#Article 1: Aceh (268 words)


Aceh (dahulu Daerah Istimewa Aceh (1959-2001) dan Nanggroe Aceh Darussalam (2001-2009) adolah sabuah propinsi di Indonesia, nan talatak di ujuang utara pulau Sumatra. Ibukota propinsi ko adolah Banda Aceh.

Tadapek 10 etnis panduduak asli daerah iko, nan tabanyak adolah suku Aceh, kiro-kiro 80-90% dari sadonyo populasi di siko.

Aceh dianggok sabagai tampek di mano panyabaran agamo Islam di Indonesia dimulai, sarato baparan pantiang pulo dalam panyabaran ka Asia Tenggara. Islam mancapai Aceh (di karajoan Fansur dan Lamuri) labiah-kurang taun 1250 M. Pado abaik ka tujuah baleh, Kasultanan Aceh adolah nagara nan takaya, takuaik, jo tamaju kabudayaannyo di antaro nagara lainnyo di Salek Malaka. Aceh punyo sijarah kamardekaan pulitik jo parlawanan taadok babagai kakuatan dari lua, tamasuak panjajah Balando dan pamarentah pusek Indonesia di Jakarta.

Aceh punyo banyak sumberdaya alam, sarupo minyak bumi jo gas alam; nan babarapo sumber mampakiroan tamasuak nan tagadang di dunia. Dibandiangan jo daerah lain di Indonesia, Aceh adolah daerah nan konservatif dalam panarapan agamo. Proporsi panganuik Muslim di Aceh adolah nan tatinggi di Indonesia, sabagian gadang manjalanan budayo Islami jo ukum syariah dalam iduik mareka saari-ari.

Aceh adolah daerah daratan nan tadakek jo episentrum gampo jo tsunami Samudera Hindia 2004, nan manancuaan wilayah nan cukuik laweh di pasisia barat propinsi ko. Kiro-kiro 170.000 jiwa tabunuah atau ilang dalam bancano alam nantun. Kajadian lua biaso ko turuik mandorong tajadinyo pajanjian damai antaro pamarentah Indonesia jo Gerakan Aceh Merdeka (GAM).

Aceh mulo-mulo disabuik jo namo Aceh Darussalam (1511–1959), lalu Daerah Istimewa Aceh (1959–2001), Nanggroë Aceh Darussalam (2001–2009), inggo kini ko Aceh (2009–sampai kini). Ijoan maso lalu Aceh dek urang asiang antaro lain Acheh, Atjeh, jo Achin.




#Article 2: Al-Qur'an (967 words)


Al-Qur’ān (Tulisan Arab: القرآن) atau Kura-an adolah kitab suci agamo Islam nan barasa dari Allah Ta'ala, ditarimo dek Nabi Muhammad malalui Malaikaik Jibril. Alquran ko diparuntuakkan untuak sakalian sidang manusia nan diumanekkan ka Nabi Muhammad, panutuik sakalian nabi. Picayo kapado kitab Alquran tamasuak rukun iman nan katigo di dalam kayakinan Umat Islam.

Ditinjau dari suduik pandang bahaso, Al-Qur’an tu asanyo dari bahaso Arab nan aratinyo bacoan atau dibaco baulang-ulang. Kato Al-Qur’an marupoan bantuak kato benda dari kato karajo qara'a nan aratinyo mambaco. Pamakaian kato ko dapek pulo ditamui di dalam surek Al-Qur'an ayat 17 jo 18 Surah Al-Qiyamah nan aratinyo:

Dr. Subhi Al Salih mandefinisikan Al-Qur'an sabagai barikuik:

Adopun Muhammad Ali ash-Shabuni mandefinisikan Al-Qur'an sabagai barikuik:

Jo definisi tasabuik di ateh sabagaimano Muslim picayo, firman Allah nan diturunkan kapado Nabi salain Nabi Muhammad SAW, tido dinamokan Al-Qur’an bak cando Kitab Taurat nan diturunkan kapado umaik Nabi Musa AS atau Kitab Injil nan diturunkan kapado umaik Nabi Isa AS. Demikian pulo firman Allah nan diturunkan kapado Nabi Muhammad SAW nan mambaconyo tido dianggap sabagai ibadah, bak cando Hadits Qudsi, tido tamasuak Al-Qur’an.

Dalam Al-Qur'an surang ado babarapo ayat nan manyaratokan namo lain nan digunokan untuak marujuak kapado Al-Qur'an itu surang. Barikuik adolah namo-namo tasabuik jo ayat nan manyabuikannyo:

Al-Qur'an tadiri dari 114 bagian nan dikana jo namo surah (surek) jo 6236 ayat. Satiok surah  tadiri dari babarapo ayat, di mano surek tapanjang jo 286 ayat adolah surah Al Baqarah jo nan tapendek hanyo punyo 3 ayat yakni surah Al Kautsar, An-Nasr jo Al-‘Așr. Surah-surah nan panjang tabagi lai ateh sub bagian lai nan disabuik ruku' nan mambahas tema atau topik tatantu.

Sadangkan manuruik tampek diturunkannyo, satiok surah dapek tabagi ateh surah-surah Makkiyah (surat Mekkah) jo Madaniyah (surat Madinah). Pambagian iko badasakan tampek jo wakatu panurunan surek jo ayat tatantu di mano surat-surat nan turun sabalun Rasulullah SAW hijrah ka Madinah digolongkan surek Makkiyah sadangkan salapehnyo tagolong surah Madaniyah.

Surat nan turun di Makkah pado umumnyo suratnyo pendek-pendek, manyangkuik prinsip-prinsip kaimanan jo akhlaq, panggilannyo ditujukan kapado manusia. Sadangkan nan turun di Madinah pado umumnyo suratnyo panjang-panjang, manyangkuik aturan-aturan nan mangatur hubuangan sasaurang jo Tuhan atau sasaurang jo lainnyo (syari'ah).

Dalam skema pambagian lain, Al-Qur'an juo tabagi manjadi 30 bagian jo panjang nan samo nan dikana jo namo juz. Pambagian iko untuak mamudahkan mareka nan nio manyalasaikan bacoan Al-Qur'an dalam 30 hari (ciek bulan). Pambagian lain yakni manzil mamacah Al-Qur'an manjadi 7 bagian jo tujuan panyalasaian bacoan dalam 7 hari (ciek minggu). Kaduo jinih pambagian iko indak punyo hubuangan jo pambagian subjek bahasan tatantu.

Kamudian dari segi panjang-pendeknyo, surah-surah nan ado di dalam Al-Qur’an tabagi manjadi ampek bagian, yaitu:

Upayo-upayo untuak mangatahui isi jo mukasik Al Qur'an alah mahasiakan proses panarjamahan (literal) jo panafsiran (labiah dalam, mangupeh makno) dalam babagai bahaso. Namun damikian hasia usaho tasabuik dianggap sabateh usaho manusia jo bukan usaho untuak manduplikasi atau manggantikan teks nan asli dalam bahaso Arab. Posisi tarjamahan jo tafsir nan dihasiakan indak samo jo Al-Qur'an itu surang.

Tarjamahan Al-Qur'an adolah hasia usaho panarjamahan sacaro literal teks Al-Qur'an nan indak dibarengi jo usaho interpretasi labiah jauah. Tarjamahan sacaro literal indak buliah dianggap sabagai arti sasungguahnyo dari Al-Qur'an. Sabab Al-Qur'an manggunokan suatu lafazh jo babagai gaya untuak suatu makasuik nan bavariasi; kadang-kadang untuak arati hakiki, kadang-kadang pulo untuak arati majazi (kiasan) atau arati jo makasuik lainnyo.

Tarjamahan dalam bahaso Indonesia di antaronyo dilaksanakan dek:

Tarjamahan dalam bahaso Inggirih antaro lain:

Tarjamahan dalam bahaso daerah Indonesia di antaronyo dilaksanakan dek:

Upayo panafsiran Al-Qur'an alah bakambang sajak samaso hiduiknyo Nabi Muhammad, sangkek para sahabaik tingga mananyoan kapado sang Nabi jikok mamaraluan panjalehan ateh ayat tatantu. Kamudian sasudah wafaiknyo Nabi Muhammad hinggo kini usaho manggali labiah dalam ayat-ayat Al-Qur'an taruik balanjuik. Pandakekan (metodologi) nan digunokan baragam pulo, bamulo dari metode analitik, tematik, hinggo pabandiangan antar ayat. Corak nan dihasiakan baragam pulo, ado tafsir jo corak sastra-bahaso, sastra-budayo, filsafat jo teologis bahkan corak ilmiah.

Ado duo pandapek manganai hukum manyantuah Al-Qur'an tahadok sasurang nan sadang junub, padusi haid jo nifas. Pandapek partamo mangatokan baso jikok sasurang sadang dalam kondisi tasabuik indak buliah manyantuah Al-Qur'an sabalun basuci. Sadangkan pandapek kaduo mengatokan buliah jo sah sajo untuak manyantuah Al-Qur'an, dek karano indak ado dalil nan kuek.

Sabalun manyantuah sabuah mushaf Al-Qur'an, surang Muslim dianjurkan untuak manyucian dirinyo talabiah dulu jo bawudhu. Hal iko badasakan tradisi jo interpretasi sacaro literal dari surat Al Waaqi'ah ayat 77 hinggo 79.

Panghormatan tahadok teks tatulih Al-Qur'an adolah salah satu unsua utamo kapicayoan bagi sabagian gadang Muslim. Mareka picayo baso panghinoan sacaro sangajo tahadok Al Qur'an adolah sabuah bantuak panghinoan serius tahadok sasuatu nan suci. Badasakan hukum pado babarapo nagara bapanduduak mayoritas Muslim, hukuman untuak hal iko dapek barupo pinjaro kuruangan dalam wakatu nan lamo jo bahkan ado nan manarapkan hukuman mati.

Pandapek kaduo mangatokan baso nan dimukasuik dek surek Al Waaqi'ah di ateh iolah: Indak ado nan dapek manyantuah Al-Qur’an nan ado di Lauhul Mahfudz sabagaimano ditagehan dek ayat nan sabalunnyo (ayat 78) kacuali para Malaikat nan alah disucikan dek Allah. Pandapek iko adolah tafsir dari Ibnu Abbas jo lain-lain sabagaimano alah ditarangkan dek Al-Hafidzh Ibnu Katsir di tafsirnyo. Bukanlah nan dimukasuik baso indak buliah manyantuah atau mamacik Al-Qur’an kacuali urang nan barasiah dari hadats gadang jo hadats ketek.

Pandapek kaduo iko manyatokan baso jikalau memang bana damikian mukasuiknyo tantang firman Allah di ateh, mako aratinyo ka manjadi: Indak ado nan manyantuah Al-Qur’an kacuali mareka nan suci/barasiah, yakni jo bantuak faa’il (subjek/palaku) bukan maf’ul (objek). Kanyatoannyo Allah bafirman : Indak ado nan manyantuahnyo (Al-Qur’an) kacuali mareka nan alah disucikan, yakni jo bantuak maf’ul (objek) bukan sabagai faa’il (subjek).

Bakaitan jo adonyo kitab-kitab nan dipicayo diturunkan kapado nabi-nabi sabalun Muhammad SAW dalam agamo Islam (Taurat, Zabur, Injil, Shuhuf), Al-Qur'an dalam babarapo ayatnyo managehan posisinyo tahadok kitab-kitab tasabuik. Barikuik iko adolah panyatoan Al-Qur'an nan tantunyo manjadi doktrin bagi umaik Islam manganai hubuangan Al-Qur'an jo kitab-kitab tasabuik:




#Article 3: Aleksander nan Aguang (184 words)


Aleksander III dari Macedonia (356–323 SM), tanamo jo sebutan Aleksander nan Aguang (, Mégas Aléxandros, Alexander the Great), adolah saurang rajo Yunani dari Makedonia. Inyo marupoan keturunan nan terkemuka dari Dinasti Argead dan manjadi saurang penakluk gadang pado zamannyo. Lahia di Pella taun 356 SM, Aleksander juo saurang murid dari Aristoteles, nan naik tahta di taun 336 SM diumua 13 taun mangantikan bapaknyo Philip II dari Makedonia nan tabunuah, dan kamudian bakuaso sampai umua 32 taun.  Walaupun pamarintahan dan karajaan Aleksander ko baumua pendek namun pengaruhnyo masih taraso sampai baabad-abad kamudian.  Aleksander ko dikenal penakluk yag indak pernah kalah dalam paparangan nan dilakukannyo dan marupoan salah satu pamimpin parang nan paliang barasil dalam sajarah sapanjang maso.  Inyo juo diakui saurang ahli taktik parang dan menyebarkan budayo Yunani sampai ka timur, nan manandoi maso Hellenistik.

Manuruik satu versi silsilah tambo alam Minangkabau, Aleksander Agung disabuik juo Rajo Iskandar Zulkarnain. Adopun Datuak Katumangguangan jo Datuak Parpatiah Nan Sabatang adolah cucu langsuang dari Maharajo Dirajo, sadangkan baliau ko putra Iskandar Zulkarnain. Nampaknyo tambo ingin mangatokan bahwa urang Minangkabau bangsa tapandang, satingkek jo nagara nan bakuaso di dunia.




#Article 4: Allah (165 words)


Allāh (bahaso Arab: الله, Allaah) atau Tuan Allah (dalam dialek Minangkabau lamo) adolah kato nan marujuk pado namo Tuhan dari agamo Islam. Tuhan dalam bahaso Arab adolah Ilah (baso Arab: إله).

Kato Allah disabuikan labiah dari 2679 kali dalam Al-Qur'an. Sadangkan kato Tuhan (إله) disabuik sabanyak 111 kali dalam bantuak mufrod (tungga), dalam bantuak tatsniyah (bajumlah duo) 2 kali, alah itu dalam bantuk jamak (banyak) disabuik sabanyak 34 kali.

Banyak teori nan mancubo manganalisa etimologi dari kato Allah. Salah satunyo mangatoan bahasonyo kato Allāh (الله) barasa dari gabuangan kato al- (sang) jo ʾilāh (tuhan) sahinggo aratinyo Sang Tuhan. Namun teori iko manyalahi baso jo kaidah baso Arab. Teori lain mangatoan kato iko barasa dari kato Alāhā (baso Aram).

Namun damikian, sabagian nan lain mangatoan bahwa Allah indak untuak ditarjamahan, alasannyo kato tasabuik sangaik khusus sahinggo indak mamiliki bantuak jamak jo gender (babeda jo kato God dalam baso Inggirih nan mamiliki bantuak jamak Gods, jo bantuak feminin Goddess). Isu iko paralu bana dalam upayo manajamahan Al-Qur'an.




#Article 5: Ampang Gadang, Ampek Angkek, Agam (348 words)


Ampang Gadang marupoan salah satu nagari nan ado diKecamatan Ampek Angkek, Kabupaten Agam, Sumatera Barat. Nagari ko babateh jo nagari Biaro Gadang di sabalah Utara, Pasia di sabalah Selatan, Balai Gurah di sabalah Barat jo Koto Bukittinggi di sabalah Timua.

Ampang Gadang adolah salah satu nagari pacahan dari nagari lamo Balai Gurah Gadang, nan bapacah di Timur jo Ampang Gadang sarato di Barat jo Batu Taba. Sudah tu nagari Ampang Gadang bapacah pulo jo Pasia nan manjadi nagari surang.

Ampang Gadang barasal dari sabuah ampangan atau bendungan nan gadang nan dibuek dikampuang itu untuak manahan banjir atau galodo. Dari Ampangan nan gadang itulah disabuik Ampang Gadang. Dahulunyo Nagari Ampang Gadang adolah jorong nan barado dalam Kawalian atau Nagari Balai Gurah Gadang dimaa pado maso itu Nagari Balai Gurah Gadang tadiri dari babarapo Jorong, Ampang Gadang, Batu Taba, Balai Gurah,Koto Tuo, Sitapuang, dek karano bakambangnyo jumlah masyarakaik mako Jorong Ampang jo Jorong Batu Taba pado maso itu mamisah diri (Batagak Nagari) dari Balai Gurah Gadang. Jorong Ampang Gadang nan tadiri dari 4 Kampuang antaro lain Bonjo Alam, Bonjo Baru( Parik Putuih kini),Kapalo Koto (Ampang Gadang), Ikua Koto (Ampang Gadang), sadangkan dalam pakambanganyo kampuang Ikua Koto jo Kapalo koto manjadi jorong Ampang Gadang, sadangkan bonjo alam dipacah manjadi tigo yaitu Bonjo Alam jo Surau Kamba sarato Surau Pinang.

Dinamokan Bonjo Alam sabab Bonjo Alam banamo sadamikian, wakatu Parang Paderi dicari tampek nan tatinggi dinamokan “ Bonjo “ dek karano itu, di ateh Bonjo ditagakan ciek bandera nan dinamokan “ Alam “ akan manjadi ciek tando, dek itulah mako banamo Bonjo Alam. Namo Bonjo Baru ( Parik Putuih kini) yaitu dahulunyo Jorong Ampang Gadang ko dikalilingi dek babarapo parik –parik nan digali urang, faedahnyo itu parik-parik dibuek supayo indak lasua urang lain nagari marampuak kadalam nagari ko . Kamudian sasudah Nagari aman mako diputusihlah ciek parik nan babateh jo Nagari Limo Balai, akan dibuek sabuah jalan jo Bonjo tampek bamedan-medan, dek itulah mako banamo Bonjo Baru ( Parik Putuih kini).

Nagari Ampang Gadang dihuni jo suku-suku Guci, Jambak, Koto, Pili, Pisang, Sikumbang, jo Simabua.

Di nagari iko tadapek babarapo jorong, yaitu:




#Article 6: Ampek Angkek, Agam (137 words)


Ampek Angkek (ditulih juo IV Angkek) adolah suatu kecamatan di Kabupaten Agam, Sumatera Barat. 

Kecamatan Ampek Angkek kini ko tadiri dari 7 nagari, iyolah Ampang Gadang, Balai Gurah, Batu Taba, Biaro Gadang, Lambah, Panampuang, jo Pasia.

Sabalun nagari-nagari dipacah-pacah, maso daulunyo Ampek Angkek adolah satu kasatuan masyarakaik nan tadiri dari ampek nagari. Nagari-nagari tu adolah Biaro, Balai Gurah, Lambah, jo Panampuang. Ampek Angkek marupoan daerah nan laweh juo di Agam Tuo, dan mungkin juo marupoan pusek Agam Tuo karano gala Datuak Rajo Agam ado tadapek di Lambah. 

Bateh nagari-nagari nan kini ko indak lah samo jo nagari-nagari nan usali. Dalam pakambangannyo Balai Gurah Gadang tu pacah manjadi nagari-nagari. Pado mulonyo, Balai Gurah bapacah di Timur jo Ampang Gadang, sarato di Barat jo Batu Taba. Sudah tu Nagari Ampang Gadang bapacah pulo jo Pasia nan manjadi nagari sandiri.




#Article 7: Bada masiak (134 words)


Bada Masiak adolah makanan olahan nan tabuek dari sajinih ikan ketek, nan disabuik jo namo ikan Bada (Rasbora argyrotaenia). Ikan Bada Masiak adolah produk paliang tanamo dari Danau Maninjau. Spesies ikan ko ado ditamuan juo di danau jo batang aia lainnyo di Sumatera, Jawa, Kalimantan, bahkan di Samananjuang Malaysia, Thailand, jo Filipina; tapi lain pulo disabuik namonyo. Bantuak ikan Bada ukurannyo anyo sagadang jari kalingkiang jo jari manih, panjangnyo +/- 7 cm. 

Dalam pangolahannyo, Bada ko mesti dibuang paruiknyo; sakalipun lah dibuang tapi kok basuah indak barasiah mako bada ko ka jadi paik, mungkin dek ampadunyo. Kaistimewaan Bada Masiak (Bada Basalai) iolah ka batuka warnanyo jadi pirau kaitam-itaman, baiak digulai atau digoreang, jo salapeh makantu taraso angek-angek diarakuangan. Salain tu, ikan Bada nan basah dapek juo lansuang digulai asam padeh atau basantan, atau bagoreang.
 




#Article 8: Bahaso (257 words)


Bahaso buliah maarah kapado kapasitaih khusus nan ado pado manusia untuak mandapekkan jo menggunokan sistem komunikasi nan kompleks, atau kapado suatu instansi spesifik dari sabuah sistem komunikasi nan kompleks. Kajian ilmiah tahadok bahaso dalam ka sado indo disabuik jo linguistik.

Kiro-kiro 3000-6000 bahaso nan digunokan dek manusia kini ko adolah suatu contoh nan jaleh, tapi bahaso alami buliah juo badasarkan visual daripado rangsangan pandangaran, sabagai contoh pado bahaso isyaraik jo bahaso tulih. Kode jo bantuak lain dari sistem komunikasi artifisia sarupo nan digunokan untuak pamrograman komputer dapek juo disabuik bahaso. Bahaso dalam konteks ko adolah sabuah sistem isyaraik untuak mangodekan jo menarjamahkan informasi. Kato bahaso Inggirih language nan diturunkan sacaro lansuang dari Latin lingua, language, tongue, lewaik Parancih Tuo. Hubuangan metaforih antaro bahaso jo lidah ado dalam banyak bahaso dan manjadi saksi dalam sajarah muncuanyo bahaso lisan.
Bilo digunokan sabagai konsep umum, bahaso mangacu pado kamampuan kognitif nan mambuek manusia dapek baraja dan manggunoan sistem komunikasi nan kompleks.

Kamampuan bahaso manusia dikecek-an pado dasarnyo babeda dari dan labiah tinggi tingkek karumik-annyo daripado spesies lain. Bahaso manusia sangaik rumik dimano inyo badasarkan sakumpulan aturan bakaitan jo simbul dan makna, sainggo mambantuak sajumlah kamungkinan panyabutan nan indak tabateh dari sajumlah elemen nan tabateh. Bahaso dikatoan barasa sajak hominid partamo kali mulai bakarajo samo, maadopsi sistem komunikasi awa nan badasarkan pado isaraik ekspresif nan maikuik-an teori dari pikiran dan dibagi sacaro sangajo. Parkambangan tasabuik dikatoan batapek-an jo maningkeknyo volume pado utak. Bahaso diproses pado utak manusia dalam lokasi nan babeda, tapi sacaro khusus barado di area Broca dan area Wernicke. 




#Article 9: Bahaso Malayu (883 words)


Bahaso Malayu (diijo dalam dialek Minang lain: Bahaso Malayu; (;  ) adolah bahaso gadang dalam rumpun bahas bahaso rasmi Malaysia. Bahaso Malayu tamasuak dalam rumpun bahaso Austronesia nan ditutuakan di Brunei, Indonesia, Malaysia, jo Singapura. Sabuah bahaso nan dipakai dek urang Malayu, dipakirokan mancapai 290 juta urang di sapanjang Selat Malaka, tamasuak pasisia Semenanjung Malaya (Malaysia) jo pasisia timur Sumatera (Indonesia), sarato alah manjadi bahaso asali di pantai barat Sarawak jo Kalimantan Barat di Kalimantan. Bahaso ko juo manjadi bahaso pasa di selatan Filipina, tamasuak bagian selatan Semenanjung Zamboanga, Kapulauan Sulu, jo wilayah jo mayoritas Muslim di Bataraza jo Balabac in Palawan.

Sabagai  atau  di babarapo nagara, Malayu Baku (Standar) mampunyoi baragam namo rasmi. Di Malaysia, banamo  atau . Di Singapura jo Brunei, bahaso ko disabuik  (bahaso Malayu); sadang di Indonesia, disabuik  (bahaso Indonesia) nan dirancang sabagai  (lingua franca). Namun, pado wilayah tangah inggo selatan Sumatera dimano ado baragam variasi satampek bahaso ko nan masih asali, bahaso Indonesia disabuiknyo sabagai  sarato mangganggapnyo sabagai salah satu dari bahaso daerah.

Malayu Baku (Standar), juo disabuik Malayu Tinggi, sacaro harfiah manjadi bahaso karajaan Malaka jo Johor, sainggo bahaso ko kadang disabuik bahaso Malayu Malaka, Riau atau Johor (atau baragam kombinasi dari namo tu) untuak mambedakan jo bahaso dalam Rumpun bahaso Malayu lainnyo. Manuruik Ethnologue 16, babarapo bahaso dalam rumpun bahaso Malayu nan lah didaftarkan tadaftar sabagai bahaso-bahaso nan tapisah, tamasuak bahaso  sabuah jinih bahaso di  Samananjuang Malaya, nan arek jo Malayu baku nan dianggap sabagai dialek. Ado juo babarapo bahaso Malayu pasa jo kreol nan marupokan lingua franca dari Malayu Klasik sarupo Malayu Makassar, nan muncua manjadi bahaso campuran.

Bahaso Malayu ko banyak kamiripan jo Bahaso Minangkabau atau Bahaso Padang. Umumnyo urang Minang mangarati apobilo mandanga urang mangecek mamakai bahaso Malayu.

Ciri Fonologi atau pangucapan dalam bahaso Malayu adolah satiok huruf mawakili ciek pangucapan (fonem).

Ado 2 sebutan vokal nan diwakili dek huruf e, yoitu [, ] jo []. Urang lua nan baraja bahaso Malayu barusaho mambedakan kaduo sebutan satiok baraja kato baru.

Di sabagian tampek di Semenanjung Malaya, utamonyo di kawasan tangah jo selatan, kato nan barakhia jo a tiok wakatunyo tasabuik sabagai []. Lain halnyo jo bahaso Indonesia, pakatoan nan barakhia jo huruf a tiok wakatu basabuik a juo. Di Indonesia banyak dialek Malayu sainggo pangucapan huruf a di balakang babeda-beda tiok daerah, contohnyo di provinsi Riau, Malayu Pontianak, Malayu Kayong, Malayu Langkat, jo Deli, huruf tu diucapkan sabagai [], di provinsi DKI Jakarta, Musi Rawas, jo Malayu Sambas, huruf tu diucapkan e (dalam kato enak), diucapkan o dek Malayu Bengkulu, Malayu Asahan, Malayu Batubara, Kualuh, Bilah, Malayu Palembang, Malayu Jambi, Minangkabau, dan diucapkan a sarupo bahaso Malayu Baku dalam bahaso Banjar, Kutai, Berau, Kedayan, Salako, Malayu Ambon, Malayu Manado jo kawasan timur Indonesia.

bahaso Malayu amaik baragam dari logaiknyo. Hal iko disababkan alun adonyo institusi nan mangatua pambakuannyo. Karajaan-karajaan Malayu anyo mampunyoi kakuatan sabateh wilayah kakuasoannyo, padohal bahaso Malayu dipakai juo dek urang-urang nan jauah di lua bateh wilayah kakuasoannyo. Dek itulah muncua baragam dialek (geografis) ataupun sosiolek (dialek sosial). Pamakaian bahaso ko dek masyarakaik jo etnik nan balain pulo mamuncuaan variasi campua bahaso (kreol), nan masih dipakai inggo kini. Bahaso Betawi, suatu bantuak kreol, bahkan kini pun lah mulai mampangaruahi sacaro kuek bahaso Indonesia dek panggunoannyo dek kalangan mudo Jakarta nan kudian dipakai sacaro laweh pado program-program hiburan televisi nasional.

Ado panyulik dalam mangalompokan bahaso-bahaso Malayu. Bak cando bahaso-bahaso di Nusantaro, indak ado bateh jaleh antaro ciek ragam jo ragam lain nan panutuanyo basubalahan sacaro geografis. Parubahan dialek acokali sacaro batingkek-tingkek. Untuak kamudahan, biasonyo dilakukan pangalompokan ragam sabagai barikuik:

Jumlah panutua bahaso Malayu di Indonesia amaik banyak, bahkan dari sisi jumlah malampaui jumlah panutua bahaso Malayu di Malaysia maupun di Brunei Darussalam. Bahaso Malayu ditutuakan dari sapanjang pantai timur Sumatera, Kapulauan Riau, Kapulauan Bangka Belitung, Jambi, Lampung, Sumatera Selatan, Bengkulu inggo pasisia Pulau Kalimantan jo Kota Negara, Bali.

Bahaso Malayu alah lamo takana sabagai bahaso antarsuku bangso khususnyo di Indonesia. Dalam pakambangannyo utamonyo kawasan-kawasan bapanduduak bukan Malayu sarato mampunyoi bahaso surang-surang, bahaso Malayu mangalami proses pidginisasi dek baradaptasinyo babagai unsua bahaso satampek ka dalam bahaso Malayu sarato dek ditutuakan pulo dek anak-anaknyo, bahaso Malayu mangalami proses Kreolisasi. bahaso Malayu, khususnyo di Indonesia  Timur dibaok pulo dek misionaris-misionaris asa Ulando untuak kapantiangan panyebaran agamo Kristen.

Di pulau Jawa, utamonyo di Jakarta, bahaso Malayu mangalami proses kreolisasi nan unsua dasa bahaso Malayu Pasa tacampua jo babagai bahaso di sakaliliangnyo, khususnyo bahaso Tionghoa, bahaso Sunda, bahaso Jawa, bahaso Bali, bahaso Bugih, bahkan unsua bahaso Ulando dan bahaso Portugih. Malayu dalam Bantuak kreol iko banyak tasuo di Kawasan Indonesia  Timur nan tabantang dari Manado inggo Papua.

Bantuak Malayu Kreol tu antaro lain :

Dialek-dialek bahaso Malayu di Malaysia di antaronyo:

Dialek Johor - Riau juo ditutuakan di Republik Singapura dan Provinsi Riau dan Kapulauan Riau, Indonesia.

Dialek-dialek bahaso Malayu di Singapura, Brunei Darussalam dan Thailand adolah di antaronyo:

Kini, banyak dari kalangan mudo nan alah ilang kamampuan mangecek dalam dialek urang gaeknyo dek adonyo panerapan bahaso Malayu baku di sikolah-sikolah. Dek adonyo pabedaan dialek nan amaik nyato, kadang panutua bahaso Malayu dari ciek dialek alun tantu dapek mangarati dialek nan lain, utamonyo dialek Kelantan, Sarawak, jo Sabah di Malaysia.

Di lua wilayah tu, ado pulo dialek Srilangka nan palahan-lahan mulai punah, sarato dialek Afrika Selatan, nan dipakai dek pangikuik Syekh Yusuf nan dibuang ka Cape Town.




#Article 10: Bahaso Minangkabau (2516 words)


Bahaso Minangkabau atau baso Minang marupokan bahaso nan tamasuak dalam rumpun bahaso Austronesia. Baso Minang acok disabuik sacaro umum dek etnis lain di Indonesia sabagai Bahasa Padang. Baso Minang dipakai dek urang Minang di Sumatra Barat, sarato urang Minang di rantau baiak di Indonesia atau di lua nagari.

Baso Minang ko mampunyoi banyak dialek, bahkan dialek di duo nagari nan badakekanpun dapek sajo babeda. Pabedaan dialek ko dapek dari intonasi (ado dialek nan agak bairama, ado nan data sajo, bahkan ado pulo nan agak kareh) maupun dari pilihan kato. Tapi sacaro umum baso Minang nan dipakai di pakotaan, utamonyo di Padang atau kota-kota parantauan di lua Sumbar, manjadi bahaso panganta untuak urang-urang Minang nan dari babagai daerah baiak dalam mangecek sahari-hari maupun dalam kasusastraan Minangkabau. Hal iko tajadi dek wilayah pakotaan tacampua sagalo macam dialek nan ado di wilayah Minangkabau sainggo bahaso Minangkabau di pakotaan dianggap sabagai bahaso Minangkabau umum.

Bahaso Minang kini dalam kategori nan cukuik aman dari kapunahan dek karano masih digunoan sabagai bahaso sahari-hari dek masyarakaik Minangkabau. Walaupun banyak urang Minangkabau nan marantau ka babagai daerah, bahaso Minang masih juo dibaok sarato gunoannyo dalam mangecek sahari-hari jo sasamo urang Minang di rantau.

Bahaso Minangkabau dikalompokkan dalam bahaso daerah nan posisinyo dianggap dibawah dari bahaso Nusantara (bahaso Indonesia) dan bagian dari rumpun bahaso Malayu-Polinesia nan juo bagian dari rumpun bahaso nan labah gadang, yaitu rumpun bahaso Austronesia. Walau baitu, pamisahan atau bateh-bateh bahaso salamonyo alun lai jaleh. Alun ado pamisahan tageh antara ciek baso jo baso lain. Bahaso Minangkabau muncua sabagai bahaso nan saroman jo bahaso Malayu sainggo dek panaliti partamo bahaso ko pado abaik 18-19 maanggapnyo sabagai dialek dari bahaso Malayu. Hal iko muncua dek hanyo dibedakan dari varian leksikal jo fonetis sajo. Pado akhia abaik ka 19 kajian nan spefisik tantang bahaso Minangkabau pun dimulai. 

Pado taun 1870 panilitian tantang bahaso Minangkabau dimulai. Pado sangkek tu panaliti bafokus pado caro bahaso Minangkabau ko dituliskan. Salamo ko bahaso Minangkabau alah ditulih dalam huruf Jawi, tapi alun lai jaleh mambedakan antaro bahaso Minangkabau jo Malayu. Panulisan bahaso Minang masih dipalakukan cando baso Malayu. Panaliti mulai mancubo malatinkan panulisan bahaso Minangkabau sarato bahaso Malayu untuak mambedakan antaro karya sastra Malayu jo karya sastra Minang. J. Pijnappel basamo Si Daoed Radja Medan malakukan usaho partamo malatinkan bahaso Minangkabau jo manabikkan kumpulan carito pendek pado 1872 nan bajudul Minangkabausch-Maleisch Zamenspraken. Kudian disusul panulih-panulih lainnyo. Namun, panulisan Latin antaro panulih-panulih tasabuik alun lai samo. Baru pado taun 1891 J.L. van der Toorn manjadi palopor kajian Minangkabau nan mampunyoi transkripsi Latin nan jaleh dan kudian diikuti panulih-panulih lainnyo.

Pado mulo abaik ka 20, antaro 1930-1935, manjadi periode produktif kajian bahaso Minangkabau. Pado maso ko banyak kaba-kaba jo hasil karya sastra Minang ditabikkan. Pado taun 1921, Ph. S. van Ronkel manabikan katalog nan mamuek banyak naskah-naskah Minangkabau nan dijadian modal pangkajian. Katalog tu kini disimpan di Universitas Leiden, Balando. Salain kaba, kayaik, jo carito, ditabikkan pulo buku aja sikolah sarato kamus. Pado taun 1935 M. Thalib Sutan Pamoentjak manabikan Kamoes Bahasa Minangkabau / Melajoe Riaoe, nan manggantikan kamus J.L. van der Toorn dek sarik didapek.

Pado maso sasudah Kamardekaan Indonesia, panaliti-panaliti Balando mulai indak turuik sato mangkaji baliak bahaso Minang. Kudia, dilanjuikan jo panulih-panulih dalam nagari. Kajian-kajian nan ditabikkan banyak babantuak skripsi jo disertasi. Ditabikkan ulang pulo karya-karya sastra klasik Minangkabau dek panabik lokal. Pado taun 1970 diadokan seminar tantang sijarah jo budayo Minangkabau nan maimbau tokoh-tokoh cadiak condokio Minangkabau di Batusangka nan mamunculan pambaruan dalam kajian Minangkabau. Singgalang jo Haluan manjadi media massa nan turuik manabikkan kary-karya sastra Minang. Surek-surek kaba tasabuik kadang mamuek pulo ulasan tantang bahaso Minangkabau. Pado taun 1976, ditabikkan ijoan resmi bahaso Minangkabau dek Sanggar Kerja Ejaan Bahasa Minangkabau dan mulailah kajian bahaso nan labiah teknis. Pado taun 1980 diadokan pulo baliak seminar untuak manyumarakkan baliak kajian bahaso Minang dek panabikkan karya-karya Minang lah mulai kurang. Kajian dialek pun mulai dikambangkan pado maso iko dek panaliti-paniliti cando Tamsin Medan, Syamsir Arifin, jo Nadra.

Manuruik sijarahnyo, mulonyo bahaso Minangkabau taseba pado wilayah bakeh kakuasoan Karajaan Pagaruyuang nan bapusek di padalaman Minangkabau, Sumatera Barat. Bateh-batehnyo biaso dinyatokan dalam ungkapan Minang atau Tambo Minangkabau barikuik iko:

Dari sisi harafiahnyo bateh-bateh nagari nan disabuikan ko marupoan sasuatu nan indak pasti, namun kudian ado pandapek baso kawasan nan dipasangkokan ko antaro lain: Sikilang Aia Bangih adolah bateh barat daya, kini di kabupaten Pasaman Barat nan babatehan jo Kabupaten Mandailing Natal, Sumatera Utara; Taratak Aia Itam adolah bateh tenggara, dakek Taluak Kuantan di Kabupaten Kuantan Singingi, Riau; Sipisok-pisok adolah bateh utara sampai ka Sialang, Kabupaten Lima Puluh Kota, Sumatera Barat nan babatehan jo Rantau Barangin, Kabupaten Kampar, Riau; Riak Nan Badabua adolah Pasisia Selatan; nan taakhia Durian Ditakuak Rajo adolah bateh dakek Kabupaten Bungo, Jambi.

Ahli-ahli bahaso lah manaliti baso dialek-dialek bahaso Minang, salain dipagunoan di Sumatera Barat, basuo juo di babarapo daerah di pabatasan Jambi (sapanjang sungai Batanghari), Kampar (Riau), kalompok-kalompok di pasisia Aceh  Barat (dinamoan suku Aneuk Jamee), jo Nagari Sambilan (Malaysia), nan niniak muyangnyo barasa dari ranah Minang sajak berabaik-abaik nan lalu (deknyo disabuik Baso Nogoghi/Nogori). Panalitian lain manamuan baso bahaso Minang banyak dipagunoan juo di daerah Mukomuko (Bengkulu), Natal jo Barus (Sumatera Utara), Tapak Tuan (Aceh), sarato di Bangkinang, Pakanbaru, jo Taluak (Riau).

Sacaro fonemis, bahaso Minangkabau mampunyoi limo segmen vokal, iyolah /a, i, u, e, dan o/. Namun sacaro fonetis, bahaso Minangkabau mampunyoi sambilan bunyi vokal, dek karano vokal /a, i, u, e, dan o/ dapek manjadi kandua, apobilo talatak pado posisi tatutuik, iyolah sabalun bunyi glotal. Jadi dalam bahaso Minangkabau tiok-tiok vokal /a, i, u, e, dan o/ mampunyoi alofon [I, U, ε, ɔ].

Sacara fonemis jumlah konsonan asa bahaso Minangkabau bajumlah 18 buah, iyolah /p, b, t, d, c, j, k, g, r, l, s, h, m, n, ŋ, ñ, w, y/, namun sacaro fonetis bahaso Minangkabau mamiliki 19 buah bunyi konsonan, iyolah /p, b, t, d, c, j, k, g, r, l, s, h,m, n, ŋ, ñ, ʔ, w, y/. Dek itu, mako jumlah segmen dalam bahaso Minangkabau baiak vokal maupun konsonan sacaro fonemis adolah 23 buah, sadangkan sacaro fonetis sabanyak 28 segmen.

Proses parubahan nan tajadi dari realisasi fonemis ka fonetis ado salapan kaidah fonologis. Kasalapan kaidah fonologis itu diantaronyo: (1) kaidah manganduakan vokal, (2) kaidah pangilangan konsonan /h/, (3) kaidah pangilangan bunyi-bunyi resonan /p, t, k, s, c/, (4) kaidah panambahan semivokal /w/ jo /y/, (5) kaidah panambahan konsonan /l/, (6) kaidah panambahan konsonan /r/, (7) kaidah parubahan konsonan /h/, jo (8) kaidah parubahan kosonan /k/.

Barikuik fonem nan ado dalam bahaso Minangkabau:

Dalam bahaso Minangkabau ado tujuah buah diftong nan di antaronyo: [ia], [ua], [ea], [ui], [oi], [au], jo [ai].  Diftong ko dibunyian dalam ciek ambuihan angok sarato ciek suku kato. Banyaknyo diftong manjadiannyo sabagai kakhasan dalam bahaso Minangkabau dibandiang jo bahaso lain dalam rumpun bahaso Malayu. Barikuik posisi-posisi diftong dalam bahaso Minang jo contohnyo:

Salain diftong, ado pulo nan disabuik deretan vokal. Deretan vokal tadiri dari duo huruf vokal badakekan, tapi babeda ambuihan angok sainggo babeda suku kato. Sabagian deretan vokal nan ado yaitu:

Bahaso Minangkabau indak manggunoan kato-kato bagender bak cando bahaso-bahaso di Eropa ataupun co bahaso Arab. Ado pun kato-kato bagender dalam bahaso Minangkabau iyolah kato-kato sapoan atau kato ganti, misanyo waang untuak laki-laki jo kau untuak padusi, atau uda untuak sudaro laki-laki nan labiah tuo jo uni untuak sudaro padusi nan labiah tuo.

Kato benda nan ka diubah manjadi bantuak jamak manggunoan reduplikasi (pangulangan kato), tapi anyo balaku kok bilangannyo indak dicantuman do. Sabagai contoh saribu urang, bukan saribu urang-urang. Pangulangan kato dalam bahaso Minang indak tabateh pado kato benda sajo atau untuak bantuak jamak sajo, tapi dapek juo untuak kato-kato nan lain.

Dalam bahaso Minangkabau, ado kato ganti urang nan mampunyoi labiah dari duo fungsi, iyolah awak atau disingkek wak. Kato awak dapek baarati kato ganti untuak urang partamo tungga, urang partamo jamak (baiak tamasuak lawan mangecek atau tido), jo urang kaduo tungga. Hal iko bagantuang pado konteks bicaronyo.

Susunan kato dasa dalam kalimaik bahaso Minangkabau Umum (BMU)  iyolah Subjek - Predikat - Objek (SPO), nan biaso dipakai dalam ragam biaso atau rasmi. Samantaro pado ragam adaik jo sastra, pola susunan Prefikat - Objek - Subjek (POS) nan labiah banyak dipakai. Contoh-contohnyo:

Susunan kato dalam bahaso Minangkabau dapek juo barubah manuruik kato nan ditakankan. Kato nan ditakankan dilatakkan di pangka kalimaik, misalnyo:

Kalimaik negatif dalam bahaso Minang ampia sarupo jo bahaso Parancih nan mamakai kato fatis. Kok dalam bahaso Parancih akhia kalimaik diagiah kato fatis pas, sadang dalam bahaso Minang diagiah kato fatis do atau doh.

Namun, pamakaian fatis do iko sipaiknyo indak wajib do. Buliah indak bakato fatis diakhia kalimaiknyo.

Bahaso Minang punyo banyak dialek, bahkan di duo kampuang nan tapisah dek sungai sakali pun dapek balainan dialeknyo. Manuruik Nadra, di wilayah Sumatera  Barat bahaso Minang dapek dibagi dalam tujuah dialek, yaitu: 

Salain tu, dialek-dialek Payakumbuah, Agam-Tanah Data, jo Pancuang Soal nan tiok-tioknyo dapek dibagi pulo ka dalam duo sub-dialek. Tamsin Medan bapandapek baso pabedaan nan sangaik manonjol adolah antaro dialek nan ditutuakan di Kabupaten Pesisir Selatan jo dialek di Kabupaten Mukomuko, Bengkulu.

Dialek bahaso Minang nan ditutuakan dek sabagian panduduak di sapanjang pasisia barat pulau Sumatera mulai dari Mandailing Natal, Sibolga, dan Barus di Sumatera Utara disabuik juo jo namo bahaso Pasisi; sadangkan dialek bahaso Minang nan ditutuakan di Singkil, Simeulue, Aceh Selatan, Aceh Barat Daya jo Meulaboh disabuik juo jo namo bahaso Aneuk Jamee.

Bahaso Minangkabau nan ado di Provinsi Riau tadiri dari limo dialek, di antaronyo:

Dialek-dialek bahaso Minangkabau nan ado di Provinsi Riau mandapek pangaruah dari bahaso Melayu, sainggo dialek tasabuik acok dianggap sabagai bahaso Melayu Riau ataupun sabagai bahaso surang.

Subagai contoh, barikuik iko adolah pabandiangan antaro babarapo dialek bahaso Minangkabau:

Untuak komunikasi antar panutua bahaso Minangkabau nan sadamikian baragam ko, akhianyo dipagunokanlah dialek Padang subagai bahaso Minangkabau umum (baku atau standar) nan biaso disabuik Bahaso Padang atau Bahaso Urang Awak. Bahaso Minangkabau dialek Padang ikolah nan manjadi acuan baku (standar) dalam mangecek bahaso Minangkabau tarutamo di parantauan.

Bahaso Jamee adolah bahaso nan dipakai urang Aneuk Jamee sarato marupokan jinih dialek bahaso Minangkabau. Bahaso daerah nan taseba di sapanjang pasisia barat jo selatan Aceh ko, walaupun disabuik badialek bahaso Minangkabau, tapi Urang Aceh ado nan manyabuiknyo jo Basa Jamee atau Basa Baiko. Sadangkan urang Aneuk Jamee surang labiah suko manyabuiknyo jo Baso Jamu atau Basa Jamee.

Bahaso Jamee mampunyoi pabedaan jo bahaso induaknyo, Minangkabau, sangaik mungkin tapangaruah dek faktor asimilasi jo bahaso Aceh nan manjadi lingua franca di Aceh pasisia. Ado sajumlah kato dalam bahaso Minangkabau umum nan tadanga kasa, tapi manjadi biaso dalam bahaso Jamee, cando kato Wa ang nan marujuak pado Sanak atau Angkau. Salain itu, ado pulo panyingkekan sajumlah kato dari Minangkabau, sarupo kato Wa ang manjadi ang sajo, sarupo jo dialek lainnyo.

Dalam bahaso Minang, ado ragam bahaso nan dipakai manuruik katantuan adat nan disabuik kato nan ampek. Disabuik ampek karano ampek tingkatan kato nan disasuaikan jo sia lawan bicaronyo. Kato nan ampek tu di antaronyo:

Kato mandaki marupokan ragam bahaso Minang nan paliang sopan di antaro kato nan lainnyo. DIsabuik mandaki karano ragam ko dipakai katiko mangecek jo urang nan labiah gaek atau urang jo stasus sosial nan labiah tinggi atau dihoromati, cando kaurang gaek, guru, niniak mamak, pangulu, atau ka induak samang. Dalam ragam ko katiko manyampaian mukasuik, urang tasabuik musti babaso basi talabiah daulu sabalun masuak ka inti rundiang nan dimukasuik. Contoh katiko mamak baru tibo ka rumah kamanakan, lalu kamanakan ka mandulukan mamaknyo makan. Konsekuensi mangecek jo indak babaso basi adolah dianggap indak baradaik.

Kato malereang marupokan ragam bahaso Minang nan dipakai dek ado raso sagan manyagani. Ragam ko biaso dipakai antaro mintuo ka minantu, atau pauni rumah jo sumando nan tingga sarumah dek sagan pado sumando nan marupokan tamu di ateh rumah. Dalam ragam ko katiko manyampaian mukasuik musti disampaian jo kato-kato kiasan, indak buliah bataruih tarang. Sacaro sederhana, kato malereang ko marupokan kato sindia dalam arati positif. Contohnyo katiko mintuo ka mintak tolong ka minantu untuak maidukan kipeh, mangko mintuo indak buliah lansuang manyabuik Minantu, tolong iduikan kipeh!, tapi Minantu, ari ko rasonyo angek bana indak cando ari sabalunnyo. Dalam kato malereng ko, surang minantu atau sumando musti mangarati satiok kalimaiak nan takecekan dek urang rumah. Kok indak, minantu tasabuik dikecekan indak baradaik atau indak pandai.

Kato mandata marupokan ragam bahaso Minang nan dipakai antaro urang nan saumua atau sapangkek status sosialnyo. Dalam ragam ko, mukasuik dapek disampaikan sacaro lansuang tanpa paralu babaso basi. Walau baitu, tatap paralu mamparatian sopan santun dalam mangecek.

Kato manurun marupokan ragam bahaso Minang nan dipakai dari urang nan labiah gaek atau status sosial tinggi ka urang nan labiah mudo atau status sosialnyo labiah randah. Dalam ragam ko musti mangecek sacaro lamah lambuik dan musti tageh katiko manasihati nan mudo.

Aturan kato nan ampek ko ampia sarupo jo tingkatan bahaso Jawa nan ma pamakaiannyo disasuaikan jo status sosial. Nan mambedakannyo adolah pado bahaso Minang pabedaan tasabuik anyo pado piliahan diksinyo sajo, samantaro bahaso Jawa pabedaan tasabuik memang pado status atau tingkatan kato nan dipakai. Misalnyo kato kaki dalam bahaso Minang akan samo sajo disatiok tingkatannyo, samantaro dalam bahaso Jawa ka maalami parubahan wujuik kato di satiok tingkeknyo.

Kini pamakaian kato nan ampek ko alah maalami parubahan, sainggo alah manjadi dokumen budayo sajo atau dipakai katiko aleh adaik sajo. Pamakaian bahaso Minang kini labiah condong manjadi kato mandata, dalam arati indak banyak babaso basi, utamonyo di kota. Nan tasiso dari kato nan ampek kini adolah diksi jo sapaan sajo. Misalnyo katiko mangecek jo urang gaek, paralu sapaan di awal atau akhia kalimaik.

Baso Minang untuak mangecek sahari-hari babeda jo baso kasusastraan, acok dalam mangecek manggunoan kalimaik nan pendek-pendek atau dipotong-potong kato akhir sacaro baruruikan. Umpamonyo, Cik cah lu di, wak makan ciek lu (Hancik cacah dulu jadi, awak makan ciek dulu). Samantaro dalam kasusastraan manggunoan kato-kato nan utuah. Kalimaiknyo panjang-panjang sarato banyak mamakai anak kalimaik, nan pangucapannyo dapek bairama sarato takanan suaronyo nan taratur. Karya sastra tradisional Minang punyo pasamoan bantuak jo karya sastra tradisional Bahaso Malayu pado umumnyo, iyolah babantuak pantun, carito rakyat, hikayat niniak muyang (tambo) maupun adaik-istiadaik. Panyampaiannyo biasonyo dilakukan dalam bantuak carito (kaba) atau dinyanyian (dendang).

Pantun kamungkinan barasa dari pa-tuntun. Pantun tadiri dari babarapo barih dalam jumlah ganok. Satiok barih tadiri dari ampek kato jo irama akhir nan samo. Contoh:

Urang Minangkabau umumnyo bapandapaik banyak pasamoan antaro bahaso Minangkabau jo bahaso Melayu jo bahaso Indonesia. Marah Roesli dalam Peladjaran Bahasa Minangkabau manyabuikkan pado umumnyo pabedaan antaro bahaso Minangkabau jo bahaso Indonesia adolah pado pabedaan lafal, salain pabedaan babarapo kato.

Contoh-contoh pabedaan lafal bahaso Melayu, bahaso Indonesia jo bahaso Minangkabau adolah sabagai barikuik:

Pasamoan bahaso Minangkabau jo babagai bahaso lain dari rumpun Melayu dapek dicaliak misalnyo dalam pabandiangan kosakato barikuik:

 
Contoh kalimaik:

Bahaso Minangkabau: Sadang kayu di rimbo tak samo tinggi, kok kunun manusia
Bahaso Melayu    :Sedangkan pohon di rimba tidak sama tinggi, apa lagi manusia

Bahaso Minangkabau: Co a koncek baranang co itu lo inyo
Bahaso Melayu    :Bagaimana katak berenang, begitulah pula dia 

Bahaso Minangkabau: Indak buliah mambuang sarok di siko!
Bahaso Melayu    :Tidak boleh membuang sampah di sini!

Bahaso Minangkabau: A tu nan ka karajo ang? 
Bahaso Melayu    : Apa nan kamu akan kerjakan?

Pabedaan nan lain dapek dicaliak dalam versi masiang-masiang dari Pernyataan Umum tentang Hak-Hak Asasi Manusia:




#Article 11: Balai Gurah, Ampek Angkek, Agam (100 words)


Balai Gurah marupoan salah satu nagari nan ado diKecamatan Ampek Angkek, Kabupaten Agam, Sumatera Barat.

Nagari Balai Gurah nan usali, acok juo disabuik Balai Gurah Gadang, tabantang antaro Canduang di sabalah ka Timur, Lasi sabalah ka mudiak (Salatan), Banuampu jo Kurai sabalah ka Barat, jo Biaro sabalah ka ilia (Utara). Kudian nagari Balai Gurah Gadang bapacah di Timur jo Ampang Gadang sarato di Barat jo Batu Taba. Nagari Ampang Gadang kudian bapacah pulo jo Pasia nan manjadi nagari sandiri.

Nagari Balai Gurah mulo-mulo diunyi dek suku-suku Piliang, Guci, Koto, Tanjuang, Sikumbang, jo Jambak.

Di nagari iko tadapek babarapo jorong, yaitu:




#Article 12: Balando (147 words)


Balando, atau manuruik logat Minang lainnyo: Bulando, Ulando (bahaso Balando: Koninkrijk der Nederlanden, sacaro harfiah artinyo Karajaan Ranah-ranah Randah), adolah nagara nan talatak di banua Eropa bagian barat lauiknyo. Di sabalah timur nagara iko babatehan jo nagara Jerman, di sabalah selatan babatehan jo nagara Belgia, sarto di sabalah baraiknyo babatehan jo Lauik Utara.

Balando marupoan ciek dari banyak nagara nan alah manguasai Indonesia, jo baru mangakui kadaulatan Indonesia pado tanggal 27 Desember 1949, tapi baru mangakui Indonesia mardeka pado tanggal 17 Agustus 1945.

Salain itu, Balando marupoan ciek dari banyak nagara nan tapadek panduduaknyo di dunia nan kabanyakan ranahnyo barado di bawah pamukaan lauik. Balando takana juo jo dijk (tanggua), kincia angin, tarompa kayu, tulip jo parangai tabukak masyarakaiknyo. Parangai liberalnyo manjadi sabuikan masyarakaik internasional. Balando juo manjadi tampek kaduduakan Mahkamah Internasional. Amsterdam marupoan ibu kota Balando dan Den Haag sabagai pusek administrasi jo kadiaman Ratu Balando.




#Article 13: Batu Taba, Ampek Angkek, Agam (108 words)


Batu Taba marupoan salah satu nagari nan ado diKecamatan Ampek Angkek, Kabupaten Agam, Sumatera Barat. Bateh nagari antaro lain sabalah ka ujuang (timur) jo nagari Balai Gurah, sabalah ka puhun (barat) jo Kubu Tanjuang dan Kubu Katapiang, sabalah ka hilia (utara) jo nagari Pasia, sabalah ka mudiak (selatan) jo nagari Bukik Batabuah.

Mato pancarian masarakaik Batu Taba umumnyo usao industri rumah tanggo barupo pangolahan pakaian jadi atau konveksi, ditambah juo jo usaho kue Cangkiang dan juo ka parak dan ka sawah.

Manuruik sijarahnyo, Batu Taba adolah satu pacahan baru nan manjadi nagari sabagai pacahan baruntun nagari Balai Gurah Gadang manjadi babarapo nagari (Batu Taba, Ampang Gadang, jo Pasia).




#Article 14: Bhinneka Tunggal Ika (148 words)


Bhinneka Tunggal Ika adolah motto atau samboyan untuak nagara Indonesia. Frasa iko barasa dari bahaso Jawa Kuna (bahaso Kawi) nan artinyo Babeda-beda tapi tetap ciek.

Kato bhinneka bararti baaneka ragam atau babeda-beda. Kato neka dalam bahaso Jawa Kuna bararti macam atau aneka. Kato tunggal bararti ciek. Kato ika bararti itu. Sacaro harafiah Bhinneka Tunggal Ika artinyo Beraneka Satu Itu, nan bamakno walaupun babeda-beda tapi pado hakikaiknyo bangso Indonesia tatok adolah ciek kasatuan. Samboyan iko digunoan untuak manggambarkan pasatuan jo kasatuan Bangso jo Nagara Kesatuan Republik Indonesia nan tadiri dari baaneka ragam budayo, bahaso daerah, ras, suku bangso, jo agamo.

Kalimaik iko marupoan kutipan dari sabuah kakawin Jawa Kuna iyolah kakawin Sutasoma, karangan Mpu Tantular samaso karajaan Majapahit sakitar abaik ka-14.

Kakawin iko istimewa dek karano mangajarkan toleransi antaro umaik Hindu Siwa jo umaik Buddha. Kutipan iko barasa dari pupuh 139, bait 5. Isi bait iko sacaro langkok adolah:




#Article 15: Biaro Gadang, Ampek Angkek, Agam (229 words)


Biaro Gadang marupoan salah satu nagari nan ado diKecamatan Ampek Angkek, Kabupaten Agam, Sumatera Barat, Indonesia.

Nagari ko tadiri dari 6 wilayah jorong yaitu: Biaro, Tanjung Alam, Tanjung Medan, Lungguk Muto, Pilubang jo Batang Buo. Pusat pamarintahan nagari barado di Biaro. Nagari ko tadiri dari duo daerah (bakeh desa), yaitu Biaro surang jo  nan marupokan sarikek dari limo jorong, yaitu: , Tanjung Medan, Lungguk Muto, Pilubang jo Batang Buo.

Adopun bateh-bateh wilayah Nagari Biaro Gadang adolah sabagai barikuik: sabalah utara babatehan jo Nagari  jo , sabalah selatan babatehan jo Nagari  jo , sabalah barat babatehan jo Nagari Ampang Gadang jo Kota  jo sabalah timur babatehan jo Nagari Lambah jo .

Mato pancaharian utamo panduduak adolah sektor partanian, tarutamo sawah jo tanaman palawija. Tanaman palawija nan banyak ditemukan sarupo jaguang, lado, taruang, tomat, ubi, ubi jala jo kacang tanah. Disampiang batani, sabagian panduduak juo mangusahokan industri karajinan konveksi jo badagang kain di pasa Bukittinggi. Hanyo sabagian ketek sajo dari panduduak nan bakarajo sabagai pagawai negeri () atau militer.

Sabalun nagari-nagari dipacah-pacah, maso daulunyo Ampek Angkek adolah satu kasatuan masyarakaik nan tadiri dari ampek nagari. Ampek nagari iko adolah Biaro, Balai Gurah, Lambah, jo Panampuang.  Nagari Biaro dalam nagari Ampek Angkek lamo, disabuik juo Biaro Gadang, talatak disabalah ka ilia (utara) Balai Gurah, malintang ka Barat sampai ka bateh koto Bukittinggi sampai ka jambatan Batang Aia Tumbuak di sabalah ka Timua.

 




#Article 16: Bumi (280 words)


   

Bumi adolah planet katigo dari matohari, dan marupoan planet nan tapadek jo gadang nan ka limo dari salapan planet di tata surya. Inyo ko juo tamasuak paliang gadang dari nan ampek buah planet terrestrial. Bumi ko dirujuak juo sabagai dunia, planet biru, atau namo latinnyo, Terra.

Bumi ko rumah bagi jutaan spesies, tamasuak manusia, bumi kini ko manjadi satu-satunyo benda astronomi nan di situ ado kehidupan. Planet ko tabantuak 4.54 billion taun lalu, dan kehidupan muncul di permukaan bumi sekitar satu billion taun. Adonyo biosfir di bumi nan signifikan maubah atmosfir dan kondisi abiotik lainnyo di bumi, mamungkinkan proliferasi organisme aerobik sarato pambentukan lapisan ozon, basamo jo medan magnet bumi, mahalangi radiasi matohari, sahinggo mamungkinkan adonyo kehidupan di darek. Sacaro geofisik bumi, misalnyo sajarah geologi dan orbit, mamungkinkan kehidupan lah batahan salamo periode ko. Planet ko dihrapakan dapek taruih batahan untuak mandukuang kehidupan satidaknyo sampai  taun lai.

Urang cadiak pandai kini lah mampu marekonstruksi ulang maklumat rinci tantang maso lalu planet ko. Penanggalan awal tabantuaknyo sistem surya ko  lalu, atau 4.54 billion tahun lalu (1% indak pasti) the Earth and the other planets in the Solar System had formed out of the solar nebula—a disk-shaped mass of dust and gas left over from the formation of the Sun. This assembly of the Earth through accretion was thus largely completed within 10–20 million years. Initially molten, the outer layer of the planet Earth cooled to form a solid crust when water began accumulating in the atmosphere. The Moon formed shortly thereafter,  ago.

 \end{smallmatrix},

where m is the mass of the Earth, a is an Astronomical Unit, and M is the mass of the Sun. So the radius in A.U. is about:




#Article 17: Republik Rakyaik Cino (320 words)


Republik Rakyaik Cino (RRC; Pinyin: Zhōnghuá Rénmín Gònghéguó; Hanzi tradisional: 中華人民共和國; Hanzi sadarano: 中华人民共和国; disabuik juo Republik Rakyaik Tiongkok/RRT) adolah sabuah nagara kuminih nan tadiri dari ampia saluruah wilayah kabudayoan, sijarah, jo geografi, nan sajak daulu dikana jo namo Cino. Didirian pado taun 1949, RRC lah bakataruihan dipimpin dek Partai Kuminih Cino (PKC). Sungguahpun acok dilihek sabagai nagara kuminis, kabanyakan parekonomian republik ko lah diswastakan sajak tigo dasawarsa nan lalu. Walaupun baitu, pamarentah masih mangawasi ekonominyo sacaro politik tarutamo malalui parusaoan-parusaoan miliak pamarentah jo sektor perbankan. Sacaro politik, nagaro masih tatap dalam pamarentahan ciek partai sajo.
RRC adolah nagara jo panduduak tabanyak di dunia, jo populasi malabiahi 1,3 miliar jiwa, nan mayoritas basuku banso Han. RRC juo marupokan nagara talaweh di Asia Timur, dan katigo talaweh di dunia, salapeh Rusia jo Kanada. RRC babatehan jo 14 nagara: Afganistan, Bhutan, Myanmar, India, Kazakhstan, Kirgizia, Korea Utara, Laos, Mongolia, Nepal, Pakistan, Rusia, Tajikistan, jo Vietnam.

Dalam suatu patikaian nan taruih balansuang, RRC manuntuik hak mamarintah ateh Taiwan jo pulau-pulau sakitarnyo nan indak pernah dilapehan dek Republik Cino. Pamarintah RRC mandakwa baso Republik Cino marupokan suatu entitas nan indak lai ado dan sacaro administratif malatakkan Taiwan sabagai provinsi ka-23 RRC. (Caliak Cino jo Status politik Taiwan untuak informasi labiah lanjuik).

RRC mangklaim kadaulatan tahadok Taiwan namun indak mamarintahnyo (hal nan samo juo balaku tahadok Pescadores, Quemoy, jo Matsu). Status politik Taiwan marupokan hal nan kontroversial; Taiwan diparintah Republik Cino, nan kini babasis di Taipei. Republik Cino mangklaim kadaulatan tahadok saluruah Cino daratan dan baitu juo jo RRC.

Cino Daratan marupokan istilah nan digunokan untuak marujuak kapado kawasan di bawah pamarintahan RRC dan indak tamasuak kawasan administrasi khusus Hong Kong jo Makau. Pamarintah RRC maliek pamarintahannyo di Cino sabagai Tiongkok Baru (新中国) saaik mambandiangan dirinyo jo Cino sabalun taun 1949. RRC juo dijuluaki sabagai Cino Sirah bagai kawasan nan samo, tautamo dek musuahnyo di Barat, jo marujuak kapado warna sirah nan marupokan lambang kuminih.




#Article 18: Daerah Istimewa Yogyakarta (212 words)


Daerah Istimewa Yogyakarta (atau Jogja, Yogya, Yogyakarta, Jogjakarta dan acok disingkek DIY) adolah sabauh provinsi di Indonesia nan talatak di bagian selatan Pulau Jawa dan berbatasan jo Provinsi Jawa Tangah di sabalah Utara. Sacaro geografis Yogyakarta talatak di pulau Jawa bagian Tangah. Daerah tasabuik kanai bancano gampo pado tanggal 27 Mai 2006 nan manjadian 1,2 juta urang indak punyo tampek tingga.

Provinsi DI. Yogyakarta mamiliki lembaga pangawasan palayanan umum banamo Ombudsman Daerah Yogyakarta nan dibantuak jo Kaputusan Gubernur DIY. Sri Sultan HB X pado taun 2004.

Daerah Istimewa Yogyakarta adolah sabuah provinsi nan badasarkan wilayah Kasultanan Ngayogyakarta Hadiningrat jo Kadipaten Pakualaman. Salain tu ditambahan pulo Kasunanan Surakarta Hadiningrat jo Praja Mangkunagaran nan sabalumnyo marupoan Enklave di Yogyakarta.

Pamarintahan Daerah Istimewa Yogyakarta dapek dicaliak asa mulonyo dari taun 1945, bahkan sabalum tu. Babarapo minggu satalah Proklamasi 17 Agustus 1945, ateh desakan rakyaik jo satalah maliek kondisi nan ado, Hamengkubuwana IX mangeluaan dekrit karajaan nan dikana jo namo . Isi dekrit tasabuik adolah pagabungan karajaan Yogyakarta ka dalam Republik Indonesia. Dekrit jo isi nan sarupo jo dikaluaan dek Paku Alam VIII pado hari nan samo. Dekrit pagabungan jo Republik Indonesia samacam tu sabananyo alah pernah dikaluaan dek babagai karajaan di Nusantara, walau indak saketek karajaan nan manunggu ditagakannyo pamarintahan Hindia Belanda satalah kakalahan Japang.




#Article 19: Daerah Khusus Ibukota Jakarta (3227 words)


Jakarta , sacaro rasmi banamo Daerah Khusus Ibukota Jakarta, adolah ibukota dan kota nan paliang gadang di Indonesia.

Talatak di bagia pasisia barat lauik Pulau Jawa, Jakarta adolah ibu kota parekonomian, kabudayoan dan politik, dan tampek tingga dari 10,187,595 juta urang pado November 2011, kota ko adolah kota bapanduduak paliang banyak di Indonesia dan Asia Tenggara, dan marupoan kota katigobaleh paliang banyak panduduaknyo di dunia. Daerah metropolitan rasmi, nan acok disabuik Jabodetabek (panyingkekan dari Jakarta, Bogor, Depok, Tangerang jo Bekasi), adolah nan kaduo paliang gadang di dunia. Jakarta manjadi kota global manuruik panalitian Globalization and World Cities Study Group and Network (GaWC) pado taun 2008. dan mamiliaki wilayah darek sagadang . Area ko manjadi tampek tingga  labiah dari 28 juta urang.

Pado 2011, Jakarta diuruikkan di paringkek katujuahbaleh di daftar 200 kota nan paliang gadang di dunia. Jakarta alah bakambang jauah labiah maju dibandiangkan kota-kota saroman Kuala Lumpur, Beijing atau Bangkok.

Didirikan pado abaik kaampek, kota ko manjadi palabuahan padagangan nan pantiang untuak Karajaan Sunda. Jakarta kamuadian manjadi ibu kota de facto Hindia Balando (namonyo kutiko itu masih Batavia), dan sampai kini masih manjadi ibu kota Indonesia sajak diproklamasikannyo kamardekaan nagara tu pado 1945.

Kota ko marupoan markas dari Sekretariat ASEAN. Kota ko dilayani dek Palabuahan Kapa Tabang Internasional Soekarno-Hatta, Palabuahan Kapa Tabang Halim Perdanakusuma dan Palabuahan Tanjung Priok; dan juo dilayani dek sambuangan kureta api dan kureta komuter, sarato babarapo jalur bus kota.

Daerah nan kini dinamokan Jakarta juo mamiliaki babarapo namo lamo nan digunoan dek entitas-entitas politik nan mamarintah kota ko sabalunnyo: Sunda Kelapa (397–1527), Jayakarta (1527–1619), Batavia (1619–1949), dan Djakarta (1949–1972).

Namonyo nan kini barasa dari kato Jayakarta. Aka kato ko barasa dari Jawa Kuno dan Sanskerta. Jayakarta baarati kamanangan, kasamparonoan atau kamanangan nan samparono.

Jakarta dijualaki Durian Gadang, sajinih buah lokal Indonesia nan baduri dan babaun khas. Alasan juluakan ko antaro lain karano Jakarta dipandang sabagai padanan Indonesia untuak the Big Apple.

Daerah nan kini disabuik Jakarta adolah bagian dari Karajaan Tarumanagara, sabuah karajaan Sunda, nan marupoan salah satu karajaan Hindu nan paliang tuo di Indonesia. Satalah kajatuahan Tarumanagara, wilayah-wilayahnyo, tamasuak daerah Jakarta, manjadi bagian dari Karajaan Sunda. Dari abaik katujuah inggo awal abaik katigobaleh, daerah ko manjadi palabuahan nan pantiang untuak karajaan dan banyak dipangaruahi dek Karajaan Sriwijaya. Manuruik catatan Cino, Chu-fan-chi, nan ditulih kiro-kiro pado taun 1200, Chou Ju-kua malaporan baso pado awal abaik katigobaleh, Sriwijaya masih mamarintah Sumatra, Samananjuang Malayu dan bagian barat Jawa. Catatan ko juo malaporan baso palabuahan Sunda sabagai palabuahan nan strategis dan bakambang pesat, manjadi pusek padagangan lado itam dari Sunda nan tanamo dek mutunyo. Panduduak daerah ko bakarajo di bidang agrikultur dan rumah-rumahnyo dibangun dari kayu. Palabuahan ko disabuik Sunda Kelapa, dan pado abaik kaampekbaleh, palabuahan ko alah manjadi pusek padagangan utamo dari karajaan Sunda.

Ampek kapa Portugis dari Malaka tibo di Sunda Kelapa pado 1513, kutiko Portugis sadang mancari jalur manuju pulau-pulau pangasia lado itam. Karajaan Sunda mambuek sabuah pajanjian basakutu jo urang-orang Portugis dan mambuliahan mareka  mambangun sabuah palabuahan pado 1522, dalam rangko batahan dari ancaman Kasultanan Demak dari Jawa Tangah. Pado 1527, Fatahillah, saurang palimo parang Demak manyarang dan manakluakkan Sunda Kelapa, dan mangusia urang-urang Portugis. Sunda Kelapa diganti namonyo manjadi Jayakarta, dan manjadi wilayah kakuasoan Kasultanan Banten.

Malalui hubuangan jo Pangeran Jayawikarta dari Kasultanan Banten, kapa-kapa Balando tibo di Jayakarta pado taun 1596. Pado 1602, Parusaoan India Timua Inggirih mangirim rombongan nan dipimpin Sir James Lancaster, mambuang sauah di Aceh dan balaia ka Banten, dimano mareka  diagiah izin untuak mambangun sabuah kantua dagang. Wilayah ko kamudian manjadi pusek padagangan Inggirih di Indonesia inggo 1682.

Jayawikarta diduga mampunyoi hubuangan dagang jo padagang-padagang Inggirih nan manjadi rival Balando, jo caro maagiah izin pambangunan rumah-rumah di muko bangunan-bangunan Balando pado 1615.

Kutiko ubuangan antaro Pangeran Jayawikarta dan urang-urang Balando mamburuak, parajurik Jayawikarta manyarang benteng Balando. Pasukan Jayawikarta nan dibantu Inggirih dikalahkan dek Balando, sabagian karano tibonyo Jan Pieterszoon Coen (J.P. Coen). Balado mambaka benteng Inggirih dan mamaso Inggirih untuak mundur ka kapa-kapanyo. Kamanangan ko mampakuek kakuasaan Balando ateh kota ko dan pado taun 1619, Balando mangganti namo Jayakarta manjadi Batavia.

Paluang-paluang padagangan di kota ko mambuek banyak imigran tatarik datang, kusuihnyo padagang-padagang Cino. Panambahan jumlah panduduak nan tibo-tibo mambuek barek baban pamarintah kota. Katagangan mamuncak kutiko pamarentah mancubo mambatehi migrasi urang-urang Cino jo caro deportasi. Palawanan pacah dan 5,000 urang Cino dibantai dek pamarentah Balando dan panduduak pribumi pado 9 Oktober 1740, dan taun salanjuiknyo, banyak urang Cino mamiliah pindah ka Glodok nan talatak di lua tembok kota. Kota ko mulai bakambang ka arah selatan sasudah wabah panyakik taun 1835 dan 1870, mamaso banyak urang untuak pindah labiah ka arah selatan dari palabuahan.  Koningsplein, kini banamo Medan Merdeka salasai dibangun pado 1818, taman parumahan Menteng mulai dibangun pado 1913, dan Kebayoran Baru adolah kawasan parumahan taakhia nan dibangun Balando. Pado 1930, Batavia alah punyo labiah dari satangah juta panduduak, tamasuak 37,067 urang Eropa.

Sasudah parang, kaum republikan Indonesia mamutuihan untuak maninggakan Jakarta nan dikuasai pasukan Sakutu dan manjadikan Yogyakarta sabagai ibu kota nagara nan baru. Pado 1950, satalah kamardekaan sapanuahnyo dirabuik, ibu kota nagara dibaliakkan ka kota ko. Presiden partamo Indonesia, Soekarno, bacito-cito untuak manjadian Jakarta sabuah kota internasional gadang dan mamarintahkan proyek-proyek pambangunan nan dibiayai dek pamarentah untuak mamasuakkan unsur-unsur nasionalis dan arsitektur modern. Proyek-proyeknyo tamasuak jalan layang, bundaran gadang di Jalan MH Thamrin-Sudirman, Monumen Nasional, Hotel Indonesia, pusek balanjo dan gedung parlemen nan baru. Pado Oktober 1965, Jakarta manjadi saksi sabuah usao kudeta nan mambunuah anam urang jenderal tinggi militer, mamicu pambarasiahan massal urang-urang kuminih, tamasuak banyak urang Cino, dan bamulonyo era Orde Baru di bawah Soeharto. Sabuah monumen dibangun di tampek mayik jenderal-jenderal tu dibuang.

Pado 1966, Jakarta dinyatoan sabagai daerah kusuih ibukota (daerah khusus ibukota), dan mandapek status satingkek provinsi. Letnan Jenderal Ali Sadikin manjadi gubernur dari patangahan 60-an inggo 1977; inyo mamaloki sajumlah jalan jo jambatan, mandukuang pakambangan seni jo budayo, mambangun rumah-rumah sakik jo sakolah-sakolah. Inyo juo manertibkan area-area kumuah untuak proyek-proyek pambangunan modern, dan barusao mangapuihan becak dan malarang padagang kaki limo. Sadikin juo barusao untuak mangandalikan jumlah papindahan dari lua Jakarta untuak mancagah kalabiahan jumlah panduduak dan paningkekan jumlah urang miskin. Investasi dari lua nagari alah mangubah wajah kota ko salamo maso pamarintahan Sadikin dan pangganti-panggantinyo.

Ladakan ekonomi ko baakhia pado maso krisis 1997, mambuek Jakarta sabagai pusek pagarakan anti-pamarentah. Sasudah 32 bakuaso, dukuangan pado presiden Soeharto mulai manurun. Katagangan mamuncak kutiko ampek mahasiswa Universitas Trisakti ditembak mati dek aparat kaamanan; karusuahan ampek hari di Jakarta mambunuah labiah dari 1,200 urang dan marusak 6,000 bangunan. Banyak parusuah mangincar urang Cino Indonesia. Soeharto akhianyo mundur dari jabatan presiden, dan Jakarta batahan sabagai pusek krusial dari pagarakan demokrasi di Indonesia. Bom dan sarangan teroris tajadi hampia tiok taun di kota ko antaro 2000 inggo 2005, dan ciek bom lai pado taun 2009.

Sacaro rasmi, Jakarta bukanlah sabuah kota, tapi sabuah provinsi nan bastatus istimewa sabagai ibu kota nagara. Provinsi ko dipimpin dek surang gubernur, bukannyo walikota, dan dibagi manjadi babarapo kotamadya dan kabupaten. Sabagai provinsi, namo rasmi Jakarta adolah Daerah Khusus Ibukota Jakarta (Daerah Kusuih Ibukota Jakarta), disingkek DKI Jakarta.

Jakarta dibagi manjadi limo kota atau kotamadya, nan dipimpin dek surang wali kota dan ciek kabupaten, nan dipimpin dek bupati. Pado Agustus 2007, provinsi ko manyalanggarokan pamiliahan umum partamo untuak mamiliah gubernur, karano sabalunnyo gubernur dipiliah dek Dewan Pawakilan Rakyaik Daerah. Pamiliahan ko marupokan bagian dari program desentralisasi kakuasaan nan maagiah jalan bagi pamiliahan kapalo daerah langsuang di sadoalah kabupaten jo kota di Indonesia.

Kota-kota di Jakarta adolah:

Satu-satunyo kabupaten di Jakarta adolah:

Pado Septemmber 1945, bantuak pamarentahan kota Jakarta diubah dari pamarentahan Djakarta Toku-Betsu Shi nan dibantuak Japang manjadi model Indonesia. Pamarentahan partamo dikatuai dek surang wali kota inggo 1960, kutiko jabatan wali kota diganti manjadi gubernur. Wali kota taakhia Jakarta adolah Sudiro, nan diganti dek Dr Sumarno sabagai Gubernur Jakarta nan partamo.

Jakarta talatak di pasisia barat lauik Pulau Jawa, di muaro Sungai Ciliwung di Teluk Jakarta, nan marupoan taluak ketek dari Lauik Jawa. Sacaro rasmi, laweh daerah Daerah Kusuih Ibu Kota Jakarta adolah  bagian darek dan  kawasan lauik. Kepulauan Seribu, nan sacaro rasmi marupokan bagian dari Jakarta, talatak di Teluk Jakarta, bagian utara dari daratan utamo.

Jakarta talatak pado dataran randah dan data, bakisa dari  inggo  dan tinggi rato-ratonyo  di ateh pamukaan lauik; 40% bagian darek Jakarta, utamonyo di bagian utara, talatak di bawah pamukaan lauik, samantaro bagian salatannyo babukik-bukik. Sungai mangalia dari tanah tinggi Puncak ka bagian selatan kota, malintehi kota ka arah utara manuju Lauik Jawa; salah satu sungai nan paliang gadang adolah Sungai Ciliwung nan mambalah Jakarta Barat jo Jakarta Timur. Sungai-sungai lain antaro lain Sungai Pesanggarahan jo Sungai Sunter.

Sadoalah sungai ko, disatukan jo musim hujan dan sistem drainase nan buruak dan acok tasumbek, mambuek Jakarta rawan dilando banjia. Jakarta tabanam sakitar 5 inggo 10 sentimeter tiok taun, bahkan labiah dari 20 sentimeter di daerah utara.  Untuak mambantu mancagah bancano banjia nan tibo ampia tiok taun, Balando maagiah sakitar $4 juta untuak studi kalayakan pambangunan tanggul di Teluk Jakarta. Cincin tanggul akan dilengkapi jo sistem pompa dan daerah retensi untuak manahan amuakan aia lauik. Proyek ko akan dibangun pado 2025.

Jakarta mamiliaki iklim musim tropis (Am) manuruik klasifikasi iklim Köppen. Walaupun talatak realtif dakek dari khatulistiwa, kota ko punyo musim hujan dan musim kariang nan lain bana. Musim hujan di Jakarta malando sabagian gadang wakatu sapanjang tahun, balansuang sapanjang November inggo Juni. Ampek bulan sisonyo adolah musim kariang. Talatak di bagian barat pulau Jawa, musim hujan di Jakarta mancapai puncaknyo pado bulan Januari jo ratoan curah hujan , dan titiak tarandah musim kariang adolah pado September, jo ratoan .

Sabagai ibu kota ekonomi jo politik Indonesia, Jakarta alah manarik banyak imigran domestik nan mambao masuak bahaso, dialek, makanan jo adaik nan balain-lain pulo.

Urang Betawi (Orang Betawi, atau warga Batavia) adoah katurunan urang-urang nan tingga di dalam dan sakita Batavia lamo dan diakui sabagai sabuah suku banso nan barasa dari abaik ka-18 inggo ka-19. Urang Betawi kabanyakannyo adolah katurunan dari suku-suku banso Asia Tenggara nan tibo di Batavia untuak mamanuahi kaparaluan buruah kasa, tamasuak urang-urang dari palosok Indonesia. Bahaso jo budayo Betawi hampia samo jo bahaso nan dipakai dek urang Sunda atau urang Jawa. Bahaso ko kabanyakan badasa pado bahaso Malayu Kuno dialek timur dan dipakayo dek kato-kato pinjaman dari bahaso Balando, Portugih, Sunda, Jawa, Cino jo Arab. Kini, dialek Jakarta (bahasa Jakarta), dipakai sacarao laweh dek urang-urang Jakarta, dan kabanyakannyo badasa pado bahaso Betawi nan dimodernkan.

Kasanian Betawi indak talalu populer di Jakarta, karano banyak urang Betawi alah bapindah ka pinggiran kota, digantian dek imigran-imigran. Kini di Jakarta labiah mudah untuak manamuan upacaro baralek baadaik Jawa atau Minang dibandiang baralek baadaik Betawi di Jakarta. Labiah mudah untuak manamuan gamelan asa Jawa dibandiang gambang kromong, sajinih musik nan mancampua budayo Betawi jo Cino, atau tanjidor, campuran musik Betawi jo Portugih, atau juo marawis, campuran musik Betawi jo Arab. Walau baitu, babarapo festival saroman Festival Jalan Jaksa atau Festival Kemang kini alah bausao untuak manampilan dan malestarikan budayo-budayo Betawi, jo caro mangundang artis-artis tradisional untuak tampil.

Sajak baabaik-abaik nan lampau, alah ado komunitas Cino Indonesia di Jakarta. Urang Cino di Indonesia sacaro tradisional tingga di sakita daerah parumahan lamo, sarupo Pinangsia, Pluit atau Glodok. Komunitas ko juo dapek ditamui di area Chinatown di Senen jo Jatinegara. Ado kurang labiah 6% urang Cino di Jakarta. Budayo Cino alah juo mampangaruahi budayo Betawi, saroman tanamonyo kue jo manisan Cino, kambang api, inggo baralek baadaik Betawi nan manampilan pangaruah budayo Cino jo Arab.

Jakarta punyo banyak pusek kasanian, sarupo tampek konser klasik Aula Simfonia Jakarta di Kemayoran, Taman Ismail Marzuki (TIM) di Cikini, Gedung Kesenian Jakarta dakek Pasar Baru, Balai Sarbini di daerah Plaza Semanggi, Bentara Budaya Jakarta di Palmerah, Pasar Seni di Ancol, jo panampilan kasanian tradisional Indonesia di paviliun-paviliun sajumlah provinsi nan talatak di daerah Taman Mini Indonesia Indah. Musik tradisional dapek ditamuan di hotel-hotal bintang limo, tamasuak pasambahan wayang jo gamelan. Pasambahan wayang orang dari Jawa dapek ditonton di teater Wayang Urang Bharata dakek terminal bus Senen. Sabagai ibu kota dan kota tagadang, Jakarta alah mangasiakan banyak talenta musik nasional.

Jakarta adolah tuan rumah dari babarapo festival atau pameranbudayo jo kasanian nan prestisius, sarupo Jakarta International Film Festival (JiFFest), Jakarta International Java Jazz Festival, Jakarta Fashion Week, Jakarta Fashion  Food Festival (JFFF), Jakarta Fair,jo  Indonesia Creative Products. Jakarta Arts and Crafts Flona Jakarta adolah pameran flora jo fauna nan diadoan sakali sataun di taman Lapangan Banteng, mamamerkan bungo-bungoan, tumbuah-tumbuahan, caro parawatan tanaman jo hewan paliaroan. Jakarta Fair diadoan sakali sataun dari patangahan Juni inggo patangahan Juli untuak marayoan ulang taun provinsi ko dan sabagian gadang tapusek untuak kagiatan padagangan. Walau baitu, pameran ko juo manampilan hiburan jo kasanian, tamasuak patunjuakan budayo dan lagu-lagu nan dibaokan dek grup musik lokal.

Musium-musium di Jakarta kabanyakan tadapek di sakuliliang area Medan Merdeka di Jakarta Pusat, Kota Tua Jakarta jo Taman Mini Indonesia Indah.

Ado banyak gaduang-gaduang bakeh pamarintahan kolonial Balando di area Kota Tuo. Babarapo diantaronyo kini manjadi musium, saroman Musium Sajarah Jakarta (sabalunnyo balai kota Batavia), Musium Wayang (sabalunnyo Garejo Batavia), Musium Kasanian jo Karamik (sabalunnyo pangadilan tinggi Batavia), Musium Maritim (sabalunnyo gudang palabuahan Sunda Kelapa), Musium Bank Indonesia (sabalunnyo gaduang De Javasche Bank), jo Musium Bank Mandiri (sabalunnyo gaduang Nederlandsche Handels Maatschappij).

Babarapo musium talatak di daerah Medan Merdeka, Jakarta Pusat, antaro lain: Musium Nasional Indonesia (juo tanamo jo sebutan Gedung Gajah), Monas, Musium Islam Istiqlal di Musajik Istiqlal jo Musium Katedral Jakarta nan talatak di lantai duo katedral tu. Musium lain tamasuaklah Musium Taman Prasasti jo Musium Tekstil di daerah Tanah Abang.

Daerah rekreasi kaluargo Taman Mini Indonesia Indah di Jakarta Timur juo mamiliaki ampek baleh musium, tamasuak Musium Indonesia, Musium Purna Bhakti Pertiwi, Musium Asmat, Musium Islam Bayt al-Qur'an, Musium Pusaka jo babarapo musium batema sains saroman Pusek Informasi Teknologi jo Panalitian, Musium Fauna Indonesia Komodo, Musium Saranggo, Musium Minyak jo Gas, sarato Musium Transportasi.

Musium lain nan tadapek di provinsi ko antaro lain Musium Militer Satria Mandala, Musium Sumpah Pemuda, jo Lubang Buaya.

Jakarta mamiliaki baragam makanan dan minuman nan tasadio di ratusan pusek makan di provinsi ko, mulai dari lapak kaki limo di jalanan inggo restoran maha babintang limo. Salah satu masakan nan paliang populer antaro lain soto Betawi, nan manganduangi santan jo dagiang sapi. Namun baito, karano Jakarta dianggap sabagai tampek bacampuanyo suku-suku di Indonesia, banyak masakan tradisional dari suku lain nan mudah ditamui di Jakarta. Contohnyo, masakan Padang dari Minangkabau jo masakan Jawa nan murah di warung tegal (warteg) di pinggia jalan. Kuliner lain nan tasadio antaro lain masakan Cino, Japang, Korea, Thai, India, Amerika, Parancih inggo Timua Tangah.  Masakan nan populer lainnyo antaro lain kerak telor, gado-gado, sate, nasi goreng jo kue cucur.

Parekonomian Jakarta sangek bagantuang pado sektor kauangan, padagangan jo manufaktur. Industri di Jakarta tamasuaklah elektronik, otomotif, pamasinan jo manufaktur sains biomedik.

Patumbuahan ekonomi Jakarta pado taun 2007 adolah 6.44%, labiah banyak dari 5.95% pado taun sabalunnyo. Pakambangan nan paliang signifikan tamasuaklah di bidang paubuangan jo angkutan  (15.25%), konstruksi (7.81%) jo padagangan, sarato hotel jo restoran (6.88%). Pado 2007, GRP (Gross Regional Domestic Product) mancapai Rp. 566 triliun (labiah kurang $US 56 milya). Panyumbang nan paliang gadang untuak GDRP ko adolah sektor kauangan, kapamalikian jo bisnis (29%); padagangan, hotel jo restoran (20%), jo sektor industri manufaktur (16%). Pado 2007, kanaikan GRDP pakapita di DKI Jakarta adolah sagadang 11.6%.

Paraturan taun 2007 malarang untuak maagiah sumbangan pado pangamih, pangamen jo padagang jalanan, malarang pamukiman indak sah di pinggia sungai atau jalan tol, sarato malarang maludah atau maisok rokok di transportasi umum. Urang-urang nan mambarasiahan kaco oto tanpa pamintaan/izin atau mamintak pitih dari maarahan aruih lalu-linteh juo akan dikanaian dando. Salah satu kritik nan padeh tahadok paraturan ko baalasan baso paraturan ko sulik ditarapkan jo labiah candaruang pado manulak kanyatoan adonyo kamiskinan di antaro panduduak.

Maniru gagasan nan ditarapkan di Orchard Road, Singapura, pado 2011, pamarintah provinsi mambatehi parkir di Jalan Hayam Wuruk jo Jalan Gajah Mada di Jakarta Pusat. Pamarintah juo manyatoan akan manggusur padagang indak sah jo pangamih di kaduo jalan tu. Dalam palaksanaannyo, larangan-larangan ko hampia indak pernah barasia.

Sensus 2010 maituang panduduak Jakarta 9.58 juta urang, jauah di ateh pakiroan pamarintah .  Laweh wilayah Jakarta adolah 662.33 km2, mangasiakan kapadekan populasi 14,464 urang/km2 dan manjadikan provinsi ko sabagai wilayah urban tapadek kasambilan di dunia. Galombang hijrah urang-urang dari palosok nagara manjadikan program Keluarga Berencana indak efekif.

Populasi wilayah Jabodetabek adolah 28,019,545 urang.

Sabagian gadang dari monumen jo bangunan-bangunan tanamo di Jakarta dibangun pado maso pamarentahan Soekarno taun 1960an dan disalasaian dek pamarintahan Soeharto, samantaro nan lain ado nan marupoan warisan dari pamarentahan Hindia Balando. Di dakek Monumen Nasional tadapek sabuah patuang Arjuna Wijaya dari Mahabharata jo aia pancuanyo. Labiah jauah ka selatan ado Monumen Selamat Datang nan tagak di tangah aia pancua Bundaran Hotel Indonesia. Monumen lainnyo adolah Musajik Istiqlal, Katedral Jakarta jo Garejo Imanuel. Batavia Stadhuis di Kota  Tuo juo marupoan salah satu bangunan nan tanamo. Bangunan Wisma 46 di Jakarta  Pusek kini ko adolah bangunan nan paliang tinggi di Jakarta dan Indonesia.

Babarapo patuang jo monumen di Jakarta batema nasionalistik, saroman Monumen Pembebasan Irian Barat. Babarapo pahlawan punyo patuang di Jakarta, sarupo patuang Diponegoro jo Kartini di Medan Merdeka, patuang Sudirman jo Thamrin di bundaran-bundaran kota, dan juo patuang Sukarno jo Hatta di Monumen Proklamasi, sarato di pintu masuak Palabuahan Kapa Tabang Internasional Soekarno-Hatta di Cengkareng.

Kabanyakan pangunjuang nan ka Jakarta adolah palancong domestik dari saluruah panjuru Indonesia. Jakarta baparan subagai tampek transit untuak palancong asiang dalam pajalanan manuju destinasi pariwisata unggulan di Indonesia saroman Bali jo Yogyakarta.
Salain monumen-monumen, gaba-gaba tanah jo museum sakita Medan Merdeka jo Kota Tua, tampek palancongan di Jakarta tamasuaklah Taman Mini Indonesia Indah, Kabun Binatang Ragunan, Sunda Kelapa jo Taman Impian Jaya Ancol di Teluk Jakarta, tamasuak Dunia Fantasi, Sea World,  Atlantis Water Adventure, jo Gelanggang Samudra.

Palancongan manyumbang pandapatan nan indak saketek utuak provinsi ko. Pado taun 2012, sektor palancongan manyumbang sakitar Rp. 2,6 triliun (US$268.5 juta) pado pandapatan asli daerah sajumlah Rp 17,83 triliun, paningkatan sakitar 17,9 paratuih babandiang taun 2011.

Jakarta adolah salah satu pusek pabalanjoan di Indonesia dan salah satu tampek nan paliang rancak di Asia Tenggara. Provinsi ko mampunyoi babarapo mal pabalanjoan jo pasa tradisional. Jakarta  Great Sale diadoan tiok taun pado bulan Juni jo Juli untuak marayoan ulang taun provinsi ko, diikuti dek 73 pusek pabalanjoan pado 2012. Provinsi ko dipanuahi dek puluahan merek internasional jo arago nan murah.

Mall saroman Plaza Indonesia, Plaza Senayan jo Senayan City manyadioan merek-merek nan maha salangik aragonyo. Mall Taman Anggrek, Pondok Indah Mall, Mal Kelapa Gading, jo Central Park Jakarta juo manyadioan merek-merek tanamo sarupo Topshop atau Zara 

Pasa swalayan nan tanamo dari Inggirih, Debenhams, mampunyoi tigo cabang di provinsi ko, iyolah di Senayan City, Supermall Karawaci jo Lippo Mall Kemang Village. Toko internasional Sogo dari Japang mambukak sakitar anam cabang di mall-mall provinsi ko. Toko Seibu talatak di Grand Indonesia Shopping Town, dan toko mewah baarago salangik dari Parancih, Galeries Lafayette nio mambukak toko partamonyo di Asia Tenggara, di Pacific Place Jakarta.

Merek-merek tanamo nan mewah samaha patuih aragonyo sarupo Louis Vuitton, Bulgari, Chanel, Gucci, Christian Louboutin, Balenciaga, jo Giorgio Armani dapek ditamui sacaro mudah di pusek-pusek pabalanjoan barang mewah Jakarta.

Koridor Satrio-Casablanca, jalanan supanjang 3,5 km adolah pusek pabalanjoan jalanan (shopping belt) baru di Jakarta.

Pasa tradisional di Jakarta tamasuaklah Blok M, Tanah Abang, Senen, Pasar Baru, Glodok, Mangga Dua, Cempaka Mas, jo Jatinegara. Di Jakarta ado juo pasa nan cumo manjua barang-barang koleksi kusuih nan tatantu, sarupo barang-barang antik di Jalan Surabaya atau batu paramato di Pasar Rawabening.




#Article 20: Dante Alighieri (121 words)


Dante Alighieri (Mei/Juni c.1265September 14, 1321), biasonyo dipanggil Dante, adolah saurang penyair pado zaman patangahan nan barasa dari Italia. Inyo lahia di Florence; wafat dan dimakamkan di Ravenna.
Namo Dante ko, manuruik pandapek Jacopo Alighieri, marupoan hypocorisme untuak Durante. Dalam dokumen kontemporer namo tu diikuti namo ayahnyo (patronymic) Alagherii atau de Alagheriis; kudian Boccaccio marupoan salah saurang nan mempopulerkan Alighieri.

Karyanyo Divine Comedy, mulonyo disabuik Commedia dek penulisnyo dan kudian disabuik Divina dek Boccaccio, dianggap sabagai karya sastra tagadang nan ado di dunia dan disusun dalam bahaso Italia.

Di Italia, inyo dikenal sabagai  Penyair Agung (il Sommo Poeta) atau il Poeta. Dante, Petrarch, dan Boccaccio dikenal juo sabagai tigo aie mancua atau tigo mahkota, dan Dante juo disabuik Bapak bahaso Italia.




#Article 21: David Jacobs (483 words)


Dian David Michael Jacobs (), dikenal juo jo namo David Jacobs) adolah atlet tenis meja Indonesia, kini ko ado pado kelas 10 Para-Tenis Meja. Lahia di Ujuang Pandang, David Jacobs balatiah tenis meja sajak umua 10 taun. Pado taun 2000 Inyo balatiah untuak patandingan internasional dan pado taun 2001 Inyo mamanangkan medali ameh patamonyo pado SEATTA Games di Singapura. David Jacobs batandiang pado Paralimpiade Musim Paneh 2012 dan mamanangkan medali parunggu.

Jacobs taruih balatiah tenis meja pado saat mengambiak kelas manajemen di kelas Ekonomi Perbanas.  Inyo bapartisipasi pado SEA Games patamonyo di taun 2001. Di taun 2001, Jacobs, basamo jo Yon Mardiono, mamanangkan satu-satunyo medali ameh Indonesia pado pertandingan tenis meja SEATTA di Singapura. Kaduonyo mangalahkan atlet tenis meja Thailand Phucong Sanguansin jo Phakphoom Sanguansin.

Jacobs taruih bamain dalam SEA Games, batandiang jo Vietnam (2003), Filipina (2005), dan Thailand (2007). Inyo mamanangkan kompetisi tenis meja di Pakan Olahraga Nasional taun 2004. Satalah kamanangan ko, David Jacobs manarimo posisi panghargaan di Departemen Olah Raga Nasional dan manjadi karyawan tatok di 2008. Pado taun 2008, Jacobs manjadi palatiah untuak tim Tenis Meja Indonesia dan pado taun 2009 inyo batandiang dalam SEA Games di Kuala Lumpur.

Jacobs mulai bamain dalam turnamen para tenis meja pado akhia taun 2009 dan manjadi anggota Komite Paralimpiade Nasional pado taun 2010. Inyo batandiang pado Class 10, nan marupoan level fungsional tatinggi pado sistem tasabuik. David Jacobs biasonyo balatiah jo olahragawan nan punyo fungsi badan penuah. Jacobs punyo masalah fungsional pado salah satu tangannyo.

Pado Asian Para Games taun 2010 di Guangzhou, China, Jacobs mamanangkan medali parunggu. Sabalum kompetisi inyo hanyo punyo wakatu satu bulan untuak balatiah. Jacobs bakompetisi pado babarapo turnamen internasional, mamanangkan medali ameh di Thailand, perak di Beijing, perunggu di Ceko, perak di Inggirih, dan ameh di Taiwan. Pado ASEAN ParaGames taun 2011 di Surakarta, Jacobs mamanangkan tujuah medali ameh: singles pria (open), doubles pria (open), double campuran (open), double pria, double campuran, team, dab single. Pado bulan Januari di taun berikuiknyo, Jacobs bamain jo presiden Susilo Bambang Yudhoyono dalam tigo seri patandingan. Walaupun presiden manang satu pertandingan jo skor 13-11, Jacobs mamanangkan kasaluruhan seri, mamanangkan duo patandingan nan ba skor 11-7 jo 11-9. Sahabih kompetisi tasabuik, presiden Yudhoyono mambarian pidato manganai butuahnyo dukungan tahadok atlet payandang cacek.

Pado bulan Maret 2012 Jacobs mamanangkan duo medali ameh pado Protour Paratable Tennis Liknano Open di Italia. Inyo mangalahkan Ivan Karavec dari Ceko pado patandingan single pria. Pado patandingan tim pria, inyo dipasangkan jo Komet Akbar dan mamanangkan tim dari  Balando dan Ceko. Pado bulan Juni Jacobs mamanangkan Turnamen Tenis Meja Slowakia, manampekan posisinyo pado tigo tabaiak dunia.

Jacobs adolah salah satu altet Indonesia nan marepresentasikan Indonesia pado Paralimpiade Musim Paneh 2008 di London, basamo jo Ni Nengah Widiasih (angkek basi), Agus Ngaimin (paranang), dan Setyo Budi Hartanto (atletik). Jacobs mamanangkan medali perunggu pado patandingan tenis meja individual klasifikasi C10. Kamanangan iko adolah kamanangan patamo Indonesia sajak hampia 20 taun.




#Article 22: Ferdinand Magellan (127 words)


Ferdinand Magellan (, ; , ; c. 1480 – April 27, 1521) saurang petualang dari Portugis. Inyo lahia di Sabrosa, Portugis bagian utara, tapi kamudian manjadi warga Spanyol karano manggabdi kapado Rajo Charles I dari Spanyol dalam usahonyo mancari jalan ka Spice Islands (kini pulau Maluku di Indonesia). 

Ekspedisi Magellan ko bamulo pado taun 1519, nan kamudian manjadi ekspedisi patamo nan malayari Samudra Atlantik ka Samudra Pacifik, nan ibaratnyo mangalilingi bumi, walaupun Magellan ko diakhir hayatnyo indak sampai manyalasaikan ekspedisi ko karano tabunuah dalam paparangan di Filipina. Dengan mambawo 237 laki-laki di ateh 5 buah kapal, hanyo 18 urang nan manyalasaikan ekspedisi keliliang dunia dan baliak ka Spanyol di taun 1522, dimano Juan Sebastián Elcano dari Basque nan sabalumnyo saurang navigator, maambiak aliah pimpinan sasudah kamatian Magelan.




#Article 23: Franz Kafka (223 words)


Franz Kafka (3 Juli 1883 – 3 Juni 1924) marupoan surang panulih novel jo carito singkek tanamo dalam bahaso Jerman. Inyo dipandang jo para kritikus sabagai salah surang pangarang nan paliang bapangaruah di abaik ka-20 ko. Kafka sangaik mampangaruahi babagai genre sastra, sarupo eksistensialisme. Karya-karyanyo, macam Die Verwandlung (Metamorfosis), Der Process (Proses Pangadilan), jo Das Schloss (Kubu), panuah tema jo simbol kaadaan nan baasiangan, kakarehan tahadok jiwa jo badan, pasalisiahan urang gaek-anak, tokoh-tokoh nan maadoki pangalaman mancakam, sarato parubahan baujuik gaib.

Kafka barasa dari kaluargo kalas manangah Yahudi babahaso Jerman nan bamukim di Praha, nan di maso to tamasuak wilayah Austria-Hungaria. Inyo bapandidikan sabagai surang pangacara. Sasudah manyalasaian sikola ukumnyo, Kafka mandapek karajo di parusaoan asuransi. Inyo mulai manulih carito singkek takalo wakatu luangnyo, dan sajak tu inyo salalu mangaluah sajo bahaso wakatunyo saketek bana untuak mangarajoan tulih-manulih nan lah manjadi panggilan atinyo. Inyo pun manyasa aruih manumpahan paratian talampau banyak untuak mancari napakah saari-ari (bahaso Jerman: Brotberuf, arati harfiahnyo karajo roti). 

Kafka labiah suko bakomunikasi malalui surek; inyo manulih baratuih-ratuih surek ka pamili jo kakasiahnyo, tarutamo ka ayahnyo, tunangannyo Felice Bauer, jo adiak padusinyo Ottla. Inyo punyo ubuangan nan rumik dan bamasaalah jo ayahnyo nan mamiliaki pangaruah gadang pado tulisannyo. Inyo juo maraso konflik jo identitas Yahudinyo, jo maraso pulo iko indak ado ubuangannyo jo dirinyo, sungguahpun masiah dipatantangkan pangaruahnyo pado karya-karyanyo.




#Article 24: Fußball-Bundesliga (269 words)


Fußball-Bundesliga (biasonyo disabuik Bundesliga, , federal League) adolah sabuah liga sepak bola profesional di Jerman. Liga ko adolah liga tingkek paliang ateh dalam sistem liga sipak bola di Jerman dan marupoan kompetisi utamo sipak bola Jerman. Bundesliga nan diikuti 18 klub dan baroperasi jo sistem promosi dan degradasi jo 2. Bundesliga. Musim bajalan dari Agustus sampai Mei. Patandiangan biasonyo dimainan pado hari Sabtu jo Ahad, dan babarapo patandiangan nan dimainan pado malam pado wakatu hari karajo.

Sabanyak 51 klub alah bakompetisi di Bundesliga sajak pandiriannyo. FC Bayern Munich alah mamanangkan Bundesliga nan paliang banyak, jo 21 gala. Namun Bundesliga juo alah malahiakan juara lainnyo jo Borussia Dortmund, Hamburger SV, Werder Bremen, Borussia Mönchengladbach jo VfB Stuttgart nan paliang manonjol di antaro babarapo klub nan lain. Bundesliga marupokan salah ciek liga nasional papan ateh, saaik iko manduduaki paringkek ka-3 di Eropa sasuai jo paringkek Koefisien Liga UEFA, badasarkan data terbaru Bundesliga saaik iko adolah liga sipak bola nomor satu di dunia dalam hal rato-rato kahadiran, dari sadonyo olahraga. Liga iko mancatat kahadiran rato-rato 45.134 pandukuang dalam satiok patandiangan salamo musim 2011-12 adolah nan tatinggi kadua dari satiok liga olahraga di dunia.

Indak bantuak nagari-nagari lain, di Jerman pakembangan struktur liga nasional sipak bola nan kompak sangaik lambek. Bundesliga indak dibantuak sampai taun 1963 jo struktur organisasi dari liga sipak bola nasional masih mangalami parusahoan hinggo saaik ikp. Liga iko awalnyo didirian dek Asosiasi Sipak Bola Jerman, tatapi kini dioperasikan dek Deutsche Fußball Liga.

Bundesliga juo mamiliki babarapo stadion paliang modern jo bakelas di dunia takah Allianz Arena, Veltins-Arena, Commerzbank-Arena, Mercedes-Benz Arena, Stadion Olimpiade Berlin, Imtech Arena, Esprit Arena jo lain-lain.




#Article 25: Gebu Minang (119 words)


Gebu Minang (Gerakan Seribu Minang) adolah sabuah upayo basamo masyarakaik Minangkabau untuak saliang mambantu tarutamo dalam bidang ekonomi sarato turuik manjago budayo masyarakaik Minangkabau di Indonesia, nan di dalamnyo tamasuak juo adaik istiadaik nan balaku salamo ko. 

Gebu Minang ditagakkan pado 24 Desember 1989 di Bukittinggi, nan barupo suatu mobilisasi atau himbauan pangumpulan dana ka urang awak di kampuang jo di rantau, untuak kagiatan ekonomis nan dikalola sacaro moderen. Gebu Minang ko adolah gerakan palanjuik bamacam-macam pamikiran nan lah bakambang dalam seminar, lokakarya, jo diskusi, nan alah dilakukan dek urang awak di tingkek-tingkek nagari, sampai provinsi jo nasional.

Kini ko Gebu Minang la aktif dan bapusek di Jakarta, dikelola dek Yayasan Gebu Minang, jo digarakkan dek Lembaga Gebu Minang.




#Article 26: Hannibal (101 words)


Hannibal Barca, anak dari Hamilcar Barca (247–183 or 182 BC) adolah komandan tentara dari Kartago dan taktikal, saurang nan popular dirujuk sabagai salah saurang komandan nan berbakat dalam sejarah. Bapaknyo, Hamilcar Barca, adolah komandan Kartago pado maso Perang Punic Partamo, saudaronyo nan mudo Mago jo Hasdrubal, dan Hasdrubal adolah sumandonyo.

Hannibal hiduik pado maso ketegangan di Mediterania, katiko Ruhun mengukuhkan supremasinyo ateh babarapo kakuatan nan ado wakatu tu takah Kartago, karajaan Makedonia, Syracuse, dan Seleucid. Salah satu prestasinyo nan terkenal samaso Perang Punic Kaduo, katiko inyo bagabuang jo tenteranyo, tamasuak Gajah perang, dari Iberia malalui Pyrenees dan Alpen manuju utara Italia.




#Article 27: Ibukota (126 words)


Ibukota adolah kota utamo di sabuah nagara atau daerah, buliah jadi kota iko alun tantu nan paliang gadang. Di kota iko biasonyo tadapek kantua-kantua pamarintahan pusek atau daerah jo sabuah dewan pawakilan rakyaik nan acok disabuik parlemen sarato kantua-kantua pusek parusahoan-parusahoan komersial. Salain itu di ibu kota nagara biasonyo tadapek pulo pawakilan-pawakilan dari nagara asiang nan biaso disabuik kedutaan besar.

Ado babarapo pangacualian:

Kadang-kadang babarapo nagara mamindah ibu kota mareka dek alasan politik atau ekonomis. Babarapo nagara nan pernah mamindahkan ibu kota mareka adolah:

 
Acokkali ibu kota harus dipindahkan karano diduduaki atau dikuasoi nagara asiang.

 
Dalam maso perang acokkali ibu kota diduduaki musuah jo harus mandirikan ibu kota tandingan atau samantaro di kota lain:

 
Kadang-kadang ibu kota nagara harus dibagi jo nagara lain karano dikuasoi musuah:




#Article 28: Indonesia (2637 words)


Republik Indonesia (Jawi: إندونيسيا) adolah sabuah nagara kasatuan di Asia Tenggara nan dilintehan dek garih khatulistiwa, barado di antaro banua Asia jo Australia sarato di antaro Samudra Pasifik jo Samudra Hindia. Indonesia marupoan nagara kapulauan paliang gadang di dunia nan tadiri dari 17.466 pulau, dek itulah inyo disabuik juo jo Nusantaro. Salain itu, Indonesia marupoan nagara nan jumlah panduduaknyo paliang banyak kaampek di dunia jo nagara nan jumlah panduduak Muslim paliang banyak di dunia, walaupun sacaro rasmi bukanlah nagara Islam. Bantuak pamarintahan Indonesia adolah republik, jo Dewan Pawakilan Rakyat, Dewan Pawakilan Daerah, sarato Presiden nan dipiliah lansuang. Ibu kota nagaranyo adolah Jakarta. Indonesia babatehan jo Malaysia di Pulau Kalimantan, jo Papua Nugini di Pulau Papua alah itu jo Timor Leste di Pulau Timor. Nagara tatangga lainnyo adolah Singapura, Filipina, Australia, jo wilayah pasatuan Kapulauan Andaman jo Nikobar di India.

Dari Sabang sampai Merauke, Indonesia tadiri dari babagai suku, bahaso jo agamo nan babeda-beda. Suku Jawa adolah kalompok etnis paliang gadang. Samboyan atau motto Indonesia adolah Bhinneka Tunggal Ika (Babeda-beda tapi tatok ciek) nan bararti kabaragaman nan mambantuak nagara. Salain populasi padek jo wilayah nan lueh, Indonesia punyo wilayah alam nan mandukuang tingkek kaanekaragaman hayati nan paliang gadang kaduo di dunia.

Kato Indonesia barasa dari kato dalam bahaso Latin iyolah Indus nan bararti Hindia jo kato dalam bahaso Yunani nesos nan bararti pulau. Jadi, kato Indonesia bararti wilayah Hindia kapulauan, atau kapulauan nan barado di Hindia, nan manunjuakkan baso namo iko tabantuak jauah sabalun Indonesia manjadi nagara badaulek. Pado taun 1850, George Earl, saurang etnolog bakabangsoan Inggirih, awalnyo mangusuakan istilah Indunesia jo Malayunesia untuak panduduak Kapulauan Hindia atau Kapulauan Malayu. Murid dari Earl, James Richardson Logan, manggunokan kato Indonesia sabagai sinonim dari Kapulauan India. Namun, panulihan akademik Balando di media Hindia-Balando indak manggunokan kato Indonesia, namun istilah Kapulauan Malayu (Maleische Archipel); Hindia Timua Balando (Nederlandsch Oost Indië), atau Hindia (Indië); Timua (de Oost); jo bahkan Insulinde (istilah iko dipakanalkan taun 1860 dalam novel Max Havelaar (1859), ditulih dek Multatuli, manganai kritik tahadok kolonialisme Balando).

Sajak taun 1900, namo Indonesia manjadi labiah umum pado lingkuangan akademik di lua Balando, jo golongan nasionalis Indonesia manggunokannyo untuak ekspresi politik. Adolf Bastian dari Universitas Berlin mamasyarakaikkan namo iko malalui buku Indonesien oder die Inseln des Malayischen Archipels, 1884–1894. Pelajar Indonesia partamo nan manggunokannyo iolah Suwardi Suryaningrat (Ki Hajar Dewantara), iyolah katiko baliau mandirikan kantua barito di Balando nan banamo Indonesisch Pers Bureau pado taun 1913.

Nagara ko mamproklamasikan kamardekaannyo pado tanggal 17 Agustus 1945.

Indonesia manjalankan pamarintahan republik presidensial multipartai nan demokratis. Sarupo jo di nagara-nagara demokrasi lainnyo, sistem politik di Indonesia didasakan pado Trias Politika iyolah kakuasaan legislatif, eksekutif jo yudikatif. Kakuasaan legislatif dipaciak dek sabuah limbago barnamo Majelis Permusyawaratan Rakyat (MPR).

MPR pernah manjadi limbago tatinggi nagara unikameral, namun satalah amandemen ka-4 MPR bukanlah limbago tatinggi sarato komposisi kaanggotaannyo lai juo baubah. MPR satalah amandemen UUD 1945, iyolah sajak 2004 alah manjadi limbago bikameral nan tadiri dari 560 anggota Dewan Perwakilan Rakyat (DPR) nan marupoan wakil rakyaik malalui Partai Politik, ditambuah jo 132 anggota Dewan Perwakilan Daerah (DPD) nan marupoan wakil provinsi dari jalur independen. Anggota DPR jo DPD dipiliah malalui pemilu sarato dilewa untuak maso jabatan limo tahun. Sabalunnyo, anggota MPR adolah sadoalah anggota DPR ditambuah utusan golongan jo TNI/Polri. MPR kini diketuai dek Taufiq Kiemas. DPR kini diketuai dek Marzuki Alie, sadangkan DPD kini diketuai dek Irman Gusman.

Limbago eksekutif bapusek pado presiden, wakil presiden, jo kabinet. Kabinet di Indonesia adolah Kabinet Presidensial sahinggo para Mantari batangguang jawek bakeh presiden jo indak mawakili partai politik nan ado di parlemen. Walaupun demikian, Presiden kini yakni Susilo Bambang Yudhoyono nan diusuang dek Partai Demokrat manunjuak pulo sajumlah pamimpin Partai Politik untuak duduak di kabinetnyo. Tujuannyo untuak manjago stabilitas pamarintahan mangingek kueknyo posisi limbago legislatif di Indonesia. Namun pos-pos pantiang jo strategis umumnyo diisi dek Mantari tanpa portofolio partai (barasa dari sasaurang nan dianggok ahli dalam bidangnyo).

Limbago Yudikatif sajak maso reformasi jo adonyo amandemen UUD 1945 dijalankan dek Mahkamah Agung, Komisi Yudisial, jo Mahkamah Konstitusi, tamasuak pangaturan administrasi para hakim. Walaupun damikian kabaradoan Mantari Hukum jo Hak Asasi Manusia tatok dipertahankan.

Indonesia kini tadiri dari 34 provinsi, limo di antaronyo mamiliak'i statuih nan babedo. Provinsi dibagi manjadi 403 kabupaten jo 98 kota nan dibagi lai manjadi kecamatan nan dibagi lai manjadi kelurahan, desa, gampong, kampung, nagari, pekon, atau istilah lain nan diakomodasi dek Undang-Undang Republik Indonesia Nomor 32 Taun 2004 tantang Pamarintahan Daerah. Tiok provinsi mamiliak'i DPRD Provinsi jo gubernur; samantaro kabupaten mampunyoi DPRD Kabupaten jo bupati; kamudian kota mampunyoi DPRD Kota jo wali kota; sadonyo dipiliah langsuang dek rakyaik malalui Pemilu jo Pilkada. Bagaimanopun di Jakarta indak tadapek DPR Kabupaten atau Kota, karano Kabupaten Administrasi jo Kota Administrasi di Jakarta bukanlah daerah otonom.

Provinsi Aceh, Daerah Istimewa Yogyakarta, Papua Barat, jo Papua mamiliak'i hak istimewa legislatur nan labiah gadang jo tingkek otonomi nan labiah tinggi dibandingkan provinsi lainnyo. Contohnyo, Aceh bahak mambantuak sistem legal surang; pado taun 2003, Aceh muloi manetapkan hukum Syariah. Yogyakarta mandapek statuih Daerah Istimewa sabagai pangakuan tahadok paran pantiang Yogyakarta dalam mandukuang Indonesia salamo Revolusi. Provinsi Papua, sabalunnya disabuik Irian Jaya, mandapek statuih otonomi khusus taun 2001. DKI Jakarta, adolah daerah khusus ibukota nagara. Timor Portugis digabuangkan ka dalam wilayah Indonesia jo manjadi provinsi Timor Timur pado 1979–1999, nan kamudian mamisahkan diri malalui referendum manjadi Nagara Timor Leste.

Kapulauan Nusa Tenggara

Kapulauan Maluku

Lihat pula: Peta Asia dan Jumlah pulau di Indonesia

Indonesia adolah nagara kapulauan di Asia Tenggara nan mamiliaki 13.487 pulau gadang jo ketek, sakitar 6.000 di antaronyo indak bapauni, nan manyebar disekitar khatulistiwa, nan maagiah cuaco tropis. Posisi Indonesia talatak pado koordinat 6°LU - 11°08'LS jo dari 95°'BT - 141°45'BT sarato talatak di antaro duo banua iyolah banua Asia jo banua Australia/Oseania.

Wilayah Indonesia tabantang sapanjang 3.977 mil di antaro Samudra Hindia jo Samudra Pasifik. Laweh daratan Indonesia adolah 1.922.570 km² dan laweh parairannyo 3.257.483 km². Pulau tapadek panduduaknyo adolah pulau Jawa, dimano satangah populasi Indonesia bamukim. Indonesia tadiri dari 5 pulau gadang, iyolah : Jawa nan lawehnyo 132.107 km², Sumatera nan lawehnyo 473.606 km², Kalimantan nan lawehnyo 539.460 km², Sulawesi nan lawehyo 189.216 km², jo Papua nan lawehnyo 421.981 km². Bateh wilayah Indonesia diukua dari kapulauan manggunokan territorial lauik: 12 mil laut sarato zona ekonomi eksklusif: 200 mil laut, saarah panjuru mato angin, iyolah :

Sumber daya alam Indonesia barupo minyak bumi, timah, gas alam, nikel, kayu, bauksit, tanah subur, batu bara, ameh, jo perak jo pambagian lahan tadiri dari tanah patanian sagadang 10%, pakabunan sagadang 7%, padang rumpuik sagadang 7%, hutan jo daerah bahutan sagadang 62%, jo lainnyo sagadang 14% jo lahan irigasi salaweh 45.970 km

Manuruik sensus panduduak 2000, Indonesia mamiliak'i populasi sakita 206 juto, jo dipakirokan pado taun 2006 bapanduduak 222 juto. 130 juto (labiah dari 50%) tingga di Pulau Jawa nan marupoan pulau bapanduduak tabanyak sakaligus pulau dimano ibukoto Jakarta barado. Sabagian basa (95%) panduduak Indonesia adolah Bangso Austronesia, jo tadapek juo kalompok-kalompok suku Melanesia, Polinesia, jo Mikronesia tarutamo di Indonesia bagian Timur. Banyak panduduak Indonesia nan manyatokan dirinyo sabagai bagian dari kalompok suku nan labiah spesifik, nan dibagi manuruik bahaso jo asa daerah, misalnyo Jawa, Sunda, Madura, Batak, jo Minangkabau.

Salain itu ado juo panduduak pandatang nan jumlahnyo minoritas di antaronyo adolah etnis Tionghoa, India, jo Arab. Mareka alah lamo datang ka Nusantara malalui padagangan sajak abaik ka 8 M jo manatap manjadi bagian dari Nusantara. Di Indonesia tadapek sakita 4 juto populasi etnis Tionghoa. Angko iko babedo-bedo karano hanyo pado taun 1930 jo 2000 pamarintah malakukan sensus jo manggolong-golongkan masyarakaik Indonesia ka dalam suku bangso jo katurunannyo.

Islam adolah agamo mayoritas nan dianuik dek sakita 85,2% panduduak Indonesia, nan manjadikan Indonesia nagara jo panduduak muslim tabanyak di dunia. Sisonyo baagamo Protestan (8,9%), Katolik (3%), Hindu (1,8%), Buddha (0,8%), jo lain-lain (0,3%). Salain agamo-agamo tasabuik, pamarintah Indonesia juo sacaro rasmi mangakui Konghucu.

Kabanyakan panduduak Indonesia batutua dalam bahaso daerah sabagai bahaso ibu, namun bahaso rasmi nagara, iyolah bahaso Indonesia, diajakan di saluruah sakolah-sakolah di nagara iko jo dikuasoi dek ampia saluruah panduduak Indonesia.

Indonesia mamiliaki sakitar 300 kalompok etnis, tiok etnis punyo warisan budayo nan bakambang salamo baabaik-abaik, dipangaruahi dek budayo India, Arab, Cina, Eropa, jo tamasuak budayo surang iyolah Melayu. Contohnyo tarian Jawa jo Bali tradisional nan punyo aspek budayo jo mitologi Hindu, sarupo wayang kulit nan manampilkan kisah-kisah tantang kajadian mitologis Hindu Ramayana jo Baratayuda. Banyak juo seni tari nan barisikan nilai-nilai Islam. Babarapo di antaronyo dapek ditamukan di daerah Sumatera sarupo tari Ratéb Meuseukat jo tari Seudati dari Aceh.

Seni pantun, gurindam, jo sabagainyo dari bamacam daerah sarupo pantun Melayu, jo pantun-pantun lainnyo acapkali dipagunokan dalam acara-acara tatantu iyolah perhelatan, pentas seni, jo lain-lain.

Di bidang pakaian warisan budayo nan tanamo di saluruah dunia adolah karajinan batik. Babarapo daerah nan tanamo jo industri batik malipuiki Yogyakarta, Surakarta, Cirebon, Pandeglang, Garut, Tasikmalaya dan juo Pekalongan. Karajinan batik iko pun diklaim dek nagara lain jo industri batiknyo. Pakaian asli Indonesia dari Sabang sampai Merauke lainnyo dapek dikataui dari ciri-cirinyo nan dipakaikan di satiok daerah antaro lain baju kurung jo songketnyo dari Sumatera Barat (Minangkabau) jo Sumatera Selatan (Palembang), kain ulos dari Sumatera Utara (Batak), pakaian kebaya, pakaian khas Dayak di Kalimantan, baju bodo dari Sulawesi Selatan, pakaian bakoteka dari Papua jo sabagainyo.

Arsitektur Indonesia mancaminkan kanekaragaman budayo, sijarah, jo geografi nan mambantuak Indonesia sautuahnyo. Kaum panyarang, panjajah, panyebar agamo, padagang, jo saudagar mambaok parubahan budayo jo maagiah akibaik pado gaya jo teknik bangunan. Tradisionalnyo, pangaruah arsitektur asiang nan paliang kuek adolah dari India. Tapi, Cina, Arab, jo sajak abaik ka-19 pangaruah Eropa manjadi cukuik dominan.

Ciri khas arsitektur Indonesia kuno masih dapek dicaliak malalui rumah-rumah adaik jo/atau istano-istano karajaan dari tiok-tiok provinsi. Taman Mini Indonesia Indah, salah satu objek wisata di Jakarta nan manjadi miniatur Indonesia, manampilkan kaanekaragaman arsitektur Indonesia itu. Babarapo bangunan khas Indonesia misalnyo Rumah Gadang, Monumen Nasional, jo Bangunan Fakultas Teknik Sipil jo Perencanaan di Institut Teknologi Bandung.

Ulahrago nan paliang populer di Indonesia adolah bulu tangkis jo sepak bola; Liga Super Indonesia adolah liga klub sipak bola utamo di Indonesia. Ulahrago tradisional tamasuak sipak rago jo karapan sapi di Madura. Di wilayah jo sijarah parang antar suku, kontes pataruangan diadokan, sarupo caci di Flores, jo pasola di Sumba. Pancak silek adolah seni bela diri nan unik nan barasa dari wilayah Indonesia. Seni bela diri iko kadang-kadang ditampilkan pado acaro-acaro patunjuakan nan biasonyo diiriangi jo musik tradisional Indonesia barupo gamelan jo seni musik tradisional lainnyo sasuai jo daerah asanyo. Ulahrago di Indonesia biasonyo baorientasi pado laki-laki jo ulahrago spektator acok bahubuangan jo judi nan ilegal di Indonesia.

Di ajang kompetisi multi cabang, prestasi atlet-atlet Indonesia indak talalu mangasankan. Di Olimpiade, prestasi tabaik Indonesia diraiah pado Olimpiade 1992, dimano Indonesia manduduaki paringkek 24 jo maraiah 2 amek 2 perak jo 1 parunggu. Pado era 1960 hinggo 2000, Indonesia marajoi bulu tangkis. Atlet-atlet putra Indonesia sarupo Rudi Hartono, Liem Swie King, Icuk Sugiarto, Alan Budikusuma, Ricky Subagja, jo Rexy Mainaky marajoi kajuaroan-kajuaroan dunia. Rudi Hartono nan dianggok sabagai maestro bulu tangkis dunia, manjadi juaro All England tabanyak sapanjang sijarah. Salain bulu tangkis, atlet-atlet tinju Indonesia juo talok maraih gala juaro dunia, sarupo Elyas Pical, Nico Thomas, jo Chris John.

Seni musik di Indonesia, baiak tradisional maupun modern sangaik banyak tabantang dari Sabang hinggo Merauke. Satiok provinsi di Indonesia mamiliaki musik tradisional jo ciri khasnyo nan balainan. Musik tradisional tamasuk juo keroncong nan barasa dari katurunan Portugis di daerah Tugu, Jakarta, nan dikana dek sado rakyaik Indonesia malah hinggo ka mancanegara. Ado juo musik nan marakyat di Indonesia nan dikana jo namo dangdut iyolah musik baaliran  Malayu modern nan dipangaruahi dek musik India sainggo musik dangdut iko babedo bana jo musik tradisional  Malayu nan sabananyo, sarupo musik  Malayu Deli,  Malayu Riau, jo sabagainyo.

Alek musik tradisional nan marupoan alek musik khas Indonesia mamiliaki banyak ragam dari babagai daerah di Indonesia, namun banyak pulo dari alek musik tradisional Indonesia 'dimaliang' dek nagara lain untuak kapantiangan panambahan budayo jo seni musiknyo surang jo mamatenkan hak cipto seni budayo dari Indonesia. Alat musik tradisional Indonesia antaro lain malipuiki:

 
Masakan Indonesia bavariasi bagantuang pado wilayahnyo. Nasi adolah makanan pokok jo dihidangkan jo lauk dagiang jo sayua. Bumbu (tarutamo cabai), santan, ikan, jo ayam adolah bahan nan pantiang.

Sapanjang sijarah, Indonesia alah manjadi tampek padagangan antaro duo banua. Iko manyababkan tabaoknyo banyak bumbu, bahan makanan jo teknik mamasak dari bangso Melayu, India, Timur tangah, Tionghoa, jo Eropa. Sadonyo iko bacampua jo ciri khas makanan Indonesia tradisional, mahasiakan banyak kaanekaragaman nan indak ditamukan di daerah lain. Malah bangso Spanyol jo Portugis, alah mandahului bangso Balando jo mambaok banyak produk dari dunia baru ka Indonesia.

Sambal, sate, bakso, soto, jo nasi goreng marupoan babarapo contoh makanan nan biaso dimakan masyarakaik Indonesia satiok hari. Salain disajikan di waruang atau restoran, tadapek pulo aneka makanan khas Indonesia nan dijua dek para padagang kaliliang manggunokan garobak atau pikulan. Padagang iko manyajikan bubur ayam, mie ayam, mi bakso, mi goreng, nasi goreng, aneka macam soto, siomay, sate, nasi uduk, jo lain-lain.

Rumah makan Padang nan manyajikan nasi Padang, iyolah nasi disajikan basamo aneka lauk-pauk Masakan Padang, mudah ditamui di babagai kota di Indonesia. Salain itu Warung Tegal nan manyajikan masakan Jawa khas Tegal jo harago nan tajangkau juo tasebar laweh. Nasi rames atau nasi campur nan baisi nasi sarato lauk atau sayua pilihan dijua di waruang nasi di tampek-tampek umum, sarupo satasiun kareto api, pasa, jo terminal bus. Di Daerah Istimewa Yogyakarta jo salingkanyo dikana pulo nasi kucing sabagai nasi rames nan baukuran ketek jo harago murah, nasi kucing acok dijua di ateh angkringan, sajinih waruang kaki limo. Panganan ketek samisal kue-kue banyak dijua di pasa tradisional. Kue-kue tasabuik biasonyo babahan dasa bareh, katan, ubi kayu, ubi jalar, terigu, atau sagu.

Indonesia hanyo mamiliaki satu bahaso nasional atau bahaso nagara, yakni Bahaso Indonesia. Campua tangan nagara taadok bahaso nasional disalanggarokan malalui Badan Pengembangan dan Pembinaan Bahasa di bawah KeMantarian  Pandidikan dan Kebudayaan.

Indonesia mamiliaki labiah dari 721 bahaso daerah. Di antaro ratuihan bahaso daerah tasabuik, nan paliang banyak sebarannyo adolah di Papua jo Kalimantan, sadangkan nan paliang saketek adolah di pulau Jawa. Manuruik jumlah panutuanyo, bahaso daerah nan paliang banyak digunokan di Indonesia baturuik-turuik adolah:  (80 juto panutua), Melayu-Indonesia, , , , , , , , .

Bahaso Inggirih sabagai bahaso internasional alah dipakanakan dek pamarintah Indonesia kapado para pelajar muloi janjang pandidiakan dasa. Meski demikian, jo babagai alasan tadapek upayo untuak mahapuih palajaran bahaso Inggirih di tingkek sikolah dasa.

Bagi panganuik agamo Islam nan manjadi kaum mayoritas di Indonesia, bahaso Arab adolah bahaso asiang nan mandapek kaduduakan khusus, karano haruih dipraktikkan dalam ibadah harian tatantu, misalnyo salat. Walaupun demikian, bahaso Arab indak manjadi bahaso pagaulan umum sajak periode awal kabaradoannyo di Indonesia.

Wilayah Indonesia mamiliaki kaanekaragaman makhluk hiduik nan tinggi sahinggo dek babarapo pihak wilayah ekologi Indonesia disabuik jo istilah Mega biodiversity atau kaanekaragaman mahluk hiduik nan tinggi umumnyo dikana juo sabagai Indomalaya atau Malesia manuruik panalitian baso 10 persen tumbuahan , 12 persen mamalia, 16 persen reptil, 17 persen buruang, 25 persen ikan nan ado di dunia hiduik di Indonesia, padohal laweh Indonesia hanyo 1,3 % dari laweh Bumi. Kakayoan makhluk hiduik Indonesia manduduaki paringkek katigo salapeh Brasil jo Republik Demokratik Kongo.

 Walaupun damikian, Guinness World Records pado 2008 pernah mancatek rekor Indonesia sabagai nagara nan paliang kancang laju karusakan hutannyo di dunia. Satiok taun Indonesia kahilangan hutan salaweh 1,8 juto hektar. Karusakan nan tajadi di daerah hulu (hutan) juo turuik marusak kawasan di daerah hilir (pasisia). Manuruik catatan Down The Earth, proyek Asian Development Bank (ADB) di sektor kalauikan Indonesia alah mamicu tajadinyo aliah fungsi sacaro gadang-gadangan hutan bakau manjadi kawasan patambakan. Padohal hutan bakau, salain bafungsi malinduangi pantai dari abrasi, marupoan habitat nan elok bagi babagai jinih ikan. Kahancuaan hutan bakau tasabuik maakibaikkan nalayan harus mancari ikan jo jarak samakin jaauh jo manambah biayo operasional mareka dalam mancari ikan. Salain itu, hancuanyo hutan bakau juo maakibaikkan samakin rentannyo kawasan pasisia Indonesia tahadok terjangan aia pasang lauik jo banjir, talabiah di musim hujan.




#Article 29: Irwan Prayitno (3531 words)


Prof. Dr. H. Irwan Prayitno, S.Psi., M.Sc. () adolah surang akademisi pandidikan jo politisi Indonesia. Baliau mamulai jabatan sabagai Gubernur Sumatera Barat periode kaduo pado 12 Februari 2016 sasudah mamanangan pamiliahan Gubernur Sumatera Barat. Sabalunnyo, liau duduak di Dewan Perwakilan Rakyat tigo periode sajak 1999 dari Partai Keadilan Sejahtera. Baliau tanamo sabagai pandiri Yayasan Pendidikan Adzkia, tatok maaja jo badakwah sapanjang kariernyo.

Barasa dari kaluargo Minangkabau, Irwan manjalani pandidikan manangah di Padang. Baliau mangenal tarbiah jo tajun sabagai aktivis dakwah katiko bakampus di Fakultas Psikologi Universitas Indonesia pado 1982. Sasudah maninggaan status mahasiswa pado 1988, liau baliak ka Padang mandirian Yayasan Pendidikan Adzkia. Baliau sempat maambiak pakerjaan paruah wakatu di untuakan HRD (Human Resource Development) babagai parusahoan pamarentah jo dosen psikologi industri. Sairiang pangukuahan Partai Keadilan pado 20 Juli 1998, Irwan mambantuak jo mangatuoi parwakilan PK di Malaysia. PK maanta Irwan duduak di parlemen hasia pamiliahan umum 1999; Irwan taruih tapiliah untuak duo periode barikuiknyo. Sasudah manyalasaian pandidikan doktor, liau bauntuak tugeh sabagai guru basa bidang pangembangan SDM dan tatok badakwah.

Salaku kapalo daerah, liau mandapek sajumlah panghargaan dari negara. Ampek taun kapemimpinan Irwan ditandoi jo saketeknyo 137 panghargaan dari pamarentah nan diraiah Sumatera Barat. Salamo duduak di parlemen, liau mancurahan pandangannyo dalam panyusunan sajumlah RUU, tamasuak panggunoan sumber energi alternatif paneh bumi. Baliau dicatat karano kamampuan malobi jo panah manulak pamintaan untuak manjadi mantari.

Irwan Prayitno adolah anak partamo, punyo tigo adiak, dari orangtuo nan samo-samo dosen. Lahia di Yogyakarta pado 20 Desember 1963, liau mawarisi darah Minangkabau dari ayah Djamrul Djamal jo ibu Sudarni Sayuti. Ayahnyo barasa dari Simabur, Tanah Datar jo ibunyo adolah kalahiran Pauah IX — nan sacaro administratif masuak ka Kecamatan Kuranji, Padang. Mareka samo-samo lulusan PTAIN Yogyakarta jo dosen IAIN Imam Bonjol. Sabalun tingga di Padang, kaluarga ko sempat manetap di Semarang sampai Irwan baumua tigo taun, jo pindah ka Cirebon wakatu Irwan mamasuaki umua sakolah dasar. Irwan mudo isuak mandapekan kapicayoan masyarakaik Suku Tanjung sabagai pangulu Nagari Pauah IX jo manyematan gala Datuak Rajo Bandaro Basa pado 13 Februari 2005.

Irwan manjalani pandidikan manangah di Padang jo mulai bakacimpuang di organisasi sajak SMA, manjalani duo kali kapenguruihan OSIS pado taun kaduo jo katigo di SMA Negeri 3 Padang. Salamo di SMA, liau maraiah juaro partamo di kelasnyo jo salalu dipicayoan sabagai katua kelas. Irwan sempat bakainginan malanjuikan kuliah ka ITB basamo jo kawan-kawannyo. Tapi, dek mampunyoi masalah mato, liau mangaliahan piliahan ka Universitas Indonesia. Sasudah tamaik pado 1982, liau mandaftar ka Fakultas Psikologi Universitas Indonesia. Salamo kuliah, salain manyibukan diri jo babagai kagiatan kamahasiswaan, liau banyak mahabisan wakatu di lua kampus untuak badakwah, maaja di babarapo SMA swasta, jo manjadi konselor di bimbingan baraja Nurul Fikri. Iko mangakibatan kuliahnyo indak lancar. Tapi, manuruiknyo nan liau cari dalam pandidikan indaklah nilai samato, tapi pangambangan diri.

Wakatu mulai masuak paguruan tinggi, liau aktif dalam diskusi-diskusi dakwah jo pahimpunan mahasiswa. liau panah bagabuang jo Himpunan Mahasiswa Islam (HMI) Jakarta. Salamo katerlibatannyo jo HMI, liau marasoan gaya represif pamarentahan Soeharto tahadok pagerakan Islam. Pado 1984, liau naiak sabagai Katua HMI Komisariat Fakultas Psikologi UI. Tapi, sairiang intervensi pamarentah nan mamasoan panerapan Pancasila sabagai asas tungga, HMI mangganti asasnyo jo Pancasila pado taun 1986 jo basamoan jo itu Irwan kalua dari kaanggotaan HMI. Baliau maikuiki pagerakan Islam dalam skala nan labiah ketek, baraliah ka musajik di kampus-kampus lewaik kalompok-kalompok tarbiah nan labiah baorientasi pado pambinaan aqidah jo akhlaq. Aktivitas tarbiah bapusek di musajik-musajik kampus sarupo Musajik Arif Rahman Hakim, UI; Musajik Salman, ITB; jo Musajik Al-Ghifari, IPB.

Basamo kawan-kawannyo, Irwan ilia-mudiak maikuiki kagiatan halaqah atau lingkaran dakwah di Musajik Salaman. Pola latiahan dimulai jo pambentuakan kalompok ketek jo bimbiangan surang mentor sabagai panyampai tantang ajaran Islam. 

Mamasuaki taun 2003, pamarentah maumuman kanaiakan TDL, tarif talepon, jo BBM sacaro sarantak. Fraksi Reformasi manyatoan dasakan pambatalan tigo agenda ko. Irwan bahkan mangancam akan kalua dari DPR basamo anam urang anggota Partai Keadilan lainnyo jiko kanaiakan tarif sarantak tatap dibalakuan. Maingek masyarakaik indak mampu manangguang baban akibaik krisis, mako alternatif pambatalan adolah nan paliang tapek, tutua Irwan. Dalam wawancaro jo Republika, Irwan manyatoan kakecewaannyo ateh tanggapan pamarentah nan mangasanan saolah-olah pambalakuan kanaiakan alah disatujui dewan. Indakkan manyatujuinyo, mambahasnyo se indak. Kito ndak panah diajak mambahas tantang kanaiakan harago BBM jo bilo kaputusan kanaiakan tu bisa ditarapan. Jaleh masyarakaik didutoi, ujanyo. Walaupun PK indak manarik anggotanyo dari parlemen, pamarentah marespon jo indak jadi manaiakan TDL jo tarif talepon. Takaik ancamannyo, Irwan manyabuiknyo sabagai pambarajaan untuak politisi sakaligus kader. Apobilo kito alah indak sanggup lai untuak manjago amanah jo aspirasi rakyaik lah ndak dapek didanga lai mako alah sapantasnyolah kito kalua dari DPR.

Pado pamiliahan umum legislatif April 2004, liau diusaung partai nan alah baganti namo PKS sabagai calon anggota legislatif DPR. Daerah pamiliahan Sumatera Barat mangiriman duo wakia ka DPR dari PKS, dirinyo jo Refrizal. Pado periode keduonyo di DPR, liau baliak mangatuai komisi nan samo sampai 2005 sabalun bapindah komisi jo diangkek sabagai Katua Komisi X sajak 2007. Sasudah mamimpin komisi nan mambidangi masalah pendidikan, liau bahadapan jo pamarentah dalam evaluasi palaksanaan UN. Baliau mangkritik palaksanaan UN bilo sabatas syaraik panantu kaluluihan siswa, bapandapek baso hasia UN mustinya dapek digunoan untuak masuak paguruan tinggi. Baliau mausulan palaksanaan SPMB untuak manjariang mahasiswa bebas biayo. Irwan panah bapandapek palaksanaan panarimoan mahasiswa harus ditangani otonom dek tiok-tiok paguruan tinggi.

Dalam pamiliahan umum 2009, Irwan jo Refrizal tapilaih baliak mawakili Sumatera Barat. Irwan ndak manyalasaian periode katigonyo sasudah maju sabagai Gubernur Sumatera Barat; Sidi Hermanto maisi PAW.

Sasudah Megawati Soekarnoputri dilantiak sabagai presiden, PK mamintak kasadioan Hamzah Haz dicalonan sabagai wakia presiden, mandaului sikap rasmi PPP. Dalam upayo mamparoleh dukuangan dari parlemen untuak mendukuang Hamzah, Irwan makobi tokoh-tokoh kunci dari fraksinya saperti Amien Rais, AM Fatwa, jo Hatta Rajasa. Irwan bahkan maancam akan kalua dari fraksi jiko fraksi indak mandukuang Hamzah Haz. Basamoan jo naiaknyo Hamzah Haz, Megawati mangangkek babarapo anggota lintas fraksi sabagai mantari. Baliau ditawari jabatan Manristek, tapi ateh patimbangan partai liau menolak. Jabatan ko dialiahan ka Hatta Rajasa, rakan safraksi jo sakomisi Irwan.

Manjalang pamiliahan umum Presiden Indonesia 2004, Irwan nan sajak awa maarahan dukuangannya ka Amien Rais ditunjuak dek partai untuak manjalin mitra koalisi jo Amien. Irwan sakaligus mangemban misi mamanangan Amien Rais di Sumatera Barat. Amien mandapek dukuangan mayoritas di Sumatera Barat, tapi sacaro nasional kalah parolehan suaro jo gagal masuak ka pamiliahan presiden putaan kaduo. Manjalang pamiliahan presiden putaan kaduo, Irwan mayakinan PKS untuak mandukuang Susilo Bambang Yudhoyono. Dalam pamarentahan, Irwan jo SBY alah manjalin hubuangan dalam kapasitas Irwan sabagai Katua Komisi VIII jo SBY sabagai Mantamben. Hasia rekapitulasi suaro, SBY mandapek dukuangan bulek 84,4% dari Sumatera Barat. Wakia presiden tapiliah Jusuf Kalla manutuan, SBY sempat maarokan Irwan turuik mampakuek kabinet satlah pamiliahan umum Presiden Indonesia 2004, tapi liau labiah mamiliah bakonsentrasi di DPR.

Dalam pamiliahan pimpinan MPR, Irwan Prayitno baparan manaiakan Hidayat Nur Wahid manjadi  Katuo MPR. Namo Irwan labiah dulu mangapuang sabagai calon Katua MPR, tapi Irwan manulak pancalonannyo. Baliau talibat dalam panyusunan paraturan tato tartib MPR, mausulan calon nan tampil indak sacaro individu tapi sacaro paket jo komposisi 2-2, duo dari DPR jo duo dari DPD. Koalisi tampek PK bagabuang rasmi mausulan paket Hidayat didampingi tigo urang calon wakia katua, iyolah AM Fatwa, Aksa Mahmud, dan Mooryati Soedibyo. Wakatu itu, liau ditunjuak untuak meamimpin lobi ka kasado partai untuak mandukuang Hidayat. Hidayat tapiliah sasudah mandapek 326 suara, babeda duo angko jo paket dari koalisi nan mangusuan Sutjipto.

Irwan Prayitno panah maju sabagai calon Gubernur Sumatera Barat pado pamiliahan umum Gubernur Sumatera Barat 2005. Sairiang jo pancalonannyo, liau maninggaan jabatan kapartaian. Irwan maju didampiangi Ikasuma Hamid jo dukuangan parlemen dari PKS jo Partai Bintang Reformasi. Ikasuma Hamid adolah mantan Bupati Tanah Datar duo periode. Irwan nan katiko tu baumua 41 taun basaiang jo Jeffrie Geovanie nan labiah mudo ampek taun jo Gamawan Fauzi nan baumua 46 taun. Dalam pamiliahan nan diikuiki limo kandidat calon, Irwan basamo pasangannyo tacatat mamparoleh 25,11% suaro. Hasia rekapitulasi suaro manunjuakan kamanangan Gamawan Fauzi, Irwan Prayitno di uruikan kaduo, jo Jeffrie Geovanie di uruikan katigo.

Meski mamparoleh suara di bawah gubernur tapiliah Gamawan Fauzi, Irwan samulo indak barencana maju baliak dalam pamiliahan umum Gubernur Sumatera Barat 2010. Inyo mendadak dimintai DPP PKS untuak maju, duo hari sabalun hari tarakhia pendaftaran. Irwan mangaku sempat berang karano sabalunnyo PKS alah manyiapan kadernyo nan Wakil Ketua DPRD Sumatera Barat Trinda Farhan Satria. Sasudah babarapo kali panolakan, DPW PKS Sumatera Barat tibo mamintak langsuang pado Irwan ka Jakarta. Tetap ambo tolak, karano partai wakatu tu hanyo mamarentahan ambo manjadi dubes. Ambo pindah ka Komisi I wakatu tu untuak pasiapan dubes, sabuik Irwan sangkek kalua barito KlikSumbar.

Sabalunnyo, PKS barencana mausuang Trinda Farhan Satria jo alah gencar manyosialisasian sabagai calon wakia gubernur, tapi uruang karano ndak kunjuang mandapekan mitra koalisi. Irwan akhianyo manyatoaan maju dalam pamiliahan sabagai calon Gubernur Sumatera Barat sasudah DPP PKS mamintak kasadioannyo dicalonan baliak. Jo dukuangan PKS, PBR, jo Hanura, Irwan maju basamo pasangannyo Muslim Kasim nan mantan Bupati Padang Pariaman duo periode. Irwan nan tibo di Padang pado sore hari tarakhia pendaftaran, 8 April 2010, basamo Muslim mendaftar ka kantua Komisi Pemilihan Umum (KPU) Sumatera Barat, 50 minik  jelang berakhirnya maso pendaftaran. Dalam pamiliahan umum 2010, Irwan basaiang basamo Prof. Dr. Ediwarman, M.Hum. jo Prof. Dr. H. Marlis Rahman, M.Sc. nan balata akademisi, Dr. Fauzi Bahar, MSi nan katiko tu Wali Kota Padang, jo surang ekonom Endang Irzal, MBA.

Irwan rasmi ditatapan sabagai gubernur tapiliah sasudah maraup 32,44% suaro. liau tacatat sabagai Gubernur Sumatera Barat patamo nan barasa dari partai politik. Basamo wakianya Muslim Kasim, Irwan dilantiak sabagai Gubernur Sumatera Barat pado Minggu, 15 Agustus 2010 dek Mantari Dalam Nagari Gamawan Fauzi ateh namo Presiden RI. Palantiakan balangsuang di bakeh ruangan garasi oto DPRD Sumatera Barat karano gaduang utamo rusak barek akibaik gampo.

Irwan dilantiak sabagai gubernur pado 15 Agustus 2010, kurang dari sabaleh bulan sasudah gampo bumi mangguncang Sumatera Barat. Palantiakan gubernur jo wakil gubernur tapiliah balangsuang di ruang garasi DPRD Sumatera Barat. Manjalani periode partamo, Irwan mamimpin panataan provinsi nan porak-porando pasca-bancano, mambangkikan baliak parekonomian Sumatera Barat nan patumbuahannyo hanyo ampek  persen pado 2009.

Pado 2011, Badan Nasional Pananggulangan Bancano (BNPB) maagiahan pangharagoan tabaiak ateh palaksanaan tanggap daruraik nan dilakuan pamarentah provinsi. Malalui kabijakan Irwan, rehabilitasi jo rekonstruksi tahadok rumah panduduak jo fasilitas publik mandapek prioritas dari pambangunan gaduang pamarentahan. Tigo taun sasudah bancano, sabanyak 197.636 rumah panduduak nan rusak alah direhabilitasi jo direkonstruksi sahinggo, BNPB pado 2013 maagiahan pangharagoan rehabilitasi jo rekonstruksi tacapek kapado pamarentah provinsi.

Salamo periode partamo kapamimpinannyo, Irwan manjadian rumah dinasnyo sabagai kantua. Irwan mangaku, pasca-gampo banyak SKPD bakantua samantaro di ruang darurat jo batumpuak pado ciek.ruangan. Wakatu kantua baru untuak gubernur siap ditampeki pado akhia 2013, Irwan mangaliahan panggunoannyo untuak SKPD nan masih basampik-sampikan bakantua di aula Gubernuran. Pambangunan gaduang pamarentahan baru dimulai pado 2013, samantaro paelokan kantua gubernur lamo manyusua pado akhia 2014. Wakatu mamasuki periode kaduo manjabaik gubernur, Irwan masih alun manampeki kantua rasmi, manunggu retrofit kantua gubernur lamo salasai.

Harian lokal Padang Ekspres dalam edisinyo 15 Agustus 2014 mandaftaran saketeknyo 137 pangharagoan nan diraiah ateh namo Pamarentah Provinsi Sumatera Barat ampek taun taakhia. Sajumlah pangharagoan untuak taun 2013 diagiahan tapisah sapanjang semester partamo 2014. Pado 13 Mei 2014, Sumatera Barat manarimo opini Wajar Tanpo Pangacualian (WTP) dari BPK tahadap Laporan Kauangan Pamarentah Daerah (LKPD) Sumatera Barat 2013. Iko adolah untuak kali kaduo sasudah LKPD taun sabalunnyo mandapek opini sarupo. Pado 24 Pebruari 2014, pamarentah manyarahan pangharagoan Tim Evaluasi jo Pangawasan Panyerapan Anggaran. Jo prediket mamuehan tigo, capaian realisasi kauangan Sumatera Barat manduduaki paringkek ka-6 nasional. Dalam palaksanaan APBD 2013, realisasi anggaran mancapai 98,92% dari target Rp3,182 triliun, samantaro serapan PAD malabiahi target, 102,42% iyolah Rp1,366 triliun dari target Rp1,334 triliun.

Dalam bidang infrstruktur, Mantari PU Djoko Kirmanto panah mangatoan infrastuktur di Sumatera Barat tabaiak dibandiangan provinsi lain di Indonesia. Data taun 2013 mangungkapan kamantapan jalan nasional manyantuah angko 95,32%, capaian layanan aia minum mancapai 62,52%, jo jangkauan layanan sanitasi pamukiman 45,58%. Dari Kamantarian Sosial, Sumatera Barat manarimo pangharagoan Piagam Kasatiokawanan Sosial ateh implementasi program panyalanggaroan kasajahteraan sosial pado 7 Maret 2014. Parsentase angko kamiskinan taruih turun sajak 2010 dari angko 9,5% manjadi 7,5% pado 2013. Angko  Indeks Pambangunan Manusia provinsi adolah 74,70 atau manduduaki paringkek ka-9 nasional. Dari Kamantarian Parindustrian, pamarentah manyarahan pangharagoan paringkek kaduo nasional dalam paningkekan panggunaloan produksi dalam nagari pado Oktober 2014.

Pado 18 Juli 2014, Sumatera Barat mandapek predikat tabaiak nasional jo nilai tatinggi dalam kapatuahan taadok UU Nomor 25 taun 2009 tantang Palayanan Publik dari Ombudsman RI. Pangharagoan ditarimo Gubernur Irwan Prayitno dari Menko Polhukam Djoko Suyanto di Jakarta. Katua Ombudsman Danang Girindrawardana alah manyampaian hasia panilaian wakatu manamui Irwan di Gubernuran pado 15 Mei 2014. Irwan salaku kapalo daerah dinilai mamiliki respon jo komitmen mawujudkan kabutuahan jo sistem palayanan publik sasuai UU. Sabalunnyo, Badan Kapagawaian Nagaro mamasuakan Sumatera Barat sabagai provinsi tabaiak dalam palaksanaan panarimoan CPNS 2013 jo sistem Computer Assisted Test (CAT).

Dari Kamantarian Pariwisata, Sumatera Barat manarimo pangharagoan tatinggi di bidang kapariwisataan The Most Improved Travel Culb Tourism Award pado 20 Nopember 2014. Sabalunnyo, Sumatera Barat maraiah salah satu kategori pangharagoan National Procurement Award 2014 dari Kamantarian Parencanaan Pambangunan Nasional ateh paran LPSE provinsi. Pado 8 Desember 2014, Mantari Kabudayaan Pandidikan Dasa jo Manangah Anies Baswedan maagiahan pangharagoan Inklusif Award 2014 ateh implementasi pandidikan inklusif di daerah-daerah Sumatera Barat. Pado 10 Desember, Mantari Padagangan Rachmat Gobel manyarahan piagam pangharagoan ateh paran sarto Sumatera Barat dalam mandukuang kagiatan Pambantuakan Daerah Tertib Ukua jo Pasa Tertib Ukua.

Salaku gubernur, Irwan baperan maningkekan koordinasi antaro pamarentah daerah jo malobi pamarentah pusek untuak mandapekan dukuangan anggaran. Dalam rapek koordinasi kapalo daerah sa-Sumatera Barat pado 3 Maret 2014, mangapuang pamintaan anggaran Rp8,8 triliun kapado pamarentah pusek untuak palaksanaan pambangunan prioritas di Sumatera Barat. Sasudah rapek basamo Kamantarian PU pado 6 Mei 2014, Mantari PU Djoko Kirmanto manyetujui alokasi anggaran untuak pacapekan pambangunan infrastruktur. Malalui Kamantarian PU, pamarentah mangucuaan sagadang Rp3 triliun salamo tigo taun anggaran 2014–2016 untuak pacepekan pambangunan infrastruktur di Sumatera Barat.

Salain manarimo sajumlah pangharagoan untuak provinsi, Irwan mandapekan pangharagoan dek nagara salaku kapalo daerah. Pado 12 Oktober 2012, Irwan manarimo pangharagoan Prabawa dari Kamantarian Energi jo Sumber Dayo Mineral ateh paratian jo komitmennyo dalam pangambangan potensi EBT. Panah manangani masalah energi jo sumber dayo mineral sangkek di DPR, Irwan manaruah paratian tahadok pangambangan energi baru tabaruan sabagai sumber energi alternatif untuak pambangunan listrik di Sumatera Barat. Dalam upayo pacapekan pambadayoan energi paneh bumi, liau salaku kapalo daerah manjalin karajo samo jo babarapo nagara untuak mandatangan investor, mamfasilitasi inventarisasi potensi EBT, panalitian, jo promosi.  Salain mengantar kabijakan pamanfatan EBT kapado legislatif Sumatera Barat, inyo mandorong kapalo daerah mangambangkan  EBT sacaro otonom. Wakatu iko , Sumatera Barat mamiliki unit pelayanan terpadu satu pintu untuak mempermudah perizinan investasi. Berkaitan jo pengelolaan paneh bumi, Sumatera Barat mamiliki Perda Nomor 7 Taun 2012, diikuti payuang hukum penyediaan tenaga listrik dalam Perda Nomor 2 taun 2013.

 Pado 29 November 2013, Irwan manarimo  Panghargaan Adhikarya Pangan Nusantara, penghargaan tatinggi dari Dewan  Katahanan Pangan Nasional. Dalam mancapai ketahanan pangan, babarapo program-program nan dijalankan Irwan diantaronyo peningkatkan jam kerja petani jo menambah cabang usaha. Keberagaman pangan Sumatera Barat mencatatkan skor Pola Pangan Harapan (PPH) nan mancapai 77,50. Dari Perpustakaan Nasional, Irwan maraiah penghargaan Nugra Jasadarma Pustaloka pado 29 Oktober 2013. Inyo dianggap mambarian porsi labiah tahadok minat baca, malalui upayanya mencarikan gedung pengganti perpustakaan daerah nan hancua pascagempa. Pado 27 November 2013, Irwan manarimo penghargaan dari Mantari Perdagangan Gita Wirjawan selaku kapalo daerah ateh paratian dan kapadulian tahadok palinduangan konsumen. Pado pengujung taun 2014, Kemantarian Pemberdayaan Perempuan dan Perlindungan menetapkan Anugerah Parahita Ekapraya (APE) 2014 kapado Gubernur Sumatera Barat.

Irwan mamintak sia se untuak indak mamaso dirinyo barubah sasuai katantuan protokoler. Jan paso ambo maubah style hiduik ambo, karano untuak ambo fasilitas jabatan apo pun adolah sunah, kawanangan justru suatu kawajiban untuak ambo, katonyo. Katimbang manggunoan anggaran nan tasadio, Irwan mangoptimalan panggunoan fasilitas nan alah ado. Baliau manulak masuakan untuak mambali oto dinas baru jo masih manampeki rumah dinas lamo. Kutiko disodori alasan manutuik malu kapado mantari atau pajabaik nagaro lainnyo nan tibo bakunjuang, Irwan labiah mamiliah manggunoan oto pribadinyo untuak dijadian oto pelat sirah . Wakatu rekonstruksi kantua pamarentahan nan rusak akibaik gampo bumi 30 September 2009, sempat dianggaran pambangunan kantua.baru untuak gubernur. Tapi, Irwan mangaliahan panggunoannyo untuak tigo SKPD nan kantuanyo rusak, mamiliah bakantua manampeki rumah dinas lamo di Jalan Sudirman.

 Pado 22 Januari 2014, saurang mahasiswa jo pisau tahunus mamasuaki Kantua Gubernur Sumatera Barat, mangancam ka mambunuah gubernur. Lupuik dari panjagoan Satpol PP nan batugas, mahasiswa nan balakangan dikatahui lulusan ITB sempat naiak ka lantai duo gaduang sambia mamakiak-makiak sabalun kalua maninggaan laman gaduang jo mangandarai oto. Sasudah pamaresoan dek kapolisian saminggu barikuiknyo, palaku disarahan kapado kaluargo untuak pananganan medis karano tabukti maidok gangguan jiwa. Takaik kajadian iko, Irwan badaliah, Pangawalan di kantua gubernur jo di rumah dinas gubernur memang sangajo ambo buek minimalis jo minim protokoler. Tapi, tujuah anggota Satpol PP nan batugas pado hari kajadian tatap diagiahan sanksi ateh kalalaian dalam manjalankan tugas.

Dalam malakukan pajalanan ka lua provinsi, Irwan ndak panah mamiliah maskapai panabangan. Baliau salalu mamiliah jo maraso nyaman duduak di kelas ekonomi. Panyaia Taufiq Ismail, nan panah mandapeki Irwan sapesawat di kelas ekonomi, manilainyo sabagai hal istimewa jo sabuah kataladanan. Takaik panampilannyo nan sadarano, tanpo atribut jo minim protokoler, Irwan mangatoan liau ndak nio ado pambateh antaro dirinyo jo masyarakaik.

Yongki Salmeno nan dakek jo Irwan Prayitno, manulihan pangalamannyo basamo Irwan. Baliau mnadapeki karakter Irwan nan nio serba capek jo tapek wakatu. Satiok malakuan kunjunagan ka daerah, rombongan gubernur nyaris malaju jo kacapekan tinggi. Yongki mandapekan sajumlah SKPD bausaho mailak ikuik iring-iringan kandaroan gubernur karano ndak siap nyali. Irwan baprinsip, labiah rancak liau tibo duluan daripadi talambaek. Dalam kota, liau manulak manggunoan oto pangawalan, kscuali dalam kaadaan mandasak. Sering bana pamiliak acaro masih manunggu-nunggu kadatangan gubernur jo msnyimak rauangan sirine oto pangawalan. Tanyato sirine tu nfak panah tadanga, gubernur alah tibo tapek wakatu tanpo pangawalan jo malah alah duduak basamo mareka, tulih Yongki. Atribut gubernur nan biaso dipasang di dado kida dek gubernur atau pajabat pado umumnyo nyaris ndak panah dipakainyo.

Irwan tatap manunaikan dakwah salamo manjabat sabagai gubernur. Duo kali sabulan satiok Jumat pagi, liau mengisi wirid mingguannan diikuiki jajaran pagawai Pemprov Sumatera Barat. Kagiatan wirid dipusekan di Musajik Rayo Sumatera Barat sajak awal taun 2012, walaupu wakatu itu panggunoan musajik alun dirasmian. Salamo Juni jo bulan Ramadhan 2014, liau maisi tausiah dalam kunjuangan ka instansi-instansi pamarintah.

Irwan mamanfaatan siso wakatunyo untuak kaluarga jo olahraga. Irwan adolah panyuko olahraga badminton, karate, jp trabas. Wakatu senggangnyo kadang liau manfaatan untuak bamain musik. Baliau mangaku dapek banyanyi sajak taun 2012. Karano sabagai gubernur acok ditodong untuak manyanyi, akhianyo ambo baraja manyanyi. Pado Ramadhan 2013, liau manciptaan lagu bajudul Kau Istriku jo maunggahnyo malalui akun rasmi di YouTube. Ambo mancaliak di Gubernuran banyak alat musik paninggalan gubernur sabalunnyo, akhianyo ambo manfaatan untuak cubo latiahan. Padahal, sabelunnyo ambo alun panah baraja not balok, tanggi nada jo sabagainyo, katonyo mangungkapan awal katertarikannyo bamain musik. Irwan alah mandaftarkan duo lagu ciptaannyo, ciek lai bajudul kapado-Mu, ka Kanwil Kementrian Hukum jo HAM Sumatera Barat.

Pado awal November 2010, Irwan salaku Gubernur Sumatera Barat mamanuahi undangan KBRI di Berlin untuak tampil sabagai pambicara memaparan potensi investasi Indonesia dalam forum paringatan hubungan bilateral kaduo nagara. Pado wakatu nan samo, maso tanggap darurat tsunami Mentawai masih balangsaung. Tsunami menarajang Kapulauan Mentawai mabyusua gampo bumi nan bapusek di lapeh pantai Sumatera Barat pado 25 Oktober 2010. Media nasional sagiro maangkek opini takaik kabarangkatan Irwan. Situs barito Kompas manurunan judul Warganyo Kalaparan, Gubernur ka Jerman. Tempo mangutip pendapek pangamat politik Burhanuddin Muhtadi nan mangatoan Gubernur Sumatera Barat alah mati raso. Anggota DPR Budiman Sudjatmiko mangomentari, indak pas saurang kapalo daerah maninggaan daerahnyo nan sadang dilanda bancano.

Sabelun kabarangkatannyo, Irwan bolak-baliak ka Mentawai mamimpin pananggulangan bancano jo sempat bamalam tigo hari di pangungsian. Dalam lawatan satu satangah hari 4–5 November, Irwan manyempatan mananottangani kasapakatan karajo samo dalam bidang investasi, khususnyo di sektor pariwisata jo energi tabaruan jo Pemerintah Bavaria. Irwan baliak ka Mentawai hari nan samo sasudah mandaraik di Padang. Koran Tempo manurunan barito Setelah Dikecam, Irwan Prayitno ka Mentawai. Anggota DPR lainnyo Nudirman Munir manilai pambaritoan ateh Irwan balabiahan. Pak Gubernur tigo malam di Mentawai ndak disabuik-sabuik. Mananggapi kritik ateh dirinyo, Irwan mamintak maaf, mangatoan bahwa rancano lawatannya ka Jerman alah diasiapan jauah sabalun tsunami Mentawai.

Salamo manjabat gubernur, Irwan berkantua di rumah dinas. Irwan mangaku, pambangunan rumah panduduak jo fasilitas publik labiah prioritas dari pambangunan gaduang pamarintahan. Pambangunan baliak kantua dinas provinsi nan rusak parah mulai dikarajoan pado 2013, samantaro retrofit kantua  gubernur baru dimulai pado akhia 2014. Hal iko mandapek sorotan media manjalang pamiliahan gubernur 2015, mamunculan tajuk Irwan ndak panah ngantor. Renovasi kantua gubernur surang baru dimulai pado akhia 2014.

Sampai taun 2013, Irwan alah marampuangan 34 judul buku jo saketeknyo 25 riset. Pado pangujuang taun, liau manerbitan buku bajudul Inspirasi Untuk Negeri. 116 labiah artikelnyo dipublikasian di babagai media massa. Mamiliki rekam jajak sabagai aktivis dakwah jo latar pandidikan psikologi, karya-karyanyo maliputi tema pamasalahan anak jo kaluarga, manajemen SDM, politik, jo dakwah. Karya-karyanyo banyak manjadi rujuakan aktivis pagerakan Islam di babagai paguruan tinggi umum Indonesia. Pado 11 November 2015, duo buku baisi kumpulan tulisan wartawan media lokal jo nasional tantang kapamimpinan Irwan diluncuran. Pado 12 Februari 2017, liau maluncuran ampek jilid buku batajuk Pantun Spontan baisi 8.288 pantun. Babarapo buku nan liau tulih sabalunnyo antaro lain:




#Article 30: Islam (1269 words)


Islam (Arab: الإسلام‎ al-’islām, dikecekkan ]) adolah agamo nan batuhan ka Allah SWT jo banabi ka Nabi Muhammad SAW. Kato Islam sacaro harafiah aratinyo basarah diri (pado Tuhan). Jo labiah dari satu saparampek miliar urang pangikuik di saluruah dunia, manjadian Islam sabagai agamo tagadang kaduo di dunia sasudah agamo Kristen. Islam punyo arati panyarahan, yaitu panyarahan diri sapanuahnyo kapado Tuhan (Arab: , Allāh). Panganuik agamo Islam disabuik Muslim nan baarati surang nan tunduak kapado Tuhan, atau labiah langkoknyo adolah Muslimin bagi laki-laki jo Muslimat bagi padusi. Islam dianuik jo mayoritas panduduak Indonesia, damikian pulo urang Minang kini ko baagamo Islam sajak masuaknyo agamo Islam ka Minangkabau. Falsafah urang Minangkabau nan tanamo manganai agamo Islam: Adaik basandi syarak, syarak basandi Kitabullah. Syarak mangato adaik mamakai.

Islam maajaan bahaso Allah manurunan firman-Nyo kapado manusia malalui para nabi jo rasul utusan-Nyo, jo mayakini sacaro sungguah-sungguah bahaso Muhammad adolah nabi jo rasul taakhia nan diutuih ka dunia dek Allah.

Islam barasa dari kato Arab Aslama-Yuslimu-Islaman nan sacaro bahaso baarati 'Manyalamaikan' misal teks 'Assalamu Alaikum' nan baarati Semoga Kasalamaikan ateh kalian sadonyo. Islam/Islaman adolah Masdar/Kato benda sabagai bahaso panunjuak dari Fi'il/Kato karajo iyolah 'Aslama' = Alah Salamaik (Past Tense) jo 'Yuslimu' = Manyalamaikan (Past Continous Tense).

Kato triliteral semitik S-L-M manurunan babarapo istilah utamo dalam pamahaman manganai kaislaman, iyolah Islam jo Muslim. Kasadonyo baaka dari kato Salam jo baarati kadamaian. Kato Islam labiah spesifik lai didapek dari bahaso Arab Aslama, nan bamakna untuak manarimo, manyarah atau tunduak jo dalam pangaratian nan labiah jauah kapado Tuhan.

Jo damikian, Islam baarati panarimoan diri jo panyarahan diri kapado Tuhan, jo panganuiknyo musti manunjuakan iko jo manyambah-Nyo, manuruiki parintah-Nyo, jo mahindari politheisme atau syirik. Panyatoan iko mambarikan babarapo makasuik dari al-Qur’an. Dalam babarapo ayat, kualitas Islam sabagai kapicayoan ditagehan: Barangsiapo nan Allah mahandaki ka mambarikan kapadonyo patunjuak, niscayo Baliau malapangan dadonyo untuak (mamaluak agamo) Islam... Ayat lain mahubuangkan Islām jo dīn (lazimnyo ditajamahan sabagai agamo): ...Pado hari iko alah Den-sampurnakan untuak kalian agamo kalian, jo alah Den-cukuikan kapado kalian nikmaik-Den, jo alah Den-ridhoi Islam itu jadi agamo bagi kalian. Namun masih ado nan lain nan manggambakan Islam itu sabagai tindakan baliak kapado Tuhan-labiah dari hanyo panyatoan pangesahan kaimanan.

