#Article 1: Ginkgo biloba (168 words)


'U Ginkgo biloba L. jè 'nu fossile vivende ed urteme specie 'ngore sopravvissute d'a famiggghie Ginkgoaceae ma pure de totte l'ordine Ginkgoales (Engler 1898) e d'a divisiune de le Ginkgophyta.
Jè d'u gruppe de le Gimnosperme: le seme non ge sonde prutette da l'ovarie. 'A strutture cu 'a forme de albecocche ca sonde prudotte da le esemblare femminile non ge sonde frutte. Sonde seme cuperte da 'nu involucre carnose. Jè 'nu àrvule assaje andiche, le origgene soje risalgone a 250 miglione de anne fa. 

'A piande, originarie d'a Cina, ète chiamate volgarmende ginko o ginco o àrvule de capelvenere. 'U nome d'u genere Ginkgo, derive da 'u cinese 銀杏 (銀 yin «argende» e 杏 xìng «albecocche»; 銀杏 yinxìng «albecocche d'argende») ca pe 'na errate trascrizziune d'a forme giapponese ginkyō (ぎんきょう) da parte d'u botaniche tudesco Engelbert Kaempfer hagghie cangiate 'a lettere y in g.
'U nome d'a specie (biloba) derive 'nvece da 'u latino bis e lobus cu riferimende ad 'a divisiune in dò lobi de le fogghie.




#Article 2: Regnum Animalia (126 words)


Sonde definite Anemale (o Metazoi) totte le organisme eucariote, cu differenziazione cellulare, eterotrofe e mobbele durande almene 'nu stadie de'a lòre vite, e de cui pure 'a specie umane ne fàce parte.
'U regne anemale (Animalia o Metazoa) jè costituite da cirche 1,5 miglione de specie note viventi (ma si pensa che ve ne siano ancora molte da scoprire), raggruppate in particulare categorie tassonomeche definite da 'u sisteme de classefecazione scientifeche. 'U phylum cchiù rappresendative jè, senze nisciune dubbie, quidde de le Artropode ca cunde cirche 1 miglione de specie, de cui 750.000 appartenende ad 'a classe de le Insette. 'A discipline biologgeche ca studie le anemale jè chiamate Zoologie. 
'A Medicine veterinarie studie totte quidde ca reguarde 'a salute de le anemale deverse da l'uemmene.




#Article 3: Sahelanthropus tchadensis (175 words)


Sahelantropus tchadensis ète 'na specie de ominide ca resale a 6 o 7 migliune de anne fà, ca signifeche ca ète 'mbrà le prime andenate de l'omme.

'U 19 luglie 2001 'u studende universitarie Ahhounta Djimdoumalbaye, ca faceve parte de 'na squadre de paleondologe e geologe coordinate da Michel Brunet de l'Università de Poitiers (Frange), iacchie 'nu cranie fossile de 'na specie nove de ominide jndr'à 'u deserte d'u Diurab jndr'à 'u Ciad. Cchiù nande 'a squadre reporte a 'a luce pure 'na andibbole cu quacche dende e, se tratte d'a prima scuperte de stu tipe jndr'à l'Afriche cendrale.

L'anne successive, l'11 luglie, 'a riviste scendifiche Nature presende ufficialmende 'u fossile a 'u quale avène date 'u nome Sahelantropus tchadensis: sie 'u nome d'u genere ca d'a specie sò unece, purcé unece so le tratte d'u teschie e d'a mandibbole. 

Ma subbete le autorità d'u Ciad battezzane l'ominide Toumaï, ca jndr'à lènghe Goran signifeche speranze de vite e de solite 'a parole avène ausate pe indicà le piccinne nate apprime d'a staggione de le piogge.




#Article 4: Homo erectus lantianensis (294 words)


Homo erectus lantianensis (jndr'à 'u cinese standàrd 蓝田人, jndr'à quidde tradizionale 藍田人, jndr'à 'u pinyin Lántián rén), formalmende canusciute cumme Sinanthropus lantianensis jè 'na sottospecie de Homo erectus. 'A scuperta soje ha state fatte jndr'à 'u 1963 e 'u prima ca l'ave descritte ha state J. K. Woo l'anne apprisse.

Le reste de l'Homo erectus lantianensis (chiamate Lantian Ren; 蓝田人 in cinese) avenèrene acchiate jndr'à condèe de Lantian (蓝田县; in pinyin: Lántián Xiàn), jndr'à Cine nordoriendale jndr'à provinge de Shaanxi, cchiù o mene a 50 km da 'a cetate de Xi'an. 'Nu picche dope 'a scuperte d'a mandibbole d'u prime homo erectus latianensis a Chenjiawo (陈家窝), sembre jndr'à condèe de Lantian, ha state acchiate pure 'nu cranie cu osse nasale, mascella destre e ttre dinde de 'n'otra specie de latianensis a Gongwangling (公王岭).

'A capacitate d'u cranie jè stimate essere 780 cm3, cumme l'otre specie d'u stesse periode cumme l'Omme de Java.

L'homo erectus latianensis jè cchiù vecchie d'u cchiù canusciute Omme de Pechine, ma probbabbilemnde cchiù uagnone de l'Omme Yuanmou, e pare ca ave vissute cchiù o mene 1 miglione e 700.000 anne fa rispette a osce a die.

Pare ca le fossile acchiate avènene da doje femmene ca onne vissute rispettivamende 'mbrà le 530.000 to 1 miglione de anne fa e 400.000 anne fa. L'Omme Gongwangling rappresende 'u fossile cchiù vecchie de 'n'omme 'nzippate maje acchiate jndr'à l'Asie. Le scenziate classifichescene l'homo erectus latianensis cumme 'na sottospecie de Homo erectus. Le fossile se ponne vedè a 'u Musèe Storeche de Shaanxi, a Xi'an, jndr'à Cine.

Jndr'à stessa zone 'nzieme a le reste d'u latianensis onne state acchiate fossile anemale e struminde de petre. 'A presenze de ste struminde cumme le asce face penzà ca 'u latianensis ausave struminde pe condrollà 'u fuèche.




#Article 5: Homo georgicus (259 words)


L' Homo georgicus jè 'u nome ca fù proposte jndr'ô 2002 pè descrivere 'u cranie fossile e 'a mandibole de 'na specie ominide scuperte a Dmanisi jndr'à Georgia jndr'ô 1999 e jndr'ô 2001; quèste specie pare 'ndermedie 'mbrà l' Homo habilis e l' H. erectus. 'Na parte d'u scheletre ha state scuperte jndr'ô 2001. Le fossile, ca onne n'età de cirche 1,8 miglione de anne, onne state scuperte da 'u studiuse georgiane David Lordkipanidze, ca faceve parte de 'nu gruppe de ricerche ca hagghie scuperte quiste reste; jndr'à quedde zone onne state scuperte pure utensile e osse de animale.

Le studiuse penzarone prime ca 'a mandibole e 'u cranie erene de 'nu Homo ergaster, ma le differende dimensione le purtarone ad attribuirle a 'na nove specie, chiamate Homo georgicus, discendende da 'u Homo habilis e andenate de l'asiane Homo erectus

 

'U cranie D2700, d'a capacità de 600 cm³, jè datate a 1,8 miglione de anne fa, e pè le soje bbuene condizione se pò fà 'u confronde cu 'a morfologgije d'u cranie de l'omme moderne. 'U cranie ere 'u cchiù piccenne e 'u cchiù primitive 'mbra chidde scuperte fine ad allore a 'u de fore de l' Africa addò le dò diverse specie de ominide, l' Australopithecus e 'u genere Homo rappresendane dò percorse evolutive distinde a partire da 'nu andenate comune.  'U reperte georgiane, 'a cui capacità d'u cranie jè cirche 'nu mmienze de quèdde d'u Homo sapiens, fù conziderate 'u reperte cchiù piccenne fine a la scuperte d'u Homo floresiensis avvenute jndr'à l'isole de Flores jndr'ô 2003.




#Article 6: Homo heidelbergensis (654 words)


Homo heidelbergensis ète 'n'ominide estinde, ca ave vissute 'mbrà 600 000 e 100 000 anne fa.

'U nome ha state attribbuite a retrovaminde umane fossile precedendemende nnomenate Homo sapiens andiche , cu particolare referimende a chidde acchiate vecine a Heidelberg, jndr'à 'u Baden-Württemberg, jndr'à Germanie, sus a le rive d'u jume Neckar. Reste de H. heidelbergensis onne state acchiate in Afriche, Europe e Asia occidendale. 

Sia 'u Homo antecessor ca Homo heidelbergensis discennene probbabbilmende da Homo ergaster, morofologgiecamende assaije simile e ca avenève da l'Afriche. Comungue 'u Homo heidelbergensis tenève 'na calotta craniche cchiù allariate, cu 'na capacitate de cchiù o mene 1100–1400 cm³, none lundane da 'u valore de cchiù o mene 1350 cm³ tipeche pe l'omme moderne; sta differenze, 'nzieme a 'u combortamende e a l'ause de struminde chciù avanzate, 'u ave fatte assegnà a 'na specie diverse.

Sta specie rispette ale parinde sue cchiù stritte tenève de le dimenziune anomalmende granne, infatte le retrovaminde suggeriscene dimenziune medie de cchiù o mene 190 cm de iertezze e 'na corporature cchiù massicce e muscolose de ogne otre ominide ca apparteneve a 'u genere Homo. Seconne 'u professore Lee R. Berger de l'Università de Witwatersrand, 'nu sacche de osse fossile ca resalene a cchiù o mene 500-300 000 anne fa acchiate sus 'a coste sud africane indichescene ca certe popolazziune de Homo heidelbergensis erane gigande cu dimenziune medie de cchiù o mene 213 cm de iertezze.

'A morfologgje d'a recchie esterne face penzà a 'na sensibbilità uditive ca s'assomegghie a quedde de le essere umane moderne e assaije cchiù comblesse de quedde de le parinde sue cchiù stritte: Homo heidelbergensis puteve infatti distinguere 'nu sacche de suène diverse.

Analise fatte sus a le dinde suggeriscene ca erane in grade de producere suène jndr'à assaije quantitate. Stu gigande jè recanusciute cumme 'u prime ominide in grade de producere suène comblesse facilitanne jndr'à stu mode 'a trasmissione de esperienze e 'a formazione de culture ca, pure ca erane angore primitive, erane assaije cchiù sofisticate de chidde 'ngundrate 'mbonde a quidde mumende.

'U consolidamende de sta denominazione pe indicà determinate ominide jè successive a le studie de Eudald Carbonell de l'Università de Tarragona ca, 'nzieme a le collabboratore sue, ave analizzate le reperte acchiate jndr'à 'u 1992 jndr'à grotte de Gran Dolina, ca se iacchie jndr'à le colline de Atapuerca (Spagne settentrionale).

Jndr'à 'u 1994, infatte, 'na spediziona soje ave purtate a 'a luce 'nu sbuènne de utensile de petre assaije semblice, troppe primitive pe essere attribbuite a Homo sapiens. 'Nu sacche de paleontologe pò onne attribbuite le fossile de Atapuerca a 'a specie H. antecessor, conziderate derette andenate de H. heidelbergensis, ca ave vissute jndr'à le stesse aree cchiù o mene 200 000 anne apprisse. 

'Na prima tesi jè ca le reste de Atapuerca rappresendane 'u prime tendative da vanne de Homo heidelbergensis de assè da l'Afriche, addò se onne prive d'a presenza soje ggià 600 000 anne fa e, ca allore colonizzanne l'Europe avesse fatte da progenitore a Homo neanderthalensis, invece in Afriche se evolveve Homo sapiens e in Asie Homo ergaster, d'u quale putesse essere 'u discendende. Sta tesi ne putesse dicere ca l'H. heidelbergensis ha state l'urteme andenate comune 'mbrà nuje e Homo neanderthalensis.

Otre studie fatte jndr'à 'u 2001 sus a 'u cranie comblete de Atapuerca, 'nzieme a le reste de otre trende individue, attestane 'a possibilità ca ste ominide putessere parlà, pure a 'nu levèlle 'nderra-'nderre. Infatte l'apparate vocale acchiate jndr'à le reste fossile pe quande resulte essere mene sviluppate rispette a Homo sapiens jè securamende cchiù comblesse rispette a quidde de le scimpanzè.

Pure le retrovaminde vecine a le Ciambate d'u Diaule, jndr'à Provinge de Caserta onne state attribbuite a Homo heidelbergensis.

Assaije scenziate conziderescene appartenende a Homo heidelbergensis pure doje cranie acchiate 'mbrà 'u 1989 e 'u 1990 a Yunxian, jndr'à provinge cinese de Hubei,  pure ca assaije otre, combrese le scupritore, so purtate a conziderarle de Homo erectus.




#Article 7: Homo antecessor (350 words)


LHomo antecessor jè 'nu ominide estinde ca appartene a 'na specie distinde ca risale putenzialmende da 1,2 miglione a 800.000 anne fa, ca ha state scuperte da Eudald Carbonell, J. L. Arsuaga e J. M. Bermúdez de Castro. LH. antecessor jè une de le prime ominide canosciute jndr'à Europe. Assaje andropolugge dìcene ca 'u H. antecessor jè d'a stesse specie o 'nu dirette antecedente d'u Homo heidelbergensis , ca onne abitate l'Europe da 600.000 a 250.000 anne fa jndr'ô Pleistocene.

'U fossile megghie cunservate jè 'na mascelle ca apparteneve a 'nu individue de 10 anne scuperte jndr'à Spagne. Sus 'a base de misurazione paleomagneteche, è pensato per essere de età superiore ai 780-857 ka (Falguères et al., 1999:351). 'U cervidde medie ere de 1.000 cm³ de volume. Jndr'ô 1994 e jndr'ô 1995, 80 fossile de seje crestiáne ca aví potute fare parte d'a specie sonde state scuperte ad Atapuerca, jndr'à Spagne. Presse 'u site sonde state scuperte 'nu sacche de esembie de squasce, addò 'a carne ha state luate da le osse, quiste dìce ca 'u H. antecessor aví potute praticare 'u cannibalisme. [1]

L' Homo antecessor ere cchiù o mene ìrte da 1.6 a 1.8 metre, le omme pesavane circa 90 kg. Le dimensione d'u cervidde erene cirche 1000-1150 cm³, cchiù piccenne de 1350 cm³, 'a medie de le essere umane moderne. A cause d'a rarezze soje, picche de cchiù se sacce sus 'a la fisiologije d'u H. antecessor, ma ere probabilmende cchiù robuste d'u H. heidelbergensis. Seconde Juan Luis Arsuaga, une de le co-direttore d'u scave a Burgos, lH. antecessor puteve essere destre de mane, 'na caratteristeche ca le rende diverse da le otre scimmie. L'ipotesi se funne sus a tomografie tecniche. Arsuaga dìce 'ngore ca 'a gamme de frequenze d'u udite jè simile a chidde d'u H. sapiens ca fazze credere ca 'u H. antecessor ausave 'na lenga simboliche e ha state capace de ragiunare. 'U team de Arsuaga stè mò facende 'na mappe d'u DNA d'u H. antecessor dope aví chiarite quedde de 'nu orse ca hagghie vissute jndr'ô nord d'a Spagne, cirche 500.000 anne fa.




#Article 8: Voltaire (2932 words)


'U nome de Voltaire Jidde è legate assaje a 'u movimende culturele de l'Illuminisme, 'nfatte jidde ha state une de le cchiù granne animatore e de le esponende prengepàle.

François-Marie Arouet Le Jeune nasce uffiscialmende 'u 21 novembre 1694 a Parigge jndr'à 'na famigghie ca appartenève a borghesie cu le solde. Cumme 'u stesse penzatore ha ditte cchiù vote, 'a date de quanne ha nate, reggistrete jndr'à le reggistre d'u battesime, pò essere ca jè fause purcè Voltaire steve male assaje allore  'u battesime ha state renviete de nove mise.
L'attene, François Arouet, ere 'nu notaie ricche assaje e 'nu fervende giansenista, 'nvece 'a mamese, Marie Marguerite d'Aumart, faceve parte de 'na famigghie vicine 'a nobiltà. 'U frete, 'nvece, ere - sembre ca 'u dice Voltaire - 'nu fandastiche giansenista.
Le studie sue onne accumenzete jndr'à 'u 1704 jndr'à 'u colleggie famose de le gesuite de Louis-le-Grand; jndr'à quiste periode Voltaire uagnone fece vedè ca le piaccene assaje le studie umanistice: specialmende p'a retoriche e 'a filosofie. Pure ca ere assaje critiche cu le gesuite, a Voltaire avène 'na granne ammirazione jndr'à le combronde de le 'nsegnande sue e de le opere ca onne state fatte da 'a Compagnia de Gesù in Cina e Paraguay.
Jndr'à 'u 1711 lasse 'u colleggie e s'iscrive, purcè l'averre decise l'attene, 'a scola superiore de deritte. Jndr'à chiste anne le rapporte cu l'attene addevendene sembre cchiù brutte, purcè l'attene non ge supporte ca 'u figghie tène 'a vocazione poetica e partecipe a le riunione de le circhele libbertine.

Le scritte sue ca erene polemice truarene 'nu successe immediete jndr'à le salotte de le nobele; certe verse, d'u 1717, condre a 'u reggende de Frange Filippe d'Orléans, le causarene l'arreste e 'a reclusione a Bastiglia.
'A pubblicazione d'u poeme La Ligue d'u 1723, scritte duranne 'a priggionie, avìe l'assegnazione de 'na penzione da vanne d'u rre. L'opere pò avene pubblichete n'otra vote cu 'u titele Enriade, jndr'à 'u 1728.

'U favore ca le mostrarene subbete subbete le nobele de Frange non ge durò assaje:
sembre pe le scritte sue ca erene de proteste, trasì in conflitte cu 'u cavaliere de Rohan, ca 'u facie bastunà da le domestece sue, e refiutò pure 'a proposte de duelle d'u poete uagnone. Le 'ngazzaminde de Voltaire p'u rifiute furene ausete pe mettere a jidde 'n garcere n'otra vote.
Apprisse a 'nu breve periodo in esilie fòre de Parigge, Voltaire se vedìe costrette a sce in Inghilterre (1726-1729).  
Jndr'à Granne Bretagne, grazie a conoscenze de uemmene de culture democrateche, scritture e felosofe cumme Robert Walpole, Jonathan Swift, Alexander Pope e George Berkeley, maturò idee illuministe condrarie a l'assolutisme feudele d'a Francia. Addà ha scritte, le Lettere 'nglise (o Lettere felosofeche), pe le quale venne a n'otra vote cundannete, purcè jndr'à ste lettere stavene critiche condre a lancien régime. 
Duranne l'esilie in Inghilterre ausò 'u pseudonime de Voltaire. L'origgine d'u nome jè 'ncerte e mutive de 'ngazzaminde.

Le ipotesi sonde quiste e ttrede:

Angore in esilie in Lorena (pe colpa de l'opere Storie de Carlo XII d'u 1731), screvìe le tragedie Bruto e 'A morte de Cesare, e pò screvìe Maometto ossia 'u fanatisme e Merope, 'u trattate L' elemende d'a filosofie de Newton e pò pure l'opere storiografeche 'U sechele de Luigi XIV. 
Jndr'à quiste periode accumenzò 'na relazione cu 'na femmena nobbile Madame du Châtelet, e, quacche anne apprisse, cu 'a nepote soje, Madame Denis.
Proprie grazie a stu riavvicinamende cu 'a corte, favurite da Madame de Pompadour, jndr'à 'u 1746 ha state nummenete storiografe e membre de l'Académie Française.

Da 'u 1749 a 'u 1752 remanie a Berline, ospite de Federico II, ca 'u 'mmireve e 'u nnomenò ciambellane sue. 
Pe colpe de 'na speculazione finanziarie, addò 'u scrittore ere assaje abile e breve, Voltaire s'ngazzò cu 'u sovrene ca 'u fece arrestà a securdune, pe 'nu picche de timbe, a Francoforte. Apprisse a st'incidente, passarene 'nu sacche de anne apprime ca le rapporte 'mbrà Voltaire e 'u sovrene turnassere pacifece.

Siccome ca Voltaire non ge puteve turnà a Parigge, allore se spustò a Ginevre, fine a quanne se 'ngazzarene condre 'a Repubbleche calviniste e se ne scì, jndr'à 'u 1755 a Losanna vicine a le castidde de Ferney e Tournay, ca se l'avere accattete jidde. Jndr'à stu periode Voltaire screvì 'a tragedia Oreste (1750), ca avène, osce a die, considerete une de le opere cchiù piccenne d'u tiatre de Voiltaire.

Allore, Voltaire addevenì ricche e famose, addevenì 'nu punde de refèrimende pe totta l'Europa illuministe. Trasì in polemiche cu le cattolece p'a parodia de Giuanna d'Arco jndr'à La pulzella d'Orléans, e 'spremie le posiziune sue jndr'à Candido vvo ccu dice l'ottimisme (1759), addò polemizzò cu l'ottimisme de Gottfried Leibniz.
'U romanze remane l'espressione letterarie cchiù azzecchete d'u penziere sue, condrarie a ogne provvidenzialisme o fatalisme. Da aqquà accumenzò 'n'accanita polemiche condre 'a siperstizione e 'u fanatisme a favore de 'na maggiore tolleranze e giustizie.

Sus a stu fatte, Voltaire, screvìe 'u Trattate sus 'a tolleranze (1763) e 'u Dizionarie filosofeche (1764).

'Mbrà le otre opere, le cunde Zadig (1747), Micromega (1752), L'omme da le quaranda scude (1767). Le opere tiatrele Zaira (1732), Alzira (1736), Merope (1743), e pò 'u poeme Poeme sus a 'u disastre de Lisbona (1756). Pe spiccià, le 'mbortande opere storiografeche 'U sechele de Luigi XIV (1751) ed 'u Sagge sus 'a le costume e sus a 'u spirite de le naziune (1756).

Jndr'à l'urtema opera filosofeca soje, Le philosophe ignorant (1766), Voltaire battì sembre sus a l'argomende d'a limitazione d'a libertà umane, ca non ge consiste maje jndr'à l'assenze de quacche mutive o determinazione.

Returnete a Parigge e trasute jndr'à Massonerie, Voltaire murì 'nu mese apprisse, jndr'à 'u 1778. Pure ca avere avute 'nu sacche de reconoscimende, quanne murì non ge le fu fatte 'u brucaminde ecclesiasteche. Quiste pure pe 'na volontà soje, purcè rifiutò l'invite de nu prèvete p'a confessione dicenne: Non g'è timbe de fà nueve amice.
Le reste suje stonne a 'u Panthéon de Parigge addò onne state purtate duranne 'a rivoluzione, jndr'à 'u 1794.

Voltaire non ge credeve ca 'a Frange (e cchiù in generele ogne popole) puteve essere pronde pe 'na vera democrazie: pe stu mutive non ge sustenìe maje idee repubblecane (pure ca apprisse ca murìe, addevenìe une de l'attane nobbele d'a Rivoluzione).

Lundane da idee populiste e pure radicale, a mene ca sus a 'u combete d'a religgione sus 'a politeche (jidde fu 'nu anticlericale tuèste), 'a posiziona politeca soje fu quedde de 'nu libberale moderate, condre 'a nobbiltà e sostenitore d'a monarchie costituzionele cumme a quedda 'nglese. Comungue, Voltaire tenève paure ca l'aristocrazie frangese putesse pigghjà cchiù potere scenne jndr'à l'uecchie d'a borghesie e d'u rre, allore appuggiò l'assolutisme illuminate e, pe certe periode, ha state assaje vicine a le politeche de Caterina II de Russia e Federico II de Prussie.

Parlanne 'nvece d'u sisteme giudiziarie, in genere, Voltaire ha state condrarie a 'u strumende d'a torture e d'a pene de morte (a mene de certe case specifece) accettanne assaje c'u favore le idee de Cesare Beccaria.

'Mbrà le esperienze cchiù 'mbortande de Voltaire 'ndellettuele sonde sicuramende da fà notà le viagge, quidde in Olande e soprattutte quidde in Inghilterre; aqquà 'u uagnone parigine vedìe praticà a cumme se deve 'a tolleranze religgiose e 'a libbertà de 'spressione de idee politeche, filosofeche e scientifeche.
A 'u spirite sue ca ere inzofferende de ogne repressione assolutisteche e clericale (pure purcè ere reduce da l'esperienze jndr'à le scole toste toste de le gesuite) l'Inghilterre 'ppare cumme 'nu simbele de 'na forme de vite illuminate e libbere.

Voltaire s'avere mise a studià cumme a 'nu pacce 'a culture anglosassone, jidde remanì accechete da le lumenose e revoluzionarie dottrine scientifeche de Newton e da 'u deisme e l'empirisme de Locke. Jidde pigghje, da st'incondre cu 'a filosofie 'nglese, 'u congette de 'na scienze congepite sus a 'na base sperimendele 'ndese cumme determinazione de le leggi de le fenomene e 'u congette de 'na filosofie 'ndesa cumme analisi e critica de l'esperienze umana jndr'à le varie cambe.
Accussì nascerene le Lettres sur les anglais o Lettres philosophiques (1734) ca condribbuirene a allarià l'orizzonte razionele europee ma ca l'attirarene 'nguedde le saette de le persecuzione.

'U programme filosofeche de Voltaire nasce e cresce jndr'à 'nu mode cchiù precise, ma cchiù nnande, cu 'u Traité de métaphisique(1734), 'a Métaphisique de Newton(1740), Remarques sur les pensées de Pascal(1742), 'u Dictionnaire philosophique(1764), 'u Philosophe ignorant(1766), giuste pe nnuminà le cchiù 'mbortande.

'U probleme ca Voltaire prengepalmende se mette 'ngape jè l'esistenze de Dio, canoscenze funnamendele pe arrivà a 'na giuste nozione de l'omme. 'U filosofe non g'a neghe, cumme certe otre Illuministe ca se dichiaravene atei (Diderot, D'Holbach e otre) purcè non g'acchiavene prove de l'esistenze de nEssere Supremo, però nemmanghe, jndr'à 'u razionalisme sue, pigghje 'na posizione agnostiche.
Jidde vede 'a prove de l'esistenze de Dio jndr'à l'ordine superiore de l'universe, 'nfatte accussì cumme a ogne opere demostre n'artefice, Dio esiste cumme autore d'u munne e, ce se vole dà 'na cause a l'esistenze de l'essere vivende, s'adda ammettere ca esiste n'essere ccreatore. 'A posiziona soje ha state deista, cumme amme già ditte.

Allore Dio esiste e pure ca se iacchiene jndr'à quest'opinione 'nu sacche de difficoltà, quidde ca se mèttene condre all'opinione sonde angore assaje maggiore. 'U Dio de Voltaire non g'è 'u dio rivelete, ma non g'è nemmanghe 'nu dio de 'na posizione panteiste, cumme quedda de Spinoza.
Jè 'na specie de Granne Architette de l'Universe, 'nu rrologgiaie de 'na machena perfette. Voltaire non ge neghe 'na Provvidenze, ma non quedde de tipe cristiane; seconne le convinzione sue (cumme chìdde de 'nu sacche d'u sue timbe), l'omme jndr'à 'u state de nature ere felice, purcè avère istinde e raggione, ma 'a civiltà ha condribbuite a l'infelicità: allore occorre accettà 'u munne accussì cumm'è, e migliorarle pe quande jè possibile.

Avere condrebbuite a chiste convizione sue 'u studie de Newton: addò 'a scienza soje, pure ca remaneve sdreuse, purcè filosofie matemateche, a recèrche de le cause, resulte assaje attacchete a metafisiche teistiche, 'mblicanne 'na razionele credenze jndr'à n'essere supreme.
Voltaire crede jndr'à 'nu Dio ca unifichesce, Dio de tutte l'omme: universele cumme 'a raggione, Dio jè de tutte quanne.

Une de le cchiù granne nemice fu 'a Chiesera Cattoliche (ca jidde chieme a schiggiete, termine referibbele a ogne fanatisme religgiose, jidde 'nfatte prove a scettà 'nderre 'u cattoliceseme pe proclamà 'a validità d'a religgione naturele. 'A feda soje jndr'à le pringipie d'a morale naturele apponde a aunì spiritulmende le omme senza penzanne a le differenze tra custume e ausanze.
Procleme allore 'a tolleranze condre a 'u fanatisme e 'a superstizione (ca stonne 'a religgione cumme l'astrologie ste all'astronomie) jndr'à 'u Trattate sus 'a tolleranze (1763), eppure 'a laicità da 'nu sacche de scritte anticlerichele.
Pe libberà le religgiune positive da chiste serchie jè necessarie trasfurmà certe culte, combrese 'u cristianesime, jndr'à religgione naturele, lassanne cadè 'u patrimonie lore ca jè dogmatiche e facenne recorse a l'azione illuminatrice d'a raggione.

Da 'u cristianesime, Voltaire, accettò l'insegnamende morele, cioè 'a semblicità, l'umanità, 'a carità, e penze ca pruvà a reducere sta dottrine a metafisiche segnefechesce falla devèntà 'na fonte de errore. Cchiù vote 'nfatte 'u parigine, elogianne 'a dottrina cristiene predichete da Criste e da le discepole sue, l'avène de addebbità 'a degenerazione de queste in fanatisme, 'a strutture ca le omme e non 'u Redentore, onne date a chiesera. 'U cristianesime vissute in mode razionele, 'nfatte, coincide cu 'a legge de nature.

Voltaire porte 'nnande 'na doppia polemiche, condre a l'inteolleranze e 'a sclericità d'u cattoliceseme, e condre a l'ateisme e 'u materialisme. Jidde dice ca l'ateisme non ge s'oppone a le delitte ma 'u fanatisme spenge a farle, pure ce conclude ca essenne l'ateisme quase sembre fatele a le virtù, jndr'à 'na società jè cchiù utile avè 'na religgione, pure ca jè fallace, ca non n'avè nisciune.
Non sole 'u cristianesime, ma ogne religgione rivelete (e non), jè 'na superstizione 'nvendete da l'omme.

Voltaire, comungue se refiute de confermà ca Dio ha fatte quacche indervende jndr'à 'u munne umane. 'U Supreme ha sulamende accumenzete a fà funzionà 'a machene de l'universe, senze 'ndervenì ulteriormende, quiste segnefeche ca l'omme jè libbere, cioè tène 'u potere de agì, 
pure ca 'a libbertà soje jè limitete. Tralotre avesse a essere strane ca totte 'a nature, tutte le astre obbedissere a de le legge eterne, e ca steve 'n'anemale piccinne ierte cinghe pide ca, scenne condre a chiste legge, putesse agì sembre cumme a le piace a jidde sulamende seguenne 'u capricce sue.

Se ammerete 'na menzione 'a polemiche ca Voltaire porte 'nnande condre a Blaise Pascal, ca addevenderà soprattuttre 'na polemiche condre a 'apologetiche e 'u pessimisme cristiene cchiù in generele.
Voltaire dice de pigghjà le difese de l'umanità condre a quidde misantrope sublime, ca 'nsegneve a le uemene a odià 'a lore stesse nature. Cchiù ca cu l'autore de le Provinciales, jidde dice ca se vò cu mene condre a quidde de le Pensees, pe defennere 'na diverse congezione de l'omme, e sottolineesce cchiuttoste a comblessità de l'anima, 'a molteplicità d'u combortamende, fine a che l'omme se recanosce e s'accette pe quidde ca jè, e non ge addà tentà 'n'assurde superamende d'u state sue.

In conglusione, se pò dicere ca entrambe le filosofe recanoscene ca l'essere umane p'a condiziona soje jè attacchete a 'u munne, ma Pascal pretenne ca jidde se n'adda libberà e se n'addà distogleire, Voltaire vole ca l'addà recanoscere e l'addà accettà: ere 'u munne nuève ca se scaglieve condre a 'u vecchie.

Le congezione filosofeche de Voltaire sonde inseparabbele da 'u mode sue de fa 'a storie. 'Nfatte jidde vole trattà sta discipline da filosofe, cioè cugghienne senza scè penzanne a le congerie de le fatte 'n'ordene progressive ca fece vedè 'u segnefechete permanende.

Da le granne opere storeche sue l'Historie de Charles XII (1731), Les siecle de Louis XIV (1751), l'Essai sur les moeurs et l'esprit des nations (1754-58), nasce 'na storie d'u spirite umane, cioè se applechesce 'nu granne ampliamende de l'orizzonde storeche, 'nu scuasciaminde radichele cu 'a visione teologiche-provvidenzialistiche d'u cammine umane e cu 'a storiografie annalistiche e panegiristiche de le regnande. Voltaire se 'nderesse de popole, a le ausenze lore; apprime 'a storie ere 'a storie d'u munne cristiene, attacchete a le confine europei, mò jè 'a storie universele d'u progresse umane.
Progresse indese cumme 'u dominie ca 'a raggione esercite sus a le passione, jndr'à le quale se radechescene le pregiudizie e le errore, 'nfatte l'Essai presende sembre cumme incombende 'u perichele d'u fanatisme.

'A filosofie addà essere 'u spirite critiche ca se oppone a tradizione pe separà 'u vere da 'u false, besogne scacchià 'mbrà le fatte le cchiù 'mbortande e segnefecative pe delineà 'a storie de le civiltà. 'Nfatte Voltaire non ge pigghje in considerazione le periode oscure d'a storie, cioè tutte quidde ca non g'a costituite culture, e esclude da 'a storia universele soje le popole babare, ca non g'onne purtete 'u lore condrebbute a 'u progresse d'a civiltà umane.
Voltaire vole cu recostruì 'a legge naturele attraverse 'a storie, e mettere in luce 'a rinasceta e 'u progresse d'u spirite umane, cioè le tentatived'a raggione de libberarse da le pregiudizie e de metterse cumme guide d'a vita associete de l'omme; e, siccome ca 'a sostanze d'u spirite umane non ge cange nè mò e nè maje, 'u progresse consiste jndr'à migliore riuscita de chiste tentative.

'A storie non g'è cchiù oriendete verse 'a conoscenze de Die, non g'è quiste 'u scope de l'omme, ca 'nvece s'addà dedicà a capì e a canoscere jidde stesse fine a ca 'a scuperte d'a storie se indentifichesce cu a scuperte de l'omme.
'A storie ha devenute storie de l'illuminisme, d'u rischiaramende progressive ca l'omme fece di jidde stesse, d'a progressiva scuperte d'u pringipie razionele sue.
Shaftesbury avère ditte ca non ge stè rimedie migliore d'u bbuene umore condre a superstizione e l'intolleranze e nisciune ha mise in pratica megghje de Voltaire stu pringipie; 'nfatte u mode sue de procedere se avvicine a quidde de 'nu caricaturiste, ca jè sembre vecine a 'u modelle da addò se parte, ma attraverse 'nu sciuèche de prospettive e de proporzione falsete assaje bbuene, ne dè l'interpretaziona soje.

L'umorisme, l'ironie, 'a satire, 'u sarcasme, l'irrisione aperte o scunnute, sonde da jidde ausete case pe case condre 'a metafisiche, 'a scolastiche o le credenze religgiuse tradizionele. Ma certe vote, quiste semblificà ironicamende certe situazione, 'u porte a trascurà o a no cugghjè aspette 'mbortande assaje d'a storie.

Cchiù in generele, Voltaire, ha rappresendete l'Illuminisme, cu 'u spirite caustiche e critiche ca tenève jidde, 'u desiderie de chiarezze e lucidità, 'u rifiute de le pregiudizie e d'u fanatisme superstiziose, cu 'na ferma fiduce jndr'à raggione, ma senze inglinaziune eccessive a l'ottimisme e a fiduce jndr'à maggior parte de l'individue. A stu riguarde jè esemblere 'u romanze satiriche Candide (Candido, 1759), addò Voltaire se fece beffe de l'ottimisme filosofeche defennute da Leibniz. Jidde 'nfatte accuse violendemende l'ottimisme fause, 'u tout est bien e 'a teorie de le migliore de le munne possibbele, purcè fanne asseje angore peggiore le male ca sperimendeme, rappresendannele cumme inevitabbele e proprie de l'universe. A stu fatte oppone 'u vere ottimisme, ca vo cu dice, 'a credenze jndr'à 'u progresse umane addò 'a scienze e 'a filosofie illuministe se facene portatore.

'Nu film sus 'a vite d'u screttore e felosofe frangese, 'nditolate semblicemende Voltaire avenìe girate jndr'à 'u 1933 da John G. Adolfi; 'u screttore ere jndr'à stu film 'ndepretate da l'attore 'nglese George Arliss.

'Nu sacche de film onne state tratte da le opere sue, in particolare 'u Candido.




#Article 9: Denis Diderot (1326 words)


 

'A famigghie, borghese e cattoleche, relativamende mise bbone a turnise, vuleve ca jidde avesse fatte 'a carriere de le privete o quedda giurideche ma, 'u uagnone Denis non ge se ne futteve ninde nè sus 'a prima carriere e manghe sus 'a seconde. Apprisse ca avère studiate presse 'u collegge gesuite d'a cetate addò avère nate, se ne scìe a Parigge pe se iscrivere a l'Università; e quanne spicciò, jndr'à 'u 1732 se pigghjiò 'u titele de magister artium.

Senze 'nu precise indirizze de carriere, Diderot se adattò a le cchiù diverse fatije. Facìe pure 'u scrivane pubbleche e precettore, frequendanne, cumme a 'nu sbuenne de otre uagnune bohémiem, le salotte e le caffè addò circolavane le idee illuministeche e libbertine. De stu periode ète 'a segnalazione a 'a polizie cumme uagnone pericolose pe le idee sue ca sonde blasfeme e condre 'a releggione.
A Parigge canuscìe 'n'otre provingiale cumme a jidde, Jean-Jacques Rousseau, e cu jidde costruì 'n'indense quande burrascose rapporte. 'U sodalizie 'mbra ierte e vasce se scuasciò a 'nu certe punde purcè Rousseau se sendì tradite da le amice illuministe ca non ge condividevane le idee sue, combrese Diderot.

Diderot studiò 'u greche e 'u latine, medicine e musèche, guadagnanne da vivere cumme traduttore e trasenne accussì in condatte cu auture e idee da addò pigghiò 'nu sacche de ispiraziune. 'U spirite sue vulcaniche e decisioniste addevenìe 'mbortande quanne jidde vulè ccu devendò 'nu leader d'u movimende illuministe.

Jndr'à 'u 1745 'ngondrò pa prima vote Condillac; jndr'à 'u stesse anne traducìe 'u Saggio sus 'a virtù e sus a 'u merite de Anthony Ashley Cooper, III conde de Shaftesbury,d'u quale ammirò le idèe de tollranze e de libbertà. Cchiù nnande, 'nzieme a François-Vincent Toussaint e a Marc-Antoine Eidous, fatiò a 'a versiona frangese d'u Dictionnaire universel de medicine (Parigge 1746-1748) d'u mideche 'nglese Robert James.

Sotte a sta 'nfluenze se collochescene le Pensées philosophiques (Penzire filosofece) d'u 1746, de indonaziuone deiste, 'A sufficienze d'a releggione naturale e 'a passeggiate d'u scettiche d'u 1747, tutte assaije proprie critice verse 'a superstizione e l'intolleranze. Resalene a 'u 1748 'u romanze libbertine Le gioielle indiscrete e a 'u 1749 'a Lettera sus a le cecate a ause de colore ca vedene de 'ndonazione sensiste e materialiste.

Già a sta prima rassegne de titele (a le quale vonne aggiunde pure certe sagge de matematèche) lasse 'ndravedè doje caratteristeche fondamendale d'a personalità indellettuale d'u filosofe, cioè 'a grannenezze de le inderesse sue - ca scevene da 'a filosofije a 'a biologije, da l'estetiche a 'a letterature - e 'a flessibbilità de le genere de scritture da jidde praticate, particolarmende congeniale a le carattere mobele, apirte e dialogeche d'u penziere sue.

Diderot avenìe ingarcerate jndr'à 'u Castelle de Vincennes pe certe scritte ca facìe, giudicate sovversive, 'u granne penzatore passe cinghe mise de priggione ca non ge sonde proprie tuèste tuèste, da 'u 22 luglie a 'u 3 novemmre 1749.

Jndr'à 'u frattimbe avère accumenzate 'a granna avvendure de lEncyclopédie, addò Diderot fatiò pe cirche 'nu quindicennie. De st'opere, Diderot, addevende 'u cchiù 'mbortande condrebbutore, vedenne jndr'à jedde 'na irrinungiabbele battaglie politeche e culturale e sostenendola in pratiche da sule, apprisse 'a l'abbandone de Alembert Jean-Baptiste Le Rond ditte Jean d'Alembert jndr'à 'u 1759.

A smerse, Diderot, non ge vè dè le scritte sue a 'u pubbleche, accussì 'nu sbuenne de scritte sue remanene scunnute e scanusciute fore da le circhele de le filosofe, pe avenè pubblecate sulamende apprisse 'nu sacche de decennie da 'a morta soje (certe addiritture apprisse 'a seconda uerra mondiale).

Appartènene a stu periode, 'a pubblecazione de lEncyclopédie ca spicce definitivamende sulamende jndr'à 'u 1773, ote 'mbortande opere, 'mbrà le quale se ponne arrecurdà le fondamendale sagge filosofece L'inderpretazzione d'a nature, (1753) e 'u Sogne de d'Alembert (1769), le romanze 'A monaca (1760) e Jacques 'u fataliste e 'u padrone sue (1773), 'u dialoghe 'U nepote de Rameau (1762); le opere tiatrale 'U figghie naturale e L'attane de famigghie (1758), e pò pure 'u trattate La poésie dramatique, mendre 'u Paradosse sus a l'attore ète angore osce a die une de le opere cchiù 'mbortande sus a l'arte d'a recitazzione.

Diderot svolgìe 'nu ruole 'mbortande pure jndr'à storie d'a critica d'arte e jndr'à storie de l'arte. St'urtema discipline nasce 'ndorne a l'anne trende d'u sechele de le lume, condemboraneamende a 'a storie d'a letterature promosse da le protestande rifuggiate in Olande e da le benedettine de Saint-Maur. Diderot condrebbuisce aprenne 'na strade ca ne porte a tutte 'mbonde a Baudelaire, putenne avè accesse a 'a petture d'u XVI e XVII sechele presende jndr'à le collezziune d'u duca d'Orléans a 'u Palais Royal, jndr'ò le collezziune de de La Live de Jully in rue Richelieu, eppure jndr'à le collezziune de l'amiche barone d'Holbach.

Diderot ète ìu prime a riunì 'u punde de viste tecniche e quidde estetiche jndr'à critica d'arte soje ca jè raccolte prengepalmende jndr'à serie de 'mbressiune ca jidde conzegne in forme epistolare in occasione de le esposiziune pariggine - le Salons - a 'a Correspondance Littéraire de l'amiche Grimm. 'U Salon, ca apprime se faceve ogne anne, e pò ogne doje anne da 'u 1746 a 'u 1781 ète 'n'esposizione de petture ca se iapre a 'u mattine d'u sciurne d'a feste d'u Re, San Luigge, 'u 25 aguste e ca dure cchiù o mene 'mbonde a 'a fine de settemmre. L'endrate è gratis.

Ce 'u resocondo diderottiane d'u Salon d'u 1759, 'u prime redatte da Diderot pa Correspondance Littéraire, otre no jè ca 'n'artichele de 'na quindicine de pàggene, a partè da 'u 1761 e da 'u 1763 ste lettere addevènene 'u terrene sus a 'u quale Diderot formulesce certe prengipie estetice sue cchiù 'mbortande, lassanne a cchiù vanne riflessiune filosofeche storeche e morale.

'A vite private de Diderot ha state assije indendse, libbere e focalizzate atturne a cendre affettive de granne 'mbortanze cumme 'a famigghie - se 'nzurò jndr'à 'u 1743 cu 'na camiciaie, Antoinette Champion ca tutte chiamavene Nanette, da sta aunìone nascì 'na figghie assaije amata e, partenne da 'u 1756, l'amiche e amande Sophie Volland. De stu'urtema relazione ne reste 'nu epistolarie de granne valore, a parte de inderesse bibliografiche, pure de inderesse letterarie e storeche (sta storie d'ammore ète 'u teme d'u romanze Die Philosophin de Peter Prange, tradotte in tagliàne cu 'u titele picche adatte: U felosofe e 'a libbertine, Mondadori 2006. ISBN 88-04-56227-7).

Jndr'à 'u 1762, l'imberatrice Caterine II de Russia accattò 'a bibblioteche de Diderot, ca ne mandenìe l'ause e 'na rendite cumme bibliotecarie. 'Mbrà 'u 1764 e 'u 1765 canuscìe Laurence Sterne e David Garrick. Jndr'à 'u 1773 'u felosofe se ne scìe a San Pitreburghe, addò stennìe, pe l'imberatrice, 'nu sacche de pruggette de riforme d'a suggettate e de l'istruzione.

Avìe 'na brutta botte quanne murìe Sophie, l'amande, jndr'à 'u febbrare 1784 e 'u 31 luglie d'u stesse anne Diderot, tande addulurate, more a Parigge. L'autopsia, ca avenìe fatte seconne 'a volondà espressa da 'u stesse Diderot, decìe ca 'a colpe d'a morte ere l'ipertrofie cardiache, jidde murìe mendre ca se stè mangiave 'na comboste de cerase, jndr'à 'u quaertiere de Saint-Roch addò stave 'nu prevete ca ere disposte a brucarle cristianamende e, non ere facile a acchiarne une viste 'u tipe de penzire ca tenève Diderot. Apprisse 'a morte de Diderot, le manoscritte sue e le volume d'a bibblioteca soje avenèrene trasferite a San Pitreburghe.

'A filosofije de Diderot pò essere conziderate cumme a une de le cchiù comblesse e particolare de l'illuminisme. Aprite a 'u progresse e a 'u future jndr'à ogne elemende sue, ere laiciste e cu tendenze ateisteche, case rare jndr'à 'u panorame illuministe addò dumenave 'u Deisme, sostenute da l'otre doje granne illuministe frangise, Voltaire e Rousseau.
Diderot avène conziderate 'nu poligrafe purcè jidde se occupave e avère scritte teste su le cchiù varie aspette d'a culture. Da 'u romanze a 'u sagge sciurnalisteche, da 'a museche a 'a petture, e in filosofije da l'ontologgie a l'estetiche.




#Article 10: Jean-Jacques Rousseau (4478 words)


Le idèe socio-politeche de Rousseau influenzarene 'a Rivoluzione Frangese, 'u sviluppe de le teorie socialiste e 'a crescite d'u nazionalisme. L'eredità soje de penzatore radicale e rivoluzionarie jè probabbilmende espresse a 'u megghie jndr'à frase cchiù famosa soje, condenute jndr'à 'u Condratte sociale: L'omme ha nate libbere ma a tutte vanne jè in catene. Le teorie sue avèrene pure 'na notevole influenze sus a 'u successive Romandicisme. 

Rousseau nascìe jndr'à 'u 1712 a Ginevra e jndr'à 'u corse de totte 'a vita soje mandenìe l'orgoglie de essere ginevrine. 'A mamese, Suzanne Bernard Rousseau, murìe 'na sumane apprisse 'a nascite d'u figghie, pe comblicaziune post-parto. L'attane Isaac, 'n'orologgiaie medie borghese, 'u diede inaffidamende jndr'à 'u 1722, a cause de 'na risse, infatte, avenìe bandite da 'a cetate de Ginevra. Jndr'à l'infanzia soje Rousseau avenìe educate ijndr'à 'nu mode abbastanze sdreuse: le classece d'a letterature latine avenèrene spesse privileggiate a le libbre accademece. Ere 'nu uagnone fandasiose, indelligende e ccreative, e pure 'nu lettore precoce e infaticabbele, se pò dicere ca s'à furmate sus 'a Bibbie, sus a le Vite parallele de Plutarco e sus a le sermune moralistece de Calvino (calvimisme).

Rousseau lassò Ginevra 'u 14 marze 1728, apprisse diverse anne de apprendistate apprisse da 'nu notaio e pò da 'n'ingisore. Apprisse ripeture vagabondagge ingondrò Françoise-Louise de Warens, 'na baronesse svizzere ca s'avere convertite a 'u cattoliceseme, ca se ne facìe protettrice e cchiù nnande addevenìe l'amanda soje, pure ca jedde ere de tridece anne cchiù granne de jidde. Cchiù nnande jidde se convertìe pe combiacenze a 'u deisme, cumme se pò vedè da 'a Confessione d'u vicarie savoiarde jndr'à 'u libbre IV de l'Emilio.

Trascorrìe allore quacche sumane jndr'à 'nu seminarie e quanne avere accumenzate 'u 1729, sei mise jndr'à 'na scole d'u core d'a cattedrale de Annecy. Dedicò pure diverse timbe a 'u viagge e a diverse professiune; pe esembie, quanne accumenzò 'u decennie 1730, fatiò cumme inzegnande de museche a Chambéry. Jndr'à 'u 1736 scìe 'n'otra vote da le de Warens, vicine a Chambéry, 'nu soggiorno ca acchiò avveramende piacevole, ma jndr'à 'u 1740 partìe 'n'otra vote pe Lione, addò facìe da tutore d'u figghie uagnone de Gabriel Bonnet de Mably.

Jndr'à 'u 1742 Rousseau se spustò a Parigge, pe presendà a l'Accademie de le Scienze 'nu sisteme nuève de notazione musicale ca avere invendate, basate sus a 'na singola linèe addò le numere rappresendavene le indervalle 'mbrà le note, invece punde e virgole indicavane le valure ritmice. L'idèe ere quedde de avè 'nu sisteme combatibbele cu 'a tipografije, ma l'Accademie 'u respingìe cumme inutile e prive de origgenalità.

Da 'u 1743 a 'u 1744 facìe 'u segretarie de l'ambasciatore de Frange a Venezia, 'u quale guverne repubblicane Rousseau citò assaije vote jndr'à le scritte politece sue cchiù nnande. Turnò allore a Parigge, addò, indorne a 'u 1745, accumenzò 'na relazione, ca dure pe totte 'a vite, cu Thérèse Le Vasseur, sarta uagnedde analfabbete da 'a quale avìe cinghe figghie, ca Rousseau lassò tutte a 'u spizie de le trovatelle. Conzideranne le teorie sue sus a l'educazione, Rousseau avenìe assaije vote criticate da Voltaire e da le commendatore successive, pe l'abbandone premature de le figghie sue a l'orfanotrofie. Rousseau jndr'à le Confessioni spieghe, ammettenne pure le rimorse sue, ca non ge tenève 'a disponibbilità economeche pe mandenè le figghie sue e ca chiste avessere avute 'na vita megghie proprie in orfanotrofie. 
Condraddiziune cumme chiste 'mbrà 'a vite e l'opere, avenèrene ausate da le critece pe scettà 'nderre Rousseau, definennele ingapace de vivere in suggettate, jndr'à 'u tendative de scettà 'nderre le fatie teorece sue.

Duranne 'u soggiorno a Parigge, facìe amicizie cu Diderot, e da 'u 1749 collabborò cu diverse articole accumenzanne da chidde de museche, a l''Ngeclopedije. 'U condrebbute sue cchiù 'mbortande avere state 'a vosce Econmije Politeche, scritte jndr'à 'u 1755. Apprisse quacche timbe le rapporte de Rousseau cu Dideort e l'otre engiclopediste se fecere tese e difficele.

Jndr'à 'u 1749, sus 'a vie verse Vincennes, pe visità Diderot, a 'u timbe in priggione, Rousseau avenìe a sapè de 'nu congorse sponzorizzate da l'Accademie de Digione, pe 'nu sagge ca avera discutere ce 'u sviluppe de le arte e de le scienze ere benefiche da 'u punde de viste morale. 'A resposte de Rousseau, negative, avere state 'u Descurse sus a le scienze e le arte, d'u 1750, ca le facìe pigghià 'u prime premie e le facìe guadagnà pure 'nu sacche de notorietà.

Rousseau affermò ca duranne 'u viagge in carrozze pe visità Diderot, avìe 'n'ispirazione imbrovvise sus 'a quale se basarene tutte le successive fatìe filosofeche sue. 'N'ispirazione ca, però, non ge frenò l'inderesse sue pa museche, tande ca jndr'à 'u 1752, l'opera soje L'indovine d'u villagge, avenìe mise in scene pe Luigge XV.

Jndr'à 'u 1754, Rousseau turnò a Ginevra, addò se convertìe 'n'otra vote a 'u Calvinisme e avìe arrete ufficialmende 'a cetadinanze ginevrine. Jndr'à 'u 1755 combletò 'a seconda opera maggiore soje, 'u Discurse sus a l'origgene e le fondamende d'a disuguaglianze 'mbrà le omme. Partenne da ste fatte le opere sue comingiarene a 'ngontrà 'nu sfavore sembre cchiù gruesse da 'u guverne frangese.

Jndr'à 'u 1761 Rousseau pubblecò 'u fortunate romanze Giulia o 'a nova Eloisa e, l'anne apprisse, 'u Condratte sociale e Emilio o de l'educazione. Tutte e doje le libbre criticavene 'a releggione e avenèrene pe stu fatte bandite in Frange e pure a Ginevra. Rousseau avenìe costrette a scappà pe no essere arrestate, fermannese a Berna apprime e a Motiers apprisse, in Svizzera. A Motiers screvìe 'u Proggette de costituzione pa Corsica.

Pe colpe de le criteche ca 'u sudecarene pure in Svizzera ('a casa soje a Motiers avenìe murate jndr'à 'u 1765), Rousseau, jndr'à 'u scennare d'u 1766, se rifuggiò in Gran Bretagna, da 'nu filosofe David Hume. Ma apprisse diciotte mise, credenne ca Hume stè comblottave condre a jidde, se ne fuscìe pure da addà.

Rousseau turnò in Frange ausanne 'u nome de Renou, pure ca ufficialmende non ge puteve turnà 'mbonde a 'u 1770. Jndr'à 'u 1768 se 'nzurò cu Thérèse e jndr'à 'u 1770 turnò a Parigge.
L'avenìe congesse de turnà a condizione ca non ge avera pubblecà otre libbre, ma apprisse ca avere combletate le Confessiune sue, accumenzò a dà letture private, ca le avenèrene imbedite jndr'à 'u 1771. De conseguenze, stu libbre e tutte l'otre successive avenèrene pubblecate apprisse 'u 1782, quattre anne apprisse 'a morta soje.

Rousseau condinuò a scrivere 'mbonde a quanne murìe. Jndr'à 'u 1772 avenìe invitate a presendà de le raccomandaziune pa costituziona nove d'a Pulonie, e 'u resultate de stu scritte ha state l'urtema granne opera politeca soje, le Conzideraziune sus a 'u guverne d'a Pulonie.

Jndr'à 'u 1776 combletò le  e accumenzò a fatià a Le fandasticherie d'u passeggiatore solitarie. Jndr'à stu periode, pe se putè mandenè, turnò a cupià museche. Pe colpe d'a paranoia soje (in parete infondate), non cercò 'a combagnie o l'attenziune de otre crestiàne.

'Na matine, passeggianne pe le terre d'u marchese de Girardin, a Ermenonville (vicine a Parigge), avenìe colpite da 'n'emorraggie, e murìe 'u 2 luglie 1778.

Rousseau avenìe, inizialmende, brucate jndr'à l'Ile des Peupliers. Sidece anne cchiù tarde, jndr'à 'u 1794, 'u cuerpe sue avenìe traspurtate a 'u Pantheon de Parigge, addò, pe ironie d'a sorte, repose affianghe a 'u nemiche sue, Voltaire. 'U chiaute avenìe disegnate pe assomiglià a 'nu tembie rusteche, cumme richiame a le teorie de Rousseau sus 'a nature. Jndr'à 'u 1834 'u guverne de Ginevra 'nzippò, condre voglie, 'na statue in onore de Rousseau sus 'a piccenne Ile Rousseau, jndr'à 'u Lache de Ginevra.
Pò Rousseau ha scritte pure l'Eugenio e l'Eriberto, doje opere filosofeche de 'na certa 'mbortanze. Ste doje opere piccenne, de mettere jndr'à 'u repertorie de formazione, sonde scanusciute a 'a maggiorparte de le crestiàne e onne state pubblecate pa prima vote jndr'à 'u 1912 da 'u Croce.

Cchiù ca 'nu felosofe jidde ere 'nu moraliste, ca riesce a elabborà certe idèe origgenale e jndr'à quacche case innovative sus a 'u piane pedagogeche e sus a quidde sociologgeche e politeche. Omme profondamende releggiose e psichicamende debole jidde trasferisce le turbaminde teologgece sue e psicologgece (se penze a Rousseau giudece de Jean-Jacques) jndr'à 'nu penziere certe vote ingoerende, ma denze de suggestiune releggiose e mistiche. Quidde ca prengepàlmende caratterizze 'u penziere sue jè 'a posizione in merite a 'a culture e a 'a scienze in generale, ca se dipane jndr'à le splendide pàggene d'u Discurse sus a le scienze e le arte. Opere de granne 'mbortanze 'u Condratte sociale.

Accanite detrattore de le Accademie, a quidde timbe ieratece custode e arbitre assolute e d'u scibbele, Rousseau condraste cu 'u cervidde le beneficie ca provenene da 'a conoscenze fine a jedde stesse e prive de 'na funzione morale e virtuose, argomendanne cu raggionaminde loggece ca seguene da esembie e inderpretaziune storeche. Jndr'à st'otteche jè apprime de tutte 'u vizie e le mollezze de l'omme raffinate e le innaturale ricercatezze sue ca avènene avversate, sconfessanne 'a boriosità conferite da 'a culture e 'a corruzzione morale conzeguende a l'involuzione de le custume sociale. Le megghie pàggene d'u Rousseau penzatore onne 'nu chiare indende moralizzande e comungue polemeche condre le eccesse d'u culte d'a raggione ca 'mberverserà 'mbonde a osce a die.

Condrebbute notevole le davìe in riflessiune basate sus a l'indrospezione psicologgeche, addò recanosce 'a fraggilità e le mangaminde umane e sociale. Pe quande le analisi sue andropologgeche erene opinabbele, in sociologgiew avìe ottime idèe e facìe 'u paladine de l'uguaglianze sociale e de l'uguaglianze 'mbrà le omme. Latore de 'n'idealisme umaniste de stambe arcaiche, vedève comungue 'a femmene inferiore in raggionamende rispette a 'u maschele e a quiste subbordinate.

Pe quande riguarde 'a sociologgie ìu Condratte sociale jè certamende 'u capolavore sue, avenne 'nu notevole successe de consense e 'n'indubbie influenze su certe istanze d'a rivoluzione. Le proposte politeche sue sonde in granne parte ispirate a 'u Platone d'a Repubbleche e de le Legge. 'U sogne sue ere in conglusione none 'nu state libbertarie ma totalitarie, addò 'u popole jndr'à globbalità sue avesse state libbere da 'u furastiere, ma inguadrate jndr'à 'nu State addò l'individiualità jè vissute in favore de 'nu congette de Patria cumme state etiche, ca se face garande e promotore d'a rettitudine morale d'u cetadine.

Rousseasu vedève 'na diversificazione sostanziale 'mbrà 'a suggettate e 'a nature umane; diceve ca l'omme ere, in nature, bbuène, 'nu belle selvagge, ma ca avere state corrotte successivamende da 'a suggettate civile e colte; vedève queste cumme 'nu prodotte artificiale nocive pu benessere de le individue, portannele a 'a degenerazione e a 'u vizie.

L'influsse negative d'a suggettate sus a 'n'omme ca invece ere virtuoso, jndr'à filosofije de Rousseau, gire atturne a 'a trasformazione de l'amore de jidde (amour de soi), indese in sense positive, jndr'à l'amore proprie (amour-propre), viste cumme negative. L'amore de jidde conziste jndr'à l'istindive desiderie, possedute da l'omme cumme da l'otre animale, de autoconzervazione; l'amore proprie, invece, generate da 'a suggettate, costringe l'individue a combrondarse a l'otre essere umane, purtanne a l'infondata paure de no essere sufficiendemende apprezzate o a 'u pigghià pèiacere da le debolezze e da 'u dulore de l'otre. Comungue, 'u prime a mettere sta differenze non ge fu Rousseau; ad esembie avenìe dette, 'mbrà l'otre, da Luc de Clapiers, marchese de Vauvenargues.

Jndr'à 'u Descurse sus a le scienze e l'arte, Rousseau sostenìe ca le arte e le scienze non g'avessere purtate beneficie a l'umanità, in quande non g'avèrene state fatte pe responnere a le necessità umane, ma generate da l'orgoglie e da 'a vanità. Pò le arte e le scienze ccrejavane occasiune pe l'ozie e 'u lusse, condrebbuenne accussì a 'a corruzzione de l'omme. Rousseau diceve ca 'u progresse de le canoscenze averene fatte addevendà le guverne angore cchiù putende, cazzanne accussì le libbertà individuale.
Congludeve allore ca 'u progresse materiale minacciave le possibbeletà de costruì amicizie singere, e a 'u lore poste trasevane gelosie, paure e sospette.

Jndr'à 'u successive Descurse sus a 'lineguaglianze, facìe vedè 'u progresse e 'a degenerazzione de l'umanità da 'nu primitive state de nature 'mbonde a 'a suggettate moderne. Rousseau suggerive ca l'uemmene primordiale erene individue isolate, diverse da le otre animale unicamende pu possesse d'u libbere arbitrio e pa capacità de perfezionarse. Chiste uemmene primitive erene dominate da l'imbulse de autoconservazione (amore di sè) e da 'na disposizione naturale a 'a combassione e a 'a pietà verse le simile. Quanne l'umanità avere state costrette a vivere jndr'à 'na comunitate, pe colpe d'a crescite d'a popolazzione, subbìe 'na trasformazione psicologgeche, in seguite a 'a quale accumenzò a conziderà cumme 'a bbona opinione de l'otre cumme 'nu valore indispensabbele pu proprie benessere. Rousseau associave sta nova forme de consapevolezze a 'n'età de l'ore d'a prosperità umane. Comungue, 'u sviluppe de l'agricolture e d'a metallurgie e 'a conseguende ccreazione d'a proprietà private e d'a divisione d'a fatije, purtarene a 'na crescende dipendenze reciproche de le individui e a 'a disuguaglianze 'mbrà le uemmene.

'A conseguende condizione de conflitte 'mbrà ce avere assaije e ce avere picche o ninde, facìe sine, seconde a Rousseau, ca 'u prime State avenìe invendate cumme 'na forme de condratte sociale suggerite da le cchiù ricche e putende. Infatte le ricche e le putende, ausanne stu condratte sociale, sanzionarene 'a proprietà private, 'u state de fatte e allore istituzionalizzarene 'a diseguaglianze cumme ce ere inerende a 'a suggettate umane. Rousseau congepive 'a propria proposte pe 'nu condratte sociale nuève cumme 'n'alternative a sta forme de truffe. Spiccianne 'u Descurse sus a l'ineguaglianze, Rousseau spieghe cumme 'u desiderie de essere conziderate da 'u sguarde de l'otre, ca s'avere generate duranne l'età de l'ore, avere putute, sus a 'u periode luènghe, corrombere l'indegrità e l'autendicità de le individue a l'inderne de 'na suggettate, quedda moderne, signate da 'a dipendenze reciproche, da le gerarchie e da le disuguaglianze.

L'opere cchiù 'mbortande de Rousseau, probbabbilmende, ha state 'u Condratte sociale, addò avènene proposte le base pe 'n'ordine politeche leggittime.

Addevenìe une de le titele cchiù influende jndr'à successive teorie politeche europèe. Jndr'à le condenute, mannave nnande certe idèe già ditte jndr'à 'na fatìa precedende, l'artichele sus a l'economije politeche cu 'u quale Rousseau avere condrebbuite a l''ngeclopedije de Diderot. 
Rousseau diceve ca 'u state de nature, degenerate jndr'à 'na condizione ferine senza legge o morale, costringeve l'umanità a adottà de le istituziune o a murè. Jndr'à fase degenerate d'u state de nature, l'omme jè suggette a 'na combetizione condinue cu le simele sue, e condemboraneamende a devèndà sembre cchiù dipendende. 'Na doppia tensione ca minacce 'a sopravvivenza soje e 'a libbertà soje. Seconne a Rousseau, aunennese grazie a 'u condratte sociale e lassanne 'a pretesa lore de deritte naturale, le individue ponne conzervà lore stesse e jndr'à 'u stesse timbe remanè libbere.

Quiste purcé, avascianne 'a cape a l'autorità d0a volondà generale d'u popole in quanne endità aunitarie, le individue cerchene de non divendà subordinate a 'a volondà de otre individue; pò, jndr'à stu mode, une se assicure ca onne obbeddì a le legge pe le quale, lore stesse, onne state auture tutte inzieme. Rousseau sostiene ca 'a sovranità adda essere jndr'à le mane d'u popole, ma distingue nettamende 'mbrà sovranità e guverne. 'U guverne jè 'ngarecate de eseguì e de fà rispettà 'a volondà generale e jè comboste da 'nu gruppe piccinne de cetadine, definite commissarie d'u popole. Rousseau se metteve condre fortemende a l'idèe ca 'u popole putesse esercità 'a proprie sovranità ausanne 'n'assemblea rappresendative.

Piuttoste, le stesse cetadine averena essere le dirette auture de le legge. Stè ce ha dedotte ca, de conseguenze, 'u State ideale de Rousseau non ge pò essere realizzate in suggettate de granne dimenziune, ma invece 'u modelle politeche proposte ere adottabbele assaije assaije a state de 'na sola cetate. 'A maggior parte de le 'ngazzaminde successive sus a l'opere de Rousseau riguardane 'u disaccorde sus a l'affermaziona soje ca le cetadine onne essere libbere purcé costrette a obbedì a 'a volondà generale.

Rousseau teorizzò 'nu probbleme pedagogeche basate sus a 'u congette de educazione prevendive, cioè 'n'educazione ca non ge sckaffe nisciuna virtù, ma previene 'u vizie; non ge insegne 'a verità, ma preserve da l'errore conzendenne 'u libbere sviluppe d'a personalità.

Rousseau espone 'a visiona soje de l'educazione jndr'à l'Emilio, 'nu libbre parzialmende de fandasie, ca conde jndr'à le dettaglie 'a crescite de 'nu uagnone chiamate proprie Emilio e guidate da 'u stesse Rousseau. Jidde 'u porte jndr'à cambagne, 'nu luèche ca, pe jidde, jè maggiormende congeniale a 'a nature umane, diversamende da 'a cetate, addò 'u uagnone pò rischià de pigghià le brutte abitudine, sia da 'nu punde de viste fiseche ca morale. Obbiettive de l'educazione, dice Rousseau, jè cumme 'mbarà a vivere e stu fatte se ave seguenne 'nu uardiane ca jè in grade de fà vedè 'a strade pe 'na vita bbone.

'A crescite d'u uagnone jè divise jndr'à ttre seziune: 'a prime 'mbonde a le dodece anne cchiù o mene, periode addò non g'è angore possibbele 'u penziere comblesse e le piccinne, seconde Rousseau, vivene cumme anemale; 'a seconde vè da le dece o dudece anne 'mbonde a le quinnece, periode addò 'a raggione s'accumenze a sviluppà; 'a terze ca vè da le quinnece anne in su, jè 'u periode addò 'u uagnone vè pe addevendà adulte. A stu punde Emilio ingondre 'na uagnedde cu 'a quale se pò combletà.

'U libbre jè basate sus a le ideale de Rousseau de 'na vita sane. 'U uagnone addà 'mbarà, da 'a propria esperienze dirette, cumme seguì le istinde sociale sue e proteggerse da le vizie de l'individualismee de l'autocoscenze urbane. Curiosamende, cumme otre granne pedagoghe, non g'à state pe ninde 'n'attane affettuose cu le figghie sue (ca abbandonò in orfanotrofie), ma granne educatore fore da 'a famigghie.

L'Emilio jè 'u capolavore pedagogeche sue. Emilioo jè 'n'allieve immagginarie, dotate de totte le facoltà e le condiziune socio economeche pe essere educate da 'nu precettore bbuene. 'U curriculum educative sue dure vendicinghe anne, duranne le quale, 'u precettore le presende 'na serie de esperienze ca avene 'u scope de farle raggiungere 'a maturità, jndr'à 'nu mode tale ca jidde pò indegrarse bbuene jndr'à suggettate addò jidde vive.

'U precettore adda programmà 'a vita soje e le ingondre sue, infatte agisce indirettamende, pe evitarle de le esperienze non educative. Adegue, jndr'à le diverse età, 'u sapere sue; e face in mode ca Emilio avverte jndr'à 'nu mode naturale le limite sue. Emilio adda 'mbarà da l'esperienze, vivenne a l'aria aperte e 'mbare sulamende quanne ne sende l'abbesogne.

A l'inizie de l'adolescenze adda 'mbarà 'na fatie manuale e jndr'à sta fase 'u precettore le 'mbartisce 'n'educazione culturale, sessuale, morale, releggiose e l'avvie pure a 'u 'nzuramende e a 'a politeche. 'U precettore 'u lasse lòibbere sulamende quanne jidde jè convinde ca Emilio pò essere, a vota soje, 'nu bbuene precettore pe le figghie sue.

Pe capì precise precise 'a posizione releggiose de Rousseau jè necessarie apprime de tutte capì l'inconsistenze andropologgeche d'a cultura soje e 'uy desiderie mistiche ca 'a dominesce. Ce se pò parlà de 'na rivoluzione rousseauiane queste riguarde 'a sociologgie, 'a psicologgie e 'u custume, ma pe ninde proprie 'a filosofie. Rousseau jè 'nu penzatore ca avìe granne fortune pu straordinarie stile letterarie sue, a 'a mode, e 'a rivoluzione da jidde fatte riguarde 'u modelle de retrogruardie ca jidde propone condre 'u moderne a favore de l'andiche ('u sogne sue jè Sparta).

Jidde jè condre 'a modernità e condre 'a civiltà e 'a culture, jndr'à 'u perseguimende de 'nu sogne utopeche de austerità e purezze primitive; sogne certe strutture universale e permanende de l'esistenze umane a 'u state sue de purezze de le origgene pre-culturale.
A 'u riguarde sonde fondamendale le congette de coscenze e de sendimende: 'a prime rappresende pe l'autore 'na vosce inderiore ca serve da bussola jndr'à valutazione morale d'u proprie e de l'otre combortamende e ca appartene a 'a nature umane (ma ca tuttavie se sviluppe jndr'à na fase successive a l'origginarie state de nature). 'U congette de sendimende se sviluppe jndr'à 'u penziere de Rousseau seguenne varie sfumature ma sembre condre 'a razionalità indellettuale, conziderate cause d'a corruzione d'a bontà origgenarie de l'omme e allore fondamende de tutte le male sue. 'U lume ca 'u guide e ca le face penzà de assè da l'immobbilisme de 'na suggettate jè 'u sogne de 'nu retorne a 'u state de nature.

Ma queste jè sulamende 'na pulsione releggiose ca 'u ienghie profondamende cumme ce ere 'na verità sognate e illusorie. 'A raggione jè conzendite jndr'à mesure jndr'à quale ve sotte a 'u sendimende, a 'a passionalità e a 'u core, 'a sede d'u sendimende adda sembre prevalè sus 'a cape, 'a sede d'a razionalità moderniste e corruttrice. 'u core cumme autonomie sendimendale vitale, allore condre le costriziune e le precette, condre l'autorità releggiose, condre 'u state corrotte. 'A releggione positive, quedde istituzionalizzate e corrotte, vè supranate cu 'na releggiona nove d'u core e d'a spondaneità, ca jidde cogghie jndr'à 'u deisme de Samuel Clarke debitamende riformate a 'a Rousseau ma cu forte suggestiune de San Paolo. Da aqquà 'u dualisme anime-cuerpe, inderiore-esteriore (nature-suggettate), caratteristeche d'u Rousseau, a l'inderne d'u quale 'a releggione se sckaffe jndr'à 'u prime de le doje termine: 'u spirite releggiose se sviluppe naturalmende jndr'à l'omme, face parte de 'n'ambite individuale, indime, inferiore, se rileve jndr'à semblicità soje e purezze spugghiate de tutte le costruziune fatte da 'a culture.

Le teorie de Rousseau onne state assaije dibbattute, a 'u timbe, pe colpe de le giudizie in ambite releggiose condenute jndr'à lore. L'idèe de Rousseau, ca l'omme ere bbuene pe riprodurse, ere in condraste cu 'a dottrine d'u peccate origgenale; e pò, 'a teologgie naturale soje, esposte da 'u Vicarie Savoiardo jdnr'à l'Emilio purtò a 'a condanne d'u libbre sie jndr'à Ginevra calviniste ca jndr'à cattoleca Parigge. Jndr'à 'u Condratte sociale Rousseau dice ca le seguace autendice de Gesù non ge ponne maje essere le cetadine bbuene, e allore pure stu libbre avenìe condannate a Ginevra.
Rousseau non ge avere state comungue ateo, pure ce 'a feda soje e 'a filosofia soje condrastavene diverse pringipie d'u cristianesime; e pò, sembre jndr'à 'u Condratte sociale, dice ca pu benessere e 'a coesione d'u State jè necessarie 'na releggione, ca tene cunde d'a fede jndr'à 'nu Die uniche, jndr'à 'na vite eterne e future e jndr'à remissione de le peccate.

Jndr'à stu sienze Rousseau jè ritenute 'mbrà le cchiù coerende teorece de l'indolleranze releggiose: seconde sta visiona soje, 'u State tène 'u deritte e 'u dovere de perseguì e sanzionà, in nome d'a volondà generale, tutte chidde ca non ge s'adeguane a 'a confessione previste da 'a legge. Rousseau cercò de difenderse da le critiche condre 'a visiona releggiosa soje jndr'à Lettere a Christophe de Beaumont.

Le idèe de Rousseau averene 'na notevole influenze duranne 'a Rivoluzione Frangese, duranne 'a quale, comungue, 'a sovranità popolare non ge avenìe esercitate direttamende da 'u popole ma da de le rappresendande sue: non ge se pò allore dicere ca le guverne rivoluzionarie erane 'n'applicazione effettive d'a dottrine politeche de Rousseau. Cchiù nnande scritture cumme Benjamin Constant e Hegel accusarene le teorie de Rousseau de essere responsabbile de le eccessi rivoluazionarie, specialmende chidde d'u Terrore; chiste accusse erane tuttavie oggette de condroversie. Jidde sugnave de le legislature e de le politece sande e pure a l'ause d'u quale Platone sognave le reggiture d'a polis de Atene (se penze a 'u mite d'a caverne), ma Rousseau conziderave Atene corrotte da 'a culture e da le agge invece vedève Sparta cumme 'a polis modelle, forte, guerriere, austera e virtuose.

Rousseau ha state 'u prime scrittore moderne a attaccà jndr'à 'nu mode decise l'istituzione d'a proprietà private, e pe quiste assaije vote jè pure conziderate 'nu precursore d'u socialisme e d'u comunisme (comungue, Marx raramende cite direttamende Rousseau jndr'à le scritte sue). Rousseau, pò, condestave 'u pringipie ca 'u volere d'a maggioranze jè sembre corrette; seconde a jidde l'obbiettive d'u guverne ere assicurà 'a libbertà, uguaglianze e giustizie pe tutte le cetadine, pure a dispette d'a volondà d'a maggioranze in base a pringipie etice. Jidde ha state 'u prime teorizzatore d'u state etiche assolute condre a 'u modelle de Montesquiei d'u state megghie possibbele.

Une de le pringipie fondamendale d'u penziere socio-politeche de Rousseau jè l'imbossibbeletà de separà l'ambite prettamende politeche da quidde morale. 'Nu State ca non ge riesce a aggì in mode morale fallisce jndr'à funziona primaria soje e spicce de esercità 'n'autorità autendiche sus a l'individue.
'U State, seconne Rousseau, adda agì sus a le individue pe le trasformà e emendarle da tutte le distorsiune morale generate da 'na suggettate, cumme quedde attuale, dominate da l'ineguaglianze. 'U seconne pringipie fondamendale jè 'a libbertà, ca 'u State adda defennere a ogne coste condre 'u furastiere. Non ge se tratte tande de 'na libbertà indese in sense libberale, ma 'na libbertà morale e inderiore, ca consiste jndr'à l'indipendenze d'u popole e de ogne singola personalità individuale ca ne face parte da le valore fluttuande e suggette a le mode d'a maggioranze. Seconne Rousseau 'u State tène 'u dovere de costringere a essere libbere le cetadine riluttande a seguì 'a volondà generale. Pe volondà de reformà e trasformà l'omme e pe l'ideale de 'na comunitate statale totale, Rousseau ha state viste certe vote cumme 'nu precursore de le successive utopie e de le State totalitarie d'u XX sechele.

Le idèe de Rousseau sus a l'educazione onne profondamende influjenzate le successive teorie sus a l'educazione, tande ca ste ce, cumme John Darling, ha ditte ca 'a storie d'a teorie de l'educazione conziste jndr'à 'na serie de note a margine a le opere de Rousseau (parafrase d'a cchiù note affermazione de Whitehead, seconne cui l'indera storie d'a filosofie conziste jndr'à 'na serie de note a margine a l'opere de Platone).
Jndr'à l'Emilio, Rousseau distingue 'mbrà 'nu piccinne sane e 'nu piccinne inutile e ingapace. 'U piccinne sane adda essere l'uniche obbiettive de ogne attività educative. Rousseau scettave 'nderre l'imbortanze d'a letture e raccomandave de sviluppà l'emotività d'u piccinne apprime ca 'a raggiona soje. Congedeve particolare 'mbortanze a l'apprendimende ausanne l'esperienze e none ausanne l'acculturazione.

Jndr'à le scritte prengepàle sue Rousseau identifiche 'a nature cu 'u state primitive de l'omme selvagge. Cchiù tarde ause 'u termine nature pe indicà 'a spondaneità d'u processe cu 'u quale l'omme costruisce l'istinde sue egocentriche (none indese in sienze negative), basate sus a 'u proprie carattere e sus a 'u munne piccinne ca 'u cerconde. Nature signifeche aqquà inderiorità e indegrità, in condraste a 'a priggionie e a 'a schiavitù ca 'a suggettate imbone jndr'à 'u nome de 'na false emangipazione d'a barbarie.

Turnà a 'a nature signifeche restituì l'omme a le forze de stu processe naturale, mettennele fore da le legame oppressive e de le pregiudizie d'a civiltà. Ste urteme idèe fanne de Rousseau 'na figure particolarmende 'mbortande jndr'à 'u Romandicisme e allore fondamendalmende condre a lIlluminisme, d'u quale comungue, pe 'nu sacche de otre fatte, faceve parte.




#Article 11: Cycas revoluta (284 words)


'A Cycas revoluta  jè 'na cicade, originarie d'u Giappone.

Cumme aspette pare 'a palme sia pe 'u fuste, picche ramificate, ca pe 'a disposizziune de le foglie, granne e pennate mise a spirale sus a 'u fuste, cumme 'na corone.
'U fuste raggiunge 'nu diametre de circa  20 cm e tène 'na crescita assaje lende: luènghe sule picche centimetre jndre piande piccenne, jndre esemblare assaje vècchie (cchiù de 50 anne) pò arrivà a le 6-7 metre de altezze.

Le fogghie, de culore verde brillande e luènghe fine a 1,5 metre, sonde pennate, picche arcuate, lucide ed appuntite. 
Le singule fogghie piccenne, rigide e dìleche, sonde luènghe 8-18 cm; quedde cchiù vicine a 'u fuste cangiane 'n forme de spine.

Le fogghie sciuvane parene jndr'à primavere sus a 'u fuste 'n gruppe assaje numerose; a 'u mumende de l'emergenze da 'u fuste sonde raggomitolate e scunnute da 'na fitte pelurie; dope picche sciurne se dispiegane e arrivane sùbbete l'aspette de le fogghie mature.  

'A propagazziune avène pe semina o pe luazziune de le pollone basale.

Cumme 'a granne parte de le cicadi jè 'na piande dioiche: le coni maschele e quedde femminile stonne sus a esemblare differende.

Studie recende onne scoperte ca jndr'à C. revoluta l'impollinazione avène pure tramite insetti (c.d. impollinazione entomofila)

'A piande, scuperte verse 'a fine d'u '700, jè native d'u Giappone meridionale.

Ha state misse pe 'a prime vote a dimore 'n Europe jndr'ô 1793, jndre Orto botaniche de Palermo.

Crèsce bbuène 'n terrene sabbiose, drenate, jndr'à puèste cu estate assaje calde (temberature medie de 30- 35 °C) ma sopporte pure clime co temberature cchiù basse. La occasionale esposizziune a temberature cchiù basse d'u zere pò dare uáje a le fogghie.




#Article 12: Anemone caroliniana (110 words)


LAnemone caroliniana (Anemone Caroline) jè 'na piande erbacee ca appartene a le specie de le Anemone, d'a famigghie de le Ranunculaceae. 'A piande cresce da 7-10 a 40 cm de altezze, da 'u tubbere ca pare 'nu rizome ca jè 10-30 mm de lunghezze. Stà piande fiurisce da l'inizie fine a 'u mmienze d'a primavere, cu le fiure comboste da 10 a 20 sepale (quacche vote chiamate Tepale) solitamende sonde culorate de vianghe o de rose chiare, ma pure viole, 'nu fiure pè ogne stele, tène sepale ca sonde luènghe da 10 a 22 millimetre e larghe 2-5 mm. Tène frutte de 'na forme cilindreche, de 17-25 mm de lunghezze.




#Article 13: Anemone nemorosa (124 words)


L’anemone de le bosche  (Anemone nemorosa L.), d'a famigghie de le Ranunculaceae, jè 'na piande piccenn (non g'ète cchiù ìrte de 30 cm) erbacea e perenne, 'n generale jè glabre cu 'u fuste uniflore ed erette. Jè 'mbrà le prime fioriture d'a Primavere (o de fine Inverne) de le prate nuèstre. Spesse nasce jndr'ô Inverne tarde pè cui tràse 'n fioriture jndre prime sciurnate tiepide appene 'a neve sparèsce 'mbedende accusì ca le prime fogghie de le àrvule scunneno assaje 'a terre. A 'u calare d'u sciurne o quanne inizie 'a chiogge l’Anemone 'ngline le fiure soje verse 'a terra, mendre le petale esterne se fanne apprisse a forme de cupole pè proteggere le stame e le pistille preziose pè 'a propagazziune d'a specie.




#Article 14: Anemone ranunculoides (250 words)


L’Anemone gialle (Anemone ranunculoides L.) jè 'na piande d'a famigghie de le Ranunculaceae.

Jndre classificazione cchiù vicchje 'a famigghie d'u genere Anemone apparteneve a l’ordene de le Policarpiche.

'U genere Anemone ca combrende cirche 70 - 100 specie de cui 'na parte, spontanee sonde de l'Europe mendre le otre sonde d'u Sudafrica o d'u Sud America. Sonde state scuperte picche presenze de Anemone pure jndr'à Tasmania.

Specie simile:

'U nome d'u genere attribuite a Teofrasto signifeche fiure d'u víende pè le corolle dìleche culorate cu assaje culure ca se movène a 'u cchù picche movimende d'u víende. 'Nfatte jndr'ô greche anemos = víende. Jè Ateneo ca ce dìce pure ca Teofrasto canosceve ttrè diverse specie de Anemone ('u mundane ca fiurisce jndr'à fine d'a Primavere, 'u pratese ca fiurisce jndr'à Estate e 'u sative le cui fiure se potène vide d'a fine d'u Inverne a totte 'a Primavere).
'U nome d'a specie 'nvece derive senze dubbie d'a somiglianze cu 'a piande d'u ranuncole.

Jè 'na piande ìrte fine a 30 cm, d'u tipe erbacee perenne, jè quase de totte glabre e rizomatuse. Tène 'nu sviluppe orizzondale. Tràse 'n fioriture jndre prime sciurnate tiepide d'a primavere 'mbedende accusì ca le prime fogghie de le àrvule scunneno assaje 'a terre. A 'u calare d'u sciurne o quanne inizie 'a chiogge l’Anemone 'ngline le fiure soje verse 'a terra, mendre le petale esterne se fanne apprisse a forme de cupole pè proteggere le stame e le pistille preziose pè 'a propagazziune d'a specie.




#Article 15: Toruń (407 words)


 

 

Toruń (IPA: [ˈtɔruɲ], jndr'à 'u tedesche Thorn, in tagliane Turonia) éte 'nu comune pulacche de 203.158 crestiáne. e jèm 'nzieme a Bydgoszcz, capeluèche d'u Voivodate d'a Cuiavia-Pomerania jndr'à  Pulonie.

Se iacchie sus a le rive d'a Vistola, 'a cetata nove sus a sinistre e 'a vecchie sus a destre, cchiù o mene 210 km a nordovest de Varsavia. 'A cetate jè sede de industrie chimiche e jè 'n'imbortande node ferroviarie cu 'na stazione de smistamende.

Toruń ha state capitale, da 'u 1975 a 'u 1998 d'u Voivofate de Torun, sostituite jndr'à 'u 1999 da 'u Voivodate d'a Cuiavia-Pomerania, d'u quale 'a cetate ha rumaste capitale ('nzieme cu Bydgoszcz).

Famose jè soprattutte 'a medievale cetata vecchie, ca face parte d'u patrimonie culturale de l'UNESCO. Disposte praticamende sus 'a rive d'a Vistola, jè assaije ben conservate e in continue restaure; osce a die jè quase totte 'n'isole pedonale. 'Na piacevole passeggiate lunghe 'u jume se snode pe diverse chilometre.

Mete obbligatorie jè 'a case de Copernico, nate a Toruń jndr'à 'u 1473 (none jndr'à sta case però). Osce a die jè addibite amusèe, de moderate inderesse storeche.

Assaije inderessande jè 'a Cattedrale (dedicate a San Giuanne Battiste e San Giuanne Evangeliste), addò 'a costruziona soje, accumenzate jndr'à 'u 1250, spicciò jndr'à le strutture prengepàle atturne a 'u 1500; 'u presbiterie tène certe affresche d'u XVI sechele. Copernico avenìe battezzatte aqquà e, jndr'à 'na cappelle se vole cu arrecorde.

Curiose 'a torre pendende, jndr'à le mure d'a cetata vecchie. Costruite atturne a 'u XV e 'u XVI sechele, ave 'na marcate pendenze nnande, probbabbilmende dovute a subsidienze date 'a vicinanze a 'u jume. Le pavimende, comungue, sonde orizzondale, forse grazie a 'a recende restrutturazione in caffetterie.

'U municipie, ca se iacchie nnande 'a Chiazze d'u vecchie mercate (Rynek Staromiejski), resale a 'a fine d'u XIV sechele (1399), pò ha state sopralzate. Ospite 'u m,usèe reggionale e 'a torre jè vesitabbile.

Le prime documinde reportane 'u nome d'a cetate cumme Thorun (1226, 1466), Turon, Turun, Toron, Thoron, e Thorn.

A 'u tiembe quanne Toruń devendò 'na cetate reale, suggette a 'u Re de Pulonie, documinde e monete ca purtavane le iscriziune jndr'à 'u latine reportane normalmende 'u nome Thorun, Thorunium, civitas Thorunensis,o civitas Torunensis, e cchiù tarde jndr'à 'u XV sehcele, 'u nome ca se ause osce a die jndr'à 'u pulacche Toruń.

'U termine pò avè diverse significate etimologgeche, a seconde ca 'u termine origgenale ha state germanizzate o pulonizzate.




#Article 16: Łódź (446 words)


 

 

Łódź (in pulacche  IPA: [wut​͡ɕ], tedesche Lodsch, (Litzmannstadt duranne l'occupazione nazziste)) éte 'nu comune pulacche de 693 797 crestiáne, capitale d'u voivodate omonime se iacchie jndr'à 'u cendre, quase sciumetreche, d'u state. 

Jè 'a seconda cetate pulacche pe popolazzione (osce a die 'u date demografeche jè in cale rispette a quidde riferite a ' u1988, quanne 'a cetate cundave 854.300 crestiane). Le crestiane sue jndr'à 'u pulacche se chiamane łodzianie, traducibbele cu lodziane.

Łódź jndr'à 'u pulacche signifeche varche, e pe stu mutive 'u cude araldiche d'a cetate jè rappresendate da 'na varche.

'U nome e 'u simbole sue ponne resultà strane, purcé osce a die vecine a Łódź non ge stonne corse d'acque ca attraversane 'a cetate (almene none a 'u scuperte), ma sulamende quacche jummelle e torrende jndr'à l'area atturne. Comungue, in passate, 'a zone addò osce a die nasce 'a cetate ere 'na zone paludose.

Picche canusciute sonde doje cambe de congendramende nazziste pe piccinne, ca avenèrene costruite dsuranne l'occupazione nazziste jndr'à le vecinanze d'a cetate, e da le quale onne sopravissute sulamende picche piccinne. Le cambe avenèrene pò asckuate da le russe, apprisse l'avanzata lore.

A Łódź esiste pure 'nu ghette, jndr'à vanna nord d'a cetate.

'A cetate de Łódź jè divise jndr'à cinghe quartire:

'A vie prengepàle d'u cendre de Łódź jè 'a Piotrkowska, 'a quale apparte ca jè 'u cendre commerciale e politeche d'a cetate, rappresende 'n'inderessande gallerie a ciele apirte, de sculture in bronze ca raffigurescene personagge famose nate aqquà o origgenarie de sta cetate, apparte a camminate (Aleja Gwiazd/Walk of Fame) de stambe hollywoodiane, stellate e firmate da famose lodziane, e a 'u particolare tratte pavimendate d'a strade, chiamate Monumende de le 500 cetadine lodziane a 'u cinghecendenarie d'a cetate cu le nome de le cetadine ca onne condrebbuite a 'a realizzazziona soje.

Sta vie rappresende 'u cendre d'a cetate, purcé grazie a 'a lunghezza soje (cchiù o mene 7 chilometre), jedde divide jndr'à doje Łódź.

A Łódź ave sede une de le cchiù prestiggiose scole de cineme d'Europe, 'a Państwowa Wyższa Szkoła Filmowa,Telewizyjna i Teatralna PWSFTviT, funnate jndr'à 'u 1948; da 'u 1958 'a scole ave indegrate pure le corse pu tiatre.

L'imbortanze de sta scole jè date da 'u numere ierte depersonagge 'mbortande jndr'à 'u munne d'a cinematografije europèe ca l'onne frequendate: Andrzej Wajda, Roman Polanski, Jerzy Skolimowski, Krzysztof Kieślowski, Krzysztof Zanussi e 'nu sbuènne de otre angore, de le quale ttrede onne avute 'u premie Oscar cumme reggiste (Roman Polanski cu Il pianista, Andrzej Wajda pu 'nzieme de le ccrejazione sue Zbigniew Rybczynski pu film Tango). 

Jndr'à scole stonne pure stipate le produziune fatte duranne l'anne de studie de le studinde, pure le cchiù famose.




#Article 17: Silvie Berlusconi (262 words)


Silvie Berlusconi (Meláne, 29 settèmbre 1936) éte 'nu puliteche e 'mbrendetore tagliáne, cape e criatore ind'ô 1993 d'u movemènde politeche Forza Italia.

Ha state elètte p'a prima vôte ind'ô 1994 a' Camere e ha recupèrte 'a careche de Presedènde d'u cunzigghie ind'ô 1994 e ind'a XIV legislature (2001 - 2006), facènne pure ad interim le funziune de menistre dell'Estere, dell'Economije, d'a Salute e d'a Funzione Pubbleche. Moje stè deputate a' Camere.

'U sciurnále Forbes dice ca Berlusconi ôsce è 'u crestiáne cchiù ricche d'Italie e 'u 51° cchiù rricche d'u munne, cu 'nu patremonie insestemàbbele de 11,8 miliardi di dollari ind'ô 2007.

È 'u prime figghie de 'na famigghie d'a borghesije melanése. L'attáne, Luigi Berlusconi, jéve fadiatore a' Banghe Rasini, addò ha fadiate 'nzigne a 'ddevennà procuratore generale. Doppe ca l'attanese 'nzuroje Rosa Bossi (ex secretarie d'u gruppe Pirelli) nascibbe Silvio, Maria Andoniètte ind'ô 1943 e Ppaole ind'ô 1949, pure jidde 'mbrendetore.

Ind'ô 1954 pigghie 'a maturetà classeche ô licée salesiáne Sant'Ambrogio de Meláne. Tanne po' s'appundoje a' facultáte de Sciurisprudènze, addò se laurió 'nlègge ind'ô 1961 cu 'a lode, presendanne 'na tése sus'ô condratte pubblicetarie ca le facì pigghià 'a bborse de studie.

Se 'nzuroje 'nd'ô 1965 cu Carla Elvira Lucia Dall'Oglio, e cu jèdde fáce 2 file: Maria Elvira detta Marina (1966) e Pier Silvio (1968). Ind'ô 1985 se devorzie d'a prima mugghiére e se 'nzore cu Veronica Lario (Miriam Bartolini), ex attrice, ind'ô 1990. Cu jèdde ave trè ffile: Barbara (1984), Eleonora (1986) e Luigi (1998).
Indo decèmbre 2006 le mittene 'nu pacemaker ô spetále de Cleveland, Stati Uniti.




#Article 18: Tarde (8179 words)


Tarde (tagliáne Taranto, greche andiche Τάρας) éte 'nu comune de 195.882 crestiáne, capeluéche d'a provinge e ttèrze comune cu cchiù crestiane d'a penisola tagliáne d'u sud e 'u sediceseme cchiù popolose de totte l'Itaglie. L'area vasta ète costituite da 28 comune e Tarde ète 'a capefile.

Tarde jè situate jndr'à 'u Gurfe de Tarde sus a 'u Mar Ionio, se estenne 'mbrà doje mare: 'u Mar Granne e 'u Mare Pìccele, da aqquà 'u nome de Cetate de le doje Mare. 'Nzieme a Ppelone, jndr'à 'u territorie de Ostuni (BR) e a Sanda Marije de Lèuche (LE), rappresende une de le virtece ggiuste d'u Salènde.

Aqquà stè 'nu granne puerte industriale e commerciale e de 'n'arsenale d'a Marina Militare Tagliàne, eppure d'a maggiore stazione navale. Aqquà se iacchie, pure, 'n'imbortande cendre 'ndustriale, cu le stabbilimende siderurgece ('mbrà le quale stè 'u cchiù granne cendre siderurgece de Europe), petrolchimece, cemendifere e de candieristeche navale. Jè pure attive jndr'à l'industrie d'u liquore.

'A provingia soje tène 29 comune e jè dedite a l'agricolture, a 'a pesche e a l'industrie jndr'à le settore de aeronauteche, alimendare, tessile e a l'artiggianate jndr'à lavorazione d'u legne, d'u vitre e d'a cerameche.

Tarde s'affaccie totte sus a 'u Mar Ionio, e face 'nu gurfe ca pigghie 'u nome da Tarde e se stenne 'mbonde a Basilicate.
Jè mise a 15 metre sus a 'u levèlle d'u mare, jndr'à 'na zone chianeggiande ca s'allonghe verse l'asse Nord/Nord Ovest-Sud Est e circunnate da Nord Ovest 'mbonde a Est da l'altechiane de le Murge. 'U territorie sue tène 'n'estenzione de 209,64 km² e jè vagnate quase tutte da 'u mare, essenne caratterizzate da 'a presenze de ttre penisole naturale e de 'n'isole artificiale, ca s'à formate apprisse a 'u tagghie d'a penisola origgenale fatte duranne 'a costruzione d'u fossate d'u Castelle Aragonese. 'A cetate jè infatte canusciute pure cumme 'a cetate de le doje mare, essenne vagnate da 'u Mare Granne luenghe 'a coste esterne racchiuse jndr'à baia delimitate a Nord Ovest da 'a Punde Rondinelle e a Sud da 'u Cape San Vito, e pò da 'u Mare Piccele, ca costituisce 'nu belle gruesse bacine inderne.

'U Mare Granne, chiamate cchiù frequendemende rada de Mare Granne purcé stonne sembre puggiate le nave ca aspettane, jè separate da 'u Mare Piccele da 'nu cape ca 'u chide a gurfe, oriendate verse l'isole artificiale ca costituisce 'u nucleo origgenale d'a cetate, cullegate a 'u reste d'u territorie grazie a 'u Ponde de Porta Napule e 'u Ponde Girevole. 'U Mare Granne jè ppure separate da 'u Mar Ionio da 'u Cape San Vito e dalle Isole Cheradi de San Pitre e San Paolo. Ste urteme furmescene 'n'archipelaghe piccinne ca chiude precise precise l'arche ideale ccrejate da 'a baia naturale d'u Mare Granne.

'U Mare Piccele jè da conziderarse 'nu mare inderne, e allore, presende probbleme de recange de l'acque. Le doje sene sue sonde idealmende divise da 'u Ponde Punda Penne Pizzone ca 'nzecche 'a Punda Penne cu 'a Punda Pizzone: 'u prime sene tène 'a forme de 'nu trianghele cchiù o mene, addò le vertice meridionale sonde rappresendate da l'aprture a Est sus a 'u seconde sene e dall'aperture a Ovest sus a 'u Mare Granne tramite 'u canale naturale de Porta Napule; 'u seconde sene tène invece 'a forme de 'n'ellisse, ca tène l'asse cchiù granne ca mesure quasi quase 5 km in direzione Sud Ovest-Nord Est. Jndr'à 'u prime sene jesse 'u fiume Galeso.

Tande le vinde quande le marèe inzieme a le sorgende sottomarine cu diversa salinità, condizionescene l'andamende de le corrende de tipe superficiale e de tipe profunne 'mbrà 'u Mare Granne e le doje sene de quidde Piccele. Jndr'à 'u Mare Granne e jndr'à vanna settendrinale de tutte e doje le sene d'u Mare Piccele, sonde localizzate certe sorgende sottomarine nnomenate citre, ca scettene acqua doce ca no se pò bevere mischiate a acqua salmastre, dunanne a le acque d'u mare 'na condiziona idrobiologgeche ideale pa coltivazione de le mitile ca normalmende se chiamane cozze.

'U clime d'a cetate, espresse da le relevaziune d'a stazione ca se iacchie vicine l'aeropuerte militare de Vurtàgghie, jè tipicamende mediterranèe ma cu certe punde condinendale.
L'inverne jè generalmende mite e chiovose ma non ge sonde infrequende le irruzione de aria fredde da est ca certe vote fanne arrevà le precipitaziune de neve.
Assaije cavede e afose jè 'a staggione tarandine, cu valore ca certe vote raggiungene le 40 grade.

'A cronologgije tradizionale, assegne 'a date d'a funnazzione de Tarde a 'u 706 n.C..
Le fonde tramandate da 'u storeche Eusebio de Cesarea, parlane d'u trasferimende de quacche colone spartane jndr'à sta zone pe necessità de espanzione o pe questione commerciale. Chiste, distruggenne l'abitate indigene, purtarene 'na linfa nove de civiltà e de tradiziune. 

'A struttura sociale d'a colnie sviluppò jndr'à 'u timbe 'na vere e proprie culuture aristocrateche, addò 'a ricchezza soje avenève, probabbilmende, da 'u sfruttamende de le risorse d'u territorie circostande ca ere assaije fertile, ca avenìe popolate e difese da 'na serie de phrouria, cendre fortificate piccinne in posiziona strateggeche.

Tarde tène allore origgene andichisseme. Duranne 'u periode ellenisteche d'a colonizzazzione greche jndr'à 'u Mezzoggiorne d'Itaglie, 'a cetate addevendò une de le cchiù 'mbortande d'a Magna Grecie. Jndr'à stu periode, addevenìe 'na putenze economeche , militare e culturale de cchiù o mene trecindemile abitande, addò nascerene filosofe, streteghe, scitture e atlete divendanne pure sede d'a scola pitagoreche tarandine, 'a seconde cchiù 'mbortande apprisse a quedde de Metaponto.

Accumenzanne da 'u 367 n.C. Tarde addevenìe 'a cetate cchiù putende 'mbrà chidde ca costituirene 'a lega italiote. Jndr'à 'u 281 n.C. trasìe in conflitte cu Rome (guerra tarentina) inzieme a l'alleate sue Pirro, Re de l'Epiro, ma perdìe definitivamende jndr'à 'u 272 n.C..
Duranne 'a seconda uerra puniche, Tarde aprì le porte a Annibale jndr'à 'u 212 n.C. ma avenìe punite da Rome ttre anne cchiù tarde cu 'a strage de le cittadine sue e cu 'u sacchegge quanne Fabio Massimo 'a reconguistò.
Jndr'à 'u 125 n.C. avenìe dedotte 'na colonia romane ( colonia neptunia), invece jndr'à 'u 90 n.C. avenìe erette a Municipium.

Jndr'à 'u Medioevo avenìe conguistate da Totila jndr'à 'u 549 e repigghiate da Narsete jndr'à 'u 552.

Espugnate da le Longobbarde, avenìe repigghiate da l'Imberatore Costandine II jndr'à 'u 663 pe pò passà jndr'à le mane de Romualdo Duca longobarde de Benevento e turnà a le Bizandine jndr'à l'803. Conguistate da le Saracene jndr'à l'846, jndr'à l'868 e jndr'à 'u 927, l'Imberatore Niceforo Foca 'a facìe recostruì jndr'à 'u 967. Occupate jndr'à 'u 1063 da Robberte 'u Guiscardo, addevenìe 'u cendre de 'nu putende feudo. Da 'u 1301 a 'u 1463 devendò 'nu fiorende prengepate (Prengepate de Tarde). Addevenìe pò 'mbortande puerte militare sotte a le Spagnule, fine a decadè jndr'à 'u XVII sechele sotte a le Borbone. Tarde avenìe aunìte a 'u Regne d'Itaglie jndr'à 'u 1860.

'U 21 aguste d'u 1889, apprisse sei anne de fatie, avenìe inaugurate a 'a presenze de Umberto I de Savoia l'Arsenale Militare Marittime, ca ne aumendò l'imbortanza soje da 'nu punde de viste economeche, militare e demografeche. Duranne 'a prima uerra mundiale, Tarde avenìe scacchiate cumme base da le flotte navale tagliàne, frangese e inglese. Duranne 'a seconda uèrre mundiale, 'a cetate subbìe 'nu bombardamende storicamende arrecurdate cumme 'a Nuttate de Tarde, a seguite d'u quale se cundàrene 85 vittime 'mbrà civile e militare.

Jndr'à 'u 1965 avenìe inaugurate da 'u Presidende d'a Repubbleche Gesèppe Saragat 'u IV cendre Siderurgeche Italsider, 'u cchiù granne cendre pa produzione de l'accaie in Europe. Grazie a sta nova realtà industriale e disponenne de 'nu granne puerte mercandile, 'a cetate canuscìe 'n'otre e cchiù marcate slange de l'economije locale, cu 'na conseguende aumende d'a popolazzione e d'u reddite pro-capite e divendanne jndr'à l'anne successive zone de insediamende de cemendificie, raffinerie e industrie metalmeccaneche.

'U Comune de Tarde se n'a sciute in disseste finanziarie purcè téne 'nu sacche de dèbbete: 'u 18 ottommre 2005, date jndr'à quale ha state dichiarate 'u disseste finanziarie, 'u comune tenève dèbbete accertate pe € 357.356.434 ma jndr'à 'u mese de Marze 2007 'u cape d'a commissione de liquidazione de Tarde, Frangische Boccia, ha ditte ca le dèbbete supranescene le 637 miliùne de euro e le trasute arrivane a 60 miliune de euro. Onne ditte ca 'u disseste de Tarde è 'u cchiù gruesse disseste ca ha maje state in Itaglie e 'u seconde disseste finanziarie d'u munne apprisse quidde d'a cetate americane de Seattle.
'A giunda comunale ca 'a causate 'u disseste ere cumannete da 'u sinnache Rossana Di Bello e 'u vicesinnache Michele Tucci.
Osce a die se ste svolge 'u processe pe valutà de ce jè 'a colpe.

'U stemme civiche de Tarde avenìe recanusciute ufficialmende 'u 20 dicemmre d'u 1935:

'U Die uagnone a cavadde d'u delfine raffigurate sus a 'u stemme, se ispire a quidde de le turnise magno-greche d'u periode de massime splendore d'a cetate.
Jndr'à 'u 1589, 'na precedende versione d'u stemme raffigurande 'n'omme adulte coronate a cavadde de 'nu delfine, ca mandene jndr'à mane destre 'nu tridende e jndr'à quedda sinistre 'nu scude cu sopre 'nu scorpione a 'u poste d'u drappe de osce a die, sostituì 'u stemme ca stave angore apprime ca raffigurave 'nu scorpione suggerite da Pirro e ca osce a die jè ausate cumme simbele d'a provinge de Tarde..

'Mbrà 'a nuttate de l'11 e d'u 12 novemmre 1940, pe vie de l'imbortaznza strateggeca e militare soje, 'a cetate subbì 'nu devastande attacche da vanne d'a Royal Navy. 'A denameche de l'azione avenìe attendamende studiate da le giappunise pe pò ausarle jndr'à l'attacche a 'a base de Pearl Harbor. Duranne quedda notte, 21 apparecchie d'u tipe Farey Swordfish ca tenèvene silure e bombe, se 'nzipparene da 'a portapparecchie inglese Illustrious, ca se acchiave a 170 miglia da 'a coste scortate da le nave da battagghie Malaya, Ramilies, Valiant, Warspite, de le ingrociature Gloucester, York e da 13 cacciatorpediniere. A 'u comanne stave l'ammiraglie Andrew Cunningham. Le apparecchie inglise partite jndr'à doje ondate successive arrevarene indisturbate a Tarde.
Grazie a 'na precedende ricognizione ca non g'avenìe condrastate da 'a difese tagliàne, le pilote 'nglise canuscevane perfettamedne le aunità da culpì, ca erene 'mbrà l'otre dotate de rezze parasilure insufficiende e prutette da quacche ballone de sbarramende. Jndr'à l'attacche 'a flotte tagliàne avìe danne tuèste tuèste. 'A corazzate Conte de Cavour avìe le danne cchiù gruèsse, venenne parzialmende affunnate. Pò avenèrene danneggiate le corazzate Caio Duilio e Littorio e l'ingrociatore Trende. Danne avenèrene repurtate pure da doje cacciatorpediniere Libeccio e Pessagno. Avenèeren attaccate pure 'nu sacche de deposite de carburande sus 'a terraferma. Spiccianne 'u vulanze avère state de 85 muerte, e de chiste 55 civile, e de 581 ferite, pure ca 'u Bollettine de Uerre d'u Comande Supreme n.158 d'u 12 novemmre 1940 diceve ca non g'avera stà nisciuna vittime. Une de le tragece recorde de quedda battagghie pe l'abitande de Tarde, testimone d'u fatte, avère state quidde de sendè da 'u mare le luccule straziande e de sofferenze de le militare tagliàne 'mbarcate sus a le nave sckuasciate, vittime de le bombardaminde.

Tarde presende sus a 'u territorie sue architetture ca testimoniescene l'imbortanza soje storeche e culturale: da le andiche luèche de culto, 'mbrà le quale le reste d'u Tembie Dorico, le reste archeologecce de le necropoli greche-romane e de le chiaute a camere, 'a Cripte d'u Redentore, a le palazze ca appartenevane a le famigghie nobbele e a le personalità illustre d'a cetate, 'mbrà le quale Palazze Pantaleo e Palazze d'Ayala Valva. 'U palazze cchiù 'mbortande d'a cetate nove jè 'u Palazze de le Ufficie pu quale jndr'à 'u 2010 ha accumenzate 'u restaure e onne state investite 30 miliune de euro 'mbrà Comune e Provinge de Tarde.
'A cetate offre pure 'na ricca varietà architettoneche a testimonianze d'a forte releggiosetà e devozione: se vè da 'u romaneche a 'u barocco da 'a facciate d'a cattedrale de San Catavete, da 'u gotiche d'a chiesere de San Dumeneche Maggiore a le forme decisamende cchiù elegande de le chiesere da le linèe rinascimendale e neoclasseche. Numerose pure le cripte, le monastere, le sanduarie e le edicole votive.

Dedicate a San Catavete, vescove irlandese muèrte a Tarde jndr'à 'u VI-VII sechele, d'u quale ospite 'u sepolcre, avenìe costruite jndr'à seconde metà d'u X sechele - durande le fatìe de recostruzione d'a cetate vulute da 'u 'mberatore bizzandine Niceforo II Foca - sus a le reste de 'n'edificie releggiose medievale ca resalive almene a 'u VII sechele. Jndr'à l'XI sechele 'u 'mbiande bizzandine avenìe rimaneggiate e se costruì 'a cattedrale de osce a die a chiande basilicale. 

Jndr'à 'u 1713 avenìe aggiunde 'a facciate barocche. Jndr'à 'u XII sechele avenìe 'nzippate 'u cambanile normanne, scuasciate successivamende a 'u terramote d'u 1456 e recostruite duranne le fatìe de restaure d'u 1952. 'A cattedrale mesure 84 metre de lunghezze e 24 de larghezze, ave 'na navate cendrale, doje laterale e 'nutransette a 'n navate. Jndr'à zone nnande 'a facciate romaneche, ca corrisponde a 'u pronao de osce a die, avenèrene pigghiate le chiaute de le personagge cchiù 'mbortande d'a cetate.

'U Ponde Girevole o Ponde de San Frangische de Paola jè 'a strutture ca culleghe l'isole d'u Borghe Andiche cu 'a penisole d'u Borghe Nuève. Inaugurate 'u 22 masce 1887 da l'Ammiraglie Ferdinando Acton, 'u ponde sovraste 'nu canale navigabbele luènghe 400 metre e larie 73 metre ca aunisce 'u Mar Granne a 'u Mare Piccele.
'U ponde mesure attualmende 89,9 metre de lunghezze e 9,3 metre de lariezze.
'U ponde aveniè costruite affianghe a 'u Castelle Aragonese pe 'nu picce d'u Re ca vulè ccu passave a 'u cendre d'a cetate, invece ca quacche cinde metre cchiù nnande. Ce 'u ponde avesse state costruite cchiù nnande non ge s'avesse scettate 'nderre 'nu torrione d'u castelle.

'A strutture avenìe cchiù nnande rimodernate jndr'à l'anne 1957-1958, indroducenne 'nu funzionamende de tipe elettriche, ma mandenenne comungue inalterate le pringipie ingegneristeche d'a costituende Direzione d'u Genie Militare pa Marina. 'U proggette avenìe realizzate da 'a Società Nazionale Officine de Savigliano, pe tutte quidde ca riguardave le organe meccanece e le cumanne elettrece.
'U ponde nuève avenìe inaugurate da 'u Presidende d'a Repubbleche Giuanne Gronchi 'u 10 marze 1958 e avenìe inditolate a  San Frangische de Paola, prutettore de le crestiàne de mare.

L'ipoggeo De Beaumont Bonelli Bellacicco, se iacchie jndr'à 'u Borghe Andiche de Tarde in corse Vittorio Emanuele, 39, jè 'na strutture ca conde 'a storie de Tarde partenne da l'epoca geologgeche risalende a cchiù o mene 65 miliune de anne fa, cu successive tracce magno-greche, bizzandine, medievale e d'u XVIII sechele.

L'ipoggeo se sviluppe sus a ttre levèlle pe 'nu totale de 700 metre quadrate e pe 14 metre sotte 'u levèlle d'a strade.
A l'inderne sue se iacche 'nu banche de rocce calcarea, sus 'a quale se ponne ammirà le reste fossile de le mitile tipece de Tarde. Le mure perimetrale sonde de origgene bizandine, invece jè assaije probbabbele ca 'u mure ca divide 'a strutture da 'u mare pò avè origgene magno-greche. L'ipoggeo tène infatte 'nu sbocche esclusive a 'u levèlle d'u mare, ca dè 'a possibbeletà de scè direttamende sus 'a battigge d'u luenghe a'u mare d'u Borghe Andiche. Sus 'a sta strutture ha state 'nzippate in epoca successive 'u Palazzo de Beaumont Bonelli, residenze d'a Marchese De Beaumont e d'u Pringipe Bonelli marite a jedde. Tutte e doje le strutture, pure ca sonde private, sonde a disposizione de le visitature gratuitamende, purcé quiste jè patrimonie d'a storie e de l'arte de Tarde.

Apparte a stu ipoggeo ne stonne otre e 40 acchiate jndr'à cetata vecchie e ogne sciurne 'u numere de le ipoggèe acchiate aumende.

'U Castelle Aragonese o Castel Sand'Angele, occupe cu 'a chianda quadrangolare soje e 'u vaste cortile cendrale sue, l'estreme anghele de l'isola sus addò nasce 'u borghe andiche d'a cetate.
'U prime nucleo d'u castelle risale a 'u 916, quanne le Bizandine avviarene 'a costruzione d'a Rocca a protezione de l'attacche de le Saracene e d'a Repubbleche de Venezia.
Sta prima fortificazione ere fatte da torre ierte e strette, da le quale se combatteve cu lange, frecce, petre e uegghie asckuande.
Jndr'à 'u 1481 avenìe realizzate 'nu prime canale navigabbele, cchiù stritte e cu sponde irregolare, pe conzendì 'u passagge de 'mbarcaziune piccenne e migliorà 'a defendibbeletà d'u castelle.
Jndr'à 'u 1486, Ferdinando II d'Aragona ingarecò l'Architette Frangische Di Giorgio Martini de amblià 'u castelle e de darle 'a strutture ca tène osce a die, e rimbiazzà 'a tipologgie medievale de le torre congepite pa difese piombande.
'A fortificaziona nove avera combrendere sette torre, de le quale quattre aunìte 'mbrà lore a formà 'nu quadrilatere e le remanende ttrede allineate luenghe 'u fossate 'mbonde a 'u Mar Piccele.
Le quattre torre avenèrene inditolate rispettivamende a San Cristofalo, a San Lorenzo, a 'a Bandiere e a 'a Vergine Annunziate.
Jndr'à 'u 1491 avenìe aggiunde sus a 'u late verse 'u Mar Granne 'u rivelline de forme triangolare 'mbrà 'a Torre d'a Bandiere e 'a Torre San Cristofalo. 'U castelle avenìe spicciate jndr'à 'u 1492, cumme resulte da l'ingisione de 'na lapide murate sus 'a Porta Paterna.

'A Fortezze de Laclos jè 'na fortificazione fatte 'nzippà sus a l'Isole de San Paolo pe volondà de Napoleone Bonaparte a 'a fine d'u settecinde. L'Imberatore 'a vulìe pa protezione d'a cetate de Tarde, quanne decidìe de fà d'a cetate une de l'avamboste sus a 'u Mar Mediterranèe. A conducere avère state 'u Generale d'Artiglierie Pierre Choderlos de Laclos, ca remanìe aqquà brucate da 'u 1803 a 'u 1814, anne jndr'à 'u quale se penze ca 'u cuerpe sue avenìe scettate jndr'à 'u mare pe odie condre a le Frangise. 'A fortezze rappresende angore osce a die 'nu preggevole esembie de architetture militare d'u passate, assaije 'mbortande pure da 'u punde de viste paleodologgeche pa presenze de reste fossile osservabbele jndr'à le bluecche de calcare cu 'u quale 'a strutture ha state rivestite.

'U studie de le necropole scuperte jndr'à cetate ha furnite a le archeologe 'na granna quandità de 'mbormaziune sus 'a suggettate, sus 'a culture, sus a l'arte e sus 'a fatie de le andiche popole d'u periode greco-romane.
Le reste acchiate, testimoniescene 'a presenze de vere e proprie rituale funerarie: le brucaminde se facevane pe inumazione, ca vo ccu dice brucanne le muerte in posizione fetale, ma pure cu 'a cremazione, ca vo ccu dice asckuanne le cuerpe de le muerte e conzervanne le cenere jndr'à 'n'urne.
Jndr'à le chiaute avenève mise 'u correde funerarie, solitamende legate a 'a vita de ogne sciurne de l'individue, pertanne le stesse avenevane corredate cu utensile, robbe da mangià e gioielle, tendanne de imità 'a case d'u muerte.

Jndr'à le necropole de Tarde se ponne riscontrà differende tipe de chiaute:

Le 160 brucaminde se iacchiane jndr'à sette site archeologgece: 'a necropole de via Marche, le chiaute a camere de via Umbria, de via Sardegna e de via Pio XII, 'u chiaute a semicamere de via Alto Adige, l'ipoggeo Genoviva de via Polibio e 'u chiaute de le atlete de via Frangische Crispi.

L'Oasi Palude La Vela jè 'n'area naturale protette de proprietà demaniale a valenze naturalisteche ambiendale ca se iacchie sus a le sponde d'u Mar Piccele.
L'ambiende jè prevalendemende de tipe palustre, cu cannete e macchie mediterranèe, ambie acquitrini e zone periodicamende sommerse. L'avifaune jè caratterizzata da 'na colonie stanziale de airone cinerine, ma duranne le mise invernale 'a popolazione aumende assaije proprie pe numere e pe specie: se sgnalane infatte gru, cicogne, fenicottere, volpoche, falche pescature. 
'A flore presende ambie salicornieti, orchidee spondanee e pinete de pino d'Aleppo.
l'oasi avene ausate cumme cendre de irradiamende de l'avifaune ca colonizze chiane chiane le aree tutte atturne, e ha state gestite da 'u WWF de Tarde, ca ha svolte attività de monitoragge e andi-bracconagge, fine a quacche anne fa.

Sus a 'u lungomare d'u Borghe Andiche, 'nu pannelle in cerameche de 140 metre quadrate raffigure 'a leggende d'a colonizzazzione greche e d'a successive nascita de Tarde. L'opere realizzate da l'artista Silvana Galeone sus a 'nu proggette d'u Cendre Culturale Filonide, se ispire a 'u mite de l'eroe spartane Falanto e a 'u response de l'Oracolo de Delfi da jidde inderrogate, 'u quale sendenziò: «Quanne vide chiovere da 'u ciele serene, a conguistà territorie e cetate.». Falanto, vedenne chiangere 'a mugghiera soje Ethra, ca 'u nome sue in greche significave ciele serene, retenìe ca l'oracolo s'avere avverate e se preparò a fondà 'a cetate soje e li davìe 'u nome de Saturo, località angore esistende a quacche chilometre da 'a cetate.

Ualanze demografeche d'a popolazzione furastiere residente a Tarde riferite a 'u 31 decemmre 2007.

'U dialette tarandine affonne le origgene sue jndr'à l'andichità, quanne 'u territorie ere dumenate da le popolazziune messapeche.
'A colonizzazzione de le Grice ca vedìe affiorà Taras, none sulamende cumme cetate cchiù 'mbortande d'a Magna Grecie, ma pure cumme cendre culturale, poeteche e teatrale, ha lassate 'nu notevole influsse linguisteche, sia da 'nu punde de viste lessicale ca morfo-sindatteche, nonchè 'nu particolarisseme accende ca seconne le studiuse avera corrisponnere a l'andica cadenze doriche. Chiste influsse sonde angore osce notabbele jndr'à le parole de origgene greche.
Jndr'à 'u corse de le sechele, 'u dialette ha subbìte le influenze linguisteche de le dominaziune bizzandine, longobbarde, normanne, angioine e pure da lènga arabe, spagnole e napuletane.

Le rite d'a Sumane Sande de Tarde rappresendane une de le evende cchiù 'mbortande ca se svogene jndr'à cetate a partì da 'a Dumeneche de le Palme.
Jndr'à 'u scirune addò se arrecorde 'a trasute de Gese Criste a Gerusalemme, le doje prengepàle Confraternite d'u Comune de Tarde, quedde de l'Addulurate (appartenende a 'a chiesere de San Dumeneche Maggiore ca se iacchie jndr'à Tarde Vecchie) e quedde d'u Carmine (appartenende a 'a chiesere d'u Carmine ca se iacchie jndr'à vanna nove), fanne le gare pe l'aggiudicazione de le statue e de le poste de le doje processiune, quedde de l'Addulurate e quedde de le Mistere: jndr'à 'n'assemblee fatte apposte, 'u segretarie o une de le assistende d'u priore bandisce l'asta ca vè nnande fine a quanne 'u simbele (o statue) avene aggiudicate a 'u confratelle ca ha fatte l'offerta cchiù ierte.'U ricavate de l'asta avène devolute jndr'à 'u corse de l'anne pe iniziative benefiche.

'U Palie de Tarde jè 'na manifestazione tradizionale in costume ca inglude 'na gare de varche a reme (le sckife) abbinate a le dece riune d'a cetate.
Istituite jndr'à 'u 1986 se ripete ogne anne l'8 masce, in concomitanze cu le celebbrazziune in onore de San Catàvete, patrone d'a cetate, ca spicciane 'u 10 masce. 'A seconda e urtema gare se face jndr'à terza dumeneche de luglie

'U Palie o Torneo de le Riune se face jndr'à l'acque d'u Mar Granne e d'u Mar Piccele, addò partecipane le rappresendande de le dece riune. Ogne equipagge jè comboste da doje marenare abbiggliate cu 'n'abite storeche. 'A gare se svolge effettuanne in mene de mezz'ore 'u periplo de l'isole ca costituisce 'u Borghe Andiche d'a cetate, a 'u termine d'u quale 'u presidende d'a giuria decrete le vingiture 'mbrà le imbarcaziune arrevate a 'u traguarde ca se iacchie sotte a 'u Ponde Girevole, e se donne uerre 'mbonde all'urtema vogate. 'U vere trofeo avene però conzegnate sulamende apprisse 'a seconda gare ca se face 'a luglie, sommanne le pundegge de le doje gare.

'U torneo jè affiangate pure da 'u Trofeo de le Inderforze, addò partecipane le forze de l'ordine e 'u Torneo de le Canoe, abbinate a le sei circosciziune.

Quanne se parle d'inguinamènde, Tarde stè cchiù 'nguaiate de tutte: jè 'a cetate pesce inguinate d'Itàglie e d'Europe. Nu tenime 'nu sacche de crestiàne ca morene de tumore purcè a Tarde 'nu tenime le velene de l'industrie e, da sus, a' diossìne.
Sime accussì inguaiate ca pure l'INES (Inventario nazionale delle emissioni e loro sorgenti) dice ca sime pegge d'a cetate cinese de Linfen, «Toxic Linfen», e d'a rumene Copşa Mică, ca sonde le cetate cchiù inguinate d'u munne. 
A Tarde jè presende 'u 92% d'a diossine tagliàne e 8.8% d'a diossine europea. Jndr'à dece anne, malattie cumme leucemie, mielome e linfome onne ccrisciute d'u 30-40%. A Tarde stonne 9 chile de diossine 'u triple da a' diossine du 'u disastre de Seveso ('a cetate lombarde condaminate jndr'à 'u 1976).

Pe quanne riguarde 'a diossine, se spanne sus a 'na vasta area sciugrafeche, a seconde de le vinde, soprattutte tramite 'u camine de l'imbiande de agglomerazione ierte 220 de l'Ilva. 
Le imbiande de l'Ilva scettavene jndr'à 'u 2002 'u 30,6% d'u totale d'a diossine tagliàne, ma seconne le associaziune ambiendalisteche, 'a percenduale jndr'à 'u 2005 ha 'nghianate a 'u 90,3% purcè ha state pure spustate l'aria a cavede d'u stabbilimende de Genova.

Jndr'à 'u 2007 nasce 'u comitate cetadine Taranto Futura, cu l'obiettive de stimolà 'a classe politeche a 'na severe prese de posizione jndr'à le combronde d'a granne industrie, l'Ilva soprattutte, sospettate da 'u crescende numere de muerte pe neoplasie.
'U comitate, pe vosce d'u presidende sue, 'u Giudice Onorarie Avv. Necole Russo, se face promotore 'n'anne apprisse de 'nu referendum popolare ca riguarde 'a chiusure totale o parziale de l'Ilva, sus 'a scorte de quanne già s'à fatte pu stabbilimende de Genova.

Jndr'à 'u decemmre 2008, 'a Reggione Pugghie ha appruvate a maggioranze 'na legge reggionale condre a le diossine. 'A legge obbleghesce a nò subranà certe limite sus a le emissiune industriale a partè da l'abbrile 2009: l'Ilva, cumme le otre aziende, onna scennè sotte a 0,4 nanogramme oe metrocube endre 'u 2010. Jndr'à 'u febbrare 2009, 'na cangiamende a 'a legge reggionale ha però allungate le timbe pu prime tagghie de le limete de diossina a 2,5 nanogramme a metrocube, spustanne da 'u prima abbrile a 'u 30 sciugne 'a trasute in vigore d'u limite stesse, stu cangiamende ha state necessarie purcè 'u Ministre de l'Ambiende avere minacciate de 'mbugnà 'a legge..

'U 28 novemmre 2009 'u Comitate Alta Marea contro l'inquinamento ha organizzate 'na granna manifestazione (replica d'a precedende ca se facìe l'anne apprime, 'u 29 novemmre 2008) condre a l'inguinamènde e a favore d'u Referendum popolare sus a le sorte de l'Ilva, a 'u quale partecipane 'nu numere de cetadine ionece stimate cchiù o mene jndr'à 20.000 aunità.

Jndr'à 'u quartiere Tammorre-Croce s'ha acchiate 'na ierta congentrazione de berillio sus a le strade. St'elemende chimiche jè cangeroggene pe l'omme

Da 'u luglie 2012 a Procure de Tarde pe màne de le giudice Patrizia Todisco e Franghe Sebastio onne accusate l'ILVA S.p.A. de essere 'a prengepàle fonde de 'nguinamende e onne decretate ca l'aziende s'adda mettere apposte oppure adda achiudere.

'Mbrà 'u VI e 'u IV sechele n.C., grazie a le partecipaziune a le feste panelleneche, ce se celebbravane cu gare de gennasteche, se instaurarene rapporte de tipe sportive 'mbrà le cetae de Tarde e 'a Grecie Condinendale.
Quanne le Sciueche Olimbece raggiungerene 'na certa 'mbortanze, a le combetiziune pigghiarene parte pure le popole d'a Magna Grecie, combrese le atlete tarandine.
Proprie jndr'à stu periode le atlete de Tarde se affermarene in imbortande discipline olimbeche.
'Mbrà chiste 'u cchiù 'mbortande avere state Icco, mediche ginnasiarche e maestre, nonché funnatore d'a gennasteca medeca e d'a diete atleteche.
Vingitore d'u Pentathlon jndr'à 77ª Olimbiade (472 n.C.), le avenìe dedicate 'nu monumende jndr'à 'u tembie de Giunone a Olimpia a tesitmonianze de sta vittoria soje.
Testimonianze fondamendale de le vittorie a le Sciuche de Ilimpia jè pure 'u famose Atlete de Tarde, ca tène 'u sarcofago esposte a 'u Musèe Nazionale Archeologgeche de Tarde.
Da le analese effettuate sus a le tre anfore panatenaiche acchiate inzieme a 'u sarcofago, ha state possibbele dedurre ca l'atlete se affermò jndr'à doje specialità d'u pentathlon (lange d'u dische e zumbe cu le halteres, pese a forme de semilunata), jndr'à 'u pugilate e jndr'à corse cu 'a quadriga.
L'imbortanze d'u sport ere particolarmende sendute a Tarde, tande ca ve se celebbravene spesse manifestaziune sportive. Jndr'à 'u Ginnasie tarandine, infatte, 'a giovendù se esercitave a cuerpe nude e se allevave jndr'à le varie specialità sportive.
Apprisse quidde de Crotone e de Siracusa, le atlete de Tarde erene tra le cchiù famuse d'a Magna Grecie.

Accussì 'mbortande jndr'à storie olimbeche andiche ha state Tarde ca jndr'à l'Olimbiade de Pechine ha state allestite 'na mostre cu l'atlete de Tarde.

Sezione Rari cu 33 manoscritte, 4 incunabole, cchiù o mene 300 cinghecendine, 'nu sbuenne de opere d'u seicinde, d'u settecinde e de l'ottecinde, e 4 pergamene.

Nate jndr'à 'u 1914 cumme Labboratorie Demaniale de Biologgie Marine pa ricerche applicate a 'a molluschicolture, l'Istitute Sperimendale Talassografeche Attilio Cerruti ave 'a seda soje in via Roma, e jè inditolate a 'u fondatore sue pe le merete acquisite in cambe sciendifeche. Attilio Cerruti ingremendò notevolmende l'attività sciendifeche e 'u patrimonie d'u labboratorie, ospitate jndr'à doje stanze congesse da 'u Comune fine a 'u trasferimende presse 'a sede de osce a die, costruite jndr'à 'u 1932 in stile rinascimendale. Trasute a fà parte definitivamende d'u Consiglie Nazionale de le Ricerche jndr'à 'u 1977, face riferimende a 'u Comitate Nazionale pe le Scienze e le Tecnologgie de l'Ambiende e de l'Habitat.

'A sede de l'istitute jè a l'inderne de 'nu parche vicine a 'u canale navigabbele, quindi jndr'à 'na posizione privileggiate pe l'accesse a Mar Piccele e a Mar Granne. 'A disponibbiletà de moderne attrezzature de labboratorie jndr'à 'u cambe d'a spettrofotometrie a assorbimende atomeche, d'a gascromatografie, d'a cromatografie liquide a pressiona ierte, d'a spettrometrie de masse, d'a polarografie e de l'analese automateche de le acque e 'a disponibbeletà de 'n'imbarcazione de 15 metre, ne face 'nu cendre ideale pe l'attività de ricerche pu cambe marine. Sonde inoltre presende jndr'à le locale camere termostateche pe colture de organisme marine animale e veggetale e 5 vasche de 40 metre cube alimendate cu l'acque de mare.

Le prengepale cambe de ricerche sonde:

Biodiversità d'a flora battereca marine;
Colture de le alghe a fine energetece.

Fanne parte de l'istitute pure 'nu musèe e 'na bibblioteche:
'u museo condène 'na collezione de cchiù o mene 3.000 reperte riferite a 'a vite d'u mare e a 'a ricerche, certe ca risalene a 'u XIX sechele, invece 'a bibblioteche jè dotate de 'n'emeroteche cu 180 periodece naziunale e 600 riviste indernaziunale, eppure de 1.650 volume e 'na ricca collezzione de estratte e monografije.

'A Fondazione Marittime Ammiraglie Michelagnoli se mette cumme scope de favorìe 'a culture umanisteche, sciendifeche e tecniche d'u munne d'u mare e valorizzà e promuovere 'a ricerche marine. Nate 'u 12 masce 1989 cu 'u patrocinie d'a Marina Militare Tagliàne, tène sede a corso Umberto I a 'u numere 47, e jè 'nditolate a l'ammiraglie tarandine Alessandro Michelagnoli, ca condrebbuì apprisse a 'a seconda uerra mundiale a 'a rinascita d'a Marina e ne recuprìe jndr'à l' anne '60 'u massime ingareche de Cape de State Maggiore.
 
'A fondazione opere d'indese cu organisme universitarie e d'a ricerche naziunale e reggioanle, 'mbrà chiste cu 'u Consorzie Nazionale Interuniversitarie pe le Scienze d'u Mare e 'u Consiglie Nazionale de le Ricerche e ause professionalità de ingegnere, architette, biologe, geologe, oceanografe, ufficiale d'a Marina, collabborature d'u munne istituzionale e industriale, ca onne a disposizione 'nu labboratorie de 'mbormateche pe l'editorie elettroneche, pe le applicaziune e le banghe date multimediale sus a 'u munne marine, 'na mediateche e 'na bibblioteche ricche de diapositive, fotografie, documinde multimediale e libbre pertinende, eppure 'na Gallerie d'a Scienze e d'a Tecniche, cu opere de elevate valore sciendifeche-divulgative.

'A cetate jè sede pure de 'nu sbuenne de Licei, Istitute e Bibblioteche. Le prime a nascere furene 'u Liceo Ginnasio Archita jndr'à 'u 1872, 'u Liceo Sciendifeche Gesèppe Battaglini e l'Istitute Tecniche pe le Attività Sociale Maria Pia de Savoia, tutte e doje nate 'u 1927.

'U Liceo Archita avenìe istituite inizialmende cumme collegge maschile pe le uagnune de bbona famigghie, invece l'Istitute Maria Pia de Savoia nascìe cumme scola private de avviamende professionale pa femmene.
Jndr'à cetate stè 'na sede pure d'u Liceo Ginnasio Statale Aristosseno ca pu rame linguisteche prevede l'indirizze indernazionale, sperimendate sule jndr'à otre picche cetate tagliàne.

'A cetate jè sede d'a seconda Facoltà de Ingegnerie d'u Politecneche de Bari e de 'nu sacche de corse de laurea erogate da l'Università de le Studie de Bari, e jè pure sede decendrate d'a LUMSA - Libbere Università Maria SS. Assunde de Rome e de l'Università Cattoleche d'u Sacro Cuore de Melàne. Pò 'u 17 masce 2006 'u rettore de l'Università de Bari, Giuanne Girone, ha firmate 'u decrete ca sangisce l'autonomie de le seconde Facoltà de Economije e Giurisprudenze e de Scienze Matemateche, Fiseche e Naturale accumenzanne da 'u 1° ottommre 2006: quiste costituisce 'nu passe 'mbortande verse l'istituzione de l'Università de le Studie de Tarde, ca ha state pure oggette de numerose disegne de legge 'mbonde a osce senza conglusione.

'U Musèe Nazionale Archeologgeche de Tarde, idendificate pure da l'acronime MArTA, jè 'n'imbortande musèe archeologgeche addò jè esposte, 'mbrà l'otre, une de le cchiù 'mbortande collezziune de manufatte de l'epoca d'a Magna Grecie, 'mbrà tutte le famuse Ore de Tarde. 'U musèe, ca se iacchie in corso Umberto I, ha state funnate jndr'à 'u 1887 e occupesce 'a sede de l'ex convende de San Pascale de Baylon, edificate jndr'à 'u XVIII sechele. 
L'archeologhe Luigge Viola vuleve farne 'nu Musèe d'a Magna Grecie, ma jidde ha sembre state dedicate, prengepalmende a 'a documendazione archeologgeche de Tarde e d'u reste d'a Pugghie.
'U musèe tène dece stanze a 'u prime piane e quindece stanze a 'u seconde, ca onne permesse de fà 'nu percorse espositive cronologgeche a partì da 'a fase neoliteche d'u territorie tarandine, pe arrevà a l'età bizandine, passanne pa colonizzazzione greche, 'a civiltà romane e 'a cetate tardeandiche. Jndr'à une de le stanze stè custodite pure 'u chiaute de l'Atlete de Tarde.

Le resturande tradizionale d'a cetate offrone 'na cucine ca miscke le frutte de mare cu le prodotte d'a terre, condite cu l'ottime uegghie extravergine de alie tarandine (Uegghie Terre Tarandine DOP). Le piatte tipece cumme le cavatelle cu le cozze, 'u risotte a le frutte de mare, 'u vurpe e 'u pesce a 'a griglie, sonde accombagnate da ortagge crude o cucinate jndr'à le mode cchiù varie: le pumedore, le peperusse, le marangiane, le scarcioppole e le legume sonde particolarmende sapurite.

E non ge n'ammà scurda de le chiangarèdde cu le cime de rape o a 'u ragù, eppure le muzzarelle e le pruvulune frische, o le involtine de vitelle e le fegatine a 'a brace, accumbagnate cu le vine d'u territorie (Aleatico de Pugghie DOC, Lizzano DOC, Martina Franghe DOC, Primitivo de Manduria DOC).

Marange, mandarinem clemendine (Clemendine d'u Gurfe de Tarde IGP, uve fiche e melune russe non ge mangane maje sus a le tavule 'mbandite, accussì cumme le doce de miele e cu 'a paste de amennele, o le cchiù tipeche Carteddàte, Sannacchiùdere e Pettole, fatte jndr'à l'occasione de particulare festività o ricorrenze.

Tarde ha date le natale e ha ospetate 'nu sacche de personalità illustre ca onne condrebbuite fine da l'andichità a scrivere 'a storie 'a cetate: da 'u felosofe pitagoreche Archita, ca facìe 'na politeche de sveluppe ca purtò Tarde a devèndà 'a metropole cchiù ricche e 'mbortande d'a Magna Grecie, a 'u drammaturghe Livio Andronico, prime traduttore in latine de l'Odissea de Omero jndr'à l'epoche note cumme Odusia.
Se arrecordene pure 'u vescove irlandese San Catavete, patrone d'a cetate e 'u combatrone Sand'Egidio Marije da Tarde, uniche sande d'a Chiesera Cattoleche nate a Tarde.
Pe mutive de studie onne state pure l'attore Rodolfo Valentino e 'u cinghe vote Presidente d'u Consiglie de le ministre eppure presidende d'u partite d'a Democrazia Cristiana Aldo Moro.

Livio Andronico (in latine:Livius Androni-cus) ha state 'nu poete, drammaturghe e attore tiatrale latine de origgene tarandine.

Jndr'à le fonde andiche jè cu frequenze indicate semblicemende cu 'u nomen Livio, ca pigghiò, 'na vote addevenute libberte, da 'a gens  addò avère trasute a fà parte quanne arrevò a Rome; mandenìe sembre, assumennele cumme cognomen, ' u nome sue greche de Andronico; le fonde andiche dicene, inoltre, 'u nome de Lucio Livio Andronico.

De nascite e culture greche, jidde facìe rappresendà a Rome jndr'à 'u 240 n.C. 'nu dramme tiatrale ca jè tradizionalmende conziderate 'a prima opera letterarie scritte in lènga latine. Combonìe cchiù nnande numerose otre opere, probbabbilmende traducennele da Eschilo, Sofocle e Euripide. Cu l'intende de avvicinà le uagnune romane a 'u studie d'a letterature, traducìe jndr'à verse saturne lOdissea de Omero.

Le picche frammende ca onne remaste de l'opera soje permettere de rilevà l'influenze da 'a coeve letterature ellenisteche alessandrine e 'na particolare predilezione pe l'effette de pathos e le preziosisme stilistece, successivamende codificate jndr'à lènga letterarie latine.
Pure ca 'a soje Odusia remanìe a lunghe in use cumme teste scolasteche, l'opera soje avenìe conziderate in età classeche cumme assaije primitive e de scarse valore, tande da essere generalmende scettate 'nderre.

Le prengepàle manifestaziune ca se fanne jndr'à cetate duranne l'anne sonde:

'Na ricostruzione topografeche ca resulte attendibbele d'a Tarde andiche jè assaije difficile, in quande 'a configurazione edilizie de osce a die  d'u Borghe Andiche, jè 'u resultate d'u millenarie sovrapporse de indervende urbanistece. Le condinue demoliziune e recostruziune, ca s'onne succedute spesse reusanne materiale e reste architettonece de varia provenienze, onne condrebbuite significativamende a 'a scangellazione de le tracce d'u passate. A quiste se vonne a aggiungere 'u trasugamende de le reperte archeologgece e le scave distruttive, operaziune ca onne rese 'nu sacche de vote avveramende difficile 'a fatije de le studiuse 'mbegnate jndr'à combrensione d'a cetate greche-romane, ca jndr'à l'attribbuzzione a le reperte d'a giuste idendità e ubicazione.

'Mbonde a l'Unità de l'Itaglie, 'a cetate ere arroccate esclusivamende sus a l'isole. Sulamende infatte 'mbrà 'u 1865 e 'u 1883 se demolirene le fortificaziune presende jndr'à cetate andiche, danne accussì inizie a 'a crescita d'a cetate nove fore da le mure, e allore a 'a pianificazione de doje borghe distinde: 'u Borghe Andiche e 'u Borghe Nuève. Osservanne 'a cetate da 'u punde de viste urbanisteche, jndr'à 'u Borghe Andiche se ave 'n'indriche de vicole, derivande da 'a costruzione de abbitaziune qusnde cchiù possibbele addensate pe sfruttà tutte 'u spazie disponibbele e pe facilità 'a difese quanne stavene le invasiune, invece jndr'à 'u Borghe Nuève prevale 'n'ordinamende cchiù razionale, quase a chianda de Ippodamo, cangiate successivamende jndr'à 'na conformazione a vendaglie.

Pe colpe d'a particolare conformazione d'u territorie, le nuclei urbane se onne sviluppate sus 'a striscie de terre ca divide 'u Mar Piccele da quidde Granne, cu a conseguenze de avere date a 'a cetate 'na caratteristeca forme a imbute. A ovest e a Nord Ovest, se iacchie 'u quartiere Tammorre-Croce (in tagliàne Tamburi-Croce), cu 'a Punda Rondinelle ca costituisce une de le doje punde estreme d'a coste vagnate da 'u Mar Granne, eppure 'a zone industriale e 'u puerte mercandile. A Nord d'u Mar Piccele, allore in posizione cchiù decendrate, se iacchie invece 'u quartiere Paolo VI. A Sud Est, 'u quartiere Tammorre-Croce jè collegate tramite 'u Ponde de Porta Napule a l'Isole, ca rappresende 'u cendre storeche d'a cetate, e jè pe stu fatte chiamate Cetate Vecchie. L'isola costituisce 'u nucelo origgenale de Tarde, e jè devenute tale jndr'à 'u 1887 quanne onne tagghiate 'a penisola prengepàle pa costruzione d'u fossate d'u Castelle Aragonese, trasformate cchiù nnande jndr'à 'u canale navegabbele ca mette in comunicazione 'u Mar Piccele cu 'u Mar Granne.
Sembre jndr'à 'u stesse anne, avenìe costruite 'u Ponde Girevole pe collegà l'Isola a 'u quartiere Borghe, ca rappresende 'u core d'a cetate. Procedenne verse Sud Est se iacchiane le quartire Tre Carrare-Battisti, Itaglie-Mondegranare, Solito-Corvisea e Salinella. Angore cchiù a Sud se iacchiane le quartire de Talsano-Palumbo-San Donato e San Vito-Lama-Carelli, cu 'u Cape San Vito ca costituisce l'otre punde estreme d'a coste vagnate da 'u Mar Granne. Sus 'a penisole naturale avende cumme estremità 'a Punde d'a Penne in Mar Piccele e ca segne 'u confine 'mbrà 'u prime e 'u seconde sene d'u Mar Piccele, non ge stonne nuclei abitate.

'U 9 abbrile 1993, 'a frazione de Statte s'avere separate da Tarde devendanne comune autonome.

Tarde adda dicere grazie da sembre a le mare sue pe l'esistenza soje. 'U Mar Piccele soprattutte, ha rappresendate da le timbe andiche 'a fonde primarie de sostendamende pe le residente. 'A pesca tarandine, infatte, tène 'na tradizione andichissime, accussì cumme 'a colture de le frutte de mare. 'A Tarde magno-greche ere 'n'imbortande cendre de scambie commerciale soprattutte cu 'a Grecie e l'Asia Minore. Jndr'à 'u Mar Piccele soprattutte, ere assaije fiorende l'industrie pa lavorazione d'u bisso e pa produzione d'a porpora. Sulamende apprisse 'u 1860, se svilupparene le attività legate a 'u puerte, cumme chidde de trasformazione de le prodotte ittice e de commercializzazione de le uegghie, de le vine e de le ostriche, ma jè jndr'à seconda metà d'u XX sechele, ca 'a cetate se consolidesce definitivamende cumme 'mbortande cendre industriale e commerciale.

Accumenzanne da 'u 1° scennare 2008, ha state istituite 'a Zona Franghe de Tarde.
'A Zona Franghe jè 'nu territorie de 'nu State addò le aziende e le imbrese ca operane godene de 'nu speciale reggime fiscale agevolate. Stu status avène congesse a aree particolarmende disaggiate pe le quale se cerche de rilangià l'economije atraverse l'instaurazione de 'mbrese piccenne e medie sus a 'u territorie.
Jedde se estenne sus a le territorie de le quartire Tammorre - Croce, Isola Porta Napule e Paolo VI.

L'area vasta de Tarde téne 28 comune, e Tarde ète 'u comune capofile. 'A convenzione pa ccreazzione de st'area vasta ha state firmate jndr'à 'u 2007.
L'ente ca onne aderite a l'Area Vasta so quase tutte le comune d'a provinge de Tarde, 'a provinge de Tarde e quacche associazione de comune.

L'Area Vasta se occupe, 'mbrà l'otre cose, d'a redazione de 'nu piane de urbane de mobbilità jndr'à le comune ca ne facene parte e de 'nu piane de congertazione pu rilange turisteche d'a zone inderessate.

Le collegaminde stradale prengepale sonde rappresendate da:

'A Strada Statale 7/tew da 'u Puerte 'mbonde a l'ingroce de l'Asse d'u Ponde de Punda Penna e pe tutte st'urteme 'mbonde a Via Cesare Battisti forme 'a tangenziale Nord-Est de Tarde, ca permette de vedè totte 'a cetate ioniche, 'u Mar Piccele cu le miticolture sue e 'a cambagna pugghiese.

Le collegaminde ferroviarie sonde assicurate da Trenitalia sie cu 'a Calavrie, ca cu Bari e Brinnese, e pò verse tutte le località servite da le linèe ioniche e adriatiche.Tarde jè pure collegate a 'u reste d'a Pugghie grazie a le Ferrovie Sud Est cu doje staziune: 

'U puerte mercandile de Tarde, seconde in Itaglie pe traffiche de merce, jè localizzate sus 'a coste settendrionale d'u Gurfe sue. L'installazione cchiù recende jè costituite da 'u terminal container mise sus a 'u mole polisettoriale, 'na strutture modernissime comblete de sisteme telematece e torre de condrolle, cu 'na capacità de stoccagge e movimendazione de le merce de cchiù o mene 2.000.000 di TEU/anno.

'U puerte turisteche de Tarde se iacchie sus a 'u Molo Sand'Eligio, jndr'à vanne d'u Borghe Andiche nnande a 'u Mar Granne.

'A strutture prevede 254 poste varche e jè dotate de pondile fisse e galleggiande, de 'na banghine e de 'nu scale de alaggio, de piazzale de rimessagge, de parchegge e aree verde attrezzate. Avenene pure erogate servizie de ricezione e ristore e tutte le servizie connesse cu 'u turisme nautiche: attracche attrezzate, riparazione, rifornimende carburande, 'mbormaziune turisteche, eppure attività ricreative, sportive, culturale e artisteche.

L'aziende ca gestisce 'u servizie de trasporte pubbleche sus a tutte 'u territorie comunale jè 'a Suggettate pe aziune AMAT. 'U trasporte pubbleche a Tarde nascìe jndr'à 'u 1885, pe 'na richieste de istituzione de 'nu servizie ca aveneve ingondre a le esigenze de le fatiature de l'Arsenale Militare Marittime de Tarde: 'nu sbuenne erane infatte le fatiature ca se trasferivane in cetate da 'a provinge de Lecce e da 'a provinge de Brinnese pe mutive de fatìe.Da 'u 2001 l'aziende municipalizzate ha state trasformate jndr'à 'na Suggettate pe Aziune e da 'u 2003 ha state istituite 'u servizie de idrovie, grazie a l'ause de doje motonave Clodia e Adria, pigghiate da l'Azienda Consorzio Trasporti Venezia: chiste collegane Piazzale Democrate a Cape San Vito, passanne da 'u Mar Piccele a quidde Granne attraverse 'u canale navigabbele. Duranne 'u periode d'a staggione raggiungene le Isole Cheradi attraccanne a 'u molo de l'Isole de San Paolo.

L'Aeropuerte de Tarde-Vurtagghie Marcello Arlotta face servizie de linèe pu traffeche passeggere cu le vole charter.
Le otre aeropuerte cchiù vicine sonde:

'U sport jndr'à cetate de Tarde jè assaije 'mbortande. Jndr'à diverse sport stonne le squadre, 'u culore preferite jè 'u rosse e 'u blu.
Chiste sonde le cchiù 'mbortande squadre devise pe sport

'A società de ballone maschile cchiù rappresendative jè 'a Taranto FC 1927, osce a die iscritte a 'u cambionate da Serij D.

Le prime società de ballone d'a cetate onne state 'a U.S. Pro Itaglie (in tagliàne U.S. Pro Italia) e 'a Audace Foot Ball Club, funnate rispettivamende jndr'à 'u 1906 e jndr'à 'u 1911. Da a fusiona lore, l'11 luglie 1927, nascìe l'Associazione Sportive Taranto Football Club S.p.A.. 'Mbrà 'u 1985 e 'u 2004, in seguite a certe fallimende societarie, 'a società ha cangiate nome cchiù vote in Taranto Football Clus S.p.A., Associazione Sportiva Taranto 1906, Unione Sportiva Arsenaltaranto, Taranto Calcio S.r.l. e spiaccianne in Taranto Sport S.r.l.

A partè da 'a staggione 1927/28, le diverse suggettate onne disputate in totale 31 cambionate de Serie B, 38 de Serie C, 5 de Serie D, cchiù diverse cambionate jndr'à le varie leghe reggionale istituite apprime d'a seconda uerra mundiale. Tarde jè pure une de le picche cetate ca onne avute doje squadre condemporaneamende in Serie B apprisse 'a seconda uerra mundiale, 'u Taranto e l'Arsenale.

'A suggettate de pallacanestre femminile cchiù rappresendative jè 'u Cras Basket Tarde, ca osce a die jè iscritte a 'u cambionate de Serie A1. 
'A polisportive CRAS (acronime de Cendre Ricreative Attività Sportive), ha state funnate jndr'à 'u 1961 pe fà sciucà le studendesse ca s'avere iscritte jndr'à le cambionate scolastece, putessere partecipà a varie discipline pure jndr'à 'u settore federale. Jndr'à 'u gire de quacche anne accumenzò a distinguerse soprattutte jndr'à 'u basket a levèlle nazionale. Quanne ste spicciavane le anne '90 'a denominazione cangiò definitivamende 'u Tarde Cras Basket. 
Jndr'à stagione 2001/02, 'a suggettate desputò pa prima vote 'u cambionate de Serie A1 femminile, arrevanne a 'a semifinale pu scudette, ma ha state jndr'à staggione 2002/03 ca conguistò 'u scudette e Coppe Itaglie jndr'à 'nu mese sulamende, eppure 'a Supercoppe Tagliàne. Jndr'à stagione 2008/09, conguiste 'u seconde scudette vingenne condre a l'Umana Venezia, cu 'u resultate finale de 52 a 56 jndr'à quarta partite sciucate a Venezia, chiudenne 'a serie pe 3 a 1. A 'utermine d'a staggione arrive a disputà pure 'a finale de Euro Cup condre 'a squadra turche d'u Galatasaray, perdenne 'u ritorne a Istanbul.
'U 3 ottommre 2009 vinge 'n'otra vote 'a Supercoppe Tagliàne condre a 'u Club Atletico Faenza].

'A suggettate de pallacanestre cu le rotelle maschile cchiù rappresendative jè 'a Dream Team Tarde, ca osce a die jè iscritte a 'u cambionate de Serie A1. 
'A Dream Team onus Tarde avene funnate jndr'à 'u 2002 pe iniziative de 'nu gruppe de amice disabbele e none, amande jndr'à 'u mode particolare d'u sciueche d'u basket, cu l'obbiettive prioritarie de avè attraverse l'attività sportive 'na chiena indegrazione 'mbrà le normodotate e le portature de handicap.
Jndr'à staggione d'a fondazione, 'a squadre avène promosse in Serie A2 e jndr'à staggione 2007/08 vinge scudette e Coppa Itaglie.
'U 21 decemmre 2008 venge pure 'a Supercoppe Tagliàne.
A levèlle europèe 'u Dream Team ha vingiute 'a Coppa Vergauwen.

Da 'u 2010/2011 non ge ste cchiù 'a suggettate de pallavvole maschile Prisma Tarde, purcè 'u presedende ha vennute 'u titele sportive a 'u Castellana.
'Mbonde a 'u 2009/2010 'a suggettate de pallavvole maschile cchiù rappresendative ere 'a Prisma Tarde, iscritte a 'u cambionate nazionale de Serie A1. 'A suggettate sciucave le partite interne a 'u PalaMazzola ma ggià jndr'à l'anne passate ha sciucate a 'u PalaFiom. Jndr'à staggione 2008/2009 ha suggettate ha cangiate cetate sciucanne a Martina Franghe.

'U Stadie Erasmo Iacovone, ex Stadie Salinella da 'u nome d'u quartiere cetadine addò se iacchie, jè 'u magiore stadie de ballone, sportballone d'a cetate. Avenìe inaugurate 'u 8 decemmre 1965 e pigghiò 'u poste d'u vecchie Stadie Valendine Mazzola. Avenìe costruite jndr'à 100 sciurne, ausanne 130 km de tubbe Innocenti e 900 metre cube de gradone de legne. In murature erane sulamende le spogliatoie e le servizie igienice. 'A capienze collaudate ere pe 22.610 spettature, invece quedda massime avenìe de cirche 25.000. Jndr'à 'u 1978, 'u stadie avenìe inditolate a 'a memorie d'u cendravande Erasmo Iacovone, muerte jndr'à 'n'ingidende stradale 'u 6 febbrare d'u stesse anne. Jndr'à 'u 1985, 'a normativa nove sus a securezze facìe addevendà 'a strutture inagibbele. 'U stadie avenìe allore sottoposte a 'nu cangiamende profonne: le tubbe Innocenti e le gradune in legne avenerene sostituite da 2.500 metre de calcestruzze e da 1.000 quindale de acciaie. Quanne le fatìe spicciarene, appaltate e realizzate in diverse fase jndr'à 'u corse de l'anne successive, 'a capienze ha arrevate 'mbonde a 27.584 spetature.

 




#Article 19: Mazzafre (5475 words)


Mazzafre (tagliàne: Massafra) éte 'nu comune de 32.614 crestiáne d'a Provinge de Tarde jndr'à Pugghie. Famose pu Carnevale sue, se iacchie a n'altèzze de cchiù o mene 110 m s.l.m. e se stenne sus 'na superficie de 125 km2.

Mazzafre jè pure suprannomenate 'a Tebaide d'Itaglie.

L'altitudine arrive 'mbonde a 480 m s.l.m. jndr'à contrade Cicerone e a le 450 m sus a 'u Monde Sand'Elia e sus a 'u Corne d'a Streghe, invece 'u stesse javetate se iacchie 'mbrà le 115 e le 130 m s.l.m.

'U territorie mazzafrese vèje da'a Murge tarandine 'mbonde a 'u Mar Ionio e presende 'na granne varietà de paesagge. Jè attraversate da 'na sere de gravine e de lame (naturale condinuazione de le gravine cu parete cchiù doce) de origgene carsiche. 'U javetate s'ha sviluppate atturne a doje de chiste, 'a gravine de San Marche e quedde d'a Madonne d'a Scale.

'U terrene jè costituite da 'na forte coltre de recopreminde sabbio-ghiaiose e argillose, tipiche d'a conformazione geologgeche ca vèje da Tarde in direzione d'u jume Bradano. Jndr'à l'entroterre iessene fore le sabbione pliocenece, sovrapposte a 'u calcate combatte cretacèe da 'u quale se estrajene le tufe.

'U territorie comunale combrende 'na vanne d'u litorale joniche, ca vèje da 'a zone de Lido Azzurre 'nzigne a Chiatona, attraversanne zone cchiù o mene omoggenèe: Pantano, la Macchia, Patemisco, Ferrara e Marinella. Le jume ca iessene jndr'à 'u mare sonde 'u Tara e 'u Patemisco.

Mazzafre confine cu sei comune:
Palasciane, Motele, Martina Franghe, Crispiano, Statte e Tarde.

'U clime d'u territorie comunale jè, cumme pu reste de l'Arche Ioniche Tarandine, tipicamende mediterranèe, cu 'nvirne mite e staggiune cavede e aride, certe vote pure torride pe azione de le vinde occidendale cavede. Le temberature medie jndr'à 'u 'nverne reggistrane valore de 8-9 °C, eccezzionalmende cu minime negativi e nevicate. Jndr'à staggione se onne temberature medie quase sembre superiore a le 30 °C, cu punde ca supranescene le 40 °C. Jndr'à primavere jè frequende 'u fenomene de le gelate ca ccreje assaije danne a l'agricolture.

Le precipitaziune sonde scarse, 'u valore de ogne anne, jè 555 mm de piogge, 'nu valore ca jè sotte a quidde d'a medie reggionale. Jndr'à l'urteme anne se onne reggistrate forte piogge ca onne causate a bellezze de tre alluviune disastrose.

Mazzafre se iacchie jndr'à Zone Climateche C cu grade-sciurne pare a 1023..

'U territorie mazzafrese ave conservate tracce de frequendazione partenne da 'u Neoliteche, confermate da le selce fatiate acchiate jndr'à gravine d'a Madonne d'a Scale.

Jndr'à zone dette Corve ha state acchiate 'n'iscrizione messapeche, ca jè 'a cchiù settendrionale d'u territorie occupate da sta popolazzione. Le condatte andiche cu 'u munne greche onne state testimoniate da le frammende de ceramiche micenèe.

Tracce de 'nzediaminde e 'na necropoli jndr'à località San Sergio testimoniescene 'n'inzediamende agricole italiote, probbabbilmende dipendende da 'a vecina Tarde.

'U nome de Mazzafre deriva da Massa Afra. Pure cu l'assenze de documinde scritte, le retrovaminde archeologgece, 'mbrà le quale quidde d'u Thesaurus Massafrensis, cu monete bizzandine e vandale d'u V-VI sechele, permettene de ipotizzà ca 'u javtate nascìe successivamende a l'arrive de 'nu gruppe de profughe, cacciate da l'Afriche settendrionale pe l'arrive de le Vandale. Arrevate jndr'à Pugghie avèrene cercate l'aiute a 'u Vescove de Tarde, ca avere affidate a lore 'na massa soje, 'nu podere de granne estenzione, ca s'acchiave 'mbrà le gravine de osce a die d'a Maddone d'a Scale e de San Marche, addò le profughe de provenienze africane (Afri) scavarene le abitaziune lore jndr'à rocce.

Mazzafre avène citate pa prima vote jndr'à 'nu documende longobbarde d'u X sechele cumme gastaldate, ca signifeche sede de 'nu funzionarie regie ca amministrave 'u territorie.

Cu l'arrive de le Normanne, jndr'à 'u 1080 'u feude de Mazzafre, 'nzieme a Motele, Oria e Castellaneta, avenìe assignate a Riccarde Senescalco, nepote de Robberte 'u Guiscardo, passanne sotte 'a diocesi de Motele. Quiste fortificò 'u paese costruenne e restauranne 'u castelle e rialò 'a chiesere de Sanda Lucia cu 'u monastere 'nzeccate e 'a terza parte d'a pesche ca se faceve ogne anne jndr'à 'u jume Patemisco a l'abbazzie d'a Sandissime Trinità de Cava de' Tirreni.

JNdr'à 'u 1269, sotte a leAngioine, Mazzafre avenìe congesse a Oddone de Soliac da Carlo d'Angiò, rumaste padrone assolute de l'Itaglie meridionale, apprisse ca avere sconfitte le Sveve. 'U feudatarie nuève guvernò jndr'à 'nu mode violende e brutale e jndr'à 'u 1296, 'u Re Carlo II 'u privò d'u feude e 'u bandì da 'u regne.

Mazzafre avenì aunite allore a 'u Pringipate de Tarde in possesse d'u rame Durazzo de le Angiò e ve rumanìe 'mbonde a 'u 1463. Sotte a sta dominiazione 'a cetate (da 'u 1419) avìe 'u status de cetata libbere o demaniale e avenìe prescelte cumme sede de l'allevamende de le cavaddere règie.

Jndr'à 'u 1484 Mazzafre avenìe occupate da l'esercite Aragonese. Jndr'à 'u stesse anne 'u re Ferdinando I 'a rialò a Andonie Piscitello, ca devendò barone.

'Nu decennie apprisse (1497) avenìe saccheggiate da le frangise de Carlo VIII de Frange avenute jndr'à 'u Regne de Napule pe fà valè le diritte dinastece sue, e 'u feude passò a Artusio Pappacoda, de 'na nobbile famigghie napuletane, 'u quale dominie durò cchiù o mene 'nu sechele e mmienze. A Artusio succedìe 'u figghie Frangische, ca restaurò 'u castelle e facìe costruì 'a chiesere de Sanda Marije de Costandinopoli.

Jndr'à 'u 1633 passò a'a famigghie Carmignano, pure jedde origgenarie de Napule, ca l'accattò pe 110.000 ducate. Apprisse cinguand'anne passò a 'a famigghie Imperiale, marchese de Oria e Fangraville ca mandenerene 'u feude da 'u 1661 a 'u 1778. 'Nu membre de sta famigghie, Michele II, jndr'à le prime anne d'u XVIII sechele promettìe 'u riordinamende de le cambagne, facìe chiandà ulivete, vignete, mandorlete e fruttete, 'a recostruzione e ammodernamende d'u Castelle e 'a costruzione d'u monastere de San Benedette e d'a Torre d'u Rrelogge. Pe ste opere architettoneche se avvalìe de le artiste e le architette megghie megghie e architette d'u Salènde 'mbrà le quale Mauro Manieri de Lecce e 'a scola soje.

Apprisse 'a Revoluzione napuletane d'u 1799 pure a Mazzafre spicciò 'u feudalesime.

Duranne 'a prima uerre mundiale jndr'à 'u paese avenèrene ospitate diverse reggeminde de l'esercite tagliàne dirette a 'u fronde. Pe arrecurdà le cadute mazzafrise avenìe 'nzippate 'nu Monumende a chiazze Vittorio Emanuele II.

Jndr'à 'u 1923 trasìe a fà parte d'a neonate provinge d'u Jonio, derivate da l'andiche provinge d'a Terra d'Otranto.

Jndr'à 'u 1953 se facìe 'a prima edizione d'u Carnevale Mazzafrese.

Jndr'à le prime anne sessande, l'industrie siderurgeche de Tarde, l'Italsider, assorbìe 'nu sbuènne de fatiature mazzafrise. A Mazzafre aprìe 'na fabbriche pa produzione debirre de probbietà d'a Dreher.

'U stemme jè a sfunne azzurre, cu 'na torre merlate a 'a ghibbelline a tre stuèzze, cu 'a porte aprte ca se mandene sus a 'na pianura verde, suverchiate da 'na corone.

Sotte a 'u scude 'nu rame de ulive a sinistre e une de leccio a destre aunite 'nzieme da 'nu nastre tricolore; tutte e doje le rame cerconnane parzialmende 'u stemme prengepàle.

Jndr'à simbologgie araldeche, 'a torre rappresende forze e prestigge, 'a porte aperte ospitalità, l'azzurre giustizie e lealtà e 'u verde 'a floridezze de le cambagne.

L'arme resale a'u XV sechele quanne Federico I congedìe 'u feude de Mazzafre a 'u nobbile napuletane Artusio Pappacoda.

'A Chiesere Madre, dedicate a 'u Sandissime Crogefisse, ha state 'a prima chiesere a ospità 'u Capitole colleggiale. Avenìe costruite jndr'à 'u XVI sechele sus a 'n'andica cripte, forse dedicate a San Lorenzo e avenìe consacrate da monsignor Giacomo Micheli l'11 febbrare 1582. Jndr'à 'u XVIII sechele avenìe recostruite 'a vanne terminale e avenèrene aggiunde a 'u 'nderne le altare, ca cuprirene le affresche cinghecendesche.

'A chiesere presende 'a facciate e le fianghe a arcate cecate, coronate da caditoie simile a chidde presende sus a 'u castelle. 'A facciate, cu rosone jè coronate da 'nu timbane ca ospitesce 'a statuette chiaamate Sante Miseriédde. 

A 'u 'nderne ospite 'u Criste sospirande. Ave sede 'a Venerabbele arciconfraternite d'u Sandissime Sacramende. funnate jndr'à 'u Cinghecinde.

'U sanduarie se iacchie a 'u 'nderne d'a gravine omonime e jè accessibbele pe vie de 'na maestose scalinate de 125 gradine, ca seconne 'a tradizione popolare non ge ponne essere cundate, purcé scennenne le scale resulte 'nu numere e 'nghiananne 'ne iesse 'n'otre diverse.

'U sanduarie de osce a die, dedicate a 'a Madonne d'a scale, avenìe costruite sus a 'na cappelle cchiù andiche partenne da 'u 1729, sus a 'nu proggette de l'ingegnere Scarcia de Tarde, e avenìe spicciate e apirte a 'u culte jndr'à 'u 1737. 'A facciate jè in stile barocche e 'u 'nderne jè 'a croce latine.

Sus a l'altare maggiore ste mise l'icone d'a Madonne d'a Scale. A le parete se iacchiane otre sei altare, ttre pe late: se stipane 'nu dipinde de Necole Galeone ca rappresende 'u Miracole de le cerve e sidece tele seicendesche, opere d'a scole de Cesare Fracanzano, ca raffigurescene Apostole e Evangeliste.

'A devozione verse 'a Madonne d'a Scale pigghie origgene da 'u Miracole de le Cerve: seconne leggende certe pastore 'ndrucarene ste anemale ca s'averene fermate cchiù vote vecine a 'nu chiangone de tufe sus a 'u quale se stipave 'na raffigurazione affrescate d'a Madonne, rumanenze de 'na cappella piccenne scuffulate. L'avvenimende, ca s'ha penzate cumme 'nu segne miracolose, ha date vite a pellegrinagge devozionale e a 'a costruzione de 'na chiesere, successivamende sostituite da quedde de osce a die.

'A chiesere, dedicate a le sande Cosma e Tamiane se iacchie jndr'à l'accussìditte Serra. Andicamende s'acchiave sus a 'u luèche 'na grotte dette d'a Salute, addò asseve fore l'acque ritenute miracolose. 'A fonde avere state dedicate a le Dioscuri e cu l'arrive d'u Cristianesime avenìe dedicate a le doje Sande Midece.

'A strutture de osce a die resale a 'u 1720 e presende 'na navate uneche a chiande rettangolare. Ve se stipate affresche d'u Settecinde e 'n'affresche piccinne cinghecendesche cu le Sande Midece, mise jndr'à sagrestie.

Duranne 'a feste de le Sande Midece (27 - 29 settemmre) parte da aqquà 'a prugessione, cu le statue purtate da le muschier, ca passe p'u javetate 'mbonde a 'u spedale Matteo Pagliari.

'U sanduarie mariane dedicate a 'a Madonne de Totte le Grazie se iacchie jndr'à vanne sud d'a gravine d'a Madonne d'a Scale, in corrispondenze de le Forche. Avenìe costruite 'mbrà 'u 1648 e 'u 1655, in seguite a 'a miracolose apparizione d'a Vergine a 'na pastorelle, a 'a quale cercò 'a costruzione de 'nu sanduarie sus a 'u luèche stesse. Seconne 'a tradizione 'a uagneddozze scìe a referì 'u fatte a 'u vescove de Motele, Tommaso Aquino, 'u quale comungue all'inizie non g'ha credeve e avenìe convinde a costruì 'u sanduarie sulamende in seguite a 'na serie de intemberie.

L'edificie jè cu 'na navate sulamende cu quattre altare laterale. A destre de l'altare maggiore se stipane le reste d'a chiesere rupestre de Sand'Eustachio. Fore stonne le reste de otre e doje chiesere rupestre: Sanda Marije Maddalena e Sanda Parasceve.

'U tembie nasce jndr'à l'omonime rione, in dialette mazzafrese U' Bommin ('U Piccinne), a larie Ciura e jè affiangate da 'nu convende frangescane.

L'origgene d'u sanduarie jè legate a 'na statuette de cere de Gesù Piccinne ritenute miracolose. 'A statuette, accattate 'a viscilie de Natale d'u 1846 da Isabbelle Accoliti Gil, 'nzurate a 'u nobbele mazzafrese Frangische Broia avere infatte trasudate e ttre anne apprisse averene assute fore le tracce de sanghe. A le preghiere revolte da donne Isabbelle a 'a statuette pare ca ha state attribbuite 'a guariggione d'u marite, colpite da emoraggie.

'U Re Ferdinando II davìe 'u permesse de costruì 'u sanduarie dedicate a 'a Prodiggiose Statuette jndr'à 'u 1850: 'a chiesere e 'u convende 'nzeccate avenèrene proggettate da l'architette Sante Simone de Conversano e 'a chiesere avenìe aperte a 'u culte jndr'à 'u 1858 da Bartolomeo D'Avanzo, vescove de Castellaneta. Jndr'à 'u 1945 devendò parrocchie e jndr'à 'u 1956 avìe 'u titele de sanduarie.

'A chiesere jè costituite da 'na navate sole, cu quattre cappelle laterale. 'A facciate jè in stileneoclasseche, affiangate da doje cambanile a cupole piccinne.

A 'u 'nderne 'na teche custodisce 'a statuette miracolose; sus a jedde ha state mise 'na corona d'ore dunate da 'u cardinale Benedette Aloisi Masella in occasione de le celebrazziune cendenarie d'u miracole jndr'à 'u 1950.

'U sanduarie jè une de le cinghe chiesere d'Europe dedicate a Gesù Piccinne.

'A chiesere avenìe 'nzippate 'mbonde 'a fine d'u Seicinde in stile barocche pugghiese, pe vulere testamendarie de donne Maddalene Capreoli. Le fatìe accumenzarene jndr'à 'u 1710 sus a 'u proggette de l'ingegnere Donato Toselli, d'a scole de l'architette leccese Mauto Manieri e, spicciò jndr'à 'u 1765 cu le turnise de l'università ('a comunitate paesane).

'A chiesere tène 'na facciate ricche e jè a 'na sole navate cu altare laterale, cu tele de Dumineche Carella e de Vicinze Fato. 'U 'nderne jè decorate a stucche de colore avorie sus a sfonne azzurre fatte da Saverio Amodeo jndr'à 'u 1764. 'U pavimende d'u presbiterie jè de marme e a 'u cendre stè raffigurate l'andiche stemme de Mazzafre. Jndr'à 'u core stè 'nu splendide organe a mantice d'u 1768.

'A chiesere dedicate a 'Mmaculate jè sede d'a parrocchie de San Lorenzo Martire e jè chiamate pure Chiesere Nove.
  
'A costruziona soje avenìe accumenzate jndr'à 'u 1853, sus a 'u suole donate da 'a marchese Pizziferri e sus a 'nu proggette de l'architette A. Bruni de Napule e avenìe combletate a cure de l'allore arciprevete Andonie Ladiana. Le fatìe spicciarene jndr'à 'u 1931 sus a 'nu disegne de l'ingegnere Giulio Giorgis de Rome.

'U colonnate de fore jè de petre locale, tagghiate jndr'à le cave de Citignano e 'u 'nderne tène 'na chiande a croce greche, cuperte a cupole, cu capitelle scolpite e 'na iscriziona larie in latine sus a 'u cornicione ca reportane 'a preghiere de l'Ave Marije. 'Mbrà le altare laterale spicche quidde d'u Sacramende; ve se stipane tele e statue, assaije dele quale proveniende da otre chiesere andiche, cumme l'ex chiesere de Sanda Marije de Costandinopoli.

'A chiesere, ca se vede bbone da tutte le punde d'u circondarie pa granna cupole ca suverchie 'u javetate, ha devendate, 'nzieme a 'u Castelle e a le ponde, une de le simbole d'a cetate.

'A chiesere piccenne de Sanda Lucia nasce a sud d'u javetate, vecine 'a vie Appia. A l'origgene avera essere 'na cripte rupestre, forse de origgene longobbarde (VIII sechele).

Jndr'à l'XI sechele ha state costruite 'na chiesere piccenne a 'na navate sole cu abside, cu 'a caratteristeche coperture a doje cupolette piramidate. 'A costruzione jè miezze sotte terre e stipe reste de affresche d'u XII sechele jndr'à calotte absidale.

L'andiche convende de le frate Cappuccine jè costituite da 'nu edificie larie cu vendicinghe celle de le monace a 'u prime piane e 'na serie de ambiende a 'u piane terrene. Apprisse 'a recostruzione d'a chiesere vecine jè in corse de restaure e ha state destinate a sede de 'nu cendre pe le uagnune.

Chiesere parrocchiale aperte a 'u culte jndr'à 'u 1972, sus a 'nu suole rialate da Frangische Viesti 'u quale espremìe 'u desiderie de 'nditolà 'a chiesera nove a San Frangische de Paola, d'u quale purtave 'u nome e d'u quale ere devote. 'U proggette jè de l'ingegnere Michele Giannico. In seguite ha state aggiunde 'a torre cambanarie stilizzate ierte 25 metre.

Chiesere parrocchie aperte a 'u culte jndr'à 'u 1991. Jè 'a chiesere cchiù nove d'u territorie mazzafrese.

A Mazzafre se iacchiane pure chiesere piccenne nate cumme oratorie private o cumme cappelle de cambagne.

Lunghe le gravine stonne 'nu sacche de 'nzediaminde rupestre, de origgene sia preistoreche, sia ierte-medievale, sveluppate jndr'à 'nu periode de instabbilità e decadenze (V - X sechele), cu 'ngursiune de Gote, Longobbarde e Saracene. Esistene pure de le vere e probbie chiesere, cappelle e monastere de monace basiliane.

'U palazze signorile de Notaristefani, se iacchie sus 'a Strade Maggiore (osce a die vie Vittorio Veneto), se osce a die 'a sede de rappresendanze d'u Comune. Se stipane 'nu giardine inderne e doje caratteristece camine ottagonale sus 'a terrazze superiore. A 'u palazze jè 'nzeccate 'na cappelle d'u XVII sechele dedicate a 'a Sandissime Trinità.

'U municipie de Mazzafre, se iacchie a chiazze Garibaldi, avenìe costruite jndr'à 'u 1841, sus a 'u proggette de l'architette Campanella e pe volondà d'u sinnache De Carlo. Ave sostituite 'u vecchie municipie a 'u 'nderne d'u palazze La Liscia, jndr'à 'u rione de le Sande Midece.

Ospitesce 'a sale consigliare e 'u Tiatre comunale

'A Torre d'u Rrelogge se iacchie a chiazze Garibaldi, a l'inizie de vie Vittorio Venero, cu fronde a vie Laterra. Costruite a le inizie d'u XVIII sechele da 'u feudatarie Michele II Imperiale cummetorre civiche, arrive a n'altezze de 22 m e jè dotate de cambane settecendesche. Presende 'na decorazione in stile barocche, in accorde cu 'a coeve chiesere de San Benedette. Rappresende 'u simbole civiche d'u paese.

 

'U Castelle de Mazzafre se iacchie jndr'à 'u cendre storeche, jndr'à località Lo Pizzo e se affaccie sus 'a gravine San Marche.

Le prime notizie secure d'u castelle resalene a 'u 970, mendre jndr'à 'nu diplome d'u 1081 'u castelle resulte de probbietà de Riccardo Senescalco. Cu 'u dominie angioine, 'u castelle pigghiò l'aspette de 'na fortezze cu bastiune e torre merlate. Subbìe diverse trasformaziune sotte le Aragonise e jndr'à 'u XVIII sechele 'a famigghie de le Imperiali recostruì 'a torre ottogonale e 'a facciate verse 'a gravine, opere de l'architette leccese Mauro Manieri. 'U castelle passò successivamende in possesse de diverse probbietarie e avenìe accatte 'a fine da 'u Comune, ca l'ave scacchiate cumme simbole d'a cetate, facenne arrecurdà l'avvenimende cu 'nu franghebbolle a jidde dedicate, emesse 'u 13 abbrile 2007.

Le gravine onne 'na lunghezze ca vèje da 1 a 10 km e 'na larghezze da le 10 a le 300 m, cu 'na profondità massime de 50 m. Le parete sonde caratterizzate da grotte naturale e artificiale.

Le prengepàle gravine de Mazzafre sonde: Velo, Sanda Caterina, San Marche, Madonne d'a Scale,Monde Sand'Elia , Colombato, Portiche d'u Ladre, Giulieno, Cape de Gavito e Canale Lunghe.

De chiste, chidde atropizzate, cioò collegate derettamende a 'u javetate, sonde 'a gravine d'a Madonne d'a Scale, 'a gravine de San Marche e quedde de Sanda Caterina.

'A gravine d'a Madonne d'a Scale jè longhe 4 km, profonne cchiù o mene 40 m e larije da le 30 a le 50 m. Accumenze da 'u bivie d'a strade provingiale 'mbrà Martina Franghe e Noci e, sfioranne 'a vanne occidendale d'u javetate, spiccie jndr'à località dette La Pil d'u Boie ('a pile d'u boie), quase a 'a confluenze d'a S.S. n. 7 vie Appia.

A 'u 'nderne sue se iacchie 'u Sanduarie d'a Madonne d'a Scale e cchiù de 200 nuclèe javetative de l'origgenarie villagge. 'A vanna nord se chiame Cape de Gravine, a 'u quale segue 'a gravine dette Valle de le Rose ca se estenne a ovest d'u paese, 'nu tiembe chiamate Vallis Rosarum pa ricche vegetazione spodanèe ca recopre 'u 'ndere litte de l'andiche jume Patemisco.

Sò presende assaije varietà de chiande, certe pure assaije rare, ca le andiche penzavane ca erane medicamendose. A l'estremità sud, dette Gravine de Calìtro, stè 'u sanduarie seicendesche d'a Madonne de Tutte le Grazie e le reste de tre chiesere rupestre: Sanda Marije Maddalene, Sanda Parasceve e Sand'Eustacchie.

Sembre a nord d'u javetate, 'a gravine de San Marche ave origgene jndr'à le vicinanze d'a Massarie Pantaleo. Se estenne a est d'u cendre storeche, separannele da 'u reste d'u paese. Combletamende sckaffate jndr'à 'u javetate, pigghie 'u nome da 'na chiesere rupestre dedicate a San Marche.

Ha state in passate chiamate 'U Paradise de Mazzafre (da 'u greche paradeisos cioè  giardine), purcé, lunghe le costone e le terrazzaminde, se sveluppe 'na vegetazzione assaije forte e spodanèe 'nzieme cu orte terrazzate, giardine agrumete e 'na coltivazione larije de fiche d'Indie.

'A gravine de Sanda Caterine se iacchie a sud d'u javetate e jè oltrepassate da 'u terze ponde de Mazzafre, ca colleghe 'a zone de Sand'Oronzo cu vie 'A Rotonne. Pigghie 'u nome da 'a chiesere rupestre de Sanda Caterine d'Alessandria.

'A Riserve naturale d'u Monde Sand'Elia jè 'n'oasi d'u WWF, a 'u quale 'a Comunitate de l'Arche ave rialate cchiù o mene cinde ettare de vosche e seminative.

'A riserve jè costituite da l'omonime massarie cu 'nu nuclèe de trulle databbile a 'u XVIII sechele, cercunnate da 'a macchie mediterranèe e da vosche de leccio e fragne.

L'Oasi jè aperte a 'u pubbleche e attrezzate pe visite. 'A gestione de l'Oasi jè affidate a 'a Cooperative 'U File de Arianne de Mazzafre.

'A riserve se estenne pe 1.501 ettare e combrende pure le comune de Cstellaneta, Ginosa e Palasciane. Jndr'à riserve avène tutelate 'u vosche costiere furmate da 'na pinete de pine d'Aleppo. 'U nome stornara derive da 'nu sacche de storne de acidde ca migrescene duranne 'u 'nvirne.

