝႆႉသေ ယၢမ်းလဵဝ်တႄႉ လႅၵ်ႈလၢႆႈႁဵတ်းပဵၼ်တၢင်းလူတ်ႉၵႃး တႄႇဢဝ်ပႃႇၵိူဝ်တေႃႇထိုင် ၶရၢၼ်းတူင်းၶႂႃႉယဝ်ႉ။ သဵၼ်ႈတၢင်းဢၼ်ၼၼ်ႉ ႁဵတ်းႁႂ်ႈ သၢႆတၢင်းတေႃႉသူင်ႇ ၸႄႈတွၼ်ႈပႃႇၵိူဝ် လႄႈ ၸႄႈတွၼ်ႈတႃႇယႃႇဝတီႇ ၼၼ်ႉ ၶႅမ်ႉလႅပ်ႈမႃးယဝ်ႉ။

တီႈၽၢႆႇသၢႆတၢင်းၼမ်ႉၼႆႉ ဢၼ်ပဵၼ် ႁွင်ႈၶုတ်း ပႃႇၵိူဝ်-ၸိတ်ႉတွင်း ဢၼ်မီးတၢင်းယၢဝ်း 30 လၵ်းၼၼ်ႉ လတ်းၶၢမ်ႈၵႂႃႇ ၵၢင်ဝဵင်းတၼၢတ်ႉပိၼ်ႇယဝ်ႉ။ တႃႇတေၶၢမ်ႈၸူးၵၼ် ဝဵင်းၽၢႆႇၼိူင်ႈလႄႈ ၽၢႆႇၼိူင်ႈၼႆႉ မိူဝ်ႈပီ 1900 ၼၼ်ႉ ႁွင်ႈၵၢၼ်ၽၢႆႇၵေႃႇသၢင်ႈၶဝ် လႆႈၵေႃႇသၢင်ႈၶူဝ် ဢၼ်မီးတၢင်းယၢဝ်း 120 ထတ်း ၼၼ်ႉယဝ်ႉ။ ႁွင်ႈၶုတ်းလူင်ၼၼ်ႉ မိူဝ်ႈတႄႇမၼ်းၼႆႉ ႁိူဝ်းလူင် ပေးလူင်ၸိူဝ်းၼႆႉၵေႃႈ ၸၢင်ႈၵႂႃႇမႃးသေတႃႉ ယၢမ်းလဵဝ်တႄႉ ယွၼ်ႉမၼ်းတိုၼ်ႈမႃးလႄႈ ဝၢႆးလင်မႃး ၸိူဝ်းပဵၼ်ႁိူဝ်းဢွၼ်ႇၸိူဝ်းၼႆႉၵူၺ်း ၸၢင်ႈၵႂႃႇမႃးလႆႈယဝ်ႉ။ မိူဝ်ႈပၢၼ်ဢင်းၵိတ်ႉ ၼၼ်ႉ ဢဝ်မႆႉ ၸိူဝ်းလုၵ်ႉတီႈ ပၢင်မၢၵ်ႇၼႃႉ၊ တွင်ႇငူႇ၊ လႄႇဝေး၊ သူၺ်ႇၵျိၼ်ႇ ၼႆႉ လွင်ႈၸွမ်းႁွင်ႈၶုတ်းၼႆႉယဝ်ႉ။ ၸိူဝ်းပဵၼ်ၶူဝ်းဢွၵ်ႇပိုၼ်ႉတီႈ၊ ၶူဝ်းၵုၼ်ၽုၵ်ႇသွမ်ႈ ၸိူဝ်းဢၼ်လုၵ်ႉတီႈ ဝၢၼ်ႈ 300 ၼႂ်းၸႄႈတွၼ်ႈပႃႇၵိူဝ် ၸိူဝ်းပဵၼ် ၶဝ်ႈသၢၼ်၊ ၽိုၼ်း၊ မႆႉမွင်၊ ဢုမ်  ၸိူဝ်းၼႆႉၵေႃႈ ဢဝ်တေႃႉသူင်ႇၵၼ်တီႈ ႁွင်ႈၶုတ်းၼႆႉယဝ်ႉ။ လုၵ်ႉတီႈ တီႈၼႂ်းႁွင်ႈလူင်ႁွင်ႈဢွၼ်ႇ ၸိူဝ်းၼၼ်ႉသေ ၸၢင်ႈၵႂႃႇမီးတီႈၼႂ်း ၸႄႈတွၼ်ႈႁၢၼ်ႇတႃႇဝတီႇ လႄႈ ၸႄႈတွၼ်ႈတထူင်ႇ ၸိူဝ်းၼႆႉယဝ်ႉ။ ၸႄႈဝဵင်းတၼၢတ်ႉပိၼ်ႇၼႆႉ တူၵ်းၼႂ်းၼႃႈလိၼ်တႅမ် တီႈၼႂ်းၸႄႈတွၼ်ႈပႃႇၵိူဝ်ၼၼ်ႉယဝ်ႉ။ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ဢၼ်ၵဵပ်းမိူဝ်ႈ ပီ 1931 ၼၼ်ႉ တၢင်းၵႂၢင်ႈၶႂၢင်ၸႄႈဝဵင်းၼႆႉ မီး 341 လွၵ်းလၵ်းသေ ဝၢၼ်ႈဢၼ်ပူႇၵႄႇဢုပ်ႉၼႆႉ မီး 51 ဢိူင်ႇယဝ်ႉ။ ႁူဝ်ႁိူၼ်း ဢၼ်မီးတီႈၼႂ်းၸႄႈဝဵင်း မီးၵႂႃႇ 10,647 ယဝ်ႉ။




#Article 62: တၽုတ်ႉသလႄႈ ꧤၼ်ႇလိၵ (ၵူၼ်းၵႃႉသွင်ၵေႃႉပီႈၼွင်ႉ) (154 words)


မိူဝ်ႈပၢၼ်ၵူႈပွၵ်ႈ ၶိူဝ်းၵူၼ်းဢိၼ်းတီးယႃး ဢၼ်ယူႇတီႈဢေႃးရိတ်ႉသ (Orissa) မၢၼ်ႈဢွၵ်ႇသဵင်ဝႃႈ (ဢူၵ်ႉၵလႃႇ)ၼၼ်ႉ မႃးယူႇပၢၵ်ႇသူပ်း ၼမ်ႉဢေႇရႃႇဝတီႇမိူင်းမၢၼ်ႈသေ မႃးတႄႇတင်ႈဝဵင်းဢၼ်ၼိုင်ႈယူႇယဝ်ႉ။ ယွၼ်ႉၸႂ်ထိုင်း ဢွင်ႈၸႃႇတိၸဝ်ႈၵဝ်ႇလႄႈ ဝဵင်းၼၼ်ႉ ၸင်ႇတၢင်ႇၸိုဝ်ႈဝႃႈ ဝဵင်းဢူၵ်ႉၵလႃႇၼႆယဝ်ႉ။ ၵူၼ်းၵႃႉမိူင်းဢိၼ်းတီးယႃးၶဝ်ၵေႃႈ ဢွၼ်ၵၼ်မႃးယူႇထင်ၼႂ်းဝဵင်းၼၼ်ႉယူႇယဝ်ႉ။ ၼႂ်းဢၼ်မႃးယူႇထင်ၸိူဝ်းၼၼ်ႉ ပႃးၵူၼ်းၵႃႉသွင်ၵေႃႉပီႈၼွင်ႉ တၽုတ်ႉသလႄႈ ꧤၼ်ႇလိၵ ဢၼ်ပဵၼ်ၵူၼ်းမိူင်းပႃလၵ်ႉၶ (Balakha) ဢၼ်ယၢၼ်တင်းမႃၵျုရီသျရိပ်ႉ (Majaresharreef) ၼႂ်းမိူင်းဢႃႇၾၵၼ်ႇၼိသ်တၼ်ႇ (Afghanistan) မွၵ်ႈ (႑႘) ၶီႇလူဝ်ႇမီႇတိူဝ်ႇၼၼ်ႉယဝ်ႉ။

ၽွင်းၽြႃးပဵၼ်ၸဝ်ႈ ၵီႈလွၼ်ႉမႃးၼၼ်ႉ မိူင်းဢူၵ်ႉၵလႃႇပၼၼ်ႉၵေႃႈ ၶုၼ်ႁေႃၶမ်းဢူၵ်ႉၵလႃႇပ ဢုပ်ႉပိူင်ႇၽွင်းငမ်းဝႆႉယူႇယဝ်ႉ။ တၽုတ်ႉသလႄႈ ꧤၼ်ႇလိၵ သွင်ပီႈၼွင်ႉၼႆႉ ပဵၼ်ၵူၼ်းၵႃႉၶၢႆတေႃႇ ဢူၵ်ႉၵလႃႇလႄႈ ဢိၼ်းတီးယႃးယဝ်ႉ။ ဢဝ်ၵုၼ်ႇၵႃႉတၢင်းၶၢႆမိူင်းမၢၼ်ႈသေ လတ်းၶၢမ်ႈၼမ်ႉသမ်ႇမုတ်ႉတရႃႇယဝ်ႉ တေႃႉမႃးတီႈဝဵင်း တမ်ရႃလိပ်ႉတိ (Tamralipti)ဢၼ်ပဵၼ်ဝဵင်း မီးတႃႈႁိူဝ်းၼၼ်ႉ။ သိုပ်ႇဢဝ်တင်းလေႃႉႁႃႈပၢၵ်ႇလမ်း တၢင်ႇလႄႇႁႃၸႅၵ်ႇၶၢႆ ၼႂ်းမိူင်းဢိၼ်းတီးယႃးယူႇယဝ်ႉ။ မိူဝ်ႈၽွင်းၶႃၵႂႃႇမႃးလႄႇႁႃၶၢႆၶူဝ်းယူႇၼၼ်ႉ ၽႅဝ်မႃးထိူၼ်ႇဢုရုဝေႇလ၊ တေႃႇတတ်းသေ မိူဝ်ႈၽွင်းၼၼ်ႉ မႅၼ်ႈၽြႃးပဵၼ်ၸဝ်ႈ လုၵ်ႉဢွၵ်ႇသမႃႇထိ ဢၼ်ၶုၺ်ႉႁၼ်ငမ်းယဵၼ်ဝိမုတ်ႉတိ ဝၢႆးသတ်ႉတႃႇႁၵမ်းထူၼ်ႈၸဵတ်းသေ ၼင်ႈယူႇတႂ်ႈမႆႉလၢင်းလွၼ်းၼၼ်ႉယူႇယဝ်ႉ။ တၽုတ်ႉသလႄႈ ꧤၼ်ႇလိၵၼႆႉ ဝႆႈသႃၽြႃးပဵၼ်ၸဝ်ႈယဝ်ႉ ၸင်ႇလူႇတၢၼ်းၶဝ်ႈမုၼ်းၼမ်ႉၽိုင်ႈ၊ ၶဝ်ႈမုၼ်းၼမ်ႉၽိုင်ႈ ဢၼ်ၽြႃးပဵၼ်ၸဝ်ႈၵိၼ်ၼႆႉ ပဵၼ်ပွၵ်ႈဢွၼ်တၢင်းသုတ်း ဝၢႆးသေၸဵတ်းဝူင်ႈၼၼ်ႉလႄႈ ပဵၼ်သွမ်းႁူဝ်တီး ဢၼ်လၢၵ်ႇလၢႆးတႄႉတႄႉ။ ပေႃးယဝ်ႉ ၽြႃးပဵၼ်ၸဝ်ႈ ၸင်ႇပၼ်ၶူၼ်ႁူဝ်ၸဝ်ႈပႅတ်ႇသဵၼ်ႈ တီႈၶႃသွင်ၵေႃႉ။ ဢမ်ႇႁိုင် ပေႃးၶႃၽႅဝ်ၶိုၼ်းမႃး ဝဵင်းဢူၵ်ႉၵလႃႇပၵေႃႈ ၶုၼ်ႁေႃၶမ်းဢူၵ်ႉၵလႃႇပ ၸင်ႇဢဝ်ၶူၼ်ႁူဝ်ၽြႃးပဵၼ်ၸဝ်ႈၼၼ်ႉ ထႃႇပၼႃႇၼႂ်းၵူင်ၵွင်းမူးပူဝ်ႇတထွင်ႇ၊ ၵွင်းသူႇလဵဝ်(သူးလေႇ) လႄႈ ၵွင်းမူးၶမ်းလူင် သူၺ်ႇတိၵူင်ႇယူႇယဝ်ႉ။ ၵူၼ်းမိူင်းတင်းလၢႆ ၸင်ႇလႆႈဢွၼ်ၵၼ် ၼပ်ႉယမ်ဝႆႈသႃႇမူးၸႃးမႃးတေႃႇယၢမ်းလဵဝ်ၼႆႉယူႇယဝ်ႉ။

တၽုတ်ႉသလႄႈ ꧤၼ်ႇလိၵၶႃၼႆႉ လႆႈဝႆႈသႃၽြႃးပဵၼ်ၸဝ်ႈသေ ႁပ်ႉဢဝ်သိၼ်ႁႃႈသဵၼ်ႈယူႇယဝ်ႉ။ ၵူၺ်းၵႃႈ ဢမ်ႇလႆႈထွမ်ႇငိၼ်းဢဝ် တေႇသၼႃႇ။ ယွၼ်ႉဝႃႈၽြႃးပဵၼ်ၸဝ်ႈၼႆႉ ပေႃးၽႅဝ်တီႈထိူၼ်ႇမိၵတႃႇဝုၼ်ႇ ၸင်ႇႁေႃးတြႃးႁူဝ်တီးၼၼ်ႉယဝ်ႉ။ ထႃႇပၼႃႇၶူၼ်ႁူဝ်ၸဝ်ႈ တီႈဝဵင်းဢူၵ်ႉၵလႃႇပယဝ်ႉ ၵူၼ်းၵႃႉသွင်ၵေႃႉပီႈၼွင်ႉၼႆႉ ၸင်ႇၶိုၼ်းၽႅဝ်မိူင်းရႃႇၸၵျူဝ်ႇ၊ တိူင်းမႃႇၵထသေ ၸင်ႇလႆႈထွမ်ႇငိၼ်းတြႃးၽြႃးပဵၼ်ၸဝ်ႈယူႇယဝ်ႉ။ ဝၢႆးသေထွမ်ႇတေႇသၼႃႇယဝ်ႉ ꧤၼ်ႇလိၵၼႆႉ ႁဵတ်းရႁၢၼ်းသေ ၽိုၵ်းသႃၵျၢင်ႉၵမ်တြႃးလႄႈ လႆႈပဵၼ်ရႁၢၼ်းတႃႇၵႂႃႇ။ တၽုတ်ႉသသမ်ႉ ႁဵတ်းၵူၼ်းႁိူၼ်းသေ ပဵၼ်သေႃးတႃႇပၢၼ်ႇယဝ်ႉ သိုပ်ႇႁဵတ်းၵူၼ်းၵႃႉ ၵူၼ်းၶၢႆယူႇ။

ၵူၺ်းၵႃႈမၼ်းၼႆႉ သိုၵ်ႇၸႅၵ်ႇၽႄထမ်ႇမတြႃးၸဝ်ႈ ပၼ်ၵူၼ်းဢၼ်ၵပ်းၵၢႆႇမၼ်းလႄႈ ပၼ်ၵူၼ်းတင်းၼမ်။ ၵူၼ်းၵႃႉသွင်ပီႈၼွင်ႉၼႆႉ ပဵၼ်ၵူၼ်းၵေႃႉဢဝ်သြႃႇသၼႃႇၽြႃးပဵၼ်ၸဝ်ႈ ၽႅဝ်မႃးၼႂ်းမိူင်းမၢၼ်ႈ ဢွၼ်တၢင်းသုတ်းယူႇယဝ်ႉ။ ၵွပ်ႈၼၼ်လႄႈ ၽြႃးပဵၼ်ၸဝ်ႈၵေႃႈ ၸင်ႇယုၵ်ႉယွင်ႈပူင်ပၼ် ၶူးဢေႇတတၵ်ႉၵယူႇယဝ်ႉ။

သွင်ၵေႃႉပီႈၼွင်ႉၼႆႉ ပေႃးၽႅဝ်ႁွတ်ႈၶိုၼ်း လိၼ်ၸႃႇတိၶႃ မိူင်းမၢၼ်ႈၵေႃႈ ၸင်ႇၵေႃႇၵွင်းမူးလူင်ၼေႃႇၼိုင်ႈယဝ်ႉ။ ဢဝ်ၶူၼ်ႁူဝ်ၽြႃးပဵၼ်ၸဝ်ႈ ထႃႇပၼႃႇသေ ပူႇၸေႃႇဝႆႉယူႇယဝ်ႉ။

တၽုတ်ႉၸလႄႈ ꧤၼ်ႇလိၵ ၵူၼ်းၵႃႉသွင်ပီႈၼွင်ႉ ဢၼ်တႄႇၶဝ်ႈပႃး ၾိင်ႈႁဵတ်းသၢင်ႈတႄႇၵွင်းမူးထႃႇပၼႃႇ ၶူၼ်ႁူဝ်ၸဝ်ႈ ဢၼ်မီးၼႂ်းမိူင်းမၢၼ်ႈလႄႈ မိူင်းဢႃၾၵၼ်ႇၼီႇသတၼ်ႇ ဢၼ်ပဵၼ်မိူင်းႁိမ်းႁွမ်း ဢိၼ်းတီးယႃးပွတ်းႁွင်ႇလႄႈ ပွတ်းတူၵ်းၼၼ်ႉသေ ၶႃသွင်ၵေႃႉၼႆႉ လႆႈတၢင်းသိူဝ်းသႃႇ သုၶတဵမ်ထူၼ်ႈယူႇယဝ်ႉ။

ၼႃႈလိၵ်ႈ ႓႐၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 63: တႃႇမူၺ်ႇ၊ ၸႄႈဝဵင်း (111 words)


ၸႄႈဝဵင်းတႃႇမူၺ်ႇ (), (), () ၼႆႉ မီးဝႆ့တီႈပွတ်းၵၢင် ဝဵင်းတႃႈၵုင်ႈ ယဝ်ႉ။ ၽၢႆႇႁွင်ႇ ၸႄႈဝဵင်းတႃႇမူၺ်ႇ ၼႆႉ မီး ၸႄႈဝဵင်းယၢၼ်ႇၵိၼ်း၊ ၽၢႆႇဢွၵ်ႇမီး ၸႄႈဝဵင်းတိင်ႇၵၢၼ်းၵျုၼ်း လႄႈ ၸႄႈဝဵင်းမိင်ႇၵလႃႇတွင်ႇၺုၼ်ႉ၊ ၽၢႆႇတၢင်းတူၵ်း မီး ၸႄႈဝဵင်းပႁၢၼ်း လႄႈ ၽၢႆႇတၢင်းတူၵ်းမီး ၸႄႈဝဵင်းမိင်ႇၵလႃႇတွင်ႇၺုၼ်ႉ ၸိူဝ်းၼႆႉယဝ်ႉ။ တၢင်းၵႂၢင်ႈၶႂၢင် ၸႄႈဝဵင်းၼႆႉ မီး  ယဝ်ႉ။
ၸႄႈဝဵင်းတႃႇမူၺ်ႇၼႆႉ ဢဝ် ပွၵ်ႉ (႒႐)ပွၵ်ႉသေ ၽွတ်ႈႁႅၼ်းဝႆႉယဝ်ႉ။ ႁူင်းႁဵၼ်းလူင်ပွင်ၸိုင်ႈ ၸၼ်ႉငဝ်ႈမီး (႒႘)ႁူင်း၊ ၸၼ်ႉၵၢၼ်မီး (႔) ႁူင်း၊ ၸၼ်ႉသုင်မီး (႗) ႁူင်းယဝ်ႉ။

ၸွမ်းလူၺ်ႈပိုၼ်း ၵွင်းမူးသူၺ်ႇတၵူင်ႇသေ ၸဝ်ႈၽုင်းၵၢမ်ႇ မွင်ႇၵၢၼ်ႇ ဢၼ်လုၵ်ႉတီႈ မိူင်းၶႄႇ မႃး ဢၼ်ပဵၼ် ၽူႈႁတ်းငၢၼ်ပူးၵမ်ႇၵေႃႉၼိုင်ႈၼႆႉ ယွၼ်ႉမၼ်း လမ်လိၼ်မိၼ်ၼိူဝ်ၵၢင်ႁၢဝ်လႆႈလႄႈ မၼ်းၶတ်းၸႂ် ဢၢင်ႈတေလၵ်ႉပၢင်းဢဝ် ထၢတ်ႈတေႃႇမူၺ်ႇတေႃႇ တီႈၽြႃးသူၺ်ႇတၵူင်ႇလႄႈ ၽီလီၽီမျၢတ်ႈၶဝ်ၸင်ႇၽၢၼ်ႇႁဵတ်းငူးလူင် (မြွေ)တူဝ်ၼိုင်ႈသေ ႁႄႉ(တား)လႄႈ ၸင်ႇဝႃး တေဝႃႈ တားမြွေ ၼႆသေ ယွၼ်ႉၶၢဝ်းယၢမ်ႁိုင်မႃးလႄႈ ၸင်ႇပဵၼ်မႃး တႃႇမူၺ်ႇ (တာမွေ) ဝႃႈၼႆႉယဝ်ႉ။
ပေႃးဢဝ်ပိုၼ်းမွၼ်းဝႃႈ ၶေႃႈၵႂၢမ်းမွၼ်း ဢၼ်ဝႃႈ တာမွိုင့်  ဢၼ်ဝႃႈၼၼ်ႉ တာ ၼႆႉ မၼ်းဝႃႈ တူၼ်ႈထၢၼ် မွိုင့် ဢၼ်ဝႃႈၼႆႉ ပဵၼ်ၼိုင်ႈ၊ မၼ်းယၢမ်ႈမီးမႃး တူၼ်ႈထၢၼ်လူင်တူၼ်ႈၼိူင်ႈ ဢိင်ႈၼိူဝ်ၼၼ်ႉသေ လုၵ်ႉတီႈ တာမွိုင့်  ၼႆႉသေ ပဵၼ်မႃး တႃႇမူၺ်ႇ ၼႆ ၵူၼ်းပိုၼ်ႉတီႈၶဝ်တႄႉ ယုမ်ႇယမ်ဝႆႉ ၼင်ႇၼၼ်ယဝ်ႉ။

တီႈၸႄႈဝဵင်းတႃႇမူၺ်ႇၼႆႉ မီးဝႆႉ ႁူင်းယႃမၢၵ်ႇတႃ၊ ႁူင်းယႃၵူၼ်းႁဵတ်းၵၢၼ်၊ မီးႁူင်းယႃလူင် ၽႃႇတတ်းႁူ၊ ၶူႈလင်၊ ၶေႃး၊ ၵွၵ်းႁူဝ် ၸိူဝ်းၼႆႉယဝ်ႉ။

ယူင်ႉသၢင်ႈၸိူဝ်းဢၼ်မီးဝႆႉ တီႈၼႂ်း ၸႄႈဝဵင်းတႃႇမူၺ်ႇ ဢၼ်ၼႄဝႆႉၼင်ႇပႃႈတႂ်ႈၼႆႉၼႆႉ ထိင်းသိမ်းဝႆႉပဵၼ် ၶူဝ်းပူၺ်ႈၵဝ်ႇမွၼ် တီႈဝဵင်းတႃႈၵုင်ႈ ၶႃႈဢေႃႈ။




#Article 64: တႃႇၸီႇ၊ ဝဵင်း (407 words)


ဝဵင်းတႃႇၸီႇ (), () ၼႆႉ ၶဝ်ႈပႃးၼႂ်း ၸႄႈဝဵင်းတႃႇၸီႇ၊ ၸႄႈတွၼ်ႈမဵၵ်ႉထီႇလႃႇ၊ ၸႄႈတိူင်းတႃႈလိူဝ်ႇ သေ ပဵၼ်ဝဵင်းပၵ်းလုမ်း ၸႄႈဝဵင်းတႃႇၸီႇယဝ်ႉသေဢမ်ႇၵႃး ပဵၼ်ဝဵင်းဢၼ်လမ်ႇလွင်ႈ တီႈဢၼ်တၢင်းလူတ်ႉလဵၼ်း မႃးႁူပ်ႉၵၼ်ၼၼ်ႉ တီႈမိူင်းမျၢၼ်ႇမႃႇပွတ်းၵၢင်ၼၼ်ႉယဝ်ႉ။

ဝဵင်းတႃႇၸီႇၼႆႉ ပဵၼ်တီႈဢၼ်တၢင်းလူတ်ႉလဵၼ်း တႃႈၵုင်ႈ-တႃႈလိူဝ်ႇ၊ တႃႇၸီႇ-မျိၼ်းၶျၢၼ်ႇ၊ တႃႇၸီႇ-သူၺ်ႇၺွင်ႇ ၸိူဝ်းၼႆႉ မႃးႁူပ်ႉၵၼ်သေဢမ်ႇၵႃး တၢင်းလူတ်ႉၵႃး တႃႈၵုင်ႈ-တႃႈလိူဝ်ႇလႄႈသင်၊ တၢင်းလူတ်ႉၵႃး ဢၼ်လုၵ်ႉတီႈ မဵၵ်ႉထီႇလႃႇ သေ လတ်းၶၢမ်ႈ မိူင်းတႆးပွတ်းၸၢၼ်းသေ သမ်ႉပေႃးၽႅဝ်ထိုင်ၵႂႃႇ သၢပ်ႇလႅၼ်လိၼ်မိူင်းထိုင်းၼၼ်ႉလႄႈသင် ၸိူဝ်းၼႆႉၼႆႉ လႆႈလၢတ်းၶၢမ်ႈၵႂႃႇ ဝဵင်းတႃႇၸီႇယဝ်ႉ။

ဝဵင်းတႃႇၸီႇၼႆႉ မီးၽၢႆႇဢွၵ်ႇ ဝဵင်းမဵၵ်ႉထီႇလႃႇ ယၢၼ်ၵႆႇ 13 လၵ်းယဝ်ႉ။ ပေႃးၸွမ်းတၢင်းလူတ်ႉလဵၼ်းၼႆ တင်း ဝဵင်းတႃႈလိူဝ်ႇၼႆႉ ၵႆယၢၼ် 80 လၵ်းသေ တင်း ဝဵင်းတႃးၵုင်ႈတႄႉ ယၢၼ်ၵႆၵၼ် 306 လၵ်းယဝ်ႉ။ သၢပ်ႇလႅၼ်လိၼ်ၸႄႈဝဵင်းၼႆႉ ၽၢႆႇဢွၵ်ႇမီး မိူင်းတႆး ပႃးၸဵမ် ထုင်ႉသမၶၢၼ်း၊ ထုင်ႉၵျူင်း၊ ထုင်ႉပူၺ်းလႃႉ ၸၵႂႃႇၸိူဝ်းၼႆႉသေ၊ ၽၢႆတူၵ်းၸမ်ႉ မီး ၸႄႈဝဵင်းမဵၵ်ႉထီႇလႃႇလႄႈသင် တိူဝ်ႉၸပ်းၵၼ်ဝႆႉယူႇယဝ်ႉ။

ဢွင်ႈတီႈဝဵင်းတႃႇၸီႇၼႆႉ မီးဝႆႉတီႈ တၢင်ႉသုင်ၼႃႈပၢင်ႇလၢႆႇ 600 ထတ်းပၢႆၼၼ်ႉသေ ၸပ်းသိုပ်ႇၵၼ်ဝႆႉတင်း သၼ်လွႆသူၺ်ႇမိၼ်းဝုၼ်ႇယဝ်ႉ။ ပွတ်းၽၢႆႇတူၵ်းဝဵင်းၼႆႉ ႁူမ်ႈဝႃႈပဵၼ်ၼႃႈလိၼ်ပဵင်းသေတႃႉ ပွတ်းၽၢႆႇဢွၵ်ႇဝဵင်းတႄႉ သုင်ႈၶိုၼ်ႈၵႂႃႇၸူး သၼ်လွႆယဝ်ႉ။ တင်းၵႂၢင်ႈဝဵင်းၼႆႉ မီး 76.8 လွၵ်းလၵ်းပၼ်မူၼ်းယဝ်ႉ။

ဢိင်ၼိူဝ်သဵၼ်ႈမၢႆႁူဝ်ႁိူၼ်း ဢၼ်ၵဵပ်းမိူဝ်ႈ ပီ 2014 ၼၼ်ႉသေ ႁူဝ်ၼပ်ႉၵူၼ်းယူႇၼိူဝ်ဝဵင်းၼႆႉ မီး 20,561 ၵေႃႉ ဝႃႈၼႆယဝ်ႉ။ တီႈၸႄႈဝဵင်းတႃႇၸီႇၼႆႉ မီးဝၢၼ်ႈ 169 ဝၢၼ်ႈယဝ်ႉ။ ၵူၼ်းၵမ်ႉၼမ် ၸိူဝ်းယူႇၼိူဝ်ဝဵင်းလႄႈသင် ၸိူဝ်းယူႇတီႈ ၸႄႈဝဵင်းၼၼ်ႉလႄႈသင် ပဵၼ်ၵူၼ်းၶိူဝ်းမၢၼ်ႈ ၸၢဝ်းပုတ်ႉထယဝ်ႉ။ ပွတ်းၽၢႆႇဢွၵ်ႇဝဵင်းၼၼ်ႉ တေလႆႈႁၢၼ် ၵူၼ်းၶိူဝ်းထၼု ယူႇယဝ်ႉ။ လိူဝ်သေၼၼ်ႉဢမ်ႇၵႃး လုၵ်ႉတီႈ တပ်ႉၸုမ်း မူႇသလိမ်ႇ ၸဵမ်မိူဝ်ႈပၢၼ် ၶုၼ်မင်းတုင်း ၼၼ်ႉ သိုပ်ႇၽႄႈမႃးသေ တီႈၼႂ်း ၸႄႈဝဵင်းၼႆႉ တေလႆႈႁၼ်ပႃး ၵူၼ်းၶိူဝ်းမၢၼ်ႈၸၢဝ်းမူႇသလိမ်ႇ တင်းၼမ်ယူႇယဝ်ႉ။

ဝဵင်းတႃႇၸီႇၼႆႉ ယွၼ်ႉမၼ်းပဵၼ်ဝဵင်းတၢင်းၽႄလႄႈ လွင်ႈသိုဝ်ႉလွင်ႈၶၢႆၶႅမ်ႉလႅပ်ႈဝႆႉယဝ်ႉ။ မီးၵၢတ်ႇၵူႈဝၼ်းသေ ၵၢတ်ႇႁႃႈဝၼ်းၼိုင်ႈပွၵ်ႈ ဢၼ်ၵူၼ်းၵႃႉၸိူဝ်းလုၵ်ႉတီႈထုင်ႉၵူႈတီႈတီႈ ၼႂ်းၸႄႈဝဵင်းၼၼ်ႉ ဢွၼ်ၵၼ်မႃး သိုဝ်ႉၶၢႆၼၼ်ႉၵေႃႈ မီးပႃးယဝ်ႉ။ ၵူၼ်းၸိူဝ်းယူႇၼိူဝ်ဝဵင်း ၵမ်ႉပႃႈၼမ်တႄႉ ပဵၼ်ၵူၼ်းၵႃႉၵုၼ်ႇယဝ်ႉ။ ယွၼ်ႉပိူဝ်ႈဝႃႈ ပဵၼ်တီႈတၢင်းလူတ်ႉလဵၼ်းႁူပ်ႉၵၼ်လႄႈ ၵူၼ်းႁဵတ်းၵၢၼ်ၽၢႆႇလူတ်ႉလဵၼ်း မွၵ်ႈ 1000 ပၢႆၵေႃႈ ယူႇသဝ်းဝႆႉ တီႈဝဵင်းၼၼ်ႉယဝ်ႉ။

ၵၢၼ်ၽုၵ်ႇသွမ်ႈ ပိူင်လူင် တီႈၸႄႈဝဵင်းၼႆႉ ပဵၼ်လွင်ႈ ၽုၵ်ႇသွမ်ႈၶဝ်ႈ၊ ငႃး၊ ထူဝ်ႇ၊ ၶဝ်ႈၵၢပ်ႇ လႄႈ မၢၵ်ႇၽိတ်းၸၵႂႃႇၸိူဝ်းၼႆႉယဝ်ႉ။ တွၼ်ႈတႃႇၽုၵ်ႇသွမ်ႈၼႆႉ ယွၼ်ႉၼမ်ႉၽူၼ်ဢႄႇၼႃႇလႄႈ လႆႈပိုင်ႈဢိင်ၼိူဝ် ၼွင်မဵၵ်ႉထီႇလႃႇ၊ ၼွင်မိၼ်းလႃႉ လႄႈ ၼွင်ၺွင်ႇယၢၼ်း ၸၸိူဝ်းၼႆႉယဝ်ႉ။ ယွၼ်ႉမီးၵၢၼ်မႆႉ ၸိူဝ်းလုၵ်ႉၽၢႆႇမိူင်းတႆးမႃးလႄႈသင် ၸိူဝ်းလုၵ်ႉၽၢႆႇတႂ်ႈမႃးလႄႈ တီႈႁိမ်းဝဵင်းတႃႇၸီႇၼႆႉ မီးႁူင်းၵၢၼ်ၸၢၵ်ႈမႆႉယဝ်ႉ။

ဝဵင်းတႃႇၸီႇၼႆႉ မိူဝ်ႈပၢၼ်ၶုၼ်မၢၼ်ႈၶဝ်ၼၼ်ႉ ၵူၺ်းမီး လင်ႁိူၼ်းဢွၼ်ႇ မွၵ်ႈ ႑႕ ႁိူၼ်းၼၼ်ႉသေ ပဵၼ်ဝၢၼ်ႈလဵၵ်ႉလဵၵ်ႉဢွၼ်ႇဝၢၼ်ႈၼိုင်ႈၵူၺ်း။ ဝႃႈၼၼ်သေတႃႉၵေႃႈ ၸဵမ်မိူဝ်ႈပၢၼ်ၵူႈပွၵ်ႈၼၼ်ႉ မၼ်းလႆႈပဵၼ် တီႈယင်ႉလိုဝ်ႈသဝ်း တွၼ်ႈတႃႇၵၢၼ်ၵႃႉၶၢႆ မိူင်းတႆး လႄႈ ထုင်ႉလိၼ်ပဵင်းၼၼ်ႉယဝ်ႉ။
ၽိူဝ်ႇဢင်းၵိတ်ႉၶဝ် သိမ်းဢဝ် မိူင်းမၢၼ်ႈၼႆ တီႈဢၼ်တေပဵၼ်ဝဵင်းတႃႇၸီႇမႃးၼႆႉ ႁူဝ်ႁိူၼ်းတႅၵ်ႇၵၼ်ဝႆႉ မီးသၢမ်ၸုမ်းယဝ်ႉ။ တီႈဝဵင်းတႃႇၸီႇယၢမ်းလဵဝ် တီႈပွၵ်ႉပွတ်းဢွၵ်ႇ ဢၼ်မိူဝ်ႈၵူႈပွၵ်ႈမီးမႃး လင်ႁိူၼ်း ႑႕ ႁိူၼ်းၼၼ်ႉ၊ တီႈထုင်ႉၶေႃးၵႂၢႆး ()ၼၼ်ႉ မီး ၵွင်းမူးၵဝ်ႇမွၼ် ဢၼ်ႁွင်ႉဝႃႈ တဝၵူႇ ဢၼ်ဝႃႈၼၼ်ႉယဝ်ႉ။ လုၵ်ႉတီႈၼၼ်ႈ ၵႂႃႇၽၢႆႇတူၵ်းမွၵ်ႈ သွင်ၽႃႇလူင်ႇၼၼ်ႉ ၸင်ႇမီးဝၢၼ်ႈတႃႇၸီႇ ဢၼ်မီးလင်ႁိူၼ်း ႑႕႒႐ ဢၼ်မီးပွတ်းဢွၵ်ႇ ၵၢတ်ႇတႃႇၸီႇယၢမ်းလဵဝ်ၼႆႉယဝ်ႉ။ တီႈပွၵ်ႉထဵင်ႇၵၢၼ်ႇ ဢၼ်မီးၽၢႆႇတူၵ်းဝဵင်းယၢမ်းလဵဝ်ၼၼ်ႉၵေႃႈ ၸမ်ႉၵႂႃႇမီး လင်ႁိူၼ်းဢွၼ်ႇ မွၵ်ႈ ႑႐ လင်သေ ပဵၼ်ၸုမ်းယူႇႁင်းမၼ်းယဝ်ႉ။
လူင်ပွင်ၸိုင်ႈဢင်းၵိတ်ႉၼႆႉ မိူဝ်ႈပီ 1886-87 ၼၼ်ႉ ၶဝ်ႁဵတ်းတၢင်းၵႂႃႇ မိူင်းတႆးပွတ်းႁွင်ႇလႄႈသင် မိူဝ်ႈပီ 1888 ၼၼ်ႉ ႁဵတ်းတၢင်းလူတ်ႉလဵၼ်း လုၵ်ႉတွင်ႇငူႇ ၵႂႃႇ ဝဵင်းတႃႈလိူဝ်ႇလႄႈ ၸင်ႇဝႃႈ တၢင်းမႃးႁူပ်ႉၵၼ် ဢၼ်တေတင်ႈပဵၼ် ဝဵင်းတႃႇၸီႇၼႆႉယူႇယဝ်ႉ။ မိူဝ်ႈၼၼ်ႉ ၶုၼ်ၽွင်းၸႄႈတွၼ်ႈမဵၵ်ႉထီႇလႃႇ မိတ်ႇသတႃႇၵေႇယႃႇၼႆႉ ၸင်ႇဢုပ်ႇဢူဝ်းတိူင်ႇပၢင်ႇၵၼ်တင်း ၽွင်းလူင်မၢၼ်ႈ ဢၼ်ႁၢပ်ႇၵၢၼ် မိူဝ်ႈပၢၼ်ၶုၼ်ႁေႃၶမ်းမၢၼ်ႈမႃးၼၼ်ႉသေ ဢဝ်ၸုမ်းသၢမ်ၸုမ်း ဢၼ်ယၢႆႇၵၼ်ဝႆႉၼၼ်ႉ ၸူႉၵၼ်သေ တႄႇတင်ႈဝဵင်းမႃးယဝ်ႉ။

ထိုင်မႃးသၢၵ်ႈၵရိတ်ႈပီမိူင်း ၁၂၅၃ ၸိုင် ဢဝ်ဝၢၼ်ႈသၢမ်ဝၢၼ်ႈၼၼ်ႉ ႁူမ်ႈၵၼ်သေ ဢဝ် ဢူးတႃႇတုၼ်း ၵေႃႉဢၼ်ယၢမ်ႈပဵၼ် ၽူႈယိပ်းၶႅပ်းတိၼ် ၶုၼ်သီႇပေႃႉၼၼ်ႉ ႁဵတ်းပဵၼ် ၶုၼ်ၵႂၼ်းဝဵင်းသေ ဢုပ်ႉပိူင်ႇမႃးယူႇယဝ်ႉ။ ၵေႃႉဢၼ်လုၵ်ႉၽိုၼ်ႉ ဢင်းၵိတ်ႉ မွင်ႇၵျီးၶူၼ်ႁူဝ်ယၢဝ်းၼၼ်ႉၵေႃႈ ဝၢႆးမႃး ဝၢင်းၶိူင်ႈသေ လႆႈႁၢပ်ႇၵၢၼ်ပဵၼ် ႁၢၼ်ယူႇယဝ်ႉ။ ထိုင်မႃး ပီ ၁၂၅၄ ၸိုင် မိတ်ႇသတႃႇၵေႇယႃႇၼႆႉ ဢဝ်ဢူးမႅင်ႇ ဢၼ်ယၢမ်ႈပဵၼ်မႃး ၵူၼ်းသိုၵ်းတပ်ႉမတေႃႇမၢၼ်ႈၼၼ်ႉ ႁဵတ်းပဵၼ်ပူႇႁဵင်ဝဵင်းသေ ၸင်ႇႁႂ်ႈႁဵတ်းတၢင်း၊ ႁဵတ်းပွၵ်ႉသေ တမ်းႁဵတ်းလွၵ်းယူႇယဝ်ႉ။

ၼႂ်းဝၢၼ်ႈသၢမ်ဝၢၼ်ႈၼၼ်ႉ ဝၢၼ်ႈတႃႇၸီႇဢွၼ်ႇၼႆႉ မၼ်းဢမ်ႇလွတ်ႈ ဢၼ်တေႁဵတ်းတၢင်း လူတ်ႉလဵၼ်း မဵၵ်ႉထီႇလႃႇ-မျိၼ်းၶျၢၼ်ႇၼၼ်ႉလႄႈ ဢဝ်ဝၢၼ်ႈၼၼ်ႉ ၶၢႆႉၵႂႃႇတီႈၵုင်းပွတ်းၸၢၼ်းဝဵင်းၼၼ်ႉသေ တီႈၼၼ်ႈၼႆႉ ႁႂ်ႈႁွင်ႇ ၵုင်းသႃႇယႃႇ () ဝႃႈၼႆယဝ်ႉ။ ဝၢႆးသေ တမ်းႁဵတ်းလွၵ်းဝဵင်းယဝ်ႉ ဢုပ်ႇဢူဝ်းၵၼ်တွၼ်ႈတႃႇပၼ်ၸိုဝ်ႈဝဵင်းယဝ်ႉ။ မိူဝ်ႈပီမိူင်း ၁၂၄၆ ၼၼ်ႉ ၵပ်းၵၢႆႇလူၺ်ႈ ၵွင်းမူးတဝၵူႇၼၼ်ႉသေ လႆႈမီးမႃးၵႂၢမ်းတၵ်ႉဝႆႉဝႃႈ  () ဝႃႈၼႆႉယဝ်ႉ။ မိူဝ်ႈၼၼ်ႉၼႆႉ ၵွင်းမူးတဝၵူႇၼႆႉ ဢမ်ႇပႆႇမီးထီးလဵၵ်း၊ တီႈၵၢင်ၵႅၼ်ၵွင်းမူးၼၼ်ႉ ဢွၵ်ႇမႃးတူၼ်ႈထူဝ်ႇတူၼ်ႈၼိုင်ႈသေ ဢၼ်ပဵၼ်ၵိင်ႇမႆႉတူၼ်ႈထူဝ်ႇၼၼ်ႉ ႁူမ်ႇဝႆႉၵွင်းမူး မိူၼ်ၼင်ႇထီးယဝ်ႉ။ ပေႃးဝႃႈလမ်းမႆႉတူၼ်ႈထူဝ်ႇၼၼ်ႉ ယႂ်ႇမႃးထၢၼ်ႇလမ်ႈထႆၼႆ ၼႃႈလိၼ်ထုင်ႉၼၼ်ႉ တေႁိူဝ်ႈႁိူင်းၶိုၼ်ႈယႂ်ႇ ၼႆ ၵူၼ်းထဝ်မိူဝ်ႈၵွၼ်ႇၶဝ် ယုမ်ႇယမ်မႃးဝႃႈၼၼ်ႉယဝ်ႉ။

ၽွင်းမိူဝ်ႈဢွၼ်ၵၼ်ဝူၼ်ႉၶႆႈႁႃ လွင်ႈၸိုဝ်ႈဝဵင်းၼၼ်ႉ ဢွၼ်ၵၼ်ဢိင်ၼိူဝ်ၵႂၢမ်းတၵ်ႉမိူဝ်ႈၵွၼ်ႇသေ ၽိူဝ်ႇတမ်းလွၵ်းႁဵတ်းဝဵင်း ဝၢၼ်ႈတႃႇၸီႇဢွၼ်ႇၼႆႉ ၵႂႃႇတူၵ်းသိုဝ်ႈၵၢင်ဝဵင်းလီလီလႄႈ ၸင်ႇဢဝ်ၸိုဝ်ႈဝၢၼ်ႈၼၼ်ႉ ႁွင်ႉပဵၼ်ဝႃး ဝဵင်းတႃႇၸီႇ ဝႃႈၼႆႉယဝ်ႉ။

ဢွင်ႈတီႈတႄႇတင်ႈဝဵင်းၼႆႉ မၼ်းၶႅမ်ႉလႅပ်ႈ တွၼ်ႈတႃႇၵႂႃႇမႃးလႄႈ သၢႆငၢႆဝဵင်းၵေႃႈ တိူဝ်းၶိုၼ်ႈယႂ်ႇမႃးယူႇယဝ်ႉ။ သဵၼ်ႈတၢင်းဢၼ် လုၵ်ႉတႃႇၸီႇ ၵႂႃႇမိူင်းတႆးပွတ်းၸၢၼ်းၼၼ်ႉလႄႈသင် ပီ 1888 ၼၼ်ႉ တၢင်းလူတ်ႉလဵၼ်း တွင်ႇငူႇ ၸူး တႃႈလိူဝ်ႇၵေႃႈ လႆႈလတ်းၶၢမ်ႈဝဵင်းတႃႇၸီႇၵႂႃႇယဝ်ႉ။ ပီ 1893 မႃး ၶိုၼ်းၶႂၢၵ်ႈတၢင်းလူတ်ႉလဵၼ်းၸူး မျိၼ်းၶျၢၼ်ႇထႅင်ႈလႄႈ ဝဵင်းတႃႇၸီႇၼႆႉ လႆႈပဵၼ်ဝဵင်းတၢင်းလူတ်ႉလဵၼ်းႁူပ်ႉၵၼ် ဢၼ်လမ်ႇလွင်ႈဝဵင်းၼိုင်ႈယူႇယဝ်ႉ။

ၽိူဝ်ႇတႄႇဝဵင်းယဝ်ႉယဝ်ႈ ပူႇႁဵင်ဢူးမျႅင်ႇ ၵေႃႉၼမ်းၼႃႈသေ ၶိုၼ်းၵုမ်းၵွင်းမူးၵဝ်ႇၵႄႇ တဝၵူႇၼၼ်ႉ လုၵ်ႉဢဝ် ၸဵတ်းသွၵ်ႇ ၶိုၼ်ႈသုင် ႓႐ သွၵ်ႈသေ ၸင်ႇႁွင်ႉဝႃႈပဵၼ် ၵွင်းမူးထီးထူဝ်ႇၶမ်း () ၼႆသေ ႁၢၼ်ႉတေႃႇယၢမ်းလဵဝ် တေလႆႈႁၼ် မီးဝႆႉယူႇ ၽၢႆႇၸၢၼ်းတၢင်းလူတ်ႉၵႂႃႇ မိူင်းတႆး၊ ၽၢႆႇဢွၵ်ႇ တၢင်းလူတ်ႉလဵၼ်း တႃႈၵုင်ႈ-တႃႈလိူဝ်ႇ တီႈႁူဝ်ဝဵင်းတႃႇၸီႇၼၼ်ႉယူႇယဝ်ႉ။

ၵွင်းမူးထႅင်ႈသူႇၼိုင်ႈ ဢၼ်လိုဝ်းလင်တီႈၼႂ်း ၸႄႈဝဵင်းတႃႇၸီႇၼႆႉ ပဵၼ်ၵွင်းမူးသူၺ်ႇယိၼ်ႇမျေႃႇ ဢၼ်မီး ၸဵင်ႇႁွင်ႇဝၼ်းတူၵ်း ယၢၼ်ႇၵႆတင်းဝဵင်း မွၵ်ႈသၢမ်လၵ်းၼၼ်ႉယဝ်ႉ။ ဝဵင်းတႃႇၸီႇၼႆႉ ပဵၼ်ဝဵင်းပၵ်းလုမ်း လုမ်းၸႄႈတွၼ်ႈၽႄလႄႈ မီးဝႆႉ လုမ်းတတ်းသိၼ်၊ တပ်ႉႁၢၼ်၊ လုမ်းၽၢႆႇဢုပ်ႉပိူင်ႇ၊ လုမ်းၽၢႆႇမႆႉထိူၼ်ႇ၊ လုမ်းၽုၵ်ႇသွမ်ႈ၊ လုမ်ႈပၢႆးပႆႇၺႃႇ၊ ႁူင်းႁဵၼ်းၸၼ်ႉသုင် လူင်ပွင်ၸိုင်ႈ၊ ႁူင်းႁဵၼ်းၸၼ်ႉၵၢၼ်၊ ႁူင်းႁဵၼ်းၸၼ်ႉငဝ်ႈ ၸၵႂႃႇၸိူဝ်းၼႆႉသေ ယွၼ်ႉပဵၼ်တၢင်းႁူပ်ႉ တၢင်းၽႄ တၢင်းလူတ်ႉလဵၼ်းလႄႈ ႁူင်းႁေႃ ဢၼ်ၵပ်းၵၢႆႇလူၺ်ႈ ၽၢႆႇလူတ်ႉလဵၼ်းၵေႃႈ မီးဝႆႉတင်းၼမ်ယဝ်ႉ။
ယွၼ်ႉပဵၼ်တၢင်းႁူပ်ႉတၢင်းၽေ တၢင်းလူတ်ႉၵႃး၊ တၢင်းလူတ်ႉလဵၼ်းလႄႈ ဝဵင်းတႃႇၸီႇၼႆႉ တွၼ်ႈတႃႇ ၵပ်းသိုပ်ႇၵႂႃႇမႃးၸူးတင်း ၸႄႈဝဵင်းပိုၼ်ႉတီႈလႄႈသင် ၸႄႈဝဵင်းတၢင်ႇၸိူဝ်းလႄႈသင် ပဵၼ်ဢၼ်ငၢႆႈလူမ်ၸႂ်ဝႆႉယူႇယဝ်ႉ။




#Article 65: တႃႈလိူဝ်ႇ၊ ဝဵင်း (736 words)


ဝဵင်းတႃႈလိူဝ်ႇ (), () ၼႆႉ ပဵၼ်ဝဵင်းဢၼ်ယႂ်ႇသေပိူၼ်ႈ မၢႆသွင် ၼႂ်း မိူင်းမျႅၼ်ႇမႃႇ ၼႆႉသေ ပဵၼ်ၸႄႈလူင်တီႈ ၸႄႈတိူင်းတႃႈလိူဝ်ႇယဝ်ႉ။ ဢိင်ၼိူဝ်သဵၼ်ႈမၢႆ ႁူဝ်ၼပ်ႉႁူဝ်ႁိူၼ်း ဢၼ်ၵဵပ်းမိူဝ်ႈ ပီ 2014 ၼၼ်ႉသေ ႁူဝ်ၼပ်ႉၵူၼ်း မီးၵႂႃႇ 1,225,553 ၵေႃႉယဝ်ႉ။ ၵႆႇယၢၼ်ၵၼ်တင်း ဝဵင်းပၢႆးမၢၵ်ႈမီး ဝဵင်ႈတႃႈၵုင်ႈ 445 လၵ်းသေ မီးၽၢႆႇဢွၵ်ႇ မႄႈၼမ်ႉၵဵဝ်ယဝ်ႉ။ ၼႂ်းသၢပ်ႇလႅၼ် ၸႄႈလူင်တႃႈလိူဝ်ႇၼႆႉ မီးဝႆႉ ၸႄႈဝဵင်း 6 ၸႄႈဝဵင်းသေ ၵႅမ်ၸႄႈဝဵင်း မီးဝႆႉယူႇ 1 ဝဵင်းယဝ်ႉ။ ပဵၼ်ဝဵင်းႁေႃၶမ်း ပၢၼ်ၶုၼ်ၵူင်းပွင်ႇ ၵမ်းလိုၼ်းသုတ်း တႃႇမိူင်းမၢၼ်ႈယဝ်ႉ။  ယၢမ်းလဵဝ်တႄႉ ပဵၼ်ဝဵင်းပၵ်းလုမ်း ၸႄႈတွၼ်ႈတႃႈလိူဝ်ႇ တႃႇ ၸႄႈတိူင်းတႃႈလိူဝ်ႇ၊ ပွတ်းၼိူဝ်မိူင်းမျႅၼ်ႇမႃႇယဝ်ႉ။ ပေႃးဝႃႈ ဝဵင်းတႃႈၵုင်ႈ ယဝ်ႉ ပဵၼ်ဝဵင်းဢၼ်ယႂ်ႇထီႉသွင်ယဝ်ႉ။ ဝဵင်းတႃႈလိူဝ်ႇၼႆႉ မီးတီႈပွတ်းၵႅၼ်ၵၢင် မိူင်းမျႅၼ်ႇမႃႇသေ ပဵၼ်ဝဵင်းဢၼ် ၾိင်ႈမျႅၼ်ႇမႃႇ မီးၸုတုမ်ၵၼ်ဝႆႉၵေႃႈၸႂ်ႈယဝ်ႉ။ ဝဵင်းတႃႈလိူဝ်ႇၼႆ လႆႈလတ်းၶၢမ်ႈမႃး ပၢၼ်သၢမ်ပၢၼ်ယဝ်ႉသေတႃႉ တိုၵ်ႉမီးလွင်ႈလိုဝ်းလင်ဝႆႉယူႇ။ မိူဝ်ႈပူၼ်ႉမႃး ၼႂ်း 100 ပီၼၼ်ႉ ဝဵင်းတႃႈလိူဝ်ႇၼႆႉ လႆႈထုၵ်ႇၺႃးၽေးၾႆး၊ လႆႈထုၵ်ႇၺႃးတၢမ်ႇ သိုၵ်းၵမ်ႇၽႃႇပွၵ်ႈသွင်လႄႈ လႆႈမီးလွင်ႈလူႉလႅဝ်မႃးသေ တႃႉ ၶိုၼ်းမႄႈတင်ႈၶိုၼ်းမႂ်ႇမႃးယူႇ။
မီးဝႆႉတီႈၼႂ်းၵႄႈ လတ်ႉတီႇၵျုႁွင်ႇ 21 တီႇၵရီႇ 98 မိတ်ႉၼိတ်ႉလႄႈ လွင်ႇၵျီႇၵျုဢွၵ်ႇ 96 တီႇၵရီႇ 08 မိတ်ႉၼိတ်ႉ ၼၼ်ႉယဝ်ႉ။ ဝဵင်းတႃႈလိူဝ်ႇၼႆႉ ယွၼ်ႉမၼ်းပဵၼ်ဝဵင်းႁေႃႇၶမ်း မိူင်းမၢၼ်ႈ ၵမ်းလိုၼ်းသုတ်းလႄႈ ၶူဝ်းပူၺ်ႈမိူဝ်ႈမိုၼ်ႉၵွၼ်ႇၼႆႉ ၵိုတ်းဝႆႉတင်းၼမ်တင်းလၢႆယဝ်ႉ။

မိူဝ်ႈပီ 1857 ၼၼ်ႉ ႁူမ်ႈဝႃႈ ရႁၢၼ်းလႄႈ ၵူၼ်းမိူင်းၶဝ် ဢၼ်ၵၼ်သၢၼ်ၶတ်းသေတႃႉ ၶုၼ်မင်းတုင်း တႄႇတင်ႈမႃး ဝဵင်းတႃႈလိူဝ်ႇ (မၢၼ်းတလေး) ၼႆႉယူႇယဝ်ႉ။ ဝဵင်းတႃႈလိူဝ်ႇ(မၢၼ်းတလေး) ၼႆႉ တေႃႇထိုင် ပီ (1860-1885) မိူဝ်ႈပႆႇထိုင် ပၢင်တိုၵ်း သိုၵ်းမၢၼ်ႈဢင်းၵိတ်ႉပွၵ်ႈထိသၢမ် မိူဝ်ႈပီ 1885 ၼၼ်ႉၼႆ ပဵၼ်မႃး ဝဵင်းၼေႇပျီႇတေႃႇ ၶုၼ်မၢၼ်ႈ ဢၼ်လွတ်ႈလႅတ်း မႃးၼၼ်ႉယဝ်ႉ။

ဝဵင်းတႃႈလိူဝ်ႇၼႆႉ မီးဝႆႉၽၢႆႇသၢႆႉ ၼိူဝ်ၽင်ႇၼမ်ႉမႄႈၵဵဝ်သေ မီးၼႂ်းၵႄႈ မႄႈၼမ်ႉၵဵဝ် လႄႈ သၼ်လွႆတႆး တၢင်းၵႂၢင်ႈမၼ်းမီး 8 လၵ်းသေ ပဵၼ်တီႈၼႃႈလိၼ်ပဵင်းဝႆႉၼၼ်ႉယဝ်ႉ။ တၢင်းၵႂၢင်ႈဝဵင်းတႃႈလိူဝ်ႇၼႆႉ မီးဝႆႉ 25 လၵ်းပၼ်မူၼ်းသေ ႁူဝ်ၼပ်ႉၵူၼ်းၼႆႉ မိူဝ်ႈပီ 1963 ၼၼ်ႉ လၢမ်းဝႃႈ မီး 215,426 ၵေႃႉၼႆယဝ်ႉ။ မီး 38 ပွၵ်ႉ၊ လင်ႁိူၼ်းမီး 35000 ၼႆႉယဝ်ႉ။ ၵူၼ်းၵူႈမဵဝ်း ဢွၼ်ၵၼ်ယူႇသဝ်းၼင်ႇ ဝဵင်းတႃႈၵုင်ႈ ၼၼ်ႉၼင်ႇၵဝ်ႇ။ ၾိင်ႈၾႃႉယႃႇသီႇတႄႉ မႆႉသေ ႁႅင်ႈႁွင်ဝႆႉယဝ်ႉ။

မိူဝ်ႈၵူႈပွၵ်ႈတႄႉ လႆႈၸိုဝ်ႈဝႃႈ ရတၼႃႇပူင်ႇ ၼႆသေတႃႉ ဝၢႆးလင်မႃး ဢိင်ၸွမ်းၸိုဝ်ႈ မၢၼ်းတလေးတွင်ႇ သေ ၸင်ႇလႆႈၸိုဝ်ႈဝႃႈ မၢၼ်းတလေး ဝႃႈၼႆယဝ်ႉ။

ဝၢႆးသေ ပၢင်သိုၵ်း ဢင်းၵိတ်ႉ - မၢၼ်ႈ ပွၵ်ႈၵမ်းသၢမ် ယဝ်ႉတူဝ်ႈၵႂႃႇ မိူဝ်ႈပီ 1885 ၼၼ်ႉ မိူင်းမၢၼ်ႈၼႆႉ လႆႈသုမ်း လွင်ႈလွတ်ႈလႅဝ်းသဝ်းၶေႃသေ တူၵ်းတႂ်ႈမိုဝ်း ဢင်းၵိတ်ႉၵႂႃႇယူႇယဝ်ႉ။ ႁူမ်ႈဝႃႈၶၢႆႉဢဝ် ဝဵင်းငဝ်ႈၸိုင်ႈ ၵႂႃႇပဵၼ်တႃႈၵုင်ႈသေတႃႉ ဢၼ်ပဵၼ်ဝဵင်းတႃႈလိူဝ်ႇ ဝဵင်းပဵၼ်ၵႅၼ်ပၢႆးမၢၵ်ႈမီးၼႆႉၵေႃႈ ဢမ်ႇပၼ်ယူပ်ႈယွမ်းၼင်ႇၵဝ်ႇ။ ၶဝ်တႄႇၵေႃႇသၢင်ႈပၼ် ၵၢၼ်တေႃႉသူင်ႇလူတ်ႉလႅၼ်း မိူဝ်ႈပီ 1889 ၼၼ်ႉယဝ်ႉ။ မိူဝ်ႈပီ 1925 ၼၼ်ႉၸမ်ႉ ပိုတ်ႇၽုၺ်ႇပၼ် ၶေႃးလဵၵ်ႉတႃႈလိူဝ်ႇ မႃးယူဝ်ႉ။

ၵၢပ်ႈပၢၼ်ၶူဝ်ႇလူဝ်ႇၼီႇၼၼ်ႉ ဝဵင်းတႃႈလိူဝ်ႇၼႆႉ လႆႈပဵၼ်ဝဵင်းၵႅၼ်ၵၢင် တွၼ်ႈတႃႇပူင်သွၼ် လွင်ႈၾိင်ႈငႄႈပုတ်ႉထ လႄႈ ပၢႆးမွၼ်းၸိူဝ်းၼႆႉယဝ်ႉ။

ဝဵင်းတႃႈလိူဝ်ႇၼႆႉ လႆႈၶၢမ်ႇတၢမ်ႇ သိုၵ်းၵမ်ႇၽႃႇပွၵ်ႈသွင် ႁၢဝ်ႈႁၢဝ်ႈႁႅင်းႁႅင်းမႃးယဝ်ႉ။ မိူဝ်ႈပီ 1942၊ လိူၼ်ဢေႇပႄႇ 3 ဝၼ်းၼၼ်ႉ ၵျပၢၼ်ႇၶဝ် ဢဝ်ႁိူဝ်းမိၼ်သေ ၶဝ်ႈတိုၵ်းလႄႈ ဝဵင်းတႃႈလိူဝ်ႇၼႆႉ လႆႈလူႉလႅဝ်ၵႂႃႇ ႁႃႈပုၼ်ႈသၢမ်ပုၼ်ႈသေ ၵူၼ်း 2000 လႆႈတၢႆယွၼ်ႉမၼ်းယဝ်ႉ။

ဝၢႆးသေ လႆႈလွင်ႈလွတ်ႈလႅဝ်းသဝ်းၶေႃ ၵႃႈတီႈ ဢင်းၵိတ်ႉၶဝ် မိူဝ်ႈပီ 1948 ၼၼ်ႉယဝ်ႉယဝ်ႈၵေႃႈ ဝဵင်းတႃႈလိူဝ်ႇၼႆႉ သိုပ်ႇပဵၼ်ဝဵင်း ၵႅၼ်ၵၢင်တွၼ်ႈတႃႇ ၾိင်ႈငႄႈ၊ ပၢႆးပႆႇၺႃႇ လႄႈ ပၢႆးမၢၵ်ႈမီးၸိူဝ်းၼႆႉယူႇယဝ်ႉ။

မိူဝ်ႈပႆႇထိုင် 1991 ၶၢဝ်းယၢမ်းၼၼ်ႉ တီႈပွတ်းၼိူဝ် မိူင်းမၢၼ်ႈ (မျႅၼ်ႇမႃႇ) ၼႆႉ မီး ၸၼ်ႉၸွမ်တႃႈလိူဝ်ႇ၊ ၸၼ်ႉၸွမ်ပၢႆးမေႃယႃတႃႈလိူဝ်ႇ လႄႈ ၸၼ်ႉၸွမ်ပၢႆးသိုၵ်း ၸိူဝ်းၼႆႉၵူၺ်း။ တီႇၵရီႇၶေႃးလဵၵ်ႉ တီႈဝဵင်းဢွၼ်ႇၵမ်ႈၽွင်ႈၵူၺ်း မႃးၵွင်ႉၵၼ်တီႈ ၸၼ်ႉၸွမ်တႃႈလိူဝ်ႇၼႆႉသေသွၼ်ယဝ်ႉ။

မိူဝ်ႈပီ 1959 လိူၼ်ၼူဝ်ႇဝႅမ်ႇပႃႇၼၼ်ႉ ၸတ်းႁဵတ်း ပၢင်ပွႆး တႃႈလိူဝ်ႇတဵမ်ပၢၵ်ႇပီ ၵႃႈတီႈ တိၼ်လွႆတႃႈလိူဝ်ႇ (မၢၼ်းတလေးတွင်ႇ) ၼၼ်ႉသေ ယင်းႁဵတ်းဢွၵ်ႇ တသဵၵ်ႉၶွင်းမႃးၵွၼ်ႇ။

လၢၵ်ႈထၢၵ်ႈလူင်ပွင်ၸိုင်ႈပႃႇတီႇလဵဝ် (1962-1988) ၼႆႉ ယွၼ်ႉၸႂ်ႉလၢႆးၵၢၼ်ႁပ်ႉၽၵ်းတူ မႃးလႄႈ ၽၢင်ႁၢင်ႈဝဵင်းတႃႈလိူဝ်ႇၼႆႉ လႆႈတူၵ်းယွမ်းလူင်းမႃး။ မိူဝ်ႈၸဝ်ႉ 1980 ၼၼ်ႉ လင်ႁိူၼ်းတႅမ်ႇ ဢၼ်မႂ်ႇ ဢွၵ်ႇမႃးတင်းၼမ်ယဝ်ႉ။ ၼိူဝ်သဵၼ်ႈတၢင်းၸိူဝ်းၼႆႉၵေႃႈ မီးလႅင်တၢင်းၼမ်သေ ပေႃးလႆႈၸိုဝ်ႈဝႃႈ ဝဵင်းလႅင် (စက်ဘီးမြို့တော်) ဝႃးၼႆယဝ်ႉ။ ယွၼ်ႉၾႆးမႆႈမိူဝ်ႈ 1981 လိူၼ်မေႇၼၼ်ႉသေ လင်ႁိူၼ်း လႆႈလူႉသုမ်းၵႂႃႇ မွၵ်ႈ 6000 လင်ၼႆႉသေ ၵူၼ်း 36000 ပၢႆ လႆႈပဵၼ်ၵူၼ်းၽၢၼ်ႁိူၼ်းၽၢၼ်ယေးၵႂႃႇယဝ်ႉ။ 1984 လိူၼ်မၢၶျ်ႉ 24 ဝၼ်းၼၼ်ႉၵေႃႈ ၾႆးမႆႈထႅင်ႈလႅင်ႈ လင်ႁိူၼ်း 2700 လႆႈလူႉသုမ်းၵႂႃႇသေ ၵူၼ်း 23000 လႆႈၽၢၼ်ႁိူၼ်းၽၢၼ်ယေးၵႂႃႇထႅင်ႈ။ ယွၼ်ႉလွင်ႈၾႆးမႆႈၸိူင်ႉၼၼ်ၼႆႉ မၼ်းပဵၼ်လွင်ႈႁဵတ်းႁႂ်ႈလွင်ႈၶိုၼ်ႈယႂ်ႇ ဝဵင်းတႃႈလိူဝ်ႇၼႆႉ ထိူင်းၵႂႃႇယဝ်ႉ။ မိူဝ်ႈပီ 2008 လိူၼ်ၾႅပ်ႉဝႃႇရီႇၼၼ်ႉၵေႃႈ ၾႆးလႆႈမႆႈ ၵၢတ်ႈလူင် ယတၼႃႇပူင်ႇ ဢၼ်ယႂ်ႇထီႉသွင် တီႈဝဵင်းတႃႈလိူဝ်ႇၼၼ်ႉယဝ်ႉ။ ၾႆးဢၼ်မႆႈထႅင်ႈ ယႂ်ႇယႂ်ႇလူင်လူင်ၼႆႉ မႆႈမိူဝ်ႈ ပီ 2009 လိူၼ်ၾႅပ်ႉဝႃႇရီႇ ၼၼ်ႉယဝ်ႉ။ မႆႈၵႂႃႇ လင်ႁိူၼ်း 320 လင်သေ ၵူၼ်း 1600 လႆႈၽၢၼ်ႁိူၼ်းၽၢၼ်ယေးၵႂႃႇ။

ႁူၼ်ႁၢင်ႈ ၽြႃးလူင် မႁႃႇမုၼိ ဢၼ်မီးတီႈ ဝဵင်းတႃႈလိူဝ်ႇၼႆႉ ပဵၼ်ဢွင်ႈတီႈ ဢၼ်ၸိုဝ်ႈသဵင်လိုဝ်းလင် တီႈၼိုင်ႈယဝ်ႉ။ ယွၼ်ႉၽြႃးပဵၼ်ၸဝ်ႈ ၵေႃးတမ ဢဝ်ဢၢႆဢူၵ်းမၼ်းၸဝ်ႈ ပၼ် 7 ပွၵ်ႈလႄႈ ဢွၼ်ၵၼ်ယုမ်ႇယမ်ဝႃႈ မီးၸႂ် ၼႆယဝ်ႉ။ ပၢၼ် ပူဝ်းတေႃႇၽယႃး ၶုၼ်ပတူင်ႇ မိူဝ်ႈပီ 1784 ၼၼ်ႉ ၵေႃႉပဵၼ်လုၵ်ႈၸၢႆးမၼ်း ၸဝ်ႈၵႅမ်မိူင်း ဢူးပေႃႇၼႆႉ ၵႂႃႇပၢင်းမႃးတီႈ ရၶႅင်ႇ ၼႆယဝ်ႉ။

လွႆမၢၼ်းတလေးၼႆႉ မီးဝႆႉ ၽၢႆႇႁွင်ႇဝဵင်းတႃႈလိူဝ်ႇ (မၢၼ်းတလေး) ယဝ်ႉ။ မီးဝႆႉတီႈ တၢင်ႉသုင် ၼႃႈပၢင်ႇလၢႆႇ 230 မီႇတႃႇယဝ်ႉ။ တႄႇဝႆႉၵွင်းမူးတင်းၼမ်ယဝ်ႉ။ လွႆမၢၼ်းတလေးၼႆႉ မိူၼ်မႂ်းသုမ်ႇမုင်းဝႆႉတီႈၼိူဝ် ဝဵင်းတႃႈလိူဝ်ႇဝႆႉလႄႈ ပေႃးလုၵ်ႉတီႈၼိူဝ်လွႆမၢၼ်းတလေးၼၼ်ႉတူၺ်းၼႆ တေလႆႈႁၼ် ႁူဝ်ဝဵင်းၵဝ်ႇ၊ ၶူးဝဵင်းလႄႈ ၽၢင်ႈႁၢင်ႈယဵမ်ႈ ဝဵင်းတႃႈလိူဝ်ႇ ၸၵႂႃႇၸိူဝ်းၼႆႉယဝ်ႉ။ ပေႃးမုင်ႈတူၺ်း ၽၢႆႇတၢင်းဢွၵ်ႇၼႆ တေလႆႈႁၼ် သၼ်လွႆတႆးသေ ပေႃးမုင်ႈတူၺ်း ၽၢႆႇတူၵ်းသမ်ႉတေလႆႈႁၼ် ၽင်ႇၼမ်ႉၵဵဝ်ယူႇယဝ်ႉ။ ၶေႃႈၵႂၢမ်းဢၼ်ဝႃႈ မၢၼ်းတလေး ဢၼ်ဝႃႈၼၼ်ႉ မၼ်းလုၵ်ႉတီႈ 'မဏ္ဍလ' ဢၼ်ဝႃႈ 'မဏ္ဍလေး' ၼႆသေ ဝၢႆးၼႆႉ ၸင်ႇပဵၼ်မႃး 'မန္တလေး' ဝႃႈၼႆႉယဝ်ႉ။ တီႈပွင်ႇမၼ်းၼႄႉ ပဵၼ်တီႈလိၼ် မူၼ်ႈသိူဝ်းသႃႇယႃႇ ဝႃႈၼႆႉယဝ်ႉ။ ၵမ်ႈၽွင်ႈၵေႃႈဝႃႈ လုၵ်ႉတီႈ 'မန္ဓရေး' သေ လၢႆႈပဵၼ်မႃးၼႆၵေႃႈဝႃႈ။ တီႈပွင်ႇမၼ်းတႄႉ ပဵၼ်တီႈ ဢၼ်မီးၽုင်းဢူ ၼႆၵေႃႈဝႃႈ။ ၵမ်ႈၽွင်းၵေႃႈဝႃႈ မိူဝ်ႈပၢၼ်ပူးၵမ်ၼၼ်ႉ ယွၼ်ႉပိူဝ်ႈပဵၼ်လွႆ ဢၼ် ၶုၼ်သျိၼ်ႇၸေႃး မိၼ်းၵလေး မႃးထင်သဝ်းၵႂႃႇလႄႈ ၸင်ႇႁွင်ႉဝႃႈ မိၼ်းၵလေးတွင်ႇ ၼႆသေ ဝၢႆးၼႆႉပဵၼ်မႃး မၢၼ်းတလေးတွင်ႇ ၼႆၵေႃႈဝႃႈ။ ယွၼ်ႉၸွမ်းႁိမ်းႁွမ်းလွႆၼၼ်ႉ မႃးတင်ႇဝဵင်းလႄႈ ၸင်ႇႁွင်ႉဝႃႈ ဝဵင်းမၢၼ်းတလေး ၼႆၵေႃႈ ဢွၼ်ၵၼ်ဝႃႈယဝ်ႉ။ 

ႁေႃၶမ်းလူင်တႃႈလိူဝ်ႇ (မၢၼ်းတလေးၼၢၼ်းတေႃႇ) ဢၼ်ဢဝ်ၶူးဝႄးလႄႈ ႁူဝ်ဢုတ်ႇလူင် ၵင်ႈဝႆႉၼၼ်ႉ ပဵၼ်ႈတီႈ ဢၼ် ၶုၼ်ၵူင်းပွင်ႇ ၶဝ် ဢုပ်ႉပိူင်ႇၽွင်းငမ်းမႃးယဝ်ႉ။ မိူဝ်ႈၽွင်း သိုၵ်းၵမ်ႇၽႃႇပွၵ်ႈသွင် ၼၼ်ႉ ၵမ်းၵမ်းထုၵ်ႇၺႃး မၢၵ်ႇပွႆႇသႂ်ႇလႄႈ လႆႈလူႉလႅဝ်ၵႂႃႇသေတႃႉ ဝၢႆးလင်မႃး ၶိုၼ်းမႄးၵေႃႈတင်ႈ ႁၢင်ႈႁေႃ မျႃႉၼၢၼ်းၸၢမ်ႇၵျေႃႇ မႃးယဝ်ႉ။ တီႈၼႂ်းႁေႃမၢၼ်းတလေးၼၼ်ႉ ယွၼ်ႉပိူဝ်ႈဝႃႈ ငဝ်ႈငုၼ်းတိူင်းသိုၵ်းပွတ်းၵၢင်ၶဝ် ဢဝ်ပၵ်းႁဵတ်းတီႈယူႇၶဝ်ဝႆႉလႄႈ တွၼ်ႈတႃႇ ၵူၼ်းမိူင်းၶဝ် တေၶဝ်ႈဢႅဝ်ႇလေႇၼႂ်းမၼ်းတႄႉ ဢမ်ႇပေႃးငၢႆႈ။

ဝဵင်းတႃႈလိူဝ်ႇၼႆႉ ယွၼ်ႉမီးဝႆႉတီႈ ၵႅၼ်ၵၢင်မိူင်းမၢၼ်ႈ (မျႅၼ်ႇမႃႇ) လႄႈ တွၼ်ႈတႃႇ ၵပ်းသိုပ်ႇတိတ်းတေႃႇ သူင်ႇၶူဝ်းတေႃႉၶူဝ်းၵႂႃႇမႃးၸူး မိူင်းႁိမ်းႁွမ်းၵၼ်ၼၼ်ႉ လႆႈဝႆႉပဵၼ်ၵႅၼ်မၼ်းယဝ်ႉ။ တွၼ်ႈတႃႇ ၵၢၼ်တေႃႉသူင်ႇ ၼႂ်းဝဵင်းတႄႉ ႁူမ်ႈဝႃႈမီး လူတ်ႉၵႃးပၢတ်ႉၸ် ပၼ်ဝဵင်းယူႇသေတႃႉ ဢမ်ႇပေႃးဢွၼ်ၵၼ်ၸႂ်ႉၵႂၢင်ႈၵႂၢင်ႈၶႂၢင်ၶႂၢင်။ ယွၼ်ႉပိူဝ်ႈ ၵမ်ႉၼမ်ၼႆႉဢွၼ်ၵၼ်ၸႂ်ႉ လႅင် လႄႈ လူတ်ႉၶိူင်ႈ ၵူၺ်း။ မိူဝ်ႈၵူႈပွၵ်ႈ ယင်းႁွင်ႉဝႃႈပဵၼ် ဝဵင်းလႅင် ၼႆသေတႃႉ ယၢမ်းလဵဝ်တႄႉ သမ်ႉပေႃးတေလႆႈႁွင်ႉဝႃႈပဵၼ် ဝဵင်းလူတ်ႉၶိူင်ႈ ၼႆယူႇယဝ်ႉ။

မိူဝ်ႈၵူႈပွၵ်ႈတႄႉ ဢွၼ်ၵၼ်ၸႂ်ႉ တႃႈႁိူဝ်းမိၼ်ၶျၢၼ်းမႃႉတႃႇၸီႇ မႃးသေ ၽိူဝ်ႇထိုင် ပီ 2000 မႃး ၶၢမ်ႇသဵင်ႈငိုၼ်း တေႃႇလႃႇဢမေႇရိၵၢၼ်ႇ 150 လၢၼ်ႉသေၵေႃႈ ႁဵတ်းသၢင်ႈပိုတ်ႇၽုၺ်ႇမႃး တႃႈႁိူဝ်းမိၼ်ၵူႈမိူင်းမိူင်း တႃႈလိူဝ်ႇ ၵႃႈတီႈ ဝဵင်းတတႃးဢူး ၼၼ်ႉယူႇယဝ်ႉ။ ၵႆယၢၼ်ၵၼ်တင်း ဝဵင်းတႃႈလိူဝ်ႇ 28 လၵ်းယဝ်ႉ။ ပိူင်လူင်မၼ်းတႄႉ သၢႆႁိူဝ်းမိၼ်ၼႂ်းမိူင်း ဢွၼ်ၵၼ်ၶိုၼ်ႈလူင်းသေ ၸိူဝ်းပဵၼ် သၢႆႁိူဝ်းမိၼ်ၼွၵ်ႈမိူင်းတႄႉ ၵွင်ႉသိုပ်ႇမိၼ်ၸူး မိူင်းၶႄႇ၊ ဝဵင်းၶူၺ်းမိၼ်ႈ၊ မိူင်းထႆး ဝဵင်းမိူင်းၵွၵ်ႇ၊ မိူင်းသိင်ႇၵႃႇပူႇ ဝဵင်းသိင်ႇၵႃႇပူႇ ၸၵႂႃႇၸိူဝ်းၼႆႉယဝ်ႉ။

ႁူမ်ႈဝႃႈ တၢင်းလူတ်ႉလဵၼ်း လႄႈ တၢင်းလူတ်ႉၵႃး ၶႅမ်ႉလႅပ်ႈၶိုၼ်ႈယႂ်ႇမႃးသေတႃႉ ဢၼ်ပဵၼ်မႄႈၼမ်ႉၵဵဝ် ဢၼ်ၸိုဝ်ႈသဵင်လိုဝ်းလင်တီႈမိူင်းမျႅၼ်ႇမႃႇၼၼ်ႉတႄႉ သိုပ်ႇပဵၼ်တီႈဢၼ်တေႃႉသူင်ႇ ၶဝ်ႈသၢၼ်၊ ၼမ်ႉမၼ်း၊ ၵိူဝ်၊ မၢၵ်ႇၽိတ်ႉ၊ မႆႉပွင်လႄႈ ၶူဝ်းၶွင်တၢင်ႇၸိူဝ်းယူႇၼင်ႇၵဝ်ႇ။

တႃႈလူတ်ႉလဵၼ်းဝဵင်းလိူဝ်ႇ ၼႆႉ မၼ်းမီႈတီႈ တၢင်းၽႄဢၼ်လမ်ႇလွင်ႈ တွၼ်ႈတႃႇ မိူင်းမၢၼ်ႈ (မျႅၼ်ႇမႃႇ)ယူႇ။ လုၵ်ႉတီႈ ဝဵင်းလိူဝ်ႇသေ ဢဝ်တင်းသၢႆလူတ်ႉလဵၼ်း ၵႂႃႇၸူးလႆႈ ဝဵင်းတႃႈၵုင်ႈ၊ ၼေႇပျီႇတေႃႇ၊ ဝဵင်းပၢင်ႇဢူး၊ ဝဵင်းလႃႈသဵဝ်ႈ၊ ဝဵင်းမူင်ႇယႂႃႇ၊ ဝဵင်းပၶူၵ်ႉၵူႇ၊ ဝဵင်းၵလေး၊ ဝဵင်းၵၢၼ်ႉၵေႃး၊ ဝဵင်းသူၺ်ႇပူဝ်ႇ၊ ဝဵင်းၵေႃလၢင်း (ၵေႃးလိၼ်း)၊ ဝဵင်းၼပႃး၊ ဝဵင်းၵၢၼ်ႉပလူႇ၊ ဝဵင်းမိူင်းယၢင်း (မူဝ်းၺိၼ်း)၊ ဝဵင်းႁူဝ်ပၢင်ႇ (ႁူဝ်ႇပိၼ်ႇ)၊ ဝဵင်းမိူင်းၵွင်း (မူဝ်းၵွင်း)၊ ဝဵင်းၸႄႈၼႃး (မျိတ်ႉၵျီးၼႃး) ၸိူဝ်းၼႆႉယူႇယဝ်ႉ။

တီႈဝဵင်းတႃႈလိူဝ်ႇၼႆႉ မိူဝ်ႈဢွၼ်တၢင်း မီး လူတ်ႉလဵၼ်းထၢတ်ႈ ပၼ်ႇႁွပ်ႇဝဵင်းသေတႃႉ ယၢမ်းလဵဝ်တႄႉ ပိူင်လူတ်ႉလဵၼ်းထၢတ်ႈပၼ်ႇဝဵင်းၼၼ်ႉ ဢမ်ႇမီးယဝ်ႉ။

ဝဵင်းတႃႈလိူဝ်ႇၼႆႉ မီးဝႆႉတီႈ ဢွင်ႈတီႈလီ တွၼ်ႈတႃႇၵပ်းသိုပ်ႇၸူး မိူင်းဢဵၼ်ႁႅင်းယႂ်ႇ ၸိူဝ်းပဵၼ် မိူင်းၶႄႇ လႄႈ မိူင်းဢိၼ်းတီးယႃးယဝ်ႉ။ သဵၼ်ႈတၢင်းလူင်းဢေးသျႃးၼႆႉၵေႃႈ လတ်းၶၢမ်ႈဝဵင်းတႃႈလိူဝ်ႇဝႆႉယူႇယဝ်ႉ။

ဢိင်ၼိူဝ်ၶေႃႈလၢမ်း ၸၢတ်ႈၸိုင်ႈလုမ်ႈၾႃႉသေႄႈ ႁူဝ်ၼပ်ႉၵူၼ်း ဝဵင်းတႃႈလိူဝ်ႇ မိူဝ်ႈပီ 2007 ၼၼ်ႉ တင်းသဵင်ႈ မီးမွၵ်ႈ 1 လၢၼ်ႉ ဝႃႈၼႆႉယဝ်ႉ။ ယွၼ်ႉလွင်ႈတိူဝ်းတွၼ်းႁူဝ်ၼပ်ႉၵူၼ်းလႄႈ ပေႃးထိုင် ပီ 2025 မႃးၼႆ ၵူၼ်းယူႇၼႂ်းဝဵဝ်းၼႆႉ တေမီးမႃးမွၵ်ႈ 1.5 လၢၼ်ႉၼႆႉၼႆ လႆႈလၢမ်းဝႆႉမီးၼင်ႇၼႆယဝ်ႉ။ ဝဵင်းတႃႈလိူဝ်ႇ ဢၼ်ပဵၼ်ဝဵင်းၾိင်ႈငႄႈ တွၼ်ႈတႃႇ မိူင်းမၢၼ်ႈ (မျႅၼ်ႇမႃႇ) ၼႆႉ ၸဵမ်မိူဝ်ႈပူၼ်ႉမႃး 20 ပၢႆၼၼ်ႉ ၵူၼ်းၶိူဝ်းၶႄႇၶဝ် လႆႈၸိုမ်းၶဝ်ႈမႃးသေ ၾိင်ႈငႄႈၶႄႇၵေႃႈ လႆႈၸိုမ်းၶဝ်ပႃးမႃးယူႇယဝ်ႉ။ ၵူၼ်းၶိူဝ်းၶႄႇၼႆႉ ၶဝ်ဢမ်ႇလႆႈ ၶႅပ်းမႂ်တူဝ် ဢဝ်ၶဝ်ႈၸွမ်းတြႃးမၼ်း။ ၽူႈတႅမ်ႈလိၵ်ႈ လူႇထုတေႃႇဢမႃႇ ဝႃႈမႃး ၸၢဝ်းၶိူဝ်းယူႇၼၢၼ်ႇၶဝ်ၼႆ့ ဢမ်ႇပိုၼ်ၽၢဝ်ႇသိုၵ်းသေ ၶႂၢၵ်ႈမိူင်းမႃး ဝႃႈၼႆယဝ်ႉ။ ယၢမ်းလဵဝ်ၼႆႉ ၼႂ်းၵႃႈၵူၼ်းယူႇၼႂ်းဝဵင်းၼႆႉ ၸိူဝ်းပဵၼ်ၵူၼ်းၶိူဝ်းၶႄႇ မီးဝႆႉ ႁူဝ်ပၢၵ်ႇ 30 တေႃႇ ႁူဝ်ပၢၵ်ႇ 40 ယဝ်ႉ။ ၵူၼ်းၶိူဝ်း ဢိၼ်းတီးယႃးၶဝ်ၵေႃႈ ယူႇသဝ်း တီႈဝဵင်းတႃႈလိူဝ်ႇ ၼႆႉၼင်ႇၵဝ်ႇ။

ၽႃႇသႃႇၵႂၢမ်းမၢၼ်ႈ ၼႆႉ ပဵၼ်ၽႃႇသႃႇပိူင်လူင်မၼ်းယဝ်ႉ။ ဢၼ်ပဵၼ်ၽႃႇသႃႇၵႂၢမ်းၶႄႇတႄႉ ဢွၼ်ၵၼ်ၸႂ်ႉၸွမ်း တႅဝ်းၵၢတ်ႇၶႄႇ လႄႈ ၸွမ်းၵၢတ်ႇၸေးၶျူဝ်ႇ ၼၼ်ႉယူႇ။ ဢၼ်ပဵၼ်ၶေႃႈၵႂၢမ်းၽႃႇသႃႇ ဢင်းၵိတ်ႉတႄႉၵေႃႈ ဝႆႉပဵၼ် ၽႃႇသႃႇၶေႃႈၵႂၢမ်း ထီႉသၢမ်သေ လၢတ်ႈယူႇယဝ်ႉ။

ဝဵင်းတႃႈလိူဝ်ႇၼႆႉ မၼ်းပဵၼ်ဝဵင်းပိူင်လူင် တွၼ်ႈတႃႇပၢႆးမၢၵ်ႈမီး မိူင်းမၢၼ်ႈပွတ်းၵၢင်လႄႈ ပွတ်းၼိူဝ်ယဝ်ႉ။ ယွၼ်ႉပိူဝ်ႈဝႃႈ သၢႆတၢင်းလွင်ႈၵႃႉၶူဝ်းၸူး ၼွၵ်ႈမိူင်း ၼင်ႇ မိူင်းၶႄႇ လႄႈ ဢိၼ်းတီးယႃးၼႆႉ လႆႈလတ်းၶၢမ်ႈ ဝဵင်းတႃႈလိူဝ်ႇၵႂႃႇယဝ်ႉ။ ပၢႆးမၢၵ်ႈမီးပိူင်လူင်မၼ်းတႄႉပဵၼ် လွင်ႈၽႅၼ်ႇပူဝ်း၊ တတ်းၽႃႇ သူၺ်း တၢင်ႇသီ သႅင်ၶဵဝ်၊ ၵၢၼ်ႁဵတ်းၶူဝ်းမႆႉ၊ ၵၢၼ်ဢဝ်သႅင်ႁၢင်ႈၶိူင်ႈ၊ ၵၢၼ်ႁဵတ်း ၽြႃးႁိၼ်ၶၢဝ် လႄႈ ႁူၼ်ႁၢင်ႈၽြႃႈမႆႉ၊ ၵၢၼ်ႁဵတ်း ၶႅပ်းငိုၼ်း၊ ၶႅပ်းၶမ်း၊ ၶမ်းသိူင်း ၸၵႂႃႇၸိူဝ်းၼႆႉယဝ်ႉ။

ဝဵင်းတႃႈလိူဝ်ႇၼႆႉ မီးဝႆႉတႂ်ႈၽွင်းငၢမ်းဢုပ်ႇပိူင်ႇ ၵေႃႇမတီႇႁူၼ်ႈမုၼ်းၶိုၼ်ႈယႂ်ႇ ယဝ်ႉ။ ၶႅပ်ႇလိၼ် တီႈၼႂ်း ၵေႃႇမတီႇႁူၼ်ႈမုၼ်းၶိုၼ်းယႂ်ႇ ဝဵင်းတႃႈလိူဝ်ႇၼႆႉ မၼ်းပႃးဝႆႉ ၸေႈဝဵင်း (႗) ဝဵင်းယဝ်ႉ။

တီႈဝဵင်းတႃႈလိူဝ်ႇၼႆႉ တႄႇဢဝ် ၶၢဝ်းဢွၵ်ႇဝႃႇ ႁၢၼ်ႉတေႃႇပေႃးထိုင် လိူၼ်သီႇၼႆႉ ပွႆးပေႃးသိုပ်ႇပေႃးတၢမ်းၵၼ်လူင်ၵႂႃႇယဝ်ႉ။ ပွႆးၽြႃး၊ ပွႆးၵထိၼ်ႇ၊ ပွႆးလူႇ၊ ပွႆးယၢတ်ႇၼမ်ႉၵျွင်း၊ ပွႆးမုၼ်ၸဝ်ႈလွၼ်ႇ၊ ပွႆးပၢင်ၶႅၵ်ႇ၊ ပွႆးဝၼ်းၵိူတ်ႇ၊ ပွႆးယွင်ႈၵုင်ႇ ၸၵႂႃႇၸိူဝ်းၼႆႉ​ယဝ်ႉ။ ပေႃးပဵၼ် ပွႆးၽြႃးၼႆႉ ၵႆႉဢွၼ်ၵၼ် သႂ်ႇပႃး ၸၢတ်ႈသႅင်း ၸိူဝ်းၼႆႉသေၵွၼ်ႇဢေႃႈ။




#Article 66: တႃႈလိူဝ်ႇ၊ ၸႄႈတိူင်း (204 words)


ၸႄႈတိူင်းတႃႈလိူဝ်ႇ (), () ၼႆႉ မီးတီႈ ပွတ်းၵၢင် မိူင်းမျႅၼ်ႇမႃႇ ဢေႃႈ။ ၽၢႆႇတၢင်းဢွၵ်ႇမၼ်းမီး မိူင်းတႆး၊ ၽၢႆႇတၢင်းတူၵ်းမၼ်းမီး ၸႄႈတိူင်းၸႄႈၵႅင်း လႄႈ ၸႄႈတိူင်းမၵူၺ်း၊ ၽၢႆႇၸၢၼ်း မီး ၸႄႈတိူင်းပႃႇၵိူဝ်ႇ၊ ၸႄႈမိူင်းယၢင်းၽိူၵ်ႇ လႄႈ ၽၢႆႇႁွင်ႇ မီး ၸႄႈတိူင်းၸႄႈၵႅင်း ၸိူဝ်းၼႆႉ လွမ်ႉႁွပ်ႈဝႆႉဢေႃႈ။ တီႈဝဵင်း ဝဵင်းတႃႈလိူဝ်ႇ ဢၼ်ပဵၼ်ၸႄႈလူင် တိူင်းတႃႈလိူဝ်ႇၼႆႉ မီးဝႆႉ ႁေႃၶမ်းမျႃႉၼၢၼ်းၸၢၼ်ႇၵျေႃႇ ဢၼ်ၶုၼ်ႁေႃၶမ်းမၢၼ်ႈၶဝ် ဢုပ်ႉပိူင်ႇၵႂႃႇၼၼ်ႉဢေႃႈ။ ဢၼ်ပဵၼ်ဝဵင်းၵဝ်ႇ ပူးၵမ်ႇ ဢၼ်ပဵၼ် ၸႄႈလူင် မိူင်းမၢၼ်ႈပွၵ်ႈၵမ်းၼိုင်ႈ ၼၼ်ႉၵေႃႈ မီးဝႆႉၼႂ်း တိူင်းတႃႈလိူဝ်ႇသေ ဢၼ်ပဵၼ်ဝဵင်းပၵ်းလုမ်း လူင်ပွင်ၸိုင်ႈ ယၢမ်းလဵဝ်ၼႆႉ ဢၼ်ပဵၼ် ၼႃႈလိၼ်မိူင်းႁူမ်ႈတုမ် ၼေႇပျီႇတေႃႇ ၼၼ်ႉၵေႃႈ တိူင်းတႃႈလိူဝ်ႇ လွမ်ႉႁွပ်ႈဝႆႉယူႇယဝ်ႉ။

ၸႄႈတိူင်းတႃႈလိူဝ်ႇၼႆႉ မီးဝႆႉ တီႈလတ်ႉတီႇတုတ်ႇႁွင်ႇ ၼႂ်းၵႄႈ 19 တီႇၵရီႇ 20 မိတ်ႉၼိတ်ႉလႄႈ 23 တီႇၵရီႇ 45 မိတ်ႉၼိတ်ႉ လႄႈ ၼႂ်းၵႄႈ လွင်ႇၵျီႇတုတ်ႉၽၢႆႇဢွၵ်ႇ 94 တီႇၵရီႇလႄႈ 45 မိတ်ႉၼိတ်ႉ လႄႈ 97 တီႇၵရီႇ ဢေႃႈ။ တၢင်းၵႂၢင်ႈ ဢေႇရိယႃႇ မၼ်းမီးဝႆႉ ၁၁၉၂၅.၉၆ လၵ်းပၼ်ႇမူၼ်းဢေႃႈ။ ပဵၼ်ဢွင်ႈတီႈ ဢၼ်ၵူၼ်းယူႇသိပ်ႉၵၼ်ယဝ်ႉ။ ဢိင်ၼိူဝ် သဵၼ်ႈမၢႆႁူဝ်ၼပ်ႉႁိူၼ်း ဢၼ်ၵဵပ်းမိူဝ်ႈ ပီ 2014 ၼၼ်ႉသေ ႁူဝ်ၼပ်ႉၵူၼ်း မီး ၆,၁၆၅,၇၂၃ ၵေႃႉ  ၼႆယဝ်ႉ။

ပေႃးတူၺ်းၾိင်ႈၾႃႉ တီႈၼႂ်း ၸႄႈတိူင်းတႃႈလိူဝ်ႇၼႆႉ မၼ်းမီးဝႆႉ လွင်ႈပႅၵ်ႇပိူင်ႈၵၼ်ဝႆႉ။ ၸိူဝ်းပဵၼ်ၼႃႈလိၼ်ပွတ်းဢွၵ်ႇ (မိူင်းၵုတ်ႈလႄႈ ပၢင်ႇဢူး (ပျိၼ်ႇဢူးလုၼ်ႇ) ၼႆႉ လႆႈႁၼ်ၾိင်ႈၾႃႉပဵၼ်ဢၼ် ဢုၼ်ႇယမ်း ဝႆႉယဝ်ႉ။ တၢင်ႉမႆႈ တီႈၼႃႈလိၼ်ၼၼ်ႉတႄႉ မီး 70 တီႇၵရီႇၽႃႇရိၼ်ႇႁၢႆႉ တေႃႇ 75 တီႇၵရီႇၽႃႇရိၼ်ႇႁၢႆႉ ယဝ်ႉ။ ပေႃးဝႃႈ ၶၢဝ်းၵတ်းမႃးၼႆ မီး 60 တီႇၵရီႇၽႃႇရိၼ်ႇႁၢႆႉၵူၺ်းၵွၼ်ႇ။ တၢင်ႉၼမ်ႉၽူၼ် တီႈဝဵင်းမိူင်းၵုတ်ႈ ၼႆႉ မီး 100 ၼိဝ်ႉသေ တီႈဝဵင်းပၢင်ႇဢူးတႄႉ မီး 60 ၼိဝ်ႉပၢႆယဝ်ႉ။
ၼႃႈလိၼ်ၽၢႆႇပွတ်းၸၢၼ်းၸမ်ႉ လႆႈႁၼ်ပဵၼ်ၾိင်ႈၾႃႉ မႆႈႁႅင်းႁႅင်ႈႁွင် ဝႆႉယဝ်ႉ။ တၢင်ႉမႆႈၽတ်ႉၽဵင်ႇၼႆႉ မီး 88 တီႇၵရီႇၽႃႇရိၼ်ႇႁၢႆႉသေ တၢင်ႉမႆႈၵၢင်ဝၼ်းၼႆႉ မီးထိုင် 110 တီႇၵရီႇၽႃႇရိၼ်ႇႁၢႆႉယဝ်ႉ။ ပေႃးထိုင်ၶၢဝ်းၵတ်းမႃးၸမ်ႉ တၢင်ႉမႆႈၼႆႉ လူင်းထိုင် 50 တီႇၵရီႇယဝ်ႉ။ တၢင်ႉၼမ်ႉၽူၼ်တႄႉ တီႈတႃႈလိူဝ်ႇလႄႈ တီႈပၢင်ႇၵျွၵ်ႉသႄႇၼႆႉ မီး 32 တေႃႇ 34 ၼိဝ်ႉသေ တီႈမျိၼ်းၶျၢၼ်ႇၼႆႉ မီး 27 ၼိဝ်ႉ၊ တီႈႁိမ်းႁွမ်း ပူၵ်ႉပႃးၼႆႉ မီးထိုင် 40 ၼိဝ်ႉသေ ၸိူဝ်းပဵၼ်ၼႃႈလိၼ်ၽၢႆႇၸၢၼ်းၼၼ်ႉတႄႉ ၽူၼ်ၵႆႉတူၵ်းလူင်းထိုင် တၢင်ႉၼမ်ႉၽူၼ် 56 ၼိဝ်ႉယဝ်ႉ။

ၸႄႈလူင် တီႈ ၸႄႈတိူင်းတႃႈလိူဝ်ႇၼႆႉ ပဵၼ် ဝဵင်းတႃႈလိူဝ်ႇ ယဝ်ႉ။

ႁူဝ်ၼပ်ႉၵူၼ်းၵမ်ႉၼမ် တီႈၸႄႈတိူင်းတႃႈလိူဝ်ႇၼႆႉ ပဵၼ်ၵူၼ်းၸၢဝ်းၶိူဝ်းမၢၼ်ႈယဝ်ႉ။ ၵူၺ်းၵႃႈဝႃႈ တီႈၼႂ်းၼႃႈလိၼ်ဝဵင်းတႃႈလိူဝ်ႇၼၼ်ႉ ၵူၼ်းၶိူဝ်းၶႄႇ ဢၼ်လုၵ်ႉတီႈ ယူႇၼၢၼ်ႇၶၢႆႉလူင်းမႃးၼၼ်ႉၵေႃႈ ဢွၼ်ၵၼ် ယူႇသဝ်းဝႆႉယူႇယဝ်ႉ။ ၵူၼ်းၶိူဝ်းဢိၼ်းတီးယႃးၶဝ်ၵေႃႈယူႇသဝ်းဝႆႉယူႇယဝ်ႉ။ တီႈသၢပ်ႇလႅၼ်လိၼ်ၸႄႈတိူင်း ပွတ်းဢွၵ်ႇၼၼ်ႉ ၸိူဝ်းပဵၼ် ၵူၼ်းၶိူဝ်းတႆးၶဝ် ယူႇသဝ်းဝႆႉယူႇယဝ်ႉ။

ပၢႆးပႆႇၺႃႇၸၼ်ႉသုင်ၵမ်ႉၼမ် တီႈမိူင်းမျၢၼ်ႇမႃႇ ၼႆႉ မီးဝႆႉတီႈ တႃႈၵုင်ႈ လႄႈ တႃႈလိူဝ်ႇယဝ်ႉ။ ၸၼ်ႉၸွမ်ႇၸၼ်ႉသုင်ၵမ်ႉၼမ် တႃႇမိူင်းမျၢၼ်ႇပွတ်းၼိူဝ်ၼႆႉ မီးဝႆႉတီႈၼႂ်း ၸႄႈတိူင်းတႃႈလိူဝ်ႇၵမ်ႉၼမ်ယဝ်ႉ။ လိူဝ်သေၼၼ်ႉဢမ်ႇၵႃး ဢၼ်ပဵၼ် ၸၼ်ႉၸွမ်ၵဵဝ်ႇလူၺ်ႈ ၽၢႆႇၵၢၼ်သိုၵ်းၼၼ်ႉၵေႃႈ မီးဝႆႉယဝ်ႉ။




#Article 67: တႃႈလိူဝ်ႇ၊ ၸႄႈတွၼ်ႈ (442 words)


ၸႄႈတွၼ်ႈတႃႈလိူဝ်ႇ (), () ၼႆ့ ပဵၼ်ၸႄႈတွၼ်ႈ ဢၼ်မီးတီႈၵႅၼ်ၵၢင် မိူင်းမျႅၼ်ႇမႃႇသေ ပဵၼ်ၸႄႈတွၼ်ႈ ဢၼ်ၶဝ်ပႃးၼႂ်း ၸႄႈတိူင်းတႃႈလိူဝ်ႇ ၼၼ်ႉယဝ်ႉ။ ၽၢႆႇႁွင်ႇမၼ်း မီး ၼႃႈလိၼ်မိူင်းၵုတ်ႈ ဢၼ်ၶဝ်ႈပႃးၼႂ်း ၸႄႈတွၼ်ႈပၢင်ႇဢူး၊ ၽၢႆႇၸၢၼ်းမီး မိူင်းတႆး၊ ၸႄႈတွၼ်ႈၵျွၵ်ႉသႄႇ လႄႈ ၸႄႈတွၼ်ႈၸႄႈၵႅင်း၊ ၽၢႆႇတၢင်းဢွၵ်ႇၼႆႉ မီး မိူင်းတႆး သေ ၽၢႆတၢင်းတူၵ်းမၼ်း မီး မႄႈၼမ်ႉၵဵဝ်၊ ၸႄႈၵႅင်း၊ ၸႄႈတွၼ်ႈသူၺ်ႇပူဝ်ႇ ၸိူဝ်းၼႆႉ ၶႅၼ်ႈၵၼ်ဝႆႉယူႇယဝ်ႉ။

တၢင်းၵႂၢင်ႈ ၼႃႈလိၼ်ၸႄႈတွၼ်ႈတႃႈလိူဝ်ႇၼႆႉ မီး 2115 လွၵ်းပၼ်မူၼ်းသေ ၼႃႈလိၼ်ပူႇၵႄႇပိူင်ႇ မီး 300 ယဝ်ႉ။ ၽၢႆႇတၢင်းၸၢၼ်းမၼ်း ၵႂၢင်ႈသေ လဵမ်ၵႂႃႇၸူး ၽၢႆႇတၢင်းၼိူဝ်ယဝ်ႉ။ ၸႄႈတွၼ်ႈတႃႈလိူဝ်ႇၼႆႉ ပဵၼ်ၸႄႈတွၼ်ႈ ဢၼ်ၵူၼ်းၵိုၼ်းသေပိူၼ်ႈ တႃႇ မိူင်းမျႅၼ်ႇမႃႇ ပွတ်းၼိူဝ်ၼႆယဝ်ႉ။

ၶိူဝ်းၵူၼ်းၵေႃႈၸေးၼႃႇ။ မိူဝ်ႈပီ 1956 ၼၼ်ႉ ႁူဝ်ၼပ်ႉၵူၼ်း ဢၼ်လၢမ်းဝႆႉ မီးၵႂႃႇ 477,100 ၵေႃႉသေ ဝဵင်းပၵ်းလုမ်းတႃႇ ၸႄႈတွၼ်ႈတႃႈလိူဝ်ႇတႄႉ ပဵၼ် ဝဵင်းတႃႈလိူဝ်ႇယဝ်ႉ။ ဝဵင်းတၢင်ႇၸိူဝ်းတႄႉ ဝဵင်းပၢင်ႇဢူး၊ ဝဵင်းဢမရပူႇရ၊ ဝဵင်းမတယႃႇ၊ ဝဵင်းၸိၼ်ႉၵူး၊ ဝဵင်းမျိတ်ႉငႄႇ ၸိူဝ်းၼႆႉယဝ်ႉ။

ၸွမ်းၼင်ႇလၢတ်ႈမႃးၼၼ်ႉယဝ်ႉ ပွတ်းၸၢၼ်းၼႆႉ မၼ်းၵႂၢင်ႈလိူဝ်သေ ပွတ်းႁွင်ႇသေ မၼ်းပဵၼ် ၼႃႈလိၼ်ႈပဵင်း။ တၢင်းၵႂၢင်ႈၼႃႈလိၼ်ပဵင်းၼႆႉ မီး 700 လၵ်းပၼ်ႇမူၼ်းသေ ၶႆႈဝႃႈ မီး သၢမ်ပုၼ်ႈ ၼိုင်ႈပုၼ်ႈ ၸႄႈတွၼ်ႈယဝ်ႉ။ တၢင်းၵႂၢင်ႈမၼ်း တႄႇဢဝ်ပွတ်းဢွၵ်ႇၽင်ႇမႄႈၼမ်ႉၵဵဝ် တေႃႇပေႃးထိုင် သၼ်လွႆမိူင်းတႆးယဝ်ႉ။ ၽၢႆႇဢွၵ်ႇ လႄႈ ၽၢႆႇႁွင်ႇ ၸႄႈတွၼ်ႈတႃႈလိူဝ်ႇၼႆႉ မီးလွႆ ၸိူဝ်းတၢင်းသုင်မီး 4000 ထတ်း ၼၼ်ႉသေ ၸိူဝ်းၼၼ်ႉတႄႉ ပဵၼ်ပွတ်းတွၼ်ႈ သၼ်လွႆမိူင်းတႆး ဢၼ်ၼိုင်ႈယဝ်ႉ။

ပွတ်းၼၼ်ႉၼႆ တူၼ်ႈမႆႈ ဢွၵ်ႇၼႃဝႆႉယဝ်ႉ။ တီႈၼႃႈလိၼ်ပဵင်းတႄႉ ယွၼ်ႉၾူၼ်ဢမ်ႇပေႃးမႃးမၢၼ်ႇလႄႈ လႆႈႁဵတ်း ႁွင်ႈၶုတ်းသေ လႆႈဢဝ်ၼမ်ႉတီႈ ၼွင်ဢွၼ်ႇၸိူဝ်းၼႆႉယဝ်ႉ။ တီႈပွတ်းႁွင်ႇၸႄႈတွၼ်ႈတႃႈလိူဝ်ႇ၊ ၼႂ်းၼႃႈလိၼ် မတယႃႇၼၼ်ႉ မီး လွႆမွင်းတေႃးသေ တၢင်းသုင်ၼႃႈပၢင်ႇလၢႆႇ မီး 3638 ထတ်းသေ ၽၢႆတၢင်းဢွၵ်ႇ ၸိူဝ်းပဵၼ်လွႆ ဢၼ်မီးၼႂ်း ၼႃႈလိၼ်ပၢင်ႇဢူးၼၼ်ႉ သုင်ၸမ်မွၵ်ႈ 4000 ထတ်း 5000 ထတ်းယဝ်ႉ။ လွႆၸိူဝ်းမီးၸိုဝ်ႈလင်းလင် တီႈၼႂ်း ၸႄႈတွၼ်ႈၼႆႉတႄႉ ဢၼ်ပဵၼ်လွႆႁိၼ်ၶၢဝ် ဢၼ်မီးၼႂ်း ၼႃႈလိၼ် မတယႃႇ တၢင်းသုင်မီး 1000 ထတ်းပၢႆ ဢၼ်လႆႈၸိုဝ်ႈဝႃႈ လွႆသူၺ်ႇတွင်ႇဢူး၊ လွႆမၢၼ်းတလေး၊ လွႆယၢၼ်ႇၵိၼ်း တၢင်းသုင် 700 ထတ်းပၢႆ ဢၼ်မီးတီးၼႂ်း ၼႃႈလိၼ် ၸႄႈဝဵင်းပတဵင်ႇၵျီး ၼၼ်ႉယဝ်ႉ။

မႄႈၼမ်ႉ ၸိူဝ်းဢၼ်လႆလတ်း ၸႄႈတွၼ်ႈတႃႈလိူဝ်ႇၵႂႃႇၼႆႉ မႄႈၼမ်ႉၵဵဝ် လႄႈ ၸိုဝ်းပဵၼ် ၵဵင်ႇမၼ်း မျိတ်ႉငႄႇ၊ ၶျွင်းမၵျီး မတယႃႇ ၸိူဝ်းၼႆႉယဝ်ႉ။ မႄႈၼမ်ႉၵဵဝ်ၼႆႉ လုၵ်ႉဢဝ်ပွတ်းတူၵ်း ၸႄႈတွၼ်ႈတႃႈလိူဝ်ႇ လႆႈလူင်းၵႂႃႇၸွမ်း သၢပ်ႇလႅၼ်ၸႄႈတွၼ်ႈ ၽၢႆႇႁွင်ႇၸူး ၽၢႆႇၸၢၼ်းသေ တၢင်းယၢဝ်းမၼ်းမီးမွၵ်ႈ 75 လၵ်းၼႆႉယဝ်ႉ။ ႁိူဝ်းသၢင်းၽေႃး ၶိုၼ်ႈၶိုၼ်ႈလူင်းလူင်း ၵႂႃႇမႃးလႆႈယူႇ။ တီႈၼႂ်းမႄႈၼမ်ႉၼၼ်ႉ မီးၵုၼ်လိၼ်ၼုမ်ႇသေ ၵုၼ်ၸိူဝ်းၼၼ်ႉ ၵႆႉၶၢႆႉဢွင်ႈတီႈမၼ်း ၼမ်ႉတူႈ (မႄႈၼမ်ႉမျိတ်ႉငႄႇ) ၼႆႉ လုၵ်ႉဢဝ်မိူင်းတႆး လႆလူင်းမႃးသေ မႃးၶဝ်ၸူးတီႈ မႄႈၼမ်ႉၵဵဝ် ၽၢႆႇတႂ်ႈ ဝဵင်းတႃႈလိူဝ်ႇယဝ်ႉ။

မႄႈၼမ်ႉမတယႃႇ ဢၼ်ႁွင်ႉဝႃႈ ၶျွင်းမၵျီး (တီႈမိူင်းတႆးႁွင်ႉဝႃႈ ၼမ်ႉပႄ) ၼႆႉ လုၵ်ႉဢဝ်တီႈ မိူင်းတႆး တႄႇငဝ်ႈသေလႆလူင်းမႃးသေ မႃးလႆၶဝ်ႈတီႈၼႂ်း မႄႈၼမ်ႉၵဵဝ် ၽၢႆႇၼိူဝ် တႃႈလိူဝ်ႇ တၢင်းၵႆ 25 လၵ်းၼၼ်ႉယဝ်ႉ။ ၼႂ်းၵႄႈ မႄႈၼမ်ႉၵဵဝ် (ဢေႇယႃႇဝတီႇ) လႄႈ ၸၵႃးပိၼ်ႇ မွၵ်ႈ 20 လၵ်းၼႆႉ ႁိူဝ်းဢွၼ်ႇ ၵႂႃႇမႃးလႆႈယူႇ။ တွၼ်ႈတႃႇ ၽုၵ်ႇသွမ်ႈၼႃး လႆႈၶုတ်းႁွင်ႈသေ ဢဝ်ၼမ်ႉတီႈႁွင်ႈလူင်ၼႆႉယူႇ။ ႁွင်ႈၶုတ်း ၸိူဝ်းလမ်ႇလွင်ႈတႄႉ ပဵၼ် ႁွင်ႈၶုတ်းသူၺ်ႇလွင်း၊ ႁွင်ႈၶုတ်းသူၺ်ႇတၶျွင်း၊ ႁွင်ႈၶုတ်းတိင်းၵႃး ၸိူဝ်းၼႆႉယဝ်ႉ။ ပဵၼ်ႁွင်ႈၶုတ်း ၸဵမ်မိူဝ်ႈပၢၼ်ၶုၼ်မင်းတုင်းပၽုၼ်ႈလႄႈ တၢင်းယၢဝ်းမၼ်းမီး 30၊ 26၊ 13 လၵ်းယဝ်ႉ။ လိူဝ်သေၼၼ်ႉ ၸိူဝ်းဢၼ် သိုပ်ႇၵၼ်ဝႆႉတင်း မႄႈၼမ်ႉၵဵဝ် ဢၼ်ပဵၼ် မျိတ်ႉတဵင်ႇ လႄႈ ႁွင်ႈတိင်ႇၵၸႃႇ ၸိူဝ်းၼႆႉၵေႃႈမီး။ လိူဝ်သေၼၼ်ႉ ပေႃးၶၢဝ်းၾူၼ်မႃး တွၼ်ႈတႃႇႁွမ်ၼမ်ႉဝႆႉၼႆ တီႈၽၢႆႇဢွၵ်ႇ တႃႈလိူဝ်ႇၼၼ်ႉ မီးဝႆႉ ၼွင် ဢွင်ႇပိၼ်ႇလႄႇ၊ ၸဵင်ႇႁွင်ႇၽၢႆႇဢွၵ်ႇ ၵႆယၢၼ် မွၵ်ႈ 21 လၵ်းၼၼ်ႉမီးၼွင်ၼၼ်ႇတႃႇ လႄႈ တီႈႁိမ်း ဢမရပူႇရ ၼႆႉ မီး ၼွင်တွင်ႇတမၢၼ်ႇၸိူဝ်းၼႆႉယဝ်ႉ။ ယၢမ်းလဵဝ်တႄႉ ယွၼ်ႉၶုတ်းဝႆႉ ႁွင်ႈၶုတ်းတႃႈလိူဝ်ႇယဝ်ႉလႄႈ ၸိူဝ်းႁိမ်းႁွမ်း ဢွင်ႇပိၼ်ႇလႄႇ လႄႈ ၼွင်ၼၼ်ႇတႃႇၼႆႉ ဢွၼ်ၵၼ် သွမ်ႈၶဝ်ႈယူႇယဝ်ႉ။

ၾိင်ႈၾႃႉ ၸႄႈတွၼ်ႈ တႃႈလိူဝ်ႇၼႆႉ မႆႈႁႅင်ႈႁွင်သေ ၾူၼ်ဢေႇယဝ်ႉ။ ပၢင်ႇဢူးတႄႉ ယွၼ်ႉမီးဝႆႉတီႈၼိူဝ် သၼ်ႇလွႆမိူင်းတႆးဝႆႉလႄႈ လူမ်းမႆႈယွမ်းဝႆႉယဝ်ႉ။ တီႈလွႆၼႆႉ ၾူၼ်ႁၢမ်ႉၼမ်သေ တီႈလိၼ်ပဵင်းယဝ်ႉ။ တီႈၼႃႈလိၼ်ပဵင်းၼႆႉ တၢင်ႉၼမ်ႉၾူင် မီး 30 ၼိဝ်ႉ တေႃႇ 40 ၼိဝ်ႉယဝ်ႉ။