Kapicayoan dasa Islam dapek ditamukan pado kalimah shahādatāin (duo kalimaik pasaksian), iyolah asyhadu an-laa ilaaha illallaah, wa asyhadu anna muhammadan rasuulullaah - nan baarati Ambo basaksi baso tiado Tuhan salain Allah, jo ambo basaksi baso Muhammad saw adolah utusan Allah. Esensinyo adolah prinsip kaasoan Tuhan jo pangakuan tahadok kanabian Muhammad. Adopun bilo sasaurang mayakini jo kudian maucapkan duo kalimaik pasaksian iko, inyo dapek dianggap alah manjadi surang muslim dalam statuih sabagai mualaf (urang nan baru masuak Islam dari kapicayoan lamonyo).

Kaum Muslim picayo baso Allah mangutuih Muhammad sabagai Nabi taakhia salapeh diutuihnyo Nabi Isa 6 abaik sabalunnyo. Agamo Islam picayo baso al-Qur'an jo Sunnah (satiok kato jo tindakan Muhammad) sabagai sumber hukum jo paraturan hiduik nan fundamental.
Mareka indak maanggap Muhammad sabagai pangasas agamo baru, malainkan sabagai panaruih jo pambaharu kapicayoan monoteistik nan diturunkan kapado Ibrahim, Musa, Isa, jo nabi dek Tuhan nan samo. Islam managehan baso agamo Yahudi jo Kristen balakangan sasudah painyo para nabinyo alah mambelokan wahyu nan Tuhan agiah kapado nabi-nabi iko jo mangubah teks dalam kitab suci, maagiah intepretasi palsu, ataupun kaduo-duonyo.

Umaik Islam juo mayakini Al-Qur'an nan disampaikan dek Allah kapado Muhammad, malalui parantaro Malaikat Jibril adolah sempurna jo indak ado karaguan di dalamnyo. Di dalam al-Qur'an Allah juo alah bajanji ka manjago kaotentikan al-Qur'an hinggo akhia zaman.

Adopun sabagaimano dinyatokan dalam Al-Qur'an, umaik Islam juo diwajibkan untuak baiman jo mayakini kabanaran kitab suci jo firman-Nyo nan diturunkan sabalun Al-Qur'an (Zabur, Taurat, Injil jo suhuf para nabi-nabi nan lain) malalui nabi jo rasul tadahulu sabalun Muhammad. Umaik Islam juo picayo baso salain Al-Qur'an, saluruah firman Allah tadahulu alah mangalami parubahan dek manusia. Mangacu pado kalimaik di ateh, mako umaik Islam mayakini baso Al-Qur'an adolah satu-satunyo kitab Allah nan sabana asli jo sabagai panyempurna kitab-kitab sabalunnyo.

Umaik Islam mayakini baso agamo nan dianuik dek saluruah nabi jo rasul utusan Allah sajak maso Adam adolah ciek agamo nan samo jo ciek Tuhan nan samo(tauhid), jo damikian tantu sajo Ibrahim juo manganuik katauhidan sacaro hanif (murni) nan manjadikannyo surang muslim. Pandangan iko malatakan Islam basamo agamo Yahudi jo Kristen dalam rumpun agamo nan mampicayoi Nabi Ibrahim as. Di dalam al-Qur'an, panganuik Yahudi jo Kristen acok direferensikan sabagai Ahli Kitab atau urang-urang nan dibari kitab.

Muslim picayo jo Rukun Iman nan tadiri dari 6 parkaro yaitu:

Konsep teologi dalam Islam iolah tauhid-picayo baso hanyo ado ciek Tuhan. Istilah Arab untuak Tuhan iolah Allāh; kabanyakan ilmuwan picayo inyo didapek dari panyingkekan kato al- (nan/itu) jo  (tuhan), bamakasuik Tuhan (), namun nan lain manalusuri asa usuanyo dari kato bahaso Aram Alāhā. Banso bukan Arab mungkin manggunokan namo lain untuak  Allah, sarupo Tanrı dalam bahaso Turki atau Khodā dalam Persia. Kapicayoan kapado Allah juo marupoan sabagian dari Rukun Islam, di mano tauhid diucapkan dalam syahadaik (pangakuan), jo mangisyaraikan baso:

Dalam teologi tradisi Islam, Allah itu tak nampak dek manusia; Muslim indak paralu mambayangkan Allah, hanyo mamuja jo sujuik padoNyo sabagai pancipta alam. Mareka picayo tujuan ado di dunia iolah untuak manyambah Tuhan. Qur'an kadangkalo manyabuik Allah jo namo atau sipaik lain, umpamo al-Rahman, bamakno Maha Pangasiah jo al-Rahim, bamakno Maha Panyayang (lihat Asmaul Husna). Allah dihuraikan dalam surah 112 al-Qur'an sebagai:

Dek itulah Muslim manulak konsep Tritunggal Kristen, jo mambandiangkannyo kapado politeisme.

Muslim picayo baso ado babarapo kitab suci nan diturunkan Allah pado nabi-nabinyo, jo al-Qur'an sabagai kitab taakhia. Mareka juo picayo kanduangan kitab-kitab sabalun al-Quran, Taurat jo Injil, alah diubah dari segi tafsiran, teks, atau kaduonyo. Muslim manganggap al-Qur'an sabagai firman Allah nan bana; inyo adolah padoman Islam nan utamo nan baturunan dalam bahaso Arab. Muslim picayo baso ayat Al-Qur'an alah diwahyukan kapado Nabi Muhammad SAW dek Allah malalui malaikat Jibril pado banyak paristiwa antaro 610 jo wafaiknyo bagindo pado 8 Juni 632. Al-Qur'an dikabakan alah ditulih dek sahabat Nabi samaso bagindo masih hiduik, namun caro utamo panyampaian iolah malalui lisan. Inyo alah disusun pado zaman khalifah partamo Abu Bakar as-Siddiq, jo alah distandarisasi di bawah pamarintahan khalifah katigo Usman bin Affan.

Al-Qur'an tabagi dalam 114 surah, atau bab, nan apobilo digabuangkan, tadiri dari 6,236 ayat. Surah labiah awal sacaro kronologinyo, diturunkan di Makkah, nan barisi bahasan etika jo karohanian. Surah Madaniyyah barikuiknyo kabanyakan mambicarokan isu sosial jo moral nan bakaitan jo masyarakaik Muslim. Al-Qur'an labiah manakankan panduan moral daripado ajaran hukum, jo dianggap buku sumber prinsip jo nilai Islam. Pakar hukum Muslim marujuak hadith, atau catatan batulih kahidupan Nabi Muhammad SAW, sabagai tambahan kapado al-Qur'an jo untuak mambantu manafsirkannyo. Ulasan jo takwil al-Qur'an dikataui sabagai tafsir.

Pakatoan Qur'an bamakasuik pangucapan. Katiko Muslim babicara sacaro abstrak manganai al-Qur'an, mareka biasonyo marujuak kitab suci nan dibaco dalam bahaso Arab daripado karya nan dicetak atau apopun tajamahannyo. Bagi Muslim, al-Qur'an hanyo sempurna kok diturunkan dalam bahaso Arab asli; tajamahan dianggap kurang tapek dek sabab pabedoan bahaso, kasalahan dalma panajamahan jo suliknyo mamaliharo kanduangan nan asli. Dek itulah tajamahan hanyo dianggap sabagai ulasan tahadok al-Qur'an, bukan co al-Qur'an itu surang.

Limo Rukun Islam () adolah limo amalan utamo dalam Islam Sunni (Ahlus Sunnah wal Jamaah), jo limo konsep dasa panarimoan agamo bagi Islam Syiah.

Rukun Islam bagi Muslim Sunni iolah:

Manuruik Muslim Syiah, limo asas Islam iolah:

Limo rukun asas iko diikuti jo sapuluah subrukun: 1.Salat; 2.Puaso; 3.Haji; 4.Zakaik; 5.Jihad; 6.Amar ma'ruf; 7.Nahi munkar; 8.Ciek Parlimo; 9.Tawalla; 10.Tabarra.

Tampek ibadat umaik Muslim disabuik musajik atau masajik. Ibadah nan biaso dilakukan di Masajik antaro lain salat bajama'ah, caramah agamo, parayaan hari gadang, diskusi agamo, baraja mangaji (mambaco Al-Qur'an) jo lain sabagainyo. Bantuak lain dari masajik adolah mushalla, langgar, atau surau, nan biasonyo punyo sabuah kaum.




#Article 31: Jam Gadang (222 words)


Jam Gadang adolah namo untuak sabuah manaro jam nan talatak di jantuang Kota Bukittinggi, Provinsi Sumatera Barat, Indonesia.

Jam Gadang dibangun dek Pamarintahan Kolonia Balando pado taun 1926, nan merupoan hadiah dari ratu Balando ka Rook Maker (Walikota Bukittinggi saaik itu).

Sabalunnyo manaro Jam Gadang ko alah mangalami tigo kali parubahan pado bantuak atoknya. Awal didirian atok Jam Gadang babantuak bulek jo patuang ayam di atehnyo (maso Pamarintahan Hindia Balando), alah itu babantuak Klenteng (maso Pamarintahan Penduduakan Japang),  alah itu pulo (sasudah kamardekaan) atok Jam Gadang babantuk atok pado rumah adaik Minangkabau (Rumah Gadang).

Tinggi dari Jam Gadang nan dirancang dek arsitek Yazid Sutan Gigi Ameh, adolah 26 meter. Lueh denah dasarnyo baukuran 13 x 4 meter, samantaro itu ampek buah jamnyo badiameter 80 cm. Jam Gadang digariakan jo masin sacaro manual, nan kabanyo masinnyo hanyo dibuek duo unit di dunia: di Jam Gadang nan ado di Bukittinggi jo Big Ben nan ado di London, Inggirih . Salain tu, kaunikan pado Jam Gadang adolah angko Romawi ampek (IV) nan tatulih IIII.

Kinkiko Jam Gadang nan taakhia direnovasi pado taun 2010 ditatokan sabagai titiak nol Kota Bukittinggi dek Badan Palestarian Pusako Indonesia (BPPI), nan didukuang dek Pamarintah Kota Bukittinggi jo Kadutaan Gadang Balando di Jakarta, nan dirasmian tapek pado ulang taun Kota Bukittinggi nan ka 262 pado tanggal 22 Desember 2010 nan lalu.




#Article 32: Johannes Gutenberg (216 words)


Johannes Gensfleisch zur Laden zum Gutenberg (k. 1395 – 3 Pebruari 1468) marupoan surang tukang basi, tukang ameh, tukang cetak, jo panabik Jerman nan mampakanakan pacetakan ka Eropa. Panamuannyo, iyolah alaik cetak mekanik nan uruihnyo dapek diatua, alah manyabaukan bamulonyo Repolusi Pacetakan dan sacaro laweh dipandang sabagai kajadian nan tapantiang dalam abaik moderen. Panamuan ko lai baparan basa dalam pakambangan Renainsans, Repormasi, Abaik Pancarahan, jo Repolusi Ilimu Pangatauan, sarato malatakan dasar material untuak tagaknyo ekonomi moderen nan basandikan pangatauan jo malawehnyo pangatauan ka urang rami.

Gutenberg adolah urang Eropa patamo nan manggunoan alaik cetak nan uruihnyo dapek diatua ko labiah-kurang di taun 1439. Inyo manamuan ide-ide untuak proses cetak-mancetak masal, manggunoan tinta minyak, mamampaaikan kayu untuak uruih masin pacetakan nan bantuaknyo sarupo bana jo sekrup panakan pado alaik patanian di maso ko. Gabungan hal-hal kasadonyo tu manjadi suatu sistem praktis nan mamungkinkan produksi masal buku-buku cetak nan aragonyo ekonomis bagi pancetak jo pambaconyo. Panamuan metode cetak Gutenberg marupoan pangambangan nan sangaik basa tahadok panulihan manuskrip jo tangan, iyolah metode produksi buku nan wakatu iko diadoan di Eropa. Teknologi cetak Gutenberg kudian manyebar dangan capek di Eropa sadonyo dan sudah tu juo di saluruah dunia.

Asia karajonyo nan utamo, iyolah Injil Gutenberg (juo dikana jo namo Injil 42 Barih), alah diakui mamiliaki estetik jo kwalitas nan tinggi.




#Article 33: Kabupaten Dharmasraya (393 words)


Kabupaten Dharmasraya adolah salah satu kabupaten nan barado di Provinsi Sumatera Barat, Indonesia, nan wilayahnyo babateh juo jo Provinsi Riau jo Jambi. Kabupaten ko dibantuak dek Undang-undang no. 38 Taun 2003, di ma sabalunnyo wilayah iko adolah bagian dari kabupaten Sawahlunto-Sijunjung. Ibu kota kabupaten ko adolah Pulau Punjung.

Namo Dharmasraya patamo kali tasabuik pado batu basurek Padang Roco (1347 M), nan pado maso tu marupoan pusek Karajaan Malayupura, nan dipimpin dek rajo-rajo dari wangsa Mauliwarmadewa. Batu basurek ko tapahek pado aleh (lapik) patuang Amoghapāśa Lokeśvara, nan dibao dari Jawa dek ampek pajabaik Karajaan Singhasari ateh parentah Maharajo Sri Kertanagara. Tigo situs kompleks biaro paninggalan karajaan lamo tu, iyolah situs Padang Roco, situs Pulau Sawah jo situs Bukik Awang Maombiak, talatak di Nagari Siguntua di kecamatan Sitiung.

Pado maso satalah masuaknyo agamo Islam di Minangkabau, di wilayah ko badiri Karajaan Siguntua, nan para panguasonyo bagala Sutan atau Sultan. Paninggalan sijarah karajaan Islam ko antaro lain barupo naskah, musajik kuno, rumah gadang, sarato cap mohor (stempel) karajaan nan batulis jo uruf Arab.

Sabagai kabupaten nan baru, Kabupaten Dharmasraya kudian dirasmikan pado tanggal 7 Januari 2004 dek Gubernur Sumatera Barat ateh namo Menteri Dalam Negeri, dan kagiatan pamarentahan dimulai pado tanggal 10 Januari 2004 dek Pjs Bupati Dharmasraya. Pado tanggal 12 Agustus 2005, tapiliahlah Bupati jo Wakil Bupati Kabupanten Dharmasraya malalui pilkada lansuang.

Kabupaten Dharmasraya tadiri dari 11 kecamatan, nan malingkupi 52 nagari jo 260 jorong. Parincian laweh wilayah jo ibu kota satiok kecamatan tu sbb.:

Wilayah Kabupaten Dharmasraya talatak antaro 0°47'7 – 1°41'56 Lintang Selatan jo 101°9'21 – 101°54'27 Bujua Timua. Di sabalah utara babateh jo Kabupaten Sijunjung Jo Kabupaten Kuantan Singingi (Riau), di timur jo Kabupaten Tebo jo kabupaten Bungo (kaduonuyo Jambi), di selatan jo Kabupaten Bungo jo Kabupaten Kerinci (kaduonyo Jambi), sarato di barik jo Kabupaten Solok jo Kabupaten Solok Selatan.

Jumalah panduduak Kabupaten Dharmasraya badasa sensus taun 2016 adolah sabanyak 229.313 jiwa, di ma nan 118.801 jiwa adolah lalaki jo nan 110.512 jiwa adolah padusi. Sadangkan jumalah angkatan karajo kabupeten ko manuruik sensus taun 2015 adolah sabanyak 102.861 jiwa.

Manuruik sensus taun 2003, kabupaten ko diunyi dek panduduak dari baragam suku bangsa, yaitu: 

Sabauknyo baragam bana suku-suku bangsa nan di kabupaten ko, iolah karano antaro taun 1977-2002 Kabupaten Dharmasraya marupoan salah satu daerah tujuan transmigrasi dari Jawa, tarutamo dek panduduak dari Wonogiri nan tapaso pindah karano dibangunnyo Waduk Gajah Mungkur di sinan.




#Article 34: Kabupaten Lima Puluh Kota (674 words)


Kabupaten Lima Puluh Kota (disabuik juo Limo Puluah Koto) adolah salah satu kabupaten nan ado di provinsi Sumatera Barat, Indonesia. Ibu kota kabupaten iko talatak di Sarilamak. Kabupaten iko punyo wilayah salaweh 3.354,30 km2 jo bapanduduak sabanyak 348.555 jiwa (Sensus Panduduak 2010). Kabupaten iko talatak di bagian timur wilayah provinsi Sumatera  Barat atau 124 km dari Kota Padang, ibu kota provinsi.

Manuruik tukang kaba, dalam sabuah tambo Minangkabau daulunyo ado sabuah Karajaan Pariangan nan dipimpin dek Datuak Bandaro Kayo. Liau mamiliki sudaro saayah banamo Datuak Katumangguangan jo Datuak Parpatiah nan Sabatang. Suatu hari kaduo sudaro ko basuo Datuak Bandaryo Kayo untuak marundiangkan masalah padeknyo panduduak di karajaan itu. Dalam parundiangan itu basupakaiklah untuak mamindahan sabagian panduduak ka daerah pamukiman baru. Salapeh mangatahui daerah-daerah nan ka dijadian pamukiman baru, mulolah pamindahan sabagian panduduak ka tigo arah iyolah Utara, Barat, jo Timur. Daerah pamukiman baru di sabalah barat dinamoan Luhak Agam, daerah nan di timur dinamoan Luhak Tanah Data, sadangkan Datuak Sri Marajo Nan Bamego mamimpin 50 kaum manuju ka arah utara (daerah Payakumbuh-Limopuluah Koto kini). Tampek ko kudian tanamo jo namo Luhak Limo Puluah nan dalam pakambangannyo manjadi Kabupaten Lima Puluh Kota. Untuak dikana-kana sijarah asa usua namo kabupaten ko, kudian dicantuman angko 50 pado lambang daerahnyo.

Di mudiak nagari Mahat (Maek), kecamatan Suliki Gunung Mas, banyak tasuo paninggalan kabudayaan megalitikum. Di nagari ko dapek dicaliak pamandangan kumpulan batu-batu menhir jo lata balakang parak gambia nan manyarupoi panorama parak teh di daerah Puncak, Jawa Barat, Karano pamandangan ikolah, pado taun 1981 nagari Maek dimasuak dalam salah satu objek wisata dari 73 objek wisata di kabupaten ko.

Manuruik sabagian sijarawan, Minanga Tamwan barado di hulu sungai Kampar nan ado di sabalah timur kabupaten ko. Daerah ko tacantum dalam Batu Basurek Kedukan Bukik sabagai daerah asa Dapunta Hyang Sri Jayanasa, pandiri Karajaan Sriwijaya. Dalam batu basurek tu Dapunta Hyang mambaok 20.000 tantara sarato mambaok duo ratuih peti balayia jo parahu, sadang nan bajalan kaki sabanyak saribu tigo ratuih duo baleh urang. Tambo Minangkabau mancataik baso Dapunta Hyang turun dari Gunuang Marapi ka Minanga Tamwan jo katurunannyo malawehan rantau ka selatan Sumatera. Minanga Tamwan atau Minanga Kabwa dipakirokan marupokan asa usua namo Minangkabau.

Manuruik sidang paripurna DPRD Kabupaten Lima Puluh Kota ditetapkanlah Peraturan Daerah Nomor 11 Tantang Hari Jadi Kabupaten Lima Puluh Kota, tertanggal 26 November 2008, manyabuikan tanggal 13 April subagai hari jadinyo. Hal itu dek karano pado zaman Ulando wilayah Luhak Limo Puluah sacaro yuridis ado dalam wilayah Afdeeling Lima Puluh Kota nan panatapannya dilakukan pado tanggal 13 April 1841. Wakatu tu dikaluakannyo Besluit No 1 tantang reorganisasi pamarintahan Sumatras Westkust nan isinyo mambantuak 9 Afdeelingen, nan salah satunyo Afdeeling Lima Puluh Kota.

Afdeeling Lima Puluh Kota wakatu itu wilayahnya malingkupi indak hanyo Luhak Limo Puluah Kota sajo, tapi mambantang inggo ka Halaban, Lintau Buo, Koto Tujuah, jo XIII Koto. Sainggo kaputusan ko manjadi titiak awa bamulonyo administrasi pamarintahan di wilayah ko, nan kudian maalami babarapo kali reorganisasi.

Reorganisasi kaduo dilaksanokan pado tanggal 1 Januari 1865 dimano Afdeeling Lima Puluh Kota jo ibukotanyo Payokumbuah, tadiri dari duo Districten/Onderafdeelingen, yaitu: Payokumbuah (ibu kota Payokumbuah) jo Pua Data (ibukota Suliki, kini bagian dari kecamatan Gunuang Omeh). Reorganisasi katigo dilakukan pado tanggal 1 Januari 1905 dalam Staatsblad van Nederlandsch Indie No 418 dijalehan baso Afdeeling Lima Puluh Kota tadiri dari 3 Onderafdeeling, yaitu: Payokumbuah, Pua Data, sarato Mahat jo Boven Kampar (kini Kabupaten Kampar).

Afdeling Lima Puluh Kota ko balanjuik inggo zaman Japang nan banamo Lima Puluh Kota Bun, dan balanjuik pado awa kamardekaan tanggal 8 Oktober 1945 jo namo Luhak Limo Puluah Koto, dan kudian tajadi babarapo kali pakambangan pado taun 1948. Pado taun 1956 tajadi pamisahan Bangkinang dari Limo Puluah Kota nan manjadi Kabupaten Kampar, Riau, sarato pamekaran jo pambantuakan Kota Payokumbuah pado Desember 1970.

Kabupaten Lima Puluh Kota mamiliki 13 Kecamatan yaitu:

Panduduak Kabupaten Lima Puluh Kota manuruik Sensus Panduduak  Taun 2010, bajumlah 348.555 jiwa nan tadiri ateh 172.571 Laki-Laki dan 175.984 Padusi. Kabupaten Lima Puluh Kota mamiliki panduduak sapadek 98 jiwa per km², jo patumbuahan panduduak dari taun ka taun sakitar 1,11 persen per tahun.




#Article 35: Kabupaten Padang Pariaman (207 words)


Padang Pariaman adolah salah satu kabupaten nan ado di provinsi Sumatera Barat, Indonesia. Kabupaten ko mampunyoi laweh wilayah 1.328,79 km2 sarato panduduak sabanyak 391.056 urang (Sensus Panduduak 2010). Kabupaten ko baribukota di Parit Malintang, sabuah nagari di Kecamatan Enam Lingkung.

Pado 30 September 2009, tajadi gampo bumi bakakuatan 7,6 SR nan mahoyak pasisia barat Sumatera nan bapusek di parairan lauik Pariaman. Episentrum gampo barado sakitar 57 kilometer barat daya Padang Pariaman pado kadalaman 71 kilometer dari pamukaan lauik. Padang Pariaman manjadi kabupaten nan maalami guncangan paliang kuek sagadang VII MMI. Dek hal iko, Padang Pariaman manjadi daerah paliang cayia tarutamo di 17 kecamatan. Di 3 kecamatan, yaitu Patamuan, V Koto Timur, jo V Koto Kampung Dalam tajadi turun tanah nan parah dari Gunuang Tigo nan dipakirokan ado 289 urang maningga dek tatimbun. Manuruik data Satkorlak PB, total korban maningga di Padang Pariaman mancapai 675 urang.

Gampo juo marusak saranan transportasi. Saketeknyo, 37 titiak jalan maalami karusakan nan baragam mulai dari taputuih total, tatimbun, tarangkek, inggo pacah. Ado pulo jambatan-jambatan nan rusak sarupo di VII Koto Sungai Sarik, VI Lingkung, jo 2 X 11 Kayu Tanam.

Salain Padang Pariaman, wilayah lain nan maalami karusakan parah adolah Kota Padang, Kabupaten Pesisir Selatan, Kota Pariaman, Kota Bukittinggi, jo Kota Padangpanjang.




#Article 36: Kabupaten Pesisir Selatan (329 words)


Kabupaten Pesisir Selatan adolah sabuah kabupaten di Sumatera Barat, Indonesia. Kabupaten iko mamiliki laweh wilayah 5.749,89 km² jo populasi ±420.000 jiwo. Ibu kotanyo iyolah Painan.

Kabupaten Pesisir Selatan atau disabuik juo Kabupaten Pasisie Selatan, disingkek jo Pessel, sabalah utara babatehsan jo Kota Padang, sabalah timur jo Kabupaten Solok sarato Provinsi Jambi, sabalah selatan jo Provinsi Bengkulu sarato sabalah barat jo Samudera Indonesia.

Kabupaten Pesisir Selatan talatak di tapi pantai, jo garih pantai sapanjang 218 kilometer Topografinyo tadiri dari dataran, gunuang dan pabukiktan nan marupokan papanjangan guguihsan Bukik Barisan. Badasarkan panggunoan lahan, 45,29 parsen wilayah tadiri dari rimbo, tamasuak kawasan Taman Nasional Kerinci Seblat, Cagar Alam Koto XI Tarusan, jo rawang gambuit.

Namo Pesisir Selatan atau Pasisie Selatan barasa dari namo daerah iko pado maso panjajahan Balando, afdeling zuid beneden landen (dataran randah bagian salatan). Kutiko itu pado taun 1903 wilayah Banda Sapuluh Indopuro jo Kurinci manjadi afdeeling nan dipimpin dek asisten residen nan bakaduduakkan di Indopuro sabagai pusek pamarentahan.

Malalui UU no 12  Taun 1956 daerah iko manjadi kabupaten Pesisir Selatan Kerinci.  Taun 1957 jo lapehnyo Kerinci manjadi kabupaten surang di bawah provinsi Jambi, namonyo barubah manjadi Pesisir Selatan sajo.

Sabalun abaik 16, wilayah Pesisir Selatan marupakan daerah sapanjang pasisia pantai Sumatera  Barat nan tadiri dari rawang-rawang atau rao-rao dataran randah jo pabukiktan nan alah bapahuni. Pahuninyo wakatu itu masiah sangaik saketekt. Mereka barasa dari babagai nagari asa. Mereka tingga di sapanjang pasisie pantai sabagai nalayan. Sabagian mareka  datang dari padalaman Sumatera atau hulu sungai Batang Hari. Sabagian lai panyabaran dari daerah Indojati atau Aie Puro. Dan sabagian dari mareka  adolah urang-urang nan dikana sabagai Urang Rupik palarian dari daerah Sungai Pagu Muara Labuah jo sakitarnyo nan kamudian manyubarang ka Pulau Pagai.

Dipicayo sabalun abaik 16 di mano pado era iko banyak tajadi ekspansi dan migrasi dari masyarakaik Darek (Luhak Nan Tigo) ka babagai daerah nan disabuik rantau, diduga kuaik  wilayah Pesisir Selatan Tarusan Bayang dan Banda Sepuluh alah didiami dek masyarakaik dari Inderapura karano karajaan Teluk Air Pura alah eksis samanjak abaik 9 Masehi, samantaro kerajaan Sungai Pagu baru badiri pado abaik 17 Masehi, baitu pulo karajaan Pagaruyung nan juo baru tagak pado abaik 17.




#Article 37: Kabupaten Solok (795 words)


Kabupaten Solok adolah salah satu kabupaten nan ado di provinsi Sumatera Barat, Indonesia. Kabupaten iko marupokan  kabupaten produksi bareh paliang banyak di Sumatera Barat, nan tanamo jo Bareh Solok.

Sacaro geografis latak Kabupaten Solok barado antaro 00° 32’ 14’’ dan 01° 46’45” Lintang Selatan dan 100° 25’ 00” jo 101° 41’ 41” Bujur Timur. Topografi wilayahnyo ado dataran, lambah jo bukik-bukik, katinggian antaro 329 meter – 1 458 meter di ateh pamukoan lauik.

Kabupaten Solok mampunyoi danau, antaronyo itu adolah Danau Singkarak, Danau Kamba (Danau Diateh jo Danau Dibawah), jo Danau Talang. Salain itu, Kabupaten Solok punyo pulo ciek gunuang barapi, iyolah Gunuang Talang. Dicaliak dari lataknyo, posisi Kabupaten Solok  strategis karano disampiang tampek jalur Jalan Lintas Sumatra, daerahnyo juo babateh langsuang jo Kota Padang salaku ibu kota Provinsi Sumatra Barat.

Ditinjau dari komposisi pemanfaatan lahan, pado tahun 2010 sabanyak 38.88% wilayah Kabupaten Solok masih punyo status hutan negara jo 15.99% bastatus hutan rakyat. Sadangkan nan diolah rakyat untuak baladang sakitar 10.37%, sarato nan dikelola dek parusahaan pakabunan sabanyak 2.18%. Pamanfaatan lahan untuak sawah labiah kurang 6.30% dan marupoan areal sawah paliang gadang di Sumatra Barat.

Sabagai lumbuang padi di Sumatra Barat, pado taun 2010  sawah nan paliang lueh di Kabupaten Solok adolah sawah di Kecamatan Gunung Talang, kamudian diikuti dek Kecamatan Kubung, jo Kecamatan Bukit Sundi. Kecamatan-kecamatan lain luas sawahnyo masih di bawah angko 3000 Ha.

Samanjak pusat pamarintahan dialihkan ka Arosuka sabagai ibu kota Kabupaten Solok, jarak tampuah ka Kota Padang  manjadi samakin pendek yaitu 40 km. Sadangkan jarak ka Kota Medan 825 km jo ka Banda Aceh kiro-kiro 1.433 km. Disisi lain , ado panamabahan saketek  jarak kalau ka pai dari ibu kota kabupaten ka ibu kota provinsi lain contohnyo Pekanbaru (231 km), Jambi (495 km), Palembang via Muara Enim (993 km), Bengkulu via Muaro Bungo (736 km) sarato Bandar Lampung (1 170 km).

Pamekaran wilayah Kabupaten Solok pado akhia taun 2003 malahiakan ciek kabupaten baru yaitu Kabupaten Solok Selatan. Jo tajadinyo pamekaran iko berarti luas wilayah Kabupaten Solok ado pangurangan sacaro signifikan dari semulo , yaitu dari 708.402 Ha (7.084.02 km²) manjadi 373.800 Ha (3.738.00 km²).

Daulu wilayah Solok (tamasuak kota Solok jo kabupaten Solok Selatan) marupoan wilayah rantau dek Luhak Tanah Datar, nan sasudah itu tanamo jo Luhak Kubuang Tigo Baleh. Di sampiang itu wilayah Solok ko juo marupoan daerah nan dilewati dek nenek moyang Alam Surambi Sungai Pagu nan barasa dari Tanah Datar jo diasabuik juo jo nenek kurang aso anam puluah. paristiwa iko kiro-kiro tajadi pado abad 13 sampai 14 Masehi.

Kabupaten Solok bukanlah daerah baru karano Solok alah ado jauah sabalum undang-undang pambantuakan wilayah dikaluakan. Pado maso panjajahan Belando dulu tapeknyo tanggal 9 April 1913, namo Solok alah  digunokan sabagai namo sabuah unit administrasi satingkek kabupaten yaitu Afdeeling Solok sabagaimano disabuik an  di dalam Besluit Gubernur Jenderal Belanda nan kamudian dimuek di dalam Staatsblad van Nederlandsch-Indie. Sajak dilakekan  namo Solok satingkek jo kabupaten taun 1913 sampai kini, Solok tetap digunokan sabagai namo wilayah administratif pemerintahan satingkek kabupaten/kota.

Pado taun 1970, ibu kota Kabupaten Solok bakambang jo ditetapkan manjadi sebuah kotamadya jo namo Kota Solok. Barubah statusnyo Ibukota Kabupaten Solok manjadi sabuah wilayah pamerintahan baru indak sarato jo pamindahan ibu kota ka lokasi baru. Pado taun 1979 Kabupaten Solok baru mamindahan pusat palayanan pamerintahan dari Kota Solok ka Koto Baru, Kecamatan Kubung, namun secaro yuridis Ibu kota Kabupaten Solok masih tetap  di Solok.

Jo dikaluakannyo Undang-undang nomor 22 tahun 1999 tantang Pamarintahan Daerah, pamarintah kabupaten/kota diagiah kawenangan nan nyato jo luas sarato tangguang jawab panuah untuak maatua daerahnyo masiang-masiang. Kabupaten Solok nan katiko itu salueh 7.084,2 Km² punyo kasempatan untuak maatua latak wilayah administrasi pamatinhannyo. Penataan patamo dilakukan pado tahun 1999. Sasudah itu pado tahun 1980, manjadikan kecamatan sabanyak 13 kecamatan induk  lalu ditingkatkan manjadi 14 sementaro jumlah desa jo kelurahan masih tetap samo.

Pado tahun 2001 dikarajoan penataan ulang nan sajalan jo sumangek babaliak banagari di Kabupaten Solok. Sabalumnyo ado sabanyak  14 kecamatan, 11 Kantor Perwakilan Kecamatan, 247 desa dan 6 kelurahan, kamudian diubah pado tahun iko manjadi 19 kecamatan, 86 Nagari, dan 520 jorong. Wilayah administrasi iko ditetapkan jo Perda nomor 4 tahun 2001 tantang pamarintahan Nagari jo Perda nomor 5 tahun 2001 tantang Pemetaan dan Pembentukan Kecamatan.

Pado akhira tahun 2003, Kabupaten Solok dipisahkan manjadi  duo kabupaten yaitu Kabupaten Solok jo Kabupaten Solok Selatan. Pamekaran iko dilakukan jo dasa Undang-undang Nomor 38 tahun 2003. Dek karano iyu, lueh Kabupaten Solok manjadi 4.594,23 Km². Pamekaran iko badampak ka pangurangan jumlah wilayah administrasi Kabupaten Solok manjadi 14 Kecamatan, 74 Nagari jo 403 Jorong.

Pamarintah Kabupaten Solok mangaluakan  Perda Nomor 2 tahun 2009 tantang Penetapan Hari Jadi Kabupaten Solok nan hasianyo adolah tanggal 9 April 1913 ditantuaan sabagai hari lahia nyo Kabupaten Solok. Tanggal 9 April 2010, marupakan patamo kali Kabupaten Solok marayoan hari jadinyo nan ka  97.




#Article 38: Karajaan Pagaruyuang (135 words)


Karajaan Pagaruyuang atau Pagaruyuang adolah Karajaan Malayu nan pernah badiri, maliputi propinsi Sumatra Barat nan ado kini jo daerah-daerah di sakitarnyo. Namo karajaan iko dirujuak dari Tambo masyarakaik Minangkabau, iyolah namo sabuah nagari nan banamo Pagaruyuang. Karajaan iko akhianyo runtuah pado maso Parang Padri. Ditandotanganinyo pajanjian antaro kaum Adaik jo pihak-pihak Balando menjadiaan karajaan Pagaruyuang barado dalam pangawasan Balando.
Sabalunnyo karajaan iko tagabuang dalam Malayapura basamo jo karajaan Dharmasraya, sarato karajaan-karajaan atau daerah-daerah lain nan di taklukan Adityawarman.

Dari Tambo nan ditarimo dek masyarakaik Minangkabau indak ado nan mambarikan penanggalan dari satiok kajadian nan balaku, jikok maanggap Adityawarman  adolah pandiri dari karajaan iko, tambo sandiri indak jaleh manyabuiknyo. Namun dari babarapo batu basurek zaman Adityawarman, manunjukan Adityawarman tu memang parnah manjadi rajo di nagari tu, tapeknyo manjadi Tuan Saruaso, sarupo panafsiran dari batu basurek Batusangka.




#Article 39: Karajaan Sriwijaya (178 words)


Sriwijaya marupoan suatu karajaan Melayu kuno nan barado di pulau Sumatra, sarato banyak pangaruahnyo di kapulauan Nusantara. Bukti awal tantang adonyo karajaan iko barasa dari abaik ka-7. Surang pandeta Cino banamo I-Tsing lah manulih bahaso inyo panah datang ka Sriwijaya taun 671, salamo 6 bulan. Batu basurek patamo tantang Sriwijaya ko barasa dari abaik ka-7, iyolah Batu basurek Kedukan Bukit di Palembang, Sumatra Selatan, taun 683. Karajaan ko mulai mundua antaro taun 1200 dan 1300 karano babagai sabauk, tamasuak juo lantaran adonyo ekspansi dek karajaan Majapahit. Dalam bahaso Sansekerta, sri aratinyo bacahayo, wijaya aratinyo kamanangan.

Sasudah Sriwijaya hancua, karajaan ko indak lai taingek dek urang rami, dan para sijarawan lupo pulo tantang adonya karajaan iko. Sriwijaya mulai dikana lai taun 1918, ateh karajo sijarawan Parancih George Coedès dari École française d'Extrême-Orient. Antaro taun 1992 sampai 1993, Pierre-Yves Manguin lah maagiah bukti bahaso pusek Sriwijaya adonyo di Sungai Musi, tapeknyo antaro Bukik Seguntang jo Sabokingking (kini ko di provinsi Sumatra Selatan, Indonesia). 
Pado taun 1088, Karajaan Melayu Jambi nan daulunyo barado di bawah linduangan Sriwijaya, manjadian Sriwijaya nagara bawahannyo.




#Article 40: Karate (106 words)


Karate (空 手 道)  adolah ulahrago dan juo seni bela diri nan barasa dari Japang. Seni bela diri karate dibaok masuak ka Japang lewat Okinawa. 
Seni bela diri iko partamo kali disabuik Tote, nan bamaksuik Tangan Cino. Waktu karate masuak ka Japang, sentimen nasionalisme urang-urang Japang sadang tinggi, sahinggo Sensei Gichin Funakoshi mangubah kanji Okinawa (Tote bamaksuik Tangan Cino) dalam kanji Japang manjadi 'karate' (tangan kosong) supayo labiah mudah ditarimo dek masyarakaik Japang pado umumnyo.

Pado zaman kini, karate dapek dibagi manjadi aliran tradisional jo aliran ulahrago. Aliran tradisional labiah mamantiangan aspek bela diri jo teknik tempur, samantaro aliran ulahrago labiah manumpuan kapado teknik-teknik untuak 
patandiangan.




#Article 41: Keju (206 words)


Keju adolah sabuah  nan dihasilan dangan mamisahan zat-zat padek dalam  malalui proses pamakekan atau . Proses pamakekan iko dilakuan dangan bantuan  atau  tatantu nan disabuik . Hasil dari proses tasabuik nantinyo ka dikeringan, diproses, jo diawetan dangan babagai macam caro. Dari sabuah susu dapek diproduksi babagai variasi produk keju. Produak-produak keju bavariasi ditentuan dari tipe susu, caro pamakekan, temperatur, caro pamotongan, pangaringan, pemanasan, juo proses pamatangan keju jo pengawetan. Umumnyo hewan nan dijadian sumber aia susu adolah . Aia susu , , , , atau  digunoan pado babarapo tipe keju lokal.

Makanan iko dikenal di saluruah dunio, namun didugo partamo kali dikenal di ranah sakitar . Walaupun indak dapek dipastian bilo keju partamo kali ditemukan, manuruik  keju partamo kali ditemuan sacaro indak sangajo dek saurang pangembara dari .

Keju mamiliki ampia kasado kandungan nutrisi pado susu, sarupo jo , , , , jo  namun juo  jo  nan dapek manyababan masalah kesehatan apobilo dikonsumsi sacaro balebiahan, Basaran kandungan lamak dalam keju tergantung pado jinih susu nan digunoan. Keju nan dibuek dangan susu murni atau nan lah ditambah dangan krim mamiliki kandungan lamak, kolesteroll, jo  nan tinggi. Keju sangaik bamanfaat karano kayo ka protein, tarutamo bagi anak ketek, karano mareka mambutuahan protein nan labiah sambuah dibandingkan urang dewasa.




#Article 42: Kelok Ampek Puluah Ampek (113 words)


Kelok Ampek Puluah Ampek (ditulih juo Kelok 44) adolah suatu jalan nan bakelok-kelok nan tadapek di Kabupaten Agam, Sumatera Barat. Kelok 44 dimulai di sabalah atehnyo dari Bukittinggi, nan kudian sapanjang 10 km bakelok-kelok malalui tanah babukik-bukik nan samakin manurun manuju ka lambah Danau Maninjau di sabalah bawahnyo.

Kelok 44 ko iyo bana bajumlah ampek puluah ampek keloknyo. Satiok kelokan patah bana keloknyo, jo masiang-masiang banomor nan baurutan. Sapanjang jalan dari Bukittinggi manuju Danau Maninjau, urang-urang palancuang () ka mancaliak pamandangan nan rancak bana barupo sawah-sawah nan babantuak terasering, pincuran-pincuran aia dari sungai nan batingkek-tingkek, sarato hijaunyo deretan Bukit Barisan. Kelok 44 marupoan pairik paratian (ikon) dalam patandiangan karetangin tanamo Tour de Singkarak.




#Article 43: Kirgizstan (107 words)


Kirgizstan adolah nagara di Asia Tengah.

Kirgizstan dibagi kapado 7 oblast (jamak: oblasttar; dari bahasa Rusia nan bararti wilayah atau provinsi) dan 1 kota (shaar). Selain Bishkek, ibu kota provinsi Osh, Osh, juo mempunyai status shaar. Ketujuh oblast dan duo shaar tersebut adolah (disertai namo ibu kota dalam kurung):

Oblast kudian dibagi lai kapado raions (distrik), nan diperintah para pajabaik nan dilantik dek pamarentah pusat. Komunitas luar kota, nan berjumlah sampai 20 pamukiman kecil, mempunyai kakuasaan sendiri jo wali kota dan dewan kota.

Kirgizstan talatak di rangkaian pegunungan Tian Shan. Issyk Kul adolah danau tagadang di Kirgizstan dan danau pegunungan tagadang kaduo di dunia sasudah Danau Titicaca. 




#Article 44: Kota Bukittinggi (149 words)


Kota Bukittinggi () adolah salah satu kota di provinsi Sumatera Barat, Indonesia. Kota iko pernah manjadi ibu kota Indonesia pado maso Pamarintahan Darurat Repubik Indonesia, di bawah pamarintahan Syarifuddin Prawiranegara.
 
Bukittinggi sabalumnya disabuik jo namo Fort de Kock dan daulunyo pernah juo dijuluki sabagai Parijs van Sumatra salain Kota Medan. Kota iko marupoan tampek lahia babarapo tokoh pantiang Indonesia, diantaronyo adolah Mohammad Hatta dan Assaat, nan masiang-masiang marupuoan proklamator.

Salain sabagai kota perjuangan, Bukittinggi juo terkenal sabagai kota wisata nan sajuak, dan basudaro (sister city) jo Seremban di Nagari Sembilan, Malaysia. Saluruah wilayah kota ko babatehan langsuang jo Kabupaten Agam. Tampek wisata nan rami dikunjungi adolah Jam Gadang, iyolah sabuah menara jam mirip Big Ben nan talatak di jantuang kota sakaligus manjadi simbol bagi kota nan talatak di tapi sabuah lambah nan banamo Ngarai Sianok. Ado pulo dakek situ Lubang Japang tampek balinduang tantaro Japang sangkek jaman parang daulu.




#Article 45: Kota Padang (3342 words)


Kota Padang (Jawi: كوت ڤادڠ) adolah kota nan paliang gadang di pasisia barat pulau Sumatera sakalian manjadi ibukota provinsi Sumatera Barat, Indonesia.

Namo kota iko, kini dirujuak juo sabagai sabutan lain untuak urang Minangkabau. Salain itu disamekan pulo untuak manyabuik namo masakan khas etnis iko nan biasonyo tanamo jo Masakan Padang.

Hal lain nan tanamo dari kota Padang iyolah angkotnyo.

Alun ado data nan pasti sia nan maagiah namo kota ko jo kato Padang. Dipakirokan kota ko pado bamulo dari sabuah lapangan atau dataran nan amaik laweh nan dinamokan Padang. Dalam bahaso Minang, kato padang dapek juo bamukasuik samacam sinjato padang nan panjang.

Manuruik tambo, saedaran kota ko dulunyo marupoan bagian dari wilayah rantau nan ditaruko dek parantau-parantau Minangkabau dari dataran tinggi atau darek, utamonyo nan dari Solok-Salayo. Tampek bamukim partamonyo adolah di kampuang-kampuang nan talatak di tapi selatan Batang Arau (di tampek nan kini banamo Subarang Padang). Kampuang-kampuang baru kudian ditaruko ka arah utara pamukiman awa tasabuik, nan kasadonyo tamasuak Kanagarian Padang dalam adaik Nan Salapan Suku, iyolah :

Adopulo kaum pandatang dari rantau pasisia lainnyo, iyolah dari Painan, Pasaman, jo Tarusan.

Takah kawasan rantau Minangkabau lainnyo, pado mulonyo kawasan pasisia barat Sumatera ado di bawah pangaruah Karajaan Pagaruyuang. Samantaro itu, pado mulo abaik ka-17 kawasan ko alah dikuasoi dek Kasultanan Aceh. Tibonyo banso asiang di Kota Padang bamulo dek kunjungan palauik Inggirih pado taun 1649. Kota ko kudian mulai bakambang samanjak tibonyo Vereenigde Oost Indische Compagnie (VOC) pado taun 1663 nan diiriangi jo galombang rantau panduduak Minangkabau dari kawasan darek.

Salain muaronyo nan rancak, VOC cinan mambangun palabuahan kapa jo pamukiman baru di pasisia barat Sumatra untuak mamudahan jalan dagang ka kawasan padalaman Minangkabau. Salanjuiknyo pado taun 1668, VOC bajayo mausia pangaruah Kasultanan Aceh jo mananaman pangaruahnyo di sapanjang pantai barat Sumatera, bak cando nan tatulih pado surek Regent Jacob Pits ka bakeh Rajo Pagaruyuang nan barisikan pinta untuak dilakuannyo ubuangan dagang baliak jo mandistribusian ameh ka kota ko. VOC bajayo mangambangkan Kota Padang dari kampuang-kampuang nalayan manjadi kota metropolitan pado abaik ka-17. Padang manjadi kota labuahan kapa nan rami untuak manggaleh ameh, teh, kopi, jo rampah-rampah. Dalam pakambangannyo, pado 7 Agustus 1669 malatuihlah pagolakan rakyaik Pauh jo Koto Tangah malawan monopoli VOC. Walau dapek diradam dek VOC, kajadian ko kudian kajadian ko dikana manjadi taun lahia Kota Padang.

Tarago tu banso Eropa siliah baganti maambiak aliah kuaso di Kota Padang. Pado taun 1781, dek rangkaian Parang Inggirih-Balando Kaampek, Inggirih bajayo manguasoi kota ko.  Namun, sasudah ditandotanganinyo Pajanjian Paris pado taun 1784 kota ko dibaliakan ka VOC. Pado taun 1793 kota ko taleso dijarah jo dikuasoi dek parompak Parancih nan bamarkas di Mauritius banamo François Thomas Le Même, nan upayonyo diapresiasi dek pamarintah Parancih wakatu itu jo maagiah panghargaan. Kudian pado taun 1795, Kota Padang diambiak aliah baliak dek Inggirih. Namun, salapeh paparangan era Napoleon, pado taun 1819 Balando mangklaim baliak kawasan ko nan kudian dikukuahan malalui Traktat London, nan ditandotangani pado 17 Maret 1824.Pado taun 1837, pamarintah Hindia Balando manjadian Padang sabagai pusek pamarintahan wilayah Pasisia Barat Sumatra (Sumatra's Westkust) nan wilayahnyo tadiri dari Sumatra Barat jo Tapanuli kini. Kudian kota ko manjadi daerah gemeente sajak 1 April 1906 sasudah kaluanyo ordonansi (STAL 1906 No. 151) pado 1 Maret 1906. Inggo Parang Dunia II, Padang marupokan salah satu dari limo kota palabuahan paliang gadang di Indonesia, salain Jakarta, Surabaya, Medan, jo Makassar. Kudian palimo Angkatan Darek Japang untuak Sumatra basobok jo baliau untuak marundiangan nasib Indonesia salanjuiknyo. Salapeh Japang dapek mangandalian situasi, kota ko kudian dijadian sabagai kota administratif untuak urusan pambangunan jo karajo umum.Kaba Indonesia mardeka pado 17 Agustus 1945 baru sampai ka Kota Padang akhia bulan Agustus. Namun, pado 10 Oktober 1945 Tantara Sakutu alah masuak ka Kota Padang malalui Palabuahan Taluak Bayua, dan kudian kota ko diduduaki salamo 15 bulan. Pado tanggal 9 Maret 1950, Kota Padang dibaliakan ka Republik Indonesia nan sabalunnyo manjadi nagara bagian Republik Indonesia Serikat (RIS) malalui surek kaputusan Presiden RIS nomor 111. Kudian, manuruik Undang-Undang Nomor 225 taun 1948, Gubernur Sumatra Tangah sangkek tu malalui surek kaputusan nomor 65/GP-50, pado 15 Agustus 1950 manatapan Kota Padang sabagai daerah otonom. Wilayah kota dipalaweh, samantaro status kawedanan Padang diapuih jo urusannyo bapindah ka Wali Kota Padang. Pado 29 Mai 1958, Gubernur Sumatera Barat malalui Surat Keputusan Nomor 1/g/PD/1958, sacaro de facto manatapan Padang manjadi ibu kota provinsi Sumatera Barat, dan sacaro de jure taun 1975, nan ditandoi jo kaluanyo Undang-Undang Nomor 5 taun 1974. Pamarintah pusek kudian mangaluakan Peraturan Pamarentah Nomor 17 taun 1980, nan manatapan parubahan bateh-bateh wilayah Kota Padang sabagai pamarintah daerah. Manuruik Rencana Jangka Panjang Manangah Nasional 2015-2019, pamarintah pusek manatapan Kota Padang, basamo Kabupaten Padang Pariaman jo Kota Pariaman untuak pangambangan wilayah metropolitan Palapa (Padang—Lubuak Aluang—Pariaman)..

Pado tanggal 30 September 2009, kota iko mandapek musibah gampo bakakuatan 7.6 Skala Richter, nan manyababkan kahancuran 25% infrastruktur nan ado di kota iko.

Kota Padang talatak di pantai barat pulau Sumatra, laweh kasaluruhan 694,96 km² atau sataro jo 1,65% dari laweh provinsi Sumatra Barat. Labiah dari 60% dari laweh Kota Padang barupo pabukitan nan ditutuik dek hutan linduang. Hanyo sakitar 205,007 km² wilayah nan marupoan daerah efektif pakotaan. Daerah pabukitan mambantang di bagian timur dan selatan kota. Bukik-bukik nan tanamo di Kota Padang di antaronyo adolah Bukik Lampu, Gunuang Padang, Bukik Gado-Gado, jo Bukik Pagambiran. Kota Padang punyo garih pantai sapanjang 68,126 km di daratan Sumatra. Salain itu, ado pulo 19 buah pulau ketek, di antaronyo iyolah Pulau Sikuai lawehnyo 4,4 ha di Kecamatan Bungus Taluak Kabuang, Pulau Toran salaweh 25 ha jo Pulau Pisang Gadang di Kecamatan Padang Selatan.

Pado taun 1833, Residen James du Puy malaporan tajadi gampo bumi nan dipakiroan bakakuatan 8.6–8.9 skala Richter di Padang nan manjadi sabab tajadinyo tsunami. Sabalunnyo pado taun 1797, dipakiroan dek para ahli panah tajadi gampo bumi bakakuatan 8.5–8.7 skala Richter, nan  manimbulan tsunami pulo di pasisia Kota Padang jo mambuek karusakan pado kawasan Pantai Aia Manih. Pado 30 September 2009, kota ko dihoyak gampo bumi baliak bakakuatan 7,6 skala Richter, jo titiak pusek gampo di lauik pado 0.84° LS dan 99.65° BT nan kadalamannyo 71 km, nan manyababan hancuanyo 25% infrastruktur di kota ko.

Katinggian di wilayah daratan Kota Padang amaik bavariasi, iyolah antaro 0 m sampai 1.853 m di ateh pamukaan lauik jo daerah tatinggi adolah Kecamatan Lubuak Kilangan. Suhu udaronyo cukuik tinggi, iyolah antaro 23 °C–32 °C pado siang hari dan 22 °C–28 °C pado malam hari, jo kalambabannyo di antaro 78%–81%. Kota Padang mamiliki banyak batang aia, iyolah 5 batang aia gadang jo 16 batang aia ketek, jo nan tapanjangnyo iyolah Batang Kandih sapanjang 20 km. Tingkek curah hujan Kota Padang mancapai rato-rato 405,58 mm per bulan jo rato-rato ari ujan 17 ari per bulan. Tingginyo curah ujan mambuek kota ko cukuik rawan jo banjir. Pado taun 1980 2/3 kawasan kota ko panah tarandam banjir karano saluran drainase kota nan bamuaro utamo ka Batang Arau indak talok manampuang baliak limpahan aia tasabuik.

Kota Padang tadiri dari 11 kecamatan nan tabagi dek 104 kelurahan. Kecamatan Koto Tangah marupakan kecamatan jo laweh wilayah paliang gadang, sadang Kecamatan Padang Barat mampunyoii wilayah paliang ketek.

Kota Padang mamiliki karakteristik ruang pakotaan nan maadok Samudera Hindia jo bakuliliang Pagunuangan Bukik Barisan. Pakambangan kawasan urban di Padang bageaak ka arah utara jo timur dari kawasan kota tuo di muaro Batang Arau. Panataan wilayah kota kini ko maacu pado Paraturan Daerah (Perda) tantang Rencana Tata Ruang Wilayah (RTRW) Kota Padang taun 2010–2030. Sajalan jo pambangunan kota nan babasis mitigasi bancano, wilayah timur Padang dikambangan sabagai kawasan pamukiman dan pusek pandidikan, sadangkan wilayah barat nan badakekan jo pantai marupoan kawasan komersial pakotaan sarato pusek bisnis. Pamindahan pusek pamarintahan Kota Padang ka wilayah timur (Aia Pacah, Koto Tangah) pado taun 2010 adolah salah satu upayo mangurangi konsentrasi panduduak di kawasan tapi lauik.

Dari sisi arsitektur, bangunan nan ado di Kota Padang kini sadang dalam transformasi mabaliakan tradisi dalam bantuak ekspresi arsitektur modern nan mampatahankan sisi tradisional. Kota ko sacaro umum mampu maimbangi pakambangan bantuak arsitektur lua nan taruih muncua di satiok kota di Indonesia jo seni arsitektur tradisionalnyo. Hal ko juo tampak salain pado bangunan tasuo pulo bamacam gapura pado babarapo rueh jalan jo ciri khas atok gonjong. Gonjong ko marupokan salah satu bagian simbol etnik, marepresentasikan makna filosofi Minangkabau nan tarabstrasikan ka dalam bantuak bangunan. Walaupun kini alah tajadi pageseran nilai budayo maancam eksistensi nilai-nilai nan masih asali, masyarakaik Minang pun maraso baso citra arsitektur vernakularnyo cukuik tawakili dek atok gonjong sajo.

Sabalunnyo dari ilia Batang Arau manuju Muaro Pantai Padang ado babarapa bangunan tuo jo ciri arsitektur Eropa nan disasuaikan jo gaya model untuak daerah tropis antaranyo NHM (Nederlansche Handels-Maatschappij), Padangsche Spaarbank, De Javansche Bank, dan NV Internatio nan didirian sabalum 1920 nan manjadi saksi bisu jajak kolonial nan tatingga.

Sajak taun 1995, Pamarintah Kota Padang alah mulai mangambangkan hutan kota tamasuak Ruang Terbuka Hijau (RTH) nan bafungsi maningkekan kualitas lingkungan iduik pakotaan nan nyaman jo elok, juo sabagai salah satu sarana rekreasi sakali utamonyo untuak warga kotanyo. RTH nan ado di kota ko iyolah RTH Taman Melati jo RTH Imam Bonjol nan juo bafungsi sabagai alun-alun kota. Di kawasan Pantai Padang, adopulo Taman Muaro Lasak nan dilangkoki jo Monumen Merpati Perdamaian. Monumen tasabuik dirasmikan dek Presiden Joko Widodo dalam rangka Multilateral Naval Exercise Komodo 2016.

Pado sailiran Batang Kuranji ado Utan Kota Delta Malvinas nan marupokan habitat untuak bangau dan buayo kaciak putiah. Samantaro pado Kecamatan Lubuk Kilangan, ado Taman Utan Raya Bung Hatta, nan marupokan kawasan konservasi palestarian plasma nutfah flora utan salaweh 240 ha. Taman Utan Raya ko babatehan jo Kabupaten Solok, dan alah dimanfaatkan sabagai tampek wisata alam, sarana pandidikan jo panalitian sarato juo bafungsi hidroorologi jo panangka polusi khususnyo untuak Kota Padang.

Kota Padang mandapek piala Adipura untuak partamo kalinyo pado taun 1986 dari Presiden Soeharto dek prestasinyo manjadi salah satu kota paliang barasiah di Indonesia. Salanjuiknyo pado taun 1991 kota ko juo mandapek Adipura Kencana. Inggo taun 2009 Kota Padang alah mandapek 17 kali piala Adipura salama 4 periode panilaian. Salapan taun sasudah Gampo Bumi 2009 nan maancuakan sarana jo prasarana kota, Padang baliak maraiah piala Adipura untuak ka-18 kalinyo pado taun 2017.

Kota Padang marupokan kota jo jumlah panduduak paliang banyak di Provinsi Sumatra Barat. Manuruik sensus panduduak nan dilakukan Badan pusek Statistik (BPS) taun 2010, jumlah panduduak Kota Padang adolah sabanyak 833.584 urang. Jumlah tu manunjuakan panurunan nan signifikan dari data panduduak taun 2008 (856.815 urang) dek gampo bumi 2009. Pado akhia taun 2014, Dinas Kependudukan dan Pencatatan Sipil (Disdukcapil) Kota Padang malaporan jumlah panduduak sabanyak 1.000.096 urang jo rincian 273.915 Kapalo Kaluarga nan tadiri dari 507.785 urang laki-laki jo 492.306 padusi. Pado taun 2009 kota ko basamo jo  Makassar, Denpasar, dan Yogyakarta, ditatapan dek Kemendagri sabagai ampek kota proyek pacontohan panerapan Kartu Tando Panduduak (KTP) babasis Nomor Induak Kapandudukan (NIK) di Indonesia.

Panduduak Padang rami nan dari etnis Minangkabau. Etnis lain nan juo bamukim di siko adolah Jao, Tionghoa, Nieh, Mentawai, Batak, Aceh, dan Tamil. Urang Minang di Kota Padang marupoan parantau dari daerah lainnyo dalam Provinsi Sumatra Barat. Pado taun 1970, jumlah pandatang sabanyak 43% dari saluruah panduduak, jo 64% barasa dari daerah-daerah lainnyo dalam provinsi Sumatra Barat. Pado taun 1990, dari jumlah panduduak Kota Padang, 91% barasa dari etnis Minangkabau.

Urang Nieh sempat manjadi kalompok minoritas paliang gadang pado abaik ka-19. VOC mambaoknyo sabagai budak sajak mulo abaik ka-17. Sistem pabudakan diakhiri pado taun 1854 dek Pangadilan Nagari Padang. Pado mulonyo urang Nieh tingga di Kampuang Nieh, namun kudian banyak tingga di Gunuang Padang. Cukuik banyak juo urang Nias nan manikah jo urang Minangkabau. Salain itu, ado pulo nan manikah jo urang Eropa jo Tionghoa. Banyaknyo panikahan campuran ko manurunkan persentase urang Nieh di Padang.

Balando kudian mambaok juo urang Jaok sabagai pagawai jo tantara, sarato ado juo nan manjadi tukang di parak-parak. Salanjuiknyo, pado abaik ka-20 urang Jao banyak nan datang sabagai transmigran. Salain itu, urang Madura, Ambon dan Bugih juo panah manjadi panduduak Padang, sabagai tantara Balando pado maso parang Pidari. Panduduak Tionghoa datang indak lamo sasudah pandirian pos VOC. Urang Tionghoa di Padang nan biaso disabuik jo Cino Padang, sabagian gadang alah mambaur dan biasonyo babahaso Minang. Pado taun 1930 paliang indak 51% marupokan parantau generasi katigo, jo 80% adolah Hokkian, 2% Hakka, sarato 15% Kwongfu.

Urang Tamil atau katurunan India kamungkinan datang basamo tantara Inggris. Daerah hunian urang Tamil di Kampuang Kaliang marupokan pusek niago. Sabagian gadang darinyo nan bamukim di Kota Padang alah malupokan budayonyo. Urang-urang Eropa dan Indo nan panah mauni Kota Padang mailang salamo taun-taun di antaro kamardekaan (1945) jo nasionalisasi parusahoan Balando (1958).

Mayoritas panduduak Kota Padang mamaluak agamo Islam. Banyak pamaluaknyo nan urang Minangkabau. Agamo lain nan dianuik di kota ko adolah Kristen, Buddha, dan Khonghucu, nan kabanyakan dianuik dek panduduak bukan dari etnis Minangkabau. Baragam tampek ibadaik juo ditamui di kota ko. Salain didominasi dek musajik, gareja jo klenteng ado juo di Kota Padang.

Musajik Rayo Gantiang marupakan musajik tatuo di kota ko, nan dibangun kiro-kiro taun 1700. Sabalunnyo musajik ko ado di kaki Gunuang Padang sabalun bapindahan ka lokasi kini. Babarapo tokoh nasional panah salat di musajik ko di antaranyo Soekarno, Hatta, Hamengkubuwana IX dan A.H. Nasution. Bahkan Soekarno sempat agiah pidato di musajik iko . Musajik ko juo panah manjadi tampek embarkasi haji malalui palabuahan Emmahaven (kini Taluak Bayua) wakatu itu, sabalun dipindahan ka Asrama Haji Tabiang kini.

Gareja Katholik jo arsitektur Balando alah batagak sajak taun 1933 di kota ko, walaupun French Jesuits alah mulai malayani umaiknyo sajak dari taun 1834, sairiang batambahnyo populasi urang Eropa wakatu itu.

Dalam rangka mandorong gairah panghayatan kahidupan baragamo utamonyo untuak pamaluak agamo Islam pado taun 1983 untuak partamo kalinyo di kota ko diadoan Musabaqah Tilawatil Qur'an (MTQ) tingkek nasional nan ka-13.

Kota Padang sajak dari zaman kolonial Balando alah manjadi pusek pandidikan di Sumatra Barat. Tacataik pado taun 1864, jumlah pelajar nan tadaftar di sikolah nan ado di kota ko sabanyak 237 urang.

Untuak maagiahan palayanan jo kamudahan ka siswa sarato urang tuo murid, pamarintah kota bakarajo samo jo UNP sarato Telkom sajak 1 Juli 2010 nan manyalanggaroan baliak Panarimoan Siswa Baru (PSB) Online untuak sikolah nagari janjang SMP jo SMA, sarato parbaikan pola jo sistem jiko dibandingan jo taun sabalumnyo. Sistem nan alah diterapan sajak taun 2006 ko, akan mamotivasi sakaligus mamudahan saluruah siswa nan nio malanjuikan pandidikannyo di masiang-masiang tingkek pandidikan. Siswa dapek mamiliah sikolah favoritnyo manuruik rangking nilai nan didapeknyo sarato dapek dikatahui sacaro langsuang jo transparan.

Kota Padang punyo puluhan perguruan tinggi, sapuluah di antaronyo babantuak universitas. Universitas Andalas (Unand) nan balokasi di Limau Manih diresmian dek Wakil Presiden patamo Mohammad Hatta pado taun 1955 sabagai universitas tatuo di lua Jawa. Pado taun 2014, Unand manjadi universitas patamo di Sumatra nan mandapekan paringek A untuak akreditasi paguruan tinggi dari Badan Akreditasi Nasional Perguruan Tinggi (BAN-PT). Paguruan tinggi nagari lainnyo nan ado di Kota Padang yakni Universitas Negeri Padang (UNP) di Aia Tawa, Universitas Islam Negeri Imam Bonjol (UIN-IB) di Lubuak Lintah, Politeknik Negeri Padang di Limau Manih, Politeknik Kesehatan Padang di Siteba, jo Politeknik ATI Padang di Tabiang. Sajumlah paguruan tinggi swasta ado pulo di kota ko, sarupo Universitas Bung Hatta, Universitas Baiturrahmah, Universitas Ekasakti, Universitas Tamansiswa, Universitas Putra Indonesia, Universitas Muhammadiyah Sumatra Barat, Institut Teknologi Padang, jo Universitas Dharma Andalas.

Perpustakaan Daerah Sumatra Barat talatak di Kota Padang tamasuak salah satu perpustakaan nan paliang rancak di Indonesia, jumlah koleksinyo mancapai 30.000 judul, tamasuak fasilitas jo pangalolaan nan maksimum, sarato jumlah pangunjuang pustaka nan tinggi. Sasudah gampo bumi, kagiatan Perpustakaan Daerah Sumatra Barat sajak 1 Februari 2010 untuak samantaro dipindahan ka Tabiang, manunggu pambangunan gedung baru nan sabalumnyo rusak parah, kini ko alah baliak ka lokasi samulo nan ado di Jln.Diponegoro, No.4

Sabagai salah satu pusek kesehatan di Pulau Sumatra, Kota Padang alah punyo fasilitas kesehatan nan cukuik langkok. Salain punyo sajumlah rumah sakik nan bataraf nasional jo internasional, rumah sakik tu alah pulo didukuang dek sajumlah paguruan tinggi nan bakaikan jo kesehatan. Rumah Sakik Umum Dr. M. Djamil nan didirian dek pamarintah pusek pado taun 1953 marupoan rumah sakik rujuakan untuak wilayah Sumatra bagian tangah. Rumah sakik ko alah baafiliasi jo Fakultas Kadokteran Universitas Andaleh sarato Politeknik kesehatan Padang. Sasudah gampo 30 September 2009, kondisi bangunan jo paralatan rumah sakik ko mamprihatinan. Rumah Sakik M. Djamil kini ko sadang barusaho mamelokan program Hospital Disaster untuak mangantisipasi kajadian sarupo nantinyo.
  
Pamarintahan Kota Padang alah punyo pulo rumah sakik nan banamo Rumah Sakit Umum Daerah Dr. Rasidin. Untuak maagiahan palayanan nan maksimal, pamarintahan Kota Padang alah mandirian sabanyak 20 buah puskesmas jo 58 buah puskesmas pambantu pado wilayah kecamatan di kota ko. Untuak taun 2007, ciek puskesmas di Kota Padang rato-rato malayani 41.000 urang. Angko ko labiah tinggi dari konsep ideal wilayah puskesmas nan hanyo untuak malayani 30.000 urang sajo, sahinggo jiko ditinjau dari panyebaran, sarana kesehatan alah mamadai. Namun jiko ditinjau dari aspek mutu palayanan kesehatan masih jauh dari nan diharokan.

Salain itu, di kota ko tadapek pulo sajumlah rumah sakik nan dikalola dek BUMN, Kepolisian, TNI AD jo pihak swasta. Pado taun 2013, PT Semen Padang maresmian Semen Padang Hospital nan marupoan rumah sakik bataraf internasional patamo di Sumatra Barat. Rumah Sakik Tentara Dr. Reksodiwiryo nan dikalola dek TNI AD talatak pado kawasan cagar budayo Gantiang. Rumah sakik ko tagak di komplek bangunan paninggalan zaman Balando nan sabalumnyo marupoan tampek paristirahatan para tentara kolonial. Rumah Sakik Selasih marupoan rumah sakik swasta nan dikalola sacaro basamo jo pihak Kumpulan Perubatan Johor (KPJ) Sdn Bhd dari Malaysia, namun akibaik gampo bumi 30 September 2009 rumah sakik ko mangalami karusakan barek.

Kota Padang nan tanamo jo lagenda Sitti Nurbaya jo Malin Kundang kini sadang babenah ka arah pambangunan pariwisata. Kota ko punyo sabuah museum nan talatak di pusek kota nan banamo Museum Adityawarman, nan mampunyoi gaya arsitektur babantuak rumah adat Minangkabau (Rumah Gadang), mode Gajah Maharam. Di laman muko museum ado duo lumbuang padi nan disabuik Rangkiang. Museum ko makhususkan diri pado sijarah jo budayo urang Minangkabau, urang Mentawai jo urang Nieh. Museum ko mampunyoi 6.000 koleksi.

Di kawasan palabuahan Muaro banyak tasuo babarapo bangunan paninggalan sajak zaman Balando. Babarapo bangunan di kawasan tasabuik ditatapkan pamarintah satampek sabagai cagar budaya. Di antaronyo adolah Musajik Muhammadan batarikh 1843, nan marupokan masjid barono ijau mudo nan dibangun dek komunitas katurunan India. Cagar budayo lain, Klenteng Kwan Im nan banamo See Hin Kiong taun 1861 kudian direnovasi baliak taun 1905 dek sabalunnyo tabaka. Dari sailiran Batang Arau, ado sabuah jambatan nan banamo Jambatan Sitti Nurbaya. Jambatan itu maubuangkan sabuah kawasan bukik nan dikana juo jo namo Gunuang Padang. Pado bukik ko ado Taman Sitti Nurbaya nan manjadi lokasi kuburan Sitti Nurbaya. Kawasan bukik ko juo daulunyo manjadi tampek mukim mulo-mulo masyarakaik etnis Nieh di Kota Padang.

Kudian di palabuahan Taluak Bayua ado babarapo kawasan wisata sarupo Pantai Aia Manih, tampek batu Malin Kundang tagak. Salain itu, taruih ka selatan dari pusek kota juo ado kawasan wisata Pantai Caroline, jo Pantai Bunguih, sarato sabuah resort wisata sakelas hotel babintang tigo nan talatak di Pulau Sikuai. Sadangkan ka arah Kecamatan Koto Tangah, ado kawasan wisata Pantai Pasia Jambak, sarato kawasan wisata alam Lubuak Minturun, nan populer dalam tradisi balimau dan rami disinggahi dek masyarakaik utamonyo saari sabalun masuak bulan Ramadan.

Kota ko juo tanamo jo masakannya. Salain manjadi salero sabagian gadang masyarakaik Indonesia, masakan ko juo populer sampai ka mancanegara. Makanan nan populer di antaronyo sarupo Gulai, Randang, Ayam Pop, Taruang Balado, Gulai Itiak Lado Ijau, Nasi Kapau, Sate Padang jo Karupuak Sanjai. Restoran Padang ado banyak di saluruah kota gadang di Indonesia. Walau baitu, nan dinamokan sabagai masakan Padang sabananyo takana sabagai masakan etnis Minangkabau sacaro umum.

Dalam mandorong pariwisata di Kota Padang, pamarintah kota maadoan Festival Randang untuak partamo kalinyo pado taun 2011, sasudah sabalunnyo Randang dinobatkan dek CNN International sabagai hidangan paringkek partamo dalam daftar World’s 50 Most Delicious Foods (50 Hidangan Talamak Dunia). Festival nan dipusekkan di RTH Imam Bonjol tasabuik diikuti dek kelurahan sa-Kota Padang dan bajayo mamasak 5,2 ton dagiang, sainggo tacataik dalam Museum Rekor Indonesia sabagai palombaan mamasak jo dagiang sarato paserta tabanyak. Pado taun nan samo pamarintah kota juo mulai manyelenggarakan Festival Sitti Nurbaya, pagelaran taunan nan maangkek adat jo tradisi Minangkabau.

Barikuik ko monumen-monumen nan ado di Kota Padang:




#Article 46: Kota Padang Panjang (277 words)


Kota Padang Panjang adolah salah satu kota nan talatak di provinsi Sumatera Barat, Indonesia nan juo marupoan kota jo laweh wilayah nan paliang ketek di provinsi ko.

Kota ko mampunyoi juluakan sabagai Kota Serambi Mekkah, dan Mesir van Andalas. Samantaro wilayah administratif kota ko dikaliliangi dek wilayah Kabupaten Tanah Data.

Pado maso Revolusi Indonesia badasar ka Ketetapan  Katuo PDRI tanggal 1 Januari 1950 tantangan Pambagian Provinsi sakalian ditatapkan pulo pambagian Kabupaten jo Kota antaro lain Bapituah jo X Koto masuak ka dalam wilayah Kabupaten Tanah Data, sahinggo Padang Panjang hanyolah manjadi tampek kadudukan Wedana nan mangkoordinir Kecamatan X Koto.

Padang Panjang diangkek manjadi Kota ketek dalam lingkuangan Provinsi Sumatera  Barat nan tabantuak badasar ka Undang-Undang Nomor 8  Taun 1956. Dek karano Undang-Undang Nomor 1  Taun 1957 makonyo Kota ketek ko punyo status nan sajajar jo daerah Kabupaten jo Kota lainnyo.

Badasar ka Kaputusan DPRD Peralihan Kota Praja Nomor : 12/K/DPRD-PP/57 tanggal 25 September 1957, makonyo Kota Padang Panjang dibagi ateh 4 wilayah administrasi nan disabuik Resort, yakni Resort Gunuang, Resort Lareh Nan Panjang, Resort Pasa jo Resort Bukik Suruangan. 

Badasar ka Undang-Undang Nomor 18  Taun 1965 istilah Kota Praja diganti manjadi Kota Madya dan badasar ka Peraturan Menteri Nomor 44 taun 1980 jo Peraturan  Pamarentah Nomor 16  Taun 1982 tantangan Susunan dan Tata Kerja  Pamarentahan Kelurahan, makonyo Resort diganti manjadi Kecamatan dan Jorong diganti manjadi Kelurahan. Sadangkan badasar ka Peraturan  Pamarentah Nomor 13  Taun 1982, Kota Padang Panjang dibagi ateh duo Kecamatan jo 16 Kelurahan.

Sadangkan manganai pambantuakan KAN, dilaksanokan sasudah MUBES LKAAM di Payokumbuah taun 1966, di Kotamadya Padang Panjang tabantuak 3 buah KAN:

Sadangkan Resor Pasa, dek karano sabagian gadang panduduaknyo pandatang, indak dibantuak KAN.




#Article 47: Kota Payakumbuh (1386 words)


Kota Payakumbuh (Minang: Payokumbuah atau Pikumbuah; disingkek manjadi PYK) adolah salah satu kota nan talatak di provinsi Sumatera Barat, Indonesia.

Baragam panghargaan alah diraiah dek Pamarintah Kota Payakumbuh sajak babarapo taun taakhia. Dengan patumbuahan ekonomi 6,38 %, dan maningkek manjadi 6,79% pado taun 2011, Payakumbuh marupokan salah satu daerah Jo patumbuahan ekonomi tatinggi di Sumatera Barat. Inovasi dalam bidang sanitasi, pangalolaan sarok, pasa tradisional sihaik, pambinaan padagang kaki limo, jo drainase pakotaan mambaok kota iko maraih pangaragoan Inovasi Managemen Pakotaan (IMP) pado 2012, Indonesia Green Regional Award (IGRA), Kota Sihaik Wistara, jo saderet pangaragoaan lainnyo.

Kota Payakumbuh tadiri dari 5 kecamatan, iyolah Payakumbuh Utara, Payakumbuh Barat, Payakumbuh Timur, Payakumbuh Selatan, dan tarakia Lamposi Tigo Nagari.

Kota Payakumbuh talatak di daerah dataran tinggi nan marupokan bagian dari Bukik Barisan. Talatak pado hamparan kaki Gunuang Sago, bantangan alam kota ko mamiliki katinggian nan babeda-beda. Topografi daerah kota ko tadiri dari pabukitan jo rato-rato katinggian 514 m di ateh pamukoan lauik. Wilayahnyo dilalui dek tigo sungai, iyolah Batang Agam, Batang Lampasi, jo Batang Sinamo. Suhu udaronyo rato-rato bakisar antaro 26 °C jo kalembapan udaro antaro 45–50%.

Payakumbuh bajarak sakitar 30 km dari Kota Bukittinggi atau 120 km dari Kota Padang dan 188 km dari Kota Pekanbaru. Wilayah administratif kota ko dikaliliangi dek Kabupaten Lima Puluh Kota. Jo laweh wilayah 80,43 km² atau samo jo 0,19% dari laweh wilayah Sumatera Barat, Payokumbuah marupokan kota talaweh katigo di Sumatera Barat. Kota ko panah manjadi kota talaweh pado taun 1970, sabalun paluasan wilayah administratif Kota Padang jo Kota Sawahlunto. Kota Sawahlunto nan pado taun 1970 marupokan kota nan paliang ketek jo laweh 6,3 km² dipalaweh manja­di 273,45 km² atau maningkek sabanyak 43,4 kali dari saba­lunnyo, samantaro Kota Padang dipa­laweh manjadi 694,96 km² dan sakaligus manjadi kota nan talaweh di Sumatera Barat. Paluasan ko manya­babkan Sawahlunto manjadi kota talaweh kadua jo Paya­kumbuh turun man­jadi talaweh katigo di Sumatera Barat.

Kota Payakumbuh tarutamo pusek kotanyo dibangun dek Pamarintah Kolonial Hindia Balando. Sajak katalibatan Balando dalam Parang Pidari, kawasan ko bakambang manjadi depot atau kawasan gudang panyimpanan dari hasil tanam kopi dan taruih bakambang manjadi salah satu daerah administrasi distrik pamarintahan kolonial Hindia Balando kutiko ko.

Manuruik tambo satampek, dari salah satu kawasan di dalam kota ko ado suatu nagari tatuo iyolah nagari Aie Tabik dan pado taun 1840, Balando mambangun jambatan batu untuak mangubuangkan kawasan tasabuik jo pusek kota kini. Jambatan itu kini tanamo juo jo namo Jambatan Ratapan Ibu.

Payakumbuh sajak zaman sabalun kamardekaan alah manjadi pusek palayanan pamarintahan, padagangan, jo pandidikan tarutamo bagi Luhak Limo Puluah. Pado zaman pamarintahan Balando, Payakumbuh adolah tampek kadudukan asisten residen nan manguasoi wila­yah Luhak Limo Puluah, dan pado zaman pamarintahan Japang, Payakumbuh manjadi pusek kadudukan pamarintah Luhak Limo Puluah.

Kota Payakumbuh sabagai pamarintah daerah manuruik Undang-undang Nomor 8 Taun 1956 tanggal 19 Maret 1956, nan manatapkan kota ko sabagai kota kecil. Kudian ditindaklanjuti dek Peraturan Menteri Dalam Nagari Nomor 8 taun 1970 tanggal 17 Desember 1970 manatapkan kota ko manjadi daerah otonom pamarintah daerah tingkek II Kotamadya Payakumbuh. Salanjuiknyo wilayah administrasi pamarintahan tadiri ateh 3 wilayah kecamatan jo 73 kelurahan nan barasa dari 7 jorong nan ado di 7 kanagarian nan ado sangkek itu, jo pambagian kecamatan Payakumbuh Barat jo 31 Kelurahan, kecamatan Payakumbuh Timur jo 14 kelurahan sarato kecamatan Payakumbuh Utara jo 28 kelurahan.

Sabalun taun 1970, Payakumbuh adolah bagian dari Kabupaten Lima­ Pu­luh Kota nan sakaligus ibu kota kabupaten tasabuik.

Pado taun 2008, sasuai jo pakambangannyo mako dilakukan pangambangan wilayah kecamatan, sainggo kota Payakumbuh mamiliki 5 wilayah kecamatan, jo 8 kanagarian sarato 76 wilayah kelurahan. Pado taun 2014 jo 2016 tajadi panggabuangan babarapo kelurahan nan wilayahnyo ketek jo saketek panduduak, sainggo jumlah kelurahan manyusuik manjadi 48 kelurahan.

Adopun wilayah kecamatan nan baru tu adolah kecamatan Lamposi Tigo Nagari, nan tadiri dari 6 kelurahan dalam kanagarian Sungai Durian, Lamposi jo Koto Panjang. Kecamatan Payakumbuh Selatan, nan tadiri dari 6 kelurahan dalam 2 kanagarian iyolah Limbukan jo Aur Kuning. Kecamatan Payakumbuh Barat tadiri dari 18 kelurahan dalam Kanagarian Koto Nan IV. Kecamatan Payakumbuh Timur tadiri dari 9 kelurahan dalam 3 kanagarian, iyolah Aie Tabik, Payobasuang jo Tiakar. Kecamatan Payakumbuh Utara tadiri dari 9 kelurahan dalam Kanagarian Koto Nan Godang.

Barikuik adolah daftar Wali Kota Payakumbuah dari maso ka maso:

Kota ko didominasi dek etnis Minangkabau, namun ado juo etnis Tionghoa, Tamil, Malayu, Jawa, jo Batak, jo jumlah angkatan karajo 50.492 urang nan sakitar 3.483 urang diantaronyo marupokan pangangguran. Pado taun 1943 etnis Tionghoa di kota ko panah mancapai 2.000 jiwa dari 10.000 jiwa total populasi maso itu.

Dari segi jumlah pandu­duak, pado taun 1970 Paya­kumbuh ado pado paringkek katigo sasudah Padang jo Bukittinggi. Akan tetapi pabedaan jumlah panduduak Payakumbuh jo Bukit­tinggi relatif kaciak iyolah anyo 784 urang. Pado taun 2009 atau 40 taun kudian, jumlah panduduak Payakumbuh maningkek jauah manjadi 106 726 jiwa. Akan tetapi masih tatap ado pado paringkek katigo sasudah Bukittinggi jo pabedaan jumlah 894 urang.

Walaupun baitu, pa­ning­kekan jumlah panduduak ko maningkekan status Kota Payakumbuh dari kota kaciak (jumlah panduduak  100.000 urang)

Pado taun 1954 di Paya­kum­buh didirian paguruan tinggi patanian nan maru­pokan paguruan tinggi nagari nan tatuo di lua Jawa. PTN ikolah nan kudian bakam­bang manjadi Universitas Andalas. Pado taun 1960-an batagak pulo salah satu fakul­tas dari IAIN Imam Bonjol.

Untuak maningkekan taraf kasehatan, pamarintah kota Payakumbuh alah mambangun sabuah rumah sakit nan banamo Rumah Sakik Umum Daerah Dr. Adnaan WD sarato juo mandirikan 6 buah puskesmas jo 23 puskesmas pambantu.

Salain itu di kota ko juo ado sabuah rumah sakik swasta nan banama Rumah Sakik Yarsi.

Kota ko tamasuak kota pangubuang antaro kota Padang jo kota Pekanbaru, dari kota ko dapek juo tarubuang ka jalur linteh tangah Sumatera tanpa musti malalui kota Bukittinggi. Terminal Koto Nan Ampek marupokan terminal angkutan darek nan ado di kota ko. Sabagai pusek pelayanan, Payakumbuh dulu juo mam­pu­nyoi lapangan tabang, iyolah Lapangan Tabang Piobang.

Kini alah dibangun jalan lingka lua bagian utara (10,45 km) jo selatan (15,34 km) nan disabuik Payakumbuh Bypass untuak mamudahan akses transportasi jo indak harus malalui pusek kota dan untuak mandorong patumbuahan ekonominyo. Pambangunan jalan ko barasa dari dana pinjaman pamarintah pusek kapado Bank Pambangunan Asia (ADB).

Kota Payakumbuh sabagai kota pasinggahan, manjadikan sektor jaso jo padagangan manjadi sektor andalan. Namun sektor lain sarupo patanian, taranak jo parikanan masih manjanjikan bagi masyarakaik kota ko karano didukuang dek kondisi tanahnyo juo masih subur.

Untuak manjadikan kota ko sabagai sentra padagangan salain jo maningkekan pasa-pasa tradisional nan ado salamo ko, pamarintah satampek basamo masyarakaiknyo mancubo mambangun sistem pagudangan untuak mandukuang aktivitas padagangan nan modern. Kini kota Payakumbuh alah mamiliki sabuah pasa modern nan talatak di jantuang kotanyo.

Samantaro industri-industri nan ado di kota ko baru baskala ketek, namun alah mampu baproduksi untuak mamanuahi pamintaan pasa lua nagari, diantaronyo sulaman bordir jo songkok/peci. Salain itu industri makanan tradisional manjadi industri andalan nan bakambang di kota ko, dapek tasuo dari pusek kota inggo ka pinggia kota, sarupo di Lamposi nan tanamo sabagai Kampuang Randang.

Kota Payakumbuh tanamo mampunyoi makanan khas di antaronyo botiah (batiah) jo galamai, salain itu ado juo makanan khas lainnyo sarupo bareh randang, kipang, randang baluik, randang talua, jo martabak mesir. Di Nagari Tiakar tanamo makanan khasnyo banamo paniaram, iyolah kue dari bareh katan nan dicampua gulo saka.

Babarapo kawasan wisata di kota ko antaro lain Ngalau Indah, Ngalau Sompik, Puncak Simarajo, Panorama Ampangan, jo sabagainyo. Salain itu patunjukan Pacu Itiak marupokan tradisi nan satiok tahunnyo diadokan pado nagari-nagari nan ado dalam kota ko juo manjadi salah satu atraksi pariwisata di kota ko.

Babarapo objek wisata di sakitar kota Payakumbuh adolah:

Masyarakaikkota ko mampunyoi klub sipak bola nan banamo Persepak Payakumbuh nan bamarkas di Stadion Kapten Tantawi.

Olahraga pacu kudo juo marupokan patunjukan nan paliang dituju dek masyarakaik kota ko, dan biaso satiok tahunnyo diadokan di galanggang pacuan kudo nan banamo Kubu Gadang nan kini manjadi bagian dari kompleks GOR M. Yamin.

Kota Payakumbuh mampunyoi babarapo patunjukan tradisional, di antaronyo tarian-tarian daerah nan bacampua jo gerakan silek sarato diiriangi jo nyanyian nan biaso ditampikan pado alek-alek adaik atau pagelaran seni nan banamo randai. Salah satu kalompok randai nan tanamo diantaronyo dari daerah Padang Alai, nan banamo Randai Cindua Mato.

Masyarakaik kota Payakumbuh juo tanamo jo alaik musik jinih Talempong, nan biaso ditampilkan dalam alek-alek adat, alek pakawinan, jo lain sabagainyo. Salain itu alaik musik lain nan masih tasuo di kota ko adolah Saluang, iyolah sajinih alaik musik tiup atau ampia sarupo jo suliang.




#Article 48: Kota Sawahlunto (1901 words)


Kota Sawahlunto adolah salah satu kota di provinsi Sumatera Barat, Indonesia. Kota nan talatak 95 km sabalah timur lauik Kota Padang iko, dikuliliangi dek 3 kabupaten di Sumatera Barat, yakni Kabupaten Tanah Data, Kabupaten Solok, jo Kabupaten Sijunjuang. Kota Sawahlunto lawehnyo 273,45 km² nan tadiri dari 4 kacamatan jo jumlah panduduak labiah dari 54.000 jiwa. Pado maso pamarentah Hindia-Balando, Kota Sawalunto tamusuak sabagai kota tambang batu baro. Kota iko sampek mati, satalah panambangan batu baro dihantian.

Kini Kota Sawahlunto bakambang manjadi kota wisata tuo nan multi-etnik, sainggo manjadi salah satu kota tuo taelok di Indonesia. Di kota nan didirian pado taun 1888 iko, banyak badiri bangunan-bangunan tuo paninggalan Balando. Sabagian alah ditatokan sabagai cagar budaya dek pamarentah satampek dalam rangka mandorong pariwisata jo mancanangkan Sawahlunto manjadi Kota Wisata Tambang nan Berbudaya (Minang: Kota Wisata Tambang nan babudayo).

Namo Sawahlunto manuruik legenda nan ado barasal dari kato sawah jo lunto. Jauah sabalum kadatangan Balando, di kawasan iko tadapek sawah-sawah nan di sakitanyo tumbuah  batang nan alun dikatahui namonyo. Jikok ado nan mananyoan namo batang tasabuik, beko dijawek alun tau nan lamo-kalamoan barubah tutua manjadi lunto, sabuikan dalam bahaso Minang nan baarti tidak tahu.

Sajarah dijadikannyo Sawahlunto sabagai kota takaik jo panalitian nan dikarajoan dek  geolog asa Belanda ka padalaman Minangkabau (wakatu itu dikenal sabagai Dataran Tinggi Padang), nan ditugaskan dek Gubernur Jenderal Hindia-Belanda. Panalitian patamo dikarajoan dek Ir. C. De Groot van Embden pado taun 1858, kamudian dilanjuikan dek Ir. Willem Hendrik de Greve pado taun 1867. Dalam panalitian De Greve, dikatahui jikok tadapek 200 juta ton batu baro nan takanduang di sakitar aliran Batang Ombilin, salah satu sungai nan ado di Sawahlunto. Sajak panalitian tasabuik diumumkan ka Batavia pado taun 1870, pamarintah Hindia-Belanda mulai marancanokan pambangunan sarana jo prasarana nan dapek mamudahkan eksploitasi batu baro di Sawahlunto. Salanjuiknyo Sawahlunto juo dijadikan sabagai kota pado taun 1888, tapeknyo pado tanggal 1 Desember nan kamudian ditatokan sabagai Hari Jadi kota Sawahlunto.

Kota iko mulai mamproduksi batu baro sajak taun 1892. Sairiang jo itu, kota iko mulai manjadi kawasan pamukiman pakarajo tambang, nan taruih bakambang manjadi sabuah kota ketek jo panduduak nan intinyo adolah pagawai jo pakarajo tambang. Sampai taun 1898, usaho tambang di Sawahlunto masih mangandalkan narapidana nan dipaso bakarajo untuak manambang nan dibayiajo harago murah. Pado taun 1889, pamarintah Hindia- Balando mulai mambangun jalur kereta api manuju kota Padang untuak mamudahkan pangangkuikan batu baro kaluar dari kota Sawahlunto. Jalur kareta api tasabuik mancapai kota Sawahlunto pado taun 1894, sahinggo sajak angkutan kareta api mulai dioperasian, produksi batu baro di kota iko taruih mangalami paningkekan hinggo mancapai ratusan ribu ton per taun.

Bantang alam kota Sawahlunto mampunyoi katinggian nan sangek bavariasi iyolah antaro 250 meter sampai 650 meter di ateh pamukaan lauik. Bagian utara kota iko mampunyoi topografi nan relatif data meski barado di sabuah lembah, tarutamo daerah nan dilalui dek Batang Lunto, dimano di sakita sungai ikolah dibantuaknyo pamukiman jo fasilitas-fasilitas umum nan didirian sajak maso pamarintahan Hindia-Belanda. Samantaro itu bagian timur jo selatan kota iko relatif curam jo kamiriangan labiah dari 40%.

kota Sawahlunto talatak di daerah dataran tinggi nan marupakan bagian dari Bukit Barisan nan mampunyoi laweh 273,45 km². Dari laweh tasabuik, labiah dari 26,5% atau sakita 72,47 km² marupoan kawasan pabukikan nan ditutuik hutan linduang. Panggunoan tanah nan dominan di kota iko aoalah pakabunan sakitar 34%, jo danau nan tabentuak dari bakeh galian tambang batu bara sakita 0,2%.

Takah daerah lainnyo di Sumatera Barat, kota Sawahlunto mampunyoi iklim tropis nan kisaran suhu minimun 22,5 °C jo maksimum 27,5 °C. Sapanjang taun tadapek duo musim, iyolah musim hujan dari bulan November sampai Juni jo musim kemarau dari bulan Juli sampai Oktober. Tingkek curah hujan kota Sawahlunto mancapai rato-rato 1.071,6 mm per taun nan curah hujan tatinggi tajadi pado bulan Desember.

Jumlah panduduak kota Sawahlunto mangalami panurunan nan sangek tajam sajak marosotnyo produksi batu baro di kota iko pado taun 1940, dari 43.576 urang pado taun 1930 manjadi 13.561 urang pado taun 1980. Kamudian sacara palahan, jumlah panduduak kota iko maningkek pado taun 1990, sajalan jo puliahnyo produksi batu baro sajak taun 1980.

Pado taun 1990, wilayah administrasi kota Sawahlunto dipalueh dari hanyo 0,778 km² manjadi 27,345 km² jo mambao konsekuensi jumlah panduduaknyo maningkek. Sahinggo pado taun 1995, jumlah panduduak kota Sawahlunto mancapai 55.090 orang. Namun pado taun 2000, jumlah panduduak kota Sawahlunto manurun manjadi 50.668 orang, artinyo salamo limo taun alah tajadi panurunan sakitar 8%. Hal iko disababkan dek sabagian parumahan pagawai PT Bukit Asam Unit Pertambangan Ombilin dipindahkan ka lua daerah Kota Sawahlunto. Sahingga dari sagi iko tampak kaitannyo antaro usaho patambangan batu baro jo jumlah panduduk Kota Sawahlunto.

Hasil Sensus Panduduak 2010 manunjuakkan jumlah panduduak kota Sawahlunto mangalami paningkatan, dari sabalunnya 54.310 urang pado taun 2008 manjadi 56.812 orang. Kecamatan Talawi marupoan kecamatan jo panduduak terbanyak, iyolah 17.676 urang atau sakitar 31,11% dari jumlah panduduak kota Sawahlunto. Kepadatan panduduak kota Sawahlunto pado taun 2010 adolah 238 urang per km², dimano kacamatan Lembah Segar adolah kecamatan nan paliang tinggi tingkek kapadekan panduduaknyo iyolah 431 urang per km². Sadangkan rasio jenis kalamin panduduak Kota Sawahlunto adolah 98, nan artinyo jumlah panduduak laki-laki 2% labiah saketek dibandiangkan jumlah panduduak padusi.

Panduduak Kota Sawahlunto wakatu iko didominasi dek kalompok etnik Minangkabau jo Jao. Etnik lain nan juo manjadi panghuni adolah Tionghoa jo Batak. Sajak dijadikannyo Sawahlunto sabagai kota tambang batu baro atau sajak didirikannya kota iko pado abaik ka-19, pamarintah Hindia-Belando mulai mangirim narapidana dari babagai pinjaro di Indonesia ka Kota Sawahlunto sabagai pakarajo pakso, sahingga sakitar 20.000 narapidana alah dikapakan ka Sawahlunto. Pakarajo pakso ikolah nan dikenal dek masyarakaik satampek sabagai Urang Rantai.

Untuak maningkekkan mutu pandidikan jo kompetensi siswa di Kota Sawahlunto, salah satu program pamarintah satampek adolah jo maagiah palatiahan bahaso Inggirih sajak dini.

Sajak taun 1918, Sawahlunto alah bastatus gemeente (kota). Namun alun sampek manjadi stadsgemeente walaupun hinggo taun 1930 alah mamiliki panduduak nan banyak. Pado tanggal 10 Maret 1949, Sawahlunto basamo jo wilayah kabupaten Solok, kota Solok, kabupaten Sijunjung, jo kabupaten Dharmasraya kini, ditatokkan manjadi Afdeeling Solok nan dipimpin dek saurang bupati. Salanjuiknyo jo dikaluakannyo Undang-Undang Nomor 18  Taun 1965, status Sawahlunto kamudian barubah manjadi daerah tingkek II jo sabuikan Kotamadya Sawahlunto jo mulai dipimpin dek saurang wali kota.

Tahituang mulai tanggal 11 Juni 1965, ditunjuaklah Achmad Noerdin, S.H. sabagai wali kota Sawahlunto patamo nan mamarintah hinggo taun 1971. Indak lamo kamudian tapiliahlah Drs. Shaimoery, S.H. manjadi wali kota salanjuiknyo hinggo taun 1983, lalu digantikan dek Drs. Nuraflis Salam jo Drs. H. Rahmatsjah nan masiang-masiang manjabek salamo 5 taun barikuiknyo. Pado taun 1993, Drs. H. Subari Sukardi manjadi pamimpin kota iko salamo duo pariode hinggo taun 2003. Kemudian sajak taun 2003, kota iko mulai dipimpin dek Ir. H. Amran Nur nan juo mamimpin salamo duo pariode hinggo taun 2013.

Badasarkan data dari Badan Pusat Statistik, Sawahlunto marupokan kota jo angko kamiskinan kaduo tarandah di Indonesia, sasudah Kota Denpasar, Bali. Sawahlunto juo tamasuak kota jo pandapaikan pa kapita kaduo tatinggi di Sumatera Barat, dimano mato pancaharian panduduak sabagian gadang ditopang dek sektor patambangan jo jaso. Salain itu, sektor lain takah patanian jo pataranakan juo masih diminati masyarakaik. Bahkan babarapo kawasan sadang dikambangkan untuak manjadi daerah sentral industri karajinan jo makanan ketek.

Salamo saratuih taun labiah, batu baro alah dieksploitasi mancapai sakitar 30 juta ton, dan masih tasiso cadangan labiah dari 100 juta ton. Namun maso depan panambangan batu bara di Kota Sawahlunto masih alum jaleh, sabab cadangan nan tasiso hanyo dapek dieksploitasi sabagai tambang dalam. Sadangkan dapek indaknya eksploitasi tasabuik sangek bagantuang kapado panguasaan teknologi jo pamintaan pasa. Salain itu, panyalanggaroan panambangan batu baro juo sadang mangalami reorientsi dek bakembangnya samangek desentralisasi atau tuntuntan otonomi daerah nan mambangkitkan kainginan masyarakaik satampek untuak mangarajokan panambangan surang.

Panamuan cadangan batu baro di kota Sawahlunto alah manundo pamarintah Hindia-Balando mambangun jalur kareta api manuju kota Padang dalam mandistribusikan batu baro. Pambangunan iko dimulai pado taun 1889 dan salesai pado taun 1896. Jalur kareta api iko salain mangubuangkan kota Padang jo kota Sawahlunto, juo mancapai kota-kota lain takah kota Solok, kota Pariaman, kota Bukittinggi, kota Padang Panjang, jo kota Payakumbuh. Namun akibek manurunnyo produksi batu baro sajak taun 2000, kagiatan pangangkutan batu baro jo kareta api baranti total.

Jarak kota Padang ka Sawahlunto adolah sakitar 95 km nan dapek ditampuah baik jo bus maupun kandaraan pribadi. Dapek pulo diakses jo kareta api nan baroperasi pado hari tatantu dari kota Padang Panjang.

Kota Sawahlunto mampunyoi banyak bangunan-bangunan tuo paninggalan Balando. Sabagian bangunan alah ditatokkan dek pamarintah satampek sabagai cagar budaya jo objek wisata, salah cieknyo adolah Gedung Pusat Kebudayaan Sawahlunto. Bangunan tuo lainnyo adolah Kantua PT Bukit Asam Unit Pertambangan Ombilin nan dibangun pado taun 1916. Bangunan iko mampunyoi menara pado bagian tangah dan di sakitarnyo tadapek taman nan dikenal sabagai Taman Segitiga.

Salain itu, dapua umum nan sabalunnyo dapek mamproduksi makanan satiok wakatu untuak ribuan pakarajo paso jo stasiun kereta api sabagai tampek dikarajokannyo aktivitas pangangkuikan batu baro dijadikan museum pado taun 2005. Masiang-masiang dinamokan Museum Gudang Ransum jo Museum Kereta Api Sawahlunto. Sadangkan bangunan pusek pambangkit listrik nan didirian pado taun 1894, sajak taun 1952 dijadikan musajik jo namo Masjid Agung Nurul Islam atau dikenal sabagai Masjid Agung Sawahlunto. Masajik iko mampunyoi ciek kubah gadang di tangah nan dikaliliangi dek ampek kubah jo ukuran nan labiah ketek, dan mampunyoi menara nan tingginyo mancapai 80 meter.

Kagiatan tambang batu baro di kota Sawahlunto juo maninggakan sajumlah bangunan lain takah Silo. Silo bafungsi sabagai panimbun batu baro nan alah dibarasiahan dan siap diangkuik ka palabuahan Taluak Bayua. Silo masih badiri kokoh di tangah kota, kandati indak bafungsi apo-apo. Salain itu, sirene pado Silo masih babunyi satiok pukua 07.00, 13.00, dan 16.00 waktu setempat, dimano pado maso pamarintahan Hindia-Belanda, sirene di Silo iko manandokan jam karajo Urang Rantai atau narapidana nan dijadikan kuli pangambiak batu baro.

Objek wisata unggulan nan ado di kota iko adolah atraksi wisata tambang, dimano pangunjuang dapek mangarajokan napak tileh pado areal bakeh panambangan nan dibangun pado maso pamarintahan Hindia-Belanda. Objek wisata iko dinamokan Lubang Suro nan diambiak dari namo saurang mandor pakarajo paso, Mbah Suro. Indak jauah dari objek wisata Lubang Suro, didirian Gedung Info Box nan manyadiokan babagai informasi jo dokumentasi tantang sajarah patambangan batu baro di kota Sawahlunto.

Kota iko juo mampunyoi objek wisata lain takah kabun binatang nan mampunyoi lueh sakitar 40 hektare jo Resort Wisata Kandi jo lueh 393,4 hektare. Ado 3 danau nan tabantuak dari bakeh galian panambangan batu baro di Resort Wisata Kandi, iyolah Danau Kandi, Danau Tanah Hitam, dan Danau Tandikek.  Salain itu, juo tadapek wahana rekreasi kaluargo nan dikenal jo namo Waterboom Sawahlunto.

Di kota iko tadapek lapangan pacuan kudo milik pamarintah satampek nan banamo Lapangan Pacuan Kuda Bukit Kandih. Satiok tahunnyo disalnggarokan lomba pacuan kudo di lapangan iko. Lapangan pacuan kudo salueh 39.69 hektare tasabuik mampunyoi track pacuan kudo sapanjang 1.400 meter jo leba 20 meter dan dapek manampuang sakitar 30.000 panonton. Salain itu, kota iko juo mampunyoi arena road race salueh 10 hektare jo track lintasan baaspal hotmix sapanjang 1,2 km dan alah barstandar nasional.

Kota Sawahlunto tamasuak kota nan manjadi bagian dari tahapan palombaan balap sapeda Tour de Singkarak. Pado Tour de Singkarak 2011, kareta uok wisata batanago batu baro nan dek masyarakaik satampek dinamoi Mak Itam dipakai untuak mambaok pambalap sapeda manuju lokasi start etape 5a di Silungkang. Dalam tigo kali panyalanggaroan ajang balap sapeda Tour de Singkarak, kota Padang taruih manjadi titik start palombaan. Namun untuak taun 2012 titiak start lomba dipindahkan ka kota Sawahlunto, sadangkan Padang sabagai ibu kota Sumatera Barat dijadikan titiak finish lomba.




#Article 49: Kubang, Guguak, Lima Puluh Kota (114 words)


Kubang marupoan salah sabuah nagari nan ado diKecamatan Guguak, Kabupaten Lima Puluh Kota, Sumatera Barat. Nagari iko tarlatak di bagian barat Kabupaten Lima Puluh Kota, atau labiah kurang 15 kilometer dari Kota Payakumbuh ka arah Koto Tinggi. Bateh nagari iko nan di utara adolah jo nagari Limbanang, di selatan jo nagari Guguak VIII Koto, sabalah timur jo nagari Tujuah Koto Talago, sarato sabalah barat jo nagari Suayan.

Kubang alah tanamo jo tanun songketnyo, salain songket dari nagari Pandai Sikek jo nagari Silungkang. Kuliner khas nan mambuek urang-urang teragak bana adolah Martabak Kubang, nan awalnyo dirintis jo H. Yusri Darwis sajak taun 1971.

Mato pancarian utamo masarakaik lainnyo adolah patanian padi jo budidaya ikan gurami.




#Article 50: Lauik Kaspia (130 words)


Lauik Kaspia atau Danau Kaspia marupoan kumpulan aia nan paliang gadang lawehnyo nan talatak di ateh tanah daratan bumi, sainggo dapek digologan sabagai danau nan palaing gadang di dunia atau buliah pulo disabuik sabagai lauik. Danau iko mamiliaki pamukoan salaweh 371.000 km2 (143.200 kaki pasagi) (indak tamasuak laguna Garabogazköl Aylagy di Turkmenistan) jo volume aia 78.200 km3 (18.800 kubik mil). Danau iko tasumbek, indak ado saluaan aia kaluanyo (endorheic basin), sarato babateh ka barat lauik jo Rusia, ka barat jo Azerbaijan, ka selatan jo Iran, ka tenggara jo Turkmenistan, dan ka timur lauik jo Kazakhstan.

Banso-banso kuno nan tingga dakek pasisianyo maanggap danau ko sabagai lauik, kamungkian karano aianyo nan taraso asin atau dapek juo karano lawehnyo. Kadar garam danau ko kiro-kiro 1,2%, iyolah sapetigo kadar garam lauik pado umumnyo.




#Article 51: Leonardo da Vinci (112 words)


Leonardo da Vinci atau langkoknyo Leonardo di ser Piero da Vinci () (15 April 1452 – 2 Mei 1519) marupoan urang Italia jo ragam kaahlian: pelukis, pematung, arsitek, musisi, ilmuwan, matematikawan, insinyur, penemu dan penulis. da Vinci ko biaso digambarkan sabagai contoh nan tapek untuak saurang Renaissance, saurang nan indak pernah pueh jo nan lah ado. Inyo ko tamasuak saurang pelukis nan hebat nan pernah ado di dunia ko.. Manuruik sejarawan seni Helen Gardner, lingkup dan kadalaman minatnyo dapek dijadikan teladan, pamikiran sarato kepribadiannyo diateh rato-rato, panuah misteri nan terkawal. Namun ado juo pandapek bahwa da Vinci ko tamasuak saurang nan logika nan lah manggunokan metoda empiris nan indak biaso dimasonyo tu.




#Article 52: Liga Arab (109 words)


Liga Nagara-Nagara Arab (bahaso Arab: جامعة الدول العربية Jāmiʻat ad-Duwal al-ʻArabiyya) atau dapek juo disingkekan jadi Liga Arab (الجامعة العربية al-Jāmiʻa al-ʻArabiyya), marupoan sabuah organisasi internasional nan tadiri dari nagara-nagara Arab. Organisasi iko diadoan pado 22 Maret 1945 dek tujauh nagara, iyolah Masia, Irak, Transyordania (lah banamo Yordania sajak 1949), Libanon, Arab Saudi, jo Suriah. Piagamnyo manyatoan bahaso Liga Arab batujuan mandakekan ubuangan antaro nagara-nagara anggota jo malakuan koordinasi karajo samo di antaro mareka, manjago kamandirian jo kamardekaan mareka, jo mampatimbangan sacaro umumnyo sagalo urusan jo kapantiangan nagara-nagara Arab. Piagam Liga Arab lai managah para anggotanyo untuak manggunoan kakarehan tahadok sasamo nagara anggota. Markas Liga Arab barado di Kairo.




#Article 53: Liga Utamo Inggirih (529 words)


Liga Utamo Inggirih () adolah divisi nan paliang ateh di dalam sistem liga sepak bola Inggirih. Liga ko alah tabantuak sajak 1992, untuak manggantian Divisi Satu Inggirih nan lamo. Liga Utamo tadiri dari duo puluah tim sajak pandiriannyo. Tigo tim nan paliang bawah musiti main di Divisi Championship, dan digantian dek tigo tim paliang ateh dari divisi tasabuik.

Liga Utamo Inggirih marupoan liga nan paliang acok dicaliak di jagaik dunia, dicaliak-an di 212 saedaran dunia jo maliyun rumah sarato kamungkinan urang nan mancaliak liga ko liwaik TV mancapai 4.7 maliyun urang. Dalam rato, urang-urang nan datang ka stadium untuak mancaliak liga ko mancapai 35,363. Sarato dek itu, liga ko marupoan liga nan kaduo paliang banyak dicaliak urang-urang salapeh Bundelisga dari Jerman  sarato urang nan maunyi stadium dapek sakita 92 % dari nan dapek ditampuang. Ligo Utamo Inggirih mandapek paringkek kaduo di Kasatuan Pasatuan Sipak Bola Eropa (dalam baso Inggirih: Union of European Football Association atau disingkek jadi UEFA) untuak sabagai liga badasa-an pado pasambahan tim-tim Inggirih pado patandiangan di Eropa labiah dari limo taun nan lalu.

Dari ampek puluah anam klub nan alah disampuranoan sajak dibantuaknyo Liga Utamo Inggirih atau Premier League di taun 1992. Ado limo klub nan mandapek-an gala: Manchester United F.C. mandapek 13 gala, Arsenal F.C. 3 gala, Chelsea F.C. 3 gala, Manchester City F.C. 2 gala sarato Blackburn Rovers 1 gala se. Klub nan baru sajo juaro kini ko adolah Manchester City F.C. nan alah mandapek-an gala pado musim 2013-2014.

Musiki sajak sakita taun 1970 inggo mulonyo taun 1980 alah ado tim-tim Inggris barasia di Eropa, tapi sajak akia taun 1980 mambari tando titiak randah sipak bola Inggirih. Sabagai bukti, stadium nan ancua, kamurahan nan diagiah untuak pandukuang kurang bana, kakacauan dek urang-urang malaweh, sarato tim-tim Inggirih indak buliah ikuik tandiang di Eropa dalam limo taun satalah Taragedi Heysel pado taun 1985.

Kutiko tu Liga Sipak Bola Tingkek Patamo (bahaso Inggirih: Football League First Division) nan alah manjadi tingkek paliang ateh sipak bola Inggirih sajak 1888 ko manjadi kurang dicaliak sarato turun, jauah di balakang liga-liga sarupo Serie A jo La Liga sarato ado pamain top dari Inggirih bapindah ka lua nagari. Tapi satalah bagantinyo taun 1990, panurunan muloi baiak, jo barasianyo Tim Nasional Inggirih barasia mancapai paringkek saparuah akia atau semi-final di Piala Dunia FIFA 1990. UEFA, sipak bola kusuih untuak Eropa mancabuik limo taun untuak tim-tim Inggirih ikuik tandiang di Eropa pado taun 1990. Sarato Manchester United maangkek Piala Winners UEFA pado taun 1991. Kamudian laporan tantang standar aman stadium nan maragiah usua ongkoih paningkekan stadium untuak manjadi stadium jo adonyo sadoalah tampek duduak, tabik pado bulan Januari taun 1991.

Panghasilan hak caliak dari TV manjadi pantiang bana. The Football League manarimo £6.300.000 untuak pajanjian dalam duo taun pado taun 1986, tapi kutikao janji tasabuik dibuek pambaruannyo pado taun 1988, jumlah naiak manjadi £44.000.000 untuak dalam ampek taun.

Pado pajanjian taun 1988 tasabuik alah ado tando-tando patamo, ka tajadinyo liga nan pisah, kutiko sapuluah klub ka maninggalan Football League sarato mambantuak liga super, tapi akianyo dibujuak untuak indak bapisah. Untuak paningkekan panampuangan stadium sarato paningkekan urang nan ka datang sarato panghasilan, ado tim ateh di Inggirih muloi bapikia untuak pai dari Football League.




#Article 54: Lubang Japang (224 words)


Lubang Japang marupoan salah satu obyek wisata sijarah nan ado dakek Kota Bukittinggi, Sumatera Barat, Indonesia. Lubang Japang sabananyo sabuah terowongan tampek balinduang (Inggirih: bunker) nan dibuek tantara panjajah Japang labiah-kurang taun 1942 untuak kapantiangan partahanan.
Lubang Japang alah dikalola jadi obyek wisata sijarah mulai taun 1984 dek pamarintah Kota Bukittinggi. Babarapo pintu masuak ka Lubang Japang iko di antaranyo talatak di kawasan Ngarai Sianok, iyolah di Taman Panorama, di samping Istano Bung Hatta, jo ciek lai di Kebun Binatang Bukittinggi.

Lubang Japang dibuek untuak tampek panyimpanan perbekalan jo pakakeh parang tantara Japang, nan panjang trowongan nyo mancapai 1400 m sarato bakelok-kelok, trowongan ko punyo leba kiro-kiro 2 meter. Babarapo ruangan khusus tadapek di trowongan iko, di antaronyo adolah ruang pangintaian, ruang panyergapan, panjara, dapua jo gudang sanjato.
Salain lokasinyo nan strategis di kota yang dahulunyo marupoan pusek pamarintahan Sumatra Tengah, tanah yang manjadi dindiang trowongan iko marupoan jinih tanah nan jiko bacampua air akan samakin kuek. Bahkan gampo nan mangguncang Sumatra Barat tahun 2009 lampau indak banyak marusak struktur trowongan.
Dipakiroan puluhan sampai ratusan ribu tanago karajo paso atau romusha didatangan dari pulau Jawa, Sulawesi jo Kalimantan untuak manggali trowongan iko. Pamiliahan tanago karajo dari lua daerah ko marupoan strategi kolonial Japang untuak manjago karahasioan megaproyek iko, sadangkan tanago karajo nan dari Bukittinggi disuruah untuak mangarajoan trowongan patahanan di Bandung dan Pulau Biak.




#Article 55: Luak (144 words)


Luak iko adolah namo wilayah nan marupoan daerah asli nenek-moyang urang Minang. Luak disabuik juo jo wilayah Darek atau Luak Nan Tigo. 

Manuruik Tambo Alam Minangkabau, daulu katiko nenek moyang urang Minang masih tingga di puncak Gunuang Marapi, ado tigo sumua atau disabuik jo luak. Ado sabuah sumua (luak) nan talatak di tanah nan data. Urang nan ado di salingka luak tu, dapek minum disinan, nan kamudian hari katurunannyo mambukak daerah nan dinamokan Luak Tanah Data. Ado pulo sabuah sumua nan ditumbuhi rumpuik mansiang. Urang nan tingga di salingka sumua tu minum ka sinan, mako daerah nan dibukak katurunannyo disabuik Luak Agam. Sumua katigo manjadi tampek minum 50 keluarga. Kudian hari, daerah nan dibukak katurunan kaluargo tu dinamokan Luak Limopuluah.

Satiok luak mampunyoi wilayah Rantau surang-surang: 

Salain itu ado juo wilayah nan disabuik Ujuang Darek Kapalo Rantau, iyolah daerah bateh wilayah Luak jo Rantau.




#Article 56: Makah (402 words)


Makah adolah kota nan talatak di Arab Saudi, kota ko manjadi tampek umaik Islam malaksanaan haji dan tampek lahia Baginda Rasulullah, Nabi Muhammad SAW , di tampek ko tadapek Musajik Al-Haram nan manjadi kiblat umaik Islam di dunia ko, panduduak Makah tadiri dari 2.053.912 urang, pas musim haji Makah ko manjadi macet.

Kota Makah talatak sekita 600 km sabalah selatan kota Madinah, labiah-kurang 200 km sabalah timur lauik kota Jeddah. Kota-kota ko marupoan lambah sampik nan bakuliliangi gunuang-gunuang jo bangunan Ka'bah sabagai puseknyo . Dangan damikian, pado maso daulu kota-kota ko rawan banjia bilo di musim ujan sabalun akianyo pamarentah Arab Saudi marenovasi kota ko. Saparti pado umumnyo kota-kota di wilayah Arab Saudi, kota ko baiklim gurun.

Sabagai kota suci umaik Islam jo tampek manunaikan ibadah haji, kota Makah satiok taunnyo manarimo kunjuangan dari umaik islam dari barbagai nagari, tantunya fasilitas kasehatan marupakan fasilitas pandukuang utamo nan manjadi parhatian khusus bagi pamerintah Arab Saudi.

Musajik Al-Haram, kadangkalo disabuik juo jo namo Musajik Al-Haram atau Al-Masjid al-Ḥarām (Arab : المسجد الحرام), marupakan musajik nan talatak di Kota Makah Al Mukharamah, nan dibuek mengaliliangi Ka'bah, nan manjadi arah kiblat umaik Islam dalam magarajokan ibadah salat.  Salain tu di musajik ikolah salah satu rukun ibadah haji nan wajib dilakuan umatik Islam tu tawaf, iyolah mangaliliangi Ka'bah sabanyak tujuah kali.

Sabagai kota suci umaik Islam, badasarkan hukum nan barlaku di Arab Saudi, bagi Non-Muslim ndak diianjinkan mamasuaki kota Mekkah ini.

Ka'bah (Arab: الكعبة) marupaan seabuah bangunan nan mandakati bantuak kubus nan talatak di tangah Musajik Al-Haram di Kota Mekkah. Bangunan iko adolah monumen suci bagi umaik Islam. Dan bangunan ko nan manjadi patokan arah kiblat untuak ibadah salat, bagi umaik Islam di saluruah dunia.

Zamzam (Arab: زمزم) marupakan namo aia nan diparoleh dari sabuah sumua mato aia bawah tanah nan talatak dalam kawasan Musajik Al-Haram, sabalah tanggara Ka'bah, jo kadalaman sakitar 42 meter. Aia zamzam iko marupakan sumber aia barasiah utamo bagi kota Mekkah. Salain dikonsumsi untuak aia minum, aia iko juo digunaaan sabagai aia wuduak bagi jamaah nan akan malakukan ibadah salat di Musajik Al-Haram. 

Salain Makah, kota atau daerah nan digunaaan dalam paribadatan haji yakni Mina, Muzdalifah jo Arafah, kamudian tardapaik kota atau daerah nan digunaaan para jamaah haji untuak mamulai prosesinyo antaro lain Bir Ali atau Dzulkulaifah nan berado di lua kota Madinah sabagai patokan jamaah nan barasal dari Madinah, sarato Qarnul Manazil atau Yalamlam bagi jamaah haji nan masuak dari arah Yaman.




#Article 57: Malaysia (177 words)


Malaysia adolah sabuah nagara federasi nan tadiri dari tigo baleh nagara bagian jo tigo wilayah pasakutuan di Asia Tenggara nan lawehyo 329.847 km2. Ibu kotanyo adolah Kuala Lumpur, sadangkan pusek pamarintahan pasakutuannyo adolah Putrajaya. Jumlah panduduak nagara iko malabiahi 27 juta jiwa. Nagara iko wilayahnyo tapisah manjadi duo—Malaysia Barat jo Malaysia Timur—dek Kapulauan Natuna, nan ado di wilayah Indonesia di Lauik Cino Selatan. Malaysia babatehan jo Thailand, Indonesia, Singapura, Brunei, jo Filipina. Nagara iko talatak di dakek garih khatulistiwa nan bariklim tropika. Kapalo nagara Malaysia adolah Yang di-pertuan Agong (Nan di-patuan Aguang), samantaro itu pamarintahannyo dikapaloi dek saurang Pardano Mantari. Mode pamarintahan Malaysia sarupo jo sistem parlementer Westminsta nan ado di London.

Malaysia sabagai nagara pasakutuan indak parnah ado sampai taun 1963. Sabalunnyo, sakumpulan koloni didirian dek Baritania Rayo pado akhia abaik ka-18. Kumpulan wilayah jajahan itu dikenal sabagai Malaya Baritania hinggo pambubarannyo pado 1946, sangkek kumpulan itu disusun baliak sabagai Uni Malaya. Karano samakin gadangnyo tantangan, kumpulan itu disusun pulo baliak kambali sabagai Federasi Malaya pado taun 1948 nan kamudian maraih kamardekaan pado 31 Agustus 1957.




#Article 58: Manchester United F.C. (697 words)


 
Manchester United F.C. adolah sabuah tim sepak bola Inggirih di koto Manchester nan kini sadang bamain di Liga Utamo Inggirih, divisi nan paliang tinggi di sipak bola Inggirih. Tim nangko mampunyoi tampek tandiangnyo iyolah di Old Trafford.

Manchester United tatagak-gan bakeh taun 1878 nan bunamo Newton Heath Lancashire and Yorkshire Railway F.C bakeh taun 1878 nan marupoan tim nan dibuek dek Lancashire sarato Yorkshire, pangkalan karetabaro di Newton Heath. Basaruang-gan hijau jo ameh. Tim nangko balago bakeh sabuah padang ketek di North Road dakek jo pangkalan karetabaro Piccadilly Manchester dalam maso limobaleh tahun, sabalun baranjak ka Bank Street di koto dakek Clayton bakeh 1893. Tim nangko masuak alah tandiang sipakbola taun sabalunnyo kudian jolong indak mampabilai-gan ulehan kabakeh pangkalan karetabaro, baraliah ujuik ka sarikaik tasurang, manatiang saurang satiajariah parimpunan sarato paraliahan LYR dari namo urang iten anjik baraliah jadi Newton Heath F.C se.

Indak pulo balansuang kabara tahun, tim nangko pun camiah jatuahtapai bakeh taun 1902 nan anduaknyo gadang daripado £2500. Padang Bank Street nan jadi tampaik balago pun balimpok.

Matt Busby pun ditatiang jadi jurulatiah dari tim nan batampaik-tandiang di Old Trafford nangko. Inyo punyo pinto nan indak co biaso bakeh karajonyo iyolah manunjuak tim surang, maambiak pamain nan ka diambiak dek inyo surang sarato mambuek katatapan hari anjik kasadoalah pamainnyo balatiah surang. Inyo cigin alah tampaik manajer di tim lain iyolah Liverpool F.C dek sabek karajo nan banio-gan dek inyo etan diagak dek kasado pajabaik tinggih Liverpool marupoan karajo urang direktur. Tapi baa ka baa pulo, tibo alah Manchester United anjik maragiah-gan maso anjik pangana inyo nan dalang. Nan jolong iolah inyo indak maambiak pamain dari tim lain malain-gan saurang asisten manejer nan banamo Jimmy Murphy. Pambasakan anjik manatiang Busby jadi saurang manajer marupoan langkah nan indak pulo sipi, inyo (Busby) mambaie kapicayoan panguruih dek maantek-gan United kabakeh tampaik kaduo dari liga bakeh taun 1947, 1948 jo 1949 kudian mandapek-gan Piala FA taun 1948. Stan Pearson, Jack Rowley, Allenby Chilton, sarato Charlie Mitten punyo caruman nan gadang anjik hasil nan didapek dek United iko.

Charlie Mitten babaliak ka Kolombia anjik maruntun tawaran nan labiah elok. Baa ka baa pulo, kurenah inyo bamain indak pulo hari ka hari batukuak buruak. Malah inyo takao maragiah-gan kabakeh United piala Divisi Ciek bakeh 1952. Busby arih bahaso tim sipakbola indak pulo hanyo maansik-gan cadiaknyo saurang pamain. Dek sabek iten, inyo pulo manggedek jariah anjik maambiak kabara pamain mudo. Jolong-jolong, pamain baumua mudo saroman  Roger Byrne, Bill Foulkes, Mark Jones sarato Dennis Viollet musiti punyo maso anjik mampacaliak-gan kurenah bamain nan paliang elok dari urang iten. Kudian nan jadi akibaiknyo, tim nangko tasailia kabakeh tampaik kasalapan bakeh 1953, baa ka baa pulo tim nangko babaliak lai ganjah ka posisi ciek sarato mandapek-gan piala liga lai taun 1956 jo pamain mudo nan jangko kasadoalahnyo baumua 22 tahun, mambuek 103 gol. Kacipehan dari pamain mudo iko maantek-gan inyo kabakeh ciek dari manajer nan amaik elok sarangkek maawai tim nangko (di tangah taun 1950-an, di tangah-tangah akia 1960-an sarato 1990-an). Busby punyo pamain babakaik tinggih nan banamo Duncan Edwards. Saurang dari Dudley,West Midlands jolong balago sarangkek umua 16 bakeh taun 1953. Bajano-gan bahaso inyo takao bakeh kasadoalah tampaik kudian sambuah urang nan malieknyo saurang pamain taelok. Musim salapehnyo, taun 1956-57, urang iten babaliak lai mandapek-gan juara sarato takao manabuak ka patantangan akia dari piala FA, kalah dek Aston Villa. United aliang jadi tim Inggirih nan jolong maambiak tampaik bakeh tandiang Liga Juara UEFA dek kacipehan FA. FA bakeh musim patang indak baiyo-iyo ka aleh Chelsea anjik balago. United takao manabuak ka ronde semifinal kudian dipatagah-gan dek Real Madrid. Sarangkek palabuahan kabakeh semifinal, tim United pulo mancataik kamanangan nan bajaleh-jaleh mampacaliak-gan bahaso United marupoan tim gadang, mangumpa tim juara Belgia Anderlecht sasambuah 10 gol bakeh Maine Road.

Bancano tajadi alah bakeh musim salanjuinyo, sarangkek pesawat jo tim babaliak salapeh tandiang UEFA Champions League mandapek-gan alek buruak sarangkek ka jolong turun München, Jerman anjik manukuak bahan salai. Bancano München 1958 bakeh 6 Pebruari 1958 maambiak nyao salapan pamain, urang iten iolah Geoff Bent, Roger Byrne, Eddie Colman, Duncan Edwards, Mark Jones, David Pegg, Tommy Taylor sarato Liam Billy Whelan, sarato limobaleh urang lain, taagak pulo kabara staf United, Walter Crickmer, Bert Whalley dan Tom Curry




#Article 59: Marantau (255 words)


Marantau adolah budaya urang Minangkabau maninggaan kampuang halamannyo. Budayo marantau muncua dek sistem badunsanak di Minangkabau nan matrilineal (manuruik garih turunan mandeh) sainggo pambagian harato labiah diutamokan pado padusi. Dek hal itu, kaum laki-laki di Minangkabau manjadi dominan dalam urusan marantau kalua nagari asanyo.

Manuruik Kato, ado tigo corak marantau nan dilakukan urang Minangkabau. Tigo corak tasabuik muncua dek pabedaan dalam tujuan marantaunyo sarato bahubuangan jo periode sijarah, di antaronyo:

Marantau jinih partamo labiah disababkan dek lahan ladang jo sawah di nagari asa alah kurang sarato jumlah panduduak alah batambah banyak sainggo paralu manaruko lahan baru. Untuak itu, nagari dikambangkan dan dibuek nagari baru. Marantau jo corak ko biaso dilakukan dek sabuah kaum atau suku dan dipimpin dek pangulu kaumny untuak manaruko lahan baru. Di tampek baru, kaum tasabuik ka manatap lamo, tapi masih mampunyoi hubuangan jo nagari asa.

Marantau kaliliang marupokan corak marantau nan dilakukan laki-laki baiak dek nan alah manikah atau masih mambujang. Disabuik kaliliang, dek parantau masih acok barulang ka kampuang halamannyo. Parantau kaliliang ko condong marantau ka kota-kota gadang dan hanyo tingga samantaro di parantauannyo sainggo hubuangan jo kampuangnyo masih tatap tajago.

Marantau Cino atau marantau sacaro Cino marupokan corak rantau dilakukan dek rumah tanggo kalua nagarinyo. Corak marantaunyo dapek batahap dari ciek urang inggo sarumah tanggo panuah atau lansuang sarumah tanggo marantau. Tujuan rantaunyo sarupo jo marantau kaliliang, yaitu ka kota-kota gadang. Di kota gadang, sarumah tanggo ko ka tingga lamo di sinan sainggo hubuangan sacaro fisik jo kampuang halaman manjadi jarang dan hanyo sabateh hubuangan psikologis nan masih tajago.




#Article 60: Masia Kuno (181 words)


Masia Kuno marupoan ciek paradaban kuno nan badiri di timur lauik Afrika. Pusek paradaban ko talatak di hilia lambah Sungai Nil, nan kini ko lah manjadi nagara Masia moderen. Paradaban Masia bamulo pado labiah-kurang 3150 SM (manuruik kronologi lamo Masia), iyolah kutiko politik Masia Ateh jo Masia Bawah baciekkan di bawah kakuasoan firaun nan patamo. Sijarah Masia kuno tajadi malalui babarapo karajaan kokoh nan mamarentah cukuik lamo, iyolah Karajaan Tuo dari Jaman Parunggu Awal, Karajaan Tangah dari Jaman Parunggu Tangah, jo Karajaan Baru dari Jaman Parunggu Akia. Maso bakuaso karajaan-karajaan ko dipisahan jo Maso-maso Antaro nan bauru-aro. Masia mancapai puncak kakuasoannyo di maso Karajaan Baru di bawah kapamimpinan Dinasti Ramses, nan sudah tu lambek-lambek mulai manurun. Kudian daerah Masia dirabuik jo bamacam-macan banso asiang (sarupo banso Libya, Nubia, Assyria, Babilonia, Persia jo Makedonia) di Maso Antaro Katigo jo Maso Akia Masia Kuno. Sasudah maningganyo Aleksander Agung, salah surang panglimonyo, Ptolemeus Soter, maangkek dirinyo sandiri jadi panguaso Masia nan baru. Dinasti Ptolemeus iko ka mamarentah Maisa inggo taun 30 SM, satalah tu Karajaan Romawi manjajahnyo dan Masia jadi salah satu propinsi Romawi.




#Article 61: Matrilineal (129 words)


Matrilineal adolah suatu adaik masyarakaik nan mangatur alua katurunan barasa dari pihak ibu. Kato iko acok bana disamoan jo matriarkhat atau matriarkhi. Matrilineal barasa dari duo kato, mater dan linea (Bahaso Latin), mater baarti ibu sadangkan linea baarti garih. Jadi, matrilineal baarti mangikuik garih katurunan nan ditariak dari pihak ibu.

Samentaro itu matriarkhat barasal dari duo kato, mater nan baarti ibu dan archein (Bahaso Yunani) nan baarti mamarintah. Jadi, matriarkhi baarti kakuasaan barado ditangan ibu atau dipihak (Padusi).

Panganuik adaik matrilineal adolah:

Lawan dari matrilineal adolah patrilineal iyolah suatu adaik masyarakaik nan manyatoaan alua katurunan barasa dari pihak ayah. Panganuik adaik patrilineal nan ado di Indonesia contohnyo adolah suku Batak, suku Rejang, dan suku Gayo.

Adaik patrilineal labiah umum dianuik kalompok masyarakaik dunia dibandiangan matrilineal nan labiah jarang panganuiknyo.




#Article 62: Muhammad (857 words)


Muḥammad (; , salangkoknyo Muḥammad bin Abdullah bin Abdul Mutthalib bin Hasyim  () adolah nabi nan rasul tarakhia manuruik umaik Islam manuruik Al-Qur'an . Nabi Muhammad mamuloi panyebaran ajaran Islam untuak saluruah umaik manusia jo mawarihan pamarentahan tungga Islam. Walaupun non-Muslim umumnyo manganggap Muhammad sabagai pandiri Islam, dalam pandangan Muslim, Muhammad turuik managakan ajaran tauhid untuak mangasokan Allah sabagaimano nan dibaok dek nabi jo rasul sabalunnyo sajak dari Nabi Nuh. Umaik Muslim manyabuik Muhammad jo salam panghormatan Shalallaahu 'Alayhi Wasallam sarato diiriangi salawat Nabi satiok namo Muhammad disabuik.

Lahia pado taun 570 di Makah, Muhammad malalui maso ketek sabagai yatim piatu; digadangan di bawah asuahan paktuonyo Abu Thalib. Baranjak gadang, Muhammad bakarajo sabagai padagang. Muhammad kadang-kadang mangasiangan diri ka ngalau di sabuah bukik sampai bamalam-malam untuak maranuang jo badoa; diriwayaikkan dalam umua ka-40, Muhammad didatangi dek Malaikaik Jibril sarato manarimo wahyu partamo dari Allah. Muhammad manyatoan diri sabagai utusan Allah, sabagaimano nabi-nabi nan alah Allah utuih sabalunnyo. Tigo taun sasudah wahyu partamo, Muhammad muloi badakwah sacaro tarang-tarangan, manyatokan kaasoan Allah dalam bantuak panyarahan diri malalui Islam sabagai agamo nan bana. Muhammad manarimo wahyu baransua-angsua sampai kamatiannyo. Praktek atau amalan Muhammad diriwayaikan dalam hadits, dirujuak dek umaik Islam sabagai sumber hukum Islam basamo Al-Qur'an.

Muhammad basamo pangikuik awa mandapek babagai bantuak palawanan jo panyiksoan dari babarapo suku di Makah. Sairiang panganiayoan nan taruih balanjuik, Muhammad mambuliahan babarapo pangikuiknyo hijrah ka Habsyah, sabalun Muhammad mamulai misi hijrah ka Madinah pado taun 622. Paristiwa hijrah manandoi awal pananggalan Kalender Hijriah dalam Islam. Di Madinah, Muhammad manyatuan suku-suku di bawah Piagam Madinah. Sasudah salapan taun batahan dek sarangan suku-suku Makah, Muhammad mangumpuan 10.000 Muslim untuak mangapuang Mekkah. Sarangan indak mandapek palawanan nan bararti inggo Muhammad maambiak aliah kota tanpa saketek patumpahan darah. Wakatu itu Muhammad mangancuan juo patuang-patuang sakitar Ka'bah. Pado taun 632, babarapo bulan sasudah baliak ka Madinah salapeh manjalani Haji Wada, Muhammad jatuah sakik lalu wafat. Muhammad maninggaan Jazirah Arab nan alah basatu dalam pamarentahan tunggal Islam nan sabagian gadangnyo alah manarimo Islam.

Sabalun maso kanabian, Muhammad mandapekan duo gala dari suku Quraisy (suku tagadang di Makah nan suku dari Muhammad juo) iyolah Al-Amiin nan aratinyo urang nan dapaek dipicayo jo As-Saadiq nan aratinyo nan bana. Sasudah maso kanabian para sahabatnyo maimbaunyo jo gala Rasul Allāh (رسول الله), alah tu manambahan kalimaik Shalallaahu 'Alayhi Wasallam (صلى الله عليه و سلم, nan bararti mudah-mudahan Allah maagiah kasanangan jo salamaik kapadonyo; acok disingkek S.A.W atau SAW) sasudah namonyo.

Muhammad juo mandapekan julukan Abu al-Qasim nan bararti Apak Qasim, karano Muhammad panah punyo anak bujang nan banamo Qasim, tapi maningga dunia sabalun gadang.

Ranji Muhammad dari kaduo urang tuonya baliak ka Kilab bin Murrah bin Ka'b bin Lu'ay bin Ghalib bin Fihr (Quraish) bin Malik bin an-Nadr (Qais) bin Kinanah bin Khuzaimah bin Mudrikah (Amir) bin Ilyas bin Mudhar bin Nizar bin Ma`ad bin Adnan. Adnan marupokan katurunan bujang ka tujuah dari Ismail bin Ibrahim, iyolah katurunan Sam bin Nuh.

Labiah langkok ranji dari Muhammad sampai Adam adolah Muhammad bin Abdullah bin Abdul Mutthalib bin Hasyim bin Abdul Manaf bin Qushay bin Kilab bin Murrah bin Ka’ab bin Luay bin Ghalib bin Fihr (Quraisy) bin Malik bin Nadhr bin Kinanah bin Khuzayma bin Mudrikah bin Ilyas bin Mudhar bin Nizar bin Ma'ad bin Adnan bin Udad bin al-Muqawwam bin Nahur bin Tayrah bin Ya'rub bin Yasyjub bin Nabit bin Ismail bin Ibrahim bin Tarih (Azar) bin Nahur bin Saru’ bin Ra’u bin Falikh bin Aybir bin Syalikh bin Arfakhsyad bin Sam bin Nuh bin Lamikh bin Mutusyalikh bin Akhnukh bin Yarda bin Mahlil bin Qinan bin Yanish bin Syits bin Adam.

Nasab ko disabuikan dek Muhammad bin Ishak bin Yasar al-Madani di salah satu riwayaiknyo. Nasab Rasulullah sampai Adnan disapakati dek para ulama, sadangkan sasudah Adnan tajadi pabedaan pandapaik. Mukasuik dari Quraisy adolah anak bujang dari Fihr bin Malik atau an-Nadhr bin Kinanah.

Para ulama dan panuliih sirah sapandapek baso hari kalahiran Muhammad jatuah pado bulan Rabiul Awal. Muhammad lahia di Makah, kota bagian selatan Jazirah Arab, labiah-kurang taun 570, badakekan jo Taun Gajah nan marupoan taun kagagalan panyarangan Mekkah dek pasukan bagajah di bawah pimpinan Abrahah. Pandapek paliang mashua marujuak tanggal 12 Rabiul Awal sabagai hari kalahiran Muhammad. Manuruik teks hadits, Muhammad manyebuik hari Senin sabagai hari kalahirannyo. Panulih sirah Sulaiman Al-Manshurfuri jo ahli astronomi Mahmud Basya dalam panalitiannyo malacak hari Senin nan dimukasuik batepekan jo tanggal 9 Rabiul Awal.

Muhammad barasa dari sabuah klan suku Quraisy yakni Bani Hasyim nan mawarisi ranji tahormat di Makah, sakalipun indak tanamo karano kakayoannyo. Ayahnyo, Abdullah maningga wakatu Muhammad masih dalam kanduangan, anam bulan sabalun kalahiran. Muhammad bayi dibaok tingga basamo kaluarga dusun di padalaman, mangikuik tradisi pakotaan maso itu untuak manguekan badan jo manjauahan anak dari panyakik pakotaan. Baliau diasuah jo disusui dek Halimah binti Abi Dhuayb di kampuang Bani Saad salamo duo taun. Sasudah itu, Muhammad ketek dibaliakan untuak diasuah kapado budak Ummu Aiman. Pado umua ka-6, Muhammad kahilangan mandehnyo, Aminah karano sakik. Salamo duo taun sasudahnyo, kabutuahan Muhammad ditangguang jo dicukuikan dek inyiaknyo dari kaluargo ayah, 'Abd al-Muththalib. Katiko barumua salapan tahun, inyiaknyo maningga lalu Muhammad sasudahnyo diasuah dek mamaknyo Abu Thalib nan tampia sabagai pamuko Bani Hasyim sapaningga Abdul Muththalib.




#Article 63: Musajik (633 words)


Musajik atau Masajik adolah rumah tampek baibadahnyo umaik Muslim nan aratinyo tampek sujuik. Musajik nan barukuan ketek disabuik jo surau atau musholla. Salain sabagai tampek ibadah kagiatan-kagiatan sarupo parayoan hari rayo, kajian agamo, baraja Al-Qur'an acok pulo dilaksanoan di Musajik. Bahkan dalam sajarah agamo Islam, musajik turuik maegang paranan dalam kagiatan-kagiatan sosial kamasyarakaikan hinggo kamiliteran.

Kato musajik barasa dari bahaso Aram: masgid (m-s-g-d), nan ditamuan dalam sabuah inskripsi dari abaik ka 5 Sabalun Masehi. Kato masgid (m-s-g-d) baarti tiang suci atau tampek sambahan . Dalam baso Inggirih, musajik disabuik mosque, nan barasa dari kato mezquita dalam baso Spanyol.

Manaro-manaro jo kubah musajik nan gadang, saakan manjadi saksi kajayaan Islam pado kurun abaik patangahan. Salamo labiah dari 1000 taun pulo, arsitektur Musajik palahan-lahan mulai manyasuaian bangunan musajik jo arsitektur modern.

Katiko Nabi Muhammad SAW tibo di Madinah, baliau mamutuihan untuak mambangun sabuah musajik, nan kiniko banamo Musajik Nabawi, nan baarti Musajik Nabi. Musajik Nabawi talatak di pusek kota Madinah. Musajik Nabawi dibangun di sabuah lapangan nan lueh. Di Musajik Nabawi, tadapek pulo mimbar nan acok dipakai dek Nabi Muhammad SAW. Musajik Nabawi manjadi jantuang kota Madinah saaik itu. Musajik iko digunoan untuak kagiatan politik, parancanoan kota, manantuan strategi militer, sarato untuak mangadoan pajanjian. Bahkan, di area sakitar musajik digunoan sabagai tampek tingga samantaro dek urang-urang fakir miskin.
Kiniko Musajik al-Haram (Masjidil Haram), Musajik Nabawi jo Musajik al-Aqsa adolah tigo musajik tasuci di dunia.

Musajik kamudian dibangun di daerah lua Samananjuang Arab, sairingan jo kaum Muslim nan bamukim di lua Jazirah Arab. Mesir manjadi daerah patamo nan dikuasai dek kaum Muslim Arab pado taun 640. Sajak itu, Kairo (Ibukota Mesir) dipanuahi dek musajik. Dek itulah kairo dijuluaki sabagai kota saribu manaro . Salain itu, musajik-musajik di Kairo ado nan bafungsi sabagai sakolah Islam atau madrasah bahkan rumah sakik.

Musajik patamo di Cino badiri pado abaik ka 8 Masehi di Xi'an. Musajik Rayo Xi'an nan taakhia kali di rekonstruksi pado abaik ka 18 Masehi, mangikuikan arsitektur Cino. Musajik di bagian barat Cino taka di daerah Xinjiang mangikuikan arsitektur Arab, dima di musajik iko tadapek kubah jo manaro. Sadangkan di timur Cino di daerah Beijing, musajiknyo baarsitektur Cino.

Musajik mulai masuak di daerah India pado abaik ka 16 pado saaik karajaan Mugal bakuaso. Musajik di India mampunyoi karakteristiak arsitektur musajik nan agak babeda, contohnyo kubah nan babantuak taka bawang. Kubah jinih iko dapek dicaliak di Musajik Jama, Delhi.

Di Kasultanan Utsmaniyah, musajik patamo bana didirian pado abaik ka 11 Masehi, dima pado saaik itu urang-urang Turki mulai masuak ka agamo Islam. Musajik nan patamo bana ado di Turki contohnyo adolah Aya Sofya, dima pado zaman Bizantium bangunannyo marupoan sabuah katedral. Kasultanan Utsmaniyah mampunyoi karakteristiak arsitektur musajik nan unik, tadiri dari kubah nan gadang jo bagian lua gaduang nan lueh. Musajik di Kesultanan Usmaniyah biasonyo mangkolaborasian tiang-tiang jo langik-langik nan tinggi, jalur-jalur ketek di antaro shaf-shaf, jo mihrab nan digabuangan dalam satu musajik . Sampai kini, Turki marupoan rumah dari musajik nan baciri khas arsitektur Utsmaniyah.

Sacaro batahap, musajik masuak ka bagian Eropa. Pakambangan jumlah musajik sacaro capek mulai tacaliak saabaik nan lalu, saaik imigran Muslim nan banyak masuak ka Eropa. Kota-kota nan gadang di Eropa taka London, Paris jo Munich mampunyoi musajik gadang jo manaronyo. Musajik iko biasonyo talatak di daerah urban sabagai pusek komunitas jo kagiatan-kagiatan sosial untuak muslim-muslim nan ado di daerah tasabuik. Di Amerika Serikat, Musajik patamo bana dibuek pado awal abaik ka 20, di daerah Cedar Rapids (Iowa) nan dibangun pado kurun abaik ka 19.

Manuruik sajarawan Muslim, pasukan Muslim mampabuliahan panduduak kota-kota nan ditakluakannyo (tapi indak ado palawanan) untuak tatap mampagunoan gareja jo sinagog nan ado. Tapi, ado gareja-gareja jo sinagog nan baraliah fungsi manjadi musjaik dek pasatujuan dari tokoh agamo di tampek nan basangkuikan. Misalnyo pado parubahan fungsi Musjaik Umayyah, nan maambiak gareja Santo Yohannes pado taun 705 dari Umaik Kristiani.




#Article 64: Musajik Taqwa Muhammadiyah (260 words)


Musajik Taqwa Muhammadiyah adolah ciek alah musajik paliang gadang di Indonesia nan talatak di pusek Koto Padang, Sumatera Barat. Musajik nan tagak di tangah-tangah kebisiangan Pasa Rayo Padang iko patamo bana dibangun pado taun 1961 barupo bangunan balenggek duo nan di atehnyo ado ciek kubah nan gadang. Tapi pado 6 Januari 1975, musajik iko rusak barek dek kubah nantun runtuah. Pado taun 1977, musajik iko dibangun lai nan akhianyo salesai pado taun 1987.

Musajik iko barado indah jauah bana dari Musajik Gantiang jo Musajik Nurul Iman nan kaduonyo turik baperan dalam catatan sajarah Koto Padang. Kini, musajik iko indak hanyo dipagunoan untuak tampek baibadah se, tapi dipagunoan lo untuak kaparaluan lain bantuak pandidikan jo parekonomian.

Pandiri musajik iko kabanyakan marupoan kader-kader Muhammadiyah, sahinggonyo acok disabuik jo Musajik Muhammadiyah. Asa mulo pandirian musajik iko bamulo katiko dibantuaknyo kalompoak (ranting) Muhammadiyah di Pasa Jao jo sakitarnyo pado taun 1952, nan anggotanyo wakatu itu bajumlah 25 urang dikapaloi dek Hasan Herbalis. Kalompoak nan tun mangadoan pangajian duo kali saminggu di Musajik Nurul Ihsan nan dikenal lo jo Masjid Kampuang Jao Dalam. Baru mangadoan pangajian salamo empek taun, tapeknya pado taun 1956, pangajian itu ditantang dek masyarakaik sakitar dek dianggap alah ikuik campua maurus budayo jo adaik inyo, misalnyo katiko anggota pangajian iko indak mambanaan acaro manujuah hari jo makan-makan di tampek urang nan alah maningga, sadangkan manuruik inyo hal itu marupoan hal nan dipabuliahan. Untuak indak mambuek masalah, mako pangajian iko dialiahan ka loih bada iyolah kadai milik Bilal. Kini, loih itu barada di kawasan Pasar Raya Padang tapeknyo di balakang blok A.




#Article 65: Nagari (249 words)


Nagari adolah suatu wilayah nan mampunyoi susunan kapamimpinan jo panagak hukumnyo tasandiri. Manuruik adaik Minangkabau, nagari adolah pamukiman nan samparono, nan lah ado mamiliaki balai adaik, musajik, lapangan tabukak, tampaik mandi umum, jo jalan rayonyo surang. Suatu nagari biasonyo bakuliliangi jo tanah pasawahan miliak panduduaknyo.

Sacaro etimologi kato nagari ba asa dari Bahaso Sanskerta nagarom nan ba arti tanah air, tanah asa, atau tanah kalahiran. Bantuak lain dari kato tu antaro lain negara, negeri, nagori, nogori.

adolah pangaturan rukun tetangga, alek gadang, jo, pamainan. Dalam hal pengaturan rukun tetangga, halaman disamoan jo kondisi tu jo hubuangan antaro sasamo sanak sodaro, tetangga jo kaum kerabat. Jadi parumpaannyo, kalau rumah tu punyo halaman nan rancak  jo damai ba akibaik pado parangai sanak sodaronyo dalam berinteraksi jo dunia lua. Salanjuiknyo, bapamedanan adolah arena bagi anak-anak nagari untuak manunjukan kesenian jo sabagai arena permainan. Zaman saisuak, disatiok nagari ado arena bapamedanan, nan disabuik jo medan nan bapaneh. Guno dari bahalaman adolah untuak manghalangan jarak pandang urang lua taradok masalah nan sadang dirasoan sabuah keluarga, karano halaman acok ditanam jo tumbuah-tumbuahan sabagai pambateh, jo sabagai arena pambateh aktifitas bagi anak padusi. Artinyo, bateh anak padusi bakawan hanyo sabateh halaman sajo. Paguno bana fungsi tu dari bahalaman bagi sabuah rumah, mako bahalaman manjadi ciek syaraik untuak managakkan sabuah nagari di Minangkabau. Manjadi tampek bamain bagi anak-anak, halaman acok juo dijadian tampak berinteraksi jo kawan-kawan sapamainan, jadinyo muncul pamainan nan basifaik kreatifitas, adu kepandaian, mamupuak raso saba, mauji nan sabananyo jo manjalin raso kabersamaan antaro  anak-anak.




#Article 66: Nan Tujuah, Palupuh, Agam (130 words)


Nan Tujuah marupoan salah satu nagari nan ado diKecamatan Palupuh, Kabupaten Agam, Sumatera Barat.

Konon kabanyo, namo Nan Tujuah bamulo dari nagari Nan Limo ditambah duo nagari, iyolah nagari Sipisang jo nagari Simauang. Asa usua niniak moyang nagari Nan Tujuah barasa dari kanagarian Kapau, Kamang, sudah tu manuju Tujuah Lurah Koto Rantang dan akianyo sampai di Nan Limo.

Nan tamasuak ka dalam nagari Nan Limo adolah Paninggiran Ateh, Paninggiran Bawah (Paninggiran Baruah), Sariak Laweh, Kuran-kuran, Tunggua Banio Bateh Rimbang, Sungai Baluka, jo Bateh Sariak; nan tamasuak nagari Sipisang adolah Sipisang, Haraban, jo Aia Kijang; sadang nan tamasuak nagari Simaung adolah Simauang Hilia, Simauang Mudiak, jo Lariang.

Nagari Nan Tujuah dihuni jo suku-suku Chaniago, Tanjuang, Koto, Jambak, Piliang, Sikumbang, jo Malayu.

Di nagari iko tadapek babarapo jorong, yaitu:

Nagari Nan Limo:




#Article 67: Nasi (108 words)


Nasi adolah  (kadang-kadang dipakai juo manyabuik jinih   lainnyo) nan alah diabuih jo ditanak. Proses mangabuih bareh dikenal juo jo  istilah tim. Mananak diparaluan untuak mambangkikan aroma nasi jo mambueknyo labiah lunak tapi tatap tajago konsistensinyo. Pambuekan nasi nan manggunoan  balabiah dalam proses maabuih ka maasiaan .

Nasi dimakan jo sabagian gadang panduduak  untuak sumber  utamo dalam menu saari-ari. Nasi marupoan  nan biasonyo dihidangkan basamo lauak untuak palangkap raso jo mamanuahi kabutuahan gizi surang. Nasi lai dapek diolah basamo bahan makanan lain untuak manjadi masakan baru, sarupo ,  atau . Nasi dapek dikatoan makanan pokok bagi masyarakaik Asia, kusuihnyo masyarakaik Asia Tenggara.nasi itu lamak bano rasonyo, manih juo saketek.




#Article 68: Padang Laweh, Sungai Pua, Agam (229 words)


Padang Laweh marupoan salah satu nagari nan ado diKecamatan Sungai Pua, Kabupaten Agam, Sumatera Barat. . Barado di kaki  jo lueh wilayah kurang labiah 690 ha.Gerbang Nagari  talatak di  nan manghubungkan  jo . Bajarak 2 km dari Ibu Kota Kacamatan jo wakatu tampuah ka Ibukota Kacamatan sakitar 15 minik, sadangkan jarak ka Ibu kota Kabupaten sakitar 88 km jo wakatu tampuah 3 jam sadangkan jarak ka Ibukota Propinsi () sakitar 89 km jo wakatu tampuah 2 jam.

Nagari Padang laweh tadiri dari 4  :

  pado awalnyo  adolah bagian dari  . Pado Taun 1946 Nagari  mamisahkan diri jo Batu Palano jo  partamo Rahmad A. Malano. Samanjak itu Kanagarian  alah diakui kabaradoannyo dek Pamarintah jo kaputusan Gubernur

Bateh-bateh nagari sabagai barikuik:

Badasarkan  Nagari  mampunyoi  jo kamiringan, katinggian jo morfologi daratan, wilayah pagunuangan, daratan tinggi. Nagari  talatak pado katinggian 985 – 1505 m diateh parmukoan lauik,  jo suhu rato-rato 16 °C - 25 °C jo kalembaban udaro bakisar antaro 80 -  90%.

 nan cukuik tinggi yaitu 12.521 mm/tahun tanpa bulan kariang.  tatinggi tajadi pado Bulan November sakitar 1.647 mm jo curah hujan tarandah tajadi sekitar bulan Juli 74 mm. Kondisi Curah hujan ko bapangaruh tahadap kagiatan panduduak.

Jenis tanah nan ado di Kanagarian  adolah jenis  atau  nan sangaik cocok untuak  jo 

Masyarakaik juo takenal jo  nan masih dijago, sarupo  jo  kasenian daerah . Salah satu tarian kasenian nan barasal dari Nagari  adolah 




#Article 69: Pasia, Ampek Angkek, Agam (136 words)


Pasia marupoan salah satu nagari nan ado diKecamatan Ampek Angkek, Kabupaten Agam, Sumatera Barat. Nagari Pasia talatak di bagian timur daratan Agam. Jarak luruih dari Koto Bukittinggi kiro-kiro 3 km. Laweh nagari Pasia labiah-kurang 90 hektar.

Pasia adolah satu pacahan baru nan manjadi nagari sabagai pacahan baruntun Balai Gurah Gadang manjadi babarapo nagari. Panduduak Pasia awalnyo marupoan panyebaran panduduak dari Ampang Gadang jo Batu Taba. Panduduak Ampang Gadang jo Batu Taba nan tibo di Pasia pado maso tu marupoan anak-kamanakan dari pasukuan nan barasa dari Balai Gurah.

Pasukuan-pasukuan nan ado di Pasia labiah dikana jo sabuikan Limo ka ateh dari Ampang Gadang, jo Limo ka bawah dari Batu Taba. Pasukuan nan dari Ampang Gadang iyolah suku Koto, Guci, Tanjung, Sikumbang, jo Jambak. Sadang pasukuan nan dari Batu Taba iyolah suku Koto, Piliang, Guci, Tanjung, jo Sikumbang.




#Article 70: Puaso dalam Islam (418 words)


Shaum (baso Arab صوم) atau puaso dalam Islam aratinyo adolah manahan diri dari makan, minum jo sadoalah hal-hal nan dapek mambatalannyo, untuak maningkekan katakwaan saurang muslim. Parintah puaso dikecekan dek Allah pado Al-Quran surek Al-Baqarah ayaik 183.

Salain itu, puaso marupoan ciek dari limo Rukun Islam. Puaso tadiri dari puaso wajib jo puaso sunnah. Wakatu-wakatu nan diharaman untuak puaso diantaronyo adaloh:
Hari Rayo Idul Fitri (1 Syawal)
Hari Rayo Idul Adha (10 Zulhijjah)
Hari-hari Tasyrik (11, 12, dan 13 Zulhijjah)

Umaik Islam dilarang makan jo minum sajak tabik fajar inggo tabanam matoari di wakatu mugarik. Nan dianggap wakatu mulai puaso iyolah kok saurang tagak di lua ruang dapek mambedaan banang putiah dari banang itam, iyolah cahayo matoari tabik jo kalamnyo malam. 
Puaso dipandang subagai ibadah untuak manahan diri dari hawa nafsu (makan jo minum) sarato fokus maamboan diri ka bakeh Allah.

Puaso dalam Islam dibagi manuruik hukum pangarajoannyo manjadi duo hukum, iyolah wajib jo sunnah (dianjuaan). Barikuik panjalehan labiah rincinyo:

Puaso nan hukumnyo wajib adolah shaum nan musti dikarajoan dan ka mandapek pahalo. Kudian, kok indak dikarajoan mangko mandapek doso. Puaso-puaso wajib adolah sabagai barikuik:

Puaso nan hukumnyo sunnah adolah puasi nan kok dikarajoan mandapek pahalo dan kok ditingga indak mandapek doso. Puaso-puaso sunnah di antaronyo:

Manuruik sunnah dari Nabi Muhammad , muslim makan sabalun mulai bapuaso, nan disabuik makan parak siang (sahur). Sadoalah makan musti dihantian kok lah masuak wakatu subuah. Babeda jo wakatu salat nan lainnyo, untuak panantuan wakatu subuah ado duo definisi wakatu fajar nan sabananyo (fajar shadiq). Manuruik hadis, ado rantang jarak antaro pusek matoari jo ufuk langik antaro 12 inggo 20 darajaik  nan balansuang salamo 40 inggo 60 minik. Indak ado batasan jinih makanan nan dimakan salamo makan parak siang salamo lai halal.

Salapeh makan parak siang, dilanjuikan jo salat subuah. Indak buliah makan jo minum sasudah masuak subuah. Aia masih buliah masuak ka muluik sangkek bawudu, salamo indak dilulua dan bakalabiahan wakatu bakumua-kumua.

Puaso diakhiri jo makan katiko ari lah patang atau masuak wakatu mugarik, nan disabuik jo babuko puaso (iftar). Wakatu babuko, muslim biasonyo makan kurma jo minum aia sabalun salat mugarik. Bekonyo dilanjuikan jo makan makanan pabukoan jo makan barek lainnyo.

Puaso adolah salah satu caro alternatif untuak mangurangi kadar DPP-4 sarato maaktifkan paambek dipeptidyl peptidase-4 (dipeptidyl peptidase-4 inhibitor) dan managah osteoporosis. Di sisi lain, irama sirkadian mampunyoi hubuangan lansuang jo kajadian osteoporosis. Hal ko ditandoi jo ditamukannyo panando biokimia (biochemical marker), manunjuakan baso puaso pado jam-jam tatantu tiok ari, khususnyo salamo maso bapuaso amaik efektif untuak manurunkan efek osteoporosis.




#Article 71: Rabindranath Tagore (385 words)


Rabindranath Thakur, diijo caro Inggirih: Tagore, (uruih Benggali: রবীন্দ্রনাথ ঠাকুর, lahia 7 Mei 1861 – maningga 7 Agustus 1941), adolah surang panyaia jenius Benggala nan lah sabana baparan dalam pakambangan sastra jo musik di Asia Salatan. Baliau nan acok juo dipanggil Gurudev ko marupoan pangarang puisi tamusaua Gitanjali, nan syairnyo sangaik manyintuah, sajuak jo endah, nan lah manyabaukannyo jadi urang bukan Eropa patamo nan mamanangan Adiah Nobel di bidang Sastra pado taun 1913. Karano tajamahan puisinyo nan dipandang spiritual dan panuah gairah, paribadinyo nan maanyuikan, rambuiknyo nan bagalombang, sarato mode bajunyo nan indak biaso, kasadonyo mambueknyo dipandang bak nabi dek dunia Baraik. Prosanyo nan manawan jo puisinyo nan manyihia pado umumnyo tatap indak dikataui di lua Benggala. Tagore lah bajaso mampakanakan bantuak prosa jo sajak baru sarato mamakai baso saari-ari ka dalam sastra Benggali, dangan baitu malapehannyo dari bantuak lamonyo nan badasar pado Sansekerta klasik. Inyo sangaik bapangaruah dalam mampakanakan budayo India ka Barat jo sabaliaknyo, dan inyo umumnyo dipandang sabagai surang seniman kreatif India moderen nan takamuko.
 
Tagore barasa dari kaluargo Brahmana Pirali dari Kalkuta. Tagore mulai manulih puisi sadang inyo baumua salapan taun. Kutiko inyo baumua anam baleh, inyo mangaluaan puisi-puisi pantiang patamonyo dangan namo samaran Bhānusiṃha (Singa Matoari), nan dipandang jo para sastrawan macam karya sastra klasik nan lah lamo ilang. Inyo mulai manulih carito-carito singkek jo dramanyo, sarato manggunoan namo lahianyo, sajak 1877. Sabagai surang humanis, universalis-internasionalis, jo anti-nasionalis (manantang bapacahnyo ranah India-Pakistan-Bangladesh) nan lantang, inyo mancalo kakuasoan Inggirih, sarato sangaik mandukuang kamardekaan India dari Inggirih. Inyo nan tamasuak seniman Renaisans Benggala lah malaian banyak karya nan barupo lukisan, sketsa jo corat-coret, baratuih karangan, jo labiah-kurang duo ribu lagu. Paninggalannyo dipaliaro taruih di lambago pandidikan nan diadoannyo, Universitas Visva-Bharati.

Tagore lah pulo mamoderenan seni Benggali jo caro maubah bantuak-bantuak klasik sarato bateh-bateh kabahasoan nan dirasonyo kaku. Babagai novel, carito, lagu, drama tari, jo esainyo manyuaroan bamacam-macam masaalah politik jo paribadi. Gitanjali (Pasambahan Lagu), Gora (Rupo Rancak), jo Ghare-Baire (Rumah jo Dunia) adolah karya-karyanyo nan dipandang tarancak. Babagai syair, carito singkek, jo novelnyo lai juo mandapek sorotan atau pangakuan urang rami karano pamiliahan katonyo nan elok, pamakaian istilah saari-arinyo nan rancak jo sapatuiknyo, sarato isi paranuangannyo nan manggugah. Duo karangannyo nan babedo, kudian dipiliah dek duo bangso jadi lagu kabangsaan mareka: Jana Gana Mana dek India jo Amar Shonar Bangla dek Bangladesh.




#Article 72: Ramadan (944 words)


Ramadan (, , ;  ;  ; ) atau dek urang awak disabuik bulan basaha adolah bulan kasambilan dalam kalender Islam, dan dirayoan dek umaik Muslim di saluruah dunia jo bapuaso (saum) sarato mamparingati wahyu partamo nan turun kapado Nabi Muhammad manuruik kayakinan umaik Muslim. Parayoan tahunan ko dihoromati sabagai ciek dari rukun Islam nan limo. Bulan Ramadan balansuang salamo 29–30 ari manuruik pamantauan hilal (bulan sabik), sapantun jo aturan-aturan nan tatulih dalam hadits.

Kato Ramadan barasa dari aka kato bahaso Arab ramiḍa atau ar-ramaḍ, nan aratinyo paneh nan maanguihan atau kakariangan. Puaso Ramadan dalam hukumnyo fardhu (diwajibkan) untuak Muslim dewasa, kacuali maalami halangan untuak malakukannyo sarupo sakik, dalam pajalanan, alah gaek, manganduang, manyusui, diabetes atau sadang mandapek halangan menstruasi. Kawajiban bapuaso pado bulan Ramadan turun pado bulan Sya'ban taun kaduo salapehh hijrahnyo umaik Muslim dari Makkah ka Madinah. Bulan Ramadan diawali jo panantuan bulan sabik (hilal) sabagai panando bulan baru.

Salamo bapuaso samanjak pagi inggo patang, Muslim dilarang untuak makan, minum cairan apopun, marokok, jo bahubuangan badan. Salain itu, diparintahkan pulo untuak mailakan pabuatan doso untuak manyamparonokan pahalo puaso, sarupo bakato-kato nan buruak (co mancacek, mambuek pitanah, mangutuak, baduto) jo bacakak. Mamintak ampun (taubat) katiko bulan Ramadan rami dilakuan. Bapuaso untuak Muslim wakatu Ramadan biasonyo disaratoi jo mampabanyak salat jo mambaco Al-Quran.

Kakhususan bulan Ramadan dek pamaluak agamo Islam tajalehan pado Al-Quran surek Al-Baqarah ayaik 183 nan aratinyo:

Surek 2, Ayaik 185, dari Quran manyatoan:Bulan Ramadan adolah bulan diturunkannyo Alquran, Patunjuak dek umaik manusia, sarato bukti adonyo Nabi jo Rasul, subagai tuntunan iduik sarato pambeda (batua jo salah). Saluruah umaik Islam wajib bapuaso di bulan itu, dan siapopun nan sadang sakik atau dalam pajalanan, buliah indak bapuaso dan diwajibkan mangganti pado ari nan lain. Allah maagiah kalian kamudahan dan indak mainginkan kasusahan untuak kalian. Untuak padusi musti manyalasaian datang bulannyo, salapeh itu wajib manggantinyo sasudah Ramadhan sarato kalian musti maaguangan Allah dek karano alah mambimbiang kalian, dan musti basyukua.Alquran partamo kali diwahyukan bakeh Nabi Muhammad salamo bulan Ramadan nan alah tasabuik sabagai maso tabaiak. Wahyu partamo diturunkan di malam Lailatul Qadar (malam kamuliaan) nan marupokan ciek dari limo malam dalam sapuluah ari tarakhia bulan Ramadan. Manuruik hadis, sado kitab suci diturunkan salamo bulan Ramadan. Shuhuf Ibrahim, Taurat, Mazmur, Injil, jo Alquran diturunkan surang-surang pado tangga 1, 6, 12, 13  jo 24 Ramadan.

Di dalam Al Qur'an, puasa juo wajib dek umaik-umaik tadaulu, dan marupokan caro untuak mancapai status taqwa, takuik ka bakeh Tuhan. Allah SWT manyatokan bakeh Nabi Muhammad baso bapuaso untuak Baliau bukanlah sabuah hal nan baru lai. Dalam monoteisme, hal nan biaso dijalani dek urang-urang nan sabana maambo pado kaasoan Allah. Urang-urang kapia Makkah pun bapuaso, tapi anyo pado hari kasapuluah Muharram untuak maradokan doso sarato baarok tailak dari kakariangan.

Kaputusan untuak manjalani ibadah puaso salamo bulan Ramadan diturunkan 18 bulan sasudah Hijrah, iyolah pado bulan Sya'ban pado taun kaduo Hijrah atau pado taun 624 Masehi.

Abu Zanad, surang panulih Arab dari Irak nan iduik salapeh batagaknyo Islam sakitar taun 747 M, manulih baso saindaknyo ciek komunitas nan banamo Mandaenisme (Kaum Sabiin) nan ado di al-Jazira (Irak utara modern) maamati Ramadan sabalun bapindah ka Islam.

Manuruik Philip Jenkins, Ramadan datang dari disiplin gareja-gareja Syria nan pakek. Namun, saran ko dirujuak pado gagasan orientalis baso Alquran surang mampunyoi asa Syria, hal ko ditulak dek akademisi Muslim sarupo M. Al-Azami.

Barikuik kajadian basijarah nan diyakini tajadi samaso jo bulan Ramadan:

Lailatul Qadr tapantau balansuang pado ciek ari di antaro sapuluah ari tarakhia bulan Ramadan (biasonyo pado malam-malam ganjia). Muslim picayo baso pado malam ko nan disabuik sabagai Malam Kamuliaan labiah baiak daripado saribu bulan. Pado ari iko, ibadah sapanjang malam ko sarupo jo ibadah salamo saribu bulan (kiro-kiro 83 tahun; saumua iduik). Rami umaik Muslim maabihan malamnyo jo mampabanyak ibadah.

Kalender Hijriyah ditantuan manuruikan revolusi bulan mangaliliangi bumi dan tiok awa bulan diputuihan soal tampaknyo hilal (bulan sabik). Metode panantuan tampaknyo hilal nan digunokan kini adolah metode mancaliak jo mato talanjang (tanamo jo istilah rukyah) sarato manggunokan metode paretongan astronomi (tanamo jo istilah hisab). Persatuan Islam (PERSIS) jo Majelis Ulama Indonesia (MUI) manggunokan kombinasi hisab jo rukyah untuak panantuan hilal. Nahdlatul Ulama (NU) sarato Kamantarian Agamo RI salaku Pamarintah RI manggunokan metode rukyatul hilal; samantaro Muhammadiyah manggunokan hisab hakiki wal wujudul hilal sabagai sandaran panantuan hilal. Pabedaan metode ko manyababkan adonyo kamungkinan pabedaan hasia panetapan bilo mulo jo akhia Ramadan bak cando nan tajadi pado taun 1998 M (1418 H).