Seconne le date ISTAT a 'u 31 decemmre 2010 'a popolazzione furastire residende ere de 736 crestiane. Le nazionalità maggiormende rappresendate respèttanne 'a percenduala lore sus a 'u totale d'a popolazzione residende erane:

 336 1,04%

Seconne 'a tradizione popolare Mazzafre avenève chiamate 'a terre de le masciare, cioè de chidde ca pratichescene 'a mascìe. A sta tradizione jè legate 'a leggende d'u maghe Greguro, d'u quale avène indicate l'abitazione rupestre jndr'à gravine d'a Madonne d'a Scale. Seconne 'a leggende Greguro tenève 'na figghie, Margherita o Margheritedde, desiderate da tutte le maschele e invidiate da le femmene: cundannate a 'u roghe, pare avere state sarvate a l'urteme mumende da l'iongumeno Anselmo.

'A tradizione d'a presenze de le masciare, diffuse in particolare jndr'à 'u XIX sechele, se tramande jndr'à 'nu sbuènne de toponime (gravine d'a Zingare, gravine d'u Volr, farmacie d'u Maghe Greguro, Noce de le Masciare, Corne d'a Streghe, grotte Kabirica, grotte d'u Diaule, grotte d'a Masciaredda, Sacche d'a Morte vecine 'a punde d'u Monde Moro, Ponde de le Zingare, rione de le Ostinate).

Legate a sta credenze popolare maggeche jè l'ause de accogghiere erbe medicamendose jndr'à le gravine, addò fioriscene spondanèe cchiù de 600 varietà de chiande officinale: agrimonie, pe l'epatite, laure, pe decotte e infuse antidolorifece, antillide, pe ferite e malattie d'a pelle, asparago, diuretiche, avena, rinfrescande, vianghespine, pe l'ipertensione e l'insonnie, cammomille, pe infuse antispasmodice e sedative, carrube, pe decotte pe scettà fore, cisto, disinfettande e astringende, edera, pe decotte purgative, fiche, pe catarre bronchiale, fragne, pe decotte disintossicande, malva, pe guarì ferite, origane, condre 'u catarre, papavero, cumme calmande de l'irrequietezze de le piccinne, parietarie, pa disinfezione de le genitale, rosmarine, afrodisiache, rovo, pe le 'nfiammaziune de le dinde, ruta, condre le convulsiune, salvia, diggestive, sambuco, pe le cacarelle.

Le ricorrenze releggiose prengepàle ca avènene arrecurdate cu particolare solennità sonde chidde de San Leopoldo (masce), de Sand'Andonie da Padova (13 sciugne), d'a Madonne d'u Carmine (16 luglie), de San Caitane de Thiene (7 aguste), de Sanda Lucia (13 decemmre), e de Gesù Piccinne.

A chiste se aggiungene le ricorrenze natalizie (presepie allestite jndr'à le grote de le gravine) e pascale (Prugessione de le Misteri). Otre ause sonde 'a benedizione de le anemale a 'a chiesere de Sand'Andonie Abbate] (17 scennare), l'appezzecà 'u fanove ca simbolegge 'u calore d'a case pa feste de San Gesèppe (19 marze) e, le varchecidde d'a navigazzione d'a speranze appennute jndr'à le vicole pu Ferraguste. Mazzafre arrecorde jndr'à devozione popolare 'a Sanda Marije d'u Puzze de Capurso, l'urtema dumeneche de aguste le combagnie de pellegrine de Mazzafre sonde 'mbrà le cchiù numerose 'mbrà le otre comune a pigghià parte a le festeggiaminde.

Duranne 'a Sumana Sande se fanne 'nu sacche de rite: le pellegrinagge penitenziale de le Crucifissi jndr'à 'u funne d'a gravine d'a Madonne d'a Scale, le cande tradizionale d'a Vie Crucis, l'allestimende d'u Sepolcre e 'a distribbuzzione de le palme.

'U Venerdìe Sande se face 'a Prugessione de le Mistere, organizzate da l'Arciconfraternite d'u Sandissime Sacramende, duranne 'a quale le gruppe scultorei settecendesche ca raffigurescene le varie mumende d'a Passione, avènene purtate da 'a Chiesere Madre pe le vie cetadine, accumbagnate da le sonature de flaute, grancasse, tammorre e troccole, 'nu strumende tradizionale de legne cu battende de firre. Apprisse avènene 'u gonfalone d'a confraternite e 'a Croce de le Mistere, cu le simbole d'a Passione e, le statue de Gesù jndr'à l'orte, d'a Veroniche, d'a Cascate, d'u Calvarie, d'u Criste Muèrte e spiccianne de l'Addulurate. 'A prugessione s'achiude cu le cruciferi e cu le pupiranni, confrate 'ngappucciate ca rappresendane le penitende.

'A prugessione pa feste de sande Cosma e Tamiane, ditte pure Sande Midece ca se tène l'urteme de le ttre sciurne de feste, 'u 29 settemmre se iapre cu 'na sfilate de cavaddere bardate, cu piccinne vestute da jangele.

'A cavalcate arrecorde in origgene 'a vittorie de le mazzafrise sus ale Turche jndr'à battagghie fatte 'u 22 settemmre 1594 jndr'à località de Scardino, vecine a 'u jume Tara. 'U rrecorde avenìe cchiù vote soppresse e repigghiate: jndr'à 'u Settecinde avenìe accumbagnate da 'na rappresendazione in costume d'a battagghie 'mbrà Cristiane e Saracene, seguite da 'na prugessione de le figurande cu cere appizzecate rrete 'a statue d'u sande protettore. 'A prugessione avenìe ditte de le scamisciate, pe colpe de le condiziune de le abite de le uerriere finde apprisse 'a rappresendazione d'a lotte. Cchiù nnande le Borbone proibbirene 'a battagghie finde, ma 'a manifestazione condinuò cumme prugessione de notte jndr'à l'occasione d'a feste de le Sande Midece, stipanne 'u nome de Scammisciata o Cavalcate de le jangele.

'A prugessione jè dedicate pure aSan Michele Arcangele, devendate patrone d'a cetate jndr'à 'u 1721 in seguite a 'n'apparizzione d'u sande vecine a Citignano.

In onore d'a Madonne d'a Scale, patrone de Mazzafre da 'u 1776, se organizze ogne anne 'a prime dumeneche de masce 'a feste d'a Consegne de le chiave. Apprisse 'na messe solenne, celebbrate jndr'à 'u sanduarie, 'a statue avène purtate a spalle jndr'à cetate, mendre da 'u municipie parte 'u cortèe civiche cu 'u sinnache e le autoritate civule, a le quale se aunisce 'u vescove da 'a chiesere de San Lorenze, Quanne le prugessiune se 'ngondrane avènene offerte a 'a statue d'a patrone le chiave d'a cetate. 'A prugessione spicce purtanne 'a statue jndr'à colleggiate. 'A feste se conglude 'a sere cu le luminarie, museche e fuèche de artificie.

Pe colpe de le 'nzediaminde de le 'ndustrie pesande ca onne caratterizzate Tarde ca ste vecine, da 'u seconde dopouerre 'u comune de Mazzafre jè inderessate da 'nu forte 'nguinamende, specie atmosfereche, pe colpe de le smalteminde industriale, soprattutte 'a diossine. Le conzeguenze sus 'a salute d'a popolazione sò assaije rilevande, cumme attestate da le date epidemologgiche scritte pure sus a 'n'articole de L'espresso jndr'à 'u 2007 ca paralne de l'elevate ingidenze de le tumore a 'a pleure polmonare e de le otre malattie legate a le vie respiratorie.

A stu fatte se aggiunge 'na scarse valorizzazzione d'u patrimonie ambiendale e paesaggisteche, 'nu picche aggiustate da 'a recende istituzione d'u Parche Reggionale de le Gravine: assaije vote le lame avenèvane ausate cumme discariche abbusive de rifiute pericolose pe le falde acquifere. 'A marine paje invece le conzeguenze d'u lavagge abbusive sottocoste de le cisterne de le nave ca passane da 'u Puèrte de Tarde e de l'inefficacie de le depuratore pe le acque reflue, riscondrate jndr'à fatte de cronache giudiziale verificate jndr'à l'estate d'u 2008.

A tutte ste fatte vè aggiunde 'a presenze sus a 'u territorie de 'na discariche e de 'n'ingeneritore.

'Mbrà le istitute superiore stonne a Mazzafre:

Stonne pure le scole medie Alessandro Manzoni, cu sede cendrale e succursale e, Niccolò Andria e le scole elemendare Edmondo de Amicis, Giuanne Pascoli e San Giuanne Bosco.

'U Civiche musèe storeche-archeologgeche d'a civlità de l'uegghie e d'u vine ha state inaugurate jndr'à 'u sciugne 2003. 'Nzieme a 'a bibblioteche comunale, ste uspetate jndr'à l'ambiende a 'u piane terre d'u Castelle.

Le raccolte combrennene oggette d'ause quotidiane e attrezze tradiziunale, testimonianze d'a vite rurale 'mbrà 'u XVI sechele e le prime anne cinguande d'u XX sechele, legate a le produziune tipeche d'u territorie mazzafrese. 'Mbrà chiste se stipane 'na presse d'u XVI sechele e 'nu frandoje a ttre macine d'u XVIII sechele.

Jndr'à l'abbrile 2005 ha state allestite 'na mostre permanende 'a Puteje d'u Carradore o Maestre d'Asce.

Da 'u 12 abbrile 2007 'u musèe face parte d'u Fonde pe  l'Ambiende Tagliàne (FAI).

Mazzafre jè sede de l'Emittende televisive locale Telesud e Tele .5, e de l'emittende radio Multiradio.

'U cendre storeche de Mazzafre avenìe ausate jndr'à 'u 1964 cumme scenografije pe rappresendà 'a cetate de Cafarno jndr'à 'u film Il Vangelo secondo Matteo de Pierpaolo Pasolini.

Jndr'à 'u 2011 ha state girate 'u film Il paese delle spose infelici de Peppe Mezzapesa pigghiate da l'omonime romanze de Mario Desiati edite da Mondadori.

Seconde l'uase pugghiese 'a paste fatte jndr'à case pe eccellenze jè rappresendate da le chianghiaredde, accumbagnate cu le cime de rape o cu 'u ragù. Otre tipe de paste sonde le cavatidde, le gnocche, lu friscidd , 'a tagghiarina e le pizzicaridde.

'Mbrà le seconde sonde piatte tipece d'a cucine locale le braciole de carne de vitelle, 'a sasizze e le gnumariedde a 'a brace. Non ge mangane le formagge (muzzarelle e casecavaddere).

Assaije tipeche sonde le focacce (pddiche), semblice semblice o anghiute cu 'u casecavaddere e affettate o pure cu 'a cepodde o de recotte asckuande, e angore le panzarotte, le fresèdde, le taralline.

Le doce avènene cucinate in occasione de le feste: tipece d'u Natale sonde le carteddàte, le purciedde (sanacchiudere o dinde de San Gesèppe), le pettole,  le mustazzole e 'a cupete, 'na specie de torrone cu miele e amennele. A Carnevale se facene le chiacchiere e pa feste de San Gesèppe le zeppole. Pe Pasche se facene le dolcette a forme de pecheredde cu 'a paste de amennele, le scarcedde e le taralle cu 'u scileppe.

Mazzafre tène 4 fraziune:

L'agricolture jè 'u tradizionale settore de attivitate mazzafrese. Se cultivane soprattutte:

Leseminative, cu 'a produzione de grane, avena, orzo, erbe mediche e soprattutte erbe da tagghie ausate pe l'allevamende de le anemale.

'A coltivazione de ortagge avène fatte jndr'à vanna meridionale d'u territorie. Avènene cultivate cicorie, fenucchie, pumedore, marangiane, peperusse, cetrule, zucchine, zucche, caroselle, barattine, bietole, acce, rape, caulefiure, melune gialle, melune, petrusine, basiliche e legume.

Le fruttete d'a zone settendrionale producene amennele e cerase, invece chidde d'a zone meridionale pesche, vermacocche, susine, fiche, prugne e le fiche d'Indie.

L'allevamende jè une de le cchiù andiche attivitate ecnomeche, diffuse soprattutte jndr'à zone settendrionale. Se allevane bove, capre, pechere, puèrce e cavaddere pu macelle e le produziune de l'industrie casearie e de le salumifice.

L'apicolture ere 'n'attivitate redditizie assaije, praticate 'nu tiembe jndr'à gravine, addò le arnie avenèvane mise jndr'à le grotte (une se chiame Grotte d'u miele).

Osce a die l'allevamende de le ape avène jndr'à zone meridionale e le prodotte, miele e pappa reale.

L'attivitate industriale s'ha sviluppate cu l'indotte d'u 'mbiande siderurgeche de l'Italsider de Tarde (osce a die Ilva), apirte a le inizie de l'anne sessande. Jndr'à 'u stesse periode, avenìe aperte a Mazzafre 'na fabbriche pa produzione de birre de probbietà d'a Dreher accattate jndr'à l'anne novande d'u millenovecinde da 'u gruppe Heineken Italia.

L'industrie alimendare jè legate a le attivitate agricole (oleifice (trappiti), caseifice, slumifice). Avènene pure prodotte materiale plastice pe l'irrigazione.

Stonne pure attivitate legate a l'edilizie e a 'a produzione de mobile e infisse.

Le collegaminde stradale prengepàle sonde rappresendate da ():

Le collegaminde ferroviarie d'a stazione locale sonde verse Tarde e Bari, da le quale passane le linèe ferroviarie ioniche e adriatiche.

L'Aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole charter.

Le aeropuèrte cchiù vecine sonde:

'U trasporte locale jè garandite da le pulmann de linèe d'a Miccolis S.p.A., ca collegane le diverse zone de Mazzafre, 'a frazione de Chiatona (specialmende jndr'à 'u periode d'a staggione) e 'u Parche de Uerre.

'U Consorzie Trasporte Pubblece (CTP) de Tarde colleghe 'a cetadine cu Crispiano, Statte, Palasciane, Martina Franghe, Castellaneta e Tarde (tratte ausate prengepalmende da studinde e pendolare).

Le Ferrovie d'u Sud-Est garandiscene 'u collegamende dirette cu Bari, cu salite de le passeggere a l'accussìditte Bivio lunghe 'a vie Appia a sud de Mazzafre.

Jè presende 'na Scole de Aikido chiamate Dojo Fudoshintai affliate Aikikai d'Itaglie e 'na palestre de Jūdō: 'u Cendre sportive Mazzafre Judo.

'A squadre de ballone (A.C.D. Massafra) ha state retrocesse jndr'à 'u cambionate pugghiese de Promozione.

'A squadre de pallacanestre (G. S. Basket Massafra), jndr'à staggione 2009/2010 jndr'à Serie B Dilettande s'ha classifecate a 'u 1° poste a 'a fine d'a staggione regolare e ave pigghiate 'u deritte de sciucà 'u cambionate de Serie A Dilettande jndr'à 'u 2010/2011.

'A squadre de pallavvole femmiinile A.S. Volley Massafra, jndr'à staggione 2009/2010 ha sciucate jndr'à Serie C. St'associazione sportive apponde assaije sus a le uagnune e le uagnedde.

'U 21 aguste 19860 Mazzafre ha state tappe d'u viagge d'a Fiaccola olimbeche pe le Olimbiade estive de Rome 1960.




#Article 20: Mediaset (187 words)


Mediaset éte 'n'aziènde tagliáne ca s'occupe da comunicazzióne televesive, mise ind'a bborse tagliáne e jéte cundrulláte dâ holding Fininvest, 'na sciuggetáte criáte da Silvio Berlusconi. Rappresènde 'u prime gruppe de network televesive 
tagliáne (e jè 'u prengepále cungurrènde d'a RAI) nate ind'ô 1995 p'a suddivisióne de l'attività tv d'a finanziaria matre.

'A séde legálel stè a Mmeláne, a' vije Paleocapa n°3, 'ndrammènde 'a séde prengepále stè a Cologno Monzese (Meláne), ind'ô viale Europa addò stè 'u cèndre d'a produzzióne TV prengepále. 'N'ôtre cèndre s'acchie a Mmeláne 2 (Palazze de Cignè), addò s'acchiene le redazziune de Studio Aperto , TG4 e Striscia la Notizia. A Segrate, ind'a vije G. Marconi, 27 s'acchie - ind'a 'n'edificie chiamáte TOC - 'nu mudèrne cèndre d'emissioe degetále d'u segnále; aqquà jindre s'acchiene le studie addò avènene fatte televènnete e ttelepromozziune, in onda normalmènde o sus'ô canale MediaShopping. A Rrome s'acchie ô cèndre d'a produzzióne Elios e 'u cèndre Palatine addò avènene fatte le programme d'approfondimènde sciiurnalistehe, accum'a Matrix e 'u TG5, e addò s'acchiene le redazziune románe d'u TG4 e Studio Aperto. Avènene ausate le tïatre de Cinecittàt pe ffà do' produzziune.




#Article 21: Welwitschia mirabilis (226 words)


'A Welwitschia mirabilis jè 'na chiande spannute jndr'à ll'Africa sud-occidentale, jndr'à lle luèche deserteche d'u Kalahari e d'u Namib, 'mbrà l'Angola ed 'a Namibia. Jè l'uneche specie de ll'ordene Welwitschiales e d'a famigghie de le Welwitschiaceae. 

'U nome Welwitschia derive da Friedrich Welwitsch, 'u botaneche austriche ca pe' prime hagghie documendate l'esistenze ad 'a comunitate sciendìfeche europee. L'aggettive mirabilis se referisce ad 'a forme 'nzolite d'a chiande. Jndr'à lènga afrikaans jè chiamate tweeblaarkanniedood, ce segnefeche dò fogghie non ge pòtene murì.

'A specie jè tipeche d'u deserte d'u Namib ed 'u soje areale se spanne 'mbrà l'Angola ed 'a Namibia. 'U limite settendrionale se iacchie picche a nord d'u jume Namibe (jndr'à Angola) e se spanne verse sud pe' cirche 1200 km fine ad 'u jume Kuiseb jndr'à Namibia. Non ge vive derettamènde sus a lle coste marine.

'U soje tasse de crescite medie annuale jè combrese 'mbrà le 10 mm 'nziccate a lle coste, fine a le 250 mm jndr'à savane de àrvule de mopane. Jndre quacce luèche d'a Namibia cendràle, 'a Welwitschia jè 'a specie dominante; 'a denzetà massime se iacchie combrese 'mbrà le 50 e 60 km da le coste. 

'Na reggione assaje chiene de Welwitschia jè l'ìrtechiane denominate Welwitschia Plains, acchiate jndr'ô Namib-Naukluft National Park, a est de Swakopmund, jndr'ô trianghele 'mbrà le jume Khan e Swakop, addò sonde reggestrate 5-6.000 chiande.




#Article 22: Latèrze (877 words)


Latèrze (tagliáne: Laterza) éte 'nu comune tagliàne de 15.284 crestiane d'a Provinge de Tarde, jndr'à Pugghie.

'U nome de le crestiane de Latèrze jè laertine. Jndr'à 'u dialette locale 'u paese se chiame Aterz e le crestiane terzarul. Pe le crestiane ca javetane, cchiù in generale, pe le crestiane de le paisere vecine Latèrze avene chiamate semblicemende 'u pais ('u paese, in dialette).

Latèrze se iacchie jndr'à 'nu punde strateggeche, sus a 'u borde d'a gravine omoneme, Latèrze se iacchie a nord-ovest d'a provinge de Tarde cu 'nu territorie ca se sckaffe 'mbrà le provinge de Bari e Matera. 'U territorie laertine face parte d'a diramazione appennineche d'a murgia barese. Pò 'u territorie se presende rocciose a nord e tufaceè-calcarèe a sud.

'Na necropoli d'u 2000 n.C., acchiate jndr'à 'u 1965 grazie a le fatìe de scave jndr'à località Candile, conferme 'u popolamende d'u territorie de Latèrze  sine da le tiembe andiche. 'A tipologgie de le ipogèe funerarie, le suppellettile e le utensile fatte de selce e osse testimoniescene 'a presenze de 'na popolazzione ca ave vissute jndr'à 'u territorie jndr'à l'ere eneoliteche. Testimonanze successive d'u popolamende de l'area arrivane a le peucete, a l'epoche d'a Magna Grecie e de l'età romane e osce a die sonde custodite jndr'à 'u Musèe Archeologgeche de Tarde e jndr'à 'u musèe archeologgeche de Matera.

'A questione sus a l'origgene d'u nome de Latèrze rumane assaije debattute;certe scretture penzane ca derive da Latentia, luèche de caverne e de nascondiglie; pe otre, invece, derive da 'u latine Tertiam cu referimende a le milite de 'na terza leggione ca aqquà non ge se sape quanne s'avessere accambate. St'ipotesi potusse essere avvalorate da 'u fatte ca Latèrze se iacchie probbie lunghe 'u tracciate d'a via Appia nove, ca aunisce Tarde a Rome recalcanne in parte 'u tracciate de l'Appia andiche angore vesibbele jndr'à certe tratte. Non g'è mene fandasiose, 'n'otra ipotesi ca face resalì 'u nome Latèrze a le Cretise ca fusciute apprisse 'a uerre cu le Micenei funnarene aqquà 'na colonie in onore de Laerte, attane de Ulisse, ca però, cumme dice Omero, ere de Itaca.

'A prima fonde arrevate 'mbonde a nuje jndr'à quale avene citate 'u 'nsediamende de Latèrze resale a 'u 1082 e jè stipate presse l'Archivije private Gattini de Matera; jndr'à 'u documende, ca dispone 'a congessione de terrene e privilegge a Scipione Gattini da vanne d'u conde de Matera Loffredo, 'u casale jè designate cu 'u nome de Latercio [C. Dell'Aquila - E. Lenti, Fonti per la storia di Laterza. Regesti e notizie da fonti edite ed inedite (fino al 1501), in Per la storia di Laterza. Fonti archivistiche e documentarie, a cura di Carlo Dell'Aquila, Galatina, Congedo, 1993, pp. 353–440, a pp. 370–1]. 'U casale avere state annesse sine da 'u 1064 a 'a condèe de Matera congesse da Robberte 'u Guiscardo a le Loffredi, ca l'abbandunarene jndr'à 'u 1133: Latèrze allore devendò feude d'u logotete normanne Riccardo.

L'abitate de osce a die nascìe cu totta probbabbilità atturne a l'anne 1000. Inizialmende avere state parte indegrande d'u territorie de Matera e sulamende verse 'u 1200 'u feude laertine avenìe congesse definitivamende da Federico II a le prelate barise. Successivamende devendò parte indegrande d'u Pringipate de Tarde e avenìe guvernate da varie feudatarie.

Jndr'à 'u 1280 cchiù o mene, Latèrze e otre feude 'nzeccate avenèrene dunate da Carlo I d'Angiò a Narjot de Toucy. Pure cu le condese cu l'arcivescove de Bari, 'a famigghie de le Toucy guverne Latèrze 'mbonde a 'u 1294 anne jndr'à 'u quale 'u casale avene infeudate a Filippo d'Angiò, pringipe de Tarde. Jè da fare resalìe probbabbilmende a stu periode 'a costruzione d'u castelle (Palazze Marchesale) cu portale datate 1393, ca addà subbìe remaneggiaminde 'mbonde a pigghià l'aspette de osce a die in fase de restaure.

Da 'u XVI a 'u XIX sechele a Latèrze avenìe praticate initerrottamende l'arte d'a maioleche. Jndr'à 'u Settecinde, 'u periode de massime splendore, queste costituisce 'a prengepàle attività d'u luèche, 'mbonde a quanne, venute manganne le commesse borboneche e vaticane ca costituivane 'a quase totalità de le cliende ca averene 'a possibbilità de accattà 'a preggiate e costose maioleche de Latèrze, le puteje a chiane chiane accumenzarene a achiudere.

Da 'u 1806, cu l'eversione d'a feudalità 'a cetadine avenìe guvernate derettamende da 'u regne borboneche; successivamente trase a fà parte d'u Regne d'Itaglie.

A Latèrze stavane doje feudatarie, le marchese D'Azzia e cchiù nnande 'mbonde a 'u 1806 le marchese napuletane de origgene spagnole Perez Navarrete. Cchiù nnande 'u titele nominale passò a 'a famigghie de Bellis de Napule.

'A cetate de Latèrze tène 'n'economije assaije basate sus a l'agricolture. 'Nu ruolo 'mbortande tène jndr'à l'economije laertine 'a produzione d'u pane chiamate appunde pane de Latèrze.

'Mbrà le comune d'a provinge de Tarde, Latèrze è une de le cchiù 'mbortande pure pa qualitate de le carne ca avènene prodotte e vennute, infatte assaije sonde le macellerie jndr'à 'u paese addò se venne carne e addò se pà pure mangià purcé ste 'u restorande affianghe a 'a macellerie.

'A cetadine nasce none lundane da 'a barriere de Mazzafre, estremità meridionale de l'Autostrade A14 Bologne-Tarde. Passe pure 'a strade statale 7 Via Appia ca 'a colleghe a Matera e a Tarde e Brinnese e 'a strade statale 7 ter.




#Article 23: 'Ngeclopedije (114 words)


'Na ngeclopedije ète n'opere ca pigghie 'a sistematizzazione d'u sapere umane sus a 'nu determinate argumènde.

'U termine latine rinascimendàle encyclopædia avène da l'espressione greche de Plutarco enkyklos paideia (ἐγκύκλος παιδεία), letteralmènde jndr'ô cerchie d'u sapere. 'U termine pòte pure ccu esse 'ndese cumme istruzione circolare, ce vuè ccu dìce comblete, capace ccu capisce totte le discipline.

Le 'ngeclopedije pòtene ccu esse generale, e tène jndre a lòre vôsce sus a ogne argumènde (lettere, sciènze, arte), oppure specialisteche e concentrarse sus a 'nu specifeche cambe d'a canoscènze (pè esembie 'na 'ngeclopedije de medicine o de felosofije).

'A prime 'ngeclopedije hé state 'nvendate da 'u frangese Denis Diderot.

Pè approfondimènde:

(n'ordene cronologgeche de prime edizione)




#Article 24: Itaglie (883 words)


LItaglie, ufficialmende Repubbleche Tagliàne , ète 'nu State (301.338 km², 60.504.116 crestiane a 'u 30 aguste 2017, capitale Rome) de l'Europe meridionale, 'u territorie coincide pe 'na granne parte cu l'omonime reggione sciugrafeche.

Chiamate pure Penisole pa nature sciugrafeche prevalende soje, stivale pa forme caratteristeche, Belpaese pu clime e pe le bellezze naturale ed artisteche soje, sciugrafecamende l'Itaglie ète costituite de ttrè parte: 'a prime ète quedde condinendale, delineate a nord da le Alpi e a sud da 'na linea cunvenzionale ca congiunge La Spezia cu Rimini; 'n'otra peninsulare, ca se sviluppe jndr'ô Mediterraneo jndr'à direzione de nord ovest - sud est; e 'n'otra insulare, rappresentate principalmende da le doje isole maggiore d'u Mediterraneo, 'a Sardegna e 'a Sicilia e, apprisse quèste, jndr'à l'isole de Pantelleria, stè 'a distanze minime da l'Africa, circa 70 chilometri. Le confine d'u territorie honne 'n'estensione comblessive de 1.800 chilometri, mendre le coste so' longhe 7.500 chilometri. L'Itaglie tène cchiù de 60 milioni de cristiane, pe' 'na densità de circa 199,5 cristiane pe' km².

Confine ad ovest cu 'a Frange, a nord cu 'a Svizzere e l'Austrie e ad est cu 'a Slovenie. Le micrustate San Marino e Cetate d'u Vaticane so' enclave 'nteramende comprese jndr'ò territorio soje, mendre 'u comune de Cambione d'Itaglie face 'na exclave ca stè jndr'à reggione tagliòfone d'u Canton Ticino jndr'à Svizzere.

L'Itaglie ète 'na repubbleche parlamendare; 'u presidente de ôsce d'a repubbleche ète Sergio Mattarella e 'u presidende d'u consiglie ète Matteo Renzi. 'A lenga ufficiale ète le tagliàne. 'A Costituzione prevede 'u bilinguisme c'u tedesche jndr'ô Alto adige e c'u frangese jndr'à Valle d'Aosta.

Da 'u 1871 'a capitale ète 'a cetate de Rome, erede de Firenze, séde provvisorie de le organe statutarije ca sostituì Torino jndr'ô 1865; durante 'a seconde 'uerre mundiale, pe' quase 'n'anne (settèmmre 1943-agùste 1944) 'a capitale ha state trasferite a Salerno, jndr'à Campania.

'U State 'ndependente ed unitarie, nate jndr'ô 1861 come Regne d'Itaglie sotte 'a dinastie de case Savoia, tenève 'n'estenzione territoriale ca non ge combrendeve angore Rome e 'na granne parte d'u attuale Lazie, ca formavano 'u State Pontificie ('ngorporate 'u 20 settèmmre 1870), 'u Veneto e 'u Friuli ca erene parte d'u 'Mbere d'Austrie (pigghiate jndr'ô 1866), 'a Venezia Giulia ed 'u Trendine-Alto Adige pure lóre sotte 'u dominie asburgiche (ottenute dope 'a prime 'uerre mundiale); ha pigghiate 'a forme repubblicane de ôsce 'u 18 giugne 1946 dope 'u referendum d'u 2 giugne indette pe' decidere 'a forme istituzionale d'u State dope 'a fine d'a seconde 'uerre mundiale. Successivamente, l'Assemblea costituende 'u stesse sciúrne d'u referendum ha fatte 'a Costituzione ca, ha trasute in vigore 'u 1º scennare  1948, dà 'a la Repubbliche 'nu carattere parlamentare.

Istituenne (Trattate de Parigge) 'u 18 abbrile 1951, cu 'u Belge, 'a Frange, 'a Germanie Occidentale, 'u Lussemburghe e le Paise Vasce, 'a Comunità europea d'u carbone e d'u acciaie (CECA), l'Itagle ète 'nu membre fondatore d'a Unione europea e ha partecipate a totte le principale trattate de unificazione europea, pure l'ingresso jndr'à l'area d'u Euro jndr'ô 1999. Ete membre fondatore d'a NATO, d'u Consiglio d'Europa e d'a Unione Europea Occidentale, face parte de le Nazioni Unite (pe' 'u biennie 2007-2008 ha state 'nu membre non-permanende d'u Consiglio de sicurezze), ed ète membre d'u G7, d'u G8 e d'u OCSE.

'U significate d'u toponime Itaglie jè angore osce a die condroverse e ha state oggette de studie da vanne de linguiste e de storece; no sembre, comungue, sonde suggerite etimologgie in sienze stritte ma ipotese ca s'azzettane sus a conzideraziune estranee a 'a specifiche recostruzione linguisteche d'u nome, o riferite a tradiziune none demostrate, cumme l'esistenze d'u re Italo o fatte picche verosimile, cumme 'a correlazione d'u nome cu 'a vite.

'U popolamende d'u territorie tagliàne resale a 'a preistorie, epoche d'a quale onne state acchiate 'mbortande testimonianze archeologgeche. L'Itaglie ha state javetate partenne da 'u paleoliteche, periode d'u quale stipe 'nu sbuènne de site archeologgece cumme 'a grotte de l'Addaura, le Balze russe, Monde Poggiolo, 'u ponde de Veja, 'a Grotte Guattari, Gravine in Pugghie, Altamura e Ceprano.

'Nu sbuènne de acchiaminde documendane pure 'u periode neoliteche (culture d'a ceramiche cardiale e culture de le vase a vocca quadrate), l'età d'u rame (culture de Remedello, culture d'u Rinaldone, culture d'u Gaudo), l'età d'u bronze (ingisiune rupestre d'a Val Camoniche, culture de le castelliere, culture appennineche, culture nuraggeche, culture de le terramare, culture protovillanoviane) e l'età d'u firre, duranne 'a quale certe popolazziune raggiungene 'nu belle levèlle culturale e artisteche, cumme 'a civiltà villanoviane.

Pe quidde ca rigaurde l'età d'u firre, ca in Itaglie coingide cu 'u periode preromane, se arrecordane 'a civiltà villanoviane e le popole indoeuropèe trasferite jndr'à l'Itaglie da l'Europe oriendale e cendrale in diverse ondate migratorie; lore se misckarene a le etnie ca già stavane jndr'à 'u territorie, assorbennele, o stabbilenne 'na forme de convivenze pacifeche cu lore; se delinèe jndr'à stu mode 'nzigne da sta epoche 'a suddivisione reggionale d'u territorie tagliàne.

Le 'mbormaziune sus a le javetande de l'Itaglie jndr'à l'epoche preromane sò, jndr'à certe case, 'ngomblete e soggette a verifeche condinue. Popole indoeuropèe, trasferite in Itaglie da l'Europe oriendale e cendrale jndr'à differende ondate migratorie (venete, umbre-sannite, latine, ecc.), se mesckane a le etnie ca esistevane apprime jndr'à 'u territorie, assorbennele, o stabilenne 'na forme de convivenze pacifiche cu lore.




#Article 25: Avetrane (952 words)


Avetrane (Avetrana jndr'à lènghe tagliàne, l'Aitrana jndr'à 'u avetranese) éte 'nu comune tagliáne de 7.094 crestiáne d'a Provinge de Tarde in Pugghie.

'U comune de Avetrana se iacchie jndr'à 'u Salènde jndr'à 'na posizione particolare, jè a 'u confine de le tre provinge salendine de Tarde, de Brinnese e de Lecce jndr'à 'u core culturale de sta subreggione. Quiste se note soprattutte da 'u dialette particolare d'u comune, certe vote ca s'assomigghie a 'u leccese, cu 'na forta 'mbronde brinnesine e cu otre 'nfluenze d'u tarandine.

'U territorie sue ere ggià javetate jndr'à 'u periode Neoliteche, 'nfatte sus 'a via Tarandine vecine 'a località Masseria d'a Marine, a sud d'u paese, onne assute fore tracce de 'nu villagge preistoreche fatte de capanne d'u VI millennie n.C.

'N'otre luèche frequendate jndr'à 'u neoliteche onne state le grotte jndr'à 'u Canale de San Martine, addò le reperte acchiate onne state purtate jndr'à 'u Musèe Archeologgeche Nazionale de Tarde.

'Mbortande cose onne state acchiate jndr'à 'u XIX sechele relative a 'nu sacche de arme de l'età d'u bronze jndr'à zone Strazzati-Sinfarosa, a nord d'u paese.

Vecine a 'u cchiù andiche tracciate d'a via Traiana (dette pure via Sallentina), jndr'à località de San Frangische onne state acchiate 'nu sbuènne de reste de 'na ville rustiche romane.

'Nu sbuènne erane pò le casale, 'nzediaminde piccinne apprime de le messapece, pò de le romane e spicciane de le medievale lassate apprisse le 'ngursiune saracene.

'U paese osce a die ste sus a 'u seconde tracciate (tarde 'mbere) d'a 'mbortande arterie stradale ca jndr'à l'epoche messapeche apprime e cchiù nnande quedda romane collegave Tarde, Manduria, Nardò, Leuca e Otranto: 'A Via Traiane Messapeche, dette pure da certe storece via Sallentina.

'Na tracce de epoche romane, probbabbilmende d'u prime sechele, jè 'u canale romane (frate de l'omonime canale de Manduria). Jè 'nu canale luènghe cchiù o mene doje chilometre, larije ttre metre e profunne 'nu pare, dritte dritte in direzione nord-sud, se iacchie a est d'u paese e faceve scè le acque de le piogge jndr'à 'u canale naturale de San Martine. Osce 'u tratte nord ha state quase tutte scangellate da le cave de estrazione de conge de tufe, invece a sud, pure ca in parte jè affogate da chiangune e petre varie angore osce se 'ndruche bbuène. Attraverse 'a strade de Nardò e jndr'à quidde tratte jè chiamate Ponde Rescio (da 'u nome d'a masserie ca ste addà vecine).

Cu 'u nome de Vetrana ha state feudo de 'nu sacche de famigghie duranne 'a tirannide feudale. Jndr'à 'u 1481 passò a 'a signorie de le Pagano, cumme dote de Colella o Ippolita, figghie de Frangische Montefuscoli, mugghiere de Galeotto Pagano. Sotte a le Pagano se accumenzò 'a costruzione d'a nova chiesere matrice (prima chiesere) e de le mure, ca osce a die so probbie picche ca se ne 'ndruchene.

Duranne 'a signorie de le Pagano 'u territorie ha state tiatre de certe scondre: presse 'u casale de San Giuliano (probbabbilmende quedda ca osce a die jè 'a masseria San Paolo), truppe 'mberiale de Carlo V avenèrene sconfitte da 'nu contingende frangese. Jndr'à 'u 1547 pirate turche sbarcarene vecine Torre Columena.

Jndr'à 'u 1587 Avetrana avenìe vennute da Carlo Pagano a Giuanne Andonie Albrizi, ca devendò signore de Avetrana. 'U castelle jndr'à 'u 1644 ere de proprietà d'u vescove Geronimo di Martino e jndr'à 'u 1656 passò a le Romano e pò cchiù nnande, devendò propretà de Michele Imperiale, marchese de Oria e pringipe de Francavilla. 

Non ge se pò escludere ca jndr'à 'nu prime mumende le Romano puterene essere state le conestabbele de le Imperiali e pò cchiù nnande, cu l'accattamende dirette, le Signure de Avetrana.

Jndr'à 'u 1782, sparite 'a famigghie Imperiale, Avetrana passò a 'u fische regge e da quiste vennute a Massenzio Filo, rumanenne in probbietà d'a famigghie 'mbonde a l'abolizzione d'a faudalità jndr'à 'u 1806. Rumanerene de probbietà d'a famigghie 'mbonde a l'inizie d'u Novecinde diverse possedeminde, 'mbrà le quale 'u palazze, pò cedute a 'u lore amministratore e frazionate jndr'à 'nu sbuènne de probbietà.

Jndr'à 'u 1929 'na rivolte contadine avenìe duramende represse da 'u reggime fasciste.

Quanne accumenzarene le anne ottande Avetrana ha state sede de manifestaziune d'u movimende andinucleare, condre a 'a volondà, manifestate da vanne d'a reggione Pugghie e da 'u guverne nazionale, de sckaffà 'na cendrale elettronucleare jndr'à 'u territorie avetranese. Volondà spezzate da 'u Referendum Popolare ca signò l'abbandone d'a tecnologgie nucleare pa produzione de corrende elettreche jndr'à l'Itaglie.

Jndr'à 'u territorie esistene grotte de nature carsiche e certe reste archeologgece.

Spiccianne, jndr'à località La Crava osce a die stonne e studiane da vanne de l'Università de le Studie de Rome La Sapienza 'nu giacimende fossilifere.

Urmo Belsito (o semblicemdene l'Urmo) jè 'na località ca se iacchie 'mbrà Avetrana (da 'a quale ste lundane 4 km) e 'u mare (da 'u quale ste lundane 2 km). Suggestive 'u panorame ca se pò ammirà ca spazie sus a 'nu stuèzze de specchie de mare e de coste 'mbrà Gallipoli e Marugge. 'U villagge, addò se iacchiane strutture cumme 'nu cambe sportive e 'na chiesere, jè javetate soprattutte jndr'à 'u periode estive.

Urtemamende s'a sviluppate 'u settore turisteche, sfruttanne 'a vicinanze a 'a coste, sulamende 5 km, cu 'n'offerte de strutture ricettive de tipe agrituristeche o Bed  Breakfast.

Le collegaminde stradale prengepàle sonde rappresendate da:

Osce a die se ste costruisce 'a strada nove Tarde - Avetrana ca avessa fà devendà cchiù veloce 'u raggiungimende de ste doje cetate.

L'aeropuerte de Tarde-Vurtàgghie Marcello Arlotta ca però non g'è in funzione. L'aeropuerte chciù vecine, ca serve 'u bacine joneche mediterranèe e pure 'u Comune Salendine de Avetrana, jè l'Aeropuerte d'u Salende de Brinnese, eppure ste l'aeropuerte 'ndernazionale de Bari Karol Wojtyla.




#Article 26: Bezzecca (242 words)


Bezzecca éte 'na frazione de 592 crestiáne d'u comune de Ledro in Provinge de Trende.

Ere 'nu comune ca inzieme a le otre ex comune de Tiarno de Sus, Tiarno de Sotte, Concei, Molina di Ledro e Pieve di Ledro facevane parte de l'Aunione de le comune d'a Valle de Ledro e s'onne mise inzieme da 'u prime scennare 2010 jndr'à 'u comune nuève de Ledro.

'U 21 luglie 1866 ha state tiatre d'a famose Battagghie de Bezzeccca, quanne le garibbaldine d'u Cuerpe Volndarie Tagliàne de Gesèppe Garibaldi respingerene 'n'attacche forte forte de le austriace, jndr'à 'u corse d'a Terza uerre de indipendenze. 'U tenende Carlo Tortima ca partecipò a 'a battagghie vedìe murè 'u colonnelle Giuanne Chiassi. Pigghiò le sperone e inzieme a 'a divisa soje cu le decoraziune ne facìe riale a 'u Musèe Nazionale de Mentana apprisse ca avere partecipate a 'a Cambagne d'u 1867. Ha state probbie a Bezzecca ca Gesèppe Garibaldi decìe 'a famosa parole Obbedisco.

'A circoscrzione territoriale ha avute ste cangiaminde: jndr'à 'u 1928 s'aggregarene le comune soppresse de Enguiso, Lenzumo, Locca e Pieve di Ledro; jndr'à 'u 1952 distacche de le territorie pa recostruzione de le comune de Pieve di Ledro (Censimende 1951: pop. res. 213) e d'u comune nuève de Concei, ca combrendeve le territorie de le ex comune de Enguiso, Lenzumo e Locca (Censimende 1951: pop. res. 780). 

Bezzecca ha state sede de arrive de tappe d'u Gire d'Itaglie jndr'à 'u 1966




#Article 27: Bitonto (277 words)


Bitonto éte 'nu comune tagliáne de 54.508 crestiáne d'a provinge de Bare jndr'à Pugghie.

'A storie de Bitonto chemmenze jndr'o Paleolitieche, grazzie a l'inzediaminde umane jndr'àlla sponde d'u fiume Tiflis.
Pe kusse fatte, 'o burrone addò stevene re primme crestiane je chiammate Lama (pietre) Balice.

Jndr'o prime millennie nanze Criste, se 'mbosseserene de la zone re grice. Jndr'àlla cetate de Bitonto honne retreveute re riste d'u tembie d'Atena e qualche monete proveniende dalla cetate de Tarde, june de re luche chiù mbortante d'la Magne Grecije.

Doppe de la conguiste de Bare da parte de Ruggero normanno, pure 'a cetate de Bitonto devenne de proprieté normannese.
Re normanne rimetterene apposte la cetate, costruirene re mure de protezzione e criarene 'u Ceccevizze (tagl.:Cicciovizzo), nu quartire normanne.
Jndr'o periode normanne acchemenzerene re costruzzione de chiese e jalte munemende storece bitondìne.

Jndr'o 1734, venne combattiute a Bitonto 'na battaglie, ca vedde contrappondìute re Borbone d'u Regne d'u sud Itaglie, e re spagnule.
Se tenette la battaglie, che re bitondìne ca stevene tutte jndr'alla cetate. Re surdate da soppe'o Torrione vederene l'avanzate de re spagnule ca velevene radere terra-terre la cetate. Doppe na lunga battaglie, pe re bitondìne arreveje 'u momende de preghé pe cercà de scunfiggere re spagnule. La Madonna 'mmaculata, seconne 'a tradizzione, annò nanze 'a u cape Montemar de re spagnule, e desse ca Bitonto nan aveva jesse attequeute. 'U cape ordenò la reterate.

La cetate de Bitonto se trove jndr'àlla Pugghie, jndr'àlla Provinge de Bare. S'estende fing sope 'a re Murge, e fing'o 1928 tenev pure nu sbocche sope 'o mare e nu porte. U terretorije cetatine d'u periode jeve 'u seconne chiù granne d'a Pugghie doppe Lecce.




#Article 28: Brinnese (7268 words)


Brìnnese (tagliàne: Brindisi - IPA: , Brandizio jndr'à 'u tagliáne andiche, Brinnisi jndr'à 'u brinnesine, Brundisium jndr'à latine, Brentèsion (Βρεντεσιον) o Vrindhision jndr'à 'u greche andiche, Brunda jndr'à 'u messapeche) éte 'nu comune tagliáne de  crestiáne, capeluèche d'a provinge omonime jndr'à Pugghie.

Cendre 'mbrà le cchiù popolose d'u Salènde, jndr'à Pugghie, 'a cetate ave 'nu ruole 'mbortande assaije a levèlle commerciale e culturale, grazie 'a posiziona soje verse Oriende e a 'u puèrte sue, angore osce die esistende, sus a 'u mare Adriateche. Ha state sede provvisorie d'u guverne jndr'à 'u Regne d'Itaglie da 'u 1943 a 'u 1944. 'U comune jè membre de l'area vaste brinnesine addò jè capefile.

Cu 'nu valore aggiunde procapite pare a 25.037 euro jndr'à 'u 2009, Brinnese jè a 'u 5º poste 'mbrà le comune d'a Pugghie.

Brinnese nasce sus a 'nu puèrte naturale, 'n'insenature ca se sckaffe jndr'à coste adriateche d'a Pugghie. A 'u 'nderne de le vrazze cchiù de fore d'u puèrte stonne le isole Pedagne, 'n'arcipelaghe piccinne piccine ca osce a die no se pò scè 'ndrucà pe mutive militare (Gruppe Scole Onu, base fatte a le tiembe d'u 'ndervende jndr'à Bosnie).

Presendanne 'na morfologgije d'u territorie pianeggiande, 'u 'ndere territoriale comunale tràse jndr'à piane de Brinnese e se caratterizze pa vocazione agricole de le terrene sue. Se iacchie jndr'à vanne nord-oriendale d'a pianure salendine, a cchiù o mene 40 km da 'a Valle d'Itrie e quinde da le prime stuèzze de le vasce Murge.

'Nu picca lundane da 'a cetate se iacchie 'a Reserve naturale statale Torre Guaceto. 'U mare Ionie se iacchie invece a cchiù o mene 45 km.

L'arèe comunale settendrionale jè vagnate da 'u prengepàle corse d'acque d'u Salènde, 'u Canale Reale ca iesse vecine a Torre Guaceto.

'U territorie brinnesine jè caratterizzate da 'na granne area sub pianeggiande da 'a quale iessene deposite calcarenitece e sabbiose de origgene marine; le quale presendane 'nu levèlle profonne argillose d'u pleistocene 'nferiore, e une angore apprisse carbonateche fatte da calcare mesozoice e da terrene d'u cicle sedimendarije d'a Fosse bradaniche. 'U svelupe de l'agricolture, soprattutte quedde indensive, ave causate 'n'aumende de l'auuse de le resorse idriche purtanne però 'n'aumende indiscriminate de le ause sue.

In base a le medie de referimende de le urteme trend'anne (1961-1990), 'a temberature medie d'u mese cchiù fridde, scennare, arrive chciù o mene a +9,6 °C, invece quedde d'u mese cchiù cavede, aguste, arrive 'nzigne a +25 cu punde ca ponne arrevà 'nzigne a le +35-40 °C. Le precipitaziune medie de ogne anne, 'nferiore a le 600 mm, presendane 'nu minime jndr'à primavere-staggione e 'nu picche jndr'à l'autunne-inverne.

'U toponime latine Brundisium, attraverse 'u greche Brentesion, face arrecurdà 'u vocabbole messapeche Brention: cape de cerve.

'U nome d'a cetate pare, quinde, ca se referisce a 'a forme d'u puèrte ca richiame 'a forme d'a cape de l'animale.

Cetate andichissime, porte d'Oriende, jè 'nu crocevie de culture e crestiane, ave vissute 'na storie ca 'nghianave e scenneve, caratterizzate da belle periode ricche assaije e periode de decadenze, sembre in strette correlazione a 'a posizione sciugrafeca soje e a 'mbortanze d'u puèrte sue.

Jndr'à 'u promondorie de Punte de le Terrare, ca se iacchie jndr'à 'u puèrte de fore, ha state acchiate 'nu villagge de l'età d'u bronze medie (XVI sechele n.C.) addò 'nu gruppe de capanne, prutette da 'nu terrapiene de petre, ave restituite frammende de cerameche micenèe. Pure Erodote avere parlate de 'n'origgene micenèe pe ste popolazziune. 'A necropoli de Tor Pisana (a sud de quidde ca osce a die jè 'u cendre storeche de Brinnese) ave date vase protocorinze d'a prima metà d'u VII sechele n.a.C.. 'A Brinnese messapeche mandenìe securamende de le rapporte commerciale 'mbortande cu 'a coste adriateche de fronde e cu le popolazziune greche de l'Eggèe: ste rapporte osce a die sò documendate da 'nu sbuènne de reperte archeologgece mendre ha state assaije in condraste cu 'a cetate de Tarde vecine a jedde.

Jndr'à 'u 267 n.C. Brinnese, cumme a tutte 'u Sàlende, avenìe conguistate da le Romane e devendò 'nu scale 'mbortande assaije pa Grecie e l'Oriende, a le brinnesine avenìe recanusciute 'a cetadinanze romane (240 n.C.) e quinde avenìe 'nzippate a ranghe de municipie jndr'à 'u 83 n.C.. 'A cetate canuscìe durande 'u periode romane l'età soje cchiù 'mbortande e tenève de le collegaminde stradale 'mbortande cu Rome ausanne le consolare Appie, 'a Regina Viarum, e 'a vie Traiane. Crocevie culturale, soprattutte pe ce sceve jndr'à Grecie pe mutive culturale, ave date le natale a 'u poete Marche Pacuvio, 'u cchiù granne tregediografe latine, nepote de Quinde Ennie, ca avenève conziderate da Cicerone l'attane d'a letterature latine; Giulie Cesare e Ottaviane se 'mbarcarene da Brinnese pe scè jndr'à l'Eggitte; Marche Tullie Cicerone rumanìe purcé ere ospite de Lenio Flacco e aqquà screvìe le Lettere Brinnesine (Lettere Brindisine); a Brinnese rumanìe pure Orazio, accumbagnate da Mecenate; ha state mete d'u sbarche de Agrippine cu le cenere de Germaniche; 'u famose Virgilie murìe 'u 21 settemmre 19 n.C. probbie turnanne da 'nu viagge da 'a Grecie. Jndr'à 'u periode de massime splendore de Rome, Brinnese rappresendave forse 'u puèrte cchiù 'mbortande de tutte 'u 'mbere; probbie 'u scale sue devende 'mbortande jndr'à 'u Medioeve pe le crociate jndr'à Terrasande, e jndr'à 'u XIX sechele pu collegamende 'mbrà Londre e le Indie Oriendale (assaije chiaute 'nglise ca resale a 'a seconde metà d'u Uetteciende stonne jndr'à 'u cambesande comunale prengepàle).

Sede episcopale 'nzigne da l'età apostoleche, Brinnese ha state 'nu cendre 'mbortande pe l'evangelizzazzione d'a zone. Spicciate 'u periode fortunate sotte a 'u 'Mbere romane, 'a cetate ere ggià desilate jndr'à 'u VI sechele quanne avenìe occupate da le Gote; jndr'à 'u 674 avenìe pigghiate da le Longobbarde guidate da Romualde e pò assaltate da le Saracine jndr'à 'u 838; e pò angore turnò sotte a 'u condrolle de le 'mberature bizzandine ca se preoccuparene de costruirle arrete, pò essere ca a le inizie d'u XI sechele, 'ngarecanne 'u protospatarie Lupe.

Jndr'à 'u 1070 avenìe conguistate da le Normanne devendanne parte d'u Pringipate de Tarde e d'u Ducate de Pugghie; ha state 'a prima signorìe de le conde de Conversane e pò, apprisse 'a revolte baronale d'u 1132, cetate demaniale pe volere de Ruggere II; 'a cetate pugghiese recuperò pe 'nu picche 'u faste d'u passate durande 'u periode de le Crociate, quanne avìe arrete 'a sede episcopale, 'ndrucò 'a costruzione d'a cattedrale nove e de 'nu castelle nuève cu 'nu arsenale 'mbortande, devendò puèrte privileggiate pa Terra sande e pure sede de une de le zecche d'u Regne de Sicilie.

Ha state jndr'à Catterale de Brinnese ca se facerene le nozze d'u pringipe normanne Reggere, figghie de re Tancredi (ca jndr'à 'u 1192 lassò a arrecorde 'na fundane monumendale) e quedde d'u 'Mberatore Federiche II de Svevie, cu l'erre a'a corone de Gerusalemme, Isbelle (o Jolande) de Brinesse (9 novremmre 1225) e, sembre Federiche II, partìe probbie da 'u puèrte de Brinnese jndr'à 'u 1227 pa Seste crociate.

Avenìe fortemende colpite da 'a peste gnore e recuperò, chiane chiane, le andiche dimenziune demografeche grazie a 'mbortande flusse migratorie de slave, albanise e grece ca arrevavane da oltre 'u mare.

Da 'u 1496 a 'u 1509 appartenìe a Venezie pe pò passà sotte a 'u dominie spagnole. Probbie sotte a 'u periode vicereale accumenzò 'nu periode luènghe de decline, de pare passe a 'u progressive impaludamende d'u puèrte.

Stu guverne gestite male purtò 'a cetate jndr'à 'na situazione brutte assaije, mendre 'a dominazione spagnole avere fatte de Brinnese 'nu pole strateggeche pa releggione cattoleche ('nfatte 'a cetate cundave cchiù o mene 36 convende); l'aristocrazie viveve jndr'à dissolutezze cchiù assolute, 'u popole mureve de fame assaije probbie. Scucciate da sta situazione drammateche, 'u 5 sciugne 1647 doje commerciande navale piccinne navali Teodore e Dunate Marinazzo organizzarene e aizzarene le crestiane cu 'na revolte ca vedìe 'a priggionìe d'u sinnache e l'asckuamende d'u palazze d'a zecche, l'assalte a le dimore de le nobbele a 'u servizie d'a Spagne e spicciò cu l'instaurazione de 'na specie de guverne autonome. 'A revolte avenìe fermate sulamende 'n'anne apprisse quanne avenìe mannate 'na flotte a espugnà 'a cetate, le frate Marinazzo avenèrene però catturate e 'mbiccate a Napule 'u 29 scennare 1650.

Cu 'a dominazione successive borboneche se avìe 'nu periode de crescite economeche: jndr'à 'u 1775, sotte a Ferdinande I de le Doje Sicilie, avenìe attivate arrete 'u canale d'uscite d'u puèrte 'nderne e avenèrene resanate le palude 'nzeccate 'a cetate.

L'annessione a 'u Regne d'Itaglie, jndr'à 'u 1860, e l'aperture d'u canale de Suez, jndr'à 'u 1869, purtarene 'a cetate 'na linfe vitale nove, ca permettìe de devendà 'u terminale preferenziale pa Valigge de le Indie e 'mbortande snode mercandile pa granne ex colonie brittanneche.

Durande 'a seconda uerre mundiale Brinnese devendò sede d'u comande alleate pu vasce Mare Adriateche, pigghianne 'n'imbortanze stratteggeche forte assaije e pajanne stu ruole cu 'nu sbuènne de bombardamende jndrìà zone storeche. 'Mbrà 'u settemmre 1943 e 'u febbrare 1944, successivamende a 'a fusciute de Vittorio Emanuele III da Rome, 'a cetate offrìe refugge a l'indera dinastie devendanne pe sei mise sede temboranèe d'u guverne.

'U site Comune tagliàne descrive 'u stemme d'a cetate jndr'à stu mode:

'U stemme d'a cetate de Brinnese, pigghie origgene da certe caratteristeche peculiare de l'andiche cetate de Brinnese, quacched'une de lore angore osce a die se ponne 'ndrucà. 'A cape de cerve derive da 'u toponime messapeche d'a cetate Brention, toponime ispirate da 'a forme d'u puèrte cetadine, ca arrecorde, appunde, le ramificaziune de le corne de 'nu cerve: quiste jè 'ndrucabbele angore osce a die da le fote satellitare, ca evidenziane le doje sene, de levande e ponende, addò 'u puèrte jè divise. Jndr'à 'u stemme stonne pure presende le accussìditte culonne terminale d'a Vie Appie, 'ndrucabbele osce a die sus a quedde ca jè comunemende chiamate 'a Scalinate Virgilie.

'A cetate de Brinnese stipe 'nderessande testimonianze monumendale da l'andichità a l'età moderne. Jndr'à le prossime righe stonne le luèche de inderesse cchiù 'mbortande:

Jndr'à l'ambite territoriale d'u comune se iacchiane de le arèe ambiendale prutette, quacchedune de chiste istituite da picche:

Brinnese ha state oggette de 'na granne emigrazione durande 'u Noveciende, accussì cumme tutte le cetate d'u Mezzoggiorne. L'emigrazione regaurdave soprattutte le fasce sociale cchiù vasce ca lassavane le cambagne. L'emigrazione pò essere recondotte jndr'à doje ondate granne granne. 'A prime, ca ave avute 'u massime jndr'à le anne apprimme e apprisse 'a prima uerre mundiale, ave pe destinazione prengepàle le Americhe (State Aunìte, Argendine, Brasile), pe pò sce verse l'otre paise de l'Europe cendre-settendrionale, ca devendò accussì 'a destinazione prengepàle de l'emigrazione pugghiese. Quedde apprisse 'a seconda uerre mundiale, purcé stave 'u sveluppe industriale de certe arèe settendrionale d'u Paese: 'u Piemonde e 'a Lombardie, soprattutte a Melane.

Partenne da le anne sessande cu 'a realizzazzione d'u granne petrolchimeche ca sceve a aggiungerse a le 'mbrese meccaneche e aeronavale, Brinnese putè garandìe opportunità de fatìe a tecnice e operaie. 'A cetate canuscìe quinde 'na immigrazione reggionale piccenne, attiranne famigghie da le province 'nzeccate.

'N'otre capitole 'mbortande jndr'à demografije cetadine ha state securamente l'esode albanese d'u 1990-1991 (ca avveramende ave durate ninde ninde dece anne) ca purtò jndr'à 'u puèrte de Brinnese ondate de sbarche de immigrate. Jndr'à l'emergenze le cetadine facerene 'na granne fatìe pe dà 'na màne a le crestiane ca sbarcarene, le cetadine averene 'na granne solidarietà verse le albanise. 'Nu sbuènne de crestiane carresciarene bene de prima necessità, offrirone cibe e acque a le tanda albanise ca arrevarene jndr'à chidde nave-rottame addò le crestiane stavane a fiche, apprisse 'u passagge da 'u Canale de Otrande.

Ce duranne le anne novande l'emigrazione verse 'u node se avere redotte, jndr'à l'urteme decennie 'a crise de l'industrie labour intensive, non supportate da 'na diffusione de le 'mbrese medie e piccele sus a 'u territorie, e le anne de ferme de l'economije tagliàne e, angore de cchiù, de quedda meridionale ave fatte sine ca 'u fenomene, soprattutte quedde de le uagnune, accumenzasse arrete forte forte. A pigghiarne 'u beneficie onne state soprattutte le pole cchiù attrattive d'u Paese: le 'ndustrie d'u nord est, le cetate granne cumme Rome, Melane e Bologne ca, angore osce a die, sò sie pe le mutive de fatìe, ca pe mutive de studie le mete privileggiate de migliaie e migliaie de brinnesine. 'U circole viziose de Brinnese eppure d'u Mezzoggiorne jè ca, essenne luèche de partenze de fatiature e studinde universitarie ca se spostane, se 'mboverisce de capitale umane, provocanne jndr'à 'u medie e lunghe periode 'nu retarde de sveluppe jndr'à 'u tessute economeche e suggiale.

Osce a die, Brinnese, jè 'na cetate ca canosce pure 'na regolare immigrazione extracomunitarie, pure ce le valore sò lundane da chidde de le cetate d'u Nord Itaglie.

Le furastire regolare residende sò  pari a 'u 2.42% d'a popolazzione brinnesine. 'A comunitate cchiù granne ha state pe 'nu sacche de tiembe quedde albanese, osce a die supranate da quedda rumene. 'U numere de albanise ca onne decise de rumanè jndr'à cetata pugghiese jè, comungue, assaije trascurabbele respette a le crestiane ca onne passate. Brinnese, infatte, ave rappresendate, e angore osce a die rappresende, pe stu popole balcaneche 'u prime passe versel'Itaglie e l'Europe occidendale.

'U numere ierte de statunitenze se spieghe da 'u fatte ca, 'mbrà Brinnese e San Vite de le Normanne avenìe installate, e ave operate jndr'à totte 'a seconde metà d'u Noveciende, 'na stazione de l'areonauteche militare statunitenze. Pure ca 'a base non g'è cchiù operative da anne, 'nu sacche de militare onne decise de rumanè a vivere jndr'à cetata pugghiese.

'A presenze de le 'nglise jè 'u resultate de 'nu fenomene ca, da ninde ninde 'nu decennie a sta vanne, pare conzolidarse jndr'à 'u territorie: 'n'immigrazzione da vanne de famigghie d'u Nord Europe, soprattutte 'nglise e irlandese. Ste famigghie, de solite fatte da penzionate, decidene de accattà de le ville jndr'à cambagne brinnesine e goderse tutte l'anne de le belle temberature d'u poste. Stu fenomene, assaije recende jndr'à Pugghie, jè canusciute cumme Salentoshire, neologgisme scherzose sus 'a falsarighe d'u Chiantishire, ca se referisce a 'u conzolidate turisme 'nglese jndr'à Toscane.

Aquuà sotte le date statistece d'a combosizione migratorie jndr'à cetate de Brinnese:

'U dialette brionnesine jè 'na variande d'u salendine e, pure ca stonne de le differenze piccenne 'mbrà le comune, 'a radice rumane 'a stesse. Avène parlate, jndr'à 'u territorie de quacche comune 'nzeccate e, cu quacche differenze, jndr'à otre comune d'a Provinge de Tarde. 'U brinnesine, pò, 'nfluenze certe dialette d'u nord leccese e d'u sud brinnesine.

Da 'u dialette salendine standàrd cange, apparte ca pa pronunge de certe parole, pure pa caratteristeche de cangià 'a e finale de parole jndr'à 'u tagliàne cu 'a i. 

Pe esembie:

'U gruppe d'a doppie ll jndr'à 'u tagliàne, addevende dd jndr'à 'u brinnesine

Pe esembie:

'A diocesi avenìe 'nzippate jndr'à 'u IV sechele, 'u prime vescove sue ha state San Leucio. Jndr'à 'u X sechele apprisse 'a destruzione d'a cetate fatte da le saracine, le vescove stabbilirene 'a probbie residenze a Orie. Ha state jndr'à stu sechele ca avenìe stabbilite 'a diocese de Ostune, apprime aunite a 'a diocesi de Monopoli e probbabbilmende erede de l'andiche diocesi de Egnazia. Sembre jndr'à 'u X sechele o jndr'à quidde successive ca 'a sede de Brinnese avenìe 'nzippate a ranghe de arcidiocesi metropolitane. Già jndr'à 'u 1010 comungue Brinnese tenève doje suffraganee : Ostune e Monopoli. 

Jndr'à 'u 1591 l'arcidiocesi oritane e brinnesine avenìe smebrate: Brinese stipò 'u titole de arcidiocesi invece Orie devendò sede vecovile indipendende.

'U 30 settemmbre 1986, cu decrete d'a Congregazione de le vescove, l'arcidiocesi de Brinnese e 'a diocesi de Ostune avenèrene aunìte sede plena jndr'à l'arcidiocesi de Brinnese-Ostune. 'A diocesi nove avenìe recanusciute civilmende 'u 20 ottommre 1986, cu decrete d'u Ministre d'u 'Nderne.

'U sande patrone d'a cetate de Brinnese jè San Teodore de Amasea, addò jndr'à pondificie basiliche Cattedrale, in chiazze Duomo, stonne le reliquie. Pe stu mutive, 'a cetate jè da sechele mete de pellegrinagge, pure da vanne de le crestiane ortodosse. Jndr'à seconda metà d'u Noveciende pure San Lorenze da Brinnese, apprisse 'a proclamazziona soje a dottore d'a Chiesere, ha devendate patrone 'nzieme a San Teodore de Amasea.

Significative jndr'à sta terre jè 'u culte d'u tarandisme, ca mmescke tradiziune pagane e crestiàne. Jndr'à 'u passate se credeve, infatte, ca le femmene ca faceve 'ndrucà forme de isterìe, avèrene state pungiute da 'a tarandole. L'uneche rimedie canusciute ere quidde de ballà senza fermarse pe sciurnate 'ndere, accussì ca 'u velene spicciave l'effette sue.

Ausanne 'a museche e 'u balle se putevene guarì le tarandate, facenne 'nu vere e probbie esorcisme a carattere musecale. Ogne vote ca 'nu tarandate faceve 'ndrucà le sindome de sta malatìe, le sonature de tamburrelle, violine, mandulline, chitarre e organette scevene jndr'à l'abbitazione d'u tarandate e accumenzavane a sunà 'a pizzeche, museche da 'u ritme freneteche e sfrenate. 'A pizzeca brinnesine, a differenze de quedda leccese, se presende libbere da refereminde crestiane e cu 'nu repertorie terapueteche-musecale particolare.

'A cetate ave, da sembre, costituite 'nu avamboste 'mbortande assaije de le Forze armate tagliàne, in particolare d'a Marine militare e de l'Aeronauteche Militare. 

Osce a die ospitesce ste installazziune militare:

Jndr'à cetate stonne presende 'na base loggisteche de le Naziune Aunìte (UNLB) e 'a prime de le Base de pronde indervende umanitarie de le Naziune Aunìte. 

L'UNLB, attive da 'u 1994, receve materiale ca avène da le missiune ca stonne achiudene o ca onne state ridimenzionate, ispezione, repare, mette jndr'à 'u majazzine e manne stu materiale a le operaziune de pace e umanitarie ca ne fanne richieste; appronde e mandène jndr'à condiziune de efficienze le accussìditte start up kits, ca sò tutte chidde materiale e attrezzature necessarie a l'aperture de 'na missiona nove; opere da cendre de smistamende, o hub, de le telecomunicaziune satellitare pe le Naziune Aunìte.

Pe anne 'a cetate ave rappresendate 'u punde nevralgeche d'u traffeche de sigarette de condrabbanne e, di mene, de droghe ca avenène da le Pajesere balcanece.

'A cetata pugghiese ere 'u passagge illecite de sigarette, de fatture soprattutte cinese, jndr'à l'Itaglie e jndr'à otre destinaziune comunitarie (in particolare Frange, Belgie, Granne Bretagne).

Pe furtune 'u State, jndr'à stu case, ave riuscite a eliminà 'a criminalità pugghiese e a dà 'nu belle colpe accume se deve a 'u condrabbanne brinnesine. 'U fenomene, 'nfatte, jè conziderate quase combletamende sparite, invece, seconde 'a Direzione Investigative Andimafie osce a die 'a criminalità organizzate pugghiese ha state 'ndebbolite assaije e marginalizzate, presendanne a osce 'na frammendazzione ierte e 'nu sbuènne de recambie 'nderne.

L'Aggenzie nazionale per le tecnologgije nove, l'energie e 'u sveluppe economenche sostenibbele  (ENEA) se iachie a Brinnese 'nzigne da le prime anne novande d'u vendesime sechele cu 'n usportelle tecnologgeche. Jndr'à 'u 2001 l'ENEA ave conzolidate 'a presenza soje jndr'à cetate, relevanne le strutture d'u Cendre nazionale pa recerche e 'u sveluppe de le materiale (CNRSM) e ccrejanne 'nu probbie Cendre de recerche jndr'à 'u 'nderne d'u Cambus Cittadella della Ricerca ca se iacchie sus 'a strade statate 7 Vie Appia.

Osce a die operane jndr'à 'u Cendre l'Aunità tecniche sciendifeche materiale e tecnologgije nove (MAT), l'Aunità tecniche sciendifeche fusione (FUS), l'Aunità tecniche sciendifeche tecnologgije fiseche avanzate (FIS) e 'u Proggette speciale clime globbale (CLIM).

Da segnalà 'a presenze de l'Istitute tecniche nauteche Carnaro (44 jndr'à totte l'Itaglie) e de l'Istitute Professionale Alberghiere Sandre Pertini 'nzerite jndr'à l'elenghe de le megghie istitute alberghiere d'eccellenze d'Itaglie. e spiccianne, cu 'a presenze sus a 'u territorie de l'Istitute Ettore Majorana ca ave trasute a fà parte de le 15 scole tecnologgeche 2.0 d'Itaglie.

Aqquà ave nate Marche Pacuvio, drammaturghe, ca faceve 'na produzione de opere sulamende traggeche; ne onne state mannate 'nfatte, dudece titole de fabulae cothurnatae e 'nu sacche de frammende da traggedie singole. Pacuvio screvìe pure 'na fabula praetexta, cioè 'na traggedie de ambiende romane, 'u Paulus, ca tenève cumme protagoniste Lucie Emiglie Paole, 'u vengetore a Pidna.

'Mbortande 'a presenze a Brinnese jndr'à 'u I sechele n.C. d'u mecenate Lenio Flacco ca avere cangiate 'a casa soje, ca s'acchiave sus a le colline settendrionale d'u puèrte, jndr'à 'nu cenacole de culture: ospitave artiste, letterate, scienziate e poete, 'mbrà le quale Orazio e soprattutte l'amiche fraterne Marche Tullio Cicerone, in particolare jndr'à l'occasione de l'esiglie sue d'u 58 n.C..

A Brinnese avè soggiornate pure Virgilie duranne 'a stesure de l'Eneide e acchiò 'a morte jndr'à 'u 19 n.C..

Aulo Gellio jndr'à le Noctes Acticae, scherzanne scherzanne, parle de Brinnese cumme de 'na cetate addò 'a culture ere assaije diffuse e addò se putevane acchià a prizze belle belle teste jndr'à lènga greche.

Non ge ste tracce de le opere de 'na Clodia Anthianilla, 'na poetesse brinnesine uagnedde, ca ste stipe sulamende 'na statue (ca avène da l'arèe d'u fore d'a cetate) cu 'nu basamende ca porte 'n'iscrizione de elogge de 'na commozziona rare probbie.

Lupe Protospata anghìe jndr'à l'XI sechele 'nu Chronicon: ce non g'ha state cu certezze 'nu brinnesine, ere comungue 'nu pugghiese. Le cchiù bellee verse dedicate a Brinnese avenèrene comboste da 'u 'mberatore Federiche II de Svevie, ca accussì candò 'a cetate ca penzave 'a capitale de tutte le cetate de mare: Filia Solis, ave, / nostro gratissima cordi.

Jndr'à 'u XVI sechele jndr'à cetate nascìe 'nu granne letterate ca avìe fame jndr'à cetate de Venezie: Lucio Scarano, ca ha state pure 'nu felosofe e pure une de le fondature de l'Accademie Veneziane (1593).

Erudite, scretture de cose releggiose o auture de storie locale onne state 'mbrà 'u Cinghecinde e 'u Seicinde Necole Taccone (XVI sechele), ca avere state poete jndr'à lènga latine, Giuanne Battiste Casimiro (XVI sechele), l'arcivescove Giuanne Carle Bovio (1522-1570), 'u gesuite Lelie Fornari (1545–1612), Andonie Monetta (1556–1620c.), Giuanne Marije Moricino (1558-1628), 'u sande cappuccine Lorenze da Brinnese (1559-1619), 'u frangescane Bernardine Selvaggi (1600c.-1679).

L'arcivescove Annibale de Leo (1739-1814), uemme de 'na granne culture, ave legate 'u nome sue a 'u Codece Diplomateche Brinnesine (jndr'à 'u tagliàne Codice Diplomatico Brindisino), ma ha state autore pure de diverse scritte de erudiziona profonne e avìe condatte pure cu le megghie studiuse de quidde tiembe.

'A poesie vernacolare ave avute le cchiù granne esponende cu Agustine Chimienti (papa Ustinu) (1832–1902) e Pascale Camassa (1858-1941), esembie emulate da Giuanne Guarino (autore de teste pe le canzune dialettale cchiù popolare) e, jndr'à tiembe cchiù vecine a nuje, da Alfrede Galasso, Luigge De Marco, Ennie Masiello e Attilie Mingolla.

Pe quidde ca reguarde 'a stambe, so presende:

Otre quotidiane ca onne sede jndr'à cetate sò: BrindisiSera, Senzacolonne, Brindisireport, Brindisi News e Premier Magazine.

'Na realtà 'mbortande assaije jndr'à 'u brinnesine jè Ciccio Riccio, 'n'emttende radiofoneche storeche e ca avène sendute jndr'à totte 'a Pugghie, Basilicate, 'na vanne d'u Molise, Cambanie e  Calavrie.

Jndr'à cetate ste pure Radio Dara, nate jndr'à 'u 1980 da 'nu pruggette partite jndr'à 'nu seminarie, osce a die trasmette jndr'à totte 'a provinge.

Aqquà stonne 'nu belle picche de emittende televisive cumme Teleradio Agricoltura e, 'a cchiù 'mbortande, Puglia TV ca ave accumenzate a trasmettere jndr'à 'u scennare d'u 1988 a Brinnese e jndr'à provinge. L'autorizzazione ha state congesse da 'u Ministere de le Comunicaziune e onne accumenzate le prove pu diggitale terrestre.

Jndr'à cetate stonne le studie de TV locale ca onne sede jndr'à otre cetate. Pe esembie ste 'na sede provingiale de Studio 100 Tv, nate jndr'à 1978 a Tarde, ca trasmette jndr'à tutte le province salendine, e Telerama, emittende funnate a Lecce e ca tène sede pure a Tarde.

'A museche e 'u tiatre jndr'à cetate non g'onne maje caratterizzate senzibbilmende 'a vite culturale de le crestiane, pure ca rilevande resultane le combagnie de tradizione tiatrale ca jndr'à certe periode de l'anne fanne 'ndrcà scene quotidiane d'u passate, sus a 'u palcosceneche, tutte jndr'à 'u dialette.

Non avenne mai ospitate istitute de formazione tiatrale e musecale recanusciute, 'a cetate vive ste doje arte semblicemende valorizzanne 'u 'mbegne de le combagnie amatoriale.

Jndr'à l'urteme dece anne jndr'à cetate onne nate e conzolidate combagnie tiatrale non amatoriale, certe se occupane de tiatre ambiendale e otre de tiatre de recerche e formazione attoriale.

'A combagnie gruppe Mòtumus, pe esembie, ave fatte 'nu sbuènne de pruggette socieculturale pa promozzione d'a culture tiatrale, pure pe crestiane diversamende abbile. 'U stesse gruppe ave fatte sei spettacole non amatoriale.

Jndr'à 'u cambe d'a museche, l'unehce esponende cetadine famose mundiale jè Stefane Miceli, direttore d'orchestre e pianiste, 'nzegnande a 'a Boston University, nate e cresciute a Brinnese, de scole napuletane. Ave sunate jndr'à le megghie tiatre d'u munne cumme Nova York, Berline, Lipsia, Pechine, Melane, Melbourne, Boston e Rome e ave avute 'na medaglie da 'u Presidende d'a Reppubleche Giorge Napolitano e 'u premie a 'a carriere a Nova York: Bravo Award.

Jndr'à 'u 1998 'u reggiste Nanni Moretti ave girate 'u film a culore Aprile.

'A cucine brinnesine presende 'nu sbuènne de prodotte d'a tradizione agricole e d'u mare.

Jè 'na cucine puveredde pe le ingrediende ausate, partenne da 'a farine raffinate picchie oppure de orze, ca coste de mene de quedde de grane. Pe l'ause de verdure coltivate e selvateche ca 'a terre salendine pò offrìe, 'nzieme cu le otre prodotte d'a terre cumme le lumache. P'u 'mbieghe de pesce azzurre, osce a die revalutate, ma 'nu tiembe l'uneche pesce ca 'a popolazzione puteve permetterse de mangià. Pa scarsità de le piatte a base de carne ca custave assaije probbie pe le contadine.

'Mbrà le ricette tipeche jè giuste arrecurdà, soprattutte, li pettuli (frittelle de paste lievitate da gustà doce o salate anghiute cu 'u baccalà o , de cavule o broccole), tajedda di riso patani e cozzi (rise, patane e cozze a 'u furne), zuppe de pesce, purè de fave, fave e cozze, cozze racanate, scuma ti mari (vinaghette), alice marinate jndr'à 'u limone (ricette tipeche de le sciabiche, zone jndr'à 'u puèrte de Brinnese).

Le furmagge brinnesine sò soprattutte de origgene ovine, date 'a diffusione de l'allevamende de le pechere e de le capre. Jndr'à Nella staggione se producene 'u caserecotte, ca se pò conzumà frische o staggionate pe quacche mese accussì pigghie 'nu belle sapore cchiù decise e 'u casecavadde.

Tipece d'a staggione 'nvernale sò invece 'u furmagge pecorine, 'a recotte e 'a recotte asckuande (purcé pizzeche 'u palate). Queste urteme se presende cumme 'na creme spalmabbele e se ave da 'a fermendazione d'a recotte. Avène 'mbiegate pe 'nzaporì 'u ragù o spalmate sus 'a bruschette.

Le furmagge frische cchiù ausate sò 'a burrate, la giungate, 'a mandeche, 'a muzzarelle fiore de latte.

Le verdure sò 'u vere protagoniste d'a diete tradizionale d'u Salende. Seconde 'a staggione, se iacchiane le cime de rape, diverse tipe de cavole (verze, mùgnele, cavolefiure, cavule cappucce), 'a bietole da erbette, 'u carde, le peperusse, le marangiane e le cucuzze (tutte fatte secche a 'u sale o sotte uegghie), le scarcioppole addò Brinnese se ne fanne 'nu sbuènne. 

'Nu sbuènne sò pure le verdure selvateche ausate jndr'à cucine tradizionale: le cicorie selvateche, 'u zangone, le asparage selvatece (preparate sotte uegghie), 'a senape selvateche, le carde selvateche, le lambasciune, le chiapparine. Le funghe, pure spondanèe, avènene essiccate a 'u sole o servite sotte uegghie.

Prodotte ausate assaije probbie jndr'à cucine brinnesine sò:

'Mbrà le specialitate cu 'a frutte 'mbortande assaije jè 'a cutugnate, 'u cotte de fiche e le fiche secche (fatte cu 'nu ripiene de amennele), marmellate de marange e limone e marmellate de fiche.

'A paste, cumme a 'u pane, avène fatte cu farine raffinate picche e, quinde, pigghie 'nu culore scure. Osce a die se ausane pure farine de semole remacinate misckate jndr'à 'na certa percenduale cu 'a farine tradizionale ca, comungue, rumane fondamendale. 'Mbrà le piatte tipece acchiame le lasagne cu le legume e, naturalmente, paste cu 'u sughe: cavatelle, le famose chianghiaredde (stacchioddi jndr'à 'u dialette brinnesine), le raviole anghiute cu 'a recotte.

Pe quanne reguarde 'u pane, specialità 'mbortande sò quidde de grane dure, pane de semole e pane de orze. Pa produzione d'u pane se ause 'u lievite naturale (ditte criscituni) e 'a cotture avène fatte jndr'à 'u furne de petre, ausanne fascine de rame de ulive ca donne a 'u pane 'nu profume particolare. 'Nu tipe tradizionale assaije jè 'u pane cu le alìe (ditte pure pucce). Quiste urtme avène fatte cu 'na arine de grane assaije cchiù raffinate respette a 'u pane semblice a 'u quane avènene aggiunde alìe gnore piccenne.

'Mbrà le prodotte da furne 'mbortande assaije jè 'a fresedde, 'na specie de pane tuèste disidratate, ca servive pe essere stipate a lunghe jndr'à case; le taradde e le taralline, pure lore facilmende stipabbele pe lunghe periode. Assaije tipeche sò pure le focacce e le uliate.

'Mbrà le doce brinnesine 'u poste cendrale avène occupate da 'a paste de amennele, fatte da 'a macinazione de amennele sgusciate e zucchere. Normalmende se iacchie farcite cu marmellate, tepicamende 'a cutugnate o 'a mostarde (marmellate d'uve de tipe negramare). 'N'otra specialità sò le carteddate, de le nastre de 'na sfogghie de paste sottile, fatte cu 'a farine, uegghie e vine vianghe, aunìte e avrazzate sus a jedda stesse 'nzigne a furmà 'nu tipe de rose coreografeche cu cavità e aperture, ca pò avène frisciute jndr'à l'uegghie. Seconde 'a recetta tipeche, 'na vote frisciute le carteddate avènene condite cu 'u vincotte tiepide o 'u miele e, pò spolverate cu 'a cannelle, zucchere a vele o confettine culurate.

Jndr'à 'u territorie de Brinnese jè possibbele producere Aleateche de Pugghie DOC, Ostune DOC, Brinnese Russe DOC, Brinnese Rosate DOC e Pugghie IGT.

Lunghe 'a strade Appie de le Vine, addò 'u comune jè membre, esistene varietà d'u poste de vitigne:

Da 'nu punde de viste urbanisteche, 'a cetate canosce le cchiù andiche signe de antropizzazione jndr'à 'u territorie sus a 'u promondorie de Punde le Terrare, 'n'arèe costiere fore da 'u puèrte.

Ma s'adda dà a le Messape 'a formazione de 'na cetate jndr'à l'arèe de quidde ca osce a die jè 'u cendre urbane.

D'u 'mbiande urbanisteche d'a cetate messapeche e de otre emergenze ('a presunde agorà, le tembie, le porte) non se ne iacchiane rescondre archeologgeche secure: le scave occasionale onne restituite soprattutte chiaute.

Apprisse ca a Brinnese avenìe dedotte 'na colonie romane (244 n.C.), 'a cetate canuscìe 'nu allariamende urbanisteche assaije 'mbortande pu sveluppe economeche e suggiale ca ne avenìe apprisse. Seconde Plinie 'u Vecchie Brinnese ere une de le cetate tagliàne cchiù 'mbortande (Brundisium... in primis Italiae portu nobile).

Durande l'alte Medioeve Brinnese avìe 'nu dcline forte forte; apprisse ca avenìe devastate da le Gote jndr'à 'u (VI sechele), Procopie 'a descrive cumme a 'na cetate piccenna piccenne senze mure difensive: 'u javetate se strengìe facennese cchiù piccinne, probbabbilmende atturne a 'u tembie de San Leucio, fore da 'u cendre andiche. 'U puèrte avenìe abbandunate pe sechele. 'A renascite ave arrevate cu l'urtema dominazione bizzandine (XI sechele) e soprattutte ce le Normanne e cu le Sveve (XII e XIII sechele), quanne devende scale privileggiate pe le Crociate e pe tutte le traffece cu l'Oriende. Cchiù nnande 'a cetate se sveluppò atturne a 'a rua maestra (chidde ca osce a die sò vie Consiglio, chiazze Sedile, vie Fornari, larje Angeli e vie Carmine), sus 'a quale se affacciane le edificie cetadine private cchiù 'mbortande. 'A cetate ere divise jndr'à ttre pettacchie (jndr'à 'u brinnesine pittacchi): Sande Stefane (vecine a le culonne), Sand'Eufemie (jndr'à zone de Sanda Teresa) e San Tome (jndr'à zone de Sanda Lucìe).

Ce 'u passagge d'a peste d'u 1348 e le 'ngazzaminde apprisse de le cetadine onne state brutte probbie pa cetate, 'u fatte ca purtò a 'u collasse 'a cetate avere state l'inopportune blocche d'u canale de accesse a 'u puèrte pe paure de 'n'attacche da 'u mare da vanne de le veneziane (1446): 'u conzeguende 'mbaludamende de le acque spupulò Brinnese. Sotte a le Aragonese e le spagnule., le sforze maggiore avenerene fatte sus a le fortificvziune (mura, Castello de terre e forte a mare) e a dà agevolaziune a popolazziune de immigrate (soprattutte grice, albanise e slavone).

Sulamende attraverse 'a reaperture d'u canale Pigonati (1775) 'a cetate canuscìe 'nu slange nuève ca se aprìe a le traffece cu l'Oriende soprattutte grazie a l'istituzione d'a Valigie de le Indie sus a 'u spicciamende d'u Uettecinde.

'U sveluppe demografeche e urbanisteche d'u Noveciende ave carresciate a 'nu disegne nuève d'a cetata moderne ca ste sus a quedde andiche a coste de svendraminde e scettaminde 'nderre (quartire de le Sciabbeche, de San Pitre de le Schiavune, Tiatre Verdi, Torre d'u Rrelogge).

Osce a die, 'na congeziona urbanisteca nove, dèje ì'a possibbeletà de programmà le 'nzediaminde de maggiore 'mbatte architettoneche fore da 'u cendre storeche. Jndr'à 'u frattiembe 'a cetate s'ave spannute oltre le mure d'u cendre storeche costituenne quartire periferece nuève: Commenda, Cappuccine, Sand'Angele (jndr'à l'anne 1950-1970) e pò Sanda Chiare, Sand'Elìe, Bozzane (anne 1980-2000).

Le cercoscriziune d'u comune::

Tuturane jè l'uneca frazione, javetate tutte l'anne, d'a cetate. Nasce a 10 km a sud d'a cetate jndr'à Chiane de Brinnese e conde cchiù o mene 4.500 crestiane. 'A frazione sconde 'a presenze, a picche chilometre da 'u javetate, de une de le cchiù granne cendrale termoelettreche d'Europe: 'a cendrale Federiche II de probbietà de l'Enel S.p.A..

Pure ca gode de 'na tradizione agricole assaije 'mbortande, 'u sveluppe 'ndustriale, veloce e massicce jndr'à tutte 'u XX sechele, ave carresciate cangiaminde radicale a 'u tessute economeche, ma pure urbane e sugggiale d'a cetate cu 'na cemendificazione de 'na vanne 'mbortande d'a coste.

Sfruttanne 'a posizione d'u puèrte, Brinnese jè une de le cchiù 'mbortande scale marittece pa Grecie, 'a Turchie e l'Albanie.

L'agricolture brinnesine raggiunge le primate sue jndr'à l'orticolture, viticolture, frutticolture e ulivecolture. Securamente 'u settore ca ave signate 'u territorie pe sechele se base sus a le colture de amennele, alìe, tabbacchem scarcioppole, cereale. 

L'agricolture ave canusciute jndr'à le urteme decennie d'u XX sechele 'na dinameche sfavorevole, forse pe colpe de 'na crise dovute a l'età medie de le 'mbrenditore agricole. Se spere jndr'à 'nu ricambie generazionale d'u settore pe garandìe maggiore dinamecetà pe evità 'n'otre 'ndebbolimende, in termine de ingidenze d'u settore jndrìà l'economije totale.

Pe quanne reguarde 'a zootecnie jè consistende cu allevaminde de cape bovine e ovine-caprine .

'A 'ndustrie brinnesine avène idendificate prengepalmende cu l'indutria chimeche e aeronauteche.

'A 'ndrustia chimeche, jndr'à tutte le mode possibbele e immagginabbele (alimendare, energeteche, farmaceuteche o de processe) ste jndr'à 'u territorie eppure assaije sveluppate. 'A Federchimica recanosce Brinnese e provinge 'nu pole 'ndustriale chimeche.

Le diverse stabbileminde de l'ENI S.p.A., sparse cumme Polimeri Europa, Snam e EniPower onne state mise d'u reste probbie jndr'à 'u pole petrolchimeche de Brinnese, ca se iacchie a 'a periferie d'a cetate, e se affaccie sus a 'u mare Adriateche. Jndr'à l'urteme anne, cu 'a trasute in esecizie d'a cendrala nove, de le 'mbiande origgenale onne rumaste in esercizie sulamende le generature derettamende alimendate cu vapore de recupere da 'u 'mbiande affianghe de cracking idrocarbure de otre suggettate Eni e 'na caldaie cumme reserve fredde.

Jndr'à cetate ste pure 'a filiale produttive d'a multinazionale farmaceuteche Sanofi.

Brinnese jè leader pa produzione de energie elettreche jndr'à l'Itaglie. Sus a 'u territorie comunale stonne tra granne cendrale de le gruppe Enel, Edipower e EniPower e ste pure in proggette 'a realizzazzione de 'n'imbortande cendrale fotovoltaiche.

Jndr'à 'u comune stonne destribbuite le stabbileminde de Alenia Aeronautica (specializzate jndr'à 'u cangiamende de le apparecchie d'a configurazione passeggere a quedde carghe), Avio (cendre de eccellenze pe le motore militare) e Agusta (produzione de strutture metalleche e revisione de elicottere).

'A crescite d'u settore terziarie jndr'à provinge jè confermate da l'analise d'u trend ca cresce sembre ca ave accumbagnate le servizie jndr'à ccrejazione d'u valore aggiunde 'mbrà 'u 1995 e 'u 2004 (da 'u 66,8% a 'u 75,5%), demostranne quinde 'u fatte ca Brinnese (angore de cchiù ca 'a provinge) se ste 'ndirizzesce verse 'nu sveluppe d'u terziarie, lassanne 'a frte vocazione 'ndustriale.

Osce a die jè jndr'à stu settore economeche ca se pò acchià 'u condrebbute prengepàle a 'a formazione d'u valore aggiunde brinnesine: 'na produzione comblessive de quase 6.000 migliune de euro, parte a 'u 75,5% d'u resultate totale.

Jndr'à l'urteme anne 'u turisme jndr'à cetate ave cresciute assaije probbie grazie a le tratte crocieristeche ca passane da aqquà sie cumme partenze ca cumme arrive.

Le direttrice stradale prengepàle de Brinnese sonde:

Le carresciaminde ferroviarie avènene assecurate da 'a Stazione de Brinnese, 'nu 'mbortande snode ferroviarie d'a Pugghie, punde de ingondre 'mbrà 'a Ferrovie Adriateche e 'a Ferrovie Tarde-Brinnese. La stazione appartiene al circuito Centostazioni e presenta collegamenti verso tutte le località servite dalla linea adriatica e ionica.

È prevista la dismissione della linea ferroviaria Brindisi – Brindisi Marittima che permetterà l'allargamento della sede stradale di via del Mare, con la conseguente creazione di nuove zone di sosta per le auto, e consentendo inoltre di risolvere buona parte dei disagi rivenienti proprio dalla carenza di parcheggi.

'U puèrte de Brinnese da sembre a 'u cendre de le traffece commerciale cu 'a Greciee l'Oriende, ave sembre rappresendate 'a furtune d'a cetate.

Osce a die jè 'nu puèrte turisteche, commerciale e 'ndustriale, une de le cchiù 'mbortande d'u mare Adriateche. 'U traffeche mercandile se occupe de carvone, uegghie combustibbele, gas naturale, prodotte chimece.

'U puèrte jè fatte de ttre vanne:

Le banghine de Costa Morene se sveluppane pe 1.170 m, cu 'na profonnetà de 14 metre e chiazzale pe 300.000 m². Luènghe 'a dighe de Costa Morene (500 m) se sveluppe 'u sisteme, a mezze nastre e tubature, pu sbarche de le prodotte destinate a l'alimendazione de le cendrale elettreche de Brinnese sud e nord. A Punde de le Terrare sò operative 270 m de banghine pu traffeche Roll-on/roll-off cu possibbeletà de ormege condemboranèe de cinghe nave.

L'aeropuèrte de Brinnese tène collegaminde sciurnaliere cu le cchiù granne cetate tagliàne e europèe. 'U scale, lundane 6 km da 'u cendre javetate, serve 'a provinge 'ndere de Brinnese, quedde de Lecce e 'na vanne pure de quedde de Tarde. Jndr'à 'u 2017 onne passate comblessivamende 2.321.147 passeggere.

L'aeropuèrte nasce jndr'à le anne vinde d'u XX sechele cu 'a costruzione de 'na piste militare e avenìe 'nditulate a Orazie Pierozzi, aviatore d'a prima uerra mundiale. Le strutture militare angore osce a die sò operative e mandenene 'u stesse nome, ma cu Decrete 'Nderministeriale d'u 11 settemmre 2008, l'aeropuèrte ave pigghiate 'u state giurideche de aeropuèrte civile ca appartene a 'u State, aperte a 'u traffece militare.

Osce a die jè 'nditulate a Andonije Papole, in memorie d'u cumandande de aeromobbile civile, muèrte 'u 13 febbrare 1938 pe ingidende de vole, e d'u legame forte cu 'a cetate. Jè pure 'nditulate ufficialmende d'u Casale (pe referimende sie 'a chiesere romaneche ca se iacchie vecine vecine 'a recinzione de l'arèe ca a 'u quartiere addò se iacchie l'aeropuèrte) e canusciute cumme Aeropuèrte d'u Salende.

L'aeropuèrte tène doje piste, une in direzione NW-SE longhe 3.330 m, l'otra in direzione NE-SW longhe 1.950 m. Le caratteristeche lore sò tale da conzendì l'atterragge pure a granne aerèe da carresciaminde cumme l'Antonov An-124 Ruslan o 'u Boeing 747. 

'A posizione de l'aeropuèrte jndr'à l'arèe mediterranèe, 'nzieme a naturale putenzialetà multimodale soje ('u puèrte ste lundane sulamende quacche chilometre), onne fatte devendà 'a base de 'na 'mbortanze strateggeche, sie pe quande reguarde 'a Difese nazionale ca jndr'à 'n'otteche NATO. Pe stu fatte, ste da arrecurdà ca 'nzigne a quacche anne fa sus a l'aeropuèrte stave 'a sede d'u 32° Sotrme de l'Aeronauteche Militare e ca 'nzigne a 'u 2000 stave attive jndr'à zone godenne, in passate, 'nu ruole strateggeche de l'arèr de le pajesere de l'Aunione Sovieteche cu l'appocche d'a base vicine de base Nato de San Vite de le Normanne (ca ste lundane 10 km da 'a cetate) 'nu cendre 'mbortande de Telecomunicaziune de l'USAF, osce a die dismesse.

Pe le stesse mutive strateggece, jndr'à le anne '90 d'u XX sechele, l'aeropuèrte ha state scacchiate cumme prengepàle base loggisteche mundiale da le Naziune Aunìte pu supporte a le operaziune de peacekeeping e peace-enforcement jndr'à tutte 'u munne ca 'nzigne a allore ere ospitate presse l'Aeropuèrte de Pisa - San Giuste.

Operative partenne da 'u 1994 cumme base loggisteche de le Naziune Aunìte (UNLB), jndr'à 'u 2010, jè canusciute, 'nzieme a 'a Base ONU de supporte de Valencia (UNSBV), cumme Cendre servizie globbale de le Naziune Aunìte (UNGSC).

Jndr'à 'u 2000 pure 'u deposite umanitarie de le Naziune Aunìte s'ave spustate da l'aeropuèrte de Pisa a quidde de Brinnese. Da allore jè gestite da 'u World Food Program e jè canusciute cumme Base de pronde indervende umanitarie de le Naziune Aunìte (UNHRD). Pe cunde de organizzazziune governative, otre aggenzie ONU e de ONG, da 'a base UNHRD de Brinnese partone le aijute umanitarie verse le arèe cchiù lundane e disastrate d'u pianete Terre.

L'aeropuèrte ha state rennovate e restrutturate urtemamende. Accussì onne state modernizzate le condrolle e 'u check-in, eppure l'arèe de attese de le viaggiature e quedde de le gate.

'A Suggettate Carresciamende Pubblece de Brinnese (STP), garantisce 'nu servizie de carresciamende pubbleche urbane e 'u collegamende d'u capeluèche cu le otre comune d'a provinge.

Pò, sta suggettate assecure 'u servizie de carresciamende via mare jndr'à le acque 'nderne d'u puèrte.

Elenghe de le sinnace da 'u 1994:

Brinnese je sede de ste consolate:

Brinnese jè gemellate cu ste comune:

'A cetate de Brinnese ha state proclamate Cetate Europèe d'u Sport pe l'anne 2014 da l'ACES, Associazione de le Capitale Europèe d'u Sport, 'nzieme a Ascoli Piceno e Latine. 'U recanuscimende ha state ddatejndr'à 'u 2012 a Bruxelles, presse 'a sede d'u Parlamiende europèe.

'U sport cchiù 'mbortande jndr'à cetate jè 'a pallacanestre.

'A suggettate prengepàle de pallacanestre maschile jè 'a New Basket Brindisi, ca scioche jndr'à 'u cambionate de Lega A. 

Otre suggettate de pallacanestre stonne a Brinnese, in totale sonde 12.

'A suggettate prengepàle de pallacanestre maschile jè 'a Futura Basket Brindisi ca scioche jndr'à 'u cambionate de serie A2.

'A suggettate Società Sportiva Dilettantistica Calcio Città di Brindisi jè 'a squadre prengepàle de ballone d'a cetate. Jndr'à sotria soje, ave sciucate 6 cambionate de Serie B. Osce a die scioche, pa staggione 2019/2020 jndr'à Serie D Girone H.

Otre suggettate de ballone stonne a Brinnese, ca sciocane jndr'à serie reggionale o provingiale.

'A sciucatrice de tennis cchiù 'mbortande jè Flavia Pennetta.

Osce a die, s'ave ritirare da le cambe e ave vinde 28 titole in totale da 'u 2000 (da quanne ave accumenzate 'a carriere professionale) 'nzigne a 'u 2015. Flavia ha state 'a prime tagliàne a trasè jndr'à Top 10 jndr'à 'u singolare femminile, ave state 'a prime tagliàne a essere a numere 1 jndr'à classifeche d'u doppie e 'a prime tagliàne a vingere 'nu tornèe d'u Granne Slem jndr'à 'u doppie stesse.

Jndr'à 'u singolare vande pure titole cumme Los Angeles, Indian Wells e soprattutte 'u US Open vingiute jndr'à 'u 2015 jndr'à 'na finale totte pugghiese condre 'a tarandine Robberte Vinci. Grazie a sta vittorie ave partecipate a 'u Master de Singapore de le megghie 8 a 'u munne, battenne pure 'a future vengitrice d'u titole. 

Jndr'à 'u singolare ave raggiunde 'u megghie piazzamende cumme 6 d'u munne.

Jndr'à cetate stonne le sede de: 'a suggettate de rugby Nafta Rugby Brindisi ca scioche jndr'à Serie C e 'a squadre de pallavvole Assi Amatori Volley 2006 ca scioche 'u cambionate de Serie B1 Femminile.

Stonne pure ttre suggettate dilettandisteche de atleteche leggere: l'Atletica Amatori Brindisi, 'a Top Running Brindisi e 'a Folgore Brindisi.

Da 'u 2001 a 'u 2005 ha state sede d'a squadre de futboll americane de le Dragons Brindisi, spustate jndr'à 'u 2006 a San Vite de le Normanne e pò fuse jndr'à 'u 2007 cu le Spiders Salento cu spustamende a Lecce.

 # 1971 Prologhe d'u Gire d'Itaglie: cronometre de 62 km cu partenze da Lecce, vingiute da 'a squadre Salvarani




#Article 29: Caderzone Terme (116 words)


Caderzone Terme éte 'nu comune tagliáne de 681 crestiáne d'a Provinge de Trende vagnate da 'u jume Sarca, e se iacchie jndr'à Val Rendena cchiù o mene 3 chilometre cchiù a sud de Pinzolo, a l'inizie d'a piane prative d'u maggiore cendre d'a valle.

Jndr'à 'u cendre d'u paese se iacchiane de le sorgende termale de scuperte recende.

Bona parte d'u territorie de Caderzone Terme, combrese pure le lache de San Giuliano e Garzonè, le malghe Cambe e San Giuliano, jè 'ngluse jndr'à 'u perimetre d'u Parche Nazionale Adamello-Brenta, 'u parche naturale cchiù larie d'u Trendine.

Caderzone Terme jè 'mbrà le paise a le quale ha state assignate 'u marchie Bandiera arangione d'u Touring Club Italiano.




#Article 30: Carusine (747 words)


Carusine (in tagliàne Carosino) éte 'nu comune tagliáne de 6.849 crestiáne  d'a Provinge de Tarde, in Pugghie.

Sciugrafecamende trase jndr'à subreggione d'u Salènde.

Carusine se iacchie a cchiù o mene 70-75 metre s.l.m. e ste lundane da Tarde 15 km. 'U paese se iacchie jndr'à zone settendrionale d'a penisole salendine, jndr'à 'u core d'a vanne occidendale de le Murge tarandine, jndr'à 'na vallate doce 'mbrà le comune de San Giorgie Ioniche, Mondeparane, Mundejase e Vurtàgghie, ca se iacchiane cchiù a nord.

Probbabbilmende 'u site ha avute 'na frequendazione messapeche e, securamende, jndr'à epoche successive, ha state 'n'imbortande cendre sus a 'u fiorende asse commerciale Tarde-Grecie, cumme dice D. Loiacono, purtanne a riprove 'u tesorette de 76 turnise d'argende acchiate jndr'à 'u 1904 jndr'à l'agre de Carusine, turnise ca permettene 'na datazione satte-satte e 'na precise testimonianze de rapporte economece e culturale cu 'a granne polis d'u Ionie.

De conzeguenze d'u sacchegge de Tarde pe màne de le Saracene jndr'à 'u 927, jè probabbele ca 'u site ha state ricolonizzate apprisse 'nu lunghe periode de abbandone, assumenne 'u toponime de Citrignano (seconne I. Chirulli).

Le prime fonde storeche certe arrevane da le reggistre Angioine e resalene a 'u 1348, date jndr'à quale 'u feude de Carusine avere state vennute da le Capitignano a le Palmerio de Capua.

Decadute, duranne 'a seconda uerre greche-goteche, se frazione jndr'à casale e casegrotte; l'agricoluture e 'a pastorizie rumanene le uneche attività economeche.

Se sape ca jndr'à 'u XV sechele le armate albanise de Skanderberg, scettarene 'nderre l'andiche e piccinne casale d'u quale 'u feudatarie Raimondo De Noha avere state alleate de l'Orsini de Tarde jndr'à revolta soje condre a 'u Re de Napule jndr'à 'u 1462.

'U casale rumanìe disabbitate cchiù o mene mmienze sechele, cumme feude de le famigghie nobbile d'a zone. Jndr'à 'u 1471 avenìe acquistate da le Antoglietta e da sta famigghie avenìe colonizzate 'n'otra vote, cu autorizzazzione d'u Vicerè de Napule d'u 1522. 

Jndr'à 'u 1517 'u feude devendò Baronie e passò a 'a famigghie de le Simonetta e pò angore a le Muscettole jndr'à 'u 1524.

Ha state jndr'à stu periode ca scumbarìe 'u rite ortodosse e cu jidde probbabbilmende 'a parlate arbereshe de le colone albanise causate da 'u 'mbegne forte forte de l'Arcivescove Monsignore Lelio Brancaccio, ca vulìe allarià 'u rite cattoleche jndr'à 'u latine.

'A baronie passò angore de màne a le Albertini e pò infine a le Imperiale.

Jndr'à 'u 1806, abbolite 'a feudalità jndr'à 'u Regne de Napule, 'u Ducate de Carusine devendò prbbietà d'a famigghie Berio - Marulli. Jndr'à 'u 1875, cu Carusine ggià comune d'u Regne d'Itaglie, in seguite a 'nu plebbiscite, le Marulli vennerene le probbietà terriere lore a Robberte d'Ayala Valva, 'nzieme a 'u Palazze Ducale.

Famose pu vine bbuène e pa sagre ca avene fatte, Carusine tène 'nu patrimonie artisteche de discrete rilevanze:

Cchiù o mene a 16 km, jndr'à 'u quartiere Paolo VI de Tarde, jè presende 'a II Facoltà de 'Ngegnerije d'u Politecniche de Bari. Le studinde, ca avene da totte 'a provinge tarandine e, spesse, pure da Lecce, Bari, Brinnese, Fogge e Putènze, pigghiane le lauree triennale e specialisteche in: 'ngegnerije civile, 'ngegnerije de l'ambiende, 'ngegnerije industriale e 'ngegnerije d'a 'mbormazione, quest'urteme cu specializzazzione jndr'à realizzazzione de Sisteme 'Mbormative Automatizzate a levèlle aziendale.

L'agricolture, grazie a 'u fatte ca 'a staggione estive jè longhe e a 'u clime particolarmende favorevole, riale raccolte sembre belle careche careche.

Le filare de le vignete e le ulive se alternescene a le vianghe massarie de cambagne, addò assaije vote jè possibbele gustà o accattà prodotte tipece de sta terre.
Famose pe le vine sue - ma pure pe l'uegghie e l'uve da tavule.

Le collegaminde stradale prengepàle sonde rappresendate da ():

L'Aeropuerte de Tarde-Vurtàgghie Marcello Arlotta faceve servizie de linèe pu traffeche passeggere cu vole charter, quanne funzionave.

Le aeropuèrte cchiù vecine sonde:

L'Aunione de le Comune de Montedoro jè comboste da 'u 'nzieme de le territorie de le Comune de Carusine - Faggiano - Mundejase - Mondeparane - Roccaforzata.

'A squadre de ballone ète 'a Stella Jonica Carusine, frutte de l'aunione 'mbrà 'a S.S. V. Mazzola Carusine, storeca formazione de rappresendanze carusenese e le rivale storece d'a Stella Jonica San Giorgie.

Jndr'à 'u cambionate 2004-2005, 'a S.S. V. Mazzola Carusine avere spicciate 'a staggione a 'u quarte poste d'a Prima Categorije Pugghiese. Partenne da 'u cambionate 2005-2006 partecipe cu 'u nome Stella Jonica Carusine jndr'à 'u cambionate de Promozione pugghiese.

Stadie: Miglietta de Carusine.

Colore sociale: Gialle-Blu.




#Article 31: Carovigne (4337 words)


Carovigne (jndr'à 'u tagliàne Carovigno, jndr'à 'u dialette brinnesine Carvìgni), Καρπινη jndr'à 'u greche, Carbina jndr' 'u latine (Codece IPA: ) jè 'nu comune tagliàne de  crestiáne d'a provinge de Brinnese jndr'à Pugghie.

'A cetadine face parte d'u Salende settendrionale e jè 'nu cendre de produzione de uegghie de alìe de qualità ierte.

'U litorale carovignese ave avute jndr'à 'u 2007, e da 'u 2016 a 'u 2019 (pe ste tre spiagge: Mezzalune a Torre Sanda Sabbine, Pandanaggianne e Torre Guacete) 'a Bandiera Blù, da 'u 2017 a 'u 2019 le 5 vele de Legambiente, purcé face parte d'u combrensorie turisteche Coste d'u Parche Agrarie de le Ulive secolare, addò stonne pure le comune de Polignane a Mare, Fasane, Monopoli e Ostune. 

Pò ha state premiate jndr'à 'u 2017, 2018 e 2019 cu 'u recanuscimende pe le comune rurale de le Spighe Verde.

'A cetate se iacchie a 5 km da 'a coste Adriateche e 28 km da 'u capeluèche de provinge sue, Brinnese. Tène 'na superficie de 105 km2 e se iacchie sus a 'n'altitudene masseme de  172 m s.l.m.

Confine a nord est e a nord cu 'u Mare Adriateche, a Ovest cu Ostune, a sud cu San Vite de le Normanne e a sud est cu Brinnese.

'U nuclèe javetative se stenne pe 144 ettare.

'U territorije d'u comune jè pu 20% pianeggiande (aqquà avènene pratecate le colture de ortagge) e pe l'80% collinare (pianure ierte). Sta zone jè ricche de ulivete cendenarije, amennelete e vignete (ausate pa produzione de vine). Invece, assaije modeste sò le estenziune de macchie mediterranèe, oramaije in vie de estinzione.

Non ge stonne corse d'acque, pe colpe d'a costituzione d'u terrene e pe le piogge ca so picche (soprattutte jndr'à staggione). Ma quanne chiove a mundone, se recostituscene de le canale ca corresponnene a le lame naturale. 'Mbrà chiste stonne 'u Cnaale Reale a Torre Guacete e 'u Canale de Sanda Sabbine, jndr'à frazione de Torre Sanda Sabbine.

'A stazione meteorologgeche de referimende jè quedde de Casamassime. 'U clime carovignese, jè caratterizzate da 'u clime mediterranèe, cu 'nvirne curte e mite, e staggiune lunghe ecavede. Le mise cchiù fridde sò scennare e febbrare, cu temberature ca certe vote so sotte 'a medie e ponne purtà pure a nevicate piccenne d'a durate assaije assaije de doje sciurne (rare le case addò se raggiunge 'a sumàne o pure de cchiù); le mise cchiù cavede so luglie e aguste, cu piogge rare e temberature massime ca raggiungene le 35-40 °C.

Sus a l'origgene d'u nome d'a cetate esistene ipotese diverse, 'mbrà le quale da 'u messapeche Karp ca avessa indicà 'a colline sus 'a quale avène 'nzippate 'a cetate fortificate o da Καρα (Caput) e da οινος (vinum), cioè Capovino. Tuttavie l'ipotesi cchiù accreditate rumane quedde de Necole Corcia, seconde 'u quale 'u nome avène da Καρπινη, pò latinizzate jndr'à Καρβινα cioè Carbina, cu 'u segnificate de frugifera e ca iacchie rescondre jndr'à fertilità d'a terra soje e jndr'à l'andiche culte ca 'a popolazzione tributave a Cerere. Cu 'u tiembe ca passave, soprattutte jndr'à 'u Medioeve, 'u nome cangiò passanne da Carbinea e Carbinium, pe pò devendà Carvinea, Carvineum e Carvinium atturne a 'u X sechele, quanne 'u B greche avenève tradotte cu 'u V latine. Ste latinisme partenne da 'u XII sechele, subbirene 'na taglianizzazzione devendanne Carvigna, Caravigna, Caravigni, Carovighe, Carvigni, Carovigni e 'nzigne a arrevà a quidde de osce a die Carovigno.

Quanda rumane de le mure andiche e de l'acropole e 'u materiale archeologgeche, abbondandisseme, acchiave jndr'à 'u territorije sue confermane l'origgene messapeche d'a cetate.

Avenìe scettate 'nderre e sottemesse definitivamende da le Tarandine jndr'à 'u 473 n.C. ca ccrejarene sus a 'u litorale sue 'nu puèrte piccele. Pure Brinnese, ca condivise le furtune e sfurtune, avenìe, temboraneamende, sottomesse e 'a sfere de 'nfluenza soje redotte a 'a sole cinde murarie. L'eggemonìe de Tarde durò da 'u 473 a 'u 400 n.C., pigghianne totte l'arèe joneche adreateche e 'a Calavrie addò le polis averena dà le reparte de fanderìe a l'esercite tarandine. 'A stessa monete urbeche federale coniate a Carovigne a 'u tiembe d'a uerre italeche ca carresce 'a legende CARB-BRUN (Carovigne-Brinnese), atteste ca 'a cetate tenène 'nu ruole subbalterne respette a Brinnese e l'effige de Taras, figghie de Nettune conferme 'a sottomissione a Tarde. Durande 'a uerre 'mbrà Tarde e Rome, Brinnese e 'u puèrte de Carvinia, fungene da rive d'approde de le truppe de Pirre, arrevate pe dà 'na màne a 'a putende cetate joneche. Aprrisse quacche vittorie, le tarandine s'averene duvute arrennere a l'organizzazzione militare superiore de le romane e spicciarene jndr'à sfere d'nfluenze de l'Urbe.

Durande 'a Seconda uerra puneche, Tarde passò da 'a vanne de Annibale, fomendanne 'a revolte jndr'à totta quedde ca avere state 'a Magna Grecie, ma quiste non ge servìe a cangià le sorte d'u conflitte.

Cu 'a cadute d'u 'Mbere Romane d'Occidende, 'a villette de condadine osce a die canusciute cumme Carovigne avène 'ngorporate jndr'à le territorie de Ostune: Bizzandine e Gote se l'onne condese 'u possesse pe 'nu belle picche de tiembe, cumme, jndr'à l'epoche cchiù vecine a quedda nostre, le Normanne, le Sveve, le Angioine, le Aragonese e pò le Veneziane, le Spagnule, le Austriace e le Borbone. 

Le signe d'u feudalesime avènene rappresendate sie da 'u Castelle 'nzippate jndr'à 'u XV sechele da le Orsini-Del Balzo a difese da le 'ngursiune de le Turche e da le scorrerìe de le pirate, sie da le reste de le mure sckaffate sus 'a cchiù andiche muraglie messapece. 'Nu sbuènne sò le feudatarie ca onne pigghiate possesse d'u territorije de Carovigne, assaije de lore pure senze ca javetavene: Adamo Trambay, despoteche e crudele, Carle de Carvigna, le Orsini, le Loffredo, le Caputo, le Serra, le Costaguti, le Granafei, le Imperiali e le Dentice de Frasso.

Jndr'à 'u 1817 ere vive e presende jndr'à cetate 'na vendite carvonare, ca tenève le adunanze segrete jndr'à le locale offerte da Frangische Trisolini. 'Na menzione a parte merite Salvatore Morelli, perseguitate da 'u 1849 'nzigne a 'u combimende de l'aunità d'Itaglie, purcé nemiche forte forte d'u reggime borboneche a 'u quale avère date battagghie cu l'azione e cu le scritte ca assevane sus a Il Dittatore, 'u periodeche derette da jidde.

Le doje simbole prengepàle de Carovigne, sò le sbandierature (tradizione quase millenarie, d'a quale Carovigne vande le natale) e 'u delfine, presende jndr'à 'u stemme cetadine. A ste doje simbole onne state dedicate doje statue, tutte e doje ca se iacchiane sus a 'na rotonde jndr'à doje punde de ingresse d'u paese: 'U delfine cavalcate da 'n'amorine ca sone 'a cetre se iacchie a 'u 'ngresse de Carovgine ovest (da Ostune), l'otra statue invece, a 'u 'ngresse est, venènne de San Vite de le Normanne.

'A seconda statue rappresende 'nu sbandieratore ca ste lange 'a bandiere d'a Nzegna. Sus a 'u pitte ste scolpite l'immaggine d'a Madonne d'u Balvedere, patrone d'a cetate. Cchiù nnade verse 'u vasce, ste 'u vitelle 'ngenucchiate (cumme dice 'a leggende) e 'u popole ca fusce a venerarle.

Descrizione araldeche d'u stemme:

Descrizione araldeche d'u gonfalone:

'U stemme d'u comune, ha state recanusciute 'u 9 febbrare 1935. 'A forme jè quedda tipeche de l'araldeche mendre 'u teme d'u stemme, ca jè diverse a 'u cendre, jè fatte da 'nu delfine cavalcate da 'n'amorine ca sone 'a cetre.

Ste simbole vonne e spicciane a 'na spiegazione mitologgeche. Le fonde dicene de 'nu uagnone de nome Arione, figghie de Poseidone, Die d'u mare e d'a ninfe Anea. Se conde ca, durande 'nu viagge da l'oriende verse 'a Magna Grecie, a Arione arrevò 'a vôsce ca avera essere scettate jndr'à 'u mare, purcé l'equipagge vuleve 'mbossessarse de le ricchezze sue. Essenne ca jidde ere 'nu sonatore de cetre brave probbie, cercò, apprime de murì, de sunà pe l'urtema vote 'u strumende sue. CAccussì ha state, ma mendre ca Arione sunave 'u strumende, 'u cande sue facìe arrevà vecine 'a nave 'nu branghe de delfine. Une de chiste pigghiò Arione 'nguedde e 'u carresciò lundane, salvannele, verse 'a coste. Pe stu fatte, diverse cetate d'a coste, 'mbrà le quale Carovigne, ne revendicane l'appartenenze e a stu avvenimende mitologgeche fanne resalìe 'a funnazzione d'a cetate.

Jndr'à 'u territorie d'u comune, stonne a bellezze de 14 torre e doje castiedde. 'Mbrà le edificie cchiù 'mbortande sonde:

'U 'mbiande medievale andiche d'u Rione Terre, tenève a 'u cendre d'u recinde murarie, 'a Chiesere cchiù 'mbortande da 'a quale partivane le strade prengepàle d'a cetate. Se tratte de 'nu oppidum, cioè 'na cetate fortificate cu le torre.

Le torre erane quattre: 

L'oppidum presende pure 2 porte (Brinnese e Ostune) e 2 accesse secondarie (Arche dette “d'u Prevete” e 'a “Purticedda” jndr'à vie Monte Nero).

Affiangate a 'a Torre d'u Civile, resulte fatte da doje porte une apprisse a l'otre; quedde d'u periode Angioine cchiù 'nderne, cu arche a seste acute e coronate cu beccatelle, cu aggibbilità a miezze corredoie fatte sus 'a stesse pe l'ause d'a caditoie; e quedde d'u periode renascimendale - cchiù precisamende 'nzippate jndr'à 'u periode feudale de le Loffredo - ca jè a tutte seste e ca ste apprime d'a porte cchiù andiche.

Ave stipate le inneste origgenarie d'u purtone. Sus a 'u frondale, se 'ndrucane doje stemme scalpellinate ca avessera essere quidde de le Loffreda (a sinistre) e de l'Università de Carovigne (a destre).

Se iacchie a occidende e avène chiamate pure Porte Ostune, date ca jè probbie sus 'a direzzione de Ostune. Osce a die sus a 'u coronamende sue avène sfruttate 'nu camminamende ca mette in comunicazione 'u castelle cu 'a Chiesere de Sand'Anne. Sta porte ha state assaije vote cangiate, soprattutte durande le restaure d'u Castelle a l'inizie d'u 1900.

Jè 'n'accesse secondarije, probbabbilmende fatte jndr'à tiembe vecine a l'eversione d'a faudalità. 'A strafine jè caratterizzate da diverse Arche, ditte d'u Prevete.

Jndr'à 'u paese stonne doje parche, ca 'nzigne a 'a prima metà d'u 1900 erane aunìte e de residenze private d'a famigghie Dentice de Frasso residende jndr'à 'u comune ca se chiamave cumme 'u Castelle 'ngape 'a colline.

Jndr'à le marine stonne doje pinete addò se pò fà 'nu pic-nic pe Sanda Sabbine, e arèe mercatale sumanale jndr'à 'u periode d'a staggione a Specchiolle.

Assaije 'mbortande pu territorie jè 'a Reserve naturale statale e 'a Reserve naturale marine de Torre Guaceto, de rilevanze 'ndernazionale.

Cu 'nu indece de nascite de 10,9, 'a cetate jè 'u prime comune d'a provinge de Brinnese pe nascite e 'u 9º jndr'à tutte 'a reggione. 'U tasse de le muèrte jè de 8,3, 17º poste jndr'à provinge (sus a 20). Jè a 'u seconde poste jndr'à provinge refèrite a 'u tasse de crescite demografeche (19,4‰). Cu 'na ingidenze d'u 0,8% de divorziate, 'nzieme a otre e ttre comune, se iacchie a 'u 17º poste.

Seconde le dati Istat a 'u 31 decemmre 2017 le cetadine non itagliane ca stonne residende a Carovigne erane  ca sò 'u 5,9% d'a popolazzione.

Le comunitate cchiù numerose sonde:

'Nu sbuènne de manifestaziune, ca vonne da sciugne a settemmre, reguardane 'a cetate e oltre marine e borgate, 'mbrà le quale Torre Sanda Sabbine, Serranove, Specchiolle e 'a Torre Guaceto.

Le avveneminde cchiù 'mbortande, sò legate a 'a tradizione locale de folclore, ma pure enogastronomeche. Avveneminde releggione cumme chidde legate a 'u culte de Marije Sandissime de Balvedere, ma pure a quidde de le sbandierature, de le quale, Carovigne, ne vande le natale, e le prodotte tipece locale, segnane le avveneminde massime e prengepàle da le diverse manifestaziune duranne l'anne.

'A feste de Marije Sandissime de Belvedere jè 'a feste releggiose cchiù 'mbortande de Carovigne. 'A feste prengepàle avène fatte de lunedìe, martedìe e sabbate apprisse 'a Pasche, addò l'avvenimende cchiù ìmbortande jè 'a Battiture d'a 'Nzegna, 'na tradizione secolare legate a l'arte d'u sbannieramende. 'A 'Nzegna, jè fatte de 'na serie de sbannieraminde fatte ttre vote a l'anne jndr'à tre punde de Carovigne, seguenne 'u ritme d'u flaute, d'u tammorre, d'u cembale e d'a grancasse, in onore d'a Madonne d'u Belvedere. 'U termine battiture d'a 'Nzegne, presende diverse significate 'mbrà le quale battere, cu moveminde particolate d'a 'Nzegne 'u suole', ma pure de bussà a 'u core d'a Madonne cu 'na preghiere: 'a 'Nzegne.

In prateche se sciocane doje bandiere multeculure, ca avènene fatte svendolà, se fanne gerà attorne a 'u cuèdde, iamme e vendre e langiate all'ere. Tutte sta cose avène fatte in onore de Marije Sandissime d'u Belvedere.

'A scuperte de l'immaggine d'a Madonne resale cchiù o mene atturne a 'u 1100, quanne Goffrede III de Mondescagliose ere signore de Ostune, Carovigne e Lecce.

'A leggende dice ca a 'nu signore de Conversane malate, 'na notte le assìe 'a Madonne, ca le decìe ca avesse guarite ce avesse sciute a venerarle a 'u Sanduarije de Belvedere, jndr'à cambagne de Carovigne. 'A matine apprisse, 'nzieme a le serve sue, scìe verse 'u paese, ma arrevate addà, nisciune sapìe dicere addò s'acchiave 'u sanduarije. Le avenìe 'ndicate sulamende 'na condrade de nome Belvedere. Addà sendèrene le luccule de 'nu pastore disperate pe avè perse une de le vove sue ('na  “vaccaredda” jndr'à 'u carovignese). 'U segnore de Conversane cu tutte le serve sue accumenzò a cercà 'u vove perdute, quanne, une de le serve, 'mbrà le erbacce, acchiò 'na grotte addò s'avere mise 'u vove; l'acchiò 'nginucchiate nnande a 'n'icone.

'U signore vuleve condrollà jidde probbie ce l'icone ere quedde ca l'avere assute mendre ca ste sunnave e se facìe calà jndr'à grotte, addò recanuscìe l'immaggine d'a Madonne e subbete subbete guarì da l'infermità ca teneve jidde. 'U pastore, felice pe quidde ca avere successe, pigghiò 'nu fazzolette colorate ca accumenzò a aggità e langià all'ere a ritme de piffere. Atterò accussì 'u popole, ca accumenzò a venerà l'immaggine d'a Madonne jndr'à quedda grotte.

'U signore accattò allore 'a vaccarelle ca dunò a 'u popole. L'animale avenìe decorate cu nastrine e lassate libbere pe le cambagne. Cu 'u passare de le anne, 'u vove piccinne devend sembre cchiù gruèsse e se decedìe de acciderle. Quidde sciurne avenìe 'u martedìe apprisse Pasche (sciurne addò le festività se facene jndr'à chiazze). Addà avenìe organizzate 'nu banghette, a 'u quale partecipò tutte 'a popolazzione, soprattutte quedda povere. Sta tradizione d'u banghette jndr'à chiazze ha rumaste 'nzigne a le inizie d'u 1900, quanne avenìe abbolite pe mutive igienice, ma angore osce a die se jè solite fà scambagnate 'u sabate de Belvedere.

'N'otra leggende invece dice ca 'a Nzegne pò essere 'u balle ca faceve 'u giullare d'u signore, durande 'u viagge.

Le prengepàle sciurne in onore d'a Madonne, avènene 'u lunedìe de Carsuniedde, 'u martedìe e 'u sabate (Le Carsuniedde pe le carovignese) apprisse 'a Pasche.

'A dumeneche de Pasche, se iaprene le festeggiaminde cu 'a benedizione de le bandiere e de le doje batteture. 'A sere se fanne in chiazze esibbizziune de sbandierature e musece.

'A matine d'u lunedìe in albis, avène fatte 'u pellegrinagge d'u quadre d'a Madonne d'u Belvedere, da 'u sanduarije cu 'u stesse nome 'nzigne a 'u paese, 'mbonde a Chiesere madre, addò rumane addà 'nzigne a 'u sabate de Belvedere, urteme sciurne de feste. Sembre 'u lunedìe, avènene carresciate in prugessione le statue d'a Madonne d'u Belvedere e de San Gesèppe, accumbagnate da ttre gruppe de sbandierature d'a cetate, da le confraternite e 'a Bande Cetate de Carovigne, 'nzigne a 'u Larije Macchiavelliu, addò se face 'a battiture d'a 'Nzegne.

'U martedìe apprisse 'a Pasche, 'a 'Nzegne se face jndr'à chiazze, ca avène sembre raggiunde da 'a prugessione. Apprime d'a seconda battiture d'a 'Nzegne, 'u sinnache dèje a 'a Madonne, le chiave d'a cetate, accussì jedde 'a pò pruteggere. Apprisse 'a 'Nzegne, 'a prugessione torne verse 'a Chiesera Nove e pò pe le vie d'u paese, sembre cu le sbandierature e musece. Quanne spicciane, 'a prugessione torne jndr'à Chiesere Madre.

'A feste releggiose spicce 'u sabate in albis, apprisse 'a Pasche. 'A matine, apprisse 'a celebbrazzione d'a mesee, 'u quadre d'a Madonne avène carresciate arrete in prugessione jndr'à 'u sanduaije addò, a le ore 12 avène batture pe l'urtema vote 'a 'Nzegne. Apprisse 'a benedizione, se achidone ufficialmende le feste patrunale d'a Cetate.

Jè une de le feste prengepàle legate a Marije Sandissime Reggine de Belvedere (nnomenate jndr'à stu sciurne d'u 'Ragane), de le Sande Patrune Felippe e Giacome e de San Gesèppe. Pò avènene pure festeggiate otre sande, probbie pe rengrazià 'u merachele fatte. Le avène date stu titole pe 'nu merachele fatte 'u 17 aguste 1841. 

'A feste avenìe istituite jndr'à 'u 1841, quanne 'na trombe d'arie minacciave de squascià 'u apese, jndr'à 'u pomerigge d'u 17 aguste.

'A popolazzione avère sciute jndr'à Chiesera Madre pigghianne 'a statue d'a Madonne de Belvedere e otre statue de sande pe pruteggerle da 'a tembeste. Assenne da porte Brinnese, 'a prugessiune condenuò veloce veloce pigghianne 'na vanne de de vie Vittorio Veneto (‘nchinata di lu succursu, accussì chiamate da le carovegnise) e pò geranne jndr'à, quedde ca osce a die jè, vie Giosuè Carducci. A l'epoche, stavane sulamende de le arvule de alje e chiangune gruèsse gruèsse (chianchi o cuezzi jndr'à 'u dialette carovignese) addò venìe puggiate 'a statue d'a Madonne de Belvedere e atturne se despone 'a popolazzione cu le otre sande, girate verse 'a tembeste a prià. 'A trombe d'arie, arrevate pratecamende a mene de doje miglie da 'u paese, cangiò direzione, passanne pa strade ca colleghe Carovigne a San Vite, passanne pe le cambagne 'nzigne a esaurirse vecine a 'a marine de Specchiolle e no facenne muèrte nè ferite. Da wuidde anne 'a popolazzione decedìe ca 'a prutettrice Madonne de Belvedere, 'u titole d'u 'Rragane, pe arrecurdà 'u mirachele.

Le festeggiaminde releggiuse accumenzane 'a prime dumeneche de aguste, cu l'esposizione de le reliquie de le Sande Felippe e Giacome (scurdate pe cchiù o mene 'nu sechele e scuperte arrete jndr'à 'u 2005). 'A matine d'u 17 aguste, se face jndr'à l'arèe d'u mercate 'a tradizionale Fiere d'u 'Rragane. Durande 'a prugessione, jndr'à Chiazze 'Nzegne avène 'a benedizione e 'u rennove de l'affidamende d'a cetate da vanne de le Sande Patrune e, in vie Giosuè Carducci, sus 'a “chianca di la Madonna di Bervideri”, addò avène puggiate 'a Madonne se arrecorde quedda sciurnate d'u 1841.

J'è 'u congerte ca se face ogne anne jndr'à 'u periode de le feste d'aguste. Normalmende, se face 'u 18 aguste, pe spiccià accussì, le feste patrunale in onore d'a Madonne d'u 'Rragane.

'A nuttate 'mbrà 'u 14 e 'u 15 aguste avène venerate 'a feste d'a Madonne de le Grazie. Apprisse 'a Sanda Messe jndr'à Chiesera Madre, 'a sere parte 'nu pellegrinagge ca arrive a 'u Sanduarie de Marije Sandissime de Belvedere e sus a 'u sagrate d'u Sanduarie avène fatte 'a Sanda Messe ca spicce 'nu picche dope 'a mezzanotte.

'A serate jè 'nu mumende de preghiere e rengraziamende a 'a Madonne, arricchesciute de preghiere andiche. Une de le chciù recitate è quedde d'a Madonne de le Grazie:

'A seconda dumeneche de settemmre, a 'u Sanduarie de Belvedere se face 'a feste de fine staggione. 'A sere, apprisse 'a Messe, avènene benedette le cambagne cu 'a speranze de 'nu belle raccolte. Pò avène organizzate 'na lotterie piccenne cu in palie quadre e statue d'a Madonne de Belvedere.

'Nzigne a le inizie de le anne 2000, avènene fatte 'u sciuèche d'a cuccagne, ca se sciucave 'nghiananne sus a 'nu pale cuperte tutte de grasce e sus a sus stavane le premie da pigghià.

'A prime dumeneche de masce, addò ste 'a borgate Serranove, avène festeggiate 'u Crugefisse de Serranove, 'nu crugefisse meracolose d'u 1700 stipate jndrìà Chiesette d'u Castelle de Serranove. Seconde 'na leggende, 'u crugefisse avessa avenè da 'n'imbarcazione arenate vecine a Torre Guaceto, da 'u quale l'equipagge sue se salvò meracolosamende da 'na tembeste. Ogne anne u crugefisse avène carresciate a 'a Chiesere de Sanda Marije Goretti addò se fanne le celebbraziune eucaristeche, de sere 'u crugefisse avène carresciate in prugessione pe Serranove pe pò essere carresciate arrete jndr'à Chiesettere d'u Castelle de Serranove.

Jndr'à le mise d'a primavere e quacche d'une de chidde d'a staggione, girane, pu paese, quadre e statue dedicate a 'a Madonne. In particolare, 'a Parrocchie de San Pitre Apostole, festegge jndr'à 'u mese de masce 'a Madonne de Fatime, cu pellegrinagge de 'na statue ogne sere ca vèje jndr'à le case. Da 'a Chiesere Madre, pò, sette quadre accumenzane a girà 'u paese, sembre pe le case, 'mbonde a luglie.

Jndr'à l'urtema dumeneche de masce, 'a Parrocchie Sanda Marije d'u Soccorse festegge 'a Madonne d'u Soccorse. Le festeggiaminde s efanne cu le celebbraziune eucaristeche tradizionale e 'a prugessione pe le vie d'u rione Pacifiche, jndr'à vanne meridionale de Carovigne. Apprise le fuèche d'artificie 'a prugessione torne jndr'à chiesere cu 'a benedizione finale. 'A feste condinue jndr'à 'u Larije Machiavelli cu bangarelle stand addò se mange e beve.

Jndr'à 'u mese de sciugne, jndr'à Chiesere d'u Carmine d'a Parrocchie de San Pitre Apostole, se fanne le celebbrazziune in onore de Sand'Andonije da Padove.

Pa prime metà d'u mese, 'nu quadre avène carresciate in pellegrinagge pe tutte le case. Durande le trideve sciurne apprime d'a feste, se face 'a rtedicine de Sand'Andonije e quanne spicce 'a messe avène rialate 'u pane a ogne fedele, de sere carresciate da 'na famigghie diverse devote a 'u sande. Le urteme festeggiaminde se fanne 'u 13 sciugne cu 'a prugessione, 'u spettacole de fuèche d'artificie e 'a benedizzione.

Jndr'à 'u mese de luglie se face 'n'otra feste 'mbortande pa Parrocchie de San Pitre Apostole e d'a Chiesere d'u Carmine, quedde legate a 'a Madonne d'u Monde Carmele. 'U 7 luglie 'a nuvene. 

'A feste solenne jè 'u 16 luglie. 'A marine avène fatte 'a prima Messe. A le 12 pò ste 'a suppleche a 'a Madonne d'u Carmine, 'nu mumende de preghiere e de raccoglimende. Le festeggiaminde condinuane de sere cu 'a Sanda messe e 'a prugessione pe le vie d'u paese, cu fuèche d'artificie e benedizzione finale jndr'à chiazze e jndr'à Chiesere.

'Mbrò 'a fine de luglie e l'inizie de aguste se fanne jndr'à marine de Specchiolle e jndr'à borgate de Serranove, le festeggiaminde legate a Sanda Marije Goretti. 

Ste 'na statue carresciate in prugessione a mare da Punde Penna Grosse 'mbonde a sbarcà a Specchiolle. 'A statue torne 'u sciurne apprisse a Serranove addò se celebre 'a Sanda Messe e 'a prugessione pe le vie d'u borghe, cu 'u spettacole de fuèche de artificie e festeggiaminde finale. Pe le sciurne de feste se fanne diverse gare sportive, fiere de le anemale e otre esibbiziune musecale e canore, cu stand addò se mange e beve e bangarelle.

Le festeggiaminde in onore de Sanda Sabbine se fanne jndr'à marine de Torre Sanda Sabbine, 'nu tiembe jndr'à l'urtema dumeneche de aguste, pò spustate a 'a penulteme. Apprisse 'a messe se face 'a prugessione pe le vie d'a marine, cu 'a statue carresciate pure jndr'à varche.

'A seconda dumeneche de ottommre, se face 'a feste legate a 'a Madonne d'a Conelle (Madonna di la Cunedda, in carovignese) jndr'à 'u Rione Conelle a nord d'u paese. 'A matine se face 'a tradizionale fiere d'a Conelle, 'a sere 'a prugessione cu 'nu quadre andiche d'a Madonne stipate tutte l'anne jndr'à 'na nicchie ca ste fore affianghe 'a chiesere de San Pitre Apostole.

Da 'u 1772 a le 5 de matine, s eface jndr'à Chiesere de Sand'Anne jndr'à 'u cendre storeche d'a cetate, 'a tradizionale nuvene de Natale, da 'u 16 a 'u 24 decemmre.

'A bibblioteche comunale jè dedicate a l'illustre cetadine On. Salvatore Morelli e ave 'a sede jndr'à 'u Castelle Dentice de Frasse.

Jndr'à 'u territorie stonne quattre scole materne, doje scole elemedare, doje scole emdie, 'n'istitute Alberghiere e 'nu asile nide comunale.

Jndr'à 'u paese ste 'nu tiatre comunale, Triatre Itaglie, addò se fanne sagge, musical e otre avveneminde musecale e culturale.

L'economije d'u paese, jè fatte soprattutte da l'agricolture (ulive, fiche, amennele, cereale, vite, ortagge), e 'nu picche da 'ndustrie (oleifice, stabbilemende de vine), jndr'à l'artiggianate (rinomate 'a filature e 'a fatìe de 'n calcare combatte, addò 'a zone jè ricche, adatte pe pavimendazione e cumme materiale de revestimende) e jndr'à pesche.

Fondamendale pure 'u turisme, specie quidde d'a staggione, pa presenze de lide belle probbie e famose longhe tutte 'a coste e pe l'andiche cendre storeche cu 'u Castelle, cu 'na presenze totale de 519 291 turiste jndr'à 'u 2018, pigghianne 'u seconde poste jndr'à tutte 'a provinge (prime poste pe Fasane) e l'ottave d'a Pugghie.

Le collegaminde stradale prengepàle sò:

'A Stazione de Carovigne se iacchie sus 'a ferrovie Adriateche e jè servite da diverse trene reggionale. Nasce a cchiù o mene 4 km da 'u paese, lunghe 'a SP34 in direzione de Torre Sanda Sabbine, e jè collegate cu 'nu servizie bus navette.

'A linèe prengepàle de mezze pubblece jè quedde de STP Brindisi, ca colleghe 'u paese a le prengepàle comune d'a provinge. Jndr'à 'u periode d'a staggione stonne pure collegaminde de matine e de pomerigge cui le marine de Torre Sanda Sabbine e Specchiolle, e durande le fine sumane de sere de aguste, 'u servizie pe le marine jè aggratis a cure de l'amministrazione comunale. Stonne pure otre collegaminde cu le cetate de Lecce, Bare e Rome.

Carovigne face parte de l'associazione Borghe Autendice d'Itaglie e d'u Patte de le Sinnace.

Aqquà sotte ste 'na tabbelle relative a le amministraziune ca onne cangiate jndr'à stu comune.

L'A.S.D. Carovigno 1949 Calcio ha nate jndr'à 'u 1949 e scioche jndr'à cambionate reggionale.

Le otre squadre sportive locale sonde:

'U 17 masce 2004 ave spicciate 'a 9ª tappe d'u Gire d'Itaglie 2004 cu 'a vittorie de l'americane Fred Rodriguez.

Tipeche doce pascale ca non ge pò mangà sus a le tavule de le carovegnise, jè 'a scarcedde ('a piddica jndr'à 'u carovignese), 'na ciambelle cu farine e uegghie extra vergine d'alìe, cu 'nu ove bullite a u cendre, tutte decorate cu granelle de zucchere de culure diverse.

'N'otre piatte tipeche ca non ge manghe maje jndr'à le scambagnate d'u sabate apprisse 'a Pasche, so le gnumaridde (gnummarieddi jndr'à 'u carovignese), de le 'nvoltine de fegate farcite cu carne, petrusine, furmagge pecorine e otre cose.




#Article 32: Casalduni (377 words)


Casalduni éte 'nu comune tagliáne de 1.492 crestiáne d'a Provinge de Benevende in Campania. 

Sus 'a falde SW d'u monde Ciccio (400 m) e sus 'a destre d'u fiume Tammaro.
Jè lundane da 'u capeluèche sue cchiù o mene 24 km.

Face parte d'a Comunitate mundane zone Tammaro Ierte.

Reggione Agraria n. 4 - Colline d'u Calore Irpinio 'nferiore.

Tène 'n'escursione altimetreche pare a 549 m.s.l.m. cu 'ma minime de 127 m.s.l.m. e 'na massime de 676.

'A superficie agricole sue ausate jè de 1.320,88 ettare (ha) aggiornate a l'anne 2000, date e cifre Camere de Commercio de Benevende, masce 2007.

Prodotte: uegghie, vine e pascole bbuene.

Faceve parte andicamende d'a Colonia telesine, cumme demostrane certe rinveneminde de iscriziune acchiate jndr'à 'u territorie sue.

Da 'u nome se penze ca in origgene ere 'nu casale relativamende recende e cchiù piccinne d'u paese de Ponde.

Sotte a le Normanne facìe parte d'a baronìe de Fenucchio, sotte a le Sveve a 'na Domina Sibilia de Casaltuno, sotte le Angioine a le Sus, a le Shabran, a 'u capitane De Attendolis, a le Caracciolo, a le Carafa, e sotte a le Spagnule a le  ca ne onne purtate 'u titele de conde 'mbonde a l'inizie d'u XX sechele.

'Mbonde a 'u 1811, facìe sembre parte d'u Pringipate Ultra e 'mbonde a 'u 1861 d'u Molise. Passò allore a 'a Provinge de Benevende.

Casalduni jè famose pe essere state, 'nzieme a Pondelandolfo e a Campolattaro, 'u 14 aguste 1861, tiatre de 'n'eccidie, perpetrate da l'Esercite piemondese cumme rappresaglie d'u massacre de 40 surdate e 4 carabbenire effettuate da cchiù o mene docinde brigande da 'u cerretese Cosimo Giordano. Pe vendette 'nu battagglione de 500 bersagliere cumandate da 'u colonnelle Pier Eleonoro Negri (future sinnache de Melàne) massacrò cchiù de 200 cetadine e destruggìe 'u paese incendiannele: 'nu sbuènne de femmene avenèrene stuprate apprime de essere accise e non ge furene consegnate date ufficiale sus a 'u numere totale de le muèrte d'a repressione. 
Da fonde non ufficiale se penze ca le muèrte de stu massacre onne state cchiù de 2.000 cetadine.

Strage simile avenerene fatte pure a Scurcola Marsicana, Pizzoli, Isernia, Montefalcione. 

A 'a strage 'u gruppe musecale de le Stormy Six ave dedicate 'na canzone ca se chiame probbie Pondelandolfo.




#Article 33: Castellaneta (2499 words)


Castellaneta (jndr'ô dialetto locale Castëlàneët) éte 'nu comune tagliáne de  crestiáne d'a Provinge de Tarde jndr'à Pugghie.

Castellaneta se iacchie jndr'à 'u core de l'area ca costituisce 'u Parche Reggionale de le Gravine e occupesce 'a posizione mmienze jndr'à vanne occidendale d'a provinge de Tarde ca costituisce l'accussì ditte arche Joniche.

'U territorie sue ('mbrà le prime cinde comune tagliàne pe estenzione, pa precisione settantanovesime) veje da 'a Murge tarandine 'mbonde a 'u Mar Ionio e, presende 'na granne varietà de paesagge e diverse presenze naturalisteche streche e archeologgeche.

Castellaneta ète tagghiate da 'na serie de geavine e de lame (naturale condinue de le gravine cu parete mene irte) de origgene carsiche, ca se diriggene verse 'u mare facenne arrevà jndr'à 'u fiume Late le acque ca se cogghiene duranne le piogge.

Mondecamble (cchiù precisamende 'a località ca se dice S. Trinità) jè 'u punde sue cchiù ierte (411 m).

Le prime segne de 'na 'mbortande presenze jndr'à 'u territorie castellanetane resalene a l'età d'u bronze (2000-1000 n.C.). Onne state infatte acchiate 'nu sbuènne de vase e otre manufatte ca resalene a stu periode jndr'à località Minerva. Se onne notizie secure ca 'u territorie castellanetane jndr'à quidde periode ere javetate da Sicule, da Messape e da Iapigge.

Sus 'a cime d'u Mondecamble, ricche de grotte e de gravine, invece, onne state acchiate robbe paleolitece e de origgene Appule-Peucete.

Successivamende a 'a distruzione d'u 'nzediamende de Minerva da vanne de Alarico, 'a popolazzione se servò purcé se ne scìe jndr'à le paise vecine. Sus a le ruvine d'u 'nzediamende ca stave apprime, nascìe jndr'à 'u 550 'a cetate de Castanea. Le 'nvasiune de le Saracene permetterene a 'a cetate de Castanea de devendà chciù granne, purcé acchiave refugge le crestiàne de le paise vecine. Jndr'à stu periode 'a cetate cangiò nome devendanne apprime Castellum Unitum e pò Castellanetum.

Esiste però pure 'n'otra versione sus a le radice de Castellaneta. 'Nfatte, seconne 'u storeche Giacomo Arditi, Castanea ere cose assaije diverse da quedde ca osce a die jè Castellaneta: Castanea s'acchiave sus a 'u fiume Lato, ere de origgene magno-greche e rumanìe 'mbonde 'a fine d'u VIII sechele (seconne le carte topografeche de Carlo Magno). Jndr'à 'u 842 le Saracene sbunnarene, saccheggiarene e scuasciarene quase tutte le 'nzediaminde d'u circondarie e, probbabbilmende Castanea accappò mmienze a stu ruète. Allore chiste se riunirene, facenne 'na cetate fortificate jndr'à 'u punde chciù irte: da sta aunìone nascìe 'u nome Castellum Unitum, ca pò avenìe trasformate jndr'à quidde de osce a die.

Successivamente a 'a conguiste d'a cetate da vanne de le Normanne jndr'à 'u 1064, 'a cetate devendò pure diocesi. Ttre anne cchiù tarde 'u paese avenìe conguistate da 'u generale greche Mabrica e returnò jndr'à le mane de le bizzandine, Stu dominie però dure picche e, Castellaneta torne 'n'otra vote a le Normanne.

Jndr'à 'u 1200 Carlo d'Angiò conguistò 'a cetadine ca apprime devendò 'nu feudo e pò avenìe trasformate jndr'à 'na cetate Regia. Jndr'à 'u XIII sechele 'a cetate passò a le Aragonise, pe pò turnà 'n'otra vote a le Angioine.

Jndr'à 'u 1503 le cetadine de Castellaneta, cu l'aiute de quacche surdate spagnole, respingerene le truppe frangise cumannate da 'u duche de Nemours: stu fatte adda pigghià 'u nome de Sacche de Castellaneta. Grazie a 'u curagge fatte vedè jndr'à st'occasione da le cetadine castellanetate, Ferdinande 'u Cattoleche davìe a 'u paese 'u title de Fidelissima Civitas. 

Jndr'à 'u 1519 le spagnule perderene 'a cetate cu le fiamminghe, 'a cetate scìe in rovine e subbìe 'nu periode luènghe de dominazione da vanne de cchiù feudatarie.

Jndr'à 'u 1858 Gesèppe Garibaldi, vestute da venditore de cannele, 'ngondrò jndr'à 'u funne rusteche La Torretta certe castellanetane.

Doje anne apprisse, jndr'à 'u 1860, le castellanetate vutarene jndr'à 'nu mode quase plebbiscitarie pe  l'annessione a 'u Regne d'Itaglie. Comungue 'u territorie castellanetane avenie ausate jndr'à l'anne ca venèrene cumme refuge da 'nu sbuènne de brigande, 'mbrà le quale 'u famose Andonie Locaso, lucane ditte 'u Crapariello ('u Craparidd), 'u quale avenìe giustiziate da le milizie d'u costituite Regne d'Itaglie e avenìe lassate esposte jndr'à chiazze prengepàle d'u paese (chiazze Vittorio Emanuele) pe cchiù de doje sciurne.

Castellaneta davìe 'nu pesande condrebbute de uemmene a 'a prima uerre mundiale e pe le tanda muèrte d'a uerre avenìe costruite jndr'à 'u luèche addò osce a die nasce 'u minicipie 'nu monumende cu atturne tanda arvule quande onne state le muèrte. 'U monumende a le cadute de tutte le uerre.

Jndr'à seconda uerre mundiale invece, successivamende a 'a ritirate de le tedesche, chiste urteme bombardarene 'a cetate e facerene 27 muèrte 'mbrà piccinne,cetadine e rappresendande de le Carabbenire pe colpe d'u scoppie de doje granate, colpevole sulamende de festeggià l'arrive de le lleate. Pe l'umanità espresse da le cetadine jndr'à sta triste occasione, avenìe assegnate a 'u comune 'a medaglie de bronze a 'u valore civile.

Une de le pàggene cchiù triste d'a storie castellanetate riguarde 'u crolle de 'n'indere stabbele in viale Verdi 'u 7 febbrare 1985, pe stu fatte murèrene 34 crestiàne. Apprisse a stu crolle, s'a costituite 'u .

A le funerale partecipò pure 'u Presidende d'a Repubbleche Tagliàne de l'epoche Sandre Pertini.

'U processe ca ha seguite 'u fatte jè angore in corse, jndr'à 'u mendre addò stave 'u stabbele ha state costruite 'n'auditorium (jndr'à le locale d'u quale jè presende pure 'a bibblioteche comunale) e ha state 'nzippate 'nu monumende pe arrecurdà le vittime. 

'U territorie presende 'nu forte accendramende abitative jndr'à 'u nuclèe cetadine ce se esclude 'a frazione marittime de Castellaneta Marine e quedda rurale d'a Gaudella. Pu reste jndr'à le cambagne sonde presende cchiù o mene cinde massarie 'a uerre probbie storeche, certe de chiste fortificate, e cambe cultevate, soprattutte vignete e fruttete.

'U paese vecchie nasce 'nguèdde 'a Gravine de Castellaneta, jndr'à 'na posizione decendrate, e 'nu tiembe ere limitate da mure grosse grosse ca avvrazzavene 'u paese jndr'à vanna scuperte.
'U cendre storeche tène 'nu 'mbiande medievale, cu vicole e stradine assaije strette, ma le tesore de maggiore pregge architettoneche sonde d'u barocche.
'N'imbortanze architettoneche forta forte tènene le chiazze F. De Martino e Marije Maculate addò sonde presende le ttre edificie de maggiore fatture.
'A Cattedrale (o chiesere de San Necole) 'nzippate jndr'à 'u 1220 e quase combletamende refatte jndr'à 'u XVIII sechele (sulamende 'u cambanile ha rumaste d'a chiesere vecchie). Belle probbie ète 'a facciate barocca soje e angore de chciù 'u soffitte de legne 'ntagliate, cu ttre tele d'u 1700 de Carlo Porta (L'Assunzione, San Necole ca sarve Diodato e 'A cadute de le Angioine) e quattre de fine 1770 - inizie 1800 de Dumeneche Carella de Martine (Criste jndr'à 'u Cenacole, Criste ca comuneche San Pitre, Le nozze de Canan e Davide ca balle nnande a l'arche e le Filisdeie ca 'a restituiscene a 'u popole elette. 'U palazze settecendesche affianghe, 'u Vescovile, (sede osce a die d'u vescovade) custodisce 'nu dipinde ca resale a 'u 1500 d'u Santacroce e otre 'nderessande tesore artistece.

'U Palazze Baronale, sede storeche d'u potere politeche, trasformate apprime jndr'à 'nu seminarie, pò jndr'à 'nu convende de le sore de Sanda Chiara.

Jndr'à 'uborghe andiche se iacchiane 'nu sbuènne de palazze signorile, sindome de granne cangiaminde 'mbrà feudatarie sus a stu territorie. Da arrecurdà 'u Palazze Catalano cu 'a facciata soje ca jè oriendaleggiande, 'u Palazze Sarapo cu 'u purtone sue barocche e le palazze D'Alagni, Lagroia e Frisini.

Da vedè sonde pure pure chiazze Umberto I cu 'a Fundane Monumendale cendrale (1871) e 'u monumende a Rodolfo Valentino (1961) ca se iacchie 'mbonde a 'a Passeggiate dedicate a 'u stesse attore e fatte cu 'a maioleche.

Assaije probbie sonde le chiesere jndr'à zone andiche, a testimonianze d'a granne 'mbortanze ca ave avute stu paese pure cumme cendre releggiose, da sechele sede d'a Diocesi de Castellaneta. Da arrecurdà sonde San Dumineche (spicciate jndr'à 'u 1861) cu 'a caratteristeca facciata soje da 'u doppie stile, cu 'a vanne ierte Rinascimendale e cu 'u purtale da 'u 'ngonfondibbele stile barocche.

Otre chiesere oramaie non ausate pe rite releggiose sonde Sanda Marije, San Gesèppe, Sanda Chiara, Sanda Caterine, Madonne de l'Aiute e San Giuanne in muricielle.

Pure jndr'à 'u reste d'u paese stonne otre chiesere 'mbortande pure pa lore architetture e pe le bellezze ca tenene. San Michele chiesere settecendesche costruite a le limite d'u paese vecchie e osce a die 'nglobbate jndr'à 'u cendre d'u paese. Tène tele d'u Cinghecinde e d'u Settecinde.

 

San Frangische d'Assisi (1471) e 'u convende de le Frate Minore (1592). 'A chiesere nasce jndr'à vanna nove d'u paese, 'nu tiembe ('mbonde a le anne sessande) ere assaije lundane da 'u reste d'u paese. Tène capelavore d'u XVII sechele|Seicinde e d'u Settecinde, 'nbrà le quale 'n'imbortande opere sus a l'altare de Girolamo de Santacroce ca rappresende 'a Vergine azzettate sus a 'u trone cu 'u piccinne ca preie 'mbrà iangele, sande e apostole.

Sanda Marije d'a Luce, dette pure Marije sandissime3 Assunde o angore Sanda Marije d'u Pesco (fatte atturne a 'u XIII sechele) jè une de le poche esembie de arte goteche-angioine d'u paese 'nzieme a 'u cambanile d'a Cattedrale. 'A leggende dice ca sta chiesere avere state fatte ex voto da 'nu capitane ca s'avere sarvate da 'nu naufragge apprisse ca s'avere affiddate a 'a Madonne de l'Assunde. 'A chiesere tène 'a forme, pe colpe d'u dislevélle sus a 'u quale ha state costruite, d'u ponde de 'na nave. Jndre tène 'mbortande affresche.

Otre chiesere sonde 'a cinghecendesche San Rocco osce a die annesse a 'u vecchie spedale e 'a seicendesche Mater Christi, pure jedde costruite lundane da 'u cendre abitate e vecine a l'omonime 'nzediamende rupestre e da l'architetture modeste. 'A chiesere de San Dumineche ca se iacchie jndr'à vanna vasce d'u cendre storeche e 'a Parrocchie Cuore Maculate de Marije, strutture moderne. Se aspette 'a costruziona nove d'a chiesere de San Frangische d'Assisi.

 

Lunghe le gravine sonde presende 'nu sacche de 'nzediaminde rupestre. Certe sonde de origgene ierte medievale (V-X sechele), quanne 'a reggione vevìe 'nu periode de forte decadenze politeche e economeche e avenìe ripetutamende attaccate da popolazziune furastiere (apprime le Gote, po le Longobbarde e le Saracene).

Apparte ca da necessità difensive, 'a vite jndr'à le grotte avenìe 'ngentivate jndr'à l'VIII sechele da 'a lotte iconoclaste de Leone III e jndr'à chidde stesse gravine acchiarene refugge 'nu sbuènne de monace grecie, arrevate da l'Oriende.

Certe 'nzediaminde rupestre sonde:

   

Le prengepàle gravine ca se iacchiane sus a 'u territorie sonde:

Sus 'a coste se stenne 'a frazione de Castellaneta Marine, 'a quale tène pe origgene e ause, 'na funzione turisteche. 'A frazione marittime, comboste quase esclusivamende da ville, jè combletamende sckaffate jndr'à verde pinete de Bosche Pineto ca se stenne cchiù o mene pe 9 km lunghe 'a coste, trasenne verse 'u 'nderne d'u territorie pe cchiù de 300 m.

Castellaneta Marine offre a le turiste 'nu mare cristalline, 'na sabbie fina fine e dune fossile de gfranne 'nderesse naturalisteche e sciendifeche. Sus a 'u territorie sonde presende alberghe e 'mbortande villagge turistece, in particolare jndr'à le zone de Riva dei Tessali ('mbortande 'u cambe da golf sue) e Termitosa.

'U 'nzediamende nasce jndr'à l'anne sessande a l'inderne d'a pinete marittime. Servìe 'n'opere de bonifeche d'a zone (ca apprime ere paludose pe colpe d'a particolare tessiture geologgeche de le doje costiere) pe fà addevendà 'a frazione javetabbele. Aqquà onne nate jndr'à picche tiembe 'nu sbuènne de ville, certe de probbietà de personagge famose cumme, pe esembie, Sophia Loren.

Le strade de Castellaneta Marine onne nome referite soprattutte a 'u periode storeche de corse verse 'u spazie quanne in effette 'a fraziona marine avere nate. Non g'è difficile acchià strade ca se referiscene a 'a lune (cumme Mare de le vapore, Oceane de le Tembeste, Baia de le flutte), a famose astronaute americane e sovietece (Neil Armstrong e Jurij Gagarin...), a veicole spaziale (Sojuz, Viking...) e missione (Apollo...) e politece de quidde periode (John Kennedy). 

Ce se leve 'a strade prengepàle de ingresse (Viale de le Pine) in onore d'a pinete ca ospitesce 'a frazione e 'u Lunghemare ca jè dedicate a le Eroi d'u Mare, 'u reste de le strade cetadine jè fatte apposte pe ce ame viaggià cu 'a fandasie 'mbrà e cchiù nnande de le nuvole.

Quidde de l'agricolture jè 'u settore tradizionale de l'economije castellanetane. 'Mbortande e assaije apprezzate sonde leuve da tavole (uve Itaglie sus a tutte), le Clemendine d'u Gurfe de Tarde e totte 'a frutte prodotte jndr'à vanna meridionale d'u territorie sue.

'Mbortande ète pure 'a coltivazione de alìe ca servene pa produzione de l'Uegghie Terre Tarentine, eppure de foragge e de grane tuèste ca se producene prengepalmende jndr'à vanne murgiane d'u territorie castellanetane.

Otre settore assaije forte jè quidde de le amennele, 'mbrà le cchiù apprezzare in Itaglie.

'U turisme jè 'u settore ca s'à sveluppate urtemamende.

Castellaneta ha state inzignte jndr'à l'anne 2006 de 'na vele da vanne de Legambiente jndr'à tradizionale Guida Blu ca l'associazione ambiendaliste scrive ogne anne.

L'offerte turisteche de Castellaneta Marine jè soprattutte de carattere staggionale e tène lide private attrezzate, alberghe e 'mbortande villagge turistece, doje parche divertimende (Felifonte e Felisia cu 'nzeccate 'a sale IMAX) e diverse discoteche.

Urtemamende le villagge turistece stonne a cercane de destaggionalizzà l'offerte revolgennese pure a 'u turisme de affare.

Le collegaminde stradale prengepàle sonde rappresendate da
():

Le collegaminde ferroviare sonde assicurate sie cu Tarde ca cu Bari, e verse tutte le località servite da le linèe ioniche e adriateche.
Vè pure arrecurdate 'u collegamende ferroviarie ioniche ca colleghe 'a frazione marine cu Tarde e Crotone.

L'Aeropuerte de Tarde-Vurtàgghie Marcello Arlotta face servizie de linèe pu traffeche passeggere cu vole charter.

Le otre aeropuerte cchiù vecine sonde:

'U Comune de Castellaneta ha fatte parte d'a Comunitate Mundane d'a Murgia Tarandine 'mbonde a 'a soppressiona soje.

'A suggettate de ballone maschile chciù 'mbortande jè l'A.C.D. Castellaneta ca stè jndr'à prima categorije (girone B). 'U Castellaneta ave cchiù vote sfiorate 'a promozione jndr'à Serie D.
Culore sociale:Vianghe e Russe.
Stadie: De Bellis.

'A suggettate de pallacanestre maschile jè 'a Valentino Basket. Ha state funnate jndr'à 'u 2005 e jndr'à 'u prime anne de vita soje ha state promosse jndr'à Serie D (girone B) vingenne tutte le partite. Nasce da 'a morte d'a gloriose S.S. Castellaneta basket fallite jndr'à l'estate d'u 2005 ca jndr'à staggione 2000-2001 avere militate jndr'à 'u cambionate nazionale de Serie B2.
Culore sociale: Vianghe e Russe.
Palazzette: Palatifo in via Aldo Moro

L'associzione de vele cchiù 'mbortande jè quedde d'u Circolo Velico Vega.

'U circole golfisteche Riva dei Tessali Golf Club jè 'u cchiù 'mbortande d'a Provinge de Tarde. Ogne anne jndr'à 'u cambe de 18 bochere d'u club se face 'u tornèe Tessali-Metaponto Open de Pugghie e Basilicata prestiggiose gare d'u Challenge Tour addò 'u mondepremie arrive a cchiù o mene 120.000 €.

A Nova Yardinia, luèche de villeggiature de Castellaneta Marine, avènene fatte tornèe 'mbortande pure a levèlle 'ndernazionale cumme 'a Fed Cup addò l'Itaglie cchiù de 'na vote ha fatte 'a finale probbie a Castellaneta, vingenne pure.




#Article 34: Ceglie Messapeche (8165 words)


Ceglie Messapeche (Ceglie Messapica jndr'à 'u tagliàne, Cègghie jndr'à 'u dialette locale, 'nzigne a 'u 1864 chiamate Ceglie, da 'u 1864 a 'u 1988 chiamate Ceglie Messapico) jè 'nu comune tagliàne de  crestiàne d'a Provinge de Brinnese jndr'à Pugghie.

'A cetadine avvande 'u recanuscemende de cetate d'arte e terre de gastronomije

'U territorie se caratterizze pe le trulle, le massarie, le ulivete secolare e le grotte carseche.

'U territorie comunale se stenne pe  jndr'à vanne meridionale de l'altepiane de le Murge 'mbrà 'a Valle d'Itrie e 'u Salende, jndr'à 'na zone de colline cu 'a pianure salendine chiamate Soglie messapeche.

'U comune se iacchie a  da Tarde e a cchiù o mene  da Brinnese; confine cu Ostune (distanze ), Martina Franghe (), Villa Castidde (), Frangaville Fundane () e San Michele Salendine ().

'U territorie comunale pò essere divise jndr'à doje aree: une, da l'aspette collinare, se stenne sostanzialmende a nord-ovest d'u javetate, se presende cu doce colline e terrazzaminde cu murette a secche e 'nu sbuènne de trulle; l'otre vèje lenda lende verse 'a piane salendine. Probbie pe ste mutive 'a cetate avène conziderate une de le urteme lembe meridionale d'a Murge. L'altitudine d'u territorie comunale cange 'mbrà le 148 metre s.l.m. d'a fogge Palagogna e le 385 metre m s.l.m. de Contrade Alfieri.

'U javetate 'nvece se iacchie a 'n'altezze de 298 metre s.l.m., se stenne sus a doje colle, une de le quale 'nderamende occupate da 'u cendre storeche e d'a zone uettecendesche.

Jndr'à 'u territorie stonne 'nu sbuènne de forme carsiche (doline, grotte, inghiottitoie, lame): lore tènene 'nu valore assaije 'mbortande sus a 'u paesagge, l'ambiende, naturalisteche ma pure storeche-archeologgeche, purcé, soprattutte le grotte, èrane ggià jndr'à l'epoche preistoreche sede privileggiate pe le inzediaminde umane. 'A presenze de fenomene carsece a macchie collegate a le caratteristeche d'u substrate geologgeche de stu territorie: addò 'ngate iessene 'nfatte strate de rocce calcarée-dolomiteche, gruèsse diverse migliaie de metre e cu 'nu sacche de fessure. Le rocce calcarèe avènene, a tratte, cuperte da strate, spesse de spessore piccele, de terre russe, ca se iacchiane in particolare jndr'à le arèe morfologgecamende cchiù depresse, quale le doline e le litte de le prengepàle solche erosive.

Jndr'à 'u territorie d'u comune onne state cenzite 53 'mbrà cavità, grotte e fratture verticale chiamate da le contadine capiviende o vole. Elenghe de le grotte de Ceglie Messapeche: 

Grotte Recupero 1 e 2, Grotte de Mondevicoli, Grotte de Zizze, Grotte-Cripte de San Michele, Grotte-Cripte d'a Madonne d'a Grotte, Grotte Abbundanze 1,2 e 3, Grotte Massarie Iazzo (wanda), Grotte d'u Frantoije, Grotte Donna Lucrezie, Grotte de Nisco, Grotte Massarie le Croci 1 e 2, Grotte San Pitre, Grotte de le Grille, Grotte Abbate Necole, Grotte Olme, Grotte de Fedele Granne (Grotte d'u Cavaddone), Puzze Alfieri, Vora de l'Olme, Grotte Sardelle 1, 2 e 3, Grotte de le Messape, Grotte Antelmi, Grotte d'a Candine, Grotte de le Maravigghie, Grotte Madonne Piccele, Grotte Tagliente, Grotte Marangi, Vora de Castelluzze, Grotte Abbate Amate, Vora Facciasckuate, Inghiottitoie Facciasckuate, Grotte Ciarlete, Grotte d'u Frantoije Scolepie, Grotte Angeluzzi 1 e 2, Grotte Montagnulo, Grave Vuotolo Russe, Grotte specchie Abbate Amate, Voraginette Insarti, Inghiottitoie Lecci, Grottine de San Pitre, Grotte Madonne de le Grotte 2, Grotte Massarie Tammorre, Grotte Insarti, Grotte d'u Cambe Sportive, Grotte d'u Monde Vecchije, Grotte Massarie San Pitre.

L'idrografije superficiale jè quasi combletamende assente da 'u territorie; le uneche forme reconducibbele sò certe invase artificiale de dimenziune piccele scavate jndr'à rocce pe cogghiere le acque piovane e chiamate, cu 'nu nome corrende, “fogge”.

Se penze ca le fogge onne 'n'origgene tarde medievale, bizzandine o addiritture ca resale a l'epoche messapeche. Chidde presende jndr'à 'u territorie avènene chiamate Fogge Marangi, Fogge de Sand'Anne, Fogge Vetere, Fogge de Lamarina Nove, Fogge de Casamassime e Fogge Palagogne. 

Sotte 'a terre, le acque de falde se iacchiane invece a cchiù de 500 metre sotte 'u piane de cambagne, presendanne, sotte 'u profile fiseche e chimeche, caratteristeche 'mbrà le megghie de Pugghie, quase pe ninde 'nderessate da fenomene de 'nguinamende antropeche e nò tuccate da l'ingressione de le acque marine.

Da 'nu punde de viste vegetazionale, 'u territorie jè assimilabbele a 'u 'ndere territorie d'a Murge de sud-est. Le aree cu le vosche occupane 'u 4,5% d'a sueprficie comunale, e 'n'otre e tande onne le arèe 'nderessate da macchie mediterranèe o garighe. 'A vegetazzione putenziale d'u territorie jè fatte soprattutte da formaziune de latifogghie eliofile decidue cu dominanze de querce, jndr'à 'u case specifeche de fragne. A parte 'u fragne vonne arrecurdate pure 'a roverelle, 'u cerre, 'u leccie e, quacche vote, pure 'a sughere e otre specie cumme carpine oriendale, acere cambestre, ornielle.

'A situazione de osce a die d'a vegetazzione naturale jè assaije lundane da 'u quadre assute da l'analise d'a vegetazzione putenziale sia da quande se deduce da 'nu sacche de fonde storeche ca descrivevane 'nu paesagge strutturate da vosche granne e belle careche.

'U cangiamende de le carattere origgenarie d'u paesagge jè collegate soprattutte a 'a pressione de le attività antropeche: l'allariamende d'a superficie destinate a le colture agratie e 'u pascole eccessive.

'A forme cchiù mature d'a vegetazzione de stu territorie, jè relevabbele sulamende jndr'à arèe piccenne e pure scarse (Massarie S. Pitre, Massarie Marcuccie, Massarie Montedore).

'U strate arbustive de le quercete jè caratterizzate da 'a presenze de chiande tipeche d'a macchie mediterranèe, cumme 'u lentische, 'u terebinde, 'u vianghespine, 'u perastre, le rose selvateche, le ciste, associate a 'nu sacche de chiande rambicande e lianose (smilax, vitalbe, lonicere, ecc.).

Le arèe 'nderessate da 'a macchie mediterranèe se presendane caratterizzate da 'nu strate arbustive fitte e 'ndruvulate, addò le chiande perdone 'a lore individualità pe squagghiarse l'une cu l'otre. Sò presende chiande termofile a carattere sembreverde. Jndr'à certe case l'ambiende se presende cchiù simile a 'a pseude-macchie (macchie cu 'a presenza sparpagghiate de querce a 'u state arborèe).

Sò presende arèe 'nderessate da 'u fenomene d'a garighe, pe esembie le arèe marginale de le vosche, le arèe percorse da 'u fuèche o chidde degradate da 'u pascole eccessive. Jndr'à 'u terriotire le garighe avènene dominate da 'a presenze d'u ciste de Montpellier e d'u time.

Stonne pure:

Le arèe cu le vosche o 'nderessate a 'a presenze de macchie mediterranèe ca sò le cchiù granne sonde: vosche de San Pitre (cchiù o mene 120 ettare; vosche e macchie de Montedore (110 ettare); vosche e macchie de Facciasckuate (100 ettare); vosche e macchie de Alfieri (41 ettare); vosche e macchie de Recupere; vosche e macchie de Tarturielle; macchie de Gesèppe Nisi; vosche de Montecchie; pinete Ulmo; vosche de Sacramende; vosche de Casine Vitale; vosche d'Insarti; macchie de Selvagge; macchie de Sumerane; macchie de Epicocche; macchie de Donno Sande.

Jndr'à 'u territorie stonne pure ttre arvule monumendale cenzite da 'u cuèrpe forestale d'u State:

Pe quande arreguarde 'a faune, jndr'à 'u territorie se reggistre 'a presenze de 'na comunitate faunisteche non assaije numerose, ma comungue de rilevande valore pu mandenimende de le equoibbrie ecologgece d'u territorie. 'A presenze limitate de granne mammifere jè collegate forte forte a 'a limitate larghezze de le arèe cu vegetazzione naturale e a 'a discondinuità de ste arèe sus a 'u territorie.

'A faune jè caratterizzate da 'a presenze de lepre, volpe, tasse, rizze, chiocciole, falche, pitterusse, torde, merle, rondine e diverse rapace d'a notte cumme civette, gufe, assiole, barbagianne, e pipistrelle ca iacchiane refugge jndr'à le tanda grotte ca stonne.

'U comune gode de 'nu tipeche clime mediterranèe, mite e confortevole jndr'à le periode d'a primavere e de l'autunne, stagggiune cavede e 'nvirne non assaije fridde.

Le temberature medie mensile pigghiane 'a 'nfluenze de le avveneminde atmosferece d'u mediterranèe nord oriendale e cangiane da le  jndr'à le mise fridde, a le  de le mise d'a staggione. Sò rare le case de forte escursiune termeche, le mise cu cchiù scarte termeche 'mbrà le massime e le mineme sò de solete le mise d'a staggione cu 'nu differenze de cchiù o mene . 'U vinde 'nfluenze 'u clime d'a zone attraverse le corrende fredde de origgene balcaneche (ca de 'nvirne fanne addevendà l'arie ghiacciate), o cavede de origgene africane (ca fanne addevendà 'a staggione caveda cavede). 'U territorie resulte avè 'na vendosità medie annue, seconde l'atlante eoleche tagliàne, 'mbrà le 5 e le .

Accappe, certe vote, durande le nuttate 'nvernale, ca 'u termometre vèje sotte a 'u zere, pure di diverse grade (, ) e accussì se formane le stennute gelate, o ca se reggistrane nevicate cu 'mbortande accumule nevose, soprattutte quanne l'Adriateche meridionale jè culpite da ondate de arie fredde de origgene arteche-condinendale (cumme, pe esembie, jndr'à 'u 1987, 1993, 2001, 2006, 2009 e jndr'à 'u 2014). 

L'anne cu cchiù neve ave resultate 'u 1956, quanne jndr'à 'u febbrare cadìe 'nu metre de neve. D'a staggione, invece, quacche vote se verificane ondate de calore lunghe e 'ndense, ca fanne addevendò 'u clime torride e carresciane le temberature sus a valore certe vote superiore a le .

Le precipitaziune de ogne anne arrivane sus a l'ordine de le  de pioggie, destribbuite soprattutte jndr'à 'u periode da ottommre a marze. 'A primavere e 'a staggione avènene caratterizzate da periode de siccità.

Jndr'à 'u paese, precisamende addò ste 'a massarie Nisi, da 'u 2008 jè attive 'na stazione meteo amatoriale ca face parte d'a rezze de staziune meteorologgeche de l'associazione Meteo Valle D'Itria.

Seconde 'a tradizione, 'a funnazione de Ceglie pare ca jè legate a l'arrive jndr'à l'Itaglie d'u popole de le Messape, a 'u quale jè attrebbuite 'a costruzione de manufatte megalitece canusciute cu 'u nome de specchie.

Ere canusciute da le Grice cu 'u nome de Kailìa. 'U nuclèe urbane, stennute a le pide de 'nu colle (jndr'à zone addò osce a die ste 'a stazione ferroviarie de le Ferrovie Sud-Est), ere difese da fortificaziune addò le reste scarse sò canusciute cu 'u nome locale de Paretone. Vecine 'a cetate pare ca averane state 'nzippate sanduarie dedicate a le divinità greche Apolle (in corrispondenze de quedde ca osce a die jè 'a chiesere de San Rocche), Venere (sus 'a colline de Mondevicoli) e sotte 'a Basiliche de Sand'Anne duranne le fatìe de sondagge le frammende de cerameche votive e reste de tembie d'a Dea Latona mamme de Apolle e Diana (Archivije 1987).

'A cetate ha state 'nu punde de avvistamende d'u popole de le Messape cu le cendre de Orie e Brinnese a lunghe in lotte condre 'a cetate spartane de Tarde ca vuleve 'nu sbocche sus a 'u mar Adriateche. Jndr'à l'epoche romane 'a cetate ere oramai decadute.

Le dinameche de le 'nzediaminde de Ceglie medievale onne state analizzate assaije probbie jndr'à 'nu convegne de studie d'u 2009. Jndr'à l'età romane Ceglie ere canusciute cumme feude, Castellum Caeje, sotte a l'autorità d'u Castellane Paganus ca definisce le confine sue cu 'a putende cetate de Ostune. Jndr'à l'età sveve 'u borghe jè canusciute cumme Celie de Galdo (Ceglie d'a Fureste) e avera condrebbuì, 'nziene a 'u casale de Sanda Marije de le Grane, a 'a manutenzione d'u castelle de Orie.

'U feudatarie cchiù 'mbortande sue jè Glicerio de Persona signore de le Terre de Ceglie e d'u Gualde, de Motole, de Solete e d'u Casale de San Pitre a Galatine. Glicerio parteggiò pe Corrade IV de Svevia figghie de Federiche II de Svevia e Re de Sicilie condre a l'angioine. Cadute pure Manfredi de Sicilie, l'urteme de le Sveve, Carle I d'Angiò ordine 'a catture de Glicerio, ca se 'n'avere sciute cumme latitande jndr'à le cambagne de Tarde addò avenìe catturate, carresciate jndr'à 'u carcere jndr'à 'u castelle de Brinnese ('nzieme cu le figghie Gervasie, Giuanne e Perello) e condannate pe fellonie, subbìe 'u patibole.. Le possedeminde ca tenève avenèrene confiscate e date a Anselino de Toucy.

'U feude, tenève pure 'nu castelle piccele, avenìe successivamende date in possesse a le famigghie Orimi, Scisciò, Brancaccio, Dentice e Pignatelli, e de le arcivescove de Brinnese.

Jndr'à 'u territorie atturne avèrene ggià state funnate de le 'mbortande monastere de l'abbazzie de Sand'Anne, a 'a periferie de quidde ca osce a die jè 'u javetate e d'a Madonne d'a Grotte, addò rumane 'a chiesere, sus 'a vie vicinale pe Frangaville Fundane. Jndr'à 'u 1521 avenìe costruite a 'u poste d'a chiesere matrice 'a colleggiate, 'ngrandite e arrecchite de decoraziune barocche jndr'à 'u 1786.

'U 24 ottommre 1584 'u feude avenìe cedute in permute da Cornelie Pignatelli a Ferdinande Sanseverino, conde de Saponare e barone de Viggianelle. Le Sansevereino allariarene 'u castelle e vulerene 'a funnazzione d'u convende de le Cappuccine, osce a die scombarse, e de quidde de Duminecane, sede d'u comune 'nzigne a 'u 2005.

Apprisse a le Sanseverino arrevarene le Lubrano e le Sisto y Britto: apprisse l'estinzione de sta casate cu 'u duche Rafaele, jndr'à 'u 1862, 'u castelle e le probbietà ca rumanevane de l'ex feude avenèrene ereditarte da 'a famigghie Verusio.

Durande 'u Resorgimende avìe sede jndr'à cetate 'na vendite carvonare, da vanne de Dumineche Termetrio de Cisternine, e 'na sezione d'a Giovine Italia, da vanne de Pitre Elia, amiche personale de Gesèppe Mazzini. Apprisse l'annessione a 'u Regne d'Itaglie vevìe 'nu periode de fioreture e a le inizie d'u XX sechele 'ndrucò 'na crescite demografeche, nonostande 'a presenze d'u fenomene de l'emigrazione.

'Nu segne 'mbortande a 'a storie cetadine de fine Uettecinde 'u carresciarene doje sinnace, Gesèppe e Frangische Elia (attane e figghie), ca avèrene 'mbrà l'otre cose, tutte e doje l'onorificienze de Commendatore de l'Ordine d'a Corone d'Itaglie; da lore accumenzò e pò avenìe seguite jndr'à 'u ruole de membre d'u conziglie provingiale d'a Terre d'Otrande (Frangische avère state pure vicepresidende d'u conziglie d'a provinge d'a Terra d'Otrande) 'u processe lunghe durate quase cinguand'anne ca purtò a 'a costruzione d'u tronghe ferroviarie Frangaville Fundane - Ceglie - Cisternine - Martina Franghe - Locorotonde.

'A costruzione de le ferrovie avenìe pratecamende fatte però sulamende a le inizie de le anne '20 d'u Millenovecinde, 'nfatte l'inaugurazione d'a stazione se facìe 'u 14 aguste 1924. Qaucche anne apprime 'u territorie cegliese avenìe 'nderessate da 'a realizzazzione de 'n'otra 'mbortande opera pubbleche, 'a costruzione d'u canale prengepàle de l'Acquedotte Pugghiese.

Durande 'a seconda metà d'u XX sechele 'a cetadine s'ave cangiate da 'nu punde de viste suggiale, s'ave perse, infatte, 'a vocazione prettamende agricole e artiggiane (prengepalmende jdnr'à 'u settore tessile) d'a popolazzione, le javetande de Ceglie 'nfatte, cumme chidde d'a provinge onne state assorbite da le granne 'ndustrie nate a Brinnese e Tarde.

Le anne '60 d'u XX sechele onne state, cumme jndr'à 'u reste de l'Itaglie, le anne d'u boom edilizie, s'ave 'nfatte assistite pure jndr'à 'u comune a 'nu sveluppe d'u tessute urbane, le anne addò 'u vecchie lassave 'u poste a 'u nuève (avenève scettate 'nderre 'u convende de le Cappuccine cu Chiesere 'nzeccate pe fà poste a 'u Spedale Civile).

Jndr'à l'anne '80 d'u XX sechele accumenzarene le lotte de le bracciande e de le sindacate condre a 'u caporalate, ca tremenderene jndr'à prima linèe, 'mbrà le otre, quidde ca osce a die jè 'u Ministre de l'Agrciolture Terese Bellanove, e sveluppate pure cchiù nnande a fatte tragece addò murerene jndr'à 'ngidende stradale crestiane de Ceglie.

Le anne '90 d'u XX sechele onne state signate da 'a crise definitive d'u settore tessile, cu 'a chiusure de 'nu sacche de stabbileminde.

Descrizione araldeche d'u stemme:

Ceglie ere une de le cetate d'a Dodecapoli messapeche, addò 'u cendre prengepàle jè rappresendate da Orie. 'Mbrà 'u 343 n.C. e 'u 338 n.C. le cetate messapeche facerene 'na resistenze forte forte condre a l'influenze de Tarde, 'a cetate funnate da le colone spartane ca vulè ccu conguistave totte 'a Magna Grecie e a conzolidà 'u probbie ruole egemone sus a 'u mare Ionie e sus a l'Adriateche meridionale. Tarde vengìe definitivamende sus a totte l'arèe pugghiese apprisse 'u 303 n.C. cu 'nu trattate ca vietave a le nave romane de scè cchiù a oriende d'u Promondorie Lacinie.

D'a civiltà messapeche rumanene 'nu sbuènne de reste archeologgece: 'u sisteme difensive (specchie, fortine messapece, mure e muragliune chiamate paretune), necropoli e pò 'scriziune, monete, vase, trozzelle messapeche e tanda reperte de tipe de cerameche o de metalle.