ၶူဝ်းဢွၵ်ႇတီႈၼႂ်း ၸႄႈတွၼ်ႈတႃႈလိူဝ်ႇၼႆႉ ၼမ်ၸေးဝႆႉ။ ဢဝ်ႁွင်ႈၶုတ်းသေ ဢွၼ်ၵၼ်ၽုၵ်ႇသွမ်ႈၶဝ်ႈ။ လိူဝ်သေၼၼ်ႉ လုၵ်ႉတီႈ မတယႃႇသေဢွၵ်ႇ မၢၵ်ႇမူင်ႈ၊ မၢၵ်ႇၵဵင်၊ မၢၵ်ႇဢိုၼ်ႈ၊ မၢၵ်ႇမူႉ ၸၵႂႃႇၸိူဝ်းၼႆႉသေ လုၵ်ႉတီႈ ပၢင်ႇဢူးသမ်ႉ မွၵ်ႇ၊ မၢၵ်ႇၶိူဝ်သူမ်ႈ၊ မုင်ႇလႃႇပၢၼ်း၊ မုင်ႇလႃႇထုၵ်ႈ၊ သတေႃႇပႄႇရီႇ ၸၵႂႃႇၸိူဝ်းၼႆႉလႄႈ ၽၵ်းယိူဝ်ႈၼၢင်းၶဵဝ်၊ လုၵ်ႉတီႈ ဢမရပူႇရသေဢွၵ်ႇ ၶူဝ်းတေႃး၊ မွင်းတွင်း၊ ႁူၼ်ႈႁၢင်ႈတွင်း၊ ႁူၼ်ႈႁၢင်ႈၽြႃးၸၵႂႃႇၸိူဝ်းၼႆႉယဝ်ႉ။ လုၵ်ႉတီႈ လွႆႁိၼ်ၶၢဝ် မတယႃႇသေ ဢွၵ်ႇႁူၼ်ႁၢင်ႈၽြႃးႁိၼ်ၶၢဝ်ယဝ်ႉ။ ၵူၼ်းယူႇၼႂ်းမိူင်းမျႅၼ်ႇမႃႇ ၵူႈတီႈတီႈ ၼႆႉ ပေႃးၶႂ်ႈလႆႈၶူဝ်းၸႂ်ႉတိုဝ်း မိူဝ်ႈၵွၼ်ႇၵူႈမဵဝ်းမဵဝ်းၼႆ လႆႈသင်ႇဢဝ်ၵႃႈတီႈ တႃႈလိူဝ်ႇယဝ်ႉ။

ၸႄႈတွၼ်ႈတႃႈလိူဝ်ႇၼႆႉ မၼ်းပဵၼ်တီႈဢၼ် ၾိင်ႈငႄႈမၢၼ်ႈၶဝ် ၸူႉတုမ်ၵၼ်ဝႆႉၼၼ်ႉယဝ်ႉ။ လွင်ႈၵပ်းသိုပ်ႇတိတ်းတေႃႇ ၸႄႈတွၼ်ႈတႃႈလိူဝ်ႇၼႆႉ ၶႅမ်ႉလႅပ်ႈလီဝႆႉ။ ၸွမ်းသၢႆၼမ်ႉမႄႈၵဵဝ်သေ ႁိူဝ်းသၢင်းၽေႃးၶဝ် ၸၢင်ႈၶိုၼ်ႈၶိုၼ်ႈလူင်းလူင်းသေ၊ တၢင်းလူတ်ႉလဵၼ်းၵေႃႈ ၵႂႃႇမႃးလႆႈ။ တၢင်းလူတ်ႉၵႃးၵေႃႈ မီးဝႆႉ။ တီႈဝဵင်းတႃႈလိူဝ်ႇလႄႈ ဝဵင်းပၢင်ႇဢူးၼႆႉ မီးဝႆႉ တႃႈႁိူဝ်းမိၼ်လႄႈ တွၼ်ႈတႃႇၵႂႃႇၸူး ၼႂ်းမိူင်းၵူႈတီႈတီႈၼႆႉ ဢမ်ႇပႄႉယၢပ်ႇယဵၼ်းသင်ႇၼင်ႇၵဝ်ႇ။ ယွၼ်ႉလွင်ႈၵပ်းသိုပ်ႇတိတ်းတေႃႇ ၶႅမ်ႉလႅပ်ႈလႄႈ လႆႈပဵၼ်ၸႄႈတွၼ်ႈ လွင်ႈၵၢၼ်ၵႃႉၶၢႆၵေႃႈ ၶိုၼ်ႈယႂ်ႇမႂ်ႇသုင် ဝႆႉယဝ်ႉ။

ၸႄႈတွၼ်ႈတႃႈလိူဝ်ႇၼႆႉ ယွၼ်ႉမၼ်းပဵၼ် တီႈဢၼ်ၶုၼ်ႈမၢၼ်ႈၶဝ် ၽုင်းယႂ်ႇမႃးလႄႈ တီႈၼႂ်းၸႄႈတွၼ်ႈၼႆႉၵေႃႈ မီးဝႆႉ ၽြႃးၵွင်းမူးသေဢမ်ႇၵႃး မီးဝႆႉ ႁိူၼ်းဝႃးဢၼ်လိုဝ်းလင်ယဝ်ႉ။ ၵမ်ႉၼမ်တႄႉ မီးဝႆႉတီႈ ဝဵင်းတႃႈလိူဝ်ႇယဝ်ႉ။ တီႈ ၽြႃးယွၼ်းသူးတဵမ်ထူၼ်ႈ ဢၼ် ဢၼေႃႇယထႃႇ တႄႇတင်ႈမႃး ၵႃႈတီႈ တွင်ႇပျူင်း၊ တီႈၸႄႈဝဵင်းမတယႃႇၼၼ်ႉ ႁၢၼ်တေႃႇယၢမ်းလဵဝ် တိုၵ်ႉတေလႆႈႁၼ် မၢၵ်ႇဢုတ်ႇႁၢမ်းဝႆႉ တႃႇသွင်လုၵ်ႈယဝ်ႉ။ ၵွင်းမူးယွၼ်းသူးလႆႈ ဢၼ် ၶုၼ်မင်းတုင်း တႄႇတင်ႈမႃးၼၼ်ႉၵေႃႈမီး။

တီႈဢမရပူႇၼၼ်ႉ မီးဝႆႉ ၽြႃးသူၺ်ႇၵျႅတ်ႉယႅတ်ႉ။ တီႈၽင်ႇၼမ်ႉတူႈ ၽၢႆႇႁွင်ႇၼၼ်ႉ တေလႆႈႁၼ် ၽြႃးသူၺ်ႇၸႃႇယၢၼ်ႇ ဢၼ်ၸဝ်ႈမွၼ်းလႃႊ တႄႇမႃးၼၼ်ႉသေ ပေႃးထိုင်လိူၼ်သီႇမႃး ႁဵတ်းပွႆးၽြႃးမႃးယူႇ ၵူႈပီယဝ်ႉ။ ပေႃးထိုင်ၶၢဝ်းပွႆးမႃး ပႃးၸိူဝ်းယူႇၼႂ်း ၼမ်ႉတူႈၼၼ်ႉ မႃးႁိမ်းၽင်ႇၼမ်ႉသေ မႃးၵိၼ်တၢင်းၵိၼ် တီႈမိုဝ်း ၵူၼ်းဝႆႉၽြႃးသေ မၢင်းၸိူဝ်းပၢႆႁပ်ႉဢဝ် ဢၼ်ပိူၼ်ႈတဵၵ်းၶမ်းပၼ်တီႈႁူဝ်ၶဝ်ၼၼ်ႉၵွၼ်ႇယဝ်ႉ။ လိူဝ်သေၼၼ်ႉ ၶဝ်ႈသွမ်း ၸိူဝ်းတၢင်ႇလူႇတီႈ ၽြႃးသူၺ်ႇၸႃႇယၢၼ်ႇၼၼ်ႉ မူတ်ႉၵေႃႈဢမ်ႇၸီး ၵႃၵေႃႈဢမ်ႇၵိၼ် ဝႃႈၼႆယဝ်ႉ။ တီးၼႂ်းၶႂင်ဝၢၼ်းၽြႃးၼၼ်ႉ ဢမ်ႇလႆႈႁၼ် မူတ်ႉလႄႈၵႃႈလမ်။

ၼႃႈလိၼ် တႃႈလိူဝ်ႇ ဢၼ်ၶုၼ်မင်းတုင်း မၵ်းမၼ်ႈမႃးပၼ်ၼၼ်ႉ ႁွင်ႉဝႃႈ ၼႃႈလိၼ်သူၺ်ႇၵျူဝ်းတတ်ႉ  ၼႆႉသေ ပေႃးၵႂႃႇ ၽၢႆႇဢွၵ်ႇ ၼတ်ႉထဵပ်ႉတွင်ႇယူဝ်း ၊ ပေႃးၵႂႃႇၽၢႆႇၸၢၼ်း ၼမ်ႉတူႈ (မႄႈၼမ်ႉမျိတ်ႉငႄႇ)၊ ၽၢႆႇတူၵ်း မႄႈၼမ်ႉၵဵဝ်၊ ၽၢႆႇႁွင်ႇ မႄႈၼမ်ႉမတယႃႇ ၼႆယဝ်ႉ။ ၸႄႈတွၼ်ႈတႃႈလိူဝ်ႇၼႆႉ ၸႅၵ်ႇဝႆႉ ပွတ်းၽၢႆႇတူၵ်းတႃႈလိူဝ်ႇ၊ ပွတ်းၽၢႆႇဢွၵ်ႇတႃႈလိူဝ်ႇ (ၼႃႈလိၼ်ပတဵင်ႇၵျီး)၊ မတယႃႇ လႄႈ ပၢင်ႇဢူး ၸၵႂႃႇၸိူဝ်းၼႆႉယဝ်ႉ။ 




#Article 68: တႃႈၵုင်ႈ၊ ဝဵင်း (768 words)


ဝဵင်းတႃႈၵုင်ႈ ၼႆႉ မိူဝ်ႈဢွၼ်တၢင်း ပဵၼ်ၸႄႈလူင် မိူင်းမၢၼ်ႈမႃးသေ ယဝ်ႉၵေႃႈ ပဵၼ်ၸႄႈလူင်တႃႇ ၸႄႈတိူင်းတႃႈၵုင်ႈယဝ်ႉ။ တႄႇဢဝ် ပီ 2006 လိူၼ်မၢၶျ်ႉၼၼ်ႉယဝ်ႉ ယွၼ်ႉလူင်ပွင်ၸိုင်ႈသိုၵ်း လႅၵ်ႈလၢႆႈ မၵ်းပၼ်ႈ ၼေႇပျီႇတေႃႇ ပဵၼ်ၸႄႈလူင် မိူင်း မႃးသေတႃႉ ဝဵင်းတႃႈၵုင်ႈ ဢၼ်ႁူဝ်ၼပ်ႉၵူၼ်းမီးယူႇ 7 လၢၼ်ႉၼၼ်ႉ တိုၵ်ႉပဵၼ် ၸႄႈလူင်ဢၼ်ယႂ်ႇသေပိူၼ်ႈ မိူင်းမျၢၼ်ႇမႃႇလႄႈ တိုၵ်ႉပဵၼ်ဢွင်ႈတီႈၵႅၼ်ၵၢင် တႃႇသိုဝ်ႉၶၢႆ ဢၼ်ယႂ်ႇသေပိူၼ်ႈ တီႈၼႂ်းမိူင်းယူႇ။

ပိုၼ်ႉထၢၼ်ယူင်ႉသၢင်ႈ ဝဵင်းတႃႈၵုင်ႈၼႆႉ ပေႃးၸႃႇဢဝ်တင်း ၸႄႈလူင်တၢင်ႇဢၼ် ၸိူဝ်းဢၼ်မီးယူႇတီႈ ဢေးသျႃးၸဵင်ႇၸၢၼ်းဝၼ်းဢွၵ်ႇ ၼၼ်ႉၼႆ တေလႆႈဝႃႈ ဢမ်ႇပႆႇႁုၼ်ႈမုၼ်းၶိုၼ်ႈယႂ်ႇၵွၼ်ႇ။ ဝဵင်းတႃႈၵုင်ႈ ပၢၼ်ယၢမ်းလဵဝ်ၼႆႉ ပဵၼ်ဝဵင်း ဢၼ်ယူင်ႇသၢင်ႈ မိူဝ်ႈပၢၼ်ၶူဝ်ႇလူဝ်ႇၼီႇၼၼ်ႉ ၵိုတ်းၼမ်သေပိူၼ်ႈယဝ်ႉ။ မိူဝ်ႈပူၼ်ႉမႃး ႁူဝ်သိပ်းပီ သွင်ဢၼ်ၼၼ်ႉ တီႈၼႂ်းၵၢင်ဝဵင်းလႄႈ တီႈၼႂ်းဝဵင်းတႃႈၵုင်ႈၼၼ်ႉ ႁူမ်ႈဝႃႈၵေႃႇသၢင်ႈယူင်ႉသၢင်ႈၽၢႆႇၵႃႉၶၢႆ၊ ယူင်ႉသၢင်ႉယူႇသဝ်းၸိူဝ်းပဵၼ်သုင် မႃးသေတႃႉ ၸိူဝ်းၿဵၼ် ဝဵင်းမႂ်ႇ ဢၼ်ၶႂၢၵ်ႈဢွၵ်ႇ ဢၼ်လွမ်ႉဝဵင်းဝႆႉၼၼ်ႉတႄႉ လွင်ႈထၢၼ်ႈပၢႆးယူႇသဝ်းၵူၼ်း တိုၵ်ႉတူၵ်းတႅမ်ႇဝႆႉယူႇ။

ၸိုဝ်ႈတႄႉတႄႉ ယၢၼ်ႇၵုင်ႇၼႆႉ ပဵၼ် တၵူင်ႇ () ၼႆယဝ်ႉ။ ဢလွင်းမိၼ်းတယႃး ၼႆႉဢဝ်တီႈပွင်ႇဝႃႈ ၶဵၼ် (ရန်) မူတ်းသဵင်ႈ (ကုန်) ၼႆလႄႈ ၸင်ႇလႅၵ်ႈလၢႆႈဝႃႈပဵၼ် ယၢၼ်ႇၵူင်ႇ (ရန်ကုန်) ဝႃႈၼႆယဝ်ႉ။ ၸိုဝ်ႈငဝ်ႈတိုၼ်းမၼ်း တၵူင်ႇၼႆႉ ပဵၼ်ဝေႃးႁၢၼ် မွၼ်း ဒဂုင်၊ လွုင် ၸိူဝ်းၼႆႉယဵၼ်းပဵၼ်မႃး တၵူင်ႇယဝ်ႉ။ ၸိုဝ်ႈဢၼ်ၼၼ်ႉ မၼ်းပဵၼ်ၸိုဝ်ႈ ဢၼ်ပၼ် ၵွင်းမူးသူၺ်ႇတၵူင်ႇယဝ်ႉ။ ဢၼ်ပဵၼ်ၼၢင်းႁေႃၶမ်းမွၼ်း သျိၼ်ႇၸေႃးပု ၼႆႉ ၵေႃႇၵုမ်းတင်းသုင် ၵွင်းမူးသူၺ်ႇတၵူင်ႇယဝ်ႉ ပၼ်ၸိုဝ်ႈမႃးဝႃႈ  က်ျာဒဂုင် (ကျိုက်ဒဂုံ-ဒဂုံဘုရား) ၼႆႉယဝ်ႉ။ ၽူႈလူင်ႉလႅၼ်ႇမၢင်ၸိူဝ်းၵေႃႈ လၢတ်ႈဝႃႈ လုၵ်ႉတီႈဝေႃးႁၢၼ် ဢၼ်ပွင်ႇဝႃး လွႆသၢမ်လုၵ်ႈ (တိကုမ္ဘနဂရ) ပႃႇလိ ၼၼ်ႉသေ လူင်းမႃးၼႆသေ လုၵ်ႉတီႈ တိကုမ္ဘ လႅၵ်ႈလၢႆႈပဵၼ်မႃး တိကုမ်၊ တကုမ်၊ ဒဂုံ ဝႃႈၼႆႉယဝ်ႉ။ ပေႃးဢဝ်ဝေႃးႁၢၼ်မွၼ်းဝႃႈၵေႃႈ မီးတီႈပွင်ႇဝႃႈ ၵွင်းမူးတီႈၼိူဝ်ၵွင်း ဝႃႈၼႆယဝ်ႉ။

ပဵၼ်ဝဵင်းတႃႈၼမ်ႉဢၼ်ယႂ်ႇသေပိူၼ်ႈ တီႈမိူင်းမျၢၼ်ႇမႃႇယဝ်ႉ။ မီႈဝႆႉတီႈၼႂ်း လတ်ႉတီႇတုတ်ႉႁွင်ႇ 16 တီႇၵရီႇ 46 မဵတ်ႉ လႄႈ လွင်ႇၵျီႇတုတ်ႉဢွၵ်ႇ 96 တီႇၵရီႇ 1ဝ မဵတ်ႉ ႁူပ်ႉၵၼ်ၼၼ်ႉယဝ်ႉ။ မီးဝႆႉတီႈ မႄႈၼမ်ႉတႃႈၵုင်ႈ ႁွင်ႉ မႄႈၼမ်ႉလႅင်ႇ လႄႈ ႁွင်ႈပၸုၼ်ႇတွင်ႇ၊ မႄႈၼမ်ႉပႃႇၵိူဝ် ၸိူဝ်းၼႆႉ မႃးႁူပ်ႉၵၼ်သေ ၸိူဝ်းပဵၼ်ႁိူဝ်းသၢင်းၽေႃးပၢင်ႇလၢႆလူင်ၸိူဝ်းၼႆႉၵေႃႈ ၸၢင်ႈၶဝ်ႈဢွၵ်ႇထိုင်လႆႈ တႃႈႁိူဝ်းတႃႈၵုင်ႈယဝ်ႉ။ ဝဵင်းတႃႈၵုင်ႈၼႆႉ မီးသၢႆတၢင်းၵပ်းသိုပ်ႇ တၢင်းလိၼ်၊ တၢင်းၼမ်ႉ၊ တၢင်းလူမ်း ဝႆႉၸူး ထုင်ႉၵူႈတီႈတီႈ ၼႂ်းမိူင်းယူႇယဝ်ႉ။ မၼ်းပဵၼ်ဝႆႉၼင်ႇ ၽၵ်းတူလူင် တွၼ်ႈတႃႇ ၵၢၼ်ၵႃႉၶၢႆလႄႈလႆႈဝႃႈ ပဵၼ်တီႈၵိုၼ်းဝႆႉယဝ်ႉ။

ဝဵင်းတႃႈၵုင်ႈ (ဝဵင်းယၢၼ်ႇၵုင်ႇ) ၼႆႉ ၸဵမ်မိူဝ်ႈ (ၶရိတ်ႉတေႃႇ ပႆႇပေႃႇပွၵ်ႈမႃး ပီႇၸီႇ (588)) မိူဝ်ႈပူၼ်ႉမႃး 260ဝ  ပီၼၼ်ႉ ၸဵမ်မိူဝ်ႈၵပ်းၵၢႆႇလူၺ်ႈ လႆႈထၢတ်ႈသဵၼ်ႈၶူၼ်ႁူဝ်ၽြႃးပဵၼ်ၸဝ်ႈမႃးၼၼ်ႉယဝ်ႉ ပိုၼ်းမၼ်းၵပ်းၵၢႆႇၵၼ်မႃးၼႆသေတႃႉ လုၵ်ႉဢဝ်ပဵၼ်ဢွင်ႈတီႈ ဝႆႉၽြႃးယဝ်ႉသေ ယဵၼ်းပဵၼ်ၸႄႈလူင် ပၵ်းလုမ်းလူင်ပွင်ၸိုင်ႈမႃးသေ ၸင်ႇလႆႈပဵၼ်ဝဵင်းလိုဝ်းလင်မႃး တီႈပွတ်းဢွၵ်ႇလုမ်ႈၾႃႉမႃးယူႇယဝ်ႉ။

ဝဵင်းတႃႈၵုင်ႈ (ဝဵင်းယၢၼ်ႇၵုင်ႇ) ၼႆႉ ၵူၼ်းၶိူဝ်းမွၼ်း ဢၼ်ဢုပ်ႉပိူင်ႇ မိူင်းမျၢၼ်ႇမႃႇပွတ်းတႂ်ႈၼၼ်ႉ တႄႇတင်ႈမႃး တၵူင်ႇ မိူဝ်ႈဢေႇတီႇ ႁူဝ်ပၢၵ်ႇပီ 6 ၼၼ်ႉယဝ်ႉ။ ဝဵင်းတၵူင်ႇ ၼႆႉ ဢဝ် ၽြႃးသူၺ်ႇတၵူင်ႇ ပဵၼ်ၵႅၼ်ၵၢင်မၼ်းသေ ပဵၼ်ဝၢၼ်ႈတမ်ႇငႃႈဢွၼ်ႇဝၢၼ်ႈၼိုင်ႈၵူၺ်း။ ထိုင်မႃး ပီ 1755 ၶုၼ်မၢၼ်ႊဢလွင်းၽယႃး ၵႂႃႇတိုၵ်းပႄႉလႆႈ ဝဵင်းတၵူင်ႇသေ ၸင်ႇမၵ်းပၼ်ႈဝႃႈပဵၼ် ယၢၼ်ႇၵုင်ႇ (ရန်ကုန်)သေ ၸင်ႇလႆႈၶႂၢၵ်ႈၼႃႈလိၼ် ႁိမ်းႁွမ်း ႁႂ်ႈၶိုၼ်ႈယႂ်ႇမႃးသေ ၸင်ႇလႆႈမီးလွင်ႈၵူၼ်းယူႇသဝ်းမႃးယဝ်ႉ။ ဢင်းၵိတ်ႉၶဝ်ၼႆႉ ပဵၼ် ပရိတ်ႉတိတ်ႉၶဝ်ၼႆႉ  မိူဝ်ႈပီ 1852 ပၢင်သိုၵ်းပွၵ်ႈသွင် ဢင်းၵိတ်ႉ-မျၢၼ်ႇမႃႇယဝ်ႉသေ သိမ်းၵမ်လႆႈ တႃႈၵုင်ႈလႄႈ ပွတ်းတႂ်ႈမျၢၼ်ႇမႃႇတင်းမူတ်းယူႇယဝ်ႉ။ ဝၢႆးသေၼၼ်ႉ ၶဝ်လႅၵ်ႈလၢႆႈဝဵင်းတႃႈၵုင်ႈ ႁႂ်ႈပဵၼ်ၵၢင်ၵႅၼ်ပၢႆးမၢၵ်ႈမီး၊ ပၢႆးမိူင်း တွၼ်ႈတႃႇ ပရိတ်ႉတိတ်ႉပႃးမႃး မႃးယူႇယဝ်ႉ။ ဢဝ်တၸၢႆး ဢိၼ်ႇၵျိၼ်ႇၼီႇယႃႇသိုၵ်း ၶုၼ်သိုၵ်းဢလႅတ်ႉၸၼ်းတႃး ၽရေႇၸႃႇ ႁဵတ်းပဵၼ်ပိုၼ်ႉသေ ပရိတ်ႉတိတ်ႉၶဝ်ၼႆႉ ၸွမ်းၼင်ႇႁၢင်ႈၵၢၼ်ၵရိတ်ႉသေ  ၽၢႆႇဢွၵ်ႇ ထုင်ႉၵုၼ်ပၢၵ်ႇမႄႈၼမ်ႉ ၼၼ်ႉ ႁွင်ႈဢွၼ်ႇပၸုၼ်ႇတွင်ႇ လႄႈ ၽၢႆႇတူၵ်းၸမ်ႉ ဢဝ် မႄႈၼမ်ႉတႃႈၵုင်ႈ မၵ်းပဵၼ်လႅၼ်လီၶႅၼ်ႈၵၼ်သေ ၸင်ႇတႄႇတင်ႈမႃးၸႄႈလူင်ဢၼ်မႂ်ႇဢၼ်ၼိုင်ႈယဝ်ႉ။

ထိုင်ပီ 1885 ပၢင်သိုၵ်းဢင်းၵိတ်ႉ-မျၢၼ်ႇမႃႇပွၵ်ႈသၢမ်မႃး ပရိတ်ႉတိတ်ႉၶဝ်ႈၼႆ့ သိုပ်ႇသိမ်းဢဝ် မိူင်းမျၢၼ်ႇမႃႇပွတ်းၼိူဝ်ယဝ်ႉ ဝဵင်းတႃႈၵုင်ႈၼႆႉ ပဵၼ်ၸႄႈလူင် ပရိတ်ႉတိတ်ႉပႃးမႃး တွၼ်ႈတႃႇတင်းမူတ်းမႃးယူႇယဝ်ႉ။ ထိုင်မႃး ပီ 1890 ၸိူဝ်းၼၼ်ႉ ဝဵင်းတႃႈၵုင်ႈၼႆႉ ႁူဝ်ၼပ်ႉၵူၼ်း တိူဝ်းမႃးလႄႈ လွင်ႈၵႃႉၶၢႆႇၸိူဝ်းၼႆႉ ၵိူတ်ႇဢွၵ်ႇပၼ်မႃး လင်ႁိူၼ်းၵူၼ်းမၢၵ်ႈမီး ၵႃႈတီႈ ၽၢႆႇႁွင်ႇ တိၼ်ၼွင်ဢိၼ်းယႃး လႄႈ ၼွင်တေႃႇဝိၼ်ႇ (ၵၢၼ်ႇတေႃႇၵျီး)ၼၼ်ႉယဝ်ႉ။ ပရိတ်ႉတိတ်ႉၶဝ်ၼႆႉ ၶဝ်တႄႇတင်ႈမႃးပၼ် ႁူင်းယႃယူတ်းယႃၵူႈလွင်ႈလွင်ႈ(တႃႈၵုင်ႈ) လႄႈ ၸၼ်ႉၸွမ်တႃႈၵုင်ႈ ဢိၵ်ႈပႃး ႁူင်းယႃ လႄႈ ၶေႃးလဵၵ်ႉၸိူဝ်းၼႆႉယဝ်ႉ။ ဝဵင်းတႃႈၵုင်ႈ မိူဝ်ႈပၢၼ်ၶူဝ်ႇလူဝ်ႇၼီႇၼၼ်ႉ  မီးသူၼ်မွၵ်ႇ ဢၼ်ၵႂၢင်ႈၶႂၢင်၊ ၼွင်ၼမ်ႉ၊ ယူင်ႉသၢင်ႈၸဵမ်ပၢၼ်မႂ်ႇပၢၼ်ၵဝ်ႇ မီးလေႃးလႄးၵၼ်သေ ၸင်ႇဢွၼ်ၵၼ်ႁူႉမႃး သူၼ်ၸႄႈလူင် တိူင်းပွတ်းဢွၵ်ႇ ဝႃႈၼႆယဝ်ႉ။ ပၢႆးၸဝ်ႉ ႁူဝ်ပၢၵ်ႇပီ 20 ၼၼ်ႉ ဝဵင်းတႃႈၵုင်ႈၼႆႉ လွင်ႈၵၢၼ်ႈၸွႆႈသၢင်ႈတႃႈၵူၼ်းမိူင်းလႄႈ ယူင်ႉသၢင်ႈပိုၼ်ႉထၢၼ်ၸိူဝ်းၼႆႉ ပဵၼ်းၵၼ်တင်း ဝဵင်းလၼ်ႇတၼ်ႇယဝ်ႉ။

မိူဝ်ႈပႆႇထိုင် သိုၵ်းၵမ်ႇၽႃႇပွၵ်ႈသွင် ၼၼ်ႉ ႁူဝ်ၼပ်ႉၵူၼ်း ဢၼ်မီးတီႈဝဵင်းတႃႈၵုင်ႈ ၼႂ်းၵႃႈ 500000 ၼၼ်ႉ ႁူဝ်ပၢၵ်ႇ 55 ၼႆႉ ပဵၼ်ၵူၼ်းၸၢဝ်း ဢိၼ်းတီးယႃးလႄႈ ၵူၼ်းၸၢဝ်းဢေးသျႃးပွတ်းၸၢၼ်းသေ သၢမ်ပုၼ်ႈ ပုၼ်ႈၼိုင်ႈၼႆႉ ပဵၼ် မၢၼ်ႈ (ၸၢဝ်းၶိူဝ်းမၢၼ်ႈ)၊ ယၢင်းၽိူၵ်ႇ၊ ၶႄႇ လႄႈ ၸၢဝ်းၶိူဝ်းတၢင်ႇၸိူဝ်းယဝ်ႉ။ ဝၢႆးသေ သိုၵ်းၵမ်ႇၽႃႇပွၵ်ႈၼိုင်ႈ ယဝ်ႉ တႃႈၵုင်ႈၼႆႉ ပဵၼ်တီႈၵႅၼ်ၵၢင် လွင်ႈတူင်ႉၼိုင်ႈ တႃႇမိူင်းမၢၼ်ႈလွတ်ႈလႅဝ်းသဝ်းၶေႃ ဢၼ်ၸိူဝ်း လုၵ်ႈႁဵၼ်းၸၼ်ႉၸွမ်တႃႈၵုင်ႈဢွၼ်ႁူဝ်ၼၼ်ႉယဝ်ႉ။ 1920၊ 1936 လႄႈ 1938 ၼၼ်ႉ တီႈၼႂ်းမိူင်းၵူႈတီႈတီႈ လႆႈၼႄၵၢင်ၸႂ်လူင်ပွင်ၸိုင်ႈပရိတ်ႉတိတ်ႉမႃး သၢမ်ပွၵ်ႈယဝ်ႉ။ ထိုင်ပီ (1942 - 45) ၼၼ်ႉ ဝဵင်းတႃႈၵုင်ႈ လႆႈတူၵ်းတႂ်ႈမိုဝ်း ၵျပၢၼ်ႇၶဝ်သေ ၼႂ်းသိုၵ်းၵမ်ႇၽႃႇပွၵ်ႈသွင်ၼၼ်ႉ လႆႈမီးလွင်ႈလူႉလႅဝ်မႃးတင်းၼမ်ယဝ်ႉ။ ထိုင်မႃး ပီ 1948 လိူၼ်ၸၼ်ႇဝႃႇရီ 4 ဝၼ်းၼႆႉ လႆႈလွင်ႈလွတ်ႈလႅဝ်းသဝ်းၶေႃႈၶိုၼ်း ၵႃႈတီႈ ဢႅမ်ႇၽႃႇရႃႇပရိတ်ႉတိတ်ႉၶဝ်သေ ဝဵင်းတႃႈၵုင်ႈၼႆႉ ပဵၼ်ၸႄႈလူင် ၶွင် မိူင်းႁူမ်ႈတုမ် မျၢၼ်ႇမႃႇမႃးယဝ်ႉ။

ဝၢႆးသေလႆႈလွင်ႈလွတ်ႈလႅဝ်းသဝ်းၶေႃႈ မိူဝ်ႈပီ 1948 ၼၼ်ႉယဝ်ႉၵေႃႈ သဵၼ်ႈတၢင်း၊ သူၼ်မွၵ်ႇ ၸိူဝ်းဢၼ်ပဵၼ်ၸိူဝ်ႈပၢၼ်ၶူဝ်ႇလူဝ်ႇၼီႇၶဝ်ပၼ်မႃးၼၼ်ႉ ၶိုၼ်းလႅၵ်ႈလၢႆႈႁွင်ႉ ႁႂ်ႈမၼ်းပေႃးၵိုၵ်းၸပ်းၽၢင်ႁၢင်ႈၸိူဝ်ႉၸၢတ်ႈလႄႈ ၸင်ႇလႆႈလႅၵ်ႈလၢႆႈပဵၼ်ၸိုဝ်ႈမၢၼ်ႈၶိုၼ်းယူႇယဝ်ႉ။ ထိုင်ပီ 1989 ပၢၼ် လူင်ပွင်ၸိုင်ႈသိုၵ်းသိမ်းဢၢမ်းၼၢၵ်ႈၼၼ်ႉ ၶိုၼ်းလႅၵ်ႈလၢႆႈၸိုဝ်ႈၸႄႈလူင် ဢၼ်ပဵၼ်ၸိုဝ်ႈဢင်းၵိတ်ႉ ၼၼ်ႉ လၢႆးႁႂ်ႈႁွင်ႉဝႃႈ Yangon ၼႆသေ ၸိူဝ်းပဵၼ်ၸိုဝ်ႈဢင်းၵိတ်ႉတၢင်ႇၸိူဝ်းၵေႃႈ ႁႂ်ႈလႅၵ်ႈလၢႆႈပဵၼ်မႃး ၸိုဝ်ႈမၢၼ်ႈယူႇယဝ်ႉ။ (လူင်ပွင်ႈၸိုဝ်ႈၸဝ်ႈဢၢမ်းၼၢၵ်ႈသိုၵ်းၶဝ်ၼႆ့ ဢမ်ႇထုၵ်ႇလီႁဵတ်းၸိူင်ႉၼႆ ၼႆသေ ၸိူဝ်းပဵၼ်မၢၼ်ႈၵမ်ႉပႃႈၼမ်ၵေႃႈ ဢမ်ႇႁပ်ႉႁၼ်ၸွမ်း၊ ၼင်ႇၼၼ်ၼင်ႇၵဝ်ႇ ၸိူဝ်းပဵၼ်ၽူႈပေႃႉဢိတ်ႇလိၵ်ႈၶဝ်လႄႈသင်၊ ၸုမ်းၽၢႆႇၶၢဝ်ႇ မိူၼ်ၼင်ႇ ပီႇပီႇၸီႇၶဝ်လႄႈသင်၊ ယူႇၶေႇ (ပရိတ်ႉတဵင်ႇ) လႄႈ မိူင်းႁူမ်ႈတုမ် ဢမေႇရိၵၢၼ်ႇ တင်း ဢိၵ်ႈပႃး မိူင်းၵမ်ႉပႃႈၼမ် ဢမ်ႇယွမ်းႁပ်ႉမႃး။)

ဝၢႆးသေ လႆႈလွင်ႈလွတ်ႈလႅဝ်းသဝ်းၶေႃယဝ်ႉ ၶိုၼ်းခႂၢၵ်ႈဝဵင်းတႃႈၵုင်ႈ ဢွၵ်ႇၽၢႆႇၼွၵ်ႈမႃးထႅင်ႈယဝ်ႉ။ လူင်ပွင်ၸိုင်ႈပၢၼ်သိုပ်ႇပၢၼ် မိူဝ်ႈပီ 1950 ၼၼ်ႉ ၸိူဝ်းပဵၼ် တႃႇၵေႇတ၊ ဢူၵ်ႉၵလႃႇပႁွင်ႇ (မျွၵ်ႉဢူၵ်ႉၵလႃႇပ)၊ ဢူၵ်ႉၵလႃႇပၸၢၼ်း (တွင်ႇဢူၵ်ႉၵလႃႇပ) ၸိူဝ်းၼႆႉလႄႈသင်၊ ပီ 1980 ၼၼ်ႉ လၢႆႇတႃႇယႃႇ၊ သူၺ်ႇပျီႇတႃႇ လႄႈ ၸႄႈဝဵင်းတွင်ႇတၵူင်ႇ ၸိူဝ်းၼႆႉလႄႈသင် ၶႂၢၵ်ႈႁဵတ်းပဵၼ် ၸႄႈဝဵင်းမႂ်ႇမႃးယဝ်ႉ။ ဝဵင်းတႃႈၵုင်ႈ ယၢမ်းလဵဝ်ၼႆႉ တၢင်းၵႂၢင်ႈ မီးမႃး 600 လွၵ်းၵီႇလူဝ်ႇမီႇတႃႇယဝ်ႉ။

ယွၼ်ႉလွင်ႈဢုပ်ႉပိူင်ႇ ပိူင်ၵၢၼ်ပူဝ်ႇၶျူၵ်ႉၼေႇဝိၼ်း လွင်ႈတေဢမ်ႇၶဝ်ႈၵႅဝ်းၸွမ်းမိူင်းတၢင်ႇမိူင်းၼၼ်ႉလႄႈ ၼႂ်းပီ (1962 - 1988) ၼၼ်ႉ လွင်ႈၵေႃႇယူင်ႉသၢင်ႈပိုၼ်ႉထၢၼ် ဝဵင်းတႃႈၵုင်ႈၼႆႉ တူၵ်းတႅမ်မႃး၊ တွၼ်ႈတႃႇ ယုၵ်ႉသုင်ၸွမ်းလူၺ်ႈ ႁူဝ်ၼပ်ႉၵူၼ်း ဢၼ်တိူဝ်းၼမ်မႃးၼၼ်ႉၵေႃႈ ဢမ်ႇႁဵတ်းလႆႈလႄႈ ပဵၼ်ဢၼ်လူႉလႅဝ်ယၢတ်ႇယွမ်းမႃးယူႇယဝ်ႉ။ ထိုင်မႃး ပီ 1990 ပၢၼ်လူင်ပွင်ၸိုင်ႈသိုၵ်းၼၼ်ႉ ယွၼ်ႉပိုတ်ႇၽၵ်းတူလွၵ်းၵၢတ်ႇ မႃးလိူဝ်ၵဝ်ႇလႄႈ လႆႈမီးလွင်ႈၸၼ်ၸႂ် ၽူႈၽင်တိုၼ်းလၢင်း ၼွၵ်ႈမိူင်းၼႂ်းမိူင်းမႃးသေ ယူင်ႉႁၢင်ႈပိုၼ်ႉထၢၼ်ၸိူဝ်းၼႆႉၵေႃႈ လႆႈၶိုၼ်ႈယႂ်ႇႁိူဝ်ႈႁိူင်းမႃးယူႇ။ ၵူၼ်းၸိူဝ်းဢၼ်ယူႇၼႂ်းၵၢင်ဝဵင်းၵမ်ႈၽွင်ႈၼႆႉ တဵၵ်းထုၵ်ႇၶၢႆႉႁႂ်ႈၵႂႃႇယူႇတီႈ ဝဵင်းမႂ်ႇ ဢၼ်ၶႂၢၵ်ႈဢွၵ်ႇၶွပ်ႇမၼ်းၼၼ်ႉယဝ်ႉ။ ယူင်ႉသၢင်ႈ ပၢၼ်ၶူဝ်ႇလူဝ်ႇၼီႇတင်းၼမ်ၵေႃႈ ႁႂ်ႈယႃႉလဵဝ်ပႅတ်ႈသေ ႁႂ်ႈၶိုၼ်းဢဝ် ႁူင်းလႅမ်းသုင်သုင်၊ ယူင်ႉသၢင်ႈလုမ်း၊ လၢၼ်ႉၶၢႆၶူဝ်းၶွင်ၸိူဝ်းၼႆႉ တႅၼ်းတၢင် ပၼ်တီႈယူႇမႃးသေ ၸိူဝ်းပဵၼ်ၽူႈဢုပ်ႉပိူင်ႇၸႄႈလူင်ၶဝ်ၼႆႉ ၸင်ႇလႆႈမၵ်းမၼ်ႈ ယူင်ႉသၢင်ႈပၢၼ်ၶူဝ်ႇလူဝ်ႇၼီႇ ၸိူဝ်းလိုဝ်းလင် မွၵ်ႈ 200 ၼႆႉ ႁႂ်ႈသႂ်ႇၶဝ်ႈၼႂ်းသဵၼ်ႈမၢႆ ဢၼ်ပဵၼ် ၶူဝ်းပူၺ်ႈၵဝ်ႇမွၼ် ဝဵင်းလူင်တႃႈၵုင်ႈ ၼႆယဝ်ႉ။ ယူင်ႉၵၢၼ်သၢင်ႈပိူင်လူင် ဢၼ်လႆႈႁဵတ်းမႃးၼႆႉ လႆႈႁဵတ်းၶူဝ်ႁူၵ်းၵၼ်း တႃႇၵပ်းသိုပ်ႇဝဵင်းတႃႈၵုင်ႈတင်း ႁွင်ႈၵၢၼ်ပၢႆးၸၢၵ်ႈ ၽၢႆႇပုၼ်ႉမႄႈၼမ်ႉလႄႈ သဵၼ်ႈတၢင်းမႂ်ႇလူင် ႁႃႈသဵၼ်ႈၸိူဝ်းၼႆႉ ဢွၵ်ႇပေႃႇပဵၼ်မႃးယူႇယဝ်ႉ။ ႁူမ်ႈဝႃႈၼၼ်ၵေႃႈ ၽွင်းယၢမ်းၼၼ်ႉ ၼႂ်းဝဵင်းလူင်တႃႈၵုင်ႈၵမ်ႈၽွင်ႈၼႆႉ ဢၼ်ပဵၼ်ၵၢၼ်ႈၸွႆႈသၢင်ႈ တွၼ်ႈတႃႇဝဵင်းမူၼ်းၵူၼ်းၵိုၼ်း ဢၼ်ပဵၼ်ၵၢၼ်ပၼ်ၾႆးၾႃႉ 24 ၸူဝ်ႈမူင်းလႄႈ လွင်ႈၵဵပ်းသိမ်းပၼ် ယုၵ်းယၵ်းၸိူဝ်းၼႆႉ ယင်းဢမ်ႇပႆႇလႆႈတဵမ်ထူၼ်ႈၵွၼ်ႇ။

တႃႈၵုင်ႈၼႆႉ ဝၢႆးသေလႆႈလွင်ႈလွတ်ႈလႅဝ်းသဝ်းၶေႃမႃးယဝ်ႉ ဢိင်ၼိူဝ်သဵၼ်ႈမၢႆၸၢဝ်းၶိူဝ်းဢၼ်ၵဵပ်းႁွမ်တွမ်ၼၼ်ႉတူၺ်းၸိုင် ၵူၼ်းၶိူဝ်းမၢၼ်ႈ ပိုၼ်ႉတီႈၼႆႉ ၼမ်မႃးယူႇယ်ႉ။ ဝၢႆးသေလႆႈလွင်ႈလွတ်းသဝ်းၶေႃယဝ်ႉ ၸိူဝ်းပဵၼ် ၵူၼ်းဢေးသျႃးပွတ်းၸၢၼ်း ၶဝ် လႄႈ ဢိင်ႇၵလူဝ်ႇပႃးမႃး ၸိူဝ်းၼႆႉ ဢွၵ်ႇမိူဝ်းၵႂႃႇယူႇယဝ်ႉ။ ယွၼ်ႉပိူဝ်ႈဝႃႈ ၼႂ်းပီ 1960 ၼၼ်ႉ ဢၼ်ပဵၼ်လူင်ပွင်ႈၸိုင်ႈ ပူဝ်ႇၶျူၵ်ႉၼေႇဝိၼ်း ဢၼ်ၵူဝ်ၵူၼ်းၸၢဝ်းၶိူဝ်းၼွၵ်ႈမိူင်းၼၼ်ႉ ပၼ်ႁႅင်းတဵၵ်းၼႃႇလႄႈ ၸိူဝ်းပဵၼ် ၵူၼ်းဢေးသျႃးပွတ်းၸၢၼ်းၶဝ် ၸင်ႇလွႆႈဢွၵ်ႇၵႂႃႇၸိူင်ႉၼႆယဝ်ႉ။ ၵူၺ်းၵႃႈဝႃႈ ၵူၼ်းဢေးသျႃးပွတ်းၸၢၼ်းလႄႈ ၵူၼ်းၸၢဝ်းၶႄႇ ၸိူဝ်းဢၼ်မီးၼမ်တၢၼ်ႇတၢၼ်ႇမၼ်းၼၼ်ႉ ၶဝ်ဢမ်ႇဢွၵ်ႇၵႂႃႇသေ သိုပ်ႇယူႇဝႆႉယူႇတီႈ တႃႈၵုင်ႈယဝ်ႉ။ ယွၼ်ႉပိူဝ်ႈဝႃႈ မၢင်ၸိူဝ်းၵေႃႈ ပၢႆႈဢွၵ်ႇမိူင်းၵႂႃႇ မၢင်ၸိူဝ်းၵေႃႈ တႄႇၼႃႈႁိူၼ်းၸွမ်းၸၢဝ်းမၢၼ်ႈ မဵဝ်းၸၢဝ်းဢမ်ႇမိူၼ်ၵၼ်ၼၼ်ႉလႄႈ ဢၼ်ပဵၼ် ၸၢဝ်းဢင်ႇၵလူဝ်ႇ-ပႃးမႃး ၼႆႉ လႆႈႁၢႆလၢႆၵႂႃႇထၢင်ႇႁၢင်ႈယူႇယဝ်ႉ။

ဝဵင်းတႃႈၵုင်ႈၼႆႉ ၼႂ်းပီ 1974၊ 1988 လႄႈ 2007 ၸိူဝ်းၼႆႉ လႆႈပဵၼ်တီႈၵႅၼ်ၵၢင် တွၼ်ႈတႃႇၼႄၵၢင်ၸႂ် လွင်ႈသၢၼ်ၶတ်းလူင်ပွင်ၸိုင်ႈမႃးယူႇယဝ်ႉ။ ၽၢႆႇလူင်ပွင်ၸိုင်ႈၶဝ်ၵေႃႈ ယွၼ်ႉၶိုၼ်းယိုတ်းပိုတ်း ၽူႈၼႄၵၢင်ၸႂ်ၶဝ်လႄႈ လိူတ်ႈယၢင်လႆႈၵူဝ်ႈမႃး ၼိူဝ်သဵၼ်ႈတၢင်း ဝဵင်းလူင်တႃႈၵုင်ႈမႃးယူႇယဝ်ႉ။ မိူဝ်ႈပီ 2008 လိူၼ်မေႇၼၼ်ႉ ယွၼ်ႉ လူမ်းလႅင်ႉလူင်သၢႆၵလူင်း ၼႃႇၵိတ်ႉ ၼႆႉ လႆႈၽတ်ႉပဝ်ႇသႂ်ႇ ဝဵင်းတႃႈၵုင်ႈမႃးယဝ်ႉ။ တီႈၼႂ်းၸႄႈလူင်ၼႆႉ မီးၵူၼ်းလူႉႁၢႆတၢႆမႃးၵမ်ႈၽွင်ႈသေ ယူင်ႉသၢင်ႈၽၢႆႇပၢႆးၵၢၼ်ၸၢၵ်ႈ ဝဵင်းတႃႈၵုင်ႈၼႆႉ ထုၵ်ႇယႃႉလႅဝ်သီႇပုၼ်ႈသၢမ်ပုၼ်ႈလႄႈ ပေႃးၼပ်ႉသွၼ်တူၺ်းၵႃႈၶၼ်မၼ်း လႆႈသုမ်းၵႂႃႇမွၵ်ႈ တေႃႇလႃႇ 800 လၢၼ်ႉၼႆႉယဝ်ႉ။

ပီ 2005၊ ၼႂ်းလိူၼ်ၼူဝ်ႇဝႅမ်ႇပႃႇၼၼ်ႉ လူင်ပွင်ၸိုင်ႈသိုၵ်းၼႆႉ လႆႈမၵ်းမၼ်ႈ ၼေႇပျီႇတေႃႇ ပဵဝ်းၸႄႈလူင်ဢုပ်ႉပိူင်ႇ ဢၼ်ယၢၼ်ၵႆတင်း ပွတ်းႁွင်ႇဝဵင်းတႃႈၵုင်ႈ 200 လၵ်း (322 ၵီႇလူဝ်ႇမီႇတႃႇ)သေယဝ်ႉ ၸင်ႇႁႂ်ႈဢဝ်ထၢၼ်ႈၽွင်းလူင် လူင်ပွင်ၸိုင်ႈၶဝ် ၶၢႆႉၸူး ဝဵင်းမႂ်ႇၼၼ်ႉယူႇယဝ်ႉ။ ႁူမ်ႈဝႃႈၼၼ်ၵေႃႈ ဝဵင်းတႃႈၵုင်ႈၼႆႉ  တိုၵ်ႉသိုပ်ႇမီး သိုပ်ႇပဵၼ် ဝဵင်းဢၼ်ယႂ်ႇသေပိူၼ်ႈ ၼႂ်းမိူင်းမျၢၼ်ႇမႃႇလႄႈ တိုၵ်ႉပဵၼ်ဝဵင်းၵႅၼ်ၵၢင်တႃႇ ပၢႆးမၢၵ်ႈမီး ဢၼ်ယႂ်ႇသေပိူၼ်ႈ ၼႂ်းမိူင်းယူႇ။

 ဝဵင်းတႃႈၵုင်ႈၼႆႉ မီးပွတ်းတႂ်ႈမိူင်းမျၢၼ်ႇမႃႇသေ ၵႆယၢၼ်ၵၼ်တင်း ၵူတ်ႉမူတ်ႉတမ  ဢၼ်မႄႈၼမ်ႉတႃႈၵုင်ႈ လႄႈ မႄႈၼမ်ႉပႃႇၵိူဝ် လႆၶဝ်ၼၼ်ႉယဝ်ႉ။

ဝဵင်းတႃႈၵုင်ႈၼႆႉ ပေႃးဢဝ်ပိူင် ၸႅၵ်ႇၽႄမၵ်းမၼ်ႈ ၾိင်ႈၾႃႉ ၸွမ်းၼင်ႇၶွင်ၵူဝ်ႇပိၼ်ႇၼၼ်ႉၼႆ မၼ်းမီးၾိင်ႈၾႃႉသႃႇသီႇ ပွတ်းမႆႈၽူၼ်ၼမ်ယဝ်ႉ။ တီႈဝဵင်းၼႆႉ ၶၢဝ်းၽူၼ်ၵႆႉယၢဝ်းလႄႈ တႄႇဢဝ် လိူၼ်မေႇ တေႃႇပေႃးထိုင် လိူၼ်ဢွၵ်ႇထူဝ်ႇပႃႇၼၼ်ႉ ၵႆႉလႆႈ ၼမ်ႉၽူၼ်တင်းၼမ်ယဝ်ႉ။ တႄႇဢဝ်လိူၼ်ၼူဝ်ႇဝႅမ်ႇပႃႇတေႃႇထိုင် လိူၼ်ဢေႇပရႄႇၼႆႉ ပဵၼ်ၾိင်ႈၾႃႉႁႅင်ႈႁွင်သေတႃႉ မၢင်ပွၵ်ႈမဵတ်ႉၽူၼ်ဢွၼ်ႇၵႆႉတူၵ်းၵွၼ်ႇယဝ်ႉ။ ၵမ်ႉပႃႈၼမ် တီႈတႃႈၵုင်ႈၼႆႉ လွင်ႈဢၼ်ၽူၼ်ၵႆႉတူၵ်းႁႅင်းၼႆႉ တေလႆႈႁၼ်ၼႂ်းၶၢဝ်းႁိုဝ်ႉယဝ်ႉ။ ပီၼိုင်ႈယဝ်ႉ ပီၼိုင်ႈလႅၵ်ႈလၢႆႈၵႂႃႇသေ တၢင်ႉမႆႈဝဵင်းတႃႈၵုင်ႈၵေႃႈ ပႅၵ်ႈပိူင်ႈၵၼ်မႃး သုင်မႃးသေ တၢင်ႉမႆႈဢၼ်သုင်သုတ်း ၽတ်ႉၽဵင်ႇၵၼ်တႄႉ မီး တေႃႇထိုင်  သေ တၢင်ႉမႆႈဢၼ်တႅမ်ႇသုတ်း ၽတ်ႉၽဵင်ႇၵၼ် မီးတႃႇ  ယဝ်ႉ။

ႁၢၼ်ႉတေႃႇထိုင် ၵၢင်ပီ 1990 ၼႆ ဝဵင်းတႃႈၵုင်ႈၼႆႉ တိုၵ်ႉမိူၼ်ၼင်ႇမိူဝ်ႈမိုၼ်ႉပိုၼ်ႉၵဝ်ႇ ၼင်ႇတင်း တႃႈၵုင်ႈ ဢၼ်မီးၼႂ်းၵႄႈပႃႇၵိူဝ်၊ တႃႈၵုင်ႈလႄႈ မႄႈၼမ်ႉလၢႆႇၼၼ်ႉၵူၺ်း။ ၵူၼ်းတင်းၼမ်တင်းလၢႆ ဢွၼ်ၵၼ် ၶၢႆႉၶဝ်ႈမႃးသေတႃႉ ၸႄႈလူင်ၼႆႉတႄႉ တေႃႉတႄႉဝႃႈ ၶၢႆႉဢွၵ်ႇၵႂႃႇ ၽၢႆႇၼွၵ်ႈဢိတ်းဢွၼ်ႇၼိုင်ႈၵူၺ်း။ ပေႃးႁဝ် ႁၢင်ႈၽႅၼ်ႇတီႈ ပီ 1944 ဝႃႈ ၽၢႆႇႁွင်ႇၼွင်ဢိၼ်းယႃးၼၼ်ႉ လႆႈၶိုၼ်ႈယႂ်ႇမႃးဢိတ်းဢွတ်းသေ တီႈဢၼ်ၸိူဝ်းပဵၼ် ဢဝ်ဢုတ်ႇဢဝ်သၢႆးသိုဝ်ႇဝႆႉၼၼ်ႉလႄႈသင်၊ တီႈလင်ႁိူၼ်းၵူၼ်း မီးယူႇၸိူဝ်းၼၼ်ႉလႄႈသင် မိူဝ်ႈၵူႈပွၵ်ႈ ပဵၼ်ယုမ်းပဵၼ်ထိူၼ်ႇမႃးၵူၺ်း။ ဝၢႆးလင် ပီ 1980 မႃး ပွတ်းႁွင်ႇၸႄႈလူင် တီႈဢၼ်မီးဝႆႉ တႃႈႁိူဝ်းမိၼ်ၵူႈမိူင်းမိူင်း တႃႈၵုင်ႈၼၼ်ႉ ၵိုင်ႉၵၢင်ႉ ၵႂၢင်ႈၶႂၢင်မႃးယဝ်ႉ။ ပေႃးတေထတ်းတူၺ်း ၽွၼ်းလႆႈမၼ်းတႄႉ ဢဝ်ၸႄႈလူင်ၼႆႉ ၶႂၢၵ်ႈဢွၵ်ႇၼႃႈပွတ်းတူၵ်းလႄႈ ပွင်ႇဝႃႈ ၶၢႆႉဢဝ် ၵၢင်ဝဵင်း ႁႂ်ႈၽဵင်ႇၵၼ်ၸွမ်း ၼႃႈလိၼ်ဝဵင်းၼႆယဝ်ႉ။ တၢင်းၵႂၢင်ႈဝဵင်းၼႆႉ မိူဝ်ႈပီ 1901 ၼၼ်ႉ မီး ရ2.52 လွၵ်းၵီႇလူဝ်ႇမီႇတႃႇ သေ ထိုင်မႃး ပီ 1940 မီးမႃး 86.2 လွၵ်းၵီႇလူဝ်ႇမီႇတႃႇ၊ ထိုင်မႃး ပီ 1974 မီးမႃး 208.51 လွၵ်းၵီႇလူဝ်ႇမီႇတႃႇ၊ ပီ 1985 မီးမႃး 346.13 လွၵ်းၵီႇလူဝ်ႇမီႇတႃႇ လႄႈ ပီ 2008 ၼၼ်ႉ မီးမႃး 598.75 လွၵ်းၵီႇလူဝ်ႇမီႇတႃႇလႄႈ ၵႂၢင်ႈၶႂၢင်မႃး လွႆးလွႆးယူႇယဝ်ႉ။

 ၸႄႈလူင်တႃႈၵုင်ႈၼႆႉ ၸႅၵ်ႇဝႆႉ ၸႄႈတွၼ်ႈသီႇဢၼ်ယဝ်ႉ။ ၼႂ်းၵႃႈ ၸႄႈတွၼ်ႈသီႇဢၼ်ၼၼ်ႉ ၶဝ်ႈပႃးဝႆႉၸႄႈဝဵင်း 33 ၸႄႈဝဵင်းယဝ်ႉ။ ၶုၼ်ပွင်ဝဵင်းယၢမ်းလဵဝ် ပဵၼ် ဢူးမွင်ႇမွင်ႇၸူဝ်းယဝ်ႉ။ ၵူႈၸႄႈဝဵင်းႁင်းၽႂ်မၼ်းၵေႃႈ မီးၶုၼ်ၵွၼ်းၸႄႈဝဵင်း ႁင်းၽႂ်မၼ်းသေ တွၼ်ႈတႃႇ ၸႄႈဝဵင်းၽႂ်မၼ်းပေႃးတေ ၶိုၼ်ႈယႂ်ႇမႂ်ႇသုင်လႄႈ လႆႈပၼ်ႇလဵပ်ႈတူၺ်း လွင်ႈယူင်ႉၵၢၼ်သၢင်ႉပိုၼ်ႉထၢၼ် ၸိူဝ်းၼၼ်ႉယဝ်ႉ။ သဵၼ်ႈမၢႆဢၼ်ၼႄဝႆႉ ၽၢႆႇတႂ်ႈၼႆႉ ပဵၼ်ၸႄႈဝဵင်း ၸိူဝ်းၶဝ်ႈပႃးၼႂ်း ၸႄႈလူင်တႃႈၵုင်ႈသေ ဝဵင်းမႂ်ႇ ၸိူဝ်းဢမ်ႇမီးသုၼ်ၸတ်းၵၢၼ်ၼၼ်ႉ ဢမ်ႇၶဝ်ႈပႃးဝႆႉ။




#Article 69: တႃႈၵုင်ႈ၊ ၸႄႈတိူင်း (195 words)


ၼႂ်း ၸႄႈမိူင်းလႄႈ ၸႄႈတိူင်း (႑႔) ဢၼ် တီႈၼႂ်းမိူင်းမျၢၼ်ႇမႃႇၼၼ်ႉ ၸႄႈတိူင်းတႃႈၵုင်ႈ ၼႆႉ ပဵၼ်ၸႄႈတိူင်း ဢၼ်ၵူၼ်းၵိုၼ်းသေပိူၼ်ႈလႄႈ ပဵၼ်ၸႄႈတိူင်း ဢၼ်လဵၵ်ႉသေပိူၼ်ႈယဝ်ႉ။ မီးဝႆႉပွတ်းၸၢၼ်း မိူင်းမျၢၼ်ႇမႃႇသေ ၸႄႈတိူင်းပႃႇၵိူဝ်၊ ၸႄႈတိူင်းဢေႇယႃႇဝတီႇ လႄႈ ၵူတ်ႉပၢင်ႇလၢႆႇမူၵ်ႉတမ ၸိူဝ်းၼႆႉ လွမ်ႉႁွပ်ႈဝႆႉယဝ်ႉ။ ၸႄႈလူင်တႄႉ ပဵၼ် ဝဵင်းတႃႈၵုင်ႈယဝ်ႉ။

ထုင်ႉသၢပ်ႇလႅၼ်ၼမ်ႉတႃႈၵုင်ႈၼႆႉ မီးဝႆႉၽၢႆႇၼႂ်းထုင်ႉၼိူဝ်ၵုၼ်ပၢၵ်ႇမႄႈၼမ်ႉ ပွတ်းၸၢၼ်း တီႈဢၼ်ၵႂၢင်ႈၶႂၢင်ၼၼ်ႉယဝ်ႉ။ ၽၢႆႇတူၵ်းၼႆႉ မီး ၸႄႈတိူင်းဢေႇယႃႇဝတီႇ၊ ၽၢႆႇႁွင်ႇလႄႈ ၽၢႆႇဢွၵ်ႇၸမ်ႉမီး ၸႄႈတိူင်းပႃႇၵိူဝ် လႄႈ ၽၢႆႇၸၢၼ်း််ၸၼ်ႉ မီးပၢင်ႇလၢႆၵပ်ႉပလီႇယဝ်ႉ။ ၸႄႈတိူင်းတႃႈၵုင်ႈၼႆႉ တၢင်းၵႂၢင်ႈ မီး ၁ဝ၁၇၁ လွၵ်းၶီႇလူဝ်ႇမီႇတႃႇသေ ပေႃးဢဝ်ၽၢႆႇဢုပ်ႉပိူင်ႇဝႃႈ ၸႅၵ်ႇဝႆႉ ၸႄႈဝဵင်း ၄၅ ၸႄႈဝဵင်းယဝ်ႉ။ ပေႃးဢဝ်ဢေႇရိယႃႇၼႃႈလိၼ်ဝႃႈ မၼ်းပဵၼ်ၸႄႈတိူင်းဢၼ်လဵၵ်ႉသေပိူၼ်ႈ ၼႂ်းမိူင်းမျၢၼ်ႇမႃႇၼႆႉသေတႃႉ ပေႃးတူၺ်း သဵၼ်ႈမၢႆႁူဝ်ႁိူၼ်း ဢၼ်ၵဵပ်းမိူဝ်ႈ ပီ ၂၀၁၄ ၼၼ်ႉၼႆ ႁူဝ်ၼပ်ႉၵူၼ်း မီး ၇,၃၆၀,၇၀၃ ၵေႃႉလႄႈ ပဵၼ်ဢၼ်ႁူဝ်ၼပ်ႉၵူၼ်းၼမ်သေပိူၼ်ႈၼၼ်ႉယဝ်ႉ။ ၼိုင်ႈလွၵ်းၶီႇလူဝ်ႇမီႇတႃႇၼႆႉ မီးၵူၼ်း ၅၈၆ ၵေႃႉယဝ်ႉ။ ၼႂ်းၸႄႈတိူင်းတႃႈၵုင်ႈၼႆႉ ႁူဝ်ၼပ်ႉၵူၼ်း ၆၇% ၼႆႉ ပဵၼ်ၵူၼ်းယူႇၼိူဝ်ဝဵင်းသေ ဢၼ်ၵိုတ်းလူဝ် ၃၃% ၼၼ်ႉ ပဵၼ်ၵူၼ်းယူႇဝၢၼ်ႈၼွၵ်ႈယဝ်ႉ။ တႃႈၵုင်ႈၼႆႉ ပဵၼ်ထုင်ႉဝဵင်း ဢၼ်ၵူၼ်းယူႇၼမ်သေပိူၼ်ႈယဝ်ႉ။ တီႈထုင်ႉပွတ်းၸၢၼ်း တႃႈၵုင်ႈၼၼ်ႉ မီးထုင်ႉဢွင်ႈတီႈ ပၢႆးမၢၵ်ႈမီးတီႇလဝႃႇ ဢၼ်ၶဝ်ႈပႃးၼႂ်း ဢွင်ႈတီႈပၢႆးမၢၵ်ႈမီးလမ်ႇလွင်ႈၼႂ်းမိူင်း သၢမ်တီႈၼၼ်ႉ ဢၼ်ၼိုတေႃႇ ၉၆ တီႇၵရီႇ ၄၆ မဵတ်ႉၼၼ်ႉယဝ်ႉ။ ဢိၵ်ႇပႃး ၵုၼ်ၵူဝ်ႇၵူဝ်း ဢၼ်မီးတီႈၼႂ်း ပၢင်ႇလၢႆႇပင်းၵလႃးၼၼ်ႉသေႄလႈ တၢင်းၵႂၢင်ႈတင်းသဵင်ႈ မီးၵႂႃႇ လွၵ်းလၵ်း ၃,၉၂၇.၁၅ ယဝ်ႉ။

ပဵၼ်ထုင်ႉဢၼ်ၸမ်ပၢင်ႇလၢႆႇသေ ယွၼ်ႉၽူၼ်ၼမ်လႄႈ မီးၾိင်ႈၾႃႉဢၼ်ယမ်ဝႆႉယဝ်ႉ။ တၢင်ႉမႆႈၽတ်ႉၽဵင်ႇ ဢၼ်ပဵၼ်ၶၢဝ်းဢၼ်မႆႈသေပိူၼ်ႈ ၼႂ်းလိူၼ်ဢေႇပရႄႇၼၼ်ႉ မီး 95 တီႇၵရီႇၽႃႇရိၼ်ႇႁၢႆႉယဝ်ႉ။ တၢင်ႉမႆႈၶၢဝ်းၵၢင်ဝၼ်းၼႆႉ မီး 100 တီႇၵရီႇတေႃႇ 104 တီႇၵရီႇၽႃႇရိၼ်ႇႁၢႆႉယဝ်ႉ။ ပေႃးပဵၼ်ၶၢဝ်းၵတ်းသေပိူၼ်ႈ ၼႂ်းလိူၼ်တီႇသႅမ်ႇပႃႇၼၼ်ႉတႄႉ တၢင်ႉမႆႈ မီး 77 တီႇၵရီႇၽႃႇရိၼ်ႇႁၢႆႉသေ တၢင်ႉမႆႈၵၢင်ၶမ်ႈ ပီႈ 69 တီႇၵရီႇၽႃႇရိၼ်ႇႁၢႆႉယဝ်ႉ။ တၢင်ႉၼမ်ႉၽူၼ်ၽတ်ႉၽဵင်ႉတႄႉ မီး 103 ၼိဝ်ႉယဝ်ႉ။ ၶၢဝ်းၾူၼ်တႄႉ ၵႆႉပဵၼ် လိူၼ်မေႇတေႃႇ လိူၼ်ဢွၵ်ႇထူဝ်ႇပႃႇလႄႈ ၼႂ်းလိူၼ်ၵျူႇလၢႆႇ လႄႈ ဢေႃးၵၢသ်ႉၼႆႉ ၽူၼ်မႃးၼမ်သေပိူၼ်ႈယဝ်ႉ။

ပိူင်ဢၼ်ၸႂ်ႉတိုဝ်းၼမ်သေပိူၼ်ႈၼႆႉ ပဵၼ်ပိူင်လူတ်းၵႃးယဝ်ႉ။ တီႈၼႂ်းၸႄႈတိူင်းတႃႈၵုင်ႈၼႆႉ ၵူႈဝၼ်းၵူႈဝၼ်း မီးသၢႆလူတ်ႉၵႃး ပၢၵ်ႇပၢႆလႅၼ်ႈပၼ်သေ ၵမ်ႉပႃႈၼမ်တႄႉ တႄႇဢဝ်တီႈႁိမ်းႁွမ်းသူးလေႇၼၼ်ႉသေ လႅၼ်ႈပၼ်ယဝ်ႉ။ သူးလေႇ၊ မျေႇၼီႇၵူင်း၊ လႄးတၢၼ်း ၸိူဝ်းၼႆႉ ပဵၼ်ဢွင်ႈတီႈပိူင်လူင်မၼ်းသေ လူတ်ႉၵႃးၵမ်ႉပႃႈၼမ် ႁွတ်ႈၽႅဝ်တီႈၸိူဝ်းၼၼ်ႉယဝ်ႉ။ တွၼ်ႈတႃႇၵူၼ်းၸိူဝ်းယူႇ တႃႈၵုင်ႈတႄႉ လူတ်ႉသၢႆၼႆႉ လႆႈဝႃႈပဵၼ် ပိူင်လူင် တွၼ်ႈတႃႇၵႂႃႇမႃး ၵူႈဝၼ်းယဝ်ႉ။
ပိူင်တေႃႇသူင်ႇ ဢၼ်ၵူၼ်းၸႂ်ႉတိုဝ်းၼမ် ထႅင်ႈဢၼ်ၼိုင်ႈတႄႉပဵၼ် လူတ်ႉလဵၼ်းယဝ်ႉ။ လူတ်ႉလဵၼ်းၼႆႉ တႄႉဢွၵ်ႇတီႈ တႃႈလူတ်ႈလဵၼ်းလူင် တႃႈၵုင်ႈသေ လူတ်ႉလဵၼ်းဢၼ် ပၼ်ႁွပ်ႈဝဵင်းၼိုင်ႈႁွပ်ႈယဝ်ႉ ၶိုၼ်းမႃးသုတ်းတီႈ တႃႈလူတ်ႉလဵၼ်းလူင်တႃႈၵုင်ႈ၊ လူတ်ႉလဵၼ်းပၼ်ႇဝဵင်း ဢၼ်မႃးသုတ်းတီႈ တႃႈလူတ်ႉလဵၼ်းဢိၼ်းၸဵင်ႇ၊ လူတ်ႉလဵၼ်းဢၼ်မႃးသုတ်းတီႈ တႃႈလူတ်ႉလဵၼ်းမိင်ႇၵလႃႇတူင်ႇ၊ လူတ်ႉလဵၼ်းဢၼ်ၵႂႃႇၸူး လေႃႇၵႃး၊ လူတ်ႉလဵၼ်းဢၼ်ၵႂႃႇၽၢႆႇ တူဝ်းၵျွင်ႇၵလေး ၸၵႂႃႇၸိူဝ်းၼႆႉ မီးလူတ်ႉလဵၼ်း ၵူႈမဵဝ်းမဵဝ်းယဝ်ႉ။
တႄႇဢဝ် ပီ ၂၀၁၇ လိူၼ်ၸၼ်ႇဝႃႇရီႇ ၁၆ မႃးသေ ယႃႉသိမ်းပႅတ်ႈ မ.ထ.တ () ပိူင်ၵဝ်ႇၼၼ်ႉသေ ၶိုၼ်းတႄႉ ပိူင်လူတ်ႉသၢႆတႃႈၵုင်ႈ YBS မႃးယဝ်ႉ။




#Article 70: တႅၼ်းၼိသ်ႉ (367 words)


လၢႆးလဵၼ်ႈ ထႅၼ်းၼိတ်ႉ ဢၼ်ဝႃႈၼၼ်ႉ ၽၢႆႇၼိုင်ႈလႄႈ ၽၢႆႇၼိုင်ႈ လႆႈဢဝ်ၶွၼ့်ၿႅတ့် ၽတ့်မၢၵ်ၼင်ၶူၼ်ဢွၼ်ႇ ၶၢမ်ႈၼႅင်ႈ ဢၼ်မီးဝႆ့ ၼႂ်းၵၢင်ဝၢင်းမၼ်းၼၼ့်ယဝ့်။ လၢႆးလဵၼ်ႈ ဢၼ်ၼႆ့ မၢင်ပွၵ်ႈၵေႃႈ ၼိုင်ႈၽၢႆႇ ယူႇသွင်ၵေႃႉလႄႈသင် ၼိုင်ႈၽၢႆႇ ယူႇၼိုင်ႈၵေႃႉလႄႈသင် လႆႈၽတ်ႉမၢၵ်ႇၼင်ၶူၼ် ၶၢမ်ႈၼႅင်ႈၸူးၵၼ်။ လၢႆးဢၼ်ငၢႆးမိူၼ် လွင်ႈလဵၼ်ႈထႅၼ်းၼိတ့်ၼႆႉ မိူဝ်ႈၵွၼ်ႇ ၵူၼ်းၵရိၵ့်ၶဝ် လဵၼ်ႈမႃးယဝ်ႉ။ ၵူၺ်းၵႃႈ လၢႆးလဵၼ်ႈယၢမ်းလဵဝ်ၼႆႉတႄႉ တႄႇတီႈ မိူင်းၾရၢင်ႇသဵတ်ႈ ပၢၼ်ၵၢင်ၼၼ်ႉသေ ၶိုၼ်ႈသင်ႉ ၶိုၼ်ႈသုင်မႃးၼၼ့်ယဝ့်။

လၢႆးလဵၼ်ႈ ၾရၢင်ႇသဵတ်ႈၶဝ် မိူဝ်ႈၵွၼ်ႇၼၼ့်တႄ့ ၶဝ်ၶုတ်းဢဝ်လိၼ် မႃးႁဵတ်းတႅၼ်ႈ ၶႅၼ်ႈဝႆ့ ၼႂ်းၵၢင်သေ ဢဝ်မိုဝ်းပၢပ်းမၢၵ်ႇၼင်ၶူၼ် ၶၢမ်ႈတႅၼ်ႈလိၼ်ၼၼ့်ယဝ့်။ ဝၢႆးၼႆ့ ၸင်ႇဢမ်ႇဢဝ်မိုဝ်း ပၢပ်းယဝ့်သေ ၸင်ႇၸႂ်ႉ မႆ့ၿႅတ့် ၽတ့်ဢဝ်ယဝ့်။ ၸဝ်ႈႁေႃၶမ်းလႄႈ ၵူၼ်းၼႂ်းႁေႃ ၾရၢင်ႇသဵတ်ႈ ႁူမ်ႈလူၺ်ႈ ဢိင်ႇၵလၢၼ်ႇၶဝ်ၼႆႉ တႃႇတေလဵၼ်ႈ ထႅၼ်းၼိတ့်ၼၼ့် ၶဝ်ၶၢမ်ႇသဵင်ႈငိုၼ်းတွင်း တင်းၼမ်သေ ႁဵတ်းဝၢင်းထႅၼ်းၼိတ့်လီလီယဝ့်။ 

ဝၢႆးၼႆ့ ၵူၼ်းဝၢၼ်းၵူၼ်းမိူင်းၵေႃႈ ဢွၼ်ၵၼ်လေ့ၵၼ် လဵၼ်ႈမႃးယူႇ။ ၵူၼ်းမိူင်းလဵၼ်ႈ ထႅၼ်းၼိတ့်ၼၼ့်တႄ့ လဵၼ်ႈၼိူဝ် ပၢင်ႇယိူဝ်ႈယဝ်ႉ။ ဝၢႆးၼႆ့ ၸင်ဢွၼ်ၵၼ် သိူဝ်ႇသတၢႆးမႃး။ ဢိင်ပိုင်ႈ တီႈၼိုင်ႈလႄႈ တီႈၼိုင်ႈ လွင်ႈသိူဝ်ႇဝၢင်းထႅၼ်းၼိၼ်ႉ ဢမ်ႇမိူၼ်ၵၼ်။ တီႈဢိင်ႇၵလၢၼ်ႇလႄႈ ယူးရူပ့်ၼၼ် မၢင်ၸိူဝ်း ယင်းတိုၵ့်သိူဝ်ႇယိူဝ်ႈၶဵဝ်ယူႇ။ မၢင်မိူင်းၵေႃႈ ဢဝ်လိၼ်သိူဝ်ႇ၊ မၢင်မိူင်းၵေႃႈ ဢဝ်ၵတ့်တရႃႇသိူဝ်ႇ၊ မၢင်မိူင်းၵေႃႈ ဢဝ်ၽွင်ႁိၼ်သိူဝ်ႇ၊ မၢင်မိူင်းၵေႃႈ ဢဝ်လိၼ်ၼဵဝ်သိူဝ်ႇၵေႃႈမီးယူႇ၊ ၵူၺ်းၵႃႈ ယၢမ်းလဵဝ်တႄႉ ဢဝ်လိၼ်ပုၼ် ၼွၵ်းသၢႆးႁဵင်းသေ သိူဝ်ႇယဝ့်။

တၢင်းၵႂၢင်ႈ ဝၢင်းတႅၼ်းၼႅတ့်ၼႆ့ ၼႃႈယၢဝ်း မီး 78 ထတ်း၊ ၼႃႈပွတ်း မီး 36 ထတ်းသေ ပဵၼ်ပုၼ်ႈတႃႇ လဵၼ်ႈၼိုင်ႈၽၢႆႇသွင်ၵေႃႉယဝ့်။ ဢၼ်လဵၼ်ႈ ၼိုင်ႈၽၢႆႇၼိုင်ႈၵေႃႉၼၼ့်တႄ့ ၼႃႈပွတ်း မီး 27 ထတ်း။  
  
သဵၼ်ႈၼႃႈတၢင်းယၢဝ်းၼၼ်ႉ ပဵၼ်သဵၼ်ႈႁွပ်ႈၶၢင်ႈမၼ်းသေ သဵၼ်ႈၼႃႈတၢင်းပွတ်းၼၼ်ႉတႄႉ ပဵၼ်သဵၼ်ႈမႆ ႁၢင်မၼ်းယဝ်ႉ။ ယၢၼ်ၵႆ သဵၼ်ႈႁွပ်ႈၶၢင်ႈ 4 ထတ်းၼၼ်ႉ လႆႈမီးထႅင်ႈ သဵၼ်ႈမႆၼႂ်း ၶႅပ်ႇသဵၼ်ႈႁွပ်ႈၶၢင်ႈၼၼ်ႉယဝ်ႉ။ သဵၼ်ႈမႆၼႂ်းၼႆႉတႄႉ ပဵၼ်ၶွပ်ႇ ပုၼ်ႈတႃႇ ၵေႃႉတေႃႇၵေႃႉ လဵၼ်ႈၶႄႉၵၼ်ၼၼ်ႉယဝ်ႉ။ တီႈၵၢင် ၽၢႆႇၼိုင်ႈလႄႈ ၽၢႆႇၼိုင်ႈၼၼ်ႉ မီးၼႅင်ႈ ဢၼ်သုင် 3 ထတ်း ၶႅၼ်ႈၵၢင်မၼ်းဝႆႉယဝ်ႉ။ 

တစ်ဖန်ကွင်း၏ အလယ်တည့်တည့်တွင် အလျားလိုက် ကန့် 
လန့်ဖြစ်‌သော မျဉ်းတစ်‌ကြောင်းရှိသည်။ ထိုမျဉ်းသည် ‌ဘေးမျဉ်း 
နှင့် ၁၈ ‌ပေကွာသည်။ ဤနည်းဖြင့် ပိုက်တန်း၏ တစ်ဘက် 
တချက်တွင် အကွက်‌လေးကွက်ရှိ‌လေသည်။ ထိုအကွက်တို့မှာ 

တင်းနစ်‌ဘောလုံးသည် အချင်းအားဖြင့် ၂ လက်မခွဲရှိသည်။ 

သည်။ သို့‌သော် ‌ဘောလုံးအပြင်ဘက်သည် သက္ကလတ်ဖြင့် 
ပြုလုပ်ထားသည်။ ဗက်တံကား အနံလိုက် အချင်းအားဖြင့် ၈ 
လက်မကျယ်၍၊ အလျားလိုက် အချင်းအားဖြင့် ၁၂ လက်မရှည် 
၏။ ထိုဗက်တံတွင် ‌ကြောင်အူကြိုးကို ‌လေး‌ထောင့်ကွက်‌ဖော် 
ကာ တပ်ထားသည်။ ယခု‌ခေတ်၌ ‌ကြောင်အူကြိုးအစား၊ နိုင် 
လွန်ကြိုးကိုသုံးကြသည်။

ကစားနည်းမှာ ‌အောက်‌ခြေမျဉ်းပြင်ဘက်ရှိ လကျ်ာဘက် 

ဘက်တွင် ‌ဘောလုံးကိုခံယူသူထံသို့‌ရောက်‌အောင် ပို့‌ပေးရသည်။ 
ထိုသို့ပို့လိုက်‌သော‌ဘောလုံးသည် ပိုက်တန်းကို‌ကျော်၍ ‌ဘောလုံး 
ကို ခံယူသူ၏ လကျာ်ဘက်‌လေး‌ထောင့်ကွက်၌ ကျ‌စေရမည်။ 

လျှင် ဒုတိယအကြိမ် ထပ်မံပို့ရန်အခွင့်အ‌ရေးရှိသည်။ ‌ဘောလုံး 
ပို့ရာ၌ မှားယွင်း‌သော် ပို့သူအမှတ် ရှုံး‌လေသည်။ ‌ဘောလုံးကို 
ပို့ရာ၌ ပိုက်တန်းကိုမ‌ကျော်နိုင်လျှင်၎င်း၊ ‌ကျော်ပင်‌ကျော်‌စေကာ 
မူ ယူသူ၏ ‌လေး‌ထောင့်စည်းကွက်ထဲသို့ မကျလျှင်‌သော်၎င်း၊ 
ပိုက်တန်းကိုထိ၍ ယူသူ၏ ‌လေး‌ထောင့်စည်းကွက်ပြင် ဘက်သို့ 

ထားသည်။ 

ရှိသည်။ ပို့လိုက်‌သော ‌ဘောလုံးကိုယူသူက တင်းနစ်ကွင်း၏ 
စည်းတွင်းသို့ ပိုက်တန်း‌ကျော်‌အောင် ပြန်၍ရိုက်မပို့နိုင်‌သော် 
ယူသူ အမှတ်ရှုံး‌လေသည်။ အကယ်၍ ယူသူက ‌ဘောလုံးကိုပြန် 
ပို့ရာ၌ ပိုက်တန်းကို‌ဘောလုံးထိ‌သော် ထို‌ဘောလုံးသည် စည်း 
တွင်း သို့ကျ‌ရောက်ပါက မှားယွင်းသည်ဟု မယူဆရ‌ချေ။ စည်း 
ပြင်ဘက်သို့ကျသွားပါမူ ရှုံး‌လေသည်။ 

ဦးစွာ ‌ဘောလုံးပို့လိုက်‌သော
အလှည့်၌ ယူသူသည် ‌ဘောလုံး‌မြေနှင့် တကြိမ်ထိပြီးမှ 
ပြန်၍ရိုက်ရသည်။ ‌ဘောလုံးပို့ပြီး‌သော ပထမအလှည့်ကုန်လျှင် 
ကျန်အလှည့်များ၌ ‌ဘောလုံး‌မြေကျသည်ဖြစ်‌စေ မကျသည်ဖြစ် 

သည်။ သို့ရာတွင် ‌ဘောလုံး ‌မြေသို့ နှစ်ခါ‌တော့၍ 
ကျပြီးမှ ‌ဘောလုံးကိုရိုက်ရန် အခွင့်မရှိ‌ချေ။ ပထမအကြိမ် 

ဦးကနိုင်‌သော် ပို့သူသည် လကျာ်ဘက်‌အောက်‌ခြေမျဉ်းမှ 
လက်ဝဲဘက်‌အောက်‌ခြေ မျဉ်းသို့ကူး‌ပြောင်း၍ ‌ဘောလုံးကို 
တစ်ဖန်ပို့‌ပေးရပြန်သည်။ ယင်းကို ပို့သူနှင့်ယူသူတို့က အပြန် 
အလှန်ရိုက်ကြပြန်သည်။ 

ဤနည်းအတိုင်းရိုက်၍ အရှုံးအနိုင် 

ကစားရပြန်သည်။ ပထမနှင့် ဒုတိယအကြိမ် နိုင်မှတ်တို့သည် 
၁၅ မှတ်စီဖြစ်၏။ တတိယနှင့် စတုတ္ထအကြိမ် နိုင်မှတ်တို့ကား 
၁၀ မှတ်စီဖြစ်သည်။ နိုင်မှတ် ၅၀ အလျင်ရသူသည် တစ်ပွဲ၌ 
အနိုင်၇‌လေသည်။ သို့‌သော် တစ်ကြိမ်ကြိမ်တွင် ပို့သူနှင့်ယူသူ 
တို့ အမှတ် ၄၀ ချင်းတူ‌နေပါလျှင် ‌နောက်ထပ် နှစ်ကြိမ် 
အမှတ်သာ‌သောသူသာလျှင် အနိုင်ရသည်။ ဤသို့ အရှုံးအနိုင် 
ယူ‌သောပွဲ‌ပေါင်းကို သာမန်အားဖြင့် ‌ခြောက်ပွဲကစားရသည်။ ထို 

ရသည်မည်၏။ ဥဒါဟရုဏ်မှာ တစ်ဦးက ၆ ပွဲနိုင်စဉ် အခြား 
တစ်ဦးက ၅ ပွဲနိုင်ထားလျှင် နိုင်ပွဲများရာလူကို အနိုင်မ‌ပေးရ 

ထိုသူက ‌နောက်ထပ်တစ်ပွဲ တက်နိုင်‌သော‌ကြောင့် ရှုံးသူ 
ကို နှစ်ပွဲတိတိဖြင့်ဖြတ်ပြီးမှသာလျှင် ထိုသူကိုအနိုင်‌ပေးရသည်။ 
ဤသ‌ဘောအတိုင်း ‌ခြောက်ပွဲလျှင် တချီကျဖြင့်၊ ငါးချီကစားရ 
သည်။ ယင်းငါးချီအနက် သုံးချီနိုင်သူသည် ‌နောက်ဆုံး အနိုင်ရ 

ယခု‌ခေတ် ကစား‌သော တင်းနစ်ကစားနည်းကို အဂင်္လန် 
ပြည်တွင် ခရစ် ၁၈ရ၄ ခုနှစ်က စတင်သတ်မှတ်ခဲ့သည်။ 
အ‌မေရိကန်ပြည်‌ထောင်စုတွင် ၁၈ရ၅ ခုနှစ်က စတင်ကစားခဲ့ 
သည်။ နိုင်ငံအချင်းချင်း တင်းနစ်ပြိုင်ပွဲကို ၁၈ရရ ခုနှစ်တွင် 
အဂင်္လန်ပြည် ဝင်ဗယ်လဒန်ကစားကွင်း၌ ဦးစွာ ကျင်းပခဲ့သည်။ 
၁၉၀၀ ပြည့်နှစ်တွင် ဒွိုက်‌ဒေးဗစ်ဆိုသူသည် နိုင်ငံချင်းချင်း 
တင်းနစ်ပြိုင်ပွဲတွင် အ‌ကောင်းဆုံးတင်းနစ်အဖွဲ့ဟု ဆုံးဖြတ်ခြင်း 
ခံ၇‌သောနိုင်ငံအား ‌ဒေးဗစ်ဖလားကို ဆု‌ပေးခဲ့ရာ၊ ယခုအခါ 
နှစ်စဉ်နှစ်တိုင်း အစဉ်အလာအဖြစ်ဖြင့် ‌ဒေးဗစ်ဖလားပွဲကို 
နှစ်စဉ်နိုင်ငံအများက အလှည့်ကျ ကျင်းပလျက်ရှိသည်။




#Article 71: တႆး (168 words)


တႆး ၼႆႉ ပဵၼ်ၸုမ်းၶိူဝ်းၵူၼ်း ဢၼ်ယူႇသဝ်းတီႈ ၸဵင်ႇၸၢၼ်းဝၼ်းဢွၵ်ႇဢေးသျႃး ၸုမ်းၼိုင်ႈ။ ၵမ်ႈၼမ် ယူႇသဝ်းတီႈ ၸိုင်ႈတႆး ၼႂ်းမိူင်းႁူမ်ႈတုမ်မျႅၼ်ႇမႃႇ။ ၼွၵ်ႈသေၸိုင်ႈတႆး ၼႂ်းမိူင်းႁူမ်ႈတုမ်မျႅၼ်ႇမႃႇၼႆႉ ယူႇသဝ်းတီႈ ၸႄႈတိူင်းမၢၼ်းတလေး၊ ၸႄႈမိူင်းၶၢင်၊ ၸႄႈမိူင်းယၢင်းလႅင်၊ ၸႄႈမိူင်းယၢင်းၽိူၵ်ႇ။ ၼႂ်းမိူင်းၶႄႇလႄႈ မိူင်းထႆး ဢၼ်တိတ်းၸပ်းဝႆႉတင်း ၸိုင်ႈတႆးၼႆၵေႃႈ မီးတႆး ယူႇသဝ်းဝႆႉတင်းၼမ်။ တီႈၼႂ်းမိူင်း ဢိၼ်တိယ ၸႄႈမိူင်းဢႃႇသမ်ႇ၊ ဢရုၼၶျၢၼ်ႇၵေႃႈ မီးဝႆႉ ၸၢဝ်းၶိူဝ်းတႆးယူႇ။ ၼႂ်းမိူင်းႁူမ်ႈတုမ်မႅၼ်ႇမႃႇၼႆႉ မီးတႆး ယူႇသဝ်းဝႆႉ မွၵ်ႈႁူၵ်းလၢၼ်ႉ ၼႆယူႇယဝ်ႉ။

တီႈပွင်ႇတႆးၼၼ်ႉ ၽူႈလဵပ်ႈႁဵၼ်းပိုၼ်းၶဝ် ဢွၼ်ၵၼ် သပ်းလႅင်းၼႄမႃးဝႃႈ 

တႆးၼႆႉ ပေႃးလႆႈယူႇသဝ်း ထၢင်ႇႁၢင်ႈ ပဵၼ်မုၵ်ႉပဵၼ်ၸုမ်းယူႇၸိုင် ဢမ်ႇမီးၸႂ်ၶႂ်ႈသုၵ်ႉဢူၼ် ပႄႉပုၼ်ႈၽႂ်၊ တိုၼ်းမေႃဝႆႉ ပုၼ်ႈပိူၼ်ႈပုၼ်ႈႁဝ်းသေ ပၼ်မီးၶေႃႈထၢင်ႇႁၢင်ႊ ၽႂ်မၼ်းမႃး တႃႇသေႇ။ ဢမ်ႇတွၼ်ႉဢဝ် ၵုင်ႇမုၼ်ငိုၼ်းၶမ်း ပဵၼ်ယႂ်ႇ။ မေႃမီး ၼမ်ႉၸႂ်ႁၢၼ်ႉၸႂ်၊ ယူႇသဝ်းၸုၵ်းမၼ်ႈမႃး လႆႈယူႇ။ သုၼ်ႇလႆႈသုၼ်ႇပဵၼ်ၵေႃႈ တႄႇဢဝ်ပေႃႈမႄႈ တေႃႇထဝ်ႈမွၼ်ႇ တိုၼ်းမီးဝႆႉ ၶေႃႈထၢင်ႇႁၢင်ႈ ၽႂ်မၼ်းသေ ဢမ်ႇၵႃး သုၼ်ႇႁိူၼ်းတေႃႇႁိူၼ်း၊ ဝၢၼ်ႈတေႃႇဝၢၼ်ႈ၊ မိူင်းတေႃႇမိူင်းသုၼ်ႇၶိူဝ်းတေႃႇၶိူဝ်းၼၼ်ႉၵေႃႈ တိုၼ်းမီး ၶေႃႈထၢင်ႇႁၢင်ႊၽႂ်မၼ်း ၸွမ်းၼင်ႇ ပၵ်းပိူင်မႃးယူႇ။ မီးသုၼ်ႇ ဢၼ်ၵိုၵ်းမၢႆမီႈဝႆႉ တႃႇသေႇ။ တီႈတႅၵ်ႈမၼ်း တူၼ်ႈမၢၵ်ႇမႆႉ ဢမ်ႇဝႃႈ ပဵၼ်ၶွင်ၽႂ် ႁူမ်ႈၵၼ် ဢဝ်ၵိၼ်လႆႈၵေႃႈယႃႇ တိုၼ်းမေႃဝႆႉ ပုၼ်ႈၵူၼ်းၽၢႆႇလင်ထႅင်ႈ။ ဢမ်ႇတေႃႉဢဝ်ၵႂႃႇ ႁင်းၸဝ်ႈၵဝ်ႇမူတ်း။ တႃႈၼမ်ႉဢၢပ်ႇၵေႃႈ မီးတႃႈမုၼ်ၸဝ်ႈ၊ၶုၼ်၊ ၽူႈၸၢႆး၊ ၽူႈယိင်းၼႆ ႁင်းၽႂ်မၼ်းသေ ၼၢင်းယိင်း ၽူႈၸၢႆး ဢွၼ်ၵၼ် လွၼ်ႈၶူဝ်း ဢၢပ်ႇၼမ်ႉမႃးၵေႃႈ ဢမ်ႇတွၼ်ႉမီး လွင်ႈၵၼ်ႉၸၼ်ၵၼ်မႃးသေပွၵ်ႈ။ တွၼ်ႈၽွင်းငမ်းမိူင်းၵေႃႈ ပိၵ်ႉဝႃႈ ၸွမ်းၼင်ႇ သၢႆသိုပ်ႇၶိူဝ်းၶုၼ် ၸင်ႇတေလႆႈပဵၼ်ၶုၼ်ၶိုၼ်း ၼႆၵေႃႈယႃႇ ၼႂ်းၵႃႈ လုၵ်ႈၸဝ်ႈၶုၼ်ၼၼ်ႉ (မီးလၢႆၵူၼ်းၵေႃႈလီ) ၶႃႈဝၢၼ်ႈၵူၼ်းမိူင်း ႁပ်ႉၶၢမ်ႇႁၼ်ထိုင်ၵေႃႉလႂ်ၵေႃႈ ၵေႃႉၼၼ်ႉ ၸင်ႇၶိုၼ်ႈပဵၼ်ၶုၼ်လႆႈ။ ပဵၼ်ၶုၼ်ယူႇသေတႃႉ သင်ဝႃႈ ဢမ်ႇၸွမ်းမၢႆမီႈၶုၼ်လႄႈ ၶႃႈဝၢၼ်ႈၵူၼ်းမိူင်း ဢမ်ႇၽွမ်ႉႁပ်ႉယဝ်ႉ ၼႆၸိုင် တိုၼ်းလႆႈလူင်းပၼ်သေ မဝ်ႇၵႃး လႆႈဢွၵ်ႇဝၢၼ်ႈ ဢွၵ်ႇမိူင်းၵႂႃႇၵေႃႈ မီးမႃးတင်းၼမ်။ ပိူင်ဢုပ်ႉပိူင်ႇတႆးၼႆႉ ဢဝ်ၸွမ်း ၶေႃႈသင်ႇသွၼ်ၽြႃးပုတ်ႉထၸဝ်ႈ ဢၼ်ၵိုင်ႇလႅပ်ႈ တင်းတီႇမူဝ်ႇၶရေႇၸီႇ ဢၼ်ဝႃႈၼၼ်ႉ ပဵၼ်ငဝ်ႈသေ ၽွင်းငမ်းမႃးၸဵမ်ၵွၼ်ႇယူႇယဝ်ႉ။

လွင်ႈဝႃႈ လႆႈဢဝ်လုၵ်ႈၶုၼ် ၶိုၼ်ႈပုတ်ႈပဵၼ်ၶုၼ်ၼၼ်ႉတႄႉ ၸွမ်းလူၺ်ႈ ၵၢပ်ႈလႂ်ပၢၼ်ၼၼ်ႉ ႁႂ်ႈမီးလွင်ႈယုမ်ႇယမ် ၼပ်ႉထိုဝ်ၵိူဝ်းလီ ထွမ်ႇၶေႃႈသင်ႇသွၼ်ၵၼ်လႄႈ ၸင်ႇလႆႈပဵၼ် ပိူင်လိူၵ်ႈၶုၼ် ၼင်ႇၼၼ်မႃးယူႇယဝ်ႉ။ ယွၼ်ႉတႆး မေႃၽွင်းငမ်း မီးလွင်ႈထၢင်ႇႁၢင်ႊၽႂ်မၼ်း မေႃပၼ်ပုၼ်ႈ သုၼ်ႇထၢင်ႇႁၢင်ႈ ၶိူဝ်းၽႂ်မၼ်း မႃးၸဵမ်ၵွၼ်ႇလႄႈ ၼႂ်းမိူင်းတႆး တိုၼ်းမီးၸၢဝ်းၶိူဝ်း ၼမ်လၢႆမႃးတၢၼ်ႇႁိုဝ်ၵေႃႈယႃႇ မိူဝ်ႈယင်းပႆႇမီး ၽူႈသႄႇယႃႉၵဝ်း ႁႂ်ႈႁဝ်းတႅၵ်ႇယၢႆႈ ႁၼ်ပိူင်ႈၵၼ်ၼၼ်ႉ ဢမ်ႇတွၼ်ႉ ယၢမ်ႈမီးမႃး ၶေႃႈထၢင်ႇထိူမ် ႁၼ်ပိူင်ႈၵၼ်သေ မေႃဢွၼ်ၵၼ် ပူၵ်းပွင်ဝၢၼ်ႈမိူင်း သိူဝ်းသႃႇမႃးလႄႈ ဝၢၼ်ႈမိူင်း ဢမ်ႇတွၼ်ႉမီးၽေးၶဵၼ်သင် သေၸိူဝ်ႉသေပိူင်၊ ၸိူဝ်ႉၶိူဝ်း ဢၼ်တိုၼ်းယူႇၵိုၵ်း မိူင်းတႆးမႃး ၸဵမ်ၵွၼ်ႇၼၼ်ႉ တိုၼ်းပဵၼ် ၸိူဝ်ႉၸၢတ်ႈမိူင်းတႆးယူႇယဝ်ႉ။






#Article 74: ထမ်ႇမတိၼ်ႇၼႃႇ (170 words)


ၼၢင်းယိင်းထမ်ႇမတိၼ်ႇၼႃႇၼႆႉ ပဵၼ်ၸိူဝ်ႉၶိူဝ်းၵူၼ်းၵႃႉ ၼႂ်းမိူင်းရႃႇၸၵျူဝ်ႇ။ မၼ်းၵူပ်ႉၵူႈပဵၼ်ႁိူၼ်းတင်းၵူၼ်းမီးလူင် ဝိသႃႇၶယဝ်ႉ။ ဝၼ်းၼိုင်ႈ ဝိသႃႇၶၵႂႃႇဝႆႈသႃ ၽြႃးပဵၼ်ၸဝ်ႈသေ ၶိုၼ်းမႃး၊ ဝၢႆးသေမႃးၽႅဝ်ႁိူၼ်းယဝ်ႉ ဝိသႃႇၶၼႆႉ ဢမ်ႇမီးၸႂ်ႁၵ်ႉသႃ၊ ၸပ်းပႅၼ်းၼိူဝ်မေးမၼ်း ထမ်ႇမတိၼ်ႇၼႃႇလႄႈ မေးမၼ်းပဵၼ်ဢၼ်ၸႂ်ဢမ်ႇလီ။ ယၢမ်းၼၼ် ဝိသႃႇၶၸင်ႇသၢင်းလၢင်းၼႄမေးမၼ်းၼင်ႇၼႆယဝ်ႉ။ ႁဝ်းၼႆႉလႆႈၶတ်းၸႂ်ၽိုၵ်းသႃၵျၢင်ႉၵမ်တြႃးၽြႃးပဵၼ်ၸဝ်ႈလႄႈ တေႃႈလဵဝ် ႁဝ်းပဵၼ်ဢၼႃႇၵၢမ်ႇယဝ်ႉ၊ ၵွပ်ႈၼၼ်လႄႈ ႁဝ်းၶႂ်ႈၼုင်ႈဝႆသၢင်ႇၵၢၼ်းႁဵတ်းလုၵ်ႈၼွင်ႉၽြႃးပဵၼ်ၸဝ်ႈဢိူဝ်ႈ။ ပေႃးဝႃႈမၼ်းၼၢင်းလႆႈငိၼ်းၵႂၢမ်းၼင်ႇၼၼ်ၵေႃႈ ထမ်ႇမတိၼ်ႇၼႃႇၼႆႉ တႅပ်းတတ်းတေၶဝ်ႈၼႂ်းသႃႇသၼႃႇႁဵတ်းၽိၵ်ႉၶုၼီႇသေ တေၵႂႃႇတီႈၵတ်းတီႈယဵၼ်ယဝ်ႉ တေၽိုၵ်းသႃၵျၢင်ႉၵမ်တြႃး ၼႆယူႇယဝ်ႉ။

ထမ်ႇမတိၼ်ႇၼႃႇၼႆႉ မီးၵုင်ႇမုၼ်ၼမ်ႉၵတ်ႉ ဢၼ်သၢင်းလၢင်းၼႄလႆႈတြႃးၸဝ်ႈလႄႈ ၽြႃးပဵၼ်ၸဝ်ႈၸင်ႇပၼ် ဢေႇတတၵ်ႉ ယူႇယဝ်ႉ။

ပေႃးတေသိုပ်ႇၶႆႈလူၺ်ႈၸူဝ်ႈပၢၼ်ဝၼ်းလင် ထမ်ႇမတိၼ်ႇၼႃႇၸိုင် မိူဝ်ႈပၢၼ်ၽြႃးပဵၼ်ၸဝ်ႈၵသ်သပၼၼ်ႉ ထမ်ႇမတိၼ်ႇၼႃႇၼႆႉ ပဵၼ်လုၵ်ႈယိင်းလူင် ၶုၼ်ႁေႃၶမ်းမိူင်းပႃႇရႃႇၼသီႇ ဢၼ်လႆႈၸိုဝ်ႈဝႃႈ ၵိၵီႇ ၼႆယူႇယဝ်ႉ။ ထမ်ႇမတိၼ်ႇၼႃႇၶဝ်ၼႆႉ မီးပီႈၼွင်ႉၸဵတ်းၼၢင်းသေ တင်းသဵင်ႈ မီးပႃႇရမီႇၵႄႇထူၼ်ႈႁင်းၽႂ်မၼ်းယဝ်ႉ။ ၶဝ်ပီႈၼွင်ႉၸဵတ်းၼၢင်းၼႆႉ ထိုင်မႃးပၢၼ်ၽြႃးပဵၼ်ၸဝ်ႈၵေႃးတမသမ်ႉ ၸွမ်းၼင်ႇၵၢမ်ႇဝၼ်းလင်ႁင်းၽႂ်မၼ်းသေ လႆႈမႃးပဵၼ်ၵူၼ်းဢၼ်ဢမ်ႇႁူမ်ႈႁေႃႁူမ်ႈႁိူၼ်းၵၼ်ယဝ်ႉ။ ၶဝ်ၸဵတ်းၼၢင်းၸမ်ႉ- ထမ်ႇမတိၼ်ႇၼႃႇ၊ ၶေႇမႃႇ၊ ဢုပလဝၼ်ႇၼ၊ ၵုၼ်ႇတလ၊ ဝိသႃႇၶႃႇ (တၵ်ႉၵႃႇၵျွင်း)၊ ၵိသႃႇၵေႃးတမီႇလႄႈ ပတႃႇၸႃႇရီႇ ၶဝ်ၸိူဝ်းၼႆႉယူႇယဝ်ႉ။ ၸွမ်းၼင်ႇဝၼ်းလင်ၽႂ်မၼ်းသေ လႆႈလတ်းၶၢမ်ႈထူပ်းၸုၼ် ၽဝၵူႈပိူင်ပိူင် ႁင်းၽႂ်ႁင်းမၼ်းယဝ်ႉ လႆႈမႃးထူပ်းႁၼ်ၽြႃးပဵၼ်ၸဝ်ႈၵေႃးတမသေ ၶဝ်တင်းၸဵတ်းၵေႃႉ လႆႈပဵၼ်လုၵ်ႈၼွင်ႉ၊ လႆႈပဵၼ်ရႁၢၼ်းတႃႇ ၸိူဝ်းၸိုဝ်ႈသဵင်လိုဝ်းလင် ၼၼ်ႉယူႇယဝ်ႉ။

မိူဝ်ႈပၢၼ်ၽြႃးပဵၼ်ၸဝ်ႈၵေႃးတမၼၼ်ႉ ထမ်ႇမတိၼ်ႇၼႃႇ ၵေႃႉပဵၼ်မေးၼၢင်းၵူၼ်းမီးလူင်ဝိသႃႇၶၼႆႉ ၼႂ်းၶၢဝ်းတၢင်းဢမ်ႇတၼ်းႁိုင်သင် လႆႈပဵၼ်ရႁၢၼ်းတႃႇၵႂႃႇ၊ မၼ်းၼႆႉ လူင်ႉလႅၼ်ႇႁူႉႁၼ်လွင်ႈလိုၵ်ႉလမ်ႇတြႃးၸဝ်ႈယူႇယဝ်ႉ။ ၵူၺ်းၵႃႈ ၵေႃႉပဵၼ်ၸဝ်ႈၽူဝ် ဝိသႃႇၶတႄႉ တိုၵ်ႉပဵၼ်ၸၼ်ႉဢၼႃႇၵၢမ်ႇၵွႆး။ မီးပွၵ်ႈၼိုင်ႈ ဝိသႃႇၶၼႆႉ ၵႂႃႇၸူးတမ်ႈတီႈထမ်ႇမတိၼ်ႇၼႃသေ ၵႂႃႈတွင်ႈထၢမ်ၶေႃႈထၢမ် ဢၼ်လိုၵ်ႉလမ်ႇမၼ်းလႄႈ ထမ်ႇမတိၼ်ႇၼႃႇၵေႃႈ တွပ်ႇၵႄႈပၼ်မၼ်းယူႇယဝ်ႉ။ လွင်ႈတွပ်ႇထၢမ်ၶႃၼႆႉ မီးဝႆႉပဵၼ်တႃႇဝိပသ်သၼႃႇယေႃးၵီႇၶဝ်ထုၵ်ႇလီယိူင်ႈဢဝ်လွၵ်းလၢႆးလႄႈ ထုၵ်ႇလီၸႂ်ၶိုၼ်ႈၸွမ်းတႄႉတႄႉယဝ်ႉ။

ၼႂ်းၶေႃႈထၢမ်ၸိူဝ်းၼၼ်ႉ ၶေႃႈထၢမ်ၵမ်းလိုၼ်းသုတ်း ဢၼ်ဝိသႃႇၶတွင်ႈထၢမ် ၼမ်ႇမတိၼ်ႇၼႃႇဝႃႈ ထမ်ႇမတိၼ်ႇၼႃႇ ၵေႃႉပဵၼ်ၼၢင်းယိင်း ဢၼ်မျၢတ်ႈတွၼ်းဢိူၺ်း၊ ဢူၺ်းလီၼိပ်ႉပၢၼ်ႇၼၼ်ႉ ပဵၼ်ဢီႈသင်၊ ဢၼ်ၼၼ် ဢူၺ်းၵေႃႉၼိပ်ႉပၢၼ်ႇၼၼ်ႉ ပဵၼ်ဢီႈသင် ၼႆယူႇယဝ်ႉ။

ထမ်ႇမတိၼ်ႇၼႃႇၸင်ႇဝႃႈ ဢူၺ်းလီဢိူၺ်း၊ သူၼႆႉ ထၢမ်ၶေႃႈထၢမ်ပူၼ်ႉၸၼ်ႉမၼ်းၵႂႃႇပႅတ်ႈ၊ သူၼႆႉ ပေႃးထၢမ်ၶေႃႈထၢမ်ၼႆ မီးဝႆႉလွင်ႈႁႄႉႁၢမ်ႈဢီႈသင်ၼႆ ဢမ်ႇပႆႇလႅပ်ႈႁူႉ၊ လွင်ႈယူႇသဝ်းလူၺ်ႈ ဢၼ်ထွတ်ႈမျၢတ်ႈတွၼ်း ပျမ်ႇမၸရိယၼႆႉ မီးဝႆႉၸဵမ်မိူဝ်ႈပႆထိုင်ၼိပ်ႉပၢၼ်ႇ။ ပျမ်ႇမၸရိယၼႆႉ ၵိူင်းႁိူင်းၸီႉၸူးၼိပ်ႉပၢၼ်ႇယဝ်ႉ။ ႁဵတ်းႁႂ်ႈမွၵ်ႇမၢၵ်ႇၼိပ်ႉပၢၼ်ႇ မွၵ်ႇမႃး မၢၵ်ႇမႃးယူႇယဝ်ႉ တွပ်ႇပၼ်ၼင်ႇၼႆယဝ်ႉ။

ဝိသႃႇၶ ၵေႃႉဢၼ်ထၢမ်ၼႆႉ ယင်းပႆႇလႆႈသေမၢၵ်ႈသေၽူဝ်ႇၵွၼ်ႇ။ ၶေႃႈထၢမ်မၼ်းၼႆႉ ပူၼ်ႉၸၼ်ႉမၼ်းၵႂႃႇၼႆ ထမ်ႇမတိၼ်ႇၼႃႇတႄႉ ႁူႉဝႆႉယူႇလီငၢမ်း။ ၵွပ်ႈၼၼ်လႄႈ ၸင်ႇသိုပ်ႇသေ ဢူၺ်းလီဝိသႃႇၶ၊ သင်ဝႃႈ သူဢမ်ႇပွင်ႇၸႂ်ပေႃးၼႆၸိုင် ၵႂႃႇတွင်ႈထၢမ်တမ်ႈတီႈၽြႃးပဵၼ်ၸဝ်ႈ ၼင်ႇၶေႃႈထၢမ်ၼႆႉလႄႈ။ ပေႃးယဝ်ႉ ၽြႃးပဵၼ်ၸဝ်ႈပူင်လၢတ်ႈသင်ၵေႃႈ ႁဵတ်းၸွမ်းလႄႈ ဝႃႈၼင်ႇၼႆ။

ၽြႃးပဵၼ်ၸဝ်ႈၸင်ႇဝႃႈတီႈဝိသႃႇၶ ဝိသႃႇၶ၊ ထမ်ႇမတိၼ်ႇၼႃႇၼႆႉ လူင်ႉလႅၼ်ႇလိၵ်ႈလၢႆးပၢႆႇပေႇသေ ၺၢၼ်ႇပၺ်ႇၺႃႇၵေႃႈ တဵမ်ထူၼ်ႈဢိူဝ်ႈ။ သင်ဝႃႈသူသမ်ႉ ၶိုၼ်းထၢမ်ၵဝ်ၽြႃးပဵၼ်ၸဝ်ႈ ၼင်ႇဢၼ်သူထၢမ်ထမ်ႇမတိၼ်ႇၼႃႇၼၼ်ႉၼႆ ၵဝ်ၽြႃးပဵၼ်ၸဝ်ႈၵေႃႈ တေတွပ်ႇမိူၼ်ၼင်ႇ ထမ်ႇမတိၼ်ႇၼႃႇၵွႆးၼင်ႇၵဝ်ႇယဝ်ႉ။ ၶေႃႈတွပ်ႇမၼ်းၼႆႉ ၸုမ်ႇၵူႈတဵမ်ထူၼ်ႈဝႆႉဢိူဝ်ႈ။ ၵျၢင်ႉၵမ်ၸွမ်းၸိူင်ႉၼၼ်တႃႉ ပူင်လၢတ်ႈၼင်ႇၼႆယူႇယဝ်ႉ။

ႁဵတ်းၼၼ်သေ ဢၼႃႇၵၢမ်ႇဝိသႃႇၶၼႆႉ ႁၢၼ်ႉၸႂ်လူင်လၢင်သေ ၽိုၵ်းသႃၵျၢင်ႉၵမ်ၸွမ်းၼင်ႇၽြႃးပဵၼ်ၸဝ်ႈသင်ႇသွၼ်မၼ်းၼၼ်ႉယူႇယဝ်ႉ။

ၼႃႈလိၵ်ႈ ႘႒၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 75: ထမ်ႈဢႃႇၵျၢၼ်ႇတႃႇ (292 words)


ၼႂ်းၵမ်ႇၽႃႇၼႆႉ ထမ်ႈဢၼ်ဝႃႈၼၼ်ႉ မီးတင်းၼမ်၊ မၢင်ထမ်ႈၵေႃႈ ပဵၼ်ထမ်ႈလိုၵ်ႉ မၢင်ထမ်ႈၵေႃႈ ဢမ်ႇလိုၵ်ႉ၊ မၢင်ထမ်ႈၵေႃႈ သၽႃႇဝမၼ်း တိုၼ်းႁၢင်ႈလီ၊ မၢင်ထမ်ႈ သမ်ႉၵွႆမီးၼမ်ႉႁွင်ႈ ၼႂ်းမၼ်းၵွၼ်ႇ။ ထမ်ႈၼႆႉ တေလႆႈဝႃႈ ပဵၼ်တီႈယူႇသဝ်း ၵူၼ်းႁဝ်းလႄႈ တူဝ်သတ်းၶဝ်မႃး ၸဵမ်မိူဝ်ႈမိုၼ်ႉသိုၼ်းၵွၼ်ႇ။ ၼႂ်းၵႃႈ ထမ်ႈတင်းၼမ်ၼၼ်ႉ ထမ်ႈဢႃႇၵျၼ်ႇတႃႇၼႆႉ လွင်ႈလၢၵ်ႇလၢႆးမၼ်း သမ်ႉပဵၼ် ထမ်ႈဢၼ် ၵူၼ်းၵႂႃႇၸူင်လွႆမၢၵ်ႇႁိၼ်သေ ႁဵတ်းပဵၼ် ဢဝ်ၼၼ်ႉယဝ်ႉ။

ထမ်ႈဢႃႇၵျၼ်ႇတႃႇၼႆႉ မီးဝႆႉ တမ်ႈတီႈ မိူင်းဢိၼ်ႇတိယ ၸႄႈမိူင်းမႁႃႇရတ်ႉသျတြ၊ ၼႂ်းၸႄႈဝဵင်းဢေႃႇရင်ႇၵပတ်ႉသေ မီႈဝႆႉ ၽၢႆႇႁွင်ႇဝဵင်းဢေႃႇ ရင်ႇၵပတ်ႉ တီႈၵႆယၢၼ်မွၵ်ႈ 110 ၵီႇလူဝ်ႇမီႇတႃႇ ၼၼ်ႉယဝ်ႉ။

ထမ်ႈတင်းသဵင်ႈ ၶပ်ႉယႆၵၼ် မီးယူႇ 30 ထမ်ႈသေ လွႆတီႈၼၼ်ႈ ႁွင်ႉဝႃႈ လွႆသျႃႇယတြိ ဢၼ်မိူၼ်ၼင်ႇႁွႆးတိၼ် ၵိပ်ႇမႃႉၼၼ်ႉယဝ်ႉ။ မိူဝ်ႈၸဝ်ႉၼၼ်ႉ တေပဵၼ်ထမ်ႈသၽႃႇဝ ၵမ်ႈၽွင်ႈသေ ဝၢႆးမႃး ၸင်ႇမႃး ၸူင်လွႆမၢၵ်ႇႁိၼ် ႁဵတ်းပဵၼ်ထမ်ႈၽြႃး၊ ထမ်ႈၸဝ်ႈရႁၢၼ်းတႃႇ၊ ထမ်ႈၽီ ဢၼ်ၵိုၵ်းပႃးၸွမ်း ႁုၼ်ႇႁၢင်ႈ ၼေႃႇၶမ်းၸဝ်ႈ 550 ဢိၵ်ႇလူၺ်ႈ ဢၼ်ဢဝ်ၼမ်ႉယႃႈသေ တႅမ်ႈႁၢင်ႈဝႆႉ ၸွမ်းၽႃထမ်ႈ ၼၼ်ႉယဝ်ႉ။ လၢမ်းဝႆႉဝႃႈ ထမ်ႈၼႆႉ တႄႇမႃး မိူဝ်ႈၿီႇ ၸီႇ 200 တေႃႇထိုင် ဢေႇၻီႇ 650 သေ ၼႄပၼ် လၢႆးမိုဝ်းလႄႈ တၢင်းၶတ်းၸႂ် ၵူၼ်းမိူဝ်ႈပၢၼ် ၼၼ်ႉယဝ်ႉ။ လၢႆးမိုဝ်းၶဝ် ပဵၼ်ဢၼ်ႁၢင်ႈလီ ၶႅမ်ႉလႅပ်ႈတႄႉတႄႉသေ တီႈၼိူဝ်တိုမ်း ၼႂ်းထမ်ႈၼၼ်ႉၵေႃႈ တႅမ်ႈဝႆႉ ႁၢင်ႈမွၵ်ႇ ႁၢင်ႈမႂ် ႁၢင်ႈသတ်း ႁၢင်ႈၽီ ႁၢင်ႈၵူၼ်း ပဵၼ်ဢၼ်လီၶဝ်ႈၸႂ်တႄႉတႄႉ။