Lailatul Qadar (malam kamuliaan), adolah satu malam nan khusus tajadi di bulan Ramadan. Malam ko dikatokan dalam Alquran pado surah Al-Qadr, labiah ancak daripado saribu bulan. Wakatu pasti balansuangnyo malam ko indak dikatahui do. Namun manuruik babarapo riwayaik, malam ko jatuah pado 10 malam tarakhia pado bulan Ramadan. Labiah tapeknyo pado ciek dari malam-malam ganjia di antaronyo malam ka-21, 23, 25, 27 atau ka-29. Sabagian Muslim biasonyo barusaho indak malewaikan malam ko dan marayoan malam ko jo manjago diri untuak batanggang salamp malam-malam tarakhia Ramadan sambia baribadah sapanjang malam.

Akhia dari bulan Ramadan dirayoan jo sanang ati dek saluruah muslim di saluruah dunia. Pado malam harinyo (malam 1 Syawal), nan biaso basabuik malam kamanangan, biasonyo umaik ka mangumandangkan takabia basamo-samo. Di Indonesia surang ritual ko manjadi hal nan menarik karano biasonyo umaik Muslim mangumandangkan takabia sambia bapawai kaliliang kota jo kampuang, kadang-kadang langkok jo mamukua beduk sarato manyaloan kambang api atau maiduikan palito.

Barisuaknyo tangga 1 Syawal, nan dirayoan sabagai hari rayo Idul Fitri, baiak laki-laki maupun padusi muslim ka mamadekan musajik maupun lapangan tampek ka dilakukannyo Salat Ied. Salat dilakukan duo raka'at kudian ka diakhiri dek duo khutbah tantang Idul Fitri. Parayoan kudian dilanjuikan jo acara saliang mamintak maaf di antaro muslim, dan sakalian mangakhiri saluruah rangkaian aktivitas agamo khusus nan manyaratoi Ramadan.

 

 




#Article 73: Randai (318 words)


Randai adolah pasambahan tradisional khas suku Minangkabau nan barupo papaduan antaro seni bela diri nan biaso disabuik silek samo tarian, dendang sarato seni paran atau lakon. Randai biasonyo ditunjuakan di upacara tradisi jo acara khas, jo kisah panjang mungkin mamakan wakatu babarapo malam. Inyo ditarian sabagai teater, dalam bulatan untuak mancapai pasamaan jo panggabuangan antaro panonton jo palakon. Dalam Randai, kisah disampaikan malalui lakonan jo nyanyian, jo kabanyakannyo basandian lagenda Minangkabau jo carito rakyat. 

Randai mampunyoi sijarah panjang dalam masarakaik Minangkabau. Randai barasa awal abaik ka-20 asia gabuangan seni bela diri satampek, pancaritoan jo tradisi patunjuakan lain. 

Randai marupoan suatu bantuak kasenian nan dimain dek babarapo urang sacaro bakalompok.Randai iko dimain dek pamain utamo nan batugeh sabagai tukang carito.  Pamain utamo ko buliah bajumlah surang, duo, tigo atau labiah, bagantuang pado carito nan dibawa.  Dalam patunjuakan pamain utamo dikaliliangi dek pamain-pamain lain nan batujuan untuak manjadikan alek manjadi rami. 

Pado wakatu awal Randai adolah media untuak menyampaian kaba atau carito rakyaik malalui gurindam atau sair nan didendang basamo galombang (tari) nan baasa dari garak-garik silek Minangkabau. Dalam randai tadapek carito nan dibaok sarupo carito Cindua Mato, Malin Deman, Anggun Nan Tongga, jo carito rakyaik lain lai. Randai batujuan maibua masarakaik, jo biasonya diadoan pado wakau pesta rakyaik atau ari rayo Idul Fitri. Namun maso inyo bakambang, Randai juo maambiak jo manggabuangan gayo watak-watak jo dialog dalam sandiwara-sandiwara, sarupo kalompok Dardanela. Laki-laki biasonyo mamainan paranan kaduo-duo watak laki-laki jo padusi carito, tapi sajak taun 1960-an padusi juo turuik ikuik sarato.

Ado tigo teori tantang asa mulo randai. Teori partamo manyabuik baso asa mulo randai dari tari jo lagu. Pandukuang teori ko manyabuik baso asa mulonyo dari tari ilau, dari Solok. Tari ilau mulonyo ditarikan dek padusi dalam galombang tari jo nyanyian-nyanyian ratok. Samantaro katiko ditarikan jo laki-laki mangko barubah manjadi randai. Namun, indak ado panjalehan labiah lanjuik soal tari ilau nan ditarikan padusi dek tarian laki-laki nan labiah bakambang.




#Article 74: Randang (908 words)


Randang dagiang atau biaso disingkek randang (dialek lain: rondang, ghondang; Jawi: رندڠ) adolah masakan masakan tradisional khas dari Sumatera Barat, Indonesia. Bahan utamonyo dagiang jawi, santan, lado, jo bumbu. Masakan iko dibuek jo caro mamasak baulang-ulang nan dicampua karambia. Proses mamasaknyo nan lamo inggo bajam-jam (biasonyo sakitaran ampek jam) inggo mangariang dan barono itam kaliang. Dalam suhu ruang, randang dapek batahan inggo baminggu-minggu. Randang nan dimasak dalam wakatu nan singkek dan santannyo alun mangariang disabuik kalio, rononyo coklat tarang kaamehan.

Randang lah tanamo di masyarakaik inggo dapek murah basobok di Rumah Makan Padang di saluruah dunia. Masakan ko populer di Indonesia dan nagara-nagara Asia Tenggara lainnyo, co Malaysia, Singapura, Brunei, Filipina, dan Thailand. Di daerah asalnyo, Minangkabau, randang disajikan di babagai upacaro adaik dan perhelatan istimewa. Walau randang marupokan masakan tradisional Minangkabau, masiang-masiang daerah di Minangkabau mampunyoi teknik mamasak sarato ragam jo piliahan bumbu nan babeda.

Pado taun 2011, randang dilewakan sabagai hidangan nan ado di paringkek partamo dalam daftar World's 50 Most Delicious Foods (50 Hidangan Talamak Dunia) versi CNN International.

Randang ju digunoan sabagai bantuan pangan untuak korban bancano alam deknyo tahan lamo sarato kanduangan gizinyo, sarupo wakatu gampo bumi Lombok 2018, gampo bumi dan tsunami Sulawesi 2018, tsunami Selat Sunda 2018, jo Banjir sarato galodo Bengkulu 2019.

Randang basah, atau labiah tapeknyo disabuik kalio, adolah randang nan dimasak dalam wakatu nan labiah singkek, santannyo alum baaitu mangariang samparono, dan dalam suhu ruangan hanyo dapek batahan hanyo dalam wakatu kurang dari saminggu. Randang basah barwarna coklat tarang kaamehan dan labih pucek.
Randang takana juo di nagari subarang, sarupo Malaysia jo Singapura. Randang nan ado di Malaysia labiah mirip kalio, bawarna labiah pucek dan basah nan citorasonyo indak baitu kuek. Randang Malaysia nan disabuik jo randang kelantan dan rendang nagari sambilan punyo pabedaan jo randang Indonesia. Caro mamasak randang di Malaysia, labiah singkek dan malakuan pangentalan bumbu kamudian dicampua jo kerisik (karambia parut nan disangrai), indak jo proses pamasakan nan manggunoan api ketek dalam wakatu ynan lamo. Karano katakaikan sajarah malalui kolonialisasi, randang dapek juo ditemuan di Balando, dalam bantuak kalio pun ado, tatapi umumnyo disajian sabagai salah satu bagian dari lauk-pauk Rijsttafel.

Randang marupoan masakan nan dihidangan kapada niniak mamak pado acara tradisional Minangkabau. Randang malambangkan budayo Minangkabau nan takana jo musyawarahnyo. Dapek kito katahui bahwasanyo ampek macam bahan utamo pambuek randang malambangkan masyarakaik Minangkabau sacaro kasaluruahan:

Di dalam tradisi Minangkabau, randang adolah hidangan nan harus ado di acara-acara khusus atau di kagiatan tradisional Minangkabau, contohnyo acara turun mandi, acara sunaik rosul, acara baralek, acara khatam qur'an, dan pado acara hari rayo gadang jo hari rayo haji.

Randang adolah masakan nan manganduang banyak bumbu. Untuak mambuek randang, dagiang jawi dimasak jo santan karambia dan campuran babagai bumbu khas, antaro lain lado, langkueh, sarai, bawang dan aneka bumbu lainnyo nan biaso disabuik jo pamasak. Kaunikan randang talatak pado pamakaian pamasak alami, nan basifek antiseptik sarato dapek mambunuah bakteri patogen sainggo bafungsi sabagai bahan pengawet alami sakali. Bawang putih, bawang sirah , sipadeh, dan langkueh diketahui mampunyoi aktivitas antimikroba nan kuek. Sainggo wajar kok randang dapek batahan saminggu hinggo ampek minggu lamonyo, bahkan labiah.

Proses mamasak randang asali dapek maabihan wakatu bajam-jam (biasonyo sakitar ampek jam). Dek itulah mamasak randang mambutuahkan wakatu jo kasabaran. Potongan dagiang dimasak basamo pamasak jo santan dalam baro api nan tapek, diaduak lambek-lambek inggo santan jo bumbu marasok ka dagiang. Sasudah mandidiah, apinyo dipaketek dan taruih diaduak inggo santannyo pakek jo mangariang. Mamasak randang musti saba dan ditunggui, sarato elok-elok mangacau supayo santan mangariang dan bumbu tarasok samparono, jo indak maanguihan atau mambuek dagiang cayia. Proses mamasak iko tanamo dalam seni kuliner modern jo istilah karamelisasi, kalau di Minang disabuik sabagai marandang. Dek pamakaian banyak jinih langkok-langkok, randang tanamo juo jo raso nan kompleks jo unik.

Randang umumnyo manggunokan dagiang jawi atau kabau, tapi ado pulo baragam jinih bahan dasa lainnyo nan dimasak sasuai bumbu jo resep. Ragam randang antaro lain:

Di lua nagari asanyo di Minangkabau, randang tanamo juo di nagara-nagara tatangga cando Malaysia, Singapura, Brunei, selatan Thailand, jo selatan Filipina. Randang Malaysia labiah nampak sarupo kalio, rononyo labiah tarang jo bumbunyo labiah ringan kok dibandiangan jo randang Minangkabau. Randang Malaysia punyo babarapo ragam, sarupo randang Kelantan jo randang Nagari Sambilan. Gaya marandang di Malaysia labiah singkek wakatunyo sarato mamakai ambu-ambu (karambia kukua barandang) untuk mamakekan bumbu, aliah-aliah mangacau lamo di ateh tungku jo api ketek sarupo nan dibuek di Indonesia. Salain itu, di Malaysia, varian rendang Tok, ditamukan juo di nagari Perak jo bantuak nan labiah kariang.

Di Filipina, randang umumnyo diubuangkan jo masakan urang Maranao Muslim di Mindanao. Babeda jo randang Indonesia dalam pamakaian bumbu asalinyo nan disabuik palapa sarato diagiah juo gulo muscovado di dalamnyo.

Etnis lainnyo di Indonesia alah maadopsi pulo jinih randangnyo dalam makanan saari-ari. Contohnyo, di Jawa, randang biasonyo labiah basah (agak bakuah), agak manih, jo kurang padeh untuk manyasuaian jo salero Jawa. Pado maso kolonial, urang Balando pun alah familiar jo randang dan acok baidang dalam bantuak kalio — biasonyo bagian dari rijsttafel.

Bumbu randang kadang dipakai sabagai basis untuak campuran bumbu masakan. Babarapo juru masak di Indonesia mangambangkan makanan campuran Japang-Indonesia sarupo randang roll. Babarapo juru masak jo industri makanan bakreasi pulo manggabuangkan randang jo roti isi, burger, jo spageti. Burger King sasakali panah pulo manyadiokan burger raso randang di kadai-kadinyo di Singapura jo Indonesia untuak periode singkek. Spageti jo raso randang dapek pulo ditamukan di kadai 7-Eleven saluruah Indonesia. Randang tanamo pulo di Indonesia manjadi raso pado mi instan, sarupo  Indomie Goreng Rendang.




#Article 75: Riau (191 words)


Riau (Jawi: رياو) adolah sabuah provinsi di Indonesia nan talatak di bagian tangah pulau Sumatra. Provinsi iko talatak di bagian tangah pantai timur Pulau Sumatra, iyolah di sapanjang pasisia Selat Malaka. Inggo taun 2004, provinsi ko juo mambantang sampai Kapulauan Riau, sakalompok gadang pulau-pulau kaciak (pulau-pulau utamonyo antaro lain Pulau Batam jo Pulau Bintan) nan talatak di sabalah timur Sumatra dan sabalah selatan Singapura. Kapulauan ko dipacah manjadi provinsi surang pado Juli 2004. Ibu kota jo kota paliang gadang Riau adolah Pekanbaru. Kota gadang lainnyo antaro lain Dumai, Selatpanjang, Bagansiapiapi, Bengkalis, Bangkinang, Tembilahan, jo Rengat.

Riau kini marupokan salah satu provinsi takayo di Indonesia, dan sumber dayonyo didominasi dek sumber alam, utamonyo minyak bumi, gas alam, gatah, kelapa sawit jo parak serat. Tapi, panabangan hutan nan marajolelo alah mangurangi laweh hutan sacaro signifikan, dari 78% pado 1982 manjadi anyo 33% pado 2005. Rato-rato 160,000 hektare hutan abih ditabeh satiok taun, manyisokan 22%, atau 2,45 juta hektare pado taun 2009. Deforestasi jo tujuan pambukaan lahan-lahan parak karambia sawit dan produksi karateh alah mambuek kabuik asok nan amaik mangganggu di provinsi ko salamo batahun-tahun, dan manyeba ka nagara-nagara tatangga co Malaysia jo Singapura.




#Article 76: Rumah (103 words)


Rumah marupoan tampek tingga, tampek bataduah, bangunan atau struktur nan manjadi tampek tingga dari manusia. Istilah ko mancangkup dari bamacam tampek tingga lain mulai dari bantuak pondok-pondok tampek tingga nomaden hinggo bangunan nan berstruktur. Dalam konteks lain rumah dapek ba maksud penginapan, akomodasi dan lainnyo.

Unit sosial nan tingga di rumah tu biaso dikenal jo sebutan rumah tangga. Paliang umum, rumah tangga ko marupoan sabauh keluaga, namun dapek juo ba maksud kalompok sosial atau pun urang tunggal. Dalam kultur masyarakaik agraris maupun industri, kalompok rumah tangga ko marupoan satu unit nan menetap pado satu kawasan atau parumahan dalam bantuak hak milik maupun sewa.




#Article 77: Rumah Gadang (2289 words)


Rumah Gadang atau Rumah Godang adolah namo untuak rumah adaik Minangkabau nan banyak dijumpoi di propinsi Sumatera Barat, Indonesia. Rumah iko bafungsi sabagai tampek tingga basamo jo tampek diadoannyo acara-acara adaik di Minangkabau. Namo lain untuak rumah ko iolah Rumah Bagonjong, dek adonyo atok malangkuang tajam nan disabuik gonjong. Ado pulo nan manyabuiknyo sabagai Rumah Baanjuang, dek adonyo anjuang di sisi kida atau suok pado Rumah Gadang tipe Lareh Koto Piliang.

Ado aturan adaik dalam pandirian sabuah Rumah Gadang sainggo indak sadoalah wilayah Minangkabau buliah mandirian rumah adaik iko. Rumah Gadang anyo buliah didirian di wilayah darek nan alah bastatus sabagai nagari sajo, baitu pulo di rantau. Salain di Sumatra Barat, rumah gadang dapek pulo dijumpoi di Nagari Sambilan, Malaysia nan biaso disabuik Rumah Tradisional Nagari Sambilan.

Rumah Gadang bafungsi sabagai tampek tingga basamo, nan mampunyoi aturan-aturan jo tata krama. Jumlah biliak tagantuang jo jumlah padusi nan tingga di dalamnyo. Satiok padusi dalam kaum nan alah balaki mandapekan ciek biliak. Samantaro itu padusi nan alah gaek jo anak-anak mandapekan biliak di dakek dapua. Sadangkan gadih remaja mandapekan biliak basamo di ujuang Rumah Gadang.

Sadoalah bagian dalam Rumah Gadang marupoan ruangan lapeh kacuali tampek lalok. Bagian dalam tabagi dari lanjar jo ruang nan ditandoi dek tiang-tiang. Tiang nan babanjar dari muko ka lakang manandoi lanjar, sadangkan tiang nan babanjar dari kiri ka kanan manandoi ruang. Biasonyo ado duo atau tigo lanjar di Rumah Gadang, tagantuang jo gadang rumah. Manuruik adaik, jumlah ruangnyo paliang indak ado limo, idealnyo sambilan.

Rumah Gadang biasonyo dibangun di ateh tanah milik kaluarga induak dalam kaum sacaro turun tamurun , nan hanyo diwarihan dari padusi ka padusi dalam kaum . Dilaman mukonyo, biasonya ado duo buah Rangkiang, nan digunoan untuak manyimpan padi. Ruang nan ado pado ujuang kanan jo ujuang kiri Rumah Gadang disabuik anjuang, nan bafungsi sabagai tampek anak daro jo marapulai sarato tampek barubek pangulu. Indak jauah dari tampek Rumah Gadang didirian, biasonyo dibangun ciek buah surau kaum, nan bafungsi sabagai tampek ibadah, tampek pandidikan jo tampek tingga laki-laki dalam kaum nan alah gadang jo nan alun manikah.

Arsitektur pado Rumah Gadang mampunyoi ciri khas nan babeda jo rumah adaik lain nan ado di Indonesia, tautamo bantuak puncak atoknyo nan runciang manyarupoi tanduak kabau. Dahulunyo atok Rumah Gadang dibuek dari bahan ijuak nan dapek tahan hinggo puluahan taun . Rumah Gadang babantuak ampek persegi panjang nan tadiri dari bagian muko jo bagian lakang. Bagian muko Rumah Gadang biasonya panuah jo ukiran nan umumnyo bamotif aka, bungo, daun jo bidang geometri . Sadangkan bagian lakangnyo nan di lua dilapihi jo bambu.

Bangunan Rumah Gadang iko dibuek gadang ka ateh, namun indak mudah rabah dek guncangan . Salain itu, satiok elemen dari Rumah Gadang mampunyoi makna surang nan dilatari dek tambo nan ado dalam adaik jo budayo masyarakaik Minangkabau.
Pado umumnyo Rumah Gadang mampunyoi ciek janjang nan talatak pado bagian muko. Samantaro itu, dapuanyo dibuek tapisah pado bagian lakang rumah nan baimpikan jo dindiang.

Satiok elemen Rumah Gadang mampunyoi maknanyo surang, nan marujuak pado mamangan adaik Minangkabau. Elemen atau unsua nan tamasuak di antaronyo:

Babarapo simbolisme pado bagian rumah, misanyo, gonjong barubuangan jo manjangkau tuhan sarato dindiang tapi, nan sacaro tradisi tabuek dari anyaman bambu, malabangkan kakuatan jo kagunoan kaum nan tabantuak katiko saurang Minangkabau manjadi bagian dari kaum nan labiah gadang pado inyo tagak surang sajo.

Rangkiang idealnyo ado di muko rumah gadang, nan mampunyoi namo jo fungsi nan babeda-beda. Rangkiang sitinjau lauik, barisi bareh untuak kaluarga, khususnyo untuak acara adaik. Rangkiang sitangka lapa barisi bareh untuak disumbangkan ka urang nan indak mampu atau tajadi kalaparan di kampuang. Rangkiang sibayau-bayau barisi bareh untuak kabutuahan sahari-hari kaluarga.

Sacaro umum, ado duo ragam rumah gadang manuruik lareh nan dianuik suku atau nagari dima rumah gadang didirian, yaitu Koto Piliang jo Bodi Caniago.

Rumah gadang lareh Koto Piliang mamiliki anjuang di sisi kiri jo/atau kanan rumah gadang, sainggo disabuik Rumah Baanjuang. Anjuang marupokan bagian rumah gadang nan lantainyo labiah tinggi pado bagian lain rumah. Hal iko dikaranokan kapamimpinan dalam Lareh Koto Piliang nan otokrasi (batingkek-tingkek). Rumah gadang tipe ko banyak dibangun di Luhak Tanah Data.

Babeda jo lareh Koto Piliang, rumah gadang lareh Bodi Caniago indak mampunyoi anjuang. Sainggo lantai pado rumah gadang ragam ko nampak samo tinggi. Hal iko dikaranokan kapamimpinan dalam Lareh Bodi Caniago nan demokrasi. Rumah gadang ragam ko banyak basobok di Luhak Agam jo Luhak Limopuluah Koto. Walaupun baitu, pambagian ruang di dalamnyo sacaro umum samo antaro kaduo lareh ko.

Salain manuruik anjuang nan ado pado rumah gadang, ado banyak ragam lain dari rumah gadang. Pabedaan di antaro ragam-ragam rumah gadang dapek tacaliak dari bantuak, dindiang, jumlah ruang, tonggak, surambi, bahkan gonjong.

Rumah gadang di darek mampunyoi pabedaan jo rumah gadang nan ado di kawasan rantau, baiak nan di pasisia timur maupun pasisia barat. Pabedaan nan mancolok iyolah bantuak atoknyo nan bagonjong, sainggo rumah gadang nan ado di darek biaso disabuik jo rumah bagonjong. Pandirian rumah gadang bagonjong di darek ado aturan adatnyo surang. Rumah bagonjong anyo buliah dibangun di daerah nan alah bastatus nagari.

Rumah gadang ragam ko bantuaknyo cando gajah nan maharam, yaitu gadang, leba, jo tampak kokoh. Rumah gadang ko tadiri ateh banyak ruang. Rumah ko marupokan rumah suku, bukan rumah saparuik. Gajah maharam labiah bafungsi sabagai rumah adaik daripado rumah unian. Gajah maharam difungsikan sabagai tampek alek, baiak alek panikahan ataupun alek kamatian. Ragam rumah gadang ko banyak di Luak Tanah Data. Pintu masuak rumah gadang biasonyo talatak di tangah, baiak di muko atau di lakang rumah.

Rumah gadang ragam ko disabuik juo sabagai rumah gadang bapamokok. Rumah gadang jinih ko banyak di Luak Agam. Rumah gadang ko mampunyoi sayok pado sisi kida jo suok atok. Pintu masuak pado rumah gadang ko talatak di balakang.

Rumah Gadang Rajo Babandiang marupokan ragam rumah gadang balareh Bodi Caniago nan ado banyak di Luak Limo Puluah (Kabupaten Lima Puluh Kota dan Kota Payakumbuh). Dinamoi rajo babandiang dek ado ruang tambahan di bagian tapi nan badampiangan (babandiangan), tapi indak simetris sarato bapaserek ka balakang. Pamasangan saderet tiang tambahan nan disabuik tiang babisiak mambuek ruang tadi bapaserek ka balakang inggo dinamokan pulo sabagai rumah gadang bapaserek. 

Namo lain dari rumah gadang rajo babandiang adolah rumah gadang bagonjong limo. Hal iko dek biasonyo ado limo gonjong di atoknyo. Sabananyo gonjong nan kalimo marupokan gonjong tambahan untuak ruang tambahan hasil tiang babisiak tadi. Pado umumnyo pintu masuak talatak di sampiang, antaro ruang bagonjong kaampek jo nan kalimo. 

Rumah Gadang Batingkok atau Batingkek marupokan ragam lain dari rumah gadang nan dibuek batingkek (duo atau tigo). Rumah gadang jinih ko marupokan pangambangan dari rumah gadang gajah maharam, surambi papek, atau rajo babandiang. Ruang tambahan pado lantai kaduo atau katigo disabuik sabagi ruang paranginan. Di antaro jinih rumah gadang ko nan tanamo, yaitu Istano Basa Pagaruyuang (Batusangkar), Rumah Gadang Sicamin (Biaro, Agam), jo Rumah Gadang Sutan Nan Kedoh (Koto Nan Ampek, Payakumbuh).

Rumah Gadang Surambi Aceh marupokan ragam rumah gadang nan paliang banyak taseba di Kabupaten Solok jo Solok Selatan. Sasuai namonyo, ciri khas rumah gadang ko nampak dari adonyo surambi pado bagian muko rumah, sakaligus manjadi pintu masuak rumah. Hal iko tapangaruah jo arsitektur Aceh samaso wilayah kakuasoan Kasutanan Aceh alah mambantang inggo pasisia barat Sumatera Barat. Pado maso tu, tujuan adonyo surambi adolah subagai tampek manarimo tamu, khususnyo tamu nan urang kolonial.

Manuruik jumlah gonjong nan ado pado surambinyo, Rumah Gadang Surambi Aceh tabagi duo jinih yaitu:

Rumah Gadang Surambi Aceh kini masih banyak basobok di kawasan pagunuangan di Sumatera Barat, khususnyo di Solok jo Solok Selatan. Salain itu, di Kawasan Saribu Rumah Gadang, Nagari Sungai Pagu, Solok Selatan, ragam ko masih banyak dipakai. Pado bangunan modern, rumah gadang ko lah diadopsi pado Hotel Bumiminang, hal itu nampak pado bagian pintu utamonyo nan saakan-akan mambantuak Surambi Bagonjong Duo.

Rumah gadang di rantau, pasisia barat ataupun timur, dibangun babeda jo rumah gadang di darek dek ado adaik maatuanyo. Ciri bangunannyo babantuak rumah pangguang gadang jo janjang talatak di tangah tumah sarato atok nan indak bagonjong. Atok nan bangun kadang dibuek agak malangkuang sarupo Rumah Lontiok, atau bahkan indak malangkuang samo sakali sarupo Rumah Tungkuih Nasi. Dek karano indak ado gonjongnyo ko lah, masyarakaik acok salah manganggapnyo bukan rumah gadang. 

Rumah di daerah rantau biasonyo tapangaruah arsitektur lua sarupo Aceh, Malayu, Nieh, bahkan Ulando. Walaupun baitu, pambangunan bangunan rumah gadang ko masih tatap bakaitan jo aturan adaik Minangkabau nan matrilineal.

Rumah Gadang Kajang Padati marupokan ragam rumah gadang nan ado di kawasan rantau pasisia barat, khususnyo di Kota Padang, Sumatera Barat. Dinamokan kajang padati dek karano bantuaknyo sarupo jo panutuik padati (kajang padati). Rumah gadang ragam ko sangaik babeda jo nan ado di darek. Pabedaan nan paliang jaleh tampak pado atoknyo nan bukan bagonjong, tapi agak malangkuang saketek di atehnyo. Hal ko dek karano Padang marupokan kawasan rantau. Bantuak rumah gadang ko dipangaruahi dek arsitektur kolonial nan panah manguasoi Padang dahulu, sarupo Aceh. Pangaruah Aceh di antaronyo buliah nampak pado bantuak janjang sarato ukiran-ukiran nan ado.

Rumah gadang ko biasonyo tabuek dari kayu laban, banio, kalek, jo rasak. Dalam pambangunannyo, rumah ko dibangun jo orientasi maadok ka batang aia. Kini rumah gadang Kajang Padati lah mulai jarang dibangun. Namun, masih banyak di sakitar Kuranji jo Pauah. Subagai upayo palastariannyo, Rumah Gadang Kajang Padati pun lah mulai diadaptasi dalam bangunan-bangunan miliak pamarintah Kota Padang, salah satunyo pado Balaikota Padang.

Rumah Gadang Tungkuih Nasi marupokan salah satu ragam rumah gadang nan biaso tasuo di kawasan rantau pasisia barat Sumatera, sarupo di Pariaman, Padang, jo Pasisia Selatan. Sarupo jo Rumah Gadang Kajang Padati, Rumah Gadang Tungkuih Nasi indak mamakai gonjong pado atoknyo. Sasuai namonyo, bantuak atoknyo saakan-akan manyarupoi tungkuih atau pambungkuih nasi. Salah satu bangunan nan tanamo yaitu Rumah Gadang Mande Rubiah di Lunang Silaut, Pesisir Selatan.

Rumah Gadang dalam dialek Kuantan Singingi disabuik Rumah Godang. Kuantan Singingi, Riau, nan tamasuak wilayah rantau Minangkabau mampunyai bantuak rumah godangnyo surang. Rumah Godang Kuantan Singingi ko mampunyoi bantuak nan ampiang sarupo jo Rumah Lontiok nan ado di Kampar, Riau, di mano babantuak rumah pangguang nan baratok malangkuang lantiak (lontiok). Namun, bantuak atok nan batingkek mambueknyo babeda jo ragam rumah gadang lainnyo. Salah satu Rumah Godang Kuantan Singingi nan tanamo iyolah Rumah Godang Datuak Bisai di  Kecamatan Kuantan Tangah, Kabupaten Kuantan Singingi, Riau. Ciri khasnyo nampak dari bantuak atoknyo nan malangkuang lantiak, dek itu rumah ko dinamoan Rumah Lontiok (lantiak). Bantuak atoknyo babeda jo rumah gadang di wilayah darek nan mamakai gonjong nan malangkuang tajam.

Rumah Tradisional Nagari Sambilan marupokan bantuak evolusi dari rumah gadang di Nagari Sambilan, Malaysia. Rumah ko dibangun dek urang Minangkabau nan marantau ka Nagari Sambilan lalu barasimilasi jo Urang Asali Semenanjung Malaysia. Dek karano itu, rumah ko ado tapangaruah unsua arsitektur satampek. Salah satu kakhasan dari rumah ko iolah pado atoknyo nan malangkuang lantiak jo panjang sainggo rumah ko disabuik juo jo Rumah Bumbung Panjang Negeri Sembilan (Rumah Baratok Panjang Nagari Sambilan).

Rumah ko masih banyak ditamukan di Nagari Sambilan, Malaysia. Di antaro Rumah Nagari Sambilan nan tanamo yaitu, Istano Ampang Tinggi jo Istano Sori Monanti di Seremban, Nagari Sambilan.

Manuruik tradisinyo, tiang utamo Rumah Gadang nan disabuik tonggak tuo ko bajumlah ampek buah/batang nan diambiak dari hutan sacaro bagotong royong dek anak nagari, tarutamo kaum kirabaik, sarato malibaikan puluahan urang. Batang kayu nan ditabang biasonyo adolah pohon jua nan alah tuo jo luruih sarato badiameter antaro 40 cm inggo 60 cm. Pohon jua tanamo dek kareh jo kuek. Sasudah dibaok ka dalam nagari, pohon tu indak langsuang dipakai, namun dirandam daulu di tabek miliak kaum salamo batahun-tahun.

Sasudah cukuik wakatu, batang kayu tu diangkek atau dibangkik untuak dipakai sabagai tonggak tuo. Prosesi mangangkek/mambangkik kayu tu disabuik juo subagai mambangkik batang tarandam, kudian proses pambangunan Rumah Gadang balanjuik ka prosesi barikuiknyo, managakan tonggak tuo atau tiang utamo sabanyak ampek buah, nan dipandang sabagai managakan basa.

Batang pohon nan alah dirandam salamo batahun-tahun tu kudian manjadi kareh bana jo indak dapek dimakan anai-anai, sainggo dapek batahan sabagai tonggak tuo salamo ratusan tahun. Parandaman batang pohon nan ka dijadian tonggak tuo salamo batahun-tahun tu marupokan salah satu kunci nan mambuek Rumah Gadang tradisional mampu batahan malintasi zaman.

Pado bagian dindiang Rumah Gadang dibuek dari papan, sadangkan bagian lakangnyo dibuek dari bambu. Papan dindiang dipasang vertikal, samantaro itu sadoalah papan nan manjadi dindiang jo manjadi bingkai diagiah ukiran, sahinggo saluruah dindiang manjadi panuah dek ukiran.

Pado dasanyo ukiran pado Rumah Gadang marupoan ragam hieh pangisi bidang dalam bantuak garih malingka atau persegi. Sacaro umum, motifnyo adolah tumbuahan marambek, aka nan badaun, babungo jo babuah. Pola aka biasonyo babantuak lingkaran, aka baririk, bahimpikan, bajalinan jo sambuang manyambuang. Salain itu, cabang atau rantiang akanyo bakaluak ka lua, ka dalam, ka ateh jo ka bawah.

Kaunikan bantuak atok Rumah Gadang nan malangkuang tajam, alah manginspirasi babarapo arsitek di balahan nagari lain, sarupo Ton van de Ven di Balando nan mangadopsi desain Rumah Gadang pado bangunan The House of the Five Senses. Bangunan nan dioperasikan sajak taun 1996 itu digunokan sabagai pintu masuak utamo dari Taman Hiburan Efteling. Bangunan satinggi 52 meter jo laweh atok 4500 meter persegi itu marupokan bangunan bakonstruksi kayu jo atok jirami nan tagadang di dunia manuruik Guinness Book of Records.

Desain Rumah Gadang nan banyak ado di Negeri Sembilan diadopsi pulo pado bangunan paviliun Malaysia di World Shanghai Expo 2010 nan taselenggara di Shanghai, RRT pado taun 2010.

Gonjong (bagian atok nan malangkuang tajam) Rumah Gadang manjadi simbol atau ikon bagi urang Minangkabau, basamo jo ikon lainnyo sarupo rono hitam-sirah-kuniang ameh, randang, dan lainnyo. Hampia sadoalah kantua pamarintahan di Sumatera  Barat mamakai desain Rumah Gadang jo atok gonjongnyo, walaupun dibagun sacaro permanen jo simin sarato batu. Ikon gonjong dipakai pulo di bagian muko rumah makan Padang nan ado di babagai wilayah di lua Sumatera Barat. Logo-logo limbago atau pakumpulan urang Minangkabau pun banyak nan mamakai ikon gonjong jo sagalo variasinyo.

Rumah Gadang saisuak nan baatok ijuakRumah Gadang kiniBangunan nan mangadopsi desain Rumah Gadang




#Article 78: Sariamin Ismail (116 words)


Sariamin Ismail () adolah sastrawan Indonesia. Baliau adolah tokoh panulih Indonesia nan mulai manulih sajak umua 16 taun, novel partamonya bajudul Kalau tak Untung nan ditabik'an dek Balai Pustaka pado taun 1934. Dikenal sabagai pangarang partamo Indonesia dari kaum padusi. Dalam manulih novelnyo, atau manulih di surek kaba, baliau manggunoan namo samaran Selasih, atau Seleguri, atau gabuangan dari kaduo namo tu, Selasih Seleguri. Baliau manulih untuak babarapo surek kaba tamasuak Pujangga Baru, Panji Pustaka, Asyara, Sunting Melayu, dan Bintang Hindia. Baliau pernah manjabaik sabagai katua Jong Islamieten Bond cabang Koto Bukittinggi (1928-1930). Pado 1934, baliau adolah editor Suara Kaum Ibu, surek kaba di Koto Padangpanjang. Pado 1947, baliau tapiliah sabagai anggota parlemen daerah untuak provinsi Riau.




#Article 79: Semen Padang FC (660 words)


Semen Padang Football Club (dahulu Persatuan Sipak Bola Semen Padang) adolah sabuah klub sepak bola nan dipunyoi dek PT Semen Padang nan marupoan parusahaan semen paliang tuo di Indonesia. Klub sipak bola iko, bakandang di Indarung, Padang, Sumatera Barat, nan mamainan patandiangan kandangnyo di Stadion Agus Salim. Klub iko mamainan patandiangan kandangnyo di Stadion Agus Salim nan bakapasitas 20.000 panonton.

Semen Padang FC badiri pado tanggal 30 November 1980. Mangawali debut di kancah sipak bola Indonesia malalui Divisi 1 Galatama taun 1980. Pado taun 1982, SPFC barasil manjuarai Divisi 1 Galatama jo sakaligus promosi ka Divisi Utama Galatama. 

Di musim 1994/1995, PSSI manggabuangan duo liga nan ado wakatu itu, iyolah Perserikatan jo Galatama. Panggabungan tasabuik mambantuak sabuah sistem liga nan baru di Indonesia banamo Liga Indonesia, SPFC mamanuahi syarek untuak manjadi salah satu dari 34 klub kontestan kasta tatinggi Divisi Utama Liga Indonesia (atau labiah populer disabuik Divisi Utama Ligina sajo).

Sajak awal 2000, SP mulai bangkik, tatapi gagal. Malaju ka semifinal LI 2002 jo status juaro Wilayah Barat, lalu dihantian Petrokimia Putra, Kabau Sirah baliak tapuruak. Tacataik, dari 2004 sampai 2007, SP indak pernah dapek manambuih 10 gadang.

Pada akhia LI 2007, SP finis ka-16 di LI Wilayah Barek, tu tadegradasi.

Pado taun 2008, PSSI mambentuk sabuah liga baru nan labiah profesional tu kastanyo diateh Divisi Utama Ligina, iyolah banamo Liga Super Indonesia (atau dikenal juo sabagai ISL). Sadonyo klub nan nio bakompetisi di ISL haruih barasa dari Divisi Utama Ligina, dan itupun juo malalui tahap verifikasi ulang. 

Semen Padang indak lolos syarek verifikasi untuak balago di ISL, dek hanyo barasia menududuaki paringkek 16 di musim tarakhia Divisi Utama Liga Indonesia. Dek itulah Pasukan Urang Awak haruih tatap balaga di DU, nan wakatu itu alah manjadi kompetisi kasta keduo.

Semen Padang batahan duo musim di Divisi Utama. Pado musim 2009-10, di bawah pimpinan palatiah asal Moldova, Arcan Iurie, Kabau Sirah barasia promosi ka ISL untuak kali patamo, tu indak parnah lai tadegradasi sasudah itu.

Dibawah asuahan mantan legenda inyo, Nil Maizar — kini palatiah tim nasional sipak bola Indonesia –, SP manduduaki paringkek ampek ISL 2010-11, sasudah sampek indak bara pakan menduduaki posisi keduo. Bahkan, sampek jadi juara paruah musim ISL 2010-2011.

Musim patamo di Liga Prima Indonesia, Semen Padang langsuang mandapek gala juaro liga usai mangalahan Persiba Bantul 1–0 di Bantul, wakatu kompetisi manyisokan indak bara pakan lai, di bawah pimpinan Suhatman Imam (nan manggantian Nil Maizar nan ditunjuak manjadi palatiah ) Kabau Merah mainca double winners, tatapi langkah inyo dijagal Persibo Bojonegoro di final Piala Indonesia. SP kalah 0-1 jo haruih bapueh hati jo ciek gala di ciek musim.

Pado 10 Oktober 2012, manajemen Semen Padang mamastikan diri baliak ka Liga Super Indonesia musim salanjuiknyo, basamoPersijap Jepara. Namun pado akhia November, CEO Erizal Anwar mamutuihkan jiko Semen Padang tatap di Liga Prima,

Pado 19 Oktober 2012, manajemen rasmi manunjuak Jafri Sastra sabagai pelatiah kapala, manggantian Suhatman Imam nan baliak ka posisi direktur teknik.

Semen Padang FC wakatu kini bakandang di Stadion Agus Salim nan punyo kapasitas 20.000 kursi. Stadion nan dibangun pado taun 1985 iko, juo merupokan kandang bagi klub PSP Padang dan Minangkabau FC. 

Pada taun 2013 bisuak, manajemen Semen Padang FC barancano ka membangun Stadion Azwar Anas, home base baru nan bakapasitas 30.000 - 40.000 kursi.

The Kmer's (Kerbau Merah Suporter) merupokan juluakan bagi pandukuang Semen Padang FC. Namo iko dirasmikan pado tanggal 14 November 2001, dek pandukuang klub tasabuik. 

Salain itu ado ciek lai kalompok suporter nan disabuik Spartacks (Suporter Padang dan Anak Rantau Cinta Kabau Sirah) nan badiri pado tanggal 18 Mei 2010. Keduo suporter kini saliang mandukaung panuh kapado tim kasayangannyo, walaupun bentrokan juo tajadi pado Mei 2011.

Dalam sajarah kaikutsaratoannyo dalam babagai kompetisi, prestasi tabaiak Semen Padang FC diraih pado taun 1992 wakatu tampia sabagai juaro Piala Galatama, jo pado taun 2011/2012 wakatu menjuaroi Liga Primer Indonesia. Di tingkek internasional, Semen Padang FC parnah mancapai babak parempat final Piala Winners Asia (1993-1994) sabalun akhianyo dihentikan dek klub asal Jepang, Yokohama Marinos.




#Article 80: Sipak bola (167 words)


Sipak bola adolah cabang ulahrago nan manggunokan bola nan dimainkan dek duo tim nan masiang-masiang baranggotakan 11 (sabaleh) urang. Mamasuaki abaik ka-21, olahraga iko alah dimainkan dek labiah dari 250 juta urang di 200 negara, nan manjadikannyo ulahraga paliang populer di dunia. Sipak bola batujuan untuak mancetak gol sabanyak-banyaknyo jo  manggunokan bola ka gawang lawan. Sipak bola dimainkan dalam lapangan nan babantuak pasagi panjang, di ateh rumpuik atau rumpuik sintetih.

Sacaro umum, hanyo panjago gawang sajo nan bahak mamacik bola jo tangan atau lengan di dalam daerah gawangnyo, sadangkan 10 (sapulauh) pamain lainnyo diijinkan manggunokan sadoalah badannyo salain tangan, biasonyo jo kaki untuak manyipak, dado untuak mangontrol, jo kapalo untuak manyundua bola. Tim nan mancetak gol paliang banyak pado akhia patandiangan adolah pamenangnyo. Jikok hinggo wakatu barakhia masih barakhia imbang, mako dapek dilakukan undian, papanjangan wakatu maupun  adu penalti, tagantuang dari format panyelenggaraan kajuaraan.

Paraturan patandiangan sacaro umum dipabaharui satiok tahunnyo dek induak organisasi sipak bola internasional (FIFA), nan juo manyalanggarokan Piala Dunia satiok ampek taun sakali.




#Article 81: Silek Minang (134 words)


Silek Minang (Jawi: سيليق مينڠ) marupoan suatu seni bela diri tradisional khas anak nagari di Minang nan alah bakambang sajak lamo. Silek nan sabana asli dari Minang manuruik urang tuo-tuo disabuik jo namo Silek Tuo, disampiang iko ado juo aliran silek nan alah lamo tanamo di nagari-nagari tatentu, contoh Sitaralak, Kumango, Lintau, Luncua, Pauah, Gulo Tareh, Harimau, jo lain-lainnyo.

Umumnyo, ado persyaratan nan haruih dipanuhi sabalun murid baraja silek. Murid haruih manyadioan bareh, pinjaik, pisau, jo kain kafan, nan mano adolah simbol dari sifat urang pandeka Minang: musuah indak dicari, kok basuo pantang diilakkan.

Ado babarapo macam bantuak silek:

Wakatu nan ditantuan untuak baraja silek tradisi ko kadang malam hari bagai, umumnyo sasudah sumbayang Isya. Murid-murid nan baraja biasonyo tagak baputa mangaliliangi gelanggang tampek baraja silek, dima guru malatiah jo manjago keselamatan murid-murid sadonyo.




#Article 82: Soekarno (1121 words)


DR. Ir. H. Soekarno (ER, EYD : Sukarno) () adolah Presiden Indonesia patamo nan manjabat pado pariode 1945–1966. Inyo mamainkan paranan pantiang untuak mamardekakan bangsa Indonesia dari panjajahan Balando. Soekarno adolah panggali Pancasila karano inyo nan patamo kali mancantuihan konsep manganai dasar nagara Indonesia tu jo inyo sandiri nan manamoinyo Pancasila. Inyo adolah roklamator Kamardekaan Indonesia (basamo jo Mohammad Hatta) nan tajadi pado tariah 17 Agustus 1945.

Soekarno manandotangani Surek Parentah 11 Maret 1966 (Supersemar) nan kontroversial, nan isinyo - badasarkan versi nan dikaluakan Markas Besar Angkatan darek - manugaskan Letnan Jenderal Soeharto untuak mangamankan jo manjago kaamanan nagara jo institusi kapresidenan. Supersemar manjadi dasar Letnan Jenderal Soeharto untuak mausaikan Partai Komunis Indonesia (PKI) jo mangganti anggota-anggotanyo nan duduak di parlemen.  Sasudah patangguang jawekannyo ditolak Majelis Pamusyawaratan Rakyaik Samantaro (MPRS) pado sidang umum ka ampek taun 1967, Presiden Soekarno dibarantikan dari jabatannyo sabagai presiden pado Sidang Istimewa MPRS di taun nan samo jo mangangkek Soeharto sabagai pajabaik Presiden Republik Indonesia.

Katiko dilahiakan, Soekarno dibarikan namo Kusno Sosrodihardjo dek urangtuonyo. Namun karano inyo acok sakik mako katiko baumua limo taun namonyo diubah manjadi Soekarno dek ayahnyo. Namo tasebuik diambiak dari saurang panglimo parang dalam kisah Bharata Yudha iyolah Karna. Namo Karna diubah manjadi Karno karano dalam baso Jawa huruf a barubah manjadi o sadangkan awalan su mamiliki arti baiak.

Di kamudian hari katiko manjadi Presiden R.I., ejaan namo Soekarno diganti olehnyo sandiri manjadi Sukarno dek menurutnya namo tasabuik manggunakan ejaan panjajah (Balando). Inyo tatok manggunokan namo Soekarno dalam tando tangannyo karano tanda tangan tasabuik adolah tanda tangan nan tacantum dalam Teks Proklamasi Kemerdekaan Indonesia nan indak buliah diubah. Sabutan akrab untuak Soekarno adolah Bung Karno.

Di babarapo nagara Barat, namo Soekarno kadang-kadang dituliih Achmed Soekarno. Hal iko tajadi karano katiko Soekarno patamo kali bakunjuang ka Amerika Sarikaik, sajumlah wartawan batanyo-tanyo, Sia namo ketek Soekarno? karano mareka indak mangarati kabiasoan sabagian masyarakaik di Indonesia nan hanyo manggunokan ciek namo sajo atau indak mamiliki namo kaluarga. Antah baa, sasaurang lalu manambahkan namonyo jo kato Achmed di muko namo Soekarno.

Sukarno manyabuikkan bahaso namo Achmed di dapeknyo katiko manunaikan ibadah haji. Dalam babarapo versi lain, disebuikkan pambarian namo Achmed di muko namo Sukarno, dilakukan dek para diplomaik muslim asa Indonesia nan sadang malakukan misi lua nagari dalam upayo untuak mandapaikkan pangakuan kadaulatan nagara Indonesia dek nagara-nagara Arab.

Soekarno dilahiakan jo saurang ayah nan banamo Raden Soekemi Sosrodihardjo jo ibunya iyolah Ida Ayu Nyoman Rai. Kaduonyo batamu katiko Raden Soekemi nan marupoan saurang guru ditampekkan di Sakolah Dasar Pribumi di Singaraja, Bali. Nyoman Rai marupoan katurunan bangsawan dari Bali jo baagamo Hindu sadangkan Raden Soekemi sandiri baagamo Islam. Mareka alah mamiliki saurang putri nan barnamo Sukarmini sabalum Soekarno lahir. Katiko ketek Soekarno tingga basamo kakeknyo, Raden Hardjokromo di Tulung Agung, Jawa Timur.

Inyo basikola patamo kali di Tulung Agung hinggo akhirnyo inyo pindah ka Mojokerto, mangikuik urangtuonyo nan ditugehkan di kota tasebuik. Di Mojokerto, ayahnyo mamasukan Soekarno ka Eerste Inlandse School, sakolah tampek inyo bekerja. Kemudian pado Juni 1911 Soekarno dipindahkan ka Europeesche Lagere School (ELS) untuak mamudahkannya ditarimo di Hoogere Burger School (HBS). Pado taun 1915, Soekarno alah manyelesaikan pandidikannyo di ELS jo bahasil malanjuikkan ka HBS di Surabaya, Jawa Timur. Inyo dapek ditarimo di HBS ateh bantuan saurang kawan bapaknyo nan banamo H.O.S. Tjokroaminoto. Tjokroaminoto bahkan mambari tampek tingga bagi Soekarno di pondokan kadiamannyo. Di Surabaya, Soekarno banyak batamu jo para pamimpin Sarekat Islam, organisasi nan dipimpin Tjokroaminoto wakatu tu, sarupojo Alimin, Musso, Dharsono, Haji Agus Salim, jo Abdul Muis. Soekarno kamudian aktif dalam kagiatan organisasi pamuda Tri Koro Darmo nan dibantuak sabagai organisasi dari Budi Utomo. Namp organisasi tasebuik kamudian inyo ganti manjadi Jong Java (Pamuda Jawa) pado 1918. Salain tu, Soekarno jua aktif manulis di harian Oetoesan Hindia nan dipimpin dek Tjokroaminoto.

Tamat H.B.S. taun 1920, Soekarno malanjuikkan ka Technische Hoge School (kini ITB) di Bandung jo mangambiak jurusan teknik sipil jo tamaik pado taun 1925. Wakatu di Bandung, Soekarno tingga di kadiaman Haji Sanusi nan marupoan anggota Sarekat Islam jo sahabaik karib Tjokroaminoto. Di sinan inyo barinteraksi jo Ki Hajar Dewantara, Tjipto Mangunkusumo jo Dr. Douwes Dekker, nan wakatu tu marupakan pamimpin organisasi National Indische Partij.

Pado taun 1926, Soekarno mandirikan Algemene Studie Club di Bandung nan marupakan hasil inspirasi dari Indonesische Studie Club dek Dr. Soetomo. Organisasi iko manjadi cikal bakal Partai Nasional Indonesia nan didirian pado taun 1927. Aktivitas Soekarno di PNI manyababkannyo ditangkok Balando pado bulan Disember 1929, jo mamunculkan pledoinyo nan fenomenal: Indonesia Manggugat, hinggo dibebaskan baliak pado tariah 31 Disember 1931.

Pado bulan Juli 1932, Soekarno bagabung jo Partai Indonesia (Partindo), nan marupoan pacahan dari PNI. Soekarno ditangkok baliak pado bulan Aguih 1933, jo diasiangkan ka Flores. Di siko, Soekarno hampiang dilupokan dek tokoh-tokoh nasional. Namun samangaiknyo tatap mambaro sarupojo tasirek dalam satiap sureknyo kapada saurang Guru Persatuan Islam banama Ahmad Hasan.

Pado taun 1938 hinggo taun 1942 Soekarno diasiangkan ka Bengkulu.

Soekarno baru kambali bebas pado maso panjajahan Japang pado taun 1942.

Pado awal maso panjajahan Japang (1942-1945), pamerintah Japang talakik indak mamparatikan tokoh-tokoh pagarakan Indonesia tarutamo untuak mangamankan kabaradoannyo di Indonesia. Ini taliek pado Gerakan 3A jo tokohnyo Shimizu jo Mr. Syamsuddin nan kurang baitu populer.

Namun akhirnyo, pamarintahan pandudukan  Japang mamparatikan jo sakaligus mamanfaatkan tokoh tokoh Indonesia sarupojo Soekarno, Mohammad Hatta jo lain-lain dalam satiok organisasi-organisasi jo limbago limbago untuak manariak hati panduduk Indonesia. Disabuikkan dalam babagai organisasi sarupojo Jawa Hokokai, Pusat Tenaga Rakyat (Putera), BPUPKI jo PPKI, tokoh tokoh sarupojo Soekarno, Hatta, Ki Hajar Dewantara, K.H Mas Mansyur jo lain lainnyo disabuik-sabuik jo taliek bagitu aktif. Dan akhirnyo tokoh-tokoh nasional bekerjasama jo pamarentah pandudukan  Japang untuak mancapai kemerdekaan Indonesia, meski ado pulo nan malakukan gerakan bawah tanah sarupojo Sutan Syahrir jo Amir Sjarifuddin karano manganggap  Japang adolah fasis nan babahayo.

Presiden Soekarno sandiri, wakatu pidato pambukaan manjalang pambacoan teks proklamasi kamardekaan, mangatokan bahaso musiki sabananyo kito bakarajosamo jo Japang sabananyo kito picayo jo yakin sarao mangandalkan kakuatan sandiri.

Inyo aktif dalam usaho parsiapan kamardekaan Indonesia, diantaronyo adolah msrumuihkan Pancasila, UUD 1945 jo dasar dasar pamarintahan Indonesia tamasuak marumuskan naskah proklamasi Kamardekaan. Inyo talakik dibujuak untuak manyingkia ka Rengasdengklok, Jawa Barat.

Pado taun 1943, Pardana Mantari Japang Hideki Tojo mangundang tokoh Indonesia yakni Soekarno, Mohammad Hatta jo Ki Bagoes Hadikoesoemo ka Japang jo ditarima langsuang dek Kaisar Hirohito. Malah kaisar mambarikan Bintang kakaisaran (Ratna Suci) kapado tigo tokoh Indonesia tasabuik. Panganugerahan Bintang tu mambuek pamarintahan pandudukan Japang takajuik, karano hal itu bararti bahaso katigo tokoh Indonesia tu dianggap kaluarga Kaisar Japang sandiri. Pado bulan Aguih 1945, inyo diundang dek Marsekal Terauchi, pimpinan Angkatan Darek wilayah Asia Tenggara di Dalat Vietnam nan kamudian manyatokan bahaso proklamasi kamardekaan Indonesia adolah urusan rakyaik Indonesia sandiri.

Namun katarlibatannyo dalam badan-badan organisasi bantukan  Japang mamburk Soekarno dituduah dek  Balando bakarajo samo jo Japang, antaro lain dalam kasus romusha.




#Article 83: Sumatera Barat (4070 words)


Sumatera Barat (Tulisan Jawi: سومترا بارت) nan biaso disingkek Sumbar adolah sabuah provinsi di Indonesia nan talatak di sabalah barat pulau Sumatera nan baibu kota di Padang. Provinsi iko babatehan jo provinsi Sumatera Utara di sabalah utara, Riau jo Jambi di sabalah timur, sarato Bengkulu di sabalah selatan. Kapulauan Mentawai nan ado di Samudra Hindia masuak kadalam wilayah administratif provinsi iko. Sadangkan ibukota dari provinsi iko adolah Padang.

Sumatera Barat bapanduduak sabanyak 4.845.998 jiwa nan paliang banyak baetnis Minangkabau nan kasadonyo baagamo Islam. Provinsi iko tadiri dari 12 kabupaten jo 7 kota jo pambagian wilayah administratif sasudah kecamatan di saluruah kabupaten (kacuali Kabupaten Kapulauan Mentawai) dinamokan sabagai nagari—sabalunnyo pado taun 1979 diganti jo desa, kudian sajak 2001 dibaliakan ka namo samulo, iyolah nagari.

Asa mulo namo Provinsi Sumatera Barat bamulokan pado zaman Vereenigde Oostindische Compagnie (VOC), pagunonyo untuak sabutan wilayah administratifnyo yakni Hoofdcomptoir van Sumatra's westkust. Kamudian sairiang makin mangueknyo pangaruah politik jo ekonomi VOC, sampai abaik ka 18 wilayah administratif iko alah mancakuik kawasan pantai barat Sumatera muloi dari Barus sampai Indrapura.

Sairiang jo kajatuahan Karajaan Pagaruyuang, jo talibeknyo Balando dalam Parang Padri, pamarintah Hindia Balando mulai manjadikan kawasan padalaman Minangkabau sabagai bagian dari Pax Nederlandica, kawasan nan barado dalam pangawasan Balando, sarato wilayah Minangkabau iko dibagi ateh Residentie Padangsche Benedenlanden jo Residentie Padangsche Bovenlanden.

Salanjuiknyo dalam pakambangan administrasi pamarintahan kolonial Hindia Balando, daerah iko tagabuang dalam Gouvernement Sumatra's Westkust tamasuak wilayah Residentie Bengkulu nan baru disarahkan Inggirih bakeh Balando. Kamudian dipalaweh lai jo mamasuakan Tapanuli, jo Singkil. Tapi pado taun 1905, wilayah Tapanuli ditingkekkan statuihnyo manjadi Residentie Tapanuli, sadangkan wilayah Singkil diagiahkan kapado Residentie Atjeh. Kamudian pado taun 1914, Gouvernement Sumatra's Westkust, diturunkan statuihnyo manjadi Residentie Sumatra's Westkust, jo manambahkan wilayah Kapulauan Mentawai di Samudera Hindia ka dalam Residentie Sumatra's Westkust, sarato pado taun 1935 wilayah Kerinci digabuangkan juo ka dalam Residentie Sumatra's Westkust. Samantaro wilayah Rokan Hulu jo Kuantan Singingi diagiahkan kapado Residentie Riouw pasca pamacahan Gouvernement Sumatra's Oostkust, sarato juo mambantuak Residentie Djambi pado periode nan ampiang basamoan.

Pado maso panduduakan tentara Japang, Residentie Sumatra's Westkust barubah namo manjadi Sumatora Nishi Kaigan Shu. Ateh dasa geostrategis militer, daerah Kampar/ Bangkinang dikaluakan dari Sumatora Nishi Kaigan Shu jo dimasuakkan ka dalam wilayah Rhio Shu.

Pado awal kemerdekaan Indonesia pado taun 1945, wilayah Sumatera Barat tagabuang dalam provinsi Sumatera nan bapusaik di Bukittinggi. Pado taun 1949, Provinsi Sumatera kamudian dipacah manjadi tigo provinsi, yakni Sumatera Utara, Sumatera Tangah, jo Sumatera Selatan. Sumatera Barat sarato Riau jo Jambi marupoan bagian dari karesidenan di dalam Provinsi Sumatera Tengah. Pado maso PRRI di Sumatera, Pamarintah Pusaik badasakan Undang-undang darurat nomor 19 taun 1957, Provinsi Sumatera Tengah dipacah baliak manjadi tigo provinsi yakni Provinsi Sumatera Barat, Provinsi Riau, dan Provinsi Jambi. Wilayah Kerinci nan sabalunnyo tagabuang dalam Kabupaten Pesisir Selatan Kerinci, digabuangkan ka dalam Provinsi Jambi sabagai kabupaten tasandiri. Baitu pulo wilayah Kampar, Rokan Hulu, jo Kuantan Singingi ditetapkan masuak ka dalam wilayah Provinsi Riau. Salanjuiknyo ibu kota provinsi Sumatera Barat nan baru iko adolah masih tatok di Kota Bukittinggi. Namun badasakan Suraik Kaputusan Gubernur Sumatera Barat No. 1/g/PD/1958, tanggal 29 Mei 1958 sacaro de facto manetapkan Kota Padang manjadi ibu kota Provinsi Sumatera Barat.

Sumatera Barat talatak di pasisia barat bagian tangah pulau Sumatera nan tadiri dari dataran randah di pantai barat jo dataran tinggi vulkanik nan tabantuak dek Bukik Barisan. Provinsi iko mamiliaki daratan salaweh 42.297,30 km² nan sarupo jo 2,17% laweh Indonesia. Dari laweh tasabuik, labiah dari 45,17% marupoan kawasan nan masih tatutuik dek hutan linduang. Garih pantai provinsi ko sadoalahnyo basantuahan jo Samudera Hindia sapanjang 2.420.357 km jo laweh parairan lauik 186.580 km². Kapulauan Mentawai nan talatak di Samudera Hindia tamasuak ka dalam provinsi iko.

Co daerah lainnyo di Indonesia, iklim Sumatera Barat sacaro umum basipaik tropis jo suhu udaro nan cukuik tinggi, iyolah antaro 22,6 °C sampai 31,5 °C. Garih khatulistiwa tapek malalui provinsi iko di kecamatan Bonjol, kabupaten Pasaman. Di provinsi iko bahulu sajumlah sungai gadang nan bamuaro di pantai timur Sumatera co Batang Hari, Siak, Inderagiri (disebut sabagai Batang Kuantan di bagian hulunyo), jo Kampar. Samantaro sungai-sungai nan bamuaro di provinsi ko surang umumnyo pendek-pendek, co Batang Anai, Batang Arau, Batang Agam, Batang Sinama, jo Batang Tarusan.

Danau di Sumatra Barat di antaronyo: Maninjau (99.5 km2), Singkarak (130.1 km2), Diateh (31.5 km2), Dibawah (14.0 km2), Talang (5.0 km2). Gunuang jo gunuang api nan ado di provinsi ko antaro lain: Kurinci (3.805 m), Marapi (2.891 m), Sago (2.271 m), Singgalang (2.877 m), Talamau (2.912 m), Talang (2,572 m), Tandikek (2,438 m).

Sumatera Barat marupolan salah satu daerah rawan gampo di Indonesia dek sabab lataknyo ado di jalur patahan Semangko tapek di antaro patamuan duo lempeng banua gadang, iyolah Eurasia jo Indo-Australia. Gampo bumi gadang nan tajadi akhia-akhia iko di Sumatera Barat di antaronyo adolah Gampo bumi 30 September 2009 jo Gampo bumi Kapulauan Mentawai 2010.

Sumatera Barat marupoan salah satu provinsi di Indonesia nan kayo jo sumber kaanekaragaman hayati. Sabagian gadang wilayahnyo masih marupoan hutan tropis alami jo dilinduangi. Babagai spesies langka masih dapek dijumpoi, misalnyo Rafflesia arnoldii (bungo tagadang di dunia), harimau sumatera, siamang, tapir, ruso, beruang, jo babagai jinih buruang jo kupu-kupu.

Ado duo taman nasional di provinsi iko, iyolah Taman Nasional Siberut nan talatak di pulau Siberut (Kabupaten Kepulauan Mentawai) jo Taman Nasional Kerinci Seblat. Taman nasional tarakhia ko wilayahnyo mambantang di ampek provinsi: Sumatera Barat, Jambi, Bengkulu, jo Sumatera Selatan.

Salain kaduo taman nasional tasabuik ado juo babarapo cagar alam lainnyo, iyolah Cagar Alam Rimbo Panti, Cagar Alam Lambah Anai, Cagar Alam Batang Palupuh, Cagar Alam Aia Putih di daerah Kelok Sembilan, Cagar Alam Lambah Harau, Cagar Alam Beringin Sakti jo Taman Raya Bung Hatta.

Sumber daya alam nan ado di Sumatera Barat adolah barupo batu baro, batu basi, batu galena, timah hitam, seng, mangan, ameh, batu kapua (simin), kelapa sawit, kakao, gambir, hasia tani jo parikanan.

Pasisia barat jo Kapulauan Mentawai mampunyoi banyak hasia lauik nan banilai ekonomi tinggi. Nalayan dapek manangkok baragam jinih ikan di kawasan ko. Ikan kerapu, udang, rumpuik lauik, kepiting, jo mutiara marupokan hasia lauik andalan. Daerah pasisia pantai, utamonyo kawasan kapulauan, mahasilkan banyak karambia. Di daerah darek ado banyak parak gatah, cangkiah, jo merica. Kawasan darek nan tatutuik dek utan mahasilkan kayu. Tantangan barek dari pengambangan patanian jo parak di kawasan ko iyolah medan nan balereang jo babukik-bukik.

Bahan galian banyak juo ado di daerah ko. Salah satunyo iyolah batuan kapua nan manjadi bahan pokok untuak industri simin. PT Semen Padang alah mamanfaatan kakayoan alam ko salamo puluahan taun. Batu kapua ado banyak di sakitar Pafang, Danau Singkarak, jo Padangpanjang. Di Padangpanjang, deposit batu kapua dapek mancapai 43 juta ton. Bahan galian lainnyo adolah batu baro di Sawahlunto sarato obsidian jo batu andesit di Padang Pariaman. Mato aia nan malimpah juo alah maagiah banyak manfaaik untuak pambangunan daerah ko. Parairan Danau Singkarak jo Maninjau alah lama dipakai sabagai pambangkik listrik tanago aia. Mato aia ko juo mampunyoi potensi gadang untuak diolah sarato dikamehan manjadi aia mineral.

Mayoritas panduduak Sumatera Barat marupoan urang Minangkabau. Di daerah Pasaman, salain urang Minang ado pulo urang Batak jo urang Mandailing. Urang Mentawai ado di Kapulauan Mentawai. Di sabagian kota di Sumatera Barat mode kota Padang ado baragam etnis lain sarupo Tionghoa, Tamil, Nieh, jo Tagalog. Di daerah-daerah transmigrasi bak cando di Sitiung, Lunang Silaut, Padang Gelugur dan lainnyo ado pulo urang Jao. Sabagian di antaronyo adolah katurunan imigran badarah Jao dari Suriname nan mamiliah baliak ka Indonesia pado maso akhia taun 1950-an. Dek Presiden Soekarno wakatu itu diputuihan basonyo ditampekan di sakitaran daerah Sitiung. Hal iko indak juo lapeh dari aspek politik pamarintah pusek sasudah rekapitulasi PRRI di Provinsi Sumatera Barat nan jolong tabantuak katiko itu.

Salain itu, ado juo baragam etnis nusantara lainnyo nan masuak sasudah kamardekaan sabagai parantau jo bakarajo di babagai bidang.

Bahaso nan digunokan dalam kasaharian iolah bahaso daerah iyolah bahaso Minangkabau nan punyo baragam dialek, sarupo dialek Bukittinggi, dialek Pariaman, dialek Pasisia Selatan, jo dialek Payakumbuh. Di daerah Pasaman jo Pasaman Barat nan babatehan jo Sumatera Utara, ditutuakan pulo bahaso Mandailing. Samantaro itu di daerah Kapulauan Mentawai dipakai bahaso Mentawai.

Islam adolah agamo mayoritas nan dianuik dek sakitar 98% panduduak Sumatera Barat, nan kabanyakan pamaluaknyo adolah urang Minangkabau. Salain itu ado juo nan baagamo Kristen utamonyo di Kepulauan Mentawai kiro-kiro 1,6%, Buddha 0,26%, jo Hindu 0,01%, nan dianuik dek panduduak non-Minangkabau.

Babagai tampek ibadah nan dapek tasuo di satiok kabupaten jo kota di Sumatera Barat didominasi dek musajik jo surau. Musajik tagadang adolah Musajik Rayo Sumatera Barat di Kota Padang, sadang musajik tatuo di antaronyo adolah Musajik Rayo Gantiang di Padang jo Musajik Tuo Kayu Jao di Kabupaten Solok. Arsitektur khas Minangkabau mandominasi baiak musajik maupun surau. Musajik Rayo Sumatera Barat mampunyoi bangunan babantuak gonjong, dihiasi ukiran Minang sakaligus kaligrafi. Ado juo musajik jo atok nan tadiri dari babarapo tingkatan nan makin ka ateh makin ketek jo saketek cakuang.

Provinsi Sumatera Barat dipimpin dek surang gubernur nan dipiliah dalam pamiliahan sacaro langsuang basamo jo wakianyo untuak maso jabatan 5 tahun. Gubernur salain sabagai pamarintah daerah baparan pulo sabagai pawakilan atau papanjangan tangan pamarintah pusek di wilayah provinsi nan kawenangannyo diatur dalam Undang-undang nomor 32 Taun 2004 jo Peraturan pemerintah nomor 19 taun 2010.

Samantaro hubuangan pamarintah provinsi jo pamarintah kabupaten jo kota bukan subordinat, masiang-masiang pamarintahan daerah tasabuik mangatur jo mauruih surang urusan pamarintahan manuruik asas otonomi jo tugeh pembantuan.

Badasakan Pemilu Legislatif 2009, Sumatera Barat mangirimkan 14 wakil ka DPR RI dari duo daerah pamiliahan jo ampek wakil ka DPD. Sadangkan untuak DPRD Sumatera Barat tasusun dari pawakilan sapuluah partai, jo parincian sabagai barikuik:

Sampai taun 1979 satuan pamarintahan taketek di Sumatera Barat adolah nagari, nan alah ado sabalun kamerdekaan Indonesia. Jo dibalakukannyo Undang-undang nomor 5 taun 1979 tantang pamarentahan desa, statuih nagari dihilangkan manjadi desa, jo babarapo jorong ditingkekkan statuihnyo manjadi desa. Kaduduakan wali nagari juo dihapuih jo administrasi pamarintahan dijalankan dek para kapalo desa. Namun sajak bagulianyo reformasi pamarintahan jo otonomi daerah, mako sajak taun 2001, istilah Nagari digunokan baliak di provinsi iko.

Pamarintahan nagari marupoan suatu struktur pamarintahan nan otonom, punyo teritorial nan jaleh jo manganuik adaik sabagai pangatua tata kahiduikan anggotanyo, sistem iko kamudian disasuaikan jo konstitusi nan balaku di Indonesia, kini pamarintah provinsi Sumatera Barat manatapkan pamarintah nagari sabagai pangelola otonomi daerah tarandah untuak daerah kabupaten manggantikan istilah pamarintah desa nan dipakai sabalunnyo. Sadangkan untuak nagari nan ado pado sistem pamarintahan kota masih sabagai limbago adaik alun manjadi bagian dari struktur pamarintahan daerah.
 
Nagari pado mulonyo dipimpin sacaro basamo dek para pangulu atau datuak di nagari tasabuik, kamudian pado maso pamarintah Hindia-Belanda dipiliah salah surang dari para pangulu tasabuik untuak manjadi wali nagari. Kudian dalam manjalankan pamarintahannyo, wali nagari dibantu dek babarapo urang kapalo jorong atau wali jorong, namun kini dibantu dek sekretaris nagari (setnag) jo babarapo pagawai nagari sipil (PNS) bagantuang jo kabutuahan tiok nagari. Wali nagari iko dipiliah dek anak nagari (panduduak nagari) sacaro demokratis dalam pamiliahan lansuang untuak 6 taun maso jabatan.

Dalam sabuah nagari dibantuak Kerapatan Adat Nagari, yakni lambago nan baanggotakan Tungku Tigo Sajarangan. Tungku Tigo Sajarangan marupoan pawakilan anak nagari nan tadiri dari Alim Ulama, Cadiak Pandai (kaum intelektual), jo Niniak Mamak marupokan pamimpin suku dalam suatu nagari, samo jo Badan Permusyawaratan Desa (BPD) dalam sistem administrasi desa. Sagalo kaputuihan pantiang nan kak diambiak salalu dimusyawarahkan antaro wali nagari jo Tungku Tigo Sajarangan di Balai Adaik atau Balairung Sari Nagari.

Sumatera Barat panah manjadi pusek pandidikan di pulau Sumatera, utamonyo dalam pandidikan Islam jo surau sabagai basis utamo tampek pandidikan. Pado maso kolonial panjajahan Balando, pandidikan Islam dikatapikan dibandiangan jo pandidikan model Hindia Balando nan dianggap labiah modern.

Salapeh pangakuan kamardekaan Indonesia, di provinsi iko mulai banyak bamunculan lambago pandidikan utamonyo di taun 1950-an. Ampia di satiok kabupaten jo kota dalam provinsi iko alah punyo perguruan tinggi, dan sabagian gadang ado di Padang, salah satu nan tanamo iyolah Universitas Andalas subagai kampus nan paliang tuo di Indonesia nan di lua Jao.

Sacaro batahap parekonomian Sumatra Barat mulai bagerak positif salapeh mangalami takanan akibaik dampak gampo bumi tahun 2009 nan malando kawasan tasabuik. Dampak bancano ko nampak pado triwulan IV-2009, di mano patumbuahan ekonomi anyo mancapai 0,90%. Namun kini parekonomian Sumatra Barat alah mulai elok, jo tingkek patumbuahan di ateh rato-rato nasional. Pado taun 2012 ekonomi Sumatra Barat tumbuah sagadang 6,35%, labiah ancak dibandiangan taun sabalunnyo nan anyo sagadang 6,25%. Dan pado triwulan I-2013 parekonomian Sumatra Barat alah tumbuah mancapai 7,3%. Tingginyo patumbuahan ekonomi Sumatra Barat dalam tigo taun tarakhia, alah manurunkan tingkek kamiskinan di provinsi ko dari 8,99% (2011) manjadi 8% (2012). Untuak Pendapatan Domestik Regional Bruto (PDRB), pado taun 2012 provinsi ko mampunyoi PDRB mancapai Rp 110,104 triliun, jo PDRB per kapita sagadang Rp 22,41 juta.

Industri Sumatra Barat didominasi dek industri skala kaciak atau rumah tanggo. Jumlah unit industri sabanyak 47.819 unit, tadiri dari 47.58 unit industri kaciak jo 234 industri gadang manangah, jo pabandiangan 203: 1. Pado taun 2001, investasi industri gadang manangah mancapai Rp 3.052 miliar, atau 95,60% dari total investasi, sadang industri kaciak investasinyo anyo Rp 1.412 miliar atau 4,40% sajo dari total investasi. Nilai produksi industri gadang manangah taun 2001 mancapai Rp 1.623 miliar, iyolah 60% dari toal nilai produksi, jo nilai produksi industri kaciak anyo mancapai Rp 1.090 miliar, atau 40% dari total nilai produksi.

Untuak industri pangolahan simin, pado taun 2012 Sumatra Barat alah mamproduksi sabanyak 6.522.006 ton, labiah tinggi dibandiangan taun lalu nan anyo 6.151.636 ton. Samantaro volumen panjualan pado taun 2012 sabanyak 6.845.070 ton, maningkek 10,20% dibandiangan taun lalu nan sabnyak 6.211.603 ton.

Sumatra Barat mampunyoi potensi bahan tambang golongan A, B, C. Bahan tambang golongan A, iyolah batu baro ado di kota Sawahlunto. Samantaro bahan tambang golongan B nan tadiri dari aia raksa, balerang, pasia basi, timbago, timah itam, jo perak taseba di Sijunjung, Dharmasraya, Solok, Solok Selatan, Lima Puluh Kota, Pasaman, jo Tanah Datar. Bahan tambang golongan C manyeba di saluruah kabupaten jo kota, nan banyaknyo tadiri dari pasia, batu, jo karekel.

Transportasi dari dan ka Sumatra Barat kini dihubuangkan dek Palabuahan Udaro Internasional Minangkabau jo Palabuahan lauik Taluak Bayua. Palabuahan Udaro Minangkabau mulai aktif baoperasi pado akhia taun 2005 manggantikan Palabuahan Udaro Tabiang. Palabuahan udaro ko tahubuang jo babagai kota utamo di Indonesia, mode Jakarta, Medan, Batam, Bandung, sarato Kuala Lumpur di Malaysia. Untuak maningkekan aksebilitas Palabuahan Udaro Minangkabau, kini pamarintah manyadiokan kareta palabuahan udaro dari dan manuju pusek kota Padang.

Salain Taluak Bayua, transportasi lauik untuak jarak dakek bapusek di Palabuahan Muaro. Palabuahan ko antaro lain juo malayani transportasi manuju Kapulauan Mentawai jo manggunokan kapa feri atau speed boat. Palabuahan Muaro juo manjadi tampek basanda kapa-kapa pesiar (yacht) dan kapa-kapa nalayan.

Banyak jalan pangubuang sarupo Jalan Linteh Sumatra nan mambantang sapanjang provinsi, ujuang barat daya manuju ka Medan jo uj uang tenggara manuju ka Jakarta, jalan antaro Padang jo Bukittinggi, sarato jalan antaro Bukittinggi jo Pekanbaru. Pamarintah provinsi barencana maningkekan kaduo jalan nan tarakhia disabuik salamo babarapo taun ka muko untuak malancaran jalan nan acok tasandek.

Pado Januari 2012, Kelok Sambilan sapanjang 970 meter alah siap untuak dipakai dan rasmi dibukak untuak lalu linteh pado April 2012. Kelok Sambilan nan aratinyo sambilan tikungan tajam marupokan area nan malalui jalan nan taapik bukik jo tabiang nan rapek di tangah lambah jo panorama nan rancak, tapi mambuek macet. Sasudah jalan layang dibukak, jalan Kelok Sambilan lamo masih tatap dibukak basamo jo jalan baru untuak tujuan palancongan.

Untuak transportasi antar kota, kini dilayani dek bus-bus AKDP dan AKAP sarato travel. Di Padang, angkutan umum bapusek di Terminal Bingkuang Aia Pacah. Di Bukiktinggi bapusek di Terminal Aua Kuniang, Payokumbuah bapusek di Terminal Koto Nan Ampek, dan Solok bapusek di Terminal Bareh Solok.

Transportasi darek lainnyo, kareta api masih digunoan untuak jalua dari Padang ka Sawahlunto, nan malalui Padang Panjang jo Solok. Pado jalua ko, kareta api anyo dipagunokan sabagai sarana paangkuik batubaro. Sadang dari Padang manuju Pariaman, kini masih digunoan untuak angkutan panumpang. Transportasi darek lainnyo nan masih digunoan, di antaronyo taksi, oplet, jo bendi.

Badasarkan data dari Badan Pusat Statistik, Sumatera Barat tacatek sabagai salah satu provinsi jo jumlah kunjungan wisatawan tabanyak. Sumatera Barat punyo ampiang sado jinih objek wisata alam sarupo lauik, pantai, danau, gunuang jo ngarai, salain objek wisata budayo. Akomodasi hotel alah banyak mulai dari kelas melati sampai bintang ampek. Agen tour jo travel di bawah kaanggotaan ASITA Sumatera Barat alah labiah dari 100 buah. Untuak malangkoki fasilitas panunjang pariwisata, pamarintah juo manyadiokan kareta api wisata nan baoperasi pado jam-jam tatantu.

Objek-objek wisata nan dikunjuangi para wisatawan di antaronyo, Titian Aka di kecamatan Bayang; Rumah Gadang Mande Rubiah di Lunang; Istano Karajaan Inderapura di kecamatan Pancung Soal; Pulau Cingkuak jo paninggalan Benteng Balando jo Puncak Langkisau di Painan, kabupaten Pesisir Selatan, Danau Maninjau jo Puncak Lawang Ambun Pagi di kabupaten Agam, Lambah Anai; Istano Basa Pagaruyung, Danau Singkarak di kabupaten Tanah Datar, Danau Talang; Danau Diateh jo Danau Dibawah dikana juo jo sabutan Danau kembar di kabupaten Solok, Panorama Ngarai Sianok; Benteng Fort de Kock; Jam Gadang di kota Bukittinggi, Pantai Aia Manih; Pantai Muaro; Pantai Caroline; Pulau Sikuai di kota Padang, Tampek wisata Harau di kabupaten Lima Puluh Kota, Tampek wisata Ngalau di kota Payakumbuh, Candi Padang; Batu basurek Padang Roco di Kabupaten Dharmasraya, Pantai Kata; Pantai Gandoriah di kota Pariaman, Pantai Arta; Malibo Anai di kabupaten Padang Pariaman.

Samantaro itu babagai informasi jo literatur sijarah manganai Sumatera Barat jo kabudayoan Minangkabau sacaro umum dapek dijumpai di Pusek Dokumentasi jo Informasi Kabudayoan Minangkabau (PDIKM), nan talatak di tangah-tangah objek wisata Pakampuangan Minangkabau (Minangkabau Village) di kota Padang Panjang. Di PDIKM tadapek barupo dokumentasi foto mikrograf surek kaba, pakaian tradisional, kaset rekaman lagu daerah, dokumentasi surek-surek kapamarintahan jo alua sijarah masyarakaik Minangkabau sacaro taparinci khususnyo samanjak abaik 18 (periode panjajahan Balando) hinggo era 1980'an. Salain itu sumber literatur lain dapek ditalusuri di Perpustakaan KITLV (Koninklijk Instituut voor Taal-, Land- en Volkenkunde) jo di Perpustakaan Universitas Leiden, duo-duonyo di Leiden, Balando.

Provinsi Sumatera Barat punyo babarapo event olahraga nan baskala lokal, nasional maupun internasional dalam maningkekan pariwisatanyo, di antaronyo lomba pacu kudo. Palombaan pacu kudo iko alah manjadi tradisi jo manjadi bagian dari budayo masyarakaik Minangkabau khususnyo, kini alah manjadi rangkaian palombaan jo babarapo kota/kabupaten lain di Sumatera Barat nan mandapek kasampatan manjadi tuan rumah satu kali tiok tahunnyo, samantaro pesertanyo juo ado dari lua Sumatera Barat. Babarapo lapangan pacuan kudo tasabuik taseba di kota jo kabupaten nan ado dalam provinsi iko.

Samantaro Tour de Singkarak pado taun 2014, alah mamasuaki taun kaampeknya. Kajuaroan iko sacaro rasmi alah manjadi agenda paalekan tahunan Union Cycliste Internationale (UCI). Babarapo kawasan wisata manjadi bagian dari jalur lintasan lomba tamasuk Lambah Harau, Danau Maninjau, Kelok 44, jo danau kamba Diateh jo Dibawah. Di sisi lain, cabang ulahrago parahu naga (dragon boat) juo rutin diadokan di Sumatera Barat, sarupo kajuaroan Parahu Naga Internasional di Padang nan mandatangkan paserta dari mancanegara jo lua provinsi, sarato kajuaroan Dayuang Tradisional di Pantai Carocok, Painan jo Dharmasraya.

Nuansa Minangkabau nan ado di dalam satiok musik Sumatera Barat nan dicampua jo jinih musik apopun kini pasti ka nampak dari satiok karya lagu nan baredar di masyarakaik. Hal iko dek musik Minang dapek diracik jo aliran musik jinih apopun sahinggo lamak didanga jo dapek ditarimo dek masyarakaik. Unsur musik pambari nuansa tadiri dari instrumen alek musik tradisional saluang, bansi, talempong, rabab, pupuik, sarunai, jo gandang tabuik.

Ado pulo saluang jo dendang, yakni panyampaian dendang (carito balagu) nan diiriangi saluang nan dikana juo jo namo sijobang.

Musik Minangkabau barupo instrumentalia jo lagu-lagu dari daerah iko pado umumnyo basipaik melankolis. Hal iko bakaitan arek jo struktur masyarakaiknyo nan punyo raso pasudaroan, hubuangan kakaluargoan jo kacintoan ka kampuang laman nan tinggi ditunjang jo kabiasoan pai marantau.

Industri musik di Sumatera Barat samakin bakambang jo muncuanyo seniman-seniman Minang nan dapek mambaurkan musik modern ka dalam musik tradisional Minangkabau. Pakambangan musik Minang modern di Sumatera Barat alah dimulai sajak taun 1950-an ditandoi jo lahianyo Orkes Gumarang.

Elly Kasim, Tiar Ramon jo Yan Juned adolah panyanyi daerah Sumatera Barat nan tanamo di era 1970-an hinggo kini.

Parusahoan-parusahoan rekaman di Sumatera Barat antaro lain: Tanama Record, Planet Record, Pitunang Record, Sinar Padang Record, Caroline Record nan talatak di kota Padang jo Minang Record, Gita Virma Record nan talatak di kota Bukittinggi.

Kini para panyanyi, pancipta lagu, jo panata musik di Sumatera Barat banauang di bawah organisasi PAPPRI (Pasatuan Artis Panyanyi Pancipta lagu Panata musik Rekaman Indonesia) jo PARMI (Pasatuan Artis Minang Indonesia).

Sacaro garih gadang seni tari dari Sumatera Barat adolah dari adaik budayo etnis Minangkabau jo etnis Mentawai. Kakhasan seni tari Minangkabau umumnyo dipangaruahi dek agamo Islam, kaunikan adaik matrilineal jo kabiasoan marantau masyarakaiknyo juo maagiah pangaruah gadang dalam jiwa sabuah tari tradisi nan basipaik klasik, di antaronyo Tari Pasambahan, Tari Piriang, Tari Payuang jo Tari Indang. Samantaro itu tadapek pulo suatu patunjuakan khas etnis Minangkabau lainnyo barupo papaduan unik antaro seni bela diri nan disabuik silek jo tarian, nyanyian jo seni paran (acting) nan dikana jo namo Randai.

Sadangkan untuak tarian khas etnis Mentawai disabuik Turuk Laggai. Tarian Turuk Langai iko umumnyo bacarito tantang tingkah laku hewan, sahinggo judulnyo pun disasuaikan jo namo-namo hewan tasabuik, misalnyo tari buruang, tari cigak, tari ayam, tari ula jo sabagainyo.

Rumah adaik Sumatera Barat khususnyo dari etnis Minangkabau disabuik Rumah Gadang. Rumah Gadang biasonyo dibangun di ateh sabidang tanah miliak suku/kaum tasabuik sacaro turun tamurun. Indak jauah dari komplek rumah gadang tasabuik biasonyo juo dibangun sabuah surau kaum nan bafungsi sabagai tampek ibadah jo tampek tingga lalaki dewasa kaum tasabuik namun alun manikah.

Rumah Gadang iko dibuek babantuak ampek pasagi panjang jo dibagi ateh duo bahagian muko jo balakang, umumnyo babahan kayu, jo sapinteh nampak co bantuak rumah pangguang jo atok nan khas, manonjol sarupo tanduak kabau, masyarakaik satampek manyabuiknyo Gonjong jo dahulunyo atok iko babahan ijuak sabalun baganti jo atok seng. Rumah Bagonjong iko manuruik masyarakaik satampek diilhami dari tambo, nan mangisahkan kadatangan nenek moyang mareka jo kapa dari lauik. Ciri khas lain rumah adaik iko adolah indak mamakai paku basi tapi manggunokan pasak dari kayu, namun cukuik kuek sabagai pangikek.

Samantaro etnis Mentawai juo punyo rumah adaik nan babantuak rumah panggung gadang jo tinggi lantai dari tanah mancapai satu meter nan disabuik jo uma. Uma iko dihuni sacaro basamo dek limo sampai sapuluah kaluargo. Sacaro umum konstruksi uma iko dibangun jo indak manggunokan paku, tatapi dipasak jo kayu sarato sistem sambungan silang batakik.

Sanjata tradisional Sumatera Barat adolah Karih jo Kurambiak. Karih biasonyo dipakai dek kaum laki-laki nan dilatakkan di sabalah muko, jo umumnyo dipakai dek para pangulu tarutamo dalam satiok acaro rasmi ado tarutamo dalam acaro malewa gala, salain itu juo biaso dipakai dek para marapulai dalam acaro majlis pakawinan nan masyarakaik satampek manyabuiknyo baralek. Sadangkan kurambiak marupoan sanjato tajam ketek nan bantuaknyo malangkuang co kuku harimau, dek memang tainspirasi dari kuku binatang lia tasabuik. Sanjato iko dipakai dek para pandeka silek Minang dalam pataruangan jarak pendek, tarutamo nan manggunokan jurus silek harimau. Babagai jinih sanjato lainnyo juo pernah digunokan sarupo tombak, pedang panjang, panah, sumpik jo sabagainyo.

Dalam dunia kuliner, Sumatera Barat tanamo jo masakan Padang jo restoran Padang, jo citaraso nan padeh, dapek ditamukan ampiang di sadoalah panjuru Nusantara, bahkan sampai ka lua nagari. Babarapo contoh makanan dari Sumatera Barat nan cukuik populer adolah Randang, Sate Padang, Dendeng Balado, Itiak Lado Mudo, Soto Padang, jo Bubua Kampiun.

Satiok kawasan di Sumatera Barat, punyo makanan sabagai ciri khas daerah, nan biaso dijadikan sabagai buah tangan (oleh-oleh) misalnyo: kota Padang tanamo jo bingkuang, kota Padangpanjang tanamo jo pergedel jaguang, kota Bukittinggi jo karupuak sanjai, kota Payakumbuh jo galamai. Salain itu, Sumatera Barat juo punyo ratusan resep, sarupo kipang kacang, bareh randang, dakak-dakak, rakik maco, pinyaram, Karupuak Balado, jo tamasuak juo maasiakan Kopi Luwak (Kopi siso Musang).

Ampia sadoalah saluran satasiun televisi nasional alah dapek manjangkau kawasan Sumatera Barat. Salain itu provinsi iko punyo juo babarapo satasiun televisi lokal, sarupo TVRI Sumatera Barat, Padang TV, Minang TV, TV E, Favorit TV jo Bukittinggi Televisi (BiTV).

Rato-rato di satiok kabupaten jo kota di provinsi iko alah punyo pamancar radio salain miliak pamarintah juo swasta, sarupo RRI Padang, Radio Classy FM, Radio Jelita FM, Radio SK FM, Radio Fanesa 5 FM jo sabagainyo.

Sumatera Barat juo banyak punyo media cetak jinih surek di antaronyo ANTARA (Kantor Berita Indonesia) Biro Sumbar, Harian Padang Ekspres, Harian Haluan, Harian Singgalang jo lain-lain. Media cetak tasabuik juo tasadio jo dapek diakses sacaro online malalui internet.

Pado awalnyo Sumatera Courant marupoan koran partamo nan tabik di Sumatera Barat dek pamarintah Hindia-Balando pado taun 1862. Salanjuiknyo taun 1877 tabik Padangsche Handelsblad miliak swasta. Kaduo surek kaba iko manggunokan bahaso Balando, jo baru pado taun 1890 tabik surek kaba bulanan Pelita Kecil nan alah manggunokan bahaso Melayu.




#Article 84: Sumatera (1878 words)


Sumatera atau Sumatra adolah sabuah pulau nan kaanam tagadang di dunia nan talatak di bagian barat Indonesia, nan lawehnyosesukamu mau gimana ² dan pakiroan populasinyo sakita 45,000,000 jiwa. Pulau iko tanamo pulo jo namo lain iyolah Pulau Percha, Andaleh, atau Suwarnadwipa (bahaso Sanskerta, bararti pulau ameh). Kamudian pado Batu basurek Padang Roco taun 1286 dipahaikkan swarnnabhūmi (bahaso Sanskerta, bararti tanah ameh) jo bhūmi mālayu (Tanah Malayu) untuak manyabuik pulau iko. Salanjuiknyo dalam naskah Negarakertagama dari abaik ka-14 juo baliak manyabuik Bumi Malayu untuak pulau iko.

Asa namo Sumatera barawal dari kabaradoan Karajaan Samudera (talatak di pasisia timur Aceh). Diawali jo kunjuangan Ibnu Batutah, patualang asa Maroko ka nagari tasabuik pado taun 1345, baliau malafalkan kato Samudera manjadi Samatrah, dan kamudian manjadi Sumatra atau Sumatera, salanjuiknyo namo iko tacantum dalam peta-peta abaik ka-16 buatan Portugis, untuak dirujuak pado pulau iko, sahinggo kamudian dikana laweh sampai kini.

Namo asli Sumatera, sabagaimano tacataik dalam sumber-sumber sijarah dan carito-carito rakyaik , adolah Pulau Emas. Istilah pulau manado sto h kito jumpo dalam carito Cindua Mato dari Minangkabau. Dalam carito rakyaik Lampuang tacantum namo tanoh mas untuak manyabuik pulau Sumatera. Surang musafir dari Cino nan banamo I-tsing (634-713), nan batahun-tahun manatap di Sriwijaya (Palembang kini) pado abaik ka-7, manyabuik Sumatera jo namo chin-chou nan baarati nagari ameh.

Dalam babagai batu basurek, Sumatera disabuik dalam bahaso Sanskerta jo istilah: Suwarnadwipa (pulau ameh) atau Suwarnabhumi (tanah ameh). Namo-namo iko alah dipakai dalam naskah-naskah India sabalun Masehi. Naskah Buddha nan tamasuak paliang tuo, Kitab Jataka, mancaritokan palauik-palauik India manyubarangi Taluak Benggala ka Suwarnabhumi. Dalam carito Ramayana dikisahkan pancarian Dewi Sinta, istri Rama nan diculik Rahwana, sampai ka Suwarnadwipa.

Para musafir Arab manyabuik Sumatera jo namo Serendib (tapeknyo: Suwarandib), transliterasi dari namo Suwarnadwipa. Abu Raihan Al-Biruni, ahli geografi Persia nan mangunjuangi Sriwijaya taun 1030, mangatokan baso nagari Sriwijaya talatak di pulau Suwarandib. Namun ado juo urang nan mangidentifikasi Serendib jo Srilangka, nan indak pernah disabuik Suwarnadwipa.

Di kalangan banso Yunani purba, Sumatera alah dikana jo namo Taprobana. Namo Taprobana Insula alah dipakai dek Klaudios Ptolemaios, ahli geografi Yunani abaik kaduo Masehi, tapeknyo taun 165, katiko baliau manguraikan daerah Asia Tenggara dalam karyanyo Geographike Hyphegesis. Ptolemaios manulih baso di pulau Taprobana ado nagari Barousai. Mungkin sakali nagari nan dimakasuk adolah Barus di pantai barat Sumatera, nan tanamo sajak zaman purba sabagai panghasia kapur barus.

Naskah Yunani taun 70, Periplous tes Erythras Thalasses, mangungkapkan baso Taprobana juo dijuluaki chryse nesos, nan aratinyo ‘pulau ameh’. Sajak zaman purba para padagang dari daerah salingka Lauik Tangah alah mandatangi Nusantara, tautamo Sumatera. Di sampiang mancari ameh, mareka mancari kemenyan (Styrax sumatrana) jo kapur barus (Dryobalanops aromatica) nan wakatu itu hanyo ado di Sumatera. Sabaliaknyo, para padagang Nusantara pun alah manjajakan komoditi mareka sampai ka Asia Barat jo Afrika Timur, sabagaimano tacantum pado naskah Historia Naturalis karya Plini abaik patamo Masehi.

Dalam kitab umaik Yahudi, Melakim (Rajo-rajo), fasal 9, ditarangkan baso Nabi Sulaiman a.s. raja Israil manarimo 420 talenta ameh dari Hiram, rajo Tirus nan manjadi bawahan baliau. Ameh itu didapek dari nagari Ofir. Kitab Al-Qur’an, Surat Al-Anbiya’ 81, manarangkan baso kapa-kapa Nabi Sulaiman balayia ka “tanah nan Kami barakati atehnyo” (al-ardha l-lati barak-Na fiha).

Banyak ahli sajarah nan bapandapaik baso nagari Ophir itu talatak di Sumatera (Gunuang Ophir di Pasaman Barat, Sumatera Barat nan kini banamo Gunuang Talamau?). Paralu dicataik, kota Tirus marupoan pusek pamasaran barang-barang dari Timur Jauah. Ptolemaios pun manulih Geographike Hyphegesis badasakan informasi dari surang padagang Tirus nan banamo Marinus. Dan banyak patualang Eropa pado abaik ka-15 dan ka-16 mancari ameh ka Sumatera jo anggapan baso di sinanlah latak nagari Ofir Nabi Sulaiman a.s.

Kato nan patamo kali manyabuikkan namo Sumatra barasa dari gala surang rajo Sriwijaya Haji (rajo) Sumatrabhumi (Rajo tanah Sumatra), manuruik barito Chino baliau mangirimkan utusan ka Chino pado taun 1017. Pandapaik lain manyabuikkan namo Sumatera barasa dari namo Samudera, karajaan di Aceh pado abaik ka-13 dan abaik ka-14. Para musafir Eropa sajak abaik ka-15 manggunokan namo karajaan itu untuak manyabuik saluruah pulau. Samo halnyo jo pulau Kalimantan nan disabuik Borneo, dari namo Brunai, daerah bagian utara pulau itu nan mulo-mulo didatangi urang Eropa. Damikian pulo pulau Lombok tadinyo banamo Selaparang, sadangkan Lombok adolah namo daerah di pantai timur pulau Selaparang nan mulo-mulo disinggahi palauik Portugis.

Paraliahan Samudera (namo karajaan) manjadi Sumatera (namo pulau) menarik untuak ditalusuri. Odorico da Pordenone dalam kisah palayarannyo taun 1318 manyabuikkan baso baliau balayia ka timur dari Koromandel, India, salamo 20 hari, lalu sampai di karajaan Sumoltra. Ibnu Bathutah bacarito dalam kitab Rihlah ila l-Masyriq (Pangambaroan ka Timur) baso pado taun 1345 baliah singgah di karajaan Samatrah. Pado abaik barikuiknyo, namo nagari atau karajaan di Aceh itu diambiak aliah dek musafir-musafir lain untuak manyabuikkan saluruah pulau.

Pado taun 1490 Ibnu Majid mambuek peta daerah sakitar Samudera Hindia dan di sinan tatulih pulau Samatrah. Peta Ibnu Majid iko disalin dek Roteiro taun 1498 dan maunjualah namo Camatarra. Peta buatan Amerigo Vespucci taun 1501 mancantumkan namo Samatara, sadangkan peta Masser taun 1506 mamaunjuakan namo Samatra. Ruy d’Araujo taun 1510 manyabuik pulau itu Camatra, dan Alfonso Albuquerque taun 1512 manulihkannyo Camatora. Antonio Pigafetta taun 1521 mamakai namo nan agak ‘bana’: Somatra. Tatapi sangaik banyak catatan musafir lain nan labiah ‘kacau’ manulihkannyo: Samoterra, Samotra, Sumotra, bahkan Zamatra dan Zamatora.

Catatan-catatan urang Balando jo Inggirih, sajak Jan Huygen van Linschoten dan Sir Francis Drake abaik ka-16, salalu konsisten dalam panulisan Sumatera. Bantuak ikolah nan manjadi baku, dan kamudian disasuaikan jo lidah Indonesia: Sumatera

Urang nan babahaso Austronesia mulo-mulo tibo di Sumatera kurang labiah 500 SM, sawakatu migrasi Austronesia dari Taiwan ka Asia Tenggara. Dek posisinyo nan manjadi lalu lintas padagangan lauik India-Chino, babarapo kota-kota padagangan bakambang utamonyo di pantai timur Sumatera dan dipangaruahi dek agamo Hindu jo Buddha. Salah satu karajaan nan paliang awal dikatahui adolah Kantoli, nan bakambang di abaik ka-5 Masehi di selatan Sumatera. Kantoli tagantikan dek Karajaan Sriwijaya dan kudian dek Karajaan Samudra Pasai.

Sriwijaya marupoan monarki Buddha, bapusek di kota nan kini ko adolah kota Palembang. Karajaan iko manguasoi kapulauan Melayu sarato malakukan padagangan dan panakluakan dari abaik ka-7 hinggo ka-9, sarato mambantu manyebarkan kabudayoan Melayu ka saluruah Sumatera, Samananjuang Melayu, dan bagian barat Borneo. Karajaan Sriwijaya marupoan karajaan maritim (thalassocracy) nan mampalaweh pangaruahnyo dari pulau ka pulau. Palembang pado maso itu marupoan pusek pambalajaran nan tanamo, dan marupoan tampek patualang Chino I-Tsing baraja bahaso Sanskrit sabalun pai ka India pado 671 Masihi. Dalam pajalanan baliaknyo ka Chino, baliau juo manghabihkan maso salamo ampek taun di Palembang untuak manarjamahkan teks agamo Buddha dan manulih duo manuskrip.

Pangaruah Sriwijaya bakurang pado abaik ka-11 salapeh disarang Karajaan Chola nan katiko itu mamarintah di India Selatan. Sumatera  salanjuiknyo takluak kapado karajaan-karajaan di Jawa, iyolah patamo dek Singhasari dan kamudian dek Majapahit. Pado maso nan samo Islam masuak ka Sumatera  di abaik ka-6 dan ka-7 Masehi malalui saudagar Arab dan India. Manjalang akhia abaik ka-13, rajo-rajo karajaan Samudra alah mamaluak agamo Islam. Iko disaksikan dek Marco Polo nan singgah di pulau iko di taun 1292 dan dek Ibnu Battuta nan singgah duo kali sapanjang 1345-1346. Karajaan Samudera digantikan dek Kasultanan Aceh nan kuek, nan tagak hinggo abaik ka-20.

Kadatangan Balando alah mambuek banyak nagari-nagari di pulau Sumatera sacaro baransua-ansua jatuah di bawah kuaso mareka, namun Kasultanan Aceh di utara pulau marupoan halangan utamo, nan manyababkan Balando talibek dalam Parang Aceh (1873-1903) nan lamo jo maha. Kabanyakan Sumatera jatuah di bawah pamarintahan Hindia Balando, dan manjadi pangasia utamo lado, gatah, jo minyak. Pado awal jo patangahan abaik ka-20, ahli akademik dan pamimpin Sumatera manjadi tokoh-tokoh pantiang dalam pagerakan kamardekaan Indonesia.

Pulau Sumatera talatak di bagian barat gugusan kapulauan Nusantara. Di sabalah utara babatehan jo Teluk Benggala, di timur jo Selat Malaka, di sabalah selatan jo Selat Sunda, sarato di sabalah barat jo Samudra Hindia. Di sabalah timur pulau, banyak ditamui rawo nan dialiri dek sungai-sungai gadang nan bamuaro di sinan, antaro lain Asahan (Sumatera Utara), Sungai Siak (Riau), Kampar, Inderagiri (Sumatera Barat, Riau), Batang Hari (Sumatera Barat, Jambi), Musi, Ogan, Lematang, Komering (Sumatera Selatan), jo Way Sekampung (Lampung). Samantaro babarapo sungai nan bamuaro ka pasisia barat pulau Sumatera di antaronyo Batang Tarusan (Sumatera Barat), jo Ketahun (Bengkulu).

Di bagian barat pulau, tabantang pegunungan Bukit Barisan nan mambujua dari utara hinggo selatan. Sapanjang bukik barisan tadapaik gunuang-gunuang barapi nan masih aktif, saroman Geureudong (Aceh), Sinabung (Sumatera Utara), Marapi, Talang (Sumatera Barat), Gunung Kaba (Bengkulu), jo Kerinci (Sumatera Barat, Jambi). Di pulau Sumatera tadapaik pulo babarapo danau, di antaronyo Danau Laut Tawar (Aceh), Danau Toba (Sumatera Utara), Danau Singkarak, Danau Maninjau, Danau Diateh, Danau Dibawah, Danau Talang (Sumatera Barat), Danau Kerinci (Jambi) jo Danau Ranau (Lampung - Sumatera Selatan).

Sacaro umum, pulau Sumatera diuni dek bangso Malayu, nan tabagi ka dalam babarapo suku. Suku-suku gadang iolah Aceh, Batak, Melayu, Minangkabau, Besemah, Rejang, Ogan, Komering, jo Lampung. Di wilayah pasisia timur Sumatera jo di babarapo koto-koto gadang sarupo Medan, Palembang, jo Pekanbaru, banyak bamukim etnis Tionghoa. Panduduak pulau Sumatera hanyo takonsentrasi di wilayah Sumatera Timur jo dataran tinggi Minangkabau. Mato pancaharian panduduak Sumatera sabagian basa sabagai patani, nalayan, jo padagang.

Panduduak Sumatera mayoritas baagamo Islam jo saketek nan marupoan panganuik ajaran Kristen Protestan, tautamo di wilayah Tapanuli jo Toba-Samosir, Sumatera Utara. Di wilayah pakotoan, sarupo Medan, Pekanbaru, Batam, Pangkal Pinang  jo Palembang, ditamui pulo babarapo urang panganuik Buddha.

Koto-koto di pulau Sumatera dihubuangkan dek tigo rueh jalan lintas, yakni lintas tangah, lintas timur, jo lintas barat, nan malintang dari utara - selatan Sumatera. Salain itu tadapaik pulo rueh jalan nan malintang dari barat - timur, co rueh Bengkulu - Palembang, Padang - Jambi, sarato Padang - Dumai.

Di babarapo bagian pulau Sumatera, kareto api marupoan sarano transportasi alternatif. Di bagian selatan, jalur kareto api bamulo dari palabuahan Panjang (Lampung) hinggo Lubuk Linggau jo Palembang (Sumatera Selatan). Di tangah pulau Sumatera, jalur kareto api hanyo tadapaik di Sumatera Barat. Jalur iko mahubuangkan antaro koto Padang jo Sawah Lunto sarato kota Padang jo kota Pariaman. Samaso kolonial Balando hinggo taun 2001, jalur Padang - Sawah Lunto dipagunokan untuak mangangkuik batu baro. Tatapi samanjak cadangan batu baro di Ombilin mulai saketek, mangko jalur iko indak bafungsi lai. Sajak akia taun 2006, pamarintah provinsi Sumatera Barat, baliak maaktifkan jalur iko sabagai jalur kareto wisata.

Di utara Sumatera, jalur kareto api mambantang dari koto Medan sampai ka koto Tebing Tinggi. Pado jalur iko, kareto api dipagunokan sabagai sarano maangkuik kalapo sawik jo panumpang.

Panabangan internasional dilayani dari Banda Aceh (Palabuahan udaro Internasional Sultan Iskandar Muda), Medan (Palabuahan udaro Internasional Polonia), Padang (Palabuahan udaro Internasional Minangkabau), jo Palembang (Palabuahan udaro Internasional Sultan Mahmud Badaruddin II). Sadangkan palabuahan kapa lauik ado di Belawan (Medan), Taluak Bayua (Padang), jo Bakauheni (Lampung).

Pulau Sumatera marupoan pulau nan kayo jo hasil bumi. Dari limo provinsi kayo di Indonesia, tigo provinsi tadapaik di pulau Sumatera, iyolah provinsi Nanggroe Aceh Darussalam, Riau jo Sumatera Selatan. Hasil-hasil utamo pulau Sumatera iolah kalapo sawik, tambakau, minyak bumi, timah, bauksit, batu baro, jo gas alam. Hasil-hasil bumi tasabuik sabagian basa diolah dek parusahoan-parusahoan asiang, misalnyo PT Caltex nan maolah minyak bumi di provinsi Riau.

Tampek-tampek pangasil barang tambang iolah :

Babarapo koto di pulau Sumatera, juo marupoan koto paniagoan nan cukuik penting. Medan koto tagadang di pulau Sumatera, marupoan koto paniagoan utamo di pulau iko. Banyak parusahoan-parusahoan gadang nasional nan bakantua pusaik di siko.

Pamarintahan di Sumatera tabagi manjadi sapuluah provinsi, manuruik urutan pambantuakannyo:

Barikuik 10 koto gadang di Sumatera badasakan jumlah populasi taun 2009.




#Article 85: Sumatera Utara (300 words)


Sumatera Utara adolah sabauh provinsi di Indonesia nan ado di pulau Sumatra. Provinsi ko marupoan provinsi nan paliang padek panduduaknyo di lua pulau Jawa di Indonesia. Provinsi ko babatehan jo provinsi Aceh di sabalah Utara, Riau jo Sumatra Barat di sabalah Selatan, sarato Samudera Hindia di sabalah  Barat dan  Selat Malaka di sabalah Timur. Kapulauan Nias di Samudra Hindia masuak ka dalam wilayah administratif provinsi iko. Sadangkan Medan adolah ibukota dari provinsi iko.

Pado zaman pamarintahan Balando, Sumatera Utara adolah suatu pamarintahan yang dikana Gouvernement van Sumatra yang maliputi saluruah pulo Sumatera, di kapaloi oleh saurang Gubernur yang berkaduduan di kota Medan.

Setelah kemerdekaan, di sidang partamo Komite Nasional Daerah (KND), Provinsi Sumatera dibagi manjadi tiga sub provinsi yaitu: Sumatera Utara, Sumatera Tengah, dan Sumatera Selatan. Provinsi Sumatera Utara sendiri marupakan panggabungan dari tigo daerah administratif yang disabuik keresidenan antaro lain Keresidenan Aceh, Keresidenan Sumatera Timur, dan Keresidenan Tapanuli.

Dangan ditarbitkannyo Undang-Undang Republik Indonesia (R.I.) No. 10 Tahun 1948 pado tangga 15 April 1948, ditetapkan Sumatera dibagi manjadi tigo provinsi yang masing-masin berhak mangatuar dan mangurui rumoh tanggonyo sendiri yaitu: Provinsi Sumatera Utara, Provinsi Sumatera Tengah, dan Provinsi Sumatera Selatan. Tanggal 15 April 1948 salanjuikny ditatapkan sabagai hari jadi Provinsi Sumatera Utara.

Pado awal tahun 1949, ado reorganisasi pamorintahan di Sumatera. Adanyo kaputusan Pemerintah Darurat R.I. Nomor 22/Pem/PDRI pado tanggal 17 Mei 1949, jabatan Gubernur Sumatera Utara ditiadokan. Salanjuiknyo dangan Katatapan Pemerintah Darurat R.I. pado tanggal 17 Desember 1949, dibantuik Provinsi Aceh dan Provinsi Tapanuli/Sumatera Timur. Kamudian, dangan adanyo Peraturan Pamarintah Pangganti Undang-Undang No. 5 Tahun 1950 pado tanggal 14 Agustus 1950, ketatapan tasabuik dicabut dan dibantuik kambali Provinsi Sumatera Utara.

Dangan Undang-Undang R.I. No. 24 Tahun 1956 yang diundangkan pado tanggal 7 Desember 1956, dibantuik Daerah Otonom Provinsi Aceh, sahingga wilayoh Provinsi Sumatera Utara sebagian menjadi wilayoh Provinsi Aceh.




#Article 86: Sumpur Kudus, Sijunjung (174 words)


Sumpur Kudus (logat lokal manyabuiknyo: Sumpu, Sumpu Kudus) adolah suatu kecamatan di Kabupaten Sijunjung, Sumatera Barat. Kanagarian iko lataknyo di lembah Batang Sumpu, di bagian timur Sumatera Barat.

Sumpur Kudus adolah tampek basis Pamarentah Darurat Republik Indonesia (PDRI) di maso agresi, nan mambuek RI tatap dapek batahan jo diakui dunia internasional. Di sampiang iko, Sumpur Kudus juo panah manjadi pusek pajuangan PRRI dalam manuntuik kaadialan jo pamarentahan Orde Lama di maso lalu.

Wisata alam nagari iko dapek dinikmati Aie Tajun Lubuak Pandakian, nan aie janiahnyo barasa dari Batang Sami. Ado pulo panorama Bukik Lantiak, nan manyajikan gugusan Bukik Sangkak Ayam, Gunuang Sago, Gunuang Marapi, sarato Gunuang Talang. Sadangkan untuak wisata ziarah, dapek mangunjungi makam Syekh Ibrahim nan manyebaan agamo Islam di nagari nan ko pado abaik ka-15, sarato mangunjungi masajik jo makam Rajo Ibadat Sultan Alif.

Samba Randang Bilalang, Samba Daun Kayu, jo Gulai Rumbuik adolah kuliner khas di nagari nan ko.

Wisata budayo dapek dinikmati Talempong Unggan, Tari Piriang, Tari Pijak Galeh, Randai jo Canang. Nan dapek dijadikan oleh-oleh adolah kain tanun Unggan.




#Article 87: Tambo (363 words)


Tambo barasal dari baso Sansekerta, tambay nan aratinyo bamulo. Tambo dalam tradisi masyarakaik Minangkabau marupoan suatu warih turun tamurun nan disampaikan sacaro lisan. Panulisan tambo ko, partamo kali basobok dalam bantuak tulisan Arab. Salanjuiknyo panulisan dalam bantuak Latin dikenal baru pado awal abaik ka 20, nan isinyo adolah mambandingkannyo jo babarapo bukti sajarah nan bakaitan. Walaupun mitos, lagenda dan imajinasi bacampuraduak dalam tambo ko, namun dari tambo tu masih dapek mambantu peneliti untuak mangenal budayo Minangkabau itu sandiri.

Tambo di Minangkabau biasonyo tabagi ateh duo bagian::

Dalam panyampaian kisah tambo ko, indak pakai sistematika tatantu, kisahnyo kadang disasuaikan bagi kaparluan jo kaadaan. Jadi tambo ko marupoan karya sastra nan manjadi milik basamo, sahinggo isi kisahnyo dapek barubah-rubah manuruik kasanangan pandanganyo.
 

Dalam tambo alam Minangkabau, dikabakan kisah palayaran putera-putera Aleksander nan Aguang (Rajo Iskandar Zulkarnain) tigo basudaro, nan paliang tuo banamo Maharajo Alif, nan tangah Maharajo Dipang, nan bungsu banamo Maharajo Dirajo, dakek pulau Sailan tajatuah mahkota (mangkuto) ameh ka lauik. Kasado ândai silam alah diparintahkan maambiak jo mancari nyo. Tapi usaho itu indak ado hasil karano mahkota tu dibauik ula bidai di dasa lauik. Ceti Bilang Pandai maimbau pandai amaeh untuak mambuek mahkota palasu. Dek pandai ameh manggunokan camin taruih, dapeklahinyo mambuek mahkota nan samo. De Ceti, untuak manyimpan rahasia, dibunuahlah si pandai ameh tu. Katiko Sri Majarajo Dirajo tajago, diambiak baliau mahkota tu dan dipakai.

Duo urang kakak baradiak nan lain tabangun dan mandapati si bungsu manguasai  mahkota. Batangka katigo badunsanak tu. Akhianyo, mareka  bapisah. Sri Maharajo Alif ka  Barat manjadi rajo di banua Ruhum. Sri Maharajo Dipang ka  Timur mamarintah Cino jo Japang. Dan Sri Maharajo Dirajo taruih balayar ka selatan. Salain mambawo permaisurinyo, Maharajo Dirajo juo mambawo Harimau Campo, Kuciang Siam, Kambiang Hutan dan Anjiang Mualim.

Sasudah balayar sampailah mareka  tu di suatu tampek nan banamo Lagundi nan baselo, sataruihnyo sampai ka Gunuang Marapi, nan samulo sagadang talua itiak, lalu mayentak naiak, sadangkan lauik mayentak turun. Kamudian dibangunlah nagari nan banamo Pariangan.

Adaik bagi urang Minangkabau adolah Kain dipakai usang, adaik dipakai baru, mukasuiknyo pakaian jiko dipakai taruih akan usang, tapi adaik dipakai taruih manaruih sanantiaso awet. Dek itu adaik tatok indak barubah.

Adaik dalam masarakaik Minangkabau ado ampek kategori:




#Article 88: Tari Galombang (148 words)


Tari Galombang adolah suatu jenis tarian nan dimainkan labiah untuak upacara dalam tradisi adaik maupun majlis perkawinan daripado parmainan atau patunjuakkan biaso. Pado tarian ko dimainkan sakitar puluhan laki-laki nan tabagi duo kalompok, dimano masiang-masiang kalompok ko saakan-akan marupoan rombongan pengawal. Jiko rombongan tamu utamo maupun tuan rumah nan maadoan pajamuan tibo akan didahului dek panari galombang ko, nan malangkah bagaikan pamain silek. Satiok mambuek langkah maju, panari ko batapuak tangan, sahinggo gerakan panari ko kadang bantuak duo pasukan nan ka baparang.

Namo galombang pado tari ko diambiak dari gerakan lincah tubuah panari nyo sarupo gerakan gelombang lauik. Disampiang itu, gerakan tangan jo kaki nyo sarupo jo urang basilek. Tari galombang kini alah dikreasikan, digabuang jo tari pasambahan. Pado mulonyo tari galombang ko diiringi jo teriakan sajo, tapi kini alah diiringi jo musik-musik dari alat musik tradisional minangkabau, bantuak talempong, gandang, pupuik batang padi, dan alat musik lainnyo.




#Article 89: Tari Pasambahan (136 words)


Tari Pasambahan (dalam ijoan lain Tari Pasombahan) adolah suatu jinih tarian nan dimainan sabagai ungkapan salamaik datang ataupun ungkapan raso horomaik kapado tamu istimewa nan jolong tibo. Tari Pasambahan ko marupokan salah satu seni tari tradisonal nan bakambang di Alam Minangkabau. Namun kini, tari pasambahan ditampilan indak anyo dalam acara manyambuik tamu, tapi juo dalam seni pamentasan jo patunjuakan sabagai sarana hiburan untuak urang rami.

Tari pasambahan dipentasan wakatu tamu jolong tibo dari jauah, atau wakatu marapulai tibo ka rumah anak daro. Tamu nan tibo kudian dipayuangi jo payuang basa subagai tando horomaik ka bakeh tamu. Salapeh tari pasambahan ditampilan, kudian acara dilanjuikan jo maagiah daun siriah dalam carano kapado tamu. Pado alek panikahan, daun siriah diagiah kapado marapulai sabagai wakia dari rombongan. Daun siriah dalam carano tu biasonyo diagiah juo kapado kaduo urang gaek marapulai.




#Article 90: Tari Piriang (403 words)


Tari piriang adolah suatu jenis tari tradisional nan populer di masyarakaik Minangkabau.

 
Pado awanyo, daulu kala tari piriang ko dibuek untuak mambari pasambahan-pasambahan kapado para dewa katiko masuak maso panen rayo. 
 
Awa mulo bilo tari piriang ko dipatunjuakan indak ado nan tau pasti. Namun baaitu, tari piriang ko lah ado di kapulaun melayu sajak labiah dari 800 tahun nan dulu. Tari piriang ko dipacayo juo alah ado di Sumatera Barat dan bakambang hinggo pado jaman karajaan pagaruyuang jo karajaan sriwijaya. Sasudah muncuanyo karajaan majapahit pado abaik ka 12 yang maruntuakan karajaan sriwijaya, alah mandorong tari piriang ko bakambang ka nagari-nagari malayu nan lainyo basamoan jo palarian urang-urang sriwijaya katiko itu.

Katiko tari dimulai, panari piriang maambiak piriang nan alah talabih daulu di latakaan basusun di mungko para panari. Kamnudian panari maayunkan piriang nan alah di paciknyo pado kaduo tanganyo tadi karah suak jo arah kida. Panari taruih manari dan salanjuiknyo mulai batapak atau mamijak ciek-ciek piriang nan alah disusun sabalumnyo. pado umumnyo panari piriang akan mamastian bahwasanyo piriang nan alah disusunnyo tadi alah dipijak. Katiko manari, panari tari piriang indak buliah mambalakangi panonton. Dalam garakan tari piriang ado maso dimano kadua tangan nan mamacik piriang tadi diayunan ka suok jo ka kida dan manhasilkan bunyi sarupo ting ting ting nan barasa dari ketukan jari-jari panari nan sabalumnya alah disaruangi jo cincin. Sasakali, kaduo talapak tangan panari bagarak saolah-olah mamuta-muta piriang dari ateh ka bawah sahinggo kalau dicaliak mambuek kapalo agak paniang dek nyo.

Alaik utamo parago pado tari piriang ko iolah piriang, Salain tu, ado juo pakaian panari jo alaik musik pangiriang tari sabagai alaik palangkok tari piriang ko. Pado umumnyo, pakaian nan bawarna-warni jo rancak adolah hal nan wajib dipakai untuak sabuah tarian. Namun baitu, pado tari piriang cukuik jo babaju melayu sajo. Warna baju pun tasarah kapado panari warna baju apo nan kan dipakainyo. Namun, warna-warna tarang sarupo merah jo kuniang acok manjadi pilihan dek panari tari piriang karano warna-warna ko labiah murah untuak dicaliak dek panonton.

Alaik musik nan digunoan untuak mangiriangi tari piriang ko cukuik jo rebana jo gong sajo. Pukualan gong sangaik paralu karano iko nan manjadian paduan antaro panari untuak manantuan garak jo langkahnyo katiko manari. Pado umumnyo katiko di acara baralek, kumpulan rebana nan mangiriangi jo mangarak pasangan nan baralek diagia tangguangjawab juo untuak mangiaringi pasambahan tari piriang. Numun, dalam kaadaan tatantu tari piriang ko buliah juo diiriangi dek alaik musik lain sarupo talempong jo gandang.




#Article 91: Thailand (717 words)


Karajaan Thai (namo rasmi bahaso Thai: ราชอาณาจักรไทย Ratcha Anachak Thai atau Prathēt Thai), nan labiah acok disabuik Thailand dalam bahaso Inggirih atau dalam bahaso aslinyo Mueang Thai (dibaco: meng-thai, samo jo versi Inggirihnyo nan baarti Nagari Thai) adolah sabuah nagaro di Asia Tanggaro nan babateh jo Laos dan Kamboja di timur, Malaysia dan Taluak Siam di selatan, Myanmar dan Lauik Andaman di barat. Thailand dahulu dikenal jo namo Siam sampai tanggal 11 Mei 1949. Kato Thai (ไทย) baarti kebebasan dalam bahaso Thailand, dapek marujuak kapado suku Thai, sahinggo menyebaban namo Siam masih digunoan di kalangan urang Thai tarutamo kaum minoritas Tionghoa.

Asal mulo Thailand sacaro tradisional bakaik jo sabuah karajaan nan baumua singkek, Kerajaan Sukhothai nan didirian pado taun 1238. Karajaan ko kamudian ditaruihan dek Karajaan Ayutthaya nan didirian pado pertengahan abaik ka-14 dan labiah gadang dari pado Sukhothai. Kebudayaan Thailand tapangaruah sacaro kuek dek Tiongkok dan India. Hubuangan jo babarapo nagari gadang di Eropa bamulo pado abaik ka-16. Thailand tetok batahan sabagai satu-satunyo nagari di Asia Tenggara nan indak pernah dijajah dek nagari Eropa.

Tahun 1932 tajadi revolusi nan indak badarah mambuek dimulokannyo monarki konstitusional. Sabalunnyo dikana jo namo Siam, satalah revolusi nagari ko mangganti namonyo manjadi Thailand pado taun 1939 dan untuak sataruihnyo, pernah sakali mangganti baliak ka namo lamonyo kasudah Parang Dunia II. Pado parang tu, Thailand basarikek jo Japang; tapi katiko Parang Dunia II berakhir, Thailand manjadi sarikek Amerika Sarikek. Babarapo kudeta tajadi dalam taun-tahun satalah baakhirnyo parang, tapi Thailand mulai manggarik ka arah demokrasi sajak taun 1980-an.

Satalah mangicok rato-rato patumbuahan tatinggi di dunia sajak taun 1985 hinggo 1995 - rato-rato 9% per taun - takanan spekulatif nan maningkek pado mato uang Thailand, Baht, pado taun 1997 mambuek tajadinyo krisis nan mambuka kalemahan sektor keuangan dan mamakso pamarintah untuak mangambangan Baht. Satalah sakian lamo dipatok pado nilai 25 Baht untuak ciek dolar AS, Baht mancapai titiak tarendahnyo pado kisaran 56 Baht di Januari 1998 dan ekonominyo malamah sagadang 10,2% pado taun nan samo. Krisis ko kamudian malaweh ka krisis finansial Asia.

Thailand masuak babak pamulihan pado taun 1999; ekonominyo manguek 4,2% dan tumbuah 4,4% pad taun 2000, kabanyakan marupoan hasil dari ekspor nan kuek - nan maningkek sakitar 20% pado taun 2000. Patumbuahan sampek dipalambek ekonomi dunia nan malunak pado taun 2001, tapi kambali manguek pado taun-tahun kasudahnyo karano patumbuahan nan kuek di RRC dan babarapo program stimulan dalam nagari sarato Kebijakan Duo Jalur nan ditampuah pamarintah Thaksin Shinawatra. Patumbuahan pado taun 2003 dipakiroan mancapai 6,3%, dan dipakiroan pado 8% dan 10% pado taun 2004 dan 2005.

Thailand dibagi kapado 76 provinsi (changwat), nan dikalompokan ka dalam 5 kalompok provinsi. Nan tiok provinsi barasal dari namo ibu kota provinsinyo.

Rajo punyo saketek kuaso langsuang di bawah konstitusi tapi marupoan palindung Buddhisme Thailand dan lambang jati diri dan persatuan bangsa. Rajo nan mamarintah saat ko dihormati jo gadang dan dianggo sabagai pamimpin dari segi moral, hal nan alah dimanfaaikkan pado babarapo kasempatan untuak manyalasaian krisis politik. kapalo negari adolah Pardano Mantari, nan dilantik rajo dari anggota-anggota parlemen dan biasonyo adolah pamimpin partai mayoritas.

Parlemen Thailand manggunoan sistem duo ruang dinamokan Majelis Nasional ato Rathasapha - รัฐสภา, nan tasusun dari Dewan Perwakilan (Sapha Phuthaen Ratsadon - สภาผู้แทนราษฎร) nan baanggota 480 urang dan Senat (Wuthisapha - วุฒิสภา) nan baanggota 150 urang. Anggota Dewan Perwakilan manjalani maso bakti salamo ampek taun, samantaro para senator menjalani maso bakti salamo anam taun. Badan kehakiman tatinggi adolah Mahkamah Agung (Sandika - ศาลฎีกา), nan jaksanyo dilantik dek rajo. Thailand adolah anggota aktif dalam ASEAN.

Populasi Thailand didominasi etnis Thai dan Lao, nan bajumlah 3/4 dari sadoalah panduduk.  Ado juo komunitas gadang etnis Tionghoa. Etnis lainnyo tamasuk etnis Melayu di selatan, Mon, Khmer dan babagai suku urang bukik.

Sakitar 95% panduduk Thailand baagamo Buddha aliran Theravada, tapi ado juo minoritas ketek nan baagamo Islam, Kristen dan Hindu. Bahaso Thailand adolah bahaso nasional Thailand, nan ditulih jo aksaranyo surang, tapi ado banyak jo bahaso daerah lain.

Muay Thai, samacam kickboxing ala Thailand, adolah olahraga nasional di Thailand dan marupoan seni beladiri di sinan. Popularitasnyo mamuncak di saluruah dunia pado taun 1990-an. 

Ucapan panyambutan nan umum di Thailand adolah isyarat banamo wai, nan sarupo jo gerakan sumbayang. Hal-hal nan tabu dikarajoan di antaranyo adolah maresek kapalo urang dan manunjuk jo kaki, karano kapalo dan kaki adolah bagian tubuah nan paliang ateh dan bawah.




#Article 92: Tilatang Kamang, Agam (176 words)


Tilatang Kamang adolah sabuah kecamatan di Kabupaten Agam, Sumatera Barat, Indonesia.Kecamatan iko punyo lueh 105,90 km². Dalam Perang Padri daerah iko pernah manjadi basis dari Kaum Padri nan dipimpin dek Tuanku Nan Renceh.

Kecamatan Tilatang Kamang sabalunnyo disabuik juo jo daerah Agam Tuo Utara, pusek pamarentahannyo tadapek di Pekan Kamis, dimano sabalun tajadi pambagian, kecamatan iko tadiri dari kanagarian:

Sasudah pambagian, dimano tabuek kecamatan baru iyolah Palupuh dan Kamang Magek, mako sasudah itu kecamatan Tilatang Kamang tadiri dari kanagarian:

Sacaro topografi,Kecamatan Tilatang Kamang iko agak unik, dikaliliangi dek bukik babantuak Tapak Kudo, di tangah tapak kudo tu ado macam-macam bukit, mode Bukik Kuliriak, Bukik Kayu Manih, Bukik Kawin, Bukik Kaluang jo Bukik Anduring.

Untuak jalua transportasi kecamatan Tilatang Kamang hanyo dapek diakses dari arah Kota Bukittinggi, yakni dari Biaro, Tanjuang Alam, Simpang Limau jo Bukit Ambacang. Dan pado daerah ikolah ka-4 ujuang jalan ko samo-samo batamu.

Kecamatan Tilatang Kamang dialiri juo dek duo sungai ketek yakni Batang Jabur dan Batang Baramban, sahinggo dek adonyo potensi pangairan ko manunjang bana untuak maningkekan hasil tani masyarakaik daerah ko.




#Article 93: Urang Minang (6002 words)


Urang Minang, disingkek dari Minangkabau (Jawi: ميناڠكاباو) adolah kalompok etnis dari rumpun Melayu di Nusantara nan babaso jo manjunjuang adaik Minangkabau. Wilayah kabudayaannyo maliputi Sumatra Barat, saparuah daratan Riau, bagian utara Bengkulu, bagian barat Jambi, bagian selatan Sumatra Utara, barat daya Aceh, dan juo Negeri Sembilan di Malaysia.

Urang Minang dikana juo sabagai Urang Awak nan punyo masakan khas, dan populer di Indonesia bahkan sampai ka kawasan rantau nan disabuik juo sabagai masakan Padang.

Manuruik A.A. Navis, Minangkabau labiah kapado kultur etnis dari suatu rumpun Melayu nan tumbuah jo gadang dek sistem monarki, sarato punyo sistem adaik nan lain, nan dicirikan dek sistem badunsanak lewat jalur padusi atau matrilineal, walaupun budayonyo sangaik kuek diwarnai dek ajaran agamo Islam. Katiko Thomas Stamford Raffles, maadoan ekspedisi ka padalaman Minangkabau tampek Daulat Karajaan Pagaruyuang, sainggo inyo bapandapek bahosonyo Minangkabau tu adolah pusek kakuasoan sarato asa bangso Melayu, nan kudian panduduaknyo taserak marato di Kapulauan Timur.

Namo Minangkabau barasa dari duo kato, minang jo kabau. Namo iko bakaik jo ciek lagenda Minangkabau nan ado di dalam tambo. Dalam tambo dikatoan, pado suatu maso ado karajaan asiang nan tibo dari lauik untuak malakuan panakluakan. Untuak managah jan tajadinyo parang, masyarakaik satampek mausu untuak baradu kabau. Pasukan asiang itu manyatujuinyo, lalu manyadioan saikua kabau nan gadang, samatang tu masyarakaik satampek manyadioan saikua anak kabau nan lapa. Dalam paparangan, anak kabau nan lapa manyangko kabau gadang itu adolah induaknyo, dek itulah anak kabau itu langsuang balari mancari susu jo mananduak hinggo mancabiak-cabiak paruik kabau gadang tersebut. Kamanangan itu mangilhami masyarakaik satempek mamakai namo Minangkabau, nan barasa dari kalimaik manang kabau. Salain itu, namo Minangkabau digunoan juo untuak manyabuik sabuah nagari, iyolah nagari Minangkabau, nan talatak di kecamatan Sungayang, kabupaten Tanah Data, provinsi Sumatera Barat.

Dalam catatan sajarah karajaan Majapahit, Nagarakretagama taun 1365 M, tasabuik namo Minangkabwa sabagai salah ciek nagari Malayu nan ditakluak.

Sadangkan namo Minanga, alah disabuikan pulo dalam batu basurek Kedukan Bukit taun 682 Masehi nan babahaso Sansekerta. Dalam batu basurek tu dinyatoan, pandiri karajaan Sriwijaya nan banamo Dapunta Hyang barangkek dari Minanga.

Caliak pulo: Tambo Minangkabau dan Tombo Lubuk Jambi

Dari tambo nan ditarimo sacaro turun tamurun, mancaritoan bahasonyo niniak muyang urang Minangkabau barasa dari katurunan Iskandar Zulkarnain. Walau tambo itu indak tasusun sacaro sistematis sarato labiah kapado lagenda dibandiangan nan nyato.

Masyarakaik Minang marupoan bagian dari masyarakaik Deutro Melayu (Melayu Mudo) nan malakuan migrasi dari daratan Chino Selatan ka pulau Sumatera sakitar 2.500-2.000 taun nan lalu. Dipakiroan kalompok masyarakaik iko masuak dari arah timur pulau Sumatera, manyusuri aliran sungai Kampar sampai ka dataran tinggi nan disabuik darek. Babarapo kawasan darek iko kamudian mambantuak samacam konfederasi banamo luhak atau dapek pulo disabuik Luhak nan Tigo, nan tadiri dari Luhak Limo Puluah, Luhak Agam, jo Luhak Tanah Data. Pado maso pamarintahan Hindia-Balando, daerah luhak iko manjadi daerah taritorial pamarintahan nan disabuik afdeling, dikapaloi dek saurang residen nan kok di urang Minang disabuik Tuan Luhak.

Samantaro itu, sairiang jo patumbuahan jo pakambangan panduduak, masyarakaik Minangkabau manyeba ka kawasan darek nan lain sarato mambantuak babarapo kawasan manjadi kawasan rantau. Konsep rantau dek masyarakaik Minang marupoan suatu kawasan nan manjadi pintu masuak ka alam Minangkabau. Rantau bafungsi juo sabagai tampek mancari kahiduikan jo kawasan padagangan. Rantau di Minangkabau dikenal jo Rantau nan duo, tabagi dari Rantau di Hilia (kawasan pasisia timur) jo Rantau di Mudiak (kawasan pasisia barat).

Pado awalnyo panyabuikan urang Minang alun dibedaan jo urang Malayu, namun sajak abaik ka-19, panyabuikan Minang jo Malayu muloi dibedoan, mancaliak ka budayo matrilineal nan tatap batahan dibandiangan patrilineal nan dianuik dek masyarakaik Malayu pado umumnyo. Kamudian pangalompokan iko taruih balangsuang demi kapantiangan sensus panduduak ataupun politik.

Masyarakaek Minang kini ko marupoan pamaluak agamo Islam. Agamo Islam diparkiroan masuak malalui kawasan pasisia timur, walaupun ado anggapan dari pasisia barat, tarutamo pado kawasan Pariaman, namun kawasan Arcat (Aru dan Rokan) sarato Inderagiri nan barado pado pasisia timur juo lah manjadi kawasan palabuhan Minangkabau sajak dahulunyo, dan Batang Kampar maupun Batang Kuantan nan bahulu di kawasan padalaman Minangkabau manjadi sarana parubuangan tarutamo untuak hubuangan dagang. Hal ko jiko dikaikan jo sebutan Urang Siak nan marujuak kapado urang-urang nan ahli dan tekun dalam agamo Islam, masih tatok digunoan di dataran tinggi Minangkabau.

Sabalun Islam ditarimo sacaro laweh, masyarakaek ko dari babarapo bukti arkeologis manunjuakan panah pulo mamaluak agamo Buddha tarutamo pado maso karajaan Sriwijaya, Dharmasraya, sampai pado maso-maso pamarintahan Adityawarman dan anaknyo Ananggawarman. Kamudian parubahan struktur karajaan jo muncuanyo Pagaruyuang nan lah manerapkan Islam dalam sistem pamarintahannyo, walau sampai abaik ka-16, Suma Oriental masih manyabuik, dari tigo rajo Minangkabau hanyo saurang baru nan lah Islam.

Manuruik tambo, sistem adaik Minangkabau patama kali dibantuak dek duo urang basudaro, Datuk Katumanggungan jo Datuak Perpatih Nan Sebatang. Datuk Katumanggungan mawarihkan sistem adaik Koto Piliang nan aristokratis, sadangkan Datuk Perpatih mawariskan sistem adaik Bodi Caniago nan egaliter. Dalam pajalanannyo, duo sistem adaik nan dikana jo kalarehan iko saliang isi maisi jo mambantuak sistem masyarakaik Minangkabau.

Dalam masyarakaik Minangkabau, ado tigo pilar utamo nan mambangun jo manjago kautuhan budayo sarato adaik istiadaik. Mareka adolah alim ulama, cadik pandai, jo niniak mamak, nan dikana juo jo istilah Tungku Tigo Sajarangan. Katigonyo saliang malangkok'i jo bahu mambahu dalam posisi nan samo tingginyo. Dalam masyarakaik Minangkabau nan demokratis jo egaliter, sado uruihan masyarakaik dimusyawarahkan dek katigo unsua itu sacaro mufakaik.

Matrilineal marupokan salah satu aspek utamo dalam mandefinisikan identitas masyarakaik Minang. Adaik jo budayo mareka manampekkan pihak padusi batindak sabagai pawaris harato pusako jo kakarabaikan. Garih katurunan dirujuak pado ibu nan dikana sabagai Samande (sa-ibu), sadangkan ayah mareka disabuik dek masyarakaik jo namo Sumando jo dipalakukan sabagai tamu dalam keluarga.

Kaum padusi di Minangkabau mampunyoi kaduduakan nan istimewa sahinggo dijuluaki jo Bundo Kanduang, nan mamainkan paranan dalam manantukan kabarhasilan palaksanoan kaputuihan-kaputuihan nan dibuek dek kaum laki-laki dalam posisi mareka sabagai mamak (saudaro dari pihak ibu), jo pangulu (kapalo suku). Pangaruah nan gadang tasabuik manjadikan padusi Minang disimbolkan sabagai Limpapeh Rumah Nan Gadang (pilar utamo rumah). Walau kakuasoan sangaik dipangaruahi dek panguasoan tahadok aset ekonomi namun kaum laki-laki dari kaluargo pihak padusi tasabuik masih tatok mamaciak otoritas atau mampunyoi legitimasi kakuasoan pado komunitasnyo.

Bahaso Minang marupoan salah satu anak cabang bahaso Austronesia. Walau ado pabedaan pandapek mangenai hubuangan bahaso Minang jo Bahaso Melayu, ado nan maanggap bahaso nan dituturkan masyarakaek ko sabagai bagian dari dialek Melayu, karano banyaknyo kesamaan kosakata jo bantuak tuturan di dalamnyo, samantaro nan lain justru baranggapan bahaso ko marupoan bahaso mandiri nan babeda jo Melayu sarato ado pulo nan manyabuik bahaso Minang marupoan bahaso proto-Melayu.

Sistim matrilinial sabagai sistim kehidupan komunal nan dianut dek suku ko, manjadikan urusan perkawinan bukan hanyo masalah sapasang insan nan handak mambantuak kaluarga baru sajo. Tapi urusan ko manjadi urusan saluruah kaum kerabat dan anggota sukunyo. Perkawinan manampekkan istri pado status nan samo jo suaminyo, dimano istri marupoan pamagang warih dan harto pusako, anak nan lahia karano perkawinan manjadi anggota kaum sang istri. Jadi perkawinan manimbulkan tali kekerabatan nan dikenal jo:

Perkawinan nan ideal dalam alam pikiran urang Minangkabau adolah perkawinan antaro kaluargo dakek, lazim disabuak pulang ka anak mamak atau pulang ka bako.

Dalam adaik Minangkabau laki-laki tingga di rumah gadang pihak istrinyo, dimano dalam suku istrinyo inyo disabuik juo jo sumando. Penilaian tahadok sumando dalam kehidupan sahari-hari diantaronyo dikenal jo:

Suku Minangkabau punyo babagai macam atraksi jo kesenian, sarupo tari-tarian nan biaso ditampilkan dalam pesta adaik maupun perkawinan. Diantaro tari-tarian tu misalnyo tari pasambahan marupoan tarian nan dimainkan bamaksuik sabagai ucapan salamaik datang ataupun ungkapan raso hormat kapado tamu nan istimewa nan baru sajo sampai, salanjuiknyo tari piriang marupoan bantuak tarian jo gerak capek dari penarinyo sambia mamaciak piriang pado talapak tangan masing-masing, nan diiringi jo lagu nan dimainkan jo talempong jo saluang.

Silek, seni bela diri tradisional khas Minang, alah turuik talibaik dalam mambantuak kasenian patunjukan di Minangkabau, nan biaso disabuik sabagai mancak atau bungo silek. Dalam mamancak, gerakan diupayokan saelok jo sarancak mungkin dan manjadi dasa dari adonyo tari Minang ataupun randai. Randai marupokan seni patunjukan nan mamadukan tarian jo bungo silek. Randai biasonyo diiringi jo nyanyian atau disabuik jua sijobang, dalam randai ko tadapek seni paran badasarkan skenario.

 
Salain itu, Minangkabau juo manonjol dalam seni bakato-kato. Ado tigo genre seni bakato-kato, iyolah pasambahan, indang, jo salawat dulang. Seni bakato-kato atau basilek lidah, labiah mangamukokan kato sindiran, kiasan, ibaraik, alegori, metafora, jo aforisme. Dalam seni bakato-kato sasaurang diajakan untuak mampatahankan kahormatan jo harago diri, tanpa manggunokan sanjato jo kontak fisik.

Rumah adaik Minangkabau disabuik jo Rumah Gadang, nan biasonyo dibangun di ateh sabidang tanah miliak kaluarga induak dalam suku tasabuik sacaro turun tamurun. Rumah adaik iko dibuek babantuak ampek pasegi panjang nan tabagi ateh duo bagian muko jo balakang. Umumnyo babahan kayu, nan sapinteh nampak bak cando bantuak rumah pangguang jo atok nan khas, marunciang bak cando tanduak kabau nan biaso disabuik gonjong nan daulunyo atok iko babahan ijuak sabalun baganti jo atok seng. Di laman muko Rumah Gadang, biasonyo didirian duo sampai anam buah Rangkiang nan digunokan sabagai tampek panyimpanan padi miliak kaluarga nan mauni Rumah Gadang tasabuik.

Hanyo kaum padusi basamo lakinyo basato anak-anak nan manjadi pauni Rumah Gadang, sadangkan laki-laki kaum tasabuik nan alah babini, manetap di rumah istrinyo. Kok laki-laki anggota kaum alun manikah, biasonyo lalok di surau. Surau biasonyo dibangun indak jauah dari komplek Rumah Gadang tasabuik, salain bafungsi sabagai tampek ibadah, juo bafungsi sabagai tampek tingga lalaki dewasa namun alun manikah.

Dalam budayo Minangkabau, indak sado kawasan buliah didirian Rumah Gadang. Hanyo pado kawasan nan alah bastatus nagari sajo rumah adaik iko buliah ditagakkan. Dek karanonyo di babarapo daerah rantau Minangkabau saroman Riau, Jambi, Nagari Sembilan, pasisia barat Sumatera Utara jo Aceh, indak ditamui rumah adaik bagonjong.

Masyarakat Minang dikana jo baragam masakannyo. Jo citarasonyo nan padeh, mambuek masakan iko populer di kalangan masyarakaik Indonesia, sahinggo dapek ditamui di ampiang sadoalah Nusantara. Di Malaysia jo Singapura, masakan iko juo amaik disukoi, baitu pulo jo nagara-nagara lainnyo. Malah, seni mamasak nna dipunyo masyarakaik Minang juo lah bakambang di kawasan-kawasan lain sarupo Riau, Jambi, jo Negeri Sembilan, Malaysia. Salah satu masakan tradisional Minang nan tanamo adolah Randang, nan mandapek pangakuan dari saluruah dunia sabagai hidangan talamak. Masakan lainnyo nan khas antaro lain Asam Padeh, Soto Padang, Sate Padang, jo Dendeng Balado. Masakan iko umumnyo dimakan langsuang jo tangan.

Masakan Minang manganduang bumbu rempah-rempah nan kayo, sarupo lado, sarai, langkueh, kunyik, sipadeh, bawang putiah, jo bawang merah. Babarapo di antaronyo dikatahui punyo aktivitas antimikroba nan kuek, sahinggo indak maheranan jikok ado masakan Minang nan dapek batahan lamo. Pado hari-hari tatantu, masakan nan dihidangkan banyak nan babahan utamo dagiang, tarutamo dagiang jawi, dagiang kambiang, jo dagiang ayam.

Masakan iko labiah dikana jo Masakan Padang, baitu pulo jo restoran atau rumah makan nan khusus manyajikannyo disabuik Restoran Padang. Padahal dalam masyarakaik Minang itu surang, punyo karakteristik nan babedo dalam pamiliahan bahan jo proses mamasak, bagantuang kapado daerahnyo masing-masing.

Pacuan kudo marupoan olahraga bakudo nan alah lamo ado di nagari-nagari Minang, jo sampai kini masih diselenggarakan dek masyarakaiknyo, sarato manjadi palombaan tahunan nan dilaksanokan pado kawasan nan mamiliaki lapangan pacuan kudo. Babarapo patandingan tradisional lainnyo nan masih dilestarikan jo manjadi hiburan bagi masyarakaik Minang antaro lain lomba pacu jawi jo pacu itiak.

Sipak rago, atau namo lainnyo sepak takraw adolah olahraga tradisional Minang nan dimainkan saketeknyo ampek atau limo urang nan mamakai bola nan tabuek dari anyaman rotan. Dalam olahraga ko bola disipak dari satinggi pinggang sampai satinggi kapalo dek sakalompok urang nan tagak balingka. Olahraga ko lah acok disingguang dalam hikayat, novel, atau film batema Minangkabau, sarupo film Sengsara Membawa Nikmat.

Olahraga lain nan khas dek urang Minang ko iyolah silek, seni beladiri nan diwarihan sacaro turun tamurun. Urang Minangkabau nan biaso marantau, mambekali diri jo silek untuak manjago diri dari hal-hal buruak salamo di pajalanan atau di rantau, misanyo disarang atau dirampok. Salain untuak bekal pai marantau, silek pantiang untuak mampatahankan nagari dari anacaman lua. Seni beladiri ko mampunyoi gerakan nan basumber dari alam sarato ado baragam aliran silek, di antaronyo Silek Tuo, Silek Kumango, Silek Pauah, Silek Lintau, dan lain-lain.

Suku dalam tatanan Masyarakaik Minangkabau marupoan basis dari organisasi sosial, sakaligus tampek pataruangan kakuasoan nan fundamental. Pangaratian awal kato suku dalam bahaso Minang dapek bamukasuik saparampek, sahinggo kok dikaikkan jo pandirian suatu nagari di Minangkabau, dapek dikatokan sempurna apobilo alah tadiri dari komposisi ampek suku nan mauni kawasan tasabuik. Salanjuiknyo, satiok suku dalam tradisi Minang, diuruik dari garih katurunan nan samo dari pihak ibu, jo diyakini barasa dari satu katurunan niniak muyang nan samo.

Salain sabagai basis politik, suku marupoan basis dari unit-unit ekonomi. Kakayoan ditantukan dek kapamiliakan tanah keluarga, harato, jo sumber-sumber pamasuakan lainnyo nan kasadonyo itu dikana sabagai harato pusako. Harato pusako marupoan harato punyo basamo dari saluruah anggota kaum-keluarga. Harato pusako indak dapek dipajuabalikan jo indak dapek manjadi miliak pribadi. Harato pusako samacam dana jaminan basamo untuak malinduangi anggota kaum-keluarga dari kamiskinan. Kok ado anggota kaluargo nan mangalami kasulikan atau tatimpo musibah, mako harato pusako dapek digadaikan.

Suku tabagi-bagi ka dalam babarapo cabang kaluargo nan labiah ketek atau disabuik payuang. Adopun unit nan paliang ketek satalah sapayuang disabuik saparuik. Sabuah paruik biasonyo tingga pado sabuah Rumah Gadang sacaro basamo-samo.

Daerah Minangkabau tadiri ateh banyak nagari. Nagari marupoan daerah otonom jo punyo tatinggi di Minangkabau. Indak ado kakuasoan sosial jo politik lainnyo nan dapek mancampuri adaik di sabuah nagari. Nagari nan babedo ka mungkin bana punyo tipikal adaik nan babedo. Tiok nagari dipimpin dek sabuah dewan nan tabantuak dari pamimpin suku dari sado suku nan ado di nagari tasabuik. Dewan iko disabuik jo Kerapatan Adat Nagari (KAN). Dari hasia musyawarah jo mufakaik dalam dewan ikolah sabuah putusan jo paraturan nan mangikek untuak nagari itu dihasiakan.

Faktor utamo nan manantukan dinamika masyarakaik Minangkabau adolah adonyo kompetisi nan konstan antar nagari, kaum-keluarga, jo individu untuak mandapekan status jo prestise. Dek karanonyo satiok kapalo kaum ka balomba-lomba maningkekan prestise kaum-keluarganyo jo mancari kakayoan (badagang) sarato manyikolahkan anggota kaum ka janjnag nan paliang tinggi.

Dalam tabantuaknyo suatu nagari sajak dahulunyo alah dikana dalam istilah papatah nan ado pado masyarakaik adaik Minang itu surang iyolah Dari Taratak manjadi Dusun, dari Dusun manjadi Koto, dari Koto manjadi Nagari, Nagari ba Panghulu. Jadi dalam sistem administrasi pamarintahan di kawasan Minang dimulokan dari struktur tarandah disabuik jo Taratak, kamudian bakambang manjadi Dusun, kamudian bakambang manjadi Koto jo kamudian bakambang manjadi Nagari. Biasonyo satiok nagari nan dibantuak minimal alah tadiri dari 4 suku nan mauni kawasan tasabuik. Salanjuiknya sabagai pusek administrasi nagari tasabuik dibangunlah sabuah Balai Adat sakaligus sabagai tampek patamuan dalam maambiak kaputusan basama para panghulu di nagari tasabuik.

Pangulu atau biaso nan digalaan jo datuak, marupoan kapala kaum karabaik nan diangkek dek anggota kaluarga untuak maatur sado pamasalahan kaum. Panghulu biasonyo surang laki-laki nan tapiliah di antaro anggota kaum laki-laki lainnyo. Satiok kaum-karabaik ka mamiliah surang laki-laki nan pandai babicaro, bijaksano, jo tau jo adaik, untuak ado posisi iko. Hal iko dek inyo ka batangguang jawek manguruih sado harato pusako kaum, mambimbiang kamanakan, sarato sabagai wakil kaum dalam masyarakaik nagari. Satiok panghulu tagak sajajar jo panghulu lainnyo, sahinggo dalam rapek-rapek nagari sado suaro panghulu nan mawakili satiok kaum banilai samo.

Sairiang jo batambahnyo anggota kaum, sarato masalah jo konflik intern nan timbul, mako kadang-kadang dalam sabuah kaluarga posisi kapanghuluan iko dipacah manjadi duo. Atau sabaliaknyo, anggota kaum nan samakin saketek jumlahnyo, canduang ka manggabuangkan gala kapanghuluannyo kapado karabaik lainnyo nan sasuku. Hal iko mangakibaikkan barubah-ubahnyo jumlah panghulu dalam suatu nagari.

Punyo panghulu nan mawakili suaro kaum dalam rapek nagari, marupoan suatu prestise jo harago diri. Sahinggo satiok kaum ka bausaho sakueknyo nak punyo panghulu surang. Kaum-karabaik nan gala kapanghuluannyo alah lamo talipek, ka bausaha mambangkikan baliak posisinyo jo mancari kakayoan untuak mambali gala panghulunyo nan alah lamo tarandam. Batagak panghulu mamakan biayo nan cukuik maha, sahinggo takanan untuak managakkan panghulu salalu muncul dari kaluargo kayo.

Dalam laporan De Stuers kapado pamarintah Hindia-Balando, dinyatokan baso di daerah padalaman Minangkabau, indak pernah ado suatu kakuasoan pamarintahan tapusek di bawah saurang rajo. Tapi nan ado adolah nagari-nagari ketek nan bak cando pamarintahan polis-polis pado maso Yunani kuno. Namun dari babarapo batu basurek nan ditamukan pado kawasan padalaman Minangkabau, sarato dari tambo nan ado pado masyarakaik satampek, etnis Minangkabau pernah masuak dalam suatu sistem karajaan nan kuek jo daerah kakuasoannyo maliputi pulau Sumatera bahkan sampai Samananjuang Malaya. Babarapo karajaaan nan ado di wilayah Minangkabau antaro lain Karajaan Dharmasraya, Karajaan Pagaruyuang, jo Karajaan Inderapuro.

Sistem karajaan iko masih ditamui di Negeri Sembilan, salah satu kawasan jo komunitas masyarakaik Minang nan cukuik signifikan. Pado mulonyo masyarakaik Minang di nagari iko manjapuik surang putra Rajo Alam Minangkabau untuak manjadi rajo mareka , sabagaimano tradisi masyarakaik Minang sabalunnyo, co nan dicaritokan dalam Sulalatus Salatin.

Minangkabau parantauan marupoan istilah untuak urang Minang nan iduik di lua kampuang halamannyo. Marantau marupoan proses interaksi masyarakaik Minangkabau jo dunia lua. Kagiatan iko marupoan sabuah patualangan pangalaman jo geografis, jo maninggakan kampuang laman untuak mangadu nasib di nagari urang. Keluarga nan alah lamo punyo tradisi marantau, biasonyo punyo sudaro di hampia sado kota utamo di Indonesia jo Malaysia. Keluarga nan paliang kuek dalam mangambangkan tradisi marantau biasonyo datang dari kaluargo padagang-pangrajin jo panuntuik ilmu agamo.

Para parantau biasonyo alah pai marantau sajak usia balehan tahun, baiak sabagai padagang ataupun panuntuik ilmu. Bagi sabagian gadang masyarakaik Minangkabau, marantau marupoan sabuah caro nan ideal untuak mancapai kamatangan jo kasuksesan. Jo marantau indak hanyo harato kakayoan dan ilmu pangatahuan nan didapek, namun juo prestise jo kahormatan individu di tangah-tangah lingkuangan adaik.

Dari pancarian nan didapek, para parantau acok mangirimkan sabagian hasianyo ka kampuang laman untuak kamudian diinvestasikan dalam usaho keluarga, yakni jo mampalaweh kapamiliakan sawah, mamaciak kandali pangolahan lahan, atau manjapuik sawah-sawah nan tagadai. Pitih dari para parantau acok juo dipagunokan untuak mameloki sarana-sarana nagari, umpamonyo musajik, jalan, ataupun pamatang sawah.

Etos marantau urang Minangkabau amaiklah tinggi, bahkan dipakiroan tatinggi di Indonesia. Dari hasia studi nan parnah dilakukan dek Mochtar Naim, pado taun 1961 ado kiro-kiro 32% urang Minang nan badomisili di lua Sumatera Barat. Kamudian pado taun 1971 jumlah tu maningkek manjadi 44%. Badasarkan sensus taun 2010, etnis Minang nan tingga di Sumatera Barat bajumlah 4,2 juta jiwa, jo pakiroan hampia saparuah urang Minang ado di parantauan. Mobilitas migrasi urang Minangkabau jo proporsi gadang tajadi dalam rantang antaro taun 1958 sampai taun 1978, dimano labiah 80% parantau nan tingga di kawasan rantau alah maninggakan kampuang halamannyo salapeh maso kolonial Balando.

Namun indak ado angko pasti manganai jumlah urang Minang di parantauan. Angko-angko nan ditampilkan dalam paretongan, biasonyo hanyo mamasuakan para parantau kalahiran Sumatera Barat. Namun alun mancakuik katurunan-katurunan Minang nan alah babarapo generasi manatap di parantauan.

Para parantau Minang, hampia kasadonyo barado di kota-kota gadang Indonesia jo Malaysia. Di babarapo pakotaan, jumlah mareka cukuik signifikan dan bahkan manjadi pihak mayoritas. Di Pakanbaru, parantau Minang bajumlah 37,96% dari saluruah panduduak kota, dan manjadi etnis tagadang di kota tasabuik. Jumlah iko alah mangalami panurunan jikok dibandiangkan jo taun 1971 nan mancapai 65%.

Marantau pado etnis Minang alah balansuang cukuik lamo. Sijarah mancataik migrasi partamo tajadi pado abaik ka-7, di mano banyak padagang-padagang ameh nan barasa dari padalaman Minangkabau malakukan padagangan di muaro Jambi, dan talibaik dalam pambantuakan Karajaan Malayu. Migrasi gadang-gadangan tajadi pado abaik ka-14, dimano banyak kaluarga Minang nan bapindah ka pasisia timur Sumatera. Mareka mandirikan koloni-koloni dagang di Batubara, Pelalawan, hinggo manyubarangi salaik ka Penang dan Negeri Sembilan, Malaysia. Basamoan jo galombang migrasi ka arah timur, juo tajadi papindahan masyarakaik Minang ka pasisia barat Sumatera. Di sapanjang pasisia iko parantau Minang banyak bamukim di Meulaboh, Aceh tampek katurunan Minang dikana jo sabuiktan Aneuk Jamee; Barus, Sibolga, Natal, Bengkulu, hinggo Lampung. Salapeh Kasultanan Malaka jatuah ka tangan Portugis pado taun 1511, banyak kaluarga Minangkabau nan bapindah ka Sulawesi Selatan. Mareka manjadi pandukuang karajaan Gowa, sabagai padagang jo administratur karajaan. Datuak Makotta basamo istrinyo Tuan Sitti, sabagai cikal bakal kaluarga Minangkabau di Sulawesi. Galombang migrasi barikuiknyo tajadi pado abaik ka-18, iyolah katiko Minangkabau mandapek hak istimewa untuak mandiami kawasan Karajaan Siak.

Pado maso panjajahan Hindia-Balando, migrasi gadang-gadangan tajadi baliak pado taun 1920, katiko pakabunan timbakau di Deli Serdang, Sumatera Timur mulai dibuka. Pado maso kamerdekaan, Minang parantauan banyak mandiami kota-kota gadang di Jawa, pado taun 1961 jumlah parantau Minang tarutamo di kota Jakarta maningkek 18,7 kali dibandiangkan jo tingkek patambahan panduduak kota itu nan hanyo 3,7 kali, dan pado taun 1971 etnis iko dipakirokan alah bajumlah kurang labiah 10% dari jumlah panduduak Jakarta wakatu itu. Kini Minang parantauan hampia tasebar di saluruah dunia.

Pado akhia abaik ka-18, banyak palajar Minang nan marantau ka Makah untuak mandalami agamo Islam, di antaronyo Haji Miskin, Haji Piobang, jo Haji Sumanik. Satibonyo di tanah aia, mareka manjadi panyokong kuek gerakan Pidari dan manyebarlawehkan pamikiaan Islam nan murni di saluruah Minangkabau jo Mandailing. Galombang kaduo parantauan ka Timur Tangah tajadi pado mulo abaik ka-20, nan dimotori dek Abdul Karim Amrullah, Tahir Jalaluddin, Muhammad Jamil Jambek, jo Ahmad Khatib Al-Minangkabawi.

Salain ka Timur Tangah, pelajar Minangkabau banyak juo nan marantau ka Eropa. Di antaronyo Abdoel Rivai, Mohammad Hatta, Sutan Syahrir, Roestam Effendi, jo Mohammad Amir. Intelektual lain, Tan Malaka, iduik mangambaro di salapan nagara Eropa jo Asia, mambangun jaringan pagerakan kamerdekaan Asia. Sado pelajar Minang tasabuik, nan marantau ka Eropa sajak akhia abaik ka-19, manjadi pajuang kamerdekaan dan pandiri Republik Indonesia.

Ado banyak panjalehsan tahadok fenomena iko, salah satu panyababnyo dek sistem kakarabaikan matrilineal. Jo sistem iko, panguasoan harato pusako dipacik dek kaum padusi sadangkan hak kaum lalaki dalam hal iko cukuik ketek. Salain itu, salapeh maso akil baliah para pamudo indak lai dapek lalok di rumah urang gaeknyo, karano rumah hanyo dipakai untuak kaum padusi basarato lakinyo, jo anak-anak.

Para parantau nan pulang ka kampuang  halaman, biasonyo ka mancaritoaan pangalaman marantau kapado anak-anak kampuang. Daya tariak kahidupan para parantau ikolah nan sangaik bapangaruah di kalangan masyarakaik Minangkabau sajak ketek. Siapo pun nan indak pernah mancubo pai marantau, mako inyo akan salalu disindia dek kawan-kawannyo. Hal ikolah nan manyababkan kaum lalaki Minang mamiliah untuak marantau. Kini wanita Minangkabau pun alah lazim marantau. Indak hanyo karano alasan sato jo laki, tapi juo karano ciinan badagang, maniti karier jo malanjuikan pendidikan.

Manuruik Rudolf Mrazek, sosiolog Balando, duo tipologi budayo Minang, yakni dinamisme jo anti-parokialisme malahiakan jiwa merdeka, kosmopolitan, egaliter, jo bapandangan laweh, hal iko manyababkan tatanamnyo budayo marantau pado masyarakaik Minangkabau. Samangaik untuak mangubah nasib jo mangaja ilmu dan kakayoan, sarato papatah Minang nan mangatokan Karatau madang dahulu, babuah babungo alun, marantau bujang dahulu, di rumah paguno balun (labiah ancak pai marantau dek di kampuang balun baguno) mangakibaikkan pamudo Minang untuak pai marantau sajak mudo.

Panjalehsan lain adolah patumbuahan panduduak nan indak diiriangi jo batambahnyo sumber dayo alam nan dapek diolah. Jikok dulu hasia patanian jo pakabunan, sumber utamo tampek mareka iduik dapek mangiduiki keluarga, mako kini hasia sumber dayo alam nan manjadi panghasiaan utamo mareka itu tak cukuik lai mambari hasia untuak mamanuahi kabutuahan basamo, dek musti dibagi jo babarapo keluarga. Salain itu adolah tumbuhnyo kasampatan baru jo dibukanyo daerah parak jo patambangan. Faktor-faktor ikolah nan kudian mandorong urang Minang pai marantau mangadu nasib di nagari urang. Untuak kadatangan patamonya ka tanah rantau, biasonyo para parantau manatap talabiah dahulu di rumah dunsanak nan dianggap sabagai induak samang. Para parantau baru iko biasonyo baprofesi sabagai padagang ketek.

Salain itu, paekonomian masyarakaik Minangkabau sajak dulunyo alah ditopang jo kamampuan badagang, taUtamo untuak mandistribusikan hasia bumi mareka. Kawasan padalaman Minangkabau, sacaro geologis punyo cadangan bahan baku utamonyo ameh, timbago, timah, seng, merkuri, jo basi, sado bahan tasabuik alah mampu diolah dek mareka. Sahinggo juluakan suvarnadvipa (pulau ameh) nan muncul pado carito legenda di India sabalun Masehi, kamungkinan dirujuak untuak pulau Sumatera dek karano hal iko.

Padagang dari Arab pado abaik ka-9, alah malaporkan baso masyarakaik di pulau Sumatera alah manggunokan sajumlah ameh dalam padagangannyo. Kamudian dilanjuikkan pado abaik ka-13 dikatahui ado rajo di Sumatera nan manggunokan mahkota dari ameh. Tomé Pires kiro-kiro abaik ka-16 manyabuikan, baso ameh nan dipadagangkan di Malaka, Panchur (Barus), Tico (Tiku) jo Priaman (Pariaman), barasa dari kawasan padalaman Minangkabau. Disabuikan juo kawasan Indragiri pado sahiliaan Batang Kuantan di pasisia timur Sumatera, marupoan pusek palabuahan dari rajo Minangkabau.

Dalam batu basurek nan ditinggakan dek Adityawarman disabuik baso baliau adolah panguaso bumi ameh. Hal ikolah manjadi salah satu panyabab, mandorong Balando mambangun palabuahan di Padang dan sampai pado abaik ka-17 Balando masih manyabuik nan manguasoi ameh kapado rajo Pagaruyuang. Kamudian maminta Thomas Diaz untuak manyalidiaki hal tasabuik, dari laporannyo liau mamasuaki padalaman Minangkabau dari pasisia timur Sumatera dan baliau bahasia basuo jo salah surang rajo Minangkabau wakatu itu (Rajo Buo), dan rajo itu manyabuikan baso salah satu karajo masyarakaiknyo adolah pandulang ameh.

Samantaro itu dari catatan para geologi Balando, pado sahiliaan Batanghari dijumpoi 42 tampek bakeh panambangan ameh jo kadalaman mancapai 60 m sarato di Kurinci wakatu itu, mareka masih basobok jo para pandulang ameh. Sampai abaik ka-19, legenda akan kanduangan ameh padalaman Minangkabau, masih mandorong Raffles untuak mambuktikannyo, sahinggo baliau tacataik sabagai urang Eropa patamo nan bahasia mancapai Pagaruyuang malalui pasisia barat Sumatera.

Babarapo paparangan juo manimbulkan galombang papindahan masyarakaik Minangkabau taUtamo dari daerah konflik, salapeh Parang Padri, muncul pambarontakan di Batipuh manantang tanam paso Balando, disusul pambarontakan Siti Manggopoh dalam Parang Belasting manantang belasting jo pambarontakan komunis taun 1926–1927. Salapeh kamerdekaan muncul PRRI nan juo manyababkan timbulnyo eksodus gadang-gadangan masyarakaik Minangkabau ka daerah lain. Dari babarapo palawanan jo paparangan iko, manampakkan karakter masyarakaik Minang nan indak manyukoi panindasan. Mareka ka malakukan palawanan jo kakuatan fisik, namun jikok indak talok mareka labiah mamiliah pai maninggakan kampuang laman (marantau). Urang Sakai badasakan carito turun tamurun dari para tatuonyo manyabuikan baso mareka barasa dari Pagaruyuang. Urang Kubu manyabuik baso urang dari Pagaruyuang adolah saudaro mareka. Kamungkinan masyarakaik tarasiang iko tamasuak masyarakaik Minang nan malakukan resistansi jo  maninggakan kampuang laman mareka dek karano indak amuah manarimo parubahan nan tajadi di nagari mareka. De Stuers sabalunnyo malaporan juo baso masyarakaik Padangsche Bovenlanden sangaik babedo jo masyarakaik di Jawa, di Pagaruyuang liau manyaksikan masyarakaik satampek baitu pacayo diri dan indak minder jo urang Eropa. Balliau marasokan surang, panduduak lokal lalu lalang baitu sajo dihadokannyo tanpa liau mandapek pAlakuan istimewa, malah ado panduduak lokal mamintak rokoknyo, sarato mamintak liau manyuluikan api untuak rokok tasabuik.

Fenomena marantau dalam masyarakaik Minangkabau, tanyato acok manjadi sumber inspirasi bagi para pakarajo seni, tarutamo sastrawan. Hamka, dalam novelnyo Merantau ke Deli, bacarito soal pangalaman iduik parantau Minang nan pai ka Deli dan manikah jo padusi Jawa. Novelnyo nan lain Tenggelamnya Kapal Van der Wijck juo bacarito soal kisah anak parantau Minang nan pulang kampuang. Di kampuang, inyo manghadapi kandalo dek masyarakaik adaik Minang nan marupoan induk bakonyo surang. Salain novel karya Hamka, novel karya Marah Rusli, Sitti Nurbaya jo Salah Asuhannyo Abdul Muis juo mancaritokan kisah parantau Minang. Dalam novel-novel tasabuik, dikisahkan manganai pasingguangan pamudo parantau Minang jo adaik budayo Barat. Novel Negeri 5 Menara karya Ahmad Fuadi, mangisahkan parantau Minang nan baraja di pasantren Jawa jo akhianyo manjadi urang nan barasia. Dalam bantuak nan babedo, lewat karyanyo nan bajudul Kemarau, A.A Navis mangajak masyarakaik Minang untuak mambangun kampuang halamannyo nan banyak di tingga pai marantau.

Novel nan bacarito soal parantau Minang tasabuik, biasonyo baisi kritik sosial dari panulih kapado adaik budayo Minang nan kolot jo tatingga. Salain dalam bantuak novel, kisah parantau Minang juo dikisahkan dalam film Merantau karya sutradara Inggirih, Gareth Evans.