Ceglie pa posiziona naturale soje in cime a 'nu colle e pu territorie collinare da addò se 'ndruche belle belle Tarde, pe le acchiaminde archeologgece (mure, speccie) pò essere conziderate cumme 'na roccaforte d'a Messapie.

'U sisteme difensive ere fatte da quattre cinde murarie (paretune) de le quale quedde de cchiù fore ere 'u collegamende 'mbrà le specchie (fortificaziune ierte, de blocche megalitece, ierte pure oltre 20 metre e de diametre 'nzigne a 60 metre), 'a cinde de mure cchiù de jndre tèneve 'nu perimetre de  e avvrazzave 'na popolazzione none inferiore a le  crestiane. Probbie a 'u 'nderne de ste cinde onne state acchiate 'a maggiore parte de le reste d'a cetate, le tembie e le necropoli da addò avenèvane le 'scriziune, le monete, le vase messapeche cumme Gnatia e diverse reperte, ca erane le correde funerarie, stipate pe 'na vanna piccenne jndr'à 'u musèe locale de Ceglie e jndr'à le musèè de Tarde, Brinnese, Lecce e Egnazie ma, soprattutte se onne perse jndr'à colleziune private e pubbleche (pe esembie 'nu vase acchiate jndr'à 'u 1820 ca raffigure 'a lotte 'mbrà Diomede e le Messape se iacchie jndr'à 'u musèe de Berline).

Pe quanda arreguarde le mure e le muragliune chiamate paretune, jndr'à 'u passate s'ave teorizzate pure 'na lore origgene bizzandine referibbele a 'nu limes, jè osce a die accertate ca se tratte de sisteme pe signà 'u territorie referibbele a l'età medievale.

Le urteme iacchiaminde archeologgece resalene a 'u settemmre 2006, durande de le fatìe de restrutturazione jndr'à vie Toniolo, quanne avenìe acchiate 'nu chiaute familiare ca resale a 'a seconda metà d'u IV sechele n.C., ca tenève 5 scheletre e 'nu correde funerarie de 'nu sbuènne de manufatte, 'mbrà le quale cindure fatte de bronze e forme cerameche ornamendale e legate a le funziune nutrizionale, a 'u 2008 durande de le fatìe de restrutturazione d'u castelle de probbietà comunale jndr'à l'atrie 'nderne e a 'u 2014 quanne jndr'à vie sant'Aurelia onne assute fore le fondamende de 'nu tratte d'a cinde murarie 'nderne de epoche messapeche.

Jndr'à l'agre d'u comune, stonne 18 specchie ca stonne atturne a 'u javetate facenne 'na forme de ellisse: Monde Peluselle, Talene, Facceasckate, Castelluzze, S. Lucie, Tarandine II, Olive, Puledre, Capece, 'A Selve, Cervarole, Madonne d'a Grotte, Pezze de Firre, Mondefocare, Virgilie, San Paole, Sative, Fogge Vetere e Specchie Tarandine. Jè da penzà ca le specchie, o almene quacchedune de chidde ca stonne, onne avute pure 'na funzione sepolcrale. Pe esembie 'a specchie de Castelluzze presende 'na strutture architettoneche a carattere difensive ma a 'u 'nderne onne state acchiate celle funerarie e frammende de terrecotte.

Oltre a le specchie ca amme ditte apprime, jndr'à 'u territorie comunale avènene segnalate ste otre site archeologgece: 'nzediamende Preistoreche Massarie San Pitre, javetate medievale e necropoli romane Cambe d'Orlande, javetate e necropoli Masssarie Genovese, javetate e necropoli Conghe de Scrina, grotte Massarie Le Croce, cripte Massarie Sand'Angele, Paretone.

'U castelle ste 'nzippate sus a une de le doje colle addò se iacchie Ceglie. A 'a strutture se tràse ausanne 'nu portale larie cu arche a tutte seste e 'nu 'ngresse cu volte d'agive ca face trasè jndr'à l'atrie de forme irregolare cercunnate da le ale d'u castelle.

'U nuclèe origgenarie jè fatte da 'a Torre Normanne ca jè 'a parta origgenarie d'u castelle, ca resale cchiù o mene a 'u 1100. Affianghe a 'a Torre normanne avenìe 'nzippate, jndr'à 'u XV sechele, 'a torre de forme quadrate ca jè 'u simbole tradizionale d'a cetate, jè ierte .

Jndr'à l'atrie, 'nguedda 'nguedde a 'a torre normanne se iacchie 'nu puzze addò stonne de le colonne da sus. Sembre jndr'à l'atrie stonne le stemme de le famigghie nobbile ca onne state a 'a guide d'u feude.

'Nnande a 'u 'ngresse stonne 'na scalinate e 'nu portale cinghecendesche ca carresciane a une de le vanne residenziale (ale destre= ca ospitesce 'a Sala d'u Conziglie. 'U perimetre de fore pò ave ttre torriune angioine de forme circolare.

Da masce 2006 jndr'à vanne de probbietà d'u Comune onne state spustate 'a bibblioteche Pitre Gatti e 'a pinacoteche Emilie Notte.

Le porte pe trasè jndr'à cetate d'età medievale erane ttrede, quidde ca osce jè 'u cendre storeche. Le 'ngresse erane tutte sorvegliate.

Pe conzendì 'u 'ngresse jndr'à 'u cendre storeche jndr'à l'età successive onne state fatte otre punde de accesse ca non ge ponne essere conziderate de le strutture de tipe militare. Une jè l'arche ca ste vecine a 'u municipie (vie Enrico De Nicola), ca ste sotte a 'u palazze Antelmy, ca pure ca ave caratteristeche simile a le otre prote avenìe fatte sulamende cumme punde de sfoghe. Sotte a stu arche ste pure 'nu affresche ca raffigurare 'a Madonne d'u Puzze.

D'u 'mbiande murarie de età medievale oltre a le 2 porte ggià ditte no ste tanda otra robbe, sus a jidde 'nfatte ha state 'nzippate 'a vanne cchiù de fore de quidde ca osce a die avène conziderate 'u cendre storeche achiuse 'mbrà chiazze Plebbiscite , vie Dante Alighieri, vie Porte de Giuso, vie Pendinello, via Muri e 'u castelle.

D'u sisteme difensive de età messapeche rumanene cchiù tracce, sò 'ndrucabbele 'nfatte le reste de ttre diverse cinde murarie. 'A prime ste 'nguedde a quidde ca osce a die jè 'u cendre javetate, e resale a 'u V sechele n.C., tène 'na altezze ca vèje da le  a le , jè fatte 'nu picche da bluècche de tagghie gruèsse, cu quacchedune ca ha state fatiate, otre grezze, mandenute a secche.

Le otre 2 cinde se iacchiane in direzione de Frangaville a cchiù o mene  da 'u javetate. 'A costruziona lore ha state fatte apprisse a quedde d'a prima cinde, atturne 'a fine d'u IV sechele n.C. quanne 'a cetate avìe abbesogne de rafforzà 'u probbie sisteme difensive da le attache tarandine. 'A cinde cchiù de fore servive cumme collegamende 'mbrà le specchie, pure lore facevane parte d'u sisteme difensive, presende jndr'à quedda zone.

A 'a fine d'u Uettecinde 'a cetata 'ndere avenìe 'nderessate da 'nu processe espanzive cu 'a costruzione de edificie 'mbortande ca pe l'epoche rappresendarene 'nu zumbe de qualitate jndr'à crescite economeche e produttive d'u paese e d'a popolazziona soje.

'U tiatre avenìe prugettate da l'ingegnere Andonije Guariglia de Lecce. 'U sinnache, Gesèppe Elia, facìe partè le fatìe jndr'à 'u 1873 ma l'opere avenìe spicciate assaije anne apprisse a avenìe inaugurate 'u 30 abbrile 1878. Le fatìe avenèrene fatte da maestranze locale.

'A facciate, 'u sole elemende origgenarie ca se stipe d'u Tiatre Comunale, chiamate Politeame Giacosa, jè in stile neoclasseche cu quacche elemende decorative de stile barocche, cu 'nu sole 'ngresse a arche a tutte seste.

'U manufatte architettoneche ha state 'nu tiatre accumenzanne da le inizie d'u XX sechele pe pò devendà, cu 'u tiembe ca passave, apprime 'nu cinematografe, pò 'na stalle durande 'a Seconda uerre mundiale, pò 'na sale matrimonie, e infine 'nu deposite pu rummate urbane. Apprisse 'na lunga fase de restaure accumenzate quanne ste spicciave 'u XX sechele, 'a strutture ave accumenzate arrete a essere 'nu tiatre pubbleche.

'A torre civiche d'u 'rrelogge, normalmende chiamate Torre d'u 'Rrelogge, se iacchie a chiazze Plebbiscite. Avenìe 'nzipate jndr'à 'u 1890 sus a 'nu pruggette de l'ingegnere Paole Chirulli. 'A torre jè de forme quadrangolare e se sveluppe sus a tre levèlle pe 'na iertezze de cchiù o mene 12 m. Le facciate de aspette neoclasseche sò arricchite da decoraziune ca tènene forme sciumetre e motive de fiure. A 'u prime levèlle jndr'à facciate prengepàle jè presende 'a porte de accesse a 'a rambe de scale 'nderne, invece sus a le otre facciate sò presende de le porte fause, ogne porte tène da sus 'nu rosone circolare. A 'u seconde levèlle ste 'nu balcone ca cerconne 'a torre, sus a ogne facciate ste fatte 'na porte. Jndr'à vanna superiore stonne le 4 quadrande de le 'rrelogge.

'A torre tène sus a sus 2 cambane ca partone cu 'u meccanisme d'u 'rrelogge ca segnane 'u cange de le quarte d'ore e de le ore e da 'na banderuole de le vinde.

Le massarie erane de le granne aziende agricole javetate, certe vote, pure da le probbietarie terriere. 'A granna costruzione rurale tenève pure le allogge de le condadine, pure pe chidde staggionale, le stalle, le najazzine pe le foragge e le raccolte.

Le massarie ca stonne jndr'à l'agre cegliese s'assemegghiane. Se sveluppane prengepalmende atturne a de le corte addò se affacciane l'edificie prengepàle sveluppate sus a doje levèlle, 'nu sbuènne de truelle ausate cumme majazzine o stalle e jndr'à certe case chiesere o cappelle rurale (Massarie Madonna della Grotta, Massarie Epifani, Massarie Galante, Massarie 'a Selve e otre). Stonne massarie ca tènene pure de le fortificaziune.

Pure da 'u punde de viste agrarie stonne de le assemeglianze, 'nfatte assaije vote vecine a le massarie se ponne 'ndrucà aree larie de terrene ausate cumme pascole o seminative chiamate comunemende pezze, vosche e arée de macchie mediterranée, cchiù o mene granne a seconde de le case e olivete de granne dimenziune.

Partenne da 'a fine de le anne '90 d'u XX sechele, de le massarie onne state reconvertite, apprisse a 'u restaure, jndr'à strutture ricettive cumme agriturisme, bed  breakfast e restorande.

Chiesere consecrate a 'u culte d'a Vergine Assunde. 'A chiesere ha state 'nzippate sus a l'acropoli vecchie, le origgene resalene a 'u 1521 mendre l'edificie de osce a die resale a 'u 1786. 'Nfatte 'mbrà 'u 1781 e 'u 1786 l'edificie sacre avenìe allariate e restrutturate. 'U comblesse ave 'na chiande a croce greche e jè affiangate da 'a torre cambanarie, 'a facciate jè jndr'à 'u stile proto-neoclasseche, 'a cupole jè maiolicate. 'U 'nderne jè maestose, jè decorate da 'nu sbuènne de affresche opere de Dumineche Carella e jè ricche de altare de marme policrome, de chiste une jè dedicate a 'u sande patrone d'a cetate (Sand'Andonije da Padove).

'Mbrà le opere 'ndrucabbele jndr0à chiesere se arrecorde: 'u Crugefisse de legne d'u XVI sechele ca ste jndr'à l'abside sinistre; 'a statue de Sand'Andonije da Padove d'u XVIII sechele; 'a pale ca ste sus a l'altare ca raffigure 'a 'Mmaculate Congezione, 'a sculture de petre policrome ca raffigure Criste ca iesse da 'u sepolcre, opere d'u XVI sechele attrebbuite a Raimonde da Frangaville e stipate jndr'à sagrestie.

'U Sanduarije de San Rocche avenìe 'nzippate sus a 'u punde cchiù ierte de 'na colline addò nasceve 'na Cappelle 'nzippate atturne a 'u XVI sechele dedicate a 'u Sande de Montpellier. Sus a quidde colle, se dice ca jndr'à tiembe remote stave 'nu tembie pagane ca cangiò nome quanne 'a popolazzione, afflitte da pestilenze, accumenzò a revolgerse a 'u Sande prutettore de le appestate.

Le prime notizie ca fanne referimende a 'a storie de l'edificie resalene a 'u 1595, quanne avenìe combiute 'na visite apostoleche jndr'à diocesi de Orie da vanne de S.E. Mons. Camille Borghesi,vescove de Castre. Da 'a relazione de sta visite se capisce ca stave 'a prime costruzione de 'na chiesere dedicate a San Rocche fuore da le mure d'a cetate.

'A strutture de osce a die d'u Tembie avènie realizzate sus a 'nu pruggette de l'ing. Andonije Guariglia de Lecce pure ce avenìe fatte cu 'nu sbuènne de cangiaminde. Non g'avenìe fatte 'u pronao tetrastile toscane. A 'u 'nderne 'u stile ioneche avenìe cangiate da 'u combosete. A 'u poste de l'elegandissime cupole de osce a die, jndr'à 'u pruggette se 'ndruche 'na volte semblece, a 'u stesse levèlle de quedde d'a navate cendrale. 'A facciate appare solenne soprattutte grazie a le ardite soluziune architettoneche, angore osce a die, ccreja endusiasme e ammirazione.

'U Sanduarije avenìe fatte cu 'a collabborazione attive d'a popolazzione 'ndere d'a cetate, prengepàlmende da le javetande d'u rione (ca all'epoche ere 'na contrade) mammacara. 'A chiesere jè comboste da ttre navate, une cendrale e doje laterale e da 'na quarte trasversale ca dèje a tutte 'u Tembie 'na forme de croce. 'A facciate de nnande jè d'u stesse stile d'u Duome de Tarde. A destre e a sinistre, d'a faccaite, avenèrene recavate quattre nicchie addò averena essere mise altrettande statue cu a 'u cendre e sus quedde de San Rocche. A 'u 'nderne d'u Tembie, apparte a 'a statue de legne d'u Sande, datate XVIII sechele ste stipate pure quedda litiche, datate XVI sechele, ca avène da 'a Cappella vecchie, scettate 'nderre pe fà poste a l'edifice nuève.

'U cambanile a quattre fornice, cu altrettande cambane de diverse dimenziune e suène se iacchie probbie sus 'a perpendicolare d'a sagrestie origgenale.

'A chiesere de San Rocche, avenìe elette a Parrocchie, jndr'à 'u màrze d'u 1855, da S.E. Mons. Luigge Margarita, vescove d'a diocesi de Orie, a seguite de l'assense congesse da Ferdinande II de Borbone, Rre de le doje Sicilie.

Chiesere dedicate a 'u culte de San Giuacchine, face parte de le bene d'a Parrocchie Marije Sandissime Assunde de Ceglie. Avenìe 'nzippate, partenne da 'u 1869, sus a 'nu suole rialate da de le cetadine, cu 'u condrebbute 'mbortande d'a popolazzione. 'U pruggette e 'a costruzione avenìe assegnate a le frate Cavallo ca erane maestre murature d'u poste.

L'edificie ave 'na chiande ottagonale e lunghe 'u perimetre sue se 'nzippane murature portande ca stonne pe mandenè 'u tammorre e 'a volte emisfereche, 'a cupole seconde 'u pruggette origgenarie avera essere rivestite cu maioleche colorate. 'A 'ndera strutture rechiame jndr'à forma soje 'u Pantheon de Rome.

A 'u 'nderne stonne: 'u pavimende fatte da quadrate de graniglie de cemende, le affresche d'u pettore Abruzzese datate 1876, doje dipinde ca raffegurane San Frangische da Paole e 'a deposizione d'u pettore martenese Gesèppe Di Giuseppe, le statue de San Lorenze, S. Giuacchine cu Piccenne opere d'u scultore Gesèppe Maffia, datate 1868, de Sand'Anne, Criste abbevesciute e 'a statue d'a 'Ddulurate ca avenève carresciate in progessione 'a sere d'u sciuvedìe sande, pe totte 'a nuttate.

Apprisse restaure fatte bbuène, da picche tiembe ha state reconsegnate a 'u culte.

'A chiesere, 'mbrà 'u 2015 e 'u 2016, ave ospitate temboraneamende 'a Parrocchie Marije 'Mmaculate d'a Divine Provvidenze de Ceglie.

Costruite sus a le reste de 'nu tembie pagane - cumme le urteme indaggine onne accertate jndr'à 'nu mode credibbile - dedicate presumibilmedne a 'a dea Latona, l'abbazzie resale a 'u IX sechele a.C., le prime notizie documendate resalene a 'u 1182 e stonne jndr'à 'u Codece Diplomateche Brinnesine; sus a sus ste 'u depinde d'a Presendazione de Marije a 'u Tembie.

'A chiesere ste 'nguèdde a 'n'ex convende monacale de l'ordene dumenecane ca ave ospitate pe anne ('nzigne a 'u 2004) 'a sede d'u palazze de cetate. 'U comblesse avenìe 'nzippate 'mbrà 'u 1534 e 'u 1570, une de le ale sue ave ospitate pure 'nu sanatorie.

'A chiesere de osce a die, 'nzippate 'mbrà 'u 1688 e 'u 1700, jè in stile barocchette leccese, l'edificie jè a 'na sole navate addò se affiangane 6 ambiende collaterale, de le quale 5 cappelle e 'n'ambiende ca carresce a 'u 'ngresse laterale.

A 'u 'nderne d'a navate, sus 'a porte cendrale, se iacchie l'Urtema Cene, opere d'u Casale datate 1776.

Barocche jè  l'altare maggiore fatte de marme, cu 'u portelle d'u cibborie rialate da Pitre Allegretti Cavallo jndr'à 'u 1866; sus 'a candorìe, mise sus a l'altare maggiore, l'organe positive belle probbie ca adda essere restaurate.

Jndr'à l'abside, rete a l'altare maggiore, 'u core de legne d'u XVII sechele, A 'u cendre d'a chiesere, doje pulpite de legne: a sinistre se quidde cchiù andiche, de età medievale, opere de granne preggie artisteche; a destre, in posizione ierte, 'u pulpite d'u XVII sechele (anne 1717), 'mbreziosite da le 'ndaglie de le colonnine tortile e de le pannelle decorative.

Le 5 cappelle laterale da le caratteristece altare barocche de petre cu sus de le pale e medagliune e accucchiate da 'a presenze de culonne tortile o bombate, stemme de l'Ordene de le Duminecane, statue litiche de sande duminecane, puttine, freggie e decoraziune dorate, sò separate, attraverse balaustre de petre e cangellette e rialzate respette a 'a navate cendrale.

Jndr'à 'u late destre acchiame 3 cappelle, 'a prime trasenne, ere 'a cappelle dedicate a San Vecinze Ferreri, 'nfatte ospitave sus a l'altare 'na granne tele d'u sande, purtroppe sciute perdute pe colpe de le 'nfiltraziune d'acque, ca angore osce a die stonne jndr'à cappelle; 'a tele avenìe cangiate da 'na croce processionale d'a Congreghe d'a 'Mmaculate. Pò jndr'à cappelle cendrale cu l'altare dedicate a San Dumineche, pure jndr'à stu case jè presende 'na tela granne. Spiccianne, acchiame 'a cappelle cu l'altare d'a Presendazione a 'u tembie de Criste. Jndr'à 'na nicchie d'a cappelle ste 'a statue de legne de S. Dumineche de Guzman, Attane Funnatore de l'Ordene. 'N'otra statue ('nu semi buste), sembre de San Dumineche, se iacchie sus a 'u portale laterale d'a chiesere jndr'à vie Elia.

Le cappelle sus a 'u late sinistre sò doje, a 'u poste de quedda cendrale 'nfatte ha state fate 'nu ambiende ca carresce a 'u 'ngresse laterale addò stonne mise de le armadie ca tènene 'a 'Ddulurate e 'a Madonne d'a Vittorie o d'u Rosarie, cu 'u vestite belle decorate.

'A prime cappelle ave l'altare dedicate a San Tummase d'Aquino raffigurate sus a 'na tele, invece jndr'à 'na nicchie ste 'a statue de legne de San Vecinze Ferreri, securamende none jndr'à collocaziona soje origgenale, 'u simulacre 'nfatte presende le ale smundate pe spazie ca jè picche. Pò se iacchie 'a cappelle dedicate Madonne d'u Rosarie, a cercunnà 'a granna tele cendrale de l'altare acchiame 15 ovale ca raffegurane 'a vite de Gesù.

Jndr'à sagrestie a sinistre, ambiende piccele mise vecine a 'a Chiesere, nate luèche de preghiere pe le monache de clausure ca pe 'nu picche de tiembe avene javetate 'u convende, se iacchie 'u sacelle d'a duchesse Isabbelle Noirot d'u Belgie, mugghiere d'u Duche de Ceglie, Dieghe Lubrano, morte uagnedde probbie jndr'à 'u 1641. 

Pure jndr'à 'u late destre, a le spalle de l'altare, se iacchie 'n'ambiende affrescate jndr'à 'u 1719, securamende ausate in passate pe raggiungere 'u chiostre e da cui osce a die jè possibbele 'a scale de petre ca carresce a 'a cantorie e da le quale se azionavane le cambane d'u doppie cambanile a vele.

Jndr'à chiesere onne state stipate 'mbrà 'u novemmre 1968 e 'u settemmre 2016 le settecendesche statue de le Mistere, carresciate in progessione 'u venerdìe Sande.

A 'u 31 decemmre 2014 jndr'à 'u territorie comunale se reggistre 'a presenze de 461 furastiere regolare (182 maschele e 279 femmene), ca sò cchiù o mene  'u 2,3% d'a popolazzione d'a cetate. Pe quande reguarde 'a suddivisione pe paese d'origgene de le furastiere, le date sò sembre referite a 'u 31 decemmre 2014 e sò (paese cchiù rappresendate):

'U dialette parlate jndr'à cetate jè «'n'idiome irte e arcaiche, achiuse jndr'à 'n'enclave, o megghie a 'u discrimine 'mbrà diverse arèe lenghuisteche [...] fine a che ave gudute jndr'à 'u tiembe de 'na probbie insularità ca l'ave prutette da condaminaziune e 'mbastardeminde consumistece». 

Le vocabole ausate sò soprattutte tarandine, ma 'a cadenza soje rumande assaije vote a dialette pugghiese d'a fasce cendrale. Nonostande ca quase tutte le parole stonne jndr'à 'u vocabolarie tarandine, se iacchiane pure de le vocabole condivise cu sta fasce: pe esembie le pronome demostrative, cusse (quiste) e cudde (quidde), avènene pigghiate da le dialette appulo-lucane ('u barese).

Le dialette de le cendre piccinne 'nzeccate de San Michele Salendine e Ville Castidde derivane derettamende da 'u cegliese, e allore ne stipane 'nu sbuènne de assonanze e similitudine (le doje cetadine avenèrene funnate da condadine e colone cegliese ca s'averene spustate addà tanda sechele passate) soprattutte quidde castellane.

'A releggione cchiù pratecate sus a 'u territorije jè 'u Cristianeseme jndr'à confessione cattoleche. 

Resalene a l'età medievale le prime tracce storeche de tipe releggiose acchiave jndr'à 'u territorije comunale e manifestane 'a presenze de comunitate legate sie a 'u culte de tipe romane sie 'a quidde grece-bizzandine. In particolare, stonne 'na cripte basiliane a 'u 'nderne d'a grotte de S. Mechele, addò, grazie a le affresche de chiare 'nfluenze bizzandine e a le reste acchiate, ha stat epossibbele stabbilì 'a frequendazione d'a cavità da vanne de le monace bizzandine basiliane già jndr'à l'VIII sechele. 

Apparte 'a cripte, otre strutture releggiose de chiare origgene medievale sò 'a Chiesere Madonne d'a Grotte, 'a Chiesere de l'Annunziate e l'abbazzie de Sand'Anne. Duranne le sechele andiche onne state 'nzippate chiesere, cappelle votive e edicole piccenne pe raffòrzà e tenè vive 'a releggiosetà cetadine. Osce a die 'a cetate riendre jndr'à giurisdizione episcopale d'a Diocesi de Orie e venere 'u patrone Sand'Andonije da Padove e le co-patrune San Rocche da Montpellier e Sand'Anne. 

Aqquà stonne pure le spoglie de Sand'Aurelie vergine e martire.

'U territorije comunale jè divise jndr'à quattre parrocchie.

'Mbrà le minoranze releggiose stonne le Testimone de Geove, ca onne pure 'nu luèche de culte lore e, cumme deretta conzeguenze de l'immigrazione de le ortodosse.

Assaije sendute da 'a popolazzione, sò le feste patronale, le festeggiaminde in onore d'u patrone d'a cetate, Sand'Andonije resalene a 'u 1630, de Sand'Anne e d'u compatrone San Rocche.

Durande 'u periode pascale, jndr'à cetate, se fanne le rite d'a Sumane Sande addò stonne le prugessiune d'a Dumeneche de le Palme, 'u pellegrinagge a le Sepolcre e 'a prugessione de le Mistere, ca resalene a 'a prime metà d'u 1700.

Assaije sendute jè 'a tradizione andiche de le sciuvedìe de settemmre, le prime fonde scritte resalene a 'u 1812.

'A 'struzione de prime grade a Ceglie jè offerte da 2 istitute combrensive, de cchiù o mene 800 alunne, divise jndr'à diverse plesse scolastece.

'Nzigne a 'u 2011, anne addò ave arrevate 'a reorganizzazzione de le istitute d'a 'struzione primarie, Ceglie tenève doje circole didattece, Edmonde De Amicis e Giuanne Bosco, pu coordinamende de le scole elemendare e materne e 'na scola medie inferiore 'nditolate a Giuanne Pascoli. Jè pure presende 'a Scole Elemendare e Materne private 'nditolate a 'u Sacre Core de Gesù mandenute da le Sore domenicane missionarie de San Siste.

'A 'struzione de seconde grade jè offerte da l'I.I.S.S. Catavete Agostinelli.

L'istitute nate jndr'à 'u 2000 pe popolazzione scolasteche jè une de le cchià granne d'a provinge e offre 'n'offerte formative assaije diverse, 'nfatte 'a scole tène 6 indirizze didattece diverse:

Aqquà ste 'na sede destaccate d'u conservatorie statale Tito Schipa de Lecce.

Ceglie jè sede d'u Cendre 'Ndernazionale de Gastronomije Mediterranèe, chiamate Med Cooking School. 'U cendre nate jndr'à l'ambite d'u pruggette IN.C.O.ME finanziate cu le funne europèe de le INTERR GRECIA-ITALIA 2000/2006 e 2007/2013 tène l'obbiettive de ccrejà 'a prima scole de Alta cucine combletamende dedicate a 'a tipecetà de tipe Mediterranèe. 'A scole, jndr'à 'u 2009, ave offerte 'nu prime corse de studie programmate e dirette da l'Università de le Studie de Bare – Facoltà de Agrarie.

Pu masce 2013 onne state organezzate corse didattece nuéve, in particolare de cucine e pasticcerie mediterranée a cure de chef e esperte gastronomece. Da l'ottommre 2014 'a scole ave accumenzate 'na collabborazione cu 'a scole 'ndernazionale de cucine tagliàne ALMA, offrenne jndr'à sede soje il corso sulle Tecniche di Base.

Ceglie inoltre è sede dell'Università della Terza Età.

'A bibblioteche Pitre Gatti e 'a Pinacoteche Emilie Notte stonne jndr'à doje ale diverse d'u Castelle Ducale.

'A Bibblioteche comunale 'nditolate a 'u poete dialettale cegliese tène 'nu sbuènne de teste e libbre rialate da jidde e 'u lascite (manoscritte, documinde e libbre) d'u matemateche Catavete Agostinelli. 'U patrimonie de libbre se pò calcolà jndr'à quase  teste.

'A Pinacoteche Emilie Notte ospite quacche opere de l'artiste futuriste de origgene cegliese rialate da 'u stesse a l'amministrazione comunale, 'mbrà le quale l'opere 'a Crugefissione.

'U musèe comunale MAAC, Museèe Archeologgeche e de Arte Condemboranèe se iacchie jndr'à le locale Ex OMNI jndr'à vie Enrico De Nicola.

'U musèe jè strutturate sus a ttre levèlle, a 'u piane terre rialzate se iacchie 'u Musèe Archeologgeche  ex Cendre de Documendazione Archeologgeche comunale e a 'u prime piane 'u Musèe de Arte Condemboranèe ca ospite le opere ca jndr'à le diverse ediziune onne partecipate a 'u congorse nazionale Emilie Notte.

'U MAAC ha state apirte arrete a 'u pubbleche jndr'à 'u masce 2016 apprisse a le fatie de restaure d'a strutture fatte cu le turnise de le funne europèe pa reorganizzazione d'u sisteme museale Sisteme Guste d'Arte.

'U musèe archeologgeche, cendre de documendazione archeologgeche ospite 'a mostre “Messapica Ceglie” organizzate da l'amministrazione comunale, da 'a Soprindendenze pe le Bene Archeologgece d'a Pugghie e cu 'a collabborazione de l'Università de le Studie de Lecce.

'A mostre combrende 'nu sbuènne de reperte archeologgece (trozzelle messapeche, correde funerarie, 'scriziune e epigrafe e turnise) acchiate jndr'à 'u territoire comunale ca spaziane da 'a Preisotire a l'età ellenisteche cu 'nzieme documendaziune e cartografije ca reguardane le attivitate de scave fatte jndr'à l'urteme decennie a Ceglie. Pò ste pure 'nu settore granne dedicate a 'u sisteme difensive d'a cetate de epoche messapeche, fatte da cinde murarie, ca jndr'à 'u paese chiamane Paretoni (Paretune) e Specchie. 

A 'u 'nderne d'u musèe pò stonne pure 'u calche d'a Tane de le Iene, cavità carseche scoperte jndr'à 'u 2000 addò avenèrene acchiate de le reste de età Paleoliteche 'Nferiore Medie e 'nu settore esposititv dedicate a le asce neoliteche acchiate jndr'à 'u territorie comunale.

Medie: Music Italia TV, Video M Italia, Radio Ceglie, Radio Stella.

TV: jndr'à seconde edizione de MasterChef Ceglie ha state scacchiate cumme cetate sede d'a quinda prove in esterne.

Onne state gerate de le film jndr'à cetate:

A Ceglie stonne 'nu Istitute Alberghiere e 'na Scole 'Ndernazionale de Gastronomije (Med Cooking School), addò se formane e se specializzane talende nuéve d'a cucine.

'Mbrà le prodotte cchiù apprezzate d'a cucine cegliese acchiame 'u bescotte cegliese e 'u panine cegliese.

'U Bescotte de Ceglie, jè recanusciute cumme Presidie Slow Food e cumme prodotte agroalimendare tradizionale (P.A.T.).

Jè 'nu pasticcine a base de amennele tostate, cu marmellate de amarene e lemone, cuperte cu 'na glasse a base de zucchere e cacao (u sceléppe). Pa realizzazziona soje avènene ausate amennele de produzione locale, de 'na varietà chiamate cegliese ca se canosce pu gusce semidure. In passate, le bescotte cegliesi avenèvane prodotte da le famigghie condadine in occasione de le feste 'mbortande e de le banghette nuziale.

'A 'nvenzione e diffusione d'u panine cegliese avène attrebbuite a Vecinze Zito (patrone de 'na puteje de 'na salumerie) ca pe prime vennìe 'u panine cu 'a recette origgenale soje. 

'A recette dice ca 'u panine (rosette o pagnotte) avène anghiute cu tonne e uegghie extravergine d'alie brinnesine, fette de pruvulone staggionate e asckuande, chiapparine dissalate e fette de murtatelle.

'U cendre urbane de osce a die jè 'u resultate de 'nu sveluppe urbanisteche durate 'nu sbuènne de sechele.

'U nuclèe origgenarie jè individuabbele jndr'à quidde ca osce a die jè 'u cendre storeche, atturne a jidde, soprattutte partenne da 'u Uetteciende, se onne sveluppate quartire nuève, 'mbrà le quale le riune Mammacare e Ospizie, e avenèrene costruite edificie pubblece nuève cumme: 'u Tiatre comunale, 'a chiesere de San Rocche, 'a chiesere de San Giuacchine, 'u Calvarie, 'a Torre d'u 'Rrelogge e 'u macelle comunale.

Durande 'u Noveciende 'a cetate apprime s'ave sveluppate sus a le direttrice prengepàle, verse 'a stazione ferroviarie e soprattutte, partenne da le anne settande, se ave 'ndrucate 'n'allariamende nuève d'a cetate cu 'a realizzazzione de quartire nuève ca comungue onne mandenute 'nu 'mbiande urbanisteche cumme a quidde origgenarie, caratterizzate da 'na combattezze de quidde ca già stave e da asse viarie ca avene seziune minime. 

Le urteme indervende 'mbortande a levèlle urbanisteche onne state fatte sus a l'arèe a sud d'u javetate, quanne partenne da le anne ottende lunghè 'a direttrice pe Frangaville Fundane, apprisse a 'u 'mbiande urbane esistende, onne state fatte 'na zone abitative PEEP e une de edilizie popolare L. n. 167, 'a zone P.I.P. a servizie d'u quartiere addò onne sede attività de tipe artiggianale.

Pò, 'nguèdde a 'u javetate, soprattutte jndr'à contrade Montevicoli e sus 'a strade ca carresce a Martina Franghe, onne nate de le zone periurbane residenziale caratterizzate da 'na denzità vasce de crestiane ca comungue onne fatte 'nu frazionamende gruèsse d'u tessute agrarie.

'U cendre storeche de 'mbiande medievale nasce jndr'à vanna finqale de une de le 2 colle addò s'ave sveluppate 'a cetate. Pe le caratteristeche geomorfologgeche, ca conzendivane 'na fortificazione facile de l'arèe, ausanne cinde murarie, 'u site ggià jndr'à l'età messapeche avenìe scacchiate cumme punde pe fà l'acropoli e le tembie.

'U tessute urbane de osce a die jè 'nvece guvernate da 'u Castelle Ducale e da 'a Colleggiate, atturne a lore seguenne le linèe morfologgeche d'u colle se sveluppane, quase a formà 'na figure circolare, 'na fitta rete de viuzze strette e tortuose, vie e scalinate (quase tutte lastrecate de petre locale cu le accussìditte chianche), 'nderrotte da spiazze e larije (le cchiù granne: Larije Ognessande, Larije Celso e Chiazza Vecchie) e quacche sottopasse.

Sus a le caratteristeche viuzze se affacciane soprattutte case piccenne fatte sus a 2 levèlle, certe vote sus a 3. Ste case onne de le porte piccele pe trasè, scalinate da fore, balcone piccinne piccinne fate a le levèlle de sus e le caratteristeche fenestre ca onne 'a particolaritate de tenè 4 piedritti sporgende respette a le facciate in corrispondenze de le angole. Ste abitaziune, avène sciabate cu latte de cauce, une ca s'assemegghie a l'otre, donne a le vicole quase 'nu aspette uniforme ca avène 'nderrotte ognettande da 'a presenze de edificie de dimenziune cchiù granne cumme: 'u Castelle, le chiesere, 'u convende de le duminecane e le palazze gentilizie.

'U cendre storeche pe essere 'nu unicum ambiendale-architettoneche de 'nu certe valore jè 'nderamende sottoposte a vingole paesaggisteche pe tutelà l'arèe de notevole 'nderesse pubbleche da 'u D.M. d'u 18 masce 1999.

Le riune onne nate cumme naturale allariamende d'u cendre medievale, in parte sus a chidde ca 'nu tiembe apprime averena essere le orte a servizie de le cetate, 'nfatte quacchedune de le prengepàle vie de ste quartire stipane jndr'à 'u nome lore 'a diciture orte (esembie: vie Orte Nannavecchia, vie Orte de Burla, vie Orte d'u Capitolo e vie Orte Lamarina).

Le riune nuève nate, partenne da le prime anne d'u Uettecinde, aunivane jndr'à 'nu certe mode 'a cetate a le strutture releggiose ca jndr'à le sechele d'apprime erane nate jndr'à le vicinanze sue, in particolare a l'abbazzie medievale de Sand'Anne, a 'u convende cinghecendesche de le frate cappuccine e a 'a cappelle, pò devendate chiesere jndr'à seconda metà d'u sechele, dedicate a San Rocche.

Le case s'assemegghiane a chidde d'u cendre storeche, pure ce sveluppate prengepalmende sus a ttre levèlle, le lotte rumanene de dimenziune piccinne. 'U tessute urbane pare cchiù organizzate, le strade se allariane 'nu picca de cchiù e se sveluppane in mode rettilinee e ortogonale. Le doje chiazze (Plebbiscite e Sand'Andonije) se sckaffane 'mmienze a le vie cchiù larije (corse Garibaldi, vie Dante Alighieri, vie San Rocche e vie Sand'Anne).

Pure sta zone jè tutelate da 'u stesse vingole paesaggisteche d'u cendre storeche.

L'economije se base soprattutte sus a l'agricolture (ulive e vite), pure ce non ge mangane attivitate manifatturiere.

Ste cresce pure 'u turisme, none sulamende quidde enogastronomeche ma pure quidde artisteche e rurale grazie a 'a cambagne cegliese ricche de trulle, massarie e ulive secolare.

Se base prengepàlmende sus 'a colture de l'ulive, de l'amennele, d'u fiche, d'a vite e de le cerase.

'A produzione de amennele serve pa produzione de le doce, soprattutte d'u bescotte cegliese. Jndr'à 'u territorie jè attive assaije pure l'allevamende de mucche pechere, puèrce e le capre.

'U territorie stè jndr'à l'arèe de produzione d'a DOP Uegghie Colline de Brinnese.

'U sisteme viarie extraurbane de Ceglie Messapeche se base sus a quacche arterie de relevanze locale:

'A stazione ferroviarie de Ceglie se iacchie sus 'a linèe Martina Franghe - Lecce de le Ferrovie d'u Sud Est, ca colleghe diverse comune 'nderne d'u Salende e de otre subreggione, cumme 'a Valle d'Itrie.

'A squadre prengepàle de ballone d'a cetate, jè 'a suggettate A.S.D Calcio Ceglie ca scioche jndr'à Prima Categorije.

Le doje squdre de pallavvole d'a cetate sò Volley Ceglie e 'a Nuova Pallavolo Ceglie ca sciocane jndr'à le cambionate maschile reggionale Serie C e Serie D; 'a Nuova Pallavolo Ceglie tène 'na squadre femminile jndr'à Prima Divisione.

'A squadre de pallacanestre maschile Nuova Pallacanestro Ceglie 2001 scioche jndr'à 'u cambionate de Promozione.

Stavane jndr'à 'u comune 'a suggettate New Basket Ceglie e 'a Maicard Basket Ceglie,ca non ge stonne cchiù.

Da 'u 1952 se face jndr'à 'u comune e atturne 'a Coppa Messapeche, 'na combetizione ceclisteche de 'mbortanze nazionale reservate a le categorije Elite e Under 23.

Jndr'à 'u 2017, 'a 58ª edizione, 'a Coppe ha valute pe l'assegnazione de le titole de cambione tagliàne de chidde categorije.

Jndr'à 'u 1982 'a combetizione ave valute cumme prove uneche d'u cambionate tagliàne femminile de ciclisme sus 'a strade juniores e seniores, le vengitrice pe le doje categorije onne state Robberte Bonanomi e Marije Canins.

'U javetate de Ceglie ha state attraversate ttre vote da 'a carovane d'u Gire d'Itaglie, in particolare jndr'à 17ª , 87ª e 100ª edizione. Ceglie ha state scacchiate cchiù vote pure cumme partenze o arrive de tappe d'u Gire de Pugghie.




#Article 35: Cellino San Marche (401 words)


Cellino San Marche (Cellino San Marco jndr'à 'u tagliane, Cilinu jndr'à 'u dialette leccese, 'nzigne a 'u 1862 chiamate Cellino) jè 'nu comune tagliàne de  crestiane d'a Provinge de Brinnese jndr'à Pugghie.

Se iacchie 'mbrà Lecce e Brinnese, da addò ste lundane rispettivamende cchiù o mene 22 e 18 km. 

L'accussìditte chiaute a furne eneoliteche acchiate a 'u 'nderne d'u Vosche Li Veli, jè 'u monumende archeologgeche prengepàle d'u territorie de Cellino San Marche. Comungue 'u chiaute non ge se pò 'ndrucà osce a die purcé non ge se sape addò ste e ha state pure abbandunate.

Jndr'à 'u Medioeve 'u casale prengepàle ha state quidde de La Mea (osce a die 'na masseria piccenne a 'u confine cu 'u territorie de San Donaci): aqquà ste stipate 'na cappelle rurale ca resale a 'u XV sechele. 'A chiesere se San Marche ha state 'nzippate sus a le reste de 'na cappelle d'u IX sechele, 'mbrà 'u XVII e XVIII sechele, a 'u 'nderne se pò ammerà 'nu belle esemblare de altare barocche e 'na statue de argende de San Marche ca resale a 'u 1819.

'U castelle de le nobbile Albrizzi e Chyurlia ha state 'nzippate atturne a 'u XVI sechele e allariate jndr'à 'u XVII sechele. Cellino ha state sotte a le dominie de le famigghie De Fallosa, Noha, Albrizzi, Chyurlia e otre signure feudatarie ca 'a guvernarene da 'u medioeve 'nzinge a 'u 1806, quanne 'a feudalitate avenìe luate da Giuacchine Murat e maje cchiù repristinate da le Borbone cundende de esserse luate 'mbrà le pide l'aristocrazzije, ca ere putende assaije, d'u mezzoggiorne. Duranne 'u resorgimende avenìe fatte 'na Vendite de Carbunare, 'na sette insurrezzionale cvhiamate La Plebe al Monte Sacro e 'na sezione d'a Giovine Italia. Ggià appartenende a 'a Provinge de Lecce, avenìe assegnate a 'a Provinge de Brinnese jndr'à 'u 1927.

A 'u 31 demcemmre 2014 jndr'à 'u territorie comunale se reggistrave 'a presenze de 67 furastire regolare (14 maschele e 53 femmene) ca sò cchiù o mene l'1% d'a popolazzione totale residende. 'A cchiù granna comunitate jè quedda rumene.

Aqquà sotte le naziune cchiù rappresendate:

Aqquà sotte se iacche 'na tabbelle relative a le amministrazziune ca onne cangiate jndr'à stu comune:

L'A.S.D. Cellino Calcio, apprisse ca avere renungiate a 'u passagge jndr'à Promozione vingiute sus a 'u cambe quanne avere spicciate 'a staggione 2011-2012 e apprisse a ttre cambionate vingiute, jndr'à staggione 2012-2013 ave squagghiate.




#Article 36: Cisternine (Itaglie) (1912 words)


Cisternine (Cisterino jndr'à lènghe tagliàne, Cisternìne jndr'à 'u dialette appule-barese, Cisturnium jndr'à 'u latine) jè 'nu comune tagliàne de  crestiane d'a Provinge de Brinnese jndr'à Pugghie. 'Nzigne a 'u 1927 faceve parte d'a Terre de Bare.

Affacciate sus 'a Valle d'Itrie, jndr'à accussìditte Murge de le trulle, appartene a 'u club de Le borghe cchiù belle d'Itaglie e vande 'u recanuscemende d'a Bandiere arangione date da 'u Touring Club tagliàne e pò jè comune amiche d'u turisme itinerande.

Se iacchie sus a l'urteme lembe d'a Murge sud-oriendale pugghiese (394 m sus a 'u levèlle d'u mare), se affaccie a sud-ovest sus 'a valle d'Itrie addò stonne 'nu sbuènne de trulle.

Confine cu 'a Provinge de Tarde e 'a Cetate metropolitane de Bare.

Ste lundane 60 km da Brinnese (capeluèche provingiale), 75 km da Bare e 40 km da Tarde.

'U territorie d'u comune avenìe javetate, accumenzanne da 'u Paleoliteche medie-superiore, da nuclèe umane ca avenèvane da 'u nord d'a penisole o da l'arèe sicule-afrecane e ca lassarene, sus a le colline, addò sckaffarene le lore accambaminde staggionale, 'nu sbuènne de tracce d'a vita lore, dedite a 'a cacce e a 'u cugghimende de frutte spondanèe e tubere.

Angore, osce a die, jndr'à zone de monde Specchia, sus a le colle de Restàno e sus a le balze ingolte de Serra Amara, se iacchiane struminde preistorece de ogne tipe: punde de zagaglie, lame, raschiatoie e buline pe ingidere osse.

Ste comunitate umane scerene sembre de cchiù aumendanne, 'nzigne a arrevà a 'nu numere 'mbortande de 'nzediaminde jndr'à l'Età d'u bronze; decine de staziune de sta età onne state acchiate urtemamende jndr'à diverse zone d'u territorie e chidde de Maselli, Ibernia piccele, Carpei, monde d'Alessio, monde le Fergole e Figazzane, onne 'na 'mbortanze none indifferende pa combrensione d'a preistorie briinesine.

'U nome Cisternine pare ca avène da l'eroe eponime Sturnoi, cumbagne de Diomede, ca apprisse 'u Uerre de Troia pare ca avere funnate 'na cetate vicine, ca, cchiù nnande, occupate da le Romane, avenìe chiaamte Sturninum, quedde ca osce a die jè Ostune.

'U nome avessa arrevà da Cis-Sturninum, da aqquà da Sturni, andiche cendre japige vecine a Ostune, ca avere pigghiate 'u nome da Sturno, cumbagne de, l'eroe omereche, Diomede; fusciute da 'a uerre de Troia.

'U javetate pare ca ha state saccheggiate da le Gote e cchiù nnadne avere sciute in rovine.

'U cendre storeche ave nate arrete grazie a le monace basigliane ca jndr'à 'u Medioeve, 'u chiaamrene Cis-sturnium (aqquà da Sturnium (Ostune)).

'A prime testimonianze sus a 'u Casale de Cisternine avène date da 'a scuperte, sotte 'a chiesere romaneche de San Necole, de le reste de 'nu tembie cristiane piccinne, 'nzippate realistecamende atturne a l'anne 1000.

Pape Alessandre III, cu 'na bolle pontificie d'u 26 febbrare 1180 assegnave sya chiesere e 'u Casale de Cisternine a 'u Vescove de Monopoli.

'U scude cu sus 'na corone jè suddivise a croce de sand'Andrea de russe e d'ore. A 'u cendre ste 'nu pastorale d'argende affiangate da doje rose de russe sus a l'ore.

Le vosche comunale sò 'a formazione vegetale cchiù consistende d'a provinge. Osce a die stonne e fanne fatìe pe cangià 'u Pine de Aleppe e 'u Cipresse, cu latifoglie autoctone (fragne, rovelle, leccie ecc.) ca se armonizzane megghie cu le essenze presende, quale le corne, 'u bagolare, 'a carpinelle, l'ornielle, l'acere cambestre, ecc. Le territorie comunale remboschite sò cchiù o mene 42 ettare.

'A ciclovie de l'acque jè 'u seconde percorse ciclabbele sus acquedotte d'Europe, in particolare jè 'u tratte de acquedotte Pugghiese (AQP) fatte da 'a Reggione Pugghie e AQP Spa, longhe 'a strade de servizie d'u canale prengepàle de l'acquesdotte 'mbrà Locorotonde (BA), passanne le territorie de Cisternine (BR), Ostune (BR), 'nzigne a 'u territorie de Ceglie Messapeche (BR), vecine a 'a Piente Ulme.

Ha state urtemamende restrutturate miglioranne 'a pavimendazione (fatte de petrische pressate), dotate de proteziune, arèe de soste e punde de accesse pe 'nu totale de cchiù o mene 10 km de ciclovie perfettamende percorribbele pure cu biciclette stradale.

L'itinerarie se snode jndr'à macchine mediterranèe, fore da 'u traffeche, costeggianne massarie, case rurale, trulle e agglomerate cetadine (contrade e fraziune) apprezzanne 'a bellezze d'a Valle d'Itrie lundane da 'u ruète moderne.

Comunemende chiamate Cistranese, 'u dialette d'a vanne cendrale de le urteme colline d'a Murge pugghiese jè 'u resultate d'a stesse sfumature culturale d'u territorie: 'ngroce naturale 'mbrà 'nfluenze joneche/lucane e murgiane/barise. A picche decine de chilometre a sud se iacchie 'u confine cu 'u Salende. 'A lènghe e 'u dialette vive e se sveluppe naturalmende sus 'a relazione a le attivitate de le crestiane, suggiale e economece, d'a storie, d'a tradizione e d'a memorie orale popolare. 'U paese ste a 50 km da Brinnese, a 48 km da Tarde e a 75 km da 'a cetate de Bare.

Nonostande osce a die, tràse jndr'à 'u territorie d'a Provinge de Brinnese, 'u paese mandene le legame cu 'a Terre de Bare a 'a quale ere legate apprime d'u 1927, anne de costituziojne d'a nova cercoscrizione provingiale. Ste legame sò evidende soprattutte jndr'à 'u dialette, jndr'à culture, tipeche d'u sud-est barese e none de origgene salendine e pure jndr'à 'u stemme comunale ca reporte cu culure diverse le stesse eleminde di quidde d'a provinge de Bare.

A 'u 31 decemmre 2014 jndr'à 'u territorie comunale se reggistrave 'a presenze de 327 furastire residende (143 maschele e 184 femmene) ca sò cchiù o mene 'u 2,8% d'a popolazzione cistranese. 

Aqquà sotte le nazionalità cchiù rappresendate:

'Mbrà le manifestaziune flokloristeche cchiù aspettate, ste securamende Carsuniedde. Chiamate jndr'à 'u dialette locale Pasquarèdde, sta feste se face presse 'u Sanduarije d'a Madonne d'Ibernia, addò se vèje cu le doce tipece (a forme de borsette cu doje ove sode pe le piccinne, cu une a forme de bambole cu 'nu ueve pe le piccenne), chiamate “u churrüchele” ('u currucule), jidde porte prosperità e fecondità. None a case, quedde d'Ibernia jè 'a Madonne d'a vite, d'a fertilità e de l'abbonnanze, 'u sanduarije jè ausate assaije pe celebbrà 'u matrimonie sie pe le mutive ditte apprime ca pu poste belle probbie.

'A manifestazione cchiù 'mbortande a 'a quale partecipe 'a 'ndere popolazione jè 'a feste de le sande patrune d'a cetate, Quiriche e Giulitte. Sta manifestazione respette tutte le cchiù 'mbortande tradiziune locale cumme le decoraziune lumenose, evende releggiose, congerte cu 'a bande e spiccianne le fuèche d'arteficie. Cchiù semblicemende chiamte 'a feste de San Quiriche ca se face sembre 'a prima sumane de aguste, rappresende pa popolazione locale e turisteche 'a conglusione d'u periode estive.

De 'mbortanze locale sò le ediziune d'u Festivàl Pietre che Cantano (Petre ca Candane), d'u Festivàl 'Ndernazionale Bande Musecale Valle d'Itrie, d'u Festivàl Sone Sacre e da 'u Pianete, de l'Alterfesta.

Le sagre cchiù famose, invece, sò: 

'Mbrà le attivitate pa tutele, 'u stipamende, 'a recerche e 'a promozione de le bene ambiendale, ste quedde fatte da 'u Gruppe Archeologgeche Valle d'Itrie cu l'Ecomusèe de Monde Gianecchia, da 'u  e de l'Associazione Desigiste cu 'u pruggette  pe 'na culture, colture e 'nu labboratorie de le siense.

Le attivitate ccchiù 'mbortande sò, 'a promozione d'a culture mediterranèe attraverse l'indaggine de le chiande spondanèe presende e 'a recerche pe 'na cchiù approfondite canoscenze d'u territorie attraverse itinerarie e percorse. 

Cisternine jè 'mbrà Le borghe cchiù belle d'Itaglie, aderisce a Bandiere Verde Agricolture, Bandiere Arangione d'u Touring Club Tagliàne e jè parte d'a rezze 'ndernazionale de le Cittaslow.

Assaije 'mbortande jè pure l'Ashram de Cisternine – famose cumme Cendre Bhole Baba, osce a die Fondazione Bhole Baba, ha nate jndr'à 'u 1979 pe volondà d'u Babaji. 'A vite d'u Cendre se face seguenne 'u modelle de l'ashram de Herakhan, alternanne 'a meditazione e 'a preghiere cu 'a fatìe comunitarie. Jndr'à l'ashram de Cisternine, da 'u 1986, se iacchie 'nu tembie idendiche a quidde de Herakhan. Babaji stesse vulìe stu tembie cumme simboel de aunione profonne cu 'u sue ashram jndr'à l'Indie. Cengade pò partecipà a le rite o remanerse jndr'à l'ashram pe 'nu certe periode e, soprattutte jndr'à le mise d'a staggione, se fanne 'n sbuènne de seminarie e attivitate o 'ngondre.

Jndr'à l'abbrile 2011 ha state istituite 'u Musèe d'u Clime jndr'à Caranne, devendate sede de stu genere uneche de musèe. 'U musèe ha state ccrejate da 'u Presidende d'a Meteo Valle d'Itrie Gesèppe Bari.

Sembre jndr'à le urteme anne onne state apirte le scave jndr'à vanne sotte 'a chiesere madre de San Necole, addò 'a cripte presende le reste de l'andiche chiesere basigliane cu le catacombe e le 'ngisiune parietale. Rebattezzate MAAAC – Museo Area Archeologica e Arte Contemporanea, 'u musèe offre diverse mostre e rassegne annuale de arte condemboranèe nazionale e 'ndernazionale lunghe 'u percorse de le scave archeologgece.

'A cucine tepicamende cistranese respecchie le cchiù classeche tradiziune d'a gastronomije barese e d'a Murge de le trulle cu quacche 'ngursione piccenne de quedde d'u ierte Salende. Caratteristeche de sta tradizione paesane sò soprattutte le ricette de carne e de verdure, cu 'na particolare predilezione pe le piatte a base de selvaggine:

Jndr'à l'urteme anne 'u paese ave canusciute 'nu process de cangiamende d'u probbie assette economeche, cu 'na crescite conziderevole d'u settore d'u turisme, 'ngendivate da l'adesione d'u comune a le cercuite turistece Le borghe cchiù belle d'Itaglie e Le comune Gioielle d'Itaglie.

'U paese mandene comungue vive 'a tradizionale economije agricole e d'a trasformazione de le prodotte sue; pure l'artiggianate jè une de le settore particolarmende 'mbortande pe l'economije locale.

Ausanne de le strade provingiale 'u cendre urbane de Cisternine jè collegate cu quedde ca è canusciute cumme Superstrade Bare-Lecce chiamate Strade statale 379 jndr'à provinge de Brinnese, prolungamende d'a Strade statale 16 Adriateche jndr'à Cetate metropolitane de Bare. Attraverse stu collegamende 'u comune ste lundane da le aeropuèrte de Bare e Brinnese respettivamende, cchiù o mene, 80 km e 50 km.

'U comune pò jè servite da 'a staziona soje lunghe 'a linèe Adriateche de RFI (gruppe FS), ca se iacchie jndr'à 'u territorie de Puzze Faceto frazione d'u comune de Fasane, 'a quale ste lundane da Cisternine, cchiù o mene, 16 km; cchiù spesse però avène ausate 'a stazione ferroviarie de Fasane, collegate cu 'u cendre urbane d'u paese ausanne 'nu carresciamende pubbleche periodeche gestite da l'STP Brinnese attraverse autobus TPL indercomunale.

Le servizie TPL indercomunale sò 'u servizi prengepàle de carresciamende pubbleche ca mette in collegamende 'u comune cu le cendre 'nzeccate e le prengepàle capeluèche de provinge d'a Reggione.

'Mbortande jè pure 'u collegamende ferroviarie offerte da le Ferrovie d'u Sud Est cu 'a stazione Cisternine Cetate d'a linèe Martina Franghe – Lecce ca ste lundane quacche cendinaie de metre da 'u cendre urbane, eppure da 'u carresciamende gommate verse Martina Franghe e Tarde.Taranto.

L'ASD Atletica Amatori Cisternino, funnate jndr'à 'u 1985, pigghie parte a combetiziune reggionale e nazionale. Jndr'à sta suggettate onne gareggiate Alessandre Marangi (1500 metre) e Carle Calabrese (lange d'u martelle e d'u giavellotte) ca ave vingiute 'nu sacche de medaglie a le cambionate tagliàne 'mbrà le quale l'ore jndr'à 'u lange d'u martelle a le cambionate tagliàne allieve.

'A pallacanestre jndr'à cetate, vande 'na tradizione andiche. Aqquà se scioche 'u tornèe 'ndernazionale Peppine Todisco under 18, cu 'a Coppe Tonio Punzi. 'A squadre d'u paese, 'u Club Giganti Cisternino, scioche jndr'à promozione.

Jndr'à le decennie passate stave 'a ASD Cisternino 1969 ma apprisse ca s'ave squagghiate non ge onne assute otre squadre.

Jndr'à staggione 2017-18 'u Futsal Cisternino ave sciucate jndr'à Serie A.

'A squadre locale jè l'Athena Club Cisternino, ca scioche jndr'à Serie D.




#Article 37: Crispiano (543 words)


Crispiano (Crispién jndr'à 'u dialette crispianese) ète 'nu comune tagliàne de 13.640crestiáne d'a Provinge de Tarde, in Pugghie.

Pure ca 'u cendre abitate de osce a die s'ha sviluppate a le inizie d'u Uettecinde, l'area jè javetate da 'u seconde millennie n.C..

'U comune de Crispiano se iacchie a 'u cendre de 'na serie de colline, le cchiù famose sonde: 'u monde d'a Gravine (204 m), 'u monde de l'Angele (242 m), 'u monde Specchia (211 m) e 'u monde Calvello (228 m).
Le cime cchiù ierte se iacchiane a 'u confine cu 'u territorie de Martina Franghe. Se tratte d'u monde Scorace (276 m), d'u monde Papa Ciro (385 m), d'u monde Pianelle (492 m) e d'u monde Orimini ca cu le sue 529 m rappresende 'a punde cchiù ierte d'u territorie.

Crispiano se iacchie sciugrafecamende a nord de Tarde e ste lundane da 'u capeluèche cchiù o mene 16 km.

'U clime d'u territorie comuunale jè tipicamende mediterranèe, cu 'nvirne mite e estate aride, tipeche de l'arche ioniche tarandine..

Origginariamende 'nu 'nzediamende piccinne messapeche invase da le Spartane de Tarde e successivamende sottomesse da le romane.

Duranne 'u Medioeve le casale ca onne date origgene a Crispiano, cumme pure chidde de Martina Franghe, Vurtàgghie e Villa Castidde erane combrese jndr'à 'u territorie d'u Pringipate de Tarde. Cripiano avenìe invase da le Saracene jndr'à 'u X sechele, devendò prbbietà de le Altavilla jndr'à 'u XI sechele e infine avenìe accattate jndr'à 'u XV sechele da 'a famigghie Antoglietta.

Jndr'à 'u XVIII sechele 'u territorie crispianese avene caratterizzate da 'nzediaminde a macchie de leoparde ca nascevane vecine a le tanda massarìe 

A l'inizie d'u Uettecinde le cambagne crispianise devendarene refugge d'u Prevete Brigande don Ciro Annicchiarico a 'u 'nderne d'a comblesse dinameche de lotte 'mbrà brigandagge e massarìe fortificate.

'U 'stitute Statale de 'Struzione Secondarie Superiore de Crispiano, jè attivamende 'mbegnate jndr'à realizzazzione d'u Proggette Russie: jidde infatte jè gemellate cu l'Istitute Professionale pa Ristorazione N° 26 de Mosca.

Assaije famose jè 'u Carnvale de Bringandine, ca se face ogne anne jndr'à le prime sciurne de luglie, e a 'u quale partecipene sembre cchiù crestiane ca avènene da ogne parte d'a reggione. Se ponne ammirà le tanda carre allegorece e gustà le specialità gastronomeche d'u luèche ca te puè alleccà le baffe.

A levèlle economeche assaije 'mbortande pe Crispiano jè l'allevamende, forte forte ve pure l'gricolture ca se base sus a l'uegghie. Sonde presende aziende agrituristeche e aziende artiggianale piccenne pa produzione de l'uegghie d'alie.

Crispiano avene chiamate pure 'A cetate de le 100 massarie pa presenze de 'nu sbuènne de massarie jndr'à 'u territorie sue.

A rappresendanze d'u territorie de le Cinde Massarie, ste a Crispiano 'u Consorzie de le Cinde Massarie.

Le collegaminde stradale prengepàle sonde rappresendate da ():

L'aeropuerte de Tarde-Vurtàgghie Marcello Arlotta ca però non g'è in funzione. L'aeropuerte chciù vecine, ca serve 'u bacine joneche mediterranèe e pure 'u Comune Salendine de Avetrana, jè l'Aeropuerte d'u Salende de Brinnese, eppure ste l'aeropuerte 'ndernazionale de Bari Karol Wojtyla.

Crispiano jè gemellate cu:

Le imbiande sportive de l'Oratorie Giuanne Paolo II sonde finalizzate a l'educazione e a 'a promozione de l'attività sportive dilettandisteche.

'U stadie comunale (osce a die in ristrutturazione) non ge tène angore 'nu nome ca 'u caratterizzesce.




#Article 38: Erchie (610 words)


Erchie (Erchi jndr'à 'u dialette salendine) jè 'nu comune tagliàne de  crestiane  d'a Provinge de Brinnese jndr'à Pugghie.

'U comune de Erchie se iacchie jndr'à 'u Salende jndr'à 'na posizione particolare (cendre-settendrionale), se iacchie 'nfatte a 'u confine de le tre provinge salendine de Brinnese, de Tarde e de Lecce jndr'à 'u core culturale de sta subreggione. E stu fatte se sende soprattutte jndr'à 'u dialette particolare probbie de stu comune, ca certe vote pare ca s'assemegghie a 'u leccese ma cu 'na forte 'mbostazione brinnesine.

Erchie se iacchie sus a 'na pianure de l'endroterre brinnesine, a 68 metre sus a 'u levèlle d'u mare.

Erchie, addò 'u territorije sue ave restituite 'nu sbuènne de reperte ca resalene a 'u neoliteche, pò essere state 'nu cendre releggiose, legate a 'nu luéche de culte d'u Die Ercole, da 'u quale pare ca ave pigghiate 'u nome de Hercolanum (o Heracle). Apprisse 'a conguiste de romane, perdìe de 'mbortanze pa vicinanze cu Mandurium (Mandurie) e soprattutte de Tarentum (Tarde). Jndr'à 'u I sechele a.C. iesse cu 'u nome de Hercle.

Atturne a 'u X sechele de le monace basigliane crearene 'u sanduarije de Sanda Lucie sus a 'n'andiche luéche de culte messapeche ca s'acchiave jndr'à 'na grotte. A le monace basigliane se deje 'u merite ca onne purtate 'u culte de Sanda Irene, osce a die patrone d'a cetate.

'Mbrà 'u XIII e 'u XIV sechele 'a popolazziona soje condinuave a scennere: jndr'à 'u 1377 sonne attestate a 'na vendine de crestiane e cchiù ca 'nu cendre javetate pareve 'nu casale rurale. 'U toponime d'u paese jndr'à stu tiembe ha state cangiate da Hercle a Herchie.

'U repopolamende d'u borghe accumenzò jndr'à 'u XVI sechele cu l'arrive de albanise ca fuscevane da le turche, ma sulamende apprisse a 'u Seiciende 'u numere de le crestiane accumenzò a 'nghianà assaije probbie.

Passò cumme feude da le Montefuscoli, ca recostruirene 'u cendre apprisse le 'ngursiune sarracine, a le Mairo, a le Bonifacio, a le Albrizzi e a le Laviano ca jndr'à 'u XVIII sechele facerene costruì 'u palazze ducale.

Jndr'à 'u 1754 'a popolazzione cundave 'nu picche de mene de mille crestiane, de le quale 233 s'acchiavane sus a tutte 'u territorie rurale (forese). Osce a die 'a popolazzione jè cchiù o mene de 9.000 crestiane.

Descrizione araldeche d'u stemme:  

A 'u 31 decemmre 2014 jndr'à 'u territorie comunale se reggistrave 'a presenze de 44 furastire regolare (14 maschele e 30 femmene) ca sò cchiù o mene 'u 0,5% d'a popolazzione totale residende.

'A releggione cchiù diffuse a Erchie jè 'u cattolicesime. 'A comunitate releggiose jè suddivise jndr'à ttre parrocchie: Natività de Marije Vergine (presse 'a Chiesere Madre), Sanduarije de Sanda Lucie e 'u Sandissime Salvatore.

Erchie ha sembre state 'nu cendre agricole e tabbacchiere. 'Mbortande assaije, cumme jndr'à tutte 'u Salende, 'a produzione de uegghie de alìe e diverse qualitate de vine 'mbrà le quale 'u Primitive de Mandurie, 'u Negramare e 'u Malvasia.

'U comune avène servite da 'a strade provingiale 63 (SP 63) pe Torre Sanda Susanne eppure da le strade provingiale 61 (SP 61) verse Orie e 64 (SP 64) verse 'u tratte Mandurie - San Pangrazie Salendine d'a Strade Statale 7 ter Salendine.

'A stazione d'a ferrovie de Erchie - Torre Sanda Susanne, ca se iacchie lunghe 'a linèe Martina Franghe - Lecce servite da le Ferrovie d'u Sud-Est, se iacchie a 3 km a sud d'u javetate.

Aqquà sotte se iacche 'na tabbelle relative a le amministrazziune ca onne cangiate jndr'à stu comune:

A Erchie stonne 'nu sacche de suggettate sportive ca partecipane jndr'à le cambionate provingiale e reggionale; stonne quattre associaziune de ballone e une de pallavvole.

 




#Article 39: Faggiano (587 words)


Faggiano éte 'nu comune tagliáne de 3.513 crestiáne d'a Provinge de Tarde jndr'à Pugghie. Faggiano face parte de l'Aunìone de le Comune de Montedore, nate jndr'à 'u settemmre d'u 2002.

'U territorie comunale jè prevalendemende collinare, cu 'n'altitudine combrese 'mbrà le 20 e le 147 metre sus a 'u levèlle d'u mare. 'U borghe nasce sus a 'u versande meridionale d'u Monde Dore, 'na colline de altezze vascia vascia ca face parte de le Murge Tarandine, parzialmende cuperte da 'na pinete.

'A storie documendate de Faggiano parte da 'u Medioeve, addò vecine a 'u borghe de osce a die javetarene certe monace basiliane ca s'averene reparete pe fuscersene da le perquisiziune. Tracce se iacchiane jndr'à certe cave de tufe, addò sonde presende pure de le cripte. 'A zone avenìe pò occupate da gruppe de Albanise, apprisse 'a morte de Giorgie Castriota Scanderbeg (Gjergj Kastrioti Skënderbeu, eroe nazionale Albanese).

'U gruppe occupò in particolare 'a località Serra addò osce a die nasce 'a frazione de Faggiano, San Crispieri.

Se arrive accussì a 'a fine de l'anne Trecinde purcé 'u Pringipate de Tarde putè dichiarà Faggiano cumme 'nu casale, dotate de autonomije amminstrative e in particolare sotte 'u state de Universitas, cioò sotte esenzione de 'mboste fiscale.

Apprisse quase a cinghe anne de stu status comungue 'u Regne de Napule, ca all'epoche combrendeve le dominie pugghiese, sckaffò le tassazziune, creanne ribbellione e malcondende jndr'à popolazzione de 'nu cendre cu attività quase tutte agricole.

'Na specie de autonomije arrevò jndr'à 'u Uettecinde. Cu l'arrive de Napoleone jndr'à l'Itaglie spicciò 'u Feudalesime. Intande, condinuò 'u disboscamende d'a foreste ca cercunnave totta l'arèe.

'U prengepàle edificie releggiose jè 'a Chiesere Madre de Sanda Marije Assunde ca pò essere ca resale a 'u XIV sechele. Le prime notizie secure ss a 'u luèche de culte resalene a 'a relazione d'a visite fatte da l'arcivescove de Tarde Lelio Brancaccio 'u 4 masce 1578. Jndr'à chiesere, a navate uneche e lastricate de lapide sepolcrale, se celebbrave 'a messe cu 'u rite greche, ca avenìe stipate 'mbonde a tutte 'u XVIII sechele, a testimoniare 'u forte attaccamende a le tradiziune greche-albanise d'a comunitate. Jndr'à 'u 1760 'a chiesere avenìe restaurate e pigghiò l'aspette de osce a die.

'A fraziona piccenne de Faggiano, San Crispieri jè 'nu agglomerate piccinne de cchiù o mene 50 abitaziune, ca tène 'nu castelle, javetate da 'na famigghie locale, e 'na scole elemendare oramaije abbandunate.

'U comune jè suddivise jndr'à 5 riune, ditte Chiancara, Era Giudei, Lopa Calvario, Montedoro e Cornula, apparte 'a frazione de San Crispieri. Le nome de le riune pigghiane origgene da le luèche: Chiancara da le chianghe ca angore jndr'à quacche zone d'u paese se riescene a vedè, Era Giudei da le crociate ca se facerene jndr'à 'u Medioeve, Lopa Calvario, avène, appunde, da 'u Calvario ca se iacchie jndr'à periferie d'u paese, Montedoro pigghie 'u nome da 'u monde ca ste sus a 'u paese, Cornula da 'u nome de l'arvule ca se iacchie atturne a 'u rione e, San Crispieri da 'u nome d'a frazione.

Faggiano ss'abbale d'agricolture, specialmende d'alie e d'uve.
L'economije d'u comune se base prengepalmende sus a l'agricolture, in particolare sus 'a coltivazione de uve e alie. Sonde attive pure industrie alimendare piccenne, specie pa lavorazione d'u cafeje e d'a carne. 'A zone industriale de Faggiano se stenne a Nord, Nord-Ovest, vecine a le confine cu 'u comune de San Giorgie Ioniche.

'U comune non ge tène nisciuna strutture sportive. Se stonne e costruiscene 2 cambe de calcette e 'nu cambe de pallavvole.




#Article 40: Fasane (3503 words)


Fasane (Fasano - AFI:  jndr'à lènghe tagliàne; Fašànë jndr'à 'u dialette d'u poste) je 'nu comune tagliàne de  crestiane d'a Provinge de Brinnese jndr'à Pugghie.

Se iacchie a 'u cendre de 'nu triangole ideale ca ave pe vertice le cetate de Bare, Brinnese e Tarde, ca sò lundane da Fasane, cchiù o mene, 50 km, 'a cetate segne 'u confine 'mbrà 'u Salende e 'a Terre de Bare. 'U territorie sue combrende diverse fraziune, stennennese pe  sus 'a coste d'u Mare Adriateche e arrevanne jndr'à Valle d'Itrie. 'U comune, 'nzieme a Cisternine ca ste vecine, avenìe aggregate a 'a nove provinge de Brinnese, jndr'à 'u 1927; jndr'à 'u 1955 avenìe presendate a 'a Camere da vanne d'a deputate Marije Chieco Bianchi 'na proposte de legge pe repurtà 'a cetate jndr'à 'u territorie barese.

Quiste jè 'u comune cchiù popolose d'a provinge de Brinnese, apprisse a 'u capeluèche. Confine a nord cu 'u comune de Monopoli, a sud cu le comune de Ostune e Cisternine, a est cu 'u mare Adriateche, a ovest cu 'u comune de Locorotonde e Alberobbelle.

Ste lundane  da 'u mare, ste sus a 'n'altitudine 'mbrà le 100 e le 140 metre sus a 'u levèlle d'u mare, invece 'u territorie comunale resulte 'mbrà le 0 e le 420 m sus a 'u s.l.m. d'a Selve de Fasane. 'U cendre javetate se stenne pe 'na lunghezze da nord a sud de, cchiù o mene,  pe 'nu perimetre de cchiù o mene .

Le colline e 'a pianure sò fatte da rocce calcarèe cu presenze di picche cavità carseche. Le colline sò recoperte de lecce, querce, vignete, pine, cipresse, pioppe, arvule da frutte e vegetazione de le vosche d'a macchie mediterranèe. 'A pianure invece jè destinate a 'a coltivazione de ortagge e arvule de ulive secolare.

'A coste, jndr'à zone de Savelletri jè prengepàlmende fatte da scogliere cu calette de sabbie. 'A zone de Torre Canne presende dune costiere, lide e zone umide cu 'a presenze d'a macchie mediterranèe (stipate da 'u Parche naturale reggionale Dune costiere da Torre Canne a Torre San Leonarde).

'A popolazzione jè destribbuite pe 'nu picche de cchiù d'u 60% jndr'à cetate e 'a vanne rumanende jndr'à le diverse fraziune, in particolare jndr'à le circoscriziune comunale de Pezze de Greche e Mondalbane.

'U paese jè caratterizzate da 'nu clime mediterranèe cu 'nvirne ca no sò fridde e staggiune cavede, lunghe e assaije vote umide.

'U comune, pu mutive ca tène 'nu duslivelle da 'u mare a le monde, presende 'nu clime diverse a seconde d'a zone. Sus a 'u mare Torre Canne e Savelletri grazie a l'azione mitigatrice de l'Adriateche da 'u quale sò vagnate, presendane 'nu clime cchiù tipecamende marittime, cu escursiune staggionale mene forte.

Jndr'à l'endroterre, in pianure e quinde jndr'à cetate, le temberature s'assemegghiane de cchiù a 'a zone costiere, ma 'u clime jè assaije mene umide. Sus a le colline, de 'na iertezza masseme de 420 metre s.l.m., le temberature sò mediamende cchiù vasce de 3 grade e le zumbe termice sò assaije cchiù frequende.

Le precipitaziune medie annue raggiungene le 720 mm, resultanne congendrate jndr'à le mise d'a vernate e comungue caratterizzate da 'nu reggime estremamende variabbele. Sus 'a zone de le colline, sembre durande 'a vernate, quase ogne anne face 'a neve. Pure jndr'à cetate certe vote accappe. Le urteme nevicate abbondande sus a 'u paese, onne state 'u 15 decemmre 2007, 'u 18 febbrare 2009 e 'u 31 decemmre 2014 (quando in città caddero fino a 40 cm).

'U 7 scennare 2017, da 'u stazione meteo d'a zone industriale nord (a 106 m s.l.m.) avenìe reggistrate 'na temberature minime de −2.6 °C, valore termiche cchiù vasce da 'u scennare 1979 pe quande reguarde 'a cetate.

L'eitmologgije de Fasane resale probabbilmende a 'nu nome personale latine Fadius, cu 'u suffisse prediale -ānus. Dallo sviluppo normale per l'area -di-  -i- derive 'a forme storeche Faiano (o Fayano). 

'A variande dialettale addò s'appogge 'a forme tagliàne ufficiale Fasano avessa essere 'u passagge successive da -i- a -š-.

Conzideranne Fayano resulte ca 'u latine phasianus ‘fagiano’ non ge pò essere a'a base d'u toponime, accussì cumme jè 'mbrobabbele 'nu prediale Fascianus.

'N'etimologgije popolare colleghe 'u nome d'a cetate a 'u faso, 'na specie de colombacce ca vè bbeve jndr'à cetate e avessa essere presende sus a 'u stemme civiche.

Fasano avène da 'u Casale de Sanda Marije de Fajano (Sancta Maria de Fajano), funnate jndr'à 'u 1088 da 'na vanne d'a popolazzione ca avère abbandunate le ruvine de Egnazia, une de le cendre cchiù 'mbortande ca stavane vecine a l'andiche vie Traiana cu ìu puèrte sue 'mbortande assaije.

Cu 'a cadute d'u 'Mbere romane d'Occidende 'a cetate de Egnazia avenìe progressivamende abbandunate. Le emigrande se ne scerene jndr'à villagge rupestre piccinne, funnanne deverse casale jndr'à tutte 'u territorie fasanese e monopolitane. Condemboraneamende 'a cetate de Egnazia avenève condinuamende saccheggiate da le diverse 'nvasure ca scevene jndr'à Pugghie.

Jndr'à 'u XV sechele devende feude le de Cavagliere de Malte, e jndr'à 'u 1450 riuscìe a raggiungere le 500 crestiane cundanne 54 famigghie.

'U 2 sciugne  1678 le fasanise vivene 'nu fatte memorabbele: 'A Vettorie condre a le TUrche. Se dice ca jndr'à 'u ciele assìe 'a Madonne a guidà l'opposizione de le fasanise condre a le pirate turche, sbarcate de notte cu l'obbiettive de saccheggià 'a cetate. 'U momende de glorie, da quidde sciurne, ogne anne, avenìe arrecurdate cu 'A Scamiciate, in occasione d'a Feste de le sande Patrune: San Giuanne Battiste e Sanda Marije de Puzze Faceto.

'U culte d'a Madonne d'u Puzze jè collegate a 'na leggende: se dice ca de le condadine, mendre scavavane 'nu puzze jndr'à 'nu casale piccele (vecine a quedde ca osce a die jè 'a frazione de Puzze Faceto) cu 'u Sanduarije, avèrene acchiate meracolosamende l'immaggine d'a Madonne appettate sus a 'na petre. Cu 'a destruzione d'u casale de Puteo Faceto jndr'à 'u XVI sechele, le crestiane de stu casale se ne scerene jndr'à 'u cendre javetate de Fasane carrescianne cu lore 'u culte de Mariìje SS.me de Puzze Faceto.

Jndr'à seconda metà d'u XVIII sechele, 'a Madonne de Puzze Faceto avenìe proclamate Protettrice d'a cetate, avenìe fatte 'na statue de petre policrome ca osce a die stè sckaffate jndr'à 'na nicchie de palazze Gaito e tremende sembre 'u mare; quiste a simboleggià 'a proteziona soje pe le pericole ca avènene da 'u mare. Jndr'à seconda metà d'u Settecinede, 'a cetate se repigghie veloce veloce e resulte avè 7.000 crestiane, e jndr'à 'u 1799 condrebbuisce pure a 'a revoluzione partenopèe cu 'Gnazie Ciaia, ca pe quacche sciurne, apprime d'a conglusione, jè une de le culonne purtande ca reggene le sorte d'a Repubbleche a Napule.

Durande 'u vendennie fasciste, 'a cetate canuscìe 'nu belle sveluppe urbanisteche e 'nfrastrutturale: avenèrene costruite edificie assaije 'mbortande cumme 'a scole elemendare I Circole Collodi e 'a ville comunale e avenìe restrutturare e cangiate 'a sede d'u Municipie. Jndr'à 'u 1927 avenìe istituite 'a Provinge de Brinnese, fatte cu 'a vanne meridionale de quedde ca ere 'a Provinge de Bare, addò stave Fasane, e da 'a vanne settendrionale d'a Provinge de Lecce. Sembre durande 'u periode d'u Fascisme avenìe luate 'a croce de le Cavagliere de Malte da 'u stemme comunale, pe essere pò mise arrete cu l'arrive d'a Repubbleche.

Durande le anne sessande e settande d'u XX sechele, 'a cetate canuscìe 'n'otre 'mbortande sveluppe urbanisteche, grazie soprattutte a diverse personagge pulitece. 

Osce a die, 'a cetate jè 'na mete turisteche de granne tradizione agricole e artiggiane.

Jndr'à 'u dialette locale chiamate U'mbracchie, parola ca avène dal latino umbraculum ca signifeche ombre. 'Nfatte le vie strette strette de cauce vianghe, tipeche de le cendre d'u sud, non ge permettone a 'u sole de arrevà, garandenne accussì 'u frische pa maggior parte d'a sciurnate.

Pure le chiesere condrebbuiscone a 'a scenografije: 'a ceppelle piccenna piccene de Sanda Marije d'a Grazie, 'a chiesere matrice de epoche tarde-rinascimendale dedicate a San Giuanne Battiste, le chiesere de San Necole, SS.Marije d'u Rosarie, SS.Marije Assunde, Anime Purgande, Sand'Andonije Abbate, cu 'u chiostre frangescane, San Frangische d'Assise e San Frangische de Paola.

Une de cose cchiù belle d'u cendre storeche sò 'a chiazze Ciaia totta vianghe cu le doje corse prengepàle fatte cu le chianghe locale, 'u 'rrelogge e le palazze elegande, vere ricchezze architettoneche, l'arche d'u Balì, le portice de le Teresiane (andiche convende d'u XVI sechele 'nzeccate a 'a Chiesere de Marije Sandissime d'u Rosarie devendate osce a die 'na galleria commerciale belle probbie e luèche de retrove pe tutte le uagnune e uagnedde) e 'u Palazze d'u Balì (osce a die sede d'u municipie) cu a le spalle se iapre ìna chiazzette piccenne chiamate Chiazze Mercate Vicchie, 'nu tiembe occupate da javetaziune e ca 'a fine d'u XIX sechele avenèrene scettate 'nderre creanne 'nu giardine piccele jndr'à 'u core d'u cendre storeche. Osce a die 'a chiazzette totte avène ausate cumme parchegge de aute, nonostande 'nu sbuènne de pruggette de requalificazione. Da le vie piccele d'u cendre storeche, pò, se pò arrevà a 'u torrione de le Fogge, uneche torrione ca ave rumane a le 'mbiede de l'andiche cinde murarie, ca jndr'à 'u '600 cerconnave 'a Vecchia Terre.

Polmone verde d'a cetate jè 'u Parhce d'a Rimembranze, dedicate a 'u recorde de le 251 surdate fasanise ca avenèrene accide durande 'a Granne Uerre, a le quale sò dedicate pure 'u Monumende a le Cadute mise a 'u cendre d'u parche e le 251 pine ca stonne atturne a 'u monumende.

Andicamende chiamate fogge (da 'u latine fovea) oppure piscine, erane cisterne pubbleche assaije profonne e larie addò su cugghieve l'acque piovane carresciate da le torrende ca scennèvane da le colline.

Jndr'à 'u XIX sechele, le fogge avenèrene cuperte purcé oramaije 'a zone malareche e 'a zone devendò 'na granne zone verde. Jndr'à le anne '10 d'u XX sechele accumenzarene le fatìe pa costruzine d'a scole Collodi e spicciarene jndr'à 'u 1927. Ogne 4 novemmre avène celebbrate 'a Sciurnate de l'Aunità Nazionale e de le Forze Armate pe arrecurdà 'a vittorie d'a Prima Uerre undiale e fà omagge a 'u Milite Ignote.

Fatte vecine 'a Selve de Fasane jndr'à 'u 1918 da Damaso Bianchi, pettore e nobbile fasanese, cu 'a mane d'opere arrevate pe l'imbrese da l'Afriche, assaije probbabbilmende da 'a Tunisie, cumme pure granne parte de le materiale ausate.

'Nu minarete del tutte assemegghiande a le migliaie sparse jndr'à le pajese musulmane, cu 'u caratteristeche balcongine da 'u quale, cinghe vote a 'u sciurne, se 'nzippe ierte 'u cande d'u muèzzin, ca ause le accende musecale le sure ca, da 'u Corane, predicane 'u 'nzegnamende d'u Profete. 'A singolare costruzione avenìe destinate a residenze famigliare pa staggione.

Pare ca jndr'à 'u passate, 'a cetate, tenève 'nu mure de cinde cu quattre torre. Osce a die ne rumane sulamende une: 'u Torrione de le Fogge, a uardie d'a porte sud d'a cetate ('a cchiù andiche d'a cetate dette bochere o jndr'à 'u dialette locale caravutto da 'u scole ca se aprive sus 'a muraglie, osce a die sotterrate), ca se affacciave sus 'a vallate de le Fogge.

Le torriune o forte piccinne nascevane a le quattre angole d'a cinde murarie: 'u prime a est asseve a l'angole de chiazze Ciaia, a l'inizie de quedde ca osce a die jè vie Carle Alberto, ere ditte torrione d'u 'rrelogge purcé sus a lore stave 'u 'rrelogge pubbleche; 'u seconde torrione, a ovest, stave jndr'à Corse Perrini a le spalle d'a chiesere Matrice; 'u terze a nord, stave jndr'à l'angole 'mbrà Corse Vittorie Emanuele e quedde ca osce a die jè Vie Fogazzaro (andicamende Vie de le Monache), avenìe scettate 'nderre jndr'à 'u XIX sechele pe ffà restrutturà 'u Palazze Pezzolla. 

Apparte chiste, 'nzigne a 'u 1900 stave, 'nguedde a 'u Castelle Baliale, 'nu bastione ca se affacciave sus a l'agrumete destrutte pe ffà poste a 'u Palazze municipale. Andicamende 'a vallate ere 'nu laghette, addò se acchiavane pozzere profunne o Fogge, ca erane 'a granne reserve de acque d'u paese. Probbie jndr'à sta vallate avenìe 'u scondre decisive 'mbrà le Turche] 'nvasure e 'u fusciaminde de le infedele. 

'A torre piccenna ha state ausate da 'nu mastre fabbre fasanese ca fatiave 'u firre cu le metode andiche. Comungue jndr'à 'u 2013 'u Torrione (de probbietà private) ha state achiuse pe colpe de 'nu 'ngasamende de acque forte forte ca ave fatte danne belle gruèsse a le fondamende.

Risale probbabbilmende a 'a prime Età d'u bronze, atturne a 'u 2000-1500 n.C. Angore osce a die, se mandene bbuène jndr'à struttura soje, nonostande le tanda atte vandalece e le manomissiune forte assaije subbite jndr'à 'u tiembe, 'mbrà le quale l'urtema urteme scombarse d'u dromos o corridoie de accesse (cchiù o mene jndr'à 'u 1990). 'U dolmen de Mondalbane rappresende jndr'à zone une de le prime testimonianze funebre. Canusciute pure cumme Tavole de le paladine, se pò raggiungere facile facile scenne da 'a SS 16, in direzione mare, jndr'à 'u tratte Fasane-Ostun jndr'à zone “de Uecchije Piccele”.

Egnazia (o Gnazia) jè 'na cetata pugghiese andiche (osce a die rumanene sulamende le ruvine), vecine a quedde ca osce a die jè Fasane. Cendre de le messape o de le peuceze, ha state sede de manifatture de cerameche d'u IV e III sechele n.C.

Jndr'à lènga messapeche avenève chiaamte Gnathia, mendre da le Romane avenìe chiamate Egnatia o Gnatia e da le Grice Egnatia o Gnàthia. Se iacchie osce a die jndr'à provinge de Brinnse (vecine a 'u confine cu quedde de Bare) e 'nu picche de chilometre cchiù sus a Savelletri, 'u cendre de Egnazia jè une de le cchiù 'nderessande site archeologgece d'a Pugghie.

Le prime scave metodice onne state fatte jndr'à 'u 1912 e, jndr'à 'u 1978 avenìe costruite quidde ca osce a die jè 'u musèe archeologgeche. Angore osce a die stonne e fanne cambagne de scave fatte da l'Università de le Studie de Bare 'nzieme a 'u comune de Fasane.

'Mbrà le scuperte cchiù 'mbortande ste 'u iacchiamende de l'otra metà d'a chiazze porticate scuperte da Quindine Quagliati jndr'à 'u 1912 e de otre 'nderessande strutture ca stonne a donne 'na a le archeologe a capì megghie certe aspette urbanistece ca angore osce a die non ge sò canusciute bbuène.

Onne origgene jndr'à l'XI sechele cu l'abbandone 'nu picche a vote de Egnazia pe colpe de le tande 'nvasiune apprisse 'a cadute d'u 'Mbere romane d'Occidende. Le crestiane onne abbesogne de spustarse jndr'à l'endroterre, pe sendirse cchiù secure, e se fermane addò 'a nature ave ccrejate le lame, avvallaminde d'u terrene 'ngise jndr'à rocce calcarèe. Aqquà scavarene de le vere e probbie villagge, jndr'à 'u tufe: javetaziune, recovere de anemale, luèche dedicate a le attivitate agricole, frandoie e cripte decorate cu affresche bizzandine.

Le 'nzedimainde cchiù 'mbortande sò Lame d'Andiche, vecine 'a stazione ferroviarie, 'u cchù granne cu 'a chiesere-cripte a doje navate e 'nu battistere, le 'nzediaminde de San Lorenze e San Giuanne jndr'à contrade Scanzossa, quidde de San Frangische vecine 'a Massarie ca se chiame uguale e 'a cripte de Sanda Vigilie.

'U tembiette, ca resale a 'u IX sechele je une de chidde cchiù andiche d'a Pugghie, nasce jndr'à 'u territorie de Fasane, lunghe 'a SS 16, 'nguèdde a 'na lame vecine 'a massarie Seppannibale Granne, d'a quale face parte. Jndr'à certe documinde de età medievale iesse 'u nome origgenale, chiesere de San Pitre 'u Petrare e San Pitre Veterane.

'A costruzione jè 'a chiande quase quadrate, de dimenziune piccele, cchiù o mene 8 m. pe late, e presende volume combatte. Pa messe in opere onne state ausate bluècche gruèsse de petre locale, facilmende acchiabbele lunghe 'a coste, mise sus a de le filare quase regolare e legate 'mbrà lore da 'nu picche de malte.

A 'u 'nderne presende ttre navate e 'nu cicle 'mbortande de affresche, 'nu esembie notevole de petture longobbarde, ca tène 'n'iconogradije ca remande a l'Apocalisse se San Giuanne.

Jndr'à l'urteme anne l'Università de le Studie de Bare ste face cambagne de scave atturne a l'arèe d'a chiesere.

'A massarie jè l'espressione de 'n'organizzazzione geo-economeche legate a 'u Latifonde, 'a granne probbietà terriere ca alimendave le rendite de le classe aristocrateche e d'a borghesie. Le massarie erane allore de le granne aziende agricole javetate, a vote, pure da le probbietarie terriere, ma 'a granne costruzione rurale combrendeve pure le allogge de le contadine, jndr'à certe zone pure sulamende staggionale, le stalle, le depodite pe le foragge e le raccolte.

Nate sopre a le 'nzediaminde rurale, pure jndr'à zone incolte, se fortificarene chiane chaine devendanne de le vere e probbie cendre autonome. Successivamende se affiangarene le ordine releggiuse ca devendarene feudatarie cu 'u condrolle de territorie granne assaije, garandenne a le popolazziune rurale sostegne spirituale e organizzazzione de l'attività agricole.

Le cambagne fasanise, cumme tutte chidde d'u Salende settendrionale, sò ricche de andiche massarie.

S'ave cercate de classifecà le massarie jndr'à cinghe tipologgie: torre-massarie, massarie cu torre, massarie fortificate senza torre, massarie-castelle, massarie senze fortificaziune. Ma ogne massarie rumane comungue uneche jndr'à 'u genere sue. 'Na caratteristeche 'mbortande de le massarie fasanise jè 'u frandoie-trappete de tipe ipogèe, combletamende scavate jndr'à rocce. Pure le chiesette 'dnerne sò de le vere e probbie gioielle andiche, cu decoraziune, affresche, depinde e reliquie andichissime.

'Mbrà le massarie cchiù belle e 'mbortande storecamende vonne arrecurdate le seguende: Massarie Sand'Angele de' Grecis (megghie canusciute cumme Abbazzie de San Lorenze), Massarie San Dumineche, Massarie Maccarone, Massarie Narducci, Massarie Marzalossa.

Fasane jè 'nu comune, sotte 'u profile etniche, assaije omoggenèe. Tuttavie, jndr'à l'urteme anne s'ave avute 'nu 'ngremende forte de le immigrate de origgene albanese, le quale rappresendane 'a prime comunitate furastiere. Se raggistrane, infatte, 992 cetadine albanise.

Aqquà le percenduale d'a popolazzione fasanese:

Jndr'à 'u totale 'u numere de cetadine furastiere residende a 'u 31 decemmre 2015, seconde le date ISTAT, ere de  (720 maschele e 807 femmene), pare a 'u 3,84% d'a popolazzione totale residende.

Le nazionalità maggiormende rappresentate sò:

Pure ca 'a cetate ste jndr'à provinge de Brinnese, ave mandenute 'u stesse le legame cu 'a Terre de Bare a 'a quale ere legate apprime d'u 1927, anne de costituzione d'a cercoscrizione provingiale, legame signate sie da rapporte commerciale ca da 'u dialette e da 'a culture, tipece d'u sud-est barese e none de origgene salendine.

Comungue 'u dialette locale segne 'na differenze respette a le dialette de le cendre 'nzeccate d'a Provinge de Bare, quase a testimonià, l'essenze d'a cetate cumme eterne terre de confine 'mbrà 'a Terre de Bare e quedda de Otrande.

Seconde 'na grammateche locale le e none accendate sò mute, mendre le ä e le ü (cu dieresi) vonne lette cu 'nu suène diverse da quidde de le vocale a e u.

Quacche proverbie:

Jndr'à 'u territorie stonne 14 scole de l'infanzie, 6 scole primarie e 4 scole secondarie de prime grade. Pe quande arreguarde le scole secondarie de seconde grade, jndr'à cetate stonne diverse istitute, une pe ogne indirizze (licèe e istitute tecnice).

'A Bibblioteche Comunale Ignazie Ciaia (Larije Seggio, 1) ha state funnate jndr'à 'u 1963, e tène, osce a die, 'nu belle patrimonie libbrarie cu 'nu sbuènne de libbre de storie d'u territorie. Jè dotate de otre servizie pubblece cumme 'a Mediateche, l'Emeroteche (osce a die sospese) e 'nu Servizie Periodece. Dependene da 'a Bibblioteche Comunale pure le doje bibblioteche de le fraziune de Mondalbane e Pezze de Greche.

'A Bibblioteche d'u Cendre Studie Valerie Gentile (funnate jndr'à 'u 1995), jè 'na bibblioteche specializzzate sus a Fasane, 'u territorie sue in generale. Ave sede jndr'à cetate, a 'u Larije S. Giuanne Battiste, 21, jndr'à 'u cendre storeche, e jè conzultabbele sus 'a richieste. Stipe pure 'u Funne Libbrarie Nunzie Schena cu 'a produzione locale d'a Case Editrice Schena.

'U CIASU (Centro Internazionale Alti Studi Universitari) jè 'nu stabbilimende universitarie granne granne, fatte pe condrebbuì, cu le Università, le Cendre de recerche, le 'stituziune pubbleche locale e le 'mbrese, pu sveluppe d'u territorie ausanne le recerche, studie ierte e sperimendaziune jndr'à le cambe de maggiore 'nderesse e 'mbegne sciendifeche e didatteche.

Osce a die ste in abbandone, in attese ca se face sta inaugurazione.

Radio Diaconia, uneca radio rumaste jndr'à 'u territorie, funnate jndr'à 'u 1977 da Don Salvatore Carbonara d'a Parrocchie San Giuanne Battiste. Osce a die raggiunge 'a coperture de Brinnese e Bare offrenne servizie de 'mbormazione releggiose, sportive e cronache locale. Da 'u 2001 'a radio face parte d'u network cattoleche InBlu de Sat2000.

Quacchedune de le vecchie redio ca se onne avute da 'u 1977 a 'u 2004 sò: RadioSelva, RadioFasano Stereo, RadioAzzurra, RadioTorreCanne, RadioEffe, Radio Studio Effe, Radio M.I., Radio Studio 105 (pò addevendate Radio Studio 95), Radio Safari, Radio Discoteca 2000.

Da 'u 1977 'nzigne a 'u 1990, avenève irradiate jndr'à zone de le trulle, ovvere a cavaddere de le provinge de Brinnese, Bare e Tarde, 'u segnale televisive de Telefasano, une de le prime emittende pugghiese a trasmettere vie etere. Jndr'à l'estate 1990, picche apprime ca tràseve 'a Legge Mammì, avenìe cedute 'a frequenze (e le ambite canali UHF 22 e UHF60) a TeleSveva de Andrie.

'Mbrà le piatte cchiù popolare s'onne arrecurdà:




#Article 41: Fragagnano (3490 words)


Fragagnano (Fragnànu in dialette salendine) éte 'nu comune tagliáne de 5.476 crestiáne  d'a Provinge de Tarde, in Pugghie.
Fragagnano jè pure une de le sette comune ca costituiscene le Terre d'u Mare e d'u Sole, 'n'aunìone de comune ca se iacchiane jndr'à zone oriendale d'a provingia ioneche.

Fragagnano se iacchie mmienze 'a vanne oriendale d'a provinge de Tarde, e ha nate jndr'à quedde ca jè canusciute cumme 'a Murge Tarandine (estenzione meridionale de le Murge), 'nu comblesse collinare ca accumenze jndr'à vanne cendrale d'a provingia ioneche e spicce jndr'à 'u Salende vicine a 'u confine 'mbrà 'a Provinge de Lecce e quedde d'a Cetate de le doje Mare.

Fragagnano jè, pe altitudine, 'u quarte paese (126 m.s.l.m) de le Murge Tarandine apprisse Roccaforzata (145 m) e le comune attaccate de Mondeparane (135 m) e, San Marzano de San Gesèppe (134 m).

'U territorie presende assaije eleminde caratteristece d'a macchie mediterranèe. L'agro fragagnanese jè quase a tutte vanne coltivate, soprattutte cu le vigne (tipece d'a zone sonde 'u primitive e 'a Malvasia gnore) e ulivete da le quale se face 'n'uegghie 'a uerre probbie. 'A probbietà terriere jè generalmende suddivise jndr'ò appezzaminde piccinne, separate da le tipece murette a sechce. 'A petre jè da sembre ausate pure pe realizzà diverse costruziune a sechce (le pagghiare), 'na vote ausate da le condadine pe repusà o pe sckaffà le attrezze d'a fatìe. Ste costruziune s'assomigliane assaije a nuraghe piccinne sardagnule ca a le vere e probbie trulle pugghise.

'A vegetazione arborèe spondanèe invece, presende assaije eleminde tipece (caratteristece d'a macchie mediterranèe) 'mbra le quale se iacchie assaije 'u fiche d'India.

Viste 'a vicinanze a 'u mare ('na decine de chilometre in linèe d'arie) Fragagnano jè caratterizzate, cumme 'a quase totalità de le paise salendine, da 'nu clime cchiù umide rispette 'a Pugghie cendre-settendrionale, addò invece 'a presenze de l'Appennine face diminuì l'apporte de umidità de le vinde ca avenene da l'ovest.

Jndr'à ste zone l'umidità determinesce pure 'na cchiù forte alterazione d'a temberature percepite: le staggiune estive, sonde assaije afose, invece le staggiune invernale, pure ca sonde mite e assaije sus a 'u zere pure jndr'a le periode cchiù fridde, parene cchiù ghiacciate soprattutte quanne ste 'u vinde.

Avenìe scacchiate cumme site pe le capanne circolare lore, ggià da le uemmene primitive de epoche neoliteche, cchiù o mene jndr'à 'u 3000 n.C. 'U testimoniane le reperte acchiate duranne le scave d'u monde Sanda Sofìe, oramaije 'nglobate jndr'à 'u cendre urbane, osce a die. Otre scave, fatte apprime jndr'à contrade Cazzaro, a quacche chilometre da 'u paese, onne repurtate a 'a luce assaije de otre frammende de cerameche d'u stesse periode.

Avenìe javetate securamende jndr'à l'epoche greche, purcé 'u site siccome ere ierte e ben difese da 'a nature e provviste de acque sorgive, rappresendave 'n'ottime condizione javetative. Angore osce a die da le rocce atturne 'u monde Sanda Sofìe iesse l'accussì dette funtanedda (fundanelle). Securamende 'a posizione sciugrafeche, a metà strade 'mbrà le messape de Manduria e le grecie de Tarde, aunite a 'a fertilità d'a valle longhe quedde ca osce a die jè l'arterie SS 7 Ter, avere ccrejate jndr'à chidde tiembe non picche probbleme e conflitte de appartenenze. Ma de totte sta storie, longhe millennie, non ge n'à rumaste ninde, apparte 'u monde, addo se stè prove osce a die a leggere a granne linèe chidde avvenimende osservanne le petre, cu l'aijute de le tecnice d'a Sovrintendenze a le Bene Culturale.

Jndr'à 'u 1905, vecine 'a località Mancini (a ovest d'u cendre) avenìe acchiate 'nu tesorette ca tenève certe monete ca appartenevane a le zecche de Taras, Metapontion e Thurii d'u 313 n.C. (cfr. Carducci, pag. 34) e stu fatte certifichesce 'a frequendazione de ste terre jndr'à 'u tiembe d'a civiltà magnogreche.

Ma onne state le romane a dà 'u nome de osce a die. Inftte 'u site jè vecine vecine a l'andiche tracciate de l' Appia andiche, l'urteme tratte de quedda granne arterie ca partenne da Rome aunive jndr'à l'urteme sforze sue Tarentum cu Brundisium, puèrte d'u 'Mbere verse l'Oriende. Naturalmende tutte le surdate ca facevane 'a spole 'mbrà l'Itaglie e le provinge, passavane da aqquà. Onne passate pure Giulio Cesare e Cleopatra. Jè angore visibbele 'a traccie profonne lassate da le carre jndr'à rocce jndr'à contrade Puzzu Uelu, addò se vede bbuène 'nu comblesse sisteme de vie a doppia corsie e deviazione, vecine a 'nu puzze scavate jndr'à rocce, miracolosamende sarve, pure cu abbeveratoie pe cavaddere e pe surdate. 'Nzomme 'na stazione romane. E Pirro, cu surdate e elefande, venute da l'Epiro (l'Albanie de osce a die) pe combattere le romane ca assediavane Tarde, non g'à passate pure jidde da ste strade?

Pare ca 'u toponime derive da 'u gentilizie romane Freganius, nome de 'nu personagge a 'u quale avenèrene affidate ste terre o pe merite personale o pe raggione militare, cumme da conzuetuddine presse le romane.

'U passagge da 'u nome probbie Freganius a 'a dizione Freganianus, jè pò ottenute cu l'aggiunde d'u suffisse -anus, ca indichesce l'appartenenze. Jndr'à cartografije d'u 700, jè angore reportate Fregagnano, cu  'a E, ma jndr'à forme dialettale de osce a die se ause sulamende 'a dizione cu 'a A: infatte se dice Fragnanu e none Fregnanu. A testimonià l'epoche romane, ste 'nu tesorette de quattre monete de epoche repubblecane acchiate da 'nu contadine jndr'à 'u 1904 jndr'à 'nu terrene vecine a 'nu monde, osce a die le monete se iacchiane jndr'à 'u Musèe nazionale de Tarde (MArTa) e ste pure 'na stele funerarie, ca porte 'na scritte in latine, acchiate jndr'à 'nu cambe vecine 'a zone archeologgeche, ca avere state ausate cumme architrave sus 'a soglie de 'nu vecchie trulle.

Jndr'à l'età medievale, jndr'à l'anne 1278, siccome ca avere già muèrte 'u 'mberatore Federico II de Svevia, ca avere fatte 'nzippà torre e castidde a tutte vanne (pe esembie quidde maestose dìa vecine Oria) a 'u scope militare de condrastà le attacche de le saracene, in Itaglie meridionale scennene le frangise, a 'u comande de Carlo D'Angiò , ca conguistane 'u Regne de Napule. Successivamende a sta calate, 'u praedium (podere) de Freganius devendò 'na baronìe. Infatte, 'u nuève re 'u assegnò a 'nu surdate sue, 'u nobbile Erardo de Rantolio ca le avere fatte 'nu sacche de favore combattenne in Sicilia jndr'à uerre d'u Vespre. Erardo devende allore Barone de Fragagnano e da quidde mumende le vicissituddine de le discendende sue sonde legate a ste terre 'mbonde a le sciurne nuèstre.

Jndr'à 'u piene d'u Rinascimende le erede de Erardo de Rantolio cangiane 'u cognome lore ( da l'origgenale frangese de Nantuillet), taglianizzannele jndr'à quidde de osce die dell'Antoglietta e 'a famigghie rumane feudatarie cu 'u titele de Marchese de Fragagnano e Mondeparane (chiamate a l'epoche Lo Patrello, 'nu casale colnizzate da albanise ca avere scappate da le scorribbanne saracene).

'U 23 settemmre 1923 Fragagnano trase a fà parte, 'nzieme a 'a parte occidendale d'a Terre de Otranto, d'a Provinge d'u Ionio (Provinge de Tarde da 'u 1951), nate pe gemmazzione de l'andiche provinge leccese.

Descrizione araldeche d'u stemme: Partite, araldeche|Partite: jndr'à 'u prime de verde a 'a spighe de grane d'ore mise jndr'à 'u pale; jndr'à 'u seconde d'argende a 'u grappole d'uve gambute e fogghiate a 'u naturale (Decrete reale d'u 17 masce 1928).

Satte satte jndr'à 'u cendre d'u paese, quanne spicce corso Vittorio Emanuele III, se 'nzippe 'a Chiesere Madre 'nditulate a 'a Sandissime Marije 'Mmaculate, costruite 'nguèdde a 'na chiesere primitive, databbele atturne a 'a prima metà d'u XV sechele.
Angore osce a die sonde evidende le tracce de quidde origgenarie edificie, ca se iacchiane jndr'à l'andica porte pe trasè ca se iacchie a Ovest d'u cambanile prengepàle e jndr'à 'u cambanile piccinne a vele sus a 'u late Nord d'a cupole.

Senze notizie ufficiale, jè possibbele traccià 'na recostruzione storeche jndr'à 'u comblesse architettoneche sus 'a base de iscriziune d'epoche ca esistevane jndr'à chiesere stesse. 'Na pergamene murarie mise in chiave sus a 'u granne arche a tutte seste prengepàle, ca separe 'a navate da 'u presbiterie, tène 'a 'scriziona seguende: Templim hoc elemosinis civium conditum A.D MDCCLXXIV (Sta chiesere ha state costruite cu le offerte de le cetadine jndr'à l'anne 1774). Sta date jè 'a stesse pure de l'urtemazione de le fatìe d'a chiesere e d'u cambanile ca ste 'nzieme cu 'u locale ca ste affianghe cuperte da volte stellare, ca presendane idendiche pavimendazione cu mattune cotte. Jndr'à le prime anne d'u Uettecinde, avenìe invece vultate l'elegande cupole d'a crociere a opere de maestranze locale e costruite l'oratorie de rete d'u Sandissime Sacramende , manufatte conglusive d'u comblesse architettoneche.

'A combormazione de fore d'a chiesere jè domenate, otre ca da 'a massicce cupole e da 'a scenografeche facciate, pure da 'nu cambanile possende a ttr levèlle, de 'na certa fatture settecendesche. Quiste presende 'nu 'nzippate d'a monofore cu arche a tutte seste, dotate de alligande balaustre de petre, ca se iaprene sus a 'u late Est d'u prime levèlle, sus a doje late d'u seconde e sus a quattre d'u terze.

Sus a 'u late Nord d'a cupole, in corrispondeze de l'anghele 'mbrà 'a navate e 'u presbiterie, zumbe a l'uecchie, angore jndr'à 'nu bbuène state de conservazione 'u cambanile cinghecendesche ditte apprime a vele cu 'n'uneche aperture a tutte seste, supranate da 'nu timbane, a vota soje coronate da ttre pinnachele.

'A facciate a Ovest, jndr'à 'nu stile tarde barocche, domine 'a visuale da 'a vie prengepàle d'u paese sus a 'na larie scalinate fatte de conge de tufe ca porte a 'u portale d'ingresse.

Jndre le picche decoraziune rappresendate da affresche cu petture a uegghie presende sus a le pennacchie 'mbrà le arcone d'u presbiterie, sus a le quattre facce d'u tammorre senze finestre, sus a le spicchie inderne d'a cupole e sus 'a lunette d'a parete terminale de l'abside, onne state fatte da artiste locale jndr'à le prime anne d'u Novecinde. Sus a le pennacchie avènene rappresendate le quattre evangeliste ca stonne a combonene le probbie scritture; sus a 'u tammorre duranne le urteme restaure onne assute fore quattre murale, ca raffigurescene episodie d'a vite de San Frangische d'Assisi e de Sand'Andonie de Padova, ca resalene securamende a 'a metà d'u Settecinde. Jndr'à une de le cappelle sus 'a sinistre, inderessande jè 'a tele d'a Madonne d'u Rosarie de 'n'autore ca no se canosce.

'A costruzione de 'na prima chiesere jè databbele securamende a 'u periode precedende a 'u 1779, anne a 'u quale resale 'a costruzione d'a prima confraternite. Ma jndr'à 'u 1911 avenìe costruite, a spese d'a cetadinanze, 'a chiesere de osce a die 'nditulate a 'a Madonne d'u Carmine, pure jedde dette Madonne d'u Carmelo.

'A facciate se presende sobbrie e lineare: le eleminde decorative sonde le quattre lesine, a le doje late d'u portale, suverchiate da finde capitelle de tipe corinzie, cu fogghie d'acante. 'A strutture architettoneche de l'edificie, fatte de tufe caratteristeche d'a zone, jè massicce e combrende 'na cupole emisfereche, ca se pogge sus a 'nu tammorre poligonale, a le quale sommità ste 'u cambanile. 'A chiesere tène 'na chiande longitudinale a navate uneche e le navate laterale sonde redotte a semblice cappelle ca non ge comuneche 'mbrà lore.

Jndre jè presende 'nu pulpite de legne e, sus a le quattre pennacchie, se ponne osservà otre e ttande Sande carmelitane. L'inderne d'a cupole, estremamende danneggiate da 'nfiltraziune de acque, face vedè 'n'immaggine d'a Vergine d'u Carmine ca dè 'u scapolare a l'anime d'u Priatorie. 'A prima cappelle sinistre tène 'n'inderessande tele, de Gesèppe Sampietro, ca rappresende, probbabbilmende, San Rocco.

'A Cappelle d'a Madonne d'u Favore se iacchie a cchiù o mene 'nu chilometre a ovest d'u cendre javetate, sus a 'u borde d'a strade provingiale pe Vurtàgghie. Le prime fonde storeche secure d'a cappelle resalene a 'u masce d'u 1577, quanne l'allore arcivescove de Tarde, Lelio Brancaccio, arrive in visite a Fragagnano addò 'mbrà le diverse chiesere presende jndr'à quedde epoche jndr'à 'u territorie atturne a 'u cendre javetate, iacchie e descrive 'na chiesere rurale dedicate a Sancta Maria de lo Favore. Ma securamende 'a chiesere piccenne ha state fatte apprime de stu periode, 'a cappelle nascìe successivamende a 'u rinvenimende de 'n'icone ca raffigurave 'a Vergine jndr'à 'nu puzze mise addà vecine.

Cu 'u passare d'u tiembe 'a chiesere piccenne ave avute 'nu sacche de restaure e osce a die se presende jndr'à 'nu bbuène state de conservazione, grazie a 'a manutenzione periodeche fatte da le devote. 'U culte d'a Madonne d'u Favore jè angore osce a die radicate jndr'à tradizione fragagnanese, e ogne anne se rennove cu 'na caratteristeche processione ca, partenne da 'a Chiesere d'u Carmine, arrive 'mbonde 'a chiesere piccenne.

Sus 'a strade statale 7 ter, vecine a via Cesare Battisti se iacchie 'na chiesette rupestre abbandunate. Se tratte de 'na chiesere dedicate a 'a Vergine cumme demostre 'a scritte oramaije sviangate Ave Maria mise sus a l'arche ca suverchie 'a porte d'ingresse.

'A facciate a capanne e cu cuspide cendrale presende riquadre cu eleminde decorative. Jndre 'a cambate rettangolare furmate da quattre pilastre cu volte a crociere. Sus 'a vanna frondale de l'abside jndr'à 'n'edicole ste 'nzertate 'n'affresche, chiare espressione de vite quotidiane e agricole affidate a 'a protezione d'a Madonne. Stonne pure raffigurate 'a Madonne, 'a famigghie e attrezze agricole mise ogne une a le vertice de 'nu triangole. 'A Madonne cu Gesù Piccinne stonne sckaffate jndr'à 'nu cambe de grane dorate, 'u Piccinne tène jndr'à màne 'nu fasce de spighe, accussì cumme 'u piccinne azzettate 'mbrà 'a mamese ca ste preje e l'attane ca ste uarde. 'A chiesette ca se iacchie jndr'à 'n'area private ha rumaste attive 'mbonde a le prime anne settande.

Assaije sonde infine le edicole votive. Jndr'à maggioranze de le case, chiste stonne jndr'à stanze piccenne a chiande quadrate, rettangolare, ovale o semicircolare, 'nzerite jndr'à strutture de fore de 'n'edificie. Jndr'à ste strutture architettoneche se iacchie 'n'immaggine sacre, ca de solite jè appettate sus a 'u legne o affrescate, o angore realizzate cu materiale plasmabbele cumme 'a terracotte. Jndr'à le edicole cchiù andiche, le affresche, cunzumate da 'u tiembe, onne state cuperte cu cauce e sostituite da stambe o statuette ca no valeve quattre de 'nu solde.

Le edicole avenèvane costruite pe devozione, o in relazione a ipotetece miracole o angore in riferimende a particolare fatte (cumme uerre e epidemie), pe stu fatte quase tutte le edicole fragagnanise sonde rivolte a Sand'Andonie da Padova, protettore d'u paese, a San Gesèppe o a 'a Madonne.

Avene accussì costruite, atturne a 'na torre robbuste de epoche medievale a base quadrate, cu 'nu ponde ca se 'nzippe e de fossate perimetrale, l'elegande e sobbrie Palazze Baronale de guste rinascimendale, ca domine angore 'a valle de le ulive a Sud, accumbagnanne facilmende 'u sguarde 'mbonde a 'u mare, sus a le tette de Lizzano.

Se iacchie jndr'à 'u cendre storeche, e ha state costruite jndr'à 'u 1587, securamende pe 'nu mutive difensive e jè ritenute 'u palazze cchiù andiche d'u paese. 'A costruzione ha state fatte cu conge de carparo perfettamende squadrate, recuperte de cauce jndr'à 'u sole prospette meridionale. Quacche decennie fa onne state acchiate osse umane sotte a 'u pavimende d'u piane inferiore, da recollegà, probbabbilmende, a 'a presenze de le trabbocchette.

Sus a 'u late occidendale de 'nu terrazze sue, probbie a dominà 'u belle cendre d'a chiazze Reggine Elena, se 'nzippe 'a statue in carparo de Sanda Irene, andiche protettrice de Lecce, invece salenne sus 'a sommità d'a torre andiche, se ponne vedè facile facile le castidde atturne de Mondeparane, Roccaforzata, San Marzano de San Gesèppe, Vurtàgghie, Sava e pure quidde cchiù lundane de Oria (in provinge de Brinnese).

Jndr'à 'u Novecinde, 'u Palazze Baronale, osce a die disabbetate, devendò probbietà d'a famigghie Tamborino Frisari de Maglie e avenìe in parte ausate a stabbilimende vinicole. Accussì le avènene scavate e cemendate cisterne granne assaije pu condenimende d'u vine. Ha abbevesciute jndr'à l'anne settande, quanne ha state addibite temboraneamende a sede d'u Municipie e osce a die, turnate a essere abbandunate 'n'otra vote, ste aspette de avenè richiamate a l'attenzione de tutte. Infatte jndr'à volondà de le probbietarie de osce a die se ste penze de sckaffà jndr'à le locale d'u piane terre 'nu Musèe, addò mettè le tanda reperte archeologgece de l'andiche site, divise 'mbrà 'u Musèe de Tarde e otre collezziune private.

Jndr'à 'u 1701, avenìe 'nzippate 'u 'mbonende Palazze Marchesale, pe vulere d'u marchese Frangische Marije dell'Antoglietta, senzibbele poete de l'Arcadia, essenne 'u vecchie Palazze Baronale non cchiù respondende a le guste nuève d'a filosofije barocche. L'edificie nuève, quase de fronte a 'u prime, sobrie, 'mbonende e a 'u stesse tiembe elegande, devendò accussì 'a nova residenze de le marchese 'mbonde a 'u 1797, anne jndr'à 'u quale le coniuge dell'Antoglietta lassarene tutte le probbietà lore a 'a famigghie Carducci Agustini de Tarde, ca devendarene le nuève e urteme feudatarie de Fragagnano.

'U palazze, ca rappresende securamende 'a tessere cchiù preziose d'u cendre storeche fragagnanese, ere 'a residenze abbituale de le marchese ca ne onne mandenute 'a probbietà 'mbonde a l'abbolizione d'u feudalesime. A chiande rettangolare, in carparo rosate, jè 'na strutture ca ste fore da le tipece canone barocche, jè invece 'n'esembie de soluzione architettoneche polivalende, ca servive tande da residenze quande da fortificazione. 

'Nu portale maestose face trasè jndr'à 'nu cortile a forme de trapezie da 'u quale pigghiane luce le ambiende superiore. A 'u tiembe d'u massime splendore sue 'u piane superiore ere furmate da 'nu salone granne granne de le tette voltate a crociere semblice o stellare e 'na stanze, dette 'a camere appettate, ca tenève de le affresche ca s'assmigghiavane pe stile a le petture pompeiane. Le alloggiaminde de le stallire, magazzenire, 'u cuèrpe de uardie e le cucine s'acchiavane a piane terre ca tenève rrete pure le stanze e le abbeveratoie. Jndr'à 'u giardine de rrete, addo stave 'nu pergolate e 'nu fruttete ca profumave, le marchese acchiavane refriggerie jndr'à le sciurnate de cavede.

Non g'onne mangate jndr'à 'u corse de le urteme anne pruggette de resanamende, da quanne 'n'ingendie ne scuasciò le tette jndr'à 'u 1920, consegnannele a 'nu lende, ma inesorabbele, degrade. Le piane de restaure non g'onne angore maije acchiate valide rescondre sus a 'nu levèlle pratiche, accussì 'u palazze non ge se pò ausà ce none pe quacche sale a 'u piane terre.

Osce a die, tutte le discendende d'a famigghie Carducci s'onne trasferite a Tarde, eppure 'u palazze granne ha state abbandunate e rialate a 'u Comune, pe fa 'nu tendative de sarvarle da 'u degrade.

Jndr'à le prime anne d'u Uettecinde ha state 'nzippate jndr'à l'andiche vie Garibaldi, l'elegande e signorile Palazze Fanuzzi, osce a die javetate da le erede Russo. De preggevole fatture 'u cortile ca se iacchie jndre cu 'u scalone granne.

Le tradiziune sonde 'nu tutte une cu 'a storie de ogne singole popole e facenne revivere 'u passate, condrebbuiscene a l'aggregazione de tutte le javetande d'u paese, facenne arrecurdà 'u fatte de avè in comune le stesse radice.

Sonde angore osce a die attive ttre furne a legne pa cotture d'u pane, de l'andichissime pacce a 'a vambe, de le frisedde, de le biscotte a l'amennele e otre cose; se ause cumme combustibbele angore 'a profumate stroma (strame d'alie) ca deje 'nu sapore tipeche a 'u pane e ienghie l'arie de 'nu gradevole odore andiche.

A Natale jndr'à ogne case se friscene jndr'à l'uegghie d'alie le pettole (li pettuli), o doce tipece cumme le purcedduzze (li purcedduzzi), le carteddate (li cartiddati), le vangale (li vangali). Pò se 'mbastane e se 'nfornane le paste cu l'amennele e le amarette (doje varietà de doce fatte da farine, zucchere e amennele).

A Pasque invece se producene, fatte jndr'à case, angore le palumme cu l'ove (li palommi cu ll'ovi), le taralle cu 'u pepe (li taraddi cu llu pepi), le paste modde (li pasti mueddi) e le paste cu 'u scelèppe (li pasti cu lu scileppu) tutte doce tradizionale fatte cu 'a farine, zucchere e arome varie.

Jndr'à l'estate se mangiane osce sciurne le fresedde condite, cumme tradiziona vole, cu pummedore, uegghie d'alie e 'nu pizzeche de sale.

'A dumeneche, non ge sonde picche le famigghie ca angore osce a die 'mbastane a màne 'a farine de grane pe fa le tradiziunale chianghiaredde, ca pò avènene condite cu sughe de 'nvoltine de carne de cavadde (braciole) e cu spolverate de caserecotte.

Le paste sonde quase sembre accumbagnate da 'nu belle becchire de primitive, 'nu vine russe ca avène da l'omonime vitigne, assaije diffuse jndr'à sta zone d'a Pugghie.

Penzanne a le tradiziune popolare, certe onne state tramandate da generaziune e otre 'ndrodotte sulamende da quacche anne, a Fragagnano se festeggiane:

Le collegaminde stradale prengepàle sonde rappresendate da ():

Pure ca non ge stè 'na stazione ferroviarie probbie, 'u comune de Fragagnano jè collegate cu otre staziune. Le cchiù vecine se iacchiane a:

Le aeropuerte cchiù vecine a Fragagnano sonde:
L'Aeropuerte de Tarde-Vurtàgghie Marcello Arlotta faceve servizie de linèe pu traffeche passeggere cu vole charter, quanne funzionave.

Le aeropuerte cchiù vecine sonde:




#Article 42: Frangaville Fundane (7937 words)


Frangaville Fundane (jndr'à 'u tagliàne Francavilla Fontana (, Francaìdda  jndr'à 'u dialette frangavillese, 'nzigne a 'u 1864 chiamate Frangaville) jè 'nu comune tagliàne de  crestiane d'a Provinge de Brinnese jndr'à Pugghie. 

Avène soprannomenate 'a Cetate de le 'Mberiale, in onore de le pringepe Imperiali ca guvernarene 'a cetate senze 'nderruziune pe doje sechele, purtanne 'u feude a 'u massime d'a putenza soje. 'A cetate jndr'à chidde anne devendò une de le cchiù granne cendre culturale e 'ndustriale de l'arèe (jndr'à 'u Uetteciende avenìe elette capeluèche de circondarie).

'A cetate se iacchie jndr'à penisole salendine, a 35 km a ovest d'u capeluèche provingiale e a 35 da Tarde, lunghe l'andiche tracciate d'a Vie Appia, e jè 'u terze comune cchiù popolate d'a provinge.

'Mbortande cendre agricole, artiggianale, 'Ndustriale ('mbrese piccele e medie) e commerciale, jè sede d'a Fiere Nazionale de l'Ascensione, terze pole fieristeche reggionale apprisse Bare e Fogge.

Jndr'à 'u 2009 ave avute da 'a Reggione Pugghie 'u recanuscimende de cetate d'arte.

'U territorie d'a cetate se stenne soprattutte jndr'à direzione nord-sud e ave 'na superficie totale de 175,25 km². A caratterizzà l'agre frangavillese, soprattutte jndr'à 'u versande nord, jè 'a presenze de 'nu sbuènne de trulle.

L'ause d'u suole jè variabbile assaije e combrende colture de arvule cumme ulivete, vignete, fruttete e colture erbacee.

Le suole sò calcarèe o mediamende calcarèe cu percenduale de carbonate totale ca aumende quanne aumende 'a profonnetà. Stonne le calcare dolomitece (soprattutte le calcare de Altamure, jndr'à tutte 'u territorie murgiane ca resalene a 'u Cretaceche superiore), de calcarenite bioplasteche (calcarenite de Gravine de Pugghie, ca resalene a 'u Pleistocene inferiore) e de lime de rene e argille (deposite marine terrazzate ca resalene a 'u Pleistocene Medie-Superiore).

Cumme jndr'à 'u reste d'a Pugghie, pe colpe de le rocce carseche, 'a presenze de jume 'mbortande in superficie jè praticamende nulle, mendre, jndr'à 'u sottesuole, resulte particolarmende 'nderessande; jndr'à 'u territorie frangavillese stonne acque sorgentizie ca iessene fore da tratte de terrene e pò spariscene arrete.

'U cchiù 'mbortande corse d'acque ca scorre jndr'à 'u territorie jè 'u Canale Reale; jidde iesse a 'u confine cu 'u territorie d'u comune de Villa Castidde, e passe pe le cambagne da est a ovest, pe pò assè jndr'à 'u Mare Adriateche, cchiù esattamende jndr'à reserve naturale de Torre Guaceto.

Stu corse d'acque avenìe descritte pre jndr'à Naturalis historia de Plinie 'u Vecchie, ca, ingerte sus 'a denominaziona soje, indicò le nome Pactius e Ausonius: a quedd'epoche avera essere 'nu vere e probbie jume navegabbele, e 'u demostrane le grotte frequendate da le monace basigliane arrevate da Brinnese a borde de 'mbarcaziune piccele. Osce a die, 'u canale, jè assaije inguinate.

Siccome ca 'u territorie se stenne soprattutte jndr'à direzione nord-sud, avènene avvrazzate doje zone: 'a Murge, jndr'à 'u settore cendre-settendrionale e 'a Piane de Brinnese, jndr'à 'u settore meridionale. 'A iertezza massime ca se reggistre jndr'à 'u territorie comunale jè pare a 246 ; 'a case comunale, 'nvece, reggistre 'n'altitudine ca arrive a 142  'A frazione de Bax Capece, mise a nord d'u javetate, reggistre 'n'altitudine de 173 

'U reste d'u territorie vèje doce doce verse sud, pe spiccià jndr'à Piane de Brinnese (raggiungenne 'a iertezze minime reggistrate jndr'à 'u territorie comunale de 109 ).

'A cetate gode de 'nu clime mediterranèe tipeche, mite e confortevole jndr'à le periode d'a primavere e de l'autunne, le staggiune de solite afose e vernate none assaije fridde. Accappe ca, durante le nuttate 'nvernale, ca 'u termometre vèje sotte a 'u zere (provocanne gelate larije) o ca se reggistrane nevicate cu belle accumule de neve (cumme, pe esembie, jndr'à 'u 2006). D'a staggione, invece, ognettande accappane ondate de calore forse, cu tasse de umidità assaije ierte e temberature sus 'a medie d'u periode.

Le precipitaziune de l'anne arrivane a 565 mm de pioggie, destribbuite soprattutte jndr'à 'u periode da ottommre a marze. 'A primavere e 'a staggione avènene caratterizzate da periode de siccità.

'U prime nome ufficiale d'a cetate de Frangaville ha state Villa Franca (Ville Franghe), da 'a parole frangese ville (borghe) e franca (senza tasse), pe dicere da 'a congessione de larije franghige a ce avesse sciute addà. Cu 'u tiembe 'u nome cangiò jndr'à Franca Villa (Franga Ville), ca pò devendò 'na parole uneche: Francavilla (Frangaville). Parte d'a provinge de Terre d'Otrande, pe distinguerle da le otre cetate avenìe chiamate Frangaville d'Otrande; 'fine, jndr'à 'u 1864, aprrisse 'na delibere comunale, avenìe definitivamende chiamate Frangaville Fundane.

'A cetate nasce sus a 'n'arèe 'nderessate da 'nzediaminde umane 'nzigne da 'a preistorie, cumme demostrane le tracce de 'nu villagge a capanne d'u Neoliteche medie (scuperte jndr'à località Cadette).

'A cetate accumenzò a svelupparse jndr'à 'u periode messapeche, pure ce a l'epoche non ge tenève configurazione de cetate, ma assaije assaije stavane 'nu pocche de fattorie. De le studiuse ipotizzane ca vecine 'a cetate de osce a die pò essere ca s'ave sveluppate l'andiche Rudiae, patrie de Quinde Ennie.

JNr'à 'u periode romane mandeneve angore 'a forme de javetate piccele e sparpagghiate, le vicus, ca stonne atturne a 'u cendre prengepàle de Orie.

Da 'u IX sechele se ave nutizie de de le casale 'mbrà le quale quidde de Sande pirite a Sud-Est d'a cetate, ca accumenzarene 'nu prcesse lende de sinecisme, de fusione, cioè 'mbrà le cendre cchiù piccinne pe dà vite a 'nu uneche cendre de medie dimenziune.

'A cetate devendò tale  probbabbilmende a le inizie d'u XIV sechele, pe iniziative de Filippe I d'Angiò, pringipe de Tarde e signore de Orie, vecine a 'na ville rustiche de epoche romane, costruite vecine a 'u Canale Reale (lunghe l'andiche vie Appia), addò osce a die ste contrade S. Lorenze.

Seconde le false diplomatece fatte da 'u vescove Kalefati, 'u 14 settemmre 1310, 'u pringipe durande 'na battute de cacce, acchiò 'n'immaggine d'a Madonne cu 'u Piccinne appettate sus a 'nu mure squasciate vecine a 'na fundane. Atturne a 'u luèche d'u iacchiamende facìe 'nzippà 'na cappelle in segne de devozione, pò cungedìe terre e franghigge rechiamanne 'nu sacche de crestiane de le casale vecine. Nascìe accussì 'u Casale de Frangaville.

'U prime fatte storeche, jè 'a dunazione de Frangaville da vanne d'u Pringipe Filippe a 'a famigghia nobbile de Nantolio (Chattilon, ca discendeve da 'u Rre de Franghe, ca pò 'u cangiò cu 'u nome de l'Antoglietta), 'u 5 masce 1336. I de Nantolio (dell'Antoglietta) cercarene a 'u pringipe de putè pruteggere 'a cetate costruenne a spese lore le mure e le fossate, pe condrastà le 'nvasiune e le tumulte ca stavane jndr'à quidde periode storeche e defennere 'a popolazzione de Frangaville. Stu prime nuclèe de Frangaville, megghie prutette da 'u pericole, accumenzòsembre de cchiù a popolarse e vevìe 'nu periode de granne splendore e ricchezze. Devendò allore Università, titole date a chidde cendre ca raggiungevane 'na certe consistenze demografeche e 'mbortanze socie economeche e culturale.

Jndr'à 'u 1368, Giuanne de Nantolio (de l'Antoglietta) († post 1383), Barone de Ruffane e Barbarane, marite de Beatrice de Noha, none cundende d'a situazione ca viveve 'a popolazzione e vulennela carrescià a le vecchie splendore, devendò feudatarie in capite e none cchiù vassalle d'u pringipe de Tarde pigghianne 'a nomene da 'a Camera Regia. 'U figghie, Guglielme († 1452), devende pò Barone de Frangaville jndr'à le prime decennie d'u XV sechele.

Durande le anne cangiarene 'nu sacche de feudatarie; Giuanne Andonije Orsini Del Balzo, ca accumenzò a 'nzippà le fortificaziune jndr'à 'u 1455 (e ca jndr'à 'u 1450 avere accumenzate 'a costruzione d'u castelle, ca jndr'à strutture origgenarie avera essere destinate a l'allogge de le surdate).

Da 'u 1517 regnò 'a famigghie de le Bonifacio, ca migliorò l'edilizie d'a cetate e le condiziune economeche e culturale d'u popole; seguirene 'u marchese de Trevico, 'u conde Federiche Borromeo e 'u cardinale Carle Borromeo. Cu quiste urteme arrevò a Frangaville 'u spirite d'a Condrereforme, nascerene 'nfatte le convende de le carmelitane, de le frate minore osservande, de le cappuccine e de le oratoriane de San Filippe Neri ca aprirene 'a prima scole pubbleche d'a cetate.

Jndr'à 'u 1569 'u cardinale vennìe 'u feude a 'u Rre pe 40 000 ducate, somme ca destribbuì a le puveridde de Melàne. Osce a die jè possibbele 'ndrucà 'na statue d'u sande, jndr'à chiazze Umberte I. 'U feude passò accussì apprime a Melchiorre de Herrera e pò a 'u cardinale genovese Filippe Spinola.

Jndr'à 'u 1572 'u feude avenìe accattate da l'aristocrateche genovese Davide Imperiali; jidde devendò sulamende signore de le terre de Frangaville, 'u titole de Pringipe avenìe date a 'u nepote Davide, 'u vere capestipite de le Imperiali. Cu sta famigghie, a cetate vevìe 'u mumende de massime splendore: durande 'u guverne lore, 'nfatte, avenèrene fatte meglioramende granne assaije, sie pe l'urbanisteche cetadine, sie jndr'à vite civile finanzianne 'nu sacche de opere pie; nacere, 'nfatte, 'nu sbuènne de accademie de letterate e artiste e 'u nuclèe urbane devendò cchiù granne cu 'a nascite de riune nuève, tande ca s'allariò 'a cinda murarie e da 'u 1715 avìe inizie 'a Fiere de l'Ascensione.

'A dinastie de le Imperiali non ge durò assaije, l'urteme avere state 'u pringipe Michele Imperiali Junior muèrte senze discendende. 'U feude passò allore a 'u fische ca 'u vennìe a stuèzze. Jndr'à 'u 1743 'a cetate avenìe duramende colpite da 'nu terramote d'u none grade Mercalli, 'nzieme a Nardò, ca scettò 'nderre 'na vanne d'a cetate e facìe de le muèrte.

Frangaville pigghie 'u titole de cetate 'u 19 abbrile 1788 da 'u Rre de Napule Ferdinande IV.

Jndr'à le prime mise d'u 1799 jndr'à cetate asserene scondre 'mbrà repubblecane e realiste fedele a 'u Rre, Ferdinande IV, ca jndr'à 'u decemmre de l'anne apprime, siccome non ge puteve fermà l'avanzate de le truppe napoleoneche jndr'à 'u regne de Napule, avere abbandunate 'a capitale pe scè a Palerme. Le disordine jndr'à Frangaville (cu de le muèrte) spicciarene 'u 24 febbrare 1799 cu l'arrive jndr'à cetate de doje personagge 'mbortande, de origgene corse, Frangische Boccheciampe e Giambattiste De Cesari.

Lore, forte pure de l'appogge morale (frutte de equivoce e finziune tiatrale) avute da le pringipesse Adelaide e Vittorie de Borbone (figghie de l'ex Rre de Frange Luigge XV) ca s'acchiave a Brinnese, pigghiarene 'u comande de le condrerevoluzionarie frangavillese e organizzarene cu successe l'insorgenze andirepubblecane jndr'à cetate e jndr'à le pajesere vecine.

'U Uetteciende avìe fermende resorgimendale e scondre sanguinose, 'nzigne a 'u sterminie de le diverse sette carvonare da vanne de l'esercite borboneche.

Apprisse a l'aunificazione de l'Itaglie, 'u sveluppe d'a cetate avenìe agevolate pure da 'a costruzione d'a ferrovie Tarde-Brinnese. Jndr'à 'u 1864 pigghiò 'u nome de osce a die de Frangaville Fundane, da l'icone bizzandine ca raffigure 'a Madonne d'a Fundane e pe arrecurdà l'episodie d'u pringipe funnatore.

Jndr'à 'u 1871 acceumenzarene de le mote violende pe l'autonomije de Villa Castidde, ca denungiave l'ingurie da vanne de le amministrature de Frangaville. Ruole de prime piane jndr'à 'u fatte l'averene le residende de Monde Fellone e de Specchie Tarandine, osce a die fraziune d'u comune de Martina Franghe, e de Mannara, frazione ca osce a die segne 'u confine cu Vurtagghie grazie a le quale se raggiungìe 'u totale de 4.000 votande.

L'istituzione d'u comune nuève avenìe ufficailizzate jndr'à 'u 1926.

'A perdite de 'nu belle stuèzze de territorie e l'inizie d'a seconda uerre mundiale onne bloccate 'u sveluppe d'a cetate e 'ndebbolite l'economija soje: sulamende da 'a seconda metà d'u Noveciende, 'nfatte, ave repegghiate 'nu percorse lende de sveluppe.

Descrizione araldeche d'u stemme:

L'andiche chiesere ere ggià fatte verse 'u 1320, e racchiudeve 'a cripte de sotte, cinde da grate de firre. Cchiù nnande, jndr'à 'u 1510 se avèrene de le 'ndervende de allariamende e jndr'à 'u 1517 se facìe 'u cappellone.

Apprisse 'u terramote de Nardò l'edificie vecchie avenìe scettate'nderre e avenìe costruite 'na chiesera nove, de aspette barocche, ca e presende cu 'na facciate sobrie, assaije armoneche jndr'à 'u sveluppe de le piane, spicciande sus cu 'na stelle simboleche. A le late stonne le statue de petre de san Pitre e san Paole. 'A cupole (cu 'nu diametre de 13 metre) ste sus a 'nu tammorre bucate da 8 finestrone e jè 'a cchiù ierte d'u Salende. 'U 'nderne d'a chiesere jè 'a croce latine cu chiande 'nvertite.

A 'u 'nderne sue stonne le tele appettate da Dumineche Carella, cumme 'U miracole de le ulive, 'U iacchiamende d'a Madonne d'a Fundane e L'urtema cene; oltre a le tele ste 'na sculture de legne d'u 1778 e diverse statue de cartapeste.

'Nditolate a Sant'Alfonze Marije de' Liguori, ha state vulute da Filippe d'Angiò pe le frate frangescane jndr'à 'u 1322. jndr'à 'u 1854 le attane de Sand'Alfonze, fallite 'nu prime tendative de allariamende de le cappellone, costruirene arrete tutte l'edificie ma non riuscenne a spiccià 'a fatìe purcé jndr'à 'u 1861 fascerene da 'a cetate. Abbandunate e fatte devendà deposite, sulamende apprisse a 'u definitive retorne de le liguorine 'a chiesere avenìe restaurate e combletate. 'A facciate recalche eleminde renascimendale, caratterizzate da doje culonne ca se poggiane sus a piedestalle ierte ca 'nguadrane 'u purtale architravate e cu sus 'nu ierte rilieve ca raffigure Sand'Alfonze e combrese jndr'à 'nu arche a tutte seste, e spicciate sus da 'nu timbane triangolare.

'U 'nderne, a croce latine a ttre navate, jè particolarmende ricche de stucche e fregge dorate. Sus a l'altare maggiore, 'nzieme cu le statue de Fede, Speranze, Carità e Pietà, ste 'u trone, cu le uette culonne e 'a cupole, ca tène 'a statue de Sant'Alfonze. Tutte le affresche d'a chiesere sò de Giuanne Giovanni Vollono de Napule.

Recostruite jndr'à 'u 1836, apprisse ca quedde d'u Seiciende avere state scettate 'nderre, addò stave 'nzeccate 'u convende de le Clarisse ('ndrucabbele angore osce a die lunghe vie Municipie).

'A facciate, neoclasseche, presende 'nu purtale architravate cu a le late doje coppie de granne lesene ioniche, ca se poggiane sus a plinde vasce; doje nicchie cendinate senze statue fiangheggiane 'a vanna cendrale. 'A trabeazione, ca carresce l'iscrizione Domus mea domus orationis est, tène sus 'nu cornicione a dendelle e, a 'u cendre, da 'nu timbane triangolare.

'U 'nderne, a chiande ottagonale, se caratterizze da 'u disegne d'u pavimende de ceramiche (ca resale a 'u 1840), e presende quattre altare a nicchie; jndr'à l'abside, realzate, ste l'altare maggiore cu sus 'a statue de Sanda Chiare. A 'u 'nderne d'u tammorre ste 'na cupole, invece l'abside ave 'na cupole a cascettune d'ispirazione cinghecendesche.

Jndr'à sagrestie stonne stipate le statue carresciate in prugessione durande le Mistere, fatte de cartapeste policrome, ca resalene a le sechele XVIII e XIX.

Resale, seconde de le documinde, a 'u XIV sechele, l'edificie de osce a die resale a 'u 1573.

Avenìe allariate jndr'à 'u 1687 da l'architette fra Nicolò da Lequile, ca le facìe ffà 'na chiande a croce latine a ttre navate, 'ngludenne, jndr'à le vrazze d'a croce, 'a costruzione origgenale. 'A facciate origgenarie jè angore 'ndrucabbele sus a 'u late ovest d'a costruzione de osce a die.

L'edificie, presente 'na facciate larie barocche e 'nu cambanile, pure jidde barocche, ca resale a 'u 1732. 'U 'nderne jè arricchisciute e decorate da 'nu sbuènne de opere, 'mbrà le quale ste l'altare maggiore, decorate cu sculture de legne ca raffigurane de le sande e ca avvrazze l'icone bizzandine de Sanda Marije d'a Croce, ca resale a 'u XIII sechele.

Da segnalà pure de le tele e statue ca stonne jndr'à le navate laterale, 'nu lavabbe seicendesche de maioliche (jndr'à sagrestìe), 'u core settecendesche cu stalle appettate e, jndr'à 'u refettorie, 'n'affresche de Giacome Moha.

'U convende, 'nzeccate a 'a chiesere, ste atturne a 'nu chiostre cendrale; a le piane superiore, le celle e 'na bibblioteche granne cu volte a padiglione.

L'ex Real Collegge Ferdinandèe (osce a die Scola Medie Vitaliane Bilotta) e 'a Chiesere de S. Sebbastiane), furono costruiti dall'Ordine di san Giuseppe Calasanzio: gli Scolopi, dietro munificenza dei principi Imperiali, tra il 1696 ed il 1728.Sia l'esterno che l'interno, ad unica navata, sono di gusto tipicamente barocco. Particolarmente degni di nota gli altari dedicati a San Gaetano da Thiene e a Sant'Elzeario, caratterizzati da colonne tortili barocche.Il convento annesso, dopo essere stato soppresso durante il napoleonico e murattiano, riaprì nel 1830, col Convitto annesso e nel 1841 venne titolato Real Collegio Ferdinandeo e Scuole di Belle Lettere e Filosofia.Qui venne educata e istruita una nutrita schiera di giovani provenienti dalla regione e dal materano. Negli anni seguenti, a fasi alterne, ospitò il Ginnasio comunale; attualmente il complesso Ferdinandeo ospita la Scuola media Vitaliano Bilotta.

La chiesa, fondata insieme al convento (oggi non più esistente) dai frati cappuccini intorno al 1560, fu fortemente danneggiata dal sisma del 1743 e ricostruita su disegno dell'architetto fra Liborio da Manduria nel 1759.Di fattura barocca, la facciata è ondulata dall'aggetto della parte centrale e l'arretramento dei lati; nella parte terminale, al centro, vi è un orologio. Molto decorato è anche il campanile a vela con bifora e monofora e con volute ai lati. L'interno è a tre navate, ospita poco oltre l'ingresso due acquasantiere in marmo del XV secolo. A caratterizzare l'ambiente interno, inoltre, sono una tela settecentesca raffigurante la Discesa dello Spirito Santo e, più in alto, lo stemma degli Imperiali.

Sorse assieme ad un convento fuori dalle mura nel 1517, grazie ad una comunità di padri carmelitani. La facciata, risultato di interventi settecenteschi, è priva di timpano terminale e, nella parte inferiore, ai lati del portale, reca due nicchie centinate contenenti le statue in pietra dei profeti Elia ed Eliseo, un tempo collocate sull'altare maggiore.L'interno è ad unica navata con transetto preceduto da un endonartece con volta stellata su pilastri quadrangolari; ai lati sono addossati alcuni altari in pietraLa maggior parte dell'arredo pittorico risale al XVIII secolo, di cui si segnalano la Visione di san Tommaso d'Aquino e Tobia e l'angelo.

È una piccola chiesa risalente al Quattrocento (ma con impianto preesistente) situata nel cuore del centro storico della città. La facciata, molto sobria come il resto dell'edificio, è alleggerita dal portale ad arco a tutto sesto con cornice modanata, e da una piccola finestra rettangolare. Il campanile a vela conserva una campana datata 1634.L'interno è composto da un'unica navata e le pareti laterali sono arcate a tutto sesto. Una cornice poco aggettante decorata con rosette, ghirlande e rotoli corre continua al di sopra delle arcate. La volta è a botte, decorata in chiave da piccoli elementi vegetali scolpiti a tutto tondo. A sinistra dell'ingresso, sostenuta da una colonnina, vi è un'acquasantiera in pietra, datata al XII secolo (appartenente all'antica cappella), baccellata lungo il bordo superiore e decorata sulle quattro facce da fiori, da una rosetta e da una piccola testa antropomorfa.L'unico altare, in carparo, consiste in una mensola sostenuta da due colonnine, con la pietra sacrale recante un'iscrizione.Sulla parete di fondo vi è una nicchia nella quale è collocata la statua in pietra policroma di san Giovanni Battista. Durante i lavori di restauro, su questa parete (che si caratterizza per la presenza di affreschi di elevata fattura datati al XV secolo) si è scoperta la presenza di un arco a tutto sesto, parte dell'abside della chiesa murato probabilmente tra il XVII ed il XVIII secolo.

Fu costruita subito dopo la proclamazione del dogma dell'Immacolata Concezione, nel 1856, e consacrata dal vescovo di Oria Luigi Margherita il 23 agosto 1869. La sua realizzazione si deve alla munificenza di alcuni nobili. Di tipico gusto neoclassico, la facciata è ripartita da due coppie di semicolonne su lesene di ordine gigante con capitelli corinzi poggianti su alti dadi sporgenti sul marciapiede; è interrotta in basso, al centro, da un portale architravato sormontato da un timpano triangolare sorretto da mensole, al di sopra del quale si apre un lucernario semicircolare, ed è conclusa da un'altra trabeazione a forte aggetto sormontata a sua volta da un timpano triangolare. Sul lato sinistro si eleva un campanile a vela con bifora.L'interno, restaurato nel 1968, è a croce greca; gli originari sette altari sono stati ridotti nel 1968 a tre: l'altare maggiore, realizzato con marmi pregiati, contiene la statua della Vergine Immacolata e reca nel paliotto lo stemma dei Casalini; gli altri due, ai lati, sono dedicati ai santi Medici Cosimo e Damiano e a Maria santissima Assunta in Cielo.

Grazie al contributo finanziario dell'organizzazione missionaria Mediterranean Christian Mission la comunità Cristiana locale acquistò un terreno sul quale costruire un edificio di culto. I lavori iniziarono nel 1966 e nel settembre del 1967 ci fu l'inaugurazione dell'attuale locale di culto in Via Caroli 91.Nel 2006 i membri della Chiesa di Cristo di Francavilla Fontana decisero di iniziare i lavori di ristrutturazione del locale di culto con l'obiettivo di utilizzare al meglio le infrastrutture per una più efficace comunicazione della Parola di Dio e un più confortevole svolgimento delle attività comunitarie.La Chiesa di Cristo ha come unico credo la Bibbia; celebrano un culto molto semplice che si vuole ispirato al modello della Chiesa primitiva. I membri si ritrovano assieme più volte durante la settimana per studiare la Bibbia, per pregare e per condividere e testimoniare la propria fede. La fratellanza è espressa anche con le agapi (pasti in comune) e la partecipazione ai problemi e ai bisogni dei membri. Le Chiese di Cristo praticano il battesimo dei credenti per immersione quale passo essenziale nel processo di salvezza.

Distrutta dal terremoto del 1743, venne ricostruita con annesso il convento dell'Ordine ospedaliero di San Giovanni di Dio che, insieme al Camberlingo, faceva di Francavilla l'unica città del territorio con due ospedali. L'ordine vi rimase fino al 1866, ma questo convento fino al 1952 rimase meta di pellegrini che venivano dai paesi vicini.La facciata è priva di timpano, ma intervallata da lesene e da due nicchie ai lati, con un finestrone cieco al centro e divisa verticalmente in due da un cornicione dentellato. L'interno è di tonalità gialla, rettangolare a navata unica, con volta a botte lunettata e retta da pilastri che fanno da cornice alle sei cappelle laterali, conservando le originali linee di barocco.

Tra il 1857 e il 1881 venne costruito per devozione da delle famiglie nobili il Calvario, su progetto di Luigi Fumagalli e situato di fronte alla chiesa della Croce. Per commemorare la Passione e Morte di Cristo si erano scelte l'ubicazione fuori dalle mura e, intorno alla tomba, la raffigurazione dei patimenti. La struttura si compone di un'esedra, nella quale si alternano i dipinti (a tempera e ad olio) e delle lesene di ordine dorico, come la trabeazione al di sopra di esse. Al centro, sulla sommità della struttura si trova un piedistallo in conci di tufo, sul quale è posta una statua della Madonna della Croce (opera di Luigi Greco da Ostuni), mentre alle estremità laterali si trovano due celle funerarie. Il tutto è chiuso da un recinto in pietra con inferriate. Qui si svolgeva la Fiera di san Marco il 24 ed il 25 aprile di ogni anno.

L'edificio ha subito alcune trasformazioni nel corso del tempo, ma mantiene comunque le tipicità delle case rinascimentali, tra cui la corte interna, inquadrata da un grande arco intagliato sorretto da colonne (preceduto da un androne di epoca successiva), e nella quale sono visibili le colonne e le due arcate dell'antica loggia, e soprattutto il balcone del 1400, proclamato monumento nazionale nel 1913; sorretto da nove mensoloni, e composto da riquadri assemblati in carparo finemente scolpiti, caratterizzati da decori che rappresentano animali ed altri soggetti a volte fusi con elementi vegetali.

Costruito dalla famiglia Forleo-Brayda nella seconda metà del XVIII secolo mostra una facciata dalla struttura longitudinale, abbellita dalle decorazioni delle finestre e, soprattutto, dalla balconata e dal portale, adorni di motivi vegetali e antropomorfi scolpiti in pietra. La finestra centrale del primo piano è compresa tra due pilastri, dai quali fuoriescono due putti che reggono canestri, ed è sormontata da un timpano aggettante spezzato, nella cui lunetta figura lo stemma dei Forleo-Brayda.

 
Tra i più grandi palazzi della città, fu costruito agli inizi del Settecento. Si caratterizza per un'imponente facciata percorsa in tutta la sua lunghezza da una balconata in pietra, decorata da volte, pilastrini, bassorilievi, con al centro due angioletti che reggono una conchiglia.Il pianterreno è decorato dal grande portale racchiuso da robusti pilastri che si congiungono tramite un arco, formando un corpo unico che si stacca dal prospetto e continua al primo piano. Oltrepassato il portale si accede in un grande cortile, percorso da un ballatoio in pietra su mensole, e decorato sulla controfacciata da un loggiato a tre arcate.

In piazza Umberto I svetta la torre dell'Orologio, edificata nel 1750 dall'allora sindaco Maurizio Giannuzzi. Anch'esso di accezione barocca, ha una mole squadrata realizzata in tufo carparino, ornata in alto da volute, raggiunge un'altezza di 21 m. Il coronamento è concluso da un torrino-campanile abbondantemente decorato. Sul settore centrale della facciata che guarda Piazza Umberto I, nel 1878 fu collocata una meridiana, mentre sul lato posteriore che guarda verso Piazza Dante è visibile il vecchio orologio a muro composto da piastrelle maiolicate.

Fu ostruito il principe Giovanni Antonio Orsini Del Balzo a costruire questo fortino nel 1450, nello stesso periodo in cui consolidò la cinta muraria, come alloggio dei soldati e fortificazione. Ingrandito nel 1536 dal marchese di Oria Bernardino Bonifacio, esigue modifiche sono state apportate dai principi Imperiali agli inizi del XVIII secolo, che gli diedero l'aspetto odierno.A pianta rettangolare, circondato da fossato, l'esterno è caratterizzato soprattutto da un loggiato barocco, in pietra, con quattro arcate incorniciate da sculture ed affiancate da semicolonne che sostengono una trabeazione con fregio e con cornicione. Altri elementi decorativi sono la cornice marcapiano, che delimita la parte inferiore da quella superiore e, sulla parte superiore, archetti ogivali e merlatura (quest'ultima che, nel corso dei secoli, ha perso la sua funzione militare). Oltrepassato il portale settecentesco, si accede al cortile, abbellito da un doppio colonnato, da un fonte per il battesimo dei fanciulli datato al XIV secolo (proveniente dalla distrutta chiesa angioina) e da un ampio scalone a doppia rampa dà accesso al piano superiore, nelle cui sale, voltate quasi tutte a crociera, semplice o a stella, trovava posto la pinacoteca di famiglia. Tuttora vi sono tele del XVI secolo, segno del mecenatismo dei Bonifacio e alcuni ritratti risalenti al XVIII secolo (Michele Imperiali (senior) e altri). Nella sala dei ricevimenti è posto un camino lo stemma degli Imperiali.

La costruzione della prima cinta muraria della città fu concessa dal principe Filippo di Taranto il 16 novembre 1364; anche se il loro tracciato è ignoto, probabilmente si sviluppavano nelle immediate vicinanze della chiesa matrice. Nel 1455, il nuovo feudatario, Giovanni Antonio Orsini Del Balzo decise di sostituire le vecchie mura angioine con mura più solide, grandi ed articolate. Il 16 marzo 1517 la Regina Giovanna IV concesse la costruzione di una nuova cerchia muraria più larga, dato che il feudo si era notevolmente ingrandito. L'ultima cerchia muraria fu costruita nel settecento, durante il dominio degli Imperiali.Nel 1838 si ebbe il primo nucleo urbano costruito al di fuori della cerchia muraria, che nel corso di un secolo fu quasi del tutto abbattuta; oggi dell'antica cinta muraria restano solo pochi tratti intorno al centro storico.

Erano i punti d'accesso della cinta muraria cittadina, la loro costruzione avvenne tra il XVII secolo e la prima metà del XVIII. Nel corso degli anni l'espansione della città ha portato ad un progressivo abbattimento delle porte, lasciandone ai giorni nostri solo tre.La Porta del Carmine, edificata dagli Imperiali tra il 1630 ed il 1656, è fortemente monumentalizzata e la struttura a tre fornici l'avvicina ad un arco di trionfo; è forse quella che riveste la maggiore importanza storica, nel corso dei secoli è stata infatti teatro delle esecuzioni capitali e di scontri armati tra i francavillesi e le popolazioni limitrofi. La Porta della Croce e la Porta dei Cappuccini risalgono invece al XVIII secolo, entrambe costituite da un unico fornice si caratterizzano, la prima, per l'utilizzo del bugnato come rivestimento murario, la seconda, per il timpano semicircolare che la sovrasta.

È il luogo centrale dell'attuale tessuto urbano, crocevia delle principali direttrici cittadine. La piazza era l'antico Foggiaro cioè il luogo delle fogge, cisterne interrate dove venivano depositate le derrate alimentari. Dell'antica piazza oggi restano i portici, risalenti al 1750, in cui spiccano ai quattro angoli le statue di sant'Irene, san Carlo Borromeo, della Vergine Immacolata e della Madonna della Fontana. Inoltre è sovrastata dalla torre campanaria, risalente al 1750, alle cui spalle si apre Piazza Dante.

Attigua alla piazza Umberto I vi è l'area adibita a mercato coperto realizzato intorno al 1910. Nel piano sottostante è stato completamente individuato un antico frantoio ipogeo, tenuto in attività per alcuni secoli dal Capitolo ecclesiastico. Dopo l'unità d'Italia, il manufatto fu acquisito dal Comune che a sua volta lo tenne in funzione fino al 1902 circa.

Lungo la strada che conduce al vicino centro di Ceglie Messapica, a 8 km dal centro abitato, si trova una delle numerose specchie presenti nel territorio: la specchia Miano. È una tipica costruzione messapica in pietra a secco, ancora ben conservata. Ha pianta circolare di circa 20 metri di diametro ed è alta 11 metri, è costituita da sei gradoni concentrici di varia altezza, che dovevano terminare con una torretta. È ancora incerto se questi megaliti fungessero da monumento sepolcrale o da torre di vedetta.
Resti archeologici di necropoli messapiche sono rintracciabili in varie contrade.
Inoltre, a pochi chilometri dal centro abitato, si trovano resti di insediamenti rupestri religiosi utilizzati dai monaci bizantini basiliani. I meglio conservati sono la cripta di San Lino, situata nei pressi della masseria Caniglia, lungo la strada che porta a San Vito dei Normanni e avente affreschi di santi dipinti tra il XV ed il XVI secolo e la cripta di Santa Croce, che si trova sotto la cappella dell'omonima masseria, anch'essa con tracce di affreschi e databile al XII secolo.

Nella tabella si nota l'evoluzione del numero della popolazione residente a Francavilla dal 2002 al 2007.

Al 31 dicembre 2014 nel territorio comunale si registra la presenza di 437 stranieri regolari (150 maschi e 287 femmine) pari circa all'1,2% della popolazione francavillese. La più grande comunità è diventata negli ultimi anni di gran lunga quella rumena.

Di sotto si riportano le nazionalità più consistenti:

Il dialetto francavillese è una variante del dialetto brindisino,(salentino settentrionale) che riceve influenze da parte dei dialetti di transizione apulo-salentini. Una delle sue caratteristiche sono i verbi che, nel modo infinito, sono accentati tutti sull'ultima sillaba (ad esempio dormire diventa durmè, andare diventa scè, ecc.),vostra nostra diventa voscia noscia  la lettera v si toglie in parecchie occasioni esempio bravo diventa brao scrivere scriti stavano staunu Francavilla francaidda differenziandosi un po' dal brindisino, le L si trasformano in d in più di un'occasione mentre nel parlato, alcune parole non hanno il finale in u o i (tipiche caratteristiche dei dialetti salentini), ma in o oppure in e. Anche qui, inoltre, come nel resto della soglia messapica, vi sono infiltrazioni del napoletano.

La religione più diffusa sul territorio è il Cristianesimo nella confessione cattolica, praticato nell'area già intorno al IX secolo nelle grotte situate lungo le sponde del Canale Reale. La storia stessa della città gravita attorno ad un avvenimento legato alla fede cristiana; in tutto il centro abitato (già dal Medioevo), sono state costruite chiese, cappelle votive e piccole edicole per rafforzare e tener viva la religiosità cittadina. Attualmente Francavilla rientra nella giurisdizione episcopale della Diocesi di Oria e venera come suoi santi compatroni san Carlo Borromeo, santa Irene, l'Immacolata Concezione e la patrona Maria santissima della Fontana.

Il territorio comunale è suddiviso in nove parrocchie, la più grande delle quali, dal punto di vista delle persone registrate negli elenchi, è la parrocchia della chiesa del Carmine, avente 7.650 fedeli.

Tra le minoranze religiose vi è il movimento dei Testimoni di Geova, affermatosi negli ultimi trent'anni, una comunità cristiana evangelica battista, che ha anche un proprio luogo di culto e, come diretta conseguenza dell'immigrazione, sono presenti, inoltre, minoranze di ortodossi e musulmani.

Francavilla Fontana è una delle città più conosciute nella provincia di Brindisi proprio per alcune delle sue tradizioni peculiari, tra le quali si segnala il passaggio dei cittadini in tutte le sue chiese, partendo dalla chiesa madre, durante la settimana santa. La tradizione si riconduce al motto i fedeli seguono sempre il destino, simboleggiato dai cittadini che seguono i cosiddetti pappamusci o pellegrini.

Un'altra tradizione francavillese è la riunione dei monaci del monastero di Santa Chiara con i parroci di tutte le altre chiese della città per parlare dei riti religiosi che si svolgono durante la benedizione delle palme, nella settimana santa.

La festa patronale di Francavilla, che onora la Madonna della Fontana il 14 settembre, è caratterizzata dalla preparazione dei prodotti tipici, dalle sfilate della banda comunale e della guardia di finanza e dei cittadini che si radunano davanti alla chiesa madre per vedere la Matonna ti la funtana, seguita dalla processione delle diverse confraternite delle chiese di Francavilla.

I riti della settimana santa, tra i più famosi e caratteristici in Puglia, sono momenti di intensa religiosità popolare, vissuti con partecipazione dall'intera comunità francavillese, Le manifestazioni per ricordare la Passione e la morte di Cristo hanno radici profonde nel tempo, in quanto, sono da far risalire all'epoca della dominazione spagnola nell'Italia meridionale, tuttora si possono riscontrare molte affinità con quelle di alcune città della Spagna come Siviglia e Cordova.

La processione dell'Addolorata (venerdì precedente la Domenica delle Palme) sancisce l'inizio delle celebrazioni: l'Arciconfraternita dell'Orazione e Morte sfila in processione portando in spalla la statua della Madonna Addolorata, i cui abiti furono donati dalla viscontessa spagnola Carmela Brost.

La Domenica delle Palme rami d'ulivo, portati dai fedeli, vengono benedetti al di fuori delle chiese dai sacerdoti. Successivamente sfila in processione la Confraternita del Carmine.

Il mercoledì Santo i ragazzi girano per le strade con baldacchini decorati con fiori e alla base vi troviamo un praterello di grano anemico, questi sono più comunemente chiamati piatti. I ragazzi procedono per le case dicendo Cce ti piaci lu piattu mia?(trad. Ti piace il mio piatto?), al termine della giornata i piatti vengono portati nelle numerose chiese di Francavilla dove vi resteranno per i giorni del Triduo Pasquale.

Nel tardo pomeriggio del Giovedì Santo si avvia il pellegrinaggio ai Sepolcri (Repositori) dei Pappamusci, confratelli della Confraternita del Carmine, che vestiti con un saio bianco, scalzi, incappucciati e con un bastone nella mano destra, camminano lentamente ed a coppia lungo un percorso oramai secolare. Quando le coppie di Pappamusci si incrociano, si salutano battendo il bastone per terra e ponendosi di fronte gli uni agli altri simulano un abbraccio portandosi con forza le braccia al petto. Il termine Pappamusci sembra derivare dal greco antico, forse ad indicare il prete nero o prete lento, silenzioso. Inoltre c'è chi ritiene l'origine del nome, derivante dalla lingua spagnola, individuando nei pappamusci, i papamoscas, cioè gli sciocchi.

La mattinata del Venerdì Santo continua il pellegrinaggio dei  Pappamusci, mentre tre confraternite portano in processione la statua dell'Addolorata al Calvario. La sera vi è la suggestiva Processione dei Misteri, vi partecipano tutte le Confraternite ognuna portando in spalla una delle stupende statue, in cartapesta policroma dell'800, che rievocano i momenti della Passione e morte di Gesù Cristo. Dal sagrato della chiesa di Santa Chiara, dove le statue sono sempre conservate, la processione si snoda lentamente per le vie della città, a rompere il silenzio solo il caratteristico suono della troccola. Particolarmente suggestivo l'atto, di numerosi penitenti scalzi ed incappucciati detti Pappamusci cu lli trai, di trascinare pesanti croci in legno sulle spalle, seguendo la statua della caduta di Gesù.

Il giorno della Pasqua vi è infine la processione della statua del Cristo Risorto.

La principale biblioteca cittadina è la biblioteca comunale Giovanni Calò, situata nel Palazzo del Sedile. Conta un patrimonio librario di circa 26.000 volumi; tra questi vi sono 85 edizioni del Cinquecento, 190 edizioni del Settecento, 118 edizioni dell'Ottocento, un manoscritto ed alcuni periodici. Inoltre ha una sezione speciale dedicata all'emeroteca.

Francavilla conta tre circoli scolastici che coordinano le scuole materne ed elementari cittadine. Ci sono poi tre scuole medie inferiori intitolate a: Vitaliano Bilotta, San Francesco d'Assisi e Publio Virgilio Marone. Inoltre è sede dei seguenti istituti scolastici statali, inerenti al ciclo scolastico della scuola secondaria di secondo grado:

È presente anche una scuola musicale comunale, intitolata a Serafino Marinosci, aperta nell'ottobre del 2003. È suddivisa in vari corsi ed in tre anni ha contato oltre 200 iscritti.

A Francavilla ha sede un'università popolare della terza età; attiva dal 1995, nel 2002 è diventata membro della Federuni e nel marzo 2003 ha organizzato ed ospitato il convegno interregionale del Mezzogiorno su Le Università della terza età, i corsisti, il territorio.

Il Museo della Civiltà Contadina è l'unico museo presente in città. Colleziona molti oggetti simbolo della realtà contadina presente fino a pochi decenni fa.

Erano presenti le redazioni locali de Il Brindisino e di Senza Colonne, pubblicazioni diffuse in tutta la provincia. La prima testata, con sede a Francavilla Fontana, avente carattere periodico, ha cessato le pubblicazioni nel 2012. La seconda, per sopravvivere, ha interrotto la presenza quotidiana nelle edicole proseguendo l'attività solo tramite web. Da qualche anno è attivo il quotidiano online Lo Strillone News, testata diretta da Eliseo Zanzarelli. 

La storia dell'emittenza radiofonica francavillese è difficilmente riassumibile. A cavallo tra gli anni '70 ed '80, la città ebbe nell'etere anche dieci emittenti, alcune meteore di pochi mesi, altre dal progetto editoriale a più ampio raggio. Dalla grande selezione continuano a trasmettere, con alterne vicende, le emittenti di seguito citate: Quarto Canale Radio, con trasmissioni diffuse nel territorio dell'alto Salento sulle frequenze FM 93,5, 94,4 MHz e in streaming; Radio Libera (RL), frequenza 94,3 MHz, che ripeteva il segnale dell'emittente cattolica Radio InBlu; Radio Città Nuova (RCN), ripetitore del segnale di Radio InBlu sui 98 MHz. La frequenza di RL 94,3 MHz è stata ceduta nell'estate 2016 al network RTL 102.5 per il segnale Radio Zeta L'Italiana. A seguito di questa operazione, è scomparsa la sigla RCN a favore di RL sul radio data system (rds) dei 98 MHz. Nel luglio 2013, a seguito di un'operazione commerciale, l'emittente Radio 5 trasferì gli studi di trasmissione a Francavilla Fontana divenendo Radio 5 network. L'emittente cessò le trasmissioni nel novembre 2014. Il 2 gennaio 2016 Quarto Canale radio ha assunto la nuova denominazione Radio Francavilla, che nel 2016 è stata acquisita dall'editore Domenico Distante, già titolare delle emittenti televisive Canale 85 e Antenna Sud. Dal gennaio 2017 Radio 85 è la nuova denominazione di Radio Francavilla.

In città vi erano le redazioni di TRCB (che aveva sede centrale ad Ostuni) e Telerama. L'emittente leccese Telerama ha chiuso la sede locale nel 2014. Francavilla Fontana vantava, alla fine degli anni ottanta, anche l'emittente locale Blustar TV operante sui canali analogici UHF 38 e 67. In progresso di tempo, l'emittente stessa fu venduta ad imprenditori di Taranto con relativo trasferimento degli studi ed impianti di trasmissione. L'ex emittente televisiva francavillese, presente sul canale 16 del DTT pugliese, dall'inverno 2015 ha cessato le trasmissioni con subentro della lucana TRM. L'emittente TRCB ha cessato la programmazione a marzo 2016. Contestualmente, dalle ceneri della stessa, ha iniziato ad irradiare il segnale CANALE 85 emittente televisiva con sede a Francavilla Fontana. A quest'ultima segue, in progresso di tempo, Antenna Sud, emittente televisiva con sede operativa a Bari, ma divisione interna della stessa CANALE 85.

Tra i film girati a Francavilla Fontana ci sono La terra (2006) e Un'avventura (2019).

A partire dal Cinquecento si sono distinti molti musicisti francavillesi, come Antonio Mogavero, che dopo alcune pubblicazioni insegnò nel seminario del patriarcato di Venezia, e, successivamente, divenne maestro di cappella alla corte degli Asburgo a Madrid..

Già nel Settecento Anton Maria Carriero aveva costituito una banda, composta da musici con strumenti a fiato, a corda ed a percussione. Nell'Ottocento fu fondato il Concerto Musicale Municipale Città di Francavilla Fontana, ricostituito nel 1958 da parte dell'Amministrazione Comunale. Ha ottenuto numerosi riconoscimenti a livello regionale e nazionale ed ha suonato anche in altre città italiane. Il 30 marzo 2007 è stata costituita la Premiata Grande Orchestra Sinfonica Padre Serafino Marinosci, esordita ufficialmente nel 2008 ed in grande ascesa a livello locale.

Da segnalare anche Salvatore Passaro in arte Erz (1967). Cantante di musica leggera che ebbe un minimo di notorietà nel periodo 1994/99. Nel 2007 è ritornato nella propria terra per svolgere attività ascetica. L'ultimo album pubblicato è del 2011.

La cucina francavillese annovera molti piatti legati strettamente alla vita contadina.

Altri prodotti tipici della cucina francavillese sono:

Tra gli altri piatti tipici di rilievo:

Nel territorio francavillese, oltre che al rinomato olio di oliva, si producono anche vini come l’Aleatico di Puglia DOC e il Puglia Igt, che vengono successivamente venduti nelle cantine presenti a Francavilla e in tutto il territorio circostante.

Il nucleo originario di Francavilla si è sviluppato attorno alla Chiesa Matrice, il luogo del ritrovamento dell'icona della Madonna, e grazie alle larghe franchigie concesse da Filippo I d'Angiò il villaggio crebbe notevolmente in poco tempo. Con il passare dei secoli le case dei francavillesi venivano costruite sempre più in modo ordinato, lungo assi ben definiti. Durante il periodo degli Imperiali vennero sviluppati nuovi borghi (visto che la popolazione continuava a crescere) mediante la costruzione di strade a sviluppo regolare. Con Michele Imperiali ci fu il prolungamento fino ai Carmelitani della via omonima e fu costruito il nuovo Borgo Casalicchio; dopo di lui i suoi discendenti continuarono il suo lavoro seguendo la stessa linea e creando una città dalle strade dritte e regolari, tanto da essere definita da Cosimo De Giorgi la Torino della Japigia.

Durante l'Ottocento non ci furono varie modifiche nell'assetto urbanistico e nel 1838 l'abitato scavalcò le mura settecentesche.
Dopo la creazione del tronco ferroviario che collegava Taranto a Brindisi (1907) la città si sviluppò verso sud in modo da non lasciare la stazione ferroviaria isolata.

Nella prima metà del novecento alcune porte cittadine e tratti delle mura settecentesche furono demolite per lasciar spazio alle abitazioni e agevolare il traffico (fenomeno che, tra l'altro, era già iniziato precedentemente).
Negli ultimi cinquant'anni la città si è estesa in tutte le direttrici, creando nuovi quartieri e continuando ad espandersi prevalentemente in direzione nord-est.

Stando allo statuto comunale, il comune è suddiviso in 18 rioni: Ascoli, Borgo Croce, Cappuccini, Casalvetere, Cavallerizza, Cretarossa, Graziosa, Lavaturo, Paludi, Peraro, Peschiera, Pozzi del Carmine, Roccella, San Biagio, Sant'Eligio, San Lorenzo, San Salvatore, San Sebastiano. Molti di essi riprendono gli antichi nomi dei casali che, unendosi nel Medioevo, diedero vita all'attuale città.

Oltre alle varie contrade circostanti presenti nel territorio (che identificano la presenza di grandi masserie private), Francavilla ha come unica frazione il centro rurale di Bax Capece. È un centro molto piccolo (le case infatti ruotano principalmente attorno ad una piazzetta) e conta 124 abitanti. Dal comune capoluogo dista poco più di 6 chilometri. A pochi metri dalla frazione vi è una stazione ferroviaria gestita dalle Ferrovie del Sud Est.

Il settore agricolo è quello che occupa maggior numero di lavoratori e sfrutta una superficie di 12.170,60 ettari. Si basa principalmente sulla coltura dell'olivo, della vite, del tabacco, di vaste coltivazioni ortive, del ciliegio e del mandorlo, che serve per la produzione delle famigerate mandorle ricce. Gli agricoltori, inoltre, non risentono pesantemente degli effetti causati dai periodi di siccità perché possono prendere l'acqua dalle numerose acque sorgentizie. Nel territorio è molto attivo anche l'allevamento di ovini, suini e caprini.

Francavilla, grazie alla sua posizione geografica favorevole (che ha anche permesso di candidarsi a sede naturale di un centro di carico intermodale), ha avuto negli ultimi decenni un discreto sviluppo nei rami dell'industria e del commercio.
Sono presenti sul territorio del comune 409 attività industriali, attive nei settori dell'alimentare, dell'abbigliamento, della meccanica leggera e delle costruzioni, che dichiarano complessivamente 1.301 addetti, pari al 20,96% della forza lavoro occupata.
Il commercio rappresenta, dopo l'agricoltura, il ramo di attività più cospicuo e può contare sull'organizzazione di varie mostre e fiere durante l'anno, la più importante delle quali è la Fiera Nazionale dell'Ascensione.

I servizi sono garantiti da 1.186 attività che dichiarano 1.908 addetti, pari al 30,74% della forza lavoro occupata, altre 524 attività di servizio con 1.332 addetti pari al 21,46% della forza lavoro occupata e 114 attività amministrative con 1.666 addetti pari al 26,84% della forza lavoro occupata.

Francavilla non gode di un importante flusso turistico nazionale o estero, non avendo sul suo territorio caratteristiche peculiari. Oltre a varie manifestazione che si svolgono durante tutto l'anno, una delle poche voci turistiche per la città è rappresentata dai riti della Settimana Santa. Per una maggiore sponsorizzazione del territorio sono stati istituiti in città l'Azienda di Promozione Turistica (APT) e l'ufficio Informazioni e Accoglienza Turistica (IAT).

Già dal periodo romano la città si trovava a poca distanza dalla Via Appia, la strada che allora collegava Roma a Brindisi.

Francavilla è collegata con varie strade provinciali ai centri limitrofi. Tra le più importanti: la SP54, che la collega con Manduria; la SP53, che la collega con Sava; la ex SS603, che la collega con Carosino e la SP26, che la collega con Ceglie Messapica; SP28 che collega Francavilla Fontana ad Ostuni.
Francavilla, inoltre, è toccata a nord dalla SS7, a doppia corsia per senso di marcia, che collega Taranto a Brindisi.

La città ha una sola stazione ed è toccata sia dalle linee Trenitalia che dalle Ferrovie del Sud Est (linea Bari SE-Martina Franca-Lecce).

Il trasporto pubblico urbano è gestito dalla STP Brindisi e composto da due linee circolari e da corse dedicate nel periodo scolastico; le corse annue garantite sono circa 28.000. Le zone raggiunte sono tutte quelle principali della città, tra cui: Contrada Bax, USL, Stazione, Zona 167, Cimitero.

Sempre la STP Brindisi garantisce i collegamenti con tutti i centri limitrofi, tra cui: Brindisi, Latiano, Mesagne, Oria, San Michele Salentino, San Vito dei Normanni, Taranto (zona industriale) e Villa Castelli.

La principale squadra di calcio cittadina è la Virtus Francavilla Calcio. Fondata nel 2007 col nome di Salento Francavilla, poi mutato in Imperial Francavilla e nel 2011 in Virtus Francavilla, ha assunto l'attuale denominazione dopo la fusione avvenuta al termine della stagione agonistica 2013-2014 con lo storico club del Francavilla Calcio, fondato nel 1946, che prevalentemente disputò campionati a carattere regionale, gareggiando in Serie D nei campionati 2008-2009, 2009-2010 e 2010-2011. Prima della fusione, le due compagini hanno militato entrambe nel campionato di Promozione pugliese 2012-2013 e nel campionato di Eccellenza Puglia 2013-2014, conclusosi con la retrocessione del Francavilla Calcio e la successiva fusione fra le due società.

La Virtus Francavilla Calcio milita, dalla stagione 2016-2017, nel campionato di Serie C, dopo aver vinto il campionato di Serie D Girone H nel 2015-2016. Nel 2014-2015 aveva vinto il campionato di Eccellenza, la Coppa Italia regionale e quella nazionale.

Per quanto concerne il calcio femminile, ha sede nel comune la società Vis Francavilla Fontana, fondata nel 2001 che ha raggiunto la Serie A2.

L'ASD Futsal Francavilla, nata nel 2010, è iscritta al campionato di serie C2 di calcio a 5: in assenza di strutture sportive, la squadra disputa le partite interne a Montemesola, presso il locale palazzetto dello sport.

 
La Basket Francavilla, già Libertas Basket Francavilla, è la seconda società più antica della regione Puglia. Fondata nel 1963, ha raggiunto quale massima categoria il campionato di Serie B Dilettanti. Attualmente milita nel campionato di Serie C Gold.

Altra squadra di pallacanestro cittadina è l'ASD All Star Basket Francavilla, fondata nel 2010 e militante nel campionato di Serie D.

L'AS Team Francavilla e l'ASD Imperiali Atletica Francavilla sono le società locali di riferimento per l'atletica leggera.

Lo stadio comunale, intitolato a Giovanni Paolo II, è situato lungo la strada per Ceglie Messapica. Viene principalmente usato per il calcio. Il terreno di gioco è in erba sintetica e l'impianto è dotato di tre tribune, due delle quali coperte, per una capienza complessiva di 2 000 posti.




#Article 43: Genòse (1827 words)


 

Genòse (in tagliàne Ginosa) éte 'nu comune tagliáne de 22.683 crestiane d'a Provinge de Tarde in Pugghie. Jedde se 'nzippe sus a 'u prime gradine de le falde meridionale d'a Murge tarandine a 240 m s.l.m. e face parte d'a Comunitate Mundane d'a Murgia Tarandine. 

Genòse, cu 'na superficie de 190,06 km² ca combrende pure 'u litorale de Marine de Genòse, jè l'urteme comune d'a provinge joniche a 'u confine cu 'a Basilicata.

'U larje e diversificate agro spazie da 'a gravine a 'u mare, da le pianure a le paesagge collinare, e se stenne 'mbonde a 'a murge inderrotte sulamende da 'a zone Casale, fenditure d'a rocce calcarea de 3 km ca cerconne l'indere cendre storeche. Jndr'à st'ambite naturale se avvicendane vignete, ortagge e ulivete.

Cenne storece
(De l'andiche  Genusium, ca certe retenene 'nu traslate de Grumus o Grumentum, arrecurdate da Plinio e da Frontino, picche o ninde se sape. St'urteme ne parle de 'na colonie romane dedotte aqquà jndr'à 'u 117 apprisse l'era volgare, invece otre scretture parlane de vase de terracotte, a iscriziune, a oggette de bronze e a monete italo-greche acchiate addò nasce osce a die 'a cetate.

Jndr'à cetate vecchie, pò, ha state acchiate 'na tavolette de bronze, ca ste stipate jndr'à 'u Musèe Nazionale de Napule, addò ste scritte ca Genòse jndr'à 'u 365 de l'era volgare, scacchie pe padrone 'nu certe Flavio Successo Ornato. Jndr'à l'urteme decennie d'u sechele scorse avenèrene acchiate otre vase andiche vecine a Genòse e avenèrene illustrate da 'u Marchese Arditi, da 'u Visconti e da 'u Miani, 'u quale relevò sei de le fatiche de Ercole. Ste vase avenèrene pe 'nu tiembe esposte jndr'à 'u palazze reale de Capodimonte, addò pò avenèrene trasportate a 'u Musèe Nazionale de Napule.

De le origgene e de l'etimologgie diverse sonde le parere.

Ordinariamende se penze ca ha state funnate da colone Macedone, ca chiamarene 'u cendre popolare nuève Genusium da 'u nome d'u fiume ca scorre in Macedonie.

cchiù famose sonde le vicende a 'a fine d'u medio evo. Jndr'à 'u 1085 Gnosa facìe parte cu Materae Làterze d'a Contea de Lecce. Jndr'à 'u sechele XIII ere de dominie de le Sansaverini, e pò avenìe pigghiate da 'u Pringipate de Tarde e avenìe fortificate da Manfredi, figghie de Federico II.