ၼႂ်းၵႃႈ ထမ်ႈၸိူဝ်းၼၼ်ႉ ထမ်ႈႁႃႈထမ်ႈတႄႉ ပဵၼ်ထမ်ႈ ဢၼ်မီးထၢတ်ႈၵွင်းမူးၼႂ်းမၼ်းသေ ဢၼ်ၵိုတ်းထႅင်ႈ 25 ထမ်ႈၼၼ်ႉ သမ်ႉပဵၼ် ၵျွင်းၽြႃး ၵျွင်းတီႈယူႇသဝ်း ၵျၢင်ႉၵမ်တြႃးယဝ်ႉ။ ၽူႈလူင်ႉ ၽူႈၶူၼ်ႉၶႂႃႉၶဝ် မၵ်းမၢႆဝႃႈတႄႉ ထမ်ႈမၢႆ 8၊ 9၊ 10၊ 12၊ 13 လႄႈ 30 ၼၼ်ႉ ပဵၼ်ထမ်ႈထေႇရဝၢတ်ႈသေ လိူဝ်သေၼၼ်ႉ ပဵၼ်ထမ်ႈ မႁႃႇယႃႇၼၼႆယဝ်ႉ။ တၢင်းႁၼ်ထိုင်ၶဝ်ၼၼ်ႉ ၶဝ်ႁၼ်ထိုင်ဝႃႈ ထေႇရဝၢတ်ႈၼႆႉ ဢမ်ႇဝႆႉႁုၼ်ႇႁၢင်ႈၽြႃး၊ ၵူၺ်းလူဝ်ႇပဵၼ် တီႈယူႇ တီႈၵျၢင်ႉၵမ်တြႃးၵူၺ်းၼႆလႄႈ ထမ်ႈ ၸိူဝ်းဢၼ်ဢမ်ႇမီး ႁုၼ်ႇႁၢင်ႈသင်သေ ပဵၼ်တီႈယူႇ တီႈသဝ်းၸိူဝ်းၼၼ်ႉ ၶဝ်ၸင်ႇ မၵ်းမၼ်ႈဝႃႈ ပဵၼ် ထမ်ႈထေႇရဝႃႇတ ၼႆယဝ်ႉ။ ၵွပ်ႈၼႆ ထမ်ႈဢၼ် မီးဝႆႉ ႁုၼ်ႇႁၢင်ႈၸိူဝ်းၼၼ်ႉ ၶဝ်တႅပ်းတတ်းဝႃႈ ပဵၼ်ထမ်ႈ မႁႃႇယႃႇၼၼႆယူႇ။

ပေႃးတူၺ်းပိုၼ်းသႃႇသၼႃႇၸိုင် တီႈလႂ်သေ ဢမ်ႇဝႃႈ ထေႇရဝႃႇတၼႆႉ ၵႂႃႇတီႇတၢင်းပၢၵ်ႈယုမ်း ယဝ်ႉသေ မႁႃႇယႃႇၼၼႆႉ သမ်ႉၸွမ်းမႃး ၽၢႆႇလင် ၵမ်ႈပႃႈၼမ်ယဝ်ႉ။ ထမ်ႈမၢင်လုၵ်ႈၼႆႉ ၵူၺ်းမီး လုၵ်းၼွၼ်း ၶပ််ႉယႆၸွမ်းၽႃထမ်ႈသေ လၢမ်းဝႆႉဝႃႈ ပဵၼ် တီႈၸဝ်ႈရႁၢၼ်းၶဝ် ၶတ်းၸႂ် ၵျၢင်ႉၵမ်တြႃးယဝ်ႉ။  ၵွပ်ႈၼၼ် ထမ်ႈဢႃႇၵျၼ်ႇတႃႇၼႆႉ တေလႆႈဝႃႈ ပဵၼ် ထမ်ႈဢၼ်ရႁၢၼ်းတႃႇၶဝ်ၸဝ်ႈ ယူႇသဝ်းၵႂႃႇ မူၼ်ႈသိူဝ်းလူၺ်ႈ ထမ်းတြႃးၼၼ်ႉယူႇ။ ပေႃးထိုင်မႃး ၶၢဝ်းၽူၼ်ၸိုင် ၸွမ်းၽၢႆႇၼွၵ်ႈထမ်ႈ မၢင်တီႈၼၼ်ႉ ၼမ်ႉၽူၼ်ဢွၼ်ႇ လႆႈလူင်းမႃး ဢမ်ႇထၢတ်ႇဢမ်ႇ ဝၢႆးသေ ပဵၼ်ၼမ်ႉတူၵ်းတၢတ်ႇ လႆလူင်းယူႇႁႃႉႁႃႉ လႄႈ လႅပ်ႈတေ ၵုမ်ႉၸွႆႈပၼ် ႁႅင်းသမႃႇထိယူႇ။

ၸွမ်းၼင်ႇဝႃႈ သင်ႇၶႃႇရတြႃး ဢမ်ႇမၼ်ႈဢမ်ႇ ၵိုမ်းၼႆလႄႈ လွင်ႈယူႇသဝ်းၵိၼ်သၢင်ႈၵူၼ်းႁိမ်းႁွမ်း ၸိူဝ်းၼၼ်ႉၵေႃႈ ပႅၵ်ႇပိူင်ႈၵႂႃႇ၊ ဝႃႇတလွင်ႈယုမ်ႇယမ်ၵေႃႈ ပႅၵ်ႇပိူင်ႈၵႂႃႇ၊ မၢင်ပွၵ်ႈၵေႃႈ တၢမ်ႇသိုၵ်းတၢမ်ႇသိူဝ် ပဵၼ်မႃးသေ ၵူၼ်းလႆႈလူႉႁၢႆတၢႆၶွႆႈ လႆႈပၢႆႈလႆႈၼီ လႄႈ ၸဝ်ႈရႁၢၼ်းၶဝ် ဢၼ်ယူႇသဝ်း တမ်ႈတီႈ ထမ်ႈဢႃႇၵျၼ်ႇတႃႇၼၼ်ႉၵေႃႈ တေႃႈလႆႈၶၢမ်ႇတၢမ်ႇ ၸိူဝ်းၼၼ်ႉ ၸိူင်ႉၼင်ႇပိူၼ်ႈသေ ထမ်ႈလူင်ဢႃႇ ၵျၼ်ႇတႃႇၼၼ်ႉ လႆႈႁၢမ်းၵႂႃႇပႅတ်ႈ တင်းႁိုင်ယူႇ။ ႁၢၵ်ႈမႆႉ ထိူၼ်ႇမႆႉ မုင်းသုမ်ႇထမ်ႈဝႆႉလႄႈ လွင်ႈဝႃႈ တီႈၼၼ်ႈ မီးထမ်ႈၼႆ ၵူၼ်းၸုပ်ႈပႃႈလင်ၼႆႉ ဢမ်ႇႁူႉၸွမ်း ဢၢၼ်ႇႁူဝ်ပၢၵ်ႇပီမၼ်းၵႂႃႇယဝ်ႉ။

ယၢမ်းမိူဝ်ႈလဵဝ် ထမ်ႈဢႃႇၵျၼ်ႇတႃႇၼႆႉ ၶဝ်ႈပဵၼ် ဢွင်ႈတီႈ ၵူၼ်းၼႂ်းၵမ်ႇၽႃႇ မႃးဢႅဝ်ႇလႄႇ တူၺ်း တင်းယႂ်ႇတင်းၼမ်ယူႇ။

ၶၢဝ်းယၢမ်း ဢၼ်လီၵႂႃႇဢႅဝ်ႇလႄႇ တီႈထမ်ႈ ဢႃႇၵျၼ်ႇတႃႇၼၼ်ႉတႄႉ တီႈၼၼ်ႈ ယွၼ်ႉပဵၼ် ထုင်ႉမႆႈလႄႈ ပဵၼ်ၼႂ်းလိူၼ် ၼူဝ်ႇဝိမ်ႇပိူဝ်ႇ၊ ၻီႇၸိမ်ႇပိူဝ်ႇ၊ ၵျၼ်ႇၼဝရီႇလႄႈ လိူၼ်ၾႅပ်ႇဝရီႇ ၼၼ်ႉယဝ်ႉ။ တႃႇတေၵႂႃႇမၼ်းတႄႉ လႆႈလုၵ်ႉတီႈ မိူင်းၵွၵ်ႇသေ ၶီႇႁိူဝ်းမိၼ် ၵႂႃႇလူင်းတီႈဝဵင်းမူဝ်ႇပၢႆး (ပုမ်ႇပေႇ)ဢွၼ်တၢင်းယဝ်ႉ။ ၶိုၼ်းလုၵ်ႉတီႈ မူဝ်ႇပၢႆး ၶီႇႁိူဝ်းမိၼ်သေ ၵႂႃႇလူင်း တီႈဝဵင်းဢေႃႇရင်ႇၵပတ်ႉ။ လုၵ်ႉတီႈ ဢေႃႇရင်ႇၵပတ်ႉ ၶီႇၵႃးၵႂႃႇ မွၵ်ႈ 100 ၵီႇ လူဝ်ႇမီႇတိူဝ်ႇသေ တေၽႅဝ်ၵႂႃႇတီႈ ပၢင်သဝ်းၵႃး တီႈတိၼ်လွႆယူႇ။ လႆႈၶိုၼ်းလႅၵ်ႈၶီႇ ၵႃးသၢႆၵႂႃႇထႅင်ႈ မွၵ်ႈ 4 ၵီႇလူဝ်ႇမီႇတိူဝ်ႇသေ ပေႃးလူင်းၵႃးၵေႃႈ လႆႈပႆၶိုၼ်ႈ ၵႂႃႇၸူးထမ်ႈဢႃႇၵျၼ်ႇတႃႇယဝ်ႉ။

ၶၢဝ်းတၢင်းပႆၶိုၼ်ႈလွႆ ဢမ်ႇပေႃးသုင်ၵႃႈႁိုဝ် ၼင်ႇၵဝ်ႇ။ သင်ဝႃႈ ၶႂ်ႈႁႂ်ႈပိူၼ်ႈႁၢမ်ၶိုၼ်ႈ ႁၢမ်လူင်း ၼႆၵေႃႈ လႆႈပၼ်ၵႃႈၸၢင်ႈသေ ႁၢမ်ၶိုၼ်ႈႁၢမ်လူင်း လႆႈယူႇ။ 
သင်ဝႃႈ မီးၶၢဝ်းယၢမ်းၸိုင် ဢွၼ်ၵၼ် ၶတ်းၸႂ် ႁႂ်ႈလႆႈၵႂႃႇထိုင်တူၺ်း ထမ်ႈဢႃႇၵျၼ်ႇတႃႇ ဢၼ်ၸိုဝ်ႈသဵင်ယႂ်ႇ ၼႂ်းၵမ်ႇၽႃႇသေၵမ်း။




#Article 76: ထိၼ်ႇၵျေႃႇ၊ ဢူး (284 words)


ဢူးထိၼ်ၵျေႃႇ ၼႆႉ ပဵၼ်ၵူၼ်း မိူင်းမျႅၼ်ႇမႃႇ (မိူင်းမၢၼ်ႊ)၊ ပဵၼ်ၵူၼ်းႁဵတ်းၵၢၼ်ပၢႆးမိူင်း၊ ပဵၼ်ၽူႈတႅမ်ႈလိၵ်ႈ လႄႈ ပဵၼ် ၸဝ်ႈၸွမ်ၸိုင်ႈ မိူင်းမျႅၼ်ႇမႃႇ ဢေႃႈ။ မိူဝ်ႈ ပီ ၂၀၁၆ လိူၼ်မၢၶျ်ႉ ၁၀ ဝၼ်းၼၼ်ႉ လုၵ်ႉတီႈ ဢမဵဝ်းတႃးတီႇမူဝ်ႇၶရေႇၸီႇဢၽွႆႉၶျုၵ်ႈသေ တၢင်ႇလၢတ်ႈမၼ်းတႃႇပဵၼ်လွင်း ၵႅမ်ၸွမ်ၸိုင်ႈမိူင်း မိူင်းမျႅၼ်ႇမႃႇ ၵႃႈတီႈ သၽႃးၵူၼ်းမိူင်း သေ ပီ ၂၀၁၆ လိူၼ်မၢၶျ်ႉ ၁၅ ဝၼ်းၼၼ်ႉ သၽႃးၸိုင်ႈမိူင်းႁူမ်ႈတုမ် လိူၵ်ႈတၢင်ႇ ဢူးထိၼ်ႇၵျေႃႇ ပဵၼ် ၸဝ်ႈၸွမ်ၸိုင်ႈၵူၼ်းမိူင်းယဝ်ႉ။ လွင်ႈဢဝ်ၵူၼ်းမိူင်းတၢင်ႇၶိုၼ်ႈပဵၼ် ၸဝ်ႈၸွမ်ၸိုင်ႈၼႆႉ ဝၢႆးသေ ၁၉၆၂ မႃးၼၼ်ႉ ၼႆႉပဵၼ် ပွၵ်ႉဢွၼ်တၢင်းသုတ်းယဝ်ႉ။

မိူဝ်ႈပီ ၁၉၄၆ လိူၼ်ၵျူႇလၢႆႇ ၂၀  ဝၼ်းၼၼ်ႉ လုၵ်ႉတီႈ ၵေႃႉပဵၼ်ပေႃႈ ၽူႈတႅမ်ႈလိၵ်ႈ မိၼ်းတုဝုၼ်ႇ လႄႈ ၵေႃႉပဵၼ်မႄႈ တေႃႇၵျီႇၵျီႇ လႆႈၵိူတ်ႇႁၼ်ၼႃႈ ဢူးထိၼ်ႇၵျေႃႇမႃးယဝ်ႉ။ ၼႂ်းၵႃႈမီးပီႈၼွင်ႉ သၢမ်ၵေႃႉၼၼ်ႉ မၼ်းပဵၼ် လုၵ်ႈၸၢႆးၵေႃႉထီႉသွင်ယဝ်ႉ။ ဢူးထိၼ်ႇၵျေႃႇၼႆႉ ဢႃႇယုမၼ်းလဵၵ်ႉသေ ၼၢႆးဢွင်ႇသၢၼ်းသုၵျီႇ ၼိုင်ႈပီ၊ ၼိုင်ႈလိူၼ်၊ ၼိုင်ႈဝၼ်း ယဝ်ႉ။ မၼ်းၶိုၼ်ႈႁဵၼ်းမႃးတင်း ၼၢႆးဢွင်ႇသၢၼ်းသုၵျီႇ ၵႃႈတီႈ ႁူင်းႁဵၼ်းၸၼ်ႉသုင်မၢႆ(႑)တၵူင်ႇ (ႁူင်းႁဵၼ်းမႅတ်ႉထရိတ်ႉ) (ႁူင်းႁဵၼ်းၸၼ်ႉသုင် မၢႆ (႑)၊ ၸႄႈဝဵင်းတၵူင်ႇ) ၼၼ်ႉယဝ်ႉ။ ၽႅဝ်ထိုင် ၁၉၆၂ ၼီႈမႃး မၼ်းၶိုၼ်ႈႁွတ်ႈႁဵၼ်းဢဝ်တီႈ ၸၼ်ႉၸွမ်တႃႈၵုင်ႈသေ ထိုင် ၁၉၆၆ ၼီႈမႃး မၼ်းလႆႈ ၶူးၽၢႆႇပၢႆးမၢၵ်ႈမီး (B.Eco) ယဝ်ႉ။ ၽွင်းမၼ်းတိုၵ်ႉၶိုၼ်ႉၸၼ်ႉ မႁႃႇ မိူဝ်ႈပီ ၁၉၆၈ ၼၼ်ႉ မၼ်းၶိုၼ်းႁဵတ်း ၶူးသွၼ်တီႈၸၼ်ႉၸွမ်ၼၼ်ႉယဝ်ႉ။ ထိုင် ၁၉၇၀ မႃး မၼ်းသိုပ်ႇၶၢႆႉၵႂႃႇတီႈ ၸၼ်ႉၸွမ်ၶွမ်ႇပိဝ်ႇတႃႇသေၵႃႈ ႁဵၼ်းဢဝ်တၢင်းမေႃယူႇယဝ်ႉ။ ၁၉၇၅ မႃး မၼ်းလႆႈ ၶူးမႁႃႇပၢႆးသၢႆႊၵပ်းၵၢႆႇၽၢႆႇၶွမ်းယဝ်ႉ။

ပီ ၁၉၇၅ ၼၼ်ႉၼင်ႇၵဝ်ႇ မၼ်းသိုပ်ႇႁဵတ်း ၽူႈၵွၼ်းႁွင်ႈၵၢၼ်ၽႄ ၼႃႈၵၢၼ်ၸၢၵ်ႈဢၼ်ယႂ်ႇၼၼ်ႉယဝ်ႉ။ တႄႇဢဝ် ၁၉၈၀ တေႃႇ ၁၉၉၂ ၼၼ်ႉ မၼ်းႁၢပ်ႇၵၢၼ် ၵႅမ်ၶုၼ်ၸတ်းၵၢၼ် ၵႃႈတီႈ ႁွင်ႈၵၢၼ်ၽၢႆၵပ်းသိုပ်ႇ ပၢႆးမၢၵ်ႈမီး ၼွၵ်ႈမိူင်းသေယဝ်ႉ မၼ်းလႆႈလိုဝ်ႈပုၼ်ႈၽွၼ်းမႃးယဝ်ႉ။ ယွၼ်ႉမၼ်းလႆႈ သူးၵႂႃႇသွၼ်ပႆႇၺႃႇၼွၵ်ႈမိူင်းႄလႈ မၼ်းၶိုၼ်းသိုပ်ႇၵႂႃႇၶိုၼ်ႈ ၸၼ်ႉၸွမ်ပၢႆးသၢႆႊၽၢႆႇၶွမ်း ၵႃႈတီႈ ၸၼ်ႉၸွမ်လၼ်ႇတၢၼ်ႇယဝ်ႉ။ မိူဝ်ႈ ၁၉၈၇ ၼၼ်ႉ မၼ်းႁဵၼ်းပၢႆးပႆႇၺႃႇမႃး ၵႃႈတီႈ Arthur DeLittle, Management Education Institute, Cambridge, Massachusetts သေ  မၼ်းလႆႈႁၢပ်ႇၵၢၼ် တီႈ ၾွင်ႇတေးသျိၼ်း တေႃႇၶိၼ်ႇၵျီႇ ၸဵမ်မိူဝ်ႈတႄႇတင်ႈမႃး တေႃႇမၼ်းပေႃး ပဵၼ် ၸွမ်ၸိုင်ႈမိူင်းၼၼ်ႉယဝ်ႉ။

ဢူးထိၼ်ႇၵျေႃႇၼႆႉ မၼ်းပဵၼ်ဢူၺ်းၵေႃႉတင်း ၼၢႆးဢွင်ႇသၢၼ်းသုၵျီႇ ၸဵမ်လဵၵ်ႉသေ မၼ်းမီးယူႇ ၽၢႆႇလင် ၼၢႆးဢွင်ႇသၢၼ်းသုၵျီႇမႃးၵေႃႈ ပီယၢဝ်းၶၢဝ်းႁိုင်ယဝ်ႉ။ မၼ်းၼႆႉၸမ်ၵၼ်တင်း ၼၢႆးဢွင်ႇသၢၼ်းသုၵျီႇ လိူဝ်သေ ဢမဵဝ်းတႃးတီႇမူဝ်ႇၶရေႇၸီႇ ဢၽွႆႉၶျုၵ်ႈယဝ်ႉ။ ၽွင်းမိူဝ်ႈ ၼၢႆးဢွင်ႇသၢၼ်းသုၵျီႇ ၶမ်ၶွၵ်ႈႁိူၼ်းယူႇၼၼ်ႉ ၼႂ်းၵႃႈၵူၼ်းၵမ်ႉဢေႇ ဢၼ်ဢဝ်ၼၢႆးဢွင်ႇသၢၼ်းသုၵျီႇ ၵပ်းသိုပ်ႇပၼ်တင်း ၽၢႆႇတၢင်းၼွၵ်ႈၼၼ်ႉ ပႃးဢူးထိၼ်ႇၵျေႃႇ ၵေႃႉၼိုင်ႈယဝ်ႉ။  မိူဝ်ႈပီ ၁၉၉၂ ၼၼ်ႉ မၼ်းထွၼ်တူဝ်ဢွၵ်ႇတီႈ ၵၢၼ်လူင်ပွင်ၸိုင်ႈသေ မၼ်းၶဝ်ႈၼႂ်းပႃႇတီႇ ဢမဵဝ်းတႃးတီႇမူဝ်ႇၶရေႇၸီႇဢၽွႆႉၶျုၵ်ႈယဝ်ႉ။ မၼ်းၼႆႉပဵၼ် ၸဝ်ႈၼႃႈတီႈၵပ်းၵၢႆႇလူၺ်ႈ ၽွင်းၶဵဝ် ၼၢႆးဢွင်ႇသၢၼ်းသုၵျီႇယဝ်ႉ။ မၼ်းၼႆႉပဵၼ် ၸဝ်ႈၽူဝ် တေႃႇၸုၸုလုၼ်ႇ ၵေႃႉဢၼ်ပဵၼ် ႁူဝ်ပဝ်ႈ ၶွမ်ႇမတီႇၵပ်းသိုပ်ႇၵူႈမိူင်းမိူင်း တီႈ သၽႃးၵူၼ်းမိူင်းသေ မၼ်းပဵၼ် လုၵ်ႈယိင်း ဢူးလုၼ်ႇ ၵေႃႉပဵၼ် ၽူႈဢွၼ်ႁူဝ်ၸိုဝ်ႈသဵင်ယႂ်ႇ တီႈ NLD ၼၼ်ႉယဝ်ႉ။

ပီ ၂၀၁၆ လိူၼ်မၢၶျ်ႉ ၁၅ ဝၼ်းၼၼ်ႉ လုၵ်ႉတီႈ သၽႃးၸိုင်ႈမိူင်းႁူမ်ႈတုမ်သေ လိူၵ်ႈ ဢူးထိၼ်ႇၵျေႃႇ ပဵၼ် ၸွမ်ၸိုင်ႈမိူင်းမႃးယဝ်ႉ။ မိူဝ်ႈ ပီ ၂၀၁၆ လိူၼ်မၢၶျ်ႉ ၁၇ ဝၼ်းၼၼ်ႉ ဢူးထိၼ်ႇၵျေႃႇ လႆႈတၢင်ႇလၢတ်ႈထိုင် သၽႃးၸိုင်ႈမိူင်းႁူမ်ႈတုမ် တႃႇၶိုၼ်းၽွတ်ႈႁႅၼ်း ထၢၼ်ႈၽွင်းလူင် ဢၼ်မီး ၽွင်းလူင် ၂၁ ၵေႃႉၼၼ်ႉ ႁႂ်ႈပဵၼ် ၁၈ ၵေႃႉ ၼႆယဝ်ႉ။ ထိုင် ဝၼ်းထိ ၂၁ လိူၼ်မၢၶျ်ႉ ပီ ၂၀၁၆ သၽႃးလႆႈမၵ်းမၼ်ႈပၼ် တွၼ်ႈတႃႇ ၶိုၼ်းၽွတ်ႈႁႅၼ်း ၽွင်းလူင်ၶဝ် ၼၼ်ႉယဝ်ႉ။

ထိုင်မႃး ပီ ၂၀၁၆ လိူၼ်မၢၶျ်ႉ ဝၼ်းထီႉ ၃၀ ၼၼ်ႉ ၶၢမ်ႇၵျၢမ်းသႅတ်ႉၸႃႇ တီႈ သၽႃးၸိုင်ႈမိူင်းႁူမ်ႈတုမ်သေၵေႃႈ ပဵၼ်မႃး ၸွမ်ၸိုင်ႈမိူင်း မိူင်းမျႅၼ်ႇမႃႇ (မိူင်းမၢၼ်ႊ) ၵေႃႉထူၼ်ႈၵဝ်ႈယူႇယဝ်ႉ။ ၵႂႃႇပုတ်ႈဢဝ် ဢၢမ်းၼၢၵ်ႈၽၢႆႇဢုပ်ႉပိူင်ႇလႄႈ ၶူဝ်းၶွင်ၽၢင်ႁၢင်ႈၸွမ်ၸိုင်ႈမိူင်း​ဢၼ်ပဵၼ် သၢႆပႃးၶမ်း ၵႃႈတီႈ ၸွမ်ၸိုင်ႈမိူင်းၵေႃႉၵဝ်ႇ ဢူးတဵင်းၸဵင်ႇ တီႈ ႁေႃႁိူၼ်းၸွမ်ၸိုင်ႈမိူင်းၼၼ်ႉယဝ်ႉ။

ဢူးထိၼ်ႇၵျေႃႇၼႆႉ မၼ်းၸႂ်ႉၸိုဝ်ႈပၢႆၵမ် တလပၢၼ်း (} သေၵေႃႈ တႅမ်ႈဢွၵ်ႇ လိၵ်ႈပိုၼ်ႉႁူႉ လိၵ်ႈပၢႆးမိူင်းယဝ်ႉ။ ဢၼ်ၵပ်းၵၢႆႇလူၺ်ႈ လွင်ႈပေႃႈမၼ်း မိၼ်းတုဝုၼ်ႇ ဢၼ်ပဵၼ်ပပ်ႉ ဢၼ်လႆႈၸိုဝ်ႈဝႃႈ အဘဘဝ အဘအကြောင်း တစေ့တစောင်း ၼၼ်ႉၵေႃႈ မၼ်းတႅမ်ႈမႃးယဝ်ႉ။




#Article 77: ထီးသႅင်၊ ၸၢႆး၊ ၽူႈႁွင်ႉၵႂၢမ်း (1880 words)


ၸၢႆးထီးသႅင် (၊ ; ၵိူတ်ႇဝၼ်းထီႉ 23 လိူၼ်သႅပ်ႇထႅမ်ႇပႃႇ ၊ 1950 ‒ သဵင်ႈၵၢမ်ႇဝၼ်းထီႉ 10 လိူၼ်မၢၶျ်ႉ၊ 2008) ၼႆႉပဵၼ် ၽူႈႁွင်ႉၵႂၢမ်းတႆးလႄႈ ၵႂၢမ်းမၢၼ်ႊ၊ ပဵၼ်ၸဝ်ႈပၢႆးမွၼ်းၸၢဝ်းတႆး ဢၼ်မီးၸိုဝ်ႈသဵင်လိုဝ်းလင်သုတ်းၵေႃႉၼိုင်ႈ တီႈၼႂ်းမိူင်းႁူမ်ႈတုမ်မျႅၼ်ႇမႃႇ။

ၸၢႆးထီးသႅင်ၼႆႉ ပဵၼ်လုၵ်ႈၸၢႆး လုင်းၼၼ်ႇတႃႇ လႄႈ ပႃႈၼၢင်းဢိင်ႇသေ ၵိူတ်ႇႁၼ်ၼႃႈမိူဝ်ႈ 1950 လိူၼ်သႅပ်ႉတိမ်ႇပိူဝ်ႇ 23 ဝၼ်း၊ ပီၵေႃးၸႃႇ ႑႓႑႒ လိူၼ်သိပ်းမႂ်ႇ ႑႒ ၶမ်ႈ၊ ဝၼ်းသဝ် တမ်ႈတီႈ မိူင်းတႆးပွတ်းၸၢၼ်း ဝဵင်းလၢင်းၶိူဝ်း၊ ဝၢၼ်ႈတိုဝ်ႉၼိဝ်ႉ ၼၼ်ႉယဝ်ႉ။ ၶဝ်ပီႈၼွင်ႉႁူမ်ႈတွင်ႉ ႁႃႈၵေႃႉတၢမ်းၵၼ်ၼင်ႇၼႆ- (1) ၸၢႆးထီးသႅင်၊ (2) ၼၢင်းဝိၼ်းထဵင်ႇ၊ (3) ၼၢင်းမျိၼ်ႉဢူင်း၊ (4) ၼၢင်းတဵင်းထူၺ်း(ႁွင်ႉ)ယိင်း လႄႈ (5) ၸၢႆးဢွင်ႇထီးၶမ်း။

မိူဝ်ႈလဵၵ်ႉ မၼ်းၸၢႆး ၽိဝ်ၼိူဝ်ႉၽိဝ်ၼင် ဢမ်ႇၶၢဝ်၊ သမ်ႉလမ်သွမ်ႇ(ၵမ်ႇ)ဝႆႉလႄႈ ၸင်ႇႁွင်ႉၸိုဝ်ႈ မၼ်းဝႃႈ ဢၢႆႈတူး ၼႆယဝ်ႉ။ ၸိုဝ်ႈဢၢပ်ႇလိူၼ်မၼ်း တႄႉ ႁိၵ်ႈၸိုဝ်ႈဝႃႈ ၸၢႆးတိၼ်ႇဢူး ၼႆသေ ၽွင်း မိူဝ်ႈၶၢမ်ႇသၢင်ႇၼၼ်ႉ ၸိုဝ်ႈသၢင်ႇႁွင်ႉဝႃႈ ၸဝ်ႈထမ်ႇမ ရၵ်ႉၶိတ ၼႆယဝ်ႉ။

မၼ်းၸၢႆးၼႆႉ တိုၼ်းတေပဵၼ်ၽူႈႁွင်ႉၵႂၢမ်းလႄႈ မိူဝ်ႈလဵၵ်ႉ ပေႃးၵႂႃႇဢၢပ်ႇၼမ်ႉတဵင်းၼႆ မၼ်းတိုၼ်းဢူၺ်ႉသဵင်ယိုတ်ႈသဵင်ယၢဝ်းသေ လူင်းၵႂႃႇဢၢပ်ႇ ၼမ်ႉတဵင်းတႃႇသေႇယဝ်ႉ။ ၵူၺ်းၵႃႈ သဵင်ၵႂၢမ်းမၼ်း မိူဝ်ႈလဵၵ်ႉၼၼ်ႉတႄႉ ဢမ်ႇပႃးသဵင်တွႆႇ၊ ဢမ်ႇပႃးဝွၵ်းသေတႃႉ မၼ်းပႃးၵွၵ်းယူႇ။

မိူဝ်ႈၽွင်း ဢႃႇယုလႆႈမႃး 5 ၶူပ်ႇလိူဝ်ၼၼ်ႉ လႆႈၵႂႃႇၶိုၼ်ႈႁူင်းႁဵၼ်းၸၼ်ႉသုင် တီႈလၢင်းၶိူဝ်းသေ ၽွင်းပႆႇယဝ်ႉတူဝ်ႈၼၼ်ႉ ၸင်ႇဢွၵ်ႇႁူင်းႁဵၼ်းၸၼ်ႉၵၢင် ၶၢႆႉၵႂႃႇၶိုၼ်ႈႁူင်းႁဵၼ်းႁူင်းသဝ်း Sacred Heart Convent High School တီႈဝဵင်းလွႆလႅမ်ယဝ်ႉ။ ပဵၼ်ႁူင်းႁဵၼ်းၶရိယၢၼ်ႇလႄႈ ၼၢႆးၶၢဝ်ၶရိယၢၼ်ႇ ၸင်ႇသႂ်ႇပၼ်ၸိုဝ်ႈမႂ်ႇမၼ်းဝႃႈ ရိတ်ႉၶျၢတ်ႉ ၼၼ်ႇတႃႇ ၼႆယဝ်ႉ။

ၽွင်းမိူဝ်ႈ ယူႇသဝ်းတမ်ႈတီႈ ၵျွင်းၶွၼ်ႇဝႅၼ်ႉ လွႆလႅမ်ၼၼ်ႉ ၼၢႆးၶၢဝ်ၶရိယၢၼ်ႇ သိတ်ႉသတိူဝ်ႇ ပီးယႃး ၽၢၵ်ႇတွၼ်ႈပၼ်မၼ်း ၶိူင်ႈႁႆႇလဵတ်း ဢၼ်မီး သၢႆသီႇသၢႆ ယူႇၵလီးလီး (တိင်ႇဢွၼ်ႇ)ၼၼ်ႉလႄႈ မၼ်းၸၢႆး ၸင်ႇမိုတ်ႈၵိုဝ်း လွင်ႈပၢႆးမွၼ်းလွင်ႈႁႆႇတိုင်ႈ ႁွင်ႉၵႂၢမ်း ၼၼ်ႉယူႇယဝ်ႉ။ ဝၢႆးသေ ဢွင်ႇပူၼ်ႉၸၼ်ႉသီႇ တီႈလွႆလႅမ်ယဝ်ႉ ၸင်ႇလႆႈၶၢႆႉၵႂႃႇယူႇ ၸၼ်ႉ-5 တီႈတူၼ်ႈတီးယဝ်ႉ။

ၵေႃႉပဵၼ်ပေႃႈမၼ်း လုင်းၼၼ်ႇတႃႇ ဢွၼ်ဢဝ်မၼ်းၸၢႆး ၶၢႆႉမႃးတူၼ်ႈတီးသေ ဢဵၼ်းဢၢၼ်းၵႂႃႇဝႆႉ တီႈႁူင်းႁဵၼ်း National Christian High School သေတႃႉ ယွၼ်ႉပိူဝ်ႈႁူင်းသဝ်း ဢမ်ႇပဝ်ႇယဝ်ႉလႄႈ ၸင်ႇလႆႈဢွၼ်ဢဝ် လုၵ်ႈၸၢႆးမၼ်း ၵႂႃႇၸူးတမ်ႈတီႈ ႁိူၼ်းတႆးၵေႃႉလီမၼ်း လုင်းထမ်းယွတ်ႈ တူၼ်ႈတီးလႄႈ ၸင်ႇလႆႈၵႂႃႇယူႇၸွမ်း ၸၢႆးလၢဝ်သႂ်၊ ၸၢႆးသၢႆမၢဝ်းသေ ပဵၼ်ဢူၺ်းၵေႃႉလီၵၼ်ၵႂႃႇယဝ်ႉ။ ယွၼ်ႉပိူဝ်ႈမီးဝႃႇသၼႃႇ ပၢႆးမွၼ်းမိူၼ်ၵၼ်လႄႈ ၶေႃႈၵႂၢမ်းဢၼ်ၶဝ်ဢုပ်ႇၵၼ်ၼၼ်ႉၵေႃႈ တေႃႈပဵၼ်ၶေႃႈၵႂၢမ်း တႃႇတေႁဵတ်းပဵၼ် ၽဵင်းၵႂၢမ်းၼၼ်ႉၵူၺ်း။

ဝၢႆးၼၼ်ႉ ရိတ်ႉၶျၢတ်ႉ ၶိုၼ်းလႆႈၶၢႆႉၵႂႃႇယူႇႁူင်းသဝ်းႁူင်းႁဵၼ်း National Christian High School သေ တီႈႁူင်းႁဵၼ်းၼၼ်ႉ ၵႂႃႇထူပ်းၺႃး ဢူၺ်းၵေႃႉမႂ်ႇ ဢၼ်ၸိုဝ်ႈဝႃႈ မွင်းမွင်ႇ လႄႈ ၸင်ႇလႆႈႁဵၼ်းဢဝ် လၢႆးႁႆႇတိင်ႇ တေႃႇပေႃးမေႃလီလီယဝ်ႉ။  ဝၢႆးၼၼ်ႉ ယွၼ်ႉပိူဝ်ႈ ၶႂ်ႈႁႆႇတိင်ႇႁွင်ႉၵႂၢမ်းၼႃႇလႄႈ ၶဝ်ႈပႃးၼႂ်း ၸုမ်းယဵၼ်ႇငႄႈယဝ်ႉ။ ယွၼ်ႉပိူဝ်ႈ ပႃးဝႃႇသၼႃႇ လွင်ႈပၢႆးမွၼ်းလႄႈ ထိုင်မႃး ၸၼ်ႉၵဝ်ႈ ရိတ်ႉၶျၢတ်ႉ တူၵ်းပွႆးထၢမ်လိၵ်ႈပႅတ်ႈယဝ်ႉ။ ၵေႃႉပဵၼ်ပေႃႈ ၸင်ႇၶိုၼ်းဢဝ် ရိတ်ႉၶျၢတ်ႉမႃးဝႆႉ တီႈလွႆလႅမ်သေ သိုပ်ႇၶိုၼ်ႈႁဵၼ်း တီႈလွႆလႅမ်ယူႇ။ ယွၼ်ႉပိူဝ်ႈ ဢမ်ႇပေႃးလႆႈၵႂႃႇလႄႇႁွၼ်ႈတီႈလႂ်လႄႈ မၼ်းၸၢႆးပဵၼ်တႅမ်ႈၵႂၢမ်းမႃးတင်းၼမ်ယဝ်ႉ။

ပီ 1969 ၊ ၸၢႆးၶမ်းလဵၵ်း လႆႈတၢင်တူဝ် လုၵ်ႈႁဵၼ်းၸၼ်ႉၸွမ်သေ မႃးၶိုၼ်ႈ ပၢင်ၵုမ်ၵေႃႇမသျိၼ်ႇလိၵ်ႈတႆးလႄႈ ၸင်ႇလႆႈမႃးထူပ်းၺႃး ၸၢႆးထီးသႅင်၊ ၸၢႆးသၢႆမၢဝ်း ၶဝ်ယဝ်ႉ။ ယွၼ်ႉပိူဝ်ႈ ဝႃႇသၼႃႇၶဝ်မိူၼ်ၵၼ်လႄႈ လႆႈမိုတ်ႈၵိုဝ်းၵၼ်သေ ၸင်ႇလႆႈၵႂၢမ်းဢၼ်ၸၢႆးၶမ်းလဵၵ်းတႅမ်ႈဝႆႉၼၼ်ႉ တင်းၼမ်ယူႇ။

တီႈပၢင်ၵုမ်ၵေႃႇမသျိၼ်ႇလိၵ်ႈတႆးၼၼ်ႉ ၵုမ်ၵၼ်လွင်ႈတႃႇတေတႅပ်းတတ်း လိၵ်ႈတႆးမႂ်ႇ(လိၵ်ႈသဵင်တႅတ်ႈ) ၼၼ်ႉယဝ်ႉ။ ၽွင်းမိူဝ်ႈ ဢုပ်ႇၵုမ်ၵၼ် တီႈတူၼ်ႈတီးၼၼ်ႉ ၸၢႆးၶမ်းလဵၵ်းၵေႃႈ ပဵၼ်ၽူႈတၢင်တူဝ် လုၵ်ႈႁဵၼ်းၸၼ်ႉၸွမ်ၵေႃႉၼိုင်ႈသေ မႃးတူင်ႉၼိုင်ၸွမ်း ၼႃႈၵၢၼ်လိၵ်ႈလၢႆး ဢၼ်ပဵၼ်ပိူင်လူင် ပုၼ်ႈတႃႇၸိူဝ်ႉၶိူဝ်း ဝၢၼ်ႈမိူင်းၼၼ်ႉယူႇ။ ယွၼ်ႉၼၼ် ဢိင်ပိုင်ႈလိၵ်ႈတႆးသေ တေလႆႈဝႃႈ ၶႃသွင်ၵေႃႉ မႃးထူပ်းၺႃးၵၼ်ၼႆ ယူႇ။ ဢမ်ႇၼၼ် လိၵ်ႈတႆး ဢဝ်ၶႃထူပ်းၵၼ်ၼႆၵေႃႈ ဝႃႈလႆႈယူႇ။ ယွၼ်ႉပိူဝ်ႈ ၶႃသွင်ၵေႃႉ မႃးထူပ်းၵၼ် လႄႈ ဝၢႆးလင်ၼၼ်ႉ ၶေႃႈသဵင်ၽဵင်း သဵင်ၶွင်တူဝ် တႆးလႄႈမၢၼ်ႈ တေဢွၵ်ႇမႃး တင်းၼမ်ၼႆ မိူဝ်ႈၼၼ်ႉ ၽႂ်တေဢမ်ႇဝူၼ်ႉၺႃး။ လွင်ႈၶႃမႃးထူပ်းၵၼ်ၼႆႉ တေလႆႈဝႃႈ ဢဝ်ၵၢပ်ႈပၢၼ်ၽဵင်းပၢၼ်မႂ်ႇ မုၼ်းယႂ်ႇမႃး ပၢၼ်ၼိုင်ႈၼႆယူႇ။

ထိုင်မႃး 1962 ဝၢႆးသေ ၵွင်ႇၸီႇလုၵ်ႉၽိုၼ်ႉ ဢၼ်ၸွမ်သိုၵ်းၼေႇဝိၼ်း ဢွၼ်ႁူဝ် ၶိုၼ်ႈဢဝ် ဢႃႇၼႃႇဝၢၼ်ႈမိူင်းယဝ်ႉ ႁူင်းႁဵၼ်းၶွၼ်ႇဝႅၼ်ႉ (Convent) လႆႈၶၢမ်ႇသိမ်းဢိုတ်းပႅတ်ႈသဵင်ႈလႄႈ ရိတ်ႉၶျၢတ်ႉ ၸင်ႇဢွၵ်ႇၸႂ် ၶႂ်ႈလႅၵ်ႈလၢႆႈၸိုဝ်ႈမႃးယူႇ။ ၸိုဝ်ႈ ရိတ်ႉၶျၢတ်ႉဢၼ်ဝႃႈၼႆႉ ပဵၼ်ၸိုဝ်ႈၼၢႆးၶၢဝ်ၶရိယၢၼ်ႇ ၶဝ်ပၼ်ဝႆႉလႄႈ ပဵၼ်ၸိုဝ်ႈဢႅင်းၵလဵတ်ႈယဝ်ႉ။ ၵွပ်ႈၶႂ်ႈလႆႈ ၸိုဝ်ႈတႆးလႄႈ ၸင်ႇၵႂႃႇၸူးတမ်ႈတီႈ ၸဝ်ႈလုင်းၶုၼ်မႁႃႇ ဢၼ်ပဵၼ်ၵဝိတႆးသေ ယွၼ်းဢဝ်ၸိုဝ်ႈတႆးယဝ်ႉ။

ၸဝ်ႈလုင်းၶုၼ်မႁႃႇ (တၢင်ႉယၢၼ်း မိူင်းယႆ) ၼႆႉ ပဵၼ်ၽူႈမေႃၼပ်ႉ ပေႇတၢင်ႇၵႃႇလႃး ၵတ်ႉၶႅၼ်ႇၵေႃႉၼိုင်ႈလႄႈ ၸင်ႇမႃးလိူၵ်ႈ ပၼ်ၸိုဝ်ႈမႂ်ႇ သႂ်ႇပၼ်ၸိုဝ်ႈ ၶိုၵ်ႉလိုၵ်ႈ ၸွမ်းလုၵ်ႈဝၼ်းသေဝႃႈ ထီးသႅင် ၼႆယဝ်ႉ။ ထီး ဢၼ်ဝႃႈၼၼ်ႉ ပဵၼ်ၸိၵ်းပဵၼ်ၸွမ် ထၢတ်ႈၵွင်းမူး။ သႅင် ဢၼ်ဝႃႈၼၼ်ႉသမ်ႉပဵၼ် ဢၼ်မီးၵႃႈယႂ်ႇၶိုၵ်ႉတွၼ်းလႄႈ မီးတီႈပွင်ႇဝႃႈ ပဵၼ်ၸိုဝ်ႈ ဢၼ်မီးတီႈသုင်သေ ၶိုၵ်ႉတွၼ်းလိူဝ်ပိူၼ်ႈ ၼၼ်ႉယဝ်ႉ။

ဝၢႆးသေ ဢွင်ႇၸၼ်ႉၵဝ်ႈ တီႈလွႆလႅမ်ယဝ်ႉ ၸၢႆးထီးသႅင် ၶိုၼ်ႈလႆႈမႃးယူႇ တူၼ်ႈတီးယဝ်ႉ။ ၸၢႆးထီးသႅင်ၼႆႉ ယွၼ်ႉပိူဝ်ႈမီး ယိၼ်ႉပၢႆးမွၼ်း လွင်ႈႁွင်ႉၽဵင်းၵႂၢမ်းလႄႈ ၽွင်းမိူဝ်ႈ တိုၵ်ႉၶိုၼ်ႈၸၼ်ႉသိပ်းယူႇ တီႈတူၼ်ႈတီးၼၼ်ႉ ဢဵၼ်းဢၢၼ်းၶႂ်ႈၵႂႃႇ ဢတ်းသဵင်ၽဵင်းၵႂၢမ်း တမ်ႈတီႈမိူင်းထႆး လႄႈ ၵုမ်ႇမိုင်ႉၸွမ်း လွင်ႈၼၼ်ႉသေ ပီၼၼ်ႉ ဢမ်ႇတၼ်းလႆႈသႂ်ႇသဵၼ်ႈမၢႆ တႃႇတွပ်ႇၸၼ်ႉသိပ်းႁေ ႁၢမ်းလုတ်ႈၵႂႃႇပႅတ်ႈယဝ်ႉ။ လွင်ႈတၢင်း တႃႇတေ ၵႂႃႇဢတ်းသဵင် တီႈမိူင်းထႆးၼၼ်ႉ ယွၼ်ႉပိူဝ်ႈ ၸၢႆးသၢႆမၢဝ်း ၵႂႃႇဢတ်းသဵင် တီႈၵဵင်းႁၢႆးမႃးယဝ်ႉ မႃးၸူဝ်းၵႂႃႇလႄႈ ၶႃၸင်ႇၶဵၼ်းၵၼ်ဝႆႉ တီႈဝဵင်းၼမ်ႉၸၢင်ယဝ်ႉ။ ၽွင်းၼၼ်ႉ တႃႇတေၵႂႃႇၵဵင်းတုင် ‒ တႃႈၶီႈလဵၵ်း လႆႈပႂ်ႉၵႃးသိုၵ်း ၸွမ်းသူင်ႇလႄႈ ၸၢႆးသၢႆမၢဝ်း ပႂ်ႉၸၢႆးထီးသႅင် တေႃႇၵႃးပေႃးဢွၵ်ႇၵေႃႈ ဢမ်ႇႁၼ်ၸၢႆးထီးသႅင်မႃး။ ၸၢႆးထီးသႅင် ၽႅဝ်မႃးဢမ်ႇၶိုတ်းၵႃးယဝ်ႉလႄႈ ၸင်ႇဢဝ်ၶပ်းမၢႆ ၸဝ်ႈၵဝ်ႇသေ ၵႂႃႇသဵၼ်ႈတၢင်းထိူၼ်ႇ သဵၼ်ႈတၢင်းလၢင်းၶိူဝ်းဢဝ်ယဝ်ႉ။ ၵႂႃႇႁွတ်ႈၽႅဝ် တီႈလႅၼ်လိၼ် မႄႈႁွင်ႈသွၼ်၊ ၸၢႆးထီးသႅင် လႆႈၵႂႃႇၺႃး တၢမ်ႇၼူတ်ႇထႆး ႁွင်ႉဝႆႉသေ ဢမ်ႇပၼ်ၶဝ်ႈ ၼႂ်းမိူင်းထႆးလႄႈ ၸင်ႇၶိုၼ်းပွၵ်ႈမႃးယဝ်ႉ။ ၵွပ်ႈၼၼ်လႄႈ ၸင်ႇဢမ်ႇတၼ်းၶိုတ်း တႃႇတေသႂ်ႇသဵၼ်ႈမၢႆ တွပ်ႇၸၼ်ႉသိပ်း။

ယၢမ်းၼၼ်ႉ ၵေႃႉပဵၼ်ပေႃႈ ပွင်ႉထႃႉသေ ၶိုၼ်းႁွင်ႉမႃး ယူႇလၢင်းၶိူဝ်းယဝ်ႉ။ ဝၢႆးသေ တွပ်ႇလိၵ်ႈၸၼ်ႉသိပ်း တီႈလၢင်းၶိူဝ်းယဝ်ႉ မိူဝ်ႈဢိုတ်းႁူင်းႁဵၼ်း ၶၢဝ်းမႆႈၼၼ်ႉ ၸုမ်းပိတ်ႉမၢၵ်ႇၼင်ၶဝ် လၢင်းၶိူဝ်း ပႃးတင်း ၸၢႆးထီးသႅင် တေမိူဝ်းတူၺ်းပွႆး လဵၼ်ႈၶႄႉၵၼ် ဢၼ်မိူင်းၸဵင်ႇၸၢၼ်းဝၼ်းဢွၵ်ႇဢေးသျႃး မႃးလဵၼ်ႈတီႈ တႃႈၵုင်ႈၼၼ်ႉလႄႈ ၸင်ႇႁွတ်ႈၽႅဝ်တႃႈၵုင်ႈယဝ်ႉ။

ၽိူဝ်ႇၽႅဝ်ၵႂႃႇတႃႈၵုင်ႈ သမ်ႉၵႂႃႇၺႃး တႆးၵေႃႉမၼ်း ၸၢႆးၸူဝ်းမျိၼ်ႉယဝ်ႉ။ ၸၢႆးၸူဝ်းမျိၼ်ႉသမ်ႉဝႃႈ ဝူင်ႈဝၢင်ႈၼႆႉ မီးဝႆႉၶပ်ႉမၢႆ တႃႇတေဢတ်းသဵင်ၵႂၢမ်းတႆး တမ်ႈတီႈႁူင်းပွႆႇသဵင်ၽၢႆႇတႆး တီႈတႃႈၵုင်ႈၼႆယူႇ။ မၼ်းမႃးတုၵ်းယွၼ်းႁႂ်ႈ ၸၢႆးထီးသႅင် ႁွင်ႉပၼ်ၵႂၢမ်းပၼ်ၽွင်ႈၼႆလႄႈ ၸၢႆးထီးသႅင်ၼႆႉ မိူၼ်ၼင်ႇ ၵူၼ်းလူမ်ႇလုၵ်း သမ်ႉၺႃး ပိုင်ႈမႅင်းမၼ်း၊ ၽိူဝ်ႇဢဝ်မိုဝ်းတဝ်ႉသွင်ၶွၼ် သမ်ႉဝၵ်ႉလႆႈဢီႇၵုၵ်ႈၽၢႆႇလုၵ်ႈလုၵ်ႈ၊ ႁႅၼ်တူၺ်းၽၢႆႇၼိူဝ် သမ်ႉၵႂႃႇႁၼ် ႁူင်းၽိုင်ႈၼၼ်ႉယဝ်ႉ။ ၵွပ်ႈၼႆ ၸင်ႇၵႂႃႇဢတ်းသဵင်ၽဵင်းၵႂၢမ်းတႆးမႂ်ႇ ႁႃႈႁူဝ် ၸိူဝ်း တၢင်းႁၵ်ႉဢွၼ်ႇၵူၼ်းႁၢင်ႈၸႃႉ၊ ၵေႃႉႁၵ်ႉမိူင်းၵႆ၊ ၼူၼ်းႁၢင်ႈလီ ၸိူဝ်းၼၼ်ႉယဝ်ႉ။ ၵႂၢမ်းၸိူဝ်းၼၼ်ႉ ပဵၼ်ၵႂၢမ်းၸိုဝ်ႈသဵင်ယႂ်ႇသေ ၵူၼ်းလႆႈၸႂ်မီး ၼမ်ယူႇတႄႉတႄႉ။

ဝၢႆးသေ ဢွင်ႇၸၼ်ႉသိပ်းယဝ်ႉ သိုပ်ႇၶိုၼ်ႈၸၼ်ႉၸွမ်ဝဵင်းလိူဝ်ႇ ၾၢႆႇပၢႆးၸႂ်ယဝ်ႉ။ ၵွပ်ႈၼၼ် တင်းၸၢႆးၶမ်းလဵၵ်းသေ ၶိုၼ်းမႃးထူပ်းၺႃးၵၼ်ထႅင်ႈယဝ်ႉ။ ယွၼ်ႉပိူဝ်ႈ ၸၢႆးထီးသႅင် ပႃးဝႃႇသၼႃႇ လွင်ႈပၢႆးမွၼ်း တႃႇႁွင်ႉၽဵင်းၵႂၢမ်းၵေႃႈ ပိူင်ၼိုင်ႈ၊ သမ်ႉပဵၼ်တႆးၵေႃႉ ၼွင်ႉၸၢႆးမၼ်း ၸၢႆးၶမ်းတီ ၵေႃႈပိူင်ၼိုင်ႈလႄႈ ၸၢႆးၶမ်းလဵၵ်း မိုတ်ႈၸၢႆးထီးသႅင်မႃး လိူဝ်ႁႅင်းယူႇတႄႉယဝ်ႉ။ ယွၼ်ႉပိူဝ်ႈ တၢင်းမိုတ်ႈၶႃ ယိုတ်ႈယၢဝ်းမႃးလႄႈ သဵင်ၵႂၢမ်းၶႃသွင်ၵေႃႈ သမ်ႉပေႃးၶိုတ်ႈၺႃး မၢၵ်ႇႁူဝ်ၸႂ် ၵူၼ်းတင်းဝၢၼ်ႈတင်းမိူင်းယဝ်ႉ။

ၸၢႆးထီးသႅင် ၽႅဝ်မႃးတီႈ ၸၼ်ႉၸွမ်ဝဵင်းလိူဝ်ႇသေ ဢူၺ်းၵေႃႉ ၸဝ်ႈပၢႆးမွၼ်းၵေႃႈ မီးမႃးၼမ်တႄႉꧦ။ တင်း ၽူႈတႅမ်ႈၵႂၢမ်း ၵူဝ်ႇၼေႇဝိၼ်းၵေႃႈ ႁူႉၸၵ်းမိုတ်ႈၵိုဝ်းၵၼ်ၵႂႃႇသေ ၵႂၢမ်း မွင်ႉလပျေႉဝုၼ်း ဢၼ်ၵူဝ်ႇၼေႇဝိၼ်းတႅမ်ႈၼၼ်ႉ ၸၢႆးထီးသႅင် ၵႆႉဢဝ်ၵႂႃႇႁွင်ႉ ၼႂ်းဝၢင်းၸၼ်ႉၸွမ်တႃႇသေႇယဝ်ႉ။

သဵင်ၸၢႆးထီးသႅင်ၼႆႉ တိုၼ်းၵိုၵ်းပႃး သဵင်ၵရုၼႃႇ ဝၢၼ်ႁူဝႆႉလႄႈ ၽႂ်လႆႈထွမ်ႇငိၼ်းၵေႃႈ ပေႃးၸပ်းတိတ်းႁူဝႆႉယူႇ။ ၽွင်းမိူဝ်ႈ ပဵၼ်လုၵ်ႈႁဵၼ်းၸၼ်ႉၸွမ်သေ ၵႂႃႇႁွင်ႉၵႂၢမ်း တီႈၽၢႆႇၼႃႈႁူင်းသဝ်း သၢဝ်ၸၼ်ႉၸွမ်ၶဝ် ၵူႈၶမ်ႈၼၼ်ႉ ၸၢႆးထီးသႅင် လဵတ်းတိင်ႇသေ ႁွင်ႉၵႂၢမ်း တီႈၽၢႆႇၼႃႈႁူင်းသဝ်း ဢၼ်လႂ်ၵေႃႈ သၢဝ်ၸၼ်ႉၸွမ် ၼႂ်းႁူင်းသဝ်း ဢွၼ်ၵၼ် တဵတ်ႇယဵၼ်သေ ထွမ်ႇၵႂၢမ်းမၼ်း တေႃႇပေႃးယဝ်ႉယဝ်ႈ။ လွင်ႈသဵင်ဝၢၼ် ၸၢႆးထီးသႅင်ၼႆႉ တေႃႈဢမ်ႇလိူဝ်သေ ၵူၼ်းပႂ်ႉႁူင်းသဝ်း ယင်းၶဝ်ႈၸႂ်သေ တဵတ်ႇယဵၼ်ပႂ်ႉထွမ်ႇၸွမ်း ယိင်းသၢဝ်ၸၼ်ႉၸွမ်ၶဝ်ယူႇ။ ၽွင်းၶိုၼ်ႈႁဵၼ်း ၸၼ်ႉၸွမ်ၼၼ်ႉတႄႉ ၵမ်ႈၽွင်ႈ ဢွၼ်ၵၼ် ႁွင်ႉမၼ်းဝႃႈ တွင်ႉလေႃးၶမ်း၊ သူၺ်ႇဢုဢေႃး ၼႆယဝ်ႉ။ ၵွပ်ႈဝႃႈ ၼူၵ်ႉတွင်ႉလေႃး ဢၼ်မၢၼ်ႈၶဝ်ဝႃႈ ဢုဢေႃးၼၼ်ႉ တူဝ်မၼ်းလမ် သဵင်မၼ်းဝၢၼ်လႄႈ ၸၢႆးထီးသႅင်ၵေႃႈ ဢမ်ႇၸႂ်ႈၵူၼ်းႁၢင်ႈလီသေတ သမ်ႉပဵၼ် ၵူၼ်းသဵင်ဝၢၼ်ၼၼ်ႉယဝ်ႉ။

ပေႃးဝႃႈ ၸၢႆးထီးသႅင် ႁွင်ႉၵႂၢမ်းယဝ်ႉၵႂႃႇၼႆ သၢဝ်ၸၼ်ႉၸွမ်ၶဝ် လွမ်လွမ်ဢဝ်တၢင်းၵိၼ်တၢင်းယႅမ်ႉ ၽၢၵ်ႇတွၼ်ႈပၼ် ၸၢႆးထီးသႅင်ယူႇယဝ်ႉ။ တေလႆႈဝႃႈ သဵင်ၽဵင်းၵႂၢမ်းမၼ်း ႁၢင်ႈၶိူင်ႈပၼ် ၶိုၼ်းလိူၼ်မူၼ်း ၼႂ်းၸၼ်ႉၸွမ်သေ မၼ်းၸၢႆးတႄႉ ပဵၼ်ၸၢႆးႁၢင်ႈၸႃႉ ၼႂ်းငဝ်းလပ်းသိင်ႇၼႆယူႇ။

ႁၢင်ႈၽၢင်ၸၢႆးထီးသႅင်ၼႆႉတိုၼ်းပႅၵ်ႇပိူင်ႈပိူၼ်ႈသေ ပဵၼ်ဝႆႉ ႁၢင်ႈၽၢင်ႁင်းၶေႃမၼ်းယူႇ။ ယွၼ်ႉပိူဝ်ႈ သဵင်မၼ်းၸၢႆး ဝၢၼ်ၼႃႇသေတႃႉ ႁၢင်ႈၽၢင်သမ်ႉႁၢင်ႈၸႃႉ လႄႈ ပိူၼ်ႈဢွၼ်ၵၼ် ႁွင်ႉမၼ်းဝႃႈ တွင်ႉလေႃး ၼႆယဝ်ႉ။ ႁၢင်ႈၽၢင်မၼ်း ဢၼ်ထၢင်ႇၸႅင်ႈသေ ၸပ်းတႃပိူၼ်ႈဝႆႉၼၼ်ႉတႄႉ (1) မၢၼ်ႇတႃၼႃၼႃ၊ (2) ၼူတ်ႇၶွပ်ႇဢမ်ႇထႃ၊ (3) ၶဵဝ်ႈငွၵ်ႈဢွၵ်ႇႁႃ ၼၼ်ႉယဝ်ႉ။

ထိုင်မႃးပီ 1973 ၸုမ်းၸိူဝ်းၶဝ် ဝႃႇသၼႃႇမိူၼ်ၵၼ် ၸၢႆးၶမ်းလဵၵ်း၊ ၸၢႆးထီးသႅင်၊ ၶုၼ်မဵဝ်းလုၼ်ႇ၊ ၸေႃးတဵင်းဝုၼ်းၶဝ်ၸိူဝ်းၼႆႉ ၸင်ႇၽွတ်ႈပဵၼ်ၸုမ်း ႁႆႇတိုင်ႈ The Outsiders ၸုမ်းၼိုင်ႈသေ ႁႆႇတိုင်ႈတီႈၸၼ်ႉၸွမ်ဝဵင်းလိူဝ်ႇယဝ်ႉ။ ၸုမ်းၶဝ်ၼႆႉ တႄႇ လႆႈၸိုဝ်ႈသဵင်မႃး တမ်ႈတီႈ ၸၼ်ႉၸွမ်ဝဵင်းလိူဝ်ႇသေ လုၵ်ႈႁဵၼ်း ၸၼ်ႉၸွမ်ၶဝ် ႁူႉၸၵ်းၼမ်မႃးတႄႉꧦ။ တီႈၸၼ်ႉၸွမ်ၼၼ်ႉ သမ်ႉၵႆႉမီး လွင်ႈႁပ်ႉတွၼ်ႈလုၵ်ႈ ႁဵၼ်းမႂ်ႇ၊ လွင်ႈသူင်ႇသင်ႇတူင်ႉတၵ်ႉ လုၵ်ႈႁဵၼ်းၵဝ်ႇ ၸိူဝ်းၼႆႉလႄႈ ၸုမ်းၶဝ် ၵႆႉၵႆႉလႆႈႁႆႇတိုင်ႈႁွင်ႉၵႂၢမ်းသေ ဢွၼ်ၵၼ်ႁူႉၸၵ်း ၸုမ်းၶဝ်မႃးယဝ်ႉ။

ၵၢပ်ႈပၢၼ်မိူဝ်ႈၼၼ်ႉ ၵူၼ်းၸၢႆးလႄႉၵၼ်ဝႆႉ ၶူၼ်ႁူဝ်ယၢဝ်းလႄႈ ၸုမ်းၶဝ်ၸိူဝ်းၼႆႉ ပဵၼ်ၵူၼ်းၶူၼ်ႁူဝ်ယၢဝ်းပူၼ်ႉႁူဝ်မႃႇဝႆႉယဝ်ႉ။ မိူဝ်ႈၽူႈတႅမ်ႈလိၵ်ႈ တိုၵ်ႉၶိုၼ်ႈႁဵၼ်း တီႈမေႇမဵဝ်ႉ မိူဝ်ႈ 1978 ၼၼ်ႉ ယၢမ်ႈလႆႈႁၼ် ၸၢႆးထီးသႅင်ပွၵ်ႈဢွၼ်တၢင်းသုတ်း ႁူမ်ႈလူၺ်ႈ လုၵ်ႈႁဵၼ်းတႆးၸၼ်ႉၸွမ်ဝဵင်းလိူဝ်ႇ မႃးဢႅဝ်ႇလႄႇ မေႇမဵဝ်ႉသေ ၵႂႃႇႁၼ်ၶဝ် တီႈသူၼ်လူင် မေႇမဵဝ်ႉယဝ်ႉ။ လႆႈႁၼ် ၸၢႆးထီးသႅင် ၼုင်ႈၵူၼ်တႆး၊ သိူဝ်ႈတႆး ဢိၵ်ႇသိူဝ်ႈသျၢတ်ႉၽိူၵ်ႇ ပႃးတိင်ႇလုၵ်ႈၼိုင်ႈသေ ၵႂႃႇၸွမ်းၼႂ်းၸုမ်း လုၵ်ႈႁဵၼ်းၸၼ်ႉၸွမ်ၶဝ်ၼၼ်ႉယူႇ။ ဢၼ်ၽူႈတႅမ်ႈလိၵ်ႈတိုၵ်ႉတွင်းယူႇၼၼ်ႉတႄႉ ၶူၼ်ႁူဝ်ၸၢႆးထီးသႅင် ငေႃးငေႃးႁေ ယၢဝ်းပူၼ်ႉႁူဝ်မႃႇဝႆႉၼၼ်ႉယဝ်ႉ။ သမ်ႉထႅင်ႈ မၢၼ်ႇတႃၼႃလူင်မၼ်းၵေႃႈ လိူမ်ႈမၢပ်ႈဝႆႉယူႇ။ ၽွင်းၼၼ်ႉ ၵေႃႉႁၵ်ႉမၼ်း ပဵၼ်ၵေႃႉလႂ်ၼႆတႄႉ ၽူႈတႅမ်ႈလိၵ်ႈဢမ်ႇႁူႉ။ ဢၼ်မၼ်းႁၵ်ႉၼႃႇၼၼ်ႉတႄႉ လႅပ်ႈတေပဵၼ် တိင်ႇမၼ်းၵူၺ်း။ မၼ်းႁႆႇတိင်ႇလုၵ်ႈလဵဝ်သေ ႁွင်ႉၵႂၢမ်းမူၼ်ႈၸႂ်ပၼ်ပိူၼ်ႈၼႆၵေႃႈ တိုၼ်းပႃးၸႂ်ပႃးၶေႃးသေ ႁႆႇလႄႈ သဵင်တူပ်းမိုဝ်းပၼ်ႁႅင်းမၼ်း တိုၼ်းႁူၼ်ႈပၼ်းဝႆႉ လိူဝ်ပိူၼ်ႈယူႇတႃႇသေႇယဝ်ႉ။

ဢွၼ်တၢင်းသုတ်း ၸုမ်းၸၢႆးထီးသႅင်ၶဝ် ၶၢမ်ႇသဵင်ႈငိုၼ်းသေ ဢတ်းသဵင်တူၺ်း တမ်ႈတီႈ ႁွင်ႈဢတ်းသဵင် Center ဝဵင်းလိူဝ်ႇယဝ်ႉ။  ၵူၺ်းၵႃႈ သဵင်ႁႆႇဢမ်ႇၶႅမ်ႉလႅပ်ႈ။ မိူဝ်ႈပၢၼ်ၼၼ်ႉ ၸဵမ်ၵူၼ်းႁႆႇတိုင်ႈ၊ ၵူၼ်းႁွင်ႉၵႂၢမ်း လႆႈႁႆႇလႆႈႁွင်ႉ ၸွမ်းၵၼ်ႁႂ်ႈၶႅမ်ႈလႅပ်ႈယဝ်ႉ။ သင်ဝႃႈ သေၵေႃႉၵေႃႉ ၽိတ်းၵႂႃႇၼႆၸိုင် လႆႈၶိုၼ်းမႄးတႄႇမႂ်ႇထႅင်ႈယဝ်ႉ။ ယၢမ်းလဵဝ်တႄႉ ယွၼ်ႉၶိူင်ႈၸၢၵ်ႈဢတ်းသဵင် ၶိုၼ်ႈယႂ်ႇ မႃးယဝ်ႉလႄႈ ႁႆႇၽိတ်း ႁွင်ႉၽိတ်းၵႂႃႇၼႆၵေႃႈ ၶိုၼ်းတေႃႉတႄႉ လႆႈမႄးဢဝ် တီႈၽိတ်းမၼ်းၼၼ်ႉၵူၺ်း။ ဢမ်ႇတၢပ်ႈလူဝ်ႇၶိုၼ်းတႄႇ ငဝ်ႈတေႃႇပၢႆယဝ်ႉ။

ၵမ်းႁူဝ်ႁႅၵ်ႈ ဢၼ်ၶဝ်ဢတ်းသဵင် တီႈဝဵင်းလိူဝ်ႇၼႆႉ သဵင်ဢတ်းဢမ်ႇၶိုၵ်ႉ၊ သဵင်ႁႆႇဢမ်ႇပိုၵ်ႉ၊ သဵင်ၵႂၢမ်း ဢမ်ႇလိုၵ်ႉလႄႈ ဢမ်ႇဢွင်ႇ။ ၵူၺ်းလႆႈမဝ်းယွင်ႇၼွၼ်းၽၼ်မႃးၵူၺ်း။ ၼႃႈၵၢၼ်သင်သေဢမ်ႇဝႃႈ ႁဵတ်းပွၵ်ႈလဵဝ်သေ ဢွင်ႇၵႂႃႇ ယဝ်ႉတူဝ်ႈၶႅမ်ႉလႅပ်ႈၵႂႃႇ ဢၼ်ဝႃႈၼၼ်ႉ ဢမ်ႇမီး၊ ၵွပ်ႈၼႆ ၼင်ႇႁိုဝ်တေတိူဝ်းတွၼ်း မီးလွၼ်ႉမွၼ်း လိူဝ်သေၵဝ်ႇၼၼ်ႉ ၸၢႆးထီးသႅင် ၸင်ႇလူင်းၵႂႃႇ တႃႈၵုင်ႈသေ ၵႂႃႇဢတ်းသဵင် တမ်ႈတီႈ ၸတူႇတီႇယူဝ်ႇဢူးပတဵင်း (တႃႈၵုင်ႈ)ယဝ်ႉ။ ဝၢႆးသေ ပဵၼ်ၶႅပ်းမႃး ၵႂႃႇထၢမ်ၶၢႆပၼ် လၢၼ်ႉဢတ်းသဵင် တီႈလႂ်ၵေႃႈ ၽႂ်ဢမ်ႇၶႂ်ႈလႆႈ။ ၵမ်ႈၽွင်ႈ ထၢမ်ဝႃႈ-

လၢၼ်ႉဢၼ်လႂ်ၵေႃႈ လၢတ်ႈၼင်ႇၼႆ လၢတ်ႈလိူဝ်ၼႆႉသေ ဝႆႁူဝ်ဝုတ်းဝုတ်း တေႃႇၶဝ်ယူႇလႄႈ ဢၼ်လွမ်ထၢင်ႇၶိုၵ်ႉဝႆႉၼၼ်ႉ ယၢတ်ႇတူၵ်းပိုၵ်ႉပႅတ်ႈၼိူဝ် လိၼ်ၵႂႃႇယဝ်ႉ။ ၵွပ်ႈၼႆ ဢမ်ႇၸၢင်ႈႁဵတ်းႁိုဝ်သေ ၵႃႈလႆႈၶၢမ်ႇတၢင်းၼႃႈလဵၵ်ႉ ႁႂ်ႈပိူၼ်ႈၸွႆႈပိုၼ်ၶၢႆပၼ် တေႃႉတႄႉ ယွၼ်းဢဝ် ၵႃႈၶၼ်ၵႂၢမ်း ၼိုင်ႈပုၵ်ႈ သွင်ပျႃးၵူၺ်းယဝ်ႉ။ လၢၼ်ႉမၢင်တီႈ တိုၼ်းဢမ်ႇႁပ်ႉဢဝ်သေဢမ်ႇၵႃး ဝႃႈပုတ်းဝႃႈၶၢတ်ႇပၼ်ၶဝ် ပေႃးဢမ်ႇၶႂ်ႈမီး တီႈလီဢဝ်သင်လႄႈ ထၢတ်ႈၸႂ်ပေႃးတူၵ်းၵႂႃႇယူႇယဝ်ႉ။ “ဢေႃး...  ဢၼ်ယၢတ်ႇတူၵ်းၵႂႃႇၼၼ်ႉ ပေႃးမၼ်းၵႂႃႇတုမ်ႉတိူဝ်ႉၺႃး ၼင်လိၼ်မိူင်းၼႆ တေၶိုၼ်းၸၢင်ႈဝူင်ၶိုၼ်ႈသုင်မႃးယူႇ” ၼႆ ၽွင်းၸႂ်တူၵ်းယူႇၼၼ်ႉ ၽႂ်တေဢမ်ႇလႃႈလီႈႁတ်းဝူၼ်ႉ။

ၵွပ်ႈၼၼ် ၶဝ်ၸင်ႇဢဝ်ၶႅပ်းၵႂၢမ်းၶဝ် ၶိုၼ်ႈမႃး တီႈတူၼ်ႈတီးသေ မႃးပၼ်တီႈဢတ်းသဵင် မၢဝ်း ယဝ်ႉ။ ၵတ်ႉၵႃႈ မၢဝ်း ဝၵ်ႉတၢဝ်းသေ ၸွႆႈပိုၼ် ပၼ်လႄႈ မီးႁႅင်းၸႂ်မႃးယူႇဢိတ်းၼိုင်ႈ။ လိူဝ်သေၼၼ်ႉ တႆးၵေႃႉမၼ်း ဢွင်ႇၶႅင်ႇမျိၼ်ႉ (ၵျေႇမွင်ႇမွင်ႇ၊ ဂျေမောင်မောင်) မႃးႁၼ်သေ မၼ်းၸင်ႇၶိုၼ်းဢဝ်ၶႅပ်းၵႂၢမ်း မိူဝ်းပိုၼ်ပၼ် ၼႂ်းဝဵင်းတႃႈၵုင်ႈလႄႈ ၸင်ႇၸွတ်ႇၵႂႃႇ ၵမ်ႉၼမ်ယူႇ။

မိူဝ်ႈပီ 1973 ၼၼ်ႉၼင်ႇၵဝ်ႇ ၸုမ်းႁႆႇတိုင်ႈ  The Outsiders လႄႈ Highlanders (ဢၼ်ၸၢႆးၶမ်းတီ၊ ၸေႃးၵျႅၵ်ႉသျိၼ်ႇ၊ ၸေႃးၵျေႃႇၼီႇၶဝ်ၽွတ်ႈဝႆႉ)ၼၼ်ႉ မႃးႁူမ်ႈၵၼ် ႁဵတ်းပဵၼ် ၸုမ်းလဵဝ်သေ မႄးပဵၼ်မႃး ၸုမ်းမႂ်ႇ The Wild Ones ယဝ်ႉ။ ဝၢႆးၼၼ်ႉ ၸုမ်းၶဝ်ၶိုၼ်းၵႂႃႇတွႆႇတိုင်ႈဢတ်း သဵင် တမ်ႈတီႈ တႃႈၵုင်ႈ ထႅင်ႈၶႅပ်းၼိုင်ႈ။ ႁူဝ်ၶေႃႈ ၶႅပ်းၼႆႉ ၸိုဝ်ႈဝႃႈ ၼူၺ်ႇယႃႇတီႇ (နွေရာသီ) ၼႆသေ ဢွင်ႈတီႈ ၶၢႆၶႅပ်းၼၼ်ႉ ၵၢင်ၶမ်ႈမႃး လႆႈဢၢၼ်ႇငိုၼ်း ၵႃႈၶႅပ်း တႃၼွၼ်းပေႃးလု ၼႆယဝ်ႉ။ ၵပ်းၵၢႆႇလူၺ်ႈ ၶႅပ်းၶၢႆလီၼႃႇၼၼ်ႉသေ ၵေႃႉဢတ်းသဵင်ပၼ်ၶဝ် မွင်ႇမွင်ႇ ၼၼ်ႉ သမ်ႉပေႃးဢၢမ်းၵႂႃႇယဝ်ႉ။

ဝၢႆးသေၼၼ်ႉ သိုပ်ႇဢတ်းထႅင်ႈ ၶႅပ်းမၢႆသၢမ် တမ်ႈတီႈတႃႈၵုင်ႈသေ ႁူဝ်ၶေႃႈၶႅပ်းၵႂၢမ်းၸိုဝ်ႈဝႃႈ မန္တလေးရောက် ရှမ်းတစ်ယောက် ယဝ်ႉ။ တႄႇ ဢဝ်ၶႅပ်းဢၼ်ၼႆႉၵႂႃႇ ၸိုဝ်ႈသဵင် ၸၢႆးထီးသႅင်ၼႆႉ ၵူၼ်းမိူင်းမၢၼ်ႈ ဢွၼ်ၵၼ်ႁူႉၸၵ်းၵႂႃႇသဵင်ႈယဝ်ႉ။ လၢၼ်ႉဢတ်းသဵင်ၶဝ် ၵုမ်ႇလႆႈဢတ်းသဵင် သမ်ႉပေႃးဢမ်ႇ တၼ်းလႆႈၼႆယဝ်ႉ။ တမ်ႈတီႈ သႅင်ႇၼမ်ႉၼဵင်ႈ၊ သႅင်ႇၶဝ်ႈၸိူဝ်းၼၼ်ႉၵေႃႈ ဢွၼ်ၵၼ်ပိုတ်ႇၽုၺ်ႇၵႂၢမ်း ၸၢႆးထီးသႅင် သမ်ႉပေႃးပၼ်းၵႂႃႇ ၵူႈတီႈၵူႈတၢင်းယူႇ။

ၶႅပ်းၵႂၢမ်း ၸၢႆးထီးသႅင်ၼႆႉ ပဵၼ်ၶႅပ်းၵႂၢမ်း ၽၢႆႇမၢၼ်ႈၵမ်ႉၼမ်ယဝ်ႉ။ ၵူၺ်းၵႃႈ ၼႂ်းၶႅပ်းၵႂၢမ်းမၢၼ်ႈၼၼ်ႉ ၵႆႉဢဝ်ၵႂၢမ်းတႆးၸိမ်ပႃးၸွမ်းလႄႈ တေလႆႈဝႃႈ ပဵၼ်ၵွၼ်ႈၼမ်ႉထၢၼ်ဝၢၼ်ဢွၼ်ႇ ပုၼ်ႈတႃႇပီႈၼွင်ႉတႆး ၸိူဝ်းလႆႈငိၼ်းထွမ်ႇၼၼ်ႉယူႇ။ ႁဵတ်းၼၼ် ၵႂၢမ်း ၸၢႆးထီးသႅင် သိုပ်ႇဢွၵ်ႇမႃး ၵပ်းတၢမ်းၵၼ်ယူႇ တိၵ်းတိၵ်းလႄႈ ႁဵတ်းႁႂ်ႈ ၵူၼ်းၼမ် သိုပ်ႇမိုတ်ႈႁပ်ႉၵႂၢမ်းမၼ်းမႃးတိၵ်းတိၵ်းယူႇ။

ယွၼ်ႉပိူဝ်ႈ ၶေႃႈၵႂၢမ်း ဢၼ်မေႃယႃၸၢႆးၶမ်းလဵၵ်း တႅမ်ႈၼၼ်ႉၵေႃႈ ၶိုၵ်ႉလိုၵ်ႉၵေႃႈပိူင်ၼိုင်ႈ၊ သဵင်ၸၢႆးထီးသႅင်ၵေႃႈ သမ်ႉၶႅမ်ႉပိူင်ၼိုင်ႈလႄႈ သွင်ပိူင်ၼႆႉမႃး ႁွမ်းၵၼ် မိူၼ်ၼင်ႇ သဵၼ်ႈတၢင်းရူတ်ႉလဵၼ်းလူင် ဢၼ်ၵႂႃႇလႆႈ ၶၢဝ်းယၢဝ်းၶၢဝ်းၵႆၼၼ်ႉယဝ်ႉ။ ၽူႈႁွင်ႉ ၵႂၢမ်းမၢင်ၸိူဝ်းၼႆႉ ႁွင်ႉၵႂၢမ်းသေ ၵိုင်ႉၵၢင်ႉၸိုဝ်ႈသဵင် ယႂ်ႇမႃးယူႇ။ ၵူၺ်းၵႃႈ ပျသၼႃႇလူင်ၶဝ် ဢၼ်တေသိုပ်ႇၵုမ်းထိင်းပၼ် ၸိုဝ်ႈသဵင်ၶဝ် ႁႂ်ႈသိုပ်ႇယိုၼ်းႁိုင်ၼၼ်ႉ ပဵၼ်လွင်ႈဢမ်ႇႁႃလႆႈ ၽူႈတႅမ်ႈၵႂၢမ်းတႃႇသေႇ ၼၼ်ႉယဝ်ႉ။

ပုၼ်ႈတႃႇ ၸၢႆးထီးသႅင်တႄႉ ၽၢႆႇလင်မၼ်း မီးဝႆႉ ၸၢႆးၶမ်းလဵၵ်းတင်းၵေႃႉလႄႈ ပျသၼႃႇတႃႇတေ ႁႃၵႂၢမ်းၼၼ်ႉ ဢမ်ႇလႆႈထူပ်းမႃး ၸိူင်ႉၼင်ႇပိူၼ်ႈ။ လိူဝ် သေၼၼ်ႉ တူဝ်ၸၢႆးထီးသႅင်ၵေႃႈ မေႃတႅမ်ႈလႆႈ ၵႂၢမ်းၶိုၵ်ႉလိုၵ်ႉၼင်ႇၵဝ်ႇ။ ယွၼ်ႉပိူဝ်ႈ တၢင်းၶတ်းၸႂ် ဢမ်ႇယူပ်ႈဢမ်ႇယွမ်း တင်းသွင်ၵေႃႉလႄႈ ၶႃသွင်ၵေႃႉၼႆႉ ၸိုဝ်ႈသဵင်ယႂ်ႇမႃး ၸွမ်းၵၼ်ယဝ်ႉ။ ၼႂ်းလေႃးၵ ၽူႈႁွင်ႉၵႂၢမ်းလႄႈ ၽူႈတႅမ်ႈၵႂၢမ်းၼႆႉ ႁႂ်ႈပေႃးၵိုၵ်းၵၼ် ၼင်ႇၶႃသွင်ၵေႃႉၼႆႉ ၼၢၼ်းမီးယူႇတႄႉ။ မၢင်ၸိူဝ်းၼႆႉ ၵူၼ်းႁွင်ႉၵႂၢမ်းၵူၺ်း ၸိုဝ်ႈသဵင်ယႂ်ႇ။ ၵူၼ်းတႅမ်ႈမၼ်း ပဵၼ်ၽႂ်ၼႆ ပိူၼ်ႈဢမ်ႇႁူႉၸၵ်းၵေႃႈ မီးတင်းၼမ်ယဝ်ႉ။ ၵူၺ်းၵႃႈ ၵႂၢမ်းဢၼ်ၸၢႆးထီးသႅင်ႁွင်ႉၼၼ်ႉ  ပေႃးဢမ်ႇၸႂ်ႈ ၸၢႆးၶမ်းလဵၵ်းတႅမ်ႈၼႆ ပိူၼ်ႈ ဢမ်ႇၶႂ်ႈထွမ်ႇၼင်ႇၼၼ် ၵႂၢမ်းဢၼ်ၸၢႆးၶမ်းလဵၵ်း တႅမ်ႈၼၼ်ႉ ၵူၼ်းတၢင်ႇၵေႃႉ ဢဝ်ႁွင်ႉၵေႃႈ ပိူၼ်ႈသမ်ႉဢမ်ႇၶႂ်ႈထွမ်ႇၼင်ႇၵဝ်ႇ။ ၵွပ်ႈၼႆ ၶႃသွင်ၵေႃႉၼႆႉ တိုၼ်းတေလႆႈၵိုၵ်းၵၼ် မိူၼ်ၼင်ႇ ၵႃဝၢဝ်ႇလႄႈၸိူၵ်ႈ ၼၼ်ႉယဝ်ႉ။ ပရိသတ်ႈ ၸိူဝ်းပၼ်ႁႅင်းၶႃၼၼ်ႉတႄႉ သမ်ႉပဵၼ်လူမ်းပဝ်ႇသေ ႁဵတ်းႁႂ်ႈၵႃဝၢဝ်ႇ မိၼ်လႆႈသုင် ႁဵတ်းႁႂ်ႈ ၸိူၵ်ႈမၼ်း ၼူင်ႇလႆႈယၢဝ်းယဝ်ႉ။

ယွၼ်ႉပိူဝ်ႈ ၶႅပ်းၵႂၢမ်းၸၢႆးထီးသႅင် ၶၢႆလီၼႃႇ ပူၼ်ႉတီႈလႄႈ ၽူႈႁွင်ႉၵႂၢမ်းမၢၼ်ႈၶဝ် ဢမ်ႇၶိုတ်းမၼ်းၸၢႆးလႆႈသေ တေပဵၼ်ၸႂ်သူၺ်ႈၼိင်ႈမၼ်းယူႇဢမ်ႇႁၢင်ႉ။ ၵွပ်ႈၼၼ် ၼင်ႇႁိုဝ် ၸိုဝ်ႈသဵင်မၼ်း တေၼဝ်ႈတေလုၼၼ်ႉ ဢဝ်လၢႆးၵူႈပိူင်ပိူင်သေ ယႃႉၸိုဝ်ႈသဵင် ၸၢႆးထီးသႅင်မႃး တင်းၼမ်ယူႇ။ တမ်ႈတီႈ ၼႂ်းၵႃႇတုၼ်း ႁၢင်ႈလူၼ်ႉပေႃႇသၢၼ်းမူၺ်း ဢၼ်ၼိုင်ႈၼၼ်ႉ တႅမ်ႈႁၢင်ႈလူၼ်ႉၼႄဝႆႉဝႃႈ မၼ်းထွမ်ႇၵႂၢမ်း ၸၢႆးထီးသႅင်သေ ၼဵၵ်းၼဵၼ်ၶိုတ်းၵၢပ်ႈဢၼ်ၼိုင်ႈ ႁွင်ႉဢဝ် ၸၢႆးထီးသႅင်ဢွၵ်ႇမႃး တီႈၼွၵ်ႈယဝ်ႉ။ ႁၢင်ႈလူၼ်ႉၼၼ်ႉ တႅမ်ႈဝႆႉ ႁၢင်ႈၸၢႆးထီးသႅင် ၶဵဝ်ႈငွၵ်ႈငွၵ်ႈလူင်၊ မၢၼ်ႇတႃၼႃၼႃလူင်၊ ၶူၼ်ႁူဝ်ပူင်းယၢဝ်းလူင်၊ ၼုင်ႈၵူၼ်ၶႃၵီႈလူင်သေ ဢွၵ်ႇမႃးၸုၵ်းၼိူဝ်ၽိူၼ် ၼႃႈလဵၵ်ႉ ၵူဝ်ႁႄဝႆႉယူႇ။ ၽူႈတႅမ်ႈႁၢင်ႈလူၼ်ႉ သိုပ်ႇတႅမ်ႈဝႃႈ ပေႃႇသၢၼ်းမူၺ်း ဢၼ်ၵတ်ႉၶႅၼ်ႇၸိူင်ႉၼင်ႇ ၵျဵမ်း သပွၼ်းၼၼ်ႉ ၺွပ်းၵမ်ၶေႃး ၸၢႆးထီးသႅင်သေ ၽတ်ႉၵႅမ်ႈၸၢႆးထီးသႅင် ပွင်ႉထႃႉဝႃႈ “ၵွပ်ႈသင် မႂ်း ႁွင်ႉၵႂၢမ်းမၢၼ်ႈဢမ်ႇပီႇ” ၼႆယူႇ။ သမ်ႉၶိုၼ်းတႅမ်ႈဝႆႉ ႁၢင်ႈၸၢႆးထီးသႅင်ၼႃႈမီႇသေ ႁႆႈတွင်းပၢၼ်ႇဝႆႉၼင်ႇ ၼၼ်ယူႇ။ လိူဝ်သေၼၼ်ႉ ပေႃႇသၢၼ်းမူၺ်း ၶိုၼ်းဢဝ်ၵိမ်းၵဝ်ႉ(ပလႃႇယႃႇ) တိုတ်ႉၸၼ်ပႅတ်ႈ ၶဵဝ်ႈငွၵ်ႈ ၸၢႆးထီးသႅင်သေ လၢတ်ႈဝႃႈ “ၶဵဝ်ႈမႂ်းၼႆႉငွၵ်ႈၼႃႇ ၵွပ်ႈၼႆသဵင်မႂ်းဢမ်ႇပီႇ” ၼႆသေ ဝၢႆးၼၼ်ႉ ဢဝ်တႃမိုဝ်း ထုပ်ႉပၼ် ၸၢႆးထီးသႅင် ၶိုၼ်းဝူင်ၶဝ်ႈၵႂႃႇၼႂ်း ၵႅတ်ႉသႅတ်ႉမၼ်းၼၼ်ႉယဝ်ႉ။

လွင်ႈၼႆႉ ပဵၼ်လွင်ႈၵိူမ်ႈလိူမ်ႈသေတႃႉ ၶႂ်ႈသႄႉၼႄးဝႃႈ ၸၢႆးထီးသႅင် ႁွင်ႉၵႂၢမ်းမၢၼ်ႈဢမ်ႇပီၵေႃႈ ပိူင်ၼိုင်ႈ၊ ၶႂ်ႈသႄႉၼႄး လွင်ႈၶဵဝ်ႈငွၵ်ႈႁၢင်ႈၸႃႉ ၸၢႆးထီးသႅင် ၵေႃႈပိူင်ၼိုင်ႈယဝ်ႉ။ ၸၢႆးထီးသႅင်ႁဝ်းၵေႃႈ တေႃႈတေ မီးလွင်ႈတုမ်ႉတိူဝ်ႉၸႂ်ယူႇ။ ၵူၺ်းၵႃႈ ၵေႃႉဢၼ်ဢဝ် ဝႃႇသၼႃႇ သိူဝ်ႇတၢင်းသေ ႁဵတ်းၵၢၼ်ၼၼ်ႉတႄႉ ႁူႉတၵႃႈ တေသိုပ်ႇပႆ ၼိူဝ်သဵၼ်ႈတၢင်းဝႃႇသၼႃႇၶဝ် ယူႇတိၵ်းတိၵ်းၵူၺ်း။ ပိူၼ်ႈၶႂ်ႈဝႃႈသင်ဝႃႈ ႁူႉတၵႃႈ ၵေႃႉထၢတ်ႈၸႂ်ၵႅၼ်ႇၶႅင်ၼၼ်ႉ တေဝႆႉၸႂ်မိူၼ်ၼင်ႇ မႃႁဝ်ႇၸၢင်ႉ ၼၼ်ႉၵူၺ်း။

ႁၢင်ႈလူၼ်ႉမၢင်ဢၼ် တႅမ်ႈဝႆႉ ႁၢင်ႈသႅင်ႇၸွင်ႈယွၵ်း၊ သႅင်ႇၶႅပ်းတိၼ်ယွၵ်း ၶၢင်းၵၼ်သေ တႅမ်ႈလိၵ်ႈ မၢၼ်ႈၵိုၵ်းၵၼ်ဝႃႈဝႆႉ ထီးဆိုင်/ဘိနပ်ဆိုင် ၼႆၵေႃႈ လႆႈႁၼ်မႃးယဝ်ႉ။ ၼႆႉမၼ်းပဵၼ် လွင်ႈၶႂ်ႈသႄႉၼႄး ၸိုဝ်ႈသဵင်ၸၢႆးထီးသႅင်ၵူၺ်း။ ၸိုဝ်ႈတီႈပွင်ႇ ၸၢႆးထီးသႅင်ၼၼ်ႉ ၵႂႃႇဢွၵ်ႇတီႈပွင်ႇၵႂၢမ်းမၢၼ်ႈဝႃႈ သႅင်ႇၸွင်ႈ ၼႆယဝ်ႉ။ ၶဝ်သမ်ႉ ဢဝ် ဘိနပ်ဆိုင် သႅင်ႇၶႅပ်းတိၼ် မႃးၵိုၵ်းလေႃးၵၼ်ဝႆႉၼၼ်ႉ ၶႂ်ႈဝႃႈၸၢႆးထီးသႅင်ၼႆႉ ပဵၼ်ၸၼ်ႉ သႅင်ႇၶႅပ်းတိၼ်ယွၵ်းၼႆယဝ်ႉ။

ၵႃဝၢဝ်ႇၼႆႉ မၼ်းၶိုၼ်ႈသုင်တၢၼ်ႇႁိုဝ်ၵေႃႈ လူမ်းထူဝ်းႁႅင်းတၢၼ်ႇၼၼ်ႉယဝ်ႉ။ ပေႃးဢမ်ႇၸင်ႈၶၢမ်ႇ လႆႈၸိုင် ၵႃဝၢဝ်ႇတေသိၵ်ႇယွၵ်းၵႂႃႇၼႄႇ၊ ဢမ်ႇၼၼ် တေဢိူင်ႇဢၢင်ၸိူင်ႇၸၢင်ၵႂႃႇၼႄႇ၊ တေဢဝ်မႆႉၵူင်ႇမၼ်း ႁၵ်းၵႂႃႇၼႄႇ၊ ဢမ်ႇၼၼ် ၸိူၵ်ႈမၼ်း တေၶၢတ်ႇၵႂႃႇၼႄႇ? လေႃးၵထမ်ႇၸိူင်ႉၼႆ ၽႂ်ၵေႃႈ တေဢမ်ႇလွတ်ႈလႆႈ။ ၵူၺ်းၵႃႈ ပေႃးမီး လွင်ႈၸင်ႈၶၢမ်ႇၸိုင် တေၶၢမ်ႈပူၼ်ႉလႆႈသဵင်ႈသဵင်ႈယူႇ။ လေႃးၵထမ်ႇ ဢၼ်ၸၢႆးၶမ်းလဵၵ်းလႄႈ ၸၢႆးထီးသႅင် လႆႈၺႃးၼႂ်းမိူင်းမၢၼ်ႈၼႆႉ ထႅင်ႈဢၼ်ၼိုင်ႈၼၼ်ႉ ႁႂ်ႈလႆႈသိုပ်ႇၸႅင်ႈၼႄထႅင်ႈ ဢိတ်းၼိုင်ႈၵွၼ်ႇ။

မိူဝ်ႈၽူႈတႅမ်ႈလိၵ်ႈ တိုၵ်ႈပဵၼ်လုၵ်ႈႁဵၼ်းၸၼ်ႉ သုင်ၼၼ်ႉ လႆႈလူၺႃး လိၵ်ႈပိုၼ်ၶၢဝ်ႇၽိုၼ်ၼိုင်ႈ။ ၼႂ်းလိၵ်ႈပိုၼ်ၶၢဝ်ႇၼၼ်ႉ ပႃးမႃး လိၵ်ႈႁွမ်တွမ်ႁူဝ် ၼိုင်ႈသေ ပဵၼ်လိၵ်ႈဢၼ်တႅမ်ႈ သႄႉသွမ်း ၵႂၢမ်းၸၢႆးထီးသႅင် ဢၼ်ၸၢႆးၶမ်းလဵၵ်းတႅမ်ႈဝႆႉၼၼ်ႉယဝ်ႉ။ ၵေႃႉတႅမ်ႈသႄႉၼႄး ၵႂႃႇလိူၵ်ႈဢဝ်ၶေႃႈၵႂၢမ်း ၼႂ်းၽဵင်း ဘီးကလေးကိုစီး  ၼၼ်ႉသေ မႃးတႅမ်ႈသႂ်ႇ ၼႂ်းလိၵ်ႈပိုၼ်ၶၢဝ်ႇ ႁႂ်ႈပေႃးပိုၼ်ၸွတ်ႇၵႂႃႇ တင်းဝၢၼ်ႈတင်းမိူင်းယူႇ။ ဢဝ်ၸွမ်းၼင်ႇ တၢင်းႁၼ်ထိုင် ဢၼ်ၶႂ်ႈ သႄႉၼႄးၼၼ်ႉ ပဵၼ်ယႂ်ႇသေ ၵႂႃႇလိူၵ်ႈဢဝ်ၶေႃႈၵႂၢမ်း ဢၼ်ဝႃႈ မောတော့မောတာပေါ့ ဒါပေမယ့် မမောဘူး သေ တႅမ်ႈသႄႉဝႃႈ ပဵၼ်ၶေႃႈၵႂၢမ်းဝူၺ်ႇႁင်ႈ ပဵၼ်ၶေႃႈၵႂၢမ်း ၵိလေႇသႃႇ၊ တၼ်ႇႁႃႇၼႆ တင်းယႂ်ႇတင်းၼမ်၊ ဢမ်ႇလီဢဝ်ႁဵတ်းပဵၼ်ၵႂၢမ်းသေႁွင်ႉ၊ ဢမ်ႇၵိုင်ႇလီထွမ်ႇၼႆ...  သမ်ႉပေႃးတဵမ်ၼႃႈလိၵ်ႈ လိၵ်ႈၽိုၼ်ၶၢဝ်ႇ ၼႃႈၼိုင်ႈယူႇ။

တီႈတႄႉမၼ်း ဢၼ်ၸၢႆးၶမ်းလဵၵ်းတႅမ်ႈၼၼ်ႉ တႅမ်ႈၸွမ်းၼင်ႇ သၽႃႇဝမၢဝ်ႇသၢဝ်ၶီႇလႅင် တၢင်ႇၵၼ်ၵႂႃႇဢႅဝ်ႇလႄႇ။ ယိပ်ႇလႅင် တၢင်ႇၵေႃႉႁၵ်ႉမၼ်းသေ သၢဝ်မၼ်း ၵူဝ်ၵေႃႉႁၵ်ႉမၼ်းႁိူဝ်ႉလႄႈ ၸင်ႇထၢမ်ဝႃႈ ၸွင်ႇႁိူဝ်ႉႁိုဝ်? မၢဝ်ႇၶိုၼ်းတွပ်ႇဝႃႈ ႁိူဝ်ႉယူႇ ၵူၺ်ၵႃႈ ဢမ်ႇႁိူဝ်ႉ ၼႆယဝ်ႉ။ ၵေႃႉၸူၺ်ႉၼၼ်ႉ ၵႂႃႇၸူၺ်ႉ ၶဝ်ႈႁွင်ႈၶဝ်ႈႁူၺ်ႈသေ ဢဝ်မႃးႁဵတ်းပဵၼ်ၶေႃႈသႄႉၼႄးၵူၺ်း။

ၶေႃႈၵႂၢမ်းပၢႆးမွၼ်းဢၼ်ဝႃႈၼၼ်ႉ ပဵၼ်ၶေႃႈၵႂၢမ်း မွၵ်ႇမႂ်လႄႈ ၸူၺ်ႉၵႂႃႇတၢင်းလႂ်ၵေႃႈ တိုၼ်းၸူၺ်ႉလႆႈယူႇ။ ၵေႃႉၸူၺ်ႉၶဝ်ႁွင်ႈ ၶဝ်ႈႁူၺ်ႈၼၼ်ႉ မၼ်းၼႄပၼ် ၼမ်ႉၸႂ်ၶဝ်ႈႁွင်ႈၶဝ်ႈ ႁူၺ်ႈမၼ်း၊ ၼမ်ႉၸႂ်တိုၼ်ႈ၊ ၼမ်ႉၸႂ်ဢမ်ႇႁၼ်ၵႂၢင်ႈမၼ်းၵူၺ်း။ ၶေႃႈၵႂၢမ်း ဢၼ်ၸၢႆးၶမ်းလဵၵ်း ဝူၼ်ႉလႆႈ သေတႅမ်ႈလႆႈပဵၼ်ၵႂၢမ်းၵႂႃႇ ႁႂ်ႈပိူၼ်ႈၸပ်းဢူၵ်းၸပ်းၸႂ်ၼၼ်ႉ ဢမ်ႇလႃႈလီႈပဵၼ်လႆႈ။ ၶေႃႈၵႂၢမ်း ဢၼ်ဝႃႈ မောတော့မောတာပေါ့ ဒါပေမယ့် မမောဘူး ၼႆ ၼၼ်ႉ ၼႂ်းၵႄႈၵၢင် လုၵ်ႈဢွၼ်ႇ၊ မၢဝ်ႇသၢဝ်၊ ၵူၼ်လူင် ဢွၼ်ၵၼ် ၸပ်းသူပ်းၸပ်းပၢၵ်ႇသေ ပဵၼ်ၶေႃႈ ၵႂၢမ်းယႃၸႂ် ပုၼ်ႈတႃႇၵူၼ်း ထူပ်းလွင်ႈႁိူဝ်ႉတူဝ်ႁိူဝ်ႉၸႂ် တင်းၼမ်ယူႇ။

ဝၢႆးသေ လႆႈငိၼ်းၶေႃႈၵႂၢမ်း လွင်ႈသႄႉၼႄး မေႃးတေႃႉမေႃးတႃႇပေႃႉ ၼၼ်ႉသေ ဢမ်ႇႁိုင်ဢမ်ႇၼၢၼ်း ၸၢႆးၶမ်းလဵၵ်း လႆႈၶိုၼ်းတႅမ်ႈဢွၵ်ႇမႃး ၵႂၢမ်း ၶႅမ်ႉထႅင်ႈႁူဝ်ၼိုင်ႈ ဢၼ်ဝႃႈ ကျေနပ်ပါတော့ ၼႆ ၼၼ်ႉယူႇ။ ၵႂၢမ်းႁူဝ်ၼၼ်ႉ ၸၢႆးထီးသႅင်ၵေႃႈ ၶိုၼ်ႈသဵင်သေ ႁွင်ႉမေႃဝႆႉလႄႈ တီႈပွင်ႇမၼ်း ၵႂႃႇလိုၵ်ႉယူႇတႄႉတႄႉ။ ႁူဝ်ႁုပ်ႈၵႂၢမ်းႁူဝ်ၼၼ်ႉတႄႉ ၶႂ်ႈဝႃႈ ႁၢၼ်ႉၸႂ်လႃႈ ပၼ်သုမ်းယဝ်ႉ။ ၵူၺ်းၵႃႈ ၽၢႆႇလင်တၢင်းသုမ်းၼၼ်ႉ လၵ်ႉလွမ်မီးဝႆႉ သဵင်ၶူဝ်ယူႇ ၸိူဝ်းၼၼ်ႉ ယဝ်ႉ။

ၵမ်ႈၽွင်ႈၵေႃႈ ယင်းဢွၼ်ၵၼ်သႄႉၼႄးဝႃႈ ၸၢႆးထီးသႅင်ၼႆႉ ၵုမ်ႇႁွင်ႉၵႂၢမ်း မၢၼ်ႈၵူၺ်း။ ဢမ်ႇႁၼ်မၼ်းႁွင်ႉၵႂၢမ်းတႆး ၼႆၵေႃႈ မီးယူႇၼင်ႇၵဝ်ႇ။ သင်ၸိူဝ်ႉဝႃႈ မေႃတူၺ်းႁၼ်ၵႆသေ ပွင်ႇၸႂ်ၼိူဝ်ဢၼ်ၸၢႆးထီးသႅင် ႁွင်ႉ ၽဵင်းၵႂၢမ်းမၢၼ်ႈၼၼ်ႉၼင်ႇၼႆၸိုင်-

(1) ပဵၼ်တႆးၵေႃႉၼိုင်ႈ ယူႇၼႂ်းၵႄႈမၢၼ်ႈ ၶတ်းၸႂ်  ႁွင်ႉၵႂၢမ်းပိူၼ်ႈ၊ ႁႂ်ႈပဵင်း၊ ႁႂ်ႈပူၼ်ႉပိူၼ်ႈ။

(2) သႂ်ႇၸိုဝ်ႈတႆးၸဝ်ႈၵဝ်ႇ ၸၢႆးထီးသႅင် ၼႄပိူၼ်ႈ ႁတ်းႁတ်း။

(3) ယွၼ်ႉပိူဝ်ႈ ၸၢႆးထီးသႅင် ဢဝ်ၸိုဝ်ႈတႆးသေ ႁွင်ႉၵႂၢမ်း ပဵၼ်ၵူၼ်းၸိုဝ်ႈသဵင်ယႂ်ႇၵေႃႉၼိုင်ႈလႄႈ ၸိူဝ်ႉၶိူဝ်းတႆးႁဝ်း ၵူၼ်းမိူင်းတႆးႁဝ်းၵေႃႈ မီးဢူမီး ႁိၵ်ႈမႃးၸွမ်းမၼ်း၊ မၼ်းၵေႃႈ မီးဢူမီႈႁိၵ်ႈလူၺ်ႈ ၶိူဝ်းႁဝ်း၊ မိူင်းႁဝ်းမႃးတင်းၼမ်။

(4) မၢင်ပွၵ်ႈ တီႈၼိူဝ်ၶဵင်ႇႁွင်ႉၵႂၢမ်း ၼုင်ႈၶူဝ်းတႆးႁဝ်း ၼႄပိူၼ်ႈ၊ ပိုတ်ႇၶႅၼ်လၢႆးတႆးႁဝ်းၼႄပိူၼ်ႈ၊ တူင်ႉတၵ်ႉမႂ်ႇသုင် မိင်ႇၵလႃႇပႃႇ ၸိူဝ်းၼႆႉ ၼႄ ပိူၼ်ႈၼၼ်ႉၼႄပၼ် လွင်ႈဝႃႈ ၸဝ်ႈၵဝ်ႇပဵၼ်တႆးၵေႃႉၼိုင်ႈသေ မီးၸႂ်ႁတ်းႁၢၼ် ၸုၵ်းယၼ်လႆႈ ၽၢႆႇၼႃႈပိူၼ်ႈ။

(5) ၼႂ်းၶႅပ်းၵႂၢမ်းမၢၼ်ႈၼၼ်ႉၵေႃႈ ၵႆႉႁွင်ႉပႃး ၵႂၢမ်းတႆး ပဵၼ်ပွတ်းပဵၼ်တွၼ်ႈသေ ဢဝ်သဵင်ဝၢၼ် ၵႂၢမ်းတႆးႁဝ်း ပၼ်ပိူၼ်ႈၸိမ်းတူၺ်း။ ႁဵတ်းႁႂ်ႈ တႆးၸိူဝ်း ဢၼ်ပဵၼ် ႁဵပ်းၽႄႉၺႃးၵိူဝ် ၶႂ်ႈၸိူမ်ႈၼၼ်ႉ ပေႃးၶိုၼ်းဢွၵ်ႇပၢၵ်ႇဝႃႈမႃး ႁဝ်းၵေႃႈ ပဵၼ်တႆးၼင်ႇၵဝ်ႇဢေႃႈ ၼႆမႃးတင်းၼမ်။

ဝၢႆးသေၼၼ်ႉ ၵႂၢမ်းၸၢႆးထီးသႅင် သိုပ်ႇဢွၵ်ႇမႃး ၶိူဝ်းၶိူဝ်းယႂ်းယႂ်းယူႇ။ ဢွၵ်ႇမႃး ၶႅပ်းဢၼ်လႂ်ၵေႃႈ မိူဝ်ႈတႄႇထွမ်ႇၼၼ်ႉ ဢၢပ်ႈတေဢမ်ႇၶိုတ်းဢၼ်ဢွၵ်ႇ ပူၼ်ႉမႃးၵဝ်ႇၵဝ်ႇသေတႃႉ ပေႃးထွမ်ႇႁိုင်မႃး ၵွႆႈယူႇၵွႆႈ လီထွမ်ႇတိၵ်းတိၵ်းလႄႈ ၵႂၢမ်းၵဝ်ႇၵေႃႈပဵၼ် ၵႂၢမ်းမႂ်ႇ၊ ၵႂၢမ်းမႂ်ႇၵေႃႈ ပဵၼ်ၵႂၢမ်းမႂ်ႇဝႆႉယူႇတႃႇသေႇယဝ်ႉ။

မိူဝ်ႈ 1977 ၼၼ်ႉ တီႈတႃႈၵုင်ႈ၊ ၽူႈႁွင်ႉၵႂၢမ်း ၸၢႆးထီးသႅင်ၵေႃႈ ၵပ်းၵၢႆႇလူၺ်ႈ ယႃႈမဝ်းၵမ်သေ လႆႈတူၵ်းၶွၵ်ႈမႃး ၵေႃႈမီးယူႇ ၼင်ႇၵဝ်ႇ။ ၵမ်ႈၽွင်ႈဝႃႈ ယွၼ်ႉၸိုဝ်ႈသဵင်ယႂ်ႇလႄႈ ပဵၼ်မၼ်းၸၢႆး ထုၵ်ႇႁႅဝ်ႉပိူၼ်ႈၵၢင်ၼႆယဝ်ႉ။ ပရိသတ်ႈၸၢႆးထီးသႅင် လႆႈငိၼ်းဝႃႈ ပိူၼ်ႈၺွပ်းမၼ်းၵႂႃႇၼႆ ၵူၼ်းၵမ်ႈၽွင်ႈ ယင်းဢဝ်မၢၵ်ႇႁိၼ်ၵႂႃႇသိုင်း ႁိူၼ်းၵူၼ်းလူင် ၸိူဝ်းတိၺွပ်းၸၢႆးထီးသႅင်ၼၼ်ႉၵွၼ်ႇယဝ်ႉ။ ၼႆတႄႉ ၼႄပၼ် လွင်ႈဝႃႈ ပရိသတ်ႈမၼ်း ႁၵ်ႉမၼ်းၼၼ်ႉယဝ်ႉ။

ပဵၼ်ႁိုဝ်ပဵၼ် ၸၢႆးထီးသႅင်တႄႉ တိုၼ်းပဵၼ် ၸၢႆးထီးသႅင်ၵူၺ်း။ မၼ်းၶိုၼ်းမႃးၶတ်းၸႂ် ၸုၵ်းယၼ်မၼ်ႈ ၼိူဝ်သဵၼ်ႈ တၢင်းပၢႆးမွၼ်းမၼ်းၵႂႃႇ ႁႂ်ႈၶႅမ်ႉလီလိူဝ်သေၵဝ်ႇယူႇ။ ပရိသတ်ႈမၼ်းၵေႃႈ ၶႅၼ်းၼမ်လိူဝ်မႃးတႄႉꧦ။

ပၢင်ႁွင်ႉၵႂၢမ်း (Stage Show) ဢၼ်ယႂ်ႇ ဢၼ်လူင်ၼၼ်ႉ ပေႃးဝႃႈ ပႃးၸိုဝ်ႈၸၢႆးထီးသႅင်ၼႆၸိုင် မႂ်တိုတ်းမၼ်းၵေႃႈ ၶၢႆလီ။ ၵူၼ်းပၼ်ႁႅင်းၵေႃႈ ၼမ်တိူဝ်းဝႆႉ ၵူႈတီႈလႄႈ ၵူၼ်းႁဵတ်းပွႆးၶဝ် ဢွၼ်ၵၼ် ႁိမ်ဢဝ်ႁႂ်ႈလႆႈၸၢႆးထီးသႅင်ယူႇ ၵူႈတီႈယဝ်ႉ။ ၸၢႆးထီးသႅင်ၼႆႉ ပဵၼ်ၵူၼ်းၼပ်ႉယမ် ပရိသတ်ႈၵေႃႉၼိုင်ႈလႄႈ ပရိသတ်ႈၵေႃႈ ၼပ်ႉယမ်မၼ်း၊ ႁၵ်ႉမၼ်းတႄႉꧦ။ ပႃႇရမီႇမၼ်း ပိူင်ၼိုင်ႈ ဢၼ်ပိူၼ်ႈဢမ်ႇယိူင်ႈလႆႈၼၼ်ႉတႄႉ မၼ်းၵွၼ်းထိင်းလႆႈ ပရိသတ်ႈၼၼ်ႉယဝ်ႉ။ ဢဝ်တိင်ႇလုၵ်ႈၼိုင်ႈ ၵွင်ႉၶေႃးမၼ်းသေ ႁွင်ႉၵႂၢမ်းၵႂႃႇယူဝ်းယူဝ်းၵူၺ်းၵေႃႈ ၵွၼ်းထိင်းလႆႈ ပရိသၢတ်ႈတၢင်းၼမ်မႃးယူႇယဝ်ႉ။

ပၢင်ႁွင်ႉၵႂၢမ်း တီႈလႂ်သေဢမ်ႇဝႃႈ မိူဝ်ႈၸၢႆးထီးသႅင် ပႆႇၶိုၼ်ႈႁွင်ႉၵႂၢမ်းၼၼ်ႉ ပရိသတ်ႈတူၺ်းပွႆး ဢူၼ်ဢူၼ်ပၼ်းပၼ်းဝႆႉယူႇ ၵူႈတီႈယဝ်ႉ။ ၵူၺ်းၵႃႈ ပေႃး လႆႈငိၼ်း ပိူၼ်ႈပိုၼ်ၽၢဝ်ႇဝႃႈ ၵမ်းၼႆႉ တူၵ်းပုၼ်ႈၽွၼ်း ၸၢႆးထီးသႅင် တေမႃး မူၼ်ႈတူၼ်ႈၸႂ်ပၼ်ၶႃႈဢေႃႈ ၼႆ သဵင်တူပ်းမိုဝ်း ပေႃးလိုဝ်းလင်ၸွတ်ႇၾႃႉၵႂႃႇသေ ဝၢႆးၼၼ်ႉ ၵူၼ်းတူၺ်းပွႆးတင်းသဵင်ႈ ဢွၼ်ၵၼ်တဵတ်ႇယဵၼ်သေ ထွမ်ႇဢဝ်ၵႂၢမ်းမၼ်း ၶဝ်ႈၸႂ်ၶဝ်ႈၶေႃးယူႇ ၵူႈတီႈယဝ်ႉ။

ပၢင်ႁွင်ႉၵႂၢမ်းမၢင်တီႈ ၽူႈၸတ်းၵၢၼ်ပွႆး ဢဝ်ၵူၼ်း ၸိုဝ်ႈသဵင်ယႂ်ႇ သႂ်ႇၽၢႆႇလင်သေ ထိင်းၵူၼ်းတူၺ်းပွႆး ၵႂႃႇယူႇ။ ပေႃးၼၢၼ်းသႂ်ႇ ၸၢႆးထီးသႅင်ၼႆႉ ပရိသတ်ႈၶဝ် ဢွၼ်ၵၼ်ႁွင်ႉပၢဝ်ႇတုၵ်းယွၼ်း ႁႂ်ႈၸၢႆးထီးသႅင် မႃးႁွင်ႉၼႆယူႇယဝ်ႉ။ ပွင်ႇဝႃႈ ပရိသတ်ႈၸိူဝ်းမႃးတူၺ်းပွႆးၼႆႉ မုင်ႈမွင်းသဵင်ဝၢၼ်ဢွၼ်ႇ ၸၢႆးထီးသႅင်ၼႆ မၼ်းထၢင်ႇၸႅင်ႈယူႇတႄႉꧦ။

ပွၵ်ႈၼိုင်ႈ တီႈပႃႇၵိူဝ်(ပၵူဝ်း) ႁဵတ်းပၢင်ႁွင်ႉၵႂၢမ်း တႃႇႁႃငိုၼ်းၵွင်ၵၢင်လႄႈ ၶဝ်ၽိတ်ႈမွၵ်ႇပႃး ၸၢႆးထီးသႅင်သေ ၶၢႆမႂ်တိုတ်းယဝ်ႉ။ ၵူၼ်းပၼ်ႁႅင်းၵေႃႈၼမ်တႄႉ ၼမ်ဝႃႈ သမ်ႉပေႃးတဵမ်ၵႂႃႇ ၼႂ်းႁူင်းပၢင်ပွႆးၶဝ်ယဝ်ႉ။ ယွၼ်ႉပိူဝ်ႈ ၶဝ်ဢဝ်ၽူႈႁွင်ႉၵႂၢမ်းၸိုဝ်ႈသဵင်ယႂ်ႇ သႂ်ႇတူၵ်းလိုၼ်းၵေႃႈပိူင်ၼိုင်ႈ၊ ၶိုၼ်းၵေႃႈ လိုၵ်းမႃးတိၵ်းꧦၵေႃႈ ပိူင်ၼိုင်ႈ၊ ၶႂ်ႈၼွၼ်းမႃးၵေႃႈ ပိူင်ၼိုင်ႈ၊ ၶႂ်ႈထွမ်ႇသဵင်ၵႂၢမ်းဝၢၼ် ၸၢႆးထီးသႅင်ၵေႃႈ ပိူင်ၼိုင်ႈလႄႈ ပရိသတ်ႈမၢင်ၸိူဝ်း ဢမ်ႇပႄႉပႂ်ႉလႆႈသေ ဢွၼ်ၵၼ် မေႃးပၼ်းမႃးတိၵ်းꧦ။ ပေႃးၵေႃႉၼိုင်ႈ ႁွင်ႉၵႂၢမ်းၵႂႃႇ ထၢင်ႇဝႃႈ တေပဵၼ် ၸၢႆးထီးသႅင်ၵေႃႈ သမ်ႉပႆႇၸႂ်ႈလႄႈ ပရိသတ်ႈ ဢမ်ႇၸႂ်ယၢဝ်းလႆႈယဝ်ႉ။ ဢွၼ်ၵၼ်ႁွင်ႉသႅၼ်ႇ ၸၢႆးထီးသႅင်၊ ၸၢႆးထီးသႅင် ၼႆယူႇ။