Kawasan pantai barat Sumatera alah barabaik-abaik manjadi wilayah rantau urang Minangkabau. Salain Pariaman, Pasaman, jo Pasisia Selatan nan talatak di Sumatera Barat, urang Minang alah marantau jauah ka Aceh, Tapanuli, jo Bengkulu. Dek urang asali daerah tu, urang Minang ko disabuik jo panggilan Aneuk Jamee (Aceh), Suku Pasisia (Tapanuli), jo Mukomuko (Bengkulu).

Aneuk Jamee marupoan kalompok nan ado di sapanjang pasisia barat Aceh. Dari segi bahaso, mareka masih babahaso Minangkabau dialek Aneuk Jamee. Manuruik sijarah, mareka barasa dari pasisia Ranah Minang nan pado wakatu itu masih dalam kuaso Kasultanan Aceh. Urang Aceh manyabuik mareka sabagai Aneuk Jamee nan baarati 'anak tamu' atau 'pandatang'. Umumnyo mareka tingga di sakaliliang Kabupaten Aceh Barat Daya, Aceh Selatan, Nagan Rayo, jo sabagian kaciak di sakaliliang Meulaboh, Aceh Barat.

Suku Pasisia (disabuik Ughang Pasisia atau Suku Pesisir) adolah sabuah kalompok masyarakaik nan taseba di pasisia barat Sumatera Utara, iyolah Sibolga jo Tapanuli Tangah. Urang Pasisia marupokan panduduak Minangkabau nan bamigrasi ka Tapanuli sajak abaik ka-14 dan alah bacampua jo urang Melayu, Mandailing, jo Batak Toba. Panamoan 'Suku Pasisia' untuak kalompok ko indak panah dikenal inggo akhia abaik ka-20. Istilah iko dipakai untuak mambedakan kalompok masyarakaik di pasisia barat Sumatera Utara jo masyarakaik Batak di padalaman. Manuruik ruang geografis etnisitas nan disusun dek Collet (1925), Cunningham (1958), Reid (1979) jo Sibeth (1991), di pasisia barat Sumatera Utara ado kalompok masyarakaik nan bukan bagian dari etnis Batak.

Urang Mukomuko marupokan bagian dari rumpun Minangkabau nan mauni Mukomuko jo Bengkulu Utara, Bengkulu. Sacaro adaik, budaya, jo bahaso, Mukomuko dakek jo urang Pasisia Selatan di Sumatera Barat. Dahulu daerah Mukomuko tamasuak daerah Riak nan Berdebur yakni daerah sapanjang Pasisia Pantai Barat dari Padang inggo Bengkulu Selatan. Namun wilayah Mukomuko sajak maso kolonial Inggirih alah dimasuakan ka dalam administratif Bengkulu (Bengkulen). Sajak wakatu itu urang Mukomuko alah bapisah dari sarumpunnyo di daerah Sumatera Barat dan manjadi bagian integral dari wilayah Bengkulu. Hal iko balangsuang taruih pado maso panjajahan Ulando, Japang, inggo maso kamardekaan.

Urang Kampar atau disabuik Ughang Kampar manuruik dialek Ocu (Kampar), marupoan kalompok nan tingga di Kabupaten Kampar, Riau nan manggunokan bahaso Ocu (Salah satu dialek bahaso Minang di Kampar). Istilah lain nan marujuak ka namo kalompok iko adolah Ughang Ocu. Majalah Tempo dalam edisi khusus taun 2000 mancataik baso 6 dari 10 tokoh pantiang Indonesia di abaik ka-20 marupoan urang Minang. 3 dari 4 urang pandiri Republik Indonesia adolah putra-putra Minangkabau.

Kabarasiaan jo kasuksesan urang Minang banyak diraih katiko ado di parantauan. Sajak dulu mareka alah pai marantau ka babagai daerah di Jawa, Sulawesi, semenanjung Malaysia, Thailand, Brunei, hinggo Philipina. Pado taun 1390, Rajo Bagindo mandirikan Kasultanan Sulu di Filipina selatan. Pado abaik ka-14 urang Minang malakukan migrasi ka Nagari Sambilan, Malaysia jo mangangkek rajo untuak nagari baru tasabuik dari kalangan mareka. Di akhia abaik ka-16 atau awal abaik ka-17, babarapa ulama Minangkabau sarupo Tuan Tunggang Parangan, Dato ri Bandang, Dato ri Patimang, Dato ri Tiro, jo Dato Karama, manyebarkan Islam di Kalimantan, Sulawesi, jo Kapulauan Nusa Tenggara. 
 
Kadatangan reformis Muslim nan manuntuik ilmu di Kairo jo Mekkah mamangaruahi sistem pandidikan di Minangkabau. Sikolah Islam modern Sumatera Thawalib jo Diniyah Putri, banyak malahiakan aktivis nan baparan dalam proses kamerdekaan, antaro lain A.R Sutan Mansur, Siradjuddin Abbas, jo Djamaluddin Tamin.

Pado periode 1920–1960, banyak politisi Indonesia bapangaruah lahia dari ranah Minangkabau. Manjadi salah satu motor pajuangan kamerdekaan Asia, pado taun 1923 Tan Malaka tapiliah manjadi wakil Komunis Internasional untuak wilayah Asia Tenggara. Politisi Minang lainnyo Muhammad Yamin, manjadi palopor Sumpah Pemuda nan mampasatukan saluruh rakyaik Hindia-Balando. Di dalam Volksraad, politisi asa Minang-lah nan paliang vokal. Mareka antaro lain Jahja Datoek Kajo, Agus Salim, jo Abdul Muis. Tokoh Minang lainnyo Mohammad Hatta, mAnjadi ko-proklamator kamerdekaan Indonesia. Salapeh kamerdekaan, ampek urang Minangkabau duduak sabagai pardano mantari (Sutan Syahrir, Mohammad Hatta, Abdul Halim, Muhammad Natsir), surang sabagai presiden (Assaat), surang sabagai wakil presiden (Mohammad Hatta), surang manjadi pimpinan parlemen (Chaerul Saleh), dan puluahan nan manjadi mantari, di antaro nan cukuik tanamo iolah Azwar Anas, Fahmi Idris, jo Emil Salim. Emil bahkan manjadi urang Indonesia talamo nan duduak di kamantarian RI. Minangkabau, salah satu dari duo etnis salain etnis Jawa, nan salalu punyo wakil dalam satiok kabinet pamarintahan Indonesia. Salain di pamarintahan, pado maso Demokrasi liberal parlemen Indonesia didominasi dek politisi Minang. Mareka tagabuang kadalam aneka macam partai jo ideologi, islamis, nasionalis, komunis, jo sosialis.

Salain manjabaik gubernur provinsi Sumatera Tangah jo Sumatera Barat, urang Minangkabau juo duduak sabagai gubernur provinsi lain di Indonesia. Mareka adolah Datuk Djamin (Jawa Barat), Daan Jahja (Jakarta), Muhammad Djosan jo Muhammad Padang (Maluku), Anwar Datuk Madjo Basa Nan Kuniang jo Moenafri (Sulawesi Tengah), Adenan Kapau Gani, Mohammad Isa, jo Rosihan Arsyad (Sumatera Selatan), Eny Karim (Sumatera Utara), sarato Djamin Datuk Bagindo (Jambi).

Babarapo partai politik Indonesia didirian dek politisi Minang. PARI jo Murba didirian dek Tan Malaka, Partai Sosialis Indonesia dek Sutan Sjahrir, PNI Baru dek Mohammad Hatta, Masyumi dek Mohammad Natsir, Perti dek Sulaiman ar-Rasuli, jo Permi dek Rasuna Said. Salain mandirikan partai politik, politisi Minang juo banyak mangasiakan buku-buku nan manjadi bacoan wajib para aktivis pagerakan.

Panulih Minang banyak mamangaruahi pakambangan bahaso jo sastra Indonesia. Mareka mangambangkan bahaso malalui babagai macam karya tulih jo kaahlian. Marah Rusli, Abdul Muis, Idrus, Hamka, jo A.A Navis bakarya malalui panulisan novel. Nur Sutan Iskandar novelis Minang lainnyo, tacataik sabagai panulis novel Indonesia nan paliang produktif. Chairil Anwar jo Taufik Ismail bakarya lewat panulisan puisi. Sarato Sutan Takdir Alisjahbana jo Sutan Muhammad Zain, duo ahli tata bahaso nan malakukan modernisasi bahaso Indonesia sahinggo dapek manjadi bahaso pasatuan nasional. Novel-novel karya sastrawan Minang sarupo Sitti Nurbaya, Salah Asuhan, Tenggelamnya Kapal Van Der Wijck, Layar Terkembang, jo Robohnya Surau Kami alah manjadi bahan bacoan wajib bagi siswa sakolah di Indonesia jo Malaysia.

Salain malalui karya sastra, pangambangan bahaso Indonesia banyak pulo dilakukan jo jurnalis Minang. Mareka antaro lain Djamaluddin Adinegoro, Rosihan Anwar, jo Ani Idrus. Salain Abdul Rivai nan dijuluaki sabagai Parintih Pers Indonesia, Rohana Kudus nan manabikkan Sunting Melayu, manjadi wartawan sakaligus pamiliak koran wanita patamo di Indonesia.

Di sampiang manjadi politisi jo panulih, kiprah Urang Minang juo cukuik manonjol di bidang intelektualisme. Kabiasoan mareka nan suko bapikia jo manalaah, alah malahiakan babarapo pakar di dunia kadotoran, humaniora, hukum, jo ekonomi, nan kasadonyo mambarikan sumbangan gadang tahadok banso Indonesia. Di antaro mareka nan cukuik dikana adolah Ahmad Syafii Maarif, Hazairin, Syahrir, Taufik Abdullah, jo Azrul Azwar.

Di Indonesia jo Malaysia, salain urang Tionghoa, urang Minang juo tanamo sabagai pangusaho ulung. Banyak pangusaho Minang sukses babisnis di bidang padagangan tekstil, rumah makan, pahotelan, pendidikan, kauangan, jo kasihaikan. Di antaro figur pangusaho sukses adolah, Abdul Latief (pamiliak ALatief Corporation), Basrizal Koto (pamiliak pataranakan jawi tagadang di Asia Tenggara), Hasyim Ning (pangusaho parakikan oto patamo di Indonesia), dan Tunku Tan Sri Abdullah (pamiliak Melewar Corporation Malaysia).

Banyak pulo urang Minang nan sukses di dunia hiburan, baiak sabagai sutradara, produser, panyanyi, maupun artis. Sabagai sutradara jo produser ado Usmar Ismail, Asrul Sani, Djamaludin Malik, dan Arizal. Arizal bahkan manjadi sutradara dan produser film nan paliang banyak manghasiakan karya. Sakurang-kurangnyo 52 film jo 8 sinetron dalam 1.196 episode alah dihasiakannyo. Pamaran jo panyanyi Minang nan tanamo babarapo di antaronyo adolah Afgan Syah Reza, Dorce Gamalama, Marshanda, Eva Arnaz, jo Nirina Zubir. Pakarajo seni lainnyo, ratu kuis Ani Sumadi, manjadi palopor dunia pakuisan di Indonesia. Salain mareka, Soekarno M. Noer basarato putranyo Rano Karno, mungkin manjadi pakarajo hiburan paliang sukses di Indonesia, baiak sabagai aktor maupun sutradara film. Pado taun 1993, Karno's Film parusahoan film miliak kaluargo Soekarno, mamproduksi film seri jo paringkek tatinggi sapanjang sijarah pafilman Indonesia, Si Doel Anak Sekolahan.

Di Malaysia jo Singapura, kontribusi urang Minangkabau juo cukuik gadang. Pado taun 1723, Sultan Abdul Jalil Rahmad Syah I, duduak sabagai sultan Johor sabalun akhianyo mandirikan Karajaan Siak di daratan Riau. Di awal abaik ka-18, Nakhoda Bayan, Nakhoda Intan, dan Nakhoda Kecil manamukan Pulau Pinang. Taun 1773, Rajo Melewar diutuih Pagaruyuang untuak mamimpin rantau Negeri Sembilan. Baliau juo manyebarkan Adaik Parpatiah jo Adaik Tumenggung, nan sampai kini masih balaku di Samananjuang Malaya. Manjalang maso kamerdekaan babarapo politisi Minang mandirikan partai politik. Di antaronyo adolah Ahmad Boestamam nan mandirikan Parti Rakyat Malaysia jo Rashid Maidin nan mangikrarkan Parti Komunis Malaya. Salapeh kamerdekaan Tuanku Abdul Rahman manjadi Yang Dipertuan Agung patamo Malaysia, sadangkan Rais Yatim, Amirsham Abdul Aziz, jo Abdul Samad Idris, duduak di kurisi kabinet. Babarapo namo lainnyo nan cukuik bajaso adolah Sheikh Muszaphar Shukor (astronot patamo Malaysia), Muhammad Saleh Al-Minangkabawi (kadi basa Karajaan Perak), Tahir Jalaluddin Al-Azhari (ulama takamuko), Adnan bin Saidi (pajuang kamerdekaan Malaysia), jo Abdul Rahim Kajai (parintih pers Malaysia). Di Singapura, Mohammad Eunos Abdullah jo Abdul Rahim Ishak muncul sabagai politisi Singapura takamuko, Yusof bin Ishak manjadi presiden patamo Singapura, jo Zubir Said manciptakan lagu kabansoan Singapura Majulah Singapura.

Babarapo tokoh Minang juo punyo reputasi internasional. Di antaronyo, Roestam Effendi nan mawakiakan Partai Komunis Balando, jo manjadi urang Hindia patamo nan duduak sabagai anggota parlemen Balando. Di Arab Saudi, Ahmad Khatib Al-Minangkabawi, manjadi ciek-cieknyo urang non-Arab nan pernah manjabaik imam basaMasjidil Haram, Mekkah. Mohammad Natsir, salah surang tokoh Islam takamuko, pernah manduduaki posisi presiden Liga Muslim sa-Dunia (World Moslem Congress) jo katuo Dewan Musajik sa-Dunia. Samantaro itu Azyumardi Azra, manjadi urang patamo di lua warga nagara Persemakmuran nan mandapek gala Sir dari Karajaan Inggirih.




#Article 94: Rusia (159 words)


Federasi Rusia (, Alihaksaro: Rossiyskaya Federatsiya), atau Rusia (, alihaksaro: Rossiya;bahaso Tatar:Рәсәй), adolah sabuah nagara nan mambantang jo laweh disabalah timur Eropa jo utara Asia. Jo wilayah salaweh 17.075.400 km², Rusia adolah nagara paliang gadang di dunia. Wilayahnyo kurang labiah duo kali wilayah Republik Rakyat Cina (Cino; RRC), Kanada atau Amerika Sarikaik. Panduduaknyo manduduaki paringkek katujuah tabanyak di dunia satalah Cino, India, Amerika Sarikaik, Indonesia, Brasil, jo Pakistan.

Nagara iko dahulu pernah manjadi nagara bagian tagadang Uni Soviet. Rusia adolah ahli warisutama Uni Soviet; nagara iko mawarisi 50% jumlah panduduak, 2/3 laweh wilayah, jo kurang labiah 50% aset-aset ekonomi jo pasanjatoannyo.

Koto- koto gadang di Rusia antaro lain Moskow, Saint Petersburg, Nizhny Novgorod, Yekaterinburg, Samara, Omsk, Kazan, Chelyabinsk, Rostov na Donu, Ufa, Volgograd, Perm, Krasnoyarsk, Saratov, Voronezh, Tolyatti, Krasnodar, Ulyanovsk, jo Izhevsk.

Kini Rusia sadang bausaho kareh untuak maraih status sabagai nagara adidaya lai. Walaupun Rusia adolah nagara penting, tatapi statusnyo masih jauah dibandiangkan jo status Uni Soviet dulu.




#Article 95: Katurunan Ratu Victoria jo Rajo Christian IX (1670 words)


Katurunan Ratu Victoria dari Inggirih Rayo jo Rajo Christian IX dari Denmark kini manduduki tahta Belgia, Denmark, Norwegia, Spanyol, Swedia dan Inggirih Rayo. Katiko pacahnyo Parang Dunia Patamo cucu-cucu mereka manduduki tahta Denmark, Yunani, Norwegia, Jerman, Romania, Rusia, Spanyol dan Inggirih Rayo. Untuak itu, Victoria dijuluki nenek Eropa sadangkan Christian IX dijuluki Bapak-mintuo Eropa. Dari karajaan nan tasiso di Eropa kini, hanyo Ratu Beatrix dari Balando nan indak marupoan keturunan Ratu Victoria dari Inggirih Rayo ataupun Rajo Christian IX dari Denmark.
    

Ratu Victoria maatua pernikahan anak laki-laki tatuo dan pewaris tahtanyo, nan kamudian Edward VII dari Inggirih jo Alexandra dari Denmark, anak padusi tatuo Rajo Christian IX, nan dilangsuangan pado 10 Maret 1863. Di antaro anam anaknyo adolah George V dari Inggirih (nan juo Kaisar India salamao maso batahta) dan adiak padusinyo Maud dari Wales (nan kamudian manikah jo sepupu mereka Rajo Haakon VII dari Norwegia, cucu lain dari Christian IX, pado 22 Juli 1896). Namun, pernikahan tasabuik indak marupoan satu-satunyo panyatuan katurunan Victoria jo Christian IX.

Anak laki-laki kaduo Christian IX, Pangeran William, manjadi Rajo Yunani sabagai George I indak lamo sasudah panikahan adiaknyo, Alexandra, dek hubuangan baru jo Kaluaga Karajaan Inggirih. Pado 27 Oktober 1889, anak laki-lakinyo, kamudian Constantine I dari Yunani manikah jo Sophia dari Prussia, cucu Victoria, manjadi panyatuan lain antaro katurunan ratu Inggirih dan rajo Denmark.

Dagmar dari Denmark, salah satu anak padusi Christian IX, manikah jo Tsar Alexander III dari Russia dan manjadi permaisuri nan banamo Maria Feodorovna. Anak laki-lakinyo, Nicholas II dari Russia, manikahi Alix dari Hesse-Rhine, nan marupoan cucu Ratu Victoria dari Inggirih, pado 26 November 1894, dan manjadi permaisuri nan banamo Alexandra Feodorovna.

Cucu-cucu lain ado nan naiak tahta atau manjadi permaisuri/ratu. Christian X dari Denmark marupakan abang dari Haakon VII dari Norwegia nan kaduonyo marupoan cucu Christian IX dari Denmark. William II, Kaisar Jerman marupoan abang Sophia dari Prussia dan marupoan cucu Victoria nan naiak tahta. Terakhir, Victoria mampunyoi duo cucu padusi nan manjadi ratu: Marie dari Edinburgh, nan manikah jo Ferdinand I dari Romania, dan Victoria Eugenie dari Battenberg nan manikah jo Alfonso XIII dari Spanyol.

Maka, Christian IX marupoan kakek dari saurang kaisar dan duo raja nan sadonyo manikah jo katurunan Victoria, salah satunyo (Maud dari Wales) marupoan cucu Christian IX juo. Totalnyo, limo cucu laki-lakinyo naiak tahta.

Victoria, samantaro itu, marupoan nenek dari saurang kaisar, saurang rajo-kaisar, ampek ratu dan saurang permaisuri.
 

Cucu Rajo Christian IX dari Denmark

Rajo Christian IX → Frederick VIII dari Denmark → Christian X dari Denmark
Rajo Christian IX → Frederick VIII dari Denmark → Haakon VII dari Norwegia

Rajo Christian IX → Putri Alexandra dari Denmark (istri Edward VII dari Inggirih)

Rajo Christian IX → George I dari Yunani → Constantine I dari Yunani

Rajo Christian IX → Putri Dagmar dari Denmark → Nicholas II dari Rusia

Cucu Ratu Victoria dari Inggirih

Ratu Victoria → Edward VII dari Inggirih → George V dari Inggirih
Ratu Victoria → Edward VII dari Inggirih → Putri Maud dari Wales (istri Haakon VII dari Norwegia)

Ratu Victoria → Victoria, Putri Royal dari Inggirih → William II, Kaisar Jerman
Ratu Victoria → Victoria, Putri Royal dari Inggirih → Putri Sophia dari Prussia (istri Constantine I dari Yunani)

Ratu Victoria → Putri Alice dari Inggirih → Putri Alix dari Hesse (istri Nicholas II dari Rusia)

Ratu Victoria → Alfred, Duke of Saxe-Coburg dan Gotha → Putri Marie dari Edinburgh

Ratu Victoria → Putri Beatrice dari Inggirih → Putri Victoria Eugenie dari Battenberg

Salamo Parang Dunia Patamo (1914–1918), banyak rajo nagaro dari kaduo balah pihak berhubungan darah malalui baik Ratu Victoria, Rajo Christian IX atau kaduonyo. Contoh nan paliang banyak diambiak adolah bahwa George V dari Inggirih, William II, Kaisar Jerman dan Tsarina Alexandra Fyodorovna dari Rusia (Alix dari Hesse) marupoan sepupu sabagai katurunan Victoria. Nagaro lainnan baparang malawan William II selain Rusia jo Inggirih Rayo tamasuak Romania, nan mampunyoi ratu Marie dari Edinburgh, jo Yunani, nan mampunyoi ratu adiak William, Sophia dari Prussia. Constantine I dari Yunani dan Nicholas II dari Rusia, nan masiang-masiang marupoan suami Sophia dari Prussia jo Alix dari Hesse, marupoan sepupu George V dari Inggirih sabagai cucu Rajo Christian IX. Sepupu lain dari George V dari Inggirih, nan negaranyo netral salamo parang, adolah Christian X dari Denmark, Victoria Eugenie dari Battenberg (ratu Spanyol) dan Haakon VII dari Norwegia (nan manikah jo adiak George, Maud of Wales).

Putri Margaret dari Connaught, cucu dari Ratu Victoria (dan anak Pangeran Arthur, Duke of Connaught dan Strathearn), manikah jo Pangeran Gustav Adolf dari Sweden, nan kamudian naik tahta manjadi Gustaf VI Adolf. Putri Margaret maningga sabalun manjadi Ratu Swedia karano infeksi sasudah operasi mastoid. Gustav kamudian manikah jo Louise Mountbatten, cicit Ratu Victoria (dan anak Putri Victoria dari Hesse-Rhine). Indak misalnyo sepupunyo, Louise iduik sampai manjadi ratu Swedia pado 1950.

Panyatuan katurunan Ratu Victoria dan Rajo Christian IX indak baranti pado Parang Dunia Patamo. Sabalaiaknyo, hampia saluruh  rajo Eropa kini berkerabat sabagai katurunan Victoria, Christian atau kaduonyo.

Kini, ado tujuah karajaan di Eropa:

Harald V dari Norwegia, Elizabeth II dari Inggirih, Duke Edinburgh (suami Elizabeth II), Margrethe II dari Denmark dan Ratu Sofía dari Spanyol marupoan katurunan Ratu Victoria jo Ratu Christian IX. Harald jo Elizabeth marupoan cicit dari pernikahan Alexandra dari Denmark (anak padusi Christian IX) dan Edward VII dari Inggirih (anak laki-laki Ratu Victoria). Harald V merupokan katurunan Rajo Christian IX sabanyak tigo kali, duo kali malalui ayahnyo dan sakali malalui ibunyo. Pangeran Philip, Duke of Edinburgh dan istrinyo Ratu Elizabeth II marupoan sapupu malalui Rajo Christian IX dan Ratu Victoria. Ratu Sofía merupokan katurunan Ratu Victoria sabanyak duo kali dan katurunan Rajo Christian IX sabanyak duo kali pulo. Margrethe II dari Denmark merupokan katurunan Victoria dan Christian IX masing-masiang sabanyak sakali. Ratu Margrethe marupoan sepupu Carl XVI Gustaf dari Swedia malalui cucu Ratu Victoria, Putri Margaret dari Connaught.

Suami Ratu Sofía, Juan Carlos I dari Spanyol, marupoan katurunan Ratu Victoria tapi indak dari Christian IX.

Rajo Carl XVI Gustaf dari Swedia marupoan katurunan Ratu Victoria tapi indak dari Christian IX juo, tapi Carl XVI Gustaf marupoan katurunan Ratu Victoria sabanyak duo kali. (Namun Carl XVI Gustaf dari Swedia marupoan katurunan urang tuo Christian IX malalui abang Christian IX, Friedrich.)

Sabaliaknyo, Albert II dari Belgia marupoan katurunan Rajo Christian IX tapi indak dari Ratu Victoria. Albert II marupoan sepupu Harald V of Norway malalui nenek mereka, Putri Ingeborg dari Denmark, saurang cucu Christian IX.

Hanya Ratu Balando nan indak marupoan katurunan Ratu Victoria maupun Rajo Christian IX.

Ratu Victoria → Edward VII dari Inggirih → George V dari Inggirih → George VI dari Inggirih → Elizabeth II dari Inggirih

Ratu Victoria → Edward VII dari Inggirih → Putri Maud dari Wales → Olav V dari Norwegia → Harald V dari Norwegia

Ratu Victoria → Putri Alice Inggirih → Putri Victoria dari Hesse → Putri Alice dari Battenberg → Pangeran Philip, Duke of Edinburgh

Ratu Victoria → Pangeran Arthur, Duke of Connaught → Putri Margaret → Putri Ingrid dari Swedia → Margrethe II dari Denmark

Ratu Victoria → Pangeran Arthur, Duke of Connaught → Putri Margaret → Pangeran Gustav Adolf, Duke of Västerbotten → Carl XVI Gustaf dari Swedia

Ratu Victoria → Pangeran Leopold, Duke of Albany → Charles Edward, Duke of Saxe-Coburg dan Gotha → Putri Sybilla → Carl XVI Gustaf dari Swedia

Ratu Victoria → Victoria, Putri Royal dari Inggirih → Putri Sophia dari Prussia → Paul I dari Yunani → Ratu Sofía dari Spanyol

Ratu Victoria → Victoria, Putri Royal dari Inggirih → William II, Kaisar Jerman → Putri Viktoria dari Prussia→ Putri Frederika dari Hanover → Ratu Sofía dari Spanyol

Ratu Victoria → Putri Beatrice dari Inggirih → Putri Victoria Eugenie dari Battenberg → Infanta Juan, Count of Barcelona → Juan Carlos I dari Spanyol

Rajo Christian IX → Frederick VIII dari Denmark → Christian X dari Denmark → Frederick IX dari Denmark → Margrethe II dari Denmark

Rajo Christian IX → Frederick VIII dari Denmark → Putri Ingeborg dari Denmark → Putri Astrid dari Swedia → Albert II dari Belgia

Rajo Christian IX → Frederick VIII dari Denmark → Putri Ingeborg dari Denmark → Putri Märtha dari Swedia → Harald V dari Norwegia

Rajo Christian IX → Frederick VIII dari Denmark → Haakon VII dari Norwegia → Olav V dari Norwegia → Harald V dari Norwegia

Rajo Christian IX → Putri Alexandra dari Denmark → George V dari Inggirih → George VI dari Inggirih → Elizabeth II dari Inggirih

Rajo Christian IX → Putri Alexandra dari Denmark → Putri Maud dari Wales → Olav V dari Norwegia → Harald V dari Norwegia

Rajo Christian IX → George I dari Yunani → Pangeran Andrew dari Yunani  Denmark → Pangeran Philip, Duke of Edinburgh

Rajo Christian IX → George I dari Yunani → Constantine I dari Yunani → Paul I dari Yunani → Ratu Sofía dari Spanyol

Rajo Christian IX → Putri Thyra dari Denmark → Ernest Augustus, Duke of Brunswick → Putri Frederika dari Hanover → Ratu Sofía dari Spanyol

karano banyak rajo jo ratu nan marupoan katurunan Ratu Victoria dan Rajo Christian IX, hubuangan darah kaduonyo menarik untuak diketahui. Kaduanyo marupoan sepupu malalui Rajo George II dari Inggirih Rayo. Hubuangan darah iko tajadi duo kali karano kakek (Landgrave Charles dari Hesse-Kassel) dan nenek (Putri Louise dari Denmark) Rajo Christian IX dari pihak ibu marupoan sepupu sabagai cucu Rajo George II of Great Britain. Louise dari Hesse-Kassel, istri Rajo Christian IX, marupoan cucu Pangeran Frederick dari Hesse, saudaro Landgrave Charles dari Hesse-Kassel.

Rajo George II dari Inggirih → Frederick, Pangeran Wales → George III dari Inggirih → Pangeran Edward, Duke of Kent → Victoria dari Inggirih

Rajo George II dari Inggirih → Putri Louise dari Inggirih → Putri Louise dari Denmark → Putri Louise Caroline dari Hesse-Kassel → Christian IX dari Denmark

Rajo George II dari Inggirih → Putri Mary dari Inggirih → Landgrave Charles dari Hesse-Kassel → Putri Louise Caroline dari Hesse-Kassel → Christian IX dari Denmark

Rajo George II dari Inggirih → Putri Mary dari Inggirih → Pangeran Frederick dari Hesse → Pangeran William dari Hesse → Louise dari Hesse-Kassel




#Article 96: Kadai kopi (129 words)


Kadai kopi adolah tampek bakumpua nan manyadiokan kopi ataupun minuman hangek lainnyo. Kadai kopi ko babedo dari kadai biaso nan manjua rokok. Kadai kopi mamfokuskan untuak manyajikan kopi, dapek juo  teh sarato makanan ringan. Banyak kadai kopi di Timua Tangah jo di wilayah Asia Baraik sarato dunia Baraik manyadiokan shisha (nargile dalam bahaso Turki dan Yunani), diagiah paraso macam-macam nan diraciak jo tambakau lalu dihisok malalui sabuah hookah. 

Dari sabuah pangamatan budaya, kadai-kadai kopi digunokan sabagai tampek bakumpua dan barinteraksi sosial. Kadai kopi nampaknyo mangagiah kasempatan kapado anggota-anggota sosial untuak bakumpua, maota, manghibua satu jo lainnyo, ataupun sakada mambuang waktu, sacaro individu ataupun dalam kalompok kenek.

Di Amerika Serikat, kato Bahaso Perancis untuak kadai kopi adolah Café nan ditujukan pado restoran biaso, nan manyadiokan macam-macam hidangan angek jo dingin.




#Article 97: Nagari Sambilan (1056 words)


Nagari Sambilan (baso Nogoghi: Nogoghi Sombilan, Noghoghi Smilan; baso Malayu: Negeri Sembilan) adolah salah satu dari 13 nagari dalam konstitusi Malaysia, talatak di pantai barat Semenanjung Malaya, di selatan Kuala Lumpur sarato babatehan jo Selangor di utara, Pahang di timur, sarato Malaka jo Johor ka selatan.

Nagari Sambilan daulunyo marupoan federasi atau gabuangan dari babagai nagori nan manjadi luak, nan dibangun dek parantau Minang. Nagari Sambilan dipimpin dek Yang Dipertuan besar nan dipiliah dek Undang Nagari Sambilan nan barisi ampek urang panguaso nan bakadudukan di Sungai Ujong, Jelebu, Johol, jo Rembau.

Nagari Sambilan pado mulonyo diuni dek urang-urang asali nan tadiri dari urang Semelai, Semai, jo Jakun. Katigo etnis tu iduik bapindah-pindah, baburu, sarato maambiak hasil utan dan ado juo nan lah mulai baladang.

Pado awa abaik ka-14, urang-urang Sumatera dari Minangkabau mulai marantau ka Nagari Sambilan malalui Malaka inggo sampai ka Rembau sarato manaruko di situ di bawah palinduangan Kasultanan Malaka, kudian dilinduangi Kasultanan Johor. Migrasi mancapai puncak pado abaik ka-15 inggo abaik ka-16.

Namo Nagari Sambilan mulai digunokan sajak abaik ka-16 untuak marujuak pado pamukiman baru nan ditaruko urang-urang Minang dan babantuak nagari nan mancakuik sambilan nagari. Nagari ko disabuik jo luak nan dipimpin dek Undang (datuak-datuak pangulu nan mamimpin nagari). Nagari-nagari tu di antaronyo Jelebu, Klang, Johol, Rembau, Sungai Ujong, Jelai, Naning, Segamat, jo Pasir Besar. Kasambilan nagari tu mambuek sistem pasakutuan nan disabuik Limbago Nagari Sambilan. Limbago Nagari Sambilan ado dalam naungan Kasultanan Johor.

Kuaso Johor di Nagari Sambilan malamah pado abaik ka-18 dek Bugih manyarang, sainggo mamaso urang-urang Minang diwakili urang-urang gadang nagari (Pangulu) mancari palinduangan ka tanah asa, Pagaruyuang. Rajo Alam Minangkabau, Sultan Abdul Jalil, mangirim dunsanaknyo, Rajo Malewa. Katiko lah sampai baliak di Nagari Sambilan, alah batagak karajaan dibawah pimpinan Rajo Khatib. Kudian Rajo Melewar maumuman parang malawan Rajo Khatib inggo manjadi pamimpin Nagari Sambilan. Sultan Johor maagiah gala Yamtuan Seri Menanti atau Yang di-Patuan Basa Nagari Sembilan pado 1773. Sasudah kamatian Rajo Malewa, tajadi sarangkaian pasalisiahan takaik suksesi. Untuak maso nan lamo, pangulu acok manjapuik rajo ka Pagaruyuang. Namun, dek pasaiangan di antaro kandidaik nan dicalonan, acok barakhia jo parang sudaro. Samantaro manuruik Daghregister, pado taun 1677 panduduak nan bamukim di Sungai Ujong, Rembau jo Naning, disabuikan alah dipimpin dek Rajo Ibrahim dari Minangkabau. Ukuran Nagari Sambilan kini manjadi labiah ketek pado ukuran Nagari Sambilan saisuak.

Nagari Sambilan maalami panduduakan Japang pado Parang Dunia II antaro 1942 inggo 1945, kudian bagabuang baliak jo Federasi Malaya pado 1948, nan manjadi nagara Malaysia pado 1963.

Sasudah adonyo limbago di Nagari Sambilan, kudian pangulu manjapuik putra Yang Dipatuan Pagaruyuang nan dianggap sabagai katurunan Iskandar Zulkarnain, tokoh lagenda Alam Minangkabau, untuak mamimpin institusi karajaan di Sri Menanti. Pakambangan barikuiknyo jo dek adonyo katurunan Sang Sapurba di Nagari Sambilan sarato pado wakatu basamoan di darek Minangkabau pacah Parang Pidari, mangko malalui Undang yang Ampat dipiliahlah katurunan diraja nan ado di Nagari Sambilan untuak manjadi Yang Dipatuan Basa Nagari Sambilan.

Kadudukan Undang yang Ampat baitu istimewa dalam Karajaan Nagari Sambilan, dek mamiliah jo malewa gala rajo untuak Nagari Sambilan, saroman jo fungsi Datuk yang empat dalam struktur pamarintahan Kasultanan Siak Sri Indopuro. Kadudukan Undang yang Ampat ko kamungkinan juo dipangaruahi dek adonyo Basa Ampek Balai dalam struktur Karajaan Pagaruyuang.

Salapeh kamardekaan Malaysia, kudian pado 16 September 1963 manjadi nagara bagian Federasi Malaysia. Nagari Sambilan nan mulonyo diambiak dari sambilan daerah, kini tingga tujuah.

Negeri Sembilan terdiri daripada 9 luak iaitu :-

Kudian dalam pamarintahan nagara bagian dibantuak 36 Dewan Undangan Negeri (DUN) di Nagari Sambilan nan mawakili kawasan barikuik:

Dalam aspek administari karajaan, nagari ko tabagi dalam 8 wilayah nan tadiri dari 3 Majilih Pabandaran jo 5 Majilih Daerah, di antaronyo Majilih Pabandaran Seremban, Majilih Pabandaran Nilai, Majilih Pabandaran Port Dickson, Majilih Daerah Jelebu, Majilih Daerah Jempol, Majilih Daerah Kuala Pilah, Majilih Daerah Rembau, jo Majilih Daerah Tampin.

Kota-kota utamo di Nagari Sambilan adolah Seremban (ibu kota), Nilai, Senawang, Port Dickson, Tampin, Bahau, Rembau, Kuala Pilah, Kuala Klawang, Gemencheh jo Gemas.

Yang Dipatuan Basa Nagari Sambilan marupokan Ketua Limbago Nagari. Dibawah limbago nagari, kuaso maluluskan undang-undang ado di Dewan Undangan Nagari (DUN). Anggota Dewan Undangan Nagari tadiri dari calon-calon nan mamanangi pilihanraya (pamiliahan umum) di kawasan Dewan Undangan masiang-masiang.

Partai politik nan mamanangi mayoritas kurisi Dewan Undangan Nagari ado hak untuak dicalonkan manjadi Mantari Basa Nagari Sambilan nan dilewa dek Yang Di-Patuan Basa. Mantari Basa kudian ka mamiliah ahli-ahli Majilih Musyawarah Karajaan atau EXCO. Exco ko barasa dari kalangan ahli-ahli Dewan Undangan Nagari.

Nagari Sambilan mampunyoi tujuah buah daerah

Nagari Sambilan mampunyoi jumlah populasi di Malaysia sabanyak 1.021.064 urang pado taun 2010. Nagari ko mampunyoi kalompok etnik nan tadiri dari kaum Malayu 57.8%, Cino 21.9%, India 14.3%, dan lain-lain 0.35%.

Pado taun 2010 populasi  Nagari Sembilan adolah 60,3% Islam, 21,2% Buddha, 13.4% Hindu, 2,4% Kristen, 0,5% Taoist atau agamo Cino, diikuti 1,4% agamo lain, sarato 0,8% indak baragamo.

Urang Malayu di Nagari Sambilan biaso disabuik oghang Nogoghi (urang Nagari). Urang Nagari marupokan katurunan dari urang-urang Minangkabau nan alah lamo marantau ka Nagari Sambilan nan kudian manikah jo urang-urang asali. Di antaro kasenian tradisionalnyo nan tanamo yaitu Randai.

Urang Nagari mampunyoi adat, budayo, sijarah, tradisi, jo sistem politik nan babeda jo nagari-nagari lainnyo di Malaysia. Papatah biar mati anak, jangan mati adat alah manjadi padoman iduik urang Nogoghi. Adat Minangkabau, nan kudian disabuik Adat Perpatih, alah ado di Nagari Sambilan sajak abaik ka-14 Masalah adat nan manjadi ciri khas Nagari Sambilan di antaronyo soal pambagian harato pusako atau sistem warih, gala adat, sarato suku nan diturunkan manuruik garih katurunan mandeh.nyo, di antaronyo:

Nagari Sambilan mampunyoi babarapo buah institusi paguruan tinggi nagari jo swasta. Pusat institusi paguruan tinggi labiah rami ado di kota-kota utamo di Nagari Sambilan. Barikuik institusi paguruan tinggi nan ado:

Makanan tradisional Nagari Sambilan biasonyo disajikan angek jo rasonyo nan padeh dek salah satu bahan masak nan biaso digunokan yaitu lado kutu (dalam bahaso Nogoghi disabuik cili padi). Masakan nan tanamo salah satunyo Randang dagiang (dalam baso Nogoghi disabuik ghondang). Gaya masakan Minangkabau cukuik mampangaruahi masakan Nagari Sambilan, utamonyo dalam hal pamakaian lado inggo tacipta raso padeh dalam masakannyo. Masakan lainnyo nan khas Nagari Sambilan yaitu Masak Lomak Cili Padi, sarupo gulai nan barisi ikan, dagiang, atau sayua, bamasak dalam santan nan bacampua kunyik jo lado kutu.

Makanan lain nan khas Nagari Sambilan adolah Lomang, puluik dimasak jo santan dalam batang buluah dibaka ateh baro api. Biasonyo urang Nogoghi maidangkan basamo jo Randang.




#Article 98: Amerika Sarikat (150 words)


Amerika Sarikat (, biaso disingkek USA atau US sajo), adolah sabuah republik federasi dari 50 nagara bagian. Nagara ko talatak di tangah Banua Amerika bagian utara, babateh jo Kanada di utara dan Meksiko di selatan, Samudra Pasifik di timur dan Samudra Atlantik di barat. Kamudian salah satu nagara bagiannyo talatak sabalah utara babateh jo Russia di Selat Bering. Samantaro nagara bagian Hawaii di tangah Samudra Pasifik, tamasuak babarapo daerah teritorinyo nan talatak di Lauik Karibian, sahinggo mamiliki wilayah sekitar 3.79 million square miles (9.83 million km2) dan panduduaknyo sakitar 328 juta urang.

Amerika Sarikat adolah nagara tagadang katigo atau kaampek manuruik total lawehnyo, sarato katigo tagadang manuruik laweh daratan jo panduduaknyo. Nagara ko adolah salah satu nagara nan panduduaknyo paliang banyak babedo-bedo etnis jo budayonyo, sabagai asia dari imigrasi dari babagai nagara. Geografi jo iklim Amerika Sarikat sangaiklah baragam juo, dan nagara ko adolah tampek babagai macam jinih spesies mukaluak.




#Article 99: Patah tulang (tumbuahan) (673 words)


Patah tulang (Euphorbia tirucalli) (Bahasa Sanskerta: सप्तला saptala, सातला satala, Marathi: शेर-कांडवेल sher-kandvel, Sunda: susuru, Jawa: kayu urip, pacing tawa, tikel balung, Madura: kayu jaliso, k. leso, k. langtolangan, k. tabar, Kangean: kayu potong) adolah perdu nan tumbuah  di wilayah iklim tropis semi-arid.

Patah tulang adolah tumbuahan  perdu nan tumbuah  tagak . Tingginya adolah 2-6 m jo pangka  berkayu, bercabang banyak, dan bagatah  saroman susu nan baracun .  Tumbuahan iko  mamiliki  rantiang  nan bulek  silindris babantuak  pensil, beralur haliuh  mambujua , dan bawarno  hijau.  Sasudah tumbuah  sajangka , akan bacabang  duo nan lataknyo malintang , demikian sataruihnyo  sampai  tampak saroman percabangan nan terpatah-patah.

Daunnya jarang, berselang-seling, tadapek pado ujuang rantiang  nan masih mudo , dan baukuran ketek -kecil. Berbentuk lanset, panjangnya 7-22 mm, dan capek  rontok. Penumpu daun nan sangaik ketek  berkelenjar dan babulu  haliuh  talatak pado bagian bawah daun.Bungonyo uniseksual, tersusun dalam mangkuak , warnanya kuniang  kehijauan, dan kalua dari ujuang rantiang .  Biasonyo , tumbuahan  iko  labiah banyak mangasilkan  bungo jantan ketimbang bungo batino . Patah tulang babungo  pado bulan Oktober dan babuah  pado November-Desember dan penyerbukan dilakukan dek serangga.

Panyebaran asli tanaman iko  daerah tropis Afrika, aslinyo  tasebar  dari Angola sampai  Zanzibar. Namun sacaro laweh ditanam dan dinaturalisasi di saluruah daerah tropis dan subtropis. Di Malesia, alun  dilaporkan tumbuahan  iko  tasebar  dari Borneo dan New Guinea. Di Indonesia, ditanam sabagai  tanaman paga , tanaman hieh , tanaman obat, dan tumbuah  liar. Dapat ditamuan  dari dataran rendah sampai pado katinggian  600 mdpl.  Tumbuahan iko  suko  tampek  tabukak  nan kanai  cahayo  matahari langsuang . Namun demikian, habitat aslinyo  tadapek di semak-semak kering, dan dinaturalisasi di semak-semak, hutan tabukak , dan padang rumput sampai  pado katinggian  2 m.

Tumbuahan patah tulang punyo  kecenderungan untuak indak disarang  panyakik  dek gatahnyo  nan baracun . Namun demikian, dilaporkan ado babarapo hama nan manyarang patah tulang, yakni Meloidogyne incognita, Cuscuta spp. dan Botrytis spp. Tercatat, Botrytis spp. manyebabkan batang dan akar mambusuak  sawaktu kondisi paneh dan lambok .  Salain itu, gabuangan  antaro Meloidogyn spp. dan Botrytis spp. manyebabkan dapaik  marusak tumbuahan  dalam wakatu singkek .

Getah tumbuahan  iko  basifaik  asam, mengandung senyawa euforbon, taraksasterol, α-laktuserol, eufol, senyawa damar nan nan manyebabkan raso tajam ataupun karusakan  pado lendir, kautschuk (zat karet), dan zat pahik . Namun demikian, zat obat dari herba iko  adolah glikosid, sapogenin, terpenoid, dan asam ellaf.  Tumbuahan iko  juo digunoan untuak maracuni  ikan. Minyak nan didapatkan dari gatahnyo  nampaknyo  bamanfaaik  untuak pamanfatan  pado linoleum, jas kain minyak dan industri kulik  sandang. Kayu keras, putiah , serat kayu nan padek dari tumbuahan  patah tulang iko  digunoan untuak kasok, mainan dan melapisi jo lapisan kayu haliuh . Hasil arangnya cocok untuak digunoan sabagai  bubuk mesiu.

Di Jawa, babarapo penulis mencatat tapal dari batang atau kulitnya dapaik  dipagunoan untuak manyambuahkan  patah tulang dan manyambuahkan  panyakik  kulit.  Salain itu, gatah  patah tulang juo dapaik  mangaluakan  duri nan nan tertancap dan gabuangan  antaro umbi gadung cina dan buah gondang sarato gatah  dari tumbuahan  patah tulang iko  dapaik  manyambuahkan  frambusia.  Tumbuahan patah tulang juo disabuik dek Hartwell (1969) digunoan sabagai  penyembuhan tradisional untuak kanker, tumor, kapalan, dan kutil di Brazil, India, Malaya, dan Indonesia. Akarnya dapaik  digunoan untuak mangaluakan  dapek ular, di Maluku dan Malabar, tumbuahan  iko  dapaik  digunoan untuak merangsang muntah dan antisipilis.

Getahnya sangaik baracun , ko-karsinogenik, saroman sesuru nan satu genus jonya. Walau demikian, getah dari sesuru mengandung zat lain, iyolah  3-0-angeloylingenol. apobilo memerciki mata, dapaik  manyebabkan kebutaan, iritasi, dan merangsang muntah apobilo tatalan . Getah dari  Tumbuahan iko  juo dapaik  dijadikan insektisida layaknya mindi. Patah tulang juo dikenal baracun  untuak nematoda dan efektif pulo  tahadok larva Aedes aegypti dan Culex quinquefasciatus, bakteri Staphlococcus aureus, moluska Lymneae natalensis dan Biomphalaria gabrata.

Apobilo gatah  tumbuahan  iko  memerciki mato , basuhlah mato  nan diperciki jo aia dingin salamo  kurang labiah 15 menit dan ulangi lai babarapo minik . Carilah bantuan medis apobilo indak ado bantuan lain.  Salain itu pulo , aia kelapa atau santan dapek juo digunoan untuak membasuh mato  nan terpercik dek gatah  dari tumbuahan  iko . Apobilo tatalan , dapaik  manyebabkan raso tabaka  pado lidah, mulut, dan bibir.




#Article 100: Wikipedia (115 words)


Wikipedia  or  ) adolah suatu ensiklopedia dariang bebas dalam babagai bahaso nan dapek disuntiang basamo-samo dek para panggunonyo, nan marupoan proyek di bawah dukuangan jo pangawasan dari Wikimedia Foundation. Labiah dari 24 juta artikelnyo ditulih sacaro basamo-samo dek para rilawan dari saluruah dunia. Ampia kasadonyo artikel dapek disuntiang siapo sajo nan punyo akses ka situs ko, dan kini ko lah ado kiro-kiro 100.000 urang nan manjadi panyumbang aktifnyo. Badasar paretongan bulan Pebruari 2013, lah ado babagai edisi Wikipedia dalam 285 bahaso. Situs iko lah manjadi salah satu sumber rujuakan tasabuik jo tagadang di internet, iyolah urutan kaanam di antaro saluruah situs web nan ado (manuruik Alexa) dan dipakiroan mamiliaki 365 juta pambaco dari saluruah dunia.




#Article 101: Politeknik Negeri Padang (286 words)


Politeknik  Nagari Andalas (Namo Lain : Politeknik Andalas, sabalun tanggal 6 Oktober 2012 banamo Politeknik  Nagari Padang dan Politeknik Universitas Andalas) adolah sabuah perguruan tinggi nagari nan ado di Kota Padang, Sumatera Barat, Indonesia. Politeknik  Nagari Andalas iko mamiliki kampus nan basabalahan jo Universitas Andalas.

Politeknik  Nagari Andalas alah tumbuah dan bakambang sairiang jo pesatnyo pakambangan ilmu pangatahuan dan teknologi jo taruih malakukan evaluasi diri dan pangambangan kamitraan jo babagai lembaga, marupoan suatu komitmen kelembagaan sahinggo satiok parubahan baiak di sisi internal maupun eksternal disikapi jo positif. Hal ikolah nan mambuek Politeknik  Nagari Andalas taruih babenah sahinggo lulusan Politeknik  Nagari Andalas kini ko sangaik diminati.

Banyaknyo pancaharian nan dilakuan tahadok para alumni dan mahasiswa nan nio manamatkan pandidikan dek babagai parusahaan baiak itu parusahaan nasional maupun parusahaan asiang marupoan suatu bukti bahwa lulusan Politeknik  Nagari Andalas mampu basaiang di antaro lulusan Perguruan tinggi nan ado.

Panerapan sistem pandidikan nan labiah ditakankan pado etika dan etos karajo nan ditunjang jo kamampuan akademik sarato dilangkokinyo Politeknik  Nagari Andalas jo babagai paralatan baiak itu di laboratorium dan bengke marupoan suatu hal nan sangaik manunjang bagi satiok civitas akademika dalam mangambangkan potensi diri tarutamo untuak mamparoleh ilmu pangetahuan. Panerapan sistem praktik bengke nan manyamoi sistem di industri maruppkan suatu langkah konsistensi untuak manyiapkan tanago Ahli Madya (A.Md.) nan tarampil dan mampunyoi etos karajo nan sesuai jo kabutuahan industri.

Rancangan kurikulum nan basifek dinamis dirancang sasuai jo kebutuahan industri/pasa, marupoan suatu langkah strategis nan diatua di Politeknik  Nagari Andalas sahinggo manjadikan lulusan siap basaiang di dunia karajo.

Ado 7 Jurusan, 11 Program Studi D3 dan 7 Program Studi D4 (Rekayasa dan Tataniaga) nan berado di Politeknik  Nagari Andalas, diantaronyo :

Khusus untuak Program Diploma 4, Galanyo adolah S.ST (Sarjana Sains Terapan)




#Article 102: Sajarah Cino (426 words)


Sajarah Cino adolah salah satu sajarah kabudayaan tatuo di dunia. Dari panamuan arkeologi jo antropologi, daerah Cino alah didiami dek manusia purba sajak 1,7 juta taun nan lalu. Paradaban Cino barawa dari babagai nagara kota di sapanjang lambah Sungai Kuniang pado zaman Neolitikum. Sajarah tatulih Cino dimulai sajak Dinasti Shang (k. 1750 SM - 1045 SM).[1] Cangkang kuro-kuro jo tulisan Cino kuno nan barasa dari Dinasti Shang mamiliki pananggalan radiokarbon hinggo 1500 SM.[2] Budayo, sastra, dan pilsafaik Cino bakambang pado zaman Dinasti Zhou (1045 SM hinggo 256 SM) nan malanjuikkan Dinasti Shang. Dinasti iko marupoan dinasti nan paliang lamo bakuaso dan pado zaman dinasti ikolah tulisan Cino moderen mulai bakambang.

Dinasti Zhou tapacah manjadi babarapo nagara kota, nan manciptakan Periode Nagara Parang. Pado taun 221 SM, Qin Shi Huang manyatukan babagai karajaan iko dan mandirikan kakaisaran partamo Cino. Pargantian dinasti dalam sajarah Cino alah mangambangan suatu sistem birokrasi nan mamungkinan Kaisar Cino mamiliki kandali langsuang taradok wilayah nan laweh.
Pandangan konvensional taradok sajarah Cino adolah bahosonyo Cino marupoan suatu nagara nan mangalami pargantian antaro periode parsatuan dan parpacahan politis nan kadang-kadang dikuasoi dek urang-urang asiang, nan sabagian gadang tarasimiliasi ka dalam populasi Suku Han. Pangaruah budayo dan politik dari babagai wilayah di Asia, nan dibaok dek galombang imigrasi, ekspansi, dan asimilasi nan bagantian, manyatu untuak mambantuak budayo Cino moderen.

Homo erectus alah mandiami daerah nan kini disabuik jo Cino sajak zaman Paleolitik, labih dari satu juta taun nan lalu [3]. Kajian manunjuakkan bahasonyo paralatan batu nan ditamukan di situs Xiaochangliang alah baumua 1,36 juta taun [4]. Situs arkeologi Xihoudu di provinsi Shanxi manunjuakkan catatan paliang awal panggunoan api dek Homo erectus, nan baumua 1,27 juta taun nan lalu [3]. Ekskavasi di Yuanmou dan Lantian manunjuakkan pamukiman nan labiah lampau. Spesimen Homo erectus paliang tanamo nan basobok di Cino adolah Manusia Peking nan ditamukan pado taun 1965.
Tigo pacahan tembikar nan barasa dari 16500 dan 19000 SM basobok di Guo Liyuzui di Liuzhou, provinsi Guangxi

Zaman Neolitik di Cino dapek dilacak hinggo 10.000 SM [6]. Bukti-bukti awa partanian milet mamiliakki pananggalan radiokarbon sakitar 7000 SM [7]. Kabudayaan Peiligang di Xinzheng, Henan barasie diekskavasi pado taun 1977 [8]. Dangan bakambangnyo patanian, muncua paningkatan populasi, kamampuan manyimpan dan mandistribusian hasie panen, sarato parajin jo pangalola [9]. Pado akhie Neolitikum, lambah Sungai Kuniang mulai bakambang manjadi pusek kabudayaan jo panamuan arkeologis signifikan ditamuan di Banpo, Xi'an [10]. Sungai Kuniang dinamoan cando itu disabokkan dek tadapeknyo dabu sedimen (loess) nan batumpuak di tapi sungai jo tanah sakitarnyo, nan kudian sasudah tabanam di sungai manimbuakan rono nan kakuniang-kuniangan pado aia sungai tasabuik.[11]




#Article 103: Inggirih (428 words)


Inggirih (bahaso Indonesia: Inggris) adolah sabuah nagaro nan marupoan bagian dari Baritania Rayo. Nagaro iko babatehan jo Skotlandia di sabalah utara, Wales di sabalah barat, Lauik Irlandia di sabalah barat lauik, Lauik Keltik di barat daya, sarato Lauik Utara di sabalah timur, dan Salek Inggirih, nan mamisahannyo dari banua Eropa, di sabalah selatan. Sabagian gadang wilayah Inggirih tadiri dari bagian tangah dan selatan Pulau Baritania Rayo di Atlantik Utara. Inggirih mancakuik pulo labiah dari 100 pulau-pulau ketek bantuak Pulau Scilly dan Pulau Wight.

Wilayah nan kiniko banamo Inggirih patamo kali diuni dek manusia modern salamo pariode Paleolitikum, tapi namo Inggirih (England) ko barasal dari kato Angles, nan marupoan salah satu suku Jermanik nan manatek di situ pado abek ka-5 dan ka-6. Inggirih manjadi nagaro basatu pado taun 927 M, dan samanjak Zaman Panjalajahan nan dimulai pado abaik ka-15, Inggirih alah mambarikan pangaruah budayo jo hukum nan signifikan ka saluruah dunia ko. Bahaso Inggirih, Gereja Anglikan, dan hukum Inggirihnan manjadi dasar sistem hukum nagaro-nagaro lain di dunia barasal atau dikambangkan di Inggirih, dan sistem parlementer nagaro ko lah banyak pulo dicontoh dek nagaro-nagaro lainnyo. Revolusi Industri nan tajadi pado abek ka-18 manjadian Inggirih sabagai nagaro industri partamo di dunia. Royal Society Inggirih baparan pulo dalam malatak an dasar-dasar sains untuak pakambangan ilmu pangatahuan jo teknologi.

Topografi Inggirih ampia sadonyo tadiri dari dataran randah dan bukik-bukik, khususnyo di Inggirih bagian tangah dan selatan. Dataran tenggih tadapek di bagian utara (contohnyo di pagunuangan Danau District, Pennines, sarato Yorkshire Dales) dan di barat daya (contohnyo Dartmoor dan Cotswolds). Ibu kota Inggirih dulunyo adolah Winchester, satalah tu digantian dek London pado taun 1066. Kini, London adolah wilayah metropolitan nan paliang gadang di Baritania Rayo dan zona parkotaan nan paliang gadang di Uni Eropa manuruik lueh wilayah. Panduduak Inggirih bajumlah sakitar 53 juta jiwa, atau sakitar 84% dari total populasi Baritania Rayo sacaro kasaluruahan, panduduak-panduduak ko tapusek di London, Inggirih Tenggara, dan di Midlands.

Karajaan Inggirih (satalah taun 1284 tamasuak pulo Wales) adolah sabuah nagaro badaulek sampai tanggal 1 Mai 1701. Satalah tu, Undang-Undang Kasatuan nan manyatokan bahwa Karajaan Inggirih dan Karajaan Skotlandia disatukan sacaro politik untuak mambantuak Karajaan Baritania Rayo disahkan pado taun 1707. Pado taun 1801, Baritania Rayo basatu jo Karajaan Irlandia satalah disahkannyo Undang-Undang Kasatuan 1800 dan kamudian namonyo baganti manjadi Karajaan Basatu Baritania Rayo dan Irlandia. Pado taun 1922, Negara Bebas Irlandia badiri sabagai domini nan tapisah, namun anam county di Irlandia Utara tatek mamiliah untuak manjadi bagian dari Baritania Rayo, nan kamudian mambantuak Karajaan Basatu Baritania Rayo dan Irlandia Utara, yaitunyo konteks Baritania Rayo nan dikenal sampai kini ko.




#Article 104: Ajaigarh (230 words)


 

Ajaigarh  marupoan kabupaten (nagar panchayat) dalam distrik Panna  di nagara bagian Madhya Pradesh, India.

Manuruik sensus India pado taun 2001, Ajaigarh punyo jumlah panduduak sabanyak 13.979 jiwa. Dari jumlah tu, laki-laki ado 53% dari jumlah populasi kasadonyo dan padusi ado %.

Manuruik sensus India pado taun 2001 Ajaigarh punyo tingkek pandidikan (kamampuan mambaco) 59%, iyolah kurang tingkek rato-rato nasional; tadiri dari 61% dari lelaki jo 39% padusi nan dapek mambaco. 16% dari populasi baumua di bawah 6 taun. (2001)

                   Maharajadhiraja Chhatrasal     : 1649-1731
                (pengasas Pamarentah banyak Kerajaan)
     ___________________________|______________________________
 Hirdeshah                   Jagatraj                   Bhartichandra
  (Panna)                    (Jaitpur)                     (Jaso)
    ____________________________|______________________________
 Vir Singh                   Kirat Singh                  Pahar Singh(1758–1765)
                                                               ( Narhat)
    ____________________________|______________________________
 Khuman Singh           Guman Singh(1765–1792)              Durg Singh
 (Charkari)               (Banda)(Tiada anak)                   |
            |__________________Anak pada______|
                            Bhakhat Singh         :b.1792-d.1837
                      (Pengasas pamarentah Ajaigarh)
   _____________________________|_______________________________
                         Madho Singh(R.1837-1849)      Mahipat Singh(R.1849-1853)
                           (Tiada anak lelaki)                     |
                                                               |
                         Ranjore Singh(K.C.I.E)___________Vijay Singh(R.1853-1855)
                           (lahir 1844 mati 1919)             (Mati awal, jatuah kuda)
   _____________________________|______________________________
 Jaipal Singh            Bhopal Singh(lahir 1866-mati 1942)     Pakshapal Singh
  (lahir                           |                                      |
                                                                   Deshpal Singh
                                                                                                                                                                  __________|_______________
                 Punyapratap Singh        :lahir 1884-mati 1958    AjayVeer Singh(Noissue),AshitBarn Singh,       Anil Singh bundela
                                                                                             |                          |
                                                                                    Hraday Shah Madhvendra Singh
                                                                                             |
 Bhupendra Vijay Singh   Devendra Vijay Singh     :lahir 1913-mati 1984
 (Adoption to Jigni)     (Privy Purses,gelaran dimansuhkan)
      __________________________|_________________________________
      |                   Kaushalendra V. Singh                    |
 Mahipendra V. Singh      (born 1934-died 1982)                 Surendra V. Singh
 (lahir 1935-               (Predeceased his father)          (lahir 1940-

 Shailesh V. Singh        Ajayraj Singh                   Tarunendra V. Singh
  (lahir 1969-                (lahir 1971-                         (lahir 1971-
     /
  Deepak Singh




#Article 105: Amarpur, South Tripura (158 words)


 

Amarpatan  marupoan kabupaten (nagar panchayat) dalam distrik Satna  di nagara bagian Madhya Pradesh, India.

Manuruik sensus India pado taun 2001, Amarpatan punyo jumlah panduduak sabanyak 16.365 jiwa. Dari jumlah tu, laki-laki ado 53% dari jumlah populasi kasadonyo dan padusi ado %.

Manuruik sensus India pado taun 2001 Amarpatan punyo tingkek pandidikan (kamampuan mambaco) 63%, iyolah malabihi tingkek rato-rato nasional; tadiri dari 59% dari lelaki jo 41% padusi nan dapek mambaco. 17% dari populasi baumua di bawah 6 taun. (2001)

 

Amarpur  marupoan kabupaten (nagar panchayat) dalam distrik South Tripura  di nagara bagian Tripura, India.

Manuruik sensus India pado taun 2001, Amarpur punyo jumlah panduduak sabanyak 10.863 jiwa. Dari jumlah tu, laki-laki ado 54% dari jumlah populasi kasadonyo dan padusi ado %.

Manuruik sensus India pado taun 2001 Amarpur punyo tingkek pandidikan (kamampuan mambaco) 80%, iyolah malabihi tingkek rato-rato nasional; tadiri dari 56% dari lelaki jo 44% padusi nan dapek mambaco. 9% dari populasi baumua di bawah 6 taun. (2001)




#Article 106: Rembau (203 words)


Rembau adolah sabuah daerah di Negeri Sembilan, Malaysia nan talatak di sabalah selatan, babatehan jo nagari Melaka. Daerah Rembau tabantang salaweh 402.76 kilometer persegi atau 41,512 hektar jo panduduak sabanyak 38,325 (2000) urang nan mandiami di 17 mukim nan tadiri dari 204 buah kampuang . Panduduak daerah iko sabagian gadangnyo adolah petani, pagawai pamarintah, karajo pabrik di kawasan industri daerah atau di pakan Seremban.

Dalam catatan sajarah, Rembau asanyo adolah tampek mandarek paliang awal urang-urang Minangkabau dari Sumatra. Adaik budayo Matrilineal nan juo disabuik Adaik Perpatih alah dibaok masuak dek urang Minangkabau. Mareka mambuek tampek iko sabagai kawasan rantau nan rami bakawin jo urang asli satampek.  Samaso pamarintahan Karajaan Melayu Melaka Rembau manjadi bagian dari daerah jajahan Melaka. Urang-urang Rembau pernah malakuan paparangan jo urang-urang Naning Melaka nan juo masyarakaik urang Minangkabau.

Yang DiPertuan Besar Negeri Sembilan nan partamo, Raja Melewar, dilewakan di Rembau iyolah di  Kampuang  Penajis. Raja Melewar adolah anak rajo Minangkabau dari Pagaruyuang. Nama asanyo Raja Mahmud putera kepado Sultan Abdul Jalil Pagar Ruyung. nan diparintah dek ayahandanyo untuak pai ka Nagari Sembilan manjadi Yang DiPertuan Besar nan partamo.  Raja Melewar tingga di  Kampuang  Astana Raja, Rembau jo mangkat di Rembau; makamnyo masih ado di Rembau.

Luak-luak Undang Nagari Sembilan




#Article 107: Tahun (268 words)


Tahun (diijo juo taun) adolah periode orbit Bumi bagerak dalam orbitnyo mangaliliangi Matoari. Karano kamiriangan sumbu Bumi, satahun mangalami parubahan musim, ditandoi jo parubahan cuaco, jam siang, jo badampak pado vegetasi jo kasuburan tanah. Di daerah baiklim sadang jo subkutub di saluruah dunia, ampek musim umumnyo diakui: musim semi, musim panas, musim gugur dan musim dingin. Di daerah tropis jo subtropis indak ado musim nan jaleh; tetapi di daerah tropis musiman, musim hujan jo kamarau tahunan diakui jo dilacak.

Sabuah tahun kalender adolah pakiroan jumlah hari dari periode orbit Bumi nan dietong dalam sistem kalender tatantu. Di dunia ko pado dasarnyo ado tigo satuan taun:

Kalender Gregorian, atau modern, manyajikan taun kalender untuak manjadi satahun biaso (365 hari) atau tahun kabisat (366 hari), sarupo juo kalender Julian. Untuak kalender Gregorian panjang rato-rato taun kalender di saluruah siklus lompatan lengkap 400 taun adolah 365,2425 hari. Standar ISO ISO 80000-3, Annex C, mandukuang simbol a (untuak bahaso Latin ) untuak mawakili satu taun baiak 365 atau 366 hari. Dalam bahaso Inggirih, singkatan y dan yr umum dipakai.

Dalam bidang astronomi, tahun Julian adolah satuan wakatu; nan didefinisikan sabagai 365,25 hari ( datiak (satuan dasar SI)), jo total tapeknyo  datiak dalam satu taun astronomi Julian.

Kato tahun dipakai juo untuak wakatu nan takait, tetapi indak identik jo taun kalender atau astronomi, sarupo tahun musiman, tahun fiskal, tahun akademik, dll. Demikian pulo, tahun dapek baarati periode orbit planet manopun: misalnyo, taun Mars atau taun Venus adolah contoh dari wakatu nan diparaluan planet untuak satu transit orbit langkok. Istilah ko dapek juo dipakai dalam referensi untuak periode atau siklus panjang, misalnyo Great Year.




#Article 108: Kampung (103 words)


 Kampuang  atau desa, manuruik takrifan universal, adolah sabuah penempatan manusia di kawasan lua kota.  Biasonyo  inyo labiah ketek  daripado pekan.

Di Malaysia, istilah kampuang  dirujukkan pado satu petempatan nan panduduaknyo kurang dari 1.000 urang di sesebuah kawasan terutamanya di lua kota atau mana-mana petempatan panduduak masih mengekalkan identitas asalnyo saroman organisasinya dan caro pemilikan tanah bagi penduduknya. Dalam organisasi sasabuah kampuang , inyo tadiri daripado Penghulu(katua), Naib Pengulu, imam, bilal, satiausaha, bandahari dan dibantu dek babarapo ahli jawatankuasa nan dilantik mengikut tugeh dan paranannya dalam manatuan hal ehwal sarato kebajikan panduduak terutamanya.

 Manuruik Rouceck dan Warren, desa buliah di bagi badasarkan berbagai-bagai kriteria:




#Article 109: Galombang kajuik (118 words)


Galombang kajuik adolah satu jinih galombang nan manyabaukan gangguan nan taseba. Saroman jo galombang biaso, galombang ko mambao energi dan dapek manyeba malalui suatu medium (zaik padek, caia, gas, atau plasma), atau dalam babarapo kasuih nan indak ado materi mediumnyo dapek pulo malalui medan tatantu sarupo medan elektromagnetik. Galombang kajuik ditandoi dek adonyo parubahan pado sipaik medium nan dilaluinyo sacaro mandadak jo balansuang ampia indak bakataruihan (abrupt, nearly discontinuous change). Tajadinyo kajutan salalu basamo kanaiakan nan lua biaso capeknyo pado takanan, suhu, jo kapadekan sapanjang alirannyo. Pado aliran supersonik (nan malabiahi kacapekan suaro), tajadi palebaran aliran nan ka mambantuak apo nan disabuik 'kipeh palebaran' (expansion fan). Galombang kajuik umumnyo malinteh kabanyakan media jo kacapekan di ateh galombang biaso.




#Article 110: Johor Bahru (229 words)


Johor Bahru (tulisan Jawi: جوهور بهرو , juo dieja sabagai Johor Baru dan biasonyo disingkatkan manjadi JB) adolah salah satu koto raya sakaliguih ibu koto bagi nagari Johor, Malaysia. Johor Bahru juo marupoan koto raya kaduo tagadang di Malaysia nan mampunyoi sakitar melebihi 1,4 juta urang di kawasan ibu kota dan melebihi 2 juta urang di kawasan metropolitan.

Johor Bahru marupoan sabuah pusek perindustrian, perdagangan, dan pelancongan nan utama. Pelancongan adolah penyumbang nan gadang  dalam ekonomi Johor Bahru nan mano 60% daripado pelancong-pelancong nan melawati Malaysia satiok taun berkunjung malalui nagara Singapura. Walau bagaimanapun, pakambangan perindustrian di Johor Bahru nan baitu pesat alah manjadiannyo  antaro salah satu pusek parindustrian nan tagadang di nagara.

Johor Bahru tarlatak di sabalah selatan Semenanjung Malaysia marupoan koto raya selatan di Malaysia. Distrik Johor Bahru ataupun distrik metropolitan Johor Bahru marupoan koto raya kaduo tagadang salapeh Kuala Lumpur jo mampunyoi panduduak melebihi daripado 1,6 juta urang marupoan metropolitan kaduo tagadang di Malaysia salapeh Lembah Klang. Inyo juo babatehan jo nagara Singapura di sabalah , distrik Kulaijaya di utara, distrik Pontian di barat dan distrik Kota Tinggi di timur. Tarlatak di koordinat 1°29'U 103°44'T, koto raya Johor Bahru bertempat di pinggia  Selat Tebrau nan mamisahkan  Malaysia dari Singapura. Kaluasan sabanyak  185 km², distrik metropolitan Johor Bahru dikelilingi tanah pantai nan mengandungi paya dan sistem sungai nan pantiang sarupo Sungai Johor, Sungai Pulai dan Sungai Tebrau.




#Article 111: Johor (1869 words)


Johor Darul Ta'zim adolah sabuah nagara bagian di Malaysia nan tarlatak di selatan Samananjung Malaysia. Nagara bagian ko babatehan jo Malaka, Negeri Sembilan dan Pahang. Johor juo bakuliliang dek kawasan parairan sarupo Lauik Cino Salatan di timua, Salek Tebrau di salatan, sarato Salek Malaka di bagian barik.

Dangan laweh kiro-kiro 19.210 kilometer pasagi (7,420 bt2), Johor marupoan nagara bagian ka-5 tagadang dalam nagara Malaysia dan nagara bagaian ka-3 tagadang di Samananjuang Malaysia. Salain tu, nagara bagian ko bapanduduak ka-2 tabanyak satalah Selangor, dan nan tapadek ka-7 di antaro nagara-nagara bagian lainnyo.

Ibu kota Johor iolah Johor Bahru, suatu kota raya nan talatak di salatan nagara bagian ko. Kota raya tasabuik marupoan kota kaduo tagadang di Malaysia salapeh Kuala Lumpur. Di samping tu, nagari-nagari utamonyo iolah Batu Pahat, Muar dan Kluang. Namo rasminyo adolah Darul Ta'zim, barasa daripado pakatoan Arab nan bamukasuik tampek palinduangan nan bamaruah.

Kawasan Johor sudah pun bamulo pado taun 800 sabagai suatu petempatan padagangan nan penting.  Samaso abaik ke-14, kawasan itu manjadi wilayah tanggungan Empayar Majapahit sampai pamarentahan Kesultanan Malaka (1400-1511) nan mano nagari Johor manjadi pulo salah sabauh jajahan pemerintahannya.  Pado taun 1511, Malaka dikuasai dek pihak Portugis dan Sultan Mahmud Shah, Sultan Malaka sangkek itu, malarian diri ka Pahang dan kemudiannya ka Johor di mano beliau mengasaskan Kesultanan Johor.

Kesultanan Johor pado akhir abaik ke-16 dan ke-17 mangalami perjuangan pewarisan nan berturut-turutan.  Inyo juo acok mangalami sarangan daripado pihak Portugis dan Aceh.  Pado 1641, Johor mendukung pihak Belanda menewaskan pihak Portugis di Malaka dan pado 1660, Johor alah manjadi sabuah entrepot nan maju.

 Samaso Sir Stamford Raffles tibo di Singapura pado 1818, pulau itu ditadbir dek Sultan Abdul Rahman Muazzam Shah. Raffles kemudiannya mangatahui bahawa Tengku Hussein, abang sulung Sultan Abdul Rahman, alah digugurkan sabagai sultan kerana indak barado di sisi ayahandanya samaso kemangkatan. Raffles mangambiak kasempatan dalam keadaan iko untuak menyokong Tengku Hussein manjadi sultan dan sabagai ganti, satu pajanjian dimeterai pado 6 Pebruari 1819 nan mano Tengku Hussein manyeo Singapura kapado pihak British untuak pambukaan pelabuhan di Singapura.

 Pado taun 1855, di bawah pajanjian di antaro British di Singapura dan Sultan Ali dari Johor, kuaso mamarintah Johor disarahan kapado Raja Temenggung Tun Daeng Ibrahim. Temenggung Ibrahim mambukak Bandar  Tanjuang Puteri di selatan Johor dan menjadikannya sabagai sabauh palabuahan utama.

 Pado taun 1898, Temenggung Abu Bakar, anakanda Temenggung Ibrahim, dilantik manjadi Sultan Johor sacaro rasmi dan manamokan Bandar  Tanjuang Puteri sabagai Johor Bahru. Sultan Abu Bakar memperkenalkan sabuah perlembagaan dan menubuhkan sabauh sistem pentadbiran nan cekap dan berkesan. Dibawahnya, Johor menikmati pambangunan ekonomi nan cemerlang. Permintaan lada hitam dan gambir nan tinggi pado abaik ke-19 manyebabkan pambukaan ladang-ladang baru dan kemasukan buruh  Cino sacaro beramai-ramai. Sultan Abu Bakar kemudiannya dikenali sabagai Bapa Johor Modern.

 Pado taun 1914, Sultan Ibrahim ibni Sultan Abu Bakar tapaso manarimo saurang Penasihat British. Perang Dunia II malatuih pado taun 1939. British nan batangguangjawek tahadok patahanan Johor dikalahkan dek tentera Jepun nan kudian manduduki Johor dari taun 1941 sampai taun 1945.  Selapeh tamaiknyo peperangan, British baliak ka Johor dan pado taun 1946, Johor manjadi sabagian daripado Malayan Union.

Nasionalisme Melayu nan diketuai dek Dato' Onn Jaafar daripado UMNO manyebabkan Malayan Union dibatalkan dan digantian jo Persekutuan Tanah Melayu. Tanah  Malayu kemudiannya mancapai kamardekaan pado 31 Ogos 1957 dan kemudiannya pado taun 1963, Johor manjadi salah sabuah daripado 14 buah nagari nan menyertai Malaysia.

Johor tabagi kapado 10 distrik (merujuk kapado portal rasmi karjaan nagari johor) sarupo berikut:

Johor iolah nagari tunggal di Samananjung Malaysia nan mampunyoi pantai di bagian timur dan barat. Kebanyakan tanahnya randah jo bukit-bukau nan bercerun landai. Lokasi tertingginya ialah Gunung Ledang nan barado di paras ketinggian 1.276 meter.

Johor mampunyoi kawasan hutan simpan paya bakau nan katigo tagadang di Samananjung Malaysia jo keluasan sabanyak 167 kilometer persegi (km2), termasuknya:

Nagari iko juo banyak mampunyoi pulau. Antara lapan pulau nan terbesarnya ialah:

Kota-kota utama di Johor termasuklah:

 Pado taun 2010, jumlah panduduak di nagari Johor ialah 3,35 juta urang. Ini menjadikannya nagari ke-2 paliang ramai panduduak di Malaysia. Majoritas panduduaknyo ialah berbangsa Malayu iaitu labiah daripado saparuah panduduak Johor.  Salain itu, kumpulan etnis ke-2 tagadang ialah kaum Cina (35,4%) diikuti jo kaum India (6,9%) dan kaum lain-lain (6,6%)

Agama tagadang dalam nagari Johor iolah agamo Islam kerana sabagian panduduak nagari tarutamo kaum Melayu menganuti agamo ini. Agama iko mandapek kadudukan nan tinggi dalam nagari iko kerana inyo adolah agamo rasmi nagari. Pegangan agamo kaum  Cino kebanyakkannya ialah misalnyo Taoisme dan Konfusianisme dan saketek nan mengamalkan agamo Buddha dan juo Islam. Bagi kaum India pula, majoritas panduduak kaum itu manganuik agamo Hindu dan hanyo saketek sahaja nan mengamalkan kaparcayoan Islam dan Kristian. Pegangan misalnyo animisme turuik masih diamalkan dalam kalangan Orang Asli.

Johor adolah nagari Malayu patamo nan mengamalkan sistem raja berperlembagaan malalui Undang-undang Tubuh Nagari Johor nan dimasyhurkan dek Sultan Abu Bakar.  Manuruik perlembagaan tersebut, Sultan Nagari Johor marupoan  Katuo Perlembagaan Nagari. Dibawah perlembagaan nagari, kuasa perundangan dipunyai dek Dewan Undangan Nagari nan tadiri daripado 36 ahli. Dewan iko melantikkan salah sapuluah urang daripado ahli Dewan untuak membentukkan Majlis Mesyuarat Kerajaan (EXCO). EXCO, nan diketuai dek Menteri Besar, mamacik kuaso eksekutif dan marupoan badan nan mambuek dasar karajaan nagari.

Setiausaha Nagari marupoan katuo pentadbiran karajaan nagari. Pejabat Setiausaha Negeri ialah teras Pentadbiran  Karajaan Nagari nan manyamparonokan sokongan pentadbiran kapado implementasi dasar-dasar nan diputuihkan dek EXCO dan Dewan Undangan Negeri.

Nagari Johor dibahagikan kapado 10 distrik di bawah 15 pihak berkuasa tempatan, iaitu:

Berlainan daripado kebanyakan nagari lain, majlis distrik di nagari Johor indak batangguangjawek kapado urusan tanah. Sebaliknya, hal-ehwal tanah ditadbir dek pejabat tanah distrik. Setiap distrik dibagikan lai kapado mukim-mukim dan saurang penghulu dilantik untuak mewakili  Pagawai Daerah dalam pentadbiran harian.

Johor dikenali sabagai kubu kuat bagi Barisan Nasional. Di Pilihan Raya Umum Malaysia 2008, DAP (mewakili Pakatan Rakyat) hanyo manang satu kerusi Parlimen, samantaro di Sidang DUN, Pakatan cuma menghantar anam ADUN dari 56 kerusi di sidang DUN Johor.

Nagari Johor marupoan salah satu daripado nagari-nagari termaju di Malaysia disamping Selangor dan Pulau Pinang. Ekonominya tadiri daripado campuran pertanian, pengeluaran, perdagangan dan pelancongan.

Johor ialah pengeluar utama bagi getah, nenas dan minyak kelapa sawit. Hutannya marupoan asas untuak pakambangan pemprosesan kayu-kayan dan kayu balak. Sewaktu 1980-an, tadapek pakambangan utama taman-taman perindustrian dan projek perbandaran diseluruh negeri. Pelbagai syarikat antarabangsa daripado Singapura alah berpindah ka Johor untuak mangambiak kasempatan daripado kos nan labiah rendah. Industri-industri utamanya tamasuak elektronik, tekstil, pembinaan kapal, dan juo kilang-kilang penapis minyak kalapo sawik dan bahan sumber semulajadi sarato bahan kimia daripado petroleum.

Ramai panduduak di Johor juo berulang-alik satiok hari ka tampek kerja di Singapura.

Kebudayaan nagari Johor mengandungi pelbagai aspek daripado kaum Melayu, Cina, India dan lain-lain bangsa, tamasuak orang asli dan urang Portugis. Campuran iko dibayangkan dek tempat sembahyang nan tadiri daripado masjid-masjid, kuil-kuil dan gereja-gereja nan berwujud di sisi satu samo lain. Selainnya, inyo juo dibayangkan dalam pelbagai makanan tempatan, kostum, parayaan dan upacaro amal.

Wilayah  Pambangunan Iskandar alah dilancarkan pado 4 November 2006 di bahagian selatan nagari Johor.

Kuda kepang dan zapin marupoan tarian tradisional Melayu di Johor. Kuda Kepang ialah sajenis tarian nan dipasambahkan jo kostum nan mewah sarato kuda tenunan.  Inyo memaparkan pahlawan-pahlawan nan berkuda berlawan dalam patampuran nan semakinnya manjadi cergas sampai parayaan kemenangan.

Ghazal dan Barongan adolah tulang balakang nyanyian tradisional Melayu. Ghazal melibatkan segolongan ketek ahli muzik nan bamain alat muzik moden dan tradisional, dan acoknyo dipasambahkan dalam majlis rasmi.

Di Johor juo tadapek babarapo jenis teater tradisional nan dikenali sabagai Hamdolok, Wayang Wong, Ketoprak dan Wayang Kulit Purwa (atau Wayang Kulit Jawa).

Pakaian tradisional Johor termasuk:

Nagari Johor mampunyoi banyak tarikan palancongan, terutamanya:

 Nagari Johor juo mampunyoi limo taman negara jo jumlah keluasan nan melebihi 700 kilometer persegi sarato banyak hutan lipur nan labiah ketek untuak manarik kadatangan pelancong:

Nagari Johor mampunyoi sistem lebuh raya nan bagus. Lebuhraya Utara Selatan mengaitkan kebanyakan bandar-bandar utama di nagari Johor dan juo jo sagalo nagari-nagari di barat  Samananjuang Malaysia. Tambahan juga, Tambak Johor  nan dilengkapkan jo lebuhraya duaan tigo lorong manyambuangkan nagari Johor jo nagara Singapura. Laluan Kedua Malaysia-Singapura nan tarlataknya di bagian barat bandar raya Johor Bahru alah dibina pado taun 1997 untuak mangatasi kesesakan tambak.  Inyo manyambuangkan sacaro langsuang jo Lebuhraya Utara Selatan.

Lapangan Terbang Antarabangsa Senai nan ditempatkan 30 kilometer daripado bandaraya Johor Bahru mambari perkhidmatan kapado sistem penerbangan antarabangsa, nasional dan wilayah. Dibina pado 6 Jun 1974, lapangan terbang iko alah diperbesarkan berkali-kali dan kini mampunyoi kapasiti sabanyak limo juta panumpang setahun.  Sabuah landasan kapal terbang nan baru sadang dibina. Lapangan Terbang Antarabangsa Senai marupoan satu-satunyo lapangan terbang nan dikelolakan dek pihak swasta (selain MAHB) di Malaysia.

Nagari Johor mampunyoi tigo pelabuhan:

Sistem jalan keretapi di Johor nan dikelolakan dek Keretapi Tanah  Malayu Berhad (KTMB), bamulo di Stesen KTMB Johor Bahru sampai Stesen KTMB Gemas. Hanya tadapek satu landasan keretapi sahaja di tengah-tengah nagari Johor namun mampunyoi duo cabang iaitu cabang Kempas ka  Palabuahan Pasir Gudang dan cabang Skudai ka  Palabuahan  Tanjuang Pelepas. Menjelang 2011 landasan berkembar dari Gemas ka Singapura bakal dibina jo bantuan karajaan malalui kontraktor nan dilantik. Apabila siap nanti samananjuang Malaysia mampunyoi sistem jalan keretapi nan labiah cekap dan efisen dari Singapura ka Padang Besar.  Tadapek juo pelan perancangan dek Syarikat YTL berkaitan pembinaan Landasan Keretapi Laju dari Kuala Lumpur ka Singapura (melalui Johor), namun masih dalam pabincangan jo pihak kerajaan.

Selaras jo kamajuan nagari dan kewujudan wilayah pambangunan Iskandar Malaysia,  Karajaan nagari berhasrat untuak mabina sistem transit aliran ringan LRT bagi manghubuangkan bandar-bandar utama sakitar Johor Bahru, sarato sistem maglev - monorel bagi manghubuangkan pusat-pusat tumpuan utama di daerah Johor Bahru.  Salain itu  Karajaan Singapura bercadang manyambuang sistem Mass Rapit Transit MRT republik itu ka bandaraya Johor Bahru. Di kawasan Nusajaya ado perancangan untuak mabina Sistem Keretapi Tram bagi manghubuangkan tampek-tampek utama misalnyo Medini, Educity, Cybercity, Puteri Habour, Kota Iskandar, Legoland, PTP, Ramsar dan tampek-tampek manarik lain ateh inisiatif swasta dan pihak Iskandar Malaysia. Sistem Komuter misalnyo di Lembah Klang juo bakal dibina di sini bagi mangurangkan kesesakan pado maso akan datang manghubuangkan bandar-bandar gadang di sakitar Johor Selatan contohnya, antaro Kota Tinggi jo Johor Bahru, Pontian jo Johor Bahru, Kulai jo Johor Bahru, Skudai jo Johor Bahru, Kempas/Pandan jo Johor Bahru dan Pasir Gudang jo Johor Bahru.  Sadonyo sistem iko masih dalam perancangan dan pabincangan jo pihak-pihak berkaitan

Nagari Johor mampunyai 4 pusek transmisi atau pamanca bagi media elektronik radio dan televisyen. 4 pusek pamanca tasabuik ialah:-

Antara stesen radio dan TV nan memancarkan siarannya di nagari Johor ialah rangkaian radio dan TV milik nagaro dan swasta. Berikut adolah senarai saluran-saluran TV nan bersiaran di  Nagari Johor.

Saluran TV dari stesen pamanca Gunung Pulai, Kulaijaya

Saluran TV dari stesen pamanca Gunung Ledang, Ledang

Saluran TV dari stesen pamanca Bukit Tinggi, Mersing

Saluran TV dari stesen pamanca Bukit Penawar, Kota Tinggi

 Salain daripado itu, tadapek juo rangkaian TV dari nagaro-nagaro jiran nan buliah juo ditarimo di selatan Johor khususnyo daerah Johor Bahru, Pontian, Kulai Jaya dan Kota Tinggi. Antaranya ialah:

Rangkaian TV milik MediaCorp TV Holding, Singapura

Rangkaian TV nasional Indonesia

Rangkaian TV tempatan/wilayah Kepulauan Riau

Bagi siaran radio tadapek labiah 60 stesen radio samo ado dari Malaysia mahupun dari nagaro jiran Singapura dan Indonesia nan dapek didanga di selatan Johor. Hal iko meletakkan bandaraya Johor Bahru dan kawasan sekitarnyo sabagai satu-satunyo kawasan nan manarimo siaran TV dan radio sacaro pacumo tabanyak di Malaysia.




#Article 112: Indonesia Raya (144 words)


 
 

Indonesia Raya adolah lagu kabangsaan Indonesia. Lagu dan liriknyo dibuek dek Wage Rudolf Supratman.

Tanah tumpah darahku
Di sanalah aku berdiri 
Jadi pandu ibuku
Indonesia kebangsaanku 
Bangsa dan tanah airku
Marilah kita berseru,
Indonesia bersatu.

Hiduplah tanahku hiduplah negeriku
Bangsaku rakyatku semuanya
Bangunlah jiwanya bangunlah badannya
Untuk Indonesia Raya.

Indonesia Raya merdeka, merdeka
Tanahku negeriku yang kucinta
Indonesia Raya merdeka, merdeka
Hiduplah Indonesia Raya!

Tanah kita yang kaya
Di sanalah aku berada, 
Untuk selama-lamanya
Indonesia tanah pusaka, 
Pusaka kita semuanya
Marilah kita mendoa, Indonesia bahagia.

Suburlah tanahnya, suburlah jiwanya
Bangsanya, Rakyatnya semuanya
Sedarlah hatinya, sedarlah budinya
Untuk Indonesia Raya!

Tanah kita yang sakti
Di sanalah aku berdiri,
Menjaga ibu sejati
Indonesia tanah berseri, 
Tanah yang aku sayangi
Marilah kita berjanji, 
Indonesia abadi.

Selamatlah rakyatnya, selamatlah puteranya
Pulaunya, lautnya semuanya
Majulah negerinya, majulah pandunya
Untuk Indonesia Raya!

(Hanyo rangkap partamo nan dinyanyian di acaro-acaro rasmi)




#Article 113: Batu Pahat (963 words)


Batu Pahat (dikenali sabagai Bandar Penggaram) marupoan sabuah distrik di pantai barat Samananjung Malaysia, di nagari Johor. Distrik iko tarlatak di tenggara Muar, barat daya Kluang, timur lauik Pontian dan selatan Segamat. Distrik Batu Pahat adolah salah satu daripado sapuluah distrik di Johor.  Pado taun 2008, Batu Pahat di tangga ka-12 di Malaysia sabagai koto gadang nan berkepadatan tinggi.

Pado taun 2012, Batu Pahat manjadi koto ka-16 di saluruah Malaysia nan pesat membangun, akibaik limpahan pakambangan  parindustrian dan juo bidang pendidikan.  Salain itu, Batu Pahat juo terkenal dari kalangan warga Singapura dan mareka  menggelarnya sabagai 'Syurga Membeli-Belah di Johor Utara'.

Batu Pahat tarlatak pado koordinat .  Inyo adolah sajauh 239 kilometer dari Kuala Lumpur. Bandar terdekat jo Batu Pahat adolah Muar nan talatak 50 kilometer ka utaranya. Bandar Kluang pulo barado 52 kilometer di timur. Johor Bahru talatak labiah kurang 70 sampai 100 kilometer ka arah tenggara. Batu Pahat juo menghadap ka Selat Melaka.

Asal usua namo Batu Pahat disusur baliak malalui legenda abad ke-15 apobilo tantera Siam manyarang tampek batu nan dipahat di kampuang  Minyak Beku bagi mandapekan bekalan aia bersih samaso pengunduran mareka . Ketika itu, mareka  sadang dikejar dek tentera Melaka pimpinan Tun Perak, bendahara dari karajaan Kesultanan Melayu Melaka.  Pado taun 1456, tentera Siam nan dipimpin dek Laksamana Awi Di Chu alah manduduki Batu Pahat dahulu sabalun manyarang Melaka.  Manuruik kisah lain, selepa s Portugis manduduki Melaka, dipercayai bahwa batu-batu granit nan digunoan untuak membina Kota A Famosa diperoleh daripado muara Sungai Batu Pahat.  Mako palabuahan Batu Pahat mandapek namonyo daripado batu nan dipahat di muara itu.

Terkenal dek ikan masin pado suatu sangkek dahulu, Batu Pahat sabalun iko dikenali sabagai Bandar Penggaram nan bermaksud koto pembuat garam. Bandar Penggaram dibuka pado 1 Januari 1894 dek Dato' Muhamad Salleh bin Perang, Dato' Bentara Luar Johor ateh titah sultan Abu Bakar, sultan Johor sangkek itu.

Kini Batu Pahat taruih membangun dan muncul sabagai salah satu daerah nan termaju di nagari Johor Darul Takzim dan mampunyoi potensi nan gadang untuak taruih maju pado maso hadapan.

Distrik Batu Pahat tabagi pado 14 buah mukim iaitu :

Semua mukim dan kampuang  ditadbir dek Majlis Perbandaran Batu Pahat dan Majlis Daerah Yong Peng.  Sabalun itu dikenali sabagai Majlis Daerah Batu Pahat dan Majlis Daerah Batu Pahat  Timur msing-masing. Terdapat 525 buah kampuang  alah digazetkan.
Pado taun 2008 karajaan masih alun ado sebarang perancangan untuak menaik taraf Batu Pahat pado sabauh Bandaraya walaupun pambangunan dan kemajuan di Batu Pahat alah jauah maninggakan Alor Star dan Kuala Terengganu nan mano kedua-dua alah diiktiraf bandaraya.

Penduduknya seramai 335.368 urang tarutamo Melayu,  Cino dan India. lelaki seramai 169.087 dan padusi 166.281 orang.

Penggubah lagu : Encik Zaidin Bin Hj. Noor (Batu Pahat)

Mee Bandung Muar nan talatak berhadapan jo Hotel Garden Batu Pahat. Untuk ka sano dari Koto Muar, sabalun Jambatan Batu Pahat, Benteng tarlatak di sabalah kiri. Antara makanan nan popular di sini adolah mi racun. Batu Pahat juo terkenal jo pelbagai jenis sup nan buliah didapati di gerai nan terkenal di BP Walk.

Ingin merasai kenikmatan mee rebus asli dan nasi lemak terbaik di Batu Pahat singgah ka sabauh warung ketek  di Jalan Zabedah berdekatan Wisma Sing Long pisang goreng juo tadapek di situ.

Terdapat pelbagai restoran dan gerai makan nan menawarkan asam pedas pelbagai jenis ikan saroman di :

Kepenatan dari Muar,Melaka dan bandar-bandar buliah dipulihkan malalui Hentian Selera Parit Sulong-Simpang Lima berhampiran jo MRSM.Dibuka pado wakatu pagi sampai petang (nasi campur dan sarapan) manakala pado waktu malam (Warong Cikgu Samad).Set karaoke buliah disewa untuak majlis-majlis khas mahupun majlis kahwin,hari jadi dan lain-lain buliah dirujuk di Hentian Selera Parit Sulong-Simpang Lima.

 

Barikuik tokoh nan dilahirkan atau dikaitkan jo Batu Pahat:

Batu Pahat indak mampunyoi jaringan kereta api. Namun demikian pengunjung buliah manggunoan perkhidmatan kareta api malalui stesen KTM terdekat, iaitu Kluang, kiro-kiro 50 kilometer dari Bandar Batu Pahat. Terdapat syarikat-syarikat bas nan beroperasi di Perhentian Bas Jalan Rugayah dari awal pagi sehinggalah lewat malam. Bas-bas tasabuik menghubungkan pekan-pekan dalam Batu Pahat dan juo daerah-daerah lain nan manjadi jiran Batu Pahat sarato ka bandaraya-bandaraya utama saroman Johor Bahru, Melaka, Kuala Lumpur, dan lain-lain palabuahan di semenanjung.
 

Terminal feri nan baru talatak di Minyak Beku menyediakan perkhidmatan pelabuhan Indonesia, saroman Tanjung Balai, Bengkalis, dan Batam.

 

Pado wakatu malam pula, Batu Pahat terkenal jo BP walk iaitu sabauh kawasan sapanjang Jalan Rahmat nan panuah jo bermacam-macam jenis gerai makanan termasuklah citarasa tempatan dan barat. BP walk dibuka sampai 3 atau 4 pagi satiok hari. BP Walk iko juo alah manjadi tumpuan pengunjung dari Kluang, Muar, Pontian dan Air Hitam pado wakatu malam.

Terdapat juo berberapa tampek untuak membeli belah nan terkenal di daerah iko saroman :

Terdapat labiah kurang 3  Pusek Bowling jo labiah 30 lane satiok satu.  Salain itu tadapek juo pusat-pusat hiburan saroman 2000, Seven 7 dan banyak lagi.

Batu Pahat turut tarkanal sabagai pusek pembuatan barangan elektronik, pemprosesan makanan, pembalakkan kayu, pembuatan porselin, dan industri plastik, salain sabagai pengeksportan utama tekstil di Malaysia ka lua nagara. Jeti Batu Pahat juo tarkanal jo sabagai salah satu jeti dalam segi tiga emas antaro Indonesia dan Malaysia dalam pergerakan bahan rempah dan bahan mentah.  Sabuah pelabuhan baru juo alah direncanakan untuak Batu Pahat bagi manangani permintaan pergerakan bahan mentah tersebut.  Sabuah pelan nan bernilai labiah kurang RM 500.000.000 alah pun disadiokan siap jo prasarana nan sempurna. Begitu juo jo perusahaan dalam pembuatan makanan saroman kilang mambuek biskut. Antaranya Munchy's, Hup Seng, dan Hwa Tai. Terdapat juo pelaburan asiang di Batu Pahat saroman Sharp Roxy, Sony, Fujitsu, Hitachi, and Mitsumi. Dan tadapek 20 syarikat tersenarai dalam Bursa Malaysia: Harta Packaging, PCCS, Baneng Holdings, SP, Sharp Roxy, Ramatex, Southex, Prolexus, Fujitsu, Hitachi, Yong Tai, Hwa Tai, AE, Kia Lim, Kayu Wangi, Hup Seng, Xiang Leng, Magnum, SKP, SPI Plastics, BP Plastics, Cheng Yap Sdn Bhd. dan Fast Track Solutions Bhd.




#Article 114: Gimn Rossiyskoy Federatsii (289 words)


Gimn Rossiyskoy Federatsii atau Gimn Rossiyskaya Federatsiya adolah lagu kabangsaan Rusia. Lagunyo dibuek dek Alexander Alexandrov sarato liriaknyo dibuek dek Sergei Mikhalkov.

Россия — священная наша держава!
Россия — любимая наша страна!
Могучая воля, великая слава —
Твоё достоянье на все времена.

Припев:
Славься, Отечество наше свободное,
Братских народов союз вековой, 
Предками данная мудрость народная!
Славься, страна, мы гордимся тобой! 

От южных морей до полярного края 
Раскинулись наши леса и поля.
Одна ты на свете! Одна ты такая —
Хранимая Богом родная земля!

Припев

Широкий простор для мечты и для жизни
Грядущие нам открывают года.
Нам силу даёт наша верность Отчизне.
Так было, так есть и так будет всегда!

Припев

Rossija — svĭaşennaja naša deržava!
Rossija — lĭubimaja naša strana!
Mogučaja volĭa, velikaja slava —
Tvojë dostojanje na vse vremena.

Slavĭsĭa, Otečestvo naše svobodnoje,
Bratskich narodov sojuz vekovoj, 
Predkami dannaja mudrostĭ narodnaja!
Slavĭsĭa, strana, my gordimsĭa toboj!

Ot južnych morej do polĭarnogo kraja 
Raskinulisĭ naši lesa i polĭa. 
Odna ty na svete! Odna ty takaja —
Chranimaja Bohom rodnaja zemlĭa!

Širokij prostor dlĭa mečty i dlĭa žizni
Grĭaduşije nam otkryvajut goda.
Nam silu dajët naša vernostĭ Otčizne.
Tak bylo, tak jestĭ i tak budet vsegda!

Rusia, nagara suci awak!
Rusia, nagara kito nan tacinto!
Takaik nan padu, kagamilangan taraguang,
Adolah warisan Sanak nan kekal!

Jadi cemerlang, wahai tanah aia mardeka!
Papaduan kekal sasamo saudaro, 
Kabijaksanaan umum diagiahan jo laluhua awak,
Cemerlanglah, nagara awak! Kami babangga dek kau!

Dari lautan selatan ka kutub utara 
Tabantang balantaro jo padang awak
Kaulah satu-satunyo di dunia ko,
Tanah aia nan dilinduangi Tuhan!

Ruang tabukak untuak bamimpi jo hiduik.
Tabukak untuak kito jo taun-taun nan akan datang.
Kakuatan awak diagiah kapado awak lewaik kaparcayoan awak pado nagari awak.
Baitulah, dan akan taruih baitu salamonyo!




#Article 115: Batang Kampar (282 words)


Batang Kampar () marupoan salah satu sungai gadang nan barado di pulau Sumatera, Indonesia. Sungai ko baulu di pagunuangan Bukik Barisan di Sumatera Barat, dan bamuaro di pasisia timur pulau ko di Riau.

Sungai ko dibantuak dek patamuan duo buah sungai nan ampia samo gadangnyo, nan disabuik Kampar Kiri jo Kampar Kanan. Patamuan ko tajadi di daerah Langgam, Kabupaten Pelalawan. Sasudahnyo patamuan tu, salanjuiknyo sungai tu disabuik jo namo Batang Kampar sajo sampai ka muaronyo di Salat Malaka. Sakuliliang kawasan ulu sungai ko dipakai juo untuak PLTA Koto Panjang, nan punyo kapasitas 114 MW.

Di sungai ko juo tajadi fenomena alam nan manakjubkan. Fenomena tasabuik tajadi di bagian hilia Batang Kampar tapeknyo di kecamatan Teluk Meranti, kabupaten Pelalawan, provinsi Riau dan dinamoan jo panduduak satampek sabagai Bono. Sasungguahnyo iko adolah galombang pasang naiak aia lauik nan masuak ka Batang Kampar di mano galombang tasabuik dapek mancapai katinggian 6 meter dan dapek mambaliakan dan mambanaman kapa-kapa ketek ataupun sampan. Galombang pasang ko tajadi akibaik duo arus lauik (Lauik Cino Salatan jo Salat Malaka) jo aruih Batang Kampar balantak. Panduduak sakitar manandoan apobilo galombang ko ka datang adolah jo mandanga suaro saroman guruah nan mandaru-daru dari jauah. Kok lah tadanga suaro saroman tu, mako kapa-kapa ketek jo sampan-sampan nan ado akan manapi untuak manyalamaikkan diri.

Kini ko galombang Bono manjadi tanamo samanjak tim ekspedisi World Wide Fund for Nature (WWF) bakunjuang ka Samananjuang Kampar (namo untuak ilia Batang Kampar). Anggota tim tasabuik manyadari kalaulah galombang tasabuik dapek dijadian sarana untuak ulahrago basalanca (surfing). Hinggo tasebalah barita bahaso galombang Bono dapek dijadian tujuan wisata salanca aia. Salah satu iklan di televisi Indonesia alah pulo manampilan video pasalanca sadang basalanca aia di ateh galombang Bono ko.




#Article 116: Tsunami (282 words)


Tsunami (baso Jepang: 津波, arati harfiah galombang palabuhan;
pangucapan:   atau  )
adolah sarangkaian galombang aia nan disabaukan dek bapindahnyo aia dalam volume nan gadang bana, nan biasonyo tajadi pado lauik atau danau gadang. Gampo, latusan gunuang barapi, macam-macam ledakan bawah aia (tamasuak ledakan parangkek nuklir bawah lauik), tanah runtuah, gletser pacah, balantak meteor, jo lain-lain gangguan di ateh atau di bawah aia samonyo punyo potensi maasiaan tsunami.

Galombang tsunami ko indak sarupo jo galombang lauik nan normal, karano panjang galombangnyo jauah labiah gadang. Tsunami indak nampak saroman galombang nan tapacah-pacah, malainan mulonyo mungkin sarupo jo pasang naiak nan sabana capek, dek karano alasan ko acok juo disabuik sabagai galombang pasang. Tsunami umumnyo tadiri ateh sarangkaian galombang nan periode kadatangannyo antaro babarapo minik inggo jam, tibonyo bauruik-uruik bak kareta galombang. Galombang nan tingginyo bapuluah meter dapek timbua dek karano bancano alam gadang. Sungguahpun dampak tsunami tabateh ka wilayah pasisia, tanago parusaknyo dapek jadi lua biaso dan dapek mampangaruahi tapian samudra kasadonyo. Tsunami Samudra Hindia 2004 marupoan salah satu bancano alam paliang mamatian dek sijarah umaik manusia, nan manalan labiah dari 230.000 korban maningga di 14 nagara nan di sakuliliang Samudra Hindia.

Ahli sijarah Yunani Kuno Thucydides mampakiroan dalam karyanyo Sijarah Parang Peloponnesia nan ditulih pado akia abaik ka-5 SM, bahaso tsunami ko ado kaitannyo jo gampo bawah lauik, tapi pamahaman tantang apo tsunami tu tatap kabua inggo masuak abaik ka-20 walaupun masih banyak pulo nan indak dikataui. Bidang-bidang utamo panalitian kini ko di antaronyo iolah mancubo mangataui baa babarapo gampo gadang indak maasiaan tsunami samantaro nan labiah ketek manyabaukannyo; sarato usao untuak sacaro tapek mampakiroan jalua malintehnyo tsunami di lautan; dan caro mampakiroan baa galombang tsunami ka bapangaruah pado bantuak garih pantai tatantu.




#Article 117: Kota Pekanbaru (248 words)


Kota Pekanbaru adolah ibu kota dan kota tagadang di provinsi Riau, Indonesia. Kota ko marupoan kota padagangan jo jaso, tamasuak sabagai kota jo tingkek pertumbuahan, migrasi jo urbanisasi nan paliang tinggi.

Pekanbaru mamiliaki ciek palabuahan udaro internasional, iyolah Palabuahan udaro Sultan Syarif Kasim II, jo terminal antar kota dan antar provinsi Bandar Raya Payung Sekaki, sarato duo palabuahan di Sungai Siak, iyolah Pelita Pantai jo Sungai Duku.

Pakanbaru adolah koto nan panduduaknyo paliang banyak katigo di pulau Sumatra salapeh Medan jo Palembang jo jumlah panduduaknyo sakita 950,571 pado Sepptember 2013. Sajak banyak abaik daulu ko Pakanbaru adolah salah satu tampek urang Minangkabau marantau. Satalah parang dunio kaduo, panduduak Minangkabau nan marantau ka koto Pakanbaru batambuah. Ampia duo kali lipek antaro taun 1943 inggo 1961. Banyak Urang Awak atau Urang Minangkabau alah ado di Pakanbaru kamudian manyabuik diri mareka sabagai urang Malayu. Di sampiang itu, urang Malayu Riau marupoan suku tabanyak kaduo salapeh Minangkabau, satalah itu ado juo urang Jawa, Batak nan marupoan suku-suku lain nan barado di Pakanbaru

Islam adolah agamo mayoritas di Pakanbaru. Kamudian ado juo Kristen, baiak Protestan sarato Katolik. Sarato Agamo Buddha, Hindu dan Konfusianisme.

Bahaso Indonesia adolah baso rasmi di Pakanbaru. Untuak panggunoan informal atau indak rasmi, urang Pakanbaru manggunoan Bahaso Minangkabau dalam ekonomi sarato dalam kaiduikan tiok ari co di pasa-pasa. Sabagai tambuahan, Bahaso Malayu jo Bahaso Jawa juo banyak ditutua dek maningkeknyo panduduak antaro kaduo suku ko. Baso Hokkien biasonyo digunoan urang-urang Tionghoa dek banyaknyo urang  Cino di Pakanbaru marupoan urang Hokkien.




#Article 118: Mohammad Natsir (1928 words)


Mohammad Natsir () adolah surang pajuang kamardekaan Indonesia, tokoh Islam, sarato politisi tanamo Indonesia. Natsir marupoan pardana mantari Indonesia nan kalimo. Inyo pernah pulo dipacayo manjadi Presiden Liga Muslim sa-Dunia.

Natsir mulai mampalajari ajaran Islam nan mandalam sasudah pindah dari tampaik kalahiarannyo di Solok, Sumatera Barat ka Banduang untuak basikola di sinan. Tulisan-tulisannyo mulai ditabik-an sajak 1929, dan pado maso 1930-an, inyo manulih babarapo makalah nan batema Islami. Inyo masuak dunia politik pado patangahan 1930-an, paranannyo taruih batambah maningkek diantaro partai-partai Islam. Pado 5 September 1950, inyo tapiliah manjadi pardana mantari, dan jabatan tu dipaciknyo sampai 26 April 1951. Salapeh indak manjabaik lai, inyo acok bana mausaoan paningkatan paran Islam jo otonomi daerah di Indonesia. 

Natsir adolah pamimpin partai Masyumi nan tanamo. Di bawah kapamimpinannyo, Masyumi dapek mahimpun sabagian gadang partai-partai nan baideologi Islam di bawah ciek payuang, sahinggo dapek mandapek-an suaro nan banyak dalam pemilu 1955.

Natsir banyak manulih tantang Islam, mancapai total 45 buku jo baratuih-ratuih artikel. baliau mamandang Islam adolah bagian hakiki dari budayo Indonesia dan maraso kacewa taadok caro pamarentahan Soekarno jo Soeharto manangani agamo. Inyo mandapek tigo gala doktorat samaso iduiknyo, ciek dari Lebanon dan duo lai dari Malaysia. 

Natsir nan mandukuang garakan PRRI lalu dipanjaro sajak taun 1962 dek pamarentahan Soekarno karano dituduah nak mambarontak. Inyo dilapehan taun 1966 sasudah Orde Baru bakuaso, tapi inyo taruih sajo basikap kritis taadok pamarentah, nan akianyo mambuek baliau dilarang pai ka lua nagari.

Pado 10 November 2008, di bawah pamarentahan Soesilo Bambang Yudhoyono, Natsir diangkek manjadi salah surang Pahlawan Nasional Indonesia, sasudah bapuluah-puluah taun salamo Orde Lamo jo Orde Baru inyo dicap sabagai pambarontak.

Mohammad Natsir dilahiaan di Alahan Panjang, Lembah Gumanti, Kabupaten Solok, Sumatra Barat pado 17 Juli 1908 dari pasangan Mohammad Idris Sutan Saripado jo Khadijah. Pado maso keteknyo, Natsir sakaluarga hiduik di rumah Sutan Rajo Ameh, saurang saudagar kopi nan tanamo di sinan. Dek pamiliaknyo, rumah itu dibalah manjadi kaduo bagian: pamilik rumah basarato kaluarga tingga di bagian kida samantaro Mohammad Idris Sutan Saripado tingga di sabalah suoknyo. Inyo punyo tigo urang saudaro kanduang, masiang-masiang banamo Yukinan, Rubiah, jo Yohanusun. Jabatan tarakhia ayahnyo adolah sabagai pagawai pamarentahan di Alahan Panjang, samantaro kakeknyo marupoan saurang ulama. Inyo isuak manjadi pamangku adaik untuak kaumnyo nan barasa dari Maninjau, Tanjung Raya, Agam jo gala Datuk Sinaro Nan Panjang.

Natsir mulai manampuah pandidiakan di Sikolah Rakyat Maninjau salamo duo tahun hinggo kalas duo, kudian pindah ka Hollandsch-Inlandsche School (HIS) Adabiyah di Padang. Sasudah babarapo bulan, inyo pindah baliak ka Solok dan dititipan di rumah panggaleh nan banamo Haji Musa. Salain baraja di HIS di Solok pado siang hari, inyo juo baraja ilimu agamo Islam di Madrasah Diniyah pado malam hari. Tigo tahun kudian, inyo baliak pindah ka HIS di Padang basamo kakaknyo. Pado tahun 1923, inyo malanjuikan pandidikannyo di Meer Uitgebreid Lager Onderwijs (MULO) lalu ikuik bagabuang jo parhimpunan-parhimpunan urang mudo takah Pandu Nationale Islamietische Pavinderij jo Jong Islamieten Bond. Sasudah lulus dari MULO, inyo pindah ka Bandung untuak baraja di Algemeene Middelbare School (AMS) inggo tamaik pado tahun 1930. Dari tahun 1928 sampai 1932, inyo manjadi Katua Jong Islamieten Bond (JIB) Bandung. Inyo juo manjadi pangajar sasudah mandapek palatihan guru salamo duo tahun di parguruan tinggi. Inyo nan alah mandapekan pandidikan Islam di Sumatra Barat sabalunnyo juo mampadalam ilimu agamonyo di Bandung, tamasuak dalam bidang tafsir Al-Quran, hukum Islam, jo dialektika. Kudian pado tahun 1932, Natsir baguru pado Ahmad Hassan, nan kudian manjadi tokoh organisasi Islam Persatuan Islam.

Pado 20 Oktober 1934, Natsir manikah jo Nurnahar di Bandung. Dari parnikahan itu, Natsir dikaruniai anam anak. Natsir juo dikatahui manguasoi babagai bahaso, takah Inggirih, Balando, Prancis, Jerman, Arab, jo Esperanto. Natsir juo punyo kasamoan hobi sarato punyo hubuangan dakek jo Douwes Dekker, yakni bamain musik. Natsir suko mamainan biola jo Dekker suko bamain gitar. Mohammad Natsir juo acok mangecek pakai Bahaso Balando jo Dekker dan acok mangecekan musik sakelas Ludwig van Beethoven jo novel sakelas Boris Leonidovich Pasternak, novelis kanamaan Rusia pado maso itu. Hubungan dakek jo Dekker, manyebaban Dekker mau masuak Masyumi. Ide-ide Natsir sarato Dekker tantang parjuangan, demokrasi, jo kaadilan mamang sajalan jo Natsir.

Inyo maningga pado 6 Februari 1993 di Jakarta, dan dimakamkan sahari kudian.

Natsir banyak bakawan jo pamikir-pamikir Islam, takah Agus Salim; salamo patangahan 1930-an, inyo jo Salim taruih batuka pikiran tantang hubungan Islam jo nagara demi maso ka muko pamarintehan Indonesia nan dipimpin Soekarno. Pado tahun 1938, inyo bagabuang jo Partai Islam Indonesia, sarato diangkek sabagai pimpinan untuak cabang Bandung dari tahun 1940 sampai 1942. Inyo juo bakarajo sabagai Kapalo Biro Pendidikan Bandung sampai tahun 1945. Salamo pandudukan Japang, inyo bagabuang jo Majelis Islam A'la Indonesia (lalu barubah manjadi Majelis Syuro Muslimin Indonesia atau Masyumi), jo diangkek sabagai salah satu katua dari tahun 1945 sampai katiko Masyumi jo Partai Sosialis Indonesia dibubarkan dek Presiden Soekarno pado tahun 1960.

Sasudah Proklamasi Kemerdekaan Indonesia, inyo manjadi anggota Komite Nasional Indonesia Pusat. Sabalun manjadi Perdana Menteri, inyo manjabaik sabagai menteri panerangan. Pado tangga 3 April 1950, inyo maajuan Mosi Integral Natsir dalam sidang pleno parlemen. Mohammad Hatta sabagai Wakil Presiden Indonesia nan mandorong sado pihak untuak bajuang dengan tertib, maraso tabantu dengan adonyo mosi iko. Mosi iko mampelokan baliak kautuhan bangso Indonesia dalam Negara Kesatuan Republik Indonesia naan sabalunnyo babantuak serikat, sahinggo inyo diangkek manjadi Perdana Menteri dek Presiden Soekarno pado 17 Agustus 1950. Namun, inyo mangunduran diri dari jabatannyo pado tangga 26 April 1951 dek parsalisihan paham jo Soekarno, Soekarno nan manganuik paham nasionalisme mangkritik Islam sabagai ideologi tapi mamuji sekularisasi nan dilakuan dek Mustafa Kemal Ataturk di Kesultanan Utsmaniyah, sadangkan Natsir manyayangan hancuanyo Kasultanan Utsmaniyah jo manunjuakan akibaik-akibaik negatif sekularisasi. Natsir juo mangkritik Soekarno bahasonyo inyo kurang mamparatian kasejahteraan di lua Pulau Jawa. Manuruik Hatta, sabalun pangunduran diri Natsir, Soekarno salaku presiden sakaligus katua Partai Nasionalis Indonesia (PNI) taruih mandasak Manai Sophiaan sarato para menteri jo anggota parlemen dari PNI untuak manjatuahan Kabinet Natsir, dan indak mandukuang kabijakan-kabijakan nan diusulkan dek Natsir jo Hatta.

Salamo era demokrasi terpimpin di Indonesia, inyo talibaik dalam partantangan tarhadap pamarentah nan samakin otoriter jo bagabuang dengan Pemerintah Revolusioner Republik Indonesia sasudah maninggaan Pulau Jawa; PRRI nan manuntuik adonya otonomi nan labiah lueh disalahtafsiran dek Soekarno sabagai pambarontakan. Akibaiknyo, inyo ditangkok jo dipanjaroan di Malang dari tahun 1962 sampai 1964, dan dibebasan pado maso Orde Baru pado tangga 26 Juli 1966.

Sasudah dibebaskan dari panjaro, Natsir baliak talibaik dalam organisasi-organisasi Islam, takah Majelis Ta'sisi Rabitah Alam Islami jo Majelis Ala al-Alami lil Masjid nan bapusaik di Mekkah, Pusat Studi Islam Oxford (Oxford Centre for Islamic Studies) di Inggris, jo Liga Muslim se-Dunia (World Muslim Congress) di Karachi, Pakistan.

Di era Orde Baru, inyo mambantuak Yayasan Dewan Dakwah Islamiyah Indonesia. Inyo juo mangkritisi kabijakan pamarentah, takah katiko inyo manandotangani Petisi 50 pado 5 Mei 1980, nan manyebaban inyo dilarang pai ka lua nagari. Pado maso-maso bamulo Orde Baru iko, inyo bajaso mangirim nota ka Tunku Abdul Rahman dalam rangka mancaiaan hubungan jo Malaysia. Salain itu pulo, inyolah nan mangontak pamarentah Kuwait agar mananam modal ka Indonesia dan mayakinan pamarentah Japan tantang kasungguahan Orde Baru mambangun ekonomi. Soeharto maanggap urang nan mangkritik dirinyo sabagai panentang Pancasila. Inyo ikuik manandotangani Petisi tersebut basamo jo Jenderal Hoegeng, Letjen Ali Sadikin, Sanusi Hardjadinata, SK Trimurti, dan lain-lain. Akibaik dilarangnyo inyo pai ka lua nagari, banyak seminar nan indak bisa inyo ikuti. Natsir manolak kacurigaan Soeharto tarhadap partai-partai, tarutamo partai Islam. Apolai Opsus (Operasi Khusus) nan barado di bawah pimpinan langsung Soeharto juo ikuik dikritisi. Padahal, badan intel ikolah nan mamintak Natsir dalam mamulai hubungan jo Malaysia dan Timur Tengah sasudah naiknyo Soeharto.

Salamo manjalani pandidikannyo di AMS, Natsir alah tarlibat dalam dunia jurnalistik. Pado 1929, duo artikel nan ditulihnyo dimuek dalam majalah Algemeen Indische Dagblad, yaitu bajudul Qur'an en Evangelie (Al-Quran dan Injil) dan Muhammad als Profeet (Muhammad sabagai Nabi). Kudian, inyo basamo tokoh Islam lainnyo managakan surek kaba Pembela Islam nan tabik dari tahun 1929 sampai 1935. Inyo juo banyak manulih tantang pandangannyo tarhadap agamo di babagai majalah Islam takah Pandji Islam, Pedoman Masyarakat, jo Al-Manar. Manuruiknyo, Islam marupoan bagian nan indak tapisahan dari budaya Indonesia.

Natsir alah manulih sakitar 45 buku atau monograf jo ratusan artikel nan mamuek pandangannyo tantang Islam. Inyo aktif manulih di majalah-majalah Islam sajak karya tulih patamonyo ditabikan pado tahun 1929. Karya paling awalnyo umumnyo babaso Balando jo Indonesia, nan banyak mambahas tantang pamikiran Islam, budaya, hubungan antaro Islam jo politik, dan paran perempuan dalam Islam. Karya-karya salanjuiknyo banyak nan ditulih dalam baso Inggirih, dan labiah tafokus pado politik, pambaritaan tantang Islam, jo hubungan antaro umaik Kristiani jo Muslim. Ajip Rosidi jo Haji Abdul Malik Karim Amrullah manyabuikan basonyo tulisan-tulisan Natsir alah manjadi catatan sijarah nan dapek manjadi panduan bagi umaik Islam. Salain manulih, Natsir juo managakan sikolah Pendidikan Islam pado tahun 1930; sikolah tersebut ditutuik sasudah panduduakan Japang di Indonesia.

Sakalipun Natsir mamiliki latar balakang pandidikan Balando, Natsir indak tergerak samo sakali untuak malakuan westernisasi atau sekularisasi dalam dunia pandidikan Islam. Inyo juo paduli akan pangaruah pandidikan Barat tarhadap generasi mudo. Sabananyo, langkahnyo iko nan paduli tarhadap dunia pandidikan disababan sasudah inyo mambaco karangan Snouck Hurgronje nan malawan Islam, takah Netherland en de Islam nan mamaparan strategi Hurgronje dalam malawan Islam. Buku iko pado akhianyo kudian mambuuek Natsir bartekad malawan Balando liwaik jalur pandidikan.

Pamarentah Indonesia sangkek itu, baik nan dipimpin dek Soekarno maupun Soeharto, samo-samo manudiang Mohammad Natsir sabagai pambarontak jo pambangkang, bahkan tudingan tersebut mambueknyo dipanjaroan. Adapun dek nagara-nagara lain, Natsir sangaik dihormati jo diharagoi, hinggo banyak panghargaan nan dianugerahan kapadonyo.

Dunia Islam mangakui Mohammad Natsir sabagai pahlawan nan malintasi bateh bangso jo nagara. Bruce Lawrence manyabuikan bahasonyo Natsir marupoan politikus nan paliang manonjol mandukuang pambaruan Islam. Pado tahun 1957, inyo manerima bintang Nichan Istikhar (Grand Gordon) dari Raja Tunisia, Lamine Bey atas jasonyo mambantu parjuangan kamardekaan rakyaik Afrika Utara. Panghargaan internasional lainnyo yaitu Jaa-izatul Malik Faisal al-Alamiyah pado tahun 1980, jo panghargaan dari babarapo ulama jo pamikir tarkenal takah Syekh Abul Hasan Ali an-Nadwi jo Abul A'la Maududi.

Pado tahun 1980, Natsir dianugerahi panghargaan Faisal Award dari Raja Fahd Arab Saudi malalui Yayasan Rajo Faisal di Riyadh, Arab Saudi. Inyo juo mamparoleh gala doktor kahormatan di bidang politik Islam dari Universitas Islam Libanon pado tahun 1967. Pado tahun 1991, inyo mamparoleh duo gala kahormatan, yaitu dalam bidang sastra dari Universitas Kabangsaan Malaysia jo dalam bidang pamikiran Islam dari Universitas Sains Malaysia. Pamarentah Indonesia baru manghormatinyo sasudah 15 tahun kamatiannyo. Pado 10 November 2008, Natsir dinyatoan sabagai pahlawan nasional Indonesia. Soeharto enggan maagih gala pahlawan kapado salah ciek bapak bangso iko. Pado maso B.J. Habibie, inyo diagih panghargaan Bintang Republik Indonesia Adipradana.

Reporter Ramadhian Fadillah malaporan bahasonyo Natsir adolah tokoh sadarhana sapanjang zaman. Inyo juo malaporkan bahasonyo Natsir indak punyo baju rancak, jasnyo batamba. Inyo dikanang sabagai menteri nan indak punyo rumah jo manolak diagih hadiah mobil mewah. George McTurnan Kahin, pangaja di Universitas Cornell, mandapek info dari Agus Salim bahasonyo ado staf dari Kamenterian Panarangan nan handak mangumpuaan pitih untuak Natsir supayo bapakaian labiah rancak. Apolai, kemejanyo cumo duo setel dan alah lapuak pulo. Sangkek inyo mundua sabagai Perdana Menteri pado Maret 1951, sekretarisnya Maria Ulfa manyerahan padonyo siso dana taktis dengan banyak saldo nan sabananyo juo hak Perdana Menteri. Natsir manolak, dan dana itu dilimpahan ka koperasi karyawan tanpa sapeser pun inyo ambik. Natsir dikatoan manolak mobil Chevrolet Impala. Padahal, di rumahnyo inyo hanyo punyo mobil lamo, De Soto nan inyo bali surang untuak maanta-jampuik anak-anaknyo. Sabalun inyo pindah ka Jalan Jawa, inyo bapindah ka Jalan Pegangsaan Timur nan ado di Jakarta. Mako, dikaranoan ikuik dalam PRRI, inyo kalua masuak masuak panjaro salamo tahun 1960-66, dan kaluarganyo kahilangan rumah di Jalan Jawa jo Mobil De Soto tersebut. Haratanyo diambik pamarintah.




#Article 119: Tampuo (151 words)


Tampuo (atau buruang manyar dalam bahaso Indonesia) adolah jinih buruang pamakan biji-bijian (granivora) nan hiduik di habitat padang rumpuik, tapi hutan, rawa, jo parsawahan. Buruang iko biasonyo banyak basobok di Asia, tarutamo di Asia Selatan jo Asia Tenggara. Di Asia Tenggara, ado ampek jinih tampuo, nan tigo di antaronyo ado di Indonesia. Katigo jinih tampuo nan tun adolah: Ploceus philippinus, Ploceus manyar (manyar jambul), jo Ploceus hypoxanthus (manyar emas). Tampuo-tampuo nan dikenal di Indonesia digolongan dalam marga Ploceus anggota suku Ploceidae.

Tampuo adolah buruang panganyam atau dalam bahaso Inggirih disabuik weaver bird. Bantuak sarang tampuo cukuik rumik. Saking rumiknyo, bak kecek urang Minang, kusuik sarang tampuo api nan manyalasaikan. Salain rumik, kadang-kadang tampuo mambuek pintu icak-icak untuak mangicuah pamangsonyo. Pintu iko tampak mangango, samantaro pintu nan sabananyo tasuruak. Pamangso nan mancubo masuak ka pintu iko beko basarobok jo jalan buntu, nan indak tasambuang jo rongga tampek talua atau anak tampuo barado.




#Article 120: Namo urang Minangkabau (1124 words)


Namo urang Minangkabau adolah bamacam-macam namo nan dipakai dek urang-urang nan bakaturunan Minangkabau. Dalam Encyclopedie van Nederlandsch-Indie disabuikan, namo urang Minangkabau pado maso-maso awal diambiak dari alam dan dari namo benda nan ado di sakuliliangnyo. Dalam wakatu nan tabilang lamo, indak saketek lo namo nan babaun Hindu jo Budha. Baitu juo sasudah Islam masuak dan bakambang, namo nan kaarab-araban muncua. Mamasuki patangahan abaik ka-20, muncua namo nan kajawa-jawaan, singkatan, atau pangkodean, sarato pado maso Orde Baru muncua pulo namo nan kabaraik-baraikan. Baru pado duo dekade kudian, namo urang Minangkabau diramaian jo namo Islami pulo baliak.

Paragiahan namo dalam masarakaik Minangkabau pado maso nan saisuak basandi pado palsapah “Alam takambang jadi guru”. Beliau-beliau tu biasonyo manamoi kampuang, daerah baru, dan namo suku manuruik ka palsapah iko, tamasauk dalam maagiah gala atau namo kapado sasaurang. Masuak tangah abaik ka-14, namo Arab mulai mancogok sarato jo masuaknyo Islam ka Minangkabau. Namo-namo para nabi, rasul, para sahabaik, sarato anak jo bininyo adolah nan paliang acok dipagunoan.

Walaupun indaklah budayo, indak jarang urang Minang nan suko mamakai imbuhan atau akhiran tatantu dalam maagiah namo, sarupo –zal untuak laki-laki atau -niar untuak padusi . Namo nan mamiliaki akhiran -rizal acok bana dipandang sabagai namo nan khas urang Minang.

Sasudah pamunahan garakan PRRI pado akia taun 1960-an, banyak masarakaik Minangkabau nan maagiah namo nan babedo jo maso sabalunnyo, sarato indak khas namo rang Minang. Indak saketek urang nan maagiah namo nan kajawa-jawaan, atau namo nan babaun Eropa, Parsi, jo Amerika Latin. Sungguahpun baitu, namo-namo ciptaan baru nan mareka agiah pun punyo makna khusus di dalamnyo.

Namo babaun Jawa pado masarakaik Minangkabau biasonyo marupoan kapendekan daerah asa urang gaek, potongan namo kaduo urang gaek, atau kombinasi kaduonyo. Contoh namo-namo nan lakek sasudah PRRI ko, misanyo Parmanto (kapendekan dari daerah asa pamiliak namo, Parikmalintang jo Toboh), Surianto (daerah asanyo Surian dan sukunyo Koto), jo lain-lainnyo. Sabagian lai mamakai namo nan sabana namo Jawa, atau namo Minang nan disamarkan. Namo Bastian Sutan Ameh misanyo disamarkan jadi Sebastian Tanamas kutiko marantau ka Jakarta.

Sijarawan Gusti Asnan manilai hal iko dek karano masarakaik Minangkabau dihadokan pado situasi dimano kaminangkabauannyo, jo babagai ciri dan identitasnyo salamo ko, dilumek dek tantara pusek (Jakarta).Itu memang strategi untuk tetap bertahan, karena jika tidak, mereka akan tetap dicari oleh tentara pusat, untuk dibunuh. Selain itu, bagi mereka nan merantau ke Jawa, mereka lebih mudah diterima.  Gusti Asnan mangaku surang bahaso namonyo indak ado ubuangannyo jo gala Gusti nan di Bali atau Kalimantan. Gusti itu singkatan dari ‘Gus’ nan artinya lahia di bulan Agustus dan ‘ti’ dari bidan tampek saya lahia nan namonyo ‘Eti’, sadangkan ‘Asnan’ itu singkatan namo ibu dan ayah saya, Asyiah dan Syahminan.

Namun pandapek ko ditulak dek sosiolog Andrinof Chaniago, sabab lah mulai ado babarapo namo sarupo ko dipakai dek urang-urang nan lahia sabalum paristiwa PRRI. Misanyo namo Masmi­mar Mangiang (bar­asa dari kapendekan Masa mem­pertahankan Indonesia  mardeka), diambiak dari suasa­no duo satangah bulan sabalun Konferensi Meja Bunda. Andrinof bapandapek bahaso mancogoknyo namo-namo ganjia urang Minangkabau adolah dek karano kabiasoan sabagian kaluargo untuak mambuek kreasi namo nan bar­asa dari singkatan dan punyo kaitan jo paristiwa sijarah tatan­tu. Andrinof diambil dari tiga suku kata: an (mungkin maksud orangtua saya untuk nama panggilan), dri nan barasa dari drei atau dri (dekat ke Bahasa Jerman atau Belanda) nan artinya tiga, dan nof nan barasa dari Nof(v)ember. Artinya, nama ini barasa dari tanggal dan bulan kelahiran saya, yakni 3 November. Hal iko manuruiknyo bakaik jo ciri urang Minangkabau nan salalu baupayo kreatif untuak maasiakan sasuatu nan kusuih di mato urang lain.

Namo urang Minangkabau nan bamunculan kini ko banyak nan barasa dari bahaso di lua Minangkabau. Ado panamoan nan badasa ateh motivasi atau bakaik jo wakatu katiko lahia, urutan lahia, atau dari namo tokoh tanamo. Basamo jo modernisasi mangko lah rami urang nan kini mamakai namo Baraik. Salain tu, akibaik dominasi budayo Orde Baru, pado patangahan taun 1980-an namo nan barasa dari bahaso Sanskerta ado pulo ikuik populer di kalangan masarakaik Minangkabau.

Urang Minang punyo kabiasaan manyingkek namo atau manyabuik namo urang lain labiah pendek dari namo panggilannyo. Urang nan partamo kali tacatat mangakronimkan namonyo adolah Hamka, nan marupoan singkatan dari namo sabananyo, Haji Abdul Malik Karim Amarullah. Di Indonesia, indak saketek nan mangikuikan Hamka, mamandekkan namo panjang manjadi singkatan.

Dalam budayo Minangkabau, laki-laki nan alah kawin akan diagiah gala di belakang namonyo, sasuai ungkapan ketek banamo, gadang bagala. Mukasuiknyo, ado duo namo sapaan untuak urang Minangkabau, yaitu namo nan diagiah dek keluarga wakatu ketek jo gala nan biasonyo diagiahkan pado kaum laki-laki sabalun manikah. Pado nagarai tatantu, sasudah ijab kabul di muka panghulu atau tuan kadi, pangantin laki-laki akan diagiah gala baru sabagai panggilan pangganti namo keteknyo dan masyarakaik sekitar akan mamanggianyo dengan gala baru tasabuik. Gala panggilan ko biasonyo bamulo dari sutan, bagindo, atau sidi (sayyidi) di kawasan pasisia, samantaro di kawasan Luhak Limo Puluah, pangagiahan gala ko indak balaku.

Istilah suku pado masyarakaik Minangkabau agak mambinguangkan di mato etnis lain di lua Minangkabau. Ado nan mangaratikannyo sabagai suku atau etnis, tapi ado juo nan mangaratikan istilah suku dalam kabudayaan Minang sabagai marga, sarupo marga pado suku Batak, Ambon, Toraja, jo Minahasa. Bagi urang Minangkabau, suku marupoan sub-klan nan diturunkan dari garih amak, indak patrilineal sarupo aturan marga pado suku Batak atau suku-suku lain di Indonesia. Bagi urang Batak atau Mandailing, kok inyo barasa dari marga nan samo, saroman samo-samo Sitorus atau Nasution, bararti basaudaro. Ateh dasa nan indak jauh babedo, pado masyarakaik Minangkabau, sasamo suku indak buliah manikah.

Dalam kaitannyo jo penamaan, ado sabagian keluarga Minang nan mangangkek namo suku sabagai namo belakang anak-anaknyo. Namun, sabagian lain baanggapan, mamakai namo suku atau marga akan mangilangan identitas Minangnyo, dek sebab maniru-niru kabiasaan urang Batak nan mamakai marga di belakang namonyo. Dek sebab tu lah penamaan samacam ko indak populer di kalangan masyarakaik Minangkabau.

Bahaso Minangkabau mampunyoi duo puluah bunyi konsonan, yaitu /p/, /b/, /t/, /d/, /c/, /j/, /k/, /g/, /?/, /s/, /z/, /h/, /m, /n/, /ñ/, /ŋ/, /r/, /l/, /w/, dan /y/, ditambuah duo bunyi lain nan ado pado namo, yaitu /š/ dan /x/. Bunyi /ñ/ jo /ŋ/ indak muncua di awal namo, kecuali sabagai kato sapaan nan manunjuakkan hubuangan kakarabatan. Untuak bunyi tatantu, bunyi /f/, /š/, jo /z/ cenderung dilafalkan manjadi /p/, /s/, jo /j/. Misalkan, pado namo ‘Arifin’, ado parubahan dari bunyi [f] manjadi bunyi [p] sahinggo nan punyo namo ko dipanggia jo sabutan ‘Pin’, atau pado namo ‘Safrizal’ nan dipanggia jo sabutan ‘Sap’.

Namo-namo urang Minangkabau nan babaun Arab, Eropa, Sanskerta, atau nan barasa dari suku lain nan bahasonyo babedo, akan mangalami panyasuaian jo sistem bunyi nan ado dalam bahaso Minangkabau. Gejala parubahan bunyi indak jarang mamuncuakan bunyi baru, yaitu bunyi diftong. Contoh: panggilan ‘Maik’ pado namo Rahmat; bunyi /mat/ sabagai bagian dari panggalan kato ‘mat’ barubah manjadi /maik/. Bunyi diftong pado umumnyo indak muncua pado namo panjang.




#Article 121: Wickiana (174 words)


Wickiana adolah karya Johann Jakob Wick dari Zurich (1522-1588) nan babantuak kumpulan dari halai-halai karateh gadang, nan dijilid manjadi 24 volume dan dibuek antaro 1560 jo 1587. Karya ko adolah suatu sumber pantiang dari maso reformasi protestan di Swiss.

Wick iduik kutiko Zurich barado di bawah kuaso Heinrich Bullinger, surang panaruih dari Huldrych Zwingli. Inyo baraja teologi di Tubingen, dan malayani sabagai pastor di Witikon, rumah sakik kota, jo Predigerkirche. Sudah tu inyo manjabaik sabagai kanon jo diakon agung kaduo di Grossmünster.

Halai-halai karateh Wick mulonyo basimpan di papustakaan biaro Grossmünster salapeh inyo manigga pado 1588. Koleksi ko lalu bapindah ka Zentralbibliothek Zürich pado 1836. Pado 1925, panyimpanan koleksi asali ko dek papustakaan dibagi antaro divisi manuskrip jo divisi cetakan awal. Koleksi cetakan awal saluruahnyo tadiri ateh 429 cetakan nan barasa dari koleksi Grossmünster asali (PAS II 1 - 24) ditambah sapuluah barang nan didapek balakangan (PAS II 25). Sadangkan bagian manuskrip manggunoan indeks papustakaan Ms F 12–35. Antaro 1997–2005, sabagian koleksi ko ditabikan dalam edisi reproduksi (facsimile) nan lah dilangkoki pulo jo komentar.




#Article 122: Sianok Anam Suku, Ampek Koto, Agam (195 words)


Sianok Anam Suku, ditulih juo Sianok VI Suku, marupoan salah satu nagari nan ado di kecamatan Ampek Koto, Kabupaten Agam, Sumatera Barat, Indonesia. Nagari ko di sabalah timur jo utara dipisahan dek Ngarai Sianok jo Kota Bukittinggi, di selatan babateh jo nagari Koto Gadang, dan di barat jo nagari Koto Panjang sato nagari Matua Hilia.

Nagari Sianok Anam Suku ko talatak di katinggian 926 m dari muko lauik, jo wilayah nagari barupo dataran, babukik jo lambah. Mato pancarian panduduaknyo nan utamo adolah badagang jo batani.

Tambo mangabaan bahaso bapindahnyo panduduak nagari Pariangan Padangpanjang ka luhak Agam balansuang dalam ampek rombongan. Salah satu dari rombongan nan baeko mambantuak pasakutuan nagari Ampek Koto, iyolah nagari-nagari Guguak, Tabek Sarojo, Sianok, jo Koto Gadang, maambiak jalan manguliliangi Gunuang Marapi, taruih ka Lasi, Balai Gurah dan Pasia Ampek Angkek, sampai Kurai Banuhampu lalu mamasuaki Bukittinggi, nan akianyo ado nan mambuek pakampuangan di Sianok. Nagari Sianok ko dipakiroan lah ado labiah kurang sajak abaik ka-16.

Nagari Sianok Anam Suku didirian dek panduduak asali nan asanyo dari anam suku, iyolah suku Tanjung, Singkuan, Jambak, Caniago, Sikumbang, jo Guci. Gala datuak panghulu sasuai sukunyo sabagai barikuik:

Nagari iko tabagi dek tigo jorong, yaitu:




#Article 123: Bukik Batabuah, Canduang, Agam (329 words)


Bukik Batabuah marupoan salah satu nagari nan ado di kacamatan Canduang, Kabupaten Agam, Sumatera Barat, Indonesia.

Asa Usua Nagari Bukik Batabuah Nagari bukik batabuah salah satu bagian dari 648 Nagari nan ado di sumatera barat jo 82 nagari nan ado di agam. Manyingguang tantang nagari adolah administratif tarandah dalam pamarintahan. Latak geografis bukik batabuah bagian barat gunuang Marapi bajarak 5 km dari kota Bukit tinggi. Bukik Batabuah takanal jo hasia gulo sirah (saka) disampiang batani sawah, pagawai jo padagang. Nagari di pimpin dek wali nagari nan di piliah sacaro demokratis dek warga atau panduduak nagari untuak maso jabatan 6 taun kamuko, dalam struktur pamarintahan nagari di bantu dek Wali Jorong, KAN, BAMUS, parik paga nagari jo bundo kanduang.
   Bateh wilayah Bukik Batabuah:

   Timua babateh   : Nagari Lasi Kacamatan Canduang.
   Salatan babateh : Nagari Sungai Pua Kacamatan Sungai Pua.
   Baraik babateh  : Nagari Kubang Putiah Kacamatan Banuhampu.
   Utara babateh   : Nagari Batu Taba Kacamatan Ampek Angkek.
Nagari Bukik Batabuah didirikan partamo kali dek Niniak Mamak Indu Nan Tangah Limo Puluah. Sadangkan nan manjadi Panitianyo adolah Angku Nan Tigo Baleh. Inyo mampunyoi susunan asli badasarkan hak asa usua nan basifaik istimewa. Susunan dimakasuik tadiri dari babarapo suku gadang sabagai barikuik:

Namo Bukik Batabuah barasal dari namo duo wilayah yaitu wilayah Bukik nan dihuni dek Nan Sambilan Suku sadangkan wilayah nan cieknyo lai adolah Batabuah nan dihuni dek Nan Ampek Suku. Bagian wilayah di lua itu disabuik Kubu yaitu: Kubu Alam, Kubu Cumantiang, Bareco, Andaleh, Kubu Sarunai, Kubu Panjang, Kubu Nan Duo, Kubu Pudiang, Kubu Apa, Kubu Lado, Kubu Rakik, Kubu Baringin jo lain lainnyo.

Angku Nan Tigo Baleh adolah Niniak Mamak nan manjadi Panitia dalam proses alek batagak pangulu, malewakan gala, mambangkik batang tarandam, manyaruakkan baju Nan balipek di marawa Nan tagak, di tanduak Nan tabanam, di darah Nan talayau, dagiang Nan balapah. Panitia tasabuik disabuik juo jo Juaro nan tadiri dari:

Sumber: buku Adat Sarato Limbago sebagai perekat silaturahmi oleh D. St. Tumanggung (unsur Ninik Mamak Bamus Nagari Bukik Batabuah)




#Article 124: Akabiluru, Lima Puluh Kota (105 words)


Akabiluru adolah salah satu kecamatan nan ado di Kabupaten Lima Puluh Kota, Sumatera Barat, Indonesia. Kecamatan nan sabalunnyo adolah sabagian dari wilayah Kelarasan Koto Nan Bunta Batu Hampa iko dibantuak badasarkan Perda No. 14  Taun 2001 dan dirasmian pado 22 Januari 2002. Kecamatan iko melingkupi tujuah nagari, iyolah Koto Tangan, Batu Hampar, Sariak Laweh, Sungai Balantik, Suayan, Pauh Sangik, dan Durian Gadang.

 Bateh Kecamatan sabagai barikuik : Sebelah Utara jo Kecamatan Payakumbuh dan Guguak, Selatan jo Kabupaten Agam,  Timur jo Kecamatan Situjuah Limo Nagari dan  Barat jo Kabupaten Agam. Ibu Kota Kecamatannya adolah Padang Laweh-Nagari Sariak Laweh nan berjarak 26 Km dari Ibu Kabupaten Sarilamak.




#Article 125: Gunung Omeh, Lima Puluh Kota (426 words)


Gunuang Omeh () adolah sabuah kecamatan di Kabupaten Lima Puluh Kota, Sumatera Barat, Indonesia dan baibu kota di Koto Tinggi. Kecamatan ko baru tabantuak pado taun 2006. Sabalunnyo basamo Kecamatan Suliki mambantuk Kecamatan Suliki Gunuang Omeh. Kecamatan iko tanamo sabagai pangasia limau siam gunuang omeh (biaso disabuik jesigo; jeruk siam gunuang omeh), kawasan tambang ameh Manggani, dan juo taleso manjadi salah satu dari salapan tampek di Sumatera Barat nan manjadi ibu kota Republik Indonesia pado maso Pamarintahan Darurat Republik Indonesia (PDRI).

Kecamatan Gunuang Omeh mampunyoi laweh wilayah 156,54 km² dan talatak pado katinggian 700-1100 mdpl. Jarak dari ibu kota kecamatan jo ibu kota kabupaten yaitu sajauah 53 km.

Nagari talweh yaitu Nagari Koto Tinggi salaweh 74,00 km² dan nan takaciak yaitu Nagari Talang Anau salaweh 18,54 km².

Kecamatan Gunuang Omeh alah maalami ampek kali panggantian camat sajak badiri dari taun 2006 jo pusek pamarintahan di Koto Tinggi. Kecamatan Gunuang Omeh tadiri ateh tigo nagari jo 17 jorong, nagari-nagari tasabuik yaitu:

Kecamatan Gunuang Omeh mampunyoi tigo pasa atau biasa disabuik pokan (Dialek Padang: pakan, dek hanyo bukak sakali sapakan) atau balai, yaitu Pasa Kasiak Kuduang pado Ari Kamih, Pasa Talang Anau pado Ari Sinayan, jo Pasa Koto Tinggi pado Ari Satu.

Komoditi tani unggulan di Kecamatan Gunuang Omeh adolah limau siam gunuang omeh. Pado taun 2017, produksi limau dari kecamatan iko mancapai 24.600 ton. Salain limau, komoditas lain nan cukuik gadang dihasilkan yaitu padi, jo laweh area sawah nan ado mancapai 923 ha jo produksi mancapai 9.706 ton.

Di bidang taranak, binatang nan ditaranakkan di Kecamatan Gunuang Omeh di antaronyo jawi, kambiang, kabau, ayam kampuang, jo itiak.

Tambang ameh marupokan hasil tambang nan tanamo dari Gunuang Omeh, tapeknyo di kawasan Manggani nan talatak di hutan suaka Jorong Pua Data, Nagari Koto Tinggi. Pado mulo abaik ka-19, kawasan Manggani taleso dikalola padok panambangannyo dek Balando dan dilanjuikan dek Amerika Serikat inggo mampunyoi baragam fasilitas bak cando kota. Namun, panambangan gadang di area tasabuik alah ditinggakan sajak 1930-an. Kini hanyo panambangan ameh sacaro ilegal nan dilakukan dek panduduak satampek sajo nan bajalan dek lokasi panambangan nan ado di hutan suaka. Potensi biji ameh nan takanduang di kawasan Manggani dipakirokan mancapai 900.000 ton jo logam murni 5,85 ton. Takaik jo itu, pamarintah mulai maningkekan pangawasan pado kawasan tasabuik, talabiah panah tajadi padok panambangan nan malibaikkan warga nagara asiang (WNA).

Salain itu, galian lain nan dihasilkan di Gunuang Omeh yaitu batu jo kasiak. Hasil galian batu gunuang di Nagari Pandam Gadang biaso diproduksi manjadi batu asah.

Tampek-tampek pantiang nan manjadi objek raun, budayo, jo sijarah di Kecamatan Gunuang Omeh di antaronyo:




#Article 126: Pahlawan Nasional Indonesia (317 words)


Pahlawan Nasional Indonesia adolah pangaragoan tingkek paliang tinggi dari pamarintah Republik Indonesia. 

Pangaragoan Pahlawan Nasional ko dibari dek pamarintah Indonesia untuak tindakan nan dianggap heroik, nan dapek diingek, dan dicontoh dek sadoalah warga negara  atau khidmat nan istimewa untuak mamajuan kapantiangan negara jo masyarakat. 

The legal framework for the title, initially styled National Independence Hero (), was established with the release of Presidential Decree No. 241 of 1958. The title was first awarded on 30 August 1959 to the politician turned writer Abdul Muis, who had died the previous month. This title was used for the rest of Sukarno's rule. When Suharto rose to power in the mid-1960s, the title was given its current name. Special titles at the level of National Hero have also been awarded. Hero of the Revolution () was given in 1965 to ten victims of the 30 September Movement that resulted in end of Sukarno reign, while Sukarno and former vice-president Mohammad Hatta were given the title Proclamation Heroes () in 1988 for their role in reading the Proclamation of Indonesian Independence.

Kamantarian Sosial manantuan tujuah kriteria nan harus dipanuahi oleh surang calon Pahlawan Nasional, yaitu:

Nominations undergo a four-step process and must be approved at each level. A proposal is made by the general populace in a city or regency to the mayor or regent, who must then make a request to the province's governor. The governor then makes a recommendation to the Ministry of Social Affairs, which forwards it to the president, represented by the Board of Titles (); this board consists of two academics, two persons of a military background, and three persons who have previously received an award or title. Those selected by the president, as represented by the Board, are awarded the title at a ceremony in the Indonesian capital of Jakarta. Since 2000, the ceremony has occurred in early November, coinciding with Indonesia's Heroes' Day ().




#Article 127: Koto Rajo, Rao Utara, Pasaman (152 words)


Koto Rajo adolah salah satu nagari nan ado di kecamatan Rao Utara, Kabupaten Pasaman, provinsi Sumatera Barat, Indonesia.

Namo Koto Rajo barasa dari rajo nan datang dari karajaan Pagaruyuang nan dijapuik untuak disambah atau dijadikan rajo sainggo. Nagari ko dijadikan tampek bamukimnyo rajo tasabuik. Adopun rajo/pucuak adaik nan dijapuik jo disambah tu adolah Rajo Tumangguang nan mampunyoi 4 datuak untuak mamimpin 4 suku/kaum nan ado di Koto Rajo, di antaronyo:

Tasabuik Ranah Minangkabau, tigo luak rang katokan. Tanah data jo Luak Agam katigo jo Luak Limo Puluah Koto. Luak Tanah Data, nan babatu babungo satangkai, basungai kayu tarok, bakampuang dibaliak labuah, banamo sidusun tuo, balimo kaum nan disinan. Limo kaum 12 koto, 9 koto didalam 12 koto di lua. Batabek basawah tangah, sawah gadang satampang baniah makanan urang tigo luak. Ujuang labuah Tanjuang Sungayang, Bapintu ka Sungai Patai bajanjang ka KOTO RAJO. Iko lah isi tambo asali makonyo koto rajo nan tasabuik. 




#Article 128: Batang Kapas, Pesisir Selatan (175 words)


Batang Kapas adolah sabuah kecamatan nan ado di Pesisir Selatan, Sumatera Barat, Indonesia.

Batang Kapas atau Batang Kapeh marupokan salah satu dari 12Kecamatan nan ado di Kabupaten Pesisir Selatan nan talatak hampiah dipatangahan, babateh joKecamatan IV Jurai Painan di sabala utara dan jo kecamatan Sutera di sabalah selatan, jo kondisi alam nan indak jauah babeda jo Pasisie Salatanumumnyo. Dengan lueh wilayah 359,07 km2 mampunyoi jumlah panduduak 30.038 jiwa tadiri dari 14.911 laki-laki dan 15.127  padusi jo kapadatan 64 jiwa/km2. Terdiri dari 3 wilayah Karapatan Adat Nagari yaitunyo IV Koto Hilie, Nagari IV Koto Mudiak dan nagari Taluk tapi punyo 5 kanagarian sabagai wilayah administrasi pamerintahan, kareno Nagari IV Koto Hilie Kec. Batang Kapas alah mangalami pemekaran jo 2 pamerintahan nagari baru yaitunyo kanagarian Koto Nan Duo IV Koto Hilie dan kanagarian Koto Nan Tigo IV Koto Hilie. Dalam wakatu dakekt akan ado lai  pamekaran pamerintahan nagari.

Batang Kapeh, jo lintang -1,48 (1 ° 28 '60 S) dan bujur 100,6 (100 ° 35' 60 E), adolah (aliran) hidrografi talatak di Indonesia nan marupokan bagian dari Asia.




#Article 129: Koto XI Tarusan, Pesisir Selatan (302 words)


Koto XI Tarusan adolah sabuah Kecamatan nan ado di Kabupaten Pesisir Selatan, Sumatera Barat, Indonesia.

Kato Tarusan sacaro harfiah bararti tarusan dikaranoan wilayah Tarusan ko talatak pado jalua tambuak dari Painan manuju kota Padang di utara.

Sabagian banyak nenek moyang Tarusan barasal dari Nagari Guguak (kini ), jo sabagian ketek marupokan ekspansi dari nenek moyang urang Bayang tarutamo di sakitar Api-api.

Sijarah tabantuaknyo Nagari Koto XI Tarusan labiah dulu dibandiangkan jo tabantuaknyo  Nan VII jo Nagari  VIII Suku tamasuak  jo  bahkan sabagian panduduak kota Padang kini marupokan panyabaran dari katurunan urang Tarusan. Dahulu di Koto XI Tarusan tadapek sabuah karajaan tuo banamo  nan samulo bapusat di Nagari , nan masih marupokan karabaik dari  jo . Kamudian pusat karajaan bapindah ka Tarusan kini, arah ka muaro sungai Batang Baruih atau dikanal juo Batang Tarusan.

Panamoan Koto XI Tarusan awalnyo tadapek sabaleh  di karajaan ko nan juo barasal dari sapuluah banda atau Banda Sapulu nan awal. Namun kamudian namo  digunoan untuak manyabuik wilayah antaro  jo  di kamudian hari, nan marupokan wilayah parluasan dari .

Di sapanjang kacamatan ko masih banyak ditamui rumah-rumah tradisional berarsitektur Kajang Padati sarupo nan ditamui di pakampuangan di kota .

Disabuik Koto XI Tarusan karano awalnyo wilayah kacamatan ko asalnyo tadiri dari sabaleh koto, nan kini adolah:

Barikuik marupokan bateh wilayah kacamatan Koto XI Tarusan.

Alamaik kantua kacamatan:

Kacamatan Koto XI Tarusan maliputi sajumlah nagari barikuik:

Pado taun 2003 tacatat jumlah panduduaknyo sabanyak 23.949 urang.

Di Kacamatan ko tadapek banyak objek wisata, diantaronyo pantai Batu Kalang jo pantai Taluak Sikulo, pantai Mandeh jo babarapo objek wisata lainnyo.

Salain itu, Kacamatan iko juo marupokan daerah panghasil  tarutamo di nagari Baruang-Baruang Balantai, Baruang-Baruang Balantai Salatan jo Nagari Siguntua (Siguntur), ikan didaerah pantai sarupo di Nagari Ampang Pulai.

Daerah kacamatan iko juo panghasil padi jo daerah paternakan nan sangaik bakambang sarupo taranak jawi,




#Article 130: Stefanie Sun (129 words)


Stefanie Sun Yanzi (孙燕姿 pinyin: sun yanzi; ) adolah saurang penyanyi Singapura nan populer. Inyo kabanyakan manyanyian lagu-lagu babahaso Mandarin, walaupun juo alah mangaluaan sabuah babahaso Inggirih.

Yanzi basakolah di St Margaret's Secondary School and Raffles Girls' School sabalun malanjuikkan pandidikan di Universitas Teknologi Nanyang. Apaknyo adolah saurang profesor di universitas tasabuik dan ibunya adolah saurang guru. Debutnyo dimulai pado Juli 2000 jo kaluanyo album Pardanonyo bajudua 孫燕姿 (Sun Yanzi). Kini ko inyo dapek disabuikk sabagai panyanyi nan paliang populer di Singapura, sabagai satu dari saketek panyanyi Singapura nan alah mamanangan penghargaan bagengsi dalam dunia musik Mandarin.

Sapanjang karier musiknyo, inyo alah manarimo labiah dari 33 penghargaan. Salain itu, Yanzi juo alah duo kali tapiliah manyanyian lagu tema untuak parayaan Hari Kabangsaan Singapura, iyolah pado taun 2002 sarato 2003.




#Article 131: Limo Kaum, Lima Kaum, Tanah Datar (221 words)


Limo Kaum adolah salah satu nagari nan tamasuak ka dalam wilayah kecamatan Lima Kaum, Kabupaten Tanah Datar, Provinsi Sumatera Barat, Indonesia. Nagari iko talatak di dakek Batusangkar, ibu kota dari Kabupaten Tanah Datar. Nagari iko sacaro bantangan alamnyo barado didaerah katinggian (bukit) jiko dibandingan jo daerah disakitaranyo. Sahinggo diparkiroan pado kawasan daerah iko dahulunyo marupoan daerah patahanan (kubu). Salain itu, pado zaman Balando indak jauah dari daerah iko pernah juo dibuek sabuah patahanan Balando nan disabuik namonyo jo Fort van der Capellen atau nan kiniko berubah namo menjadi Batusangkar.

Dalam sajarahnyo, di Nagari Limo Kaum ikolah diputuihan pandapek dek Datuak Perpatiah Nan Sabatang jo Datuak Katumangguangan untuak mambantuak sistem Kelarasan (pamarintahan) Bodi Caniago jo Koto Piliang nan kaduonyo sampai kiniko masih dipakai sabagai sistem adaik di MinangKabau.

Nagari Limo Kaum iko punyo situs Cagar Budaya Batu Basurek nan barado di Jorong Kubu Rajo yang marupoan paninggalan Rajo Aditiawarman, Tadapek juo Batu Batikam di Jorong Dusun Tuo nan disabuik sabagai prasasti ikrar kato sapakaik manjalankan sistem Kelarasan Bodi Caniago dan Koto Piliang antaro Datuak Perpatiah Nan Sabatang jo Datuak Katumangguangan. Salain tu ado pulo Cagar Budaya Musajik Raya Nagari Limo Kaum nan picayoi sabagai salah satu musajik tatua di Kabupaten Tanah Datar dan ado pulo sabuah Rumah Gadang paninggalan Angku Datuak Bandaro Kuniang (Pucuak Bulek Bodi Caniago Limo Kaum Duo Baleh Koto).




#Article 132: Kubu Rajo, Limo Kaum, Lima Kaum, Tanah Datar (128 words)


Kubu Rajo adolah salah satu jorong nan ado di nagari Limo Kaum, kecamatan Lima Kaum, Kabupaten Tanah Datar, Provinsi Sumatera Barat, Indonesia.

Sacaro adaik, Kubu Rajo adolah salah satu di antaro Limo Kaum Tuo (
Dusun Tuo, Balai Batu, Kubu Rajo, Tigo Tumpuak, jo Balai Labuah).

Dalam tatanan adaik Minangkabau, Kubu Rajo adolah tampek kaduduakan Pucuak Bulek Lareh Bodi Caniago, iyolah Datuak Bandaro Kuniang dari Suku Sumagek, nan disabuik pulo sabagai Rajo Limo Kaum. Kubu Rajo mamakai adaik Bodi Caniago (duduak samo randah, tagak samo tinggi).

Ado tigo suku di Kubu Rajo, sahinggo disabuik pulo Kubu Rajo Tigo Sandiang, yakni: 

Kubu Rajo manjadi tampek kaduduakan Pucuak Bulek Bodi Caniago, iyolah Datuak Bandaro Kuniang dari Suku Sumagek Lurah. Angku Dt. Bandaro Kuniang ko disabuik pulo sabagai Rajo Limo Kaum.




#Article 133: Padang Ganting, Tanah Datar (131 words)


Padang Gantiang adolah sabuah kecamatan nan talatak di Kabupaten Tanah Datar, Sumatera Barat, Indonesia. Satalah bakambangnyo Islam di nagari ko, barikuiknyo nagari ko juo mambawo parubahan dalam sistem pamarintahan di Karajaan Pagaruyung, di mano dalam Tambo disabuikan di nagari ko bakadudukan salah saurang dari Basa Ampek Balai (Ampek Menteri Utamo) yaitu nan dikanal jo Tuan Kadhi di Padang Gantiang nan manggeser kadudukan Tuan Gadang di Batipuh[1].

Sabagian gadang mato pancarian panduduak di Nagari Padang Gantiang adolah bakarajo sabagai petani, jo bacocok tanam di sawah maupun mangolah ladang. Salain mananam padi, masyarakaik juo mananam lado, kacang jo jaguang. Masyarakaik di nagari ko juo mananam karambia, karet jo limau kapeh. Jo sabagian ketek panduduak ado nan badagang maupun manjadi pagawai baik di pamarintahan maupun swasta.

Kecamatan Padang Ganting, Kabupaten Tanah Datar, Sumatra Barat




#Article 134: Mandau, Bengkalis (136 words)


Mandau adolah marupoan kecamatan di |kabupaten Bengkalis, provinsi Riau, Indonesia.

Panamoan Mandau pado daerah ko indak talapeh dari sijarah urang Sakai nan mauni rimbo-rimbo di kecamatan ko. Mulonyo ado rombongan dari Pagaruyuang nan manaruko kampuang di dareah ko nan wakatu tu masih rimbo. Rombongan ko bajumlah 190 urang nan tadiri ateh 189 jando nan dipimpin dek ciek dubalang. Rombongan ko kudian sampai di tapi batang aia nan dinamokan subagai Batang Biduando. Biduando barasa dari kato bidu nan aratinyo kapalo rombongan sarato ando dari kato jando, sainggo aratinyo sungai dari rombongan jando jo dubalang. Nan samakin lamo, panamoan daerah ko maalami parubahan bunyi manjadi Mandau.

Pandapek kaduo mangatokan baso Mandau barasa dari makanan urang Sakai. Namo makanan tasabuik adolah Marandau campuran nasi jo ubi kayu nan manjadi makanan pokok urang Sakai. Marandau kudian barubah bunyi manjadi Mandau.




#Article 135: Pariangan, Pariangan, Tanah Datar (473 words)


. 

Pariangan adolah sabuah nagari nan talatak di kecamatan Pariangan, Kabupaten Tanah Datar, Provinsi Sumatera Barat. Nagari ko talatak di lereang Gunuang Marapi, katinggian 500-700 meter di ateh pamukaan lauik. Manuruik Tambo Alam Minangkabau, Pariangan adolah nagari nan paliang tuo di Ranah Minang.

Nagari iko tamasuak nan paliang dalam manjago ̻Rumah Gadang, sahinggo sampai kini masih banyak basobok nan tajago elok. Di nagari iko juo masih basobok surau, nan masih manjadi tampek tingga basamo untuak laki-laki nan alun manikah.

Pado bagian tangah dari nagari iko masih tagak sabuah masajik tradisional nan cukuik gadang nan dipakirokan alah ado di awal abaik kasambilan baleh, di mano pado masajik tasabuik tadapek tampek mandi umum baraia angek nan masih digunokan sampai kini. Di Nagari iko juo tadapek situs cagar budayo baru Tungku Tigo Sajarangan.

Pado Mei 2012, Nagari Pariangan tapiliah sabagai salah satu dari limo desa tarindah di dunia versi Budget Travel, sabuah majalah pariwisata internasional.

Nagari Pariangan talatak di Lereng Gunuang Marapi, tapeknyo di Kecamatan Pariangan, Kabupaten Tanah Datar, Provinsi Sumatra Barat. Lokasinyo bajarak 95 kilometer dari Kota Padang, 35 kilometer dari Kota Bukiktinggi. Nagari Pariangan talatak di antaro Kota Batusangkar jo Padang Panjang. Nagari Pariangan mampunyoi lueh sakitar 17,97 kilometer pasagi.

Nagari Pariangan mampunyoi Kaindahan nan sangaik asri, dipajalanan Nagari Pariangan banyak tadapek sawah nan subua sarato batang kayu nan rimbun, satiok bajalan satiok itu pulo basarobok jo rumah gadang.

Indak hanyo rumah-rumah nan manjadi daya tariak desa Nagari Pariangan. Masajik Ishlah nan dibangun pado abaik ka-19 pun turuik maundang pangunjuang. Bangunan tatuo nan dibangun dek Syekh Burhanuddin nan marupokan saurang ulama di Minang nan indak maadopsi rumah gadang sabagai arsitektur atoknyo, malainan arsitekturnyo manyarupoi kuil-kuil di Tibet. Masajik tuo ko alah maalami renovasi sabanyak duo kali, pado taun 1920 jo 1994. Nan samakin mambuek masajik ko unik adolah Pancuan Aia Angek langsuang dari Gunuang Marapi. Aia ko dapek digunoan dek umaik Muslim untuak mansucian diri. Pancuan ko dianggap sabagai sabuah barokah dek masyarakaik Nagari Pariangan.

Nagari Pariangan manjadi desa pertanian partamo di Minang, kasuburan tanahnyo indak paralu diraguan baliak. Batani manjadi sumber pangan masyarakaik Nagari Pariangan. Untuak manghormati  laluhua sarato jo manjunjuang tinggi paninggaan sijarah, sapetak sawah dijadian situs paninggalan.  Sawah Gadang Satampang Baniah nan marupokan sawah partamo nan dibukak dek Datuak Tantajo Garhano (leluhua masyarakaik Minang) nan dijadian cagar budayo dek masyarakaik satampek. Itu marupokan sabuah bukti kalau masyarakaik Nagari Pariangan sangaik manghormati situs-situs basijarah warisan dari  leluhua. Sawah partamo tasabuik talatak di ujuang jalan utamo Jorong Pariangan.

Ado nan rancak di Nagari Pariangan, Makam Datuak Tantajo Garhano nan marupokan situs sijarah di wilayah Jorong Pariangan. Uniknyo, indak sarupo makam lain, makam tokoh adaik ko taruih barubah panjang jo lebanyo satiok diukua. Masyarakaik dalam menjago tampek paristirahatan tarakhia tokoh adaik ko, mambuek area makam labiah rancak disabuik taman. Tapi, karano makam tasabuik adolah wilayah sakral, jadi pangunjuang hanyo dapek maliek dari lua paga.




#Article 136: Sikaladi, Pariangan, Pariangan, Tanah Datar (149 words)


Sikaladi adolah salah satu jorong nan talatak di nagari Pariangan, kecamatan Pariangan, Kabupaten Tanah Datar, Provinsi Sumatera Barat,
pado umumnyo panduduak sikaladi adolah patani, padagang,sambia batani badagang iyo pulo,dari jumlah panduduaknyo sakitar 1500 jiwa seharusnyo lah jadi nagari surang tapi masyarakatnyo anggan kalua dari nagari pariangan.suku pisang,koto,malayu, dalimo panjang,dalimo singkek jo Sikumbang adolah suku-suku masyarakaik nan mahuni joroangko.
Hampia 30%
masyarakaiknyo marantau, nan tasebar di daerah Riau, jambi jo jakarta adolah dominasi parantau sikaladi.
Adopun tokoh perantau sikaladi nan paliang banyak dikenal urang adolah , safrudin pakiah sutan di bangkinang, haji datuak garang, haji armi, dasman sidi batuah, haji anwar, Syaifullah-katik di jakarta.
Tokoh masyarakaik sikaladi di bidang ulama dan pamarentahan adolah , Prof. Syamsul bahri khatib (mantan katuo MUI Sumbar periode 2010-2015).
H. Afdal S.Si, Apt ( Katuo Dewan Pimpinan Daerah PKS dan anggota dprd kota sawahlunto).
Saidani sp (anggota dprd tanah  datar).
Sultani st (anggota dprd sumbar).




#Article 137: Sate Padang (286 words)


Sate Padang adolah istilah untuak makanan khas Minangkabau nan tabuek dari dagiang nan dipotong ketek sarato diagiah kuah padeh di atehnyo. Ado baragam jinih Sate Padang, di antaranyo Sate Padang Panjang, Sate Padang Pariaman, Sate Biaro, jo Sate Danguang-Danguang.

Sate Padang mamakai bahan dagiang jawi, lidah, atau jerohan (jantuang, usus, jo tetelan) jo bumbu kuah kacang kental (mirip bubua) ditambah lado nan banyak sahinggo rasonyo padeh.

Pado umumnyo sate iko tabagi duo manuruik jinih kuahnyo yaitu, Sate Padang Panjang jo Sate Padang Pariaman. Patamo adolah Sate Padang Panjang, jinih sate iko nan umum dijumpoi jo kuahnyo nan kuniang, sadangkan sate Padang Pariaman (dipasingkek jadi Sate Pariaman) kuahnyosirah.