Luigge Dei Conti Miani, jndr'à 'na Breve monografia di Genòse stambate quanne anne fa cogghie certe documinde de stu tiembe e assaije notizie de le varie oggette e vase andiche da jidde acchiate.

Muèrte Giuanne Andonie Orsini, urteme pringepe de Tarde, jndr'à 'u 1463 'u feude de Genòse passò a 'u demanie e, 'u Rre Ferdinando I 'u rialò a Pirro del Balzo, ca rebellatese, 'u perdìe; e 'u rre pò 'u desse a 'u figghie sue Federico, ca ne stabbilì le confine. Quiste 'nghianate sus a 'u Trone de Napule jndr'à 'u 496 rialò 'u feude a Andonie Grisone, e pò a 'u figghie Federico, e angore apprisse 'u nepote Andonie jndr'à 'u 1515. Pò angore passò a le Doria jndr'à 'u 1556, a le Grillo jndr'à 'u 1606, a le Spinola Marchesi de Los Balbanes j Alcanices jndr'à 'u 1629, L'urteme erede de sta famigghie, 'u lassò a 'a reggine de Spagne, ca angore tène 'na tenute larije larije jndr'à 'u feude de Genòse, ca osce a die ste face bonificà.

Da La Provincia Del Jonio Notizie storico-geografiche cu prefazione de S.E. On. Giuanne Calò
Tarde Tipografia Lodeserto 1924)

Javetate da 'u paleoliteche (stonne scave jndr'à località Oscorosciuto ca se referiscene a l'Homo sapiens fatte da recarcature senise) duranne l'età d'u bronze avere state javetate da le messape. Cu l'installazione de le vecine colonie greche de Tarde e Metaponde, 'a pianure ginosine devendò dominie condese da le doje granne polis. Cu l'arrive de le leggione romane pe assurde l'altopiane ginosine se ellenizzò pure etnicamende, quiste prengepalmende pe vie de le doje distruziune ca subbìe Metaponde.

In epoche romane Genòse avìe 'mbortanze pe ttre mutive:

Quanne 'u 'mbere romane ste mureve l'indera piane avenìe abbandunate sia purcé le ville fortificate non g'erane in grade de defennere stu territorie larie da le scorribbande tedesche apprime e saracene apprisse, sia purcé 'a popolazzione s'avere condratte pe colpe de le carestie.

'A popolazzione se refuggiò allore jndr'à le gravine, nascìe accussì 'u 'ngandevole javetate recristianezzate da le monace bizzandine ca addà se mettèrene lassanne capelavore artistece cumme 'a chiesere rupestre de Sanda Sofia.

'A dominazione a l'acque de rose bizzandine avenìe definitivamende mannate allere cu l'arrive de le Normanne ca pe condrollà 'a coste da le assalte saracene facerene costruì torre de avvistamende luènghe 'u litorale.

Cu l'arrive de le normanne se 'nstaurò 'nu reggime feudatarie, e Genòse devendò 'nu feudo de terza categorije e non ge riuscìe maje a consolidà sus a jedde 'na baronie stabbele.

Cu 'u Medioeve ca ste spicciave accumenze 'u lende decline d'a civiltà rupestre. Le crestiane a chiane chiane lassarene 'a gravine pe spustarse sus 'a colline addò nasce osce a die 'u paese, e da l'architetture spondanèe, fatte de forme e dimenziune assaije irregolare, se passò a le case lamiate e a le case soprane d'a zone Popolicchio. Jè jndr'à stu mumende storeche ca 'u vivere jndr'à grotte devende, da 'nu punde de viste suggiale, 'n'elemende discriminande.

'U prengepàle monumende de Genòse jè 'u Castelle normanne, jndr'à zone Rrelogge, fatte costruì jndr'à 'u 1080 da Robberte 'u Guiscardo pe defennerse da le 'ngursiune saracene. 'U castelle de Genòse origgenariamende ere munite de ttre torre merlate e de 'nu ponde levatoie, eleminde architettonece ca avenèrene scettate 'nderre quanne jndr'à 'u XVI sechele, 'u comune joniche devendò baronìe d'a putende famigghie Doria. Accussì 'u Castelle pigghiò l'aspette de 'nu granne palazze ca angore osce a die se 'nzippe forte forte a dominie de tutte l'andiche javetate. 'U Castelle normanne iesse pure jndr'à 'u stemme araldeche ca simbolegge 'u comune.

Stonne pure da 'ndrucà:

Jndr'à 'u proggette Itinerarie culturale d'u Medioeve pugghiese d'u Ministere de le bene culturale, onne state censite pure tutte le chiesere rupestre ca se iacchiane jndr'à 'u comune de Genòse.

Chiste sonde:

'A crescite ca ave subbite Genòse jndr'à l'urteme sechele e mmienze se ave soprattutte da 'a migrazione da 'u barese (duranne 'u periode de bonifeche e de disboscamende d'a piane apparte ca pa messe in colture de le tendune) a da 'u leccese (coltivazione e lavorazione d'u tabbacche) ca se onne avute.

Jndr'à 'u scenarie d'a gravine de Genòse onne state girate doje opere cinamatografeche: jndr'à 'u 1964 Il vangelo secondo Matteo de Pitre Paolo Pasolini, quanne avenèrene demolite doje casolare d'u Trecinde; jndr'à 'u 1999 Terra bruciata de Fabio Segatori.

'A frazione de Marina de Genòse, a 19  km da Genòse, jè une de le località balneare cchiù frequendate de l'arche ioniche tarandine. All'inizie se chiamave Genòse Scalo pa presenze d'a stazione ferroviarie, ere da assaije canusciute cumme Stornara, pu fatte ca 'nu sacche de storne de acidde facene retorne in autunne, o Vindecinghe pu fatte ca se iacchie a 'u Km 25 de l'ex ss580 (e cioè quanne spicce 'a strade) e 'u numere d'u caselle ferroviarie. 

Sulamende jndr'à 'u 1956 ca l'allore Presidende d'a Repubbleche Giuanne Gronchi attrebbuì a 'a borgate 'u nome ufficiale de Marine de Genòse. Osce a die Marine de Genòse ave 'nu tessute urbane cchiù larie de Genòse e conde 'na popolazzione stabbele de cchiù o mene 6.000 crestiane, ca duranne 'u periode d'a staggione aumende assaije probbie. Pa qualitate d'u mare sue e de le spiagge sabbiose 'a FEE l'ave recanusciute pe tridece anne 'a Bandiera Blu (jndr'à 'u 1995, 1997, 1998, pò da 'u 1999 a 'u 2001 e pò sembre da 'u 2003 a 'u 2011). Ave pure ricevute, pa staggione estive 2009, le 3 Vele Blu da Legambiente .

Caratteristeche prengepàle de le spiagge de Marine de Genòse jè 'a pinete de arbuste de macchie mediterranèe ca 'ngornisciane pe chilometre tutte 'u litorale.

'A feste patronale de Sand'Andonie da Padova se face 'u 12 e 13 sciugne. Politicamende parlanne, 'na questione assaije sendute da 'a popolazzione d'a frazione marinese jè 'u tendative de recanoscere l'indipendenze amministrative da 'u comune de Genòse.

'Na vote a l'anne 'u turisme de tipe releggiose avène rechiamate jndr'à 'u scenarie naturale d'a gravine, addò ogne anne se svolge 'a rappresendazione d'a Passio Christi duranne 'u periode pasquale a Genòse paese.

Marine de Genòse tène 'na stazione ferroviarie jndr'à 'u paese e pure tène 'na stazione meteorologgeche. 'A stazione meteorologgeche de Marine de Genòse jè una de le tande ca se iacchiane sus 'a coste ioneche. 'A stazione jè de referimende pu servizie meteorologgeche de l'Aeronauteche Militare e pe l'Organizzazzione Mundiale d'a Meteorologgie, relative a 'a località de Marine de Genòse. 

Marine de Genòse ha state gravemende colpite da 'n'alluvione 'a notte 'mbrà 'u 1 e 'u 2 marze 2011.

Partenne da 'a seconda metà de le anne ottande l'economije ginosine, ca apprime se basave quase esclusivamende sus a l'agricolture, ave avute 'nu forte 'mbulse. Attraverse le piane economece de 'nsediamende industriale, ca onne purtate jndr'à 'u territorie l'industrie de le divane Natuzzi, l'industrie Nurith (ca face serramende cu 'u pvc), e 'u gruppe de tessiture e filature Miroglio (ca ave achiuse 'u probbie stabbilimende 'u 31 ottommre 2008 lassanne a case 238 dipendende), se ave pundate assaije sus a 'u sviluppe de le settore industriale de base. Da luglie 2007 'u distrette d'u salotte ste probbie in crisi purcé ave venute a mangà 'u combratore prengepàle, le State Aunìte.

L'agricolture, assaije modernizzate (meccanizzazzione, 'mbieghe de fertilizzande, congime, colorande, irrigazione) angore occupe granne 'mbortanze; le prodotte prengepàle sonde 'u vine, l'uegghie extravergine d'alìe e l'uve da tavule (assaije commercializzate sus a 'u territorie nazionale). Assaije sonde le progresse ca onne fatte pure 'a pesche e l'allevamende de bestiame (prengepàlmende quidde de le polle). Partenne da 'u 2007 pure l'agricolture, pe fattore congiunturale e scelte politeche a levèlle nazionale e 'ndernazionale ave perse diverse quote de mercate.

'N'otre settore in forte sveluppe jè quidde turisteche sus a Marine de Genòse ca ave purtate a l'ammodernamende de le 'mbiante balneare, a 'a valorizzazzione de le spiagge, d'u Parche Comunale e d'a pineta Reggine, a 'u refacimende de l'indere percorse stradale ca colleghe Genòse a Marine de Genòse, cu 'u conseguende insediamende sus a 'u territorie de villagge turistece, camping e discoteche. Jndr'à 'u 2011 'u comune de Genòse ave avute pa tredicesima vote 'a Bandiera Blu d'a FEE pa qualitate d'u mare sue.

Le collegaminde stradale prengepàle sonde rappresendate da
():

Le collegaminde ferroviare sonde assicurate sie cu Tarde ca cu Bari, e verse tutte le località servite da le linèe ioniche e adriateche.
Vè pure arrecurdate 'u collegamende ferroviarie ioniche ca colleghe 'a frazione marine cu Tarde e Crotone.

L'Aeropuerte de Tarde-Vurtàgghie Marcello Arlotta face servizie de linèe pu traffeche passeggere cu vole charter.

Le otre aeropuerte cchiù vecine sonde:

'U 17 masce 2012 ha state inaugurate 'u stadie nuève de Genòse, 'u Miani cu 'n'amichevole 'mbrà 'u Tarde e 'u Genòse nnande a 3.000 crestiàne.




#Article 44: Vurtàgghie (1258 words)


Vurtàgghie (Grottaglie jndr'à 'u tagliáne, li Vurtagghje in dialette salendine) ète 'nu comune tagliáne de 32.743 crestiáne, d'a Provinge de Tarde, jndr'à Pugghie.

'A cetate se jacchie sus a 'u pendie de 'na colline d'a Murge chiamate Monde Pizzute, jndr'à l'endroterre de Tarde e a l'estremità meridionale de quedde Murge de le trulle ca combrenne 'u territorie larije ca se stenne da Matera 'nzigne a 'a stesse Vyrtàgghie, passanne da Martina Franghe jndr'à Valle d'Itria e Villa Castidde sus a le pendice d'a Murge.

Nasce sus a 'nu territorie addò se 'nzippane 'nu sacche de gravine, sus a le fianghe de le quale onne state scavate 'nu sbuènne de grotte; 'nfatte 'u cendre jè combletamende scavate jndr'à 'u tufe; ne sò testimonianze le Cave de Fantiano (osce a die sede de 'nu tiatre a l'aperte addò ogne anne se face 'u Festivàl 'Ndernazionale Musica Mundi de museche etcniche e popolare).

Vurtàgghie derive da 'u latine Kriptalys, nome ca sottolinèe 'a presenze de grotte jndr'à maggiorparte d'u territorie. L'origgene de Vurtàgghie jè jndr'à le 'nzediaminde ca se onne succedute jndr'à l'arèe accumenzanne da 'u Paleoliteche, e in particolare jndr'à l'arèe de Riggio e de Pezza Petrosa. Jè ritenute, seconde certe, 'a terre d nascite de l'attane d'a letterature latine Quinde Ennio. Infatti 'u poete nascie a Rudiae jndr'à l' Apulia.

Seconde assaije studiusem sta Rudiae avessa corrisponnere a une de le cetadelle fortificate (appunde Rudiae e Mesocoro), scettate 'nderre da le 'nvasiune barbareche, le quale crestiàne fuscenne facerene nascere le casale rupestre da le quale nascerene pò Vurtàgghie e Villa Castidde. Jndr'à l'XI sechele 'nu gruppe de ebbrèe fusciute da Oria e, 'mbrà le poche superstite d'a granne comunitate ebbraiche de Oria se mette 'nzieme a 'u 'nzedimanede nate atturne a 'u casale San Salvatore jndr'à Lame d'u Fullonese..

Le reste storeche cchiù chine sò reconducibbele a 'u Medioeve, quanne jndr'à le profonne gravine pigghiò maggiore consistenze l'abbitudine de vivere jndr'à le grotte. Resalene a stu periode infatte none sulamende le javetaziune, ma pure le scale, le sendiere, le opere de canalizzazzione e de deflusse de le acque. Non ge se tratte comungue de 'nu cendre de origgene longobbarde o bizzandine, ma de picchie de cchiù de 'na comunitate de pastore e contadine in costande conflitte 'mbrà lore pe l'ause de le resorse limitate de 'nu terrene jndr'à 'na granne parte aride e paludose apparte 'a Lame d'u Fullonese.

Quanne le barbare, in particolare le Gote e le Saracene, destruggerene le villagge ca s'acchiavane jndr'à 'u territorie e pure 'a stesse Tarde, le grotte ospitarene le fuggetive (960). Nascerene accussì 'nu sacche de cendre javetate 'mbrà le quale Casale San Salvatore e Monde Cryptalis nuclèe primoggenite d'u cendre storeche de osce a die de Vurtàgghie. Quacche ebbrèe acchiò refugge jndr'à Lame d'u Fullonese, territorie de Monde Fellone addò praticamende, nasceve 'a chiesere de San Pitre de le Giudei . 

Le Normanne (XI sechele) rialarene a 'a Menze Arcivescovile Tarandine 'nu Casale de nome Cryptalium, ma cu ogne probbabbbilità se parle de 'nu false ca resale a 'u XVI sechele. Jndr'à 'u XV sechele 'u cendre avenìe dotate de mure de fortificazione, 'nzieme a 'u Castelle e a 'a Chiesere Matrice. Difficoltà e crise politeche purtarene (da 'u XV a 'u XVII sechele) a 'na coabbitazione de doje giurisdiziune feudale diverse: une vescovile e l'otre laiche. 'U XVII sechele canuscìe anne de miserie e de difficoltà sotte 'a male tollerate dominazione spagnole.

Lotte de giurisdizione 'mbrà Arcivescove de Tarde e feudatarie laice e ripetute sollevaziune popolare, caratterizzarene 'u sechele successive 'mbonde a l'abbolizione d'a feudalità colpevole seconne 'u clere e Borboni de ammore de libbertà.

Jndr'à 'nu clime de disoriendamende politeche generale se face strade 'u fenomene nascende d'u brigandagge cu 'nu nome 'mbortande assaije: Ciro Annichiarico (in dialette locale Papa Ggiro). Ste fatte accumbagnarene 'a prime espanzione urbane fore le mure, 'nzigne a 'u periode aunitarie, partenne da 'u quale le vicende de Vurtàgghie se accomunane a quidde de assaije cendre simile jndr'à 'u Meridione d'Itaglie.

'U clime de Vurtàgghie jè tipicamende mediterranèe, cu 'nvirne mite e staggiune cavede e assaije umide. Cu 'na medie de 564 mm de piogge annuale, le precipaziune non ge sò assaije abbondande e se congendrane jndr'à le mise autunnale.

'A 'mbormazione locale jè curate da le quotidiane online Grottaglie 24 e Grottaglie in rete.

'U dialette vurtàgghiese jè 'na variande d'u dialette brinnesine, canusciute pure cumme salendine settendrionale.

Settore de primarie 'mbortanze pe l'economije vurtàgghiese ha sembre state l'agricolture. Terre da sembre abbituate a producere uve da tavule eppure 'a coltivazione de uve da vine e Ulive, da le quale avènene prodotte uegghie extra vergine de alìe. 'Mbrà le varietè de ulive cchiù coltivate sus a 'u territorie, acchiame: Ogliarole Salendine, Leccine, Peranzane, Cime de Melfi, Coratine, Carolèe e Celline de Nardò (detta nchiasta (dial. locale), pu fatte ca tenge, ausate jndr'à preparazione d focazze chiene de alìe). 'A coltivazione de tipe specializzate de l'uve da tavule a Vurtàgghie, accumenze cu l'allevamende de l'uve Reggine, addò sta chiande iacchie condiziune pedoclimateche ideale pa produziona soje. 

Cchiù nnande, jndr'à le prima anne '80 d'u XX sechele, avenìe 'ndrodotte da certe agricoltore vuratgghise, l'uve Victoria. A 'a coltivazione de sta nova cultivar se prestave jndr'à 'nu mode particolare, a 'u sisteme de allevamende (sperimendate ggià in precedenze cu 'a Reggine) l'accussìdette Coltivazione Protette. 

Jndr'à 'u 2011 avène pubblecate sus 'a gazzette ufficiale 'u Marchie IGP Uve de Pugghie, addò stè pure Vurtàgghie.

'U 2013 jè 'n'anne de rennovamende e riggenerazione colturale e culturale, pe l'agricolture d'u poste. Infatte nascene le prime coltivaziune d melograne. Doje le tipe, 'a Wonderful One (maturazione jndr'à prima decine de sciurne de ottommre) e 'a Ako a maturazione precoce (prime decine de sciurne d settemre).

Vurtàgghie jè assaije famose jndr'à 'u munne pa fabbricazione de le ceramiche. Assaije forte jè, infatte pure 'u richiame turisteche esercitate da 'u stesse quartiere de le Ceramiche.

L'artiggianate d'a ceramiche ave jndr'à cetate 'na particolare rilevanze, tande ca jè attive pure 'n'istitute d'Arte ca forme le studinde jndr'à sta lavorazione.

'Mbrà le particolarità de le ceramiche vurtagghise stonne diverse oggett 'mbrà le quale lu capasone ('u capasone - recipiende de granne dimenziune ca serve pe stipà e a mandenè jndr'à condiziune bbuène 'u vine o l'uegghie), lu srulu, na specie de brocche de ceramiche a 'u 'nderne d'a quale se ausave mettere vine e acque e, 'a varianda soje lu strulu a segreto, lu pumu, 'n'oggette in terracotte ca se mette a le angole de le balcune d'a cetadine joniche: stu oggette, da 'a forme de 'nu bocciole, stè assaije vote cumme ornamende a le angole de le balcune de le javetaziune jndr'à 'u cendre storeche cetadine.

A Vurtàgghie ha state fatte 'u stabbilimende addò Alenia Aermacchi, attraverse 'a suggetate nove Alenia COmposite, face le seziune de fusoliere pu Boeing 787 Dreamliner.

Vurtàgghie jè servite da 'a Strade Statale 7 Vie Appia, ca jndr'à 'u tratte 'mbrà Tarde e Brinnese jè 'na superstrade a carreggiate separate. 'A viabbilità locale se comblete cu le strade provingiale ca collegane 'a cetadine cu San Giorgie Ioniche, Mondemesola, San Marzano de San Gesèppe (TA) e Villa Castidde (BR).

Jndr'à 'u territorie comunale nasce l'Aeropuèrte civile de Tarde-Vurtàgghie Marcello Arlotta achiuse a 'u traffeche passeggere (jndr'à le anne '70 d'u XX sechele ere apirte), nazionale e comunitarie avène ausate esclusivamende a servizie d'u stabbilimende Alenia Composite. Jè presente pure 'a base aerèe MARISTAER Vurtàgghie.

Jndr'à li Vurtàgghie si sciòc o pallon. A squadra d calcio ca tenn s chiam Ars Et Labor e sciòc pu Tàrde in Serie D.




#Article 45: Leporano (286 words)


Leporano (Lupranu jndr'à variande locale d'u dialette salendine) ète 'nu comune tagliáne de 7.859 crestiáne d'a Provinge de Tarde, jndr'à Pugghie. Ospitesce certe 'mbrà le cchiù famose marine d'a costa ioneche d'u Salende.

L'origgene d'u toponime Leporano jè ingerte. Seconne a certe discende da 'nu leprarium romane (da aqquà 'a presenze de 'na lepre sus a 'u stemme cetadine).

'U prime nuclèe abitative de Leporano pare ca resale a 'u 736.

In passate, apprime a levèlle feudale e pò a levèlle comunale (cu l'avvende jndr'à 'u 1806 d'u Regne de Napule ca abbolìe 'a feudità e istituì le comune), avere state frazione d'u comune de Pusane da 'u quale avìe l'indipendneze jndr'à 'u 1820 pure mandenenne 'u sinnache in comune angore pe 'nu sacche de anne.

A Leporano ha nate jndr'à 'u 1987 'u Premie letterarie Saturo d'Argende, ca dè recanusceminde pa sezione poesie, narrative, saggisteche e storie, cchiù evenduale menzione speciale pe particolare merite artistece e culturale.

Ogne estate se face 'a manifestazione Estate Leporanese jndr'à 'u Castelle de Muscettola, addò serate de drammaturgie, recital, mostre e mode rechiamane turiste da tutte 'u munne.

Grazie a 'u lunghe litorale sabbiose, sus a 'u quale se condane le spiagge de Gandoli, Saturo, Porto Pirrone e Baia d'Argende, Leporano costituisce une de le località balneare d'a coste ioneche d'u Salende.

Leporano jè collegate a Tarde tramite 'a strade provingiale 100 e a Talsano tramite 'a strade provingiale 102. Da 'a località Saturo ave inizie 'a Litoranèe Salendine (strade provingiale 122) ca serve le località marine d'a coste ioneche.

'A cetadine non g'è lundane da l'aeropuèrte Marcello Arlotta de Vurtàgghie, ca però non g'è apirte a 'u traffeche passeggire. 'U cchiù vecin escale civile jè l'aeropuèrte de Brinnese-Casale.




#Article 46: Lizzano (TA) (6773 words)


Lizzano (Lizzanu in salendine, Licyanum in latine) ète 'nu comune tagliáne de 10.278 crestiáne d'a Provinge de Tarde jndr'à Pugghie.

Se iacchie a oriende d'u capeluèche da 'u quale jè lundane 25 km. Se iacchie jndr'à 'u Salende, sus a 'u margine meridionale d'a Murgia tarandine, addò queste, attraverse 'a serre de Roccaforzata e San Crispieri e le Serre de Lizzano e d'a Marine, scennene digradanne verse 'u mar Jonio, addò stè 'a località turisteche invernale. 'U comune face parte de l'associazione nazionale Cetate d'u vine, face parte d'u GAL Terre d'u Primitive, d'a strade d'u vine Primitive de Manduria e Lizzano DOC e de l'Aunione de le comune Terre d'u Mare e d'u Sole. 

Pe dialette, culture e tradiziune, Lizzano jè a piene titole salendine, rennenele avulse da 'u condeste socie-culturale d'a cetate de Tarde, da 'a quale ave picche influenze.

'A cetadine de Lizzano se iacchie jndr'à 'nu territorie pratecamende pianeggiande. L'altezze cange da 'nu minime de 0 m.s.l.m., vecine a 'a marine e d'a linèe de coste, a 'na massime de 97 m.s.l.m. vecine a le serre de Lizzano. 'A case comunale se iacchie a 'n'altezze de 42 m.s.l.m. 'A Marine de Lizzano jè lundane da 'u cendre javetate 5 km.

'U litorale, prevalendemende sabbiose cu sabbie vianghe e fine, jè condraddistinde da dune ricche de vegetazione caratteristeche d'a Macchie mediterranèe. 'U paesagge agrarie jè caratterizzate da ulivete, colture de arvule miste, fichete e mandorlete, alternate a seminative e a vignete.

'A vegetazione spondanèe e 'a macchie mediterranèe occupane le zone cchiù ierte e rocciose e le zone dunale. Le cambagne, ricche de testimonianze ca avènene da 'u periode neoliteche, se caratterizzane pa presenze de murette a secche, specchie, de cchiù o mene 35 massarie ca se iacchiane jndr'à tutte 'u territorie comunale e de le tipece trulle salendine, monumende d'a civiltà contadine. 'U trulle (d'u tipe salendine ditte pure truddi, pagghiare, furnieddi o casedde), jè 'na costruzione realizzare cu petre luate da 'u terrene rocciose pe renderle contivabbele. Ste costruziune avenevane ausate cumme refuge pe animale, attrezze e crestiane.

Jndr'à 'u territorie comunale, jè presende 'nu corse d'acque a carattere prevalendemente torrendizie, chiamate Fiume Ostone o canale de le Cupi (lu Stoni o li cupi in dialette locale). Stu fiume e l'area atturne a jidde jè assaije inderessande sie sotte a 'nu profile ambiendale (flore e faune) e sia sotte a 'nu profile storeche.

Infatte lunghe 'u corse sue, iacchiane 'u lore habitat naturale assaije specie animale cumme le anfibbie (marajòttole, rospe, ecc.), pisce (specialmende anguille) e 'nu sacche de tipe de acidde.
Pure 'a vegetazzione jè assaije ricche. Lunghe tutte 'u corse d'u fiume ste sembre 'nu cannete fitte fitte e assaije otre specie vegetale.

Sotte 'u profile storeche, invece, jè assaije 'mbortande purcé lunghe 'u corse sue, e in particolare vecine a 'u mare, onne state acchiate cu 'u passare d'u tiembe 'nu sbuènne de reperte archeologgeche (vasellame, ore, cerameche, petre fatiate, tembiette votive, necropole) ca resalene a l'età d'u bronze, a l'età magno-greche e 'n'indere villagge ca resale a 'u Neoliteche. Cchiù nnande cu 'a staggione de le bonifeche de fine uettecinde, 'u fiume Ostone ha servite pe assucà 'a Palude Rotonne vecine a San Crispieri.

Jndr'à 'u corse d'a storie, l'uneche evente sismiche de rilevanze, ha state quidde d'u 20 febbrare 1743, avvertite jndr'à tutte 'u Salende. 'U terramote, d'u none grade d'a scale Mercalli, scuasciò le cetate vecine de Frangaville Fundane e Nardò provocanne pure muèrte e ferite. Stu fatte, a Lizzano jè documendate da certe scritte ca se iacchiane jndr'à diverse archivije d'u comune. Jndr'à ste scritte se conde de cumme 'a scosse de terramote avere state forte assaije, provocanne 'u paniche 'mbrà le crestiane. Jndr'à 'u paese scuffularene 'nu sbuènne de case e otre se lesionarene e addiritture 'u palazze marchesale se inclinò.

Lizzano presende clime mediterranèe. 'A vicinanze d'u mare tène le 'nvirne cchiùà cavede, quanne le temberature scennene raramende sotte 'u zere e le perturbaziune nevose so probbie rare. L'urtema nevicate abbondande ha state 'u 17 decemmre 2001, quanne caderene cchiù o mene 30 cm de neve. 'A staggione 'a temberature, supranesce facilmende pure le 40 grade. Soprattutte jndr'à l'urteme anne, sonde assaije frequende temborale violende e trombe d'arie.

Chiste sonde le temberature medie annuale:

Non g'esistene assaije notizie sus 'a storie de Lizzano. Certe jè ca 'u pagus, 'u rione de case umile de cambagne de Lizzano, resale a prime d'u mille. Non g'è possibbele precisà date, cumme non g'è facile indicà a quale colonie appartenevane le prime crestiane d'u pagus Lizzanese, pure ca se crede ca avessera essere romane o grece.

Le prime presenze jndr'à stu territorie, se avere securamende ggià jndr'à 'u periode d'u Neoliteche.

Precisamende, jndr'à località Bagnàra e San Cassiano onne state acchiate, apprisse alcune scave, reste de 'nzediaminde e villagge capannicole ca reguardavane l'età neoliteche. Jndr'à le stesse zone, pò, onne state acchiate numerose arnese e attrezze de quedd'epoche de petre e de selce accussì cumme jndr'à 'u prime tratte d'u Canale de le Cupi, jndr'à le grotte ca se iacchiane sus a le late d'a gravine piccenne.

Apparte le colonie Greche, presende ggià sus a 'u territorie salendine e, in particolare jndr'à 'u tarandine, pure chidde Romane prendevane possesse de ste terre. Jndr'à l'anne 206 n.C. avenìe condotte 'a colonie Neptunia. A le tiembe de Verone e de Vespasiane tre colonie avenerene condotte jndr'à Provinge de Tarde. A le Colone avenèvane assegnate de le stuèzze de terre de 200 yugere. Da aqquà nascìe 'a necessità de le casette pe le contadine. Accussì sensibbilmende le casolare se aggruppavane e furmavane le villagge. Ste popolazziune, fatianne le cambe e facennele devendà produttive spannevane 'u benessere jndr'à totte 'a provinge, aprivane strade, ca passavane pe tutte l'agre Tarandine, de le quale une purtave a Oria, pe arrevà a 'a Via Appia de Brinnese, l'otre direttamende a Tarde e a le villagge 'nzeccate.

Tramundate 'u 'Mbere Romane, le Barbare, cumme 'nu torrende ca squasce tutte cose, invaderene l'Itaglie. Totila arrevò 'mbonde a le terre salendine, Belisario se pigghiò 'a Calavrie, jndr'à 'u 555 Narsete reconguistò ste reggione, ma jndr'à 'u 568 le Longobbarde occuparene Tarde e Brinnese. Le grecie se accordarene cu le longobbarde 'nzippanne 'nu muraglione ca signave 'u confine 'mbrà 'a foreste tarandine e 'u marchesate de Oria. 'U territorie lizzanese, mò, s'acchiave sotte a 'u condrolle de le longobbarde. 'A pace, però, durò picca picche. Jndr'à 'u 717 Leone Isaurico 'nvadìe ste reggione destruggenne chiesere e convende, costringenne le crestiane a sconnerse croce e effigge, specie jndr'à 'u tarandine, addò le crestiane scunneve le oggette sacre jndr'à le gravine, jndr'à le burrone e, a Lizzano, jndr'à certe grotte appene scavate cumme quedde de S. Jangele. Pure le Saracene 'nvaderene stu stuèzze de Itaglie, destruggenne Oria, Manduria e le villegge 'nzeccate 'mbonde a arrevà a Tarde ca avenìe destrutte. Apprisse le Saracene, se scatenarene, sus a ste terre le Schiavone e le Ungarise ca destruggerene tutte le villagge, da 'u litorale 'mbonde a l'endroterre. L'eccidie e le distruziune scerene nnande da 'u 924 a 'u 962, 'mbonde a 'a combarse d'u 'mberatore Niceforo Foca.

Le recorde d'a permanenze de ste releggiose a Lizzano, se iacchiane jndr'à valle de le Cupi apprime e jndr'à cripta e convende de l'Annunziate apprisse. Le releggiose Basiliane, già presende da 'nu sacche de anne jndr'à 'u Salende, duranne le persecuziune averene riuscite a salvarse scunnennese jndr'à foreste e jndr'à le cripte sottoterre. Le prime 'nzediaminde se averene atturne a le sechele IX e X.

Sus 'a nascite d'u casale, non ge stonne assaije fonde, ma certe de lore dicene ca Lizzano ha state edificate jndr'à 'u 1208 da 'a condesse Albiria, figghie de Tancredi, re normanne. Fonde, pure ca sonde approssimative, dicene ca 'u re normanne Guglielme 'u Malo destruggìe Lecce, allore chiamate Rudiae, jndr'à 'u 1147.

Apprisse 'a recostruzione, le nobbele de Rudiae avenerene accugghiute jndr'à cetate a differenze de le povere ca, invece, avenèrene mannate fore. 'A condesse Albiria decedìe de assegnà a chiste suddite puveridde 'nu territorie vecine a Pusane addo, jndr'à 'u 1208, s'inzediarene assaije novelle lizzanise. Le otre ca rumanerene vecine a Lecce funnarene 'u paese de Lizzanelle.

Jè assaije evidende 'u legame de Lizzano cu Lecce tande da avè tutte e doje le cetate 'u stesse simbole de l'arvule d'u leccio, 'nu tipe de querce assaije presende 'nu tiembe jndr'à tutte e doje le territorie.

Jndr'à 'u corse de le sechele, Lizzano devendò 'nu granne feude, cu 'u titele de marchesate. Diverse feudatarie se onne avvicendate a 'u comande de stu feude: jndr'à 'u 1271 'u casale avere state infeudate da Iacopo de Rephis, jndr'à 'u 1315 passò jndr'à le màne de Goffrede de Pandis, jndr'à 'u 1329 'u feude devendò probbietà de Giuanne Sanseverino, de le De Tremblayo jndr'à metà d'u XIV sechele, de le Francone jndr'à 'u 1475, de le De Raho jndr'à 'u 569, de le De Luca jndr'à 'u 1675 e de le Chiurlya jndr'à 'u 1697. St'urtema famigghie condrollò 'u marchesate de Lizzano 'mbonde a 'u 1806 quanne avenèrene abolite le feudalità.

Sotte 'a 'u profile amministrative, Lizzano ave fatte parte d'a Terre d'Otranto (pò Provinge de Lecce) da 'u XI sechele 'mbonde a 'u 1923, quanne da 'u distrette de Tarde, ca combrendeve 'a cetadine, avenìe costituite 'a provinge d'u Ionio, rebattezzate Provinge de Tarde sulamende jndr'à 'u 1951. A levèlle reggionale, avenìe sckaffate jndr'à reggione Salènde quanne, jndr'à 'u seconde dopouerre, 'u legislatore costituìe formalmende le reggione; cchiù nnande però, a 'a nascite effettive de le reggione tagliàne, 'a Reggione Salènde avenìe sckaffate jndr'à Reggione Pugghie. A levèlle statale, Lizzano, apprisse l'autonomije d'a quale godeve duranne 'a preistorie, facìe inizialmende parte d'a Magna Grecie (VIII-III sechele n.C.), pò avenìe annesse a 'u 'Mbere Romane ( da 'u III sechele n.C. a 'u IV sechele d.C.), a 'u 'Mbere Romane d'Occidende (IV - VI sechele d.C.), angore cchiù nnande a 'u'Mbere Bizzandine (VI-XII sechele d.C.), a 'u Pringipate de Tarde jndrìà 'u Regne de Sicilia (XII sechele d.C. - 1262) apprime e d'u Regne de Napule (1262-1816), pò, a 'u Regne de le Doje Sicilie (1816-1860) e, 'nfine, a 'u Regne d'Itaglie, e osce a die a 'a Repubbleche Tagliàne (1860 - osce a die). 'Mbonde a 'u 1951 Lizzano ave amministrate pure le doje fraziune de Torricella e Monacizzo devendate comune autonome sotte a 'u nome de Torricella.

'U stemme comunale de Lizzano avenìe approvate 'u 27 masce 1929, da quidde ca ere 'u cape d'u guverne Benito Mussolini. 'A descriziona soje jè 'a seguende:

'U gonfalone d'u comune jè costituite da 'nu drappe gialle-russe jndr'à 'u cendre d'u quale se iacchie 'u stemme.

Jndr'à l'urteme dece anne 'u paese s'a stennute assaije verse nord, da est e da ovest, mandenenne caratteristeche strade lineare e ortogonale, cu predilezione soprattutte pe le case vasce mediterranèe ca sonde topograficamende aunite le une a le otre e ca, da 'u punde de viste condominiale sonde separate, pe affermà 'u dominie piccinne tipeche d'a civiltà contadine. 'U Palazze Marchesale (Castelle) se iacchie a le pide d'u pogge sus a 'u quale a chiane chiane se appogge 'u paese, se presende cu linèe sobbrie e severe. Seconde certe studiuse avenìe costruite sus a 'n'andiche nuclèe normanne da le barone De Raho jndr'à 'u XVI sechele, d'u quale rumane sulamende 'nu torrione.

Cchiù nnande rimaneggiate e ambliate. Seconde otre 'a sola vanne nord-ovest ha state fatte apprime d'u XV sechele e allore pò essere ca se referisce a 'na fase normanne o sveve, invece 'a vanne sud-est jè securamende successive. 'U disegne architettoneche ne revele jndr'à 'u comblesse sue ca jidde jè opere quattrecendesche prive cumme jè de torre, de fossate, de cinde ca quase sembre avvrazzavane le castidde de le sechele d'apprime.

Ave jndr'à l'inderne 'nu breve receinde, ca servive cumme atrie. 'N'ambie scalone porte a 'u prime piane addò stanze spaziose se seguone cu 'u lore aspette grave e severe, tande pe l'irtezze de le vane, ca 'a lore lariezze. Jndr'à l'inderne se 'ndruche angore 'a tracce de l'accussì ditte Puzze d'a morte, jndr'à 'u quale po essere ca stonne angore le reste de le muèrte seppellite. L'edificie tenève 'a forme de 'nu quadrilatere e ospitave a pian terrene 'u frantoie, 'u muline, 'u granaie, le maiazzine e le scuderie. 'A Cappelle d'a quale 'u castelle jè dotate, osce a die ste achiuse a 'u culte e jndr'à condiziune precarie de conservazione, a sud d'a costruzione e ere dedicate a San Frangische de Paola. 'A cappelle tène 'na sagrestie piccenne e 'nu core cu 'na balaustre de legne; non ge presende l'abside e accogghie a 'u 'nderne 'na tele ca raffigure San Frangische da Paola; a le late stonne doje nicchie. L'altare non g'esiste e le varie stuèzze ca 'u combonevane onne state mise une sus a l'otre cumme rovine. 'Nu timebe 'u Castelle ere 'a dimore de le padrune d'u feude de Lizzano, le quale cercarene de farle devendà accogliende e ospitale. Soprattutte cu le Duche Clodinio, feudatarie de Lizzano da 'u 1606 a 'u 1677, ca 'u castelle, chiamate jndr'à quidde tiembe 'u Palazze d'u Duche, canuscìe 'nu periode de granne splendore, pure purcé duvìe accogghiere 'nu sbuènne de crestiàne, ca scevene jndr'à 'u paese de Lizzano pe le feste, organizzate in onore de San Caitane da Thiene, patrone d'u paese, allore angore beate. 

Otre architetture civile ca meritene 'na note sonde:

'A Torre d'u Rrelogge (XII-XIX sehcele) se iacchie sus a 'nu torrine d'u castelle, 'nu tiembe 'nu picche lundane da 'u 'mbiande normanne pare ca ere legate a 'u stesse da 'nu passagge sotterranèe, maje acchiate. Rappresende 'na testimonianze de valore storeche 'mbortandissime assaije. Da 'na prima letture de le strutture murarie pare evidende 'nu processe de sedimendazione ca s'a fatte jndr'à 'u corse de le sechele. 'A strutture de base pare angore reconducibbele a 'na torre fortificate de avvistamende e de difese, ca resale a 'u XIII - XIV sechele.

Aqquà a piane terre esiste 'n'uneca stanze a chianda quadrate  cu volte a botte. 'A vanna superiore d'a torre jè 'n'evidende refacimende cu sopraelevazione, ca ha state fatte atturne a 'u XV e 'u XVI sechele. Successivamende a st'intervende avenìe recostruite 'a volte d'a stanze ca esisteve apprime a 'u seconde levèlle, cu arche a seste acute. Avenèrene pure costruite le spalte de difese cu le relative caditoie e cu l'aggiunde de eleminde architettonece decorative d'u stesse materiale ausate pa sopraelevazione (carparo), ca ne onne ingendilite l'aspette. 'Mbrà 'u XVIII e 'u XIX sechele 'a torre devendò 'mbortande punde de referimende pa vite d'u paese p'u 'nzerimende d'u rrelogge e d'a torre campanarie. 'Nzippate 'a sommità soje, avenìe recavate 'n'apposite stanze pe accogghiere le meccanisme d'u rrelogge, e sus cu 'nu cambanile dotate de doje cambane de diverse dimenziune, ausate a 'u rrelogge. Cchiù nnande onne state affiangate doje cuèrpe piccinne de fabbreche a 'nu sole levèlle, affianghe a le doje late invece 'u terze late d'a torre ste 'nguedde a 'nu stabbele, 'nu tiembe ausate, cumme cinematografe, ma costruite, jndr'à le sechele passate, pe evidende ause militare. 

L'accesse a le stanze varie d'u fabbrecate avene jndr'à 'nu mode tutte indipendende.

Jndr'à 'u territorie de Lizzano se iacchiane 3 torre costiere:

De andiche origgene ere già esistende a le inizie d'u XIV sechele. Avenìe refatte e allariate jndr'à 'u XVI sechele. Stonne altare e cappelle (10), quedde dedicate a San Caitane (patrone d'u paese) stipe reliquie d'u Sande. 'A chiesere se sveluppe sus a ttre navate quedde cendrale cchiù ierte cu soffitte a cascettone, le doje laterale, cchiù vasce, cu coperture a volte. Le culonne ca mandenevane l'andiche tette d'a navate cendrale onne state scettate 'nderre pe consentì a cchiù fedele l'accesse e de osservà l'altare maggiore senze nisciune 'mbedimende.

De l'andiche balaustre ca 'nu tiembe avvrazzave 'u presbiterie, angore osce a die se pò ammirà 'u stemme de forme ovale d'a famigghie marchesale Chyurlia le lacerte de marme colorate, ca, cu sendimende comboste, abbelliscene le nicchie dorate de le cappelle laterale ca se frondeggiane, quedde a destre dedicate a San Gesèppe, sus a 'u late sinistre, quedde de San Caitane.

'Mbrà le numerose cappelle arrecurdame quedde d'u Crocefisse cu 'a statue d'a Madonne, quedde d'a Madonne de Pompei, rappresende jndr'à 'nu quadre atturnate da 15 quadrette cu le Mistere d'u Rosarie, 'a cappelle cu 'a rappresendazione de San Necole appettate sus a 'nu mure; quedde d'u Sacre Core de Gesù, cu l'omonime statue jndr'à 'na nicchie dorate; de le Ss. Cosimo e Tamiane, rappresendate jndr'à 'nu quadre a petture, mise jndr'à 'na nicchie rettangolare; segue quedde addò osce a die ste 'u Battistere de marme cu sus 'na statuette de San Giuanne ca battezze 'nu fedele. De le primitive cinghe finestre pe ogne late d'a navate cendrale, rumanene le sei cendrale cu vetre artistece, le quattre de fore, cangiate, ospitescene le dipinde de le Evangeliste. Jndr'à 'u 'nderne d'a chiesere, apparte a 'a missione de le Apostole, a 'u San Necole, a le Evangeliste, se ponne ammirà affrescate fegure angeleche longhe 'a navate cendrale e jndr'à l'abside, opere de l'artiste Frangische Carrino de Tarde, fatte jndr'à 'u 1961.

Le marchese d'a Terre de Lizzano, D. Necole Chyurlia e 'a mugghiere D. Porzia De Luca, avèrene 'na granna 'mbortanze pa fondazione d'u Convende San Pascale Baylon de Lizzano; lore manifestarene 'a lore 'ndenzione de funnà 'nu Convende a le Attane d'a Provinge residende a Napule, jndr'à quidde tiembe capitale d'u Regne, purcé da chidde dependeve 'u consense; condemboraneamende presendarene istanze e preghiere, quase condinue, a le Releggiose de le convende de Lecce, le quale, però, pe cchiù o mene trend'anne, non ge accettarene pe 'nu sacche de mutive.

Finalmende l'8 aguste 1732, Fra Caitane de San Nicolò, ministre provingiale, screvìe a 'u marchese D. Necole Chyurlia, pe darle 'a facoltà de 'nzippà, jndr'à Terre de Lizzano, 'nu convende pe ospità le frate d'a Reforme Alcantarine.

'U 6 sciugne 1734, apprisse ca avèrene state fatte le necessarie formalità, le frate pigghiarene possesse d'a terre, addò avera nascere 'u Convende, 'a Chiesere e 'u giardine, ausate 'mbonde a allore cumme aia cetadine. Le frate, destinate a furmà 'a fraternita releggiose, pigghiarene dimore momendaneamende jndr'à 'nu spizie d'u luèche e rumanerene 'mbonde a 'u 21 aguste 1742, date jndr'à quale se trasferirene jndr'à nove e definitive residenze: 'u Convende San Pascale Baylon.

Intande le frate, jndr'à 'u cendre piccinne e jndr'à le paise vecine, rumaneve ammirate pa lore disponibbilità apostoleche.

Quanne ste spicciave 'u Settecinde jndr'à tutte l'Europe (e in particolate jndr'à 'u [{Regne de Napule), in particolare mode da 'u 1799 anne d'a Repubbleche Napuletane, 1799|Revoluzione Napuletane], se scatenò 'a furie condre a le privete. Assaije convende avenèrene soppresse e destinate a uffice pubblece e le releggiose, ca stavene jndre, avenèrene allundanate da le probbie Case Releggiose.

'U Convende de Lizzano avìe 'a stessa sorte jndr'à 'u 1811.

Passate sta nefaste vendate, 'u Comune de Lizzano, 'mbonde da 'u 1816, presendò repetutamende richieste a le combetende Autorità pu retorne de le frate jndr'à 'u paese, ma non g'avenìe accolte; jndr'à 'u 1835 le locale avenèrene assegnate in rendite a le attane Spedaliere de San Giuanne de Dio de Tarde.

Apprisse a 'nu sacche de insistenze d'a popolazzione, le Frate Alcantarine returnarene a Lizzano 'u 6 scennare 1853, reprennenne 'u possesse d'a Chiesere, d'u Convende e d'u giardine.

'U 7 luglie 1866 'u Guverne tagliàne decretò 'a soppressione de le Convende, adibbennele a uffice pubblece e sus a base de quedda legge pure 'u Convende de Lizzano avenìe soppresse.

'U 29 novemmre 1866 'u Consiglie Comunale delibberò ca le stabbele avenessere adibbite a 'nu spizie pe le puveridde e asile infantile, invece 'a Chiesere de San Pascale Baylon rumanìe aperte a 'u culte, officiate da doje releggiose.

Jndr'à 'u 1886 Attane Ferdinando de San Gesèppe accattò 'u Convende e 'u giardine, ma none 'a Chiesere de San Pascale e pò, 'n'anne apprisse, le revennìe a 'a segnorine Angeliche Campo, 'na probbietarie de Lizzano. Jndr'à 'u 1889 Angeliche Campo lassò l'ause e l'usufrutte d'u Convende a d'u giardine a le frate frangescane.

Jndr'à 'u 1890 'u Convende devendò Case de formazione cu 'a Scole de Teologgie, ma apprisse a quattre anne avenìe trasferite a Squinzano. Jndr'à 'u 1907 Angeliche Campo murìe e 'u Convende passò a 'u frate sue Frangische a 'u quale, apprise 'a morte, arrevate 'u 24 decemmre 1918, succedìe 'u figghie Pitre, 'u quale esaspeò acussì tande 'a situazione ca le Superiore trasferirene l'indere fraternità, abbandonanne ogne cose, pe cui, jndr'à 'u 1922, 'u Convende, libbere d'a presenze de le frate, avenìe destinate a Caserme de le Carabbenire.

'U stesse Pitre Campo, subbete apprisse 'a partenze de le frate, vennìe 'u Convende e 'nu stuèzze de l'orte a 'u signore Gesèppe Rosati, ca l'ausò cumme deposite de pagghie, tabbacche e repare a 'n'ovile.

'U 23 decemmre 1939, grazie a 'u 'nderessamende de 'n'apposite Commissione, le frate facerene retorne jndr'à 'u Convende de Lizzano. Repegghiò accussì 'a vite regolare e l'atività apostoleche ca sembre avere condraddistinde le Frate.

Da 'u 1° decemmre 1942 a 'u 15 marze 1944 'u Convende avenìe adibbite a caserme pe le militare paracadutiste. Spicciate 'a uerre, partenne da 'u 1946, Attane Stefano Marchionna, frate assaije stimate e amate da le lizzanise, a chiane chiane facìe refiorì 'a vite atturne a 'u Convende cu le varie attività liturgeche, apostoleche e culturale.

Se iacchie jndr'à vanne andiche d'u paese, avenìe 'nzippate jndr'à 'u 1562 in stile romaneche, cu rosone e monocuspide, cu coronamende a dendelle jndr'à facciate. Queste, slangiate, presende 'na sole entrate, doje lesene a le anghele e 'nu rosone cercolare, sus a 'u quale se vede 'u stemme gentilizie d'a famigghie De Raho, feudatarie de Lizzano, ca facìe 'nzippà 'a chiesette. Sus a 'u late sinistre se vedene le arche de appogge d'u Castelle normanne, costruite apprisse a 'u terremote d'u 1743.

Sus a 'u late destre se note 'u cambanile (senze cambane), ierte cchiù o mene 250 cm. L'edificie se sveluppe sus a 'na uneche navate oriendate jndr'à 'u siense este-ovest cu altare prengepàle a ponende, 'nguedde a l'abside semicercolare, 'a quale volte jè dipinde de celeste. A parte l'altare de petre e de legne, l'abside presende cinghe nicchie vacande. Trasenne sus 'a destre, ste 'n'affresche d'a Madonne cu 'u piccinne, in parte velate da 'nu strate de 'ntonache, fatte in epoche successive cu freggie sovrapposte, pe stu fatte l'affresche se 'ndruche. Sus a 'u pilastre affianghe, sotte a 'nu strate piccine de 'ntonache, appettate cumme ce erane de le venature marmorèe, se 'ndruche 'a fegure de 'nu Sande cu mitre, jndr'à l'atte de benedìe (probbabbilmende pare ca jè San Necole, titolare d'a Parrocchie Matrice). 'A coperture a botte de l'uneche navate jè quase combletamende affrescate e decorate; a le late stonne ttre arcate, jndr'à chidde cendrale ste 'na nicchie de legne (une pe late), ca 'nu tiembe accogghieve statue o petture sacre. 'A varietà de le culure e de le mutive ausate pe le decoraziune ne facevane 'nu tiembe 'nu gioielle piccinne de guste, pure pa sobbrietà ca le auture saperene mandenè. In corrispondenze d'a terze campate de destre 'na porte face trasè jndr'à 'na stanze adibbite a sagrestie. 'A chiesette jè illuminate, apparte ca da 'u rosone mise sus 'a facciate pure da 'na finestra piccenne mise sus a l'abside; le decoraziune piccinne a dendelle e a conghigghie testimoniane l'aunità de stile ca se vulìe dà a 'u mumende d'a costruzione. Osce a die 'a Chiesette d'u S. Rosarie, achiuse a 'u culte jè jndr'à 'nu state de abbandone da 'nu sbuènne de anne, jè ausate cumme deposite parrocchiale.

Se iacchie jndr'à 'u cendre storeche d'u paese vecine a 'u castelle normanne; se mandene jndr'à condiziune bbuène, jè 'na preziose testimonianze de l'idendità culturale storeche de le lizzanise. Jè ipoggèe purcé mise sotte a 'u levèlle stradale de cchiù o mene 150 cm; l'esterne jè combletamende viangate cu 'a cauce. L'accesse a l'edificie, scise sette gradine, avène ausanne 'nu portale ca se iapre jndr'à 'u late oriendale, sottoposte rispette a 'u levèlle stradale e precedute da 'nu portichette rettilinèe cu intradosse a botte. Assaije semblice jè 'u 'nderne de forme rettangolare, cu coperture costituite da doje cupole 'nzeccate piccenne, ierte cchiù o mene 550 cm; le volte a cupole sonde affrescate cu mutive de carattere sacre; tre fenestrodde donne luce a 'u 'nderne, caratterizzate da 'nu belle pavimende maiolecate, refatte jndr'à 'u 1875.

Jndr'à sagrestie de rrete a l'altare d'a parete de funne, ca jè gerate a crocere e repavimendate jndr'à 'n'epoche recende, 'na scaeltte rudimendale porte a 'u cambanile (ierte 250 cm), ca tène 'na cambane ca resale a 'u 1736. Jndr'à Cappelle, guardanne l'Altare, a destre, se iacchie 'na custodie de legne verniciate, ca racchiude 'n'andiche statue de cartapeste, de Sand'Elena 'mberatrice.

Sus a 'u late occidendale d'a Cappelle jè custodite 'na statue andiche de legne de San Caitane Thiene (ierte 1,58 m), patrone d'u paese, purtate aqquà pe colpe de 'nu scoffolamende d'a volte d'a Chiesere Matrice, jndr'à 'u 1955. Sus a l'altare se ammire 'n'affresche de autore ignote, ca resale cchiù o mene a 'u XVI-XVII sechele. Jidde ca dè 'u nome a 'a chiesette raffigure 'na Deesis (Intercessione, jndr'à lènghe iconografeche jè 'nu 'nzieme de ttre figure: Gesù a 'u cendre, a destra soje Marije sandissime e a 'a sinistre, normalmende, San Giuanne apostole) de notevole valore artisteche. L'aspette de le personagge jè rappresendate cu l'ause de linèe dritte e curve, soprattutte jndr'à 'u cuèrpe de Criste, tipeche d'a tradizione bizzandine. Da notà, soprattutte, 'a dimenzione d'u costate e d'a vendre deformate da 'a sofferenze e da 'a morte, elemende tipecamende bizzandine. 

'U perizome jè fatte cu 'nu culore vianghe trasparende, ca se addenze sulamende jndr'à le linèe ca descrivene le pieghe. Evidende sonde 'a sproporzione e 'a rese picche realisteche de le arte d'u Criste, manghe tutte 'u sienze d'a prospettive; infatte le figure se sovrapponene a 'u blu d'u piane de sfonne d'a Madonne e de S. Giuanne. Sonde sulamende le geste e none l'espressività de le facce a rennere 'u signifecate d'a rappresendazione iconografeche.

'A cetadine de Lizzano, ha state, pe 'nu sacche de sechele, javetate da monace bizzandine, basilane e gesuite. L'esistenze de ste figure releggiose, ha lassate 'nu sbuènne de tracce architettoneche e artisteche ca iacchiane 'u lore fulcre jndr'à le doje granne chiesere rupestre cu relative cripte: quedde d'a Ss. Annunziate e quedde de Sand'Jangele.

'A cripte rupestre d'a Ss. Annunziate se iacchie a cchiù o mene mezze km de lundananze da Lizzano. 'A chiesete d'a Ss. Annunziate jè conziderate 'nu monumende de notevole inderesse storeche artisteche, une de le cchiù singolare de tutte 'u territorie pugghiese e 'n'imbortande sanduarie rupestre, cendre de devozione mariane e mete de pellegrinagge da vanne de tutte 'u territorie joneche mise a sud-est de Tarde specialmende jndr'à 'u Medioeve. 'A Cripte ha state fatte da 'na grotte ggià Cenobio Basiliane, ere ricche de depinde murale sacre, alcune de 'na bellezza rare, de epoche none anderiore a 'u sechele XI. Sus 'a Chiesere rupestre, avenìe, cchiù nnande, 'nzippate 'na Chiesere, 'mbrà 'u IX e 'u X sechele. Jndr'à le sechele XII e XIII se facerene quacche 'ndervende parziale sus a l'edificie, senze, però, cangiarne jndr'à 'nu mode 'mbortande l'aspette formale e 'a configurazione spaziale. 

'Mbrà 'u XIV e 'u XV sechele avenìe fatte 'na restrutturazine generale d'a Cripte e d'a CHiesette, otre fatìe avenèrene fatte 'mbrà 'u XVI e 'u XVII sechele. A le inizie d'u XIX sechele avenìe 'a totale restrutturazione de l'edificie e 'u rennovmaende de le opere pettoreche. Jndr'à Chiesere, 'nu tiembe, stavane none mene de 22 depinde murale. Pe colpe de leggende de tesore scunnute, 'a Chiesette avenìe sottoposte a sacchegge. L'accesse a 'a chiesere rupestre ha state repristinate da 'u Rotary Club de Manduria in occasione d'a VI Feste de Fine Vendemmie 'u 17 novemmre 2002.

'A chiesere de Sand'Jangele (Cripte Basiliane) se iacchie in contrade Serra de le Jangele sus a 'na collinette ca se chiame monde Sand'Jangele a 3 km a nord-ovest de Lizzano. 

'A grotte de Sand'Jangele se iapre 'ngape 'a colline jndr'à le calcare vianghe-cerulèe sub-cristalline d'u Cretaciche e se articole jndr'à chiste pe cchiù o mene 50 metre. Sus a 'u piane de calpestìe se ponne notà varie frammende de osse cu 'nu strate de fossilizzazzione assaije avanzate, frammende de cerameche de varie epoche e allore non ge se pò escludere 'a presenze de quacche levèlle, in poste, d'u periode neo-eneoliteche e post-neoliteche. Le tracce de l'epoche de culte, sonde soprattutte 'a presenze de numerose affresche paleocrestiane.

Otre architetture releggiose sonde rappresendate da le varie chiesere e cappelle presende jndr'à 'u castelle, jndr'à le palzze signorile, jndr'à le massarie e da le tembiette grece e romane acchiate jndr'à le zone a inderesse archeologgeche.

L'indaggine archeologgeche ave permesse de scrivere 'u territorie de Lizzano jndr'à 'mbortande arèe neoliteche d'u Sud-Est tarandine ca combrende Torre Castelluccia, Saturo, Puerte Pirrone. 'Na cambagne de scave fatte, infattee, jndr'à località Bagnara, ave purtate a 'a luce 'nu 'nzediamende capannicole de 'na comunitate agricole-pastorale cronologgecamende collocabbele jndr'à 'u Bronze Medie (XV-XVI sechele n.C.). Otre scave archeolggece, onne state fatte jndr'à zone Sanda Patronilla, in zone San Vito, jndr'à tutte 'u corse attraversate da 'u fiume Ostone, atturne a 'a massarie Casavianghe e jndr'à tutte 'u territorie comunale. Jndr'à ste scave onne state acchiate chiaute e necropole d'u periode greche, messapeche e romane, reste de ville cu culonne in stile doriche, vasellame de varie genere e de varie epoche (da le messape a le grece, da le romane a 'u medio-eve).

A 'u 31 decemmre 2009 a Lizzano resultane residende 82 cetadine furastire. Le nazionalità prengepàle sonde: 

A Lizzano, 'u tarndisme jè angore inscangellabbile jndr'à memorie de le vecchiaridde. Lore cundane de vere e probbie rituale musecale ausate pe guarì le femmene muzzecate da 'a tarande. Stu rituale ere fatte da 'nu balle freneteche e stangande fatte pe ore e ore o addiritture pe sciurne, da le tarandate. Stu balle scettave 'nderre chiste e se ne scevane jndr'à 'nu state de trance. A Lizzano appene se 'ndrucavane le prime sindome d'u muèzzeche d'a tarandole, se appennèvane tanda fazzelitte de culore diverse jndr'à stanze cchiù granne d'a case. 'A tarandate allore ne scacchiave une e ballave cu quidde. 'U culore d'u fazzelette 'ndicave 'u culore d'a tarande. Apprisse ore de balle se sceve, sembre ballanne e sunanne, in cambagne, sus a 'u poste addò 'a tarandole avere muzzecate 'a tarandate.

Solitamende le struminde ausate pe sta terapie musecale erane 'u violine e 'u tamburrelle, a le quale se aggiungeve certe vote l'organette e 'a chetarre.

'U teste d'a tarande lizzanese jè quiste:

Addò t'è pizzicatu la tarantella, 
Addò t'è pizzicatu la tarantella, 
sott'alla putarea ti la 'unnella, 
sott'alla putarea ti la 'unnella, 
Addò t'è pizzicata la taranta, 
Addò t'è pizzicata la taranta, 
sott'alla putarea ti la mutanta, 
sott'alla putarea ti la mutanta, 
Addò t'è pizzicata pozz'ess'accisa, 
Addò t'è pizzicata pozz'ess'accisa, 
sott'alla putarea ti la cammisa, 
sott'alla putarea ti la cammisa, 
Addò t'e pizzicatu lu tarantoni, 
Addò t'e pizzicatu lu tarantoni, 
sott'alla putarea ti lu casoni, 
sott'alla putarea ti lu casoni, 
Ci è taranta lassila ballari, 
Ci è taranta lassila ballari, 
ci è malincunia caccila fori, 
ci è malincunia caccila fori, 
Balla taranta mia, balla cuntenta, 
Balla taranta mia, balla cuntenta, 
Ca stè l'amori tua, ti sona e canta, 
Ca stè l'amori tua, ti sona e canta, 
Sana malata mia, sana malata, 
Sana malata mia, sana malata, 
No è ti cori la tua malatia, 
No è ti cori la tua malatia. 

'U 6 scennare, sciurne d'a Bufanìe, se face lunghe le vie d'u paese, ' calate de le Magge.

'A matine, già accumenzanne da le priume ore de l'albe, 'na banne sone nenie natalizie pe le strade d'u paese e, prepare l'atmosfere a 'a manifestazione ca se face jndr'à 'u pomerigge, quanne da 'u Convende de San Pascale Baylon, partene jndr'à le lore sonduose abite e le riale lore, le Sapiende d'oriende, precedute da 'a stelle comete e scortate da 'nu sacche de scudiere e pagge. Apprisse ca onne passate pe certe vie, se vè jndr'à 'u cendre storeche, nnande a chiesere se San Necole, jndr'à vanna vasce d'u paese addò avènene mundate de le palche. Le Magge, guidate da 'a comete vonne da Erode addo se face 'u dialoghe. Apprisse ca onne salutate Erode, 'a comete iesse arrete guidanne le Magge a 'a grotte d'u Piccinne. 'A manifestazione se achiude festeggianne cu le fuèche d'artificie.

'U sciurne d'a Dumeneche de le Palme, jndr'à le ore d'u pomerigge, se face 'a rappresendazione d'a Passione de Criste, sus a piazzale du convende, manifestazione ca se face da 'u 1971. Da 'u 2007 'a manifestazione dace parte de l'associazione europèe Europassion, ca cogghie le cetate legate da 'a stessa tradizione. Ogne anne sta manifestazione porte 'nu sbuènne de turiste e devote jndr'à cetate da ogne vanne d'a Pugghie.

 

'N'otra tradzione assaije sendute da le lizzanise jè quedde de le Tavole de San Gesèppe. Queste jè 'na tradizione assaije particolare diffuse jndr'à 'u Salènde, in Sicilia e jndr'à otre reggione de l'Itaglie cendre-meridionale.

Jndr'à sta tradizione se 'mbandiscene tavole granne assaije, certe vote gradune, chine chine de piatte tipece salendine e lizzanise, ma non g'adda sta 'a carne.

Scenne jndr'à cucine, solitamende mise jndr'à 'na stanze de rete a quedde addò jè 'mbandite 'a taula, se avène subbete subbete colpite da 'nu cavete forte forte ca iesse da 'u fuèche ca pe sciurne e sciurne rumane appezzecate pe permette 'a cotture de lu cranu stumpatu, grane bollite jndr'à certe pignate e condite cchiù nnande cu soffritte de petrusine, cepodda verde e pepe jndr'à grosse quantitate. 'U stesse condimende avène ausate pure pa preparazione d'a massa cu lli ciciri (masse cu le cicere), tagghiatelle fatte jndr'à case, aunite a le cicere ca jndr'à certe zone d'u Salènde avène chiamate Tria cu lli ciciri. 

Jndr'à 'u comune sonde presende 'a bibblioteche comunale, ca se iacchie jndr'à 'nu locale d'a scole medie e, 'a bibblioteche d'u Convende San Pascale Baylon, ca se iacchie jndr'à 'u stesse convende e ca raccogghie 'nu sbuènne de libbre de ogne tipe e 'nu sacche  de volume preggiate assaije ca vonne da 'u '700, a 'u '900.

'U Musèe civiche d'a paleontologgije e de l'omme, ave sede jndr'à 'u cendre streche, jndr'à 'u Palazze Majorano, 'nu tipeche palazze de le signorotte locale d'u Uettecinde. 'U musèe cogghie 'mbortande reperte partenne da 600 miliune de anne fa, ca arrivane da tutte 'u munne e da fossile acchiate jndr'à 'u territorie de Lizzano o d'a reggione. 'Na granne sezione jè dedicate a l'archeologgie cu l'esposizione de 'nu sacche de reperte ca resalene a 'u periode d'a Magna Grecie, a 'u Neoliteche e prossimamende a l'esposizione de reperte ca resalene a l'età d'u Bronze, a l'età Romane e a chidde medievale. Jndr'à 'u musèe avènene fatte vedè 'nu sacche de attrezze da fatìe e gegge de ause domestiche tradizionale, cumme l'andiche telaie angore osce a die funzionande e cu l'accessore. Belle probbie lu traìnu, carre trainate da cavadde o ciucce pu trasporte, 'mbortande cumme valore documendarie soprattutte pe le generaziune nuève.

Stonne granne sezione dedicate a le culture de l'Afriche, de l'Oceanie e a l'arte condemboranèe.

Jndr'à 'u comune stonne quattre scolematerne, doje elemendare e une secondarie de prime grade.

Jndr'à 'u comune se iacchiane de le imbiande sportive:

'U territorie comunale face parte de l'Azienda Sanitarie Locale Tarde/1 (ASL TA/1). Jndr'à 'u comune se iacchiane 'nu Cendre de Salute Mendale (C.S.M.) e 'nu poliambulatorie cu servizie de Uardia Mediche. Pò ste pure 'nu presidie sanitarie turisteche jndr'à marine.

Apparte a 'u vine e l'uegghie pregiatisseme assaije, otre prodotte tipece sonde 'u grane, le fiche, l'uve da tavole, 'a ricotta forte e 'nu sachce deprodotte casearie locale, 'a scapece e otre piatte tipece sonde:

Elenghe de le prengepàle piatte in dialette locale e dialette tarandine 

'U dialette lizzanese face parte d'u salendine e appartene a 'u gruppe de le dialette tagliàne meridionale estreme.

L'accende e 'a cadenze d'u lizzanese sonde prevalendemende brinnesine (dialette salendine settendrionale), ma forte jè pure l'imbronde d'u leccese, ca jè 'u salendine cendrale. 'U dialette lizzanese, allore, se allundane assaije probbie da 'u dialette d'u capeluèche ioniche (Dialette tarandine) ca appartene a le dialette de transizione apulo-salendine.

'A releggione cchiù diffuse jè 'u cattolecesime de rite romane. A Lizzano esistene doje confraternite: quedde d'u Rosarie e quedde d'a 'Mmaculate. Assaije sendute sonde le feste releggiose de San Caitane da Thiene, patrone prengepàle (6 - 7 aguste), San Pascale Baylon, protettore d'a cetate (da 'u 15 a 'u 18 masce) e San Gesèppe, quanne avènene allestite le famose Tavole de San Gesèppe e le fanove pe le strade (18 - 19 marze) ca vedone 'na partecipazione numerose de le cetadine e ca rechiamane 'nu sbuènne de crestiàne da totte 'a provinge e da 'u Salènde in generale.

Otre feste releggiose assaije sendute sonde:

Jndr'à 'u passate, jndr'à 'u paese, onne fatiate diverse media, jndr'à 'nu sacche de settore. 'Mbonde a le anne '80 - '90, erane presende 'na decine de staziune radie private e doje televisiune (Tele Provincia Jonica e Tele Lizzano).

'A strutture urbane d'a cetadine lizzanese, presende 'n'espanzione a macchie de uegghie, cu de le fraziune o cendre piccinne javetate, atturne a 'u nuclèe comunale prengepàle. L'espazione urbane ha accellerate assaije jndr'à 'u corse d'a seconda uerre mundiale e jndr'à 'u dopeuerre, grazie pure a 'u boom economeche. Indere zone de cambagne, massarie e case contadine, onne state inderamende avvrazzate da 'u tessute urbane. Esembie de sta espanzione jè 'u Convende San Pascale Baylon ca 'mbonde a 'u 1945 se acchiave a mmienze chilometre fore da 'u paese e osce a die se iacchie quase quase a 'u cendre.

'U nuclèe primitive d'u comune jè 'u cendre storeche, ca s'a sveluppate atturne a 'u castelle marchesale e d'a chiesere matrice, osce a die a sud d'u javetate.

'U cendre storeche presende vicole e stradine cu le classece curvune. 'U mande stradale osce a die ha state asfaltate cu btitume sotte a 'u quale ste angore 'u vecchie mande stradale, fatte de chiangune vianghe.

'U reste d'u paese jè caratterizzate da strade longhe regolare e ingroce. Fore da 'u paese stonne assaije contrade e le fraziune d'a marine.

'Mbrà le comune de Lizzano e Pusane, stonne certe isole amministrative d'u comune de Tarde, quacchedune de chiste quase totte avvrazzate da l'agre lizzanese: 'a zone marine d'a Torrette e 'a zone de Porvica. 

Jndr'à prime jè presende angore 'na torre saracene chiamate Torre Zozzoli, o torre sgarrate.

L'attività cchiù praticate jè quedde agricole ca jè moderne e assaije sviluppate. Prodotte 'mbortande jè l'uegghie: normalmende se facene 6 mila quindale de uegghie extravergine d'alie. Assaije 'mbortande jè 'a produzione de ortagge, in particolare de pummedore e patane, de verdure, de frutte (agrume, melune, amennele, fiche) e de grane. 'U territorie comunale trase jndr'à DOP de l'uegghie d'alie Terra d'Otranto ca combrende le provinge de Tarde e Lecce.

'A cetadine de Lizzano jè famose jndr'à totte l'Itaglie e pure cchiù oltre pa produzione de vine de qualitate eccellende , tande da avere ricevute 'nu sbuènne de recanusceminde e premie jndr'à 'nu sacche de rassegne 'mbrà le quale 'u Vinitaly. Jndr'à 'u 1988, se ave avute 'u recanuscemende d'a DOC Lizzano ca corrisponne a le territorie comunale de Lizzano, Faggiano e le isole amministrative de Tarde.

L'industrie vinicole, costituisce 'a maggiore fonde de ricchezze d'u paese. Le aziende vitivinicole sonde cchiù de 'nu migliaie e avene 'na produzione de uve da vine de quase cindemile quindale e de 78 mile ettolitre de vine e quiste permette de essere 'u terze produttore de vine jndr'à Pugghie e 23° jndr'à totte l'Itaglie.

Le vitigne cchiù diffuse sonde: Primitive, Negroamare apparte otre vitigne diffuse jndr'à totte 'a Pugghie. Jndr'à st'urteme anne, pe mezze d'u cooperativisme, diffuse 'mbrà le produtture locale, ha state promosse 'a lavorazione de l'uve cu criterie ca responnene a le moderne tecniche settoriale. Da 'nu sacche de anne Lizzano face parte de l'associazione nazionale Cetate d'u vine e d'a strade d'u vine Primitive de Manduria e Lizzano DOC.

Aqquà sotte avènene reportate le vine d'a D.O.C. Lizzano:

Jndr'à l'urteme anne, Lizzano ste vede 'na crescite d'u turismer assaije forte. Ogne anne, de estate, 'a bellezze d'a marine rechiame migliaie e migliaie de turiste da ogne vanne d'Itaglie e d'Europe. Jndr'à 'u reste de l'anne 'u turisme jè a carattere prevalendemende naturalisteche o culturale.

Le collegaminde stradale prengepàle sonde rappresendate da ():

Le staziune ferroviarie cchiù vecine sonde chidde de: Manduria a 15 km, Vurtàgghie a 17 km, Frangaville Fundane a 21 km e Tarde a 25 km. 

L'Aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole charter.

Le aeropuèrte cchiù vecine sonde:




#Article 47: Mandurie (2870 words)


Mandurie (Manduria jndr'à lènghe tagliàne) éte 'nu comune tagliáne de 31.760 crestiáne d'a Provinge de Tarde, jndr'à Pugghie.

'A cetadine, se iacchie jndr'à 'u Salènde settendrionale, jè lundane uguale da Tarde, Lecce e Brinnese. Da stu fatte iesse 'u muttette cetadine 'U Salènde tène 'nu Core. Manduria jè famose pure cumme Cetate de le Messape e d'u Primitive. 

'U nome Manduria pò essere ca derive da l'indoeuropèe mandus ca signifeche cavaddere (le messape erane abbile allevatore de cavaddere) o assaije cchiù probbabbilmende l'etimologgie d'a parole arrecorde mand-Uria ca signifeche a Oria, cetate confinande cu Manduria e capitale politeche d'a Dodecapoli messapeche, seconde stu filone de penziere Manduria rappresendave 'n'avamboste 'mbrà 'u cendre messapeche e 'a nemiche Tarde.

'A cetate se iacchie sus a le murge tarandine a 79 m s.l.m., ma jndr'à 'u territorie se iacchie pure 'u Monde Bagnolo, a 'u confine cu 'u comune de Sava. 'U territorie se stenne pure sus a 'na fasce costiere longhe 18 km, grazie a certe fraziune. Jndr'à lore passe 'u jume Chidro, 'u cchiù 'mbortande jume d'u Salènde ca apparte a essere 'nu site de 'Mbortanze Comunitarie face parte d'a Riserve Naturale Oriendate d'u Litorale Tarandine Oriendale.

'A cetate de Manduria nasce sus a 'na fertile piane ca se stenne a est 'mbonde a 'a cetadine de Oria e a ovest verse le vasce colline d'u Diaule ca fanne da spartiacque 'mbrà 'u microclime costiere e quidde cchiù condinendale de l'endroterre.

'A temberature medie de l'anne se mandène sus a le 16.5°-16.7°. De 'nvirne capite ca stonne sciurnate de gele notturne specialmende duranne le periode andiciclonece, d'estate capite spesse ca 'a colonnine de mercurie supranesce le 40° C cu picche eccezzionale de 43°-44° quanne accumenzane a terà le vinde settendrionale cavede e secche.

'A piovosità medie jndr'à 'u periode 1961-1990 ha state stimate jndr'à è 610 mm, 'a nevosità 'mbrà le 3 e 4 cm a l'anne.

Funnate da le Messapie, porte angore 'nu sbuènne de testimonianze d'u passate andiche sue, 'mbrà le quale le mure megalitiche, cercunnate da le reste d'u fossate ca cercunnave 'a cetate e 'a necropoli. Affrondò 'nu sacche de uerre cu 'a vecine Tarde, duranne une de le quale acchiò 'a morte Archidamo III, re de Sparta, venute a aiutà le Tarandine e ca invece cadìe sotte a le mure d'a cetate jndr'à 'u 338 n.C. 

Manduria atturne a 'u 260 n.C. trasìe a fa parte de le dominie de Rome assieme a le otre cendre d'u Salènde. Duranne 'a discese de Annibale in Itaglie, Manduria se schierò 'mbrà le cetate ribbelle a Rome e pe stu fatte 'a repressione devendò assaije toste: le fonde storeche dicene d'a deportazione de migliaie de uemmene (Q. Fabius consul oppidum in Sallentinis Manduriam vi cepit. Ibi ad tria milia hominum capta et ceterae praedae aliquantum). 

Destrutte jndr'à le sechele successive da le Saracene, avenìe refunnate jndr'à l'XI sechele cu 'u nome de Casalnuève, occupanne sulamende in parte 'a cetata vecchie de Manduria e spannennese verse occidende, lassanne senza case 'a zone oriendale ggià destinate a l'andiche necropoli.

'A cetadine de Casalnuève in Terra d'Otranto avenìe infeudate a 'a famigghie Hugot (da 'u 1339), a 'a quale onne succedute le De Tremblay (XV sechele) e pò le De Raho, le Montefuscoli, le Dentice, le Castromediano, le Bonifacio, le Borromeo, le Chyurlia e 'mbonde le 'Mberiale de Frangaville, ca 'a tenèrene 'mbonde a quanne spicciò 'u XVIII sechele.

Cu decrete reale d'u 17 novemmre 1789 Ferdinando I de Borbone, Re de le Doje Sicilie, le restituì 'u nome sue andiche de Manduria. 'U 4 febbrare 1895 Umberto I Re d'Itaglie, congedìe a 'u comune de Manduria 'u titele de cetate. 'U stesse anne 'u comune delibberave ca 'na lapide murate sotte a l'arche de Porta Napule arrecurdasse le date memorabbele d'a cetate.

'U cendre storeche de Manduria se sviluppe jndr'à 'na serie de stradine strette e contorte, addò jè assaije facile ca une se perde ce non ge canosce bbuène 'u luèche.

'Mbrà le monuminde prengepàle ca se iacchiane jndr'à st'area stonne 'a chiesere colleggiate romaniche (megghie canusciute cumme chiesere Madre), 'u ghette ebbraiche de epoche medievale, 'a torre d'u rrelogge, palazze da l'aspette gendilizie costruite jndr'à diverse epoche e tratte de l'andiche cerchie murarie messapeche.

Recendemende de le scave onne purtate a 'a luce chiaute, vase e monete d'u periode romane; quiste ave successe pure otre vote viste 'a storie millenarie d'a cetate.

Dette pure Colleggiate, jè 'nu 'mbortande esembie de architetture rinascimendale pugghiese. Dedicate a 'a Ss. Trinità, 'a chiesere resale jndr'à 'mbostaziona soje a 'a prima metà d'u XVI sechele. Jndr'à stessa epoche resale 'a facciate, ca presende 'nun granne rosone romaneche, scolpite jndr'à petre toste jndr'à 'u 1532 da 'u maestre Raimonde da Frangaville. Notevole pure 'a sculture ca rappresende 'a Ss. Trinità jndr'à lunette presende jndr'à 'u fastigge d'u portale. 'U 'nderne, realizzate jndr'à epoche diverse, jè a cinghe navate e presende diverse cappelle laterale. L'abside jè a chianda ottagonale. 'U cambanile, a chiande quadrangolare jè in stile gotiche e resale a 'u XIV sechele ma ave subbite diverse refaceminde e aggiunde jndr'à 'u corse de le sechele.

'A chiesere de Sanda Lucia jè 'na chiesere in stile neoclasseche datate a 'u 1894. Comungue ggià apprime de essere 'nzippate, sus a 'u stesse luèche stave 'n'otra chiesere dedicate a 'a Natività de Marie, de epoche cinghecendesche. 'A facciate presende 'nu portale riccamende decorate cu 'nu fastigge curvilinèe. L'edificie jè pure sormondate da 'na granne cupole cu landerne, fianghecciate da doje cambanile piccinne.

'U 'nderne jè a chiande cendrale e presende cinghe altare: quidde maggiore dedicate a 'u Patrocinie de Marije Vergine, 'u seconde a Sanda Lucia, 'u terze a San Trifone, 'u quarte a San Frangische de Paola e infine 'u quinde a le Anime d'u Priatorie.

'A chiesere de San Benedette resale a 'u XVI sechele e ha state costituite da 'na facciate divise jndr'à doje piane: jndr'à 'u piane inferiore avime 'nu portale cu fastigge curvilinèe, jndr'à vanna superiore invece acchiame 'nu finestrone cu doje nicchie a le late sue, jndr'à le quale stonne le statue de San Giuanne e San Benedette. 'U timbane spicce cu 'na statue d'a 'Mmaculate e a le late cu le statue de Sanda Fara e Sanda Scolastiche.

Jndr'à chiesere jè custodite 'u cuèrpe de San Florenzo Martire, purtate a Manduria jndr'à 'u Uettecinde.

'A chiesere d'a 'Mmaculate avenìe 'nzippate probbabbilmende jndr'à 'u Seicinde a sostituzione d'a cappelle d'a Madonne de le Grazie ca stave apprime. 'A chiesere jè in stile barocche e fore presende 'nu portale cu 'nu fastigge cu 'a statue d'a 'Mmaculate.

Inderessante jè pò 'u 'nderne cu 'n'altare barocche riccmende decorate, abbellite da otre tre altare laterale.

Jè 'nu monumende realizzate jndr'à seconda metà d'u XIX sechele da 'u laico professo Gesèppe Renato Greco. Se tratte d'a rappresendazione de certe scene d'a Passione de Criste, realizzate cu 'nu numere granne de conghiglie e cocce de ceramiche de tipe diverse e culore.

Sus a le rudere d'u castelle medievale avenìe congepite 'na residenza nove pringipesche da don Michele II Imperiali, feudatarie de Casalnuève jndr'à 'u 1717, accussì cumme repurtate da l'iscrizione sus a 'u portale de accesse a l'appartamende a 'u piane nobbile («Michael lmperialis A.D. MDCCXVII») e costruite partenne da 'u 1719, cumme elemende fondamendale de 'n'imbortande piane de rinnovamende urbanisteche d'a cetate, perseguite tramite 'a ccreazione de asse nuève prospettice revolte verse l'esterne d'a cinda murarie andiche. 'U palazze jè congepite seconne 'u shceme classeche d'a dimore urbane, a chiande quadrate e isolate sus a quattre late: pu stile severe e austere resultane evidende le caratteristeche de aunicità jndr'à 'u panorame d'u tarde barocche salendine, da 'u quale se sposte decisamende.

Inderessande parene, invece, le analoggie cu esembie tardemanieristece romane a cavadde 'mbrà 'u XVII e XVIII sechele. L'uneche congessione a 'u guste rococò d'u tiembe jè rappresendate da 'a balconata longhe in ferre fatiate a pette d'oca.

Da 'umaestose portale finagheggiate da doje culonne de ordine toscane, se trase jndr'à l'androne cuperte e, condinuanne, a l'atrie 'nderne. De rilieve jè 'a monumendale scalinate a doppia rambe aprte sus a l'atrie, seconne 'na tipologgie ca a l'epoche avìe granne diffusine soprattutte a Napule. L'autore dìu proggette jè angore osce a die scanusciute e, vè ricercate cu ogne probbabbilità jndr'à cerchie de le architette romane ca fatiarene pu cardinale Gesèppe Renato Imperiali. Jè accertate, invece, 'u ruole de direttore de le fatìe de Mauro Manieri, archiette leccese, a l'epoche 'mbegnate jndr'à une de le sue prime ingareche de rilieve.

Apprisse 'a morte de Michele III l'erede sue, omonime, MIchele IV, rumanìe soprattutte a Napule addò murìe jndr'à 'u 1782 senze lassà discendenze. L'edificie, none spicciate jndr'à l'ale sud-est e probbabbilmende maje ausate da 'a famigghie de le feudatarie, passò pe alcune anne a 'u Regio Fisco, pò avenìe accattatte 'n'otra vote da Don Vicinze Imperiali d'u rame de le marchese de Latiano e pringipe nuève de Frangaville in burgensatico, da chiste passò a 'u figghie Federico ca jndr'à 'u 1827 'u davìe a Don Vicinze Filotico, possidende manduriano.

A le Filotico se onne dà certe intervende, cumme 'a costruzione de 'nu loggiate larie assaije sus a une de le facciate de l'atrie inderne, apparte l'arrede e le decoraziune inderne. L'edificie jè angore osce a die residenze d'a famigghie Filotico, a eccezione de certe locale a 'u piane terre ca, passate de probbietà pe 'na divisione 'mbrà erede jndr'à 'u dopeuerre, resultane destinate a attività commerciale.

Pò, so presende pure bunker costruite duranne 'a seconda uerre mundiale da le surdate tagliàne e tedesche pe avvistà evenduale sbarche nemice.

Jndr'à l'area a nord-est d'a cetate ('nguèdde 'a chiesere de Sand'Andonie) se iacchie 'u Parche archeologgeche de le Mura messapiche, frutte de scave ca onne purtate a 'a luce 'a cchiù granne necropoli messapiche maije scuperte (cchiù o mene 2.500 chiaute), 'nzieme a tratte larie de le ttre cerchie murarie (costruite cu blocche granne de petre incastrate 'mbrà de lore) ca fortificavane 'a cetate in periode messapiche, 'u Fonde Pliniane e 'a chiesere de San Pitre Mandurino.

Jndr'à l'area archeologgeche, immediatamende a sud d'u convende de Sand'Andonie, nasce 'u Fonde Pliniane. Resale quase certamende a l'epoche messapiche e se iacchie jndr'à le presse de l'andiche javetate (messapiche pure jidde), vecine a le mure; pigghie 'u nome da Plinie 'u Vecchie, ca descrevìe 'u fonde jndr'à soje Historia Naturalis. 

Jè 'na caverna naturale granne de 18 metre de diametre e 8 metre d'altezze, accessibbele da 'na scale a doje rambe, cu 20 gradine, scavate andicamende jndr'à rocce. Jndr'à volte se iapre 'nu lucernarie quadrate, parzialmende costituite da granne blocche ausate jndr'à 'u periode messapiche; 'u punde da 'u quale filtre 'a luce presende 'nu mure circolare de accurate fatture (refacimende successive de epoche 'mbrecisate). 'U fatte cchiù sorprendende, però, jè ca probbie jndr'à quidde punde mette radice 'nu amenele.  

A l'inderne d'a grotte stè 'na vasche, cinde pure jedde da 'nu mure tunne, addò angore osce a die passe l'acque ca avène da 'u fonde, da 'a stessa sorgende sotterranèe ca Plinie descrevìe cu assaije stupore: l'acque, infatte, mandène sembre costante 'u levèlle sue, pure quanne avenève andicamende ausate pe ogne ause da le manduriane. Quiste succede purcé 'u paviemdne d'a caverne se iacchie a 'u levèlle d'a falde e, allore l'acque filtre attraverse 'a rocce e mandène 'u levèlle inalterate.

'U fonde pliniane avenìe ausate da le Messape cumme 'nu luèche de culte, dedicate probbabbilmende a 'na divinità de le acque.

Arèe Naturale Protette (individuate 'u 1997), combrende  macchie mediterranèe. Le vosche Cuturi e Rosamarine sonde distese de querce miste a pine e a macchie mediterranèe de mirte, mortelle, lanterno, pero amenneline (calaprico, pirascinu), corbezzole. 'Mbrà le chiande e le frutte ca se mangiane de prate e de macchie avime: le corbezzole, le mirte, le prugnole, le sorbe, 'u ginepre ecc.

'Mbrà le erbe aromateche: 'u finocchie selvateche, 'a mende, 'u time, 'u rosmarine, 'a salvie, l'origane.

Le animale ca esistene - pure ca stonne le grave alteraziune ambiendale provocate da l'uemmene - sonde: 'u rizze, 'u ruspe, 'u cunigghie, 'a volpe, 'a marajòttole, 'a lescertele, 'u ramarre, l'orbettine, 'a donnole, 'u sciorge cambagnole, 'a mosche olearie.

'Mbrà l'acidde acchiame: l'allodole, 'u torde, 'u falche, 'u varvagiuanne, 'a civette, l'anatre.

Le anemale domestiche sonde d'a razze de l'ovine, caprine, bovine, suine, equine.

Arèe Naturale Protette (individuate jndr'à 'u 1997), combrende 'na zone umide rrete le dune jndr'à fasce costiere ca stè 'mbrà le comune de Manduria, Avetrana e Puèrte Cesarèe (LE).

Arèe Naturale Protette (individuate jndr'à 'u 1997), combrende 'a zone costiere cu saline artificiale.

Località marine nate atturne a l'omonime torre de avvistamende. 'A zone costiere cu dune e saline artificiale ha state individuate da 'u 1997 cumme Arèe naturale protette.

'U dialette manduriane jè 'na variande d'u salendine parlate sulamende jndr'à 'u territorie d'u comune de Manduria. Jè assaije 'nfluenzate da 'u dialette brinnesine, ma ave pure certe assomigghianze cu 'u dialette leccese.

'U dialette locale non ge s'assemegghie a quidde d'u capeluèche de provinge, Tarde.

Lu sinnucu ti Caracacciu scìu a Lecci cu catta l'acciu e lu sinnucu ti Lecci tissi a lu sinnucu ti Caracacciu:No 'nci nn'eti acciu a Caracacciu cu bieni a Lecci cu ccatti l'acciu?.

Trad.: 'U sinnache de Caracacce (paese 'nvendate) scìe a Lecce pe accattà l'acce e 'u sinnache de Lecce decìe a 'u sinnache de Caracacce: Non ge stè acce a Caracacce date ca tu è venute aqquà a Lecce a accattarle?.

'A Fiere Pessima (edizione de osce a die n° ) jè 'na fiere cambionarie de carattere reggionale ca se face jndr'à cetate jndr'à 'u mese de marze. Da 'u 1742, anne d'a reggia istituzione, ave pigghiate cu 'u tiembe sembre cchiù 'mbortanze, tande da essere devendate 'n'evende ca coinvolge l'Itaglie cendre-meridionale indere e, de farle conzidderà 'a seconda fiere de maggiore 'mbortanze apprisse 'a Fiere d'u Levante. Tratte d'a produzione agroalimendare, de artiggianate, de commerce, de tiembe libbere e de servizie e, jndr'à 'u corse de le anne ave pigghiate 'u carattere de fiere cambionarie generale reggionale, putenne cundà sus 'a presenze de cchiù de 300 espositore ca avènene da tutte le reggione de l'Itaglie cendre-meridionale.

Le fraziune prengepàle d'u comune de Manduria sonde Uggiano Mondefusche, Cambe de le Messape, San Pitre in Bevagna, Specchiarica e Torre Colimena.

Chiste sonde assaije differende 'mbrà de lore purcé mendre ca Uggiano Mondefusche jè 'na località de residenze, San Pitre in Bevagna e Torre Colimena sonde località balneare, 'mbortande pe l'economije d'u comune.

L'economije de Mandurie se base soprattutte sus a l'agricolture e in particolare sus 'a produzione d'u vine DOC Primitive e de l'uegghie DOP. 'U Primitive, prodotte sulamende jndr'à sta zone, famosissime jndr'à totte l'Itaglie, avène pure esportate in Californie, ca, pu clime simile, produce d'u vine cu caratteristeche assaije vecine.

Otre settore 'mbortande jè 'u turisme estive jndr'à le fraziune d'a coste manduriane (Torre Colimena e San Pitre in Bevagna).

Le collegaminde stradale prengepàle sonde rappresendate da:

'A cetate ave 'na stazione ferroviarie ca se iacchie sus 'a linèe Martina Franghe - Lecce de le Ferrovie d'u Sud Est cu collegaminde verse tutte le località servite da 'a linèe joneche e salendine.

'A cetate 'mbonde a picche anne apprisse 'a econda uerre mundiale tenève 'nu vere e probbie aeropuèrte militare, ausate jndr'à l'anne ca avenèrene sulamende da le militare pe esercitaziune de diverse tipe. Jndr'à 'u 2011 'u State Tagliàne ave scacchiate st'area cumme prengepàle pe allestì 'na tendopoli da destinà a Cendre de Prime Accoglienze e Smistamende pe le profughe Libbece e Tunisine, sbarcate a Lampedusa, pò trasferite appunde a Manduria.

Affianche a 'a zone demaniale jè presende da 'u 1984 l'aviosuperficie de Manduria nnomenate Aerotre, scale avioturisteche, Aero Club federate e scole de vole.

Le aeropuèrte civile cchiù vecine sonde:

'A Sogin garandisce 'nu servizie de trasporte pubbleche urbane jndr'à cetate pe tutte le quartire. Pò garandisce 'u collegamende d'a cetate cu otre cetate de 'mbortanze, cumme 'a capitale Rome, ma pure cu Torino e Firenze.

'A locale squadre de ballone jè 'a A.S.D. Manduria Sport. Retrocesse da 'u cambionate de Serie D d'u 2006-2007 pe mutive extra-sportivi a 'u cambionate reggionale de I categorije, avène promosse l'anne successive in promozione reggionale. L'U.G. Manduria Sport, ave anzianità de affiliazione ca resale a 'u 1 luglie 1963 cu numere de matricole 100. 'A squadre disputò 'u cambionate de Serire C1 'nzieme a 'u Casarano e 'u Brinnese, sciucò condre pure a squadre de Serie A, cumme Fiorendine, Siena e 'u Cagliari. Jndr'à staggione 2010/2011 ave sciucate jndr'à l'Eccellenza, ma s'ave classificate urtema e ave retrocesse cu quattre sciurnate in anticipe. Jndr'à staggione 2011/2012 ste partecipe a 'u cambionate de Promozione.

Sonde presende pure tre suggetate de pallacanestre, 'a Società Vis Nova Messapica Basket Manduria, ca ste scioche cu 'a prima squadre jndr'à 'u cambionate de Serie D maschile e l'ASD Real Basket Manduria, 'na suggettate de recende costituzione ca ste scioche jndr'à 'u cambionate reggionale de Prima Divisione e spicciane ste l'A.S.D. Atletico Manduria

'U stadie Nino Dimitri ha state inaugurate 'u 10 sciugne 2001 e inditolate a 'a memorie de l'ex presidente Dimitri. 'U stadie pò ospità 1.000 spettature e jè strutturate in: Tribbune cendrale ovest, Tribbune laterale, Gradinate scuperte, Parterre, Gradinate est, Tribbune stambe. 'U 'mbiande avène ausate da 'a suggettate U.G. Manduria Sport.




#Article 48: Martina Franghe (2746 words)


Martina Franghe o Martina (in tagliàne Martina Franca o Martina, in dialette martinese Martënë) éte 'nu comune tagliáne de 49.760  crestiáne da Provinge de Tarde, jndr'à Pugghie. Assaije famose pu festivàl musecale d'a Valle d'Itria, nasce sus a le propaggine meridionale d'a Murge, a 'u confine 'mbrà le provinge de Tarde, Brinnese e Bari.

Mise sus a le colline sud oriendale d'a Murge, jndr'à 'na posizione ca offre splendide vedute sus a Valle d'Itria, se iacchie a n'altitudine de 431 mt s.l.m. e copre 'na superficie de 295 km2, resultanne a 'u 39° poste pe ordine de estenzione 'mbrà le comune tagliàne.

'A faune jè caratterizzate da 'a presenze de cunigghie, volpe, rizze, pettirusse, falche e 'nu sbuènne de rapace notturne (civette, gufe, assiole e barbagiuanne), a parte a 'n'otra comunitate 'mbortande de pipistrelle ('mbrà le quale, a parte le specie cchiù comune, pure 'u Rhinolophus hipposideros, 'u Rhinolophus ferrumequinum e 'u Rhinolophus mehelyi famose pa caratteristeche capacitate de Ecolocalizzazione), chiste mammifere delicate e piccinne ca iacchiane refugge jndr'à le numerose grotte d'u monde, se revèlane ingredibbilmende utile purcé eliminescene le 'nzette nocive pe l'agricolture e, condribbuiscene a mandenè integre 'u fragile ecosisteme naturale a parte ca sonde indice de 'n'habitat incontaminate e ricche de acque.

'A flore se combone de tratte de vosche e de macchie mediterranèe addò cresce spondaneamende 'u funghe cardongelle, alternate a olivete e vignete 'mbrà le quale 'u Verdeca, 'u Vianghe d'Alessano e 'u Primitive Tarandine.

Jndr'à l'agre atturne sonde presende 'nu sbuènne de grotte. Jndr'à frazione de Monde Fellone de notevole rilevanze archeologgeche resultane 'a Grotte Cuoco e 'a Grotte Monde Fellone.

'U termine Martina derive da 'a devozione de le javetande ggià da 'u Mille a San Martine de Tour, infatte 'u primitive 'nzediamende d'a cetate nascìe sus a 'u monde ditte appunde San Martine, invece l'aggettive Franghe avenìe aggiunde da Filippo I d'Angiò jndr'à 'u 1310 quanne recanuscìe a 'a cetate 'nu sacche de privilegge, cioè franghigge e 'a demanialitate perpetue. Allore jndr'à 'u 1310 'a cetate avenìe chiamate Franghe Martina, pò jndr'à 'u corse de le sechele, perdenne 'a demanialitate perpetue, scumbarìe l'aggettive Franghe. Sulamende apprisse l'Aunità d'Itaglie, jndr'à 'u 1871, 'a cetate avenìe battezzate arrete Martina Franghe.

'U simbole d'a cetate avenìe ideate da Filippo I d'Angiò jndr'à 'u Trecinde quanne recanuscìe istituzionalmende 'a cetate de Martina Franghe. 'U stemme raffiguresce 'nu cavadde vianghe senza briglie ca trotterellesce libberamende in quande simbole d'a demanialitate perpetue recanusciute da 'u Pringipe. Pò, sus a 'u sfunne azzurre, cambeggiane ttre giglie frangise ca arrecordane l'origgene frangese d'a cetate e 'a corone turrificate simbole d'a costituzione ufficiale d'a cetate. Jndr'à vanna vasce 'u stemme avène avvolte da doje ramoscelle de le chiande tipeche d'a zone: 'n'ulive e 'nu fragne.

Une de le cchiù andiche 'nzediaminde umane se iacchie vecine a Monde Fellone. Le retrovaminde ('mbrà le quale frammende de cerameche 'mbresse, ingise e graffite)) d'a grotte Monte Fellone, oggette de scave archeologgece jndr'à l'anne sessande testimoniescene 'a presenze umane da 'u neoliteche a 'u IV sechele d.C.. Jndr'à 'u case de Monde Fellone, l'allevamende de cavaddere resale ggià a 'u medie neoliteche, fenomene assaije rare pu Sud Itaglie e uneche jndr'à Pugghie.. 'Nu sacche sone le specchie, 'a cchiù famose jè 'a Specchie Tarandine, in corrispondenze d'u confine 'mbrà le territorie messape e tarandine, cu funzione difensive, de condrolle d'u territorie e de segnamende territoriale.

Jndr'à 'u Ierte medioeve 'u territorie ha state sotte 'a 'nfluenze de le Longobbarde ca se alternavene a l'autorità d'u 'Mbere Romane d'Oriende e jndr'à 'u X sechele luèche de difese  condre a l'invasione de le Saracene. Le reste de certe mure a secche granne ditte paretone ponne essere riferibbele a 'a presenze d'u Limitone de le grece a sud ovest.

Jndr'à l'XI sechele 'nu gruppe de ebbrèe fusciute da Oria e 'mbrà le picche superstite d'a granne comunitate ebbraiche de Oria se aggreghe a 'u 'nzediamende nate atturne a 'u casale San Salvatore jndr'à Lama d'u Fullonese..

Le origgene de Martina Franghe, cumme borghe, resalene a 'u X sechele, quanne sus a 'u Monde de San Martine nascìe 'nu villagge piccinne de profughe tarandine, fusciute da le condinue devastaziune de le Saracene e a le quale se agigungìe successivamende 'na comunitate de pastore.

Jndr'à 'u XIII sechele infatte 'u monde trase jndr'à le probbietà de Glicerio de Persona signore de le Terre de Ceglie d'u Gualdo, de Motele, de Soleto e d'u Casale de San Pitre in Galatina.

Pigghiò le parte de Corrado IV d'u Sacre Romane 'Mbere figghie de Federico II d'u Sacre Romane 'Mbere e Re de Sicilia condre a l'angioine. Cadute pure Manfredi de Sicilia, l'urteme de le Sveve, Carlo I d'Angiò ordenesce 'a catture de Glicerio, da jidde condannate pe fellonie, ca s'avere date a 'a latitanze jndr'à le cambagne de Tarde addò avenìe catturate, purtate in carcere jndr'à 'u castelle de Brinnese ('nzieme a le figghie Gervasio, Giuanne e Parello) e subbìe 'nfine 'u patibbole. 

Atturne a 'u 1300 Martina Franghe avenìe elette comune sus a ordine d'u Pringipate de Filippo I d'Angiò, ma seconne certe documinde storece, jè possibbele ipotizzà ca Martina Franghe avere state, apprime de quedda date, 'na residenze de quacche nobbile. Jè secure però ca Filippo I congedìe Martina a Pitre d'u Tocco pe recombensarle de le servigge da jidde fatte. 'U territorie jndr'à quedde epoche consisteve jndr'à 'nu castelle ca s'acchiave storecamende jndr'à zone ca osce a die se chiame Montedore, e da doje migghie de terrene atturne a 'u castelle, luate da 'u territorie de Tarde, da l'Università de Monopoli e da l'Università de Ostuni pu 'nzediamende rurale de contadine e Messeri (in martenese ù masser, ca signifeche padrone de podere e terrene larie).

Pare ca Filippo d'Angiò avere congesse pure de le deritte e de le franghigge a ce s'avere sciute a 'nzedià a Martina e, pe stu fatte avenìe chiamate Franghe. 'U nome d'a cetate jè dedicate a 'u Sande patrone San Martine, festeggiate l'11 novemmre e 'a prime dumeneche de luglie. 'A tradizione vole ca 'u Sande ha sciute a dà 'na màne a le martenise cchiù de n'na vote, proteggennele jndr'à diverse occasiune da le invasiune barbareche e da l'assalte d'u nemiche.

'Mbrà 'u 1770 e 'u 1776 Sand'Alfonso d'a famigghie De Liguori] tendò cchiù vote de costruì 'na missione jndr'à 'u territorie de Martina Franghe e screvìe in morale

Martina Franghe jè divise jndr'à tre zone ben definite. 'A prime jè 'u classeche cendre storeche, 'a seconde jè l'espanzione cetadine fore de le mure (jndr'à 'u 1900) ca allarie l'urbanisteca storeche d'a cetate e, 'a terze jè 'a zona nove cu palazzine ierte cchiù de 3 piane de tipe condominiale.

L'urbanisteche d'u cendre storeche martenese se caratterizzesce pe abitaziune sviluppate in sienze verticale: le locale a 'u piane terre e, certe vote mmienze sotte terre, erane ausate pe puteje. A 'u prime piane, invece, se iachcie 'a zone sciurne, cu cucine e sale da pranze. Normalmende ere presende pure 'nu camine, ca servive pe doje cose: servive pe cucenà le piatte e avenève ausate pure pe scarfà sie pu prime piane, sie, grazie a 'a canne fumarie, le piane superiore. Jndr'à stu piane jè facile acchià 'n'imbocche d'u puzze, ca a differenze d'a canne fumarie ave 'nu camine ca arrive 'nzignesotte 'a case, jndr'à 'u luèche addò se iacchie 'a cisterne d'acque, soprattute de origgene piovane. 'U puzze avenève sfruttate pure cumme 'nu rudimendale frigorifere, purcé garandive freschezze da 'a petre calcarèe d'u sottosuole martenese. Le alimende avenèvane stipate jndr'à 'nu secchie de rame e de firre a funne piccinne e vocca larie ('nu mmienze cone revutate) e fatte puggià a pele d'acque jndr'à 'u puzze.

'U seconde piane jè 'a zone notte. Aqquà ste 'a stanze, o le stanze, pe durmè, generalmende cu 'nu valcone, o 'na finestre, ca comunichesce cu 'u tette d'a case.

'U tette avène sfruttate jndr'à diverse mode. Generalmende jè 'nu spazie utile pe stennè le robbe, o pure pe 'mbandì tavulate (certe case onne 'u tette comunicande e a 'u stesse levèlle d'a case vecine, assaije vote senze 'nu ,ure separatore). D'a staggione le tette se trasformescene jndr'à vere e probbie essiccature naturale: le vicchiaridde fanne essiccà fiche, noce, fafe e oltre alimende, o spurgane 'a lane e le matarazze. 'A particolaritate de le case pugghiese, a differenze d'u reste d'a penisole tagliàne, stè jndr'à 'u fatte ca le tette sonde in stile greche, ca significhe piatte e none spiovende. Quiste purcé 'u clime pugghiese jè assaije mite, fresche, senze particolare precipitaziune (jè rare vedè 'a neve ierte, cumme jè invece accadute jndr'à 'u 1985).

Le picchie spiovenze servene pe 'nganalà l'acque jndr'à le cisterne calcaree mise jndr'à 'u sottosuole (chiamate comunende 'a Martina   ù pozz'  ) ca erane 'na fonde de acque utile, viste 'a scarsità de quest'urtema jndr'à reggione.

Caratteristeche 'mbortande d'u cendre storeche sonde le vie strette e chiene de spigole, vicole cecate e le strade scunnute: 'nu vere e probbie labbirinde umane. Stu assette andicamende presendave 'nu doppie vandagge: ce stave 'n'invasione nemiche, infatte, ere 'nu mezze pe guadagnà tiembe duranne 'na fusciute, e pe tendere 'mboscate a le nemice sfruttanne vicole cecate e vie scunnute o picche visibbele.

Le vie de Martina presendane 'na particolare depressione a 'u cendre d'a strade, a differenze de le otre strade moderne ca onne invece 'u mande stradale a schiene de ciucce: quanne chiove, l'acque piovane scorre a 'u cendre d'a strade lassanne assutte le late, senze arrevà a le candine ca se iacchiane jndr'à 'u sottosuole.

Da 'u punde de viste architettoneche 'u cendre storeche jè soprattutte in stile barocche e rococò, ca se vede assaije jndr'à le chiesere (pe esembie 'a ggià Colleggiate, ore Basiliche, de San Martine).

'A pavimendazione de osce a die ha state fatte jndr'à l'anne Ottande d'u XX sechele, ma 'nu tiembe 'a differenze d'u basolate de le stradine indicave 'a loggisteche d'u cendre storeche. Infatte le strade prengepàle ca purtavane a le porte andiche, cioé fore da 'u cendre storeche, erane fatte cu petra lavica gnore, invece chidde labbirindeche ca purtavane verse 'u 'nderne erane fatte cu petre vianghe. Jndr'à certe stuèzze de le stradine se 'ndruche angore sta differenza cromateche.

'Nzigne a l'Aunità d'Itaglie 'u cendre storeche de Martina Franghe ere achiuse da 'na cinda murarie, da 12 torre quadrate, da 12 torre tunne e da 4 porte de ingresse. Cu 'u passare de le sechele ste strutture difensive onne cangiate l'aspette lore perdenne 'a lore funzionalitate. 'Nfatte assaije torre onne state scettate 'nderre pe garandìe l'accesse a 'u cendre storeche o onne state trasformate jndr'à abitaziune civile. Osce a die le porte onne perdute 'a funziona lore de accesse esclusive jndr'à cetate devendanne arche sobbrie e elegande. De le porte andiche se stipane sulamende le anidde lapidei superiore ca servivane pe condenè le cardine de le purtone massicce. 'U nome de le porte dependeve da le chiesere ca stavene vecine jndre o fore da lore.

'Nzippate jndr'à seconda metà d'u Settecinde, sus a 'n'iniziative de l'ariprevete Isidore Chirulli, sus a 'u luèche addò nasceve 'a precedende colleggiate romaneche, jè 'a perle d'u barocche martenese.
Se caratterizzesce pa meravigliose e maestose facciate, sus 'a quale spicche cendralmende l'immaggine d'u Patrone ca divide 'u mandelle cu 'nu mendicante ad Amiens. Jndr'à 'u 'nderne spicche 'u stupende altare maggiore in marme d'u 1773 de scole napoletane e l'ambie cappellone d'u Sandissime Sacramende.

Ospitesce le reliquie de Sanda Comàsie, ca 'a tradizione vole martire 'mbrà 'u II e 'u IV sechele.

Jndr'à 'u corse de le sechele 'a storie releggiose de Martina s'ha popolate de tanda confraternite ca tenèvene l'obbiettive de scè 'ngondre a le esiggenze de le diverse iscritte tenenne cunde de le cete sociale de appartenenze. Assaije se 'n'onne sciute a 'u spume cu 'u passare d'u tiembe ma asaije otre onne riuscite a resistere jndr'à le sechele adeguannese de vote in vote a le esiggenze d'a fede e a 'u cangiamende de le costume.

Osce a die sonde attive uette confraternite releggiose e doje laicale. Mò le elengame totte, specificanne 'u nome e'u luèche de collocazione e 'a date de costituzione.

Apparte a le confraternite releggiose stonne pure doje solalizie laice nate in seguite e le mote mazziniane d'a prima metà d'u Uettecinde; se tratte d'a Suggetate Operaie e d'a Suggettate Artiggiane.

Da 'a seconda metà d'u Seicinde, succede ca l'elemende rinascimendale se 'ngrocie cu 'u Barocche d'ispirazione leccese e 'a 'mbronde architettoneche locale. Ere 'a residenze de le Caracciolo e osce a die jè sede d'u Municipie. Assaije 'mbortande sonde jndre le stanze de l'Arcadia, d'u Mite e d'a Bibbie, da le cicle de affresche ca jndre stonne ospitate.

Aqquà sotte putite leggere le palazze signorile cchiù 'mbortande da 'nu punde de viste storeche e artisteche de Martina, cu 'a indicazione d'a vie addò se iacchiane. Ogne palazze jè repurtate cu 'a denominazione storeche origgenarie, cioè d'a famigghie ca l'ave fatte costruì e a seguì 'u nome de le famigghie ca jndr'à 'u corse de le sechele onne subbendrate pe raggione de eredità e de accattamende de l'immobbile.

'A Valle d'Itria jè 'na ricchezze artisteche e naturale pu territorie de Martina Franghe e jè pe quiste pure ca jè 'a meta prengepàle de le turiste. Da arrecurdà sonde le caratteristece murette a secche, le trulle (in martenese casedde), costruite duranne le periode de civilizzazzione contadine fore da 'a zone urbane, a differenze de quande succede a Alberobbelle, addò le trulle se iacchiane a 'u 'nderne d'u paese.

Jndr'à l'urteme vendennie 'mbrà 'u vendesime e 'u vendunesime sechele l'abbusivisme edilizie ave scangellate 'nu sacche de peculiaritate d'u territorie (cumme le numerose mulattiere) e ave condrebbuite a ìa combromissione d'a flore e d'a fauna locale.

Seconne le date ISTAT a 'u 1 decemmre 2010 'a popolazzione furastiere residente ere de 1.161 crestiane. Le nazionalitate maggiormende rappresendate in base a 'a lore precenduale sus a 'u totale d'a popolazzione residende erane:

 584 1,17%

Pure ca Martina apparteneve a l'andiche Terra d'Otranto, 'u dialette martenese jè assaije 'mbarendate a le dialette d'u gruppe barese e se caratterizze, respette a le cendre 'nzeccate de Locorotondo e Cisternino, pa chiusure de le i intervocaliche (es. Martënë devende Martinë jndr'à 'u dialette curdunnese (de Locorotondo) e cistranese (de Cisternino)). 'U dialette tarandine avène parlate soprattutte da le crestiane ca onne emigrate jndr'à l'anne da Tarde.

 

Le collegaminde stradale prengepàle sonde rappresendate da ():

'A stazione de Martina Franghe, gestite da le Ferrovie d'u Sud Est, se iacchie sus a linèe Bari – Tarde, e jè capolinèe d'a linèe pe Lecce.

Le autobus de le Ferrovie d'u Sud Est garandiscene 'u collegamende 'mbrà Martina e le cetate d'u combrensorie.

Le autobus d'a combagnie Viaggi e Turisme Marozzi garandiscene 'u collegamende pe Rome e otre cetate d'u cendre Itaglie ogne sciurne.

Le autobus d'a combagnie Marino garandiscene 'u collegamende pe Melane ogne sciurne.

L'Aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole charter.

Le aeropuèrte cchiù vecine sonde:

Commissarie prefettizie: (masce 2011)

'A suggettatede ballone jè l'ASD Martina, ca scioche jndr'à 'u cambionate nazionale de Serie D. Apprisse ca avere fallite, 'a suggettate de ballone ste prove a chiane chiane 'u massime splendore vingenne cambionate da 'a Promozione Pugghiese. Duranne 'u cambioante 2001/2002 de Serie C perdìe 'a possibilità de 'nghianà in Serie B cu 'n'errore sus a rigore de l'attaccande Giuacchine Prisciandaro.

'A suggettate cchiù rappresendative de ballone a 5 jè 'a LC Five Martina Franghe, ca scioche jndr'à 'u cambionate de Serie B Nazionale. Sciocane jndr'à 'u cambionate de Serie C1 l'A.S. Calcio a 5 Martina. Scioche jndr'à 'u cambionate de C2 L'Oriental Five. A levèlle femminile partecipane a 'u cambioante reggionale 3 squadre: Martina Calcio a 5 Femminile, Stone Five Martina e Freestyle Martina.

'A suggettate de pallacanestre jè 'a Fortitudo Basket Martina Franca ca scioche jndr'à 'u cambionate de Serie B Dilettande girone D

'A suggettate de pallavvole maschile de Tarde 'a Prisma Volley, cu 'u nome de Stamplast Martina Franca, ave sciucate jndr'à Serie A1 jndr'à staggione 2008/2009 sciucanne le partite inderne jndr'à 'u palazzette locale PalaWoytila.

'A cetate tène pure 'na squadre de pallavvole maschile ca scioche jndr'à serie B2: 'a Pallavolo Martina.

A Martina Franghe stè pure 'na sede de 'na suggettate d'arrambicate sportive: Moving Club - Le Tarantole delle Murge, ca tène in organiche 'nu sacche de atlete 'mbortande.

L'A.S.D: Moto Club Martina Franghe opere da 'u 1977 e tène 'mbrà le probbie tesserate atlete cambiune tagliàne de motociclisme jndr'à le specialità Enduro, Motorally, Velocità e Motocross ()




#Article 49: Marugge (5402 words)


Marugge (in tagliàne Maruggio, Marubium in latino, Maruggiu in maruggese) éte 'nu comune tagliáne de 5.488 crestiáne d'a Provinge de Tarde, jndr'à Pugghie.

'U cendre javetate se iacchie jndr'à 'n'avvallamende natutale a 26 m s.l.m. a cchiù o mene 2 km da 'u gurfe de Tarde, a le pide de le Murge tarandine, jndr'à 'u Salènde nord-occidendale.

Marugge face pure parte de l'Aunione de de Comune Terre d'u Mare e d'u Sole, fatte jndr'à 'u 2001.

'U territorie d'u comune se stenne jndr'à penisole salendine nord-occidendale pe 48,33 km² e jè quase tutte pianeggiande, cu quacche leggere ondulazione, le Murge tarandine, ca raggiungene l'altitudine massime de 101 metre.

Otre colle de le Murge tarandine jndr'à 'u territorie maruggese sonde 'u monde Furlano (90 m s.l.m.), ca se iacchie jndr'à vanna nord d'u paese, a 'u confine cu le comune de Manduria e Sava, e 'u monde Specchiuddo (72 m s.l.m. ca avène chiamate accussì pa presenze de 'na specchie sus 'a cima soje). Chiste vasce rilieve pruteggene 'u paese da le vinde fridde de ramundane ca soffiane duranne 'u 'nvirne, facenne rumanè 'u clime cchiù mite rispette a otre zone.

Mangane corse d'acque, a eccezzione de 'nu torrende piccinne, chiamate canale d'u Curso, jndr'à contrade Castigno, a ovest d'u paese, alimendate da risorgive a levèlle d'u suole.

'A coste, vagnate da 'u mar Ionio, jè quase totta sabbiose, cu tratte rocciose jndr'à vanna oriendale, accumenzanne da 'a periferie de Cambemarine de Marugge 'nzigne a 'a località Monaco Mirante, e jndr'à le località de Capoccia Sciorcialupi e Acquadoce Cirenaica, jndr'à zone occidendale: vecine a ste urteme località pò se iacchie 'a scogliere de Monde de l'Ove, ierte 15 m.

Sus a coste a est de Cambemarine se iacchiane de le dune ca arrivene 'mbonde a 12 m de iertezze e sonde site de inderesse comunitarie.

'A costiere d'u territorie comunale se stenne pe 9,2 km.

'U territorie d'u comune de Marugge jè quase tutte arsiche, invece lunghe 'a coste acchiame 'u curdone dunale medie-oloceniche e quidde greche-romane.

A 'u 'nderne, a nord d'u paese, jè presende 'na gravina piccenne dette Canale Cupo: se tratte de 'nu canale naturale ca jè sembre senze acque ca, anghiennese quanne chiove forte forte, devende cause prengepàle de allagaminde.

'A vegetazione cchiù diffuse jè 'a macchie mediterranèe, soprattutte lunghe le zone costiere. Jndr'à le zone 'nderne ste iacchiane assaije olivete e vignete. Sonde pure presende le boschette de pine e ulive selvateche sparse 'mbrà le cambagne (cumme jndr'à le zone de Maviglia, de Pindini e de Sferracavaddere).

'A faune ca se iacchie non ge presende particolaretate: putime 'ngundrà 'u scarabbèe stercorarie, 'a farfalle bellarghe, 'u biacche, 'u ruspe smeraldine, 'a vipere comune (osce a die quase del tutte estinde) e 'u gaggiane longhe 'a coste.

'U clime d'u comune de Marugge jè de tipe mediterranèe. Presende 'nvirne abbastanza mite e umide, purcé le Murge tarandine frenane le vinde fridde da 'u nord. Le temberature raramende scennene sotte a 'u zere de notte. Le estate sonde cavede cu sciurne addò 'a temberature se spenge 'nzigne a 40°. Comungue 'a zone resulte essere cchiù fresche rispette a le zone 'nderne pe vie d'a vicinanze a 'u mare ca però renne 'a zone cchiù umide e afose. 'U vinde ca arrive de cchiù jè 'u scirocche, certe vote associate a 'na forte umidità. 'A neve jè probbie rare cumme jndr'à tutte 'u versande ioniche d'u Salènde.

Le date fanne referimende a 'a stazione meteorologgeche de Vurtàgghie.

'U nome marugge jè presende jndr'à 'nu sacche de dialette tagliàne, soprattutte chidde meridionale: jndr'à variande toscane jè marubio, jndr'à quedda siciliane marrùggiu (maneche de zappe), jndr'à quedda calavrese marruggieddu (lapazio), jndr'à quedde salendine ammarrùggëlë ('n'erbe da le fogghie de culore vianghe) e pure jndr'à quedda locale maruggiu ('n'erbe da le probbietà curative). A Marugge stu nome avenève ausate pe indicà 'nu particolare tipe de erbe abbondandemende presende jndr'à valle addò 'u paese se iacchie e da questa ha assute 'u nome.

Stè invece ce dice ca 'u nome derive da l'aunione de mare uggioso, viste ca 'u mare vecine 'a coste maruggese jè sembre mosse e porte assaije umidità a 'a zone.

Pò stonne ipotese nuève ca dicene ca 'u nome avenìe date da le more le quale, apprisse l'assedie de Tarde jndr'à 'u 847, se fermarene jndr'à 'u luèche e 'u chiamarene Marubium o Marusium.

Ere 'u 25 sciugne 1953 quanne 'u Presidende d'a Repubbleche Luigge Einaudi congedìe a 'u comune de Marugge 'u decrete relative a l'ause d'u stemme e d'u gonfalone.

Descrizione araldeche d'u stemme:
 

Descrizione araldeche d'u gonfalone:

'U territorie avenìe popolate 'nzigne 'a Preistorie, addò se onne acchiate retrovaminde sparse jndr'à le contrade de Roselle, Curso, Cravara, Cirenaica, Madonnine, Commenda, Spirite Sande e Mirante. Jndr'à l'area de contrade Castigno ha state segnalate l'esistenze de 'nu villagge databbile 'mbrà 'u V e 'u III millennie n.C. e de 'nu successive 'nzediamende greche-romane, arrevate 'nzigne a 'u V-VI sechele d.C. Otre retrovaminde se onne avute jndr'à le aree de monde de l'Ovo, de Monde Maciulo e de Monde Masce, presse 'a massarie Grazioli.

Pò l'archeologhe Peter Throckmorton jndr'à 'u 1965 scuprìe 'u relitte de 'na nave greche jndr'à 'u mare nnande a le contrade Capocce e Scorcialupi.

Seconne certe leggende 'u paese vere e probbie de Marugge ave state funnate da Mario, cumbagne de Marsia, o da crestiane de le Marsi ca averane chiamate 'u 'nzediamende nuève cumme 'a capitale lore Marruvium.

'A storiografije invece date 'a funnazione d'u paese a le inizie d'u Medioeve 'mbrà 'u IX e 'u X sechele ('a date jè però ingerte ',brà 'u 870 e 'u 963). 'U paese pò avenìe funnate, jndr'à 'na posizione scunnute jndre a 'n'avvallamende naturale pe no essere assaije visibbele da 'u mare e allore pe defenderse da le attacche saracene e avenìe javetate da le superstite de le casale de Castigno, Castigno, Olivaro, San Nicolò, Civitecchia, Albano e Roselle, ca avere state destrutte da ste ingursiune. 'U funnatore d'u paese ha state Gorgolano, guvernatore bizzandine sotte a Niceforo Foca.

Marugge ha state feude apprime d'a famigghie Cateniano e pò, partenne da 'u 1130, anne jndr'à 'u quale Ruggere II aunificò 'u Ducate de Pugghie a quidde de Calavrie danne vite a 'u Regne de Sicilia, avere sciute sotte a le De Marresio (o Marrese).

Jndr'à stu periode le Temblare avèrene 'na mansione jndr'à 'u feude e grazie a lore avenèrene assucate le terrene paludose atturne a 'u paese e se sviluppò l'attività de estrazione d'u sale da le stagne lunghe 'a coste. 'Na testimonianze ca accerte 'a presenze de le Temblare a Marugge jè 'n'atte datate a 'u 9 ottommre 1320, appartenende a le reggistre d'a cangellerie angioine, sciute perdute e pò arrevate a le sciurne nuèstre grazie a 'a trascrizione d'u XIX sechele fatte da 'u storeche napuletane Camillo Minieri Riccio. Stonne 'nu sacche de ipotesi ca sckaffane 'a mansione o jndr'a 'u site d'u castelle de osce a die e jndr'à 'u luèche addò osce a die nasce 'a chiesere d'a Madonne d'u Verde ca, probbie da 'u nome de le Temblare avere state chiamate Chiesere d'a Madonne d'u Tembie.

Jndr'à 'u marze 1308 le Temblare avèrene venute soppresse e le membre lore avenèrene arrestate: a Marugge le bene lore (ca jndr'à 'u frattiembe avèrene state assignate a Giuanne Caballaro da 'u giudice Pitre Porcario de Aversa, responsabbele d'a gestione de le bene de l'ordine scuagghiate jndr0à Terra d'Otranto) jndr'à 'u masce d'u 1312 avenèrene assignate da Papa Clemente V a le Giuannite (o Cavaglire de Malte). 

'U passagge d'u feude a le probbietarie nuève avìe luèche sulamende jndr'à 'u 1317. 

Jndr'à 'u 1401 'u paese avenìe infeudate a 'nu capitane de vendure, Ottino de Caris e, apprisse diverse fatte, 'u feude pasò sotte a l'amministrazione de Giuanne Andonie Orsini Del Balzo, Pringipe de Tarde e a 'a morta soje jndr'à 'u 1463, venìe ingamerate a 'u fische.

Jndr'à stu periode le Cavaglire de Malte avèrene date granne 'mbulse a 'u sviluppe cetadine, condrebbuenne a 'a protezione d'u paese condre a le pirate turche, cu 'a costruzione d'u castelle, de le mure de cinde (osce a die non ge se 'ndruchene cchiù) e de le torre cvostiere. Jndr'à 'u stesse anne avenèrene emanate le capitole d'a Bagliva. A le cavaglire de Malte se attribbuisce pure 'a funnazione d'a chiesere de San Giuanne e quedde d'a Madonne d'u Verde.

'U 13 sciugne 1637 'n'ingursione da vanne de le pirate aracene provocò grave danne. Otre tendative avenèrene respinde. Quedde avère state l'uneca 'ngursione a Marugge. Pe arrecurdà 'u fatte se accumenzò a venerà Sand'Andonie, festeggiate jndr'à recorrenze de l'ingursione.

Jndr'à seconda metà d'u Seicinde, sotte a 'u commendatore Gregorie Carafa, 'u paese accumenzò a spannerse pure fore a le mure e 'a zona nove avenìe nnomenate Borghe o Brule. Jndr'à 'u paese se costruirone case signorile a doje piane e se abbellirene cu le valcune le facciare de abitaziune andiche.

'U 20 febbrare 1743 'nu terramote violende (famose pure cumme a 'u terramote de Nardò), pigghiò pure Marugge, destruggenne 'u rosone romeneche d'a chiesere madre, ca pò avenìe recostruite.

Le cavaglire de Malte guvernarene Marugge initerrottamende da 'u 1317 a 'u 1819, quanne 'a commende scumbarìe definitivamende, apprisse ca avere ggià state soppresse 'u 2 aguste 1806. Accussì jndr'à 'u 1819 Marugge avìe 'u status de comune libbere cumme jè osce a die. Picche anne cchiù tarde, jndr'à 'u 1861, 'u paese cundave 1.644 crestiane. Osce a die ne conde cchiù de 5.000.

Pò essere ca ha state fatte da 'u famose architette Raimonde da Frangaville, 'a chiesere matrice, o chiesere madre, dedicate a 'a Natività d'a Vergine Marije avenìe 'nzippate jndr'à 'u XV sechele jndr'à 'u cendre storeche sus a le reste de 'na chiesere de epoche bizzandine dedicate a Sanda Marije de Nova, ausanne combletamende 'u carpare locale.

Le fatìe de costruzione, parte de le quale avèrene fatte sotte 'a direzione de frà Giambattiste Alliata, accumenzate jndr'à seconda metà d'u XV sechele (presbiterie e core), spicciarene a le inizie d'u XVI sechele, cu 'a costruzione d'a navate maggiore e de le doje laterale, a combletà 'a chiande basilicale de l'edificie. D'u XVI sechele jè pure 'a cappelle dedicate a 'u Fonde Battesimale. Jndr'à 'u XVII e XVIII sechele avenìe recoperte de stucche seconne 'u guste de l'epoche. A quest'epoche pò resale pure 'a cappelle d'u SS. Sacramende. 'Mbrà 'u 1959 e 'u 1961 l'edificie ha state oggette de 'na totale opere de restaure pe repurtarle a l'origgenarie splendore. 'N'otre restaure ha state fatte jndr'à l'anne novande cu 'u quale avenìe refatte 'a pavimendazione inderne.

'A facciate jè articolate jndr'à doje ordene une sus s a l'otre; jndr'à vanne superiore se iacchie 'nu rosone 'nzippate jndr'à le prime restaure d'u Novecinde a sostituzione de 'na finestre barocche costruite jndr'à 'u 1743 mise a volta soje in sostituzione de 'n'andiche rosone stile romaneche distrutte da 'u terramote de Nardò d'u 20 abbrile 1743. Jndr'à vanne de sotte acchiame 'nu bellissime portale fatte pure jidde cu le prime restaure d'u Novecinde a sostituzione de 'nu stile barocche edificate apprisse 'u crolle, sempbre dovute a 'u terramote d'u 1743, de quidde romaneche.

La trabeazione de l'ordene inferiore jè decorate cu conghigghie e rosette.

A 'u cendre d'a facciate se pò ammirà 'u stemme d'a famigghie Alliata, a testimonianze ca le fatìe avenèrene fatte quanne a guvernà Marugge stave stu commendatore.

'U 'nderne, a chiande basilicale, ave 'a navate cendrale cuperte da 'na volte a botte cinghecendesche, mandenute da arche quase a seste acute ca stonne mise sus a culonne cu capitelle riccamende decorate cu cape, anemale, fiure e fogghie de acante.

Le navate laterale invece presendane volte a crociere settecendesche, 'nzippate apprisse 'u crolle de le andiche tette a canneto sembre dope 'u terramote de Nardò.

Lunghe 'a navate laterale sinistre ste 'n'affresche ca resale a 'u XVI sechele ca face vedè 'a Madonne a le Pide d'a Sanda Croce osce a die parzialmende visibbele purcé apprisse 'u terramote d'u 1743, le mure laterale d'a chiesere facevene vedè signe de cedimende e pe stu fatte avenèrene irrobbustite cu de le arche cecate ca cuprirene parte de l'affresche.

Lunghe 'a navate laterale destre acchiame doje cappelle: quedde d'u Fonde Battesimale e quedde s'u Sandissime Sacramende.
Quedde d'u Fonde Battesimale resale a 'u XVI sechele e ere andicamende dedicate a 'u Rosarie purcé avere statevolute da 'n'omonime confraternite maruggese. A 'u 'nderne sue presende 'nu Fonde Battesimale cinghecendesche e 'na tele ca raffigure 'a Circoncisione de Gesù de Matteo Bianchi d'u XVIII sechele.

'A cappelle d'u Sandissime Sacramende avenìe 'nzippate jndr'à 'u XVIII sechele, successivamende a 'u terramote d'u 1743. Presende 'na volte a cupole e tène 'nu magnifiche altare in stile barocche leccese e 'na tele d'u XVIII sechele de Matteo Bianchi ca face vedè 'a Presentazione di Maria al Tempio.

Lunghe 'a navate laterale destre acchiame pure 'nu Crogefisse de legne cinghecendesche de autore scanusciute.

Lunghe a tutte e doje le navate in origgene erane presende 16 altare commissionate da famigghie nobbele maruggise e manduriane, de le quale 4 scuffularene apprisse 'u terramote d'u 1743, le restande avenèrene luave cu le prime restaure d'u Novecinde pe repurtà 'u tembie a 'a soje bellezze origgenarie.

'U presbiterie (ca 'nzieme a 'a tribbune e a 'a sagrestie sonde 'a vanne quattrecendesche d'a chiesere, allore 'a vanne cchiù andiche) jè de forme quadrate e jè supranate da 'na granne cupole ca spicce cu 'na landerne esagonale. 'U tambure d'a cupole da fore jè de forme ottagonale ma jndre jè circolare. 'U presbiterie jè 'mbreziosite cu de le tele de Matteo Bianchi e 'u frate Diego Oronzo Bianchi 'mbrà le quale acchiame 'n'Annungiazione de Matteo Bianchi, commissionate origgenariamende da 'a famigghie Covelli. 'A tele face vedè 'a Vergine azzettate sus a 'nu scenucchiatoie, a cape vascate e cu 'u vrazze destre sus a 'u pitte in segne de devozione, jndr'à l'atte de ricevere l'Arcangele Gabbriele purtatore de l'annunge.

A parte 'u presbiterie, jndr'à tribbune, jè presende 'n'altare in stile barocche, ca resale a 'u Settecinde, e sus a l'altare jndr'à 'na nicchie, jè presende 'a statue d'a Vergine cu 'u Piccinne.

A 'a chiesere jè 'nzeccate pure 'na cripte ipogèe addò jè custodite jndr'à 'n'urne de bronze, 'u cuèrpe de [San Costanzo, donate a Marugge da 'u commendatore Chigi jndr'à 'u 1733. 'A cripte in passate faceve 'a funzione de luèche de sepolture d'u clere.

Jndr'à cripte jè presende pure 'na cappelle cu 'a rappresendazione de l''Apparizione della Madonna di Lourdes a Bernardette.

L'edificie jè 'u cchiù ierte d'u paese e se 'ndruche bbuène da fore a 'u cendre javetate.

'A chiesere avenìe fatte costruì fore a le mure, atturne 'a fine d'u XV sechele pe volondà de le Cavaglire de Malte: a 'u cendre d'a facciate se iacchie 'u stemme de l'ordene, cu 'a date d'u 1503, affiangate da chidde de le Carafa e de le Palmieri. 'A facciate jè delimitate da doje semblice lesene; sus a le fianghe, scombartite da lesene, stonne doje finestre larije, le quale in passate davene luce direttamende a l'altare cendrale d'a chiesere.

In origgene vecine 'a chiesere stave 'nu spedale ca accugghieve malate e pellegrine, già in cattive condiziune jndr'à 'u XVII sechele. Cchiù nnande l'edificie devendò 'nu spedale pe le ferite ca arrevavene da 'a Terra Sande e da le infette da malatìe cumme 'u culere.

'A chiesere, osce a die non ge s'ause cchiù cumme luèche de culte, presende 'na navate uneche e origgenariamende ereprovviste de tre altare, une de le quale non g'ha sciute perdute e mò se iacchie jndr'à chiesere d'a Madonne d'u Tembie (o d'u Verde).

Avenìe achiuse a 'u culte jndr'à 'u XIX sechele.

'A chiesere de Sand'Eligge avenìe 'nzippate jndr'à l'urteme decennie d'u XVI sechele, fore da le mure cetadine, da 'a confraternite mariane d'a Sandissime Annunziate, funnate a Marugge jndr'à 'u 1619 da 'u missionarie gesuite Gabbriele Mastrilli, Affianghe 'nu picche apprisse, avène costruite 'a chiesere de l'Annunziate.

'A facciate, ca resulte aunite cu quedde d'a chiesere de l'Annunziate, presende 'nu fregge de coronamende cu greche a baulette, 'nu portale a arche revasciate, 'na finestre e le capitelle ionece senze le culonne.

A 'u 'nderne presende 'na navate uniche, aunite a 'a navate d'a chiesere de l'Annunziate. 'A volte jè lunettate, percorse da curdune a mutive floreale. A 'u cendre stonne testine alate de jangele. L'alte maggiore jè affiangate da doje nicchie cu triglifi e palmette e jè mandenute da de le culonne tortile e decorate cu mutive floreale.

'A chiesere de l'Annunziate se iacchie affianghe a 'a chiesere de Sand'Eligge e resale a 'u XVII sechele.

Da fore se presende cu 'na facciate a capanne, cu portale da 'u timbane triangolare, suvranate da 'na finestre.

A 'u 'nderne invece presende 'na navate uniche, aunite a 'a chiesere de Sand'Eligge e, se presende assaije simile a quest'urteme purcé le eleminde decorative s'assomigghiane. Jè ornate da dodice cape de jangele, ca corrisponnene a le dodice vele e jè arricchite da mutive floreale cu 'a presenze de 'na torre, de 'na fundane, d'u sole e d'a lune ca rechiamane le litanìe.

Origgenariamende presendave 'u tette a canne. Jndr'à 'u 1637 avenìe saccheggiate da le saracene e 'u tette scìe destrutte e avenìe sostituite jndr'à 'u 654 cu une a tegole. Pò jndr'à 'u 1688 avenìe realizzate l'altare barocche nuève, de petre, addò avenìe mise a 'u cendre 'a tele de l'Annungiazione.

Se face resalì 'a strutture a 'u XVI sechele quanne 'u commendatore de Marugge ere Mattia de Capua. Avenìe costruite da le frate minore osservande ca avèrene l'autorizzazzione da Papa Clemente VII 'u 6 abbrile 1534 e avenìe spicciate jndr'à 'u 1575.

'A strutture combrende 'na chiesere e 'nu chiostre 'nzertate. 'A chiesere avenìe costruite sus a 'n'tra chiesere de epoche precedende (d'a quale osce a die rumanene sulamende reste de andiche affresche e 'a forme de l'andiche rosone pò murate) e jè formate da 'na navate uniche sus 'a quale se affacciane ttre cappelle a 'a sinistre e a 'a destre. Inizialmende 'a chiesere avenìe allariate in profondità e avenèrene 0nzippate pure l'uniche cappelle sus 'a destre e l'urtema cappelle sus 'a sinistre. Jndr'à cappelle de sinistre avenìe costruite 'n'altare in stile barocche, 'u quale cchiù nnande avenìe frammendate e osce a die le frammende le acchiame sparse jndr'à otre vanne d'a chiesere cumme 'u leggie de petre e 'a segge de petre riservate a 'u sacerdote. Cchiù nnande, in epoche barocche inoltrate, avenèrene 'nzippate le otre e doje cappelle sus 'a sinistre le quale presendavane altare in stile barocche leccese. 'A cappelle a destre ospitesce 'nu semblice altare cu 'nu Crogefisse.

'U chiostre se presende cumme 'nu quadriporteche articolate jndr'à 20 arcate divise da pilastrine ottagonale. Jè 'mbreziosite da 28 lunette cu affresche seicendesche, certe de le quale reproducene scene de le vite de San Frangische d'Assisi, Sand'Andonie da Padova, San Pascale Baylon e San Bernardine da Siena. 'U soffitte jè cu volte a crociere in carpare locale e tufe viangastre. A 'u cendre d'u chiostre jè presende 'nu puzze supranate da culonne ca mandenene 'na statue de Sand'Andonie cu 'u Piccinne.

Da 'u 1779 ha state sede de noviziate e da 'u 1847 pure scole de sacre eloquenze. 'nzigne a 'u 1866 ha state sede de chiericate. 'U convende avenìe soppresse jndr'à 'u 1876. Pò avenìe riaperte jndr'à 'u 1891 cu 'na comunitate piccenne e 'mbonde a le inizie d'u Novecinde ha state sede de noviziate e scole de teologgie e felosofie. Cchiù nnande devendò caserme de le carabbinire, scole elemendate e osce a die sede d'u minucipie.

Pure dette Chiesere d'a Madonne d'u Verde e annesse a 'u cimitere comunale da 'u 1876, avenìe probbabbilmende 'nzippate jndr'à 'u 1585 quanne a guvernà 'a cetadine ere 'u commendatore Paolo Affaitati, sus a 'na cappelle preesistende de origgene temblare. 'A facciate però avenìe cangiate a 'a fine d'u Uettecinde e jè in stile neoclasseche.

'U 'nderne, a ìnavate uniche, presende 'n'altare in petre leccese in stile barocche, origgenarie d'a chiesere de San Giuanne Battiste Fore le Mure, addò se iacchie 'ngastonate 'na delicate effigge d'a Vergine cu 'u Piccinne, 'a stesse ca cumbare jndr'à le insegne araldiche municipale. Lunghe 'a navate jè possibbele ammirà de le reste de affresche ca raffigurescene 'a Vergine e otre sande.

Se penze ca 'a chiesere ere l'andiche fortilizie de le Temblare presende a Marugge e sta ipotesi jè avanzate da 'u fatte ca a 'u 'nderne d'a chiesere jè presende 'n'iscrizione sus a 'na lapide ca dice:

Sta iscrizione dice ca 'u commendatore Affaitati recostruìe 'u tembie dedicate a 'a Vergine Marije, costruite apprime e 'a D. presende apprisse 'a parole Templum, seconne certe storece d'u Medioeve, vole ccu dice Domini e indichesce 'na chiesere de l'Ordine d'u Tembie.

Le urteme restaure d'a chiesere onne state fatte jndr'à 'u 1969.

Avenìe fatte jndr'à l'anne 1892 e jè annesse a 'a Massarie Mirante, da 'a quale pigghie 'u nome. Se iacchie jndr'à contrade omonime, picche lundane e facilmende raggiungibbele da 'a Litoranèe Salendine ca colleghe Cambemarine a San Pitre in Bevagna. Presende 'na facciate semblice e in stile neoclasseche.

Ha state 'nzippate jndr'à 'u Novecinde jndr'à 'u cendre balneare de Cambemarine, affianghe a 'u parche comunale, none lundane da l'ex Palazze Seminarile.

Sparse pe tutte 'u territorie d'u paese e certe pure jndr'à a jidde, jndr'à 'u cendre storeche acchiame diverse cappelle votive:

'U castelle de le cavaglire de Malte, ditte pure Palazze de le Commendature, avenìe 'nzippate jndr'à 'u 1368 pe volondà de le cavaglire de l'ordene de Malte, 'nguèdde a le mure de cinde d'a cetate e jè freggiate da 'nu granne trittiche cu stemme e arme d'u granne maestre de l'epoche, Hugues Loubenx de Verdalle. Vesibbele sus a l'arche a l'ingresse, pure 'u stemme d'u commendatore Alliata, stemme presende pure sus 'a facciate d'a chiesere matrice.

'U castelle se affacce sus chiazze d'u Popole, 'a chiazze prengepàle de Marugge, ma l'ingresse jè da vie Umberte I, addò 'n'arche face trasè jndr'à 'u cortile, jndr'à 'u quale se iacchie in origgene 'a cappelle d'a Madonne d'a Visitazione.

'U castelle se combone de doje piane e combrende quacche stanze a 'u prime piane e frandoie e majazzine a 'u piane terre.

'A torre d'u rrelogge avenìe costruite a seguite d'a decisione pigghiate 'u 9 decemmre 1855. Jndr'à 'u 1939 avenèrene aggiunde lapide e 'nu rilieve pe trasformarle jndr'à 'u monumende a le cadute d'a prima uerre mundiale: l'alterilieve reproduce 'n'elme coronate de laure e 'nu surdate ferite ca, mandenennese cu 'na stambelle, se inghine nnade a 'u balille uagnone, mendre 'nu pannelle de bronze raffigure 'na scene de combattimende, supranate da 'na vittorie alate. Sus a 'na lapide marmorèe a le quale late sonde vesibbele doje fasce littorie, sonde ingise le nome de le cadute.

Jndr'à 'u 1969 l'amministrazione comunale facìe agigungere 'n'otra lapide pe le nome de le cadute jndr'à econda uerre mundiale.

'U cendre storeche (dette pure Sciangài in dialette locale, o Terra Murate, da ca jndr'à 'u Medioeve 'u nuclèe urbane ere achiuse jndr'à le mure) jè 'a zone cchiù andiche de Marugge. Se iacchie jndr'à 'u core d'u paese e jè costituite da vie strette e storte, caratterizzate da andiche valconate decorate rinascimendale de rare bellezze, da logge e da andiche palazze nobbiliare. Pò jndr'à 'u cendre storeche sonde presende, apparte le palazze, pure quacche monumende d'u paese: 'a Chiesere Madre, 'a Torre d'u Rrelogge e 'u Castelle.

Jndr'à 'u 1743, anne jndr'à 'u quale onne state emanate le capitole d'a Bagliva, avenèrene 'nzippate lunghe 'a coste tre torre de avvistamende condre a le attacche saracene:

Jndr'à 'u territorie comunale stonne 15 massarie de le quale qaucchedune jè angore in funzione, otre onne state abbandunate. 

Jndr'à l'elenghe de sotte ste repurtate 'mbrà parendesi 'u nome in dialette locale, l'elenghe conde le massarie partenne da ovest e arrevanne a est:

Pò jndr'à 'u territorie de Marugge ste 'na forta presenze de trulle (li tròdduri in dialette locale). Stu fatte jè assaije 'mbortande, purcé 'u 'nzediamende ca ste aqquà jè seconde sulamende a quidde d'a Valle d'Itria. Pò acchiame 'n'otra strutture, lu cannizzàru, da 'u tette fatte cu le canne.

Le vie prengepàle e le chiazze de Marugge sonde:

Le vie e le chiazze prengepàle de Cambemarine sonde:

'U dialette maruggese jè 'na variande d'u dialette salendine parlate esclusivamende jndr'à 'u comune de Marugge e da picche crestiane d'a fraziona soje, Cambemarine. Le parole de stu dialette, apparte ca presendà similitudine a certe parole d'a lènga siciliane, presendane diverse origgene, dovute a le diverse dominaziune d'a zone: certe parole derivane da 'u greche (runnale (tag. vaso da notte) = cantru in maruggese, da 'u greche kantharos), otre da l'arabe (zirre (tag. recipiente) = żżirru in maruggese, da l'arabe zir), otre da 'a latine (scuscetate (tag. tranquillo) = šcuscitàtu in maruggese, da 'u latine ex cogitatum), otre da 'u frangese (pote (tag. tasca) = pòscia in maruggese, da 'u frangese poche), otre da 'u spagnole (orte (tag. orto) = uertu in maruggese, da 'u spagnole huerto), otre angore da 'a lènga normanne (accattà (tag. comprare) = ccattàri in maruggese, da 'u normanne acater ca in frangese moderne addevende acheter). 

Presende somigghianze cu le dialette de le comune 'nzeccate (cumme Sava, Manduria e Lizzano), ma pure differenze, cumme 'a presenze de le consonande tuèste v e d, ca non ge stonne jndr'à l'otre dialette. Pò certe verbe cangiane jndr'à cognugazione. Otre vocabbole sonde combletamende diverse.

Le sande protettore de Marugge sonde San Giuanne Battiste e San Cristoforo, ca avènene festeggiate 'u 13 e 14 luglie.

'U culte de San Giuanne Battiste (San Giuànni) cumme protettore de Marugge avenìe purtate da le Cavaglire de Malte jndr'à 'u paese ca da allore 'u venerò cumme sande protettore 'u 24 sciugne. 'A variazione d'a date d'a feste se atteste da 'u decrete vescovile d'u 30 sciugne 1928. Cu stu documende episcopale se accogghieve, infatte, 'a richieste de le maruggise de celebbrà le festività jndr'à le sciurne 13 e 14 luglie, soprattutte in relazione a 'u recorde d'u mirachele de San Giuanne ca sarvò 'u paese da 'nu forse e violende temborale.

'U culte de San Cristoforo (San Crištòfuru) invece nascìe a l'inizie d'u Novecinde e 'u sande avenìe dichiarate copatrone jndr'à 'u 1962.

Duranne 'u periode de sta feste andicamende avenève organizzate 'na fiere. Osce 'a feste se face cu 'na lunghe prugessione ca spicce cu 'na messe. Pò avènene appezzecate le luminarie ca illumine le doje vie prengepàle de Marugge, vie Vittorio Emanuele e vie Malte, 'nzieme a chiazze d'u Popole e stonne bande ca sonane.

'A Madonne d'u Verde (la Matònna ti lu Verdi in dialette locale) jè celebbrate pe 'na leggende popolare, seconde 'a quale 'a Madonne avere fatte guarì 'nu sacche de crestiane, 'mbrà le quale 'nu sacche de piccinne, da 'u favisme, ca dave colorite verde a 'u cuèrpe: pe sta caratteristeche ave pigghiate l'appellative de Madonne d'u Verde e in passate ere mete de pellegrinagge pure de le crestiane de le paise 'nzeccate.

A jedde jè dedicate 'a cinghecendesche chiesere de Sanda Marije d'u Tembie, ca comunemende jè chiamate chiesere d'a Madonne d'u Verde, osce a die sckaffate jndr'à 'u cimitere.

'A feste jè celebbrate 'u 21 novemmre ma 'a venerazione a 'a Madonne accumenze ggià 'a matine d'a viscilie quanne certe devote vonne jndr'à chiesette dedicate a 'a Madonne e rumanene addà azzettate a pregarle 'mbonde a 'u pomerigge. Stu rite jè ditte ssittàta alla Matònna (tradotte: zettata a 'a Madonne) e spicce 'u pomerigge quanne 'a statue d'a Madonne d'u Verde avène purtate in prugessione 'nzigne a 'a chiesere madre. 'U 21 pò 'a statue d'a Madonne, sembre in prugessione, avène repurtate jndr'à chiesette e jedde dedicate addò, a l'arrive, stè 'n'esibbizione de gueche d'artifice.

'A tradizione popolare vole ca quacche sciurne apprime o apprisse a sta feste, accumenze 'u 'nverne a Marugge.

Otre festività 'mbortande pa cetadinanze maruggese sonde 'u Venerdìe Sande, 'u Corpus Domini (lu Còrpusu) e jndr'à le ricorrenze de le sande Cosma e Tamiane (Santu Còsumu e San Damiànu, festeggiate 'u quinde sciuvedìe apprisse 'a Pasche). Ste sande avènene celebbrate cu de le prugessiune pe le vie d'u paese.

Duranne 'u periode natalizie se iaprene le presepie, organizzate jndr'à 'u cendre storeche e, pure 'a tradizionale gare 'mbrà le riune Chiesere e Convende cu le sciuèche d'a cuccagne, d'u tire a 'a fune, d'a corse cu le sacche e d'a corse cu le biciclette in lentezze, organizzate in chiazze d'u Popole o in chiazze San Giuanne. Apparte a quiste, se appizzecane doje granne fanove ditte Fuecu ti Cristu Piccinnu 'a sere d'u 24 decemmre, une de fronde a 'u convende e une de fronde a 'a chiesere madre, ca sonde appizzecate pe l'attese d'u Piccinne Gesù e onne 'u scope de scarfà le crestiane ca stonne in gire pe assistere a le gare. Le fueche a 'u mumende de l'appizzecamende, avènene benedette.

Siccome ca Marugge ha stae e ète 'nu paese soprattutte agricole e pescherecce, assaije tradiziune sonde legate a 'a meteorologgie cumme 'a denominazione de Crašta ti San Duminicu, pe le masse nuvolose ca iessene normalmende verse l'arche revolte da Gallipoli a Lecce, ca avessere annungià 'a piogge jndr'à le sciurne a seguì.

A Marugge stonne l'istitute combrensive Tommaso del Bene, ca combrende 'a scole de l'infanzie Collodi, 'a scole primarie Tommaso del Bene e 'a scole secondarie de prime grade Petrarca e 'na sede distaccate de l'istitute professionale de state pe le servizie alberghiere e d'a ristorazione de Leporano.

Prodotte e piatte tipece d'a cucine locale sonde:

Jndr'à 'u paese stonne duranne l'anne 'nu sacche de fatte, in particolare jndr'à 'u periode d'a staggione addò l'amministrazione comunale in collabborazione cu 'a Pro Loco d'u paese e otre associazione culturale, organizzescene 'nu programme de evende. Jè queste l'Estate Maruggese, cu sfilate de mode, congerte de candande e sagre culturale 'mbrà le mise de sciugne e settemmre. 'A manifestazione chciù 'mbortande jè 'a Strada dei Saperi e dei Sapori, ca se face jndr'à 'u cendre storeche a aguste, cu l'esposizione e 'a degustazione de prodotte tipice d'a zone, furnite da le azxiende locale, visite a le monuminde, spettacole de giocoliere e congerte de pizziche o de artiste locale.

'N'otre avvenimende 'mbortande jè 'a Notte Salentina, organizzate a Cambemarine, 'na specie de nuttate vianghe addò se esibbiscene artiste locale, arrevate a 'a seconda edizione.

Duranne 'u periode invernale, apparte a l'avvenimende d'a Gara dei Rioni duranne 'a viscilie de Natale e tutte 'u Natale Maruggese, ricche de avvenimende tiatrale e musecale, pò se face pure 'a Festa della Musica, avvenimende musecale cu gruppe locale ca ave luèche jndr'à l'andica massarie Carroni. Se fanne pure sagre jndr'à le sciurnate de San Martine (11 novemmre) e San Costanze (29 scennare).

A Marugge ha state girate 'u cortometragge Il Signor H (2010), d'u reggiste Mirko Dilorenzo, cu Alessandro Haber.

L'uneca frazione de Marugge jè Cambemarine. Ma lunghe 'a coste stonne otre località balneare ca vonne une rrete a l'otre da ovest e da est de Cambemarine; a ovest acchiame:

A est acchiame invece:

A 'u 'nderne non ge stonne località javetate ma le cambagne pigghiane 'nu nome: Sferracavalli sus 'a strade 'mbrà Manduria e Marugge, Fiasco d'Enrico sus 'a strade pe Torricella e, sembre jndr'à sta zone, Salete. Li Tumpagni se iacchie sus 'a strade pe Sava e 'A Congezione, 'U Pindinem La Cravara e Castigno sus a strade pe Torre Ove e sus a quedde pe Monacizzo.

Jndr'à otre case le toponime derivane da 'u nome d'a massarie cchiù vecine, cumme Ler Fabbriche o Le Privete.

Certe località ca in passate averene carattere rurale onne state cchiù nnande inglobbate jndr'à 'u cendre javetate, cumme'a zone dette Strascinata, o quedde de Montoto e quedde de Montalto, quest'urteme se iacchie sus a le Murge Tarandine a 60 m s.l.m..

L'economije de Marugge se base soprattute de agricolture e turisme.

Jndr'à le cambagne coltivate a vignete e ulivete se produce uegghie e 'a vite cugghiute avène ausate pe producere 'u Primitive de Manduria.

S'ha sviluppate pure 'u turisme balneare ca però sulamende da picche tiembe ha state considerate 'na vere e probbie risorse d'u paese.

Le collegaminde stradale prengepàle sonde rappresendate da ():

L'Aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole charter.

Le aeropuèrte cchiù vecine sonde:

Jndr'à frazione de Cambemarine ste 'u puèrte turisteche

A Marugge jè presende l'associazione sportive Maruggio Calcio nate jndr'à 'u 1997. Jndr'à staggione 2009-2010 ave sciucate jndr'à 'u Cambionate de promozione pugghiese e ha state ripescate in Eccellenze.




#Article 50: Mundejase (326 words)


Mundejase (in tagliàne Monteiasi, Muntiasi o Muntiase in dialette locale) éte 'nu comune tagliáne de 5.482 crestiáne d'a Provinge de Tarde, in Pugghie.

'A cetate de Mundejase, 'nzieme a Roccaforzata e Villa Castidde, ha state feudo de le Ungaro, apprime barune e pò, cu Carlo Crocifisso Ungaro, nate jndr'à 'u 1786 da 'u barone Giuacchine Ungaro e da 'a nobbele napuletane Teresa Borgia, duche, èe titele congesse da 'u re Ferdinando IV, pe le servigie ierte prestate a 'a corone.

Se celebbresce in onore d'u patrone, 'u Sandissime Crocefisse jndr'à doje occasiune: 'u 3 masce in forme minore se arrecorde l'andiche solennità d'u retrovamende d'a Croce pe mane de sand'Elena (festività oramaje soppresse jndr'à Chisere Cattoleche ma remaste a Mundejase pe tradizione ultracendenarie); 'a feste d'u 14 settemmre (esaltazzione d'a Croce) jè celebbrate cu tone assaije cchiù 'mbortande e solenne.

Parlanne sembre d'a recorrenze d'u retrovamende d'a croce, stè affisse 'na vetrate jndr'à navate destre d'a Chiesere.

L'agricolture, offre raccolte abbondande. Le vignete e le ulive se alternescene a le massarie de cambagne, addò assaije vote avenene prodotte bene de l'artiggianate alimendare de sta terre. Se producene vine, uegghie e uve da tavole.

Da le anne settande però l'avvende d'a granne industrie, stabbilimende siderurgeche ILVA (ex Italsider), ha purtate a 'nu graduale abbandone de l'agricolture. Osce a die l'economije d'u paese jè allore quase totte legate a l'acciaie e a l'indotte sue.

A partì da le prime anne d'u 2000 'u nascere d'u stabbilimende Alenia Composite (jndr'à 'u quale se copstruiscene parte d'a garlinghe d'u nuève Boeing Dream Liner d'a stesse aziende multinazionale americane de Seattle) ave condrebbuite a diversificà 'nu picca picche l'indirizze economeche e a sviluppà assaije l'edilizie cetadine.

Le collegaminde stradale prengepàle sonde rappresendate da ():

L'aeropuerte de Tarde-Vurtàgghie Marcello Arlotta face servizie de linèe pu traffeche passeggere cu vole charter.

Le aeropuerte cchiù vecine sonde:

L'aropuerte de Vurtàgghie jè cchiù vecine a Mundejase. Se arrive attraverse 'na strade lòocale a doje corsie.




#Article 51: Mondemesola (1300 words)


Mondemesola (in tagliàne Montemesola) éte 'nu comune tagliáne de 4.108 crestiáne  d'a Provinge de Tarde, jndr'à Pugghie.

'U Comune de Mondemesola se iacchie sus a 'na colline appartenende a 'a Murge tarandìne, cchiù o mene a 180 metre sus a 'u levèlle d'u mare. Confine a nord cu 'u comune de Martina Franghe, a sud cu le comune de Tarde e Mundejase, a ovest cu 'u comune de Crispiano e a est cu 'u comune de Vurtàgghie.

Da 'u colle de Mondemesola jè possibbele ammirà 'u Gurfe de Tarde, 'a vallate da Vurtàgghie a San Giorgie Ioniche e 'a granna pianure 'nzigne a Pusane, Leporano, Tarde, Villa Castidde.

Se penze ca 'u nome Mondemesola pigghie origgene da 'a stessa posizione topografeche. 'U paese infatte, se stenne puggiate sus a 'u piane d'a colline in forme cchiù o mene de ellisse, ca a combronde cu le mundagne de rrete vè a configurarse cumme 'na mensole. Quinde mensulae da 'u latine Montis-mensulae significherebbe Mensole d'u Monde. 

Cu 'u tiembe pò, a cause d'a progressive differenziazzione de le volgare tagliàne, cumme ha successe pe tande vocabbole de derivazione latine, 'u nome s'ha trasformate in Mondemesola. 'U stemme reporte 'a sagome de le colle sus a dò s'appogge 'u Comune de Mondemesola.

Jndr'à 'u comune de Mondemesola se ponne vedè 'nzediaminde rupestre ca resalene a 'u periode neoliteche, pure ce 'a fondazione cumme casale resale sulamende a 'u XIII sechele. Pa situazione de 'ngertezze, dovute a le condroversie 'mbrà le feudatarie e a le ripetute scorrerie ca purtavane le javetande a refuggiarse jndr'à vicine Vurtàgghie, non ge avìe 'nu vere e probbie sviluppe urbanisteche e demografeche.

Accumenzanne da 'u Dojecinde, avenìe infatte feudate a diverse signure e, avere state oggette de divisiune e condese. Appartenìe, 'mbrà le tande, a le famigghie Carducci, Chyurlia e Saraceno, ca ve costruirene 'na dimore ricca ricche.

Jndr'à 'u Uettecinde, cu l'abbolizione d'u feudalesime, avìe 'nu gruèsse sviluppe agricole e artiggianale.

Jndr'à 'u corse d'u Novecinde, se arricchì de fabbriche piccenne, specializzate soprattutte jndr'à fabbricazione de laterizie e pigghiò benefice 'mbortande da 'a produzione de uegghie, uve da tavole e vine preggiate.

Jndr'à anne sessande, 'u sviluppe sue e 'a strutture sociale avèrene 'na granne trasformazione pe colpe d'a nascite d'a granne industrie siderurgeche de Tarde e da l'espanzione urbane d'u capeluèche de provinge.

Jndr'à l'urteme decennie d'u novecinde ave dovute affrundà le effette d'a crisi de l'imbonende sisteme industriale d'u capeluèche, facenne sembre cchiù ricorse a le capacitate 'mbrenditoriale locale jndr'à 'u settore manifatturiere e jndr'à quidde agricole.

Jndr'à 'u XX sechele Mondemesola ave avute crestiane ande fasciste ca onne state mise jndr'à le elenghe de le oppositure d'u reggime e 'ui lore nome stave jndr'à 'u Casellarie politeche cendrale.

Chiste sonde:

Mondemesola nasce a picche metre da 'a famose gravine, 'na depressione jndr'à 'u calcare tufacèe ca porta 'nzigne a Tarde.

'U cendre storeche sue, pure cu quacche differenze, tène jndr'à 'u probbie sene elemende reconducibbele a 'a casisteche generale de le cendre storece de otre pajesere. Strutturalmende e urbanistecamende se scanze da le cendre storece de le otre cetadine, purcé jdde pare essere state prevendivamende disegnate sus 'a carte, in quande ubbidisce a logiche urbanisteche progettuale moderne jndr'à lore 'mbostazione sciumetreche.

'U Palazze marchesale costituisce 'u node prengepàle da 'u quale partene le vie prengepàle: Viale de le Rimembraze e vie Rome da 'nu late, achiuse da 'u purtone de San Gennare; vie Reggine Margherite e vie Vittorio Emanuele da l'otre late, achiuse da 'u purtone de San Frangische da Paola.

'U disegne urbanisteche de Mondemesola pigghie 'a configuraziona soje definitive cu 'u marchese Andrea Saraceno Junior, 'u quale facenne scettà 'nderre le abitaziune cchiù sckefuse ccreò le vie cetadine e chazze de osce a die.

'U tipe de abitaziune ca recorrene jndr'à 'u cendre storeche de Mondemesola se reface a 'nu mode de javetà fondamendalmende agricole. Se tratte de abituaziune ca se svilupparene (osce a dire sulamende jndr'à 'na minima parte) a piane terre, cu 'u scandenate sotte a lore ca servive pu recovere de le bestie. Osce a die ste scandenate avènene ausate cumme candine addò avènene stipate uegghie, vine e otre cose.

Le edificie cchiù 'mbortande d'u cendre storeche sonde: 'u Palazze Marchesale, 'u Palazze Pomari, 'a Chiesere de San Michele Arcangele 'a Chiesere d'a Vergine d'u SS. Rosarie, 'a Chiesere de Sanda Marije d'a Croce, le Porte Urbiche, 'a Torre d'u Rrelogge e 'u Municipie. Parlanne d'a sede municipale, abbesogne aggiungere ca queste ere andicamende 'a sede d'u convende de le Sacramendine; pò ave ospitate 'a scole elemendare e, sulamende apprisse 'a sistemazione de quest'urteme jndr'à l'edifice de osce a die E. De Amicis, ha devendate sede d'u Comune.

Fore d'a borgate prengepàle, sckaffate jndr'à 'nu paesagge collinare fatte de vegetazzione spondanèe e de ulive, vite e arvule, sonde presende 'na serie de massarie ca resalene a 'u 1500m carevalutescene sciurne dope sciurne le tradiziune agricole e d'a cucine de l'endroterre tarandine.

Degne de segnalazione jè 'a Collezzione Spada Andiche Struminde Musecale  ca riunisce struminde musecale de diverse provenienze e tipologgije (a arche, fiate, legne). 'A collezzione, pure ca jè private, jè visitabbele sus a prenotazione.

Piatte tipeche d'u paese sonde le fave battute cu le stuzzaridde de pane, accumbagnate da verdure e ortagge crude o cucinate jndr'à le mode cchiù varie: peperusse, marangiane, scarcioppole e cicorie. 'A perfezione de stu piatte avène raggiunde cu 'nu file de Uegghie Terre Tarandine DOP e de Uegghie Terre d'Otranto DOP.

Pure le piatte d'a tradizione gastronomeche tarandine so tipece, cu 'nu poste d'onore pe le lattegine (muzzarelle e provole) tipece de le massarie d'a zone e pa frutte (uve, fiche, fiche d'Indie).

Doce tipece sonde chidde natalizie cu paste de amennele, le cchiù tipeche Carteddàte, Sannacchiùdere e Pettole, chidde de Pasche, cumme le Scarcedde e le Taralle a 'u scileppe, eppure le zeppole pa feste de San Gesèppe.

Le vine tipeche sonde DOC d'a zone: .

Onne nate a Mondemesola:

Jndr'à prima sumàne d'aguste se face, 'a Fiere Mercate d'u Saracene e 'a Sagre de le fave e cicorie. Quest'urteme resulte essere 'n'occasione 'mberdibbele pe assaggià 'u tipeche piatte d'u tarandine, fatte da fave secche fatte a purè cu verdure tipeche d'a zone cumme 'a cicorie.

Otre manifestaziune sonde 'a Sagre d'a pasta e baccalà (I decade de decemmre) e 'a Sagre de le pettole (II decade de decemmre), addò jè possibbele assaggià doje piatte tipece d'u periode natalizie.

Le doje Confraternite releggiose d'a Madonne d'u Ss. Rosarie e de San Michele Arcangele, organizzane rispettivamende 'a feste patronale in onore d'a Madonne d'u SS. Rosarie (6 e 7 ottommre) e 'a feste de le Sandissime Midece Cosma e Tamiane e de San Michele Arcangele (28 e 29 settemmre).

Otra manifestazione assaije sendute da 'u punde de viste releggiose jè 'a Prugessione de le Mistere, fatte jndr'à nuttate d'u Venerdìe Sande.

A Mondemesola se face 'u tradizionale Gran Festival de le Mustazze, addò sfilane sus a 'u palche personagge cu le mustazze ca se sfidane a colpe de virtuosisme jndr'à l'accongiature de le mustazze lore e de le barbe lore.

'A manifestazione ave origgene jndr'à 'u 1965 da l'idèe d'u dottore Carbonara, veterinarie d'u comune de Mondemesola, ca jndr'à l'aguste de quidde anne scìe a passà le ferie sue a Postiglione jndr'à Provinge de Salerno, facennese crescere le mustazze. Facennele vedè quanne turnò a le combaesane sue, a ce le diceve ca non ge stavebbuène, respunneve ca 'u giudizie avera essere unicamende de le femmene. Da aqquà l'idèe de organizzà 'na sfilate de crestiane cu le mustazze giudicate da 'na giurie de sole femmene. 'U conduttore ca tenìe a battesime 'a manifestazione ere Pippo Baudo.

Le collegaminde stradale prengepàle sonde rappresendate da ():

L'Aeropuerte de Tarde-Vurtàgghie Marcello Arlotta faceve servizie de linèe pu traffeche passeggere cu vole charter, quanne funzionave.

Le aeropuerte cchiù vecine sonde:




#Article 52: Mondeparane (336 words)


Mondeparane (in tagliàne Monteparano, in dialette locale Muntiparanu) éte 'nu comune tagliáne de 2.408 crestiáne d'a Provinge de Tarde, jndr'à Pugghie.

'U comune se iacchie jndr'à vanne sud-oriendale d'a provinge de Tarde. 'U cendre javetate nasce leggermende in alture, a cchiù o mene 130 m s.l.m. e, face parte d'u monde (o serre) de Sand'Elia o Monde Doro, une de le collinette de le Murge Tarandine a cchiù o mene 10 km da 'u litorale salendine. Se iacchie a 13 km da Tarde.

A Mondeparane se onne tracce de 'nzediaminde accumenzanne da 'u periode preistoreche, In località Massarie Barbuzzi onne state acchiate 'nu sacche de curtidde litice in selce ca resalene a 'u periode paleoliteche.

Non ge se onne, invece, jndr'à stu mumende testimonianze ca reguardane 'u periode messapeche, quinde se pò penzà ca non ge stave nisciune aqquà, ma è strane purcé a quacche chilometre, Tarde e otre cetadine averene state ggià popolate da le messape.

'U Castelle D'Ayala Valva se iacchie vecine 'a chiazza prengepàle d'u paese (Chiazze Castelle). A quacche metre d'a chiazze se pò osservà 'u Monumende a le Cadute, dedicate a 'a memorie de le surdate muèrte duranne 'a prima uerre mundiale, ma ogne 4 novemmre, anniversarie d'a fine d'a Granne Uerre, duranne 'a solenne celebbrazione, le superstite d'a seconda uerra mundiale onne assaije vote partecipate testimonianne 'a lore esperienze belliche.

Pò jndr'à le zone periferiche e rurale angore osce a die sonde presende le tipece murette a secche, sembre presende jndr'à subreggione salendine.

Pure ca l'agricolture non g'è cchiù 'a prengepàle risorse d'u comune de Mondeparane, rumane 'n'elemende 'mbortande assaije jndr'à l'economije d'u paese. 'A coltivazione prengepàle jè quedde de le uve da vine da 'a quale se face 'u vine Primitive.

'U turisme jè prevalendemende estive e legate a le attivitate balneare d'a costa ioniche ca non g'è lundane.

Le collegaminde stradale prengepàle sonde rappresendate da ():

L'Aeropuerte de Tarde-Vurtàgghie Marcello Arlotta faceve servizie de linèe pu traffeche passeggere cu vole charter, quanne funzionave.

Le aeropuerte cchiù vecine sonde:




#Article 53: Motele (3206 words)


Motele (in tagliàne Mottola) éte 'nu comune tagliáne de 16.341 crestiáne, d'a Provinge de Tarde jndr'à Pugghie.

Se iacchie sus a 'na colline (387 m s.l.m.). Jè ppure comunemende chiamate 'a Spie d'u Ionie o de le Pugghie. Stu nome l'ha state date pa posizione sciugrafeche strateggeche; infatte, da certe punde d'a cetate jè possibbele 'ndrucà tutte 'u panorame d'u gurfe de Tarde.

Motele, se iacchie jndr'à vanne sud d'a Murge, nasce sus a 'na colline de 387  m s.l.m., 'nguèdde a 'u Mare Ionio.

'U territorie sue parte da 70 m s.l.m. de altezze minime e spicce 'mbonde a 506 m s.l.m. de altezza massime. 'U territorie comunale confine a nord cu Noci, a nord-ovest cu Gioia d'u Colle, a nord-est cu Alberobbelle e Martina Franghe, a ovest cu Castellaneta e a sud-est cu Mazzafre, a sud cu Palasciane e Palascianidde. 'A superficia soje jè de 292,33 km² ca signifeche ca 'u comune stè a 'u 42° poste d'a classifeche de le comune tagliàne cu 'a cchiù granne estenzione territoriale. 'U territorie de Motele jè caratterizzate da 'a presenze de gravine, de vosche (de pine o de quercie) e pure de zone cu macchie mediterranèe spondanèe.

'A distanze vecine da 'u mare (cchiù o mene 10 km da 'u Ionio) tène 'u clime cavede, pure ca 'a cetate se iacchie sus 'a colline. 'A temberature medie, jè atturne a le 8-9 °C jndr'à 'u periode invernale, pe pò passà a 22-25° jndr'à quidde estive, cu minime termice jndr'à le nuttate invernale ca scennene pure sotte a le 2° e cu massime de 26°-32° jndr'à le pomerigge de aguste.

Jndr'à tabbelle de sotte avènene repurtate le valore medie ca se reggistrane jndr'à l'Arche Ioniche tarandine, d'u quale pure 'u territorie de Motele ne face parte:

'A colline de Motele ave 'ndrucate 'u territorie sue e l'agglomerate urbane inderessarse de frequandaziune umane costande accumenzanne da 'a preistorie, cumme ave demostrate l'acchiamende, jndr'à 'u 1899, de 'nu ropostiglie de bronze ca risalivane a l'Età d'u Firre. 'A presenze umane sus 'a colline duranne'u I millennie n.C. se ave da 'na collezzione de bronze (osce a die stipate jndr'à 'u Musèe Nazionale de Tarde) recuperate jndr'à 'u 1899, duranne 'u scave de le fondamende de Palazze D'Onghia (osce a die 'mbrà vie Mazzini e vie D'Acquisto).

Avenìe distrutte jndr'à 'u 1102 pe colpe d'u malgoverne d'u cangelliere tarandine Muarcaldo. Pe l'età medievale, 'a prima fonde scritte appartene a le prime decennie de l'XI sechele e face riferimende 'a fondazione d'u castellum de Motele da vanne d'u catapane Basilio Boioannes, in funzione strateggeche-militare andisaracene.

Duranne 'a dominazione normanne resulte già sede vescovile e rumane 'nzigne a 'u 1818, quanne avenìe soppresse pe effette d'u Congordate nuève 'mbrà Pio VII e Ferdinando I de Borbone e aggregate a Castellaneta. Pò s'acchiò sotte 'a dominazione sveve, angioine e aragonese.

Jndr'à 'u 1653, cu atte rogate da 'u notare Giuanne Jangele Durante de Napule, 'u feude de Motele avenìe vennute a Frangische Caracciolo VII duche de Martine, a 'a quale casate rumanìe sottomesse 'mbonde a le legge eversive de le feude d'u 1806.

Cu 'a restaurazione, Motele seguì le vicende probbie d'u Risorgimende nazionale, suffrìe l'azione eversive d'u brigandagge e partecipò a 'u processe de riorganizzazzione politeche-sociale, pu proficue raggiungimende de 'na nova fisionomije amministrative, economeche e culturale.

Motele tenève 'nu stemme ggià da 'u Medioeve e già da 'u 1102 ere signate sus 'a porte prengepàle d'a cetate. Stu simbole avenìe ausate 'mbonde a 'u 1814. 'Nu terramote forte forte, arrevate jndr'à nuttate d'u 16 scennare 1818 facìe scuffulà totte 'a strutture d'a Porta Granne e 'u mannò in rovine. 'U stemme rappresende 'na torre cu doje acidde gnure, appollaiate in posizione frondale sus 'a merlature. 'A torre simbolegge 'a fortezze e l'origgene andichissime de Motele, invece l'acidde volene ccu significhescene prosperità e furtune. Da 'u 1881 'u stemme avène ausate da 'u Comune cumme suggelle de le uffice. 'U gonfalone d'u Municipie 'u reporte 'mbrà 'u russe e 'u vianghe de le bande sue, a 'u cendre, sotte 'na corone marchesale. 

'U diritte de fà ause d'u stemme de osce a die ha state recanusciute a'u Comune de Motele cu Decrete d'u Cape d'u Guverne - Prime Ministre Segretarie de State - in date 8 marze 1934. 'A descrizione, repurtate jndr'à 'u stesse Decrete jè 'a seguende: 

Verse 'a fine d'u I Millennie, soprattutte sotte 'u dominie bizzandine, grazie a l'influenze de le culte oriendale, jndr'à 'u territorie de Motele e jndr'àle zone atturne le releggiuse ausavane lassà le vestite e dedicarse a 'a preghiere.

'U releggiose normalmende se dedicave a 'u culte jndr'à monastere rurale piccinne, funnanne comunitate monastiche piccenne o, solitamende jndr'à certe grotte scavate pure a màne a nude. 'U fatte ca ste forme nuève de culte se spannevane e de le monestere piccinne se avìe soprattutte 'a dominazione normanne. Cu l'appogge d'a Chiesere cattoleche le cambagne pugghiese, 'mbrà le quale quedde motolese, afrondare 'na ricattolicizzazzione, pe no lassà tracce de le culte e de le 'nfluenze d'a Chiesere bizzandine ca cchiù nnande a 'nu scisme se devedìe da 'a Chiesere cattoleche. Nonostande 'a cacciate da le terre pugghiese, jndr'à 'u territorie de Motele e jndr'à le chiesere rupestre jè fortissime l'influenze architettoneche de Bisanzie, jndr'à 'nu mode particolare jndr'à 'u culte de le immaggine sacre a 'u 'nderne de le cripte. Ste immaggine rappresendavane generalmende le sande. Fortunatamende, Motele stipe angore 'nu belle numere de ste cripte o temblie de culte.

'Mbrà le cripte cchiù 'mbortande arrecurdame chidde de:

Jndr'à ste cripte angore osce a die stonne stipate 'nu sbuènne de affresche releggiose.

'U cendre storeche nasce jndr'à 'u core d'a cetate, 'a particolarità soje jè quedde de essere fatte prengepàlmende da case appettate de vianghe.

'U cendre storeche rappresende une de le luèche cchiù belle e cchiù 'mbortande da 'u punde de viste turisteche; apparte a 'nu sbuènne de vie, se ponne acchiaà chiazze piccenne, jndr'à le tiembe anfiche luèche de 'ngondre pe le crestiane d'u poste. 'A cchiù famose de ste chiazze jè Larje San Necole. 'A chiazze pigghie 'u nome da l'andichissime convende de San Necole 'nzippate jndr'à prima colonizzazzione bizzandine. Otre chiazze piccene sò quedde de Larje Chiesere Madre ca 'nzigne a le anne trende ospitave 'na granne cisterne (da 'a quale angore osce a die se pò 'ndrucà 'u perimetre origgenale) e Larije Mater Domini. Otra caratteristeche piccenne d'u cendre storeche motolese jè 'u suggestive e storeche Arche Fanelli, 'n'arche ca se iacchie jndr'à stradine ca se chiame uguale e resale a 'u XV sechele ca face comunicà doje isolate d'u cendre. 

Jndr'à 'u cendre storeche, spicciane, se iacchiane quattre chiesere: 'a chiesere d'a 'Mmaculate Congezione, 'a chiesere d'u Carmele, 'a chiesere d'u Rosarie e 'a chiesere Matrice, de epoche d'u Dojecinde, ca face vedè 'nu 'mbiande spettacolare a ttre navate. 

Fore a 'u borghe andiche, ma sembre jndr'à 'u cendre d'u paese se iacchie 'a chiazza prengepàle, chiamate Chiazze XX Settemmre e 'u Palazze Municipale, costruite jndr'à 'u 1887 cu facciate in stile neoclasseche. 'A pavimendazione jè fatte da uette mosaice ottagonale ca fanne vedè avveneminde storece o leggendarie d'a cetate.

Jndr'à lò'estate d'u 1995 studie archeologgece reportane a 'a luce reste de grosse mure greche ca resalene a l'età ellenisteche (IV sechele n.C.). Chiste rappresendane 'u cchiù andiche e illustre monumende urbane motolese. 'A murature, tipicamende greche, ere formate da doje cortine de blocche de carpare belle squadrate, lunghe cchiù o mene 1,25 metre e ierte cchiù o mene 40-50 cendimentre e, chiandate cu attenzione a secche. 'U scope prengepàle de le mure ere quidde de difennere 'a cetate da le 'nvasore ca arrevavane a 'a colline. Le mure rivestivane pe cchiù o mene 1.600 metre totte l'acropoli motolese e, recendemende, le urteme indagginee archeologgeche stonne a demostrane ca 'n'alture accussì 'mbortande strateggicamende ere ggià javetate jndr'à prima metà d'u seconde millennie n.C. da popolazziune de culture protoappennineche e avere state ggià attivamende frequendate sie jndr'à l'Età d'u Bronze ca jndr'à quedde d'u Firre.

'U territorie de Motele jè ricche assaije de gravine e de lame, disposte prengepàlmende a sud d'u cendre javetate. 'Mbrà le prengepàle gravine stonne chidde d'a Forcelle, de San Biagge, de Càpe Gavito e de Petrusce. Securamende quest'urteme jè 'a cchiù belle e 'a cchiù granne de tutte l'Arche Ioniche: se iacchie a sud-est d'u cendre javetate, andicamende jedde ha date repare a le vilità locale 'mbonde a l'XI-XII sechele. 'A gravine offre 'nu spettacole granne assaije grazie a 'a quandità de grotte, totte scavate a màne e quase totte comunicande 'mbrà lore, pure ce mise une sopra e l'otre cumme ce sonde tanda edifice. Jndr'à gravine sonde presende pure chiesere rupestre ricche de graffite. Jndr'à l'urteme anne a le margine d'a gravine onne state acchiate pure 'nu sbuènne de tracce de 'nzediaminde medievale.

'A lame de Petrusce jè longhe cchiù de 4 km e vè da le pendice de Motele 'mbonde a Palasciane, cu a l'inderne cchiù de dojecinde grotte, abitaziune, chiesere, chiaute medievale cullegate 'mbrà de lore da scalinate e sendiere.

Duranne 'a seconda uerre mondiale, le grotte d'u villagge rupestre de Petrusce onne state ausate cumme ripare da le surdate pulacche. 'A gravine de Petrusce jè percorse da 'nu jume piccinne ca jndr'à l'urteme anne s'ha quase assucate a cause d'a siccità, ma ca condinue angore osce a scorrere pure grazie a l'acque ca derive da 'u 'mbiande idriche de depurazione d'a cetate.

'U territorie de Motele jè particolarmende caratterizzate da 'a presenze de zone voschive. Sò presende, 'nfatte, vosche pe cchiù o mene 5.800 ettare, 'u 30% d'a superficie comunale, urteme stuèzze d'a granne foreste che 'mbonde 'a fine d'u Uettecinde recoprive granne parte d'a Pugghie e d'a vicine Basilicata. 

'U comune presende jndr'à le vosche sue almene quattre tipe de querce, 'u leccie (Quercus ilex), 'a roverelle (Quercus pubescens Willd), 'a Spinose (Quercus Coccifera o Calliprinos Webb) e 'u fragne (Quercus Trojana Webb), une de le querce cchiù rare presende jndr'à l'Itaglie. 'Mbrà le prengepàle vosche stonne chidde de Sand'Andonie, quidde de Lama Cupe e quidde de Burgensatiche.

'U vosche de Sand'Andonie, de probbietà d'u comune, nasce sus a dodice collinette ierte 'mbrà le 400 e le 460 m s.l.m.. Se iacchie jndr'à vanne nord-est d'a cetate, jidde se stenne pe cchiù o mene 520 ettare e jè 'nu vosche prevalendemende de querce de fragne. 'Mbrà 'a faune d'uvosche ste da segnalà 'a presenze de le cinghiale, pure ce 'u numere lore jndr'à l'urteme anne s'ha avasciate, soprattutte pe colpe d'a cacce.