ယွၼ်ႉပိူဝ်ႈ ၸၢႆးထီးသႅင် ဢမ်ႇၽႅဝ်မႃးလႄႈ ၽူႈပိုၼ်ၽၢဝ်ႇၵေႃႈ ၵႂင်ၸႂ်ဝႆႉယူႇတႄႉꧦ။ လႆႈတွင်းပၢၼ်ႇ လၢတ်ႈဝႃႈ ၸၢႆးထီးသႅင်ႁဝ်း ဢမ်ႇႁိုင်တေထိုင်မႃး ယူႇၶႃႈဢေႃႈ ၶႅၼ်းတေႃႈ ယိူၼ်ႉၸႂ်ပႂ်ႉပၼ်ထႅင်ႈဢိတ်း ၼိုင်ႈၶႃႈ ၼႆယူႇ။ ပရိသတ်ႈၵေႃႈ ပႂ်ႉယူႇၵမ်းလႂ်ၵေႃႈ ၸၢႆးထီးသႅင်ဢမ်ႇၽႅဝ်မႃး။ မၢင်ၸိူဝ်း ဢမ်ႇယိူၼ်ႉလႆႈ လႄႈၵႂႃႇလွမ်ငွၵ်ႈတူၺ်း ၽၢႆႇလင်ၶဵင်ႇၸၢတ်ႈသေ ႁႃတူၺ်းၸၢႆးထီးသႅင်ယူႇ။ ၶဝ်ဢမ်ႇလႆႈႁၼ် ၸၢႆးထီးသႅင် လႄႈ ၶိုၼ်းလွမ်မႃးမွၵ်ႇၵၼ် လွင်ႈဢၼ်ၸၢႆးထီးသႅင် ဢမ်ႇပႃးမႃးၼႆၼၼ်ႉယူႇ။ ၵႂၢမ်းသိုပ်ႇမွၵ်ႇၵၼ် ၼႂ်းပရိသၢတ်ႈဝႃႈ ၸၢႆးထီးသႅင်ဢမ်ႇမႃး၊ ၶဝ်ၵူၺ်းလႅၼ်ၶၢႆ မႂ်တိုတ်းၵူၺ်းၼႆလႄႈ မၢင်ၸိူဝ်း ဢမ်ႇယိူၼ်ႉလႆႈသေ ဢွၼ်ၵၼ် ယႃႉၽႃ၊ ႁၵ်းတင်ႇလႅဝ်ပႅတ်ႈလႄႈ ပွႆးၸမ်တေတိုၼ်ႇသေ တေပဵၼ်လွင်ႈလုယႂ်ႇသုမ်းလူင်ၵႂႃႇယဝ်ႉ။ ၽူႈၵမ်ၵၢၼ်ၵေႃႈ ဢမ်ႇၸၢင်ႈႁဵတ်းႁိုဝ် ၵုမ်းထိင်းပွႆးလႆႈယဝ်ႉလႄႈ ထူၺ်ႈၸႂ်လူင်ယူႇၽိုဝ်ႉၽိုဝ်ႉ၊ ဢွၵ်ႇမႃး လၢတ်ႈၵႂၢမ်းတွင်းပၢၼ်ႇ ႁႂ်ႈယိူၼ်ႉထႅင်ႈၼႆ ၵေႃႈ ၵုမ်ႇလႆႈၺႃးၵႂၢမ်းလႃႇ ပရိသတ်ႈယူႇၵူၺ်းယဝ်ႉ။

ငိၼ်းသဵင်ယႃႉသၢတ်ႇၵင်ႈ၊ ငိၼ်းသဵင်ၵူၼ်းႁွင်ႉပၢဝ်ႇ ငိၼ်းသဵင်တင်ႇလႅဝ်လႄႈ ၵူၼ်းမၢင်ၸိူဝ်း ဢၼ်ယူႇ ၽၢႆႇၼႃႈၵေႃႈ ပေႃးဢွၼ်ၵၼ်လုၵ်ႉသေ တေဢွၵ်ႇပၢႆႈ ယူႇယဝ်ႉ။ ပွႆးၵေႃႈ သၢႆငၢႆတႃႇတေတိုၼ်ႇၼၼ်ႉ ပဵၼ်ၵႂႃႇ ႁူဝ်ပၢၵ်ႇ ႙႙%ယဝ်ႉ။

ၽူႈၶပ်းပၢင်ပွႆးလႆႈႁၼ် ၵႃးတႃႈၵုင်ႈၽႅဝ်မႃး လမ်းၼိုင်ႈလႄႈ ၼႅတ်ႈၵႂႃႇၸူး တီႈၵႃးၼၼ်ႉၽႂ်းၽႂ်း၊ လႆႈႁၼ်ၸၢႆးထီးသႅင် ၽႅဝ်မႃးလႄႈ မၼ်းၸူမ်းပေႃးၶႂ်ႈ ၵျွၵ်းၵႃႈဝႅၼ်။ ၸင်ႇၼႅတ်ႈၸၼ်ၶႅၼ်မိုဝ်း ၸၢႆးထီးသႅင် ၶိုၼ်ႈၼိူဝ်ၶဵင်ႇၽႂ်းၽႂ်းသေ မွၵ်ႇလၢတ်ႈ လွင်ႈၸၢႆးထီး သႅင်ၽႅဝ်မႃးၼၼ်ႉယူႇ။

ၸၢႆးထီးသႅင်ၵေႃႈ ပဵၼ်ၵူၼ်းႁၵ်ႉပရိသတ်ႈ၊ ပဵၼ်ၵူၼ်းၼပ်ႉယမ် ပရိသတ်ႈၵေႃႉၼိုင်ႈလႄႈ ၸွမ်းၼင်ႇ သၢႆငၢႆသုၵ်ႉယုင်ႈ ဢၼ်ၸမ်တေတႅၵ်ႇယၢႆႈၼၼ်ႉ ပေႃးဝႃႈလႆႈငိၼ်းၶေႃႈၵႂၢမ်း ၸၢႆးထီးသႅင် လၢတ်ႈၵႂႃႇၼႆၵေႃႈ ဢွၼ်ၵၼ် တဵတ်ႇယဵၼ်မိူၼ်ၼင်ႇ ၼမ်ႉႁူတ်းၽႆး မွတ်ႇၵႂႃႇၵမ်းလဵဝ်ယူႇ။ ၸၢႆးထီးသႅင်ၵေႃႈ မေႃလၢတ်ႈ မေႃၸႃ ဢဝ်ၼမ်ႉၸႂ် ပရိသတ်ႈယူႇတႄႉ။ မၼ်းလၢတ်ႈ ၵိုၵ်းပႃး သဵင်ထူၺ်ႈၸႂ်ႁိူဝ်ႉသေဝႃႈ

သဵင်တူပ်းမိုဝ်း လိုဝ်းလင်ၶိုၼ်ႈၽႃႉၵႂႃႇသေ ၵၢင်ၶိုၼ်းလိုၵ်းလူင်ၵေႃႈဢၢပ်ႈၼႃႇ မီးၸႂ်မႃးၵမ်းလဵဝ်ယဝ်ႉ။  ႁူဝ်ႁႅၵ်ႈမၼ်း ၸၢႆးထီးသႅင်ႁွင်ႉပၼ်ၵႂႃႇ ၵႂၢမ်းသၢမ်ႁူဝ်ၵိုၵ်းၵၼ် ဢၼ်ပဵၼ် ရွှေဟင်္သာနားခိုက်၊ ပျံသာပျံပါ ရွှေဟင်္သာ၊ ရွှေဟင်္သာပျံမှာစိုး  ယဝ်ႉ။ ပရိသတ်ႈလႆႈထွမ်ႇၵႂႃႇ ၵႂၢမ်းၼူၵ်ႉႁၢင်းသႃႇသၢမ်ႁူဝ် ထပ်း ၵၼ်ၼင်ႇၼႆ ပႆႇယၢမ်ႈလႆႈငိၼ်းၵႂၢမ်းသဵင်ဢမ်ႇထၢတ်ႇလႄႈ ဝၢႆးၵႂၢမ်းသၢမ်ႁူဝ်ယဝ်ႉၵႂႃႇ သဵင်တူပ်းမိုဝ်း၊ သဵင်ပဝ်ႇၼူၵ်ႉဝိတ်း ပေႃးၵွင်ႈၸွတ်ႇၵၢင် ႁၢဝ်ၵႂႃႇယူႇ။ ပွႆးပၢင်ၼၼ်ႉ လႆႈဝႃႈပဵၼ် ပွႆးၸၢႆးထီးသႅင် ၵႂႃႇတင်းပိုၵ်းယူႇယဝ်ႉ။ မၼ်းၸၢႆးၵႂႃႇႁွင်ႉၵႂၢမ်း တီႈလႂ်သေဢမ်ႇဝႃႈ သဵင်ဢၼ်ပိူၼ်ႈတုၵ်းယွၼ်းဝႃႈ ထႅင်ႈ ႁူဝ်ၼိုင်ႈ၊ ထႅင်ႈပုၵ်ႈၼိုင်ႈ ဢၼ်ဝႃႈၼၼ်ႉ ပေႃးယႂ်းယၵ်ႉယၵ်ႉလႄႈ ၸၢႆးထီးသႅင် လႆႈယၢႆးတိူၼ်ႇႁူဝ်သေ ဢႃးၼႃႇၵူၼ်းပႃႈလင်သေ လႆႈၶိုၼ်းႁွင်ႉလိူဝ်ပၼ် ၵူႈတီႈယဝ်ႉ။ မၢင်တီႈၼႆႉ ပေႃးဝႃႈ ၸၢႆးထီးသႅင် ႁွင်ႉၵႂၢမ်းယဝ်ႉသေ လူင်းၵႂႃႇၸိုင် ပရိသတ်ႈတူၺ်းပွႆးၵေႃႈ ဢွၼ်ၵၼ် ဢွၵ်ႇမိူဝ်းၸွမ်းလႄႈ ပွႆးပေႃးမၢင်ၵႂႃႇၵမ်းလဵဝ်ယူႇ။

ၸၢႆးထီးသႅင် ႁွင်ႉဢွၵ်ႇၶႅပ်းၵႂၢမ်းမၢၼ်ႈတင်းၼမ် သေဢမ်ႇၵႃး ၶႅပ်းၵႂၢမ်းတႆးၵေႃႈ ႁွင်ႉဢွၵ်ႇမႃးယူႇ။ ၵႂၢမ်းတႆး ဢၼ်ၸိုဝ်ႈသဵင်ယႂ်ႇသေ ၵူၼ်းႁူႉၼမ်ၼၼ်ႉတႄႉ ပဵၼ် တၢင်းႁၵ်ႉဢွၼ်ႇၵူၼ်းႁၢင်ႈၸ တႆးႁူၵ်းမိူင်း ၶိူဝ်းယႂ်ႇ မိူဝ်းလွႆးလွႆး ၼူၼ်းႁၢင်ႈလီ ဢမ်ႇမီးသင်လိူဝ်ႁၵ်ႉ ယိင်းဢွၼ်ႇႁၵ်ႉၸၢႆး... ၸိူဝ်းၼႆႉယဝ်ႉ။ လိူဝ်သေၼၼ်ႉ ၸၢႆးထီးသႅင် ထႆႇႁၢင်ႈငဝ်းတူင်ႉ ဝီႇတီႇယူဝ်ႇ ၵိုၵ်းၼၢင်းငဝ်းမၢၼ်ႈ မေႇတၢၼ်းၼု၊ မေႇတိၼ်ႇၸႃႇဢူးၶဝ်ၸိူဝ်းၼႆႉၵွၼ်ႇယဝ်ႉ။ ယွၼ်ႉပိူဝ်ႈ ပဵၼ်ၵူၼ်းႁွင်ႉၵႂၢမ်း ၸိုဝ်ႈသဵင်ယႂ်ႇ သမ်ႉထႆႇငဝ်းလႄႈ ငဝ်းဢၼ်မၼ်းၸၢႆး ထႆႇၵိုၵ်းမေႇတၢၼ်းၼု လေညာအရပ်ကအချစ် ၼၼ်ႉ ပဵၼ်ငဝ်းၸိုဝ်ႈသဵင် လိုဝ်းလင်ၵႂႃႇ ပၢၼ်ၼိုင်ႈယူႇ။

ၸၢႆးထီးသႅင်ၼႆႉ ပဵၼ်ၵူၼ်းမေႃယူႇသဝ်း ဢမ်ႇပႅဝ်ႉဢမ်ႇမႅၼ်။ မေႃၼပ်ႉယမ် ၵေႃႉဝႃႇသၼႃႇမိူၼ်ၵၼ် တင်းသဵင်ႈ။ မေႃၸွႆႈထႅမ်ပိူၼ်ႈ မေႃပၼ်ႁႅင်းပိူၼ်ႈယဝ်ႉ။ မိူၼ်ၼင်ႇ ၽူႈႁွင်ႉၵႂၢမ်း ပူဝ်ႇၽိဝ်ႇ (ဘိုဖြူ) ၶိုၼ်းဢဝ်ၵႂၢမ်းမၼ်း ႁွင်ႉၼၼ်ႉ မၼ်းယင်းယွင်ႈယေႃး သဵင်ပူဝ်ႇၽိဝ်ႇသေ သိုပ်ႇပၼ်ႁႅင်းပူဝ်ႇၽိဝ်ႇၵႂႃႇယူႇ။ မိူဝ်ႈ ၵႂႃႇႁွင်ႉၵႂၢမ်း တီႈမိူင်းတႆးပွတ်းၸၢၼ်း တီႈၼိုင်ႈၼၼ်ႉ မၼ်းလႆႈငိၼ်း ပူဝ်ႇၽိဝ်ႇႁွင်ႉၵႂၢမ်း မွင်ႉလပျေႉဝုၼ်း လႄႈ ၸၢႆးထီးသႅင် ယင်းၵႂႃႇတွၼ်ႈသူးငိုၼ်း တမ်ႈတီႈ ပူဝ်ႇၽိဝ်ႇယဝ်ႉ။ ဢၼ်ၼႆႉၼႄပၼ် လွင်ႈၼမ်ႉၸႂ်ၵႂၢင်ႈမၼ်း မေႃႁပ်ႉတွၼ်ႈ ၸဝ်ႈပၢႆးမွၼ်း ၼင်ႇၵၼ်ၼၼ်ႉယဝ်ႉ။

ၽဵင်းၵႂၢမ်းၸၢႆးထီးသႅင် ဢၼ်ႁွင်ႉၵႂႃႇၼၼ်ႉ ၽူႈႁွင်ႉၵႂၢမ်းမၢၼ်ႈၶဝ် ၸိူင်ႉၼင်ႇ ၵျေႃႇႁဵင်း၊ မေႇသုၺ်ႉ၊ ပူဝ်ႇၽိဝ်ႇ၊ ၶိၼ်ႇမွင်ႇတူဝ်... ၶဝ်ၸိူဝ်းၼႆႉ ၶိုၼ်းဢဝ် ႁွင်ႉသေ ႁဵတ်းႁႂ်ႈ ၸိုဝ်ႈသဵင်ၶဝ် ၶိုၼ်ႈၸွမ်းၸၢႆးထီးသႅင်ယူႇ။

လွင်ႈၸုၵ်းတင်ႈလႆႈႁိုင် ၼႂ်းၽဝၸဝ်ႈပၢႆးမွၼ်း ၸိူင်ႉၼင်ႇ ၸၢႆးထီးသႅင်ၼႆႉၵေႃႈ ၼၢၼ်းမီးတႄႉတႄႉ။ တီႈႁူႉႁၼ်ငၢႆႈမၼ်းဢၼ်ၼိုင်ႈၼၼ်ႉတႄႉ တူၺ်းဢဝ် မိူဝ်ႈၸၢႆးထီးသႅင် ႁဵတ်းပွႆးဝၼ်းၵိူတ်ႇ ထူၼ်ႈထိုင် ႁႃႈသိပ်းပီ ဝၼ်းၵိူတ်ႇပီၵွၼ်းၶမ်း မၼ်းၼၼ်ႉၵေႃႈ ႁူႉႁၼ်ငၢႆႈယူႇ။ ၸိူဝ်းၶဝ် ပဵၼ်ၽူႈႁွင်ႉၵႂၢမ်းၽၢၵ်ႈၵၼ် မႃးၸိူဝ်းၼၼ်ႉ ၶိုၼ်းဢွၼ်ၵၼ် မႃးႁွင်ႉၵႂၢမ်းၸၢႆးထီးသႅင် ၵူႈၵေႃႉလႄႈ သဵင်ၶဝ်ၸိူဝ်းၼၼ်ႉတင်းသဵင်ႈ ဢမ်ႇပဵင်းလႆႈ သဵင်ၸၢႆးထီးသႅင်။ မၢင်ၵေႃႉ သမ်ႉပေႃး ယဵၼ်းပဵၼ် သဵင်ၵူၼ်းထဝ်ႈၵႂႃႇသေတႃႉ သဵင်ၸၢႆးထီးသႅင်တႄႉ တိုၵ်ႉပဵၼ် သဵင်ၶၼ်ဝၢၼ်တွင်ႉလေႃးယူႇ။

ၵူၼ်းမိူင်းမၢၼ်ႈ ဢၼ်ဢွၵ်ႇၵႂႃႇယူႇၼွၵ်ႈမိူင်းၵေႃႈ မီးမႃးၼမ်လႄႈ ၵႂၢမ်းၸၢႆးထီးသႅင်ၵေႃႈ ႁွတ်ႈၵႂႃႇၼွၵ်ႈမိူင်းတင်းၼမ်ယဝ်ႉ။ လွင်ႈၵႂႃႇႁွင်ႉၽဵင်းၵႂၢမ်း ၼွၵ်ႈမိူင်းၵေႃႈ မၼ်းၸၢႆးလႆႈၵႂႃႇမႃးယူႇ။ ၵမ်းလိုၼ်းသုတ်းတႄႉ ပဵၼ် မိူဝ်ႈၵႂႃႇပွႆးပီမႂ်ႇတႆး ပီ 2102 တီႈဢိင်ႇၵလၢၼ်ႇ ဢၼ်ၸဝ်ႈၶူးထမ်ႇမသႃႇမိ ၽိတ်ႈမွၵ်ႇၵႂႃႇၼၼ်ႉယဝ်ႉ။

ၼၢႆးဢမေႇရိၵၢၼ်ႇ ၵေႃႉႁဵတ်းၵၢၼ် တီႈသထၢၼ်ထုတ်ႉမိူင်းမၢၼ်ႈၼၼ်ႉ ယၢမ်ႈဝႃႈ ၵူၼ်းႁွင်ႉၵႂၢမ်းသဵင် လီ ၸိူင်ႉၼင်ႇၸၢႆးထီးသႅင်ၼႆႉ သင်ဝႃႈ ပဵၼ်မိူင်း ဢမေႇရိၵၢၼ်ႇႁဝ်းၼႆၸိုင် တေလႆႈငိုၼ်းၼမ်သေ တေပဵၼ်သထေးလိပ်းဢွၼ်ႇၵေႃႉၼိုင်ႈဢမ်ႇႁၢင်ႉ ၼႆယူႇ။ ၵူၺ်းၵႃႈ ၸၢႆးထီးသႅင်ႁဝ်း ဢမ်ႇပဵၼ်သထေး လိပ်းသေတ ဢမ်ႇၸႂ်ၵူၼ်းၽၢၼ်ၶၢၼ်ၸႂ်ၼင်ႇၵဝ်ႇ။ ဢိင်ပိုင်ႈၼိူဝ် ဝႃႇသၼႃႇၸဝ်ႈၵဝ်ႇသေ လႆႈၵိၼ်လႆႈၼုင်ႈ လႆႈလူႇလႆႈတၢၼ်းၵႂႃႇ ၸိူင်ႉၼင်ႇပိူၼ်ႈ လႆႈၵွၼ်းပႄႉၼႃႈႁိူၼ်းတႃယေး လဵင်ႉလုၵ်ႈလဵင်ႉမေးၵႂႃႇ ၸိူင်ႉၼင်ႇပိူၼ်ႈယူႇ။

ၸိုဝ်ႈမေးမၼ်း ႁွင်ႉဝႃႈ ၶိၼ်ႇတၢၼ်းၸူဝ်း ၼႆ သေ ပဵၼ်ၼၢင်းယိင်းမီးၵတိသတ်ႉၸႃႇ ၼိူဝ်မၼ်းလႄႈ ၸင်ႇလႆႈ တႄႇၼႃႈႁိူၼ်း ၵိုၵ်းမၼ်းၼၢင်းၼႆယဝ်ႉ။ ၽွင်းမိူဝ်ႈ ၸၢႆးထီးသႅင် တူၵ်းၵိၼ်းသေ ၶမ်ၶွၵ်ႈၼၼ်ႉ ၽႂ်ဢမ်ႇၶႂ်ႈမႃးငွၵ်ႈတူၺ်းမၼ်းၸၢႆးသေတ ၶိၼ်ႇတၢၼ်းၸူဝ်း ၵေႃႉၼိုင်ႈတႄႉ ၶၢမ်ႇပိူၼ်ႈသႄႉၼႄးသေ ၵႂႃႇၸွႆႈထႅမ်မၼ်းမႃးၼႆယဝ်ႉ။

ၵွပ်ႈၼႆ ၸၢႆးထီးသႅင်ၵေႃႈ ၸင်ႇဝူၼ်ႉဝႃႈ မိူဝ်ႈတူၵ်းၵိၼ်းသေ ဢၼ်ဢမ်ႇပွႆႇၽႃႈမိုဝ်းၵၼ်ၼၼ်ႉ ပဵၼ်ၵေႃႉႁၵ်ႉၸဝ်ႈၵဝ်ႇတႄႉ ၼႆလႄႈ ၸင်ႇႁူမ်ႈမိုဝ်း ၵၼ်တင်း ၶိၼ်ႇတၢၼ်းၸူဝ်းယဝ်ႉ။ တင်းၶိၼ်ႇတၢၼ်းၸူဝ်းသေ ႁူမ်ႈၼႃႈႁိူၼ်းၵၼ် မီးမႃးလုၵ်ႈသၢမ်ၵေႃႉ (1) ၸၢႆးၶႆႇၶမ်း၊ (2) ၼၢင်းၸၢမ်ႁွမ်၊ (3) ၼၢင်းယုၶွင်ႇယဝ်ႉ။

ပီၶရိတ်ႉ 2008 ၼႆႉ ဝၢႆးသေ ၵႂႃႇႁွင်ႉၵႂၢမ်းမႃး တမ်ႈတီႈ တႃႈၶီႈလဵၵ်း။ ပွၵ်ႈမႃး ၽႅဝ်တႃႈၵုင်ႈ ပဵၼ် ထူင်ၶဝ်ႈၸဵပ်း ဢိၵ်ႇသႆႈၵႂ်ႈလႄႈ ယူတ်းယႃဢမ်ႇၶႅၼ်း ဢမ်ႇသႃႇ၊ ၵွႆႈယူၵွႆႈၼႃႇမႃးသေ လႆႈလုႁၢႆတၢႆၵႂႃႇ မိူဝ်ႈ (10.3.2008) ၵၢင်ၼႂ်ၸဝ်ႈ 6:45 မွင်း တမ်ႈတီႈ ႁူင်းယႃလူင်တႃႈၵုင်ႈယဝ်ႉ။ ပၢင်မႃႇသႃႇၸၢႆးထီးသႅင်ၼႆႉ လႆႈဝႃႈပဵၼ် ပၢင်ၵိုၼ်း ၵူၼ်းၼမ်ပၢင်ၼိုင်ႈယူႇတႄႉယဝ်ႉ။ ယွၼ်ႉပိူဝ်ႈ ပရိသတ်ႈဢၼ်ႁၵ်ႉမၼ်း ဢွၼ်ၵၼ် ၸွမ်းသူင်ႇၶၢဝ်း တၢင်းမၼ်း ၵမ်းလိုၼ်းတႃႇၸၢတ်ႈၼိုင်ႈၼၼ်ႉယဝ်ႉ။

ၸၢႆးထီးသႅင်ႁဝ်းၼႆႉ တူဝ်တၢႆၵေႃႈ ၸိုဝ်ႈဢမ်ႇႁၢႆ။ သိူဝ်တၢႆၵေႃႈ ဝၢႆးလၢႆး၊ ၸၢႆးတၢႆၵေႃႈ ဝႆႉၸိုဝ်ႈႁၢင်ႈလီ ၵိုၵ်းပိုၼ်းၵႂႃႇၵေႃႉၼိုင်ႈယူႇ။ ယွၼ်ႉပိူဝ်ႈ မၼ်းၸၢႆးပဵၼ် ၽူႈယုၵ်ႉယွင်ႈ ဢူမုၼ်ၸိုဝ်ႈသဵင်တႆးၵေႃႉၼိုင်ႈလႄႈ ငဝ်ႈငုၼ်းမုၵ်ႉၸုမ်းလူင် သင်ၶႃႇၸိုင်ႈတႆး ၸင်ႇၼွပ်ႇယိုၼ်ႈပၼ် ၸုမ်ႈၸဝ်ႈပၢႆးမွၼ်းတႆး (ၽူႈႁွင်ႉၵႂၢမ်း) မိူဝ်ႈပွႆးပီၵွၼ်းၶမ်း ပရိယတ်ႉတိသတ်ႉထမ်ႇမပႃႇလ ၵႅၼ်ႇၸဝ်ႈၸိုင်ႈတႆး ဝဵင်းပၢင်လူင် မိူဝ်ႈ 1370 လိူၼ်ႁူၵ်းမႂ်ႇ 13 ၶမ်ႈၼၼ်ႉယဝ်ႉ။

လွင်ႈလီၶေႃးၶူမ်လွင်ႈၼိုင်ႈတႄႉ လွင်ႈဝႃႈ ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး ၼွပ်ႇဢၢပ်ႈပၼ်မၼ်း ၸုမ်ႈဢၼ်ၼႆႉၼႆ မၼ်းၸၢႆးဢမ်ႇတၼ်းလႆႈ ႁူႉၵႂႃႇ။ ၵၢင်ၸႂ်ႁဝ်း ၶႂ်ႈႁႂ်ႈမၼ်းလႆႈႁူႉၵႂႃႇ ၼႆသေတႃႉ ၶၢဝ်းယၢမ်း ပုၼ်ႈတႃႇမၼ်းသမ်ႉ ဢမ်ႇပၼ်လႆႈထႅင်ႈယဝ်ႉလႄႈ ၵေႃႉပဵၼ်လုၵ်ႈၸၢႆးမၼ်း ၸၢႆးၶႆႇၶမ်း တၢင်တူဝ်သေ ၶိုၼ်းႁပ်ႉဢဝ် ၸုမ်ႈၸဝ်ႈပၢႆးမွၼ်းတႆး ပုၼ်ႈတႃႇပေႃႈမၼ်းၵႂႃႇယဝ်ႉ။ ၸဝ်ႈပၢႆးမွၼ်းတႆးႁဝ်း ၸၢႆးထီးသႅင် သဵင်ႈၸူဝ်ႈ သုတ်းပၢၼ်ၵႂႃႇသေတ သဵင်ၵႂၢမ်းဝၢၼ်ဢွၼ်ႇမၼ်းတႄႉ တိုၵ်ႉတေသိုပ်ႇမူၼ်ႈတူၼ်ႈၸႂ်ပၼ်ႁဝ်းယူႇ ထႅင်ႈတင်းႁိုင်။ 




#Article 78: ထုၼ် (195 words)


ထုံးသည် အဖြူရောင်ရှိသော အစိုင်အခဲဖြစ်၍ ဓာတုဗေဒ အလိုအားဖြင့် ကယ်လဆီယမ်အောက်ဆိုက် ဟုခေါ်သည်။ ထုံးကျောက်ဟူ၍၎င်း၊ မြေဖြူဟူ၍၎င်းခေါ်သော ကယ်လဆီယမ် ကျောက်တစ်မျိုးကို မီးဖိုတွင်ထည့်၍ အပူချိန် ဖာရင်ဟိုက် ၁၈ဝဝ ံထိ မီး ပြင်းတိုက်ပေးရသည်။

ထိုထုံးကျောက်ကို မီးပြင်းတိုက်လိုက်သောအခါ ကာဗွန်ဒိုင် အောက်ဆိုက်များ လွတ်ထွက်သွားပြီးလျှင် မဖောက်ထုံး (ကယ် လဆီယမ်အောက်ဆိုက် CaO) ဖြစ်လာသည်။ ထိုအတွက် ပုံသေရေးနည်းမှာ (CaCO3 CaO + CO2)ဖြစ်သည်။ ထိုမဖောက်ထုံးတွင် ရေထည့်လိုက်သောအခါ အလွန်ပူလာ၍ ထုံးသည် ကြေမွသွားကာ ဖောက်ထုံး(ကယ်လဆီယမ် ဟိုက် ထိုအတွက်ပုံသေရေး ဖြစ်သည်။ 

ထုံးအင်္ဂတေပြုလုပ်လိုသောအခါ မဖောက်ထုံးတွင် ရေထည့် ပြီးနောက် သဲနှင့် အမှုန့်ကြိတ်ထားသော ကျောက်များကို ရော ပေးရသည်။ ထိုအရောသည် ခြောက်သွားသောအခါ လေထဲမှ ကာဗွန်ဒိုင်အောက်ဆိုက်ကို စုတ်ယူပြီးလျှင် ကယ်လဆီယမ် ကာဗွန်နိတ်ဖြစ်သည်။ ထိုပြင် သဲမှဆီလီကာနှင့်လည်းပေါင်း၍ ကယ်လဆီယမ်ဆီလီကိတ် ဖြစ်သေးသည်။ ထိုပစ္စည်းများက အုတ် သို့မဟုတ် ကျောက်ခဲများကို ခိုင်မြဲစေသည်။ ယခုအခါ ထုံးအင်္ဂတေကို အသုံးမများလှ တော့ချေ။ ယင်းအစား ဘိလတ် မြေကိုသာ အသုံးများသည်။

ထုံးသည် မီးပြင်းကိုခံနိုင်၏။ သို့သော် လျှပ်စစ်မီးဖိုတွင်မူ အရည်ပျော်လေသည်။ ထုံးသည် အယ်ကလီ သတ္တိ၌ အလွန် တက်မြက်သောကြောင့်၊ အက်ဆစ်များကို ဓာတ်ပြယ်စေနိုင် သည်။ ထိုပြင် ကော့စတစ်ဆိုဒါနှင့် ပိုတက်တိုု့ကဲ့သို့ အသီး အနှံနှင့်အသားများကိုလည်း စားပစ်နိုင်သေးသည်။ ထို့ကြောင့် အညစ်အကြေးကိုရှင်းပစ်ရာတွင် ထုံးကိုအသုံးပြုကြသည်။ 

ထားလျှင် ထုံးသည်လေထဲမှ ရေနှင့်ကာဗွန်ဒိုင်အောက်ဆိုက် ကာဗွန်နိတ် ပြောင်းလဲသွားလေသည်။ ရေနှင့် ဖောက်ထုံးပျော်ဝင်ရည်ကို ထုံးရေကြည်ဟုခေါ်သည်။ ထုံးနို့သည် ထုံးရေကြည်နှင့် အရည်မပျော်သော ဖောက်ထုံးအ ရောဖြစ်သည်။ 

ထိုထုံးမျိုးများအပြင် ရေအောက်တွင်မာသွားတတ်သော ထုံးမျိုး လည်း ရှိသေးသည်။အယ်ကလီများတွင် ထုံးသည် ဈေးအပေါဆုံးဖြစ်သည်။ ထုံး ကို အဆောက်အအုံနှင့် လမ်းများဆောက်လုပ်ရာ၌၎င်း၊ ဆေးဖြူ များပြုလုပ်ရာ၌ ၎င်း၊ မြေဩဇာများ ပြုလုပ်ရာ၌၎င်း အသုံးပြုကြသည်။ ထိုပြင် သားရေနယ်လုပ်ငန်းတွင် သားရေပြားများမှ အမွေးကျွတ်စေရန် ပြုလုပ်ရာတွင်လည်း ထုံးကိုအသုံးပြုကြသည်။ ဖန်သားများပြု လုပ်ရာတွင်လည်း ထုံးကိုအသုံးပြုကြသည်။ မြေဆီလွှာတွင် အချဉ်ဓာတ် ပေါက်လာသောအခါ အချဉ် ဓာတ်ပြယ်စေရန် အလို့ငှာ ထုံးကိုအသုံးပြုကြသည်။ ပိုးသတ်ဆေး အများအပြား တွင်လည်း ထုံးကိုအသုံးပြုကြသည်။ ထုံးကို သဲနှင့်ရော၍ အပူ ပြင်းတိုက်ပေးလျှင် အရည်ပျော်၍ ဖန်ရည်တစ်မျိုး ဖြစ်လာ သည်။ ထုံးသည် သတ္တုပစ္စည်းအမြောက်အမြားကို ပျော်ဝင်စေ နိုင်သည်။ ထိုကြောင့် သံတွင်းထွက် ပစ္စည်းရိုင်းများမှ သံကို ထုတ်ယူရာတွင် ထုံးကျောက်များကိုထည့်၍ အသုံးပြုကြလေ 
သည်။

မြန်မာနိုင်ငံတွင် ထုံးကျောက်ကို နေရာအနှံ့အပြား၌ တွေ့ရပေသည်။ ထုံးကျောက်မှ ထုံးကိုထုတ်ယူသုံးစွဲရာ၌ အကြီး ကျယ်ဆုံးနေရာမှာ သရက်မြို့ရှိ ဘိလတ်မြေစက်ရုံကြီးဖြစ် သည်။ မော်လမြိုင်မြို့ အရှေ့တောင်ဘက်ရှိ ကျိုက်မရောရွာတွင် လည်း ရာသီအလိုက် ထုံးလုပ်ငန်းကို လုပ်ကိုင်ကြသည်။ မန္တလေး၊ စစ်ကိုင်း၊ မြစ်ကြီးနား၊ ကျောက်ဆည်၊ ရွှေဘိုနှင့် အောက်ချင်းတွင်းခရိုင်များတွင် ထုံးလုပ်ငန်းများကို လုပ်ကိုင်ကြ သည်။




#Article 79: ထုၼ်းမျိၼ်ႉ၊ လုင်း (လၢင်းၶိူဝ်း) (322 words)


ဦးထွန်းမြင့် (လင်းခေး) သည် သမဝါယမ လုပ်ငန်းများတွင် လည်းကောင်း၊ တိုင်းရင်းသား စည်းလုံး ညီညွတ်ရေးတွင် လည်းကောင်း၊ စိတ်ရော ကိုယ်ပါ ပါဝင် ဆောင်ရွက်ခဲ့သော သီရိပျံချီဘွဲ့ရ နိုင်ငံတော် ကောင်စီဝင် တဦး ဖြစ်ပါသည်။

ဦးထွန်းမြင့်ကို ၁၉ဝ၃ ခုနှစ်၊ ဖေဖော်ဝါရီလ ၂၈ ရက်နေ့တွင် အဘ ဦးကျော်စိန်၊ အမိ ဒေါ်စောလုံ တို့မှ ရှမ်းပြည်နယ် တောင်ပိုင်း မောက်မယ်မြို့နယ်၌ မွေးဖွားသည်။

ဦးထွန်းမြင့်သည် ၁၉၂ဝ ခုနှစ်၊ ပထမ ကျောင်းသား သပိတ် အရေးတွင် သပိတ်မှောက် ကျောင်းသားတဦး ဖြစ်ခဲ့သည်။ မြေပိုင်ရှင်နှင့် ဆန်ကုန်သည် မျိုးရိုးမှ ဆင်းသက်သော်လည်း မိမိပိုင် လယ်ဧက ၃၈၅ ဧကကို လက်ရှိ လုပ်ကိုင်နေသော လုပ်သားများအား လယ်သီးစားခ မယူဘဲ ၁၉၄၂ ခုနှစ်တွင် စွန့်လွှတ်ခဲ့သည်။

ဦးထွန်းမြင့်သည် ပထမဆုံး ဗာဂျီးနီးယားဆေး ကိုယ်ပိုင် စိုက်ပျိုးပြီး ပေါင်းတင်ခြင်း လုပ်ငန်းကို မြန်မာနိုင်ငံတွင် ဦးစွာ တီထွင် လုပ်ကိုင်ခဲ့သော ပုဂ္ဂိုလ်ကြီး တဦး ဖြစ်သည်။ တီတွင်သည့် အလျောက်လည်း အောင်မြင်ခဲ့သည်။ ဘလူးဘင် ဆေးတံ သောက်ဆေး ထုတ်လုပ် ရောင်းချပြီး ယင်းလုပ်ငန်းများကို ဆေးလုပ်ငန်း သမဝါယမ အသင်းအား ဖွဲ့စည်း လုပ်ကိုင်စေရန် လွှဲပြောင်း ပေးခဲ့သည်။

ဥိးထွန်းမြင့်သည် စိုက်ပျိုးရေးနှင့် စီးပွားရေး လုပ်ငန်းများတွင် မကဘဲ၊ လူမှုရေး ကိစ္စရပ်များတွင်လည်း စာမတတ် ပပျောက်ရေး အတွက် သက်ကြီး သင်တန်း ဖွင့်လှစ်ပေးခြင်း၊ ၁၉၄၂ ခုနှစ်မှ ၁၉၄၈ ခုနှစ်အတွင်း မောက်မယ်နယ် ကျေးရွာများတွင် ပြည်သူ့ ကောင်စီနှင့် အုပ်ချုပ်မှု စနစ်များကို တီထွင် ဖွဲ့စည်းပေးခြင်း၊ လုပ်ငန်းများဖြင့် ဖွဲ့စည်း အုပ်ချုပ် စေခဲ့သည်။ ဂျပန်ခေတ်တွင် အာရှ လူငယ် ဥက္ကဋ္ဌ ဖြစ်ပြီး ပြည်သူ့ လွတ်လပ်ရေး အဖွဲ့ချုပ် (ရပလ) ဒုဥက္ကဋ္ဌနှင့် ရပလ၏ တာဝန် ပေးချက်အရ ပင်လုံစာချုပ်ကို ဖြစ်မြောက်အောင် ဦးစီးဆောင်ရွက် လက်မှတ်ထိုးခဲ့သူ ပဂ္ဂိုလ်များတွင် တဦးအပါဝင် ဖြစ်ခဲ့သည်။

ဦးထွန်းမြင့်သည် မြန်မာနိုင်ငံ လွတ်လပ်ရေး ရပြီးနောက် ပထမ ဖွဲ့စည်း အုပ်ချုပ်ပုံ အခြေခံ ဥပဒေ ရေးဆွဲရေးတွင် ပြည်နယ် ခေါင်းဆောင် တဦးအဖြစ် ပါဝင် ဆောင်ရွက်ခဲ့သည်။ တိုင်ပြည်ပြု လွှတ်တော် (ပါလီမန်စနစ်) တွင် ရှမ်းပြည်နယ်မှ ကိုယ်စားလှယ် အဖြစ် ပါဝင်ခဲ့သည်။ ယင်းအပြင် ရှမ်းပြည်နယ် ဥက္ကဋ္ဌ၊ စက်မှုလက်မှု ဝန်ကြီး၊ သတ္တုတွင်းဌာန ဝန်ကြီး၊ ပြည်ထောင်စုဘဏ် ဒါရိုက်တာ အဖွဲ့ဝင် လူကြီး တဦးအဖြစ် ပါဝင် ဆောင်ရွက်ခဲ့သည်။ ထို့အပြင် ဦးမြနှင့် သားများ ကုမ္ပဏီ၏ လင်ကွန်းဆေးတံ သောက်ဆေး လုပ်ငန်း ကွ္ဆမ်းကျင်မှု အကြံပေး ပုဂ္ဂိုလ် အဖြစ် လည်းကောင်း၊ ရှမ်းပြည်နယ် လင်းခေး သမဝါယမ ဆေးလုပ်ငန်း အသင်း၏ အကြံပေး တာဝန်ခံ အဖြစ် လည်းကောင်း ဆောင်ရွက် လုပ်ကိုင်ခဲ့သည်။

ဦးထွန်းမြင့်သည် လူမှုရေး၊ နိုင်ငံရေး၊ စီပွားရေး အုပ်ချုပ်ရေး စသော ကိစ္စရပ်များတွင်လည်း အရေးအသား ကောင်းသူတဦး ဖြစ်ခဲ့သည်။ ဗာဂျီနီယားဆေး ပေါင်းတင်ခြင်း ပညာရပ်နှင့် စပ်လျဉ်းသည့် စာစောင်ကို ဦးစီး ထုတ်ဝေ ပေးခဲ့ဖြင့်လည်း ‘သီရိပျံဘွဲ့’ ချီးမြှင့်ခြင်း ခံရသည်။

ဦးထွန်းမြင့်သည် တော်လှန်ရေး ကောင်စီ လက်ထက်တွင် ပထမ အကြိမ် ပါတီ ညီလာခံမှ ပါတီ လုပ်ငန်း စိစစ်ရေး ကော်မတီဝင် အဖြစ် လည်းကောင်း၊ ဒုတိယအကြိမ် ပါတီ ညီလာခံတွင်လည်း ပါတီ လုပ်ငန်း စိစစ်ရေး ကော်မတီဝင် အဖြစ် လည်းကောင်း၊ ဆက်လက် ထပ်မံ ရွေးချယ် တင်မြှောက်ခြင်း ခံခဲ့ရသော ပုဂ္ဂိုလ်ကြီး ဖြစ်သည်။ ယင်းအပြင် ဖွဲ့စည်းပုံ အခြေခံ ဥပဒေ ရေးဆွဲရေး ကော်မရှင်၊ အရေးပေါ် ပါတီ ညီလာခံနှင့် ဒုတိအကြိမ် ပါတီ ညီလာခံ ကျင်းပရေး ကော်မရှင်၊ ပြည်လုံးကွ္ဆတ် ဆန္ဒယူပွဲ ကျင်းပရေး ကော်မရှင် အဖြစ်လည်း ဆောင်ရွက်ခဲ့သော ပုဂ္ဂိုလ်ကြီးလည်း ဖြစ်သည်။

ထိုနောက် ဦးထွန်းမြင့်သည် ပထမအကြိမ် ပြည်သူ့ လွှတ်တော် ရွေးချယ် တင်မြှောက်ပွဲ ကော်မရှင် အဖွဲ့ဝင် အဖြစ် ဆောင်ရွက်ခဲ့ပြီး ပထမအကြိမ် ပြည်သူ့ လွှတ်တော် ရွေးကောက်ပွဲတွင် လင်းခေးမြို့နယ် ပြည်သူ့ လွှတ်တော် ကိုယ်စားလှယ်အဖြစ် အရွေးခံရသည်။ ယင်းနောက် ဗဟို နိုင်ငံတော် ကောင်စီဝင် အဖြစ် ရွေးချယ် တင်မြှောက်ခြင်း ခံရသည်။

ဦးထွန်းမြင့်တွင် ဇနီး ဒေါ်သန်းခင်နှင့် သား ၃ ယောက်၊ သမီး ၇ ယောက် ထွန်းကားခဲ့သည်။ ၁၉၇၆ ခုနှစ်၊ ဇန်နဝါရီလ ၂၈ အသက် ၇၃ နှစ် အရွယ်တွင် မိမိ နေအိမ်၌ ကွယ်လွန် သွားရှာသည်။




#Article 80: ထူဝ်ႇၽူး (739 words)


ထူဝ်ႇၽူးၼႆႉ မီးသွင်သႅၼ်း၊ ပဵၼ် (1) ထူဝ်ႇၽူးၽိူၵ်ႇ (2) ထူဝ်ႇၽူးလိူင်။
ထူဝ်ႇၽူးၽိူၵ်ႇၼႆႉ ဢဝ်ထူဝ်ႇၼဝ်ႈသေ ႁဵတ်း၊ ထူဝ်ႇၽူးလိူင်တႄႉ ဢဝ်ထူဝ်ႇလိူင် ထူဝ်ႇၶၢမ်းသေ ႁဵတ်းဢဝ်။ ထူဝ်ႇၽူးၼႆႉ ပဵၼ်တၢင်းၵိၼ်လီ တၢင်းၵိၼ်ဝၢၼ် ဢၼ်ၵူၼ်းမၵ်ႉၼမ်ၼၼ်ႉတႄႉတႄႉ။

ထူဝ်ႇၽူးလိူင်ၼႆႉ ၵမ်ႉပႃႈၼမ် ဢွၼ်ၵၼ် ႁွင်ႉဝႃႈ ထူဝ်ႇၽူးၼႆၵူၺ်း၊ လၢႆးႁဵတ်းမၼ်းတႄႉ တေလႆႈဢဝ် ထူဝ်ႇၶၢမ်း ဢမ်ႇၼၼ် ထူဝ်ႇလိူင် ၸႄႈၼမ်ႉဝႆႉ မွၵ်ႈ 4 ၸူဝ်ႈမွင်း ႁႂ်ႈမၼ်းၵီႈယဝ်ႉသေ ၸင်ႇတေလႆႈလူၺ် လႆႈဢိတ်ႇယဝ်ႉ။ တႃႇလူၺ် တႃႇဢိတ်ႇၼၼ်ႉ မိူဝ်ႈၵွၼ်ႇတႄႉ ၸႂ်ႉလူၺ်မၢၵ်ႇႁိၼ်သေ ဢဝ်ႁႅင်းၵူၼ်း ဢိတ်ႇဢဝ်သေတႃႉ ၵၢပ်ႈပၢၼ်ယၢမ်းလဵဝ်တႄႉ ၸႂ်ႉႁႅင်းၸၢၵ်ႈသေ ဢိတ်ႇဢဝ်သေဢမ်ႇၵႃး မၢင်ၸိူဝ်းၵေႃႈ ဢဝ်ၽွင်ထူဝ်ႇ ႁုင်ႁဵတ်း ထူဝ်ႇၽူးၵမ်းလဵဝ်ၵေႃႈ ႁဵတ်းမႃးယူႇ။

ယိူဝ်ႇထူဝ်ႇလိူင် ဢၼ်လုၺ်မႃးၼၼ်ႉ လႆႈၶိုၼ်းသႂ်ႇၽႅၼ်ႇသေ ထွင်ဢဝ် လီႇဢဝ် ၼမ်ႉမၼ်းယဝ်ႉ။ ၼင်ႇႁိုဝ် ထူဝ်ႇၽူးတေဢမ်ႇလူႉ (ဢမ်ႇပဵၼ်ၼမ်ႉပလၢဝ်ႉပလၢဝ်ႉ)ၼၼ်ႉ တေလႆႈဢဝ် ထၢၼ်ႇၽႆးလႅင် သူႇသႂ်ႇၼႂ်းၵွၵ်းၼမ်ႉ မွၵ်ႈသွင်ၵွၼ်ႈယဝ်ႉ တေလႆးဢဝ် ၼမ်ႉသူႇထၢၼ်ႇလႅင်ၼၼ်ႉ ထွၵ်ႇသႂ်ႇ ၼႂ်းထူဝ်ႇဢၼ်လုၺ်ဝႆႉယဝ်ႉ။ (ၵမ်ႈၽွင်ႈၵေႃႈ ဢဝ်ထၢၼ်ႇၽႆးလႅင် သူႇသႂ်ႇၼႂ်း ဝၢၼ်ႇၼမ်ႉမၼ်းလိပ်းသေ ၶိုၼ်းဢဝ်ၼမ်ႉမၼ်းၼၼ်ႉ ထွၵ်ႇသႂ်ႇ မိူဝ်ႈထွင်ၼၼ်ႉယဝ်ႉ) ၵွပ်ႈပိူဝ်ႈ ထၢတ်ႈတဝ်ႈၽႆးၼႆႉ မၼ်းထိင်းပၼ် ႁႂ်ႈထူဝ်ႇၽူး ဢမ်ႇပဵၼ်ၼမ်ႉၼႆယဝ်ႉ။ ၼမ်ႉဢၼ်ထွင်လႆႈမႃးၼၼ်ႉ ၸင်ႇဢဝ်ၵႂႃႇထွၵ်ႇသႂ်ႇၼႂ်းမေႃႈသေ ႁုင်တင်းႁိုင်၊ ၽွင်းမိူဝ်ႈႁုင်ၼၼ်ႉ လႆႈဢဝ် ၵၢၵ်ႇၶူၼ်းပၼ် ဢမ်ႇၵိုတ်းဢမ်ႇထၢတ်ႇယူႇ၊ သင်ဢမ်ႇၶူၼ်းလႆႈ ၶိုတ်းၶိုတ်းၸိုင် ထူဝ်ႇၽူဝ်းၼၼ်ႉ ၸၢင်ႈၶႅမ်ႈၸပ်း ၵူၼ်ႈမေႃႈယဝ်ႉ။ မၢင်ၸိူဝ်း ၶႂ်ႈႁႂ်ႈသီထူဝ်ႇၽူး လိူင်လီလႄႈ ဢဝ်မိၼ်ႉသႂ်ႇလေႃးၽွင်ႈယူႇ။ ပေႃးၶူၼ်းပၼ်တိၵ်းတိၵ်း တဝ်ပၼ်တိၵ်းတိၵ်း ႁႅင်းၽႆးမၼ်းၼၼ်ႉၵေႃႈ တေဢမ်ႇပေႃးလႆႈႁႅင်းၼႃႇ တေဢမ်ႇပေႃးလႆႈ ဢူၼ်ႈၼႃႇ၊ တေလႆႈ ႁႂ်ႈသၢင်ႇထုၵ်ႇယဝ်ႉ။ ပေႃးတင်ႈႁိုင်သေ ၶူၼ်းပၼ်တိၵ်းတိၵ်းၸိုင် ၼမ်ႉထွင်ၼၼ်ႉ တေတင်မႃးသေ တေဢူၼ် တေပဵၼ်ထူဝ်ႇၽူးဢုၼ်ႇဢုၼ်ႇမႆႈမႆႈယဝ်ႉ။ ၽွင်းမိူဝ်ႈ တဝ်ၶူၼ်းၼၼ်ႉ လႆႈသႂ်ႇပၼ် ၵိူဝ် ႁႂ်ႈသၢင်ႇထုၵ်ႇၵမ်းလဵဝ်ယူႇ။ သင်ဝႃႈ ၼမ်ႉမၼ်းၼမ်ၵေႃႈ တေပဵၼ် ထူဝ်ႇၽူးပိူဝ်ႉ၊ သင်ဝႃႈ ၼမ်ႉမၼ်း ဢမ်ႇၼမ်ၵေႃႈ တေပဵၼ် ထူဝ်ႇၽူး ဢၼ်ၼဵဝ်လီ ဢုၵ်းလီ။ ပေႃႈဝႃႈ ထူဝ်ႇၽူး သုၵ်းလီယဝ်ႉၵေႃႈ ဢဝ်မေႃႈမၼ်း ပူင်လူင်းၽႆႈလႆႈယဝ်ႉ။ 

ထူဝ်ႇၽူးၼႆႉ ႁဵတ်းပဵၼ် ထူဝ်ႇၽူးဢုၼ်ႇသေ ဢဝ်မီႇၵီး ၼမ်ႉၸၢင်ႇ သႂ်ႇသေ ၵိၼ်လႆႈဢုၼ်ႇဢုၼ်ႇဝၢၼ်ဝၢၼ်ယူႇ။ ထူဝ်ႇၽူးဢုၼ်ႇၼၼ်ႉ ၵိၼ်ၵပ်းၶဝ်ႈၼဵဝ်ၵေႃႈလႆႈ၊ ၵိၼ်ၵပ်း ၶဝ်ႈၸၢဝ်ႈၵေႃႈလႆႈ၊ ဢဝ်သႂ်ႇလေႃႈၶဝ်ႈသဵၼ်ႈ ၶဝ်ႈသွႆးၵေႃႈလႆႈ။

ထူဝ်ႇၽူးဢုၼ်ႇ ဢၼ်ၵတ်းၵႂႃႇၼၼ်ႉ မၼ်းတေတုင်ၵႂႃႇယူႇ။ ဢၼ်တုင်ၵႂႃႇၼၼ်ႉ သင်ဢဝ် မိတ်ႈထိူဝ်ႁဵတ်းပုတ်း ဢမ်ႇၼၼ် သွႆးသေးသေးသေ သႂ်ႇလေႃးၼမ်ႉသူမ်ႈသူႇ မီႇၵီး ထူဝ်ႇလိၼ်ၸိူဝ်းၼၼ်ႉသေ ၵိၼ်ၵေႃႈ လီၵိၼ်တႄႉတႄႉ။ လိူဝ်သေၼၼ်ႉ သႂ်ႇမီႇၵီးၽိတ်ႉၵိူဝ်သေ သႃႈၵိၼ် ၵူဝ်ႈၵိၼ် ၵေႃႈလႆႈယူႇ။ ၵမ်ႈၽွင်ႈၵေႃႈ သွႆးႁဵတ်းပွတ်းဢွၼ်ႇသေ ႁုင်ႁဵတ်းၼမ်ႉၽၵ်း တႃႇသုတ်ႉၵပ်းၶဝ်ႈ။

ၼင်ႇႁိုဝ် တေလႆႈပိူင်ထူဝ်ႇၽူး ႁႂ်ႈၽဵင်ႇၵၼ်ၼၼ်ႉ မိူဝ်ႈပူင်ထူဝ်ႇၽူးဢုၼ်ႇမႆႈၼၼ်ႉမႃး တေလႆႈမႃးထွၵ်ႇသႂ်ႇ ၼႂ်းပိူင်ၶွင်ႉမႆႉသီႇၸဵင်ႇ ဢၼ်ၼႃမွၵ်ႈ သီႇၼိဝ်ႉၼၼ်ႉသေ ဝႆႉႁႂ်ႈၵတ်း။ ထူဝ်ႇၽူးၵတ်း ဢၼ်တုင်ဝႆႉၼၼ်ႉ သင်ဝႃႈ သွႆးႁဵတ်းပုတ်း ႁဵတ်းပုတ်းသေ ၶူဝ်ႈသႂ်ႇၼႂ်း ၼမ်ႉမၼ်းလိူတ်ႇလိူတ်ႇၸိုင် ပဵၼ်ထူဝ်ႇၽူးၶူဝ်ႈၵႂႃႇလႄႈ ဢဝ်ၸမ်ႈၵိၼ် ၼမ်ႉသူမ်ႈသေပိူင်ပိူင်လႂ် ၵိၼ်လၢႆလၢႆလႂ် ဝၢၼ်ဝႆႉပိူင်ၼိုင်ႈယဝ်ႉ။ ထူဝ်ႇၽူးၶူဝ်ႈၼႆႉ ၵိၼ်ၵပ်းၶဝ်ႈၽၵ်းၵေႃႈ သၢင်ႇထုၵ်ႇ၊ ၵိၼ်ၵပ်းၼမ်ႉၼဵင်ႈၶူမ်ၵေႃႈပဵၼ် ၵိၼ်ၵပ်း ၼမ်ႉၼဵင်ႈဝၢၼ်ၵေႃႈလႆႈယဝ်ႉ။ လိူဝ်သေၼၼ်ႉ ထူဝ်ႇၽူးၶူဝ်ႈၼႆႉ ၶိုၼ်းသွႆးယွႆႈသေ ၵူဝ်ႈၵိၼ်ၵေႃႈ သမ်ႉမီးၼမ်ႉဝၢၼ်ထႅင်ႈပိူင်ၼိုင်ႈလူးၵွၼ်ႇ။

ထူဝ်ႇၽူးၶႅပ်း ဢၼ်မၢင်မၢင်ၼၼ်ႉ လႆႈဢဝ် ထူဝ်ႇၶၢမ်းၸႄႈၼမ်ႉ မွၵ်ႈသီႇၸူဝ်ႈမွင်းသေ လႆႈလုၺ်ႁႂ်ႈမၼ်း လႅဝ်လႅၵ်ဢွၼ်တၢင်း။ ဝၢႆးၼၼ်ႉ တေလႆႈထွင်ဢဝ် လီႇဢဝ် ၼမ်ႉထူဝ်ႇမၼ်း။ မိူဝ်ႈထွင်ၼၼ် တေလႆႈသႂ်ႇပႃး ၼမ်ႉသူႇထၢၼ်ႇယူႇ။ ၼမ်ႉထူဝ်ႇဢၼ်ထွင်ၼၼ်ႉ တေလႆႈၶိုၼ်းတင်ႈ တေႃႇမၼ်းပေႃးဢူၼ်။ ၼင်ႇႁိုဝ် ၶႅပ်းထူဝ်ႇၽူးတေ ယၢင်လီ ၼဵဝ်လီၼၼ်ႉ လႆႈၶုတ်ႇဢဝ် ၽွင်ၸေႈသႃ ၽွင်ၽွင် ၼွၵ်းလေႃးၼမ်ႉသေ သႂ်ႇလေႃး မိူဝ်ႈတိုၵ်ႉတင်ႈၽႆးၼၼ်ႉယဝ်ႉ။ ပေႃးဝႃႈ ၼမ်ႉထူဝ်ႇၼၼ်ႉ သုၵ်းမႃး ဢူၼ်မႃးၸိုင် တေလႆႈဢဝ်ၵၢၵ်ႇၵွၼ်ႉသေ ထွၵ်ႇသႂ်ႇၼိူဝ် ၽႃႁူမ်ႇမေႃႈ၊ ထွၵ်ႇသႂ်ႇ မၢင်မၢင်၊ ဝႆႉႁႂ်ႈၵတ်း၊ ပေႃးၵတ်းမႃးၵေႃႈ ၶုၼ်ႇဢဝ်မႃးၸိုင် ပဵၼ်မႃး ထူဝ်ႇၽူးၶႅပ်းယဝ်ႉ။ မၢင်ၸိူဝ်းၵေႃႈ ဢဝ်ဢူၼ်ထူဝ်ႇၽူး ထွၵ်ႇသႂ်ႇၼိူဝ်လင် ၽၢၵ်ႇမႆႉပူၵ်ႇသေ ပေႃးၵတ်းမႃး ၽွင်းတိုၵ်ႉဢူၼ်ႈၼၼ်ႉ ဢဝ်မႆ သႂ်ႇၵူင်ႇမႆႉ ႁွတ်ႈဢဝ်ၽႂ်းၽႂ်း ႁဵတ်းပဵၼ်ၶႅပ်း၊ ပေႃးယဝ်ႉ ဢဝ်တၢၵ်ႇဝႆႉႁႅင်ႈႁႅင်ႈ။ ထူဝ်ႇၽူးၶႅပ်းၼႆႉ ၵမ်ႉပႃႈၼမ် ဢဝ်ၶူဝ်ႈၼမ်ႉမၼ်းသေ ႁဵတ်းပဵၼ်တၢင်းၵိၼ် ဢၼ်ၶွပ်ႈ သႂ်ႇၼႂ်းၽိူၼ်ၽၵ်း။ ၵမ်ႈၽွင်ႈၵေႃႈ ဢဝ်ထူဝ်ႇၽူးၶႅပ်း ဢၼ်လိပ်းၼၼ်ႉ ႁဵတ်ႈၼမ်ႉၽၵ်း ႁုင်လေႃး သူမ်ႈထၢင်ႈ။ ထူဝ်ႇၽူးၶႅပ်းၼႆႉ ဝၢၼ်ၽိုၼ်းၶႅပ်းၵေႃႈႁွင်ႉ ၽီႉထူဝ်ႇၽူးၵေႃႈႁွင်ႉယူႇ။==

ထူဝ်ႇၽူးၶႅပ်း ထႅင်ႈပိူင်ၼိုင်ႈတႄႉ ဢဝ်ထူဝ်ႇၽူးဢုၼ်ႇ ႁဵတ်းဢဝ်။ ဢၼ်ၼႆႉတႄႉ လုၵ်ႉတီႈ ထူဝ်ႇၽူး ဢၼ်ၶႅမ်ႈၸပ်း ၵူၼ်ႈမေႃႈၼၼ်ႉသေ ပဵၼ်မႃး။ ၵွပ်ႈၼႆ ၵမ်ႈၽွင်ႈၵေႃႈ ႁွင်ႉဝႃႈ ၶႅမ်ႈထူဝ်ႇၽူး။ ထူဝ်ႇၽူးၼဵဝ် ဢၼ်ၶႅမ်ႈၸပ်းၵူၼ်ႈမေႃႈၼၼ်ႉ သမ်ႉမီးပႃး ဢၢႆသႅဝ်ၶႅမ်ႈသေ သမ်ႉလီၵိၼ်ဝႆႉပိူင်ၼိုင်ႈ။ ၵွပ်ႈၼၼ် ၵူၼ်းမၢင်ၸိူဝ်း တင်ႈၸႂ် ယွၼ်းၵိၼ် ၶႅမ်ႈထူဝ်ႇၽူးလူးၵွၼ်ႇ။ တႄႇဢဝ် တီႈၼၼ်ႈမႃးသေ မၢင်ၸိူဝ်းၵေႃႈ တင်ႈၸႂ် ဢဝ်ထူဝ်ႇၽူးဢူၼ် ဢၼ်ၶႂ်ႈၸႅဝ်ႈဢိတ်းဢိတ်းၼၼ်ႉ ၵွၼ်ႉသေ ထွၵ်ႇသႂ်ႇ ၼႂ်းမေႃႈၶၢင်မႆႈမႆႈ ႁၢမ်ႉမၢင်မၢင် ႁဵတ်းႁႂ်ႈ ထူဝ်ႇၽူးၼၼ်ႉ ၶႅမ်ႈၸပ်းမေႃႈၵႂႃႇယူႇ။ ၶိုၼ်းဢဝ် ၸေႃႉပၢႆၽႅပ်ႉ ၶုတ်ႇဢဝ် ၶႅပ်းထူဝ်ႇၽူးၶႅမ်ႈၸပ်းမေႃႈၼၼ်ႉသေ ႁဵတ်းပဵၼ် ထူဝ်ႇၽူးၶႅပ်း မၢႆ 2 ၼႆႉယဝ်ႉ။

ဢွၼ်တၢင်းသုတ်း တေလႆႈဢဝ် သၢၼ်ထူဝ်ႇၼဝ်ႈ ၸႄႈၼမ်ႉၵတ်းဝႆႉ မွၵ်ႈ 4 ၸူဝ်ႈမွင်း၊ ပေႃးယဝ်ႉ တေလႆႈလုၺ်သၢၼ်ထူဝ်ႇၼဝ်ႈၼၼ်ႉ ႁႂ်ႈလႅဝ်လႅၵ်ႇယူႇ။ ဢူၼ်ဢၼ်လုၺ်မႃးၼၼ်ႉ လႆႈၶိုၼ်းဢဝ် ၽႅၼ်ထွင်ဢဝ် လီႇဢဝ်ၼမ်ႉမၼ်းယဝ်ႉ။ တႃႇတေထွင်ၼၼ်ႉၵေႃႈ ဢၼ်ထွင်မၼ်းၼၼ်ႉ ၵမ်ႈၽွင်ႈၵေႃႈ ဢဝ်ၸဵင်ႇၽႅၼ်ႇ တင်းသီႇ မတ်ႉၵိုၵ်း ၸိူၵ်ႈသေထွင်ဢဝ်၊ ၵမ်ႈၽွင်ႈၵေႃႈ ဢဝ်မႆႉၶႂၢႆႇၶတ်းၵၼ် သွင်လူၼ်ႈသေ ဢဝ်ၸဵင်ႇၽႅၼ်ႇ မတ်ႉၵိုၵ်းဝႆႉသေ ထွင်ဢဝ်ယူႇ။ ယွၼ်ႉပိူဝ်ႈ ၼၵ်းဝႆႉလႄႈ ၵမ်ႈၽွင်ႈၵေႃႈ ဢဝ်ၸိူၵ်ႈမတ်ႉ ဢၼ်ထွင်ၵိုၵ်းႁၢဝ်း ၵိုၵ်းမႆႉသေ ထွင်ဢဝ်ယဝ်ႉ။ ယိူဝ်ႇထူဝ်ႇၼဝ်ႈ ဢၼ်ထွင်ယဝ်ႉၼၼ်ႉ ၵမ်ႈၽွင်ႈၵေႃႈ ဢဝ်ႁဵတ်း ယိူဝ်ႇမူ၊ ၵမ်ႈၽွင်ႈၵေႃႈ ဢဝ်ႁဵတ်း ထူဝ်ႇၼဝ်ႈမွင်ထႅင်ႈ ၸိူဝ်ႉၼိုင်ႈယူႇ။

ၼမ်ႉဢၼ်ထွင်လႆႈမႃးၼၼ်ႉ တေလႆႈ သႂ်ႇၼႂ်းမေႃႈသေ တင်ႈၽႆးဝႆႉယူႇ။ လၢႆးႁဵတ်း ထူဝ်ႇၽူးၽိူၵ်ႇၼႆႉ ၼင်ႇႁိုဝ် ထူဝ်ႇၽူးတေၵွၼ်ႈ တေၵႅၼ်ႇၼၼ်ႉ လႆႈဢဝ် မၢၵ်ႇႁိၼ်ၶီႈၵၢဝ် ၽဝ်ၽႆးသုၵ်းသုၵ်း၊ ဢဝ်ၶိုတ်ႈႁဵတ်းၽွင်၊ ၼွၵ်းၼမ်ႉသေ ထွၵ်ႇသႂ်ႇလေႃး မိူဝ်ႈပႆႇတင်ႈၽႆးၼၼ်ႉယဝ်ႉ။ ပေႃးသႂ်ႇၽွင်မၢၵ်ႇႁိၼ် ၶီႈၵၢဝ်ၼမ်ၵေႃႈ ထူဝ်ႇၽူးၼၼ်ႉ တေၵႅၼ်ႇႁႅင်း၊ ပေႃးဢမ်ႇပေႃး သႂ်ႇၼမ်ၵေႃႈ ဢမ်ႇပေႃးၵႅၼ်ႇ။ တႃႇထူဝ်ႇၽူးၽိူၵ်ႇ တေတင်တေၵႅၼ်ႇၼၼ်ႉ ၵမ်ႈၽွင်ႈၵေႃႈ သႂ်ႇၸိူဝ်ႉထူဝ်ႇၽူးၼႆယဝ်ႉ။

မိူဝ်ႈပႆႇႁုင်ၼမ်ႉထူဝ်ႇ လႆႈႁဵတ်းဝႆႉ ၸိူဝ်ႉတႃႇလေႃးၼမ်ႉထူဝ်ႇၼၼ်ႉယူႇယဝ်ႉ။ လၢႆးႁဵတ်းၸိူဝ်ႉမၼ်းတႄႉ ဢဝ်တူၼ်ႈၽၵ်းသူမ်ႈသဵမ်ႈ (မွၵ်ႇၶၢဝ်) ႁဵတ်းၵေႃႈမီး၊ ဢဝ်တူၼ်ႈၽၵ်းၵၢတ်ႇ မီးမွၵ်ႇမီးမၢၵ်ႇ ႁဵတ်းႁႅင်ႈဝႆႉသေ ႁဵတ်းၸိူဝ်ႉမၼ်းၵေႃႈမီး၊ ဢဝ်တူၼ်ႈၸိူဝ်းလၢတ်ႈမႃးၼၼ်ႉ ႁဵတ်းမတ်ႉသေ ၸႄႈဝႆႉၼႂ်းမေႃႈလုၵ်ႈၼိုင်ႈ တင်းၼမ်ႉမႆႈ။ ပေႃးတင်ႈ မေႃႈၼမ်ႉထူဝ်ႇၼဝ်ႈၼၼ်ႉလိူတ်ႇ ဢဝ်ၼမ်ႉၸိူဝ်ႉၼႆႉ လေႃးသႂ်ႇသေၵေႃႈ လႆႈယဝ်ႉ။ 

မိူဝ်ႈတိုၵ်ႉတင်ႈယူႇၼၼ်ႉ တေလႆႈဢဝ်ၵၢၵ်ႇ ဢဝ်ၸေႃႉ ၶူၼ်းတဝ်ပၼ် ဢမ်ႇထၢတ်ႇဢမ်ႇဝၢႆးယူႇ။ သင်ဢမ်ႇတဝ်ပၼ်ၸိုင် ထူဝ်ႇၽူးၽိူၵ်ႇၸင်ႈၶႅမ်ႈသေ တေမဵၼ် ၶႅမ်ႈယူႇယဝ်ႉ။ တင်ႈယဝ်ႉသေ ပေႃးဝႃႈ ထူဝ်ႇၽူးသုၵ်းမႃးၸိုင် တေလႆႈပူင်လူင်းၽႆးယူႇ။ ထူဝ်ႇၽူး ဢၼ်သုၵ်းမႃးၼၼ်ႉ တေလႆႈဝႃႈ ပဵၼ်ထူဝ်ႇၽူးလၢဝ်းယဝ်ႉ။

ထူဝ်ႇၽူးလၢဝ်းၼႆႉ ဢူၼ်ႈဢွၼ်ႇလီတႄႉတႄႉ၊ သင်ၵွၼ်ႉသႂ်ႇဝၢၼ်ႇသေ ဢဝ်ၼမ်ႉဢွႆႈဢွင်ႇ သႂ်ႇလေႃးသေ ၸေႃႉၵိၼ် ၵမ်းဢိတ်းဢိတ်း မိူဝ်ႈတိုၵ်ႉလိူတ်ႇလိူတ်ႇ မႆႈမႆႈၸိုင် ဝၢၼ်တႄႉတႄႉ၊ ၵမ်ႈၽွင်ႈၵေႃႈ ဢဝ်ၵိူဝ်ဝၢၼ် သႂ်ႇလေႃးသေ ၵိၼ်ၵေႃႈ လႆႈယူႇ။သင်ဝႃႈ ပဵၼ်တွင်ႉပုၵ်ႈ တွင်ႈၸဵပ်းၼႆ ၵိၼ်ပၼ် ထူဝ်ႇၽူးလၢဝ်းတႃႉ တွင်ႉပုၵ်ႈတွင်ႉၸဵပ်း တၵ်းႁၢႆၶႅၼ်းယူႇယဝ်ႉ။ ၵမ်ႈၽွင်ႈ ႁဵတ်းထူဝ်ႇၽူးလၢဝ်းသေ ႁၢပ်ႇၶၢႆလဵင်ႉသၢႆၸႂ်ၵေႃႈမီးလႄႈ တေလႆႈဝႃႈ ၵူၼ်းမၵ်ႉ ထူဝ်ႇၽူးလၢဝ်း မီးတင်းၼမ်ၼႆယူႇ။

ၼမ်ႉထူဝ်ႇၼဝ်ႈ ဢၼ်တင်ႈသုၵ်းယဝ်ႉၼၼ်ႉ တေလႆႈၵွၼ်ႉထွၵ်ႇသႂ်ႇ တီႈၼႂ်းပိူင်ၶွၵ်ႇမႆႉပႅၼ်ႈ သီႇၸဵင်ႇ ဢၼ်သုင်မွၵ်ႈ သီႇၼိဝ်ႉ ဢၼ်ဢဝ် ၽႅၼ်ၽိူၵ်ႇသိူဝ်ႇလွင်ဝႆႉၼၼ်ႉယဝ်ႉ။ ပေႃးသႂ်ႇ တဵမ်ယဝ်ႉ ၶိုၼ်းဢဝ် ၽႅၼ်ၽိူၵ်ႇၼၼ်ႉ ႁူမ်ႈတူမ်းလီလီ၊ ဢဝ်ၽႃႁူမ်ႇပႅၼ်ႈ ဢၼ်ႁဵတ်းဝႆႉၼၼ်ႉ ႁူမ်ႇသႂ်ႇ၊ ဢဝ်ဢၼ်ၼၵ်းၼၵ်း တဵင်ဝႆႉ ႁဵတ်းႁႂ်ႈ ၼမ်ႉသႂ်ႇယွႆႉဢွၵ်ႇ၊ ႁဵတ်းႁႂ်ႈ ထူဝ်ႇၽူးၽိူၵ်ႇၼၼ်ႉ ပဵၼ်ၵွၼ်ႈၵႅၼ်ႇၼၼ်ႉယဝ်ႉ။ ပေႃးဝႆႉ ႁႂ်ႈမၼ်းၵတ်းၵႂႃႇၵေႃႈ ၼၼ်ႉပဵၼ်မႃး ထူဝ်ႇၽူးၽိူၵ်ႇယဝ်ႉ။ ထူဝ်ႇၽူးၽိူၵ်ႇၼၼ်ႉ ဢဝ်မိတ်ႈဢဝ်ၽႃႉ ထႅၵ်ႇထိူဝ်ႁဵတ်းၵွၼ်ႈသေ ႁဵတ်းပဵၼ်လႆႈ တၢင်းၵိၼ်တင်းၼမ်ယူႇ။ ဢဝ်ထူဝ်ႇၽူးၽိူၵ်ႇ သႃႈလေႃး ၽၵ်းသူမ်ႈၶဵဝ်ၵေႃႈ လီၵိၼ်ဝႆႉပိူင်ၼိုင်ႈ၊ ဢဝ်ထူဝ်ႇၽူးၽိူၵ်ႇ ၶူဝ်ႈလေႃး ၽၵ်းသူမ်ႈၵေႃႈလႆႈ၊ ဢဝ်ၶူဝ်ႈမိူတ်ႇလေႃးၽၵ်းၵေႃႈပဵၼ်၊ ၶူဝ်ႈလေႃးၶႆႇၵေႃႈ ၵျႃႉ၊ ၶူဝ်ႈလေႃႈၼိူဝ်ႉမူၵေႃႈ ၶိုၵ်ႉ လိူဝ်သေၼႆႉ တေလႆႈဝႃႈ ထူဝ်ႇၽူးၽိူၵ်ႇၼႆႉ ႁဵတ်းၵိၼ်လႆႈထႅင်ႈ ၽၵ်းတင်းၼမ်။ မိူၼ်ၼင်ႇ-

ထူဝ်ႇၽူးယဵၼ်ႈၼႆႉ ၵိၼ်ဝၢၼ်ယူႇ၊ ၵူၺ်းၵႃႈ လၢႆးႁဵတ်းမၼ်း ဢမ်ႇငၢႆႈငၢႆႈ။ ထူဝ်ႇၽူးၽိူၵ်ႇ ဢၼ်တဵင်ၼမ်ႉမၼ်း ယူတ်းယဝ်ႉၼၼ်ႉ တေလႆႈထႅၵ်ႇႁဵတ်းၵွၼ်ႈ ႁႂ်ႈၽဵင်ႇၵၼ်ဢွၼ်တၢင်းယဝ်ႉ။ တေလႆႈဢဝ်ၵွၼ်ႈဢွၼ်ႇၸိူဝ်းၼၼ်ႉ တၢၵ်ႇလႅတ်ႇ ႁႂ်ႈႁႅင်ႈတၢၼ်ႇတၢၼ်ႇသေ တေလႆႈဢဝ်ၵွၼ်ႈဢွၼ်ႇၸိူဝ်းၼၼ်ႉ ၶပ်ႉသႂ်ႇဝႆႉ ၼႂ်းတိူၵ်ႈ ဢၼ်ဢမ်ႇလႆႈလူမ်း (ဢၼ်လူမ်းဢမ်ႇၸၢင်ႈၶဝ်ႈ ဢမ်ႇၸၢင်ႈဢွၵ်ႇ)ၼၼ်ႉယဝ်ႉ။ တီႈၼႂ်းတိူၵ်ႈၼၼ်ႉ လႆႈဢဝ်မႆႉ ႁဵတ်းၶႅင်း ပဵၼ်ႁၢၼ်ႉပဵၼ်ႁၢၼ်ႉသေ လႆႈဢဝ် ၵွၼ်ႈထူဝ်ႇၽူးၽိူၵ်ႇၼၼ်ႉ တၢင်ႇသႂ်ႇ ၵမ်းႁၢၼ်ႉႁၢၼ်ႉ ယႃႇပေႁႂ်ႈၵွၼ်ႈမၼ်း တိူဝ်ႉၵၼ်၊ ပေႃးၶပ်ႉသႂ်ႇယဝ်ႉၵူႈႁၢၼ်ႉၸိုင် တေလႆႈ ဢိုတ်းတိူၵ်ႈၼၼ်ႉ လုမ်ႇလုမ်ႇယႃႇပေပၼ်လူမ်းၶဝ်ႈသေ ဝႆႉႁႂ်ႈ ထူဝ်ႇၽူးၼႂ်းတိူၵ်ႈၼၼ်ႉ ၼဝ်ႈယူႇယဝ်ႉ။ ထူဝ်ႇၽူးၽိူၵ်ႈၼၼ်ႉ တေၼဝ်ႈသႃးသေ ဢွၵ်ႇၶူၼ်ၼူၼ်းဢွၼ်ႇ ၽိူၵ်ႇၽိူၵ်ႇမႃး တင်းၼမ်ယူႇ၊ ၵူၺ်းၵႃႈ ၵွၼ်ႈထူဝ်ႇၽူးၽိူၵ်ႇ ဢၼ်တေႁဵတ်း ထူဝ်ႇၽူးယဵၼ်ႈၼၼ်ႉ တေဢမ်ႇလႆႈ တိူဝ်ႉၼမ်ႉမၼ်း (ၼမ်ႉမၼ်းထူဝ်ႇ၊ ၼမ်ႉမၼ်းငႃး ၼမ်ႉမၼ်းၵူႈပိူင်ပိင်) တိုၼ်းတေဢမ်ႇလႆႈတိူဝ်ႉ။ ပေႃးတိူဝ်ႉၼမ်ႉမၼ်းၼႆ မၼ်းတေဢမ်ႇၸၢင်ႈၼဝ်ႈ ဢမ်ႇၸၢင်ႈဢွၵ်ႇၶူၼ်၊ တႃႇတေပဵၼ်မႃး ထူဝ်ႇၽူးၶူၼ်ၼၼ်ႉ တေလႆႈဝႆႉ မွၵ်ႈ ၽၢၵ်ႇလိူၼ်သၢဝ်းဝၼ်းလိူဝ်လိူဝ်ယူႇ။

တႃႇတေႁဵတ်းပဵၼ် ထူဝ်ႇၽူးယဵၼ်ႈတႄႉ လႆႈဢဝ် ထူဝ်ႇၽူးၶူၼ်ၼၼ်ႉ ႁဵတ်းပဵၼ်ယဝ်ႉ။ ၶူၼ်ၼူၼ်းဢွၼ်ႇမၼ်းၼၼ်ႉ တေလႆႈဢဝ်မိုဝ်းသေ ႁွတ်ႈႁႂ်ႈမၼ်း တႅတ်ႈၸပ်း ၵွတ်ႈထူဝ်ႇၽူးၽိူၵ်ႇ ဢၼ်လႂ်ဢၼ်ၼၼ်ႉယူႇ၊ ၶူၼ်ဢွၼ်ႇၸိူဝ်းၼၼ်ႉ တေလႆႈဝႃႈ ပဵၼ်မႃး သိူဝ်ႈထူဝ်ႇၽူးယဵၼ်ႈယဝ်ႉ။ ပေႃးၼုင်ႈပၼ် သိူဝ်ႈထူဝ်ႇၽူးၽိူၵ်ႇယဝ်ႉ တေလႆႈၶိုၼ်းဢဝ် တၢၵ်ႇလႅတ်ႇဝႆႉ ႁႂ်ႈႁႅင်ႈဢိတ်းဢိတ်းယူႇ။ ဝၢႆးၼၼ်ႉ ၸင်ႇမႃးသႂ်ႇလေႃး ၵိူဝ်၊ မၢၵ်ႇၽိတ်ႉ၊ ၸမုင်ႇ၊ ပႃႈၵေႃႈသႃးၵေႃး၊ ၶိင်၊ လဝ်ႈသေ တေလႆႈဢဝ်မွင်သႂ်ႇ ၼႂ်းဢုမ်၊ တေလႆႈႁဵတ်းႁႂ်ႈ ၼမ်ႉလဝ်ႈ ထူမ်ႈဝႆႉ ၵွၼ်ႈထူဝ်ႇၽူးယဵၼ်ႈၼၼ်ႉ၊ တေလႆႈ ဢိုတ်းဝႆႉဢုမ်ၶႅမ်ႉၶႅမ်ႉ ယႃႇပေပၼ် မႅင်းမူၼ်း မႅင်းၽွင်ႉ ၸၢင်ႈၶဝ်ႈၶႆႇသႂ်ႇ၊ ပေႃးပၼ်ၶႆႇသႂ်ႇတႄႉ တေပဵၼ်ၼွၼ်တင်းဢုမ်ယူႇ။ ပေႃးၶႂ်ႈမွင်ႁိုင်ၼႆ တေလႆႈသႂ်ႇလဝ်ႈ ယႃႇပေလေႃးၼမ်ႉသေဢိတ်း၊၊ ပေႃးဢမ်ႇပေႃႈၶႂ်ႈမွင်ႁိုင်ၸိုင် တေလႆးဢဝ် လဝ်ႈလႄႈ ၼမ်ႉဢုၼ်ႇၵတ်းလေႃးၵၼ်သေ မွင်ယဝ်ႉ။ ပေႃးသႂ်ႇလေႃႈ ၼမ်ႉဢုၼ်ႇၵတ်းသေ မွင်တႄႉ ၸဵဝ်းလႆႈၵိၼ်သေတႃႉ ထူဝ်ႇၽူးယဵၼ်ႈ ဢမ်ႇဝႆႉလႆႈႁိုင်၊ ပေႃးသႂ်ႇလဝ်ႈလၢႆလၢႆတႄႉ ဝႆႉလႆႈႁိုင်ယဝ်ႉ။ မၢင်ၸိူဝ်းၵေႃႈ မွင်ဢၢၼ်ႇႁူဝ်လိူၼ်မၼ်း မၢင်ၸိူဝ်းၵေႃႈ ဢၢၼ်ႇႁူဝ်ပီမၼ်းသေ မွင်ၵေႃႈမီးယဝ်ႉ။ ထူဝ်ႇၽူးယဵၼ်ႈၼႆႉ ပဵၼ်ၽၵ်းဝၢၼ် ဢၼ်ႁဵတ်းႁႂ်ႈ ၵမ်းၶဝ်ႈ လၼ်ႇလီ၊ ဢရသႃႇမၼ်း ၽဵတ်းၵေႃႈၽဵတ်း ၸဵမ်းၵိူဝ်ၵေႃႈ ၸဵမ်း၊ သႅဝ်ၼဝ်ႈ ႁွမ်လဝ်ႈၵေႃႈပႃးလႄႈ ပေႃးလႆႈမိုတ်ႈၼႆ ၼၢၼ်းလိုမ်းဝႆႉယူႇ။ ဢဝ်ၶဝ်ႈၼဵဝ်ဢုၼ်ႇ ပၼ်ႈသေ လုၺ်ႉၵိၼ်ၵေႃႈ ၶိုၵ်ႉ၊ ဢဝ်တႅင်ၸိင် တႅင်ၶဵဝ် ဢၼ်လိပ်း ၸမ်ႈၵိၼ်ၵေႃႈ ဝၢၼ်၊ သႂ်ႇၵိၼ်ၼႂ်းၶဝ်ႈသွႆးၵေႃႈ တွၼ်း၊ ၵိၼ်ဢႅမ်ႉၶဝ်ႈၵေႃႈ ၵျႃႉ။

သွႆးၽၵ်းမီႇလႅင် သီႇႁႃႈႁူဝ် သႂ်ႇၼႂ်းဝၢၼ်ႇ ဢဝ်ထူဝ်ႇၽူးယႅၼ်ႈၵွၼ်ႈၼိုင်ႈ သႂ်ႇလေႃး သမ်ႉဢဝ်မၢၵ်ႇၽႃႈ မိပ်ႇသႂ်ႇသေ ႁဵတ်းၵိၼ် ထူဝ်ႇၽူးယဵၼ်ႈသႃႈၵေႃႈ ၶိုၵ်ႉတွၼ်းယူႇတႄႉ။ ထူဝ်ႈၽူးယဵၼ်ႈၼၼ်ႉ ၶူဝ်ႈမၼ်းသေ ဝႆႉၵိၼ်ၶၢဝ်းယၢဝ်းၵေႃႈလႆႈလႄႈ ပဵၼ်တၢင်းၵိၼ်လီ ပိူင်ၼိုင်ႈယဝ်ႉ။

ထူဝ်ႇၽူးၽိူၵ်ႇ ဢၼ်သႂ်ႇတိူၵ်ႈသေ ဢွၵ်ႇၶူၼ်မႃးၼၼ်ႉ ပဵၼ်မႃး ထူဝ်ႇၽူးၶူၼ်ယဝ်ႉ။ ထူဝ်ႇၽူးၶူၼ်ၼႆႉ မီးဢၢႆသႅဝ်တူႇၼဝ်ႈဝႆႉယူႇ၊ ပေႃးဢမ်ႇမိုတ်ႈဢၢႆသႅဝ်မၼ်းၸိုင် မၢင်ၵေႃႉ ဢမ်ႇမၵ်ႉ။ ပေႃးမိုတ်ႈတႄႉ မၵ်ႉယူႇ။ ထူဝ်ႇၽူးၶူၼ်ၼႆႉ ဢဝ်ၶူဝ်ႈၼမ်ႉမၼ်းသေ ၵိၼ်လႆႈယဝ်ႉ။ လၢႆးၵိၼ်မၼ်းတႄႉ ၸမ်ႈၵိၼ် ၼမ်ႉသူမ်ႈ သေပိူင်ပိူင်။

ထူဝ်ႇၽူးၽိူၵ်ႇ ဢၼ်တဵင်ႁႂ်ႈၼမ်ႉမၼ်းယူတ်းယဝ်ႉၼၼ်ႉ တေလႆႈထိူဝ်ႁဵတ်းပုတ်းဢွၼ်ႇ ပႅင်ႈၼင်ႇ ထုၵ်ႇၸႂ်ၼၼ်ႉသေ တေလႆႈတႃးၼမ်ႉသေႃႇတႃႇ (သေႃႇတႃႇၵိၼ်)၊ တီႈၼႂ်းၼမ်ႉတႃးၼၼ်ႉ သႂ်ႇပႃးၵိူဝ် ၽွင်ဝၢၼ် ပႅင်ႈၼင်ႇၸဝ်ႈၵဝ်ႇ ၶႂ်ႈသႂ်ႇၼၼ်ႉယဝ်ႉ။ ပေႃးတႃးယဝ်ႉ တေလႆႈဝႆႉ ၶိုင်ႈၸူဝ်ႈမွင်း၊ သမ်ႉၶိုၼ်းပိၼ်ႈၽၢႆႇသေ တႃးၸွတ်ႇၸွတ်ႇ။ ဝၢႆးၼၼ်ႉ သင်မႃးသူႈၼမ်ႉမၼ်းသေ ၶူဝ်ႈၸိုင် ပဵၼ်မႃး တၢင်းၵိၼ်ဝၢၼ်ပိူင်ၼိုင်ႈ ဢၼ်ႁွင်ႉဝႃႈ ထူဝ်ႇၽူးသိင်ႉၼၼ်ႉယဝ်ႉ။ လႆႈၸမ်ႈၵိၼ် ၼမ်ႉသူမ်ႈမၢၵ်ႇၵႅင်း ဢမ်ႇၼၼ် ၼမ်ႉသူမ်ႈမၢၵ်ႇၽႃႈ ဢၼ်သႂ်ႇလေႃးမီႇၵီးၼၼ်ႉလႄႈ ဢရသႃႇၼမ်ႉဝၢၼ်မၼ်း ၸပ်းသူပ်းလီတႄႉတႄႉ။ ထူဝ်ႇၽူးသိင်ႉၼႆႉ မီးသွင်သႅၼ်း တေလႆႈဝႃႈ ဢၼ်ဢူၼ်ႈလႄႈ ဢၼ်ၶွပ်ႈ (ထူဝ်ႇၽူးၶၢင်ႇပွင်း)။ 

ဢၼ်ဢူၼ်ႈၼၼ်ႉ ဝၢႆးတႃးသေႃႇတႃႇယဝ်ႉ ၶူဝ်ႈၵိၼ် ၽွင်းတိုၵ်ႉ ႁႅင်ႈၼွၵ်ႈ ဢမ်ႇႁႅင်ႈၼႂ်းၼၼ်ႉယဝ်ႉ။ ၵမ်ႈၽွင်ႈၵေႃႈ ၶိုၼ်းပၼ်ႈပဵၼ်ၵွၼ်ႈမူၼ်းသေ ၶူဝ်ႈၼမ်ႉမၼ်းၵမ်းလဵဝ်ယဝ်ႉ။ ထူဝ်ႇၽူးၶၢင်ႇပွင်း ဢၼ်ၶွပ်ႈတႄႉ ၶႅပ်းထူဝ်ႇၽူးမၼ်း တေလႆႈသွႆးမၢင်မၢင်သေ တႃးသေႃႇတႃႇ တၢၵ်ႇႁႂ်ႈႁႅင်ႈ၊ ပေႃးယဝ်ႉၵေႃႈ ဢၼ်ႁႅင်ႈႁႅင်ႈၼၼ်ႉ သင်ၶူဝ်ႈၼမ်ႉမၼ်းၵေႃႈ ပဵၼ်မႃး ထူဝ်ႇၽူးၶၢင်ႇပွင်း ဢၼ်ၶွပ်ႈ။ ထူဝ်ႇၽူးၶၢင်ႇပွင်းၼႆႉ ၶႂ်ႈငၢႆးမိူၼ် ၼင်ပွင်းၶွပ်ႈၼၼ်ႉယဝ်ႉ။




#Article 81: ထေႇရဝႃႇတ (373 words)


ၽႃႇသႃႇပုတ်ႉထ ထေႇရဝႃႇတ ၼႆႉ ပဵၼ်ၵိူင်းၽႄ ၽႃႇသႃႇပုတ်ႉထဢၼ်ၼိူင်ႈသေ မိူင်းၵမ်ႇပေႃးတီးယႃး၊ မိူင်းလၢဝ်း၊ မိူင်းမျႅၼ်ႇမႃႇ (မိူင်းမၢၼ်ႊ)၊ သီႇရိလၢင်းၵႃ လႄႈ မိူင်းထႆး ၸိူဝ်းၼႆႉ ဢွၼ်ၵၼ် ၵိူဝ်းယမ် ၽႃႇသႃႇပုတ်ႉထ တင်းၼမ်သေ၊ တီႈမိူင်းပင်းၵလႃးတဵတ်ႉ၊ မိူင်းၶႄႇ၊ ၼီႇပေႃး လႄႈ တီႈမိူင်းဝႅတ်ႉၼမ်း ၸိူဝ်းၼႆႉတႄႉ ဢွၼ်ၵၼ်ၵိူဝ်းယမ်ယူႇ ၵမ်ႈၽွင်ႈ။

ၵွပ်ႈၼၼ်ႇ တေလႆႈဝႃႈ လွၼ်ႉမွၼ်းတြႃး ၽြႃးပဵၼ်ၸဝ်ႈ ဢၼ်တင်းသွင်ၸုမ်း ႁပ်ႉၶၢမ်ႇဝႆႉၼၼ်ႉ ဢမ်ႇပိူင်ႈၵၼ်ၼႆယူႇ။ 

တင်းသွင်ၸုမ်း ႁပ်ႉၶၢမ်ႇ သၽေႃးဢၼတ်ႉတၼင်ႇၵၼ်ယဝ်ႉ။ မႁႃႇယႃႇၼၼႆႉ ဢမ်ႇၸႂ်ႈ ဝႃႇတဢတ်ႉတ။ လွင်ႈဢၼ် သွင်ၸုမ်း ပႅၵ်ႇပိူင်ႈၵၼ်ၼႆႉ ဢမ်ႇၸႂ်ႈ ပႅၵ်ႇပိူင်ႈလူၺ်ႈ တြႃး၊ ဢၼ်ပႅၵ်ႇပိူင်ႈၵၼ်ၼၼ်ႉတႄႉ ပဵၼ်သၽေႃးၵၢင်ၸႂ် ၵေႃႉၵျၢင်ႉၵမ် တႃႇတေပဵၼ် ၿေႃးထိသတ်ႉတ (ၼေႃႇလွင်းၸဝ်ႈ) ၼၼ်ႉၵူၺ်း။

ၼေႃႇလွင်ႈၸဝ်ႈ (ၼေႃႇၶမ်းၸဝ်ႈ)ၼႆႉ တိုၵ်ႉပဵၼ် ပုထုၸၼ်ႇၵူၺ်းလႄႈ ထေႇရဝႃႇတ ဢမ်ႇၵိူဝ်းယမ်။ ဝႃႇတ ထေႇရဝႃတၼႆႉတႄႉ ၸၢတ်ႈပၢၼ်ၼႆႉ ပဵၼ်တႃႇၶတ်းၸႂ် ႁႂ်းလႆႈပဵၼ် ရႁၢၼ်းတႃႇ တႃႇႁွတ်ႈၼိပ်ႉပၢၼ်ႇသေ မႁႃႇယႃႇၼတႄႉ သမ်ႉႁပ်ႉၶၢမ်ႇ လွင်ႈၵျၢင်ႉၵမ် ၼေႃႇလွင်းၸဝ်ႈသေ တိုဝ်းၵမ်ၸွမ်းၼၼ်ႉယဝ်ႉ။ ၼေႃႇလွင်းၸဝ်ႈ ဢၼ်ႁွင်ႉဝႃႈ ၿေႃးထိသတ်ႉတ ၼၼ်ႉ ယွၼ်ႉပိူဝ်ႈ ပႆႇႁူႉႁၼ် သဵၼ်ႈတၢင်း ဢွၵ်ႇမူၼ်ႉပူၼ်ႉလွတ်ႈ ပႆႇႁူႉႁၼ် သတ်ႉၸႃႇသီႇပႃးသေ တိုၵ်ႉပဵၼ် ပုထုၸၺ်ႇ ၵူၺ်းလႄႈ ထေႇရဝႃႇတ ဢမ်ႇၵိူဝ်းယမ်ၶဝ်။

မႁႃႇယႃႇၼၼႆႉ လွင်ႈဢၼ်ၶဝ် ဢိင်ပိူင်ႈၵိူဝ်းယမ် ဝႆႈသႃၼၼ်ႉ မီးတင်းၼမ်လူင်ယဝ်ႉ။ မိူၼ်ၼင်ႇ ၼေႃႇလွင်းၸဝ်ႈ၊ မႄႈၼေႃႇလွင်းၸဝ်ႈ၊ ပေႃႈၼေႃႇလွင်းၸဝ်ႈ ၸိူဝ်းၼႆႉၵေႃႈ ၶဝ်ၼပ်ႉယမ်ဝႆႈသႃယဝ်ႉ။ ဝႃႇတမႁႃႇယႃႇၼၼႆႉသမ်ႉ ပိၵ်ႉသမ်ႉဝႃႈ ပဵၼ်ရႁၢၼ်းတႃႇ လႆႈဢရႁတ်ႉတၽူဝ်ႇယဝ်ႉသေတ ပႆႇလႆႈဢဝ်ၼိပ်ႉပၢၼ်ႇၵွၼ်ႇၼႆယဝ်ႉ။ ၶဝ်ဝႃႈ လုၵ်ႉတီႈ ဢရႁတ်ႉတၽူဝ်ႇသေ ၸၢင်ႈၶိုၼ်း လူင်းၵႂႃႇပဵၼ် ဢၼႃႇၵမ်ႇ၊ သၵတႃႇၵမ်ႇ၊ သေႃးတႃႇပၼ်ႇၵွၼ်ႇၼႆယဝ်ႉ။ ဝၢႆးသေၼၼ်ႉ ၸင်ႇၶိုၼ်းလႆႈယွၼ်းသူး တႃႇတေပဵၼ်ၽြႃးသေ လႆးထႅမ်သၢင်ႈပႃႇရမီႇၵႂႃႇၼႆယဝ်ႉ။ တီႈၼႆႉ လွင်ႈႁၼ်ထိုင်ဝႃႇတ ထေႇရဝႃႇတလႄႈ မႁႃႇယႃႇၼၼႆႉ ပႅၵ်ႇပိူင်ႈၵၼ်ဝႆႉယဝ်ႉ။

ၸုမ်းဢၼ်ဢမ်ႇမူၼ်ႉမႄး ဝိၼႆး သုတ်ႉတၼ်ႇ ဢၽိထမ်ႇမႃႇသေ ၵျၢင်ႉၵမ် တိုဝ်းၵမ်ၸွမ်းၼင်ႇ ဢၼ်ၽြႃးႁေႃးမႃး ၽဵၼ်ႈၽဵၼ်ႈၼၼ်ႉ ပဵၼ်ထေႇရဝႃႇတယဝ်ႉ။ တူၺ်းၸွမ်းသၢႆငၢႆၵူႈပိူင်ပိူင်သေ ဢၼ်မူၼ်ႉမႄး ၵျၢင်ႉၵမ်ၸွမ်းၼၼ်ႉ ပဵၼ်မႁႃႇယႃႇၼယဝ်ႉ။ 

ၵပ်းၵၢႆႇလူၺ်ႈ ၼိပ်ႉပၢၼ်ႇၼၼ်ႉၵေႃႈ တၢင်းႁၼ်ထိုင် ထေႇသဝႃႇတလႄႈ မႁႃႇယႃႇၼၵေႃႈ ပႅၵ်ႇပိူင်ႈၵၼ်ဝႆႉယူႇ။ ၵပ်းၵၢႆႇလူၺ်ႈ ၼိပ်ႉပၢၼ်ႇၼၼ်ႉ ၼႂ်းၽိုၼ်ထမ်း မႁႃႇယႃႇၼၶဝ် သမ်ႉဝႃႈဝႆႉ ၼိပ်ႉပၢၼ်ႇၼႆႉ ပဵၼ်ၽူင်ႇၶူင်း တီႈၵတ်းယဵၼ်သိူဝ်းသႃႇၼႆလႄႈသင်၊ သမ်ႇသရႃႇၼႆႉၵေႃႈ ပဵၼ်ၼိပ်ႉပၢၼ်ႇလႄႈသင် (ၼိပ်ႉပၢၼ်ႇၵေႃး ၶဝ်ႈပႃးၼႂ်း သမ်ႇသရႃႇ) ၶဝ်မၢႆထိုင် ၼင်ႇၼႆဝႆႉယဝ်ႉ။
ၵူၺ်းၵႃႈ ထေႇရဝႃႇတၼႆႉတႄႉ ဢဝ်ၸွမ်းၼင်ႇ သြႃႇသိုပ်ႇတပႄးသေ ႁၼ်ထိုင်ဝႆႉဝႃႈ ၼိပ်ႉပၢၼ်ႇၼႆႉ ဢမ်ႇၸႂ်ႈ ၽုင်ႇၼိုင်ႈၶူင်းၼိုင်ႈ၊ ပေႃးၵၢင်းယၢၼ် သမ်ႇသရႃႇယဝ်ႉၵွၼ်ႇ ၸင်ႇတေပဵၼ် ၼိပ်ႉပၢၼ်ႇၼႆယဝ်ႉ။

တီႈၼႂ်းၽိုၼ်ထမ်း ထေႇရဝႃႇတၼၼ်ႉ ဝႃႈဝႆႉတႄႉ 31 ၶူင်း ဢၼ်သတ်ႉတဝႃႇၶဝ် ဝၢႆႈပၼ်ယူႇ တီႈဢၼ်လွတ်ႈၵၢင်းယၢၼ် ၵိလေႇသႃႇၼၼ်ႉ ပဵၼ်ၼိပ်ႉပၢၼ်ႇၼႆယဝ်ႉ။ ပေႃးဝႃႈ ပူၼ်ႉလွတ်ႈ တုၵ်ႉၶတင်းပိုၵ်းယဝ်ႉ ပေႃးႁွတ်ႈထိုင် ၼိပ်ႉပၢၼ်ႇယဝ်ႉၵေႃႈ သမ်ႇသရႃႇၼၼ်ႉ ဢမ်ႇၶိုၼ်းပဵၼ်ထႅင်ႈ ဢၼ်မႂ်ႇယဝ်ႉ။
ၼိပ်ႉပၢၼ်ႇ ဢၼ်ဝႃးၼၼ်ႉ မၼ်းလွတ်ႈၵၢင်းယၢၼ် လွင်ႈၵၢမ်ႇ၊ ၸိတ်ႈ၊ ဢုတု၊ ဢႃႇႁႃႇရ မူၼ်ႉမႄး၊ မၼ်းပဵၼ်တီႈငိမ်းယဵၼ်တင်းသဵင်ႈ၊ မၼ်းဢမ်ႇမီး လွင်ႈလႅၵ်ႈလၢႆး (ပဵၼ်လွင်ႈမၼ်ႈၵိုမ်း)၊ ပဵၼ်လွင်ႈၵတ်းယဵၼ်၊ ဢမ်ႇမီးတၼ်ႇႁႃႇ၊ လွတ်ႈပူၼ်ႉ တၢင်းတုၵ်ႉတင်းသဵင်ႈ၊ တီႈဢၼ်လွတ်ႈပူၼ်ႉ ၵိူတ်ႇ၊ ထဝ်ႈ၊ ပဵၼ် (ၸဵပ်း)၊ တၢႆ၊ ဢမ်ႇမီးၸႂ်ၸပ်းပႅၼ်း၊ ဢမ်ႇမီးၽဝ၊ ဢမ်ႇမီး တၢင်းၶီမႆႈ၊ ဢမ်ႇမီးတၢင်းႁွင်ႉႁႆႈ၊ ဢမ်ႇမီး လွင်ႈၶီၼႅင်၊ ဢမ်ႇမီး လွင်ႈၶုၼ်ႇသဝ်ႈ ၵိလေႇသႃႇၼၼ်ႉ ပဵၼ်ၼိပ်ႉပၢၼ်ႇယဝ်ႉ။

ၼိပ်ႉပၢၼ်ႇဢၼ်ဝႃႈၼၼ်ႉ ပဵၼ်ထၢတ်ႈဢသင်ႇၶတ၊ ပဵၼ်ထမ်းတြႃးၸႅတ်ႈမၢၼ်ႇသေ ပဵၼ်ဢၼ်မီးတႄႉ။ တႃႇတေလႆႈ ၼိပ်ႉပၢၼ်ႇ၊ ႁူႉႁၼ် ၼိပ်ႉပၢၼ်ႇၼၼ်ႉ တၢင်းၵႂႃႇမၼ်း ပဵၼ်သတိပတ်ႉထၢၼ်ႇ သဵၼ်ႈလဵဝ်ၵူၺ်း။ ၼႆႉပဵၼ် လွင်ႈႁၼ်ထိုင် ၼိပ်ႉပၢၼ်ႇ ဢၼ်ၵပ်းၵၢႆႇလူၺ်ႈ ထေႇရဝႃႇတယဝ်ႉ။
ၶေႃႈသင်ႇသွၼ် ၼႂ်းထေႇရဝႃႇတလႄႈသင် ၼႂ်းမႁႃႇယႃႇၼလႄႈသင် မီးဝႆႉ ၶေႃႈသင်ႇသွၼ်ႇ ဢွၼ်လီ ပုၼ်ႈတႃႇ ၵူၼ်းမိူင်း ၶူင်းၵၢင် တင်းၼမ်တင်ႈလၢႆ ၼင်ႇၵၼ်ယဝ်ႉ။

ပေႃးတူၺ်း သိၼ်ႁႃႈသဵၼ်ႈၼႆႉၸိုင် မုၼ်ၶမ်းၽြႃး မုင်ႈႁၼ်ထိုင် ပုၼ်ႈတႃႇ ၵူၼ်းႁဝ်း တေမီးလွင်ႈႁူမ်ႇလူမ်ႈ သၢႆၸႂ်လႄႈ ၶူဝ်းၶွင် ႁိူၼ်းယေး၊ ပုၼ်ႈတႃႇ ၼႃႈႁိူၼ်း မူၼ်ႈသိူဝ်းၸႂ်၊ ပုၼ်ႈတႃႇ တြႃးသတ်ႉၸႃႇ လွင်ႈမၢၼ်ႇမႅၼ်ႈ မီးမႃး ၼႂ်းၵမ်ႇၽႃႇ၊ ပုၼ်ႈတႃႇ ၺၢၼ်ႇတၢင်းႁူႉ ၵူၼ်းႁဝ်း တေၶိုၼ်ႈၸၼ်ႉ ၶိုၼ်ႈသုင်သေ ၸင်ႇတေ တမ်းဝၢင်းပၼ် သိၼ် ဢမ်ႇၼၼ် မၢႆမီႈၵူၼ်း ႁႃႈပိူင်ၼႆႉယဝ်ႉ။
ၵူၼ်းမိူင်းၶူင်းၵၢင်ႁဝ်းၼႆႉ ယွၼ်ႉပိူဝ်ႈ ၶႂ်ႈၵျေႃႇပူၼ်ႉလူၼ်ႉလိူဝ်၊ ယွၼ်ႉပိူဝ်ႈ ၸႂ်လမ်ႇမၢၵ်ႈလေႃးၽ၊ ယွၼ်ႉပိူဝ်ႈ ၸႂ်ၵူဝ်ႁႄၼမ်ၼႃႇလႄႈ ၼင်ႇႁိုဝ် ၽဝၸဝ်ႈၵဝ်ႇ တေမီးတီႈ ၸႂ်ယႂ်ႇၸႂ်ၵႂ်ႈၼၼ်ႉ ၸင်ႇဝူၼ်ႉသေ ႁႃတီႈပိုင်ႈဢိင်ၵိူဝ်းလီယဝ်ႉ။

တႃႇတေပဵၼ် ၸၢဝ်းပုတ်ႉၸႅတ်ႈၸၢင်ႇၼၼ်ႉ တေလႆႈဢဝ် ပၵ်းပိူင်လူင် 5 ဢၼ် တီႈၼႂ်း ဢင်ႇၵုတ်ႉတရၼိၵႃႇယၼႆႉ မၵ်းမၼ်ႈၵႂႃႇယူႇ။

ၸႂ်သတ်ႉထႃႇ ဢၼ်ဝႃႈၼၼ်ႉတႄႉ တေလႆႈယုမ်ႇယမ် တမ်ႈတီႈ ၼိူဝ် ၽြႃး တြႃး သင်ႇၶႃႇသေ ႁပ်ႉၶၢမ်ႇယိုၼ်ဝႃႈ ပဵၼ်ၽြႃးၸႅတ်ႈ တြႃးၸႅတ်ႈ သင်ႇၶႃႇၸႅတ်ႈၼႆယဝ်ႉ။

လွင်ႈဝႃႇရိတ်ႉသီႇလ ဢၼ်ပဵၼ်သိၼ်ႁႃႈ၊ သိၼ်ပႅတ်ႇလႂ်၊ လွင်ႈၸႃႇရိတ်ႉတသီႇလ ဢၼ်ပဵၼ် ပုၼ်ႈၽွၼ်း (ဝူတ်ႈဝၢတ်ႈ) ၽူဝ်၊ မေး၊ သြႃႇ၊ တပႄး၊ ပေႃႈမႄႈ၊ လုၵ်ႈလၢင်း၊ ၽူႈယႂ်ႇၵူၼ်းလူင်၊ လုၵ်ႉၼွင်ႉတပႄး ၸိူဝ်းၼၼ်ႉ တေလႆႈတိုဝ်းၵမ် တဵမ်ထူၼ်ႈ။

တေဢမ်ႇလႆႈယုမ်ႇယမ် ဢတိတ်ႈၼိမိတ်ႈ လွင်ႈဢၼ်ဝႃႈ ပေႃးဢၢၵ်ႇလိူၼ်းႁွင်ႉၸိုင် မီးလၢပ်ႈ၊ ပေႃးတႅတ်းတႅဝ်းတူင်ႉ ဝႃႈ ဢမ်ႇလီ ၸိူဝ်းၼၼ်ႉ။ တၢင်းႁၼ်ထိုင် ၽြႃးတႄႉ ႁၼ်ထိုင်ဝႃႈ လွင်ႈဢၼ် ဢၢၵ်ႇလိူၼ်းႁွင်ႉ၊ တႅတ်းတႅဝ်းႁွင်ႉ၊ လိူၼ်မၢတ်ႇ၊ ဝၼ်းမၢတ်ႇဝႃႈ ပဵၼ်ၼိမိတ်ႉ ဢမ်ႇလီ။

ယုမ်ႇၵၢမ်ႇဢၼ်ဝႃႈၼၼ်ႉ မိူၼ်ၼင်ႇ ၽုၵ်ႇတူၼ်ႈမႆႉယဝ်ႉ။ ဢဝ်ၸိူဝ်ႉသင်ၽုၵ်ႇၵေႃႈ ဢွၵ်ႇတူၼ်ႈမဵဝ်းၼၼ်ႉ ၼင်ႇၼၼ် ပေႃးႁဵတ်း လွင်ႈလီၵေႃႈ တေပၼ်ၽွၼ်းလီ၊ ပေႃးႁဵတ်း လွင်ႈႁၢႆႉၵေႃႈ တေႃႈတေပၼ် ၽွၼ်းႁၢႆႉ တေလႆႈယုမ်ႇယမ်ၼင်ႇၼႆ။

ၵျေႃႇလူၼ်ႉပူၼ်ႉလိူဝ်လႄႈသင်၊ မီးၸႂ်လမ်ႇမၢၵ်ႈ လေႃးၽလႄႈသင်၊ မီးၸႂ်ၵူဝ်ႁႄလႄႈသင် လွင်ႈဢၼ် ၵႂႃႇႁႃၵိူဝ်းယမ် ၽၢႆႇၼွၵ်ႈသႃႇသၼႃႇ ၸိူဝ်းဢၼ် လွင်ႈၵိူဝ်းၽီ၊ ၸဝ်ႈမျၢတ်ႈ၊ လၢၵ်ႈၵႃႇ လၢၵ်ႈၽွႆး ပေႇတၢင်ႇ ၵႃႇလႃး ဢူင်းၽႂႃႉ ဢူင်းၽိ ၸိူဝ်းၼၼ်ႉ တေဢမ်ႇလႆႈယုမ်ႇယမ်။




#Article 82: ပတဵင်ႇ၊ ဝဵင်း (400 words)


ဝဵင်းပတဵင်ႇ ( ; ) ၼႆ့ ပဵၼ်ဝဵင်း ပၵ်းလုမ်း ၸႄႈဝဵင်းပတဵင်ႇ၊ ၸႄႈတွၼ်ႈပတဵင်ႇ၊ ၸႄႈတိူင်းဢေႇယႃႇဝတီႇ၊ မိူင်းမျၢၼ်ႇမႃႇသေ ပဵၼ် ဝဵင်းငဝ်ႈၸိုင်ႈ ၸႄႈတိူင်းဢေႇယႃႇဝတီႇယဝ်ႉ။ ႁူဝ်ၼမ်ၵူၼ်းယူႇသဝ်း မီးမွၵ်ႈ 300,000 ပၢႆသေ မီးဝႆႉၽၢႆတူၵ်း ဝဵင်းတႃႈၵုင်ႈ တၢင်းၵႆ 118 လၵ်းယဝ်ႉ။ မီးဝႆႉတီႈႁိမ်းၽင်ႇမႄႈၼမ်ႉငဝုၼ်ႇသေ ႁူမ်ႈဝႃႈမၼ်းၵႆႇၵၼ်တင်း ပၢၵ်ႇပၢင်ႇလၢႆႇ 75 လၵ်းသေတႃႉ ႁိူဝ်းသၢင်းၽေႃးလူင်လတ်းပၢင်ႇလၢႆႇ ၸၢင်ႈၶဝ်ႈမႃးလႄႈ လႆႈဝႃႈပဵၼ်ဝဵင်းသၢပ်ႇပၢင်ႇလၢႆ ဢၼ်တူၵ်းၼႂ်းဢၼ်ယႂ်ႇသေပိူၼ်ႈတီႈၼႂ်း မိူင်းမျႅၼ်ႇမႃႇၼႆႉယဝ်ႉ။

ဝဵင်းပတဵင်ႇၼႆႉ မိူဝ်ႈဢွၼ်တၢင်း ပဵၼ်ၼႃးလိၼ်မွၼ်းၶဝ် ပိူင်ႇမႃးသေတႃႉ ယၢမ်းလဵဝ်တႄႉ ၵူၼ်းၶိူဝ်းမွၼ်း ၶဝ် ယူႇသဝ်းဝႆႉ မီးဢိတ်းဢွတ်းသေ ၵမ်ႉၼမ် ပဵၼ်ၵူၼ်းၶိူဝ်းမၢၼ်ႈယဝ်ႉ။ လိူဝ်သေၼၼ်ႉဢမ်ႇၵႃး ၵူၼ်းၶိူဝ်းရၶႅင်ႇ လႄႈ ၵူၼ်းၶိူဝ်းယၢင်း ၶဝ်ၵေႃႈ ယူႇသဝ်းတင်းၼမ်သေ ၸိူဝ်းပဵၼ် ၵူၼ်းၶိူဝ်း ဢိၼ်းတီးယႃး၊ ၶႄႇ ၸိူဝ်းၼႆႉၵေႃႈ ယူႇသဝ်းဢိတ်းဢွတ်းယဝ်ႉ။ ႁူဝ်ၼပ်ႉၵူၼ်းၵမ်ႉၼမ် တီႈ ဝဵင်းပတဵင်ႇၼႆႉ  ပဵၼ်ၸၢဝ်း ပုတ်ႉထၽႃႇသႃႇသေ ၵူၼ်းၶိူဝ်းယၢင်း ဢၼ်ပဵၼ် ၸၢဝ်းၶရိတ်ႉယၢၼ်ႇ ၵႅတ်ႉတလိတ်ႉ လႄႈ ၼိတ်ႉၶျိၼ်း ၵေႃႈ မီးတင်းၼမ်ယူႇယဝ်ႉ။ လိူဝ်သေၼၼ်ႉဢမ်ႇၵႃး ႁိၼ်ႇတူႇ လႄႈ မူႇသလိၼ်ႇ ၶဝ်ၵေႃႈ မီးဝႆႉယူႇဢိတ်းဢွတ်းယဝ်ႉ။

ဝဵင်းပတဵင်ႇၼႆႉ တၢင်းၵႂၢင်ႈၶႂၢင် မီးမွၵ်ႈ 12 လွၵ်းလၵ်းၼႆႉယဝ်ႉ။ မီးဝႆႉတီႈၼႂ်းၵႄႈ လတ်ႉတီႇၵျုႁွင်ႇ 16 တီႇၵရီႇ 46 မိတ်ႉၼိတ်ႉ လႄႈ လွင်ႇၵျီႇၵျုဢွၵ်ႇ 94 တီႇၵရီႇ 43 မိတ်ႉၼိတ်ႉၼၼ်ႉယဝ်ႉ။ ဝဵင်းၼႆႉ မီးဝႆႉတီႈၼိူဝ် ၽင်ႇၼမ်ႉပတဵင်ႇ ၽၢႆႇဢွၵ်ႇ တင်း ၽၢႆႇတူၵ်းတင်းသွင်ၽၢႆႇသေ တီႈပွတ်းၽၢႆႇဢွၵ်ႇမႄႈၼမ်ႉၼၼ်ႉ မီးဝႆႉ လုမ်းလူင်ပွင်ၸိုင်ႈ လႄႈ ၵၢတ်ႇလူင် ၸိူဝ်းၼႆႉယဝ်ႉ။
ပွၵ်ႉၸိူဝ်းလိုဝ်းလင် တီႈဝဵင်ႈပတဵင်ႇၼႆႉ ဢတႄႇၵျီး၊ တလၢႆးၶျွင်း၊ ယူဝ်းတယႃးၵူင်း၊ မယၢၼ်းၶျူဝ်ႇၵူင်း၊ ဢတီးၸု ၸၵႂႃႇၸိူဝ်းၼႆႉယဝ်ႉ။ ဢၼ်ပဵၼ်သဵၼ်ႈတၢင်းလူင် တီႈဝဵင်းၼႆႉ ၶၢင်းၵၼ်ဝႆႉတင်း ၽင်ႇၼမ်ႉဝႆႉယဝ်ႉ။