Ado varian lain salain kaduo jinih sate tasabuik. Ado Sate Biaro jo Sate Danguang-Danguang. Sate Biaro adolah sate nan baasa dari Biaro, Kab. Agam nan punyo ciri khas dilumuri jo dadiah sabalun . Sadangkan Sate Danguang-Danguang adolah sate nan baasa dari Danguang-Danguang, Nagari Guguak VIII Koto, Kec. Guguak, Kab. 50 Kota, nan punyo ciri khas kuah bawarna kuniang  pucaik dek diagiah santan, babedo jo Sate Padang Panjang nan indak diagiah santan.

Dagiang segar dimasuakkan dalam drum gadang baisi aia jo diabuih duo kali supayo lunak mamakai drum aia nan babedo. Dagiang diirih-irih , dilumuri jo rempah-rempah. Samantaro aia abuihan dipakai sabagai kuah kaldu, bahan mambuek kuah sate. Lalu kuah kaldu ko dicampua jo 19 macam bumbu rempah-rempah nan alah dihaluihan (bawang merah, bawang putiah, kunyik, jahe, jo sarai) dicampua jo babagai macam lado. Sadoalah bumbu kamudian dijadian satu, dimasak salamo limo baleh minik. Rempah-rempah ko lah nan mambuek raso kuah sate manjadi kayo raso nan malimpah,.

Satenyo itu surang hanyo dibaka katiko dipasan, mamakai arang dari tampuruang karambia. Dimakan dalam kaadaan angek, biasonyo ditambuah jo karipiak balado khas Padang.




#Article 138: Fann Wong (841 words)


Fann Woon Fong (; lahia 27 Januari 1971), labiah dikenali sabagai namo samaran Fann Wong, adolah saurang padusi, penyanyi jo mode Singapura.

Fann is an enchanting new film presence. Clearly modelled after Zhang Ziyi of Crouching Tiger, Hidden Dragon, she combines a dancer's grace with a fighter's speed, and looks great standing still or whirling.

The Hollywood Reporters David Hunter noted that Fann was more than equal to playing the strong woman fighter who's also pretty darn cute, while John Keenan of the Omaha World-Herald stated that Fann's stunt work is actually more memorable than Jackie Chan's here. In Hong Kong, the South China Morning Post stated that she seems set to displace Lucy Liu as Hollywood's Asian babe du jour. She was subsequently nominated under the Best Fight category in MTV Movie Awards 2003, and in 2004, won the Singapore Street Festival's Best International Artiste Award.

In 2004, Fann continued acting in China period dramas such as Moon Fairy and My Fair Lady. She also starred in a Singapore serial on the SARS epidemic titled Always On My Mind, which won her a Best Actress nomination at the 2004 Star Awards. In mid-2004, Fann was cast in the lead role in the German-Singapore telemovie, House of Harmony. In late 2004, Fann released her first publication, a semi-autobiographical comic book Girl Illustrated. After a musical hiatus of five years, she released her first compilation, In Love With You.

In April 2005, Fann was invited to the Cannes MIPTV Media Market where she promoted House of Harmony and discussed possible collaborations with European industry professionals. House of Harmony has since been telecast in Germany, Austria, France and Belgium to a combined prime-time viewership of over 80 million. That same year, Fann took on a lead role in a Taiwanese art-house romance film, Dragon Eye Congee, which was nominated for five categories at the inaugural Asian Festival of First Films.

In August 2005, she made her voiceover debut in Singapore's first 3D animation film, Zodiac, The Race Begins, which was released in early 2006. Furthermore, she also contributed her songs for the soundtracks of the movie.

In November 2006, Fann made her first promotional visit to Phnom Penh, Cambodia. She performed at the Tonle Sap Water Festival Mega Concert and visited the Krousar Thmey blind school, where she donated cassette recorders and biscuits.

In early 2007, Fann signed a management contract with China's Huayi Brothers. Fann also became the first Singaporean artiste to release a self-illustrated 3G animation titled Fanntasy World.  The release of her Singapore film, Just Follow Law, in which she had to play an uncouth and scruffy man in a woman's body, was a major attraction at the Chinese New Year box office and won her critical acclaim in the Singapore and Malaysian media. 

In 2008, she was invited to be a judge at 6th spirit of fire international film festival which was held in Russia. Ah Long Pte Ltd reached #1 in both Singapore and Malaysia's box office during the Chinese new year. Later, the film Dance of Dragon that she paired with Korean hunk Jang Hyuk led her to win her 1st international best actress at West Hollywood International Film Festival.

In 2009, Fann starred with then-boyfriend Christopher Lee in The Wedding Game. The movie won the best feature film at the 1st international comedy film festival held in Thailand. In June, she finished her new Chinese movie yi bu liu shen (English title to be announced). In September, she filmed romantic movie lan se shi che ju starring with Alex Fong and Chang Chen in Hainan. Both of them will be on the sreen in late of 2010. She filmed another comedy film Happy Go Lucky which was shown during the Chinese New Year.

Fann has been romantically involved with Malaysian actor Christopher Lee since late 2002, although the pair only admitted their relationship in mid-2005. She has had only one prior romance — an 11-year relationship with businessman Anthony Chan. 

Fann and Lee have collaborated eight times in television productions, and have played lovers in six of these. The 2004 Star Awards saw colleagues Chew Chor Meng, Zoe Tay, Huang Biren and Mark Lee attempting to out their romance, while Zoe Tay urged Lee to propose to Fann at the 2005 Star Awards. After Fann and Lee publicly admitted to their relationship in mid-2005, they were seldom seen together. However, in December 2006, they walked together hand-in-hand down the blue carpet of the 2006 Star Awards ceremony. The gesture was noted by the Singapore media as a rare public acknowledgement of their relationship.  	 
			
In September 2008, it was rumored she would be marrying Christopher Lee. They finally got married on May 16, 2009. They were together for 8 years before they were officially married. Fann's hobbies include illustrating comics, shopping, and eating.--

Fann juo adolah panarimo anugarah popularitas Star Awards Singapura dari 1995 sampai 2004 (berjudul ' Top 10 Most Popular Female Artistes '). Ini menjadikan Fann penerimo anugarah Artis Kegemaran Sepanjang Masa Star Awards 2005.




#Article 139: Tunku Abdul Rahman (246 words)


Yang Teramat Mulia Tunku Abdul Rahman Putra Al-Haj () adolah Perdana Menteri Malaysia pertama. Tunku Abdul Rahman adolah putra dari Sultan Abdul Halim Halimshah, Sultan Kedah nan ka-24.

Dilahiakan ko Istana Tiga Tingkat, Alor Setar, Kedah nan labiah dikenal sabagai Istana Pelamin, Tunku marupoan anak lelaki nan katujuah jo anak nan kaduo puluah pado Sultan Abdul Hamid Halim Shah , Sultan Kedah nan ka-24. Ibunya Cik Menyelara, saurang istri Sultan Abdul Hamid nan indak berdarah gahara, adolah anak padusi Luang Naraborirak (Kleb), saurang pajabaik daerah Thailand. Kalahiran Tunku disambut sacaro biaso sajo dek beliau bukan bakal pengganti Sultan Kedah. Pengganti Sultan Kedah, Sultan Badlishah bin Sultan Abdul Hamid, alah barumua 30 taun sangkek itu.

Ketika ketek , Tunku disabuik Awang dek rupo parasnya nan indak sesegak adik-beradiknya nan lain. Inyo bebas bamain di lua istana jo pernah mambantuak tim sepak bola ko desanya. Tunku biaso mengendap buruang jo melastik, sarato bamain lumpur sampai inyo menderita penyakit puru di kakinya.

Tunku mamulai pandidikannyo pado taun 1909 pado sabuah sakola dasar Melayu di Jalan Baru, Alor Setar. Dek Biaso ba bahaso Siam di rumah e, baliau baraja bahaso Malayu ko di sakolah nan tasabuik. Ado pulo Guru nan datang ka rumahnyo untuak maajaan bahaso Inggirih. Tunku sataruihnyo pindah ka sabuah sakolah pamarintah bahaso Inggirih nan kini disabuik Kolej Sultan Abdul Hamid. Di siten, baliau bara di sakolah di wakatu tangah hari dan mangaji Al-Quran di wakatu sanjo.
Tuanku Abdul Rahman Pernah Manjadi Katua Malaysia dalam konfrontasi Indonesia Malaysia




#Article 140: Lawang Mandahiliang, Salimpaung, Tanah Datar (106 words)


Lawang Mandahiling adolah salah satu nagari nan tamasuak ka dalam wilayah kecamatan Salimpaung, Kabupaten Tanah Datar, Provinsi Sumatera Barat, Indonesia. Nagari ko talatak di dakek Batusangkar, ibu koto dari kabupaten Tanah Datar.
Lataknyo dilereng gunuang marapi pas di puncak nan tatinggi iyolah puncak merpati. 
Terdiri dari babarapo suku, saroman Kutianyia,kampuang dalam, parit cancang, payo bada, malayu, dan lain-lain.
Disiko tadapek rumah gadang nan alah baumua labiah 100 tahun, tapeknyo dibangun taun 1887 M. Rumah gadang ko ba ukia muko jo balakang dan masih asli kasadonyo.Rumah gadang ko talatak di jorong lawang di tapi jalan sabalum MTsN lawang mandahiling, dan acok diliek samo wisatawan lokal dan mancanegara.




#Article 141: Galogandang, Tigo Koto, Rambatan, Tanah Datar (1348 words)


Galogandang adalah salah satu jorong yang terletak di nagari Tigo Koto, Kecamatan Rambatan, Kabupaten Tanah Datar, Provinsi Sumatera Barat, Indonesia.				

Masyarakat Galogandang menganggap bahwa nenek moyang mereka  berasal dari daerah pusat perkembangan adat Minangkabau yaitu Pariangan.  Bahkan, mereka merasa bagian dari daerah Pariangan. Hal ini sejalan dengan kenyataan bahwa Jorong Galogandang dan Pariangan menganut laras yang sama yaitu Laras Nan Panjang. Laras atau Lareh (yang disebut dalam bahasa Minang) di Minangkabau digunakan untuk menentukan sistem adat dan pemerintahan. Ada tiga kelarasan yang dipakai oleh masyarakat Minangkabau, yaitu Koto Piliang, Bodi Caniago dan Laras Nan Panjang.  Daerah Laras nan Panjang adalah seiliran batang Bangkaweh yang dimulai dari daerah Guguak dikaki gunung Marapi Utara sampai dengan Bukit Tambasi Selatan yang meliputi Guguak, Pariangan, Sialahan, Batu Basa, Galogandang, Turawan dan Balimbiang. Kelarasan Nan Panjang adalah Kelarasan tertua. Oleh karena itu mereka menjadi daerah istimewa yang ditandai dengan masyarakat yang ada di daerah ini bisa memakai adat atau tata cara yang di anut oleh laras Koto Piliang dan Bodi Caniago. Jorong Galogandang dahulunya ditemukan oleh sekelompok masyarakat dari Pariangan sewaktu mereka memperluas  wilayahnya. Tempat pertama yang didatangi di daerah Galogandang adalah daerah disebelah barat Galogandang yang sekarang merupakan  daerah  persawahan, dan berbatasan langsung dengan nagari Batu Basa.  Masyarakat dari Pariangan tersebut hidup dan berkembang sampai jumlahnya  banyak sehingga lama kelamaan tempatnya tidak cukup lagi, kemudian beberapa orang dari kelompok tersebut pergi mencari tempat pemukiman yang baru. Mereka berpencar-pencar membentuk kelompok sendiri sehingga pengelompokan ini membentuk Nagari tigo (tiga) koto. 

Daerah III Koto itu dalam perkembangannya merupakan sebuah nagari yang terdiri dari tigo koto (perkampungan) yakni Padang Luar, Turawan dan Galogandang. Penamaan dari ketiga daerah tersebut memiliki cerita tersendiri. Disaat terbentuknya Tiga Koto, timbul permasalahan tentang apa nama dari setiap kelompok kemudian dibawa ke dalam rapat kepala suku/penghulu pucuk untuk diadakan permusyawaratan bersama anak nagari. Pada saat munsyawarah berlangsung dimeriahkan oleh atraksi kesenian dengan mengirim perwakilan dari masing-masing daerah. Pada saat acara berlangsung semua masyarakat ketakutan dan berlari meninggalkan arena keramaian terjadi karena ada seekor kerbau yang lepas dari tangan pembantainya, dia menyeruduk kesana kemari sehingga membuat cemas semua masyarakat. Kerbau diusir beramai-ramai dengan berbagai macam cara sehingga lama kelamaan kerbau kepayahan.  

Pada suatu tempat, seorang pemimpin rombongan menyerukan “hentakkan padang kalua” (hentakkan pedang keluar), baru kerbau tersebut bisa dibunuh. Kemudian kerbau tersebut dikuliti, diambil dagingnya dan dimasak ditempat permusyawaratan. Mengingat banyak masyarakat yang hadir, pimpinan menyuruh kumpulkan seluruh daging kerbau yang ada dan menyerukan “atuah tulang rawan” terjadi peristiwa kerbau mengamuk memberikan inspirasi untuk mengabadikan peristiwa tersebut. Tempat diadakan acara berdendang anak nagari yang diiringi dengan bunyi gendang yang “digalo” (ditabuh) diberi nama Galogandang. Sementara itu tempat kejar mengejar kerbau dengan menghentakkan “padang kalua” dinamakan  dengan Padang Lua (Padang Luar) yang berarti pedang yang dikeluarkan dari sarungnya. Tempat kerbau dikuliti dan diambil dagingnya serta “diatuah tulang rawannya” (mengumpulkan  tulang rawan dengan cara mengikatnya pada seutas tali atau lidi) daerah tersebut dinamakan Turawan. Daerah Galogandang pertama kali ditempati oleh sebuah rombongan yang dipimpin oleh Datuak Kali Bandaro bersama tiga orang Datuak lainnya yaitu Datuak Tanmalik dan Datuak Bijo Kayo. Mereka bersama membangun daerah ini kemudian dianggap sebagai “inyiak” (orang tua nagari) yang dihormati oleh masyarakat sampai sekarang. Masyarakat Galogandang merupakan keturunan langsung  dari keempat orang datuak tersebut. Gelar tersebut masih dipakai secara turun temurun sampai sekarang. 

Jorong Galogandang secara administratif merupakan bagian dari Nagari III Koto, Kecamatan Rambatan, Kabupaten Tanah Datar. Sebelumnya, Galogandang merupakan sebuah desa, namun sesuai dengan UU No. 5 Tahun 1979 tentang sistem pemerintahan Desa di Propinsi Sumatera Barat yaitu desa kembali ke Nagari maka Galogandang kembali menjadi sebuah Jorong dari Nagari III Koto. Galogandang terdiri dari empat Dusun, yaitu Dusun Guguak Raya, Dusun Tanah Liek, Dusun Mesjid Tuo, dan Dusun Parak Laweh.  Jorong Galogandang terletak di bagian Barat Daya dari Kecamatan Rambatan, berbatasan langsung dengan kecamatan Pariangan dan kecamatan Batipuah. Sebelah barat berbatasan dengan Pariangan, sebelah utara berbatasan dengan Nagari Padang Magek, sebelah selatan berbatasan dengan Padang Luar dan sebelah timur berbatasan dengan Jorong Turawan. Jorong Galogandang berjarak 5 kilometer dari pusat kecamatan dengan jarak tempuh waktu sekitar 15 menit. Jarak dengan Ibu Kota Kabupaten Tanah Datar yaitu di Batusangkar berjarak 10 kilometer yang bisa ditempuh dengan waktu lebih kurang 30 menit. Hubungan dengan pusat pemerintahan bisa dikatakan lancar dengan sarana jalan yang sudah diaspal. Jorong Galogandang memiliki tiga ruas jalan yang menghubungkannya dengan daerah sekitar, yaitu dari Padang Magek, Turawan dan Batu Basa. Lancarnya hubungan ke Jorong Galogandang terutama dirasakan sejak tahun 1976. Daerah galogandang sebagian besar merupakan daerah perbukitan dan lembah sehingga jalan menuju daerah tersebut melewati daerah perbukitan dan lembah seperti jalan dari Padang Magek yang memiliki belokan dan tikungan yang tajam, melewati sungai (Batang) Bangkaweh dengan penurunan dan pendakian yang tinggi sehingga harus dilewati dengan hati-hati.

Luas wilayah Jorong Galogandang 6,23 Km2 sehingga memiliki persentase 21.49 % dari keseluruhan wilayah Nagari III Koto, dengan jumlah penduduk  keseluruhan sebanyak 1.890  jiwa dengan jumlah penduduk laki-laki 976 jiwa dan perempuan 914 jiwa. Sebagian besar penduduk Galogandang bermata pencaharian petani, pedagang dan merantau. Selain itu, masyarakat Galogandang  juga  dikenal  dengan daerah pembuat kerajinan tanah liat (Gerabah) yang  memproduksi  peralatan  memasak seperti periuk, kuali dan berbagai  macam bentuk lainnya yang  terbuat  dari tanah.

Masyarakat Minangkabau pada umumnya memiliki tradisi yang dikenal dengan merantau.  Merantau pada masyarakat Minangkabau banyak dilakukan oleh kaum laki-laki, dimana pepatah Minangkabau mengatakan “Karantau madang dihulu, babuah babungo balun, marantau bujang dahulu dirumah paguno balun“, maksud dari pepatah ini adalah anak laki-laki di Minangkabau lebih baik pergi merantau meninggalkan kampung halaman karena merasa belum diperlukan di rumahnya. Selain itu ada faktor lain yang mendorong suatu masyarakat merantau yaitu faktor ekonomi yang cenderung semakin banyak pengeluaran yang lebih dari sekedar untuk makan sehari-hari. Tradisi merantau ini juga dilakukan oleh masyarakat Galogandang. Sebagaimana diketahui menurut salah satu informan penulis bahwa : 

Umumnyo marantau ka pulau Jawa, yang biasonyo banyak di Ibu Kota Jakarta. Sahinggo masyarakat di kampuang tingga nan tuo-tuo se lai, yang mudo lah pai ka nagari

urang alasannyo pai marantau untuak marubah nasib, nyo manganggap kalau dirantau banyak mandapek rasaki babeda jo dikampuang indak tau apo yang ka dikarajoan. 

Misalnyo kalau nan padusi nan alah basuami tu suaminyo marantau dan otomatis nyo dibaok dek suaminyo. Jadi itulah  alasannyo kiniko banyak urang di Galogandang 

ko marantau dari pado dikampuang. Tapi disiko urang padusi yang alah tuo-tuo yang masih tingga di kampuang karajonyo mambuek pariuk dari tanah liek sabagai mato 

pencaharian dari daerah Galogandang ko”. “Disini masyarakatnya banyak yang merantau dari sebanyak 1.800 jiwa yang merupakan penduduk asli ada sekitar persentase 

Jakarta. Sehingga masyarakat tinggal di kampung itu yang tua dan yang mudah sudah pergi ke negeri orang dengan alasan pergi merantau  itu bisa merubah nasib dengan 

menganggap kalau dirantau banyak mendapatkan rezeki, berbeda dengan dikampung tidak tahu apa yang akan dikerjakan. Misalnya kalau yang  perempuan  sudah bersuami 

terus suaminya merantau dan otomatis anak perempuan tersebut akan dibawa  merantau. Tetapi disini orang perempuan yang sudah tua-tua yang masih tinggal dikampung 

kerjanya  membuat gerabah dari tanah liat sebagai  mata pencaharian dari daerah Galogandang”. 

Lebaran merupakan momen  bagi perantau Galogandang untuk pulang ke kampong halaman. Masyarakat Galogandang menyebutnya pulang basomo (pulang bersama).  Perantau Galogandang memiliki suatu ikatan bersama di daerah rantau dengan nama IKAPGA (Ikatan Perantau Galogandang). IKAPGA ini memiliki persatuan yang bersifat persaudaran yang kuat di daerah rantau. Ikatan ini memiliki struktur organisasi yang jelas yang berguna untuk mengkoordinasi masyarakat yang ada di rantau.  Lebaran  tahun 2016 kemarin para perantau  pulang basamo (pulang bersama).  Ada sekitar 5000 lebih perantau yang pulang, sebagian menggunakan umum seperti pesawat, bus, dll. Pulang basamo ini biasanya diadakan satu kali dalam empat tahun. Kegiatan pulang basamo (pulang bersama) tidak hanya momen berkumpul dengan keluarga tetapi juga untuk mengadakan berbagai macam kegiatan di nagari, yang berguna untuk hiburan pada saat pulang bersama. Partisipasi perantau yang pulang basamo (pulang bersama) kemarin yaitu memberikan  bantuan dana untuk pembangunan masjid lebih kurang Rp 150 juta. Selain itu juga ada dana bantuan untuk anak yatim, risma (remaja masjid), dan lembaga pendidikan yang ada di Galogandang. Biasanya kegiatan hiburan yang dilakukan adalah lomba membuat gerabah dan pacu jawi (garapan sapi). Berikut ini merupakan video atau cuplikan ceremonial acara pulang basamo Galogandang Tahun 2016 dapat dilihat di chanel youtube: . 




#Article 142: Pandai Sikek, Sepuluh Koto, Tanah Datar (194 words)


Pandai Sikek marupoan salah satu nagari nan tamasuak ka dalam wilayah kecamatan Sepuluh Koto, Kabupaten Tanah Datar, Provinsi Sumatera Barat, Indonesia. Nagari ko bajarak kiro-kiro 40 KM dari Batusangkar, ibu kota dari kabupaten Tanah Datar.

Badasarkan sajarahnyo (Barih Balibeh) pasukuan di Nagari Pandai Sikek pado mulonyo hanyo tadiri dari ampek suku yaitu: 

Sudah itu dalam pakambangan populasi panduduak mako suku Koto dipacah manjadi ampek suku, Salain itu datang pulo suku-suku nan lain sehinggo saaik iko di Nagari Pandai Sikek tadapek tujuah suku nan labiah dikenal jo sabuikan Urang nan Tujuah Suku Salapan indu yaitu:

Kamudian dari Urang nan Tujuah Suku Salapan indu tasabuik lahialah istilah Pangulu nan Anam Puluah iyolah :

Namun kiniko Koto Gantiang Pangulu nan Barampek bagabuang jo Koto Sungai Guruah Pangulu nan Sapuluah, sadangkan Panyalai dan Jambak bagabung jo Guci. Sahinggo kok dijumlahan pangulunyo manjadi 52.

Di nagari iko nan manjadi sumber pandapekan primadona bagi masyarakaik satampek adolah sabagai pangrajin songkek. Motif-motif nan ado di nagari iko diambiak dari contoh kain-kain lamo nan masih tasimpan elok, nan acok dipakai untuak pakaian pado upacaro-upacaro adaik. Motif-motif tanun Pandai Sikek diyakini sabagai motif asli pado kain-kain tanun padusi-padusi Pandai Sikek pado zaman dahulu.




#Article 143: Urang Batak (868 words)


Batak marupoan suku bangso di Indonesia. Namo iko marupoan sabuah tema kolektif untuak maidentifikasikan babarapo suku bangsa nan bamukim sarato barasa dari Tapanuli jo Sumatera Timur, di Sumatera Utaro. Suku bangso nan dikategorikan sabagai Batak adolah: Batak Toba, Batak Karo, Batak Pakpak, Batak Simalungun, Batak Angkola, dan Batak Mandailing.

Kini ko pado umumnyo urang Batak manganuik agamo Kristen Protestan, Kristen Katolik, jo Islam. Tatapi ado pulo nan manganuik kapicayoan tadisional yakni: tradisi Malim sarato juo manganuik kapicayoan animisme (disabuik Sipelebegu atau Parbegu), walaupun kini jumlah panganuik kaduo ajaran iko alah samakin bakurang.

Urang Batak adolah pamakai bahaso Austronesia namun alun dikatahui bilo niniak muyang urang Batak patamo kali bamukim di Tapanuli jo Sumatera Timur. Bahaso jo bukti-bukti arkeologi manunjuakan baso urang nan babahaso Austronesia dari Taiwan alah bapindah ka wilayah Filipina jo Indonesia sakita 2.500 taun nan lalu, iyolah di zaman batu mudo  (Neolitikum). Karano hinggo kini alun ado artefak Neolitikum (Zaman Batu Mudo) nan ditamui di wilayah Batak mangko dapaik dikatokan baso niniak muyang urang Batak baru bamigrasi ka Sumatera Utara di zaman logam.

Pado abaik ka-6, padagang-padagang Tamil asa India manaruko kota dagang Barus, di pasisia barat Sumatera Utara. Mareka badagang kapua Barus nan diusahokan dek patani-patani di padalaman. Kapua Barus dari tanah Batak bamutu tinggi sahinggo manjadi salah satu komoditas ekspor di samping kemenyan. Pado abaik ka-10, Barus disarang dek Sriwijaya. Hal iko manyababkan diusianyo padagang-padagang Tamil dari pasisia Sumatera. Pado maso-maso barikuiknyo, padagangan kapua Barus mulai banyak dikuasoi dek padagang Minangkabau nan mandirikan koloni di pasisia barat jo timur Sumatera Utara. Koloni-koloni mareka tabantang dari Barus, Sorkam, hinggo Natal.

Kini suku banso nan dikategorikan sabagai Batak adolah: Batak Toba, Batak Karo, Batak Pakpak, Batak Simalungun, Batak Angkola, jo Batak Mandailing.

Identitas Batak populer dalam sijarah Indonesia modern sasudah didirian sarato bagabuangnyo rang mudo Angkola, Mandailing, Karo, Toba, Simalungun, jo Pakpak di organisasi nan dinamokan Jong Batak taun 1926, tanpa mambedakan agamo dalam ciek kasapahaman:Bahasa Batak kita begitu kaya akan Puisi, Pepatah dan Pribahasa nan mengandung satu dunia kebijaksanaan tersendiri, Bahasanya sama dari Utara ke Selatan, tapi terbagi jelas dalam berbagai dialek. Kita memiliki budaya sendiri, Aksara sendiri, Seni Bangunan nan tinggi mutunya nan sepanjang masa tetap membuktikan bahwa kita mempunyai nenek moyang nan perkasa, Sistem marga nan berlaku bagi semua kelompok penduduk negeri kita menunjukkan adanya tata negara nan bijak, kita berhak mendirikan sebuah persatuan Batak nan khas, nan dapat membela kepentingan kita dan melindungi budaya kuno itu R.W Liddle mangatokan, baso sabalun abaik ka-20 di Sumatera bagian utara indak ado kalompok etnis sabagai satuan sosial nan koheren. Manuruiknyo sampaik abaik ka-19 interaksi sosial di daerah itu hanyo tabateh pado hubuangan antar individu, antar kalompok kakarabatan, atau antar kampuang. Ampiang indah ado kasadaran untuak manjadi bagian dari satuan-satuan sosial jo politik nan labiah gadang. Pandapek lain mangecekan, baso muncuanyo kasadaran tantang sabuah kaluarga gadang Batak baru tajadi pado zaman kolonial. Dalam disertasi J. Pardede mangamukokan baso istilah Tanah Batak jo rakyaik Batak dibuek dek pihak asiang. Sabaliaknya, Siti Omas Manurung, saurang istri dari putra pandeta Batak Toba manyatokan, baso sabalun datangnyo Ulando, sadoalah urang baiak Karo maupun Simalungun mangakui dirinyo Batak, dan Ulandolah nan alah mambuek tapisahnyo kalompok-kalompok tu. Sabuah mitos nan mamiliki babagai macam versi manyatokan, bahwa Pusuk Buhit, sabuah puncak di barat Danau Toba, adolah tampek lahia banso Batak. Salain itu mitos-mitos tu juo manyatokan baso niniak muyang urang Batak barasa dari Samosir.

Tabantuaknyo masyarakaik Batak nan tasusun dari baragam marga, sabagian disababkan dek adonyo migrasi kaluarga-kaluarga dari wilayah lain di Sumatera. Panallitian pantiang tantang tradisi Karo dilakukan dek J. H Neumann, manuruik sastra lisan jo transkripsi duo naskah satampek, iyolah Pustaka Kembaren jo Pustaka Ginting. Manuruik Pustaka Kembaren, daerah asa marga Kembaren dari Pagaruyuang di Minangkabau. Urang Tamil dipakirokan juo manjadi unsua pambantuak masyarakaik Karo. Hal iko nampak dari banyaknyo namo marga Karo nan diturunkan dari bahaso Tamil. Urang-urang Tamil nan manjadi padagang di pantai barat, lari ka padalaman Sumatera dek disarang pasukan Minangkabau nan datang dari abaik ka-14 untuak manguasoi Barus.

Tiok puak Batak mampunyoi salam khasnyo surang-surang.  Walaupun urang Batak tanamo jo salam Horasnyo, namun masih ado duo salam lai nan kurang populer yakni Mejuah-juah jo Njuah-juah. Horas pun ado sebutan surang-surang manuruik puak nan manggunokannyo.

Rumah adat urang Batak banamo Rumah Bolon (Jabu Bolon). Rumah Bolon ko marupokan rumah adat nan dibangun di ateh tunggak-tunggak kayu nan manopangnyo mambantuak rumah pangguang. Atoknyo babantuak palano kudo, nan salayang tampak manyarupoi Rumah Gadang bagonjong duo, nan antaro bagian pangka jo ujuang mampunyoi panjang nan babeda. Manuruik carito, mulonyo Rumah Bolon ko manjadi tampek tingga rajo Batak nan 13.

Rumah Bolon ko marupokan rumah nan bisa diuni labiah dari ciek kaluarga. Rumah ko dapek diuni duo inggo anam kaluarga. Daulu walau banyak kaluarga nan mauni, indak ado basakek-sakek biliak di dalamnyo. Baru kini sajo dibuek basakek-sakek untuak manjago barang tiok kaluarga.

Rumah Bolon kini lah mulai jarang dibangun dek bahan pambangunannyo nan sarik sainggo paralu biaya maha. Masih dapek tasuo di sakitar Danau Toba. Panamoan Rumah Bolon untuak rumah adat urang Batak hanyo balaku di wilayah Batak Toba jo Simalungun. Di daerah Batak lainnyo mampunyoi namo jo bantuak nan babeda-beda.

Rumah adat Mandailing jo Angkola dinamokan jo Bagas Godang. Pado masyarakaik Karo dinamokan Siwaluh Jabu, sadangkan pado masyarakaik Pakpak dinamokan Jerro.




#Article 144: Partai Keadilan Sejahtera (185 words)


Partai Keadilan Sejahtera (disingkek PKS) adolah partai politik parlemen bahaluan Islam di Indonesia. Pado pamilu legislatif 2014, partai manduduakan 40 kadernyo ka kursi DPR-RI.

PKS sabalunnyo banamo Parti Keadilan (PK). Tokoh-tokoh di awal pandiriannyo kabanyakan adolah aktivis Ikhwanul Muslimin jo mahasiswa-mahasiswa Indonesia di Timur Tangah. Dididirian pado 20 Juli 1998 di Jakarta, Nur Mahmudi Ismail adolah presiden patamo partai iko. Tapi, partai iko gagal mandapek duo parsen suaro pado pamilu 1999 sahinggo, untuak dapek ikuik baliak dalam pamilu 2004, partai iko barubah namo manjadi Partai Keadilan Sejahtera samanjak April 2002.

Partai iko banyak didukuang di kota-kota gadang. Pado pamilu 2009, partai iko mandapek 7,88% suaro, maningkek dari pamilu sabalunnyo yakni 7,3% suaro. 57 kadernyo duduak di kursi DPR-RI untuak maso jabatan 2009–2014. Tigo kadernyo tapiliah manjadi gubernur. Gatot Pujo Nugroho jo Ahmad Heryawan masiang-masiang adolah Gubernur Sumatera Utara jo Jawa Barat, nan tapiliah langsuang dalam pamilihan umum untuak periode 2013–2018, samantoro Irwan Prayitno manjadi Gubernur Sumatera  Barat untuak periode 2010–2015.

Kini, jabatan Presiden PKS dipacik dek Anis Matta, manggantian Luthfi Hasan Ishaaq nan tasangkuik pakaro korupsi. Pado pamilu 2014, partai iko mandapek nomor uruik tigo.




#Article 145: Unit wakatu (187 words)


Unit wakatu adolah unit pangukuaran wakatu nan sacaro historis alah didasaran pado pagarakan Matoari (saroman nan nampak dari Bumi). Interval nan labiah pendek diukua jo periode fisiologis sarupo manarik napeh, mangedipkan mato ataupun datak jantuang.

Satuan wakatu nan tadiri dari babarapo taun tamasuk Lustrum (limo taun) dan Olimpiade (ampek taun). Bulan dapek dibagi manjadi satangah bulan (fortnights) dan ampek minggu. Wakatu nan labiah lamo dapek disabuik saumua hiduik ataupun generasi (saecula, aion), subdivisi dari ari pado jam surya. Samantaro Siklus Sothic adolah periode salamo 1.461 taun dari 365 ari dalam kalender Masia Kuno. Kosmologi Hindu pado abaik patangahan takenal punyo namo untuak jangka wakatu nan luar biaso lamo, contohnyo kalpa (4,32 miliar taun).

Pado zaman klasik, jam mambagi periode siang ari manjadi 12 bagian nan sama. Lamonyo wakatu dalam jam bavariasi salamo satahun. Pado zaman Cino klasik, Ke (刻) adolah satuan wakatu desimal, nan mambagi ari manjadi 100 interval nan samo dari 14,4 minik. Basamo jo Ke, ado jam ganda (Shichen) nan dikenal sabagai jam tangan. Karano urang indak dapek mambagi 12 jam ganda manjadi 100 Ke sacaro marato, mako Ke masiang-masiang dibagi manjadi 60 fen (分).




#Article 146: Urang Malayu (6727 words)


Urang Malayu (diijo juo jo Melayu) adolah namo nan marujuak pado suatu kalompok nan ciri utamonyo adolah panutuaan bahaso Malayu. Bahaso Malayu iolah anggota kaluarga bahaso Austronesia. Urang Malayu bamukim di sabagian gadang Malaysia, pasisia timur Sumatera, sakaliliang pasisia Kalimantan, Thailand selatan, sarato pulau-pulau ketek nan tabantang sapanjang Salek Malaka jo Salek Karimata. Di Indonesia, jumlah urang Malayu kiro-kiro 15% dari saluruah populasi, nan sabagian gadang mandiami propinsi Sumatera Utara, Riau, Kapulauan Riau, Jambi, Sumatera Selatan, Kapulauan Bangka Belitung, jo Kalimantan Barat. Kumpulan urang atau etnik Malayu balainan dari konsep Alam Malayu (Rumpun Bangso Malayu), nan mancakuik kumpulan manusia nan labiah laweh, tamasuak kabanyakan etnik di Indonesia jo Filipina.

Walaupun baitu, banyak pulo masyarakaik Minangkabau, Mandailing, jo Dayak nan bapindah ka wilayah pasisia timur Sumatra jo pantai barat Kalimantan, mangaku sabagai urang Malayu. Salain di Nusantara, urang katurunan Malayu tadapek pulo di Sarilangka, Kapulauan Cocos (Keeling) (Cocos Malays), jo Afrika Selatan (Cape Malays).

Ptolemy (90 - 168 M) dalam karyanyo Geographia mancatat sabuah tanjuang di Aurea Chersonesus (Samananjuang Malayu) nan banamo Maleu-kolon, nan diyakini barasa dari Bahaso Sanskerta,  malayakolam atau malaikurram. Badasarkan  G. E. Gerini, Maleu-Kolon kini ko marujuak pado Tanjuang Kuantan atau Tanjuang Panyabuang di Samananjung Malaysia.
  

Pado Bab 48 teks agamo Hindu Vuya Purana nan babahaso Sanskerta, kato Malayadvipa marujuak kapado sabuah propinsi di pulau nan kayo ameh jo perak. Disana berdiri bukit nan disabuik jo Malaya nan artinya sabauh gunuang gadang (Mahamalaya). Walaupun baitu banyak sarjana Barat, antaro lain Sir Roland Braddell menyamakan Malayadvipa jo Sumatera . Sedangkan para sarjana India picayo bahwa itu marujuak pado babarapo gunuang di Samananjuang Malaysia .  
    

Dari catatan Yi Jing, saurang pendeta Budha dari Dinasti Tang, nan bakunjuang ka Nusantara antaro taun 688 - 695, inyo manyabuikan ado sabuah karajaan nan dikana jo Mo-Lo-Yu (Melayu), nan bajarak 15 hari palayaran dari Sriwijaya. Dari Ka-Cha (Kedah), jaraknyopun 15 hari palayaran. Badasakan catatan Yi Jing, karajaan tasabuik marupoan nagara nan merdeka dan akhianyo ditakluakan dek Sriwijaya.

Manuruik batu basurek Padang Roco (1286) di Sumatera Barat, ditamukan kato-kato bhumi malayu jo ibu kotanyo di Dharmasraya. Karajaan iko marupoan kalanjuikan dari Karajaan Malayu dan Sriwijaya nan alah ado di Sumatra sajak abaik ka-7. Kamudian Adityawarman mamindahan ibu kota karajaan iko ka wilayah padalaman di Pagaruyung.

Patualang Venesia nan tanamo, Marco Polo dalam bukunyo Travels of Marco Polo manyabuikan tantang Malauir nan batampek di bagian selatan Samananjuang Melayu. Kato Melayu dipopulerkan dek Kasultanan Malaka nan digunokan untuak mambantuakan kultur Malaka jo kultur asiang yakni Jawa jo Thai. Dalam pajalanannyo, Malaka indak hanyo tacatek sabagai pusek padagangan nan dominan, namun juo sabagai pusek paradaban  Malayu nan bapangaruah laweh.

Namo Malayu barasa dari Karajaan Malayu nan pernah ado di kawasan Batang Hari. Dalam pakambangannyo, Karajaan Malayu akhianyo takluk dan manjadi bawahan Karajaan Sriwijaya. Pamakaian istilah Melayu-pun malaweh hinggo ka lua Sumatera, maikuiki teritorial imperium Sriwijaya nan bakambang hinggo ka Jawa, Kalimantan, jo Semenanjung Malaya. Jadi urang  Malayu Samananjuang barasa dari Sumatera.

Manuruik batu basurek Kapiang Tambago Laguna, padagang  Malayu alah badagang ka saluruah wilayah Asia Tenggara, juo ikuik sato mambaok adaik budayo jo bahaso Melayu pado kawasan tasabuik. Bahaso  Malayu akhianyo manjadi lingua franca manggantikan bahaso Sanskerta. Maso kajayaan Sriwijaya marupoan maso ameh bagi paradaban Melayu, tamasuak pado maso wangsa Sailendra di Jawa, kamudian dilanjuikan dek karajaan Dharmasraya sampai pado abaik ka-14, dan taruih bakambang pado maso Kasultanan Malaka sabalun karajaan iko ditaklukan dek kakuatan tantara Portugis pado taun 1511.

Masuaknyo agamo Islam ka Nusantara pado abaik ka-12, diserap elok-elok dek masyarakaik Melayu. Islamisasi indak hanyo tajadi di kalangan masyarakaik jelata, namun alah manjadi corak pamerintahan karajaan-karajaan Melayu. Di antaro karajaan-karajaan tasabuik iolah Kasultanan Johor, Kasultanan Perak, Kasultanan Pahang, Kasultanan Brunei, jo Kasultanan Siak. Kadatangan kolonialis Eropa alah mambuek tadiasporanyo urang-urang  Malayu ka saluruah Nusantara, Sri Lanka, jo Afrika Selatan. Di parantauan, mareka banyak maisi pos-pos karajaan sarupo manjadi syahbandar, ulama, jo hakim.

Dalam pakambangan salanjuiknyo, ampiang sado Kapulauan Nusantara mandapek pangaruah langsuang dari Suku Melayu. Bahaso  Malayu nan alah bakambang dan dipakai dek banyak masyarakaik Nusantara, akhianyo dipiliah manjadi bahaso nasional Indonesia, Malaysia, dan Brunei.

Proto Melayu nan disabuik juo Melayu asli atau Melayu tuo adolah rumpun banso Austronesia dari daratan Asia nan bapindah ka tanah Melayu dan kapulauan Melayu, dalam maso papindahan nan panjang di antaro 2500 S.M dan 1500 S.M. The Encyclopedia of Malaysia: Early History, manunjuakan tigo teori asa-usua Melayu:

Kajian saintifik takini dek HUGO (Human Genome Organization) manganai genetik banso-banso Asia manyatokan hipotesis papindahan tunggal Asia dari Asia Tenggara mangambaro ka arah utara jo sacaro palahan-lahan manduduaki Asia Timur. Kakurangan variasi genetik di kalangan banso Asia timur kamungkinan gadang adolah dek kaduo tampek tasabuik alah lamo basatu di bawah ciek kuaso politik tunggal contohnyo di China, Korea jo Japang nan manyababkan interaksi manusia nan labiah acok dibandiang di Asia tenggara.

Proto  Malayu dipacayoi banso palauik nan mahir dalam oseanografi jo patanian. Mareka bapindah dari pulau ka pulau dalam jarak gadang di antaro Selandia Baru jo Madagaskar, dan mareka manjadi sabagai panunjuak arah, anak buah, jo tukang buruah kapado padagang India, Arab, Parsi jo Chino untuak hampia 2000 tahun. Batahun-tahun kamudian mareka manatap di babagai tampek jo manyarap babagai budayo jo agamo.

Urang  Malayu nan datang mulo-mulo kudiannyo sacaro palahan-lahan tagantikan dek panaruko-panaruko Deutero  Malayu ( Malayu Mudo) dalam galombang kaduo papindahan dari darek utamo Asia di sakitar 300 SM. Sacaro antropologi, etnik  Malayu nan kini mauni samananjuang tanah  Malayu jo kawasan pantai kapulauan  Malayu adolah dari golongan  Malayu Deutero nan bakulik labiah carah, babadan labiah gadang, jo baabuik labiah luruih, babedo jo urang Proto  Malayu ( Malayu Tuo). Masyarakaik iko juo punyo taraf budayo nan labiah tinggi, teknik patanian, jo pangatahuan tantang basi nan labiah maju.  Mareka indak hiduik sacaro nomaden tapi tingga dalam kampuang-kampuang nan marupoan unit utamo masyarakaik. Panampekan utamo Deutero  Malayu biasonyo talatak di lambah-lambah subur, tabiang sungai atau pasisia pantai, jo kagiatan utamo adolah ekonomi hiduik nan ringkeh baasaskan pananaman padi jo parikanan. Manjalang kurun taakhia sabalun Masihi, panampekan-panampekan di kawasan pantai iko awal mulo talibeknyo dalam padagangan jo dunia lua.

Kamunculan kalompok Deutero  Malayu iko sacaro indak langsuang manyababkan kumpulan Proto  Malayu jo panduduak asli manyuruakan diri ka padalaman jo hulu sungai. Kumpulan Proto  Malayu nan tanamo hari iko di Malaysia adolah dari suku Moken, Jakun, Orang Kuala, Temuan jo Orang Kanaq. Sadang di Indonesia, Proto  Malayu adolah Toraja (Sulawesi Selatan), Sasak (Lombok), Dayak (Kalimantan Tengah), Batak (Sumatera Utara), Nias (pantai barat Sumatera Utara), Rejang, dll.

Teori iko indak lai diakui panggunoannya, dek karano para arkeolog manyimpulkan baso indak ado dasa arkeologis nan baarati nan manunjuakan adonyo pabedoan antaro Proto  Malayu jo Deutero Melayu.

Tiado bukti nan tapek soal wakatu palayaran urang India nan taawal malalui taluak Bengal, tatapi bukti arkeologi nan ditamui di lambah Bujang manunjuakan urang  Malayu di samananjuang alah badagang jo India sajak abaik patamo masehi. Pakambangan padagangan jo India alah mambaok kapado panyebaran agamo-agamo gadang India, agamo Hindu jo agamo Buddha, ka saluruah palosok alam Melayu. Tampek-tampek ibadat mulai dibangun manuruik arsitektur India, dan pamimpin satampek mulai manggala diri surang Rajo dan manyerap banyak aspek utamo dari sistem pamarintahan feodal India. Kudiannyo, muncul nagari-nagari maritim  Malayu kaciak di kawasan pasisia pantai samananjuang tanah Melayu sarupo Chi Tu (abaik patamo), Gangga Negara (abaik ka-2), Langkasuka (abaik ka-2), jo Kedah (abaik ka-4). Di antaro abaik ka-7 jo ka-13, sabagian gadang dari nagari-nagari maritim nan makmur iko ado di bawah kuaso lungga KarajaanSriwijaya, sabuah karajaan  Malayu basa nan bapusek di Palembang, Sumatera.

Pangaruah Sriwijaya tasebar di sadoalah kawasan pasisia Sumatera jo samananjuang tanah Melayu, Jawa barat, Borneo barat, jo babarapo kawasan lain di kapulauan Melayu. Jo nauangan India jo China, kakayoannyo sabagian gadang didapek malalui padagangan. Pado zaman kagamilangannyo, bahaso Melayu Kuno digunokan sabagai bahaso rasmi jo manjadi lingua franca sarantau, manggantikan Sanskrit, bahaso utamo Hindu jo Buddha. Zaman Sriwijaya dianggap zaman kagamilangan budayo Melayu.

Kamegahan Sriwijaya bagaimanopun mulai marosot salapeh sarangan gadang-gadangan Karajaan Chola pado abaik ka-11 nan langsuang malumpuahkan kakuatan ekonomi jo katantaroannyo. Siso taakhia karajaan  Malayu itu di Dharmasraya akhianyo dihancurkan dek panyarang-panyarang Jawa dari Singhasari nan malancakan ekspedisi Pamalayu (Pamalayu sacaro harfiah bamakno parang tahadok Melayu) pado pangujuang abaik ka-13.

Karuntuahan karajaan Sriwijaya alah manyababkan karabaik rajonyo manjadi palarian di wilayah-wilayah nan masih satia, dan ado babarapo pacuboan dek putera-putera  Malayu untuak manghiduikkan baliak karajaan tasabuik. Pado taun 1324, jo dukuangan anak buah karajaan nan satia iyolah Orang laut, surang putera  Malayu Sriwijaya, Sang Nila Utamo alah mandirikan karajaan Singapura di Tumasik. Dinastinyo mamarintah pulau tasabuik sahinggo panghujuang abaik ka-14 apobilo karajaan  Malayu itu sakali lai manghadoki sarangan dari tanah Jawa nan dilancakan Majapahit. Pado 1401, cicit Sang Nila Utamo, Paduko Sri Maharajo Parameswara manyuruak ka pasisia pantai barat samananjuang tanah  Malayu jo mandirikan Kasultanan Melaka. Kasultanan Melaka manggantikan tampek Sriwijaya sabagai kuaso politik  Malayu sarantau dan mawarisi banyak dari tradisi karajaan jo budayo Melayu, tamasuak sabagian gadang wilayah-wilayah nan pernah dikuasoi pandahulunyo.

  
Duo pakambangan utamo nan mangubah sijarah  Malayu maunjua pado pamuloan abaik ka-12 jo ka-15. Nan patamo adolah datangnyo Islam dan nan kaduo adolah bangkiknyo Kasultanan Melaka di pasisia pantai barat dayo samananjuang tanah Melayu.

Agamo Islam tasebar di kawasan pasisia pantai nan kininyo nagari Kedah, Perak, Kelantan, jo Terengganu, dari sakurang-kurangnyo abaik ka-12. Bukti arkeologi tarawal soal kadatangan Islam di samananjuang adolah sabuah batu basurek batarikh abaik ka-14 nan ditamui di nagari Terengganu, Malaysia.

Pado abaik ka-15, Kasultanan Melaka, nan hegemoninyo manjangkau bagian barat kapulauan Melayu, manjadi pusek utamo panyebaran agamo Islam di timur. Tradisi Melaka kudiannyo diwariskan ka generasi sataruihnyo dan mambantuak nilai-nilai utamo identiti Melayu. Katiko maso ikolah, agamo Islam manjadi lakek jo masyarakaik dan budayo  Malayu dan manjadi aspek tapantiang dalam pambantuakan identitas Melayu..

Pado taun 1511, palabuahan Melaka jatuah ka tangan konkuistador Portugih. Walaupun baitu, Melaka tatap manjadi suatu rujuakan tata nagara jo titiak rujuakan budayo untuak nagari-nagari pangganti sarupo Kasultanan Johor (1528–kini), Kasultanan Perak (1528–kini) jo Kasultanan Pahang (1470–kini).

Di sabarang Lauik Chino Selatan, ciek lai karajaan Melayu, Kasultanan Brunei (1363–kini) alah bangkik manjadi pasaing palabuahan maritim nan utamo ka bakeh Melaka. Brunei mancapai puncak kagamilangannyo pado patangahan abaik ka-16 dimano wilayahnyo alah mambantang jauah ka selatan ka kawasan nan kininyo Kuching di Sarawak dan ka utara sahinggo ka kapulauan Filipina.

Kasultanan-kasultanan  Malayu utamo nan lain adolah Kasultanan Kedah (1136–kini) joKasultanan Patani (1516–1771) nan bakuaso di bagian utara samananjuang tanah Melayu.

Antaro taun 1511 jo 1984, banyak karajaan-karajaan Malayu jo kasutanan jatuah di bawah kuaso asiang nan babeda-beda, dimulai dari panjajahan banso Eropa co Portugis, Balando, jo Inggirih, inggo panjajahan dari banso sabanua co Siam jo Japang.

Pado taun 1511, pasukan Portugis alah bakuaso di ibu kota Kasutanan Malaka. Walau bagaimanopun, pihak Portugis nan bajaya, indak dapek mampaleba pangaruah politik meareka malabiahi kubu Malaka. Sutan bakuaso panuah di ateh tanah di lua Malaka jo mandirikan Kasutanan Johor pado taun 1528 untuak mamanangi Malaka. Malaka Portugis mangadoki babarapo sarangan balasan nan digagalkan dek Johor sahinggo 1614, gabuangan tentara Johor jo Balando, manghalau Portugis dari samananjuang salamo-lamonyo. Sabagai satu pajanjian jo Johor pado 1606, Balando kudiannyo mangambiak kuaso Melaka.

Sapanjang sijarah, Nagari-Nagari Malayu Samananjuang acok bamusuahan jo Siam. Kasutanan Malayu Malaka surang bajuang pado duo paparangan jo Siam wakatu nagari-nagari utara Malayu datang sacaro baselo di bawah kakuasoan Siam salamo baabaik-abaik. Pado taun 1771, Karajaan Siam nan baru di bawah Dinasti Chakri dimansuhkan Kasutanan Pattani dan kudian dilampirkan sabagian gadang Kasutanan Kedah. Dahulunyo, Siam di bawah Karajaan Ayutthaya alah dimasuakan ka dalam Tambralinga dan ditakluaki Kasutanan Singgora pado abaik ka-17. Siam diagiah struktur pamarintahan nan baru dan mambuek wilayah Satun, Songkhla, Phuket, Trang, Narathiwat, Yala jo Pattani daripado bakeh kesultanan.  
  
Pado taun 1786, Pulau Pinang alah dipajakkan kapado Sarikat Hindia Timur Inggirih dek Kasutanan Kedah dalam patukaran bantuan militer untuak manantang Siam. Pado taun 1819, sarikat itu juo mandapek Singapura dari Kasutanan Johor, dan kudian pado taun 1824, Malaka dari Balando. Sadoalah padagangan jawatan sacaro rasmi dipakenalkan sabagai Salek pado taun 1826 dan manjadi tanah jajahan mahkota Karajaan Inggirih pado taun 1867. Campua tangan Inggirih dalam hal nagari-nagari Malayu alah dirasmikan pado taun 1895, salapeh Rajo-rajo Malayu manarimo Residen Inggirih dalam pamarintahan, dan Nagari-nagari Malayu Basakutu alah dibantuak. Pado taun 1909, Kedah, Kelantan, Terengganu jo Perlis dalam disarahkan dek Siam kapado Inggirih. Nagari-nagari iko basamo-samo jo Johor, kudiannyo disabuik sabagai Nagari-nagari Malayu Indak Basakutu. Samaso Parang Dunia II, sadoalah milik Inggirih nan sacaro kolektif dikatahui sabagai British Malaya alah diduduaki dek Kakaisaran Japang.

Kajatuahan Karajaan Brunei mamuncak dalam abaik ka-19, hinggo Brunei kahilangan banyak wilayahnyo Rajah Putih Sarawak. Brunei adolah sabuah nagari naungan British dari 1888 sahinggo 1984.

Barikuik Pajanjian Inggirih-Balando 1824 pado taun 1824 nan mambagikan Tanah Malayu ka dalam panguasoan Inggirih di utara jo panguasoan Balando di selatan, sadoalah kasutanan Malayu di Sumatera jo Borneo Selatan manjadi sabahagian daripado Hindia Timur Balanda. Walaupun satangah rajo Malayu mangakakan kuaso mareka di bawah kakuasoan Balando, ado juo institusi barajo nan dimansuhkan dek karajaan kolonial Balando, co Riau pado taun 1911. Sajak pandirian Republik Indonesia sabagai kasatuan nagara pado taun 1950, sadonyo monarki tradisional Malayu manyarahan kadaulatannya kapado nagara, sahinggo kaduduakan Rajo-Rajo Malayu dikurangkan ka bakeh kaduduakan pawarisan kabudayoan sajo, sabagaimano kaduduakan pamarintahan ditukar kapado Gabenor jo Bupati atau Walikota.

Instrumen nan terawal dan paliang bapangaruah detik kabangsaan  Malayu berkala nan dipolitikkan kadudukan urang  Malayu dalam menghadapi penjajahan dan asiang imigresen bukan Melayu. Walaupun repressions nan dikanaikan dek karajaan kolonial British, tadapek indak kurang dari 147 jurnal dan akhbar nan diterbitkan dalam Malaya antaro 1876 dan 1941. Antara berkala ketara adolah Al-Imam (1906), Pengasuh (1920), Majlis (1935) dan Utusan Melayu (1939). Kenaikan nasionalisme Melayu alah sebahagian gadangnyo digerakkan dek tigo puak nasionalis radikal dibezakan ka kiri  Malayu dan kumpulan Islam nan manantang golongan elit konservatif.

Ahli-ahli sayap kiri  Malayu alah diwakili dek Kesatuan Melayu Muda, nan ditubuhkan pado taun 1938 dek sekumpulan  Malayu inteligensia pandidikan terutamanya dalam Sultan Idris Training College, jo ideal Greater Indonesia. Pado taun 1945, mareka  manyusun samulo diri mareka  manjadi sabauh parti politik nan dikenali sabagai Parti Kebangsaan  Malayu Malaya (PKMM). Islam asalnyo diwakili dek Kaum Mudo tadiri daripado Timur Tangah bapandidikan ulama jo Pan-Islam sentimen. Parti politik Islam nan patamo adolah Parti Orang Muslimin Malaya (Hizbul Muslimin) nan ditubuhkan pado Mac 1948, nan kemudiannya digantian dek Parti Islam Se-Malaysia pado taun 1951. Kumpulan katigo konservatif tadiri daripado golongan elit barat nan birokrat dan ahli-ahli kaluargo diraja nan berkongsi pandidikan Inggeris nan biaso terutamanya di eksklusif Maktab Melayu Kuala Kangsar.  Mareka mambantuak organisasi sukarela nan dikenali sabagai persatuan-persatuan  Malayu dalam pelbagai bahagian nagaro dan matlamat utama mareka  adolah untuak mamajuan kapantiangan urang  Malayu sarato mamintak palinduangan British ka ateh kadudukan Melayu. Pado bulan Mac 1946, 41 persatuan  Malayu nan dibantuak Pertubuhan Kebangsaan Melayu Bersatu (UMNO), untuak manyatoan dominasi Melayu ateh Malaya.

Malayu dan kemelayuan alah manjadi asas utama bagi ideologi  Malayu dan nasionalisme  Malayu di Malaysia. Ketiga-tiga puak nasionalis  Malayu picayo dalam idea Negara Melayu (Bangsa Melayu) dan kadudukan bahaso Melayu, namun indak bersetuju alih paranan Islam dan raja-raja Melayu. Konservatif disokong Bahasa Melayu, Islam dan pemerintahan Melayu nan manjadi tonggak utama kemelayuan, namun dalam nagaro sekular nan menghadkan paranan politik Islam. nan bahaluan kiri bersetuju jo negara sekular namun mahu menamatkan feudalisme, manakala kumpulan Islam menggemari barakhia royalti namun mancari paranan nan labiah gadang Islam.

Yang maningga dunia itu kesultanan  Malayu di Sumatra Timur samaso Sosial revolusi taun 1946, sacaro drastik dipangaruahi rakan Malayan mareka  dan politik motivasi mareka  tahadok ideal nan PKMM, Greater Indonesia dan wawasan Islam 'Republik Islam. Pado bulan Mac 1946, UMNO muncul jo sokongan panuah sultan-sultan Melayu. Pergerakan baru manjalin hubuangan politik nan rapaik antaro pamarentah dan mato palajaran nan alun pernah dicapai. Inyo menjana pandapaik awam teruja  Malayu nan, basamo-samo jo sikap acuh tak acuh mengejutkan politik bukan Melayu, mambaok kapado pengabaian Britain radikal Malayan Union pelan. Menjelang Julai, UMNO berjaya dalam mandapekan pajanjian jo British untuak memulakan rundingan bagi perlembagaan baru. Rundingan taruih dari Ogos sampai November, antaro pegawai-pegawai British di satu pihak, dan wakil-wakil Sultan 'dan UMNO dan nan lain.

Dua taun kudian saparuah bebas Persekutuan Tanah Melayu dilahirkan, nan mencerminkan satu kamanangan nan jaleh untuak kapantiangan Melayu. Susunan perlembagaan nan baru sebahagian gadangnyo baliak kapado corak asas pamarentahan kolonial pra-perang dan dibina pado ketuanan nagari-nagari individu Melayu. Hak dan keistimewaan  Malayu taruih terpelihara. Tradisional Raja-raja Melayu itu mengekalkan hak istimewa mareka , manakala keturunan mareka  nan bapandidikan Inggeris datang untuak manduduki jawatan kuaso di pusat, nan progresif decolonized. Pado bulan Ogos 1957, Persekutuan Tanah Melayu, pergantungan tarakhia Barat utama di Asia Tenggara, kamardekaan dicapai dalam pemindahan kuaso berjalan jo aman. Persekutuan alah dibantuak samulo sabagai Malaysia jo tambahan pado taun 1963 Singapura (dipisahkan pado 1965), Sabah dan Sarawak.

Bahaso  Malayu iolah ciek bahaso dari rumpun bahaso Austronesia nan marupoan rumpun bahaso utamo di dunia. Variasi jo dialek-dialek  Malayu digunokan sabagai bahaso rasmi di Malaysia, Brunei, Singapura, jo Indonesia. Ditutuakan pulo di Thailand, Filipina, Kapulauan Cocos (Keeling), Pulau Christmass, Sri Lanka, Suriname. Panutua aslinyo bajumlah kiro-kiro 33 juta urang di kapulauan Melayu dan digunokan pulo sabagai bahaso kaduo dek 220 juta urang.

Bahaso Melayu Kuno mulonyo tasebar sacaro laweh di kapulauan Melayu katiko zaman kakuasoan Sriwijaya. Kamudian tagantikan jo bahaso Melayu Klasik nan mancagua basamo jo datangnyo Islam dan mancapai puncak kajayaannyo katiko zaman kasultanan Melaka. Pado abaik ka-15, bahaso iko lah tasebar ka kawasan-kawasan nan di lua kakuasoan Melaka umpamo Ternate dan Tidore di Maluku utara. Katiko maso iko, bahaso  Malayu juo manjadi bahaso istano jo sastra di karajaan-karajaan di lua kawasan panutua tradisional bahaso Melayu.

Pado zaman dahulu, bahaso  Malayu marupoan salah satu bahaso ilmu utamo di kalangan para ilmuwan Islam. Para pangarang Eropa abaik ka-18, sarupo Tavernier, Thomassin jo Werndly manggambakan bahaso  Malayu sabagai bahaso ilmu di saluruah Hindia Timur, co bahaso Latin di Eropa Iko juo adolah bahaso nan paliang banyak panggunoannyo katiko zaman panjajahan Inggirih jo Balandao di Kapulauan Melayu.

Loghat Kasultanan Johor atau Johor-Riau adolah turan umum di kalangan urang  Malayu di Singapura jo Malaysia, dan inyo asa dari bahaso Indonesia kini. Di samananjuang tanah Melayu, loghat Kelantan dalam bantuak totoknyo adolah nan paliang sulik dipahami. Loghat samananjuang lain tamasuak loghat Kedah, loghat Melaka, loghat Negeri Sembilan, loghat Perak, loghat Pahang, jo loghat Terengganu. Di Thailand,  Malayu Satun batutua co loghat Kedah samantaro nan di wilayah-wilayah Patani batutua co loghat Kelantan. Di Brunei, ado babagai loghat  Malayu nan digunokan; Bahaso  Malayu Dirajo, Kedayan, Kampong Ayer, Bahaso  Malayu Pasa jo Bahaso  Malayu Brunei. Sadang di Indonesia, loghat bahaso  Malayu buliah digolongkan manjadi duo loghat utamo iyolah loghat  Malayu Barat (bamakno loghat  Malayu nan ditutuakan urang asli etnik Melayu, di antaronyo loghat Riau, loghat Jambi, loghat Palembang, loghat Bengkulu, loghat Bangka, loghat Belitung, loghat Komering, jo loghat lain di Sumatera jo Kalimantan Barat) jo loghat  Malayu Timur (bamakno loghat  Malayu nan ditutuakan urang bukan etnik Melayu, di antaronyo loghat Kutai, loghat Gorontalo, loghat Ternate, loghat Ambon, loghat Papua, jo loghat lain di Indonesia Timur).

Bahaso  Malayu manuruik sajarah ditulih dalam Pallawa, Kawi jo Rencong. Salapeh datangnyo Islam, tulisan Jawi nan baasaskan abjad Arab bamulo digunokan jo masih ado hinggo kini sabagai tulisan rasmi di Malaysia jo Brunei , dan juo tulisan rasmi untuak bahaso Yawi di selatan Thailand. Bamulo dari abaik ka-17, akibaik dari panjajahan Inggirih jo Balando, tulisan Jawi sacaro baansua-ansua digantian jo tulisan Latin nan akhianyo manjadi tulisan modern rasmi untuak bahaso  Malayu di Malaysia, Singapura, jo Indonesia ( tulisan rasmi lain di Brunei).

Seni arsitektur kadiaman asli di kapulauan  Malayu buliah tabagi dalam duo bantuak utamo. Nan patamo adolah bantuak kadiaman kaum nan tabagi pulo kapado duo iyolah bantuak tradisional urang asli jo bantuak parahu nan dipunyo suku Flores, Nias, Batak, Melanesia, Toraja jo Papua. Bantuak kaduo adolah seni arsitektur masyarakaik maritim pasisia nan labiah maju sarupo Melayu, Bugis, Aceh, Minangkabau, jo lain-lain, nan mandirikan palabuahan, karajaan, malah dinasti-dinasti. Sarupo juo dalam seni arsitektur suku-suku lain di kapulauan Melayu, kayu marupoan bahan utamo dalam pambangunan rumah tradisional Melayu. Bagaimanopun, panamuan struktur batu lamo utamonyo bangunan rumah ibadat dari zaman karajaan-karajaan  Malayu purba di tanah Melayu dan karajaan Sriwijaya, mambuktikan urang  Malayu juo manggunokan batu dalam pambangunan.

Ado bukti arkeologi bangunan candi campuran batu jo kayu di lambah bujang, Kedah nan dipangaruahi dek seni arsitektur India batangga kurun patamo sabalun Masihi. Dalam kawasan nan lawehnyo labiah dari 350 kilometer persegi, 87 tapak basijarah alah dilaporkan tadiri dari tungku basi, dewan jo jeti di sapanjang sungai purba Lambah Bujang. Ado juo candi-candi nan ditamukan di puncak-puncak gunuang, ciek ciri nan mungkin barasa dari kayakinan urang  Malayu purba manganai kasucian tampek-tampek tinggi.

Candi Muara Takus jo Candi Muaro Jambi di Sumatra marupoan antaro paninggalan arkeologi nan bakaitan jo elemen-elemen arsitektur karajaan Sriwijaya. Sabagian gadang paninggalan arsitektur Sriwijaya dapek juo ditamukan di Chaiya (kini sabuah wilayah di Thailand) di Samananjuang Melayu, nan pernah manjadi pusek tapantiang pado zaman Sriwijaya. Bantuak unik struktur rumah ibadat di Chaiya tadiri dari ruang sel nan mamajang gambar Buddha jo puncak struktur nan ditinggikan dalam bantuak stupa jo surambi nan batingkek-tingkek, nan dapek dicaliak pado Wat Pra Borom That.

Gambaran urang asiang nan tarawal tantang seni arsitektur  Malayu di tanah  Malayu dapek ditamukan dalam babarapo catatan Chino. Ciek catatan dari abaik ka-7 mancaritokan tantang panziarah-panziarah Buddha nan singgah di Langkasuka ado manarangkan nan kotanyo dikaliliangi tembok jo menara-menara paninjau, dan punyo pintu bakamba nan gadang Ciek lai catatan abaik ka-7 dek utusan khas Chino ka Karajaan Bumi Merah mancataikan nan ibu kotanyo punyo 3 pintu utamo nan jarak antaronyo adolah 100 langkah dan dihiasi jo lukisan batemakan Buddha jo samangek-samangek wanita.

Kaadaan fisik bangunan kayu nan mudah rusak jo kurangnyo catatan tantang hasil seni arsitektur sabalun abaik ka-15, manyababkan pangatahuan taparinci tantang seni arsitektur  Malayu tabateh pado 500 taun dahulu saja. Katarangan taparinci tantang seni arsitektur  Malayu nan tarawal adolah manganai Istano gadang Sultan Mansur Shah nan mamarintah Malaka dari taun 1458 hinggo 1477.. Manuruik Sijarah Melayu, bangunan iko punyo tujuah struktur ruang di ateh tiang-tiang kayu, jo tujuah bumbung dari gantiang timbago nan balapis-lapis jo menara-menara batabua ameh, dihiasi jo camin kaco Cino Sumber Portugis juo ado manarangkan tantang Istano Sultan Mansur Shah sarato bangunan musajik batu di Malaka.

Rumah adaik Melayu tradisional dibangunan manggunokan struktur rangka kayu nan sadarano. Inyo biasonyo punyo bumbuang nan miriang, surambi di bagian muko, langik-langik tinggi, banyak bukaan di dindiang untuak sirkulasi udaro, dan acok dihiasi jo ukiran kayu nan indah. Kacantikan jo kualitas ukiran kayu  Malayu malambangkan taraf sosial jo pangkek pamiliak-pamiliaknyo. Hasil seni arsitektur  Malayu nan paliang indah biasonyo dapek dicaliak pado istano rajo-rajo jo rumah golongan bangsawan sarato rumah-rumah ibadat tradisional.

Banyak elemen reka bantuak arsitektur  Malayu kini diadaptasi pado struktur modern untuak mancaminkan identitas Melayu. Struktur bumbuang bagalombang nan disokong dek rangka bajo di bangunan KLIA adolah diilhamkan dari rumah kampuang gaya  Malayu tradisional. Kayu nan marupoan elemen pantiang dalam pambangunan bangunan  Malayu tradisional, juo ditarjamahkan dan digunokan dalam bantuak modern di KLIA jo Putrajaya. Di Putrajaya, rumah pajabaik Pardano Mantari baririk jo panel kayu untuak mancapai tujuan desain iko. Bagian bawah struktur atok bakubah KLIA nampak saakan-akan melitupi jalur nipis kayu nan manuruik arsiteknyo, mancaminkan struktur kayu tradisional Malaysia, manginterpretasi samulo kaedah pambangunan tradisional jo manguekkan identitas lokal. Salain itu, elemen-elemen bukan seni arsitektur warisan  Malayu juo digunoan pado bangunan modern. Pintu masuak ka dalam Menara Kamba Petronas dihiasi jo motif-motif  Malayu kontemporer nan diadaptasi dari seni karajinan tangan tradisional, tamasuak Songket jo ukiran kayu nan tainspirasi dari bantuak-bantuak hutan hujan tropika.

Seni Silek  Malayu alah dipagunokan urang  Malayu sajak ratusan taun nan lalu dan kini dapek ditamukan di saluruah kapulauan  Malayu utamonyo di wilayah tradisi  Malayu iaitu samananjuang Tanah Melayu, Kapulauan Riau, Sumatra, jo pasisia pantai Borneo. Seni Silek dikatokan bakambang dari hasia pangamaikan jo paniruan garakan hewan sarupo baruak, alang, jo harimau. Iko manggabuangkan garakan manyipak, manumbuak, jo manjatuahkan sarato panggunoan sanjato. Walaupun sanjato utamo urang  Malayu adolah Karih, ado juo sanjato-sanjato lain nan digunokan dalam silek umpamonyo Ladiang, Badiak, Tekpi, Tumbuak Lado, Karambiak, Parang, Sundang, Sabik, Lembing, jo batang buluah.

Sajarah asa-usua silek sangaik sukar dipastikan karano kurangnyo catatan nan masih ado, salain dari sajarah lisan jo legenda nan diturunkan dek mahaguru-mahaguru silek. Dipacayo pado abaik ka-6 masehi, seni parang  Malayu tarawal alah mulai dijalankan di samananjuang Tanah  Malayu jo Sumatera. Bantuak-bantuak tarawal Silek dikatokan alah bakambang dan digunokan dalam angkatan basanjato karajaan-karajaan  Malayu purba di samananjuang sarupo Langkasuka dan Kedah sarato karajaan Sriwijaya.

Pangaruah karajaan  Malayu Sriwijaya dan Kasultanan Melaka alah manyumbang panyebaran seni mampatahankan diri iko ka saluruah palosok Kapulauan Melayu. Malalui muaro-muaro jo sungai-sungai nan manjadi pusek utamo padagangan, Silek tasebar jauah ka masyarakaik padalaman. Pahlawan legenda  Malayu dari Melaka, Laksamana Hang Tuah marupoan surang pesilat nan paliang takenal dalam sejarah bahkan dianggap satangah pihak sabagai bapak silek Melayu. Sajak zaman klasik Melaka, Silek mangalami diversifikasi nan gadang sahinggo maunjuan babagai aliran jo variasi nan kamudiannyo mambantuak apo nan kini diakui sacara tradisional sabagai sumber Pancak Silek, istilah generik untuak sadoalah seni mampatahankan diri Indonesia. Di Malaysia sajo, ado labiah dari 150 perguruan Silek dari aliran nan babedo-bedo, aliran utamo paguruan silek nan tanamo adolah Silek Gayong, Silek Cekak, Silek Sendeng, Silek Kuntau, Silek Harimau, Silek Lian dan Silek Terlak.

Salain dari seni Silek, Tomoi juo diamalkan dek urang  Malayu utamonyo di nagari-nagari utara samananjuang Tanah Melayu. Samo sarupo Pradal serey dan Muay Thai, Tomoi marupoan salah satu varian kickboxing versi Indo-China nan dipacayo alah disebarkan di tanah gadang Asia Tenggara sajak zaman karajaan Funan.

Dalam budayo Melayu, pakaian jo tekstil amaik tinggi kaduduakannyo dan malambangkan kaelokkan, kuaso, jo pangkek. Babarapo katarangan dalam Hikayat-Hikayat  Malayu ado panakanan sabarapo pantiangnyo kaduduakan tekstil. Sijarah industri tenunan  Malayu dapek ditalusuri sajak abaik ka-13 apobilo lalu linteh padagangan di Timur bakambang pasek di bawah paranan karajaan dinasti Song. Katarangan tantang tekstil buekan lokal jo kamajuan industri panyulaman di samananjuang Tanah  Malayu dinyatokan dalam babarapo catatan Chino jo India. Antaro jinih tekstil  Malayu nan tanamo dan masih ado inggo hari iko adolah Songket jo Batiak.

Pakaian tradisional  Malayu taawal cukuik sadarano, wanitanyo mamakai saruang nan manutuik bagian bawah tubuah inggo ka dado samantaro lalakinyo mamakai baju senteang, ado nan balangan ado juo nan indak, jo sarawa senteang inggo ka lutuik. Bagaimanopun, apobilo padagangan jo dunia lua samakin maju, caro bapakaian urang  Malayu mandapek pangaruah lua dan baubah manjadi labiah takini. Abaik ka-15 adolah puncak kajayoan zaman Kasultanan  Malayu Malaka jo Islam sabagai agamo rasminyo. Sarupo nan dicaritokan dalam Sijarah Melayu, katiko itulah pakaian tradisional Baju Melayu tabantuak. Pangaruah Islam nan kuek alah mangubah caro bapakaian urang  Malayu kudiannyo jo ciri-ciri nan basasuaian jo agamo Islam. Pakaian umum  Malayu klasik untuak lalaki tadiri dari baju, sarawa kaki kaciak, saruang nan dipakai di pinggang, jo tanjak atau tangkuluak nan dipakai di kapalo. adolah pakaro biaso bagi surang pahlawan  Malayu manyisipkan karih di lipatan muko saruang. Pakaian  Malayu versi wanita nan taawal adolah labiah lungga jo panjang. Bagaimanopun inyo kudiannyo dipabarui dan dipopulerkan Sultan Abu Bakar dari Kasultanan Johor pado kurun abaik ka-19, manjadi bantuak baju kuruang nan dipakai inggo kini.

Ado babagai bantuak jo variasi pakaian tradisional  Malayu nan ado manuruik daerah-daerah nan babedo, namun jinih nan paliang masyhur inggo kini adolah baju kuruang (untuak padusi) jo baju Melayu (untuak lalaki), nan kaduo-duonyo diakui sabagai pakaian kabansoan untuak Malaysia jo Brunei dan masih dipakai dek komunitas  Malayu di Singapura, Thailand, jo Indonesia. Babedo jo baju  Malayu nan masih dipakai hanyo dalam upacara-upacara tatantu, baju kuruang labiah populer dipakai satiok hari dek banyak wanita Melayu. Urang awam, pakarajo profesional, dan pelajar wanita nan mamakai baju kuruang alah manjadi pamandangan biaso di Malaysia jo Brunei.

Kesusasteraan  Malayu kaya jo khazanah sastera lisan dan sastera klasik nan sebilangan gadangnyo mengandungi kisah dari pelbagai lapisan masyarakat, dari pekerja rumah tangga ka menteri, dari hakim ka Raja, dan merentasi pelbagai zaman, dari zaman silam sampai ka zaman kontemporari, nan basamo-samo mambantuak identiti kemelayuan nan pelbagai.

Bahaso  Malayu adolah bahaso nan lambuik dan halus. Keaslian dan keindahan sastera  Malayu dapaik dilihat dalam elemen puisinya, nan menekankan panggunoan rima dan irama. Antara bantuak puisi Melayu nan takenal adolah - Pantun, Syair dan Gurindam.

Bentuk terawal sastera  Malayu adolah sastera lisan dan tema utamanya adolah cerita dongeng tantang alam semula jadi, haiwan dan manusia. Cerita dongeng dihafal dan diwarisi dari satu keturunan penglipur lara ka keturunan nan sataruihnyo . Banyak dari cerita-cerita iko dikarang dek  penglipur lara contohnya; Hikayat Malim Dewa, Hikayat Malim Deman, Hikayat Raja Budiman, Hikayat Raja Donan, Hikayat Anggun Cik Tunggal, dan Hikayat Awang Sulung Merah Muda.

Apobilo pangaruah budayo India mulo manyeba ka saluruah kepulauan  Malayu kiro-kiro 2000 taun nan lalu, sastera  Malayu mulo manggabuangkan elemen-elemen dari India. Pado zaman Hindu-Buddha iko , karya-karya dari sastera Sanskrit dan mitologi Hindu diterjemah, dan diadaptasi ka dalam sastera Melayu. Antara karya-karya nan bersusur galur dari zaman iko adolah Hikayat Seri Rama (suatu terjemahan bebas Ramayana) dan Hikayat Panca Tanderan (suatu adaptasi Hitopadesha) .

Zaman sastera  Malayu klasik bamulo salapeh ketibaan Islam dan penciptaan tulisan Jawi (tulisan nan berasaskan abjad Arab). Sajak itu, elemen-elemen Islam mulo mambaok pangaruah nan gadang dalam sastera Melayu.  Batu Bersurat Terengganu nan bertarikh 1303, adolah panulisan naratif  Malayu terawal nan diketahu wujud. Batu iko dipahek jo catatan sejarah, undang-undang, dan kisah cinta dalam tulisan Jawi. Karya nan dianggap tapantiang dalam sastera  Malayu pulo adolah Sejarah Melayu (Sulalatus Salatin) nan sangaik masyhur itu. Inyo pernah digelar karya sastera  Malayu nan paling masyhur, mempunyai ciri tersendiri, dan nan terbaik, dek sarjana takenal dalam pangajian Melayu, Sir Richard O. Winstedt. Tarikh sebenar bilo  Sajarah  Malayu ditulih dan sia panulih asalnyo adolah indak diketahui, namun ateh titah parentah Sultan Alauddin Riayat Shah III dari Johor pado 1612, Tun Sri Lanang menyelia proses panyuntiangan dan panyusunannyo..
     
Pado abaik ka-19, sastera  Malayu alah mangalami revolusi pantiang malalui karya-karya Abdullah Abdul Kadir Munshi, saurang munshi Singapura kalahiaran Melaka nan terkenal. Pado zamannya, Abdullah dianggap sabagai urang  Malayu nan paliang tapalaja pernah menulis, salah saurang pembaharu tahebaik dalam persuratan Melayu dan juo dianggap bapa sastera  Malayu moden. Karya-karya beliau nan tapantiang adolah Hikayat Abdullah (sebuah autobiografi), Kisah Pelayaran Abdullah ke Kelantan ( catatan tantang perjalanannya untuak karajaan Singapura ka Kelantan), dan Kisah Pelayaran Abdullah ke Mekah (catatan tantang perjalanannya untuak menunaikan Haji di Mekah). Karya-karya beliau marupoan inspirasi bagi generasi pangarang nan sataruihnyo  dan manandoan tahap awal paraliahan dari zaman sastera  Malayu klasik ka zaman sastera  Malayu moden..

Ukiran kayu adolah bagian utamo seni rupo  Malayu klasik.  Urang  Malayu sacaro tradisinyo manghiasi tugu, bot, sanjato, pusaro, alek musik, jo pakakeh bamotif bungo, seni kaligrafi, geometri, jo benda kosmos. Seni iko dihasiakan jo mambuang sabagian pamukoan kayu jo alek-alek tajam, manuruik alua corak-corak, gubahan, jo susunan khusus. Inyo dicaliak sabagai ciek bantuak pangamboan si tukang kayu kapado Sang Pencipta jo anugerah kapadp masyarakaik.

Seni ukiran kayu bakambang maju dalam budayo  Malayu hasia dari banyaknyo sumber kayu di kapulauan  Malayu dan juo kapandaian tukang kayu. Kayu nan biaso digunokan adolah spesis kayu kareh tropis nan tahan lamo jo talok manahan sarangan kumbang, anai-anai, jo lain-lainnyo. Salain itu, iklim tropis nan punyo baragam flora jo fauna sarato dayo kosmik, alah maagiah inspirasi motif-motif dalam bantuak abstrak atau stail di ateh papan kayu. Jo kadatangan Islam, bantuak geometri, jo seni kaligrafi Islam alah dipakenalkan dalam seni ukiran kayu.

Rumah-rumah atau musajik  Malayu tradisional biasonyo ka dihiasi jo labiah dari 20 komponen ukiran. Ukiran pado dindiang jo panel mambatuakan aliran udaro nan bakesan di dalam jo lua bangunan jo dapek mambiaan sinar matohari manarangi bagian dalam struktur.  Pado maso nan samo, bayang-bayang baasaskan motif-motif nan tahasia dari panel ka manambah elok pado bagian lantai. Dek itulah, satiok ukiran kayu indak hanyo untuak nilai estetika samato, tapi juo untuak fungsi-fungsi khusus.

Seni pertunjukan urang  Malayu adolah kaya jo pelbagai jenis muzik, tarian dan teater nan marupoan gabuangan dari pelbagai pangaruah budaya. Jenis genre adolah pelbagai, dari drama tari  Malayu asli misalnyo Mak Yong sampai ka tarian-tarian dari pangaruah Arab misalnyo Zapin. Koreografi garakan juo adolah berbeza-beza, dari langkah dan talaan nan mudah misalnyo dalam Dikir barat sehinggalah ka garakan nan labiah sukar misalnyo dalam Joget Gamelan.

Muzik  Malayu tradisional pado asasnya manggunoan genderang. Pelbagai jenis gong mambarian rantak untuak tarian-tarian.  Tadapek juo gendang dari pelbagai saiz, dari rebana ubi gadang nan digunoan untuak acara pantiang sampai ka kompang ketek nan digunoan untuak mangiringi pasambahan dalam upacaro keagamaan dan perkahwinan.

Kesenian Nobat marupoan alaik kebesaran diraja dan manuruik catatan sajarah inyo digunoan sajak zaman Kesultanan Kedah dan Kesultanan Melayu Melaka. Inyo adolah lambang kebesaran Raja-Raja  Malayu sampai hari iko dan hanyo dipasambahkan dalam upacara-upacara keagamaan dan diraja nan penting, contohnyo dalam istiadaik pertabalan Yang di-Pertuan Agong. Orkestra tradisional Nobat tadiri dari alaik muzik nehara, gendang, nafiri, serunai dan kadang kadang tamasuak gong bertombol dan sapasang simbal.

Pangaruah India adolah kuek dalam wayang kulit di mano kisah-kisah dari epik Hindu; Ramayana  Mahabharata manjadi repertoir utama.  Tadapek ampek jenis teater wayang kulik nan dapaik ditamui di samananjuang Tanah Melayu; Wayang Gedek, Wayang Purwa, Wayang Melayu dan Wayang Siam.

Antara seni pertunjukan  Malayu lain nan takenal ialah; teater Bangsawan, balada cinta Dondang sayang dan tarian Mak Inang dari Kesultanan Melaka, teater Jikey dan Mek Mulung dari Kedah, tarian Asyik dan drama tari Menora dari Patani dan Kelantan, drama tari Ulek mayang dan tarian Rodat dari Terengganu, dan teater Boria dari Pulau Pinang.

Satiok wilayah tradisional  Malayu mampunyoi makanan khasnyo surang-surang. Umpamonyo Terengganu jo Kelantan tanamo jo Nasi dagang, Nasi kerabu sarato Keropok lekor, Negeri Sembilan jo masakan balamak, Pahang jo gulai tempoyak, Kedah jo Asam laksa, Malaka jo Asam pedas, dan Brunei jo hidangan Ambuyat.

Ciri utamo masakan tradisional  Malayu adolah panggunoan rempah nan banyak, sarato santan nan pantiang untuak mangasiakan makanan balamak jo pakek. Paraso sarupo belacan jo budu adolah pantiang untuak manambuah kanikmatan makanan. Belacan digunokan pulo sabagai bahan utamo basamo-samo jo lado, bawang merah, jo bawang putiah untuak mangasiakan sambal, ciek lai paraso utamo dalam hidangan. Masakan  Malayu banyak juo manggunokan langkueh jo serai makan.

Ampiang satiok masakan  Malayu dihidangan basamo jo nasi, makanan pokok urang  Malayu dan juo kabanyakan etnik lain di Asia. Walaupun ado banyak jinih makanan dalam masakan Melayu, biasonyo sadonyo dihidangan sakaligus, indak bagantian disajian co budayo Barat. Makanan akan dijamah jo tartib manggunokan tangan suok (tangan kida dikhususkan untuak panyucian diri) dan urang  Malayu jarang manggunokan pakakeh.. Dek karano kabanyakan urang  Malayu baagamo Islam, aturan masakan  Malayu badasakan hukum halal Islam sacaro ketat. Pangambilan protein kabanyakannyo diambiak dari dagiang jawi, kabau, kambiang, biri-biri, ayam, itiak, jo ikan. Dagiang kandiak, dagiang indak halal nan lain sarato alkohol dilarang jo indak ado dalam aturan makanan sahari-hari Melayu.

Nasi lemak, sajinih nasi nan dimasak dalam santan pakek dan marupokan hidangan  Malayu paliang tanamo nan mudah tasuo di satiok pakan jo kampuang  Malayu sarato dianggap hidangan kabansoan Malaysia. Ciek lai contohnyo adolah Katupek atau nasi himpit, nasi taimpik padek nan dimasak di dalam daun karambia, biasonyo dihidang katiko sambutan Hari Rayo Idul Fitri. Babagai jinih dagiang jo sayur-sayuran dipakai untuak mangasiakan  Gulai, sajinih hidangan kari jo babagai campuran rempah nan mandapek pangaruah India nan jaleh jo ditarimo dek urang  Malayu sajak zaman katumba.  Laksa, ciek campuran masakan  Malayu jo Cino Paranakan adolah ciek hidangan nan tanamo.  Masakan  Malayu juo mangadaptasi sabagian tradisi masakan sakitarnyo, sarupo randang dari Minangkabau di Sumatra, jo sate dari Jawa, bagaimanopun urang  Malayu alah mambangunkan cito raso jo masakan khas mareka nan tasandiri.

Pamainan  Malayu tradisional biasonyo mamaralukan kapandaian dalam mambuek karajinan tangan, dan asa-usuanyo dapek ditalusuri sajak zaman Kasultanan  Malayu Malaka. Sipak rago jo layang-layang marupokan babarapo pamainan tradisional nan ado dinyatokan dalam teks Sijarah Melayu, dimainkan dek golongan bangsawan jo kaluargo dirajo Kasultanan  Malayu Melaka.
 
Sipak Rago nan kini disabuik sabagai Sipak takraw adolah salah satu pamainan  Malayu nan tanamo sarato alah dimainkan sajak ratusan taun saisuak. Sacaro tradisi, Sipak rago dimainkan dalam bulatan jo manendang sarato manimbang bola rotan manggunokan bagian tubuah mano pun kacuali lengan jo tangan. Inyo kini diakui sabagai olahraga asali Asia Tenggara .

Pamainan nan tanamo lainnyo adolah pamainan Gasiang nan acok dimainkan salapeh musim manuai padi. Kapandaian dalam patukangan diparalukan untuak mandapek gasiang nan paliang kompetitif, ado di antaronyo nan dapek baputa sahinggo duo jam lamonyo.

Kamudian pamainan  Malayu nan paliang tanamo adolah layang-layang atau labiah acok disabuik sabagai Wau di samananjuang Tanah Melayu.  Patandiangan manabangkan Wau mangambiak tampek jo hakim-hakim nan mangarati patukangan (Wau adolah objek rancak nan bawarna-warni nan dibuek jo bingkai buluah), bunyi (sadonyo layang-layang Melayu direka bantuak bia dapek manghasilkan bunyi khas apobilo ado di udaro) jo katinggian.

Urang  Malayu juo punyo ciek varian mainan bapapan Mancala nan acok disabuik sabagai Congkak. Pamainan iko dimainkan jo manggali biji congkak nan tabuek dari batu, guli, manik atau kerang, pado papan kayu nan balubang duo baleh atau labiah. Mancala diakui sabagai pamainan tatuo di dunia dan alah dimainkan sajak zaman Mesir Kuno.

Namo urang  Malayu mancaminkan struktur masyarakaiknyo nan bahierarki jo pangkek dianggap sangaik pantiang. Iko alah mangalami parubahan nan gadang mangikuik pakambangan zaman, dan mancamikan babagai pangaruah lua ka ateh masyarakaik  Malayu salamo kurun wakatu nan lamo. Walaupun satangah namo  Malayu modern masih mamakai pangaruah dari namo  Malayu asli jo Sanskrit, sabagai umaik Islam, urang  Malayu alah lamo manggunokan namo Arab sabagai tando agamo mareka.

Namo  Malayu itu badasakan sistem patronimi dan dapek tadiri hinggo ampek bagian iyolah pangkek, namo nan dibarikan, namo keluarga, jo namo bapak.  Satangah namo dibarikan dan namo bapak dapek tadiri dari duo atau tigo namo, nan manghasiakan namo panuah nan sangaik panjang. Contohnyo, salah surang pamain bola sipak kabangsaan Malaysia Mohd Aidil Zafuan Abdul Radzak, di mano 'Mohd Aidil Zafuan' adolah tigo namo nan dibarikan dan 'Abdul Radzak' adolah duo namo bapaknyo.

Salain itu, bahaso Melayu juo punyo sistem pangkek jo kahoromatan nan sangaik kompleks, nan hinggo kini masih digunokan sacaro laweh di Malaysia jo Brunei. Jo malatakkan pangkek Melayu pado namo  Malayu biaso, ciek namo nan labiah kompleks akan dihasiakan. Pardano Mantari Malaysia kini punyo namo panuah Dato' Seri Mohd Najib bin Tun Haji Abdul Razak, di mano 'Dato' Seri' adolah pangkek kahoromatan Melayu, 'Mohd Najib' adolah namo aslinyo, 'bin' maagiah tau namo pangkek jo namo bapaknyo, 'Tun' adolah gala kamuliaan nan labiah tinggi, 'Haji' manandokan bapaknyo pernah manunaikan Haji di Mekah, jo 'Abdul Razak' adolah namo asli bapaknyo.

Bagaimanopun, namo-namo  Malayu nan labiah kompleks dimiliki dek karabaik karajaan  Malayu utamonyo Rajo-Rajo  Malayu nan sadang mamarintah. Yang di-Pertuan Agong Malaysia punyo namo panuah Duli Yang Maha Mulia Al-Wathiqu Billah Tuanku Sultan Mizan Zainal Abidin Ibni Al-Marhum Sultan Mahmud Al-Muktafi Billah Shah, manokalo Sultan Brunei dikana jo namo rasmi bagindo, Kebawah Duli Yang Maha Mulia Paduka Seri Baginda Sultan Haji Hassanal Bolkiah Mu'izzaddin Waddaulah ibni Al-Marhum Sultan Haji Omar 'Ali Saifuddien Sa'adul Khairi Waddien.

Pado mulonyo, urang  Malayu adolah umaik animisme nan picayo adonyo jiwa dalam sadoalah benda.. Pado pamuloan masehi, agamo Hindu jo agamo Buddha Mahayana dipakanakan dek para padagang India ka Kapulauan Melayu, di mano alah bakambang pesat sampai kadatangan Islam nan dibaok dek padagang Arab, India, jo Cino.

Pado abaik ka-15, mazhab Sunah Waljamaah ortodoks tasebar laweh di kapulauan  Malayu di bawah paranan kasultanan Malaka. Babedo jo agamo Hindu nan mangubah masyarakaik  Malayu awal sacaro lahiriah, Islam dapek dikatokan baraka kuek pado diri urang Melayu Salapeh zaman iko, sacaro tradisinyo, identiti urang  Malayu adolah sangaik bakaitan arek jo Islam dan batahan hinggo kini Kaitan iko sangaik arek sampai apobilo sasaurang dari suku lain mamaluak agamo Islam di alam Melayu, baliau dikatokan akan masuak Melayu.

Dari panalitian orientalis Inggirih jo pamimpin kolonial Malaya British, Richard Olaf Winstedt nan pernah tingga di Tanah Melayu dari taun 1902 hinggo 1939, kayakinan-kayakinan lamo nan dari zaman sabalun Islam masih baraka dalam budayo  Malayu pado zaman tasabuik. Aliran sufisme atau unsua mistik dari mazhab Syiah, nan indak ado dalam mazhab Sunah Waljamaah ortodoks juo diamalkan dek urang Melayu, disampiang unsur-unsur lamo dari ajaran animisme jo agamo Hindu-Buddha.

Kaadaan iko bagaimanopun barubah pado maso pambaruan Islam (juo digala Islamisasi samulo) nan balaku di saluruah dunia pado taun 1970an. Banyak amalan dan tradisi nan batantangan jo ajaran Islam dan ado unsur-unsur kayakinan lamo nan syirik mulai ditinggakan dek urang Melayu. Antaronyo adolah temasya Mandi Safar nan sangaik tanamo diamalkan suatu katiko dahulu. Pesta mandi untuak kasucian rohani iko dikatokan punyo unsur-unsur dari amalan Durga Puja agamo Hindu..

Labiah kurang 99.9% urang  Malayu modern adolah panganuik Islam dari mazhab Sunah Waljamaah dan sadoalah parayoan-parayoan tapantiang  Malayu adolah hari-hari rayo dalam Islam umpamonyo Hari Rayo Idulfitri, Hari Rayo Iduladha, Awal Muharram ( Taun Baru Islam) dan Maulid Nabi Muhammad SAW (Hari kalahiran Nabi Muhammad S.A.W).

Istilah Melayu juo pernah digunokan dalam konsep Rumpun Banso Melayu, nan marangkumi sadoalah kumpulan suku jo etnik nan mandiami Kapulauan Melayu sarupo Aceh, Banjar, Betawi, Minang, jo Jawa. Istilah iko patamo kali dicanangkan dek saintis Jerman Johann Friedrich Blumenbach (1752–1840) dalam klasifikasi banso-banso manusia, dan populer digunokan pado zaman kolonial Eropa di kapulauan Melayu. Manuruik Blumenbach, “banso Melayu” adolah subkategori untuak banso Ethiopid jo Mongoloid, dan diklasifikasikan di baruah bangsa perang




#Article 147: Kota Kinabalu (5048 words)


Kota Kinabalu (disingkek KK; daulu banamo Jesselton), adolah ibukota dari nagara bagian Sabah nan talatak di Malaysia Timur. Kota ko marupoan juo pusek pamarentahan untuak Bahagian Pantai Barat nagara bagian Sabah. Kota ko talatak di barat lauik pasisia Kalimantan nan maadok ka Lauik Cino Salatan. Gunuang Kinabalu nan jadi asa namonyo barado di wilayah kota ko, baitu juo jo Taman Tunku Abdul Rahman nan adolah tampek palinduangan kahiduikan lia sato tamasuak wilayah ko pulo. Sampai taun 2010, Kota Kinabalu adolah tampek tingga untuak 452,058 jiwa panduduak samantaro daerah Penampang nan juo maliputi wilayah kota ko mamiliki sakitar 176,667 jiwa. Kok dijumlahan, jumlah populasi area metropolitan Kota Kinabalu adolah 628,725 jiwa.

Kota ko juo marupoan tujuan wisata utamo dan pintu masuak nan populer bagi palancong nan mangunjuangi Sabah dan juo Kalimantan. Taman Nasional Kinabalu talatak sakitar  dari kota ko dan ado banyak tampek nan rancak untuak palancong di sakitar daerah ko. Kota Kinabalu juo marupoan salah satu pusek industri dan pusek balanjo di wilayah Malaysia Timur. Kaduo faktor ko mambuek Kota Kinabalu manjadi salah satu kota nan paliang kancang pakambangannyo Malaysia.

Sajak abaik ka-15, kawasan Jesselton barado di bawah pangaruah KarajaanBrunei. Pado akhia taun 1800-an, Parusahoan Borneo Utara Inggirih (SBUB) bamulo koloni mandiri di saluruah Kalimantan Utara. Pado taun 1882, parusahoan ko alah mandirian sabuah pamukiman ketek di daerah nan diingek sabagai Teluk Gaya nan diuni dek suku Bajau. Pamukiman patamo adolah di Pulau Gaya. Namun pado taun 1897, pamukiman patamo ko dibaka habih dan diancuaan dek pajuang kamardekaan Bajau, iyolah Mat Salleh.

Salapeh ancuanyo Pulau Gaya, SBUB mamutuihan untuak mamindahan pamukiman ka darek nan labiah mudah dipatahankan co di Taluak Alternatif (kini Taluak Sepanggar) pado taun 1898, namun tanyato indak sasuai jo nan diharokan. Pado taun 1899, Mr Henry Walker, Komisaris Tanah mangidentifikasi sabuah wilayah jo laweh  jo lebar anam rantai dan panjang kurang labiah satangah kilometer sabagai pangganti Taluak Alternatif.

Sabuah desa nelayan nan banamo Api-Api (caliak Namo asa dibawah) akhianyo dipiliah dek posisinyo nan dakek jo Layanan Kareta Api Borneo Utara dan marupoan palabuahan alam nan talinduangi dari angin. Pusek administrasi nan baru iko dinamokan Jesselton sasuai jo namo Tuan Charles Jessel, nan marupoan Wakil Katuo SBUB pado katu itu.

Akhianyo, Jesselton manjadi sabuah pos dagang utamo di wilayah Borneo Utara, jo padagangan karet, rotan, madu, jo lilin manjadi komoditas utamo. Kareta api alah digunokan untuak mangangkuik barang-barang ka palabuahan Jesselton. Palawanan urang Melayu jo Bajau pado wakatu itu indak baitu signifikan, dan parusahoan juo bakarajo kareh untuak malawan ancaman bajak lauik nan alah lamo tajadi di wilayah iko.

Kota iko alah dibumihanguihan dek pihak Inggirih katiko Parang Dunia Kaduo untuak mancegah kajatuahan ka tangan Japang. Salapeh akuisisi Borneo dek Japang, kota iko baliak dinamokan Api-Api.

Babarapo pamberontakan tahadok pamarintahan tantaro Japang sempat tajadi di Api-Api. Ciek pambarontakan gadang nan tajadi pado 10 Oktober 1943 dekGerilyawan Kinabalu nan marupoan panduduak pribumi. Tantaro Japang manghantikan pambarontakan iko salapeh pamimpinnyo, Albert Kwok, ditangkok jo dibunuah pado taun 1944.

Pado tahap akhia parang, kota iko sakali lai dihancuakan dek tantaro sakutu jo pangeboman siang jo malam dalam wakatu labiah dari anam bulan sabagai bagian dari Kampanye Borneo pado taun 1945. Sabagai akibaik dari aksi iko, hanyo tigo bangunan nan tatap tagak. Parang di Borneo Utara baakhia jo panyarahan diri rasmi Angkatan  Darek Japang ka-37 dek Letjen Baba Masao di Labuan pado 10 September 1945.

Salapeh parang baakhia, SBUB baliak untuak mangatur Jesselton tatapi indak talok untuak mambayia biayo rekonstruksi nan amaik gadang. Mareka manyarahan pangawalan Borneo Utara ka Mahkota Inggirih pado 15 Juli 1946. Pamarintah kolonial baru alah dipiliah untuak mambangun baliak Jesselton sabagai pusek pamarintahan baru, salain Sandakan nan juo alah ancua sawakatu parang.

Pado periode 1948-1955, sabuah Rencana Rekonstruksi jo Pambangunan untuak Borneo Utara alah didirian dek pamarintah Inggirih. Pamarintah Inggirih alah manyatujui dana sabanyak £ 6,051.939 - £ 2,232.882 untuak mambangun baliak dan £ 3,819.057 untuak pambangunan baru. Jalan alah dibangun, palabuahan dibarasiahan dan palabuahan udaro dipeloki. Rekonstruksi pakan jo sektor patanian juo diagiah paratian. Roy Edgardo Parry, Direktur Pendidikan patamo, alah ditunjuak untuak mampasiapkan rencana limo taun untuak pangambangan pendidikan.

Wakatu Borneo Utara basatu jo Sarawak, Singapura jo Federasi Malaya untuak mambantuak Federasi Malaysia pado taun 1963, nagari iko barubah namo dan diingek sabagai Sabah, jo Jesselton tatap sabagai pusek pamarintahan utamo. Jesselton sabagai kota diubah namonyo manjadi Kota Kinabalu pado 30 September 1968 dan manarimo status kota dari pamarintah Malaysia pado 2 Februari 2000.

Kota Kinabalu baasa dari namo Gunuang Kinabalu, nan talatak kurang labiah 50 kilometer ka arah timur lauik kota. Kinabalu baasa dari namo Aki Nabalu nan bamukasuik tampek nan diharagoi. Aki pulo bamakasuik niniak muyang atau datuak, dan Nabalu adolah namo untuak gunuang dalam bahaso Dusun. Ado juo sumber nan mangatokan baso istilah iko baasa dari Ki Nabalu; Ki bamakasuik ado atau wujuik, dan Nabalu bamakasuik sumangaik urang mati.

Salain Jesselton, ado babarapo teori lain soal namo asa Kota Kinabalu. Nan paliang populer, bak nan disabuikan di ateh, adolah Api-Api, atau hanyo Api. Dinamokan baitu dek panduduak satampek, utamonyo kaum Bajau, untuak mamparingati pambakaran kantua pamarintahan Inggirih di Pulau Gaya dek Mat Salleh, sarato kajadian pambakaran lain nan biasonyo dilakukan dek bajak lauik.

Wendy Law Suart manulih soal namo Api-Api dalam bukunyo nan bajudul Lingering Eye, 
Ciek lai panjalehan adolah baso namo Api-Api baasa dari kabakaran nan dahsyat nan tajadi pado zaman awal kota iko tabantuak. Dalam bahaso Cino, kota iko diingek sabagai Api dan disabuik urang Hakka sabagai 亚庇 (Cino sadarano; Cino Tradisional: 亚庇; Pinyin: Ya Bi)

Ado pakiroan baso kawasan Kota Kinabalu kini sabananyo dinamoi jo namo batang aia tadakek nan disabuik Sungai Api-Api. Salain Api-Api, ciek lai namo nan dapek dijalehan adolah Deasoka, nan bamakasuik di bawah pohon karambia. Panduduak Bajau satampek manggunokan namo iko untuak marujuak pado sabuah kampuang di bagian selatan kota nan dipanuahi pohon karambia. Namo lain adolah Singgah Mata nan bamakasuik mato singgah, tapi dapek juo ditarjamahan sabagai manyanangan mato. Iko adolah namo nan diagiah dek nalayan dari Pulau Gaya nan marujuak kapado kawasan nan hari iko marupoan pusek Kota Kinabalu.

Pado maso kini, sadonyo namo digunokan sabagai namo jalan atau bangunan di sakaliliang kota. Contohnyo adolah Lintasan Deasoka, Api-Api Centre, jo Jalan Singgah Mata.

Sabagai ibu kota Sabah, Kota Kinabalu mamainkan paran nan pantiang dalam politik jo ekonomi panduduak di saluruah nagari iko. Iko marupoan daerah pamarintahan utamo nagara di mano talatak hampia sado kantua kamantarian jo limbago pamarintah. Kabanyakan limbago jo departemen pamarintah federal Malaysia juo talatak di Kota Kinabalu. Dewan Undangan Nagari Sabah talatak di Taluak Likas nan tadakek. Ado ampek anggota parlemen (MP) nan mawakili 4 kawasan parlemen di kota: Sepanggar (P.171), Kota Kinabalu (P.172), Putatan (P.173), jo Penampang (P.174). Kota iko juo mamiliah 9 wakil badan legislatif nagara dari daerah DUN Karambunai, Inanam, Likas, Api-Api, Luyang, Tanjung Aru, Petagas, Kepayan, jo Moyog.

Kota iko diatur dek Balai Kota Kinabalu. Walikota kini (2013) adolah Datuak Abidin Madingkir, nan manjabaik dari Datuak Iliyas Ibrahim pado 31 Januari 2011. Datuak Iliyas adolah walikota kaduo salapeh manjabaik dari Datuak Abdul Ghani Rashid pado taun 2006. Kota iko mandapek status kota pado 2 Februari 2000. Sabalun iko diatur dek Kotamadya Kota Kinabalu.

Kawasan kota iko juo marupoan daerah, nan sabalunnyo munisipalitas Kota Kinabalu. Jo area salaweh 351 kilometer persegi, iko adolah daerah nan taketek tapi tapadek di Sabah. Kawasan kota mancakuik Tanjung Aru jo Kepayan di selatan, hinggo Telipok jo Sepanggar di utara. Kawasan kota-kota juo malaweh ka daerah Penampang di selatan pabatehan kota, nan tamasuak kota-kota Donggongon jo Putatan. Kawasan kombinasi Kota Kinabalu (daerah) di Penampang jo Putatan diingek sabagai Greater Kota Kinabalu (Kota Kinabalu Rayo).

Daerah Penampang punyo area salaweh 466 kilometer persegi, dan diatur dek Dewan Daerah Penampang.

Babarapo nagara alah mandirikan konsulat mareka di Kota Kinabalu, diantaronyo Australia, Brunei, Finlandia, Indonesia, Japang, Parancih, Swedia jo Baritania Rayo.

Kota Kinabalu kini punyo anam kota kamba (sister city) jo ciek provinsi kamba.

Kota Kinabalu talatak di pantai barat Sabah. Kota iko talatak di dataran nan sampik di antaro Banjaran Crocker ka timur jo Lauik Cino Selatan kA barat. Ado anam pulau di lua pantai kota. Nan paliang gadang adolah Pulau Gaya nan marupoan bakeh lokasi panduduakan Inggirih nan patamo. Dipakirokan 8.000 urang tingga di sinan. Pulau-pulau ketek nan indak bapanguni, diantaronyo Pulau Manukan, Pulau Mamutik, Pulau Sapi, Pulau Suluk, jo Pulau Sepanggar, talatak di utara basubarangan jo Taman Nasional Teluk Sepanggar.

Tanah rato takonsentrasi di pusek kota, dan ado batehan nan ketat untuak katinggian bangunan: palabuahan udaro talatak  dari kota jo daerah kota barado langsuang dalam jalur panabangan. Kabanyakan kawasan Distrik Pusek Bisnis (Central Business District, (CBD)) hari iko dibangun di ateh tanah reklamasi dari lauik. Kahidupan tumbuahan asli kabanyakan alah hilang, tapi babarapo bukik di dalam kota (talalu curam untuak dibangun gaduang) masih tatutuiki jo hutan hujan tropis. Salah satunyo adolah Signal Hill, nan babatehan jo CBD arah ka pantai. Di kawasan Taluak Likas, siso hutan bakau nan laweh alah hampia hilang. Pado taun 1996, nagara alah manyatokan  hutan sabagai kawasan nan dilinduangi. Hutan iko kini tanamo sabagai Kota Kinabalu Wetlands. Tampek palinduangan itu dibarikan palinduangan tambahan sabagai Situs Warisan Budayo Nagari pado taun 1998.

Limo pulau (Gaya, Sapi, Manukan, Sulug, Mamutik) nan bahadokan jo kota dipaliharo sabagai Taman Nasional Tunku Abdul Rahman. Taman iko dinamokan Pardano Mantari Malaysia nan patamo, iyolah Tunku Abdul Rahman. Iko marupoan tampek rekreasi populer bagi wisatawan jo panduduak lokal. Pusek Kota Kinabalu kabanyakan marupoan kawasan bisnis jo administrasi pamarintah nan tamasuak Karamunsing, daerah palabuahan (Tanjung Lipat), Signal Hill,  Kampuang  Air, Sinsuran, Segama, Asia City, Gaya Street (Kota Lama), Kota Berhasil, Api-Api, Sutera Harbour jo Sembulan. Lingkuangan jo pinggiran parumahan tamasuak Kepayan Ridge, Tanjung Aru, Petagas, Kepayan, Lido, Lintas, Nosoob, Bukit Padang, Luyang, Damai, Likas jo Kolombong. Kota iko samakin bakambang sahinggo manjangkau ka kota Inanam, Menggatal, Sepanggar, Telipok jo selatan pabatehan daerah Penampang, Putatan, jo Lok Kawi.

Kota Kinabalu umumnyo barado jauah dari pusek pamarintahan utamo nagara, talatak kurang labiah  dari Kuala Lumpur nan barado di Samananjuang Malaysia dan juo  dari Kuching, ibu kota nagari tatangganyo iyolah Sarawak.

Kota Kinabalu punyo iklim hutan hujan tropis, di bawah klasifikasi iklim Köppen. Namun, kota iko punyo musim nan nyatonyo labiah basah jo kariang. Pado bulan Februari, kota iko manarimo rato-rato hujan 60mm, nan layak untuak iklim hutan hujan tropis. Duo musim hujan nan manjadi ciri iklim bagian Sabah iko adolah Monsun  Timur Lauik jo Monsun  Barat Dayo. Monsoon  Timur Lauik tajadi antaro November jo Maret jo suhu dingin dan kurang hujan, samantaro Monsun  Barat Dayo tajadi antaro Mai jo September, nan mambaok suhu paneh jo hujan nan labek. Ado juo duo monsun baturuik-turuik dari bulan April sampai Mei jo dari September sampai Oktober. Parubahan suhu sapanjang taun adolah kaciak. Namun, April jo Mei umumnyo bulan tapaneh, samantaro Desember jo Januari acok dingin. Salamo iko (Desember jo Januari), babarapo galombang angin dingin bahambuih dari Siberia dan kadang-kadang suhu pado awal pagi dapek mancapai 20 °C. Hujan sangaik bavariasi sapanjang tahun. Bulan Februari jo Maret biasonyo musim paneh terik jo kariang wakatu hujan turun dalam periode monsun dakek Oktober. Kondisi kalambaban cukuik tinggi tajadi sapanjang tahun.

Indak ado namo atau gala rasmi dan juo demonim untuak manggambarkan rakyaik  Kota Kinabalu. Ciek caro mudah untuak manggambarkan urang kota di siko adolah orang KK. Istilah K.K-ian juo kadang-kadang digunokan. Umumnyo, sadonyo urang dari Sabah disabuik orang Sabah.

Laporan Statistik Malaysia 2010 manunjuakan baso wilayah Kota Kinabalu bapopulasi 452,058. Kini, panduduak di kota iko punyo babagai campuran kaum joetnis nan babedo. Warga asiang manjadi mayoritas panduduak kota jo 110,556 urang disusul jo Tionghoa (93,429), Bajau (72,931), Kadazan-Dusun (69,993), Bumiputra (59,607), Melayu Brunei (35,835), Murut (2,528), India (2,207) jo lain-lain (5,482). Urang Tionghoa kabanyakan adolah urang Hakka jo sabagian gadang tingga di daerah Luyang. Distrik Penampang dihuni dekKadazan, kaum Bajau kabanyakan tingga di Likas, Sembulan, jo Karambunai, sadangkan Urang Melayu Brunei buliah ditamuan di sekita kota.

Urang Melayu Brunei jo Bajau baragamo Islam. Kadazan manjalankan agamo Kristen, sadangkan urang Cino manjalankan agamo Buddha atau Kristen. Ado juo sajumlah ketek panganuik Hindu, Sikhisme, Animisme; sajumlah ketek Sekularisme lai ado juo.

Ado juo sajumlah gadang urang Filipina di Kota Kinabalu. Galombang patamo imigran tibo pado abaik ka-15 wakatu panjajahan Spanyol, sadangkan babarapo pangungsi tibo pado awal 1970-an karano masalah pambarontakan di selatan Filipina. Sajumlah gadang dari mareka hari iko tadiri dari pakarajo asiang nan tibo dari taun 1970-an sampai kini. Kabanyakan pandatang awal alah baraliah kawarganagaraan manjadi rakyaik  Malaysia, namun ado juo nan masih hiduik tanpa dokumentasi di sakaliliang kota iko nan dianggap sabagai pandatang haram. Kabanyakan pandatang Filipina adolah baetnis Suluk jo Tausug. Ado juo sajumlah gadang masyarakaik Indonesia nan tingga di sakaliliang kota nan sabagian gadang datang dari Sulawesi, Jawa, Kalimantan, jo pulau Flores, bagian dari Kapulauan Sunda Kecil.

Ado sajumlah kaciak panduduak India, Pakistan jo Eurasia nan manatap di sakaliliang kota. Baru-baru iko juo jumlah ekspatriat nan tingga di kota, baiak sacaro samantaro atau tatap juo maningkek. Kabanyakan datang dari Korea Selatan, Japang, Australia, dan juo Eropa.

Pakawinan bukanlah suatu hal nan lua biaso di siko dan panikahan campua antaro Tionghoa - Kadazan adolah amaik biaso. Anak-anak banso campuran Kadazan dan Tionghoa disabuik sabagai Sino-Kadazan atau hanyo Sino.

Panduduak Kota Kinabalu umumnyo babicaro Bahaso Melayu jo bahaso kreol Sabah. Hampia 50% panduduak Kota Kinabalu katurunan Tionghoa. Bahaso Hakka joMandarin ditutuakan dek urang Cino. Salain itu, kabanyakan urang Cino juo dapek babicaro dalam bahaso Kanton. Hampia sadoalah panduduak juo dapek babicaro bahaso Inggirih, tautamo generasi mudo. Pado hari iko, kabanyakan urang alah dapek babicaro dalam bahaso Inggirih dasa. Namun, babarapo payah babicaro lanca karano pabandoharoan kato nan tabateh dan kurangnyo panggunoan bahaso Inggirih sabagai lingua franca pacakapan di kalangan rakyaik  Sabah sacaro kasaluruahan.

Panggunoan Bahaso Kadazan jo Dusun manjadi indak signifikan di saluruah Sabah tautamo di kota-kota gadang atau kota-kota sarupo Kota Kinabalu. Babarapo usaho alah diambiak dek babarapo pihak untuak mamuliahan panggunoan bahaso tasabuik. Kaduo bahaso iko alah dianggap sabagai bahaso tarancam, baitu juo jo budayo etnis Kadazan-Dusun.

Salain manjadi ibu kota, Kota Kinabalu juo marupoan pusek utamo industri jo komersial bagi Sabah. Ekonomi didominasi dek sektor industri utamo sarupo patanian, parikanan, kahutanan, jo minyak dan gas. Dari sagi sijarah, sektor sekunder manguasoi ekonomi, tapi dek karano urbanisasi nan pasek jo pambangunan ekonomi, sektor sekunder iko kudian palahan-lahan manurun. Labiah-labiah lai baru-baru iko, ciek langkah ka arah nan labiah ka industri babasis sektor jaso alah dilakukan. Parusahoan dalam nagari, lua nagari, jo bank padagangan internasional, sarato babarapo parusahoan asuransi jo parusahoan lain punyo kantua pusek atau cabang mareka di siko.

Urang Cino parantauan juo banyak manyumbang kapado pambangunan KK sajak migrasi mareka lewat abaik ka-19. Paran asli mareka adolah sabagai 'kuli' dan kini banyak nan manjadi pamiliak toko.

Babarapo industri jo parusahoan manufaktur juo punyo pabrik mareka di siko tarutamo di daerah-daerah industri sarupo Likas, Kolombong, jo Inanam. Pambangunan bakalanjuikan dari  Taman Industri Kota Kinabalu (KKIP) di Sepanggar juo batujuan untuak maningkekkan kagiatan industri jo komersial di kota jo manjadi pusek patumbuahan utamo di Malaysia Timur, sabagaimano juo tujuan untuak wilayah BIMP-EAGA (Kawasan Patumbuahan ASEAN  Timur Brunei - Indonesia - Malaysia - Filipina). Kota Kinabalu juo manjadi tuan rumah babarapo kagiatan nasional, regional, dan juo konferensi internasional atau pameran dagang pado satiok taun tamasuak Ekspo Internasional Biennial Sabah, Konferensi Pelancongan Asia Pasifik dek Konferensi PBB mengenai Perdagangan dan Pembangunan (UNCTAD), Kongres Teknik Australia ASEAN, sarato lain-lain lagi. Kagiatan bak cando iko biasonyo diadokan di resort Sutera Harbour.

Jalan padalaman nan mangubuangkan bagian kota nan balainan umumnyo dikataui sabagai jalan nagari. Jaringan jalan iko dibangun dan dikalola dek Departemen Pakarajoan Umum Malaysia. Kabanyakan jalan padalaman utamo adolah jalan rayo kamba. Salah satu jalan utamo di siko adolah Jalan Lintas-Jalan Tuaran Bypass, nan bafungsi sabagai jalan lingka, mangaliliangi kota dan mangubuangkan daerah jo daerah pinggiran di sakitar sarupo Putatan, Penampang, Luyang, Likas, Inanam, Menggatal, Sepanggar, dan Tuaran. Kota Kinabalu dihubuangkan dek jalan tol jo kota-kota nan bajauahan di sakaliliang Sabah tautamo malalui jalan federal nan dikalola dek Departemen Pakarajoan Umum. Jalur jalan rayo dari kota iko tamasuak:

Transportasi Umum

Layanan bus acok baoperasi di sakaliliang kota. Bus kaciak atau van juo digunokan salain bus sabagai transportasi alternatif. Ado duo terminal bus utamo di kawasan bisnis pusek. Terminal sapanjang Jalan Tun Razak manyadiokan layanan bus padalaman ka babagai kota jo daerah pinggiran. Ciek lai terminal dakek Kota Berjaya manyadiokan layanan ka arah tujuan di selatan kota sarupo Papar, Tenom, Beaufort, dan lain-lain. Terminal Bus Utara Kota Kinabalu di Inanam manyadiokan layanan bus di antaro kota nan ado pado jalur manuju ka arah tujuan utara dan utara-timur Kota Kinabalu sarupo Tuaran, Kudat, Ranau, Sandakan, Tawau, Semporna, dan lain-lain. Layanan taksi juo dapek ditamukan di sakaliliang kota.

Ciek sistem kareta api nan dulunyo diingek sabagai Kareta Api Borneo Utara alah didirian pado taun 1896 dek Parusahoan Borneo Utara Inggirih. Inyo alah dibangun nan batujuan utamo untuak mangangkuik komoditas dari padalaman ka palabuahan di Kota Kinabalu sawaktu panjajahan Inggirih dulu. Jalur kareta api manghubuangkan kota iko joTenom dan babarapo kota-kota lain; iko juo marupoan ciek-cieknyo sistem kareta api nan ado di Malaysia Timur. Pado hari iko, sistem kareta tasabuik dikana sabagai Kareta Nagari Sabah dan manyadiokan layanan harian bagi panumpang, wisatawan, sarato transportasi kargo. Sabuah parusahoan tapisah nan baoperasi sabagai transportasi rekreasi pariwisata juo disabuik Kereta Borneo Utara. Satasiun kareta jo halte utamo talatak di Tanjung Aru.

Bandara Internasional Kota Kinabalu (KKIA) ​​(Kode ICAO: WBKK) manyadiokan panabangan nan mangubuangkan Kota Kinabalu jo tujuan domestik dan internasional nan lain. Iko marupoan hub kaduo untuak Panabangan Malaysia dan AirAsia nan tadiri dari duo terminal. KKIA marupoan palabuahan udaro kaduo tasibuak di Malaysia salapeh Bandara Internasional Kuala Lumpur dan marupoan salah satu pintu masuak utamo ka Sabah dan Malaysia Timur.

Babarapo tujuan panabangan dari palabuahan udaro iko mancakuik Jakarta, Shenzhen, Seoul, Shanghai, Guangzhou, Hong Kong, Macau, Cebu, Singapura, Taipei, Kaohsiung, dan kota-kota lain, baiak di dalam atau di lua Malaysia. Salain itu KKIA juo marupoan hub kaduo untuak MASwings, nan malayani panabangan ka kota-kota kaciak dan padesaan di Malaysia Timur.

Kota Kinabalu punyo duo palabuahan iyolah Palabuahan Kota Kinabalu jo Palabuahan Kontainer Teluk Sepanggar (SBCP). Palabuahan Kota Kinabalu bafungsi sabagai palabuhan kargo, samantaro SBCP baoperasi sabagai basis Angkatan Laut untuak Angkatan Laut Malaysia, depot minyak jo sadoalah kargo kontainer. Pado taun 2004, Palabuahan Kota Kinabalu mangalola kurang labiah 3,6 juta ton kargo, katigo tatinggi di nagari iko salapeh Palabuahan Sandakan jo Palabuahan Tawau. Bagaimanopun mangandalikan jumlah palabuahan kontainer di nagari iko adolah jo 153,793 kontainer nan dioperasikan pado taun 2006. Sado palabuahan di Sabah dikalola dan dioperasikan dek Sabah Ports Sdn Bhd.

Layanan Feri Kota Kinabalu adolah terminal panumpang feri nan talatak di Jesselton Point dakek palabuahan KK nan manyadiokan layanan feri dan parahu bamotor ka pulau-pulau tadakek untuak wisatawan sarato bagi panumpang nan tingga di pulau-pulau. Ado juo layanan feri tatok ka Labuan.

Kompleks Pangadilan talatak di sapanjang Jalan Pantai di pusek kota. Iko mancakuikPangadilan Tinggi, Mahkamah Tingkek, dan Pangadilan Hakim.

Markas Polisi Kontingen Sabah talatak di Kepayan. Ado duo markas daerah di kota, iyolah Markas Polisi Daerah Kota Kinabalu nan talatak di Karamunsing, dan Markas Kapolisian Daerah Penampang. Kaduonyo baoperasi sabagai kantua polisi. Kantua polisi nan lain dapek ditamukan di KKIA, Tanjung Aru, Putatan, dan Menggatal samantaro Pos Polisi dapek ditamukan di daerah Luyang, Likas, Telipok, dan Babagon.

Markas polisi lalu linteh di kota iko talatak di sapanjang Jalan Dewan dakek Gaya Street, dan markas polisi lauik dakek palabuahan feri dakek Jalan Tun Razak.

Panjaro Kota Kinabalu talatak di Kepayan. Sel-sel panjaro juo ado di kantua-kantua polisi di sakaliliang kota.

Ado tigo rumah sakik jo ciek klinik publik di Kota Kinabalu. Rumah Sakik Queen Elizabeth, talatak di sapanjang Jalan Penampang dan itu adolah rumah sakik umum nan tagadang di Sabah. Dibangun pado taun 1957, itu adolah pusek kasihatan nan paliang pantiang di kota jo marupoan salah satu dari tigo rumah sakik umum di Sabah. Rumah Sakik lain adolah Rumah Sakik Spesialis Likas (Likas Specialist Hospital). Rumah Sakik Mesra Bukit Padang (Bukit Padang Mental Hospital), nan dibukak pado taun 1971, manyadiokan layanan psikiater bagi nagari Sabah. Klinik Kasihatan Luyang talatak kurang labiah 6 kilometer dari pusek kota. Ado juo babarapo klinik gigi umum di sakaliliang kota, dan juo klinik desa di pinggiran kota.

Pusek Medis Sabah di Damai adolah rumah sakik swasta nan tagadang di Sabah. Ciek lai pusek medis swasta adolah Pusek Spesialis Damai. Ado banyak klinik swasta nan baoperasi di sakaliliang kota.

Universitas Malaysia Sabah (UMS) marupoan universitas nan tagadang di Sabah dan didirian pado taun 1994. Kampus utamonyo talatak di sabidang tanah salaweh  di ateh bukik nan mangadok Lauik Cino Selatan di Taluak Sepanggar, kurang labiah 10 kilometer di utara pusek kota. Iko juo punyo kampus cabang di Labuan dan dianggap sabagai salah satu universitas nan paliang rancak di Malaysia. Universitas tatuo di Sabah adolah Universitas Teknologi Mara Sabah nan alah didirian dek UiTM jo Yayasan Sabah pado taun 1973. Universitas iko alah disahkan dek dewan Kota Kinabalu sabagai universitas bebas sarok. Ado juo babarapo perguruan tinggi swasta sarupo Universitas Tun Abdul Razak, Universitas Internasional AlmaCrest, Kolej INTI, College Komersial Kinabalu, jo Sikolah Tinggi Informatika. College Publik Tunku Abdul Rahman juo tasadio di daerah Donggongon. Banyak panduduak nan kayo mangirim anak-anak mareka ka lua nagari baiak untuak malanjuikan pandidikan manangah atau perguruan tinggi.

Kantua Papustakaan Nagari Sabah talatak di Jalan Penampang dan marupoan papustakaan tagadang di nagari iko. Papustakaan-papustakaan umum lain tamasuak Papustakaan Kota Kinabalu, Papustakaan Cabang Penampang jo Papustakaan  Kampuang  Menggatal. Sadoalah papustakaan iko dikalola dek Departemen Papustakaan Nagari Sabah. Salain itu, papustakaan juo tasadio di sikolah-sikolah, perguruan tinggi, atau kampus universitas.

Ado babarapo tampek budayo di kota iko. Museum Sabah nan talatak dakek Rumah Sakik Queen Elizabeth adolah museum utamo Sabah. Di dakek museum juo ado Pusek Sains jo Teknologi, Galeri Seni Sabah, jo Taman Etno Botani. Wisma Galeri Seni Budaya manjadi tuan rumah tingkek internasional sarato pameran seni regional. Bangunan Hongkod Koisaan di Penampang juo marupoan rumah bagi Asosiasi Kabudayoan Kadazan-Dusun (KDCA). Inyo manjadi tuan rumah pesta tahunan Kaamatan atau Pesta Panen, dan kontes kecantikan Unduk Ngadau nan diadokan sarantak di bulan Maret. Kampuang Monsopiad juo manampilkan patunjuakan budayo nan bakaikan jo kabudayoan Kadazan-Dusun. Inyo dinamokan sasuai jo namo legenda pahlawan pamburu kapalo Kadazan-Dusun, iyolah Monsopiad.

Lapangan Merdeka marupoan situs dimano deklarasi pambantuakan Malaysia tajadi. Panyatoan itu diumumkan dek pardano mantari Sabah nan patamo yaitu, Tun Fuad Stephens pado 16 September 1963, juo diingek sabagai Hari Malaysia. Pado hari iko, situs tasabuik manjadi tuan rumah pado parayoan Hari Kota tahunan pado 2 Februari, Hari Mardeka pado 31 Agustus, jo babarapo festival lain.

Menara Jam Atkinson ado di Kota Berjaya. Menara jam iko alah dibangun dek Mary Edith Atkinson pado taun 1905 untuak manganang anaknyo, Francis George Atkinson. Menara iko dulunyo digunokan untuak mambantu jalur kapa-kapa. Inyo marupoan ciek dari tigo struktur paninggalan Parang Dunia Kaduo nan ado inggo kini. Ciek lai situs paringatan nan tanamo di siko adolah Peringatan Perang Petagas nan talatak di KKIA. Itu adolah sabuah situs paringatan untuak manganang mareka nan alah tewas katiko malawan tantaro Japang salamo Parang Dunia Kaduo. Iko juo marupoan tampek di mano gerilyawan Kinabalu alah dibunuah dek tantaro Japang pado taun 1944. Salain itu, Monumen Double Six, nan talatak di Sembulan turuik manjadi simbol paringatan bagi nagara Sabah. Tugu iko marupoan sabuah situs paringatan untuak mangingek Tragedi Double Six pado 6 Juni 1976 nan manalan korban pardano mantari Sabah nan patamo yaitu, Tun Fuad Stephens.

Ado banyak tampek rekreasi jo kawasan konservasi di Kota Kinabalu. Anjuang Samudra ( KK Waterfront) diantaronyo marupoan tampek hiburan tapi pantai di pusek kota nan punyo restoran, kafe, pub, jo klub malam. Royal Sabah Turf Club di Tanjung Aru juo manjadi tuan rumah untuak acaro pacu kudo mingguan tapi kini inyo alah ditutuik jo dipindahan ka Lapangan Pacuan Kudo Tambalang di Tuaran disababkan dek pangambangan Bandara Internasional Kota Kinabalu. Kareta Api Borneo Utara nan mamuloi pajalanan dari satasiun Tanjung Aru juo manawarkan wisata indah desa di Bagian Pantai Barat dan Bagian Pedalaman. Pajalanan kareta iko baakhia di Tenom. Salain itu, Sutera Harbour Golf and Country Club dakek pusek kota nan dibangun di ateh tanah reklamasi jo alah siap sapanuahnyo. Inyo punyo sabuah lapangan golf jo duo hotel.

Tanjung Aru, nan talatak di  dari pusek kota marupoan salah satu pantai di Pantai Barat. Namonyo diambiak dari pohon sena (sajinih pohon lokal nan disabuik Aru) nan tumbuah di daerah pantai. Pantai iko punyo panjang labiah kurang  dan dilangkoki jo babarapo waruang makanan jo minuman, restoran, dan juo klub-klub hiburan malam. Di dakek daerah Tanjung Aru ado  Kinabalu Golf Club, Kebun Raya Putera Philip, Klub Kapal Layar KK, dan Resort Pantai Shangri-La. Pantai iko sangaik tanamo jo kaindahan pamandangan matohari tabanam nan dapek dinikmati banyak urang.

Talatak di dalam kawasan Taluak Likas adolah Cagar Buruang Kota Kinabalu. Jo area salaweh , inyo marupoan kawasan hutan asali nan masih ado inggo kini di sapanjang wilayah pantai kota Kinabalu. Kawasan iko disampaikan pado September 1996 dek pamarintah nagari untuak mananamkan kasadaran tahadok nilai lahan basah. Zoological and Botanical Gardens Sabah ( Lok Kawi Wildlife Park) itu talatak di Lok Kawi, kurang labiah  di selatan kota. Taman iko marupoan kabun nan patamo di Sabah. Talatak di sabidang tanah salaweh , inyo juo dapek dikatokan sabagai kabun binatang tagadang di Malaysa.

Taman Tun Fuad Stephens nan talatak di Bukit Padang nan marupoan tampek jogging jo mandaki nan populer di kalangan panduduak satampek. Inyo dikaliliangi dek hutan jo ado sabuah danau buatan manusia. Inyo punyo babarapo kadai makanan jo rstoran. Taman Tunku Abdul Rahman adolah Taman Nasional nan tadiri dari pulau Sapi, Mamutik, Manukan, Sulug dan Gaya. Iko adolah tampek nan paliang populer untuak manyalam. Taman iko dapek disinggahi jo manggunokan parahu nan ado di terminal feri dan hanyo mambutuahkan wakatu kiro-kiro 15 sampai 30 minik untuak sampai ka sinan. Sungai Babagon, di Penampang, jo aia mancua Kiansom dakek Inanam juo marupoan tampek nan populer untuak piknik jo mandi.

Di daerah pedesaan, labih kurang  dari Kota Kinabalu, adolah Taman Nasional Banjaran Crocker, dakek jo Keningau. Taman Crocker adolah tampek nan populer untuak pandakian jo pakemahan hutan. Salain itu, Kota Kinabalu juo marupoan pintu masuak ka salah satu taman nasional nan paliang populer di Malaysia, iyolah Taman Nasional Kinabalu. Pajalanan ka taman iko mamakan wakatu duo jam dari kota jo di sinanlah latak Gunuang Kinabalu. Salain itu, Cagar Rafflesia, ( dari kota) nan ado di Tambunan dan babatehan jo Taman Nasional Banjaran Crocker, juo marupoan tampek manariak dek wisatawan. Spesies bungo tagadang di dunia, iyolah Rafflesia, tasadio di siko. Dakek dari siko ado juo  Gunuang Emas Highland Resort nan marupoan ciek lai tampek nan tanamo jo pamandangan dan cuaco dingin. Ladang Buayo Tuaran, nan ado di  ka utara kota punyo 1.400 ikua buayo dalam kandang, manjadikannyo nan tagadang di Sabah.

Menara Tun Mustapha, marupoan bangunan nan kaduo tatinggi di pulau Kalimantan salapeh Wisma Sanyan di Sibu jo diikuti dek Gaduang Kamantarian Kauangan Brunei di Bandar Seri Begawan, Brunei Darussalam.

Bangunan lain nan manariak pangunjuang adolah rumah batiang tinggi nan dapek ditamukan di daerah Sembulan, Tanjung Aru,  Kampuang  Likas, jo Desa Pondo di Pulau Gaya. Rumah-rumah iko  dibangun di ateh parairan pantai dangka jo marupoan rumah khusus bagi kaum Bajau jo panduduak Suluk dan Tausūg.

Musajik Sabah di Sembulan juo marupoan musajik tagadang di Sabah samantaro Musajik Kota di Taluak Likas marupoan ciek lai kaunggulan tapantiang di kota.

Kota Kinabalu juo punyo babarapo pusek balanjo  nan manariak banyak pangunjuang. Iko tamasuak Kompleks Karamunsing, Centre Point, Wisma Merdeka, Warisan Square, Plaza Wawasan, Kompleks Asia City, City Mall, KK Plaza, Suria Sabah dan pusek balanjo tagadang iyolah 1Borneo. Kawasan pabalanjoan nan baru dibangun di Kota Kinabalu tamasuak Suria Sabah Shopping Mall nan kini ado GSC Kota Kinabalu dan juo Megalong Shopping Mall nan talatak di Penampang. Di Karamunsing pulo, ado Kompleks Karamunsing. Salain itu, di pasa pakan Gaya Street ado banyak padagang kaki limo lokal nan manjua babagai barang jo suvenir etnik budayo tradisional. Pasa Kraftangan Kota Kinabalu (nan sabalunnyo diingek sabagai Pasa Filipina) atau Kota Kinabalu Handicraft Market juo manjua karajinan, souvenir, jo makanan tradisional.

Ado limo bioskop di Kota Kinabalu duo Golden Screen Cinemas (diingek sabagai GSC), Cathay Cineplex, Growball Cineplex jo Megalong Cineplex. GSC talatak di dalam Mall Suria dan di bagian lain 1Borneo. Kaduo cabang GSC mamuek salapan ruang bioskop masing-masing. Surya Shopping Mall punyo duo ruang 3D samantaro 1Borneo punyo ciek ruang 3D. Growball Cineplex dan Megalong Cineplex juo punyo ciek ruang 3D di bioskop masing-masing.

Kompleks Olahraga Likas Kota Kinabalu manyadiokan fasilitas untuak babagai kagiatan olahraga jo rekreasi untuak panggunoan umum. Antaro lain inyo juo punyo stadion sipak bola, hoki, badminton, tenis, squash, gym, kolam ranang ukuran Olimpiade. Iko adolah kompleks olahraga nan tagadang di Sabah jo alah manjadi tuan rumah babarapo acaro olahraga internasional. Stadion Likas adolah rumah bagi tim sipak bola (SabaHawks) nan juo dikana sabagai Sabah FA nan sadang batandiang dalam Liga Utamo Malaysia. Ado ciek lai kompleks olahraga di Penampang nan juo punyo sabuah stadion sipak bola baukuran panuah.

Ado ampek lapangan golf di Kota Kinabalu, diantaronyo Sabah Golf and Country Club di Bukit Padang, Kinabalu Golf Club, di Tanjung Aru, Sutera Harbour Golf and Country Club, joKarambunai Golf and Country Club.

Kota Kinabalu juo alah manjadi tuan rumah untuak babarapo acaro olahraga tingkek nasional sarupo SUKMA 2002, sarato kajuaroan internasional sarupo Kajuaroan Karate Dunia 1994 dan Kajuaroan BWF Super Series 2008. Salain itu, inyo juo marupoan titiak awal Tantangan Borneo Safari 4x4 internasional tahunan. Kota iko juo manjadi tuan rumah dan marupoan salah satu sirkuit untuak F2 Parahu Daya UIM Seri Piala Dunia nan dilangsuangkan pado bulan Desember satiok taun sajak 2007.

Kota Kinabalu adolah rumah bagi babarapo musisi independen nan maraiah kasuksesan di Samananjuang Malaysia umpamonyo panyanyi-panulih lagu Pete Teo, panyanyi asa Taiwan Gary Chaw, jo pamain gitar akustik Roger Uang. Kota iko juo marupoan tampek lahianyo tokoh televisi Malaysia nan populer, iyolah Daphne Iking. Panyanyi RB nan populer di Australia iyolah Che’Nelle (Cheryline Lim), juo baasa dari kota iko. Baitu juo jo pamanang musim ka-6 Akademi Fantasia, Stacy, nan baasa dari Penampang nan juo tamasuak dalam wilayah Kota Kinabalu.

Kota Kinabalu adolah tuan rumah salah satu Festival Jazz favorit Asia, iyolah Festival Jazz KK nan manjadi acaro tahunan di siko. Pamain internasional sarupo Son2nos (Venezuela), Jazz Korea Nah Youn Sun nan mamanangan pangharagoan diva, Hong Kong Junk Unit, Malaysia's Double Take , Atilia jo Mood Indigo dari Inggirih alah mambuek konser di festival iko.

Majalah Bandwidth Street Press marupoan majalah gratis di Kota Kinabalu nan mampromosikan musisi lokal Sabah di dalamnyo. Majalah iko alah diluncuakan pado Maret 2009 dan didukuang dek pamarintah satampek dan juo Mantari Lingkungan Kabudayoan, jo Pariwisata Sabah, iyolah YB Datuak Masidi Manjun, untuak mampakenalkan jon mamajukan musik lokal.




#Article 148: Ampang, Kuranji, Padang (217 words)


Ampang adolah salah satu kalurahan nan talatak di Kacamatan Kuranji, Padang, Sumatera Barat, Indonesia. Kawasan iko tamasuak nan dilentahan dek jalan gadang dari Alai di sabalah barat manuju Kalawi di sabalah timur. Di siko, ado kampuang-kampuang banamo Karang Gantiang, Cubadak Aia, Kampuang Jambak, jo Kampuang Koto.

Ampang parnah manjadi tampek para gerilyawan Republik Indonesia pado maso perang mampatahankan kamardekaan. Dari daerah iko, para gerilyawan dapek pai ka Simpang Haru tanpa khawatir mandapek adangan dari pasukan Balando.

Menuruik carito masyarakaik satampek, nama Ampang mulai tanamo sajak adonya peristiwa PRRI pado akhia tahun 1950-an. Ampang tamasuak salah satu daerah basis PRRI. Namo kampuang iko didasaran pado sabuah ampang (pos jago) nan talatak di sabuah partigoan. Ampangan iko sangajo dibuek masyarakaik untuak bajago-jago supayo urang-urang asiang indak baitu se masuak.

Masyarakaik Ampang umumnyo barasa dari daerah Sulik Aie, Solok. Ado panalitian nan manyabuik bahasonyo asal-usul masyarakaik Ampang bamulo dari awal tahun 1950-an. Pado masa itu, panduduak Suku Guci dari Sulik Air Solok marantau ka Padang dan sakitarnyo. Pandatang iko masuak ka Padang malalui rimbo Bukik Barisan dan menurun di dataran laweh nan babatasan jo pantai. Inyo tibo sacaro bakalompok jo ciek-ciek. Sasampainyo di Padang, manyeba ka babagai tampek di antaronyo, Kuranji, Belimbiang, Gunuang Nago, jo Ampang. 

Takah umumnyo panduduak di sakitar Ampang, mato pancarian masyarakaik Ampang nan utamo adolah manggaleh.




#Article 149: Kapulauan Falkland (113 words)


Kapulauan Falkland adolah sabuah wilayah subarang lauik Biritania Rayo di Samudra Atlantik Selatan nan tadiri dari duo pulau utamo, Falkland Timua dan Falkland Baraik, sarato babarapo pulau ketek. Ibukotanyo, Stanley, talatak di Falkland Timua.

Kadaulatan kapulauan ko dipatantangkan dek Argentina nan manyabuiknyo Islas Malvinas dalam bahaso Sapanyol. Namo ko asalinyo diambiak dari bahaso Parancih Iles Malouines nan marujuak ka para nalayan dari St. Malo nan daulu panah manatap di Falkland dalam maso nan singkek. Kapulauan Falkland digolongkan dek Komite Dekolonisasi PBB sabagai salah satu dari 16 Wilayah Jajahan di dunia. Warga Kapulauan Falkland atau Malvinas mamutuihan untuak tatap manjadi bagian dari wilayah Inggirih dalam sabuah referendum nan diadoan pado 11 Maret 2013 lalu.




#Article 150: Urang Aceh (492 words)


Urang Aceh adolah namo sabuah suku nan mauni ujuang utara Sumatra. Mareka baagamo Islam. Bahaso nan dipagunokannyo adolah bahaso Aceh nan masih ado karabaik jo bahaso Mon Khmer (wilayah Champa). Bahaso Aceh marupoan bagian dari bahaso Melayu-Polinesia barat, cabang dari kaluargo bahaso Austronesia.

Urang Aceh mamiliaki sijarah panjang tantang kajayoan sabuah karajoan Islam hinggo pajuangan ateh panakluakan kolonial Hindia Balando.

Banyak dari budayo Aceh nan manyerap budayo Hindu India, dimano kosakato bahaso Aceh banyak nan babahaso Sanskerta. Urang Aceh marupoan suku di Indonesia nan patamo mamaluak agamo Islam sarato mandirikan karajoan Islam. Masyarakaik Aceh mayoritas bakarajo sabagai patani, buruah tambang, jo nalayan.

Panduduak Aceh marupoan katurunan babagai suku, kaum, jo bangso. Laluhua urang Aceh barasa dari Semenanjung Malaysia, Cham, Cochin, Kamboja.

Di sampiang itu banyak pulo katurunan bangso asiang di tanah Aceh, Arab dan India arek hubuangannyo pasca panyebaran agamo Islam di tanah Aceh. Bangso Arab nan datang ka Aceh banyak nan barasa dari provinsi Hadramaut (Nagari Yaman), dibuktikan jo marga-marga mareka al-Aydrus, al-Habsyi, al-Attas, al-Kathiri, Badjubier, Sungkar, Bawazier jo lain lain, nan sadonyo marupoan marga-marga bangso Arab asa Yaman. Mareka datang sabagai ulamo jo badagang. Kini banyak dari mareka nan alah kawin campua jo panduduak asli Aceh, sarato mailangan namo marganyo.

Sadangkan bangso India banyak nan dari Gujarat jo Tamil. Dapaik dibuktikan jo panampilan wajah bangso Aceh, sarato variasi makanan (kari), jo juo warisan budayo Hindu  Tuo (namo-namo kampuang nan diambiak dari bahaso Hindi, contoh: Indra Puri). Katurunan India dapaik ditamukan tasebar di saluruah Aceh. Karano latak geografis nan badakaikan mangka katurunan India cukuik dominan di Aceh.

Padagang-padagang Tiongkok acok juo mamiliaki hubuangan nan arek jo bangso Aceh, dibuktikan jo kadatangan Laksamano Cheng Ho, nan lah pernah singgah jo mahadiahkan Aceh jo sabuah lonceng gadang, nan kini takana jo namo Lonceng Cakra Donya, tasimpan di Banda Aceh. Samenjak saaik itu hubuangan dagang antaro Aceh jo Tiongkok cukuik mesro, sarato palauik-palauik Tiongkok pun manjadikan Aceh sabagai palabuahan transit utamo sabalun malanjuikka palayarannyo ka Eropa.

Salain itu banyak juo katurunan bangso Persia (Iran/Afghan) jo Turki, mareka pernah datang ateh undangan Karajoan Aceh untuak manjadi ulamo, padagang sanjato, palatiah prajurit jo serdadu parang karajoan Aceh, jo kini katurunan-katurunan mareka kabanyakan tasebar di wilayah Aceh Besar. Hinggo kini bangso Aceh sangaik suko namo-namo warihan Persia jo Turki. Bahkan sabuikan Banda, dalam namo koto Banda Aceh pun adolah warihan bangso Persia (Bandar arti: palabuahan).

Di samping itu ado pulo katurunan bangso Portugis, di wilayah Kuala Daya, Lam No (pasisia barat Aceh). Mareka adolah katurunan dari palauik-palauik Portugis di bawah pimpinan nakhodo Kapten Pinto, nan balaya handak manuju Malaka (Malaysia), sampaik pulo singgah jo badagang di wilayah Lam No, jo sabagian gadang di antaro mareka tatok tingga sarato manetap di Lam No. Sijarah mancataik paristiwa iko tajadi antaro taun 1492-1511, katiko itu Lam No di bawah kakuasoan karajoan kaciak Lam No, pimpinan Rajo Meureuhom Daya. Hinggo kini masih dapaik dicaliak katurunan mareka nan masih mamiliki profil wajah Eropa nan masih kental.

Bahaso nan dipagunokan adolah Bahaso Aceh




#Article 151: Canduang, Agam (841 words)


Canduang adolah marupoan kecamatan di |kabupaten Agam, provinsi Sumatera Barat, Indonesia. Kacamatan Canduang tadiri dari 3 kanagarian yaitu:

Namo Canduang barasal dari sabuah pakakeh sajenis parang nan dipakai masyarakaik satampek untuak manunjang babagai aktivitas sahari-hari, sarupo mamotong kayu jo lain sabagainyo. Canduang adolah istilah nan dipagunokan masyarakaik satampek untuak manyabuik pakakeh ko. Salain kagunoan tasabuik canduang juo digunokan masyarakaik untuak mamparsanjatoi diri untuak manghadapi musuh. Pado maso tren masyarakaik cakak banyak acok tajadi pakalahian antaro kampuang, mayarakaik lua lamo-kalamoan akrab jo namo masyarakaik Canduang, masyarakaik nan salalu manggunokan Canduang katiko bacakak.↵Awal muasal wilayah nan banamo Canduang kini ko adolah sabuah kampuang ketek nan barado di dakek Balai Sati.

Kacamatan Canduang barado di kaki Gunuang Marapi jo daerah nan barombak jo babukik sampai jo lereang nan sangaik terjal. Kacamatan Canduang barado pado katinggian antaro 780 hinggo 2891 m di ateh parmukoan lauik.

Tempratur udaro di Kacamatan Canduang adolah antaro 20 °C hinggo 28 °C. Kalambaban udaro 88%, kacapatan angin antaro 4 hinggo 20 km/jam jo panyinaran matohari rato-rato 58%. Curah hujan daerah Kacamatan Canduang adolah antaro 3500 sampai 4000 mm/taun tanpa bulan kariang.

Kacamatan Canduang dilalui dek 2 batang aia yaitu Batang Jabua jo Batang Lasi.↵Kacamatan Canduang nan bajarak 66 km dari ibu kota Kabupaten Agam tu mamiliki bateh wilayah administrasi pamarintahan sabagai barikuik:

Panduduak Kacamatan Canduang sabagian gadang barasal dari etnis Minangkabau. Etnis lain nan juo bamukim di siko adolah Suku Jawa.

Panduduak Kacamatan Canduang adolah pamaluak Agamo Islam.

Pado awalnyo Kalarasan Ampek Angkek jo Kalarasan Canduang barado dalam ciek Onderdistrick Ampek Angkek Canduang nan diparintah dek saurang Asisten Demang nan bakadudukan di Lasi. Onderdistrick Ampek Angkek Canduang marupokan bagian dari Districk Tilatang Kamang IV Angkek Canduang di mano Districk ko tadiri ateh Onderdistrick Tilatang Kamang, Onderdistrick Ampek Angkek Canduang jo Onderdistrick Baso nan diparintah dek saurang Demang nan bakadudukan di Biaro.↵Pado zaman panjajahan Japang, sakitar taun 1943 bantuak Pamarintahan Ampek Angkek Canduang mangalamai parubahan jo dituka manjadi duo bagian yaitu:

Pado bulan November 1947 Nagari Biaro Gadang, Ampang Gadang jo Batu Taba dipisahan dari Kota Bukittinggi, kamudian bagabuang jo Kabupaten Agam nan manjadi bagian Pamarintahan Pamarintahan Wilayah Baso.↵Pado Agresi Militer II dimulai bulan Februari 1949, Pamarintahan di Ampek Angkek Canduang barubah manjadi 2 bagian:

Salanjuiknyo jo Katatapan Bupati/Ketua Dewan Pamarintah Daerah Samantaro Kabupaten Agam malalui Surek Kaputusan Nomor 038/2-2/1950 tanggal 22 Juni 1950, kaduo wilayah di ateh disatuan kambali manjadi Ampek Angkek Canduang nan Pamarintahannyo dipimpin dek saurang Asisten Wedana. Kamudian jo dibarlakukannyo Undang-Undang Nomor 05 Taun 1974 tantang Pokok-pokok Pamarintahan di Daerah, mako pado taun 1975 istilah Asisten Wedana dituka jo Camaik salaku Kapalo Wilayah.↵Sasudah babarapo taun bajalan, mako pado taun 1984 badasarkan Surek Kaputusan Gubernur Kapalo Daerah Tingkek I Sumatra Barat Nomor 337/GSB/1984, di mano untuak Kacamatan Ampek Angkek Canduang dibantuak Parwakilan Kacamatan Ampek Angkek Canduang nan dipimpin dek Kapalo Parwakilan Kacamatan (Camaik Pambantu) nan bakadudukan di Lasi jo mambawahi 3 Nagari jo 18 Desa. Dek mode itu, mako Kacamatan Induak Kacamatan Kacamatan Ampek Angkek Canduang mambawahi 7 Nagari jo 33 Desa nan tatap dipimpin dek Camaik salaku Kapalo Wilayah Kacamatan nan bakadudukan di Biaro.↵Sistem jo kondisi Pamarintah Kacamatan Ampek Angkek Canduang jo Nagari tasabuik indak ado mangalami parubahan, kacuali tajadi 4 kali parubahan pado tingkek Desa ateh dasar kabijakan Pamarintah Pusat jo Program Panataan Desa, di mano jumlah desa nan ado di Kacamatan Ampek Angkek Canduang jo Kacamatan Parwakilan Ampek Angkek Canduang sabanyak 51 desa manjadi sabagai barikuik:

Akhianyo sairing jo lahianyo Undang-Undang Nomor 22 Taun 1999 tantang Otonomi Daerah, dek itu, Pamarintah Provinsi Sumatra Barat manyikapi paluang otonomi tasabuik untuak kambali ka sistem Pamarintahan Nagari. Untuak tu dikaluakan Paraturan Daerah Provinsi Sumatra Barat nomor 09 Taun 2000 tantang Pokok-pokok Pamarintahan Nagari nan sakaligus juo disikapi dek Pamarintah Daerah Kabupaten Agam jo mangaluakan Paraturan Daerah Kabupaten Agam Nomor 31 Taun 2001 tantang Pamarintahan Nagari nan sacaro langsuang ataupun indak langsuang mangubah sistem pamarintahan jo jumlah desa manjadi Jorong, namun indak mangubah bateh, jumlah jo namo Nagari.↵indak hanyo itu, untuak mamacu pambangunan jo kasajahteraan masyarakaik nan marato sarato partimbangan lainnyo, Pamarintah Daerah Kabupaten Agam langsuang malakuan pamekaran Parwakilan Kacamatan Ampek Angkek Canduang manjadi Kacamatan Definitif malalui Paraturan Daerah Kabupaten Agam Nomor 33 Taun 2001 tantang Pamekaran Kacamatan.↵Badasarkan Paraturan Daerah Kabupaten Agam tasabuik pado hari Selasa tanggal 05 Maret 2002 mako diresmikanlah Kacamatan Canduang definitive dek Bupati Agam jo Ketua Dewan Perwakilan Rakyat Daerah Kabupaten Agam.

Kacamatan Canduang saat ko tabagi ateh 3 Nagari.

Palayanan kasihatan di kacamatan Baso alah mamadai, nan mano di kacamatan Canduang alah tadapek 1 puskesmas, 6 puskesmas pambantu jo 1 puskesmas kaliliang.

Sarana pandidikan di Kacamatan Canduang alah sangaik mamadai, di mano di Canduang tadapek pesantren-pesantren nan takenal di saluruah Indonesia, di antaronyo MTI Canduang nan didirikan dek Syekh Sulaiman Arrasuli

Kacamatan Canduang mamiliki 49 KM jalan kabupaten.↵Salain itu, kacamatan Canduang mampunyoi transportasi angkutan umum nan sangaik mamadai. Ado babarapo rute nan dilalui dek babarapo angkutan umum di Kacamatan Canduang. Nan mano rute tasabuik manghubuangkan babarapo lokasi maupun tampek wisata di Kacamatan Canduang jo Kota Bukittinggi.

Kabupaten Agam, Sumatra Barat

Pusat pemerintahan: Lubuk Basung • Bupati: Indra Catri • Wakil Bupati: Trinda Farhan Satria

 




#Article 152: Hugo Chávez (570 words)


Hugo Rafael Chávez Frias (28 Juli 1954 - 5 Maret 2013) adolah Presiden Venezuela nan manjabaik dari taun 1999 sampai kamatiannyo pado taun 2013. Inyo adolah bakeh pamimpin partai politik Garakan Republik Kalimo sajak maso pandiriannyo pado taun 1997 sampai taun 2007. Partai ko kudian bagabuang jo babarapo partai lainnyo dan mambantuak Partai Sosialis Basatu Venezuela (PSUV), nan taruih dipimpinnyo sampai pado kamatiannyo di taun 2013.

Dek maikuik ideologi politiknyo iyolah Bolivarianisme dan Sosialisme Abaik ka-21, inyo bafokus pado pangarajoan reformasi sosialis di nagara iko sabagai bagian dari proyek sosial nan disabuik sabagai Revolusi Bolivarian, nan lah mampacaliakan tabiknyo konstitusi baru, dewan bademokrasi partisipatif, nasionalisasi babarapo industri utamo, paningkatan alokasi dana pamarentah untuak parawatan kasiatan dan pandidikan, sarato pangurangan kamiskinan sacaro signifikan kok manuruik data pamarentah. Di bawah Chavez, kwalitas iduik masarakaik Venezuela maningkek pulo manuruik Indeks PBB, dan tingkek kamiskinan manurun dari 48,6 persen pado taun 2002 manjadi 29,5 persen pado 2011 manuruik Komisi Ekonomi PBB untuak Amerika Latin.

Chávez lahia dari kaluarga kalas pakarajo di Sabaneta, Barinas. Inyo kudian manjadi parawira militer, namun satalah maraso indak pueh jo sistem politik Venezuela, inyo maadoan Garakan Revolusioner Bolivarian-200 (MBR-200) nan rahasia pado awal taun 1980 untuak bausao mangguliangan pamarentahan kutiko itu. Chávez mamimpin MBR-200 dalam suatu kudeta nan gagal pado taun 1992 taadok pamarentahan Presiden Carlos Andrés Pérez dari Partai Aksi Demokratik, sainggo inyo dipinjaro. Satalah duo taun inyo bebas, sataruihnyo inyo mandirian sabuah partai politik bapaham sosialis, Garakan Republik Kalimo, nan mambueknyo kudian tapiliah sabagai Presiden Venezuela pado taun 1998.

Inyo kudian mampakanalkan konstitusi baru nan maningkekan hak-hak masarakaik nan tasisiah dan mambuek parubahan pado struktur pamarentah Venezuela. Inyo tapiliah lai sabagai presiden pado taun 2000. Di maso jabatan kaduonyo, inyo mampakanalkan sistem Misi Bolivarian, Dewan Komunal, dan koperasi pakarajo, sarato manjalanan program reformasi patanahan dan nasionalisasi babagai industri kunci. Chávez tapiliah kambali pado taun 2006 dan mandapek labiah dari 60% suaro. Pado tanggal 7 Oktober 2012, inyo pun mamanangan pamiliahan presiden nan kaampek kalinyo, mangalahan Henrique Capriles, dan tapiliah untuak maso jabatan anam taun.

Pamarentahan Chávez basakutu jo pamarentah kuminih Fidel jo Raúl Castro di Kuba, sarato pamarentahan sosialis Evo Morales di Bolivia, Rafael Correa di Ekuador, dan Daniel Ortega di Nikaragua. Kapamimpinannyo dipandang sabagai bagian dari aia pasang sirah mudo sosialisme nan mahampeh Amerika Latin. Bairiangan jo pasakutuan ko, inyo manggambarkan kabijakan pamarentahannyo sabagai anti-imperialisme, nan manjadi musuah takamuko taadok kabijakan lua nagari Amerika Sarikat sarato pangritik lantang ateh neoliberalisme dan kapitalisme laissez-faire nan didukuang dek AS.

Inyo mandukuang karajosamo Amerika Latin jo Karibia dan baperan pantiang dalam mandirian organisasi pan-regional Uni Nagara Amerika Salatan, Aliansi Bolivarian untuk Amerika, Bank Selatan, dan jaringan televisi regional TeleSur. Namun, Chávez mamiliaki sangketo nan gadang jo Kolombia, sarato mandukuang para pambarontak di Kolombia dan Ekuador, nan manyabukan duta-duta gadang dipanggia pulang dan pasukan dimobilisasi. Chávez adolah surang tokoh nan sangaik kontroversial dan mamacah balah baik di dalam nagari maupun di lua nagari, panah mahino para pamimpin dunia lainnyo, dan mambandiangan Presiden AS George W. Bush jo kaladai dan ibilih bagai. Sungguahpun media AS mancimeehnyo, ado pulo nan manyabuiknyo surang demokrat progresif, dan bahaso AS mancubo malamahan dan mandelegitimasi pamarentahannyo di Venezuela.!-- Inyo mamaraluan operasi kaduo pado Desember 2012. Inyo rancanonyo ka dilantik pado tanggal 10 Januari 2013, tatapi Majilih Nasional Venezuela satuju untuak manundo palantikan ko supayo inyo mandapek wakatu mamuliahkan diri dari parawatan medis di Kuba. Chávez maningga di Caracas pado tanggal 5 Maret 2013 pado umua 58 taun.




#Article 153: Kota Sigli, Pidie (141 words)


Sigli atau  kecamatan Kota Sigli adolah sabuah Kecamatan di Kabupaten Pidie, Aceh, Indonesia nan marupakan ibukota dan pusek pamarintahan Kabupaten Pidie, Provinsi Aceh, Indonesia. Camat Kota Sigli kini adolah Saiful Ikhwan, SP, MM.

Talatak 112 km di sabalah timur kota Banda Aceh, 231 km di sabalah barat kota Medan jo 561 km dari sabalah selatan kota Kuala Lumpur. Sigli talatak di wilayah strategis nan dilalui dek jalan nasional Lintas Timur Sumatera nan padek nan mahubuangkan kota Banda Aceh jo kota Medan. Salain itu Sigli juo babatehan langsuang jo Selat Malaka nan marupokan jalur padagangan lauik paliang utamo di dunia nan mahubuangkan Asia Timur tarutamo Tiongkok jo Japang jo banua Eropa, India jo nagari-nagari Arab (Asia Selatan jo Asia Barat). Wilayah iko dulunyo marupokan bengke kareta api paliang gadang di Aceh. Tatapi sajak vakumnyo kagiatan pakareta-apian di Aceh, Sigli indak saramai dulu.

 




#Article 154: Tapak Tuan, Aceh Selatan (107 words)


Tapaktuan (batulih juo Tapak Tuan) adolah ibukota jo pusek pamarintahan Kabupaten Aceh Selatan, Nanggroe Aceh Darussalam, Indonesia. Tapaktuan marupokan wilayah kota satingkek kecamatan nan juo tanamo jo sabutan Kota Naga. Etnis Aneuk Jamee surang labiah acok manyabuik kota ko jo sabutan Taluak. Kota ko mampunyoi makanan khas yaitu Kue Pala.
 

Tapaktuan marupokan wilayah nan diuni dek Aneuk Jamee di pantai selatan Aceh. Ampia sabagian gadang masyarakaik di kota ko barasa dari etnis Aneuk Jamee. Bahaso nan digunokan dek masyarakat kota ko mirip bahaso Minangkabau nan disabuik sabagai bahaso Jamee. Salain urang Aneuk Jamee, di kota iko banyak juo bamukim urang Aceh khusus nyo nan datang dari Pidie.




#Article 155: Suku di Minangkabau (628 words)


Suku di Minangkabau adolah hubungan kaluarga nan barasa dari niniak moyang nan samo dan mangikuik ibu atau padusi. 

Manuruik tambo, sistem adaik Minangkabau patama kali dibantuak dek duo urang basudaro, Datuk Katumanggungan jo Datuak Perpatih Nan Sebatang. Datuk Katumanggungan mawarihkan sistem adaik Koto Piliang nan aristokratis, sadangkan Datuk Perpatih mawariskan sistem adaik Bodi Caniago nan egaliter. Dalam pajalanannyo, duo sistem adaik nan dikana jo kalarehan iko saliang isi maisi jo mambantuak sistem masyarakaik Minangkabau.

Dalam masyarakaik Minangkabau, ado tigo pilar utamo nan mambangun jo manjago kautuhan budayo sarato adaik istiadaik. Mareka adolah alim ulama, cadik pandai, jo niniak mamak, nan dikana juo jo istilah Tungku Tigo Sajarangan. Katigonyo saliang malangkok'i jo bahu mambahu dalam posisi nan samo tingginyo. Dalam masyarakaik Minangkabau nan demokratis jo egaliter, sado uruihan masyarakaik dimusyawarahkan dek katigo unsua itu sacaro mufakaik.

Sorupo jo etnis lainnyo, dalam etnis Minangkabau todapek banyak klan atau marga nan disobuik jo istilah suku. Monuruik tambo alam Minangkabau, pado maso awal pombontuakan budayo Minangkabau dek Datuak Katumanggungan jo Datuak Parpatih Nan Sabatang, hanyo ado ompek suku induak dari duo kolorehan. Suku-suku tosobuik adolah:

Sodangkan kolorehan nan dimoksuik adolah Kolorehan Koto-Piliang jo Kolorehan Bodi-Caniago, kolorehan di siko somacam sistim kokuasoan, jo dalam pongombangannyo Kolorehan Koto-Piliang lobiah pado sistim aristokrat sodangkan Kolorehan Bodi-Caniago lobiah pado sistim konfederasi.

Kok mancoliak dari asa kato dari namo-namo suku induak tosobuik, dopek dikatoan kato-kato tosobuik borasa dari Bahaso Sanskerta, sobagai contoh koto borasa dari kato kotta nan borarti benteng atau kubu, piliang borasa dari duo kato phili jo hyang nan digobuang borarti pilihan tuhan, bodi borasa dari kato bodhi nan borarti urang nan tojago, jo caniago borasa dari duo kato chana jo harga nan borarti suatu nan boharago.

Bolaku juo untuak suku-suku awal solain suku induak, namo-namo suku tosobuik tontu borasa dari Bahaso Sanskerta jo pongaruah agamo Hindu jo Buddha nan bokombang di wakatu itu. Sodangkan pokombangan borikuiknyo namo-namo suku nan ado boubah pongucapannyo dek pokombangan Bahaso Minang itu surang jo pongaruah dari agamo Islam jo pondatang-pondatang asiang nan tingga monatap bosamo.

Suku-suku dalam Minangkabau pado awalnyo komungkinan ditontuan dek Rajo Pagaruyuang, namun sojak boakhianyo Pagaruyuang indak ado lai muncua suku-suku baru di Minangkabau.

Sodangkan Urang Minang di Nogori Sombilan, Malaysia, mombontuak 12 suku baru nan lain jo suku asanyo di Minangkabau.

Matrilineal marupokan salah satu aspek utamo dalam mandefinisikan identitas masyarakaik Minang. Adaik jo budayo mareka manampekkan pihak padusi batindak sabagai pawaris harato pusako jo kakarabaikan. Garih katurunan dirujuak pado ibu nan dikana sabagai Samande (sa-ibu), sadangkan ayah mareka disabuik dek masyarakaik jo namo Sumando jo dipalakukan sabagai tamu dalam keluarga.

Kaum padusi di Minangkabau mampunyoi kaduduakan nan istimewa sahinggo dijuluaki jo Bundo Kanduang, nan mamainkan paranan dalam manantukan kabarhasilan palaksanoan kaputuihan-kaputuihan nan dibuek dek kaum laki-laki dalam posisi mareka sabagai mamak (saudaro dari pihak ibu), jo pangulu (kapalo suku). Pangaruah nan gadang tasabuik manjadikan padusi Minang disimbolkan sabagai Limpapeh Rumah Nan Gadang (pilar utamo rumah). Walau kakuasoan sangaik dipangaruahi dek panguasoan tahadok aset ekonomi namun kaum laki-laki dari kaluargo pihak padusi tasabuik masih tatok mamaciak otoritas atau mampunyoi legitimasi kakuasoan pado komunitasnyo.

Sistim matrilinial sabagai sistim kehidupan komunal nan dianut dek suku ko, manjadikan urusan perkawinan bukan hanyo masalah sapasang insan nan handak mambantuak kaluarga baru sajo. Tapi urusan ko manjadi urusan saluruah kaum kerabat dan anggota sukunyo. Perkawinan manampekkan istri pado status nan samo jo suaminyo, dimano istri marupoan pamagang warih dan harto pusako, anak nan lahia karano perkawinan manjadi anggota kaum sang istri. Jadi perkawinan manimbulkan tali kekerabatan nan dikenal jo:

Perkawinan nan ideal dalam alam pikiran urang Minangkabau adolah perkawinan antaro kaluargo dakek, lazim disabuak pulang ka anak mamak atau pulang ka bako.

Dalam adaik Minangkabau laki-laki tingga di rumah gadang pihak istrinyo, dimano dalam suku istrinyo inyo disabuik juo jo sumando. Penilaian tahadok sumando dalam kehidupan sahari-hari diantaronyo dikenal jo:




#Article 156: Kabupaten Aceh Selatan (434 words)


Kabupaten Aceh Selatan (bahaso Aceh: Acèh Tunong, Jawi: اچيه تونوڠ) adolah salah satu kabupaten nan ado di Provinsi Aceh, Indonesia. Sabalun tagak surang sabagai kabupaten otonom, calon wilayah Kabupaten Aceh Selatan adolah bagian dari Kabupaten Aceh Barat. Pambantuakan Kabupaten Aceh Selatan ditandoi jo disahkannyo Undang-Undang Darurat Nomor 7 Taun 1956 pado 4 November 1956.

Kabupaten Aceh Selatan pado tanggal 10 April 2002 resmi dimekarkan sasuai jo UU RI Nomor 4 taun 2002 meanjadi tiga kabupaten, yaitu: Kabupaten Aceh Barat Daya, Kabupaten Aceh Singkil jo Kabupaten Aceh Selatan.

Kecamatan nan mampunyoi jumlah panduduak tabanyak adolah Kecamatan Labuhan Haji, diikuti dek Kecamatan Kluet Utara. Samantaro jumlah panduduak paliang saketek adolah Kecamatan Sawang. Sabagian panduduak tapusek di sapanjang jalan raya pasisia jo pinggiran batang aia.

Kabupaten Aceh Selatan mampunyoi bateh wilayah sabagai barikuik:

Kondisi topografi Kabupaten Aceh Selatan sangaik baragam, tadiri dari dataran randah, bagalombang, babukik, inggo gunuang-gunuang jo tingkek kamiriangan sangaik curam/terjal. Dari data nan didapek, kondisi topografi jo tingkek kamiriangan sangaik curam/terjal mancapai 63,45%, sadangkan barupo dataran hanyo sakitar 34,66% jo kamiriangan lahan dominan adolah pado kamiringan 40% jo laweh 254.138.39 ha dan paliang kaciak kamiriangan 8-15% salaweh 175.04 hektare salabiahnyo taseba pado baragam tingkek kamiriangan. Dicaliak dari katinggian tampek (di ateh pamukaan lauik) katinggian 0-25 meter mampunyoi laweh paliang gadang yakni 152.648 hektare (38,11%) dan paliang kaciak adolah katinggian 25-00 meter salaweh 39.720 hektare (9,92%). Sabagian gadang jinih tanah di Kabupaten Aceh Selatan adolah podzolik sirah kuniang salaweh 161,022 hektare jo nan paliang saketek adolah jinih tanah regosol (hanyo 5,213 ha).