'U vosche de Lama Cupe, a nord d'a cetate, se iacchie jndr'à zone de Dolcemorse. Nasce sus a 'nu soprassuole de cchiù o mene 200 - 300 m s.l.m.. Pure stu vosche jè prevalendemende de querce, ma ste pure da segnalà 'a presenze de l'Acere minore.

'U vosche de Burgensatiche nasce sus a 'n'altepiane ca se iacchie a cchiù o mene 276 - 300 m s.l.m.. Pure jidde jè 'nu vosche prevalendemende de fragne, ma 'a caratteristeca prengepàle soje jè 'a notevole presenze de orchidee selvatiche.

'A macchie mediterranèe jè presende in granne parte d'u territorie de Motele, soprattutte jndr'à zone de le grotte e de le gravine. 'A macchie mediterranèe se presende sotte forme de boscaglie arbustive ca duranne l'arche de l'anne non ge perde maje 'a tanda veggetaziona soje e 'u culore caratteristeche. Particolare jè 'u paesagge ca se manifeste duranne 'a primavere quanne 'u territorie se ienghie de 'nu sbuènne de orchidee selvatiche. 'Mbortande pure 'a presenze d'u rosmarine ca caratterizze 'u paesagge pure cu 'u profume sue.

'A stime d'a popolazzione motolese de le sechele passate jè possibbele da 'u XVI sechele, quanne avenèrene istituite le reggistre cedularii.

A Motele risiedene 211 catedine furastire, pare a 'u 1,29% d'a popolazzione residende. Le nazionalità cchiù rappresendate sonde:

Assaije 'mbortande sonde lemanifestaziune releggiose legate a 'a Sumàna Sande: quedde d'u sciuvedìe Sande cu 'a caratteristeche Adorazione de le Sepolcre da vanne de le paranze, ca percorrene 'ngappucciate e a scazate le vie d'a cetate e, quedde de le prugessiune d'u venerdìe Sande e d'u sabbate Sande. Assaije suggestive jè 'a prugessione de le Mistere (tradiziunale statue ca raffigurane le scene d'a Passione de Cristo) ca se fanne 'a matine d'u sabbate Sande a cure d'a Confraternite d'u Carmine de Motele.

'A releggione cchiù pratecate a Motele jè quedde cattoliche. 'U comune appartene a 'a diocesi de Castellaneta e ha state in passate sede de diocesi. Motele jè 'nu paese angore legate a le probbie tradiziune e devoziune releggiose: sus a tutte quedde de San Tommase Backet, a 'u quale avène dedicate 'na manifestazione tiatrale ca ne arecorde 'u martirie.

Otra releggione professate a Motele jè 'u protestandesime: 'a comunitate evangeliche battiste je attestate da 'u 1878, invece quedde pendecostale jè cchiù recende. Tutte e doje onne state dotate de edificie probbie de culte. Se iacchie, pure, 'na Sale d'u Regne d'a congregazione de le Testimune de Geova e 'na chiesere avventisteche.

Le istitute de 'struzione de Motele 'ngludene quattre scole de l'infanzie (doje de le quale pubbleche e e otre e doje parificate), doje primeria e une secondarie de prime grade articolate jndr'à doje strutture

Ste pure cumme sede 'u licèe scendifeche Albert Einstein e l'istitute tecniche professionale pe le servizie suggiale M. Lentini cu le indirizze chimiche-biologgeche, grafeche pubblicitarie e servizie suggiale.

A Motele iesse 'u periodiche Motvula e ste pure 'a sede de Radio Farfalla

'A cucine motolese sende assaije d'a posizione sciugrafeche bbone e ave accussì putute benificià de le 'nfluenze culinarie de totte le provinge pugghise. Le piatte storece de stu paese sonde: le minestre de legume cotte jndr'à tielle de terracotte chiamate pignate, le fafe cotte fresche cumme 'a zuppe o seccate e pò cotte pe fa assè 'nu purè da leccarse le mustazze da accumbagnà cu verdure selvatiche. Stu piatte jndr'à 'u dialette locale se chiame fêfe e fògghie (in tar. fafe e fògghie) o 'ngrapiête. 'U purè de fafe avène pure accumbagnare da alie e peperusse frisciute.

'U piatte tipeche dumenecale jè 'u suche de carne fatte cu le braciole (fettine de carne ca avènene condite cu agghie, petrusine, furmagge e, a seconde de le guste, pepe o peperongine; pò avènene arruvugghiate e achiuse cu 'nu spiedine de firre) de cavadde o de ciucce, ausate pò pe condì le chianghiaredde.

'N'otre formate tipeche de paste sò le cavatidde; 'nzieme a le chianghiaredde, lore avènene fatte a mane cu 'nu 'mbaste de farine de semole e acque tiepide. 'A realizzazzione de sta paste avène cu l'aiute de 'nu curtidde. Le chianghiaredde o le cavatidde se ponne pure condì cu 'u cavole e 'u pane grattate frisciute jndr'à l'uegghie d'alie (“mùgnele e meddìchele”) o cu le cchiù famose cime de rape, 'nzapurite da 'nu soffritte de uegghie peperongine e alice salate.

Jndr'à 'u periode de Natale e de Pasche sò presende assaije piatte tipece. A Natale, pe esempie, avènene preparate li scartagghiête (in tar. le carteddate), strisce fine fine de 'nu 'mbaste a l'uegghie ca avènene pò arruvugghiate e frisciute, pò avènene 'nzaporite cu miele a le mille fiure. Cu 'u stesse 'mbaste avènene fatte de le palline, ca avènene frisciute pure lore e condite, chiamate purcîdde (in tar. sanacchiudere).

Otre doce tipece d'u Natale sò: le biscotte chiamate bastune de S. Gesèppe e le pettole cu 'u zucchere. Jndr'à stu periode se ponne gustà pure le focaccine fritte sus a le quale avène spalmate 'na ricotte fermendate chiamate ricotta forte.

Le doce tipece d'a Pasche sò le taradde cuperte da 'na glasse fatte de zucchere e sucche de limone: lu sceléppe (in tar. 'u scileppe). 'A focaccie tipiche motolese jè quedde farcite cu porre (in dialetto locale: “spunzêle”) ca avène preparate jndr'à determinate periode de l'anne.

So presende tre gruppe de museche folcloristeche, Motl la fnodd (iscritte a 'a Federazione Tagliàne Tradiziune Popolare - ), Il Canzoniere mottolese (tar. 'U Canzoniere Motolese) (associate a 'a F.A.F.It. - Federazione Associaziune Folkloriche Tagliàne), ca cu le lore spettacole e le lore ricerche musecale mandenene vive 'a storie locale attraverse 'a presendazione de le figure tipeche e de le personagge d'a culture contadine, le mode de dicere e, naturalmende, 'u dialette motolese; e le Terraròss ca jndr'à 'u luglie 2011 onne ricevute 'a nomene de gruppe folcloristeche ufficiale d'a Provinge de Tarde.

San Basilio jè 'na frazione de Motele, punde strateggeche pe le scambie commerciale 'mbrà 'u versante Ioniche e 'u versande Adriatiche e 'mbrà l'Ierta Murge e 'u Salènde. Aqquà nasce 'a zone industriale de Motele, ma è 'mbortande pure pu settore agro-zootecniche. De rilieve jè pure 'a voscosità d'a zone: se iacchie 'u vosche de Dolcemorso, comboste soprattutte da querce ( 4 de le 10 specie differende de querce pugghise se iacchiane jndr'à stu vosche).

Certe massarie ca fanne parte d'u comune de Motele sonde:

'Mbortande assaije jè 'u settore agro-alimendare, ca pò appuggiarse sus a 'na bbona produzione agricole: ulive, uve da tavole e da vine, agrume, ortagge. 'A reperibbilità de ottime prodotte alimendare, aunite a 'na tradizione culinarie cendenarie, fanne d'u settore d'a ristorazione 'mbrà le cchiù 'mbortande e fiorende de l'economije cetadine. A quiste vè pure aunite 'nu recende sviluppe de le servizie ricettive ca stonne e rilangiane 'u turisme.

Assaije sviluppate sò l'artiggianate e 'u settore commerciale, mendre jè in piene sviluppe 'u settore 'ndustriale, d'u quale 'a produzione de infisse in legne lamellare jè 'u motore: acchiane 'nfatte sede jndr'à 'u territorie comunale 'nu sacche de imbrese leader jndr'à 'u settore a levèlle nazionale.

'Nfatte uteriore pregge a 'u sviluppe economeche d'a cetate jè date da 'a nova zone industriale nate jndr'à frazione de San Basilio addò acchiane sede 'nu sacche de industrie de diverse settore cumme: ecologgie, meccaneche, tessile, distillazzione, lavorazione d'u legne, granne distribbuzzione etc.

'A zone industriale se iacchie jndr'à 'na zone strateggeche, a sole 500 metre da 'u svingole autostradale de Motele/Castellaneta, pò se iacchie a mene de 2 km da 'a S.S. 100 ca colleghe Bare a Tarde. Otra potenzialità jè date da 'a facile percorrenze pe raggiungere sie 'u puèrte commerciale de Tarde ca l'Aeropuèrte de Bare-Palese.

Le collegaminde stradale prengepàle sonde rappresendate da ():

Motele non ge ave de 'na stazione ferroviarie jnr'à 'u paese; 'a stazione cchiù vecine ca se chiame Palasciane-Motele se iacchie a quacche km d'a cetate. Le staziune ferroviarie cchiù vecine de 'na certa 'mbortanze sonde: Gioia d'u Colle (Bare), lundane cchiù o mene 20 km, e Tarde, lundane cchiù o mene 27 km.

L'Aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole charter.

Le aeropuèrte cchiù vecine sonde:

Motele jè sede d'a Comunitate Mundane d'a Murgia Tarandine ca combrenne 9 comune d'a provinge de Tarde. Da 'u 8 scennare 2009, però, 'a Comunitate Mundane ha cessate de esiste pe pò essere riaperte 'u 25 aguste 2009 apprisse a 'na sendenze d'a Corte Costituzionale, sus a 'nu recorse d'a Reggione Veneto, ca ave annullate 'a Legge Finanziarie ca ne avere decreate 'u scioglimende.

Motele osce a die trase jndr'à le comune ca fanne parte d'u Parche de le Gravine.

Motele face parte d'u Gruppe de Azione Locale (G.A.L.)”Luèche d'u Mito”. 'Na suggettate consortile a responsabbilità limitate ca promuove 'u sviluppe de le Comune d'u versande occidendale d'a Provinge de Tarde.

'Mbrà le suggettate cchiù 'mbortande jndr'à 'u panorame sportive motolese, stonne:




#Article 54: Palascianidde (3432 words)


Palascianidde (jndr'à 'u tagliáne: Palagianello, jndr'à 'u dialette palascianiddese Pulscianìdd o Poloscianìdde) éte 'nu comune tagliáne de 7.862 crestiáne d'a Provinge de Tarde, jndr'à Pugghie.

Palascianidde nasce a 133  m s.l.m. Viste l'estenzione de 43,27 km², 'u comune resulte 'u cchiù piccinne d'a zone occidendale d'a Provinge de Tarde.

'U territorie comunale confine cu chidde de Palasciane, Motele e Castellaneta e jèsuddevise jndr'à uette contrade: Serre Pizzute, Parche d'u Casale, Parche de Stalla, Conghe, Sacraminde, Titolate, Conocchiedde e Difesedde. A sud d'u javetate sus 'a strade ca porte a 'u mare nasce 'a frazione de Mondedore ca conde cchiù o mene 350 crestiàne.

'U clime de Palascianidde, cumme pu reste de l'Arche Ioniche Tarandine, jè tipicamende mediterranèe, cu 'nvirne mite e staggiune assaije cavede, certe vote pure torride pe azione de le vinde cavede de scirocche. Le temberature medie in inverne reggistrane valore de 8-9 °C, eccezzionalmende cu minime negative e nevicate. Jndr'à staggione se onne temberature medie quase sembre cchiù de 30 °C, cu punde ca supranescene e non picche vote le 40 °C.

Apprime de l'aggregaziona soje a Palasciane, arrevate a le inizie d'u XIX sechele, Palascianidde, in virtù de le prammateche de Ferrante I d'Aragone, assute jndr'à seconda metà d'u Quattrecinde, godeve de autonomije amministrative, cumme Università. Ne ere prove 'a 'nglusione jndr'à l'elenghe de Università tenute a pajaminde de 7 grane pe fuèche pu mandenimende de le combagnie de le Cavallare ca condrollavane 'u litorale le quale, in case de necessità, davane l'allarme a le caporale de le torre e fuscevane a avvisà le crestiàne de le zone direttamende minacciate. Pe Palascianidde 'a torre de riferimende ere Torre late (angore osce a die esistende).

A cape d'a Magnifiche Università de Palascianidde, cumme scritte jndr'à 'n'andiche documende, ere 'u Sinnache affiangate da tre coelette. 'U sciurne 14 aguste 'u Sinnache in careche convocave, a mezze de banne, le cetadine jndr'à chiesere parrocchiale San Pitre Apostole - ca ète de probbietà comunale pe andiche possesse, l'uneche de l'epoche addò l'università d'a stessa Terre jè solite riunirse pe trattà le affare pubblece - pe dà corse a le operaziune preliminare de le eleziune ca se facevane 'u sciurne successive.

Cu le Legge eversive d'a feudalità d'u 1806 otre ca le feude avenèrene abbolite le esile strutture amministrative de le Università (Comune). 'U Regne de Napule avenìe allore ripartite jndr'à tridece Provinge ('nzippate pò a quatturdece), suddivise jndr'à destritte e circondarie. Pò, pe semblificà l'amministrazione de le cendre piccinne se penzò 'a possibbilità de aggregà a le comune vecine chidde cu popolazzione 'nferiore a le 1.000 crestiàne. Jndr'à stu mode Palascianidde perdìe l'autonomije amministrative 'nzigne a quidde mumende assicurate da l'università e devendò frazione de Palasciane, l'uneche d'u settore occidendale d'a Sottintendenze de Tarde. Recevìe allore scarse attenzione da vanne de le amministrature, disinderessate a le esiggenze d'a popolazzione palascianiddese pure ca ne amministravane le profitte de le vosche e de le pascole e ogne otra entrate.

Jndr'à stu periode se avìe a Palasciane 'u rafforzamende d'u cete de le accussìditte vicile e de le possidende, quase sembre possessore illeggittime de le terre civiche, jndr'à otre termine de quedda borghesie piccenne rurale le quale famigghie percorrevane strade sie jndr'à l'ambite de le attività economeche sie jndr'à l'ambite de le careche pubbleche.

'Mbrà 'a fine d'u XIX e l'inzie d'u XX sechele, 'u prime malcontende pu state de abbandone d'a frazione alimendò 'a volondà de le palascianeddise de staccarse da 'u comune de Palasciane, pe attaccarse a 'u comune de Motele o costituirse in comune autonome.

Pure cu tutte le richieste de annessione a Motele promosse da 'u notabbele palascianeddese ca rappresendave 'a frazione in consiglie comunale, 'u 'ngazzamende d'a proposte de distacche avenìe cchiù vote scettate.

Sulamende pe iniziative de Davide Lenge, ex seminariste e pò scrivane origgenarie de Ginosa, ca le palascianeddise pigghiarene 'u lore inderesse verse 'a cose pubbleche e costituirene 'a Leghe de le Contadine e 'a Cooperative de Consume. Apprisse assaije rinvie, jndr'à sedute d'u 9 ottommre 1906 'u Consiglie comunale de Palasciane mettìe a l'ordine d'u sciurne e approvò 'a richieste de le eletture de Palascianidde pa costituzione d'a frazione in Comune autonome. L'autonomije comunale avenìe congesse cu 'a legge d'u 6 sciugne 1907, n.318.

'A forme de osce a die d'u stemme avenìe decise 'u 4 aguste 1913 cu delibberazione d'u Consiglie Comunale n. 48, cu 'a quale avenìe recanusciute e adottate.

Successivamende, cu Decrete Ministeriale d'u 2 settemmre 1914, trascritte jndr'à 'u libbre araldeche de le Ente Morale, a 'u Volume I, paggene 28, 'u sciurne 6 settemmre 1914, 'u Comune de Palascianidde avìe l'autorizzazzione a farne ause.

Jndr'à quidde Decrete 'u stemme jè descritte:

'U motte recite: Medicina Dei.

Ca corrisponne a l'ebbraiche Raph-El (Rafaele) ca vo ccu dicere Medicine de Ddie, oppure Die risane, oppure Die guarisce - ve riferite a l'Arcangele San Rafaele, pò essere, a l'epoche, patrone de Palascianidde.

Seconne le regole araldiche 'a figure d'u stemme de Palascianidde appartene a chidde accussìditte naturale, 'nfatte, stonne rappresendate 'a mucche e 'u vitelle (faune) e 'u prate (flore), invece, sembre seconne le regole araldiche, 'u colore azzurre rappresende 'u firmamende e l'oceane e esprime amore e gelosie: l'argende, 'nvece, rappresende 'a luce e l'arie 'mbrà le eleminde.

Certe arrecordane 'nu Gendilizie Palavius, donde Palavanum, nome assaije note jndr'à l'onomasteche romane. Se ave pure menzione de ste pajesere ggià jndr'à 'u Medioeve Ierte. Non ge pò scappà 'a congordanze interpretative d'u Coco, d'u Coltella (Palavianus) e d'u Putignani (Rus - Palagi - Palagi - Anus) sus a l'origgene rurale de le casale e de le pajesere d'u Salènde e, nate successivamende d'a diffusione d'u latifonde duranne 'u periode romane, le quale nome onne radice gendilizie, patrizie o leggionarie, seguite da 'u suffisse anus.

Infine, purcé se penze a dà 'na connotazione rurale a 'u nome Palasciane, non ge abbesogne dimendicà ca jidde otre a essere picce lundane da Tarde, avenìe dominate da le Bizzandine 'nzigne a l'epoche normanne, pe stu fatte non ge stè da escludere 'n'ascendenze greche ca putesse resultà da l'aunìone de le parole Palaios – vicchie – e Nomos – Pascole

Palascianidde jè storecamende legate assaije a 'u fenomene d'a civiltà rupestre: 'u cendre urbane de osce a die 'nfatte nasce immediatamende 'nguèdde a 'a gravine omonime, difese naturale d'u 'nzediamende, sus a le quale spalte s'ha sviluppate jndr'à l'epoche medievale 'nu comblesse e articolate villagge rupestre, forme insediative pe 'nu sacche de sechele, comblemendare e none subbalterne a 'u cendre.

'U villagge rupestre se sviluppe in particolare sus a 'u spalte orindale d'a gravine, immediatamende sotte a 'u Castelle ('a quale costruzione accumenzò jndr'à 'u XVI sechele da 'a famigghie de le Domini Robberte e spicciate sotte a le Caracciolo).

Sendiere e scalinate permettene angore osce a die de attraversà, almene parzialmende, 'u villagge rupestre, cmboste de decine de grotte scavate sus a cchiù piane; le stanze rupestre jndr'à vanne ierte d'u spalte avenèvene ausate 'nzigne a quacche decennie fà e osce a die sò oggette de inderessande forme de recupere da vanne de l'Amministrazione Comunale e de le private.

'U villagge rupestre jè arricchite da 'a presenze jndr'à 'u 'nderne sue de 'nu sbuènne de chiesere rupestre, certe de le quale mandènene angore osce a die tracce de le affresche origgenarie: jndr'à vanne ierte d'a gravine se iacchiane le chiesere rupestre de San Girolamo ('u 'nderne, de forme a trapezie, jè divise jndr'à doje aule; jndr'à parete de funne se iaprene cinghe nicchie, cu quedde cendrale assaije profonne e cu doje altare jndr'à chidde mise a le estremità, a configurà 'na sorte de sanduarie; rumanene tracce de affresche databbele a 'u XIV e a 'u XV sechele e 'nu sacche de 'scriziune e sinopie de affresche probbabbilmende maje purtate a termine) e de Sand'Andrea (compromesse da l'aperture de 'na cave de tufe ca ave distrutte 'u 'nzediamende vecine e alterate le caratteristeche architettoneche d'a chiesere ca resale a 'u periode ierte medievale, allariate in età bizzandine e cchiù vote rumaneggiate jndr'à 'u corse de le sechele; 'u 'nderne se articole jndr'à ttre ambiende successive, 'u nartece, l'aule e 'u bema; jndr'à cripte rumanene tracce de certe affresche appartenende a periode storece diverse, combrese 'mbrà 'u XII e 'a fine d'u XVI sechele).

Cchiù vasce stonne le chiesere de San Necole (ca se iacchie a sud d'u javetate, resale a 'u periode ierte medievale e pe tutte 'u periode medievale pigghiò 'a funzione de cappelle funerarie private de 'n'imbortande famigghie locale; jndr'à 'une de le chiaute acchiate a 'u 'nderne sue ha state acchiate 'nu tesorette de monete veneziane d'u XV sechele; 'nderessande le affresche angore presende a 'u 'nderne sue, 'mbrà le quale une Deesis cchiù o mene d'u XII - XIII sechele jndr'à nicchie de l'abside), de le Sande Eremite ('a chiesere de dimenziune piccenne, jè datate a 'u XI sechele e presende 'u 'nderne a trapezie semblice assaije probbie; 'nderessande le affresche stipate, ca sonde d'u XII sechele, 'mbreziosite da le presenze de certe 'scriziune dedicatorie) e 'a Chiesere Anonime ('a chiesere, osce a die senze affresche, jè une de le cchiù andiche presende jndr'à 'u territorie de Palascianidde, pure ca ha state assaije vote rumaneggiate jndr'à l'anne pe essere adibbite a ause agricole; 'u 'nderne se caratterizze pa presenze de 'nu sbuènne de nicchie, de grannenèzze diverse, affiangate lunghe le parete laterale; a destre d'u 'ngresse se iacchie 'na stanze probbabbilmende destinate a le funziune de battezze).

Sus a 'u spalte occidendale, de fronde a 'u cendre storeche, se iacchiane invece 'a chiesere de Sanda Lucie ( de probbabbile 'mbiande ierte medievale e allariate jndr'à 'u X sechele; da 'u 'ngresse mise lateralmende se tràse jndre, semblice assaije probbie e articolate jndr'à doje vanne da 'n'arche granne a tutte seste suy semipilastre; 'nderessande 'u sbuènne de 'scriziune graffite sus a le parete d'a chiesere, mendre rumanene avveramende picche tracce de le affresche origgenarie) e 'u comblesse de Iazzo Rivolta cu 'a chiesere anonime ('a chiesere resale probbabbilemende a l'XI sechele ma, cumme assaije otre, resulte allariate jndr'à 'n'epoche successive e riadattate pò cumme ricovere pe le bestie e maiazzine; jndr'à 'u spiazze de nnande onne state acchiate doje chiaute).

Pe arrevà a l'andica chiesere dedicate a 'a Madonne de le Grazie abbesogne cammenà pe via Andiche Sanduarie ca accumenze a l'alteze d'u Castelle feudale pe spiccià, apprisse 'nu tracciate 'ndrutelate de cchiù o mene 240 metre, nnande a 'a Cappelle cumme normalmende avène chiamate da le Palascianeddise.

Origgenariamende avera essere sulamende 'nu sendiere cu purtave a 'a Cappelle, a 'a cripte de S. Girolamo e a Serrapizzute.

Accumenzanne da 'u XIX sechele 'u sendiere ere ggià strade, aspettanne ca 'u Consiglie Comunale de Palasciane, jndr'à sedute ordinarie autunnale d'u 1866, retenìe de parlà Sus 'a convezienze de 'na strade jndr'à 'u javetate de Palascianidde dette d'a Madonne de le Grazie.

Sta strade ave 'na longa storie de fatte franose causate da 'nfiltraziune de acque de piogge.

Danne se avèrene verificate jndr'à notte 'mbrà 'u [1 decemmre|1° e 'u 2 decemmre 1924, quanne 'na frane 'nderessò 'a strade pe 'na lunghezze de cchiù o mene 10 metre. Avenèrene allore fatte scacà diverse famigghie.

Da 'u 1984 a 'u 2001 'a strade non g'ere chciù percorribbele probbie purcé condinuavane le frane. Osce a die da sta strade se pò passà arrete.

'Nzeccate 'nzeccate cu Vie Andiche Sanduarie jè 'a storie d'a Chiesere d'a Madonne de le Grazie, cioé d'a Cappelle. Le prime documinde, d'u Seicinde, ca parlane d'a Chiesere andiche, 'a presendane ggià aperte a 'u culte, ma stonne citte sus a le origgene sue.

L'esistenze de sta Chiesere non g'è documendate da testimonianze scritte apprime d'u XVII sechele. Ne parle, pa prima vote, pe quanne resulte da le documinde conzultate 'mbonde a osce, Mons. Luigge della Quadra, Vescove de Motele, jndr'à soje relatio ad limina d'u 20 ottommre 1670 da 'a quale 'mbarame, 'mbrà l'otre, ca 'a Chiesere de Sanda marije de le Grazie tenève 'nu patrimonie de 800 'mbrà pecore e capre, e 'u reddite sue, pe colpe d'u predecessore, scìe perdute da 'u mumende ca 'u gregge avenìe 'nu picche vennute e 'nu picche accise.

Jndr'à l'apprezze d'a Terre de Palascianidde scritte 'u 1° settemmre 1676, 'u Reggie 'Ngegnere Luise Nauclerio face sapè ca

Jndr'à sta Cappelle se celebbrane certe messe 'a sumàne e Monsignore de Motele ave elette pe arbitrie sue 'nu cappellanne pa celebbrazione de ste messe, quale se paje 'a trasute, ca ditte Monsignore riceve da le anemale pecorine e caprine ca pascolane jndr'à 'u territorie sue, ca tène a Mazzafre...

Da 'u documende se ave in mode esplicite ca 'a Cappelle ha state scavate jndr'à 'u tufe 'mbrà 'u XV e 'u XVI sehcele, tenute cunde ca le Domini Roberti, cu certezze, onne state feudatarie de Palascianidde da 'a seconda metà d'u Quattrecinde.

'Nu documende, stipate jndr'à l'Archivije Capitolare de Castellaneta, reporte 'a notizie d'a visite fatte a 'u Sanduarie de S. Marije de le Grazie da Monsignor Lepore, 'u quale scrive de avere acchiate tutte in perfette ordine, 'u Sanduarie ben conservate e angore mete de pellegrinagge.

'Nu fatte calamitose culpì l'andiche luèche de culte jndr'à 'u 1885.

'A notizie avène reportate da Marche Lupo 'u quale scrive:

Sulamende 'nu stuèzze d'a Cripte s'avere salvate da le conseguenze d'u terramote: l'aghion d'a primitive chiesere rupestre, cu l'altare maggiore, l'uneche, sus a 'u quale stave 'n'affresche ca raffigurave 'a Madonne cu 'u Piccinne; a le late de l'altare otre e doje dipinde une de le quale datate 1608, certamende raffigurande S.Andonie, forse pa presenze de frate, viste ca jndr'à l'apprezze d'u 1676 jè reourtate ca 

Cumme amme viste, l'andiche luèche de culte, mise a l'estreme periferie d'u paese sus a 'u borde d'u burrone, 'ngastonate, - ce accussì se pò dicere - jndr'à 'nu paesagge veramende suggestive, cu notevole tracce de 'nzediaminde rupestre, ere fatte de doje cuèrpe, l'une in murature e l'otre scavate jndr'à 'nu banghe de rocce de tufe.

'U cuèrpe de nnanze, in murature de conge de tufe, avenìe costruite verse 'a fine d'u XIX sechele, purcé, jndr'à 'u terramote, avvenute jndr'à l'aguste 1885, l'urte de 'na frane, distaccate da l'altopiane, sfunnò 'a volte d'u Sanduarie.

'A pronde recostruzione d'a facciate e 'a dotazione, apparte quedde esistemde, de 'na cambane ca purtave 'a date d'u 1898, stonne a demostrà 'u forte attaccamende d'a comunitate de Palascianidde a 'u monumende andiche, cendre none sulamende d'a feste patronale celebbrate ogne lunedìe de Pasche, ma de le recorrenze mariane de ogne anne.

'A chiesere stesse, pò, ere sede d'a confraternite omonime ca s'avere costituite jndr'à seconna metà d'u XVIII sechele e recanusciute cu sovrane sanzione approvate cu Decrete d'u 30 masce 1824 da Ferdinande IV de Borbone.

'Nu cendre quinde none sulamende de carattere releggiose, ma, jndr'à 'nu certe sienze, simbole e condinuazione de quidde 'nzediamende rupestre da 'u quale ave avute origgene 'a Magnifiche Università de Palascianidde, osce a die Comune de Palascianidde.

Ottandasette anne apprisse a quidde terramote, 'a Chiesere, angore 'na vote, avenìe culpite da 'nu fatte calamitose: 'a nuttate d'u 30 decemmre 1972 'a Cappelle, accussì nnomenate da le fedele, scuffulò pe l'azione d'a piogge particolarmende forte e violende ca s'avere scettate sus a Palascianidde pe tutte 'a sciurnate, cangellanne l'Andiche Sanduarie ca jndr'à 'u tiembe avere state: luèche elette da la palascianeddise pu culte mariane; sede d'a Confraternite de Marije SS. de le Grazie; luèche de brucaminde 'mbrà 'u XVII sechele e le inizie d'u XIX.

'U castelle nasce sus a 'u punde cchiù ierte d'u paese, in posizione strateggeche pe condrollà 'u territorie atturne.

Da quedde altezze se pò osservà 'u territorie a 360 grade 'nzigne a le mundagne d'a Sila (Calavrie).

Esiste 'nu rapporte de condinuità 'mbrà le case scavate jndr'à gravine e 'u castelle, 'a quale costruzione accumenzate probbabbilmende jndr'à prima metà d'u XVI sechele a opere d'a famigghie Domini Roberti pa difese d'u casale de Palascianidde, spicciate, ma non combletamende, jndr'à 'u XVIII sechele sotte a 'u dominie de le Caracciolo.

'U castelle, ca presende 'na piande qudrangolare bella grosse cu 'nu granne cortile cendrale, munite de quattre torrione a le angole de fore, tène tutte le caratteristeche strutturale difensive de le fortilizie d'u XVI sechele.

L'ingresse de osce a die d'u castelle se iacchie sus a 'u late sud, invece origgenariamende s'acchiave a ovest e ve se traseve ausanne 'nu ponde levatoie ca ha state sostituite da 'nu ponde in murature a doje arche.

Jndr'à 'u piane inferiore se iacchiane le majazzine e le stalle invece jndr'à quidde superiore se iacchiane le locale ca avenèvene ausate da abitazione d'u feudatarie; in corrispondenze d'u 'ngresse, a 'u termine d'a scalinate ca porte a 'u piane superiore se iacchie 'nu salone larie pe riunione de rappresendanze cu volte a vele, mandenute da arche absidale, sus 'a quale stè appettate 'u stemme gentilizie.

Jndr'à 'na stanze a 'u piane terre ste 'na botole ca porte a 'nu passagge segrete ca iesse jndr'à gravine de Palascianidde.

'U Castelle, sus 'a vanne ierte, jè merlate tutte atturne cu 'a presenze de 'nu sacche de feritoie.

Jndr'à 'u 1874 'u vecchie 'ngresse avenìe achiuse pe ricevarne 'na cappelle in onore d'a Vergine de le sette dulure proggettate da l'architette Gabriele Califano, sus 'a commissione d'u conde Andonie Stella Caracciolo. 'A Cappelle ha state date cu ause perpetue da 'u Conde Caracciolo a 'a Confraternite d'a 'Ddulurate.

Le caratteristeche probbie d'u fortilizie, costruite cioè seconne le canone difensive affermatese duranne 'u regne de Carlo V, se rescondrane jndr'à 'u Castelle de Palascianidde:

Angore 'nu stemme jè murate a 'u cendre d'a volte d'u stesse scalone.

Apprisse 'u 1678, le Caracciolo, marchise de Sanderame e Cervinara, le quale avèrene accattate 'u feude de Palascianidde da 'a famigghie De Ribera, condinuarene le fatìe de combletamende ca, non g'avenèrene spicciate purcé 'a torre ca se iacchie a Nord-Ovest jè angore osce a die ingombiute.

'A Chiesere piccenne, jndr'à quale se stipe 'na statue de preggevole fatutre, de màne scanusciute, de Criste Muèrte, tène 'na strutture a rettangole e se sveluppe a 'na sola navate de 8 metre de lunghezze e 4,5 metre de larghezze.

L'uneche altare, in marme policrome, se iacchie jndr'à l'abside semicircolare recavate 'nvadenne 'u cortile 'nderne d'u Castelle. A 'u 'nderne, sus 'a porte d'ingresse, a l'altezze de l'ammezzate ha state recavate 'na tribbune jndr'à quale se tràse ausanne 'na scale ca scenne da 'u prime piane. 'A tribbune, probbabbilmende, dave 'a possibilità a le serve, viste ca 'a scale iesse jndr'à cucine, de partecipà a le rite releggiose.

Jè tradizione andiche ca, da sta Chiesere, 'u venerdìe Sande ave inizie 'a prugessione de le Mistere. Apprisse 'u cangiamende, jndr'à facciate Sud d'u Castelle avenìe recavate 'u 'ngresse sus a 'u quale ha state murate 'u stemme de le Caracciolo, megghie Rocco Stella-Caracciolo.

'U Castelle, ca da 'u 1979 face parte d'u patrimonie d'u Comune de Palascianidde pe averle accattate, ha state javetate da 'u Conde Andonie Rocco Stella nate Caracciolo de Sanderame 'nzigne a 'u 1950, anne d'a morta soje.

'U Fortilizie, osce a die jè inderessate da fatìe de restrutturazione e consolidamende, comungue, ce se face 'nu combronde 'mbrà 'a descrizione d'u Castelle fatte jndr'à 'u 1676 e cumme ste osce a die, abbesogne dicere ca jidde stipe le linee sevre de 'na residenze de cambagne e jndr'à 'u stesse tiembe 'nu fortilizie ca ninde dè a leziosaggine o barocchisme.

Sò presende ttre scole materne, doje scole elemendare, 'na scola medie e l'istitute professionale pe le servizie commerciale e turistece.

L'economije palascaniddese jè basate sus a l'agricolture, cu probbietarie terriere e manodopere de vrazzante agricole. Le prengepàle produziune sonde quedde de agrume ('mbortande e apprezzate le Clemendine d'u Gurfe de Tarde e le marange) e l'oliviculture. Le varietà de alie coltivate pa maggior parte jndr'à 'u territorie comunale sò 'u leccine, 'a coratine, 'a ogliarole e 'a frandoie, da le quale se produce l'Uegghie Terre Tarandine.

Le collegaminde stradale prengepàle sonde rappresendate da:

Le collegaminde ferroviarie sò assicurate cu Tarde e Bare.

L'aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole charter.
Le aeropuèrte cchiù vecine sonde:

L'Associazione Sportive Palascianidde, funnate jndr'à 'u 1981 ave avute resultate de rilieve jndr'à l'ambite d'u ballone dilettandisteche reggionale, avenne conguistate 'nu sacche de trofèe (Coppe Itaglie reggionale, 'a Coppe Pugghie, 'a Supercoppe Pugghie, coppe discipline) e fatte 'na staggione jndr'à 'u cambionate de eccellenze. Osce a die scioche jndr'à 'u cambionate de terze categorije. 'U stadie comunale avène spesse vote ausate da 'a squadre d'u Tarde pe le allenaminde d'a sumane.

'A squadre locale de pallavvole femminile scioche jndr'à le cambionate dilettandistece.

Giovanni D'AURIA-Carmelo LUPRANO-Angelo SPONSALE- PALAGIANELLO E IL BRIGANTAGGIO- Tipolitografia Policarpo- Castellaneta-2002.




#Article 55: Palasciane (3910 words)


Palasciane (tagliáne: Palagiano, Pala'scen o Pola'scen in Dialette palascianese) éte 'nu comune tagliáne de 16.077 crestiáne  d'a Provinge de Tarde, jndr'à Pugghie. Jè chiamate pure Cetate de le Clemendine, pe le agrume sue.

'U comune de Palasciane face parte osce a die d'u Gruppe de azione locale GAL Le Luèche d'u Mito e da 'u 2005 trase 'mbrà le comune ca fanne parte d'u Parche de le Gravine Joniche.

Luènghe tutte 'u litorale joniche tarandine, stè 'n'arèe prutette, 'a Riserve naturale Stornara cchiù canusciute cumme 'a Pineta de l'Appia

Jndr'à l'abbrile 1967 'u poete Salvatore Quasimodo guardanne 'mbacce Palasciane e le paesagge sue jndr'à 'nu mode particolare Pine de Lenne decìe:

'U comune joniche de Palasciane presende jndr'à l'aspette morfologgeche sue 'nu sacche de lame. Le lame se idendificane cumme senghe carsiche larie e profonne, vie de jume naturale.

Certe lame se stipane angore jndr'à 'nu state vegetative bbuène, otre lame onne state bonificate e cu 'a riforme agrarie e osce a die se ponne 'ndrucà distese de agrumete.

Le lame da sembre onne servite pe fà passà le acque e none pe 'nzippà case e terrene. Accussì, 'u 8 settemmre 2003 pe vie de l'alluvione assaije de chiste onne subbite 'nu sacche de danne: assaije case onne scuffulate e assaije arvule scettate 'nderre.

Le lame palascianise sonde:

A 'a foce stè 'a Torre Late ca avenève ausate cumme avvistamende de le nave pirate.

Palasciane ha state sembre considerate 'na cetadine cu 'na collocazione sciugrafeche strateggeche, purcé se iacchie a l'inizie d'a chiene penetrazione verse l'arèe urbane d'u capeluèche e a 'u crocevie de smistamende de le direttrice stradale verse 'a Basilicata, Calavrie e 'u Nord Itaglie.
Probbie cumme sviluppe storeche de l'andiche presenze romane d'a vie Appia, tande da rumanè coinvolte jndr'à tutte quidde ca capetave atturne.

Avaste arrecurdà le scorrerie de le pirate saracene, ca avèrena pe forze attraverà 'u territorie palascianese cumme avere capetate duranne 'a distruzione de Motele. Jndr'à 'u 1002, jndr'à 'n'otra occasione, 'a cetate subbìe l'assedie de De Comiticchia ca vuleve conguistà Tarde pe nome d'u 'Mberatore Ottone III.

Pe no parlà de le passagge de 'nu sbuènne de esercite cumme quidde longobbarde, greche, bizzandine e romane ca pe conguistà diverse territorie 'nzeccate erane obbligate a passà da Palasciane.

Jndr'à 'u 1023 seconne 'na cronistorie apprisse l'assedie a Bare de 'nu certe ROyca, quiste scìe verse 'a fortezze de Palasciane, espugnannele e retirannese sus a 'u colle de Motele. Probbabbilemdne 'u toponime de vie de mure pò essere ca se riferisce a stu fatte cundate jndr'à stu documende.

'U territorie de Palasciane appartene a 'nu pole de 'nzediamende rupestre jndr'à zone occidendale ca confine cu le comune de Mazzafre e Motele e chiesere rupestre.

Jndr'à Palasciane stè 'a chiesere rupestre Sanda Marije de Lenne.

Jndr'à sta zone atturne a l'anne 1100 avera essere assaije forte 'a produzione de sale, purcé 'nzigne a trende saline d'u jume Late avenèrene rialate a 'n'abbazzie bizzandine. Angore oasce a die passanne da 'a S.S. 106 se pò 'ndrucà 'nguedde a 'u jume Late, vecine vecine a 'u vosche Romanazzi e d'u vosche de Marziotta, l'arèe nnomenate Saline de Late.

Jndr'à 'u 1081 Palasciane avere state 'nfeudate da vanne de Robberte 'u Guiscarde e cchiù nnande jndr'à 'u 1250 le terre palascianise avenèrene accattate da le Casamassima.

Jndr'à 'u 1300 Palasciane se iacchie sotte a le Giordano ca 'u vennerene a Ugo Bilotta e cchiù nnande jndr'à 'u 1332 a Marije Catarine Valois cu 'a quale accumenze 'nu periode travagghiate pe colpe de certe 'ngazzaminde baronale.

Cu Raimondelle Orsini d'u Balzo Palasciane se acchiò sckaffate jndr'à 'u Pringipate de Tarde 'nzieme a Mazzafre, Motele, Nardò e Otranto. In successione passò a 'u figghie Andonije d'u Balzo Orsini e 'a cetate devendò 'nfeudate a 'u barone Gabbriele Capitignano, pe pò passà a le napuletane Protonobilissimo. Se ave notizie, 'nfatte ca 'u 15 settemmre 1464 Giacome Faccipecora, utile signore de Palasciane e Stefane Domini Roberti, utile signore de Palascianidde, sottoscriverene 'nu congordate sus 'a fide de le anemale jndr'à le territorie de le doje cassale. Giacome Protonobilissimo, canusciute cumme Faccipecora, devendò consigliere e ppò traditore de Andonije d'u Balzo Orsini, pe stu fatte avenìe premiate da Ferrante I cu l'investiture d'u feude de Palasciane. 'U feude passò a le Lubelli e a le Minutola 'nzigne a 'u 1600 cu le Caracciolo.

Le probbietà passarene da le Carmignano e subbette apprisse a le Pappacoda e pò a le De Marco jndr'à 'u 1720 'mbonde a le pringipe Cicinelli de Cursi ('na diramazione d'a famigghie Caracciolo), ca ve rumanerene 'nzigne a le anne d'u Uettecinde e pò dovettere affrondà le condroversie ca avenèvane da le legge condre 'a soppressione feudale.

Jndr'à 'u frattiembe Palasciane devendò comune jndr'à 'u 1806 cu 'u prime sinnache Frangische Paolo Calò. A l'epoche 'a cetadine apparteneve 'a Terre de Otranto une de le dudece circoscriziune sotte 'u Regne de Napule e sule jndr'à 'u 1923, quanne devendò capeluèche Tarde, passò da 'a Provinge de Lecce a quedde joniche de Tarde.

A Palasciane, pe mutive demografece (art. 2 d'a Legge 8.12.1806, n. 272) avenìe 'nzeccate Palascianidde ca apprime tenève autonomije amministrative cumme Universitas. Apprisse 'a longa battagghie separatiste, cu 'a legge 6.6.1907, n. 318, Palascianidde turnò a essere Comune autonome.

Intande l'epoche feudale non g'avere terminate e bbona parte d'a probbietà passò a 'a famigghie Palomba e pò a l'urteme Pringipe de Palsciane, Gugliemo Romanazzi-Carducci 'mbonde a quanne jndrà 'u 1952 avenìe eseguite 'a riforme fondiarie. 

Le Palascianise onne sembre vissute le mumende de storie politeche e suggiale jndr'à speranze de fà valè le valore lore e le lore diritte.

Jndr'à 'u 1952 avenèrene scorporate gruèsse stuèzze de terrene de l'urteme feudatarie, 'u Pringipe Romanazzi e, avenìe divise pe chidde famigghie numerose e povere d'u paese.

Accumenzò accussì 'n'epoca nove ca non g'ere fatte de povertà, ma accumenzò 'na crescite economeche e culturale.

Le crestiane accumenzavane a chiandà jndr'à le probbie terrene agrumete e vignete ca onne state 'a furtune de le probbietarie e 'a preziosità de 'nu territorie ca ha date granne vandagge pa qualitate d'u terrene. Palasciane, infatte, ha state sembre 'na cetate cu 'na granne vocazione agricole.

Jndr'à l'urteme decennie ave 'ndrucate pure 'nu sviluppe piccinne jndr'à vanna nord d'a cetate e 'a costruzione de osce a die de 'mbrenditure d'a cetate aunite jndr'à 'u Consorzie Città Imprese.

Pe le cetadine de Palasciane 'a date jè memorie de 'nu disastre inaspettate. 'A matine d'u 8 settemmre 2003 'u ciele careche de nuvole accumenzò a mannà acque a mundone.

A le 10 'a cetate stave ggià bloccate pa piogge forte forte. Abbesogne dicere ca Palasciane, acchiannese jndr'à 'na conghe, dè occasiune a allagaminde veloce veloce.

Verse le 14 l'acque traseve jndr'à le cvase de le Palascianise accumenzanne a allagà tutte 'nzigne a arrevà 'u metre d'acque jndr'à le case a piane terre, anghienne scantinate jndr'à cchiù vanne d'a cetate.

A le 17 'a piogge spicciò, lassanne Palasciane sotte a 'na mundagne de gfanghe e acque. Arrevarene le crestiane d'u genie civile e, le soccorse militare cu l'aiute de elicottere, purcé stavane crestiane in pericole.

Vecine a Palasciane murèrene doje crestiane e 'nu disperse.

'A Chiesere Matrice de Palasciane iesse jndr'à 'na chiande topografeche d'u territorie jndr'à 'u 1787, ca resale a 'u XVIII sechele, presende 'na facciate semblice, opere de transizione da 'u barocche a 'u neoclasseche.

'A facciate se presende fatte verticalmende da coppie de lesene cu semblice capitelle e signate orizzondalmende da doje cornice marcapiane. Achiude 'a facciate 'nu fastigge arquate cu pinnacole laterale.

A 'u 'nderne, a 'na navate, 'na tele de l'Annungiazione, de autore scanusciute d'u XVIII sechele, tele a uegghie Madonne de le Miracole, attribbuite a Dumineche Carella, sembre jndr'à 'u XVIII sechele, 'a tele Crugefissione 'mbrà le anime purgande, d'a prima metà d'u XIX sechele attribbuite a Giuacchine Toma 'u core lignèe e 'nu splendide organe, pure settecendesche, e 'na preggevole statue lignèe ca raffiguresce San Frangische vestute da covenduale, d'a prima metà d'u XVI sechele, ca apparteneve a 'u covende soprress de Sanda Marije d'a Nova.

Da picche tiembe onne state restaurate le Statue de San Rocco ca resale a 'u 1601, 'nu crugefisse d'u XVI sechele e 'u Criste Abbevesciute, mise sus a l'altare  barocche sus 'a sinistre d'a navate.

Jndr'à stessa Chiesere, sus 'a destre, stè l'altare dedicate a 'u Sande Patrone, San Rocco, sus a 'u quale stè mise 'a nicchie ca custodisce 'a venerate immaggine d'u Sande. Sus 'a nicchie 'n'epigrafe dice: “Et eris in peste patronus” (“Jndr'à peste ha essere 'u protettore”).

Pe tradizione andiche le solenne festeggiaminde in onore de San Rocco se facene 'u sàbate, 'a dumenche e 'u lunedìe successive a 'u 16 aguste, solennità liturgeche d'u Sande. 'A sere d'u sabate se face 'a prugessione d'a cavalcate, ca dè inizie a le festeggiaminde, cu 'a sfilate de cavaddere bardate belle probbie e mundate da piccinne vestute cumme a 'u Sante Pellegrine.

'A Chiesere d'a 'Mmaculate jè securamende 'a cchiù andiche d'u paese e nasce a picche passe da 'a Chiesere Matrice. Consacrate jndrà 'u 1582 avenìe sconsacrate a le inizie d'u XIX sechele e avenìe gestite da l'ordine frangescane 'mbonde a 'u 1809, anne d'a soprressione de le convende da vanne de le borbonece. 'A Chiesere se sviluppò seconne le canone Frangescane, de le quale però ha rumaste tracce sulamende d'u chiostre e d'a chiande d'aula uneche d'a chiesere. Le convenduale le avèrene date 'u titole de Sanda Marije d'a Nove; avenìe consacrate 'n'otra vote jndr'à 'u 1938 e cu l'occasione avenèrene fatte le restrutturaziune ma pure certe danne a le decoraziune d'u rosone. Avenìe scuasciate pure 'u cambanile ca stave sus a 'u presbiterie. 

Se presende cu 'na semblice facciate ingendilite da 'nu rosone (osce a die non ge stè jndr'à condiziune bbuène); a 'u 'nderne ste stipate 'na tele d'a 'Mmaculate d'a prime metà d'u XVIII sechele, e 'na statue de legne (jndr'à condiziune pessime) d'a seconda metà d'u XVII sechele ca raffiguresce San Caitane, attribuite a l'ischitane Caitane Patalano.

Pe 'nu picche tiembe, 'a Chiesere d'a 'Mmaculate de osce a die, ca avere state pure convende, ospitò 'u frangescane San Gesèppe da Copertino.

'A Chiesere de San Necole jè 'a parrocchie cchiù nove: naxce all'inizie jndr'à 'nu luèche de culte cu 'nu salone piccine in viale chiatone (osce a die 'na puteje elettriche) pò jndr'à 'u 1964 jndr'à 'u salone affianghe a 'a chiesere de osce a die. Jndr'à l'anne successive nasce accussìe 'a Chiesere de San Necole 'a cchiù grannepurcé tène cchiù de 400 poste azzettate duranne le celebbrazziune. Jedde se presende in stile Romaneche semblice; a l'esterne stonne ttre mosaice ca raffigurescene, da sinistre: 'u 'ngondre de Marije cu Elisabbette, a 'u cendre 'a Sacra Famigghie, a destre 'u battezze de Gesù.

Sus 'a vanna ierte ste 'nu rosone granne ca raffiguresce limmaggine d'u Sande Necole de Bare.

A 'u 'nderne sue stè 'nu granne mosaiche de Gesù e de l'Attane cu 'a scritte d'u vangele de Giuanne: Ije, sò 'a vite, 'a verità e 'a vie..

Jedde se nnomene 'a prima vote jndr'à 'u 1110, presente a 'u 'nderne tracce de affresche ca 'na vote averena recuprirle 'nderamende. Se note, jndr'à nicchie absidale 'na Madonne cu Piccinne, in stile bizzandine ruvenate assaije probbie, ca 'u Dalena affianghe cumme tipe iconografeche a 'a Platytera. 'U site ha state pigghiate in considerazione da 'u FAI Fondo pe l'Ambiende Tagliàne, jndr'à 'u proggette Le luèche d'u core.

'U Sanduarie d'a Madonne d'a Stelle ha state costruite recendemende in sostituzione de 'n'otra chiesere riedificate e benedette jndr'à 'u 1954. 'U Sanduarie se iacchie a 3 km fore da 'u paese jndr'à cambagne aperte. Apprisse de jedde se penze ca ne stave 'n'otre primtive, ma non ge se onne notizie precise. 'U Sanduarie jè semblice assaije, non ge presende arriccheminde artistece, stè 'nu rosone semblice assaije e quacche quadre appettate da 'n'artiste palascianese.

'U cendre storeche de Palasciane jè fatte da doje riune: 'A Terre, ca combrenne le vie: Pagano, le Mura, Rome, chiazze Vittorio Veneto e vie De Gasperi.

'U seconde rione jè 'u Convende delòimitate da le vie: Carmignano, Sforza, Mafalda, Petrarca, Duca d'Aosta, XX Settemmre. 
Pure ca assaije palazze signorile onne state scettate 'nderre, recostruite o restrutturate, le segne d'a lore origgene jè angore presende jndr'à memorie de le crestiane cchiù vicchie.

'Mbrà l'otre 'u Palazze Baronale (dette castelle), ca se iacchie jndr'à zone cendrale d'a cetate, jndr'à lepresse d'u Municipie. Se presende cu forme quadrangolare in stile baroche pugghiese mise sus a fondaziune assaije andiche.

'U Palazze Sannella ca resale a 'u XVII sechele e presede angore quacche particolare architettoneche neorinascimendale. Picche lundane da 'a Chiesere d'a 'Mmaculate se 'ndruche l'andiche palazze d'a cangellerie, 'na vote sede d'u Decurionate e scenne nnande da 'a Chiesere d'a 'Mmaculate sus a Corse Lenne stonne case ca appartenevane a le prime anne d'u Novecinde.

Sus 'a stessa vie l'ex caserme de le carabbinire osce a die adibite a Auditorium comunale ca resale a 'a fine d'u 1800.

Decendrate rispette a stu prime nuclèe, acchiame le palzze de le Famigghie Carano in vie de le Mille, dei Toria in vie Trende, d'u scrittore Attane Giuanne Marije Sforza.

'U territorie ave rilevate 'na capillare presenze de ville rustiche de età romane e pre-romane ca testimoniescene 'a fertilità d'u suole in epoche andiche. Luèche de soste sus a 'u tracciate d'a vie Appia (statio ad Canales), cadìe jndr'à 'u Ierte Medioeve pe l'impaludimende d'a pianure. Ripigghio a vivere pienamende, cumme cendre demiche, a 'a fine d'u Medioeve.

'Nu sacche de rinveneminde de necropoli, cu chiaute, correde funerarie, graste, ceramiche e dipinde d'u IV - III sechele n.C..

'A strutture, ca resale a 'u I sechele n.C. stipe le reste de 'nu recinde in opus reticolatum ca presende ttre ingresse, doje a le virtece d'u late nord, e une, cchiù strette, a 'u cendre d'u late sud. Quacche cendinaie de metre cchiù a ovest se pò 'ndrucà, scunnute da vignete, 'na cisterna coeve ca probbabbbilmende traseve jndr'à pars rustica d'a ville.

'U site ha state pigghiate in considerazione da 'u FAI Fondo pe l'Ambiende Tagliàne, jndr'à 'u progette Le luèche d'u core.

Jndr'à cetate de Palasciane lunghe Corse Lenne, stè 'nu frandoje d'u 1805 addò se note angore 'a granne rote de petra vive ca macine l'uegghie cu le attacche pe le cavaddere ca servivane a fà girà 'a rote de petre sus a 'n'asse de legne.

Ce no se penze a 'a meccanizzazzione de osce a die ca ste jndr'à lavorazione de tipe industriale, 'a moliture de l'uegghie se faceve jndr'à chidde tiembe probbie cumme a osce a die.

'U site ha state pigghiate in considerazione da 'u FAI Fondo pe l'Ambiende Tagliàne, jndr'à 'u progette Le luèche d'u core.

'Nu sacche de necropoli e chiaute onne state acchiate jndr'à diverse contrade le cchiù 'mbortande sonde:

Chiaute a fosse scavate jndr'à 'u tufe cu quacche frammende de petre tenere Naistros, ca stave sus 'a sepolture e oggette da correde, 'mbrà le quale 'n uspecchie de bronze, monile de argille dorate, fibule de bronze e cerameche apule.

Jndr'à lame de Lenne a l'altezze d'u ponde stè 'nu 'nzediamende medievale piccine addò onne state acchiate chiaute, correde e manufatte de argille d'u V sechele n.C.. 'Mbonde a le prime anne settande stave 'na torre cu le saline, pò scettate 'nderre purcé fatiscente.

Jndr'à le cambagne de sta contrade le scave onne purtate a recanoscere sus a 'u lieve rialze de Cozzo Marziotta 'nu cendre preistoreche fortificate jndr'à l'età d'u firre cu 'n'inzediamende capannicole.

Necropoli e quacche arredamende funebre, vase e struminde. Pò 'a sorgende jndr'à l'anne cchiù andiche avere state ò'uneca fonde de 'a quale le palascianise putevane pigghià l'acqua potabile.

'U megalite acchiate a le inizie de l'anne '60 affianghe a 'na cisterne galle romane ca, seconde certe studiuse sconnerebbe quedde d'a cripte de San Marche.

'A torre resale a 'u 1500 e ha state fatte costruì da Carlo V 'nzieme a tutte le otre torre de avvistamende pe le attacche e sacchegge ca avenèvane da 'u màre jndr'à tutte l'arèe meridionale.

Pigghie 'u nome da l'omonime jume addò jè mise e, servive a difendere 'u territorie d'a conga d'ore assaije cercate 'mbrà le coltivaziune e massarie. 'A Torre Late, se iacchie in località Pineta d'a Marine a 300 metre da 'a coste e a 15 metre s.l.m., jndr'à 'u Comune de Castellaneta, 'ngastonate jndr'à Riserve naturale Stornara, a l'altezze d'u km ferroviarie 22, d'a Ferrovie Joneche, Tarde - Metaponto.

Se conde, ca jndr'à le tiembe andiche le cambagne de Palasciane avèrene state invase da l'acque pe colpe de 'n'alluvione catastrofeche. Jndr'à quidde mumende jndr'à zone se acchiavane doje sore chiamate Lenne e Stelle. 'A seconde riuscìe a attraversà 'a lame aiutate da 'nu contadine e Lenne ta tenève paure rumanìe sole pensanne ca avesse perse 'a sore annegata. Stelle rumanìe in attese de Lenne e stanghe pigghiò suènne sognanne 'a Madonne.

Quanne l'alluvione spicciò 'u Vescove e le autorità rumanerene a vocche aperte da 'u cunde de Stelle, ca cercò e avìe ca jndr'à quidde poste avenesse 'nzeppate 'na cappelle dedicate a 'a Madonne d'a Stelle.

Pe arrecurdà 'a sore, le fedele vulerene costruì pure 'n'otra cappelle 'nditolate a 'a Madonne de Lenne.

A Palasciane s'ha sviluppate 'n'intense tradizione releggiose popolare de granne fede atturne a 'a Madonne d'a Stelle.

A ottommre avène festeggiate sta feste assaije scenografeche ma vive pure releggiosamende.

Jndr'à seconda sumàne d'u mese, a prima matine d'u sabate a le 6 avène celebbrate 'a messe e purtate l'immaggine de Marije da 'u Paese a 'u Sanduarie in cambagne, accumbagnate da 'na banda chiamate lu fisc'arule (le fisckarule) 'na bande de museca vasce, ca se face accumbagnà da 'na gran casse, piatte, rullante e 'nu ottavine.

A l'arrive in cambagne pò accumenze 'u pellegrinagge pe tutte 'u matine de le fedele.

L'afflusse ccchiù forte accumenze jndr'à 'u pomerigge quanne stè l'assute d'a paste, 'a famose Tagghiarin. 'A paste jè fatte da le tripoline e cucinate cu salse e tande peperongine jndr'à calderone de acciaie.

'A tradizione vole ca 'a paste se distribbuisce nnande a 'u sagrate d'u Sanduarie, e ca avène mangiate jndr'à spatole d'u fiche d'India e pe furcine 'nu ramoscelle de ulive ca ne assume le forme sue.

'A paste andicamende avenève purtate da 'u luèche addò se cucinave sus a 'nu carrette d'u tiembe, osce a die chidde carrette onne perse 'u lore poste a favore de le tratture cu le rimorchie a sponde ierte, purcé 'a cose cchiù suggestive jè l'assalte de le crestiane pa distribbuzione d'a paste.

Màrze

Affianghe 'a Chiesere d'a 'Mmaculate, ste 'a Bibblioteca nove e Auditorium Comunale, addò apprime stave 'a ex cserme dele Carabbinire ca resalive a 'na costruzione d'a fine d'u Uettecinde 'nditolate a l'editore pugghiese Vito Laterza.

'U Tiatre Comunale de Palasciane, nasce sus a 'na vecchie strutture ca ospitave 'u macelle osce a die riqualificate e adibbite a tiatre 'nditolate a l'illustre Giaunne Paolo II prennene 'u nome e cognome d'u Pondefice Tiatre Karol Wojtyla. Jidde però non g'ave dimenziune tale da putè ospità granne evende purcé tène 'na capienza massime de 150 poste azzettate.

'U proggette The Factory UrbanLab, nasce da 'u proggette reggionale bollende spirite, 'u quale ha date 'a possibilità de trasformà 'n'ex edifice scolastiche in disuse, a labboratorie urbane.

E' 'nu luèche de aggregazione e espressione giovanile, promuove 'a conoscenze, 'a ccreatività e 'a sperimendazione de forme nove e coesione suggiale. 'U 26 novemmre 2011 ha state 'mbrà le poche UrbanLab d'a reggione Pugghie a essere presende a 'a Fiere de le Museche d'u Mediterranèe 'u Medimex jndr'à Fiere d'u Levante de Bare, in dirette cu Cime de radioweb.

'U proggette d'a Case de le Culture, nasce sus a l'ex arèe d'u vecchie asile de le sore d'a congreghe de Andonia Marije Verna, 7000 m² de le quale 250 m² de pinete. 

Jndr'à Case de le Culture, stè 'nu cendre diurne pe disabbile, le uffice de le servizie suggiale, l'aule consiliare d'u comune 'nditolate a Norberto Bobbio e l'ex bibblioteche devendate osce a die, 'nu cendre polivalende pe vicchie e 'nu cambe pe le bocce.

Onne sede a Palasciane doje scole de l'infanzie, doje scole primarie, une secondarie de prime grade e pò l'Istitute Tecniche Commercisle e pe Sceometre Giuanne Marije Sforza e l'Istitute Tecniche pu Turisme Frangische Mario Pagano.

Jndr'à 'u masce 2010 a Palsciane onne state girate parte de le scene d'u film, 'U paese de le spose 'nfelice (titolo origgenale Il paese delle spose infelici) dirette da 'u reggiste Pippo Mezzapesa, in congorse a 'a mostre d'u cinema de Rome d'u 2011.

Le riprese onne state fatte presse 'u cortile d'a Scole Elemendare Papa Giuanne XXIII, 'a spiagge de Pine de Lenne, Chiatone e otre zone cetadine.

Màrze

Pe celebbrà 'u frutte tipeche e simbole d'a cetate de Palasciane, 'mbrà 'a fine de novemmre e le prime sciurne de decemmre avène celebbrate 'a Sagra d'u Mandarine.

Sagra ca dure 3 sciurne accumenzanne da 'u venerdìe pomerigge cu stand, spettacole e avveneminde e spiccianne 'a dumeneche.

L'urteme sciurne d'a Sagra avène consegnate 'u premie Mandarine d'ore a l'aziende agricole ca ave 'u clemendine cchiù bbuène d'u comune.

'U 22 novemmre 2009 Palasciane duranne 'a 20° Sagra d'u mandarine trase a fà parte d'u Guinness World Record cu 'a Spremute cchiù longhe d'u munne, 'u vecchie record ere de 101 litre, Palsciane ne ave fatte 692,5.

'U comune de Palasciane se stenne sus a 7 km de litorale lunghe 'a coste joniche tarandine.

'U nome de Pine de Lenne derive da le vosche sue de Pine d'Aleppe e da 'u jume Lenne.

A Pine de Lenne stè 'u Pine d'Aleppe cchiù andiche d'Europe, cchiù de 300 anne.

Pine de Lenne jè nnomenate jndr'à 'n'eppisodie de Tito Livio jndr'à 'u capitole 39 de l'opera storeca soje Ab Urbe condita jndr'à 'u quale se parle de 'nu scondre de doje nave: une Tarandine ca sceve nnande cabotanne in direzione de Metaponde e l'otra romane e se scundrarene jndr'à 'nu combattimende piccinne ca spicciò cu l'incendie e l'affondamenne de le doje nave a 15 miglie da 'a coste de Tarde. Tito Livio dice: ...quindecim milia ferme ad urbe ad Sapriportem obvius fuit... (a Sapriporte cchiù o mene 15 miglie da Tarde).

Calcolanne 'u miglie in itinerarie romane de 1.471 metre resulte ca 'a località da idendificà ricade jndr'à 'u territorie de Palasciane e precisamende jndr'à zone costiere nnomenate Palude Fetida. 'A zone de Pine de Lenne andicamende ere 'na zone putride paludose.

Jndr'à sta località marine iesse 'u jume Lenne, ongastonate 'mbrà le doje mole. Jidde presende le segne de l'alluvione d'u 8 settemmre 2003. A Pine de Lenne stè pure 'n'alegge pe scafe.

Luènghe 'u jume Lenne jè possibbele fermarse purcé attrezzate de arèe pic nic e godè de 'nu paesagge ca reporte rrete jndr'à 'u tiembe.

L'arèe de Pine de Lenne ca combrenne a 'u 'nderne sue 'u Vosche d Marziotta, ca facene parte d'a riserva naturale Stornara, istituite da 'u Ministere de l'Ambiende jndr'à 'u 1997. Andicamende sotte 'u ponde de epoche mussoliniane, stave 'n'andica torre saracene, scettate 'nderre a le inizie de l'anne ottande, purcé ere pericolande e jndr'à 'nu state fatiscende.

Jndr'à' u masce 2010 'a spiagge de Pine de Lenne, ave fatte da scenarie pe le riprese d'u film, dirette da 'u reggiste Pippo Mezzapesa, cu 'U paese de le spose 'nfelice.

Le collegaminde stradale prengepàle sonde rappresendate da:

L'aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole charter.
Le aeropuèrte cchiù vecine sonde:




#Article 56: Piacenze (507 words)


Piacenze (Piasëinsa jindr'ô piacendine, Piacenza jindr'ô tagliáne) ète 'nu comune tagliáne de 102.871 crestiáne, capeluèche de ll'omonime provinge jndr'â ll'Emilia-Romagna.

Acchiate 'mbrà Emiglie e Lombardie, 'a cetata e 'a provinge sove resendone jindre 'nu mode forte assaje de Meláne, ad 'a cui reggione economeche appartènene pe' assaje aspette e ad 'a quale honne spesse mesckate le proprije destine. Ète soprannumenáte Premoggenite purcé ète state 'a prime cetata tagliáne ccu vote ccu 'nu plebiscite l'annessione ad 'u Piemonte.

Piacenze ète acchiate jndr'â Chianure Padane ad 'na altitudene de 61 metre s.l.m. e sorge sus 'a rive destre d'u Po, addò jindre a jidde confluiscone 'u jume Trebbia a ovest e 'u jumarìdde Nure ad est d'a cetata. A 'na quinnecine de chilometre jndr'â direzione sud, combarene e accumenzane le Colle Piacendine, ca sonde le prime vanne de ll'Appennine Ligure.
'A posizione sciugrafeche n'hé da sembre determinate le sorte strateggeche-miletare e n'hé fatte 'nu 'mbortànde punde autostradale e ferroviarije.

Piacenze ète 'a cetata de ll'Emilia-Romagna ccu 'u clime cchiù continendale, de conseguenze le 'nvìerne sonde 'nu picche cchiù riggide respette a lle otre cetate d'a reggione e le precipitazione resultane maggiore. Le mineme 'nvìernale reggetrate sonde cchiù vasce inoltre a quèdde de lle cetate 'nzeccate lombarde. 
'A vicinanze d'a cetata ad 'u jume Po puèrte cumme conseguenze ca, jindre totte le periode de ll'anne, 'u clime sije caratterizzate da 'na forte umiditate: de 'nvìerne se manifeste ccu granna frequenze 'u fenomene d'a nebbie, d'estate le condizione meteorologgeche sonde spesse de afe ca no se pòte ccu sopporte. 
Fine a ô spicciare de lle anne uèttande sonde state reggestrate nevicate record. Jndr'â lle sciùrne d'a nevicate d'u sèchele d'u 1985 ca ha colpote 'u nord Itaglie s'ète superate 'u metre e mmienze. 'A neve a Piacenze ète sembre arrevate duranne 'u periode 'nvìernale, fenomene assaje naturale, me da 'nu picche de anne a quèste parte, probabbelmènde a cause de le cangiaminde climateche, 'u fenomene ète devendate sembre vije-vije cchiù rare e 'a neve fàce 'a combarse sove sule jindre assaje picche occasiune, pure ccu precipitazione de piccele 'mbortànze Jndr'â lle urteme anne 'a neve ète turnate abbondande e jndr'â lle 'nvìerne d'u 2008/2009 se sonde reggestrate precipitazione nevose record. 'A temberature masseme medie jndr'ô scennàre ète de 3-4 grade mendre jndr'ô luglie pòte ccu arrive a lle 29-31-32-33 grade.

Borghetto, Gerbido, I Vaccari, La Verza, Le Mose, Montale, Mortizza, Mucinasso, Pittolo, Roncaglia, San Bonico, Vallera.

Grazzie ad 'u puèste sciugrafeche assaje bbuène addò se iacchie, honne acchiate sede 'nu munne de attivetate legate ad 'a logisteche. Trase jindre quèste otteche 'u nuève comblesse fieristeche de Piacenze, 'u settore ète suscettibbele de 'nu granne spannamènde ce se conzidere 'u luèche bbuène assaje addò ète acchiate.

Pe' merite d'a vicinanze strateggeche ccu le aree 'ndustriale d'a Chianure padane e le vije de comunecazziúne ca a Piacenze se 'ndersecane, jndr'â lle urteme anne s'ète sveluppate le 'nzediamènde de 'nu munne de cendre logisteche jndr'â vanne est d'a cetata e pure jndr'â frazione de Le Mose.

Piacenze ète gemellate ccu le seguende cetate d'Europe:




#Article 57: Pusane (6248 words)


Pusane (in tagliàne Pulsano, in dialette salendìne Puzànu o Pusànu) éte 'nu comune tagliáne de 11.095 crestiáne ca se iacchie jndr'à vanne salendine d'a Provinge de Tarde, jndr'à Pugghie e jè 'u cchiù granne cendre de l'Aunione de comune Terre d'u Mare e d'u Sole. Pusane jè 'nu comune costiere: 'u territorie comunale, infatti, jè vagnate da 'u Mar Ionio e se affacce sus a 'u Gurfe de Tarde cu 'na coste de 7,5 km cchiù o mene. 'U paesagge jè caratterizzate da vite e ulive secolare. Jè, da osce, 'u cchiù andiche 'nzediamende acchiate sus a 'u Gurfe de Tarde. 

Apprisse l'epoche preistoreche e apprisse le dominaziune de grece (facìe parte d'a Magna Grecie) e romane, canuscìe l'egemonìe de frangise e spagnule, ca ne onne condizionate, cumme jndr'à tutte 'u Salènde, 'a lenghe. Le prengepàle resorse economeche sonde l'agricolutre e 'u turisme.

Pusane nasce jndr'à vanne salendine d'a provinge de Tarde, 20 km a sud-est d'u capeluèche, jndr'à 'n'arèe pianeggiande combrese 'mbrà le Murge Tarandine, 'u Mar Ionio e 'u Tavoliere de Lecce. 

'A differenze de altezze d'u territorie comunale jè de 44 metre s.l.m. e 'u cendre storeche nasce a 'n'altezze de 37 metre. Comune costiere, pure ca 'u cendre javetate jè lundane cchiù o mene 2 km da 'u mare, tène 'na coste frastagliate e ricche de penisole piccenne (le sette Punde), ca formane a lore volte de le baie cu 'a rene.

'A marine 'nu tiembe ricche de vegetazzione, apprisse 'n'intense urbanizzazzione a 'a quale ha sciute 'ngondre jndr'à 'u XX sechele se presende assaije cemendificate. 'Mbrà le arèe naturale de preggie ste 'a granne arèe cu 'u vosche d'u Vosche Caggione, ca spicce 'nguèdde a 'u mare. St'arèe, comungue, non g'ha sopravvissute a le fenomene de urbanizzazzione, avenne sofferte 'nzigne da le anne settande de 'nu forte abbusivisme de villette e seconde case, sùle in parte sanate cu 'a legge, ca ne ave cangiate assaije 'u profile naturalisteche.

'U territorie comunale de Pusane jè delimitate a sud da 'u mar Ionio e confine a ovest e sud-ovest cu Leporano, a nord-ovest cu Tarde (purcé stè 'a frazione de San Donato), a nord e nord-est cu Faggiano e cu 'a fraziona soje San Crispieri, a est e sud-est cu 'n'exclave d'u comune de Tarde ca 'u separe da 'u comune de Lizzano.

L'arèe d'a Marine de Pusane jè caratterizzate da 'n'alternarse de scogliere e cale cu 'a rene, le prengepàle sò Luèchevive, 'A Fundane, Le Canne, Montedarene, 'Spedale Capparone (o Villa Verde), Pezzarusse, Serrone, Lido Silvane (addò, jndr'à 'u gurfe, stè 'n'isolotte scogliose, ca se raggiunge pure a nuote e, sus 'a quale spiagge sò presende angore osce a die, pure jndr'à 'nu numere cchiù ridotte rispette a 'u apssate, esemblare de ginepre coccolone ca mettene le radice lore 'mbrà 'a rene), Terrarusse e Lido Checca (ca tràse jndr'à suddette exclave d'u Comune de Tarde).

'U territorie comunale jè attraversate da doje corse d'acque piccinne probbie de nature sorgive a carattere temboranèe: 'u canale Trigna, canalizzate jndr'à 'u tratte ca passe pu quartiere omonime da 'u quale nasce, iesse in località 'A Fundane; 'u seconde corse d'acque nasce a le spalle d'u Vosche Caggione e, passanne da jidde e sotte 'a Litoranèe Salendine, iesse vicine 'a spiagge de Lido Silvana, nnande 'u vosche stesse. 'A risorgive da 'u quale iesse st'urteme corse d'acque jè famose e reportate sus a le carte d'u 'Stitute Sciugrafeche Militare cu 'a denominazione de Sorgende Cannedde.

'U 'nvirne jè generalmende mite e piovose ma non ge sonde frequende le irruzzione de aria fredde da nord (l'accussìdette sirratina de le ballate locale) e da est, ca quacche vote portane precipitaziune nevose.
Assaije cavede e afose jè 'a staggione, cu valore ca spesse raggiungene e, verte vote supranescene, le 40 grade. Le precipitaziune d'a staggione so probbie rare.

'Mbrà 'u 1948 e 'u 1952 sus a l'altopiane d'a Castellucce, vecine a Lido Silvane, vecine a 'u litorale de Pusane, ha state scuperte 'u cchiù andiche 'nzediamende preistoreche 'nzigne a osce acchiate sus a 'u Gurfe de Tarde, ca resale a 'u XVI sechele n.C. e ca se pò mettere jndr'à l'età d'u bronze.

Le acchiaminde onne demostrate ca le javetande de stu 'nzediamende erane pescature ca se dedicavane pure a l'agricolture e avèrene tradiziune culturale e releggiose consolidate. Cu l'arrive de popolazziune nuève, 'mbrà l'XI e 'u XII sechele n.C. 'a stessa arèe ospitò 'nu 'nzediamende nuève, cchiù precisamende jndr'à zone 'nzeccate de Lido Silvane, presende pò pure jndr'à l'epoche magno-greche e romane.

Già apprime ca le coste d'a penisole italiche avèrene trasute jndr'à sfere d'influenze de le poleis greche (canusciute cumme Magna Grecie), 'u villagge tenève rapporte commerciale cu le popole de l'Eggeo cumme attestate da le numerose acchiaminde de cerameche micenèe. 'U puèrte de Pusane, però, non g'ha state maje acchiate purcé probbabbilmende sommerse; certe tracce jndr'à 'u specchie d'acque nnande a Lido Silvane, però, facene penzà a 'u acchiamende d'u stesse e osce a die se stonne a studiane sus a base, inzieme a le strutture acchiate sus 'a terraferme, de 'nu proggette museale e de 'nu parche archeologgeche; quiste adda permettere de stabbilìe cu maggiore precisione 'u ruole de Pusane e d'u puèrte sue pure jndr'à l'epoche magno-greche e romane.

'Mbortande pure 'a produzione de cerameche locale, in particolare de le dolii, 'na specie de giare cumme a chidde ca se acchiavane jndr'à l'Itaglie meridionale jndr'à l'età d'u bronze, ca avèrene decoraziune de tipe eggèe, micenèe e sub-micenèe.

Sembre jndr'à 'n'epoche apprime a quedde magno-greche, aqquà sbarcarene le Iapigge (aqquà jndr'à 'u Salènde chiamate Messape), ca non ge occuparene Pusane, cu 'a quale tenèvane alleanze e rapporte commerciale. Bella forte ere l'attività commerciale, ca ha state pure a 'a base de 'nu sbuènne de conflitte apprisse l'arrive de le sparane ca riuscirene a farse spazie sus 'a coste a nord de Pusane luanne a le messape apprime l'altepiane de Saturo, funnanne 'a cetate omonime, e pò 'u territorie addò pò avèrene funnate Tarde.

L'alleanze 'mbrà Pusane, Saturo e le messape (ca s'acchiavane jndr'à l'endroterre, da le vanne de Manduria e Oria) se mettìe condre pe 'nu sacche de anne a Tarde, allore a vota lore le Iapigge d'u cendre nord d'a Pugghie, ca erane le Peucezie e le Daune. Apprise a l'iniziale sconfitte, le pusanise, le messape e le crestiane de Saturo riuscirene, apprisse 30 anne de sottomissione, a costringere le tarandine a scè rrete 'u lore cambe d'azione 'nzigne a l'isola lore. Apprisse 'nu sacche de lotte, ca s'averene seguite jndr'à l'anne, se arrevò a 'n'alleanze: Pusane avenìe ridimenzionate (devendanne probbabbilmende 'n'inzediamende a difese de Tarde) e pigghiate accussì jndr'à Magna Grecie invece Saturo scombarìe; tutte e doje le località, pò, devendarene sede de residenze estive de nobbele tarandine.

Se arrevò a l'alleanze purcé stave sembre sus 'a zone 'a minacce de Rome, ca comungue riuscìe, successivamende, a pigghiarle jndr'à probbia sfere de 'nfluenze. 'U Rre de l'Epire, Pirro, se servì d'u puèrte de Pusane pe sbarcà, cu le truppe sue, a difese d'a zone jndr'à stu periode.

Successivamende, sus 'a coste nascettere 'nu sbuènne de villae romane, certe de le quale angore osce a die visibbele (cumme quelle de Lido Silvane), purcé le Romane, cumme apprime le Grecie, facerene de Pusane località de villeggiature, godenne d'u mare e d'u vine locale. Jndr'à zone marine, apparte 'u villagge preistoreche d'a Castellucce cu le necropoli sue cu le chiaute a grotticelle (fatte da grotte piccenne, jndr'à 'u vosche de rrete) e a 'u successive 'nzediamende de epoche magno-greche e romane de Lido Silvane cu 'nzieme reste de 'na villa romane (o, se penze, de 'na strutture portuale) e de 'nu mosaiche romane scuperte pe case jndr'à 'u 1964 da turiste tedesche, onne state acchiate reste de doje nave (une romane e l'otre, se penze, greche) e de 'na necropoli de mammuth, sembre vecine a le 'nzediaminde d'apprime. 

Da arrecurdà pure Aulonia (ca, seconde certe acchiaminde, nasceve jndr'ò località de osce a die, Luechevive, sus 'a coste pusanese) famose pu vine sue ma d'a quale, osce a die, se sape avveramende picche. Infine, certe acchiaminde jndr'à l'endroterre, jndr'à zone ovest d'u paese, onne attestate 'a presenze de 'nu villagge ca resale a 'a preistorie, cchiù precisamende a 'u periode d'u neoliteche (atturne a 'u 4000 - 6000 n.C.), in epoche apprime rispette a le villagge sus a 'u mare.

 

Jndr'à l'endroterre, 'u castelle, inizialmende furmate da 'a sola Torre Quadrate (o Torre Massime) ca osce a die se affacce sus 'a Chiazze Castelle, ere addibite a tenute de cacce.

Jndr'à 'u 1100 'a popolazzione locale, probbabbilmende spingiute da le condinue scorribbande de le pirate, se spustò da 'a coste verse 'u 'nderne e acchiò rifugge apprime jndr'à zone ca corrisponne a  'u rione Scorcora de osce a die (addò stonne grotte sotto terre) e pò jndr'à quedde ca allore ere l'uneca torre d'u castelle, ca non ge se ìndrucave da 'a coste. Probbietà de 'nu sache de famigghie duranne le anne, 'u castelle De Falconibus pigghie 'u nome da 'a famigghie ca l'ave allariate e purtate a le dimenziune de osce a die (certe vote arrecurdate cumme delli falconi o de li falcuni).

Jndr'à 'u 1326 Renzo De Falconibus murìe duranne 'a difese de Pusane da 'n'assalte jndr'à 'nu tratte de coste ca da allore se chaime Terrarosse, pe arrecurdà 'u fatte sanguinose. Jndr'à 'u 1480 le truppe pusanise, capitanate da Giuanne Andonie Delli Falconi (figghie de Marine, quidde ca purtò 'u castelle a 'u state de osce a die), pigghiò parte a 'a spedizione a Otranto pe difennere 'u Salènde da le attacche de le turche. Giuanne Andonie Delli Falconi avenìe 'ngfarecate da 'u Rre de Napule, 'nzieme a 'u tarandine Frangische Zurlo, de pigghià 'u comande d'a situazione a Otranto.

Apprisse ca avère tendate de affrondà 'a minacce turche (numerecamende troppe superiore) e apprisse ca avère tendate de trattà 'a pace, le 2 capitane decidettere de achiudere 'a cetadinanze jndr'à cetate e tendà 'a resistenze. Apprisse doje sumàne, Otranto cadìe e le turche 'a conguistarene.

'Mbrà le muèrte a mundone stavane pure le 40 surdate pusanise, combrese 'u rambolle De Falconibus (a 'u quale succedette 'u frate sue Cosimo, o Cosma, De Falconibus; l'otre frate, Rafaele, ere ambasciatore de le aragonese jndr'à Frange). 'A cetate avenìe libberate sulamende 'n'anne apprisse, l'8 settemmre 1481, sciurne jndr'à 'u quale a Pusane se festegge 'a Madonne de le Martire, pe arrecurdà le pusanise muèrte addà. Sembre jndr'à 'u 1481, 'u ggià gravemende malate sultane ottomane Maomette II facìe arrecapetà, apprime d'a morta soje, 'na statue d'a Madonne de le Martire a 'u castelle de Pusane in onore a 'u geste eroiche combiute da le pusanise a Otranto; quedda statue jè angore osce a die onorate e purtate in prugessione 'nzieme a quedde de San Trifone duranne le festeggiaminde pe le festività patrunale. 

Jndr'à 'u 1980 le autorità pusanise 'ngondrarene chidde otrandine pe arrecurdà le martire de quedde epiche vicende. A Otranto, jndr'à 'u cendre storeche, stè pure 'na vie 'ndestate a Giuanne Andonie Delli Falconi, 'mbacce a 'na vie 'ndestate a l'otre capitane, 'u tarandine Frangische Zurlo.

Quanne ste spicciave 'u XVI sechele le spagnule 'nzipparene 'na torre de avvistamende costiere nnomenate Torre Castellucce, sus a l'altopiane ca porte 'u stesse nome. Sta torre, 'nzieme a le otre fatte 'nzippà da le spagnule, avenìe costruite cumme difese da 'u condinue rischie de 'nvasiune saracene. Facìe parte d'u 'Mbere Bizzandine (VI-XII sechele) e successivamende d'u Pringipate de Tarde a 'u 'nderne d'u Regne de Sicilia(XII sechele - 1262) apprime e d'u Regne de Napule (1262-1816) pò.

Jndr'à 'u 1647 'a popolazzione se revultò condre a le Muscettola (ca jndr'à 'u 1617 avèrene accattate le feude de Pusane e de Leporano) pe le 'mboste ierte; stu fatte jè canusciute, jndr'à le libbre de storie locale, cumme rivoluzione pusanese.

L'epidemije de peste d'u 1656 reducìe assaije probbie 'a popolazzione. Le terramote violende d'u 5 aguste 1742 e d'u 20 febbrare 1743 onne state probbabbilmende 'a cause de l'abbandone definitive de l'inzediaminde d'a coste (in mare stonne tracce de pavimendaziune vecchie). 'Mbrà 'u Sttedine e 'uUettecinde jndr'à le territorie de Pusane e Leporano se sviluppò assaije probbie 'a cotonicolture; jndr'à stu periode nascerene assaije norie (dette 'ngegne jndr'à 'u dialette locale), strutture angore osce a die visibbele dotate de 'mbiande de sollevamende idriche a trazione animale.

Pusane avìe pure 'na probbie costituzione ca avenìe promulgate da 'u pirngipe Giuanne Andonie Muscettola spingiute da le forte ideale patriottece de le pusanise, pe 'n'assette carbonare piuttoste consolidate jndr'à cetadine. Giuanne Giannone, sindache pe uette vote, sarvò a spese sue 'a cetadine da 'u colere, accattanne quintale de cauce da spannè jndr'à tutte 'u paese cumme andisettiche. A levèlle statale, passò da 'u Regne de Napule a 'u Regne de le Doje Sicilie (1816-1860) e, pò, a 'u Regne d'Itaglie, quedde de osce a die 'a Repubbleche Tagliàne. Cu l'eversione d'a feudalità jndr'à 'u Regne de Napule (1806), avenìe istituite 'u comune de Pusane, ca 'mbonde a 'u 1820 tenève pure 'u javetate de Leporano

Apprime ca, jndr'à 'u 1860, cercunnate e destritte avenèvane abbolite, Pusane faceve parte d'u circondarie de San Giorgie a 'u 'nderne d'u Distrette de Tarde jndr'à Provinge de Terra d'Otranto (pò Provinge de Lecce). Jndr'à 'u 1923 Pusane trasìe a fà parte d'à nova Provinge d'u Jonio (da 'u 1951 provinge de Tarde), pigghiate probbie da l'abbolite Distrette de Tarde.

Quanne, jndr'à l'assemblèe costituende, se stabbilìe pa prima vote 'a nascite de l'ente reggione, 'a Pugghie e 'u Salènde erane divise e Pusane faceve parte de quest'urteme; pò, a l'attuazzione vere e probbie de le reggione, 'a reggione Salènde avenìe mise jndr'à Pugghie (cu conseguende tendative, jndr'à l'anne, de separazione).

'U 25 sciugne 2001 'n'incendie avere devastate 48 ettare d'u Vosche Caggione de Lido Silvane, distruggenne 'nu sbuènne de case e quacche esercizie commerciale e colpenne 'u 'ndere settore turisteche d'a cetadine.

'U stemme cetsdine nuève jè diverse da quidde vecchie, apparte pa rivisitazione de le eleminde 'nderne a 'u scude (ca non ge onne cangiate, ma onne state redisegnatye), pa corone: non g'è cchiù quedde a code de rondine, caratteristeche de le comune ordinarie, ma quedde turrite cu 5 torre visibbele, ca spettane a le comune insignite d'u titole de cetate.

Le caratteristeche d'u stemme e d'u gonfalone d'u Comune sonde le seguende:

Comungue, l'11 febbrare, jè feste cetadine. 'A chiesere ave 'nu cambanile ierte, uneche jndr'à zone, inaugurate 'u 30 marze 1980, fatte, in sostituzione d'u vecchie e modeste cambanile, pe opere d'u parroche, don Franghe Limongelli, ausate a signalà 'u sanduarie a tutte 'u cercondarie.

'A strutture ha state recendemende restrtutturate. Jndr'à chiesere stonne pure 'nu cappellone in onore a San Trifone (prutettore d'u paese) e 'nu sbuènne de statue, sistemate jndr'à nicche sopraelevate. 'A chiesere de Sanda Marije 'a Nove avenìe costruite partenne da 'u 1838 (e affrescate da 'u carrino) ausanne materiale d'a chiesere madre vecchie de Pusane Madonne d'u Carmine e ha state suggette pe doje vote a asckuaminde: jndr'à 'u 1882 e jndr'à 'u 1957. Vecine 'a chiesere se iacchie 'na necropoli precedende a l'istituzione d'u cimitere comunale a Pusane.

'U convende, ca all'inizie ere 'na fortezze, se sviluppe sus a doje piane e jè dotate de 'nu puzze, ca pe anne ave servite 'a cetadinanze pusanese. 'U convende 'nu tiembe ospitave le sore Stimmatine, osce a die se iacchiane a Marine de Pusane ma pronde a fà retorne quanne spicciane le fatìe de restrutturazione.

Apprisse 'a recende fase de restaure, 'nfatte, avène redate a 'a cetadenanze e pare ca adda funzionà da condenitore pe le associaziune culturale locale. In proggette, pò, 'nu musèe a 'u 'nderne sue ca pò condenè le acchiaminde de le 'nzediaminde costiere pusanise (chisse ca osce a die stonne jndr'à 'u Musèe Archeologgeche Nazionale de Tarde e chidde ca putessere essere repurtate a 'a luce grazie a stu proggette= e 'na sale multimediale cu recostruziune storeche de le stesse javetate. 

Pò, onna fà pure manifestaziune culturale, onna trasfeì 'a bibblioteche comunale e quacche locale adda essere ausate a foresterie. Adda essere repristinate, pò, 'a funzione liturgeche d'a chiesere e d'a sagrestìe affianghe, sospese jndr'à l'anne ottande cu l'avvie d'u restaure.

Ospitesce 'a confraternite emonime ca organizze ogne anne 'a pruggessione e 'a feste d'a Madonne d'u Carmine, 'u 16 luglie. 'A Confraternite avenìe funnate jndr'à 'u 1687, ma ggià da 'u 1864 stonne tracce de l'esistenze d'a chiesere. Jndr'à 'u 2012 'u Consiglie Comunale de Pusane ave attribbuite a 'a confraternite 'u titole de Arciconfraternite.

'U muline, ca tène 'nu sbuenne de recanusceminde, ha state recanusciute bene archeologeche d'a Sovrintendenze a le Bene Culturale purcé jè l'uneche e cchiù famose esembie in Itaglie de muline a cilindre ca stipe angore tutte le macchinarie a 'u 'nderne, e tutte in condiziune bbuène.

Jndr'à globbalitò, comungue, l'edificie storeche presende 'nu forte degrade, d'u quale se ave da tiembe 'nderessate 'u CNR, pure jndr'à generale ca le istituziune locale no se ne futtene ninde

Jndr'à 'u 1100 'a popolazzione locale, probbabbilmende spingiute da le condinue scorribbande de le pirate, se spustò da 'a coste verse 'u 'nderne e acchiò refugge jndr'à torre, ca non ge se 'ndrucave da 'a coste. Le De Falconibus accattarene 'a torre semifatiscende e allariarene 'u stabbile costruenne le otre quattre torre (tutte diverse). Jndr'à 'u 1274 'u castelle e 'u feude averane devendate possesse d'a famigghie Sambiasi, jndr'à 'u 1350 passarene a F. Dell'Antognietta ca, cchiù nnande, vennìe 'u castelle a Ercole Petugy, ca recostruìe 'a Torre Quadrate. Pò, cchiù nnande, le De Falconibus turnarene e, apprisse 'a distruzione d'u castelle accadute jndr'à 'u 1388, accumenzarene a recostruirle jndr'à 'u 1400, spiccianne le fatìe jndr'à 'u 1435. Pe stu mutive, angore osce a die 'u castelle jè nnomenate Castelle De Falconibus. Da aqquà parte 'nu sottopassagge (osce a die murate) ca 'u colleghe a 'u castelle de Leporano e a 'u mare. 'U castelle, passate jndr'à le probbietà de le Muscettola apprisse ca avere state possedute da otre famigghie, tenève 'nu fossate e 'nu ponde levatoie. A le prime d'uUettecinde, pe volere de Giuacchine Murat le tre cannune ca stavane ospitate addà jndre avèrene state carresciate a Tarde pe essere ausate pa difese d'a cetate condre a le spagnule. Jndr'à 'u 1819 'u pringipe Giuanne Muscettola avere date in affitte l'arèe d'u fossate a otre famigghie ca 'u usarene cumme orte. Stu fatte dure angore osce a die, purcé jndr'à le mure a nord e est, 'nzieme a tre de le cinghe torre resultane combletamende 'nglobbate jndr'à 'u tessute de le probbietà 'nzeccate, scunnute da le lore parete. De cchiù, 'nzigne a le anne novande pure vanne de le cinde a Sud resultave scunnute, purcé ere ausate da appogge pe 'na costruzione piccenne de inizie '900, sede 'nzgine a le anne settande d'u telefone pubbleche, pò scettate 'nderre. 'U castelle, accattate a 'u patrimonie comunale jndr'à 'u prime Novecinde grazie a Giuanne Giannone, ca l'accattò apprisse 'a morte de l'urteme erede maschele de le Muscettola e 'u rialò a 'u comune, stipe le stemme de le De Falconibus e de le Muscettola e jè osce a die addibite a mostre d'arte, ospite 'u consiglie comunale (ave ospitate, pe 'nu paje d'anne, 'nu presepe vivende e, pe 'nu sacche de anne, 'a sede comunale ca osce stè jndr'à 'n'otre edifice, apposte apposte costruite, 'nditolate L. Sturzo). Stipe framminde de decoraziune pettoreche e certe rilieve lapidei piccinne.

'A popolazzione furastiere arrive a 173 crestiane..

Apparte 'u tagliàne a Pusane s eparle 'u dialette pusanese, 'na variande d'u dialette salendine (certe vote considerate 'na lènghe vere e probbie) de tipe brinnesine, assaije diverse a 'u dialette tarandine. Quiste succede jndr'à tutte le comune d'a provinge de Tarde a sud d'u capeluèche purcé recadene jndr'à sub-reggione Salènde, a differenze de le pajesere a nord d'u capeluèche (e d'u capeluèche stesse, seconne 'a dottrine ca ritiene discriminande 'u dialette e 'a culture a le dine d'a determinazione de le confine salendine). 'U dialette salendine face parte d'a famigghie de le dialette meridiunale estreme 'nzieme a 'u siciliane e a 'u calavrese parlate jndr'à vanne sud d'a Calavrie. Da aquuà 'a differenze cu le dialette pugghiese ('mbrà le quale 'u tarandine), ca appartenene a 'a famigghie de le dialette meridiunale; comungue, stonne 'nfluenze sottile sus a 'u tarandine ca 'u facene jndr'à quacche mode differenzià da le otre dialette pugghiese: 'u tarandine jè definite, 'nfatte pugghiese de transizione o apule-salendine.

'A releggione cchiù diffuse jè 'u cattolicesime de rite romane. A Pusane esistene doje confraternite: quedde d'u Priatorie (o d'u Carmine), a 'a quale ha state recendemende attribbuite 'u titole de Arciconfraternite, e quedde d'u Sacramende. De particolare preggie sonde pure doje opuscole de argomende releggiose ca resalene a 'a fine d'u XVIII sechele.

'A bibblioteche comunale jè 'nditolate a Pitre Mandrillo, figure de spicche d'u panorame culturale pusanese. Avenìe istituite jndr'à 'u novemmbre 1958 cu 'u patrimonie libbrare de cchiù o mene 1.000 volume e d'a raccolte de le Legge e Decrete d'u Regne de le Doje Sicilie e quedde d'u State Tagliàne. Ospitate in passate presse 'u Castelle De Falconibus e pò a Palazze Giannone, da 'u 2006 ave sede cumme l'ex sale consigliare d'u Municipie, in vie De le Orte. Osce a die 'a bibblioteche tène cchiù o mene 7.000 volume, 'mbrà le quale 'nu forte numere de pubblicaziune d'u Uettecinde e de ediziune apprime d'u 1945.
Sò preesende pure 'nderessande bibblioteche presse le sede scolasteche e, de particolare 'nderesse jè quedde d'a Scole Giannone, avviate subbite apprisse 'a costruzione de l'edificie jndr'à l'anne '50.

'U musèe de l'Arte Contadine Papale, ca se iacchie jndr'à 'n'ex manifatture de tabbacche a 'a periferie d'u paese tène cchiù o mene 500 stuèzze. Se prevede pò l'istituzione de 'nu pole museale pusanese in quande 'u Convende de le Attane reformature (cd. Palazze d'a culture) jè a 'u cendre de 'nu proggette ca vulesse istituì jndr'à a jidde 'nu Musèe Archeologgeche ca ospiterebbe le reste acchiate presse le 'nzediaminde purtate a 'a luce sus 'a coste pusanese (addò, 'mbrà l'otre, stè 'nu proggette de 'nu parche archeologgeche). Jndr'à stu sienze 'nderessande jè pure 'na collezzione private de cchiù de 200 vase de età arcaiche, classeche e medievale. Le proggette ca riguardane 'a revalutazione d'u Muline Scoppetta, 'a ripavimendazione d'u cendre storeche, l'isolamende d'u castelle (osce a die cercunnate pe ttre quarte d'u perimetre sue da javetaziune) e 'a sistemazione d'a javetaziune d'u monache camaldonese Benedette Calati condrebbuirebbere pure lore a 'a revalutazione storeche de Pusane.

'A prima emittende radiofoneche locale ha state Radio Tele Mare (RTM) 103.100 MHz, ca ave trasmesse da 'u 1978 'nzigne 'u 1984, in congomitanze cu le prime staziune radiofoneche provingiale affianghe a le primissime emittende libbere naziunale. Otre emittende onne state Radio Mare 2, Radio TEMPO Stereo, Radio Pusane Cendrale, Radio Oasi Stereo Pusane. 

Jndr'à l'editorie stambate, 'nu sacche de iniziative se onne succedute da 'u seconde dopeuerre a osce a die. 'Mbrò le prime citame 'u pioneristeche sumanale de attualità cetadine Blue Sky, fatte jndr'à l'anne '50, 'nzigne a 'u sumanale La Controra de le anne novande. Osce a die ste 'u mensile Il Taccuino 'u quale, 'nzigne a 'u 2011, s'ave occupate sulamende de Pusane ma mò parle pure de le vicende de le pajesere 'nzeccate Leporano, Lizzano, Faggiano, Roccaforzata e San Giorgie Ioniche. Pò ha state istituite 'u bimestrale conunale LuogoVivo (pu nome se onne ispirate a 'na località de Marine de Pusane) ca parle de l'attività de l'amministrazione comunale. Jndr'à 'u cambe culturale, apprisse 'na restrutturazione de cchiù o mene 'nu decennie, a 'a fine d'u 2009 ha state riaperte 'u tiatre piccinne Palatrappito (chiamate accussì purcé nasce addò in passate stave 'nu frandoje, trappitu in dialette locale). 'U tiatre, apprisse 'a restrutturazione, ha state 'nditolate a 'u storeche pusanese Andrea De Marco. Le doje cinematografe d'u paese sò invece oramaje achiuse da anne. Doje le film girate 'nderamende, o sole 'na parta piccenne, a Pusane:

A Pusane ave sede l'istitute combrendive Giuanne Giannone (ca ave recendemende assorbite l'ICS De Nicola). Pe l'istruzione superiore (apprisse l'esperienze passate d'a succursale d'u licèe aristosseno de Tarde) a Pusane ave sede l'Istitute Alberghiere Mediterranèe (cu succursale a Fragagnano e Marugge). Attive pure l'Istitute Musecale W. A. Mozart e 'a sucursale de l'Istitute Pianisteche Superiore F. B. Mendelssohn de Taurisano.

Duranne 'a staggione pusanese se tènene 'nu sbuenne sagre ca permettene de assaggià le piatte e le prodotte tipece d'a zone. 'Mbrà le prodotte tipece arrecurdame paste, pesce, frutte (e jndr'à 'nu mode particolare le fiche, le fiche d'Indie e l'uve), patane, ortagge, formagge (case recotte, recotte e casecavadde), uegghie e vine. Pusane jè une de le tappe luènghe 'a Strade d'u Vine e 'a Strade de l'Uegghie; le doje strade collegane le cendre de produzione de vine e uegghie d'a vanne salendine d'a Provinge de Tarde. Pu vine, Pusane face parte d'a Strade d'u vine d.o.c. Lizzano e Primitive de Manduria 'nzieme, apparte le comune salendine rumanende d'a provinge de Tarde, a Erchie, Oria e Torre Sanda Susanne, in Provinge de Brinnese; se producene, 'mbrà l'otre, 'u Primitive e 'u Negramaro. Pe l'uegghie, aqquà se produce cumme jndr'à tutte 'a provinge de Lecce, cumme in parte quedde de Brinnese e cumme jndr'à rumanende vanne oriendale d'a provinge de Tarde, l'uegghie salendine, cioé l'Uegghie Terra d'Otranto DOP, a differenze de le pajesere d'a vanna occidendale d'a provinge de Tarde (e d'u stesse capeluèche) addò se produce l'Uegghie Terre Tarandine. 'Mbortnade pure 'a produzione de doce.

Pusane jè mete releggiose pure pa soje prugessione de le Mistere d'u venerdìe sande, organizzate da l'Arciconfraternite d'u Priatorie. 'U venerdìe Sande de ogne anne 'na prugessione de perdune nazzecande attraverse 'u javetate pe totte 'a nuttate, purtanne cu lore le statue ca raffigurescene 'a passione de Criste. 

'A prugessione ha state annoverate da 'a Reggione Pugghie 'mbrà chidde cchiù rappresendative d'a sumana sande pugghiese e, seconne andiche scretture, pare ca jè cchiù andiche de quedde de Tarde, purcé resale a 'a metà d'u 1600. Le statue, in legne cu le uecchie de cristalle, avenèrene scolpite a màne 'mbrà 'u '700 e 'u '800. 'A feste patronale de San Trifone ('u quale culte maturò a Pusane 'mbrà 'u 1810 e 'u 1812 duranne 'u periode de pestilenze e cu 'a migrazione de 'nu sbuènne de famigghie ca avenèvane da 'a zone de Alessano, addò 'u culte d'u sande ere ggià consolidate; comungue 'u prime riferimende scritte sus a San Trifonea Pusane jè d'u 1822 e, 'u culte sue, pò essere ca s'ha sveluppate apprisse quacche 'nvasione de 'nzette, purcé jndr'à Grecie e, successivamende 'mbrà 'u 1400 e 'u 1900 pure a jndr'à 'u sud Itaglie, avenève tenute assaije in considerazione pa salvaguardie de le coltivaziune da le 'nvasiun de 'nzette e rettile) e d'a Madonne de le Martire (elette protettrice d'a cetate apprisse 'a Uerre de Otranto, ca custò 'nu sacche de vite) se festegge 'u 7 e l'8 settemmre quanne 'u cendre d'u apese se animesce grazie a 'nu sbuènne de bangarelle, luminarie, comblesse musecale e fuèche d'artifiggie. 'A stesse situazione se ripete 'u 11 febbrare pa feste d'a Madonne de Lourdes ca attire 'nu sbuènne de pellegrine.

'U paese festegge 'a Madonne de Lourdes 'u 11 febbrare sie purcé 'a prime apparizione d'a Madonne a Lourdes ha state l'11 febbrare 1858 e pure purcé 'a proclamazione d'a chiesere madre de Pusane cumme sanduarie mariane (purcé a 'u 'nderne sue ste 'na grotte artifiggiale ca raffiguresce quedde de Lourdes fatte costruì, pe vote de fede, da 'u miracolate Eggidie Delli Ponti a 'u retorne sue da 'a località frangese) ha state probbie l'11 febbrare 1947. 

'U 15 aguste, pa feste de l'Assunzione, le varche de le pescature locale carresciane in mare 'a statue d'a Madonne luènghe bbona parte d'a marine pusanese; passanne pa località Le Canne, spiccianne 'u eprcorse in località Mondedarene addò, purtate sus 'a spiagge ìa statue, avène repurtate jndr'à chiesere Stella Maris ca se iacchie nnande a 'a spiagge, sus 'a Litoranèe Salendine. Se festeggiane pure 'a Madonne d'u Carmine e 'a Madonne de le Fiure. Da arrecurdà bbuène bbuène pure, in ambite releggiose, 'u presepe artisteche ca ogne anne 'a Pro loco locale organizze 'mbrà le mure d'a seda soje.

'U borghe de Pusane pò essere divise jndr'à ttre zone da le caratteristeche urbanisteche differende:

'A frazione de Marine de Pusane ha nate partenne da 'u seconde dopeuerre sus a 'nu tessute de monolocale piccinne de cambagne o de case pe pescature, angore visibbele sus a le carte topografeche de l'Istitute Sciugrafeche Militare de inizie '900. Osce 'u 'nzediamende ha state quase tutte 'nglobbate da nuève viale e ville ca costituiscene 'nu unicum urbanisteche luènghe bbona parte d'a coste pusanese. 

Reste d'u tessute urbanisteche origgenarie sò presende angore in località Mondedarene, 'a quale organizzazzione viarie arrecorde 'nfatte 'u 'ndriche d'u cendre storeche de Pusane. Le prime ville d'u dopeuerre onne state costruite jndr'à le località Le Canne, Capparone e Mondedarene, mendre a Mondeparasche, 'A Fundane e Pezzarosse se iacchiane le costruziune cchiù recende.

A Lido Silvane se iacchiane ville cchiù granne e lussuose, in parte a 'u 'nderne de Vosche Caggione, nate in granne parte in maniere abbusive e pò sanate seconne le termine de legge. 'U 'nzediamende de Luèchevive nasce jndr'à vanne cchiù occidendale d'a coste de Pusane, lundane da 'u reste d'u javetate d'a Marine de Pusane e, recade in vanne pure jndr'à 'u territorie comunale de Leporano.

Le riune de Pusane sò:

Apprimme 'nu 'nu sacche de le riune de sus erane de le contrade de cambagne ma, apprisse l'urbanizzazzione, onne state 'ngluse jndr'à 'u cendre javetate. 'A zone marine e le cambagne onne state divise jndr'à 'nu sacche de contrade. Apparte a le contrade ca donne o pigghiane 'u nome da le spiagge d'a coste (Lido Silvane, Pezzarosse, Spedale Capparone, Mondedarene, Le Canne, 'A Fundane, Luèchevive, ecc.), se arrecordane, 'mbrà l'otre, 'a contrade Vosche Caggione (ca pigghie 'u nome da 'u vosche granne ca se iacchie addà), Villanove, Mondeparasche, 'A Fose e 'A Palate.

'U 23% d'a popolazzione de Pusane se dedichesce a 'u settore de le servizie, grazie soprattutte a 'a vocazione turisteche d'u territorie, 'u 22% a 'u commerce, 'u 19,5% a l'agricolture, 'u 18,5% a le istituziune e, 'u 15% a l'industrie (percenduale 'mbrà le cchiù vasce d'a provinge). 'U reddite medie dichiarate jè de 16.340 €, 'nferiore a 'a medie naziunale (18.892 €) ma superiore a quedde reggionale (14.770 €). 'Mbrà le rame economece prevale quidde d'u terziarie, soprattutte pa vocazione turisteche d'a cetate. 'Mbortande pure le attività commerciale, mandenute da cchiù de 220 ditte e quase 340 addette. Jndr'à le servizie comandane chidde d'a ricettività ('na quarandine).

'A cambagne pusanese jè destinate prengepalmende a 'a coltivazione d'a vite, de l'ulive e d'u grane. Se stime ca 'a produzione de uve ha state de cchiù o mene 70.000 quindale e quedde de alìe de quacche migliaie de quindale. Stonne certe frandoie olearie e ttre candine suggiale, ca assicurescene 'na produzione de 20.0000 ettolitre de vine. 
Jndr'à le massarie ca se iacchiane jndr'à le cambagne se allevane pecore, mucche e jaddine. 'A pesche jè discretamende sviluppate, ma copre 'nu ruole marginale jndr'à l'economije cetadine.

L'industrie copre 'nu ruole picche rilevande jndr'à l'economije pusanese. 'A zone industriale se iacchie in periferie sus 'a SP 109 Pusane - San Giorgie Ioniche e ospitesce soprattutte industrie locale. Se distinguone particolarmende le combarte agroalimendare, carpenderie metalleche e lavorazione d'u legne.

'U turisme a Pisane jè 'a prengepale fonde economeche, jè soprattutte de tipe balneare e ave fatte sì ca 'a cetate arrevasse a 'a notorietà. Conde sus a 'na pluralità de strutture ricettive ca assicurescene l'accoglienze de 'nu flusse de 60.000 crestiane. Sò presende 'nu parche acquateche e locale notturne. L'offerte turisteche conde sus a 'na Pro Loco, ca fatie da 'u 1966, e sus a otre associaziune turisteche. 'U turisme storeche e releggiose jè in vie de potenziamende. Jè, cu Castellaneta, 'u prengepàle comune d'a Provinge de Tarde (apprisse 'u capeluèche) pe strutture ricettive.

'U cendre de Pusane jè attraversate da 'n'arterie prengepàle Nord-Sud ca se chiame Vie Costandinopoli, parte iniziale d'a Strade Provingiale n. 109 ca colleghe'u comune cu 'a cetadine vecine de San Giorgie Ioniche. Sus a jedde se affacciane le prengepàle edificie andiche cetadine e quacche locale commerciale d'u cendre urbane, eppure 'na vanna considerevole d'a vecchie e d'a nova zone 'ndustriale verse Nord. 

Se parle de 'na strade de sole 10 m a doppie sienze de circolazione, assaije ausate da 'u traffeche leggere e pesande verse 'u paese e verse 'a marine e quindi dotate de 'nu notevole levèlle de pericolosità.

'N'asse urbane perpendicolare a 'a SP 109, ca se stacche affianghe a 'u Castelle e jè pure jidde dotate de locale commerciale, jè Vie Umberto I. Jedde rappresende in realtà 'a vanne iniziale d'a Strade Provingiale n. 112 pe Lizzano, in direzione Est. Pure sta strade, pure in mesure minore, presende levèlle de ause ierte e, quinde, particolare attenziune pianificatorie. 'N'otra strade 'mbortande jè 'a Provingiale Pusane - Leporano, tradizionale vie de collegamende cu 'u cendre de Tarde, fatte da le autobbus de linèe d'a CTP. Urtema direttrice degne de essere nnomenate jè 'a vie pu mare, ca parte da 'a cendrale vie Vittorio Veneto pe arrevà a 's Litoranèe Salendine passanne pu Vosche Caggioni (Strade Provingiale 121). Jndr'à l'anne settande ha state fatte in corrispondenze d'u Cambe Sportive 'na bretelle comunale ca colleghe 'a SP 121 a 'a Litoranèe Salendine presse 'a spiagge Le Canne, ca avène ausate assaije probbie jndr'à 'u periode d'a staggione.

Jndr'à 'u territorie d'a Marine de Pusane, l'arterie prengepàle jè senza dubbie 'a SP 100 Litoranèe Salenadine, chiamate Viale de le Micenei a 'u 'nderne d'u cendre javetate. St'arterie, costruite quanne ste spiacciavane le anne '50, ave ridisegnate 'u 'ndere profile ambiendale d'u territorie costiere joniche oriendale, da Tarde a Leuca. Pure a scapite d'u patrimonie de dune e macchie dunale, osce a die perdute assaije, 'a realizzazziona soje ave favorite 'u 'ngremende de residenzialità, turisme e comunicaziune soprattutte automobbilesteche, assaije ierte jndr'à 'u periode d'a staggione.

Apparte a servì da collegamende d assaije comune costiere, l'arterie se occupesce pure de smistà 'u traffeche locale d'a marine de Pusane e resulte assaije congestionate. 'U Piane reggionale de le 'nfrastrutture ave da tiembe definite 'nu proggette de rete 'nfrastrutturale alternative, ca permette 'a penetrazione a le località costiere cu asse ca partene da 'u sisteme de collegamende viarie 'nderne e sus a jidde retornane, 'nderrombenne 'a condinuità de supporte veicolare d'a litoranèe salendine. In particolare, 'na variande a 'a Litoranèe, canusciute pure cumme strade Tarde - Avetrana, se ste costruisce, permettenne a 'a vecchie litoranèe de devendà pedo-ciclabbile, cu 'nu granne beneficie pa rivalorizzazzione d'a coste. Pò 'a restrutturazzione d'a Litoranèe Salendine jè legate none sulamende a le vicissitudine finanziarie d'a Tarde-Avetrana, ma pure a 'a previsione de nove infrastrutture portuale a 'nguèdde 'a sede stradale, ca potessere jndr'à 'nu future vecine 'ngidere sus a l'efficienze de quidde proggette de restrutturazzione.

Sus 'a provingiale Pusane - Lizzano, in località Mondicchie, stè 'na aviosuperficie. Pò, a 'u 'nderne d'u terrene d'u Municipie se iacchie 'na piattaformepiccenne pe l'atterragge de elicottere.

'U comune de Pusane jè capefile de 'nu raggruppamende de comune pa realizzazzione de 'nu servizie idrovie ca adda permettere de effettuà 'nu gire turisteche luènghe 'a coste oriendale d'a provinge, 'nzigne a Cambemarine de Marugge cu approde jndr'à tutte le prengepale località, 'ngluse Marine de Pusane.

'U comune de Pusane jè membre de l'Aunìone de Comune Terre d'u Mare e d'u Sole 'nzieme a le comune de Leporano, Fragagnano, Lizzano, Torricella, Marugge ed Avetrana.

Face pò parte d'u consorzie Terra Jonica, 'nzieme a tutte le otre comune d'a Provinge de Tarde (tranne Martina Franghe) e, d'u Gruppe de Azione Locale Colline Joniche.

Le culure d'a cetate sonde l'azzurre e 'u gialle: le divise de le suggettate sportive pusanise, 'nfatte, sò azzurre (cu le rifiniture vianghe) o, raramende, gialle (cu le rifiniture gnure pe simboleggià l'ape presende sus a 'u stemme comunale). 'U sport cchiù rappresendative jè 'a pallavvole, grazie a 'a quale Pusane ave avute risalte nazionale, arrevanne a sciucà 'a terza serie nazionale.

Ave operate sus a 'u territorie pure 'a New Basket Pusane e, jndr'à 'u 2012, ha nate 'a Fortitudo Pusane. Pe quande reguarde le cambionate studendesche, pò, 'a Scole Medie De Nicola ave vinde, jndr'à 'u 2002-03, 'u titole tagliàne.

'A spiagge Mondedarene ha state cchiù vote sede de 'na tappe d'u cambionate tagliàne de beach volley. Pò, sembre a Marine de Pusane, ave avute sede 'na tappe d'u Trofeo Tre Mare, 'mbortande tornèe veliche d'u Mezzoggiorne. A Lido Silvane spicce 'a Coppe de le Micenei, trofèe veliche ca parte da Tarde.

'A quarte e urteme tappe d'u Gire de Pugghie 1997, 'u 3 ottommre, partìe da Pusane e spicciò a Martina Franghe cu 'a vittorie de Sergio Barbero.

'Mbrà le imbiande sportive comunale ste 'u palazzette d'u sport Franghe Alfarano cu 'nzeccate 'a piscine comunale Giuliano Musciacchio, 'u cambe sportive Franghe Guida cu piste de atletiche, 'u Pallone Tensostateche, 'na piste de go-kart e strutture minore.

San Giuanne da Matera, apprisse ca avere vissute a Pusane, se ne scìe jndr'à 'nu monastere vecine a Monde Sand'Angele, sus a 'u Gargane, in Provinge de Fogge, e 'u trasformò jndr'à l'Abbazzie de Sanda Marijen de Pusane, ca ha state une de le cchiù 'mbortande d'u sud Itaglie. Pure 'a contrade, addò se iacchie l'abbazzie, ave pigghiate 'u nome de contrade Pusane e le doje strade pe arrevà (une da Monde Sand'Angele e l'otre da Manfredonia) onne pigghiate 'u nome de vie Pusane.




#Article 58: Roccaforzate (618 words)


Roccaforzate éte 'nu comune tagliáne de 1.836 crestiáne d'a Provinge de Tarde in Pugghie.

'U paese de Roccaforzata stè sus a 'na colline, a 145 m.s.l.m., 'a cchiù ierte d'a Serra de Sand'Elia.

'U nuclèe storeche de le abitaziune de Roccaforzata jè 'nu raggruppamende de case ca se 'nzippane sus a l'orle d'u precipizie e da 'u colle scennene a 'u chiane, sus a 'u late de levante d'a Serra de Sand'Elia.

In epoche medievale, 'u 'nzediamende ere canusciute cumme Rocca-vecchie; jndr'à 'u XVII sechele, Rocca-nove; a le inizie d'u XIX sechele, ha pigghiate 'u nome de osce a die, derivate a giudizie de 'nu storeche locale da 'a località rupestre addò nasce 'u paese ca 'u renne inespugnabbele. Securamende, in epoche romane, jndr'à Serre de Sand'Elia, ha state 'n'inzediamende, d'u quale, però, non ge se canosce 'u nome. 

Onne avenute 'a luce, 'nfatte, cchiù nnande cu de le scave:
chiaute a fosse cu suppellettele sepolcrale, unguendarie, anforette, tazze, bicchire e otre matiriale ca combermane 'na presenze abitative. Le prime 'mbormaziune ca reguardane 'u feude de Rocca-vacchie resalene a 'u 1315.

Jndr'à 'u XV sechele, arrevarene jndr'à 'u Regne de Napule le Albanise (Epirote) guidate da Gjergj Kastriot Skanderbeg, chiamate da 'u re Ferrante I d'Aragona pe calmà le barone in rivolte, alleate, a lore volte, cu le Angioine. Domate le barone e sconfitte le lore alleate, a le albanise, ca s'avere condraddistinde jndr'à uerre, avenìe congesse de insediarse jndr'à 'nu sacche de cendre d'u regne ca erane quase disabbitate. Jndr'à zone d'u tarandine, se recostruirene 'nu sacche de paise addò l'albanise erane assaije probbie. Le casale occupate averene state chidde de Rocca, San Giorgie Ioniche, Faggiano, Monteparano, Fragagnano e San Marzano de San Gesèppe. Une de chiste ere Roccasforzata, une de le prime cendre occupate da le surdate de Skanderbeg, ca diedere vite a quedde ca avenìe chiamate, jndr'à storie de le colonie albanise in Itaglie, 'a terza migrazione.

Jndr'à 'u Quattrecinde costituì feudo d'a famigghie d'Ayello, passanne successivamende a 'a famigghie Laforza, successive a 'u XV sechele, ha state signate da 'nu late da 'a forte 'mbronde d'u sisteme feudale, ca prevedeve 'a successione o in eredità o pe acquiste, da l'otre da 'a forte presenze da 'a popolazione albanese, le quale seguivane 'nu probbie rite releggiose e parlavane 'a lenga lore. 

Passanne 'u tiembe le ause e le custume releggiose e culturale de le albanise avenèrene redotte a 'u silenzie. Stu processe avenìe accumenzate da l'Arcivescove de Tarde Monsignor Lelio Brancaccio, ca jndr'à 'u XVI sechele, trasformò 'a parrocchie albanese a rite greche in rite latine e facìe achiudere 'n'otra chiesere albanese. Jndr'à l'epoche recende, 'u dialette albanese ha remaste patrimonie de le sole abitande de San Marzano, invece jndr'à l'otre paise colonizzate pure lore da l'albanise e a Roccaforzata stu dialette avenìe estinde verse 'u 1800.

'U 14 scennare 1496, 'u feudatarie de Roccaforzata e d'u casale de San Martine ere Rafaele delli Falconi de Lecce.

Jndr'à 'u 1507, 'u feudo avenìe congesse, pe merite militare a 'u comandande albanese Lazzaro Mathes, a 'u quale succedìe 'u figghie Giuannangele ca se 'nzurò cu 'na discendende de Scanderberg, Porfida Musciacchio. Cchiù nnande, 'u feudo, avenìe accattate da Gabriele Scorna, a 'u quale succedìe 'u figghie Scipione. Jndr'à 'u 1559, 'u feudatarie de Roccaforzata ere Geronimo Forza; e jndr'à 'u 1617, Busicchio Renesi; e, cchiù nnande, 'a nepote Giustina.
Jndr'à 'u 1679, 'u feudo ere dominie d'a famigghie Ungaro. L'urtema baronie ha state quedde d'a famigghie Chiulia, 'mbonde a 'u 1804 quanne 'u reggime feudale avenìe dichiarate estinde.

Le collegaminde stradale prengepàle sonde rappresendate da ():

L'Aeropuerte de Tarde-Vurtàgghie Marcello Arlotta face servizie de linèe pu traffeche passeggere cu vole charter.
Le aeropuerte cchiù vecine sonde:




#Article 59: Rome (8015 words)


  Aiuto:Comune --

Rome (in tagliàne Roma) (IPA: , Roma in romanesche) ète 'nu comune tagliàne de 2.731.996 crestiáne capeluèche d'a Provinge de Rome, d'a reggione Lazio e capitale d'a Repubbleche Tagliàne.

Ète 'u comune cchiù popolose e, cu 'na superficie de 1.285 km², 'u cchiù estese d'Itaglie.

Jndr'à 'u corse d'a millenaria storia soje, ha state 'a capitale de l'Imbere romane e 'u core d'a crestianità cattoleche.

'U cendre storeche sue, sovrapposizione de testimonianze de quase ttre millennie, ha state inzerite jndr'à liste de le Patrimonie de l'umanità de l'UNESCO.

Rome ospite a l'inderne sue l'enclave d'a Cetate d'u Vaticano: pe stu fatte jè 'nu sacche de vote definite capitale de doje State.

Rome nasce sus a le rive d'u fiume Tevere; l'abitate origgenarie se sviluppò sus a le colline ca frondeggiane l'ansa jndr'à quale nasce l'isole Tiburtine, 'u sole guade naturale d'u fiume.

'A superficie d'u Comune jè larie assaije proprie, avenne inglobate aree larie abbandunate da sechele, pa maggior parte paludose e inadatte a l'agricolture e none appartenende a nisciune municipie.

'U territorie comunale se estenne sus a 'na superficie de 1.285,31 km² e jè 'u cchiù larie d'Itaglie. 'U Comune de Rome, attraverse 19 Municipie, governe 'n'area ca pe dimenzione jè de picche inferiore a l'intere Provinge de Meláne e superiore a quedde de Napule, e jè sei vote superiore a le territorie de ste cetate: 'a superficie comunale de Rome, pò, jè granne, cchiù o mene, quande 'a somme de le territorie de le comune de Meláne, Napule, Torino, Palermo, Genova, Bologna, Firenze, Bari e Catania, e jè superiore a quedde de cetate cumme New York, Berline, Madrid, Parigge e d'a Central London (comprendende 'a City of London). 

'A densità abitative, comungue, non g'è elevatissime, pa notevole presenze de aree verde sparse jndr'à 'u territorie comunale.

Rome, pò, jè 'a cetate tagliàne cu 'u cchiù ierte numere de Comune 'nzeccate: 29 comune tagliàne cchiù l'enclave d'a Cetate d'u Vaticano, pe 'nu totale de 30 territorie comunale 'nzeccate.

'U territorie sus a 'u quale 'a cetate ha nate e s'a sviluppate tène 'na storie geologgicamende comblesse: 'u substrate recende jè costituite da 'u materiale piroclasteche prodotte da le vulcane, oramaje stutate, ca cingene l'area d'a cetate a sud-est, 'u Vulcane Laziale jndr'à l'attuale Colle Albane, e a nord-ovest, le Monde Sabatine, 'mbrà seicindemile e trecindemile anne fa. Da ste deposite se formane gran parte de le rilieve collinare de l'area, combrese le sette colle. Successivamende l'attività fluviale d'u Tevere e de l'Aniene condrebbuì a l'erosione de le rilieve e a 'a sedimendazione, caratterizzanne 'u territorie de osce a die.

'U territorie de Rome, pertanne, presende diverse paesagge naturale e caratteristeche ambientale: certe rilieve monduose, le storece sette colle, le zone pianeggiande, 'u fiume Tevere e le sue ffluende, le marrane, le lache de Bracciano e de Martignano e chidde artificiale, 'n'isole fluviale (l'isole Tiberina), 'a coste sabbiose d'u lide de Ostia, 'u mar Tirreno.

'U nucleo cendrale e andiche d'a cetate jè costituite da le storece sette colle: Palatine, Aventine, Cambidoglie, Quirinale, Viminale, Esquiline e Celio.

A parte a le colle ditte sus, jndr'à cetate de osce a die sonde combrese diverse otre rilieve, 'mbrà le quale Monde Mario, 'u Gianicole, 'u Pincio affiangate da Trinità de le Monde, le Monde Parioli, Monde Sacro e Mondeverde.

'A cetate, otre ca da 'u Tevere, jè attraversate pure da 'n'otre fiume, l'Aniene (ditte pure Teverone), ca confluisce jndr'à 'u Tevere jndr'à zone settendrionale de l'odierne territorie urbane.

'U Municipie XIII se affacce sus a 'u mar Tirreno, 'u Municipie XX (cu l'enclave soje d'u Parche naturale reggionale d'u comblesse lacuale de Bracciano - Martignano) sus a le lache de Bracciano e de Martignano.

Seconde 'a classificazione de le clime de Köppen, Rome appartene a 'a fasce Csa, cioè a 'u clime temberate de le medie latitudine, cu estate assaije cavede (temberature medie assolute d'u mese cchiù cavede superiore a le 22°) e estate relativamende assutte.

'A cetate gode de 'nu tipiche clime mediterranèe, particolarmende mite e confortevole jndr'à le periode primaverile e autunnale.

Le staggiune cchiù chiovose sonde 'a primavere e l'autunne, prevalendemende jndr'à le mise de novemmre e abbrile. L'estrate jè cavede, assaije umide e tendenzialmende siccitose, invece l'inverne jè abbastanze mite, cu notevole e imbrovvise picche de fridde, chiovose, cu rarissime fenomene nevose de 'na certa consistenze. In generale, 'u clime jè abbastanze vendilate, cu 'na prevalenze de vinde settendrionale, cumme 'a tramondane e 'u grecale e occidendale, cumme 'u maestrale, 'u libecce e 'u ponendine, accuss' chiamate purcé proveniende da 'a zone a ponende d'a cetate.

Funnate seconde 'a tradizione 'u 21 abbrile d'u 753 a.C. da Romolo e Remo, Rome ha recoperte 'nu ruole fondamendale in Itaglie e in Europe jndr'à 'u corse d'a storia soje quase trimillenarie (le prime insediaminde pare ca resalene a 'u X sechele n.C.).

Caput mundi duranne l'epoche romane, ovvere capitale d'u munne allore canusciute, e punde de referimende politeche e spirituale de levèlle indernazionale 'mbonde a le sciurne nuèstre, Rome jè sede d'u papate (da 'u II sechele, tande da essere conziderate a parte ca caput mundi pure caput fidei) e, apprisse ca avere subbite le dominaziune de Bisanzio, ha state capitale d'u State d'a Chiesera (da l'VIII sechele), d'u Regne d'Itaglie (da 'u 1871), e jè pò addevendate capitale d'a Repubbleche Tagliàne (nel 1946).

 

'A descrizione d'u stemme d'u Comune de Rome jè condenute jndr'à 'u prime artichele d'u statute comunale:

Otre simbole de Rome, a parte 'u stemme comunale, sonde 'a lupa capitoline, statue de bronze ca raffigure 'a leggendarie lupa ca allattò le doje gemelle Romolo e Remo, jndr'à 'u 2009 scacchiate pe essere raffigurate jndr'à 'u marchie nuève (logotipe) ca adda rappresendà 'a cetate de Rome; 'u Colosseo, 'u cchiù granne anfitiatre d'u munne romane, costruite jndr'à 'u I sechele e recanusciute, jndr'à 'u 2007, cumme une de le sette maravigghie d'u munne moderne (uniche in Europe); 'u Cupolone, 'a cupole d'a basiliche di San Pitre in Vaticano, ca dominesce totte 'a cetate e simbolegge 'u munne crestiane, d'u quale Rome rappresende 'a capitale. Simbole d'a cetate duranne l'andichità ere l'aquila 'mberiale, effige militare; duranne l'era medievale ere 'u lione, animale embleme de supremazie.

'U mottette d'a cetate jè SPQR, in latine Senatus PopulusQue Romanus ('u Senate e 'u Popole de Rome), ca jndr'à l'andichità indicave le doje classe ca erane fundamende d'u State romane, chidde de le patrizie e de le plebbeie.

'A cetate de Rome jè:

'U cendre storeche se presende cumme 'u resultate d'u condinue sovrapporse de testimonianze architettoneche e urbanisteche de sechele diverse, jndr'à 'na combenetrazione uneche e suggestive ca face vedè 'u comblesse rapporte ca 'a cetate ha sembre instaurate cu 'u proprie passate, jndr'à 'n'alternarse de sviluppe caotece, periode de decadenze, renascite e tendative, in età condemboranèe, de ammodernamende d'u tessute urbane.

'A formazione d'a cetate se pò considerà congluse cu le granne intervende urbanistece de le urteme tre re de Rome, sotte le quale 'a cetate se sviluppe cumme cendre urbane etrusche: in particolare 'a bonifiche de l'area d'u Fore Romane mediande 'a costruzione d'a Cloaca Massima permettìe 'a creazione d'u cendre politeche, releggiose e amministrative d'a cetate, divise jndr'à quattre reggione e dotate d'a prima cinde de mure. Apprisse 'u 390 n.C., a seguite de le ingursiune de le Galle, se avìe 'a costruzione de 'na cinde nove (le accussì ditte mure serviane, in parte angore visibbele). Partenne da 0u II sechele n.C. se moltiplicarene le costruziune de edifice nuève, ca progressivamende avenèvane sckaffate in piane urbanistece coerende da parte de le personagge ca dominavane 'a storie politeche e intendevane celebbrà 'u proprie nome: d'u periode repubblecane putime osce a die ammirà, 'mbrà l'otre, le reste de l'area sacre de Larie Argendine e parte de le monuminde d'u Fore Romane.

'U fenomene se accenduò angore de cchiù jndr'à le prime sechele de l'Imbere romane a opere de le 'mberature, partenne da Augusto (Ara pacis, Mausolèe) ca pò dicere de avere trasfurmate 'a cetate de mattune jndr'à une de marme: 'mbrà 'u I e 'u II sechele nascene le prime Fore 'Mberiale, edificie pubblece granne assaije e splendidamende decorate cumme terme (le megghjie conservate chidde de Caracalla), tiatre (tiatre de Marcello), anfitiatre ('u Colosseo sotte Tito), tembie ('u Pantheon de Adriano), ricche residenze 'mberiale (Domus Aurea, palazze 'mberiale d'u Palatine).

'A crisi d'u III sechele vedìe quase 'nu comblete arreste d'a granne attività edilizie, cu le significative eccezziune d'a costruzione de le mure aureliane e de le prime catacombe crestiane. 
'Na riprese s'avìe in età tetrarchiche: Diocleziano face 'nzippà le terme sue, Massenzio 'u cirche a l'inizie d'a via Appia e accumenze 'a costruzione d'a basiliche ca porte 'u nome sue jndr'à 'u fore, costruzione spicciate da Costandine I; a chiste jè dovute pure l'Arche de Costandine, ca già presende le carattere artistece d'u tarde andiche.

Cu Costandine e l'editte sue d'u 313 inoltre 'u crestianesime iesse da 'a clandestinità e l'arte paleocrestiane iesse da le catacombe pe esprimerse jndr'à costruzione de le granne basiliche: Basiliche de San Pitre in Vaticano, San Giuanne in Laterano e Sanda Croce in Gerusalemme, costandiniane, e Sanda Marije Maggiore e San Paolo fore le mure jndr'à 'u V sechele.

Le chiesere crestiane de Rome sonde diverse cendinaie e 'a lore storie se indrecce cu 'a storie releggiose, sociale e artisteche d'a cetate. 'Mbrà de lore da segnalà sonde le quattre basiliche patriarcale: 'a Basiliche de San Giuanne in Laterano, ca jè pure 'a cattedrale d'a cetate, 'a Basiliche de San Pitre in Vaticano, 'a Basiliche de San Paolo fore le mure e 'a Basiliche de Sanda Marije Maggiore. Le quattre basiliche fanne parte d'u accussìditte gire de le sette chiesere ca le pellegrine ca arrevavene a Rome avèrena fà, tradizionalmende, a pide e jndr'à 'n'uniche sciurne. Le otre e ttre chiesere ca fanne parte de stu gire sonde 'a Basiliche de San Lorenzo fore le mure, 'a Basiliche de Sanda Croce in Gerusalemme e 'a Basiliche de San Sebastiano fore le mure.

A Rome, a parte le cendinaie de chiesere crestiane, pa maggiorparte cattoleche, ma pure protestande (valdese, metodiste, battiste, luterane, pentecostale, avventiste) e de otre confessiune e denominaziune crestiane, stonne pure luèche de culte de 'nu sacche de otre releggione, 'mbrà le quale 'a cchiù granne moschea d'Europe e une de le maggiore sinagoghe tagliàne.

'U Cambidoglie (in latine Capitolium) jè 'a sede d'u Comune de Rome. Jndr'à l'omonime chiazze, pruggettate da Michelangelo, se iacchiane 'u Palazze Senatorio, sede de rappresendanze d'u Comune de Rome, 'u Palazze de le Conservature e 'u Palazze Nuève, sede de le Musèe Capitoline. 'U Palazze Senatorio avenìe costruite sus a le reste de l'andiche Tabularum (ca ospitave le archivije pubblece d'u State romane); 'u Palazze de le Conservature tène origgene medievale, invece 'u Palazze Nuève avenìe pruggettate da Michelangelo ma realizzate sotte 'a direzione de Girolamo Rainaldi.

Rome ospitesce numerose palazze nobbiliare, sede de le famigghie de le signure e de le pape ca esercitavane 'u proprie putere jndr'à cetate. Palazze Venezia, ca se iacchie 'mbrà Chiazze Venezia e via d'u Plebbiscite, avenìe costruite sus a commissione d'u cardinale veneziane Pitre Barbo (cchiù nnande Papa Paolo II); jndr'à 'u corse de le sechele ha state sede papale, sede de l'ambasciate d'a Repubbleche de Venezia in Rome, sede de l'ambasciata austriache e quartiere generale de Benito Mussolini; osce a die ospitesce 'u Musèe Nazionale de Palazze Venezia e 'a Bibblioteche de Archeologgie e Storie de l'Arte.

Palazze Farnese, edificie rinascimendale cinghecendesche, se iacchie jndr'à l'omonema chiazze e ha state costruite pe ingareche d'u cardinale Alessandro Farnese, cchiù nnande Papa Paolo III. Palazze d'a Cangellerie se iacchie jndr'à l'omonema chiazze, 'mbrà Corse Vittorio Emanuele II e Cambe de le Fiure; ospitesce le massime trebbunale d'a Sanda Sede ('a Rota Romane e 'a Segnature Apostoleche). Palazze Wedekind, ca se iacchie in Chiazze Culonne, resale a 'a seconda metà d'u Seicinde ma ha state fatte recostruì jndr'à 'u 1838; osce a die ospitesce 'a sede de Il Tempo.

Palazze Chigi-Odescalchi, se iacchie in chiazze Sande Apostole, ha state de proprietà de le famigghie Colonna, Ludovisi, Chigi e Odescalchi. Jndr'à l' anne sessande d'u XVII sechele ha state oggette de 'na significative trasformazione a opere de Gian Lorenzo Bernini. Le facciate de l'edificie se presendane in stile barocche e neorinascimendale. Palazze Altieri, se iacche 'mbrà via d'u Plebbiscite e Chiazze d'u Gesù, ha state residenze d'a famigghie Altieri; osce a die jè sede de quacche banghe e condominie.

Palazze Colonna, documendate da 'u XII sechele, occupe 'n'indere isolate combrese 'mbrà chiazze Sande Apostole, via Nazionale, via IV Novemmre e via d'a Pilotte. Ha state residenze d'a nobbile famigghie de le Colonna, le quale membre discendevane da le conde de Tuscolo. Palazze Corsini a 'a Lungara, se iacchie jndr'à 'u rione de Trastevere, ha state costruite pe volere d'u cardinale Nero Corsini (nepote de Clemente XII) jndr'à prima metà d'u XVIII sechele. Se presende cumme 'na vere e proprie reggia e osce a die ospite 'a Gallerie Corsini e 'a sede de l'Accademie de le Lincei; jndr'à 'u giardine stè 'a sede de l'Orto botaniche de Rome.

Palazze Barberini ha state costruite 'mbrà 'u 1625 e 'u 1633. Se iacchie in via de le Quattre Fundane, vicine a Chiazze Barberini. Ha state sede d'a famigghia nobbele de le Barberini e osce a die ospitesce parte d'a Gallerie Nazionale d'Arte Andiche e l'Istitute Tagliàne de Numismateche. Palazze Boccapaduli Gentili Del Drago se iacchie in via San Nicola in Arcione; risale a 'u Settecinde e ha state residenze de le nobbele famigghie de le Boccapaduli, de le Del Drago e de le Gentili.

Siccome ca Rome jè capeluèche d'a Provinge de Rome, da Reggione Lazio e Capitale d'a Repubbleche Tagliàne, ospitesce 'nu sbuènne de palazze istituzionale. Palazze d'u Quirinale jè sede d'a Presidenze d'a Repubbleche; ha state costruite jndr'à 'u XVI sechele e ha state residenze papale. Palzze Madama jè sede d'u Senato d'a Repubbleche; ha state costruite a 'a fine d'u XV sechele][ e ha state residenze d'a famigghie de' Medici. Palazze Mundecitorie jè sede d'a Camera de le Deputate; ha state costruite jndr'à 'u XVII sechele e ha state sede d'a Curia Pondificie e d'u Guvernatorate de Rome. Palazze Chigi jè sede d'u Guverne tagliàne; ha state costruite jndr'à 'u XVI sechele e ha state residenze d'a famigghie Aldobrandini e ede de l'ambascaite de Spagne e de l'ambasciate de l'Imbere Austro-Ungareche.

Palazze d'u Viminale jè sede d'u Ministere de l'Interne; Palazze d'a Farnesine jè sede d'u Ministere de l'Affare Estere; Palazze Piacentini jè sede d'u Ministere d'a Giustizie; Palazze de l'Agricolture jè sede d'u Ministere de le Politeche Agricole, ALimendari e Forestale; Palazze Baracchini jè sede d'u Ministere d'a Difese; Palazze de le Finanze jè sede d'u Ministere de l'Economije e de le Finanze.

Palzze Valentini, sede d'a Provinge de Rome e d'a Prefetture, se iacchie in via IV Novemmre e resale a 'u XVI sechele. Palazze Koch, sede d'a Banghe d'Itaglie, se iacchie in Via Nazionale; in stile neorinascimendale, ha state costruite jndr'à seconda metà d'uUettecinde. Palazze de le Marescialle, sede d'u Consiglie Superiore d'a Magistrature, se iacchie in chiazze de l'Indipendenze. Palazze d'a Consulte, sede d'a Corte Costituzionale, ha state spicciate de essere costruite jndr'à 'u 1737; Palazze Spada, sede d'u Consiglie de State, se iacchie jndr'à 'u rione Regola: resale a 'u XVI sechele, quanne avenìe costruite pu cardinale Girolamo Capodiferro. 'U Palazze de Giustizie, ditte Palazzaccio, jè sede d'a Corte Suprema de Cassazione.

Ville, parche pubblice e aree prutette onne 'nu granne spazie jndr'à 'u tessute urbane: Rome non a uecchie tène 'u primate de capitale europèe cu 'u cchiù ierte numere de ettare reservate a 'u verde. 
Quiste sonde alcune de le numere ca 'u confermane: cchiù de 90.000 ettare de verde, cchiù o mene 'u 68% d'u territorie sue, 2.000 km de arvulature stradale e 'nu granne numere de parche e giardine pubblece mise sus a tutte 'u territorie urbane. 'A vanna cchiù famose de stu verde jè rappresendate da 'u granne numere de ville e giardine ca onne fatte parte jndr'à 'u passate de dimore nobbiliare, le cchiù andiche resalende a 'u XVI sechele; ma 'a tradizione d'u verde jndr'à cetate tène radice assaije cchiù andiche, e pò essere fatte resalì a le giardine urbane de proprietà de le personagge de spicche d'a Rome andiche (le horti).

'A cchiù granne ville romane jè Villa Doria-Pamphili, ca accumenze da 'a Cetate d'u Vaticano pe arrevà quase 'mbonde a 'u Granne Raccorde Anulare, luènghe 'a via Aurelia; 'a seconda ville pe grannenezze jè Ville Ada Savoia, longhe 'a via Salaria, 'nu timbe residenze e tenute de cacce de le Savoia; terze jè 'a Villa Borghese, granne parche cendrale d'u quale 'u Pincio, cu Villa Medici (sede de l'Accademie de Frange), costituisce 'a sezione jndre a le mure. A l'interne sue se iacchiane 'a collezzione de arte rinascimendale e barocche d'a Gallerie Borghese, 'u Musèe Canonica, 'u Musèe Bilotti, 'u Bioparche.

'A Ville Farnesina, in via d'a Lungara, ospitesce l'Accademie de le Lincei: a l'interne d'u palazze cinghecendesche sonde presende certe affresche de Raffaello; Villa Giulia, vicine a 'u chiazzale de le Belle Arte, ospitesce 'u Musèe Nazionale Etrusco; Ville Torlonia, lunghe via Nomentana, ha state residenze romane de Mussolini. Ospite ttre edificie, de le quale doje in stile neoclasseche e une ('a casina de le Civette) in stile liberty. St'urteme ospitesce pure 'nu musèe, (Musèe Casina de le Civette), invece jndr'à 'u casino nobbele se iacchie 'u Musèe d'a Scola romane.

Duranne 'a storia millenaria soje, 'a cetate de Rome ha state sede de cendinaie de tiatre e otre edificie a ause de spettacheel (cirche, anfitiatre.

Le prengepàle tiatre d'a Rome andiche erane 'u tiatre de Pompeo, 'u tiatre de Marcello, 'u tiatre de Balbo e 'u tiatre de Ostia andiche angore osce a die funzionande.
Le maggiure anfitiatre erane l'anfitiatre de Statilio Tauro, l'anfitiatre castrense e l'anfitiatre Flavio, megghie canusciuite cumme Colosseo e angore osce a die ausate occasionalmende pe rappresendaziune tiatrale e congerte.

Le prengepàle tiatre moderne sonde: 'u Teatre de l'Opere, 'u Tiatre Argentina, 'u Tiatre Sistina, 'u Tiatre Eliseo, 'u Tiatre Valle, 'u Tiatre Quirino, 'a Sala Umberto, 'u Tiatre Ambra Jovinelli e 'u Tiatre Brancaccio.

Le cchiù granne fundane romane sonde chidde monumendale, 'a maggior parte de le quale onne state fatte costruì da le Pape a l'inizie de l'età moderne: 'a fundane de Trevi, 'a fundane de l'Acqua felice (o d'u Mosè), le Quattre Fundane, 'a fundane d'a Barcaccia, 'a fundane de le Quattre Fiume, 'a fundane d'u Nettune e 'a fundane d'a Naiadi (quest'urteme però, costruite jndr'à 'u 1901 pe vulere de Mario Rutelli).

Assaije proprie sonde le fundane ornamendale: 'a fundane d'u Tritone e 'a fundane de le Ape, opere de Giuanne Lorenzo Brnini, 'a fundane de le Celone e 'a fundane d'u Babuino, ca face parte de le accussìditte  de Rome.

Esistene pure numerose fundane e fondanile fore o mise 'nguedde a le mure o luènghe 'u percorse de le acquedotte, cchiù o mene 2.500 fundanelle sparse pe totte 'a cetate e fundane de recende costruzione ('a fundane jndr'à nova chiazze Romane a l'Acquedotte Alessandrine, 'a fundane de chiazze Capelvenere a Acilia, 'a fundana nove de chiazze San Cosimato a Trastevere e 'a fundana nove de l'Ara Pacis).

Già jndr'à età andiche, pò, avenìe realizzate 'n'efficiende rezze de condotte idriche grazie a 0a costruzione de numeruse acquedotte: jndr'à l'arche de cinghe sechele, 'a lunghezze comblessiva soje arrevò a mesurà cchiù o mene 350 km.

Le acquedotte costruite in epoche romane sonde l'Appio, l'Anio vetus, l'Aqua Marcia, l'Aqua Tepula, l'Aqua Iulia, l'Aqua Virgo, l'Aqua Alsietina, l'Aqua Claudia, l'Anio novus, l'Aqua Traiana e l'Aqua Alexandrina. In età moderne, le Pape facerene restaurà le andiche acquedotte romane e ne facerene costruì otre, cumme l'Acqua Felice. Jndr'à 'u Novecinde, infine, avenèrene realizzate l'acquedotto d'u Peschiera-Capore e l'acquedotte Appio-Alessandrine.

Le prime ponde de Rome, fatte apprisse 'a conguiste d'u late sinistre d'u Tevere, avenèrene costruite in legne, pronde a essere destrutte in case de attacche nemiche. 'U prime ponde in murature, infatte, avenìe realizzate jndr'à 'u II sechele n.C.: se tratte d'u ponde Milvio, ca se iacchie jndr'à 'u punde addò convergevane ttre 'mbortande vie consolare settendrionale ('a via Flaminia, 'a via Cassia e 'a via Clodia).
 
A 'u Tevere le Romane attribbuivane carattere sacre, de conseguenze pure le ponde sue erane quacchecose de particolare, tande ca le costrutture de ponde, le Pontifices (da pontem facere), avèrene funziune sacerdotale ('a maggior parte de le ponde romane onne state infatte fatte costruì da Pontefice, cioè da Pape).

Osce a die a Rome esistene 28 ponde ca attraversane 'u Tevere; otre onne state costruite pe l'attraversamende d'u fiume Aniene.

Le mure de Rome sonde costituite da diverse cinde:

Rome jè 'a cetate ca conserve 'u maggiore numere de obelische (cchiù o mene 'na vendine): 'nu sbuènne de lore resalene a l'età 'mberiale, quanne le obelische avenèvane traspurtate direttamende da l'Egitte, apprisse 'a conguista soje (31 n.C.); otre avenèrene realizzate da loe romane, ca ausarene 'u stesse granite de le egizie.

Papa Sisto V, jndr'à 'u XVI sechele, ordenò de 'nzippà 'n'otra vote le andiche obelische cadute (tutte tranne quidde vaticano, uneche obelische andiche maje cadute) e le facìe reposizionà, ausannele cumme embleme de putenze d'u papate sue. L'urteme obelische ha state 'nzippate jndr'à l'ottommre 2004 jndr'à 'u quartiere Europe: l'opere jè de Arnaldo Pomodoro e se iacche jndr'à 'u chiazzale Pier Luigge Nervi.

Jndr'à le cinguand'anne ca onne seguite 'a conglusione d'a Seconda uerra mundiale Rome non ge s'à certamende distinde jndr'à 'u panorame europèe pe creatività e innovazione in ambite architettoneche, tranne ca jndr'à certe case. Stu fatte ha dipese assaije da varie fatture, cioè 'a necessità de recostruì quande avère state destrutte, de adeguà e amblià le strutture pe 'na cetate in forte crescite demografeche, ca ere destinate a raddoppià le crestiàne sue. In parte ha ingise pure 'nu vecchie pregiudizie verse ogne forme de innovazione (o presunde snaturamende) pe 'na cetate cumme Rome.
Sulamende a partì da 'a fine d'u XX sechele 'a situazione s'à sbloccate finalmende. Da quidde periode se stè assiste a 'nu lievità notevole de pruggette firmate da granne architette tagliàne e 'ndernaziunale, ca appondene a fà de l'Urbe 'nu cendre de granne inderesse policulturale e interreleggiose, 'nu fenomene ca ste investe prengepalmende le periferie.

'Mbrà le granne opere spicciate jndr'à ste decennie vonne arrecurdate:

é 'a Chiesere Dio Padre Misericordiose, sembre de Meier, jndr'à 'u quartiere perifereche de Tor Tre Teste, inaugurate 'u 26 ottommre d'u 2003, caratteristeche pa luminosità, le ttre vele vianghe e 'u cemende mangiasmog cu 'u quale ha state costruite.

'Mbrà le opere già in costruzione jndr'à Capitale sonde da arrecurdà:

Cu 128.500 ettare, Rome jè 'a cetate cchiù verde d'Europe. 
A parte le ville storeche sonde presende 'nu sbuènne de otre aree verde, eppure terrene dedicate a l'agricolture jndr'à le zone cchiù perifereche. Le aree protette cupriscene comblessivamende 40 mila ettare e sonde 'na realtà recende, accumenzate cu l'istituzione d'u Parche reggionale urbane d'u Pineto jndr'à 'u 1987 e de quidde de l'Appa andiche l'anne successive; jndr'à 'u 1997 nasce l'ente reggionale Romanatura e aumende notevolmende 'u numere de zone protette e l'imbegne d'a cetate jndr'à valorizzazzione d'u proprie patrimonie ambiendale, valorizzazzione ca remane però in larghe parte insufficiende (in termine de recupere da 'u degrade e da l'abusivisme, soprattutte jndr'à le zone mene cendrale) in combronde a le putenzialetate.

Numerose parche reggionale e riserve naturale recadene a l'inderne d'u territorie comunale de Rome, 'mbrà le quale 'u Parche Reggionale de l'Appia andiche (ettare 3.460), 'a Riserve naturle d'a Marcigliana (ettare 4.696), 'a Riserve Naturale de Decima-Malafede (ettare 6.145) e l'Area marine protette de le Secche de Tor Paterno (ettare 1.200).

Cu 'nu Piane Regolatore Nuève 'u Comune apponde a aumendà 'u territorie comblessive destinate a 'u verde 'mbonde a purtarle a doje tirze d'a cetate.

Rome accumenzò probbabbilmende a avè caratteristeche propriamende urbane angore apprime de l'avvente d'a dinastie etrusche de le Tarquini (fine d'u VII sechele n.C.). Atturne a 'a metà d'u VI sechele n.C., in età serviane, se calcole ca Rome tenève già 'na popolazzione de almene 30.000 crestiane ca ne facevane une de le cchiù 'mbortande cendre d'a reggione etrusche-laziale. Mende de ttre sechele cchiù nnande, a 'a viscilie de le uerre puniche (270 n.C. cchiù o mene), 'a cetate già apparive, cu le quase 190.000 crestiane, cumme une de le granne metropole d'u Mediterranèe occidendale, seconde, pe popolazzione sule a Cartaggine.
In tarde età repubblecane (seconda metà d'u II sechele n.C.), Rome se trasformò jndr'à 'u cchiù popolose cendre abitate d'u munne, e tale remanie pe quase totte l'epoche 'mberiale, securamende 'mbonde a 'u prime sacchegge a opere de le Visigote (410), ma forse pure de cchiù, 'mbonde a 'a viscilie d'a conguiste e d'u seconde sacchegge da vanne de le Vandale quase mmienze sechele cchiù tarde, jndr'à 'u 455.

Jndr'à 'u II sechele se calcole ca Rome ere iavetate da 1.200.000 - 1.700.000 crestiane, astepate cchiù o mene sus a 49.000 edificie ('a maggior parte de le quale sviluppate sus a doje piane). 'A cetate adda aspettà 'u censimende d'u 1951 pe putè raggiungere 'n'otra vote certe levèlle demografece. Angore a 'a metà d'u V sechele 'a metropole capitoline ospitave, a l'inderne de le proprie mure, cchiù o mene 650.000 crestiane, ma 'u seconde sacchegge a opere de le Vandale (455), assaije cchiù destruttive e cruende d'u precedende (410) e le anne de uerre e carestie ca seguirene, ne decimarene assaije proprie 'a popolazzione. Jndr'à le prime decennie d'u VI sechele s'arrevave a cchiù o mene 50.000 crestiane ca arrevarene 'mbonde a 20.000 a seguite d'a uerra gotiche ca pe quase 'nu vendennie devastò 'u Lazie e bbona parte de l'Itaglie (535-553). 'A popolazzione romane se mandenìe sus a tale levèlle duranne quase totte l'età medievale e sulamende jndr'à 'u corse d'u Rinascimende turnò a crescere.

 

A 'a viscilie d'u sacche de Rome d'u 1527 'a cetate tenève cchiù o mene 85.000 crestiane, redotte de 'a metà a seguite de tale luttuose fatte. 'A riprese avere state comungue abbastanze rapide: jndr'à 'u 1600 Rome avère raggiunde le 100.000 crestiane. L'incremende d'a popolazzione comungue se calmò 'nu picche jndr'à 'u corse d'u XVII e d'0a prima metà d'u XVIII sechele: le 156.000 crestiane d'u 1750 testimoniescene 'nu tasse de crescite assaije mene consistende de quidde vissute da 'a cetate jndr'à 'u Cinghecinde. Stu tasse vasce se mandenìe, cu ierte e vasce determinate da certe 'mbortande fatte storeche ('mbrà le quale in prime luèche l'invasione napoleoneche), pure jndr'à le cindevinde anne ca seguirene, 'mbonde a quanne cioè, Rome devendò capitale d'u State d'a Chiesere.

Quanne Rome avenìe annesse a 'u Regne d'Itaglie jndr'à 'u 1870, 'a cetate canuscìe 'nu sviluppe tumultuose: le 200.000 crestiane ca avere a quedda date (terze poste apprisse Napule e Meláne) devendarene 600.000 già a 'a fine d'u XIX sechele. 'u milione de crestiane avenìe raggiunde e supranate duranne 'u periode fasciste: jndr'à l'anne trende, Rome turnò a essere 'u maggiore comune d'a penisole.

Jndr'à 'u seconde periode apprisse 'a uerre Rome condinuò a svilupparse e a incremendà 'a popolazzione proprie sus a l'inde d'u boom economeche e edilizie, ca purtò a 'a costruzione de 'nu sbuènne de quartire periferece jndr'à l'anne cinguande e sessande.

Cu l'inizie de l'anne anne ottande 'a crescite demografeche d'a cetate s'a fermate combletamende, canuscenne, jndr'à 'u vendennie ca vè da 'u 1981 a 'u 2001, 'n'avvascamende peccinne. Jè quiste 'nu fenomene osservate jndr'à otre 'mbortande nuclee urbane tagliàne e europèe dovute in parte a 'u crolle d'a natalità (non sufficiendemende combensate da l'immigrazione) e in parte a 'u sviluppe de cetate satellite, o dormitorie, ca se iacchiane fore d'u territorie comunale.

Cu le oltre 2.700.000 crestiane, Rome jè 'u comune cchiù popolose d'Itaglie. Jndr'à 'u condeste de l'Aunione europèe, 'u comune de Rome se piazze a 'u quarte poste in termine de popolazzione, apprisse Londra, Berline e Madrid.

'U date relative a 'a popolazzione comblessive de Rome de l'urteme censimende, a 'u pare de quidde de otre comune tagliàne, s'a rivelate sbagliate, e ha state sottoposte a rettifeche, cumme resulte da 'nu comunicate ufficiale ISTAT,stilate jndr'à 'u 2007, jndr'à 'u quale se precise cumme le crestiane residende a Rome in date 21 ottommre 2001 non g'erane 2.546.804 ma 2.663.182.

De le residende jndr'à 'u comune, 218.426 sonde de nazionalità sdreuse, l'8,1% d'u totale. 'Mbrà chiste, le comunità cchiù numerose sonde chidde d'a Romanie (41.391), de le Filippine (24.521) e d'a Pulonie (11.361).

L'idiome ausate osgne sciurne da 'a popolazzione jè 'u romanesche, ca cumme 'a maggior parte de le dialette tagliàne non ge tène 'n'ufficialità. Origginariamende 'u dialette romane, furmate jndr'à 'u medioevo, ere fortemende  imbarendate cu le dialette d'u Sud Itaglie, in particolare cu 'u napuletane. Ha state pò l'influenze culturale e l'immigrazione fiorendine e da 'a Corsica jndr'à cetate duranne 'u Renascimende a cangià radicalmende 'u romanesche, purtannele cchiù vicine a 'a parlate toscane.

'U romanesche, cumme tutte le lènghe, s'à pò evolute jndr'à l'anne (Gesèppe Giuacchine Belli, jndr'à prima metà d'u Uettecinde, ause forme lenguisteche ca non g'avènene ausate da Trilussa a l'inizie d'u Novecinde), e da l'inizie d'u XX sechele s'à diffuse pure jndr'à otre zone d'u Lazie, in conseguenze d'a crescite demografeche.
Sta evoluzione non g'à alterate in profonnetà 'u dialette almene 'mbonde a le prime anne cinguande, partenne da le quale Rome ha accumenzate a essere mete de forte migraziune da le otre reggione tagliàne.
'U dialette ha subite da allore condaminaziune, soprattutte da 'u tagliàne, evolvennese jndr'à parlate ca se pò sendè osce a die: 'u accussìditte romanesche moderne.

Oramaje 'u romesche d'u Belli ha scombarse e 'u dialette de osce a die ha perse assaije de le parole e mode de dicere a favore d'u tagliàne.
In ogne mode, sus le reste sue s'à sviluppate 'nu dialette ca, ce ausate correttamende jndr'à tutte le caratteristeche sue cchiù tipeche, conzerve freschezze e vivacità, aspette de le quale le romane vonne fiere.

'A forte immigrazione de le anne cinguande e sessande, otre a refletterse sus a 'u lenguagge, ha cangiate 'a combosizione demografeche cetadine: a 'u romano de Rome da diverse generaziune, se onne affiangate le nuève arrevate.
Quiste face sine ca jndr'à le famigghie de osce a die cchiù ca 'u romanesche se tende a parlà 'u tagliàne, cu influenze dialettale cchiù o mene forte a seconde de le case.

'Mbrà le maggiure ccrejaziune letterarie in dialette romanesche sonde da arrecurdà certamende le poete ggià citate Giuacchine Belli e Trilussa, eppure Cesare Pascarella.

'Nu sbuènne de atture celebbre onne condrebbuite e condrebbuiscene a l'espressione tiatrale e cinematografeche d'u romanesche moderne; 'mbrà chiste, Aldo Fabrizi, Alberto Sordi, Nino Manfredi, Gina Lollobrigida, Anna Magnani, Gigi Proietti, Gabriella Ferri, Enrico Montesano e Carlo Verdone.

'A cetate jè 'u cendre de 'nu sbuènne de istituziune finanziarie (banghe e assicuraziune), de cendre de produzione televisive de aziende ca operane jndr'à mode e jndr'à pubblecetate e soprattutte jndr'à l'industrie cinematografeche.

A Rome sonde presende sede de ente ca onne finalità (esclusive o mene) de ricerche:

Jndr'à 'u 1980 'u cendre storeche, le proprietà extraterritoriale d'a Sanda Sede jndr'à cetate e 'a Basileche de San Paolo fore le mure onne state dichiarate patrimonie de l'umanità da l'UNESCO; jndr'à 'u 1990 ha state fatte da l'UNESCO 'n'estenzione e onne state ingluse le bene combrese jndr'à le mure de Urbano VIII.

Rome condinue a essere 'u cchiù granne cendre de istruzione superiore tagliàne, essende sede de numerose università pubbleche e private.

Le cchiù granne bibblioteche romane sonde: 'a Bibblioteche Angeliche, 'a prima bibblioteche pubbleche aperte in Itaglie (1604); 'a Bibblioteche Apostoleche Vaticane, ca 'a Sanda Sede ha organizzate e curate in Vaticano; 'a Bibblioteche de Archeologgie e Storie de l'Arte, 'a maggiore bibblioteche tagliàne in materie d'arte e de archeologgie; 'a Bibblioteche Casanatense, aperte jndr'à 'u 1701 vicine a 'u convende de Sanda Marije sus a Minerva; 'a Bibblioteche d'u Ministere de le Affare Estere, specializzate in diritte 'ndernazionale, storie condemboranèe e storie diplomateche; 'a Bibblioteche de l'Istitute de l'Engiclopedie Tagliàne, ca tende a furnì pe ogne argomende 'nu vaste apparate de consultazione generale; 'a Bibblioteche Hertziane'n'istitute d'a Suggettate Max Planck dedicate a 'a storie de l'arte; 'a Bibblioteche Don Bosco, 'a cchiù granne e 'a cchiù moderne bibblioteche d'a congregazione salesiane; 'a Bibblioteche e Musèe tiatrale d'u Burcardo, 'na bibblioteche-musèe specializzate jndr'à storie d'u tiatre e d'u spettacole; 'a Bibblioteche Nazionale Cendrale Vittorio Emanuele II, l'ente preposte da 'u State pa tutele d'u materiale libbrarie in Itaglie; 'a Bibblioteche d'a Suggettate Sciugrafeche Tagliàne, 'a cchiù 'mbortande raccolte libbrarie sciugrafeche d'Itaglie e 'mbrà le cchiù granne d'Europe.

Rome jè sede de 'nu sbuènne de università, statele, private e pontificie.

Rome ha state fine da le origgene d'u cineme 'nu set ideale, pe mutive loggistece e monumendale, purcé 'u sue hinterland jè assaije larie e varie e consende location altrettande varie e relativamende economeche e pure purcé jndr'à 'u timbe, da 'a costruzione de Cinecittà apprisse, s'à congendrate 'na grossa parte de l'industrie cinematografeche tagliàne.

Proprie pa cetadelle artisteche de Cinecittà, addò onne fatiate le prengepàle reggiste tagliàne e furastiere, Rome jè considerate une de le capitale mundiale d'u cinema.

Ogne anne 'a Capitale jè protagoniste de appundaminde trasute jndr'à tradizione romane e capace de rechiamà pure diverse cendinaie de migliaie de crestiane da ogne vanne d'Itaglie, cumme Cinema - Festa 'ndernazionale de Rome (ottommre), cu palcosceniche prengepàle vicine a l'Auditorium Parche d'a Museche (jndr'à l'edizione 2007 cchiù de 600.000 spettature e 670 proieziune), l'Estate Romane e 'u Biennale d'Arte 'Nternazionale de Rome.

Le rione sonde le repartiziune storeche (none amministrative) jndr'à 'u quale jè suddivise 'u cendre storeche. L'istituzione de le riune resale a 'u medioevo, invece in epoche romane 'a cetate ere suddivise jndr'à 14 reggione. 'U numere de le riune ha cresciute cu 'a crescete d'a cetate. Tutte mene ca doje Prati e Borghe se iacchiane jndr'à le Mure aureliane.

Le riune romane sonde 22: Monti, Trevi, Colonne,
Cambe Marzio, Ponte, Parione, Regola, Sant'Eustachio, Pigna, Campitelli, Sant'Angelo, Ripa, Trastevere, Borghe, Esquilino, Ludovisi, Sallustiano, Castro Pretorio, Celio, Testaccio, San Saba e Prati.

Apprisse l'stituzione de l'urteme rione, Prati, pe le successive allariaminde de l'area urbanizzate se accumenzò a ausà 'u termine de quartiere. Osce a die a Rome stonne 35 quartire.

Le urteme ttrede, Q.XXXIII, Q.XXXIV e Q.XXXV, avènene ditte quartire marine.

Stonne pure otre suddivisiune ufficiale e inoltre 'nu sbuènne de otre toponime de ause corrende.

'U territorie d'u comune de Rome jè suddivise jndr'à 19 Municipie (ex Circoscrizioni). Ogne municipie riunisce stuèzze diverse de quartire.

Inizialmende le circoscriziune erane 20; cu 'a legge reggionale n. 25 d'u 6 marze 1992, 'a Circoscrizione XIV ha devendate 'nu comune autonome, Fiumicino. Cchiù nnande, cu 'a delibberazione d'u Consiglie Comunale n. 22 d'u 19 scennare 2001, le 19 circoscriziune onne devendate municipie, mandenenne 'a numerazione origgenarie.

Le municipie de Rome sonde suddivise jndr'à 155 zone urbanisteche omoggenèe furmate jndr'à 'u 1977.

Le 19 municipie de Rome sonde: I (Cendre storeche), II (Parioli), III (Nomentano - San Lorenzo), IV (Monde Sacro), V (Tiburtina), VI (Prenestino), VII (Cindecelle), VIII (de le Torre), IX (San Giuanne), X (Cinecittà), XI (Appia Andiche), XII (EUR), XIII (Ostia), XV (Arvalia Portuense), XVI (Monde Verde), XVII (Prati), XVIII (Aurelia), XIX (Monde Mario), XX (Cassia Flaminia).

'U comune combrende 'nu sacche de borgate e fraziune, 'mbrà le quale Ostia, cresciute jndr'à prima metà d'u Novecinde in seguite a le demoliziune attuate da 'u Fascisme jndr'à le riune storece e jndr'à 'u dopouerre in seguite a massicce immigraziune, proveniende prengepàlmende da le zone e reggione confinande.

Sviluppatase inizialmende atturne a l'artiggianate de le riune e successivamende a l'amministrazione pubbleche (statale, reggionale, provingiale, comunale) e a le ente parastatale storecamende presende jndr'à cetate, Rome tène osce a die 'n'economije dinameche e diversificate ca produce cchiù o mene l'8% d'u PIL nazionale e condinue a crescere cu 'nu tasse superiore a 'a media nazionale.

Jndr'à 'u 2005, a fronde de 'na crescite d'u 0,1%, 'u PIL d'a cetate de Rome ha cresciute d'u 4,1%, invece jndr'à 'u periode 2001-2005 l'ingremende ha state addiritture de l'unnece per cinde. Tutte stu fatte ha purtate naturalmende effette benefece sus a 'u tasse de occupazione, 'nghianate d'u 4% da 'u 2001 a 'u 2005, riducenne 'u levèlle de disoccupazione da l'11,1% a 'u 6,5% (sus a 'na media nazionale d'u 7,7%), indice 'mbrà le cchiù vasce 'mbrà le capitale europèe, superanne pure Parigge, Bruxelles e Vienna. 

A conferme d'a forze crescende de l'economija soje, 'a metropoli capitoline s'a classificate a 'a vendicinguesime posizione d'u European Cities Monitor 2008 ('a classifeche de le megghie cetate d'affare in Europe) in salite de doje posiziune rispette a 'u 2007.

A parte le servizie e a l'indotte generate da 'a presenze de le funziune amministrative, jè l'edilizie a rappresendà 'u settore economeche cchiù 'mbortande d'a cetate; queste, ave da 'na vanne aumendate 'a crescite scriteriate e spesse abbusive de le periferie romane (dande luèche a 'a figure professionale d'u palazzinare) e da l'otre ha favurite 'u sviluppe de certe 'mbrà le cchiù gruèsse gruppe naziunale d'u settore.

'A presenze de le tre pole universitarie, 'nzieme a decine a carattere private, ha favorite jndr'à l'urteme anne 'u sviluppe de attività legate a 'a ricerche e a le servizie tecnologgece avanzate.

A Rome jè presende 'na forte reltà industriale costituite de aziende medie e medie-piccenne, ca s'a sviluppate atturne a certe pole de sviluppe, cumme 'a via Tiburtina o Acilia. Jndr'à l'urteme anne, cu l'aperture d'u mercate de le telecomunicaziune, ha state pure 'nu notevole sviluppe de le aziende legate direttamende e indirettamende a stu settore ca onne spesse scacchiate Rome pe l'insediamende de le sede lore.

L'agricolture e l'allevamende (soprattutte 'a pastorizie) stonne chiane chiane perdenne l'imbortanza lore, purcè 'u territorie comunale se urbanizze sembre de cchiù. Comungue angore osce a die non gìè infrequende acchià gregge pascolà jndr'à le zone perifereche d'a cetate.

Naturalmende 'u turisme rappresende une de le vôsce cchiù 'mbortande d'u ualanze cetadine, conziderate l'offerte culturale d'a cetate. Pure stu settore ste cresce forte forte: pu 2005 se onne stimate cchiù o mene 19,5 miliune de turiste, cu 'n'aumende d'u 22,8% rispette a 'u date d'u 2001.

Cu cchiù de 26 miliune de visitature jndr'à 'u 2007, Rome jè 'a terza cetate in Europe e l'ottave jndr'à 'u munne cumme numere de turiste.

'A cetate jè a 'u cendre de 'na strutture radiale de vie de comunicazione ca ricalcane le direttrice de le andiche vie consolare, ca partenne da 'u Cambidoglie congiungevane Rome andiche a tutte le anghele d'u 'Mbere.
'U punde de partenze de le strade ca partene da Rome - 'u chilometre zere fiseche - rumane 'u miliarie aureo, 'a colonne 'nu timbe dorate e mise jndr'à 'u Fore, osce a die de marme e mise in cime a 'a Cordonate, in chiazze d'u Cambidoglie.

'U spazie urbane, 'nu timbe delimitate da le mure, jè osce a die definite da l'anelle esterne de raccorde 'mbrà le vie de penetrazione, 'u Granne Raccorde Anulare, 'u quale rappresende 'a congiunzione prengepàle d'u trasporte sus 'a strade 'mbrà Rome e 'u reste de l'Itaglie.

Essenne mise a 'u cendre d'a penisole, Rome jè pure 'u prengepàle node ferroviarie de l'Itaglie cendrale. Le prengepàle direttrice d'u traffiche ricalcane - almene jndr'à vanne iniziale d'u percorse - 'u tracciate de le strade consolare: 'a linèe tirreneche (Rome-Genova, luènghe 'a via Aurelia); 'a linèe verse nord inizialmende lunghe 'a valle d'u Tevere (Rome-Firenze-Bologne); le linèe verse l'Adriatiche (Rome-Pescara, lunghe 'a via Tiburtina e Rome-Angone, lunghe 'a via Flaminia); le linèe verse 'u meridione (Rome-Napule, lunghe 'a via Appia e Rome-Frosinone-Caserta, lunghe 'a via Casilina).
Lunghe 'a via Casilina s'à aggiunde picche timbe fa 'a nova ferrovie Rome-Napule a velocità ierte, inaugurate 'u 19 decemmre 2005 ('u prime esembie de linèe 'a velocità ierte in Itaglie, cu trene ca ponne supranà le 300 km all'ore). Le prengepàle staziune sonde Rome Termini ('a cchiù trafficate d'Itaglie, cu cchiù o mene 40.000 transite sciurnaliere; a l'inderne sue, jndr'à 'u piane sotterranèe, se iacchie 'nu cendre commerciale chiamate Forum Termini, cu cchiù de 100 puteje e 180 categorije merceologgeche), Rome Tiburtina (addò jè previste 'a fermate de le trene a Velocità Ierte/Capacità Ierte in transite pe Rome sus a direttrice Nord-Sud), Rome Ostiense, Rome Trastevere e 'a Rome Tuscolane.
Stonne pure staziune cchiù piccenne cumme San Pitre, Rome Casiline. Pò esistene cchiù de 50 staziune e fermate ausate sulamende pu traffeche locale.

'A costruzione de 'nu puerte romane jè merite, seconne 'a tradizione, de Anco Marzio, quarte de le sette leggendarie Re de Rome, ca facìe costruì l'insediamende de Ostia (633 n.C.). 'U nuclèe piccinne, ca pò essere considerate 'a prima colonie de Rome, crescìe de notevole 'mbortanze cu 'u passare de le sechele, tande da raggiungere le 75.000 crestiane jndr'à l'età 'mberiale. Jndr'à zone, pò, averene state costruite doje puerte nuève pe ordene de le 'mberature Claudio e Traiano. 'A cetate portuale subbìe 'na decadenze lenda lende partenne da 'u IV sechele, comblece 'a crise economeche dovute a le invasiune barbareche; da 'u IX sechele, Ostia accumenzò a essere destrutte.

Otre puerte romane onne state chidde fluviale, costruite pe l'approde de le 'mbarcaziune ca andicamende resalivane 'u Tevere pe arrevà jndr'à cetate: 'u puerte de l'Emporio, abbandonate ggià in epoche medievale; 'u puerte de Ripa, recostruite jndr'à 'u 1642 cu 'u nome de Ripa Granne; 'u puerte de Ripetta, costruite jndr'à 'u 1704 a monde de Castel SandìAngele ma destrutte jndr'à 'u 1893; 'u puerte Leonino, costruite jndr'à 'u 1827 pe vulè de Lione XII e destrutte jndr'à 'u 1863. Osce a die jndr'à cetate, luènghe le sponde d'u Tevere, se iacchiane sulamende quacche punde d'imbarche de le battelle turistece.

'U puerte nuève de Rome ca se iacchie a Ostia Lido avenìe inaugurate jndr'à 'u 2001. 
Se tratte de 'nu puerte turisteche, strutturate cumme quidde origgenarie ma cu funziune combletamende diverse: none cchiù 'nu punde strateggeche e commerciale, ma 'n'approde turisteche nuève pe 'mbarcaziune da diporte. 

Puerte de Rome sonde pure 'u puerte canale de Fiumicino ma soprattutte 'u puerte commerciale de Civitavecchia ca colleghe cu servizie regolare 'u cendre Itaglie cu le prengepàle destinaziune d'u Mediterranèe, e jè une de le prengepàle terminal naziunale pe le nave da crociera.

'A cetate avène servite osce a die da ttre aeropuerte:

Stonne pure otre auropuerte jndr'à le vicinenze o a 'na distanze none eccessive da 'a cetate, 'mbrà le quale l'ex Aeropuerte de Cindecelle, ca se iacchie jndr'à vanne oriendale de Rome 'mbrà 'a via Tuscolana e 'a via Casilina (abbandonate da parecchie anne e, osce a die, in vie de riconversione jndr'à 'nu granne parche pubbleche cu 'na vanne ca adda essere destinate a edificie pe 'nu cendre direzionale), l'Aeropuerte de Pratica de Mare, sulamende militare, ca se iacchie a sud de Rome 'mbrà Torvaianica e 'a Via Pontina (ausate pure pe ingondre 'mbrà Cape de State) e, l'Aeropuerte de Guidonia, a nord est d'a Capitale, ausate da l'Aeronautiche Militare.

Rome osce a die jè dotate de doje linèe de metropolitane, ca fanne cape a l'ATAC:

'A lunghezze de osce a die d'a rezze metropolitane jè de 36 km. Le doje linèe se 'ngondrane sule jndr'à 'nu punde, a 'a stazione de Roma Termini; ttre staziune d'a linèe B (Piramide, Basilica di San Paolo e EUR Magliana) sonde in comune cu le staziune d'a Ferrovie Rome-Lido.

Osce a die jè in costruzione 'na diramazione d'a linèe B ('a linèe B1), ca, distaccannese da 'a linèe prengepàle a chiazze Bologne, adda arrevà a chiazzale Jonio (quartiere de Monde Sacre), cu 'nu percorse de 5 km e 4 staziune, servenne une de le zone cchiù popolose d'a cetate ('n'area granne cumme 'a cetate de Bologne).

'U 29 marze 2007 onne accumenzate le fatìe pa costruzione d'a linèe C, sus 'a direttrice est-nordovest; quanne le fatìe onne spiccià, 'a linèe adda essere longhe 25,5 km e adda tenè 30 staziune.

Jè a 'u studie 'na deviazione d'a linèe C, ca avessa essere chiamate linèe C1, 'a quale avessa partì da 'a stazione Teano arrevanne a 'a stazione metro B de Ponde Mammolo. Se penze pure a 'na nove metropolitane leggere ca avessa scè da 'a stazione Anagnina d'a linèe A a 'a stazione Torre Angela d'a linèe C, passanne da 'u Polo Universitarie de Tor Vergata.

Approvate le prolungaminde d'a linèe B ca adda arrevà a nord a Casal Monastero e a sud a Trigoria. 
Otre prolungamende approvate jè sus 'a linèe A ca adda arrevà a ovest a via Torrevecchia e probbabbilmende se adda spingè verse le quartire Casalotti e Casal Selce.

'U sisteme de le trasporte pubblece urbane sus a firre combrende pure cchiù de quaranda staziune urbane d'a rezze ferroviarie.

Sus a le linèe RFI jè in servizie 'nu sisteme de 8 ferrovie reggionale (o Linèe FR), gestite da Trenitalia, e numerate da FR1 a FR8; de chiste, le linèe FR1, FR2 e FR3 offrone 'nu servizie paragonabbele a quidde de le metropolitane (fermate ravvicinate, frequenza ierte, materiale confortevole), invece le restande sonde servite da le classece trene reggionale. Totte sonde però parte integrande d'u trasporte cetadine, e ausabbele jndr'à l'arèe urbane cu 'u stesse bigliette valide sus 'a Rezze ATAC e sus 'a metropolitane. Stè pure 'nu collegamende veloce veloce 'mbrà 'a Stazione Termini e l'aeropuerte de Fiumicino (Leonardo Express).

A parte a le linèe A e B d'a metropolitane e a le linèe FR de Trenitalia, 'u servizie de trasporte pubbleche sus a firre combrende le ferrovie reggionale Rome - Lido (ca raggiunge 'u litorale romane de Ostia Lido, Rome - Pantano (ca arrive jndr'à frazione romane de Giardinetti) e Rome - Viterbo (ca arrive jndr'à 'u capeluèche d'a Tuscia), gestite pure lore da l'ATAC S.p.A.

'U sisteme de le trasporte pubblece de superficie jè costituite da 'a rezze de autobus, tram e filobus gestite da l'ATAC. L'aziende munecepalizzate d'u trasporte pubbleche nascìe jndr'à 'u 1929 cumme Azienda Tramvie ed Autobus del Governatorato (A.T.A.G.), e ha state pe decennie 'u gestore uneche d'u sisteme de le trasporte de superficie d'a cetate, avenne assorbite tutte le 'mbrese piccenne private ca avèrane organizzate sine a quidde timbe 'u trasporte pubbleche romane. A l'epoche, le dimenziune aziendale e 'a stesse nature de azienda pubbleche consendivane ottime resultate, in termine de programmazione, de investimende, e de manutenzione e innovazione tecnologgeche. Apprisse alterne vicende e difficoltà e 'a crescite vertigginose de le coste de esercizie dovute pure a l'espanderse incondrollate d'u territorie urbane, l'aziende ha state trasformate jndr'ù 2000 in Suggettate pe aziune.

Osce a die l'ATAC gestisce 'na rezze de trasporte sus a gomme (autobus e filobus) e firre (tram) pe 'nu totale de 2.152 km, cu 2.760 veicole e cchiù de 300 linèe, pe cchiù o mene 5,4 miliune de km/ e 932 miliune de passeggere/anne. Le mappe d'u trasporte pubbleche sonde disponibbele presse 'u site de l'ATAC.

Jndr'à l'urteme decennie, 'u forte aumende d'u traffeche automobbelisteche private ha suggerite 'a ccrejazione de 'na zone a traffeche limitate (ZTL) jndr'à vanne inderne d'u cendre storeche, attive jndr'à le sciurne lavorative 'mbrà le 6 e le 18. L'aumende d'u traffeche notturne, specialmende jndr'à le fine sumàne, ha pò purtate a 'a ccrejazione de zone a traffeche limitate notturne a Trastevere, San Lorenzo e jndr'à 'u stesse cendre storeche, cu proggette de allariaminde a 'u quartiere de Testaccio. Le parchegge sonde sembre cchiù spesse convertite in zone de soste a paiamende, pe cercà de mettere rimedie jndr'à quacche mode a 'a croniche manganze de poste auto (pure ca certe parchegge sotterranèe sonde osce a die in costruzione).

Pe alleggerì le levèlle de inguinamende, da 'u 2001 ha state individuate 'na zona larie (inizialmende delimitate da 'u Granne Raccorde Anulare e osce a die redotte a l'accussìditte Fascia verde) jndr'à quale jè vietate, pe quacche ore o a sciurne alterne, l'accesse a le autoveicole cchiù inguinande, o avène limitate 'u traffeche vietannele pe targhe alterne, pe quacche ore, 'nu sciurne a sumàne. Le provvedeminde in merite e 'a perimetrazione de le aree inderessate onne cangiate jndr'à l'anne, ma non ge sonde note le resultate avute jndr'à riduzione de l'inguinamende.

Rome jè gemellate in mode esclusive e reciproco cu:

Accorde 'ndernaziunale:

A Rome diverse suggettate gareggiane jndr'à 'u massime cambionate d'a disciplina lore:




#Article 60: San Benedette Ullano (153 words)


San Benedette Ullano (in tagliàne San Benedetto Ullano, in albanese Shën Benedhiti) éte 'nu comune tagliáne de Arbëreshë de 1.666 crestiáne d'a Provinge de Cosenza, in Calavrie.