ၸႄႈတိူင်းဢေႇယႃႇဝတီႇၼႆႉ ယွၼ်ႉပဵၼ်ယူင်ၶဝ်ႈလူင် မိူင်းမၢၼ်ႈလႄႈ ဝဵင်းပတဵင်ႇၼႆႉ ပဵၼ်ၵၢင်ၵႅၼ် တီႈဢိတ်ႇၶဝ်ႈ၊ တီႈတၢင်ႇသူင်ႇၶဝ်ႈယဝ်ႉ။ ယွၼ်ႉၼၼ်လႄႈ ၶူၵ်ႉၸၢၵ်ႈၶဝ်ႈ၊ ယူင်ႉသၢင်ႈတီႈသိမ်းၶဝ်ႈၸိူဝ်းၼႆႉ ၼမ်လိူင်ႇယဝ်ႉ။ ၶဝ်ႈသၢၼ်ၸိူဝ်ႈဢိတ်ႇယဝ်ႉၼၼ်ႉ ဢဝ်တေႃႉတင်း တၢင်းၼမ်ႉ၊ တၢင်းလိၼ်သေၵေႃႈ သူႇၸူး တႃႈၵုင်ႈ လႄႈ မိူင်းမၢၼ်ႈပတ်ႉပိုၼ်ႉယဝ်ႉ။ တႃႈၼမ်ႉပတဵင်ႇၼႆႉ ပဵၼ်တႃႈၼမ်ႉပိူင်လူင် တွၼ်ႈတႃႇၵုၼ်ႇၶဝ်ႈ ၵုၼ်ႇဢွၵ်ႇ တႃႇၸႄႈတိူင်းဢေႇယႃႇဝတီႇၼၼ်ႉယဝ်ႉ။ လိူဝ်သေၼၼ်ႉဢမ်ႇၵႃး တီႈဝဵင်းပတဵင်ႇၼႆႉ မီးႁူင်းၵၢၼ်ၸၢၵ်ႈၵႅဝ်ႈ ဢၼ်လူင်ပွင်ၸိုင်ႈပိူင်ႇသေ ႁဵတ်းဢွၵ်ႇ ၶူဝ်းၵႅဝ်ႈၵူႈမဵဝ်းမဵဝ်းသေၵေႃႈ ပိုၼ်ၽႄယဝ်ႉ။ ၸိူဝ်းပဵၼ်ၵၢၼ်ငၢၼ်းဢွၼ်ႇ ၵၢၼ်ငၢၼ်း ၸွင်ႈပတဵင်ႇ၊ ၵၢၼ်ငၢၼ်း ပႃၼဝ်ႈပႃႁႅင်ႈ၊ ၼမ်ႉပႃၸဵမ်းၸိူဝ်းၼႆႉသေဢမ်ႇၵႃး ၵၢၼ် ႁႃႇလဝႃႇ ၸိူဝ်းၼႆႉၵေႃႈ ႁုၼ်ႈမုၼ်ႈျဝ်ႉ။

ယွၼ်ႉပဵၼ်ၵုၼ်ပၢၵ်ႇမႄႈၼမ်ႉလႄႈ မႄႈၼမ်ႉ၊ ႁွင်ႈၼမ်ႉ၊ ၼွင်ၸိူဝ်းၼႆႉ လိူင်ႇၼမ်သေ ဢၼ်ပဵၼ် ၶၢဝ်းတၢင်းၼမ်ႉၵေႃႈ ပဵၼ်ဢၼ်ၶဝ်ႈတၢင်းတိုဝ်းယဝ်ႉ။ ယွၼ်ႉပိူဝ်ႈလႆႈပိုင်ႈဢိင် သၢႆတၢင်းၼမ်ႉပဵၼ်ပိူင်လူင် လႄႈ ပေႃးၸႃႇဢဝ် တီႈထုင်ႉလိၼ်ပဵင်းတၢင်ႇတီႈတႄႉ ဢၼ်ပဵၼ် သၢႆတၢင်းလိၼ်ၼႆႉ ႁၢမ်ႉတူၵ်းလိုၼ်းဝႆႉဢိတ်းဢိတ်းယဝ်ႉ။ မိူဝ်ႈၵူႈပွၵ်ႈၼႆႉ ႁူမ်ႈဝႃႈမီး တၢင်းလူတ်ႉရဵၼ်း၊ လူတ်ႉၵႃး ဢၼ်ၵပ်းသိုပ်ႇၵၼ် ဝႆႉတင်း ဝၢၼ်ႈဝဵင်းၼႂ်း ၸႄႈတိူင်းဢေႇယႃႇဝတီႇၼႆႉသေတႃႉ ၸၢင်ႈၵႂႃႇမႃးၸွမ်းသၢႆတၢင်းၼမ်ႉ ဢၼ်ၵႂႃႇတႃႈၵုင်ႈ ဢၼ်လႆႈၼွၼ်းၼိုင်ႈၶိုၼ်းၼၼ်ႉယဝ်ႉ။ ၵူၺ်းၵႃႈဝႃႈ မိူဝ်ႈပူၼ်ႉမႃး ၼႂ်းၶၢဝ်းတၢင်း 15 ပီၼၼ်ႉ ယွၼ်ႉပိူဝ်ႈဝႆႉ လႆႈႁဵတ်းတၢင်း၊ ႁဵတ်းၶူဝ် ယဝ်ႉတူဝ်ႈမႃးလႄႈ သဵၼ်ႈတႃႈသၢႆတၢင်း လႄႈ ၵၢၼ်ငၢၼ်းထွင်ႈတဵဝ်းၵေႃႈ လႆႈၶိုၼ်ႈယႂ်ႇမႃးယဝ်ႉ။ ယၢမ်းလဵဝ်တႄႉ သၢႆလူတ်ႉၵႃး ဢၼ်လဵၼ်ႈၸူး ဝဵင်းတႃႈၵုင်ႈၼၼ်ႉ မီးမႃးတင်ၼမ်သေ ၶၢဝ်းယၢမ်းၵႂႃႇမႃးၼႆႉ ႁိုင်မွၵ်ႈ 4 ၸူဝ်ႈမူင်းၵူၺ်းယဝ်ႉ။ တွၼ်ႈတႃႇ သၢႆတၢင်းလူမ်းၼႆႉ မီးဝႆႉ တႃႈႁိူဝ်းမိၼ်ပတဵင်ႇသေ ပဵၼ်မဵဝ်းသိူဝ်ႇၵုၼ်ႇၵရိတ်ႉသေ တၢင်းယၢဝ်းမီး 4400 ထတ်းယဝ်ႉ။ လုၵ်ႉတီႈ သၢႆလူမ်းမျၢၼ်ႇမႃႇသေၵေႃႈ လဵၼ်ႈၶၢဝ်းတၢင်းႁိူဝ်းမိၼ် တႃႈၵုင်ႈ - ပတဵင်ႇပၼ်ယူႇယဝ်ႉ။ ဢၼ်ပဵၼ်သၢႆတၢင်းၼမ်ႉၵေႃႈ ၵူၼ်းတိုၵ်ႉၸႂ်ႉၼမ်ယူႇၼင်ႇၵဝ်ႇ။

တီႈဝဵင်းပတဵင်ႇၼႆႉ မီး ပၢင်ႇလဵၼ်ႈ ပတဵင်ႇယဝ်ႉ။ ပၢင်ႇလဵၼ်ႈ ပတဵင်ႇၼႆႉ ပဵၼ်ပၢင်ႇလဵၼ်ႈ ၸႂ်ႉတႃႇၵူႈမဵဝ်းယဝ်ႉ။ ၵမ်ႉၼမ်ႉ လဵၼ်ႈမၢၵ်ႇၼင်သေ ပဵၼ်ပၢင်ႇႁိူၼ်း ႁင်း ၸုမ်းမၢၵ်ႇၼင် ဢေႇယႃႇဝတီႇယူႇၼၢႆႉတႅတ်ႉ ယဝ်ႉ။ ပဵၼ်ၸုမ်းမၢၵ်ႇၼင် ဢၼ်ၶဝ်ႈပႃးဝႆ့ ၸဵမ်မိူဝ်ႈ တႄႇတင်ႈ မျၢၼ်ႇမႃႇ ၼေႇသျိၼ်ႇၼႄႇလိၵ်ႉၼၼ်ႉသေ တၢင်တူဝ် ၸႄႈတိူင်းဢေႇယႃႇဝတီႇယဝ်ႉ။

ၽြႃးသူၺ်ႇမုၼေႃးၼႆႉ ၶုၼ်သီႇရိထမ်ႇမႃႇသေႃးၵ လႆႈတႄႇတင်ႈမႃး မိူဝ်ႈပီသႃႇသၼႃႇ 218 လိူၼ်သီႇမူၼ်း ၽွင်းၵူပ်းၵိၼ်လိူၼ်ၼၼ်ႉ ဝႃႈၼႆယဝ်ႉ။ မိူဝ်ႈပၢၼ်ၶုၼ်သီႇရိထမ်ႇမႃႇသေႃးၵ ၽွင်းတႄႇတင်ႈၼၼ်ႉ ႁွင်ႉဝႃႈ ၵွင်းမူးသူၺ်ႇဢႃႇၼႃႇၼႆသေ ထိုင် ပီ 457 ၶုၼ်ဢလွင်ႈၸီႇတူႇ ၶိုၼ်းမႄးၵုမ်းယဝ်ႉ ၶိုၼ်းတၢင်ႇၸိုဝ်ႈဝႃႈ ၵွင်းမူးထူႇပႃႇရူင်ႇ ၼႆယဝ်ႉ။ ထိုင်ပီ 625 မႃး ၶုၼ်သမူၵ်ႉတၵေႃသ လႄႈ မႄးၼၢင်း ဢူင်ႇမႃႇတၢၼ်ႇတီႇ ၶဝ် ၶိုၼ်းၶႂၢင်ႈမႄးၵုမ်းသေ ၶိုၼ်းပၼ်ၸိုဝ်ႈဝႃႈ သူၺ်ႇမုၼေႃး ဝႃႈၼႆယဝ်ႉ။
ဝၢႆးသေ ပၢင်သိုၵ်း ဢင်းၵိတ်ႉ-မၢၼ်ႈ ပွၵ်ႈၵမ်းသွင် ယဝ်ႉတူဝ်ႈၵႂႃႇသေ ဝဵင်းပတဵင်ႇၵေႃႈ လႆႈတူၵ်းတႂ်ႈမိုဝ်း ဢင်းၵိတ်ႉၶဝ်ႈယဝ်ႉ ၸိူဝ်းပဵၼ်ၶုၼ်သိုၵ်း ဢၼ်ဢင်းၵိတ်ႉၶဝ်ႈ ပၼ်ၵၢၼ်လႄႈ ၸိူဝ်းပဵၼ် ထဝ်ႈဝၢၼ်ႈထဝ်ႈၼႃး ၸၢဝ်းပုတ်ႉထၶဝ် ဢွၼ်ၵၼ် ထိင်းသိမ်းတူၺ်းထိုင် ၵိူဝ်းယမ်မႃးယဝ်ႉ။ တေႃႇထိုင် ယၢမ်းလဵဝ် ၵွင်းမူး ဢၼ်လုၵ်ႉတီႈလိၼ်တေႃႇ ငဝ်ႈထီး 77 သွၵ်ႇ၊ တၢင်းသုင်ထီႈ 23 သွၵ်ႈသေ ႁူမ်ႈ မီး 100 သွၵ်ႈ၊ တၢင်းယႂ်ႇပၼ်ႇႁွပ်ႈ မီႈ 207 သွၵ်ႈ၊ ၶွပ်ႇတိၼ် မီး 272 သွၵ်ႈသေ ဢဝ်တင်း ပီသႅင်၊ ထီးငိုၼ်းထီးၶမ်း တင်း ၶူဝ်းၵႅဝ်ႈသႅင်ငိုၼ်းၶမ်း ႁၢင်ႈၶိုင်ႈသေၵေႃႈ လႆႈၶႂၢၵ်ႈသေ မႄးၵုမ်းမႃးယဝ်ႉ။

မီးဝႆႉတီႈ ႁူဝ်ၼမ်ႉသႂ် ဝဵင်းပတဵင်ႇသေ မိူဝ်ႈၽွင်းၶုၼ်ဢလွင်းၸီႇတူႇ ပၼ်ႇမိူင်းသေ တႄႇၽႅဝ်ႇတီႈၼၼ်ႈၼၼ်ႉ လႆႈၵေႃႇၵွင်းမူးဝႆႉလႄႈ ၸူးလႆႈၸိုဝ်ႈဝႃႈ ၽွင်ႇတေႃးဢူး ဝႃႈၼႆယဝ်ႉ။ ယွၼ်ႉပိူဝ်ႈမီး ၼွင်ၼမ်ႉသႂ် လႄႈ ၼွင်ၼမ်ႉၶုၼ်သေ ၸူးႁွင်ႉၵိုၵ်းၼၼ်ႉသေ ႁွင်ႉဝႃႈ ၽြႃးၼမ်ႉသႂ်ၼမ်ႉၶုၼ်ႇ ၼႆယဝ်ႉ။

ပဵၼ်သူၼ်မွၵ်ႇ ဢၼ်ၵေႃႇသၢင်ႈဝႆႉႁိမ်းၶၢင်ႈၼွင်သၢမ်ၸၼ်ႉ ဢၼ်မီးဝႆႉ တီႈႁိမ်းၸၼ်ႉၸွမ်ပတဵင်ႇၼၼ်ႉသေ မီးဝႆႉ ႁွင်ႈၼႄ လႄႈ ပၢင်ႇလဵၼ်ႈၵမ်ႈၽွင်ႈယဝ်ႉ။

ပေႃးၶီႇႁိူဝ်းသၢင်းၽေႃးသေ လွင်ႈလူင်းၸွမ်း သၢႆၼမ်ႉငဝုၼ်ႇၼႆႉ တေၽႅဝ်ႇၵႂႃႇ ၵုၼ်ယွၼ်ႇမေႃႇတိၼ်ႇၸုၼ်း ဢၼ်မီးတီႈ ပၢၵ်ႇပၢင်ႇလၢႆႇၵပ်ႉပလီႇၼၼ်ႉယဝ်ႉ။ ၵူႈပီၵူႈပီ ပေႃးထိုင် ၶၢဝ်းလိူၼ်သၢမ် (ၾႅပ်ႇဝႃႇရီႇ၊ မၢတ်ႉၶျ်) ၶၢဝ်းၼမ်ႉတူၵ်းၼၼ်ႉ ၵႆႉႁဵတ်းပွႆးၽြႃးမေႃႇတိၼ်ႇၸုၼ်းၼၼ်ႉယဝ်ႉ။ ၸွမ်းၽင်ႇပၢင်ႇလၢႆႇၼၼ်ႉ ဢွၼ်ၵၼ်ႁဵတ်းသုမ်ႉႁဵတ်းသွမ်းသေ ၶၢႆပႃးၶူဝ်းဢွၵ်ႇပၢင်ႇလၢႆႇယဝ်ႉ။

ပဵၼ်ၽင်ႇပၢင်ႇလၢႆႇ ဢွင်ႈတီႈလိုဝ်ႈသဝ်း ဢၼ်မီးတီႈၵႆယၢၼ်တင်း ဝဵင်းပတဵင်ႇ မွၵ်ႈ 40 ၵီႇလူဝ်ႇမီႇတႃႇၼၼ်ႉၵူၺ်းသေ ၵူၼ်းတႄႇႁူႉၼမ်မႃး မိူဝ်ႈ ပီ 1990 ၼၼ်ႉယဝ်ႉ။ မီးႁူင်းလႅမ်း ဢၼ်ၵႃႈၶၼ်ႈမီးၵူႈၸၼ်ႉထၢၼ်ႈသေ မီးပႃးလၢၼ်ႉတၢင်းၵိၼ်ပၢင်ႇလၢႆႇယဝ်ႉ။

ပဵၼ်ၽင်ႇပၢင်ႇလၢႆႇ တီႈလိုဝ်ႈႁိူဝ်ႉ ဢၼ်တႄႇပိုတ်ႇ မိူဝ်ႈပီ 2000 သေ လုၵ်ႉတီႈ ဝဵင်းပတဵင်ႇသေ ၵႆယၢၼ် 48 ၵီႇလူဝ်ႇမီႇတႃႇယဝ်ႉ။ ၶဝ်ႈပႃးၼႂ်း သဵၼ်ႈမၢႆၽင်ႇပၢင်ႇလၢႆႇ ဢၼ်ႁၢင်ႈလီသေပိူၼ်ႈ ၼႂ်းမိူင်းမျၢၼ်ႇမႃႇသေ မီးပႃးႁူင်းလႅမ်းလူင် ဢၼ်မီးၸၼ်ႉ လၢဝ်ႁႃႈလူင်ႇၼၼ်ႉယဝ်ႉ။




#Article 83: ပတဵင်ႇၵျီး၊ ၸႄႈဝဵင်း (147 words)


ၸႄႈဝဵင်းပတဵင်ႇၵျီး ၼႆႉ ပဵၼ်ၸႄႈဝဵင်းဢၼ်ၼိုင်ႈ ဢၼ်မီးဝႆႉတီႈၼႂ်း ၸႄႈတွၼ်ႈတႃႈလိူဝ်ႇ၊ ၸႄႈတိူင်းတႃႈလိူဝ်ႇ ၼၼ်ႉယဝ်ႉ။

ပတဵင်ႇၵျီးၼႆႉ ပဵၼ်ဝၢၼ်ႈလူင်မႃး ၸဵမ်မိူဝ်ႈပၢၼ် ၶုၼ်ဢၼေႃႇယထႃႇ မိူဝ်ႈပၢၼ်ပူးၵမ်ႇၼၼ်ႉယဝ်ႉ။ လုၵ်ႉၼၼ်ႉသေၵေႃႈ ၶၢႆႉလၢႆႈပဵၼ်မႃး တေႃႇပေႃးပဵၼ် ဝဵင်းလုၵ်ႈၼိုင်ႈၼၼ်ႉယဝ်ႉ။ ပီႈ ဢေႇတီႇ (1244) ပၢၼ်ပူးၵမ်ႇၼၼ်ႉ လုၵ်ႉတီႈ ဝေႃးႁၢၼ် ပဵင်ႇတုၵျီး () ၼၼ်ႉသေ လူင်းမႃးယဝ်ႉ။ ဝၢႆးလင်မႃး ၸူးပဵၼ်မႃး ပတဵင်ႇၵျီး ၼႆယဝ်ႉ။

မိၼ်းသျိၼ်ႇၸေႃး ၼႆႉ တွၼ်ႈတႃႇ ၶဝ်ႈၼမ်ႉတၢင်းၵိၼ် ပေႃးတေၵုမ်ႇထူၼ်ႈတႃႇ ၵူၼ်းသိုၵ်း လႄႈ ၵူၼ်းၸွမ်းလင်မၼ်းၼႆသေ မၼ်းႁႂ်ႈ ၽူႈႁၢပ်ႇၵၢၼ်ၽၢႆႇလိၼ်ၵေႃႉၼိုင်ႈ ထတ်းတမ်းလွၵ်းလိၼ်ၼႃး တွၼ်ႈတႃႇ ၽုၵ်ႇသွမ်ႈယဝ်ႉ။ ၸုမ်းၽူႈႁၢပ်ႇၵၢၼ် ၽၢႆႇလိၼ်ၶဝၵေႃႈ ႁဵတ်းသုမ်ႈတီႈလွၵ်းလိၼ်ပဝ်ႇတီႈၼိုင်ႈသေ ဢွၼ်ၵၼ်ယူႇသဝ်းသေၵေႃႈ ထတ်းတမ်း လွၵ်းလိၼ်ၼႃးယူႇယဝ်ႉ။ ၽူႈႁၢပ်ႇၵၢၼ် ဢၼ်ထတ်းတမ်းၼၼ်ႉ ႁွင်ႉဝႃႈ ပဵင်ႇတုၵျီး ၼႆယဝ်ႉ။ မိူဝ်ႈၵူႈပွၵ်ႈတႄႉ တီႈဢၼ် ပဵင်ႇတုၵျီးယူႇၼၼ်ႉ ၵၢပ်ႈပၢၼ် ဢွၼ်ၵၼ်ႁွင်ႉဝႃႈ ပတဵင်ႇၵျီး ၼႆယဝ်ႉ။

ပတဵင်ႇၵျီးၼႆႉ ပဵၼ်ၸႄႈဝဵင်း ဢၼ်ပိူင်ႇၼႃႈလိၼ် ဢၼ်ဢိၵ်ႇပႃး ၼွင်ဢွင်ႇပိၼ်ႇလႄႇ ဢၼ်ၸိုဝ်ႈသဵင်လိုဝ်းလင်မႃး မိူဝ်ႈၵူႈပွၵ်ႈၼၼ်ႉသေဢမ်ႇၵႃး ၸိူဝ်းပဵၼ် ၼႃႈလိၼ် ဢၼ်လွမ်ႉႁွပ်ႈ ၼွင်ၼၼ်ႉၵေႃႈ ၶဝ်ႈပႃးၼႂ်း ၸႄႈဝဵင်းယဝ်ႉ။ ယွၼ်ႉၼွင်လူင်ဢွင်ႇပိၼ်ႇလႄႇသေၵေႃႈ ၸၢင်ႈသွမ်ႈၼႃး လွၵ်းသွင်မိုၼ်ယဝ်ႉ။

ၸႄႈဝဵင်းပတဵင်ႇၵျီးၼႆႉ မိူဝ်ႈပီ 1959 ၼၼ်ႉ ၶိုၼ်ႈသၢင်ႈ ပဵၼ်ၸႄႈဝဵင်းမႃးယဝ်ႉ။ ႁူမ်ႈဝႃႈ ၶိုၼ်ႈသၢင်ႈပဵၼ် ၸႄႈဝဵင်းမႃးသေတႃႉ တိုၵ်ႉမီးၸၼ်ႉ ဝၢၼ်ႈလူင်ၼၼ်ႉၵူၺ်းၼင်ႇၵဝ်ႇ။ ယၢမ်းလဵဝ်တႄႉ တီႈၼိူဝ်ဝဵင်း မီးပွၵ်ႉ ပွၵ်ႉၼိုင်ႈ၊ ဢိူင်ႇ မီး ၄၂ ဢိူင်ႇ၊ ဝၢၼ်ႈ ၁၄၀ ဝၢၼ်ႈ ယဝ်ႉ။ ႁူဝ်ႁိူၼ်းမီး ၃၆၆၆၉ ႁူဝ်ႁိူၼ်းသေ ႁူဝ်ၼပ်ႉၵူၼ်း မီး ၁၈၃၃၅၁ ၵေႃႉယူႇသဝ်းဝႆႉယဝ်ႉ။  တီႈၸႄႈဝဵင်းပတဵင်ႇၵျီးၼႆႉ ၼႃႈလိၼ်ၽုၵ်ႇသွမ်ႈ တင်းသဵင်ႈ မီးယူႇ  (၂၈၄၈၇) ဢေႇၵယဝ်ႉ။ မိူဝ်ႈပီ 2014 ၼၼ်ႉ ႁူဝ်ၼပ်ႉၵူၼ်း မီးယူႇ ၂၆၃,၇၂၅ ယဝ်ႉ။

ဢွင်ႈတီႈၸိုဝ်ႈလိုဝ်းလင်တႄႉ လွႆယၢၼ်ႇၵိၼ်း၊ ၵွင်းမူးမျႃႉၵျွၵ်ႉ ဢၼ်တၢင်ႇၸိုဝ်ႈဝႃႈ ၼမ်ႉၼၵႃး၊ လွႆယေႇတၶုၼ်ႇ၊ မူင်ႇလႄႇတေႃးယ၊ ၵျွင်းတိတ်ႉၸဝေႇတၵူႇ၊ မႁႃႇၽေႃးတိ ႁႃႈႁဵင်၊ လွႆၸဵင်ႇၶၼွၵ်ႉ၊ လွႆမျႃႉၶၼွၵ်ႉ၊ လွႆတၶိၼ်ႇမ၊ ပႃႇထၢၼ်ဢဵင်ႇသျေႉမိၼ်း၊ ဝၢၼ်ႈမိၼ်းၵၢၼ်ႇ၊ လႄႈ ဝၢၼ်ႈပူၵ်ႉ ဢၼ်ၶဝ်ႈပႃးတီႈၼႂ်း ၵႂၢမ်းသူၺ်ႇမိၼ်းၵၢၼ်ႇ ဢၼ် ၼၢၼ်းတေႃႇသျေႉသြႃႇတိၼ်ႇ တႅမ်ႈမႃးၼၼ်ႉ၊ လွႆၽယွင်းဢၼ်ဢွၵ်ႇၶမ်း၊ ၽၢႆ သႄႇတေႃႇၵျီး၊ ၼွင်ဢွင်ႇပိၼ်ႇလႄႇ ၸၵႂႃႇၸိူဝ်းၼႆႉယဝ်ႉ။




#Article 84: ပတႃႇၸႃႇရီႇ (158 words)


ၵူၼ်းၵႃႉလူင်ၽူႈမၢၵ်ႈမီးၵေႃႉၼိုင်ႈ ဢၼ်ယူႇၼႂ်းဝဵင်းသႃႇဝတ်ႉထိၼၼ်ႉ ႁဵတ်းႁိူၼ်းသုင်ၸဵတ်းၸၼ်ႉသေ ယူႇလူၺ်ႈတင်းမေးၼၢင်း လုၵ်ႈၸၢႆးလႄႈ လုၵ်ႈယိင်းမၼ်း။ ၶဝ်သီႇၵေႃႉၼႆႉ ယူႇႁူမ်ႈၵၼ်ၵတ်းၵတ်းယဵꧣ်ယဵၼ်။ ၵူၺ်းၵႃႈ လုၵ်ႈယိင်းၵူၼ်းမီးလူင်တႄႉ ႁၵ်ႉမႅၼ်ႈတင်းၶႃႈၸႂ်ႉၼႂ်းႁိူၼ်းၵေႃႉၼိုင်ႈသေ လၵ်ႉဢဝ်ၶူဝ်ၶွင်ၼႂ်းႁိူၼ်းယဝ်ႉ သွင်ႉပၢႆႈၸွမ်းၽူဝ်မၼ်းၼၼ်ႉၵႂႃႇပႅတ်ႈ။ ၶႃၼႆႉ ၵႂႃႇယူႇသဝ်းတီႈဝၢၼ်ႈဢွၼ်ႇ ဢၼ်ၵႆယၢၼ်တင်းသႃႇဝတ်ႉထိၼၼ်ႉယူႇယဝ်ႉ။

ယွၼ်ႉၵုမ်ႇလႆႈထူၵ်းဢဝ်ၶၢႆၶူဝ်းၶွင်ဢၼ်ပႃးမႃးတီႈႁိူၼ်းၼၼ်ႉယူႇၵွႆးလႄႈ ပေႃးၶူဝ်းၶွင်သဵင်ႈၵေႃႈ ၶၢဝ်းႁိုင်မႃး လႆႈယူႇၵွတ်းယူႇၽၢၼ်ၶၢၼ်ၸႂ်ယူႇႁဵတ်းၼၼ်။ ႁိုင်မႃးသွင်ပီၵေႃႈ ၵိူတ်ႇလဵင်ႉလုၵ်ႈၸၢႆးဢွၼ်ႇသွင်ၵေႃႉယဝ်ႉ။ လုၵ်ႈဢွၼ်ႇသွင်ၵေႃႉၼႆႉၵေႃႈ လႆႈမႃးၵိူတ်ႇတီႈပေႃႈမႄႈၽၢၼ်ၵႅၼ်းယဝ်ႉ ယွၼ်ႉလွင်ႈတၢင်းဢမ်ႇထၢင်ႇထိူမ်သေ လႆႈလူႉတၢႆၵႂႃႇတင်းသွင်ၵေႃႉမိူဝ်ႈလဵဝ်ၵၼ်။ လွင်ႈၵၢမ်ႇႁၢႆႉလုၵ်ႈယိင်းၵူၼ်းမီးလူင်တႄႉ ပႆႇယဝ်ႉတီႈၼႆႈၵွၼ်ႇ။ ၵေႃႉပဵၼ်ၸဝ်ႈၽူဝ်ၵေႃႈ ငူးသၵ်းတၢႆပႅတ်ႈပႆႇပေႃးႁိုင်၊ မၼ်းၼၢင်းၼႆႉ ၶီၶီငဝ်ငဝ်သေ ၸႂ်ၵေႃႈ ၽူင်ႉၽၢတ်ႇၽီၽႄပႅတ်ႈမူတ်း။ ၵမ်းလိုၼ်း ၸင်ႇဝၢႆႇမႃးႁႃ မိူင်းသႃႇဝတ်ႉထိ ဢၼ်ပေႃႈမႄႈမၼ်းၼၢင်းယူႇသဝ်းၼၼ်ႉ။ ၽႅဝ်တီႈပႃႇႁဵဝ်ႈၸမ်ဝဵင်းၼၼ်ႉ လႆႈငိၼ်းၶၢဝ်ႇႁၢႆႉလူင်ဝႃႈ ယွၼ်ႉလူမ်းလႅင်ႉလူင်သေ ႁိူၼ်းပေႃႈမႄႈမၼ်းၸဵတ်းၸၼ်ႉၼၼ်ႉ ၵူၼ်ႇတူၵ်းတဵင်ပေႃႈမႄႈလႄႈ ၼွင်ႉၸၢႆးမၼ်းသေ လႆႈလူႉတၢႆၵႂႃႇတင်းမူတ်းၼႆလႄႈ ပေႃးတၢၼ်ႇၾႃႉၽႃႇတိူဝ်ႉၺႃးသႂ်ႇ မႆႈမႆႈလိူတ်ႇလိူတ်ႇတင်းတူဝ်။ ဢမ်ႇပႄႉၸႂ်လႆႈသေ ၶီၸႂ်မႆႈၸႂ်ၼႃႇဢႃးလႃးလႄႈ သိူဝ်ႈၶူဝ်းပေႃးဢမ်ႇၸပ်းတူဝ်။ လႄႇႁႃႁွင်ႉႁႆႈသေ လႅၼ်ႈယူႇၸွမ်းတၢင်းႁဵတ်းၼၼ်ယူႇယဝ်ႉ။

မိူဝ်ႈၽွင်းယၢမ်းၼၼ် ၽြႃးပဵၼ်ၸဝ်ႈတိုၵ်ႉႁေႃးတြႃးယူႇတီၵျွင်းၸေႇတဝၼ်ႇ။ မိူဝ်ႈလႆႈႁၼ်ပတႃႇၸႃႇရီႇပွႆႇပူၺ်သေ လႅၼ်ႈယူႇႁိမ်းၵျွင်းၼၼ်ႉ ၽြႃးပဵၼ်ၸဝ်ႈၸင်ႇဝႃႈ ဢေႃး လုၵ်ႈယိင်းႁၵ်ႉၵဝ်ပတႃႇၸႃႇရီႇ ၵေႃႉဢၼ်မႆႈၸႂ်ၶီၸႂ်ယူႇဢိူၺ်း ၾၢင်ႉတူဝ်ၸဝ်ႈၵဝ်ႇလႄႈ ပူင်လၢတ်ႈၼင်ႇၼႆ။ ပတႃႇၸႃႇရီၵေႃႈ ႁူႉတူဝ်မႃးသေ လီဢၢႆၼႃႇ ဢမ်ႇမေႃယူႇလႄႈ ၵေႃႉမီးႁိမ်းမၼ်းၼၼ်ႉ ၸင်ႇဢဝ်ၽႃႈဝဵၼ်းတူဝ်ပၼ်မၼ်းၼၢင်းၽိုၼ်ၼိုင်ႈ၊ မၼ်းၸင်ႇဢဝ်ဝဵၼ်းတူဝ်မၼ်းၼၢင်းဝႆႉ။ ၼၢင်းယိင်းမႆႈလိူတ်ႇယူႇၼၼ်ႉ ယွၼ်ႉဢဝ်ၽႃႈဝဵၼ်းတူဝ်ဝႆႉလႄႈ ၸင်ႇႁွင်ႉဝႃႈ ပတႃႇၸႃႇရီႇ ၼႆယူႇယဝ်ႉ။

ၽိူဝ်ႇမၼ်းၼၢင်းလဝ်ႈဝႃႈ ၶႃႈၼၢင်းၼႆႉ ပဵꧣ်တၢင်းၶၢၼ်ၸႂ်တုၵ်ႉၶယူႇဝႆႉဢေႃႈ၊ ၶႅၼ်းတေႃႈပၼ်ၶႃႈၼၢင်းလႆႈသွၼ်ႈႁူမ်ႈသေၵမ်းတီႈၶႃႈ ဝႃႈၼင်ႇၼႆလႄႈ ၽြႃးပဵၼ်ၸဝ်ႈၸင်ႇပူင်ၵႂၢမ်းဝႃႈ ၾၢင်ႉတူဝ်လႄႈ လုၵ်ႈႁၵ်ႉဢိူၺ်း၊ ၸွမ်းႁဵတ်းၼင်ႇထမ်ႇမတြႃးလႄႈ၊ တြႃးၸဝ်ႈၵွႆးဢိူဝ်ႈ တေႁဵတ်းႁႂ်ႈလုၵ်ႈၵဝ်လႆႈသွၼ်ႈႁူမ်ႈသေ တေၵတ်းယဵၼ်ၵႂႃႇ။ ဝၢႆးလႆႈငိၼ်းၶေႃႈၵႂၢမ်းသင်ႇသွၼၽြႃးပဵၼ်ၸဝ်ႈပူင်လၢတ်ႈၼင်ႇၼၼ်ၵေႃႈ ၸႂ်ပတႃႇၸႃႇရီႇၼႆႉ ၼိမ်ယဵၼ်ၵႂႃႇသေ ၸင်ႇထိင်းၸႂ်လႆႈမႃး။ ၽိုၵ်းသႃၵျၢင်ႉၵမ်တြႃးၸဝ်ႈသေ ယွၼ်ႉပႃႇရမီႇဝၼ်းလင်ၵေႃႈမီးမႃးလႄႈ လႆႈပဵၼ်သေႃးတႃႇပၢၼ်ႇၵႂႃႇယူႇယဝ်ႉ။ ပေႃးၼၼ်ၵေႃႈ ၽြႃးပဵၼ်ၸဝ်ႈၸင်ႇႁႂ်ႈ ပတႃႇၸႃႇရီႇႁဵတ်းၽိၵ်ႉၶုၼီႇသေ မၼ်းၼၢင်းၵေႃႈ ၶတ်းၸႂ်ၵျၢင်ႉၵမ်တြႃးၸဝ်ႈၵႂႃႇတႄႉတႄႉဝႃႈဝႃႈယူႇယဝ်ႉ။

မီးဝၼ်းၼိုင်ႈ ပတႃႇၸႃႇရီႇ ဢဝ်ၼမ်ႉၼႂ်းဢုမ်သေ တွင်ႈသုၵ်ႈတိၼ်မၼ်း။ မၼ်းၼၢင်းလႆႈႁၼ် ၼမ်ႉဢၼ်တွင်ႈလူင်းၵမ်းဢွၼ်တၢင်းၼၼ်ႉ လုၵ်ႉတီႈတိၼ်သေ လႆလူင်းၵႂႃႇၼိူဝ်လိၼ်၊ ၸိုမ်းၶဝ်ႈလိၼ်သေ ႁၢႆလၢႆၵႂႃႇ။ ၼမ်ႉဢၼ်တွင်ႈလူင်းထႅင်ႈပွၵ်ႈၵမ်းသွင်ၼၼ်ႉၵေႃႈ လႆႈလူင်းၽႅဝ်တီႈဢၼ်ၼမ်ႉမိူဝ်ႈၸဝ်ႉၼၼ်ႉ ၸူမ်ႁၢႆၵႂႃႇ၊ ယဝ်ႉ သိုပ်ႇလႆႈႁၢမ်ႉယၢဝ်းယၢဝ်းယဝ်ႉ ႁၢႆလၢႆၵႂႃႇပႅတ်ႈ။ ပွၵ်ႈၵမ်းသၢမ်ၵေႃႈ လႆလူင်းၵႂႃႇႁၢမ်ႉယၢဝ်းလိူဝ်ၵမ်းသွင်သေ ႁၢႆလၢႆၵႂႃႇၼင်ႇၵဝ်ႇယဝ်ႉ။ ၼႂ်းၸႂ်ပတႃႇၸႃႇရီႇတႄႉ ႁူႉႁၼ်ဝႃႈ ၼမ်ႉလႆၸိူဝ်းၼႆႉ တႃႉမိူၼ်ၸူဝ်ႈပၢၼ်ၵူၼ်းလႃႈ၊ ၵမ်ႈၽွင်ႈၼႆႉ လႆႈလူႉႁၢႆတၢႆၵႂႃႇၸဵမ်မိူဝ်ႈလဵၵ်ႉလႅင်၊ ၵမ်ႈၽွင်ႈသမ်ႉ လႆႈလူႉႁၢႆတၢႆၵႂႃႇမိူဝ်ႈႁၢတ်ႈႁၢႆး၊ ၵမ်ႈၽွင်ႈသမ်ႉလႆႈလူႉႁၢႆတၢႆၵႂႃႇမိူဝ်ႈထဝ်ႈၵႄႇ။ ၶၢဝ်းယၢမ်းတၢႆပိူင်ႈၵၼ်သေတႃႉၵေႃႈ တင်းမူတ်းတႄႉတိုၼ်းလႆႈတၢႆယူႇဢမ်ႇႁၢင်ႉယဝ်ႉ ၼႆယဝ်ႉ။ ဢဝ်မရၼႃႇၼုသ်သတိတြႃးပေၼ်ငဝ်ႈပိုၼ်ႉမၼ်းသေ သိုပ်ႇၽႄႈတိူၼ်းၵႂႃႇလႄႈ ပတႃႇၸႃႇရီႇၼႆႉ လႆႈပေꧣ်သေႃးတႃႇပၢၼ်ႇ၊ သၵတႃႇၵၢမ်ႇ၊ ဢၼႃႇၵၢမ်ႇ၊ လုၵ်ႉတီႈၼၼ်ႉသေ လႆႈပဵၼ်ရႁၢၼ်းတႃႇၵႂႃႇယူႇယဝ်ႉ။ ဝၢႆးသေ ပဵၼ်ရႁၢၼ်းတႃႇယဝ်ႉ ပတႃႇၸႃႇရီႇၼႆႉ ႁဵၻ်းႁႂ်ႈ ၼၢင်းယိင်းတင်းၼမ်ႁွတ်ႈၽႅဝ်ၼိူဝ်သဵၼ်ႈတၢင်းထမ်ႇမသေ ၸွႆႈထႅမ်ပၼ်ႁႂ်ႈလႆႈလွတ်ႈဢွၵ်ႇသမ်ႇသရႃႇဝူတ်ႈတုၵ်ႉၶ ၼၼ်ႉယူႇယဝ်ႉ။ ၽြႃးပဵၼ်ၸဝ်ႈၸင်ႇဝၢင်းပူင်ပၼ် ဢေႇတတၵ်ႉၵ ဢၼ်ၵတ်ႉၶႅၼ်ႇသုတ်းၼႂ်း ဝိၼယထရ ပၼ်ရႁၢၼ်းတႃႇပတႃႇၸႃႇရီႇၵႂႃႇယူႇယဝ်ႉ။

ၼႃႈလိၵ်ႈ ႖႔၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 85: ပပ်ႉသႅၼ်သမ်ႇ (789 words)


ပပ်ႉသႅၼ်သမ်ႇ ဢၼ်ဝႃႈၼႆႉ ပဵၼ်ပပ်ႉတင်းၼမ်တင်းလၢႆ ဢၼ်တႅမ်ႈမၢႆဝႆႉ လွင်ႈတၢင်း ၵူႈၸိူဝ်ႉၵူႈပိူင် ၸွတ်ႇၸွတ်ႇၸေးၸေးသေ ၶပ်ႉတႅမ်ႈၸွမ်း တူဝ်လိၵ်ႈၶပ်ႉၵၢပ်းတၢမ်းၵၼ် (ၵ၊ ၶ၊ င)။ ပပ်ႉသႅၼ်သမ်ႉ ဢၼ်ဢႃႇယုႁိုင်ယိုၼ်းသေပိူၼ်ႈၼၼ်ႉ ၵူၼ်းမိူင်းရေႃးမ ဢၼ်ၸိုဝ်ႈဝႃႈ ၾရိၼ်းၼီးၵေႃႉတႅမ်ႈဝႆႉ မိူဝ်ႈပီႁူဝ်ပၢၵ်ႇ 1 သေ တိုၵ်ႉမီးဝႆႉ တေႃႇထိုင်ယၢမ်းလဵဝ်။ ပပ်ႉဢၼ်ၼၼ်ႉ ပိူၼ်ႈႁိၵ်ႈႁွင်ႉဝႃႈ ပပ်ႉလိၵ်ႈလူင် သၽႃႇဝ ပိုၼ်းမိူင်းၼႆယဝ်ႉ။ ပပ်ႉမၼ်းမီး 37 ပပ်ႉ၊ မူႇလိၵ်ႈမီး သွင်မိုၼ်ႇပၢႆ။ ပပ်ႉသႅၼ်သမ်ႇ ဢၼ်ယႂ်ႇသေပိူၼ်ႈသုတ်းၼၼ်ႉ ပဵၼ်ပပ်ႉသႅၼ်သမ်ႇၶႄႇ ဢၼ်ပပ်ႉမၼ်းမီး 5020 ပပ်ႉၼၼ်ႉယဝ်ႉ။ ပပ်ႉသႅၼ်သမ်ႇ ဢၼ်ၶပ်ႉၸႅၼ်ႇၸွမ်း တူဝ်လိၵ်ႈၼၼ်ႉ ဢိတ်ႇဢွၵ်ႇမိူဝ်ႈ ပီၶရိတ်ႈ 1704 သေ သြႃႇႁေႃးတြႃးဢဵင်းၵလဵတ်ႈၵေႃႉၼိုင်ႈ ဢၼ်ၸိုဝ်ႈဝႃႈ ၵျွၼ်ႇႁႃႇႁိတ်ႉ ၵေႃႉတႅမ်ႈဝႆႉ။ ပပ်ႉသႅၼ်သမ်ႇၼၼ်ႉ ႁိၵ်ႈၸိုဝ်ႈဝႃႈ ပပ်ႉဢၽိထၢၼ်ႇဝိတ်ႉၸႃႇ သိပ်ႉပမ်ႉ ဢဵင်းၵလဵတ်ႈ ဢၼ်ၵပ်းၵၢႆႇတင်းလူၵ်ႈ ၼႆယဝ်ႉ။ 

ပုၼ်ႈတႃႇ ၵူၼ်းၸိူဝ်းၶႂ်ႈလႆႈ တၢင်းႁူႉၼမ် တၢင်းႁၼ်ၵႂၢင်ႈၶဝ် ပေႃႈတေၸၢင်ႈႁႃလႆႈ ၶေႃႈမုၼ်းမၼ်း ငၢႆႈငၢႆႈလႄႈ ပပ်ႉလိၵ်ႈၽိုၼ်လိၵ်ႈ ဢၼ်ႁႃႁွမ်တႅမ်ႈသႂ်ႇဝႆႉ တၢင်းႁူႉတၢင်းႁၼ် ၵူႈသမ်ႇသႅၼ်ပိူင်ၼၼ်ႉ ၵႂၢမ်းဢဵင်းၵလဵတ်ႈ ႁွင်ႉဝႃႈ encyclopedia ၼႆသေ ၵႂၢမ်းတႆးတႄႉ ႁွင်ႉဝႃႈ ပပ်ႉသႅၼ်သမ်ႇ။ လွင်ႈတၢင်း ၸဝ်ႈၵဝ်ႇလႄႈသင် လွင်ႈတၢင်း ႁိမ်းႁွမ်းၸိူဝ်းၼၼ်ႉလႄႈသင် ၵူၼ်းမိူင်းၶူင်းၵၢင်ႁဝ်းၼႆႉ မီးၸႂ်ၶႂ်ႈႁူႉသေ ဢွၼ်ၵၼ်သွၵ်ႈႁၼ် သွၵ်ႈႁူႉသေယဝ်ႉ ၸင်ႇတႅမ်ႈပဵၼ်လိၵ်ႈသေ မၢႆတွင်းဝႆႉယဝ်ႉ။ ႁဵတ်းၼၼ်သေ ၸင်ႇတေပဵၼ်မႃး မီးမႃး ပပ်ႉၵူႈၸိူဝ်ႉၸိူဝ်ႉ ၵူႈပိူင်ပိူင်ယူႇ ၵူၺ်းၵႃႈ လွင်ႈတၢင်း ဢၼ်ၶႂ်ႈသွၵ်ႈႁႃၼၼ်ႉ ဢမ်ႇၵိုင်ႉၵၢင်ႉ သွၵ်ႈႁႃလႆႈငၢႆႈငၢႆႈ။ ၵွပ်ႈၼၼ် ဢၼ်ၶႂ်ႈႁူႉၶႂ်ႈႁၼ်ၼၼ်ႉ ၼင်ႇႁိုဝ် တေၸၢင်ႈႁႃႁၼ်လႆႈ ငၢႆႈငၢႆႈလူမ်လူမ်ၼႆသေ ၸင်ႇတေ ႁဵတ်းဢွၵ်ႇမႃး ပပ်ႉသႅၼ်သမ်ႇ ဢၼ်ပႃး တၢင်းႁူႉၵူႈလွင်ႈလွင်ႈၼၼ်ႉယဝ်ႉ။ ပပ်ႉသႅၼ်သမ်ႇၼႆႉ တႅမ်ႈၼႄပၼ် လွင်ႈၵူၼ်း လွင်ႈသတ်း လွင်ႈၶူဝ်းၶွင် ဢိၵ်ႇလူၺ်ႈ တီႈဢၼ်ၶဝ်ယူႇသဝ်းလႄႈ လွင်ႈတၢင်းတီႈယူႇၶဝ် ၸိူဝ်းၼၼ်ႉ။ ၵွပ်ႈၼႆ ပိုၼ်ႉထၢၼ် ပပ်ႉသႅၼ်သမ်ႇဢၼ်ဝႃႈၼၼ်ႉ ပဵၼ်သၽေႃး ဢၼ်ၵူၼ်းႁဝ်း ၵႆႉထၢမ်ၵၼ်ဝႃႈ သင်? ၽႂ်? ထႂ်? မိူဝ်ႈလႂ်? ႁဵတ်းႁိုဝ်? ၵွပ်ႈသင်? ၸိူဝ်းၼၼ်ႉသေ ၸင်ႇတေႁႃ ၶေႃႈတွပ်ႇမၼ်း၊ လုၵ်ႉတီႈၼၼ်ႉသေ ၸင်ႇပဵၼ်မႃး ပပ်ႉသႅၼ်သမ်ႇ။

ၶေႃႈၵႂၢမ်း ဢၼ်ဝႃႈ encyclopedia ဢႅၼ်ႇသၢႆႇၶလူဝ်ႇပီးၻီးယႃးၼႆႉ လုၵ်ႉတီႈ ၶေႃႈၵႂၢမ်း ၵရိၵ်ႉသေ ပဵၼ်မႃး။ သမ်ႉမီးတီႈပွင်ႇဝႃႈ ပူင်သွၼ်ပၼ် တၢင်းမေႃဝိတ်ႉၸႃႇလႄႈ သိပ်ႉပမ်ႇၼႆယဝ်ႉ။ သၽေႃးမၼ်း ၶႂ်ႈပွင်ႇဝႃႈ ပူင်သွၼ်ပၼ် တၢင်းမေႃ ၵူႈသမ်ႇသႅၼ်ပိူင်။ ၵွပ်ႈၼၼ် ပပ်ႉလိၵ်ႈ ၽိုၼ်လိၵ်ႈ ဢၼ်မီးတၢင်းႁူႉ တၢင်းမေႃ ၵူႈသမ်ႇသႅၼ်ပိူင်ၼၼ်ႉ ၵႂၢမ်းႁဝ်းၵေႃႈ ၸင်ႈႁွင်ႉဝႃႈ ပပ်ႉသႅၼ်သမ်ႇ

ၵူၼ်းမိူင်းဝၼ်းတူၵ်းၶဝ် ဝႃႈဝႆႉ ၵေႃႉၽူႈဢၼ်ဢဝ် တၢင်းႁူႉတၢင်းႁၼ် တၢင်းမေႃ ၵူႈသမ်ႇၵူႈပိူင် ၵူႈသမ်ႇသႅၼ်ပိူင် တႅမ်ႈပဵၼ်ၽိုၼ် ပဵၼ်ပပ်ႉ ဢွၼ်တၢင်းသုတ်းပိူၼ်ႈၼၼ်ႉ ပဵၼ် ဢရိတ်ႉၸထူဝ်ႇတႄႇ (BC 384=322) ၼႆယဝ်ႉ။ ဢရိတ်ႉထူဝ်ႇထႄႇၼႆႉ လႆႈဝႃႈပဵၼ် ပေႃႈၸဝ်ႈငဝ်ႈငႃႇ ပပ်ႉသႅၼ်သမ်ႇၼႆယူႇ။ ၵူၺ်းၵႃႈ ပပ်ႉသႅၼ်သမ်ႇတၢင်းႁူႉတၢင်းမေႃၼၼ်ႉ ၽူႈၶူၼ်ႉၶႂႃႉၶႄႇၶဝ်ဝႃႈ တီႈမိူင်းၶႄႇၼႆႉ တႅမ်ႈပဵၼ်မႃး ၸဵမ်မိူဝ်ႈ BC 1200 ပုၼ်ႉၼႆယဝ်ႉ။ ပဵၼ်ႁိုဝ်ပဵၼ် ပပ်ႉသႅၼ်သမ်ႇၶႄႇ ဢၼ်ႁွင်ႉဝႃႈ ဢႃႇယႃး ၼၼ်ႉ ၶဝ်ႈပဵၼ်ၽိုၼ်ပပ်ႉႁူဝ်ပိုင်းပိူၼ်ႈသေ ၸိုဝ်ႈသဵင် လိုဝ်းလင် တေႃႇထိုင်ဝၼ်းမိူဝ်ႈၼႆႉယူႇ။ ပပ်ႉၽိုၼ်ၼၼ်ႉ တေလႆႈဝႃႈ ပဵၼ်ပပ်ႉဢၼ် ၵဵပ်းႁွမ်ထွၼ်ဢဝ် လိၵ်ႈလီလၢႆးၶႅမ်ႉ လိၵ်ႈလၢႆး ဢၼ်ၽူႈမီးပႆႇၺႃႇၶဝ် မိူဝ်ႈၵွၼ်ႇ မိူဝ်ႈၵႃႉ တႅမ်ႈဝႆႉၼၼ်ႉၼႆယူႇ။ မိူဝ်ႈပၢၼ်ၼၼ်ႉၼင်ႇၵဝ်ႇ တမ်ႈတီႈ မိူင်းဢိၼ်ႇတိယၵေႃႈ ၽိုၼ်လိၵ်ႈလူင်ဝေႇတ မီးမႃးယူႇ။ ၽိုၼ်လိၵ်ႈၸိူဝ်းၼၼ်ႉ ႁွင်ႉဝႃႈ သႃမ၊ ယၸု၊ ဢိသျု၊ ဢႃႇတပ်ႉပၼသေ ၽူႈလူင်ႉလႅၼ်ႇၶဝ် လၢမ်းဝႃႈ ၽိုၼ်လိၵ်ႈၸိူဝ်းၼႆႉ မီးမႃး မိူဝ်ႈပႆႇထိုင် BC 1000 ၼၼ်ႉၼႆယဝ်ႉ။ ၽိုၼ်ပေႇတၸိူဝ်းၼၼ်ႉ လၢတ်ႈၼႄလွင်ႈ တၢင်ႇၽီသွင်ႈၽီသေ ဢမ်ႇၵႃး ပႃးလွင်ႈပၢႆးမွၼ်းလႄႈ ပၢႆးဝူၼ်ႉ မိူဝ်ႈပၢၼ်ၼၼ်ႉ။ ၽိုၼ်လိၵ်ႈပေႇတၼႆႉ ပႃးလွင်ႈလေႃးၵ လွင်ႈထမ်ႇမသေ ပဵၼ်ၽိုၼ်လိၵ်ႈသႅၼ်သမ်ႇ လွင်ႈတၢင်းႁူႉယဝ်ႉ။ ပပ်ႉသႅၼ်သမ်ႇ ဢရိတ်ႉၸထူဝ်ႇတႄႇတႄႉ ပႃးလွင်ႈ ၵၢင်ႁၢဝ်၊ လွင်ႈၽူၼ်လူမ်း၊ လွင်ႈတူဝ် သတ်းၸိူဝ်းၼႆႉသေ ပႃးၸွမ်း လွင်ႈၶူၼ်ႉၶႂႃႉလႂ်ယဝ်ႉ။

ဝၢႆးၼၼ်ႉ ထိုင်မႃး ၿီႇၸီႇ 30 မႃးၵပ်ႉထႄႇရိၼ်ႇသျီႇယပ်ႉဝႄႇရူဝ်ႇ (ၿီႇၸီႇ 116-27) တႅမ်ႈပပ်ႉသႅၼ်သမ်ႇ 9 ပပ်ႉသေ ပႃးလွင်ႈတၢင်းမေႃ ဝိတ်ႉၸႃႇ ပၢႆးသၢႆႊ။ ထိုင်မႃး ဢေႇတီႇ 70 ပလိၼ်ႇၼီႇ တႅမ်ႈၽိုၼ်လိၵ်ႈ 'ပိုၼ်းသၽႃႇဝ'သေ မီး 37 ပပ်ႉ၊ တွၼ်ႈၵၼ်မီး 1493 တွၼ်ႈ။ ၼႂ်းပီႁူဝ်ပၢၵ်ႇ 5 ၼၼ်ႉ မႃႇတီႇၼပ်ႉၵပႄးလႃး တႅမ်ႈပပ်ႉဝွၵ်းဢၼ်ပႃး ပႁုသုတတင်းၼမ်သေ သွၼ်ပၼ် လုၵ်ႈႁဵၼ်းၶဝ်။ ၼႂ်းပပ်ႉၼၼ်ႉ ၶဝ်ႈပႃးၸဵမ် လၢႆးသတ်ႉတႃႇ ဢိၵ်ႇတၢင်းမေႃ လွင်ႈႁႆႇတိုင်ႈၵူႈပိူင်။ ၼႂ်းပီၶရိတ်ႉ 600 တေႃႇ 630 ၼၼ်ႉ မုၼ်ၸဝ်ႈၶရိတ်ႉ ဢၼ်ၸိုဝ်ႈဝႃႈ ဢိၸီႇတူဝ်ႇ တႅမ်ႈပဵၼ် ပပ်ႉပႁုသုတလႄႈ ပပ်ႉဢၼ်ၼၼ်ႉ ၽူႈတႅမ်ႈလိၵ်ႈ ၽူႈတႅမ်ႈၽိုၼ်ပွင်ၶဝ် လႆႈဢိင်ပိုင်ႈ တေႃႇထိုင် ပီႁူဝ်ပၢၵ်ႇ 9 ၵွၼ်ႇ။ လိူဝ်သေၼၼ်ႉ မုၼ်ၶဝ်ႈၶရိတ်ႉၶဝ် ၵူၼ်းႁိူၼ်းၶဝ် ဢွၼ်ၵၼ်တႅမ်ႈ ၽိုၼ်လိၵ်ႈၵူႈပိူင်ပိူင် ဢၼ်ငၢႆးၼင်ႇ ပပ်ႉသႅၼ်သမ်ႇယဝ်ႉ။ ၵူၺ်းၵႃႈ ၽိုၼ်လိၵ်ႈၸိူဝ်းၼၼ်ႉ ၵမ်ႉပႃးၼမ် ပဵၼ်လိၵ်ႈ လႅတ်ႉတိၼ်ႇ။

မၢင်ပွၵ်ႈမၢင်လႂ် ဢၼ်ဢဝ်လိၵ်ႈၵရိၵ်ႉ တႅမ်ႈဝႆႉၵေႃႈ မီးမႃးယူႇယဝ်ႉ။ ၵူၺ်းၵႃႈ လွင်ႈတၢင်းဢၼ်ပႃးၼႂ်းမၼ်းၼၼ်ႉ ဢမ်ႇၸႂ်ႈလႄႈဝႃႈ တမ်းဝၢင်းပိူင်သေ တႅမ်ႈဝႆႉတႅတ်ႈၼႅတ်ႈ။ ပီၶရိတ်ႉ 1260 ၼၼ်ႉ ၵေႃႉဢၼ်ၸိုဝ်ႈဝႃႈ ဝိၼ်းသိၼ်ႉ ၸင်ႇၶပ်ႉၶိုင် တမ်းဝၢင်းပၵ်းပိူင်လီလီသေ ဝႆႉၵၼ်လႂ်ၵၼ်ၼၼ်ႉသေ တႅမ်ႈဢွၵ်ႇၽိုၼ်လိၵ်ႈ မၢၼ်ႇၸမ်ႈလူင်။ ဢဝ်လိၵ်ႈ လႅတ်ႉတိၼ်ႇသေ တႅမ်ႈဝႆႉ။ ပၢၼ်ၵၢၼ်ယူးရူပ်ႉၼၼ်ႉ ပပ်ႉသႅၼ်သမ်ႇ ၵမ်ႉပႃႈၼမ် ဢဝ်လိၵ်ႈလႅတ်ႉတိၼ်ႇ​သေ တႅမ်ႈယဝ်ႉ။

ထိုင်မႃး ပီၶရိတ်ႉ 1400 တဵမ် လွင်ႈဝႆႉဝၢင်းပပ်ႉသႅၼ်သမ်ႇ မီးလွင်ႈတၢင်း ၶိုၼ်ႈယႂ်ႇမႃးသေ လွင်ႈဝႆႉဝၢင်းမၼ်းၵေႃႈ တူၵ်းလွၵ်းတူၵ်းဢႅၵ်ႇမႃး။ တီႈတႅၵ်ႈမၼ်း ပပ်ႉသႅၼ်သမ်ႇ ဢၼ်ၵႅၵ်ႉၵၸတၢၼ်ႇ ႁဵတ်းဢွၵ်ႇ မိူဝ်ႈပီ 1481 ၼၼ်ႉ ပဵၼ်မႃး ပပ်ႉၽိုၼ်ဢိင်လီလူင်ၽိုၼ်ၼိုင်ႈသေ လႆႈႁၼ် သႂ်ႇပႃးၸွမ်း ႁၢင်ႈသင်သိင်။ ထိုင်မႃး 1541 ၵူၼ်းမိူင်း သျိတ်ႉၸႃႇလၢၼ်ႇ ဢၼ်ၸိုဝ်ႈဝႃႈ ရိင်းၵႄးလဝတ်ႉ ဢၼ်ယူႇဝဵင်းဝႃးလၼၼ်ႉ ႁဵတ်းဢွၵ်ႇ ပပ်ႉသႅၼ်သမ်ႇသေ ၸိုဝ်ႈဢၼ်ဝႃႈ encyclopedia ဢႅၼ်ႇသၢႆႇၶလူဝ်ႇပီးၻီးယႃးၼၼ်ႉၵေႃႈ တႄႇလႆႈႁၼ် ၸႂ်ႉတိုဝ်းတီႈၼၼ်ႈ ဢွၼ်တၢင်းသုတ်း။ ထိုင်မႃး 1506 တီႈၼႂ်းပပ်ႉသႅၼ်သမ်ႇ ဢၼ်ရႅတ်ႉၾႃႇဢႄႇလီမၢတ်ႉၾႄး ႁဵတ်းဢွၵ်ႇတီႈ မိူင်းဢီႇတလီႇၼၼ်ႉ ပႃးမႃး ပိုၼ်းပဝတ်းၵူၼ်း (ဢတ်ႉထုပ်ႉပတ်ႉတိ)သေ သႂ်ႇပႃး လွၵ်းလၢႆးၸီႉၼႄမၼ်းယဝ်ႉ။
ပီ 1620 ပပ်ႉသႅၼ်သမ်ႇ ဢၼ်ၾရၢၼ်းသိတ်ႉပေႇၵိၼ်ႇ ႁဵတ်းဢွၵ်ႇၸမ်း လွင်ႈပႁုသုတၵူႈပိူင်ပိူင်ၼၼ်ႉ လႆႈႁၼ် မၼ်းၸႅၵ်ႇဝႆႉ တွၼ်ႈလႂ်တွၼ်ႈၼၼ်ႉ ၵၼ်လႂ်ၵၼ်ၼၼ်ႉၼႆ ပဵၼ်ဢွၼ်တၢင်းပိူၼ်ႈယဝ်ႉ။ ပီ 1704 ပပ်ႉသႅၼ်သမ်ႇ ဢၼ်ၵျွၼ်ႇႁႄးရိတ်ႉ ႁဵတ်းဢွၵ်ႇတႄႉ ဢဝ် ၵ.ၶ.င ၸႅၼ်ႇသေ ၼႄပၼ်ဝႆႉ တီႈမႃႇတိၵႃႇမၼ်းၼၼ်ႉသေဢမ်ႇၵႃး ၽိုၼ်ဢိင်မၼ်းၵေႃႈ သႂ်ႇပႃးသေ တူဝ်ၽူႈလူင်ႉလႅၼ်ႇၶဝ် ၵေႃႉတႅမ်ႈပၼ် မူႇလိၵ်ႈၼႂ်းၼၼ်ႉလူးၵွၼ်ႇ။ ပီ 1704 ပပ်ႉသႅၼ်သမ်ႇ ဢၼ်ဢွၵ်ႇမႃး တီႈမိူင်းၵျႃႇမၼီႇၼၼ်ႉတႄႉ မူႇလိၵ်ႈမၼ်း ပဵၼ်လိၵ်ႈႁွမ်တွမ်သေ ၽူႈလူင်ႉလႅၼ်ႇတင်းၼမ် ႁူမ်ႈၵၼ်တႅမ်ႈသႂ်ႇပႃးယဝ်ႉ။ လွင်ႈဢၼ် ၵူၼ်းတင်းၼမ် ႁူမ်ႈၵၼ် တႅမ်ႈသေ ဢိတ်ႇဢွၵ်ႇၼင်ႇၼႆၼႆႉ ၼႆႉပဵၼ် ပွၵ်ႈဢွၼ်တၢင်းသုတ်းပိူၼ်ႈ။ 1728 ပပ်ႉသႅၼ်သမ်ႇ ၸၢႆႇၶလူဝ်ႇပီးတီးယႃး ဢၼ်ဢီႇၾရိမ်ႇ ၶျိမ်းဝႃးတႅမ်ႈဢွၵ်ႇၼၼ်ႉ လႆႈႁၼ် မၼ်းၸႂ်ႉတိုဝ်း လွၵ်းလၢႆးဢဝ်မူႇလိၵ်ႈ ဢၼ်ၼိုင်ႈလႄႈ ဢၼ်ၼိုင်ႈ ၵွင်ႉၵၢႆႇၸီႉၸူးၵၼ်ၼၼ်ႉ ဢွၼ်တၢင်းသုတ်းပိူၼ်ႈ။

ၼႂ်းပီႁူဝ်ပၢၵ်ႇ 14 ၼၼ်ႉ ၽူႈမီးပႆႇၺႃႇၶႄႇ ဢၼ်ၸိုဝ်ႈဝႃႈ မႃႇတွႃႇလိင် တႅမ်ႈပၼ် ပပ်ႉသႅၼ်သမ်ႇ ၽိုၼ်ၼိုင်ႈ။ ပီႁူဝ်ပၢၵ်ႇ 15 ၸမ်ႉ ၸဝ်ႈဝွင်ႉၶႄႇ ယႂၢၼ်လဵဝ်ႉ ပူင်ၶေႃႈပူင်သေ ၸႂ်ႉတႅမ်ႈ ပပ်ႉသႅၼ် သမ်ႇ ၽၢႆႇၶႄႇယဝ်ႉ။ ယိူင်းဢၢၼ်းမၼ်းၸဝ်ႈတႄႉ ဢၢၼ်းၶႂ်ႈဢဝ် ၶေႃႈသင်ႇသွၼ် ၵုၼ်ႇၾူးသျိ၊ ပိုၼ်းတၵႃႉပိုၼ်း၊ တၢင်းမေႃၵူႈသမ်ႇသႅၼ်ပိူင်၊ တၢင်းမေႃဝိၶျႃးလႄႈပၢႆးသၢႆႊ တင်းသဵင်ႈ ႁႂ်ႈပဵၼ် ႁူမ်ႈလဵဝ်ၵၼ်။ ၽိုၼ်လိၵ်ႈ ပပ်ႉသႅၼ်သမ်ႇၶႄႇ မီး 22947 ၽိုၼ်သေတႃႉ တၼ်းလႆႈဢိတ်ႇပဵၼ်ပပ်ႉ 3 ပပ်ႉၵူၺ်း။ ဝၢႆးသေ ပၢၼ်ၶိူဝ်းၶုၼ်မိင် မူတ်းသဵင်ႈၵႂႃႇ သွင်ပပ်ႉသမ်ႉႁၢႆလၢႆပႅတ်ႈသေ ထိုင်မႃးပၢၼ် ၵူၼ်းလုၵ်ႉၽိုၼ်ႉ ပၢဝ်းသႃႈၶဝ်ၼၼ်ႉ သမ်ႉၶိုၼ်းႁၢႆၵႂႃႇထႅင်ႈပပ်ႉၼိုင်ႈၼႆယဝ်ႉ။ ပီႁူဝ်ပၢၵ်ႇ 18 မိူဝ်ႈၸဝ်ႉ ၼၼ်ႉ ၸဝ်ႈဝွင်ႉလူင်ၵၢၼ်သျီး ပူင်ၶေႃႈပူင်သေ ၸႂ်ႉႁႂ်ႈႁဵတ်းပဵၼ် ပပ်ႉသႅၼ်သမ်ႇ ဢွၵ်ႇမႃး 5020 ပပ်ႉသေ ထိုင်မႃး ပၢၼ်ယႂၢၼ်ႉၶျိင်း (ၶရ 1723-35) ၼၼ်ႉ ပိုၼ်ၽႄႈဢွၵ်ႇယဝ်ႉ။ ပပ်ႉသႅၼ်သမ်ႇၼၼ် မီးယူႇ 700 သွႆႉသေ ယၢမ်းလဵဝ် ၼႄဝႆ့ တမ်ႈတီႈ ႁွင်ႉၼႄပိုၼ်း ပရိတ်ႉတိတ်ႉသျ်ၶဝ်ယူႇ။

ပပ်ႉသႅၼ်သမ်ႉ ဢၼ်ႁွင်ႉဝႃႈ သၢႆႇၶရလူဝ်ႇပီးတီးယႃး ဢၼ်ၶျၢမ်းဝႃး တႅမ်ႈဝႆႈၼၼ်ႉ ၾရၢင်ႇသဵတ်ႈၶဝ် ၶိုၼ်းမႄး ပိၼ်ႇပဵၼ်ၽႃႇသႃႇလိၵ်ႈၶဝ်ယဝ်ႉ။ ထိုင်မႃး 1751-1772 ၼၼ်ႉ ပပ်ႉသႅၼ်သမ်ႇ ၽၢႆႇၾရၢင်ႇသဵတ်ႈ ဢၼ်မီး 20 တွႆးၼၼ်ႉ ၸင်ႇတေဢွၵ်ႇမႃး ပဵၼ်မႃး။ 1928 ၼၼ်ႉၵေႃႈ ၵေႃႉဢၼ်ၸိုဝ်ႈဝႃႈ လႃႇရုသၼၼ်ႉ တႅမ်ႈဢွၵ်ႇ ပပ်ႉသႅၼ်သမ်ႇၾရၢင်ႇသဵတ်ႈ ပီႁူဝ်ပၢၵ်ႇ 20 ။

တႄႇဢဝ် ပီ 1732 တေႃႇထိုင် 1750 ၼၼ်ႉ တီႈမိူင်းၵျႃႇမၼီႇ ၵေႃႉဢၼ်ၸိုဝ်ႈဝႃႈ ၸႅတ်ႉတလႃႇ တႅမ်ႈပဵၼ်ပပ်ႉသႅၼ်သမ်ႇ ဢၼ်ႁိၵ်ႈၸိုဝ်ႈဝႃး 'ယူႇၼီႇဝႃႇသႄႇလႅၵ်ႉၵၸီႇ' ၼႆသေ မီး 64 တွႆး။ တမ်ႈတီႈ ၼႂ်းၽိုၼ်ပပ်ႉသႅၼ်သမ်ႇၸိူဝ်းၼၼ်ႉ ၶဝ်ႈပႃး လွင်ႈၵူၼ်းၸိူဝ်းဢၼ်တိုၵ်ႉပႆႇတၢႆ မိူဝ်ႈပၢၼ်ၼၼ်ႉယဝ်ႉ။ လိူဝ်သေၼၼ်ႉ 1769 လႄႈသင်၊ 1881 ၼၼ်ႉလႄႈသင် ၽူႈမီးပၺ်ႇၺႃႇၶဝ် ၼႂ်းမိူင်းၵျႃႇမၼီႇ ဢွၼ်ၵၼ် ႁဵတ်းပဵၼ် ပပ်ႉသႅၼ်သမ်ႇယဝ်ႉ။

ပပ်ႉသႅၼ်သမ်ႇ ဢဵင်းၵလဵတ်ႈ ဢၼ်ၸိုဝ်ႈသဵင်ယႂ်ႇသေပိူၼ်ႈ ဢၼ်ပဵၼ်တီႈဢဝ်ႁဵတ်း ၽိုၼ်ဢိင်ၼၼ်ႉ ပဵၼ်ပပ်ႉသႅၼ်သမ်ႇ 'ဢႅၼ်ႇသၢႆႇၶလူဝ်ႇပီးတီးယႃး ပရိတ်ႉတိၼ်ႇၼီးၵႃး' ၼၼ်ႉယဝ်ႉ။ ၽိုၼ်လိၵ်ႈၸိူဝ်း ၼၼ်ႉ တႄႇဢဝ် မိူဝ်ႈ 1768 တေႃႇထိုင် 1771 ၼၼ်ႉ ၶဝ်တႄႇတႅမ်ႈ တမ်ႈတီႈ မိူင်းၸၵွတ်ႉလၢၼ်ႇ၊ ဝဵင်းဢႅၵ်ႇတိၼ်ႇဝႃးရႃးသေ ဢဝ်ဢွၵ်ႇ 3 တွႆးႁူမ်ႈၵၼ် ဢွၼ်တၢင်းသုတ်း။ ဝၢႆးၼၼ်ႉ 1778 တေႃႇထိုင် 1783 ၶိုၼ်းမႄးထတ်းပွၵ်ႈၵမ်းသွင်သေ ဢိတ်ႇဢွၵ်ႇ။ 

တမ်ႈတီႈ မိူင်းဢမေႇရိၵၢၼ်ႇၼၼ်ႉတႄႉ ၼႂ်းဝူင်ႈၵၢင် 1829 တေႃႇထိုင် 1833 ၶဝ်ၶတ်းၸႂ် ႁဵတ်းဢွၵ်ႇမႃး ပပ်ႉသႅၼ်သမ်ႇ 'ဢႅၼ်ႇသၢႆႇၶလူဝ်ႇပီးတီးယႃး ဢမေႇရိၵႃး'။

တႄႇဢဝ် မိူဝ်ႈ 1925 တေႃႇထိုင် 1947 ၼႂ်းၶၢဝ်းတၢင်း 22 ပီၼၼ်ႉ ၵူၼ်းရသျႃးၶဝ် ၶတ်းၸႂ်တႅမ်ႈဢွၵ်ႇ ပပ်သႅၼ်သမ်ႇ 'သူဝ်ႇဝီႇယႅတ်ႉၸၵႃႇယႃႇ ဢႅၼ်ႇသၢႆႇၶလူဝ်ႇပီးတီးယႃး'သေ ၸိုဝ်ႈသဵင်ယႂ်ႇ တေႃႇထိုင် ဝၼ်းမိူဝ်ႈၼႆႉယူႇ။

တမ်ႈတီႈ မိူင်းယူးရူပ်ႉၼၼ်ႉ ႁူဝ်ပိုင်းမၼ်း လွင်ႈတႅမ်ႈပပ်ႉသႅၼ်သမ်ႇၼႆႉ ဢဝ်လိၵ်ႈလႅတ်ႉတိၼ်ႇသေ တႅမ်ႈယဝ်ႉ။ ၵူၺ်းၵႃႈ ဝၢႆးသေ ပီႁူဝ်ပၢၵ်ႇ 14 ယဝ်ႉၸိုင် ၵူၼ်းမိူင်းၼႂ်းယူးရူပ်ႉၶဝ် ၵူႈမိူင်းမိူင်း ၸင်ႇဢဝ် ပိၼ်ႇႁဵတ်း လိၵ်ႈၽႂ်ႇလိၵ်ႈမၼ်း။ လၵ်းထၢၼ်သၢၵ်ႈသေႇမၼ်းၸမ်း မိူဝ်ႈပီ 1360 တမ်ႈတီႈ မိူင်းဢိင်ႇၵလၢၼ်ႇၼၼ်ႉ ဝႃႇသေႃးလူဝ်ႇမိဝ်ႇတီႇၵလၢၼ်ႇဝီး ဢဝ်လိၵ်ႈလႅတ်ႉတိၼ်ႇသေ တႅမ်ႈပဵၼ် ပပ်ႉသႅၼ်သမ်ႇယဝ်ႉ။ ထိုင်မႃး 1398 ၵျွၼ်ႇထရေႇဝီႇၸႃႇ ဢဝ်ပပ်ႉၼၼ်ႉ ပိၼ်ႇပဵၼ် ၽၢႆႇဢဵင်းၵလဵတ်ႈၵႂႃႇ။

မိူဝ်ႈပီ 1751 ၼၼ်ႉ ၸိၼ်ႇတၵျေႃႇတူႇ တႅမ်ႈဢွၵ်ႇပပ်ႉၼိုင်ႈ ႁိၵ်ႈၸိုဝ်ႈဝႃႈ ကဝိလက္ခဏာသတ်ပုံကျမ်း သေ မၼ်းဢမ်ႇၸႂ်ႈ ပပ်ႉတႅတ်ႈလၢႆလၢႆ မၼ်းၶဝ်ႈပႃး လွင်ႈလေႃးၵ၊  လွင်ႈထမ်ႇမလႄႈ လႆႈဝႃႈပဵၼ် ပပ်ႉသႅၼ်သမ်ႇဢွၼ်ႇၼႆယူႇ။ လိူဝ်သေၼၼ်ႉ ပႃးဝႆႉ ၶေႃႈထၢမ်တင်းၼမ်။ ၸိူဝ်းၶေႃႈထၢမ်ၸိူဝ်းၼၼ်ႉ ထိုင်မႃး 1881 ဢူးၶျဵင်ႉ ၶိုၼ်းမႄးၵႄႈလိတ်ႈ တွပ်ႇပၼ်လႄႈ ၸင်ႇပဵၼ်မႃး ၵဝိလၵ်ႉၶၼႃႇတီႇပၼီႇ (ကဝိလက္ခဏာဒီပနီ)။ ဢၼ်ၸိုဝ်ႈသဵင်ယႂ်ႇထႅင်ႈပပ်ႉၼိုင်ႈတႄႉ ပဵၼ်ၸွႆႇၸူင်ႇၵျေႃႇထိၼ်ႇၵျၢမ်း (စွယ်စုံကျော်ထင်ကျမ်း) ဢၼ်ၸဝ်ႈၼၼ်ႇတထၸ တႅမ်ႈဝႆႉ မိူဝ်ႈပီ 1798 ၼၼ်ႉသေ ပႃးဝႆႉ ၶေႃႈထၢမ်တွပ်ႇ 1100 ယဝ်ႉ။ ၶေႃႈထၢမ်ၸိူဝ်းၼၼ်ႉ ၸဝ်ႈသြႃႇမုၼိၼ်ႇတႃႇၽိထၸ ၶိုၼ်းမႄးတႅမ်ႈပၼ် ၶေႃႈတွပ်ႇမၼ်းလႄႈ ၸင်ႇႁိၵ်ႈၸိုဝ်ႈဝႃႈ စွယ်စုံကျော်ထင်ကျမ်းယဝ်ႉ။ လိူဝ်သေၼၼ်ႉၵေႃႈ မီးတင်းၼမ် ယူႇ။ ၵူၺ်းၵႃႈ မၢင်ၸိူဝ်းၵေႃႈ တေဢမ်ႁၼ်ပပ်ႉမၼ်းၶိုၼ်း။ 

လုၵ်ႈဢွၼ်ႇ ဢၼ်ဝႃႈၼႆႉ ပဵၼ်လၢဝ်မိူဝ်းၼႃႈလႄႈ ဢွၼ်ၵၼ် ဝႆႉၼမ်ႉၼၵ်း ၼိူဝ်တၢင်းႁူႉလုၵ်ႈဢွၼ်ႇယူႇ၊ တႄႇဢဝ် မိူဝ်ႈ 1908 တီႈဢိင်ႇၵလၢၼ်ႇၼၼ်ႉ တႄႇႁဵတ်းဢွၵ်ႇပၼ် ပပ်ႉသႅၼ်သမ်ႇလုၵ်ႈဢွၼ်ႇယဝ်ႉ။ မိူဝ်ႈ 1910 တမ်ႈတီႈ မိူင်းဢမေႇရိၵၢၼ်ႇၵေႃႈ ႁဵတ်းဢွၵ်ႇပၼ်လုၵ်ႈဢွၼ် ပပ်ႉသႅၼ်သမ်ႇပႁုသုတ။ 1893 မိူင်းဢိင်ႇၵလၢၼ်ႇၶဝ် ႁဵတ်းပၼ် ပပ်ႉသႅၼ်သမ်ႇလုၵ်ႈႁဵၼ်း။ ထိုင်မႃး 1922 ပပ်ႉသႅၼ်သမ်ႇ လုၵ်ႈႁဵၼ်းၼၼ်ႉ ၶိုၼ်းမႄးထတ်း ၶိုၼ်းမႄးသႂ်ႇပၼ် ႁၢင်ႈမၼ်းယဝ်ႉ။ လွင်ႈဢၼ် ပပ်ႉသႅၼ်သမ်ႇ သႂ်ႇႁၢင်ႈမႃးၼၼ်ႉ ဢဵင်းၵလဵတ်ႈၶဝ် ႁဵတ်းမႃး ၸဵမ်မိူဝ်ႈ 1934 ၼၼ်ႉသေ ပဵၼ်ၸိူဝ်းပပ်ႉသႅၼ်သမ်ႇ ပရိတ်ႉတိၼ်ႇၼီးၵႃး ၵျူႇၼီႇယႃႇ ။

ၵၢပ်ႈပၢၼ် ဢိၼ်ႇထိူဝ်ႇၼႅတ်ႉၼႆႉၵေႃႈ မီးမႃး Online Encyclopedia ပပ်ႉသႅၼ်ဢွၼ်ႇလႅင်း (ပပ်ႉသႅၼ်သမ်ႇၼႅင်ႈ)သေ ဢၼ်ၸိုဝ်ႈသဵင်ယႂ်ႇၼၼ်ႉတႄႉ ပဵၼ် Wikipedia ဢၼ်ၸၢင်ႈၶဝ်ႈတူၺ်းလႆႈ လၢႆလၢႆၼၼ်ႉယဝ်ႉ။ ပီ 2014 မူႇလိၵ်ႈမီးယူႇ 35 လၢၼ်ႉႁူဝ်၊ ၸႂ်ႉလိၵ်ႈ 288 ၽႃႇသႃႇသေ ၼႃႈလိၵ်ႈမီးယူႇ 18 Billion (18000,000,000,000)၊ ၼိုင်ႈလိူၼ်ၼိုင်ႈလိူၼ် ၵူၼ်းၶဝ်ႈတူၺ်း မီး 500 လၢၼ်ႉ။ ဢၼ်ႁဵတ်းဝႆႉ ဢၶွင်ႉ account မီး 19 လၢၼ်ႉ။ ၽူႈတႅမ်ႈၽူႈထတ်း မီး 69000 ၵေႃႉ။ 




#Article 86: ပရမ်ႇမၼ မႁႃႇသႃႇလ (122 words)


မိူဝ်ႈပၢၼ်ၽြႃးပဵၼ်ၸဝ်ႈၼၼ်ႉ မီးပရမ်ႇမၼၵေႃႉၼိုင်ႈ ၸိုဝ်ႈမၼ်းႁွင်ႉဝႃႈ မႁႃႇသႃႇလ။ ပဵၼ်ၵူၼ်းမၢၵ်ႈမီးၶႅၼ်းၸႂ်ၵေႃႉၼိုင်ႈယဝ်ႉ။ မၼ်းမီးလုၵ်ႈၸၢႆးသီႇၵေႃႉ၊ ပေႃးဝႃႈလုၵ်ႈၸၢႆးမၼ်းယႂ်ႇမႃးယဝ်ႉၵေႃႈ မၼ်းၸင်ႇၵူပ်ႉၵူႈပၼ် ႁႂ်ႈၶဝ်ပဵၼ်ႁိူၼ်းသေ ၸင်ႇဢဝ်ၶူဝ်းၶွင်မၼ်းၶိုင်ႈၼိုင်ႈ ၸႅၵ်ႇၽႄပၼ်ၶဝ်ၽဵင်ႇၶိုင်ႈ။ ယူႇသဝ်းၸွမ်းတင်းမေးမၼ်းသေ ႁိုင်လၢႆပီမႃး မေးမၼ်းလူႉႁၢႆတၢႆၵႂႃႇ။ တေႇဢဝ်ယၢမ်းၼၼ်ႉမႃး မၼ်းၸင်ႇယူႇၸွမ်းလုၵ်ႈၸၢႆးမၼ်း။ ၼိုင်ႈပွၵ်ႈၼိုင်ႈတီႈ။ လုၵ်ႈၸၢႆးၶဝ်တင်းသဵင်ႈၵေႃႈ လႆႈႁူႉဝႃႈ ၶူဝ်းၶွင်ပေႃၶဝ်တိုၵ်ႉၵိုတ်းဝႆႉယူႇၼႆလႄႈ ၸင်ႇၸူမ်းသူင်ႁပ်ႉႁွင်းမၼ်းဝႆႉယဝ်ႉ။

ဝၼ်းၼိုင်ႈ လုၵ်ႈၸၢႆးမၼ်းသီႇၵေႃႉ ၸင်ႇဝႃႈတီႈမၼ်း ႁဝ်းၶႃႈတင်းသဵင်ႈ တေပႂ်ႉလူလွမ်လုမ်းလႃးၼင်ႇၼႆယူႇ။ ၶူဝ်းၶွင်ပေႃႈႁဝ်းၼၼ်ႉ ပဵၼ်ဢၼ်ၼၵ်းၼႃပႃးပၢၼ်ႈတႃႇပေႃႈႁဝ်းၵွႆးလႄႈ တေၵုမ်ႇလႆႈမႆႈၸႂ်ၸွမ်း လွင်ႈႁူမ်ႇလူမ်ႈမၼ်းယူႇ။ ၽႄမႅင်ႇပၼ်ႁဝ်းသေ ယူႇလွတ်ႈလွတ်ႈလႅဝ်းလႅဝ်းလႄႈ ဢွၼ်ၵၼ်တိုၵ်းသူၼ်းၼင်ႇၼႆလႄႈ ၸင်ႇဢဝ်ၶူဝ်းၶွင်မၼ်းၸႅၵ်ႇၽႄပၼ်ၶဝ်ၽဵင်ႇၶိုင်ႈ။

ဢွၼ်ၵၼ်လုမ်းလႃးယူႇလၢႆလၢႆဝၼ်း၊ ႁိုင်မႃးလၢႆလၢႆပီတႄႉ ပေႃႈၶဝ်ၼႆႉ ပဵၼ်ဢၼ်ၼၵ်းၼႃပႃးပၢၼ်ႈတႃႇၶဝ်မႃးလႄႈ ၸင်ႇႁိုတ်းႁၢတ်ႇၸၢတ်ႇသဵင်တေႃႇမၼ်းမႃး လုၵ်ႈပႂ်ႉမၼ်းၸိူဝ်းၼၼ်ႉၵေႃႈ ႁဵတ်းႁႂ်ႈမၼ်းပေႃးဢမ်ႇၶႂ်ႈယူႇလႆႈယဝ်ႉ။ ၵေႃႉပဵၼ်ပေႃႈၶဝ်တႄႉ ဢမ်ႇမီးႁိူၼ်းတႃႇယူႇသဝ်းယဝ်ႉ။

ယၢမ်းၼၼ်ႉ မၼ်းၸင်ႇၵႂႃႇၸူးတီႈၵျွင်းၸေႇတဝၼ်ႇ ဢၼ်ၽြႃးပဵၼ်ၸဝ်ႈယူႇသဝ်းယူႇၼၼ်ႉယဝ်ႉ။ ၽြႃးပဵၼ်ၸဝ်ႈတွင်းၼႃႈတႃမၼ်းသေ သူၼႆႉ ႁဵတ်းသင်လႄႈ လႆႈပဵၼ်ၸိူင်ႉၼႆ ၼႆလႄႈ ပရမ်ႇမၼလူင်ၵေႃႈ ၸင်ႇလဝ်ႈလၢတ်ႈၶႆႈၼႄပိူင်ပဵၼ်မၼ်းယူႇယဝ်ႉ။

ၽြႃးပဵၼ်ၸဝ်ႈၵေႃႈ ပဵၼ်ၸႂ်မႁႃႇၵရုၼႃႇသေ ၸင်ႇပၼ်တၢင်းႁၼ်ထိုင်ပရမ်ႇမၼယူႇယဝ်ႉ။ ႁႂ်ႈၶပ်းၶိုင်ႁဵတ်းပၢင်ၵုမ်ၸၢဝ်းၶိူဝ်း ပရမ်ႇမၼဢၼ်ၼိုင်ႈသေ ႁႂ်ႈလုၵ်ႈၸၢႆးမၼ်းၸိူဝ်းၼၼ်ႉၵေႃႈ ၶိုၼ်ႈပၢင်ၵုမ်ၼၼ်ႉ ၼႆယဝ်ႉ။ တီႈပၢင်ၵုမ်ၼၼ်ႉ ပရမ်ႇမၼလူင်ၵေႃႈ ႁႂ်ႈမၼ်းတၢင်ႇၼႄတၢင်းယၢပ်ႇၽိုတ်ႇမၼ်းယဝ်ႉ။ ယၢမ်းၼၼ် ပၼ်ႁႃတၢင်းယၢပ်ႇၽိုတ်ႇတေ ၵႄႈလိတ်ႈၵႂႃႇႁင်းၵွႆးမၼ်းယူႇ-ၽြႃးပဵၼ်ၸဝ်ႈတိုၵ်းသူၼ်းၼင်ႇၼႆယူႇယဝ်ႉ။

မိူဝ်ႈပၢၼ်ၼၼ်ႉ ၼႂ်းၸၢဝ်းၶိူဝ်းပရမ်ႇမၼႆႉ မီးပၵ်းပိူင် ဢၼ်ၶဵင်ႈၶႅင်ဢၼ်ၼိုင်ႈယဝ်ႉ။ ဢၼ်ပဵၼ်လုၵ်ႈၸၢႆး ၸိူဝ်းမၢၵ်ႈမီးၸိူဝ်းၼၼ်ႉ သင်ဝႃႈ ဢမ်ႇလဵင်ႉလူပေႃႈမႄႈ ပေႃးၼႆၸိုင် ပေႃးတိူင်ႇၽႅဝ်ၼႂ်းၸၢတ်ႈၸၢဝ်းၶိူဝ်းၶဝ်ၼႆႉ လႆႈၶၢမ်ႇတၢင်းပၼ်တၢမ်ႇတၢႆၵွၼ်ႇယဝ်ႉ။ ပၵ်းပိူင်ဢၼ်ၼႆႉ ၽူႈဢုပ်ႉပိူင်ႇဝၢၼ်ႈမိူင်းၶဝ်ၵေႃႈ ႁပ်ႉၶၢမ်ႇယူႇယဝ်ႉ။

မႁႃႇသႃႇလပရမ်ႇမၼလူင်ၵေႃႈ ၸင်ႇၶပ်ႉၶိုင်ၼင်ႇၽြႃးပဵၼ်ၸဝ်ႈပၼ်တၢင်းႁၼ်ထိုင်ၼၼ်ႉယဝ်ႉ။ ယၢမ်းၼၼ်ႉ လုၵ်ႈၸၢႆးမၼ်းတၢင်းသီႇၵေႃႉ ၸင်ႇမႃးၵွတ်ႇတိၼ်ပေႃႈၶဝ်သေ ႁႂ်ႈၶႂၢင်းလွတ်ႈပၼ်ၶဝ်ၼႆ။ တႄႇဢဝ်ယၢမ်းလဵဝ်ၼႆႉၵႂႃႇ တေလဵင်ႉလူလုမ်းလႃးယူႇ၊ ၸင်ႇဢွၼ်ၵၼ်ပၼ်ၵႂၢမ်းမၼ်ၼႂ်းၵႄႈၵၢင်ၸၢဝ်းၶိူဝ်း ပရမ်ႇမၼၶဝ်ယူႇယဝ်ႉ။ ပေႃႈၶဝ်ၵေႃႈ ၸင်ႇယိုၼ်ႈယွၼ်းတီႈၸၢဝ်းၶိူဝ်းပရမ်ႇမၼၶဝ်ဝႃႈ ယႃႇႁႂ်ႈပၼ်တၢမ်ႇတၢႆလုၵ်ႈၸၢႆးမီးသီႇၵေႃႉၼၼ်ႉ ၼႆယူႇယဝ်ႉ။ ႁဵတ်းၼၼ်သေ လုၵ်ႈၸၢႆးမၼ်းသီႇေၵႃႉၵေႃႈ ၸင်ႇႁွင်ႉဢဝ်ပေႃႈၶဝ်သေ မိူဝ်းၶိုၼ်းၵႂႃႇယူႇယဝ်ႉ။

ၽြႃးပဵၼ်ၸဝ်ႈၼႆႉ ၵၢင်းရႃႇၵ၊ ၵၢင်းတေႃးသ၊ ၸႂ်ၼိမ်မၼ်ႈပဵၼ်ဢရႁတ်ႉတ ပဵၼ်သမ်ႇမႃႇသမ်ႇပုတ်ႉထယူႇယဝ်ႉ။

ၽြႃးပဵၼ်ၸဝ်ႈၼႆႉ ပဵၼ်ၸဝ်ႈမႁႃႇၵရုၼႃႇသေၵေႃႈ မၢင်ပွၵ်ႈမၢင်လႂ် ဢဝ်ၸႂ်မႅတ်ႉတႃႇၵရုၼႃႇလႄႈ ၶိုင်သၢင်ႈႁၢင်ႈႁဵတ်းၼင်ႇ ဢၼ်ထုၵ်ႇလီႁဵတ်းၼၼ်ႉယဝ်ႉ။ မၢင်ပွၵ်ႈၵေႃႈ တိုၵ်းသူၼ်းပိူၼ်ႈ ႁဵတ်းၼၼၼ်ၸင်ႇတေလႆႈၸၢမ်ႇၽွၼ်းလီယူႇယဝ်ႉ။

ၼႃႈလိၵ်ႈ ႗႘၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 87: ပရမ်ႇမၼသုၼိ ၵေႃႉမျၢတ်ႈတွၼ်ႈသုတ်း (161 words)


သူႇရိယတႃဝၼ်းၼႆႉ ဢီးပၢၵ်ႈပႅတ်ႈတၢင်းလပ်းသိင်ႇသေ ၽုတ်းဢွၵ်ႇမႃးယဝ်ႉ။
မိူဝ်ႈၶၢဝ်းယၢမ်းၼၼ်ႉ ၽြႃးပဵၼ်ၸဝ်ႈ ဢွၼ်ဢဝ်ရႁၢၼ်းသေ ယေႃးၶိင်းၶဝ်ႈမႃးၼႂ်း မိူင်းရႃႇၸၵျူဝ်ႇ တိူင်းမႃႇၵထၼၼ်ႉယူႇ။

သုၼိတ ၵေႃႉဢၼ်ပဵၼ်ၵူၼ်းႁဵတ်းၵၢၼ်ၼႆႉ ဢဝ်ယူးၶႅမ်းမၼ်း ပတ်းယုၵ်းယၢၵ်းယူႇသေ ၸင်ႇမုင်ႈႁၼ်ၽြႃးပဵၼ်ၸဝ်ႈတင်း သင်ႇၶႃႇၶဝ်ယေႃးၶိင်းမႃး။ ႁၼ်ၶဝ်ၸဝ်ႈ ဢဝ်မၢၵ်ႇတႃသုမ်ႈလူင်းတၢင်းတႂ်ႈသေ ပႆႇမႃးလွႆးလွႆးလႄႈ လီဝႆႈသႃၵိူဝ်းယမ်ၼႃႇ။ ၽွင်းၶဝ်ၸဝ်ႈ ၽႅဝ်မႃးပႃႈၼႃႈမၼ်းၼၼ်ႉ သုၼိတၼႆႉ ဢွၵ်ႇၸႂ်ၸႂ်ၵိူဝ်းယမ်ႁႅင်းၼႃႇလႄႈ ပေႃးသၼ်ႇဝႆဝႆႉယဝ်ႉ။ ၽွင်းလႆႈႁၼ်ၼႃႈတႃႁၢင်ႈၾၢင်ၽြႃးပဵၼ်ၸဝ်ႈသပ်ႉပၢႆႇလီၼႃႇလႄႈ ႁူဝ်ၸႂ်တွတ်ႇသေ ၸူမ်းသိူဝ်းၼႃႇလႄႈ ၼမ်ႉတႃပေႃးလႆလူင်းၵႅမ်ႈမၼ်းယူႇ။ ၽွင်းၼၼ် မၼ်းၸင်ႇယုၵ်ႉမိုဝ်းဝႆႈသႃၽြႃးပဵၼ်ၸဝ်ႈယူႇယဝ်ႉ။ ၸႂ်မၼ်းတွတ်ႇတဵၼ်ႈၼႃႇလႄႈ ၶေႃႈၵႂၢမ်းဢၼ်ဝႃႈ ၽြႃးပဵၼ်ၸဝ်ႈဢိူဝ်ႈၼႆႉ ဢွၼ်ဝႃႈၼၼ်ႉ တေႃႉတႄႉပူၼ်ႉသူပ်းၵွႆး။ ၽြႃးပဵၼ်ၸဝ်ႈတႄႉ ႁၼ်လွင်ႈတူင်ႉၼိုင်မၼ်း ငဝ်ႈတေႃႇပၢႆယူႇ။

သုၼိတၼႆႉ ၽွင်းလႆႈႁၼ်ၽြႃးပဵၼ်ၸဝ်ႈၼၼ်ႉ ဝူၼ်ႉမႅၼ်ႈလွင်ႈၸၢတ်ႈပၢၼ်ၸဝ်ႈၵဝ်ႇတႅမ်ႇယေႃႈသေ ယိၼ်းပဵၼ်ဢၼ်ၸႂ်ဢမ်ႇလီဝႆႉ။ ၵဝ်ၼႆႉ ၸဵမ်မိူဝ်ႈၵိူတ်ႇမႃးၼၼ်ႉ လႆႈပဵၼ်ၵူၼ်းၸၢတ်ႈပၢၼ်တႅမ်ႇလႄႈ လႆႈၶၢမ်ႇတၢင်းပိူၼ်ႈမၢင်ပႅတ်ႈယဝ်ႉ။ ၽြႃးပဵၼ်ၸဝ်ႈ ဢၼ်ၵဝ်လႆႈႁၼ်ယူႇယၢမ်းလဵဝ်ၼႆႉ ပဵၼ်ၸၢဝ်းသႃႇၵီႇသေ ပဵၼ်ၶိူဝ်းဢၼ်မျၢတ်ႈတွၼ်းယဝ်ႉ။ ယွၼ်ႉၵွပ်ႈၸၢတ်ႈတႅမ်ႇသုင်သေ ၵေႃႉငဝ်းၵဝ်ၼႆႉ ဢမ်ႇလီၵႂႃႇတူၵ်းသႂ်ႇၼိူဝ်ၽြႃးပဵၼ်ၸဝ်ႈ ဝႃႈၼႆယဝ်ႉသေ ၸင်ႇငိူင်ႉဝႄႈပၢႆတၢင်းပၼ်။ သုၼိတ ၵေႃႉဢၼ်ၼွမ်းတူဝ်ယူႇၼႆႉ ပဵၼ်ၵေႃႉလႆႈၶၢမ်ႇၽူႈၸိူဝ်းယိပ်းၵမ်တြႃးပိူင်တၢႆၶဝ် ပႄႉၵိၼ်ဢၼ်ဝႃႈၼၼ်ႉ ၽြႃးပဵၼ်ၸဝ်ႈႁူႉထိုင်ယူႇ။ ၵွပ်ႈၼၼ်လႄႈ ၽြႃးပဵၼ်ၸဝ်ႈၼႆႉ ၸင်ႇဝႆႉၸႂ်မႁႃႇၵရုၼႃႇသေ ႁွင်ႉဢဝ်သုၼိတဝႃႈ လုၵ်ႈႁၵ်ႉၵဝ် မႃႈတီႈၼႆႈလႄႈ ၼႆယူႇယဝ်ႉ။

ပေႃးလႆႈငိၼ်းသဵင်ၽြႃးပဵၼ်ၸဝ်ႈႁွင်ႉမၼ်းၵေႃႈ တၢင်းၸူမ်းသိူဝ်းသုၼတၼႆႉ ယွၼ်ႈထိုင်ဢွၵ်းလုပ်ႇၵႂႃႇ။ သုတိတၼႆႉ တင်ႈၵၼ်ႈၸႂ် တင်းသုတ်ႉၵႂႃႇႁိမ်းၸမ်ၽြႃးပဵၼ်ၸဝ်ႈသေ သၼ်ႇသၼ်ႇသၢႆသၢႆ ဝႆႈသႃၽြႃးပဵၼ်ၸဝ်ႈယူႇယဝ်ႉ။ ယၢမ်းၼၼ်ႉ သုၼိတၼႆႉ လႆႈၶုၺ်ႉႁၼ်(ၶၢမ်ႇၸႃး) တၢင်းငမ်းယဵၼ် ဢၼ်ဢမ်ႇမိူၼ်တၢင်ႇဢၼ်ၼၼ်ႉ ၵမ်းလဵဝ်ယဝ်ႉ။ ဝၢႆးၼၼ်ႉ ၸင်ႇလဝ်ႈလၢတ်ႈတီႈၽြႃးပဵၼ်ၸဝ်ႈဝႃႈ ၶႅၼ်းတေႃႈ ပၼ်ၶႃႈႁဝ်းလႆႈသေႃႉႁူမ်ႈတႂ်ႈတိၼ်ၸဝ်ႈႁဝ်းသေၵမ်း ၶႅၼ်းတေႃႈ ႁႂ်ႈၶႃႈလဝ်လႆႈႁဵၻ်းပဵၼ်ရႁၢၼ်းသေၵမ်းတီႈၶႃႈ ၼႆယူႇယဝ်ႉ။

ၽြႃးပဵၼ်ၸဝ်ႈ ၽူႈမီးမႁႃႇၵရုၼႃႇၼၼ်ႉ ၸင်ႇပူင်ၵႂၢမ်းဝႃႈ ဢေးႁိၽိၵ်ႉၶု၊ မႃးလႄႈရႁၢၼ်းဢိူၺ်း ဝႃႈၼႆ။ ၼႂ်းၸႂ်သုၼိတၼႆႉ မိူၼ်ၼင်ႇလႆႈၶၢမ်ႇတၢင်းဢုမ်ႈႁွပ်ႇလုပ်ႈပၼ်သေ ၽြႃးပဵၼ်ၸဝ်ႈၵေႃႈ ၸင်ႇႁွင်ႉဢဝ် သုၼိတမိူဝ်းထိုင်ၵျွင်းဝေႇလုဝၼ်ႇယဝ်ႉ သွၼ်ပၼ်ၵၢၼ်တြႃးဝိပသ်သၼႃႇယူႇယဝ်ႉ။ ပေႃးဝႃႈႁူႉႁၼ်မေႃတြႃးဝိပသ်သၼႃႇယဝ်ႉၵေႃႈ ၸင်ႇၶဝ်ႈၵႂႃႇၼႂ်းထိူၼ်ႇသေ ႁဵတ်းၵၢၼ်တိုဝ်းၵမ်တြႃးလႄႈ ၸင်ႇလႆႈႁူႉႁၼ်တူဝ်ထူပ်းၵႂႃႇ လွင်ႈတြႃးမၢၼ်ႇမႅၼ်ႈဢၼ်ဝႃႈ ဢိတ်ႉၸ ဢၼ်ဢမ်ႇမၼ်ႈၵိုမ်း၊ တုၵ်ႉၶ ဢၼ်ၶၢၼ်ၸႂ်၊ ဢၼတ်ႉတ ဢၼ်ဢမ်ႇၸႂ်ႈၵဝ်ၸိူဝ်းၼၼ်ႉယူႇယဝ်ႉ။ ႁဵၻ်းၼၼ်သေ သိုပ်ႇၶတ်းၸႂ်တိုဝ်းၵမ်ၵႂႃႇလႄႈ ၸင်ႇပၢၵ်ႈလႆႈတၼ်ႇႁႃႇ-ဢၼ်မိုတ်ႈမၵ်ႉၸပ်းပႅၼ်း၊ တေႃးသ-ဢၼ်လီႁင်ႈၸင်းပႅင်း၊ မေႃးႁ-ဢၼ်ႁူၺ်းၸၼ်ၽၢမ်းတႃၸိူဝ်းၼၼ်ႉၵႂႃႇယူႇယဝ်ႉ။ မႄးပွင်ၵုမ်းၵမ်လႆႈၸႂ်ၸဝ်ႈၵဝ်ႇလီလီယဝ်ႉလႄႈ ၸင်ႇပဵၼ်သေႃးတႃႇပၢၼ်ႇၵႂႃႇ၊ သိုပ်ႇယဝ်ႉ လႆႈပဵၼ် သၵတႃႇၵၢမ်ႇ၊ ဢၼႃႇၵၢမ်ႇသေ လႆႈပဵၼ်ရႁၢၼ်းတႃႇၵႂႃႇယူႇယဝ်ႉ။

တပေၼ ၿြႁ်မႃၸရိယေၼ၊ သံယမေၼ ꩪမ်မေၼၸ၊
ဢေတေၼ ၿြႁ်မၼေႃ ႁေႃတိ၊ ဢေတံ ၿြႁ်မꧣ မုတ်တမံ။
(ထေရၷႃထႃ ႖႓႑၊ သုၼိတတ်ထေရၷႃထႃ)

ယွၼ်ႉလွင်ႈႁူႉႁၼ်ၸႅင်ႈလႅင်းပွင်ႇ၊ လွင်ႈယူႇႁင်းၵွႆးၵေႃႉလဵဝ် လွင်ႈဢူတ်းယိူၼ်ႉလႄႈ လွင်ႈၶတ်းၸႂ်ၶၵ်းၵႆႉသေ ၸင်ႇလႆႈပဵၼ်ပရမ်ႇမၼယဝ်ႉ။ ၽူႈၵေႃႉၼၼ်ႉ ၸင်ႇပဵၼ်ပရမ်ႇမၼ ၵေႃႉမျၢတ်ႈတွၼ်းသုတ်းယဝ်ႉ။

ႁူမ်ႈတုမ်ၵၼ်လႄႈ ၸဝ်ႈၽူႈလီၶဝ်တင်းလၢႆဢိူၺ်း။ ႁဝ်းဢွၼ်ၵၼ်ၼွမ်းႁူဝ်ဝႆႈသႃတေႃႇ သုၼိတ ပၢၵ်ႇၵမ်း ဢၼ်ပဵၼ်ၵေႃႉလုၵ်ႈတီႈၸိူဝ်ပၢၼ်ပဵၼ်ၵူၼ်းပတ်းယူးသေ လႆႈပဵၼ်မႃးပရမ်ႇမၼ ၼၼ်ႉသေၵမ်းလူၺ်ႈ။

ၼႃႈလိၵ်ႈ ႖႖၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 88: ပရမ်ႇမႃႇယု ၵေႃႉႁၢၼ်ႉၸႂ်ယူႇ (101 words)


ယူႇၸွမ်ၵၼ်မွၵ်ႈႁူဝ်လိူၼ်မၼ်းၵွႆးၵေႃႈ လဵပ်ႈႁဵၼ်းလွင်ႈလီ၊ လွင်ႈဢမ်ႇလီတႃႇၵူၼ်းၵေႃႉၼိုင်ႈသေ တႅပ်းတတ်းလႆႈယူႇ။ ပရမ်ႇမၼ ပရမ်ႇမႃႇယုၼႆႉ ၶႂ်ႈႁူႉလွင်ႈႁူဝ်ယွႆႈ ဢၼ်ၵပ်းၵၢႆႇတင်းၽြႃးပဵၼ်ၸဝ်ႈလႄႈ ၸင်ႇၸႂ်ႉလုၵ်ႈၼွင်ႉတၢမ်းၸႂ်မၼ်း ဢၼ်ပဵၼ်ဢုတ်ႉတရမႃႇၼဝၵ ၵႂႃႇယူႇၸွမ်းၽြႃးပဵၼ်ၸဝ်ႈႁူၵ်းလိူၼ်တဵမ်တဵမ်ယူႇယဝ်ႉ။

ဢွၼ်တၢင်းသုတ်းလႆႈႁၼ်ၾၢင်ႈႁၢင်ႈမႁႃႇပုရိသ ႓႒ ပိူင်ၽြႃးပဵၼ်ၸဝ်ႈ၊ ဝၢႆးၼၼ် လႆႈႁၼ်ထႅင်ႈလွင်ႈယူႇလွင်ႈၵိၼ် မီးပၵ်းပိူင်လီငၢမ်းယဝ်ႉ ၸင်ႇမႃးၶႆႈၼႄသြႃႇမၼ်း ဢၼ်ပဵၼ်ပရမ်ႇမႃႇယုယူႇယဝ်ႉ။

ပေႃးၼၼ်ၵေႃႈ ပရမ်ႇမႃႇယုၼႆႉ ဢွၵ်ႇၸႂ်ၶႂ်ႈထူပ်းႁၼ်ၽြႃးပဵၼ်ၸဝ်ႈၼႃႇ၊ ၵူၺ်းၵႃႈ ဢႃႇယုပေႃးမီး ႑႒႐ ယဝ်ႉလႄႈ ဢမ်ႇဢွၵ်ႇၶၢဝ်းတၢင်းလႆႈ။ ၽွင်းၼၼ်ႉ ၽြႃးပဵၼ်ၸဝ်ႈၼႆႉ ၸင်ႇယေႃးၶိင်းတေႇသၸႃႇရီႇမႃးတီႈ ဝၢၼ်ႈဝေႇတေႇႁီႇသေ ၽႅဝ်မႃးမိူင်းမိတ်ႉထိလႃႇယူႇယဝ်ႉ။

ပရမ်ႇမႃႇယုၵေႃႈ ၸူမ်းသိူဝ်းလူင်လၢင်သေ ၸင်ႇၵႂႃႇထူပ်းၽြႃးပဵၼ်ၸဝ်ႈဢွၼ်တၢင်းသုတ်းယဝ်ႉ။ မၼ်းၼႆႉ ဢူမ်ဢၢၼ်ႇလႆႈ လိၵ်ႈလၢႆးဝေႇတတင်းၽိုၼ်လႄႈ လႆႈႁၼ်ၾၢင်ႁၢင်ႈမႁႃႇပုရိသ ႓႒ ပိူင် ဢၼ်မီးတီႈတူဝ်ၽြႃးပဵၼ်ၸဝ်ႈလႄႈ မၼ်းယိၼ်းပဵၼ်ဢၼ်ၸူမ်းသိူဝ်းၼႃႇလူင်လၢင်ယူႇယဝ်ႉ။

ဝၢႆးၼၼ်ႉ ၽြႃးပဵၼ်ၸဝ်ႈၸင်ႇဝႃႈ ႁိူၺ်း... ပရမ်ႇမၼ.. ပုၼ်ႈတႃႇသိူဝ်းသႃႇသုၶၸဝ်ႈၵဝ်ႇသေ ၶႂ်ႈထၢမ်သင်ၵေႃႈ ထၢမ်ႈလႄႈ၊ ပရမ်ႇမႃႇယုၸင်ႇထၢမ်ႈဝႃႈ ၵေႃးတမ၊ ၵူၼ်းၵေႃႉၼိုင်ႈၼႆႉ ႁဵတ်းႁိုဝ်သေ ပဵၼ်မႃးပရမ်ႇမၼ၊ ဝေႇတၵူႇ၊ သေႃးတိယ၊ ၵေႇဝလီႇ၊ ဢရႁၼ်ႇတ၊ မုၼိ၊ ပုတ်ႉထ လႃႇ။

ၽြႃးပဵၼ်ၸဝ်ႈၸင်ႇသပ်းလႅင်းၼႄတီႈပွင်ႇၶေႃႈၸႅင်ႈ ၸိူဝ်းထၢမ်မႃးၸိူဝ်းၼၼ်ႉသေ ပရမ်ႇမၼ ပရမ်ႇမႃႇယု ၽူႈၵေႃႉမီးပၺ်ႇၺႃႇၼႆႉ သတ်ႉထႃႇတြႃးၽႄႈတိူၼ်းမႃးသေ ၸင်ႇၵႂႃႇၼွမ်းႁူဝ်ဝႆႈသႃ တီႈတိၼ်ၽြႃးပဵၼ်ၸဝ်ႈယူႇယဝ်ႉ။

ဝၢႆးၼၼ်ႉ ၽြႃးပဵၼ်ၸဝ်ႈ ၸင်ႇသၢင်းၢင်း ႁေႃးၼႄတြႃးထမ်ႇမပၼ်လႄႈ ပရမ်ႇမႃႇယုၼႆႉ လႆႈထမ်ႇၸၵ်ႉၶုတႃလႅင်းပွင်ႇၵႂႃႇယူႇယဝ်ႉ။ ယွၼ်ႉပႃႇရမီႇလၢႆလၢႆၽဝ ထႅမ်မႃးဝႆႉလႄႈ ႁူႉႁၼ်ဢၼိတ်ႉၸတြႃးဢဝ်ႁင်းၵွႆးသေ လႆႈပဵၼ်ဢရိယႃႇၽူႈၵူၼ်းလီၵႂႃႇယူႇယဝ်ႉ။

ပရမ်ႇမၼ ပရမ်ႇမႃႇယုၼႆႉ ၸႂ်ၽိူၵ်ႇၸိုၼ်ႈၶၢဝ်သႂ်ၵတ်းယဵၼ်သေ ၼိမ်မၼ်ႈယူႇၼႂ်းၺၢၼ်ႇဝိပသ်သၼႃႇယူႇယဝ်ႉ။ ၼိမ်မၼ်ႈယူႇၼႂ်း ၼိတ်ႉၸ၊ ထူႇဝ ဢမတယဝ်ႉ ပရမ်ႇမႃႇယုတႄႉ ယိၼ်းပဵၼ်ဢၼ်ႁၢၼ်ႉၸႂ်တႄႉတႄႉဝႃႈဝႃႈ၊ ပဵၼ်မင်ႇၵလႃႇလွင်ႈလီ ဢၼ်ထိုင်တီႈတႃႇမၼ်းဝႆႉယူႇယဝ်ႉ။

ၼႃႈလိၵ်ႈ ႗႖၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 89: ပိမ်ႇပိသႃႇရ ၵေႃႉငမ်းယဵၼ်မျၢတ်ႈတွၼ်း (119 words)


ၶုၼ်ႁေႃၶမ်းပိမ်ႇပိသႃႇရ ဢၼ်ၵိူဝ်လီၼပ်ႉယမ်ၽြႃးပေၼ်ၸဝ်ႈၼႆႉ တႃႇတေၶႃႈႁႅမ်ၽြႃးပဵၼ်ၸဝ်ႈၶိုၼ်းၼၼ်ႉ တေယၢပ်ႇၼႃႇၼႆ တေဝတၢတ်ႈတိုၼ်းႁူႉဝႆႉယဝ်ႉ။ မီးၸႂ်ၶႂ်ႈပူတ်းပႅတ်ႈၶုၼ်ႁေႃၶမ်းလႄႈ ၸင်ႇၽၢၼ်ႇသၢင်းဢၼ်လီဢၢမ်းၼႄသေ ႁူၺ်းၸၼ်ဢၸႃႇတသၢတ်ႈ ၵေႃႉပဵၼ်ၵႅမ်မိူင်းၼၼ်ႉယူႇယဝ်ႉ။ ၸင်ႇဝႃႈတီးၵႅမ်မိူင်း ၸဝ်ႈၶုၼ်ႈၸၢႆး၊ ၶုၼ်ႁေႃၶမ်း ဢၼ်ပဵၼ်ၸဝ်ႈပေႃႈ ၸဝ်ႈၼႆႉ သင်ဝႃႈဢႃႇယုမၼ်းယၢဝ်းၸိုင် တေႃႇမၼ်းပေႃးတၢႆ ၸဝ်ႈၸၢႆးပေႃးထဝ်ႈယဝ်ႉဢိူဝ်ႈ။ ပေႃးထိုင်ၶၢဝ်းၼၼ်ႉ တေႁဵတ်းႁိုဝ်လႆႈၸၢမ်ႇႁၢင်ႈၸၢမ်ႇႁေႃလီလီယဝ်ႉ။ ပေႃးၶႂ်ႈၸၢမ်ႇႁၢင်ႈၸၢမ်ႇႁေႃလီလီတႄႉ လူဝ်ႇပဵၼ်ၶုၼ်ႁေႃၶမ်းတေႃႈလဵဝ်ယဝ်ႉ။ ၵွပ်ႈၼၼ်လႄႈ ထုၵ်ႇလီၸတ်းၵၢၼ်ပႅတ်ႈၶုၼ်ႁေႃၶမ်းတေႃႈလဵဝ် ၵမ်းလဵဝ်ယဝ်ႉဢိူဝ်ႈ လုၵ်ႈၼွင်ႉၵဝ် ဝႃႈၼႆယူႇယဝ်ႉ။