Kabupaten Aceh Selatan mampunyoi 18 kecamatan nan tabantang mulai dari Kecamatan Labuhan Haji nan babatehan jo Kabupaten Aceh Barat Daya inggo Kecamatan Trumon Timur nan babatehan jo Kota Subulussalam. Pado taun 2010 jumlah kecamatan dalam Kabupaten Aceh Selatan ado 16 Kecamatan. Pado taun 2011, 2 kecamatan di bagian timur yakni Trumon dimekarkan baliak manjadi 2 kecamatan lai sainggo sadoalah kecamatan dalam kabupaten kini ko bajumlah 18 kecamatan. Kasalapan baleh kecamatan tasabuik adolah:

Manuruik Buku Induk Kode dan Data Wilayah Administrasi Pemerintahan Per Provinsi, Kabupaten/Kota, dan Kecamatan Seluruh Indonesia nan ditabikkan dek Kementerian Dalam Negeri (Kemendagri), Kabupaten Aceh Selatan nan mampunyoi 18 kecamatan tabagi lai manjadi 260 desa. Kecamatan Samadua marupokan kecamatan jo desa paliang banyak (28 desa), sadangkan kecamatan jo desa paliang saketek adolah Kecamatan Bakongan (7 desa).

Kabupaten Aceh Selatan mampunyoi 3 etnis asali, yaitu urang Aceh (60%), urang Aneuk Jamee (30%) jo urang Kluet (10%). Urang Aneuk Jamee marupokan parantau Minangkabau nan alah bamukim di sinan sajak abaik ka-15. Walau alah indak lai manggunokan sistem adaik matrilineal, tapi inyo masih manggunokan bahaso Minangkabau dialek Aceh (Bahaso Aneuk Jamee) dalam ota sahari-hari.




#Article 157: Daftar tokoh Minangkabau (106 words)


Daftar tokoh Minangkabau ko barisi namo tokoh-tokoh katurunan Minangkabau, atau sacaro genetis badarah Minangkabau, baiak nan laia di Ranah Minang atau Sumatera Barat maupun nan di parantauan. Kusuih tantang tokoh-tokoh nan laia di Sumatera  Barat dapek dicaliak di Daftar tokoh Sumatera Barat.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan.  ko dapek digunoan untuak mancaliak sagalo parubahan nan bahubuangan jo artikel-artikel nan ado di laman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silakan suntiang laman ko lalu masuak-an namo tokoh tu sarato katarangan jo pautan luanyo.




#Article 158: Papua Barat (336 words)


Papua Barat (sabalunnyo Irian Jaya Barat disingkek Irjabar) adolah sabuah provinsi Indonesia nan talatak di bagian barat Pulau Papua. Ibukotanyo adolah Manokwari. Namo provinsi iko sabalunnyo adolah Irian Jaya  Barat nan ditetapkan dalam Undang-Undang Nomor 45  Taun 1999. Badasakan Peraturan Pemerintah Nomor 24  Taun 2007 tanggal 18 April 2007, namo provinsi iko diubah manjadi Papua Barat. Papua  Barat dan Papua marupoan provinsi nan mandapek statuih otonomi khusus.

Wilayah provinsi iko mancakuik kawasan kapalo buruang pulau Papua jo kapulauan-kapulauan di sakaliliangnyo. Di sabalah utara, provinsi iko dibatehi dek Samudra Pasifik, bagian barat babatehan jo provinsi Maluku Utara jo provinsi Maluku, bagian timur dibatehi dek Taluak Cenderawasih, selatan jo Laut Seram jo tenggara babatehan jo provinsi Papua.

Provinsi Papua  Barat iko meski alah dijadikan provinsi tasendiri, namun tatok mandapek palakuan khusus sabagaimano provinsi induaknyo. Provinsi iko juo alah mampunyoi KPUD surang jo manyalanggarokan pemilu untuak partamo kalinyo pado tanggal 5 April 2004.

Provinsi iko mampunyoi potensi nan lua biaso, baiak itu patanian, patambangan, hasia hutan maupun pariwisata. Mutiaro jo rumpuik lauik dihasiakan di kabupaten Raja Ampat sadangkan satu-satunyo industri tradisional tenun ikek nan disabuik kain Timor dihasiakan di kabupaten Sorong Selatan. Sirup palo harum dapek didapek di kabupaten Fak-Fak sarato baragam potensi lainnyo. Salain itu wisata alam juo manjadi salah satu andalan Irian Jaya Barat, misalnyo Taman Nasional Taluak Cenderawasih nan balokasi di kabupaten Taluak Wondama. Taman Nasional iko mambantang dari timur  Samananjuang Kwatisore sampai utara Pulau Rumberpon jo panjang garih pantai 500 km, laweh darek mancapai 68.200 ha, laweh lauik 1.385.300 ha jo rincian 80.000 ha kawasan tarumbu karang jo 12.400 ha lauikan.

Disamping itu baru-baru iko, ditamukan sabuah gua nan diklaim sabagai gua tadalam di dunia dek tim ekspedisi speologi Parancih di kawasan Pagunuangan Lina, Kampuang Irameba, Distrik Anggi, Kabupaten Manokwari. Gua iko dipakirokan mancapai kadalaman 2000 meter. Kawasan pagunuangan di Papua  Barat masih manyimpan misteri kakayoan alam nan paralu diungkap.

Papua  Barat tabantuak dari bagian barat propinsi Papua pado Pebruari 2003, nan samulonyo banamo Irian Jaya Barat, diganti manjadi Papua  Barat pado 7 Pebruari 2007.




#Article 159: Gunuang (352 words)


Gunuang marupoan bantuak muko bumi nan tabudua di ateh wilayah sakaliliangnyo nan biasonyo mambantuak puncak. Pagunuangan adolah barisan gunuang. Gunuang biasonyo labiah tinggi jo curam daripado bukik, tapi ado kasamoan nan panggunoannyo acok tagantuang pado adaik satampek daerah. Gunuang jo Pagunuangan tabantuak disababkan pagarikan karak bumi atau tektonis jo vulkanis. Babarapo otoritas mandefinisikan gunuang jo puncak nan labiah dari gadangan tatantu; misalnyo, Encyclopædia Britannica butuah katinggian 2000 kaki (610 m) supayo dapek didefinisikan sabagai gunung.

Katinggian pado pagunuangan mambuek iklim nan labiah dingin pado dataran nan labiah randah. Iklim nan labiah dingin ko badampak sacaro laweh pado ekosistem pagunuangan. Katinggian nan balainan mambuek jinih hewan jo tumbuahan  nan balainan pulo.

Gunuang maliputi 54% kawasan Asia, 36% Amerika utara, 25% Eropa, 22% Amerika Selatan, 17% Australia jo 3% Afrika. Sacaro kasaluruahan, 24% dari daratan di Bumi tadiri dari pagunuangan. Salain itu, 1 dari 10 urang di dunia tingga di kawasan pagunuangan. Sado sungai utamo di dunia bamulo dari gunuang, jo labiah saparuah manusia bagantuang kapado gunuang untuak aia .

Puncak tatinggi di bumi adolah puncak Gunuang Everest di Pagunuangan Himalaya, Asia, satinggi 8.848 m (29.029 kaki) di ateh pamukoan lauik. Sadangkan puncak tatinggi di Tata Surya nan alah dikatahui adolah Gunuang Olympus di Mars satinggi 21.171 m (69.459 kaki).

Sabananyo indak ado definisi umum untuak gunuang. Katinggian, volume, relief, kacuraman, jarak, jo kontinuitas dapek dijadikan kriteria dalam mandefinisikan gunuang. Manuruik KBBI, definisi gunuang adolah Bukit yg sangat besar dan tinggi (biasanya tingginya lebih dari 600 m) (Bukik nan sabana gadang jo tinggi (biasonyo labiah dari 600 m)) Gunuang tatinggi di Indonesia adolah Puncak Jayawijaya nan ado di Papua.

Tinggi gunuang pado umumnyo diukua dari ateh pamukoan lauik, itulah nan manjadikan Gunuang Everest 8.848 meter (29.028 kaki) tatingi di dunia. Bilo katinggian gunuang diambiak dari kaki gunuang hinggo ka puncak, mako Mauna Kea di Hawaii nan tagak 10.203 meter (33.476 kaki) dari dasa lautan Pasifik manjadi nan tatinggi di dunia. Caro maukua katigo adolah dari pusek bumi hinggo ka puncak, manjadikan Gunuang Chimborazo di Pagunuangan Andes sabagai nan tatinggi.

Tadapek banyak bana panyabuikan untuak gunuang dalam bahaso daerah di Indonesia. Babarapo di antaronyo adolah




#Article 160: Jambu kaliang (235 words)


Jambu kaliang (Syzygium cumini, ) adolah tumbuahan nan tamasuak suku jambu-jambuan (Myrtaceae). Tumbuahan ko umumnyo dibudidayoan atau tumbuah lia di Asia tropis jo Australia. Di Pulau Jawa banyak nan tumbuah lia di utan jati dan ado pulo nan ditanam sabagai pohon buah di pakarangan, tarutamo di dataran randah sampai pado katinggian 500 mdpl.

Batang nan kokoh, bakayu, diameter 10-30 m, bawarna putiah kabua, dan indak mangguguran daun Kadang-kadang babatang bengkok, tinggi mancapai 20 m. Bacabang randah jo batajuak bulek atau indak baraturan.

Daun-daunnyo talatak baadokkan, batangkai 1-3,5 cm, alaian daun bulek talua tabaliak agak joong sampai jorong lonjong, 5-25 x 2-10 cm, pangkanyo leba babantuak pasak atau mambulek, ujuang tumpua atau agak marunciang, batapi rato, tapi tipih agak tabuih pandang. Ijau tuo bakilek di sabalah ateh, daun jambu kaliang agak babaun terpentin kalau dirameh. Daun yang mudo bawarna merah jambu. Patulangannyo manyirip.

Karangan bungo babantuak malai atau malai rato, ranggang, hinggo tigo kali bacabang; umumnyo muncul pado cabang-cabang nan indak badaun. Bungo ketek, balatak rapek-rapek, 3-8 kuntum di tiok ujuang tangkai, babaun harum. Daun kelopak babantuak lonceng maleba atau corong, tinggi 4-6 mm, kuniang sampai kaunguan. Daun mahkota bulek jo lapeh-lapeh, 3 mm, putiah abu-abu sampai merah jambu, mudah gugua, banang sari banyak, 4-7 mm; putiak 6-7 mm.

Buah babantuak lonjong hinggo bulek talua, acok babantuak agak bengkok, 1-5 cm, bamahkota cuping kalopak, jo kulik tipih licin mangkilek, merah tuo sampai ungu kaitaman, kadang-kadang putiah.




#Article 161: Yesus (142 words)


Yesus (; bahaso Yunani: Ἰησοῦς Iēsous; c. 6 SM-4 SM — 29-33) disabuik juo Yesus dari Nazaret adolah tokoh utamo dalam agamo Kristen. Yesus di dalam Kakristenan dikana juo jo sabutan Kristus.

Urang Kristen picayo baso Yesus adolah Anak Allah, Tuhan, Mesias, jo Juru Salamaik umaik manusia. Sadangkan agamo Yahudi manulak pandangan baso Yesus adolah surang Mesias nan alah dinubuatkan dalam Tanakh kitab suci mareka.

Dalam agamo Islam, Yesus disabuik jo namo Isa (bahaso Arab: عيسى, `Īsā, Essa). Isa marupoan salah surang dari limo nabi Ulul Azmi. Dalam Al-Qur'an, inyo disabuik Isa bin Maryam atau Isa al-Masih. Inyo diangkek manjadi nabi pado taun 29 M sarato ditugaskan badakwah kapado Bani Israil di Palestina.

Namonyo disabuikan sabanyak 25 kali di dalam Al-Quran. Carito tantang Isa kamudian balanjuik jo pangangkekannyo sabagai utusan Allah, panulakan dek Bani Israil jo baakhia jo pangangkekan dirinyo ka sarugo.




#Article 162: Pangkalan Jambi, Bukit Batu, Bengkalis (312 words)


Pangkalan Jambi adolah namo salah satu desa nan talatak di Kecamatan Bukit Batu, Kabupaten Bengkalis, Provinsi Riau, Indonesia. Desa nan mampunyoi 3 dusun iko, marupoan desa nan babateh langsuang jo desa dari Kabupaten Siak iyolah Lebuk  Mudo di daerah Kuala, desa iko marupoan desa paliang ujuang nan tadapek di Bukit Batu.

Pandidikan Masyarakaik Pangkalan Jambi marupoan masyarakaik nan manjunjuang tinggi nilai edukasi. Di Pangkalan Jambi tadapek TK, SD no 12 pangkalan Jambi jo SMKN 1 Bukit Batu nan punyo jurusan Nautika, SMK iko juo marupoan satu satunyo SMK di bidang nautika di provinsi Riau, salain jurusan nan bahubuangan jo pakapalan tadapek juo jurusan teknik komputer jaringan, guno manunjang kamajuan teknologi.

Panunjang ekonomi masyarakaik Pangkalan Jambi barasa dari mato pancaharian masyarakaiknyo, sabagian masyarakaik Pangkalan Jambi baadok di bidang patanian karet jo sawit, babarapo persennyo lai marupoan wirausaha, PNS, jo nalayan

Dari babarapo rujuakan nan di dapek, asa-usua namo Pangkalan Jambi tasabuik tu alum dapek di pastian, akan tatapi basumber dari folklor rakyaik Pangkalan Jambi jo carito satampek namo Pangkalan Jambi barasa dari sub kato Jambi nan mangarah kapdo suatu daerah atau provinsi yaitunyo Jambi, dan perspektif Pangkalan mengarah ka daerah partahanan parang, dari asa sub duo kato tasabuik dapek diambiak kasimpulan bahwasanyo dahulu pado zaman paparangan taadapek urang-urang Jambi nan datang ka daerah tasebuik mambuek pangkalan kamudian bamukim sahinggo dinamoan Pangkalan Jambi.

Di Pangkalan Jambi tadapek sabuah pantai nan cukuik rancak, dan di patangahan 2018 Pangkalan Jambi mandapekan dukuangan dari Pertamina guno mambangun sumber daya pariwisatanyo jo caro mamparancak tampek wisata di Pangkalan Jambi

Pangkalan Jambi mampunyoi budayo masyarakaik nan masih kental jo adaik istiadaik sarato jo gotong royong. Budaya nan paliang manonjol di Pangkalan Jambi biasonyo dapek diiek katiko hari hari gadang baiak nasional maupun agama, Pangkalan Jambi juo turuik sarato dalam festival lampu colok dan acok mamanangkan juara 1, dari hal iko dapek di liek bahwa segi kreatifitas masyarakaiknyo sangek laweh.




#Article 163: Bahaso Rusia (708 words)


Bahaso Rusia (, diucapkan ) adolah bahaso Slavia nan utamonyo dituturkan di Rusia, Belarus, Uzbekistan, Kazakhstan, jo Kirgizstan. Bahaso iko indak rasmi namun banyak pulo dituturkan di Ukraina, Moldova, Latvia, Tajikistan, Turkmenistan, Estonia jo nagara-nagara lain nan alah pernah manjadi bagian dari Uni Soviet. Bahaso Rusa tamusuak ka dalam rumpun bahaso Indo-eropa jo salah satu dari tigo bahaso Slavia Timua.

Jo jumlah panutua sabanyak 278 juto jiwa, bahaso Rusia marupoan bahaso tagadang kalimo dari segi jumlah panutuanyo sasudah bahaso Mandarin, Inggirih, Spanyol, jo Hindi. Bahaso iko juo manjadi bahaso rasmi PBB jo badan-badan khususnyo salain bahaso Arab, Parancih, Mandarin, Inggirih, jo Spanyol. Salain itu, bahaso Rusia ko juo digunokan sabagai bahaso rasmi Persemakmuran Nagara-nagara Merdeka.

Bahaso Rusia tamasuak dalam rumpun bahaso slavia, nan mano bahaso Rusia badunsanak jo bahaso-bahaso balkan, sarupo bahaso Bulgaria, bahaso Serbo-Kroat, bahaso Makedonia, bahaso Slovenia, bahaso Rusyn, bahaso Belarus, bahaso Ukraina, bahaso Polandia, bahaso Ceko jo bahaso Slovak nan marupoan bagian dari rumpun bahaso Indo-Eropa.

Dalam rumpun bahaso Slavik, bahaso Rusia paliang dakek badunsanak jo bahaso-bahaso Slavik Timur, iyolah Bahaso Belarus jo Bahaso Ukraina. Sarupo jo kaduo bahaso taakhia iko, mamakai abjad Sirilik, bahaso Rusia dipakai sabagai bahaso parantaro (lingua franca) di republik-republik bakeh Uni Soviet. Bahaso Rusia punyo juo karya sastra nan kayo.

 Bahaso Rusia adolah bagian dari bahaso Slav dari kaluargo bahaso Indo-Eropa. Bilo dicaliak dari suduik pandang palafalan bahaso, Bahaso Rusia agak sarupo jo Bahaso Ukraina jo Bahaso Belarus di Slavia Timur, nan aka bahasonyo adolah dari Bahaso Slavia Timur Tuo. Kosa kato, bantuak kalimaik, jo sastra Rusia kabanyakan dipangaruahi dek  Gareja Slavonic. Fonologi bahaso Rusia, tarutamo di bagian utara Rusia, dipangaruahi dek bahaso Finnik (bahaso Finlandia). Babarapo kato modern Bahaso Rusia ado juo nan barasa dari Tatar. Badasakan Institut Palinduang Bahaso di Monterey, bahaso Rusia digolongkan sabagai bahaso tingkek III, iyolah bahaso nan cukuik sulik dipalajari dek urang babahaso ibu Inggirih asli, jo butuah wakatu 780 jam intensif untuak dapek babicaro bahaso Rusia jo cukuik lanca.

Bahaso Rusia ditutuakan sacaro laweh di Rusia jo nagara-nagara bakeh Uni Soviet. Pado maso Soviet, bahaso Rusia digunokan sabagai bahaso superioritas jo pamarsatu, walaupun Uni Soviet tadiri dari banyak etnik jo suku bangso. Satalah bubarnyo Uni Soviet pado taun 1991, babarapo nagara bakeh Uni Soviet, sarupo Kirgistan mamuloi untuak mamakai bahaso asli mareka dibandiang mamakai bahaso Rusia.

Di Estonia, nan marupoan bakeh nagara bagian Soviet, labiah kurang 58% panduduak aslinyo mampu babahaso Rusia. Salain itu ado juo imigran dari Rusia labiah kurang 25.6% nan dapek babahaso Rusia. Salain itu, di Finlandia, jumlah penutua bahaso Rusia adolah labiah kurang 33.400 panutua. Pado abaik ka-20, bahaso Rusia manyebar jo dipalajari sacaro laweh di nagara Pakta Warsawa jo di nagara nan basakutu jo Uni Soviet. Nagara-nagara iko diantaronyo adolah Polandia, Albania, Ceko, jo Kuba. Bahaso Rusia juo ditutuakan di Israel dek 750.000 imigran Yahudi asa Rusia. Kabanyakan koran jo situs Israel mamakai bahaso Rusia. Babarapo komunitas Rusia di Amerika Utara, sarupo di Amerika Sarikaik jo Kanada juo manutuakan bahaso Rusia. Badasakan data Biro Sensus Amerika Sarikaik taun 2000, tacatek labiah dari 700.000 urang nan manutuakan bahaso Rusia sabagai bahaso sahari-hari.

Bahaso Rusia adolah bahaso rasmi Federasi Rusia. Bahaso Rusia juo ditatapkan sabagai bahaso rasmi di Kazakhstan, Kirgizstan, jo Belarus. Salain itu, bahaso iko juo manjadi bahaso rasmi sacaro de facto di Abkhazia jo Ossetia Selatan. Bahaso Rusia juo dipakai sabagai bahaso panganta di 97% sikolah di Rusia, 75% di Belarus, 41% di Kazakhstan, 25% di Ukraina, 23% di Kirgizstan, 21% di Moldova, 7% di Azerbaijan, 5% di Georgia, sarato 2% di Armenia jo Tajikistan.

Dialek dalam bahaso Rusia tabagi duo sacaro umum, iyolah dialek Utara jo dialek Selatan, jo Moskow nan talatak di daerah patangahan antar kaduonya. Pabedoan dialek nampak dari tata bahaso, kosa kato, caro pelafalan jo intonasi. Contohnyo, pado kato булошная (toko roti) nan diucapkan [ˈbuləʂnəjə] pado dialek Moskow daripado mangucapkan булочная [ˈbulətɕnəjə]. Dialek Utara jo daerah sakuliliang Sungai Volga mangucapkan huruf /o/ tanpa takanan jo fenomena iko disabuik оканье /okanye/.

Samantaro itu di daerah Timur Moskow, tapeknyo di daerah Ryazan, mareka mangucapkan huruf /e/ jo /a/ tanpa takanan jo fenomena iko disabuik яканье /yakanye/. Pado awal abaik ka-18, Mikhail Lomononsov mamuloi panyalidiakan dialek nan ado di saantero Kakaisaran Rusia. Kamudian pado abaik ka 19, Vladimir Dal manulih sabuah kamuik langkok bahaso Rusia jo dialek-dialeknyo.




#Article 164: Urang Mandailing (130 words)


Urang Mandailing atau di dialek Minang lainnyo diijo Mandailiang bukan sub etnik Batak nan mauni Kabupaten Mandailing Natal, Kabupaten Padang Lawas, Kabupaten Padang Lawas Utara, jo sabagian Kabupaten Tapanuli Selatan, Sumatera Utara. Urang Mandailing ado pulo nan marantau sampai ka Sumatera Barat jo Riau. Malah ado pulo nan sampai ka Malaysia inggo mambantuak komunitasnyo sajak zaman parang pidari. Sabagian pihak mangatokan baso Mandailing marupoan bagian dari Urang Batak. Namun pihak lainnyo bapandapaik baso Mandailing marupoan kalompok masyarakaik nan babeda. Hal iko nampak dari pabedaan sistem sosial, asa usua, jo kapicayoan.LUBIS, A. (2003). TRANSFORMATION OF MANDAILING CULTURAL IDENTITY AND LEADERSHIP. Journal of the Malaysian Branch of the Royal Asiatic Society, 76(1 (284)), 55-79. Retrieved from 

Pado masyarakaik Minangkabau, Mandailing atau Mandahiliang manjadi salah satu namo suku nan ado pado masyarakaik tasabuik.




#Article 165: Haji Abdul Malik Karim Amrullah (1526 words)


Prof. DR. H. Abdul Malik Karim Amrullah, pamiliak namo pena Hamka () adolah saurang ulama jo sastrawan Indonesia. Baliau malewatan wakatunyo sabagai wartawan, panulih, jo pangaja. Baliau tajun dalam politik malalui Masyumi sampai partai tasabuik dibubaran, manjabaik Katua Majelis Ulama Indonesia (MUI) partamo, jo aktif dalam Muhammadiyah sampai akhia hayatnyo. Universitas al-Azhar jo Universitas Nasional Malaysia manganugerahkannyo gala doktor kahormatan, samentaro Universitas Moestopo, Jakarta mangukuahan Hamka sabagai guru basa. Namonyo disamekan untuak Universitas Hamka miliak Muhammadiyah jo masuak dalam daftar Pahlawan Nasional Indonesia.

Dibayangi namo basa ayahnyo Abdul Karim Amrullah, Hamka acok malakuan pajalanan jauah surang. Baliau maninggaan pendidikannyo di Thawalib, manampuah pajalanan ka Jawa dalam umua 16 taun. Satalah sataun malewatan parantauannyo, Hamka kumbali ka Padangpanjang menggadangan Muhammadiyah. Pangalamannyo ditulak sabagai guru di sikolah miliak Muhammadiyah karano ndak mamiliki diploma jo kritik ateh kamampuannyo babahaso Arab malacuik kainginan Hamka pai ka Makah. Jo bahaso Arab nan dipalajarinyo, Hamka mandalami sijarah Islam jo sastra sacaro otodidak. Kumbali ka Tanah Aia, Hamka marintis karier sabagai wartawan sambia bakarajo sabagai guru agamo samantaro wakatu di Medan. Dalam patamuan mamanuahi karinduan ayahnyo, Hamka mangukuahan tekadnyo untuak manaruihan cito-cito ayahnyo jo dirinyo sabagai ulama jo sastrawan. Kumbali ka Medan pado 1936 satalah panikahannyo, baliau manabikan majalah Pedoman Masyarakat. Lewat karyanyo Di Bawah Lindungan Ka'bah jo Tenggelamnya Kapal Van Der Wijck, namo Hamka malambuang sabagai sastrawan.

Salamo revolusi fisik, Hamka bagerilya basamo Barisan Pengawal Nagari dan Kota (BPNK) manyusuri hutan pagunuangan di Sumatera  Barat untuak manggalang pasatuan manentang kumbalinyo Balando. Pado 1950, Hamka mambao kaluarga kaciaknyo ka Jakarta. Meski mandapek pakerjaan di Departemen Agama, Hamka maunduaan diri karano tajun di jalur politik. Dalam pamiliahan umum 1955, Hamka dicalonan Masyumi sabagai wakia Muhammadiyah jo tapiliah duduak di Konstituante. Baliau talibek dalam parumusan kumbali dasa nagara. Sikap politik Maysumi manentang komunisme jo gagasan Demokrasi Terpimpin mamangaruahi hubuangannyo jo Sukarno. Usai Masyumi dibubaran sasuai Dekret Presiden 5 Juli 1959, Hamka manabikan majalah Panji Masyarakat tapi baumua pendek, dibredel dek Sukarno satalah manurunan tulisan Hatta—nan alah maunduaan diri sabagai wakia presiden—bajudua Demokrasi Kita. Sairiang malawehnyo pangaruah komunis, Hamka jo karya-karyanya disarang dek organisasi kabudayaan Lekra. Tuduahan malakuan garakan subversif mambuek Hamka diciduk dari rumahnyo ka tahanan Sukabumi pado 1964. Baliau marampuangan Tafsir Al-Azhar dalam kaadaan sakik sabagai tahanan.

Sairiang paraliahan kakuasaan ka Suharto, Hamka dibebasan pado Januari 1966. Baliau mandapek ruang pamarentah, maisi jadwal tatok ceramah di RRI jo TVRI. Baliau mancurahan wakatunyo mambangun kagiatan dakwah di Musajik Al-Azhar. Kutiko pamarentah manjajaki pambantuakan MUI pado 1975, paserta musyawarah mamiliah dirinyo sabagai katua. Namun, Hamka mamiliah malatakan jabatannyo pado 19 Mei 1981, mananggapi takanan Mantari Agamo untuak manarik fatwa haram MUI ateh parayoan Natal basamo bagi umaik Muslim. Baliau maningga pado 24 Juli 1981 jo janazahnyo dimakaman di TPU Tanah Kusir, Jakarta.

Hamka lahia pado 17 Februari 1908 [Kalender Hijriyah: 13 Muharram 1362] di Minangkabau, Sumatera. Baliau lahia sabagai anak patamo dari tujuah urang basudaro dan digadangkan dalam kaluargo nan taaik malaksanokan ajaran agamo Islam. Ayahnyo banamo Abdul Karim Amrullah, ulama pambaru Islam di Minangkabau nan akrab dipanggil jo sabuikan Haji Rasul, samantaro amaknyo, yakni Sitti Shafiyah, barasa dari katurunan seniman di Minangkabau. Adopun abak dari Abdul Karim, atuak Hamka, yakni Muhammad Amrullah diingek sabagai ulama pangikuik Tarikaik Naqsyabandiyah.

Sabalun mandapek pandidikan di sikolah, Hamka tingga basamo neneknyo di sabuah rumah di dakek Danau Maninjau. Katiko baumua anam tahun, baliau pindah basamo ayahnyo ka Padang Panjang. Bak mano umumnyo anak-anak laki-laki di Minangkabau, sawaktu ketek baliau baraja mangaji jo lalok di surau nan ado di sakitar tampek baliau tingga, sabab anak laki-laki Minang memang tak punyo tampek di rumah. Di surau, baliau baraja mangaji jo silek, samantaro di lua itu, baliau suko mandangakan kaba, kisah-kisah nan dinyanyikan jo alek-alek musik tradisional Minangkabau. Pagaulannyo jo tukang-tukang kaba, mambarikannyo pangatahuan tantang seni bacarito jo mangolah kato-kato. Kelak malalui novel-novelnyo, Hamka acok mammunguik kosakato jo istilah-istilah Minangkabau. Samo halnyo sastrawan nan lahia di ranah Minang, pantun jo petatah-petitih manjadi bumbu dalam karya-karyanyo.

Pado taun 1915, salapeh umuanyo ganok tujuah tahun, baliau dimasuakan ka sabuah Sikolah Desa dan baraja ilmu pangatahuan umum misalnyo baretong jo mambaco di sikolah tasabuik. Pado maso-maso itu, sabagaimano diakui dek Hamka, marupoan zaman nan saindah-indahnyo pado dirinyo. Pagi baliau bagageh pai ka sikolah supayo dapek bamain sabalun palajaran dimuloi, kamudian sapulang sikolah bamain-main lai, bacari-carian, bamain galah, bagaluik, jo bakaja-kajaran, co anak-anak lainnyo bamain. Duo taun kudian, sambia tatok baraja satiok pagi di Sikolah Desa, baliau juo baraja di Diniyah School satiok sore.Namun sajak dimasuakan ka Thawalib dek ayahnyo pado taun 1918, baliau indak dapek lai sato palajaran di Sikolah Desa. Baliau baranti salapeh tamaik kelas duo. Salapeh itu, baliau baraja di Diniyah School satiok pagi, samantaro sorenyo baraja di Thawalib dan malamnyo baliak ka surau. Demikian kagiatan Hamka ketek satiok hari, sasuatu nan—sabagaimano diakuinyo—indak manyanangan dan mangekang kabebasan maso kanak-kanaknyo.

Salamo baraja di Thawalib, baliau bukan tamasuak anak nan pandai, bahkan baliau acok indak hadir babarapo hari karano maraso januah dan mamiliah mancari ilmu jo jalannyo surang. Baliau labiah sanang ado di sabuah papustakaan umum miliak gurunyo, Zainuddin Labay El Yunusy daripado dipusiangkan jo palajaran-palajaran nan harus dihafalnyo di kelas. Dari papustakaan tasabuik, baliau laluaso mambaco bamacam-macam buku, bahkan babarapo baliau pinjam untuak dibaoknyo pulang. Namun, karano buku nan dipinjamnyo itu indak ado hubuangannyo jo palajaran, baliau sempat dimarahi dek ayahnyo katiko katahuan tangah asyik mambaco Kaba Cindua Mato. Ayahnyo bakato, Apokoh ang ka manjadi urang alim beko, atau manjadi urang tukang carito?

Sabagai usaho untuak manunjuakan diri kapado ayahnyo dan sabagai akibaik dari pasantuahannyo jo buku-buku nan dibaconyo tantang dayo tarik Jawa Tangah, manyababkan Hamka sangaik baminaik untuak marantau ka Tanah Jawa. Pado katu nan samo, baliau indak lai tatariak untuak manyalasaikan pandidikan di Thawalib. Salapeh baraja salamo ampek tahun, baliau mamutuihan untuak kalua dari Thawalib, samantaro program pandidikan di sakolah tasabuik dirancang salamo tujuah tahun. Baliau kalua tanpa mandapek ijazah. Pado maso-maso salapeh itu, Hamka sempat dibaok ka Parabek, sakitar 5 km dari Bukittinggi pado taun 1922 untuak baraja kapado Syekh Ibrahim Musa, tapi indak balansuang lamo. Baliau labiah mamiliah sato ikuik kato hatinyo untuak manuntuik ilmu jo pangalaman manuruik caronyo surang. Baliau mamutuihan untuak batolak ka pulau Jawa. Namun, usaho nan patamo sempat tajegal dek ayahnyo.

Hamka alah bakelana ka sajumlah tampek di Minangkabau sajak baumua remaja, sahinggo dijuluaki dek ayahnyo jo Si Bujang Jauh. Katiko baumua 15 tahun, salapeh mangalami suatu paristiwa nan mangguncangkan jiwanyo, yakni pacaraian urang gaeknyo, Hamka alah baniaik pai ka pulau Jawa salapeh mangatahui baso Islam di Jawa labiah maju daripado Minangkabau utamonyo dalam hal pagerakan jo organisasi. Namun satibonyo di Bengkulu, Hamka takanai wabah panyakik cacar, sahinggo salapeh sakitar duo bulan ado di ateh dipan, baliau mamutuihkan baliak ka Padang Panjang. Meski baitu niaiknyo untuak pai ka pulau Jawa indak tabanduang. Pado taun 1924, satahun salapeh cegak dari panyakik cacar, baliau baliak barangkek ka pulau Jawa.

Satibonyo di pulau Jawa, Hamka batulak ka Yogyakarta dan tingga di rumah adiak kanduang ayahnyo, Ja'far Amrullah. Malalui pamannyo itu, baliau mandapek kasempatan mangikuti babagai diskusi jo palatiahan pagerakan Islam nan disalanggarokan dek Muhammadiyah jo Sarekat Islam. Salain mampalajari pagerakan Islam, baliau juo malawehkan pandangannyo dalam pasoalan gangguan tahadok kamajuan Islam co kristenisasi jo komunisme. Salamo di Jawa, baliau aktif dalam babagai kagiatan sosial jo agamo. Dalam babagai kasempatan, baliau baguru kapado Bagoes Hadikoesoemo, HOS Tjokroaminoto, Abdul Rozak Fachruddin, jo Suryopranoto. Sabalun baliak ka Minangkabau, baliau sempat mangambaro ka Bandung dan bajumpo jo tokoh-tokoh Masyumi co Ahmad Hassan jo Mohammad Natsir, nan maagiahnyo kasempatan baraja manulih dalam Majalah Pembela Islam. Salanjuiknyo pado taun 1925, baliau pai ka Pekalongan, Jawa Timur untuak manamui Ahmad Rasyid Sutan Mansur—nan wakatu itu manjabaik sabagai Katua Muhammadiyah cabang Pekalongan—sakaligus baraja kapadonyo. Salamo di Pekalongan, baliau tingga di rumah kakak ipanyo itu dan muloi tampil bapidato di babarapo tampek.

Dalam parantauan patamonyo ka pulau Jawa, baliau mangaku punyo samangek baru dalam mampalajari Islam. Baliau juo mancaliak ado pabedoan antaro misi pambaruan Islam di Minangkabau jo Jawa; jikok di Minangkabau ditujukan pado pamurnian ajaran Islam dari praktik nan dianggap salah, umpamonyo tarikaik, taklid, jo khirafat, mako di Jawa labiah baorientasi kapado usaho untuak mamarangi katabalakangan, kabodohan, jo kamusikinan.

Satalah sataun lamonyo barado di Jawa, pado bulan Juli 1925 Hamka pulang kampuang ka Padang Panjang. Di Padang Panjang, inyo manulih di majalah nan bajudua Chatibul Ummah, nan baisi kumpulan pidato nan didanganyo di Surau Jembatan Besi, jo majalah Tabligh Muhammadiyah. Di tangah aktivitasnyo dalam badakwah malalui tulisan, inyo manyempatan bapidato di babarapo tampek di Padang Panjang. Namun pidatonyo justru dikritik kareh dek ayahnyo surang, nan mangecek pidato-pidato se percuma, isi dulu jo pangatauan, barulah ado arti jo manfaatnyo pidato tu. Di sisi lain, inyo indak punyo ijazah, dan acok dipanggia tukang pidato nan indak baijazah, bahkan inyo sempat mandapek kritikan dari sabagian ulama karano alun manguasai bana bahaso Arab.

Pado bulan Pebruari 1927, inyo mamutuskan untuak pai ka Makkah untuak mampadalam ilmu agamo, taasuak mampalajari bahaso Arab jo manunaikan ibadah haji nan partamo. Inyo pai indak basalam jo ayahnyo dan barangkek jo pitih surang. Salamo di Makkah, inyo koresponden harian Pelita Andalas sakaligus bakarajo di sabuah parcetakan punyo Tuan Hamid, putra Majid Kurdi, nan marupoan mintuo dari Ahmad Khatib Al-Minangkabawi. Di tampeknyo bakarajo tu lah Hamka dapek mambaco kitab-kitab klasik, buku-buku jo buletin Islam dalam bahaso Arab.




#Article 166: Tan Malaka (182 words)


Tan Malaka atau Ibrahim Datuak Tan Malaka () adolah tokoh pajuang kamardekaan Indonesia. Tan Malaka bajuang sacaro militan dan radikal, tanpa kompromi jo panjajah, sahinggo baliau dikana sabagai tokoh nan manganuik paham Mardeka 100 persen. Tan Malaka tasabuik pulo sabagai Bapak Republik Indonesia sarato pamimpin sosialis Asia.

Tan Malaka adolah pamikia ideologis nan pamikirannyo banyak mainspirasi para pajuang kamardekaan. Bahkan Soekarno sato pulo maidolakan baliau ko. Buku Tan Malaka nan tamasahua tantang ideologi ko adolah Madilog, nan barisi pamikiran baliau tantang caro mambangun bangso Indonesia supayo lapeh dari panjajahan dan capek manjadi bangso nan maju. Tan Malaka adolah urang nan partamo marancang bantuak Indonesia mardeka, nan baliau tulih dalam buku Naar de Republiek Indonesia (Manuju Republik Indonesia) pado taun 1925.

Karano parjuangan Tan Malaka nan tanpa kompromi tu, baliau di kaja-kaja dek polisi Balando, Japang sarato Amerika jo Inggirih, sahinggo Tan Malaka banyak maabihan hiduik di pambuangan di nagari-nagari lain supayo indak tatangkok. Namun dari lua nagari tu Tan Malaka salalu bajuang jo caro nan lain. Karano jaso-jaso Tan Malaka nan gadang kapado bangso, pamarentah Indonesia maanugerahi baliau gala Pahlawan Nasional Indonesia.




#Article 167: Daftar tokoh Sumatera Barat (112 words)


Daftar tokoh Sumatera Barat ko cuma mamuek namo tokoh-tokoh nan laia di provinsi Sumatera Barat, Indonesia. Tokoh tu barasa dari etnis/suku Minangkabau sarato etnis/suku lain nan laia di Sumatera  Barat dan babuek banyak dalam kahidupan masyarakaik. Khusus tantang tokoh-tokoh dari etnis/suku Minangkabau dapek diliek di Dafta tokoh Minangkabau.

Daftar iko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan. Jikok sanak mancaliak artikel tantang tokoh di Wikipedia nan semestinyo masuak ka dalam daftar ko, silakan suntiang laman ko sarato masuak-an namo tokoh tu jo katarangan sarato pranala/pautan luanyo.  ko dapek digunoan untuak mancaliak sagalo parubahan nan bahubuangan jo artikel-artikel nan ado di laman ko.




#Article 168: Musajik Rayo Gantiang (1092 words)


Musajik Rayo Gantiang (Indonesia: Masjid Raya Ganting) adolah masjid nan talatak di Kelurahan Ganting Parak Gadang, Kecamatan Padang Timur, Kota Padang, Sumatera Barat, Indonesia. Mulai dibangun pado taun 1805, masajik ko tacatat sabagai masajik tatuo di Padang jo salah satu nan tatuo di Indonesia sarato alah manjadi .Masajik nan pambangunannyo malibatkan baragam bangsa ko manjadi pusat pagerakan reformasi  di daerah ko pado abaik ka-19, jo presiden partamo Indonesia, , pernah mangungsi ka masajik ko pado masa parjuangan kamerdekaan. Masajik ko tamasuak bangunan nan tatap utuh satalah galombang  manarjang kota Padang jo sakitarnyo akibaik , walaupun mangalami karusakan cukuik barek akibat gampo taun 2005 jo . kini ko, salain digunokan sabagai aktivitas ibadah umaik , masajik ciek lantai ko juo digunokan untuak sarana pandidikan agamo jo pesantren kilat bagi palajar sarato manjadi salah satu  di kota Padang.

Indak dikatahui pasti taun barapo masajik ko mulai badiri. Manuruik Abdul Baqir Zein dalam bukunyo nan bajudul Masjid-masjid Bersejarah di Indonesia, masajik ko alah badiri sajak taun 1700 jo pado mulonyo talatak di kaki Gunuang Padang, kamudian dipindahkan ka tapi  dek karano Balando handak mambuek jalan ka , sampai tarakhia dipindahkan ka lokasi kini. Baitu juo, pado  tampek imam mamimpin salat jo manyampaikan khotbah dibuek ukiran kayu mirip ukiran Tiongkok. Di bagian tangah masajik juo dibangun sabuah muzawir barukuran 4 × 4 m² babantuak pangguang dari kayu jo diagia ukiran Tiongkok. Muzawir bafungsi sabagai tampek mangumandangkan  jo panyambuang suaro  sahinggo  dapek mangikuti garakan imam. Satalah ado , muzawir indak digunokan lai, sahinggo panguruih masajik mambongka bangunan tasabuik pado taun 1974 (atau 1978).

Satalah itu, pambangunan masajik dilanjuikkan pado taun 1960 jo pamasangan  pado 25 tiang ruang utamo nan aslinyo tabuek dari . Kamudian,  pado bagian kiri jo kanan masajik salasai dibangun pado taun 1967. Pado taun 1995, dilakuan pamasangan karamik pado dindiang ruang utamo.

Masajik Rayo Gantiang turuik baperan dalam pajalanan . Salain sabagai lokasi pangambangan  di , masajik ko juo baperan dalam pagerakan pajuangan kamardekaan di Padang.

Samanjak awal badirinyo, masajik ko dimanfaatkan sabagai tampek bimbingan manasik calon . Masajik ko juo manjadi tampek embarkasi haji patamo di  malalui  nan dibukak pado taun 1895. Urang partamo nan mambarikan bimbingan manasik haji di Masajik Rayo Gantiang adolah Syekh Abdul Hadi, dari Arab Saudi. Konon, Syekh Abdul Hadi sempat bamukim di Padang dalam wakatu lamo jo manikah jo gadih Minang.

Masajik ko badiri di ateh tanah salueh 102 × 95,6 meter parsegi jo bangunan babantuak  barukuran 42 × 39 meter parsegi. Bangunan tadiri dari sarambi muko, sarambi sampiang (kiri jo kanan), , jo ruang utamo. Lueh bangunan nan kurang dari saparlimo lueh lahan manyisokan halaman nan luaeh nan dapek manampuang banyaknyo jamaah pado saat palaksanaan  pado hari  jo . Halaman tasabuik dipagari basi jo babatasan langsuang jo  di sabalah  jo . Di sabalah selatan jo balakang masajik tadapek babarapo , salah satunyo adolah makam Angku Syekh Haji Uma, ciek dari tigo urang pamrakarsa pambangunan masajik ko.

Papaduan  dari babagai corak talihek jaleh pado bangunan masajik ko karano pangarajoannyo malibaikkan baragam bangsa sarupo , , , jo . Masajik ko mampunyoi susunan  barupo atok susun barundak-undak sabanyak limo tingkek jo puncak bakubah bahiaskan mustaka. Ado celah di tiok bagian atok untuak pancahayoan. Tingkek patamo babantuak parsegi, sadangkan tingkek duo sampai ampek babantuak .

Bangunan masajik ko mamiliki duo sarambi utamo, yaitu sarambi sampiang jo sarambi muko. Kaduo sarambi sampiang masing-masing barukuran 30 × 4,5 meter parsegi jo mamiliki duo  masuak, nan salah satu pintunyo manuju ka tampek  nan tadapek di sisi  jo . Pado bagian  tadapek sekatan nan mambantuak kamar atau ribath (tampek tingga pangurus masajik) barukuran 4,5 × 3 m². Ribath ko mamiliki pintu dari arah timur barukuran 225 cm × 90 cm jo  barukuran 90 cm × 90 cm. Sarambi muko babantuak  barukuran 12 × 39 m² sarato mamiliki anam pintu dari arah  jo duo pintu dari arah utara jo selatan, nan masiang-masiang badaun pintu dari jaruji basi. Tadapek hiasan tiang gando semu pado anam pintu dari arah timur, kacuali pado bagian tangah nan marupokan bangunan  nan manjorok ka muko jo daun pintu dari jaruji pulo. Mimbar barukuran 220 cm × 120 cm × 275 cm tasabuik hanyo digunokan pado palaksanaan . Salain pintu, juo tadapek masiang-masiang ciek jendela jo taroli  di sisi utara jo selatan.

Di dindiang timur sarambi muko, tadapek hiasan ukiran  barupo panil-panil nan babantuak  jo . Tadapek pulo hiasan langkuang nan ditutupi tembok jo motif cincin jo mato kapak. Taba dindiang sakitar 34 cm jo tinggi 320 cm. Di dalam ruangan tadapek tujuah tiang gando babantuak  dari  jo  45 cm. Tiang-tiang tasabuik badiri di ateh umpak beton jo lebar 113 cm, tinggi 70 cm, jo taba 67 cm. Salain itu, tadapek pulo duo tiang babantuak  nan talatak di sisi utara jo selatan, dakek jo ruangan babantuak sagi lapan nan mamiliki ciek pintu dari arah timur jo ciek jendela.

Ruang utamo masajik babantuak parsegi barukuran 30 × 30 meter parsegi jo ampek  masuak di sisi  jo masiang-masiang duo pintu di sisi  jo . Pintu barukuran 160 cm × 264 cm tasabuik mamiliki duo daun pintu dari  jo hiasan langkuang kipeh pado ambang ateh. Tadapek pulo duo  nan tabuek dari kayu di sisi timur mangapik pintu masuak, jo masiang-masiang tigo jandela di sisi utara jo selatan, sarato anam jandela di sisi . Jandela-jandela tu mamiliki panjang 160 cm jo tinggi 2 m. Sarupo pado pintu, bagian ambang ateh jandela juo babantuak langkuang kipeh. Dindiang pado ruang utamo tabuek dari  balapih , sadangkan lantainyo dari tegel putiah bahiasan bungo.

Di ruang utamo juo, tadapek soko guru atau tiang utamo bajumlah 25 nan babantuak  jo  40 sampai 50 cm jo tinggi mancapai 420 cm. Tiang-tiang nan tabuek dari bata merah jo bahan parakek kapua dicampua putiah talua ko samo sakali indak manggunokan tulang basi. Jumlah 25 tiang bajajar 5 malambangkan , jo masiang-masinag tiang dilapisi marmer putiah bahiaskan  nan mamuek namo 25 nabi mulai dari  sampai . Tiang-tiang tasabuik bafungsi sabagai panopang utamo konstruksi atok masajik nan babantuak sagi lapan.

Pado sisi barat ruang utamo tadapek  nan diapik dek duo kamar di sisi utara jo selatan. Mihrab tasabuik barukuran 2 m × 1,5 m jo tinggi pado sisi timur 320 cm jo sisi barat 210 cm.

Masajik ko mamiliki tampek  barukuran 10 m × 3 m nan talatak di sebelah utara jo selatan sarambi sampiang. Tampek wuduak ko dibangun pado taun 1967 sarato dibuek parmanen jo tatutuik. Salain itu,  masajik manampati sabuah ruangan di sisi utara masajik jo masih manyatu jo bangunan masajik. Di sakitar masajik juo tadapek tigo gedung tampek bimbingan teori manasik calon . Salah satu dari tigo gedung tasabuik dulunyo ditampati sakolah .




#Article 169: Mohammad Hatta (213 words)


Dr. Drs. H. Mohammad Hatta nan populer jo namo panggilan Bung Hatta ) adolah pajuang kamardekaan Indonesia nan takamuko basamo jo Soekarno, Sutan Sjahrir, Tan Malaka, Soedirman, sarato nan lain-lain. Hatta baduo jo Soekarno adolah tokoh nan manandotangani naskah proklamasi kamardekaan Indonesia pado tanggal 17 Agustus 1945, sahinggo baliau nan baduo ko disabuik Proklamator Kemerdekaan Indonesia.

Sasudah Indonesia mardeka dari panjajahan Balando, Hatta manjadi wakil presiden Republik Indonesia nan partamo bapasangan jo Soekarno nan manjadi presiden. Baliau-pun pernah pulo manjadi pardana mantari sampai tigo kali katiko sistim pamarentahan Indonesia masih manganuik sistim parlementer katiko nagaro baru mulai tagak.

Mohammad Hatta ko surang ahli ekonomi sarato sangek paduli jo koperasi nan bakaadilan sosial, sahinggo baliau di agiah gala Bapak Koperasi Indonesia.

Pado taun 1956, baliau mangundurkan diri dari jabatan wakil presiden karano indak sapandapek lai jo Soekarno dalam caro mangalola negara. Baliau maningga pado taun 1978 dan dikubuakan di pakuburan Tanah Kusia, Jakarta. Karano jaso-jaso baliau nan gadang kapado bangso, baliau diagiah gala Pahlawan Nasional Indonesia dek pamarentah Indonesia.

Mohammad Hatta manikah jo Rahmi Rachim. Dari panikahan tu mareka dikaruniai tigo urang anak, iyolah Meutia Hatta, Gemala Hatta sarato Halida Hatta. Hatta laia dari pasangan Muhammad Djamil jo Siti Saleha nan bakarajo sabagai padagang di Batuhampa, nagari nan talatak di antaro Payokumbuah jo Bukiktinggi.




#Article 170: Kapulauan Maluku (100 words)


Kapulauan Maluku adolah sakalompok pulau di Indonesia nan marupoan bagian dari Nusantara. Kapulauan Maluku talatak di lempeng Australia. Inyo babatehan jo Pulau Sulawesi di sabalah barat, Nugini di timur, jo Timor di sabalah selatan, Palau di timur lauik. Pado zaman dahulu, banso Eropa manamokannyo Kapulauan rempah-rempah — istilah iko juo marujuak kapado Kapulauan Zanzibar.

Sajak 1950 - 1999, Kapulauan Maluku sacaro administratif marupoan bagian dari Provinsi Maluku. Kabupaten Maluku Utara kamudian ditatapkan sabagai Provinsi Maluku Utara.

Kapulauan Maluku acok diuraikan dalam literatur pariwisata mamiliaki 999 pulau; 90% dari wilayah tasabuik adolah lauik jo 77.990 km2 daratan, jo 776.500 km2 lautan.




#Article 171: Hari Bumi (123 words)


Hari Bumi adolah hari pangamatan tantang bumi nan dicanangkan satiok taun pado tanggal 22 April sarato diparingati sacaro internasional. 
Hari Bumi dirancang untuak maningkekkan kasadaran jo apresiasi tahadok planet nan ditinggali manusia iko iyolah bumi. Dicanangkan dek Senator Amerika Serikat Gaylord Nelson pado tahun 1970 surang pangaja lingkuangan hiduik. Tangga iko batapekan pado musim semi di Northern Hemisphere (balahan Bumi utara) jo musim gugua di balahan Bumi selatan. PBB surang marayokan hari Bumi pado 20 Maret sabuah tradisi nan dicanangkan aktivis padamaian John McConnell pado taun 1969, adolah hari dimano matohari tapek di ateh khatulistiwa nan acok disabuik Ekuinoks Maret.

Kini hari bumi diparingati di labiah dari 175 nagara jo dikoordinasi sacaro global dek Jaringan Hari Bumi (Earth Day Network).

Equinoctal Earth Day




#Article 172: Sjafruddin Prawiranegara (256 words)


Mr. Sjafruddin Prawiranegara, atau biaso pulo ditulih Syafruddin Prawiranegara () adolah pajuang kamardekaan Indonesia. Syafruddin parnah manjabat sabagai Presiden/Katua PDRI (Pamarentahan Darurat Republik Indonesia) katiko pamarentahan Republik Indonesia di Yogyakarta jatuah ka tangan Balando dalam Agresi Militer Balando II pado tanggal 19 Desember 1948.

Syafruddin Prawiranegara parnah pulo sakali manjabat wakil pardana mantari, sarato manjabat mantari sabanyak tigo kali, iyolah Mantari Kauangan, Mantari Pardagangan jo Mantari Partanian Republik Indonesia. Salain itu, Syafruddin adolah urang nan partamo manjabat Gubernur Bank Sentral Indonesia pado taun 1951.

Katiko manjabat Mantari Kauangan, karano kaadaan ekonomi nan kurang baiak, Syafruddin mambuek kabijaksanaan moneter nan mambuek harago pitih manjadi tingga saparo. Kabijaksanaan nan dikarajoan dek Syafruddin tu dinamoan urang Guntiang Syafruddin.

Katiko paristiwa PRRI (peri-peri) nan tajadi di Sumatera pado taun 1958, Syafruddin manjadi pamimpin disitu, Syafruddin diangkek sabagai Presiden PRRI nan bapusek di Sumatera Tangah.

Karano katarlibatan baliau di PRRI, Syafruddin indak diagiah gala Pahlawan Nasional Indonesia dek pamarentah Indonesia. Baru di bawah pamarentahan Susilo Bambang Yudhoyono-lah gala nan patuik baliau sandang tu diagiah-an dek pamarentah.

Syafruddin manikah jo Tengku Halimah Syehabuddin. Mareka dikaruniai salapan urang anak. Syafruddin laia dari pasangan R. Arsyad Prawiraatmadja jo surang padusi nan barasa dari suku Sunda pado tanggal 28 Februari 1911 di Serang, Banten. Bapak dari Syafruddin ko badarah saparo Minang saparo Banten, karano bapaknyo (inyiak dari Syafruddin) nan banamo Sutan Alam Intan barasa dari Minang nan masih katurunan rajo-rajo Pagaruyuang nan dibuang dek Balando ka Banten karano talibat Parang Pidari. Syafruddin Prawiranegara maningga di Jakarta pado tanggal 15 Februari 1989, pado umua 77 tahun.




#Article 173: Bacharuddin Jusuf Habibie (109 words)


Bacharuddin Jusuf Habibie () (Gus Dur) nan tapiliah sabagai presiden pado  20 Oktober 1999 dek  MPR hasil Pemilu 1999. Maso jabatan salamo  2 bulan 7 ari (sebagai wakil presiden) jo  salamo  1 tahun jo 5 bulan (sabagai presiden), B. J. Habibie marupuoan Wakil Presiden jo Presiden Indonesia nan jabatannyo paliang pendek. 

Dari sakian banyaknyo presiden Indonesia, B. J. Habibie marupuoan satu-satunyo  merupakan satu- Presiden nan barasa dari  etnis Gorontalo, Sulawesi dari garih katurunan Ayahnyo nan barasa dari Kabila, Gorontalo jo etnis Jawa turunan mandenyo nan barasa dari  Yogyakarta.  

Kini ko, Pamerintah Provinsi Gorontalo alah manjolong mambangun Monumen B.J. Habibie tapek di muko gerbang  Bandar Udara Djalaluddin, di Kabupaten Gorontalo.

 

 




#Article 174: Ethiopia (208 words)


Republik Demokratik Pasarikatan Ethiopia (Ityop'iya, bahaso Amhara ኢትዮጵያ) atau Etiopia adolah sabuah nagara nan talatak di Afrika.

Ethiopia marupoan nagara tatuo di dunia, kawasan Ethiopia juo marupoan salah satu tampek paradaban nan taawal di dunia. Pamerintahan Ethiopia partamo dibantuak kiro-kiro taun 980 SM jo manarimo agamo Kristen pado abaik ka-4 M. Nagara iko cukuik unik kok dibandiangan jo nagara-nagara Afrika lainnyo dek indak pernah dijajah salamo maso Parabuikan Afrika, jo taruih merdeka hinggo taun 1936, saaik pasukan Italia manguasoi nagara tasabuik. Pasukan-pasukan Baritania Rayo jo Ethiopia mangalahkan tentara Italia pado 1941, jo Ethiopia mandapek baliak kadaulatannyo salapeh manandotangani Parjanjian Baritania-Ethiopia pado Desember 1944. Ethiopia dulu pernah banamo Abisinia.

Kini, Ethiopia marupoan nagara babantuak republik jo maambiak bagian sacaro aktif dalam aktivitas-aktivitas karajosamo internasional. Ibukotonyo, Addis Ababa marupoan pusek administrasi Kasatuan Afrika (AU).

Ethiopia masih mamakai kalendar Julian sahinggo nagara iko ka mambuko sarangkaian parayoan dalam manyambuik milenium katigo badasakan pananggalan kalendar tasabuik. Nagara di Tanduk Afrika iko manggunokan kalender Julian nan katinggalan kiro-kiro 7 taun dibandiangan jo kalender Gregorian nan labiah umum digunokan di saluruah dunia.

Namo Ethiopia konon barasa dari Ityopp'is, iyolah namo anak cucu Ham, pambantuak koto Aksum. Namo lamo Abbesinia barasa dari kalompok suku Habesha, iyolah kaum nan mauni kawasan Ethiopia sajak taun 3000 SM.




#Article 175: Boris Yeltsin (321 words)


Boris Nikolayevich Yeltsin (, Rusia: Бори́с Никола́евич Е́льцин, ) tampil partamo untuak posisi Presiden Federasi Rusia, manjabaik pado 1991-1999. Baliau lahia di Sverdlovsk (kini Yekaterinburg), Republik Soviet Rusia, Uni Soviet jo presiden Rusia samaso pasca Uni Soviet.

Era Yeltsin adolah maso dramatis dalam sijarah Rusia — periode nan ditandokan jo parubahan politik revolusioner, demokrasi - basamo jo adonyo masalah gadang politik, ekonomi, jo sosial, ciek di antaronyo iolah korupsi nan marajolelo jo tabuko.

Pado Juni 1991 Yeltsin naiak takhta basamo jo galombang harapan tinggi demi reformasi politik jo kakecewaan jo kakuasoan komunis.

Pado 12 Juni Yeltsin dipiliah sabagai presiden Republik Sosialis Soviet Rusia nan dibantuak manjadi federasi jo 57% dari suaro, manjadi presiden partamo nan dipiliah sacaro langsuang di sijarah Rusia.

Pado bulan Agustus 1991, Yeltsin mandapekkan pujian internasional dek baliau sacaro barani jo sabagai surang demokrat mampu malawan usaho kudeta nan dilakukan dek kaum komunis garih kareh. Hal iko akhianyo mambaok kahancuran komunisme tapi juo kahancuran Uni Soviet, namun manjadikan Yeltsin sabagai urang takuaik di Kremlin.

Sayangnyo liau surang manjadi saurang nan tagolong autokrat otoriter jo indak pernah maraih baliak popularitasnyo (salah satu contohnyo, liau  parlemen wakatu itu, Soviet Tatinggi Rusia nan indak manyatujui kabijakannyo nan radikal jo kakarehan militer. Pado masonyo, iiau mamotong anggaran pamarintahan sacaro gadang-gadangan jo tujuan manyaimbangkan pandapatan jo balanjo nagara jo maminjam dana dari nagara-negara Barat, namun iko maakibaikkan Rusia jatuah dalam krisis ekonomi hebat pado taun 1998, nan dinilai dek babarapo pakar labih parah dari Depresi Gadang di nagara Eropa jo Amerika pado dekade 1930-an. Baliau baranti sabagai presiden pado tanggal 31 Desember 1999 sabagai sasaurang nan dibenci Popularitasnyo katiko lengser hanyo sagadnag 2% sajo jo parlemen baru,  babarapo kali bausaho mamakzulkannyo dari jabatannyo. Yeltsin juo dikritik ateh hasia mangecewakan pado Pearang Chechnya Partamo, dimano Rusia sacaro militer mandarito kakalahan jo Chechnya mandapek otonomi labiah (bahkan kamerdekaan de-facto). Baliau digantikan dek Vladimir Putin.

Baliau maningga dunia pado tanggal 23 April 2007 akibaik gagal jantuang.




#Article 176: Urang Mentawai (127 words)


Suku Mentawai adolah pauni asli Kapulauan Mentawai. Sabagaimano suku Nias jo suku Enggano, mareka adolah pandukuang budayo Proto-Melayu nan tingga di Kapulauan Nusantara sabalah barat. Daerah hunian warga Mentawai, salain di Mentawai juo di Pulau Pagai Utara jo Pagai Selatan. Suku iko dikana sabagai paramu jo katiko partamo kali dipalajari alun tau bacocok tanam. Tradisi nan khas adolah panggunoan tato di sakujua tubuah, nan takait jo paran jo status sosial panggunonyo.

Reimar Schefold, guru besar Antropologi Budaya Indonesia di Universitas Laden, Balando mangatoan, pado tahun 1967- 1969 masyarakaik Mentawai  mampunyoi alat tuka nan diminati yoitu tembakau, batu batu geretan, dan minyak tanah. .Urang Mentawai di Siberut, pulau paliang utara di Kepulauan Mentawai di huni jo suku suku nan alun parnah sobok jo urang bakulik putiah (Urang Eropa).




#Article 177: Urang Aneuk Jamee (531 words)


Urang Aneuk Jamee adolah sabuah etnis nan taseba di sapanjang pasisia barat jo selatan Aceh mulai dari Singkil, Aceh Selatan, Aceh Barat Daya, jo Simeulue. Urang Aneuk Jamee mulonyo adolah urang-urang Minangkabau nan pai marantau ka Aceh antaro abaik ka-17 inggo 19 , lalu baasimilasi jo urang Aceh, Kluet, Singkil, jo Devayan. Aneuk Jamee batutua jo bahaso Jamee, na masih dianggap salah satu dialek dari bahaso Minangkabau nan alah bacampua jo bahaso-bahaso satampek.

Pado maso abaik ka-17, Rantau Pasisia Barat Minangkabau nan tadiri dari Pasaman, Padang, Pariaman, jo Painan (Pesisir Selatan) dikuasoi Kasultanan Aceh. Daerah Pasisia Barat dijadikan tujuan baniago urang-urang Minangkabau dari Darek untuak dagang hasia-hasia bumi. Apolai masalah dalam kuaso Aceh, mobilisasi parantau sampai pulo ka pasisia barat Aceh untuak baniago. Sampai pado maso Balando manguasoi Pasisia, urang Minang di Pasisia nan indak suko jo Balando pun adopulo nan pai marantau ka pasisia Aceh.

Kondisi Ranah Minang pado mulo abaik ka-19 samakin indak aman sajak malatuihnyo Parang Paderi. Galombang rantau ka lua daerah pun (khususnyo Aceh) samakin maningkek. Urang Minang pai marantau untuak mailakkan dampak buruak dari parang sudaro. Di tampek baru, parantau-parantau Minang ko manaruko kampuang jo ladang sainggo tajadi komunikasi jo panduduak satampek. Dek urang Aceh, parantau Minangkabau ko disabuik sabagai Aneuk Jamee nan aratinyo anak tamu.

Urang Aneuk Jamee umumnyo indak tingga padek di ciek tampek, tapi daerah unian utamonyo di daerah pasisia barat Aceh, sarupo di Aceh Selatan, Aceh Barat Daya, Aceh Barat jo Simeuleu. Daerah-daerah tasabuik talatak di taluak-taluak tapi pantai nan taapik bukik-bukik barisan. Antar daerah Aneuk Jamee tapi jo wilayah etnis lain sarupo etnis Aceh, Kluet, jo Singkil. Populasi Aneuk Jamee paliang banyak di Kabupaten Aceh Selatan sarato manjadi mayoritas di Kota Tapaktuan. Walaupun baitu, urang Aneuk Jamee banyak juo nan pai marantau ka babagai tampek di Aceh. 

Pado maso daulu, urang-urang Aneuk Jamee bakarajo jo malauik, ka ladang, atau pai baniago. Namun sairiang pakambangan, banyak urang Aneuk Jamee nan bakarajo sabagai pagawai pamarintahan dan manyeba ka sadoalah Aceh.

Kawasan-kawasan nan rami dek urang Aneuk Jamee:

Aneuk Jamee tingga di wilayah nan diuni jo etnis-etnis asali satampek, sarupo urang Aceh, urang Kluet, atau urang Singkil. Kasamoan agamo (Islam) jo katigo etnis lainnyo mambuek urang Aneuk Jamee mudah baasimilasi. Dari proses asimilasi mambuek unsur budayo Minangkabau nan dibaok manjadi barubah dek panyasuaian.  

Bahaso nan dipakai dek urang Aneuk Jamee disabuik sabagai bahaso Jamee. Bahaso Jamee barasa dari bahaso Minangkabau nan maalami proses pambauran jo bahaso satampek, utamonyo bahaso Aceh. Apolai dek tapisah dari bahaso induaknyo, bahaso Jamee maalami panambahan kosakato dari bahaso Aceh. Walau baitu, bahaso ko masih tamasuak dialek bahaso Minangkabau. Bahaso Jamee mampunyoi kamiripan jo dialek-dialek pasisia Minangkabau (Pasaman-Pariaman).

Bahaso Jamee dipakai baiak dalam kasaarian ataupun dalam acara-acara adaik. Bahaso Jamee pun indak anyo dipakai dek sasamo urang Aneuk Jamee sajo, tapi dipakai juo dek urang Aceh. Katiko mangecek jo urang Aneuk Jamee, urang Aceh labiah suko jo bahaso Jamee dek murahnyo dipalajari dek agak sarupo jo bahaso-bahaso Malayu. Sabaliaknyo, urang Aneuk Jamee agak payah untuak bisa mangecek jo bahaso Aceh dek banyak pabedaan utamonyo dari fonologi bahasonyo. Namun, parantau-parantau Aneuk Jamee nan pai ka daerah Aceh lainnyo alah lazim mamakai bahaso Aceh dek alah jadi bahaso pagaulan saari-ari (lingua franca).

 




#Article 178: Tanzania (228 words)


Pasatuan Republik Tanzania atau Tanzania (bahaso Swahili: Jamhuri ya Muungano wa Tanzania) adolah nagara nan elok nan talatak di Afrika bagian Timur, baiklim tropis, dahulu dikana jo namo Tanganyika, karano di Tanzania ado sabuah danau nan amaik tanamo iyolah Danau Tangayika. Babatehan jo banyak nagara, antaro lain: Kenya, Uganda, Rwanda, Burundi, Democrsatic Republic of Congo, Zambia, Malawi, jo Mozambique. Tanzania punyo sabuah gunuang tatinggi di Afrika, iyolah Gunuang Kilimanjaro (5.985 m) sarato taman margasatwa nan sabana elok jo banyak dikunjuangi dek turis, baiak domestik ataupun mancanagara. Ado 3 (tiga) pulau gadang di Tanzania, iyolah Zanzibar (tanamo jo cangkeh jo pamimpin sarato ulama Islamnyo), pulau Pemba jo pulau Mafia

Laweh wilayah Tanzania adolah 945.087 km2, jo panduduak bajumlah kurang labiah 35.922.454 urang, 95% barasa dari panduduak asli Afrika (ras Bantu) tabagi dalam 130 suku. Angka patumbuahan panduduak rato-rato 1,72% per-tahun, angka kalahiaan 39,5 per-saribu jo angka kamatian 17,38. Jumlah paanuik agamo Islam 35%, Kristen 30%, Animisme 35%, sadangkan pulau Zanzibar punyo paanuik Islam tabanyak, iyolah kiro-kiro 95% dari total panduduaknyo.

Bahaso nasional mareka adolah Kiswahili atau Swahili, bahaso ibu ras Bantu nan pabandaharoan bahasonyo banyak dari bahaso Arab. Bahaso Swahili samulo adolah bahaso komunitas muslim di Afrika Timur, nan akhianyo banyak dipagunokan dek nagara-nagara Afrika bagian tangah jo timur. Sadangkan bahaso Inggirih banyak dipagunokan di lingkuangan paekonomian, administrasi, jo pandidikan tinggi, sadangkan bahaso Arab banyak dipagunokan di pulau Zanzibar.




#Article 179: Suku Piliang (277 words)


Suku Piliang adolah salah satu suku (klan) nan ado dalam kalompok suku Minangkabau. Suku iko marupoan salah satu suku induak nan bakarabaik jo suku Koto mambantuak Adaik Katumanggungan nan juo tanamo jo Lareh Koto Piliang.

Manuruik A.A. Navis, kato Piliang tabantuak dari duo kato iyolah Pele aratinyo banyak jo Hyang aratinyo Dewa atau Tuhan. jadi Pelehyang aratinyo adolah banyak dewa. Iko manunjuakan baso di maso lampau, suku Piliang adolah suku pamuja banyak dewa, nan barangkali sarupo jo kapicayoan Hindu.

Ado juo versi nan mangatokan suku Piliang nan marupoan sudaro dari suku Koto, nan cenderung disabuik jo Koto Piliang barasa dari Kato Pilihan. Koto barasa dari kato (Ucapan) jo Piliang barasa dari Pilihan, (Unggulan). Jadi Koto Piliang adolah barasa dari Kato Pilihan. Dalam Tambo Minangkabau Koto Piliang adolah pamaciak tampuak kakuasoan (pamarintahan) karano DT. Katumanggungan badarah bangsawan (rajo). Jadi dirunuik dari sinan adokalonyo kato pilihan asa kato Koto Piliang ado bananyo, karano kato rajo (panguaso) adolah kato-kato pilihan nan ka kalua dari muluiknyo.

Suku iko maalami pamekaran manjadi babarapo pacahan suku yaitu:

Suku iko banyak manyeba ka babagai wilayah Minangkabau iyolah Tanah Datar, Agam, Limo Puluah Koto, Solok, Riau, Padang, jo babarapo daerah lainnyo. Dari babarapo sumber, dikatahui indak ado suku iko di Pasisia Selatan jo Solok Selatan.

Wilayah Rantau dari Suku iko alah mancapai ampia saluruah wilayah nan ado di Indonesia, nan mancakuik wilayah Sumatera. Wilayah barat Riau, wilayah selatan Sumatera Utara, wilayah tenggara, selatan jo barat Aceh, wilayah utara Bengkulu, jo wilayah selatan Jambi.

Di bawah payuang suku Koto-Piliang, ado banyak suku lain nan banauang, diantaronyo adolah :

Suku Piliang badatuak bakeh Datuak Katumanggungan di zaman Adityawarman. Gala-gala basa Adaik dalam Pasukuan Piliang antaro lain :




#Article 180: Datuak Katumanggungan (140 words)


Datuak Katumanggungan adolah gala salah surang tokoh legendaris panyusun adaik Minangkabau. Sistem adaik nan disusun Datuak Katumanggungan iko dikana juo jo namo Lareh Koto Piliang. Sadangkan di Malaysia jo Singapura, sistem iko dikana sabagai Adat Temenggong.

Manuruik salah satu versi Tambo Minangkabau, Datuak Katumanggungan lahia dari pasangan Datuak Sri Maharajo Dirajo jo Puti Indo Jelita. Datuak Katumanggungan jo Datuak Parpatih Nan Sabatang, panyusun adaik Bodi Caniago, marupoan duo urang basudaro satu ibu balainan ayah. Ayahnyo banamo Cati Bilang Pandai, suami kaduo ibunyo. Pado taun 1165 sangkek Sutan Paduko Basa alah baumua 18 tahun, baliau diangkek sabagai panghulu bagala Datuak Katumanggungan, sakaligus manduduaki tahta karajaan Minangkabau, manggantikan ibunyo nan alah manjadi ratu salamo 16 tahun. Pado taun 1295, Dara Jingga nan manuruik dugaan sabagian urang basuamikan Mahisa Anabrang dari Singasari, dipanggia pulang ka Minangkabau untuak manggantikan posisi Datuak Katumanggungan sabagai rajo.




#Article 181: Datuak Parpatiah Nan Sabatang (272 words)


Datuak Parpatih nan Sabatang adolah gala saurang tokoh legendaris panyusun adaik Minangkabau.  Sistem adaik nan disusun Datuak Parpatiah Nan Sabatang iko dikana juo jo namo Lareh Bodi Caniago.

Baragam pandapaik manganai namo ketek baliau. Ado nan mangatokan namo keteknyo adolah Balun nan kamudian disabuik Sutan Balun, badasakan Tambo Minangkabau. Ado pulo nan mangatokan namo keteknyo adolah Jatang atau Cumatang. Untuak hal iko paralu panalitian labiah lanjuik dek para pakar sijarah.

Datuak Parpatih nan Sabatang lahia dari pasangan Cati Bilang Pandai jo Puti Indo Jelita. Baliau basudaro jo Datuak Katumanggungan nan sa ibu tapi balainan ayah. Gala Datuak Parpatih nan Sabatang diabadikan manjadi namo sabuah jalan di Kota Solok kini dek karano konon tokoh iko amaik bajaso bagi masyarakaik Solok di bidang pertanian. Gala iko juo diturunkan dek kamanakan nan baaliran Bodi Caniago.

Di Negeri Sembilan, Malaysia, urang Minang disinan manjalankan adat Perpatih nan marupoan hasia pamikiran jo gagasan dari Datuak Parpatih nan Sabatang.

Dalam batu basurek Amogapasya disabuikan juo namo baliau sabagai Parpatiah. Kadang-kadang baliau disabuik sabagai Patih Sewatang. Sasuai jo galanyo, baliau manduduaki jabatan sabagai patiah karajaan basamo Tumangguang nan juo dikana sabagai Datuak Katumanggungan.

Sabagian sumber manyabuikan baso gala Datuak Parpatih nan Sabatang marupoan turunan dari gala rajo nan pernah bakuaso di Karajaan Koto Alang (sabalunnyo Karajaan Kandis) nan bagala Patiah nan sangkek itu juo basaingan jo rajo banamo Tumenggung.

Karano kahancuran karajaan Koto Alang mako Patiah jo Tumenggung mancari wilayah baru di sakaliliang kaki Gunuang Marapi.

Jaso Datuak Parpatih indak ka dilupoan dalam ingatan urang Minang nan ditutuakan sacaro turun tamurun. Aliran Bodi Caniago nan dibantuaknyo malawan sistem pamarintahan nan otoriter jo aristokrasi nan dibangun dek sudaronyo, Datuak Katumanggungan.




#Article 182: Suku Koto (171 words)


Suku Koto marupoan pacahan salah satu dari duo klan (suku dalam bahaso Minangkabau) induak dalam suku Minangkabau.
Suku Minangkabau punyo duo suku iyolah suku Koto Piliang jo suku Bodi Chaniago

A.A. Navis dalam bukunyo bajudul Alam Terkembang Jadi Guru manyatoan baso namo suku Koto barasa dari kato 'koto' dari bahaso Sanskerta 'kotta' nan aratinyo benteng, dimano dahulu benteng iko tabuek dari bambu. Di dalam benteng iko ado pulo pamukiman babarapa warga nan kamudian manjadi sabuah 'koto' nan juo baarati kota, dalam bahaso Batak disabuik 'huta' nan aratinyo kampuang. Dahulu Suku Koto marupoan ciek kasatuan jo Suku Piliang tapi karano pakambangan populasinyo mako paduan suku iko dikambangkan manjadi duo suku iyolah suku Koto jo suku Piliang. Suku Koto dipimpin dek Datuak Katumanggungan nan punyo aliran Aristokratis Militeris, dimano falsafah suku Koto Piliang iko adolah Manitiak dari Ateh, Tabasuik dari bawah, batanggo naiak bajanjang turun, sadangkan Datuak Parpatih Nan Sabatang tagak samo tinggi, duduak samo randah.

Di antaro gala datuak Suku Koto adolah :

Suku iko maalami pakambangan manjadi babarapo pacahan suku yaitu:




#Article 183: Daftar tokoh seniman Minangkabau (100 words)


Daftar tokoh seniman Minangkabau ko adolah daftar nan barisi namo tokoh-tokoh seniman nan barasa dari suku Minangkabau atau sacaro genetis badarah Minangkabau, baiak nan laia di Ranah Minang atau Sumatera Barat, maupun nan laia di parantauan.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan.  ko dapek digunoan untuak mancaliak sagalo parubahan nan bahubuangan jo artikel-artikel nan ado di halaman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silahkan suntiang halaman ko sarato masuak-an namo tokoh tu jo katarangan sarato pautan luanyo.




#Article 184: Daftar tokoh ahli jo akademisi Minangkabau (104 words)


Daftar tokoh ahli jo akademisi Minangkabau ko adolah daftar nan barisi namo tokoh-tokoh ahli jo akademisi nan barasa dari suku Minangkabau atau sacaro genetis badarah Minangkabau, baiak nan laia di Ranah Minang atau Sumatera Barat, maupun nan laia di parantauan.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan.  ko dapek digunoan untuak mancaliak sagalo parubahan nan bahubuangan jo artikel-artikel nan ado di laman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silahkan suntiang laman ko sarato masuak-an namo tokoh tu jo katarangan sarato pautan luanyo.




#Article 185: Daftar tokoh politik Minangkabau (100 words)


Daftar tokoh politik Minangkabau ko adolah daftar nan barisi namo tokoh-tokoh politik nan barasa dari suku Minangkabau atau sacaro genetis badarah Minangkabau, baiak nan laia di Ranah Minang atau Sumatera Barat, maupun nan laia di parantauan.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan.  ko dapek digunoan untuak mancaliak sagalo parubahan nan bahubuangan jo artikel-artikel nan ado di halaman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silahkan suntiang halaman ko sarato masuak-an namo tokoh tu jo katarangan sarato pautan luanyo.




#Article 186: Daftar tokoh ekonomi Minangkabau (102 words)


Daftar tokoh ekonomi Minangkabau ko adolah daftar nan barisi namo tokoh-tokoh di bidang ekonomi nan barasa dari suku Minangkabau atau sacaro genetis badarah Minangkabau, baiak nan laia di Ranah Minang atau Sumatera Barat, maupun nan laia di parantauan.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan.  ko dapek digunoan untuak mancaliak sagalo parubahan nan bahubuangan jo artikel-artikel nan ado di halaman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silahkan suntiang halaman ko sarato masuak-an namo tokoh tu jo katarangan sarato pautan luanyo.




#Article 187: Daftar tokoh padusi Minangkabau (100 words)


Daftar tokoh padusi Minangkabau ko adolah daftar nan barisi namo tokoh-tokoh padusi nan barasa dari suku Minang atau sacaro genetis badarah Minangkabau, baiak nan laia di Ranah Minang atau Sumatera Barat, maupun nan laia di parantauan.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan.  ko dapek digunoan untuak mancaliak sagalo parubahan nan bahubuangan jo artikel-artikel nan ado di halaman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silahkan suntiang halaman ko sarato masuak-an namo tokoh tu jo katarangan sarato pautan luanyo.

 




#Article 188: Daftar tokoh pajuang jo panggiat Minangkabau (104 words)


Daftar tokoh pajuang jo panggiat Minangkabau ko adolah daftar nan barisi namo tokoh-tokoh pajuang jo panggiat nan barasa dari suku Minangkabau atau sacaro genetis badarah Minangkabau, baiak nan laia di Ranah Minang atau Sumatera Barat, maupun nan laia di parantauan.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan.  ko dapek digunoan untuak mancaliak sagalo parubahan nan bahubuangan jo artikel-artikel nan ado di halaman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silahkan suntiang halaman ko sarato masuak-an namo tokoh tu jo katarangan sarato pautan luanyo.

	

			
	
	




#Article 189: Daftar tokoh tantara jo polisi Minangkabau (104 words)


Daftar tokoh tantara jo polisi Minangkabau ko adolah daftar nan barisi namo tokoh-tokoh tantara jo polisi nan barasa dari suku Minangkabau atau sacaro genetis badarah Minangkabau, baiak nan laia di Ranah Minang atau Sumatera Barat, maupun nan laia di parantauan.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan.  ko dapek digunoan untuak mancaliak sagalo parubahan nan bahubuangan jo artikel-artikel nan ado di halaman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silahkan suntiang halaman ko sarato masuak-an namo tokoh tu jo katarangan sarato pautan luanyo.




#Article 190: Abdul Halim (317 words)


Abdul Halim (ejaan lamo: Abdoel Halim) () adolah surang pajuang kamardekaan Indonesia. Sasudah Indonesia mardeka, baliau parnah manjabat sabagai Pardana Mantari Indonesia pado Kabinet Halim (1949) nan mamarentah katiko Republik Indonesia manjadi bagian dari Republik Indonesia Serikat.

Abdul Halim laia dari pasangan Achmad Sutan Iyus jo Darama asa Banuhampu, Agam, Sumatera Barat. Pado umua 7 tahun, Abdullah, sapupu mandenyo nan pado wakatu itu manjadi salah satu pamimpin Bataafsche Petroleum Maatscappij (BPM - kini manjadi Pertamina) mambaonyo ka Jakarta. Di Jakarta baliau manarimo pandidikan sajak di HIS, MULO, AMS B, sampai luluih dari GHS (Geneeskundige Hooge School atau Sakola Kadokteran, kini manjadi Fakultas Kedokteran Universitas Indonesia).

Sajak Proklamasi 1945 baliau duduak sabagai Wakil Katua BP-KNIP basamo jo Assaat nan manjabat Katua BP-KNIP. Badan Pekerja (BP) nan baanggotakan 28 urang, adolah badan palaksana nan malakuan karajo sahari-hari dari Komite Nasional Indonesia Pusat nan baanggotaan 137 urang.

Pado taun 1948, Halim sato mambantuak Pemerintah Darurat Republik Indonesia (PDRI) di Sumatera Barat. Pado maso revolusi fisik (1945-1949) baliau indak parnah malakuan praktek dokter. Salain sabagai politisi, Halim punyo hobi mamaliharo oto kasayangannyo. Sahinggo dek kawan-kawannyo, baliau dijuluki sabagai dotor oto alias montir oto.

Pado maso Republik Indonesia Serikat, baliau dipacayo sabagai Pardana Mantari, sadangkan Mr. Assaat sabagai acting Presiden. Kamudian sasudah RIS, baliau duduak dalam Kabinet Natsir. Sasudah malapehan jabatan sabagai Menteri Pertahanan (ad interim) di Kabinet Natsir, Abdul Halim manakuni bidangnyo sabagai dotor sarato manjabat direktur Rumah Sakit Cipto Mangunkusumo Jakarta (1951-1961). Abdul Halim tarakhia manjabat sabagai Inspektur Jenderal RSCM dan maningga di Jakarta.

Jauah dari kagiatan politik, Halim nan punyo hobi bamain bola, talibat dalam pambantukan Voetbalbond Indonesische Jakarta (kini Persija) pado taun 1927. Di klub itu baliau manjadi katua salamo babarapo taun. Dari 1951-1955, baliau manjabat sabagai Vice Chairman jo kudian katua Komite Olimpiade Indonesia (KOI). Halim diangkek sabagai ketua Ikada Foundation nan mambangun Stadion Ikada, Jakarta. Pado taun 1952 baliau mamimpin kontingen Indonesia partamo dalam Olimpiade Helsinki.




#Article 191: Assaat (900 words)


Mr. Assaat () adolah surang pajuang kamardekaan Indonesia. Sasudah Indonesia mardeka, baliau dipacayo sabagai pamangku jabatan Presiden Republik Indonesia pado maso pamarentahan Republik Indonesia di Yogyakarta. Baliau parnah pulo manjabat sabagai Mantari Dalam Nagari Indonesia.

Assaat baraja di sakola agamo Adabiah jo MULO Padang, salanjuiknyo ka School tot Opleiding van Inlandsche Artsen (STOVIA) Jakarta. Maraso indak cocok manjadi surang dotor, baliau kalua dari STOVIA lalu malanjuik-an ka AMS (kini SMU). Dari AMS, Assaat malanjuik-an studinyo ka Rechts Hoge School (Sakola Hakim Tinggi) masih di Jakarta.

Mr. Assaat manikah jo Roesiah dari Sungai Puar, Agam di Rumah Gadang Kapalo Koto pado tanggal 12 Juni 1949. Dari parnikahan ko baliau dikaruniai duo urang putra sarato surang putri.

Katiko manjadi mahasiswa RHS, baliau mamulai bakacimpuang dalam garakan kabangsaan, dalam garakan pamuda jo politik. Wakatu itu Assaat giat dalam organisasi pamuda Jong Sumatranen Bond. Karier politiknyo makin mananjak sarato barhasil manjadi Pangurus Gadang Parhimpunan Pamuda Indonesia. Katiko Parhimpunan Pamuda Indonesia mampasatuan diri dalam Indonesia Muda, baliau tapiliah manjadi Bandahara Komisaris Besar  Indonesia Muda.

Dalam kadudukannyo sabagai mahasiswa, Assaat masuak ka dalam politik Partai Indonesia atau Partindo. Dalam partai ko, Assaat bagabuang jo pamimpin Partindo sarupo: Adenan Kapau Gani, Adam Malik, Amir Sjarifoeddin dll. Kagiatannyo di bidang politik pagarakan kabangsaan, dikataui dek guru sarato pihak Balando, sahinggo baliau indak diluluihan walau alah babarapo kali mangikuti ujian akhir. Tasingguang dek palakuan tu, baliau mamutuihan maninggaan Indonesia lalu pai ka Balando. Di Balando baliau mandapek gala Meester in de Rechten (Mr) atau Sarjana Hukum.

Sabagai surang non-kooperator kapado panjajahan Balando, sapulangnyo ka tanah aia di taun 1939 Mr. Assaat bapraktek sabagai advokat sampai masuaknyo Japang pado taun 1942. Di zaman Japang baliau diangkek sabagai Camat Gambir, kamudian Wedana Mangga Besar di Jakarta.

Komite Nasional Indonesia Pusat (KNIP) jo Badan Pekerjanyo (BP-KNIP) pado maso revolusi duo kali maadoan hijrah karano situasi dianggap talalu riskan, sarato supayo Revolusi Indonesia tatap bajalan. Bakedudukan awal di Jakarta, jo tampek basidang di bakeh Gaduang Komedi (kini Gaduang Kasanian Jakarta) di Pasa Baru jo di gaduang Palang Merah Indonesia di Jl. Kramat Raya. Sakitar taun 1945 KNIP dipindahan ka Yogyakarta. Kamudian pado taun itu pulo, pindah ka Purworejo, Jawa Tengah. Sampai wakatu situasi Purworejo dianggap kurang aman untuak kaduo kalinyo KNIP hijrah ka Yogyakarta. Pado wakatu itu Mr. Assaat duduak sabagai anggota sekretariatnyo. Indak lamo sasudah itu baliau ditunjuak manjadi katua KNIP jo BP-KNIP.

Taun 1946-1949 (Desember) baliau manjadi Ketua BP-KNIP (Badan Pekerja Komite Nasional Indonesia Pusat). Baliau tapiliah manjadi katua KNIP tarakhia. Hinggo KNIP dibubarkan, kamudian baliau ditugasi sabagai Panjabat Presiden RI di kota parjuangan di Yogyakarta.

Desember 1949 - Agustus 1950, Mr.Asaat manjadi Acting Presiden Republik Indonesia di Yogyakarta. Sasudah tabantuaknyo RIS (Republik Indonesia Serikat), jabatannyo sabagai Panjabat Presiden pado Agustus 1950 salasai, baitu pulo jabatannyo salaku katua KNIP jo Badan Pekerjanyo. Sabab pado bulan Agustus 1950, nagaro-nagaro bagian RIS manyatuan diri dalam Negara Kesatuan RI. Katiko manjadi Acting Presiden RI, Assaat manandatangani statuta pandirian Universitas Gadjah Mada di Yogyakarta.

Sasudah pindah ka Jakarta, Mr. Assaat manjadi anggota parlemen (DPR-RI), sampai duduak dalam Kabinet Natsir manjadi Mantari Dalam Nagari September 1950 sampai Maret 1951. Kabinet Natsir bubar, baliak manjadi anggota Parlemen.

Pado taun 1955 baliau manjabat sabagai formatur Kabinet basamo Soekiman Wirjosandjojo jo Wilopo untuak mencalonan Bung Hatta sabagai Pardana Mantari. Karano wakatu itu tajadi katidak puasan daerah kapado beleid (kebijakan) pamarentahan Pusat. Daerah-daerah mandukuang Bung Hatta, tatapi upayo tigo formatur tu manamui kagagalan, karano sacaro formal, ditulak dek Parlemen.

Katiko Presiden Soekarno manjalanan Demokrasi Tapimpin , Assaat manantangnyo. Sacaro pribadi Bung Karno tatap dihormatinyo, nan ditantangnyo adolah politik Bung Karno nan saolah-olah condong ka sayok kida Partai Komunis Indonesia.

Mr. Assaat maraso tarancam, karano Demokrasi Tapimpin adolah kadiktatoran taselubuang, baliau salalu diawasi dek intel sarato PKI. Jo caro bapura-pura ka barbalanjo baliau basamo keluarganyo malarian diri jo caro berturuik-turuik naiak becak dari Jl. Teuku Umar ka Jl. Sabang, dari sinan dilanjuik-an ka Satasiun Tanah Abang.

Mr. Assaat sarato kaluarga barhasil manyubarang ka Sumatera. Badiam babarapo hari di Palembang. Katiko tu di Sumatera Selatan alah tabentuak Dewan Gajah nan dipimpin dek Letkol Barlian. Di Sumatera Barat Letkol Ahmad Husein mambantuak Dewan Banteng. Kol. Simbolon mandirian Dewan Gajah di Sumatera Utara, samantaro Kol. Sumual mambangun Dewan Manguni (Burung hantu) di Sulawesi.

Dewan-dewan tu basatu manantang Sukarno nan dipangaruhi dek PKI. Tarbantuaklah PRRI (Pemerintahan Revolusioner Republik Indonesia). Assaat nan katiko tu baru tibo di Sumatera Barat bagabuang jo PRRI. Sasudah tu bakaliaran di hutan-hutan Sumatera, sasudah Pamarentah Pusat manggempur kakuatan PRRI.

Katiko barado di hutan-hutan Sumatera Barat jo Sumatera Utara, Mr. Assaat alah maraso dirinyo acok kanai sakik. Baliau ditangkok dalam kaadaan fisik lamah sarato manjalani hiduik di dalam panjaro Demokrasi Terpimpin salamo 4 taun 1962-1966. Baliau baru kalua dari tahanan di Jakarta, sasudah mancogoknyo Orde Baru.

Pado tanggal 16 Juni 1976, Mr. Assaat maningga dirumahnyo nan sadarhana di Waruang Jati Jakarta Selatan. Mr. Assaat gelar Datuk Mudo dianta dek kawan-kawan saparjuangannyo, sahabat, handai tolan sarato sado kaluarganyo, baliau dihormati dek nagaro jo kabasaran militer.

Dek urang-urang nan tau jo baliau, Asaat adolah pribadi nan sederhana. Katiko manjadi Panjabat Presiden, baliau indak namuah dipanggia Paduka Yang Mulia, tapi labiah mamiliah panggilan Saudara Acting Presiden nan manjadi agak cangguang pado maso itu.

Assaat bukan ahli pidato, baliau indak suko banyak mangecek, tapi sagalo karajo dapek disalasaiannyo jo baiak, sado rahasio nagaro dipacik taguah. Baliau taat malaksanaan ibadah, indak parnah maninggaan salat limo wakatu. Baliau adolah pamimpin nan sangek maharagoi wakatu, sarupo jo Bung Hatta.




#Article 192: Adnan Kapau Gani (164 words)


Mayjen TNI (Purn) Dr. Adnan Kapau Gani () adolah surang tantara, politisi, dotor, pamain filem sarato wakil pardana mantari Indonesia di maso pamarentahan Amir Syarifuddin.

Sasudah luluih dari STOVIA baliau tajun ka dunia politik jo caro manjadi anggota Jong Sumateranen Bond, sarato parnah manjabat sabagai anggota Konstituante Indonesia katiko lambaga tu baru ditagak-an. Baliau tacatat manjadi anggota Gerindo (Gerakan Rakyat Indonesia) basamo jo Muhammad Yamin, Amir Syarifuddin sarato Adam Malik. Salain tu baliau parnah pulo manjadi Gubernur Militer Sumatera Selatan pado maso PDRI, sarato pariode revolusi fisik malawan Agresi Tantara Balando, sarato parnah pulo manjadi anggota delegasi Perundingan Linggarjati pado taun 1946.

Di Pamarentahan Indonesia, babarapo kali Gani manduduak-i kurisi mantari. Debut Gani bamulo di maso Kabinet Sjahrir III sabagai mantari ekonomi. Pado maso pamarentahan Amir Syarifuddin (3 Juli 1947 - 29 Januari 1948), baliau manjabat sabagai wakil pardana mantari marangkap sabagai mantari kamakmuran.
 
Pado tanggal 9 November 2007, almarhum Mayjen TNI A.K. Gani dianugerahi gala Pahlawan Nasional Indonesia dek Presiden Susilo Bambang Yudhoyono




#Article 193: Agus Salim (381 words)


Haji Agus Salim (laia pakai namo Masyhudul Haq (nan baarati pambela kabanaran); ) adolah surang pajuang kamardekaan Indonesia. Haji Agus Salim ditatapkan sabagai salah surang Pahlawan Nasional Indonesia pado tanggal 27 Desember 1961 malalui Keppres nomor 657 taun 1961.

Agus Salim laia dari pasangan Soetan Salim gelar Soetan Mohamad Salim jo Siti Zainab. Jabatan tarakhia ayahnyo adolah Kapalo Jaksa di Pengadilan Tinggi Riau.

Pandidikan dasar ditampuah di Europeesche Lagere School (ELS), sakola khusuih anak-anak Eropa, lalu dilanjuik-an ka Hoogere Burgerschool (HBS) di Batavia. Katiko luluih, baliau barhasil manjadi lulusan tabaiak di HBS sa-Hindia Belanda.

Sasudah luluih, Salim bakarajo sabagai panarjamah jo pambantu notaris pado sabuah kongsi patambangan di Indragiri. Pado taun 1906, Salim barangkek ka Jeddah, Arab Saudi untuak bakarajo di Konsulat Balando di sinan. Pado pariode ikolah Salim baguru ka Syeh Ahmad Khatib, nan masih marupoan mamaknyo.

Salim kudian tajun ka dunia jurnalistik sajak taun 1915 di Harian Neratja sabagai Redaktur II. Sasudah tu diangkek manjadi Katua Redaksi. Kagiatannyo dalam bidang jurnalistik taruih balanjuik sampai akhianyo manjadi Pamimpin Harian Hindia Baroe di Jakarta. Salanjuiknyo mandirian surek kaba Fadjar Asia. Lalu sabagai Redaktur Harian Moestika di Yogyakarta sarato mambukak kantua Advies en Informatie Bureau Penerangan Oemoem (AIPO). Basamoan jo itu Agus Salim tajun dalam dunia politik sabagai pamimpin Sarekat Islam.

Agus Salim manikah jo Zaenatun Nahar sarato dikaruniai salapan urang anak.

Pado taun 1915, Salim bagabuang jo Sarekat Islam (SI), sarato manjadi pamimpin kaduo di SI sasudah H.O.S. Tjokroaminoto.

 Paran Agus Salim pado maso pajuangan kamardekaan RI antaro lain:

Di antaro taun 1946-1950 baliau bagaikan bintang camerlang dalam pagolakan politik Indonesia, sahinggo baliau diagiah gala Urang Tuo Basa (The Grand Old Man). Baliaupun parnah manjabat Mantari Lua Nagari RI pado kabinet Presidentil sarato di taun 1950 sampai akhia hayatnyo dipacayo sabagai Panasehat Mantari Lua Nagari.

Pado taun 1952, baliau manjabat Katua di Dewan Kahormatan PWI. Walaupun penanyo tajam sarato kritikannyo padeh, namun Haji Agus Salim dikana masih mahormati bateh-bateh jo manjunjuang tinggi Kode Etik Jurnalistik.

Sasudah maundurkan diri dari dunia politik, pado taun 1953 baliau mangarang buku nan bajudul Bagaimana Takdir, Tawakal dan Tauchid harus dipahamkan?, nan lalu dipabaiki manjadi Keterangan Filsafat Tentang Tauchid, Takdir dan Tawakal.

Baliau maningga pado 4 November 1954 di RSU Jakarta lalu dimakamkan di TMP Kalibata, Jakarta. Namonyo kini diabadian untuak stadion sepak bola di Padang.




#Article 194: Bagindo Aziz Chan (359 words)


Bagindo Aziz Chan () adolah pajuang kamardekaan Indonesia. Baliau manjabat sabagai Wali Kota Padang nan kaduo sasudah kamardekaan nan dilantiak pado tanggal 15 Agustus 1946 manggantian Mr. Abubakar Jaar. Baliau maningga pado umua 36 taun sasudah talibat dalam sabuah patampuran malawan Balando. Jasadnyo dimakamkan di Taman Makam Pahlawan Bahagia, Bukittinggi. Gala Pahlawan Nasional Indonesia diagiahan kapado baliau pado 9 November 2005.

Bagindo Aziz Chan manampuah sakolah atau pandidikan HIS di Padang, MULO di Surabaya, jo AMS di Batavia. Tamaik dari AMS dan sempat pulo duo tahun duduak di Rechtshoogeschool te Batavia (RHS), Baliau sempat mambukak praktek manjadi pangacara sarato jo aktif di babarapo organisasi, di antaronyo sabagai anggota jo pangurus Jong Islamieten Bond di bawah pimpinan Agus Salim. Baliau baliak ka kampuang halamannyo pado tahun 1935, inyo mangabdi sabagai guru di babarapo sakolah di Padang dan bakali-kali pulo pindah mangaja ka lua kota. Inyo sempat aktif di Persatuan Muslim Indonesia (Permi) sampai organisasi tu dibubaran pado tahun 1937. Sasudah proklamasi kemerdekaan, inyo ditunjuak sabagai Wakil Wali Kota Padang pada tanggal 24 Januari 1946 dan pado tanggal 15 Agustus 1946 dilantik sabagai wali kota Padang nan manggantiaan Mr. Abubakar Jaar, nan pindah tugas manjadi residen di Sumatra Utara.

Di tangah situasi pasca-kadatangan Sakutu di Padang pado 10 Oktober 1945, baliau manulak tunduak kapado kakuatan tantara Balando nan barado di balakang tantara Sakutu. Baliau taruih malakuan palawanan jo caro manabik-an surek kaba pajuangan nan banamo Republik Indonesia Jaya, bahkan turun langsuang mamimpin palawanan kapado Balando sampai akhianyo tewas pado tanggal 19 Juli 1947. Manuruik hasil visum (nan dilakuan di Rumah Sakit Tentara Dr. Reksodiwiryo, Ganting kini), baliau maningga karano takanai barang tumpua sarato tadapek tigo bakeh tembakan di wajahnyo.

Untuak manghormati jaso-jaso sarato jo pangorbanannyo, namonyo diabadian manjadi namo jalan di babarapo kota, sarupo di Padang jo Bukiktinggi. Di Padang, sabuah monumen babantuak kapalan tinju didirian di pasimpangan Jalan Gajah Mada jo Jalan Jhoni Anwar, Kampuang Olo, Nanggalo. Walaupun diresmian sabagai Monumen Bagindo Azizchan dek Wali Kota Padang Syahrul Ujud pado 19 Juli 1983, monumen tu labiah dikana jo namo Tugu Simpang Tinju. Monumen lainnyo, talatak di Taman Melati (kompleks Museum Adityawarman), hasil karya palukih Wisran Hadi jo pemaek Arby Samah.




#Article 195: Fatmawati (157 words)


Fatmawati nan banamo asli Fatimah () adolah bini dari Presiden Indonesia partamo Soekarno. Baliau manjadi Ibu Negara Indonesia partamo dari taun 1945 sampai taun 1967. Baliau marupoan bini ka-3 dari presiden partamo Indonesia, Soekarno. Baliau dikana pulo dek jasonyo dalam manjaik bandera pusako Sang Saka Merah Putih nan dikibarkan pado upacaro Proklamasi Kamardekaan Indonesia di Jakarta pado tanggal 17 Agustus 1945.

Fatmawati laia dari pasangan Hassan Din jo Siti Chadijah. urang tuonyo marupoan katurunan Puti Indopuro, salah surang kaluarga rajo dari Kasultanan Indopuro, Pasisia Salatan, Sumatera Barat. Bapaknyo adolah salah surang tokoh Muhammadiyah di Bengkulu.

Pado tanggal 1 Juni 1943, Fatmawati manikah jo Soekarno, nan kudian hari manjadi presiden partamo Indonesia. Dari panikahan tu, baliau dikaruniai limo urang putra jo putri, iyolah Guntur Soekarnoputra, Megawati Soekarnoputri, Rachmawati Soekarnoputri, Sukmawati Soekarnoputri, sarato Guruh Soekarnoputra.
 

Pado tanggal 14 Mei 1980 baliau maningga karano sarangan jantuang katiko dalam pajalanan pulang umroh dari Makah. Jasad baliau dikubuaan di Karet Bivak, Jakarta.




#Article 196: Awaluddin Djamin (367 words)


Jenderal Polisi (Purn.) Dr. Awaloeddin Djamin, M.P.A. ()adolah Kapolri pariode 1978 - 1982. Baliau-pun tamasuak pajuang kamardekaan pado maso pajuangan malawan Balando. 

Satamat SLTA, baliau malanjuik-an studinyo di Fakultas Ekonomi (1949-1950). Masuak manjadi prajurik polisi, lalu manampuah pandidikan di PTIK sampai luluih taun 1955. Baliau lalu ditampek-an pado bagian Sekretariat Jawatan Kepolisian Nagaro (1955) sarato manjabat Kasi Umum Sekretariat Jawatan Kepolisian Nagaro (1958). Sasudah tu baliau mampadalam studinyo di University of Pitsburgh sarato dilanjuik-an ka University of Southern California, Amerika Sarikaik, hinggo manggondol gala PhD pado 1962.

Sapulang dari Amerika Sarikaik, Awaloedin manjabat sabagai Lektor Lua Biaso PTIK (1964). Lalu, berturuik-turuik manjadi Direktur Kekaryaan Depak (1964), Anggota Musyawarah Pambantu Parancana Nasional (1965), Anggota DPRGR (1964-1966), Mantari Tanago Karajo Kabinet Ampera (1966), sarato Deputi Pangak Urusan Khusuih samaso Kapolri Hoegeng Iman Santoso (1968). Sabalun ditugehan sabagai Duta Basa RI untuak Jerman Barat (1976), talabiah dulu baliau manjadi Direktur Lembaga Administrasi Nagaro (1970). Lalu akhianyo, baliau dipanggia pulang ka Jakarta untuak dilantiak dek Presiden Soeharto manjadi Kapolri, pado 26 September 1978.

Awaloedin manjabat Kapolri salamo ampek taun, dari taun 1978 sampai taun 1982. Salain samaso kapamimpinannyo organisasi Polri diarahan pado kalambagaan nan dinamis jo profesional, pado maso Awaloedin pulo KUHAP UU No. 8 Taun 1981 sabagai hasil karya bangso Indonesia sandiri disahkan DPR-RI. KUHAP sabagai pangganti Het Herziene Inlandsh Reglement (HIR), hukum acara pidana produk kolonial Belanda nan dianggap alah usang sarato indak manusiawi. Dalam hal iko, Polri baparan aktif manyumbangan pokok-pokok pikiran untuak materi KUHAP baru tu.

Hasratnyo dalam bidang pandidikan, tanyato alun ilang. Tabukti, Awaloedin masih pulo mangabdian dirinyo dalam pandidikan jo pangambangan profesi kapolisian. Sasudah indak lai manjadi Kapolri baliau masih basadio manjabat sabagai Dekan PTIK nan notabene barado di bawah Kapolri. Tapi kacintaan kapado Polri sarato demi nusa jo bangso mambuek Awaloedin indak namuah tajabak dalam status simbol. Mako baliau mamiliah tatap manarimo jabatan Dekan PTIK.

Awaloedin manarimo sajumlah panghargaan sabagai tando jasonyo. Diantaronyo manarimo Bintang Dharma, Bintang Bhayangkara sarato Bintang Mahaputra Adipradana. Sarato pulo jo Satya Lencana Parang Kamardekaan (I dan II), Satya Lencana Karya Bhakti, Satya Lencana Yana Utama, Satya Lencana Panca Warsa, Satya Lencana Penegak dan Satya Lencana Veteran Pejuang RI. Dari lua nagari, baliau manarimo Das Gross Rreuz (Pamarentah Jerman Barat).

 




#Article 197: Hazairin (284 words)


Prof. Dr. Hazairin () adolah surang ahli hukum adaik. Baliau manjabat Mantari Dalam Nagari dalam Kabinet Ali Sastroamidjojo I.

Hazairin lahia di tangah-tangah kaluarga taat baagamo, dari pasangan Zakaria Bahri (Bengkulu) jo Aminah (Minangkabau). Bapaknyo adolah surang guru, sadangkan inyiaknyo, Ahmad Bakar, adolah surang ulama. Dari kaduo urang tu, Hazairin mandapek dasar palajaran ilmu agamo jo bahaso Arab.

Hazairin manamatkan pandidikannyo di Sakola Tinggi Hukum Jakarta (Recht Hoge School) pado taun 1936, sarato mandapek gala doktor hukum adaik. Satamaik kuliah, Hazairin bakarajo sabagai kapalo Pangadilan Nagari Padang Sidempuan (1938-1945). Salamo manjabat, Hazairin malakuan panalitian pulo tantang hukum adaik Tapanuli Selatan. Ateh jaso-jasonyo tu, baliau diagiah gala Pangeran Alamsyah Harahap.

Pado April 1946, baliau diangkek sabagai Residen Bengkulu, marangkap wakil Gubernur Militer Sumatera Selatan. Katiko manjabat sabagai residen, baliau mangaluaan pitih karateh nan tasabuik sabagai Uang Kertas Hazairin. Sasudah revolusi fisik barakhia, baliau diangkek manjadi Kapalo Bagian Hukum Sipil Kamantarian Kahakiman.

Hazairin tajun di kancah papolitikan Indonesia, jo caro ikuik mandirian Partai Parsatuan Indonesia Raya (PIR). Basamo jo Wongsonegoro sarato Rooseno, baliau manjadi anggota Dewan Pawakilan Rakyat Samantaro sabagai wakil Partai PIR. Dalam kapasitasnyo sabagai wakil partai pulo, Hazairin diangkek manjadi Mantari Dalam Nagari pado Kabinet Ali Sastroamidjojo I (1953-1955). Pado Pemilu 1955, Partai PIR tapacah manjadi duo, iyolah PIR - Wongsonegoro jo PIR - Hazairin. Dalam pamilihan tu, PIR - Hazairin cuma mandapek 114.644 suaro atau satara jo ciek kurisi.
 
Sasudah tajun di dunia politik, Hazairin manjadi Guru Basa Hukum Adaikt jo Hukum Islam di Universitas Indonesia. Baliaupun manjadi Guru Basa di Universitas Islam Jakarta, Paguruan Tinggi Hukum Militer (PTHM), sarato Pandidikan Tinggi Ilmu Kapolisian (PTIK).

Hazairin dikubuaan di TMP Kalibata, Jakarta. Ateh jaso-jasonyo, pado taun 1999 Pamarentah mangukuahan Hazairin sabagai Pahlawan Nasional Indonesia.




#Article 198: Surah Al-Fatihah (170 words)


Surah Al-Fatihah (Arab: الفاتح , al-Fātihah, Pambukakan) adolh surah partamo dalam al-Qur'an. Surah iko diturunkan di Makah nan tadiri dari 7 ayat. Al-Fatihah marupoan surah nan partamo-tamo diturunkan sacaro langkok di antaro surah-surah nan ado dalam Al-Qur'an. Surah iko disabuik Al-Fatihah (Pambukakan), karano jo surah ikolah dibukak sarato dimulainyo Al-Quran. Dinamokan Ummul Qur'an (induak Al-Quran/أمّ القرءان) atau Ummul Kitab (induk Al-Kitab/أمّ الكتاب) karano inyo marupoan induak dari sado isi Al-Quran. Dinamokan pulo As Sab'ul matsaany (tujuah nan barulang-ulang/السبع المثاني) karano jumlah ayatnyo nan tujuah jo dibaco barulang-ulang dalam salat.

Salain dinamoi Al-Fatihah (Pambukak), surah iko acok juo disabuik Fatihatul Kitab (Pambukakan Kitab), Ummul Kitab (Induak Kitab), Ummul Qur'an (Induak Al-Qur'an), As-Sabu'ul Matsani (Tujuah nan Barulang). Salain kaampek sebutan tasabuik, banyak ulama tafsir nan manyabuiknyo jo: Ash-Shalah (Arab: الصلاة, Salat), al-Hamd (Arab: الحمد, Pujian), Al-Wafiyah (Arab: الوافية, Nan Sampurono), al-Kanz (Arab: الكنز, Simpanan Nan Taba), asy-Syafiyah (Nan Manyembuhkan), Asy-Syifa (Arab: الشفاء, Ubek), al-Kafiyah (Arab: الكافية, Nan Mancukuik), al-Asas (Pokok), al-Ruqyah (Mantra), asy-Syukru (Syukur), ad-Du'au (Do'a), dan al-Waqiyah (Nan Malinduangi dari Kasasekan).




#Article 199: Surah An-Nas (206 words)


Surah An-Nas (bahaso Arab:النَّاسِ, Manusia) adolah surah taakhia (ka-114) dalam al-Qur'an. Namo An-Nas diambiak dari kato An-Nas nan barulang kali disabuik dalam surek iko nan aratinyo manusia. Surah iko tamasuak dalam golongan surah makkiyah. Isi surah adolah manganjurkan manusia mamohon palinduangan kapado Allah dari godaan syaitan, baiak nan barasa dari golongan manusia maupun jin.

 بِسمِ اللّٰہِ الرَّحمٰنِ الرَّحِیمِ

 Bismillāhir-Rahmāni r-Rahīm

Aisyah manarangkan: baso Rasulullah s.a.w. pado satiok malam apobilo handak lalok, Baliau mambaco Surah Al-Ikhlas, Surah Al-Falaq jo Surah An-Nas, diambuihan pado kaduo talapak tangan kamudian disapukan ka saluruah tubuh jo kapalo.

Sayyidiah' Ali r.a. manarangkan: pernah Rasulullah s.a.w. digigik kala, kamudian Baliau maambiak aia garam. Dibacokan Surah Al-Falaq jo Surah An-Nas lalu disapukan pado anggota badan nan digigik kala tadi.

'Uqbah bin' Amir manarangkan, katiko ambo sasek di jalan dalam suatu pajalanan basamo jo Rasulullah s.a.w., Baliau mambaco Surah Al-Falaq jo Surah An-Nas jo ambopun disuruah Baliau juo untuak mambaconyo.

Barang siapa takanai panyakik karano pabuekan syaitan atau manusia, handaklah mambaco Surah Al-Falaq jo Surah An-Nas sabanyak 41 kali salamo 3 hari, 5 hari atau 7 hari baturuik-turuik.

Barang siapo nan takuik kan godaan syaitan atau manusia atau takuik dalam kalam malam, atau takuik kajahatan manusia, bacolah Surah Al-Falaq jo Surah An-Nas sabanyak 100 kali.




#Article 200: Surah (293 words)


Surah (Arab:سورة) adolah pambagian nan ado di dalam Al-Qur'an. Al-Qur'an dibagi manjadi 114 bab nan disabuik surah. Surah itu diatur manuruik panjangnyo, dari nan tapanjang sampai nan tapendek, kacuali nan partamo (Surah Al-Fatihah), nan disabuik Pambukakan.

Al-Qur'an tadiri ateh 114 surah, 30 juz jo 6236 ayat manuruik riwayaik Hafsh, 6262 ayat manuruik riwayaik ad-Dur, atau 6214 ayat manuruik riwayaik Warsy. Surah-surah dalam Al-Qur'an tabagi ateh surah-surah makkiyah jo madaniyah tagantuang pado tampek jo wakatu panurunan surah tasabuik (Makah atau Madinah, sabalun atau sasudah hijrah).

Pambagian Al-Qur'an manjadi surah-surah marupoan pambagian nan ditulihan dek al-Quran surang. Ayat-ayat nan mamuek kato Surah antaro lain Surah An-Nur ayat 1, at-Taubah ayat 86, jo al-Baqoroh ayat 23. Umumnyo, pambarian namo surah disasuaikan jo tema nan dibicarokan surah tasabuik atau jo namo nan alah ado dalam surah, sarupo al-Baqoroh, Al 'Imran, jo al-Isro'. Dalam naskah-naskah lamo aI-Quran, namo-namo surah acok ditulihkan jo namo samisal Surah nan mambicarokan jawi batino [al-Baqoroh] atau Surah nan mambicarokan keluarga Imron [Al Imron].

Kadang juo babarapo kato atau bahkan kalimaik dari suatu surah dipakai untuak manamokan surah, sarupo surah Iqro' Bismi Robbika, Innaa Anzalnaahu, jo Lam Yakun. Sifaik suatu surah juo dapek digunokan untuak manamokan surah itu, sarupo surah Faatihatul Kitaab, Ummul Kitaab, as-Sab'ul Matsani, al-Ikhlas, jo Nisabatur Robbi. Namo-namo jo sifaik-sifaik iko alah ado pado maso awal Islam badasakan kasaksian jo sijarah. Bahkan, namo sabagian surah alah disabuikan dalam babarapo hadits Nabi, sarupo surah al-­Baqoroh, Ali 'Imron, Hud, jo al-Waqi'ah nan mangindikasikan baso namo surah-surah tasabuik alah ditantukan di zaman Muhammad jo bukan sasuatu nan ditantukan dek Muhammad sacaro syar'i.

Barikuik iko marupoan daftar surah dalam Al-Qur'an badasarkan Mushaf Al-Qur'an Utsmani. Jumlah surah ado 114 surah tabagi manjadi 2 tampek pawahyuan: Makkah jo Madinah jo ayat bajumlah 6236 ayat manuruik riwayaik Hafsh.




#Article 201: Rasuna Said (227 words)


Hajjah Rangkayo Rasuna Said () adolah surang pajuang kamardekaan Indonesia. Baliau-pun sangek gigiah mampajuangkan pasamoan hak antaro laki-laki jo padusi. Karano jaso-jaso baliau nan gadang dalam parjuangan kamardekaan malawan panjajahan, pamarentah Republik Indonesia maanugerahi baliau gala Pahlawan Nasional Indonesia. Katiko maningga, baliau dikubuaan di Taman Makam Pahlawan Kalibata, Jakarta.

H.R. Rasuna Said adolah surang mudo nan mampunyoi kamauan nan kareh sarato bapandangan laweh. Awal pajuangan baliau dimulai jo bagiat di Sarekat Rakyat sabagai sekretaris cabang lalu kamudian manjadi anggota Persatuan Muslim Indonesia (PERMI).

Baliau sangek pandai bapidato nan isinyo mangecam sacaro tajam katidak adilan pamarintah Balando, sahinggo baliau sampat ditangkok lalu dipanjaro pado taun 1932 di Semarang.

Pado maso panduduakan Japang, baliau sato pulo sabagai pandiri organisasi pamuda Nippon Raya di Padang nan kudian dibubaran dek Pamarentah Japang. 

H.R. Rasuna Said duduak dalam Dewan Pawakilan Sumatera mawakili daerah Sumatera Barat sasudah Proklamasi Kemerdekaan, diangkek sabagai anggota Dewan Perwakilan Rakyat Republik Indonesia Serikat (DPR RIS), sasudah tu manjadi anggota Dewan Pertimbangan Agung sajak 1959 sampai akhia hayat baliau.

H.R. Rasuna diangkek sabagai Pahlawan Nasional ateh Suret Kaputusan Presiden R.I. No. 084/TK/Tahun 1974 tanggal 13 Desember 1974.

H.R. Rasuna Said maninggaan surang putri (Auda Zaschkya Duski) sarato 6 cucu (Kurnia Tiara Agusta, Anugerah Mutia Rusda, Moh. Ibrahim, Moh. Yusuf, Rommel Abdillah dan Natasha Quratul'Ain).

Namo baliau kini diabadian sabagai namo salah satu jalan protokol di kawasan Kuningan, Jakarta Selatan.




#Article 202: Tuanku Tambusai (420 words)


Tuanku Tambusai () adolah surang ulama sarato salah surang pamimpin dalam parang Pidari.

Tuanku Tambusai lahia di Dalu-dalu, nagari Tambusai, Rokan Hulu, Riau. Dalu-dalu merupoan salah satu nagari padagang Minangkabau nan didirian di tapi sungai Sosah, anak sungai Rokan. Tuanku Tambusai ba namo ketek Muhammad Saleh, nan sasudah pulang haji, dipanggia urang Tuanku Haji Muhammad Saleh.

Tuanku Tambusai merupoan anak dari pasangan parantau Minang, Tuanku Imam Maulana Kali jo Munah. Bapak baliau barasa dari nagari Rambah nan bakarajo sabagai guru agamo Islam. Dek Rajo Tambusai bapaknyo diangkek manjadi imam lalu kudian manikah jo padusi disinan. Mande baliau barasa dari nagari Tambusai nan basuku Kandang Kopuh. Sasuai jo adaik Minang nan matrilineal, suku iko diturunannyo kapado Tuanku Tambusai.

Samaso ketek Muhammad Saleh alah diajaan bapaknyo ilmu bela diri, tamasuak katangkasan naiak kudo, sarato tata caro banegara.

Untuak mampadalam ilmu agamo, Tuanku Tambusai pai baraja ka Bonjol jo ka Rao di Sumatera Barat. Disinan baliau banyak baraja jo ulama-ulama Islam nan berpaham Pidari, sahinggo baliau mandapek-an gala pakiah. Ajaran Pidari sangek tatanam di dirinyo, sahinggo ajaran ko disebaan pulo di tanah kalahirannyo. Disinan ajarannyo sangek capek ditarimo dek masyarakaik banyak, sahinggo baliau banyak mandapek-an pangikuik. Samangaiknyo untuak manyebaan jo malakuan pamurnian Islam, mambueknyo baparang maislamkan masyarakaik di tanah Batak nan masih banyak manganuik pelbegu.

Pajuangannyo dimulai di daerah Rokan Hulu jo sakitarnyo nan bapusek di Bentiang Dalu-dalu. Sasudah tu baliau malanjuik-an palawanan ka wilayah Natal pado taun 1823. Taun 1824, baliau mamimpin pasukan gabuangan Dalu-dalu, Lubuaksikapiang, Padanglawas, Angkola, Mandailiang, jo Natal untuak malawan Balando. Baliau sempat manunaikan ibadah haji sarato dimintak pulo dek Tuanku Imam Bonjol untuak mampalajari pakambangan Islam di Tanah Arab.

Dalam kurun wakatu 15 taun, Tuanku Tambusai cukuik marepotkan pasukan Balando, sahinggo acok mamintak bantuan pasukan dari Batavia. Barakaik kacadiak-annyo, bentiang Balando Fort Amerongen dapek diancuaan. Bonjol nan alah jatuah ka tangan Balando dapek dirabuik baliak walaupun indak batahan lamo. Tuanku Tambusai indak mahadapi Balando sajo, tapi sakaligus pasukan Rajo Gedombang (regent Mandailing) sarato Tumenggung Kartoredjo, nan bapihak kapado Balando. Dek Balando baliau digala-i “De Padrische Tijger van Rokan” (Harimau Pidari dari Rokan) karano sangek sulik dikalahan, indak parnah manyarah, sarato indak namuah badamai jo Balando. Kataguhan sikapnyo dipacaliak-an jo caro manulak ajakan Kolonel Elout untuak badamai. Pado tanggal 28 Desember 1838, bentiang Dalu-dalu jatuah ka tangan Balando. Malalui pintu rahasio, baliau malolosan diri dari kapuangan Balando sarato sakutu-sakutunyo. Baliau maungsi sarato maningga di Seremban, Nagari Sambilan, Samananjuang Malayu pado tanggal 12 November 1882.

Karano jaso-jasonyo manantang panjajahan Balando, pado taun 1995 pamarentah maangkek baliau sabagai Pahlawan Nasional Indonesia.




#Article 203: Mohammad Yamin (783 words)


Mr. Prof. Mohammad Yamin, S.H. () adolah surang pajuang kamardekaan nan alah dianugerahi gala sabagai Pahlawan Nasional Indonesia karano jasonyo nan banyak kapado bangso. Baliau dikana pulo sabagai sastrawan, sajarawan, budayawan, politisi, sarato ahli hukum.  

Baliau-pun salah satu parintis puisi moderen Indonesia sarato palopor Sumpah Pamuda sakaligus pancipta imaji kaindonesiaan nan mampangaruahi sajarah pasatuan Indonesia.

Mohammad Yamin dilahiaan di Talawi, Sawahlunto pado 24 Agustus 1903. Baliau adolah putra dari pasangan Usman Baginda Khatib jo Siti Saadah nan masiang-masiang barasa dari Sawahlunto jo Padang Panjang. Bapaknyo punyo anam baleh anak dari limo bini, nan ampia kasadonyo kudian manjadi intelektual nan bapangaruah. Saudaro-saudaro Yamin antaro lain : Muhammad Yaman, surang pandidik; Djamaluddin Adinegoro, surang wartawan takamuko; sarato Ramana Usman, palopor korps diplomatik Indonesia. Salain itu sapupunyo, Mohammad Amir, adolah tokoh pagarakan kamardekaan Indonesia.

Yamin mandapek-an pandidikan dasarnyo di Hollandsch-Inlandsche School (HIS) Palembang, lalu malanjuik-annyo ka Algemeene Middelbare School (AMS) Yogyakarta. Di AMS Yogyakarta, baliau mulai mampalajari sajarah purbakala jo babagai bahaso, iyolah Yunani, Latin, sarato Kaei. Namun sasudah tamaik, niaik untuak malanjuik-an pandidikan ka Leiden, Balando harus dibatakannyo karano bapaknyo maningga dunia. Kudian baliau manjalani kuliah di Recht Hogeschool (RHS) nan kudian manjadi Fakultas Hukum Universitas Indonesia), Jakarta lalu bahasil mandapek-an gala Meester in de Rechten (Sarjana Hukum) pado taun 1932.

Mohammad Yamin mamulai karier sabagai panulih pado dekade 1920-an samaso dunia sastra Indonesia mangalami pakambangan. Karya-karya partamonyo ditulih manggunoan bahaso Malayu dalam jurnal Jong Sumatera, sabuah jurnal babahaso Balando pado taun 1920. Karya-karyanyo nan mulo-mulo masih tarikek kapado bantuak-bantuak bahaso Malayu Klasik. 

Pado taun 1922, Yamin mancogok untuak partamo kali sabagai panyair jo puisinyo, Tanah Air; nan dimakasuik tanah airnyo iyolah Minangkabau di Sumatera. Tanah Air marupoan himpunan puisi moderen Malayu partamo nan pernah ditabik-an. 

Himpunan Yamin nan kaduo, Tumpah Darahku, kalua pado 28 Oktober 1928. Karyanyo ko sangek pantiang dari sagi sajarah, karano pado wakatu itulah Yamin jo babarapo urang pajuang kabangsaan mamutuihan untuak mahormati satu tanah air, satu bangsa, jo satu bahasa Indonesia nan tungga. Dramanyo, Ken Arok dan Ken Dedes nan badasarkan sajarah Jawa, kalua pulo pado taun nan samo. 

Dalam puisinyo, Yamin banyak manggunoan bantuak soneta nan dipinjamnyo dari literatur Balando. Walaupun Yamin malakuan banyak eksperimen bahaso dalam puisi-puisinyo, baliau masih labiah manapati norma-norma klasik Bahaso Malayu, dibandiang jo generasi-generasi panulih nan labiah mudo. Baliau manabik-an banyak drama, esei, novel sajarah, sarato puisi. Baliaupun manajamahan karya-karya William Shakespeare (drama Julius Caesar) sarato Rabindranath Tagore.

Karier politik Yamin dimulai katiko baliau masih manjadi mahasiswa di Jakarta. Katiko itu baliau bagabuang dalam organisasi Jong Sumatranen Bond sarato manyusun ikrar Sumpah Pamuda nan dibacoan pado Kongres Pemuda II. Dalam ikrar tu, baliau manatapkan Bahaso Indonesia, nan barasa dari Bahaso Malayu, sabagai bahaso nasional Indonesia. Malalui organisasi Indonesia Muda, Yamin mandasak supayo Bahaso Indonesia dijadian sabagai alat pasatuan. Kudian sasudah kamardekaan, Bahaso Indonesia manjadi bahaso rasmi sarato bahaso utama dalam kasusasteraan Indonesia. 

Pado taun 1932, Yamin mandapek-an gala sarjana hukum. Baliau kudian bakarajo dalam bidang hukum di Jakarta hinggo taun 1942. Di taun itu juo, Yamin tacatat sabagai anggota Partindo. Sasudah Partindo bubar, basamo jo Adenan Kapau Gani sarato Amir Sjarifoeddin, baliau mandirian Gerakan Rakyat Indonesia (Gerindo). Taun 1939, baliau tapiliah sabagai anggota Volksraad. 

Samaso panduduak-an Japang (1942-1945), Yamin batugeh pado Pusat Tenaga Rakyat (PUTERA), suatu organisasi nasionalis nan disokong dek pamarentah Japang. Pado taun 1945, baliau tapiliah sabagai anggota Badan Panyalidik Usaho Pasiapan Kamardekaan Indonesia (BPUPKI). Dalam sidang BPUPKI, Yamin banyak mamainkan paran. Baliau bapandapek supayo hak asasi manusia dimasuak-an ka dalam konstitusi negara. Baliaupun mausulan supayo wilayah Indonesia pasca-kamardekaan, mancakup Sarawak, Sabah, Samananjuang Malaya, Timor Portugis, sarato sado wilayah Hindia Balando. Soekarno nan marupoan anggota BPUPKI manyokong ide Yamin tu. Sasudah kamardekaan, Soekarno manjadi Presiden Republik Indonesia nan partamo, lalu Yamin diangkek untuak jabatan-jabatan nan panting dalam pamarintahannyo.

Sasudah kamardekaan, jabatan-jabatan nan parnah dipangku Yamin antaro lain anggota DPR sajak taun 1950, Mantari Kahakiman (1951-1952), Mantari Pangajaran, Pandidikan, jo Kabudayoan (1953–1955), Mantari Urusan Sosial jo Budayo (1959-1960), Katua Dewan Parancang Nasional (1962), sarato Katua Dewan Pangawas IKBN Antara (1961–1962).

Pado wakatu manjabat sabagai Mantari Kahakiman, Yamin mambebaskan tahanan politik nan dipanjaro tanpa proses pangadilan. Tanpa grasi jo remisi, baliau mangaluaan 950 urang tahanan nan dicap komunis atau sosialis. Ateh kabijakannyo tu, baliau dikritik dek banyak anggota DPR. Namun Yamin barani batangguang jawab ateh tindakannyo tu. Kudian di wakatu manjabat Mantari Pangajaran, Pandidikan, jo Kabudayoan, Yamin banyak mandorong pandirian univesitas-universitas nagari jo swasta di saluruh Indonesia. Diantaro paguruan tinggi nan baliau dirian adolah Universitas Andalas di Padang, Sumatera Barat. 

Pado taun 1937, Mohammad Yamin manikah jo Siti Sundari, puti surang bangsawan dari Kadingalu, Demak, Jawa Tengah nan aktif pulo dalam pajuangan kamardekaan. Mareka dikaruniai surang putra, Dang Rahadian Sinayangish Yamin (Dian). Pado taun 1969, Dian malangsuangan panikahan jo Gusti Raden Ayu Retno Satuti, 




#Article 204: Afrizal Koto (218 words)


Afrizal Koto nan banamo asli Muhammad Afrizal adolah surang patinju profesional Indonesia. Afrizal tamasuk patinju potensial nan parnah manyandang gala juara Pan Asian Boxing Association (PABA). Afrizal alah manyukoi olahraga tinju sajak basakola di SMP. Sasudah tamaik SMA, Afrizal tajun ka dunia tinju profesional. Afrizal mamulai karir tinjunyo di sasana tinju Cendrawasih di Medan, Sumatera Utara. Sasudah itu Afrizal aktif bakarir di Jakarta jo bagabuang ka Sasana Demokrat sabalun pindah ka sasana PDAM Sumatera Barat.

Afrizal Koto maningga dunia pado tanggal 4 April 2012 di Rumah Sakit UKI Jakarta sausai malakuan patandingan profesionalnyo dalam acara Gelar Tinju Profesional nan diadoan dek TV Indosiar. Dalam patandingan tu Afrizal sempat tajatuah babarapo kali, lalu kudian inyo indak sadarkan diri sabalun dibao ka Rumah Sakik UKI Jakarta. Sasudah malalui parawatan nan dilakuan dek tim medis tanyato nyawanyo indak tatolong lai, Afrizal maningga dalam umua 33 taun. Pandarahan di utak dinyatoan sabagai panyabab kamatiannyo. Kamatian Afrizal Koto alah manambah panjang daftar patinju nan maningga di arena tinju profesional Indonesia.

Kamatian Afrizal Koto mambuek dunsanak-dunsanaknyo maraso kahilangan. Di mato mareka Afrizal adolah motivator. Afrizal adolah surang pakarajo kareh sarato jadi tulang pungguang kaluarga sajak bapak mareka maningga. Kamatian Afrizal-pun maninggaan kasadiahan di calon bininyo karano mareka alah barancana ka sacapeknyo malangsuangan pesta panikahan. Afrizal Koto dikubuaan di Pamakaman Umum Gang Bersama Mandala, Medan.




#Article 205: Perdana Putra Minang (393 words)


Perdana Putra Minang () adolah surang atlet balap gokart Indonesia. Perdana alah manorehan prestasi nan mangagumkan diumuanyo nan masih sangek mudo. Perdana dianggap salah surang pambalap mudo Indonesia nan sangek potensial. Mulai manyukoi dunia balap sajak baumua 7 taun, katiko bapaknyo nan suko jo olah raga balap maajaknyo manonton acara balap di suatu tampek di Jakarta pado taun 2008. Indak lamo sasudah tu, masih di taun 2008, Perdana langsuang mempacaliak-an prestasi jo manjadi juaro II di babarapo kelas balap pamulo. Sataruihnyo inyo-pun makin basinar jo tampil sabagai juaro I dalam babagai arena seri balap gokart nasional.

Sajak taun 2009, Perdana mulai bakiprah di arena balap gokart regional jo internasional, sarupo di Thailand, Chino, Malaysia sarato Italia. Sampai taun 2012 Perdana alah mancatatkan prestasi jo manjadi juaro II pado kajuaraan Copa Trofeo Griffone, Sarno International Karting Circuit, Napoli, Italia. Kajuaraan tu diikuti dek pambalap-pambalap mudo dari babagai nagaro Eropa jo Amerika.

Perdana Putra Minang adolah putra dari Bonny Minang jo Wiwik B. Minang. Ayahnyo, Bonny Z. Minang adolah surang pangusaha jo panggiat olahraga otomotif. Pado umuanyo nan masih sangek mudo tu, Perdana punyo cito-cito nan sangek tinggi, inyo nio suatu wakatu nantik dapek manjadi pambalap profesional sarato bakompetisi di arena balap F1 sarupo idolanyo Sebastian Vettel jo Kimi Raikkonen.

Perdana banauang di bawah klub balap Red White Racing Team (RWR) nan dikalola dek PT Red White Racing. Parusahaan tu adolah organisasi otomotif nan bakarakter progresif, nan didirian pado tanggal 23 April 2009 dek duo urang panggiat olahraga otomotif iyolah Stanley Iriawan jo Bonny Z. Minang. Organisasi tu punyo misi maangkek namo Indonesia di dunia balap otomotif internasional tarutamo balap gokart.

Hanyo dalam tempo kurang dari sa-taun, PT. Red White Racing alah malakuan babarapo tarobosan baru di dunia otomotif Indonesia. Pado bulan November 2009 di Malaysia, parusahaan tu bahasil manyalanggaraan kajuaraan gokart internasional nan diikuti labiah dari 100 paserta dari 18 negara. Jo prestasi sarupo itu manjadian RWR sabagai parusahaan Indonesia partamo nan manyalanggaraan kajuaraan balap dilua negaranyo. Baitu pulo jo kajuaraan dunia gokart di Mesir, dimano PT Red White Racing manjadi parusahaan partamo dari Asia nan manjadi co sponsor.

Masih di taun 2009, PT. Red White Racing bapartisipasi pulo dalam babagai kagiatan balap otomotif jo caro manjadi sponsor, baiak didalam nagari maupun dilua nagari, sarupo di Malaysia, Filipina, Thailand, Macau jo nan lain-lain.

Sampai taun 2012, Perdana Putra Minang alah mancatatkan babarapo prestasi, diantaronyo:




#Article 206: Christine Hakim (183 words)


Herlina Christine Natalia Hakim atau labiah dikana jo namo Christine Hakim () adolah salah surang aktris senior nan takamuko di Indonesia. Meski dilaia-an di Jambi, namun urang tuonyo marupoan campuran Minangkabau, Aceh, Banten, Jawa, sarato Lebanon. Hal ikolah nan mambuek Christine ketek acok mampatanyoan identitas dirinyo.

Sapanjang kariernyo sabagai artis film Indonesia, Christine Hakim dikana sabagai artis nan mampunyoi akting sangek rancak. Sahinggoa alah banyak mandapek-an pujian sarato pangharagoan Piala Citra salamo babarapo kali. Karano itulah Christine acok pulo dikatoan cuma bamain di film-film nan bakualitas baiak di bawah arahan sutradara-sutradara nan santiang.

Christine Hakim manjadi urang Indonesia partamo nan manjadi juri dalam Festival Film Cannes di Perancis sarato
manjadi aktris Indonesia partamo nan main film Hollywood nan bajudul Eat Pray Love, basamo artis Julia Roberts di Bali. Salain dalam dunia film, Christine marupoan duta UNICEF untuak Indonesia basamo Ferry Salim.

Slamet Rahardjo, Jenny Rachman, Yati Octavia, Roy Marten, Deddy Mizwar, Lenny Marlina, Andi Meriam Mattalata, Widyawati, Didi Petet, Jajang C Noer, Zoraya Perucha, Joice Erna, Ully Artha, Cok Simbara, Vina Panduwinata

Christine Hakim alah meraiah babarapo pangharagoan untuak babarapo filmnyo iyolah :




#Article 207: Djamaludin Malik (830 words)


Djamaludin Malik () adolah pangusaha, politisi, sarato produser film  Indonesia, nan dikana sabagai Bapak Industri Film Indonesia sarato panggagas Festival Film Indonesia. Laia di Padang dari kaluarga nan masih mamiliki garih katurunan ka Rajo Pagaruyuang di Tanah Data. Baliau pado awalnyo hanyo bakarjo sabagai pagawai parusahaan palayaran Balando, Koninklijke Paketvaart Maatschappij. Pado taun 1940-an, baliau tajun sabagai pangusaha jo mandirian parusahaan Djamaludin Malik Concern. Baliau mulai talibat dalam industri pafilman katiko baliau mandirian kalompok sandiwara Bintang Timur jo parusahaan film Persari (Perseroan Artis Indonesia). Film partamo nan diproduksinyo bajudul Sedap Malam pado taun 1950.

Pado taun 1955, satahun sasudah mandirian Pasatuan Parusahaan Film Indonesia (PPFI) basamo jo Usmar Ismail, baliau mamalopori tasalanggaranyo Festival Film Indonesia I. Basamo jo Asrul Sani, baliau mandirian pulo Limbago Seniman Budayowan Muslimin untuak manantang Limbago Kabudayoan Rakyat (Lekra), nan disokong dek Partai Kominih Indonesia. Baliau aktif pulo bapolitik, iyolah sabagai anggota Dewan Pawakilan Rakyat jo Dewan Patimbangan Aguang. Baliau parnah manjabat Katua Dewan Film Nasional sarato Ketua III Panguruih Basa Nahdlatul Ulama. Namun aktivitasnyo di bidang politik baujuang pado tuduahan baliau basimpati ka pambarontakan PRRI di Sumatera, sahinggo maakibatkan baliau dipanjaroan pado taun 1958 lalu dibebasan indak lamo sasudah tuduhan nan ditujuan kapadonyo indak tabukti.

Djamaludin maningga pado taun 8 Juni 1970 akibaik panyakik komplikasi sasudah babarapo lamo dirawat di Muenchen, Jerman Barat. Jasadnyo kudian dibao ka Jakarta untuak dikubua-an di pakuburan Karet Bivak. Baliau dianugerahi gala Bintang Mahaputra Adipradana II pado taun 1973 sarato kudian dikukuahkan sabagai pahlawan nasional. Salain tu, namanyo-pun disandiangkan jo Usmar Ismail sabagai dwitunggal pafilman Indonesia.

Pado awalnyo, baliau hanyo bakarajo sabagai pagawai Koninklijke Paketvaart Maatschappij, sabuah parusahaan palayaran Balando di Indonesia. Karano kamampuannyo dalam manumpuak modal, pado taun 1940-an baliau tajun sabagai pangusaha sarato mandirian Djamaludin Malik Concern, parusahaan nan samulo cuma bagarak di bidang padagangan komoditi, kudian sairiang bajalannyo wakatu, taruih bakambang sarato marambah ka babagai sektor, tamasuak padagangan tekstil, kayu, palayaran, sarato kontraktor.

Pado maso revolusi kamardekaan Indonesia, baliau mambantuak kalompok sandiwara Bintang Timur, kudian mambali kalompok sandiwara Pancawarna dari Njoo Cheong Seng. Kalompok ko kudian digunoannyo untuak mahibur para pajuang nan sadang mahadapi Agresi Militer Balando nan dilakuan Balando di Indonesia. Dari Bintang Timur jo Pancawarna, Djamaludin kudian mandirian Persari (Perseroan Artis Indonesia). Pado maso itu, Djamaludin Malik sabagai direktur utama alah mangandarai Chevrolet, sarato bamukim di kawasan Menteng. Sutradara jo artis-artis utamanyo baliau balian oto pulo, sarato dipinjaman pitih untuak mambali rumah di Kebayoran Baru.

Sajak ketek, baliau dikana sabagai surang nan darmawan. Namun walaupun suko manyanangan urang lain, kahidupan pribadinyo agak barantakan. Baliau babarapo kali kawin carai. Tarakhia baliau manikah jo Elly Yunara, surang katurunan Maroko. Dari padusi ikolah baliau dikaruniai ampek urang anak: Zainal Malik, Camelia Malik, Yudha Asmara Malik, jo Lailasari Malik. Putri kaduanyo Camelia Malik, kudian manaruih-an cito-citonyo untuak mangambangan industri pafilman Indonesia. Baliau mandirian PT Remaja Ellynda Film, nan alah mahasilkan film-film sarupo Malin Kundang jo Jembatan Merah.

Djamaludin Malik marupoan tokoh nan banyak bajaso bagi pakambangan industri film Indonesia. Baliau partamo kali mamproduksi film pado taun 1950 bajudul Sedap Malam. Duo taun kudian, baliau malakuan produksi basamo jo parusahaan film dari Filipina untuak film bawarna: Rodrigo de Villa (1952). Sasudah tu duo film bawarna barikuiknyo baliau hasilkan baliak, iyolah Leilana (1953) jo Tabu (1953). Pado taun 1954, basamo jo Usmar Ismail baliau mandirian Pasatuan Parusahaan Film Indonesia (PPFI), sarato maajak organisasi tu untuak bagabuang jo Federasi Produser Film sa-Asia. Hal iko batujuan untuak maangkaek harkat jo martabat film Indonesia di tingkek internasional. Pado taun 1955, baliau mamalopori tasalanggaranyo Festival Film Indonesia I. Djamaluddin pulo nan mambiayai kasadonyo kaparaluan festival tu.

Pado maso Demokrasi Tapimpin, Djamaludin mambantuak sarikat seniman Muslim nan dinamoi Limbago Seniman Budayowan Muslimin Indonesia (Lesbumi). Dalam limbago tu bagabuang pulo Usmar Ismail sabagai katua umum jo Asrul Sani. Bagabuangnyo Usmar Ismail jo Asrul Sani ka dalam organisasi ko, mananggaan kasan mareka salamo ko sabagai anggota Partai Sosialis Indonesia (PSI); pado maso paralihan 1950-1960-an, sado urang-urang Minang intelek diasosiasikan sabagai anggota PSI nan manantang kadiktatoran Soekarno. Lesbumi batujuan untuak malawan Limbago Kabudayoan Rakyat (Lekra) nan disokong dek Partai Kominih Indonesia. Namun sajak taun 1963, Lekra labiah acok babentrokan jo aktivis Manifes Kabudayoan (Manikebu) nan dimotori dek Wiratmo Soekito, Goenawan Mohamad, sarato Taufiq Ismail.

Pado taun 1964, baliau mamproduksi film Tauhid. Film nan disutradarai dek Asrul Sani sarato dibintangi Aedy Moward jo Ismed M. Noor ko diproduksi ateh karajo samo antaro Departemen Agamo jo Departemen Panarangan Indonesia. Lokasi pangambilan gambarnyo nan maambiak tampek di Mekkah, mambarian kapuasan tasandiri pado kru film tu, karano dapek sakalian manunaian ibadah haji.

Hinggo taun 1966, Djamaludin alah mamproduksi sabanyak 59 judul film, nan tarakhia batajuak Menyusuri Jejak Berdarah, sarato mandapek pangharagoan untuak kategori tata sinematografi tabaiak dalam Pakan Apresiasi Film Nasional 1967. Pado taun 1969, baliau ditunjuak sabagai Katua Dewan Film Nasional. Posisi tu dipaciknyo sampai baliau maningga. Pado awal 1970, baliau mandarita panyakik komplikasi, lalu babarapo wakatu lamonyo baliau dirawat di Rumah Sakik Fatmawati, Jakarta, sabalun akhianyo baubek ka Muenchen, Jerman Barat. Di kota ko, pado tanggal 8 Juni 1970, Djamaludin maningga. 




#Article 208: Itang Yunasz (111 words)


Itang Yunasz atau nan banamo langkok Yusjirwan Yunasz () adolah surang parancang pakaian nan takamuko di Indonesia. Salain sabagai parancang tanamo, Itang adolah surang panyanyi jo pamain filem pulo. Itang laia dari pasangan Yunas Sutan Pengeran jo Yuliana asa Minangkabau.

Mamulai karier pado taun 1981, sasudah mandapek juaro kaduo dalam Lomba Perancang Mode Femina. Pado taun 1986, Itang mandirian PT Yunasz Astabrata nan mamproduksi busana nan bamerek Itang Yunasz jo logo SZ. Itang parnah mandapek pangharagoan dari Presiden Fidel Ramos batajuak Asian Women Foundation. Akhia-akhia ko Itang banyak pulo manggarap busana muslim jo muslimah. Preview manjadi merek baju koko rancangan Itang nan bakolaborasi jo Adrizal, mareka manggarap segmen manangah ka bawah.




#Article 209: Tuanku Imam Bonjol (1033 words)


Tuanku Imam Bonjol (laia di Bonjol, Pasaman, Minangkabau, Hindia Balando 1772 - wafaik dalam pangasingan lalu dikubua-an di Lotak, Pineleng, Minahasa, 6 November 1864) adolah surang ulama, pamimpin Kaum Pidari sarato pajuang nan baparang malawan Balando dalam paparangan nan disabuik Parang Pidari pado taun 1803-1838. Tuanku Imam Bonjol diangkek sabagai Pahlawan Nasional Indonesia badasarkan SK Presiden RI Nomor 087/TK/ Taun 1973, tanggal 6 November 1973.

Namo asli dari Tuanku Imam Bonjol adolah Muhammad Shahab, nan laia di Bonjol pado taun 1772. Baliau marupoan putra dari pasangan Bayanuddin (ayah) jo Hamatun (ibu). Ayahnyo, Khatib Bayanuddin, marupoan surang alim ulama nan barasa dari Sungai Rimbang, Suliki, Limo Puluah Koto. Sabagai ulama sarato pamimpin masyarakaik satampek, Muhammad Shahab mandapek-an babarapo gala, iyolah Peto Syarif, Malin Basa, sarato Tuanku Imam. Tuanku nan Renceh dari Kamang, Agam sabagai salah surang pamimpin dari Harimau nan Salapan adolah nan manunjuak baliau sabagai Imam (pamimpin) untuak kaum Pidari di Bonjol. Baliau akhianyo labiah dikana jo sabutan Tuanku Imam Bonjol.

Indak dapek dipungkiri, Parang Pidari maningga-an kanangan heroik sakaligus traumatis dalam memori bangso. Salamo sakitar 18 taun partamo parang tu (1803-1821) praktis nan baparang adolah sasamo urang Minang sarato Mandailing atau Batak umumnyo.

Pado awalnyo timbuanyo paparangan ko didasari kainginan dikalangan pamimpin ulama di karajaan Pagaruyuang untuak manarapan sarato manjalanan syariat Islam sasuai jo Ahlus Sunnah wal Jamaah (Sunni) nan bapagang taguah pado Al-Qur'an jo sunnah-sunnah Rasullullah shalallahu 'alaihi wasallam. Kudian pamimpin ulama nan tagabuang dalam Harimau nan Salapan mamintak Tuanku Lintau untuak maajak Yang Dipertuan Pagaruyuang sarato Kaum Adaik untuak maninggaan babarapo kabiasaan nan indak sasuai jo Islam (Bid'ah).

Dalam babarapo parundiangan indak ado kato sapakaik antaro Kaum Pidari (namo untuak kaum ulama) jo Kaum Adaik. Sairiang jo itu dibabarapo nagari dalam karajaan Pagaruyuang bagajolak, lalu sampai akhianyo Kaum Pidari di bawah pimpinan Tuanku Pasaman manyarang Pagaruyuang pado taun 1815, lalu pacah patampuran di Koto Tangah dakek Batu Sangka. Sultan Arifin Muningsyah tapaso malarian diri dari ibukota karajaan ka Lubuakjambi.

Pado 21 Februari 1821, kaum Adaik sacaro rasmi bakarajo samo jo pamarentah Hindia-Balando baparang malawan kaum Pidari dalam pajanjian nan ditandotangani di Padang, sabagai kompensasi Balando mandapek hak akses sarato panguasaan ateh wilayah darek (padalaman Minangkabau). Pajanjian tu dihadiri pulo dek siso kaluarga dinasti karajaan Pagaruyuang di bawah pimpinan Sultan Tangkal Alam Bagagar nan alah barado di Padang wakatu itu.

Campua tangan Balando dalam parang tu ditandoi jo panyarangan Simawang jo Sulik Aia dek pasukan Kapten Goffinet jo Kapten Dienema awal April 1821 ateh parentah Residen James du Puy di Padang, Dalam hal iko Kompeni malibat-an diri dalam parang karano diundang dek kaum Adaik.

Palawanan nan dilakuan dek pasukan pidari cukuik tangguh sahingga sangek manyulik-an Balando untuak manunduak-annyo. Oleh sabab itu Balando malalui Gubernur Jendral Johannes van den Bosch maajak pamimpin Kaum Pidari nan wakatu tu alah dipimpin dek Tuanku Imam Bonjol untuak badamai malalui maklumat Pajanjian Masang pado taun 1824. Hal iko dimaklumi karano diwakatu nan basamoan Batavia kahabisan dana pulo dalam maadok-i paparangan lain di Eropah jo di Jawa sarupo Parang Diponegoro. Tatapi kudian pajanjian ko dilangga surang dek Balando jo caro manyarang nagari Pandai Sikek.

Namun, sajak awal 1833 parang barubah manjadi parang antaro kaum Adaik jo kaum Pidari malawan Balando, kadua pihak bahu-mambahu malawan Balando, Pihak-pihak nan samulo batantangan akhianyo basatu malawan Balando. Diujuang panyasalan muncul kasadaran, maundang Balando dalam konflik justru manyangsaroan masyarakaik Minangkabau itu sandiri.
 Basatunyo kaum Adaik jo kaum Pidari ko dimulai jo dibueknyo kompromi nan disabuik Plakaik Puncak Pato di Tabek Patah nan maujuik-an konsensus Adat basandi Syarak, Syarak basandi Kitabullah (Adat badasarkan Agama, Agama badasarkan Kitabullah (Al-Qur'an)).

Raso panyasalan Tuanku Imam Bonjol ateh tindakan kaum Pidari pado sasamo urang Minang, Mandailing jo Batak, tarefleksi dalam ucapannyo Adopun hukum Kitabullah banyak lah malampau dek ulah kito juo. Baa dek kalian? (Adapun banyak hukum Kitabullah nan alah terlangkahi dek kita. Bagaimana pikiran kalian?).

Panyarangan sarato pangapuangan benteang kaum Pidari di Bonjo dek Balando dari sagalo jurusan salamo sakitar anam bulan (16 Maret-17 Agustus 1837) nan dipimpin dek jenderal sarato para parwira Balando, tapi jo tantara nan sabagian gadang adolah bangso pribumi nan tadiri dari babagai suku, sarupo Jawa, Madura, Bugis, jo Ambon. Dalam daftar namo para parwira pasukan Balando, tadapek Mayor Jendral Cochius, Letnan Kolonel Bauer, Mayor Sous, Kapten MacLean, Letnan Satu Van der Tak, Pembantu Letnan Satu Steinmetz sarato nan lainnyo, tatapi ado pulo namo-namo Inlandsche (pribumi) sarupo Kapitein Noto Prawiro, Inlandsche Luitenant Prawiro di Logo, Karto Wongso Wiro Redjo, Prawiro Sentiko, Prawiro Brotto, sarato Merto Poero.

Tadapek 148 parwira Eropa, 36 parwira pribumi, 1.103 tantara Eropa, 4.130 tantara pribumi, Sumenapsche hulptroepen hieronder begrepen (pasukan pambantu Sumenep, Madura). Sarangan kapado benteang Bonjol dimulai urang-urang Bugih nan barado di bagian muko dalam panyarangan patahanan Pidari.

Dari Batavia didatangan taruih tambahan kakuatan tantara Balando, dimano pado tanggal 20 Juli 1837 tibo jo Kapa Perle di Padang, Kapitein Sinninghe, sajumlah urang Eropa jo Afrika, 1 sergeant, 4 korporaals sarato 112 flankeurs. Nan balakangan ko manunjuak kapado sardadu Afrika nan direkrut dek Balando di banua tu, kini nagaro Ghana jo Mali. Mareka disabuik pulo Sepoys sarato badinas dalam tantara Balando.

Sasudah datang bantuan dari Batavia, mako Balando mulai malanjuik-an baliak pangapungan, katiko pado maso-maso salanjuiknyo, kadudukan Tuanku Imam Bonjol batambah sulik, namun baliau masih indak sudi untuak manyarah kapado Balando. Sahinggo sampai untuak katigo kali Balando mangganti komandan parangnyo untuak marabuik Bonjo, iyolah sabuah nagari ketek nan ba benteang dari tanah liek nan di sakitarnyo dikalilingi dek parik-parik. Barulah pado tanggal 16 Agustus 1837, Benteang Bonjo dapek dikuasoi sasudah sakian lamo dikapuang.

Dalam bulan Oktober 1837, Tuanku Imam Bonjol diundang ka Palupuah untuak barundiang. Tibo di tampek tu langsuang ditangkok lalu dibuang ka Cianjur, Jawa Barat. Kudian dipindahan ka Ambon lalu akhianyo ka Lotak, Minahasa, dakek Manado. Di tampek tarakhia tu baliau maningga dunia pado tanggal 8 November 1864. Tuanku Imam Bonjol dikubua-an di tampek pangasiangannyo tu.

Pajuangan nan alah dilakuan dek Tuanku Imam Bonjol dapek manjadi inspirasi akan kapahlawanannyo dalam manantang panjajahan, sabagai pangharagoan dari pamarentah Indonesia nan mawakili rakyaik Indonesia pado umumnyo, Tuanku Imam Bonjol diangkek sabagai Pahlawan Nasional Indonesia sajak tanggal 6 November 1973.

Salain tu namo Tuanku Imam Bonjol hadir pulo di ruang publik bangso sabagai namo jalan, namo stadion, namo universitas, bahkan pado lembaran Rp 5.000 kaluaran Bank Indonesia 6 November 2001.




#Article 210: Nil Maizar (286 words)


Nil Maizar () adolah pamain sarato palatiah sipak bola Indonesia nan baasa dari Sumatera Barat. Nil pernah manjadi kapalo palatiah tim nasional Indonesia, nan sabalunnyo manjadi palatiah Semen Padang FC, sabuah klub takamuko asa Padang, Sumatera Barat. Pado musim 2000-2003, Nil cuma manjadi palatiah Semen Padang junior. Nil pernah bagabuang dalam skuat Tim nasional Indonesia proyek nasional Garuda II pado taun 1986-1991.

Relatif alun banyak nan mandanga namo Nil Maizar sabalun inyo bahasil manampek-an Semen Padang pado posisi ampek klasemen akhia ISL di musim partamonyo  2010/11. Palatiah mudo fenomenal kalahian 2 Januari 1970 di Kota Payokumbuah ko sabalunnyo adolah asisten palatiah dari Arcan Iurie nan wakatu itu bahasil maangkek Semen Padang promosi untuak bamain di ISL 2010/11.

Kaputusan manajemen tim Kabau Sirah wakatu itu sangek mangajuik-an insan sepakbola Sumbar katiko maumuman Nil Maizar sabagai palatiah kapalo manggantian Arcan Iurie. Hasilnyo Nil dapek manakluak-an hegemoni klub-klub gadang Liga Indonesia sarupo Arema, Persija sarato Sriwijaya FC nan kalah di Stadion Haji Agus Salim. Samantaro juara ISL 2010/11 Persipura jo Persib cuma mandapek ciek poin dari Padang. Sacaro kasaluruhan musim 2010/11 Semen Padang adolah tim nan indak takalahan di kandang.

Capaian itu mambuek sosok Nil Maizar sangek dicintoi dek para pandukuang tim Kabau Sirah sahinggo dalam suatu kondisi di media sosial salah surang fans pernah mangatoan supayo Nil indak maninggaan Semen Padang. Untuak musim kompetisi 2011/12 Semen Padang ka batandiang di ISL sarato alah dapek dipastian baso Nil Maizar manjadi pandampiang tim Kabau Sirah namun kini ko jo target untuak manjadi kampiun.

Pasatuan Sipak bola Saluruh Indonesia (PSSI) sacaro rasmi maumuman namo palatiah Semen Padang, Nil Maizar, sabagai palatiah Tim Nasional Indonesia taun 2011-2012. Nil Maizar ka manggantian paran Aji Santoso nan mamiliah fokus ka Tim Nasional Indonesia U-23.




#Article 211: Surah Al-Falaq (190 words)


Surah Al-Falaq adolah surah ka-113 dalam Al-Qur'an. Namo Al-Falaq diambiak dari kato Al-Falaq nan ado pado ayat partamo surah iko nan aratinyo wakatu subuh. Surat iko tagolong surah Makkiyah.

Parintah bia awak balinduang kapado Allah SWT dari sagalo macam kajahatan

بِسْمِ اللّهِ الرَّحْمَنِ الرَّحِيمِ

Aisyah manarangkan: baso Rasulullah s.a.w. pado satiok malam apobilo handak lalok, Baliau mambaco Surat Al-Ikhlas, Surah Al-Falaq jo Surah An-Nas, diambuihkan pado kaduo talapak tangan kamudian disapukan ka saluruah tubuah jo kapalo.

Sayyidiah' Ali r.a. manarangkan: pernah Rasulullah s.a.w. digigik kala, kamudian Baliau maambiak aia garam. Dibacokan Surah Al-Falaq jo Surah An-Nas lalu disapukan pado anggota badan nan digigik kala tadi.

'Uqbah bin' Amir manarangkan, katiko ambo sasek jalan dalam suatu pajalanan basamo jo Rasulullah s.a.w., Baliau mambaco Surah Al-Falaq jo Surah An-Nas jo ambo pun disuruah Baliau juo untuak mambaconyo.

Barang siapo takanai panyakik dek pabuekan syaitan atau manusia, handaklah mambaco Surah Al-Falaq jo Surah An-Nas sabanyak 41 kali salamo 3 hari, 5 hari atau 7 hari baturuik-turuik.

Barang siapo nan takuik jo godaan syaitan atau manusia atau takuik dalam kalamnyo malam, atau takuik kajahatan manusia, bacolah Surah Al-Falaq jo Surah An-Nas sabanyak 100 kali.




#Article 212: Febri Diansyah (108 words)


Febri Diansyah, SH. adolah surang panggiat anti-korupsi Indonesia. Laki-laki nan laia di Padang, Sumatera Barat ko aktif di Limbago Swadaya Masyarakaik (LSM) nan bagarak di bidang pamantauan pambarantasan korupsi, iyolah Indonesia Corruption Watch (ICW). Febri ditampek-an dibagian program monitoring hukum jo paradilan, nan batugeh mamantau jalannyo proses paradilan kasus-kasus korupsi di Indonesia.

Febri aktif pulo manulih dibabarapoa media nasional sarupo Kompas sarato nan lain-lain. Karano kagiatannyo di ICW jo tulisan-tulisannyo nan tajam di media cetak sarato panyataan-panyatannyo dalam talk show di media elektronik, inyo dipandang sabagai salah surang tokoh mudo anti-korupsi di Indonesia. Febri Diansyah manyalasaikan pandidikan tingginyo di Fakultas Hukum Universitas Gadjah Mada, Yogyakarta pado taun 2007.




#Article 213: Oce Madril (135 words)


Oce Madril, S.H., M.A. (laia di Payokumbuah, Sumatera Barat) adolah ahli hukum tata nagaro Indonesia nan pernah manjabat sabagai Direktur Advokasi Pusek Kajian Antikorupsi (Pukat) sarato Pusek Konsultasi jo Bantuan Hukum (PKBH) pado Fakultas Hukum, Universitas Gadjah Mada. Oce dikana pulo sabagai panggiat anti-korupsi nan aktif manulih topik tantang korupsi di babagai media cetak.

Sasudah manamaikan sakola manangah di kota kalahirannyo, Payokumbuah, Oce malanjuikan pandidikan sarjananyo di Fakultas Hukum, Universitas Gadjah Mada (UGM), Yogyakarta, lalu bahasil maraiah gala sarjananyo dalam bidang hukum tata nagaro pado taun 2007. Sasudah tu, pado taun 2008 inyo manaruih-an studinyo ka Graduate School of International Development, Governance and Law Program di Nagoya University, Japang, untuak program S-2, lalu manyalasaiannyo pado taun 2011. Sabalun barangkek ka Japang, Oce sempat manjadi asisten dosen pado salah satu mato kuliah di Fakultas Hukum, UGM.




#Article 214: Syamsir Alam (135 words)


Syamsir Alam () adolah surang pamain bola Indonesia. Syamsir pernah bamain untuak salah satu klub MLS, DC United. Syamsir adolah lulusan dari SSB Depok (kini SSB Depok Jaya) katiko itu nan punyo SSB AS IOP iyolah almarhum Ronny Pattinasaranny datang mangunjuangi SSB nan disponsorinyo tu (SSB Depok), baliau kagum jo skill Syamsir Alam, akhianyo mamutuihan untuak mambaonyo ka SSB AS IOP, SSB nan didirian dek almarhum Ronny Pattinasarani. Syamsir pernah maikuti Piala Dunia U-11 Danone basamo Makassar FC nan mawakili Indonesia. Syamsir sempat pulo maikuti tes basamo tim junior dari Balando, Vitesse Arnhem jo Heerenveen  tapi sayang gagal. Syamsir adolah type striker pakarajo. Di kompetisi Liga U-17 Quinta Division 2008 inyo manjadi top skor dari tim SAD Indonesia sarato mambuek 15 gol dari 29 lago nan dilakoninyo. Syamsir dikataui sangek dakek jo palatiahnyo César Payovich.




#Article 215: Oyong Liza (132 words)


Oyong Liza () adolah surang pamain bola Indonesia. Oyong Liza dikana sabagai pamain balakang timnas sipak bola Indonesia nan cukuik tangguh pado era taun 70-an. Pado era tu Timnas Indonesia dianggap labiah baiak dibandiang era-era lainnyo. Oyong Liza nan manyandang ban kapten dilangannyo tu satu angkatan jo Anjas Asmara, Ronny Pasla, Sutan Harhara, Suaib Rizal, Nobon Kayamudin, Junaedi Abdillah, Waskito, Iswadi Idris, Andi Lala sarato nan lain-lain.

Mareka tu adolah pamain-pamain tabaiak Indonesia nan masuak dalam skuat Timnas PSSI nan ampia sajo malolosan Indonesia ka Olimpiade. Dalam patandiangan Pra Olimpiade nan managangan malawan Korea Utara katiko itu, Timnas Indonesia akhianyo kalah malalui adu penalti sasudah skor tatap imbang walaupun alah malalui papanjangan wakatu.

Mantan pamain Persija ko bamain sabagai libero katiko Timnas Indonesia manahan imbang klub Manchester United (MU) pado taun 1975.




#Article 216: Suhatman Imam (311 words)


Suhatman Imam (lahia di Padang, Sumatera Barat taun 1956) adolah surang pamain bola nasional Indonesia nan kudian jadi palatiah Semen Padang FC.

Suhatman Imam dikana sabagai salah surang pamain tabaiak Indonesia di era akhia 70-an. Suhatman mamulai karier sipak bolanyo di PSP Padang sabalun direkrut dek PSSI untuak mampakuaik Tim Nasional Indonesia Senior dalam patandiangan Pra-Olimpiade di Jakarta pado taun 1975. Pado kajuaraan Asia taun 1977 di Bangkok Suhatman bahkan dipacayo manyandang ban kapten.

Sarupo pamain lainnyo, Suhatman-pun indak lupuit dari cidera, bahkan cidera nan didaritonyo pado taun 1978 tu sangaik parah sahinggo maakhiri kariernyo sabagai pamain sepakbola.

Karano kapiawaiannyo dalam sepakbola, Suhatman-pun didaulat dek KONI Sumatera Barat untuak manjadi palatiah tim daerah tu dalam Pakan Olahraga Nasional (PON) taun 1981. Dalam ajang PON tu Suhatman dianggap sukses malatiah tim sepakbola Sumbar, sahinggo inyo mangalami kamudahan untuak masuak bakarajo di Bank Dagang Negara (BDN) di Padang.

Pado taun 1985, Suhatman dimintak malatiah baliak . Nan kini ko P.S. Semen Padang mainginan santuhan tangan dinginnyo untuak mamoles klub tu dalam maadok-i kompetisi di liga Indonesia katiko itu iyolah Galatama. Pado 1992 Suhatman mambao Semen Padang manjuaroi Piala Indonesia sasudah manakuak Arema Malang. Karier kapalatiahan Suhatman indak baranti sampai disitu, inyo-pun kudian di angkek manjadi asisten palatiah PSSI senior, Ivan Toplak nan barasa dari Serbia. Bahkan diawal taun 90-an Suhatman dipacayo malatiah tim Primavera nan dibina dalam kompetisi pamain mudo di Italia nan kudian hasilnyo banyak malaiaan pamain bakualitas, sarupo Kurniawan Dwi Yulianto, Kurnia Sandy, Yeyen Tumena, Sugiantoro sarato nan lain-lain.

Pado taun 2010 klub Semen Padang-pun mamintaknyo baparan baliak, nan kini ko untuak manjadi panasehat teknik untuak palatiah Nil Maizar nan adolah mantan muriknyo. Salanjuiknyo inyo-pun diangkek manjadi direktur teknik. Sasudah Nil Maizar direkrut PSSI manjadi palatiah timnas senior, Suhatman-pun manggantiannyo manjadi palatiah kapalo. Pado pariode ko Suhatman bahasil mambao Semen Padang manjadi juaro LPI sarato masuak final ka Piala Indonesia 2011/2012.
 




#Article 217: Nasrul Koto (173 words)


Nasrul Koto () adolah salah surang pamain sepak bola Indonesia pado era 80-an sampai jo 90-an. Nasrul marupoan pancetak gol tabanyak di Liga Galatama pado musim kompetisi 1987/1988.

Nasrul marupoan pamain sipak bola badarah Minangkabau, basuku Koto. Inyo adolah anak dari pasangan Isti Jangge jo Rosmani. Bakat sipak bolanyo manurun dari ayahnyo. Ayahnyo pernah manjadi pamain sepakbola di Binjai sabalun akhianyo tajun manjadi pangusaha konveksi. Kakaknyo Hambrita Koto-pun adolah pamain sipak bola profesional pulo.

Nasrul mamulai kariernyo pado taun 1983 di PSKB Binjai. Kudian Nasrul tapiliah manjadi salah surang pamain di skuat tim sepakbola Sumatera Utara di ajang PON XI di Jakarta. Sasudah tu Nasrul manjadi pamain profesional lalu bagabuang ka klub Arseto Solo. Basamo tim dari Surakarta ko lah pado musim kompetisi 1987/1988, Nasrul manjadi top skorer di Liga Galatama. Lalu pado musim kompetisi 1990-1992, Nasrul bahasil maantaaan Arseto Solo manjadi juaro Liga Galatama. Nasrul tacataik pernah sato mambela tim nasional Indonesia di babagai kajuaraan internasional. Taun 1987, Nasrul sato maantaan tim Merah Putiah marabuik madali ameh SEA Games 1987 di Jakarta.




#Article 218: Iwan Piliang (105 words)


Iwan Piliang, nan banamo langkok Narliswandi Piliang, adolah surang panggiat, wartawan, sarato panggiat citizen journalism (jurnalisme warga) Indonesia. Iwan pernah manyandang jabatan Katua Umum Pasatuan Wartawan Indonesia Reformasi (PWI-R). Iwan Piliang mulai dikana publik Indonesia katiko inyo ikuik aktif manyalidiki kasus kamatian nan diduga pambunuahan kapado David Hartanto Widjaja, surang mahasiswa Indonesia nan kuliah di Universitas Teknologi Nanyang, Singapura (NTU) pado taun 2009.
 
Namo Iwan Piliang samakin dikana urang banyak katiko pado Juli 2011 inyo malakuan wawancara malalui jaringan skype jo Muhammad Nazaruddin, surang buronan pihak kapolisian dalam kasus korupsi. Wawancara tu disiaran dek salah satu TV swasta nasional nan mandapek-an paratian gadang dari masyarakaik.