'U paese jè cercunnate da 'nu bosche de fagge addò stonne 'nu sbuenne de arvule de castagne e avènene ogne anne 'nu sbuènne de cristiàne pe cogghierle. Sembre jndr'à 'u bosche se iacchie 'na specie rare de tritone alpestre jndr'à 'u specchie d'acque chiamate 'u Laghicello a 1.000 metre de altezze.

'U paese stipe 'a culture greche-albanese, 'a lènghe e 'u rite bizzandine.

Le prime 'mbormaziune sus a stu paese se onne jndr'à 'u XII sechele quanne ere feudo de le duche de Montalto addò avenìe funnate 'nu monestere benedettine da 'u quale 'u paese pigghiò 'u nome.

L'andiche borghe medievale avìe 'nu decise 'mbulse demografeche e economeche, cu 'nu successive sviluppe urbanisteche, jndr'à seconda metà d'u XV sechele, quanne avenìe ripopolate da le profughe albanise.




#Article 61: San Donaci (903 words)


San Dònaci je 'nu comune tagliane de 6.768 crestiane d'a provinge de Brinnese jndr'à Pugghie.

Se iacchie jndr'à 'u Salènde lunghe 'a direttrice 'mbrà Lecce e Tarde.

Jè 'nu pseudoagiotoponime; 'n'etimologgije secure proposte 'nu picche de tiembe fa 'u porte a dominicus, da 'u quale iesse donicus e spiccianne a donaci, da indendere cumme '(casale o ville sckaffate jndr'à 'nu) terrene dominicate, ca significhe non date a 'nu feude'.

Stonne retrovaminde de oggette preistorece jndr'à grotte ca ste jndr'à contrade Mariane ('nu picche de vase e arme litiche 'nderra-nderre).

Reste romane assute jndr'à contrade Cuciulina ('na necropoli piccenne de quattre chiaute e quacche epigrafe), jndr'à contrade Palazze (reste de 'na ville prediarie) e jndr'à contrade Mea (ville rusteche) fanne penzà a 'na presenze sporadeche de l'omme jndr'à l'età preclasseche e pò romane, probbabbilmende popolazziune messapeche ca pò avenerene colonizzate da le tarandine e infine 'nglobbate jndr'à Regio II Apulia et Calabria da 'u 'Mbere Romane.

Le prime tracce de 'nu 'nzediamende 'mbortande resalene a 'u X sechele, quanne 'u territorie d'u Salènde stave sotte a 'u dominie d'u 'Mbere Bizzandine. 'Nu sacche de crestiane dicene ca San Donaci ha state origgenariamende 'nu casale d'a Foreste oritane, apprime de essere date in feude da le conde de Conversane a l'arcivescove de Brinnese, Baiardo, jndr'à 'u XII sechele. Accussì rumanìe 'nzigne a fine d'u XVIII sechele, quanne Ferdinande IV de Borbone l'assegnò 'nzieme a 'u feude de San Pangrazie a 'nu guvernatore reggie.

'A feudalità arcivescovile sus a San Donaci subbìe 'n'inderruzzione formale e none sostanziale, jndr'à 'u 1461, quanne Ferdinande d'Aragone assegnò a George Castriote Skanderbeg 'nu sbuènne de feude jndr'à Pugghie, 'mbrà le quale San Donaci, in combense de l'aijute jndr'à uerre condre a Giuanne II de Lorena. Ma Skanderbeg e 'a colonie albanese ca avere pigghiate possesse de San Donaci preferirene lassà 'u feude a l'arcivescove de Brinnese.

'U nome d'u paese, seconde 'n'ipotesi assaije particolare de Giacome Arditi, pare ca avène da 'n'abbreviazzione de Donatoci, participie passate d'u verbe donare. Ma cchiù probbabbilmende jidde pò ffà referimende a 'nu sande particolarmende venerate jndr'à 'u medioeve jndr'à 'u Salénde, San Dona, nnomenate pure San Danatte e San Danax (Dànace).

'A strutture architettoneche de carattere storeche cchiù 'mbortande jè 'u Castelle, o Palazze arcivescovile de l'arcidiocesi de Brinnese d'u quale 'u borghe de San Donaci ere 'nu stuézze d'u Feude.

'A Chiesere de Sanda Marije Assunde jè 'n'esembie de neoclassicisme architettoneche attardate. 'Nzippate jndr'à 'u 1899 sus 'a na chiesere ca stave apprime, face 'ndrucà sus 'a chiazze 'a facciate elengande e sobbrie, cu 'u cambanile ierte, ca se 'ndruche da tutte le vanne. A 'u 'nderne sue ste l'altare de petre dedicate a l'Addulurate.

Jndr'à chiesere piccenne de Sanda Marije de le Grazie, osce a die cappelle d'u cambesande (a 300 metre da 'u pajesere), ste stipate l'immaggine venerate a affresche de 'na Madonne cu 'u Piccinne (Madonne de le Grazie) d'u XV sechele securamende appettate arrete.

Jndr'à contrade Mondicelle (sus 'a strade pe Mesagne) se iacchie 'nu rudere abbandunate d'u Tembiette de San Miserine, conziderate 'u luéche de culte paleocrestiane 'mbrà le cchiù andiche de l'indera reggione (VI-VIII sechele). Jè 'n'edificie de granne inderesse architettoneche pa chianda cendrale a forme ottogonale cu coperture a cupole, ca rechiame 'a tradizione costruttive romane. Pe 'nu sacche de sechele abbandunate e quase scettate 'nderre, ha state sulamende pe 'na vanna piccenne restrutturate; face 'ndrucà angore 'a tipiche coperture a cupole (fatte de opus cementicium) ca ste sus a uette pilastre e capitelle fate de stucche decorate cu fogghie d'acante. 'U 'nderne jè a cchiù o mene 2 metre sotte 'u piane de cambagne cu quattre abside piccinne ca sò condrapposte; sus a le parete rumanene tracce de 'ndonache russe, ma sò quase tutte sparite le affresche de epoche bizzandine e le decoraziune de stucche, invece 'u pavimende stipe angore stuézze d'u mosaiche a doje culure, probbabbilmende de epoche romane. Se tràse da 'nu pronae ca ste vecine a doje ambiende piccinne quase tutte scettate 'nderre. Probbabbilmende nate, jndr'à l'età romane, cumme tembie pagane (o ninfée), avenìe cchiù nnande ausate cumme battistere da le prime crestiane. 'U monumende jè a cchiù o mene 100 metre a sud d'u Limitone de le Grice, 'nu mure andiche de divisione 'mbrà 'a zone bizzandine (a sud) e quedde Longobbarde (a nord).

'A zone de le Palude, 'nu tiembe sede de 'nu 'nzediamende rupestre de monace de San Basiglie, jè osce a die pe 'na vanne cultivate; jè 'nu luèche de passagge de le acidde migratorije. In proggette 'u ripristine de l'arée naturalisteche e 'a realizzazzione de 'nu parche prutette.

'A combonende essenziale de l'economije sandonacese jè l'agricolture (vine, uegghie, cereale, frutte, bambaggie); abbastanze diffuse l'allevaminde de le ovine, le stabbilimende pe ffà 'u vine, le frandoie e le stabbilimende pe fatià le fiche secche.

San Donaci jè pure 'n'imbortande cendre pa viticolture.

A 'u 31 decemmre 2014 jndr'à 'u territorie comunale se reggistrave 'a presenze de 98 furastire residende (37 maschele e 61 femmene) ca sonde cchiù o mene 'u 1,44% d'a popolazzione totale residende. 'A comunitate cchiù granne jè probbie quedde de le marucchine.

Aqquà sotte iacchie le nazionalitate cchiù rappresendate:

L'economije se base praticamende quase totte sus a l'agricolture, caratterizzate da oliveculture (soprattutte chiande nove) e viticolture, so presende 'nu sacche de aziende de vine e cendre de assistenze fiscale.

Mò avène presendate 'na tabbelle relative a le amministraziune ca se onne cangiate jndr'à stu comune.




#Article 62: San Giorgie Ioniche (816 words)


San Giorgie Ioniche (in tagliàne San Giorgio Ionico) éte 'nu comune tagliáne de 15.613 crestiáne  d'a Provinge de Tarde, jndr'à Pugghie. Se iacchie jndr'à 'u nord Salènde, a 13 km da Tarde.

Le origgene de San Giorgie Ioniche se facene resalì a 'u III sechele n.C.; 'nfatte, a le inizie d'u Novecinde ha state acchiate, sus a 'u colle Sand'Elia, 'n'inzediamende de l'Età d'u Firre e strutture ellenisteche e romane de Età ìMberiale, eppure 'na necropoli larie d'u IV e III sechele n.C..

'Mbrà 'a metà e 'a fine de le anne novande, se onne avute otre acchiaminde cu 'a stessa datazione. 'U prime, vecine 'a massarie Feudo, jè relative a 'n'otre necropoli, pure ce de dimenziune cchiù piccenne; 'u seconde, jndr'à 'u piene d'u cendre javetate (duranne le fatìe de costruzione d'u tiatre a l'aperte), riguarde certe chiaute cu le relative ornaminde funebre.

'U sviluppe d'u Borghe, sciugrafijeborghe, conumgue, se face resalì a 'u X sechele, quanne profughe Crestiane de Tarde, ca avenève saccheggiate da le Saracene, se stabbilirene vecine a 'a Chiesere Madre de osce a die (Marije SS. d'u Popole).

Migraziune nuève, jndr'à 'u XV sechele a 'u seguite d'u condottiere albanese Giorgie Castriote Skanderberg, popolarene San Giorgie e otre comune d'u tarandine oriendale (osce a die individuate cumme Albanie tarandine).

'N'otre ipotesi, condestate, sus a l'origgene de San Giorgie, se base sus 'a letture de 'nu documende d'u 1072 stipate jndr'à 'u Monastere benedettine d'a Trinità de Cava, addò se legge ca 'u conde de Tarde, Petrone, riale a l'abbate Orso, d'u monastere benedettine de Tarde, 'n'ecclesie Sancti Georgi intus in Gualdam cu tutte le pertinenze sue.

Da aqquà, pe certe storece, 'a conglusione ca, ggià jndr'à l'XI sechele, atturne a 'a CHiesere Madre de San Giorggie de osce a die stave 'nu nuclèe javetate.

Otre storeche, però, datane 'a funnazione d'u nuclèe de San Giorgie de osce a die 'mbrà 'u XV e 'u XVI sechele. Infatte, 'u nome d'u casale jesse pa prima vote jndr'à le documinde jndr'à 'u 1522.

'A popolazzione de San Giorgie accumenze a crescere veloce veloce grazie a 'nu sacche de immigrate albanise e a chidde crestiane ca lassavane le casale de Belvedere e Pasone.

Le vicende storeche de San Giorgie jndr'à 'u XVII sechele, sò legate soprattutte a le condroversie 'nderne d'a famigghie Muscettola, ca ccrejarene 'n'effette de rallendamende jndr'à crescite d'u paese, ca pò arrepigghie, jndr'à seconna metà d'u XVIII sechele, quanne Ferdinando IV accumenze a limità le privilegge feudale e procede a scorporà le latifonde.

San Giorgie avène divise accussì jndr'à 350 quote e, da quiste ave inizie 'a culture contadine (d'a coltivazione e de le scambie de le prodotte agricole) ca adda essere 'a base d'u sviluppe economeche d'u cendre.

Ma le conseguenze feudale avènene de fatte abbandunate sulamende jndr'à 'u XIX sechele, quiste jè pe San Giorgie 'u preludie pe 'na forte crescite civile e economeche, ca ave condinuate 'nzigne a le sciurne nuèstre.

Da le anne settande 'u comune, ca ave sembre risendite d'a forte vicinazne a 'nfluenze d'u capeluèche, ave avute 'nu notevole sviluppe jndr'à l'edilizie e jndr'à l'industrie (allariamende d'a zone industriale), cu 'nu conseguende e ulteriore aumende d'a popolazzione.

'A chiesere madre de Sanda Marije d'u Popole d'u XVI sechele, 'nzippate sus a 'n'andiche luèche de preghiere d'u X - XI sechele, in stile barocche, ave 'na sola navate cu altare cendrale ricche de marme policrome e doje altare laterale. Sò degne de note le dipinde sus a tre altare, 'u core cu 'norgane a canne andiche e sculture de legne d'u sande protettore San Giorgie Martire (festeggiaminde 'u 23 abbrile).

'A cappelle 'nzeccate a 'a chiesere madre e a l'annesse e preggevole oratorie d'u Sandissime Rosarie(XV sechele), jè 'u monumende cchiù andiche d'u comune, ca ave assute fore durande le fatìe de restaure.

'A cendrale chiazze San GIorgie (ggià chiazze Margherite) ave 'n'inderessande mosaiche pavimendale. Jndr'à 'u cendre sotreche se iacchiane certe palazze nobbiliare ('u settecendesche palazze Imperio, palazze Alberini-De Siati, palazze Alberini-Caramia), 'a cappelle d'a Madonne d'a Croce, 'a chiesere SS. Marije 'Mmaculate ('nzippate 'mbrà 'u XIX e 'u XX sechele), ville Parabita e 'u castelle de le conde D'Ayala Valva (XX sechele) cu 'a vecine cappelle d'u Calvarie, eppure diverse e andiche edicole votive.

Appene fore da 'u cendre javetate, in direzione Pusane, se iacchie 'u comblesse de le cave de tufe Le Tagghjate, de relèvande valore andropologgeche pa comunitate locale.

'U dialette locale jè 'u sangiorgese, 'nu dialette salendine de variande brinnesine.

Jndr'à 'u paese stonne ttre scole de l'infanzie pubbleche e 'nu sbuènne private, ttre scole elemendare, 'na scola medie e 'n'istitute de 'struzione superiore, sede staccate de l'ITIS Falanto de Talsane-Tarde.

A San Giorgie Ioniche stè 'u stabbilimende de Ninfole ca produce 'u cafeje.

Le collegaminde stradale sò rappresendate da ():

L'Aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole cahrter.

Le aeropuèrte cchiù vecine sonde:

 




#Article 63: San Marzano de San Gesèppe (1494 words)


San Marzano de San Gesèppe (in tagliàne San Marzano di San Giuseppe, Shën Marcani in lènghe arbëreshë) éte 'nu comune tagliáne de 9.274 crestiáne jndr'à Provinge de Tarde, jndr'à Pugghie.

Paese arbëreshë d'a Pugghie, 'nzieme a Casalvecchie de Pugghie (Kazallveqi) e Chieuti (Qefti), jè l'uneche comune d'u Salènde addò se stipe angore 'a parlate arbëreshë e le probbie tradiziune, dovute a 'u stanziamende, partenne da 'u XV sechele, de popolazziune ca avenèvane da l'Albanie e da 'a Grecie.

'U 'nzediamende de le greche-albanise in Itaglie se face resalì a 'u XV sechele e se leghe a le vicende storeche de l'Albanie jndr'à chidde anne: l'eroe nazionale albanese, Giorgie Castriote Scanderbeg, 'mbegnate a respingere le turche da l'Albanie, stringe a Gaeta 'nu giuramende de vassallagge jndr'à le confronde d'u Re de Napule Alfonso V d'Aragone, in cambie de aijute militare e robbe da mangià ca le garandìe pe 'nu sacche de anne jndr'à lotte condre a le turche le spalle cuperte. 'U patte costituì accussì 'a base giurideche cu 'a quale se pò spiegà 'a successive immigrazione e stanziamende de le greche-albanise jndr'à l'Itaglie meridionale. Cu 'a morte de Castriote jndr'à 'u 1468 e 'a successive prese d'a roccaforte de Croia da vanne de le turche jndr'à 'u 1478, ave inizie 0a vie de l'esilie de le popolazziune albanise verse l'Itaglie.

'A costituzione de comunitate arbëreshë non g'ave arrevate veloce veloce, cu 'nu spostamende forte, a le date tradiziunale de le immigraziune quattre-cinghecendesche, ma jè 'u resultate de 'nu luènghe e turmendate processe, ca combrenne passagge senze stanziamende attraverse cendre diverse, 'na ccrejazione e 'na scangellazione de agglomerate provvisorie, l'assorbimende jndr'à comunitate tagliàne de stanziaminde albanise minoritarie, fusione sus a 'u suole tagliàne 'mbrà albanise de diverse provenienze e 'mbrà albanise e tagliàne, spostaminde angore da 'nu cendre albanese a 'n'otre. San Marzano, cumme tutte le popolazziune a jidde 'nzeccate, subbìe atturne a 'u XV sechele quedde ca ha state jndr'à storie de le colonie albanise in Itaglie, 'a terze migrazione.

'A terze migrazione resale a le anne 1461 - 1470, quanne Giorgie Castriote Scanderbeg (Principe de Croia), mannò 'nu cuèrpe de spedizione de cchiù o mene 5 000 albanise guidate da 'u nepote Coiro Stresio pe da 'na màne a Ferrante I d'Aragone jndr'à lotte condre a Giuanne d'Angiò.

Coiro Stresio facìe zumbà allere, 'u 18 aguste 1461, a Lache de Sanghe, ca s'acchiave 'mbrà Greci, Orsara de Pugghie e Troia, le truppe partigiane de Giuanne d'Angiò guidate da Piccinino.

Pe le servizie rese, avenèrene congesse a 'u pringipe Scanderbeg deritte feudale sus a 'u Monde Gargano, San Giuanne Rotunne e Trani e avenìe congesse a le surdate e a le lore famigghie d stanziarse jndr'à otre territorie.

Jndr'à ste possesse, da 'u 1463 a 'u 1470 avèrene nate le comunitate albanise de: Belvedere, Coronno, Civitella, Faggiano, Mondeiase, Mondemesola, Mondeparane, Roccaforzate, Crispiano, San Giorgie, San Martino, Sanda Marije deì'a Camera, Mennano, Sand'Elia, Lupara, San Paolo in Civitate, Castelmauro e San Giacomo de le Schiavune (alcune de chiste estinde). E chidde de: San Marzano, Chieuti, Cambemarine, Casalvecchie, Puèrtecannone, Mondecilfone e Ururi.

Ferdinande I facìe 'na politeche de repopolamende de certe aree d'a Pugghie e decedìe de dà a le fuggetive 'n'asile secure a indere nuclèe famigghiare de ogne classe suggiale arrevate jndr'à 'u sud Itaglie pe nò cadè in schiavitù e nò renungià a 'a probbie fede. E' l'immigrazione condinuò pe tutte 'u XVI sechele pe cchiù vote.

Jè jndr'à stu periode ca nasce l'Albanie Salendine a 'u quale inderne se condensarebe dudece comunitate de lènghe albanese: 'a prime avère state Faggiano e pò l'otre, San Crispieri, San Giorgie, Carusine, Mondemesola, Mundejase, Mondeparano, San Marzano, le casale Belvedere, Civitella e San Martine.

'U territorie de osce a die de San Marzano de San Gesèppe 'nmonde a 'u 1530 se divideve jndr'à doje circoscriziune: 'u feude de San Marzano e 'a massarie de li Rizzi.

De chiste le prime notizie secure resalene a 'u 1281 'u prime e a 'u 1196 'a seconde; pare ca se trattave de zone ca se spopolarene e rumanerene cchiù o mene disabbbitate 'nzigne a l'arrive de le albanise.

Jndr'à 'u 1530 'u capitane albanese Demetrio Capuzzimati accattò 'u feude d San Marzano e 'a massarie “de li Rizzi” riunificanne le territorie ca fanne angore osce a die 'u territorie de San Marzano de San Gesèppe.

Pe facilità l'immigrazione de famigghie ca putessere javetà 'u feude, avenìe congesse a le future javetande l'esenzione da tutte le onere fiscale dovute a 'a reggia corte, pa durate de dece anne. Le profughe albanise ca repopolarene 'u casale purtarene le probbie tradiziune, 'a probbie releggione e 'a probbia lènghe. 'U culte de rite greche scumbarìe partenne da 'u XVII sechele murenne a 'u lunghe conflitte ca 'u mettìe condre a 'u rite latine d'a Chiesere cattoleche romane tande ca jndr'à 'u 1866 'u nome de San Gesèppe avenìe aggiunde a quidde de San Marzano, in origgene uneche nome d'u paese; pure 'a chiesere dedicate a Sanda Venere, tipeche sande oriendale, avenìe fatte ribbattezzà in onore d'u sande latine San Carle Borromeo.

Seconde a certe autore 'a scombarse d'a lènghe arbëreshë da l'Arberie Salendine, cu l'uneche eccezzione de San Marzano, jè pure dovute a l'imbossibbilità pe le arbëreshë d'u Salènde de professà 'u rite greche-bizzandine, quiste le avesse purtate a emigrà verse l'Arberie calavrese ca ave riuscite a mandenè, 'nzieme a quedde siciliane, 'u rite greche 'nzigne a osce a die.

Infatte le vescove none sulamende jndr'à l'Arberie Salendine ma jndr'à tutte le diocesi addò s'acchiavane le albanise, non g'onne avute otra cure cumme dice 'u Masci ca de scettà 'u rite greche adottate da lore invece de promuovere jndr'à chiste le studie, fà crescere le lume, proteggere le scienze e le arte. Da stu fatte onne venute eterne 'ngazzaminde e ostilità da totte e doje le vanne.

'A Lotte pa difese d'u rite greche-bizzandine non ge pigghiò sulamende 'nu carattere esclusivamende releggiose, ma rappresendò jndr'à storie de le comunitate arbëreshë 'nu mumende significative d resistenze a l'assimilazzione ca avenève da 'u potere e da le gruppe ca dominavane (feudatarie laice e ecclesiastece) de l'ambiende tagliàne atturne a lore.

Assaije comunitate albanise, 'ngluse chidde pugghiese, avenèrene però a 'a fine costrette o pe manganze de sacerdote e pe le metode coercetive de le vescove latine o de le barune locale, a lassà 'u rite releggiose ortodosse origgenarie e a sottometterse a 'a chiesere latine.

Turnanne a San Marzano, cu 'u passare de le sechele apprisse le Capuzzimati, le probbietarie d'u paese onne state le Lopez, le Capace, le Castriota e le Bonelli.

Jndr'à 'u 1806 cu 'a legge sus a l'eveersione de le feudalità,m 'a gestione politeche-amministrative d'u feude passò a 'a comunitate locale.

Jndr'à seconda metà d'u XX sechele, 'a revalutazione de le radice etne-linguisteche de l'arbëreshë ha state purtate nnande da 'nu cetadine albanese de San Marzano, Carmine De Padova, autore de 'na discrete produzione letterarie e de 'nu sacche de studie sus a le tradiziune musecale locale. Le studie filologgeche sue onne avute 'nu granne risalte jndr'à comunitate accademiche tagliàne e albanese. 'Mbrà le opere sue, 'u romanze Dy Miqte (Le doje amice) (1998), 'a monografije San Marzano di San Giuseppe – storia, tradizioni, folklore dell'unico paese albanese di Puglia (1998) e le canzune Il mio paese e Mamma.

A le andiche radice albanise osce a die pò recondurse 'a tradizione de radunà le fascine benedette jndr'à 'nu spazie a 'a periferie d'u paese e le date a le fiamme, mendre se premiane le carre cchiù granne e allestite megghie. Se tratte de rite legate a 'a prosperità e collegate a 'a terre jndr'à 'na zone ca pe mutive feudale e releggiose, avere state a lunghe sottoausate jndr'à l'economije agricole.

Legate a le origgene albanise jè pure l'ausanze de apparecchià 'na tavole nnande a l'effige d'u Sande e offerte pe 'mbetrà 'a protezione o soddisfà 'nu vote. 'A prepazione de ste tavole ave inizie assaije sciurne apprime d'a feste patronale e coinvolge le parinde e 'a famigghie ca organizze 'a cerimonie. Le piatte preparate ca pò avènene offerte a le turiste e visitature onna essere tridece.

Tutte le piatte sò caratterizzate da 'na forte careche energeteche: assaije pipe jndr'à le piatte salate, zucchere e miele assaije probbie jndr'à chidde doce.

Matrice albanese ca se mandene angore osce a die jè pure 'a sfilate de le carre nnande 'a statue d'u patrone 'u sciurne d'a festa soje.

Carmine De Padova (1928-1999), poete, 'nsegnande e studiose de storie, de tradiziune popolare, de folklore e soprattutte de lènghe albanese.

L'economije locale jè fondamendalmende agricole, cu prevalenze de le culture tradiziunale d'a vite e de l'ulive. Jndr'à 'u XX sechele nascìe 'na distillerie ca se affermò jndr'à produzione d'u liquore Elisir San Marzano, ca jndr'à l'anne ottande avenìe langiate sus a 'u mercate nazionale cu 'n'insistende cambagne pubblecetarie.

Le collegaminde stradale prengepàle sò rappresendate da ():

L'Aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole charter.
Le aeropuèrte cchiù vecine sonde:




#Article 64: San Michele Salendine (346 words)


San Michele Salendine (jndr'à 'u tagliane San Michele Salentino) jè 'nu comune tagliàne de 6.371 crestiane d'a Provinge de Brinnese jndr'à Pugghie.

Se iacchie a 25,8 km a ovest d'u capeluèche. 

Jndr'à l'aguste d'u 1839 'u pringipe Frangische Dentice de Frasso (figghie de quidde Gerarde ca quanne ste spicciave 'u Setteciende avere 'nzippate 'a Massarie San Michele jndr'à 'na probbietà de 389 ettare) facìe jndr'à le possedeminde sue 'n'agglomerate urbane congedenne a 61 solone] de le terrene sue jndr'à le condrade San Michele e Aieni: quiste se pò penzà cumme 'nu vere e probbie atte costitutive de funnazzione d'u pajesere

'A condrade de San Michele, angore ca depènne da 'u comune de San Vite, avìe 'u cambesande sue jndr'à 'u 1876 e 'na chiesera nova nove avenìe 'nzippate jndr'à 'u 1882 (fatte in parrocchie jndr'à 'u 1901).

'A popolazzione de San Michele comungue cercò cchiù vote ca 'u pajesere avenesse fatte autonome pure da San Vite, ma 'u condenziose (accumbagnate da scondre e viulenze jndr'à le anne 1921-1913) spicciò sulamende 'u 25 ottommre 1928, quanne 'u comune devendò autonome, e devendò accussì 'u vendesime comune d'a Provinge de Brinnese.

Jndr'à 'u stesse mumende 'u comune cangiò 'u nome jndr'à San Michele Salendine, purcé accussì se puteve capì ca ere 'nu poste diverse da l'otre cendre ca avèrene state 'nditulate a l'arcangele Michele.

Seconde le date ISTAT a 'u 31 decemmre 2014 'a popolazzione furastire residende ere de 246 crestiane (111 maschele e 135 femmene) pare a 'u 3,85% d'a popolazzione residende. Le nazionalità cchiù rappresendate in base a 'a lore percenduale sus a 'u totale d'a popolazzione residende erane:

Aqquà sotte se iacche 'na tabbelle relative a le amministrazziune ca onne cangiate jndr'à stu comune:

'U cendre jè famose pa vocazzione a 'a vendite de aute ausate: tène 'u rapporte cchiù ierte 'mbrà congessionarie de aute e javetande d'Europe.

'U fiche amennelate de San Michele Salendine, 'nu doce tradizionale fatte cu varietà locale de amennele ('mbrà le quale le cultivar Riviezzo o Cegliese, Bottari o Genco, Sciacallo, Tondina, Sepp d'Amic) e fiche, jè presidie Slow Food.




#Article 65: San Pitre Vernoteche (2770 words)


San Pitre Vernoteche (San Pietro Vernotico jndr'à 'u tagliàne, Santu Piethru jndr'à 'u dialette salendine) jè 'nu comune tagliàne de 13 684 crestiane jndr'à 'u sud d'a Provinge de Brinnese jndr'à Pugghie. Pure ca face parte d'a provinge de Brinnese, jè l'urteme comune cchiù a Nord ca face parte de l'Arcidiocese de Lecce.

Se iacchie jndr'à l'area nord d'u Salènde e ste lundane cchiù o mene 18 km da brinnese e 20 km da Lecce.

'U comune face parte d'u Parche d'u Negramare addò, jndr'à stu territorie, stonne 26 comune de le provinge de Brinnese e Lecce. A quacche chilometre da 'u javetate se iacchie 'a localitate de mare de Cambe de Mare, uneche frazione d'u comune.

'U territorie de San Pitre Vernoteche jè parte de l'area pianeggiande canusciute cumme Piane Messapeche o Tavogliere de Lecce. 

L'agre, ricche de falde de acque sorgive angore osce a die presende jndr'à le zone de Torchiarole, jè cultivate soprattutte a alìe e uve. Pa nature carseche d'u suole, 'u territorie jè senze corse d'acque ca stonne sus 'a superficie ma stonne tutte sotte, jndr'à 'na falde freateche, alimendate da le piogge invernale, ca mandene umide 'u terrene pure durande le staggione assaije secche e afose. 

'A superficie avène attraversate 'nvece da de le canale de raccolte de acqua piovane. 'U cchiù granne avène chiamate Infocaciucci jndr'à 'u dialette locale. Stonne pure 'u Canale Fusse ca se iacchie jndr'à periferie d'a cetate (jndr'à 'u dialette locale Fuessu) e 'u Canale Fogge. 'U canale Infocaciucci ave origgene jndr'à condrade Marrese vecine a Celline San Marche e spicce jndr'à 'u mare adriateche apprisse 'nu percorse de 15,306 km e scorre verse 'u mare Adriateche. Duranne 'a staggione 'u canale jè quase sembre seccate, mendre 'u 'nverne, quanne chiove assaije probbie, ca accappe spesse jndr'à zone, pò spetterrà pe colpe d'u ienghieminde de le affluende Fogge e Fusse. 'U Canale Fusse nasce a Celline San Marche e scennenne, apprisse ca ave attraversate San Pitre Vernoteche, trase jndr'à Infocaciucci jndr'à condrade Pucciarruto apprise ca ave fatte 'nu percorse de 5 km.

'U rischie sismiche a San Pitre Vernoteche jè minime. 'A cetadine jè classificate a sismicità vasce assaije (zone 4). L'urteme terramote particolarmende 'mbortande ave arrevate 'u 20 febbrare 1743 cu l'epicendre jndr'à 'u Canale d'Otrande. Succede certe vote de sendè scosse appene appene ca avènene da 'a Grecie assaije vecine a 'u puèrte brinnesine.

'U clime jè tipicamende mediterranèe, cu 'nvirne frische e chiovose. Iesse assaije vote 'a nebbie pe colpe de l'umidità ca de medie ste atturne a 'u 70%. Le staggione sò cavede assaije e senze acque cu 'na minime presenze de vinde. 'Mbortande assaije jè l'effette d'u mare, ca avasce le temberature sciurnaliere, cu 'u fatte ca ste vecine, però face 'nghianà sembre l'umidità, specie jndr'à staggione. Le precipitaziune sò cchiù forte jndr'à l'autunne e 'u 'nverne ma non ge sò rare le temborale, specie d'a staggione. Le precipitaziune de neve succedene quacche vota probbie.

Classificazione climateche de San Pitre Vernoteche: Zone climateche C - Grade sciurne 1123

Le ipotese cchiù vecine sus a l'origgene d'u nome sò legate a 'u termine tarde latine vernoticus ca significhesce 'nvernale: seconde 'u feudale deritte a'a vernoteche (jus vernoticae), 'u signore feudale puteve pascolà cu le anemale sue l'erbe vernoteche ('nvernale) jndr'à le funne de le suddite sue. Cchiù nnande jndr'à 'u tiembe, ha state proposte, cu 'na certa logeche, de referìe 'u termine vernoticus a 'u canale ca attraverse 'u javetate vecchie ('u Fusse), da 'ndendere cumme 'rio vernoteche', purcé face passà le acque piovane d'u periode 'nvernale.

Le prime tracce documendale relative a 'u toponime, resalene a 'u 1195, quanne San Pitre Vernoteche iesse pa prima vote jndr'à documinde ufficiale: jè 'nfatte 'mbrà le feude ca 'a 'mberatrice Costanze d'Altavilla conferme a 'u vescove de Lecce, 'mbrà le donazziune ggià fatte da le precedende conde normanne de Lecce (Accarde II e Goffrede III). In particolare, se conferme 'a donazzione de Accarde II d'a Chiesere d'u Beate Pitre ca avène ditte de Vernoteche, cu 'u casale pertinende sue, cu uemmene, vassalle, terre cultivate e terre abbandunate, arvule, vosche e acque, (...) cumme le ggià ditte Goffrede Conte de Lecce e de Ostune e Accarde precedende dominatore de Lecce, a nuje fedele, onne congesse a'a Chiesere de Lecce. 

Da stu documende se pò capìe ca San Pitre Vernoteche esisteve ggià jndr'à 'u XII sechele, precisamende jndr'à 'u 1107 quanne jndr'à 'nu testamende appare cumme casale, 'nfatte 'u Casale de San Pitre (cioé cumme 'nu villagge piccinne) sveluppate atturne a 'na chiesere cu 'u stesse nome ca osce a die angore esiste e ca jndr'à quidde sechele quiste avenìe pa prima vote infeudate e cioè sotteposte a 'nu feudatarije (jndr'à stu case 'u Vescove de Lecce) ca ne pigghiò 'u dominie sie sus a le crestiane ca sus a le cose. Otre documinde ca resalene a quedda stessa epoche fanne 'ndrucà ca jndr'à l'arée s'acchiavene pure otre casale, cumme Torchiarole, Tuturane, Valesie, tutte vecine a 'u percorse d'a Vie Traiane Calabre ca da Brinnese purtave a Otrande, fatte assaije assaije da 'na cendinaie de crestiane e generalmende fatte atturne a le chiesere o a le cappelle.

Jndr'à 'u 1445 San Pitre Vernoteche avène 'ngluse 'mbrà le comune sotteposte a le editte previste jndr'à le Statuta et capitula florentissimae civitatis Litii firmate da Marije d'Enghien, condesse de Lecce.

Pe sechele, 'u casale piccele de San Pitre reggistre 'nu numere vasce vasce de crestiane. Jndr'à quidde tiembe, 'u cendre d'u nuclée abbitative s'avere oramaije spustate atturne a quedde ca osce a die jè Chiazze d'u Popole, quedde de osce a die Chiesere Matrice e 'a Torre Quadrate. Jndr'à 'u 1500 'nfatte, pe colpe de le attacche sistematece de le corsare turche, 'a vie de collegamende 'mbrà Brinnese e Lecce avenìe arretrate verse l'endroterre, respette a l'andiche percorse d'a Vie Traiane Calabre, passanne pe 'na direttrice cchiù secure attraverse a San Pitre Vernoteche, Squinzane, Trepuzze. Pò essere ca pe stu mutive, ca se spieghe 'u spustamende ggià ditte d'u cendre d'u paese, ca pare ca s'ha fatte jndr'à prima metà d'u Cingheciende.

Quanne 'u 1800 accumenzave, San Pitre Vernoteche avenève menzionate jndr'à 'u Dizionario geografico-ragionato del Regno di Napoli. Aqquà jndre ste scritte ca le crestiane 'nghianane a 1500. Le prodotte d'u territorie sò 'u frumende, vine e uegghie. Stonne doje luèche pie, ca onne state 'nzippate pe sollieve de le puveridde. Chiste so tenute da 'a menze vescovile de Lecce. 'A tasse d'u 1532 ere de fuéche 93, jndr'à 'u 1545 de 193, jndr'à 'u 1648 d'u stesse numere, e jndr'à 'u 1669 de 143.

Sulamende cu 'u 1806, anne d'a Legge de eversione d'u feudalesime jndr'à 'u Regne de Napule, ca San Pitre Vernoteche non g'è cchiù feude de Lecce e in particolare d'a Menze Vescovile d'u capeluéche.

Jndr'à 'u 1928, cu l'istituzione d'a Provinge de Brinnese, 'u comune ne trasìe a ffà parte stipanne però angore osce a die, dialette, culture e arcidiocese de appartenenze.

'A chiesere de San Pitre Apostole avène nominate pa prima vote jndr'à 'nu documende diplomateche d'u 1195 addò 'a 'mberatrice Costanze d'Altavilla conferme a 'u Vescove de Lecce, 'mbrà le donazziune ggià fatte da conde normanne d'apprime, 'a Chiesere d'u Beate Pitre, ca avène dette de Vernoteche, cu 'u casale pertinende sue, cu uemmene, vassalle, terre colte e incolte, arvule, vosche e acque, (...).

'A chiesere de San Pitre avìe jndr'à le sechele successive 'na posizione sembre cchiù perifereche respette a 'u cendre de maggiore sveluppe d'u paese.

Jndr'à 'u 1787 l'edifice avenìe sottoposte a 'nu refacimende forte forte cumme demostre l'epigrafe angore osce a die visibbile sus a 'u portale d'a chiesere: D.O.M. AEDAM HANC DIVO PETRO SACRAM CLERUS VERNOTICENSIS A SCIPIONE SPINA LYCENSIUM PONTIFICI SIBI PATRONATUS JURE LEGATAM, POSTICA ACCESSIONE THOLO, AC MARMORATO EX COLLOATA PIORUM STIPE, AMPLIOREM ELEGANTIOREMQUE F.C.ANNO DOMINI 1787.

'U 'nderne stipe ttre altare: 'u prengepàle jè dedicate a 'u titolare d'a chiesere e suverchiate da 'nu dipinde ca raffigure Pitre apostole e Gesù. Le otre altare onne state dedicate a San Paole e a 'a Madonne de Lorete. Jndr'à vanne d'a cupole stonne stipate quattre affresche de le evangeliste. Le otre dipinde onne teme paoline e petrine, invece le statue fannè 'ndrucà San Luigge Gonzaga, San Biagge vescove, Sanda Rite da Casce, 'a Vergine de Pompei e 'a Ddulurate.

'A leggende popolare vole ca sus a 'u late sinistre d'a Chiesere de San Pitre stave mise, andicamende, 'nu puzze da l'acque meracolose ca servive a guarì le ferite de le muèzzeche de le tarandole, osce a die stqe achiuse pure ce jndr'à 'u paese le 'ngazzaminde 'mbrà chidde ca dicene ca ste apirte e chidde ca dicene ca ste achiuse, angore osce a die condinue.

'A chiesere purtroppe non jè 'na parrocchie ma face parte de le chiesere de probbietà d'a Cattedrale leccese d'a Madonne Assunde ca avènene aperte sulamende jndr'à particolare sciurnate cumme 'a feste d'u patrone o sulamende p'a messe sumanale de sere.

'U nuclèe cchiù andiche d'a Chiesere matrice resale a 'u Cinghecinde cchiù o mene, 'nfatte seconde le documinde stipate a belle belle jndr'à sagrestìe, 'a chiesere tenève ggià 'nu parroche jndr'à 'u 1464.

'A cattedrale jè fatte da 'a navate cendrale de osce a die e da 'u rosone mise a 'u cendre, perfettamende stipate jndr'à petra leccese, decorate da seie figure angeliche, cu 'mmienza mmienze de le decoraziune vegetale, 'na figure de 'na sirene e, 'ngape a 'u rosone, doje liune una 'mbacce a l'otre ca mandenene 'n'anidde de 'na forme de rombe particolare. 'Mbrà le doje figure anemale, cumme pure jndr'à cornice cchiù de fore d'u rosome, se 'ndrucane pure le lettere maiuscole ca no se leggene bbuène e no se capiscene bbuène.

Le navate de late, cchiù piccenne, onne state costruite cchiù nnade. 'U 'nderne tène doje paie de culonne fatte de marme ierte cchiù o mene 15 metre e 'ngiuppinate da le capitelle, da le quale iessene fore arche larie larie. Le volte onne state fatte a crociere une de le quale ammaccate duranne 'na trombe d'arie memorabbile jndr' à'u paese arrevate jndr'à 'u 2006. Sus 'a condrefaciate se iacchie 'nu organe a canne d'u Uetteciende. 'U presbiterie ste separate visivamende da le navate pe mezze de 'nu arche granne, addò 'a chiave de volte mandene 'nu stemme de marme mandenute da doje angele in vascerilieve, ca portane 'a date 1907, anne de l'urtema restaurazione d'a chiesere.

Sus a l'altare prengepàle, dedicate a Sand'Oronze, ste 'nu rilieve de l'Assunzione de Marije ca 'n'otre rosone piccinne a vitre culurate. Jndr'à 'u transette sinistre se iacchie 'n'altare de stile barocche 'nderamende de marme comboste da culonne finemende decorate ca tènene le sommità cu sus doje statue de marme de sande. 

L'altare jè dedicate a Marije 'Mmaculate. L'altare d'u transette destre, dedicate a 'u Sacre Core de Gesù, jè pure jidde fatte in stile barocche cu 'nu vascerilieve de fasce de doje culonne ca formane 'na strutture in forme de tembie.

Jndr'à chiesere se stipane le statue de le ttre sande patrune d'a cetate: 'a statue de San Pitre Apostole ca pare l'ave fatte una d'a scole veneziane d'u Setteciende, invece chidde d'a Madonne d'u Carmine e de Sand'Andunine onne state fatte de cartapeste. 

Cu stu materiale ha state fatte pure 'a statue settecendesche d'a Beata Vergine 'Ddulurate, invece quedde de Sand'Agnese resale a 'u Uetteciende. Sotte a l'altare maggiore se stenne 'n'arée de brucamende probbabbilmende de privete e releggiuse de quidde tiembe.

Seconde certe leggende metropolitane 'a chiesere jndr'à ristritturazziona soje d'u pavimende purtò a 'a luce cadavere brucate assaije vecine a superficie da no confondere cu chidde de le sacerdote e chidde cu le turnise ca onne state brucate jndr'à 'na cripte addò se trase rrete a l'altare maggiore.

'A Torre Quadrate jè 'na costruzione addò no se sape satte satte quanne ha state fatte, stonne infatte diverse opiniune. 'A datazzione ca se penze jè quedda cchiù giuste e lundane jè quedde d'u 1300 

Ste da dicere pure ca non ge stonne testimonianze cu le documinde ca ponne fa resalì a quedde epoche, 'a costruzione de l'edificie. L'uneche elemende ca se pò ausà pe acchià 'na date certe, jè 'u stemme sckattate a 'u cendre de le volte d'u pianeterrene d'a costruzione e ca pare ca appartene a l'arme d'a nobbele famigghie Castromediano. Stu elemende pò ffà datà 'a costruzione d'a Torre Quadrate, a le anne 1535 - 1552 duranne le quale se avìe a Lecce l'Arcivescovade de Giuanne Castromediano.

L'edificie avenìe realizzate cu 'a petra calcarée. Jidde avera ffà parte securamende d'a rete de torre fortificate, ausate pe l'avvistamende e pa difese da le 'nvasiune piratesche, saracine apprime e ottomane apprisse, ca 'nzigne a 'u Setteciende 'nfestarene le coste tagliàne.

'A Riserve naturale de Cerane jè 'n'area naturale protette 'mbrà 'u territorie d'u comune de Brinnese e quidde de San Pitre Vernoteche. Jidde se iacchie jndr'à zone de Cerane e tène specie de arvule tipiche d'a macchie mediterranèe.

A 'u 31 decemmre 2014 jndr'à 'u territorie comunale se reggistrave 'a presenze de 198 furastire residende (68 maschele e 130 femmene) ca sò cchiù o mene 'u 1,42% d'a popolazzione totale residende. 'A comunitate cchiù granne jè quedde de le rumene.

Se reportane aqquà le nazionalità cchiù rappresendate:

San Pitre Vernoteche ause angore osce a die 'nu dialette locale, 'u Dialette Sanpetrine ca avène da 'u dialette leccese.

Le rite pa Pasche a San Pitre Vernoteche se caratterizzescene pa tradizione d'a visite a le Sepolcre.

'Na tradizione 'mbortande assaije ca avène fatte da secole e secole jè 'a Feste de l'aste d'a Bandiere pe arrecurdà l'invasione de le turche jndr'à 'u territorie de San Pitre. Se conde ca 'u popole de quidde tiembe 'ndrucò da sus 'a Torre Quadrate l'arrive de le turche da 'u mare e se organizzò pa difese. Fu accussì ca le turche avenèrene sconfitte da le sanpietrane, lassanne sus a 'u cambe de battagglie 'a bandiera lore. 

'U vessille cugghiute da le sanpietrane avenìe mise a le pide d'a statue d'u Sande Patrone (San Pitre Apostole). Ogne pomerigge d'a dumeneche apprisse a quedde de Pasche se arrecorde stu fatte leggendarie. Pigghiane parte tutte le riune o cetadine spajate offrenne 'na cifre, mendre 'a bandiere avène svendolate pu cendre d'u paese.

'A prugessione parte da 'u Sagrate d'a Chiesere Matrice pe pò spiccià sus a 'u piazzale d'a Chiesere de San Pitre Apostole. 'A tradizione vole ca 'u vingitore de l'aste ave 'u respette e 'a riverenze da vanne de tutte le congittadine pe tutte 'u periode jndr'à 'u quale custodisce 'u vessille storeche.

'A bandiere, pure ce simbole non ufficiale d'u paese, avène purtate jndr'à tutte le prugessiune, specialmende jndr'à chidde de Ferragoste e d'u 29 sciugne, feste d'u Patrone d'u paese.

San Pitre Vernoteche ha sembre tenute 'nu sbuènne de confraternite pio-laicale:

'U comune jè sede de ttre scole elmendare, de doje scole medie ('u plesse Dante Alighieri e 'u plesse Don Giuanne Minzoni ca se iacchiane tutte e doje jndr'à 'u viale De Le Studie) e d'u 'Stitute Tecniche Commerciale Statale Necole Valzani ca si iacchie sembre jndr'à 'u viale De Le Studie, eppò ste pure 'nu 'stitute superiore paritarie private ca se iacchie jndr'à vie Lecce.

L'economije d'u comune se base soprattutte sus a l'agricolture. Uegghie, vine e scarcioppole sonde le resorse prengepàle. Jndr'à l'arèe 'ndustriale ca se iacchie vecine a 'u javetate da 'u 2008 se iacchie 'nu cendre logisteche de stoccagge de prodotte agricole.

'Na certe 'mbortanze tène 'a cendrale elettriche de Cerane, ca se iacchie vecine a stu comune, ca dèje fatìe a crestiane de 'u poste. 'U 'mbatte d'a cendrale, da 'u punde de viste ambiendale, ha state oggette de 'nu referendum jndr'à l'anne '80 d'u vendesime sechele.

'U paese tène 'na sede de spedale ca face parte de l'ASL d'a sezione de Brinnese, ca ha state 'nditolate a Ninetto Melli, pò pure 'nu tiatre de probbietà d'a parrocchie Don Bosco, de 'na bibbloteche comunale 'nditolate a Gesèppe Melli ca se iacchie jndr'à vie Sand'Andonije e de 'n'istitute releggiose (Sore Discepole de Gesù Eucaristeche) eppò 'nu 'mbiande sportive, 'nu palasport e de 'nu stadie comunale. Tène pure 'nu cambesande, 'n'ufficie de Polizie Locale ca se iacchie jndr'à chiazze Falcone, une de le Carabbenire ca se iacchie jndr'à vie Campi e 'na tenenze d'a Uardie de Finanze ca se iacchie jndr'à vie Garibaldi.

Mò avène presendate 'na tabbelle relative a le amministraziune ca se onne cangiate jndr'à stu comune.

Jndr'à 'u comune ste 'nu dojo famose assaije de karate, 'a Suggettate Pugghiese Dojo Dokko-Do funnate jndr'à 'u 1968: 'nu sbuènne de atlete onne pigghiate titole a levèlle nazionale e 'ndernazionale jndr'à le cambionate Fijlkam.

Stonne ste formaziune cetadine attive:




#Article 66: Sava (TA) (923 words)


Sava éte 'nu comune tagliáne de 16.626 crestiáne d'a Provinge de Tarde, jndr'à Pugghie. Se iacchie jndr'à l'endroterre salendine, lundane cchiù o mene 11 km da 'u mar Ionio, e jè famose soprattutte pa produzione de vine primitive e de uegghie d'alie.

'U territorie comunale se iacchie jndr'à 'u Salènde settendrionale, jndr'à 'n'arèe collinare dette de le Murge Tarandine. 'U javetate se iacchie a cchiù o mene 107 metre s.l.m., a cchiù o mene 28 km da 'u capeluèche de provinge, Tarde. Jndr'à agre savese verse Manduria recade in parte Monde Bagnolo, 'nu rilieve piccinne ierte 124 m s.l.m., 'mbrà le cchiù ierte de le Murge Tarandine.

 

Certe reperte acchiate jndr'à contrade de Agliane, ca resalene cchiù o mene a 'u 300 n.C., dicene ca 'a presenze greche jndr'à 'u territorie de osce a die stave a Sava. Probbabbilmende se trattave de l'urteme avamposte tarandine verse 'u Salènde meridionale, popolate da le Messape.

Quanne ste spicciave 'u VII sechele, cu 'a spartizione d'u territorie pugghiese 'mbrà bizzandine e longobbarde, lunghe 'u confine avenìe costruite 'nu limes famose cumme Paretone o Limitone de le grece, 'na muraglie costruite a secche cu petre calcarèe de dimenziune piccenne. 'U Limitone sceve da 'a coste adriateche a sud de Brinnese 'nzigne a 'a coste ioniche: 'u territorie de osce a die de Sava avenève attraversate da 'a località 'A Zingare 'nzgine a 'u Monde de Magalastro.

Pure ca non ge stonne documinde ca provane le origgene d'u borghe de Sava, 'a maggioranze de le storece locale vonne d'accorde sus a 'u fatte ca 'a fondaziona soje resale a 'u XV sechele. 'U storeche P. Coco ave comungue congetturate 'n'origgene cchiù andiche, avvalorate da 'nu documende cu 'u quale 'u Re Alfonze II de Napule accordave 'u permesse a 'a vendite de le casale de Pasano, Aliano, Albaro e Saba 'mbieganne cchiù vote 'u termine disabbitate ca lasse penzà cumme lore avèrane state in precedenze javetate.

Jndr'à le prime anne d'u XIV sechele le casale de Aliano e Pasano erane angore javetate da quacche famigghie ca facevane 'na vite de mmerde, pò jndr'à seconda metà d'u stesse sechele, lore sparirene combletamende pe le condinue devastaziune de le lore terre causate da le lotte 'mbrà Angioine e Aragonese pa conguiste d'u Regne de Napule.

Jndr'à 'u 1798 'u nobbele tarandine Gesèppe De Sinno accattò da l'Aziende de Educazione le doje massarie de Aliano e Pasano e cchiù tarde assaje otre bene, combrese 'u castelle cu tutte le terre e le rendite sue.

Cu le legge eversive d'a feudalità, de epoche napoleoneche, Sava avìe l'autonomije comunale e devendò capeluèche de cerconnarie jndr'à l'ambite d'a Provinge d'a Terra d'Otranto. A quidde tiembe 'u paese ere Capeluèche de Mandamende e avère aggregate le fraziune d Torricella e Monacizzo ca però, jndr'à 'u 1869, passarene a Lizzano.

Sava, cumme le comune 'nzeccate, ha state caratterizzate pe bona parte d'u XX sechele da 'na forte emigrazione verse l'Itaglie settendrionale e, in misure cchiù vasce, verse l'Europe settendrionale.

'U 19 aguste 1976 'nu putende tornado culpìe 'a cetate de Sava e le cambagne atturne, 'nzigne a spiccià verse Manduria; 'u passagge sue determinò precipitaziune assaije forte e vinde de 'na putenze forta forte ca causarene 'nu sbuènne de danne.

Le ipotesi sus a l'origgene d'u toponime Sava sò assaije, e certe pure assaije diverse. Ste a ce dice ca jidde resale a Saba, facenne referimende a 'na leggendarie famigghie patrizie romane e, stè angore ce penze 'a derivazione da Sabua, ca jndr'à 'à lènghe latine avessa indicà 'a rocce arenarie diffuse jndr'à 'u territorie oppure fosse.

Pare ca 'u sanduarie de Pasano nasce sus a le rovine de 'n'andiche luèche de culte pagano, invece jndr'à contrade di Aliano (ca jè une de le otre 'nzediaminde 'mbortande d'a storie de Sava) stonne angore osce a die tracce de tembie dedicate a Demetra e Dioniso.

'A releggione cchiù diffuse jè 'u cattolicesime. 'U comune recade sotte a l'autorità d'a Diocesi de Oria e jè divise jndr'à tre parrocchie: de San Giuanne Battiste (jndr'à chiesere madre), de le Sande Midece e d'a Sacra Fsmigghie, l'urtema pe 'nzippamende.

Jndr'à 'u Convende de San Framgische d'Assisi se iacchie 'na bibblioteche cu 'nu patrimonie de 30.000 volume, in parte frutte de donaziune private, 'mbrà le quale stonne chidde de le scretture locale Giglio Caraccio e Del Prete. Stè ospitate pure 'nu musèe missionarie cinese e une de scienze naturale, cu 'na collezione de minerale, rocce, fossile e anemale 'mbalsamate.

L'economije locale jè prevalendemende agricole e jè ingendrate sus a le settore olearie e vinicole.

A dispette de l'espanzione urbane de le urteme decennie, angore osce a die l'gro savese jè caratterizzate da vigne e olivete secolare. 'A produzione vincole jè prevalendemende costituite da 'u primitive, 'nu vitigne assaije andiche cu 'u quale avène prodotte 'u Primitive de Manduria (origgenariamende chiamate Primitive de Lizzano), 'nu vine russe D.O.C. de elevate tenore alcoliche.

'A produzione e 'a commercializzazzione d'u vine locale ave avute 'nu 'mbulse nuève da 'a presenze de 'na zone industriale larie assaije a le porte d'u cendre javetate.

Save jè attraversate da 'a Strade statele 7 ter Salendine, ca 'a colleghe a Fragagnano e Tarde, verse ovest, e Manduria e Brinnese, verse est. Jè pure servite da le strade provingiale SP53 pe Frangaville Fundane, SP86 pe San Marzano de San Gesèppe, SP118 pe Lizzano e SP129 pe Torricella.

'A stazione ferroviarie appartene a le Ferrovie d'u Sud Est ma jè a 5 km da 'u paese e praticamende jè abbandunate e servite da 'a tratte Ferrovie Martina Franghe - Lecce.




#Article 67: Stàtte (1283 words)


Stàtte (Statte in tagliàne) éte 'nu comune tagliáne de 14.414 crestiáne  d'a Provinge de Tarde, jndr'à Pugghie; ex frazione d'u comune de Tarde, apprisse a 'nu referendum plebbiscitarie d'u 7 e 8 sciugne 1992 ha devendate autonome (ufficialmende da 'u 1 masce 1993) e jè, allore, l'urteme comune nate jndr'à provinge de Tarde.

'U javetate de Stàtte nasce sus a le prime condrafforte d'a premurge tarandine a cchiù o mene 9 chilometre da 'u capeluèche.

'U nuclèe propriamende storeche d'a cetadine occupe 'na lame (gravine piccenne) dette Canale d'a zingare; stu andiche agglomerate de javetaziune ha state scavate jndr'à rocce, formanne 'nu sbuènne de grotte, angore osce a die javetate (pure ce de recende attrezzate a appartaminde).

Curiosamende, cumme se note, stu abbusivisme s'ave congretizzate jndr'à l'edificazione de ville e villette de une o doje piane, combletamende sckaffate jndr'à 'u verde e ca fanne de Stàtte une de le cetadine cchiù verde d'a provinge.

'U territorie de Stàtte jè tagghiate da 'nu sacche de Gravine e Lame; le prengepàle gravine sò chidde de Leucaspide (a Ovest d'u javetate e jndr'à le presse de l'omonime massarie) e de Mazzaracchie (a Sud Est d'u javetate de Stàtte e ca se stenne da 'a massarie Todisco a 'a massarie Felicia). 'A numerose presenze de ste gravine e lame ave fatte 'nzerì Stàtte jndr'à 'u parche reggionale Terre de le gravine. 'U territorie comunale se iacchie jndr'à 'u parche pe 'na percenduale ca supranesce 'u 50%, mendre otre comune d'u parche stesse sò assaije sotte a sta soglie.

Jè possibbele trasè a 'na  d'a Gravine de Stàtte e apprezze tutte le attività, pure sportive, e jedde collegate.

Le confine d'u territorie comunale de Stàtte, onne state oggette de studie a 'u tiembe d'a conguiste de l'autonomie comunale specie a opere de 'nu cetadine stattarule: Pascale Costantino, ca documendò l'esistenze de confine storece acchiate da carte militare, atte notarile e atte de l'uffice anagrafe de l'ex frazione de Stàtte. Ste confine avenèrene recanusciute ufficialmende valide da 'na legge reggionale d'u 1993 (Legge Reggionale Pugghie N°55 d'u 9 abbrile 1993). 'A stesse Reggione Pugghie, su istanze d'u comune de Tarde (cu Legge Reggionale 20 ottommre 1993 n° 22) redelimitò le confine territoriale d'u Comune nuève e attribbuì a Stàtte 'nu territorie assaije cchiù redotte facennele coingidere cu quidde d'a ex circoscrizione amministrative discanuscenne totalmende le confine storice e le relative prove documendale.

Le confine nuève sò rappresendate jndr'à cartine affianghe, tenenne presende ca 'ngorporescene 'a granne pinete de Capocanale, considerate 'u polmone de Tarde (almene 'nzigne a le asckuaminde dolose de quacche anne fa); 'ngorporescene pure 'u Spedale Moscati (Spedale Nord), toccane 'u 'Ppodrome Paolo VI, fanne da spartiacque jndr'à valle d'u Triglie e 'ngorporescene le opere cchiù 'mbortande de l'acquedotte omonime.

'A presenze de grotte naturale, de le Dolmen, de 'nu sbuènne de chiaute, l'abondanze de le acque d'u Triglie ca se penze ca scorreve luènghe 'a gravine, parene confermà 'a presenze de andiche javetature ninde ninde jndr'à l'età magaliteche.

'Na tribbù preistoreche javetò 'a Chiazze de le Lupe vecine 'a zone de le acque d'u Triglie; rasckatore se selce e 'n'accette de rame documendane 'u 'ngondre 'mbrà doje civiltà: quedde neoliteche e quedde d'u rame; o megghie rappresendane 'na fase 'mbortande de l'evoluzione da l'età d'a petre a l'età d'u rame. Tutte quiste se referisce a almene mille anne apprime de Criste.

Jndr'à l'epoche romane 'a contrade ca corrisponde a Stàtte de osce a die avenìe javetate da cetadine romane o locale de cete medie-ierte.

'Nfatte l'acquedotte d'u Triglie avenìe costruite probbabbilmende atturne a 'u 123 n.C. e, viste le difficoltà e le coste ierte de stu proggette, 'a costruzione puteve essere giustificate sulamende da 'nu abbesògne private (le ville de le cetadine ca avèrene scacchiate Stàtte pe l'aria salubre9 e pubbleche (refornìe de acque tembie e otre luèche pubblece e cumme pò ha state demostrate, 'u puèrte mercandile de Tarde).

Le prime notizie secure d'u casale de nome Stàtte sò documendate jndr'à 'n'Invendarije d'u 1406 ca 'ngludeve 'u casale Stàtte jndr'à le bene ca s'acchiavane jndr'à le territorie de Tarde.

'A nascita soje medievale però resale securamende a 'nu periode precedende.

So tutte d'accordo a penzà ca apprisse a sechele de abbandone de le cambagne, chiste avenèrene repopolate successivamende a 'a distruzione de Tarde avvenute jndr'à 'u 927 a opere de le Saracene; jndr'à quedde occasione assaije famigghie tarandine acchiarene 'nu refugge secure jndr'à le grotte naturale de le gravine e de le canale. Avenìe repopolate 'u Canale d'a Zingare (le grotte) e 'a zone d'a cappelle rurale de S. Michele.

De le fatte d'u casale atturne a l'anne mille non ge se iacchiane documinde; de le prime feudatarie ca se ave notizie citame pe esembie Gesèppe De Stella ca jndr'à 'u 1378 ere probbietarie sulamende d'a metà d'u 'ndere casale.

Pò, 'u casale de Stàtte, (cumme quidde de Crispiano e otre) avenèrene combletamende abbandunate; le condadine accumenzarene a rumanà jndr'à le massarie, pò essere pe cause d'a minacce de le turche, ma pure pe stà 'u cchiù vecine possibbele a 'u luèche de fatìe.

'A ricchezza nove ca ne derivò, vedìe fiorì 'nu sacche de attività: cavamonde, muratore, carrettiere, falegname, fabbre ferrare e otre. In particolare le cave de le tufe devendarene 'nu bene de esportazione de Stàtte; a Tarde 'u borghe ere in costruzione e da Stàtte partivane ogne sciurne pe Tarde cchiù o mene 90 traìne, l'economije stattarole accumenzò a chiane chiane a fiorì; però pure jndr'à sta attività 'u sfruttamende d'u signore se faceve sendè pesande pesande pe colpe d'u canone ierte-ierte ca le cavamonde, ogne sciurne avèrena pajà.

L'avvenimedne ca sangìe l'idendità de Stàtte, avere state 'a ccrejazione 'u 21 settemmre 1859 de 'n'uffice sezionale de State Civile e da ìu quale depennève pure Crispiano (addò devendò comune a sè jndr'à 'u 1881).

Nascene le prime scole elemendare, Stàtte assume 'na faccia nove. Atturne a 'u 1890 le crestiane de Stàtte erane cchiù o mene 1.800.

 

Jndr'à 'u XX sechele, le crestiàne de Stàtte donne 'u lore condrebbute de sanghe jndr'à le doje uerre mundiale ma pajane pure 'u lore tribbute pa libbertà e pa democrazie.

'U seconde dopeuerre, ha state 'nu periode particolarmende difficile pe le stattarule ca jndr'à 'u periode d'a uerre fatiavane prengepalmende jndr'à le Candire Tosi e jndr'à l'Arsenale.

Le stattarule se acchiarene quase tutte senze 'na fatìe; l'emigrazione verse 'u Nord e verse le paise furastire avere state forte assaije, accussì l'aperture d'u Cendre Siderurgeche rappresendò 'n'angore de salvezze pe 'nu sacche de famigghie senze 'nu reddite.

Avenìe pure 'u 'nguinamende 'nzieme a l'abbusivisme edilizie, quist'urteme derivate cchiù da 'a pressione demografeche pure pe l'inefficienze e da 'a miopie de le amministrature tarandine ca non g'avere sapute dà 'nu piane regolatore adeguate a le esiggenze nove.

Stàtte ere 'nu paese oramaje moderne ce no iere pa manganze totale de le servizie prengepàle, acque e fogne pe prime.

Le tiembe pe Stàtte autonome erane oramaije mature: cu 'nu referendum plebbiscitarie le stattarule se pronungiarene pe l'autonomije e, jndr'à 'u 1993 avenìe elette 'u prime sinnache de Stàtte, Orazio Marinò

 

'U 28 novemmre 2012 'nu tornade putende probbie cu classificazione de violenze F3 ave sbunnate Stàtte.

'A tromba d'arie eccezzionale, ca ave origgene jndr'à 'u Mar Ionio, apprisse ca ave sbunnate 'u Puèrte Mercandile de Tarde e attraversato 'u stabbilimende siderurgeche ILVA, ave arrevate jndr'à 'u paese seminane distruzione a cose e paure 'mbrà le crestiàne.

Onne state reggistrate danne assaije probbie a le manufatte, a le edifice, a le 'nfrastrutture e a le maghene. Le crestiàne ca s'acchiavane pe strade, colpite da oggette menate a turtigghiune da 'a furie d'u vinde, s'onne fatte male.

Probbleme s'onne avute a le scole Leonardo Da Vinci e a l'ITIS Amaldi.




#Article 68: Terento (139 words)


Terento (in tedesche Terenten) éte 'nu comune tagliáne de 1.692 crestiáne d'a Provinge de Bolzano.

'A popolazione soje ète quase totte de madrelenga tedesche:

Terento se iacchije a 1.210 m s.l.m. sus a 'u versande soleggiate d'a Val Pusteria, sus a 'n'altopiane a est d'a Val di Fundres (Pfunderer Tal).

'U collegamende pe scè a Bressanone (a ovest) avène raggiunggenne Vandoies 'mbonde a 'a valle.

'U capeluéche d'a valle (Brunico, a est) pò essere raggiunde facenne 'a strada d'u sole ca passe l'abbitate de Falzes e spicce a nord de Brunico, quanne accumenze 'a Val di Tures, o, in alternative, scennènne jndr'à Val Pusteria camminanne verse Chienes.

'U toponime ète attestate da 'u 827 e se pigghije, forsr, da 'u latine torrens (tagliàne torrente).

Terento tène 'na fraziona uffisciale, Colli in Pusteria, invece otre località sonde Marga e Pino.




#Article 69: Torchiarole (674 words)


Torchiarole (jndr'à 'u tagliane Torchiarolo) jè 'nu comune tagliane de 5.500 crestiane d'a provinge de Brinnese jndr'à Pugghie.

Se iacchie jndr'à 'u Salende, se iacchie 'mbrà Brinnese e Lecce vecine vecine a 'u mare Adriatiche.

Cendre piccinne ca se iacchie 'mbonda 'mbonde a sud d'a provinge de Brinnese, a 'u confine cu quedde de Lecce, ste lundane cchiù o mene 18 km da 'u capeluèche e 17 km da Lecce e ste a 28 m sus a 'u levèlle d'u mare. Tène 'na superficie de 32,18 chilometre quadrate pe 'na denzetà abbitative de 159,3 crestiane pe chilometre quadrate. Se iacchie vecine a le comune de San Pitre Vernoteche, Lecce e Squinzane. Tène 'na popolazzione de cchiù o mene 5.500 crestiane fatte de 2.500 nuclée familiare, cu 'na medie pe nuclèe familiare de cchiù o mene 3 crestiane. D'a staggione le crestiane ca stonne arrivane a cchiù o mene 25.000 / 30.000 e osce a die stu comune jè 'u mene javetate d'a provinge.

Le reste de Valesie (se 'ndrucane le terme romane) se iacchiane jndr'à 'u core d'a cambagne d'u paese; 'nmu site archeologgeche abbastanza 'mbortande. Pure da sta cetate onne venute le prime crestiane de Torchiarole. 'U paese tène origgene andiche tande ca avène fatte resalì a 'a fine d'u Cinghecinede, periode jndr'à 'u quale Torchiarole ere 'nu cendre piccinne ca tenève 'na bella vitalità releggiose. L'etimologgije d'a parole resende probbie assaije de le sforze ca faceve 'u paese, assaije vecine a 'u mare e pe stu fatte assaije rumbute de sckatele da le razzie, pe condrstà le attacche de le Turche ca ggià jndr'à 'u XV sechele s'averene affacciate sus a le spiagge adriateche d'u Salende. Anticamende, 'a parole Torchiarole, tenève origgene certe da Turche o probbie da Turchie, e allore, ggià jndr'à 'u '400 e '500 Torchiarole puteve segnificà mattatoie pe le Turche. 'U termine “Torchiarolo” derive da l'avverbie latine Turce ausate jndr'à le reggistre de morte pe 'ndicà 'n'accisione barbareche, cioé a 'a turche, cu le scimitarre. 'A prove de stu fatte de l'origgene stè jndr'à 'u stemme d'u Comune de Torchiarole, ggià comune apprime d'u Seiciende, ca rappresendave 'nu turche legate cu catene a 'na torre. Assaije però fanne resalìe le origgene d'u nome a 'u torchie de legne cu 'u quale jndr'à 'nu sacche de frandoie sotte a terre d'a zone se sprangevene l'alìe ca erane pò 'u frutte de l'arvule sacre de Minerve. 'U Turculum e 'u turcularius facerene pigghià cumme nome a chidde ca fatiavane turchiarule e a 'u javetate d'a condrade 'u nome de Torchiarole, paese de le torchie (Marzano). 'U paese se stenne sus a 'nu territorie ca, andicamende paludose, ha state bonificate jndr'à le prime decennie d'u Noveciende. Osce a die stu poste tène 'nu sbuénne de arvule de alìe andiche assaije, ca 'u fanne addevendà 'nu poste ridende e profumate (le tre quarte d'u territorije stonne cu le arvule de alìe), ma pure stonne le vignete. 'A caratteristeca d'a presenze de 'nu sbuénne de ulive (da sus a sus se 'ndruche 'nu straordinarie mande verde ca se stenne 'mbonde 'a coste) ave mandenute 'a dea ca 'a parole Torchiarolo, cu l'accezzione de Torchie d'ore”, se pò referìe a 'a sprangeture de l'alìe e l'uve pa produzzione de uegghie e vine.

Jndr'à 'u XVI, Torchiarole, devendò 'u feude de le discendende d'a putende famigghie de le cavagliere combattende Nanteuil-Chattilon (itaglianizzate Natoli o dell'Antoglietta).

Jndr'à 'u 1465 Re Ferdinande I de Napule, confermò cu decrete, barone de Torchiarole, Giuanne Mattèe Vatoli († 1533), ggià Barone de Ruffane, Vaste, Casamasselle. E quanne jidde murìe ereditò le feude e devendò baronesse de Torchiarole, 'a sora soje Arminie († 1542), mugghiere de Ferrante delli Falconi Barone de Rocche.

A 'u 31 decemmbre 2016 jndr'à 'u territorie comunale se reggistrave 'a presenze de 100 furastire regolare, ca sò cchiù o mene 'u 1,5% d'a popolazzione totale residende. 'A comunitate cchiù granne è quedde de le rumene.

Se arreportane le nazionalità cchiù rappresendate:

Aqquà sotte se iacche 'na tabbelle relative a le amministrazziune ca onne cangiate jndr'à stu comune:




#Article 70: Torre Sanda Susanne (1017 words)


Torre Sanda Susanne (La Torri jndr'à 'u dilette brinnesine, Torre Santa Susanna jndr'à 'u tagliàne) jè 'nu comune tagliàne de  crestiane d'a Provinge de Brinnese jndr'à Pugghie.

'U cendre jndr'à penisole salendine, a 'n'altitudine de 70 metre sus a 'u levèlle d'u mare se iacchie mmienza mmienza da 'a coste adriateche e da quedde ioneche.

Le origgene de Torre e l'appellative Sanda Susanne so ingerte.

Seconde Girolame Marciano (1571 - 1628), Annibale pare c a avvese mise une de le accambaminde sue vecine a 'u Casale de Crepacore pe fà 'a uerre a le Oritane pe conguistà 'a cetate de Oria e vecine a chidde zone pare ca s'ave cumbattute 'na bttagghie forte forte, tand'è ca osce a die esiste angore 'na zone ca se nnomenesce 'A Sconfitte.

'U prefette de Rome, residende a Oria, pe fortificà 'a cetate jndr'à 'nu mode da no subbì attacche da le nemice, facìe 'nzippà doje castidde cu torre jndr'à le punde ca penzò ca erane le cchiù strateggece: une addò nasce osce a die Torre Sanda Susanne, l'otre a picche chilometre a sud-est de Mandurie e cioè a Avetrane, ca tène 'u nome accussì purcé se referisce a le Veterane Romane ca facevane 'u presidie a ste castidde. 

'A leggende dice ca 'nu surdate romane fedele a 'u 'Mberatore e jndr'à 'u stesse tiembe crestiane, ca custodive 'nzieme a otre veterane 'u castelle e le torre 'nzippate jndr'à zone, avere appettate l'effigie de Sanda Susanne sus a 'na vanne de 'na torre. In seguito cominciarono a sorgere intorno al castello agglomerati di casupole a cui fu dato il nome di Turris Sanctae Susannae.

Le Casale, oramaje scuasciate, erane agglomerate piccinne de casette: Crepacore, San Giacome, Galesane, Tubiano e Sorboli, addò le javetande pe colpe d'a peste e de le terramote se ne scerene a Torre Sanda Susanne, essenne quiste devendate 'nu cendre javetate cchiù granne, cchiù pulite e stabbile purcé se acchiave sus a 'na zone sus 'a rocce.

Jndr'à 'u 918 le Sarracine, arrevane a securdune sus a Orie, mettèrene a firre e fuèche totte 'a cetate e, apprisse ca avèrene accise femmene e piccinne, purtarene cu lore chidde ca cambarene cumme schiave. Pare ca pure 'u monastere de le Basiliane, ca no se sape addò stave, avenìe scettate 'nderre, le picche monace ca se ne fuscerene, se 'ngundrarene jndr'à 'u Galesane e funnarene l'Abbadie de S. Marije de Galaso (nome pigghiate da 'a condrade). L'Abbadie nasceve vecine vecine a quedde ca allore ere Casale de Galaso e se stenneve 'mbrà le comune de Veglie, Torre e Erchie. Pure jndr'à stu Casale, jndr'à le tiembe andiche onne state acchiate 'nu sbuènne de reperte, 'u De Prezzo scrive ca averene state acchiate ciotole, monete d'ore, 'na scalinate, quacche culonne, lucerne e 'nu sbuènne de brucamiende cu jndre le lacrimarum (vasette de le lacrime).

Avenìe costruite jndr'à 'u XVI sechele a appartenìe a le conde de Filo. 'U castelle tène 'na chiande quadrate irregolare cu torre angolare rettangolare. 'U portale jè in bugnate- 'U 'nderne jè decorate da chiostre e cappelle gendilizie.

'Nzippate jndr'à 'u XIV sechele, avenìe 'nditolate a sanda Marije Assunde e pò a San Necole. 'A vanne de fore tène 'n'aspette rinascimendale cu 'u rosone fatte jndr'à 'u stile gotiche e portale cu eleminde classece. Jndr'à doje nicchie laterale stonne le statue de San Necole e Sanda Susanne. 'U 'nderneave ttre navate. Tène 'na coperture a capriate de legne sus a 'u soffitte.

'A chiesere origgenale ere d'u XV sechele ma avenìe cangiate totta totte jndr'à 'u Settecinde. De particolare 'nderesse jè 'na tele d'a Madonne cu 'u Piccinne de origgene assaije andiche, legate a 'a leggende de 'nu puzze romane miracolose ca stave a 'a base d'a chiesere. 'U sanduarije osce a die tène 'n'aspette neogotiche.

Se iacchie sus 'a strade provingiale pe Mesagne. Avenìe fatte jndr'à l'VIII sechele cu aspette de edificie fortificate. Se penze ca 'a costruzione avera essere 'nu castelle de le andiche Messape. 'A chiesere quadrate tène ttre navate cu 'na cupole cendrale a tholos. Stonne pure de le affresche.

A 'u 31 decemmre 2014 jndr'à 'u territrie comunale se reggistrave 'a presenze de 103 furastire regolare (40 maschele e 63 femmene) ca sò cchiù o mene  l'1,0% d'a popolazzione totale residende. 'A cchiù granne comunitate jè quedde de le rumene.

Se reportane le nazionalità cchiù rappresendate:

'A releggione cchiù diffuse a Torre Sanda Susanne jè 'u cattolecesime: 'u comune face parte d'a Diocesi de Orie e jè divise jndr'à doje parrocchie de Sanda Marije e San Necole (addò ste 'a chiesere madre) e de Cristo Re. 'Mbortande jè pure 'a chiesere e 'u convende de le Carmelitane, ca pure ca no gfe sò sede parrocchiale ave sembre ospitate 'na comunitate crestiane bella grosse.

L'economije de Torre Sanda Susanne jè pratecamende basate sus a l'agricolture, cu produzione de uegghie d'alìe, vine e furmagge.

Mò avène presendate 'na tabbelle relative a le amministraziune ca se onne cangiate jndr'à stu comune.

'A festa patrunale de Sanda Susanne jè l'11 aguste. Le strade se acconzane a feste cu luminarie e bangarelle. Apparte a le rite releggiose se face pure 'na feste civile jndr'à doje sciurne cu 'nu congerte badisteche ca se tène apprisse 'a conglusione d'a prugessione d'u simulacre d'a Sande jndr'à serate d'u 10 e l'esibbizzione de 'nu candande o 'nu gruppe musecale jndr'à quedde de l'11. 'A feste avène achiuse a l'une de notte d'u 12 cu 'nu spettacole de fuéche d'artifice.

'A feste de Marije Ss. de Galase 'u 25 settemmre.  Sulamende rite releggiose cu 'a prugessione d'a statue d'a Madonne.

'U purecine d'ore: gare addò se cande jndr'à 'u mese de luglie.

'A feste de l'emigrande jndr'à 'u mese de aguste.

'U mercate sumanale se face de sciuvedìe

'A Fiere de Sanda Susanne: Se face jndr'à 'u periode d'u 2 masce, sciurne addò se arrecorde 'u mirachele d'a Sande, organizzate da 'u comitate Fiere de Sanda Susanne.

'A Fiere Torrese: 'u prime fine sumane de ottommre. Avène organizzate da l'associazione turisteche Pro Loco.

A Torre Sanda Susanne stonne 'nu belle picche de suggettate sportive ca sciocane jndr'à le cambionate provingiale o nazionale.




#Article 71: Torricelle (262 words)


Torricelle (Turricèdda o  Turicèdda in dialette brinnesine) éte 'nu comune tagliáne de 4.225 crestiáne d'a Provinge de Tarde, jndr'à 'u Salènde nord-occidendale.

Cendre piccinne, nasce a 32 metre sus a 'u levèlle d'u mare e vive d'a fiorende agricoltura soje, ricche cumme jè de olivete, vignete, coltivaziune de frumende, piandaggiune de fiche e allevaminde ovine.

'A storie de stu site accumenzò atturne a l'XI sechele, quanne 'nu nuclèe de pasture e agricolture abbandunò 'a coste (jndr'à 'nu mode particolare Torre Ove, addò osce a die jè presende 'nu site archeologgeche) e cercò repare jndr'à l'endroterre da le 'ngursiune de le pirate saracene. Segne de quidde tiembe jè 'a suggestive cripte d'a chiesere d'a Sandissime Trinità, ca resale a 'u XII sechele.

Osce a die 'u javetate se stringe atturne a 'n'imbonende castelle fatte de tufe e a cinghe torre, fatte in epoche aragonese, jndr'à seconda metà d'u XV sechele e, senza dubbie 'mbrà le cchiù 'nderessande e megghie stipate d'a zone.

Jndr'à 'u 1407 Torricella resulte de probbietà de le Capitignano e, cchiù nnande, de le Santoro, de le Montagnese e de le Muscettola. Angore, apprisse l'eversione d'u feudalesime, 'nzieme a Monacizzo devendò frazione apprime de Sava e pò, apprime de l'Aunità d'Itaglie, de Lizzano e devendò comune autonome 'u 19 luglie 1954.

'Mbonde a 'u 1993 (anne de l'autonomije de Stàtte da Tarde) Torricella ere 'u comune cchiù uagnone d'a Provinge de Tarde.

Le collegaminde stradale prengepàle sò rappresendate da ():

L'Aeropuèrte de Tarde-Vurtàgghie Marcello Arlotta face servizie de linèe pu traffeche passeggere cu vole charter.

Le aeropuèrte cchiù vecine sonde:




#Article 72: Calzone (101 words)


Ô calzone (panzerotte o panzarotte) ète nu tipe de pizze 'cchiuse ind'a se stesse, ca forme do mezzalune. Ete n'alimente tipeche di regioni do cientre-sud Itaglie.

Ete originarije do Pugghie, vène priparète co' a stessa paste do normèle pizza e ète chiamète panzerotte in dall'olde vanne d'Itaglie pe distinguerlo dall'olde tipe de calzùne.Stone nu sbuènne de tip d calzun: cud co' l'alije snoccioleète, co' l'acciughe,co la cipodde e co li cappère.Ô calzone nasce da a tradizione do cucine salendine 'cchiu povere, quann co a rimanenze da paste do pène vènèvène cotte quiste piccenne mezzelune co li stuezzarijdde do furmaggie e pummedore.




#Article 73: Pettole (117 words)


Le pettèle so' polline de paste lievètete morbède, fritte jndre all'uegghie bollende. So' tipeche do Pugghie, se preparàne 'u sciurne de Santa Cecilie, 'u 22 novemmre, d'a 'MMaculate Congezione, 'u 8 decemmre, e a Natèle 'u 25 decemmre.

Potène èsse rustèche o dolgie,ripiene o semplescie, e cierte volde venène usète a sostituzione do pène o come antipaste. Si fesce co a farine,patene, lijevete de birre, aque e sèle, ma se po 'ffe senza patène.

O ricetta tipeche reggionèle ète quide ca vole i pettole cosparse de zucchère o spunzète de vincotte o mièle, ma ci vuò i può rièmbì co stuèzze piccìne do baccala lessète o co l'alisce salète, oppure co 'nu broccolette do cavole mièzze cotte.




#Article 74: Burrata (120 words)


O' burrète ète nu furmaggie a pasta fèlete, comme a na muzzaredde ma ète assè cchiù morbede e cremose, è prodotte in dò Murgie e in varie zone do Pugghje.

S'apprèsende comme na sfere de diamètre comprese tra i 7 e i 10 centimetre, co na superfiscia liscie e de colore bianghe lucènde; Ô sapore ète dolge e burrose.

O' burrète vene lavorète a mène co' na farciture de panne e stuzzarjedde de paste fèlete ed è condenute in da n'involucre (o'sacchette) pur cusse fatta de pasta felete.

Pô preparazione, se meshchene latte fresche, sière ca s'otten lassanne fe ashd 'na parta do mungiture do giorno precedènde, e caglie de vètelle, in modo da ottenere nu' pH indorne a 6.1-6.2




#Article 75: Radio (3560 words)


'A radio jè 'a diffusione de condenute sonore, fruibbele in timbe reale o cu 'nu breve retarde, a utinde situate in aree sciugrafeche predisposte da apposite rezze pe telecomunicaziune e dotate de specifece apparecchie elettrece o elettronece e, evendualmende, 'mbiande pe telecomunicaziune.

Da 'nu punde de viste sociologgeche 'a radio jè une de le mezze de comunicazione de masse 'mbrà le cchiù diffuse e apprezzate, senze canoscere le 'ngazzaminde sus a 'u medium ca invece ingondre 'a telavisione. Da 'nu punde de viste tecnologgeche jè invece 'n'applicazione de le telecomunicaziune.

Essenzialmende le diverse emittende radiofoneche se dividene jndr'à doje gruppe: le radio generaliste, ca onne condenute e programme de diverse tipe e le radio temateche. 'Mbrà le radio temateche, onne canusciute 'nu successe straordinarie le radio temateche musecale, ca trasmettene museche de ogne tipe. Le radio temateche musecale, sonde le cchiù sendute da le utinde.

Le radio se dividene pure in emittende radiofoneche naziunale, ce raggiungene 'a maggior parte d'u territorie de 'na nazione e in emittende radiofoneche locale, ce se limitescene a 'n'area circoscritte. In Itaglie se condane 'na decine de radio naziunale e cchiù o mene mille radio locale.

Sta distinzione jè però in decline: infatte, partenne da 'a fine de le anne novande le programme rafiofonece ponne essere trasmesse cu 'na qualità uguale o certe vote pure megghie, ausanne 'a rezze Indernette jndr'à tutte 'u munne, a condizione naturalmende ca una adda tenè 'nu collegamende a Indernette. Jndr'à stu mode, 'nu sbuènne de radio locale ponne superà le confine d'a propria area circoscritte e allarià 'u proprie pubbleche.

Ogne emittende radio tène 'nu proprie nome e 'n'editore, ca ne cure 'u palinseste e 'u ualanze. L'editore jè responsabbele de le ascolte, ca l'emittende riesce a raggiungere e jè st'urteme ca chiande l'obbiettive annuale.

Generalmende le varie programme, sonde coordinate da une o cchiù speaker, 'na figure ca cu l'ause esclusive d'a parole, cerche de indrattenè le spettature e de instaurà 'nu dialoghe immagginarie cu 'u pubbleche. Affianghe a 'u speaker, stè 'nu reggiste, ca regole 'u suène e indervalle le parole d'u speaker, cu museche (ce jè 'na radio musecale), cu le intervende de otre crestiane o cu le spot pubblecetarie.

'Nu sbuènne de radio, osce a die, pe indrattenè 'nu dialoghe maggiore cu 'u pubblehce, onne ideate servizie de dialoghe dirette cu le radioascoltature ausanne e-mail e SMS, ca avènene lette e commendate in dirette. 'Nu sbuènne de emittende musecale, pò, onne previste, jndr'à 'nu spazie apposite a l'inderne d'u lore palinseste, ca le spettature prenotene 'na determinate canzone, dedicannele a quacchedune.

Seguenne le evoluziune tecnologgeche, 'a trasmissione radiofoneche ave adottate diverse forme:

L'invenzione d'a radio jè frutte de 'na serie de espereminde tenute a 'a fine d'u Uettecinde ca demostravane 'a possibbeletà de trasmettere 'mbormaziune ausanne le onde elettromagneteche.

'U prima a riuscirce ha state Nikola Tesla jndr'à 'u 1893 jndr'à 'na conferenze pubbleche a St.Louis, Missouri. L’apparate ca Tesla ausò condeneve tutte le eleminde ca erane ingorporate jndr'à le sisteme radio apprime d'u sviluppe d'a “valvola termoioneche” pò Guglielmo Marconi ca jndr'à 'u 1895, a sole vendune anne, riuscì a trasmettere 'nu segnale in codece Morse a cchiù o mene doje chilometre de distanze da 'a ville de famigghie a Pontecchio (Bologne) jndr'à 'u stesse anne però Nikola Tesla inviave signale distinte 'mbrà doje ponde distande cchiù o mene 50 km a West Point NY. Marconi condinuò a perfezionà l'invenzione, ca avenìe ribbattezzate 'u telegrafo senza file, none esitanne a assè pure da le confine tagliàne: 'u 12 decemmre 1901 'u scenziate riuscìe a trasmettere 'u prime segnale radiotelegrafeche transoceaneche, da Poldhu in Cornovaglie (Regne Aunìte) a St. John's in Terranova (Canada).

Jndr'à 'u sciugne d'u 1943, però cinghe mise apprisse 'a morte de Nikola Tesla, 'na sentenze d'a Corte Suprema de le State Aunìte d'America attribbuì a Tesla 'a precedenze rispette a Marconi, d'u brevette base d'a radio. 

L'invenzione de Marocni tenève però 'nu limite: 'a difficoltà de trasmettere le suène, ca avesse agevolate 'a diffusione a levèlle de masse d'u strumende nuève.

'U prime, ca riuscì jndr'à l'intente ha state 'u canadese Reginald Fessenden. 'U 23 decemmre 1900 Fessenden riesce a trasmettere a cchiù o mene 'nu chilometre e mezze de distanze, 'nu messagge vocale breve: Une, doje, ttrede, quattre, neviche addà addò state vuje signor Thiesen? Ce sine, vulite telegrafarme?. Avere nate 'a radio. L'enorme eco, ben pubblecezzate, de le trasmissiune de Marconi ha state tale ca, angore osce a die, l'inventore d'u mezze radiofoneche assaije spesse avène considerate Marconi e none Fessenden. 

'U 24 decemmre 1906 Fessenden trasmette 'u prime programme radiofoneche d'a storie: parole e museche avenèrene sendute jndr'à 'u ragge de 25 km da 'a stazione trasmittende ca s'acchiave a Brant Rock sus a coste d'u Massachusetts. 'A radio ere pronde pe trasè jndr'à le case de tutte 'u munne.

Jndr'à l'anne '20 accumenze a congretizzarse l'idèe de diffondere condenute sonore a le masse: nasce 'a radio cumme mezze de comunicazione de masse. 'U termine tecniche pe 'na tale diffusione jè 'u broadcasting, stu termine infatte indichesce 'na comunicazione unidirezionale da une verse assaije.

In Gran Bretagne jndr'à 'u 1919 'u Post Office congedìe 'na autorizzazzione temboranèe a 'a stazione Marconi de Chelmsford in Cornovaglie, ca 'u 23 febbrare 1920 trasmettìe 'u prime regolare servizie radiofoneche d'a storie, pe dohe ore consecutive a 'u sciurne, pe 'nu periode de doje settimane.
Apprisse ca avere vute 'u 16 ottommre 1920 'na licenze de trasmissione ufficiale, 'a Westinghouse de Pittsburgh trasìe in servizie a partì da 'u 2 novemmre 1920, trasmettenne cu 'u nome de KDKA da 'nu stabbilimende industriale de Washington. Jndr'à picche timbe, 'a radio se deffunnìe in maniere accussì veloce ca jndr'à le State Aunìte ggià jndr'à 'u 1922 se cundavane 187 staziune, 'nu pubbleche in gran crescite e 'nu numere de riceviture funzionande ca a 'a fine de quidde anne vè arrive a 750.000.

Jndr'à 'u 1921 avène funnate, in Gran Bretagne 'a cchiù andiche radio d'u munne tuttore esistende: 'a BBC.

Jè 'a prima radicale innovazione jndr'à le comunicaziune de masse apprisse l'invenzione d'a stambe e canosce subbete 'nu successe granne assaije, soprattutte in Americhe e in Europe. Cumme sembre succede, 'a tecnologgie, 'na vote messe a punde, genere condenute nuève, linguagge, immagginarie e pure produtture e prodotte, consume e consumature. Jndr'à le prima decennie de vite le trasmissiune avvenene in modulazione de ambiezze (AM).

'A radio inizialmende se deffonne jndr'à 'u munne seconde doje modelle: 'nu modelle combletamende libbere affidate a l'iniziative private e ca se finanzie cu 'a pubblecetate e 'nu modelle monopolisteche affidate a 'u State e gestite cumme servizie pubbleche. 'U prime modelle se deffonne jndr'à le State Aunìte e addevende 'n'esembie in Americhe settentrionale, 'u seconde modelle se deffonne jndr'à 'u Regne Aunìte e avène picchiate cumme 'n'esembie pe l'Europe.

In Itaglie, ca sus a 'u piane tecnologgeche ere de fatte 'a patrie d'a radio, 'u strumende nuève canuscìe maggiore difficoltà a imborse. 'U radiotelegrafe avère state imbiegate in operaziune militare duranne 'a Prima Uerra Mundiale e 'na legge d'u 1910 ne proibbive l'ause a le civile. Se deve a Costanzo Ciano, ministre de le poste jndr'à 'u prime guverne Mussolini, 'u quale intuenne l'enorme potenzialità d'a radio, favorì cu diverse provvedeminde legislative, 'a nscite d'a prime emittende tagliàne: l'Unione Radiofonica Italiana ca esordì 'u 6 ottommre 1924, jndr'à 'na sale in ViaMarije Cristine a Rome, jndr'à le vicinanze de Chiazze d'u Popole. Jndr'à 'nu modeste appartamende de l'ammezzate, cu le parete e 'u soffitte cuperte de tende pesande pe attutì le rumore, 'a sere d'u 6 ottommre Marije Luisa Boncompagni avère date 'u prime annunge: A le 21, nnande a 'n'enorme microfone, dette a catafalche, avère semblicemende ditte: Unione Radiofonica Italiana, stazione di Roma Uno, trasmissione del concerto inaugurale. Avère seguite l'esecuzione de 'nu quartette d'arche: Opere 7 de Franz Joseph Haydn. 
Ha state pò trasmesse d'a museche scacchiate e spiccianne, 'a prima trasmissione se congludìe cu 'u bollettine meteorologgeche, 'a visazze e le notizie lette da Ines Donarelli, combonende d'u quartette d'arche, annungiatrice 'mbrovvisate. Tutte cose durarene sulamende 'n'ora e mmenze. A le 22.30 le trasmissiune avenèvane sospese pe fà repusà le valvole esauste.

'Nu decreto regio d'u 1925 stabbilìe, pe evità 'a nascite de emittende private, 'u monopolie assolute d'u State sus a le comunicaziune senza file e le presistende imbrese avenèrene 'ngorporate jndr'à l'URI. Jndr'à 'u scennare 1925 nascìe 'u Radiorario, settimanale ufficiale de l'URI ca pubbleche le programme cu l'intente de propagandà 'u mezze nuève e jndr'à 'u condembe de canoscere megghie le guste e le opiniune de 'nu pubbleche angore da furmà. 'U 27 novemmre, l'URI accumenzave le comunicaziune regolare sue sciurnaliere. Comungue le coste ierte de le apparecchie (jndr'à l'Itaglie de le anne vende, une custave cchiù o mene 3.000 lire e 'u reddite medie annue non ge supranave le 1.000 lire ne limitave l'ause a le famigghie cchiù ricche.

Jndr'à 'u 1926 traserene in funzione le doje staziune nuève de Napule e Meláne. A 'n'anne da 'a prima trasmissione, se cundavane sus a tutte 'u territorie nazionale, 26.855 utinde. 'A ricezione ingontrave angore notevole difficoltà e spesse accombagnavane l'ascolte boate, scoppiettii, sibili. Jndr'à 'u 1930 'a costruzione de l'imbiande nuève de trasmissione de Roma-Sanda Palomba purtò 'nu nette miglioramende. Intande avèrene state inaugurate le staziune de Bolzano, Genova e Torino.

Jndr'à 'u scennare d'u 1928 l'URI addevende EIAR (Ente Italiano Audizioni Radiofoniche). Cu 'nu decrete, 'u fascisme stabbilisce ca l'imbormazione avèra essere gestite da l'agenzie Stefani, l'organe de stambe ufficiale d'u reggime. Intande l'EIAR, canosce 'na granne diffusione popolare; accussì cumme accappe cu 'a telavisione quacche anne cchiù nnande, le crestiane nò putenne permetterse 'na radio jndr'à propria case se ne sceve a senderle jndr'à le bar e jndr'à le locale pubblece e 'a propagande fasciste favorìe 'a diffusione de altoparlande ca cullegate a le apparecchie trasmettevane le descurse d'u Duce jndr'à le chiazze de tutte 'u Paese. 

Cu 'u proggette Radiorurale, jndr'à 'u 1933 'a radio avène diffuse jndr'à tutte le scole d'Itaglie e premettìe a 'nu sbuènne de studinde, de approfondì 'a canoscenze d'a lènghe tagliàne ca a settand'anne da l'Aunità d'Itaglie ere angore scanusciute a 'a maggioranze de le tagliàne.

Jndr'à 'u 1930, accumenzò cu 'a ccrejazione d'a concessionarie Sipra 'a trasmissione de le prime spot pubblecetarie. 'U successe d'a radio intande condinuave a crescere, grazie a 'a trasmissione de programme innovative e de granne gradimende popolare: jndr'à 'u 1931 avène diffuse 'a prime radiocronache de l'ingondre de ballone 'mbrà Itaglie e Ungherie, a l'autunne d'u 1934 resale 'u prime trionfe d'a radio grazie a 'a riviste I quattro moschettieri (prima pundate 13 ottommre), sus a teste de Nizza e Morbelli.

Abbinate a 'nu congorse d'a case Perugina, 'u programme scatenò 'a cacce a le figurine quotate pe premie. Jndr'à 'u 1934 se cundavane 900.000 ascoltature ma avveramende le radioamature erane chciù de uette miliune.

Jndr'à 'u 1935, in occasione de l'invasione tagliàne de l'Etiopie, se deffunnìe 'u genere d'a radiocronache, ovvere 'a cronache in dirette da le luèche de battagghie e sus a l'andamende d'a uerre.
Jndr'à 'u 1936 da Rome-Prato Smeraldo avenìe avviate 'u prime trasmettitore a onde corte pe l'estere.
Jndr'à 'u 1938 'u numere de le abbonate raggiunge 'nu milione.
Jndr'à 'u reste d'u munne, 'a radio se afferme definitivamende e jndr'à 'u 1931 avène funnate, sus a 'n'imbulse de Papa Pio XI, Radio Vaticana. Le eleziune presidenziale americane d'u 1932, se caratterizzescene proprie pa presenze d'a radio ca trasmette e deffonne jndr'à le case americane le programme de le candidate da 'a viva vôscia lore.

'U scoppie d'a seconda uerre mundiale e l'ingresse de l'Itaglie 'u 10 sciugne 1940, favoriscene 'u lange definitive d'a radio ca ere a l'epoche 'u mezze cchiù putende e cchiù veloce, soprattutte pe le comunicaziune de uerre. Le difficoltà d'a uerre e le bombardaminde alleate rennene cchiù difficile le comunicaziune de l'EIAR e apprisse 'u 8 settemmre 1943, 'u paese jèè scuasciate in doje. L'EIAR se trasferisce a Melane e da aqquà addevende 'a radio ufficiale d'a Repubbleche de Salò invece jndr'à l'Itaglie libberate nascene radio nuève: Radio Bari, Radio Napoli, Radio Roma. 

Jndr'à le territorie occupate, invece se diffonde, pure ca stavane le tendative de interferenze da vanne de le tedesche, l'ascolte clandestine de le radio nemiche: Radio Mosca, Radio Vaticana e soprattutte Radio Londra ca, ce pure erane proibbite pe legge e punite pure cu 'a morte, erane l'uneca fonde pe canoscere 'a verità sus a l'andamende d'a uerre.

Passate 'a uerre, avènene recostruite le imbiande de diffusione e 'a radio ca jndr'à 'u 1949 pigghie 'u nome de RAI (Radio Audizioni Italia) accumenze 'u periode d'ore sue: 'u prizze de le apparecchie scenne assaije proprie e 'a radio trase jndr'à le case d'a maggioranze de le tagliàne. Jndr'à 'u 1951 avène trasmesse in dirette 'a prime edizione d'u Festival de Sanremo. Jndr'à 'u 1951 'a riforme d'u sisteme radiofoneche stabbilisce 'a ccreazione de tre rezze: Nazionale, Secondo e Terzo e avène regolarizzate 'u radio-sciurnale ca seconde 'a legge adda essere imbarziale e a tale proposite avène istituite 'a commissione parlamendare de viggilanze.

Jndr'à 'u 1954 l'avvende d'a telavisione, spenge 'a radio a cercà nove strateggie pe reggere 'a congorrenze d'u strumende nuève. 'A radio avvie 'a programmaziona soje sciurnaliere e nottirne. L'invenzione de l'autoradio e de le transistor, trasformescene 'a radio jndr'à 'n'oggette trasportabbele a tutte vanne e, jndr'à l'anne d'u boom economeche jedde addevende 'a colonna sonore d'u sienze nuève de libbertà ca se deffonne soprattutte 'mbrà le giuvane.
Comungue pure cu 'u successe strepitose d'a TV, 'a radio riesce a reggere 'a congorrenze, grazie a 'a specializzazzione de le programme e a 'u radicamende sue jndr'à 'u costume popolare.

Jndr'à 'u 1960 stè 'a differenziazione jndr'à ttre canale pe accundendà 'nu nnumere sembre magigore de utinde: 'u Nazionale addevende 'u Primo e se dedichesce a l'imbormazione politeche e sociale, 'u Secondo apponde sus 'a prose, sus 'a museche e sus a 'u varietà invece 'u Terzo addevende 'u canale culturale ma none troppe. Jndr'à 'u 1966 da 'u Pringipate de Monaco accemenzane le regolare trasmissiune de Radio Montecarlo, 'a quale pò operà in Itaglie purcé 'a staziona soje se iacchie a l'estero. Nasce 'nu condenziose cu 'a quale 'a Rai decide de recorrere a 'u tribbunale ca dè raggione a l'aziende de state e costringe Radio Montecarlo a inderrombere le trasmissiune.

'A nova aria purtate da 'a condestazione studendesche d'u 1968 invade pure 'a radio: cange 'u pubbleche e se affermane nove genere. 'Nu programme manifeste de stu periode jè Chiamate Roma 3131, ttre ore de trasmissione quotidiane in dirette telefoneche cu le ascoltature. 'U programme nasce 'u 7 scennare 1969 e jè 'nu successe strepitose, ca arrive a tuccà pure punde de dece miliune de ascoltature. 'U conduscene Giuanne Boncompagni, Franghe Moccagatta e Federica Taddei.

Jndr'à 'u 1973 parte 'u fortunate esperimende de le Interviste Impossibili jndr'à le quale le maggiore indellettuale tagliàne immagginane de 'ngondrà celebre personagge d'u passate: une de le esembie cchiù celebre jè l'inderviste ca Umberto Eco face a 'n'immagginarie Beatrice.

Jndr'à 'u 1976 'u monopolie d'a RAI (cumme già avère avvenute cu 'a telavisione jndr'à 'u 1974) sus a radiodiffusione avène infrande da 'a sentenze 20'2 d'a Corte Costituzionale:

Jndr'à 'u corse d'a stessa sendenze se dè atte ca le emittende già attive in Itaglie sonde cchiù o mene 400. Se tratte de le accussìdette radio pirate ca pò avènene chiamate radio libbere, 'nu fenomene tipeche de le anne settande.

'U numere de le radio libbere, pure grazie a 'a manganze de legge a riguarde, jndr'à l'anne successive cresce assaije proprie, 'u lore numere passe da cchiù o mene 150 d'u 1975 a 2.800 d'u 1978.

'A radio libbere jè 'na emittende de dimenziune piccenne sie in termine de tudie radiofoneche, andenne, de trasmissione, ca coste de gestione, in grade de cuprì 'n'area de 'nu picche de chilometre quadrate, spesse inderne a 'na cetate. De solite trasmettene in modulazione de frequenze (FM), 'na tecnologgie fine a allore picche sfruttate, ca garandisce 'na qualità cchiù elevate.

'A radio libbere nasce e se sviluppe cu intente diverse: trasmettere museche indipendende e dediche, notiziarie locale, programme demenziale, idee politeche. Trasmettene 'a museche ribbelle de le anne settande, snobbate da 'a RAI e conguistane soprattutte 'u pubbleche giovanile. Le radio libbere condrebbuischene a rinnovà radicalmende 'nu settore ingessate, grazie pure a idee nuove, a programme origgenale e certe vote pure strampalati. Le prime radio libbere onne tipicamende 'na connotazione poloiteche de sinistre, ma tande nascene semblicemende da 'a voglie de aggregazione e de langiarse de 'nu sbuènne de uagnune. Certe vote, 'nu sbuènne de ste radio, trasmettevane le programme in soluziune economeche de fortune: 'a romane RDS, pe esembie, avère 'u studie sue jndr'à 'na soffitte, 'a prima emissione de Radio Gemini One de Torino avenìe jndr'à 'nu garage, ma 'u case cchiù ecclatande jè quidde d'a bolognese Radio Alice. Cchiù nnande nascerene otre radio a connotazione tipicamende releggiose, cumme Radio Maria.

Arrecurdame 'mbrà le radio ca nascene jndr'à st'anne: Radio Milano International (poi Radio 101) (1975) destinate a divendà 'a prima granne rezze private nazionale; GBR (1975) pure jedde de granne diffusione e a le quale se aggiungìe 'na TV; Radio Radicale (1976) assaije seguite pu condenute politeche-'mbormative; Radio Popolare (1976) nate a Melane cumme radio de 'mbormazione; Radio Studio 105 (da 'u 1995 Radio 105); da Rome Radio Dimensione Suono; da Bologne Radio Lattemiele e Radio Alice.

A seguite d'a libberalizzazzione 'a RAI accumenze 'nu processe de ristruttturazione inderne pe adeguarse a le nove esigenze d'u pubbleche e pe affrondà 'a concorrenze. Comungue 'u decline de le ascolte jè davvere pesande.

Jndr'à l'anne ottande d'u Novecinde aumende 'a professionalità de le condutture radiofoneche, 'a qualità de le programme, le dimenziune de le studie. Quistte avviene de pare passe cu l'aumende de le guadagne pubblecetarie, dovute a 'mbortanze de le radio pure in termine de ascolte.
Se parle allore none cchiù de radio libbere ma de radio private.

Jndr'à 'u 1981 Claudio Cecchetto rileve Radio Music e fonne a Melane Radio Deejay destinate a imborse sus a 'u mercate nazionale cumme l'emittende cchiù seguite d'Itaglie. Nasce pure Radio Italia e Radio Italia Network. 

Jndr'à 'u 1982 'a Rai lange doje canale nuève: RaiStereoUno e RaiStereoDue sus a frequenze nove FM e 'na riforme strutturale decise favorisce 'na modernizzazzione de le stile e 'n'adeguamende a le timbe d'u modelle de le radio private.

Jndr'à 'u 1988 cu 'a riforme d'u servizie radio-televisive pubbleche, le rezze radiofoneche RAI rinungiane a inseguì 'a congorrenze private in termine de ascolte e pundane sus 'a qualità, trasformannese in programme de approfonnemende e indrattenimende leggere. Jndr'à 'u stesse anne nasce Audiradio ca aunisce 'a RAI, 'a Sipra e otre organizzazziune d'u settore cu l'obbiettive de effettuà indaggene periodeche a levèlle nazionale pa rilevazione de l'ascolte radiofoneche.

Jndr'à l'anne novande se diffonde 'a formule d'u network a 'u quale se adeguane le prengepàle emittende. Condemboraneamende se assiste a 'a scombarse de 'nu sbuènne de radio cchiù piccenne. Nascene jndr'à st'anne Radio Capital (1995) e Radio 24 (1999) 'a prima radio tagliàne all-news e jè ppure 'a prima rezze legate a 'nu quotidiane, il Sole 24 Ore.

Jndr'à prima metà de le anne '90 se reggistre 'nu cale de ascolte pa radio e tanda crestiane penzane ca pu cchiù andiche de le mass media ste arrive 'a fine. In effette 'a congorrenze cu 'a telavisione se rileve perdende e 'u pubbleche jè in forte cale. 'A fiddusione de Indernette e 'a nascite de le web radio a 'a fine de le anne novande rilange però straordinariamende 'a radio dannele linfa nove e 'na nova sociologgie. Jedde jè infatte 'u megghie mezze ca se pò collegà cu 'u strumende nuève e 'nu sbuènne de emittende se pigghiane 'nu site web.

Da 'u 2000 se deffonne, avveramende senze troppa convinzione, 'a tecnologgia nove DAB (Digital Audio Broadcasting) ca lange 'a nove radio d'u dojemile. 'U DAB garandisce 'na qualità de l'ascolte pare a quedde de 'nu CD, prevede l'imbieghe de trasmettiture terrestre (DAB-T) e satellitare (DAB-S), e semblice andenne none direzionale pa ricezione.
Affianghe a 'u DAB, ca, cumme ditte, non ge ave 'nu granne successe (purcé no se iacchie 'nu vere valore aggiunde a l'utende d'a modulazione de frequenze), avène diffuse pure 'u DRM, conziderate de qualità megghie e se sperimende 'a tecnologgie FMeXtra (ca prevede 'a trasmissione simultanèe de 'nu pacchette diggitale aunitamende a quidde analoggeche in FM).

Jndr'à l'anne dojemile 'a radio, pure quedda tradizionale, canosce in Itaglie 'nu successe straordinarie cu ascolte ierte ierte, cumme non ge se vedevane da anne, favorite, forse, pure da 'u condemboranèe cale de le spettature televisive, cumme pare confermà 'nu sondagge d'u 2004, ca rivelave ca cchià d'u 45% de le tagliàne, dichiare de preferì 'a radio a 'a telavisione. 

'A radio soprattutte quedda musecale, se demostre in grade de condizionà le guste d'u pubbleche, assaije de cchiù d'u previste, cu le proprie programmazziune. Ma pure 'a radio generaliste e soprattutte 'a RAI arretorne a le trionfe d'u passate: programme cumme Il ruggito del coniglio, Zapping e soprattutte Viva Radio2, addò le comice Fiorello e Marche Baldini ca propongone sketch e imitaziune de granne spessore, riesce a riscuotere ascolte record jndr'à storie d'a radio tagliàne.

Ma 'u successe d'a radio apprisse 'u 2000, jè dovute pure a l'evoluzione de Indernette (web 2.0) ca addevende quase 'nu stuèzze indissolubbele de stu mezze.




#Article 76: Anemone drummondii (128 words)


LAnemone drummondii jè 'na species de anemone canosciute cu 'u nome comune Anemone de Drummond. Quiste fiure de cambe jè native d'u Nord America occidentale da 'a Californie a l'Alaska. Jè 'na piande perenne cò 'nu curte fuste erette cu fogghie piccenne, morbide, e rugose. Ogne piande produce 'nu certe numere de fiure appariscende, ciascune da le cinghe a le uètte sepale, ma non ge face petale. Le sepale sonde normalmende vianghe, spesse cò 'na tonalità blu distinde. 'U cendre d'u fiure jè cchiene de 'nu munne de stame gialle. Le frutte sonde lanose achenio. Quèste jè 'na piande de ambiende de montagne, cumme 'a Catene de le Cascate e 'a Sierra Nevada, ca tène n'estenzione ca vè da 'a foreste temberate de conifere a 'u clime alpine.




#Article 77: Louis-Michel van Loo (182 words)


 

Louis-Michel ha studiete, sotte 'a guida de l'attene, 'u pettore Jean-Baptiste van Loo jndr'à le cetate tagliàne de Torino e Rome.

Jndr'à 'u 1725 a Parigge ha vingiute 'nu prestiggiose premie a l'Académie Royale de Peinture et de Sculpture. Cu 'u ziane, 'u pettore Charles-André van Loo, ha vissute a Rome 'mbrà 'u 1727 e 'u 1732 e jndr'à 'u 1736 ha devenute pettore uffisciele a corte de Filippo V, Re de Spagna, a Madrid. Aqquà ha state une de le fondatore cchiù 'mbortande de l'Accademia de petture jndr'à 'u 1752.

Jndr'à 'u 1753 ha state chiamete a Versailles, a corte d'u Re de Frange Luigi XV, addò evve 'a possibilità de retrarre 'nu sacche de vote 'u Re.

Jndr'à 'u 1765 pigghiò 'u poste d'u ziane, Charles-André, jndr'à direzione de l'École Royale des Élèves Protégés. Jndr'à 'u 1766 rializzò une de le fatje cchiù famose e 'mbortande d'a vita soje, 'u ritratte de Sebastião José de Carvalho e Melo, 'mbortande statista portoghese.

Jndr'à famigghie pure le frate François van Loo (1708–1732) e Charles-Amédée-Philippe van Loo (1719–1795) onne fatte le pettore.

. 




#Article 78: Mise (112 words)


'Nu mise jè 'nu scucchiamènde de l'anne. Jndr'à maggior parte de le calendarje, 'u mise dure 'na trendìne de sciùrne e, de conseguenze, l'anne cunde solitamènde 12-13 mise. Jndr'ô comune calendarije gregoriane, cumme jndr'à maggior parte de le calendarije solare, l'anne jè scucchiáte jndre 12 mise:

Da 'u punde de viste astronomeche, 'u mise jè 'u periode de timbe ca corresponne a 'na rivoluzione comblete d'a Lune 'ndorne ad 'a Terre, pure ce 'u calendarije gregoriane de ôsce a die non g'ète cchiù sincronizzate satte satte cu jèdde.

Etimologgecamènde, 'u termine mise tène 'a stesse radice de lle 'nglise moon e d'u tedesche Mond, totte e dò cu 'u segnefecate de lune.




#Article 79: Parigge (4792 words)


 
 

Parigge (Paris in frangése - pronunge  parì, genere maschile, andicamende Lutèce , da 'u latine Lutetia Parisorium) éte capitale f'a Frange, capeluèche d'a reggione de l'Île-de-France e l'uneche comune a essere pure departimende.

Jè pure 'u comune cchiù popolose d'a Frange, eppure 'u quinde de l'Aunione europèe, apprisse Londra, Berline, Madrid e Rome.
L'area metropolitane de Parigge jè invece 'a terze cchiù popolate de l'Europe, cu 11.769.433 crestiane (le crestiane ca javetene jndr'à cetate avènene chiamate pariggine), apprisse Londra e 'a Reggione d'a Rhur.

'A cetate, costruite sus a 'n'anse d'a Senna, a parte ca jè fondamendale snode de trasporte e traffece d'u condinende europèe, jè une de le cchiù 'mbortande e influende metropole mundiale, eppure 'nu cendre culturale, politeche e economeche assaije forte sia a levèlle nazionale ca 'ndernazionale. In effette, 'a posizione de Parigge a 'u cendre de 'nu snode de le prengepàle itinerarie commerciale terrestre e fluviale le permettìe de addevendà une de le cetate cchiù influende d'a Frange partenne da 'u X sechele, cu 'a costruzione de le palazze riale, de ricche abbazie e dìa celebre cattedrale de Notre-Dame.

Luènghe tutte 'u corse d'a propria storie, Parigge ha sapute influenzà jndr'à 'nu mode determinande 'a politeche, culture, 'u stile de vite e l'economije de l'indere munne occidendale: già sede jndr'à 'u XIII sechele d'a rinascite de le arte e d'u sapere, jndr'à 'u XIV sechele devende 'a cchiù 'mbortande cetate de l'indere munne crestiane.

Jndr'à l'età moderne l'influenza soje condinue a crescere jndr'à tutte le sienze: jndr'à 'u XVII sechele jè 'a capitale d'a cchiù granna putenze militare d'u condinende, jndr'à 'u Settecinde addevende 'u cenacole europèe d'a culture e de le lume, pe pò avviarse jndr'à l'Uettecinde a devendà 'a cetate de l'arte, de le piacere e d'u divertimende.

Scrigne ca tène numerose monuminde da l'incalcolabbele valore storeche e artisteche, Parigge rappresende 'u simbele stesse d'a culture frangese e d'u prestigge sue jndr'à 'u munne. Jndr'à 'u 2008 jè, seconde le cifre de l'Organizzazione mundiale d'u Turisme, a 'u stesse timbe 'a cetate e 'u luèche cchiù visitate d'u munne, cu cchiù de 45 miliune de turiste.

Le turiste le attrebbuiscene spesse 'u qualificative de cchiù romandeche cetate d'u munne: titele derivate da 'u periode d'a Belle Epoque duranne 'a quale Parigge avenìe profondamende trasofrmate da 'u barone Haussmann, guidate da 'u 'Mberatore Napoleone III ca vuleve fà d'a capitale frangese 'a cchiù belle cetate d'Europe: une de le cchiù granne rivoluzione urbanisteche maje canusciute jndr'à storie de l'umanità.

L'andiche nome d'a cetate, Lutetia, e de doje soje quartire, le Marais e 'a mundagne de Sainte-Geneviève l'andiche Lucotecia, indicane ca jndr'à zone stavane de le palude, ma diversamende da quande stu fatte pò fà penzà, 'a zone non g'ere paludose, ma invece assaije fertile. Evenduale inondaziune da vanne d'a Senna avvenivane jndr'à 'u vallone ca da l'estremità oriendale d'u Marais, da 'u canal Saint Martin, prosegue a le granne Boulevards, 'mbonde a 'u ponde de l'Alma. Otre non g'è ca 'nu luènghe meandre abbandonate da 'u fiume probbabbilmende 10.000 anne fa, esistenne effettivamende palude 'mbrà Montmartre e 'a mundagne de Sainte-Geneviève 30-40.000 anne fa.

Tribbù celteche s'averen mise pe 'nu sacche de sechele jndr'à 'n'anse d'a Senna. Cesare le 'ngondrò quanne ste dave 'a cacce a Vercingetorige, duranne 'a camnbagne d'a conguiste d'a Gallia, jndr'à 'u 52 n.C..
Jè possibbele ca erane nomade, ce jè corrette 'a 'nderpretazione d'u lore nome Parisii ca avessa derivà da kwar ca signifeche strade. O erane semblicemende tribbù ca le romane 'ngondrarene lunghe 'u traggitte.

Securamende 'a posizione d'u stanziamende jè inderessande: favorisce 'a mobbilità de le truppe luènghe 'u fiume e arrecorde 'na situazione analoghe a quedde de l'isola Tiberina de Rome, cu doje isolotte ca aiutane 'u guade 'mbrà 'na rive e l'otre d'u fiume. Le romane mettèrene 'n'insediamende lore e 'u chiamarene Lutetia Parisorium ('a palude fangose de le Parisii, ca puteve essere 'nu riferimende ironeche a le chiogge frequende).

Conguistate e pacificate 'a Gallia, Lutetia devende 'na cetate romane, jndr'à l'aspiraziune e jndr'à 'u stile vicile: 'u site jè in posizione favorevole pe le commerce e le traffece fluviale, le popolazziune locale sonde avvandaggiate da l'espanzione economeche purtate da le romane - ggià cchiù o mene cinguand'anne apprisse, Lutetia se presende cumme 'n'insediamende in vie de espanzione sus 'a rive sinistre d'a Senna, 'a rive gauche, e Lutetia ste addevende 'nu nome de cetate.

'A cetate romane se dotre de le strutture essenziale pe essere degne de stu nome: apprima cose, 'u fore, pò le terme (le quale reste sonde visibbele, scavate bbuène, a l'Hotel de Cluny), pò l'anfitiatre e 'nu tiatre.

Pò arrevarene le crestiane, e siccome Lutetia jè 'na cetate romane, jndr'à 'u 250 face pure jedde 'u promartire sue, 'u vescove Dionigi ca, cumme Pitre, quacche sechele apprisse avène elette patrone d'a cetate (Saint Denis).

'A crestianizzazzione comungue vè nnande veloce veloce, e probbabbilmende accendue 'u sienze de identità d'a cetate, ca cchiù o mene verse 'u 300 pigghie 'u nome d'a gende proprie, e addevende Paris e pò se converte accussì fortemende a 'u crestianesime romane da addevendà 'u prengepàle baluarde d'u crestianesime de Pitre condre l'eresie ariane ca pe diverse sechele jè invece 'a forme dominande d'u crestianesime da le germanece.

Arrestate l'avanzate de Attila jndr'à 'u 1451 grazie a Geneviève, 'a cetate se dè a le Franghe Merovingi, jndr'à persone de Clodoveo I ca addevende 'u prime Re: 'a civilizzazzione romane se cange in civiltà romane-barbareche e, Parigge riesse a sopravvivere a 'u Medioevo, 'mbrà carestie e faticose civilizzazzione: 'u [IX sechele passe sotte le ripetute estorsione e 'a condinue minacce de vichinghe e normanne, ma atturne a le istituziune crestiane si coagule 'a civiltà nove: jndr'à 'u 1021 'u capitole de Notre-Dame jè ggià mete de 'nu sbuènne de clerici vagantes; jndr'à 'u 1246 l'università de Parigge vede recanusciute l'autonomia soje e jndr'à 'u 1257 nasce 'a scole d'a Sorbona: Parigge s'avvie a devendà une de le cendre d'a culture europèe, jndr'à 'u core d'a Frange medievale.

'U XII e 'u XIII sechele vedene Parigge a 'u cendre de 'na forte crescite economeche e 'a corporazione de le marcande cumme protagonista soje.

'A rive droite avène urbanizzate duranne 'u Medioevo. 'U nuclèe nuève arrive subbete subbete a supranà in numere de abitande e 'mbortanze 'a vanna cchiù andiche, note cumme citè de Saint Germain, ma pure cumme Université, purcé abbazzie, scole, editure, artiste averene elette sede. 'A rive droite adda devendà 'u nuève cendre direttive.

'Mbonde a Filippe Augusto l'urbanizzazzione de Parigge pò sindetizzarse jndr'à costruzione de le prime cinde murarie e jndr'à 'u prosciugamende de le palude. De l'edilizie romaneche rumanene comungue avveramende picche tracce, pe esembie jndr'à l'abside de St-Martin-des-Champs. L'Île de France jè invece 'a culle de l'arte e de l'architetture gotiche, ca 'mbrà 'u XII e 'u XIV sechele se evolve da 'u gotiche primitve a 'u flamboyant.

A metà d'u XIV sechele, Parigge cerche de fà 'a proprie politeche municipale: tène già cchià de 150.000 crestiane e, attraverse sollevaziune e alleanze ('a Uerre de le cinde anne) face vedè de nò vulè renungià a 'a proprie indipendenze. 'A cetate se estenne soprattutte sus 'a riva destre e le mure de Carlo V (1371-1380) comprennene 'u 'nzieme d'u terze e quarte arrondissement.

Abbesogne arrevà a 'u 1437, purcé Carlo VII pò fà de Parigge, indiscutibbilmende, 'a capitale de le Valois. 'A storie d'a cetate se intrecce da addà a scè nnande inestricabbilmende cu 'a storie de Frange.

Enrico III jndr'à 'u 1588 fusce da 'a cetate jndr'à 'u 1588 e l'ugonotte Enrico IV adda convertirse a 'u cattolicesime e pajà 200.000 scude pe traserve 'notra vote.

Sotte a le Borbone, Parigge jè scenarie e protagoniste d'a Fronde: Luigge XIV sposte 'a corte a Versailles, pe sottrarse jndr'à 'nu sule colpe a le intrighe de le nobbele e a le barrecate d'u popole pariggine e procedere libberamende jndr'à proprie politeche accendratrice.

A 'a viggilie d'a Rivoluzione Parigge occupe 1.100 ettare e conde cchiù de 600.000 crestiane. Fore d'a cinde daziarie (le mure de le Fermiers généraux), le sobborghe sonde costituite da 24 villagge.

'Notra vote protagoniste, non mene ca testimone, 'u popole pariggine scioche 'a proprie rivoluzione. 'U spirite de ribbellione e d'indipendenze de le pariggine avène 'notra vote represse, cu l'esecuzione d'a prime Comune rivoluzionarie - 'u consiglie d'a cetate - ca segne l'inizie d'u Terrore de Robespierre: pe cchiù de 'n'anne, 'mbrà 'u 1793 e 'u 1794, le chiazze de Parigge ospitane 'a fatìe indefesse d'a ghigliottine.

Cumme assaije apprimme e apprisse a jidde, pure Napoleone cerche de assoggettà 'a cetate a 'u potere cendrale, jndr'à 'u quadre d'a proprie riforme amministrative. Quiste non ge 'mbedisce a le pariggine de insorgere 'notra vote condre a Carlo X, jndr'à 'u 1830.

Jndr'à 'u 1845 'a cetate supranesce 'u milione de crestiane e Thiers allarie 'n'otra vote le mure de cinde, ingludenne certe villagge d'a cambagne. L'estetiche avène sembre cchiù rifinite, cu 'u combletamende de le lunghesenna, de Chiazzhe d'a Concordie e de l'Arche de Trionfe. Ma 'a vera rivoluzione urbanisteche jè quedde condotte da Haussmann pe conde de Napoleone III: 'u svendramende de indere quartire vicchie responne a 'a necessità de libberà 'a cetate da 'a congestione viabbilisteche, fagocitate da 'a sovrapopolazzione, da sei linèe ferroviarie e da migliaie de veicole a cavadde.

'A costruzione de le granne viale arvulate jè ppure dettate da mutive de ordene pubbleche, pe imbedì a le pariggine 'a possibeletà de dedicarse a 'a lore attività preferite: 'a rivoluzione. Jndr'à trende anne 'a cetate raddoppie e jndr'à 'u 1876 arrive a 2 miliune, pure cu 'a uerre cu 'a Prussia e 'u disastre d'a Comune. Jndr'à st'epoche resalene certe monumende famose cumme 'a Torre Eiffel e 'a basiliche d'u Sacre Core a Montmartre. Aqquà sorge 'u famose quartiere de le artiste, simbele de quedda Parigge bohemien de fine sechele ggià trasute jndr'à l'immagginarie collettive mundiale.

'A cetate condinue a crescere, a l'inzie d'a Prima uerre mundiale, jndr'à 'u 1914. 'a battagglie d'a Marna 'a salve da l'invcasione tedesche, ma non ge vè accussì jndr'à 'u 1940, quanne 'u Terze Reich occupe 'a cetate dichiarannele cetate aperte. 'A bandiere cu 'a svastiche svendole sus 'a Torre Eiffel e sus a le monuminde cetadine.

Hitler, appassionate de architetture, ha sembre ammirate Parigge ausannele cumme referimende pa costruzione d'a nova Berline. Comungue, jndr'à l'aguste d'u 1944 - in viste de l'invasione americane - ordene a 'u guvernatore d'a cetate 'a distruzione totale de le ponde sus a Senna, de le cendrale elettreche, de le industrie e 'u bombardamende aerèe. Jndr'à le drammatece sciurne d'a libberaziona soje, Parigge insorge ma avène salvate da 'u stesse guvernatore tedesche - Von Choltitz - ca rifiutannese de bombardà 'a cetate se arrenne a 'u generale Leclerc quase senze colpe ferì. A differenze de Londra, Parigge jè l'uneca metropole europèe a assè combletamende indatte da 'a Seconda uerre mundiale.

'U 26 aguste 'u generale de Gaulle trase a Parigge acclamate da 'a folle in delirie e 'u 27 ottommre 1946 a l'Hotel de Ville avène proclamate 'a IV Repubbleche.

'U spirite rivoluzionarie pariggine se sveglie jndr'à 'u masce 1968, jndr'à 'u quartiere latine, cu 'u sciopere generale avviate da le studinde, ca pe quacche sciurne se estenne a totte 'a Frange.
'U resultate, sus a 'u piane de l'organizzazzione d'a cetate, jè 'u smembramende d'a Sorbonne in 13 università jndr'à reggione de Parigge. 

'A cetate torne a dedicarse a 'u proprie sviluppe. Già jndr'à l'anne sessande se avère apirte, cu 'u trasferimende de le mercate generale (les Halles) a Rungis, 'nu periode de granne fatìe pubblece, cu l'obbiettive de libberà 'u cendre storeche d'a cetate da 'a pressione d'u traffeche e da le insediaminde popolare e a riqualificarle cu funziune prevalendemende culturale e de rappresendanze.

Le tappe prengepàle d'a ristrutturazione sonde:

Granne protagoniste de sta riqualificazione onne state le presidende Georges Pompidou e François Mitterrand.

'U stemme d'a cetate, jndr'à forme de osce a die, resale a 'u 1358, anne jndr'à 'u quale 'u re Carlo V congede 'u cape araldiche seminate de gigle de Frange. Jidde rappresende le giglie de Frange sus a Scilicet ('a nave ca simbolegge l'ordene de le mercande ca commerciavane sus a Senna). 'U muttette jè Fluctuat nec mergitur.

'A cetate de Parigge occupesce 'na superficie de 105,40 chilometre quadrate ma l'agglomeraziona soje jè assaije cchiù granne. 'A corona piccenne comboste da 'a cetate e da le 3 departeminde confinande de Seine-Saint-Denis (236 km²), Valle d'a Marna (245 km²) e Hauts-de-Seine (176 km²), occupe 'na superficie de 762,40 km²; cu 'na popolazione de cchiù o mene 6.260.000 crestiane (a 'u 2005).

L'altitudine de Parigge cange a seconde de le diverse colline d'u territorie municipale:

'U clime de Parigge jè assaije particolare, a metà strade 'mbrà 'u clime oceaneche e 'u clime condinendale.
'U 'nvirne non g'è particolarmende luènghe e riggede. Jidde jè infatte caratterizzate da 'n'alternanze de periode mite e chiuvuse (quanne soffiane le vinde umide e tiepide da l'Oceane Atlandiche) e periode invece cchiù riggede e nevose (cu minime pure de -10° C) quanne soffiane le vinde da 'u Polo Nord e da l'Est.
A 'u stesse mode l'estate pò rappresendà sciurnate cavede e afose cu temberature massime pure de +35° C / +38 ° C e sciurnate assaije fresche, vendose e chiuvuse (cu temberature minime sus a le +10° C).
Pò le qaurtire meridionale e oriendale presendane 'nvirne cchiù riggede rispette a 'u cendre-cetate e a le quartire settendrionale e occidendale.

Le minime 'nvernale jndr'à 'u cendre-cetate raramende sonde particolarmende vasce, frazie a 'u fenomene de l'Isola de calore urbane. Le periode cchiù consigliate pe visità 'a cetate sonde allore 'a tarde primavere (masce) e l'inizie de l'autunne (settemmre e inizie de ottommre).

Parigge, cu 2.125.246 crestiane a 'u censimende d'u 1999 jè 'a cetate cchiù granne de Frange e l'area metropolitane d'a Granne Parigge (le Grand Paris, in frangese), ca copre 14.518 km², tène 'na popolazzione de 11.174.743 crestiane (date d'u censimende d'u 1999). L'area metropolitane d'a Granne Parigge jè 'a cchiù granne d'Europe (inzieme cu Londra e Mosca) e jè, cchiù o mene, 'a vendesime d'u munne.

L'area metropolitane d'a Granne Parigge, cu 'nu PIL comblessive superiore a quidde de l'Australia, jè 'u cchiù granne cendre economeche e finanziarie d'Europe a 'a pare cu Londra. Ospitesce cchiù d'u 30% de le collette vianghe frangise, e cchiù d'u 40% de le sede cendrale de le combagnie frangise, cu 'u cchiù granne distrette finanziarie d'Europe pe dimenziune (La Défense), e 'a seconde cchiù granne borse d'Europe (Euronext).

Famose jndr'à tutte 'u munne cumme 'a Ville Lumière ('a cetate de le luce), Parigge jè une de le prengepàle destinaziune turisteche mundiale. 'A cetate jè renomate pa bellezze de l'architettura soje, le viale sue e le scorce sue, a parte ca pe l'abbondanze de le musèe. Costruite sus a 'n'anse d'a Senna, jè divise jndr'à doje vanne 'a Rive droite a nord e a cchiù piccenne Rive gauche a sud.

'Nu timbe ere capitale de 'n'imbere coloniale ca se stennève sus a cinghe condinende, Parigge jè angore osce a die considerate cumme 'u cendre d'u munne frangofone e ha mandenute 'na forte posizione 'ndernazionale, ospitanne 'u quartiere generale de l'OECD e de l'UNESCO, 'mbrà le otre. Quiste, misckate a le attività finanziarie sue, affaristeche, politeche e turisteche, onne rese 'a cetate une de le prengepàle hub d'u munne e, Parigge jè recanusciute cumme une de le picche cetate mundiale.

De area metropolitane de Parigge se pò parlà, pure andecepanne l'ause d'u termine, sule apprisse 'u 1870. Jndr'à tabbelle ca avène mò, le date fornite 'mbonde a 'u 1892 sonde dedotte da stime recavate da diverse fonde, invece chidde relative a 'u 1990 e a 'u 1999 sonde ufficiale, fornite da l'Ufficie nazionale frangese de statisteche INSEE.

'A patrone d'a cetate jè Sanda Genoveffe (Sainte Geneviève), accreditate de avere convinde Attila a risparmià 'a cetate, jndr'à 'u V sechele.

Se arrecorde però pure San Meredico (Saint Merry), ca jè 'u patrone d'a rive droite, nuclèe urbane 'a quale origgene jè posteriore, a cause d'a presenze de le marais ca angore osce a die se arrecordane jndr'à 'u nome d'u quartiere, cioè zone a vocazione agricole pa bbona fertilità d'u terrene.

Pure San Denis jè annoverate cumme patrone d'a capitale, invece 'n'otre sande 'mbortande pe le pariggine, San Germano ('a rive gauche jndr'à 'u Medioeve avenève chiamate pure Cetate de Saint Germain), non ge pigghie nisciuna careche.

Fine da le timbe d'u Medioeve, Parigge ha sembre attratte furastire. Da le studinde olandese e svedese d'u Quartiere Latine jndr'à 'u XV sechele, a le rifuggiate giacobite 'nglise d'u XVII sechele, da le rifuggiate nazionaliste polacche de l'inizie d'u XIX sechele, a le operaie belge d'a fine d'u stesse, da le ebbreie sefardite d'u Nord Afriche d'a metà d'u XX sechele a le africane e est-asiatece de le sciurne nuèstre, Parigge ha ricevute ondate sus a ondate de immigrande, ca l'onne arricchite. Osce a die, cumme otre cetate d'u munne, Parigge jè 'na cetate multiculturale.

Le censimende frangise non ge fanne maje dumanne riguardande l'etnie o 'a releggione, pe stu fatte non g'è possibbele canoscere 'a combosizione etniche de l'area metropolitane de Parigge. Comungue quacche date interessande pò essere estratte da ste censimende. Jndr'à quidde d'u 1999, stavane 2.169.406 crestiane jndr'à l'area metropolitane d'a Granne Parigge, ca averene nate fore da 'a Frange Metropolitane, cioè 'u 19,4% d'u totale. Cumme termine de combronde: jndr'à 'u censimende brittanneche d'u 2001, 'u 19,5% d'a popolazzione de l'area metropolitane d'a Granne Londra avere nate fore da 'u Regne Aunìte, invece jndr'à 'u censimende statunitense d'u 2000, 'u 27,8% d'a popolazzione de l'area metropolitane de New York-New Jersey Settendrionale-Long Island avere nate fore da le State Aunìte, accussì cumme 'u 31,8% d'a popolazzione de l'area metropolitane de Los Angeles-Riverside-Orange County.

Le gruppe cchiù numerose de residende pariggine nate a l'estero sonde le seguende (elengate approssimativamende in ordene decrescende):

A 'u censimende d'u 1999 ve iavetavene 474.768 crestiane ca a 'u censimende precedende d'u 1990 resultavene residende fore da 'a Frange Metropolitane, cchiù o mene 'u 4.2% d'u totale d'a popolazzione de l'area metropolitane jndr'à 'u 1999.

Le corrende migratorie verse Parigge onne cangiate jndr'à 'nu mode significative jndr'à l'anne novande. L'immigrazione portoghese combletamende inderrotte, invece onne assute fore gruppe nuève de immigrande. Le gruppe cchiù 'mbortande a 'u 1990 sonde le seguende:

In combronde cu 'u Regne Aunìte, le immigrate da 'u Sud-est Asiateche non ge sonde angore assaije numerose a Parigge, pure ce 'u lore numere ha aumendate assaije proprie jndr'à l'anne novande. In combronde a le State Aunìte, stè 'nu numere assaije limitate de immigrate de origgene latine-americane e filippine. Pure le immigrate da 'u Medio Oriente non ge sonde assaije, ma 'mbrà chiste stè 'na numerose comunità libbanese (pa maggiorparte ricche libbanese de releggione Crestiane esiliate), grazie a andiche legame 'mbrà 'a Frange e 'u Libano. Pure le russe sonde picche numerose a Parigge, pure ca stave 'n'andiche tradizione de presenze russe a Parigge apprime d'a Rivoluzione Russe d'u 1917.

Parigge jè 'na metropoli de ranghe indernazionale sotte 'u profile culturale, politeche e economeche, tène tradizionalmende 'n'indiscusse e eccezzionale supremazie jndr'à 'u condeste nazionale, tande da putè 'nzipparse a simbele d'a Frange stesse e da costituirse condemboraneamende cumme cause de le squilibbrie territoriale ca affliggene 'a nazione. Se iacchie a 'u cendre d'u bacine d'a Senna, ca 'a colleghe a 'u mare, Parigge jè 'n'imbortandissime node d'a rete de le comunicaziune.

Infine, abbesgone arrecurdà ca le stime aqquà indicate se referiscene a crestiane ca vivene stabbilmende jndr'à l'area metropolitane de Parigge. Parigge jè 'a cetate cchiù frequendate da turiste a 'u munne, cu 'n'afflusse sostanziose jndr'à ogne periode de l'anne. 'A maggiorparte de le turiste sonde furastiere, purtanne allora 'u date riguardande le furastire presende jndr'à l'area metropolitane de Parigge a essere in realtà cchiù ierte d'u 19.4% indicate. Stu fatte jè evidende jndr'à 'u cendre d'a cetate, addò jè possibbele cammenà jndr'à certe strade addò 'a maggiorparte de le passande jè furmate da turiste furastire.

Apprime d'u 1964, Parigge faceve parte d'u dipartimende d'a Seine, ca condeneve 'a cetate e le sobborghe circostande. 

Da 'u 1965, 'u Comune de Parigge jè une de le uette departeminde d'a reggione de l'Ile-de-France. L'idendificative sue assolute jè 75, ca se iacchie pure jndr'à le targhe de le maghene e sus a le codece postale.

Cu 'a riforme amministrative avenerene ccrejate 3 nuève departeminde ca formane 'n'anelle atturne a Parigge e costituiscene 'a prima cindure perifereche (la petite couronne): Hauts-de-Seine, Seine-Saint-Denis e Val-de-Marne. Fore, le departeminde de Val-d'Oise, Yvelines e dell'Essonne costituiscene 'a grande couronne. 'U 'nzieme costituisce 'a région parisienne, ca jè 'a metropoli de Parigge. L'ottave dipartimende de l'Île-de-France, ca da sule rappresende cchiù o mene 'a metà d'u territorie reggionale, jè quidde oriendale de Seine-et-Marne.

Invece normalmende le departeminde sonde divise in cantune, 'a cetate de Parigge jè divise in 20 arrondissement municipale (circondarie municipale), numerate in ordene progressive partenne da 'u cendre e spustannese a spirale verse l'esterne, ciascune de le quale jè 'nu municipie (mairie), cu 'u consiglie sue e 'u sinnache sue. Ogne arrondissement, d'otra vanne, elegge pure le proprie rappresentande a 'u Consiglie de Parigge] (Conseil de Paris), ca jè pure 'u consiglie d'u dipartimende.

Le eleziune comunale e de arrondissement sonde contestuale: le pariggine scacchiane le 517 consigliere de arrondissement, 'mbrà le quale 163 addevendane condemboraneamende consigliere comunale. Jndr'à ogne arrondissement le eleziune avvenene sus a doje turne: 'a liste ca pigghie 'a maggioranze assolute, o relative a 'u seconde turne, ave 'a metà de le segge in blocche, e 'na quote proporzionale de le segge ca remanene. Le liste sonde bloccate e le sinnace sonde elette da le relative consiglie cumme pure le assessore (adjoints).

Bertrand Delanoë, esponende d'u Partite socialiste frangese (PS), jè 'u sinnache de Parigge da 'u 18 marze 2001, e tène 'nu mandate ca spiccie jndr'à 'u 2014. Cumme eccezzione a 'a reghele usuale pe le cetate frangise, certe potere normalmende esercitate da 'u sinnache sonde invece affidate a 'nu rappresendande d'u guverne nazionale, 'u prefette de Polizia. Pe esembie, Parigge non ge tène 'na forze de polizia municipale, pure ce tène quacche condrollore d'u traffeche. Stu fatte jè 'na eredità d'a situazione vigende 'mbonde a 'u 1977, quanne Parigge non ge tenève 'nu sinnache ma ere guvernate da l'amministrazione prefettizie. Vè arrecurdate ca a 'a radice d'u smembramende d'u Departimende d'a Senna (Département de la Seine) 'nu mutive ere proprie 'u straordinarie potere ca 'u prefette d'a Senna se acchiave a gestì, quase pare pare a quidde d'u Prime Ministre.

Le aeropuerte de Parigge sonde contraddistinde da 'u codece aeroportuale IATA PAR.

Parigge jè servite da doje aeropuerte prengepàle: l'aeropuerte Charles De Gaulle, jndr'à vicine Roissy-en-France (departimende 95) a nord d'a cetate e l'aeropuerte de Orly (departimende 94), ca se iacchie a sud d'a cetate.

'Nu terze aeropuerte, cchiù piccinne, jè l'aeropuerte de Beauvais-Tillé (departimende 60), a 80 km a nord de Parigge e avène ausate pe le vole charter e da le combagnie low-cost.

'Nu quarte aeropuerte, prengepalmende cargo, jè l'aeropuerte de Vatry (departimende 51), a 150 km a est de Parigge.

L'aeropuerte de Le Bourget (departimende 93) osce a die ospite sulamende jet private, 'u Salone 'ndernazionale de l'aeronautiche e d'u spazie de Parigge-Le Bourget e 'u Musée de l'air et de l'espace.

'A capitale frangese jè 'u maggior punde de snode ferroviarie nazionale, jndr'à 'u quale se accendre pure 'a quase totalità de le linèe a velocità ierte. Jè ppure 'nu node primarie in Europe e 'a rete ferroviarie s'irradie da 7 staziune de cape: Paris Austerlitz, Paris Bercy, Paris Est, Paris Lyon, Paris Montparnasse, Paris Nord e Paris St.Lazare. 'A ex-stazione terminale de Paris Orsay, achiuse jndr'à l'anne cinguande, jè osce a die 'nu musèe.

Parigge jè densamende cuperte da 'nu sisteme de metropolitane, 'u Métro (14 linèe), accussì cumme da 'nu granne numere de linèe de pulmann. Chiste se inderconnettene cu 'na rezze reggionale e velocità ierte, 'a RER (Réseau Express Régional), e cu 'a rezze ferroviarie: trene pendolare, linèe naziunale e TGV (o simile cumme Thalys e Eurotunnel). Esistene doje tramvie tangenziale jndr'à le sobborghe: 'a linèe T1 vè da Saint-Denis a Noisy-le-Sec, 'a linèe T2 vè da La Défense a Issy. 'Na terza linèe a Sud d'a cetate, T3, ha state combletate a 'a fine d'u 2006.
L'indere rezze metropolitane jè cuperte da signale pe le telefone cellulare e jè gestite, cumme tutte le trasporte urbane pariggine, da 'a combagnie RATP.

Jè a 'u studie 'nu proggette de automazione d'a metro, ca avessa essere guidate a distanze senze 'nu condicende. 'A mesure comborterebbe 'nu cale occupazionale e condemboraneamende l'ingremende d'u 30% d'a frequenze de le corse. 'A linèe 14 jè inderamende automatizzate.

'A cetate jè 'u node prengepàle d'a rezze autostradale frangese, e jè ciercunnate da 'na tangenziale inderne, 'u Boulevard Périphérique o 'u périph (35 km) e une esterne (A86 La Francilienne). 
Le svigole d'u Boulevard Périphérique sonde chiamate 'Portes', purcé corresponnene a le andiche porte d'a cetate essenne 'u viadotte costruite sus 'a tracce de le urteme mure de Parigge.

Ogne arrondissement jè comboste de quartire: se indichescene aqquà distindamende, inzieme a quacchedune de le luèche notevole ca ospitescene, senze nisciuna pretese de combletezze, cercanne però de non dimendicà nisciune de le vie e de le chiazze addòl non ge se pò passà e le cchiù 'mbortande spazie virde e giardine (Parigge conde 426 spazie virde, 'mbrà giardine e parche pubblece, de varie dimenzione).

Montmartre ha state pe 'nu sacche de timbe 'nu villagge separate da Parigge. Sus a l'origgene d'u nome se fanne doje ipotese; pò essere ca derive da Mont Martis ('u monde de Marte), purcé 'a colline ha state 'a sede de 'nu tembie dedicate a Marte, die d'a uerre, sotte 'u periode romane (sus 'a colline se iacchie pure 'nu tembie dedicate a Mercurio); seconde 'notra ipotese 'u nome derive da 'a notazione le mont du martyre ('u monde d'u martirie), purcé, seconde 'a leggende, ha state 'u poste addò ha state decapitate Saint Denis, prime vescove de Parigge, atturne a 'u 250.

Quanne Napoleone III e l'urbaniste sue Haussmann decidettere de fà addevendà Parigge 'a cchiù bella cetate in Europe, avere assute 'a necessità de garandì a le amice e a le finanziature de Haussmann de le granne appezzaminde de terrene vicine a 'u cendre d'a cetate; stu fatte spengìe le crestiane origginarie verse le confine d'a cetate (Clichy, La Villette) e verse 'a colline de Montmartre. Date ca Montmatre ere fore da le confine d'a cetate, libbere da le tasse de Parigge e cu 'na produzione de vine locale (angore osce a die conzerve le uneche vigne de Parigge), addevendò jndr'à picche timbe 'na zona popolare pu divertimende. L'area se sviluppò cumme 'u cendre de l'indrattenimende decadende a 'a fine d'u XIX sechele e a l'inizie d'u XX, rappresendate da 'u cabaret d'u Moulin Rouge e de Le Chat Noir ('a iatta gnore jè pure 'u simbele none ufficiale de Montmartre); jndr'à stu stesse periode Montmartre devendò 'u luèche predilette da petture cumme Pissarro, Toulouse-Lautrec, Steinlen, Van Gogh, Modigliani, Picasso... Cchiù nnande, 'a colline ha state sostituite, cumme quartiere de le petture, da Montparnasse.

Jndr'à l'11° arrondissement, vicine a place de la Bastille, se iacchie une de le cendre d'a vita de notte de Parigge: rue de Lappe, 'na vie strette a traffeche limitate addò se iacchiane 'nu sbuènne de locale de ogne genere, ognune cu caratteristeche e peculiarità differende e assaije frequendate da studinde uagnune. Pure jndr'à stesse rue Oberkampf stonne 'nu sacche de locale piccinne, certe apirte pure 'mbonde a l'albe.

Le squadre sportive pariggine cchiù famose sonde 'u Paris Saint-Germain, 'na squadre de ballone, e 'u Stade Français Paris, 'na squadre de rugby.

Jndr'à 'u baseball 'a cetate jè rappresendate jndr'à 'u massime cambionate frangese, 'u Championnat de France de baseball da 'u club universitarie Paris Université Club, 'u quale ha vingiute 21 titele naziunale.

Jndr'à pallacanestre, apprisse 'a scombarse jndr'à 'u 2007 d'u Paris Basket Racing, 'a prengepàle squadre d'a cetate jè 'u Paris-Levallois Basket.

Parigge jè 'na cetate de generale maschile, cumme testimoniate da le espressiune le Grand Paris o le Vieux Paris. Quiste pure ca in ambite poeteche avene spesse ausate 'a forme femminile (Paris est une blonde, Paris reine du monde, Mistinguett).

Jndr'à lènga frangese 'a pronunge d'u nome d'a cetate, Paris, jndr'à convenzione de l'alfabbete foneteche 'ndernazionale jè //. 

'U nome latine d'a cetate ere Lutetia (//), traslitterate da le frangise in Lutèce (//). 'U nome ha state pò cangiate in Paris, derivate da 'u nome d'a tribbù galleche de le parisi.

Parigge jè famose cumme Paname (//) jndr'à 'u Frangese informale.

Le crestiane de Parigge sonde ditte Parisiens (//) in Frangese e Parigots (//) jndr'à 'u Frangese informale.

Parigge jè gemellate sulamende cu :




#Article 80: Michele Santoro (2949 words)


Lauriate cu lode in filosofie a l'Università de Salerno, addò avìe pe relatore Biagge De Giovanni, docende de filosofie morale, ha accumenzate 'a militanza politeca soje jndr'à 'u gruppe maoiste Unione Comunisti Italiani e, condemboraneamende, 'a carriera sciurnalisteca soje sus a 'u quotidiane Servire il popolo, edite da 'a stesse organizzazione. 

Cchiù nnande passò a 'u quindicinale d'u PCI campano La Voce della Campania, d'u quale avere divenute direttore da marze 1979 pe nove mise, quanne avenìe allundanate pe le posiziune sue eterodosse rispette a 'a linèe ufficiale d'u partito.

Collabborò allore cu L'Unità, Il Mattino e Epoca. Apprime de essere assunde in RAI jndr'à 'u 1982, ha fatiate pa radio cumme conduttore de rubbriche e autore de sceneggiate radiofonece (Via le odiate macchine, Radio Uno).

Jndr'à 'u 1998 vionge 'u Premio Cimitile cu l'opere Michele chi? (Edizioni Baldini  Castoldi);

Jndr'à televisione, apprisse 'na esperienze piccenne a l'estere cu 'u TG3, ha realizzate speciale e settimanale:

Ha state autore e conduttore de varie programme:

Jndr'à 'u 1991 ha pubblecate 'u libbre Oltre Samarcanda (Ed. Sperling  Kupfer) e jndr'à 'u 1996 Michele chi? (Ed. Baldini e Castoldi). 

Jndr'à 'u stesse anne ha lassate 'a RAI pe passà a Mediaset cumme direttore d'a testate Moby Dick e pò Moby's sus a Italia 1.

Jndr'à 'u 1999 ha turnate jndr'à RAI cu 'u programme Circus sus a Rai Uno. 
Jndr'à 'u 2000 face nascere Sciuscià. 
Da l'autunne d'u stesse anne jè autore e conduttore de Il Raggio Verde sus a Rai Due. 

Apprisse l'11 settemmre 2001 propone, sembre sus a Rai Due, 'u speciale Siamo tutti americani? seguite da 'a serie Emergenza Guerra.

Jndr'à 'u 2001, l'inderviste a Marche Travaglio a Satyricon - addò 'u sciurnaliste parlò de fatte legate a 'a nascite de Fininvest, da le rapporte d'a famigghie Berlusconi cu 'u boss mafiuse Vittorie Mangano e de une de le urteme inderviste de Paolo Borsellino - facìe 'nzeppà 'nu sbuenne de reaziune da vanne de le politece d'a destre e Santoro dedicò a l'episodie 'na pundate d'a trasmissiona soje Il raggio verde.

L'Authority, comannate da 'u presidende Enzo Cheli nominate da 'u Presidende d'u Conziglie Giuliano Amato, recevìe 'n'esposte de Forza Italia (le quale esponende erane proprie 'ngazzate assaije da 'u mode cu 'u quale veicolave 'a vicende Mangano-Dell'Utri in trasmissiune RAI, cumme chidde de Santoro) condre 'a pundate de Il raggio verde dedicate a 'a mafie e a 'u case Satyricon, accusate de vioplà 'a par condicio e de favorì l'Ulivo.
L'Authority però ribbadisce ca «Il raggio verde non è un programma di comunicazione politica o una tribuna elettorale, ma una trasmissione di informazione e approfondimento che deve seguire l'attualità, le notizie», ribadenne pure ca, essenne 'u reggime de par condicio non angore effettivamende accumenzate, non g'è possibbele procedere in nisciune mode. Pò, seconde 'u cendredestre, 'a pundate igriminate non g'a permesse a le esponende de cendredestre de indervenì, invece, de fatte, avere state 'u cendredestre stesse a no scè a 'u dibattite in RAI (pe proteste condre 'u caso Satyricon), imbedenne a le proprie esponende de parteciparve (a 'a pundate ingriminate le raggione d'a coalizione de cendredestre avenèrene sostenute da 'u sciurnaliste [Paolo Guzzanti de Il Giornale).

Cchiù vote jndr'à 'u 2001, 'a trasmissione Il ragio verde, sembre accusate da 'u cendredestre de faziosità a favore d'u cendresinistre, dedicave assaije spazie a 'u schieramende de cendredestre, soprattutte apprisse ca 'u case Satyricon vedìe scuppià furiuse 'ngazzaminde da vanne d'u cendredestre, pe 'nu preseunde tendative de comblotte politeche. In particolare, Santoro avìe l'ordene da l'Authority de presendà 'na pundate riparatorie a favore de Marcello Dell'Utri (pe conzendirle 'u deritte de repliche), condre quedde sus a 'u case Satyricon, condestate pu spazie dedicate in gran parte a 'u case Mangano-Dell'Utri; jndr'à quedda pundate riparatorie, 'u cendredestre, pe vôsce de Dell'Utri, puteve esprimere 'u proprie dissenze pu libbre L'odore dei soldi (scritte da Marche Travaglio e Elio Veltri), ca duranne 'a presendazione a 'a trasmissione de Daniele Luttazzi Satyricon facìe scuppià 'na polemeche sus 'a presunde comblecetà in mafie d'a famigghie Berlusconi. Comungue, 'a pundate condestate da Forza Italia (cumme cundate da 'u stesse Marche Travaglio jndr'à 'u libbre Regime) avère trasmesse 'a reggistrazione ufficiale d'a semiscanusciute inderviste jndr'à 'u 1992 d'u giudice Paolo Borsellino a le reporter frangise Jean Pierre Moscardo e Fabrizio Calvi, addò se parlave de le legame de Berlusconi e de Dell'Utri cu Cosa Nostra, tramite personalità de mafie cumme Vittorio Mangano o Stefano Bontate.

Pò, jndr'à stessa pundate, Silvio Berlusconi indervenìe telefonicamende (scavalcanne pure le indenziune de diserzione d'u programme manifestate da vanne d'u cendredestre), accusanne 'u programme de essere 'nu processe in dirette e sostenenne pure 'a necessità de condinuà a disertà le programme RAI pe avè cchiù garanzie de indegrità; pe ste mutive, eppure pe l'atteggiamende sus a 'u teme d'u case Satyricon avenìe duramende criticate, sus a Telemontecarlo, da 'u sciurnaliste libberale Indro Montanelli (duranne 'n'inderviste), ca accusò Berlusconi e Fini (colpevole de avere annungiate future epuraziune jndr'à RAI da vanne d'a CdL) de fascisme squadriste e de grave intolleranze e senzibbiletà verse 'a satire [riferennese a 'a condestate pundate de Satyricon de Daniele Luttazzi, NdA].

Pò, jndr'à 'na successiva pundate de Il raggio verde, Santoro mannò in onde 'a suddette videoinderviste de Telemontecarlo a Montanelli, provocanne le reaziune de Vittorio Feltri, presende in studie, ca accusò Montanelli de incoerenze; Marche Travaglio, ca pure jidde stave in studie, respunnìe a Feltri, parlanne de golpe de Berlusconi a 'a redazione de Il Giornale, ca luò jndr'à 'nu mode brutte proprie 'a dirigenze d'u quotidiane sue a Montanelli; cchiù nnande, Indro Montanelli telefonò direttamende jndr'à 'u studie ringrazzianne Travaglio, spieganne le vicende sue cu Berlusconi sus a 'u teme d'u quotidiano Il Giornale, congludenne cu 'nu breve dialoghe cu Feltri sus a questione d'a preseunde incoerenze attribbuite da Feltri a 'u stesse Montanelli.

'U 25 abbrile 2001, Forza Italia presendò a l'Authority 'u seconde esposte condre a Il raggio verde, pa pundate cu Dell'Utri; l'esposte avenìe, sta vote, accolte da l'Authority ma avenìe pò assaije condestate da 'a RAI: 'u cape de l'uffice legale Rubens Esposito, condestò duramende l'esposte pa presunde inapplicabbeletà, 'a manganze de dettaglie su cumme avera avvenute 'a violazione e 'a manganze de possibbeletà de difese e condraddittorie, da vanne de Santoro, a 'u qyale Esposito avere ribbadite «l'incomprimibile esercizio del suo diritto di opinione e di critica del tutto compatibile e coerente con il suo ruolo di conduttore di una trasmissione puramente informativa, e non a tematiche politiche». Cchiù nnande, Forza Italia presendò otre e doje esposte a l'Authority pe cercà 'a chiusure d'u programme, ma pure sta vote avenèrene respinde e avenìe dichiarate ca 'u verdette finale de l'Authority avera essere rinviate apprisse le eleziune politeche d'u 13 masce 2001, addò Silvio Berlusconi e 'a coaliziona soje vingerene ('na vittorie ca jndr'à le sondagge avenìe viste apprime cumme quase certe, pò non ge se sapeve ce vingeve apprisse 'u svolgimende d'u programme Satyricon).

'U 20 masce 2001, 'u neoelette Presidende d'u Consiglie Berlusconi presendò 'u quinde esposte a l'Authority, ca venìe 'n'otra vote accolte e ca (pa prima vote) condannò definitivamende 'a RAI a 'na multe de 40 miliune de lire pe no avè date sufficiende prevalenze a Dell'Utri jndr'à pundate reparatorie. Ma avveramende jè date pe certe ca jndr'à quedda pundate, ca vedìe condrapposte Marcello Dell'Utri e Andonie Di Pietro, 'u prime parlò cchiù d'u doppie d'u seconde (66 minute pe Dell'Utri e 30 minute pe Di Pietro). Pò, l'Authority, jndr'à sentenza soje, non ge citò nisciuna fonde o elemende d'a pundate ingriminate ca putesse essere a prove d'a sendenze. Pe chiste e otre mutive, 'u Presidende d'a RAI Roberto Zaccaria, rifiute 'a condanne, difennenne l'equilibrie d'u programme Il raggio verde e facene ricorse a 'u TAR d'u Lazie, ma l'Authority le respunnìe purtanne 'a multe da 40 miliune a 200 miliune de lire.

Jndr'à 'u novemmre 2001 accumenze Sciuscià Edizione Straordinaria. 'U 18 abbrile 2002, duranne 'na conferenza stambe a Sofia, in Bulgarie, Santoro, 'u sciurnaliste Enzo Biagi e 'u comiche Daniele Luttazzi avènene duramende attaccate da 'u Presidende d'u Consiglie Berlusconi, 'u quale l'avère definite cumme individue ca onne fatte 'n'ause crimimose d'a telavisione pubbleche (episodie note cumme Diktat Bulgaro). Santoro repliche a stu atte censorie de Berlusconi, definenne 'u premier cumme 'nu vigliacche, ca abbuse de le putere sue pe attaccà crestiàne cchiù debbole de jidde, a le quale non ge congede 'u deritte de difese. 'U 31 masce vèje in onde l'urtema pundate de Sciuscià: 'u CdA RAI, a maggioranze de cendredestre, scangelle 'u programme, pe mutive de tutele aziendale; avènene licenziate e allondanate da 'a RAI pure Biagi (rapporte cessate pe scadenze d'u condratte e none rinnovate) e Luttazzi.

L'Authority, apprisse 'u seste esposte de Forza Italia, richiame a 'a RAI pure 'u programme Sciuscià Edizione Straordinaria. Cchiù nnande apprisse a ste fatte e a 'u conseguende allondanamende da l'aziende, Michele Santoro ha fatte cause a 'a RAI pu licenziamende senze giusta cause jndr'à 'na querele ca s'a congluse jndr'à 'u 2005 cu 'na sentenze d'u Giudice d'a Fatije d'u Tribbunale de Rome ca dè raggione a Santoro e allore condanne 'a RAI a 'nu risarcimende danne ca arrive a 1 milione e 400 mila € e ordene 'a reintegrazione d'u sciurnaliste jndr'à le funziune in RAI pe programme de prima serate. Cchiù nnande Santoro ha turnate cu 'nu programme RAI in prime serate, ma sulamende jndr'à 'u settemmre d'u 2006, apprisse l'insediamende d'u seconde guverne de Romano Prodi.

Da stu mumende trasforme quedde ca retène 'na personale battagghie pa libbertà de 'mbormazione jndr'à 'n'imbegne politeche: aderisce a 'u programme de Romano Prodi e se candidesce cumme parlamendare europèe jndr'à 'u 2004 pa liste de Uniti nell'Ulivo: avène elette eurodeputate. Candidate jndr'à le circoscriziune nord-ovest e sud e elette jndr'à tutte e doje, Santoro recevìe in totale cchiù o mene 730.000 preferenze ('u cchiù ierte numere de preferenze 'mbrà le none capeliste). Aderisce a 'u gruppe parlamendare d'u Partito del Socialismo Europeo inzieme a 'a colleghe Lilli Gruber, candidate jndr'à stessa liste.

A 'u Parlamende Europèe ha state membre d'a Commissione pe le libbertà civile, 'a giustizie e le affare inderne; d'a Commissione pa culture e l'istruzione; d'a delegazione a 'a commissione parlamendare miste UE-Croazia; d'a delegazione a 'a commissione de cooperazione parlamendare UE-Russia.

'U 19 ottommre 2005 presende le dimissiune sue da parlamendare europèe pe partecipà a 'a prima pundate d'u programme televisive Rockpolitik condotte da Adriano Celentano. Santoro rescinne 'u proprie mandate parlamendare pe nò sottostà a le limitaziune sus 'a presenze de politece in TV imboste da l'Autorità garande e, partecipe a 'a trasmissione.

A fine marze 2006 avène affidate a Michele Santoro 'nu programme televisive nuève de approfondimende incendrate sus a 'u teme politeche de apprisse l'eleziune. 'U programme, trasmesse da Rai Due e inditolate AnnoZero, articolate jndr'à unnece pundate, avera essere trasmesse accumenzanne da 'u 27 abbrile 2006. L'avvie d'u programme, comungue, ha accumenzate 'u 14 settemmre 2006. Onne state scacchiate cumme ospite fisse 'u vignettiste Vauro, le sciurnaliste Marche Travaglio e Rula Jebreal e 'a fotomodelle Beatrice Borromeo, a parte a 'u collabboratore storeche sue Sandro Ruotolo. Jndr'à pundate inaugurale, a fine trasmissione ere presende Fausto Bertinotti. Une de le arguminde de attualità ca ha trattate 'a prima pundate d'u programme riguarde le frequende maltrattaminde de le immigrate jndr'à le accussìditte cendre de accoglienze, ditte pure Cendre de permanenze temboranèe; assai spazie ha state date pure a 'nu reportage sus 'a situazione lavorative de le operaie de l'edilizie in Lombardia, soprattutte immigrate 'nu sacche de vote irregolare.

Assaije onne state le polemeche nate jndr'à 'u cendredestre (da sembre ostile a le trasmissiune televisive de Santoro) e da le vertice d'a RAI, da certe prese de posizione de Santoro duranne 'a trasmissione, accusate de essere faziose e strumendale. Jndr'à pundate d'u 16 novemmre 2006, dedicate a 'a Sicilia, sus 'a fatìe ca non ge stè e a le numerose sciurecaminde de turnise pubblece, Santoro jè accusate de demagoggije da 'u Presidende d'a Reggione Salvatore Cuffaro. Cuffaro, a le domande d'u conduttore ca 'u 'ngalzesce cu le prime pàggene de le quotidiane ca parlane de le stipendie d'ore de le dirigende reggionale, responne rivelanne 'u presunde stipendie all'anne de Santoro a 'a RAI ca jè cchiù o mene 800.000 €, doje vote superiore de quidde d'u cchiù pajate diriggende siciliane.

Otre purfidiaminde onne state scatenate pure da 'a pundate d'u 1° masce 2008, jndr'à quale Santoro avere 'nvitate jndr'à 'u studie, 'mbrà l'otre, l'Assessore a culture de Melane, Vittorio Sgarbi e, avere mannate in onde stuezze d'u comizie tenute da 'u comeche Beppe Grillo a 'u V2-Day], jndr'à quale avenevane criticate certe aziune de Giorgie Napolitano, presidende d'a Repubbleche Tagliàne e, de Umberte Veronesi, oncologhe. Attacche pesande a 'a trasmissione avenerene fatte condre a Santoro e condre Grillo jndr'à 'nu mode trasversale. De cchiù, 'a pundate avenìe caratterizzate da 'a tipeche irascibbiletà de Sgarbi, ca lucculanne, 'nzultò Beppe Grillo e 'u giornaliste Marche Travaglio (presende jndr'à 'u studie), accusò 'u stesse Grillo de andiamericanisme (in riferimende a 'u spezzone de video jndr'à 'u quale Grillo parlò, criticanne apertamende 'a presenze de cchiù de 70 base NATO in Itaglie), defennìe le crestiane de Napolitano e Veronesi suverchianne 'a vôsce de Grillo e de Travaglio, dicenne ca «Enzo Biagi non g'à state cacciate da 'a RAI», e ca, sembre riferennese a Biagi, «le onne proposte 'n'otre programme sus a Rai 3 e jidde non g'a accettate».

'U 15 scennare 2009 ha state accusate da Lucia Annunziata, da 'u presidende RAI Claudio Petruccioli, da 'u presidende d'a Camere Gianfranghe Fini, da l'ambasciatore israeliane in Itaglie Gideon Meir e da diverse otre esponende politece da 'u cendre-destre e 'u cendre-sinistre  de avè 'mbostate 'na pundate de AnnoZero jndr'à 'nu mode estremamende faziose . A l'Annunziata, Santoro ave resposte invitannele a trasè jndr'à 'u merite de le condenute d'a pundate e de no fà criteche a uecchie a 'u programme, 'nvece a Fini ave resposte ausanne 'u site Indernette de AnnoZero, dicenne de nò zumbà le combite istituzionale sue chiedenne 'na censure pe 'nu programme televisive.

Cumme ditte apprime, cchiù vote l'Autorità e 'u schieramende politeche d'u cendre-destre ave denungiate 'a presunde faziosità d'u sciurnaliste, jndr'à 'n'inzieme de accuse ca pò onne arrevate jndr'à 'na serie de procedeminde e aziune condre a Santoro. Seconde Marche Travaglio, 'a motivazione ca stè a 'a base de ste grave accuse e de le procedeminde jè direttamende proveniende da 'u munne d'a politeche e dovute, in pringipie, a le condroversie politeche sus a 'u case Mangano-Dell'Utri e sus a 'u case Satyricon, e cchiù nnande sus a oltre case de condizionamende d'a gestione d'a Rai da vanne de le virtece de amministrazione, ca sone de nomene politeche, sus a certe pundate d'a trasmissione Anno Zero (cumme pu case De Magistris o pu case Grillo-Sgarbi).

'Nfatte, cumme cundate jndr'à 'u libbre Regime (scritte 'nzieme a Peter Gomez), 'u meccanisme ca 'u munne politeche avere acchiate cchiù vote pe mannà Santoro purcé personagge scomode avere funzionate cu tecniche ca parterene da le accuse de faziosità pu screditamende 'mbrà 'u pubbleche, 'u 'mbieghe de le esposte a l'Autorithy pe sckaffà sanziune, l'editte de Sofia, arrevanne all'urteme a 'u licenziamende ufficiale da 'a RAI pe mmienze de sciueche e sciucaridde e scuse de tutte le tipe. 'Nfatte, l'Authority (penzate da le Guverne de cendre sinistre) jè 'n'aggenzie lottizzate e, quinde amministrate totta totte da le istituziune politeche, jndr'à le quale 'nu sbuènne de politece (soprattutte chidde d'u schieramende d'u cendre destre, cumme cchiù vote ditte), demostrerebbere, seconde sciurnaliste e studiuse cumme 'u stesse Travaglio, tutte l'inderesse jndr'à l'epurazione de Santoro, cumme sciurnaliste scomode .

Seconde certe commendatore politece, Santoro ha state 'nu sciurnaliste e reporter ca ave fatte assè 'nu sbuènne de aspette sconvolgende d'u paese danne vôsce a le vôsce ca ste asseve tanne tanne e minoritarie, combrese le movimende politece peccinne (cumme 'u MSI o 'a Lega Lombarda) scunnute jndr'à  otre trasmissiune RAI. Pe quest'urtema caratteristeche de Santoro, Achille Occhetto 'u definìe 'nu leghiste de sinistre.

Jndr'à 'u 1994, Umberte Bossi dichiarò nnande 'a Commissione Culture d'a Camere sta cose: Senze le trasmissiune de Santoro l'Itaglie non g'avesse pigghiate coscenze de le spreche de le turnise pubbleche e d'u disastre sociale d'u Sud.

Seconde l'Auditel, le trasmissiune de Santoro onne avute 'nu share televisive larije jndr'à RAI, da 'u 1996 'mbonde a 'u 2008. Partenne da 'u 1986, 'u programme televisive Samarcanda, purtò 'u share de Rai3, all'inizie d'u 2%, 'mbonde a 'u 15%, invece 'u programme stesse raggiungìe 'u 30% de share de medie. Le pundate de le trasmissiune Il raggio verde e Sciuscià, partenne da 'u case Satyricon 'mbonde a l'epurazione de Santoro, averene share televisive combrese 'mbrà 'u 18% e 'u 25%, pare a 'u programme de attualità cchiù viste jndr'à televisione tagliàne.

Santoro ave pure subbite 'nu sbuènne de criteche e accuse de faziosità sie da le politece de cendre destre ca chidde de cendre sinistre eppure da 'na vanne d'a stambe (Corriere della Sera, La Repubblica, La Stampa ecc.) apprisse 'a pundate de Anno Zero d'u 15 scennare 2009 (ca parlave d'u conflitte israele-palestinese e lassate in dirette da Lucia Annunziata).

Michele Santoro 'u 5 novemmre 2007 ha state cundannate da 'u Tribbunale de Varese pe diffamazione a mezze televisive pe avè accostate jndr'à 'u 2000 jndr'à 'na pundate d'a trasmissione dirette da jidde Il raggio verde l'associazione culturale Terra Insubre a otre moveminde razziste de estrema destre.

Jndr'à 'u mese de sciugne d'u 2009 'a Digos indaghe sus a 'na lettere ca condeneve 'nu proiettile de fucile winchester e 'a scritte morirai (tar. a murè) mannate a Michele Santoro a le ufficie d'a Rai. 'A Procure de Rome ave apirte 'nu fascichele condre a ignote 




#Article 81: FOREX (107 words)


FOREX ète nu mercate 'ndernazionale addò se cangiane le turnise de tutte 'u munne.

FOREX avène da parole 'nglese e 'u nome satte-satte ète Foreign Exchange Market.

In Itaglie 'a legge dice ca s'honne paja le tasse sus a l turnise ca s guadagnane cu ll'operazion sus a stu mercat solamende se:

Le doje condiziune s'honne verificà assieme.

In Itaglie non g'accade maje ca le doje condiziun se verifichescene puccè le banghe rachiuden e riaprene le posizioni sus a stu mercate.

Queste è a tagella ca elenghe le 10 cchiù granne commerciande de turnise a 'u munne.
Sta tagella jè aggiornate a 'u 1 masce d'u 2008.




#Article 82: Marche Travaglio (925 words)


Pigghiate 'a maturità classeche a 'u Licee Salesiane Valsalice de Torinp, Travaglio se lauriò in Storie Condemboranea a Facoltà de Lettere e Filosofije de l'Università de le Studie de Torino , accumenzanne accussì l'attività soje cumme giornaliste free lance jndr'à testate piccenne de area cattoleche, cumme Il nostro tempo, cu 'u quale a 'u timbe collabboreve pure Mario Giordano.

'U 14 marze 2001 duranne 'n'interviste jndr'à trasmissione Satyricon, ideate e condotte da Daniele Luttazzi, presende 'u libbre sue L'odore de le turnise, 'n'inghieste sus a l'origgine sospette de l'arricchimende de Silvie Berlusconi, doje mise apprime de l'eleziune; apprisse a stu fatte 'u showman ca l'avere ospitete avenìè cacciete da le rezze televisive pe conseguenze d'u accussì ditte Editte bulgaro pronungete da l'allore Presidende d'u Conziglie Silvie Berlusconi.

Da 'u 14 settemmre 2006 jè ospite fisse jndr'à trasmissione de approfunnemende sciurnalistiche Anno Zero, condotte da Michele Santoro, addò conduce 'na rubbriche da 'u titele Arrivene le mostre; da 'u 2008 cura 'nvece 'a cupertine.

'Mbrà le urteme battaglie sue s'arrecorde 'na decisa opposizione a legge de l'indulte d'u 2006 promulghete da 'u Parlamende, da jidde considerete n'indegne colpe de spugne a favore d'a vanna corrotte d'a classe politiche tagliàne..

Jndr'à 'na pundete d'a trasmissione Annozero de Santoro, ha pure espresse 'u parere sue ca ere negative jndr'à le combronde d'a legge Mastella (approvete jndr'à 'u luglie 2007 da 'u Parlamende), da jidde considerete 'na legge bavaglie, purcè assaje limitative jndr'à l'use, da vanne de le sciurnaliste, de le 'ndercettaziune telefoniche. Urtemamende s'à pure espresse negativamende sus a l'ipotese de congessione d'a grazia a l'ex funzionarie d'u Sisde Brune Contrada, condannete a dece anne pe congorse esterne in associazione mafiose. A cause de sta posizione ha state duramende attacchete e condestete da Giuliane Ferrara sus a 'u Foglio.

L'8 settemmre 2007 ha partecipete cu 'nu lunghe 'ndervende a manifestazione V-Day organizzete da Beppe Grillo in Chiazze Maggiore a Bologne. 'U 25 abbrile 2008 ha fatte parte d'u V2-Day, partecipanne a manifestazione in Chiazze San Carlo a Torino.

'U 1o magge 2008, jndr'à 'u corse d'a trasmissiona condotte da Fabie Fazio sus 'a tterza rezze televisive d'a Raitv, Travaglio ha parlete d'u neo-elette Presidende d'u Senate, Renato Schifani, militande jndr'à 'u PdL, in riferimende a rapporte societarie cu persone a vario titele culleghete cu attività mafiose. Da stu 'ndervende ha nate 'nu caso assaie discusse jndr'à le media cu forte prese de posizione da tutte e doje le vanne (destre e sinistre).

Da 'u 19 magge 2008, porte nnande 'na trasmissione in streaming sus a 'u blog de Beppe Grillo de nome Passaparola.

L'8 luglie 2008 ha partecipate a 'u No Cav Day, organizzete da Paolo Flores d'Arcais, Furio Colombo e Pancho Pardi pe proteste condre le accussiddette legge canaglie varate jndr'à le prime mise d'u Guverne Berlusconi. Apparte a jidde e a l'organizzatore, sus a 'u palche s'onne alternete Andonie Di Pietro, Sabina Guzzanti, Rita Borsellino, Moni Ovadia e, in video conferenze, Beppe Grillo.

'U 24 febbrare 2009 avène premiate da 'u DJV - Associazione de le Sciurnaliste Tedeschi - cumme 'u megghie sciurnaliste e scrittore pa libbertà de stambe.

Da 'u 213 settemmre 2009 ha assute 'nu sciurnale nuève Il Fatto Quotidiano, ca avène destribbuite sia cumme sciurnale de carte ca cumme 'mbormazione via web e ca se propone de dà davvere le nutizie e de none basarse sus a nisciune aiute da vanne d'u Stato.

'Nu sacche de cristiene onne discusse sus 'a collocazione politeche de Travaglio.
Travaglio se definisce 'nu libberele da sembre; o megghie, cumme jidde stesse dice libberal-montanelliane. 

Le collabboraziune sue se spannene pure a La Repubblica, addò tène 'na rubbriche on-line da 'u titele Carta Canta, 'nu spazie addò se sottolineesce le ingoerenze de le politece tagliàne, de le commentatore e de le colleghe sue, pigghianne 'mbormaziune da le fonde archivistiche sciurnalistiche.

Jndr'à l'edizione torinese de La Repubblica cure 'na rubbriche de poste cu le lettore inditolete Il Cittadino.

Pò scrive pure sus a 'u settimanele A dirette da Maria Latella e sus a le periodece MicroMega, Giudizio Universale, Linus, L'Espresso (addò tène 'a rubbriche Signornò), cure pure 'u blog sus a Indernette  cu Peter Gomez e Pino Corrias e tène 'a video rubbriche settimanele  sus a 'u blog de Beppe Grillo.

'Nu sacche de lavore sue onne addevenute, successivamende a lore pubblicazione, de le libbre-inghieste: 'u cchiù famose 'mbra chiste jè senza 'nu dubbie L'addore de le turnise (scritte cu Elio Veltri e pubblichete jndr'à 'u 2001), jndr'à stu libbre ausanne le varie atte processuele se affronde 'a questione de le origgine de le furtune de Silvie Berlusconi.

'A presendazione d'u libbre duranne 'n'indervista jndr'à trasmissiona televisive Satyricon, ideete a condotte jndr'à 'u 2001 da Daniele Luttazzi doje mise apprime de le eleziune politeche ca se tenèrene 'u stesse anne, e 'u successive allondanamende d'u showman da le rezze televisive pubbliche producene 'nu luenghe dibattete relativamende a l'imbormazione, 'a censure e 'a libbertà de opinione jndr'à le mass media tagliàne. 
 
L'inderviste, otre a tutte, scatene dece citaziune a giudizie intentete da 'nu sacche de sugette (Silvie Berlusconi, Forza Italia, Mediaset le prengepàle) jndr'à le combronde d'u sciurnaliste eppure condre a Daniele Luttazzi, Carlo Freccero e Elio Veltri. Totte chidde arrevete a sedenze (pe mò sonde sei) s'onne resolte cu 'nu rigette d'a domande e cu 'a condanne de le attore a 'u paiaminde de le spese processuele..

Travaglio jndr'à carriera sciurnalistica soje ha state cchiù vote querelete o citete in giudizie pe quande da jidde scritte o dichiarete. De seguite sonde descritte alcune de le procedeminde ca 'u vedene coinvolte:




#Article 83: IBAN (100 words)


L'IBAN ète nu codice ca avene usate da le banghe quanne honne pajà o ricevere l turnise sus a 'u condo corrende.

IBAN significhesce International Bank Account Number (in tarandine Numere 'nternazionale d'u condo bancarije)

L'IBAN tagliàne tene 27 carattere ca potene essere o numere o lettere.

Le prime e doje carattere sonde u codice da nazione, pe nuje tagliàne ète IT

L'otre doje numere sonde numere de controlle

Po avene jndr'à l'ordine

L'IBAN ète obbligatorije da un 1° luglie e ce no 'u mettite a banga ve face pajà a multa.

'A multa pote arrivà fine a 10 euro.




#Article 84: Ippazio Stefàno (183 words)


Da 'u 14 sciugne 2007 ète ìu sinnache de Tarde.

Ete lauriate 'n medicine e chirurghjie all'Università de Bari jndr'à 1970, ha sembre fatjate a Tarde apprime cumme a urologhe da 'u 1971 a 'u 1972 eppò cumme pediatre da 'u 1972 a 'u 1992.
Ha stat autore de nu sacc de mission umanitarie in Africa (jndr'à u 1974 quanne avère spicciate 'u viagge in Benin, ha avute 'nu premie da l'associazione Midece senza frondiere), da 'u 1988 ète bbuene pe fà 'u primarije.

Da 'u 1982 a 'u 1992 ha stat conzigliere comunale de Tarde, apprime cu 'u PCI eppò cu 'u PDS. Ha state Assessore 'a la sanità jndr'à 'u 1991, a le eleziune politeche d'u 1992 ha state elette senatore 'mmienze a 'u PDS e doje anne apprisse ha state elette 'n'otra vote a Palazzo Madama.

Da 'u 1996 sa allundanate nu picche da 'a politiche, puccè s'ambignate pe le attività umanitarie e professionale. Alle eleziune amministrative d'u 2007 ha decise cu se candidesce sinnache de Tarde: face 'a lotta cu Giuanne Florido, Euggenie Introcaso, Mario Cito pe c'addevende sinnache.




#Article 85: Anemone narcissiflora (135 words)


LAnemone a fiure de Narcise (Anemone narcissiflora, L., 1753) jè 'na piande erbacee d'a famigghie de le Ranunculacee.

L'Anemone a fiure de Narcise deve 'u nome soje a la sumiglianze cu 'u fiure d'u Narcise. Le fiure sonde de culore vianghe, spesse sfumate a le borde de le petale de russe, riunite ad ombrelle de 3-8 fiure ca stonne 'n brattee de 5-6 petale. Fiurisce da másce a luglie. Le fogghie sonde palmate. Pòte arrivà a le 60 cm.

Vive jndre pascule de le pendie, sus a substrate calcaree, e jè presende 'n granne parte d'a America Settentrionale, de l'Europe e de l'Asia cendre-settentrionale. In Itaglie jè assaje diffuse sus a le Alpi addo cresce solitamende ad altezze combrese 'mbrà le 1300 e le 2500 m, cchiù rare jndr'ô Appennine Tosco-Emiliane e 'n quidde Abruzzese.




#Article 86: Cozze (238 words)


'U mitile mediterraneo (Mytilus galloprovincialis Lamarck 1819) - ditte pure erroneamende mitile e chiamate volgarmende muscolo jndre reggione nord-occidentali, peocio 'n quedde nord-orientali e cozza 'n quedde centro-meridionali - jè 'nu mollusche bivalve ed equivalve. A Tarde se chiame cozzanèra o cozza gnora.

Jè 'nu mollusche lamellibranche, tène branchie a lamelle ca ause pe pigghià l'ossigene pe 'a respirazziune e ca tènene contemboraneamende 'u mangiare, costituite de plancton e de picche partecelle organiche 'n sospenzione.
  