ၸဝ်ႈၸၢႆးဢၸႃႇတသၢတ်ႈၵေႃႈ ၸွမ်းဢဝ်ၶေႃႈၺၢၼ်ႇ ဢၼ်သြႃႇမၼ်းပၼ်ၼၼ်ႉသေ တႃႇတေၶႃႈႁႅမ်ၸဝ်ႈပေႃႈ ဢၼ်ပဵၼ်ၶုၼ်ႁေႃၶမ်းၼၼ်ႉ ၸင်ႇပႃးဢဝ်လႅဝ်းယဝ်ႉ ၶဝ်ႈမိူင်းၼႂ်းလုၵ်းတီႈၼွၼ်းပိမ်ႇပိသႃႇရ ၽွင်းတဵင်ႈၶိုၼ်းလိုၵ်းၼၼ်ႉယဝ်ႉ။ ယၢမ်းၼၼ် ၵူၼ်းပႂ်ႉယၢမ်းႁၼ်သေ တီႉၺွပ်းလႄႈ လႅဝ်းၵေႃႈတိုၵ်ႉၶမ်ဝႆႉယူႇၼႂ်းမိုဝ်းဢၸႃႇတသၢတ်ႈယူႇ။ ပေႃးဢဝ်မၢႆမီႈၸိုင်ႈမိူင်းဝႃႈၼႆ ၵူၼ်းၽူႈၵေႃႉဢၼ်ဢၢင်ႈၶႃႈႁႅမ်ၶုၼ်ႁေႃၶမ်းၼၼ်ႉ တိုၼ်းတေလႆႈပၼ်တၢမ်ႇတၢႆယူႇယဝ်ႉ။ ၵူၺ်းၵႃႈ ၼႂ်းမၢၵ်ႇလမ်းႁူဝ်ၸႂ်​ ပိမ်ႇပိသႃႇရ ဢၼ်တေတႅပ်းတတ်းတြႃးၼၼ်ႉ ယွၼ်ႉႁၵ်ႉၼိူဝ်လုၵ်ႈၸၢႆးၼႃႇသေ ၸင်ႇႁႂ်ႈပွႆႇလွတ်ႈၵေႃႉထုၵ်ႇတၢမ်ႇၼၼ်ႉယူႇယဝ်ႉ။

ၶုၼ်ႁေႃၶမ်းပိမ်ႇပိသႃႇရၼႆႉ ၸင်ႇၵႂႃႇဝူၼ်ႉႁၼ်မႅၼ်ႈ ဢၼ်မိူဝ်ႈမၼ်းတိုၵ်ႉလဵၵ်ႉၼုမ်ႇၼၼ်ႉ ၸဝ်ႈပေႃႈမၼ်းၵေႃႈ ဢႃႇယုထဝ်ႈၵႄႇလႄႈ ၸင်ႇဝူၼ်ႉသွၼ်ႇတႃႇလုၵ်ႈၸၢႆးသေ ဢဝ်ႁၢင်ႈႁေႃဢၢပ်ႈပၼ်မၼ်းၼၼ်ႉယူႇယဝ်ႉ။ ႁဵတ်းၼၼ်သေ ၸဝ်ႈၵဝ်ႇၵေႃႈ ထုၵ်ႇလီဢၢပ်ႈပၼ်ႁၢင်ႈႁေႃယဝ်ႉ ဝႃႈၼႆသေ ၸင်ႇႁႂ်းဢၸႃႇတသၢၼ်ႈၶိုၼ်ႈပဵၼ်ၶုၼ်ႁေႃၶမ်းယူႇယဝ်ႉ။

တေႇဝတၢတ်ႈတႄႉ တိုၵ်ႉပၼ်ၶေႃႈၺၢၼ်ႇတၢင်းႁၼ်ထိုင် ဢၼ်လိင်ႉလွၵ်းတီႈလုၵ်ႈၼွင်ႉမၼ်း ဢၸႃႇတသၢတ်ႈထႅင်ႈၵွၼ်ႇ။ သင်ဝႃႈ ၵူၼ်းဢၼ်မီးသတ်ႉၸႃႇ ၶုၼ်ႁေႃၶမ်းပိမ်ႇပိသႃႇရၸိူဝ်းၼၼ်ႉ လၵ်ႉလွမ်သွပ်ႉသႅပ်ႉတိတ်းတေႃႇၶုၼ်ႁေႃၶမ်းယဝ်ႉ လုၵ်ႉၽိုၼ်ႉဢဝ်ၶိုၼ်းႁၢင်ႈႁေႃၼႆ တေမီးၽေးၼမ်တႄႉတႄႉ။ ၵွပ်ႈၼၼ်လႄႈ ၼင်ႇႁိုဝ်ပိူၼ်ႈတေဢမ်ႇၸၢင်ႈမႃးၵပ်းသိုပ်ႇတိတ်းတေႃႇၼၼ်ႉ ထုၵ်ႇလီဢဝ်ၶုၼ်ႁေႃၶမ်းလူင် ၶမ်ၶွၵ်ႈဝႆႉ ၼႆယူႇယဝ်ႉ။ ႁဵၻ်းၼၼ်သေ ဢၸႃႇတသၢတ်ႈၵေႃႈ ထွမ်ႇဢဝ်ၶေႃႈၵႂၢမ်းသြႃႇမၼ်းသေ ဢဝ်ၸဝ်ႈပေႃႈၶမ်ၶွၵ်ႈယဝ်ႉ ၶႃႈၶဝ်ၼမ်ႉတၢင်းၵိၼ် ႁႂ်ႈဢိုပ်းယၢၵ်ႈသေတၢႆ ၼႆယူႇယဝ်ႉ။

ဝၢႆးၼႆႉ ၸင်ႇပူင်ၵႂၢမ်းၼၵ်းဝႃႈ တေဢမ်ႇလႆႈဢဝ်ၶဝ်ႈၼမ်ႉတၢင်းၵိၼ်သူင်ႇပၼ်ၼႆ တီႈမႄႈၵေႃႉပဵၼ်ၸဝ်ႈၼၢင်းလူင် ဝေႇတေႇႁီႇ ထႅင်ႈဢွၼ်ႇယဝ်ႉ။ ၵွပ်ႈၼၼ်လႄႈ ၸဝ်ႈၼၢင်းလူင်ၵေႃႈ ၸင်ႇလႆႈဢဝ် တၢင်းၵိၼ်တၢင်းယႅမ်ႉ လၵ်ႉသိူင်ႇသိမ်းၼႂ်းၶူဝ်းလဵင်းသေ ဢဝ်ၵႂႃႇလဵင်ႉပၼ် ၶုၼ်ႁေႃၶမ်းလူင်ပိမ်ႇပိသႃႇရယူႇယဝ်ႉ။

ပေႃးဢၸႃႇတသၢတ်ႈႁူႉလွင်ႈၼႆႉၵေႃႈ တိုၼ်းဢမ်ႇပၼ်မႄႈၶဝ်ႈၵႂႃႇၸူးတီႈၶွၵ်ႈၶင်ၼၼ်ႉ လုမ်းလုမ်းယဝ်ႉ။ ၶုၼ်ႁေႃၶမ်းလူင် ပိမ်ႇပိသႃႇရၼႆႉ ပဵၼ်ၵူၼ်းၵျၢင်ႉၵမ်ဝိပသ်သၼႃႇၵေႃႉၼိုင်ႈယဝ်ႉ။ ပႆၽၢႆႈသၢင်းၵျၢၼ်ႇယူႇလူၺ်ႈလွင်ႈသိူဝ်းသႃႇသေႃးတႃႇပတ်ႉတိၽလသမႃႇပၢတ်ႈယူႁဵတ်းၼၼ်လႄႈ တူဝ်မၼ်းၸဝ်ႈၵေႃႈ ႁၢင်ႈလီၾၢင်လီယူႇႁဵတ်းၼၼ်ယဝ်ႉ။ ဢဝ်ဢႃႇရုမ်ႇပၵ်းသႂ်ႇတီႈၵုင်ႇရတၼႃႇသၢမ်ၸဝ်ႈသေ သဵင်ႈၵၢမ်ႇၵႂႃႇလႄႈ လႆႈၵႂႃႇပဵꧣ်ၶုၼ်ၽီႁူဝ်သိုၵ်းလူင် ၸၼဝသၵ ဢၼ်ပဵၼ်ၵႅတ်တူဝ်ၶုၼ်ၽီလူင် ဝိသ်သဝၼ်ႇ မိူင်းၽီၸတုမႁႃရိတ်ႉၼၼ်ႉယူႇယဝ်ႉ။

ၼႃႈလိၵ်ႈ ႙႖၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)




#Article 90: ပိရမိတ်ႉ (417 words)


 ပိရမိတ်ႉဢီႇၵျိပ်ႉၸိူဝ်းၼႆႉ ပဵၼ်ႁၢင်ႈၽၢင်ပိရမိတ်ႉ ဢၼ်မီးၼႂ်းမိူင်းဢီႇၵျိပ်ႉယဝ်ႉ။ ပိရမိတ်ႉတင်းသဵင်ႈ တေမီးမွၵ်ႈ 100 ပ၊ႆေသ ၵမ်ႉပႃႈၼမ် တေၵေႃႇတင်ႈႁဵတ်းပဵၼ် ပၢၼ်ႁူဝ်ပိုင်း လႄႈယပၢၼ်ၸဝ်ႈႁေႃၶမ်းတွၼ်ႈၵၢင်ၼၼ်ႉယဝ်ႉ။ ပထမဦးဆုံး ပိရမစ်မှာ ဂျိုဇာပိရမစ် ဖြစ်ပြီး တတိယမြောက် ဘုရင်မင်းဆက် ဂျိုဇာဘုရင်လက်ထက်တွင် တည်ဆောက်ခဲ့သည်။ ဘုရင်၏ ဂူသင်္ချိုင်းအတွက် အင်မ်ဟိုတက်ပ်မှ ပုံစံထုတ် တည်ဆောက်ခဲ့သည်။ အထင်ရှားဆုံးသော အီဂျစ်ပိရမစ်မှာ ဂိုင်ဇာမဟာပိရိမစ်ကြီးဖြစ်ပြီး ထိုပိရမစ်မှာ လူ့သမိုင်းတွင် အကြီးဆုံး တည်ဆောက်ခဲ့သော အဆောက်အဦးအဖြစ် သိရှိကြပြီး ရှေးခေတ် ကမ္ဘာ့အံ့ဖွယ်ခုနစ်ပါး တွင် တစ်ခုတည်း ကျန်ရှိခဲ့သော အဆောက်အဦးလည်း ဖြစ်သည်။

အီဂျစ်သမိုင်းကြောင်း၏ အစ ကနဦးကာလတွင် ပြည့်စုံကြွယ်ဝသောသူတို့သည် မတ်စ်တာဘတ်ဟုခေါ်သော ကျောက်ခုံနှင့် သဏ္ဍာန်တူသည့် ဂူသင်္ချိုင်းများဖြင့် သင်္ဂြိုလ်လေ့ ရှိကြသည်။

အီဂျစ်ဆိုင်ရာ ပညာရှင်တို့၏ လေ့လာတွေ့ရှိချက်အရ ပထမဦးဆုံးသမိုင်းဝင် ပိရမစ်ကို တည်ဆောက်ခဲ့သူမှာ ဗိသုကာပညာရှင် အင်မ်ဟိုတက်ပ်(Imhotep) ဖြစ်ပြီး ဖာရိုဘုရင် ဂျိုဇာ(Djozer) ၏ ပိရမစ်အတွက် ဖြစ်သည်။ အင်မ်ဟိုတက်ပ်သည် မတ်စ်တာဘတ် ကျောက်တုံးများကို တစ်ခုပေါ်တစ်ခု ဆင့်၍ အဆောက်အဦး တည်ဆောက်ရန် ပထမဆုံး အကြံရသူ ဖြစ်နိုင်သည်။ ထိုသို့ ပြုလုပ်ခြင်းအားဖြင့် လှေကားထစ်များပမာ အဆင့်များ ပါရှိပြီး အထက်သို့ မြင့်တက်လာသည်နှင့် အမျှ အရွယ်အစား သေးငယ်သွားသော အဆောက်အဦး ပုံစံတစ်ခုကို ဖြစ်ပေါ်စေသည်။ ထိုအကြံအစည်၏ ရလာဒ်မှာ ဂျိုဇာဘုရင်၏ လှေကားထစ်ပိရမစ် ပင်ဖြစ်သည်။ ထိုပိရမစ်မှာ သေဆုံးသွားသော ဖာရိုဘုရင်၏ ဝိညာဉ် ကောင်းကင်ဘုံသို့ လှမ်းတက်နိုင်ရန် အတွက် ကြီးမားသော လှေကားထစ်များသဖွယ် ပုံစံ ထုတ်ထားခြင်းပင် ဖြစ်သည်။ အင်မ်ဟိုတက်ပ်၏ အောင်မြင်မှုမှာ အရေးပါသော အောင်မြင်မှုတစ်ခု ဖြစ်ပြီး နောက်လာမည့် အီဂျစ်ပြည်သားတို့ အတွက် စံပြတစ်ခု ဖြစ်ခဲ့သည်။

ပိရမစ်များကို အမြောက်အမြား တည်ဆောက်သော ကာလမှာ ဖာရိုဘုရင်တို့၏ သက်ဦးဆံပိုင်စနစ်နှင့် တိုက်ဆိုင်စွာ ဖြစ်ပေါ်ခဲ့သည်။ ထိုအချိန်တွင် ဂိုင်ဇာအနီးတဝိုက်ရှိ အထင်ရှားဆုံးသော ပိရမစ်များကို တည်ဆောက်ခဲ့သော အချိန်လည်း ဖြစ်သည်။ အချိန်ကာလ ကြာမြင့်လာသောအခါ အုပ်ချုပ်မှု အာဏာမှာ ပြန့်ကြဲလျော့ရဲ လာပြီး ထုထည် လွန်စွာကြီးမားသော ပိရမစ်များကို တည်ဆောက်နိုင်ရန် လိုအပ်သည့် အရင်းအမြစ်များကို ထိန်းချုပ်နိုင်သည့် စွမ်းဆောင်နိုင်မှုနှင့် စိတ်အားထက်သန်မှု လျော့နည်းလာသည်။ ထို့ကြောင့် နောက်ပိုင်း တည်ဆောက်သော ပိရမစ်များမှာ ယခင်က တည်ဆောက်ခဲ့သော ပိရမစ်များနှင့် နှိုင်းယှဉ်လျှင် အရွယ်အစား သေးငယ်ခြင်း၊ ကောင်းမွန်စွာ တည်ဆောက်မှုမရှိခြင်းနှင့် အလောသုံးဆယ် တည်ဆောက်ထားခြင်းတို့ကို တွေ့နိုင်သည်။

အီဂျစ်တို့၏ ပိရမစ် တည်ဆောက်သည့် အချိန်ကာလ ကျော်လွန် ကုန်ဆုံးပြီး နှစ်ကာလ အတော်ကြာသောအခါ၌ ယခု ဆူဒန်နိုင်ငံ နေရာတွင် အီဂျစ်မှ နာပါတာ(Napata)ဘုရင်များ၏ လက်ထက်၌ ပိရမစ် တည်ဆောက်မှု ပြန်လည် ထွန်းကားလာခဲ့ပြန်သည်။ နာပါတန်တို့၏ အုပ်ချုပ်မှုမှာ ကာလ တိုတောင်းပြီး ဘီစီ ၆၆၁တွင် ကုန်ဆုံးခဲ့သော်လည်း အီဂျစ်တို့၏ လွှမ်းမိုးမှုမှာ ဖျောက်ဖျက်မရနိုင်သော အတုယူ အားကျစရာတစ်ခု ဖြစ်စေခဲ့သည်။ နှောင်းပိုင်းကာလ ဆူဒန်ရှိ မီရိုးဘုရင်ခေတ် (ခန့်မှန်းခြေအားဖြင့် ဘီစီ ၃၀ဝ မှ အေဒီ ၃၀ဝအတွင်း) တွင် ထိုလွှမ်းမိုးမှု မှတဆင့် ပိရမစ် တည်ဆောက်ခြင်း အကြီးအကျယ် ပြန်လည် ထွန်းကားလာခဲ့သည်။ ထို့ကြောင့် ပင်ကိုယ် ဖြစ်သော်လည်း အီဂျစ်တို့၏ လွှမ်းမိုးမှုကြောင့် ဖြစ်သည့် တော်ဝင် ပိရမစ် ဂူသင်္ချိုင်း ၂၀ဝကျော်ကို မြို့တော်၏ ပတ်ဝန်းကျင် ဒေသ၌ တည်ဆောက်ခဲ့ကြသည်ကို တွေ့မြင်နိုင်သည်။

ပိရိမစ်သင်္ကေတ နိမိတ်ပုံမှာ အီဂျစ်တို့ယုံကြည်ထားသော ကမ္ဘာစတင် ဖြစ်ပေါ်ချိန်တွင် ရှိသည့် အစကနဦး မြေကြီး အစုအဝေး၏ ပုံသဏ္ဍာန်ကို ထင်ဟပ် ဖော်ပြထားခြင်းဟု ထင်မြင်ယူဆကြသည်။ ထို့အတူ နေရောင်ခြည် ဖြာထွက်ကျဆင်းလာသော ပုံသဏ္ဍာန်ကို ထင်ဟပ် ဖော်ပြထားခြင်း ဟုလည်း ထင်မြင် ယူဆကြသည်။ ပိရမစ် အများစုမှာ အဝေးမှ ကြည့်လျှင် ပြောင်လက် တောက်ပသော သဏ္ဌာန်ရှိစေရန်အတွက် မျက်နှာစာကို ပြောင်လက်နေအောင် တိုက်ခ္ဈတ်ထားပြီး အလွန်အမင်း အလင်းပြန်လေ့ရှိသော လိပ်သည်းကျောက်များဖြင့် တည်ဆောက်ထားလေ့ ရှိသည်။ ပိရမစ်များကို မကြာခဏ ဆိုသလိုပင် နေရောင်ခြည် ဖြာထွက်၊ ကျရောက်ပုံပေါ် မူတည်၍ အမည်ပေးလေ့ရှိသည်။ ဥပမာအားဖြင့် ဒါရှာရှိ ဘင့်န်ပိရမစ်၏ တရားဝင်အမည်မှာ တောင်ဘက်ရှိတောက်ပသော ပိရမစ်ဖြစ်ပြီး မူရင်းအမည် Senwosret at el-Lahun မှာ Senwosret သည် တောက်ပနေသည်ဟု အဓိပ္ပာယ်ရသည်။

ယေဘုယျအားဖြင့် ပိရမစ်များကို မြှုပ်နှံရာ အဆောက်အဦးများအဖြစ် အားလုံးက လက်ခံကြသော်လည်း ပိရမစ်တို့ ပေါ်ပေါက်လာပုံနှင့် ပတ်သက်သည့် ဘာသာရေး ယုံကြည်မှုနှင့် ပတ်သက်၍ သဘောထားကွဲလွဲမှုများ ရှိကြသည်။ တစ်ခုသော သီအိုရီမှာ ပိရမစ်တို့ကို ပြန်လည်၊ ရှင်သန်မွေးဖွားရာ ယန္တရား (Resurrection Machine) တစ်ခုအဖြစ် တည်ဆောက်ခဲ့ခြင်း ဟူ၍ ဖြစ်သည်။ 
အခြေခံအားဖြင့် ဖာရိုးမင်းများသည် သေလွန်ပြီးနောက် တစ်ဖန်ပြန်လည်ရှင်သန်လာခြင်းမျိုးကို ယုံကြည်လိုလားသည်ဖြစ်၍ မိမိတို့ကွယ်လွန်လျှင် ကျန်ရစ်သောရုပ်အလောင်းကို ကိုယ်တွင်းအင်္ဂါများထုတ်၍ ခန္ဓာကိုယ်အား ဆေးစိမ်ကျပ်စည်းခြင်းအားဖြင့် မပုပ်မသိုးဘဲ နောင်တစ်ချိန်တွင် ပြန်လည်ရှင်သန်မည်ဟူသော ယုံကြည်မှုမျိုးဖြင့် ပိရမစ်များကို တည်ဆောက်ကြခြင်းဖြစ်သည်။

အီဂျစ်တို့၏ ယုံကြည်မှုမှာ ညဘက် ကောင်းကင်ပြင်ရှိ ကြယ်တာရာတို့ ထွက်ပေါ်ရာ မှောင်မိုက်သော ဒေသမှ ကောင်းကင်ဘုံသို့ သွားရာ လမ်းကြောင်း ဖြစ်သည်ဟူ၍ ဖြစ်သည်။ အဓိကမြှုပ်နှံရာ ဂူအတွင်းမှ တစ်ခုသော ကျဉ်းမြောင်းသော လမ်းကြောင်းသည် ပိရိမစ်ကြီး တစ်ခုလုံးကို ဖြတ်၍ ကောင်းကင်ယံရှိ ထိုနေရာသို့ ညွှန်ပြ၊ တည်ဆောက်ထားသည်ကို တွေ့နိုင်သည်။ ထိုအရာကို ကြည့်ခြင်းအားဖြင့် ပိရမစ်သည် သေဆုံးသွားသော ဖာရိုဘုရင်၏ ဝိညာဉ်ကို ကောင်းကင်ဘုံရှိ နတ်ဘုရားများ၏ နေအိမ်သို့ ထူးခြား၊ ဆန်းကြယ်သော နည်းအားဖြင့် လွှတ်တင်ရန် ပုံစံထုတ်၊ တည်ဆောက်ထားသည်ဟု ယူဆနိုင်သည်။

အီဂျစ်ရှိ ပိရမစ်များ အားလုံးသည် နိုင်းမြစ်၏ အနောက်ဖက် ကမ်းပါးတွင် တည်ဆောက်ထားကြသည်။ ထိုနေရာမှာ အီဂျစ်ဒဏ္ဍာရီရှိ နေဝင်ရာ ဒေသ ဖြစ်ပြီး သေဆုံးရာကမ္ဘာနှင့် ဆက်စပ် ယူဆကြသည်။

ယနေ့ခေတ် အီဂျစ်ရှိ ပိရမစ်များမှာ ၈၁ခု နှင့် ၁၁၂ ခုကြား ရှိမည်ဟု အများစုက ရေးသား၊ မှတ်တမ်းတင်ကြပြီး အများစုက ကြီးမားသောကိန်းဂဏန်းကို ပို၍ လက်ခံကြသည်။ ပိရမစ်အများစု ကို ကိုင်ရိုမြို့အနီးရှိ ဂီဇဲ(Gizeh)အရပ်တွင် တွေ့ရပြီး ထိုဒေသမှာ ဒုတိယပြည်ထောင်စုခေတ်၏ မြို့တော်ဟောင်း မင်းဖစ်(Memphis) တည်ရှိခဲ့သည့် နေရာပင် ဖြစ်သည်။ ဂီဇဲဒေသ၏ အမြင့်ဆုံး ပိရမစ်အပေါ်မှ တောင်ဖက်တစ်လွှားတွင် အလျားမိုင်းခြောက်ဆယ်ကျော်ခန့် ရှိသော ပိရမစ်အုတ်ဂူတန်းကြီးကို တွေ့ရပေမည်။




#Article 91: ပိုၼ်း (210 words)


ပိုၼ်းလွင်ႈဢၼ်လႆႈပဵၼ်မႇး၊ လႆႈမီးမႇး ၸဵမ်မိူဝ်ႈၵွၼ်ႇတေႃႇထိုင်ယၢမ်းလဵဝ်ၼၼ်ႉ ႁွင်ႉဝႃႈ 'ပိုၼ်း'ယဝ်ႉ။

ယူႇသဝ်း၊ ႁဵတ်းသၢင်ႈ၊ ၵိၼ်ယမ်ႉ၊ မူၼ်ႈသိူဝ်း၊ တုၵ်ႉယၢၵ်ႈ၊ မၢၵ်ႈမီး၊ ၽၢၼ်ၵွတ်း၊ ၽွင်းငမ်းတႄႇၵႂႃႇ ဢၼ်ယၢမ်ႈႁဵတ်းမႇး လွင်ႈလီ၊ လွင်ႈၸႃႉ တင်းသဵင်ႈၶဝ်ႈပႇးဝႆႉ ၼႂ်း 'လွင်ႈပဵၼ်မႃး'ယဝ်ႉ။

ၽႅၼ်ႇလိၼ်ႇဝၢၼ်ႈမိူင်း၊ ၶုၼ်ဢုပ်ႉပိူင်ႇၽွင်းငမ်း၊ ၶႃႈဝၢၼ်ႈၵူၼ်းမိူင်း၊ ပိူင်ဢုပ်ႉပိူင်ႇ၊ ႁၢင်ႈႁေႃ၊ ႁိူၼ်းယေး၊ ၵႂၢမ်းလၢတ်ႈ၊ လိၵ်ႈလၢႆး၊ ၾိင်ႈထုင်း၊ ၶူဝ်းၶွင် ၸိူဝ်းပဵၼ်တႃႇ ၵူၼ်းမိူင်းတေႃႇထိုင်ၸဝ်ႈၶုၼ် ဢၼ်ယၢမ်ႈမီးမႃးတင်းသဵင်ႈပႃးၼႂ်း လွင်ႈမီးမႃး ယဝ်ႉ။

ဝၢၼ်ႈမိူင်းမီးပိုၼ်း၊ ၶိူဝ်းၵူၼ်းမီးပိုၼ်းၼႆၼၼ်ႉ တေလႆႈမီးပိုၼ်း ရႃႇၸဝၢင်း ႄလႈ သိူၵ်ႈမိူင်း ႁူမ်ႈၵၼ်မႇး ၶၢဝ်းယိုၼ်းၼၼ်ႉယဝ်ႉ။

ပိုၼ်းၸဝ်ႈၶုၼ်ဢၼ်ၽွင်းငမ်းဝၢၼ်ႈမိူင်း ဢမ်ႇၶၢတ်ႇဢမ်ႇဝၢႆးၶပ်ႉတၢမ်းၵၼ်မႃး ပၢၼ်သိုပ်ႇပၢၼ်ၼၼ်ႉ ႁွင်ႉဝႃႈ ရႃႇၸဝၢင်းယဝ်ႉ။ ရႃႇၸဝၢင်းပွင်ႇဝႃႈ ၸဝ်ႈၶုၼ်။ မၢၼ်ႈသမ်ႉဝႃႈ ရႃႇၸဝုၼ်ႇ(ရာဇဝင်)ၼႆယဝ်ႉ။ မီးသၢႆသိုပ်ႇၶိူဝ်းၶုၼ် ဢၼ်ပဵၼ်ၵူၼ်းၶိူဝ်းလဵဝ်ၵၼ် ယူႇသဝ်းၽွင်းငမ်းၵၼ်မႇးၸင်ႇပဵၼ်ၸိူဝ်ႉၸၢတ်ႈ မီးၶုၼ်မိူင်းမႃးႁင်းၵူၺ်းႄလႈ ပဵၼ်ၵူၼ်းၶိူဝ်းမီးပိုၼ်းယဝ်ႉ။

ၸူဝ်ႈၼႂ်းၶိုၼ်မိူင်းပၢၼ်သိုပ်ႇပၢၼ်ၼၼ်ႉ ၶႃႈဝၢၼ်ႈၵူၼ်းမိူင်းမီးလွင်ႈသိူဝ်းသႃႇ၊ ၵတ်းယဵၼ်၊ ၶိုၼ်ႈယႂ်ႇ၊ သုၵ်ႉယုင်ႈ၊ ယူပ်ႈယွမ်းမႃးၼင်ႇႁိုဝ် ၶုၼ်လႄႈ ၵူၼ်းမိူင်းမီးလွင်ႈဢုပ်ႉပိူင်ႇ၊ ယူႇသဝ်းႁူမ်ႈၵၼ်မႃးၼင်ႇႁိုဝ် ၼႆၼၼ်ႉ ႁွင်ႉဝႃႈ သိူၵ်ႈမိူင်းယဝ်ႉ။ ၵႂၢမ်းတႆးမီးဝႆႉမႃးဝႃႈ ၵူၼ်းၽၢၼ်ၶႆႈဢသိူၵ်ႈ ၵူၼ်းတိူၵ်ႈၶႆႈဢပုမ်ႇ ၼႆလႄႈ သိူၵ်ႈ ပဵၼ်ၵႂၢမ်းတႆးဢၼ်ပွင်ႇဝႃႈ ပိုၼ်း ၼႆယဝ်ႉ။ သိူၵ်ႈမိူင်းၼႆၵေႃႈ ပွင်ႇဝႃႈ ပိုၼ်းမိူင်း ၼႆယဝ်ႉ။ သိူၵ်ႈမိူင်းၼၼ်ႉ မၢၼ်ႈယိူင်ႈတႆးသေဝႃႈ သမႅင်း (သမိုင်း) ၼႆၼၼ်ႉယဝ်ႉ။

တႃႇႁႂ်ႈၵိုင်ႇထိူၵ်ႈမၵ်းမၼ်ႈ ပဵၼ် ပိုၼ်း လႆႈၼၼ်ႉ တေလႆႈမီးလွင်ႈတၢင်း ဢၼ်ပႃးမိူဝ်ႈလႂ်၊ တီႈလႂ်၊ ၽႂ်၊ ႁဵတ်းသင်၊ ပဵၼ်သင် ၼႆၼၼ်ႉ တဵမ်တဵမ်ထူၼ်ႈထူၼ်ႈယဝ်ႉ။

လွင်ႈဝႃႈ ယၢမ်ႈပဵၼ်၊ ယၢမ်ႈမီးမႃးၼၼ်ႉ တေလႆႈၸိၼႄ ပီ၊ လိူၼ်၊ ဝၼ်း ဢၼ်မၢႆဝႆႉတႅတ်ႈၼႅတ်ႈၼၼ်ႉယဝ်ႉ။ တီႈဢေႇသုတ်း တေလႆႈၸိၼႄ ပီႁႂ်ႈလႆႈယဝ်ႉ။ မိူဝ်ႈဝၼ်းပုၼ်ႉ၊ မိူဝ်ႈၵွၼ်ႇၵွၼ်ႇ၊ မိူဝ်ႈသိူဝ်ၵေႃႇၾႃႉလႃႉၵေႃႇမိူင်း။ မိူဝ်ႈပီမႆႉႁုင်းၵၢၼ်ႉၼႆၸိူဝ်းၼၼ်ႉ ဢမ်ႇၸိုဝ်ႈပီမၢႆတၢႆတူဝ်၊ ဢဝ်ပဵၼ်ပီမၢႆပိုၼ်း ဢမ်ႇလႆႈ။

ၵူၼ်းၵေႃႉဢၼ်ႁဵတ်း ႁႂ်ႈၵိုၵ်းပိုၼ်းမႃးၼၼ်ႉယဝ်ႉ။ ၶုၼ်ၾီ၊ ၾီလူး၊ ၾီၽၢႆး၊ ၼၵ်ႃး၊ ၸေႃႇၵျီႇ ၼႆၸိူဝ်းၼၼ်ႉ ဢဝ်မႃးႁဵတ်းပဵၼ်ပိုၼ်းၶိူဝ်းၵူၼ်းဢမ်ႇလႆႈ။ ၶဝ်ၵေႃႈ ဢမ်ႇၵိူတ်ႇၵူၼ်းလႆႈ။ ဢဝ်ၶဝ်မႃးႁဵတ်းပဵၼ်ပိုၼ်းၶိူဝ်းၵူၼ်းဢမ်ႇလႆႈ။
ပိုၼ်းၵူၼ်းၼႆၼၼ်ႉ တေလႆႈပဵၼ်ၵူၼ်းၵူၺ်း။ ဢဝ်ၼင်ႇၶဝ်တႂ်ႈၼႆႉ မႃးႁဵတ်းၶိူဝ်းၵူၼ်းဢမ်ႇလႆႈ။ ၵူၼ်းထဝ်ႈမိူဝ်ႈၵွၼ်ႇၶဝ် ၵႆႉၵႆႉဢဝ် ဢပုမ်ႇႁဵတ်းပိုၼ်းလႄႈသင် ၵူၼ်းမၢင်ၶိူဝ်းသမ်ႉ ဢဝ်ဢပုမ်ႇႁဵတ်းပိုၼ်းၸိူဝ်ႉၶိူဝ်းၶဝ်ဝႆႉယူႇလႄႈသင် ၸင်ႇလႆႈသပ်းလႅင်းၼႄဝႆႉလွင်ႈၼႆႉယဝ်ႉ။

ၸိူဝ်းဢၼ်လႆႈဢွၼ်ၵၼ် ႁဵတ်းသၢင်ႈ၊ ယူႇသဝ်းလႄႈ မၢတ်ႈမၢႆမႃးၸဵမ်ၵွၼ်ႇၼၼ်ႉၸင်ႇ ၶဝ်ႈပိူင်ပိုၼ်းယဝ်ႉ။ မိူၼ်ၼင်ႇႁဵတ်းပွႆးႁဵတ်းလၢမ်း၊ ႁႅမ်ၵၼ်၊ တိုၵ်းၵၼ်၊ ၸွႆႈထႅမ်ၵၼ် လွင်ႈႁဵတ်းသၢင်ႈမႃးၵူႈယိူင်ႈယိူင်ႈၼၼ်ႉ ပႃးဝႆႉၼႂ်း ႁဵတ်း ၼႆႉယဝ်ႉ။

လွင်ႈၸိူဝ်းမၢတ်ႈမၢႆမႆးဢၼ်ပႃး ပီ၊ လိူၼ်၊ ဝၼ်း၊ တဵမ်ထူၼ်ႈ၊ ၸိုဝ်ႈၵူၼ်းတႅတ်ႈတေႃး၊ တီႈဢၼ်ၸိၼႄလႆႈၼိူဝ်ၽႅၼ်ႇလိၼ် မႃးႁူမ်ႈၵၼ်ၸင်ႇ မၵ်းမၼ်ႈပဵၼ် ပိုၼ်း လႆႈယဝ်ႉ။ ဢဝ်မဵဝ်းဢၼ်ႁၼ်တူဝ်တႄႉ မၼ်းလႆႈသေ တႅမ်ႈမၢႆၶႆႈၼႄၵၼ်ၸိုင် ဢမ်ႇၸႂ်ႈပိုၼ်း။ ပဵၼ် ဢပုမ်ႇၵူၺ်း။
မိူၼ်ဝႃႈ မိူဝ်ႈ 19.11.1885 ဢိင်းၵလဵတ်ႈတိၺွပ်း ၶုၼ်ႁေႃၶမ်းမၢၼ်ႈ သီပေႃးမင်း ၵႂႃႇပႅတ်ႈယဝ်ႉသေ သိမ်းဢဝ်မိူင်းမၢၼ်ႈ ပဵၼ်တႂ်ႈမိုဝ်းၶဝ်ၵႂႃႇလႄႈ သၢႆသိုပ်ႇၶိူဝ်းၶုၼ်ပၢၼ်ႈၶုၼ်ႁေႃၶမ်းမၢၼ်ႈၵေႃႈ လႆႈသုတ်းၶၢတ်ႇၵႂႃႇ ၼႆႉပဵၼ်ပိုၼ်းယဝ်ႉ။
'မိူဝ်ႈၾီၵေႃႉၾႃႉလႃႉၵေႃႇမိူင်းၼၼ်ႉ ၾီလူးလႄႈ ၼၵ်ႃးႁိမ်ၼၢင်းမွၵ်ႇမူဝ်သေ တိုၵ်းၵၼ်။ ၾီလူးဢဝ်ၼၢင်းပၢႆႈမိူဝ်းမိူင်းမၼ်း။ ၼၵ်ႃးတိုၵ်းထိုင်မိူင်းၾီလူးၵေႃႈဢမ်ႇပႄႉ။ ၸဝ်ႈဢလွင်းမႃႉလူမ်းမိၼ် မႃးၸွႆႈၼၢင်းယဝ်ႉ ၼႆၸိုင် ပီတႅတ်ႈၼႅတ်ႈဢမ်ႇမီး။ ၼၵ်ႃးလႄႈၽီလူးၼၼ်ႉ ၽႂ်ၵေႃႈဢမ်ႇယၢမ်ႈႁၼ်တူဝ်တႄႉမၼ်း။ မိူင်းၾီလူးၼႆၼၼ်ႉၵေႃႈ ဢမ်ႇၸိၼႄလႆႈၼိူဝ်ႁၢင်ႈၽႅၼ်ႇလိၼ်။ ၸိုဝ်ႈၸဝ်ႈဢလွင်းဢမ်ႇပႃး။ ၽႂ်ၵေႃႈဢမ်ႇယၢမ်ႈႁၼ်မႃႉလူမ်းမိၼ်သေပွၵ်ႈ။ လွင်ႈၼႆႉ ပဵၼ် ဢပုမ်ႇၵူၺ်း။
မၢင်ပွၵ်ႈ ၵူၼ်းမိူဝ်ႈၵွၼ်ႇၶဝ် မီးလွင်ႈလူဝ်ႇလႆႈသိူင်ႇလပ်ႉလႄႈ ဢဝ်ပိုၼ်းၶႆႈမိူၼ် ဢပုမ်ႇဝႆႉၵေႃႈ မီးယူႇ။ သင်သမ်ႉဢမ်ႇၸၢင်ႈၵွၵ်းတီႈပွင်ႇၵႂၢမ်းလပ်ႉၼႂ်းဢပုမ်ႇၼၼ်ႉမႃးၶဝ်ႈပိူင်ပိုၼ်းလႆႈၶိုၼ်းၼႆၸိုင် ဢမ်ႇၸၢင်ႈဢဝ်မၵ်းမၼ်ႈႁဵတ်းပဵၼ်ပိုၼ်းလႆႈ။ တေလႆႈဝႃႈ ပဵၼ် ဢပုမ်ႇ ၵူၺ်း။




#Article 92: ပိုၼ်းပုတ်ႉထ (742 words)


ပိုၼ်းပုတ်ႉထၸဝ်ႈ ဢၼ်ဝႃႈၼၼ်ႉ ပဵၼ်လွင်ႈၽဝႃႉၽြႃးၸဝ်ႈ ၸဝ်ႈၵေႃးတမၼၼ်ႉယဝ်ႉ။ သိၻ်ꩪတ်ထ ၵေႃတမ Siddhārtha Gautama (သၵ်ႉၵတ सिद्धार्थ गौतम; ပႃႇလိ सिद्धाथ गोतम)ၼႆႉ ပဵၼ်ၵေႃႉဢၼ် ၶူင်ဢွၵ်ႇပဵၼ်မႃး ပုတ်ႉထၽႃႇသႃႇသေ ႁိၵ်ႈၸိုဝ်ႈဝႃႈ ပဵၼ်မုၼ်ၶမ်းၽြႃး ဢၼ်ထွတ်ႈမျၢတ်ႈသေပိူၼ်ႈ။ ၵႅၼ်ႇၸဝ်ႈ ၵိူတ်ႇမိူဝ်ႈ ၿီႇၸီႇ 623 ၼၼ်ႉယဝ်ႉ။ တမ်ႈတီႈ မိူင်းဢိၼ်ႇတိယၼႆႉ ပုတ်ႉထၸဝ်ႈ တႄႇတင်ႈ ဝႃႇတမၼ်းၸဝ်ႈ မိူဝ်ႈၿီႇၸီႇ 588 ယဝ်ႉ။

တီႈမိူင်းပွတ်းဢွၵ်ႇၼၼ်ႉ ပိၵ်ႉသမ်ႉ ၸဝ်ႈပၢႆးဝူၼ်ႉ ၸိူင်ႉၼင်ႇၶူင်ၾူးၸိုဝ်ႈ (ၿီႇၸီႇ 551-479) မီးမႃးသေတႃႉ ပၢႆးဝူၼ်ႉဝႃႇတပုတ်ႉထၸဝ်ႈတႄႉ ပႅၵ်ႇပိူင်ႈၸိူဝ်းၶဝ်ၼၼ်ႉ တင်းၼမ်ယဝ်ႉ။ ဝႃႇတၽြႃးပုတ်ႉထၸဝ်ႈၼႆႉ ပဵၼ်တြႃးသတ်ႉၸႃႇ ဢၼ်မၢၼ်ႇမႅၼ်ႈၼၼ်ႉယဝ်ႉ။
တႃႇတေ လဵပ်ႈႁဵၼ်း တီႈၼိူဝ် လွင်ႈၼၢင်းၼိုင်ႈဢၼ်ၼၼ်ႉ ပုတ်ႉထၽႃႇသႃႇၼႆႉ မီးလွၵ်းလၢႆးတႅတ်ႈၼႅတ်ႈ၊ တူၵ်းလွၵ်းၸွမ်း ပၢႆးသၢႆႊယဝ်ႉ။ ၶေႃႈသင်ႇသွၼ် ပုတ်ႉထၸဝ်ႈလႄႈ ပုတ်ႉထၽႃႇသႃႇၼႆႉ ပဵၼ်ၽႃႇသႃႇ ဢၼ်ငမ်ႇမႅၼ်ႈပၢႆးသၢႆႊ လႄႈ ဢၼ်တူဝ်ထူပ်းၸွမ်း သၽႃႇဝၼၼ်ႉယဝ်ႉ။ တီႈၼႂ်းပုတ်ႉထၽႃႇသႃႇၼၼ်ႉ သြႃႇလႄႈတပႄး ပေႃႈမႄႈလႄႈ လုၵ်ႈလၢင်း ၸဝ်ႈၽူဝ်လႄႈ မေးၼၢင်း ၸိူဝ်းၼၼ်ႉ တိုၼ်းမီးဝႆႉ ပုၼ်ႈၽွၼ်းၽႂ်မၼ်း ဝတ်ႈဝၢတ်ႈၽႂ်မၼ်းယဝ်ႉ။ တီႈၼႂ်း မင်ႇၵလႃႇ 38 ၼၼ်ႉၵေႃႈ ယိုၼ်ႁပ်ႉဝႆႉဝႃႈ လွင်ႈသွၼ်ႁဵၼ်းဢဝ် တၢင်းမေႃ ဢၼ်ဢမ်ႇမီး တၢင်းၽိတ်းၼၼ်ႉ ပဵၼ်မင်ႇၵလႃႇလီၼႆယဝ်ႉ။

ပုတ်ႉထၸဝ်ႈၼႆႉ ပဵၼ်ၸၢဝ်းၶိူဝ်းၶုၼ်ၶတ်ႉတိယ ၸဝ်ႈၼိုင်ႈ။ တီႈၼႂ်း ၵူၼ်းမိူင်းဢိၼ်ႇတိယၼၼ်ႉ ၶဝ်ၸႅၵ်ႇၽႄၵၼ်ဝႆႉ ၸၢဝ်းၶိူဝ်းသီႇထၢၼ်ႈ၊ ၶိူၼ်းပုၼ်ႇၼႃး (ၿြႁမၼ)၊ ၶိူဝ်းၶုၼ် (ၶတ်ႉတိယ)၊ ၶိူဝ်းၵူၼ်းၵႃႉ (ဝသ်သ) လႄႈ ၶိူဝ်းၵူၼ်းၽၢၼ် (သုၻ်ꩪ)သေ ၶဝ်မီး လွင်ႈၸႅၵ်ႇၽႄ ထၢၼ်ၵူၼ်းယဝ်ႉ။ ဝႃႇတပုတ်ႉထၸဝ်ႈတႄႉ သၢၼ်ၶတ်း လွင်ႈၸႅၵ်ႇၽႄထၢၼ်ႈၵူၼ်းယဝ်ႉ။ ပုတ်ႉထၸဝ်ႈၼႆႉ လုၵ်ႉတီႈ ၵူၼ်းသေ ပဵၼ်ၽြႃးမႃးၼၼ်ႉ ပဵၼ်ဢၼ်လူဝ်ႇတွင်းၵိုမ်းဝႆႉယူႇ။ ၵူၺ်းၵႃႈ ၵိင်ႇၽႄၸၢဝ်းပုတ်ႉ မၢင်ၸိူဝ်းတႄႉ ယုမ်ႇမၢတ်ႈဝႃႈ ပုတ်ႉထၸဝ်ႈၼႆႉ ပဵၼ်ၽြႃးၼိူဝ်ၵၢင်ႁၢဝ်ၼႆယဝ်ႉ။ တီႈပွင်ႇ ပုတ်ႉထ ဢၼ်ဝႃႈၼၼ်ႉတႄႉ ပွင်ႇဝႃႈ ၵေႃႉၽူႈလႆႈၺၢၼ်ႇတၢင်းႁူႉ၊ ၺၢၼ်ႇသပ်ႉပၺ်ႇၺု (Enlightened) ဢမ်ႇၼၼ် ၵေႃႉတိုၼ်ႇလုၵ်ႉဢွၵ်ႇ ၼႂ်းလပ်းသိင်ႇ ၼႆယဝ်ႉ။

ပိုၼ်းပုတ်ႉထၸဝ်ႈၼႆႉ တေလႆႈႁၼ် ၸႅၵ်ႇဝႆႉ ႁႃႈတွၼ်ႈ ပၢၼ်ၶုၼ်ၸၢႆးၼုမ်ႇ၊ ပၢၼ်ပၢႆႈဢွၵ်ႇထိူၼ်ႇၵႃႇမ၊ ပၢၼ်သွၵ်ႈႁႃထမ်းတြႃး၊ ပၢၼ်ပူၵ်းပွင်သႃႇသၼႃႇ၊ ပၢၼ်ဢဝ်ပရိၼိပ်ႉပၢၼ်ႇ ၼႆယူႇ။

ၸိုဝ်ႈဢၼ်ဝႃႈ ‘’’ပုတ်ႉထ’’’ၼႆႉ ဝၢႆးသေ ပဵၼ်ၽြႃးယဝ်ႉၵွၼ်ႇ ၸင်ႇတေလႆႈမႃးယဝ်ႉ။ ပုတ်ႉထၸဝ်ႈၼႆႉ ၶိူဝ်းႁိူၼ်းၸဝ်ႈ ပဵၼ် ၵေႃးတမသေ ၸိုဝ်ႈၵႅၼ်ႇၸဝ်ႈတႄႉ ႁွင်ႉဝႃႈ ‘’’သိၻ်ꩪတ်ထၵုမႃႇရ (ၸဝ်ႈသီႇထၢတ်ႈ’’’ ၼႆသေ ပွင်ႇဝႃႈ ႁဵတ်းႁႂ်ႈၵၢင်ၸႂ် ၽီၵူၼ်းတင်းသဵင်ႈ တဵမ်ထူၼ်ႈ ၼႆယဝ်ႉ။ ၸဝ်ႈသီႇထၢတ်ႈၼႆႉ ပဵၼ်ၸၢဝ်းၶိူဝ်းၶုၼ်သၵ်ႉၵ Shakya သေ ပၢၼ်မၼ်းၸဝ်ႈၼၼ်ႉ ၺႃးမိူဝ်ႈ ၿီႇၸီႇ 623 မွၵ်ႈၼၼ်ႉ။ ပေႃႈၸဝ်ႈၸိုဝ်ႈဝႃႈ ၸဝ်ႈႁေႃၶမ်းသုတ်ႉထေႃးထၼ ပဵၼ်ၸဝ်ႈပိူင်ႇၼမ်ႉငမ်းလိၼ် မိူင်းၵပိလဝတ်ႉ။ သၢႆသိုပ်ႇၶိူဝ်းၶုၼ် ၸဝ်ႈႁေႃၶမ်းလူင် သုတ်ႉထေႃးထၼၶဝ်ၼႆႉ လုၵ်ႉတီႈ ၸဝ်ႈတူၼ်ႈလူင် ဢွၵ်ႉၵႃႇၵမႃး တေႃႇထိုင်ပၢၼ် ၸဝ်ႈၸယသေၼၼၼ်ႉ မီးၵႂႃႇ 82000 ၸဝ်ႈ သိုပ်ႇလၢမ်းတၢမ်ၵၼ် ဢုပ်ႉပိူင်ႇ မိူင်းၵပိလဝတ်ႉယဝ်ႉ။
ဢၼ်ၶိူဝ်းၶဝ်ၸဝ်ႈ လႆႈႁိၵ်ႈၸိုဝ်ႈဝႃႈ သၵ်ႉၵ (သႃႇၵီႇယ) ဢၼ်ဝႃႈၼၼ်ႉတႄႉ ယွၼ်ႉပိူဝ်ႈ ၶဝ်ပီႈၼွင်ႉ 9 ၵေႃႉ ဢွၼ်ဢဝ် ဢလုမ်းဢလၢင်းသေ ပၢႆႈဢွၵ်ႇမိူင်း၊ မႃးတင်ႈမိူင်း ဢွင်ႈတီႈ ၵပိလဝတ်ႉၼႆႉသေ သမ်ႉၵူဝ် ၸိူဝ်ႉၶိူဝ်းၶဝ် ႁၢႆလႄႈ ၶဝ်ပီႈၼွင်ႉ ႁူမ်ႈတွင်ႉ ႁူမ်ႈဢူႈ ႁူမ်ႈမႄႈၼင်ႇၵၼ် ၶိုၼ်းတႄႇၼႃႈႁိူၼ်း ၵူပ်ႉၵူႈၵၼ် သိုပ်ႇသၢႆၸႂ် ၸိူဝ်ႉၶိူဝ်းၶဝ်မႃးယဝ်ႉ။ ယွၼ်ႉၼၼ် ၵေႃႉပဵၼ် ဢူႈၶဝ် ၸဝ်ႈႁေႃၶမ်းလူင် ဢွၵ်ႇၵႃႇၵ ၸင်ႇဢၢမ်းယွင်ႈသေ လၢတ်ႈဝႃႈ “သၵျဝတ ၽေႃ ၵုမႃႇရေႃ” ၶဝ်ၸိူဝ်းၼႆႉ ပွင်ပဵၼ်လႆႈတႄႉယဝ်ႉ ၼႆသေ ၸင်ႇဢဝ်ၶေႃႈၵႂၢမ်းၼၼ်ႉလႄႈ ပဵၼ်မႃး ၶိူဝ်းသၵျ (ၶိူဝ်းသႃႇၵီႇ၊ ၶိူဝ်းသၵ်ႉၵ)ယဝ်ႉ။  ဢွင်ႈၵပိလဝတ်ႉၼၼ်ႉ ယၢမ်းလဵဝ် မီးတီႈၼႂ်းမိူင်းၼီႇပေႃး။ တီႈႁိမ်းႁွမ်း ၵပိလဝတ်ႉၼၼ်ႉၵေႃႈ တေႃႈမီး ၸၢဝ်းၶိူဝ်း တင်းၼမ်တင်းလၢႆ ယူႇသဝ်းၵိၼ်သၢင်ႈဝႆႉယူႇ၊ ၵေႃႉပဵၼ် မႄႈၼၢင်းသီႇရိမႁႃႇမႃႇယႃႇတႄႉ ပဵၼ်လုၵ်ႉယိင်း ၶုၼ်မိူင်းၵေႃးလိယယဝ်ႉ။ 

ၼၢင်းသီႇရိမႁႃႇမႃႇယႃႇ ၵိူတ်ႇႁၼ်ၼႃႈ ၸဝ်ႈသီႇထၢၼ်ႈ မိူဝ်ႈၿီႇၸီႇ 623 တီႈ သူၼ်သိူဝ်းလုမ်ႇပၼီႇ တႂ်ႈတူၼ်ႈမႆႉပဝ်းတူၼ်ႈၼိုင်ႈယဝ်ႉ။ မိူဝ်ႈၵိူတ်ႇမႃးယဝ်ႉၼၼ်ႉ ၼေႃႇၶမ်းၸဝ်ႈ လုၵ်ႉတၢင်းဢွၵ်ႇ ဝၢႆႇၼႃႈၵႂႃႇ ၽၢႆႇႁွင်ႇ ယၢင်ႈပႆၵႂႃႇ ၸဵတ်းယၢင်ႈသေ လၢတ်ႈၵႂၢမ်းသၢမ်ၶေႃႈ

မိူဝ်ႈပၢၼ်ၼၼ်ႉ ၼၢင်းယိင်း ဢၼ်တေလဵင်ႉလုၵ်ႈႁူဝ်သၢဝ်ၼၼ်ႉ လႆႈပွၵ်ႈၶိုၼ်းမိူဝ်းလဵင်ႉလုၵ်ႈ တမ်ႈတီႈ ဝၢၼ်ႈမိူင်းဢူႈမႄႈၶဝ်ၼၼ်ႉယဝ်ႉ။ ဝၢႆးသေ ၵိူတ်ႇႁၼ်ၼႃႈ ၸဝ်ႈသီႇထၢတ်ႈ လႆႈၸဵတ်းဝၼ်းယဝ်ႉ ၼၢင်းႁေႃၶမ်းသီႇရိမႁႃႇမႃႇယႃႇ ၼွၼ်ၽေးၵႂႃႇလႄႈ မႄႈၼႃႉၵေႃးတမီႇ လႆႈသိုပ်ႇႁဵတ်းပဵၼ် မႄႈၼူမ်း ၸဝ်ႈသီႇထၢတ်ႈ တေႃႇပေႃးယႂ်ႇယဝ်ႉ။

ၵၢင်ၸႂ် ၸဝ်ႈႁေႃၶမ်းလူင် သုတ်ႉထေႃးထၼတႄႉ ၶႂ်ႈႁႂ်ႈလုၵ်ႈၸၢႆးမၼ်းၸဝ်ႈ ပဵၼ်ၶုၼ်ၸၵျဝတေးယူႇ၊ ၵူၺ်းၵႃႈ ၼိမိတ်ႉ သမ်ႉဢွၵ်ႇဝႃႈ ၸဝ်ႈသီႇထၢတ်ႈ တေၸုၼ်ႉပႅတ်ႈ ပူၺ်ႈလေႃးၵီႇသေ တေပဵၼ်ၽြႃးၼႆလႄႈ ၵေႃႉပဵၼ်ပေႃႈမၼ်းၸဝ်ႈ ၸင်ႇဢဝ် ဢႃႇရူင်ႇၵႃႇမၵုင်ႇ ၽွတ်ႈၶဵၼ်းမၼ်းၸဝ်ႈဝႆႉယဝ်ႉ။ ၽွင်းမိူဝ်ႈ ဢႃႇယု လႆႈမႃး 16 ၼၼ်ႉ ၸင်ႇဢဝ်ၵူပ်ႉၵူႈပၼ်တင်း ၼၢင်းယသေႃထရႃႇ (ၼၢင်းယသေႃႇ)ယဝ်ႉ။ ယွၼ်ႉပိူဝ်ႈ ဢူႈၼၢင်းယသေႃႇၶဝ် ဢမ်ႇၽွမ်ႉလႄႈ တူဝ်ၶုၼ်ၸၢႆးသီႇထၢတ်ႈ လႆႈၼႄ တၢင်းမေႃၵၢင်ႇ တၢင်းမေႃ ၵူႈပိူင်ပိူင်သေ လိူၵ်ႈဢဝ် ၵေႃႉထုၵ်ႉၸႂ်ၸဝ်ႈၵႂႃႇယဝ်ႉ။

ၶုၼ်ၸၢႆးသီႇထၢတ်ႈ လႄႈ ၼၢင်းယသေႃႇထရႃႇ ယူႇႁူမ်ႈၵၼ် 13 ပီသေ မီးမႃး လုၵ်ႈၸၢႆးဢွၼ်ႇၸဝ်ႈၼိုင်ႈ ႁိၵ်ႈၸိုဝ်ႈဝႃႈ ၸၢႆးရႃႇႁုလႃႇ။ ယွၼ်ႉပိူဝ်ႈ မၼ်းၸဝ်ႈၶၢင်းဝႃႈ လုၵ်ႈၸၢႆးၵဝ်ၵေႃႉၼႆႉ မိူၼ်ၼင်ႇ ၵူပ်းၵိၼ်လိူၼ် ဢၼ်တေမႃးတိုတ်ႉၼွင်ႇ ၸွင်ႇၸၼ် ႁဵတ်းႁႂ်ႈ သဵၼ်ႈတၢင်းၵႂႃႇၵဝ် ၸိူင်ႉၼၢၼ်း ၼႆလႄႈ ၸင်ႇလႆႈ ဢဝ်ၸိုဝ်ႈဢၼ်ဝႃႈ ရႃႇႁုၼၼ်ႉ တၢင်ႇပၼ် ၸိုဝ်ႈလုၵ်ႈမၼ်း။ ပိၵ်ႉသမ်ႉ ပေႃႈၸဝ်ႈႁေႃၶမ်းလူင် ဢဝ်ဢႃႇရူင်ႇၵႃႇမၵုင်ႇ ၽၢႆႇလေႃးၵီႇ ႁူၺ်းဝႆႉၸဝ်ႈလႄႈသင်၊ ႁႄႉႁၢမ်ႈဝႆႉ ဢမ်ႇပၼ်ႁၼ် လွင်ႈဢႃႇရူင်ႇႁုၵ်းႁၢႆႉ ဢၼိတ်ႉထႃႇရူင်ႇၸိူဝ်းၼၼ်ႉလႄႈသင်၊ ႁဵတ်းႁႂ်ႈ မီးၸႂ်ႁၵ်ႉႁႅင်းပႅင်းယႂ်ႇ တီႈၼိူဝ် လုၵ်ႈမေးလႄႈသင် ၵၢင်ၸႂ် ၸဝ်ႈသီႇထၢတ်ႈတႄႉ ၶႂ်ႈသွၵ်ႈႁႃ ၽဝႃႉမၢၼ်ႇမႅၼ်ႈ ဢၼ်ၸၼ်ႉသုင်သေ ယၢမ်းလဵဝ်ၼႆႉယူႇ။ ၵွပ်ႈၼၼ် ဝၼ်းၼိုင်ႈ ၸဝ်ႈသီႇထၢတ်ႈ လႆႈႁၼ် သၽေႃးတြႃးဢၼ်မၢၼ်ႇမႅၼ်ႈၼၼ်ႉယဝ်ႉ။

ဢၼ်ၸဝ်ႈသီႇထၢတ်ႈ ႁၼ် လွင်ႈမၢၼ်ႇမႅၼ်ႈ သီႇပိူင်ၼၼ်ႉတႄႉ ပဵၼ်ၼိမိတ်ႈ ၵူၼ်းထဝ်ႈ၊ ၵူၼ်းပဵၼ်၊ ၵူၼ်းတၢႆ လႄႈ ရႁၢၼ်းယဝ်ႉ။ ၼိမိတ်ႈ သၢမ်ဢၼ် ပႃႈၼႃႈၼၼ်ႉတႄႉ တၢင်တူဝ်ၽဝႃႉ ၵူၼ်းႁဝ်း လွင်ႈဝႃႈ ပဵၼ်ဢွင်ႈတီႈ တၢင်းထဝ်ႈ၊ တၢင်းၸဵပ်း၊ တၢင်းတၢႆ ထင်သဝ်း။ ၼိမိတ်ႈ ၵမ်းလိုၼ်း ဢၼ်ပဵၼ် ရႁၢၼ်းၼၼ်ႉတႄႉ ၼႄပၼ် လွင်ႈပူၼ်ႉလွတ်ႈ တၢင်းထဝ်ႈ တၢင်းၸဵပ်း တၢင်းတၢႆသေ ႁွတ်ႈထိုင်တီႈငိမ်းယဵၼ်ၼၼ်ႉယဝ်ႉ။ ဝၢႆးသေ လႆႈႁူႉလႆႈႁၼ် ၼင်ႇၼၼ်ယဝ်ႉ ၸဝ်ႈသီႇထၢတ်ႈ ႁူႉထိုင်ဝႃး မၼ်းတေ ဢမ်ႇၸၢင်ႈသိုပ်ႇယူႇသဝ်းလႆး ၼႂ်းၽဝႃႉ ၶုၼ်ၸၢႆးယဝ်ႉၼႆသေ ထိုင်မႃးၶမ်ႈၼိုင်ႈ မၼ်းၸဝ်ႈ ၸင်ႇၵႂႃႇလၵ်ႉလွမ်တူၺ်း ၼႃႈတႃ လုၵ်ႈမေးမၼ်းသေ ပၢႆႈဢွၵ်ႇထိူၼ်ႇ ၵႂႃႇႁႃႇ သၽေႃးတြႃး ဢၼ်မၢၼ်ႇမႅၼ်ႈယဝ်ႉ။
ၽွင်းၼၼ်ႉ ၸဝ်ႈသီႇထၢတ်ႈ ဢႃႇယု လႆႈ 29 ယဝ်ႉလႄႈ ပဵၼ်ပၢၼ် ဢၼ်မေႃဝူၼ်ႉလႆႈ ၶႆႈၸၢင်ႈၼၼ်ႉယဝ်ႉ။ ပိၵ်ႉသမ်ႉ မီးဝႆႉ ယိူင်းဢၢၼ်းသုင် ပုၼ်ႈတႃႇ မိူဝ်းၼႃႈ ဝႃႈၼႆသေတႃႉ တႃႇတေတႅပ်းတတ်းၸႂ်သေ ပၢႆႈၽၢတ်ႇလႆႈၼင်ႇၼႆၼၼ်ႉ ဢမ်ႇငၢႆႈငၢႆႈ။

တီႈၼႂ်းၽိုၼ်ထမ်း ပိတၵၢတ်ႈၼၼ်ႉတႄႉ မွၵ်ႇလၢတ်ႈၼႄဝႃႈ ၵႂႃႇတိုဝ်းၵမ် (ၵျၢင်ႉၵမ်) တုၵ်ႉၵရၸရိယႃႇ ၼႆယဝ်ႉ။ ၶၢဝ်းယၢမ်းၼၼ်ႉတႄႉ တႄႇဢဝ် ပၢႆႈဢွၵ်ႇထိူၼ်ႇၵႃႇမယဝ်ႉသေ တေႃႇထိုင် ၶၢဝ်းယၢမ်း ပဵၼ်ၽြႃးၼၼ်ႉယဝ်ႉ။ တၢင်းတိုဝ်းၵမ် ဢၼ်ၼေႃႇၶမ်းၸဝ်ႈ ၽိုၵ်းၸၢမ်းႁဵတ်းတူၺ်းၼၼ်ႉ ဢွၼ်တၢင်းသုတ်းတႄႉပဵၼ် တၢင်းတိုဝ်းၵမ်သမထ (ယေႃးၵ)ယဝ်ႉ။ ပိၵ်ႉသမ်ႉ ႁဵတ်းႁႂ်း ၸႂ်ၼိမ်ယဵၼ်ၵႂႃႇ ၸူဝ်ႈၵႅပ်ႉသေတႃႉ ဢၼ်ၼေႃႇၶမ်းၸဝ်ႈ သွၵ်ႈႁႃၼၼ်ႉတႄႉ ပဵၼ်ပုၼ်ႈတႃႇ လွင်ႈငိမ်းယဵၼ်ထႃႇဝရ တႃႇသေႇၼၼ်ႉယဝ်ႉ။ ၵွပ်ႈၼၼ် ၵႅၼ်ႇၸဝ်ႈ ၸုၼ်ႉၽႃႈဝၢင်းပူင်ပႅတ်ႈ လွင်ႈတိုဝ်းၵမ် သမထ (တုၵ်ႉၵရၸရိယႃႇ)ၼၼ်ႉယဝ်ႉ။
ၵူၺ်းၵႃႈ တၢင်းတိုဝ်းၵမ်သမထ (ယေႃးၵ)ၼႆႉ ပုၼ်ႈတႃႇၵျၢင်ႉၵမ်တြႃးၼၼ်ႉ ပဵၼ်ၵၢၼ်လမ်ႇလွင်ႈလူင် ပိူင်ၼိုင်ႈၼင်ႇၵဝ်ႇ။ မၼ်းပဵၼ် ပိုၼ်ႉထၢၼ် တႃႇတေႁဵတ်းႁႂ်ႈ ၸႂ်ၼိမ် Meditation sake meditation ယဝ်ႉ။ ၵမ်ႇမထၢၼ်း လွင်ႈၵျၢင်ႉၵမ် ဢၼ်ၸဝ်ႈသီႇထၢတ်ႈ ၶႂ်ႈလႆႈၼၼ်ႉတႄႉ ပဵၼ် ၵၢၼ်ဝိပတ်ႉသၼႃႇ Insight Meditation ဢၼ်ၸၢင်ႈႁူႉႁၼ်လႆႈ သိုဝ်ႈၼႃႈတၼ်းတႃ လွင်ႈပဵၼ်လူႉ လိုၵ်ႉလမ်ႇ ၽဝႃႉၶၼ်ႇထႃႇၼၼ်ႉယဝ်ႉ။ 
လွင်ႈၸၢမ်းတိုဝ်းၵမ် မၢႆသွင်ၼၼ်ႉတႄႉ ပဵၼ်တၢင်းတိုဝ်းၵမ် တပယဝ်ႉ။ ဢွင်ႈတီႈ တိုဝ်းၵမ်ၼၼ်ႉတႄႉ ပဵၼ် တီႈထိူၼ်ႇဢုရုဝေႇလ တီႈဢၼ် ၸဝ်ႈၵွၼ်းတၺ်ႇၺ ပၺ်ႇၸဝၵ်ႉၵီႇ 5 ၸဝ်ႈ ယူႇသဝ်းၼၼ်ႉယဝ်ႉ။ ၼေႃႇၶမ်းၸဝ်ႈ ၵျၢင်ႉၵမ်တူၺ်းသေတႃႉ ႁူႉထိုင်ဝႃႈ တၢင်းၵျၢင်ႉၵမ် ၸိူဝ်းၼၼ်ႉၵေႃႈ တေႃႈဢမ်ႇၸၢင်ႈ ႁူႉႁၼ်လႆး ထမ်းတြႃးသတ်ႉၸႃႇသေ ၵူၺ်းႁဵတ်းႁႂ်ႈ ၶၢၼ်တူဝ် ၶၢၼ်ၸႂ် သဵင်ႈၶၢဝ်းယၢမ်းၵူၺ်းၼႆလႄႈ ၸင်ႇၸုၼ်ႉပႅတ်ႈ တၢင်းတိုဝ်းၵမ်ၸိူဝ်းၼၼ်ႉယဝ်ႉ။
ပၼ်ႇၸဝၵ်ႉၵီႇႁႃႈၸဝ်ႈၵေႃႈ လႆႈႁၼ်ၼင်ႇၼၼ်သေ ၸႂ်လူႉၼိူဝ် ၸဝ်ႈသီႇထၢတ်ႈတႄႉလႄႈ ၸင်ႇပၢႆႈၽၢတ်ႇၸဝ်ႈၵႂႃႇ တီႈမိူင်းပႃႇရႃႇၼသီႇယဝ်ႉ။ ၼေႃႇၶမ်းၸဝ်ႈ ၸင်ႇဝူၼ်ႉ ၸင်ႇထတ်းသၢင်ဝႃႈ တႃႇတေႁၼ် သဵၼ်ႈတၢင်းသတ်ႉၸႃႇၼၼ်ႉ လွင်ႈၵျၢင်ႉၶႅင် ၸိူင်ႉၼင်ႇ တုၵ်ႉၵရၸရိယႃႇၼၼ်ႉၵေႃႈ တေႃႈတေဢမ်ႇပဵၼ်လႆႈ၊ လွင်ႈယူႇသႃႇ ၸိူင်ႉၼင်ႇ ၸၢမ်ႇပူၺ်ႈလူၺ်ႈ ဢႃႇရူင်ႇၵႃႇမၵုင်ႇၼၼ်ႉၵေႃႈ တေႃႈတေ ဢမ်ႇပဵၼ်လႆႈၼႆယူႇ။ ၼေႃႇၶမ်းၸဝ်ႈ ၸင်ႇၵႂႃႇဝူၼ်ႉႁၼ်လႆႈ ၽဝမၼ်းၸဝ်ႈ မိူဝ်ႈလဵၵ်ႉၼၼ်ႉယူႇ။ ၽွင်းမိူဝ်ႈ ၸဝ်ႈပေႃႈႁေႃၶမ်း ႁဵတ်းပွႆးမင်ႇၵလႃႇ ထႆၼႃးၼၼ်ႉ ပိူၼ်ႈဢဝ် ၼေႃႇၶမ်းၸဝ်ႈ ၵႂႃႇဝႆႉ တႂ်ႈတူၼ်ႈမႆႉၸပုသပျေႇယဝ်ႉ။
ၽွင်းၼၼ်ႉ ၼေႃႇၶမ်းၸဝ်ႈ ဢမ်ႇၶဝ်ႈၸႂ် တီႈၼိူဝ် သဵင်ပိူၼ်ႈႁဵတ်းပွႆးမင်ႇၵလႃႇ ထႆၼႃး၊ ဢမ်ႇၶဝ်ႈၸႂ် တီႈၼိူဝ် လွင်ႈၵတ်းယဵၼ် ႁူမ်ႈမႆႉၸပုသပျေႇ၊ ၼေႃႇၸဝ်ႈ ၵူၺ်းၶဝ်ႈၸႂ် တီႈၼိူဝ်တူဝ်ၶၼ်ႇထႃႇၸဝ်ႈသေ ဝႆႉၸႂ်ၼမ်လီၸွၼ်းၸွၼ်းၼၼ်ႉၵူၺ်း။ လွင်ႈၸႂ်ၼိမ်ဢွၼ်ႇဢၼ်ၼၼ်ႉ ထိုင်တီႈမၼ်းၸၢႆးယႂ်ႇမႃး မႃးပဵၼ် ၶုၼ်ၸၢႆးၼၼ်ႉ မၼ်းၸဝ်ႈ ဢမ်ႇၶိုၼ်းလႆႈထူပ်းထႅင်ႈသေပွၵ်ႈ။ လွင်ႈၸႂ်ၼမ်ၼင်ႇၼၼ်ၼၼ်ႉ ၼႂ်းၽိုၼ်ထမ်းပိတၵၢတ်ႈ လၢတ်ႈဝႃႈ ပဵၼ်သၢၼ်ႇပထမၼႆယဝ်ႉ။
ႁဵတ်းၼၼ်သေ ၼေႃႇၶမ်းၸဝ်ႈသီႇထၢတ်ႈ ၸင်ႇပွင်ႇၸႂ်ဝႃႈ တႃႇတေႁၼ် တြႃးသတ်ႉၸႃႇ ဢၼ်မၢၼ်ႇမႅၼ်ႈၼၼ်ႉ ၵူၺ်းတေလႆႈ သွၵ်ႈႁႃ ၼႂ်းတူဝ်ၸဝ်ႈၵဝ်ႇၵူၺ်း ၼႆယဝ်ႉ။ 
လုၵ်ႉတီႈ ၸႂ်ၼိမ်ၼၼ်ႉ ဢဝ်ၺၢၼ်ႇဝၢၵ်ႈၶဝ်ႈၼႂ်းတူဝ်လႄႈ ၼေႃႇၶမ်းၸဝ်ႈ ႁူႉႁၼ်ထိုင် လွင်ႈဢမ်ႇမၼ်ႈဢမ်ႇၵိုမ်း၊ လွင်ႈၶၢၼ်ၶဵၼ်တုၵ်ႉယၢၵ်ႈ၊ လွင်ႈလွၼ်ႉၵႅၼ်ဢမ်ႇမီး ၶႅၼ်သီးဢမ်ႇလႆႈ ဢၼ်ဝႃႈ ဢၼိတ်ႉၸ၊ တုၵ်ႉၶ၊ ဢၼတ်ႉတ ၼၼ်ႉယဝ်ႉ။ လႆႈႁၼ်ငိူၼ်ႈ တီႈတူဝ်ၶၼ်ႇထႃႇသေ ၼေႃႇၶမ်းၸဝ်ႈ ႁူႉႁၼ်ထိုင် ငဝ်ႈတႄႇၵူၼ်းတင်းသဵင်ႈ ၸႅင်ႈၸႅင်ႈလႅင်းလႅင်းယဝ်ႉ။ လွင်ႈတၢင်းတုၵ်ႉယၢၵ်ႈၽဝႃႉ ဢၼ်ပဵၼ် တုၵ်ႉၶသတ်ႉၸႃႇ၊ လွင်ႈတၢင်း ဢၼ်ႁဵတ်းႁႂ်ႈ ၽဝ ထူင်ႇထူင်ႇထဵဝ်ႈထဵဝ်ႈ ၵဵဝ်ႈၵဵဝ်ႈၵွင်ႉၵွင်ႉ ဢၼ်ပဵၼ် သမုတယသတ်ႉၸႃႇ၊ သဵၼ်ႈတၢင်း တႃႇတေဢွၵ်ႇမူၼ်ႉပူၼ်ႉလွတ်ႈ ဢၼ်ပဵၼ် မၵ်ႉၵသတ်ႉၸႃႇ လႄႈ လွင်ႈငမ်းယဵၼ်ပူၼ်ႉလွတ်ႈ ဢၼ်ပဵၼ် ၼိရေႃးထသတ်ႉၸႃႇၼၼ်ႉ ပဵၼ်သဵၼ်ႈတၢင်း ဢၼ်ၵႅၼ်ႇၸဝ်ႈ သွၵ်ႈႁႃၼၼ်ႉယဝ်ႉ။
ဢွင်ႈတီႈ ႁိမ်းၼမ်ႉၼေႇရၺ်ႇၸရႃႇ တီႈဢၼ်ၸဝ်ႈသီႇထၢတ်ႈ လႆႈၺၢၼ်ႇတြႃးသေ ပဵၼ်ၽြႃးၼၼ်ႉ ၸၢဝ်းပုတ်ႉၶဝ် ႁွင်ႉဝႃႈ ပုတ်ႉထၵယႃႇ (ၽေႃးထိၶမ်း) ၼႆယဝ်ႉ။ တူၼ်ႈမႆႉၺွင်ႇၽေႃးထိၼၼ်ႉၵေႃႈ ႁွင်ႉဝႃႈ တူၼ်ႈၽေႃးထိ Tree of Enlightenment ဢမ်ႇၼၼ် တူၼ်ႈၺၢၼ်ႇ Tree of Wisdom ယဝ်ႉ။ လွင်ႈပုတ်ႉထၸဝ်ႈ ႁူပ်ႉႁူႉႁၼ် ၺၢၼ်ႇသတ်ႉၸႃႇတီႈၼႂ်းတူဝ်ၶၼ်ႇထႃႇၼႆႉ ၸဝ်ႉလိူဝ်သေ လွင်ႈဢၼ် ၼိဝ်ႇတၢၼ်ႇၶဝ် ႁႃႁၼ် လွင်ႈႁႅင်းၸၼ်ၵမ်ႇၽႃႇ၊ လွင်ႈပၢတ်ႉၸၶျႃႇၶဝ် ႁႃႁၼ် မူင်ႈမႅင်းသေးယႅင်းဢွၼ်ႇ၊ လွင်ႈဢၢႆးၸတၢႆး ႁႃႁၼ် လွင်ႈတႅၵ်ႈၼိူင်းၼၼ်ႉ တင်းၼမ် ၵႂၢင်ႈၶႂၢင်သေ ၸိူဝ်းၼၼ်ႉ တင်းၼမ် လုၵ်ႉလမ်ႇသေ ၸိူဝ်ႈၼၼ်ႉတႄႉတႄႉလႄႈ ပဵၼ်လွင်ႈႁႃႁၼ် ဢၼ်ယိုင်ႈယႂ်ႇလူင်ယဝ်ႉ။

ၺၢၼ်ႇထမ်းတြႃး ဢၼ်ပုတ်ႉထၸဝ်ႈ ႁူႉႁၼ်ၼၼ်ႉ ၵႅၼ်ႇၸဝ်ႈ ၵႂႃႇပိုၼ်ၽႄႈပၼ် တမ်ႈတီႈ ပၺ်ၸဝၵ်ႉၵီႇႁႃႈၸဝ်ႈ ဢွၼ်တၢင်းယဝ်ႉ။ ယွၼ်ႉၼၼ် ပၺ်ႇၸဝၵ်ႉၵီႇ ႁႃႈၸဝ်ႈ ဢၼ်ၸဝ်ႈၵွၼ်းတၺ်ႇၺ ဢွၼ်ႁူဝ်ၼၼ်ႉ ပဵၼ်မႃး လုၵ်ႈၼွင်ႉတပႄးၽြႃးၸဝ်ႈ ဢၼ်ႁိၵ်ႈၸိုဝ်ႈဝႃး သင်ႇၶႃႇၼၼ်ႉ ဢွၼ်တၢင်းသုတ်းပိူၼ်ႈယဝ်ႉ။ ထမ်းတြႃး ထမ်ႇမၸၵ်ႉၵပဝတ်ႉတၼသုတ်ႈၼၼ်ႉၵေႃႈ ပဵၼ်မႃး ထမ်ႈတြႃးႁူဝ်ပိုင်း တီႈၼႂ်းသႃႇသၼႃႇပုတ်ႉထၸဝ်ႈယဝ်ႉ။
တႄႇဢဝ်ၼၼ်ႈမႃးသေ ၼႂ်းၶၢဝ်းတၢင်း 45 ပီၼႆႉ မုၼ်ၶမ်းၽြႃး ဢွၵ်ႇပူၵ်းပွင်သႃႇသၼႃႇ ၽူတ်ႇဢဝ်ဝေႇၼေႇယ သတ်ႉတဝႃႇ ဢွၵ်ႇမူၼ်ႉပူၼ်ႉလွတ်ႈ ၼႂ်းၸိူၵ်ႈၽွတ်ႈ သမ်ႇသရႃႇ တုၵ်ႉၶလူင်ၼၼ်ႉယဝ်ႉ။ ဢဝ်ၸွမ်းပိုၼ်းသေ လွင်ႈဢၼ် ပုတ်ႉထၸဝ်ႈ ပူၵ်းပွင်သႃႇသၼႃႇၼၼ်ႉတႄႉ မီးၼင်ႇတီႈတႂ်ႈၼႆႉယဝ်ႉ။

ၸိူဝ်းၼႆႉ ပဵၼ်ၶၢဝ်းတၢင်းယၢဝ်း ဢၼ်ပုတ်ႉထၸဝ်ႈ ပိုၼ်ၽႄႈပူၵ်းပွင် သႃႇသၼႃႇၼၼ်ႉယဝ်ႉ။ 
သည်။

ပုတ်ႉထၸဝ်ႈ ဢၼ်ပဵၼ် ၽြႃးၼၼ်ႉ မႃးၽူတ်ႇဢဝ် ဝေႇၼႄႇယသတ်ႉတဝႃႇ ဢၼ်ထိူၵ်းၼၼ်ႉသေ မိူဝ်ႈၽွင်း ၿီႇၸီႇ 543 ၼၼ်ႉ ၵႅၼ်ႇၸဝ်ႈ ဢဝ်ပရိၼိပ်ႉပၢၼ်ႇ တမ်တီႈ တိူင်းဝေႇသႃႇလီႇ မိူင်းၶုၼ်မၼ်ႇလႃႇ တီႈသူၼ်ပဝ်း ၶုၼ်မၼ်ႇလႃႇၶဝ်ၼၼ်ႉယဝ်ႉ။ ၽူႈမီးပၺ်ႇၺႃႇၶဝ် လၢတ်ႈဝႇႈ ၶေႃႈသင်ႇသွၼ် ပုတ်ႉထၸဝ်ႈ ၵမ်းလိုၼ်းသုတ်းၼၼ်ႉ မီးတီႈပွင်ႇလိုၵ်ႉ ပုၼ်ႈတႃႇ ၸၢဝ်းပုတ်ႉၶဝ်ၵူၺ်း ဢမ်ႇၵႃး ပုၼ်ႈတႃႇ ၵူၼ်းမိူင်းၶူင်းၵၢင်တင်းသဵင်ႈၵေႃႈ မီးတီႈပွင်ႇလိုၵ်ႉလမ်ႇၵမ်ႇၽီတႄႉ ၼႆယဝ်ႉ။
ၶေႃႈၵႂၢမ်းသင်ႇ ၵမ်းလိုၼ်းသုတ်းၼၼ်ႉတႄႉ 




#Article 93: ပိုၼ်းလိၵ်ႈတႆး (1376 words)


ၸွမ်းဢဝ်ပၢဝ်းဝၢင်းႀီႇဢူဝ်ႇရီႇ(Bow Vow Theory) ဝႃႈ ၵႂၢမ်းလၢတ်ႈၵူၼ်းႁဝ်း တင်းလုမ်ႈၾႃႉယိူင်ႈဢဝ် သဵင်သတ်းတဝႃႇၵူႊင်္သၼ်းင်္သၼ်းသေ ၵိူတ်ႇပဵၼ်မႃးၼႆ။ ၼႆႉ မၼ်းမႃးမိူၼ် ပိုၼ်းပႃႇလိ ၼႂ်းလိၵ်ႈပုတ်ႉထႁဝ်း ဢၼ်ဝႃႈ - ပၢၼ်လုမ်ႈၾႃႉႁူဝ်တီး ၽီသၢင်ၵူၼ်းသတ်း ထွမ်ႇၾင်းၵႂၢမ်းပႃႇလိ ႁူႉပွင်ႇၵၼ်မူတ်း ၼႆၼၼ်ႉယူႇ။

ဢိင်ၼိူဝ်ၽႃႇသႃႇ ၵႂၢမ်းလၢတ်ႈသေ ၸင်ႇၵိူတ်ႇမီးမႃး လိၵ်ႈလၢႆး၊ ၵွပ်ႈလိၵ်ႈလၢႆးပဵၼ် သင်ႇၵေႇတ(ၶိူင်ႈမၢႆ)ၵႂၢမ်းလၢတ်ႈလႄႈ ၸိူဝ်ႉၶိူဝ်းၵူၼ်း ၸိူဝ်းယႂ်ႇမီးၾိင်ႊၵူၼ်း(Social) ယဝ်ႉၼၼ်ႉ ႁူႉတိုၼ်းမီးလိၵ်ႈလၢႆးၵၼ် ၵမ်ႈပႃႈၼမ်ယူႇ။ ၵွႆးၵႃႈ ၼႂ်းထုင်ႉဢေးသျိူဝ်ႊပွတ်းဝၼ်းဢွၵ်ႇ လႄႈ ပွတ်းၸဵင်ႇၸၢၼ်းဝၼ်းဢွၵ်ႇ ၶိူဝ်းၵူၼ်း ဢၼ်ပႆႇမီးလိၵ်ႈလၢႆး(လိၵ်ႈၵိုၵ်းၶိူဝ်းတူဝ်ၵဝ်ႇ)ၵေႃႈ ယင်းတိုၵ်ႉလႆႈႁၼ် မီးယူႇတင်းၼမ်။

ၵူၼ်းၶိူဝ်းတႆးႁဝ်းၵေႃႈ ပေႃးတူၺ်းၼႂ်းပိုၼ်းၸိုင် ပဵၼ်ၶိူဝ်းၵူၼ်း ဢၼ်ပူၵ်းပွင်လႆႈၽိင်ႈၵူၼ်း(Social) တင်းႁိုင်ဢမ်ႇယွမ်းၵၼ် တင်းၶိူဝ်းၶႄႇမႃး။ တင်းၶႄႇတင်းတႆး သၢင်ႈဝၢၼ်ႈမိူင်းမႃး ၼႂ်းပၢၼ် ဢၼ်ဢမ်ႇပေႃးပၢႆႈပိူင်ႈၵၼ် လႄႈ ပေႃးၶိူဝ်းၶႄႇမီးလိၵ်ႈလၢႆးၵေႃႈ ၶိူဝ်းတႆးႁဝ်း ႁူႉတိုၼ်း မီးယဝ်ႉၼႆၼၼ်ႉ ၽႂ်ၵေႃႈ တေဢမ်ႇထဵင်လႆႈယူႇ။

ပေႃးထၢမ်ဝႃႈ - လိၵ်ႈတႆးႁဝ်း တႄႇၵိူတ်ႇမီးမႃး မိူဝ်ႈလႂ်။ ႁဵတ်းႁိုဝ်ပဵၼ်မႃး၊ ၵူၼ်းႁူႉၽူႈလႂ် ၶၢမ်ႇပိုၼ်ႉၼိူဝ်လိၵ်ႈလၢႆးဢီႈသင်သေ ႁဵတ်းဢွၵ်ႇမႃး မိူဝ်ႈၶုၼ်ႁေႃၶမ်းၸဝ်ႈလႂ် ၼႆၼၼ်ႉတႄႉ တေဢမ်ႇမီးၽႂ် ၼႄသၢၵ်ႈသေႇမၼ်းလႆႈ င်္တတ်ႈင်္တတ်ႈတေႃးတေႃးယူႇ။

ၵူၺ်းၵႃႈ ပေႃးလူၼႂ်းပိုၼ်းလၢဝ်း၊ ယူၼ်း၊ ထႆး လႄႈ မၢၼ်ႊၶဝ်ၸိုင် တေလႆႈႁၼ်ဝႃႈ လိၵ်ႈတႆး ၵိူတ်ႇမီးဢွၼ်တၢင်းလိၵ်ႈယူၼ်း(လၢဝ်း၊ ၶိုၼ်)၊ လိၵ်ႈထႆး လႄႈ လိၵ်ႈမၢၼ်ႊလၢႆလၢႆပၢၵ်ႇပီၼႆယူႇ။ လိၵ်ႈယူၼ်း(လၢဝ်း၊ ၶိုၼ်)ၵိူတ်ႇမီးမႃး မွၵ်ႈပီ ၶ.သ 957 ၼီႈ၊ လိၵ်ႈမၢၼ်ႊ သမ်ႉမီးမႃးမွၵ်ႈ ပီ ၶ.သ 1220 သေ လိၵ်ႈထႆးသမ်ႉ မီးမႃး ပီ ၶ.သ 1257 ၼီႈ ၵႃႈၼၼ်ႉ။ လိၵ်ႈတႆးလူင်ၼႆႉ ၼပ်ႉဢၢၼ်ႇဢဝ် ပၢၼ်တင်ႈမိူင်းမၢဝ်း(မိူင်းတိုင်းၶေႃ) မိူဝ်ႈပီ ၶ.သ 764 ၼၼ်ႉမႃး ၵွႆးၵေႃႈ သမ်ႉပေႃးင်္တၵ်ႇင်္လင်းယူႇယဝ်ႉ လွင်ႈဝႃႈ ၵိူတ်ႇမီးဢွၼ်တၢင်း လိၵ်ႈယူၼ်း၊ မၢၼ်ႊလႄႈ ထႆးၼႆၼၼ်ႉ။ 

ၼႂ်းပိုၼ်းလိၵ်ႈတႆး ဢၼ်ၸဝ်ႈၸၢင်း သုၸိင်ႇတႃႇ(တၢင်ႉယၢၼ်း) င်္တမ်ႈဝႆႉမိူဝ်ႈပီ ၶ.သ 1982 ၼၼ်ႉ မီးဝႃႈ ၵူၼ်းၶိူဝ်းတႆးႁဝ်း မီးလိၵ်ႈလၢႆးမႃး ၸဵမ်မိူဝ်ႈဢွၼ်တၢင်းပီ ၶ.သ 2300 ယဝ်ႉ၊ ပၢၼ်ၼၼ်ႉ င်္မၼ်ႈမိူဝ်ႈ ၵူၼ်းတႆးႁဝ်း တိုၵ်ႉယူႇသဝ်း ၸွမ်းသၢပ်ႇၼမ်ႉမႄႈယၢင်ၸိုဝ်ႇ(င်္ယင်းသီႊင်္ၵင်ႊ - တႆးလိုဝ်ႉႁွင်ႉမႄႈၼမ်ႉငၢႆး)ၼၼ်ႉယဝ်ႉၼႆ။ ၽွင်းၼၼ်ႉ ပဵၼ်ၾၢင်ႁၢင်ႊ လိၵ်ႈထူဝ်ႇငွၵ်ႈ မီးတူဝ်လိၵ်ႈ(မႄႈငဝ်ႈ) 18 တူဝ်ၵွၺ်း။ ထိုင်မႃး ပၢၼ်ဢႃႇၼႃႇၸၢၵ်ႈ ၼွင်သႄ လႄႈ ပၢၼ်မိူင်းမၢဝ်းလူင် တူဝ်လိၵ်ႈတႆး င်္လၵ်ႈလၢႆႈၾၢင်ႁၢင်ႊ ပဵၼ်သီႇၸဵင်ႇမႃး၊ ယဝ်ႉသမ်ႉ သိုပ်ႇမူၼ်းမႃးင်္ထင်ႈ ဝႃႈၼႆ။

လႆႈႁၼ် ၼႂ်းပိုၼ်းတႆး ဢၼ်ၸဝ်ႈယၼ်ႇၾုႉ(င်္သၼ်ဝီ)င်္တမ်ႈဝႆႉ မိူဝ်ႈပီ ၶ.သ 1942 ၼၼ်ႉ မီးၸႂ်ၵႂၢမ်းဝႃႈ မိူဝ်ႈပီ ၶ.သ 728 (ၼႂ်းပိုၼ်းၶႄႇ ပဵၼ် 738) ၼႂ်းပၢၼ်တႆးၸဵတ်းမိူင်း (ပိုၼ်းၶႄႇင်္တမ်ႈ ႁူၵ်းမိူင်းၵွႆး) မိူဝ်ႈၶုၼ်ႁေႃၶမ်း မိူင်းၼွင်သႄ ၸဝ်ႈၽီလေႃႇၵေႃ(ၽီလၢဝ်းၵဝ်ႈ)လႄႈ င်္ၵမ်မိူင်း ၸဝ်ႈၵေႃႇလေႃႇၾိုင်(ၵဝ်ႈလၢဝ်းၽူင်း ဢမ်ႇၼၼ် ၶုၼ်လူၽူင်း)ၼၼ်ႉ ၵူၼ်းတႆးႁဝ်း မီးလိၵ်ႈလၢႆးယဝ်ႉယဝ်ႈ။ င်္လပ်ႈတေပဵၼ် လိၵ်ႈတႆးထူဝ်ႇငွၵ်ႈႁိုဝ်ၼႆယူႇ။ လွင်ႈလိၵ်ႈတႆးၼႆႉ ၼႂ်းပပ်ႉင်္မၵ်ႉၵၸိၼ်းတႆး ပီ ၶ.သ 1996 ၼၼ်ႉၵေႃႈ ၼၢင်းယုဝတီႇၵျိင်းၽေႃးမႄႇ င်္တမ်ႈ လွင်ႈၵူၼ်းတႆး လႄႈ လိၵ်ႈတႆး ၼႆၼၼ်ႉဝႃႈ ပၢၼ်ၶုၼ်ႁေႃၶမ်း ၽီလူင်ၵဝ်ႈ(ပိုၼ်းလၢဝ်းတႅမ်ႈ ၶုၼ်ပူဝ်းလုမ်း) မိူင်းၼွင်သႄ မွၵ်ႈပီ ၶ.သ 739 ၼၼ်ႉ ၵူၼ်းတႆးႁဝ်း ပေႃးၸႂ်ႉတိုဝ်း လိၵ်ႈထူဝ်ႇငွၵ်ႈၵၼ် ယဝ်ႉၼႆယူႇ။

ၸိုၼ်ႊၵွၼ်းလၢႆး သမ်ႉင်္တမ်ႈဝႃႈ ဢွၼ်ပီ ၶ.သ 94 ၼၼ်ႉ တႆးႁဝ်းပေႃးႁူႉလၢႆးၼပ်ႉ ပီလိူၼ်ဝၼ်းယၢမ်း မႄႈပီလုၵ်ႈပီ(ၵၢပ်ႇၸႂ်ႈ-လပ်းပဝ်ႈ)ယဝ်ႉလႄႈ ၼပ်ႉလႆႈဝႃႈ ၵူၼ်းတႆးႁဝ်း မီးလိၵ်ႈလၢႆးၸႂ်ႉတိုဝ်း ၸဵမ်မိူဝ်ႈၼၼ်ႉယဝ်ႉၼႆ။ ၼႂ်းပိုၼ်းလိၵ်ႈတႆး မၢင်ၽိုၼ်ၵေႃႈ မီးဝႃႈ မိူဝ်ႈဢွၼ်တၢင်း ပီ ၶ.သ 600 ၼၼ်ႉ မီးၵူၼ်းယၢမ်ႈၶုတ်းႁၼ် လိၵ်ႈထူဝ်ႇငွၵ်ႈ တီႈထုင်ႉၼမ်ႉငၢႆး(င်္ယင်ႊသီႊင်္ၵင်ႊ)ၼၼ်ႉယူႇယဝ်ႉၼႆ။

င်္ထင်ႈသမ်ႉ လွင်ႈလၢဝ်းဢၼ်ၸဝ်ႈၶုၼ်ႁွင် မိူဝ်းဢဝ်ပိတၵၢတ်ႊသၢမ်ၵွင် တီႈမိူင်းၽႃတင်ႈၽႃတေႃႇ(သီရိလင်ႇၵႃႇယၢမ်းလဵဝ်)မႃးမိူင်းတႆးၼၼ်ႉ ၸဝ်ႈယၼ်ႇၾႃႉ လႄႈ ၸဝ်ႈၸၢင်းသုၸိင်ႇတႃႇ ဢိၵ်ႇတင်း ၸဝ်ႈၶူးထမ်ႇမၵေႃႈ ႁၼ်မိူၼ်ၵၼ်ဝႃႈ ပဵၼ်ပီ ၶ.သ 450 (ပီ ၶ.သ 93-94)ၼႆ။ ၽွင်းၼၼ်ႉ ပဵၼ်ပၢၼ်တႆးၼွင်သႄ လႄႈ တႆးမိူင်းမၢဝ်း ႁိူဝ်ႈႁိူင်းထိုင်တီႈ တေလႆႈဝႃႈၼႆယူႇ။ ၵူၼ်းတႆးႁဝ်း မီးလိၵ်ႈလၢႆး ၸဵမ်ပၢၼ်ၼၼ်ႉယဝ်ႉၼႆၼၼ်ႉ ပဵၼ်သၢၵ်ႈသေႇဢၼ် င်္တၵ်ႇင်္လင်းယူႇ ပိူင်ၼိုင်ႈ။ (လွင်ႈၶုၼ်ႁွင်ၶႄႇ၊ ၶႄႇႁွင်ႉၸဝ်ႈယူၼ်ၸၢင်ႊ ဢမ်ႇၼၼ်ၸဝ်ႈၸၢင်း ထင်သၢမ်ၸင်ၵႂုႇဢဝ် ပိတၵၢတ်ႈ မိူင်းဢိၼ်းတိယိူဝ်ႊၼၼ်ႉ ပဵၼ်ပီ ၶ.သ 630။ ပိူင်ႈၵၼ်တင်း ၶုၼ်ႁွင်တႆး မွၵ်ႈ 800 ပီပၢႆပၢႆ၊ လွင်ႈၼႆႉ တႆးႁဝ်း လီဝူၼ်ႉၸွမ်းယူႇ။) ၼႂ်းၽိုၼ်လိၵ်ႈငဝ်းတႆး ပီထူၼ်ႈ(2)မၢႆ-5 ၼၼ်ႉၵေႃႈ ၵူၼ်းပၢႆးပိုၼ်း ၸဝ်ႈၼိုင်ႈ င်္တမ်ႈဝႃႈ ၵူၼ်းတႆးၸိူဝ်းယူႇသဝ်းၸွမ်း ႁိမ်းၼမ်ႉမႄႈယၢင်ႊၸႄႊၼၼ်ႉ မီးလိၵ်ႈလၢႆးၾၢင်ႁၢင်ႊထူဝ်ႇငွၵ်ႈ ၸႂ်ႉၵၼ် ၸဵမ်မိူဝ်ႈဢွၼ်တၢင်း ပီ ​ၶ.သ 600 ယဝ်ႉၼႆယူႇ။ ထိုင်မႃး ပၢၼ်ၸဝ်ႈသိူဝ်ၶၢၼ်ၾႃႉ မိူင်းမၢဝ်းလူင် မွၵ်ႈမီ ၶ.သ 1311 (ၼႂ်းင်္မၵ်ႉၵၸိၼ်းတႆး ဢွၵ်ႇပီ 1996 ဝႃႈ ပဵၼ်ပီ ၶ.သ 1212)ၼၼ်ႉ လိၵ်ႈတႆးထူဝ်ႇငွၵ်ႈ လႆႈယဵၼ်းမႃးပဵၼ် လိၵ်ႈတႆးတူဝ်သီႇၸဵင်ႇသေ ပၢၼ်ၼၼ်ႉႁွင်ႉဝႃႈ လိၵ်ႈတႆးၼိူဝ် ဢမ်ႇၼၼ် လိၵ်ႈတႆးမၢဝ်း။ ၸႂ်ႉၵၼ်သိုပ်ႇမႃးထိုင် ပၢၼ်ၸဝ်ႈလူင်ၶမ်းင်္ၶၼ်ႇၾႃႉ မိူင်းင်္သၼ်ဝီ(ပၢၼ်လဵဝ်ၵၼ်တင်း ၶူးမေႃၸဝ်ႈထမ်ႇမတိၼ်ႇၼ) မိူဝ်ႈပီ ၶ.သ 1565 ၼၼ်ႉ သမ်ႉဢွၼ်ၵၼ်မႄး လိၵ်ႈတႆး ႁႂ်ႈပဵၼ်မႃး တူဝ်မူၼ်းမူၼ်း ၸိူင်ႉလိၵ်ႈမွၼ်း၊ လိၵ်ႈမၢၼ်ႊ လႄႈ ႁဵတ်းသႂ်ႇမၢႆသဵင် 2 သဵင်(သဵင် 4 ၸမ်ႈၼႃႈ - း လႄႈ သဵင် 5 ၸမ်ႈတႂ်ႈ-ႉ)သေ ၸႂ်ႉတိုဝ်းၵၼ်မႃး ၸိူင်ႉၼႆ။)

ပေႃးတေဢဝ် ပၢႆးၵိူဝ်းလီပုတ်ႉထသႃႇသၼႃႇ မႃးင်္တၵ်ႈတူၺ်းလႄႈ ၸွမ်းတီႇဢူဝ်ႇရီႇ ဢၼ်ဝႃႈ မီးသႃႇသၼႃႇၵေႃႈ မီးလိၵ်ႈလၢႆး ၼႆၼၼ်ႉဝႃႈၸိုင် ၵူၼ်းတႆးႁဝ်း မီးလိၵ်ႈလၢႆးမႃး ၸဵမ်မိူဝ်ႈၵူၼ်းတႆးႁဝ်း တႄႇၼပ်ႉယမ် ပုတ်ႉထသႃႇသၼႃႇယဝ်ႉၼႆၼၼ်ႉ တေဢမ်ႇၽိတ်းလႆႈယူႇ။

ၼႂ်းပိုၼ်းတႆးၸဝ်ႈယၼ်ႇၾႃႉင်္တမ်ႈဝႃႈ ၽြုးပဵၼ်ၸဝ်ႈပုတ်ႉထ င်္ၽဝ်ႁွတ်ႈမႃးသင်ႇသွၼ် ၵူၼ်းၽီ ထိုင်မိူင်းသႄ လႄႈ မိူင်းၸေႊၾၢင်(မိူင်းမၢဝ်း)ၼႆသေ ၼႂ်းပိုၼ်းလၢဝ်း၊ ပိုၼ်းထႆးၵေႃႈ င်္တမ်ႈဝႆႉင်္တတ်ႈင်္တတ်ႈတေႃးတေႃးဝႃႈ မိူဝ်ႈဢႃႇၼႃႇၸၢၵ်ႈ တႆးမိူင်းင်္ထၼ်(ၼႂ်းႁုၼ်ႊၼမ် ယၢမ်းလဵဝ်) လႆႈင်္တၵ်ႇပဵၼ်သွင်ၽၢၵ်ႇ(ၶႄႇႁွင်ႉ မိူင်းယီႊၸဝ်ႈ)ၼၼ်ႉ ၶုၼ်လူင်ႁၢၼ်မိူင်း (ၶႄႇႁွင်ႉႁဵၼ်လီႊ)ၶိူဝ်းတႆးဢၢႆႈလၢဝ်း ၵိၼ်မိူင်းငၢႆး လၢဝ်းယူႇပွတ်းႁွင်ႇ လႄႈ ၶုၼ်လူင်ၸိုဝ်းမၢဝ်း(ၶႄႇႁွင်ႉ လီမဝ်ႊ)ၶိူဝ်းတႆးဢၢႆႈလၢဝ်းၵိၼ်မိူင်း  ၽႃယႆး(ပေးငၢႆး)ယူႇပွတ်းၸၢၼ်းၼႆ။ ၼႂ်းပၢၼ် သွင်မိူင်းသွင်ၶုၼ် ၼႆႉၼင်ႇၵဝ်ႇ ၵူၼ်းတႆးႁဝ်း တႄႇၼပ်ႉယမ် ပုတ်ႉထသႃႇသၼႃႇ (ၼိၵၢႆးမႁႃႇယၢၼ်း) မိူဝ်ႈပီ ၶ.သ 69 (ပ.သ 612 )ၼၼ်ႉမႃးၼႆယဝ်ႉ။ ၽွင်းၼၼ်ႉ ၸုမ်းတႆး ဢၢႆႈလၢဝ်းၶိူဝ်းတႆးမိူင်း သမ်ႉပေႃး ပူၵ်းတင်ႈလႆႈ ဢႃႇၼႃႇၸၢၵ်ႈ ၵဵင်းင်္သၼ်(မိူင်းယူၼ်း)ႁိုင်လၢႆပၢၵ်ႇပီယဝ်ႉယဝ်ႈ။

ၼႂ်းသဝ်လၵ်းႁိၼ်မိူင်းမၢဝ်း သမ်ႉမီးဝႃႈ သႃႇသၼႃႇပုတ်ႉထ ထိုင်မိူင်းမၢဝ်းမွၵ်ႈပီ ၶ.သ 804 ၼႆသေ ၼႂ်းၽိုၼ်ထမ်း သင်ႇၵႃႇယၼႃႇ တွၼ်ႈလိၵ်ႈႁူဝ်ထမ်းၸူႉ တီႈၼႃႈလိၵ်ႈ(4)ဢၼ် ၸဝ်ႈဝိလႃႇသ ဝၢၼ်ႈႁႆး(ၸေႊလၢၼ်ႉ)င်္တမ်ႈၼၼ်ႉၵေႃႈ ပႃးဝႃႈ ဝၢႆးၽြုးပဵၼ်ၸဝ်ႈယဝ်ႉ 450 ပီ ၸဝ်ႈရႁၢၼ်းတႃႇ100 တူၼ် ဢွၼ်ၵၼ် ပိၼ်ႇင်္တမ်ႈပိတၵၢတ်ႈသၢမ်ၵွင်။ ဝၢႆးၼၼ်ႉ ၸဝ်ႈသေႃးတ(င်္လပ်ႈတေပဵၼ်ၸဝ်ႈသေႃးၼ) လႆႈဢဝ်ပုတ်ႉထသႃႇသၼႃႇ ၶဝ်ႈမႃးၽႄႊမုၼ်း ၼႂ်းမိူင်းတႆးၼႆ။ (ၼႂ်းပပ်ႉပီမႂ်ႇတႆး လႄႈ ႁိူဝ်းၾၼ် - ပီ 1995 )ၼႂ်းပိုၼ်းတႆးယၼ်ႇၾႃႉသမ်ႉဝႃႈ ၵူၼ်းတႆးႁဝ်း(တႆးလူင်)တႄႇၼပ်ႉယမ် ပုတ်ႉထသႃႇသၼႃႇ (ပၢႆးယူၼ်း)ဢၼ်ၶူးဝႃးလူင် ၸဝ်ႈၺႃႇၼၵမ်ႇၽီႇရ မိူင်းၵဵင်းမႆႇ မႃးၸွမ်းၶႆႈႁႃၽြုးၸဝ်ႈသိယိင်ၵ(ယူၼ်းႁွင်ႉဝႃႈၽသိင်) တီႈမိူင်းင်္သၼ်ဝီ ၼႂ်း ပၢၼ်ၸဝ်ႈလူင် ၶမ်းင်္ၶၼ်ႇၾႃႉ မိူဝ်ႈပီ ၶ.သ 1540 ၼၼ်ႉၵွႆး။ ဢွၼ်ၼႃႈၼၼ်ႉ ယင်းပႆႇၼပ်ႉယမ်သႃႇသၼႃႇ ဝႃႈၼႆ။ လွင်ႈၼႆႉ ၵူၼ်းပၢႆးပိုၼ်း ၸၢဝ်းဢင်းၵိတ်းသ် Edmund Leach င်္တမ်ႈ မိူဝ်ႈပီ ၶ.သ 1937 ၼၼ်ႉ(ဢဝ်ၸွမ်းပိုၼ်းမၢၼ်ႊ)ဝႃႈ မိူဝ်ႈၸဝ်ႈလူင်မိူင်းယၢင်း လႄႈ လုၵ်ႈၸၢႆးၸဝ်ႈ ၸဝ်းသိူဝ်ႁူမ်ႇၾႃႉ(မၢၼ်ႊဝႃႈသိူဝ်ႁၢၼ်ၾႃႉ)တိုၵ်းပႄႉ မိူင်းဢႃႈဝ(မွၵ်ႈပီ ၶ.သ 1527 ) ၼၼ်ႉ ၵူၼ်းတႆးယင်းပႆႇၼပ်ႉယမ် ပုတ်ႉထသႃႇသၼႃႇ ဝႃႈၸိူင်ႉၼႆဝႆႉယူႇ။

ၵွႆးၵႃႈ ၸဝ်ႈၼၢင်းမွၼ်းလႃႈ(မၢင်ၽိုၼ်ဝႃႈ ၸဝ်ႈၼၢင်းမွၼ်းလၢဝ်) လုၵ်ႈယိင်းၸဝ်ႈလူင် ႁူမ်ႇမိူင်း(ၸဝ်ႈၶုၼ်တုမ်ႇ)မိူင်းမၢဝ်း လႆႈၵႂုႇပဵၼ် မေးၼၢင်းၵွႆႈ ၶုၼ်ႁေႃၶမ်းဢၼေႃႇရထႃႇ မိူင်းပူးၵမ်ႇ မိူဝ်ႈပီ ၶ.သ 1057 ၼၼ်ႉ ပေႇႁူၸဝ်ႈၼၢင်းမွၼ်းလႃႈ ပဵၼ်ပေႇႁူမူမ်ႇထၢတ်ႈၶမ်းၽြုးပဵၼ်ၸဝ်ႈၼႆ။ သွၼ်ႇလႆႈဝႃႈ မိူင်းမၢဝ်း လႆႈၼပ်ႉထိုဝ် သႃႇသၼႃႇပုတ်ႉထယဝ်ႉၼႆလႄႈ လၵ်းႁိၼ်မိူင်းမၢဝ်း တေထုၵ်ႇင်္မၼ်ႈယူႇၼႆယဝ်ႉ။

ပေႃးဢဝ်ၸွမ်း ပိုၼ်းလၢဝ်းဝႃႈ ၵူၼ်းတႆတႄႇၼပ်ႉယမ် ပုတ်ႉထသႃႇသၼႃႇမႃး ၸဵမ်မိူဝ်ႈ ပၢၼ်မိူင်းယီႊၸဝ်ႈ(မွၵ်ႈပီ ၶ,သ 69)ၼၼ်ႉယဝ်ႉလႄႈ လိၵ်ႈတႆးႁဝ်းၵေႃႈ တေၵိူတ်ႇမႃး ၸဵမ်ပၢၼ်ၼၼ်ႉယူႇၼႆၼၼ်ႉ တေဢမ်ႇလႆႈဝႃႈ ပူၼ်ႉတီႈၼင်ႇၵဝ်ႇယဝ်ႉ။ (မႁႃႇသိလႃးဝီးရဝူင်း 1996) င်္ထင်ႈလၢႆးၼိုင်ႈ ပေႃးမႃးထတ်းတူၺ်း လိၵ်ႈတႆးႁဝ်း ၸဵမ်ဢဝ်လိၵ်ႈထူဝ်ႇငွၵ်ႈ၊ လိၵ်ႈတႆးၼိူဝ်၊ လိၵ်ႈတႆးမၢဝ်း လႄႈ လိၵ်ႈတႆးလူင် ပၢၼ်ၵဵင်းဝီမႃး တေႃႇထိုင်ပၢၼ်ၼႆႉၸိုင် လႆႈႁၼ်ၸႂ်ႉတိုဝ်းၵၼ် 18 တူဝ်ၵွႆး၊ ဢမ်ႇမီးတဵမ် 41 တူဝ် မိူၼ်လိၵ်ႈသၼ်သၵရိတ်ႉ လႄႈ ပႃႇလိ။ ယွၼ်ႉၼၼ်လႄႈ ပေႃးတေဢွၵ်ႇၵႂၢမ်းႁၼ်ဝႃႈ လိၵ်ႈတႆးႁဝ်း ၵိူတ်ႇမီးမႃးဢွၼ်တၢင်း ၸဵမ်မိူဝ်ႈၵူၼ်းတႆးႁဝ်းပႆႇၼပ်ႉထိုင် ပုတ်ႉထသႃႇသၼႃႇယဝ်ႉၼႆၼၼ်ႉၸိုင် ပဵၵ်ႉဝႃႈ ဢမ်ႇမီးသၢၵ်ႈသေႇၵေႃႈ ၽႂ်တေဢမ်ႇထဵင်လႆႈယူႇ။

သၢၵ်ႈသေႇ(တီႈဢၢင်ႈဢိင်) လွင်ႈလိၵ်ႈလၢႆးတႆး ဢၼ်ပႃးၼႂ်းပိုၼ်းၶႄႇ ဢၼ်ၵူၼ်းပၢႆးပိုၼ်းၸၢဝ်းၶႄႇ လုင်းၸၢင်ႊၵူင်ႊၸိင်ႇ ႁႃႁွမ်င်္တမ်ႈဝႆႉ ၼႂ်းပပ်ႉ“ၵူၼ်းတႆးၼႂ်းမိူင်းၶႄႇ”(ပွတ်းယုၼ်ႊၼၢၼ်ႊ) ၸွမ်းၼင်ႇသၢၵ်ႈသေႇၶႄႇ မီးမိူဝ်ႈပီ ၶ.သ 1937 ၼၼ်ႉ လႆႈႁၼ်င်္တမ်ႈဝႆႉ မီးၼင်ႇၼႆ- သႃႇသၼႃႇပုတ်ႉထ င်္ၽဝ်ထိုင်မိူင်းတႆး ၼႂ်းယူၼ်ႊၼၢၼ်ႊ(ၼွင်သႄ) ၸဝ်ႉသုတ်းၵေႃႈ တေမွၵ်ႈပီ ၶ.သ 600-800။ ယဝ်ႉၵေႃႈ ဢမ်ႇတူၵ်းလိုၼ်းပီ ၶ.သ 1300 ပဵၼ်ၼႂ်းဝူင်ႈၵၢင် ပၢၼ်ၸဝ်ႈဝူင်ႉၶႄႇ ၶိူဝ်းထင် လႄႈ ၶိူဝ်းသွင်ႉၼႆယူႇ။

ပၵ်းယဵမ်ႈဝၼ်းလိၵ်ႈတႆး(Tai Calendar) ဢၼ်ႁၼ်ႁူဝ်တီး(ဢွၼ်တၢင်းပိူၼ်ႈ) ၼႂ်းယုၼ်ႊၼၢၼ်ႊ ပဵၼ်ပၵ်းယဵမ်ႈဝၼ်းတႆး(လိၵ်ႈတႆး) ဢၼ်ႁဵတ်းဢွၵ်ႇမိူဝ်ႈပီ ၶ.သ 638 (ၼႂ်းပီ 1997 ၼႆႉ ႁိုင်ထိုင် 1359 ပမႃးယဝ်ႉ)။ င်္မၼ်ႈပၢၼ်ၸဝ်ႈဝူင်ႉၶႄႇထႆႉၸူင်ႊဝၢင်တီႇ ၶိူဝ်းထင် (Tang Dynasty) လႄႈ ပၢၼ်ၸဝ်ႈမိူင်းၼွင်သႄ ၸဝ်ႈသိုဝ်ႉၼူႇလေႃႇ(ပိုၼ်းတႆးတၢင်ႇၽိုၼ်ဝႃႈ သိူဝ်ၼေႃႇလၢဝ်း၊ သိူဝ်လုၵ်ႈလၢဝ်၊ ထႆးႁွင်ႉ ၶုၼ်သိၼ်လူင် လႄႈ လၢဝ်းသမ်ႉဝႃႈ သိူဝ်ၼေႃႇလၢဝ်း)ၼႆၼၼ်ႉယူႇ။

ၸၢဝ်းၶႄႇ(လုင်းၸၢင်ႊၵူင်ႊၸိင်ႇ) င်္ၸၵ်ႇၼႄၽႄဝႆႉဝႃႈ ၵႂၢမ်းလၢတ်ႈလႄႈ လိၵ်ႈလႆႈတႆး ယူႇၼႂ်းၵိင်ႇၽႄ ၵႂၢမ်းလၢတ်ႈ လႄႈ လိၵ်ႈလၢႆး ၸုမ်းသူင်ႉတႆး(တႆးသူင်ႉ) ၽႃႇသႃႇၵႂၢမ်းလၢတ်ႈမိူၼ်ၵၼ်တင်း တႆးသူင်ႉ၊ တႆးတူင်ႉ၊ တႆးသုၺ်ႇ၊ တႆးၽိင်၊ တႆးတူၼ်း၊ တႆးမၢဝ်း၊ တႆးလိုဝ်ႉ၊ တႆးၶိုၼ်၊ တႆးင်္လမ်း၊ တႆးယူၼ်း၊ တႆးလၢဝ်း၊ တႆးထႆး၊ တႆးဢႃႊႁူမ်၊ တႆးင်္လင်၊ တႆးလမ်၊ တႆးၼိူဝ်၊ တႆးလူင် လႄႈ တႆးၶမ်းတီႈ ၸဵမ်ၸိူဝ်းၼႆႉ။


ၼႂ်းၵႃႈ လိၵ်ႈတႆးၼႂ်းယုၼ်ႊၼၢၼ်ႊ(4)င်္သၼ်းၼႆႉ တေသိုပ်ႇလၢတ်ႈၼႄ လိၵ်ႈတႆးၼိူဝ် (လိၵ်ႈတႆးမၢဝ်း ဢမ်ႇၼၼ် လိၵ်ႈတႆးတႂ်ႈၶူင်း)ၼၼ်ႉ င်္သၼ်းလဵဝ်ၵွႆး။ ၵွပ်ႈဝႃႈ မၼ်းၵပ်းၵၢႆႇလူၺ်ႈ လိၵ်ႈတႆးလူင်(လိၵ်ႈတႆးယႂ်ႇ)။