#Article 219: Taher Marah Soetan (158 words)


Taher Marah Soetan adolah surang wirausahawan sarato aktivis parintis kamardekaan Indonesia dari Padang, Sumatera Barat pado maso panjajahan Balando. Pado taun 1914, Taher basamo jo para saudagar lainnyo di kota Padang mandirian organisasi Sarikaik Usaho nan batujuan pado khusuihnyo malinduangi para saudagar pribumi di Sumatera  Barat dari dominasi para padagang Balando jo Tionghoa sarato pado umumnyo malakuan babagai macam garakan sosial jo politik dalam karangko anti-panjajahan. Taher Marah Soetan baparan sabagai panguruih sarato sekretaris pado Sarikaik Usaho nan didirian tu sarato mamimpinnyo sampai taun 1940 disampiang profesinyo sabagai agen palayaran di palabuahan kota Padang. Taher cuma manampuah pandidikan sampai kelas limo sakola dasar, namun inyo dikana sabagai surang nan idealis sarato pakarajo kareh nan punyo paratian nan gadang pado pancerdasan jo kamajuan bangso.

Ayah dari mantan Mantari Agamo Indonesia, Alm. Tarmizi Taher ko marupoan salah surang diantaro babarapo tokoh senior lainnyo nan dikagumi dek tokoh proklamator kemerdekaan Republik Indonesia sarato mantan wakil presiden Indonesia nan partamo, Mohammad Hatta.




#Article 220: Surah Al-Ikhlas (973 words)


Surah Al-Ikhlas (Arab:الإخلاص, Mamurnikan Kaasoan Allah) adolah surah ka-112 dalam al-Qur'an. Surah iko tagolong surah Makkiyah, tadiri dari 4 ayat jo pokok isinyo adolah managehkan kaasoan Allah sambari manolak sagalo bantuak panyakutuan tahadok-Nyo. Kalimaik inti dari surah iko, Allahu ahad, Allahus shamad (Allah Maha Aso, Allah tampek bagantuang), acok mancogok dalam pitih dinar ameh pado zaman Kakhalifahan dahulu. Sahinggo, kadang kalo kalimaik iko dianggap sabagai slogan nagara Khilafah Islamiyah, basamo jo duo kalimaik Syahadat.

Ado babarapo hadits nan manjalehan Asbabun Nuzul surah iko nan mano saluruahnyo mangacu pado inti nan samo iyolah jawaban ateh pamintaan panggambaran sifaik-sifaik Allah dimano Allah itu Aso (Al-Ikhlas:1), sagalo sasuatu bagantuang pado-Nyo (Al-Ikhlas:2), indak baranak jo diparanakkan (Al-Ikhlas:3), jo indak ado nan sataro jo Nyo (Al-Ikhlas:4).

Dicaliak dari paristiwa paliang partamo, Abdullah bin Mas'ud mariwayaikan baso sakalompok Bani Quraisy pernah maminta Nabi Muhammad untuak manjalehan leluhur Allah jo kamudian turun surah iko. Riwayaik lain basumber dari Ubay bin Ka'ab jo Jarir bin Abdillah nan manyabuikkan baso kaum Musyrikin bakato kapado Nabi Muhammad, Jalehan kapado kami sipaik-sipaik Tuhanmu. Kamudian turun surah iko untuak manjalehan pamintaan itu. Dalam hadits iko, hadits nan basumber dari Jarir bin Abdullah dijadikan dalil baso surah iko Makkiyah. Salain itu dari Ibnu Abbas jo Sa'id bin Jubair manyabuikan baso kaum Yahudi nan diantaronyo Kab bin Ashraf jo Huyayy bin Akhtab datang manamui Nabi jo batanyo hal nan samo jo hadits partamo, kamudian turun surah iko. Dalam hadits iko Sa'id bin Jubair managehkan baso surah iko tamasuak Madaniyah. Dan juo riwayaik Qatadah manyabuikan Nabi Muhammad didatangi kaum Ahzab (Persekutuan antaro kaum Bani Quraisy, Yahudi Madinah, Bani Ghatafan dari Thaif jo Munafiqin Madinah sarato babarapo suku sakaliliang Makkah) nan juo mananyokan gambaran Allah jo diikuikan jo turunnyo surah iko.

Karano adonyo babagai sumber nan babedo, status surah iko Makkiyah atau Madaniyah masih dipatanyokan jo saolah-olah sumber-sumbernyo tampak kontradiksi satu-samo lain. Manuruik Abul A'la Maududi, dari hadits-hadits nan mariwayaikannyo, dicaliak dari paristiwa nan paliang awa tajadi, surah iko tamasuak Makkiyah. Paristiwa nan partamo tajadi iyolah pado periode awal Islam di Mekkah iyolah katiko Bani Quraisy mananyokan leluhur Allah. Kamudian paristiwa barikuiknyo tajadi di Madinah dimano urang Nasrani atau urang Arab lain mananyokan gambaran Allah jo kamudian turun surah iko. Manuruik Madudi, sumber-sumber nan balainan tasabuik manujuakan baso surah itu diturunkan barulang-ulang. Jikok di suatu tampek ado Nabi Muhammad jo ado nan maajukan patanyoan nan samo jo paristiwa sabalunnyo, mako ayat atau surah nan samo ka diwahyukan baliak untuak manjawek patanyoan tasabuik. Salain itu, bukti baso surah iko Makkiyah adolah katiko Bilal bin Rabah disiksa induak samangnyo Umayyah bin Khalaf sasudah mamaluak Islam. Katu disiksa inyo manyeru, Allahu Ahad, Allahu Ahad!! (Allah Nan Maha Aso, Allah Nan Maha Aso!!). Paristiwa iko tajadi di Makkah dalam periode awal Islam sahinggo manunjuakan baso surah iko pernah diturunkan sabalunnyo jo Bilal tainspirasi ayat surah iko.

Pandapaik lain iyolah manuruik as-Suyuthi. Manuruiknyo kato al-Musyrikin dalam hadits nan basumber dari Ubay bin Ka'ab tatuju pado Musyrikin dari kaum Ahzab, sahinggo mangindikasikan baso surah iko Madaniyyah sasuai jo hadits Ibnu Abbas. Jo co baitu manuruiknya indak ado patantangan antaro duo hadits tasabuik jikok surah iko Madaniyah. Katarangan iko dipakuek juo dek riwayaik Abus Syaikh di dalam Kitab al-Adhamah dari Aban nan basumber dari Anas nan mariwayaikan baso Yahudi Khaibar datang manamui Nabi jo bakato, Hai Abal Qasim! Allah manjadikan malaikaik dari cahayo hijab, Adam dari tanah hitam, Iblis dari api nan manjulang, langik dari asok, jo bumi dari buih aie. Cubolah tarangkan kapado kami tantang Tuhan Angku. Nabi indak manjawek hinggo kamudian Jibril mambaok wahyu surah iko untuak manjawek pamintaan Yahudi Khaibar.

Dalam babarapo hadits dikatokan baso Nabi Muhammad pernah basabda baso pahalo mambaco sakali surah Al-Ikhlas samo jo mambaco sapatigo Al-Qur'an sahinggo mambaco 3 kali surah iko samo jo mangkhatam Al-Qur'an. Kisah takaik hadits itu tarekam dalam babarapo kisah. Umpamonyo kisah katiko Nabi batanyo pado sahabaiknyo untuak mangkhatam Al-Qur'an dalam samalam. Umar manganggap mustahil hal itu, namun baitu Ali manyanggupinyo. Umar kamudian manganggap Ali balun mangarati mukasuik Nabi karano masih mudo. Ali kamudian mambaco surah Al-Ikhlas sabanyak 3 kali jo Nabi Muhammad mambatuakan itu. Dalam hadits-hadits takaik hal iko, kautamoan surah Al-Ikhlas amaik baparan dalam Al-Qur'an sahinggo sakali mambaconyo samo jo mambaco sapatigo Al-Qur'an.

Riwayaik Anas bin Malik juo marekam kisah bakaikan surah Al-Ikhlas iyolah dimano 70.000 malaikaik diutuih kapado surang sahabaik di Madinah nan maningga hinggo maraduikan cahayo matohari. 70.000 malaikaik itu diutuih hanyo dek inyo acok mambaco surah iko. Dek karano banyaknyo malaikaik nan diutuih, Anas bin Malik nan wakatu itu basamo Nabi Muhammad di Tabuk marasokan cahayo matohari raduik indak co biasonyo dimano kamudian malaikaik Jibril datang mambaritokan kajadian nan sadang tajadi di Madinah.

Dalam riwayaik Ibnu Abbas disabuikan Nabi Muhammad katiko malakukan Isra' ka langit, mancaliak Arsy di ateh 360.000 sandi dimano jarak antar sandi 300.000 taun pajalanan. Pado tiok sandi ado padang Sahara sabanyak 12.000 jo laweh tiok ciek padang sahara itu adolah dari timur ka barat. Pado satiok padang Sahara itu juo ado 80.000 malaikat dimano satiok malaikat mambaco surah Al-Ikhlas dan salapeh mambaco itu mareka badoa bia pahalo mareka diagiah kapado urang nan mambaco al-Ikhlas, laki-laki maupun padusi.

Salain itu Nabi Muhammad juo pernah bakato bahaso Qul Huwallahu Ahad (ayat 1) tatulih pado sayok Jibril, Allahus Shamad (ayat 2) pado sayok Mikail, Lam Yalid Walam Yuulad (ayat 3) pado sayok Izrail, jo Walam Yaqullahu Khufuwan Ahad (ayat 4) pado sayok Israfil. Dan nan mambaco al-Ikhlas mandapek pahalo mambaco Taurat, Injil, Zabur, jo Al-Qur'an. Lalu bakaikkan jo sahabaik, Nabi pernah bakato bahaso Qul Huwallahu Ahad (ayat 1) tatulih pado dahi Abu Bakar, Allahus Shamad (ayat 2) pado dahi Umar, Lam Yalid Walam Yuulad (ayat 3) pado dahi Utsman, jo Walam Yaqullahu Khufuwan Ahad (ayat 4) pado dahi Ali.

Sadangkan hadits lain manyabuikkan bahaso katiko urang mambaco al-Ikhlas katiko sakik hinggo inyo maningga, inyo indak mambusuak dalam pusaro dan ka dibaok malaikat jo sayoknyo malintasi Siratul Mustaqim manuju sarugo.




#Article 221: Mien Soedarpo (121 words)


Mien Soedarpo () adolah surang tokoh panggiat padusi Indonesia. Mien pernah manjabat Katua Women's International Club pariode 1978-1980, lalu tapiliah baliak untuak pariode 1988-1990. 

Mien Soedarpo adolah anak katigo dari Syarifah Nawawi, surang tokoh pandidikan badarah Minangkabau jo Wiranatakusumah, surang bangsawan Sunda nan pernah manjabat bupati Cianjur, Jawa Barat sarato anggota Dewan Patimbangan Aguang.

Laki dari Mien adolah Soedarpo Sastrosatomo, surang panggiat pagarakan kamardekaan Indonesia. Dimaso-maso awal kamardekaan Indonesia Soedarpo bakiprah didunia usaho. Balakangan Soedarpo dikana sabagai salah surang konglomerat Indonesia nan mambangun parusahoan palayaran raksasa Samudera Grup. Pakawinan mareka alah dikaruniai tigo urang anak.

Mien nan banamo asli Minarsih Wiranatakusumah tu alah maningga dunia pado tanggal 16 Januari 2013 di Rumah Sakit Abdi Waluyo, Jakarta dalam umua ampia 89 tahun.




#Article 222: Pius Lustrilanang (215 words)


Pius Lustrilanang () adolah surang panggiat sarato politisi Indonesia. Namo Pius sempat populer pado akhia taun 90an, katiko Pius malapor ka Komnas HAM tantang panculikan sarato panyakapan nan dialaminyo salamo 2 bulan, nan dilakuan dek urang-urang indak dikenal. Maso tu adolah sasaat sabalun kajatuahan Presiden Soeharto, nan diwarnai jo kagaduahan politik sarato kaamanan. Banyak tajadi paristiwa panculikan jo kasus urang ilang. Sabagai surang panggiat, Pius giat sabagai Sekretaris Jenderal Solidaritas Indonesia untuak Amien jo Mega (SIAGA). Baitu karehnya takanan nan dialaminyo, sahinggo Pius pai ka Balando untuak mahindari taulangnyo kajadian buruak manimponyo baliak.

Pius Lustrilanang barasa dari kaluarga intelektual nan bukan panggiat. Ayahnyo nan badarah Minangkabau, Djamilus Zainuddin, adolah surang Profesor nan jadi Guru Basa di Fakultas Teknik Kimia, Universitas Sriwijaya Palembang, sadangkan ibunyo, Fransiska Sri Haryatni adolah surang padusi badarah Jawa.

Pius pernah manampuah pandidikan di Kolese de Britto, Universitas Katolik Parahyangan jo Universitas Indonesia.

Pandidikan nan Pius jalani pado jurusan Fisipol Universitas Katolik Parahyangan baperan pulo dalam mandorongnyo bakarier di dunia politik. Dari surang panggiat, Pius akhianyo tajun ka politik lalu masuak ka partai Gerindra. Pado pemilu taun 2009 Pius bahasil mandapek-an suaro nan cukuik untuak maantaannyo duduak di kurisi DPR RI sabagai wakil rakyaik nan lah mamiliahnyo untuak pariode taun 2009-2014. Jabatan lain nan dipaciknyo adolah CEO dari PT Brigass Trilanang Security.




#Article 223: Jeffry Al Buchori (726 words)


Jeffry Al Buchori, atau disabuik juo jo namo panggilan Ustaz Uje (), adolah surang pancaramah tanamo jo panyanyi lagu religi Indonesia. Sabalunnyo jadi mubalig, daulunyo baliau panah jadi pamain pilem jo panari.

Uje lah bapulang ka rahmatullah pado tanggal 26 April 2013 pukua 2 pagi akibaik kacalakaan tungga di kawasan Pondok Indah, Jakarta Selatan. Motor nan ditompanginyo manumbuak batang kayu sasudah ilang kasaimbangannyo kutiko sadang dikandarai.

Jefri Al-Buchori lahia di Jakarta, anak katigo dari Ayah, Ismail Modal (alm) nan badarah Maluku jo Ibu, Tatu Mulyana. Badasaran wawancaranyo jo Gatra, maso kaciaknyo dihabihan di daerah Pangeran Jayakarta di mano lingkuangan sakitarnyo tadapek banyak bar jo diskotek. Jefri indak pernah marasoan kelas 4 sikolah dasar karano pado saaik basikolah di SD 07 Karang Anyar, inyo lompek kelas dari kelas 3 ka kelas 5. Sajak kaciak inyo alah manunjuakan katertarikan pado mato palajaran agamo jo kasenian. Satamaik SD, Jefri jo kaduo kakaknyo basikolah di Pesantren modern di Daar el Qolam Gintung, Balaraja, Tangerang, tapi inyo hanyo maikuiki pandidikan salamo ampek taun dari anam taun syaraik lulus jo pindah sikolah ka Madrasah Aliyah karano parangai nan indak tapuji. Sajak kaciak Jefri alah manunjuakan bakaik untuak tampil jo maraiah prestasi MTQ (Musabaqah Tilawatil Quran) hinggo tingkek provinsi.

Maso mudonyo acok disamoan jo narkoba, disko, jo bamain bola bilyar. Ambo tu dulu dutanyo setan di dunie - pangakuannyo pado saaik wawancara. Salapeh Madrasah (setingkat SMA) inyo malanjuikan pado akademi Broadcasting di Rawamangun, Jakarta - tapi indak salasai kuliah dikaranoan labiah mautamoan bamain bilyar.

Sabagai pacandu narkoba, Jefri batamu jo Pipik Dian Irawati nan dikenal sabagai model gadih sampul majalah Aneka taun 1995 asa Semarang, Jawa Tengah jo manikah siri pado 7 September 1999. Panikahan iko kamudian dirasmian di Semarang duo bulan kamudian. Pasangan iko dikaruniai tigo urang anak, Adiba Khanza Az-Zahra, Mohammad Abidzar Al-Ghifari, jo Ayla Azuhro. Babarapo taun kamudian, lahia anak kaampek Jefri, iyolah Attaya Bilal Rizkillah.

Karier sabagai aktor bamulo dari kasukoan Jefri menyambangi Institut Kesenian Jakarta jo maikuki hinggo manggantian pamain sinetron nan sadang latihan, sampai akhianyo maikuiki pamiliahan pamain jo mandapek paran. Inyo juo manjadi panari di sabuah kelab malam. Pado taun 1991 Jefri mandapekan paran pado sinetron Pendekar Halilintar di TVRI, jo pado taun 1991 tapiliah sabagai pemeran pria tabaiak dalam Sepekan Sinetron Remaja Sayap Patah nan ditayangan TVRI.

Kariernyo di bidang dakwah dimulai pado taun 2000 saaik manggantian kakaknyo nan manjadi imam di sabuah musajik di Singapura. Karajo kakaknyo untuak maagiahan khotbah di musajik-musajik dakek rumah di wilayah Pangeran Jayakarta, Jakarta diagiahan pado Jefri. Partamo kali manarimk honor dari karajo mandakwah barasa dari sabuah musajik di bilangan Mangga Dua sabanyak 35 ribu rupiah. Pado ciek kasempatan saaik manjadi imam, jamaah musajik bubar manolak dipimpin dek tukang mabok.

Jefri sabagai pandakwah mulai dikenal urang sacaro laweh pado taun 2002 untuak ceramah jo doa dalam acaro Salam Sahur (Salsa) di TV7, jo dikontrak untuak acaro nan samo pado taun barikuiknyo. Padi taun 2004 inyo maisi acaro Tausiah di TPI jo tujuah episode acaro Kumis Remaja satiok Minggu pagi.

Pado awanyo Jefri sempat bapakaian gamis panjang langkok jo sorban, tapi manggantinyo karano bapikia baso segmennya remaja jo indak cocok untuak pakaian tasabuik. Jefri pun populer jo baju koko nyo jo manjadi merek dagang umum sabagai dayo jua padagang untuak mampopuleran baju tasabuik.

Pado taun 2005 kagiatan ceramahnyo mancapai tigo sampai ampek kali dalam sahari jo pangajian rutin I Like Monday di rumahnyo jo jamaah tatap. Pado taun nan samo inyo diminta maagiahan ceramah di Istana Negara di mano salah satu panggemarnyo adolah Presiden Susilo Bambang Yudhoyono.

Juo pado taun 2005 Jefri maluncuaan album rohani Lahir Kembali nan komersial, kamudian pado taun 2006 inyo maluncuaan album kaduonyo Shalawat di mano inyo baduet jo bininyo Pipik Dian Irawati dalam duo lagu; Shalawat Badar jo Thola`al Badru. Pado taun 2007 Jefri juo pernah bakolaborasi dalam mini album Ungu (nan hanyo barisi limo lagu) Para Pencari-Mu dalam lagu Surga Hati. Pado taun 2009 inyo tampil langsuang baduet pado Tabligh Akbar jo Konser Musik Religi Ungu di Cilegon, Jawa Barat nan dihadiri ribuan panonton.

Uje maningga dunie dalam umua 40 taun pado tanggal 26 April 2013 dalam sabuah kacilakoan tungga di kawasan Pondok Indah, Jakarta Selatan, pado pukua 2 wakatu satampek. Inyo manumbuak batang kayu satalah kailangan kandali ateh Kawasaki ER-6n banopol B 3590 SGQ nan sadang dikandaroi.

Inyo sempat dirujuak ka Rumah Sakik Pondok Indah jo Rumah Sakik Fatmawati, tapi nyaonyo indak tatolong.




#Article 224: Rafendi Djamin (156 words)


Rafendi Djamin () adolah surang panggiat HAM jo demokrasi di Indonesia sarato ASEAN. Wakatu barado di Amsterdam, Balando, Rafendi mandirian Indonesia's Forum for Human Dignity (InFoHD) sarato manjabat sabagai katua dari taun 1992 sampai 2003. InFoHD batujuan mampakuaik jo mamfasilitasi pangambangan HAM di Indonesia. Pado taun 2003 Rafendi baliak ka Indonesia, lalu ikuik mandirian Human Rights Working Group hasil koalisi babarapo LSM. Tujuan dari pandirian limbago tu untuak mangoordinasian sarato mangimplementasian advokasi aturan-aturan HAM internasional di Indonesia.

Komisi Antar-pamarentah ASEAN untuak Hak Asasi Manusia atau AIHRC jadi wadah baru dek Rafendi Djamin untuak bakiprah dalam managak-an HAM jo demokrasi. Rafendi tapiliah manjadi komisioner HAM dari Indonesia di limbago tu. Rafendi satu-satunyo komisioner di komisi itu nan barasa dari unsur masyarakaik sipil, sadangkan komisioner lainnyo barasa dari unsur pamarentah baiak nan masih aktif maupun nan alah pansiun dari birokrasi. Rafendi Djamin nan badarah Minang jo Jawa ko laia di Padang, Sumatera Barat pado tanggal 7 November 1957.




#Article 225: Utami Roesli (151 words)


dr., Utami Roesli, SpA, IBCLC, FABM () adolah surang dotor Indonesia. Utami dikana sabagai surang panggiat nan gigiah mampajuangan hak-hak bayi untuak mandapek-an ASI nan baiak. Manuruik Utami bayi indak sapantasnyo diagiah susu formula nan barasa dari susu jawi.

Sabagai surang panggiat jo pajuang ASI, Utami jo babarapo urang tokoh lainnyo mandirian limbago Sentra Laktasi Indonesia (Selasi) sarato manjabat sabagai katuanyo. Disampiang tu Utami bapraktek pulo di Klinik Lakstasi Rumah Sakit St. Carolus Salemba, Jakarta.

Kagigiahan Utami mangampanyean ASI eksklusif sarato maajaan Inisiasi Menyusui Dini indak talapeh dari pangalaman paiknyo katiko gagal manyusui 2 urang anaknyo sacaro samparono atau eksklusif iyolah salamo 2 taun.

Utami Roesli nan badarah Minangkabau dari inyiaknyo, sastrawan tanamo Marah Roesli adolah kakak kanduang pulo dari musisi Harry Roesli sarato putri dari Roeshan Roesli, surang parwira tinggi TNI nan pernah manjabat Komandan Puspomad. Dari hasil panikahannyo, Utami dikaruniai 2 urang anak sarato 3 urang cucu.

Pandidikan tambahan




#Article 226: Yetty Rizali Noor (165 words)


Drg. Yetty Rizali Noor (laia di Balando taun 1924 - maningga taun 1982 pado umua 58 taun) adolah surang pajuang, pandidik, panggiat padusi sarato anggota DPR RI dari Fraksi Karya Pambangunan di maso Orde Baru. Yetty pernah pulo bakagiatan sabagai Dekan Fakultas Kedokteran Gigi Universitas Trisakti, Katua Umum Kowani (Kongres Wanita Indonesia), Katua PERWARI (Persatuan Wanita Republik Indonesia) sarato pandiri sakaligus panguruih ISWI (Ikatan Sarjana Wanita Indonesia) sarato babagai kagiatan lainnyo.

Yetty adolah putri dari surang pakar Bahaso Indonesia takamuko, Sutan Muhammad Zain jo Siti Murin nan barasa dari Sungai Pasak, Padang Pariaman, Sumatera Barat. Yetty marupoan anak ka limo dari tujuah basaudaro. Kakak tatuonyo, Zairin Zain (laia di Jakarta taun 1913) adolah surang pajuang kamardekaan sarato diplomat Indonesia, sadangkan adiaknyo, Harun Zain (laia di Jakarta 1 Maret 1927) pernah manjabat Rektor Universitas Andalas, Padang, Gubernur Sumatera Barat sarato Mantari Tanago Karajo jo Transmigrasi di maso Orde Baru.

Yetty Rizali Noor maningga dunia pado taun 1982 pado umua 58 taun karano tumor paru-paru nan didaritonyo.




#Article 227: Daftar tokoh ulama Minangkabau (100 words)


Daftar tokoh ulama Minangkabau ko adolah daftar nan barisi namo tokoh-tokoh ulama nan barasa dari suku Minangkabau atau sacaro genetis badarah Minangkabau, baiak nan laia di Ranah Minang atau Sumatera Barat, maupun nan laia di parantauan.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan.  ko dapek digunoan untuak mancaliak sagalo parubahan nan bahubuangan jo artikel-artikel nan ado di halaman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silahkan suntiang halaman ko sarato masuak-an namo tokoh tu jo katarangan sarato pautan luanyo.




#Article 228: Ilyas Ya'kub (181 words)


H. Ilyas Ya'kub biaso pulo ditulih Ilyas Yacoub (laia di Asam Kumbang, Bayang, Pasisia Salatan, Sumatera Barat, 1903 – maningga di Koto Barapak, 2 Agustus 1958 pado umua 55 taun) adolah surang ulama sarato pajuang kamardekaan Indonesia dari Pasisia Selatan, Sumatera Barat.

Ilyas Ya’kub adolah surang ulama lulusan Mesir, diangkek manjadi Pahlawan Kamardekaan Republik Indonesia malaui SK-Mensos RI Nomor: Pol-61/PK/1968, tanggal 16 Desember 1968, lalu dikukuahan baliak jo Kaputusan Presiden RI (Kepres-RI) Nomor 074/TK/Tahun 1999 tanggal 13 Agustus 1999 sarato dianugarahi tando kahormatan Bintang Mahaputra Adipradana ateh jasonyo mampartahankan prinsip-perinsip kamardekaan dari ancaman kolonialisme Balando sakaligus manggarak-an kamardekaan RI jo resiko dibuang Balando ka Digul (di Papua – Indonesia kini) sarato babarapo tampek di Malaysia, Singapura, Brunei, Australia sarato nan lain-lain. Baliau pernah mamimpin mahasiswa Malaysia-Indonesia di Mesir, sarato mandirian Partai Politik PERMI (Persatuan Muslim Indonesia, 1932) nan babasis pado limbago-limbago pandidikan Islam di Indonesia. Baalasan pulo karano kamampuan jo jasonyo sabagai ulama, tokoh pandidikan sarato politikus Islam di awal kamardekaan (1948) baliau dipacayo pado nagari nan Islam sarato samangaik malayunyo kuaik sabagai Katua DPR Provinsi Sumatera Tangah marangkap penasehat Gubernur.




#Article 229: Cut Nyak Dhien (653 words)


Cut Nyak Dhien, ejaan lamo Tjoet Nja' Dhien (laia di Lampadang, Kasultanan Aceh, 1848 – maningga di Sumedang, Tanah Pasundan, 6 November 1908 pado umua 60 taun, dikubuaan di Gunuang Puyuah, Sumedang) adolah surang Pahlawan Nasional Indonesia dari Aceh nan bajuang malawan Balando pado maso Parang Aceh. 

Cut Nyak Dhien dilahiaan dari kaluarga bangsawan nan taat baagamo di Aceh Besar, wilayah VI Mukim pado taun 1848. Ayahnyo banamo Teuku Nanta Setia, surang uleebalang VI Mukim, nan marupoan katurunan Machmoed Sati, parantau dari Minangkabau. Machmoed Sati mungkin datang ka Aceh pado abaik ka 18 katiko Kasultanan Aceh diparintah dekh Sultan Jamalul Badrul Munir. Oleh sabab itu, ayah dari Cut Nyak Dhien marupoan katurunan Minangkabau. Ibu Cut Nyak Dhien adolah putri uleebalang Lampagar.

Pado maso keteknyo, Cut Nyak Dhien adolah anak nan rancak. Cut Nyak Dhien mandapek-an pandidikan pado bidang agamo (nan dididik dek urang tuo ataupun guru agamo) sarato pandidilan rumah tanggo (mamasak, malayani laki, sarato nan manyangkuik kahidupan sahari-hari nan dididik baiak dek urang tuonyo). Banyak laki-laki nan suko pado Cut Nyak Dhien nan bausao malamarnyo. Pado umua 12 taun, Cut Nyak Dhien lah dinikahan dek urangtuonyo pado taun 1862 jo Teuku Cek Ibrahim Lamnga, putra dari uleebalang Lamnga XIII. Mareka punyo surang anak laki-laki.

Pado tangga 26 Maret 1873, Balando manyatoan parang ka Aceh sarato mulai malapehan mariam ka daratan Aceh dari kapa parang Citadel van Antwerpen. Parang Aceh mulai tajadi. 

Parang partamo pado tahun 1873-1874 nan dipimpin dek Panglima Polim jo Sultan Machmud Syah malawan Balando nan dipimpin dek Johan Harmen Rudolf Köhler. Katiko itu Balando mangirim prajurik sabanyak 3.198 prajurik. Pado tangga  8 April 1873, Balando tibo di Pantai Ceureumen di bawah pimpinan Köhler sarato bisa langsuang manguasai  Musajik Raya Baiturrahman. Musajik itu kamudian dibaka dek Balando sarato prajuriknyo. 

Pado parang partamo ko Kasultanan Aceh bisa mamanagkan parang jo Balando. Johan Harmen Rudolf Köhler mati tatembak pado bulan April 1873.

Jenderal Jan van Swieten sarato pasukannyo bahasia manduduki daerah VI Mukim, Aceh pado tahun 1973. Kamudian pado tahun 1874 Keraton Sultan jatuah ka tangan Balando. Pado 

Ibrahim Lamnga tewas di Gle Tarum pado tanggal 29 Juni 1878 nan manyabab-an Cut Nyak Dhien sangek berang lalu basumpah nak maancuaan Balando.

Teuku Umar, salah surang tokoh nan malawan Balando, malamar Cut Nyak Dhien. Pado mulonyo Cut Nyak Dhien manulak, tapi karano Teuku Umar mambuliahannyo sato baparang, Cut Nyak Dhien satuju untuak manikah jo Teuku Umar pado taun 1880. Mareka dikaruniai anak nan diagiah namo Cut Gambang. 

Sasudah panikahannyo jo Teuku Umar, mareka baduo baparang basamo malawan Balando. Namun, Teuku Umar gugua katiko manyarang Meulaboh pado tanggal 11 Februari 1899, sahinggo Cut bajuang surang di padalaman Meulaboh basamo pasukan keteknyo. Cut Nyak Dhien katiko itu alah gaek sarato bapanyakik encok jo rabun, sahinggo surang anggota pasukannyo nan banamo Pang Laot malaporan kabaradoannyo karano ibo. 

Cut Nyak Dhien akhianyo ditangkok lalu dibao ka Banda Aceh. Di sinan baliau dirawat lalu panyakiknyo mulai elok. Namun, kabaradoannyo manambah sumangaik palawanan rakyaik Aceh. Cut Nyak Dhien masih bahubuangan pulo jo pajuang Aceh nan alun tatangkok. Akibaiknyo, Dhien dibuang ka Sumedang. Tjoet Nyak Dhien maningga pado tanggal 6 November 1908 lalu dikubuaan di Gunuang Puyuah, Sumedang.

Parjuangan Cut Nyak Dien diinterpretasi dalam film drama epos na bajudul Tjoet Nja' Dhien pado tahun 1988 nan disutradarai dek Eros Djarot jo dibintangi dek  Christine Hakim nan baperan sabagai Tjoet Nja' Dhien, Piet Burnama sabagai Pang Laot, Slamet Rahardjo sabagai Teuku Umar jo didukuang Rudy Wowor. Film iko mamanangkan Piala Citra sabagai film paliang baik, jo marupoan film Indonesia paetamo nan  ditayangkan di Festival Film Cannes (tahun 1989).

Pado tangga 13 April 2014,  karya seni untuak maingek samangaik pajuangan jo pajalanan iduik Cut Nyak Dhien (CND) dalam bantuak teater monolog nan dimainkan jo disutradarai dek Sha Ine Febriyanti. Teater ko dipentaskan patamo kali di Auditorium Indonesia Kaya, Jakarta. Naskah salamo 40 minik ko ditulih dek Prajna Paramita tu, dipentaskan baliak pado tahun 2015 di Jakarta, Pekalongan, Magelang, Semarang, dan Banda Aceh. 




#Article 230: Teuku Umar (289 words)


Teuku Umar (laia di Meulaboh, Kasultanan Aceh, 1854 - maningga di Meulaboh, 11 Februari 1899) adolah pahlawan kemerdekaan Indonesia nan bajuang jo caro bapura-pura bakarajosamo jo Balando. Baliau malawan Balando katiko alah mangumpuaan sanjato jo pitih nan cukuik banyak.

Teuku Umar dilaiaan di Meulaboh Aceh Barat pado taun 1854, adolah anak surang Uleebalang nan banamo Teuku Achmad Mahmud dari pakawinan jo adiak padusi Rajo Meulaboh. Umar mampunyoi duo urang sudaro padusi sarato tigo sudaro laki-laki.

Niniak muyang Umar adolah Datuak Makhudum Sati barasa dari Minangkabau. Salah surang katurunan Datuak Makhudum Sati pernah bajaso kapado Sultan Aceh, nan wakatu itu tarancam dek surang Panglimo Sagi nan nio marabuik kakuasaan. Berkat jasonyo tu, Datuak Makhudum Sati diangkek manjadi Uleebalang VI Mukim nan bagala Teuku Nan Ranceh. Teuku Nan Ranceh mampunyoi duo urang putra iyolah Nanta Setia jo Achmad Mahmud. Sapaningga Teuku Nan Ranceh, Nanta Setia manggantian kadudukan ayahnyo sabagai Uleebalang VI Mukim. Teuku Nanta Setia mampunyoi anak padusi banamo Cut Nyak Dhien.

Pado umua 20 taun, Teuku Umar manikah jo Nyak Sofiah, anak Uleebalang Glumpang. Untuak maningkek-an darajaik dirinyo, Teuku Umar kudian manikah baliak jo Nyak Malighai, putri dari Panglimo Sagi XXV Mukim.

Pado taun 1880, Teuku Umar manikahi jando Cut Nyak Dhien, putri pamannyo Teuku Nanta Setia. Laki Cut Nya Dien, iyolah Teuku Ibrahim Lamnga maningga dunia pado Juni 1878 dalam paparangan malawan Balando di Gle Tarun. Kaduonyo kudian bajuang basamo malancaran sarangan kapado pos-pos Balando.

Ateh pangabdian jo pajuangan sarato sumangaik juang rela bakorban malawan panjajah Balando, Teuku Umar dianugarahi gala Pahlawan Nasional Indonesia. Namo Teuku Umar-pun diabadian sabagai namo jalan di sajumlah daerah di tanah aia. Salah satu kapa parang TNI AL dinamoan KRI Teuku Umar (385). Salain itu Universitas Teuku Umar di Meulaboh diagiah namo badasarkan namonyo.




#Article 231: Adnan bin Saidi (315 words)


Adnan bin Saidi atau lebiah dikana sabagai Lt. Adnan Saidi dilaiaan di Kampuang Sungei Ramal, Kajang, Selangor pado taun 1915. 

Adnan Saidi marupoan anak suluang dalam kaluarga katurunan Minangkabau. Beliau adolah anak patamo dari ibu Raibah bin Rajo Nan Kayo, pasukuan Malayu Nagari Biaro Gadang. Apaknyo Buyung Saidi Sutan asa suku Jambak Tanjung Alam, parantau Ampek Angkek ka Kolang, Kajang, Selangor, Malaya. Apak jo ibunyo pulang baliak ka kampuang di Tanjung Alam pado Desember 1942, karano takuik Kempetai Japang mamburu kaluargo dari eks Tantaro Karajaan Inggirih. 

Adiak-adiaknyo, Ahmad bin Saidi jo Amarullah bin Saidi marupoan anggota tantara pulo. Ahmad Saidi tabunuah dalam patampuran sasudah mamasuki angkatan lauik pado taun 1939. Kapanyo, HMS Pelanduk, dikaraman dek Japang dalam palayaran ka Australia. Adiaknyo nan paliang mudo, Amarullah Saidi konon tantaro juo tapi di Bukittinggi, Indonesia pado taun 1946-1949, bukan tantaro Karajaan Inggirih di Malaya. Baliau salamaik dari paparangan, kudian tingga jo manatap di Kajang, Selangor. 

Istri dari Adnan bin Saidi adolah Sofia anak parantau Bukittinggi asa Mandiangin, Tabek Sarojo.

Adnan Saidi manarimo pandidikan di Pekan Sungei Ramal dalam pangaruah Inggirih. Adnan adolah palajar nan rajin sarato sukses dalam sakolanyo. Sasudah manyalasaian pandidikannnyo, Adnan tapiliah sabagai guru palatih jo maaja salamo labiah sataun. Adnan Saidi kudian mamutuih-an untuak mamasuak-i dunia tantara. 

Pado taun 1933, katiko baumua 18 taun, Adnan Saidi bagabuang jo Resimen Malayu (Malay Regiment). Satahun kudian, Adnan tapiliah sabagai anggota tabaiak. Pado taun 1936, Adnan dilantiak jo pangkek sersan, kanaikan pangkek nan patuik untuak surang tantara mudo. Pado taun 1937, Adnan Saidi tapilih mawakili paletonnyo dalam parade mambari hormat di London untuak manyambuik panobatan King George VI. Indak lamo sudah tu, Adnan Saidi mandapek-an kanaikan pangkek manjadi Kompeni-Sarjan-Major sarato ditugeh-an ka Singapura untuak maikuti kursus latihan pagawai. Sasudah manamaik-an kursus sabagai letnan kaduo, Adnan Saidi dilantiak sabagai katua Peleton katujuah, ‘C’ Coy.

Adnan bin Saidi wafaik dalam suatu patampuran sengit jo pihak Japang di Bukit Candu.




#Article 232: Yeni Rosa Damayanti (155 words)


Yeni Rosa Damayanti () adolah surang panggiat jo pajuang demokrasi jo reformasi Indonesia. Namonyo sangek populer diawal jo patangahan taun 90-an. Katiko itu Yeni surang gadih rancak nan sangek barani manantang sarato mangkritik pamarentahan Soeharto jo Orde Baru-nyo nan masih sangek kuek. Panggiat LSM PIJAR ko sempat dipanjaro sataun karano kabaraniannyo manuntuik kapado MPR supayo Soeharto dibao kamuko Sidang Istimewa MPR pado taun 1993.

Indak lamo sasudah bebas dari panahanan tu Yeni pai ka Balando manaruih-an pandidikannyo di Institute of Social Studies, Den Haag, Balando untuak kuliah soal Women  Development Studies. Di nagari Balando Yeni-pun indak pernah baranti manyuarokan demokrasi jo reformasi untuak Indonesia. Akibaik kagiatannyo tu Yeni-pun dipasulik untuak pulang ka tanah aia. Pamarentah malalui KBRI di Balando indak mambari izin papanjangan paspornyo, sahinggo Yeni indak dapek pulang ka Indonesia. Sasaat  sasudah kajatuahan Soeharto Yeni-pun mandapek izin papanjangan paspor sahinggo inyo-pun pulang ka tanah aia sacapeknyo. Kapulangan Yeni disambuik dek kawan-kawan sapajuangannyo sasamo panggiat.




#Article 233: Yozar Anwar (295 words)


Yozar Anwar (laia di Sungai Panuah, Kurinci, Hindia Balando, 17 Oktober 1940 - maningga di Jakarta, 1999 pado umua 59 taun) adolah surang pamimpin panggiat mahasiswa Indonesia pado taun 1966 nan kudian bakarir sabagai wartawan jo panulih buku. Jabatan tarakhia nan dijalaninyo adolah General Manager (GM) parusahoan majalah Pertiwi.

Sambia manimbo ilmu di Amerika Serikat di awal taun 1960-an, Yozar giat manulih nan dimuek di harian Sinar Harapan nan tabik di Jakarta katiko itu. Pado maso revolusi 1965 Yozar tamasuak salah surang pimpinan mahasiswa demonstran. Yozar pernah manjadi salah surang katua Presidium Kesatuan Aksi Mahasiswa Indonesia (KAMI). Catatan hariannyo di maso revolusi tu, Revolusi Mahasiswa kudian ditajamahan kadalam bahaso Balando dek surang panulih, Beb Vuyk.

Karier profesionalnyo sabagai wartawan bamulo pado taun 1969 katiko Yozar manjadi wartawan di harian Pedoman. Katiko harian itu dibreidel panguaso Orde Baru, Yozar pindah ka majalah Kartini. Yozar sempat pindah ka majalah Sarinah sabalun ka majalah Pertiwi lalu kudian manjadi General Manager (GM) parusahoan majalah tu. Yozar Anwar-pun manulih novel jo babarapo buku, diantaronyo novel Cinta Pop di Hawaii sarato buku Protes Kaum Muda, Pergolakan Mahasiswa Abad ke-20 sarato babarapo buku lainnyo.

Yozar marupoan anak bungsu dari duobaleh urang basudaro nan kudian tingga sapuluah urang karano duo urang diantaronyo maningga katiko masih bayi. Yozar adolah anak dari surang Damang Kurinci jo Padang pado maso kolonial, Anwar gala Maharajo Sutan jo ibu nan banamo Siti Safiah. Kaduo urangtuonyo barasa dari Sumatera Barat. Babarapo urang kakaknyo manjadi tokoh nan dikana masyarakaik pulo, iyolah Johnny Anwar, surang polisi nan pernah manjabat Panglimo Angkatan Kapolisian (Pangak) XVIII Sulawesi Salatan-Tanggara, Rosihan Anwar, surang tokoh wartawan sarato pandiri koran Pedoman, Junisaf Anwar, surang wartawan pulo nan pernah manjabat sabagai Pamimpin Redaksi Kantua Barito Antara, sarato Roesman Anwar, surang profesional nan pernah manjabat sabagai Direktur Utama Pelni.




#Article 234: Joserizal Jurnalis (140 words)


Joserizal Jurnalis () adolah surang dotor sakaligus panggiat nan mambantu masyarakaik korban parang. Jose-pun marupoan pandiri organisasi kamanusiaan Mer-C (Medical Emergency Rescue Committe) nan malakuan patolongan medis dalam wilayah-wilayah konflik jo paparangan. Jose manyalasaian pandidikan kadotoran di Fakultas Kedokteran Universitas Indonesia nan maambiak spesialis badah umum. 

Jose alah malakuan patolongan pado babarapo wilayah konflik, antaro lain di Maluku, Mindanao, Afghanistan, Irak, jo Gaza. Dalam malakuan tugehnyo di daerah konflik Jose acok mangalami katabatehan paralatan. Di Maluku misalnyo, Jose harus maamputasi kaki korban jo garagaji kayu. Samantara di Afghanistan, Jose sempat kahabisan jarum suntik.

Joserizal manikah jo surang padusi nan banamo Dian Susilawati sarato alah dikaruniai tigo urang anak, iyolah Aisha, Nabila, jo Saladin. Jose marupoan putra dari Jurnalis Kamil, surang akademisi nan pernah manjabat Rektor Universitas Andalas, Padang, Sumatera Barat pado pariode 1984-1993, sadangkan ibunyo, Zahara Idris surang akademisi pulo.




#Article 235: Halimah Agustina Kamil (205 words)


Halimah Agustina Kamil atau labiah dikana jo namo Halimah Bambang Trihatmodjo adolah mantan istri dari pangusaha Bambang Trihatmodjo, nan dikana sabagai putra mantan Presiden RI, Soeharto. Halimah manikah jo Bambang pado tanggal 24 Oktober 1981. Panikahan mareka tu alah dikaruniai tigo urang anak, iyolah Gendis Siti Hatmanti, Panji Adhikumoro jo Bambang Aditya Trihatmanto. 

Namun, sasudah iduik basamo salamo kurang labiah 26 taun, rumah tanggo mareka maadok-i pasoalan serius lalu akhianyo mamasuak-i maso pasidangan untuak proses pacaraian. Pamicu pacaraian mareka adolah adonyo pihak katigo, iyolah Mayangsari, surang panyanyi nan sacaro diam-diam dinikahi dek Bambang. Panikahan nan balangsuang sacaro siri di sakitar bulan Juli 2000 tu, akhianyo mambarian surang bayi padusi banamo Kirania Siti Hartinah kapado pasangan Bambang jo Mayangsari.

Halimah basamo jo anak-anaknyo jo raso kacewa pernah malakuan tindakan panyarangan ka rumah bini mudo Bambang, Mayang. Mareka manabrak-an oto nan ditumpangi ka paga rumah Mayang sarato tajadi pulo pamukulan dek anak kaduo mareka, Panji kapado ayahnyo, Bambang. 

Karano tajadinyo pacaraiannyo tu, babarapo pihak manyabuik Halimah marupoan salah surang jando takayo di Indonesia. Halimah pernah pulo giat dalam babagai kagiatan sosial, diantaronyo sabagai Katua Umum Garakan Nasional Urangtuo Asuah (GN-OTA).

Halimah marupoan putri dari surang diplomat Indonesia badarah Minangkabau, Abdullah Kamil jo surang padusi asa Thailand, Achara. 




#Article 236: Saldi Isra (110 words)


Prof. Dr. Saldi Isra, S.H., MPA () adolah surang ahli hukum tata nagaro Indonesia, panggiat anti-korupsi, panulih sarato guru basa Universitas Andalas, Padang, Sumatera Barat. 

Saldi laia dari pasangan Ismail jo Ratina. Sakola dasar sampai manangah ditempuah di kampuang halamannyo. Salanjuiknya Saldi manyalasaian gala sarjana di Fakultas Hukum Universitas Andalas, Padang jo predikat Summa Cum Laude.

Kudian Saldi maambiak gala Master di Universitas Malaya, Malaysia (2001) sarato meraiah gala Doktor di Universitas Gadjah Mada, Yogyakarta (S3-2009). Pado taun 2010, Saldi dikukuahan sabagai guru basa hukum tata nagaro Universitas Andalas. Salain manjadi direktur Pusat Studi Konstitusi (PUSaKO), kini Saldi-pun giat manulih. Tulisannyo banyak taseba di babagai jurnal sarato media cetak nasional.




#Article 237: Aulia Rahman (244 words)


Dr., Aulia Rahman SH., MSi. () adolah surang politisi Indonesia. Aulia marupoan anggota Fraksi Partai Golkar di DPR RI sarato anggota Komisi III DPR RI. Sakitar 30 taun sudah Aulia Rahman bakiprah di dunia politik.

Aulia tamasuak salah surang politisi senior dari Partai Golkar sarato mantan anggota DPP dari partai tu. Ampia saluruih karier politiknyo diabdian sabagai wakil rakyaik jo caro manjadi anggota dewan dari Golkar. Aulia dianggap sangaik sukses bakarier di partai balambang batang baringin tu. Pado taun 1993 Aulia dipacayo manjabat wakil Sekjen DPP Golkar. Aulia mangawali kariernyo dari partai Golkar, nan kudian maantaannyo manjadi anggota MPR RI sabalun bakiprah di DPR RI.

Aulia Rahman adolah alumni Fakultas Hukum Universitas Indonesia. Aulia pernah dipacayo manjadi anggota senat mahasiswa di fakultas tu lalu duo taun sasudah itu Aulia-pun tapiliah manjadi Sekretaris Jenderal Dewan Mahasiswa Universitas Indonesia untuak maso tigo taun. Pado taun 2001 Aulia manyalasaian pandidikannyo di Universitas Indonesia bidang Ilmu Politik sarato maraiah gala Magister, lalu gala Doktor Hukum Tata Negara-pun bahasil diraiahnyo pado taun 2007.

Di tingkek internasional, Aulia Rahman sempat maikuti palatihan kapamimpinan dalam program Training Youth Leader nan disalanggaraan di New York pado taun 1970 nan dibiayai dek PBB. Palatihan tu manjadi batu loncatan bagi Aulia untuak baparan di kancah internasional, lalu Aulia-pun bahasil tapiliah sabagai Sekretaris Jenderal Organisasi Dewan Mahasiswa sa Asia-Australia. Sabuah pancapaian lua biaso, nan mambueknyo samakin basumangaik mandalami ilmu politik.
 

Aulia Rahman manikah jo surang padusi nan banamo Poerwati Soebosity sarato dikaruniai duo urang anak.




#Article 238: Linda Amalia Sari (111 words)


Linda Amalia Sari, Sip () adolah surang tokoh padusi Indonesia. Linda manjabat sabagai Mantari Negara Pambadayoan Padusi jo Palinduangan Anak Republik Indonesia pado Kabinet Indonesia Basatu II, sarato mantan katua umum Kongres Padusi Indonesia (Kowani) pariode 2004-2009.

Linda Amalia Sari adolah putri dari surang ayah nan badarah Malayu-Jawa sarato ibu nan badarah Minang-Batak. Ayahnyo, Letjen. (Purn.) Achmad Tahir dikana sabagai salah surang tokoh tantara Indonesia nan pernah manjabat sabagai Mantari Kabudayoan jo Pariwisata dalam Kabinet Pembangunan IV.. 

Linda manikah jo Letjen (Purn) Agum Gumelar, nan pernah manjabat Mantari Pahubuangan pado Kabinet Gotong Royong sarato tokoh tantara jo politik Indonesia. Salah surang manantu mareka dikana sabagai atlet bulutangkis nasional, iyolah Taufik Hidayat.




#Article 239: Masril Koto (447 words)


Masril Koto adolah pandiri Bank Tani atau Bank Petani dalam bantuak Lembaga Keuangan Mikro Agrobisnis (LKMA) Prima Tani di Nagari Koto Tinggi, Baso, Agam, Sumatera Barat. Masril basamo kawan patani lainnyo marintis limbago kauangan tu sajak taun 2002, namun sasudah ampek taun kudian (2006) baru rasmi didirian sasudah Masril jo kawan-kawan pataninyo mandapek-an palatihan kauangan dalam bantuak akutansi saderhana dari Yayasan Alumni Fakultas Patanian Universitas Andalas (AFTA), Padang. Sistim bank nan didiriannyo tu diadopsi dek pamarentah nan manjadi cikal bakal Program Pangambangan  Usaho Agribisnis Padesaan (PUAP) Nasional.

Masril mandirian sabuah limbago kauangan nan banamo LKMA Prima Tani, tampek para patani dapek mandapek-an pinjaman untuak tambahan modal usaho. Banyaknyo patani nan sulik mancari pinjaman modal mainspirasi Masril untuak mambantuak limbago kauangan para patani nan disabuiknyo Bank Tani atau Bank Patani tu. Masril manjadi pandiri LKMA Prima Tani di Nagari Koto Tinggi sarato 580 LKMA nan lain nan taseba di saantero Sumatera Barat nan kasadonyo mampunyoi aset mancapai 100 miliar rupiah. Satiok LKMA nan dibinanyo mampunyoi minimal 5 karyawan nan biaso diambiak dari anak-anak patani, tarutamo mareka nan putuih sakola. Hal iko dimukasuik-an untuak mangurangi angko pangangguran.

Kini ko, Masril sadang bausaho mandirian LKMA atau Bank Tani di Kecamatan Tanralili, Kabupaten Maros, Sulawesi Salatan. Niaik baiaknyo ko nyo kamukoan dihadapan pajabaik bank, guru basa, ekonom, sarato palaku usaho nan mahadiri Saminar Nasional Inklusi Kauangan Kawasan Timur Indonesia di Hotel Sahid Makassar, dima Masril nan cuma mamakai sandal japik manjadi pambicaro dalam kuliah umum tu. Masril mamfokuskan Bank Tani Maros untuak patani lado talabiah dulu, sabalun marambah patani-patani lainnyo, jo caro nan samo sarupo Bank Tani nan didiriannyo di Sumatera Barat sarato tatap mamparatian kaarifan lokal. Kamajuan Bank Tani Maros nampak dari alah adonyo 100 petani nan ka manjadi pamacik saham partamo, dima patani-patani tu mayoritas adolah patani nan indak manikmati Kredit Usaho Rakyat (KUR).

Masril Koto adolah anak partamo dari salapan basudaro. Laki-laki bakulik lagam ko barasa dari Kecamatan Baso, Kabupaten Agam, Sumatera Barat. Di kampuang halamannyo, Masril adolah patani jo pataranak. Namun, sajak taun 2006 Masril adolah surang bankir. Masril baparawakan ketek, bakulik sawo masak, basunguik labek, batampang lucu, sarato murah sanyum.

Masril-pun surang nan saderhana. Hal iko nampak dari panampilannyo dalam satiok acara. Misalnyo, Masril manggunoan sandal japik katiko manjadi pambicaro dalam Saminar Nasional Inklusi Kauangan Kawasan Timur Indonesia di Hotel Sahid Makassar sarato manggunoan kaus putiah jo jaket sarato sarawa kain hitam dalam acara Kick Andy nan mambueknyo sabagai tamu paliang saderhana di antaro tamu lainnyo.

Masril adolah suorang nan indak tamaik Sakola Dasar (SD). Masril maninggaan bangku SD katiko barado di kelas 4 karano kendala kauangan. Masril cuma pernah maikuti sakola lapangan (SL) patani dari Dinas Patanian Sumbar di Nagari Tabek Panjang,Kecamatan Baso, Kabupaten Agam.




#Article 240: Rais Abin (106 words)


Letjen. (Purn.) TNI AD, Rais Abin () adolah salah surang tokoh tantara Indonesia. Dipuncak karirnyo Rais pernah manjalanan paran internasional sabagai Panglimo Pasukan Padamaian PBB di Timur Tangah. Babagai jabatan pernah disandangnyo antaro lain Sekjen KTT Non Blok pariode 1991-1992, duta basa RI di Malaysia jo Singapura sarato nan lain-lain.

Sasudah masuak maso pensiun baliau disarahi amanah sabagai Katua Umum Legiun Veteran Republik Indonesia (LVRI). Ateh jaso-jaso sarato pangabdiannyo, pamarentah Republik Indonesia manganugarahinyo Bintang Mahaputera Adiprana jo Bintang Mahaputera Utama sarato Medali Padamaian dari PBB.
 

Rais Abin manikah jo surang padusi banamo Dewi Asiyah Hidayat sarato alah dianugarahi tigo urang anak, tujuah cucu sarato ciek cicit.




#Article 241: Mochamad Jasin (201 words)


Letjen. (Purn.) TNI Mochamad Jasin () adolah salah surang tokoh tantara Indonesia nan pernah manjabat wakil Kapalo Staf Angkatan Darat (KSAD) TNI pado taun 1970-an.

Sabalunnyo, Mochamad Jasin pernah manjabat Panglima Daerah Militer (Pangdam) VIII Brawijaya dari taun 1967-1970. Katiko manjabat Pangdam Iskandar Muda di Aceh pado taun 1960-1963, Jasin baperanan gadang dalam manciptaan padamaian antaro Pamarentah RI jo DI/TII di bawah pimpinan Teungku Daud Beureu'eh.

Jenderal Jasin dikana sabagai jenderal nan jujur, saderhana, bapandirian sangaik kukuah sarato disiplin. Basamo babarapo urang tokoh, sarupo Mohammad Natsir, Sjafruddin Prawiranegara, Manai Sophiaan, Ali Sadikin, Hoegeng Imam Santoso, Mohammad Nazir, A.H. Nasution, Kasman Singodimedjo, A.M. Fatwa, Burhanuddin Harahap, S.K. Trimurti, Azis Saleh sarato babarapo urang tokoh lainnyo, Jasin manandotangani dokumen nan barisi kritik kapado Presiden Soeharto nan dianggap alah manyalahgunoan kakuasaannyo sabagai Presiden. Dokumen atau petisi nan ditandongani di Jakarta pado tanggal 5 Mei 1980 tu kudian dikana sabagai Petisi 50. Sabagai salah surang anggota Petisi 50, baliau paliang vokal dalam mangkritik kabijakan Soeharto pado maso Orde Baru nan dianggapnyo alah banyak manyimpang. Walaupun hubuangan kaduonya sabananyo dakek, tapi Jenderal Jasin tatap kritis.

Mochamad Jasin laia di Sabang, Pulau Weh, Aceh dari surang ibu nan badarah Minangkabau jo ayah, Mochamad Iyas nan badarah Jawa.




#Article 242: Nelly Adam Malik (154 words)


Nelly Adam Malik () adolah salah surang Ibu Nagaro Indonesia. Nelly adolah bini dari Adam Malik nan pernah manjabat wakil Presiden Republik Indonesia ka-3 nan manjabat dari taun 1978 sampai taun 1983.

Sabagai istri pajabat tinggi nagaro Nelly aktif dalam babagai organisasi sosial kamasyarakatan sarato Nelly sangek paduli kapado masalah sosial nan ado dalam masyarakat. Ateh jaso-jaso jo pangabdiannyo, pamarentah Republik Indonesia maanugerahinyo pangaragoan Bintang Mahaputra.

Nelly manikah pado taun 1942 jo Adam Malik nan pado maso itu baprofesi sabagai wartawan sarato salah surang pandiri kantua barito Antara. Sadangkan Nelly bakarajo sabagai karyawan di kantua barito nan baru badiri tu. Dikudian hari, Nelly-pun sato aktif bapolitik maikuti langkah lakinyo dalam pajuangan mancapai kamardekaan bangso dari panjajahan kolonialis Balando.

Panikahan Nelly jo Adam Malik alah dikaruniai 3 urang anak, iyolah Otto Malik, Antarini Malik sarato Budisita Malik. Nelly marupoan putri kaduo dari pasangan parantau Minangkabau Datuak Ilyas gala Rajo Mara (apak) jo Siti Zuleiha (mande).




#Article 243: Syarifah Nawawi (466 words)


Syarifah Nawawi (laia di Bukiktinggi, 1896 - maningga di Jakarta, 17 April 1988 pado umua 91 taun) adolah surang tokoh pandidikan sarato pajuang Indonesia. Syarifah adolah anak dari pasangan Nawawi Soetan Makmoer, surang guru tanamo di Sakola Rajo (Kweekschool) Bukiktinggi jo surang padusi nan banamo Chatimah. Syarifah adolah anak kaampek sarato putri katigo dari 9 basudaro.

Manuruik Nawawi, pandidikan untuak anak sangeklah pantiang. Syarifah manampuah pandidikan di Europeesche Langere School (ELS), sakola Balando di Bukiktinggi. Sasudah tamaik pado taun 1907 Syarifah malanjuik-an sakolanyo ka Kweekschool, tampek ayahnyo maaja. Pado taun 1908, Syarifah adolah satu-satunyo murik padusi di antaro 75 urang murik sakola tu, sarato Syarifah adolah gadih Minang partamo nan mangalami pandidikan ala Eropa. Tamaik dari Kweekschool, Syarifah jo sudaronyo, Syamsiar, malanjuik-an sakola ka Salemba School di Batavia.

Katiko balibur ka Cianjur, dek kawannyo, Syarifah dikenalkan kapado surang bangsawan Sunda, Wiranatakoesoema, nan dikudian hari jadi lakinyo. Mareka manikah pado bulan Mei 1916. Namun rumah tanggo mereka indak balangsuang lamo, pado tanggal 17 April 1924, Wiranatakoesoema mancaraian Syarifah malalui telegram katiko Syarifah jo anak-anaknyo sadang balibur di Bukiktinggi. Ateh kaputusan Wiranatakoesoema tu, inyo-pun mandapek banyak kacaman di koran Balando maupun koran pribumi, tamasuak kacaman dari H. Agus Salim. 

Dalam maso panikahan nan pendek tu mareka dikaruniai 3 urang anak iyolah Am, Nelly dan Minarsih. Minarsih, anak bungsu Syarifah dikudian hari dikana sabagai Mien Soedarpo manikah jo Soedarpo Sastrosatomo, surang pajuang kamardekaan lalu manjadi pangusaha gadang sasudah Indonesia mardeka. Soedarpo mandirian parusahaan palayaran nan kudian hari manjadi gadang nan banamo Samudera Lines. Sapanjang taun 1924-1937, Syarifah jo anak-anaknyo tingga di Bukiktinggi. Syarifah mamimpin sakola De Meisjes Vervolg School (Sakola Lanjutan untuak Anak Padusi) sabagai kapalo sakola di kota tu.

Sasudah kaduo urangtuonyo maningga, pado taun 1937 Syarifah baliak ka Batavia. Syarifah manyakolaan anak-anaknyo di Koning Willem III Batavia. Aktivitasnyo-pun balanjuik jo mamimpin Sakola Kamajuan Istri di Meester Cornelis. 

Syarifah maunduran diri dari sakola tu katiko Japang masuak sarato manguasoi Indonesia. Namun Syarifah tatap bajuang mamajuan pandidikan padusi jo anak-anak lalu masuak ka Fujinkai, suatu organisasi padusi binaan Japang. 

Pado tanggal 11 Juli 1955 Syarifah basamo kawan-kawannyo mandirian Yayasan Panti Wanita Trisula PERWARI. PERWARI adolah sabuah organisasi padusi pajuang Indonesia nan didirian pado taun 1945. Syarifah indak pernah baranti mangabdi pado masyarakaik malalui pandidikan sarato mambarian pangajaran kapado anak-anak padusi sarato padusi mudo nan indak mampu, bahkan Syarifah marelaan rumahnyo dijadian tampek sakola.
 
Pangabdian Syarifah Nawawi untuak pandidikan jo pancardasan padusi di Indonesia tantu akan salalu dikanang dek bangsonyo. Syarifah manarimo piagam pangaragoan ateh sumbangsihnyo nan tulus sarato indak kenal lelah demi tarangkeknyo anak-anak padusi miskin ka darajaik nan labiah tinggi. Sampai kini potret wajahnyo masih tagantuang di gaduang Panti Trisula Perwari sabagai pangakuan ateh pangabdian sarato sumbangsihnyo nan tulus tu.

Syarifah Nawawi, pajuang pandidikan tu alah maningga di Jakarta pado tanggal 17 April 1988 dalam umua 91 taun.




#Article 244: Lukman Harun (203 words)


Lukman Harun () adolah surang tokoh Muhammadiyah sarato panggiat Islam internasional. Lukman pernah manjabat sabagai Sekretaris Jenderal Asian Conference on Religion and Peace (ACRP).

Lukman Harun adolah surang putra Minangkabau, anak ka limo di antaro tujuah basudaro dari pasangan Zaid (apak) jo Kamsiah (mande). Apaknyo adolah surang nan fasiah babahaso Arab sarato punyo pangatauan agamo nan cukuik laweh. Lukman manyalasaian pandidikannyo di Fakultas Ekonomi Universitas Nasional.

Lukman adolah surang organisatoris ulung. Katiko mahasiswa Lukman giat di kapanguruihan Himpunan Mahasiswa Islam sarato manjadi Katua Pamuda Muhammadiyah. Di pangujuang maso Orde Lamo, Lukman adolah panggiat nan cukuik vokal mangganyang Partai Kominih Indonesia. Lukman mamulai kariernyo sabagai pagawai di Kantua Pusek Pabandaharoan Nagaro Departemen Kauangan. Sasusah itu Lukman bakarajo sabagai Pangatur Tata Usaho di Pusek Jawatan Patanian Rakyat Departemen Patanian. Karano giat di organisasi Lukman ditunjuak manjadi anggota DPR-GR, nan banyak manyuaroan kapantiangan politik kalangan muslim. Pado taun 1971, Lukman baranti sabagai anggota DPR-GR karano di-recall.

Kudian Lukman bagabuang ka Partai Muslimin Indonesia sarato manjabat sabagai sekjen. Lukman babarapo kali manjadi kandidat kuaik Katua DPP Muhammadiyah. Tarakhia jabatannyo sabagai Katua Hubuangan Lua Nagari/Juru Bicara Muhammadiyah.

Lukman manikah jo surang padusi asa Maninjau, Agam, nan banamo Maimunah Malik sarato alah dikaruniai surang putra jo tigo urang putri.




#Article 245: Rama Pratama (309 words)


Rama Pratama () adolah surang panggiat mahasiswa pado maso reformasi '98 nan kudian manjadi anggota Dewan Pawakilan Rakyat pariode 2004-2009 dari PKS. Rama dilaian sabagai anak partamo dari duo basudaro.

Mamulai kiprahnyo katiko manjadi Katua Senat Mahasiswa Universitas Indonesia (SM UI) pariode 1997—1998. Basamo kawan-kawannyo dari SM UI sarato perguruan tinggi nan lain Rama bagabuang dalam Forum Komunikasi Senat Mahasiswa sa-Jakarta (FKSMJ) lalu manuntuik reformasi jo tuntutan mamintak mundur Presiden RI katiko itu, Soeharto. Indak heran kudian Rama manjadi salah surang panggiat garakan mahasiswa nan di balakangnyo takaik jo partai politik zaman orde lamo (Partai Sosialis Indonesia) nan mancuat pado taun 1998. Pamikiran-pamikiran sarato ide-ide Rama tantang tabantuaknyo sabuah masyarakaik sosialis cukuik cemerlang sahingga Rama-pun dilirik dek PKS.

Sasudah maninggaan status kamahasiswaan, Rama sempat manjadi auditor di Kantua Akuntan Publik Ernst  Young (1999—2001). Kudian mandirian kantua konsultan bisnis, MBS Consulting, basamo jo babarapo kawannyo pado taun 2001. Rama malapehan statusnyo sabagai partner di MBS Consulting sasudah tapiliah manjadi anggota DPR RI malalui Partai Keadilan Sejahtera (PKS) dari daerah pamilihan DKI Jakarta I. Pilihan iko dilakuan karano niaik nio sato mambari kontribusi malakuan parubahan dari dalam parlemen supayo arah reformasi indak malenceng sarato aspirasi rakyaik taapresiasi.

Di DPR RI, Rama Pratama manjadi anggota Fraksi PKS nan batugeh di Komisi XI (Kauangan Negara, Parancanaan Pambangunan jo Parbankan) sarato Panitia Anggaran.

Salain kagiatan di DPR, Rama Pratama kini mangatuai organisasi kapamudaan, Garakan Pasaudaraan Pamuda Kaadilan, nan marupoan organisasi pamuda underbow PKS, Katua DPP KNPI Bidang Hukum jo HAM pariode 2005—2008, Wakil Sekjen International Islamic Federation of Student  Youth Organization (IIFSO) pariode 2006—2009. Rama-pun manjadi Wakil Katua Ikatan Lulusan Universitas Indonesia (ILUNI) FEUI untuak pariode kapangurusan 2003—2006.

Kini Rama tingga di rumah dinasnyo di Komplek DPR RI, Kalibata basamo bininyo Alin Halimatussadiyah, lulusan Program Pasca Sarjana Ilmu Ekonomi FEUI, sarato kaduo anaknyo Muhammad Alaudin Zufar (5 taun) jo Muhammad Rahman Fadhil (2 taun).




#Article 246: Fahmi Idris (414 words)


Fahmi Idris () adolah surang pangusaha sarato politikus Indonesia. Fahmi pernah manjabat sabagai Mantari Tanago Karajo dalam Kabinet Reformasi Pambangunan, sarato Mantari Parindustrian jo Mantari Tanago Karajo  Transmigrasi pado Kabinet Indonesia Basatu. Fahmi pernah pulo tapiliah manjadi anggota DPR-GR mawakili kalangan mahasiswa, sarato katua Fraksi Golkar di MPR-RI.

Fahmi adolah putra dari pasangan parantau Minangkabau. Ayahnyo Haji Idris Marah Bagindo, adolah surang padagang nan mandidik anak-anaknyo untuak taat baagamo sarato disiplin. Fahmi nan maabih-an maso keteklnyo di Kenari, Jakarta Pusat, dikana tangka sarato suko bacakak. Fahmi luluih dari Fakultas Ekonomi Universitas Indonesia pado taun 1969. Di kampus tu, Fahmi dikana sabagai aktivis nan ulet sarato cekatan. Babarapo jabatan kamahasiswaan sempat disandangnyo, antaro lain sabagai pimpinan Himpunan Mahasiswa Islam, Katua Senat Fakultas Ekonomi UI (1965-1966), sarato Katua Laskar Arief Rachman Hakim (1966-1968).

Fahmi mamulai kariernyo sabagai pangusaha pado taun 1967. Duo taun kudian basamo para eksponen 1966, Fahmi mandirian PT Kwarta Daya Pratama. Pado taun 1979, Fahmi duduak sabagai direktur utama Kongsi Delapan (Kodel Group), sabuah parusahaan konglemerasi nan didiriannyo basamo jo Aburizal Bakrie, Soegeng Sarjadi, sarato Pontjo Sutowo. Pado era 1980-an, parusahaan tu marupoan konglomerasi nan cukuik gadang. Kodel mangelola usaho agrobisnis, padagangan, parbankan, paminyakan, sampai hotel. Pado taun 1988, Kodel mambangun Hotel The Regent (kini Four Seasons Jakarta) di kawasan Setiabudi, Jakarta Selatan. Bisnis propertinyo indak cuma di Jakarta, namun marambah pulo ka Beverly Hills, California. Disinan Fahmi mambangun sabuah hotel, Regent Beverly Whilshire.

Di taun 1984, Fahmi bagabung ka Partai Golkar. Fahmi langsuang ikuik bakampanye basamo Ali Moertopo sarato Abdul Latief di Sumatera Barat. Pado taun 1998-2004, Fahmi manjabat sabagai Katua DPP Golkar di Jakarta. Fahmi kaudian dilantiak sabagai Mantari Tanago Karajo jo Transmigrasi dalam taun nan samo. Pado taun 2004, Fahmi sempat dipecat dari kaanggotaan Golkar, karano manantang hasil Rapek Pimpinan Partai nan mandukuang Megawati-Hasyim Muzadi sabagai calon presiden jo wakil presiden. Katiko itu, Fahmi malah mandukuang pasangan Susilo Bambang Yudhoyono-Jusuf Kalla. Sasudah pasangan ko tapiliah, Fahmi ditunjuk baliak sabagai Mantari Tanago Karajo, sabalun akhianyo di kocok ulang manjadi Mantari Parindustrian. Namonyo direhabilitasi, sarato katua umum Jusuf Kalla mambaonyo baliak masuak partai. Salain duduak di babagai macam jabatan profesi jo bisnis, kini Fahmi manjabat pulo sabagai Anggota Dewan Panasehat Partai Golkar.

Fahmi Idris manikah jo Kartini, putri surang ulama tanamo, Hasan Basri. Dari panikahannyo, Fahmi dikaruniai duo urang putri. Kaduanyo, Fahira Fahmi Idris jo Fahrina Fahmi Idris, maikuti jajak ayahnyo manjadi surang pangusaha. Kini Fahira manjabat sabagai Katua Himpunan Saudagar Mudo Minangkabau. Sedangkan Rina tapilih sabagai Katua Ikatan Wanita Pangusaha Indonesia.




#Article 247: Roni Yuzirman (310 words)


Roni Yuzirman nan banamo langkok Badroni Yuzirman adolah surang pangusaha Indonesia. Roni-pun adolah pandiri Komunitas Tangan di Atas (TDA), suatu komunitas nan mahimpun puluahan ribu wiraswastawan mudo jo urang-urang nan punyo minat bawirausaho di babagai wilayah Indonesia. Kini ko Roni manjabat sabagai Wali Amanah di komunitas tu.

Roni adolah urang Minangkabau nan barasa dari Magek, Agam, Sumatera Barat. Roni manyalasaian pandidikan sarjananyo di Universitas Trisakti, Jakarta.

Pado taun 2001, Roni Yuzirman adolah surang padagang pakaian muslim di pasa Tanah Abang, Jakarta. Karano pasaiangan bisnis sarato pasalisiahan jo pangalola pasa, akhianyo Roni tausia dari pasa tu pado taun 2004. Barang-barang dagangan pindahan dari pasa nan manumpuak di garasi mambueknyo bapikia kareh untuak manjuanyo. Akhianyo Roni manamuan ide untuak mamasaan malalui bisnis online nan pado taun 2004 tu alun baitu marak. Usaho toko online-nyo tu mandapek-an respon nan baiak lalu akhianyo bakambang pesat sahinggo Roni bangkit baliak dari katapuruak-annyo.

Pangalaman jatuah bangun dalam bawiraswasta nan dialami dek Roni, kudian mandorongnyo untuak babagi pangalaman jo urang lain. Pado November 2005, Roni mambuek blog roniyuzirman.com untuak mancaritoan pajalanan bisnisnyo dari kahancuran sampai bangkik sarato sukses baliak jo toko online-nyo. Tanyato blog-nyo mandapek-an banyak kunjuangan, sahinggo akhianyo Roni mamutuihan mambuek milis untuak urang-urang nan acok badiskusi jo inyo. Milis bisnis online tu-pun manjadi rami, nan akhianyo mandorong Roni untuak malakuan patamuan langsuang (kopi darat) pado Januari 2006, nan dihadiri dek 40 urang.

Patamuan tu akhianyo balanjuik lalu manjadi suatu komunitas nan anggotanyo batambah banyak dari wakatu ka wakatu. Sampai kini ko komunitas nan dinamoi Tangan di Atas (TDA) tu alah mahimpun puluahan ribu anggota nan taseba di babagai wilayah di Indonesia sarato dikalola sacaro profesional jo modern. Komunitas ko-pun dikalola sacaro Islami, sarato batujuan mambina pangusaha-pangusaha mudo untuak manjadi pangusaha gadang sarato kuat. Malalui organisasi ko, Roni alah manyalanggaroan babarapo kali Pesta Wirausaha nan batujuan untuak mambangun jaringan sarato pambakalan untuak pangusaha ketek jo manangah.




#Article 248: Taufiq Ismail (592 words)


Taufiq Ismail gala Datuak Panji Alam Khalifatullah, (), adolah surang panyair sarato sastrawan Indonesia.

Taufiq Ismail laia dari pasangan A. Gaffar Ismail (1911-1998) asa Banuhampu, Agam jo Sitti Nur Muhammad Nur (1914-1982) asa Pandai Sikek, Tanah Data, Sumatera Barat. Apaknyo adolah surang ulama sarato pandiri PERMI. Taufiq mahabihan maso SD di Solo, Semarang, jo Yogyakarta, SMP di Bukittinggi, sarato SMA di Pekalongan. Taufiq tumbuah dalam kaluarga guru jo wartawan nan suko mambaco. Taufiq alah bacito-cito manjadi sastrawan sajak masih SMA. Ateh piliahan surang, Taufiq manjadi dokter hewan sarato ahli pataranak-an karano nio mampunyoi bisnis pataranak-an untuak manafkahi cito-cito kasusastraannyo. Taufiq tamaik FKHP-UI Bogor pado 1963 tapi gagal punyo usaho taranak nan dulu dirancanaannyo di sabuah pulau di Selat Malaka.

Samaso kuliah Taufiq giat sabagai Aktivis Palajar Islam Indonesia (PII), Katua Senat Mahasiswa FKHP-UI (1960-1961) sarato WaKa Dewan Mahasiswa UI (1961-1962).

Di Bogor pernah jadi guru di SKP Pamekar jo SMA Regina Pacis, mengajar pulo di IPB. Karano manandotangani Manifesto Kebudayaan, gagal malanjuik-an studi manajemen pataranak-an di Florida (1964) sarato dipecat sabagai dosen di Institut Pertanian Bogor. Taufiq manulih di babagai media, jadi wartawan, salah surang pandiri Horison (1966), sato mandirian DKJ jo jadi pimpinannyo, Pj. Direktur TIM, Rektor LPKJ jo Manajer Hubuangan Luar Unilever. Panarimo beasiswa AFS International Scholarship, sajak 1958 aktif di AFS Indonesia, manjabat sabagai Katua Dewan Pembina Yayasan Bina Antarbudaya, panyalanggaro patukaran palajar antarbangso nan salamo 41 taun (sajak 1957) alah mangirim 1700 siswa ka 15 nagaro sarato manarimo 1600 siswa asiang di siko. Taufiq tapiliah manjadi anggota Board of Trustees AFSIS di New York, 1974-1976.

Pangkategoriannyo sabagai panyair Angkatan '66 dek Hans Bague Jassin marisauannyo, misalnyo Taufiq pueh diri lalu proses panulisannyo jadi macet. Taufiq manulih buku kumpulan puisi, sarupo Malu (Aku) Jadi Orang Indonesia, Tirani dan Benteng, Tirani, Benteng, Buku Tamu Musim Perjuangan, Sajak Ladang Jagung, Kenalkan, Saya Hewan, Puisi-puisi Langit, Prahara Budaya:Kilas Balik Ofensif Lekra/PKI dkk, Ketika Kata Ketika Warna, Seulawah-Antologi Sastra Aceh, sarato nan lain-lain.

Banyak puisinyo dinyanyian , pimpinan Samsudin Hardjakusumah, atau sabaliaknyo Taufiq manulih lirik untuak mareka dalam karajo samo. Taufiq-pun manulih lirik untuak Chrisye, Yan Antono (dinyanyian Ahmad Albar) jo Ucok Harahap. Manuruiknyo karajo samo samacam ko pantiang supayo jangkauan publik puisi labiah laweh.

Taufiq acok mambaco puisi di muko umum. Di lua nagari, Taufiq alah mambaco puisi di babagai festival jo acara sastra di 24 kota Asia, Australia, Amerika, Eropa, jo Afrika sajak 1970. Dek Taufiq, puisi baru ‘mamparoleh tubuah nan langkok’ apobilo sasudah ditulih, dibaco di muko orang. Pado April 1993 Taufiq mambaco puisi tantang Syekh Yusuf jo Tuan Guru, para pajuang nan dibuang VOC ka Afrika Salatan tigo abaik nan lalu, di 3 tampek di Cape Town (1993), katiko apartheid baru dibongka. Pado Agustus 1994 mambaco puisi tantang Laksamana Cheng Ho di musajik kampuang kalahiran panjalajah samudra legendaris tu di Yunan, RRC, nan dibacoan pulo tajamahan Mandarinnyo dek Chan Maw Yoh.

Bosan jo kacandaruangan puisi Indonesia nan talalu sarius, di awal 1970-an, Taufiq manggarap humor dalam puisinyo. Santuahan humor taraso tarutamo dalam puisi bakaba atau narasinyo. Mungkin dalam hal iko indak ado kawan untuaknyo di Indonesia. Antologi puisinyo bajudul Rendez-Vous ditabik-an di Rusia dalam tajamahan Victor Pogadaev sarato jo ilustrasi dek Aris Aziz dari Malaysia (Rendez-Vous. Puisi Pilihan Taufiq Ismail. Moskow: Humanitary, 2004.)

Mandapek Anugerah Seni dari Pamarentah RI (1970), Cultural Visit Award dari Pamarentah Australia (1977), South East Asia Write Award dari Karajaan Thailand (1994), Panulisan Karya Sastra dari Pusek Bahaso (1994). Duo kali Taufiq manjadi panyair tamu di Universitas Iowa, Amerika Serikat (1971-1972 dan 1991-1992), lalu jadi pangarang tamu di Dewan Bahaso jo Pustaka, Kuala Lumpur (1993).




#Article 249: Syahrir (142 words)


Dr. Sjahrir () adolah surang panggiat, ekonom sarato politisi Indonesia. Sjahrir dikana sabagai salah surang mahasiswa nan dijebloskan ka panjaro katiko paristiwa Malari di Jakarta taun 1974. Sampai akhia hayatnyo Sjahrir manjabat anggota Dewan Patimbangan Presiden mambawahi bidang ekonomi nan rasmi dilantiak pado tanggal 11 April 2007..

Sjahrir manikah jo Kartini Panjaitan, surang doktor di bidang antropologi nan kini manjabat Duta Basa RI untuak Argentina, disampiang tu manjabat pulo sabagai Katua Asosiasi Antropologi Indonesia. Dari panikahan tu, pasangan Sjahrir-Kartini mandapek-an surang putra, Pandu, sarato surang putri, Gita.

Sjahrir lahia sabagai anak tungga dari pasangan Ma’amoen Al Rasyid jo Roesma Malik. Ayahnyo adolah pajabat pamarentah pado maso pamarentahan kolonial Balando, samantaro ibunyo adolah pagawai Inspektorat Pandidikan Wanita di Departemen Pandidikan. Walaupun barasa dari Koto Gadang, Agam, Sumatera Barat, kaluarga Sjahrir labiah banyak tingga di pulau Jawa; Kudus, Yogyakarta, Magelang, Surabaya, sarato di Jakarta.




#Article 250: Fahira Fahmi Idris (187 words)


Fahira Fahmi Idris SE. () adolah surang pangusaha mudo sarato panggiat sosial kamasyarakatan Indonesia. Fahira dikana sabagai pangusaha parsel jo bungo, walaupun ado babarapo parusahaan lain nan dipimpinnyo. Parusahaan parsel nan dijalanannyo dimulai dari skala ketek wakatu masih jadi mahasiswa di Fakultas Ekonomi Universitas Indonesia basamo kawan-kawannyo. Kini ko parusahaan tu alah bakambang sarato lah baskala nasional bahkan lah mulai marambah pasa mancanegara.

Bakat enterpreneur memang alah ado didiri Fahira sajak maso remaja lalu balanjuik sampai jadi mahasiswa. Kini Fahira mamimpin babarapo parusahaan diantaronyo Nabila Parcel Bunga Internasional, Aries Shooting Club, PT. Aries Mandiri Indonesia sarato nan lain-lain.

Fahira dikana pulo sabagai surang darmawan sarato punyo kapadulian sosial nan tinggi. Fahira indak sagan-sagan tajun langsuang ka wilayah bancano, sarupo di Jawa Barat katiko tajadi bancano gunuang Galungguang malatuih katiko inyo masih remaja pado taun 1982. Baitu pulo katiko gampo di Jogjakarta taun 2006 sarato di Sumatera Barat katiko tajadi bancano gampo bumi nan maluluahlantak-an wilayah pasisia Padang Pariaman jo kota Padang pado taun 2009. Balakangan, basamo kawan-kawan twitter-nyo, Fahira mandirian Posko Bantu Banjir di Rumah Damai Indonesia katiko Jakarta kanai musibah banjir bandang di bulan Januari 2013. 




#Article 251: Gadis Arivia (890 words)


Dr. Gadis Arivia () adolah surang panggiat garakan padusi, Doktor filsafat Universitas Indonesia, sarato pandiri Yayasan Jurnal Perempuan. Gadis Arivia mulai dikana sajak paristiwa panangkok-annyo katiko bademonstrasi basamo jo puluahan ibu-ibu lainnyo nan tagabuang dalam Suara Ibu Peduli, manyuaroan isu kalangkaan susu bayi di bundaran Hotel Indonesia Jakarta, Februari 1998. Katiko itu Gadis basamo duo ibu lainnyo Wilasih Noviana jo Karlina Leksono ditangkok polisi.

Katartariak-an Gadis soal studi feminisme alah sajak maso kuliah filsafat. katiko itu, di Indonesia, feminisme masih manjadi teori atau wacana nan dianggap baru. Salah satu pamikia feminisme nan dikaguminyo adolah Barbara Smith. Barbara dalam bukunyo All the Women are White, All the Blacks are Men, But Some of Us are Brave, nan basumber dari pidatonyo pado 1979 manyabuik-an feminisme adolah teori jo praktik politik nan bajuang untuak mambebasan (pambebasan total) sadonyo padusi. Di dalam nagari, Gadis mangagumi surang dosennyo Toeti Herati Nurhadi nan banyak maminjaman buku-buku feminisme kapado Gadis.

Kini ko, salain manakuni karajonyo sabagai pandidik tatap studi feminisme jo filsafat kontemporer di Universitas Indonesia, Gadis maabdian diri sabagai Direktur Yayasan Jurnal Perempuan (YJP). Gadis acok pulo manulih wacana-wacana feminisme di babagai media, jurnal, sarato buletin di dalam jo lua nagari. Pado 2006, Gadis acok manulih sarato manjadi pambicaro sakitar kontroversi Rancangan Undang-Undang Antipornografi dan Pornoaksi.

Pado maso ketek sampai baranjak dewasa, Gadis alah malanglang buana dari satu nagaro ka nagaro lain, mangikuti ayahnyo Arif Effendi, badarah Melayu Deli, nan bakarajo di British Council, sabauh lambago kabudayaan karajaan Inggris. Sementara, bakaik aktivis diwarisi dari mandenyo Atikah, badarah campuran Aceh dan Minang, kalahiaran Pematang Siantar, nan samaso mudonyo aktif sabagai aktivis Aisyah, organisasi padusi Muhammadiyah.

Gadis, anak katujuah dari sambilan basudaro (empat padusi dan limo laki-laki) lahia di New Delhi tampek ayahnyo batugeh . Namun, sangkek itu, ayahnyo Arif Effendi sadang batugeh  ka Ethiopia. Nama Arivia barasa dari namo ayahnyo Arif (Ari) dipadu namo neneknya Lathifah (Via).

Saaik bayi Gadis baru barumua duo minggu, kaluargo gadang iko  pindah ka Ethiopia, mangikuti kapindahan tugeh Sang Ayah. Dua taun kaluargo iko  tingga di Ethiopia.  Kundian pulang ka Indonesia.  Sasudah tigo taun manatok di Indonesia, kaluargo iko  pindah mangikuti Sang Ayah nan ditugaskan ka Budapest, Hongaria, salamo ampek tahun. Di siko Gadis masuak sakolah dasar di British Embassy School di Budapest.

Kundian kaluargo iko  mangikuti Sang Ayah baliak lai ka Indonesia.  Tingga di daerah Tebet, Jakarta. Gadis pun masuak ka sakolah manangah patamo di Tebet, namun, hanyo sampai kelas satu.  Saaik itu, Gadis mangalami kasulitan mangikuti mato palajaran nan manggunoan bahasa Indonesia.  Inyo labiah fasih babahaso Inggris.

Sasudah ayahnyo maningga pado Juli 1977, Gadis pun ikuik kakaknyo nomor dua, Arrizal Effendi, nan batugeh  sabagai diplomat di Washington. Gadis malanjuikan sakolah manangah di McLean High School, Virginia, Amerika.  Saaik sakolah di Virginia, Gadis banyak mambaco buku-buku para filsuf Perancis misalnyo Albert Camus, Simone de Beauvoir, dan Jean Paul Sartre.

Sasudah luluih sakolah manangah di Virginia, Gadis pulang ka Indonesia. Di Jakarta, inyo malanjuikan studi di Program Diploma III Sastra Perancis Universitas Indonesia.  Saaik kuliah Sastra Perancis, awal 1980-an, Gadis acok mengunjungi perpustakaan di Centre Culturel Francais atau  Pusek  Kabudayaan Prancis, Jalan Salemba Raya Jakarta. Di sinan inyo banyak mambaco buku tokoh-tokoh filsafat Prancis.  Sasudah program diploma Sastra  Parancih selesai, Gadis pun malanjuikan studi filsafat di Universitas Indonesia.

Pado 1990-an, Gadis maraso tatarik pado pamikiran baru tantang pascamodernisme.  Maso itu, Asikin Arif, dosen filsafat Universitas Indonesia, pulang dari Jerman mambaok pamikiran pascamodernisme.  Sabuah garakan nan bamulo dari kritik seni, arsitektur dan filsafat, kudian bakambang jadi skeptisisme nan sistematis tahadok teori-teori lama tantang modernisasi dan industrialisasi.  Garakan iko , antaro lain dimotori Jacques Derrida dari Perancis, nan dikenal jo teori dekonstruksi dalam filsafat Barat.

Gadis tatarik ateh pamikiran itu dan ikuik aktif mambantuak kalompok diskusi Lingkaran Studi Filsafat. Sampai kemudian, Gadis dapek batamu Jacques Derrida, sakaliguih untuak malanjuikan studi filsafat di paguruan tinggi ilmu sosial, École des hautes études en sciences sociales, tampek Derrida mengajar.  Salamo duo taun (1992 -1994), inyo mangikuti kuliah Jacques Derrida dan aktif mambaco dan badiskusi jo para mahasiswa.

Sapulang dari Perancis, Gadis mangaja studi feminisme dan filsafat kontemporer di Universitas Indonesia.  Saaik itu, mahasiswanya mangalami kasulitan lantaran bahan-bahan bacaan babahaso Indonesia sulik ditemukan. Gadis pun mambuek buletin. Dicetak sakitar 200 eksemplar dan langsuang habis.

Pado 1996, Gadis basamo Toeti Heraty Noerhadi dan Asikin Arif mandirian lambago nan dinamoi Yayasan Jurnal Perempuan. Inisiatif untuak manabikan sabauh jurnal feminisme banamo Jurnal Perempuan iko  labiah ditujukan dalam rangka malengkapi bahan pakuliahan paradigma feminisme di fakultas Sastra Universitas Indonesia. Dalam pakambangannyo tanyato jurnal tasabuik cukuik banyak diminati baik nan mambali di toko koperasi mahasiswa UI maupun di toko buku.

Gadis manikah jo Richard Pollard, laki-laki bakabangsaan Amerika. Pollard bakarajo di Bank Dunia. Kala itu, satiok akhia pekan, Pollard manjanguaknyo ka Prancis. Gadis mangagumi Polard dek berdedikasi dan mamulai karier jadi guru di Nepal, Pakistan dan Afrika.

Gadis mampunyoi duo urang anak banamo Anisa dan Benjamin.

 Pado 11 Agustus 2006, Gadis Arivia dan Abdurrahman Wahid (Gus Dur) mandapek Tasrif Award-AJI sabagai  Pajuang  Kabebasan Pers 2006.  Panghargaan iko  diberikan dek Aliansi Jurnalis Independen (AJI). Gus Dur dan Gadis dinilai mamiliki samangaik , visi, dan komitmen dalam mampajuangkan kabebasan berekpresi, pasamoan hak, samangaik  kabaragaman , dan demokrasi di Indonesia.

Gus Dur dan Gadis dipiliah dek dewan juri nan tadiri dari budayawan Butet Kertaradjasa, pamimpin redaksi The Jakarta Post Endy Bayuni, dan  Katuo Komisi Nasional Perempuan Chandra Kirana.  Mareka barasil manyisiahkan 23 kandidat lain.

baca resensi: 




#Article 252: Eny Karim (214 words)


Eny Karim (laia di Batu Sangka, Sumatera Barat, Hindia Balando, 27 Oktober 1910) adolah surang pajuang, politisi sarato mantari Indonesia. Baliau pernah manjabat sabagai Mantari Patanian pado Kabinet Ali Sastroamidjojo II dari tanggal 24 Maret 1956 sampai 14 Maret 1957.

Eny Karim adolah surang putri Minangkabau nan mampunyoi alam pikiran revolusioner. Eny manyalasaian pandidikannyo di MOSVIA pado taun 1931. Sempat maambiak pandidikan tinggi B-1 Sajarah di Bukittinggi namun indak salasai.

Eny mamulai kariernyo sabagai pagawai mudo kudian juru buku di Karajaan Mempawah, Kalimantan. Sasudah itu baliau pindah ka Sumatera Barat manjadi Pagawai Mudo Pamong Praja di Solok, Sawahlunto, Bukittinggi sarato Aia Bangih. Sasudah kamardekaan baliak ka Solok sabagai Wakil Bupati, sarato Sekretaris Residen Sumatera Barat di Bukittinggi. Salamo Agresi Militer Balando II, Eny maungsi ka Koto Tinggi lalu manjabat sabagai Dewan Patahanan Daerah. Taun 1946, Eny manjadi Residen nan dipabantuan kapado Gubernur Sumatera Tangah di Bukittinggi.

Taun 1957, Eny manjadi utusan pamarentah pusek untuak maradam Pamarentahan Revolusioner Republik Indonesia pimpinan Ahmad Husein. Sasudah salasai manjadi mantari, pado taun 1958 Eny manjadi Kapalo Direktorat Otonomi jo Desentralisasi Departemen Dalam Nagari. Pado taun 1962 manjadi Sekretaris Jendral Departemen Dalam Nagari jo Otonomi Daerah. Eny sempat manjadi Gubernur Sumatera Utara pado pariode 8 April 1963 sampai 15 Juli 1963. Pado taun 1967, Eny Karim pansiun dari tugasnyo.




#Article 253: Chalid Salim (269 words)


Chalid Salim (lahia taun 1902) adolah surang wartawan sarato tokoh pagarakan kamardekaan Indonesia bahaluan kida (Kominih). Chalid nan banamo lahia Abdul Chalid Salim adolah putra Sutan Muhammad Salim, surang jaksa dari Koto Gadang, Agam, Sumatera Barat. Baliau adiak dari Pahlawan nasional Indonesia, Haji Agus Salim. Panah ditangkok dan dimasuakan ka pinjaro Digul dan diasiangan ka Australia, kudian pai ka Balando, nikah jo manatap di kota Amsterdam inggo akia iduiknyo. Di maso gaeknyo di Balando, inyo masuak agamo Karisten jo manuka namonyo manjadi Ignatius Franciscus Michael Salim.

Sasudah maninggaan bangku sakola MULO (1923) di Weltevreden, Chalid Salim pai bakarajo ka Lumajang. Sasudah itu baliau maikuti saudaronyo Jacob Salim di Pontianak. Di siko baliau bakarajo di kantua advokat sarato giat manulih di mingguan Halilintar Hindia, nan marupoan corong aspirasi PKI. Kudian baliau pindah ka Medan, lalu bakarajo sabagai redaktur Pewarta Deli. Tulisannyo banyak mangecam kabijakan pamarentah Hindia-Balando, misalnyo poenale sanctie, sahinggo kedoknyo sabagai panggiat kominih tabongka. Chalid ditangkok Balando dan dipanjaro salamo sataun di Medan, sabalun akhianyo dibuang ka Boven Digul. Baliau mandakam di Digul salamo 15 taun (1928-1943), baliau salah surang tahanan politik nan paliang lamo mandakam di kamp tu.

Kutiko Japang datang ka Indonesia, baliau jo para tahanan Digul lainnyo dibao Balando ka Australia. Di nagarako tajadilah hal nan aneh, dima baliau nan daulu iyo bana manantang Balando, kudian manjadi propangandis Netherlands Indies Government Information Services (NIGIS) di Melbourne. Taun 1946, baliau pai ka Balando, lalu nikah jo manatap di kota Amsterdam inggo akia iduiknyo. Di maso gaeknyo di Balando, inyo masuak agamo Karisten jo manuka namonyo manjadi Ignatius Franciscus Michael Salim (I.F.M. Salim), sabagaimano nan tatulih di otobiografinyo.




#Article 254: Chatib Sulaiman (246 words)


Chatib Sulaiman adolah surang pajuang kamardekaan Indonesia dari Sumatera Barat. Pajuangan Chatib Sulaiman adolah salah satu episode dalam maso pajuangan PDRI nan balangsuang dari tanggal 22 Desember 1948 sampai 13 Juli 1949, nan dipimpin dek Syafruddin Prawiranegara.

Pado tanggal 14 Januari 1949 Chatib Sulaiman sabagai Katua Markas Patahanan Rakyat Daerah mamimpin suatu rapek di Lurah Kincia, Situjuah Batua,Kecamatan Situjuah Limo Nagari, Kabupaten Lima Puluh Kota, Sumatera Barat. Rapat dihadiri Bupati Militer sarato babarapo pimpinan pajuang lainnyo jo puluahan urang pasukan pangawal. Hasil rapek mamutuihan kota Payakumbuh nan sadang dikuasoi Balando harus disarang dari sagalo arah, lalu manduduak-inyo untuak mampacaliak-an kapado dunia baso pajuangan rakyaik Indonesia masih tatap ado. Hal iko dilakuan untuak malawan opini nan dibuek Balando baso Indonesia alah mareka kuasoi sapanuahnyo.

Adonyo mareka akhianyo dikataui Balando. Pado subuah hari tanggal 15 Januari 1949 katiko para pajuang ka mangarajoan shalat subuah, mareka dibarondong tembakan dek Balando. Chatib Sulaiman jo babarapo pimpinan pajuangan sarato puluahan urang lainnyo maningga sakatiko, diantaranyo Arisun Sutan Alamsyah (Bupati Militer Limo Puluah Kota), Letkol Munir Latief, Mayor Zainuddin, Kapten Tantawi, Lettu Azinar, Letda Syamsul Bahri sarato 69 urang pasukan Barisan Pangawal Nagari jo Kota (BPNK).

Paristiwa nan disabuik sabagai Paristiwa Situjuah ko manjadi bagian indak tapisahan dari pajalanan panjang pajuangan bangso Indonesia dalam marabuik kamardekaan dari panjajahan bangso asiang nan alah balangsuang baitu lamo.

Sabagai pangaragoan kapado kapahlawanan Chatib Sulaiman, pamarentah jo masyarakaik Sumatera Barat maabadian namonyo pado salah satu jalan utamo di kota Padang sarato kota-kota lainnyo di Sumatera Barat.




#Article 255: Dahlan Djambek (136 words)


Kolonel Dahlan Djambek adolah surang tokoh tantara, pajuang kamardekaan sarato mantari dalam Kabinet PRRI (Pamarentahan Revolusioner Republik Indonesia). Baliau pernah manjabat Mantari Dalam Nagari sarato Mantari Pos jo Telekomunikasi dalam Kabinet PRRI pado taun 1958. Dahlan barasa dari tantara jo pangkek kolonel katiko itu.

Pamarentahan Revolusioner Republik Indonesia atau disingkek PRRI adolah suatu pamarentahan nan dibantuak dek babarapo urang tokoh nan idak pueh kapado jalannyo pamarentahan nan dipimpin Presiden Soekarno katiko itu, diantaronyo Syafruddin Prawiranegara, Soemitro Djojohadikoesoemo, Ahmad Husein, Maludin Simbolon sarato nan lain-lain.

Sasudah pamarentah pusek bahasil maradam garakan PRRI, Dahlan Djambek jo tokoh-tokoh PRRI lain-nyo bagarilya di hutan-hutan Sumatera bagian tangah. Katiko nak manyarahan diri dari tampek garilyanyo di hutan, baliau tewas ditembak dek pasukan OPR, suatu pasukan semi militer binaan pamarentah pusek. Dahlan Djambek adolah putra dari ulama basa Minangkabau, Muhammad Djamil Djambek.




#Article 256: Djamaluddin Tamin (204 words)


Djamaluddin Tamin (laia di Koto Gadang, Agam, Sumatera Barat, Hindia Balando, 18 Desember 1900) adolah surang pajuang kamardekaan Indonesia. Baliau mandapek-an pandidikan Inlandsche School, lalu kudian malanjuik-an ka sakola agamo Sumatera Thawalib, Padang Panjang. Satamaik sakola, baliau maaja disinan, lalu bakanalan jo aliran Kominih pado taun 1922. Djamaluddin kudian manjadi salah surang panggiat kida (kiri) nan rajin manulih, sarato acok kalua masuak panjaro. 

Pado bulan Desember 1923, baliau manulih di koran Pemandangan Islam karano panangkok-an para pajuang kamardekaan Indonesia. Karano tulisan tu, anam bulan kudian baliau dijatuahi hukuman, lalu masuak panjaro Cipinang salamo limo baleh bulan. Pado tanggal 2 Juni 1927 basamo jo Tan Malaka sarato Subakat, baliau mandirian Partai Republik Indonesia (PARI) di Bangkok, Thailand. Partai ko batujuan untuak mambantuak jaringan proletar sa-Asia Tenggara jo Australia. Tamin batangguang jawab ateh kagiatan PARI di Hindia-Balando, Malaysia, jo Singapura. Karano dianggap manantang pamarentahan Inggirih, tanggal 13 September 1932 baliau ditahan di Singapura, lalu kudian dibao ka Batavia untuak disarahan ka pamarentah Hindia-Balando. Disiko baliau dipanjaro babarapo bulan, sabalun akhianyo dibuang ka Boven Digul. Sasudah Japang mandarat di Indonesia, Tamin basamo jo tahanan Digul lainnyo dipindahan ka Brisbane, Australia. Disiko pado tanggal 21 September 1945, mareka mambentuak Komite Indonesia Merdeka (KIM), lalu Tamin manjabat sabagai katuanyo.  




#Article 257: Ferdy Salim (118 words)


Ferdy Salim adolah surang pajuang kamardekaan nan manjadi diplomat sasudah Indonesia mardeka. Sapanjang kariernyo sabagai diplomat, Ferdy Salim pernah batugeh sabagai Duta Basa Lua Biaso sarato Bakuaso Panuah Republik Indonesia untuak Argentina sarato untuak Brunei Darussalam dari taun 1987-1990.
 
Pado maso-maso pajuangan kamardekaan, Ferdy Salim giat pulo bajuang, bahkan baliau ikuik basamo jo John Lie manyalunduik-an sanjato untuak kapantiangan pajuangan bangso Indonesia. Katiko manyalunduik-an sanjato dari Singapura ka Tambilahan, kapanyo tatangkok pihak Balando, lalu Ferdy-pun dipanjaro.  

Ferdy Salim adolah putra dari pasangan Minangkabau, Baay Salim jo Siti Sjahsinan nan barasa dari Koto Gadang, IV Koto, Agam, Sumatera Barat. Ferdy adolah kakak dari mantan mantari Indonesia, Emil Salim sarato ayah dari surang profesional jo ahli ekonomi Indonesia, Felia Salim. 




#Article 258: Mansoer Daoed Dt. Palimo Kayo (561 words)


H., Mansoer Daoed Dt. Palimo Kayo () adolah surang pajuang, politisi sarato ulama takamuko Indonesia nan barasa dari Sumatera Barat. Baliau pernah pulo dipacayo manjadi Duta Basa Lua Biaso sarato Bakuaso Panuah Republik Indonesia untuak nagaro Irak.

Baliau manampuah pandidikan agamonyo di Sumatera Thawalib, Pa­dangpanjang pado zaman panjajahan Balando.

Mansoer Daoed partamo kali manampuah pandidikan di Sikolah Desa (Vervolg school) di kampuangnyo, kamudian manyambuang ka sikolah Governemen di Lubuk Sikaping, Pasaman. Satalah tamaik di sinan, pindah ka Padang Panjang mandaftar ka Sumatera Thawalib nan dipimpin dek Dr. Abdul Karim Amrullah, ayahnyo Hamka. Salain baraja di Sumatera Thawalib, inyo baraja juo pado Perguruan Islam Diniyyah (Diniyyah School) nan dipimpin dek Zainuddin Labay El Yunusy, salah saurang ulama nan tamashua.

Pado taun 1923 dalam umua 18 taun, Mansoer pai haji dan handak tingga salamo babarapo taun untuak mandalami agamo Islam di Masjidil Haram, di bawah asuahan Syekh Abdul Kadir Al-Mandaily. Namun, pado taun partamo di Makah, inyo tapaso baliak pulang ka tanah aia karano tajadi paparangan antaro Karajaan Hijaz jo Najdi nan akhianyo malahiakan Karajaan Arab Saudi.

Satalah baliak dari Makah taun 1924 Mansoer malanjuikan pandidikan di Parabek Bukittinggi, di bawah asuahan Syekh Ibrahim Musa, saurang ulama tamashua. Samaso baraja di Parabek ikolah, Partai Komunis Indonesia (PKI) Sumatera Barat sadang bakambang pesat, bahkan alah masuak ka Sumatera Thawalib. Karano indak nio tagaduah dek garakan komunis, Mansoer barangkek maninggaan tanah aia manuju India. Pado awalnyo baraja pado Paguruan Islam Tinggi (Lucknow) di bawah asuahan Maulana Abdul Kalam Azad. Inyo pernah juo manuntuik ilmu pado Islamic College di bawah pimpinan Maulana Syaukat Ali basamo rakannyo, Maulana Muhamma Ali, pamimpin basa Partai Khilafat. Kaduo tokoh iko tamashua di India jo julukan Two Brothers.

Garakan partai Islam Khilafat bacito-cito managakan khalifah jo Mansoer Daoed maikuiki pakembangan garakan itu. Inyo banyak bakawan jo tokoh gerakan Khilafah tasabuik. Satalah tingga salamo tigo taun di India, inyo malakukan pajalanan jo pitih surang ka babarapo nagara jo satiok nagara nan dikunjuanginyo inyo bausaho batamu jo manjadi tamu banyak pamimpin Islam. Sadoalah nagara Arab dapek disinggahinyo, kacuali Yaman Salatan jo Hadramaut.

Malalui Masia, Suriah, Turki, Irak, Yordania, inyo taruih manjalajahi babarapo nagara Eropa, antaro lain Yunani, Italia, Rumania, Parancih, Yugoslavia, jo Jerman. Dari Odesa, Uni Soviet naiak kareta api Trans Siberia ka Vladiwostok di timur kamudian taruih ka daratan Cino jo babarapo bulan tigga di Kanton. Sasudah itu inyo singgah di Beijing. Wakatu itu Cino dipimpin dek Dr. Sun Yat Sen. Pado taun 1930, inyo kambali ka Indonesia lewat Hongkong, Malaya (Malaysia kini), Singapura jo dari sinan manaruih an pajalanannyo ka Pulau Jawa.

Satalah limo taun malanglang buana manambah ilmu pangatauan jo pangalaman di lua nagari, inyo pun malakukan pajalanan kaliliang salamo babarapo bulan di Pulau Jawa. Dalam pajalanan itu inyo salslu bausaho manghubuangi alim ulama tamashua di Jawa, sarato pamuka-pamuka partai poilitik jo organisasi-organisasi massa, lalu baliak ka kampuang halamannyo di Ranah Minang. Pado tanggal 22-27 Mei 1930 balangsuang Kongres I Sumatera Thawalib di Bukiktinggi. Kongres tasabuik barasia mambantuak pakumpulan Islam banamo Persatuan Muslim Indonesia (PMI). Baliau ikuik mambantuak pakumpulan tasabuik dan mamparoleh kapacayoan sabagai anggota panguruih basa PMI dalam umua 25 taun.

Pado konferensi PMI di Payokumbuah tanggal 5-9 Agustus 1930 anggota-anggota pangruih PMI dilangkoki jo Anggaran Dasa jo Anggaran Rumah Tanggo nan disamparanoan. Wakatu itu, baliau dipacayoan sabagai Sekretaris Jenderal PB PMI. Pado saaik itu, PMI alah mamasyarakaik, indak sajo di Sumatera Tangah, tatapi alah malaweh ka saluruah Sumatera.




#Article 259: Mohammad Djamil (304 words)


Mohammad Djamil gala Datuak Rangkayo Tuo (laia di Kayu Tanam, Padang Pariaman, Sumatera Barat, 28 November 1898) adolah surang pajuang kamardekaan Indonesia sarato dotor nan bajaso dalam marintis kasehatan masyarakat. Baliau pernah pulo manjabat sabagai gubernur militer Sumatera Tangah.    

Di bidang kadokteran, M. Djamil adolah urang Indonesia partamo nan mandapek-an duo gala doktor. Gala doktornyo nan partamo jo titel Doctor Medicinae Interne Ziekten didapeknyo di Universitas Utrecht, Balando pado 31 Mei 1932, sadangkan titel doktornyo nan kaduo : Doctor of Public Health (DPH), didapeknyo dari Universitas John Hopkins, Baltimore, Maryland, Amerika Serikat pado 12 Juni 1934.  

Pado taun 1925-1927, M. Djamil malakuan riset di Koto Gadang jo Sianok manganai panyakik TBC jo malaria. Dari hasil riset tu baliau mandapek-an pangaragoan dari Ratu Wilhelmina. Duo taun kudian, baliau pindah ka poliklinik Natal, Sumatera Utara. Disinan baliau melakuan panalitian manganai panyakik malaria baliak. Malalui hasil risetnyo tu, anggaran pamarentah nan alah ditatapan untuak pambarantasan malaria dapek ditakan. 

Pado taun 1938-1939, baliau ditugehan di Kantua Pusek Panyakik Malaria di Jakarta. Dalam risetnyo M. Djamil manamuan caro baru untuak mambarantas jantiak-jantiak nyamuak malaria jo dadak, sarato paran salapuik protozoon di ateh aia kapado panjangkitan malaria. Karano kabahasilannyo dalam riset tu, dr. Overbeek, Kapalo Bestrijding di Indonesia, maagiahnyo titel malarialoog (ahli malaria). 

Salain di bidang kadokteran, M. Djamil giat pulo bapolitik. Baliau terafiliasi ka Partai Sosialis Indonesia, sempat manjadi Katua Komite Nasional Sumatera Barat, Residen Sumatera Barat, Gubernur Mudo Sumatera Tangah, sakaligus Gubernur Militer Sumatera Tangah. Baliau baperan gadang pulo dalam pandirian Fakultas Kadokteran jo Fakultas Ilmu Pangatahuan Alam, Universitas Andalas di Bukittinggi.

Untuak maabadian jaso-jasonyo, sajak taun 1978, RSUP Jati di Padang baganti namo manjadi Rumah Sakik Umum Dr. M. Djamil. Pamarentah-pun manatapan M. Djamil sabagai pajuang kamardekaan di Sumatera Barat. 

Gusti Asnan, Dr. Mohammad Djamil: Berjuang untuak Kemerdekaan dan Kemanusiaan, Lembaga Telaah dan Implementasi Gagasan Alternatif, 2006




#Article 260: Muhammad Padang (105 words)


Muhammad Padang adolah surang politisi Indonesia pado maso-maso paralihan dari Orde Lamo ka Orde Baru. Baliau adolah Gubernur Provinsi Maluku nan katigo, nan manjabaik dari taun 1960 sampai 1965, sasudah manggantian pajabaik sabalunnyo, Muhammad Djosan nan manjabaik Gubernur dari taun 1955 sampai 1960. Pado taun 1965 Muhammad Padang digantian dek gubernur barikuiknyo, G.J. Latumahina, nan manjabaik sampai taun 1968.

Muhammad Padang adolah putra Koto Anau, Kabupaten Solok, Sumatera Barat nan dibuang dek Balando ka Saparua pado zaman panjajahan.  Adiaknyo, Usman Padang adolah surang politisi pulo nan pernah manjabaik Katua DPRD Provinsi Maluku salamo duo pariode (10 taun) dari taun 1972-1982 sabalun digantian dek R.M.S. Latuconsina.




#Article 261: Zairin Zain (172 words)


Dr. Zairin Zain (laia di Jakarta taun 1913) adolah surang pajuang kamardekaan nan manjadi diplomat sasudah Indonesia mardeka. Sapanjang kariernyo sabagai diplomat, Zairin Zain pernah ditugehan sabagai duta basa Indonesia dibabagai negara. Pado taun 1961-1965, baliau manjadi Duta Basa Lua Biaso sarato Bakuaso Panuah Republik Indonesia untuak negara Amerika Serikat. Sabalunnyo baliau jadi duta basa pulo untuak Jerman Barat jo Inggirih.

Sasudah salasai batugeh di Amerika Serikat, baliau-pun dipindahan ka Bern manggantian Mohammad Nazir sabagai Duta Basa Lua Biaso sarato Bakuaso Panuah Republik Indonesia untuak nagaro Swiss marangkap Liechtenstein dari taun 1965-1967.

Zairin Zain adolah putra dari surang ahli Bahaso Indonesia takamuko, Sutan Muhammad Zain jo Siti Murin nan barasa dari Sungai Pasak, Padang Pariaman, Sumatera Barat. Sabagai putra nan tuo, Zairin mampunyoi 6 urang adiak, diantaronyo Yetty Rizali Noor nan pernah bakarier sabagai Dekan Fakultas Kadokteran Gigi Universitas Trisakti, Katua Umum Kongres Wanita Indonesia sarato Anggota DPR RI, jo Harun Zain nan pernah manjabat Rektor Universitas Andalas Padang, Gubernur Sumatera Barat sarato Mantari Tanago Karajo jo Transmigrasi di maso Orde Baru.




#Article 262: Sutan Mohammad Rasjid (200 words)


Sutan Mohammad Rasjid () adolah salah surang pajuang jo Parintis Kamardekaan. Katiko parang kamardekaan II (Clash II), Rasjid manjabat sabagai Gubernur Tantara Sumatera Tengah. Salain itu dalam Kabinet Darurat baliau manjabat sabagai Mantari Kaamanan/Sosial sarato Mantari Paburuhan jo Sosial.

Sasudah manamat-an pandidikan MULO di Padang taun 1929, Rasjid barangkek ka Batavia lalu masuak ka sakola manangah ateh AMS pado taun 1930. Satamat dari AMS taun 1933, Rasjid mudo mamiliah malanjuik-an pandidikannyo ka Sakola Tinggi Hukum lalu tamat taun 1938 sarato mandapek-an gala Meester in de Rechten. 

Rasjid adolah salah surang tokoh pantiang dalam Pamarentahan Darurat Republik Indonesia (PDRI) nan katiko maso pamarentahan darurat tu baliau manjabat sabagai Gubernur Tantara Sumatera Barat/Tangah, sarato kudian dalam Kabinet Darurat baliau manjabat sabagai Mantari Kaamanan/Sosial sarato Mantari Paburuhan jo Sosial nan barasa dari PSI.

Pado taun 1954, baliau diangkek sabagai Duta Basa Indonesia untuak Italia, akan tatapi pado taun 1958 baliau mamutuihan untuak bagabuang jo PRRI lalu akhianyo iduiknyo bapindah-pindah sabagai palarian politik.

Salah surang anak baliau, Arwin Rasyid kini manjabat sabagai direktur utamo Bank CIMB Niaga, nan pernah pulo manjabat sabagai direktur utamo Bank Danamon jo Telkom.

Baliau wafaik pado 30 April 2000 di Jakarta lalu dikubuaan di TPU Tanah Kusir, Jakarta Selatan.

             




#Article 263: Tamsil (108 words)


Tamsil adolah surang pajuang, politisi sarato diplomat Indonesia. Baliau pernah manjabat Mantari Mudo Lua Nagari Republik Indonesia nan kaduo. Baliau manjabat sabagai Mantari Mudo Lua Nagari dalam Kabinet Amir Sjarifuddin I jo II, iyolah sajak 3 Juli 1947 sampai 29 Januari 1948. Sabalunnyo, posisi ko dijabat dek Haji Agus Salim nan kudian dalam Kabinet Amir Sjarifuddin I jo II diangkek manjadi Mantari Lua Nagari Indonesia.

Sasudah Kabinet Amir Sjarifuddin II dibubaran, posisi Mantari Mudo Lua Nagari indak ado sampai taun 2010. Baru pado maso pamarentahan Presiden Susilo Bambang Yudhoyono diadoan baliak nan mamakai namo nan babedo, iyolah wakil Mantari Lua Nagari (Wamenlu), nan kudian dijabat dek Triyono Wibowo.




#Article 264: Chaerul Saleh (117 words)


Jenderal TNI Kehormatan Chaerul Saleh Datuak Paduko Rajo atau labiah dikana jo namo Chaerul Saleh () adolah surang pajuang kamardekaan sarato tokoh politik Indonesia nan pernah manjabat sabagai mantari, wakil pardana mantari, sarato katua MPRS antaro taun 1957 sampai 1966. Baliau mamagang pangkek Jenderal TNI Kahormatan.

Baliau basamo jo Wikana, Sukarni sarato pamuda lainnyo dari Menteng 31 nan manculik Soekarno jo Hatta dalam Paristiwa Rengasdengklok supayo kadua tokoh tu sacapeknyo manyiaran Proklamasi Kemerdekaan Indonesia sasudah kakalahan Japang dari Sakutu pado taun 1945.

Jabatan nan pernah diduduak-i dek Chaerul Saleh adolah:

Sasudah paristiwa G30S, Chaerul Saleh ditahan dek pamarentah Indonesia lalu maningga pado taun 1967 dalam status tahanan. Indak pernah ado panjalehan rasmi dari pamarentah tantang alasan panahanannyo.




#Article 265: Liga Prima Indonesia (140 words)


Liga Prima Indonesia (bahaso Inggirih: Indonesian Premier League, disingkek IPL) adolah kompetisi Sipak bola antar klub profesional tingkek tatinggi di Liga Indonesia sajak musim 2011–12. Kompetisi ko dibantuak dek PSSI sabagai panaruih Liga Super Indonesia (LSI), nan pado musim taakianyo maalami pasalisiahan jo Liga Primer Indonesia (LPI). Sabagian klub nan sato jo LPI kudian bagabuang jo klub-klub LSI (musim nan lamo, 2010-2011), sato sadonyo balanjuik manjadi anggota IPL 2011–12. Sadang sabagian klub LSI lainnyo nan indak manjadi anggota IPL manyalanggaroan LSI 2011–12 nan baru.

Patandiangan pardana IPL diadoan pado tanggal 15 Oktober 2011 (mundua dari rancana samulo tanggal 8 Oktober 2011), nan mampasuoan Persib Bandung jo Semen Padang FC. Namun, asianyo kudian indak dianggap dek karano Persib bapindah ka kompetisi LSI 2011–12. Akianyo nan jadi patandiangan patamo adolah Persiba Bantul malawan Bontang FC, nan diadoan pado tanggal 26 November 2011.




#Article 266: Stadion Agus Salim (233 words)


Stadion Gelanggang Olah Raga Haji Agus Salim adolah sabuah stadion Sipak bola di Kota Padang, Sumatera Barat, nan marupoan juo markas klub Sipak bola Semen Padang FC jo PSP Padang. Stadion ko dibangun taun 1985. Stadion Agus Salim mamiliaki dayo tampuang 28.000 tampek duduak.

Stadion ko dinamoan untuak maoromaiki Haji Agus Salim, salah surang Pahlawan Nasional Indonesia dan bakeh Mantari Lua Nagari Indonesia, nan asanyo dari Koto Gadang, Agam.

Stadion GOR Haji Agus Salim dibangun pado taun 1985 dek Pamarentah Kota Padang sabagai pangganti Stadion Imam Bonjol nan kini lah manjadi taman kota (lapangan tabukak). Stadion ko sajak awanyo badayo tampuang 28.000 tampek duduak, sato ado tribun tatutuik di sektor baraik.

Pado tanggal 30 September 2009, tajadi gampo nan manggoncang Kota Padang dan marusak ampia kasaluruahan fasilitas stadion. Babarapo fasilitas panunjang patandiangan indak lapeh dari karusakan, sarupo gangguan koneksi pado panarangan, ruang ganti pamain nan barantakan, sarato lapangan nan ratak-ratak jo lakang, manyabaukan stadion ko lah indak patuik dipakai lai. PT Semen Padang jo pasatujuan pamarentah kota kudian marenovasi stadion ko sainggo dapeklah dipagunoan baliak untuak patandiangan Liga Super Indonesia. Pabaiakan nan dikarajoan antaronyo manaman rumpuik, mampaeloki drainase, paga, ruang ganti pamain, ruangan wasit jo ruangan pers, manambahan biliak mandi jo kakuih, sarato mamasang keramik lantai jo lampu stadion.

Mulai musim kompetisi 2010-2011, Semen Padang lai baliak bamarkas di stadion ko, sasudah salamo labiah dari sataun mangunsi ka Stadion M. Yamin di Sijunjung.




#Article 267: Abdul Rivai (360 words)


Abdul Rivai () adolah surang dotor sarato wartawan Indonesia. Baliau adolah urang Indonesia partamo nan manabik-an surek kaba babahaso Malayu dari Eropa. Rivai dianugerahi gala sabagai Perintis Pers Indonesia pado taun 1974 dek Pamarentah Indonesia.

Abdul Rivai laia dari pasangan Abdul Karim jo Siti Kemala Ria. Ayahnyo bakarajo sabagai guru di sakola Malayu. Rivai mampunyoi watak nan kareh, ulet, sarato utak nan cemerlang. Pado taun 1886, katiko masih baumua 15 taun baliau ditarimo basakola di STOVIA. Satamat dari STOVIA pado taun 1894, baliau ditugehan manjadi dotor di Medan. Diakhia taun 1899, Rivai malanjuik-an pandidikan ka Balando sambia mambantu babagai surek kaba di Indonesia. Rivai adolah urang Hindia partamo nan basakola kadotoran di Balando. 

Pado awal abaik ka-20 Rivai talibat padebatan jo A.A Fokker, pajabat Balando nan mangklaim labiah fasiah babahaso Malayu dibandiang urang Malayu sandiri. Dalam padebatan tu Fokker berang karano ado urang inlander nan barani manantangnyo. Akibaik kagamilangannyo dalam badebat, Rivai dibuliahan sakola di Utrecht. 

Pado taun 1900 Rivai mamprakarsai surek kaba Pewarta Wolanda. walaupun tabik dari Amsterdam, Pewarta Wolanda tabik dalam bahaso Malayu. Salain maurusi Pewarta Wolanda, Rivai acok mangiriman tulisannyo ka babagai media massa nan tabik di Balando ataupun Hindia. Barakaik katajaman tulisannyo, Rivai labih dikana sabagai surang wartawan dibandiang dotor. Basamo Henri Constant Claude Clockener Brousson, Rivai manabik-an Bendera Wolanda pado 15 April 1901. Basamo Brousson pulo, baliau mandirian usaho panabik-an Bintang Hindia pado Juli 1902. Bintang Hindia jo warna nasionalismenyo mulai puda katiko Rivai maunduran diri pado taun 1907, sampai akhianyo pado taun 1910 media nan pernah manggebrak dunia pers Balando jo Hindia tu barakhia. Baliau mambantu pulo di Bintang Hinen West jo Alegemeen Handelsblad di Amsterdam. Katiko maadoan pajalanan ka babagai nagaro di Eropa jo Amerika pado kurun 1919-1921, baliau mangiriman karangannyo ka babagai surek kaba di Indonesia. 

Satibonyo dari Balando pado taun 1911, Rivai sato mandukuang pambantuak-an Indische Partij (IP) di Sumatera. Taun 1913 IP dibubaran karano dianggap mambahayoan pamarentah kolonial. Mantan aktivisnyo kudian mandirian Insulinde. Pado taun 1918, inyo diangkek sabagai anggota Volksraad (Dewan Rakyat) mewakili Insulinde. Baliau kudian manatap di Jakarta, sabagai pambantu utamo surek kaba Bintang Timur. Samantaro itu surek kaba Pewarta Deli, Medan manyabuiknyo sabagai Bapak dalam golongan Jurnalistik.




#Article 268: Amir Hamzah (535 words)


Tengku Amir Hamzah nan langkoknyo bagala Tengku Amir Hamzah Pangeran Indera Putera () adolah surang sasterawan Indonesia angkatan Pujangga Baru. Baliau lahia dari kaluargo urang bangsawan Melayu Kasultanan Langkat, dan banyak bakacimpuang dalam bidang sastra jo kabudayaan Melayu.

Baliau mandapek pandidikan di Sumatera jo Jawa. Amir talibaik jo pergerakan nasionalis Indonesia samaso baliau baraja di sikola manangah ateh di Surakarta sakita taun 1930-an. Baliau jatuah cinta jo rekan sikola babanso Jawa, Ilik Sundari. Keduo-duo rekan iko kekal karik maupun salapeh Amir menamatkan pandidikannyo di sikola perundangan di Betawi (sekarang Jakarta). Mereka anyo berpisah pado taun 1937 apabilo Amir dipanggia kumbali ka Sumatera untuak mangawini puteri Sultan jo batugeh di istano – Amir tatap manjalankan  tugasnyo mahupun indak baraso gambira jo pakawinannyo. Baliau batugeh sabagai wakil karajaan di Langkat salapeh pengisytiharan kamardekaan Indonesia pado taun 1945. Baliau tabunuah pado taun barikuiknyo semaso sabuah revolusi sosial nan dikatuai Partai Komunis Indonesia jo disemadikan di dalam kubua rami.

Ayah Amir Hamzah banamo Tengku Muhammad Adil nan bagala Datuk Paduka Raja. Tengku Muhammad Adil marupoan wakil Sultan untuak Luhak Langkat Hulu nan bakaduduakan di Binjai. Badasar silsilah kaluargo istano Kasultanan Langkat, Amir Hamzah adolah katurunan ka-10 dari Sultan Langkat. Amir Hamzah maabihan maso ketek di kampuang alamannyo. Dek kawan sapamenannyo, Amir ketek biaso dipanggia jo sabutan Tengku Busu atau Tengku nan bunsu. Said Hoesny, kawan Amir Hamzah di maso keteknyo manggambaannyo sabagai surang anak elok laku nan jadi kasayangan sadonyo urang.

Amir Hamzah basikola sajak baumua 5 taun di Langkatsche School, iyolah sikolah dasa Balando di Tanjung Pura pado taun 1916. Sabagian gada guru di sikola ko adolah urang Balando, sadang guru Malay ciek urang sajo. Sasudah luluih baraja salamo 7 taun, bataruihan ka MULO di Medan. Sataun balalu, Amir bapindah ka Batavia sarato malanjuikan pandidikannyo di Christelijk MULO Menjangan dan luluih dari sikola tu taun 1927. Sudah tu baliau manaruihan ka AMS di Solo, Jawa Tangah, maambiak jurusan Sastra Timua. Di Solo, mulo-mulo Amir Hamzah tingga di kompleks asrama kadiaman KRT Wreksodiningrat nan talatak di sampiang istano Kasunanan Surakarta. Kudian baliau pindah tingga basamo kaluargo RT Sutijo Hadinegoro di Nggabelen. Satalah salasai maso baraja di Solo, Amir Hamzah baliak ka Batavia untuak manampuah pandidikan Sikolah Tinggi Hakim pado awa taun 1934. Di maso-maso ko, baliau sibuak mampalajari kabudayaan moderen, kabudayaan Jawa, jo kabudayaan Asia nan lainnyo. Salamo tingga di Pulau Jawa, baliau banyak pulo bakawan jo tokoh pagarakan asa Jawa, sarupo Mr. Raden Pandji Singgih jo KRT Wedyodi.

Amir Hamzah mulai taasah minaiknyo jo sastra saaik tingga di Solo. Amir basikola di AMS Solo basamo-samo jo Armijn Pane dan Achdiat K. Mihardja. Di kota tu pulo Amir mulai manulis babarapo sajak patamonyo. Sajak nan bajudua Mabuk jo Sunyi baasia dimuek majalah Timbul nan diasuh dek Sanusi Pane. Babarapo sastrawan lainnyo nan iduik pulo samaso jo Amir Hamzah antaro lain Sutan Takdir Alisjahbana, Mohammad Yamin, Soeman Hs, JE Tatengkeng, sarato HB Jassin.

Amir Hamzah basamo Sutan Takdir Alisjahbana dan Armijn Pane mandirian majalah Pujangga Baru di taun 1933, nan kudian dek HB Jassin disabuik sabagai tonggak badirinyo Angkatan Sastrawan Pujangga Baru. Amir mawarisan 50 sajak asali, 77 sajak tajamahan, 18 prosa liris, 1 prosa liris tajamahan, 13 prosa, jo 1 prosa tajamahan. Jumlah kasaluruahan karya ko adolah 160 tulisan 




#Article 269: Abdullah C.D. (189 words)


Che Dat bin Anjang Abdullah atau labih dikana jo Abdullah C.D (laia di Lambor Kanan, Parit, Perak, Malaysia pado Oktober 1923) adolah surang  pajuang sarato politikus asa Malaysia. Baliau adolah pamimpin Partai Kominih Malaya (PKM).

Abdullah C.D adolah sarang katurunan Minangkabau nan bajuang jo sanjato di dalam hutan, manantang panjajahan Japang jo Inggirih di Tanah Malayu. Kariernyo dimulai katiko baliau bagabuang jo Kasatuan Mudo Malayu (KMM), lalu manjadi sekretaris KMM di distrik Lambor, Perak pado maso awal pandudukan Japang. Abdullah CD akhianyo bagabuang jo tantara Rakyat Malaya Anti-Japang (MPAJA).

Pada bulan Oktober 1945, Abdullah turut mendirikan Parti Kebangsaan Melayu Mudo (PKMM) basamo Burhanuddin al-Hilmi, Ahmad Boestamam, Mukhtaruddin Lasso, dan Ishak Haji Mohamad. Inyo bertanggung jawab untuak mengorganisir gerakan buruh Melayu, dan tapiliah sabagai Wakil Presiden dari Federasi Sarikek Buruh Pan-Melayu (PMFTU).

Pado tanggal 12 Mei 1949, baliau dilantiak manjadi kumandan resimen ke-10 PKM, nan mangatuai pasukan kominih Malayu untuak kawasan Narathiwat di pabatasan Malaysia-Thailand. Sasudah kamerdekaan, baliau taruih mambarontak kapado pamarentah Malaysia sampai tacapai padamaian pado tanggal 2 Desember 1989.

Abdullah manikah jo Suriani Abdullah (Eng Ching Ming), surang gadih Tionghoa nan manjadi panguruih pulo dalam Partai Kominih Malaya.




#Article 270: Abu Hanifah (251 words)


Dr. Abu Hanifah Dt. Marajo Ameh atau nan labiah dikana jo Abu Hanifah () adolah surang pajuang kamardekaan, ahli kasehatan (dokter), seniman sarato politisi Indonesia. Abu Hanifah pernah manjabat sabagai Mantari Pandidikan jo Kabudayoan Indonesia pado taun 1949 sampai 1950 dalam Kabinet RIS. Salain tu, baliau pernah pulo ditugehan sabagai Duta Basa RI untuak Brazil.

Abu Hanifah dikana pulo sabagai seniman nan sato maramian dunia teater pado maso-maso pandudukan Japang basamo jo adiak kanduangnyo, Usmar Ismail sarato kawannyo Armijn Pane. Babarapo karya sastranyo pernah dipentasan dek pakumpulan drama Maya, sarupo Taufan di Atas Asia pado taun 1943 sarato babarapo karya lainnyo. Disampiang itu baliau dikana pulo sabagai palukih.

Sambia bapraktek sabagai dokter, Abu Hanifah giaik pulo dikancah politik praktis dalam karangko pajuangan kamardekaan Indonesia. Babarapo kagiatan politiknyo, diantaronyo manjadi redaktur babagai majalah pahimpunan pamuda, sarupo Jong Sumatranen Bond pariode 1923-1926 sarato Indonesia Moeda pado taun 1931 sarato babagai kagiatan lainnyo. Abu Hanifah adolah salah surang tokoh dalam paristiwa Sumpah Pemuda pado taun 1928. Katiko Japang masuak manduduak-i Hindia Balando (Indonesia), Abu Hanifah giat sabagai anggota Barisan Pamuda Asia Raya. Kasadonyo kagiatan politik sarato pajuangan kamardekaannnyo, alah manampek-an Abu Hanifah sabagai salah surang tokoh parintis kamardekaan Indonesia. 

Abu Hanifah maningga dunia pado 4 Januari 1980 di Rumah Sakit Pusat Angkatan Darat Gatot Soebroto, Jakarta, karano panyakik imbuli (kalumpuahan pado maso tuo) nan didaritonyo. Baliau dikabumian di Taman Pemakaman Umum Karet Bivak, Jakarta, ditampek nan samo jo adiak kanduangnyo, Usmar Ismail. Abu Hanifah maninggaan surang bini, 3 urang anak sarato 4 urang cucu. 
 

 




#Article 271: Adinegoro (125 words)


Djamaluddin Adinegoro () adolah sastrawan sarato wartawan Indonesia. Baliau bapandidikan STOVIA (1918-1925) sarato pernah mampadalam pangetahuan manganai jurnalistik, geografi, kartografi, sarato jo geopolitik di Jerman jo Balando (1926-1930). 

Namo asli baliau sabananyo bukan Adinegoro, malainkan Djamaluddin gala Datuak Maradjo Sutan. Baliau adolah adiak dari sastrawan jo politisi tanamo, Mohammad Yamin. Mareka sudaro satu bapak, tapi lain ibu. Ayah Adinegoro banamo Usman gala Bagindo Chatib jo ibunyo banamo Sadarijah, sadangkan namo ibu Muhammad Yamin adolah Rohimah. Baliau mampunyoi surang bini banamo Alidas nan barasa dari Sulit Air, X Koto Diatas, Solok, Sumatera Barat.
 

Pado taun 1974 Adinegoro dianugarahi gala Parintis Press Indonesia. Sarato Pasatuan Wartawan Indonesia (PWI) sabagai badan tatinggi insan press nasional, manyadioan tando pangaragoan tatinggi untuak karya jurnalistik tabaiak satiok taunnyo, iyolah Hadiah Adinegoro.




#Article 272: Ayam pop (169 words)


Ayam pop adolah ayam nan diabui jo aia karambia jo bawang putih, sudah tu digoreng salayang jo minyak banyak di panggorengan. Dimakan jo samba lado tomat.

Bumbu ayam pop kabanyakan masih rahasio tiok-tiok restoran, tapi pado umumnyo bumbu tadiri dari bawang putih, sipadeh, jo kemiri nan dihaluihan, sudah tu ditumih basamo garam jo sere, daun limau atau diagiah aia jeruk nipis. Bilo aia karambia indak ado dapek dituka jo kemiri. Ayam dirabuih basamo bumbu sampai masak. Ayam pop alah masak sabalum dimakan, digoreng salayang jo minyak taganang. Manggoreng ayam pop indak buliah kariang lambok-lambok warno putiah alah cukuik. Bahan untuak samba tadiri dari lado, tomat, bawang sirah, petai nan digiliang inggo haluih lambuik, sudah tu digoreng.

Asa usua namo ayam pop adolah musik pop nan tanamo pado taun 1976-an. Simpang Raya mulo-mulo menyabuik ayam goreng nan dibueknyo ayam pop supayo capek diingek. Restoran lain buliah mambuek atau maniru resep ayam pop, tapi namo Istano Ayam Pop adolah namo paten restoran Simpang Raya, indak dapek dipakai dek restoran nan lain.




#Article 273: Anwar Sutan Saidi (318 words)


Anwar Sutan Saidi () adolah pangusaha sarato pajuang pagarakan kamardekaan Indonesia. Baliau adolah salah surang dari saketek konglomerat Indonesia sabalun maso kemerdekaan Indonesia.

Anwar cuma manampuah janjang pandidikan Sakola Dasar 5 taun di Payokumbuah. Indak sempat malanjuik-an pandidikannyo, Anwar tajun ka dunia usaho pado umua 16 taun. Pado mulonyo baliau karajo jo pamannyo, kudian baliau taruih mangambangan usahonyo surang. Diantaro usahonyo adolah mangumpuaan hasil karajinan tangan masyarakaik Agam Tuo (Oud Agam). Pado taun 1930, baliau mandirian Bank Tabungan Saudagar di Bukittinggi. Bank iko kudian barubah namo manjadi Bank Nasional Abuan Saudagar, nan pado akhianyo manjadi Bank Nasional. Taun 1938 baliau mamprakarsai badirinyo ampek parusahaan, iyolah PT Inkorba, PT Bumi Putera, PT Andalas, dan PT Fort de Kock. Di Bukittinggi, baliau-pun mandirian parusahaan panabik-an NV Nusantara. Parusahaan ko banyak manabik-an buku-buku sastra nan manjadi bacoan wajib anak-anak sakola. Basamo putranyo Rustam Anwar, baliau mangalola panabik-an ko sampai manjadi salah satu nan paliang gadang di Sumatera. Anwar-pun mambangun Hotel Minang di Bukittinggi sarato Danau Maninjau. Pado taun 1964 baliau maaktifan baliak pabrik Tanun Padang Asli nan alah lamo ditutuik.

Sasudah Anwar wafaik, parusahaan-parusahaannyo banyak nan mundur. Pado akhia 1990-an, gubernur Sumatera Barat, Hasan Basri Durin manjua aset Bank Nasional kapado Grup Bakrie jo Aminuzal Amin. Kalompok itu kudian maubah namo Bank Nasional manjadi Bank Nusa Bakri.

Masuaknyo Anwar Sutan Saidi ka dalam dunia pagarakan disabab-an dek kakaknyo Djamaluddin Ibrahim, nan manjadi guru Sumatera Thawalib sakaligus panggiat Partai PARI. Anwar adolah panggiat pagarakan nan anti-Japang. Baliau indak sapaham jo Muhammad Sjafei sarato Chatib Sulaiman, nan mandirian Gyugun (Laskar Rakyat) untuak mambantu Japang. Namun sasudah Gyugun diubah manjadi Tentara Keamanan Rakyat (TKR), Anwar giat mambarian dukungan dana kapado organisasi tantara tu. Di maso kamardekaan, Anwar duduak sabagai Dewan Eksekutif Komite Nasional Indonesia (KNI) Sumatera Barat, mandampingi Sutan Mohammad Rasjid jo Dr. Djamil. Taun 1960 Anwar ditunjuak manjadi angota Depernas (Dewan Perancang Nasional) sabagai tanago ahli, lalu kudian diangkek pulo manjadi anggota MPRS. 
 




#Article 274: Arisun Sutan Alamsyah (158 words)


Arisun Sutan Alamsyah adolah surang Bupati Militer sarato pajuang kamardekaan pado maso Pamarentahan Darurat Republik Indonesia (PDRI). Pado maso PDRI nan balangsuang dari tanggal 22 Desember 1948 sampai 13 Juli 1949 nan dipimpin dek Syafruddin Prawiranegara, Arisun Sutan Alamsyah manjabat sabagai Bupati Militer Kabupaten Limo Puluah Kota, Sumatera Tangah. Baliau tamasuak salah surang pimpinan pajuang nan tewas dalam Paristiwa Situjuah basamo jo babarapo pimpinan pajuang lainnyo, diantaranyo Chatib Sulaiman, Munir Latief jo nan lain-lain, basarato puluahan anggota pasukan Barisan Pengawal Nagari jo Kota (BPNK).

Pado tanggal 15 Januari 1949, Arisun Sutan Alamsyah basamo puluahan pajuang lainnyo tewas sasudah dibarondong tembakan dek pihak Balando diwakatu subuah katiko nak malaksanaan shalat. Pado malam hari sabalunnyo baliau maikuti rapek nan diadokan dek para pajuang untuak mambahas strategi pajuangan maadok-i Agresi Militer Balando II. Rapek pado malam tanggal 14 Januari 1949 tu ateh instruksi Gubernur Militer Sumatera Tangah Sutan Mohammad Rasjid sarato dipimpin dek Chatib Sulaiman sabagai Katua Markas Patahanan Rakyat Daerah. 




#Article 275: Djohan Sjahroezah (288 words)


Djohan Sjahroezah (laia di Muaro Enim, Sumatera Salatan, 1912 - maningga di Jakarta, 2 Agustus 1968 pado umua 56 taun) adolah surang tokoh pagarakan bawah tanah dalam zaman revolusi kamardekaan Indonesia. Baliau adolah salah surang anggota Badan Pekerja KNIP sarato anggota parlemen dari Partai Sosialis Indonesia.

Djohan Sjahroezah malalui maso pandidikannyo di Medan (ELS), Bandung (MULO), Jakarta (AMS), sarato maikuti macam-macam kursus mandiri nan disalanggaroan dek Golongan Merdeka di babagai kota.

Katika manjadi panggiat PPPI, baliau manulih artikel di majalah Indonesia Raya nan mangecam kareh karajo samo jo Balando. Akibaiknyo baliau ditangkok lalu dituduah mahasuik untuak babuek kakacauan. Baliau diadili sarato dihukum panjaro salamo 1,5 taun di panjaro Sukamiskin, Bandung. Salapeh dari panjaro, baliau manjalin pagarakan jo kawan-kawannyo nan indak dibuang ka Digul untuak malanjuik-an PNI-Pandidikan. Pado taun 1937, basamo Adam Malik jo Pandoe Kartawiguna mandirian KB Antara nan kudian manjadi kantua barito nasional sampai kini.

Pado maso pandudukan Japang, baliau mandirian babarapo sarikaik buruh, tarutamo di industri paminyakan. Sasudah kamardekaan, basamo jo Sutan Sjahrir baliau mambantuak Paras jo Parsi nan kudian bagabuang manjadi Partai Sosialis Indonesia. Dalam partai tu baliau duduak sabagai sekretaris jenderal, sarato mawakili partai dalam parlemen.

Pado taun 1960, PSI dibubaran lalu babarapo pimpinannyo dipanjaroan. Katiko otoriterisme Soekarno marajalela, PSI di bawah komandonyo tatap manjadi organ politik nan kritis sarato diparetongan. Djohan marupoan pribadi nan cukuik pandai dalam mambaco situasi, baik pado maso panjajahan Balando, Japang, maupun Orde Lamo. Baliau adolah pamimpin nan mangaka kapado rakyatnyo, sarato dihormati baiak dek kawan maupun lawan.  

Djohan adolah putra Minangkabau asa Koto Gadang, Agam, Sumatera Barat. Bininyo, Violet Hanifah (Yoyet) nan dinikahinyo pado taun 1937 adolah putri Haji Agus Salim. Dari panikahan tu baliau dikaruniai limo urang putra jo putri. Djohan adolah kamanakan pulo dari Sutan Sjahrir.




#Article 276: Hasnan Habib (293 words)


Letjen. TNI (Purn.) Hasnan Habib () adolah surang pajuang kamardekaan, tokoh tantara, pangamat politik sarato diplomat Indonesia.

Hasnan manampuah pandidikan SD di Bukittinggi (luluih taun 1941), SLTP di Padang (1945) dan SLTA di Bandung (1955). Pandidikan tinggi dijalaninyo di Fakultas Ekonomi Universitas Parahyangan, Bandung, lalu tamaik pado taun 1957.

Dalam bidang katantaraan, sausai maikuti pandidikan calon parwira pado taun 1945, baliau lalu maikuti babagai pandidikan tantara di Indonesia (tamasuak Akademi Militer di Yogyakarta, 1945-1956) sarato lua nagari tamasuak di Yugoslavia (Higher Military Academy and War College di Beograd, Yugoslavia, 1962-1964) jo Naval Postgraduate School, Monterey, California, Amerika Serikat pado taun 1971.

Karier militernyo dimulai sabagai Parwira Mudo Kader sampai jo pangkek Letnan Satu salamo revolusi fisik di Sumatera Timur pado taun 1945-1950, Kumandan Instruktur Guru Kapalo Departemen bidang Pandiikan  Latihan Parwira-parwira Infantri Cimahi (1951-1957), Kumandan Sektor II di Curup jo Palembang (1957-1960), Wadan/PS dan Brigade Infanteri 8 Sumatera Selatan (1960-1962), Kapalo Diklat, Wakil Asisten II Menpangad Jakarta (1964-1970), Asisten Parancanaan Umum Departemen Hankam sarato Pambantu Utamo Bidang Analisis Militer Wanhankamnas Jakarta (1970-1973) jo Kasep/Kasmin Hankam sarato Kaskopkamtib III.

Dari taun 1973 sampai 1978, Habib manjadi anggota MPR. Baliau kudian batugeh sabagai Duta Basa RI untuak Amerika Serikat pado taun 1982-1985. Salain itu, baliau pernah manjadi Duta Basa Kaliliang Garakan Non-Blok untuak Amerika Utara, Karibia jo Amerika Latin dari taun 1992 sampai 1995. Habib kudian manjabat sabagai panasehat Mantari Riset jo Teknologi/Katua BPP Teknologi untuak Industri-industri Strategis pado maso Presiden Habibie.

Kamih malam, 16 Februari 2006, sakitar pukua 21.20 WIB, Habib maningga dunia karano maidap babagai panyakik diantaronyo jantuang jo tumor di lambuang. Janazahnyo dimakaman di Taman Makam Pahlawan Kalibata. Dari pakawinannyo jo Naida Zastia, Hasnan dianugarahi ampek urang anak, namun salah surang anaknyo nan manjadi anggota TNI-AU alah maningga dunia dalam kacalakaan pasawat.




#Article 277: Burhanuddin al-Hilmi (237 words)


Dr. Burhanuddin bin Muhammad Nur al-Hilmi (laia di Kota Bharu, Perak, Malaysia taun 1911 - wafaik di Taiping, Perak, Malaysia, 25 Oktober 1969) adolah pajuang kamardekaan sarato politisi dari Malaysia. Burhanuddin pernah manjabat sabagai Yang Dipertua Agung Parti Islam Se-Malaysia (PAS). Baliau tasabuik sabagai surang nasionalis radikal sarato pamikia Islam.

Burhanuddin adolah anak partamo dari pasangan Haji Mohamad Noor jo Sharifah Zaharah bt Habib Osman. Ayahnyo barasa dari Batusangka, Sumatera Barat nan marantau ka Malaysia pado taun 1908, sadangkan ibunyo barasa dari Malaka.

Burhanuddin dilaiaan di Kota Bharu, Perak, Malaysia pado taun 1911, lalu baraja di Universiti Muslim Aligarh di India. Salasai baraja di India jo sapulangnyo dari Palestina jo Turki, Burhanuddin baliak batugeh sabagai guru bahaso Arab di Madrasah Aljunied Al-Islamiah, Aljunied, Singapura.

Sasudah Parang Dunia II, Burhanuddin mandirian Parti Kabangsaan Malayu Malaya (PKMM). Partai iko manuntuik kamardekaan panuah untuak Samananjuang Malayu sarato manantang sagalo bantuak panjajahan Inggirih. Burhanuddin mambao pulo PKMM untuak mawujudan Malayu Raya, iyolah sabuah gagasan kasatuan politik Malaysia-Indonesia.

Pado taun 1956 baliau diangkek sabagai pamimpin Parti Islam Se-Malaysia (PAS), sampai kamatiannyo pado taun 1969. Di bawah kapimpinannyo, PAS mampunyai orientasi manyokong pagarakan anti-kolonialisme. Kapamimpinannyo tapotong dek panangkok-an Akta Kasalamatan Dalam Nagari pado taun 1965, lalu salanjuiknyo dipanjaro salamo sataun ateh tuduahan bakomplot untuak mangguliangan pamarentah Malaysia, sarato mambangun sabuah pamarentah pangganti nan labiah ramah kapado Indonesia.

Burhanuddin maningga dunia pado tanggal 10 Oktober 1969 akibaik panyakik sarato siksaan samaso dalam tahanan ISA.




#Article 278: Hasyim Ning (373 words)


Masagus Nur Muhammad Hasyim Ning atau Hasyim Ning (laia di Nipah, Padang, Sumatera Barat, 22 Agustus 1916 – maningga Desember 1995 pado umua 79 taun) adolah surang pajuang kamardekaan nan kudian manjadi pangusaha sarato konglomerat sasudah Indonesia mardeka.

Hasyim adolah surang parantau Minangkabau nan datang ka Jakarta pado taun 1937. Tapi, duo taun kudian, baliau alah ditunjuak sabagai pawakilan NV Velodrome Motorcars di Tanjung Karang, Lampung. Sasudah itu, manjadi pamborong tambang batu bara di Tanjung Enim taun 1941. Hasyim Ning baliak ka Jawa, manjadi administratur pakabunan teh jo kina di Cianjur katika tajadi parang. Karano bacito-cito manjadi tantara walaupun indak direstui urangtuo, baliau pun sato maangkek sanjato di Cianjur, Bandung Selatan, pado taun 1945. Limo taun kudian, baliau pansiun jo pangkaik tarakhia letnan kolonel.

Hasyim ketek mandapek pandidikan cukuik kareh dari urangtuanyo. Pulang sakola baliau harus mangaji jo guru nan dipanggia ka rumah. Kini baliau mancontoh caro tu untuak mandidik anak-anaknyo. Pangusaha nan mandapek gala Dr.H.C. untuak Ilmu Manajemen dari Universitas Islam Sumatera Utara ko pernah giat bapolitik. Taun 1971 baliau manjabat Katua Umum IPKI, kudian sato malaiaan fusi PDI. Taun 1978 baliau maunduran diri dari PDI lalu manjalang Pamilu 1982 bagabuang jo Golkar.

Sasudah pansiun dari tantara jo pangkek tarakhia Letnan Kolonel di taun 1951, Hasyim badagang oto sarato mandirian Djakarta Motor Company. Sasudah duo taun, usaho itu bakambang manjadi usaho parakitan oto nan partamo di Indonesia, Indonesian Service Station. Baliau kudian labiah dikana sabagai pangusaha parakitan oto, maskipun bagarak pulo dalam babagai bidang, sarupo ekspor-impor, bank, biro pajalanan, pabrik kosmetik, sarato konsultan rekayasa nan manyerap indak kurang dari 3.000 karyawan. Salain itu baliau manjadi anggota dewan komisaris PT Jaya, Daha Motor, Jakarta Motor, Hotel Kemang, Asuransi Sriwijaya, PACTO, dan Central Commercial Bank.

Pado taun 1981, baliau manjua 49% saham Bank Perniagaan Indonesia punyonyo, kapado Mochtar Riady. Salapan taun kudian bank iko mangganti namanyo manjadi Lippo Bank, lalu malakuan merger jo Bank Umum Asia.
  
Di awal taun 1984, Hasyim diwawancarai majalah Perancis, Paris Match. Di sinan baliau mangatoan, usaho parakitan oto di Indonesia indak talalu baiak karano basaiang jo Japang. Oto-oto nan dirakiknyo memang buatan Eropa jo Amerika. Parusahaan Eropa jo Amerika maikuti birokrasi, sadangkan Japang langsuang mampakenalan macam-macam oto mareka. Sukses usahanyo manyababan Hasyim dipacayo manjabat Katua Umum Kadin pariode 1979-1982.




#Article 279: Jahja Datoek Kajo (383 words)


Jahja Datoeak Kajo () adolah surang pajuang kamardekaan, politisi sarato anggota Volksraad nan takamuko. Baliau adolah ayah dari Daan Jahja nan pernah manjabat gubernur militer Jakarta pado taun 1950.

Jahja Datoek Kajo laia dari pasangan laki-bini Pinggir Bandaharo Koening jo Bani, nan masiang-masiang anggota pasukuan Sikumbang jo Piliang. Pado taun 1882, Jahja mulai marantau basamo pamannyo. Di Suliki baliau sempat basakola salamo sataun, kudian nasib mambueknyo harus bapindah-pindah sakola di tampek nan babedo. Taun 1883 di Pasa Gadang, Padang lalu taun 1885-1887 sakola privat di Bukittinggi.

Taun 1888, Jahja magang pado kantua residen Padang Darek untuak labiah banyak mangataui dari dakek birokrasi pamarentahan kolonial Hindia Balando. Taun 1892-1895, Jahja bakarajo sabagai juru tulih magang di kantua kontrolir Agam Tuo. Tanggal 11 Mei 1895, Jahja mandapek gala Datoeak Kajo dan dipiliah manjadi Tuanku Lareh Ampek Koto.

Pado taun 1908, pajak (belasting) mulai dibalakuan di Sumatera Barat. Kajadian pado 2 Juli 1908 sangaik mamukul Jahja, dima baliau mancaliak anak nagarinyo dibantai dek tantara Balando karano manantang untuak malakuan pambayaran pajak. Pado taun 1919, kajadian nan disabuik Tragedi Paladangan ko ditulih lalu dilaporannyo ka atasan. Sajak itu, Jahja manjadi geram kapado tantara Balando.

Taun 1913, Jahja ditugehan marangkap jabatan, iyolah sabagai Kapalo Lareh Banuhampu. Kariernyo capek naiak, di taun 1914 baliau dipacayo manjadi damang Bukittinggi. Karano indak sapaham jo atasannyo dalam babagai hal, Jahja dimintak pindah lalu manjadi damang Payokumbuah (1915-1918), Padangpanjang (1919-1928), kudian Aia Bangih (1928-1929).

Jahja tapiliah manjadi anggota Volksraad manggantian Loetan Datoeak Rangkajo Maharadjo pado tanggal 16 Mei 1927. Baliau adolah salah surang dari 25 urang anggota golongan bumiputera. Jahja mawakili Minangkabau untuak pariode 1927-1931. Sasudah pansiun taun 1931, taun 1935 baliau tapiliah baliak sabagai anggota Volksraad.

Volksraad nan dibantuak pado akhia taun 1917, sangaiklah diskriminatif kapado anggota bumiputera. Diantaronyo adolah palarangan digunoannyo Bahaso Malayu (sasudah Sumpah Pamuda, dikana sabagai Bahaso Indonesia) dalam sidang-sidang limbago tu. Namun pakacualian tu didapek-an dek Jahja Datoeak Kajo. Sajak 16 Juni 1927, dalam saluruih pidato-pidatonyo di Volksraad, Jahja salalu manggunoan bahaso Indonesia. Jahja mamintak kapado para hadirin nan nio manyela pambicaroannyo supayo manggunoan bahaso Indonesia. Baliau bataruih tarang baso di dalam sidang majelis Volksraad labiah suko mamakai bahaso Indonesia karano maraso surang Indonesier. Pidatonyo nan baapi-api jo bahaso Indonesia di Volksraad mambuekt wakil-wakil Balando berang. Karano kabaraniannyo itu, koran-koran pribumi maagiahnyo gala Jago Bahasa Indonesia di Volksraad.




#Article 280: Ismail Lengah (420 words)


Kolonel Ismail Lengah adolah surang tokoh tantara, pajuang kamardekaan Indonesia sarato tokoh Pamarentahan Revolusioner Republik Indonesia (PRRI). Pado taun 1956 Ismail Lengah manjabat sabagai Panglimo Komando Divisi IX Banteng sabalun malatuihnyo paristiwa PRRI. Komando Divisi IX Banteng adolah salah satu divisi dalam Angkatan Parang Republik Indonesia (APRI) nan mambawahi teritorial Sumatera Tangah nan maliputi provinsi Sumatera Barat, Riau, Kapulauan Riau jo Jambi kini. Salah satu pasukannyo, iyolah Resimen 6 Divisi IX Banteng dianggap sabagai pasukan tabaiak di Sumatera. Ismail Lengah manjabat posisi panglimo jo pangkaik Kolonel katiko itu.

Sabalun jo sasudah kamardekaan Ismail Lengah salalu aktif dalam pajuangan mausia panjajah. Baliau pernah pulo mamimpin suatu rapek rahasio di Padang nan diadoan pado tanggal 18 Agustus 1945 nan kudian balanjuik di tanggal 25 Agustus 1945 lalu mandirian Balai Panarangan Pamuda Indonesia (BPPI) nan dikatuai langsuang dek baliau. Kalanjuik-an dari itu pado tanggal 31 Agustus, tabantuaklah Komite Nasional Indonesia (KNI) Daerah Sumatera Tangah nan dikatuai dek Muhammad Sjafei.

Pado bulan Januari 1946 baliau diangkek manjadi Direktur Sakola Pandidikan Opsir nan baru didirian di Bukittinggi, katiko itu baliau bapangkek letnan kolonel. Pado bulan Juli 1946, Ismail Lengah diangkek manjadi Kapalo Seksi Pasanjatoan Markas Umum Komandemen Sumatera. Pado taun 1956 jo pangkek kolonel baliau manjabat sabagai Panglimo Komando Divisi IX Banteng nan mambawahi Sumatera Tangah.

Pado 20 November 1956 di Padang, Ismail Lengah mambantuak Dewan Banteng nan katuanyo Letnan Kolonel Ahmad Husein nan katiko itu manjabat sabagai Kumandan Resimen IV Tantara Teritorium (TT) I di Padang. Pambantuak-an Dewan Banteng di Sumatera Tangah akhianyo diikuti dek daerah-daerah lain sarupo pambantuak-an Dewan Gajah di Sumatera Utara dek Kolonel Maludin Simbolon jo Dewan Garuda di Sumatera Salatan dek Kolonel Barlian, sarato Dewan Manguni di Sulawesi Utara dek Letnan Kolonel Ventje Sumual. Pambantuak-an Dewan-Dewan ko didasari dek katidakpuehan nan dirasokan daerah-daerah di lua pulau Jawa.

Sasudah rapek di Sungai Dareh, Sumatera Tangah pado tanggal 9 Januari 1958, akhianyo Ahmad Husein mambantuak Pamarentahan Revolusioner Republik Indonesia (PRRI) pado tanggal 15 Februari 1958 sarato maangkek Syafruddin Prawiranegara sabagai Pardana Mantari barikuik kabinetnyo. Samantaro itu di Sulawesi Utara, Letnan Kolonel D.J. Somba maikutinyo jo mambantuak Garakan Piagam Pajuangan Semesta (Permesta).

Tuntutan Dewan-Dewan itu tantang otonomi, panyarahan mandat Pardana Mantari Djuanda kapado Mohammad Hatta dan Hamengku Buwono IX, pambantuak-an zaken kabinet jo tuntutan supayo Presiden baliak sabagai Presiden Konstitusional sarato babarapo tuntutan lainnyo indak dipanuahi dek pamarentah pusek. Sasudah malalui babarapo parundiangan nan indak mahasilan kasapakatan ditangah situasi nan managangan akhianyo pamarentah mangirim pasukan dalam jumlah gadang untuak mambungkam aspirasi daerah-daerah tu. Tajadilah parang sudaro naan cukuik banyak mamakan korban anak bangso.




#Article 281: Agamo (427 words)


Agamo adolah suatu sistem nan mangatur tata kaimanan (kapicayoan) dan paribadatan kapado Tuhan Nan Mahakuaso sarato tata kaidah nan bahubuangan jo pagaulan manusia dan manusia sarato lingkuangannyo.

Kato agamo baasa dari bahaso Sanskerta, āgama nan baarati tradisi.. Sadangkan kato lain untuak manyatokan konsep iko adolah religi nan baasa dari bahaso Latin religio dan baaka pado kato karajo re-ligare nan baarati mangikek baliak. Makasuiknyo jo bareligi, sasaurang mangikek dirinyo kapado Tuhan.

Émile Durkheim mangatokan baso agamo adolah suatu sistem nan tapadu nan tadiri ateh kapicayoan dan praktik nan bahubuangan jo hal nan suci. Kito sabagai umaik baagamo samaksimal mungkin bausaho untuak taruih maningkekan kaimanan kito malalui rutinitas baibadah, mancapai rohani nan sampurano kasuciannyo

Definisi tantang agamo dipiliah nan sadarano tapi manyaluruah. Aratinyo definisi iko diharokan indak talalu sampik atau talalu lungga tatapi dapek dipakai kapado agamo-agamo nan salamo ko dikana malalui panyabuikan namo-namo agamo itu. Agamo marupoan suatu limbago atau institusi pantiang nan maatua iduik rohani manusia. Untuak itu tahadok apo nan dikana sabagai agamo-agamo itu paralu dicari titiak pasamoannyo dan titiak pabedoannyo.

Manusia punyo kamampuan tabateh, kasadaran dan pangakuan akan katabatehannyo manjadikan kayakinan baso ado sasuatu nan lua biaso di lua dirinyo. Sasuatu nan lua biaso itu tantu baasa dari sumber nan lua biaso juo. Dan sumber nan lua biaso itu ado bamacam-macam sasuai jo bahaso manusianyo surang
. Misal Tuhan, Dewa, God, Syang-ti, Kami-Sama dan lain-lain atau hanyo manyabuik sipaik-Nyo sajo sarupo Nan Maha Kuaso, Ingkang Murbeng Dumadi, De Weldadige, jo lain-lain.

Kayakinan iko mambaok manusia untuak mancari kadakekan diri kapado Tuhan jo caro mangambokan diri, yaitu:

Jo damikian didapek katarangan nan jaleh, baso agamo itu pangamboan manusia kapado Tuhannyo.
Dalam arati agamo ado 3 unsua, iolah manusia, pangamboan, jo Tuhan. Mako suatu paham atau ajaran nan manganduang katigo unsua pokok arati tasabuik dapek disabuik agamo.

Labiah lawehnyo lai, Agamo juo dapek diaratikan sabagai jalan iduik. Yakni baso saluruah aktivitas lahia jo batin pamaluaknyo itu diatua dek agamo nan dianuiknyo. Bagaimano awak makan, bagaimano awak bagaul, bagaimano awak baibadah, dan sabagainyo ditantukan jo aturan/tata caro agamo.

Anam agamo nan paliang banyak dianuik di Indonesia marupoan agamo Islam, Kristen Protestan, Katolik, Hindu, Buddha, jo Konghucu. Sabalunnya, pamarentah Indonesia pernah malarang panganuik Konghucu malaksanoan agamanyo sacaro umum. Namun, malalui Keppress No. 6/2000, Presiden Abdurrahman Wahid mancabuik larangan tu.

Agamo jo kapacayoan nan bacantuman di bawah iko marupoan agamo jo kapacayoan jo jumlah pamaluk nan signifikan di saluruah dunia. Babarapo komunitas di babagai balahan dunia juo mamaluak babagai aliran kapacayoan nan dianggap sabagai golongan minoritas dan alun dikamukokan. Babarapo agamo jo kapacayoan jo jumlah pamaluak nan gadang antaro lain:




#Article 282: Johnny Anwar (343 words)


Brigjen Pol. (Purn.) Johnny Anwar (laia taun 1918 - maningga taun 1976 pado umua 58 taun) adolah surang parwira polisi sarato pajuang kamardekaan Indonesia nan pernah manjabat Kapalo Polisi Kota Padang dimaso revolusi kamardekaan Indonesia pado taun 1946 sarato Panglimo Angkatan Kapolisian (Pangak) XVIII Sulawesi Salatan-Tanggara pado taun 1968. Baliau baparan pantiang di kota Padang pado maso pajuangan fisik katiko pasukan Balando jo sakutu baliak manduduak-i kota tu sasudah kakalahan pihak Japang dalam Parang Dunia II. Johnny pernah dipanjaro dek pihak panjajah karano sikapnyo nan indak namuah bakarajosamo jo pihak Balando sarato sakutu. 

Pado taun 1946 katiko baumua 28 taun baliau diangkek sabagai Kapalo Polisi Kota Padang jo pangkek Komisaris Polisi kelas II. Sasudah dibebasan dari tahanan, pado taun 1948, baliau diangkek manjadi Kapalo Polisi Kota Bukittinggi marangkap Kapalo Polisi Kores Sumatera Barat. Pado taun 1950 baliau sempat ditugehan untuak studi ka tigo kota di Amerika Serikat, iyolah San Fransisco, New York jo Washington salamo 3 bulan. Sasudah maso revolusi fisik, Johnny Anwar manjalani karier kapolisiannyo jo babagai jabatan sarato batugeh dibabagai kota di Indonesia, diantaronyo Kapalo Polisi Komisariat Maluku di Ambon (1964), Panglimo Angkatan Kapolisian (Pangak) XVIII Sulawesi Salatan-Tanggara di Makassar (1968) lalu nan tarakhia sabagai Kumandan Operasi Bhakti Markas Gadang Angkatan Kapolisian (Mabak) di Jakarta (1970-1972) sabalun pansiun.

Johnny Anwar manikah jo surang padusi nan banamo Martina sarato dikaruniai ampek urang anak iyolah Wendy Anwar, Fonny Anwar, Sendy Anwar sarato Renny Anwar. Baliau maningga dunia pado taun 1976 dalam umua 58 taun lalu dimakaman di Taman Makam Pahlawan Kalibata, Jakarta.

Johnny laia dari pasangan Anwar Maharajo Sutan (ayah) jo Siti Safiah (ibu), nan barasa dari Sumatera Barat. Ayahnyo pernah jadi damang di Kurinci jo Padang. Johnny Anwar adolah kakak dari Rosihan Anwar, surang tokoh wartawan sarato pandiri koran Pedoman. Tigo urang adiaknyo nan lain, Junisaf Anwar, surang wartawan pulo nan pernah manjabat sabagai Pamimpin Redaksi Kantua Barito Antara, Roesman Anwar, surang profesional nan pernah manjabat sabagai Direktur Utama Pelni sarato adiak bungsunyo, Yozar Anwar, salah surang pamimpin panggiat garakan mahasiswa di taun 1966 nan kudian bakarier sabagai wartawan jo panulih buku.




#Article 283: Kaharudin Datuak Rangkayo Basa (171 words)


Kaharudin Datuak Rangkayo Basa () adolah surang parwira polisi Republik Indonesia jo pangkek tarakhia Komisaris Basa Polisi katiko manjabat Kapalo Kapolisian Sumatera Tangah lalu kudian manjadi Gubernur Sumatera Barat nan partamo (1958-1965), sasudah propinsi Sumatera Tangah kudian dimekaran badasaran Undang-undang Darurat Republik Indonesia nomor 19 taun 1957.

Kaharudin Datuak Rangkayo Basa adolah tamatan Opleidings School Voor Inlandsche Ambtenaren (OSVIA) (Sakola Pangreh-praja) di Fort de Kock (Bukittinggi) sadangkan bininyo Mariah nan dinikahinyo pado taun 1926 adolah tamatan Hollandsch Inlandsche School (HIS) (SD 7 taun) di Sigli Aceh.

Dalam pajalanan kariernyo baliau pernah manduduki jabatan mulai dari Asisten Damang, Asisten Wedana Polisi, Kapalo Polisi Padang Lua Kota, Kapalo Polisi Karasidenan Riau, Kapalo Polisi Kota Padang, Kapalo Polisi Provinsi Sumatera Tangah sarato Gubernur Kapalo Daerah Tingkek I Sumatera Barat.

Katiko manjadi Gubernur di Sumatera Barat, baliau maalami takanan barek karano munculnyo Pamarentahan Revolusioner Republik Indonesia (PRRI), di satu sisi sabagai wakil jo papanjangan tangan pamarentah pusek di daerah sadangkan disisi lain sabagai pamimpin pado wilayah nan masyarakaiknyo sadang bagajolak karano kaindak-puehan kapado pamarentah pusek.




#Article 284: Kemal Idris (182 words)


Letjen. TNI (Purn.) Ahmad Kemal Idris () adolah surang pajuang kamardekaan sarato tokoh tantara Indonesia. Baliau manjabat sabagai Pangkostrad pado taun 1967. Baliau-pun salah surang panandotangan Petisi 50.

Karier tantara dimulai jo manjadi Seinendan pado zaman Japang. Kudian, baliau bagabuang dalam satuan tantara Jawa Barat, Divisi Siliwangi. Kemal Idris maajak bagabuang pulo Poncke Princen, opsir Balando untuak bagabuang jo Indonesia.

Puncak karier tantaranyo dicapai katiko manjadi Pangkostrad pado taun 1967. Salamo manjadi Pangkostrad baliau baparan gadang dalam mandukuang garakan mahasiswa nan manantang Orde Lamo. Kudian baliau manjabat Panglimo Komando Antardaerah untuak Kawasan Indonesia Timur. Karier tarakhia Kemal di tantara adolah Panglimo Komando Wilayah Patahanan (Pangkowilhan) jo pangkek letnan jenderal.

Sasudah pansiun dari karier tantara, pado September 1972 baliau ditugehan untuak manjadi duta basa Indonesia untuak Yugoslavia marangkap untuak Yunani. Sasudah itu baliau manjadi pangusaha lalu digalai Jenderal Sampah, karano mangalola usaho pananggulangan sampah. Kemal Idris giat pulo di Barisan Nasional (Barnas).

Ahmad Kemal Idris maningga dunia pado pukua 03.30 WIB, 28 Juli 2010, karano komplikasi panyakik sarato infeksi paru-paru. Baliau dimakaman sacaro tantara di Taman Makam Majelis Taklim Raudatus Salihin, Citapen, Bogor.