'A valve, comboste principalmende de carbonate de calcio, se presende de fore de culore gnure o gnure-viola, co dìleche tunne d'accrescimende radiale e concentriche verse 'a parte appuntite; de jndre se presende 'nvece de culore madreperle, ma co 'na superficie liscie. Le dò valve sonde tenute 'nzieme da 'na cerniere cu ttre o quatte dendelle. 

'A forme jè grossolanamende quadrangolare, cò 'u margine valvare arrotunnate da 'nu late e appuntite e picche curve da l'otre.

'Na vote apirte, 'u mollusche fà vide 'u mantelle ca tène totte le organe 'nderne, 'mbrà cui quedde riproduttive. 

'A distinzione 'mbrà le doje sessi jè possibile grazzie a l'osservazziune d'u culore d'u mantelle stesse, ca 'na vote raggiunde 'a chiene maturità sessuale, se presende de culore giallo crema jndre maschie e de culore russe arange jndre femmene.

'A Tarde stè 'na granna produzzione de cozze.

Otre paise ca producene le cozze sonde: Ancona, La Spezia in Itaglie, fore all'Itaglie se producene cozze jndr'à Grecie e jndr'à Spagne.




#Article 87: Giancarlo De Cataldo (109 words)


Giancarlo De Cataldo (Tarde, 1956) ète nu scrittore e nu magistrate

Giancarlo De Cataldo ète Giudice di Corte d’Assise a Rrome, addò vive da 'u 1973.
Scrittore, traduttore, autore de tiatre e sceneggiature pà telavisione, ha pubblicate cumme autore nu sacc de libbre, assaje de tipe gialle.
Fatja cu 'A Gazzetta du Mezzogiorne, 'U Messaggere, 'U Nueve, Pais Sera e Hot! (in tarandine cavete).
'U libbre cchiù 'mbortande ha stat Romanzo criminale (2002), ca po honne fatt nu film, e l'ha dirette Michele Placido.

Jndr'à giugne 2007 ha assut 'u libbre nueve Jndr'à le mane satte-satte, ca ète 'u prosegue de Romanzo criminale, ca ète ambiedate jndr'à l'anne '90. 




#Article 88: Metre sus a 'u levèlle d'u mare (124 words)


Metre sus a 'u mare (m s.l.m.) vole ccu dice ca 'nu punde sciugrafiche (pe esembie 'nu paise o 'a cima de 'na mundagne) o 'n'oggette ca ste vole (cumme a 'n'aerje) tène 'na certa distanze respette a 'u levèlle d'u mare medie.

'A lundananza respette a 'u levèlle d'u mare ète ausete jndr'à le trasmissiune de le segnale d'a radio o d'a telavisione pe valutaje quand'è 'a cuverte d'u signale. N'ôtre use 'mbortande avveramende ète 'u condrolle de l'altezze de l'aerje ca volane eppure a 'ndviduazione de le punde de le mappe sciugrafiche.

Sta definizione ète artifisciele purcè no ète possibbile determinaje 'nu valore satte-satte pe totte 'a Terra, purcè stonne le maree ca cangiane sembre e le onde e tanda ôtre cose.




#Article 89: Birra Raffo (309 words)


'A Raffo jè 'na birre lager tagliàne prodotte da 'u 1919 ad 'u 1987 jndr'à birrerije omonime de Tarde. Jndr'ô 1961 'u marchie jè state lassate ad 'u gruppe Peroni. 

'A Birra Raffo jè bevute a Tarde e provinge.

'U culore ète gialle paglierine, propriamende a Birra Raffo ète na birra de tipe lager

'A birra Raffo jè canosciute da totte cumme 'a birre de le tarandine.
'A storie soje jè acumenzate jndr'ô 1919, quanne Vitantonio Raffo hagghie inaugurate 'u stabbilimènde de quagghiamènde a Tarde. 'A gestione famigghiare ha state attiva 'mbonde ad 'u 1961, quanne 'u marchie hé state lassate ad 'u gruppe Peroni, ca hagghie conzervate pure 'a recètte, 'u stabbilimènde e le maestranze.
Jndr'à lle anne settande ne fùrene quagghiate cirche 48.000 ettolitre, grazzie ad 'u soje spannemìnde pure jndr'à Basilicata e Campania oltre ca jndr'à Pugghie, reggione ca cunde da sembre 'u cchù granne numere de estimatore.
Jndr'ô 1987 'u gruppe Peroni decide ccu chiude 'u stabbilimènde de Tarde e ccu spuèste 'u quagghiamènde a Bari, decretanne 'a fine de 'nu assaje 'mbortande capitole de storie 'ndustrijale d'a cetate, ma nonostande quiste condinue ccu esse 'a birre de Tarde ed 'a cchiù bevute d'a cetate de le doje mare.

'A Birra Raffo jndr'à l'urteme anne ha cangiate 'a grafica e 'a forma de le buttigghie. Jndr'ô 2008, n'seguite ad 'u resultate d'u sondagge Sonde Tarandìne, quinne pigghie le decisiune IJE, organizzate da 'u Gruppe Peroni, hé state decise 'nu rennovamènde grafeche de l'etichette d'a birre, ca ôsce a die prevède cumme novità 'a presenze d'u loghe de Taras, simbole d'a cetate de Tarde, ca se iacche sus a 'nu delfine al de sutte d'a scritte Raffo ed 'a 'ndroduzione de le culure russe e blu ca scucchiáne l'etichette ccrijanne 'nu effette sule e mare; 'u motte ce honne scritte jè: La birra dei due Mari.




#Article 90: Citre (180 words)


'U Citre (in tagliàne Citro) jè 'na sorgende d'acqua doce ca se iacchje in mmienze a 'u mare, infatte iesse st'acque da 'a croste sottomarine.
Rappresendane 'u sblocche naturale de chidde corse d'acqua ca in timbe assaije remote onne date origgene a le gravine in Pugghie] e ca scombarse osce da 'a superficie scorrone in rezze idrografeche sotterranèe sfocianne jndr'à 'u [Mar Ionio e jndr'à 'u Mare Adriatico.

Jndr'à vanne settendrionale de tutte e doje le sene d'u Mar Piccele de Tarde, sonde localizzate rispetivamende 20 e 14 sorgende sottomarine, ca portane acqua doce non potabele mesckate cu acqua salmastre a condenute variabbele de sale.
'A cchiù grosse de queste, 'u quale vortice jè visibbele pure in superficie, jè però jndr'à 'u Mar Granne de Tarde e jè chiamate Anelle de San Catavete: 'a leggende conde infatte ca 'u sande irlandese avère scettate 'u proprie anelle in mmienze a 'u mare pe fà calmà 'a burrascke.
Plinio 'u Vecchie definì 'u fenomene «gaudent dulcibus aquis ubi plu­rimi influunt amnes» ca signifeche: godere de l'acqua doce addò cchiù fonde sonde annesse.




#Article 91: Anemone trifolia (245 words)


Lanemone trifoliate (Anemone trifolia L.) jè 'na piande d'a famigghe de le Ranunculaceae, assaje simile a lAnemone nemorosa, sia pè morfologije ca pè habitat. Sonde canosciute pure ibride 'mbrà le dò specie.

Piande erbacee perenne ca arrive a le 10-30 cm de altezze. Fiurisce jndr'à primavere jndre bosche de latefogghie.

Le fiure sonde vianghe, rusate o cerulee, solitarie, de cirhe 2/2,5 cm de diametre, generalmende costituite de 6-7 petale, glabre ed ellitteche. Le antere sonde vianghe.
'A lamine fogghiare jè suddivise 'n ttrè segmende lanceolate, semplicemende e regolarmende seghettate. Le fogghie superiore sonde riunite 'n verticelle de 3 a 4/5 d'u fuste.  
'U rizoma, ca stè 'nu picche de sotte ad 'a superficie d'a terre, jè viangastre e permette 'na veloce diffusione d'a specie fine a formare de le tappete jndr'ô sottebosche.
'U frutte jè 'nu achenie.

Jndr'à Itaglie sonde presende dò subspecie de Anemone trifolia L.

subsp. trifolia, piande cò 'u margene fogghiare seghettate regolarmende, cu dende profonde 1-3 mm, presende jndre Alpi cendrale ed oriendale, da 'u Lecchese a 'u Friuli-Venezia Giulia, jndre staziune relitte d'a Pianure padane oriendale e luènghe l'Appennine d'a Romagne a le Marche e fine 'a Toscana oriendale; de 6 petale jndre Alpi, da 6-7 a cchiù jndr'ô Appennine.

subsp. brevidentata Ubaldi et Puppi, cu fogghie a margene picche seghettate, cu dende picche profonde ( 1 mm), de 6 petale, fogghie verde-gleucescende, pallide; jè presende jndr'ô Appennine Ligure, jndr'à seziune cchiù occidentale d'u Appennine Tosco-Emiliane e jndre Alpi Ligure.




#Article 92: Spuenze (216 words)


'U spuènze (jndr'ô tagliàne Uovo di mare) jè 'nu frutte de mare ca appartene a la famigghie de le ascidie, 'u cuerpe, non ge tène 'na forme definite, ma jidde jè cchiù o mene a forme de otre, e jè dette tuniche, jè difficile da vide perché stè jndr'ô mare scunnute da organisme varie cumme alghe, spugne ma se jè sfiurate o misse 'n'ombre se contrae e face vide le striature russe de le sifone. 'U cuerpe massicce jè fissate sus a 'u funne cu putènde filamende ca stonne sus 'a soje parte vendrale. Tène pure 'na tuniche spesse e coriacee. 'U sifone d'a vocche jè assaje sviluppate e se pote vide pure quanne l'animale jè cuntratte. 'U culore jè brune - grigiastre cu sfumature rossastre, mendre de jndre jè russe. Le sifone sonde 'nternamende striate cu bande violette chiare e scure. Pote arrivà a le 20 - 22 cm de lunghezze. Vive sus a le funnale rocciose o detritiche e 'mbrà le praterie de Posidonie, da picche metre fine a 200 m de profondità. Se pote mangià, se mange crude e jè oggette de peshe pè essere ausate cumme frutte de mare assaje ricercate, se apre cu 'nu curtelle 'u sacche 'ndestinale e se mange 'a parte de jndre gialle. 'U guste jè asckuande assaje.




#Article 93: Birra Peroni (226 words)


'A Birra Peroni, o semblicemènde Peroni, jè 'na birre lager tagliàne. Funnate a Vigevano jndr'ô 1846, tène 'a sede a Rome da 'u 1864 e jè de proprietà de le sudafricane d'a SABMiller. 

Ste pure n'otre tipe de Birra Peroni ca jè quèdde russe, granne reserve.

'A birre Peroni ète angore quagghiate ôsce a die cu 'a recètte origgenale Peroni 4 'Ngrediende:

Già jndr'à lle prime anne d'u sèchele 'a Peroni promuove 'u soje prodotte tramite mascotte populare, personaggi cume 'u ciociarette, ca vonne cercanne ccu avvicine pure le cete cchiù scurisciúte ad 'u munne d'a birre.
Inoltre hé state 'nvendate 'nu formate piccele assaje, ditte peroncine: 'na bottigghie da 20cc ca ère equivalènde a 'nu piccele bicchiere, tradiziune pigghiate de nuève de recende cu bottigghie cu 'nu nuève disegne.
Jndr'à lle anne sessande hé nasciùte 'a Bionda Peroni, 'na uagnèdda bèdde assaje, 'mbersonate jndr'ô timbe da deverse modelle, ca cu ô slogan Chiamami Peroni, sarò la tua birra hagghie accumbagnate 'u prodotte fine a lle sciùrne nuèstre.

'A prime Bionda Peroni jè state 'a tedesche Solvi Stubing jndr'ô 1965, seguite da ll'americane Jo Whine jndr'ô 1973, 'a 'nglise Michelle Gastar (1974), 'a sudafricane Anneline Kiel (1977), l'americane Lee Richard (1981), 'a tagliàne Milly Carlucci (1984), 'a svedese Filippa Lagerbäck (1993), 'a slovacche Adriana Sklenarikova (1997), l'americane Jennifer Driver (1997) e urteme 'a danese Camilla Vest.




#Article 94: ISO 3166-2:IT (171 words)


ISO 3166-2:IT ète 'na convenzione ISO ca definisce le codece sciugrafece de le cetate tagliàne.
Ete 'nu sottogruppe d'u codece ISO 3166-2 ca face referemende a l'Itaglie

Le codece dicene ce sonde le reggione e le provinge. 'A prima parte ète fatte da 'u codece ISO 3166-1 IT ca dice ca ste parlame de l'Itaglie, 'a seconda parte ète fatte da 'nu gruppe de doje carattere, ca sonde numere pe le reggione e lettere pe le provinge.

Pe mò, le codece accufanescene tùtte e vinde le reggione tagliàne e le 107 provinge ca stavane jndr'à u 2007.

Non g'onne state fatte le codece pe le provinge nuève, ca sonde Provinge de Barletta-Andria-Trani, Provinge de Fermo e Provinge de Monza e d'a Brianza.

Le codece a doje lettere sonde cùmme le targhe de le maghene tagliàne cu doje differenze. Probbriamende, l'ISO ha tenute le codece de le provinge de Forlì (FO) e de Pesaro (PS), le targhe de le maghene sonde FC pe Forlì - Cesena e PU pè Pesaro - Urbino.




#Article 95: Mietta (161 words)


Mietta s'avvicine a 'a museche quanne ere angore adolescende, quanne apparte a frequendà 'na scole de cande e recitazione, 'nzieme a doje otre uagnedde ccrejane 'na cover band: le Ciak.

Jndr'à 'u 1987, avenne vinde 'nu congorse radiofoneche Nasce una stella, iesse cu 'nu ruole de popstar jndr'à 'na radio novelle. 'U stesse anne firme 'nu condratte cu 'a Fonit Cetra: cu 'u nome d'arte Mietta (suggerite da Claudio Mattone) debbutte a 'u Festival de Sanremo 1988 cu 'u brane Sogno, scritte da 'u stesse Mattone.
Sembre jndr'à 'u 1988 partecipe, 'nzieme a otre candande, a 'u singole Per te Armenia, le quale recave onne state date a le vittime d'u terramote.

Jndr'à 'u 1989 vinge 'u Festival de Sanremo jndr'à categorije «Nuovi» cu Canzoni, scritte da Amedeo Minghi, avenne pure 'u Premie d'a critiche Mia Martini e 'u teleiatte d'argende cumme artiste emergende megghia megghie; ave pure 'u dische d'ore pe le chciù de 100.000 copie vennute d'u 45 gire.




#Article 96: Daniele Serra (149 words)


Nato a Taranto è 'a storiee de Daniele, ca quanne tenéve quatt'anne facij' 'na scuvèrte: 'u mare.
'Nu cunde suse 'a beddèzze e 'a 'mbortanze d'a cetate de Tarde scuvrènne lë vurràzze storech'e culturale.

'U cunde éte accume 'na strate ca vé da Tarde Vècchie e lle do mare e spicce a Tarde Nuéve.
A Tarde Vècchie jidde se 'mmagginésce de stà addà, de refiatà l'arie de le strìtele, de sendè le vôce de le tarandine ca so' mmùseche d'a parole dialettale, trasènne jndr'ô côre d'a tradezzione. 

'Nu cumbronde cu 'a parta nôve, ca passe da Marc Polle, personagge stòreche d'a cetate, cu 'a vita soja, studianne l'aspiette folklorìsteche, l'ausànze, 'a storia 'ngocchie a nnuje. Quanda ricchèzze téne 'a cettà nostre? Jè ttuèste scuvrè tutte cose ce no'nge vè réte jndr'ô tijmbe, cercanne le vurràzze perdut'e scerrate, 'ndendènne 'u presènde vutanna l'uècchje ô passate, a quidde ca ha state. 




#Article 97: Provinge de Brinnese (6889 words)


  Aiuto:Provincia --
'A Provinge de Brinnese ète na provinge d'a Pugghie meridionale de  crestiáne  cu 'u capeluèche Brinnese.

Ha state istituite jndr'à 'u 1927 pe scorporazione de l'andiche Terra d'Otranto e combrende 19 comune apparte 'u capeluèche. Sie da 'nu punde de viste demografeche ca pe quanne reguarde 'a superficie, rappresende 'a quinde provinge d'a reggione.

'A provinge de Brinnese ète affacciate a nord-est sus a 'u Mar Adriatiche, e confine a nord cu 'a provinge de Bari, a ovest cu quedde de Tarde, e a sud-est cu quedde de Lecce.

Jndr'à l'urteme anne sta provinge ha canusciute 'nu processe de cangiamende d'u probbie assette economeche, ca 'na progressive diminuzione d'u pese de l'Industrie e 'na crescite d'u settore terziarie. Significative l'aumende d'u turisme, grazie a 'na bbone dotazione de infrastrutture, rispette a 'u reste d'u Mezzoggiorne, e a 'a valorizzazzione de le numerose resorse naturale e artisteche presende jndr'à tutte 'u territorie.

'A provinge de Brinnese, estese pe 1.839 Chilometre quadrate, jè 'a seconda provinge cchiù piccenne d'a reggione, apprisse 'a Provinge de Barletta-Andria-Trani, ma a l'inderne sue combrende 'nu sacche de territorie: a l'estreme nord, restringennese fine fine a tuccà 'u confine cu 'a Provinge de Bari, tocche 'u limite meridionale d'a Terre de Bare; a 'u cendre e a sud, invece, trase jndr'à subrregione d'u Salende; a 'u nord trase jndr'à subreggione de le Murge, invece, sus 'a direzione nord-ovest, a 'u confine cu 'a Provinge de Tarde e parte d'a provinge de Bari, trase jndr'à Valle d'Itria. A est stè 'u litorale adriateche, luènghe 80,606 km in parte rocciose, ricche de approde piccinne e insenature ca se alternescene a lunghe spiagge sabbiose.

'U territorie cange assaije da zone a zone: jndr'à le settore a ovest, a 'u cendre e a nord 'u paesagge jè caratterizzate da colline, lame, vosche e da le tipece trulle. A sud, invece, 'u paesagge se presende assaije piatte e in granne parte adibbite a le coltivaziune (cumme quase tutte 'u paesagge salendine).

'U territorie provingiale, seconne 'a Carta Geologgeche d'Itaglie, fatte da 'u Servizie Geologgeche d'Itaglie, jè comboste da diverse tipe de terrene: jndr'à zone cendre-meridionale prevalene calcare dolomitece (presende generalmende jndr'à zone occupate da l'altepiane de le Murge), deposite eluviale piccinne, rene, pure argillose, certe vote belle cemendate, lime grigge lagunare-palustre recende (presende jndr'à le territorie de Frangaville Fundane, Oria e San Donaci), calcarenite e calcare tipe panghine, calcare bioclastece cemendate bbuène e rene calcaree cemendate picche. Jndr'à zone cendre-settendrionale, invece, prevalene calcare de Bare e de Mola, ca resalene a 'u Cretaciche superiore, e deposite calcarèe-arenacèe o calcarèe-arenacèe-argillose, ca resalene a 'u Pleistocene.

L'altezze massime raggiunde a 'u 'nderne d'a provinge jè de 414 m s.l.m., vecine 'a Selve de Fasane. Le otre rilieve prengepàle sò de picche cchiù vasce e si iacchiane tutte jndr'à zone cendre-settendrionale. Luènghe 'a Soglie messapeche (jndr'à zone ca vèje da Villa Castidde a Ceglie) e luènghe 'u versande adriateche (jndr'à zone ca vèje da Ostuni a Fasane) le colline se 'nzippane forte forte, invece 'a sud scennene doce doce verse 'a Piane de Brinnese.

Non ge stonne jume significative, pe colpe d'u territorie carseche, ma se condane 'nu sbuènne de sorgende ca iessene de colpe da 'u sottosuole e alimendane corse d'acque poccinne de minime portate. 'Mbrà chiste corse d'acque, 'u cchiù luènghe jè 'u Canale Reale; jidde iesse jndr'à 'u territorie de Villa Castidde a 'u confine cu Frangaville Fundane e iesse jndr'à Riserve Naturale de Torre Guaceto.

Luènghe 'a litoranèe, pò, stonne 'nu sacche de stagne e lache piccinne d'acqua doce, alimendate da le falde acquifere ca, acchiannese vecine a 'u mare, iessene da 'u sottosuole.

'U clime d'a provinge jè mediterranèe, cu staggiune cavede e 'nvirne none eccessivamende fridde. Luènghe 'a coste le zumbe termice sò mene frequende ca jndr'à le zone 'ndrne e lk'azione mitigatrice d'u mare Adriateche face lievità leggermend le temberature medie. In colline e jndr'à le zone pianeggiande 'nderne 'a temberature jè generalmende cchiù vasce rispette a 'a coste.

'U clime d'a zone pò essere 'nfluenzate da corrende fridde ca avenèvane da le Balcane, ca facene avascià de diverse grade le temberature (provocanne jndr'à l'inverne gelate larije e, certe vote, pure abbondande nevicate) o da corrende cavede ca avènene da 'u Nordafriche (ca d'a staggione rennene 'u clime particolarmende cavede e afose).

Le precipitaziune non ge sòassaije abbondande e se aggirane atturne a le 600 mm de pioggie ogne anne.

Da le numerose acchiaminde archeologgeche fatte jndr'à tutte 'a provinge, s'ha putute dicere ca ggià da 'a preisotire stu territorie ere javetate da quacche popolazione ca vivève prengepalmende jndr'à grotte e cacciavane jndr'à le foreste abbondande de selvaggine. Cchiù nnande, jndr'à 'u neoloteche, onne nate certe villagge (ne onne state acchiate tracce a Oria, Ceglie Messapeche, Frnagaville Fundane e Ostuni), addò se furmò 'na organizzazzione primitive suggiale.

Cchiù nnande, 'mbrà 'u VIII e 'u VII sechele n.C., arrevarene da l'Illirie le Messape, ca furmarene 'nu sacche de cendre, pure de dimenziune granne; quacchedune de chiste devendarene le cetate de oscie a die de Brinnese, Mesagne, Oria, Carovigno, Villa Castidde, Ceglie Messapeche e San Pancrazio Salendine. 'Mbortande le site archeologgeche de Egnazia vecine a Fasane e a Muro Tenente vecine a Mesagne. Jndr'à 'u periode messapeche 'a terre de Brinnese tenève dohe puèrte prengepàle: Egnazia, vecine a quedde ca osce a die jè Fasane. Pezza Petrosa jndr'à 'u territorie de Villa Castidde jè 'nu phrourion, 'nu villagge, cu funzione de avamboste d'a cetate de Tarde

'A provinge seguì 'a storie d'u reste d'a reggione: avenìe conguistate da le Romane jndr'à 'u 276 n.C. perdenne ogne diritte politeche, Brinnese devendò colonie latine jndr'à 'u 244 n.C. e pò Municipie jndr'à l'89 n.C., crescenne economicamende e strateggicamende pa posizione e pa ricchezze de le prodotte agricole: l'uegghie, ìu vine e 'u frumende. Pure Oria, devendò municipie pa posiziona soje 'mbrà Tarde e Brinnese, stipò 'a funziona soje de condrolle d'u territorie luènghe 'a vie Appia. Cchiù nnande, jndr'à 'u 109 d.C., 'u 'mberatore Traiano urdenò de lastricà 'a vie ca pigghiò appunde 'u nome de Vie Appia-Traiana, seguenne 'a coste.

'Mbrà 'u IV e 'u V sechele accumenzarene a nascere le prime luèche de culte crestiane e jndr'à le sechele successive nascerene pure le 'nzediaminde rupestre, cumme le Grotte de San Biaggie, jndr'à le vicinanze de San Vito de le Normanne

Cu 'a cadute d'u 'Mbere Romane d'Occidende jndr'à' u476 'u territorie d'a provinge, cumme totte l'Itaglie meridionale, devendò tiatre de scondre 'mbrà Gote e Bizzandine, ca scuasciarene e saccheggiarene 'nu sbuènne de cetate.

Allore, da 'u VI a 'u IX sechele le popolazziune canuscerene 'nu periode de migrazione da le zone costiere verse l'endroterre, in particolare sus a le Murge meridionale, ca offrivane cchiù securezze pu fatte ca erane cchiù ierte, e furmarene le Casale, cendre de dimenziune piccinne; atturne a 'u 850 arrevarene le Franghe, guidate da Ludoviche II ca, apprisse ca avere libberate Bare da le Saracene, jndr'à 'u 866 facerene 'a stessa cose a Oria e se mettèrene jndr'à certe casale vecine. 

Jndr'à 'u IX sechele Oria avère raggiunde 'u punde chciù ierte d'u sviluppe economeche e culturale sue, devendanne 'na cetate famose jndr'à tutte 'u Mar Mediterranèe pe l'influende soja comunitate ebbraiche e pa ricchezza soje.

'U territorie, apprisse l'XI sechele, canuscìe 'nu periode nuève de rinascite cu le Normanne ca 'nglobbarene tutte 'u territorie de quedde ca osce a die jè 'a provinge de Brinnese jndr'à 'u Pringipate de Tarde, ca costruirene 'nu sbuènne de chiesere e castidde (San Vito de le Normanne, Mesagne, Ostuni) angore osce a die esistende. Pò 'a popolazzione returnò a javetà le cetate sus a 'u mare. Pure le Sveve, cu Ferediche II, lassarene 'u lore segne: costruirene 'u castelle fortezze de Oria pe condrollà l'Adriatiche e 'u mar Ionio, 'u Castello de terre a Brinnese, jndr'à 'u punde addò spicce 'a vie Appia, allariarene 'u Castelle de Mesagne e d'u reste d'a provinge.

Brinnese, duranne tutte 'u vasce Medioeve, recuperò in parte 'a 'mbortanza soje: da aqquà passave infatte 'a vie Francigena, percorse da 'nu sbuènne de pellegrine, crociate e mercande de totte Europe ca, 'mbarcannese da 'u puèrte brinnesine, raggiungevane 'a Terra sande. Pò, jndr'à cetate, se mettèrene le Cavaglire Spidaliere, le Cavaglire Temblare e l'Ordine Teutoneche. Jndr'à 'u 1089, 'u conde normanne Goffrede de Conversano, in occasione d'u sinode de Melfi, cercò a Papa Urbano II de scè a Brinnese pe consacrà 'a cattedrale. Jndr'à sta occasione avenìe 'nzippate da sede episcopale a arcivescovade.

Jndr'à 'u 1450 cchiù o mene 'u Pringipe de Tarde, Giuanne Andonie Orsini Del Balzo, vulenne difendere megghie 'a cetate, facìe fà 'u 'nderramende d'u canale ca collegave 'u puèrte 'nderne a quidde de fore; le effette collaterale furene disastrose: le acque stagnande causarene 'a malarie, ca facìe respopolà 'a cetate. Le 'nzediaminde rurale, a 'u condrarie, se svilupparene cu fortune soprattutte jndr'à le territorie de Frangaville Fundane, San Vito de le Normanne, Ostuni e Fasane addò, sembre jndr'à le stesse anne, averene state 'nzippate 'nu sbuènne de fortificaziune.

Sotte a 'u dominie de le Aragonese e 'u pericole nuève de le attacche de le Turche, ca jndr'à 'u 1480 avèrene assediate Otranto, avenèrene costruite 'nu sbuènne de fortificaziune pure lunghe 'a coste (assaije de lore angore osce a die se 'ndrucane bbuène).

Verse 'a metà d'u Cinghecinde 'a provinge, cumme 'u reste d'u Regne de Napule, avenìe 'nvase da le Cappellette, cavallerieCappellette, ca saccheggiarene 'nu sacche de cetate. Cchiù nnande, apprisse 'u Congiglie de Trénde, pure jndr'à stu territorie se deffonnerene nuève ordine releggiose, cumme le Carmelitane e le Cappuccine. Atturne a 'u 1575 l'arcivescovade de Brinnese e 'u vescovade de Oria se separarene, dividennese pure le cetate da condrollà.

Jndr'à prima metà f'u XVII sechele jndr'à 'nu sacche de comune d'a provinge scuppiarene revolte popolare condre a le oppressiune feudale, ca da sechele oramaije 'mboverivane le cete debbole. Assaije preste, le nobbile se organizzarene pe 'nu condrattacche, riunendese a Frangaville e stabbilenne de accumenzà a attaccà Tarde, pe pò spargerse jndr'à tutte 'a Terra d'Otranto e sedà, pure jndr'à 'u sanghe, tutte le fermende revoluzionarie. 

Pe tutte 'u corse d'u XVIII sechele se succedettere 'nu sacche de carestie e pestilenze, ca causarene 'nu sacche de vittime jndr'à totte 'a provinge. Cchiù nnande, cu l'arrive d'a notizie d'a Rivoluzione frangese, se avèrene scondre violende 'mbrà GiacobbinismeGiacobbine, sosteniture de le ideale frangise e Sanfediste, sosteniture d'u guverne borboneche. A 'a fine de le scondre le Borbone restabbilirene 'u putere lore, pure jndr'à 'nu mode cchiù precarie.

Jndr'à le prime anne d'u Uettecinde se svelupparene le muveminde carbonare e 'u fenomene d'u brigandagge crescìe de 'ndensità, soprattutte jndr'à le comune 'nderne. Pe quiste 'u Regne de le Doje Sicilie mannò l'esercite, reducenne 'u fenomene e 'a fucilazione de 'nu sacche de brigande ('mbrà le quale Ciro Annicchiarico, une de le cchiù granne esponende d'a malavite locale) ma non ge riuscierene a sradicarle combletamende.

Duranne tutte 'u XIX sechele, pò, avenèrene avviate jndr'à totte 'a provinge 'nu sacche de opere 'nfrastrutturale, cumme 'a costruzione d'a ferrovie Tarde-Brinnese (inaugurate jndr'à 'u 1886) e l'inizie d'a costruzione de strade de collegamende 'mbrà le comune. Pò se facerene progresse pure pe migliorà le condiziune igieniche de le cetate. Jndr'à 'u 1871 (ma avveramende ggià quacche anne apprime) Villa Castidde presendò le prime richieste de autonomie da 'u comune de Frangaville Fundane, ma a l'inizie non ge avìe ascolte. 

Jndr'à le stesse anne, cu l'aperture de l'accussì dette Valigge de le Indie, 'na linèe mercandile marittime ca collegave rapidamende, attraverse 'u puèrte brinnesine e 'u canale de Suez, Londra a l'India, Brinnese acchiò arrete 'nu belle slange.

'Mbrà 'u XIX e 'u XX sechele s'ave sveluppate l'industrie d'a trasformazione de le prodotte agricole a Brinnese, San Pitre Vernoteche, Mesagne, Ostuni e Fasane; pò se onne diffuse stabbileminde de vine e de uegghie. Pò, sembre a Brinnese, onne nate le fabbriche de botte pu commerce d'u vine.

Duranne 'a Granne Uerre Brinnese condrebbuì jndr'à 'nu mode forte forte a le fatte de uerre sfruttanne l'ambiezze e 'a securezze d'u puèrte e le industrie meccaneche fatiavene a ritme da pacce probbie.

Jndr'à 'u 1927 avenìe istituite 'a provinge de Brinnese, sus a 'u territorie d'u soppresse Circondarije de Brinnese d'a Provinge de Lecce, cchiù le comune de Cellino San Marche, Cisternine, Fasane, San Pitre Vernoteche e Torchiarole.

Jndr'à le prime anne sessande, a Brinnese, avenìe fatte 'na granne industrie petrolchimeche, ca se aggiungeve a le 'mbrese meccaneche e aeronavale ca onne putute dà fatìe a tecnice e operaie ca avenèvane da 'u territorie provingiale, ma pure da le provinge e reggione 'nzeccate. 'U territorie provingiale invece se specializzò jndr'à l'agricolture de tipe 'ndenzive caratterizzate da 'mbrese piccinne e medie.

Cu 'a crise d'a granne industrie chimiche e 'a ccrejazione de 'nu granne pole industriale a Tarde, se ave verificate 'na migrazione de operaie specializzate verse Bare e Tarde.

Date 'a posiziona sciugrafeche soje (puèrte pe l'Europe oriendale) Brinnese, e pure 'a provingia soje, jndr'à le anne ottande, ha state 'nu punde nevralgeche d'u traffeche de sigarette de condrabbanne ca avenèvane da le Balcane e destinate a tutte 'u mercate europèe. Jndr'à le stesse anne 'a criminalità organizzate pugghiese raggiungìe l'apice sue, favorenne assaije de cchiù 'u fenomene d'u condrabbanne e aumendanne 'a serie de estorsiune a le danne de le commerciande brinnesine. Stu fenomene criminale ha state quase combletamende luate apprisse le granne operaziune andimafie purtate jndr'à 'u 1995 e jndr'à 'u 2000 da l'esercite tagliàne.

Comungue, angore osce a die 'a criminalità organizzate ave 'nu certe levèlle provingiale, specie jndr'à 'u traffeche de droghe e jndr'à 'u settore immobbiliare.

Osce totte 'a provinge ste canosce 'u successe d'u processe de terziarizzazzione de l'economije ca apponde sus a 'u sviluppe e 'a commercializzazzione de prodotte locale de qualitate, eppure 'na valorizzazzione d'u patrimonie artisteche e naturalisteche ca stonne a 'a base de 'nu solide turisme culturale.

Descrizione araldeche d'u stemme:

Descrizione araldeche d'u gonfalone:

'Mbrà le chiesere prengepàle d'a provinge, ste da segnalà:

'A provinge jè ricche assaije de castidde e architetture fortificate ca se iacchiane jndr'à tutte 'u territorie.

'A provinge jè ricche de site archeologgece, pure de dimenziune granne assaije, sparse jndr'à tutte 'u territorie; appartenene a diverse epoche (preistoreche, messapeche, romane, medievale) e sò assaije diverse 'mbrà lore: stonne grotte cultuale o reste de tembie messapece, ma le reste brucate de cetate andiche cu mure, strade, javetaziune, edificie pubblece e necropoli. 'Mbrà le cchiù granne e 'mbortande site archeologgece provingiale stonne:

Jndr'à 'u territorie provingiale stonne pure assaije riserve naturale:

'A tabbelle ca avène reporte l'evoluzione d'u numere de le residende jndr'à provinge da 'u 2001 a 'u 2007:

A 'u 31 decemmre 2008 jndr'à 'u territorie provingiale stonne iscritte 5.905 furastire (2.715 ommene e 3.190 femmene), ca so cchiù o mene l' 1,46% d'a popolazzione indere.

Aqquà sotte stonne reportate le comunitate cu cchiù de 100 individue:

'A provinge de Brinnese jè varie da 'u punde de viste lenguisteche. Le dialette, 'nfatte, appartenene a 'nu sacche de famigghie:

'U dialette brinnesine o salendine settendrionale jè 'na variande d'u salendine e, pure ca esistone de le differenze piccenne 'mbrà le diverse comune, 'a radice rumane invariate. Quiste jè parlate, apparte ca a Brinnese, jndr'à 'u territorie de quacche comune 'nzeccate e, cu differenze piccinne, jndr'à quacche comune d'a Provinge de Tarde.

Da 'u dialette salendine standàrd se distingue, apparte ca pa pronunge de certe parole, pa caratteristeche de cangià 'a e finale de parole jndr'à 'u tagliàne jndr'à i. Pe esembie:

Il melone ('U melone) addevende lu milone jndr'à 'u salendine standàrd e lu miloni jndr'à 'u brinnesine.

'U gruppe d'a doppie ll jndr'à 'u tagliàne, addevende dd jndr'à 'u brinnesine. Pe esembie:

'U dialette leccese o salendine cendrale jè 'na variande d'u salendine e jè diverse da 'u salendine settendrionale pa presenze de le cangiaminde metafonetece sulamende parziale. In particolare, se note 'u dittongamende jndr'à /jɛ/ e /wɛ/ pe le sole condinuature de Ĕ,Ŏ seguite da -/i/, -/u/ (dente-denti (dende-dinde) avènene rese cu tente-tienti; buona-buono (bbone-bbuène) avènene rese cu bona-buenu), ma pure quacche esite metfoneteche condizionate pe le sole condinuature de Ē (mese-mesi (mese-mise) avènene rese cu mese-misi).Pure cu sfumature piccinne 'mbrà 'nu comune e l'otre, 'u dialette leccese copre 'a vanne cendre-settendrionale d'a Provinge de Lecce e quedde meridionale d'a Provinge de Brinnese (San Pitre Vernoteche, Torchiarole, Cellino San Marche e San Donaci).

Ce pure ste 'a differenze 'mbrà dialette pugghiese settendrionale e dialette salendine ca segue 'na linèe assaije nette ca fusce sotte de le cetate de Tarde, Villa Castidde, Ceglie Messapeche e Ostune, 'a varietà dialettale parlate lunghe sta demarcazzione (indicate assaije vote cu 'u termine soglie messapeche) presendane jndr'à 'u lessice e jndr'à le costrutte caratteristeche de transizione 'mbrà 'u dialette barese e 'u salendine; allore l'ipotese de classificarle a 'u 'nderne de le dialette pugghise settendrionale, pure ce assaije diffuse, non g'è recanusciute da tutte.

A 'u 'nderne d'a provinge facene parte de stu gruppe de transizione le dialette seguende:

'U dialette barese jè 'a varietà lenguisteche italoromanze parlate jndr'à cetate de Bare e in generale jndr'à l'arèe cendrale d'a Pugghie.

Se tratte de 'n'idiome ca s'ha sviluppate a chiane chiane sus a 'na base latine-volgare e s'ha cangiate cunge cunge jndr'à 'u tiembe pure grazie a le condrebbute lenguistece avute da le popolazziune furastire ca se onne avvicendate jndr'à l'arèe sciugrafeche 'nderessate, da le Arabe a le Spagnule, 'nzigne a le crestiane de le Balcane e, ca onne condrebbuite a caratterizzà l'inflessione pe 'nu sacche de crestiane 'ngombrensibbile, soprattute in relazione a 'u levèlle fonologgeche de l'analisi lenguisteche.

'U barese avène parlate, apparte ca jndr'à totte 'a Provinge de Bare e jndr'à quedde de Barletta-Andria-Trani, pure jndr'à Provinge de Matera, pò a sud arrive 'nzigne 'a soglie messapeche, raggiungenne 'u nord d'a provinge brinnesine e combrendenne le comune de Fasano e Cisternino.

Seconne 'a ricerche d'u Il Sole 24 Ore sus 'a qualitate d'a vite jndr'à le provinge tagliàne, 'a provinge de Brinnese ave avute jndr'à l'urteme anne sta posizione jndr'à classifeche.

Le prengepàle università se iacchiane a Brinnese: sò le sede distaccate de l'Università de Bare e de l'Università d'u Salende. Pò, a Mesagne, vecine a SS7 ha state istituite 'a Cetadelle d'a Ricerche, cendre de ricerche e polo universitarie addò stonne 'nu sacche de aziende de l'Università d'u Salende. S'assomigghie a 'a Cetadelle 'u CIASU (Cendre 'Ndernazionale Studie Ierte Universitarie), granne stabbilimende universitarie a Fasane cu 'u scope de condrebbuì cu le università, le 'mbrese, le Cendre de ricerche e le ente locale a 'u sviluppe d'u territorie attraverse ricerche e sperimendaziune jndr'à le cambe de granne inderesse sciendifeche e didatteche.

Le istitute de 'struzione secondarie superiore se congendrane soprattutte, apparte ca jndr'à 'u capeluèche, jndr'à le comune de'a provinge cumme Ceglie Messapeche, Fasane, Francaville Fundane e Ostune.

'Mbrà le prengepàle musèe d'a provinge:

Le prengepàle emittende radiofoneche provingiale sò CiccioRiccio, ascoltate quase jndr'à tutte 'u sud Itaglie e cu sede a Brinnese, e 4º Canale Radio, ascoltate prengepàlmende jndre a le confine provingiale e cu sede a Frangaville Fundane.

Pe quanne reguarde 'a stambe, le redaziune prengepàle onne tutte sede jndr'à cetate d'u capeluèche. Jè presende La Gazzetta del Mezzogiorno, cu 'a redazione d'a Gazzetta de Brinnese, ca tratte esclusivamende 'a cronache d'a provinge, 'u Nuovo Quotidiano di Puglia, pure jidde cu redazione provingiale, e le quotidiane BrindisiSera e Senza Colonne. Stonne pure otre quotidiane, settimanale e periodice, cu sede jndr'à le rispettive comune, ca trattane sulamende 'a cronache comunale.

'A provinge de Brinnese ha state cchiù vote scacchiate cumme set cinematografeche, jndr'à 'nu mode particolare jndr'à le film de Sergio Rubini. 'Mbrà le cchiù famose film e serie televisive girate jndr'à stu territorie, stonne La terra, d'u 2006, 2061 - Un anno eccezionale, d'u 2007, L'uomo nero, d'u 2009, e Il giudice Mastrangelo, fiction de Canale 5.

'Mbrà le numerose emittend televisive cu sede jndr'à provinge, avènene ditte pe popolarità Puglia TV, Studio 100 Tv, Telerama, Puglia Channel (canale d'a piattaforme Sky), quase tutte cu sede distaccate a Brinnese, e TRCB, cu sede cendrale a Ostune.

'U tiatre cchiù 'mbortande a levèlle provingiale jè 'u Tiatre Gesèppe Verdi, ca se iacchie a Brinnese; jè une de le cchiù granne tiatre d'u Mezzoggiorne, e pò tenè 995 spettature (658 jndr'à platèe e 337 jndr'à gallerie). Sotte a 'u tiatre onne state scuperte costruziune de epoche romane, angore osce a die visibbile grazie a 'u 'ndervende de l'architette Enrico Nespega, ca 'nzippò 'u tiatre sus a le scave archeologgeche (da aqquà ha nate pure 'u nome de Tiatre sospese).

Jndr'à 'u reste d'a provinge stonne otre tiatre de dimenziune assaije cchiù piccenne.

'A cucine de totte 'a provinge de Brinnese jè legate a 'a tradizione agricole e pescherecce, assaije famose jè 'a cetate de Ceglie Messapeche ca vande 'n'affermate tradizione gastronomeche grazie a 'nu sbuènne de restorande, assaije de le quale sò de notevole carature e se iacchiane jndr'à le megghie guide gastronomeche. Assaije piatte, 'nfatte, avènene 'nzaporite da le spezie e da le erbe ca crescene spondaneamende sus a 'u territorie (cumme 'u rosmarine, 'u time, ecc.).

Jndr'à totte 'a provinge 'a paste pe eccellenze sò le chianghiaredde. Pò stonne pure otre tipe de paste pure lore ausate jndr'à le ricette locale cumme le cavatelle cu le cime de rape o le raviole cu 'u ripiene de ricotte. Jndr'à le panificie, apparte a 'u pane de grane dure, osgne sciurne se sfornane le tipece taradde pugghiese, le panine cu le alie jndre e le fresédde.

'Mbrà le dolce acchiame le carteddate, nastre de pasta sfoglie sottile, tipeche d'u periode natalizie; stonne pure le zeppole, fritte o a 'u furne, 'a paste de ammennole e le biscotte cegghiese tipece de Ceglie Messapeche fatte de paste de amennole e marmellate de cerase o uve, cu fragranze de limone e cafèje, cuperte de 'na glasse fatte de zucchere e/o cacao. Infine, fatte sulamende jndr'à 'u territorie de Frangaville Fundane, acchiame le amennole ricce, prodotte tradizionale pugghiese: se tratte de amennole toste 'ngamiciate de zucchere, arrezzate a grazie a 'nu movimende condinue oscillatorie e infine glassate.

'Mbrà le prodotte veggetale acchiame le fiche secche, fatte seccà a 'u sole e pò scottate jndr'à l'acque asckuande e cuperte de zucchere. Otre specialità sò le lambasciune, le marangiane e le scarcioppole sotte uegghie, le pomodore secche a 'u sole, 'a alse de pummedore e 'u famose uegghie Collina de Brinnese DOP. Avène prodotte soprattutte jndr'à le territorie de Carovigne, Ceglie Messapeche, Fasane, Ostune, San Michele Salendine, San Vito de le Normanne e Villa Castidde. Jndr'à ste territorie passe 'a strade de l'Uegghie, percorse enogastronomeche ca porte a 'a rescuperte d'u vere guste de l'uegghie.

Jndr'à provinge de Brinnese jè possibbile fà Aleatiche de Pugghie Doc, Ostune Doc, Brinnese Russe Doc, Brinnese rosate Doc e Pugghie Igt.

Pure pu vine ha state ideate 'a Strade Appia de le vine, ca passe 'mbrà le territorie de Ostune, San Vito de le Normanne, Latiano, Mesagne e Brinnese, addò jè possibbile 'ndrucà le vitigne d'u poste cumme 'a Malvasia gnore de Brinnese, 'u Sangiovese, 'u Negramare, l'Ottavianelle de Ostune e 'u Susumanielle.

'A Scamiciate jè 'na rievocazione storeche ca se tène a Fasane pe arrecurdà 'a vittorie condre a le Turche jndr'à 'u 1678. Apprisse ca avère state abbandunate jndr'à 'u XIX sechele, jndr'à 'u 1978 'a tradizione ha state repigghiate da 'nu gruppe de cetadine ca onne costituite 'u Comitate pu Sciugne Fasanese e ca onne organizzate 'nu Cortèe Storeche. 'U cortèe jè comboste da 'nu sacche de figurande (ca indossane vestite d'epoche) e se iapre cu 'nu gruppe de sbandierature seguite da trombe, tammorre e bandiere.

Seguone le gruppe ca rappresendane le famigghie nobbile de l'epoche (ogneune cu 'u probbie stendarde) e, apprisse, le autorità civile, releggiose e militare d'u tiembe jndr'à le uniforme lore, sus a le carrozze d'epoche, tirate da cavaddere. Avènene apprisse le armate, le alabbardire, 'mbrà le quale vonne le Turche, e spiccianne 'u popole jndr'à 'u tipiche costume tradizionale ca face cande e balle atturne 'a varche d'u trionfe.

'U cortèe spicce cu 'a consegne de le chiave d'a Cetate 'a Madonne da vanne d'u uagnone ca 'mbersone 'u General Sinnache, presse 'a sacre immaggine esposte jndr'à chiazze Ciaia.

Fasano Jazz jè 'na manifestazione musecale, inaugurate jndr'à u 1998, ca se tène 'nzieme cu 'a Scamiciate. Sta manifestazione tène 'u scope de valorizzà 'u talende de le uagnune museciste ca stonne a iessene da 'a museche jazz.

'A cavalcate de Sand'Oronzo jè 'n'avvenimende tipiche, ca avène 'u 26 aguste de ogne anne. 'A feste attire turiste da totte Itaglie, famose pa cavalcate e le fuèche. Le cavaddere avènene decorate cu tessute preggiate e avènene cavalcate da le capestipite de le famigghie ostunise cchiù andiche. Le fuèche de Sand'Oronzo sò particolarmende seguite, pa bellezza lore. Avènene sparate da 'u cambe fore boarie e le crestiàne pe uardarle vonne sus a 'u Viale Oronzo Quaranta. Ostune, jndr'à 'u periode de Sand'Oronzo, se ienghie de fiere, bangarelle cu prodotte tipece e servizie de catering. 'A cavalcate parte da 'a Cattedrale, addò avène purtate in prugessione 'a famose Statue de SandìOronzo, 'nzigne a 'u cendre d'a cetate. A 'a fine 'a statue avène mise a 'u poste sue e avène repigghiate sulamende pa cavalcate prossime.

'N'emozzione chiamate libbre jè 'a punde d'a ricche programmazzione culturale de l'estate de Ostune. Queste jè 'na conferenze, ca se tène ogne anne jndr'à 'u cortile d'u Municipie d'a cetata vianghe, addò avènene invitate autore de rilieve de varie libbre, ca avènene commendate e presendate. Personalità cumme a Robberte Saviano o Serena Dandini stone 'nu sacche de vote a sta manifestazione culturale de rilevanze nazionale.

Le rite ca se fanne durante 'a Sumàna Sande a Frangaville Fundane sò de origgene andiche, ca resalene a 'a dominazione spagnole jndr'à l'Itaglie meridionale. Tradiziune assaije sendute pure da vanne d'a popolazzione, ste rite se iaprene 'u venerdìe ca andicipe 'a Dumeneche de le Palme ca 'a prugessione d'a Madonne 'Ddulurate. 'U mercredìe jè 'a vote de le piatte, cestine addobbate cu germoglie de grane ca avènene purtate in gire pa cetate da le piccinne: andicamende ere 'nu segne de riappacificazione 'mbrà famigghie o amice. Da 'u Sciuvedìe Sande a 'a matine d'u Venerdìe le Pappamusci, caratteristeche figure 'ngappucciate (pe non farse recanoscere), cu 'nu cappidde 'ngape e cu 'u tipiche bordone, vulenne espià le peccate commesse, girane in coppie pe le chiesere d'a cetate a scazate. 'A sere d'u venerdìe Sande e pe totte 'a nuttate sfile pe le vie d'a cetate 'a prugessione de le Mistere, ca ripercorre tutte le tappe d'a Via Crucis. 'A prugessione avène jndr'à 'nu mode lende e 'u silenzie avène inderrotte sulamende da 'u rumore d'a troccole. Une de le caratteristeche de sta prugessione sò le Crocifere penitende, pure lore a scazate e 'ngappucciate, ca, seguenne l'esembie de Gesù, portane pe tutte 'a durate d'a prugessione 'na granna croce de legne sus a le spalle. A chiudere le rite d'a Sumàna Sande jè 'a prugessione d'u Criste Abbevesciute, ca iesse 'a dumeneche de Pasche. Quase tutte le statue ca avènene purtate sus a spalle duranne le prugesiune onne state fatte de cartapeste policrome e sò databbile a 'u Uettecinde.

'A Fiere Nazionale de l'Ascenzione, terze pole fieristeche apprisse Bare e Fogge, jè 'n'esposizione cambionarie ca se face a Frangaville Fundane, jndr'à 'u quartiere fieristeche. Penzate ggià jndr'à 'u 1700 cumme esposizione de prodotte agricole da Michele Imperiali, avenìe a chiane chiane abbandunate pe pò essere ripigghiate jndr'à 'u 1926 da 'u podestà Pompeo Pisciotta. Osce a die 'a fiere se sveluppe jndr'à 'nu sacche de settore (gastronomije, artiggianate, 'ndustrie, ecc.) e rechiame 'nu sacche de aziende da 'nu sbuènne de vanne de l'Itaglie.

'U Tornèe de le Riune de Oria jè 'na combetizione ca se face da 'u 1969 (duranne 'a seconde dumeneche de aguste) 'mbrà le riune d'a cetate de Oria. 'A tradizione vole ca 'u Tornèe de le Riune avère state penzate da Federiche II jndr'à 'u 1225 mendre ca aspettave 'a mugghiere Jolanda di Brienne, pe stu fatte osce a die 'a combetizione se base sus a diverse gare in stile medievale (l'ariete, 'u ponde, 'a botte e 'u forziere) e le partecipande tènene 'nguèdde le vestite medievale. 'U rione ca ave cchiù punde vinge 'u palie, consegnate direttamende da 'u 'mberatore ('mbersonate da crestiàne famose).

'U Barocche Festivàl jè 'na mnifestazione musecale ca se tène a San Vito de le Normanne normalmende 'mbrà aguste e settemmre. Ha nate jndr'à 'u 1997 pe arrecurdà 'u museciste de San Vito Leonardo Leo e porte museciste e appassionate de museche barocche.

'U Salende Finibus Terrae Festivàl jè 'na rassegne cinematografeche e de cortometragge organizzate jndr'à staggione a San Vito de le Normanne; tène 'u scope de promuovere le atture e le reggistre ca iessene dedicanne 'nu sacche de seziune (Diritte Umane, Animazione, Bullisme, ecc..). 'U Festivàl jè patrocinate da l'Assessorate a 'u Mediterranèe d'a Reggione Pugghie, d'a Provinge de Brinnese, da l'Assessorate a 'a Culture d'u Comune de San Vito de le Normanne e da 'u I Circole Didatteche Don Tonino Bello, da 'a Commissione tagliàne de l'UNESCO e da 'u Comitate Tagliàne UNICEF.

Jndr'à provinge se fanne 'nu sbuènne de otre manifestaziune duranne tutte l'anne:

Totte 'a provinge rappresende 'nu territorie storicamende vutate a 'u settore agricole, cu 'na superficie de produzione agricole de 131.481 ettare, ca riesce a raggiungere mediamende 'na Produzione Lorde Vendibbile de 339 miliune de euro, condrebbuenne jndr'à 'nu mode 'mbortande assaije a l'economije d'a reggione indere.

'Mbrà le coltivaziune dominescene l'ulive, cchiù o mene 60 000 ettare de ulivete cu chiande secolare ca pigghiane forme uneche e particolare, 'nu patrimonie de assolute valore paesaggisteche e, le vignete (25 000 ettari) cu le uve tipeche cumme 'u Negramare e 'a Malvasie, da 'a quale se fanne vine a Denominazione de Origgene Condrollate. Sus a le colline d'a Valle d'Itrie, non ge mangane le amennolete, invece jndr'à pianure le peschete se alternane a le otre fruttete. 'Nu sbuènne e diverse comunicaziune ortive de qualitate, cumme 'u pummedore, 'a scarcioppole, le cereale, e le melune. Da chiste nascene le origgenale piatte d'a gastronomije locale, genuine e profumate.

Le aziende agricole iscritte jndr'à' u reggistre d'a Camere de Commerce de Brinnese sò 13.768, invece 1.861 sò le aziende de coltivature dirette iscritte a l'INPS.

Pure 'u patrimonie zootecniche jè assaije forte cu 400 imbrese ca allevane 15 000 cape bovine e 34 000 ovi-caprine.

'A pesche, date 'a manganze de comune ca se affacciane direttamende sus a 'u mare (apparte Brinnese), non g'ave avute 'nu granne sveluppe cumme pe l'agricolture.

'U piane regolatore de l'Arèe de Sviluppe 'Ndustriale de Brinnese, 'a prime a essere fatte in Pugghie 'nzieme a quedde de Tarde, prevede 'n'agglomerate industriale prengepàle a Brinnese e ttre agglomerate satellite a Fasane, Ostune e Frangaville Fundane.

'Nzigne a 'nu picche de tiembe fa jndr'à provinge stavane disponibbile cchiù de 1.000 ettare pe 'nzediaminde 'ndustriale nuève. 'A bbona dotazione 'nfrastrutturale, pò, face de Brinnese e de tutte 'u territorie provingiale 'nu poste addò se ponne scè mettere 'nzediaminde 'ndustriale e commerciale nuève.

Jndr'à 'u capeluèche se congendrane 'nu sbuènne de 'mbiande gruèsse attive jndr'à le settore d'u chimiche, d'u petrolchimiche, de l'energie e de l'aeronauteche (cu le 'mbiande 'ndustriale de l'Alenia Aeronautica, Avio e Agusta).

Jndr'à l'agglomerate 'ndustriale satellite, invece, se onne sviluppate 'mbrese piccenne e medie attive jndr'à le settore d'u tessile, d'a meccaneche leggere, de l'abbigliamende e otre, ca offrone fatìe pure a le crestiane de le cendre cchiù piccinne, addò le aziende sò pa maggiorparte de trasformazione agricole.

Pe quanne arreguarde 'a 'ndustrie alimendare, da 'u 1991 ha cresciute particolarmende 'a dimenzione medie de addette, cu 'n'aumende d'u 19,5% jndr'à lavorazione e conservazione de frutte e ortagge e d'u 6,2% jndr'à 'u combarte vitivinicole.

'A provinge de Brinnese jè une de le cchiù gruèsse produttrice de energije elettriche jndr'à l'Itaglie, grazie a 'a presenze de ttre granne cendrale elettriche, ca stonne tutte a Brinnese:

Jndr'à 'u cambe de le energije rinnovabbile, 'a provinge tène une de le cchiù ierte tasse de densità de parche fotovoltaice d'Europe, cu 'na produzione de cchiù de 700 megawatt; pò stonne in proggette, jndr'à 'u territorie comunale de Brinnese, 'a costruzione de 'nu parche fotovoltaiche granne 84.343 metre quadrate ca adda producere 'n'energije ogne anne de 15,12 GW a ll'ore, devendanne de fatte 'u cchiù granne parche fotovoltaiche de l'Europe.

'U commerce jè assaije sviluppate a Brinnese e jndr'à le cendre cchiù granne. Jndr'à st'aree, infatte, onne nate 'nu sbuènne de cendre commerciale, pa maggiorparte succursale de granne catene commerciale 'ndernaziunale, pure de granne dimenziune.

Duranne 'u decennie 1991-2001, jndr'à provinge onne aumendate d'u 38,1% (da 16.784 a 23.186) le fatiature jndr'à 'u settore de le servizie, sie tradiziunale ca sofisticate (escluse sulamende 'u commerce) ca combrennene tutte le attività ca vonne da le trasporte a da le comunicaziune a 'u turisme, da 'u credite a da le assicuraziune a le libbere professiune.

'A coste jè securamende une de le punde de forze d'u turisme d'a provinge e presende 'nzediaminde turistece 'mbortande e avviate, specie a nord d'u capeluèche. 'Na caratteristeche jè, però, 'u fatte ca 'a domande jè in granne parte tagliàne (74%, condre a 'u 26% de quedde furastiere) e assaije staggionale. 

Abbesògne considerà però ca da stu punde de viste, jndr'à l'urteme anne, onne state fatte 'nu sacche de pazze nnande, registranne resultate megghie rispette a 'u reste d'a Pugghie.

Non ge mangane 'mbortande zone naturalisteche prutette: de particolare pregge ambiendale sò da segnalà Torre Guaceto e 'u Parche de le Dune costiere da Torre Canne a Torre San Leonarde.

'A cetate ca face da modelle e carresce 'nzigne da le anne novande 'u turisme brinnesine jè secure secure Ostune, corteggiate sie da personalità de 'nu certe levèlle ca da 'u turisme de masse, grazie 'a qualitate de le acques ue, ave infatte da cchiù o mene 10 anne 'a Bandiera Blu FEE, e da 5 anne le Cinghe Vele de Legambiente (uneche jndr'à Pugghie cu Otranto), e a le bellezze d'u cendre storeche sue, definite cetata vianghe. Jndr'à l'urteme amme pure Cisternine e Ceglie Messapeche, cu 'nu sacche de manifestaziune culturale, stonne a crescene jndr'à stu settore. 'U capeluèche, Brinnese, tène 'nu ruole da tramite ca, cu 'u puèrte sue e l'aeropuèrte, dèje possibilità a l'economije de stu settore, di vitale 'mbortanze pe stu territorie.

Luènghe tutte stu percorse onne state indivisuate le reste de cchiù de 431 fortificaziune, 'mbrà torre e otre sisteme de avvistamende e difese d'a coste.

Testimonianze storeche de granne inderesse sò le numerose castidde, presende quase jndr'à ogne paese, da chidde 'mbortande nate cumme poderose sisteme de fortificazione a chidde fatte cumme residenze de certe sovrane, a otre trasformate jndr'à 'u tiembe jndr'à abitaziune fortificate o palazze baronale.

A le zone coltivate seguene pure le arèe voschive e 'a macchie mediterranèe.

'A cambagne ha devendate jndr'à 'u tiembe 'na sede ideale de vacanze agrituristeche jndr'à le tanda massarie, certe fortificate, o jndr'à abitaziune signorile e jndr'à le tipece e vianghe trulle, addò jè facile 'ngondrà 'mbortande 'nzediaminde rupestre, cu cripte e tembiette origgenarie d'u VI sechele a opere de le monace basiliane (Grotte de San Biagge a San Vite de le Normanne).

Otre cumule de petre, ca rappresendane le misteriose specchie, 'nstallazziune megaliteche nate jndr'ò l'epoche romane cumme torre de avvistamende o cumme luèche de brucaminde, iessene a l'imbrovvise jndr'à le zone de Frangaville, Villa Castidde e Ceglie.

Arèe archeologgeche de epoche messapeche e romane sò presende jndr'à totte l'arèe provingiale, cu necropoli, terme, strade, cinde murarie e domus, onne date 'nu sbuènne de reperte (monete, cerameche, statue) osce a die custodite jndr'à le musèe.

Jndr'à le cetate cumme Frangaville Fundane, San Vito de le Normanne, Ceglie Messapeche, Cisternine e Ostune stonne 'mbortande esembie de architetture ca resalene a 'u periode romaneche e barocche.

'A suggettate STP BRINDISI face le collegaminde urbane jndr'à le magghie cetate d'a provinge: Brinnese, Ostune, Frangaville Fundane, Mesagne. Collegaminde extraurbane jndr'à tutte le comune d'a provinge.

'A provinge de Brinnese jè passate da 'nu sacche de strade provingiale e strade statale. 'U capeluèche jè 'u punde de 'ngrocie 'mbrà le cchiù granne arterie stradale d'a provinge: 'a Strade statale 7 Vie Appia, ca colleghe Brinnese a Tarde, 'a Strade statale 16 Adriatiche, ca colleghe le cchiù granne capeluèche d0a coste Adriatiche, 'mbrà le quale Brinnese e 'a Strade statale 613 Brinnese-Lecce, ca colleghe Brinnese a Lecce.

Le ferrovie prengepàle d'a provinge sò ddoje:

Tutte e doje le linèe sò gestite da 'a RFI e se congiungene a Brinnese.
Ste pure 'nu raccorde ferroviarie cu 'a zone industriale de Brinnese e 'u puèrte mercandile, ca aijute le operaziune de careche e scareche d'a merce.

Jndr'à certe comune de l'entroterre 'u servizie ferroviarie jè garandite da le Ferrovie d'u Sud Est, cu 'a linèe Martina Franghe-Lecce.

'A stazione ferroviarie prengepàle d'a provinge jè 'a quedde de Brinnese ca face da collegamende e baricendre a le doje direttrice ferroviarie prengepàle d'a provinge, quedde adriatiche e quedde ca colleghe 'u capeluéche cu Tarde. 'A stazione de Frangaville Fundane, invece, jè l'uneche a 'u 'nderne d'a provinge addò se pò fà 'nu inderscambie 'mbrà le Ferrovie d'u Sud Est e le Ferrovie d'u State.

'U puèrte prengepàle d'a provinge jè quidde de Brinnese, mercandile, pescherecce e turisteche. Face collegaminde soprattutte cu l'Albanie, 'a Grecie e 'a Turchie. Pe le scambie commerciale jè considerate 'a Porte d'Oriende.

Otre puèrte pescherecce e turistece de rilieve se iacchiane jndr'à le territorie de Fasane (Torre Canne e Savelletri), Ostune (Villanove, Rosa Marine, Diana Marine, Costa Merlate), Carovigne (Torre Sanda Sabbine e Specchiolle) e San Pitre Vernotiche (Cambe de Mare).

L'aeropuèrte de Brinnese (Papola-Casale) tène collegaminde cu le cchiù grane cetate tagliane e europèe.

'U scale, lundane 6 km da 'u cendre cetadine, serve 'a 'ndere provinge de Brinnese, quedde de Lecce e parte de quedde de Tarde. Jndr'à 'u 2004 onne passate in totale 754.289 passeggere, onne state 'mbarcate merce pe 805.108 t, e onne fatte scale 9.418 aeromobbile. Collegate cu le otre cetate d'a provinge cu 'a linèe d'a suggettate Aeropuèrte Pugghiese.

L'aeropuèrte tène doje piste, une jndr'à direzione NW-SE longhe 2.628 m, l'otre jndr'à direzione NE-SW longhe 1.970 m.

Attive ggià apprime d'a seconda uerre mondiale, l'aeropuèrte de Brinnese avìe da 'u 1928 collegaminde regolare cu Valone jndr'à l'Albanie addò seguirone chidde, da 'u 1933, sus 'a linèe Brinnese - Atene - Rodi e Brinese - Atene - Istanbul. 'Nderrotte jndr'à 'u 1943 pe le avveneminde de uerre, l'attività civile repigghiò jndr'à 'u 1947. 'Mbrà 'u 1960 e 'u 1970 'a seconde piste avenìe allungate 'mbonde a 2.628 metre de osce a die. Jndr'à le anne ottande d'u millenovecinde le strutture avenèrene cangiate assaije cu 'u 'nzippamende de 'nu sacche de edificie, 'mbrà le quale 'na caserme de le Vigile d'u Fuèche e 'na strutture pu traffeche merce.

Osce a die, 'a strutture jè gestite da 'a S.E.A.P. - Aeropuèrte de Pugghie, e jè parte indegrande d'u sisteme aeroportuale pugghiese cu le scale Karol Wojtyla de Bare, Gino Lisa de Fogge e Marcello Arlotta de Tarde-Vurtàgghie.

Apparte a 'u trasporte ferroviarie, quidde a 'u 'nderne d'a provinge jè garandite da 'nu sacche de linèe de autobus, gestite soprattutte da 'a STP Brinnese, ca collegane tutte le comune a 'u 'nderne d'u territorie provingiale e le diverse località turisteche.

Apprisse le ballottagge d'u 21 e 22 sciugne 2009 'u presidende d'a provinge de Brinnese ha state Massimo Ferrarese, ca ave avute le vote de Partito Democratico, Unione di Centro,liste civiche Ferrarese Presidente, movimende Io Sud e Partito Socialista. Apprisse le dimissione presendate da Massimo Ferrarese 'u 2 ottommbre 2012, devendate irrevocabbile 'u 22 ottommre, 'u 24 ottommre ha state nnomenate cumme Commissaire Straordinarie 'u dott. Cesare Castelli.

Appartènene a 'a provinge de Brinnese 20 comune:

'U 12 settemmre 2007, jndr'à sede d'u comune de Brinnese (comune capefile) le sinnace de 19 comune d'a provinfe (apparte Cisternine, ca face parte de l'Arèe Vaste d'a Valle d'Itrie) cchiù 'a provinge de Brinnese, onne firmate 'nu piane strateggeche pe condividere 'nu metode nuève, suggerite da 'a Reggione Pugghie, pa spese de le Fonde Comunitarie 2007-2013. Sò previste 'nu sbuènne de indervende jndr'à 'u cambe de l'economije e d'u sviluppe, jndr'à quidde d'a culture e d'u welfare, de l'ambiende e d'u territorie e jndr'à 'u cambe d'a mobbilità e de le trasporte. Ste indervende avènene coordinate 'mbrà le diverse amministraziune comunale e pure 'mbrà le Ende locale.

'U Brinnese jè 'a suggettate de ballone prengepàle d'a provinge. Quanne 'a staggione 2008/2009 avère spicciate, apprisse 'nu cambionate addò stave sembre sus a classifeche, 'u Brinnese ave avute 'a promozione jndr'à 'u cambionate Lega Pro Seconde Divisione, turnanne jndr'à 'u ballone professionisteche apprisse 5 anne passate jndr'à l sire dilletttanisteche.

'N'otra formazione 'mbortande jè lA.S. Calce Fasane

'A suggettate prengepàle de pallacanestre d'a provinge e de totte 'a Pugghie jè 'a New Basket Brinnese, ca partecipe a 'u cambionate nazionale de serie A1 e ave sciucate pure 'nu sbuènne de cambionate de Legadue.

Otre squadre ca stonne sus a 'u territorie sonde:

'U 'mbiande sportive cchiù gruèsse d'a provinge jè 'u Stadie Franghe Fanuzzi de Brinnese, ca pò tenè 'nzigne a 7.152 crestiane. Otre stadie de 'na certe 'mbortanze jè 'u Vito Curlo de Fasane ca 'na capienze de 4.900 crestiane.

'Mbrà le palazzette d'u sport, 'u cchiù granne d'a provinge jè 'u PalaPentassuglia a Brinnese, cu 'na capienze de 3.523 crestiane.

'Mbrà le personalità sportive cchiù famose nate jndr'à provinge, stonne:




#Article 98: Provinge de Cambevasce (182 words)


'A Provinge de Cambevasce ète na provinge d'u Molise de 231.330 crestiáne.
'A provinge de Cambevasce ète affacciate a nord-est sus a 'u Mar Adriatico, e confine a nord cu 'a provinge de Chieti, a sud-est cu quedde de Fogge, a sud cu quedde de Benevende e Caserta e a ovest cu quedde de Isernia.

Jndr'à 'u territorie s'onne succedute 'nu munne de populazzioni. Jndr'à le timbe andiche, jidde ere parte d'u Sannio, apprisse le territorie tràse a face parte d'u 'mbere rumane. Jndr'ô medioevo 'u territorie ète parte d'u ducate de Benevende, appartenende a 'u terrotorie de le Longobarde.

'U territorie ète vaste assaje, tène colline, laghe, fiume e 'u mare. Jidde ète varie e diversificate, e tène 'nu granne endroterre mmienze a cui stonne, 'na vote aggrappate sus a le pitre, 'na vote distese sus a le colline, borghe, paise e cetate.

'U territorie ète traversate da le valli d'u Trigno, d'u Biferno e d'u Fortore; chiste honne 'n andamende generalmende rettilineo, circondate da le pendie de colline e montagne, pe' poi farse larghe assaje jndr'à le presse d'u mare.




#Article 99: ISO 3166-1 (242 words)


L' ISO 3166-1, cumme parte d'u stàndàrd ISO 3166, déje le codece pe le nome de le naziune.
A state pubblicate 'ò prima vote jndr'à 'u 1974 d'a l'Organizzazione 'Ndernaziunale pe le Standardizzazioni e dìce ttrede differende codece pe ogne zone:

L'ISO 3166-1 no g'jè l'uneche stàndàrd pe le codece naziunale.

'A liste ca avène mò téne tutte e le 246 codece assignate cu tutte e ttre le parte de le codece d'u stàndàrd ISO 3166-1.
Sonde in ordine 'fabbeteche asseconde 'u nome tagliàne.

Suverchie 'a le codece assignate, stonne otre codece ca onne state riservate o s'onne fatte vicchie. Le codece riservate sonde codece ca, pure ca non ge fanne propriamende parte de l'ISO 3166-1, avènene ausate pe otre mutive, pe farle addevendà combatibbele cu le codece ISO 3166-1 e dà flessibbeletà a 'u sisteme. A'u solite se referiscene a l'organizzaziune 'ndernaziunale e a quacche paise rrete a 'u màre.

Pure le codece vicchie, le codece ca no se ausane cchiù, pònne essere stipate cumme riservate, pe combatibbeletà cu le sisteme d'apprime.

Pe vedé le codece riservate d'u stàndàrd ISO 3166-1 ve vide le seziune satte-satte ca stonne jndr'à:

lISO 3166-1 numereche no téne codece riservate.

'Nu paise o 'na zone pò avéje 'nu codece nueve ce cange 'u nome o ce cangene le confine cu l'otre paise. Le cangiaminde sonde scritte jndr'à newsletters da l'Aggenzie p'u mantenimende de l'ISO 3166. Questa jè l'elenghe de le newsletter ca onne state scritte:




#Article 100: ISO 3166-2:ID (157 words)


ISO 3166-2:ID ète 'n'ISO stàndàrd ca dìce le codece geografeche: Jè 'nu sotto 'nzieme de l' ISO 3166-2 ca s'applechesce a l'Indonesia. 

West Papua a state crjete da 'nu stuezze occidendele da Provinge de Papua a Febbrare, 2003, accumenzanne sotto 'u nome de Irian Jaya Barat, e pò a state nnomenate Papua Barat (West Papua) 'u 7 Febbrare 2007.
'A suddivisione remane cu 'nu picce de 'ngazzaminde. A Novembre 2004, 'na corte Indonesiane s'accurdate ca 'a suddivisione je condre a le legge sus a l'autonomia de Papua. Però 'a corte ha ditte, ca no se pò fa ninde purcè a provinge a state crjete e avess remanè separata da Papua. A corte a ditte pure ca non ge se pò ccrjà n'otra provinge ca aver state proposte Central Irian Jaya, purcè 'a suddivisione non g'è previste.
A giugne 2008, ISO 3166-2 non g'a pubblichete angore 'u codece pe West Papua, ma vedénne le precedende avessa essere ID-PB.




#Article 101: ISO 3166-2:GB (151 words)


ISO 3166-2:GB ète 'n'ISO stàndàrd ca dìce le codece geografeche: Jè 'nu sotto 'nzieme de l' ISO 3166-2 ca s'applechesce a 'u Regne Aunìte. 

Le codece corresponnène a le divisiune amministrative d'u Regne Aunìte:

L' Isole de Channel e l'Isole de Man non ge sonde parte d'u Regne Aunite, però l'ISO deje le codece sotte a GB-.

'A prima parte pe ogne codece ète pe l'ISO 3166-1 GB p'u Regne Aunìte, e 'a seconda parte jè 'nu codece de 3 lettere.

L'ISO ha pure ausate codece pe quacche area cu le nome d'u Galles e le codece.

These codes are used by the BS, and were added to ISO 3166-2 in Newsletter 9, with the exceptions of the Isle of Man and Channel Islands:

BS also has Welsh language code for Welsh names of Wales and its subdivisions, where they differ from the English language names.  These are not listed here.




#Article 102: ISO 3166 (153 words)


LISO 3166 ète 'na codifiche sciugrafiche standardizzete divise jndrìà 3 stuezze pe codificà le nome de le state, de le territorie dipendende e de le prengepàle suddivisiune amministrative de le paise, pubblicate 'a prima vote jndr'à 'u 1974 da l'Organizzazione 'Ndernazionale pe le Standardizzazione (ISO). 'U nome uffisciele ète Codes for the representation of names of countries and their subdivisions (Codece p'a rappresentazione de le nome de le paise e de le loro suddivisiune). 

'U stàndàrd ISO 3166 jè mandenute da lISO 3166 Maintenance Agency (ISO 3166/MA) (Agenzie pe l'aggiurnamende de l'ISO 3166-1), ca ste addò se jacchje l'ufficie cendrele ISO a Ginevra in Svizzera. Quanne ha state crjete l'ufficie stave da Deutsches Institut für Normung (DIN) a Berlino in Germanie.

Dopo 'a prima pubblicazione d'u 1974, l'ISO 3166 ha state cangete 'nu sacche de vote jndr'à l'anne, cu l'assute de 'nu sacche de ediziune successive.

'U stàndàrd jè divise jndr'à 3 stuezze:




#Article 103: ISO 3166-3 (365 words)


ISO 3166-3 tène tutte le codece de le paise ca tènene codece vicchje de l'ISO 3166 da quanne ha state pubblichete jndr'à 'u 1974. Avène assignete 'nu codece de quattre carattere alfabbetece pe ogne codece de paise. Le prime e doje carattere sonde le carattere lassete da 'u codece d'u paise, mendre le urteme doje carattere onne state allochete accurdanne le regole ca avènene mò:

'A liste ca avène mò jè de le codece ISO 3166-3. Pe ogne paise, 'u codece jp de quattre lettere e avène date cumme 'a prime 'mbormazione, pò avène 'u nome d'u paise, 'u codece originele (alpha-2, alpha-3, numereche), 'u timbe ca stu codece ha state valede e spiccianne spiccianne, le note finele.

'Na vode ca onne passate cinge anne da quanne 'u codece ha state lassete, 'a vanne d'u codece a doje lettere pò essere assignete n'otra vote, cumme ha state fatte pe AI, CS, GE, e SK.
Però pò essere ca certe codece remànene 'u stesse pure ca avènene superete le cinge anne, vide Codece reservete ca non ge spiccene maje.

'Nu sacche de codece a doje lettere onne state lassete prime de l'indtroduzione d'u DNS e accussì non g'onne state maje ausete sus a Indernette cumme dominie de prime levèlle (ccTLD). Comunque, quacche ccTLD ca ause codece ca onne fatte vicchje se jacchje angore, vide .su, .tp e .yu.

'U codece ISO 3166-1 alpha-2 CS ha state lassete doje vote! 'A prima vote, purcè a Cecoslovacchia s'a squasciate facenne nascere 'a Repubbleche Ceca e 'a Slovacchia e 'a seconda vote purcé Serbia e Montenegro s'onne squasciate e onne fatte nascere Serbia e Montenegro. Sus 'a newsletter I-4 (assute 'u 26/09/2006, 'u codece CSHH avère state assignete a Serbia e Montenegro e quindi s'a ccrejete confusione cu a Cecoslovacchia ma successivamente cu a newsletter I-5 (assute 'u 01-12-2006) s'a sistemete 'u probleme assignanne 'u codece CSXX a Serbia e Montenegro.

Ce 'u paise cange solamende 'u nome ma non ge cange le confini territoriele 'u codece numereche remane sembre 'u stesse.

Da 'a prima pubblicazione de l'ISO 3166-3 jndr'à 'u 1999, cinge newsletter onne state pubblichete pe dicere de le cangiaminde ca onne state sus 'a 'u stàndàrd:




#Article 104: ISO 3166-2 (234 words)


L' ISO 3166-2 è 'a seconda vanne d'u stàndàrd ISO 3166. Ha state ccrejate pe codificà le nome de le suddivisiune territoriale de le naziune e de le aree dipendende. 'U scope d'u stàndàrd jè quidde de stabbilìe 'na serie de abbreviaziune 'ndernaziunale de le poste, da ausà pe le etichette de spedizione, le condeniture, e cchiù in generale, a tutte le vanne addò 'nu codece alfanumereche pò essere ausate pe 'ndicà 'na localitate jndr'à 'nu mode mene ambiggue e cchiù prateche d'u nome comblete. Jndr'à Uicchipèdie, le codece naziunale avènene ausate pe crrejà le collegaminde a le pàggene de le versiune naziunale ca so tande.

Cchiù o mene 3700.

Le codece ISO 3166-2 sonde fatte de doje vanne, separate da 'nu -. 'A prima vanne jè 'u codece ISO 3166-1 comboste da doje carattere alfabbetece, 'a seconda vanne pò essere alfabbeteca o numereche e jè comboste da une, doje o ttrede carattere, sta vanne jè basete sus 'a stàndàrd nazionale.

Aqquà stonne elengate tutte le cangiaminde ca onne state fatte (annungiate ausanne le newsletter) :

Pe acchiaje le codece ISO 3166-2 de ogne nazione s'adda vede 'n'elenghe d'u stàndàrd ISO 3166-1. Ce une tène n'ause familiare de le codece a doje cifre pò ausà 'a tagella aqquà sotte.

Jndr'à tutte le mode s'arrive all'articole 'nditolate ISO 3166-2:XX, addò XX jè 'u codece ISO 3166-1, pe esembie  porte l'elenghe de le codece pe l'Itaglie.




#Article 105: Codece de Avviamende Postale (1165 words)


Indr'à l'Itaglie, 'u Codece de Avviamende Postale (acroneme CAP) avène ausate da 'u servizio postale pe facilitaje l'individuazione d'u luèche de destinazione d'a poste. Ha state 'ndrodotte jndr'à 'u 1967.

'U CAP jè formate da cinghe numere. Quanne ha state ccrejate e onne state definite le codece onne state ccrejate aree territoriale, ca onne state chiamate reggione postale, ca cumbrendevane provinge 'nzeccate, lassanne perdere a ce reggione appartenévene (pe reggione ordinarie, a l'epoche, erane sulamende reggione definite sus 'a carta ma non g'esisteve l'ente amministrative), e pe ogne une avenìe assegnate 'nu codece iniziale ca sceve da 0 a 9:

Jndr'à chiste aree ha state assignate 'nu codece ca ve da x0xxx a x9xxx pe ogne provinge. Pe le capelueche de provinge ha state assignate 'u codece xx100, a tutte l'otre cendre onne state assignate codece ca vonne da xx01x a xx09x. 'A quarta cifre d'u codece jè definite cumme stradario e avessa facilità 'u 'nstradamende da corrispondenze partenne da le cendre de smistamende comprensoriale (CMP) e provingiale (CPO).

Subbete subbete, onne state previste de l'eccezziune: a 'a cetate de Gorizia ha state assignate 'u CAP 34170, e tène allore 'u stesse codece provingiale (34xxx) de Trieste (34100). De conseguenze, a tutte le località d'a Provinge de Gorizia ha state attribbuite 'u cambe de codece ca vè da 3407x a 3409x; a chidde d'a Provinge de Trieste quidde ca vonne da 3401x a 3406x.
Jndr'à 'u stesse mode s'a fatte cu 'a costituenda Provinge de Pordenone (rimaste stuezze d'a Provinge de Udine fine a 'u 1968) assignanne a 'u capelueghe 'u codece 33170 apprisse a 'u codece de Udine (33100), 'nvece pe le comune d'a relative provinge onne state misckate e allore 'ndistinguibbele.

Jndr'à le provinge 'stituite partenne da le anne settande 'u CAP d'u capelueche ha state costituite da 'u codece provingiale d'origgene seguite da xx170 (Isernia 86170, Oristano 09170), 'nvece 'u territorie remanende tène 'u codece d'a provinge origgenarie e se differenzie sulamende pe 'u cambe de le codece ca vè da xx07x a xx09x. Sta situazione provvisorie osce a die jè angore anomale.

Da 'u 1997, pe tenè cunde de le uette provinge nueve ca onne nate jndr'à 'u 1992 (Biella, Verbano-Cusio-Ossola, Lecco, Lodi, Rimini, Prato, Crotone, Vibo Valentia) e pe tenè cunde de le tre provinge onne nate jndr'à 'u 2004 (Monza e d'a Brianza, Fermo, Barletta-Andria-Trani), le regole onne cangiate 'nu picca picche. Sulamende p'a provinge de Prato e p'a provinge de Barletta-Andria-Trani ha state assignate 'nu codece ca non ge s'ausave, rispettivamende 'u 59xxx e 'u 76xxx, seconde le regole ca esistave apprime.

Pe tutte le otre provinge: le prime doje numere non ge indichescene cchiù necessariamende 'na sola provinge, e pe capì ce se tratte de 'na località capelueche jè necessarie verificà ce 'u tterze numere jè dispari (xx1xx pe le provinge esistende e partenne da xx9xx pe le provinge nuève). Le località ca non ge sonde capelueche onne 'nu numere pari, cchiù peccinne di quidde identificative d'u capelueche (quindi xx0xx pe le province ca esistevene e partenne da xx8xx pe le provinge nuève).

'U stesse CAP pò corrisponnere a cchiù località, pure ca non ge confinane 'mbrà lore, ma pe le provinge nuève s'a adottate 'u pringipie de l'attribbuzione aunivoche de le codece a le aggenzie de recapite: n'aggenzie de recapite pò avè cchiù codece, ma a 'u stesse codece non g'onne corrisponnere cchiù aggenzie.

Le comune cchiù granne (es.: Napule) ponne avè cchiù CAP, ca indentifichescene caseggiete, quartire, aree cetadine. Stu fatte vale pure pe Verbania, purcè apprime ca avenève nnomenate provinge ere fatte da sei differende località postale, corrispunnenne a le località ca osce a die formane stu comune: Antoliva, Fondotoce, Intra, Pallanza, Suna e Trobaso, pe 'nu totale de quattre aggenzie de recapite (Fondotoce, Intra, Pallanza e Trobaso).
'Nfatte jndr'à le ediziune d'u volumne CAP apprime d'u 1997 'a diciture Verbania non g'ere proprie cenzite.

Pe le capelueche de provinge cu cchiù CAP esisteve pure 'nu CAP generiche ca tenève le urteme doje numere a 00 (pe esembie 'u CAP genereche de Rome ere 00100, quidde de Melane 20100); avenève ausate solitamende pe l'ufficie cendrale locale e pe l'inoltre de corrispondenze a granne utenze (ministere, granne industrie, ecc.) A state tuttavie abolite cu l'urtema riforme, ca parte da 'u 20 settemmre 2006.

Le capelueghe de provinge cu 'u CAP ca depenne da 'u stradarie sonde: Angone, Bari, Bergàme, Bologne, Brescia, Cagliari, Catania, Firenze, Genova, La Spezia, Livorno, Messina, Melane, Napule, Padova, Palermo, Perugge, Pescara, Pisa, Reggio Calavrie, Rome, Salerno, Torino, Trieste, Venezia, Verbania, Verona.

Jndr'à l'otre state esistene codece postale: ZIP code jndr'à le State Aunìte d'Americhe, numere postale d'avviamende in Svizzera, codece postale inderne jndr'à Repubbleche de San Marino, postcode jndr'à 'u Regne Aunìte, PLZ jndr'à le paise de lènga tedesche (jè 'a sigle ca ause pure Poste 'Tagliàne jndr'à le module bilènghe pe l'ufficie postale d'a Provinge Autonome de Bolzano) ecc.

Le codece de Avviamende Postale onne state reformate jndr'à 'u settemmre 2006 e 'a reforme ha trasute in vigore 'u 20 settemmre 2006. 

Le cangiaminde onne reguardate prengepàlmende:

Avène presendate 'na tagelle ca tène le CAP de le 110 provinge tagliàne (combrese a Valle d'Aosta e chidde de nova costituzione, escludenne le ttre provinge ca onne essere attivate), d'a Repubbleche de San Marino e d'a Cetate d'u Vaticano (ca facene parte d'u sisteme postale 'tagliàne). 'A tagella jè aggiurnate a 'a Revisione CAP d'u 2010 e jè arrengàte pe numere de codece postele.

(*) In Sardegna onne state istituite jndr'à 'u 2005, 4 provinge nuève e onne state cangete le confini di chidde ca esistevene.
'A riforma d'u CAP ha formalizzate le sigle postale nuève ma 'a suddivisione de le Codece Postale respecchie angore 'a vecchia suddivisione amministrative cu le 4 provinge.
Jndr'à 'u decemmre 2006 cu na nota d'u Departemende d'a Funziona Pubbleche d'u Consiglie de le Ministre e d'u Ministere de l'Economia e de le Finanze onne state definite le sigle 'dentificative definitive de le provinge nuève cangianne 'a sigle d'a Provinge d'u Medio Campidano da MD a VS.

Pure ca 'u numere de le provinge tagliàne osce a die jè superiore a 100 (110 provinge operative) non g'onne state ausate tutte le codece numerece p'u CAP. Precisamende osce a die non g'avènene ausate 'u 49xxx, 'u 68xxx, 'u 69xxx, 'u 77xxx, 'u 78xxx, 'u 79xxx e 'u 99xxx. 'U codece 59xxx, già ausate, ha state assignate a 'a Provinge de Prato jndr'à l'anne '90.

'U Pringipate de Monaco, ca jè parte d'u sisteme postale frangese jè identificate cu 'nu codece sulamende 'u MC-98000.
Malta ause 'nu sisteme postale autonome, fatte sus a 'u modelle di quidde brittanneche.

Doje località tagliàne ca sonde sede de ufficie postale d'a Poste Svizzera tènene a parte a 'u CAP tagliàne pure 'u codece NPA d'a Svizzera:

Le sede e l'organizzaziune militare d'u Regne Aunìte in Itaglie tènene, apparte a 'u CAP sciugrafeche tagliàne, pure 'nu codece postale dedicate da 'u servizie postale militare brittanneche, ca se chiame British Field Post Office (BFPO):




#Article 106: Numere (1228 words)


'Nu numere ète n'entità astratte ausate pe descrivere 'na quanditate eppure 'na posizione jndr'à 'n'elenghe de eleminde. Le numere sonde generalmende descritte cu l'aijute de le cifre, asseconde 'nu sisteme de numerazione.

Le numere ponne essere manipolate cu le quattre operaziune fondamendale, somma, sottrazione, moltiplicazione e divisione. 'U studie de le proprietà de chìste operaziune jè parte de l'algebra elemendare.

Stonne 'nu sacche de tipe de numere. Chìdde ca sonde ausate de cchiù de tutte sonde le numere naturale { 1, 2, 3... } ca avènene ausate pe cundà e 'u sione ète 'a lettera N. 

'A presenze d'u zero 'mbra le numere naturale depènne d'a a convenzione scacchiate. 'U zero jè comungue previste da le assiome de Peano.

Ce s'introduce 'a differenza de segne e 'u zero, destinguenne 'mbra numere posetive e numere negative, s'ottenéne le numere 'ndere ca ausene cumme sione 'a lettera Z. (esembie -1, -10, +5, +6)

Ce le numere 'ndere avénene ausate pe definì 'nu rapporte s'avene le numere raziunale, cioè ca se ponne scrivere ausanne 'na frazione (ratio jndr'a 'u latino). L'inzieme de tutte le numere raziunale ausane cumme sione 'a lettera Q. 

(esembie 1/4, 3/9, 10/11)

Le numere raziunale non ge cumbrendene tutte le numere ca se ponne esprimere cu 'a virgola.
Stonne certe numere cu 'nu numere ca non ge spicce de cifre decimale no periodiche, ca no ge ponne essere scritte cumme 'na frazione di doje 'ndere: pe esembie,  (pi greche), . Ste numere avènene ditte irraziunale, purcé no se ponne pigghià da le fraziune.

L'aunìone de le numere 'ndere, raziunale e irraziunale fanne crejà l'inzieme de le numere reale, ca tène cumme sione 'a lettera  R.

Doje esembie de numere reale, assaije famose sonde:

'U 'nzieme de le numere reale non g'avaste a furnì tutte le soluziune de le equaziune algebriche. Pe esembie, l'equazione
 non ge tène soluzione jndr'à 'u cambe de le numere reale, purcé jndr'à quiste 'nzieme 'u quadrate de 'nu numere jè sembre positive. Pe resolvere quiste probleme, ha state 'ndrodotte l'aunità 'mmaginarie (ca tène cumme sione 'a lettera i), accussì avène . Stu numere non g'appartiene a l'nzieme de le numere reale, ma a quidde de le numere comblesse.

'A soluzione de le equazione addò cumbàrene radice quadrete de numere negative ète possibbile cu l'indroduzione de le numere comblesse. Sonde granenezze ca pe essere definite tènene abbesogne de coppie de numere riele. 'U 'nzieme C de le numere comblesse tène cumme elemende z. Ogne numere comblesse z ète furmete da 'na coppia de numere riele: z = (a,b). 'U prime numere a forma 'a parte d'u comblesse ca se chiame parte riele e 'u seconde numere b serve p'a parta 'mmaginaria.

'A caratteristica de le numere comblesse jè 'u mode a cumme se operesce tra loro: (a,b)+(c,d)= (a+c,b+d);  (a,b)x(c,d)= (ac-bd, ad+bc). Accussì 'u numere (0,1) = i c'avène multiplicate pe se stesse deje (0-1, 0+0) = -1.  

Le siune ca 'ndichescene l'nzieme ca onne state descritte speese avèene scritte in grascette, accussì:

Le numere comblesse onne state pure spannute, avènne le quaternione, ma 'a moltiplicazione de le quaternione non ge tène 'a proprietà commutative.

Le ottonione, pure loro, spannène le quaternione, ma sta vode, se perde 'a proprietà associative. Propriamende, l'unece sisteme associative cu dimenzione finita a parte le numere riele sonde le quaternione e le numere comblesse.

Le numere prime, so chidde numere ca sò divisibbele sulamende pu numere 1 e pe lore stesse.
Sotte puè leggere 'n'elenghe de le numere prime mbonde a 'u 29.

L'uneche numere prime ca jè pari jè 'u numere 2, tutte l'otre numere prime sonde sembre dispari.

Le numere onne essere distinde da 'u loro nome ca avèe ausate pe 'ndicà le numere, siccome ca le numere sonde de le cuncette e pure ca le nome ausate jndr'à le lènghe cangene, le cuncette remànene sembre le stesse.

'A notazione de numere cumme serie de cifre jè definita da le Sisteme de numerazione. Le popolaziune quasi sembre associane a de le numere ausate assaje assaje de le nome particulere, a parte chidde ausate da 'u sisteme de numerazione, assaje vode chiste nome sonde ausate jndr'à condeste precise precise, 'nu classiche esembie ète 'a dozzina.

L'urteme sviluppe d'a teoria de le numere onne state le numere iperriele e le numere surriele, ca estennène le numere riele da le numere infiniteseme fine a sce spiccià a le numere infinitamende granne ausanne l'inserimenti. Mendre ca le numere riele sonde infinitamende prolungabbili a destra d'u punde decimale, se pò pure pruvà a spannère le numere a sinistra in mode infinito, e quiste porte a le numere p-adici.
Pe gestì de le 'nzieme infiniti, le numere naturale onne state generalizzete jndr'à le numere ordinele e jndr'à le numere cardinele.
'U prime 'nzieme avène ausate pe definì l'ordene d'inserimende de le 'nzieme 'u seconde definisce 'u formete d'inserimende. Jndr'à 'u case d'nzieme infiniti sonde auguale.

Le operaziune aritmeteche sus a le numere sonde addizione, sottrazione, moltiplicazione e divisione, chiste operaziune sonde generalizzete jndr'à na vanne de l'algebra ca se nnomene algebra astratta, ca condiene le cuncette de gruppe, anidde e cambe.

Jndr'à 'nu sacche de culture 'a rappresentazione grafiche de le numere jp assaje assemigghiande, le numere une, doje e ttrede de le andiche romane erene scritte cumme I, II, III (numere romane).

Le cenise ausavene 'na notazione ca s'assemegghije, cu le cifre in orizzondele, o in vertichele, ma a 'u condrarie de le romane ausavene 'nu sisteme posizionele, ca s'assemegghje a quidde d'ôsce die, cu le cifre da 0 a 9.
Le numere, ditte tsu o hêng, cangiavene oriendamende a seconde d'a posizione: | = | ere 121, - || - ◦ ere 1210.

Le tsu erene vertichele, le hêng orizzondele, le numere sus a 'u cinghe avèrene 'na bacchette ca ere perpendicolere a l'ôtre.
'U sisteme ere 'mbieghete cu le bacchette p'u calchele, ca le cenise ausavene cu na velocità 'mbressionande ca se stupivene pure le prime missionarie nestoriani.

Però, non ge steve nu signe univoco pe definì 'u quattre tra le romane, 'nvece pe le cenise ere ||||. Le romane ausavane 'na notazione a sottrazione: cioé discevene ca 'u quattre era 'na V (cinghe) cu 'nnanze 'a I (une). 'A lettera I c'avenève mise 'nnanze a 'u cinghe (V) vulè ccu deceve ca ste sottraemme une a cinghe accussì avenève quattre (IV).

Assignanne 'nu simbele particulere a 'u cinghe asséve 'nu belle vandaggie andropomorfiche, 'a màne tène cinghe diciete e steve pure 'nu mutive scunnute ca mettève 'nmienze 'u cervidde nuestre. Le psicologi onne demustrate ca 'u cervidde nuestre tèene difficoltà a distinguere cchiù de cinghe simbele vecine: 'nfatte pruvate cu 'u sguarde a dicere ci è cchiù granne 'mbrà ||||||||| o |||||||||||; è cchiù semblice dicere c'u screvime cumme IX e X.

'U sisteme aduttete osce die in Europa jè 'u sisteme de numerazione decimele, ditte pure de numerazione araba, ca in realtà avène da l'India, e quasi certamente avène da 'u numere corsive egiziene, ca se chiamavene le numere copti. 'A cifra 1 jè assaje assemigghiande a 'u simbele romane, 2 e 3 'nvece sonde variande d'u stesse simbele ca consende de scrivere le numere senza c'amma azaje 'a penne e quindi consendene 'na scrittura veloce veloce però cunzervene sembre l'idea de 'na linea orizzondele, 'nvece cu 'u simbole 4 'a corrispondenze se perde.

Certe numere onne parole ca le idendifechene, sotte iacchie 'n'elenghe de le parole cchiù famose:




#Article 107: Sardèdde (185 words)


'A sardèdde (nome sciendifiche Sardina Pilchardus Sardina - tagliàne Sardina) ète 'nu pésce d'a famigghie de Clupeidi, se ne iacchiane assaje jndr'à 'u màre Mediterraneo ma pure jndr'à l'ôtre màre temperate d'u globe.

Otre nome da sardèdde ète falloppe.

'A sardèdde tène 'u cuèrpe a forme de ueve cu 'a carena picca picche sviluppate, 'a vocche stè 'a 'u cendre.

Tutte 'u cuèrpe, luate 'a cape, ète cuverte de scàme.

Tène le fianghe e 'a vendra viànghe, 'u dorse ète vèrde-azzurre. Pò essere luènghe 'mbonde a 20-25 cm.
Ause 'a pinna dorsale e quèdda caudale pe natà.

'A sardèdde, cumme l'ôtre specie de le Clupeidi, face migraziune orizzondale e verticale. 'A primavére, da 'u funne d'u màre, 'nghiane sus 'a superficie e s'avvecine 'a costa pe chiandà l'ove. Certe vote stè vecine 'a costa pe tutte l'anne. 'A pèsche se face soprattutte 'mbra le mise de marze e settemmre, cu le rezze a strasciche, da poste o cu chìdde de circuizione, certe vote facene avvenè le pìsce cu 'a luce artificiale.

Càrne saporite, presciate, tanda frische ca se ponne preparà sott'uegghie o sotte 'u sàle.




#Article 108: Alose (257 words)


L'Alose (nome scientifico Alosa Fallax Nilotica - tagliàne Alosa) ète 'nu pésce da famigghie de Clupeidi, se ne iacchiene assaje jndr'à 'u màre Mediterraneo ma pure jndr'à l'ôtre màre temperate d'u globe.

'U nome vulgare Alose pò essere riferite jndr'à 'u genere sulamende a quacche specie, in particolere all'Alose alose (e certe vote pure a l'Alose fallax).

Le pìsce de stu genere arrivene fine a 40-50 cm de lunghezze.
Sus a 'u dorse tène 'u colore azzurre o vèrde e azzurre, de late e sus 'a vendre jè argenteo.

'u genere cumbrenne 'nu sacche de specie, quasi tutte marine. Esistene pure specie d'acqua dosce , cumme a l'Alose agone, e 'nu sacche de specie marine (cumme a l'Alose alose) ponnè 'nghianà le fiume pe lunghe stuezze.

Quedda c'avène mò jp 'na liste de le specie de alose ca se iacchjene jndr'à 'u munne.

'Mbrà le specie ca non ge stonne in Italie, jè assaje apprezzete pe quand'è bbone de carne 'a specie nordamericana Alose sapidissima.

'Nu cendre speciele de differenziazzione de le specie de Alose se iacchje intorno all'area d'u Màre Gnure e d'u Màre Caspio, addò se iacchjene ninde ninde 'na duzzine de specie endemiche.

L'alose vive jndr'à 'u màre, ma quanne arrive a primavere all'epoca d'a riproduzione, 'nghiene per 'nu belle picche de strade, 'u corse de le fiume e proprie addà durende 'a mundata ca forme oggette de intensa pèsche cu le ualanze e cu l'otre rezze.

Carne bbone, ca no tutte l'apprezzene a 'u stesse mode. So megghje chidde peschete jndr'à l'acqua dosce.




#Article 109: Alìce (271 words)


LAlìce (nome scientifico Engraulis encrasicolus - tagliàne Alice o Acciuga) ète 'nu pésce da famigghie de le Engraule, se ne iacchiene assaje jndr'à 'u màre Mediterraneo ma pure jndr'à l'ôtre màre temperate d'u globe.

Cuèrpe slangiete, ca tène le scàme caduche, le pinne vendrele stonne rete 'a le pinne pettorele e cu 'na pinna dorsele, ca tène le raggie molle molle e muse breve. Le pinne pettorele sonde normale e manga 'a pinna adipose. 'A pinna caudale jp forcuta. Quiste 'nzieme de caratteristeche jè proprie de le pìsce teleostei cu le pinne vendrele addominele e ca formene a famigghie de le engraule.

L'alìce jè diverse da l'otre pìsce clupeidi purcè tène 'a mascella 'nferiore cchiù breve d'a superiore.
'U culore jè vèrde azzurre, e le fianghe e 'a vendre sonde d'argende, lunghe le fianghe stè 'na linea marrone. L’acciuga è longhe cchiù o mene 15-18 cm fine a 'nu massime di 20 cm.

L'alìce cambe in profondità. 'A primavere, s'avvecine, in branchi certe vote numerose assaje, a coste per lassà l'ove. 'A pèsche è bella chiena da màrze a settemmre. Questa se face cu le rezze a strasciche, da poste, o cu le rezze de circuizione, calate a profondità deverse atteranne le pisce cu le luce o cu na pasta fatta a base de caure che, jndr'à certe località avène ausete pe fa scattà le rezze.

Carne bella gustose, ca se conzumene frische o salate. Cu 'u sucche de l'alìce salate e combresse se fece 'na salsa da leccarte le baffe, cumme quedda ca facevene l'andiche romane, 'u garum.
L'alìce salate se ponnè ausà pe cucinà a pasta cu le rape.




#Article 110: Rennenèdde (197 words)


'A Rennenèdde (nome scientifico Cypsilurus Rondeleti - tagliàne Rondinella) ète 'nu pésce da famigghie de Clupeidi.

Le pìsce de stu genere arrivene fine a 20-40 cm de lunghezze.
Seconne ragge superiore de le pinne pettorele semblice. 'U dorse jè de culore grigge e bluastre, 'a vendre è argentea.
Le pinne pettorele sonde de culore grigge plumbeo marginete de vianghe, le pinne vendrele sonde de 'nu culore vianghe-azzurrine.
'U granne sviluppe ca onne avute le pinne pettorele cunsende all'anemale de zumbà fore dall'acque e de vulaje pe 200-300 metre prime cu se tuffe n'otra vote jndr'à l'acque.

'A Rennenèdde jè nu pesce pelagiche ca, in granne numere, certe vote, se iacchje jndr'à le màre de l'Italie meridionele.
'A putenze de vole ca tene le dè 'na màne quanne addà scappaje da 'a caccia de le nemici acquatece. 'A catture avène eseguita durante le mise de l'estate, cu le rezze de circuizione e da poste.

Carne discrete pure ca non g'avènene ricerchete, stè però ce penze ca ste carne sonde delicate assaje e de sapore ca te puà alliccà le baffe. Jndr'à certe poste, le rennenèdde cu le granne pinne pettorele artatamende ridotte, avènene, cu l'inganne, vennute pe traule.




#Article 111: Luzze (140 words)


'U Luzze (nome scientifico Scomberesox Saurus, tagliàne Luccio) jè 'nu pésce da famigghie de lEsocidae

Cuerpe allunghete, fusiforme, prolunghete dannanze cu 'nu becche peccine peccine, jdde non g'è luenghe assaje e jè sottile. Tène 'a mascèdde superiore cchiù strette de quedda 'nferiore e jè armete de dinde peccine.
Rete a le pinne dorsele e anale sonde presende 5-7 pinnule. 'A vanne de sotte de le pinne pettorele jè presende 'na macchia azzurre scure.
'U culore du dorse jè azzurre-grigiastre, le fianghe e 'a vendre sonde argentei. Arrive fine a 'na lunghezza de 40 cm.

Cumme l'agùgghie e 'u gastaurello fece 'nu sacche de migraziune vertichele e orizzondele, e s'avvecine in branghe numerose a coste addò, jndr'à le mise autunnele, avène catturete cu le stesse struminde ausete pe catturà l'agùgghie.

Carne nu munne presciate, cunzumete frische, certe vote, avènene cunservete salate.




#Article 112: Capòzze (396 words)


'A Capòzze (nome scientifico Mugil Chepalus - tagliàne Muggine) ète 'nu pésce d'a famigghie de le Mugilidae.

Le pìsce de stu genere arrivene fine a 30-70 cm de lunghezze.
Spazie giugulare ovele, uecchje cuperte da 'na palpebra adipose a guise de vele membranose ca spicce fine a l'opercole ca limitesce 'n'orbita vertichele. Le bochere du nase sonde lundane 'mbrà lore. 'U dorse jè grigie scure, 'a vendra vianghe - argendea, tène doje pinne dorsele e pò pesà fine a 4,5 Kg.

Le capòzze sonde pìsce ca jndr'à 'nu certe numere vonne natanne jndr'à l'acque tranguille d'a costa, specialmende vecine addò ièssene le acque doce e de scarte. Certe pìsce vivene bbuene pure jndr'à lagune, jndr'à l'acque de le laghe costiere e de le fiume ca 'nghianane pe belle tratte de strade.
Le capòzze se peschene jndr'à tutte l'anne, ma soprattutte jndr'à le mise d'a primavere e jndr'à chidde de l'autunne, specialmende jndr'à le sciurnate addò face cavede de scirocche e apprìsse le chiogge, le maresciate e jndr'à l'acque 'nzevate.
Se pigghene cu 'a lènze, cu le nasse, cu le rezze quadre (mugginarie e ualanze nnande 'a foce d'u fiume), e cu le rezze da poste (uscapiete, cannete, tramegghie) eppure cu le rezze a strasciche e cu 'a focene, sulamende c'avènene richiamate cu 'na luce. S'ause 'nnescà l'ame o l'angorette d'a lènze cu 'a paste fatte de molliche de pane e furmagge gorgonzole. 'A sardèdde fresca fresca, fatte 'a lènze lènze jè na bbona esca.
Pe fà avvicinà le pìsce s'ause 'u brumeggie ca se face cu 'a molliche de pane vagnate, furmagge gorgonzole e pìsce (aringhe o sardèdde). 'A poltiglie ca iesse fòre avène scettate jndr'à 'u màre a picche picche.
'A pesche sotto a l'acqua pò essere assaje ce 'u cefale avène pigghjete 'a securdune, specialmende quanne jidde s'avvicine a 'u funne pe sce mangianne. Ce l'animale, avène scandate, fusce cumme 'a na saette e sparisce 'nnande a l'uecchie. 'A catture avène ajutate ce 'a focene ha squasciate le vanne vitale (cervidde, core, colonna vertebrele) ce nò 'u pesce c'avène pigghjate sus 'a vendre, tande jè forte ca azzecche e se ne vè.

'Mbrà tutte le muggene, queste jè 'a cchiù presciete purcè tène le carne tueste e sapurite assaje. Cu le ove salete se fanne le bottarghe.
So megghje le carne peschete jndr'à 'u màre ca chidde peschete jndr'à l'acque salmastre cumme a lagune.




#Article 113: Vrìchene (363 words)


'U Vrìchene (nome scientifico Mugil Capito - tagliàne Cefalo Calamita) ète 'nu pésce da famigghie de le Mugilidae.

Le pìsce de stu genere arrivene fine a 30-50 cm de lunghezze.
Spazie giugulare ovele, le uecchje non ge tènene 'a palpebra adipose. Orbite circulere piccenne. 'U muse jè depresse e larje. Le bochere d'u nase sonde vecine 'mbrà lore. L'opercoli sonde senza macchia gialla. 'U dorse jè brune cu le riflesse de metalle, 'a vendre jè grigie argendea.

Le vrìchene sonde pìsce ca jndr'à 'nu certe numere vonne natanne jndr'à l'acque tranguille d'a costa, specialmende vecine addò ièssene le acque doce e de scarte. Certe pìsce vivene bbuene pure jndr'à lagune, jndr'à l'acque de le laghe costiere e de le fiume ca 'nghianene pe belle tratte de strede.
Le vrìchene se peschene jndr'à tutte l'anne, ma soprattutte jndr'à le mise d'a primavere e jndr'à chidde de l'autunne, specialmende jndr'à le sciurnete addò fece cavede de scirocche e apprìsse le chiogge, le maresciate e jndr'à l'acque 'nzevete.
Se pigghene cu 'a lènze, cu le nasse, cu le rezze quadre (mugginarie e ualanze nnande 'a foce d'u fiume), e cu le rezze da poste (uscapiete, cannete, tramegghie) eppure cu le rezze a strasciche e cu 'a focene, sulamende c'avènene richiamete cu 'na luce. S'ause 'nnescà l'ame o l'angorette d'a lènze cu 'a paste fatte de molliche de pane e furmagge gorgonzole. 'A sardèdde fresca fresca, fatte 'a lènze lènze jè na bbona esca.
Pe fà avvicinà le pìsce s'ause 'u brumeggie ca se face cu 'a molliche de pane vagnete, furmagge gorgonzole e pìsce (aringhe o sardèdde). 'A poltiglie ca iesse fòre avène scettate jndr'à 'u màre a picche picche.
'A pesche sotto a l'acqua pò essere assaje ce 'u cefale avène pigghjete 'a securdune, specialmende quanne jdde s'avvicine a 'u funne pe sce mangianne. Ce l'animele, avène scandete, fusce cumme 'a na saette e sparisce 'nnande a l'uecchie. 'A catture avène ajutete ce 'a focene ha squasciete le vanne vitale (cervidde, core, colonna vertebrele) ce nò 'u pesce c'avène pigghjete sus 'a vendre, tande jè forte ca azzecche e se ne vè.

Le carne sonde tueste ma senza sapore. Jè nu munne megghje 'a Capòzze.




#Article 114: Vrànze (342 words)


'U Vrànze (nome scientifico Mugil Auratus - tagliàne Cefalo Dorato) ète 'nu pésce da famigghie de le Mugilidae.

Le pìsce de stu genere arrivene fine a 20-45 cm de lunghezze.
Spazie giugulare ovele, le uecchje tènene 'a palpebra adipose terra terra ca limitesce l'orbite circulere piccenne. Le bochere d'u nase sonde vecine 'mbrà lore. L'opercoli sonde cu 'na macchia gialla. 'U dorse jè grigie scure, 'a vendre jè argendea.

Le vrànze sonde pìsce ca jndr'à 'nu certe numere vonne natanne jndr'à l'acque tranguille d'a costa, a differenze de l'otre tipe de muggine, a 'u vrànze le piace l'acqua salate. 
Le vrànze se peschene jndr'à tutte l'anne, ma soprattutte jndr'à le mise d'a primavere e jndr'à chidde de l'autunne, specialmende jndr'à le sciurnete addò fece cavede de scirocche e apprìsse le chiogge, le maresciate e jndr'à l'acque 'nzevete.
Se pigghene cu 'a lènze, cu le nasse, cu le rezze quadre (mugginarie e ualanze nnande 'a foce d'u fiume), e cu le rezze da poste (uscapiete, cannete, tramegghie) eppure cu le rezze a strasciche e cu 'a focene, sulamende c'avènene richiamete cu 'na luce. S'ause 'nnescà l'ame o l'angorette d'a lènze cu 'a paste fatte de molliche de pane e furmagge gorgonzole. 'A sardèdde fresca fresca, fatte 'a lènze lènze jè na bbona esca.
Pe fà avvicinà le pìsce s'ause 'u brumeggie ca se face cu 'a molliche de pane vagnete, furmagge gorgonzole e pìsce (aringhe o sardèdde). 'A poltiglie ca iesse fòre avène scettate jndr'à 'u màre a picche picche.
'A pesche sotto a l'acqua pò essere assaje ce 'u cefale avène pigghjete 'a securdune, specialmende quanne jdde s'avvicine a 'u funne pe sce mangianne. Ce l'animele, avène scandete, fusce cumme 'a na saette e sparisce 'nnande a l'uecchie. 'A catture avène ajutete ce 'a focene ha squasciete le vanne vitale (cervidde, core, colonna vertebrele) ce nò 'u pesce c'avène pigghjete sus 'a vendre, tande jè forte ca azzecche e se ne vè.

'Mbrà tutte le muggene, queste è quedda ca tène le carne cchiù preggiete. Le carne sonde tueste e sapurite assaje.




#Article 115: Cèfale pezzute (359 words)


'U Cèfale pezzute (in tagliàne Cefalo verzelata o Cefalo musino) - (nome scendifiche: Liza saliens) ète 'nu pesce d'a famigghie de le Mugilidae.

Le pìsce de stu genere arrivane 'mbonde a 20-40 cm de lunghezze.
Uecchje senze 'a palpebra adipose. Muse assottigliate nnande, vocca piccenne. Le narice sonde avvicinate 'mbrà lore. Le opercole cu 'nu sbuenne de macchie dorate. 'U dorse, grigge scure e a vendre de colore argende. Le fianghe tènene le linèe longtudinale azzurrastre.

Le cèfale pezzute sonde pìsce ca jndr'à 'nu certe numere vonne natanne jndr'à l'acque tranguille d'a costa, specialmende vecine addò ièssene le acque doce e de scarte. Certe pìsce vivene bbuene pure jndr'à lagune, jndr'à l'acque de le laghe costiere e de le fiume ca 'nghianane pe belle tratte de strade.
Le cèfale pezzute se peschene jndr'à tutte l'anne, ma soprattutte jndr'à le mise d'a primavere e jndr'à chidde de l'autunne, specialmende jndr'à le sciurnate addò face cavede de scirocche e apprìsse le chiogge, le maresciate e jndr'à l'acque 'nzevate.
Se pigghene cu 'a lènze, cu le nasse, cu le rezze quadre (mugginarie e ualanze nnande 'a foce d'u fiume), e cu le rezze da poste (uscapiete, cannete, tramegghie) eppure cu le rezze a strasciche e cu 'a focene, sulamende c'avènene richiamate cu 'na luce. S'ause 'nnescà l'ame o l'angorette d'a lènze cu 'a paste fatte de molliche de pane e furmagge gorgonzole. 'A sardèdde fresca fresca, fatte 'a lènze lènze jè na bbona esca.
Pe fà avvicinà le pìsce s'ause 'u brumeggie ca se face cu 'a molliche de pane vagnate, furmagge gorgonzole e pìsce (aringhe o sardèdde). 'A poltiglie ca iesse fòre avène scettate jndr'à 'u màre a picche picche.
'A pesche sotto a l'acqua pò essere assaje ce 'u cefale avène pigghjete 'a securdune, specialmende quanne jidde s'avvicine a 'u funne pe sce mangianne. Ce l'animale, avène scandate, fusce cumme 'a na saette e sparisce 'nnande a l'uecchie. 'A catture avène ajutate ce 'a focene ha squasciate le vanne vitale (cervidde, core, colonna vertebrele) ce nò 'u pesce c'avène pigghjate sus 'a vendre, tande jè forte ca azzecche e se ne vè.

Le carne sonde bbuène, sonde tueste e saporite.




#Article 116: Càneluènghe (133 words)


'U Càneluènghe (nome scentifiche Mugil saliens) ète 'nu pesce da famigghie de Mugilidae.

Le pìsce de stu genere arrivene fine a 20-40 cm de lunghezze
Spazie giugulere ovele. Uecchje prive de palpebre grasce. 'U muse jè assottigliete nnande, 'a vocche jè piccenne. Le narice sonde avvicinete 'mbrà lore. L'operchele tènene 'nu sbuenne de macchie dorete. 'U dorse jè grigge scure, 'a vendre jè argendea e le fianghe tènene linee longitudinele azzurrastre.

Assaije assomigliande a 'u Cefale dorete a 'u punde da essere quase quase indistinguibbile presende però certe caratteristiche ca sonde differende:

L'uniche carattere secure de recanuscemende però conziste jndr'à l'osservà 'u numere e 'a forme de particolere de le organi inderne.

S'assomigghiescene a chidde d'a Capòzze (o Mugil cephalus)

Le carne so bbuene e sonde belle tueste e cu 'nu belle sapore.




#Article 117: Curnäle Cäpekiàtte (139 words)


'U Curnäle Cäpekiàtte (nome scientifico Atherina Hepsetus L.) ète 'nu pésce piccinne de acqua doce d'a famigghie de le Atherinidae.

Le pìsce de stu genere arrivene fine a 15 cm de lunghezze.
'U Curnäle Cäpekiàtte tène 'nu muse prominende, 'u dorse jè grigge pundeggiete de gnure, 'a vendre jè vijanghe, le fianghe cu 'na fasce argendea senze pundeggiatura gnora.

Le Curnäle Cäpekiàtte cambene sus a le fundele fangose e arenose vicine 'a coste addò, 'nu sacche de vote, se iacchiene jndr'à 'nu belle numere. Se peschene durande tutte l'anne, ma specialmende jndr'à le mise estive, cu le rezze a strasciche o cu le rezze de circonzione stennute indorne a 'na sorgende luminosa.

Le carne sonde de scarse preggie, apposte apposte le Curnäle Cäpekiàtte avènene confuse e mischiete cu le Engraulis pure ca se distinguescene purcè tenene le pinne dorsele.




#Article 118: Alozza (211 words)


LAlozza (nome scientifico Sphyraena Sphyraena - tagliàne Luccio di Mare) ète 'nu pésce da famigghie de Spiraneide. Se iacchije jndr'à coste atlandiche da 'u Gurfe de Guascogna a totte 'a coste africane, eppure jndr'à 'u Mar Mediterranèe e jndr'à 'u Mar Gnure.

Le pìsce de stu genere arrivene tènene 'na lunghezza medie de 30-50 cm ma stonne certe esemblere ca spiccene 'mbonde a 1 metre.

L'alozza tène 'u cuerpe allunghete, fusiforme, cu 'a cape ca vè spicce jndr'à 'nu muse luenghe e stritte. 'A vocche jè armete de robbuste dinde aguzze; 'a mascelle 'nferiore cchiù longhe de quedda superiore; tène le pinne d'a vendre e addominele, doje pinne dorsele ca sonde lundane 'mbrà lore. 'A seconda pinne dorsele uguale e opposte a quedda anale. 'A pinne d'a code jè biforchete.

Lalozza vive sus a le funne de sabbie e detritice addò se pesche, duranne tutte le mise de l'anne, ma specialmende jndr'à le mise estive, cu le rezze a strasciche, da poste e de circuizione, sembre ca apprime s'addà ausà 'na fonde luminose. 'A pesche, fatte cu le lenze de superficie e de profonnetà, jesse attraende p'a granne attività e 'a granne voracità d'u luzze de mare.

Le carne sonde vijanghe, tenere, bbone, pure ca no tutte le cristiàne le piaccene.




#Article 119: Trègghie de scuègghie (266 words)


'A Trègghie de scuègghie (nome sciendifiche Mullus surmuletus Linnaeus, 1758 - tagliàne Triglia di scoglio) ète 'nu pésce d'a famigghie de le Mullidae.

Le pìsce de stu genere arrivane 'mbonde a 20-25 cm de lunghezze.
Mullide cu 'u muse allungate e cu 'a cape cu 'nu profile 'nu picche oblique. 'A prima pinne dorsale jè listate da doje fasce russe cchiù o mene scure. 'U culore d'u dorse jè russe; quidde de le fianghe jè cchiù roseo cu ttre o quattre strisce longitudinale gialle; quidde d'a vendre jè vianghe.
Otra caratteristiche d'a trègghie de scuègghie sonde le dinde ca se iacchiane jndr'à vanne de vasce d'a vocche, cioè addò stè 'a mandibbole.

Le fèmmene de sta specie sò cchiù luènghe de le maschele.

'A trègghie de scuègghie cambe sus a le funne cu le rocce e 'mbrà le scuègghie jndr'à 'na profondità de 70 - 80 metre. Se pesche duranne tutte l'anne cu le rezze da poste, cu chidde a strasciche e pure cu le nasse e le lenze.

'A pesca sportive, fatte cu 'u fucile, jesse difficile pe le dimenziune d'u pesce ca ète 'nu bersaglie piccinne. Ce 'u colpe avène sbagliate, o 'a presenze d'u pescatore jè avvertite da 'u pesce, quiste se ne fusce veloce veloce e sparisce 'mbacce a l'uecchie. Le uagnune avènene pescate jndr'à le mise de l'estate vicine a 'a coste cu le rezze radende.

Le carne sonde tueste e profumate, de qualità superiora a quidde d'a trègghie de fànghe. Pe fà esaltà 'u culore russe vive d'u pesce, le pescature ausane luarle le sckame subete apprisse ca l'onne pigghiate.




#Article 120: Trègghie de mògghie (160 words)


'A Trègghie de mògghie (nome sciendifiche Mullus barbatus - tagliàne Triglia di fango) ète 'nu pésce d'a famigghie de le Mullidae.

Le pìsce de stu genere arrivane 'mbonde a 20-25 cm de lunghezze.
Mullide cu 'u muse allungate e cu 'a cape cu 'nu profile assaije oblique, quase verticale. 'A prima pinna dorsale manghe de le macchie scure. 'U culore russe ca vè cchiù sus a 'nu roseo; sus 'a vendre stè 'nu culore argendeo. Mangane le linèe longitudinale gialle sus a le fianghe.

Sta specie ha state classificate jndr'à doje sottospecie diverse:

'A Trègghie de mògghie cambe sus a le funne de mògghie e cu le detrite 'mbonde a 'na profondità de 200 metre cchiù o mene. Se pesche tutte l'anne cu le rezze radende. Duranne le mise da sciugne a aguste avènene raccolte, certe vote pure jndr'à quantità straordinarie, le uagnune cu le rezze radende.

Carne de qualità 'a uerre proprie ma mene apprezzate d'a trègghie de scuègghie




#Article 121: Pèrchie (123 words)


'A Pèrchie (nome sciendifiche Serranus Cabrilla - tagliàne Perchia, Sciarrano comune) ète 'nu pésce d'a famigghie de le Serranidae.

Le pìsce de stu genere arrivane 'mbonde a 15-25 cm de lunghezze.
Percide cu pinna dorsale uniche. Preopercolo dendellate a eccezzione d'u margine 'nferiore. Mascedde uniforme nude. 'U culore ète generalmende rossastre cu fasce verticale russe ca vonne da 7 a 9 e 3 fasce longitudinale giallastre.

'A Pèrchie ète assaije frequende 'mbrà le scuègghe litorale e se iacchiane a 'na profondità de 30-50 metre e pure cchiù sotte, addò avène pescate, duranne tutte le mise de l'anne, ma specialmende jndr'à le mìse d'a staggione, cu le lenze, cu le nasse e cu le rezze a strasciche.

Carne buenne ma non ge valene assaije




#Article 122: Settìne (122 words)


'A Settìne (nome sciendifiche Serranus hepatus - tagliàne Sciarrano epato, Serrano epato) ète 'nu pésce d'a famigghie de le Serranidae.

Le pìsce de stu genere arrivane 'mbonde a 10-13 cm de lunghezze.
Percide cu pinna dorsale uniche. Preopercolo dendellate luenghe tutte 'u margine. Culore giallastre e grige-rossicce cu cinghe fasce verticale e 'na macchia gnore sus a le ragge muelle d'a pinna dorsale.

'A settìne vive a de le profonnetà variabbele da 10 a 100 metre sus a 'u funne fangose, arenose e rocciose, addò se pesche, specialmende duranne le mise d'a staggione, cu le rezze a strasciche eppure cu le nasse.

'U pregie alimendare de le carne sue non jè assaije. 'Nu sacche de vote se iacchie mmienze a le scurcele.




#Article 123: Spìne (214 words)


'A Spìne (nome sciendifiche Dicentrarchus labrax - tagliàne Spigola o Branzino) ète 'nu pésce d'acque salate d'a famigghie de le Serranidae.

Tène 'nu cuerpe luènghe, leggermende combresse e co 'nu peduncule caudale ìrte assaje. 'A cape jè robuste e termine cu 'n'ambie vocche munite de 'nu munne de dende piccenne ca 'a Spìne ause pe pigghiare e 'ngoiare prede de grannezze superiore a 'u 45% d'u cuerpe soje.
 
Tène dò pinne dorsale distinde 'mbrà lore, a differenza de le otre specie appartenende a la famigghie de le serranide, ca ne tènene une sule.

'A Spìne vive jndre acque temberate d'u Mediterranee, Mar Gnure e Atlàndeche oriendale (d'a Norveggie a 'u Senegal) generalmende in acque costiere e quacche vote fine a 'nu cendinaie de metre de profunnetà.
Stè sus a ogne tipe de funnale, da quidde rocciuse a le praterie de Posidonia oceanica.
Bbuen  tollerande a le cangiaminde de salinità jè 'n grade de risalire le fiume pe 'nu munne de chilometre pe cercà le prede soje.

Jè 'nu predatore principalmende notturne, mange picche pìsce, anellidi, cefalopodi e crostacei de cui jè ghiotte.

Se pesche duranne tutte l'anne cu le rezze da poste, cu chidde a strasciche e pure cu le palamite.

Le carne sonde bbuène, sonde tueste e saporite, apprezzate assaje da le pescature.




#Article 124: Curvìedde (249 words)


'A Curvìedde (nome sciendifiche Sciaena umbra - tagliàne Corvina) ète 'nu pésce d'acque salate d'a famigghie de le Sciaenidae.

'A Curvìedde tène 'nu cuerpe luènghe, combresse sus a le fianghe, cu 'a cape a punde e fronde ìrte, ca vè verse 'u luènghe peduncule caudale disegnando n'arche. 'U profile vendrale jè orizzondale. Le pinne sonde arrotunnate. 'A livrea tène 'nu culore de funne brune dorate cu riflessi argentei, pinne pelviche e pinne anale de culore gnure, cu borde vianghe anteriore. 'A pinne caudale  jè tendente a 'u gialle, gnure sus a 'u borde 'nferiore, mendre 'a pinne dorsale doppie, giallastre, jè marcate assaje. Raggiunge 'na lunghezze de cchiù de 50 centimetre.

Quèste specie jè diffuse jndr'ô Mediterranee occidentale e lunghe 'a coste atlàndiche oriendale, da 'u Canale d'a Maniche fine ad 'a Sierra Leone. Solitamende stè sus a le fundale rocciuse, da picche metre de profunnetà fine a 30; quacche vote se spinge fine a -180 metre.

Specie gregarie, tène abitudini notturne. De solite jè lenta assaje ne le movimende, capace però de scatte 'mbruvvise 'n case de besogne. Le maschie de quiste specie fanne 'nu suène simile a quidde de 'nu tammorre tramite l'aziune de muscule sus a la vesciche natatorie.

'A Curvìedde mange picche pìsce e crostacei.

Tène 'na carne bbuène e assaje saporite, e pe' quiste jè pescate in totte 'u Mediterranee e jndr'ô Atlàndeche oriendale, pure ce non g'ète molto canosciute. Jndr'à Turchie le otolite sonde ausate cumme rimedie pe' le 'nfeziune d'u tratte urinarie.




#Article 125: ISO 3166-1 alpha-2 (670 words)


'U codece ISO 3166-1 alpha-2 jè 'a vanne cchiù canusciute d'u stàndàrd ISO 3166-1.

Partenne da 'a metà de l'anne '80 le codece a doje lettere onne state ausate jndr'à le dominie indernette, addò avènene ausete pe furmà 'u codece nazione d'u dominie de levèlle jerte (TLD).
'N'eccezzione jè 'a Granne Bretagna, addò l'ICANN non ge segue 'u stàndàrd ISO 3166-1 e ausw UK 'nvece de GB.

Le doje lettere d'u codece ISO 3166-1 crejene le prime doje lettere de le codece stàndàrd ISO 4217 pe le valute.

Sonde pure ausare pe le Numere de Condo Corrente Bancarie 'Ndernaziunele (ISO 6166), jndr'à 'u Numere de Identificazione 'Ndernaziunele de le Struminde Finanziarie (ISIN ISO 7372), jndr'à l'ISO 9375, jndr'à 'u stàndàrd ISO/IEC 7501-1 pe le documende de viaggie ca ponne essere litte da le maghene, jndr'à l'UN/LOCODE (p'a codifiche de le nome de puerte e aeropuerte, ecc.), e jndr'à 'u stàndàrd WIPO ST.3 (pe codificà 'a nazione ca cerche 'nu brevette).

Le cangiaminde a l'ISO 3166-1 alpha-2 sonde tracciate da l' ISO 3166-3.

Ce 'nu codece non ge ste jndr'à liste allre pò essere ca ète 'nu codece vicchje, allore se jacchje jndr'à liste de le codece riservete o vicchje.

'A liste ca avène mò ète 'na liste comblete de le codece uffisciele a doje lettere d'u stàndàrd ISO 3166-1 alpha-2.

Le codece AA, ZZ e le codece combrese 'mbrà QM-QZ e XA-XZ ponne essere riservete pe n'uso private pe defini suddivisiune territoriale o sciugrafiche pe 'na cosa statisteche e ca non ge sonde previste da 'u stàndàrd ISO.
Eppò, OO è ausate cumme codece de escape.

Le codece reservate, sonde codece ca pure ca non ge fanne parte de le codece ISO 3166-1, avènene ausate jndr'à certe applicaziune apprisse a loro. L'ISO 3166 MA le reserve, accussì non g'avènene ausate jndr'à codece ISO 3166 uffisciele, creanne accussì uerre tra 'u stàndàrd e le applicaziune suje. 'A liste de le codece alpha-2 resèrvete osce a die jè 'a seguente:

Le reservaziune eccezziunele de le codece alpha-2, sonde reservaziune permanende purcè ausate pe mutive particolere. L'ISO 3166 MA autorizze l'ausaminde lore sole pe le mutive particolere pe le quale onne state ccrjete. Le reservaziune eccezziunele sonde:

Pure le seguendi codece erene state riservete, fine all'aggiornamende d'u 29/03/2006 ca l'ha mise jndr'à liste de le stàndàrd uffisciele:

'Na reservazione de passagge se referisce a 'nu codece ca apprime ere presende jndr'à l'ISO 3166, e ca non g'a state angore scangillete.
Arremàne accussì pe almene cinge anne, accussì a ce ause 'u codece vicchje tène timbe cu s'aggiorne pe ausà quidde nueve.
Le Reservaziune de passagge sonde:

Le reservaziune ca non ge spiccene maje de le codece alpha-2 sonde codece ausete pe identificà le veicoli seconde le Convenziune p'u traffiche stradele de le Naziune Aunìte ausete 'mbrà 'u 1949 e 'u 1968.
Ste codece sonde differende da chidde ausete jndr'à l'ISO 3166. L'ISO 3166 MA ste spere ca chiste codece avènene sostituite da le codece ISO 3166-1; però jndr'à 'u frattembe remànene pe evità conflitte 'mbrà ISO 3166-1 e le Convenziune, e pe facilitaje 'u passagge tra le codece de le Convenziune e le codece ISO 3166-1.
Le reservaziune ca non ge spiccene maje sonde:

Vide Bbuene:

Osce a die l'ISO 3166 MA ha ditte ca non ge s'onne ausà le codece c'avènene de l'alpha-2 d'u stàndàrd WIPO ST.3.

Comunque ste reservaziune non ge sonde classificate cumme a tranzitorie, indeterminete o eccezziunele purcè non ge sonde riferite a naziune, dipendenze o otre reggione sciugrafiche:

Angore, 'u stàndàrd WIPO ST.3 ause EA pe l' Organizzazione Eurasiatica de le Brevetti. Comunque l'ISO 3166 MA ha ditte ca non ge pò garantì 'a reservazione d'u codece EA purcè jè ausete pe mutive doganali pe rappresentà Ceuta e Melilla.
L'ISO 3166 MA avere ditte jndr'à 'u 1965 ca 'u WIPO ausasse 'u codece EV, 'a richieste ha state cacate da 'u WIPO.

Ste codece sonde vicchje e onne state reterete, vò ccu dice ca non ge sonde cchiù reservete de passagge e non ge ponne essere cchiù ausete:




#Article 126: ISO 3166-1 alpha-3 (459 words)


'U codece ISO 3166-1 alpha-3 jè 'a vanne cu 'a codifeche a ttre lettere d'u stàndàrd ISO 3166-1.

Sonde ausete da l'ISO/IEC 7501-1 p'a lettura ottica de le passaporti.

'A liste ca avène mò jp 'na liste comblete de le codece uffisciele a ttre lettere d'u stàndàrd ISO 3166-1 alpha-3:

Le codece ca vonne da AAA a AAZ, e 'mbrà QMA e QZZ, 'mbrà XAA e XZZ, e 'mbrà ZZA e ZZZ ponnè essere reservete pe ause privete pe definì suddivisiune territoriele o sciugrafeche pe 'nu descurse statisteche ca non g'è previste da 'u stàndàrd ISO.
Vide bbuene ca OOO jè ausete cumme 'nu codece de escape.

Le codece reservate, sonde codece ca pure ca non ge fanne parte de le codece ISO 3166-1, avènene ausate jndr'à certe applicaziune apprisse a loro. L'ISO 3166 MA le reserve, accussì non g'avènene ausate jndr'à codece ISO 3166 uffisciele, creanne accussì uerre tra 'u stàndàrd e le applicaziune suje. 'A liste de le codece alpha-3 reservete osce a die jè 'a seguente:

Le reservaziune eccezziunele de le codece alpha-3, sonde reservaziune permanende purcè ausate pe mutive particolere. L'ISO 3166 MA autorizze l'ausaminde lore sole pe le mutive particolere pe le quale onne state ccrjete. Le reservaziune eccezziunele sonde:

Pure le seguendi codece erene state riservete, fine all'aggiornamende d'u 29/03/2006 ca l'ha mise jndr'à liste de le stàndàrd uffisciele:

'Na reservazione de passagge se referisce a 'nu codece ca apprime ere presende jndr'à l'ISO 3166, e ca non g'a state angore scangillete.
Arremàne accussì pe almene cinge anne, accussì a ce ause 'u codece vicchje tène timbe cu s'aggiorne pe ausà quidde nueve.
Le Reservaziune de passagge sonde:

Le reservaziune ca non ge spiccene maje de le codece alpha-2 sonde codece ausete pe identificà le veicoli seconde le Convenziune p'u traffiche stradele de le Naziune Aunìte ausete 'mbrà 'u 1949 e 'u 1968.
Ste codece sonde differende da chidde ausete jndr'à l'ISO 3166. L'ISO 3166 MA ste spere ca chiste codece avènene sostituite da le codece ISO 3166-1; però jndr'à 'u frattembe remànene pe evità conflitte 'mbrà ISO 3166-1 e le Convenziune, e pe facilitaje 'u passagge tra le codece de le Convenziune e le codece ISO 3166-1.
Le reservaziune ca non ge spiccene maje sonde:

'U codece ca avène mò ha state riassegnete:

Osce a die l'ISO 3166 MA ha ditte ca non ge s'onne ausà le codece c'avènene de l'alpha-3 d'u stàndàrd ISO/IEC 7501-1 (p'a letture ottiche de le passapuerte).

Comunque ste reservaziune non ge sonde classificate cumme a tranzitorie, indeterminete o eccezziunele purcè non ge sonde riferite a naziune, dipendenze o otre reggione sciugrafiche:

Ste codece sonde vicchje e onne state reterete, vò ccu dice ca non ge sonde cchiù reservete de passagge e non ge ponne essere cchiù ausete:




#Article 127: Berline (7046 words)


Berline (pu tedesche Berlin , ) jè 'a maggiore cetate e condemboraneamende 'nu Land d'a Germanie, quinde 'na cetate-state. Capitale federale d'a Repubbleche Federale de Germanie e sede d'u guverne sue, jè une de le cchiù 'mbortande cendre politece, culturale, fieristece e mediatece d'Europe e, apprisse a Londra, 'u seconde comune cchiù popolose de l'Aunione Europèe.

Berline se iacchie jndr'à vanne nord-oriendale d'a Germanie, a 70 km da 'u confine polacche. Se iacchie jndr'à reggione sciugrafeche d'u Brandeburghe, ma non ge face parte de l'omonime Land, da 'u quale comungue jè inderamende circonnate.

'A cetate tène 'na superficie assaije vaste, de 892 km². L'estenzione in sienze nord-sud jè de 38 km, in sienze est-ovest de 45 km.

'U cendre de Berline nasce sus a le rive d'a Sprea (Spree in tedesche), jndr'à 'n'ambie valle de origgene glaciale (Berliner Urstromtal) 'mbrà le altopiane de Barnim e Teltow, oriendate in sienze est-ovest.

Jndr'à 'u quartiere perifereche de Spandau 'a Sprea sfocie jndr'à l'Havel, ca scorre in direzione nord sud, formanne le lache Tegeler See e Großer Wannsee. Jndr'à vanne oriendale se iacchie invece 'u Müggelsee. Le lache berlinise, jndr'à le mise estive, sonde assaije frequendate da le bagnande.

Jndr'à 'u territorie cetadine stonne pure certe alture: 'a maggiore jè 'u Großer Müggelberg, jndr'à 'u quartiere de Müggelheim, ca arrive a 'n'altezze de 114,7 m s.l.m.

'U terrene jè comboste prengepàlmende da materiale sabbiose, ghiaie e selce.

Berline jè cendre d'a reggione metripolitane Berline/Brandeburghe, ca conde (2005) 4.429.847 crestiane.

'A zone de Berline tène 'nu clime temberate mesotermale e assaije assutte rispette a 'a medie europèe. Le temberature massime sciurnaliere jndr'à certe sciurne estive - generalmende a sciugne - arrivane vicine a le 40 °C, 'na vota sole jndr'à tutte 'u Novecinde onne state mesurate - 26 °C a febbrare. 'U vinde in estate jè cchiù costante e soffie normalmende da ovest; de 'nvirne jè cchiù variabbele e spesse avène pure da sud, fattore ca face addevendà assaije variabbele 'u timbe pure jndr'à stessa sciurnate. Se condane mediamende 30 temborale a l'anne.

Tabbelle Temberature e precipitaziune: Medie mensile

L'area urbane cendrale presende 'nu microclime cu 'mbonde a 4 °C de cchiù rispette a 'a periferie.
L'arie jè relativamende 'nu picche inguinate grazie a 'u vinde, a le granne aree verde e a l'efficienze de le trasporte pubblece, ca fanne addevendà scorrevole 'u traffecje automobbilisteche.

Berline confine cu 27 comune d'u Brandeburghe, de le quale 7 sonde cetate, 'mbrà le quale ste quedde extracircondariale de Potsdam.

Avènene aqquà repurtate le otre 26 comune, suddivise pe circondarie (Landkreis), partenne da nord-est e procedenne in sienze orarie:

Berline nascìe probbabbilmende cumme borghe commerciale de origgene slave jndr'à 'u XII sechele, in corrispondenze de 'n'isole d'a Sprea. Origginariamende stavane doje cetate distinde: Berline, a est d'u fiume e Cölln, sus a l'isole, ca avenèrene riunite jndr'à 'u 1307. Non ge rumane assaije de chidde comunitate andiche. Osce invece, l'imbressione ca se ave visitanne Berline jè quedde de 'na granne discondinuità, ca riflette visibbilmende le sconvolgeminde d'a storie tedesche d'u XX sechele.

Jndr'à le sechele successive, Berline acquistò sembre cchiù 'mbortanze sus a le otre cetate d'u Brandeburghe: jndr'à 'u 1451 devendò residenze de le margrave de Brandeburghe, da 'u 1701 capitale d'u regne de Prussie, da 'u 1871 capitale d'u 'Mbere tedesche. Jndr'à 'u 1920 avenèrene inglobbate 'nu sacche de comune e cetate circostande, ccrejanne 'a Granne Berline, terze cetate a 'u munne pe numere de crestiane.

Capitale d'a Germanie pure durande l'epoche nazionalsocialiste, ha state une de le obbiettive prengepàle de le bombardaminde alleate duranne 'a Seconda uerre mundiale, spicciate in Europe proprie cu 'a rese incondizionate d'a Germanie l'8 masce d'u 1945.

A 'a fine d'a uerre avenìe divise jndr'à quattre zone d'occupazione e allore divise jndr'à doje parte congorrende, le ttre settore occidendale (Berline Ovest) e 'u settore sovieteche (Berline Est). Mendre ca Berline Est devendò capitale d'a Repubbleche Democrateche Tedesche, Berline Ovest devendò 'n'enclave d'a Repubbleche Federale e d'u munne occidendale, oltre 'a Cortine de Firre, lassanne 'u ruole de capitale 'a Bonn.

L'inizie d'a Uerra Fredde ha state 'u Blocche de Berline da 'u 24 sciugne 1948 a l'11 masce 1949, efficacemende condrastate da l'accussìditte Ponde Aerèe, 'u cchiù granne trasporte umanitarie d'a storie, mise in atte prengepàlmende da le State Aunìte d'Americhe e da 'a Gran Bretagne, ca in seguite avenèrene viste - cumme pure 'a Frange - no cchiù cumme forze de occupazione, ma cumme forza de protezione. Pure 'u successive tendative sovieteche de annettere Berline Ovest a 'a DDR - l'ultimatum de Chruščëv d'u 1958 - avenìe respinde da le Alleate Occidendale. 'U 13 aguste 1961 'u guverne d'a Germanie Est - avute 'u permesse da Mosca - 'nzippò 'u Mure de Berline, pe fermà 'a fughe in occidende de le proprie cetadine.

'A solidarietà americane cu le berlenise de l'ovest ere condizione essenziale d'a vite de l'accussìditte avamboste d'a libbertà; l'espressiona soje cchiù famose e cchiù incisive sonde le parole ditte da l'allore Presidende de le State Aunìte, John F. Kennedy jndr'à 'u descorse sue tenute 'u 26 sciugne 1963: Ich bin ein Berliner (tar.: Ije sonde 'nu berlinese).

'A cadute d'u Mure jndr'à tarde serate d'u 9 novemmre 1989 rendìe possibbele 'a Wiedervereinigung (riunificazione tedesche), cu 'a quale Berline ha turnate a essere 'a capitale d'a Germanie aunìte.

Le strutture d'a metropoli de osce a die eppure chidde de singhele edifice sonde 'u resultate de cchiù de uette sechele de storie.

Pure 'a funzione de Berline cumme capitale - d'a Marche de Brandeburghe da 'u 1451, d'u Regner de Prussia da 'u 1701, d'u 'Mbere tedesche da 'u 1871, d'a Repubbleche de Weimar e de l'accussìditte Terze Reich, limitatamende a 'a parte oriendale d'a DDR e osce a die d'a Repubbleche Federale Tedesche, comblete apprisse l'aunificazione d'u 1990 - ha lassate le signe sue ben visibbele.

Berline, ggià nate da l'aunione de doje comune Berlin e Cölln, crescìe, a partì da metà d'u Seicinde, attraverse 'a fondazione de sobborghe nuève.

'A vecchie Berline corresponne a le parte cendrale d'u quartiere de osce a die Mitte, cu l'isole cendrale jndr'à 'u fiume Spree e 'a corrispondende rive oriendale. Sus a 'u late oriendale d'a porzione cendrale de l'isole se iacchie l'accussìditte Castelle d'a Cetate, ca tène 'na storie ca parte da 'u 1443, castelle riale fine da 'u 1701 sotte 'a Federiche I de Prussie, abbattute da 'u guverne comuniste jndr'à 'u 1950.

Cchiù o mene jndr'à posizione d'u castelle 'a DDR costruì - da 'u 1973 a 'u 1976 - l'accussìditte Palast der Republik (tar.: Palazze d'a Repubbleche), ca ha state scettate 'nderre da 'u 2006 a 'u 2008, in mode da putè costruì nnande 'a chiazze d'u castelle - Schloßplatz - 'n'edifice nuève ca almene jndr'à le dimenziune e jndr'à l'aspette de le facciate prengepàle riccreje l'aspette de l'andiche castelle.

A nord d'a chiazze - osce a die 'na granne superficie picche strutturate - se iacchiane 'u Lustgarten, osce a die chiazze verde pubbleche, 'nu timbe giardine d'u stesse castelle e 'u Duomo de Berline - presende 'mbonde da 'u 1536, pure ce l'aspette de osce a die jè prevalendemende quidde d'u 1905.

L'indere punde settendrionale de l'isole costituisce l'Isole de le Musèe, cu le sue cinghe granne edifice dedicate a le esposiziune e costruite partenne da 'u 1822, osce a die une de le cchiù 'mbortande comblesse museale d'u munne, dedicate soprattutte a le collezune archeologgeche e a l'arte d'u Uettecinde.

L'andiche e caratteristeche architetture d'a vanne meridionale de l'isole, l'accussìditte Fischerinsel (tar.: isole de le pescature) ha state destrutte combletamende da le bombardamende d'a Seconda uerre mundiale; l'uneche elemende andiche jè 'u ponde piccinne Jungfernbrücke, collegamende cu 'a terra ferme a ovest de l'isole.

Subbete a est de l'isole se iacchie 'u quartere recostruite Nikolaiviertel, cu 'a Nikolaikirche (Chiesere de San Necole), 'a chciù andiche chiesere de Berline.

None tanda lundane se iacchiane 'u Municipie Russe (da 'u caratteristeche colore de le mattune), jndr'à forme de le sessande d'u Uettecinde, ma jndr'à posizione d'u municipie medievale e 'a Marienkirche, chiesere funnate jndr'à 'u XIII sechele.

Da l'isole porte verse ovest e 'mbonde a 'a Porte de Brandeburghe ìu viale Unter den Linden (tar.:sotte a le tiglie), trasformate jndr'à 'u 1647 da polverose sendiere pe cavalcà in viale arvulate e ambliate cchiù vote jndr'à storie.
'U viale jè tagghiate a metà da 'a perpendicolare Friedrichstraße ca colleghe, a sud de le Tiglie, 'a Friedrichstadt (tar.: cetate de Federico), funnate jndr'à 'u 1688, ingorporate cumme quartiere de Berline jndr'à 'u 1799 e famose pa chiazza soje Gendarmenmarkt, cu le chiesere frangise e tedesche e 'u Schauspielhaus (sinonime de tiatre), frondeggiate da 'a statue de Friedrich Schiller, eppure, a nord d'u granne boulevard, 'a Dorotheenstadt, nate quinnece anne apprime d'a Friedrichstadt e inglobbate - cumme pure 'u sobborghe de Friedrichswerder - cu 'u stesse atte amministrative d'u 1709.

Luènghe 'u viale de le Tiglie se iacchiane 'a Staatsoper Unter den Linden e 'a Cattedrale cattoleche de Sand'Edvige, tutte e doje costruite sotte a Federico 'u Granne; pure 'a Staatsbibliothek Unter den Linden, 'a Guardia Nuova d'u 1818 e 'u lussuose Hotel Adlon d'u 1907 se affaciane sus a 'u viale.

A nord d'u cendre storeche se iacchie 'u Scheunenviertel, addò jndr'à 'u corse de le sechele se acchiarene rifugge le rifuggiate ebbreie vittime de le persecuziune jndr'à l'Europe oriendale. Aqquà, apprime de l'avvende d'u nazisme, fiurì, perfettamende sckaffate jndr'à 'u condeste sociale, 'na comunità ebbraiche ricche e culturalmende attive; jndr'à stesse zone se iacchie 'a Neue Synagoge, inaugurate jndr'à 'u 1866, danneggiate da le bombardaminde jndr'à 'u 1943, scettate 'nderre da le autorità d'a DDR jndr'à 'u 1958 e recostruite jndr'à 'u 1993 cumme Centrum Judaicum, ca combrende pure 'na sinagoghe piccenne.

Notevole jndr'à zone sonde pure 'a Sophienkirche (tar.:Chiesere de Sanda Sofia) e 'u Kulturzentrum Tacheles, atelier d'artiste. Osce a die 'nu sacche de edificie d'u quartiere onne state restaurate e costituiscene attrattive turisteche, cumme le Hackesche Höfe, 'nu comblesse de edifice cu 'nu sacche de cortile inderne, costruite jndr'à 'u 1908 da August Endell.

Cu 'na 'mbortanze riforme territoriale jndr'à 'u 1861 avenèrene indegrate jndr'à cetate de Berline le sobborghe de Wedding, Moabit, Tempelhofer Vorstadt - osce 'a vanne meridionale de Kreuzberg cu l'omonime colline jndr'à 'u Viktoriapark - e Schöneberger Vorstadt, osce 'a vanne oriendale de Schöneberg.

Accumenzanne da 'u 1861 face parte de Berline pure 'u Tiergarten, 'u granne parche cendrale, già riserve de cacce de le re de Prussie, aperte a 'u pubbleche da Federico 'u Granne jndr'à 'u 1742, 210 ettare de verde a 'u quale cendre se iacchi 'a Siegessäule (Colonne d'a Vittorie) e affianghe 'u famose Giardine Zoologgeche, 'u Haus der Kulturen der Welt (ex cendre congresse), 'u Schloss Bellevue (tar.:Castelle Belvedere), osce a die sede d'u Presidende Federale eppure d'u Reichstag, sede d'u parlamende fedrale Bundestag. Avenìe funnate cumme prime parche comunale d'a cetate jndr'à l'anne quarande d'u Uettecinde 'u Volkspark Friedrichshain, 'u quale nome avenìe date jndr'à 'u 1920 pure a 'u quartiere.

Pe adeguà le infrastrutture d'a cetate e de l'immediate circondarie sue a 'a rapide crescite d'a popolazzione jndr'à 'u 1862 avenìe adottate l'accussìditte Piano Hobrecht pe pruggettà e ottimizzà 'u traffeche, le acquedotte e le fognature.

Atturne a 'a storeche Berline se averene sviluppat nuève quartire. Jndr'à seconda metà d'u Uettecinde se averane furmate, a parte a le granne insediaminde industriale - quartire de casermune pa crescende poplazzione; jndr'à certe zone 'a denzetà abitative supranave le 100.000 crestiane pe km².
'A maggior parte de ste quartire pure a l'inizie d'u Novecinde - pe quande bene collegate a 'a cetate - non ge facevane parte d'a municipalità berlinese. Pure otre cetate e villagge atturne - certe de le quale funnate apprime de Berline - erane cresciute, partecipanne a 'u boom economeche d'a capitale, cumme Spandau, Köpenick, Wilmersdorf. 

Infine avenerene funnate, atturne a 'a fine d'u sechele, diverse quartire residenziale, in particolare a sud-ovest de Berline - cumme Nikolassee, Wannsee sus a l'omonime lache e Lichterfelde, famose pure pu granne Giardine Botaneche apirte jndr'à 'u 1904, ma pure jndr'à otre zone atturne a 'a granne cetate, cumme Frohnau a nord; 'a maggior parte de ste fondaziune nuève erane fine da l'inizie bene collegate cu 'a cetate - emblemateche 'u case de Nikolassee, 'a quale prima villa ere 'a stazione ferroviarie, osce a die stazione d'a S-Bahn (Schnellbahn, cioè ferrovie veloce) berlinese.

'U movimende a favore de 'na riforme territoriale de l'area metropolitane avera luttà condre a varie inderesse de parte, cumme chidde de le piccenne ma ricche assaije zone d'u sud de Berline, ca averane paure de perdere, cu 'a reforme, le condribbuende benestande. Le doje granne merite de stu movimende sonde condiziune essenziale d'a vite de Berline angore osce a die.

Pe assicurà l'approvviggionamende de acque pa metropoli e di stipà spazie naturale pa popolazzione, l'associazione a favore d'a Granne Berline jndr'à 'u 1915 avère conguistate cchiù de 10.000 ettare de foreste atturne 'a cetate. Cu otre successive acquiste e grazie a 'a legislazione sostanzialmende invarate de l'epoche, Berline dispone osce a die de cchiù de oltre 200 km² de foreste sus a 'u territorie comunale, de le quale 'a cchiù granne e condemboraneamende cchiù cendrale jè 'u Grunewald (tar.: Bosche verde), e de otre 95 km² fore da le confine comunale, cchiù de ogne otre metropoli europèe.

L'otre - e cchiù famose - resultate de stu movimende ere 'a legge trasute in vigore 'u 1° ottommre d'u 1920. 'U numere de le abitande resultò raddoppiate, da 1.9 miliune a cchiù del 3.8 miliune; 'a superficie d'a cetate passò da 66 km² a 883 km² e corrispondeve, a parte certe cangiaminde piccinne, a quedde de osce a die.

Sette erane le cetate trasute jndr'à Granne Berline.

'A cchiù granne ere Charlottenburg, a cavalle 'mbrà Seicinde e Settecinde, villagge atturne a 'u Castelle de Charlottenburg, jndr'à 'u 1920 cetate ricche cu 322.717 crestiane, ca costituitive l'Ovest Nuève d'a metropoli, cu l'elegande viale Kurfürstendamm, tiatre e puteje.

'U condrebbute de Neukölln ere de 262.414 crestiane, assaije de chiste operaie.

'Mbrà 'a vecchie Berline e Charlottenburg se iacchie Schöneberg, jndr'à 'u 1920 cetate abbastanze borghese cu 178.207 crestiane; 'u municipie d'a cetate, pò d'u distrette, adda fà, duranne le anne d'a divisione, 'a funzione de municipie de Berline Ovest. 'U KaDeWe, funnate jndr'à 'u 1907. Jè angore osce 'u cchiù granne e lussuose granne maiazzine de Berline.

Lichtenberg, cetate industriale a est de Berline, consegnave 144.986 berlenise nuève.

Wilmersdorf mandene angore osce 'u caratere sue de località tranguille; jndr'à 'u 1920 tenève 139.468 crestiane.

'U cendre storeche de Spandau jè cchù andiche de Berline; se iacchie a 13 chilometre a ovest d'u cendre storeche de Berline, ha date 95.373 crestiane e ne de le edificie cchiù andiche d'a Granne Berline, 'a fortezze Zitadelle Spandau.

'A cchiù piccenne 'mbrà le cetate neoberlenise ere Köpenick cu 32.589 crestiane, pure jedde funnate apprime de Berline. Cu Köpenick traserene jndr'à 'u territorie nuève berlinese pure le larie zone virde jndr'à 'u sud-est, 'u granne lache Müggelsee cu le foreste sue e le parche - cchiù cendrale - Treptower Park e Plänterwald.

'Mbrà le numerose otre località indegrate - a le quale Berline adda dà 'u soprannome Cetate de le cinde villagge - resulte pure 'a maggior parte de le quartire residenziale elegande, chidde cchiù periferece e pure chidde cchiù vicine cumme Grunewald a le margine de l'omonime foreste, o Westend, addò osce a die se iacchiane l'Olympiastadion (Stadie olimbeche) e 'u Funkturm (Torre d'a radio).

Jndr'à matinate d'u 1° ottommre d'u 1920 Berline ere 'a seconda cetate d'u munne - apprrisse Los Angeles - pe superficie e 'a terze pe numere de crestiane, apprisse Londra e New York. Le vicchie e ormaie stritte confine d'a cetate - cumme 'u ponde Oberbaumbrücke non g'esistevane cchiù.

Quanne spicciò 'a uerre resultave distrutte jndr'à 'nu mode irrecuperabbele 'u 20% de le edificie, 'u 50% jndr'à le quartire cendrale; 28,5 km² d'u territorie urbane averene state recoperte da macerie. Non g'erane cchiù iavetabbele 600.000 appartaminde. Le strutture industriale e commerciale resultavane ausabbele sulamende in parte. Gravemende scuasciate averene state le infrastrutture, in particolare le linèe ferroviarie urbane, S-Bahn ed U-Bahn (da Unterbahn, ca signifeche ferrovie sotterranèe o ferrovie metropolitane).

'A ricostruzione de le cchiù 'mbortande strutture urbane accumenzò subbete subbete apprisse 'a fine d'a seconda uerre mundiale; in particolare servive fà funzionà 'n'otra vote pure a chiane chiane le rezze de approviggionamende, almene le ponde cchiù 'mbortande e 'u traffeche pubbleche. Servive sgomberà le macerie: sta fatìe avenìe fatte soprattutte da le femmene, le accussìditte Trümmerfrauen - femmene de le macerie in tarandine; infatte le combetenze professionale de le ommene presende - chidde ca non g'averene muèrte, none gravemende feriti e priggioniere de uerre non angore libberate - erene indispenzabbele. Le singhele mattune ausabbele 'n'otra vote avenèvane purtate in diverse zone, soprattutte perifereche, a furmà colline, pò cuperte de terre e piandumate. 'A maggiore de ste colline jè 'u Teufelsberg, a le margine d'u Grunewald e ierte 114,7 m s.l.m.

Jndr'à totte 'a cetate le eleminde andiche, sane, restaurate o recostruite, convivone cu chidde moderne. Le resultande condraste costituiscene 'u stile tipiche d'a Berline de osce a die e sonde condemboraneamende 'na testimonianze indirette de le distruziune d'a uerre. 'U cchiù famose - e comungue une de le picche - edificie ca angore osce a die donne 'n'idea dirette de le distruziune causate da le bombardaminde, a le incendie e a 'a battagghie finale jè 'a Gedächtniskirche (tar.: Chiesere d'a Memorie), stipate a 'u state de rudere pe volere d'a popolazzione de Berline Ovest e circonnate da le eleminde architettonece moderne d'a chiesere nove, inaugurate jndr'à 'u decemmre d'u 1961.

'A zone atturne a 'a Gedächtniskirche, 'u Nuève Ovest de le prime anne d'u Novecinde, 'mbrà le quartire de Charlottenburg, Wilmersdorf e Schöneberg, addevendò veloce veloce 'n'imbortande zone commerciale de Berline Ovest. Pure 'a sole Berline Ovest duranne le anne d'u Mure - 480 de le 890 km² totale - ere 'na cetate policendreche, otre 'mbortande zone commerciale erane - e angore osce a die sonde - 'u cendre storeche de Spandau e 'a Schloßstraße de Steglitz, addò jndr'à l'abbrile d'u 1970 avenìe apirte une de le prime cendre commerciale tedesche cu cchiù de 50 puteje.

Nascìe invece jndr'à 'na zone perifereche de Berline Ovest, 'nguedde a 'u confine verse 'u settore sovieteche e, da 'u 1961, d'u Mure, 'u Kulturforum. 'U prime edificie nuève avere state 'a Philharmonie, costruite 'mbrà 'u 1960 e 'u 1963 sus a 'nu proggette de Hans Scharoun.

'N'otre resultate evidende d'u sviluppe separate ere 'a presenze de istituziune parallele, 'u Giardine Zoologgeche e 'u Tiergarten, le tiatre de l'opere a est e a ovest, 'nu sacche de musèe divise jndr'à doje. Apprisse le 'ngazzaminde iniziale sus a l'evenduale chiusure, osce ne resulte 'na ricchezze culturale angore cchiù granne.

'A popolazzione de Berline ha state, 'mbonde a 'a uerre de le trend'anne, assaije vasce. Accumenzò allore a 'nghianà costandemende, superanne le 100.000 crestiane atturne a 'u 1740 e 'u milione atturne a 'u 1880.

Cu l'indistrializzazzione 'a cetate rechiamò 'n'immigrazione forta forte, particolarmende da le reggione oriendale. Pure le cetate e le comune atturne crescerene d'imbortanze. Jndr'à 'u 1920 'a ccrejazione d'a Granne Berline purtò 'a popolazzione a cchiù o mene 4 miliune de crestiane.

Apprisse le perdite d'a seconda uerre mundiale 'a popolazzione, assaije ridotte, cundave cchiù o mene 3 miliune de crestiane. Jndr'à 'u periode d'a divisione d'a cetate jndr'à doje blocche Berline Ovest avìe 'n'andamende demografeche ca sceve cchiù o mene da 1,9 a 2,1 miliune de crestiane, invece a Berline Est 'u numere de le crestiane sceve da 1,1 a 1,2 miliune. 

Apprisse a 'a riunificazione 'a popolazzione arrevò cchiù o mene a le date de osce a die, cu 'na flessione 'mbrà 'u 1996 e 'u 2001.

'A longa tradizione de tolleranze releggiose in Prussie ha purtate, jndr'à 'u corse de le sechele, a l'immigrazione de diverse gruppe releggiose, perseguitate jndr'à propria patrie, pure in dimenziune rilevande.

Pure le ondate de immigrazione diversamende causate onne purtate a 'a presenze, osce a die, a Berline de tutte le cchiù 'mbortande releggiune d'u munne.

'Na prima rilevande ondate de assute da le doje granne chiesere crestiane - jndr'à Berline prevalendemende protestande 'mbonde a 'u 1539 - ha state quedde de le anne vinde d'u Novecinde, ca inderessave cetadine politicamende oriendate a sinistre, ingidenne allore particolarmende 'mbrà le operaie d'a cchiù 'mbortande cetate industriale tedesche.

L'abbandone de le chiesere duranne l'epoche nazionalsocialiste - sie pe convinzione ca pe opportunità - tuccave pure Berline.

Duranne le anne d'a divisione 'a vanna est no sule ha seguite 'a rapide emarginazione de le praticande crestiane a opere d'u reggime d'a SED, 'u Partite de Aunità Socialiste de Germanie, ma ha pure ingise in mesure angore maggiore, date 'a sproporzionate presenze de membre d'u partite e de funzionarie jndr'à capitale d'u State assaije cendraliste.

Jndr'à vanna Ovest l'abbandone corrisponne qualitativamende a quidde generalmende in atte in Germanie, sie a cause d'a Kirchensteuer sie pa visione criteche, spesse cchiù sus a 'u piane politeche ca sus a quidde releggiose, da vanne d'a popolazzione tradizionalmende crestiane.

Osce a die 'a percenduale de membre de le doje granne chiesere a Berline corrisponne, allore, a 'nu picche cchiù d'a metà d'a medie tedesche, pure ca resulte assaije cchiù granne d'a medie calcolate jndr'à le reggione territoriale d'a ex-DDR.

De l'arcidiocese de Berline - cu sede jndr'à storeche St-Hedwigs-Kathedrale - face parte, apparte 'a cetate, 'nu territorie larije appartenende a le doje reggione federale d'u nord-est.

D'a comunitate ebbraiche berlinese, fine da 'u Settecinde quedda maggiore in Germanie, sulamende 6.500 crestiane averene riuscite a sopravvivere a Berline - quacchedune purcé 'nzurate cu tedesche none ebbreie, quacchedune clandestinamende, grazie pure a l'aiute prestate da 'nu sacche de berlenise - a 'a Shoa, ca accedìe 55.000 ebbreie berlenise, invece cchiù de 100.000 riuscirene a salvarse a l'estere.

In particolare, cu le recedne immigraziune da le State de l'ex-Aunìone Sovieteche, Berline pure osce a die tène 'a cchiù numerose comunitate ebbraiche tedesche, corrispondende a cchiù d'u 6% d'a popolazzione ebbraiche tedesche de osce a die.

'A presenze musulmane jè legate a l'immigrazione de le urteme decennie, prevalendemende d'a Turchie.

L'urteme censimende de l'appartenenze releggiose resale a 'u 2004; le cifre resultane da chidde furnite da ogne comunitate releggiose; mangane certe gruppe minore ca non g'onne collabborate.

In particolare resultane:

Cchiù o mene 'u 60% de le berlenise non g'appartene a nisciuna comunitate releggiose.

Berline tène 'na rezze de trasporte pubblece estese e assaije funzionale. Pure 'u traffeche private jè assaije scorrevole. 'U sisteme de trasporte pubbleche se articolesche cu diverse mezze, 'mbrà lore comblemendare, tutte gestite da 'a BVG (Berliner Verkehrsbetriebe Gesellschaft) tranne 'a S-Bahn, comungue indegrate jndr'à 'nu sisteme tariffarie uneche.

'A rezze ferroviarie mertopolitane se articolesce sus 'a doje rezze (S- ed U-Bahn) ca inzieme cupriscene assaije proprie 'a superficie cetadine. Apprisse a 'a riunificazione d'a cetate (1990) le fatìe de recuciture d'a rezze onne state combletate jndr'à picche anne.

Berline jè 'n'imbortande node ferroviarie d'Europe, une de le punde de congiunzione 'mbrà l'est e l'ovest de le trasporte condinendale. 'A rezza ferroviaria soje, pure a cause de le fatte ca onne successe jndr'à 'u XX sechele, ha avute 'nu sacche de cangiaminde, 'mbrà le quale 'a perdite d'u sisteme de staziune de cape a raggiere (assaije estese a Londra, Mosca e Parigge).

Jndr'à cetate assaije sonde le granne staziune ferroviarie, accussì cumme le reste de le vicchie terminal, 'mbrà le quale l'Anhalter Bahnhof. Jndr'à le prime anne novande, mendre ca avenevane recostruite le varie tracciate de le ferrovia tedesche (DB), 'u traffeche a longa percorrenze ha state apprime ingendrate jndr'à stazione  e pò condivise cu l'Ostbahnhof, ca avere state 'a stazione prengepàle 'mbonde a 'u 28 masce 2006. Jndr'à quedda date avenìe inaugurate 'a nova stazione Berlin Hauptbahnhof ('mbrà le cchiù granne d'Europe) e 'u Tiergartentunnel, cu otre doje staziune nuève a longa percorrenze: Gesundbrunnen e Südkreuz.

'A rezze ferroviaria tène 'na strutture cchiù o mene a croce, ingendrate sus a le asse d'a Stadtbahn (est-ovest) e d'u Tiergartentunnel (nord-sud), cu varie diramaziune. 'Mbrà l'ex-settore oriendale e svariate comune d'a curresce urbane ('mbrà le quale Potsdam) jndr'à 'u Brandeburghe, se iacchie 'u Berliner Außenring, 'nu percorse ferroviarie circolare, eredità de l'epoche d'u mure, ca servive a raccordà tutte le ferrovie locale verse Berline Est.

'Nu sacche sonde le collegaminde 'ndernaziunale da Berline, le cchiù distande de le quale collegane Berline cu 'a Russie, l'Ucraine e, periodicamende, 'u Kazakistan.

Berline cundave fine a 'nu picche de timbe fa sus a:

Berline tène 'na rezze autostradale ca se raccorde jndr'à l'A10, 'u raccorde anulare cetadine. Le otre linèe autostradale sonde 'a A2 (verse Hannover, Dortmund e Oberhausen), 'a A9 (verse Monaco de Baviera), 'a A9 (verse Amburghe), 'a A12 (verse Francoforte sus a l'Oder), 'a A13 (verse Dresda), 'a A24 (verse Stettino) e l'urbane A115 (parte de l'AVUS, prime autostrade costruite a 'u munne). 'U tracciate de l'A12 face parte de 'nu circuite autostradale 'ndernazionale, costruite sule in varie spezzone, ca adda congiungere Berline a Varsavia, Minsk e Mosca.

Assaije comblesse jè pure 'a rezze de strade statale. 'Mbrà le numerose arterie stonne pure le Bundesstraße 1 e 2, ca attraversane 'u territorie nazionale, l'une in direzione est-ovest, l'otre in direzione nord-sud. Assaije pure le percorse de le Strade europèe, 'mbrà le quale le cchiù 'mbortande sonde 'a E30 (Cork-Samara e Ufa) e 'a E55 (Helsingborg-Kalamata).

'A rezze de le piste ciclabbele jè assaije sviluppate., Normalmende chiste occupescene 'na fasce d'u marciapide, sus a totte e doje le late d'a strade, signalate da 'u culore russe de le linèe sus a 'u marciapide. Lore se sviluppescene tande a 'u cendre quande jndr'à le zone de le bosche e d'a periferie, viste pure 'u diffuse ause d'a biciclette cumme mezze de locomozione, assaije vote ca sostituisce l'automobbele. Le biciclette onne pure accesse sus a tutte le mezze pubblece cetadine, cu 'n'aumende piccinne sus a 'u bigliette o sus a l'abbonamende.

Berline ave avute da 'u reste d'a Germanie, apprisse 'a cadute d'u mure, 'nu sbuènne de finaziaminde pa recostruzione, tenènne osce a die 'nu debite cchiù o mene ca arrive a 70 migliarde de euro. Pò cchiù o mene 'a metà d'a popolazzione a Berline vive de penzione o de sussidie statale e 'u reddite medie jè cchiù o mene de 1.400 euro a 'u mese.

'U coste d'a vite jè vasce assaije e le abitaziune sonde economeche. Le studinde universitarie ponne mandenerse facilmende e pajà l'affitte cu 'na fatìe part-time.

'A disoccupazione de masse jè in bona parte combensate da 'a granne crescite de richieste de fatìe pa costruzione (e recostruzione) de infrastrutture, soprattutte jndr'à l'ambite d'a modernizzazzione de chidde de Berline Est.

'Mbrà le prengepàle fonde economeche stè 'u turisme, ca jndr'à l'urteme decennie jè assaije aumendate, purtanne 'a cetate 'mbrà le prengepàle mete europèe, quase quase cumme a cendre cumme Londre e Parigge.

Otre setture prengepàle, cu 'na crescite veloce veloce, sonde chidde de le servizie, tecnologgie de le comunicaziune, mobbilità, media e museche, biologgie, scienze ambiendale, trasporte e ingegnerie medeche.

'Mbrà le aziende granne presende in cetate stonne 'a Siemens (cu sede jndr'à 'u quartiere Siemensstadt d'u  distrette de Spandau), 'a DaimlerChrysler, l'Allianz, 'a BMW, le Deutsche Bahn e 'a locale combagnie de trasporte pubblece, 'a BVG.

Cchiù nnande se iacchie 'na tabbelle de combronde d'u prodotte inderne lorde de Berline jndr'à l'ambite de l'Aunìone Europèe, seconde le date 2004 de Eurostat.

Assaije famose jè 'a Berlinese, 'u cchiù 'mbortande festivàl d'u munne revolte a 'u granne pubbleche e condemboraneamende une de le cchiù 'mbortande festivàl d'u cineme; se face ogne anne a febbrare.

'Nu sacche de otre manifestaziune, in particolare jndr'à le settore d'u tiatre, cineme, museca classeche e d'a museca condemboranea, se fanne a Berline, attiranne 'nu sbuènne de ospite da tutte 'u munne.

Jndr'à 'u 1989 ha nate a Berline 'a Loveparade, repetute ogne estate 'mbonde a 'u 2003 e pò repigghiate jndr'à 'u 2006. S'à svolte jndr'à l'urteme manifestaziune, sus 'a Straße des 17. Juni, a 'u cendre d'u parche urbane d'u Tiergarten. 

Jndr'à 'u 1999 onne partecipate, seconde le organizzature, cchiù de 'nu milione de crestiane e comblessivamende 'a manifestazione ha raccolte jndr'à l'anne 'na decine de miliune de crestiane. Jè sicuramende une de le cchiù granne manifestaziune de balle e collettive de osce a die, cu museche diffuse a 'nu volume ierte ierte da imbiande fisse e mobbile, sus a enorme autotrene. Jndr'à l'urteme periode, apprisse 'u diviete de farle a Berline, s'à decise de spustarle ogne anne jndr'à 'na cetate diverse d'a Germanie.

Berline jè une de le cetate fieristeche cchiù 'mbortande d'u munne. Se face 'a Internationale Grüne Woche, funnate jndr'à 'u 1926 e osce a die 'a cchiù granne fiere d'u munne jndr'à 'u settore alimentare e agricolture, cu (2008) 1.610 espositure ca avenene da 52 Paise, cu 'na superficie de esposizione de 115.000 metre quadrate, cu 425.000 visitature e cu cchiù de 5.000 sciurnaliste inviate da 70 Paise.

Pure 'a IFA - funnate jndr'à 'u 1924 - jè 'a cchiù 'mbortande fiere d'u settore sue, quidde de l'elettroneche de consume.

 

Da 'u 1966 'a cetate ospitesce 'a ITB, osce 'a cchiù granne fiere d'u turisme a 'u munne; 'a InnoTrans, ca se face ogne doje anne, jè 'a fiere de referimende jndr'à 'u munne d'a tecniche ferroviarie. 'Nu sbuènne de otre fiere, revolte in parte a 'u granne pubbleche, in parte sulamende o prevalemendemente a le esperte, combletane l'offerte.

A l'aeropuerte berlinese de Schönefeld se face 'a ILA - Internationale Luft- und Raumfahrtausstellung - 'a cchiù andica fiere de l'aviazione d'u munne, funnate jndr'à 'u 1909 a Frankfurt am Main, spustate jndr'à 'u 1912 a Berline e organizzate 'n'otra vote a Berline ogne doje anne da 'u 1992, une de le cchiù 'mbortande esposiziune d'u settore e pure pe numere de visitature - jndr'à 'u 2006 cchiù de 250.000 crestiane - e pe le velivole esposte - jndr'à 'u 2006 erane 340.

Le palazze e parche prussiane de Berline e Potsdam sonde dichiarate da l'UNESCO patrimonie de l'umanità jndr'à 'u 1990.

L'isole de le musèe ha trasute a fà parte de l'elenghe jndr'à 'u 1999.

Jndr'à 'u 2008 'n'otra vanne de Berline ha trasute a fà parte de le patrimonie de l'umanità. Se tratte de sei gruppe de edifice realizzate jndr'à le prima anne d'u XX sechele, ca l'UNESCO ha recanusciute de 'mbortanze 'ndernazionale assegnannele 'u nome de Residenze in stile moderne de Berline.

Berline jè 'na cetate ca offre musèe de diverse genere.

'U nome Isole de le musèe ha state date pu granne numere de musèe, de 'mbortanze 'ndernazionale, ca se iacchiane jndr'à l'area. Le musèe sonde parte d'u gruppe de le Musèe statale de Berline, appartenende a 'a Fondazione culturale prussiane (Stiftung Preußischer Kulturbesitz). L'Altes Museum jè 'u cchiù andiche de le musèe, 'u Neues Museum osce a die in restaure, adda tenè pure reperte de arte egizie.

Jndr'à l'Alte Nationalgalerie stonne opere d'arte d'u XIX sechele, invece jndr'à 'u Bode-Museum, cu 'a caratteristeca soje cupole in rame, sonde esposte opere romane e bizandine. 

Spiccianne ste 'u Pergamon Museum famose pe ospità l'Altare de Pergamo, 'a Porta de Ishtar babilonese, 'u mercate de Mileto, le origgenale mure d'u palazze omayyade d'a Mshatta, e in genere ricche collezziune de arte greche, babilonese e islameche.

'U comblesse ha state realizzate partenne da le anne cinguande d'u XX sechele, a 'u scope de ccrejà 'nu cendre culturale pe l'allore Berline Ovest, cumme a 'a Museumsinsel pe Berline Est. 

Aqquà stonne le musèe:

Berline tène 'na granne varietà de musèe, musèe egizie ospitate jndr'à 'u Neues Museum, 'u Bauhaus-Archiv l'archivije d'u Bauhaus addò sonde custodite parte de le archivije d'a scola famose. 'U Bröhan-Museum cu le opere sue in Art Nouveau, jndr'à 'u Brücke-Museum jè condenute 'na collezzione de opere legate a 'u movimende artisteche Die Brücke ('U ponde) invece jndr'à 'u Museum Berggruen 'na collezzione raccolte da Heinz Berggruen. L'interessande musèe d'a tecniche e l'East Side Gallery 'nu musèe a l'aperte costituite da graffite sus a 'nu tratte d'u mure de Berline.

Opere de arte condemboranèe sonde esposte a l'Hamburger Bahnhof, invece jndr'à 'u Martin-Gropius-Bau se tènene esposiziune temboranèe, probbie cumme jndr'à 'u Kunsthaus Tacheles. 

Jndr'à l'edificie de Daniel Libeskind acchiame 'u Jüdisches Museum. Jndr'à 'u distrette oriendale de Lichtenberg jè possibbele visità 'u musèe dedicate soprattutte a l'attività inderne d'a Stasi, ministere de le servizie segrete d'a DDR.

Le Berliner Philharmoniker, ufficialmende Berliner Philharmonisches Orchester, da 'nu sacche de crestiane conziderate 'a megghie orchestre simboneche d'u munne, onne elette jndr'à 'u 1999 Sir Simon Rattle cumme direttore prengepàle; 'a sede de l'orchestre jè 'a Philharmonie, prime edificie nuève d'u Kulturforum.

'U Konzerthaus (origgenariamende Schauspielhaus), a 'u Gendarmenmarkt, invece jè 'a sede d'u Konzerthausorchester Berlin - 'mbonde a 'u 2006 Berliner Sinfonie-Orchester o BSO.

'A terza granne orchestre simboneche classeche jè 'u Deutsches Symphonie-Orchester Berlin (DSO), da 'u 1946 a 'u 1956 RIAS-Symphonie-Orchester, pò 'mbonde a 'u 1993 Radio-Symphonie-Orchester Berlin.

Cchiù specializzate sus 'a museche d'u XX sechele jè 'u Rundfunk-Sinfonieorchester Berlin (RSB), funnate jndr'à 'u 1923.

RSB, DSB, 'u Rundfunkchor Berlin e 'u RIAS Kammerchor appartenene a 'a holding pubbleche Rundfunk Orchester und Chöre GmbH.

'A scole elemendare a Berline dure - cumme jndr'à 'u Brandeburghe e in future pure a Amburghe - sei anne, doje de cchiù rispette a quedde de le otre reggione federale; in comune cu 'na parte de le reggione occidendale Berline offre apprisse 'a scola primarie 'a possibbeletà de scacchià 'mbrà 'a cchiù modeste Hauptschule (quattre anne de scole apprisse 'a scole elemendare), 'a Realschule (pure jiedde de quattree anne, ma cu condenute cchiù 'mbegnative e 'n'esame finale) e 'u Gymnasium, l'uneche ca dè diritte a trasè a l'università. 'U Gymnasium dure osce a die sette anne (jndr'à certe case pure nove, apprisse quattre anne de scole elemendare); accussì 'a frequenze apprime de l'università jè comblessivamende de 13 anne cumme pe l'Itaglie. Osce a die jè in atte - cumme jndr'à le otre reggione - 'a riduzione a dodece anne; inzieme cu l'inizie d'a scole primarie, spustate da mediamende sei anne de età e mediamende a cinghe anne e mmienze, se arrive accussì a l'università 18 mise apprime. Jndr'à certe licèe esiste pure 'na classe accellerate, ca renne possibbele 'a maturità apprisse dodece anne, cchiù nnande apprisse unnece.

A le quattre università berlenise - Humboldt Universität (HU), Freie Universität Berlin (FU), Technische Universität Berlin (TU),
Universität der Künste Berlin (UdK, 'mbonde a 'u 2001: Hochschule der Künste - HdK) - studiane in totale cchiù de 105.000 studinde.

Jndr'à l'ambite d'a Exzellenzinitiative - 'nu combronde 'mbrà le università tedesche - 'a FU da 'u 2007 jè ufficialmende une de le nove università d'élite tedesche.

Apparte a le università esistene sette accademie (Fachhochschule), quattre de chisate sonde dedicate a diverse arte e dodece univeristà private cu comblessivamende cchiù de 25.000 studinde.

Le facoltà mediche d'a FU e d'a HU da 'u 2003 fanne parte d'a Charité, costituenne accussì 'a cchiù granne facoltà europèe de medicine jndr'à 'u storeche spedale funnate jndr'à 'u 1710 e luèche de ricerche mediche fine da 'u 1810, jndr'à 'u quale erane attive Rudolf Virchow, Ferdinand Sauerbruch, Hermann von Helmholtz, Robert Koch, Paul Ehrlich e Emil Adolf von Behring e ca fine a osce ave a l'attive sue premie Nobel.

Sonde attive a Berline pure le granne suggettate de ricerche nazionale, cumme 'a Max-Planck-Gesellschaft e comblessivamende uette istitute de ricerche de diverse ministere federale.

'A ricerche sciendifiche se svolge pure jndr'à cchiù de 70 istitute extrauniversitarie a finanziamende pubbleche cu comblessivamende cchiù 50.000 dipendende.

Cchiu d'u 13% de le brevette tedesche avene da Berline.

Apprisse 'a cadute d'u mure de Berline jndr'à 'u 1989, 'u cendre cetate ('a ex vanne occidendale de Berline Est) ospitave 'nu sacche de case parzialmende destrutte duranne 'a seconda uerre mundiale e maje cchiù recostruite. Chiste onne devendate 'nu terrene fertile pe varie tipe de condreculture e culture underground, eppure de 'nu sbuènne de night club, combrese 'u Tresor, une de le cchiù 'mbortande club de museche techno d'u munne (le evende comungue sonde ospitate, da 'u 2005, jndr'à 'u club Maria am Ostbahnhof). Berline tène 'na ricche scene artisteche, ma stè subbisce 'na crescende pressione finanziarie, purcé l'affitte sonde aumendate da quanne 'u guverne tedesche ha turnate a avè Berline cumme sede.