လိၵ်ႈတႆးၼိူဝ်(ဢမ်ႇၼၼ် လိၵ်ႈတႆးမၢဝ်း၊ ဝၢႆးမႃးယဵၼ်းပဵၼ်လိၵ်ႈတႆးလူင် ဢၼ်ၸႂ်ႉတိုဝ်း ၼႂ်းမိူင်းတႆး 33 ၸဝ်ႈၾႃႉ)ၼႆႉ ၼႂ်းယုၼ်ႊၼၢၼ်ႊ ၸႂ်ႉတိုဝ်း ၼႂ်းၸုမ်းတႆးၼိူဝ် လႄႈ တႆးမၢဝ်း ၸိူင်ႉၼင်ႇမိူင်းမၢဝ်း၊ မိူင်းၵိုင်မႃႉ၊ မိူင်းၶျုင်ႊင်္ၸင်ႊ၊ မိူင်းၸိူၼ်ႉၶင်ႊ၊ မိူင်းၸင်ႊယူၼ်၊ မိူင်းၸိၼ်ႊၵူႇ(မိူင်းဝေႃႇ) မိူင်းၸဵင်ႊတုင်ႊ(မိူင်းၵႃႈ ဢမ်ႇၼၼ် ၵဵင်းတုင်ၼွႆႉ)မိူင်းင်္မၼ်း၊ မိူင်းလူးလူင်၊ မိူင်းၸိၼ်ႊၽိင်၊ မိူင်းယူၼ်င်္ၸင်ႊ၊ မိူင်းယူၼ်ယု၊ မိူင်းမီႇလေႃႇ၊ မိူင်းဝိုၼ်သၢၼ်ႊ လႄႈ မိူင်းမၢဝ်းပွတ်းၸၢၼ်းၼမ်ႉမၢဝ်း ၸဵမ်ၸိူဝ်းၼႆႉ။

ထိုင်မႃး ပၢၼ်ၸိုင်ႈၶႄႇၶွမ်ႇမိဝ်ႇၼိသ်ႉတ် လႆႈမႄးလိၵ်ႈတႆးၼိူဝ် ဢမ်ႇၼၼ် လိၵ်ႈတႆးမၢဝ်း ႁႂ်ႈမီးသဵင်ဢၼ်င်္တတ်ႈတေႃး 6 သဵင်မႃး မိူဝ်ႈပီ ၶ.သ 1950-51 ၼၼ်ႉင်္ထင်ႈ(ႁွင်ႉဝႃႈလိၵ်ႈတႆးတႂ်ႈၶူင်း)ၼႆသေ ၸႂ်ႉတိုဝ်းၵၼ် တေႃႇထိုင်ဝၼ်းမိူဝ်ႈၼႆႉ။

ပေႃးမႃးႁုပ်ႈတူၺ်း ဢၼ်င်္တမ်ႈၼႄမႃး ပႃႈၼိူဝ်တင်းမူတ်းၼႆႉ ဢၼ်မီးၼမ်ႉၼၵ်းသေ ပိူၼ်ႈတင်း ပၢႆးပိုၼ်း လႄႈ ပၢႆးထတ်းလီလီၼႆၸိုင် လၢတ်ႈလႆႈၸိူင်ႉၼင်ႇၼႆ- လိၵ်ႈတႆးႁဝ်း (လိၵ်ႈတႆးလူင်)င်္ၸၵ်ႇလႆႈသၢမ်ပၢၼ်၊ ပၢၼ်လိၵ်ႈတႆးၼိူဝ်၊ ပၢၼ်လိၵ်ႈတႆးမၢဝ်း လႄႈ ပၢၼ်လိၵ်ႈ တႆးလူင်(လိၵ်ႈတႆးတႂ်ႈၵေႃႈႁွင်ႉ)။ ၼႂ်းၼႆႈၼႆႉ-

မိူဝ်ႈပၢၼ်ဢင်းၵိတ်းသ် ၸဝ်ႈၾႃႉတႆးႁဝ်း လႆႈႁူမ်ႈၵၼ် တင်ႈပဵၼ် ပတေႇသရိတ်ႈၶွင်ႇသီႇသေ ႁွင်ႉၸိုဝ်ႈမိူင်းတႆး ပတ်းပိုၼ်ႉယၢမ်းလဵဝ်ဝႃႈ မိူင်းတႆးၵမ်ႇပေႃးၸၼႆ မိူဝ်ႈပီ ၶ.သ 1922 ၼၼ်ႉမႃး။ ၼပ်ႉလႆႈဝႃႈတင်ႈတႄႇပီ 1922 မႃးၾၢႆႇၼႆႉ လိၵ်ႈတႆး လႆႈၽႄႈၸွတ်ႇၵႂုႇ ၼႂ်းမိူင်း ၵူႊတီႈတီႈယဝ်ႉၼႆယူႇ။

ထိုင်မႃး ဢွၼ်တၢင်း ၼႃႈလွတ်ႈင်္လဝ်းသဝ်းၶေႃ(မိူင်းႁူမ်ႈတုမ်မိူင်းမၢၼ်ႊ) မိူဝ်ႈမွၵ်ႈပီ ၶ.သ 1940 ၼၼ်ႉ ၸဝ်ႈၸၢင်းဝိၸယႃႇၼၼ်ႇတ ဢွၼ်ႁူဝ် ဢဝ်ၵူၼ်းမီးပိုၼ်ႉႁူႉ ၸၢဝ်းတႆးႁဝ်း ၵမ်ႈၽွင်ႈသေ မႄးလိၵ်ႈတႆးလူင်င်္ထင်ႈ။ ၽိူမ်ႉသႂ်ႇင်္ထင်ႈ မႄႈၵပ်းမၼ်း ဢၼ်ထုၵ်ႇလီမီးလီပဵၼ် ၼၼ်ႉယဝ်ႉဢမ်ႇၵႃး မႄးႁဵတ်းပႃး မၢႆသဵင်မၼ်းၽိူမ်ႉင်္ထင်ႈ။ (ယူႇတီႈသၢမ်သဵင် ပဵၼ်မႃးႁႃႈသဵင်၊ သႂ်ႇင်္ထင်ႈသဵင် 2 ယၵ်း -ႇ လႄႈ သဵင် 3 ယၵ်းၸမ်ႈ -ႈ ၸိူင်ႉၼႆ။) ၵူၼ်းႁုၼ်ႊလင် ၸိူင်ႉသူၸဝ်ႈႁဝ်းၶႃႈ ၸင်ႇလႆႈႁဵၼ်းငၢႆႈ လႄႈ င်္တမ်ႈဢၢၼ်ႇငႆႈ ၼႂ်းယၢမ်းလဵဝ်ၼႆႉယဝ်ႉ။ တင်ႈတႄႇ ပီၼၼ်ႉမႃး လိၵ်ႈတႆးလူင်ႁဝ်း လႆႈင်္ၸၵ်ႇပဵၼ်လိၵ်ႈတႆးၵဝ်ႇ လႄႈ လိၵ်ႈတႆးမႂ်ႇၼႆမႃး တေႃႇမိူဝ်ႈလဵဝ်ၼႆႉယဝ်ႉ။

လိၵ်ႈတႆးၵဝ်ႇၼၼ်ႉ ယွၼ်ႉပိူဝ်ႈ ပႆႇပေႃးၵုမ်ႇထူၼ်ႈ ပုၼ်ႈတႃႇ သဵင်လၢတ်ႈၵႂၢမ်းတႆးၼႆလႄႈ ထိုင်မႃး (1940) ၸဝ်ႈသြႃႇဝိၸယၼၼ်ႇတ (သႅၼ်ဝီႁွင်ႇ) ၸင်ႇၶိုၼ်းမူၼ်ႉမႄး ႁႂ်ႈမီးတူၼ်းသဵင် ႁႃႈသဵင်ယဝ်ႉ။ ၵူၺ်းၵႃႈ လိၵ်ႈဢၼ်မႄးၶိုၼ်းၼႆ့ သမ်ႉၺႃးၽွင်း သိုၵ်းၵမ်ႇၽႃႇပွၵ်ႈၵမ်းသွင်လႄႈ ၸင်ႇလႆႈဢဝ်ၵိုတ်းယိုတ်းၵႂႃႇဝႆႉယူႇ။  
ဝၢႆးသိုၵ်းၵမ်ႇၽႃႇ ပွၵ်ႈသွင်ယဝ်ႉသေ ဝၢႆးလွတ်ႈလႅဝ်းသဝ်းၶေႃယဝ်ႉၸင်ႇ ၸဝ်ႈသၢႆမိူင်း ဢွၼ်ႁူဝ်သေ ၶိုၼ်းၽွတ်ႈၵေႃႇမတီႇလိၵ်ႈတႆး ၸွမ်းၼင်ႇ သဵၼ်ႈမၢႆတီႈတႂ်ႈၼႆႉယဝ်ႉ။

ၶဝ်ၸိူဝ်းၼႆႉ မႃးတႅမ်ႈ ၸွမ်းၼင်ႇ ၶေႃႈဢၼ်ၵေႃႇမတီႇပပ်ႉႁဵၼ်းလိၵ်ႈတႆး တႅပ်းတတ်းဝႆႉ မိူဝ်ႈမႃးၶိုၼ်ႈပၢင်ၵုမ်ၽွမ်ႉၵၼ် တီႈလုမ်းၽၢႆႇပၺ်ႇၺႃႇမိူင်းတႆး မိူဝ်ႈ (24.1.1958) တေႃႇထိုင် (29.1.1958) ၼၼ်ႉယဝ်ႉ။ 

ၼင်ႇႁိုဝ်တေတူၵ်းထုၵ်ႇ မႅၼ်ႈၸွမ်း ထုင်းၾိင်ႈပပ်ႉႁဵၼ်းလိၵ်ႈတင်းလၢႆၼၼ်ႉ လူင်ပွင်ၸိုင်ႈတႆး ၸင်ႇဝႆ့မူႇၸုမ်းထၢတ်ႈသၢင်လိၵ်ႈ ဢၼ်တေသႂ်ႇပႃး ၼႂ်းပပ်ႉႁဵၼ်းၼၼ်ႉယဝ်ႉ။ 

ၸုမ်းၼႆႉလႄႈ ၵဝိသီႇၵေႃႉၼၼ်ႉ ၸဵတ်းဝၼ်းၼိုင်ႈပွၵ်ႈ ဢုပ်ႇၵၼ် ထတ်းသၢင်မူၼ်ႉမႄး တီႈလုမ်းၽၢႆႇပၺ်ႇၺႃႇ ၸိုင်ႈတႆးၼၼ်ႉသေ ၸင်ႇလႆႈ ပေႃႉဢွၵ်ႇပဵၼ်ၽိုၼ်ပပ်ႉႁဵၼ်းလိၵ်ႈတႆးမႂ်ႇ တႃႇသွၼ်ၼႂ်းႁူင်းႁဵၼ်း တင်းလၢႆယဝ်ႉ။ ၽိုၼ်ပပ်ႉၸိူဝ်းၼႆႉ တႅမ်ႈဝႆႉ တေႃႇထိုင်ၸၼ်ႉသိပ်းယဝ်ႉသေတႃႉ ဢၼ်တၼ်းလႆႈ ပေႃႉဢွၵ်ႇမႃးတႄႉ ၸၼ်ႉငဝ်ႈ တေႃႇ ၸၼ်ႉႁူၵ်းၵူၺ်း။ လႆႈပေႃႉဢွၵ်ႇမိူဝ်ႈလိူၼ် ၵျူႇလၢႆႇ 1961 ၼၼ်ႉယဝ်ႉ။ တီႈၼႃႈသိူဝ်ႈပပ်ႉဢၼ် ပေႃႉဢွၵ်ႇမႃးၼၼ်ႉ သမ်ႉပဵၼ်ႁၢင်ႈႁူဝ်သိူဝ်ဝႆႉလႄႈ လိၵ်ႈတႆးမႂ်ႇၼႆႉၵေႃႈ ၸင်ႈဢွၼ်ၵၼ် ႁွင်ႉဝႃႈ လိၵ်ႈႁူဝ်သိူဝ် ၼႆယဝ်ႉ။ 

ဢဵၼ်းဢၢၼ်း ၶုၼ်လူင်ၽၢႆႇပၺ်ႇၺႃႇမိူင်းတႆးတႄႉ ပဵၼ်တႃႇၽွၼ်းလီတႆးသေ တၢင်ႇထိုင်လူင်ပွင်ၸိုင်ႈတႆး၊ လႆႈၶေႃႈပူင် ႁႂ်ႈသွၼ်ၼႂ်းႁူင်းႁဵၼ်းလႄႈ ႁဵတ်းဢွၵ်ႇ ပပ်ႉႁဵၼ်းလိၵ်ႈသေတႃႉၵေႃႈ တၼ်းလႆႈသွၼ်ထိုင် ၼႂ်းပီ 1962 ၵူၺ်း။ ယွၼ်ႉလိၵ်ႈတႆးမႂ်ႇဢွၵ်ႇမႃးလႄႈ ပၼ်ႁႃ လိၵ်ႈၵဝ်ႇ လႄႈ လိၵ်ႈမႂ်ႇၵေႃႈ ပဵၼ်မႃးယူႇယဝ်ႉ။ 
ပီ 1962 ၵွင်ႇၸီႇလုၵ်ႉၽိုၼ်ႉ (တော်လှန်ရေးကောင်စီ) ၶိုၼ်ႈမႃးသိမ်းဢဝ် ဢႃႇၼႃႇၵႂႃႇလႄႈ လွင်ႈၵၢၼ်ပၢႆးမိူင်းၼႆႉ မႃးယွၼ်ႈထိုင် လိၵ်ႈတႆးယူႇယဝ်ႉ။ ထိုင်မႃး 1964 လိူၼ်ၵျုၼ်ႇ (22) ဝၼ်း၊ လုင်းၵျေႃႇၸေႃး ၽူႈဢဝ်ပုၼ်ႈၽွၼ်း ၵူမ်းထၢၼ်ၽၢႆႇၽၼ်ႇတႃႇလႄႈ ၽၢႆႇၵဵပ်းၶွၼ်ႇ မိူင်းတႆး(ရှမ်းပြည်နယ် ဦးစီးအဖွဲ့ဘဏ္ဍာရေးနှင့် အခွန်တော်ဌာနတာဝန်ခံ) ၸင်ႇႁွင်ႉပၢင်ၵုမ် ပွၵ်ႈၵမ်းၼိုင်ႈ ၽွတ်ႈပဵၼ်ၸုမ်းတႃႇပႂ်ႉပႃး ၽိင်ႈထုင်း လိၵ်ႈလၢႆးၽိင်ႈငႄႈသေ ဢုပ်ႇၵၼ် လွင်ႈလိၵ်ႈတႆး ဢၼ်ပူင်သွၼ် ၼႂ်းႁူင်းႁဵၼ်းၼၼ်ႉ ယွၼ်ႉပိူဝ်ႈ မီး(လိၵ်ႈၵဝ်ႇ တင်း လိၵ်ႈမႂ်ႇ) သွင်ဢၼ်လႄႈ တေလႆႈသိုပ်ႇဢဝ် ဢၼ်လႂ်ပူင်သွၼ်ၼႆယဝ်ႉ။ ထိုင်မႃး 1964 လိူၼ်ၵျူႇလၢႆႇ (16) ဝၼ်း ပၢင်ၵုမ်ပွၵ်ႈၵမ်းသွင်ၼၼ်ႉ ၸင်ႇယႃႉပႅတ်ႈ လိၵ်ႈတႆးမႂ်ႇ ဢၼ်လူင်ပွင်ၸိုင်ႈ(ပၢၼ်ပႃႇလီႇမၢၼ်ႇ) ႁဵတ်းမႃးၼၼ်ႉသေ ၶိုၼ်းမၵ်းမၼ်ႈဝႃႈ ႁႂ်ႈဢဝ်လိၵ်ႈတႆးၵဝ်ႇသွၼ်ၼႆယဝ်ႉ။ 
ၶေႃႈတႅပ်းတတ်းဢၼ်ၼၼ်ႉ လုမ်းၵူမ်းထၢၼ်မိူင်းတႆး (ရှမ်းပြည်နယ်ဦးစီးအဖွဲ့ရုံး) ဢဝ်မၢႆလိၵ်ႈ 25-ရပ(ၶ) 66 သေ ၸတ်းၵၢၼ်ၵႂႃႇယဝ်ႉ။ မၢႆလိၵ်ႈ 25-ရပ(ၶ) 66 တႅပ်းတတ်းၵႂႃႇဝႃႈ -

လိၵ်ႈတႆးမႂ်ႇ ဢၼ်တႄႇပဵၼ်တူဝ် ပဵၼ်တိၼ်ႇမႃး မိူဝ်ႈ 1955 ၼၼ်ႉ ထိုင်မႃး 1966 လႆႈၵိုတ်းယိုတ်း လွင်ႈပူင်သွၼ်ၵႂႃႇယူႇယဝ်ႉ။ တႃႇတေပူင်သွၼ်ၼၼ်ႉ လိၵ်ႈတႆးၵဝ်ႇၵေႃႈ သမ်ႉဢမ်ႇမီး လၵ်းသုတ်ႇ တႃႇႁဵတ်းပဵၼ်ပပ်ႉသင်လႄႈ လွင်ႈပူင်သွၼ်လိၵ်ႈတႆး ၼႂ်းႁူင်းႁဵၼ်း ဝၢႆးႁၢႆၵႂႃႇပႅတ်ႈယဝ်ႉ။ 

ၵ ၶ င ၸ သ ၺ တ ထ ၼ
ပ ၽ မ ယ ရ လ ဝ ႁ ဢ
(မၢႆတွင်း။ ။မႄႈသဵင်ငဝ်ႈလိၵ်ႈတႆး မီး 16 တူဝ်ၵွႆး။ ဝၢႆးမႃး သႂ်ႇင်္ထင်ႈ ၺ တင်း ရ သေ ၸင်ႇ ပဵၼ်မႃး 18 တူဝ် ၶဝ်ႈၸႂ်ၸိူင်ႉၼႆ။)။

(ဢၼ်ႁဵတ်းဢွၵ်ႇၼႂ်းပၢၼ်“မ”ႁႃႈတူဝ်)
ၵ ၻ ၿ

ၵျ ၵြ ၵွ ၵျွ ၾ(ၽ+ဝ=ၽႂ+ၾ?)။

ဢ ဢု ဢိ ဢီ ဢု ဢူ ဢေ
ဢႄ ဢူဝ် ဢေႃ  ဢိုဝ် ဢိူဝ်။

ၼွၵ်ႈသေလိၵ်ႈၶႄႇၵႂုႇ ၵႃႈပဵၼ်လိၵ်ႈၶိူဝ်းၵူၼ်းၼႂ်းလုမ်ႈၾႃႉၼႆႉ ဢမ်ႇဝႃႈလိၵ်ႈဢင်း ၵိတ်းသ်၊ လိၵ်ႈပႃႇလိ၊ လိၵ်ႈဢီႇၵျိပ်ႉ၊ လိၵ်ႈသီႇႁူဝ်ႇ၊ လိၵ်ႈၶွမ်၊ လိၵ်ႈပိဝ်ႇ၊ လိၵ်ႈမွၼ်း-လိၵ်ႈ ၶမဵၼ်၊ လိၵ်ႈမၢၼ်ႊ၊ လိၵ်ႈယူၼ်း လႄႈ လိၵ်ထႆး ပႃးတင်းလိၵ်ႈတႆးလူင် လႆႈၶၢမ်ႇပိုၼ်ႉၼိူဝ် လိၵ်ႈပြုႇမီႇ(မိူင်းၵလႃးဢိၼ်းတိယိူဝ်ႊသေ လတ်းင်္ပင်ႁဵတ်းပဵၼ်မႃးလွၼ်ႉလွၼ်ႉ လဵပ်ႈႁဵၼ်း ႁၼ်င်္မၼ်ႈၸိူင်ႉၼႆ။)
လိၵ်ႈပြုႇႁ်မီႇ လႆႈတႄႇမီးမႃးၼႂ်းမိူင်းၵလႃးဢိၼ်းတိယိူဝ်ႊ ၸဵမ်မိူဝ်ႈဢွၼ်ပီၶရိတ်ႉသ် 500(BC  500)တေႃႇထိုင် ၶ.သ 300(AD 300)ၼႆ၊ ၼႂ်းပၢၼ်ၶုၼ်ႁေႃၶမ်းသီရိထမ်ႇမႃႇသေႃးၵ(မွၵ်ႈ AD 300)ၼၼ်ႉ လိၵ်ႈပြုႇရ်မီႇ လီႈၽႄႈႁိူင်းၸွတ်ႇတူဝ်ႈမိူင်းဢိၼ်းတိယိူဝ်ႊ လႄႈ ၽႄႈၸွတ်ႇၵႂုႇလၢႆလၢႆမိူင်းၸွမ်းလူၺ်ႈငဝ်းလၢႆးလၢႆလၢႆပိူင်ၼႆယူႇ။ ယဝ်ႉၵေႃႈ လိၵ်ႈပြုႇရ်မီႇၼႆႉ င်္မင်ႇပဵၼ်(2)သၢႆသွင်တၢင်းသေ ၽႄႇၶဝ်ႈမႃးတၢင်းပွတ်းဢေးသျိူဝ်းဝၼ်းဢွၵ်ႇ လႄႈ ၸဵင် ၸၢၼ်းဝၼ်းဢွၵ်ႇၸိူင်ႉၼင်ႇၼႆ-

သၢႆတီႈ(1)-ဝၢႆးသေ ဢႃႇၼႃႇၸၢၵ်ႈမေႃးရိယ ၶွင်ၶုၼ်ႁေႃၶမ်းသီရိထမ်ႇမႃႇသေႃးၵလႆႈ လူႉပင်းၵႂုႇယဝ်ႉၼၼ်ႉ တၢင်းပွတ်းႁွင်ႇမိူင်းၵလႃးဢိၼ်းတိယိူဝ်ႊ မီးၶိူဝ်းၶုၼ်ၵုသျၼ်ႊ လႄႈ ၶိူဝ်းၶုၼ်ၵုပ်းတ(ၵုတ်ႉတ)ၵိူတ်ႇမီးမႃးထတ်းတၢမ်းၵၼ် လႄႈ လႆႈသိုပ်ႇဢဝ်လိၵ်ႈပြုႇရ်မီႇမႃးမႄး လတ်းႁဵတ်းပဵၼ် လိၵ်ႈၵုသျၼ်ႊ လႄႈ လိၵ်ႈၵုပ်းတ ၸွမ်းၶၼ်ႈတွၼ်ႈပၢၼ်မၼ်းမႃး။ ယဝ်ႉ ၵေႃႈသိုပ်ႇယဵၼ်းမႃးပဵၼ်လိၵ်ႈၼႃႇၵရီ(တေႇဝၼႃႇၵရီႇ)ၼႆယဝ်ႈ။ သၢႆပွတ်းႁွင်ႇၼႆႉ ၽႄႇၶိုၼ်ႈ မႃးထိုင် မိူင်းပိဝ်ႇ၊ မိူင်းမွၼ်း(သုထမ်ႇမဝတီ)လႄႈ ဝၢႆးလိုၼ်းမႃးယဵၼ်းမႃးပဵၼ် လိၵ်ႈပိဝ်ႇ၊ လိၵ်ႈမွၼ်း လႄႈ လိၵ်ႈမၢၼ်ႊ တေႃႇထိုင်ပၢၼ်ၼႆႉၼႆႉယူႇ။

သၢႆတီႈ(2)-သၢႆၼႆႉၵေႃႈ ဝႆးသေဢႃႇၼႃႇၸၢၵ်ႈမေႃးရိယ ၶွင်ၶုၼ်သီႇရိထမ်ႇမႃသေႃးၵ လႆႈလူႉပင်းင်္လဝ်ၵႂုႇယဝ်ႉၼၼ်ႉ တၢင်းပွတ်းတႂ်ႈ(ပွတ်းၸၢၼ်း)မိူင်းဢိၼ်တိယိူဝ်ႊ လႆႈမီႈၶိူဝ်းၶုၼ်ဢၼ်ႇထ၊ ၶိူဝ်းၶုၼ်ပၢၼ်လဝ လႄႈ ၶိူဝ်းၶုၼ်ၸူဝ်းရ တင်းဢႃႇၼႃႇၸၢၵ်ႈထတ်းတၢမ်းၵၼ် ပဵၼ်ပၢၼ်ပဵၼ်ပၢၼမႃး။ ယဝ်ႉၵေႃႈ လႆႈဢဝ်လိၵ်ႈပြုႇရ်မီ လတ်းင်္ပင်ႁဵတ်းပဵၼ်မႃး လိၵ်ႈပၸ်ႉ သိမ၊ လိၵ်ႈၸႃႇလုၵျုႉ လႄႈ လိၵ်ႈတမီးလ်သေ ၸႂ်ႉၸွမ်းပၢၼ်ၽႂ်ပၢၼ်မၼ်းၼႆယူႇ။
သၢႆတီႈသွင်ၼႆႉ လႆႈလႆလွင်ႈလူင်းမႃးတၢင်းၸၢၼ်းၶိူဝ်းယႂ်းယႂ်းသေ ၽႄႈၶဝ်ႈထိုင်မိူင်း သီႇႁူဝ်ႇ၊ မိူင်းၶွမ်၊ မိူင်းၶမဵၼ်၊ မိူင်းမွၼ်း(တွုႇရုႇဝတီႇ)(မၢႆတွင်း-မၼ်း(သုထမ်ႇမဝတီ)ပဵၼ် မွၼ်းမိူင်းမၢၼ်ႊ၊ မွၼ်း(တွုႇရုႇဝတီႇ)ပဵၼ်မွၼ်းမိူင်းထႆး ၼႂ်းပၢၼ်ၵွၼ်ႇ။)လႄႈ မိူင်းယူၼ်း၊မိူင်းထႆးသယၢမ်၊ ယဝ်ႉ ၵမ်းလိုၼ်းသုတ်း လႆႈယဵၼ်းမႃးပဵၼ် လိၵ်ႈသွင်ႁုၼ်၊ လိၵ်ႈၶွမ်၊ လိၵ်ႈၶမဵၼ်၊ လိၵ်ႈယူၼ်း၊ လိၵ်ႈမွၼ်း(တွုႇရုႇဝတီႇ)လႄႈ လိၵ်ႈထႆး၊ လၢဝ်း-ၶိုၼ်-လိုဝ်ႉ- င်္လမ်း တေႃႇထိုင်ပၢၼ်မိူဝ်ႈလဵဝ်ၼႆယဝ်ႈ။
ၼွၵ်ႈသေ ၵဵင်ႇသၢႆယႂ်ႇယႂ်ႇ (2)သၢႆၼႆယဝ်ႉ ယင်းလႆႈႁၼ်မီးင်္ထင်ႈသၢႆဢွၼ်ႇသၢႆဢိတ်း လၢႆလၢႆသၢႆ။ ၼႂ်းၼၼ်ႉၶဝ်ႈၸႂ်ဝႃႈ မီးလိၵ်ႈပြုႇရ်မီ မီးင်္ထင်ႈသၢႆၼိုင်ႈလုၵ်ႉမိူင်းၵလႃးဢိၼ်းတိ ယိူဝ်ႊပွတ်းၼိူဝ် ၶဝ်ႈတၢင်းမိူင်းတိင်္ပတ်ႈ(Tibet)ထိုင်ၵႂုႇမိူင်းသႄလူင်(ယီႊၼၢၼ်ႊ ဢမ်ႇၼၼ် ယုၼ်ၼၢၼ်)ၼႂ်းပၢၼ်ၶုၼ်ႁေႃၶမ်းဢသေႃးၵၼၼ်ႉၼင်ႇၵဝ်ႇၼႆယူႇ။ ဝၢႆးမႃး လႆႈယဵၼ်းမႃးပဵၼ် လိၵ်ႈတႆးယီႊ(ပၢႆယီး)၊ ယဝ်ႉလႆႈသိုပ်ႇမႃးပဵၼ်လိၵ်ႈတႆးၼိူဝ်(ပၢၼ်ၼၼ်ႉ ႁွင်ႉလိၵ်ႈထူဝ်ႇငွၵ်ႈ) လႄႈ လိၵ်ႈတႆးမၢဝ်း။ ၵမ်းလိုၼ်းသုတ်း ၸင်ႇလႆႈယဵၼ်းပဵၼ်မႃးပဵၼ်လိၵ်ႈတႆးလူင် ၼႆၵေႃႈဢမ်ႇၽိတ်းယေႊ။ ၵူၺ်းၵႃႈ ၼႂ်းပိုၼ်းတႆးမၢဝ်း လႄႈ တႆးလူင်ၶဝ်တႄႉ င်္တမ်ႈဝႆႉဝႃႈ တူဝ်လိၵ်ႈ ထူဝ်ႇငွၵ်ႈ ဢၼ်ပဵၼ်တူၼ်ႈတေႃလိၵ်ႈတႆးမၢဝ်း လႄႈ လိၵ်ႈတႆးလူင်ၼၼ်ႉ ၵိူတ်ႇမီးမႃး ၸဵမ် မိူဝ်ႈပၢၼ်တႆးသၢမ်မိူင်း(မိူင်းလုင်း၊ မိူင်းပႃး လႄႈ မိူင်းငဵဝ်ႉ)ၼၼ်ႉယဝ်ႉၼႆယူႇ။

ပေႃးဢဝ်ၸွမ်းလိၵ်ႈင်္ၽၼ်ႇသဝ်ႁိၼ်(Inscription-stone)ၸၢင်းပိဝ်ႇ၊ ၶွမ်ႇ၊ မွၼ်း၊ ၶ မဵၼ် လႄႈ ယူၼ်း၊ လၢဝ်း၊ ထႆး ဢၼ်ၶူၼ်ႉႁုႁၼ်ၼၼ်ႉဝႃႈၸိုင် လိၵ်ႈပြုႇရ်မီႁေႈလႆဢွၵ်ႇ မိူင်းဢိၼ်းတိယိူဝ်ႊသေ AD 1st Century တေႃႇ AD 8th Century ၵွႆးၼႆၼၼ်ႉၵွႆး။
ၵူၼ်းၶိူဝ်းတႆးႁဝ်းၼႆႉ ပေႃးဢဝ်မႃးင်္တၵ်ႈၵၼ်တင်းႁူဝ်ၵူၼ်းလုမ်ႈၾႃႉၸိုင် လႆႈဝႃႈမီး ဢိတ်းဢွၼ်ႇဢွတ်းၼိုင်ႈၵွႆး။ ၼၼ်သေတႃႉပေႃးမႃးတူၺ်းပၢႆးၾိင်ႈငႄႈ လႄႈ ၽႃႇသႃႇ(ၵႂၢမ်း လၢတ်ႈ လိၵ်ႈလၢႆး)ၸိုင် လၢတ်ႈလႆႈတဵမ်ပၢၵ်ႇဝႃႈ မီးၼမ်လိူဝ်ၸိူဝ်ႉၶိူဝ်းဢိုၼ်ႇၶဝ်တႄႉတႄႉ။ ၸွမ်းၼင်ႇ(ၽူႈင်္တမ်ႈ)လႆႈလဵပ်ႈႁဵၼ်းယိုၼ်းထိုင်ၼၼ်ႉ ပၢႆးတိတ်းတေႃႇသိုဝ်ႇသၢၼ်ၼႂ်းတူင်ႇဝူင်း ၵူၼ်း ၵူၼ်းၶိူဝ်းတႆးႁဝ်းမီးၼမ်လိူဝ်ပိူၼ်ႈၼႆၵေႃႈဝၢႈလႆႈယူႇ။ ၸူၵ်းဢဝ်တူဝ်ယၢင်ႇပၢႆးလိၵ်ႈလႆးၵွႆး ၵေႃႈပေႃးမီးၼမ်ၼႃႇယဝ်ႉ ၸိူင်ႉၼင်ႇ-

ၸဵမ်ၸိူဝ်းၼႆႉ(ဢၼ်တိုၵ်ႉၶူၼ်ႉႁၼ်)မီးပဵၼ် (18)သႃၶႃ။

လိၵ်ႈတႆးတင်း(18)င်္သၼ်းၼႆႉ ပေႃးင်္ၸၵ်ႇႁတ်းပဵၼ်ၸုမ်းၸုမ်းၸိုင် တေႁၼ်လႆႈၸိူင်ႉ ၼႆယူႇ။

ၸုမ်းတီႈၼိုင်ႈၼႆႉ ၸႂ်ႉလၵ်းပိူင်မႄႈသဵင်ငဝ်ႈ(ဢၵ်ႉၶရဝိထီ) သၢမ်တူဝ်မိူၼ်ၵၼ်။ ၸိူင်ႉၼင်ႇ က  ၶ င ၸ သ ၺ လႄႈ ၸႂ်ႉတူဝ် က လူင် (ၵသွင်ႁွင်ႈ) ပဵၼ်တူဝ်တႄႇငဝ်ႈ မႄႈသဵင်ငဝ်ႈ မိူၼ်ၵၼ်တင်းၸဵတ်းၶိူဝ်း။

ၸုမ်းတီႈသီႇၼႆႉသမ်ႉ ၸႂ်ႉလၵ်းပိူင်မႄႈသဵင်ငဝ်ႈ(ဢၵ်ႉၶရဝိထီ)ၸိူင်ႉၸုမ်းတီႈသၢမ်ႁႃႈတူဝ် ႁႃႈတူဝ် ၵ ၶ ၵ ဃ ถ ၊ သ ဇ - ည ၼင်ႇၵဝ်ႇ။ ၵွႆးၵႃႈ မီးတူဝ် ၵ ဢွၼ်ႇပဵၼ်တူဝ်တႄႇ ငဝ်ႈမႄႈသဵင်ငဝ်ႈ တင်းသၢမ်ၶိူဝ်း။ ဢမ်ႇမီးၸႂ်ႉတူဝ် က လူင်(ၵ သွင်ႁွင်ႈ)ၸိူင်ႉၼင်ႇၸုမ်းတီႇ သၢမ်။

ၵႃႈပဵၼ်လိၵ်ႈလၢႆးၸိူဝ်ႉၶိူဝ်းတႆးႁဝ်းၼႂ်းလုမ်ႈၾႃႉ 18-19 င်္သၼ်း(ဢၼ်တိုၵ်ႉသွၵ်ႈၶူၼ်ႉ ႁႃႁၼ်)ၼႆႉ ပေႃးဢဝ်ၸွမ်းႁွႆးပိုၼ်းဝႃႈၸိုင် တေႁၼဝႃႈ လိၵ်ႈတႆးၼိူဝ် ၵိူတ်ႇမီးဢွၼ်တၢင်း ပိူၼ်ႈ(တီႈၼႆႈ လိၵ်ႈတႆးထူဝ်ႇငွၵ်ႈ လႄႈ တႆးၼိူဝ် ၼပ်ႉပဵၼ်ဢၼ်လဵဝ်ၵၼ်)။ တၢမ်းမႃးပဵၼ် လိၵ်ႈတႆးယီႊ၊ တၢမ်းမႃးင်္ထင်ႈ ပဵၼ်လိၵ်ႈတႆးမၢဝ်း။ ယဝ်ႉ မႃးလိၵ်ႈတႆးယူၼ်း၊ ယဝ်ႉသမ်ႉလိၵ်ႈ ထႆးၼႆသေ ယဝ်ႉမႃးၸင်ႇလိၵ်ႈတႆးလူင်ၼႆ ၵဵၼ်ၵၢပ်ႈပဵၼ်ပၢၼ်မႃးၸိူင်ႉၼႆယူႇယဝ်ႉ။ တီႈၼႆႈ ဝႃႈလူၺ်ႈ လိၵ်ႈတႆးလူင်မိူဝ်ႈပၢၼ်ၵဵင်းဝီ)။

ၼႂ်းပိုၼ်းမိူင်းတႆး လႄႈ ပိုၼ်းၶိူဝ်းတႆး ဢၼ်ၶိူဝ်းင်္သၼ်င်္တမ်ႈ(1996)ၼၼ်ႉ လႆႈ ႁၼ်ပႃးဝႃႈ မိူဝ်ႈပီ ၶ.သ 1416 ပၢၼ်ၸဝ်ႈၶမ်းၵၢႆႇၾႃႉင်္သၼ်ဝီၵေႃႈလႆႈဢွၼ်ၵၼ်မႄးတူဝ်လိၵ်ႈ တႆးမႃးပွၵ်ႈၼိုင်ႈၼႆ။ ဢၼ်ၶႃႈႁဝ်းၽူႈလဵပ်ႈႁဵၼ်းပိုၼ်းလိၵ်ႈတႆး ဢမ်ႇႁၼ်ၸွမ်းတႄႉ ပဵၼ် တွၼ်ႈပိုၼ်းလိၵ်ႈတႆး ဢၼ်ၶိူဝ်းင်္သၼ်င်္တမ်ႈဝႆႉၼၼ်ႉယဝ်ႉ။ ၼႂ်းတွၼ်ႈၼၼ်ႉ ၶိူဝ်းင်္သၼ်င်္တမ်ႈ ဝႃႈလိၵ်ႈတႆးၼႆႉ ပဵၼ်ၶုၼ်ၽိၼ်ႇၼၵရိတ်ႊမိူင်းတႃႊၵွင် ပဵၼ်ၽူႈၶူင်ႁဵတ်းဢွၵ်ႇ၊ မိူဝ်ႈၼၼ်ႉ
ပဵၼ်လိၵ်ႈတႆးတူဝ်လၢဝ်ႈ ဢမ်ႇၼၼ်တူဝ်လိၵ်ႈသၼ်သၵရိတ်ႊ။ လိၵ်ႈတႆးတူဝ်လၢဝ်ႈၼႆ ယိူင်ႈ ဢဝ်(ႁဵတ်းပိူင်ဢဝ်)တူဝ်လိၵ်ႈဢၼ်ၶုၼ်ၵလႃးဢၽိရႃႇၸႃႇၶဝ် လႆႈမႃးတီႈမိူင်းၵေႃးလိယ(ၼႂ်း မိူင်းၵလႃးဢိၼ်းတိယိူင်ႊ)ၼၼ်ႉသေ လတ်းင်္ပင်ႁဵတ်းမႃးဝႃႈၼႆ။ သမ်ႉဝႃႈင်္ထင်ႈ လိၵ်ႈထႆး၊ လိၵ်ႈယူၼ်း၊ လၢဝ်းၶဝ်ၵေႃႈယိူင်ႈဢဝ်လိၵ်ႈတႆးတူဝ်လၢဝ်ႈၼႆႉၵႂုႇႁဵတ်းလွၼ်ႉလွၼ်ႉၼႆၼၼ်ႉ ယူႇယဝ်ႉ။ ၸွမ်းၼင်ႇၽူႈလဵပ်ႈႁဵၼ်းပိုၼ်းလိၵ်ႈတႆး(ၶႃႈႁဝ်း)ၶဝ်ႈၸႂ်တႄႉ လိၵ်ႈတႆးႁဝ်းဢမ်ႇမႃး ၸိူင်ႉၼၼ်၊ လိၵ်ႈယူၼ်းလိၵ်ႈထႆး လႄႈ လိၵ်ႈလၢဝ်းမႃးတၢင်းသၢႆဢိၼ်းတိယိူဝ်ႊပွတ်းၸၢၼ်း၊ ထိုင်မိူင်းတွုႇရႃႇဝတီႇ၊ ယဵၼ်းပဵၼ်မႃး လိၵ်ႈၶွမ်-လိၵ်ႈၶမဵၼ် လႄႈ လိၵ်ႈမွၼ်း။ ဝၢႆးၼၼ်ႉ ၵူၼ်းတႆးၸိူဝ်းပဵၼ်ၸုမ်းယူၼ်းလၢဝ်း ထႆး ၸင်ႇယိူင်ႈႁဵၼ်းဢဝ်မႃးပဵၼ်လိၵ်ႈယူၼ်း လိၵ်ႈလၢဝ်း လႄႈ လိၵ်ႈထႆး၊ လိၵ်ႈတႆးလူင်ႁဝ်းသမ်ႉ မႃးတီႈလိၵ်ႈတႆးမၢဝ်း လႄႈ လိၵ်ႈတႆးၼိူဝ်။ မိူင်းတႆး ၼိူဝ်သမ်ႉ ယူႇတီႈမိူင်းသႄ ယီႊၼၢၼ်ႊ(ယုၼ်ႊၼၢၼ်ႊ)။ ငဝ်ႈၶၢမ်ႇမၼ်းမႃးတီႈ လိၵ်ႈပြုႇရ်မီ လႄႈ သၼ်သၵရိတ်ႊ(သၵ်ႉၵတ)သေတႃႉ ၶဝ်ႈၸႂ်ဝႃႈ တေလုၵ်ႉတၢင်းဢိၼ်းတိယိူဝ်ႊပွတ်းႁွင်ႇ ၶဝ်ႈၵႂုႇတၢင်းမိူင်းတိင်္ပတ်ႉသေ ထိုင်မႃးၼႂ်းမိူင်းသႄလႄႈ ၵူၼ်းတႆးႁဝ်း ၸင်ႇယိူင်ႈႁဵတ်းလတ်း ဢဝ်မႃးပဵၼ်လိၵ်ႈတႆး(ပၢၼ်ၼၼ်ႉ တိုၵ်ႉပဵၼ်တူဝ်လိၵ်ႈထူဝ်ႇငွၵ်ႈ)။ ပေႃးဢဝ်ၸွမ်းႁွႆး ပိုၼ်းၸိုင် တေပဵၼ်လႆႈၸိူင်ႉၼႆ။ ၵွႆးၵႃႈတူဝ်မႄႈလိၵ်ႈတႆး သမ်ႉလႆႈႁၼ်ပႃးမီးၼႂ်းလၵ်းသဝ် ႁိၼ်ပၢၼ်ၶွမ် မွၼ်း ၶမဵၼ် ၼႂ်းမိူင်းထႆးယူႇပဵၼ်လၢႆလၢႆတီႈဝႆႉလႄႈ လၢတ်ႈလႆႈဝႃႈ လိၵ်ႈတႆး ၵေႃႈမႃးတီႈလိၵ်ႈ ၶွမ်၊ မွၼ်း၊ မိူၼ်ယူၼ်း ထႆးၶဝ်ၵေႃႈ ပဵၼ်လႆႈယူႇၾၢႆႇၼိုင်ႈယဝ်ႉ။

ႁႂ်ႈပေႃးသွၵ်ႈၶူၼ်ႉႁႃလႆႈ ပိုၼ်းလိၵ်ႈတႆး(တႆးမၢဝ်း၊ တႆးလူင်)တေႃႇငဝ်ႈထိုင်ပၢႆထူၼ်ႈ ထူၼ်ႈတဵမ်တဵမ်ၼၼ်ႉ မုင်ႈမွင်းႁႃၽူႈႁူႉ လႄႈ ၵူၼ်းပၢႆးပိုၼ်း၊ ပၢႆးၶွင်မွၼ်တႆးႁဝ်း ႁူမ်ႈမိုဝ်းၵၼ် ဢွၵ်ႇင်္ႁင်းတူဝ်င်္ႁင်းၸႂ် လႄႈ င်္ႁင်းငိုၼ်းသေ တင်ႈမုၵ်ႉၸုမ်းၶူၼ်ႉသွၵ်ႈ  ႁႃႁွမ်ဢဝ် ၼႂ်းပိုၼ်း ၸိူဝ်ႉၸၢတ်ႈတႆးၵူႊၶိူဝ်းၼႂ်းလုမ်ႈၾႃႉယူႇ။

သၢႆင်္ပၼ်း၊ 2008 ...ၵူပ်ႇ ႁူဝ်ႉ 17 ၼႃႈလိၵ်ႈ 8 ထိုင် 23။




#Article 94: ပိုၼ်းၵႅပ်ႈ ထုင်ႉသၼ်လွႆၶိူဝ်း (666 words)


ပိုၼ်းၵႅပ်ႈ မိူင်းသၼ်လွႆၶိူဝ်း 

ၽၢင်ႁၢင်ႈမိူဝ်ႈၽႂ်ပၢႆႇမႃးယူႇ မိူင်းသၼ်လွႆၶိူဝ်း

မိူင်းသၼ်လွႆၶိူဝ်း ဢမ်ႇၼၼ် ထုင်ႉသၼ်လွႆၶိူဝ်းၼႆႉ မိူဝ်ႈၵွၼ်ႇတွၼ်းဢွၼ်ၼၼ်ႉ ပဵၼ်ပႃႇထိူၼ်ႇပႃႇၶိူဝ်း ပႃႇၵေႃမႆႉႁူၵ်း မႆႉသၢင်းလူင်မီးဝႆႉယူႇ။ ယၢမ်းၼင်ႇၼၼ်ၼၼ်ႉ ဢမ်ႇပၢႆႇမီးၸၢဝ်းၶိူဝ်းလႂ်မႃးယူႇသဝ်း။ လွႆၸၢင်ႉလူင် လွႆၶိူဝ်းဢၼ်ဝႃႈၼႆႉၵေႃႈ ဢမ်ႇပၢႆႇမီးၽႂ် လၢတ်ႈဝႃႈမိူၼ်လွႆၸၢင်ႉ။ 

ပီႈၼွင်ႉလၢႆးၶႃႈ ပၢင်လူင် သူင်ၵၼ်ၶႆႉႁႃတီႈယူႇမႂ်ႇ

ၽၢၼ်ႇပူၼ်ႉမႃးမွၵ်ႈပၢၵ်ႇႁူၵ်းသိပ်းပီလိူဝ်လိူဝ်ၼၼ်ႉ ပဵၼ်ပၢၼ် မိူင်းၶေႇၼႆၵေႃႈ ပဵၼ်ပၢၼ် မၢဝ်ႇ ၸီႇတုင်း၊ မိူင်းတႆးၵေႃႈ ပဵၼ်ပၢၼ်ၸဝ်ႈၾႃႉၶဝ်ဢုပ်ႉပိူင်ႇၽွင်းငၢမ်း သမ်ႉမႅၼ်ႈယၢမ်း ပၢၼ်ဢင်းၵိတ်ႉၶဝ် တေႇယဵပ်ႇယၢင်ႈၶဝ်ႈမႃးမိူင်းတႆး၊ ပၢၼ်ၼၼ်ႉ မိူင်းတႆးသုၵ်ႉယုင်ႈဝႆႉ ပဵၼ်ပွတ်း ပဵၼ်တွၼ်ႈ ႁဵတ်းၼၼ်သေ ၸိူဝ်းပွတ်းၼင်လိၼ် လၢႆးၶႃႈ မိူင်းၵိုင် ပၢင်လူင် ၵေႃႈ သုၵ်ႉယုင်ႈဝႆႉ။ ၸိူဝ်းၵမ်ႈၽွင်ႈ ဢၼ်ဢမ်ႇယူႇလႆႈ လႆႈၶၢႆႉလႆႈပၢႆႈၵေႃႈမီး ပဵၼ်ႁိုဝ်ၵေႃႈလီ လွင်ႈသုၵ်ႉယုင်ႈ ဢၼ်ဝႃႈၼၼ်ႉ ပဵၼ်သၽႃႇဝမိူင်းၵူၼ်းယဝ်ႉ။ၽွင်းယၢမ်းၼင်ႇၼၼ် ၸိူဝ်းပီႈၼွင်ႉ ပၢင်လူင်လၢႆးၶႃႈ ၸိူဝ်းမီးၵၢင်ၸႂ်ၶႆႈၶႆႉႁႃတီႈယူႇမႂ်ႇၼၼ်ႉ ၸင်ႇဢွၼ်ၵၼ် တေႃႉၶူဝ်းတေႃႉလဵင်းသေ လတ်းၽၢၼ်ႇ သၼ်လွႆလူင်မႃး ၽွင်းမႃးထိုင်တီႈ လွႆၸၢင်ႉမိူင်းၵိုင်ၼၼ်ႉ ၸင်ႇဢွၼ်ၵၼ်မႃးလိုဝ်ႈႁိူဝ်ႉလိုဝ်ႈၸႂ်သေ ဢွၼ်ၵၼ်သင်ၵႂၢမ်းလီမင်ႇၵလႃႇဝႃႈ // သမ်ႉဝႃႈႁဝ်းႁႃး ဢွၼ်ၵၼ်လႆႈၽၢတ်ႇယၢၼ် ဝၢၼ်ႈၵိူတ်ႇမိူင်းၼွၼ်းႁဝ်းယဝ်ႉ ၵႂႃႇတင်ႈၵႂႃႇတေႇဝၢၼ်ႈမႂ်ႇ မိူင်းမႂ်ႇတီႈလႂ်ၵေႃႈ ၼင်ႇႁိုဝ် ၸိူဝ်းလုၵ်ႈပၢၼ်လၢၼ်ႁဝ်းပေႃးတေႁူႉၸၵ်းဝၢၼ်ႈၵိူတ်ႇမိူင်းၼွၼ်းႁဝ်း လႆႈၼၼ်ႉ ႁဝ်းဢွၼ်ၵၼ ်ပၼ်ၸိုဝ်ႈ ဝၢၼ်ႈၵိူတ်ႇမိူင်းၼွၼ်းဢၼ်ႁဝ်းယူႇမႃးၼႆႉတႃႉ၊ //  ၼႆယဝ်ႉ။ ၽွင်းမိူဝ်ႈလႆႈယူႇ ၼိူဝ်လွႆၸၢင်ႉ မိူင်းၵိုင်ၼၼ်ႉ မုင်ႈၵႂႃႇတီႈဝၢၼ်ႈၵိူတ်ႇမိူင်းၼွၼ်းၼၼ်ႉ လႆႈႁၼ်ၵႂၢၼ်းၾႆး ဢွၼ်ႇသွမ်ႇလမ်မိုတ်းၶိုၼ်ႈမိုတ်းၶိုၼ်ႈဝႃႈၼႆ။ ၼႆႉပဵၼ်တင်းမွင်ၸႂ်ဢွၼ်ၵူၼ်းထဝ်ႈၶဝ် ၶႆႈၼေ လၢတ်ႈၼေ လုၵ်ႈၼေလၢၼ်ၶဝ်ပွတ်းဢွၼ်ႇတွၼ်ႈၼိုင်ႈ။
သုိပ်ႇသေၼၼ်ႉ ဢွၼ်ၵၼ်လတ်းၽၢၼ်ႇ သၼ်လွႆတူင်ႇလဝ်း သိုပ်ႇၶၢဝ်းတၢင်းထိုင် ဝၢၼ်ႈလီႈ ၸင်ႇမုင်ႈႁၼ်တီႈ လွႆလူင်သုင်သုင် တူၼ်မႆႉၶဵဝ်မုင်းသုမ်ႇ ၸင်ႇလႆႈလတ်းၽၢၼ်ႇ ၽၢႆႇတၢင်း ၼႃႈဝၼ်း ဢွၵ်ႇဝၢၼ်ႈလီႈ ထုင်ႉလိၼ်ၼမ်ႉလၼ်ႈ မိူဝ်ႈၼၼ်ႉသေ ၸင်ႇလႆႈဢွၼ်ၵၼ်ၶတ်းၸႂ် ပႆၽွင်းၸၢမ်ထုိင် ပႃႇထိူၼ်ႇလွႆလူင်ဢၼ်ပၢႆႇမီးၸိုဝ်ႈ ၼၼ်ႉ ၼႃႈမိူင်းၸၢမ်ႁႃႇလူိင်ဝႃႈၼႆ။ ၸင်ႇဢွၼ်ၵၼ်မၢႆတွင်းဝႃႈလွႆပႃႇထူိၼ်ႇပႃႇၶိူဝ်းလူင်ၼႆယဝ်ႉ။

ပုိၼ်းဝၢၼ်ႈဝူဝ်းၵႃ ဢမ်ႇၼၼ် ဝၢၼ်ႈဝွၵ်းၵၢၵ်ႇ

တီႈဢၼ်ပူႇမွၼ်ႇၼၢႆးမွၼ်ႇၶဝ်မႃးသဝ်းဢွၼ်တၢင်းသုတ်းၼၼ်ႉ ပဵၼ်တီႈ ပဵင်းႁူဝ်ၼမ်ႉႁွင်ႇ တီႈ ၽၢႆႇႁွင်ႇ ၢၼ်ႈဝူဝ်းၵႃ ဢမ်ႇၼၼ် ဝၢၼ်ႈဝွၵ်းၵၢၵ်ႇ ယၢမ်းလဵဝ်ၼႆယဝ်ႉ။ ၽွင်းၶဝ် ဢွၼ်ၵၼ်လိုဝ်းသဝ်းၼၼ်ႉ ၶဝ်လႆႈ ပတ်ႇဢဝ် ယႃႈၵွၼ်ႇ ႁဵတ်းဢၼ်သိူဝ်ဢၼ်ၵၢင်ႈ ဢၼ်မုင်း ၶဝ်မႃးဝႃႈၼႆ။ ၽွင်းၶဝ်မႃးၼၼ်ႉ လင်ႁိူၼ်းဢွၼ်ႇၶဝ် တေမီးမွၵ်ႈ သိပ်းဢဵတ်းသိပ်းသွင ်လင်ၵူၺ်းဝႃႈၼႆ။ ဢွၼ်ၵၼ်ယူႇသဝ်းမႃးၼင်ႇၼၼ် ၶဝ်ဢၼ်ပႃးမႃးၵေႃမူတ်း ၽႂ်မၼ်းလႄႈ ဢွၼ်ၵၼ် ၶုတ်းၵိၼ်မုၵ်း ႁူဝ်မၼ်း တွႆႇၵိၼ်မၢၵ်ႇၵေႃႇယုမ် ဢုပ်ႉၵိၼ်မွၼ် ႁဵတ်းၼင်ႇၼႆမႃးၼႆယဝ်ႉ။
ယူႇႁိုင်မႃးၵေႃႈ ဢွၼ်ၵၼ်ႁဵတ်းႁၢႆႈ ႁဵတ်းသူၼ် ၽုၵ်ႇၶဝ်ႈ ၽုၵ်ႇၽၢၵ်း ဢွၼ်သေ လဵင်ႉၼႃႈႁိူၼ်းၽႂ်ၼႃႈႁိူၼ်းမၼ်းမႃး။ မိူဝ်ႈၼၼ်ႉပဵၼ်ပၢၼ်ဝူဝ်းတင်ႇလႄႈ ၸိူဝ်းပႃးဝူဝ်းမႃးၵေႃႈ လႅၼ်ႈၵပ်းသုိပ်ႇ ႁႃသုိဝ်ႉၶဝ်ႈ သုိဝ်ႉၵုၼ်ႇ ၼႆယဝ်ႉ။ ၽွင်းယၢမ်းယူႇႁိုင်မႃးၸင်ႇ ဢုပ်ႇၵုမ်ၵၼ်တႃႇတေတင်ႇၸိုဝ်ႈဝၢၼ်ႈ လႆႈၸႂ်ၵၼ်ပၼ်ၸိုဝ်ႈဝၢၼ်ႈဝႃႈ ဝၢၼ်ႈဝူဝ်းၵႃလမ် ဢမ်ႇၼၼ် ဝၢၼ်ႈဝူဝ်းလမ်ၼႆယဝ်ႉ။ မိူဝ်ႈဢွၼ်တၢင်းၵေႃႈ ထၢင်ႇတေလႅပ်းဢွၼ်ၵၼ်တင်ႇၸိုဝ်ႈဝႃႈ ဝၢၼ်ႈဝူဝ်း လမ် ဝၢၼ်ႈဝူဝ်းၵႃလမ်မႃးႁိုဝ်။ ယၢမ်းလဵဝ်ၸင်ႇၼႆႉ မူိဝ်ႈဢွၼ်တၢင်းႁွင်ႉၸုိဝ်ႈ ဝၢၼ်ႈဝူဝ်းၵႃလမ် ၼႆသေတႃႉၵေႃႈ ဝၢႆးမႃးဢွၼ်ၵၼ်ႁွင်ႉဝႃႈ ဝၢၼ်ႈဝူဝ်းၵႃ ၼႆၵူၺ်း။ ထုိင်မႃးပၢၼ်ပုိတ်ႇ ႁူင်းႁဵၼ်းသမ်ႉ ဢွၼ်ၵၼ်သွၼ်လိၵ်ႈမၢၼ်ႈ သုိၵ်းမၢၼ်ႈၶဝ်သမ်ႉ ဢွၼ်ၵၼ် မႃးထၢမ်ဝႃႈ ဝၢၼ်ႈသင်ၼႆလႄႈ တွပ်ႇလၢတ်ႈဝၢၼ်ႈဝူဝ်းၵႃၼႆသေတႃႉၵေႃႈ ၶဝ်ဢမ်ႇမေႃတႅမ်ႈ ၸွမ်းၽဵၼ်ႈꧦ သမ်ႉမႃးတႅမ်ႈဝႃႈ  ဝေႃးၵၢတ်ႇယႂႃႇ ဝႃႈၼႆလႄႈ ဝၢႆးမႃး ဝၢၼ်ႈဝူဝ်းၵႃၵေႃႈ လႅၵ်ႈလၢႆႈပဵၼ် ဝၢၼ်ႈဝွၵ်းၵၢၵ်ႇၵႂႃႇ တေႃႇဝၼ်း မိူဝ်ႈၼႆႉယဝ်ႉ။ ဝၢႆးမႃး ႁူဝ်ၵူၼ်းၵေႃႈ ၵုိၼ်းမႃး လွင်ႈၵိၼ်လွင်ႈယႅမ်ႉၵေႃႈ ၵပ်ႉၵိၼ်းမႃး ဢွင်ႈတႃႇတေႁဵတ်းသူၼ်ႁဵတ်းႁၢႆႈၵေႃႈ ၵႅပ်ႈမႃးလႄႈ ၸင်ႇဢွၼ်ၵၼ်မႄႇၶႂၢၵ်ႈဢွင်ႈ တီႈႁဵတ်းႁၢႆႈ ႁဵတ်းသူၼ်သေ ၵမ်ႈၽွင်ႈဢွၼ်ၵၼ်ၵႂႃႇႁဵတ်းၽၢႆႇႁွင်ႇလွႆ ၵမ်ႈၽွင်ႈၵႂႃႇႁဵတ်းၽၢႆႇ ၸၢၼ်းလွႆ ၵမ်ႈၽွင်ႈၵႂႃႇႁဵတ်းတိၼ်လွႆၼႆလူင်ၵႂႃႇ။ ၸူိဝ်းၵႂႃႇႁဵတ်းၵႆၼၼ်ႉ ၼုိင်ႈလူိၼ်လႂ်မႃးတီႈဝၢၼ်ႈ ၼုိင်ႈပွၵ်ႈ ၽူိဝ်ႁုိင်မႃး ႁႃႈႁူၵ်းလူိၼ်မႃးၼုိင်ႈပွၵ်ႈ ၵမ်ႈၽွင်ႈၼုိင်ႈပီၸင်ႇမႃးၼုိင်ႈပွၵ်ႈ ႁဵတ်းၼၼ်သေ ႁိုင်မႃးၸူးဢဝ်ဢမ်ႇမႃးသေ တင်ႈပဵၼ်ဝၢၼ်ႈၵႂႃႇ ၸင်ႇပဵၼ်မႃး ဝၢၼ်ႈမွၼ်း ဝၢၼ်ႈလွႆၸၢင်ႉ တႄႇၵႂႃႇၸိူဝ်းၼၼ်ႉလႂ်ယဝ်ႉ။

ပိုၼ်းဝၢၼ်ႈမွၼ်း ၸွမ်းၼင်ႇယိုၼ်းထိုင်

 ဝၢႆးမႃးဢၼ်မိူဝ်းႁဵတ်းသူၼ်ႁဵၻ်းႁၢႆတီႈ ဝၢၼ်ၵဝ်ႇၼူိဝ်ႇ ၸိူဝ်းၼၼ်ႉၵေႃႈ ဢွၼ်ၵၼ်မိူဝ်းႁွင်ႉ ပီႈၼွင်ႉ ၽႂ်မၼ်း မႃးယူႇၸွမ်းသေ တႄႇဢဝ်ဝၢၼ်ႈၵဝ်ႇၼူိဝ်ၼၼ်ႉသေ ပဵၼ်မႃး ဝၢၼ်ႈမွၼ်းၼႆယဝ်ႉ။ ၵွၼ်ႇၵွၼ်ႇ ၼၼ်ႉ ပီႈၼွင်ႉတႆးပဵၼ်းၵူၼ်းမီးၵူၼ်းၶႅၼ်းၸႂ်လူင်ၼႆ ပီႈၼွင်ႉတႆးမိူင်းၶႄႇ ၶဝ်လၢတ်ႈဝႃႈ ၶဝ်လႆႈမႃးယွၼ်းႁဵတ်းလုၵ်ႈၸၢင်ႈတႆးပွၵ်ႉဝၢၼ်ႈၼႃး ဝႃႈၼႆယဝ်ႉ။မိူဝ်ႈၼၼ်ႉ ယွၼ်ႉပူိဝ်ႈ တီႈ ပွၵ်ႉ ဝၢၼ်ႈၼႃး ၼၼ်ႉပဵၼ်တီႈၶွၼ်ၼမ်ႉမၼ်းလိၼ် လီမႃးတီႈၼိုင်ႈလႄႈ ပီႈၼွင်ႉတႆးၸင်ႇ မၢၵ်ႈမီး မႃးႁိုဝ်။ လုၵ်ႉတီႈဝၢၼ်ႈၵဝ်ႇၼူိဝ်ၼၼ်ႉသေ ၸင်ႇၸႅၵ်ႇပဵၼ်မႃးပွၵ်ႉတႂ်ႈ ပွၵ်ႉၼူိဝ်ၼႆယဝ်ႉ။ ဝၢႆးမႃးပွၵ်ႉၼူိဝ် ႁွင်ႉပွၵ်ႉ ဝၢၼ်ႈၵဝ်ႇၼူိဝ် ပွၵ်ႉတႂ်ႈႁွင်ႉပွၵ်ႉဝၢၼ်ႈၼႃးၼႆယဝ်ႉ။ ၽူိဝ်ႇလင်ႁူိၼ်းၼမ်မႃး ၸင်ႇပဵၼ်မႃးထႅင်ႈ (႑) ပွၵ်ႉဝၢၼ်ႈၵဝ်ႇၼူိဝ် (႒)ပွၵ်ႉၵၢင် (႓)ပွၵ်ႉဝၢၼ်ႈၼႃး (႔)ပွၵ်ႉဝၢၼ်ႈဝတ်ႉ (႕)ပွၵ်ႉဝၢၼ်ႈမႂ်ႇ (႖) ပွၵ်ႉၼမ်ႉသွင်ႁူးၼႆလႂ်ယဝ်ႉ။

ၵူၼ်းဝၢၼ်ႈမွၼ်းၵမ်ႈၽွင်ႈ လုၵ်ႉပၢင်လူင်မႃး

ဝၢၼ်ႈမွၼ်းၼႆႉ ႁႂ်ႈပေႃးၵူၼ်းၼမ်မႃးဝႆးတၼ်ႇၼႆႉ သမ်ႉလုၵ်ႉတီႈလႂ်မႃးလၢႆလၢႆၼႆ တေၸင်ႈမီး ၶေႃႈထၢမ်ယူႇ ။ ၵမ်းၶေႃႈၼႆႉ တူဝ်ၽူႈတႅမ်ႈလိၵ်ႈၵေႃႈ ဢွၵ်ႇၶေႃႈထၢမ်မႃးတီႈ ပူႇမွၼ်ႇၶဝ် ၼၢႆးမွၼ်ႇၶဝ်မႃး ၶဝ်တွပ်ႇဝႃႈ // ပိူၼ်ႈတေႉတွပ်ႇဝႃႈ ႁဝ်းလုၵ်ႉ လွႆသၼဵၼ်းမႃး လွႆဝူဝ်းလမ်မႃးဝႃႇ ပူႇမွၼ်ႇတေႉ ႁတ်းတွပ်ႇဝႃႈ ႁဝ်းလုၵ်ႉပၢင်လူင်မႃးဢူိဝ်ႈ //  ၼႆယဝ်ႉ။

ၵူၼ်းဝၢၼ်ႈမွၼ်းၵမ်ႈၽွင်ႈ လုၵ်ႉမူိင်းၶွၼ် မူိင်းၶႄႇမႃး

ၵူၼ်းဝၢၼ်ႈမွၼ်းၵမ်ႈၽွင်ႈၼႆႉ ပၢႆႈသုိၵ်းပၢၼ်မဝ်ႇၸုိဝ်ႇတုင်းသေ မႃးယူႇဝႆႉ တီႈပွၵ်ႉဝၢၼ်ႈၼႃးၵေႃႈ မီးမႃးယဝ်ႉ။ ယွၼ်ႉပူိဝ်ႈ ၵူၼ်းတႆးၼႂ်းမိူင်းၶႄႇလူင်းမႃးလႄႈ ပီႈၼွင်ႉၶႄႇ ဢၼ်ပဵၼ်ဢူၺ်းလီၵၼ် ၼၼ်ႉၵေႃႈၶဝ်ႈမႃးၸွမ်းၵၼ် လႄႈ ဢွၼ်တၢင်း ပီႈၼွင်ႉတႆး ပီႈၼွင်ႉၶႄႇ ၵႆႉလႆႈ ဢဝ်ၵႂၢမ်းၶႄႇ ၵၢပ်းသုိပ်ႇ လၢတ်ႈတေႃႇၵၼ်ၸင်ႇပွင်ႇလႄႈ လႆႈၸိုဝ်ႈၵႂႃႇဝႃႈ ပွၵ်ႇၶႄႇဝၢၼ်ႈၼႃးၼႆလႂ်ယဝ်ႉ။ ၵူၺ်းၵႃႈ ဢမ်ႇၸႂ်ႈဝႃႈ ပဵၼ်ၶေႇၼင်ႇၵဝ်ႇ ပဵၼ်တႆးၼႂ်းမူိင်းၶႄႇမႃးယူႇၵမ်ႉၼမ်။ ယွၼ်ႉပူိဝ်ႈႁူၵႂၢင်ႈ တႃႇၵႂၢင်ႈလူၺ်ႈ ၵၢၼ်ၵႃႉၵၢၼ်ၶၢႆၸူိဝ်းၼႆႉလႄႈ ပၢႆးမၢၵ်ႈမီးၼႆၵေႃႈ လႆႈႁၼ်တိူဝ်းတွၼ်း ၶိုၼ်ႈယႂ်ႇမႃးယူႇတႄႉတႄႉယဝ်ႉ။ ဢွင်ႈတီႈပွၵ်ႉဝၢၼ်ႈၼႃးၼႆႉ  ပဵၼ်ဢွင်ႈၵၢတ်ႇ တီႈၵူၼ်းၵုိၼ်းသေႇသေႇ တေႇလႆႈဝႃႈၼႆယဝ်ႉ။

ႁူင်းႁဵၼ်းသုၼ်ႇသွၼ်လိၵ်ႈမၢၼ်ႈ လိၵ်ႈၶႄႇ

ဢွၼ်တၢင်း ပွၵ်ႉဝၢၼ်ႈၼႃးၼႆႉ လုၵ်ႈႁဵၼ်းဝၢၼ်ႈမွၼ်းၼႆႉ လႆႈၵႂႃႇၶိုၼ်ႈႁဵၼ်းတီႈပွၵ်ႉဝၢၼ်ႈၼႃး ၼၼ်ႉၵမ်ႉ ၼမ်ယဝ်ႉ။ ယွၼ်ႉပူိဝ်ႈၵူၼ်းမီးငိုၼ်းၶဝ် ပၼ်ႁႅင်းလိၵ်ႈလၢႆးပၢႆပေႇၼႆၵေႃႈ လႆႈဝႃႈယဝ်ႉ။ လုိၼ်းလၢႆးဝၢႆးမႃး ၸွမ်းၼင်ႇ ၾႆးမႆႈၵၢတ်ႇပွၵ်ႉဝၢၼ်ႈၼႃးၼၼ်ႉ သေ လႆႈမႆႈပႃး ႁူင်းႁဵၼ်းၵႂႃႇ ယူႇယဝ်ႉ။ 

ႁူင်းႁဵၼ်းၸၼ်ႉၵၢင် ပၢၼ်ၸဝ်ႈသုိၵ်းလူင် ၸဝ်ႈၵၢၼ်းယွတ်ႈ

ၽွင်းၼၼ်ႉ ၸဝ်ႈသုိၵ်းလူင် ၸဝ်ႈၵၢၼ်းယွတ်ႈ ၸင်ႇမႃးၸွႆႈထႅမ်ၸိူဝ်း ဢၼ်ႁူိၼ်း လႆႈၶၢမ်ႇတၢင်းၾႆးမႆႈၼၼ်ႉသေ ဢွင်ႈတီႈၵၢတ်ႇလႄႈ ႁူင်းႁဵၼ်းၼၼ်ႉ ၸင်ႇမႃးႁဵတ်းပဵၼ် ႁူင်းႁဵၼ်းၸၼ်ႉၵၢင်ၵႂႃႇယူႇယဝ်ႉ။ ဝၢႆးသေၼၼ်ႉ ဢွင်ႈတီႈႁူင်းႁဵၼ်းၸၼ်ႉၵၢင်ၼၼ်ႉ ဢွင်ႈမၼ်းၵႅပ်ႈၼႆ လႄႈ ၸင်ႇၶႆႉဢွင်ႈတီႈႁူင်းႁဵၼ်းၸၼ်ႉၵၢင်မႃးဝႆႉ ပွၵ်ႉၼမ်ႉလိၼ်းယၢဝ်းၼႆႉသေ ဢွင်ႈတီႈၵဝ်ႇ ႁူင်းႁဵၼ်း ၸၼ်ႉၵၢင်ၼၼ်ႉ ၸင်ႇႁဵတ်းပဵၼ်တီႈႁူင်းယႃမႃးတေႃႇဝၼ်းမိူဝ်ႈၼႆႉယဝ်ႉ။

ၵျွင်းၸေႃးတိဝႃႇရ 
 
ဝၢၼ်ႈမွၼ်းၼႆႉ ဝၢၼ်ႈယႂ်ႇႁူဝ်ၵူၼ်းၼမ် ပွၵ်ႉၵေႃႈၼမ် မီးပႃးတီႈဢၼ်ၵုိၵ်းပုိၼ်းလၢႆၸိူဝ်ႉလၢႆယၢင်ႉဝႆႉ ယူႇယဝ်ႉ။ ၵွပ်ႈၼႆလႄႈ ၵျွင်းၸေႃးတိဝႃႇရ ၼႆႉ မူိဝ်ႈပူၼ်ႉမႃး ပီၵေႃးၸႃႇမၢၼ်ႈ (႑႓႑႕) ၼီႈၼၼ်ႉ ၸဝ်ႈသြႃႇၸေႃးတိဝႃႇရ ႁဝ်းလႆႈဢွၼ်ဢဝ်တပႄးမၼ်းၸဝ်ႈ ပႃးၸဵမ်ပေႃႈထဝ်ႈလုင်းတၢင်းၵႄး တူိၵ်ႈယႃႈယႃ ဝူင်းဝၼ်းတူၼ်ႈတီးလႆႈပဵၼ်တပႄး သြႃႇၸဝ်ႈမႃးဝႃႈၼႆယဝ်ႉ။ၵွပ်ႈပူိဝ်ႈၼၼ်လႄႈ ပၢၼ်ၼၼ်ႉ သြႃႇၸဝ်ႈလႆႈမႃးယူႇသဝ်းဢဝ်ဝႃႇသႃ မွၵ်ႈသွင်ဝႃႇၽၼ်းသႃၼႆယဝ်ႉ။ၵွပ်ႈၼၼ်လႄႈ ဢွင်ႈတီႈၵျွင်းၸဝ်ႈသြႃႇၼၼ်ႉ ၸွင်ႇလႆႈႁဵတ်းဝႆႉပဵၼ်တီႈမၢႆတီႈတွင်းတေႃႇဝၼ်းမိူဝ်ႈၼႆႉယဝ်ႉ။

ၵျွင်းၵမ်ႇမထၢၼ်းလူင် ၸဝ်ႈသုိၵ်းလူင် ၸဝ်ႈငူဝ်ႉႁၢၼ် (ၸဝ်ႈၸၢမ်မႂ်ႇ)

ၽွင်းမူိဝ်ႈပၢၼ်ၸဝ်ႈသုိၵ်းလူင် ၸဝ်ႈငူဝ်ႉႁၢၼ် လႆႈတင်ႈတႄႇတပ်ႉတီႈၼႃးမၢၵ်ႇၶမ်ၼၼ်ႉ ၼင်ႇႁုိဝ်တေ ပဵၼ်တီႈမၢႆတွင်း ၵိုၵ်းပုိၼ်းၵႂႃႇၼၼ်ႉ မၼ်းၸဝ်ႈ ႁဵတ်းသၢင်ႈဝႆႉၵျွင်းၵမ်ႇမထၢၼ်း တီႈပွၵ်ႉဝၢၼ်ႈမႂ်ႇ ဝၢၼ်ႈမွၼ်း ၼၼ်ႉဝႆႉယူႇယဝ်ႉ။

ၵွင်းမူးၶူးဝႃး ဝုၼ်းၸုမ်ႉ

 ၽွင်းမူိဝ်ႈဢွၼ်ၵၼ်ႁၼ်ထုိင်ဝႃႈ မူိင်းလူင်ၸုိင်ႈတႆးၼႆႉ  ၵႅၼ်ၵၢင်မၼ်းပဵၼ်တီႈ ထုင်ႉသၼ်လွႆၶိူဝ်း ၼႆၼၼ်ႉ ၸဝ်ႈပေႃႈၶူးဝႃႈ သင်ႇႁႂ်ႈၵေႃႇသၢင်ႈဝႆႉ ၵွင်းမူးသူႇၼုိင်ႈၼႆလႄႈ ၵွင်းမူးသူႇ ၼႆႉ မီးဝႆႉ တီႈၵွင်းဝၢၼ်ႈဝတ်ႉ ဝၢၼ်ႈမွၼ်းၼႆႉယူႇယဝ်ႉ။

ပုိၼ်းဝၢၼ်ႈငူင်းၸၢင်ႉ
 
ဝၢၼ်ႈငူင်းၸၢင်ႉၼႆႉ ဢွၼ်တၢင်း ႁွင်ႉ ဝၢၼ်ႈလွႆၸၢင်ႉၼႆယဝ်ႉ။ ဝၢၼ်ႈလွႆၸၢင်ႉၼႆႉ  ၵူၼ်းထဝ်ႈၶဝ်မွၵ်ႇဝႃႈ ၵူၼ်းဢၼ်တႄႇတင်ႈပဵၼ်ဝၢၼ်ႈမႃးၼႆႉ ပဵၼ်ပူႇႁဵင်ၼႄႇပႅင်ႇဝႃႈၼႆယဝ်ႉ။ ၸုိဝ်ႈတႄႉတႄႉမၼ်းၸဝ်ႈဝႃႈ ပူႇယွတ်ႈသႅင်ၼေႇ ဝႃႈၼႆ။ ပၢၼ်ၼၼ်ႉ ဢမ်ႇမီးၽႂ်ပွင်ပဵၼ်လႆႈ တႃႇႁဵတ်းပူႇႁဵင်လႄႈ ဢၼ်ၸဝ်ႈလႆႈဢဝ်ပုၼ်ႈၽွၼ်းၵႂႃႇဝႃႈၼႆယဝ်ႉ။ၵူၺ်းၵႃႈ ႁပ်ႉပုၼ်ႈၽွၼ်းၵႂႃႇမွၵ်ႈလၢႆပီၼႆၼၼ်ႉ ဢမ်ႇမီးၽႂ်ႁူႉၸႅင်ႈလႅင်ႈလီ။ ပၢၼ်မူိဝ်ႈမၼ်းၸဝ်ႈပဵၼ်ပူႇႁဵင်ၼၼ်ႉ ဢႃႇယုတေမီးယူႇမွၵ်ႈ (႓႕)လိူဝ်လူိဝ်ဝႃႈၼႆ။ ၽွင်းၼၼ်ႉ ပူႇမူိင်းမၼ်းၸဝ်ႈၵေႃႈ ဢဝ်လုၵ်ႈၸၢႆးမၼ်းသွင်ၵေႃႉသေ ႁဵတ်းပၼ်ၵၢၼ်ၵူၼ်းဝၢၼ်ႈၵူၼ်းသူၼ်ဝႃႈၼႆယဝ်ႉ။ ပၢၼ်မၼ်းၸဝ်ႈၼႆႉ လႆႈဢုပ်ႉၼူိဝ်သၼ်လွႆၶူိဝ်း လႄႈ ထုင်ႉလိၼ်ပဵင်း မူိင်းၶူိဝ်းၼႆယဝ်ႉ။ လုၵ်ႈၸၢႆးမၼ်းၸဝ်ႈၵေႃႉယႂ်ႇ ဢၼ်ၸုိဝ်ႈ ပူႇလွႆသွႆႈသႅင် ဢၼ်ၵူၼ်းတင်းၼမ်ႉၸၵ်းဝႃႈ ပူႇၵွင်းမူးသွႆႈသႅင် ၼႆၼၼ်ႉ ဢဝ်ယူႇႁိမ်းမၼ်းၸဝ်ႈသေ ၵေႃႉပဵၼ်လုၵ်ႈၸၢႆးမၼ်းၵေႃႉလဵၵ်ႉ ပူႇယွတ်ႈၼေႇၼႆၼၼ်ႉ လႆႈလူင်းယူႇတီႈၶူၵ်ႉတုိဝ်ႉၵႅင်း ပွၵ်ႉပၢင်ႇ လေႃႉ ဝၢၼ်ႈမူိင်းၶူိဝ်းၼၼ်ႉသေ ဢုပ်ႉၵူၼ်းဝၢၼ်ႈၵူၼ်းသူၼ်မႃးဝႃႈၼႆယဝ်ႉ။ ၽွင်းမူိဝ်ႈပူႇႁဵင် ယွတ်ႈသႅင်ၼေႇၶဝ် ပေႃႈလုၵ်ႈ ႁဵတ်းပူႇႁဵင်သေ ဢုပ်ႉၵူၼ်းဝၢၼ်ႈၵူၼ်းမူိင်းယူႇၼၼ်ႉ ၵမ်ႈၽွင်ႈၵေႃႈ လႆႈၸႂ် ၵမ်ႈၽွင်ႈၵေႃႈ တေဢမ်ႇလႆႈၸႂ်။ ၵူၺ်းၵႃႈဝႃႈ ဢူမုၼ်ဢၼ်လႆႈ ပဵၼ်ပူႇႁဵင်ၼႆၼၼ်ႉတေႉ ႁူမ်ႇငၢမ်းမႃးၼူိဝ်ၵူၼ်းတင်းသဵင်ႈယူႇ။ 

တေႇတင်ႈၵျွင်းသၢင်ႇၶမ်း ဝၢၼ်ႈငူင်းၸၢင်ႉၼူိဝ်

ပူႇႁဵင်ယွတ်ႈသႅင်ၼေႇၼႆႉ မီးတႃႇယၢမ်းၼုိင်ႈ ပဵၼ်ၽွင်းႁဵတ်းၵိၼ်ႁဵတ်းလူႇ  ၸဝ်ႈပူႇၸဝ်ႈၶိင်းၶဝ် ၸူိဝ်းပဵၼ်ႁူဝ်ၼႃႈဝၢၼ်ႈ ဝၢၼ်ႈမွၼ်း ၶဝ် ၽိတ်ႈမွၵ်ႇၶဝ်ႈပွႆး ယၢတ်ႇၼမ်ႉၵျွင်းမႂ်ႇၼႆႁုိဝ် ၽွင်းၼၼ်ႉၼင်ႇႁုိဝ် ပေႃးတေလီလူလီတူၺ်းၼၼ်ႉ ၸူိဝ်းႁပ်ႉတွၼ်ႈၶႅၵ်ႇၵေႃႈႁပ်ႉ ၽွင်းယၢမ်းပူႇႁဵင် ၽႅဝ်မႃးၼၼ်ႉ ယွၼ်ႉပူိဝ်ႈမႅၼ်ႈၽွင်းလူင်းမႃႉသေ ၵႂႃႇလမ်ႈမႃႉဝႆႉႁုိဝ် ဢမ်ႇလႆႈႁၼ်ၽႂ်မႃး ႁပ်ႉမၼ်းၸဝ်ႈဝႃႈၼႆ။ ၵူၺ်းၵႃႈ မၼ်းၸဝ်ႈ ၵေႃႈ သုိပ်ႇၶဝ်ႈမႃးတီႈသင်ႇဝၢင်ႇတၢင်းၶဝ်ႈဝတ်ႉၼၼ်ႉ ၸူိဝ်းပႂ်ႉႁပ်ႉတွၼ်ႈၶဝ်ၵေႃႈ လၢတ်ႈၵႂၢမ်းမူိၼ်ၼင်ႇယၢမ်ႈလၢတ်ႈတေႃႇၵူၼ်းထမ်းမတႃးၼၼ်ႉ ဝႃႈ  // ပေႃးသင်ဝႃႈၶဝ်ႈမႃးၼႂ်းဝတ်ႉ ၸုိင် ဢွၼ်ၵၼ်ပူတ်းၶဵၼ်းႁူဝ် ပူတ်းထူင်သေၶဝ်ႈမႃးၶႃႈ //
  ဝႃႈၼႆယဝ်ႉ။ 

ၵျွင်းသၢင်ႇၶမ်း ပူႇႁဵင်ယွတ်ႈသႅင်ၼႄႇ

ပေႃးဝႃႈၵုိင်ႉၵၢင်ႉလႆႈငိၼ်းၵႂၢမ်းၶဝ်ႈႁူမႃးၵေႃႈ မၼ်းၸဝ်ႈၵေႃႈ ပူတ်းၶဵၼ်းႁူဝ်သေ ဢင်ႈပူတ်း ထူင်ၶဝ်ႈၵႂႃႇ ၼႂ်းဝတ်ႉၼႂ်းၵျွင်ႈၼၼ်ႉယူႇ ၽူိဝ်ႇထၢမ်ဝႃႈ ၽႂ်တေဢဝ်ပုၼ်ႈၽွၼ်း ယိပ်းဝႆႉထူင်ၵဝ် ၼႆၼၼ်ႉ  ဢမ်ႇမီးၽႂ်ႁတ်းဢဝ်ပုၼ်ႈၽွၼ်းမၼ်းလႄႈ မၼ်းၸဝ်ႈၵေႃႈ ၸင်ႇၶုိၼ်းၶီႇမႃႉမၼ်းပွၵ်ႈမႃး တီႈႁူိၼ်းမၼ်းၶုိၼ်းဝႃႈၼႆယဝ်ႉ။ ပဵၼ်ႁုိဝ်ၵေႃႈလီ တေပဵၼ်လွင်ႈတၢင်းတႃႇတေပဵၼ်မႃး ဢၼ်ၵုိၵ်း ပုိၼ်း သေ ဢၼ်ဢၼ်ၼႆႉ မၼ်းတုိၼ်းမီးလွင်ႈတၢင်းမၼ်းယဝ်ႉၸင်ႇတေၸင်ႈပဵၼ်မႃး ယူႇယဝ်ႉ။ ၵွပ်ႈပူိဝ်ႈၼႆလႄႈ တီႈၼႆႈၵေႃႈ ဢဝ်ပဵၼ်တီႈလၢတ်ႈတီႈတႄႇမၼ်းသေ ပူႇႁဵင်ယွတ်ႈသႅင်ၼႄႇ ၸင်ႇတေပဵၼ်တႄႇၵျွင်းသၢင်ႇၶမ်းဢွၼ်ႇဝႆႉပၼ်လုၵ်ႈပၼ်လၢၼ်ယူႇယဝ်ႉ။

ၵွင်းမူးပူႇလွႆၵွင်းမူးသွႆႈသႅင် ဢမ်ႇၼၼ် ၵွင်းမူးၸၢင်ႉၶုပ်ႉ

ၵွၼ်ႇသေ ပၢႆႇတႄႇၵျွင်းၸေႇတဝၼ်ႇ ဝၢၼ်ႈငူင်းၸၢင်ႉၼူိဝ်ၼႆႉ မႅၼ်ႈၽွင်းပၢၼ်ၵျပၼ်ႇၸၢမ် တေပွၵ်ႈမူိဝ်းမူိင်းၶဝ်ၼၼ်ႉ မႅၼ်းၼႂ်းပီ ႑႓႐႕ ၼီႈၼႆႉ ပူႇၵွင်းမူးသွႆႈသႅင် လႆႈဢွၼ်ႁူဝ်ထူဝ်းၼႃႈသေ ၵေႃႇတင်ႈဝႆႉၵွင်းမူးၸၢင်ႉၶုပ်ႉၼႆႉၼႆယဝ်ႉ။

တႄႇၵျွင်းၸေႇတဝၼ်ႇ ဝၢၼ်ႈငူင်းၸၢင်ႉၼူိဝ်

ၼႂ်းႁၢင်ပီ ႑႓႐႕ ၼႆႉၼင်ႇၵဝ်ႇ ၸူိဝ်ႈပဵၼ်ပူႇၵႄႇ ပူႇလွႆယွတ်ႈငုိၼ်းၶဝ် ဢွၼ်ႁူဝ်ထူဝ်းၼႃႈသေ တႄႇႁဵတ်းၵျွင်းၸေႇတဝၼ်ႇ ဝၢၼ်ႈငူင်းၸၢင်ႉၼူိဝ်မႃးယူႇယဝ်ႉ။ ဝၢႆးသေ ႁဵတ်းၵျွင်းယဝ်ႉ သၢမ်ပီ ၸင်ႇၽိတ်ႈပၢင်းဢဝ် ၸဝ်ႈၸၢင်းဢေႃးဝၼ်ႇၼ မႃးၼင်ႇဝတ်ႈ ၵျွင်းၸေႇတဝၼ်ႇ ၶၢဝ်းတၢင်း ႁႃႈႁူၵ်းဝႃႇသႃဝႃႈၼႆ ။ လုိၼ်းသေၼၼ်ႉ ၸဝ်ႈၸၢင်းဢေႃးၸိင်ႇၼ သမ်ႉမႃးၼင်ႈဝတ်ႉ ၶၢဝ်းတၢင်းသၢမ်သီႇဝႃႇ။ ဝၢႆးသေၼၼ်ႉ ၸင်ႇသမ်ႉမီး ၸဝ်ႈသြႃ ဢိၼ်ႇတၵ ( ၸဝ်ႈသြႃႇတႅင်ဝၢၼ်) မႃးၼင်ႈႁႃႈႁူၵ်းၸေတ်းဝႃႇဝႃႈၼႆယဝ်ႉ။ ဢိင်ၼိူဝ်ၵၢၼ်ဝၢၼ်ႈမူိင်းဢမ်ႇၼိမ်သဝ်းသေ ၸဝ်ႈသြႃႇလႆႈၶႆႉ လႆႈပၢႆႈ ငူိင်ႉဝႄႈၸူဝ်ႈၵႅပ်ႉ ၽွင်းၼၼ်ႉ ၸဝ်ႈၸၢင်း ၸဝ်ႈမုၼ်လူၼ်းၼႆၼၼ်ႉ မႃးပုတ်ႈတိၼ် တင်မုိဝ်းၸဝ်ႈသြႃႇဝႆႉသေ ၼင်ႈဝတ်ႉၵႂႃႇ ၶၢဝ်းတၢင်းမွၵ်ႈ သၢမ်သီႇဝႃႇဝႃႈၼႆ။ ႁဵတ်းၼၼ်သေ တၵ်ႃႇၶဝ ်ၶုိၼ်းၽိတ်ႈပၢင်းဢဝ် ၸဝ်ႈသြႃႇ ဢိၼ်ႇတၵ (ၸဝ်ႈသြႃႇတႅင်ဝၢၼ်)မႃးၼင်ႈၶုိၼ်း တၼ်းႁုိင်ထႅင်ႈႁႃႈႁူၵ်းၸဵတ်းဝႃႇ ဝႃႈၼႆ။ ဝၢႆးသေၼၼ်ႉ တပႄးၸဝ်ႈသြႃႇတႅင်ဝၢၼ် ၸဝ်ႈၸၢင်းၵေႃးၵိယ (ၸဝ်ႈၸၢင်းၵေႃးၵီး) မႃးၼင်ႈတင် တၼ်းလႆႈ သွင်ဝႃႇ မၢၼ်းသမ်ႉလုိပ်ႈၵူၼ်းဝၢၼ်ႈပႆႈလႄႈ ၵူၼ်းဝၢၼ်ႈလႆႈၵႂႃႇ ယူႇဝၢၼ်ႈပၢင်ႇလေႃႉ ဝၢၼ်ႈပၼ်းသေး ၸူိဝ်းၼႆႉသေ တီႈၵျင်းၸေႇတဝၼ်ႇ ဝၢၼ်ႈငူင်းၸၢင်ႉၼူိဝ်ၵေႃ ႈ တႄႇဢဝ်ၼၼ်ႈမႃး ဢမ်ႇလႆႈမီးမုၼ်ႈၸဝ်ႈမႃးတေႃႇဝၼ်းမိူဝ်ႈၼႆႉယဝ်ႉ။ 

ၶၢဝ်းတၢင်းႁဵၼ်းလိၵ်ႈ

ဝၢႆးသေၼၼ်ႉ ၸၢင်းၵေႃးၵီးၶဝ်ၸဝ်ႈ လႆႈဢွၼ်ၵၼ်လူင်းၵႂႃႇသွၼ်လိၵ်ႈ တီႈၵျွင်းၶမ်း ၼႂ်းဝဵင်းသီႇပေႃႉ ၵျွင်းမၼ်းတလေး ၵဝ်ႇသုိပ်ႇမႂ်းမႂ်းသုိပ်ႇၵဝ်ႁဵတ်းၼၼ်သေ တေႃႇပေႃးထုိင်ပၢၼ် ၽူႈတႅမ်ႈလိၵ်ႈၶဝ်ႁဵၼ်းလိၵ်ႈမႃး ၶၢဝ်းတၢင်း ႒႕ ပီတဵမ်ၼႆႉယဝ်ႉ။
 
ၽြႃးမုင်ႈမူိင်း ဝၢၼ်ႈငူင်းၸၢင်ႉတႂ်ႈ

ႁဵတ်းၼၼ်သေ ဝၢၼ်ႈငူင်းၸၢင်ႉတႂ်ႈၵေႃႈ ၸူဝ်ႈပၢၼ်ပျီႇတူႉၸိတ်ႉ  ပၢၼ်ၸဝ်ႈသုိၵ်းလႃႉမိၼ်ႉၶဝ် ဢွၼ်ႁူဝ် သေ ပၢၵ်းသဝ်းဝႆႉတီႈမူိင်းၶိူသ်းၼႆႉ ၸဝ်ႈသုိၵ်းလႃႉမိၼ်ႉဢွၼ်ႁူဝ်သေ ၸဝ်ႈသုိၵ်းလူင် ၸဝ်ႈပၢင်ၾႃႉ ၶၢမ်ႇငဝ်ႈငႃ ႁဵတ်းၸဝ်ႈတႃႇၼမၼ်းသေ လူႇတၢၼ်းဝႆႉ ၽြႃးမုင်ႈမူိင်း တီႈၵွင်းၸႃႇတီႇ ဝၢၼ်ႈငူင်းၸၢင်ႉတႂ်ႈၼႆႉယဝ်ႉ။

ၸိူဝ်းဢၼ်တႅမ်ႈမႃးၼႆႉ ပဵၼ်ပုိၼ်းဢွၼ်ႇထုင်ႉသၼ်လွႆၶူိဝ်း ဢၼ်ပူႇမွၼ်ႇၼၢႆးယႃႈၶဝ် ၶႆႈဢွၵ်ႇမွၵ်ႇ ၼေမႃးလႄႈ ၸင်ႇလႆႈတႅမ်ႈတင်ႇဝႆႉယဝ်ႉ။ သင်ဝႃႈမီးတီႈၽိတ်းတီႈပူိင်ႈၼႆၸုိင်ၶႅၼ်း တေႃႈ မူၼ်ႉမႄးပၼ်တၢင်းႁၼ်ထုိင်မႃးလႆႈယူႇၶႃႈ။
 

ၸဝ်ႈဢူသႅင်( ၿီႇဢေႇ)
ၸူဝ်ႈၶၢဝ်းႁဵၼ်းတင်းမေႃ
တီႈၸၼ်ႉၸွမ်မႁႃႇၸူႈလႃး
မူိင်းၵွၵ်ႇ ၸုိင်ႈထႆး။
ဝၼ်းထိ (႑႙-႕-႒႐႑႕)




#Article 95: ပိုၼ်းၵႅပ်ႈ မိူင်းသၼ်လွႆၶိူဝ်း (112 words)


ပုိၼ်းဝၢၼ်ႈဝူဝ်းၵႃ ဢမ်ႇၼၼ် ဝၢၼ်ႈဝွၵ်းၵၢၵ်ႇ ထုင်ႉသၼ်လွႆၶိူဝ်း

တီႈဢၼ်ပူႇမွၼ်ႇၼၢႆးမွၼ်ႇၶဝ်မႃးသဝ်းဢွၼ်တၢင်းသုတ်းၼၼ်ႉ ပဵၼ်တီႈ ပဵင်းႁူဝ်ၼမ်ႉႁွင်ႇ တီႈ ၽၢႆႇႁွင်ႇ ၢၼ်ႈဝူဝ်းၵႃ ဢမ်ႇၼၼ် ဝၢၼ်ႈဝွၵ်းၵၢၵ်ႇ ယၢမ်းလဵဝ်ၼႆယဝ်ႉ။ ၽွင်းၶဝ် ဢွၼ်ၵၼ်လိုဝ်းသဝ်းၼၼ်ႉ ၶဝ်လႆႈ ပတ်ႇဢဝ် ယႃႈၵွၼ်ႇ ႁဵတ်းဢၼ်သိူဝ်ဢၼ်ၵၢင်ႈ ဢၼ်မုင်း ၶဝ်မႃးဝႃႈၼႆ။ ၽွင်းၶဝ်မႃးၼၼ်ႉ လင်ႁိူၼ်းဢွၼ်ႇၶဝ် တေမီးမွၵ်ႈ သိပ်းဢဵတ်းသိပ်းသွင ်လင်ၵူၺ်းဝႃႈၼႆ။ ဢွၼ်ၵၼ်ယူႇသဝ်းမႃးၼင်ႇၼၼ် ၶဝ်ဢၼ်ပႃးမႃးၵေႃမူတ်း ၽႂ်မၼ်းလႄႈ ဢွၼ်ၵၼ် ၶုတ်းၵိၼ်မုၵ်း ႁူဝ်မၼ်း တွႆႇၵိၼ်မၢၵ်ႇၵေႃႇယုမ် ဢုပ်ႉၵိၼ်မွၼ် ႁဵတ်းၼင်ႇၼႆမႃးၼႆယဝ်ႉ။
ယူႇႁိုင်မႃးၵေႃႈ ဢွၼ်ၵၼ်ႁဵတ်းႁၢႆႈ ႁဵတ်းသူၼ် ၽုၵ်ႇၶဝ်ႈ ၽုၵ်ႇၽၢၵ်း ဢွၼ်သေ လဵင်ႉၼႃႈႁိူၼ်းၽႂ်ၼႃႈႁိူၼ်းမၼ်းမႃး။ မိူဝ်ႈၼၼ်ႉပဵၼ်ပၢၼ်ဝူဝ်းတင်ႇလႄႈ ၸိူဝ်းပႃးဝူဝ်းမႃးၵေႃႈ လႅၼ်ႈၵပ်းသုိပ်ႇ ႁႃသုိဝ်ႉၶဝ်ႈ သုိဝ်ႉၵုၼ်ႇ ၼႆယဝ်ႉ။ ၽွင်းယၢမ်းယူႇႁိုင်မႃးၸင်ႇ ဢုပ်ႇၵုမ်ၵၼ်တႃႇတေတင်ႇၸိုဝ်ႈဝၢၼ်ႈ လႆႈၸႂ်ၵၼ်ပၼ်ၸိုဝ်ႈဝၢၼ်ႈဝႃႈ ဝၢၼ်ႈဝူဝ်းၵႃလမ် ဢမ်ႇၼၼ် ဝၢၼ်ႈဝူဝ်းလမ်ၼႆယဝ်ႉ။ မိူဝ်ႈဢွၼ်တၢင်းၵေႃႈ ထၢင်ႇတေလႅပ်းဢွၼ်ၵၼ်တင်ႇၸိုဝ်ႈဝႃႈ ဝၢၼ်ႈဝူဝ်း လမ် ဝၢၼ်ႈဝူဝ်းၵႃလမ်မႃးႁိုဝ်။ ယၢမ်းလဵဝ်ၸင်ႇၼႆႉ မူိဝ်ႈဢွၼ်တၢင်းႁွင်ႉၸုိဝ်ႈ ဝၢၼ်ႈဝူဝ်းၵႃလမ် ၼႆသေတႃႉၵေႃႈ ဝၢႆးမႃးဢွၼ်ၵၼ်ႁွင်ႉဝႃႈ ဝၢၼ်ႈဝူဝ်းၵႃ ၼႆၵူၺ်း။ ထုိင်မႃးပၢၼ်ပုိတ်ႇ ႁူင်းႁဵၼ်းသမ်ႉ ဢွၼ်ၵၼ်သွၼ်လိၵ်ႈမၢၼ်ႈ သုိၵ်းမၢၼ်ႈၶဝ်သမ်ႉ ဢွၼ်ၵၼ် မႃးထၢမ်ဝႃႈ ဝၢၼ်ႈသင်ၼႆလႄႈ တွပ်ႇလၢတ်ႈဝၢၼ်ႈဝူဝ်းၵႃၼႆသေတႃႉၵေႃႈ ၶဝ်ဢမ်ႇမေႃတႅမ်ႈ ၸွမ်းၽဵၼ်ႈꧦ သမ်ႉမႃးတႅမ်ႈဝႃႈ  ဝေႃးၵၢတ်ႇယႂႃႇ ဝႃႈၼႆလႄႈ ဝၢႆးမႃး ဝၢၼ်ႈဝူဝ်းၵႃၵေႃႈ လႅၵ်ႈလၢႆႈပဵၼ် ဝၢၼ်ႈဝွၵ်းၵၢၵ်ႇၵႂႃႇ တေႃႇဝၼ်း မိူဝ်ႈၼႆႉယဝ်ႉ။ ဝၢႆးမႃး ႁူဝ်ၵူၼ်းၵေႃႈ ၵုိၼ်းမႃး လွင်ႈၵိၼ်လွင်ႈယႅမ်ႉၵေႃႈ ၵပ်ႉၵိၼ်းမႃး ဢွင်ႈတႃႇတေႁဵတ်းသူၼ်ႁဵတ်းႁၢႆႈၵေႃႈ ၵႅပ်ႈမႃးလႄႈ ၸင်ႇဢွၼ်ၵၼ်မႄႇၶႂၢၵ်ႈဢွင်ႈ တီႈႁဵတ်းႁၢႆႈ ႁဵတ်းသူၼ်သေ ၵမ်ႈၽွင်ႈဢွၼ်ၵၼ်ၵႂႃႇႁဵတ်းၽၢႆႇႁွင်ႇလွႆ ၵမ်ႈၽွင်ႈၵႂႃႇႁဵတ်းၽၢႆႇ ၸၢၼ်းလွႆ ၵမ်ႈၽွင်ႈၵႂႃႇႁဵတ်းတိၼ်လွႆၼႆလူင်ၵႂႃႇ။ ၸူိဝ်းၵႂႃႇႁဵတ်းၵႆၼၼ်ႉ ၼုိင်ႈလူိၼ်လႂ်မႃးတီႈဝၢၼ်ႈ ၼုိင်ႈပွၵ်ႈ ၽူိဝ်ႁုိင်မႃး ႁႃႈႁူၵ်းလူိၼ်မႃးၼုိင်ႈပွၵ်ႈ ၵမ်ႈၽွင်ႈၼုိင်ႈပီၸင်ႇမႃးၼုိင်ႈပွၵ်ႈ ႁဵတ်းၼၼ်သေ ႁိုင်မႃးၸူးဢဝ်ဢမ်ႇမႃးသေ တင်ႈပဵၼ်ဝၢၼ်ႈၵႂႃႇ ၸင်ႇပဵၼ်မႃး ဝၢၼ်ႈမွၼ်း ဝၢၼ်ႈလွႆၸၢင်ႉ တႄႇၵႂႃႇၸိူဝ်းၼၼ်ႉလႂ်ယဝ်ႉ။




#Article 96: ပိုၼ်းၵႅပ်ႈ လွင်ႈတၢင်ႇသင်ႇၷႃႇယၼႃႇ (542 words)


မုၼ်ၶမ်းၽြႃး ပဵၼ်ၽြႃးမႃးမိူဝ်ႈ ဢွၼ်တၢင်းၶရိတ်ႉပႆႇပေႃႇ 589 ပီၼၼ်ႉယဝ်ႉ။ ၽွင်းမိူဝ်ႈ ပဵၼ်ၽြႃးၼၼ်ႉတႄႉ ဢႃႇယုၸဝ်ႈလႆႈ (႓႕) ပီ။ ၽွင်းၼၼ်ႉ ၵတ်း၊ မႆႈ၊ ႁိူဝ်ႉ၊ မွႆႈ၊ ဢမ်ႇယူႇလီသေတႃႉ ၼႂ်းၶၢဝ်းတၢင်း (႔႕) ဝႃႇၼႆႉ ပုၼ်ႈတႃႇပဵၼ် ၽွၼ်းလီ တမ်ႈတီႈသတ်ႉတဝႃႇတင်းလၢႆၼၼ်ႉ ၵႅၼ်ႇၸဝ်ႈ ဝႆႉဝီႇရိယယႂ်ႇသေ ဢမ်ႇလိုဝ်ႈဢမ်ႇသဝ်း ႁေႃးတြႃးသုတ်ႈ၊ ဝိၼႄး၊ ဢၽိထမ်ႇမႃႇယူႇ။ မုၼ်ၶမ်းၽြႃးသင်ႇလၢတ်ႈဝႃႈ-

ၸွမ်းၼင်ႇ ၵႂၢမ်းသင်ႇၼႆႉသေ ၸူဝ်ႈၵႃႈ ထမ်ႇမဝိၼယ - တြႃးသုတ်ႈ၊ ဝိၼႄး၊ ဢၽိထမ်ႇမႃႇ ယင်းတိုၵ်ႉမီးယူႇ ထၢင်ႇၸႅင်ႈၼႆႉ မုၼ်းၶမ်းၽြႃးၵေႃႈ တေႃႈတေတိုၵ်ႉမီးဝႆယူႇ။ သႃႇသၼႃႇ ဢၼ်ဝႃႈၼႆႉၵေႃႈ ပဵၼ်တြႃးသုတ်ႈ၊ ဝိၼႄး၊ ဢၽိထမ်ႇမႃႇၼႆႉယဝ်ႉ။ ၸူဝ်ႈၵႃႈ သုတ်ႈ၊ ဝိၼႄး၊ ဢၽိထမ်ႇမႃႇတိုၵ်ႉမီးယူႇၼႆႉ မုၼ်ၶမ်းၽြႃးၵေႃႈ တိုၵ်ႉတေမီးသေ သႃႇသၼႃႇၵေႃႈ တိုၵ်ႉတေသိုပ်ႇမီးယူႇ။ သင်ဝႃႈ သုတ်ႈ၊ ဝိၼႄး၊ ဢၽိထမ်ႇမႃႇ ႁၢႆၵႂႃႇၼႆၸိုင် မုၼ်ၶမ်းၽြႃးၵေႃ တေႁၢႆသေ သႃႇသၼႃႇၵေႃႈ တေႃႈတေႁၢႆယူႇယဝ်ႉ။ သင်ၸိူဝ်ႉဝႃႈ သႃႇသၼႃႇ ႁၢႆၵႂႃႇၼႆၸိုင် လေႃးၵလူင်တင်းသဵင်ႈၵေႃႈ မိူၼ်ၼင်ႇ ငဝ်းလပ်းသိင်ႇလူင် သုမ်ႇမိုတ်းၵႂႃႇၼၼ်ႉယဝ်ႉ။

ၵွပ်ႈၼၼ် လုၵ်ႈႁၵ်ႉၽြႃး ဢၼ်ပဵၼ်ရႁၢၼ်းၶဝ်ၸဝ်ႈ ၵူႈသိုပ်ႇၵူႈပၢၼ် ၸင်ႇဢွၼ်ၵၼ် သိုပ်ႇလူႁၼ်ပႂ်ႉပႃး တြႃးသုတ်ႈ၊ ဝိၼႄး ၊ဢၽိထမ်ႇမႃႇ ၼင်ႇႁိုဝ် တေဢမ်ႇၵဝ်ႇသဝ်ႈႁၢႆလၢႆၼၼ်ႉယူႇယဝ်ႉ။ ၵူၺ်းၵႃႈ ပၢၼ်သိုပ်ႇပၢၼ် ၽေးၶဵၼ် ဢၼ်ယႃႉၵဝ်းသႃႇသၼႃႇၼၼ်ႉ တိုၼ်းပေႃႇမႃးယူႇ။ ပေႃးဝႃႈပေႃႇပဵၼ်မႃးၸိူင်ႉၼၼ်ယဝ်ႉ သင်ဝႃႈ ၽေးၶဵၼ်သႃႇသၼႃႇ မွတ်ႇဝွတ်ႈႁၢႆလၢႆၵႂႃႇၼႆ ၼင်ႇႁိုဝ် သႃႇသၼႃႇတေၸိုၼ်ႈသႂ် မၼ်ႈၵိုမ်းၽႄႈတိူၼ်းၼၼ်ႉ ၸင်ႇဢွၼ်ၵၼ် တၢင်ႇသင်ႇၷႃႇယၼႃႇယဝ်ႉ။ ပေႃးဝႃႈ တၢင်ႇသင်ႇၶႃႇယၼႃႇၼႆၵေႃႈ ၸဵမ်ၶုၼ် ၸဵမ်ၵူၼ်းမိူင်းၶဝ်ၵေႃႈ တေႃႈဢမ်ႇယူႇမဝ်ၵိၼ်မၢင် ၼင်ႇႁိုဝ် ပၢင်ပွႆးတၢင်ႇသင်ႇၷႃႇယၼႃႇတေဢွင်ႇၼၼ်ႉ ဢွၼ်ၵၼ်ၸွႆႈထႅမ်မႃးၵူႈၽၢႆႇၽၢႆႇယူႇ။

ပီႇၸီႇ 544 မိူဝ်ႈၶရိတ်ႉပႆႇပေႃႇၼၼ်ႉ မုၼ်ၶမ်းၽြႃးဢဝ်ပရိၼိပ်ႉပၢၼ်ႇၵႂႃႇယဝ်ႉ။ တႄႇဢဝ်တီႈၼၼ်ႈမႃးသေ ၸင်ႇတႄႇၼပ်ႉဢၢၼ်ႇ ပီသႃႇသၼႃႇ(႑) ယူႇယဝ်ႉ။ ယၢမ်းလဵဝ် ပီသႃႇသၼႃႇ ပူၼ်ႉမႃး (႒႕႐႐)လိူဝ်ယဝ်ႉ။ ၼႂ်းပီၸိူဝ်းၼၼ်ႉ ထေႇရဝႃႇၻ တၢင်ႇယဝ်ႉသင်ႇၶႃႇယၼႃႇ (႖)ပွၵ်ႈ။ ႁူမ်ႈၵၼ်လူဢၢၼ်ႇ သုတ်ႈ၊ ဝိၼႄး၊ ဢၽိထမ်ႇမႃႇ ႁႂ်းပေႃးဢမ်ႇမီး တီႈၽိတ်းတီႈပိူင်ႈၼၼ်ႉ ႁွင်ႉဝႃႇ တၢင်ႇသင်ႇၷယၼႃႇယဝ်ႉ။ လွင်ႈတၢင်ႇသင်ႇၷႃႇယၼႃႇၼႆႉ ဢဝ်ၸွမ်းၼင်ႇ တြႃးသုတ်ႈ၊ ဝိၼႄး ၊ ဢၽိထမ်ႇမႃႇ ၸိူင်ႉၼင်ႇ ၽြႃးႁေႃးဝႆ့ၼၼ်ႉသေ တၢင်ႇသင်ႇၷႃႇယၼႃႇယဝ်ႉ။ ဢမ်ႇထႅမ်သင်ထႅင်ႈ။ ဢမ်ႇထွၼ်သင်​ထႅင်ႈသေပိူင်။

ပီသႃႇသၼႃႇ (႑) ပီ (မိူဝ်ႈၶရိတ်ႉပႆႇပေႃႇ ႕႔႔ ပီႇၸီႇ) ဝႃႇးသေ မုၼ်ၶမ်းၽြႃးဢဝိ ၼိပ်ႉပၢၼ်ႇယဝ်ႉ (3) လိူၼ် တီႈမိူင်းရႃႇၸၵႁ၊ လွႆဝေႇၽႃႇရ၊ တီႈသုမ်ႉမၢၼ်ႇတၢပ်ႈ ထမ်ႈသတ်ႉတပၼ်ႇၼိၼၼ်ႉ တၢင်ႇပထမသင်ႇၷႃႇယၼႃႇယဝ်ႉ။ ၵွပ်ႈပိူဝ်ႈ ၶေႃႈၵႂၢမ်းရႁၢၼ်းလူင် ဢၼ်မႃးတုမ်ႉတိူဝ်ႉ တေပဵၼ်ၶဵၼ်သႃႇသၼႃႇၼၼ်ႉလႄႈ ၸဝ်ႈမႁႃႇၵသ်ႉသပ၊ ၸဝ်ႈဢႃႇၼၼ်ႇၻႃႇၶဝ် ဢွၼ်ႁူဝ် ရႁၢၼ်းတႃႇ (႕႐႐)သေ တၢင်ႇသင်ႇၷႃႇယၼႃႇယဝ်ႉ။ မိူဝ်ႈတၢင်ႇသၢင်ႇၷႃႇယၼႃႇၼၼ်ႉ ၶုၼ်ႁေႃၶမ်း မိူင်းရႃႇၸၵႁ ဢၸႃႇတသတ်ႈလႄႈ ၵူၼ်းမိူင်းၶဝ် ၷေၢႈ ဢွၼ်ၵၼ်ၸွႆႈထႅမ်ၵူႈၽၢႆႇၽၢႆႇယဝ်ႉ။ ပီသႃႇသၼႃႇ (႑) ပီ၊ တႄႇဢဝ် လိူၼ်ၸဵတ်းမူၼ်းတႄႇတၢင်ႇသင်ႇၶႃႇယၼႃႇသေ တေႃႇပေႃးယဝ်ႉၼႆႉ ႁိုင်(႗) လိူၼ်။ သင်ၶႃႇယၼႃႇပွၵ်ႈၼၼ်ႉ ဢဝ်သူပ်းလွတ်ႈဢၢၼ်ႇသေ တၢင်ႇၵႂႃႇယဝ်ႉ။

ပီသႃႇသၼႃႇ (႑႐႐)ပီ (မိူဝ်ႈၶရိတ်ႉပႆႇပေႃႇ ႔႔႔ ပီႇၸီႇ) တမ်ႈတီႈမိူင်းဝေႇသႃႇလီႇ ၵျွင်းဝႃႇလုၵႃႇၼၼ်ႉ တၢင်ႇ ꩪုတိယသင်ႇၷႃႇယၼႃႇယဝ်ႉ။ ၵွပ်ႈပိူဝ်ႈရႁၢၼ်း ဝၸ်ႉၸီႇမိူင်းဝေႇသႃႇလီၶဝ် ဢဝ်ဢယူႇၽိတ်းပိူင်ႈ ဢထမ်ႇမဝတ်ႉထု (႑႐)ပိူင် ဢၼ်ဢမ်ႇငမ်ႇမႅၼ်ႈ ဝိၼႄးၼၼ်ႉ လၢတ်ႈႁေႃးၵျၢင်ႉၵမ်လႄႈ ပဵၼ်ၶဵၼ်သႃႇသၼႃႇမႃးသေ ၸင်ႇလႆႈတၢင်ႇ သင်ႇၷႃႇယၼႃႇယဝ်ႉ။ ၸဝ်ႈယသ၊ ၸဝ်ႈသပ်ႉပၵႃႇမိ၊ ၸဝ်ႈရေႇဝတ ဢွၼ်ႁူဝ်ရႁၢၼ်းတႃႇ (႗႐႐)သေ တၢင်ႇ ꩪုတိယသင်ႇၷႃႇယၼႃႇယဝ်ႉ။ ၽွင်းမိူဝ်ႈတၢင်ႇၼၼ်ႉ ၶုၼ်ႁေႃၶမ်း ၵႃႇလႃႇသေႃးၵလႄႈ ၵူၼ်းမိူင်းၶဝ် ဢွၼ်ၵၼ်ၸွႆႈထႅမ်ၵူႈၽၢႆၽၢႆယဝ်ႉ။ ဢဝ်သူပ်းလွတ်ႈဢၢၼ်ႇသေ ႁိုင် (႘) လိူၼ်။ 

ပီသႃႇသၼႃႇ (႒႓႕) (မိူဝ်ႈၶရိတ်ႉပႆႇပေႃႇ ႓႐႘ ပီႇၸီႇ) တီႈမိူင်းပႃႇတလိပုတ်ႉ ၵျွင်းဢႃႇသေႃးၵႃႇရႃႇမၼၼ်ႉ တၢင်ႇ တတိယသင်ႇၷႃယၼႃႇယဝ်ႉ။ ၵွပ်ႈပိူဝ်ႈ တိတ်ႉထိႁူၵ်းမိုၼ်ႇ ဢွၼ်ၵၼ်ႁဵတ်း ရႁၢၼ်းတုရႁၢၼ်းပွမ်သေ ၶဝ်ႈမႃးၼႂ်းသႃႇသၼႃႇ ဢဝ်ဝႃႇၻမိၸ်ႉသႃႇၶဝ် သႄႇတမ်ၶဝ်ႈမႃးၼႂ်းသႃႇသၼႃႇလႄႈ ပဵၼ်မႃးၶဵၼ်သႃႇသၼႃႇသေ ၸင်ႇတေလႆႈတၢင်ႇ သင်ႇၷႃႇယၼႃႇယဝ်ႉ။ ၸဝ်ႈမႁႃႇမွၵ်ႉၵလိပုတ်ႉတတိသ်ႉသ၊ ၸဝ်ႈမၸ်ႉၸၼ်ႇတိၵ၊ ၸဝ်ႈမႁႃႇၻေဝ ဢွၼ်ႁူဝ်ရႁၢၼ်းတႃႇ (႑႐႐႐)ၸဝ်ႈသေ တၢင်ႇတတိယသင်ႇၷႃယၼႃႇယဝ်ႉ။ၽွင်းမိူဝ်ႈတၢင်ႇ သင်ႇၷႃႇယၼႃႇၼၼ်ႉ ၶုၼ်ႁေႃၶမ်းလူင် ဢသေႃးၵ မိူင်းပႃႇꩦလိပုတ်ႉလႄႈ ၵူၼ်းဝၢၼ်ႈၵူၼ်းမိူင်းၶဝ် ၸွႆႈထႅမ်ၵူႈၽၢႆႇၵူႈပႃႈယူႇယဝ်ႉ။ ဢဝ်သူပ်း လွတ်ႈဢၢၼ်ႇသေ ႁိုင် (႙) လိူၼ်။ ၽွင်းမိူဝ်ႈတၢင်ႇ တတိယသင်ႇၷႃယၼႃႇၼၼ်ႉ ၽိူၺ်ၽႄႈသႃႇသၼႃႇၵႂႃႇ ၵဝ်ႈတိူင်းၵဝ်ႈမိူင်းယူႇယဝ်ႉ။ တမ်ႈတီႈမိူင်းမၢၼ်ႈ သုဝၼ်ႇၼၽူႇမိတႄႉ ၸဝ်ႈသေႃးၼလႄႈ ၸဝ်ႈဢုတ်ႉတရ ဢွၼ်ႁူဝ်ရႁၢၼ်းတႃႇႁႃႈၸဝ်ႈသေ မႃးပိုၼ်ၽႄႈ သႃႇသၼႃႇယဝ်ႉ။  