Berline jè 'na mete turisteche assaije ambite, cu 'nu notevole ingremende de le pernottaminde jndr'à l'anne successive a 'a riunificazione d'a cetate e in particolare da l'inizie d'u millennie nuève. A l'inderesse 'ndernazione pe Berline condrebbuiscene pure le nove e avvenieristeche strutture architettoneche. 
Apparte 'u diverse numere de le punde turisticamende ricettive, ca se iacchiane prevalendemende in cendre (ma pure in bona parte d'a periferie), jè da notà l'economecetà d'a capitale rispette a assajie otre metropole turisteche, europèe e none.

Berline costituisce une de le Land (state federate) d'a Germanie, e jè allore 'na cetate-state.

'U sinnache da cetate (Regierender Bürgermeister, Sinnache reggende), 'a giunda comunale (Senat) e 'n consiglie comunale (Abgeordnetenhaus, Camera de le deputate) onne combete de rappresendanze cumme organe d'a cetate e d'u Land. 'U sinnache jè accussì pure Presidende de le ministre, 'a giunda comunale jè ppure Guverne e 'u consiglie comunale jè pure Parlamende.

Berline jè suddivise jndr'à 12 destritte (Bezirk), o destritte amministrative (Verwaltungsbezirk):

Ogne distrette, pure ca ave potere inferiore a chidde de le comune de l'otre Land, costituisce 'na aunità amministrative ca elegge 'nu probbie consiglie 

de le delegate distrettuale (Bezirksverordnetenversammlung) e 'nu Sinnache (Bezirksbürgermeister).

'A divisione de osce a die in destritte ha state avute jndr'à 'u 2001 da l'accorpamende de le 23 destritte ca esistevane apprime. Ogne distrette jè comboste de cchiù quartire (Ortsteil), comblessivamende 95.

Jndr'à le quartire stonne certe vote località da 'u carattere particolare, ditte Ortslage - soprattutte in periferie - o Kiez - particolarmende 

jndr'à le tradiziunale e caratteristece quartire cendrale.

'A suddivisione in ambite statistece (Statistische Gebiete) coingide sule in parte cu 'a suddivisione storeche o tradizionale.

d'a bandiera
File:Country symbol of Berlin b-w.svg|Simbele statale(senza corona)
File:Coat of arms of Berlin (1935).svg|Stemme d'u 1935, poiausate da Berline Est

'A mascere parte de le studiuse congorde osce a die sus a 'u rifiute d'u vicchie e popolare seconde 'u quale 'u nome Berlin resale a l'orse, in tedesche Bär, animale presende jndr'à zone a l'epoche d'a funnazzione de Berline e stemme d'a cetate accumenzanne da 'u 1280. Derive invece, cu 'na bbona probbabbiletà, da 'a radice slave berl, ca signifeche palude, isole de fiume.

'A bandiera de Berline consiste jndr'à 'nu panne a 3 banne orizzondale, 2 russe a le late (cchiù piccenne) e 'a cendrale vianghe. Jndr'à queste stè 'u simbele de l'orse none combrese jndr'à 'u scude, 'u quale avène repurtate jndr'à le bandiere de ause guvernative. 'A bandiera, ccrejate jndr'à 'u 1911, avenìe adottate jndr'à forme de osce a die 'u 26 masce 1954 pe Berline Ovest e pò reconvertite a simbele uneche apprisse 'a riunificazione d'u 1990.

'U stemme cetadine tène 'a seguende descrizione araldeche: Jndr'à 'nu cambe d'argende, 'n'orse rambande gnure, armate e linguate de russe. In alte, 'nba corone d'ore decorate cu uette fiorune d'u stesse metalle, de le quale cinghe in viste. L'origgene d'u stemme jè scanusciute, comungue se penze ca jidde ha state ausate in omagge a Alberto I de Brandeburghe (1100-1170).

Da sechele Berline jè 'nu cendre culturale, economeche, politeche. Onne nate 'nu sbuènne de personagge famose pe le cchiù sbariate mutive. Condemboraneamende a Berline, cumme jndr'à l'otre metropole a forte immigrazione, onne agite - leganne 'u probbie nome a sta cetate - pure 'nu sacche de femmene e maschele nate a otre vanne.

Berline je gemellate cu 17 cetate d'u munne e collabbore attivamende in diverse associaziune de cetate 'ndernaziunale..

Le destritte cetadine onne numerose gemellagge autonome, naziunale e 'ndernaziunale, cu cetate e cu quartire de granne cetate.

Berline tène 'na granne storie sportive; Gustav Scholz, Erik Zabel, Pierre Littbarski, Franziska van Almsick e otre sportive famose onne nate aqquà; le nome de pioniere d'u sport cumme Friedrich Ludwig Jahn e Hannes Marker sonde legate a quidde d'a cetate accussì cumme quidde d'a AVUS - fine da 'u 1921 - jndr'à l'automobbilisme.

A Berline se onne fatte 'mbortande manifestaziune sportive cumme le sciueche estive d'a XI Olimbiade jndr'à 'u 1936 - manifestazione sfruttate cumme propagande da 'u reggime nazionalsocialiste, ma pure evende sportive de prime ordene cu atlete eccezziunale cumme Rie Mastenbroek e Jesse Owens.

L'Olympiastadion d'u 1936 ha state restaurate e modernizzate combletamende apprime de le mundiale de ballone d'u 2006; jndr'à l'aguste d'u 2009 ospite le cambionate d'u munne de atletiche leggere, fine da 'u 1963 jè 'u prate de case de Hertha BSC, funnate jndr'à 'u 1892, osce a die squadre de ballone cchiù popolare a Berline e apprisse alte e vasce da 'u 1997 'n'otra vote jndr'à Bundesliga tedesche.

Mene successe onne osce a die 'u 1. FC Union Berline e 'u BFC Dynamo - tutte e doje 'mbortande a l'epoche d'a DDR - Tennis Borussia Berline e 'n'ottandine de otre suggettate de ballone.

Successe berlenise se condane jndr'à l'hockey sus a 'u ghiacce (Eisbären Berlin), jndr'à Pallanuoto, jndr'à Pallacanestre, jndr'à Pallavole e jndr'à Pallamane.

Ogne anne se fanne a Berline 'a maratone, une de le cchiù granne manifestaziune de stu tipe a levèlle mundiale, l'ISTAF, une de le cchiù 'mbortande manifestaziune mundiale de atletiche leggere, 'a German Open d'u tennis femminile (WTA) e 'a Coppe de Germanie, 'u seconde cchiù 'mbortande tornèe de ballone tedesche.

Assaije le imbiande sportive, stadie, piscine, piste e stadie d'u ghiacce ca sonde a disposizione de le cetadine e avènene ausate probbie assaije. Le granne lache e 'u fiume Havel sonde assaije frequendate da veliste e remature.

Berline jè da sembre 'n'imbortande cendre d'a settime arte; le frate Skladanowsky ve presendarene le prime immeggine in movimende a 'nu pubbleche pagande 'u 1º novemmre d'u 1895, 58 sciurne apprime d'u debutte pubbleche d'u (tecnicamende superiore) cinematografe de le frate Lumière a Parigge.

A Berline sonde legate le nome de 'nu sbuènne de reggiste 'mbortande e atture famose; a Berline e jndr'à le dintorne 'nzeccate onne state attive 'a UFA e 'a DEFA; pure osce a die 'a cetate jè sede de 'mbortande produziune cinematografeche e televisive.

Soprattutte però Berline jè oggette d'u cineme; 'nu sbuènne de film onne state ambiendate a Berline e 'nu sbuènne de chiste descrivene carattere e storie de sta cetate.




#Article 128: Purtugalle (906 words)


'U Purtugalle (Portugal jndr'à 'u portoghese) jè 'u state cchiù occidendale de l'Europe condinendale. Affacciate sus a l'Oceano Atlandiche, cu cchiù o mene 830 chilometre de coste a sud e a ovest, confine sulamende cu 'a Spagne (Galizia a nord, Castiglia e León, Estremadura e Andalusie a est). 'U territorie sue, corrisponne a l'andiche provinge romane de Lusitanie, occupe 'na fasce de territorie longhe cchiù o mene 600 km e larie 150/200 km ca da le rilieve d'a Meseta spagnole scenne 'mbonde a 'a coste atlandiche. Tène de le condenziose cu 'a Spagne pa cetadine de Olivenza.

Favorite da sta particolare posizione jndr'à 'u corse de le sechele 'u piccinne regne d'u Purtugalle ha riuscite a pigghià 'na notevole esperienze marinare ca l'ha permesse de costruì 'nu dominie coloniale larie assaije, cu possedimende jndr'à tutte le condinende, scuagghiate sulamende 'nu picche de mene de trand'anne fa. De jidde remanene le doje arcipelache de le Azzorre e de Madera, ca fanne parte d'u territorie nazionale cumme reggione autonome. Face parte d'a Nato, d'u Consiglie d'Europe, de l'OCSE e de l'Aunione Europèe Occidendale.

'A capitale d'u Purtugalle jè Lisbone.

Da 'u 1° scennare 1986 jè State membre de l'Aunione europèe.

Le coste d'u Purtugalle se presendane a tratte rettilinèe e sabbiose, a tratte ierte e rocciose. Assaije vote se iacchiane profonne rientranze inderrotte da promondorie rocciose.

'U Purtugalle jè occupate pe 'nu picche cchiù d'a metà d'u territorie sue da 'a pianure, pu 26% da 'a colline e pu 2% da 'a mundagne. L'altezze massime d'a reggione condinendale jè rappresendate da le 1.993 metre d'u Monde Malhão da Estrela cu 'u quale arrive 'a Serra da Estrela jndr'à metà settendrionale d'u Paise, ca jè pure 'a cchiù mondagnose. Jndr'à ponde meridionale stonne doje catene monduose piccenne oriendate in direzione ovest-est. Pianure larie de origgene alluvionale e marine separane le coste da le colline e da le mundagne de rrete. 'A pianure cchiù 'mbortande jè l'Alentejo, ca signifeche oltre 'u Tejo, 'nu fiume ca segne 'a fina soje.

Assaije sismiche, 'u Purtugalle ha state colpite cchiù vote da le terramote (famose 'u terramote d'u d'u 1735, ca distruggìe 'na bbona parte de Lisbone).

Jume prengepàle: Tejo, Douro, Guadiana, Mondego, Minho, Tamega, Sado, Vouga, Cavado, Ave, Corgo, Sabor, Coa, Tua e Zezere.
Le prengepàle lache artificiale sonde: Pico, Estrela, Larouco, Peneda, Gerês, Marão, Caramulo. Ogne fiume e ogne lache ca se iacchie jndr'à stu state jè assaije 'mbortande.

Le miniere portoghese reguardane soprattutte tungsteno e uranio a nord, stagne a 'u cendre e rame a 'u sud.

A nord, cioè jndr'à vanne cchiù monduose d'u Paise, 'u clime jè atlandiche probbie, cioè cu precipitaziune abbundanne e cu l'influsse de l'oceane, attenuate da 'a presenze de corrende fridde ca toccane 'a coste. A sud de Lisbone e d'u Cape da Roca ('a punde cchiù occidendale) l'effette d'a vasce latitudine prenne 'u sopravvende e aumende l'aridità, conseguenze de scarse chiogge. Spiccianne, in Algarve, l'estreme reggione meridionale nnande a l'Africa e prutette a le spalle da certe rilieve, 'u clime devende subtropicale.

Le caratteristeche climateche d'u Purtugalle avessera favorì 'u sviluppe de bosche de querce, de castagne e de fagge. Comungue 'a chiande cchiù diffuse a 'u sciurne d'osce jè l'eucalipto, ausate pa produzione d'a carte. Jndr'à le zone costiere crescene 'u pine marittime e certe vote 'a palma nana.

Jndr'à l'arcipelache de le Azzorre, furmate da nove isole monduose de origgene vulcaneche, 'u clime jè temberate e umide; 'a vegetazione spondanèe jè redotte a breve tratte de foreste. Stu clime permette 'a vite a specie de vegetale diverse, ne jè esembie 'u Parche de Terra Nostre.

Jndr'à 'u 1971 ha state istituite 'u prime parche nazionale, quidde de Peneda-Gerês, a 'u confine settendrionale, larie 70.000 ettari, addò, a parte a 'na lussurreggiande vegetazione arborèe, jè presende 'na ricche faune selvateche (cerve, capriole, aquile, cavaddere, cinghiale, volpe, pernice, rettile). Osce esistene 'na vendine de aree prutette de varie tipe (riserve e parche naturale, aree de inderesse paesaggisteche).

L'arcipelache de Madera avene chiamate 'u fiore de l'oceane. Jè de origgene vulcaneche e 'u clime sue jè sub-tropicale, cu 'na scarse escursione termeche: mite e costande, ca permette 'u turisme duranne tutte l'anne.

Le uneche doje isole piccenne d'u Purtugalle sonde l'arcipelache de le Azzorre, le Berlengas e Madera.

'U nome d'u Purtugalle, terre de le lusitane, derive da Portus Cale, da 'u nome de 'n'andiche 'nzediamende ca s'acchiave a le foce d'u jume Duero. Atturne a 'u 200 n.C. le romane accumenzarene a conguistà 'u Purtugalle. 'U paese avenìe invase da le arabe; raggiungìe l'aunità nazionale jndr'à 'u XII sechele, cu 'u sue prime Rre, Alfonso Henriques. L'aunità nazionale, cumme pe tande otre paise europèe non g'ha state 'nu cammine facile, anzi onne state 'nu sbuènne de fatte storece 'mbortande.

L'epoche de le scuperte e de le conguiste de le navigature purtughese avène jndr'à 'u XV e 'u XVI sechele. 'mBrà le cchiù granne se ponne arrecurdà l'aperture d'a rotte pe l'Indie fatte da Vasco da Gama (a 'u quale onne state dedicate 'na torre e 'nu ponde jndr'à zone cendrale de Lisbone) superanne 'u Cape de Bbona Speranze. 'A colonizzazzione de le coste de l'Afriche consendìe a le purtughese de ccrejà de le puèrte jndr'à le quale le nave putaven fà scale jndr'à 'u corse de le viagge luènghe verse l'estreme oriende. Stu fatte consendìe l'avvie de 'nu commercie de spezie cu l'Indie e le naziune cchiù 'mbortande affacciate sus a l'Oceane indiane.




#Article 129: Provinge de Tarde (1070 words)


  Aiuto:Provincia --

'A Provinge de Tarde ète na provinge d'a Pugghie meridionale de 573 225 crestiáne.

'A provinge de Tarde ète affacciate a sud sus a 'u Mar Jonio, e confine a ovest cu 'a provinge de Matera, a nord cu quedde de Bari, a est cu quedde de Brinnese, e a sud-est cu quedde de Lecce. 'A provinge jè ingluse parzialmende jndr'à reggione sciugrafeche d'u Salende.

Face parte d'u territorie provingiale pure 'u gruesse bacine idriche d'u Mar Piccele, sus a 'u quale se affacce 'a stesse cetate de Tarde.

Jè attraversate da 'a Via Appia, da 'a Strada Statale 106 Joniche e da l'Autostrada A14.

'A provinge de Tarde jè quase totte pianeggiande e pu reste collinare. Le pianure se sveluppane parallele a 'a coste joneche 'mbonde a cchiù o mene 15 chilometri verse 'u 'nderne, addò se 'nzippe 'u modeste altopiane calcarèe de le Murge, ca arrive 'mbonde a 550 metre d'u Monde Sarresso. Jndr'à zone oriendale d'a provinge le ondulazione morfologgeche sonde angore cchiù vasce, infatte le Murge Salendine non ge supranescene le 150 metre.

'U 23 settemmre 1923, Tarde devende provinge pe gemmazzione da l'andiche reggione d'a Terra d'Otranto, cumme recanuscemende d'u 'mbortande ruole ca 'a cetate avere cuperte sie jndr'à l'epoche andiche ca jndr'à quedda moderne. 'Mbonde a 'u 1951 avenìe denominate Provinge d'u Ionio.

Cumme stemme da ausà se penzò a l'andiche embleme d'a cetate suggerite da Pirro, indervenute cumme alleate de le Tarandine jndr'à Uerre condre a Rome: 'nu scorpione cu ttre giglie effiggiate sus a 'u dorse, reggende 'a corone d'u Pringipate de Tarde 'mbrà le chele.
'U re de l'Epire infatte, osservanne 'a cetate da le alture ca 'a circonnane, avìe l'imbressione ca 'a conformazione urbane arrecurdave 'a figure de 'nu scorpione. Stu stemme avera fungere pure da deterrende psicologgeche: le nemice averena reputà le magno-grece pericolose cumme a 'nu scorpione.

Ha state accussì pe cchiù de 17 sechele, 'mbonde a quanne 'u scorpione ha state sostituite da 'nu stemme ca raffigurave 'n'omme coronate a cavadde de 'nu delfine, cu 'nu tridende jndr'à mane destre e cu 'nu scude decorate cu 'nu scorpione jndr'à mane sinistre.

Cchiù nnande, stu stemme ha state sostituite 'n'otra vote da 'n'otre raffigurande 'nu uagnone anude a cavadde de 'nu delfine, cu 'nu tridende jndr'à màne destre e cu 'u vrazze sinistre 'nturtigghiate jndr'à 'na Clamide, 'u metalle de origgene greche ausate jndr'à le battagghie. Pure ca se trattave de 'n'immaggine ca se ispire a quedde raffigurate sus a le monete magno-greche d'u periode de massime splendore d'a cetate, l'idendità d'u uagnone non g'è chiare, purcé le fonde letterarie in merite sonde discorde: seconne Aristotele s'avera trattà de Taras, figghie d'u Dio Poseidone e d'a ninfe Satyria; seconne Pausania invece, s'avera trattà de Falanto, 'u funnatore d'a cetate ca seconne 'a tradizione avere state purtate in salve da 'nu delfine sus 'a terra ferme.

'U stemme cu 'u scoprione invece avenìe scacchiate cumme embleme d'a Provinge de Tarde e avenìe recanusciute ufficialmende 'u 24 febbrare 1927 cu decrete firmate da Vittorio Emanuele III e Benito Mussolini: D'argenge a 'u scorpione gnure, mise sus, carecate da ttre giglie d'ore e ca mandene cu le chele 'na corone a l'andiche, d'ore. 'U scude adda essere fregiate da 'a speciale corone da Provinge. Decrete reale de congessione in date 24 febbrare 1927, reggistrate a 'a Corte de le Conde 'u sciurne 11 marze 1927, Reg. 3 Fin., fogghie 347 e trascritte jndr'à 'u Libbre araldeche de le ente morale.

'U signifecate nuève non g'avere state cchiù de arme araldeche destinate a fà pigghià paure a l'avversarie, ma segne de 'na condinuità ideale de storie e civiltà.

L'esemblare cchiù andiche de quidde blasone stipate a Tarde jè d'u IV sechele.

Le prengepàle manifestaziune ca se fanne jndr'à provinge duranne l'anne sonde:

'A provinge jè dedicate a l'agricolture, a 'a pesche e a l'industrie jndr'à le settore siderurgeche, chimeche, alimendare, tessile, d'u legne, d'u vitre e d'a cerameche.

Pò vandà quacche prodotte cu certificazione DOP e IGP:

eppure vine cu certificazione DOC:

Da nnomenà pure l'economije legate a 'u turisme, ca jndr'à le località de Castellaneta Marina, Ginosa Marina e Chiatona da 'a vanne occidendale, e Pusane, Leporano, Lizzano e Cambemarine da 'a vanne oriendale, jè avviate belle belle.

'A provinge de Tarde jè attraversate da 'nu sachce de strade provingiale e strade statale. 'U capeluèche jè 'u punde de 'ngrocie 'mbrà le ttre maggiore arterie stradale d'a provinge:

Le linèe ferroviarie d'a provinge sonde cinghe. Tre tratte sonde gestite da RFI (de le quale doje fondamendale e une comblemendare) e doje da le Ferrovie d'u Sud Est:

Jndr'à zone industrale de Tarde, stè pure 'nu raccorde ferroviarie sus a 'u quale passane sulamende convoglie merce, 'u quale aunisce 'a tratte ioneche (apprime d'u P.M. Cagiune) cu quedde ca porte a Bari (apprime d'a stazione Bellavista).

'A stazione ferroviarie prengepàle d'a provinge jè quedde de Tarde, collegamende e baricendre de le prengepàle direttrice; jè pure l'uneche d'a provinge addò se pò effettuà 'n'interscambie 'mbrà le Ferrovie d'u Sud Est e le Ferrovie d'u State.

'A stazione de Martina Franghe jè 'n'imbortande node de scambie de le FSE 'mbrà le linèe Martina Franghe-Lecce e Bare-Tarde.

'U puèrte prengepàle d'a provinge jè quidde de Tarde: militare, mercandile, pescherecce e turisteche.

'U puèrte mercandile de Tarde jè seconde in Itaglie pe traffeche de merce. 

L'installazione cchiù recende jè costituire da 'u terminal container ca se iacchie sus a 'u mole polisettoriale, 'na strutture modernisseme comblete de sisteme telemateche e torre de condrolle, cu 'na capacità de stoccagge e movimendazione merce de cchiù o mene 2.000.000 de TEU/anno.

L'uneche otre puèrte turisteche d'a provinge jè quidde de Cambemarine.

L'aeropuèrte de Tarde Marcello Arlotta osce a die non ge face collegaminde passeggere (pure ca in passate le faceve), ma è ausate cumme scale merce e a ause militare (da vanne d'a Marine Militare Tagliàne).

Le aeropuèrte civile cu scale passeggire cchiù vecine a 'a provinge sonde doje:

'Nu servizie navette permette 'u collegamende d'u capeluèche ioneche (da 'u terminale autobus d'u puèrte mercandile) cu le doje aeropuèrte.

'A strutture jè gestite da 'a Aeropuèrte de Pugghie S.p.A., e jè parte d'u sisteme aeroportuale pugghiese cu le scale Karol Wojtyla de Bare, Gino Lisa de Fogge e Antonio Papola (o Aeroporto d'u Salende) de Brinnese.

'U territorije ioneche jè amministrate pure da ente sovraccomunale cumme le comunitate mundanare, soppresse jndr'à 'u 2009 e le ente parche:




#Article 130: Dialètte tarandine (3400 words)


'U Tarandine éte 'u dialètte d'a cetate de Tarde, parlate da 220.000 crestiane (eppure de cchiù ce penzame ca le tarandine emigrande in Itaglie sò de cchiù de chidde ca onne remaste jndr'à Tarde).
Jndr'à vanna nord d'a provinge de Tarde ète presende jndr'à le variande sue (mazzafrese, crispianese, ec..). Esse tène 'a particolarità de essere 'n' idioma comunale, cioè, 'a varianda cchiù genuine jè parlate esclusivamende jndr'à le confine d'a cetate, soprattutte jndr'à 'u cendre storeche, eppure aqquà tène 'nu sacche de differenze comunicative dovute a le cangiaminde generazionale.
Infatte, pure ca Tarde confine cu otre provinge pugghiese, jndr'à parlate tarandine non ge se iacchiane immediate similitudine cu 'u dialette salendine e cu quidde barese nè jndr'à l'accende, nè jndr'à pronunzie, nè jndr'à le vôsce de ste urteme .

L'origgene de stu dialette s'addà recanoscere quanne 'u territorie ere popolate da le popolazziune messapeche.
'A colonizzazzione de le Grice ca vedìe affiorà Taras, none sulamende cumme capitale d'a Magna Grecie, ma pure cumme cendre culturale, poetiche e tiatrale, ha lassate 'nu notevole influsse linguistiche, da 'u punde de viste lessicale e da quidde morfologgiche-sindattiche, eppure 'n'accende avveramende particolare ca seconne le studiuse avèra corrissponnere a l'andica cadenza doriche. Ste influsse sonde angore osce notabbele jndr'à parole de origgene greche. 

Cchiù nnade jndr'à 'u timbe 'a cetate addevenìe dominie romane], danne accussì 'nu tratte cchiù romanze a 'a lènga soje indroducénne vocabbole volgare, nonché la circonlocuzione verbale con il verbo scére + gerundio (dal latine ire iendo), e l'affievolimento delle -i- atone.

Duranne 'u periode bizzandine e longobbarde, 'a lènga tarandìne pigghiò 'nu carattere assaije origgenale pe l'epoche: le o avenèrene mutate in ue, le e in ie (esite condizionate da 'a presenze jndr'à sillabe finale de i o de u ), e 'u vocabbolarie se arricchì de nuève vocabbole
.

Cu l'arrive de le Normanne jndr'à 'u 1071 e de le Angioine 'mbonde a 'u 1400, 'a lènga perdìe bbona parte de le tratte oriendale ca tenève e avenìe 'nfluenzate da elemende frangise e gallo-italice, cumme 'a e mute finale. 

Jndr'à 'u Medioeve, 'a cetate addevenìe dominie de le saracene cu 'a conzeguende 'ndroduzione de vocabbole arabe, mendre jndr'à 'u 1502 Tarde cadìe sotte a 'u dominie de le Aragonese; pe tre sechele 'u spagnole addevenìe 'a lènga ufficiale d'a cetate e attraverse l'ause sue traserene a fà parte d'u vocabbolarie tarandìne otre vocabbole.

Jndr'à 'u 1801 'a cetate scìe nuovamende sotte a 'u dominie de le truppe frangise, ca lassarene definitivamende l'imbronda lore pa lènghe provenzale. 

Ète da arrecurdà ca Tarde ha state pe 'nu sbuenne de timbe legate a 'u Regne de Napule e quiste spieghe certe termine in comune cu 'u napuletane. 
Le 'nfluenze arabbeche, aunìte a chidde frangise e latine, onne purtate a 'na massicce desonorizzazzione de le vocale, cangiannele jndr'à -e- mmienzemute, causanne accussì 'nu notevole aumende fonetiche de le nesse consonandece. 

Osce a die, 'a particolare chiusure vocaliche e l'allungamende de le vocale tuèste, onne date a 'u dialette tarandìne 'na cadenze ca arrecorde assaije 'nu dialette arabe, ce pure cu quacche accenne a le sonorità doriche andiche.

Àve Marije

Jndr'à l'urteme doje sechele, 'u dialette tarandìne ha state oggette de condinue studie, none sulamende pe capì 'a comblessità fonetiche e morfologgiche, ma soprattutte pe riuscì a darle 'na collocazione definitive in mmienze a le innumerevole dialette meridionale.
'U punde d'a questione ha sembre state ce ète cchiù corrette classificà 'u dialette tarandìne 'mbrà le dialette pugghise o 'mbrà chidde salendine.

'U prima a notà 'na differenza fonetiche bella forte cu l'otre dialette d'u Salènde ha state Michele De Noto ca, jndr'à 'u sagge sue Appunde de fonetche d'u dialette de Tarde, scette le prime base pu studie d'u vocalisme e d'u conzonandisme dialettale.
Pure Rosa Anna Greco jndr'à 'u condrebbute sue Ricerche sus a 'u verbe jndr'à 'u dialette tarand'ne, affronde apertamende 'a tematiche dialettale tarandìne, cercanne de demostrà l'appartenenze a l'area lenguistiche pugghiese. Greco note cumme jndr'à 'u tarandìne, a parte a 'a metafonie e a 'u dittongamende condizionate, ste pure 'nu turbamende de le vocale toniche in sillaba libbere:
nzòre [sposo], pròche [seppellisco], náte [nuoto] e 'a pronunge indistinde de le vocale atone, cose ca manghe jndr'à l'area brinnesine e jndr'à chidde 'nzeccate.

'Nu pare de anne apprisse, Giuanne Battista Mancarella scrive Nueve condrebbute pa storie d'a lènghe a Tarde, addò appogge 'a tesi de Greco. Passanne pe inghieste e sondagge, jidde elenghe totte 'na serie de particolarità tipiche de le parlate pugghise: 

Pa morfologgie verbale, se vonne confermanne certe oscillazziune tipiche de l'area pugghiese, cumme le infinite apocopate, le doppie desinenze pe l'indicative imberfette e le desinenze -àmme e -èmme. 

Ma Mancarella offre pure 'n'ambia serie de particolarità ca putessere fà trasè 'u tarandìne 'mbrà le dialette salendìne: 

Cchiù nnande jè Giancinde Peluso ca vole ccu appizzeche 'u fuèche d'a questione de appartenenze d'u dialette tarandìne jndr'à l'area pugghiese. In Ajère e ôsce - Alle radici del dialetto tarantino, conferme le ricerche effettuate da Greco e Mancarella cu otre punde de condatte 'mbrà 'u tarandìne e 'u pugghiese:

A sostenè invece 'a tesi seconne 'a quale in dialette tarandìne appartene a l'area salendine, sonde soprattutte le studiuse Heinrich Lausberg e Gerhard Rohlfs. 
Lausberg note 'na congordanze 'mbrà 'u tarandìne e 'u brinnesine jndr'à l'esite foneteche ca accomune le condinuature e e o stritte e apirte, confluite sembre jndr'à 'nu suène apirte (cuèdde, strètte, pònde), invece Rohlfs métte in evidenze l'ause d'a congiunziona cu + presende indicative pe traducere l'infinite e 'u congiundive, costrutte tipiche de le dialette salendìne.
Jndr'à 'u Vocabbolarije de le dialette d'u Salènde de Rohlfs se condane cchiù de tredicimile vôsce latine, cchiù de vendiquattremile greche e cchiù o mene trecindequaranda 'mbrà spagnule, portoghese, catalane, provenzale, celtiche, còrse, germaniche, inglise, turche, albanise, dalmate, serbe, rumene, ebraiche, bèrbere e arabe.

Apparte certe similitudine morfo-sindatteche cu le dialette salendìne, 'u tarandìne vande pure 'nu sbuenne de vocabbole in comune cu 'u Salènde, tande da farle ingludere da Rohlfs jndr'à 'u sue Vocabbolarie de le dialette salendìne e sckaffannele sulamende da 'u punde de viste lissicale, 'mbrà le dialette calavrise e siciliane. Comungue, le differenze foneteche cu le dialette salendìne eppure 'u numere assaije ierte de vocabbole e particolarità ca sone origgenale tarandìne, fanne scuagghià sta tesi, mettènne in difficoltà le studiuse.

Securamende 'u sostrate greche jè angore belle visibbele, cu numerose derivate sia lessicale ca sindattece.
Pe esembie scè pigghiame 'a frase tagliàne ecco il taxi e combrondame le traduziune in greche e tarandìne:

Accumme se pò vedè bbuène, le doje frase s'assomigghiane assaje, e quiste è sulamende une de le tande esembie ca se ponne fa cu 'u greche.
'N'otre tipiche costrutte ereditate jè costituite da 'nu particolare tipe de periode ipotetiche addo 'a costruzione tagliàne se avessi, ti darei addevende in tarandìne, cu 'a forma greche, ce avéve, te dáve. 
Otre grecisme pure jè 'a perdite de l'infinite apprisse le verbe ca esprimescene 'nu desiderie o 'nordine:  vògghie cu vvóche [voglio andare (lett. voglio che vado)], o 'nordine: dìlle cu accàtte [digli di comprare].
Pure in ambite foneteche le residue d'u solstrate greche sonde belle visibbele:

Le studiuse ca se cimendescene cu 'u studie d'u dialette tarandìne, non ge ponne nò tenè cunde de ste 'mbortandisseme date, ca te fanne luà d'a cape 'u fatte ca stu dialette appartene a 'nu gruppe pugghiese.
Osce 'u debattete sus 'a classificazione de stu dialette jè angore apirte, e le studiuse e linguiste condinuane a 'ngazzarse sus 'a soje filogenese.

'A grammateche tarandìne jè assaije diverse da quedde d'u tagliàne standàrd. Queste presende 'nu sbuenne de costrutte de carattere tipicamende greche e latine.

'U dialette tarandìne tène doje genere, maschile e femminile. Avènne 'a terminazzione in -e mute, 'u genere de le parole jè recanuscibbele sulamende ausanne l'artichele, ca in tarandìne jè 'u, 'a, le pu determinative, e 'nu, 'na pe l'inderterminative. 

Ce 'u sostandive ca segue l'artichele accumenze cu 'na vocale, quiste se apostrofesce, a mene ca jidde non ge tène 'na conzonande iniziale cadute apprime:

'A formazione d'u plurale jè assaije comblesse. 
Pe 'nu sbuènne de sostandive e aggettive sta forme non g'esiste, cioè remanene uguale a 'u singolare:

Otre aggiungene 'u suffisse -ere:

Otre cangiane 'a vocale temateche:

Otre angore tutte e doje:

Spiccianne cu le plurale irregolare:

o sostandive cu doppia formazzione:

'A formazzione d'u femminile vè rete a le stesse regole.
Certe sostandive e aggettive remanene uguale a 'u maschile:

Otre cangiane 'u dittonghe uè in o:

Le pronome demostrative sonde: 

Cchiù ausate jndr'à 'u parlate sonde le forme abbreviate: 'stu, 'sta, 'ste.

Le pronome personale sonde: 

Ce 'a forme dative d'u pronome suggette jè seguite da 'nu pronome oggette, a differenze de 'u tagliàne, 'a forme dative se leve lassanne poste sulamende pu pronome oggette:

Vulenne se pò specificà 'u suggette ausanne l'aggiunde de 'nu pronome personale:

Pa forme de cortesie, 'u tarandìne ause 'a forme allocìutive ca, cumme s'ausave a Rome, dèje 'u tu a tutte indistindamende. Ce proprie se vole esprime rispette jndr'à le riguarde del'inderlocutore, se aggiunge l'aggettive ussegnorije, lassanne però sembre 'u verbe a 'a seconna persone singolare:

Quanne 'u pronome riflessive d'a prima persone plurale jè seguite da pronome oggette (in tagliàne addevende ce) e se iacchie a 'a forme negative, jidde addevende no'nge in dialette tarandìne:

Le pronome relative sonde:

Pe esembie:

Le aggettive possessive sonde:

Jndr'à u dialette tarandìne l'aggettive possessive vè sembre mise apprisse 'u nome a 'u quale se riferisce:

Otra caratteristeche de stu dialette jè ppure 'a forme enclitica d'u possessive ausanne le suffisse, ca però jè limitate sulamende a le crestiane:

e condinuanne accussì.

Le preposiziuni semblice sonde:

Ponne fà pure da preposiziune: 

Le preposiziuni articolate sonde:

Ca e Cu

Ca (lat. quia) pò pigghjià 'u valore de:

Cu (lat. quod) pò pigghjià 'u valore de:

'U partitive in tarandìne nong'esiste, e pu traducere avènene ausate doje forme: 

Pe esembie:

'U sisteme verbale tarandìne jè assaije comblesse e differende da quidde tagliàne. Jidde se base sus a costrutte de origgene tipeche latine e greche e canosce sulamende doje cognugaziune, ca sonde: -áre e -ére. 

Le virbe prengepàle e le declinaziune lore a l'indicative presende sonde:

'Na caratteristeca tipiche jè l'ause frequende assaije d'a prostesi d'a vocale -a-, ca porte a 'na doppia forme verbale:

Stè pure 'a presenze d'u suffisse incoattive -èscere derivate da l'andiche -ire: 

Jè assaije ausate l'alternanze vocaliche 'mbrà le virbe d'a prima cognugazione, ca depènde d'a metafonie. Lore sonde suggette a 'u dittongamende de l'urtema vocale temateche (-o- jndr'à -uè- e -e- jndr'à -ie-). Pe esembie:

Le virbe d'a seconda cognugazione, esitene 'a o jndr'à u:

L'infinite de le virbe jè rese, specialmende jndr'à 'u parlate informale, ausanne l'apocope de le forme accussì dette da dizionarije: 

Ce l'infinite vè apprisse a 'nu verbe de desiderie o d'ordene, avène tradotte cu 'a congiunziona cu seguite da 'u presende indicative d'u verbe:

Le desinenze pe formà l'indicative presende sonde le seguende:

Rispette a l'otre dialette pugghise, jndr'à 'u tarandìne non ge iesse fore 'a desinenze -che pe le prime persone. Sta desinenze jè ausate però pe le virbe monosillabece: 

'U presende continuate in tarandìne se forme cu l'indicative presende d'u verbe stare + preposizione a + indicative presende d'u verbe: 

Fanne eccezzione a sta regole 'a seconde e 'a terza persone singolare, ca non ge richiedene l'ause d'a preposiziona a: 

Jndr'à l'imberfette acchiame ste desinenze:

Pu timbe perfette le desinenze sonde:

Jndr'à 'u dialette tarandìne non g'esiste 'na forma universale de future, ca pe stu fatte avène sostituite da 'u presende indicative o avène espresse ausanne 'a perisfrasi futurale derivate da 'u latine habeo ab + infinite, caratteristeche queste ca jè comune a otre lènghe, 'mbrà le aule 'a lènga sarde: 

Stu costrutte jè ausate pure pe esprimere 'u sienze de necessità: 

'U congiundive presende tène tutte 'na forma soje particolare, tipiche pò de le dialette salendìne; se ave cu 'a congiunziona cu ca avène seguire da 'u presende indicative: 

A 'a smerse, 'u congiundive imberfette tène de le desinenze sue:

Otre timbe verbale inesistende jè 'u condizionale, sostituite da l'imberfette indicative o da l'imberfette d'u congiundive: 

L'imberative jè formate semblicemende cu l'aggiunde d'a desinenza -e pa seconna persona singolare, -àme o -íme pa prima persone plurale, e -àte o -íte pa seconda persone plurale: 

'A formazione de l'imberative negative jè ggià cchiù comblecate; se ave ausanne 'a circonlocuzione verbale cu scére + gerundie (da 'u latine ire iendo): 

'U gerundie se ave aggiunggenne 'a desinenze -ànne pe le virbe d'u prime gruppe, e -ènne pe le virbe d'u seconde: 

Certe vote pe traducere 'u gerundie se face ricorse a 'na preposiziona relative: 

'U participie passate jè formate cu l'aggiunde d'u suffisse -áte pe le virbe ca appartenene a 'u prime gruppe, e d'u suffisse -úte pe le virbe ca appartenene a 'u seconde. Ma pure ca stè sta regole certe vote stonne participie passate ca spicciane pe -ste: 

A parte le tipiche cinghe vocale de 'u tagliàne a e i o u, 'u dialette tarandìne ne conde pure otre e cinghe: é e ó sonde vocale achiuse, 'a á ca tène 'nu suène particolarmende chiuse, quase semimute, e í e ú chiamate vocale tuèste, purcé avènene pronungiate cu 'na notevole vibbrazzione de le corde vocale. 
Stonne pure le vocale apirte à è ì ò ù  e le vocale longhe â ê î ô û ca onne valore doppie rispette a chidde tagliàne.
Esiste pure 'notra vocale, 'a e mute, ca jè silende 'mbonde a 'a parole e semimute mmienze; allore 'na parole cumme perebìsse andrà pronunciata come [p'r'biss]. 
Le dittonghe sonde pronungiate cumme in tagliàne, a mene ca pe ie ca vale cumme a 'na i longhe ce se iacchie jndr'à 'u cuèrpe de 'na parole, invece ce mise a 'a fine addà essere pronungiate cumme 'na i assaije veloce seguite da 'na e semimute, e au ca vè pronungiate cumme jndr'à 'u frangese.

Le consonande sonde le stesse d'u tagliàne, cu sulamende cinghe aggiunde: c ce se iacchie jndr'à 'na posizione postonica s'ause pronungiarle cumme sc in sciocco, j pronungiate cumme 'a y d'a parole 'nglese yellow, 'u nesse sck addò sc jè pronungiate cumme jndr'à parole tagliàne scena, 'a k cumme 'a c de casa, 'u nesse ije pronungiate cchiù o mene cumme ille jndr'à parola frangese bouteille, e 'a v jndr'à 'na posizione indervocaliche ca non ge tène nisciune suène (es: avuandáre, tuve, ecc...).
Le consonande doppie sonde assaije frequende in pringipie de parole, e onne 'nu suène cchiù forte rispette a le lore corrispettive singhele.

Pu fatte ca stonne 'nu sbuènne de omofone jndr'à 'u dialette tarandìne, certe vote 'nu crestiane jè costrette a fà distinziune pe mmienze de 'n'accende o de 'na dieresi; quest'urteme avène ausate pe indicà 'u iato 'mbrà doje consonande, pe esembie:

'A dissimilazione jè 'nu fenomene pu quale doje suène, acchiannese 'nzeccate 'nzeccate, tennene a differenziarse: 

L'assimilazione se ave quanne 'a consonande iniziale de 'na parole se cange jndr'à consonande d'a seconna sillabe d'a parola stesse, in seguite a 'nandicipazione de l'articolazione fonetiche de quest'urteme: 

'Na particolarità ca zumbe subbete a l'uecchie de ce pa prima vote se iacche a leggere 'nu teste in dialette tarandìne, jè 'u fenomene d'a geminazione, o cchiù semblicemende raddoppiamende iniziale o sindatteche. Quiste jè 'nu fenomene de fonosindasse, cioè, pu fatte ca se perde 'a consonande finale de certe monosillabe (assimilazione fonosindatteche), 'a consonande iniziale d'a parole ca avène apprisse avène rafforzata.

Le prengepàle monosillabe ca donne luèche a 'a geminazione sonde: 

'U raddoppiamende iniziale jè indispensabbele jndr'à lènga orale pe capì 'u significate d'a frase:

Cumme se vede jndr'à l'esembie, 'u rafforzamende d'a f se revèle fondamendale pu sienze de l'affermazione. 'Nà quacche otre esembie:

'U 'Mbierne de Dande (Claudio De Cuia)
 
'Mmienze ô camíne nuèstre de 'sta víte 
ij' me scè 'cchiève jndr'a 'nu vòsch'uscúre
ca 'a drètta vije addáne havè' sparíte.

Ma ci l'à ddà cundáre le delúre 
de 'stu vosche sarvagge e 'a strada stòrte 
ca jndr'o penzière me crèsce 'a pavúre.

Ma è tand'amáre ch'è pêsce d'a morte;
ma pe' ccundáre 'u bbéne ca truvéve, 
hagghia parlà' de quèdda mala sòrte.

Ije mo' nò ssacce accum'è ca m'acchiève,
tand'assunnáte stáve a qquèdda vanne
ca 'a vije veràce te scè' 'bbandunéve.

Doppe ch'havè' 'rreváte tremelànne
già 'ngocchie a lle fenéte de 'sta chiàne,
ch'angòre ô côre dè' mattáne e affanne,

vedíve 'u cièle tutte a mmane-a-mmane
ca s'ammandáve d'a luce d'u sole
ca 'nzignalèsce 'a strate a ogne crestiáne...

Inferno - Canto I (Dante Alighieri)

Nel mezzo del cammin di nostra vita 
mi ritrovai per una selva oscura, 
ché la diritta via era smarrita. 

Ahi quanto a dir qual era è cosa dura
esta selva selvaggia e aspra e forte
che nel pensier rinova la paura! 

Tant' è amara che poco è più morte; 
ma per trattar del ben ch'i' vi trovai, 
dirò de l'altre cose ch'i' v'ho scorte. 

Io non so ben ridir com' i' v'intrai, 
tant' era pien di sonno a quel punto 
che la verace via abbandonai. 

Ma poi ch'i' fui al piè d'un colle giunto, 
là dove terminava quella valle 
che m'avea di paura il cor compunto, 

guardai in alto e vidi le sue spalle 
vestite già de' raggi del pianeta 
che mena dritto altrui per ogne calle... 

'U 'càndeche de le crijatúre de San Frangísche (Enrico Vetrò)

Altísseme, ’Neputènde, Signóre bbuéne,
Túje so’ le làude, ’a glorie e ll’anóre e ogne bbenedizzióne.
A Tté súle, Altísseme, Te tòcchene,
e nnisciún’óme éte dègne de Te menduváre.
Lavudáte sije, Signóre mije, appríss’a ttutte le crijatúre Tóve,
spéče frátema mije mèstre sóle,
ca jé llúče d’u ggiúrne, e nn’allumenìsce a nnúje cu jidde. 
E jìdd’é’ bbèlle e allucèsce cu sblennóre granne,
de Téje, Altísseme, annùče ’u valóre.
Lavudáte sije, Signóre mije, pe’ ssòrem’a lúne e lle stèdde:

Lavudáte sije, Signóre mije, pe’ ffráteme ’u víende,
e ppe’ ll’àrie, le nùvele, ’u chiaríme e ogne ttìjembe,
ca cu chìdde a lle crijatúre Tóve le fáče refiatà.
Lavudáte sije, Signóre mije, pe’ ssòreme  l’acque,
ca jé ùtele asséje, terragnóle, prizziósa e cchiáre.
Lavudáte sije, Signóre mije, pe’ ffráteme ’u fuéche,
ca cu jìdde allumenìsce ’a nòtte:
e jidd’è’ bbèlle, allègre, pastecchíne e ffòrte.
Lavudáte sije, Signóre mije, p’a sóra nòstra màtra tèrre,
ca ne mandéne e nn’ènghie ’a vèndre,
e ccàcce numúnne de frùtte e ppúre fiúre d’ogne cculóre e ll’èrve.
Lavudáte sije, Signóre mije, pe’ cchidde ca perdònene p’amóre Túve
E ssuppòrtene malatíje e ttrìbbule.
Vijáte a cchìdde ca l’honna ssuppurtà cu rrassignazzióne,
ca da Téje, Altísseme, honn’essere ’ngurunáte.
Lavudáte sije, Signóre mije, p’a sóra nostra morta d’u cuèrpe
ca da jèdde nisciún’ome ca refiáte po’ scambáre:
uàje a cchìdde c’honna murè jind’a’ le puccáte murtále;
vijáte a cchìdde ca jedde à dda  truvà jind’a’ Vulundà’ Ttója Sandísseme,
ca a llóre ’a secònna  mòrte no ’nge l’à ddà ffa’ mále.
Lavudáte e bbenedecíte ’u  Signóre mij’ e dečíteLe gràzzie
E sservíteLe cu grànna devuzzióne.

Cantico delle creature (Francesco d'Assisi)

Altissimu, onnipotente bon Signore,
Tue so' le laude, la gloria e l'honore et onne benedictione.
Ad Te solo, Altissimo, se konfano,
et nullu homo ène dignu te mentovare.
Laudato sie, mi' Signore cum tucte le Tue creature,
spetialmente messor lo frate Sole,
lo qual è iorno, et allumeni noi per lui.
Et ellu è bellu e radiante cum grande splendore:
de Te, Altissimo, porta significatione.
Laudato si', mi Signore, per sora Luna e le stelle:
in celu l'ài formate clarite et pretiose et belle.
Laudato si', mi' Signore, per frate Vento
et per aere et nubilo et sereno et onne tempo,
per lo quale, a le Tue creature dài sustentamento.
Laudato si', mi' Signore, per sor Aqua,
la quale è multo utile et humile et pretiosa et casta.
Laudato si', mi Signore, per frate Focu,
per lo quale ennallumini la nocte:
ed ello è bello et iocundo et robustoso et forte.
Laudato si', mi' Signore, per sora nostra matre Terra,
la quale ne sustenta et governa,
et produce diversi fructi con coloriti flori et herba.
Laudato si', mi Signore, per quelli che perdonano per lo Tuo amore
et sostengono infirmitate et tribulatione.
Beati quelli ke 'l sosterranno in pace,
ka da Te, Altissimo, sirano incoronati.
Laudato si' mi Signore, per sora nostra Morte corporale,
da la quale nullu homo vivente po' skappare:
guai a quelli ke morrano ne le peccata mortali;
beati quelli ke trovarà ne le Tue sanctissime voluntati,
ka la morte secunda no 'l farrà male.
Laudate et benedicete mi Signore et rengratiate
e serviateli cum grande humilitate..




#Article 131: Liste de le codece naziunele d'a FIFA (259 words)


'A FIFA deje 'nu codece de tre lettere (nnomenate Trigrammi FIFA) pe ogne paise ca jè membre e pure a chìdde ca non ge sonde membre. Chìste sonde le codece ufficiali ausate da 'a FIFA e da le sue confederazione continendele (AFC, CAF, CONCACAF, CONMEBOL, OFC e UEFA) cumme nome accurciete de le paise e dipendenze jndr'à le compbetizione ufficiali.

Osce a die stonne 208 membre FIFA, ogne une cu 'u codece univoche.

Le codece ca avènene apprisse se referiscene a paise o territori dipendende ca ôsce a die non ge stonne a FIFA, ma jessene jndr'à l'archivije d'a FIFA o sonde ausate regolarmende dall confederazione.

Le codece ca avènene apprisse se referiscene a paise o territorie depennènde ca ôsce a die non ge sonde affiliate a FIFA. Pure ca sonde membre o associate a le confederazione reggiunele lore, chiste codece non ge sonde ausate jndr'à le comunicaziune d'a FIFA.

Le codece ca avènene sonde vìcchje purcè 'u paise non g'esiste cchiù oppure purcè ha cangete nome o codece oppure ha devenute parte de notre paise.

Pure ca 'nu sacche de codece FIFA sonde uguale a chidde d'u Comitate Olimbiche 'Ndernazionale (CIO) ausate pe le Sciueche Olimbiche, ste sembre quacche differenza:

Stonne pure de le paise ca sone affiliate a FIFA ma non ge sonde affiliate a 'u CIO, e pure a smerse.

Pure ca stonne 'nu sacche de codece FIFA ca sonde uguale a le codece d'u CIO, stonne pure 'nu sacche de differenze cu le codece stabilite da l'ISO, ca sonde elenghete jndr'à 'u standard 3166-1 alpha-3.




#Article 132: Cèlte (1106 words)


Cu ‘u nome de Cèlte s’ìnneche ‘n’inziéme de popule indoeuropée ca, ind’ô periode de masseme sblendore (IV-II sèchele a.C.), stavane ind’a ‘na ‘ranne vanne d’Europe, dall’Isole bretànneche ‘nzign’ô bacine d’u Danubie, otre a ‘nguarche ‘nziediamijnde sckurisciute cchiù a ssud, conseguènze d’u spandemijnde mére le penìselele ibèrche, itàleche e anatòleche. Aunite da l’orìggene ètneche e culturale, d’a condivisione de ‘nu stèsse funne linguìsteche indoeuropée e dda ‘na stèssa visione releggiose, le Cèlte fùrene sèmbe scucchiáte; ‘mbrà lle tanda mesckulanze de populazziune cèlteche stavene le Bretànne, le Galle, le Pannune, le Celtìbere e lle Galate, scettáte ind’a ll’Isele Bretànneche, ind’a lle Gallie, ‘mPannonie, ‘nIbèrie e ‘nAnatòlie.

Mastre de ‘n’origgenale e articolata cultura, le Cèlte fùrene suggètte d’ô II sèchle a.C. a ‘na granna pressione polìteche, meletar’e cculturale da parte d’ôtre chiuèppe indoeuropée: le Germane, d’ô nord, e lle Rumane, d’ô sud. Le Cèlte fùrene accucciat’e accucchiate chiane-chiane, tande ca già ind’a tarda andichità l’use de le lènghe lore apparésce assaje ‘ndecandènze. L’arrestramiende de le Cèlte accume ‘nu popule autòneme stè testimoniate probbie d’a marginazzione d’a lènga lore, sùbbete cumbenáte  a lle sule Isele bretànneche. Addà, doppe le granne mesckulanze altomedievale, assèrene l’aréde  stòrece de le Cèlte: le populazziune de l’Irlande e dde le vanne occidentale e ssettendriunale d’a Gran Bretàgne, ca parlàvene lènge bretònneche o goidèleche, le doje varietáte de le lènge cèlteche ‘nzulare. 

Le Cèlte so’ menziunáte dalle stòrece de lènga gréche accume  Κελτοί (Keltòi) da Ecateo di Mileto e da Erodoto o Κέλται (Kéltai) da Aristotele e Plutarco, da cui derive ‘u latine Celtae.
Probabilmènde ‘a parola Cèlte jéve ‘nu tèrmene probbie de ‘na sola tribbù d’a vanne d’a colonia gréche de Marsiglie, ‘u prime luéche addò le Grice trasèrene ‘ngondatte c’u popule de le Cèlte; doppe, ‘sta parole fué applicate per’ ttutte le crestiane accum’a llore.
Sèmbe prèsse le Grice, a ppartire d’ô III sèchele a.C. è attestate ‘u nuéve tèrmene Γαλάτα, corrispunnènde ô latine Galli. Da ‘sta denominazzione ha state ipotizzate ‘na derivazzione d’a ràdeche cèlteche *gal (“putire”, “forze”) o d’a ràdeche indoeuropée *kelH (“essere elevato”).  
No’ sse canosce ‘a parole ca le Cèlte ausàvene pe’ ‘ndecà lore stèsse pure ce jèvene ‘nu popule ca tenèvene le stèsse orìggene, ‘a stèssa culture e ‘a stèssa lènghe, e mmange ce stave abbunnesìnne ‘na parola sìmele.

Archeolege e llinguiste accumètene, ‘a granne maggioranze, c’u dìcere ca le Cèlte jèvene ‘u popule portare d’a Cultura de La Tène, sviluppate durande l’Età d’u fiere d’a precedènde Cultura d'Hallshatt. ‘Sta identificazzione dè mode d’acchià ‘a patria origgenale de le Cèlte ind’a ‘n’area ca stave ‘mbrà l’alto Reno (da Renos, parole d’orìggene cèlteche ca signìfece “mare”) e lle surgènde d’u Danubie (d’ô cèltece Danuvius ca signìfeche “ca fuce scappanne”), ‘mbrà lle pajèsere ca ôsce so’ ‘a Germanie meridionale, ‘a Frangie orientale e ‘a Svizzere settendriunale: aqquà le Protocèlte s’accucchiàrene accumune ‘nu sule popule, cu ‘na probbia lènghe.

Ha state tuttavije avanzate l’ipòtese, sèmbe funnate sus’a ccose linguìsteche, ca le Protocèlte fuèssere ‘u frutte de ‘na penetrazzione secondarie d’Indoeuropée ‘nEurope cendrale, a mmetà d’u III millènnie a.C., a ‘ccumenzà da le stèppe a nnord d’u Mar Nére, probàbbele patria originarie d’u stèsse popule.

Ind’a ll’area de La Tène se reggìstre ‘na condinuità nell’evoluzzione culturale nindméne ca d’a Cultura de le cambe d’urne (a ‘ccumenzà d’ô XIII sèchele a.C.). Quanne accumezóje ‘u VIII sèchele a.C. s’affermò ‘a Cultura d’Hallstatt, ‘a civiltà protocèlteche ca mustrave già le prime caratterìsteche culturale ca po’ honn’a ddevendà probbie d’a cultura cèlteche clàsseche. ‘U nome derive da ‘nu ‘mbortande site archeologgeche austriache ca stè a ‘na cinquantine de chilòmetre da Salisburgo. ‘A Cultura d’Hallstatt, cu bbase agricole ma dominate da ‘na classe de uerriére, jéve ‘nzerite ind’a ‘na réte commerciale assaje granne ca coinvolgéve Grice, Scite e Etrusche. Jè da ‘sta civiltà dell’Europe cèndre-occidentale ca, 'ndorn'ô V sèchele a.C., accumenzò ‘na vôta pe’ ttutte ‘a cultura cèltecha propriamènde ditte: cu lle parole de l’archeolege, ‘a Cultura de La Tène.

L’identificazzione de le Cèlte cu ‘a culura d’Hallstatt-La Tène cunzènde, sus’a bbase de le retrovamiende archeologgece, de fà ‘nu quadre d’u procèsse ‘spanzive lore a ‘ccumenzà d’â piccènn’area de l’Europe cèndr-occidentale addò addevènnere ‘nu popule. ‘A trasute jndr’a penìsele ibèreche e lluènghe le coste atlàndeche de quèdda ca moje éte ‘a Frangie resale ô VIII-VII sèchele a.C., angore quanne stave ‘a cultura d’Hallstatt. Cchiù ttarde, quann’avéra già accumenzate ‘a Cultura de La Tène, arrevàrene a’ Màneche, ‘a foce d’u Réne, addò mo’ stè ‘a Germania nord-occidentale e ll’Isele bretànneche; angora doppe avenije ‘a spanzione mére le pajèsere ca ôsce so’ ‘a Boèmie, l’Ungherije e ll’Austrie. Contemboràne a cchiste ùrteme movemiende fùrene le ‘nzediamijnde, già reggestrate dalle fuènde stòreche, ‘nItaglie settendriunale e ‘nd’à ‘nu picche de quàdda centrale (quanne accumènze ‘u IV sèchele a.C.) e ind’a Penìsele balcàneche. Ind’ô III sèchele ‘u chiappe de le Galate passóje d’a Tracie a’ Anatolie, addò se paró ‘na vôte pe’ ttutte. L’avanzate fuè fauríte prengepalmènde d’a granna maestranza tècneche de l’arme ca tenèvene ‘a pambanàrie de le uerriére, ca carescióje ‘ste popule durande le migrazziune.

Le Cèlte arrevàrene a’u màsseme d’u sbelndore lore a mmetà d’u IV e ‘nd’a prima metà d’u III sèchele a.C. Ind’a quest’èbbeche, ‘a lèngh’e ‘a cultura cèlteche jèvene ‘a cose cchiù cansciut’e ccaratterìsteche ind’a totta l’Europe, accucchiànne ‘na ‘ranne e sscumbenat’area ca scéve dall’Isele Bretànneche a ll’Itaglie settendriunale e d’a Penìsele Ibèreche ô bacine d’u Danubie. Chiuèppe sckurisciute s’avèrene spingiute cchiù a ssud, accume le Galle Senone ind’a l’Itaglie cendrale e lle Galate ‘nAnatolie.

Le tanda popolazziune jèvene ‘nu sule accucchiamijnde culturale e dde lènghe, ma no’ ppolìteche; jndr’a sciuggetáta lore, già le fuènde andìche acchiàrene tanda chioppe prengepale de tribbù: le Bretànne (Isele bretànneche), le Celtìbere (Penìsele ibèreche), le Pannune (Pannonie), le Galate (Anatolie) e lle Galle (Gallie); ‘st’ùrteme èrne a lloro vôte scucchiate ind’a tanda chioppe, addò stavene pure le Bèlge , le cchiù ‘mburtande, ca èrne pure mesckulate cu elemiende germànece, l’Elvéze, addò stave l’estremità orientale d’a Gallie, le Rite, popule ca no’ ére indoeuropée e avenéve d’a reggione aplina orientale, e lle Lepòndece ca stavane ind’a l’Itaglie settendriunale.

Testimònie d’a presànza cèlteca andìche honne state acchiate ind’a totta Europe, ind’a ‘n’area assaje cchiù granne de quèdda ca le Cèlte già s’avèrene pogghiate ind’a l’èbbeche stòreche. Accume testemònie d’u spisse cangie-e-scangie culturale e ccommerciale ‘mbrà ll’andìche populazziune europée, manufàtte cèltece honne state acchiate ind’a lle reggiune mediterráne pure ce no’ jèvene facele da ‘ngappà pe ‘ lle tribbù cèlteche, e ind’a vanne de l’Europe cèndre-settendriunale, d’a reggione balcàneche a’ Scandevàvie. ‘Mbrà lle nome ca tenèvene ‘n’orìggene cèlteche, so’ de granne ‘mburtanze ‘a “Galizzie” ibèreche e ‘a “Galazzie” anatòleche, ma pure ‘a “Galizzie” sub-carpàteche, ‘na zone ca ‘mbassate fuè a’u cumbine estréme d’a trasuta cèlteche.




#Article 133: ISO 3166-1 numereche (1165 words)


'U stàndàrd ISO 3166-1 numereche definisce 'a vanne cu 'a codifeche numereche d'u stàndàrd ISO 3166-1.

Le codece ISO 3166-1 numereche sonde 'na codifeche a ttre numere ca rappresende state e territorie dipendende. Sonde pubblichete da l'ISO cumme parte d'u stàndàrd ISO 3166, e 'ndichescene le codece paise a ttre numere sviluppete e mandenute da United Nations Statistics Division. Onne state 'ndrodotte p'a prima vote cumme parte d'u stàndàrd ISO 3166 jndr'à seconde edizione d'u 1981.

'Nu granne vandaggie de le codece numerece respitte a le codece ISO 3166 ca se basane sus a le lettere jè l'indipendenze da l'alfabbeto; quiste jè ovviamende ottenute a 'u coste de facilità 'a memorizzazione de le date.

'U sisteme a lettere ausete jndr'à l'ISO 3166 se base sus a le carattere de l'alfabbeto latino ausete da le lènghe de l'Europa occindedele. Pe cristiàne e sisteme ca ausene alfabbete non latini - arabo, bengali, cenese, cirilloche, devanagari, greco, hangul, giappunese - le carattere de l'alfabbeto latino ponne essere non ausabele o defficile da ausà, combrennere o 'nderpretà jndr'à 'u mode satte-satte. Le codece numerece donne 'a possbilità de superaje ste probleme de depennenze da 'u singhele alfabbete.

L'introduzione de le codece numerece nueve reflette 'nu camgiaminde de le confine de 'nu paise, non d'u nome suje. Ce capete ca s'auniscene o se separescene le paise, avènene assignete codece numerece nueve a le paise 'nderessete.
Pe esembie:

Ce 'nu paise cange 'u nome senza ca cange pure 'u territorie, 'u codece numereche ca tenève non ge camge. Pe esembie, quanne 'a Birmania ha cangete 'u nome in Myanmar senza ca ha state 'nu cangiaminde de le confine, 'u codece numereche 104 ha restete uguale.

Quedda ca avene mò jè 'na lista comblete de le codece numerece ISO 3166-1 uffiscialmende assignete, addò le nome de le paise sonde 'a versione breve jndr'à  lènga inglese de le nome ausete uffiscialmende da ISO 3166 Maintenance Agency (ISO 3166/MA):

 
Le codece numerece da 900 a 999 ponne essere assignete da l'utende. Chiste codece sonde a disposizione de l'utende ca tènene 'a necessità de aggiungere otre nome de state, territorie o otre entità sciugrafeche alle proprie applicaziune personele de l'ISO 3166-1 e, l'ISO 3166/MA s'imbegne a non ausà maje, jndr'à 'u future, chiste codeve jndr'à l'aggiornamende de le stàndàrd.

Chiste codece numerece onne state reterete, a partì da 'a prima edizione de l'ISO 3166 jndr'à 'u 1974 (vide ca l'ISO 3166-1 numereche non ge tène codece reservete):




#Article 134: Agùgghie (227 words)


LAgùgghie (nome sciendifiche Belone Belone - tagliàne Aguglia) ète 'nu pésce pelagiche d'a famigghie de le Belonidae.

Le pìsce de stu genere arrivane 'mbonde a 40-70 cm de lunghezze.
Cuèrpe cchiù allungate e cchiù mazze d'u Scomberesox, ca se vède ca jè diverse purcè non ge tène le pinnule rrete a le pinne dorsale e anale. 'U becche è cchiù luènghe de quidde d'ù Scomberesox, cu chidde mascedde larje larje e armate cu certe dinde belle tueste.
'U culore d'u dorse jè vèrde azzurrognele; 'a vendre jè vianghe cumme 'na perle o argendeo.

LAgùgghie cambe jndr'à profondità non lundane da 'a coste a 'a quale s'avvicine jndr'à le mise de primavere e l'estate cu 'nu sacche de pisce da specia soje. Vè fucenne cu 'na bella agilità zumbanne pure fore da l'acqua. Avène pescate cu le rezze a strasciche e cu le rezze verticale ca se mèttene jndr'à 'na certa manière pe cercunnà 'u branghe de le pisce, ca se pigghjane 'nu sckànde, fucènne fucènne, remanene 'mmienze a le rezze.
S'ause angore pescà l'agùgghie cu 'a lenze e, de notte, cu 'na particolare fòcene ca tène 'nu sbuenne de dinde aguzze, dopo ca avène chiamate 'u pesce cu 'a luce 'rtificiale.

Carne prelibbate assaje, ma 'u fatte ca 'u scheletre jè colorate de vèrde purcè stè 'na varietà de pigmende biliare, jndr'à certe paise avène viste male.




#Article 135: Donatelle (3445 words)


Ha fatjete a Firenze, Prato, Siena e Padova ausanne 'nu sacche de tecniche (tutte tunne, bassorilievo, stiacciato), cu 'nu sacche de tipe de materiele diverse (marme, bronze, legne).
Pigghiò le distanze da 'u stile gotico turnanne a fatjà cu le pringipie de l'arte greca e quedda romana da 'nu punde de viste formele e stilistiche; a state avveramende particolere cumme jidde ha date a l'opere sue 'na capacità de 'nfonnere umanità e indrospezzione.

Ha nate a Firenze jndr'à 'u 1386, figghie de Niccolò de Betto Bardi, ca cardeve 'a lana.
A soje ere 'na famigghie semblice semblice: l'attene, ca se 'ngazzeve sembre, fece 'na vite 'ngazzosa assaje purcè avere partecipete a prima rivolta de le Ciompi d'u 1378, pò pure ad otre aziune condre a Firenze ca l'onne purtate a essere cundannete a morte e pò perdonete cu 'nu condone d'a pena; 'nu carattere assaje diverse da quidde d'u figghie sue, assaje piccinne, signorile, 'llegante e delicate tande ca le cristiane l'averene mise 'u nome Donatelle, ca, sendènne 'u Vasari, ha state educhete jndr'à case de Roberto Martelli. Da 'u 1402 a 'u 1404 ha state a Rome 'nzieme a 'u Brunelleschi, pe studià l'antiche.

Da 'u 1404 a 'u 1407 ha ajutete a Lorenzo Ghiberti pe le lavure d'a porta nord d'u Battistere.

Da 'u 1408 ha fatjete pe l'Opera d'u Duomo de Firenze, p'a quale ha fatte, jndr'à 'u stesse anne, 'u David marmoreo pe une de le condrafforte esterne: 'a faccia senza 'spressione, cu 'na corone d'amaranto (simbele profene, aqquà ausete da Donatelle sus a 'nu patriarca bibbliche) e le membre fatte cchiù longhe sonde de origgine tarde gotica ma 'a posa de condrapposte, cu 'u punde d'appogge sus 'a na sola iamma, addò corresponne 'nu turcemende d'u buste all'opposte, e le màne, avveramende atteggiate, 'ndichescene n'attende studie da 'u vere de l'anatomije umane.
Jndr'à 'u 1416 u pigghiarene e u purtarene a Palazze Vicchje e l'ausarene cumme emblema d'a cetate (osce a die ste stepate jndr'à 'u Bargelle).

'Mbrà 'u 1409 e 'u 1411 ha fatte 'u San Giuanne 'Vangelista pe 'na nicchia ca steve a 'u late d'u purtale d'u Duomo, cu otre ttre 'vangeliste 'u San Marco de Pitre Lamberti, 'u San Luca de Nanni de Banco e 'u San Matteo de Bernarde Ciuffagni.

Donatelle, jndr'à 'u sue 'vangelista ha reaggite a 'u manierisme tardegotico, none sulamende ausanne 'u stile d'a nobbile combostezze statutarie de l'antiche ma cercanne pure brane umane e vvere avveramende: 'a facce d'u sande cu 'a fronde 'ngazzete (pò essere ca a state repegghiete da 'na cape de Giove Capitolino) ere però basate angore sus a l'idealizzazione, le spalle e 'u buste erene semblifichete sciumetricamende seconde 'na calotte fatte a cerchie a metà, jndr'à le vanne de sotte d'a figure 'a stilizzazzione venève mise da parte pe lassà spazie a 'na maggiore naturalezze: le màne erene riele e le pannegge ca abbrazzene le iamme facevene vedè tutte le forme de le membre, senza ca avenèvene scunnute; 'a statue cu 'a careca soje de forze trattenute addevenì 'n'imbortande modelle p'u Mosè de Michelangelo. 

Da 'u 1411 fatiò p'u candiere d'a chiesera de Orsanmichele, addò pe le tridece nicchie de fòre le Arti avèrene commissionà statue: 'mbrà 'u 1411 e 'u 1412 Donatelle ccrejò 'u San Marco pe l'Arte de le Linaioli e Rigattieri. 

Jndr'à 'u 1417 spicciò 'a statue de San Giorgio commissionete da l'Arte de le Corazzai. 'A scelte iconografiche ha depese da 'u fatte ca le committende vulèvene 'na figure addò avèrene essere presende le arme e 'a corazze. 'A figure, ca jè 'nu picca ruotete sus a l'asse cendrele, ca face perne sus a le iamme a combasse, ha state fatte sus a ttre ovale un sus a l'otre: 'a facce cu le sopracciglie 'ggrottete, 'u buste e 'u scude, 'u scatte d'a cape ca ste in direzione opposte a 'u cuerpe avène ausete da l'artiste pe animà de cchiù 'a statue. 

'U bassorilievo in petre d'a base, pò essere de doje anne apprisse, avène scolpite cu 'a tecnica d'u stiacciato; jè une de le prime esembie de prospettive cendrele a punde sule de fuga, cu le orizzondele ca convergene verse 'u gruppe cendrele cu 'a rappresendazione de San Giorgio ca lotte cu 'u draghe cu a destre 'a grotte e 'a pringipesse, assute da le sarcofagi romane, e a sinistre 'u porticate costruite in prospettive; ce le linee d'u mandelle, l'armature prezziose assaje d'u sande e 'u profile de le ale aprite d'u draghe, ca cerchene de conqguistà 'u sguarde d'u spettatore, sonde particulere de guste tarde-gotico, nove jè 'a congezione de spazie, ca pare ca se spanne fòre 'a cornice d'u bassorilievo, pure ca avène perfettamende definite da sicure siune, nove jè pure 'a funzione d'a luce ca fece cangià 'u punde fochele de l'azione.

'U Marzocco de Piazza d'a Signoria ha state fatte 'mbrà 'u 1418 e 'u 1420.

D'u 1423 cchiù o mene jè 'u San Ludovico de Tolosa, ca mò steje a 'u Musee de l'Opera de Sanda Croce, ca in origgine ere 'nzertete jndr'à 'nu tabernachele, sembre de màne de Donatelle e a ordine corinzio; 'u tabernacolo ere d'a Parte Guelfa e quanne l'mbortanze de queste cadije 'u mettèrene in vendite e fu accattete 'mbrà 'u 1459 e 'u 1460 da l'Arte de le Mercande ca misere 'u gruppe cu l'Ingredulità de San Tommaso de Andrea Verrocchio.

'Mbrà 'u 1415 e 'u 1426 Donatelle sculpì cinghe statue p'u cambanile d'u duomo: 'u Profeta imberbe, 'u Profeta varvute (tutte e doje d'u 1415), 'u Sacrificie de Isacco (1421), 'u Profeta Abacuc (ca avenève chiamete p'a cape senza capidde 'u Zuccone, 1423-1425) e 'u Profeta Geremia (ditte pure Francesco Soderini, 1423-1426). Donatelle caratterizzò le profete d'u cambanile seconde 'u modelle classiche de l'oratore. Jndr'à chiste statue, vere ritratte non idealizzate cu le lineamende condratte e senze armonie, l'imbonenze e 'a dignità jè date da le geste pacate e da 'u forte effette chiaroscurale de le mandelle. 

D'u 1422 jè 'a Madonna Pazzi de Berline.

Jndr'à 'u 1425 cchiù o mene, Donatelle, fece 'u Crocifisse de legne de Sanda Croce a Firenze. Jndr'à quiste 'u Criste ere colte jndr'à 'u momende de l'agonia: uecchie apirte a metà, vocche ca se iapre, curpe sgraziate. Cunde 'u Vasari:

'Mbrà 'u 1425 e 'u 1427 Donatelle cullaborò cu Michelozzo a 'u monumende funebre de l'antipapa Giuanne XXIII, a 'u siechele Baldassarre Cossa, jndr'à 'u battistere (1425-1427); sicuramende de Donatelle jè 'a figura de bronze d'u muerte stennute, sotte a 'na conghiglie ca racchiude 'na Madonna cu 'u Peccinne, 'a vanne superiore jè 'nguadrete da 'nu baldacchine apirte, 'nvece sotte a 'u cenotafie è 'na lastra cu rilievi de genie alati e 'u nome e le careche d'u muerte, angore cchiù sotte ttre rilieve ca raffigurene le Virtù. 

Jndr'à 'u 1427 ha state a Pisa addò fece le pannelle de marme d'u monumende funebre p'u cardinale Rainaldo Brancacci d'a chiesera de Sand'Angele a Nilo a Napule. 

P'u fonte battesimale d'u Battistere de Siena, 'mbrà 'u 1425 e 'u 1427, furnì 'u rilieve cu 'u Banchette de Erode e le statue d'a Fede e d'a Speranze. 'U rilieve ere costruite cu 'a tecnica d'u stiacciato tranne le figure d'u proscenie, fuse a bassorilievo, accussì s'a ccrejete 'nu stacche cchiù forte respette a le piane de rrete, 'a scena ha state costruite sus a 'na serie de arcate a cannocchiale, nnande nnande 'u mote de orrore ca se stenne 'mbrà le cristiane presende quanne vedene 'a cape tagghiete d'u Battista, presendete a Erode, le arcate apirte servene pe 'ndroducere a l'otre ambiende ca, pure loro, se iaprene sus a otre ambiende angore cchiù rrete, a 'u stesse mode no chiudenne a le late 'a scena e cuprenne da le borde d'u rilieve alcune personagge d'u proscenie fece in modo ca 'u tutte pare ca se spanne indefinitamende a le late e verse 'u funne, aggiungenne 'nu tipe de spazie diverse da quidde rinascimendale, finite e misurabile, che aqquà jè presende grazie a 'u pavimende regolere, 'nu spazie indefinite, tipiche d'a pitture fiamminghe.
Uffizi Donatelle.jpg

'Mbrà 'u 1428 e 'u 1438 Donatelle fece 'u Pulpite de fòre d'u Duomo de Prato.

D'u 1430 cchiù o mene jè 'u David bronzeo d'u Bargello. Quest'opere fu rializzete p'u cortile de Palazze Medici sus a commissione de Cosimo de' Medici (turnete a Firenze jndr'à 'u 1434), e 'ndendeve rappresentà sia l'eroe bibbliche simbele de le virtù civiche, sia 'u die Mercurie ca condembla 'a cape tagghiete de Argo.
Donatelle aqquà ha date n0inderpretazione 'ndellettualistiche e raffinete d'a figura umane, 'u fregie cu le putte de l'elme de Golia derive, pò essere, da 'nu cammeo de le raccolte medicee. 'A statue d'u David ha state pruggettete pe putè essere viste da cchiù punde; se ispiresce a l'arte ellenistica: cuerpe nude (p'a prima vote raffigurete a tutte tunne apprisse l'età classica), cu sbandaminde de l'asse, daga cumme terze appoggie, pede sus 'a cape de Golia; facce assaje pensosa, cuerpe morbide e vivace, cumme ritratte da 'u vive; ca vo cu significhesce ca 'a raggione venge sus 'a forza bruta e sus a l'irrazionalità.

Sembre jndr'à chidde anne e d'u stesse clime culturale jè a statue piccenne cu l'Amore-Atys ca osce a die jè conzervete jndr'à 'u Bargello.

Da 'u 1431 a 'u 1433 jè a Rome addò realizzesce 'u Tabernacolo d'u Sacramende pe San Pietro e lastra tombele d'u Crivelli a l'Aracoeli.

D'u 1432 jè 'u buste-ritratte de Niccolò da Uzzano fatte in terracotta appettate, osce a die a 'u Bargello.

Turnate a Firenze realizzò 'mbrà 'u 1433 e 'u 1438 'a Cantoria p'u Duomo, ca jè 'a balconete pe l'organe ca se iacchje sus 'a porte d'a Segreteria de le Canonice, jndr'à l'anghele sud-est d'a crociera; 'a vasche jè sorrette da cinghe menzele ca tène a correspondenza jndr'à vasche cu 'na coppie de de colonne piccenne ca mandènene n'architrave, sta architetture ha state stacchete da 'u funne, decorete da 'nu mosaiche cu le tessere distande, ccreanne accussì 'na specie de palche occupete da 'na danza de putti, costruite sus a linee diagunele, in condraste cu le linee vertichele d'a strutture, danne a 'u comblesse 'nu forte senze de movimende, le figure de le putte sonde raffigurete jndr'à le posiziune cchiù varie, accurdanne a teoria d'a varietas de Leon Battista Alberti.
Jndr'à 'u comblesse l'opere face refèrimende a le sarcofagi andichi e a le cofane uburnei bizantini, cchiù precisamende 'a disposizione fece arrecurdà sarcofagi paleocristiene, 'nvece 'a lore decorazione e quedda d'u funnele arrecorde le opere tuscane d'u docinde.

Jndr'à 'u 1435 cchiù o mene fece l'Annunciazione pe l'altare Cavalcanti di Sanda Croce: 'A 'ngorniciature architettoniche d'u tabernacolo, scunnute da l'esuberante decorazione a l'antiche e da 'u culore, descrive 'a scene cu l'Annungiazione, ca se recolleghe a n'iconografie d'u trecinde, addò 'a combosizione quieta fece da cendre 'u vacande addò appondene le sguarde d'a Vergine e de l'angele.

'Mbrà 'u 1421 e 'u 1428 fatiò jndr'à Sagrestia Vecchie jndr'à San Lorenzo realizzanne le porte bronzee cu le rilieve ca raffigurescene Profete e Attene d'a Chiesera, Sande e Martiri, ca sonde suverchiate rispettivamende da lunettone cu le sande Cosma e Tamiane, patrune de le Midece e le sande-protomartiri Stefano e Lorenzo, e spiccianne uette tunne fatte cu 'u stucche a rileve policromo sotte 'a cupole, quattre cu scene d'a Vita de San Giuanne: San Giuanne 'vangelista immerse jndr'à l'uegghie bollende, San Giuanne 'vangelista a Patmos, San Giuanne 'vangelista abbevesce Drusiana, morte e 'nghianate de San Giuanne 'vangelista e otre quattre cu le Evangelisti: Giuanne, Matteo, Luca e Marco.

Jndr'à 'u 1438 fece 'a statue de legne de San Giuanne Battista p'a chiesera de Sanda Maria Gloriosa de le Frari a Venezia.

Jndr'à 1440 cchiù o mene jè 'u Buste de uagnedde cu cammeo osce a die a 'u Bargello: jndr'à st'opere 'u buste ritratte avenève 'mbieghete non cchiù cumme 'nu reliquiarie, ma cumme 'nu monumende profane, jndr'à 'u case specifiche, non ge se tratteve d'u ritratte de 'n'individue distinde ma de 'nu tipe ideale, sus a 'u pette tène 'nu cammeo , cupiete da n'andiche ca faceve parte de 'na collezzione medicea addò jè raffigurete n'allegorie d'a mende, rappresendete da l'auriga, ca guide l'anima, rappresendete da 'u carre, trainete da doje cavaddere, ca sonde le simbele d'a raggione e d'a passione.

Apprisse 'u 1440 fece 'u sarcofaghe de Niccolò e Fioretta Martelli.

Jndrìà 'u 1443 ha state a Padova chiamete da l'erede d'u capitane de vendure Erasmo da Narni, nnomenate 'u Gattamelata, muerte jndr'à 'u 1443, pe realizzà 'u monumende equestre d'u condottiere, muerte jndr'à quidde anne, jndr'à piazza ca ste nnande 'a Basilica d'u Sande, in bronze e spicciete jndr'à 'u 1450; l'opere, apprime de essere accumenzete avère besognede 'nu consense da vanne d'u Senato veneto, purcè l'opere avenì penzete cumme a 'nu cenotafio, ca significhesce 'nu monumende funebre pe quacchedune bruchete jndr'à notre poste, ca servive pe celebrà 'a fame d'u muerte.
Non ge n'avèrene fatte apprime otre monumende de stu tipe: le statue equestri d'u Trecinde, nisciuna fatte de bronze, normalmende suverchiavane le chiaute; se avène otre esembie in pitture, 'mbrà chiste 'u Guidoriccio da Fogliano de Simone Martini e 'u Giuanne Acuto de Paolo Uccello, ma Donatelle probabilmende cchiù ca a chiste se ispirò a le modelle classece: 'a statue de Marc'Aurelio a Roma, 'u Regisole e le Cavaddere de San Marco, da addò ha repegghiete 'u mode d'u cavadde ca ve nnanze a 'u passe cu 'u muse ca apponde verse a 'u basse.

Jndr'à l'opera. mise sus a 'nu basamende ierte, 'a figure de l'omme jè idealizzete, 'nfatte non g'è 'nu ritratte da 'u vere, ma jè 'na ricostruzione ideale, ca se bese sus 'a ritratte romane, cu le iamme tise tise sus a le staffe, mendre ca fisse nu punde lundane tène jndr'à le màne 'u bastone de comande in posizione diagonele ca cu a spade jndr'à 'u fodero, sembre in posizione diagonele, fece da condrappunde a le linee orizzondele d'u cavadde e a quedda vertichele d'u condottiere accussì s'accentuesce 'u movimende 'nnanze. 'U monumende fece da prototipe pe tutte le monumende equestre ca avenèrene apprisse 'nzeppete in Itaglie, apprisse angore in Europa occidendele e jndr'à tutte ìu munne, spiccianne a 'u Novecinde.

P'a Basilica d'u Sande realizzò 'a recinzione d'u coro e 'nu Crocifisse de bronze.
Mbrà 'u 1446 e 'u 1450 realizzò l'altare granne d'a Basilica d'u Sande cu sette statue a tutte-tunne: Madonna cu 'u Piccinne, le sande Francische, Andonie, Giustina, Daniele, Ludovico e Posdocimo, e quattre rilievi cu Episodi d'a vita de sand'Andonie (aiutate da Bartolomeo Bellano e da 'u Rizze).

L'altare scuasciete jndr'à 'u 1591 p'u reggitte d'u presbitero ha state aggiustate arbitrariamende da Camillo Boito jndr'à 'u 1895; origginariamende avère cumbarì cumme 'na Sacra Conversazione addò 'a Vergine cu 'u Peccinne e le seie sande stavene sus a 'nu baldacchino picche profonde, ca stave sus a 'nu basamende ornete 'mbronde e rrete cu le rilieve 'mbra chiste le quattre cu le scene d'a vite de Sand'Andonie.
'A Madonna cu 'u Peccinne, punde prengepàle d'a scene, avène arrepegghiete quanne se ste oze pe fà vedè 'u Peccinne a le fedele, 'u trone jè fianchegiete da doje sfingi, ca volene ccu dicene 'a conoscenza, sus a 'u schienale d'u trone jè rilieve cu Adamo e Eva: 'a Vergine jè 'na seconda Eva ca, facenne nascere 'u Redentore libbere d'a 'u peccate origginale. 

Donatelle ausò cumme ambiente de le scene de le quattre rilieve, cu aperture paesistiche e funnele architettonece imbonende, cu a 'u cendre, ca se vede bbuene, l'episodie addò 'u sande jè 'u cendre fochele cu attorne 'a folle de figure ca partecepe a le fatte uardanne e reaggenne, stennènne e sottolineanne 'u fatte, certe teme sonde pigghiete da monumende andiche, cumme sarcofagi o culonne a rilieve, ma p'a prima vote le cristiene ca stonne addevendene parte indegrande d'a rappresentazione.

Jndr'à 'u rilieve cu 'a Presendazione de l'ostia a mula, 'u spazie avène spartute da ttre arche in scorcio ca non ge sonde proporzionati cu le dimenziune de le gruppe de figure, accussì se pò sottolineà a 'mbortanza du mumende. Jndr'à 'u rilieve cu 'a Guariggione d'u uagnone possedute da l'ira, 'a scene jè 'nzerite nnande a 'nu granne proscenio paesistico-architettoneche. L'otre doje rilieve sonde 'a Guariggione d'u core d'u tirchie e 'u Mirachele d'u figghie pendite.

Jndr'à Deposizione fatte cu 'a petre, sembre pe l'altare d'u Sande, refèce 'u modelle andiche d'a morte de Meleagro; 'u spazie avène annullete, d'a combosizione remànene sulamende 'u sarcofago e le figure accussì s'accenduesce 'a drammaticità de l'episodie, pure grazie a mimica d'a facce e a gestualità 'sasperate, ca stravolgene le personagge ca devèndene proprie irriconoscibbili, tande da ccrejà 'nu scherme aunìtarie de figure addulurate sconvolte jndr'à le lineamende ca fece addevendà le facce de le maschere de dulore e costruisce le cuerpe e le vestite cu anghele acute.

D'u 1450 cchiù o mene jè 'a Madonna Chellini.

Donatelle turnò a Firenze jndr'à 'u 1453.

'Mbrà 'u 1453 e 'u 1455 realizzò 'a Maddalena de legne d'u Musee de l'Opera d'u Duomo, addò 'a bellezze fisiche jè negate, privileggianne le valore espressionistece; 'u cuerpe scheletriche addèvende senza forme purcè cuverte da 'a massa de capidde; se vede da 'a facce 'ncisa 'a fatica, 'u dulore, l'anime stanghe. Suverchiamende in età avanzete, jdde lassò ogne modelle precostituite pe rappresendà le sendimende cchiù prufunne de l'anime umane.

'Mbrà u' 1455 e 'u 1460 cchiù o mene jè 'u gruppe cu Giuditta e Oloferne. 'U gruppe bronzeo rappresende Giuditta cu 'u vele, ca dope ca ha fatte 'mbriacà Oloferne, le vò cu tagghje 'a cape, jndr'à 'u basamende stonne ttre basserielieve cu putte ca fanne 'a vendemmia e scene de ebbrezza.
Pò essere ca 'u gruppe de le statue ere 'mbieghete cumme fonte da vine: 'nfatte all'anghele d'u cuscine se iacchiene quattre bochere. 'A statue, accumenzete p'a Cattedrale de Siena, fu mise jndr'à 'u giardine d'u palazzo Midece jndr'à via Larie, infine sistemete a palazzo Vecchie, apprisse a 'u sacche d'u palazze dopo ca ha state 'a seconde cacciate de me Midece. Pò essere ca fu realizzete sus a commissione de Pitre de' Midece ditte 'u Gottoso, pe arrecurdà Cosimo 'u Vecchie. L'opere jè firmete OPUS DONATELLI FLO sus a 'u cuscine, rotete respette a 'u basamende accussì ca l'anghele non ge coingidene, creanne n'effette de movimende. 'A strutture de l'opere jè a forme de piramide, cu a 'u vertice 'a facce d'a ieratica Giuditta e 'a lame d'a spada mandenute da 'u vrazze destre de l'eroina piegate de novanda grade, otre punde fochele jè 'a cape de Oloferne addò convergene le diagunele d'u gruppe. L'opere jè attraversete da 'nu sacche de valore simbolece: cumme simbele religgiose ('a condinenza ca venge sus 'a lussuria), cumme celebrazzione d'a putenze dei Medicea e 'nfine cumme emblema comunele ('a repubbleche ca venge sus a le tiranne).

Donatelle ha vissute a Siena 'mponde a 'u 1461, addò realizzò 'u San Giuanne Battista p'u Duomo e le modelle (perdute) pe le non eseguite porte.

Urtema commesse fiorendina onne state le dohe pulpiti de bronze p'a chiesera de San Lorenzo, opere rializzete cu 'a partecipazione de ajute (Bartolomeo Bellano e Bertoldo di Giovanni), ma da jdde pruggettete jndr'à tutte le parte sue. Jndr'à quest'opera se accentuesce 'a careca religgiosa ca spenge le figure verse n'estrema drammaticità, rializzete cu 'a tecnica d'u non-finito, jndrr'à certe vanne de le figure sonde picca picca abbozzete.
Jndr'à 'u cosiddette Pulpito d'a Resurrezione, cu episodie d'a vita de Gese Criste e sande, 'mbrà 'nu fregie rilieve cu motive decorativi veggetale e eroti stonne cinghe formelle a rilieve: quedda cu 'u Martirio de san Lorenzo , fatte da Donatelle e mise a 'u cendre, jè costruite cu 'nu punde de viste avascete, pe drammatizzà de cchiù 'u fatte; 'nvece le restande scene, addò onne collaborete 'u Bellano e Bertoldo de Giovanni sonde: Pie donne a 'u sepolcre, Discesa de Criste a 'u Limbe, Abbevèscemende de Criste e Ascensione de Criste. 'U Pulpite d'a Passione, cu episodie d'a passione de Criste jndr'à 'nu fregie a rilieve cu motive decorative, presende le scene d'a Crocifissione, realizzete collaboranne cu 'u Bellano, 'a scena d'a Deposizione d'a croce, sicuramende autografa, addò Maria addulerete jè 'nu richiame a le pleurant frangise, a Deposizione de Criste jndr'à 'u sepolcre, fatte da Bertoldo di Giovanni sus a 'nu pruggette de Donatelle, l' Orazione de Criste jndr'à l'orto fatte da Bartolomeo Bellano sus a 'nu pruggette de Donatelle e 'u rilieve cu Criste nnande a Pilato e Criste nnande a Caifa, ajutete aqquà da Bartolomeo Bellano.

Donatelle ha muerte a Firenze jndr'à 'u 1466. L'onne bruchete jndr'à le sotterranee d'a Basilica de San Lorenzo, vecine a Cosimo 'u Vecchie, jndr'à singolere e prestigiose collocazione sotte a l'altare.




#Article 136: Total Combat Wrestling (194 words)


'A Total Combat Wrestling (TCW) ète 'na federazione tagliàne de wrestling ca ha nate a Ottòmmre d'u 2006 dope ca quacche atleta se n'ha sciute da 'a Frontier Championship Wrestling. Subbete, 'u nucleo origginale de le ribbelle, a cumme avènene chiamate le lottature d'a federazione , s'à 'ngrussate, cu l'otre atlete ca avénene da l'otre palestre de Mélane, Varese, Imola e Angone.

'A TCW ète na federaziona estreme cu 'a specialitate de l'hardcore. 'A TCW téne quattre titele: 'a cindure TCW, 'a cindure Extreme, 'a cindure Revolution e 'u titele de Coppije. Jndr'à l'estate d'u 2007 'a TCW vè in Americhe: Break Bones, Low G e Tyler Blaze avénene cundattate da NWA Carolina e vonne a facene 'nu spettacole cu 'a federazione americane. 

'A TCW abbade pure a 'u sociale: 'u 6 Ottòmmre 2007, s'ha fatte 'a Desij(MB) 'nu spettacole de beneficienze, Core Rebbelle, e tutte le turnise l'onne date a Simone Celotto, 'nu piccine de 10 anne ca téne l'anemije aplastiche e ca abbesogne subbete de 'nu trapiande de midolle. 'U 25 Ottòmmre 2008, 'u Cambion TCW, Fenriz, adda ffà a mazzate a Giron p'a (C.I.L.) Consejo Intercontinental De Lucha y Wrestling Catch.




#Article 137: Raffaelle Sanzio (3289 words)


Raffaelle ha nate a Urbino «l'anne 1483, jndr'à 'nu venerdie sande,  a le ttrede de notte, figghje de Giuanne de' Santi, ca ere 'nu pittore ca non g'ere assaje brave, ma ere sembre n'omme de ingegne bbuene e abituete a 'ndirizzà le figghje pe quedda via bbone ca pe sfortune non ge l'avere fatte vedè quanne jidde ere piccinne». 

Raffaelle ha state 'u prime e uniche figghje de Giuanne Santi e de Magia de Battista de Nicola Ciarla, 'a mamese ca pò more 'nu picche de timbe apprisse, 'u 7 ottommre 1491. L'attene, assaje canusciute jndr'à cetate de Urbino, pittore e autore de 'na storie d'a pitture condemboranea in verse, se 'nzurò n'otra vote cu 'na certa Bernardina, e avìe da jedde 'a figghja Elisabetta.

Raffaelle 'mbarò le prime cose d'u disegne e d'a pitture jndr'à botteghe de l'attene, «onde non passarono molti anni che Raffaello, ancor fanciullo, gli fu di grande aiuto in molte opere che Giovanni fece nello stato d'Urbino».  Avveramende, Raffaelle tenève sulamende undece anne quanne l'attene murìe 'u 1° agoste 1494, e non ge se sape cumme ha fatte 'u pittore uagnone pe arrevà jndr'à botteghe d'u Peruggine: non ge pare 'nfatte vere 'a notizie d'u Vasari ca dice ca Raffaelle avere state allieve d'u Peruggine apprime ca muresse l'attene e a mamese.  Jè comungue certe ca «studiando Raffaello la maniera di Pietro, la imitò così appunto e in tutte le cose, che i suoi ritratti non si conoscevano dagli originali del maestro, e fra le cose sue e di Pietro non si sapeva certo discernere».  

S'a ritenute de vedè n'intervente sue jndr'à tauele d'a Natività d'a Madonne d'a chiesera de Sanda Marie Nove a Fano, combiute jndr'à 'u 1497, e jndr'à l'affresche d'u Colleggie d'u Cambie a Perugia, d'u 1498, ma pare ca 'a prima opera soje p'a quale se pò dà 'nu reale credite attributive jè 'a Madonne d'u Piccinne, affreschete jndr'à camera addò se penze ha nate, jndr'à Casa Santi a Urbino, ca jè cchiù o mene d'u 1498.  

'U 10 decemmre 1500 'u magister Rafael Johannis Santis de Urbino e Evangeliste da Pian de Meleto avèrene da le sore d'u convende de Sand'Agustine a Cetate de Castidde 'a commissione d'a Pala d'u beate Nicola da Tolentino, spicciete 'u 13 settemmre 1501.
Ruvenete da 'nu terramote jndr'à 'u 1789, fu destrutte e disperse - le doje tavule cu le mirachele d'u beate a Detroit e quedde de lEterne a 'u Musee de Capodimonte sonde attribuite a Evangeliste - se recanosce sicuramende cumme parte de quedda pala e de mane soje l'Angele cunservete jndr'à Pinacoteche Tosio-Martinengo de Brescia; pure 'u frammende de l' d'u Louvre jè attribuite a Raffaelle.

Manghe 'a documendazione sus a l'opere ca onne state fatte cchiù o mene jndr'à 'u 1501: 'a  e 'a  de Berline e 'u  de l'Accademia Carrara de Bergamo, tutte de ispirazione perugginesche, 'nvece 'a commissione ca le fu fatte sembre jndr'à quidde anne da le clarisse de Monteluce, vecine a Perugge, de 'na Incoronazione d'a Madonna, non ge fu spicciete maje da jidde e a tavule, 'nfine fu eseguite da Giulie Romano, fu cunzignete a le sore sulamende cinghe anne apprisse 'a morte d'u Maestre.

L'Abbevèscemende de San Paolo d'u Brasile s'acchieve jndr'à l'Ottecinde jndr'à 'na collezzione scozzese e fu vennute a 'u Musee brasiliane cumme opere de Mariano de ser Austerio; 'a critiche, ca ere già scuasciete sus a l'attribbuzione 'mbrà 'u Peruggine e Raffaelle, jè osce a die concorde pe attribuirla a Raffaelle, acchianne precisamende 'na chiare ispirazione d'u maestre de Cetate d'a Pieve, aunìte comungue a referimende a 'u Pinturicchie - jndr'à 'u paessagge, jndr'à le particolere d'a decorazione d'u sarcofago e jndr'à preziosità de le vestiti de le personagge - seconne l'indicazione d'u Longhi, ca ere 'nu sostenitore de n'influsse, jndr'à le prime anne d'u sechele, de le mode d'u raffinete maestre peruggine.

Angore mutive d'u Peruggine sonde presende jndr'à , ca fu appettete p'a chiesera de San Dumenece de Cetate de Castelle e jè dette pure Crocefissione Mond da 'u nome d'u collezioniste 'nglese ca l'ha vennute a National Gallery de Londre jndr'à 'u 1924, e porte a le pide d'a croce 'a firme «Raphael Urbinas P.». 

L' o o «Pala Oddi», purcè commessa jndr'à 'u 1502 da Maddalena de l'Oddi p'a chiesera peruggine de San Frangische, spicciò, apprisse 'a requisizione fatte da le Frangise jndr'à 'u 1797, a Pinacoteche Vaticane. Non ge convinge 'a disposizione a doje piane - le apostole da 'u vasce uardene a l'ingoronazione ca avene in ciel - mendre Raffaelle se sforze de varià atteggiaminde e 'spressiune, testimonianne accussì 'na ricerche personele.

P'a chiesera de San Frangische de Cetate de Castelle fu commissionete da 'a famigghje Albizzini 'u Sposalizio d'a Vergine, addò restò fine a 'u 1798 pe passà a Accademie de Brera jndr'à 'u 1806; combiute jndr'à 'u 1504, jè firmete sus a 'u fregie d'u portico d'u tembie «Raphael Urbinas». Jè debitore de doje dipinte d'u Peruggine; d'a Consegne de le chiave d'a Cappella Sistine e soprattutte de l'analoghe , osce a die a Caen, ca 'u Maestre umbre avere appene spicciete de appettà p'a Cattedrele de Perugge. Raffaelle mazzesce e 'nzieme fece cchiù 'mbonende l'architetture d'u tembie ca, allundanete prospetticamende, pigghje 'na funzione de asse de referimende p'a disposizione circolere de le figure ca stonne in prime piane.

L'epigrafe d'u chiaute de Raffaelle, ca ste jndr'à 'u Pantheon de Rrome dice accussì: 

Jndr'à l'autunne d'u 1504 Raffaelle jè a Firenze, forse raccomandete a 'u gonfaloniere Pitre Soderini da Giuanna Feltria, figghje de Federiche da Montefeltro e mugghere de Giuanne d'a Rovere. Arrevete a Firenze e «fatta amicizia con alcuni giovani pittori, tra furono Ridolfo Ghirlandaio, Aristotile S. Gallo,  ed altri, fu nella città molto onorato e particolarmente da Taddeo Taddei, il quale lo volle sempre in casa sua ed alla sua tavola, come quegli che amò sempre tutti gli uomini inclinati alla virtù», p'u quale Raffaelle facì jndr'à 'u 1506, 'a Madonne d'u prate de Vienna - ca 'u Vasari giudechesce angore jndr'à 'u mode d'u Peruggine e, forse l'anne apprisse, 'a  de Londre, «molto migliore», purcè jndr'à 'u frattimbe Raffaelle studianne «studiando apprese». 

Raffaelle avere arrevete a Firenze avenne angore 'nu sacche de commissiune da combletà: jndr'à 'u 1503 avere ricevute l'incareche, da le sore d'u convende de Sant'Andonie a Perugge, de 'na pale d'altare, 'a Pala Colonna, ca avìe 'na longa elabborazione, sonde visibbile le differenze 'mbrà 'a lunette angore «umbre» e 'u gruppe «fiorendine» d'a tavule cendrele. Spicciete jndr'à 'u 1506, 'u comblesse d'a pala tenève, a parte l'elemende cendrele e a lunette - mò a 'u Metropolitan Museeum de New York - cinghe tavulette ca furmavene 'a predella: 'u Sande frangeschene e 'u Sand'Andonie da Padova, mò a Dulwich, 'a Pietà mò a Boston, 'a Sciute a 'u Calvarie, mò a National Gallery de Londra e l'Orazione jndr'à l'orte, ca pure jedde ste a 'u Metropolitan de New York. 'U comblesse fu 'nfatte smembrete e vennute da le sore de Sand'Andonie jndr'à 'u 1677 a 'u peruggine Andonie Bigazzini, e da quiste arrevò a famigghja romane d'a quale ha pigghjete 'u nome, pò a le Borbone de Napule e da aqquà fine in Spagna jndr'à 'u 1861 e a fine jndr'à le State Aunìte d'America jndr'à 'u 1901. 
 
 
Jndr'à 'u Sogne d'u Cavaliere, combosizione ca pare semblice, ma ca jè 'u resultete de 'na ricerche sottile de equilibbrie de le masse ca stonne in prime piane e de le piane ca degradane jndr'à 'u funne, Raffaelle affrondò 'nu teme gradite a le ambiende 'ndellettuale fiorendine, impregnate de neo-platonismo: quidde de l'esortazione a 'u bbene, a 'u scacchiaminde de le piacere de l'anime cchiuttoste ca de quidde d'u cuerpe. Seconne Andrè Chastel  l'iconografie d'u dipinde pigghje le fonde sue da 'u poeme de Silio Italico Punica, acchiete da l'umaniste Poggio Braccolini jndr'à 'u 1417, e da 'u Somnium Scipionis de Macrobio: jndr'à 'u sogne, Scipione avene esortete da Pallade, a sinistre, a seguì 'a vie de le virtù, evitanne quedda d'u vizie, indichete da Venere, a destre.

'A tavulette de le Ttre Grazie jè 'u pendant d'u Sogne e rappresende 'u condinue de l'esortazione: Castità, Bellezze e Ammore recompensene l'eroe cu le pome de le Esperidi. Le doje tavule avessere essere state dedichete a 'u uagnungidde Scipione de Tommaso Borghese e 'nfatte lore appartenene a quedda famigghja romane fine a fine d'u Settecinde, passanne apprisse inn Inghilterre addò 'u Sogne d'u Cavaliere restò, 'nvece le Ttre Grazie arrevarene a 'u Musee de Chantilly jndr'à ìu 1885.

Pure 'a commissione recevute a Perugge jndr'à 'u 1504 pe 'na Madonne cu 'u Piccinne e le sande Giuanne Battista e Nicola da scaffà jndr'à Cappelle Ansidei d'a chiesere de San Fiorenzo, fu combletete, seconne quande pare leggerse jndr'à 'u dipinde, jndr'à 'u 1505. 'A pale, ca porte sus a 'u trone 'a scritte «SALVE MATER CHRISTI», scì in  Inghilterre jndr'à ìu 1764 fine a spiccià a 'u National Gallery jndr'à 'u 1885 ca conserve pure 'nu . Jndr'à l'opere angore de 'spirazione umbre, Raffaelle apporte 'na sostanziele semblificazione de l'imbiante architettoniche, accussì da dà a l'inzieme 'na cchiù efficace e rigorose monumentalità.   

Pe Guidobaldo da Montefeltro Raffaelle avrebbe appettete jndr'à 'u 1505 ttre tavulette de soggette simile, San Michele e 'u draghe e doje San Giorgio e 'u draghe: 'u  e une de le doje San Giorgio 'nu picche dopo passarene, non ge se sape cumme è,  a 'nu scanusciute milanese ca l'avrebbe vennute a 'u conde piacendine Ascanio Sforza - ca tenève 'u stesse nome d'u cchiù famose cardinale - passanne pò a 'u cardinale Mazzarino e da quiste a Luigi XIV spiccianne a 'u Louvre, ' u terze  ha state donete da Guidobaldo a Enrico VII d'Inghilterre jndr'à 'u 1506, e da addà,  arrevò jndr'à sede de osce a die de Washington.  
 
Le prime anne d'u soggiorne fiorendine sonde chidde de 'nu sacche de Madonne c'u Piccinne: 'a , dette pure Madonne Diotallevi, da 'u nome d'u collezioniste riminese ca 'a vennì a le Musee berlinese jndr'à 'u 1842 cumme opere de Peruggine, 'a Madonne cu 'u Piccinne o , purcè 'u Connestabile de Perugge ere 'u proprietarie ca vennì 'a tavule jndr'à 'u 1871 a le Collezione 'mberiale de San Pietroburgo, 'a  de Washington - ca avere già appartenute a le lords Cowper de Panshanger  - 'a , vennute jndr'à 'u 1854 da 'u duche de Terranove a le Musee de Berline e 'a Madonne d'u Granduche de Palazzo Pitti, appartenute già a 'u pittore Carlo Dolci, ca fu acquistete jndr'à 'u 1799 da Ferdinande III de Toscana.

'U Trasporte de Criste muerte (Gallerie Borghese, Rrome) jè 'u suggette prengepàle d'a pala «Baglioni», appettete jndr'à 'u 1507 pe San Frangische de Perugge; ve se iacchie eccezzionalmende 'nu stile teso, cu 'na ricerche plastica 'spirete a Michelangele. L'affresche cu 'a Trinità e sande, appettete a San Severe de Perugge, fece vedè jndr'à certe belle ritratte jndr'à le quale manifeste l'influenze de Leonarde: Femmena in cinta, Agnolo Doni e Maddalena Doni (Palazze Pitti), sus a 'u sfonde de 'nu paesagge cumme 'a Dama cu 'u liocorno (Gallerie Borghese). D'u 1508 cchiù o mene jè 'A Mute (Gallerie nazionele, Urbino), capelavore d'a ritrattisteche de Raffaelle, pure quiste caratterizzete da l'adesione a mutive leonardesche.

'A fine d'u 1508 vedìe 'u trasferimende sue a Rrome addò, quanne tenève appene vendecinghe anne, prestò servizie pe Papa Giulie II: de stu periode sonde le decorazziune de le camere papale jndr'à 'u Palazze Vaticano, cumme 'A scole d'Atene.

Pure ca s'avere 'ngraziete otre mecenate presse le quale prestò servizie, Raffaelle tenìe 'a posizione de pittore papale, proseguenne 'a fatije sotte 'u papate de Papa Leone X, successore de Giulie II ca l'affidò l'incariche de custodie e reggistrazione de le marme andiche. Sotte 'u pontifichete de Giulio II 'a fame de Raffaelle crescì accussì tande ca fu nnominete jndr'à 'u 1514 architette d'a Basiliche de San Pitre, pure ca 'a morte de l'artiste, ca avvenìe 'u 6 abbrile 1520, non g'a permesse a le pruggette origginale de essere purtate a combimende seconne le idee origginarie.

Otre edific purtate a termine jndr'à capitale sonde, tra le tande, 'u Palazze Branconio de l'Aquila jndr'à 'u Borghe, e 'a chiesera de Sand'Eliggie de le Orefece vecine via Giulia.

Avere state 'u stesse Bramante a proporre a Raffaelle cumme successore sue, grazie a fame ca avere cumme pittore.

'Na congezione nova d'u spazie jè l'elemende ca caratterizzesce anghe l'uniche edifice religgiose de Raffaelle, ca s'a conzervete jndr'à forma soje origginarie, 'a Cappella Chigi. Pe tràsè jndr'à Cappella se passe da n'arche cendrele ca porte a navata laterele d'a chiesera, l'inderne jè comboste da ttre archete beghine ca seguene 'u scheme de quidde de l'ingresse. Quiste sisteme mandene 'na cupola sus a le pennacchie (s'assomigghie a crociere in versione ridotte de San Pitre d'u Bramante). Cumme in San Pitre 'u diametre jè maggiore de l'ambiezze de l'arche d'ingresse.
Cumme 'u Core (Bramante), pure 'a cappella jè 'na strutture autonome annessa e Sanda Marie d'u Popole, e cumme 'u Tembiette esse jè cuperte da 'na cupola.
A 'u condrarie de l'edifice bramantesche, jndrìà cappella 'u spettatore addà uardà da cchiù punde de viste pe cugghjè tutte 'u splendore. 'U spettatore addà stà jndr'à 'u spazie non nnande a jidde.
Raffaelle disegne le mosaice ca decorescene 'a cupole da 'a cappella.

Raffaelle pruggettò (seconne Vasari) 'u palazze d'u protonoriate apostoliche Giuanne Battista Braconio de l'Aquila, ca fu scettete 'nderre jndr'à 'u Seicinde pe fa spazie a 'u colonnete d'u Bernini nnande a San Pitre. 'A facciete tenève cinghe campate (referimende a 'u Caprini), ma jndr'à 'u palazze de l'Aquila 'u pianterrene, ca avere essere affidate a botteghe, non g'ere bugnete ma articolete da 'n'ordine tuscanico 'mbrà archete beghine. A 'u piane superiore Raffaelle lasse le ordine classece, scauscianne accussì a tradizione da Palazze Rucellai a Palazze Caprini. Ce se combronde 'u Palazze de l'Aquila cu quidde bramantesche, cu 'na distinzione chiara chiara 'mbrà l'eleminde purtande e parte de jenghimende, ' a facciete d'u prime pare 'nguiete e senza loggica.
L'ordine classiche se jacchie sule addò se manifeste 'nu reale rapporte 'mbrà careche e sostegne.
Palazze Vidoni Caffarelli, pure ca ha state fatte in stile raffaellesche, non ge fu pruggettete da Raffaelle. In origgine 'a facciete ere de sette cambete; 'u prolugamende e l'urteme piane appartenene a 'na fase de costruzione cchiù tarde. 'U piane terre ha state trattete cumme a 'nu basamende bugnete (orizzondele), le colonne binate a 'u piane nobbile rechiamene pure loro a Bramante.
Le colonne binate viste ca sonde l'uniche elemende vertichele assumene 'na granna 'mbortanze.

Jndr'à l'urteme anne d'a vita soje, Raffaelle fatiò a 'u pruggette d'a ville a Monte Mario. Sovrintendenne de le lavore fu nnomenete Andonie da Sangalle 'u Uagnone, ca ere assistende de Raffaelle a San Pitre. 'Nu disegne fece vedè 'u state d'u pruggette jndr'à 'u 1520, addò, jndr'à 'u cendre d'a ville s'avere acchià 'nu granne cortile circolere. A parte le stanze, 'a ville avere combrennere 'nu tiatre, stalle pe docinde cavaddere, n'immense ippodrome e giardine cu sciueche d'acqua; 'na granna scalinete, avere purtà a l'ingresse d'a ville.
'A Curia, apprisse a l'elezione de Clemente VII, non ge puteve condinua le lavore a 'u Belvedere; accussì se fermarene pure chidde a Monte Mario. 'U stuezze comblete avenìe ascuete duranne 'u Sacche de Rrome. Apprisse 'nu restaure 'a ville addevenìe proprietà de Margherite de Parma (da stu fatte 'u nome Ville Madama). L'unece stuezze de l'edifice origginele sonde, a parte quacche zone d'u giardine, sulamende certe stuezze incomblete d'a rotonde, cinghe camere e 'na loggie a ttre cambete.

Steve n'idea de fà cumme jndr'à 'u Cortile d'u Belvedere (terrazze) ma avenìe abbandunete.
Non g'esisteve n0uniche punde da 'u quale vedè 'a ville;n l'ippodrome, 'u tiatre, 'a loggie, le terrazze d'u giardine e pure 'u vestibbele erene penzete pe essere ausete o tutte 'nzieme o pure sulamende une a vote.
Jndr'à Ville Madama acchieme 'a stesse inzistenze sus a le visuele inderne, cumme jndr'à Cappelle Chigi, e 'a stesse rinunge a 'nu sisteme strutturele ca guverne tutte l'inzieme, cumme Palazze d'Aquila.

Nisciune edifice d'apprime avere riprodotte accussì satte-satte 'a funzione e le forme de le andiche modelle romane. 'U tiatre acussì cumme cumbare jndr'à 'u disegne de Sangallo jè 'na precise ricostruzione d'u tiatre romane. Non g'esiste ninde de cchiù vicine a l'epoca romane cumme 'a loggie ('u modelle cchiù vicine ere 'a decorazione d'a Domus Area e de le Terme de Tito).
Strutture e ornaminde se squagghiene 'nzieme.
Erene prorie chiste edifice ca Raffaelle, jndr'à Lettere a Papa Leone X, considereve 'a massima conguiste de l'arte e de l'andichità.
Le giardine e 'a terrazze, pure ca avèrene state abbandunete pe sechele, rendene angore l'idea d'a fusione de paesagge e architetture ca caratterizzeve 'a ville.

'A fatie de Raffaelle a San Pitre s'a svolte sotte a cattive auspice, purcè Leone X ere avveramende picche inderessete rispette a 'u predecessore sue a l'edifice nueve. Se congendreve de cchiù sus 'a facciete d'a chiesere de famigghie, San Lorenze a Firenze, sus 'a ricostruzione de San Giuanne de le Fiorendine, a Rrome (jndr'à 'u frattimbe le lavore a San Pitre procedettere assaie cunge cunge).

'Nu sole disegne se pò attribuì a Bramante, assaie 'nvece a Raffaelle; quiste urteme ere solite preparà 'nu sacche de dipinde cu le disegne metodece e accurete (se rese cunde ca non g'ere possibbele 'na sola chiande pe tutta San Pitre).
Ere comblichete mettè tutte pe iscritte, allore Raffaelle ausò 'nu sisteme nuève, quidde d'a proiezione ortogonele (dice: l'architette non ge tène abbesogne de sapè disegnà cumme a 'nu pittore, ma de avè le designe ca le permettene de vedè l'edifice accussì cumm'è). Lassò 'a configurazione prospetteche d'u Bramante.

Sebastiane Serlo precise ca 'nu sacche de strezze d'u modelle btramandesche sonde ingomblete, e Raffaelle disegnanne 'a propria chiande ausò n'otra vote le idee de Bramante.
Sta chiande se distingue da tutte l'otre p'a combleta chiarezza soje: 'na navate de conghe cambate, cu navate laterele, avene mise nnande a 'u spazie cupelete bramandesche; 'a facciete jè costituite da 'n'ambie portiche a doje piani, le pilastre presendene paraste a doppie verse 'a navate maggiore e verse a chidde laterele. L'irtezze d'a navate maggiore ere fissete da l'arche a crociere bramandesche. 'U sisteme de le cupele minore ha state repigghiete.
Le fundaziune de le pelune se fanne vedè 'nzufficiende: pe stu mutive se decidìe de posizionà le mure (quidde cchiù sollecitete da 'u careche) cchiù vecine a le pelune d'a cupele.
L'ordine gigande d'a crociere prosegue sus a le pilastre d'u transette e le culonne 'mbra le pilastre furmescene 'n'ordine minore.

Raffaelle non ge tenève nisciuna 'ndenzione de camngià 'a cupele de Bramante: l'aspette esterne d'a chiesera avera essere duminete da 'nu sisteme trabeate a l'andiche, ca vò ccu dice comboste da sostegne vertichele e architrave orizzondele sene l'ause de arche. Jndr'à le deambulatorie e sus 'a facciete, culonne libbere o semiculonne mise 'nguedde a murature sostenène 'na trabeazione doriche; 'a facciete cumme quedde de 'nu tembi classiche, consiste de culonne e timbene (Sandr'Andrea, Mantova|Sand'Andrea a Mantova).

Cu 'a navate soje, l'otre torre e 'a facciete colossele, quiste pruggette subranesce quidde d'a prima fase d'a fabbriche, sie pe 'a dimenzione sie pe 'a magnificenze.
Certamende 'u pruggette de Raffaelle presende 'nu ritorne a l'imbiande tradizionele a forme de T de l'andiche San Pitre.

Duranne 'a direzione de Raffaelle 'a costruzione de San Pitre avanzò assaje lenda lende.
Andonie da Sangallo, successore de Raffaelle (1520), mettì in chiazze le defètte d'u pruggette de Raffaelle jndr'à 'nu famose memoriele.

'U Pape fece appettà a Raffaelle ttre stanze de l'appartaminde papale 'mbrà 'u 1508 e 'u 1520, cu 'nu sacche de allieve cumme aiute:

De n'otra stanze angore, 'a Stanze de Costandine, Raffaelle ha probabilmende furnite sulamende 'u disegne generele de l'affresche.

 
    




#Article 138: Esperimende de Hershey-Chase (591 words)


L'esperimende de Alfred D. Hershey e Martha Chase prove definitivamende jndr'à 'u 1953 ca 'u materiele genetiche jè costituite da DNA e non da proteine. Cchiù nnande a chiste resultete incontrovertibbeli pure le scenziete ca averene critichete l'esperimende di Avery, MacLeod e McCarty se convingerene da l'imbortandissime ruole biologiche d'u DNA.

Hershey e Chase svolgevene studie sus a 'nu fago, ca jè 'nu virus ca riesce a 'nfettà le battere; particolarmende 'u fago ca 'nderesseve a lore ere note cumme T2.
Quiste virus jè in grade de attaccà E. coli ('nu battere ausete spesse cumme modelle jndr'à quiste genere de studie).

 

A l'epoche ere note ca T2 ere furmete esclusivamende da DNA prutette da 'n'involucre proteiche.

Le doje scenziete prepararene doje culutre de E. coli:

Le battere de le doje colture metabolizzarene da 'na vanne 'u fosfore marchete e da l'otre 'u zolfe marchete indroducenne chiste atomi radiattive jndr'à le biomolecole presende a l'inderne de le cellule.

Cchiù precisamende:

A stu punde le ricercature 'nfettarene parallelamende le doje colture batteriche cu 'u fago T2. Stu virus ause l'apparate biosindetiche de le cellule de E. coli pe replicà 'u proprie DNA e pe sindetizzà le proteine d'u rivestimende (cfr. Cicle litico de 'nu virus).

Da 'u mumende ca le nucleotide e le amminoacide ausete jndr'à sindesi d'u DNA e de le proteine virale sonde chidde presende a l'inderne d'a cellule 'nfettete, ne resulte ca le fage sviluppete da l'infezione jndr'à prime colture onne avè 'nu DNA marchete radioattivamende, 'nvece chidde sviluppete da l'infezione d'a seconda colture onne avè 'u rivestimende proteiche esterne marchete radioattivamende.

Hershey e Chase separarene le fagi neofurmete (quidde marchete) da le doje terrene de colture e, separatamende, le ausarene pe 'nfettà otre e doje colture de E. coli, jndr'à quiste case cresciute sus a le terrene standàrd senze l'isotope radioattive.

  

'U processe ausete pe determinà ce 'a radioattività avenesse da l'inderne o da l'esterne de le cellule ha state 'u seguende: apprisse 'nu certe timbe da quanne l'infezione avere accumenzete, 'u terrene de colture avenève mise jndr'à 'n'omogenizzatore. 'A conzeguende agitazione provochesce 'u distacche d'u rivestimende proteiche de le virus d'a membrane cellulare (jndr'à quiste case se parle de ombre fagiche purcè chiste rivesteminde proteice non ge condenene 'u DNA ca ha già state 'gnettete jndr'à cellule).

Apprisse tutte avenève cendrifughete: 'u stuezze cellulere (condenende evendualmende 'u DNA marchete) remaneve sus a 'u funne d'a provette, 'nvece le rivesteminde proteice ca s'averene stacchete da le membrane cellulare remanevene in sospenzione. A seconde de addò se mesureve 'a maggiore radioattività ere possibbile dedurre ce 'a molecole s'acchiasse o mene a l'inderne d'a cellule.

Jndr'à 'u case de 'u DNA marchete 'a radioattività se mesurò sus a 'u funne d'a provette:

Jndr'à 'u case de le proteine marchete 'a radioattività se mesurò sus a 'u sopranatande:

Da 'u mumende ca 'u fago pe replicarse ave abbesogne de 'ndroducere a l'inderne d'a cellule ospite 'u materiele genetiche suje pe putè sfruttà l'apparete batteriche de replicazione / trascrizione / traduzione, pare evidende ca quiste materiele genetiche addà essere pe forze 'u DNA purcè, cumme dimostrete, le proteine non ge trasene jndr'à cellule culpite 'nvece 'u DNA sine.

A stu punde remaneve sulamende 'na questione aperte: De cè ccose jè fatte 'u materiele genetiche de l'organisme ca non ge tènene 'u DNA (le virus a RNA)?.
'A risposte 'a sta domande non ge tardò ad arrivà in seguite a studie ca furene fatte sus a 'u virus d'u mosaiche d'u tabbacche (TMV) da Gierer e Schramm (1956) e da Fraenkel-Conrat e Singer (1957).




#Article 139: Tarentum (Pennsylvania) (180 words)


Tarentum, jè 'nu comune de le State Aunìte d'America jndr'à Condea de Allegheny, jndr'à Pennsylvania sud-occidendale.

'A cetate nasce sus a le rive d'u fiume Allegheny, e se iacchie a 22 miglie (35 km) a nord-est de Pittsburgh.

Tarentum ha state fundate jndr'à 'u 1752, e addevenìe 'nu borough jndr'à 'u 1842. 'U nome sue avène da 'u nome latine de Tarde. 

'U prime petrolie commercializzete jndr'à le State Aunìte ha state prodotte a Tarentum. Jndr'à 'u 1847 Thomas e Samuel Kier affittarene 'nu stuèzze de terre vecine a Tarentum pe ricercà 'u sale. 
Trapananne 'u terrene scuprirene 'u petrolie, ca onne 'mbottigliate e commercializzate cumme 'na medicine miracolose. Jndr'à 'u 1855 vennèrene 'u petrolie cumme combustibbile pe le lampade a olie. Jndr'à 'u 1858 'a produzione de petrolie greggie de Tarentum ere cchiù o mene de 1.000 uarrile.

Osce a die otre a l'industrie d'u petrolie e quidde d'u sfruttamende de le deposite de gas, carvone bituminose, sabbie, ghiaie sonde presende pure industrie ca producene acciaie, mattone, vitre, bronze e prodotte chimece.

'U 13% d'a popolazione tène origgene tagliàne.




#Article 140: Altitudine (273 words)


Laltitudine jè 'a distanze vertichele de 'n'oggette da 'nu levèlle note (de riferimende), chiamete levèlle zere.

Jndr'à maggior parte de le case, stu levèlle jè quidde d'u mare ().

Queste jp dette iertezze assolute, 'nvece l'iertezze jè dette relative quanne jè 'u resultete d'a differenze 'mbrà le iertezze de doje lueche.

Jndr'à le State Aunìte d'America e jndr'à 'u Regne Aunìte l'altitudine avène normalmende misurete in pide. In Europe e jndr'à otre vanne d'u munne avène mesurete in metre.

'A pressiona atmosferiche s'avasce cu l'altitudine.

L'altitudine terrestre cchiù granne sonde rappresendete da le mundagne, addò se pigghije 'a cime cchiù ierta p'a rilevazione.

'A cime cchiù ierte jndr'à 'u munne jè l'Everest ca mesure cchiù o mene 8.850 metre da 'u levèlle d'u mare, praticamende quase ninde respette a 'u ragge d'a Terra (6.378,14 km).

Ce se putesse rappresendà 'u globe terrestre cu 'na sfere de 'nu metre de ragge avessema rappresendà l'Everest cu appene 'nu millimetre, purcè 'a proporzione jè cchiù o mene 1/720 respette a 'u ragge terrestre.

In aeronautiche 'u termine altitudine o quote avene ausete pe descrivere 'a distanze vertichele respette a 'u levèlle medie d'u mare, cu 'u termine iertezze se referisce a distanze vertichele respette a 'nu punde 'nderre, 'nvece cu elevazione 'a distanze de 'nu punde sus 'a superficie terrestre da 'u levèlle medie d'u mare. Avène misurete in pide jndr'à tutte 'u munne.

L'ipsografije jè 'u studie de l'altitudine

L'altitudine medie de le terre ca stonne fore da l'acque jè combrese 'mbrà le 500 e le 600 m.

L'altitudine medie de le diverse terre ca stonne fore da l'acque jè cchiù o mene 'a seguende:




#Article 141: Giotte (6081 words)


Giotte de Bondone ha nate da 'na famigghie de condadine jndr'à 'u 1267 ca, cumme a 'nu sacche de otre famigghie, se n'avere sciute a Firenze e, seconne 'a tradiziona letterarie, fine a mò non confermate da le documinde, avère affidate 'u figghie 'a puteje de 'nu pettore, Cenni de Pepi, ditte Cimabue, iscritte a 'a putende Arte d'a Lana, ca javetave jndr'à parrocchie de Sanda Marije Novella. Avesse a essere sulamende 'na leggende 'u cunde d'a scuperte d'u pettore uagnone da vanne de Cimabue, mendre ca disegnave cu estreme realisme le pechere ca badeve, reportate da Lorenze Ghiberti e da Giorgie Vasari.

Sus a 'u fatte ca Cimabue ha state maestre de Giotte stonne sulamende indizie de tipe stilisteche: 'a collabborazione jndr'a puteje d'u maestre fiorendine ha consendite a Giotte de seguirle a Rome jndr'à 'u 1280 cchiù o mene, addò ere presende pure Arnolfo di Cambio, e avesse putute successivamende 'ndrodurle jndr'à 'u cantiere de Assisi.

Giotte se 'nzurò cchiù o mene jndr'à 'u 1287 cu Ciuta (Ricevuta) de Lapo del Pela, da 'a quale avìe quattre figghie maschele e quattre femmene, e de ste uette figghie, sulamende une devendò pettore, Frangische.

'A prima tavule appettete indipendendemende da Giotte in ordine cronologgeche jè probbabbilmende 'a Madonne cu 'u Piccinne de San Giorgie a Coste (Firenze, osce a 'u Musee Diocesane de Sando Stefano a 'u Ponde), ca putesse essere precedende a le affresche de Assisi. Pe otre studiuse, 'nvece, se tratte de 'n'opere successive a 'u candiere de Assisi e pure a Croce de Sanda Maria Novella.

Sta opere fece vedè 'na solida rese d'a volumetrie de le personagge addò le attitudine sonde cchiù naturale ca in passate; 'u trone jè inzerite jndr'à 'na prospettive cendrale, furmanne queste 'na nicchie architettoneche, ca suggerisce 'u sienze d'a profonnetà.

'A nuvetà d'u linguagge de sta tavule, relativamende piccenne e tagghiate lunghe le margene, se capisce megghije facenne 'nu combronde cu l'esembie fiorendine de Maestà ca l'averene precedute 'nu picche apprime, cumme Coppo de Marcovaldo e Cimabue.

'A Basilica de San Frangische de Assisi avere state combletate jndr'à 'u 1253, cu granne interesse sia de le frangescane, purcè avenève viste cumme sede cendrale de l'ordine, luèche d'u brucamende d'u funnatore e mete de le pellegrinagge, e d'u papate, ca vedeve jndr'à le frangescane de le fedele alleate pe repigghià 'u legame cu le cristiane cchiù povere. L'inizie d'a decorazione e affresche non g'è canusciute, p'a distruzione de le andiche archivije jndr'à 'u XIX sechele, ma avessera resalì 'mbrà 'u 1280 e 'u 1290. L'artiste, scacchiate direttamende da le pape, accumenzarene da 'a Basilica superiora.

Le prime affresche avenèrene realizzate jndr'à 'u tranzette d'a puteje de Cimabue addò assaje probbabilmende s'avere acchià pure Giotte uagnone. 'A màna soje, in particolare, jè probabbele jndr'à doje scene jndr'à vanna ierte d'a navata cu le Storie de Isacche (Isacche benedice Giacobbe e Isacche ca scacce Esaù ca se iacchiane jndr'à terza cambate a l'altezze d'a fenestre), genericamende attribbuite a 'nu Maestre de Isacche, ca tenève 'na particolare predisposizione a resa volumetriche de le cuerpe, ausanne 'n'accenduate chiarescure e, ca ere capace de ambientà le proprie scene jndr'à 'n'ambiende architettoneche fittizie, disegnate seconne 'na prospettive e 'nu scorce laterale basate sus a le studie matemateche prospettece assaje de mode a 'u timbe e 'nzegnate a Viterbo, a 'a corta pontifice, addò furene 'mbortate a l'inizie d'u XII sechele da le Maistre arabe.

Diverse jè pure 'a tecniche ausate: p'a prima vote se ausò l'affresche a sciurnate, invece ca a pontate.
Alcune indichescene 'u Maestre de Isacche pure jndr'à le figure d'u romano Pitre Cavallini o d'u scultore Arnolfo de Cambio, l'unice ca avessere fatte vedè de sapè esprimere jndr'à 'na maniere credibbele le valore de volume e de coerenze spaziale jndr'à le opere lore.

Cchiù nnande, 'a fasce inferiore d'a navate avenìe occupate da le vendotte Storie de San Frangische ca erene databbele 'mbrà l'urteme decennie d'u XIII sechele e le prime anne d'u XIV, 'nu cicle grandiose ca stupì le condemboranee e signò 'na svolte jndr'à petture occindedale.

'U cicle illustre pundualmende 'u teste d'a Legenda combilate da San Bonavendure e da jidde dichiarate uneche teste ufficiale de referimende p'a biografije fragescane. Sotte a ogne scene cumbarive (cu 'u timbe s'a quase scangellate totta totte) 'na didascalie descrittive tratte da le devirse capitole d'a Legenda illustrate a picche a picche.

Stu cicle jè considerate da certe cristiane l'inizie d'a modernità e d'u appettà latine. 'A tradizione iconografeche sacra, 'nfatte, puggiave sus 'a tradizione de le iconografe grece, allore sceve sus a 'nu repertorie iconografeche assaje codificate jndr'à le sechele; 'u suggette de osce a die ('nu sande moderne) e 'nu repertorie de eppisodie straordinarie (sule pe fa 'n'esembie: nisciune maje, apprime de San Frangische, avère ricevute le stigmate) fecere sine ca Giotte jndr'à l'affresche avèra fà 'a mamme e l'attane de le modelle e de le figure, pigghianne sule in parte a le modelle de petture ca s'averene già cimendate in eppisodie frangescane sus 'a tavule (cumme Bonaventura Berlinghieri o 'u Maestre d'u San Frangische Bardi).

Apprisse a stu fatte vè reggistrate 'u corse nuéve de le studie bibblece (purtate nnande probbie da le teologe frangescane e dumenecane) ca prediliggeve 'a letture de le teste jndr'à 'u lore senze letterale (senza troppe irre e orre e rimande allegorece) desideranne de conducere 'u fedele a 'n'ingondre 'u cchiù possibbele vive e immedesimative cu 'u teste sacre. Stu fatte favorìe 'a scelte de rappresendaziune cu le vestite moderne e ca sottolineassere l'espressione d'u vissute.

'U prime capelavore fiorendine jè 'a granne Croce de Sanda Marije Novelle, citate cumme opere giottesche jndr'à 'nu documende d'u 1312 da 'nu certe Ricuccio di Puccio d'u Mugnaio e pure da Ghiberti, ma probabbilmende jè databbele cchiù o mene jndr'à 'u 1290 condemboranèe, quindi, a le Storie de San Frangische d'a Basilica Superiore.

Jè 'u prime suggette ca Giotte affronde in mode rivoluzionarie, in condraste cu l'iconografije ormaie canonizzate da Giunta Pisano d'u Christus patiens inarcate sinuosamende a sinistre. Giotte 'nvece appettò 'u cuèrpe muèrte in mode verticale, cu le iamme piegate ca ne facene induì tutte 'u pese. 'A forme non g'è cchiù nobbilitate da le consuete stilome devendò accussì assolutamende umane e popolare.

Jndr'à chiste nuvetà jè condenute tutte 'u sienze de l'arta soje e d'a nova senzibbilità religgiose ca restituisce a Criste 'a dimenziona terrena soje e da queste pigghje 'u senze spirituale cchiù profunne. Sulamende l'aureole arrecorde 'a natura divina soje, ma fece vedè le sembianze de 'n'omme umile ca ste soffre avveramende, cu 'u quale l'osservatore putesse combrondà le pene sue.

Jndr'à chidde anne Giotte ere già 'nu pettore affermate, capace de ccrejà 'nu sacche de imitature jndr'à cetate, pure ca rappresendave sulamende l'andicipatore de 'na corrende d'avanguardia ca se imponìe cchiù tarde.

'U condeste toscane e fiorendine de l'epoche ere animate da granne fermende innovative, ca 'nfluezarene Giotte: a Pisa 'a puteje de Nicole Pisano e pò d'u figghije Giuanne avère accumenzate 'nu percorse de recupere d'a pienezze d'a forma e de le valure de l'arte classiche aggiornate cu influsse gotece tranzalpine, 'nvece Siena, in condatte privileggiate cu 'nu sacche de cendre culturale europee, avère viste l'inneste de nuvetà goteche sus 'a tradizione bizzandine jndr'à petture de 'n'artiste d'u calibre de Duccio de Buoninsegna.

De data vicine jè considerate pure 'a tavule firmate da Pisa e stipate a 'u Louvre de Parigge, ca raffiguresce le Stigmate de San Frangische addò le storie d'a predelle sonde direttamende ripigghijate da le scene assisiate: quiste da certe avène considerate mutive a sostegne de l'attribbuzione d'u Cicle frangescane a Giotte.

Fine a 'u 1300 ste 'nu buche de alcune anne jndr'à produzione de Giotte. Certe critice onne penzate ca putesse essere chiamate a Rome da le Pape, ca puteve sce spiulanne otre opere de l'artiste apprisse le realizzaziune a Assisi, soprattutte in occasione d'u giubillere d'u 1300 indette da Pape Bonifacio VIII.

Quindi, po essere ca Giotte ha fatijate a Rome 'mbrà 'u 1297 e 'u 1300, esperienze d'a quale non ge remanene tracce significative e, pe quiste, non g'è possibbile angore giudicà l'influenza soje sus a le petture romane, o a 'u condrarie, quande 'u stile sue avenìe 'nfluenzate da 'a scola romane.

Jndr'à Basilica de San Giuanne in Laterano jè stipate, 'nu frammende piccinne de 'nu cicle assaije cchiù larie, forse riferibbele a Giotte, a stu soggiorne e a quidde successive.

Da documinde catastale d'u 1301 e d'u 1304 se canoscene le proprietà soje in Firenze, ca erene assaje avveramende e pe quiste se penze ca, cchiù o mene verse le trende anne, Giotte tenève già 'na puteje e ere capace de ovvià a le cchiù prestiggiose commissiune d'u timbe.

Jndr'à stu periode appettò 'u Polittiche de Badia (Gallerie de le Uffizie) e, in virtù d'a fame diffuse jndr'à totte l'Itaglie, avenìe chiamete a fatià a Rimini e Padova.

'A presenze de Giotte a Rimini non g'è databbele cu precisione ma se presume ca pò essere collocate 'mbrà le anne de Padova e 'u ritorne a Assisi, apprime o dope 'u soggiorne padovane. Securamende apprime d'u 1309, avene collocate cchiù o mene jndr'à 'u 1303.

A Rimini, cumme a Assisi, fatiò jndr'à 'nu condeste frangescane, jndr'à chiesera già de San Frangische, osce canusciute cumme Tembie Malatestiane, addò appettò 'nu cicle de affresche perdute, 'nvece reste angore jndr'à l'abside 'a Croce.

Combrondanne 'u dipinde cu le otre croce de Giotte (prime 'mbrà tutte 'a vicine Croce jndr'à Cappelle de le Scrovegni) appare chiare cumme sonde mancande 'a cimasa e terminali (o cape croce), acchijate invece da Federiche Zeri jndr'à 'u 1957 jndr'à collezzione Jeckyl de Londra.

L'autografije d'a Croce non g'è condivise da tutte le studiuse: pure ca fece vedè le qualità tipeche d'a pettura soje, pò essere ca se tratte de 'n'opere de puteje cumme a 'nu sacche che onne assute cu 'a firma soje e appettete da 'nu disegne sue.

'U soggiorne de Rimini jè 'mbortande, soprattutte, pe l'influenze esercitate sus 'a locale scola pettoreche e miniatorie ca avène chiamate appunde scola riminese, ca avìe 'mbrà le maggiore esponende Giuanne e Pitre da Rimini. Proprie da 'na Croce de Giuanne, ca se vedève probbie ca avere derivate da Giotte e da 'a secure datazione a 'u 1309, s'à putute mettere 'u limite massime a presenze de Giotte jndr'à cetate.

D'u soggiorne padovane s'onne perse le affresche d'a Basilica de Sand'Andonie e d'u Palazze d'a Raggione ca furene però realizzate jndr'à 'nu seconde soggiorne.

Le affresche residue d'a Basiliche de Sand'Andonie (Stigmate de San Frangische, Martirie de Frangescane a Ceuta, Crocifissione e Cape de Profete) sonde, pe quidde picche ca jè possibbele intuì, frutte d'a fatije de le collaborature assaje simile tecnicamende a quidde d'a successive Cappelle d'a Maddalene d'a Basiliche inferiore de Assisi.

Le affresche perdute d'u Palazze d'a Raggione, spicciate jndr'à 'u 1309, sonde citate jndr'à 'nu libbrecine d'u 1350, 'a Visio Aegidii Regis Patavi d'u notare Giuanne da Nono, ca le descrive cu tone endusiastece, testimonianne ca 'u suggette astrologgeche d'u cicle ere tratte da 'nu teste assaije diffuse jndr'à 'u XIV sechele, 'u Lucidator, ca spiegave le temberaminde umane in funzione de le influsse de le astre. Padova ere a 'u timbe 'nu cendre universitarie culturalmende assaije fervide, luèche d'incondre 'mbrà umaniste e scienziate e Giotte jè partecipe de sta atmosfere.

Pure le petture de l'Itaglie d'u nord subbirene l'influenze de Giotte: Guariento, Giusto de' Menabuoi, Jacopo Avanzi e Altichiero scuagghiarene 'nfatte 'u linguagge plastiche sue e naturalisteche cu le tradiziune locale.

Remane 'nvece indatte 'u cicle de affresche cu Storie de Anna e Giuacchine, de Maria, de Gesù, Allegorie de le Vizie e de le Virtù e  'U Giudizie Universele d'a Cappelle de Enriche Scrovegni appettete 'mbrà 'u 1303 e 'u 1305. L'indere cicle jè conziderate 'nu capelavore assolute d'a storie d'a petture e, soprattutte, 'u metre de combronde pe tutte le opere de dubbie attribbuzione giottesche, viste ca sus a l'autografije d'u maestre fiorendine jndr'à stu cicle non ge ne stonne dubbie.

Le affresche d'a Cappelle de l'Arene de Padova sonde funnamendale p'a canoscenze de l'arte giottesche purcè sonde chidde addò l'autografije e 'a datazione sonde certe e addò 'u ricorse a l'aiute jè limitate a l'esecuzione de le idee d'u maestre.

Jndr'à Cacciate de Giuacchine da 'u tembie se rescondrene certe eleminde tipece de l'arte de Giotte: ambiendazione architettoneche in prospettive intuitive, jndr'à quale se disponene le personagge, rese de le figure umane realisteche e non stilizzate, eloquenze de geste e espressione, vivace narrazione, solennità senza irre e orre d'a combosizione, presenze de linee de forze ca portene l'uecchje de l'osservatore.

Enriche Scrovegni nobbile de Padova accattò 'u terrene jndr'à 'u 1300, jndr'à 'u 1302 accumenzò 'a costruzione d'a Cappelle ca s'acchieve 'nguedde a 'u palazze de famigghie apprisse destrutte.

Jndr'à 'u 1304 'u pape Benedetto XI promulgave 'n'indulgenze in favore de colore ca l'avessere visitate.
L'edificie fu consacrate probbie jndr'à 'u 1305 e se penze ca le affresche averene a essere ormaie spicciate pe quedda date.

Giotte appettò l'indera superfice cu 'nu proggette iconografeche e decorative unitarie, ispirannese a leggenda Aurea de Jacopo da Varazze e a 'le Meditaziune sus 'a vite de Gesù d'u Pseudo-Bonaventura.
Appettò, dividennele jndr'à 37 scene, 'nu cicle incendrate sus a 'u teme d'a sarvezze ca accumenze da 'a storie de Giuacchine e Anna e condinue cu chidde de Marije e Gesù lunghe le parete e spicce cu 'u Giudizie Universale d'a condrofacciate. Sus a 'u zocchele jndr'à vanna vasce certe specchie de marme finde se alternescene a figure cu 'na sola cromature ca simboleggiane le vizie e le virtù.

Jndr'à cappelle, 'a petture de Giotte fece vedè 'na chiena maturità espressive:

Respette a l'affresche de Assisi se notane 'nu sacche de progresse: le figure sonde tuèste e voluminose e rese angore cchiù salde da le variaziune cromateche, le tone de le culure s'onne fatte cchiù chiare jndr'à le zone sporgende. Certe accorgeminde tecnice fanne addevendà cchiù ricche de effette materece tutte l'ambiende:

Stonne 'nu sacche de citaziune de l'arte classeche e da 'a scultura goteche frangese, ca ha state incentivate da 'u combronde cu le statue sus a l'altare de Giuanne Pisano, ma, sopratutte, 'na maggiore espressività jndr'à le sguarde intense de le personagge e jndr'à lore gestualità

'U stile de Giotte se ha evolute cu 'a recérche de 'na petture capace de rennere l'umanità de le personagge sacre. 'Mbrà le brane cchiù suggestive stonne l'ambiende naturale e le architetture costruite cumme vere e probbie sckatele prospetteche, ca certe vote avenene repetute pe no condraddì 'u rispette de l'aunità de luèche, cumme 'a case de Anna, o 'u Tembie addò l'architettura soje jè repetute cchiù vote pure ca avene repigghiate da angolature differende.

'Nu sacche sonde le notaziune narrative e le particolere, pure ca sonde minore, de granne suggestione, le oggette, le arrede, le custume ca respecchiane l'ause, 'a mode d'u timbe. Certe personagge sonde vere e probbie ritratte ca certe vote sonde caricaturale ca donne 'u sienze d'a trasposizione cronachisteche d'a vita rèale jndr'à rappresendazione sacra.

Jndr'à 'u musèe civiche de Padova jè stipate 'na croce appettate ca avène da l'altare d'a cappelle de le Scrovegni, assaje raffinate p'a ricchezze decorative de le culure smaltate e pe l'andamende sagomate d'u supporte da 'u disegne gotiche, a parte p'u realisme d'a figure d'u Criste e jndr'à l'atteggiamende sofferente de Marije e de San Giuanne jndr'à le tabbellune laterale.

'Mbra 'u 1306 e 'u 1311 fu n'otra vote a Assisi pe eseguì le affresche d'a zone d'u transette d'a Basiliche inferiore ca comprende: le Storie d'a Vite de Criste, le Allegorie frangescane sus a le vele, e 'a Cappelle d'a Maddalene. Avveramende, a màne d'u maestre non ge ste probbie e pe le numerose commissiune lassò 'a stesure a personagge d'a cricca soje.

'A commissione fu d'u Vescovo Teobaldo Pontano in careche da 'u 1296 a 'u 1329 e 'a fatje avenìe purtate nnande pe 'nu sacche de anne coinvolgenne 'nu sbuènne de aijute: Parende de Giotte, Maestre de le Vele e Palermino di Guido (quist'urteme citate 'nzieme a 'u maestre jndr'à 'nu documende d'u 1309 addò s'imbegne a pajà 'nu debite).

'A seconda presenze de Giotte jndr'à cetate umbre accumenze 'mbrà 'u 1035 e 'u 1306 e dure 'mbonde a 'u 13111 cioè apprisse 'u soggiorne padovane pe appettà 'a Cappelle d'a Maddalena addò jè ritratte 'u committende Teobaldo Pontano vescove da 'u 1296 a 'u 1329.

'A storie jè pigghiate da 'a [Legenda aurea de Jacopo da Varazze; p'a Maddalene le Frangescane avèrene 'nu culte particolare. Giotte traspurtò a Assisi le progresse fatte a Padova, jndr'à le soluzione scenografeche e jndr'à spazialità, jndr'à tecniche e, soprattutte, jndr'à qualità de le culure chiare e cavede.

A le eppisodie d'a vite de Maddalene avenèrene aggiunde chidde de Marta e de Lazzaro.

Le Allegorie Frangescane occupescene le vele d'a volte d'u transette: Povertà, Castità, Obbedienze, 'a Glorie de San Frangische e le scene d'u cicle d'a Vite de Criste sonde disposte lunghe le parete e le volte d'u transette destre. 

'Nu documende d'u 4 sciugne d'u 1309 testimonie 'a presenze de l'artiste jndr'à cetate inzieme a l'aiute Palmerino di Guido ma le collabborature erene sicuramende numerose viste le dimenziune de l'imbrese. 'A vivacità de le scene, le soluziune scenografeche e spaziale de ampie respire e certe citaziune dirette d'u cicle padovane onne mise d'accorde studiuse e critice sus a l'appartenenze d'u proggette generale de le affresche a Giotte, ma 'a realizzazione pettoreche fu delegate a le membre d'a puteje, addò le idendità sonde angore scunnute rrete e nome cumme Parente de Giotte, Maestre de le Vele e Maestre d'a Cappelle de San Necole, Maestre Espressioniste de Sanda Chiara. Certe de ste seguace, quase securamende umbre, spannerene 'u stile giottesche jndr'à le chiesere d'a zone.

Jndr'à 'u 1311 avere già turnate a Firenze, stonne pure de le documinde d'u 1314 ca parlene de le attività economeche soje extra pettoreche.

'A presenze a Firenze jè sicuramende documendate jndr'à l'anne 1314, 1318, 1320, 1325, 1326 e 1327. Jndr'à 'u 1327, specialmende, se screvìe a l'Arte de le Midece e Speziale ca, pa prima vote, pigghiave petture.

Jndr'à 'u 1313, jndr'à 'na lettere, 'ngarecò Benedette di Pace de recuperà le masserizie presse 'a probbietarie d'a case affittate a Rome; 'u documende jè 'a testimonianze d'u terze soggiorne romane, Giotte scìe a Rome jndr'à l'anne de quanne facìe 'u Mosaiche d'a Navicelle de le Apostoli pu portiche de l'andica Basiliche de San Pitre jndr'à 'u Vaticane sus a commissione d'u Cardinale Jacopo Caetani Stefaneschi, archiprevete e benefattore d'a Basiliche eppure Diacono de San Giorgie a 'u velabre, ca 'u pajò dojecinde fiorine e, pe l'occasione, screvìe de le verse da scaffà jndr'à 'u mosaiche.

'A lunette d'a Navicelle avere fà parte de 'nu cicle musive cchiù granne. 'A lunette avenìe combletamende refatte e osce pare ca de l'origgenale de l'epoche de Giotte ste sulamende 'n'angele.

'Na copie avenìe disegnate da doje artiste d'u Quattrecinde, Pisanello e Parri di Spinello, e se iacchie a 'u Metropolitan Museum of Art de New York. Doje tunne cu le facce de angele, ca facevene parte d'u cicle, sonde stipate rispettivamende: a 'a Chiesere de San Pitre Ispano de Boville Enrica (Frosinone) e jndr'à le Grotte Vaticane.

Da le disegne, fatte apprime d'a distruziona soje, se pò recostruì 'a combosizione: raffigurave 'a varche de le aposotole jndr'à 'nu temborale sus 'a destre Pitre sarvate da Criste 'nvece a sinistre se vedeve 'na cetate turrita. 'U suggette ere ispirate da opere tarde-andiche e paleocristiane, ca Giotte avère avute sicuramende occasione di vedè a Rome, alimentanne 'nu rapporte de dialeghe condinue cu 'u munne classeche.

Le doje tunne sonde realizzete cu 'na tecniche idendiche a quedde de le puteje romane d'a fine d'u docinde e, probbabbilmende, sonde opere de maestranze locale ca eseguirene le cartune de l'artiste fiorendine addò se recanosce probbie assaije 'u stile sue probbie da 'a solidità d'u modellate da l'aspette monumendale de le figure.

Rome ha state 'na parendesi jndr'à 'nu periode jndr'à 'u quale Giotte stave assaije probbie a Firenze. Jndr'à stu periode appettò le opere d'a maturità artisteca soje cumme 'a Maestà de Ognessande, 'a Dormitio Virginis d'a Gemäldegalerie de Berlino, 'a Croce de Ognessande.

Jndr'à Dormitio Virginis Giotte riuscìe a innovà 'nu teme e 'na combosizione andiche grazie a disposizione de le personagge jndr'à 'u spazie. 'U Crocifisse de Ognessande, angore in loco, fu appettate pe le Umiliate e jè simile a le figure ca s'assomigghiane de Assisi tande ca s'à penzate a l'accussì ditte Parente de Giotte.

'A Maestà de le Uffizie veje combrondate cu doje famuse precedende de Cimabue e Duccio de Boninsegna, jndr'à stessa stanze d'u Musèe, pe capìe 'a modernità de linguagge. 'U trone de guste gotiche addò s'inzerisce 'a figure putente e monumendale de Marije jè disegnate cu 'na prospettive cendrale, 'a Vergine jè accerchiate da 'na schiere de Jangele e da quattre sande ca se stagliescene evidenzianne plasticamende da 'u funne oro.

Jndr'à 'u 1318, seconne a quande atteste Ghiberti, accumenzò a appettà quattre cappelle e quattre polittice pe quattre deverse famigghie fiorendine jndr'à chisere de le frangescane de Sanda Croce: 'a Cappelle Bardi (Vite de San Frangische), 'a Cappelle Peruzzi (Vite de San Giuanne Battista e de San Giuanne Evangeliste cchiù 'u polittiche cu Taddeo Gaddi), e le perse Cappelle Giugni (Storie de le Apostole) e Tosinghi Spinelli (Storie d'a Vergine) d'a quale remane l' Assunte d'u Maestre de Figline. De ste cappelle ttrede erane mise jndr'à zone a destre d'a cappelle cendrale e una jndr'à quedde a sinistre: rumanene sulamende le prime e doje a destre: le Cappelle Bardi e Peruzzi.

'A Cappelle Peruzzi, cu l'affresche d'a Vite de San Giuanne Battista e de San Giuanne Evangeliste, ave 'na granna considerazione pure jndr'à 'u Rinascimende; 'u state de conservazione de osce a die jè fortemende combromesse da 'nu sacche de fatture ca s'onne succedute jndr'à 'u timbe, ma non ge imbedisce de vedè 'a qualità de le figure rese plasticamende da 'n'accorte ause d'u chiaroscure e caratterizzate da 'u studie approfondite de le probbleme de rese e rappresendaziona spaziale.

Le brane cchiù suggestive sonde le architetture 'a uerre probbie de l'edificie condemboranèe sciangate in prospettive ca condinuene, pure, oltre a le cornice de le scene furnenne 'n'istandanea d'u stile urbanisteche d'u tiembe de Giotte. Jndr'à ste quinde prospettiche, se sveluppescene le storie sacre comboste in mode calibbrate jndr'à 'u numere e jndr'à 'u movimende de le personagge. Le architetture sonde inoltre disposte in mode cchiù espressive, cu vive spigole ca forzene certe caratteristeche de le scene.

Se note 'n'evoluzzione d'u stile de Giotte, cu pannegge larie e debbordande cumme maje viste apprime ca esaltane 'a monumendalità de le figure.

'A sapienza combositive de Giotte devendò mutive de ispirazione pe l'artiste ca avenèrene apprisse cumme ad esembie Masaccio pe le affresche d'a Cappelle Brancacci jndr'à Chiesera d'u Carmine (ca cupiò pe esembie le vicchije vicchije jndr'à scene d'u Abbevescimende de Drusiana) e Michelangele doje sechele apprisse, ca ne cupiò 'nu sacche de figure.

Da 'a stessa cappelle avene 'u Polittiche Peruzzi ca fu scuasciate e perse jndr'à 'nu sacche de collezione separete fine a 'u ricongiungimende jndr'à 'a collocazione de osce a die a 'u Museum of Art de Raleight (Nord Caroline) ca rappresende 'a Madonne cu le figure de Sande 'mbrà tutte l'otre stonne le doje San Giuanne e San Frangische, 'u stile figurative jè simile a quidde d'a cappelle pure ce le sande sonde mise jndr'à 'nu condeste neutre e non ricche de eleminde decorative ma, comungue, assaije salde jndr'à lore volumetrie.

L'otra cappelle de Sanda Croce jè 'a Bardi ca dice d'a Vite de San Frangische e figure de Sande frangeschene. Ha state recuperate jndr'à 'u diciannovesime sechele apprisse a 'n'operate sciapite d'u Settecinde e jè inderessande notà le differenze stilisteche cu l'analoghe cicle assisiane de cchiù de 20 anne apprime, a fronde de 'n'iconografije sostanzialmende uguale.

Giotte preferìe dà cchiù 'mbortanze a 'a figure umane, marcanne cchiù forte le valure espressive, probabbilmende, pe assecondà 'a svolte in sienze pauperisteche de le Conventuale operate jndr'à chidde anne. 'U sande pare stranamande imberbe jndr'à tutte le storie.

Le combosiziune sonde assaije semblificate (ste a ce parle de stasi inventiva d'u maestre), e jè 'a disposizione de le figure a dà 'u sienze d'a profonnetà spaziale cumme jndr'à 'u case de le Funerale de San Frangische. Cchiù notevole jè però 'a rese de le emoziune cu geste eloquende, cumme chidde de le confrate ca se disperescene nnande a salme stennute, cu geste e espressiune incredibbilmende realistece.

Sus a l'altare d'a Cappelle Baroncelli (pò affrescate da Taddeo Gaddi) jè situate 'u Polittiche ca ha state fatte cchiù o mene jndr'à 'u 1328, ca mò non ge tène 'a cuspide ca se iacchije jndr'à Timken Art Gallery de San Diego (California), 'nvece 'a cornice origginale ha state sostituite da une d'u quattrecinde. 'U suggette rappresendate jè 'a 'Ngoronazione d'a Vergine attorniate da 'n'affollate Glorie de Jangele e Sande.

'U ricorse a le aijute pe l'esecuzione jè larie assaije, stè 'n'accenduate guste scenografeche e cromateche ccrejate da 'n'infinità de tanda finissime, ma cu 'na minore profunnetà viste ca 'u spazie jè anghiute de figure ca sonde varie sia pe le tipe de le facce ca pe le espressione.

De stu periode sonde stipate 'nu sacche de otre tavule giottesche, 'nu sacche de vote erene stuèzze de polittice fatte 'a stuèzze, jndr'à le quale se presende sembre 'u probbleme de l'autografije ca non g'è maje secure.

Une de le cchiù 'mbortande jndr'à stu sienze jè 'a Croce appettate de San Felice de Piazza. 'U Polittiche de Sanda Reparate jè attribbuite a 'u Maestre cu 'a collabborazione d'u Parente de Giotte, 'u Sando Stefano d'a Collezzione Horne de Firenze jè probbabbilmende opere autografe e avène associate cumme reste de 'n'uniche opere a doje framminde: 'u San Giuanne Evangeliste e 'u San Lorenze tutte e doje d'u Musèe Jacquemart-André de Parigge (Frange) e 'a belle assaije Madonne cu 'u Piccinne d'a National Gallery de Washington.

Jndr'à 'nu sbuènne de musèe sonde sparpagghiate pure le tavulette de dimenziune piccinne: 'a Natività e Adorazzione de le Magi d'u Metropolitan Museum of Art de New York (ca s'assomigghie a le scene de Assisi e Padova), 'a Presendazione de Gesù a 'u Tembie (Boston, Isabella Stewart Gardner Museum, l' Urtema Cena, Crucifissione e Scennute a 'u Limbe d'a Alte Pinakotek de Monaco, 'a Deposizzione d'a Collezione Berenson a Firenze e 'a Pentecoste (National Gallery de Londre), ca seconne 'u storiche Ferdinande Bologna faceve parte de 'nu polittiche arrecurdate da 'u Vasari a Sansepolcro.

'U 1320 jè l'anne d'u Polittiche Stefaneschi (Musee Vatichene), commissionate pe l'altare maggiore de l'Basiliche de San Pitre da 'u Cardinale Jacopo Stefaneschi, ca 'ngaricò Giotte pure de decorà 'a tribune de l'abside de San Pitre cu 'u cicle de affresche perdute jndr'à 'u rifacimende d'u XVI sechele.

'U polittiche avenìe ideate da 'u Maestre, ma appettate 'nzieme a aijute, e jè caratterizzate da 'na granne varietà cromateche a scope decorative; l'imbortanze d'u luèche p'a quale ere destinate 'mboneve l'ause d'u funne oro da 'u quale le figure monumendale se stagliene cu granne sicurezze.
Appettate su tutte e doje le late rappresende sus a 'u verse 'u Criste in trone cu le martire de San Pitre e de San Paole (simbele d'a chiesera stesse), sus a 'u recto San Pitre in Trone, jndr'à le scombarte e jndr'à le predelle 'a Vergine cu 'u Piccinne in Trone cu diverse figure de Sande e Apostole.

Seconne a Vasari, Giotte remanìe a Rome pe seje anne, facenne pure otre opere commissionate jndr'à otre cetate tagliàne, spiccianne 'a sede papale de Avignone. 'U biografe aretine citò pure opere non giottesche, ma ca comungue descrivìe 'nu pettore moderne, impegnate sus 'a diverse fronte e cercunnate da 'nu sacche de aiute.

Cchiù tarde turnò a Firenze, addò affrescò 'a ggià nnomenate Cappelle Bardi. 'Nu picche apprime d'a partenza soje da Firenze jndr'à 'u 1327, l'artiste se screvìe p'a prima vote a l'Arte de le Midece e Speziale 'nzieme a le alunne cchiù fedele Bernardo Daddi e Taddeo Gaddi ca 'u seguirene jndr'à l'urteme 'mbrese.

Jndr'à 'u 1328, apprisse ca avere spicciete 'u Polittiche Baroncelli, avenìe chiamate da 'u Rre Roberte d'Angiò a Napule e remanìe 'mbonde a 'u 1333, 'nzieme a totte 'a puteje. 'U Rre 'u nnomenò famigliare e prime pettore de corte e nostre fedele (1333), cioè, pettore de corte, a testimonià l'enorme conziderazione ca Giotte avere oramaie raggiunde. 'U Rre le assegnò pure 'nu stipendie annue.

L'opera soje jè assaije belle documendate (ne remane 'u condratte, avveramende utile pe canoscere cumme ere strutturate 'a fatije jndr'à puteja soje), ma a Napule reste, osce a die, avveramende picca rrobbe de le fatije sue: 'nu frammende de 'n'affresche ca raffiguresce 'a Lamendazione sus a 'u Criste Muerte jndr'à Sanda Chiara e le figure de Omme Illustre appettate jndr'à le strombe de le finestre d'a Cappelle de Sanda Barbara jndr'à 'u Castelnueve, ca pe differenze stilisteche sonde attribbuibbele a le alunne sue.
'Nu sacche de chiste devendarene maestre 'mbortande e fecere canoscere e rennovarene 'u stile de Giotte jndr'à le decennie successive (Parente de Giotte, Maso de Banco, Taddeo Gaddi], Bernardo Daddi).

'A presenza soje a Napule fu 'mbortande pa formazione de le pettore locale, cumme 'u Maestre de Giuanne Barrile, Roberte d'Oderisio e Pitre Orimina.

A Firenze, indande, agive cumme procuratore de l'attane 'u figghije Frangische, ca avenìe immatricolate jndr'à 'u 1341 jndr'à l'Arte de le Midece e Speziale.

Apprisse 'u 1333 Giotte scìe a Bologne, addò remane 'u Polittiche firmate ca avenève d'a Chiesera de Sanda Marije de le Angele, sus a 'nu funne d'ore, cu 'u scombarte cendrale ca raffiguresce 'a Madonne in Trone e sus a le laterale San Pitre, l'Arcangele Gabbriele, Michele Arcangele e San Paole, tutte figure solide, cumme tradizione jndr'à sta urtema fase de l'attività soje, da le pannegge fortemende chiaroscurate, da le culure brillande e cu 'nu linguagge ca 'u vvicine a 'a culture figurative padane cumme jndr'à figure de Michele Arcangele ca arrecorde le angele de Guariento.

Non ge remane tracce, 'nvece, d'a presunde decorazione d'a Rocca de Galliera d'u legate pontificie Bertrando d'u Poggetto, condinuamende destrutte da le bolognise.

Sus 'a scie de ste conzideraziune jè possibbile collocà jndr'à l'urtema fase d'a carriera soje otre stuèzze erratece cumme: 'a Crucifissione de Strasburghe (Musee Civiche) e quedda d'a Gemäldegalerie de Berline.

Trascurrìe l'urteme anne fatianne pure cumme architette, quase sembre a Firenze addò jè nnomenate 'u 12 abbrile d'u 1334 Capemaestre de l'Opere de Sanda Reparete (cioè de le candiere apirte jndr'à chiazza d'u Duomo e soprintendende de le opere pubbleche d'u Comune. Pe stu 'ngareche pigghijave 'nu stipendie annue de cinde fiorine. Seconne 'u Giuanne Villani accumenzò 'u 18 luglie d'u stesse anne 'a fatje de fondazione d'u Cambanile d'u Duomo ca dirigìe fine a costruzione de l'ordine 'nferiore cu le vascerilieve.

Apprime d'u 1337, date d'a morte, scìe a Meláne da Azzo Visconti, ma le opere de sta fase onne sparite tutte. Remanìe però tracce d'a presenza soje soprattutte sus a l'influenze esercitate sus a le petture lombarde d'u Trecinde, cumme 'a Crucifissione d'a chiesere de San Gottardo in Corte.

L'urtema opere fiorendine spicciate da le aiute jè 'a Cappelle d'u Podestà d'u Bargello, addò jè presende 'nu cicle de affresche, osce in cattive state de conzervazione (pure pe colpe de restaure fatte jndr'ù Uettecinde ca onne state sbagliate), ca raffigure Storie d'a Maddalene e  'U Giudizie Universele. Jndr'à stu cicle jè famose 'u cchiù andiche ritratte de Dante Alighieri, appettete senze 'u tradizionale nase aquiline.

Giotte, murìe l'8 scennare d'u 1337 ('u Viullani arreporte 'a date de morte avvenute jndr'à fine d'u 1336 seconne 'u calendarije fiorendine) e avenìe brucate jndr'à Sanda Reparete cu 'na cerimonije solenne a spese d'u Comune.

Giotte devendò già in vite 'n'artiste simbele, 'nu vere e probbie mite culturele, detendore de 'na conziderazione ca non ge cangiò, 'nvece crescìe sembre de cchiù jndr'à le sechele ca avenèrene apprisse 'a morta soje.

Giuanne Villani screvìe: Il più sovrano maestro stato in dipintura che si trovasse al suo tempo, e quegli che più trasse ogni figura e atti al naturale.

Pe Cennino Cennini: Rimutò l'arte di greco in latino e ridusse al moderno facenne referimende a 'u supermanede de le scheme bizzandine e all'aperture verse 'na rappresendazione ca 'ndroduceve 'u sienze d'u spazie, d'u volume e d'u culore anticipanne le valure de l'età de l'Umanesime.

L'esperienze de apprendistate cu Cimabue ha state, senza dubbie, de stimole pu pettore uagnone, purcè Cimabue, all'epoche ere 'n'artiste innovative e da 'u linguagge certamende moderne, ca se libberave da le module bizzandineggiande, evolvenne verse 'na petture ca assimilave l'arte classeche, cercanne, condemboraneamende, effette realistice e espressive.

'Mbortande jndr'à stu aspette fu 'u viagge a Rome, ca offrì 'a possibbilità de 'nu combronde cu 'a classicetà, ma pure cu artiste cumme 'u scultore Arnolfo de Cambio e le petture d'a scola locale: Pitre Cavallini, Jacopo Torriti e Filippe Rusuti, animete da 'u stesse spirite de innovazione e sperimendazione operanne jndr'à le candiere de le granne Basiliche inaugurate da Niccolò III e da Niccolò IV.

Giotte avère combletate le numerose commissiune d'a puteja soje ausanne 'n'organizzazione d'a fatije 'mbostate seconne 'na loggica ca osce a die chiamasseme imbrenditoriale, ca prevedève 'u coordinamende d'a fatije de 'nu sacche de collabborature. Stu mode, apprime ausate sulamende jndr'à le candiere architettonece e da le maestranze de sculture e scalpelline attive jndr'à le cattedrale romaneche e gotiche, ha state une de le cchiù granne innovaziune purtate jndr'à petture da l' equipe soje e ne fece capìe pure le difficoltà de letture e de attribbuzione de 'nu sacche de opere sue.

Vasari citò le nome de certe de le cchiù stritte aiutande, non tutte erene famuse: Taddeo Gaddi, Puccio Capanna, Ottaviane da Faenza, Giuglielme da Forlì e pò amma mettere pure tutte le seguace e condinuature d'u stile sue ca ccrejarene de le scole locale jndr'à le zone addò jidde avère passate.

A Firenze e jndr'à Toscana operavene le accussì ditte progiottesche le seguace ca avèrene viste all'opere Giotte jndr'à cetate soje: Maso di Banco, Giottino, Bernardo Daddi, 'u Maestre d'a Sanda Cecilia, 'u Maestre de Figline, Pacino di Bonaguida, Jacopo del Casentino, Stefano Fiorentino.
Le fatte biografece de 'nu sacche de ste petture non g'onne state angore documendate accumme se deve: vite e 'nu sbuenne de opere de Giottino o Stefano Fiorentino sonde angore misteriose.

Jndr'à l'Umbrie, 'u stile giottesche pigghijò 'na connotazione devozionale e popolare arrecanuscibbile jndr'à l'opere d'u Maestre de Sanda Chiara da Montefalco, d'u Maestre espressioniste de Sanda Chiara, d'u stesse Puccio Capanna e d'u accussì ditte Maestre coloriste, 'n'artiste de granne levèlle.

A Rimini nascìe 'na scole ca avìe 'nu periode piccinne de splendore cu Neri da Rimini, Giuliane Da Rimini, Giuanne da Rimini, 'u Maestre de l'Arengario. 'Mbrà l'autore de opere 'nderessande stave 'u Maestre d'a Cappelle de San Nicola, ca l'affresche d'a Basiliche de San Nicola da Tolentino e de l'Abbazie de Pomposa ca facìe jidde filtrarene 'a matricia giottesche cu 'nfluenze locale e, soprattutte, bolognise. Sta scole emiliane-romagnole producìe de le capolavure pure jndr'à 'u cambe d'a miniature.

L'influenze de Giotte se stennìe, cchiù tarde, pure jndr'à le scole settendrionale cumme demostre l'arte, successive de doje generaziune, de Altichiero, Guariento e Giusto de' Menabuoi. Pure a Napule 'a presenze de Giotte lassò 'n'imbronde durature, cumme se note da l'opere de artiste cumme a Robberte d'Oderisio (attive da l'anne '30 d'u Trecinde e nnomenate 'mbonde a 'u 1382), ca decorò 'a Chiesere de l'Ingoronate cu affresche de aristocrateche eleganze (osce staccate e stipate a Sanda Chiara).

Non ge sà capite angore bbuène 'u rapporte 'mbrà Giotte e 'a scola romane, in particolare le studiuse non ge se iacchijane sus a 'u fatte de capì ce onne state le romane (Pietro Cavallini, Jacopo Torriti, ecc.) a 'nfluenzà Giotte e le toscane oppure ha accappete a smerse.

Le studie cchiù recende parene oriendate cchiù sus 'a prime ipotesi. In ogne case le attività artisteche a Rome ruzzularene 'nderre apprisse 'u trasferimende d'u Papate a Avignone jndr'à 'u 1309.

A 'a fine de tutte, Giotte, cu le viagge a mundone ca facìe, ha state 'u ccreatore de 'nu stile tagliàne in pitture, ca avenìe ausate da Meláne a Napule, passanne pe le reggione. L'influsse de Giotte jè presende pure jndr'à certe autore de otre scole, cumme 'a parallele scola senese, cumme demostrane le 'mbostaziune architettoneche de certe opere, pe esembie de Pitre e Ambrogio Lorenzetti. L'esperienze giottesche ha state 'a base p'a successive rivoluzione rinascimendale fiorendine.

Elenghe de le musèe ca tènene e fanne vedè le opere de l'artiste:




#Article 142: Denzetà d'a popolazzione (274 words)


'A denzetà d'a popolazzione jè 'na mesure d'u numere de cristiene ca javetene jndr'à 'na determinate zone (ca 

pò ingludere o mene le superfice de le acque inderne). In senze cchiù estese, 'a denzetà de popolazzione non ge se 

referisce sulamende a l'essere umane, ma pò essere ausete cu riferimende a le popolazziune de qualsiasi organisme 

vivende.

Normalmende se mesure in abitande pe chilometre quadrete. 'U valore se ottiene semblicemende dividenne 'u 

numere de abitande de 'nu determinete territorie p'a superficie d'u territorie stesse (espresse in kmsup2;). 

Jè 'nu date indichete generalmende pe ce cetate, le provinge, le reggione, le state e 'u munne indere. Jndr'à le 

vosce sus a le state 'a denzetà se referisce a le sole terre ca stonne fore da l'acqua, invece jndr'à Liste de le 

state pe denzetà d'a popolazzione se referisce a superficie totele combrese le acque inderne.

Le state d'u munne cu le maggiore denzetà d'a popolazzione sonde Macao, Monaco, Hong 

Kong, Singapore e Gibilterra: sonde naziune piccenne, ca quase quase coicidene cu 'a cetate ca jè 'a lore 

capitale e tènene pe stu fatte 'nu levèlle de urbanizzazione granne assaje. 'U state d'u munne ca tène 'a maggiore 

denzetà d'a popolazzione pure ca non g'è piccinne jè 'u Bangladesh, addò 153 miliune de cristiene popolescene le 

terrene fertili e coltivabbele d'a pianure d'u bacine d'u fiume Gange, cu 'na denzetà ca supranesce le 1.000 

cristiene pe chilometre quadrete.
'U state cu 'a minore denzetà d'a popolazzione jè 'nvece 'a Mongolia.

'A denzetà d'a popolazzione media mundiele jè attualmende de 48 cristiene pe chilometre quadrete, 

Le 10 comune de l'Itaglie cu 'a denzetà d'a popolazzione cchiù ierte:




#Article 143: Classifeche d'a qualità d'a vite (111 words)


Ogne anne, da 'u 1988, 'u sciurnale Il Sole 24 ore face 'na classifeche pe ogne provinge d'Itaglie, pe decidere addò se vive megghije.

Sta classifiche avène anghiute cu de le coefficiende ca avènene calcolate tenènne cunde de 'nu sacche de aspette jndr'à vite de 'na cetate.

Jndr'à l'anne s'onne aggiunde vota pe vote le provinge nuève, jndr'à ìu 2009 s'onne aggiunde a 'a classifeche le quattre nove provinge d'a Sardegna, Olbia, Ogliastra, Carbonia Iglesias e Medio Campidano.

Osce a die le punde 'mbortande sonde le seguende e avenene chiamate macrosettore:

Ogne macrosettore tène de le vosce ca 'u combonene:

Sta classifeche jesse jndr'à l'urteme giurne de decemmre de ogne anne.




#Article 144: Giorgie Vasari (1261 words)


Vasari ha state rese famose da 'u trattate Vite de' più eccellenti architetti, pittori, et scultori italiani, da Cimabue insino a' tempi nostri, scritte jndr'à doje diverse ediziune (1550, 1568) e precedute da 'n'indroduzione de nature tecniche e storeche. Critiche sus a le ttre arte maggiore (architetture, sculture e petture).

'A prima edizione, pubblicate a Firenze da l'editore ducale Lorenze Torrentino jndr'à 'u 1550 e dedicate a 'u granduche Cosimo I de' Medici, ingludéve 'nu preziose trattete sus a le metode tecniche imbiegate jndr'à le varie arti. In parte ha state riscritte e arricchesciute jndr'à 'u 1568, cu l'aggiunde de xilografie de ritratte de le artiste, certe de chiste ipotetece.

'A prima edizione se presendeve cchiù grosse e cchiù artistiche d'a seconde edizione giuntina. Quest'urteme, cu l'aggiunde de indegraziune e de correziune, resulte cchiù piatte, ma jè quedde ca ha avute cchiù successe e diffusione, cu le 18 ediziune sue e le 8 traduziune straniere, a fronde de 'na sole edizione de l'opera origginarie.

'Nu proemie indroduce ogne une de le ttre parte. Descrive vite e opere de le artiste da Cimabue seguenne apprisse, sostenenne ca sulamende le artiste fiorendine onne fatte abbevescere l'arte da 'u scure d'u Medioeve, certe vote esponenne idee pe partite prese.
Se pò comungue dicere ca Vasari cu st'opera ha state l'iniziatore d'a critiche artistiche e 'nu sbuenne de artiste toscane onne a dicere grazie pa lore celebbrità indernaziunele a l'opere de valorizzazzione e divulgazione accumenzete da jidde, 'nu sacche de timbe apprime ca se accumenzarene a studià otre scole, pure ca erene 'mbortande uguele (cumme 'a scola romane d'u Docinde, 'a petture de l'Itaglie settendrionele d'u Quattrecinde e d'u Cinghecinde), ca però osce a die sonde angore scanusciute a 'u pubbleche non specializzete.

Cumme prime storeche de l'arte tagliàne accumenzò 'u genere, ca angore osce a die s'ause, de l''ngiclopedije de biografije artisitche. Vasari battezzò 'u termine Rinascita, pure ca 'na consapevolezze d'u fenomene artistic he ca ste avvenève ere già jndr'à l'arie già da le timbe de Leon Battista Alberti.

Cumme pettore a formaziona soje accumenze a Arezzo jndr'à botteghe de Guglielmo de Marcillat, pettore de vetrete frangese ca tenève 'nu bbuene talende, e pò, grazie a 'u cardinale Silvie Passerini, po essere cchiù o mene jndr'à 'u 1511, se trasferì uagnone a Firenze, addò avìe mode de frequendà Michelangele e apprisse Andrea del Sarto e Baccio Bandinelli, ca le diedere struminde 'mbortandissime, ca erene 'a perizia disegnative e 'a capacità de combosizione prospettiche. Le esperienze se arrecchescèrene pe l'artiste uagnone, frequendanne 'u Russe Fiorendine a Arezzo e a Firenze cu Frangische Salviati, cu 'u quale ccrejò 'nu sodalizie artisitche e cu 'u quale stette a Rrome 'mbrà 'u 1531 e 'u 1536 pe studià le andichità e le opere de Raffaelle e Michelangele. L'incondre cu 'u Russe ha state assaje 'mbortande pe le esperienze pettoreche nove ca facìe soprattutte jndr'à 'u colorisme drammatiche e jndr'à capacità de combosizione ca se revèlarene jndr'à 'u Criste purtete a 'u Sepolcre d'u 1532, osce jndr'à Collezzione de Casa Vasari, ca depenne da 'a Deposizione d'u Russe (1538) a San Sepolcre.

Accussì avìe 'mbortanze 'a capacità disegnative pe fà le figure d'u Bandineòlli e d'u Salviati. Ca pure de quacche capacità invendive e de granne erudizione, 'a pettura soje non gìè particolarmende origginele o di qualità 'a uerre proprie: fece notà 'a prestezze a fà (l'avenìe rimbroverete pure da Michelangele jndr'à l'affresche d'a Sala de le Cinde Giurne a 'a Cangellerie, spicciete jndr'à 'u 1546, tendenze 'a ripetizione de figure, geste, posiziune, carattere scenografiche de le architetture, 'ngasinaminde de significhete, tendenze cchiù a 'a narraziona ca a l'espressione, ma senze particolere pathos o invendive. Pò essere conziderete 'mbrà le cchiù granne manieriste tosco-romane e jndr'à stu cambe avìe particolere influenze a Venezia, addò se ne scì jndr'à 'u 1541 pe realizzà l'allestimende teatrele d'a Talanta de Pitre Aretino.

Jndr'à st'attività de scenografe e architette teatrele fatiò indensamende a Firenze da 'u 1536 a 'u 1565; 'n'esperienze particolarmende 'mbortande ca tène tracce jndr'à pettura soje (pe esembie a Rrome jndr'à Sala de le Cinde Giurne d'u 1542-46 e jndr'à Sala Regia in Vatichene jndr'à 'u 1572.

'Mbrà le opere sue cchiù 'mbortande sus 'a tavule vè conziderete 'a Cene de San Gregorie d'u 1540 jndr'à Pinacoteche Nazionele de Bologne pu Refettorie de San Michele in Bosco d'a cetate. Caratteristiche d'u sue essere artiste jè 'u fà cortiggiene e 'mbrenditoriele ca 'u purtò a avè granne commissiune a Firenze, Rrome, Napule, Bologne, Venezia. 'Mbrà le collaborature sue, assaije attive e de 'nu certe talende ha state Cristofano Gherardi.

L'affresche, d'u 1567, jè collochete jndr'à 'u Salone de le Cinghecinde de Palazze Vicchije a Firenze. Tene carattere celebrative pe le Medici e stile michelangiolesche (cuerpe chine de muschele, posture, ecc).

'A prima 'mbressione d'u dipinde ca catture subite l'uecchie de l'osservatore jè 'u 'nfittimende de le personage e de le oggette appettete e allore le figure se affollene, le immaggine 'mbrà de lore se confondescene e avènene rappresendete cchiù granne, in prime piane a pò sembre cchiù piccenne sus a 'u sfunne pe dà l'imbressione de le oggette in lontananze. Nisciune segne visive de linee convergende 'mbrà lore.

Affresche a tempera, 1574 - Vasari acumenzò 'a decorazione d'a cupole de Sanda Marije d'u Fiore, realizzanne le figure cchiù vicine a 'a landerne, ma a 'a morta soje 'a fatije avenìe congluse pe a maggior parte da Federiche Zuccaro. Esecuzione d'u teme teologiche e strettamente 'mbrigliete jndr'à le reghele d'a Condroriforme e n refèreminde bibblice. Scandite da fasce concentriche sus a uette vele se conclude cu 'n'architetture in prospettive, addò, jndr'à a le uette nicchie se iacchijene vegliarde de l'Apocalisse, ca cazze 'a cupole, avasciannele.

L'affresche jè assaije minuziose e particolareggete, pure c'avene viste da 'u vasce, a 'na distanze assaije granne. Le culure sonde cangiande, ricche de varietà, ma jndr'à figura singhele, non jndr'à 'u comblesse ca tène cumme teme cendrele 'a teologie.

Palazze - 1560

Cumme jndr'à 'na strade monumendele colonnete de 'na cetate ellenistiche, 'a singolere e auliche chiazza oblunghe jè definite da doje cuerpe de fabbriche parallele portichete e da 'nu cchiù piccinne ortogonele in testete, apirte verse l'Arno da 'nu portele a serliana, comboste da 'n'arche a tutte seste affianghete simmetricamende da aperture architravete.
'U palazze jè costruite cu 'a petre de fossete ('na rocce, ca se pigghieve vicine a Firenze, de 'na consistenze magiore rispette a 'a petre serena), indonachete jndr'à le parte non in aggette. Comboste da 'nu piane terrene portichete, da 'nu mezzanine, da doje piane superiore: quidde superiore ere 'nu loggiete achiuse cchiù nnande jndr'à 'u timbe.

'U palazze jè modulare, cu le blocche divise da paraste ca racchiudene 'u spazie 'mbra le doje aperture. Costruite pe esiggenze amministrative, ere pure 'nu stuezze de 'nu passagge sopraevelete ca collegheve Palazze Vicchije cu Palazze Pitti, cumme via de scappà pa famigghije de' Medici.

Jndr'à l'edificie se acchiavene le 13 Magistrature d'u Granduchete de Toscana (le ministere), ca da aqquà s'ha pigghiete 'u nome Uffizie. 

De cchiù, ere pure 'nu tiatre, a ause d'a famigghije granduchele, pò fu luete pe essere ausete a 'a fine d'u Settecinde cumme spazie espositive e archivije.

Palazze - 1562

Se tratte d'a ristrutturazione de l'andiche Palazze de le Anziene de Pisa, ca Vasari spicciò atturna a 'u 1564.
Jidde regolarizzò 'a facciete medievele ca non ge tenève 'na linea definita, fundenne architetture, sculture e petture. Pa facciete disegnò graffite cu figure allegoriche e signe zodiachele, fatte da Tommase Battiste d'u Verrocchio e Alessandre Forzori (1564-1566), ca però onne state appettete 'n'otra vote jndr'à le sechele XIX e XX.





#Total Article count: 144
#Total Word count: 194928