ပီသႃႇသၼႃႇ (႔႕႐) (မိူဝ်ႈၶရိတ်ႉပႆႇပေႃႇ ႙႔ ပီႇၸီႇ) တမ်ႈတီႈ မိူင်းသီႇရိလင်ႇၵႃႇ (သီႇႁူဝ်ႇ)၊ ဝၢၼ်ႈမလယ၊ တီႈထမ်ႈဢႃႇလေႃးၵၼၼ်ႉ တၢင်ႇၸတုတ်ႉထသင်ႇၷႃႇယၼႃႇယဝ်ႉ။ ၵွပ်ႈပိူဝ်ႈလႆႈထူပ်းၽေးၶဵၼ် ၵူၼ်းၸူၼ်၊ ၽေးၶဵၼ်ဢိုပ်းယၢၵ်ႈ ၶၢဝ်းတၢင်း (႑႒) ပီလႄႈ ၼင်ႇႁိုဝ် ပိတၵတ်ႈထမ်းၸဝ်ႈ တေဢမ်ႇႁၢႆလၢႆၼၼ်ႉ ရႁၢၼ်းၸဝ်ႈၶဝ် လႆႈယၢပ်ႇယၢၵ်ႈၶၢၼ်ၸႂ်တႄႉတႄႉသေ ဢူမ်ဢၢၼ်ႇသိမ်းပႅင်းဝႆႉယဝ်ႉ။ ဝၢႆးၼႆႉ သင်ၸိူဝ်ႉဝႃႈ ထူပ်းၽေးၶဵၼ်ၸိူင်ႉၼႆမႃးထႅင်ႈ လွင်ႈသတိ၊ သမႃႇထိ၊ ပၺႃႇၵေႃႈ သမ်ႉယူပ်ႈယွမ်းၸိုင် တေဢမ်ႇဢူမ်သူပ်းလႆႈ ႁၼ်ထိုင်ၼင်ႇၼႆလႄႈ ၸင်ႇတၢင်ႇၸတုတ်ႉထသင်ႇၷႃႇယၼႃႇယဝ်ႉ။ တီႈမိူင်းသီႇႁူဝ်ႇ၊ ပၢၼ်ၶုၼ်ႁေႃၶမ်း ဝꩦ်ႉတၵႃႇမၼိ၊ ၸဝ်ႈမႁႃႇထမ်မရၵ်ႉၶိတ ဢွၼ်ႁူဝ် ရႁၢၼ်းတႃႇႁႃႈပၢၵ်ႇ ဢဝ်တြႃးၽြႃးပဵၼ်ၸဝ်ႈ တႅမ်ႈသႂ်ႇၼိူဝ် မႂ်ပေႇသေ တၢင်ႇၸတုတ်ႉထသင်ႇၷႃႇယၼႃႇယဝ်ႉ။ ၵူၼ်းလူင်ဝၢၼ်ႈ မလယလႄႈ ၵူၼ်းဝၢၼ်ႈၶဝ် ဢွၼ်ၵၼ်ၸွႆႈထႅမ်ၵူႈၽၢႆႇၽၢႆႇယဝ်ႉ။ ၶၢဝ်းယၢမ်းမၼ်းႁိုင် (႑) ပီ။ 

ပီသႃႇသၼႃႇ - ႒႔႑႕ (ၶရိတ်ႉ 1871)၊ ​ပီၵေႃးၸႃႇ ႑႒႓႒၊ လိူၼ်သိပ်းမႂ်ႇ (႑) ၶမ်ႈ တမ်ႈတီႈမိူင်းမၢၼ်ႈ၊ ဝဵင်းမၢၼ်းတလေးၼၼ်ႉ တၢင်ႇ ပၼ်ႇၸမသင်ၷႃႇယၼႃႇယဝ်ႉ။ လွင်ႈဢၼ်ဢဝ် ပိတၵၢတ်ႈၸဝ်ႈ တႅမ်ႇသႂ်ႇဝႆႉၼိူဝ် ပေႇပရပိူၵ်ႈၼၼ်ႉ မၼ်းဢမ်ႇမၼ်ႈၵိုမ်းႁိုင်၊ မူႇပိူင်မၼ်းၵေႃႈ ၸၢင်ႈပႅၵ်ႈပိူင်ႈၵၼ် ၵွပ်ႈပိူဝ်ႈၶႂ်ႈႁႂ်ႈၽေးၶဵၼ်ၸိူဝ်းၼႆႉႁၢႆလႄႈ ပၼ်ႇၸမသင်ၷႃႇယၼႃႇၼႆႉ ၸင်​ႇတေတႅမ်ႈၶႅၵ်းသႂ်ႇ ၼိူဝ်ႁိၼ်ယဝ်ႉ။ တူၼ်ၶူးၵျွင်းၽြႃးလူင် ၻၵ်ႉၶိၼႃႇယႃႇမ ၽၻ်ႉၻၼ်ႇတ ၸႃႇၵရၽိဝ့သမႁႃႇထေႇ (တိပိꩦၵꩪရ မႁႃႇꩪမ်ႇရႃႇၸႃႇꩪိရႃႇၸႃႇၵုရု) ၼၢမ်းၼႃႈသေ သင်ႇၶၸဝ်ႈ (႒႔႐႐)သေ တၢင်ႇသင်ႇၷႃႇယၼႃႇယဝ်ႉ။ တမ်ႈတီႈ တိၼ်လွႆမၢၼ်းတလေး ၼႂ်းဝၢင်းၽြႃးလေႃးၵမႃႇရၸိၼ်ႇၼၼ်ႉ ၸင်ႇၶႅၵ်းတႅမ်ႈထမ်းၸဝ်ႈသႂ်ႇၼိူဝ် မၢၵ်ႇႁိၼ်ၶၢဝ် (႗႒႙)ၶႅပ်း၊ ႁိုင် (႗ ပီပၢႆႇ ႖ လိူၼ် ႑႔ ဝၼ်း)ယူႇယဝ်ႉ။ ဝၢႆးၼၼ်ႉ ၸင်ႇၶိုၼ်းလွတ်ႈႁေႃးသေ တၢင်ႇသင်ႇၷႃႇယၼႃႇ ႁိုင် (႕ လိူၼ်ပၢႆ ႓ ဝၼ်း)သေ ပဵၼ်ဢၼ်ယဝ်ႉတူဝ်ႈၵႂႃႇယဝ်ႉ။ ဝၢႆးသေတၢင်ႇသင်ၷႃႇယၼႃႇယဝ်ႉ ၽႄပုၼ်ႈၽွၼ်းပၼ်ၵၼ်သေ ဢဝ်ပိၼ်ႇ ပဵၼ် ပိတၵၢတ်ႈၽႄ (ၼိဝ်ႉသယ)၊ ပိုၼ်ၽၢဝ်ႇၶေႃႈပူင် ထမ်ႇမဝိၼယ ႁႂ်ႈၸွတ်ႇတင်းမိူင်းသေ ႁဵတ်းႁႂ်ႈသႃႇသၼႃႇ ၸိုၼ်ႈသႂ် ၽႄႈတိူၼ်းယူႇ။ 

ပီသႃႇသၼႃႇ ႒႔႙႘ (ပီၶရိတ်ႉ 1954၊ ပီၵေႃးၸႃႇ ႑႓႑႖) ဝၼ်းလိူၼ်ႁူၵ်းမူၼ်း တမ်ႈတီႈမိူင်းမၢၼ်ႈ၊ ဝဵင်းယၢၼ်ႇၵုင်ႇ၊ ၵမ်ႇၽႃးဢေး တီႈထမ်ႈမႁႃႇပႃႇသႃႇၼၼၼ်ႉ တၢင်ႇ သꩦ်ႉꩧသင်ႇၷႃႇယၼႃႇယဝ်ႉ။ ယွၼ်ႉပိူဝ်ႈ မိူင်းမၢၼ်ႈလႆႈပဵၼ် ၶီႈၶႃႈမႃး (႑႐႐)ပီလႄႈ သႃႇသၼႃႇၸဝ်ႈ ပဵၼ်ဢၼ်ႁဵဝ်ႇသဝ်ႈဝဝ်းမွင်ႇသေ ၼင်ႇႁိုဝ် သႃႇသၼႃႇ တေၸိုၼ်ႈသႂ်ႇ၊ ၼင်ႇႁိုဝ် ပိတၵတ်ႈၸဝ်ႈ တေၸိုၼ်ႈသႂ်ႇၼၼ်ႉ ၸင်ႇလႆႈ တၢင်ႇ သꩦ်ႉꩧသင်ႇၷႃႇယၼႃႇယဝ်ႉ။ တႄႇဢဝ် ၸဝ်ႈသြႃႇလူင် ၺွင်ႇယၢၼ်း ၽၻ်ႉၻၼ်ႇၻရေဝတ (ဢၽိꩪၸမႁႃႇရꩦ်ꩧၵုရု)၊ ၸဝ်ႈသြႃႇလူင် မႁႃႇၸီႇ ၽၻ်ႉၻၼ်ႇတ, သေႃးၽၼ (ဢၵ်ႉၵမႁႃႇပၼ်ႇတိတ-ပုၸ်ႉသၵ)၊ ၸဝ်ႈသြႃႇလူင်မိၼ်းၵုၼ်း တိပိꩦꩪရ ထမ်ႇမၽၼ်ႇတႃႇၵႃႇရိၵ ၽၻ်ႉၻၼ်ႇတ ဝိၸိၸ်ႉၸသႃႇရႃႇၽိဝ့သ (ဝိသၸ်ႉၸၵ) ႁူမ်ႈလူၺ်ႈသင်ႇၶႃႈၸဝ်ႈ ထေႇရဝႃႇတ (႕) မိူင်း၊ သင်ၶၸဝ်ႈ (႒႕႐႐) တၢင်ႇသင်ႇၷႃႇယၼႃႇယဝ်ႉ။ လူင်ပွင်ၸိုင်ႈ မိူင်းမၢၼ်ႈလႄႈ ၵူၼ်းဝၢၼ်ႈၵူၼ်းမိူင်း၊ ဢိၵ်ႇလူၺ်ႈ မိူင်းသီႇရိလင်ႇၵႃႇ၊ မိူင်းထႆး၊ မိူင်းလၢဝ်း၊ မိူင်းၵမ်ႇပေႃးၻီးယႃး မိူင်းထေႇရဝႃႇတႁႃႈမိူင်း ဢိၵ်ႈလူၺ်ႈ မိူင်း(႒႕) မူိူင်းၶဝ်ႈၵေႃႈ ၸွႆႈထႅမ်ၵူႈၽၢႆႇၽၢႆႇယဝ်ႉ။

လွင်ႈတၢင်ႇသင်ႇၷႃႇယၼႃႇပွၵ်ႈၼႆႉ ဢမ်ႇၵႃးပႃႇလိၸဝ်ႈလၢႆလၢႆ တၢင်ႇပႃး ၵျၢမ်းဢꩦ်ႉꩧၵထႃႇ ꩦီႇၵႃႇၵွၼ်ႇယဝ်ႉ။ ႁဵတ်းၼႆသေ ပိတၵၢတ်ႈသၢမ်ၵွင် ၸိူင်ႉၼင်ႇ မုၼ်ၶမ်းၽြႃးႁေႃးမႃးၼၼ်ႉ ဢမ်ႇထႅမ်ဢမ်ႇထွၼ်သင်သေ ၸဝ်ႈမႁႃႇၵသ်ႉသပၶဝ်ၸဝ်ႈ ၸိူဝ်းပႂ်ႉပႃးသႃႇသၼႃႇၶဝ် ဢွၼ်ၵၼ်တၢင်ႇသင်ႇၷႃႇသၼႃႇ မၵ်းမၼ်ႈမႃးယူႇယဝ်ႉ။ ၸိူင်ႉၼင်ႇဢၼ် ၸဝ်ႈၶဝ် ပၢၼ်သိုပ်ႇပၢၼ် ဢဝ်ထမ်းမိတၵၢတ်ႈသၢမ်ၵွင်၊ ၼိၵႄႇႁႃႈၽိုၼ် တၢင်ႇသင်ႇၷႃႇယၼႃႇမႃးၼၼ်ႉ ႁွင်ႉဝႃႈ ထေရဝႃႇꩪ ၿုꩪ်ႉꩪသႃႇသၼႃႇ ၼႆယဝ်ႉ။

ယၢမ်းလဵဝ် ၼင်ႇႁိုဝ် သႃႇသၼႃႇလူင် ထေႇရဝႃႇၻ တေမၼ်ႈၵိုမ်းၸိုၼ်ႈသႂ်ၽႄႈတိူၼ်းၼၼ်ႉ မိူဝ်ႈ ႑႓႔႒- (1980)၊ လိူၼ်ၸဵတ်းမူၼ်း ၸင်ႇၽွတ်ႈ မုၵ်ႉၸုမ်းလူင် သင်ႇၶမႁႃႇၼႃႇယၵ ၸိုင်ႈမိူင်း ၵူႈၸုမ်းၸုမ်းသေ ၸဵမ်သြႃႇလႄႈတၵႃႇ သိုပ်ႇၸုင်မိုဝ်းၵၼ်သေ ႁဵတ်းသၢင်ႈႁၢင်ႈပွင် ၼႃႈၵၢၼ်သႃႇသၼႃႇၵႂႃႇယူႇယဝ်ႉ။ ပိူင်လူင်မၼ်း ဢဝ်ပိတၵၢတ်ႈထမ်းၸဝ်ႈ ပိၼ်ႇပဵၼ်ၽၢႆႆႇၽႃႇသႃႇ ဢဵင်းၵလဵတ်ႈ၊ မုၵ်ႉၸုမ်းလူင်သင်ႇၶမႁႃႇၼႃႇယၵၸိုင်ႈမိူင်း ၸိသင်ႇဢွၼ်ႁူဝ်သေ ဢဝ်ငိုၼ်းၵူၼ်းမိူင်းၶဝ် လူႇတၢၼ်းဝႆႉၼၼ်ႉ ႁဵတ်းသၢင်ႈၸၼ်ႉၸွမ် ပရိယတ်ႉတိသႃႇသၼႃႇ ၸိုင်ႈမိူင်း တီႈဝဵင်းယၢၼ်ႇၵုင်ႈလႄႈ မၢၼ်းတလေး၊ ထတ်းၸႅတ်ႈထမ်ႇမ ဢထမ်ႇမဝႃႇၻသေ ႁဵတ်းႁႂ်းသႃႇသၼႃႇ ၸိုၼ်ႈသႂ်၊ ၸဵမ်ၼွၵ်ႈမိူင်းၼႂ်းမိူင်း သၼ်လွႆ ထုင်ႉပဵင်းၸိူဝ်းၼၼ်ႉ သႂ်ႇႁႅရ်း ႁဵတ်းႁႂ်ႈ သႃႇသၼႃႇၽႄႈတိူၼ်းသေ ႁဵတ်းႁႂ်ႈထေႇရဝႃႇၻ သႃႇသၼႃႇၶမ်းၽြႃး ၸိုၼ်ႈသႂ်မၼ်ႈၵိုမ်းၽႄႈတိူၼ်း၊ ႁႂ်ႈလွင်ႈၵျၢင်ႉတၢင်းၵမ် ၸႃႇရိတ်ႉတၸၢဝ်းၶိူဝ်းသႃႇသၼႃႇ လီတွၼ်းမႃးၼၼ်ႉယူႇ။

ၼႆႉပဵၼ် ပိုၼ်းၵႅပ်ႈ လွင်ႈဢၼ်လုၵ်ႈသိုပ်ႇလၢၼ် ပၢၼ်သိုပ်ႇပၢၼ် ၵၢၼ်လူင် လွင်ႈၽိူၺ်ၽႄႈသႃႇသၼႃႇယဝ်ႉ။ လိူဝ်သေၼၼ်ႉ သၢႆငၢႆၶၢဝ်းယၢမ်းမၼ်း ပၼ်မိူဝ်ႈလႂ်ႈသေဢမ်ဝႃႈ ၼႃးၵၢၼ်ဢၼ်ၽူႈၶဝ်ႈၿုတ်ႉထၽႃႇသႃႇ လူဝ်ႇလႆႈၽိူၺ်ၽႄႈ သႃႇသၼႃႇၼၼ်ႉၵေႃႈ တိုၵ်ႉမီးယူႇ။

ၼႃးလိၵ်ႈ (႑႘႑) ၊ တြႃးပုတ်ႉထၽႃႇသႃႇ (ၸၼ်ႉငဝ်ႈ) ထၢၼ်ၽွင်းလူင်သႃႇသၼႃႇ၊ ဢိတ်ႇဢွၵ်ႇတီႈ ထၢၼ်ၵူမ်းသႃႇသၼႃႇ ပီ 1999




#Article 97: ပိုၼ်းၵႅပ်ႈ ၵွင်းမူး 2500 ဝဵင်းလႃႈသဵဝ်ႈ (391 words)


လွႆၽြႃးၵွင်းမူး(2500)ၵွင်းမူးၼၢမ်ႇမိူင်း လွႆၵၢင်မိူင်းၼႆႉ မိူဝ်ႈၼၼ်ႉပဵၼ်ထိူၼ်ႇပႃႇလူင်သေ မီးသၢင်းၶႅင်း ၶရိယၢၼ်ႇၶဝ် ပဵၼ်တီႈၸၢဝ်းၶိူဝ်းၶရိယၢၼ်ႇၶဝ် ၽဝ်ၵူၼ်းတၢႆ၊ ထိုင်မႃး ဝၢႆးသိုၵ်းၵမ်ႇၾႃႇပွၵ်ႈသွင် မိူဝ်ႈပီႊ 1311 ၼီႈလိူၼ်(12)လွင်ႈ(6)ၶမ်ႈဝၼ်းၽတ်းၼၼ်ႉ ဢၼ်ပဵၼ်ၸဝ်ႈၶမ်းႁူမ်ႇၾႃႉသႅၼ်ဝီ မၼ်းၸဝ်ႈဢုပ်ႉဝၢၼ်ႈပွင်မိူင်း မိူင်းသႅၼ်ဝီၼႆႉယူႇယဝ်ႉ။(မိူဝ်ႈၼၼ်ႉလႃႈသဵဝ်ႈၼႆႉ ၶဝ်ႈပႃး ၽၢႆႇတႂ်ႈ မိူင်းသႅၼ်ဝီ)။
မၼ်းၸဝ်ႈ လုၵ်ႉမိူင်းသႅၼ်ဝီ လူင်းမႃးတႄႇႁေႃမႂ်ႇ တီႈၼိူဝ်ၵုင်းၵူမ်ဢွၼ်ႇ ဢၼ်ဢမ်ႇၸမ်ဢမ်ႇၵႆၽၢႆႇတူၵ်း လွႆလူင်ၼႆႉယဝ်ႉ။ မိူဝ်ႈၼၼ်ႉတီႈဝူင်ႈၵၢင်လွႆလူင်ၼႆႉလႄႈ ၵုင်းၵူမ်ဢွၼ်ႇဢၼ်မႃး တင်ႈႁေႃမႂ်ႇ ၼၼ်ႉသမ်ႉမီးဝႆႉ တပ်ႉသိုၵ်းလူင်ပွင်ၸိုင်ႈ လုၵ်ႈၼိုင်ႈ ပဵၼ်တပ်ႉၸုမ်းမၢႆႁူၵ်း (တပ်မဟာ-၆)ၼႆယဝ်ႉ။ မိူဝ်ႈၼၼ်ႉ တီႈၽၢႆႇၸဵင်ႇႁွင်ႇဝၼ်းတူၵ်း တိၼ်လွႆၼၼ်ႉ မီးဝၢၼ်ႈၶၢႆးႁဵဝ်းၼႆယဝ်ႉ၊ ၼႃႈၽၢႆႇႁွင်ႇ သမ်ႉမီး ဝၢၼ်ႈၵဝ်ႇလူင်၊ ၸဵင်ႇႁွင်ႇဝၼ်းဢွၵ်ႇသမ်ႉမီး ဝၢၼ်ႈၶၢႆးၼမ်ႉလိၼ်းၶမ်း၊ တိၼ်လွႆ ၼႃႈတၢင်းဢွၵ်ႇသမ်ႉမီး ႁွင်ႈၼမ်ႉတူၼ်ႈၵေႃႈၼႆယဝ်ႉ။ ၽၢႆႇၸၢၼ်းသမ်ႉမီးတၢင်းၵႃး ႁိူၼ်းၵူၼ်း ဢမ်ႇပေႃးထီႇ ဢမ်ႇပေႃးႁၢင်ႇၶႅပ်ႇၸွမ်းႁိမ်းတၢင်း၊ ၸဵင်ႇၸၢၼ်းဝၼ်းတူၵ်း ဢမ်ႇၸမ်ဢမ်ႇၵႆၼၼ်ႉသမ်ႉမီး လၵ်းသဝ်ႁိၼ်လူင်ဢၼ်ၼိုင်ႈသေ လွႆလူင်ၼႆႉ မီးတီႈၼႂ်းၵၢင်ဝဵင်း (ၵၢင်မိူင်း)ႁၢင်ႈၶိုၵ်ႉၶမ်ႇဝႆႉတႄႉတႄႉ၊ မီးၼမ်ႉမွတ်း ဢွၵ်ႇမႃးၸွမ်းတိၼ်လွႆၵူႈၽၢႆႇယဝ်ႉ။

ထိုင်မႃးမိူဝ်ႈသႃႇသၼႃႇပုတ်ႉထၸဝ်ႈ 2500 ပီတဵမ်ၼၼ်ႉ ဢၼ်ပဵၼ်ၶုၼ်မိူင်း ၸဝ်ႈၶမ်းႁူမ်ႇၾႃႉ မိူင်းသႅၼ်ဝီတီႈလွႆလူင်ၵၢင်မိူင်းႁဝ်းၼႆႉ ထုၵ်ႇလီမီးဝႆႉပိုၼ်းႁၢင်ႈလီ ၵိုၵ်းဝၢၼ်ႈမိူင်းတႆးႁဝ်း ၵႂႃႇမိူဝ်းၼႃႈ ယူႇၼႆၵေႃႈ ပိူင်ၼိုင်ႈ၊ ႁႂ်ႈပဵၼ်တီႈပိုင်ႈဢိင်ၸၢဝ်းပုတ်ႉထႁဝ်းတင်းသဵင်ႈၼႆၵေႃႈပိူင်ၼိုင်ႈ ၊ၼင်ႇႁိုဝ် သႃႇသၼႃႇပုတ်ႉထၸဝ်ႈပေႃးတေႁိူဝ်ႈႁိူင်းပိူင်းသႂ်ၵႂႃႇမိူဝ်းၼႃႈၼႆၵေႃႈပိူင်ၼိုင်ႈ၊ ၼင်ႇႁိုဝ် ၵူၼ်းဝၢၼ်ႈ ၵူၼ်းမိူင်းႁဝ်း ပေႃးတေ ယူႇလီၵတ်းယဵၼ်မၢၵ်ႈမီးၶိုၼ်ႈယႂ်ႇၵႂႃႇမိူဝ်းၼႃႈၶၢဝ်းႁိုင်ၼၼ်ႉလႄႈ ၸင်ႇမိူဝ်းဝႆႈလဝ်ႈ ယွၼ်းၶႂၢင့်တမ်ႈတီႈၸဝ်ႈသြႃႇတေႃႇလူင် (ၸဝ်ႈၵႂၼ်းပၢႆး/ၵိူင်းၶျူၵ်ႉ)မိူင်းသႅၼ်ဝီ ၸဝ်ႈဢႃႇလေႃးၵ (ဢၵ်ႉၵမႁႃႇ ပၼ်တိတ) ယူႇယဝ်ႉ။ ၸွမ်းၼင်ႇ လွင်ႈတၢင်းတီႈၼိူဝ်ၼႆသေ ဢၼ်ပဵၼ်ၸဝ်ႈသြႃႇတေႃႇလူင်ၵေႃႈ ၸင်ႇပူင်ဝႃႈ ၵိုင်ႇလီပဵၼ် မိူၼ်ၼင်ႇတၵႃႇလူင် ဝူၼ်ႉဝႃႈၼၼ်ႉယူႇၼႆသေ၊ မိူဝ်ႈၼၼ်ႉၸဝ်ႈၾႃႉလူင်ၵေႃႈ ၸင်ႇၶိုၼ်းမႄးဝူၼ့် ဝႃႈ ဢၼ်ၼႆႉမၼ်းပဵၼ်ၼင်လိၼ် လူင်ပွင်ၸိုင်ႈ ပေႃးဢမ်ႇဢုပ်ႇၵုမ်ႁူမ်ႈပႃးၶဝ်ၵေႃႈ ဢမ်ႇပေႃးသၢင်ႇထုၵ်ႇၼႆလႄႈ ၸင်ႇမႃးၵုမ်ၵၼ်တင်း ၽူႈၵွၼ်း တပ်ႉၸုမ်းမၢႆ(6)ၸဝ်ႈသိုၵ်းလူင် ၸီႇတူႇ ၶျိတ်ႉမျႅင်ႇ (ဗိုလ်မှူးကြီး စည်သူ ချစ်မြိုင်)ၼၼ်ႉ ၽွမ်ႉလႆႈၸႂ်ၵၼ်သေ ၸင်ႇၽိတ်ႈမွၵ်ႇႁွင့်ဢဝ် ၽူႈယႂ်ႇၵူၼ်းလူင် ၽူႈသႅင်ႇယႃႇ မဵဝ်ႉဢုပ်ႉမဵဝ်ႉပႅင်ႇ ၸဝ်ႈၼေႇၶျုၵ်ႈ ၶဝ်တႄႇၵႂႃႇၽူႈယႂ်ႇၵူၼ်းလူင် ထမူင်ၵၢင့်ၵႄႇ ၶဝ်ၸိူဝ်းၼၼ်ႉ သေ ႁဵတ်းပဵၼ် ပၢင်ၵုမ်လူင်ၵမ်းလဵဝ်ယဝ်ႉ။    

ၸိူဝ်းၼႆႉၵုမ်ၵၼ်သေ ၽွတ်ႈၵေႃ ၵေႃႇမတီႇ၊ 


ထိုင်မႃး 1318 ၶု လိူၼ်(12)မႂ်ႇ 10 ၶမ်ႈဝၼ်းၸၼ် ပီၶရဵတ်ႈ 1956 လိူၼ်ၼူဝ်ႇဝိမ်ႇပိူဝ်ႇ(3)ဝၼ်း၊ၶၢဝ်းယၢမ်းၵၢင်ၼႂ်(7:00)မွင်းၼၼ်ႉၸင်ႇပၢင်းဢဝ်ၸဝ်ႈသင်ႇၶႃႇ(59)တူၼ် ဢဝ်ႈၸဝ်ႈသြႃႇတေႃႇ ၵိူင်းၶျုၵ်ႈသႅၼ်ဝီ သြႃႇၸဝ်ႈ ဢႃႇလေႃးၵ (ဢၵ်ႉၵမႁႃႇပၼ်တိတ)ဢွၼ်ႁူဝ်ၼမ်းၼႃႈသေ လွတ်ႈႁေႃးပရိတ်ႈမဵတ်ႉတႃႇ ၽတ်းၵမ်ႇမဝႃႇၽိၵ်ႈသိၵ်ႈၼႃႈလိၼ်သေယဝ်ႉ။ ထိုင်မႃး ၵေႃးၸႃႇ 1318 ၼီႈ ပီၶရဵတ်ႈ 1956 ၶု လိူၼ်(12)မႂ်ႇ (11)ၶမ်ႈ ဝၼ်းဢင်းၵၢၼ်း ၵၢင်ၼႂ် (6:00)မွင်းၼၼ်ႉ ၸဝ်ႈၶမ်းႁူမ်ႇၾႃႉ၊ ၸဝ်ႈၼေႇၶျုၵ်ႈ ႁူမ်ႈလူၺ်ႈၽူႈၵွၼ်းတပ်ႉၸုမ်းမၢႆ(6)ၶဝ် ဢွၼ်ႁူဝ်သေ တွၵ်ႇလၵ်းပၵ်းမၢႆ ႁဵတ်းမင်ႇၵလႃႇၵႂႃႇယူႇယဝ်ႉ။

ထိုင်မႃးပီၵေႃးၸႃႇ 1318 ၼီႈ၊ပီၶရိတ်ႈ 1956 ၶု၊လိူၼ်ၸဵင်မူၼ်း ၵၢင်ၼႂ် (8:00) မွင်းၼၼ်ႉ ၸဝ်ႈၶမ်းႁူမ်ႇၾႃႉ ဢွၼ်ႁူဝ်တမ်းမၢၵ်ႇဢုတ်ႇငိုၼ်း/ၶမ်းၵႂႃႇသေယဝ်ႉ သိုပ်ႇၵေႃႇသၢင်ႈၵႂႃႇၵမ်းလဵဝ်ယဝ်ႉ။ မိူဝ်ႈၵေႃႇ သၢင်ႈၵွင်းမူးလူင်ၼႆႉ ဢမ်ႇယိပ်းမၢၵ်ႇဢုတ်ႇ၊ လိူၵ်ႈဢဝ်မၢၵ်ႇႁိၼ်ပႅတ်ႇပႅၵ်ႉၵဝ်ႈပႅၵ်ႉ၊ သိပ်းပႅၵ်ႉပၢတ်ႈလႄႇၸိူဝ်းၼၼ်ႉသေ ၶပ်ႉၽေႃႇၸၢပ်ႈ လေႃးထုၼ် သၢႆးလိၼ်ယၢင်သေယဝ်ႉ ၵေႃႇသၢင်ႈ ၵႂႃႇယူႇယဝ်ႉ။ မိူဝ်ႈၽွင်း ၵေႃႇသၢင်ႈၵွင်းမူးလူင်ၼႆႉ ပၢင်းဢဝ်သင်ႇၶႃႇၸဝ်ႈ ၼိုင်ႈဝၼ်း(5)ပႃး မႃးလူလွမ်ပႂ်ႉပႃးပၼ်ၵူႈဝၼ်းယဝ်ႉ။  ၵွင်းမူးလူင်သူႇၼႆႉ ပုင်ႇပၵ်းၽၢင်ၶႆႈငၢႆး ၵွင်းမူးပူဝ်ႇတထွင်ႇ ၼၼ်ႉ ဢိတ်းဢိတ်း၊ တင်းယႂ်ႇ တင်းၵႂၢင်ႈ ပလၢင်ႇမၼ်းမီး (101)ထတ်း၊ မၢၼ်းပီႁိင်ႇလူင်မၼ်းမီး(68)ထတ်း၊ တင်းသုင်ၺၢၼ်ႇတေႃႇ မၼ်းမီး (65)ထတ်းယူႇယဝ်ႉ။ 

ထိုင်မႃးပီၵေႃးၸႃႇ 1318 ၼီႈ၊ပီၶရဵတ်ႈ 1957 ၶု လိူၼ်သီႇမႂ်ႇ( 6 )ၶမ်ႈ ဝၼ်းပုတ်ႉ ၶၢဝ်းယၢမ်းၵၢင်ၼႂ်(09:00)မွင်းၼၼ်ႉ ပၢင်းဢဝ်သင်ႇၶႃႇလႄႈ ၸဝ်ႈသြႃႇလူင်ၵိူင်းၶျုၵ်ႈ ၸဝ်ႈဢႃႇလေႃးၵသႅၼ်ဝီ(ဢၵ်ႉၵမႁႃပၼ်တိတ )ဢွၼ်ႁူဝ်ၼမ်းၼႃႈသေ ႁဵတ်းပွႆးဢဝ်ၵႅဝ်ႈသႅင် ရတၼႃႇ ထႃႇပၼႃႇၵွင်းမူး ပွႆးသမ်ႉပေႃးၵိုၼ်း ဢိုၵ်ႉဢိုၵ်ႉယူႇယဝ်ႉ။ 

ထိုင်မႃးပီၵေႃးၸႃႇ 1319 ၼီႈ၊ ပီၶရဵတ်ႈ 1958 ၶု လိူၼ်ၸဵင်မူၼ်း ဝၼ်းသုၵ်းၼၼ်ႉ ၸဝ်ႈၽႃႉလူင်သႅၼ်ဝီလႄႈ ၸဝ်ႈၼၢင်းလူင်မႁႃႇတေႇဝီႇ ၸင်ႇပၢင်းသင်ႇၶႃႇၸဝ်ႈ (59)တူၼ် ပၢင်းၵၢပ်ႈသွမ်း ပဵၼ်းသေယဝ်ႉၶၢဝ်းယၢမ်း(10:30)ၵၢင်ၼႂ်ၼၼ်ႉသိုပ်ႇပၢင်းဢဝ်ၸဝ်ႈသြႃႇလူင်ၵိူင်းၶျုၵ်ႈ(ဢၵ်ႉၵမႁႃပၼ်တိတ)ဢွၼ်ႁူဝ်ၼမ်းၼႃႈတၢင်ႇထီး ပီသႅင်ယဝ်ႉတူဝ်ႈ လီငၢမ်းယူႇယဝ်ႉ။ ၸဝ်ႈတႃႇၼထီးၸမ်ႉ ပဵၼ်ပူႇလွႆလၢႆးၸိုၼ်ႈ+ၼၢႆးလွႆဢွင်ႇ ပွၵ်ႉ(4)မျၢၼ်မႃႇယတ်ႈယဝ်ႉ၊ ၸဝ်ႈတႃႇၼ ၸိင်ႇၽူးၸမ်ႉပဵၼ်ဢူးၵျေႃႇယၢၼ်ႇ+တေႃႇၶမ်းသႃႇ ၼႆသေ ပွႆးတၢင်ႇထီး ၵွင်းမူးၼႆႉၵိုၼ်းတႄႉၵိုၼ်းဝႃႈ ၼႆယဝ်ႉ။  

လွင်ႈၵေႃႇတင်ႈၵွင်းမူးလူင်ၼႆႉ ၶႆႈႁႂ်ႈၸၢဝ်းပုတ်ႉ ၵူၼ်းမိူင်းတင်းလူင် လႆႈယူႇလီၵတ်းယဵၼ်လႄႈသင်၊ႁႂ်ႈၵိုၵ်းပိုၼ်းႁၢင်ႈလီ ပုၼ်ႈတႃႇၸၢဝ်းပုတ်ႉႁဝ်းမိူဝ်းၼႃႈလႄႈသင်၊ ၵွင်းမူးၼၢမ်ႇမိူင်းၼႆၵေႃႈဝႃႈယဝ်ႉ။ ၵွပ်ႈပိူဝ်ႈၵေႃႈသၢင်ႈဝႆႉမႅၼ်ႈမိူဝ်ႈ သႃႇသၼႃႇ~2500 ပီလႄႈၵွင်းမူးသွင်ႁဵင်ႁႃႈပၢၵ်ႇ(2500)ၼႆၵေႃႈဝႃႈလႆႈယဝ်ႉ။ၵွပ်ႈပိူဝ်ႈမီးၼိူဝ်လွႆၵၢင်မိူင်းလႄႈ ၵွင်းမူးလွႆၵၢင်မိူင်းၼႆၵေႃႈဝႃႈယဝ်ႉ။ ၵွပ်ႈၸဝ်ႈၽႃႉလူင် သႅၼ်ဝီ ဢွၼ်ႁူဝ်တႄႇဝႆႉလႄႈ ၵွင်းမူးၸဝ်ႈၽႃႉၼႆၵေႃႈဝႃႈယဝ်ႉ။ ၽၢႆႇမၢၼ်ႈတႄႉၶဝ်တႅမ်ႈဝႆႉဝႃႈ (ပြည်လုံးချမ်းသာစေတီတော်)ၼႆယဝ်ႉ။ပေႃးၽြႃးၵွင်းမူးယဝ်ႉၵေႃႈ သမ်ႉလူဝ်ႇၵူၼ်းလုမ်းလႃး ပႂ်ႉပႃးဝႃႈၼႆ လႄႈ ၸဝ်ႈၽႃႉ လူင် ၸင်ႇလိူၵ်ႈတူၺ်း တီႈသၢင်ႇထုၵ်ႇသေ တီႈဢမ်ႇပေႃးၸမ် ပေႃးၵႆတေယၢၼ် ၵွင်းမူးမွၵ်ႈ (600)ထတ်းၼႃႈတၢင်းႁွင်ႇၼၼ်ႉ မီးၵွင်းၵူမ်ဢွၼ်ႇလုၵ်ႈၼိုင်ႈ ၸင်ႇတႄႇတင်ႈၵျွင်းဢွၼ်ႇ လင်ၼိုင်ႈသေမိူဝ်းႁပ်ႉ ပၢင်းၸဝ်ႈရႁၢၼ်းတူၼ်ၼိုင်ႈ တမ်ႈတီႈသြႃႇၸဝ်ႈလူင် ၵိူင်းၶျုၵ်ႈသႅၼ်ဝီ(ဢၵ်ႉၵမႁႃပၼ်တိတ)သေ ၸဝ်ႈသြႃႇတေႃႇလူင်ၸင်ႇဢၢပ်ႈပၼ် ၸဝ်ႈၸၢင်းဢူးၺႃႇၼ ႁႂ်ႈမႃးပႂ်ႉပႃး လုမ်းလႃး ၽြႃးၵွင်းမူးၼိူဝ်လွႆၵၢင်မိူင်း ၼႆႉၵႂႃႇၼႆ မိူဝ်ႈပီသႃႇသၼႃႇ 2500 ၼင်ႇၵဝ်ႇယဝ်ႉ။ ၵျွင်းၼၼ်ႉၵေႃႈသႂ်ႇၸိုဝ်ႈဝႃႈ ၵျွင်း(2500)ဢၽယႃႇရႃႇမၼႆ မီးယူႇတေႃႇထိုင် ယၢမ်းလဵဝ်ယူႇယဝ်ႉ။ ၵျွင်း ၸဝ်ႈၽႃႉၼႆၵေႃႈဝႃႈယဝ်ႉ။ၵွင်းမူးလွႆၵၢင်မိူင်းၼႆႉ ၸဵမ်မိူဝ်ႈတႄႇတင်ႈယဝ်ႉတူဝ်ႈမႃးၼၼ်ႉ ၸင်ႇတႅပ်းတတ်း  မၵ်းမၼ်ႈဝႆႉဝႃႈ ပေႃးထိုင်ဝၼ်းလိူၼ် (12)မႂ်ႇ 13.14.15.ၶမ်ႈၼႆႉ ႁႂ်ႈပဵၼ်ပွႆး တၢင်ႇ ဢၼေၵၸႃႇ လူႇတၢၼ်းသၢင်ႇၵၢၼ်း  ၵထိင်ႇၽုင်ႇၵူႈပီၼႆယူႇယဝ်ႉ။ မိူဝ်ႈၼၼ်ႉ  ပေႃးထိုင်ပွႆးၼႆႉၼႆၸိုင်ၼႂ်းဝဵင်းၼွၵ်ႈဝဵင်း ပၢင်းဢဝ်ၸဵမ်ၼႃးလၢင်း၊ၼွင်ၵႂၢႆး၊ၼွင်မွၼ်၊ၶိုၼ်ႈမႃးတၢင်းၼိူဝ် ထိုင်မိူဝ်းသႅၼ်ဝီ၊ ၵုင်းသႃႇတႄႇၵႂႃႇၸိူဝ်းၼႆႉၵူႈပီယူႇယဝ်ႉ။ ဝၢႆးတႄႇၵွင်းမူးယဝ်ႉ(5)ပီ  1324 ၼီႈၼၼ်ႉ  ၸဝ်ႈၽႃႉလူင်သႅၼ်ဝီ လႆႈၸၢမ်ႇပူႈၼွၼ်းၽေးၵႂႃႇယူႇယဝ်ႉ၊ တီႈၵွင်းမူးလူင်ၼႆႉ ႁဵတ်းၼၼ် ပီယၢဝ်းၶၢဝ်းႁိုင်မႃး လႆႈႁဵတ်းမၢၼ်ႇတၢပ်ႈ တီႈလူႇတီႈတၢၼ်းယူႇၵူႈပီပီ။

ထိုင်မႃးမိူဝ်ႈပီ 1333 ၼီႈလိူၼ်ပႅတ်ႇမႂ်ႇ(13)ၶမ်ႈၼၼ်ႉ ၸဝ်ႈသြႃႇမဵဝ်ႉလႄႇ ဢူးၵဝိင်ႇတႃႇၸႃႇရ (ဢၵ်ႉၵမႁႃပၼ်တိတ)လႃႈသဵဝ်ႈၼႆႉ ၸင်ႇသေႃႇသူၼ်း တၵႃႇသတ်ႉထႃးၶဝ်သေ ႁဵတ်းၵျွင်းထမ်ႇမႃႇရုင်ႇ တီႈလူႇတၢၼ်းၵႂႃႇယဝ်ႉ။ ထိုင်မိူဝ်ႈ 1348 ၼီႈ ပၢၼ်ၼႅင်ႇငၢၼ်ႇတေႃႇငိင်ႇဝတ်ႉပိပျႃးၶဝ်ၶိုၼ်ႈမႃးၼၼ်ႉ မူႇၸုမ်းငိင်ႇဝတ်ႉပိပျႃးမု တီသွၵ်ႉယေး ၶဝ်ၸင်ႇဢဝ်ပုၼ်ႈၽွၼ်းသေ သိုပ်ႇၵေႃႇၵုမ်းလုမ်းလႃးသေယဝ်ႉ။ မိူဝ်ႈပီ ၶရဵတ်ႈ1986-87 ၼၼ်ႉၶဝ်ၸင်ႇမႃးႁဵတ်း သႃလႃးယၢဝ်း(59)ၶၢၼ်းႁဵတ်းႁူင်းပွႆႇသဵင် ႁဵတ်းၵျွင်းသေ ဝႆ့မီးမုၼ်ၸဝ်ႈ သင်ႇၶႃႇပႂ်ႉပႃးလုမ်းလႃး ၶႅပ်ႇဢိူမ်ႈႁိမ်းၸမ် ၵွင်းမူးၼၼ်ႉယူႇယဝ်ႉ။ 

မိူဝ်ႈပီ 1357 ၼီႈ  (17.06.95 )လိူၼ်ၸဵတ်းလွင်ႈ(5)ၶမ်ႈ ၵၢင်ၼႂ် 09:00 မွင်းၼၼ်ႉ ၸွမ်ႁၢၼ် ဢေးၵျေႃႇ ဢွၼ်ႁူဝ်ပၢင်းဢဝ်ၸဝ်ႈလူင်ၶဝ် ၼႂ်းဝဵင်းလႃႈသဵဝ်ႈသေ ၶိုၼ်းမေးတဵၵ်းၶမ်း၊ လၢႆႈထီးမႂ်ႇ ပွၵ်ႈၼိုင်ႈ၊ ထိုင်မႃးပီ 1369 ၼီႈ  (26.03.08)လိူၼ်သီႇလွင်ႈ(5)ၶမ်ႈၵၢင်ၼႂ် 07:00 မွင်းၼၼ်ႉ ၽူႈၵွၼ်းတိူင်း ၸွမ်ႁၢၼ်ၼ ဢွင်ႇတၢၼ်းထုတ်ႉလႄႈ ၶုၼ်ၽွင်းလူင် ဢူးၶိၼ်ႇမွင်ႇမိၼ်ႉ ၽၢႆႇၾႆးၾႃႉ ဢွၼ်ႁူဝ်သေ ပၢင်းဢဝ်(နိုင်ငံတော် ဩဝါဒါစရိယ) သြႃႇၸဝ်ႈလူင်မုၼိၼ်ႇတ (ဢၵ်ႉၵမႁႃႇပၼ်ႇတိတ)ၵျွင်းၵၢင်မိူင်း ဢွၼ်ႁူဝ် သင်ၶႃႇၸဝ်ႈ(8)ပႃးသေၶိုၼ်းမႄးတဵၵ်းၶမ်းလၢႆႈထီးပီသႅင် ထႅင်ႈပွၵ်ႈသွင်ယူႇယဝ်ႉ။ ယၢမ်းလဵဝ် ၵွင်းမူးလူင်ၼႆႉ ပဵၼ်ဢၼ်ႁိူဝ်ႈႁိူင်းပိူင်းသႂ် ပဵၼ်တီႈပီႈၼွင့် ၵူႈၸၢဝ်းၶိူဝ်း ၶိုၼ်ႈမိူဝ်းဝႆႈလူႇပူႇၸေႃႇ ဢမ်ႇထၢတ်ႇဢမ်ႇဝၢႆးယူႇယဝ်ႉ။




#Article 98: ပိုၼ်းၽြႃးလင်ႇၵႃႇဢူမ်ဢၢၼ်ႇ (186 words)


ပိုၼ်းၶိူဝ်းၸဝ်ႈပုတ်ႉထႃႇ ၊ ၸူဝ်ႈႁိုင်ၼႃႇတူၼ်လွင်း။
ယူႇသၢင်ႈၸၼ်ႉၶူင်းၽီ ၊ မူၼ်ႈသိူဝ်းလီၵူႈမိူဝ်ႈ။
ၽီသၢင်ႈႁူမ်ႈၵၼ်ၵႂႃႇ ၊ ဝၼ်ႇတၼႃႇပၢင်းလူင်း။
ၸင်ႇၽၢၵ်ႈၸၼ်ႉၶူင်းၼိူဝ် ၊ ႁွတ်ႈႁၢႆးၽိူဝ်ၵပ်ႉပီႇလဝၢတ်ႈ။
သဝ်းလီမုင်ႈသၼ်ႇထေႇ ၊ တမ်ႈလႃႇသေႇဝၼ်းၼူ။
မႅၼ်ႈလိူၼ်ပႅတ်ႇဝၼ်းမူၼ်း ၊ ၽႅၼ်ႇၵုၼ်ၵူၼ်းသၼ်ႇႁွၼ်ႈဝႆႉယဝ်ႉ။

ၵေႃမုင်ႈဝၢင်ႈလႃႇႁၢင်း ၊ ၸွႆႈသႅင်ၼၢင်းၶႅပ်ႇၸုမ်ႈ။
သိပ်းလိူၼ်ထူၼ်ႈတဵမ်ၵႂႃႇ ၊ မႄႈမႃႇတႃႇယၢၼ်ႁေႃ။
သူႁွတ်ႈတမ်ႈလူင်ပဝ်း ၊ ၸဝ်ႈလွင်းႁဝ်းၽၢၵ်ႈမုင်ႈ။
ပီမိူင်းႁူၵ်းသိပ်းပႅတ်ႇ ၊ ႁုင်ႈသၢႆလႅတ်ႇဝၼ်းပူး။
မိူဝ်ႈလိူၼ်မႅတ်ႈႁူၵ်းမူၼ်း ၊ ၽႅၼ်ႇၵုၼ်ၵူၼ်းသၼ်ႇႁွၼ်ႈ။
ၽီလၢႆတဝ်ႈလူင်းသူႇ ၊ ထၢၼ်ႈပဵၼ်မူႇလုမ်းလႃး။
ၸဝ်ႈယၢင်ႈၵႂႃႇၸဵတ်းတိၼ် ၊ ဢမ်ႇၸပ်းလိၼ်သေယၢင်ႈ။
မူဝ်ၶမ်းၵီႈတုင်းၽႃႇ ၊ ၸဝ်ႈပႆၵႂႃႇၼိူဝ်မူဝ်ၼၼ်ႉယဝ်ႉ။

လႃႇၽေးၸဝ်ႈသီႇရိမႃႇယႃႇ၊
ပေႃႈၸဝ်ႈၸိုဝ်ႈသုၻ်ႉ​ထေႃးၻၼႃႇႁေႃၶမ်း။
ႁၵ်ႉထူၼ်ႈၼႃႇတွၼ်းၸႂ် ၊ ၵူႈဝၼ်းၼႂ်ႁွပ်ႇဢုမ်ႈ။
သိပ်းႁူၵ်းပီထူၼ်ႈယႂ်ႇ ၊ ပုတ်ႈႁေႃမႂ်ႇၵိၼ်မိူင်း။
ၸၢမ်ႇဝၢင်ႈၸွႆႈတင်းလၢႆး ၊ ၵူႈဝၼ်ႈသၢႆ​ၵျ​ေႃႇထူၼ်ႈ။
ၼၢင်းလူင်ၸိုဝ်ႈယသေႃႇတရႃႇ ၊ လုၵ်ႈၸဝ်ႈၸိုဝ်ႈရႃႇႁုလႃႇၸၢႆးလႅင်။
ႁူမ်ႈမူၼ်ႈသိပ်းသၢမ်ပီ ၊ သိၵ်ႈၵျႃးၽီၸင်ႇတဝ်ႈ။
ၼႄၼိမိတ်ႈသီႇထႃႇ ၊ ၸဝ်ႈလႆႈၵႂႃႇထူပ်းႁၼ်။
ၽူႈထဝ်သၼ်ႇတိၼ်းတိၼ်း ၊ၽူႈပဵၼ်ၵိၼ်းႁဵဝ်ႇႁႅင်ႈ။
ၽူႈတၢႆဝၢႆးၶွႆႈတူႇ ၊ ၸဝ်ႈၽိၵ်ႉၶူႇရႁၢၼ်း။
ဢိမ်ႇၸၢၼ်ႈဝၢင်ႈၸႂ်မႃး ၊ ၸဝ်ႈလွင်းၽြႃးဢွၵ်ႇပၢႆႈ။
ၺႃးဝၼ်ႈသိူဝ်းၸုမ်ႈယႂ်ႇ ၊ လိူၼ်ပႅတ်ႇမႂ်ႇတဵမ်မူၼ်း။
ၸၢႆးသၼ်ႇၼလၵ်းၶွၼ်း ၊ႁွႆႈႁၢင်ၵွၼ်းမႃႉမႅတ်ႈတႄႉယဝ်ႉ။

ဢွၵ်ႇၽၢၵ်ႈမိူဝ်ႈၶိုၼ်းႁူင် ၊ ပူၼ်ႉၽေးသူင်ၵႅတ်ႇၵင်ႈ။
ၵွၼ်းလူင်ၵၼ်ႇတိၵႃႇ ၊ ပုင်ႈဝႅၼ်ၽႃႇပႃးပႆ။
ႁွတ်ႈၼေႃႇမႃႇၵႄးၼွင်း ၊ တႆႇၽိဝ်ၽွင်းလႅၼ်ႈၶၢမ်ႈ။
ထိုင်ၼႂ်းႁူၺ်ႈလူင်ပႃႇ ၊ ၸဝ်ႈၸင်ႇၵႂႃႇၵမ်းထမ်း။
တိတ်ႉထၢၼ်ႇပၢတ်ႇၽူမ်မူၺ်း ၊ သၢင်ႇလူင်ၽူၺ်းၶၢမ်ႇၵၼ်ႈ။
တႂ်ႈတူၼ်းၽေႃးထိၶမ်း ၊ ဢွၵ်ႇၽုတ်းတမ်းပလၢင်ႇ။
ၶုၼ်သူင်ၶွတ်ႇသိုၵ်းတဝ်ႈ ၊ ဢမ်ႇပႄႉၸဝ်ႈၶိုၼ်းၼီ။
လိူၼ်ႁူၵ်းမႂ်ႇမူၼ်းတၢၼ်း ၊ မႅၼ်ႈထို်ဝၼ်းၸၢင်ႉမိၼ်ၼၼ်ႉယဝ်ႉ။

ၸင်ႇဝႃႈဝူင်ႉငဝ်းသႅင် ၊ ၵႄႈတၢင်းၼႅင်ပွႆႇမႆႈ။
ႁူဝ်ပိုင်းမိၵၻႃႇ ၊ တမ်ႈၼႂ်းပႃႇလူင်တိုင်။
ၸဝ်ႈၵႂႃႇၶျွတ်ႈရသေး ၊ ဢၢၼ်ႇတဵမ်ၸေးႁႃႈၸဝ်ႈ။
တင်းလူင်ပၼ်ႇၸဝၢၵ်ႈ ၊ ပူၼ်ႉလွတ်ႈယၢၵ်ႈထိုင်ႁူင်။
ငဝ်ႈတြႃးထမ်ႇမၸၵျႃႇ ၊ မႅၼ်ႈႁူဝ်ဝႃႇလိူၼ်မူၼ်း။
ၸၼေႇမိူဝ်ႈဝၼ်းႁူင် ၊ တင်ႈပွႆးလူင်ဝၢၼ်ႇၶျွတ်ႈ။
ငဝ်ႈၶမ်းႁိူဝ်ႈလူင်ၵႂႃႇ ၊ ထၢင်ႇၸႅင်ႈၼႃႇလႅင်းပိူင်း။
ၽိူၵ်ႇသွမ်ႇလႄႈလႅင်ၶဵဝ် ၊ ဢွၵ်ႇပဵၼ်ပဵဝ်ႇႁူၵ်းယိူင်ႈ။
လႅင်းထိုင်ၾႃႉမိုၼ်ႇမုင်ႈ ၊ ထၢၼ်ႈႁိူဝ်ႈႁုင်ႈသၢင်းဝၢင်း။
ၵႅၼ်ႇၸဝ်ႈၶျွတ်ႈၼႄႁေႃး ၊ ၽုၺ်ႇပၼ်သေႃးၽူဝ်ႇမၢၵ်ႇတႄႉယဝ်ႉ။

ၸိူဝ်းဢၼ်ၸဝ်ႈထုၵ်ႇၶျွတ်ႈ ၊ ၵႄႈပွႆႇလွတ်ႈထိုင်ၸွမ်။
ပႅမ်ႇမႃႇဢိၵ်ႇၽီၵူၼ်း ၊ ပူၼ်ႉဢုင်ႁူၼ်းသူႇမၢၵ်ႈ။
သီႇသိပ်းပၢႆႁႃႈဝႃႇ ၊ ၸဝ်ႈမဵတ်ႉတႃႇတြႃး။
ၸူဝ်ႈၸဝ်ႈပႅတ်ႇသိပ်းပီ ၊ ဢၢၼ်ႇတဵမ်လီထူၼ်ႈႁွတ်ႈ။
တူၼ်ၶမ်းၶဝ်ႈၼိပ်ႉပူႇ ၊ တမ်ႈလူင်မူႇသူၼ်းပဝ်း။
ပၢၵ်ႇပၢႆသီႇသိပ်းပႅတ်ႇလၵ်းပီ ၊ မႅၼ်ႈဝၼ်းလီသၢင်ႇသီႈ။
လိူၼ်ႁူၵ်းမူၼ်းထူၼ်ႈၵုမ်ႇ ၊ တႂ်ႈပဝ်းၼုမ်ႇသူၼ်ႁွမ်။
ၵုသ်ႉသိင်ႇၼႃႇရုင်ၸိုင်ႈမိူင်းလူင် ၊ ၸဝ်ႈၶုၼ်ႁူင်မၢၼ်ႇလႃႇ။
ယၢမ်းၼၼ်ၸဝ်ႈႁၢၼ်းတႃႇ၊ လွမ်ႉႁွပ်ႈၸဝ်ႈပုတ်ႉထႃႇယမ်ငဝ်းဝႆႉယဝ်ႉ။

ၽီၵူၼ်းႁူၼ်ႈဢူၼ်တိုၼ်ႇ ၊ ၵူႈလၢႆမို်ၼ်ႇပဵၼ်ပွႆး။
တဝ်ႈလႆလူႇၽိုၼ်းႁွမ် ၊ ၵူမ်ႈၵွမ်းငွမ်လူႇဝႆႈ။
ၸွမ်းဢဝ်ၸဝ်ႈတိတ်ႉထၢၼ်ႇ ၊ ထၢတ်ႈတူဝ်ၽၢၼ်ႇပဵၼ်ၽႆး။
လုၵ်ႉႁုပ်ႇမႆႈပေႃးၽွင် ၊ ဢွၵ်ႇပဵၼ်ၵွင်ထၢတ်ႈၸဝ်ႈ။
ၽိူၵ်ႇၶၢဝ်သီလိူင်ၵႄႇ ၊ ထူၼ်ႈပႅတ်ႇပႄႇၵွၵ်းတူင်။
မိူဝ်ႈၵႃလူၼ်ႇလိူၼ်ႁူၵ်း ၊ သိပ်းသွင်တူၵ်းဝၢႆႇလွင်ႈ။
တၼ်းၼႆၶႆႈၼႄဢၢၼ်ႇ ၊ ငဝ်းပိုၼ်းပၢၼ်ႇၽြႃးတႄႉယဝ်ႉ။

ၼႃးလိၵ်ႈ (႙႒) ၊ တြႃးပုတ်ႉထၽႃႇသႃႇ (ၸၼ်ႉငဝ်ႈ) ထၢၼ်ၽွင်းလူင်သႃႇသၼႃႇ၊ ဢိတ်ႇဢွၵ်ႇတီႈ ထၢၼ်ၵူမ်းသႃႇသၼႃႇ ပီ 1999




#Article 99: ပိုၼ်ႈၽြႃး ၸဝ်ႈၵေႃႇမိူင်း ၼမ်ႉၶမ်း (434 words)


ဝဵင်းၼမ်ႉၶမ်း ဢၼ်ဝႃႈၼၼ်ႉၼႂ်းမိူင်းၽွမ်ႉႁူမ်ႈမိူင်းမၢၼ်ႈၼႆႉ ပဵၼ်ဝဵင်း ဢၼ်ၸိုဝ်ႈသဵင်ယႂ်ႇ ဝဵင်းၼိုင်ႈယူႇ။ ယွၼ်ႉပိူဝ်ႈသင် ပေႃးဝႃႈၼႆ ၵႂၢမ်းႁဝ်း ယၢမ်ႈဝႃႈဝႆႉ သၢဝ်ႁၢင်ႈလီ သၢဝ်သီႇပေႃႉ သၢဝ်ဢမ်ႇၶျေႃႉ သၢဝ်ၼမ်ႉၶမ်း ၼႆ ၵႆႉဢဝ်လၢတ်ႈယွၵ်ႇယဝ်ႉၵၼ် ၼင်ႇၼႆလႄႈ ၸိုဝ်ႈၼမ်ႉၶမ်းၼၼ်ႉ ဢွၼ်ၵၼ်ႁူႉထိုင်ၵၼ်ယူႇ။ ထႅင်ႈပိူင်ၼိုင်ႈ သမ်ႉပဵၼ် ဝဵင်းဢၼ်တိတ်းၸပ်းလႅၼ်လိၼ် မိူင်းၶႄႇ၊ သမ်ႉပဵၼ် ဝဵင်းႁၢင်ႈလီ ဢၼ်မီးႁိမ်း ၽင်ႇၼမ်ႉမၢဝ်းသေ ပဵၼ်ဝဵင်းယႂ်ႇ ၼႂ်းထုင်ႉမၢဝ်း ဝဵင်းၼိုင်ႈဝႆႉၼၼ်ႉယဝ်ႉ။ ၼမ်ႉၶမ်းၼႆႉတႄႇတင်ႈ ပဵၼ်ဝၢၼ်ႈ မိူဝ်ႈပီ ၵေႃးၸႃႇ (1107) ၼီႈ၊ ပီၶရိတ်ႉ (1745) တမ်ႈတီႈ ႁိမ်းၽင်ႇၼမ်ႉႁွၢင်ႈလီဢွၼ်ႇ ဢၼ်ၸိုဝ်ႈဝႃႈ ၼမ်ႉၶမ်းၽွင် ၼၼ်ႉလႄႈ ၵႃႈၵွၼ်ႇ တွၼ်းဢွၼ်ႁွင်ႉဝႃႈ ဝၢၼ်ႈၼမ်ႉၶမ်းသေ ၽိူဝ်ႇပဵၼ်ဝဵင်းမႃးၸင်ႇၸိုဝ်ႈဝႃႈ ဝဵင်းၼမ်ႉၶမ်း ၼႆယဝ်ႉ။ ႁွင်ႈၼမ်ႉဢွၼ်ႇၼၼ်ႉ ယွၼ်ႈပိူဝ်ႈ မီးၶမ်းၽွင်သေ တႄႇၸဵမ်မိူဝ်ႈၵွၼ်ႇတေႃႇထိုင် ယၢမ်းလဵဝ် ၵူၼ်းသေးၶမ်းတိုၵ်ႉမီးယူႇလႄႈ ၸင်ႇႁွင်ႉဝႃႈ ႁွင်ႈၼမ်ႉၶမ်းၽွင်ၼႆယဝ်ႉ။ ၼမ်ႉၶမ်းၽွင်ၼႆႉ လုၵ်ႉၽၢႆႇၸၢၼ်း လတ်းၵၢင်ဝဵင်းသေ ၸင်ႇလႆၶဝ်ႈၵႂႃႇ ၼႂ်းၼမ်ႉမၢဝ်းလူင်ယူႇ။ တေလႆႈဝႃႈ ၼမ်ႉၶမ်းၽွင်ၼႆႉ ၽႃႇတတ်းၶႅၼ်ႈဢဝ် ဝဵင်းၼမ်ႉၶမ်း ပဵၼ်ၵႂႃႇသွင်တွၼ်ႈ ၽၢႆႇတႂ်ႈလႄႈၽၢႆႇၼိူဝ်ၼႆယူႇ။

ထိုင်မႃးပီၵေႃးၸႃႇ (1139) ၼီႈ၊ ပီၶရိတ်ႉ (1776-77)ၼၼ်ႉ ၸင်ႇမႄးၶႂၢၵ်ႈဝၢၼ်ႈၼမ်ႉ ၶမ်း ႁဵတ်းပဵၼ်ဝဵင်းၼမ်ႉၶမ်းၵႂႃႇယဝ်ႉ။ ၵူၼ်းမိူင်းၸင်ႇယုၵ်ႉဢဝ် ပူႇႁဵင်ပေႃႈသီး ၶိုၼ်ႈပဵၼ် ၵိၼ်မိူင်း (မဵဝ်ႉၸႃး) ၼမ်ႉၶမ်းၵႂႃႇယူႇ။ မႄႈပေႃႈသီးၶဝ်ၼႆႉ ႁိၵ်ႈၸိုဝ်ႈဝႃႈ ၼၢင်းၶႆႇပွၵ်ႇ ၊ ယွၼ်ႉပိူဝ်ႈဝႃႈ ပဵၼ်ၼၢင်းယိင်း ၽိဝ်ၶၢဝ်ႁၢင်ႈလီ မိူၼ်ၼင်ႇ ၶႆႇတူမ်ႈသုၵ်းသေ ပွၵ်ႇပိူၵ်ႇၶႆႇ ၼၼ်ႉလႄႈ ၸင်ႇႁိၵ်ႈၸိုဝ်ႈဝႃႈ ၼၢင်းၶႆႇပွၵ်ႇၼႆယဝ်ႉ။ ၵိၼ်မိူင်းလူင်ပေႃႈသီး ၸင်ႇဢဝ်တႆးၵေႃႉမၼ်း ဢၼ်ဝႃႈပေႃႈလဵၵ်းၼၼ်ႉ ၼုင်ႈၸၢင်းပဵၼ်ရႁၢၼ်းသေ ၸင်ႇတေႁဵတ်းလူႇပၼ် ၵျွင်းလင်ၼိုင်ႈ၊ ၽွင်းမိူဝ်ႈၸဝ်ႉသေၼၼ်ႉ ထေႇရဝႃႇတ သႃႇသၼႃႇ မုၼ်ၶမ်းၽြႃးၵေႃႈ ၽႅဝ်ထိုင်ဝႆႉ ၼႂ်းဢိူင်ႇထုင်ႉမၢဝ်းယဝ်ႉလႄႈ ၼင်ႇႁိုဝ်သႃႇသၼႃႇ ပေႃးတေႁိူဝ်ႈႁိူင်း ပိူင်းသ်ႂၼၼ်ႉ ၵိၼ်မိူင်းလူင်ပေႃႈသီးလႄႈ မုၼ်ၸဝ်ႈပေႃႈလဵၵ်း ၸင်ႇၵေႃႇႁဵတ်း ႁုၼ်ႇႁၢင်ႈၽြႃးသူႇၼိုင်ႈ တၢင်းသုင် မီးမွၵ်ႈႁူၵ်းသွၵ်ႇ၊ ၽြႃးသူႇၼၼ်ႉ မႃးပဵၼ်ငဝ်ႈၵဝ်ႉ မူႇလၽြႃးၵေႃႇမိူင်း ဢၼ်ဢူမုၼ်ႁိူင်းယူႇ ၵျွင်းၽြႃးလူင် ၵၢင်ဝဵင်းၼမ်ႉၶမ်း ယၢမ်းလဵဝ်ၼႆႉယဝ်ႉ။ 
မၢၵ်ႇၶဝ်ႈတဝ်ႈၼမ်ႉၵေႃႈ မၢၵ်ႇၵွၼ်ႈပူင်းမႃးလိူဝ်ၵဝ်ႇတႄႉတႄႉလႄႈ ဢွၼ်ၵၼ်ယုမ်ႇယမ် ဝႃႈ ပဵၼ်လူၺ်ႈၽုင်းသိူဝ်ၽိူၵ်ႇၼႆယူႇ။ ယူႇမႃးပီယၢဝ်းၶၢဝ်းႁိုင်သေ သိူဝ်ၽိူၵ်ႇလူင်ၵေႃႈ ၸင်ႇၵႂႃႇတၢႆတီႈ ႁူဝ်ၼႃး ပူႇယၢင်းထဝ်ႈ ၼၢႆးယၢင်းထဝ်ႈယဝ်ႉ။ ယွၼ်ႉပိူဝ်ႈၼမ်ႉၼဝ်ႈသိူဝ်ၼၼ်ႉလႄႈ ၼႃးၶႃသွင်ၵေႃႉ ပဵၼ်ဢၼ်ၶဝ်ႈပူင်းႁူင်းမၢၵ်ႈလီၵူႈပီꧦ။ ဝၢႆးမႃး ၶႃသွင်ထဝ်ႈၸင်ႇၵႂႃႇႁၼ် သိူဝ်ၽိူၵ်ႇၼၼ်ႉတၢႆဝႆႉ ၵိုတ်းလုပ်ႇမၼ်းၵူၺ်း။ ပူႇယၢင်းၼၢႆးယၢင်းထဝ်ႈ ၸင်ႇဝႃႈ သင်ႁဝ်း ႁၼ်မိူဝ်ႈမႂ်းတေးတၢႆ တေလႆႈဢဝ်ၼိူဝ်ႉမႂ်းၶၢႆ တေလႆႈၵိၼ်ၼိူဝ်ႉမႂ်းယူႇ၊ သင်မႂ်းတၢႆၼဝ်ႈတူႇ ၵိုတ်းဝႆႉ ၼင်ႁႅင်ႈ တေလႆႈၶၢႆသေ ပဵၼ်ငိုၼ်းထႅင်ႈတိုၼ်းလၢင်းႁဝ်း၊ ယၢမ်းလဵဝ် ၵူၺ်းၵိုတ်း သဝ်းဝႆႉ လုပ်ႇလၢႆလၢႆ ဢမ်ႇၸၢင်ႈဢဝ်ၸႂ်ႉလ်ႂ လိူဝ်သေ ဢဝ်ႁဵတ်း တီႈမၵ်းမၢႆတွင်းသူႇယိူမ်ႈ ၼႆသေ ၸင်ႇတေဢဝ်ၽင်ဝႆႉ လီလီ တီႈႁူဝ်တႄးၼႃးၶႃၼႆယဝ်ႉ။
ႁဵတ်းၼၼ်သေ ၶဝ်ၼႃးၶႃၵေႃႈ ၵွႆႈယူႇၵွႆႈလီလိူဝ်မႃးတိၵ်းꧦ ၶႃသွင်ထဝ်ႈယုမ်ႇယမ်ဝႃႈ ပဵၼ်လူၺ်ႈသိူဝ်ၽိူၵ်ႇ မႃးတၢႆၼႆလႄႈ ၸင်ႇၵႆႉၵႆႉၵႂႃႇဝႆႈသႃ တီႈၶုမ်ပႃႇႁဵဝ်ႈသိူဝ်ၽိူၵ်ႇၼၼ်ႉယဝ် ၸဝ်ႈၼႃးတၢင်ႇၸိူဝ်းၵေႃႈ မႃးယိူင်ႈၶႃပူႇယႃႈလႄႈ ၶဝ်ႈၶဝ်ၸိူဝ်းၼၼ်ႉၵေႃႈ လႆႈႁၼ် ဢွၵ်ႇၼမ်မႃးၼႆယဝ်ႉ။ ဝၢႆးၼၼ်ႉ ပၢၼ်သိုပ်ႇပၢၼ် ၸင်ႇဢွၼ်ၵၼ် လုမ်းလႃးပႃႇႁဵဝ်ႈ သိူဝ်ၽိူၵ်ႇမႃးသေ ယၢမ်းလဵဝ် ၸင်ႇပဵၼ်မႃးၵွင်းမူး ၸဝ်ႈသိူဝ်ၽိူၵ်ႇယဝ်ႉ။ ဢွင်ႈတီႈ ၵွင်းမူးၸဝ်ႈသိူဝ်ၽိူၵ်ႇၼၼ်ႉ ယၢမ်းလဵဝ် မီးဝႆႉၽၢႆႇတူၵ်း ၵျွင်းၽြႃးလူင်ၵေႃႇမိူင်း ၵႆယၢၼ်မွၵ်ႈ (300) ထတ်းယူႇ။
ယွၼ်ႉပိူဝ်ႈ သိူဝ်တၢႆသေ တူႇၼဝ်ႈလၢၼ်ႈလႄႈ ၼမ်ႉၼဝ်ႈမၼ်း ထႅင်ႈပၼ်ၽုၼ်ႇၼႃး ငႂ်ႈလိၼ်လီၼႆယဝ်ႉ။ တေႃႇထိုင်ယၢမ်းလဵဝ် ဝဵင်းၼမ်ႉၶမ်းၼႆႉ သင်ဝႃႈ ၶုတ်းၼမ်ႉမေႃၼႆ ၵႆႉၵႆႉၶုတ်းၺႃးၼမ်ႉမေႃႇ ဢၼ်ဢွၵ်ႇဢၢႆသႅဝ်ၼမ်ႉတူႇၼဝ်ႈသိူဝ်ၽိူၵ်ႇယူႇ။ ၼမ်ႉမေႃႇႁိူၼ်းတႂ်ႈ ႁိူၼ်းၼိူဝ် ၶႅၼ်ႈၵၼ်ၽႃႁူဝ်ႉၵူၺ်းသေတႃႉ မၢင်တီႈၼႆႉ မေႃႇၼိုင်ႈၵိၼ်လႆႈ မေႃႇၼိုင်ႈ မီးဢၢႆတူႇသေ ဢမ်ႇၵိၼ်လႆႈ။ 
ၵပ်းၵၢႆႇလူၺ်ႈ သိူဝ်ၽိူၵ်ႇၼႆႉသေ ယၢမ်းလဵဝ်လႆႈႁၼ် ႁဵတ်းဝႆႉႁၢင်ႈသိူဝ်ၽိူၵ်ႇတူဝ်ၼိုင်ႈ ဢိၵ်ႇလူၺ်ႈ ဝိမၼ်းသိူဝ်ၽိူၵ်ႇလင်ၼိုင်ႈၶိုၵ်ႉၶိုၵ်ႉၶၢႆးၶၢႆးယူႇ။

ဝဵင်းၼမ်ႉၶမ်းၵေႃႈ သိုပ်ႇၵိုၼ်းမႃးတိၵ်းꧦ၊ ထိုင်မႃးပီၵေႃးၸႃႇ (1226) ပီၶရိတ်ႈ (1864) ပၢၼ်ၵိၼ်မိူင်း ၶုၼ်သၢင်ႇယီႈၼၼ်ႉ ၸင်ႇမႄးၵုမ်းၵေႃႇ ၽြႃးၵေႃႇမိူင်း ႁႂ်ႈသုင်ၶိုၼ်ႈၵဝ်ႈသွၵ်ႇသေ ႁွင်ႉဢဝ်မေႃမိုဝ်းၶႄႇ မႃးႁဵတ်းၵျွင်းမုင်းလိၼ်ၶေႃ၊ ၵင်ႈၽႃၵင်ႈပႅၼ်ႈ၊ သိူဝ်ႇၶႅပ်းမၢၵ်ႇႁိၼ်ယဝ်ႈ။
ဝၢႆးသေ ႁဵတ်ၵျွင်းၽြႃးလူင်ယဝ်ႉ ၸင်ႇမႄးမၵ်းမၢႆဝၢင်းၵျွင်းသေေၽုၵ်ႇဝႆႉတူၼ်ႈမႆႉၺွင်ႇ မႆႉႁုင်းယဝ်ႉ။ ပွႆးၵျွင်းၽြႃးလူင်ၵေႃႇမိူင်းၼႆႉၵေႃႈ ႁဵတ်းၼိုင်ႈပီသွင်ပွၵ်ႈသေ ပဵၼ်မိူဝ်ႈလိူၼ် (11) လွင်ႈ (8)ၶမ်ႈလႄႈ လိူၼ်သီႇမူၼ်းယဝ်ႉ။ ပွႆးလိူၼ် (11) လွင်ႈ (8) ၶမ်ႈၼၼ်ႉ ႁွင်ႉဝႃႈ ပွႆးသၢဝ်းသၢမ် ၼႆယူႇ။ ထုင်းၽိင်ႈၼပ်ႉဢၢၼ်ႇဝၼ်းထိၼၼ်ႉ တေႃႇထိုင်လိူၼ်မူၼ်းၼၼ်ႉ ဢွၼ်ၵၼ်ၼပ်ႉဢၢၼ်ႇဝႃႈ လိူၼ်မႂ်ႇ (15) ၶမ်ႈၼႆသေတႃႉ ပေႃးထိုင်လိူၼ်လွင်ႈၶမ်ႈၼိုင်ႈၼၼ်ႉ မိူင်းထုင်ႉမၢဝ်းလႄႈ တႆးမိူဝ်ႈၵွၼ်ႇ ၼပ်ႉဢၢၼ်ႇဝႃႈ (16) ၶမ်ႈၼႆယဝ်ႉ။ လိူၼ်လွင်ႈ (8) ၶမ်းၼၼ်ႉပဵၼ်ၵႂႃႇ (23) ဝၼ်းလႄႈ ပွႆးလိူၼ်လွင်ႈ (8) ၶမ်ႈၼၼ်ႉၵေႃႈ ၸင်ႇႁိၵ်ႈၸိုဝ်ႈဝႃႈ ပွႆးသၢဝ်းသၢမ်ၼႆယဝ်ႉ။ ၽၢႆႇတူၵ်းၵျွင်းၽြႃးလူင်ၼႆႉၵေႃႈ တႅပ်းတတ်းပဵၼ် ပၢင်ႇပွႆးသေ တီႈၼႂ်းၵျွင်းၽြႃးလူင်ၼႆႉၵေႃႈ ဝၼ်းသိၼ်ပႅတ်ႇၶမ်ႈ၊ လိူၼ်လပ်းလိူၼ်မူၼ်း ႁဵတ်းပဵၼ်ပၢင်ပွႆးတြႃးမႃးတႃႇသေႇယူႇ။
ပီၵေႃးၸႃႇ (1299) ၶရိတ်ႈ (1937) ပွႆးၸႃးလူင်လုင်းၽယီႈ မၢၼ်ႈဝဵင်း ဢၼ်ယူႇတီႈ မၢၼ်ႈမေႃႇၼၼ်ႉ ၸင်ႇၵႂႃႇၸၢင်ႈ မေႃမိုဝ်းမၢၼ်ႈ ဢူႈတၢၼ်ႇၶႄး မႃးမႄးၵုမ်းၵေႃႇ ၽြႃးလူင် ႁႂ်ႈသုင်ၶိုၼ်ႈ (12)သွၵ်ႇသေဢမ်ႇၵႃး ၵျွင်းၽြႃးလူင်ၵေႃႈ ၶိုၼ်းမႄးၵုမ်းၵေႃႇ ႁဵတ်းပဵၼ်ၵျွင်းပျႃႉသၢတ်ႈ လၢႆလၢႆႁၢၼ်ႉယဝ်ႉ။

ထိုင်မႃး ပီၵေႃးၸႃႇ (1304-05) ပီၶရိတ်ႉ (1942) ၽွင်းသိုၵ်းၵမ်ႇၽႃႇပွၵ်ႈသွင်ၼၼ်ႉ ၵျပၢၼ်ႇၶဝ် မႃးသိမ်းဝဵင်းၼမ်ႉၶမ်းဝႆႉသေ သိုၵ်းမႁႃႇမဵတ်ႉ (သိုၵ်းဢမေႇရိၵၢၼ်ႇ) ၶဝ် လုၵ်ႉဢိၼ်ႇတိယ ၶီႇႁိူဝ်းမိၼ် မႃးလူင်းမၢၼ်မေႃႇ၊ လုၵ်ႉမၢၼ်ႈမေႃႇ ၶီႇသိုၵ်းမႃး ၼမ်ႉၶမ်း၊ ႁိူဝ်းမိၼ်မႁႃႇမဵတ်ႉၶဝ်ၵေႃႈ ဢဝ်မၢၵ်ႇပွမ်းလူင် မႃးပွႆႇသႂ်ႇ ၼႂ်းဝဵင်းၼမ်ႉၶမ်း သမ်ႉပေႃး ယွၼ်ႈလူင်ၵႂႃႇသဵင်ႈ။ မၢၵ်ႇပွမ်းႁိူဝ်းမိၼ် လုၵ်ႈၼိုင်ႈ မႃးတူၵ်းတႅၵ်ႇသႂ်ႇ ၼိူဝ်ၵျွင်းၽြႃးလူင်  ၵၢင်ဝဵင်းၼမ်ႉၶမ်းၼၼ်ႉသေ ၵျွင်းၽြႃးလူင် ပုတ်းပင်းလူႉလႅဝ်ၵႂႃႇသဵင်ႈယဝ်ႉ။ 
မၢၵ်ႇပွမ်းႁိူဝ်းမိၼ်လူင် ႁႅင်းယႂ်ႇၼႃႇလႄႈ ၵျွင်းလူင်တင်းလင် လူႉလႅဝ်ၵႂႃႇသေတႃႉ ဢၼ်လီဢၢမ်းတႄႉ ႁုၼ်ႇႁၢင်ႈၽြႃးလူင် ဢၼ်မီးယူႇတီႈ ၵၢင်ဝဵင်းၼၼ်ႉ ဢမ်ႇလူႉလႅဝ်သေဢိတ်းသေ ၵိုတ်းဝႆႉယူႇတုၵ်းသုၵ်း ၼႂ်းၵႄႈၵျွင်းလႅဝ်ၼၼ်ႉယူႇ။ ၶႅပ်းႁၢင်ႈဢၼ်ၼႄဝႆႉၼႆႉ သိုၵ်းမႁႃႇမိတ်ႉၶဝ် ၽႅဝ်မႃး ၼႂ်းဝဵင်းၼမ်ႉၶမ်းသေ ဢွၼ်ၵၼ်မႃးလွမ်တူၺ်းၽြႃးလူင်ၵေႃႇမိူင်း ဢမ်ႇလူႉဢမ်ႇလႅဝ်ၼၼ်ႉလႄႈ ၶဝ်ၸင်ႇထႆႇၶႅပ်းႁၢင်ႈ သႂ်ႇၼႂ်းလိၵ်ႈၶၢဝ်ႇၶဝ် မိူဝ်ႈပီ 1942 ၼၼ်ႉယဝ်ႉ။ တေလႆႈဝႃႈ ၽြႃးလူင်ၵၢင်ဝဵင်း ဝဵင်းၼမ်ႉၶမ်းၼႆႉ ၽုင်းယႂ်ႇမႃး ပၢၼ်ႇသိုပ်ႇပၢၼ်သေ လွင်ႈမၢၵ်ႇတူၵ်းသႂ်ႇၵေႃႈ ဢမ်ႇတုမ်ႉတိူဝ်ႉၼၼ်ႉ ပဵၼ်တီႈလီဢၢမ်းပိူင်ၼိုင်ႈယူႇတႄႉတႄႉ။
ပီ (1310) ပီၶရိတ်ႉ (1948) ပၢၼ်ၵိၼ်မိူင်းၶိင်းလွႆသႅင်ၼၼ်ႉ ၵိၼ်မိူင်းလူင်ၸင်ႇဢွၼ် ႁူဝ်သေ မႄးၵုမ်းလုမ်းလႃးၶိုၼ်း ၵျွင်းတေႃႇ ဢၼ်လူႉလႅဝ်ၵႂႃႇၼၼ်ႉယဝ်ႉ။
ပီ (1351) ပီၶရိတ်ႉ (1989) ၼၼ်ႉ ယွၼ်ႉပိူဝ်ႈဝႃႈ ဝဵင်းၼမ်ႉၶမ်းၵေႃႈ ၵူၼ်းၵိုၼ်းမႃးတိၵ်းꧦ၊ ၵူၼ်းတီႈၸမ်တီႈၵႆ ဢိၵ်ႇၸဵမ်ၵူၼ်းၼွၵ်ႈမိူင်း ဢၼ်မႃးဝႆႈၽြႃးၵေႃႈ မီးၼမ်မႃးယူႇ ၵူႈဝဝၼ်းဝၼ်းလႄႈ ႁူဝ်ပဝ်ႈပုတ်ႉထသႃႇသၼႃႇၼုၵ်ႉၵႁ ၶိင်းၶမ်းၸိုၼ်ႈၸေႃးမႅတ်ႈ ဢွၼ်ႁူဝ်သေ၊ ၸိူဝ်းပဵၼ် ဢိၼ်ႇၵျိၼ်ႇၼီႇယႃႇ ၼမ်ႉၶမ်းၸၢႆးၵျေႃႇလႄႈ ၸၢႆးသၢမ်၊ ၵေႃႇမတီႇ တႃႇတေပူၵ်းတင်ႈၵျွင်းမႂ်ႇ လုင်းလႃႉၵျွႆႇ၊ ၸင်ႇဢုပ်ႇၵုမ်ၵၼ်သေ ၵႂႃႇႁွင်ႉမေႃမိုဝ်းမၢၼ်ႈ လုင်းတၢၼ်ႇၶျွင်း (ၽူႈဢၼ်ၵုမ်းၵေႃႇ သိမ်ႇလူင် ၸၼ်ႉၸွမ်သႃႇသၼႃႇၸိုင်မိူင်း ဝဵင်းလိူဝ်ႇ) မႃးမႄးလႄႈ ၸင်ႇပဵၼ်မႃး ၵျွင်းမႂ်ႇ ယၢမ်းလဵဝ်ၼႆႉယူႇ။ ဢိင်ပိုင်ႈၸေႇတၼႃႇ သတ်ႉထႃႇၵူၼ်းမိူင်းၼမ်ႉၶမ်း ႁူမ်ႈလူၺ်ႈ တၵႃႇတင်းၼမ်သေ တႄႇဢဝ် ပီ 1989 တေႃႇထိုင် 2001 ၼၼ်ႉ လႆႈၽင်တမ်းမေႃႈဢုမ်ၶမ်းၵႂႃႇ တီႈၼႂ်းသႃႇသၼႃႇမုၼ်ၶမ်းၽြႃး ငိုၼ်း (223) သႅၼ်လိူဝ်ꧦယူႇ။ 
လွင်ႈဢၼ်ၵုမ်းၵေႃႇႁုၼ်ႇႁၢင်ႈ ၽြႃးၵေႃႇမိူင်းလူင် ဝဵင်းၼမ်ႉၶမ်းၼႆႉ လၢႆးၵုမ်းမၼ်း ၶိုၼ်းမႄးမမ်ႇသႂ်ႇ ၸၼ်ႉၼွၵ်ႈမၼ်းမႃး ပၢၼ်သိုပ်ႇပၢၼ်ယူႇယဝ်ႉ။ သင်ဝႃႈ ၽူႈလူလိၵ်ႈႁဝ်းၶဝ် သပ်ႉသၢင်းၽႅဝ်မႃး ဝဵင်းၶမ်းၼႆၸိုင် ဢွၼ်ၵၼ်မႃးပူႇၸေႃႇဝႆႈသႃ ၽြႃးၵေႃႇမိူင်းလူင် ဝဵင်းၼမ်ႉၶမ်း ဢၼ်ယွၼ်းသူးတဵမ်ထူၼ်ႈၼၼ်ႉသေၵမ်း။




#Article 100: ပိူင်ၶွတ်ႇၽွတ်ႈဢုပ်ႉပိူင်ႇမိူင်းတႆးႁၢင်းၶေႃ (349 words)


ၸဵမ်မိူဝ်ႈပူၼ်ႉမႃးၶၢဝ်းယိုၼ်းႁိုင်ၼၼ်ႉ မိူင်းတႆးမီးၸဝ်ႈၸွမ်ဢုပ်ႉပိူင်ႇဝႆႉႁၢင်းၶေႃသေ ၵပ်းသိုပ်ႇႁဵတ်းၵေႃႉၵၼ်ဝႆႉ တင်းမိူင်းႁိမ်းႁွမ်းယူႇတႃႇသေႇ။ ပၢၼ်ႁေႃၶမ်းမၢၼ်ႊၵေႃႈ ၵပ်းသိုပ်ႇႁဵတ်းၵေႃႉၸွႆႈထႅမ်ၵၼ် ၼင်ႇပဵၼ်မိူင်းဢူၺ်းလီၵၼ်ၼၼ်ႉမႃးၵွၺ်းၼင်ႇၵဝ်ႇ။ ဢမ်ႇၸႂ်ႈပဵၼ်မိူင်းၶႃႈမိူင်းႁၢႆး။

ထိုင်ပၢၼ်ဢိင်းၵလဵတ်ႈၵေႃႈ လႆႈဝႃႈပဵၼ်မိူင်းဢၼ် ဢိင်းၵလဵတ်ႈၵုမ်းထိင်းႁေႉၵင်ႈၸွႆႈပၼ်ၵွၺ်း။ ဢမ်ႇၸႂ်ႈမိူင်းမိူင်း ၶူဝ်ႇလူဝ်ႇၼီႇ ဢၼ်ၶႂၢၵ်ႈမိူင်းပေႉပုၼ်ႈၵၼ်ဝႆႉၼၼ်ႉလႄႈ သၢႆသိုပ်ႇၶိူဝ်းၶုၼ် ဢုပ်ႉပိူင်ႇမိူင်းတႆး ဢၼ်တိုၼ်းမီးမႃးမိူဝ်ႈၵွၼ်ႇၼၼ်ႉၵေႃႈ ဢမ်ႇလႆႈၶၢမ်ႇမွတ်ႇႁၢႆယႃႉလူႉပႅတ်ႈ။ လႆႈသိုပ်ႇဢုပ်ႉပိူင်ႇၼင်ႇ ပိူင်ၶွတ်ႇၽွတ်ႈ ဢၼ်တိုၼ်းမီးမႃးၸဵမ်မိူဝ်ႈပၢၼ်ၵွၼ်ႇၼၼ်ႉၶိုၼ်းၵွၺ်း။

ၼႂ်းလိၼ်ၽႂ်မိူင်းမၼ်းၼၼ်ႉ ၸဝ်ႈၾႃႉတိုၼ်းပဵၼ်ၼင်ႇၶိုၼ်ႁေႃၶမ်းဝႆႉယူႇႁၢင်းၵွၺ်းယဝ်ႉ။ တႄႇဢဝ်လိၼ်တေႃႇၾႃႇၼၼ်ႉ မီးဢႃႇၼႃႇတဵမ်ထူၼ်ႈၽွင်းငမ်းၸီႉသင်ႇလႆႈၵူႊယိူင်ႈလႄႈ ႁွင်ႉ ၸဝ်ႈၾႃႉ ၼႆၵေႃႈဝႃႈ။ တႃႇတေၵႅတ်ႇၶႄႇႁေႉၵင်ႈပၼ် ၵူၼ်းမိူင်းမီးလွင်ႈမၢၼ်ႇမႅၼ်ႈ၊ ၽဵင်ႇပဵင်း၊ သိူဝ်းသႃႇလႆႈလႄႈ လုၵ်ႉၼိူဝ်ၾႃႉဢၼ်ပဵၼ်တီႈထွၼ်တ်ႈတီႈမႅတ်ႈၼၼ်ႉသေ လူင်းမႃးဢုပ်ႉပိူင်ႇၽွင်းငမ်းလႄႈ ႁွင်ႉ ၸဝ်ႈၾႃႉ ၼႆၵေႃႈဝႃႈယဝ်ႉ။ 

ၸဝ်ႈၾႃႉၼုင်ႈ သိူဝ်ႈယူင်ႉ​ႄႈယၢဝ်း၊ ၵူၼ်တႆးယူင်ႉ၊ သႂ်ႇလေႃးပႄး။ တိုဝ်းပၢၼ်းၵုမ်း ဢမ်ႇၼၼ်ၵေႃႈ ၶဵၼ်းၶဵၼ်းႁူဝ်လၢႇႈ၊ ၶဵၼ်းႁူဝ်မႆၶမ်း။ သိူဝ်ႈၶူဝ်းပဵၼ်လၢႆႈပဵၼ်ၽႄး။ ယိပ်းလႅဝ်းယိပ်းလၢပ်ႇ။ တီႈဢုမ်ႇ၊ တီႈၵၼ်း၊ တီႈၵပ်းလႅဝ်းလၢပ်ႇၼၼ်ႉ ဢဝ်ၶမ်းဢဝ်ငိုၼ်းႁဵၻ်းဝႆႉယဝ်ႉ ဢဝ်သႅင်ၶပ်ႉသႂ်ႇဝႆႉ။ ၸဝ်ႈၾႃႉၼႆႉ မီးသုၼ်ႇၵင်ႈၸွင်ႈၽိူၵ်ႇလႆႈ။ တီႈတင်ႇၶမ်းတႅၼ်ႈၵႅဝ်ႇ(ပလၢင်ႇ)ၸဝ်ႈၾႃႉၼၼ်ႉ ၵင်ႈၸွင်ႇၽိူၵ်ႇလူင်ႇၼိူင်ႈဝႆႉတႃႇသေႇ။ ဝၼ်းၵူၼ်းမိူင်းၵၼ်ႇတေႃႇၼၼ်ႉတႄႉ ၵင်ႇၸွင်ႈၽိူၵ်ႇသီႇလူင်ႇ။

ႁိူၼ်းလူင် ဢၼ်ၸဝ်ႈၾႃႉ၊ ၼၢင်းၾႃႉ လႄႈ ၸိူင်ႉၶဝ် ဢွၼ်ၵၼ်ယူႇသဝ်းၼၼ်ႉ ႁွင်ႉဝႃႈ ႁေႃ ၼႆယဝ်ႉ။ ဢမ်ႇလႃႈလီႁဵတ်းလႆႈ ႁၢင်ႊၾၢင်၊ ယႂ်ႇၵႂၢင်ႈ ၼင်ႇၶႂ်ႈလႆႈ။ ဢိင်ၼိူဝ်ဢေႃးၸႃႇ ဢႃႇၼႃႇၸၼ်ႉပုၼ်ႈၽွၼ်းၼၼ်ႉသေ မီးဝႆႉၾၢင်ႁၢင်ႊႁေႃ ၸၼ်ႉလႂ်ၸၼ်ႉၼၼ်ႉၽႂ်မၼ်းဝႆႉယူႇ။ ယွၼ်ႉၼၼ်လႄႈ ၸင်ႇမီးမႃးႁေႃသၢမ်ႁွင်ႈ၊ ႁေႃႁူၵ်းႁွင်ႈ၊ ႁေႃသိပ်းႁွင်ႈၼႆယသ်ႉ။

မေးၼၢင်းၸဝ်ႈၾႃႉ ၵေႃႉဢၼ်ၸၼ်ႉသုင်သေပိူၼ်ႈသုတ်းၼၼ်ႉ ႁွင်ႉဝႃႈ ၼၢင်းတိုဝ်းၸုမ်ႈ၊ ၼၢင်းၶၢင်းႁူဝ်၊ မႁႃႇတေႇဝီႇ ၼႆယဝ်ႉ။ သင်ဝႃႈ ၸဝ်ႈၾႃႉဢမ်ႇယူႇလီလႄႈ ၼႂ်းမိူင်းမီးမႃးလွင်ႈတၢင်းသေၸိူဝ်ႉသေပိူင်ၼႆၸိုင် ၼၢင်းတိုဝ်းၸုမ်ႈၼၼ်ႉ တၢင်ႇတႅၼ်းၸဝ်ႈၾႃႉသေ ဢုပ်ႉပိူင်ႇၽွင်းငမ်းမိူင်းဝႆႉထႃႈလႆႈ။ မီးဢႃႇၼႃႇၸႂ်ႉတိုဝ်း ၸုမ်ႈမိူင်း လႆႈလႄႈ ၸင်ႇလႆႈၸိုဝ်ႈ ၼၢင်းတိုဝ်းၸုမ်ႈ ၼႆယဝ်ႉ။ 

မိူဝ်ႈၶိုၼ်ႈပၢၼ်ၵုမ်၊ မိူဝ်ႈမီးပၢင်ပွႆး၊ မိူဝ်ႈမီးပၢင်ႁူပ်ႉထူပ်းၽူႈယႂ်ႇၵူၼ်းလူင်မူးမၢတ်ႈၽွင်းမိူင်းၼၼ်ႉ ၼၢင်းတိုဝ်းၸုမ်ႈ မီးသုၼ်ႇၼင်ႈတီႈ ၽၢႆႇႁူဝ်ၼႃႈမေႃးၼၢင်းၸဝ်ႈၾႃႉတင်းသဵင်ႈၼၼ်ႉသုတ်းသုတ်းယဝ်ႉ။ ၼၢင်းၶၢင်းဢိူမ်ႈႁိမ်းၸဝ်ႈၾႃႉ ပဵၼ်ႁူဝ်ၼႃႈပိူၼ်ႈသုတ်း ၼႂ်းၼၢင်းၾႃႉၼၼ်ႉလႄႈ ၸင်ႇလႆႈၸိုဝ်ႈဝႃႈ ၼၢင်းၶၢင်းႁူဝ် ၼႆထႅင်ႈ။ မႁႃႇတေႇဝီႇၼႆၼၼ်ႉသမ်ႉ လုၵ်ႉတီႈၵႂၢမ်းပႃႇလိ ဢၼ်ပွင်ႇဝႃႈ ၼၢင်းၾႃႉလူင် ၼႆၼၼ်ႉယဝ်ႉ။ 

ၶႃႈမၢၼ်ႈၵူၼ်းမိူင်း ဢဝ်ၼၢင်းႁၢင်ႊလီလႅတ်းသႅဝ်း မႃးသၢၵ်ႈထိုင်လႄႈသင် မိူင်းၼိူင်ႈလႄႈမိူင်းၼိူင်ႈ ႁႂ်ႈလႆႈပဵၼ်ဢူၺ်းလီၵၼ် ႁႂ်ႈလႆႈပဵၼ်မိူင်းပီႈမိူင်းၼွင်ႉၵၼ်ၼႆသေ တၢင်ႇမၢၼ်ႈတၢင်ႇမိူင်း ဢဝ်ၼွင်ႉယိင်း၊ လုၵ်ႈယိင်း၊ လၢၼ်ယိင်းမႃးသၢၵ်ႈထိုင်လႄႈသင် တူဝ်ၸဝ်ႈၾႃႉ ႁၼ်မႅၼ်ႈထုၵ်ႇၸႂ်သေဢဝ်ႁၢင်းၵွၺ်းလႄႈသင် ၸဝ်ႈၾႃႉၵႆႉမီးမေးၼၢင်းၼမ်ဝႆႉယူႇ။ 

ၼမ်သေတႃႉ လိူဝ်သေ ၼၢင်းတိုဝ်းၸုမ်ႈ ၼၼ်ႉ ၼၢင်းတၢင်ႇၵေႃႉ ဢမ်ႇမီးသုၼ်ႇ တႅပ်းတတ်း ၵၢၼ်မၢၼ်ႈၵၢၼ်မိူင်းသင်လႆႈ။ ဢမ်ႇမီးသုၼ်ႇယူႇၼႂ်းႁေႃလူင်။ မီးၸိူင်ႉမီးၼၢင်းယူႇၸွမ်းလူၺ်ႈသေ လႆႈယူႇၼႂ်းႁေႃဢွၼ်ႇဢၼ်မီးၼႂ်းဝၢင်းႁေႃၼၼ်ႉၵွၺ်းလႄႈ ၸင်ႇလႆႈၸိုဝ်ႈဝႃႈ ၼၢင်းႁေႃဢွၼ်ႇ ၼႆယဝ်ႉ။ ၼၢင်းႁေႃဢွၼ်ႇ ၼႆႉၵေႃႈ ၸႅၵ်ႇၸၼ်ႉၵၼ်သေလႄႈ မီးထႅင်ႈ ၼၢင်းႁေႃၸၢၼ်း၊ ၼၢင်းႁေႃႁွင်ႇ၊ ၼၢင်းႁေႃဢွၵ်ႇ၊ ၼၢင်းႁေႃတူၵ်း။

မိူင်းလႂ်မိူင်းၼၼ်ႉ မီး မိၵ်ႈမိူင်း ဢၼ်ယၢမ်းလဵဝ်ႁွင်ႉဝႃႈ ၸွမ်ပိဝ် ၼႆၼၼ်ႉ ႁင်းၽႂ်ႁင်းမၼ်း။ ၸွမ်ပိဝ် မိူင်းၼိူင်ႈလႄႈမိူင်းၼိူင်ႈ ဢမ်ႇမိူၼ်ၵၼ်။ ႁၢမ်ႉၼမ်တႄႉ ပႃးသိူဝ်ၼင်ႇၵၼ်။ ပႅၵ်ႇပိူင်ႈၵၼ်တီႈ ၾၢင်ႁၢင်ႊသိူဝ်လႄႈသီပိုၼ်ႉၶၢမ်ႇမၼ်းၼၼ်ႉၵွၺ်း။ ဢၼ်ၸွမ်းလူၺ်ႈၼၢမ်ႇမိူင်းသေ သႂ်ႇႁၢင်ႊ ၸၢင်ႉ၊ လိူၼ်၊ ပၢင်တၢႆး ၼၼ်ႉၵေႃႈမီး ယူႇၼင်ႇၵဝ်ႇ။ မိူၼ်ၼင်ႇၸွမ်ပိဝ်မိူင်းမိတ်ႈ မီးပိုၼ်ႉၶၢမ်ႇသီၶဵဝ်၊ မီးႁူဝ်သိူဝ်၊ မီးလႅဝ်းၵၢႆႇၶႂၢႆႇၶႃပႄဝႆႉတႂ်ႈႁူဝ်သိူဝ်။ ၸွမ်ပိဝ်ယွင်ႁူၺ်ႈသမ်ႉ မီးပိုၼ်ႉၶၢမ်ႇသီၶဵဝ်၊ မီးသိူဝ်တင်းတူဝ်။ ၸွမ်ပိဝ်မိူင်းၼၢႆး မီးပိုၼ်ႉၶၢမ်ႇသီလႅင်ၵမ်ႇ၊ မီးၸၢင်ႉၽိူၵ်ႇယူႇၵၢင်မၼ်း။

ူမၢၼ်ႈမိူင်းလုၵ်ႈလႂ်သေမဝ်ႇဝႃႈ တိုၼ်းလႆႈမီးၽူႈၼၢမ်းမၢၼ်ႈမိူင်းလႄႈၽူႈပွင်ၸွႆႈ ၸင်ႇလႆႈယဝ်ႉ။ မိူင်းတႆးၵေႃႈ ၸဝ်ႈၾႃႉ ပဵၼ်ၽူႈၼၢမ်း။ ၵူၼ်းမိူင်း သမ်ႉပဵၼ်ၽူႈၸွႆႈပွင်သေ ႁူမ်ႈၵၼ်သၢင်ႈမၢၼ်ႈမိူင်းယဝ်ႉ ပိုင်ႈဢိင်ယူႇသဝ်းႁူမ်ႈၵၼ်မႃး။ ဢွၼ်တၢင်းသုတ်း ၸဝ်ႈၾႃႉလႄႈၶႃႈမၢၼ်ႈၵူၼ်းမိူင်း လႆႈမီးၶေႃႈမၼ်ႈၵႅၼ်ႇၵၼ်(social contract)ယဝ်ႉ ၸင်ႇတင်ႈမၢၼ်ႈမိူင်းမႃး။ ၶေႃႈၵႂၢမ်းၵူၼ်းမိူင်း ၵိၼ်ႇၵၢဝ်ႇပၼ်ၶေႃႈမၼ်းၵႅ်ႇၼၼ်ႉၸိုင်…

ၶေႃႈၵႂၢမ်းၸဝ်ႈၾႃႉ ၵိၼ်ႇၵၢဝ်ႇပၼ်ၶေႃႈမၼ်ႈၵႅၼ်ႇၼၼ်ႉၸိုင်…  ဢိင်ၼိူဝ်သူတင်းသဵင်ႈဢွၼ်ၵၼ် ယွမ်းၽွမ်ႉႁပ်ႉပဵၼ ်ၶႃႈမၢၼ်ႈၵူၼ်းမိူင်းသေလႄႈ ယုၵ်ႉယွင်ႈႁႂ်ႈၵဝ်ၶႃႈလႆႈပဵၼ်ၽူႈၼၢမ်း တႃႇႁႂ်ႈလႆႈပဵၼ်ၽူႈႁူမ်ႇငမ်းမႅင်ႇႁူမ်ႈၵတ်းယဵၼ်ပၼ်သူၼႆလႄႈ တင်ႈဢဝ်ပၢၼ်ၵဝ်ၶႃႈၼႆႉၵႂႃႇ တေၢႇထိုင်ၸူဝ်ႊလုၵ်ႈပၢၼ်လၢၼ် ၵူႊသိုပ်ႇသိုပ်ႇၵူႊပၢၼ်ပၢၼ်ၼၼ်ႉ တၵ်းတေႁဵၻ်းသၢင်ႈႁႂ်ႈပဵၼ်ၽူႈၼၢမ်းလီသူၵႂႃႇတႃႇသေ၊ တေဢမ်ႇႁိမ်ဢဝ်ၼမ်ႉသူ၊ တေဢမ်ႇႁိမ်ဢဝ်တိူၵ်ႇႁႆႊလွၵ်းလိၼ်သူ၊ တေဢမ်ႇႁဵတ်းႁႂ်ႈသူလႆႈၼမ်ႉတူၵ်း၊ မူၵ်းတႃယွႆႉလႃးလႃ… တေဢမ်ႇၶႃႈၸိုဝ်ႈၶၢႆသဵင်ႈသူ၊ သင်တေဢမ်ႇၸွမ်းၼင်ႇၵိၼ်ႇၵၢဝ်ႇဝႆႉၼႆႉၼႆၸိုင် ႁႂ်ႈလႆႈလူႉလႅဝ်ၼင်ႇၽွင်တဝ်ႊတႃႉ… ၼႆယဝ်ႉ။ 

ၵိၼ်ႇၵၢဝ်ႇ ၵိၼ်ၵႅၼ်ႇၵၼ်ၼင်ႇၼၼ်ယဝ်ႉၵေႃႈ ၽွမ်ႉၸွႆႈၵၼ်သၢင်ႈမိူင်းႁူမ်ႈၵၼ်၊ မိူဝ်ႈသၢင်ႈမိူင်းၼၼ်ႉ လူဝ်ႇလႆႈသၢႂင်းၸႂ် မၢၼ်ႈမိူင်းဢွၼ်တၢင်းလႄႈ လႆႈတင်ႈ ၸႂ်မိူင်း ဢွၼ်တၢင်းပိူၼ်ႈသုတ်း။ လၢႆးသၢင်ႈဝႆႉ ၸႂ်မိူင်း မိူင်းၼိူင်ႈလႄႈမိူင်းၼိူင်ႈ ဢမ်ႇမိူၼ်ၵၼ်။ ၵမ်ႈၽွင်ႈသၢင်ႈပဵၼ်သဝ်ဝႆႉ၊ ၵမ်ႈၽွင်ႈသၢင်ႈပဵၼ်ဝႆႉၵွင်းမူး၊ ၵမ်ႈၽွင်ႈသၢင်ႈပ​ေ်ဝႆႉ ႁုၼ်ႈႁၢင်ႊၽြႃး။ မိူဝ်ႈတင်ႈ ၸႂ်မိူင်း ၼၼ်ႉ ဢဝ် မိၵ်ႈမၢႆ ၶေႃႈၵိၼ်ၵၢဝ်ႇၵၼ်ၼၼ်ႉ ၽင်သႂ်ႇဝႆႉၸွမ်းၵမ်းလဵဝ်ယဝ်ႉ။ ယွၼ်ႉမီးၽိင်ႈၼင်ႇၼၼ်မႃးလႄႈ မၢၼ်ႈဝဵင်းမိူင်းတႆး တီႈယၢမ်ႈမီးၸဝ်ႈၾႃႉ ယူႇသဝ်းဢုပ်ႉပိူင်ႇၽွင်းငမ်းၵူႊတီႈတီႈၼၼ်ႉ တေလႆႈႁၼ် ၵွင်းမူးၼၢမ်ႇမိူင်းဢမ်ႇၼၼ် ၽြႃးၼၢမ်ႇမိူင်း ဢမ်ႇၼၼ် သဝ်ၸႂ်မိူင်းမီးယူႇၼၼ်ႉယဝ်ႉ။ မၢင်ႊတီမၢင်ႊလႂ် တီႈဢၼ်လႆႈၶၢမ်ႇပိူၼ်ႈယႃႉလူႉပႅတ်ႈၼၼ်ႉတႄႉ တေဢမ်ႇၸၢင်ႊမီးယဝ်ႉ။

ဝၢႆးသေၽွမ်ႉလႆႈၸႂ်ၵၼ် တင်ႈမၢၼ်ႈမိူင်းယူႇ ႁူမ်ႈၵၼ်ယဝ်ႉၼၼ်ႉ ၸွမ်းၼင်ႇမီးၶေႃႈၵိၼ်ၵႅၼ်ႇ တူၵ်းလူင်းၵၼ်ဝႆႉၼၼ်ႉသေလႄႈ ၸဝ်ႈၵေႃႈၼင်ႇၸဝ်ႈ ၶႃမၢၼ်ႈၵူၼ်းမိူင်းၵေႃႈ ၼင်ႇၶႃႈမၢၼ်ႈၵူၼ်းမိူင်းၼၼ်ႉ ဢွၼ်ၵၼ်ႁဵတ်းသၢင်ႈႁၢင်ႈပွင် ယူႇသဝ်းၸွမ်းၼင်ႇ ၼႃႈတီႈ ပုၼ်ႈၽွၼ်းၽႂ်မၼ်းမီးဝႆႉၼၼ်ႉလႄႈ ၸင်ႇမီးၵႂၢမ်းထုင်းဝႆႉမႃးဝႃႈ  ၼႂ်းၼမ်ႉမီးပႃ ၼႂ်းၼႃးမီးၶဝ်ႈ၊ ၼႂ်းမိူင်းမီးၸဝ်ႈၽွင်းငမ်း ႁႅင်းၵိုၼ်းငိုၼ်းၶမ်းၵွမ်ႉၶွၼ်ႈ ပိူၼ်ႈတွၼ်ႈယမ်ၵူဝ်၊ ၵွမ်းႁူဝ်သၢင်ႇပဵၼ်ၶႃႈ၊ ၵူမ်ႈၼႃႈဝၢင်ႇပဵၼ်ႁၢႆး ၼႆမႃးယူႇၼၼ်ႉယဝ်ႉ။ 

ပၢၼ်သိုပ်ႇပၢၼ် သိုပ်ႇလၢတ်ႈသင်ႇသွၼ်ၼေၵၼ်ဝႆႉမႃး လွင်ႈၶေႃႈၵိၼ်ႇၵၢဝ်ႇၵၼ် ဢၼ်ယၢမ်ႈီးဝႆႉမႃးၼၼ်ႉလႄႈ တႆးၸင်ႇလႆႈမီးလွင်ႈယုမ်ႇယမ် ၼပ်ႉထိုဝ် ၼိူဝ်ၸဝ်ႈၼိူဝ်ၶုၼ်၊ ၼိူသ်ၽူႈယႂ်ႇၵူၼ်းလူင် မႃးၼၵ်းၼၵ်း ၼႃၼႃယူႇတႃႇသေၼၼ်ႉယဝ်ႉ။ မေႃဢွၼ်ၵၼ်ထွမ်ၶေႃႈပူင် ၸဝ်ႈၶုၼ်ၽႂ်မၼ်း မေႃၸပ်းယၢမ်ႈၼပ်ႉထိုဝ်ၼိူဝ် ၶိူဝ်းၸဝ်ႈၸွမ်လိူဝ်ၵူၼ်းတၢင်ႇၶိူဝ်းလႄႈ တႃႇတေၶတ်းၶႂၢၵ်ႈၽိုၼ်ႉၶိုၼ်း ၸဝ်ႈၶုၼ်ဢုပ်ႉပိူင်ႇလီလီၼႆၼၼ်ႉ ဢမ်ႇမီး။ 

ၶုၼ်ၵေႃႉဢၼ် ဢုပ်ႉပိူင်ႇၽွင်းငမ်းၼၼ်ႉၵေႃႈ သင်ၸိူဝ်ႉႁဵတ်းၸလိူဝ်ႈၸလႃႈ ပေႉၵိၼ်ၶႃႈမၢၼ်ႈၵူၼ်းမိူင်းၼႆၸိုင် ယုမ်ႇယမ်ဝႃႈ တေတူၵ်းငရၢႆး၊ တေတူၵ်းယၢၵ်ႈၽၢၼ်ၵႅၼ်းၼႆသေ ဢမ်ႇတွၼ်ႉလႃႈလီႈၶီႈၼၢပ်ႇ၊ မၢပ်ႇမႂ်၊ ပေႉၵိၼ်ၵိၼ်ၶႃႈမၢၼ်ႈၵူၼ်းမိူင်း။ ၸဝ်ႈၸွမ်ဢၼ်လူႊလၢႆႊ ၶႃႈမၢၼ်ႈၵူၼ်းမိူင်း။ ဢၼ်ဢဝ်ၶူဝ်းၶွင်ၶၼ်ထိူၵ်ႈၵႃႊယႂ်ႇ မၢၼ်ႈမိူင်းၼၼ်ႉလူႉသုမ်းၵႂႃႇၼႆၸိုင် လႆႈထုၵ်ႇၵူၼ်းမိူင်းလိုပ်ႈႁေႃး၊ လႆႈယွမ်းၸုၼ်ႉပၢၼ်ၸဝ်ႈၸွမ်၊ ၸုၼ်ႉမၢၼ်ႈ၊ ၸုၼ်ႉမိူင်းသေ ဢွၵ်ႇမိူင်းၵႂႃႇယူႇယဝ်ႉ။ 

ၶုၼ်ၸိူဝ်းယူႇၸၼ်ႉတႂ်ႈၸဝ်ႈၾႃႉသေ ၽွင်းငမ်းမႃးၼၼ်ႉၵေႃႈ သင်ဝႃႈၸဝ်ႈၾႃႉယင်းယူႇသၢင်ႈၸွမ်း ပၵ်းပိူင်မီးဝႆႉယူႇၼၼ်ႉၼႆၸိုင် တိုၼ်းဢမ်ႇႁတ်းႁဵတ်းသၢင်ႈယူႇသဝ်း ၸလိူဝ်ႈၸလႃႈလႃးလႃး။ 

ၵူၼ်းမိူင်းၵေႃႈ ၽူႈလဵၵ်ႉၼပ်ႉယမ်ၽူႈယႂ်ႇ၊ ၽူႈယႂ်ႇဢီးလူၽူႈလဵၵ်ႉသေ ယူႇႁူမ်ႈၵၼ်မႃး။ မီးၵၢၼ်ထုၵ်ႇလီ ၸွႆႈထႅမ်ၵၼ်ၵေႃႈ ၶၢမ်ႇယၢပ်ႇ၊ ၶၢမ်ႇယဵၼ်း၊ ၶၢမ်ႇၸုၼ်ႉ ပုၼ်ႉပၢင်ႈသုၼ်ႇတူဝ်ၸဝ်ႈၵဝ်ႇသေ ၸွႆႈထႅမ်ၵၼ်မႃး။ သင်ၸိူဝ်ႉဝႃႈ ၸဝ်ႈၸွမ်မီးလွင်ႈဢယေးၽေးၶဵၼ်သေၸိူသ်ႉသေပိူ်ငၵေႃႈ ၸွမ်းၼင်ႇတူၵ်းလူင်းမီးၶေႃႈမၼ်ႈၵႅၼ်ႇ ၵိၼ်ႇၶၵၢဝ်ႇၵၼ်ဝႆႉမႃးၼၼ်ႉ ႁဵတ်းသၢင်ႈၸွမ်းၵူႊၸိူဝ်ႉၵူႊပိူင်တႃႇသေႇ။ 

ၼိူင်ႈပီႊသွင်ပွၵ်ႈ ၶႃႈမၢၼ်ႈၵူၼ်းမိူင်း ႁဵတ်းပွႆးၵၼ်တေႃးၸဝ်ႈၾႃႉ၊ လိူၼ်သိပ်းသွင်မူၼ်းလႄႈလိူၼ်ႁူၵ်းမူၼ်းၼၼ်ႉ ပဵၼ်ဝၼ်းၵၼ်ႇတေႃးၸဝ်ႈၾႃႉယဝ်ႉ။

 

ႁွမ်လိုၵ်း၊ 1996 ။ ၽႃႇသႃႇတႆး ၸၼ်ႉႁူၵ်း။ ၵေႃတႅမ်ႈပပ်ႉႁဵၼ်း ငဝ်ႈငုၼ်းၽိင်ႈငႄႈလိၵ်ႈလၢႆးပၢႆးပၺ်ႇၺႃႇတႆး။ ၼႃႈလိၵ်ႈ 87 - 104 ။ 
 




#Total Article count: 100