#Article 285: Khatijah Sidek (284 words)


Khatijah Sidek (laia di Kampuang Baru, Pariaman, Sumatera Barat, taun 1918 – wafaik di Kuala Lumpur, Malaysia, taun 1982) adolah pajuang kamardekaan Malaysia jo Indonesia. Baliau dikana sabagai politisi padusi Malaysia nan cukuik tanamo.

Khatijah adolah anak dari pasangan Mohammad Sidek bin Haji Ismail jo Sariah binti Mohammad Saleh asa Pariaman, Sumatera Barat. Ayahnyo adolah surang padagang nan cukuik bahasil, sarato mampunyoi cito-cito tinggi untuak anak-anaknyo. Khatijah Sidek nan banamo ketek Khadijah, adolah anak bungsu dari sapuluah basudaro.

Pado taun 1936, Khatijah manamaik-an pandidikannyo di Normal School, Bukittinggi. Sasudah itu baliau maaja di Pangkalan Susu, Sumatera Utara (1936-1938), Pangkalan Brandan (1938-1939), Binjai (1939-1940), sarato Matang Glumpang Dua, Aceh Salatan (1940-1942). Sasudah itu baliau pai ka Bukittinggi lalu mandirian pasukan semi-militer padusi Kesatria Bangsa.

Barakaik undangan anggota Kesatria Bangsa, baliau pai ka Singapura pado bulan Juni 1946. Disinan baliau manjadi panggiat padusi nan cukuik lantang. Karano kagiatan politiknyo tu, pamarentah kolonial Inggirih mamanjaroannya di Outram Road pado 18 Agustus 1948. Balaiau baru dibebasan pado taun 1950. Panjaro indak manyuruik-an niaiknyo dalam manantang kolonialisme Inggirih. Karier politiknyo taruih balanjuik lalu mancapai puncaknyo katiko barado di Samananjuang Malaysia. 

Pado taun 1953, Khatijah manjadi anggota UMNO sarato manduduak-i jabatan Setiausaha Kaum Ibu sarato Katua Kaum Ibu (1953-1956). Salamo mamimpin Kaum Ibu, Khatijah alah mahimpun hampia 10.000 urang padusi untuak bagabuang jo UMNO. 

Khatijah salah surang anggota UMNO nan paliang vokal. Baliau manuntuik supayo UMNO barani mamakiak-an kato mardeka. Dalam Pasidangan Aguang UMNO taun 1953, baliau jo lantang manuntuik supayo jumlah pawakilan dari kaum padusi ditambah. Kalantangannyo tu manimbuaan karasahan di kalangan pamimpin sarato para anggota UMNO. Hal iko manyabab-an dipecatnyo baliau dari kaanggotaan UMNO pado taun 1956. Pado pariode 1959-1964, Khatijah manjadi anggota parlemen dari Partai Islam Sa-Malaysia. 




#Article 286: Mohammad Amir (521 words)


Dr. Mohammad Amir (laia di Talawi, Sawahlunto, Sumatera Barat, 27 Januari 1900 - maningga di Amsterdam, Belanda, 1949) adolah pajuang kamardekaan sarato politikus Indonesia nan manjabat sabagai mantari sasudah Indonesia mardeka. Baliau manjabat sabagai mantari nagaro pado Kabinet Presidensial di taun 1945.

Amir laia dari pasangan M. Joenoes Soetan Malako jo Siti Alamah. Dalam adaik Minangkabau nan matrilineal, Amir maikuti suku ibu iyolah suku Mandaliko. Kaluarganyo adolah kaum nan tapalajar. Salain Amir, kaduo sapupunyo iyolah Mohammad Yamin sarato Djamaludin Adinegoro-pun tokoh pagarakan kamardekaan Indonesia.

Pada wakatu mudo, Amir dibao dek kakak ibunyo, Mohammad Jaman gala Radjo Endah ka Palembang. Di kota ko Amir baraja di HIS, sakola dasar untuak anak-anak pribumi. Sabalun tamaik HIS, Amir pindah ka Batavia lalu malanjuik-an pandidikan dasarnyo di ELS. Amir manaruihan studinyo ka janjang pandidikan manangah di MULO. Disinan baliau tamat baraja pado taun 1918, lalu kudian malanjuik-an ka STOVIA. Sasudah tamaik STOVIA, antaro taun 1924-1928, Amir mandapek kasampatan untuak manaruihan baraja di Fakultas Kadotoran Universitas Utrecht, Balando malalui beasiswa dari pakumpulan Teosofi.

Tanggal 8 Desember 1917, Amir basamo jo Tengku Mansur sarato sajumlah siswa Sumatera lainnyo mandirian Jong Sumatranen Bond (JSB), maikuti jajak pamuda-pamuda Jawa nan mandirikan Jong Java duo taun sabalunnyo. Para pamuda ko-pun bagabuang untuak mampasiap-an diri sabagai panggarak dalam upayo mampabaiki taraf kahidupan rakyaik Sumatera. Manuruik majalah Pemoeda Soematra nan mulai ditabik-an sajak 1918, dalam sataun jumlah anggota pahimpunan manjadi sakitar 500 urang jo cabang di Jakarta sarato Padang nan paliang banyak anggotanyo. Pado rapek taunan JSB tanggal 26 Januari 1919, Amir tapiliah sabagai wakil panguruih mandampiangi Tengku Mansur nan manjabat sabagai katua. Satahun kudian Amir tapiliah manjadi katua manggantian Mansur nan alah luluih dari STOVIA. Taun 1922, posisi Amir sabagai katua umum digantian dek Bahder Djohan. Di Balando, taun 1925 baliau tapiliah manjadi komisaris Pahimpunan Indonesia.

Tanggal 14 Agustus 1945, basamo Teuku Mohammad Hasan, Amir mahadiri sidang PPKI mawakili rakyaik Sumatera. Pado maso pambantuak-an kabinet Presidensial, Amir ditunjuak manjadi mantari nagaro basamo jo Wahid Hasjim, R.M Sartono, A. A. Maramis, sarato Otto Iskandardinata. Pado bulan Desember 1945, Amir diangkek manjadi wakil gubernur Sumatera mandampiangi Teuku Moh. Hasan nan alah labiah dulu diangkek manjadi gubernur.

Pambarontakan sosial nan tajadi di Sumatera Timur manjadi ancaman dek Amir jo kaluarganyo. Karano paristiwa ko Amir dipindahan dari Medan ka Sabang. Kudian dari kota tu, Amir ditabangan ka Utrecht, tampek baliau baraja samaso mudo. Karano tindakannyo tu Amir dituduah sabagai pangkhianat bangso. Di maso akhia hiduiknyo, ateh bantuan D. J. Warouw baliau tingga di Sulawesi, bapindah-pindah dari Gorontalo, Palu, lalu akhianyo Makassar.

Mohammad Amir manyukoi sarato tagarak dek tulisan-tulisan nan ado di surek kaba jo majalah nan tasadio di STOVIA. Amir mandapek-an bimbingan manulih dari Landjoenan gala Datoeak Tamangguang, panabik majalah bulanan Suluh Pelajar, Cahaya Hindia, sarato harian Neraca. Amir surang manulih babagai karangan dalam bahaso Balando, antaro lain tantang karya sastra Balando rangkaian Mathilde ciptaan Jacques Perk jo tantang Multatuli sabagai pamikia etika jo pajuang politik. Salain bakarajo sabagai psikiater, Amir-pun acok talibat dalam panulihan artikel di majalah Pujangga Baru. Disiko baliau manantang gagasan Sutan Takdir Alisjahbana nan mampropagandakan pambaratan pado masyarakaik Indonesia. Taun 1940 kumpulan tulisan Amir ditabik-an di Medan nan bajudul Bunga Rampai.




#Article 287: Muchtar Lutfi (405 words)


Muchtar Lutfi (laia di Balingka, Agam, Sumatera Barat taun 1901 - wafaik di Makassar, Sulawesi Salatan taun 1950) adolah salah surang ulama, politisi, sarato pajuang kamardekaan Indonesia. Baliau adolah panguruih partai Pasatuan Muslim Indonesia sarato katua Partai Masyumi cabang Sulawesi. 

Muchtar Lutfi adolah surang Minangkabau. Ayahnyo banamo H. Abdul Latief Rasyidi, surang ulama nan pernah mamimpin surau Jambatan Basi Padangpanjang. Pado taun 1908, Muchtar dimasuak-an ka sakola nagari tigo taun di Balingka, sabalun disarahan ka Syekh Abdul Karim Amrullah untuak mampadalam ilimu agamo. Pado taun 1911, Abdul Karim Amrullah pindah ka Padangpanjang untuak maaja di surau Jambatan Basi, lalu Muchtar Lutfi-pun dibaonyo. Di surau Jambatan Basi, baliau mangambangan bakatnyo dalam bapidato jo badebat dalam masalah agamo. Kamampuannyo tu manimbuakan kapacayoan Zainuddin Labay el Yunusi, pandiri sarato pamimpin Diniyah School Padangpanjang, untuak maangkeknyo sabagai pamimpin Diniyah School cabang Sibolga. Sasudah baliak dari Sibolga, Muchtar diangkek manjadi guru di Sakola Rajo sarato OSVIA. 

Katiko manjadi guru, baliau mangarang buku nan manantang pamarentahan kolonial Hindia-Balando. Dek karano itu baliau dicari dek pamarentah kolonial karano alah mangganggu katartiban umum. Barakaik bantuan gurunyo, Abdul Karim Amrullah, Muchtar Lutfi bahasil malarian diri ka Malaysia, lalu dilanjuik-an ka Mekkah jo Kairo. Di Kairo pado taun 1922, baliau basamo jo mahasiswa asa Kapulauan Nusantara lainnyo mambantuak Al-Jamiah al-Khairiyah al-Jawah. Organisasi ko batujuan untuak manyamokan visi mahasiswa tantang realitas nan tajadi di Nusantara. Pado taun 1926, basamo jo Ilyas Ya'kub baliau mambantuak Pahimpunan Panjago. Mareka-pun manabik-an majalah Seruan Al-Azhar jo Pilihan Timur, nan kaduonyo baorientasi politik. 

Taun 1931, Muchtar baliak ka Sumatera Barat lalu bagabuang jo Pasatuan Muslimin Indonesia (Permi). Di partai ko, baliau diangkek sabagai Katua Dewan Propaganda Permi. Baliau-pun manaruah minat kapado pandidikan, lalu mandirian sakola padusi Normal School. Akibaik kagiatan politiknyo nan radikal, pado taun 1932 pamarentah Balando manangkoknyo lalu duo taun kudian baliau dibuang ka Boven Digoel basamo Jalaluddin Thaib sarato Ilyas Ya'kub. Baliau baru dibebasan sasudah Japang bahasil manduduak-i Indonesia pado taun 1942. Dek Balando baliau dibebasan ka Makassar sarato diangkek sabagai anggota Konstituante Nagaro Indonesia Timur. Sasudah itu baliau babaliak arah lalu mandukuang Republik Indonesia. Indak lamo kudian Muchtar diangkek sabagai katua Partai Masyumi cabang Sulawesi. 

Pado taun 1950, pasukan APRIS pimpinan Andi Azis malakuan pambarontakan di Makassar. Mareka basamo pasukan KNIL maadoan razia ka rumah tokoh-tokoh nan anti-federal. Salah satunyo ka rumah Muchtar Lutfi, disinan baliau langsuang ditembak sampai tewas. Ateh jaso-jasonyo, masyarakaik Makassar maabadian namo Muchtar Lutfi pado sabuah jalan di kota Makassar, sakitar Pantai Losari.




#Article 288: Mohammad Eunos Abdullah (189 words)


Mohammad Eunos Abdullah (laia di Singapura taun 1876 - meninggal dunia di Singapura tahun 1933 pada umur 57 tahun) adalah seorang pejuang Melayu Singapura, wartawan, sarato politisi nan mandirian Kasatuan Malayu Singapura.

Eunos adolah anak surang padagang Minangkabau dari Sumatera Barat. Baliau baraja di Raffles Institution pado taun 1893. Pado taun 1907 baliau manjadi editor koran babahaso Malayu Utusan Melayu. Baliau adolah salah surang Malayu partamo nan manjadi Hakim Padamaian pado taun 1922.

Pado taun 1924 baliau tapiliah sabagai wakil kaum Malayu dalam dewan legislatif Straits Settlements. Duo taun kudian baliau mandirian Kasatuan Malayu Singapura (Singapura Melayu Union), sabuah organisasi politik nan mambela hak-hak kaum Malayu Singapura. Tujuan utamo dari Kasatuan Malayu Singapura adolah untuak mampromosian kamajuan Malayu, sarato maningkek-an pandidikan jo minat dalam politik. Bisa dikatoan baso Kasatuan Malayu Singapura marupoan palopor organisasi Nasionalis Malayu di Singapura.

Pado taun 1927 baliau mamintak kapado pamarentah sabidang tanah untuak mambangun sabuah Kampuang Malayu. Pamarentah manyatujui rancana tu lalu maagiahan pitih sajumlah $ 700.000 kapado Eunos nan digunoannyo untuak mambali tanah salaweh 600 hektar. Untuak manganang jaso-jasonyo, kampuang ko akhianyo diagiah namo Kampuang Eunos, nan di dakeknyo ado Stasiun MRT Eunos.




#Article 289: Mohammad Nazir (277 words)


Laksamana Mudo Mohammad Nazir Isa gala Datuak Basa Nan Balimo () adolah surang tantara angkatan lauik sarato pajuang kamardekaan Indonesia. Baliau pernah manjabat Kepala Staf TNI Angkatan Laut dari taun 1946 sampai 1948 sarato Mantari Palayaran Republik Indonesia dari taun 1957 sampai 1959. Baliau pernah pulo manjabat sabagai Duta Basa RI di Swiss jo Vatikan 

Nazir laia dari pasangan Mohammad Isa Sutan Bandaro jo Siti Chadijah. Baliau anak katigo dari tujuah basudaro. Sajak umua 6 taun Nazir diasuah dek pamannyo, Adam Datuak Basa Nan Balimo di Tanjung Pura, Langkat nan manjabat sabagai School Opzienner. Sasuai jo jabatan pamannyo, M. Nazir dibuliahan untuak masuak Europeesche Lagere School di Medan. Sasudah itu baliau dibao dek pamannyo nan lain, Abdul Samad nan bakarajo sabagai Hoof Opzichter di Jakarta, lalu masuak sakola dasar De Tweede Bijbel School, kudian baliau malanjuik-an sakola ka Chrijstelike MULO. 

Nazir bakarajo sabagai palauik di Balando ateh rekomendasi Ny. Poijt van Druten, gurunyo di MULO. Sasudah lamo bakarajo di dunia palayaran, Nazir malanjuik-an pandidikannyo di sakola palayaran Michel Adrianzoon de Ruyter Balando, lalu mandapek-an ijazah De Grotevaart (Ijazah Palayaran Samudera) pado taun 1938. Baliau adolah urang Indonesia partamo nan mandapek-an ijazah satingkek itu. Taun 1938 baliau pulang ka Indonesia lalu bakarajo di parusahaan palayaran Doggerbank. Sasudah Japang masuak ka Indonesia, baliau bagabuang ka Angkatan Lauik Kakaisaran Japang. Pado taun 1943, baliau diangkek sabagai kapalo Sakola Palayaran Tinggi di Semarang. 

Sasudah kamardekaan Indonesia, baliau manjadi Kapalo Staf TNI Angkatan Lauik sarato Mantari Palayaran pado Kabinet Djuanda. Baliau sato pulo manandotangani Petisi 50 nan mangkritisi pamarentahan totaliter Soeharto.

Ateh jaso-jasonyo, baliau manarimo tando jaso Bintang Gerilya, sawindu APRI, Parang Kamardekaan I jo II, Satyalencana VIII, XVI, sarato Bintang Jalasena. 




#Article 290: Muhammad Isa Anshary (336 words)


Muhammad Isa Anshary () adolah pajuang kamardekaan, politisi sarato tokoh Islam Indonesia. Baliau pernah manjabat sabagai katua umum Pasatuan Islam (Persis), anggota konstituante, sarato juru bicaro Partai Masyumi pado era 1950-an. Kapiawaiannyo dalam bapidato jo mampangaruahi massa, mambuek baliau dijuluak-i sabagai singo podium.

Isa Anshary adolah putra Minangkabau nan sajak ketek dididik dalam lingkuangan nan religius. Disampiang mampalajari ilimu agamo dari kaduo urang tuonyo, baliau-pun manimbo ilimu di surau. Katiko remaja baliau giat di babagai organisasi kaislaman, diantaronyo Muhammadiyah, PSII, Pasatuan Pamuda Rakyat Indonesia, sarato Indonesia Baparlemen.

Pado umua 16 taun, sasudah manyalasaian pandidikannyo di madrasah Islam, Isa marantau ka Banduang untuak maikuti babagai kursus ilmu pangatahuan umum. Di Banduang pulo, baliau mampalaweh cakrawala kaislamannyo dalam Jam'iyyah Persis sampai manjadi katua umum Persis. Tampilnyo Isa Anshary sabagai pucuak pimpinan Persis dimulai pado 1940, katiko baliau manjadi anggota hoofbestuur (Pimpinan Pusek) Persis. Taun 1948, baliau malakuan reorganisasi Persis nan mangalami kevakuman sajak maso pandudukan Japang jo Parang Kamardekaan. Taun 1953 hinggo 1960, baliau tapiliah manjadi katua umum Pusekt Pimpinan Persis.

Salain sabagai mubaligh, Isa Anshary dikana pulo sabagai panulih nan tajam. Baliau tamasuak salah surang parancang Qanun Asasi Persis nan alah ditarimo sacaro bulek dek Muktamar V Persis (1953) lalu disamparonoan pado Muktamar VIII Persis (1967). Dalam sikap jihadnyo, Isa Anshary maanggap pajuangan Persis sungguah vital sarato kompleks, karano manyangkuik babagai bidang kahidupan umaik. Dalam bidang pambinaan kader, Isa Anshary manakanan pantiangnyo sabuah madrasah, tampek mambina kader-kader mudo Persis. Sumangaiknyo dalam hal pambinaan kader indak pernah padam maskipun baliau mandakam dalam tahanan Orde Lamo di Madiun. Kapado Yahya Wardi nan manjabat katua umum Pimpinan Pusek Pamuda Persis pariode 1956-1962, Isa Anshary mangiriman naskah Ranuangan 40 Taun Pasatuan Islam nan baliau susun dalam tahanan untuak disebaan kapado pasarato muktamar dalam rangko maningkek-an kasadaran jamaah Persis. Malalui tulisannyo, Isa Anshary mancubo mahiduik-an sumangaik para kadernyo dalam usaho mangambangan sarato manyebaan agamo Islam sarato pajuangan organisasi Persis. Dalam mampajuangan tagaknyo syariat Islam di Indonesia, Isa mamiliah bajuang malalui parlemen. Malalui Partai Masyumi, baliau konsisten mampajuangan syariat Islam manjadi dasar-dasar negara.

 




#Article 291: Munir Latief (350 words)


Letnan Kolonel Munir Latief adolah surang tantara sarato pajuang kamardekaan Indonesia. Baliau tamasuak salah surang tokoh pajuang nan tewas basamo puluahan pajuang lainnyo dalam Paristiwa Situjuah nan tajadi pado tanggal 15 Januari 1949 di Situjuah Batua, Limo Puluah Kota, Sumatera Barat. Paristiwa Situjuah adolah salah satu mato rantai dari pajuangan mampatahankan kamardekaan nan dilakuan dek Pamarentahan Darurat Republik Indonesia (PDRI) di bawah pimpinan Syafruddin Prawiranegara nan balangsuang dari tanggal 22 Desember 1948 sampai 13 Juli 1949.
  

Munir Latief pernah basakola di Sakola Adaik sarato MULO Padang, salanjuiknyo baliau ka Jakarta untuak malanjuik-an pandidikan ka HBS, namun indak salasai karano Japang talanjua manduduak-i Indonesia. Baliau-pun baliak ka Padang lalu masuak pandidikan calon parwira nan diadoan dek Japang, Gyu Gun angkatan partamo. Dalam pandidikan tantara tu Munir Latief satu angkatan jo Dahlan Djambek, Ahmad Husein, Ismail Lengah, Dahlan Ibrahim sarato nan lainnyo. Salasai dari pandidikan tu baliau mandapek-an pangkek Letnan Duo.

Sasudah Japang kalah dalam Parang Dunia II, para parwira didikan Japang tu mambangun kakuatan sarato mandirian Barisan Kaamanan Rakyat (BKR) nan taseba di Sumatera Tangah. Dikudian hari BKR barubah namo manjadi Tantara Kaamanan Rakyat (TKR).

Pado taun 1946 di Bukittinggi didirian Sakola Pandidikan Opsir. Mayor Munir Latif diangkek sabagai Direktur Pandidikan Opsir manggantian pajabat sabalunnyo iyolah Kolonel Ismail Lengah. Di bawah pimpinan Munir dilaksanaan pandidikan angkatan kaduo nan diikuik-i 60 urang calon kadet. Pado taun 1947 Mayor Munir Latif dipindahan sarato diangkek manjadi Kumandan Batalyon III/Resimen II di Sungai Panuah. Salanjuiknyo baliau dimutasi ka Bukittinggi baliak lalu mamimpin Pandidikan Divisi IX.

Pado tanggal 14 Januari 1949 di Lurah Kincia, Situjuah Batua,Kecamatan Situjuah Limo Nagari, Kabupaten Limo Puluah Kota, Sumatera Barat, Munir Latief maikuik-i rapek nan dipimpin dek Chatib Sulaiman sabagai Katua Markas Patahanan Rakyat Daerah. Rapek tu sabagai bagian dari pajuangan PDRI mambahas strategi pajuangan dalam maadok-i Agresi Militer Balando II.

Dalam suasana baistirahat sausai rapek, pado tanggal 15 Januari 1949 pado subuah harinyo katiko ka malaksanaan shalat subuah, tibo-tibo pasukan Balando datang manyarang sarato mambarondong para pajuang tu. Letnan Kolonel Munir Latief jo babarapo pimpinan pajuang lainnyo besarato jo puluahan anggota pasukan Barisan Pangawal Nagari jo Kota (BPNK) tewas sakatiko.




#Article 292: Nazir Datuak Pamuncak (270 words)


Nazir Datuak Pamoencak adolah surang parintis kamardekaan sarato diplomat Indonesia. Nazir adolah putra Minangkabau asa Salayo, Solok, Sumatera Barat. Sasudah tamaik dari HBS Batavia, baliau manuntuik ilmu di Fakultas Hukum, Universitas Leiden.

Di Balando, baliau pernah manjadi Katua Pahimpunan Indonesia, sabuah pakumpulan mahasiswa nan aktif mampajuangan kamardekaan Indonesia. Sasusah Indonesia mardeka, Nazir Datuak Pamoencak bakarier sabagai diplomat. Baliau babarapo kali dipacayo manjadi duta basa Indonesia untuak nagaro-nagaro sahabaik.

Pado Januari 1918, Nazir Datuak Pamuncak datang ka Padang sabagai utusan Jong Sumatranen Bond (JSB). Baliau datang diutus untuak mandirian cabang-cabang di Padang jo Bukittinggi. Di Padang, usahonyo bahasil, tapi di Bukittinggi indak. Nazir bapidato di muko para palajar di Padang baso pamuda-pamuda Jawa alah labiah dulu maju daripado di Sumatera. Namonyo Jong Java. JSB sandiri baru badiri pado akhia taun 1917. Barikuik adolah isi pidatonyo:

Pado taun 1927, baliau basamo Mohammad Hatta, Ali Sastroamijoyo jo Abdul Majid Djojohadiningrat dipanjaro dek Karajaan Balando karano dituduah maikuik-i partai talarang. Ali Sastroamijoyo jo Nazir Pamuncak dipanjaro duo taun. Mareka dipanjaro di Rotterdam. Baruntuang Mohammad Hatta manulak saluruih dakwaan tu jo pidatonyo, Indonesie Vrij pado sidang kaduo tanggal 22 Maret 1928, sahinggo baliau jo kawan-kawannyo dibebasan. Pambebasan mareka disambuik baiak dek Mr. Duys (anggota parlemen Balando wakatu itu), sarato Willem Drees, Pardana Mantari Balando taun 1945. Sasudah ditahan babarapo bulan, mareka barampek dibebasan dari tuduahan, karano tuduahan indak dapek dibuktian.

Nazir Datuak Pamoencak mampunyoi surang putri tungga banamo Lidia Djunita Pamuncak nan labiah dikana jo namo Jajang C. Noer nan bakarier sabagai seniman jo manjadi pemeran (aktris) sarato sutradara.

Untuak mangana jaso-jasonyo, namanyo diabadian manjadi namo salah satu rueh jalan di Kota Solok, Sumatera Barat.




#Article 293: Rahmah El Yunusiyyah (196 words)


Rahmah El Yunusiyyah () adolah surang tokoh pambaharu pandidikan Islam di Indonesia. Baliau adolah pandiri sakola Diniyyah Puteri di Padang Panjang, Sumatera Barat. Rahmah adolah adiak dari Zainuddin Labay El-Yunusy, nan surang pambaharu pulo di bidang pandidikan Islam di Indonesia.

Rahmah laia dari pasangan Moh. Yunus dan Rafiah dari suku Minang. Ayahnyo adolah surang ulama gadang nan manjabat sabagai kadi di Pandai Sikek, Tanah Data. Inyiaknyo Imanuddin adolah surang ahli ilmu falak sarato pamimpin Tarikaik Naqsyabandiyah.  

Sajak ketek Rahmah adah ditingga mati dek ayahnyo. Baliau digadangan sarato diasuah dek ibu jo kakak-kakaknyo. Lingkuangannyo nan taat kapado ajaran agamo, alah mambantuak kapribadiannyo untuak manjadi surang nan saba sarato bapandirian taguah.

Rahmah adolah surang otodidak. Baliau baraja dari kakak-kakaknyo, Zainuddin Labay jo M. Rasyad. Katiko Zainuddin mandirian Diniyyah School, Rahmah ikuik pulo baraja di sinan. Baliau baraja agamo kapado Abdul Karim Amrullah, Tuanku Mudo, sarato Abdul Hamid. Di sampiang baraja agamo, antaro taun 1931-1935 Rahmah maikuti kursus ilmu kabidanan di Rumah Sakik Umum Kayutanam. 

Hajjah Rahmah el Yunusiyyah dan Zainuddin Labay el Yunusy, Dua Bersaudara Tokoh Pembaharu Sistem Pendidikan di Indonesia: Riwayat hidup, Cita-cita, dan Perjuangannya; H. Aminuddin Rasyad, Leon Salim, Hasniah Saleh, Perguruan Diniyyah Puteri Padang Panjang




#Article 294: Roestam Effendi (137 words)


Roestam Effendi () adolah surang sastrawan Indonesia sarato tokoh pagarakan kamardekaan Indonesia asa Minangkabau. Kabaradoannyo dalam khasanah sastra Indonesia cukuiklah pantiang. Sumangaik palawanan kapado pamarentah panjajahan dituangannyo dalam panulihan sajak jo drama nan basifaik metaforik, nan manjadi pambaharu dalam gaya. Baliau adolah urang Hindia-Balando partamo nan manjadi anggota parlemen Balando (Tweede Kamer).

Roestam laia dari pasangan Soelaiman Effendi jo Siti Sawiah. Ayahnyo adolah surang fotografer, nan kudian pindah ka Jakarta lalu mandirian Effendi Bank. Roestam tamatan Sakola Rajo (Kweekschool) Bukittinggi nan kudian malanjuik-an sakolanyo di Hogere Kweekschool voor Indlanse Onderwijzers (Sakola Guru Tinggi untuak Guru Bumiputra) di Banduang. Pado taun 1926 baliau pai ka Balando untuak malanjuik-an pandidikan Hoofdakte. Sajak masih duduak di bangku sakola, Roestam alah banyak manaruah minaik pado soal-soal kabudayoan sarato pernah bacito-cito nak mampabarui dunia sandiwara nan katiko itu labiah basifaik komedi stambul.




#Article 295: Ruhana Kuddus (398 words)


Rohana Kudus () adolah tokoh wartawan Indonesia. Baliau adolah pandiri surek kaba padusi nan partamo di Indonesia. Rohana iduik di zaman nan samo jo Kartini, katiko akses padusi untuak mandapek pandidikan nan baiak sangek dibatasi.
 
Rohana adolah saurang padusi nan punyo komitmen nan kuaik pado pandidikan tarutamo untuak kaum padusi. Pado zamannyo Rohana tamasuak salah surang dari saketek padusi nan pacayo baso diskriminasi kapado padusi, tamasuak kasampatan untuak mandapek pandidikan adolah tindakan samena-semena lalu harus dilawan. Jo kacerdasan, kabaranian, pangorbanan sarato pajuangannyo Rohana malawan katidakadilan untuak parubahan nasib kaum padusi.

Walaupun Rohana indak dapek mandapek pandidikan sacaro formal namun baliau rajin baraja jo ayahnyo, saurang pagawai pamarentah Balando nan salalu mambaoan Rohana bahan bacoan dari kantua. Kainginan jo samangaik barajanyo nan tinggi mambuek Rohana capek manguasoi materi nan diajaan ayahnyo. Dalam umua nan masih sangek mudo Rohana alah dapek manulih jo mambaco, sarato babahaso Balando. Salain itu baliau baraja pulo abjad Arab, Latin, jo Arab-Malayu. Katiko ayahnyo ditugehan ka Alahan Panjang, Rohana batatangga jo pajabat Balando atasan ayahnyo. Dari bini pajabat Balando tu Rohana baraja manyulam, manjahik, marendo, sarato marajuik nan marupoan kaahlian padusi Balando. Disinan baliau banyak pulo mambaco majalah tabitan Balando nan mamuek babagai barito politik, gaya iduik, sarato pandidikan di Eropa nan sangek disukoi Rohana.

Pado tanggal 11 Februari 1911, baliau alah managakkan sakolah katarampilan untuak padusi nan ado di Koto Gadang nan dibari namo Sekolah Kerajinan Amai Setia. Disakolah itu, Rohana mangajakan katarampialn dasar sarupo mambaco jo manulih. Katarampilan tangan sarupo manjaik, mambordir, jo manyulam. Kamudian inyo maajaan pulo takaik caro mangalalo piti, budi pekerti, pandidikan agamo sampai palajarah Bahaso Indonesia jo Bahaso Balando. Baliau juo tacatat sabagai Wartawati Partamo di Indonesia nan mandirikan jo mamimpin surek kaba Perempuan Bergerak nan ditabikkan di Lubuk Pakam, Medan dan surat kabar Tjahaja Soematera nan dipimpinnyo di padang pado zaman panjajahan Balando.

Baliau laia dari pasangan Mohamad Rasjad Maharadjo Soetan (ayah) jo Kiam (ibu). Rohana Kudus adolah kakak tiri dari Soetan Sjahrir, Pardana Mantari Indonesia nan partamo sarato mak tuo (bibi) dari panyair tanamo Chairil Anwar. Baliau pun adolah sapupu H. Agus Salim. 

Rohana saurang padusi nan mampunyoi komitmen nan kuaik pado pandidikan tarutamo untuak kaum padusi. Pado zamannyo Rohana tamasuak salah saurang dari saketek urang nan picayo adonyo diskriminasi taadok padusi, tamasuak kasampatan untuak mandapek pandidikan adolah tindakan nan sawenang-wenang nan haruih dilawan. Dek cadiaknyo, baraninyo, sarato pangorbanannyo malawan kaindak adilan untuak maubah nasib kaum padusi. 




#Article 296: Rosihan Anwar (215 words)


H. Rosihan Anwar () adolah tokoh pers Indonesia, walaupun dirinyo labiah tapek disabuik sabagai sajarawan, sastrawan, sarato budayawan. Rosihan adolah salah surang nan cukuik giaik dalam manulih. Baliau alah manulih sakitar 21 judul buku jo ratusan artikel di hampia sadonyo koran jo majalah utamo di Indonesia, sarato di babarapo panabitan asiang.

Rosihan adolah anak kaampek diantaro sapuluah basudaro dari pasangan Anwar Maharaja Sutan jo Siti Safiah. Ayahnyo adolah surang damang di Padang, Pantai Barat Sumatera. Baliau manyalasaian sakola rakyaik (HIS) jo SMP (MULO) di Padang. Kudian baliau malanjuik-an pandidikannyo ka AMS di Yogyakarta. Dari sinan Rosihan maikuik-i babagai palatiahan di dalam maupun lua nagari, tamasuak di Universitas Yale jo School of Journalism di Universitas Columbia, New York City, Amerika Serikat.

Rosihan Anwar manikahi Siti Zuraida pado taun 1947. Zuraida masih tamasuak karabat dari Mohammad Husni Thamrin, pahlawan nasional dari Betawi. Pasangan ko dikaruniai tigo urang anak sarato sajumlah cucu.

Rosihan Anwar basudaro, dikana sabagai tokoh-tokoh masyarakaik. Duo adiaknyo, Junisaf Anwar jo Yozar Anwar, maikuti jajaknyo pulo sabagai wartawan. Junisaf pernah manjadi pamimpin redaksi Antara, sadangkan Yozar dikana sabagai pimpinan eksponen 1966. Adiaknyo nan lain Roesman Anwar, maniti karier sabagai profesional nan pernah manduduak-i jabatan direktur utama Pelni. Kakaknyo, Johnny Anwar, adolah mantan kapalo polisi Padang. Namonyo diabadian sabagai salah satu namo jalan di kota tu.




#Article 297: Shamsiah Fakeh (122 words)


Shamsiah Fakeh (laia taun 1924 - maningga taun 2008 pado umua 84) adolah surang politisi sarato pajuang kamardekaan Malaysia. Baliau dikana pulo sabagai Ratu Rimbo Malaya, karano pajuangannyo dalam manantang kolonialisme Inggirih.

Shamsiah Fakeh laia di Kampuang Gamuruah, Kuala Pilah, Nagari Sambilan, Samananjuang Malaya pado taun 1924. Ayahnyo banamo Fakeh Sultan Sulaiman, sadangkan ibunyo banamo Saamah Nonggok. Ayahnyo adolah surang guru mangaji sarato silek Minangkabau. Pado awal abaik ka-20, urang tuonyo marantau dari Minangkabau ka Nagari Sambilan, Samananjuang Malaya.

Shamsiah mulai basakola pado taun 1931 di Sakola Malayu Kampuang Parik, Kuala Pilah. Kudian pindah ka Sakola Malayu Bandar, masih di Kuala Pilah. Pado 1938, katiko baumua 13 taun, baliau diantaan ayahnyo baraja di Diniyah Putri Padangpanjang, nan dipimpin dek Rahmah El Yunusiyyah.




#Article 298: Sirajuddin Abbas (198 words)


K.H. Sirajuddin Abbas () adolah surang ulama, politisi sarato pajuang kamardekaan nan kudian manjadi mantari sasudah Indonesia mardeka.

Sirajuddin Abbas dikana sabagai surang ulama Syafi'iyah sarato tokoh utamo Perti. Baliau pernah pulo disarahi amanah sabagai Mantari Kasejahteraan Umum dalam Kabinet Ali Sastroamidjojo I nan balangsuang dari tanggal 30 Juli 1953 sampai 12 Agustus 1955. Baliau manggantian Sudibjo nan maunduran diri.

Sabagai surang ulama, baliau sangek gigiah dalam mampatahankan mazhab Ahlussunnah wal Jamaah, khusuihnyo mazhab Syafi'i dalam bidang ilmu fikih.

Sirajuddin Abbas adolah anak suluang dari Syekh Haji Abbas Qadli atau nan labiah dikana Syekh Abbas bin Abdi Wahab bin Abdul Hakim Ladang Lawas, jo ibu banamo Ramalat binti Jai Bengkawas. Baliau patamo kali mampalajari ilmu agamo dari ayahnyo, kudian manaruihan baraja ka ulama-ulama lain nan ado di wilayah Minangkabau.

Masih alun pueh jo ilmu nan didapek-an dari ulama-ulama nan ado di Minangkabau, baliau mampadalam ilmunyo ka kota Makkah. Salamo anam taun inyo baraja di Makkah, sakaligus manunaian ibadah haji satiok tahunnyo (7 kali) di salo-salo wakatu barajanyo. Pado taun 1930 baliau diangkek manjadi staf sekretariat pado konsultan Balando di Arab Saudi. Salain itu baliau banyak  pulo bakenalan jo para palajar dari kalangan Malayu maupun dari balahan dunia lainnyo.




#Article 299: Siti Manggopoh (246 words)


Siti Mangopoh (laia taun 1880 - maningga taun 1960 pado umua 80) adolah surang pajuang padusi dari Manggopoh, Agam, Sumatera Barat. Pado taun 1908, baliau malakuan palawanan kapado kabijakan ekonomi Balando malalui pajak pitih (balastiang) nan disabuik jo Parang Balastiang. Paraturan balastiang dianggap batantangan jo adaik Minangkabau. Sabab tanah adolah kapunyoan komunal atau kaum di Minangkabau. 

Pado tanggal 16 Juni 1908, Balando sangek kawalahan mahadok-i tokoh padusi Minangkabau ko, sahinggo mamintak bantuan ka tantara Balando nan ado di lua nagari Manggopoh. 

Jo siasaik nan diatur sadamikian rupo dek Siti, baliau jo pasukannyo bahasil manewasan 53 urang sardadu panjago benteang. Sabagai padusi, Siti Manggopoh cukuik mandiri nan indak tagantuang kapado urang lain. Baliau mamanfaatan naluri kepadusiannyo sacaro cerdas untuak mancari informasi tantang kakuatan Balando tanpa hanyuik dibuai rayuan mareka. Inyo pernah mangalami konflik batin katiko ka maadoan panyarbuan ka benteang Balando. Konflik batin tu adolah antaro raso kaibuan nan dalam kapado anaknyo nan sadang arek manyusu di satu pihak jo panggilan jiwa untuak malapehan rakyaik dari kazaliman Balando di pihak lain. Namun baliau capek kalua dari situ jo mamanangan panggilan jiwanyo untuak mambantu rakyaik. Tangguang jawabnyo sabagai ibu dilaksanaan baliak sasudah malakuan panyarangan. Bahkan anaknyo, Dalima, baliau bawo malarian diri ka hutan salamo 17 hari lalu salanjuiknyo dibao pulo katiko baliau ditangkok sarato dipanjaro 14 bulan di Lubuak Basuang, Agam, 16 bulan di Pariaman, sarato 12 bulan di Padang. Mungkin karano anaknyo masih ketek atau karano alasan lainnyo, akhianyo Siti Manggopoh dibebasan. Namun suaminyo dibuang ka Manado.




#Article 300: Tuanku Nan Renceh (161 words)


Tuanku Nan Renceh adolah salah surang ulama, pamimpin sarato pajuang nan baparang malawan panjajahan Balando dalam paparangan nan dikana jo namo Parang Pidari dari taun 1803-1838. Indak banyak dikataui data manganai tokoh ko, salain surang figur karismatik, baliau dikana pulo kareh dalam managak-an syariat Islam. Sadangkan manuruik catatan Balando, tokoh ko adolah sosok antagonis, sarato dianggap batangguang jawek ateh adanyo tindakan kakarasan di Dataran Tinggi Padang.

Namo asli dari Tuanku Nan Renceh adolah Abdullah. Baliau laia di Nagari Kamang pado taun 1780 dan maningga dunia dalam parang Pidari. Baliau adolah murik dari Tuanku Nan Tuo. Baliau kudian manjadi guru nan banyak malahiaan pajuang parang Pidari.

Kadatangan tigo urang haji dari Makkah taun 1803 mailhami Tuanku Nan Renceh, lalu kudian mulai mangumandangan jihad ateh sagalo bid'ah di Minangkabau. Ide-ide pambaharuan nan ditarapan Tuanku Nan Renceh kapado parubahan kabiasaan masyarakaik tamasuak model sistem adaik matrilineal mandapek tantangan dari para panghulu pado babarapo nagari di Minangkabau sahinggo kudian malahiaan garakan Pidari malalui pandakatan konflik.




#Article 301: Tuanku Rao (513 words)


Tuanku Rao (laia, 1790 - wafaik, 1833 pado umua 43) adolah panglimo parang sarato tokoh Pidari takamuko. Baliau adolah salah surang panyeba Islam di Tanah Batak.

Tuanku Rao laia dari pasangan Minangkabau nan barasa dari Rao, Pasaman, Sumatera Barat. Ayahnyo barasa dari Taruang-Taruang, Rao, sadangkan ibunyo dari Padang Mantinggi, Rao. 

Pado maso remaja Tuanku Rao mandalami ilmu agamo Islam di surau Tuanku Nan Tuo, Koto Tuo, Agam, lalu kudian malanjuik-annyo di Bonjol. Sasudah manyalasaian ilmu fiqihu al-Islam jo predikat thayyib jiddan (sangek mamuehan), baliau dianugarahi gala Fakih Muhammad.

Fakih Muhammad kudian manikah jo surang padusi bangsawan, putri Yang Dipatuan Rao. Karano mintuonyo bukan surang panganuik Wahabi, sarato indak basumangaik untuak manantang panjajahan Balando, mako pimpinan pamarentahan Rao diambiak aliah dek minantunyo, nan kudian bagala Tuanku Rao.

Pado 1816, Tuanku Nan Barampek mangiriangi Fakih Muhammad pulang ka kampuang halamannyo untuak manyebaan hukum Islam. Di Rao, Yang Dipatuan Daulat Padang Nunang, nan punyo patalian darah jo Karajaan Pagaruyuang, indak ragu-ragu menyosialisasian hukum Islam tu kapado anak kamanakan.

Kudian basamo kamanakannyo, Bagindo Suman jo Kali Alam, baliau manyebaan ajaran Pidari ka Languang, Muaro Sitabu, Muaro Bangku, Koto Rajo, Silayang, sampai ka Rokan Hulu, Riau. Di wilayah Rokan baliau batamu jo kawan sapaguruannyo, Tuanku Tambusai. Basamo Tuanku Tambusai, baliau maislaman masyarakaik Padang Sidempuan, Kotanopan, Padang Lawas, Bakkara, sarato sajumlah pakampuangan di bibia Danau Toba.

Tuanku Rao adolah salah surang panglimo Parang Pidari nan tangguah, jo gigiah malakuan palawanan kapado pamarentah kolonial Balando di wilayah Pasaman, Kotanopan, Padang Lawas, hinggo Padang Sidempuan. Sasudah pasukan Balando manakluak-an Matua jo Lubuak Sikapiang, pado bulan Oktober 1832 Rao bahasil ditakluak-an. Letnan Bevervoorden, surang kumandan pasukan Balando, manamui Tuanku Rao lalu mambujuaknyo supayo manyarah. Dalam patamuan tu, Tuanku Rao badalih ka pai haji sarato manyarahan baliak pimpinan pamarentahan Rao kapado mintuonyo, Yang Dipatuan Rao. 

Sasudah patamuan tu, Tuanku Rao manariak diri lalu basambunyi di dalam hutan. Namun sumangaik nan dibaoan Tuanku Tambusai nan baru pulang dari Makkah, manyumangaik-inyo untuak taruih bajuang malawan Balando. Untuak mamulusan panyebaan paham Pidari ka tanah Batak, Tuanku Rao malakuan panyarangan kapado patahanan Balando di Aia Bangih. Pado tanggal 29 Januari 1833, Tuanku Rao dihadang pasukan Balando. Palawanannyo dapek dipatahan, lalu baliau mandarito luko barek akibaik dihujani paluru. Kudian baliau dinaiak-an ka ateh kapa untuak diasiangan. Alun lamo barado di ateh kapa, Tuanku Rao manamui ajanyo. Diduga jenazahnyo dibuang ka lauik dek tantara Balando.

Dalam buku Pongkinangolngolan Sinambela gala Tuanku Rao: Terror Agama Islam Mazhab Hambali di Tanah Batak, 1816-1833, Mangaradja Onggang Parlindungan manulih riwayat iduik Tuanku Rao sarato sajarah Parang Pidari. Namun di dalam buku tu, banyak tadapek kajanggalan sarato fakta-fakta nan indak dapek ditarimo dek sajarawan. Diantaro panyatoan Parlindungan nan dinilai sasek adolah asa-usua Tuanku Rao nan disabuiknyo barasa dari suku Batak bamarga Sinambela, sarato marupoan surang kamanakan Sisingamangaraja X. Katidakakuratan lainnyo adolah manganai taun kamatian Tuanku Rao nan disabuik-annyo pado taun 1921. 

Namun buku tu alah dibantah dek banyak ahli sijarah jo agamo Islam. Antaro lain adolah Hamka, malalui bukunyo Tuanku Rao : Antara Khayal dan Fakta. Dalam buku ko Hamka mambeberan kabohongan nan diungkapan Parlindungan, sakaligus maluruihan fakta manganai Tuanku Rao jo Parang Pidari. 




#Article 302: Umar Dt. Garang (574 words)


H. Umar Datuak Garang (laia taun 1908 - maningga 8 Juli 1986 pado umua 78) adolah tokoh pajuang asa Sumatera Barat. Sasudah manamaik-an Sakola Dasar, pamuda Umar malanjuik-an ka pasantren Paguruan Thawalib di Parabek, kudian ka Paguruan Thawalib di Batusangkar lalu akhianyo pado taun 1928 manamaik-an Paguruan Thawalib di Padang Panjang, lalu kudian manjadi guru pado Madrasah Diniyah Limo Jurai Sungai Pua disampiang batugeh sabagai Kadhi Nikah pado jorong Galuang, Sungai Pua.

Pado wakatu itu baliau ikuik bagarak dalam partai politik Permi (Pasatuan Muslim Indonesia), nan sabagian gadang lulusan Paguruan Thawalib kabanyakan manjadi anggota Permi.

Manikah jo Jalilah binti Pakih Mahmud pado 1930 di Koto Musajik, Kapalo Koto Sungai Pua, bagala Sutan Saidi, lalu barangkek ka Medan manjadi pangusaha/padagang.

Dek anak-kamanakan baliau dalam tombak nan sabatang payuang nan sakaki, baliau ditatapan jo suaro bulek manjadi panghulu/niniak mamak bagala Datuak Garang dalam suku Koto Gobah di Tanjuang Gadang Galuang, Sungai Pua. Upacara batagak panghulu tu talaksana pado taun 1933. Guno manunjang kahidupannyo, baiak sabagai kapalo kaluarga maupun sabagai pamangku adat, baliau bausaho sabagai padagang di Bukittinggi sampai zaman pandudukan Japang.

Sasudah Proklamasi kamardekaan 1945, Pamarentah Pusek RI mainstruksian supayo di tiok nagari, kabupaten sarato propinsi dibantuak Komite Nasional. Nagari Sungai Pua pado wakatu itu dek panjajah Balando dibagi duo nagari, iyolah Kapalo Koto jo Tangah Koto. Manuruik instruksi Pamarentah Pusek RI karano Sungai Pua tadiri dari duo nagari, samestinyo duo pulo Komite nasionalnyo, iyolah Komite Nasional Kapalo Koto jo Komite Nasional Tangah Koto. Tapi dek pamuda progresif sokongan rakyaik mainginan cuma ciek sajo Komite Nasional, iyolah Komite Nasional Sungai Pua.

Tapiliah sabagai Katua Komite Sungai Pua badasaran rundiangan pamuda progresif pado wakatu itu, disampiang baliau surang ulama, baliau surang pamangku adat/penghulu pulo, tasabuik basifaik tanang maadok-i sagalo sasuatu lalu manyalasaian sasuatu urusan jo sabaik-baiknyo.

Baliau-pun surang orator/pandai bapidato. Dek karano tapiliahnyo baliau manjadi Katua Komite Nasional, sakaligus tacakup putusan hanyo ciek sajo Komite Nasional, iyolah Komite Nasional Sungai Pua.

Instruksi Pamarentah RI manggarihan baso suatu nagari harus mamiliah surang kapalo nan dinamoan Wali Nagari. Pado pamiliahan Wali Nagari Sungai Pua di antaro tigo calon, baliaulah nan mandapek suaro tabanyak, hinggo baliau manjadi Wali Nagari Sungai Pua nan partamo.

Salamo pariode manjadi Wali Nagari, alah badiri “Bank Sungai Puar”, pambantuak-an Dewan Pawakilan Nagari (parlemen mini) sarato Dewan Harian sabagai kabinet Wali Nagari. Kabarasiahan malalui Gotong Royong panduduak sacaro taratur tatap baliau paratian, babagai kasus nan datang kapado baliau disalasaian jo baiak sarato bijaksano, sahinggo indak ado nan maraso kalah atau manang.

Sasudah proklamasi RI baliau manjadi anggota partai politik “Partai Sosialis Indonesia” (PSI Syahrir). Salamo bakacamuaknyo agresi tantara Balando (1948 – 1949) dimano sadonyo Wali Nagari manjadi Wali Parang, baliau manjadi Wali Parang Sungai Pua. Wakatu itu Sungai Pua manjadi sasaran masin parang tantara Balando, tamasuak front tadapan, banyak tantara RI ulang aliak ka Sungai Pua, kasadonyo itu dapek diatasi jo sabaiak-baiaknyo.

Sasudah panyarahan kadaulatan (1950) baliau ka Jakarta untuak urusan kaluarga. Babarapo bulan baliau di Jakarta, suatu delegasi utusan nagari Sungai Pua datang dari kampuang mangunjuangi baliau di Jakarta mamintak kasadioan baliau supayo baliak ka Sungai Pua manaruihan jabatan baliau sabagai Wali Nagari. Delegasi ditarimo lalu baliau mangucapan tarimo kasih, namun babarengan jo itu baliau mangiriman surek pamohonan baranti dari Jabatan Wali Nagari, lalu manjadi pangusaha.

Salamo di Jakarta baliau dianggap sabagai urang nan dituoan sarato salalu dimintai nasihat-nasihat untuak kamajuan organisasi nan bahubuangan jo Sungai Pua. Baliau maningga pado 8 Juli 1986 sarato maninggaan surang bini jo 7 urang anak (4 laki-laki  3 padusi).




#Article 303: Achyar Ilyas (157 words)


H. Achyar Ilyas, S.E., M.A. () adolah surang ahli ekonomi Indonesia nan pernah manjabat sabagai Deputi Gubernur Bank Indonesia. Baliau pernah pulo manjabat sabagai Komisaris Utama Bank BNI Syariah.

Achyar Ilyas mandapek-an gala sarjana ekonomi dari Fakultas Ekonomi Universitas Indonesia. Kudian baliau maraiah titel Master of Arts in Economics dari Duke University, Durham, North Carolina, Amerika Serikat sarato gala Magister Hukum dari Universitas Padjadjaran, Bandung.

Achyar mamulai karier di BNI pado taun 1967 lalu tujuah taun kudian bagabuang jo Citibank, Jakarta. Pado taun 1975, baliau masuak Bank Indonesia jo jabatan tarakhia sabagai deputi gubernur nan mambidangi riset jo kabijakan moneter, statistik moneter, hukum, kredit, sarato lua nagari. 

Sacaro ex-officio Achyar pernah manjabat sabagai Alternate Governor World Bank, direktur SEACEN sarato eksekutif komite APRACA. Baliau pernah pulo manjabat sabagai komisaris independen Bank Nagaro Indonesia jo BNP Paribas Indonesia. Achyar giat pulo di organisasi Muhammadiyah, iyolah sabagai Katua Dewan Pakar Majelis Ekonomi jo Katua Majelis Ekonomi  Kawirausahaan PP Muhammadiyah. 




#Article 304: Ahmad Khatib Al-Minangkabawi (287 words)


Syaikh Ahmad Khatib Al-Minangkabawi Rahimahullah adolah ulama basa Indonesia nan pernah manjadi guru, khatib sarato imam basa di Masjidil Haram, sakaligus Mufti Mazhab Syafi'i pado akhia abaik ka-19 jo awal abaik ka-20. Baliau mamiliki peranan pantiang di Mekkah al Mukarramah sarato di sinan manjadi guru para ulama Indonesia.

Namo langkoknyo adolah Ahmad Khatib bin Abdul Latif al-Minangkabawi, laia di Koto Tuo Balai Gurah, IV Angkek Canduang, Agam, Sumatera Barat, Hindia Balando pado hari Sinayan 6 Dzulhijjah 1276 H (1860 Masehi) lalu wafaik di Mekkah hari Sinayan 8 Jumadil Awal 1334 H (1916 M).
 
Awal barado di Mekkah, baliau baguru ka babarapo ulama takamuko di sinan sarupo Sayyid Bakri Syatha, Sayyid Ahmad bin Zaini Dahlan, sarato Syekh Muhammad bin Sulaiman Hasbullah al-Makkiy.

Banyak sakali murik Syaikh Khatib nan diajaan fiqih Syafi'i. Kelak di kudian hari mareka manjadi ulama-ulama basa di Indonesia, sarupo Abdul Karim Amrullah (Haji Rasul) ayah dari Buya Hamka; Syaikh Muhammad Jamil Jambek, Bukittinggi; Syaikh Sulaiman Ar-Rasuli, Canduang, Bukittinggi, Syaikh Muhammad Jamil Jaho Padang Panjang, Syaikh Abbas Qadhi Ladang Laweh Bukittinggi, Syaikh Abbas Abdullah Padang Japang Suliki, Syaikh Khatib Ali Padang, Syaikh Ibrahim Musa Parabek, Syaikh Mustafa Husein, Purba Baru, Mandailiang, sarato Syaikh Hasan Maksum, Medan. Indak katinggalan pulo K.H. Hasyim Asy'ari jo K.H. Ahmad Dahlan, duo ulama nan masiang-masiang mandirian organisasi Islam nan paliang gadang di Indonesia, Nahdatul Ulama (NU) jo Muhammadiyah, marupoan murik dari Syaikhul Ahmad Khatib Rahimahullah.

Syaikhul Ahmad Khatib Rahimahullah adolah tiang tangah dari mazhab Syafi'i dalam dunia Islam pado pamuloan abaik ka XX. Baliau dikana pulo sabagai ulama nan sangaik paduli jo pancerdasan umaik. Imam Masjidil Haram ko adolah ilmuwan nan manguasoi Ilmu Fiqih, sijarah, aljabar, Ilmu Falak, Ilmu Ituang, sarato Ilmu Ukua (geometri).

Karya-karya Syaikh Ahmad Khatib dalam bahaso ’Arab:




#Article 305: Ahmad Syafii Maarif (256 words)


Prof. Dr. H. Ahmad Syafii Maarif () adolah surang ulama, ilmuwan sarato pandidik Indonesia. Baliau pernah manjabat Katua Umum Panguruih Pusek Muhammadiyah, Presiden World Conference on Religion for Peace (WCRP). Baliau adolah pandiri Maarif Institute sarato dikana pulo sabagai surang tokoh nan mampunyoi komitmen kabangsaan nan tinggi. Sikapnyo nan plural, kritis, sarato basahajo mamposisiannyo sabagai Bapak Bangso. Baliau indak sagan-sagan mangkritik sabuah kakaliruan, walaupun nan dikritik tu adolah kawannyo sandiri.

Ahmad Syafii Maarif laia di Minangkabau, Sumatera pado 31 Mei 1935. Baliau basudaro 15 urang nan saayah tapi indak saibu. Ayahnyo, Ma'rifah Rauf adolah surang saudagar gambia nan balakangan diangkek sabagai kapalo suku Malayu. Namun, katiko baliau baumua satu satangah taun, ibunyo, Fathiyah maningga sahinggo baliau kudian dititip-an dek ayahnyo ka rumah eteknyo nan banamo Bainah.

Pado taun 1942, baliau dimasuak-an ka Sakola Rakyat di Sumpur Kudus. Sapulang sakola, Pi'i, panggilan akrabnyo samaso ketek, baraja agamo ka sabuah Madrasah Ibtidaiyah Muhammadiyah pado sore hari sadangkan malamnyo baraja mangaji di surau nan barado di sakitar tampek tingganyo, sarupo umumnyo anak laki-laki di Minangkabau pado maso itu. Pandidikannyo di Sakola Rakyat, nan harusnyo ditampuah salamo anam tahun, dapek baliau salasaian salamo limo taun. 

Baliau tamaik dari Sakola Rakyat pado taun 1947, tapi indak mandapek-an ijazah karano pado maso itu tajadi parang revolusi kamardekaan. Namun, sasudah tamaik, karano baban ekonomi nan ditangguang ayahnyo, baliau indak dapek manaruihan sakolanyo salamo babarapo taun. Baru pado taun 1950, baliau masuak ka Madrasah Muallimin di Balai Tangah, Lintau lalu baraja di sakola nan didirian dek Muhammadiyah tu sampai duduak di bangku kelas tigo.




#Article 306: Aisjah Girindra (292 words)


Aisjah Girindra () adolah surang guru basa biokimia sarato pakar makanan halal dari Indonesia. Baliau pernah manjabat sabagai Direktur LPPOM Majelis Ulama Indonesia sarato Presiden Dewan Halal Dunia (World Halal Council).

Aisjah laia dari pasangan Oemar Ali Sidi Maharaja jo Siti Marhamah nan barasa dari Minangkabau. Pado taun 1952, baliau pai marantau ka Jakarta lalu malanjuik-an pandidikannyo di SMA Budi Utomo. Indak lamo kudian baliau maikuk-i kakaknyo di Bogor lalu manamaik-an SMA disinan. Satamaik SMA baliau malanjuik-an kuliah ka Fakultas Kadotoran Hewan Universitas Indonesia, Bogor sampai manamaik-annyo pado taun 1962.

Sasudah itu Aisjah langsuang mangabdi di almamaternyo. Taun 1973 baliau bahasil mandapek-an gala Doktor Biokimia Patanian dari Institut Patanian Bogor jo disertasi nan bajudul Faktor anti-Triptik Kedelai. Gala iko sakaligus manjadiannyo sabagai doktor padusi partamo di Program Pasca-Sarjana IPB.

Di IPB, Aisjah manjabat sabagai Katua Jurusan Kimia FMIPA IPB, sarato marintis tabantuaknyo Program Studi Biokimia Jurusan Kimia FMIPA IPB sarato Program Studi Bioteknologi Program Pasca Sarjana IPB. Di duo program studi tu, baliau ditunjuak sabagai pamimpinnyo.

Tanggal 1 Desember 1993, Prof. Dr. Aisjah Girindra diangkek sabagai Direktur LPPOM MUI manggantian Dr. Amin Azis, sasudah sabalunnyo manjabat sabagai tanago ahli di MUI. Dalam mamimpin LPOM sarato malakuan proses sertifikasi halal, baliau banyak malibatan tanago ahli sarupo dari bidang biokimia, dotor hewan, teknologi pangan, teknologi industri, sarato ahli patanian. Banyaknyo pihak nan talibat dalam proses panantuan kahalalan suatu produk, mako LPPOM dikana sabagai salah satu limbago nan paliang ketat di dunia dalam mangaluaan sertifikasi halal. Sabagai Direktur LPPOM, Aisjah acok manjadi pambicaro di acara seminar nan mambahas sertifikasi halal.

Pado taun 1999 baliau mandirian Dewan Halal Dunia, sakaligus manjabat sabagai Presiden partamo limbago tu. Dewan ko batujuan untuak manjalin komunikasi nan labiah mandalam sarato mahasilan suatu standar baku dalam proses audit kahalalan sabuah produk. 




#Article 307: Urang Gayo (733 words)


Urang Gayo adolah sabuah kalompok etnik nan mauni pagunuangan di tangah Aceh nan populasinyo bajumlah kurang labiah 85.000 jiwa. Suku Gayo sacaro mayoritas ado di Kabupaten Aceh Tangah, Bener Meriah, jo Gayo Lues. Urang Gayo baragamo Islam dan tunduak dalam manjalankan agamonyo. Urang Gayo manggunokan bahaso nan disabuik bahaso Gayo. Salah satu kasenian Gayo nan alah tanamo di Indonesia adolah Tari Saman.

 Pado abaik ka-11, Karajaan Linge didirian dek urang-urang Gayo pado maso pamarentahan Sultan Makhdum Johan Berdaulat Mahmud Syah dari Kasultanan Perlak. Informasi iko didapek dari katerangan Rajo Uyem jo anaknyo Rajo Ranta iolah Rajo Cik Bebesan dan dari Zainuddin iolah dari rajo-rajo Kejurun Bukit nan kaduo-duonyo panah bakuaso sabagai raja di era kolonial Belanda.

Raja Linge I, disebutkan mampunyoi 4 urang anak. nan tertua saurang wanita banamo Empu Beru atau Datu Beru, nan lain Sebayak Lingga (Ali Syah), Meurah Johan (Johan Syah) dan Meurah Lingga (Malamsyah).

Sebayak Lingga kudian merantau ka tanah Karo dan mambukak nagari di sano inyo dikenal jo Raja Lingga Sibayak. Meurah Johan mengembara ka Aceh Besar dan mandirian kerajaannya nan banamo Lam Krak atau Lam Oeii atau nan dikenal jo Lamuri atau Kesultanan Lamuri. Ini bararti Kesultanan Lamuri di ateh didirian dek Meurah Johan sadangkan Meurah Lingga tingga di Linge, Gayo, nan salanjuiknyo manjadi raja Linge turun termurun. Meurah Silu bermigrasi ka daerah Pasai dan manjadi pagawai  Kesultanan Daya di Pasai. Meurah Mege surang dikuburkan di Wih ni Rayang di Lereng Keramil Paluh di daerah Linge, Aceh Tengah. Sampai kini masih tapaliharo  dan dihormati dek penduduk.

Penyebab migrasi indak diketahui. Akan tetapi manuruik riwayat dikisahkan bahwa Raja Linge labiah menyayangi bungsunya Meurah Mege. Sehingga mambuek anak-anaknya nan lain labiah mamiliah untuak mengembara.

Raja-raja di Sebayak Lingga Karo indak terdokumentasi. Pado era Balando baliak diangkek raja-rajanya tapi hanyo duo era 

Masyarakat Gayo hiduik dalam komuniti ketek nan disabuik kampong. Setiap kampong dikepalai dek saurang gecik. Kumpulan babarapo kampuang  disabuik kemukiman, nan dipimpin dek mukim. Sistem pamarentahan tradisional barupo unsua  kepemimpinan nan disabuik sarak opat, tadiri dari reje (raja), petue (petua), imem (imam), dan rayat (rakyat).

 Pado maso kini babarapo buah kemukiman marupoan bagian dari kecamatan, jo unsua -unsur kepemimpinan tadiri atas: gecik, wakil gecik, imem, dan cadiak  pandai nan mawakili  rakyaik .

 Sabuah kampong biasonyo dihuni dek babarapo kalompok belah (klan). Anggota-anggota suatu belah merasa barasa dari satu nenek moyang, masih saliang mangenal , dan mangambangkan  hubuangan tatok dalam babagai upacaro  adat. Garih keturunan ditarik badasarkan prinsip patrilineal. Sistem perkawinan nan berlaku badasarkan tradisi adolah eksogami belah, jo adaik  menetap sasudah nikah nan patrilokal (juelen) atau matrilokal (angkap).

Kalompok kekerabatan taketek  disabuik sara ine (keluarga inti). Kesatuan babarapo kaluargo inti disabuik sara dapur. Pado maso lalu babarapo sara dapur tingga basamo dalam sabauh rumah panjang, sampai disabuik sara umah.  Babarapo buah rumah panjang bagabuang ka dalam satu belah (klan). Pado maso kini banyak kaluargo inti nan mendiami rumah sendiri. Pado maso lalu urang Gayo tarutamo mangambangkan  mato pancarian  batani  di sawah dan bataranak , jo adat istiadaik  mato pancarian  nan rumik .

 Salain itu ado panduduak nan bakabun , manangkok  ikan, dan meramu hasil hutan. Mereka juo mangambangkan  karajinan  mambuek keramik, menganyam, dan menenun. Kini mato pancarian  nan dominan adolah bakabun , tarutamo tanaman kopi. Kerajinan mambuek keramik dan anyaman pernah tarancam  punah, namun jo dijakannyo  daerah iko sabagai salah satu daerah tujuan wisata di Aceh, karajinan  keramik mulai dikambangan  lagi. Kerajinan lain nan juo banyak mandapek paratian adolah karajinan  mambuek sulaman kerawang jo motif nan khas.

Suatu unsua  budayo nan indak lakang di kalangan masyarakaik Gayo adolah kasenian, nan hampia indak pernah mangalami kamandekan bahkan canduang bakambang. Bantuak kasenian Gayo nan tanamo, antaro lain tari Saman jo seni batutua nan disabuik Didong. Salain untuak hiburan jo rekreasi, bantuak-bantuak kasenian iko punyo fungsi ritual, pendidikan, panarangan, sakaligus sabagai sarana untuak mampatahankan kasaimbangan jo struktur sosial masyarakaik. Di samping itu ado pulo bantuak kasenian sarupo tari Bines, tari Guel, tari Munalu, sebuku/pepongoten, guru didong, jo melengkan (seni bapidato manuruik adaik).

Dalam saluruah sagi kahiduikan, urang Gayo punyo jo mambudayokan sajumlah nilai budayo sabagai acuan tingkah laku untuak mancapai katertiban, disiplin, kasatiakawanan, gotong royong, jo rajin (mutentu). Pangalaman nilai budayo iko dipacu dek suatu nilai nan disabuik bersikemelen, iyolah pasaingan nan mawujuikan suatu nilai dasa manganai harago diri (mukemel). Nilai-nilai iko diwujuikan dalam babagai aspek kahiduikan, sarupo dalam bidang ekonomi, kasenian, kakarabaikan, jo pendidikan. Sumber dari nilai-nilai tasabuik adolah agamo Islam sarato adaik satampek nan dianuik dek saluruah masyarakaik Gayo.




#Article 308: Urang Nieh (712 words)


Urang Nieh adolah kalompok etnik nan barasa dari pulau Nieh, Sumatera Utara. Dalam bahaso aslinyo, urang Nias manamokan diri mareka Ono Niha (Ono = anak/katurunan; Niha = manusia) jo pulau Nieh sabagai Tanö Niha (Tanö = tanah).

Urang Nieh iduik dalam lingkuangan adaik jo budayo nan masih pakek. Hukum adaik Nieh sacaro umum disabuik fondrakö nan mangatur sagalo sagi kahiduikan mulai dari kalahiran sampai kamatian. Masyarakaik Nieh kuno hiduik dalam budayo megalitik dibuktikan dek paninggalan sijarah barupo ukiran pado batu-batu gadang nan masih ditamukan di wilayah padalaman pulau iko sampai kini.

Urang Nieh mangenal sistem kasta(12 tingkek Kasta). Dimano tingkatan kasta nan tatinggi adolah Balugu. Untuak mancapai tingkatan iko sasaurang musti mampu malakukan alek gadang jo mangundang ribuan urang jo mandabiah ribuan ikua taranak kandiak salamo bahari-hari.

Manuruik masyarakaik Nias, salah satu mitos asa usua suku Nias barasa dari sabauh pohon kehidupan nan disabuik Sigaru Tora`a nan talatak di sabauh tampek nan banamo Tetehöli Ana'a.  Manuruik mitos tasabuik di ateh mangatoan kedatangan manusia patamo ka Pulau Nias dimulai pado zaman Raja Sirao nan mamiliki 9 urang Putra nan disuruh kalua dari Tetehöli Ana'a dek memperebutkan Takhta Sirao. Ke 9 Putra itulah nan dianggap manjadi urang-urang patamo nan menginjakkan kaki di Pulau Nias.

Panalitian Arkeologi alah dilakukan di Pulau Nias sajak taun 1999 ,.  Panalitian iko menemukan bahwa alah ado manusia di Pulau Nias sajak 12.000 taun silam nan bermigrasi dari daratan Asia ka Pulau Nias pado maso paleolitik, bahkan ado indikasi sajak 30.000 taun lampau kato Prof. Harry Truman Simanjuntak dari Puslitbang Arkeologi Nasional dan LIPI Jakarta. Pado maso itu hanyo budayo Hoabinh, Vietnam nan samo jo budayo nan ado di Pulau Nias, sampai diduga kalau asa usua Suku Nias barasa dari daratan Asia di sabauh daerah nan kini manjadi nagaro nan disabuik Vietnam.

Panalitian genetika terbaru menemukan, masyarakaik Nias, Sumatera Utara, barasa dari rumpun bangsa Austronesia. Nenek moyang urang Nias diperkirakan datang dari Taiwan malalui jalur Filipina 4.000-5.000 taun lalu ,.

Mannis van Oven, mahasiswa doktoral dari Department of Forensic Molecular Biology, Erasmus MC-University Medical Center Rotterdam, memaparkan hasil temuannya di  Lambago Biologi Molekuler Eijkman, Jakarta, Senin (15/4/2013). Dalam penelitian nan alah balansuang sakitar 10 taun iko , Oven dan anggota timnya meneliti 440 contoh darah warga di 11 desa di Pulau Nias.

Kromosom-Y adolah pembawa sifat laki-laki. Manusia laki-laki mampunyoi kromosom XY, sadangkan padusi XX. Mitokondria-DNA (mtDNA) diwariskan dari kromosom ibu.

Panalitian iko juo menemukan, dalam genetika urang Nias saaik iko indak ado lai jejak dari masyarakaik Nias kuno nan sisa peninggalannya ditamuan di Goa Togi Ndrawa, Nias Tangah.  Panalitian arkeologi tahadok alat-alat batu nan ditamuan menunjukkan, manusia nan menempati goa tasabuik barasa dari maso 12.000 taun lalu.

Studi iko juo menemukan, masyarakaik Nias indak mamiliki kaitan genetik jo masyarakaik di Kepulauan Andaman-Nikobar di Samudra Hindia nan sacaro geografis bertetangga.

Jejak terputus

Menanggapi temuan itu, arkeolog dari  Pusek  Panalitian Arkeologi Nasional Sony Wibisono mengatakan, teori tantang asal-usul masyarakaik Nusantara dari Taiwan sebenarnya alah lama disampaikan, misalnyo dek Peter Bellwood (2000). Teori Bellwood didasarkan pado kesamaan bantuak gerabah.

Herawati Sudoyo, Deputi Direktur  Lambago Eijkman nan juo manjadi pembicara, mengatakan, migrasi Austronesia ka Nusantara masih manjadi teka-teki. ”Logikanya, dari Filipina mereka ke Kalimantan dan Sulawesi. Tetapi, sampai saat ini data genetika dari Kalimantan dan Sulawesi masih minim. Masih ada missing link,” katanya.

Di Kalimantan, manuruik Hera, nan diteliti genetikanya baru etnis Banjar. Hasilnya menunjukkan, mareka  masyarakaik Melayu. Di Sulawesi nan diteliti baru Sulawesi Selatan. ”Masih banyak studi nan harus dilakukan,” katanya.

Lihat pula: Daftar marga Nias

Suku Nias menerapkan sistem marga mangikuti garih ayah (patrilineal). Marga-marga umumnya barasa dari kampuang -kampung pamukiman nan ada.

Dalam budayo Ono Niha (Nias) tadapek cita-cita atau tujuan rohani hiduik basamo nan termakna dalam salam “Ya’ahowu” (dalam terjemahan bebas bahaso Indonesia “semoga diberkati”). Dari arti Ya’ahowu tasabuik terkandung makna: memperhatikan kebahagiaan urang lain dan diharapkan diberkati dek nan Lebih Kuasa. Dengan kato lain Ya’ahowu menampilkan sikap-sikap: perhatian, tanggungjawab, raso hormat, dan pengetahuan. Jika seseorang bersikap demikian, bararti urang tasabuik memperhatikan pakambangan dan kebahagiaan urang lain : indak hanyo menonton, tanggap, dan bertanggungjawab akan kebutuhan urang lain (nan diucapkan : Selamat – Ya’ahowu), tamasuak nan indak terungkap, sarato menghormatinya sabagai sesama manusia sebagaimana adanya. Jadi makna nan terkandung dalam “Ya’ahowu” indak lain adolah persaudaraan (dalam damai) nan sungguh dibutuhkan sabagai wahana kebersamaan dalam pambangunan untuak pengembangan hiduik bersama.




#Article 309: Said Djauharsjah Jenie (150 words)


Said Djauharsjah Jenie () adolah surang ilmuwan dan pandidik Indonesia. Baliau pernah manjabaik Kapalo Badan Pangkajian jo Panarapan Teknologi (BPPT) dari taun 2006 sampai maningganyo pado taun 2008. Baliau pernah pulo manjadi anggota Dewan Komisaris PT. Dirgantara Indonesia.
 
Said Jenie adolah salah surang tokoh pantiang di baliak kasuksesan panarbangan N-250, kapa tabang komersil partamo nan sapanuahnyo dibuek di Indonesia. Baliau bakarajo pulo sabagai pandidik di Jurusan Teknik Panarbangan Institut Teknologi Bandung (ITB), iyolah sabagai dosen teknik panarbangan. Said panah pulo manjadi panaliti di Institut Teknologi Massachusetts (MIT) jo NASA di Amerika Sarikaik.

Said Jenie maningga di Rumah Sakik Borromeus Bandung pado 11 Juli 2008 dek sabab panyakik jantuang. Baliau dikubuaan di pamakaman kaluarga di Sewu, Bantul, Yogyakarta. Posisinyo sabagai katua BPPT kudian digantian dek Dr.Ir. Marzan Aziz Iskandar, M.Sc. sajak 31 Desember 2008.

Apaknyo Said Jenie banamo Nahar Jenie nan urang Minang dari Pariaman, sadangkan amaknyo Isbandiyah barasa dari Jawa.




#Article 310: Caracas (133 words)


Caracas (), rasminyo Santiago de León de Caracas, adolah ibukota sarato kota nan tagadang di Venezuela. Urang kota ko atau panduduaknyo basabuik dalam .

Kota Caracas barado di sabalah utara nagara Venezuela, tapeknyo pado dataran Lambah Caracas nan sampik nan tamasuak dalam Pagunuangan Pasisia Venezuela (Cordillera de la Costa). Daerah nan sasuai untuak pamukiman talatak  di ateh pamukaan lauik. Lambah ko dakek jo Lauik Karibia, anyo tapisah dari pantai dek pagunuangan curam satinggi 2.200 m (7.400 kaki), Cerro El Ávila; sadangkan di sabalah selatan ado pulo pabukikan jo pagunuangan lainnyo.

El Distrito Metropolitano de Caracas (Distrik Metropolitan Caracas) tadiri dari Distrito Capital sato ampek munisipal lainnyo di Propinsi Miranda: Chacao, Baruta, Sucre, jo El Hatillo. Distrito Capital bapanduduak 1.943.901 jiwa pado 2011, samantaro Area Metropolitana de Caracas kiro-kiro bapanduduak 3.055.000 jiwa pado 2013.name=ReferenceA




#Article 311: Universitas Andalas (147 words)


Universitas Andalas, biaso disingkek jo Unand adolah salah satu paguruan tinggi nagari di Kota Padang, Sumatera Barat, Indonesia. Universitas iko marupoan universitas paliang tuo di lua Jao di Indonesia nan didirian pado tanggal 23 Desember 1955 dek wakil Presiden Mohammad Hatta.

Universitas Andalas tadiri dari limo baleh fakultas, nan sabagian gadang talatak di Limau Manis, sakitar 12 km dari pusek Kota Padang. Rektor Universitas Andalas sajak taun 2011 adolah Dr. Werry Darta Taifur. Majalah Tempo pado taun  2009 manampekkan Unand di posisi ka-14 atau posisi patamo di lua Pulau Jao dalam analisisnyo tahadok kapasitas alumninyo nan diserap dek dunia usaha.

Sajak mulo tagaknyo inggo kini, Universitas Andalas alah punyo limo baleh (15) fakultas dan ciek program pascasarjana, nan tadiri dari 44 program studi sarjana, 38 program studi magister (S2), 8 program studi doktor (S3), 12 program pandidiakan dokter spesialis, 5 program profesi, dan 4 program studi D3.




#Article 312: Tour de Singkarak 2013 (124 words)


Tour de Singkarak 2013 disalanggarokan salamo tujuah hari mulai dari tanggal 2 sampai 9 Juni 2013. Edisi kalimo Tour de Singkarak iko malibaikkan 9 kabupaten dan 7 kota di Sumatera Barat jo manampuah jarak sapanjang 1.000 kilometer labiah. Ampek baleh kabupaten jo koto nan talibaik dalam Tour de Singkarak edisi sebelumnya kambali dilintasi pado edisi kali iko ditambah jo tigo kabupaten baru: Kabupaten Dharmasraya, Solok Selatan, jo Pasaman Barat. Etape patama diadokan pado 3 Juni 2013 sacaro mangambiak lokasi start di muko taman Jam Gadang jo etape tarakhia dilangsungkan sapanuahnyo di Padang.

Pambukakan Tour de Singkarak 2013 dilaksanokan di Bukiktinggi pado 1 Juni 2013. Hal iko dilakukan bia para pasarato mampunyoi wakatu luang salama ciek hari untuak manikmati kaindahan alam Sumatera Barat sabalun bartanding.




#Article 313: Muhammad Ismail (107 words)


 'Muhammad Ismail () adolah Gubernur Jawa Tengah dari taun 1983 sampai 1993 (dua tempoh: 1983-1988 dan 1988-1993). Kariernya bermula sabagai Staf Kodim di Yogyakarta pado taun 1948.  Sabalun manjabaik Gubernur Jawa Tengah, Ismail pernah berkhidmat sabagai Danyon Secapa (1963-1964), Wakil Asisten 2 Kas Kostrad (1964-1967), Sektretaris Lemhanas (1975),  Kapalo Staf Kostrad (1976), panglima Kodam II / Bukit Barisan (1977-1980),  Panglimo Kostrad (1980) dan  Panglimo Kodam VII / Diponegoro (1981-1983). Inyo mengenyam pandidikan di Akademi Tentera Nasional dan Jurusan Tata Nagaro dan Tata Niaga di Universiti 17 Ogos 1945.

Ismail maningga dunia akibaik serangan jantung pado 23 Februari 2008 dan dikabumian di Taman Makam Pahlawan Giri Tunggal, Semarang.




#Article 314: Ambacang (163 words)


Ambacang (Mangifera foetida) adolah tumbuahan nan masih sakaluargo jo mangga. Banyak dibudidayoan di Malaysia, tarutamo di kampuang-kampuang. Di Pahang dan Kinabalu (1400 mdpl), dan di Dataran Tinggi Gayo (1850 mdpl) dapek ditamui.

Di tampek lain ambacang diketahui dengan bamacam  namo seperti limus (Sd.), pakèl (Jw.), asam hambawang (Banjar), macang atau machang (Melayu di Sumatera bagian timur dan Malaysia), maa chang, ma chae, atau ma mut (Thailand), serta la mot (Myanmar). Dalam bahaso Inggrih, disabuik bachang atau horse mango. Batangnyo gadang nan tagak luruih, dapek mancapai 30-35 m. Kulik kayunyo bawarna coklat atau coklat kelabu tuo, Buah iko jo kayunyo punyo gatah. Apobilo disaik (contohnyo kulik batangnyo disaik) mangaluaan gatah nan bawarna putiah, gatah tasabuik amo-lamo manjadi kamerahan kamudian maitam. Gatah iko babiso, karano gatah iko dapek malukoi kulik..

Daun buah iko agak kaku dan sarupo jo marasoan kulik, batangkai nan panjangnyo kiro-kiro 1,5 – 8 cm, lembar daunnyo atau laweh daunyo kurang labiah 9-15 × 15–40 cm, sakanjuiknyo daunnyo iko bawarna hijau tuo.




#Article 315: Nabi Islam (294 words)


Nabi (bahaso Arab: نبي) dalam agamo Islam adolah laki-laki nan diagiah dek Allah wahyu dan wajib disampaikan kapado umaiknyo. Dikatokan baso, jumlah nabi ado 124 ribu urang, sabagaimano disabuikkan di dalam hadits Muhammad.

Kato nabi barasa dari kato naba nan baarati dari tampek nan tinggi; karano itu urang 'nan di tampek tinggi' samustinyo dapek mancaliak ka tampek nan jauah (prediksi maso depan) nan disabuik nubuwwah.

Rasul adolah laki-laki nan diparintahkan Allah untuak manyampaikan wahyu kapado kaumnyo pado zamannyo. Pacayo ka bakeh para nabi jo para rasul marupoan Rukun Iman nan kaampek dalam Islam.

Para Nabi buliah manyampaikan wahyu nan ditarimonyo tapi indak punyo kawajiban ateh umaik tatantu atau wilayah tatantu. Samantaro, kato rasul barasa dari kato risala nan baarati panyampaian. Karano itu, para rasul, salapeh labiah dulu diangkek sabagai nabi, batugas manyampaikan wahyu jo kawajiban ateh suatu umaik atau wilayah tatantu. Dari sadoalah rasul, Muhammad sabagai 'Nabi Panutuik' nan mandapek gala rasmi di dalam Al-Qur'an Rasulullah adolah satu-satunyo nan kawajibannyo manjangkau umaik jo wilayah saluruah alam semesta 'Rahmatan lil Alamin'.

Al-Qur'an manyabuik babarapo urang sabagai nabi. Nabi patamo adolah Adam. Nabi sakaligus rasul taakhia adolah Muhammad nan ditugaskan untuak manyampaikan Islam dan paraturan nan khusus kapado manusia di zamannyo sahinggo Manusia siap untuak manghadapi 
hari kiamat.
Isa nan lahia dari Maryam binti Imran juo marupoan surang nabi.

Salain ka-25 nabi sakaligus rasul, ado juo nabi lainnyo umpamonyo dalam kisah Khidir basamo Musa nan tatulih dalam Surah Al-Kahf ayat 66-82. Ado juo kisah Uzayr jo Syamuil. Juo nabi-nabi nan tatulih di Hadits dan Al-Qur'an, sarupo Yusya' bin Nun, Zulqarnain, Iys, jo Syits.

Sadangkan urang suci nan masih manjadi padebatan sabagai surang Nabi atau hanyo wali adolah Luqman al-Hakim dalam Surah Luqman.

Dikatokan baso nabi jo rasul punyo babarapo kriteria nan musti dipanuahi, di antaronyo adolah:




#Article 316: Sistem koordinat geografis (164 words)


Sistem koordinat geografis adolah suatu sistem koordinat nan mamungkinkan satiok lokasi di Bumi ditantuan dek satu set angka, uruf, atau simbol. Sistem koordinat geografis digunoan untuak manunjuakan suatu titik di Bumi badasarkan garih lintang dan garih bujua. Koordinat acok dipiliah sadamikian rupo sainggo salah satu angka mawakili posisi vertikal, dan duo atau tigo angka lainnyo mawakili posisi horizontal. Umumnyo koordinat nan dipakai adolah kombinasi antaro lintang, bujua, jo katinggian.

Garih lintang adolah garih tagak luruih (vertikal) nan mangukua suduik antaro suatu titik jo garih katulistiwa. Titik di utara garih katulistiwa dinamoan Lintang Utara sadangkan titik di selatan katulistiwa dinamoan Lintang Selatan.

Garih bujua adolah garih mandata (horizontal) nan mangukua suduik antaro suatu titik jo titik nol di Bumi iyolah Greenwich di London, Bratania Rayo nan marupoan titik bujua 0° atau 360° nan ditarimo sacaro internasional. Titik di barat dari mulai bujua 0° dinamoan Bujua Baraik sadangkan titik di timur 0° dinamoan Bujua Timua.

Untuak manantuan lokasi pado peta duo dimensi, dibutuahan suatu proyeksi peta.




#Article 317: Ade Namnung (109 words)


Ade Namnung atau nan punyo namo asli Syamsul Effendi () adolah palawak dan presenter Indonesia. Ade dikenal sabagai salah satu pangisi acaro tatok dari Tawa Sutra di satasiun televisi swasta Antv, basamo jo Steny Agustaf, Ruben Onsu, dan Fanny Fadillah. Salain tu, Ade juo acok manjadi MC dalam suatu acaro ataupun mambintangi babarapo iklan produk.

Ade sempat dirawat di Rumah Sakit Mitra Keluarga, Surabaya dek stroke.
Inyo saaruihnyo alah dapek kalua dari rumah sakik pado 22 Januari 2012. Tatapi, inyo tibo-tibo baubah pikiran dan mamiliah tatok tingga di rumah sakik sampai saminggu lai.
Akhianyo, pado tanggal 31 Januari 2012 Ade Namnung maningga pado pukua 11.45 WIB karano sarangan jantuang.




#Article 318: Rafael Nadal (140 words)


Rafael Rafa Nadal Parera () adolah surang patenih profesional asa Spanyol.

Pado 18 Agustus 2008, Nadal manjadi patenih peringkek patamo dunia manggantian Roger Federer. Paringkek tu batahan inggo 6 Juli 2009, dima Federer kudian juaro Wimbledon jo baganti manjadi nomor satu dunia. Nadal baliak mandapek paringkek satu dunia pado tanggal 7 Juni 2010 sampai 3 Juli 2011, kutiko Novak Djokovic manggantiannyo pulo sabagai paringkek nomor satu dunia.

Nadal manjuaroi Grand Slam sabanyak duo baleh kali, sarato lah mamanangi gala tungga putra Parancih Tabukak salapan kali, dima inyo duo kali mamananginyo ampek kali baturuik-turuik (2005-2008 jo 2010-2013). Sasudah manjalani rekor 31 kamanangan nan indak putuih-putuih di Parancih Tabukak, Nadal kalah pado patandiangan babak keampek malawan Robin Soderling di taun 2009. Inyo maraiah gala Wimbledon pado taun 2008 jo 2010. Di taun 2008 inyo mangalahan Federer, sadangkan taun 2010 mangalahan Tomáš Berdych.




#Article 319: M. H. Mutahar (439 words)


M. Husein Mutahar (), atau labiah dikenal jo namo H. Mutahar, adolah saurang komponis musik Indonesia, tautamo untuak kategori lagu kabangsoan jo anak-anak.

Lagu ciptaannyo nan populer adolah hymne Syukur (dipakenalan Januari 1945) jo mars Hari Merdeka (1946). Karya tarakhianyo, Dirgahayu Indonesiaku , manjadi lagu rasmi ulang taun ka-50 Kamerdekaan Indonesia. Lagu anak-anak ciptaannyo, antaro lain: Gembira, Tepuk Tangan Silang-silang, Mari Tepuk, Slamatlah, Jangan Putus Asa, Saat Berpisah, jo Hymne Pramuka.

 Inyo mengecap pandidikan setahun di Fakultas Hukum Universitas Gadjah Mada periode 1946-1947, sasudah tamat dari MULO B (1934) dan AMS A-I (1938). Pado taun 1945, Mutahar bakarajo sabagai Sekretaris  Panglimo Angkatan Laut RI di Jogjakarta, kudian manjadi pagawai tinggi Sekretariat Nagaro di Jogjakarta (1947). Selanjutnya, inyo mandapek jabatan-jabatan nan meloncat-loncat antardepartemen. Puncak kariernya barangkali adolah sabagai Duta Besar RI di Tahta Suci (Vatikan) (1969-1973). Inyo diketahui manguasai paliang indak anam bahasa sacaro aktif. Jabatan terakhirnya adolah sabagai Penjabat Sekretaris Jenderal Departemen Luar Nagari (1974).

Mutahar aktif dalam kagiatan kepanduan. Inyo adolah salah saurang tokoh utama Pandu Rakyat Indonesia, gerakan kepanduan independen nan berhaluan nasionalis. Inyo juo dikenal anti-komunis. Ketika saluruah gerakan kepanduan dilebur manjadi Gerakan Pramuka, Mutahar juo manjadi tokoh di dalamnya. Namanya juo terkait dalam mandirian dan membina Pasukan Pengibar Bendera Pusaka (Paskibraka), tim nan beranggotakan pelajar dari babagai penjuru Indonesia nan batugeh mengibarkan Bendera Pusaka dalam upacaro peringatan Hari Kemerdekaan RI.

 Sabagai salah saurang ajudan Presiden, Mutahar diagiah tugeh manyusun upacaro pengibaran bendera sangkek Republik Indonesia merayakan hari ulang taun patamo kemerdekaan, 17 Agustus 1946.  Manuruik pemikirannya, pengibaran bendera sebaiknya dilakukan para pemuda nan mawakili daerah-daerah Indonesia. Inyo lalu mamiliah limo pemuda nan berdomisili di Yogyakarta (tiga laki-laki dan duo padusi ) sabagai wakil daerah mareka .

 Pado taun 1967, sabagai direktur jenderal urusan pemuda dan Pramuka, Departemen Pendidikan dan Kebudayaan, Mutahar diminta Presiden Soeharto untuak manyusun tata caro pengibaran Bendera Pusaka. Tata caro pengibaran Bendera Pusaka disusunnya untuak dikibarkan dek satu pasukan nan dibagi manjadi tigo kelompok. Kelompok 17 sabagai pengiring atau pemandu; kalompok 8 sabagai kalompok inti pembawa bendera; kalompok 45 sabagai pengawal. Pembagian manjadi tigo kalompok tasabuik marupoan simbol dari tanggal Proklamasi Kemerdekaan Republik Indonesia.

H. Mutahar indak menikah, namun mampunyoi 8 anak semang (6 laki-laki dan 2 padusi ). Sebagian marupoan ”se­rahan” dari ibu mareka  —nan janda— atau bapak me­reka —beberapa wakatu sabalun maningga dunia. Ada pulo bapak/ibu nan sukarela menyerahkan anaknya untuak diakui sabagai anak sendiri. Semua alah beru­mah tangga dan mampunyoi 15 urang cucu (7 laki-laki dan 8 padusi ).

Mutahar maningga dunia di Jakarta pado usia hampia 88 tahun, 9 Juni 2004 akibaik sakit tua. Salamo hidupnya inyo indak pernah menikah. Jenazahnya dimakamkan di Pemakaman Jeruk Purut, Jakarta Selatan.




#Article 320: Misye Arsita (124 words)


Misye Arsita () nan banamo lahia Misniarti adolah pemeran dan penyanyi Indonesia.  Sabagai penyanyi, Misye terkenal antaro lain lewat lagu Dingin Yang ciptaan Sunu Budiono.

Misye Arsita mamulai  kariernya sabagai penyanyi dangdut. Kemudian Misye bamain pado babarapo film.  Pado awal taun 2000-an Misye bagabuang jo acara televisi Ketoprak Humor nan dibintangi dek para bintang eks Srimulat.

Misye menikah duo kali. Pernikahan pertamanya denga Johannes Andi Irwanto taun 1984 kudian mareka  bercerai sacaro rasmi taun 1999. Sasudah pernikahan pertamanya gagal, Misye kudian menikah siri jo Agus Leo pado 25 Maret 1998 di Jakarta. Pernikahan tasabuik kudian dirasmian taun 2000 di Surabaya. Misye mampunyoi tigo urang anak: Benaya Stephen (dari Johannes Andi Irwanto), Arjuna Anggara Sadhana Putra dan Angely Agustine Arsita Putri (keduanya dari Agus Leo).




#Article 321: Talempong (222 words)


Talempong, atau disabuik juo jo namo calempong (Kuantan Singingi),  caklempong (Malaysia), atau canang,  adolah saparangkek alaik musik (ansambel) sarupo aguang ketek nan tabuek dari logam kuniangan atau parunggu. Kasenian talempong Minang dapek dimainan sacaro diam atau bagarak, tagantuang tujuan panyalanggaraannyo. Talempong biasonyo tadiri ateh tigo atau ampek pasang aguang sajaja, atau duo pasang jo aguang tungga, sapasang gandang basisi duo, gandang basisi tungga atau gandang rapano, bisa juo batambah jo aguang baukuran sadang atau sapasang aguang nan tagantuang sarupo di daerah Sawahlunto-Sijunjuang.

Dalam patunjuakan talempong nan dibaokan sacaro bagarak, satiok pamain mamainan ciek atau duo talempong nan ado di langan kidanyo. Talempong umumnyo dimainan sacaro baarak-arak dalam acara adaik kampuang sabalun mulai maso tanam padi, atau mairiangan panari piriang pado alek pakawinan, atau upacaro malewakan gala surang datuak atau pangulu.

Dalam patunjuakan talempong nan indak bagarak, umumnyo untuak patunjuakan dalam ruangan, limo atau anam talempong dilatakan pado suatu karangko nan balapih bahan lambuik, untuak mampajaleh danguang alaik musik ko. Pamain bapasang-pasangan mamainan babagai jinih talempong manuruik urutan masuaknyo, nan dapek balain di satiok nagari. Pangaturan nada, kombinasi alaik, sarato alaik musik khusus nan bapakai dalam parangkek talempong, babeda pulo dari nagari ka nagari.

Talempong dibaok ka Nagari Sambilan, Malaysia, dek urang Minangkabau pado abaik ka-14. Pangajaran kasenian ko dapek basuo di daerah selatan Semenanjung Malaysia, di ma banyak taseba urang-urang katurunan Minangkabau.




#Article 322: Martono (245 words)


Martono () adolah Menteri Transmigrasi pado Kabinet Pembangunan IV pado pamarentahan Presiden Soeharto.

Kariernya dimulai pado zaman revolusi bersenjata, sangkek inyo basamo para pelajar mangangkek sanjato malawan Balando. Pado awal revolusi itu Martono nan kelahiran Kebumen, Jawa Tengah, iko manjadi komandan Tentara Pelajar Batalyon 300 di Yogya, kudian komandan Detasemen III Brigade 17 Tentara Pelajar.  Salain angkat senjata, inyo juo mangaja di sakolah menengah.

Kariernya kudian inyo rintis sabagai pagawai negeri, sampai inyo manjabaik atase pengajaran pado Kedutaan Besar RI di Tokyo (1960-1964).

Pulang ka Tanah Air, pado tahuntahun patamo Orde Baru, inyo manjadi anggota DPR dari Fraksi Karya taun 1968 sampai taun 1978.  Hal itu lantaran alah lama Martono manjadi salah saurang tokoh Kosgoro (Koperasi Serba Guna Gotong Royong) salah satu organisasi cikal bakal terbentuknya Golkar nan didirian dek Tentara Pelajar pado taun 1957.

Belakangan inyo diangkek dek Presiden manjadi Menteri Mudo Transmigrasi, kudian manjadi Menteri Transmigrasi sampai taun 1983.

Pernah manjadi katuo umum Kosgoro, inyo juo manjadi katuo umum HKTI (Himpunan Kerukunan Tani Indonesia) sampai akhir hayatnya, bahkan juo dikenal sabagai pejuang kaum tani dan nelayan dari ancaman penguasaan tanah oleh orang kota. Inyo juo dikenal sabagai peletak dasardasar manajemen penyelenggaraan transmigrasi. Ketika manjadi Menteri Transmigrasi, inyo pernah populer dek memperkenalkan sabauh alat untuak menyuburkan tanah nan disabuik bodem korektor.

 Taun 1989 Martono pernah manarimo bintang jasa The Grand Cordon of the Order of the Secred Treasure dari Kaisar Japang. Dan ampek taun sabalunnyo inyo mandapek gelar doktor kehormatan dari Universitas Takushoka, Japang.




#Article 323: Tabuik (125 words)


Tabuik () adolah parayoan lokal dalam rangko mamparingati Asyura, gugurnyo Imam Husain, cucu Nabi Muhammad, nan dilakukan dek masyarakaik Minangkabau di daerah pantai Sumatera Barat, kusuihnyo di Koto Pariaman. Festival iko tamasuak manampilkan baliak Pertempuran Karbala, jo mamainkan drum  jo . Tabuik marupoan istilah untuak usungan janazah nan dibaok salamo prosesi upacaro tasabuik. Walaupun awal mulonyo marupoan upacaro Syi'ah, akan tatapi panduduak tabanyak di Pariaman jo daerah lain nan mangarajokan upacaro sarupo, kabanyakan panganuik Sunni. Di Bangkulu dikenal pulo jo namo Tabot.

Upacara malabuahkan tabuik ka lauik dilakukan satiok taun di Pariaman pado 10 Muharram sajak 1831. Upacara iko dipakanalkan di daerah iko dek Pasukan Tamil Muslim Syi'ah dari India, nan ditampekkan di siko lalu kamudian bamukim pado maso kakuasaan Inggrih di Sumatera bagian baraik.. 




#Article 324: Santos FC (185 words)


Santos Futebol Clube adolah klub sepak bola profesional nan babasis di Santos, Sao Paulo. Tim iko bamain di Campeonato Paulista jo Campeonato Brasileiro Serie A, liga profesional tatinggi di provinsi Sao Paulo jo Brasil. Tim iko badiri taun 1912.

Santos adolah juara batahan Campeonato Paulista jo Copa Libertadores. Di dalam nagari, klub alah mamanangkan duo puluah Campeonato Paulista, ciek Copa do Brasil, jo salapan gala juara nasional Brasil. Di kancah internasional, tim iko adolah klub Brasil tasukses jo tujuah gala internasional, tamasuak tigo Copa Libertadores jo duo Piala Interkontinental.

Didirikan sabagai Santos Foot-Ball Club pado tanggal 14 April 1912 dek inisiatif dari tigo panyuko ulahraga, Raimundo Marques, Mário Ferraz de Campos, jo Argemiro de Souza Júnior, klub iko alah manjadi simbol sepak bola nan indah jo manarik, nan dikenal di Brasil sabagai Futebol-arte.

Santos adolah salah ciek klub takaya Brasil dalam hal pandapatan, jo pendapatan tahunan sagadang US $ 45.1m (€ 31,5 juta), jo salah ciek klub paliang baharago, banilai labiah dari $ 86.7m (€ 60.6m) pado taun 2011.

Santos adolah anggota pandiri dari Clube dos 13, tadiri dari tigo baleh klub sapakbola elit Brasil.




#Article 325: Piala Dunia FIFA (154 words)


Piala Dunia Sipak bola atau acok disingkek sabagai Piala Dunia sajo (namo rasmi: Piala Dunia FIFA) adolah kompetisi tapantiang dalam dunia sepak bola internasional. Disalanggarokan dek Fédération Internationale de Football Association, pangatur cabang ulahraga iko, turnamen babak final Piala Dunia adolah ajang ulahraga nan paliang banyak ditonton di dunia, bahkan malabiahi Olimpiade.

Babak final turnamen (marujuak kapado bagian turnamen sasudah kualifikasi) iko disalanggarokan ampek taun sakali namun kajuaraan iko mangambiak maso duo taun sacaro kasaluruahan. Labiah dari 160 tim nasional bataruang dalam turnamen kualifikasi regional untuak maraih tampek dalam babak final. Babak finalnyo kini malibatkan 32 tim (paningkatan dari 24 tim pado taun 1998) nan bakompetisi salamo 4 minggu di nagari nan ditunjuak sabagai tuan rumah. Inovasi nan dilakukan baru-baru iko mampabuliahkan labiah dari ciek nagari manjadi tuan rumah.

Piala Dunia tarakhir diadokan di Afrika Selatan pado 11 Juni-11 Juli 2010 nan dimanangi dek Spanyol jo Piala Dunia FIFA 2014 akan diadokan di Brasil.




#Article 326: Parang Sudaro AS (137 words)


Parang Sudara Amerika Serikat (1861–1865), juo dikenal sabagai Parang Antar Nagaro Bagian (lihat namo-namo lain), adolah sabuah parang sudara di Amerika Serikat. Sabaleh negara bagian budak di Selatan mangumumkan pamisahan dari Amerika Sarikek jo mambantuak Konfederasi Amerika nan dikenal sabagai Konfederasi. Dipimpin dek Jefferson Davis, pihak Konfederasi mampajuangkan kamerdekaannyo dari Amerika Sarikek. Pamarintah federal Amerika Sarikek (AS) didukuang dek duo puluah nagaro bagian, kabanyakan negara bagian bebas nan alah mahapuih pabudakan jo limo nagaro bagian budak nan kelak dikenal sabagai negara bagian pabatasan. Kaduopuluahlimo nagaro bagian iko nan disabuik sabagai Uni, mamiliki basis populasi jo industri nan labiah gadang katimbang Selatan. Sasudah ampek taun parang badarah (kabanyakan di nagaro bagian Selatan), Konfederasi manyerah jo pabudakan dihapuih di sadonyo negara. Restorasi Serikat, jo Era Rekonstruksi nan mengikutinyo, manghadapi masalah nan masih balun tasalasaikan salama indak bara generasi salanjuiknyo.




#Article 327: Afrika-Amerika (129 words)


Urang Afrika-Amerika, atau Afro-Amerika, adolah sabuah kalompok etnis di Amerika Serikat nan niniak muyangnyo banyak barasa dari Afrika di bagian Sub-Sahara jo Barat. Mayoritas dari urang Afrika-Amerika badarah Afrika, Eropa, jo Amerika Asli.

Istilah nan digunokan untuak merujuak kapado kalompok iko dalam sajarah tamasuak negro, kulit hitam, jo istilah lainnyo dalam bahaso Inggirih: colored, Afro-Americans. Kato negro jo colored kini labiah jarang digunokan jo acok dianggap mahino. Afrika-Amerika, kulik hitam kini labiah acok digunokan, walau istilah Afrika-Amerika acok disalahgunokan untuak marujuak kapado urang kulik hitam nan bukan panduduak Amerika  Sarikek juo.

Manuruik sensus AS taun 2003, ado sajumlah 37,1 juta warga kulik hitam di AS, nan bararti 12,9 parsen dari total populasi. New York City mampunyoi warga kulik hitam pakotaan tatinggi pado taun 2000 jo jumlah 2 juta jiwa.




#Article 328: Pokat (347 words)


Pokat, pokaik, atau buah mantega (Persea americana) adolah tumbuahan panghasil buah meja jo namo sama. Tumbuahan iko barasal dari Meksiko jo Amerika Tengah jo kini banyak dibudidayakan di Amerika Selatan jo Amerika Tangah sabagai tanaman parak monokultur jo sabagai tanaman pakarangan di daerah-daerah tropika lainnyo di dunia. 

Pohon, jo batang mancapai tinggi 20 m jo daun sapanjang 12 hinggo 25 cm. Bungonyo tasuruak jo rono ijau kakuniangan jo ukuran 5 hinggo 10 milimeter. Ukurannyo bavariasi dari 7 hinggo 20 sentimeter, jo massa 100 hinggo 1000 gram; biji nan gadang, 5 hinggo 6,4 sentimeter.

Buahnyo batipe buni, mampunyoi kulik haluih tak rato barono ijau tuo hinggo ungu kacoklatan, tagantuang pado varietasnyo. Dagiang buah pokat barono ijau mudo dakek kulik jo kuniang mudo dakek incek, jo tekstur haluih.

Namo pokat (dari bahaso Inggirih, avocado) barasa dari bahaso Aztek, ahuacatl (dibaco kiro-kiro awakatl). Suku Aztek barado di daerah Amerika Tangah jo Meksiko. Karano itu, buah iko pado awalnyo dikenal di daerah tasabuik. 

Pado saat pasukan Spanyol mamasuki wilayah tasabuik sakitar awal abaik ka-16, babagai tumbuahan dari daerah iko, tamasuak pokat, dipakenalkan kapado panduduak Eropa. Urang patamo nan mampakenalkan buah pokat kapado panduduak Eropa iyolah Martín Fernández de Enciso, salah surang pamimpin pasukan Spanyol. Baliau mampakenalkan buah iko pado taun 1519 kapado urang-urang Eropa. Pado saat nan samo juo, para pasukan Spanyol nan manjajah Amerika Tangah juo mampakenalkan kakao, jagung, jo kantang kapado masyarakaik Eropa. Sajak itulah buah pokat mulai disebar jo dikenal dek banyak panduduak dunia.

Pokat dibaok ka Indonesia dek Balando pado abaik ka-19.

Pokat mampunyoi banyak manfaik. Inceknyo digunokan dalam industri pakaian sabagai parono nan indak mudah luntua. Batang kayunyo dapek digunokan sabagai bahan bakar. Kulik batangnya digunokan sabagai parono rono cokelat pado produk dari bahan kulit. Dagiang buahnyo dapek dijadikan hidangan sarato manjadi bahan dasar untuak babarapo produk kosmetik jo kacantikan. Salain itu, dagiang buah pokat untuak maubek sariawan jo malambokan kulik nan kariang. Daun pokat digunokan untuak maubek kanciang batu, darah tinggi, sakik kapalo, nyeri saraf, nyeri lambuang, saluran angok mambangkak jo menstruasi nan indak taratur. Inceknyo dapek digunokan untuak maubek sakik gigi jo kanciang manih.




#Article 329: Kawek baduri (125 words)


Kawek baduri adolah salah ciek tipe konstruksi paga nan tabuek dari palintiaan 2 atau labiah kawek panjang nan dalam jarak tatentu disaliangi puntiaan potongan kawek nan ujuangnyo diarahkan tagak luruih kawek utamo. Pado umumnyo kawek baduri difungsikan sabagai paga pangaman bangunan atau pabatehan nagari. Inyo juo sangaik baparan dalam patahanan parang parik.

Manusia atau binatang nan mancubo malewati di salo-salo atau di ateh kawek baduri iko akan mangalami kasusahan jo dapek mangalami luko. Paga kawek baduri hanyo mambutuahkan tiang panyanggo, kawek baduri jo pangaik. Paga iko mudah dibangun jo didirian bahkan dek urang nan bukan ahlinyo sakalipun.

Kawek baduri paliang bahasia adolah nan dipatenkan dek Joseph F. Glidden dari DeKalb, Illinois pado 1874. Inyo marupokan panyampurnaan dari panamuan Louis Jannin dari Perancis pado taun 1865.




#Article 330: Putrajaya (139 words)


Putrajaya adolah sabuah kota nan dirancang pambantuakannyo, talatak 25 km sabalah selatan Kuala Lumpur, sarato bafungsi sabagai pusek pamarentahan pasakutuan Malaysia. Pusek pamarentahan dialihan ka sinan pado taun 1999 dari Kuala Lumpur, dek karano lah sabana sasek jo macetnyo wilayah Kuala Lumpur. Walaupun baitu, Kuala Lumpur tatap ibukota nagara Malaysia, nan jadi tampek kaduduakan Rajo jo Parlemen, sarato pusek padagangan jo kauangan nagara. Putrajaya adolah buah pikiaran bakeh Pardana Mantari Tun Dr Mahathir Mohammad. Pado taun 2001, Putrajaya lah manjadi Wilayah Pasakutuan katigo Malaysia sasudah Kuala Lumpur jo Labuan.

Putrajaya dinamoan badasar pado namo Pardana Mantari Malaysia patamo, Tunku Abdul Rahman Putra. Kota ko talatak dalam Koridor Raya Multimedia, badampiangan jo Cyberjaya nan baru pulo bakambangan. Pambangunan Putrajaya nan dimulai pado awa 1990-an kini lah manyalasaian markah-markah ranah utamonyo, inggo populasi kota salanjuiknyo dipakiroan ka tumbuah labiah gadang lai.




#Article 331: Ully Artha (334 words)


Taruli Artha Sortiana Pangaribuan akrab dipanggil Ully Artha () adolah salah satu aktris senior Indonesia nan alah berkecimpung di dunia seni paran sajak taun 1970 sampai dirinyo maningga pado taun 2013.

Ully mangawali karier sabagai pemain drama di TVRI pado dekade 1970-an. Sasudah itu, Ully mulai menjajal dunia model dan peragawati. Dengan gelar ‘Miss Teenager Metropolitan’ (1970), inyo diincar dek produser Tati  Son untuak bamain dalam film Tjisadane (1971). Dalam paran layar lebar selanjutnya, inyo bamain dalam film Kembang-Kembang Plastik (1977) besutan Wim Umboh, berpasangan jo aktor Roy Marten. Selanjutnya bamain dalam film Satu Malam Dua Cinta (1978), Pengemis dan Tukang Becak (1979), Kejarlah Daku Kau Kutangkap (1985), Keluarga Markum (1986), Siapa Menabur Benci Akan Menuai Bencana (1988), Semua Sayang Kamu (1989), Turangga (1990), dan Potret (1991). Berkali-kali Ully meraih nominasi dalam ajang FFI, malalui film Pengemis dan Tukang Becak (1979), Kejarlah Daku Kau Kutangkap (1986), dan Potret (1991), namun indak pernah barasil meraih penghargaan.

 Sasudah industri film Indonesia 'pingsan', Ully bagabuang jo rumah produksi Multivision Plus, SinemArt, maupun MD Entertainment dan membintangi banyak sinetron nan cukuik sukses, misalnyo Buku Harian (bersama Elma Theana, Desy Ratnasari, dan Didi Petet), Janjiku (bersama jo Paramitha Rusady), dan Mama, sabauh sinetron komedi situasi nan naskahnya juo ditulih dek Ully. Dalam Festival Sinetron Indonesia 1996, namonyo masuak dalam unggulan sabagai pemeran utama wanita jenis komedi dalam Suami-Suami Takut Isteri. Pado taun sebelumnya, Ully meraih unggulan untuak pemeran pembantu wanita untuak miniseri Pakaian dan Kepalsuan arahan Teguh Karya.

Film-film tarakhia nan diperaninya adolah Jagad X Code (2009) dan Bebek Belur (2010).

Ully Artha relatif tertutup manganai kehidupan pribadinya. Ully pernah mangatoan dalam sabauh wawancara bahwa inyo labiah ingin manikmati hiduik jo kaluargo besarnya daripado memikirkan manganai hubuangan asmara. Namun demikian, inyo tanyato alah menikah pado taun 2012 tanpa mambari tahu banyak orang.

Ully Artha maningga dunia pado tanggal 16 Juni 2013 pkl. 17.00 di Rumah Sakit Gatot Soebroto akibaik panyakik komplikasi jantung, paru-paru, dan liver nan dideritanya sajak babarapo taun terakhir. Beliau maningga sabagai muslim, dan dimakamkan sacaro muslim.




#Article 332: Legendra Padusi (190 words)


Legendra Padusi atau Legenda Drama Tari Padusi adolah suatu drama tari nan maangkek kisah tantang kasetiaan padusi Minangkabau. Drama tari ko bakisah tantang tigo sosok padusi Minang nan setia manjago kecek jo tindakannyo. Katigonyo adolah sosok-sosok padusi diantaro babarapo sosok padusi lainnyo dalam legenda Minangkabau.

Padusi dalam budayo Minangkabau dilatak-an dalam darajaik nan tinggi sarato mulia. Mareka adolah Bundo Kanduang nan mampunyoi paran gadang dalam pangalolaan harato pusako tinggi demi kabalangsuangan iduik anggota kaluarga nan badasarkan garih katurunan ibu atau matrilinial.

Tigo sosok padusi legenda Minang, Puti Bungsu, Siti Jamilan, sarato Sabai nan Aluih adolah sosok-sosok taladan padusi Minang. Kisah katigo sosok ikolah nan diangkek jo dipentaskan dalam drama tari Legendra Padusi nan diawak-i dek babarapo urang seniman tanamo Indonesia, sarupo Tom Ibnur (maestro tari), Nia Dinata (panulih naskah), Rama Soeprapto (sutradara), Jajang C. Noer (pemeran), Ine Febriyanti (pemeran), Marissa Anita (pemeran Padusi), Niniek L. Karim (pemeran), Elly Kasim, Arswendy Nasution (pemeran), Riyano Viranico (pemeran), Renitasari (program director) sarato nan lain-lain.
 
Drama tari ko mambao pulo sajumlah panari asli dari Bukittinggi, Sumatera Barat. Legendra Padusi dipentaskan di Teater Jakarta, Taman Ismail Marzuki, Jakarta pado tanggal 11 jo 12 Mei 2013.




#Article 333: Bill Saragih (210 words)


Bill Amirsjah-Rondahaim Saragih Garingging () adolah salah saurang maestro musik jazz Indonesia. Inyo dan istrinya Anna Rosemary Saragih (meninggal Januari 1999) dikaruniai duo urang anak: John Anthony Saragih dan Leoni Tiana Saragih.

Bill sempat mengenyam pandidikan di bangku kuliah fakultas hukum Universitas Indonesia taun 1962-1964 namun perhatiannya besarnya tatok pado musik jazz.
 Pado usia anam baleh tahun, inyo alah manjadi pamimpin band Billy Trio (1949-1954). Inyo kudian mamimpin band Jazz Riders (1962-1965) sabalun akhianyo mulai mamimpin band-band nan memanggul namonyo nan tampil di lua nagari misalnyo Bill Saragih and The Blue Notes (1966-1972 di Bangkok, Thailand) dan Bill Saragih Trio (1972-1979 di Sydney, Australia).

 Pado taun 1978 inyo mulai mampalajari caro mengajarkan musik jazz jo labiah mendalam dengan, pertama-tama, meraih diploma dari Berklee College of Music lewat Berklee Correspondence Course. Inyo kudian baraja pado David Baker dari Universitas Indiana, Amerika Serikat, dan Jamey Aebersold manganai pengajaran improvisasi musik jazz. Sasudah itu, antaro taun 1979-1988, Bill manjadi Direktur dan Pengajar di Bill Saragih Musical Services.

Dalam karier musiknya, Bill meraih babagai penghargaan, diantaranya:

Bill juo pernah manjadi anggota babagai organisasi, seperti:

Bill Saragih maningga dunia pado tanggal 29 Januari 2008 di Rumah Sakit Fatmawati Jakarta akibaik sarangan stroke. Inyo dimakamkan di Taman Makam Pahlawan Kalibata, Jakarta, pado tanggal 1 Februari 2008.




#Article 334: Nagari Ophir (184 words)


Nagari Ophir (; ) atau biaso juo ditulih Ofir adolah suatu nagari atau wilayah nan kayo ameh, nan disabuik sabagai nagari asa dari ameh nan ditarimo Nabi Sulaiman dari Hiram, surang Rajo Tirus. Dalam kitab Yahudi, Melakim (Raja-raja), fasal 9, ditarangan baso Rajo Solomon (Nabi Sulaiman), rajo bangso Israil manarimo 420 talenta ameh dari Hiram, rajo Tirus, nan adolah rajo bawahannyo. Dicaritoan baso ameh upeti tu didapek-an dari nagari Ofir (Ophir), suatu nagari nan dibarkati Tuhan jo kakayaan ameh sarato kasuburan tanahnyo.

Al-Qur’an, Surat Al- Anbiya' 81, manarangkan pulo baso kapa-kapa Nabi Sulaiman A.S. balaia ka “tanah nan Kami barkati atehnyo” (al-ardha l-lati barak-Na fiha). Di ma latak nagari Ophir nan dibarkati Allah tu masih alun dapek dipastian dek banyak ahli sajarah. Ado ahli nan bapandapek baso nagari Ophir talatak di Sumatera, tapi ado pulo nan bapandapek babedo.

Di Sumatera Barat tadapek sabuah gunuang nan banamo Gunuang Talamau nan sabalunnyo banamo Gunuang Ophir. Manganai dari ma asa namo Ophir nan dilakek-an ka gunuang tu alun pulo didapek data sajarah nan pasti. Samantaro pulau Sumatera pado zaman purba disabuik pulau Swarnadwipa, nan baarati pulau ameh.




#Article 335: Rudini (211 words)


Rudini () adolah saurang jenderal berbintang ampek dan politikus Indonesia. Inyo adolah Menteri Dalam Negeri dalam Kabinet Pembangunan V (1988-1993).

 Lahia  dari pasangan pasangan R. Ismangun Puspohandoyo dan Kusbandiyah, inyo menempuh pandidikan dasar dan manangah di Malang. Inyo kudian mangikuti Akademi Militer di Breda, Belanda salamo limo taun (1951-1955). Sekembalinya ka Indonesia, inyo dilantik manjadi perwira remaja jo pangkek Letnan II. Pendidikan barikuiknyo nan inyo tampuah adolah : Suski, Bandung (1961), Para, Bandung (1964), Jump Master, Bandung (1966), Suspala Bandung (1967), Seskoad Bandung (1970), International Defence Management Course, AS (1973), Lemhanas, Jakarta (1977).

Rudini pernah manjabaik sabagai  Panglimo Kodam XIII/Merdeka (1978),  Panglimo Kostrad (1981) dan  Kapalo Staf Angkatan  Darek (1983-1986). Inyo adolah saurang pajabaik Orde Baru nan bakiprah dalam era Reformasi. Inyo terbebas dari penghujatan nan menerpa pejabat-pejabat Orde Baru pado awal bergulirnya Reformasi dan bahkan dipercayo sabagai  Katuo Komisi Pemilihan Umum (KPU) (1999-2001) nan batugeh sabagai panyalanggaro Pemilu pado 7 Juni 1999. Inyo kudian mamimpin 52 anggota KPU nan batangguang jawek manyalanggaroan pamiliahan umum jo kontestan multipartai (48 partai politik jo beragam asas dan kepentingan) patamo sasudah 44 tahun. Rudini juo adolah anggota Ikatan Cendekiawan Muslim Indonesia (ICMI).

 Inyo maningga dunia pado 21 Januari 2006 dek serangan jantung dalam usia 77 tahun, maninggakan duo urang istri dan limo urang anak.




#Article 336: Nazaruddin Sjamsuddin (548 words)


Prof. Dr. Nazaruddin Sjamsuddin, MA () adolah mantan  Katuo Komisi Pemilihan Umum (KPU) nan batugeh memantau jalannya Pemilu di Indonesia untuak periode 2001-2005, dimana Komisi Pemilihan Umum di Indonesia untuak patamo kalinya malakuan pemilihan presiden sacaro langsuang pado taun 2004 di bawah pimpinan Nazaruddin Sjamsuddin. Inyo mampunyoi ampek urang anak hasil perkawinannya jo Nurnida Ishak.

 Sasudah manyalasaikan SD, SMP, dan SMA di Aceh, Nazaruddin memasuki Fakultas Hukum dan Ilmu Pengetahuan Masyarakat (Bagian IPK nan kini dikenal sabagai Fakultas Ilmu Sosial dan Ilmu Politik) Universitas Indonesia pado taun 1963, dan meraih gelar sarjana ilmu politik pado taun 1970. Tahun-tahun barikuiknyo inyo habiskan di Universitas Monash, Melbourne, Australia, dan memperoleh gelar M.A. dan Ph. D. dalam ilmu politik.

Karier sabagai pangaja ilmu politik di UI inyo rintis sajak 1968 sangkek masih sabagai mahasiswa, dan dilanjutkan baliak sepulang kuliah di Australia dan taruih mengabdi pado Universitas Indonesia sampai akhianyo diagiah gelar Guru Besar dalam ilmu politik pado taun 1993. Di lua Universitas Indonesia antaro lain inyo pernah manjadi wartawan dan kudian Pemimpin Redaksi Indonesia Magazine, peneliti pado  Lambago Riset dan Kebudayaan Nasional (LIPI), dan anggota kalompok kerja pado perlbagai instansi pemerintahan. Pado taun 1985 inyo ikuik mandirian Asosiasi Ilmu Politik Indonesia (AIPI) dan pernah manjabaik sabagai ketua. Inyo juo pernah manjabaik sabagai Deputi Bidang Pengkajian dan  Pangambangan BP 7 Pusat, anggota MPR dan Badan Pekerja MPR, dan karir terakhirnya sabagai katuo Komisi Pemilihan Umum sajak taun 2001.

Di antaro karya ilmiah nan alah dihasilkannya, selain sajumlah artikel nan terbit di dalam dan lua negeri, adolah buku PNI dan Kepolitikannya (1984),  (1985), Integrasi Politik di Indonesia (1989), Pemberontakan Kaum Republik (1990), dan Dinamika Sistem Politik Indonesia (1993). Di antaro buku nan disuntingnya tadapek Soekarno, Pemikiran Politik dan Kenyataan Praktek (1988), Masa Depan Kehidupan Politik Indonesia (1988, basamo Dr Alfian), dan Profil Budaya Politik Indonesia (1991, basamo Dr Alfian). Pado Maret 2010, Nazaruddin mangaluakan buku otobiografinya nan bajudul Bukan Tanda Jasa, nan barisi pengalaman hidupnya tarutamo terkait masa-masa kepemimpinannya di Komisi Pemilihan Umum.

Meski Pemilihan Umum 2004 dinilai sukses di kalangan internasional, para anggotanya nan kabanyakan barasa dari kalangan akademisi, banyak terseret pado kasus korupsi, nan salah satunya menimpa Nazaruddin Sjamsuddin. Pado 20 Mei 2005, Nazaruddin ditetapkan sabagai tersangka dalam kasus dugaan korupsi di KPU. Oleh Pengadilan Tindak Pidana Korupsi, inyo dituntuik hukuman penjara salamo salapan taun anam bulan, membayar denda sagadang Rp 450 juta, sarato mengganti uang nagaro sagadang Rp 14,193 miliar. Pado 14 Desember 2005 Pengadilan Tindak Pidana Korupsi lalu menjatuhinya hukuman penjara salamo tujuah taun pado 14 Desember 2005. Inyo juo diharuskan membayar denda sagadang Rp 300 juta dan membayar uang pengganti Rp 5,03 miliar sacaro tanggung renteng jo Hamdani Amin,  Kapalo Biro Keuangan KPU dek dianggap merugikan nagaro dalam kasus pengadaan asuransi kacelakaan diri nan dibayarkan untuak para pakarjo pemilu.

 Pado 8 Februari 2006, para pengacara Nazaruddin melaporkan Majelis Hakim kapado Komisi Yudisial. Para pengacara tasabuik mangatoan bahwa dalam memutus perkara, Majelis Hakim alah melanggar Kode Etik Perilaku Hakim. Antara lain disebutkan bahwa Majelis Hakim alah menyalahi ketentuan KUHAP (Kitab Undang-undang Hukum Acara Pidana) sarato Undang-Undang No. 31 taun 1999 tantang Pemberantasan Tindak Pidana Korupsi juncto Undang-Undang No. 20 Taun 2001 tantang perubahan ateh Undang-Undang No. 31 taun 1999 dan KUHP. Laporan tasabuik sampai kini (2011) indak pernah mandapek tanggapan dari Komisi Yudisial. Nazaruddin bebas bersyarat pado Maret 2008.




#Article 337: Abdul Hafiz Anshari (147 words)


Abdul Hafiz Anshari () adolah  Katuo Komisi Pemilihan Umum periode 2007-2012.  Sabalunnyo inyo marupoan  Katuo KPU Provinsi Kalimantan Selatan sajak taun 2003, dan sabagai pagawai nagari manjadi guru gadang dalam ilmu Sejarah Peradaban Islam di IAIN Antasari Banjarmasin.

Abdul Hafiz Anshari lulus sarjana mudo pado Fakultas Syariah IAIN Antasari (1979), kudian tahap sarjana lulus taun 1982, Program Pascasarjana bidang Pengkajian Islam (Sejarah Peradaban Islam) IAIN Syarif Hidayatullah Jakarta lulus taun 1992, dan lulus S3 (Doktor) Program Pascasarjana bidang Pengkajian Islam (Sejarah Peradaban Islam) IAIN Syarif Hidayatullah Jakarta taun 2000.

Saat ini, Abdul Hafiz Anshari juo manjabaik sabagai  Katuo Umum  Lambago Studi Islam dan Kemasyarakatan (LSIK),  Lambago Studi di lingkungan lingkungan paserta Program Pascasarjana IAIN Syarif Hidayatullah Jakarta; sabagai Sekretaris Majelis Pakar FOKSIKA PMII Kalsel (periode 2005-2008); sarato sabagai  Katuo Majelis Ulama Indonesia (MUI) Provinsi Kalimantan Selatan /  Katuo Komisi Kerukunan Antar Umat Beragama MUI Kalsel (periode 2006-2011).




#Article 338: Ulama Minangkabau (267 words)


Ulama Minangkabau marujuak kapado ahli-ahli agamo Islam nan barasa dari daerah Minangkabau. Tokoh-tokoh tu  alah baperan dalam babagai paristiwa sajarah pakambangan Islam di Nusantara, baiak sabagai panyiar agamo ataupun sabagai pajuang dalam malawan kolonialisme.

Bilo sarato dari ma masuaknyo Islam ka Sumatera  Barat masih manjadi padebatan para ahli sajarah. Tadapek indikasi baso pantai timur Sumatera alah disinggahi saudagar-saudagar Islam sajak abaik ka-7,
sadangkan kronik Cino Xin Tangsu manyabuik-an baso pado taun 675 urang-urang Ta-Shih (Arab) alah punyo pakampuangan di pantai barat Sumatera.
Pihak nan mangatoan Islam masuak ka Minangkabau dari pantai timur Sumatera mampakiroannyo masuak dari Siak, samantaro pihak nan mangatoan masuak dari pantai barat mampakiroannya masuak dari Aceh. 
Budayawan A.A. Navis bapandapek baso Islam alah masuak dari Aceh sajak abaik ka-8.

Para geografer muslim abaik ka-9 jo 10, sarupo Ibnu Khurdadbih jo Al Biruni, menulih-an baso Sumatera (nan mareka sabuik Zabaj) adolah bagian rute padagangan mareka manuju Cino.
Pangelana Venesia Marco Polo (1292)
nan singgah di Sumatera manulih baso panduduak padalaman pado umumnyo masih alun baagamo Islam, sadangkan pangelana Maroko Ibnu Batutah (1345) 
manamuan baso Mazhab Syafi'i alah diamalkan dek masyarakaik Pasai. Pangelana Portugis Tomé Pires (1512-1515) sacaro khusuih manyatoan baso hanyo surang dari tigo rajo Minangkabau nan katiko itu alah mamaluak Islam.

Salah surang ulama takamuko partamo Minangkabau iolah Syekh Burhanuddin (1646-1692), nan adolah palopor panyebaran Islam di daerah padalaman Karajaan Pagaruyuang. Syekh Burhanuddin nan manatap di nagari Ulakan, Pariaman adolah murik dari ulama basa asa Aceh, Syekh Abdurrauf Singkil. Sabaliaknyo ado pulo ulama Minangkabau nan banamo Syekh Halilullah (bahaso Aceh: Teungku di Ujong) nan sato mambantu Kasultanan Aceh dalam manyebaan Islam di Pulau Simeulue.




#Article 339: Politik Minangkabau (396 words)


Politik Minangkabau adolah suatu sistem politik nan balandaskan filosofi demokrasi, egalitarian, sarato kaadilan sosial. Sistem politik tu alah balaku dalam papolitikan masyarakaik Minangkabau sajak baabaik-abaik nan lalu, nan dianggap dek babagai kalangan sabagai sabuah sistem nan modern sarato mandului zamannyo.

Jauah sabalun kadatangan kolonialis Balando, sistem sosial jo politik dalam masyarakaik Minangkabau alah dijalanan jo prinsip-prinsip politik nan demokratis, egaliter sarato bakaadilan sosial. Hal iko nampak dari balakunyo sistem Nagari nan otonom, dima suatu kalompok masyarakaik nan bahimpun dalam suatu nagari (satingkek kalurahan/desa) dikalola sacaro basamo dek suatu triumvirat nan disabuik Tigo Tungku Sajarangan dalam sabuah limbago (lembaga) nan disabuik Kerapatan Adat Nagari.

Tigo Tungku Sajarangan tadiri dari tigo unsua masyarakaik nan mancakup kaum adaik, kaum ulama sarato kaum cadiak pandai.

Katigo unsua ko saliang bainteraksi, badialektika bahkan konflik pulo kadang-kadang, dalam suatu sistem politik nan diwadahi dek suatu limbago Karapatan Adat Nagari. Di dalam limbago ikolah dipadebatkan jo dimusyawarahkan sagalo sasuatu pamasalahan nan ado dalam suatu nagari sahinggo dapek ditamuan solusi nan disapakati dek sadonyo pihak demi kaadilan sarato kasejahteraan masyarakaik itu sendiri. Kaputusan limbago ko bersifaik otonom tanpa harus mamintak pasetujuan dari otoritas politik nan labiah tinggi sarupo raja, misalnyo.

Sistem politik Minangkabau nan demokratis sarato egaliter adolah antitesis bagi sistem politik gadang lainnyo di Indonesia nan diusuang dek budayo Jawa nan cenderung sentralistik, patron klien sarato feodalistik. Dalam sajarah sajak Indonesia mardeka, kaduo sistem politik ko saliang bainteraksi, basaing sarato badialektika dalam papolitikan Indonesia dalam rangka pangalolaan nagaro demi pancapaian tujuan banegara, iyolah masyarakaik adia sarato makmur.

Pado awal-awal kamardekaan, sistem politik Minangkabau nan tamanifestasi dalam lakon politik dari tokoh-tokoh politik nan barasa dari Minangkabau, samisal Hatta, Syahrir, Natsir, Agus Salim sarato nan lain-lain, mandapek-an tampek nan labiah laluaso jo balakunyo sistem parlementer nan diwarnai jo baragam partai politik. Untuak sabuah nagaro nan masih mudo, tanyato sistem ko acok menimbuaan kagaduahan politik, sahinggo baakibaik pado jatuah bangunnyo pamarentahan sarato acoknyo pagantian kabinet.

Sistem ko balaku sampai kaluanyo Dekrit Presiden pado taun 1959. Sistem politik demokratis nan baumua 14 taun tu kudian baganti jo sistem politik sentralistik sarato feodalistik nan dijalanan dek Presiden Soekarno jo kakuasaan nan ampia indak babateh sampai taun 1965, dima akhianyo kakuasaan diambiak aliah dek Soeharto. Salamo sakitar 32 taun salanjuiknyo, Presiden Soeharto-pun manjalanan sistem nan hampia samo jo pandahulunyo. Barulah pado taun 1998, karano adonyo reformasi, papolitikan Indonesia baliak ka sistem demokrasi, walaupun masih basifat prosedural atau alun substansial.




#Article 340: Rusli Zainal (619 words)


Rusli Zainal () adolah Gubernur Riau ka-11. Inyo diangkek sabagai gubernur manggantian Saleh Djasit, sabalun manjabaik sabagai gubernur Rusli Zainal pernah manjabaik sabagai Bupati Kabupaten Indragiri Hilir periode 1999-2003. Rusli Zainal surang manjabaik sabagai Gubernur Riau salamo 2 periode, iyolah 2003-2008 dan 2008-2013.

Rusli Zainal menikah jo Septina Primawati dan mamiliki tigo nan pado saaik sidang status anak-anak tasabuik dipertentangkan apakah anak kanduang mareka , anak angkat, atau anak hasil perkawinan Rusli Zainal dari wanita lain. Pado saaik persidangan sengeketa pamiliahan kapalo daerah Kota Pekanbaru nan diikuti dek Septina Primawati, manuruik Yusril Ihza Mahendra, kuaso hukum lawan dari pasangan Septima Promawati dan Erizal Muluk mangatoan bahwa Rusli Zainal juo memilki tigo istri lainnyo nan dinikahi sacaro hukum Islam dan ado nan tacataik dan ado pulo nan indak tercatat.

 Pado taun 2008, Rusli Zainal pernah manjadi saksi ateh kasus korupsi pemberian izin pembalakan kayu sacaro liar. Pado kasus tasabuik indak dicekal ka lua nagari dek Komisi Pemberantasan Korupsi. Serta pado kasus iko menjerat duo bupati di Riau iyolah Bupati Kabupaten Pelalawan, Burhanuddin Husin dan Bupati Kabupaten Siak, Arwin AS.

Rusli Zainal manjadi saksi pado persidangan kasus korupsi pado tanggal 7 Agustus 2012 manganai kasus korupsi Pekan Olahraga Nasional XVIII  nan akan dilaksanakan di Riau pado taun 2012. Dan Rusli Zainal alah dicekal ka lua nagari dek Komisi Pemberantasan Korupsi. Wakil  Katuo KPK, Busyro Muqoddas di Jakarta pado tanggal 28 Agustus 2012 mangatoan bahwa KPK alah membidik Rusli Zainal dalam kasus dugaan suap Revisi Peraturan Daerah (Perda) Nomor 6 Taun 2010 tantang Penambahan Biaya Arena Menembak PON Riau. Dalam kasus dugaan suap PON Riau ini, namo Rusli Zainal juo kerap disebut. Dalam surek dakwaan mantan  Kapalo Seksi (Kasi)  Pangambangan Sarana dan Prasarana Olahraga Dinas Pemuda dan Olahraga (Dispora) Riau, Eka Dharma Putra, Rusli Zainal selaku Gubernur Riau disabuik sabagai pihak nan diduga ikuik menyuap. Pado kasus iko Rusli Zainal diduga memberikan suap kapado anggota DPRD Riau sagadang 900 juta rupiah dari 1,8 miliar nan dijanjikan untuak anggota DPRD Riau. Masa pencegahan ka lua nagari Rusli Zainal dek KPK nan dimulai sajak tanggal 6 April 2012 salamo 6 bulan akan barakhia pado tanggal 6 Oktober 2012.

 Pado tanggal 25 Januari 2013, Rusli Zainal baliak dipanggil dek KPK untuak diperiksa sabagai saksi terkait  kasus dugaan korupsi dalam pambangunan dan pengadaan sarana olahraga Pekan Olahraga Nasional XVIII di Riau pado taun 2012.

Rusli Zainal ditetapkan sabagai tersangka kasus tindak pidana korupsi terkait perubahan Perda No.6 taun 2010 tantang penambahan anggaran pambangunan venue untuak pelaksaanaan Pekan Olahraga Nasional ke-18 di Pekanbaru, Riau. Rusli Zainal diduga manarimo suap dan diduga kuek sarato memberikan persetujuan dalam pemberian suap tahadok sajumlah anggota DPRD Provinsi Riau. Rusli disebutkan manarimo 500 juta rupiah di rumah dinasnya.  Salain dijadikan tersangka dalam kasus korupsi PON XVIII, Rusli Zainal juo dijadikan tersangka dalam duo kasus korupsi lainnyo iyolah kasus nan juo berkaitan jo peraturan daerah akan tetapi perannya nan babedo iyolah Rusli Zainal diduga memberikan sesuatu kapado anggota DPRD Riau. Sedangkan kasus korupsi lainnyo nan menjerat Rusli Zainal iyolah kasus korupsi penerbitan Izin Usaha Pemanfaatan Hasil Hutan Kayu Hutan Tanaman (IUPHHK-HT) di Kabupaten Pelalawan, Riau. Rusli diduga menyalahgunakan kewenangannya dan perbuatan malawan hukum sabagai Gubernur Riau.

 Sasudah ditetapkan manjadi tersangka dek Komisi Pemberantasan Korupsi, Rusli Zainal langsuang dinonaktifkan dek partai Golkar.  Salain itu partai Golkar indak akan mambantu Rusli Zainal dan indak akan mambela dan menyediakan penasehat hukum bagi Rusli Zainal. Elit partai Golkar juo mengkhawatirkan turunnya popularitas partai Golkar akibaik ditetapkanya Rusli Zainal sabagai tersangka.
 Pado 14 Juni 2013, Rusli Zainal akhianyo ditahan di Rutan Komisi Pemberantasan Korupsi untuak maso penahanan 20 hari pertama. Penahanan dirinyo terkait jo tigo perkara tindak pidana korupsi.. Terkait jo penahanan Rusli, Mendagri Gamawan Fauzi mengatakan, tugeh gubernur dijalankan dek wakil gubernur sampai Rusli Zainal rasmi dinonaktifkan.




#Article 341: Ken Aitiken (103 words)


Ken Aitken (25 June 1928 – June 2008) was an Australian rules footballer who played with Carlton and Collingwood in the Victorian Football League (VFL).

Aitken never played more than nine games in a seasons for the seniors but was a member of Carlton's 1951 premiership team in the league seconds. He joined Collingood the following year and was a reserve in the 1952 VFL Grand Final, which they lost.

He was dropped from Collingwood's list in the pre-season and signed with the Coburg Football Club. After retiring he was coach of the Carlton Under-19s side for four years, from 1956 to 1959




#Article 342: Gunuang Talang (189 words)


Gunuang Talang (namo lainnyo Salasi atau Sulasi) adolah gunuang barapi nan barado di kabupaten Solok, provinsi Sumatera Barat, Indonesia. Gunuang Talang balokasi sakitar 9 km dari kota Arosuka ibukota kabupaten Solok, atau sakitar 40 km sabalah timur kota Padang.

Gunuang batipe stratovolcano nan bakatinggian 2.597 m ko adolah salah satu dari gunuang api aktif di Sumatera Barat, sarato salah satu kawahnyo manjadi sabuah danau nan disabuik Danau Talang. Gunuang Talang alah pernah malatuih baulang-kali sajak taun 1833 sampai jo taun 2007.

Ado ampek kecamatan nan warganyo bamukim di sakitar kaki gunuang ko, iyolah kecamatan Lembah Gumanti, Danau Kembar, Gunuang Talang, sarato Lembang Jaya. Jumlah panduduak di ampek kecamatan tu mancapai 160.000 jiwa, atau sapatigo dari jumlah panduduak kabupaten Solok.

Pado 11 April 2005, Gunuang Talang malatuih baliak. Gampo nan disaratoi bunyi gamuruah jo latusan nan mangaluaan abu vulkanik alah balangsuang sakurangnyo 42 kali. Di Aia Batumbuak, lokasi tadakek jo sumber latusan, hujan abu mancapai radius 5 km, sadangkan katabalan abu di jalan mancapai 10 cm. Di sabalah selatan Gunuang Talang tabantuak kawah baru nan mangaluaan asok balerang jo hujan baabu vulkanik. Sabanyak 27.000 panduduak harus dievakuasi dari wilayah tu.




#Article 343: Roosilawaty (127 words)


Roosilawaty () adolah surang pamain pilem Indonesia.

Sabalun manjadi artis, Roosilawaty adolah surang panyanyi dan panari. Inyo panah manjadi juaro manari Tari Serampang Duabelas se-Indonesia dan dikirim untuak mawakili Indonesia basamo-samo para panari lainnyo dek Presiden Soekarno ka Pakistan dalam acara patukaran kabudayaan.

Pado taun 1954 Roosilawaty menikah jo Januar Arifin saurang pianis pado Orkes Gumarang dan dikaruniai 3 urang putra putri (Roosyanita, Yanosandy, dan Roosyanery). Januar Arifin meninggal, dek sakit maag nan akut. Lalu Roosilawaty menikah untuak kaduo kalinya jo Abdul Chalim Gani saurang Kolonel Polisi dan dikaruniai 4 urang putra putri (Abdul Taufik Hadiputra, Abdul Syarif Hidayatullah (Alm.), Abdul Quala Yusuf, dan Noorhiqmah Andayani).

Pado 25 februari 2009 Roosilawaty maningga dunia, dek sakit jantung.  Inyo dimakamkan, pado tanggal 27 Februari 2009 di TPU Tanah Kusir.




#Article 344: Satjipto Rahardjo (217 words)


Satjipto Rahardjo () adolah saurang guru gadang emeritus dalam bidang hukum, dosen, penulis dan aktivis penegakan hukum Indonesia. Inyo dikenal sabagai dekan Fakultas Hukum Universitas Diponegoro, Semarang.

Satjipto manyalasaikan SD dan SMP-nya di Pati, Jawa Tengah. Inyo meneruskan SMA di Semarang dan lulus pado taun 1951. Selepas itu inyo malanjuikan studi kesarjanaamnya di Fakulas Hukum Universitas Indonesia dan lulus pado taun 1960. Pado taun 1979, inyo malanjuikan puncak studinya di program doktor ilmu hukum Universitas Diponegoro.

Mengawali karir akademiknya pado taun 1961 sabagai dosen Ilmu Hukum di Fakultas Hukum Universitas Diponegoro. Jabatan nan pernah disandangnya pado saaik manjadi dosen antaro lain manjadi Dekan fakultas hukum Undip pado taun 1971 sampai jo 1976, kapalo  Pusek Studi Hukum dan Masyarakat taun 1976-1978. jabatan lain diluar kampus diantaronyo manjadi  Kapalo Tim BPHN pado taun 1978, staf ahli Kapolri taun 1983, anggota Komnas Ham periode 1993-1997 dan 1998-2002. Inyo juo pernah manjabaik sabagai  Katuo Program Doktor Ilmu Hukum Undip pado taun 1996-2001.

Satjipto dikenal sabagai penulis buku-buku penegakan hukum. Penegakan Hukum Progresif (2010) dan Membedah Hukum Progresif (2006).

Satjipto Rahardjo maningga dek panyakik pneumonia dan sarangan jantung. Anaknya, Hary Mulyadi menceritakan sabalun meninggal, jantung ayahnya indak stabil. Selalu naik turun. Tekanan darah rendah, suhu tubuah sampai 41 derajat celsius, dan kadar darah putiah tinggi. Satjipto surang sabalun maningga dirawat di RSPP.




#Article 345: Sri Mulyono Herlambang (149 words)


Sri Mulyono Herlambang () adolah Kepala Staf TNI Angkatan Udara dari 27 November 1965 sampai 31 Maret 1966.

Pendidikan nan pernah dienyam antaro lain, Sekolah Penerbang TALOA di California, AS (1952), Sekolah Ilmu Siasat  Dasar Kemiliteran AURI, Jakarta (1954), dan Royal Air Force, Staff CollegewAndover, Inggirih (1960). Jabatan nan pernah dipegang sebagai, Asisten Direktur Operasi dan Latihan, MBAU Jakarta (1959), Direktur Operasi Markas Besar AU, Jakarta (1962), Perwira  Udaro MBAU dan Wakil  Katuo GW2 (1963).

Sri Mulyono Herlambang juo aktif pado babagai Organisasi Sosial, basamo Dr. Tony Setiabudhi,Ph.D (salah satu ahli Gerontologi dan Geriartri Indonesia) dan Dr. H. Soesilo Wibowo, mandirian babarapo Organisasi Sosial untuak menolong golongan nan indak mampu, antaro lain  (Perhimpunan Ahli Gerontologi dan Geriartri Indonesia) sarato Asosiasi Alzheimer Indonesia (AAI). PERGERI adolah organisasi nirlaba nan aktif manangani babagai pamasalahan para Lanjut Usia nan didirian sajak taun 2000. Dan marupoan anggota IAGG (International Association Gerontolgy and Geriartrics).




#Article 346: Soerjadi Soerjadarma (1025 words)


Laksamana  Udaro Soerjadi Soerjadarma () adolah Kepala Staf TNI Angkatan Udara dari 1946 sampai 1962.

 Pado 1 September 1945 inyo ditugaskan mambantuak AURI dek Presiden Soekarno dan diangkek sabagai KASAU (Pertama) pado 9 April 1946.  Pado 18 Februari 1960, selain sabagai KASAU jabatannnya ditingkatkan sabagai Menteri/Kastaf AURI.

Suryadi Suryadarma sabagai pandiri dan Bapak AURI – indak hanyo berperan dalam mangambangkan dunia dirgantara pado bidang kemiliteran, namun juo sabagai palopor pado penerbangan komersial. Tidaklah berlebihan kalau dikatakan, Suryadarma alah menjadikan dirgantara sabagai bagian dari hidupnya.

Suryadarma alah berpengalaman sajak Perang Dunia II.  Inyo marupoan satu dari ampek puluah bumiputera nan ditarimo di Akademi Militer  Balando (KMA) di Breda, Balando, sabalun PD II pado era Hindia Balando.  Inyo ditarimo sabagai navigator tetapi Suryadarma konon berbakat sabagai penerbang namun indak diizinkan dek inyo pribumi. Suryadarma punyo segudang pengalaman jo terlibat dalam operasi-operasi udara AU Balando, tarutamo sangkek  Balando terdesak dek invasi  Japang pado awal 1940-an.  Inyo terkenal akan keberaniannya sabagai navigator (sebagai letnan penerbang intai) jo tigo pesawat pembom Glenn Martin B-10, nan mengebom armada  Japang di Tarakan tanpa disertai fighter escort pado tanggal 13 Februari 1942. Mereka barasil mengebom kapal penjelajah (cruiser) Jepang, namun kudian mareka  disarang dek pesawat-pesawat Zero, sampai hanyo bomber nan dipiloti Suryadarma nan barasil baliak walaupun dalam keadaan rusak. Karena jasanya,  Pamarentah  Balando menganugerahi Medals for Distinguished Service During Combat untu Jan Lukkien nan manjadi Komandan Skawadron sungguhpun sebetulnya paran Suryadarma sanga gadang dalam mengambil kaputusan basamo Kapten Lukkien, Maret 1942.

Dalam periode 1945-1949, Suryadarma sabagai KSAU mangambangkan ‘minat dirgantara’ malalui pendirian Aeroclub, mewujudkan pandidikan dan latihan-latihan dasar penerbangan militer di Maguwo, Maospati dan Malang (teknik radio, radio operator, penerbang, paratroops, pembekalan udara, morse code).
Suryadarma adolah urang patamo nan menyadari pentingnya keberadaan pasukan payuang (paratroops) mengingat kondisi geografis Indonesia nan tadiri dari ribuan pulau. Hal inilah nan manjadi cikal bakal lahirnya pasukan payuang patamo di Indonesia iyolah Pasukan Gerak Tjepat (PGT) nan kini manjadi Paskhas TNI-AU.
Suryadarma sangaik mendukung gagasan-gagasan Wiweko Supeno dan Nurtanio dalam babagai eksperimen pembuatan pesawat tabang dan helikopter di Maospati.  Salain itu, inyo basamo Halim Perdanakusuma dan Wiweko mengundang pesawat-pesawat angkut asiang untuak menerobos blokade udara  Balando tahadok Indonesia.

 Taun 1950-1954, Suryadarma memprioritaskan pendirian sekolah-sekolah pandidikan dan latihan penerbangan.  Hampia sagalo macam kejuruan teknis penerbangan militer dan sipil, jo mamanfaikan  tenaga-tenaga ahli  Balando (ex ML dan ex Luchvaart Dienst) sabagai instruktur, dosen dan pengawas mutu pendidikan. Hanya Sekolah Perwira Penerbang sajo nan manggunoan instruktur-instruktur Amerika.  Pado taun 1954 tenaga-tenaga instruktur pandidikan alah ditangani para perwira dan bintara AURI. Bahkan untuak calon-calon instruktur pandidikan nan berprestasi, Suryadarma mengirimkan para perwira dan bintara iko ka India Air Force dalam jumlah nan cukuik banyak.

Dalam periode taun 1950-1955, inyo konsisten mangambangkan minat dirgantara dan mandirian Aeroclub dibeberapa ibukota propinsi. Bahkan, dari sipil pun nan berminat tabang jo pesawat latih Piper Cub L4-J diijinkan, asa tatok memenuhi persyaratan fit and proper. Ada duo lichting barasil memenuhi persyaratan sabagai Penerbang-III (klein brevet), iyolah mancapai 60-65 jam terbang. Para instruktur adolah penerbang AURI dan kursus iko terbatas hanyo dapek diselenggarakan di Cililitan (Halim), Andir (Sulaiman, Bandung) dan Maguwo (Adisucipto). Sebagian gadang masyarakaik sipil iko adolah para dosen mudo dari universitas.
Penerbitan majalah kedirgantaraan Angkasa dek Dinas Penerangan AURI pado taun 1950 juo diprakarsai ateh ide dari Suryadarma. Sekarang majalah Angkasa diterbit-lestarikan dek grup Kompas Gramedia di bawah asuhan Jakob Oetama.

Suryadarma basamo Soetanandika ( Kapalo Direktorat Penerbangan Sipil) menggagas berdirinya Akademi Penerbangan Curug ( Sekolah Penerbang, Sekolah Teknik Udara, Sekolah Lalu-lintas Penerbangan, dan Sekolah Meteorologi). Akademi iko harus memenuhi persyaratan-persyaratan ICAO.  Pado tahun-tahun pertama, sekolah-sekolah iko manggunoan tenaga instruktur AURI, namun kudian digantikan dek tenaga asiang ateh rekomendasi ICAO dan ditambah jo tenaga sipil nan alah memenuhi kualifikasi ICAO.

 Inyo juo berperan dalam negoisasi pengambil-alihan KNILM/KLM manjadi Garuda Indonesia Airways (GIA) pado taun 1950-an. Adolah Sekolah Perwira Penerbang AURI angkatan patamo nan sakaliguih mangasilkan penerbang-penerbang untuak GIA.  Salain itu, Suryadarma juo menggagas bia para penerbang dan crew penerbang sipil manjadi perwira dan bintara cadangan AURI. Masyarakat awam nan terlibat dalam penerbangan sipil dek Suryadarma juo diangkek sabagai perwira nan berpangkat Tituler.

Suryadarma sangaik mandorong dan mendukung semangat dan upaya kepeloporan Nurtanio Pringgoadisuryo mewujudkan cita-citanya membangun industri penerbangan Indonesia. Dalam tahap embrionalnya, proyek iko dinamai  Lambago Persiapan Industri Penerbangan (LAPIP) nan sacaro struktural ado dalam organisasi AURI dan Suryadarma sabagai KSAU manatuan policy dari lembaga tersebut. LAPIP kudian berubah manjadi  Lambago Industri Penerbangan-Nurtanio (LIPNUR) pado taun 1976 dan pado taun 1980 diubah manjadi Industri Pesawat Terbang Nusantara (IPTN) dek B.J. Habibie.

 Pado tanggal 9 Maret 1960, Suryadi Suryadarma sempat meminta mengundurkan diri sabagai bantuak pertanggungjawaban ateh ulah Letnan II (Pnb) Daniel Maukar nan pado pagi harinya menembaki Istana  Nagaro Jakarta jo pesawat tempur MiG-17F Fresco asa Skadron  Udaro 11, namun permintaan tasabuik ditolak dek Presiden Soekarno.

Namun akhianyo pado tanggal 19 Januari 1962, Suryadarma “dipaksa” mengundurkan diri dari jabatannya sabagai KSAU sabagai ekses dari paristiwa patampuran  Lauik Aru nan menewaskan Komodor (L) Yos Sudarso. Hal iko pulo nan mengakhiri karier gemilangnya salamo kurang labiah 16 taun mamimpin AURI. Pengorbanan batin KSAU Suryadarma di maso itu adolah wujuik nyata sikap tatinggi dalam disiplin prajurit, iyolah loyalitas bagi bangsa dan negara.

 Pado hari itu juo dek Presiden Soekarno, inyo diangkek sabagai Menteri Penasehat Presiden RI.  Pado taun 1965, inyo diangkek sabagai Menpostel RI.  Sabagai penghormatan ateh jasa-jasanya bagi bangsa dan nagaro mako TNI-AU meresmikan namo Lanud di daerah Kalijati, Subang Jawa  Barat jo namo Lanud Suryadarma disingkek SDM.  Salain itu namo Suryadarma juo diabadikan sabagai namo sabauh perguruan tinggi milik TNI-AU di daerah Halim Perdanakusuma, Jakarta  Timur jo namo Universitas Suryadarma.

 Sasudah pensiun babagai aktifitas dan kegemaran dilaksanakan saroman berburu dan menembak, koleksi batuan mineral/mulia, menulis, koleksi parang ko, membaca dan lain-lain. Menginjak di usia ka 63 tahun, kesehatannya mulai menurun dan mengidap sakit komplikasi liver.  Pado minggu kaduo Agustus 1975, Suryadarma mulai dirawat di Rumah Sakit Husada, Jakarta salamo seminggu.

Akhirnya ateh kehendak Tuhan Suryadarma maningga dunia pado pukul 05.45 WIB pado Hari Sabtu tanggal 16 Agustus 1975. Jenazahnya kudian disemayamkan di rumah duka dan di Markas Besar TNI AU Jalan Gatot Subroto. Pemakamannya dilaksanakan pado 17 Agustus pukul 13.00 WIB di Pemakaman Umum Karet, Jakarta sacaro militer jo Inspektur Upacara KASAU Marsekal TNI Saleh Basarah.




#Article 347: Soerjadi Soedirdja (115 words)


Jenderal TNI (HOR) Soerjadi Soedirdja () adolah salah satu tokoh militer dan politik Indonesia. Soerjadi Soedirdja juo manjabaik Gubernur DKI Jakarta periode 1992-1997.

Di maso kepemimpinannya, inyo mambuek proyek pambangunan rumah susun, menciptakan kawasan hijau, dan juo memperbanyak daerah resapan air. Adapun proyek kareta api bawah tanah (subway) dan jalan susun tigo (triple decker) nan sempat didengung-dengungkan pado masanya alun terwujud. nan jelas, inyo menyaksikan selesainya pembersihan jalan-jalan Jakarta dari becak, suatu usaho nan alah dimulai sajak gubernur sabalunnyo (Bang Wi).  Salain itu Peristiwa 27 Juli 1996 tajadi pado maso Jakarta di bawah kepemimpinannya.
Beliau juo marupoan salah satu dewan penyantun Universitas Sultan Ageng Tirtayasa Banten, nan berlokasi di jalan raya Jakarta km 4 pakupatan-serang,Banten.




#Article 348: Hari Sabarno (158 words)


Jenderal TNI (Purn) Hari Sabarno () adolah Mantari Dalam Nagari pado Kabinet Gotong Royong.

Hari Sabarno manyalasaian sikolah atehnyo di SMA Negeri 1 Surakarta. Baliau juo luluihan taun 1967 dari Akademi Militer Nasional, Magelang.

Pado tanggal 12 Maret 2003, inyo diangkek dek Megawati Soekarnoputri manjadi Mantari Koordinator Politik jo Kaamanan ad interim manggantian Susilo Bambang Yudhoyono nan maunduaan diri dari jabatan tasabuik. Pado kabinet Gotong Royong, Hari Sabarno manjabaik sabagai Mantari Dalam Nagari. Sabalunnyo Hari Sabarno manjadi katua fraksi ABRI di DPR periode 1999-2004.

Pado taun 2004, Hari Sabarno manarimo kanaiakan pangkek kahormatan dari Letnan Jenderal (purnawiranan) manjadi Jenderal (purnawirawan) basamo-samo jo A. M. Hendropriyono. Kanaiakan pangkek kahormatan iko sempat manimbuaan kontroversi.

Kutiko manjabaik Mendagri, tajadi kasus korupsi pangadoan Oto Pamadam Kabakaan di 22 daerah di Indonesia taun 2004-2005. Kasus iko manyeret mantan Dirjen Otonomi Daerah Oentarto Sindung Mawardi jo sajumlah kapalo Daerah ka panjaro. Oentarto jo sajumlah kapalo daerah mangatoan Hari harus ikuik batangguangjawek dalam korupsi tasabuik.

 




#Article 349: Mohammad Maruf (132 words)


Letnan Jenderal TNI (Purn.) Mohammad Ma'ruf () adolah Menteri Dalam Negeri Republik Indonesia periode 2004-2007.

 Inyo ditunjuak manjabaik menteri dalam nagari di dalam Kabinet Indonesia Bersatu dek Presiden Susilo Bambang Yudhoyono pado 20 Oktober 2004. Sebelumnya, Ma'ruf adolah Duta Besar Indonesia untuak Vietnam dan tim sukses Partai Demokrat pado Pemilihan Umum Indonesia 2004 dan Pemilihan Presiden Indonesia 2004.

Sejak tanggal 30 Maret 2007, M. Ma'ruf dirawat di Rumah Sakit Jantung Harapan Kita akibaik serangan jantung dan stroke.  Pado 13 April 2007, tim dokter memindahkan perawatannya ka RSPAD untuak rehabilitasi fisioterapi. Akibat sakit dan harus menjalani perawatan, tugas-tugas Menteri Dalam  Nagari untuak samantaro ditangani dek Widodo Adi Sutjipto sabagai Menteri Urusan Dalam Negeri (ad interim) sajak 2 April 2007.  Pado tanggal 27 Agustus 2007, Presiden SBY menunjuk Mardiyanto sabagai Mendagri pengganti M. Ma'ruf.




#Article 350: Widodo AS (126 words)


Laksamana (Purn.) Widodo Adi Sutjipto () adolah politikus Indonesia nan manjabaik sabagai anggota Dewan Pertimbangan Presiden sajak 25 Januari 2010.  Sabalunnyo inyo manjabaik sabagai Menkopolhukam sajak 21 Oktober 2004 sampai 22 Oktober 2009.  Pado 2 April – 29 Agustus 2007, inyo ditunjuak Presiden Susilo Bambang Yudhoyono sabagai Menteri Dalam Negeri ad interim.  Inyo juo mantan tokoh militer TNI-AL.

 Sasudah manyalasaikan sakolah atasnya di SMA Negeri 1 Surakarta dan lulus dari Akademi Angkatan Lauik pado taun 1968, Widodo manjadi Kepala Staf TNI Angkatan Laut sabalun diangkek manjadi Wakil  Panglimo TNI dek Presiden BJ Habibie, taun 1999. Oleh Presiden Abdurrahman Wahid, inyo diangkek manjadi Panglima TNI dari 26 Oktober 1999 sampai 7 Juni 2002.  Inyo marupoan panglima patamo nan bukan barasa dari kesatuan Angkatan Darat dalam sajarah Indonesia.




#Article 351: Surastri Karma Trimurti (510 words)


Surastri Karma Trimurti (), nan dikenal sabagai 'S. K. Trimuti ', adolah wartawan, panulih jo guru, nan maambiak bagian dalam gerakan kemerdekaan Indonesia taadok panjajahan dek Balando. Baliau kamudian manjabaik sabagai mantari tanago karajo partamk di Indonesia dari taun 1947 sampai 1948 di bawah Perdana Mantari Indonesia Amir Sjarifuddin.

SK Trimurti lahia pado tanggal 11 Mei 1912 di Solo, Jawa Tengah. Baliau manghadiri ka Sekolah Guru Putri (SD School Girl).

Dia manjadi aktif dalam gerakan kemerdekaan Indonesia salamo taun 1930, sacaro rasmi bagabuang jo nasionalis Partindo (Partai Indonesia) pado taun 1933, tak lama sasudah manyalasaikan sekolahnya di Tweede Indlandsche School.

Trimurti mamulai  karirnya sabagai SD guru sasudah maninggakan Tweede Indlandsche School. Dia mangaja di sekolah-sekolah dasar di Bandung, Surakarta dan Banyumas pado 1930-an. Namun, inyo ditangkok dek pamarentah  Balando pado taun 1936 untuak mendistribusikan anti-kolonial leaflet s. Trimuti dipenjara salamo sambilan bulan di Penjara Bulu di Semarang.

Trimurti baraliah karier dari mangaja ka jurnalisme sasudah inyo dibebaskan dari penjara. Dia segera manjadi terkenal di kalangan jurnalistik dan anti-kolonial sabagai wartawan kritis. Trimurti acok digunoan berbeda, disingkek nama samaran s dari namo aslinya, seperti 'Trimurti atau 'Karma, dalam tulisan-tulisannya untuak menghindari ditangkok lai dek pamarentah kolonial Balando.  Salamo karir laporannya, Trimurti bakarajo untuak sajumlah surek kabar Indonesia tamasuak Pesat, Genderang, Bedung dan Pikiran Rakyat. Dia diterbitkan Pesat basamo suaminya. Dalam era pendudukan Jepang, Pesat dilarang dek pamarentah militer  Japang. Dia juo ditangkok dan disiksa.

Trimurti, nan adolah saurang advokat terkenal hak-hak pekerja, diangkek sabagai patamo di Indonesia Menteri Tenaga Kerja di bawah Perdana Menteri Amir Sjarifuddin. Dia batugeh dalam kapasitas nan dari taun 1947 sampai taun 1948. Dia barado di Eksekutif Partai Buruh di Indonesia, dan mamimpin sayap wanita nya [Depan [Working Wanita.

Dia ikuik mandirian Gerwis, sabauh organisasi padusi Indonesia, pado taun 1950, nan kudian berganti namo sabagai Gerwani. Dia maninggakan organisasi pado taun 1965. Dia baliak ka perguruan tinggi sangkek inyo barusia 41 tahun. Dia baraja  ekonomi di Universitas Indonesia. Dia menolak janji untuak manjadi di Indonesia Menteri Sosial pado taun 1959 dalam rangka untuak manyalasaikan gelar sarjana.

Trimurti adolah anggota dan penandatangan Petisi 50 pado taun 1980, nan memprotes Soeharto panggunoan 's Pancasila tahadok lawan politiknya. Para penandatangan Petisi 50 tamasuak pandukuang kemerdekaan Indonesia terkemuka sarato pamarentah dan pejabat militer, saroman Trimurti dan mantan Gubernur DKI Jakarta Ali Sadikin.

S. K. Trimurti maningga pado 06:20 pado tanggal 20 Mei 2008, pado usia 96, di Rumah Sakit Angkatan  Darek Gatot Soebroto (RSPAD) di Jakarta, Indonesia sasudah dirawat di rumah sakit salamo duo minggu. Dia alah gagal dalam kesehatan dan terbatas ka kamarnya untuak taun sebelumnya.  Manuruik anaknya, Heru Baskoro, Trimurti maningga dek vena nan rusak. Dia juo alah menderita randah hemoglobin level dan tekanan darah tinggi.

 Sabuah upacaro manghormati Trimurti sabagai pahlawan untuk kemerdekaan Indonesia digelar di Istana  Nagaro di Jakarta Pusat. Dia dimakamkan di Taman Makam Pahlawan Kalibata.

 Pado taun 1938 inyo menikah jo Muhammad Ibnu Sayuti, nan pengetik dari Deklarasi Kemerdekaan Indonesia, nan diproklamasikan dek Soekarno pado 17 Agustus 1945. Trimurti banyak menghabiskan sisa hidupnya di rumah kontrakan nya di Bekasi, Jawa Barat.
By @agnesliesuryonoo_

Teks taba




#Article 352: Sayuti Melik (449 words)


Mohamad Ibnu Sayuti atau nan labiah dikenal sabagai Sayuti Melik (), dicatat dalam sijarah Indonesia sabagai pangetik naskah proklamasi kemerdekaan Republik Indonesia. Baliau adolah laki dari Surastri Karma Trimurti, saurang wartawati jo aktivis padusi di zaman pagerakan jo zaman sasudah kamerdekaan.

Dilahirkan pado tanggal 22 November 1908, anak dari  Abdul Mu'in alias Partoprawito, bekel jajar atau kapalo desa di Sleman, Yogyakarta.

Di sini, mareka  baliak meyakinkan Soekarno bahwa  Japang alah manyarah dan para pejuang alah siap untuak malawan Jepang, apa pun risikonya. Di Jakarta, golongan muda, Wikana, dan golongan tua, iyolah Mr. Ahmad Soebardjo malakuan perundingan. Mr. Ahmad Soebardjo menyetujui untuak maproklamasian kamardekaan Indonesia di Jakarta.

Konsep naskah proklamasi disusun dek Bung Karno, Bung Hatta, dan Achmad Subardjo di rumah Laksamana Muda Maeda.  Wakil para pemuda, Sukarni dan Sayuti Melik. Masing-masing sabagai pembantu Bung Hatta dan Bung Karno, ikuik menyaksikan paristiwa tersebut.  Sasudah selesai, dinihari 17 Agustus 1945, konsep naskah proklamasi itu dibacakan di hadapan para hadirin. Namun, para pemuda menolaknya. Naskah proklamasi itu dianggap saroman dibuek dek  Japang.

Dalam suasana tegang itu, Sayuti mambari gagasan, yakni bia teks proklamasi ditandotangani Bung Karno dan Bung Hatta saja, ateh namo bangsa Indonesia. Usulnya ditarimo dan Bung Karno pun capek memerintahkan Sayuti untuak mengetiknya.  Inyo mengubah kalimat Wakil-wakil bangsa Indonesia manjadi Atas nama bangsa Indonesia.

 Sasudah Indonesia Merdeka inyo manjadi anggota Komite Nasional Indonesia Pusat (KNIP).
 Pado taun 1946 ateh parentah Mr. Amir Syarifudin, inyo ditangkok dek  Pamarentah RI dek dianggap sabagai urang dakek Persatuan Perjuangan sarato dianggap basekongkol dan turuik talibek  dalam Peristiwa 3 Juli 1946. Setelah diperiksa oleh Mahkamah Tentara, ia dinyatakan tidak bersalah. Ketika terjadi Agresi Militer Belanda II, ia ditangkap Belanda dan dipenjarakan di Ambarawa. Ia dibebaskan setelah selesai KMB. Tahun 1950 ia diangkat menjadi anggota MPRS dan DPR-GR sebagai Wakil dari Angkatan '45 dan menjadi Wakil Cendekiawan

Sebenarnya Sayuti dikenal sebagai pendukung Sukarno. Namun, ketika Bung Karno berkuasa, Sayuti justru tak terpakai. Dalam suasana gencar-gencarnya memasyarakatkan Nasakom, dialah urang nan berani manantang gagasan Nasakom (nasionalisme, agama, komunisme).  Inyo mengusulkan mengganti Nasakom manjadi Nasasos, jo mengganti unsua kom manjadi sos (sosialisme).  Inyo juo manantang pangangkatan Bung Karno sabagai presiden seumur hiduik dek MPRS. Tulisannya, Belajar Memahami Sukarnoisme dimuat di  sakitar 50 koran dan majalah dan kudian dilarangArtikel bersambung itu menjelaskan pabedoan Marhaenisme ajaran Bung Karno dan Marxisme-Leninisme doktrin PKI.  Maso itu Sayuti melihat PKI hendak membonceng kharisma Bung Karno.

 Sasudah Orde Baru namo Sayuti berkibar lai di kancah politik.  Inyo manjadi anggota DPR/MPR, mawakili Golkar hasil Pemilu 1971 dan Pemilu 1977.

Sayuti Melik maningga pado tanggal 27 Februari 1989 sasudah setahun sakit, dan dimakamkan di TMP Kalibata

Sayuti Melik manarimo Bintang Mahaputra Tingkat V (1961) dari Presiden Soekarno dan Bintang Mahaputra Adipradana (II) dari Presiden Soeharto (1973).




#Article 353: Yahya Muhaimin (317 words)


Dr. Yahya Muhaimin () adolah Menteri Pendidikan Nasional pado Kabinet Persatuan Nasional. Inyo meraih gelar sarjana pado taun 1971 dari Universitas Gadjah Mada dan gelar doktor dari Massachusetts Institute of Technology pado taun 1982.  Sabalun diangkek manjadi menteri, inyo adolah dosen di Fakultas Ilmu Sosial dan Ilmu Politik UGM.

Sejak kanak, di SD, inyo alah tertarik pado kehidupan politik, lewat koran-koran nan rajin dibacanya. Pemilu 1955 — 12 taun usia Muhaimin saaik itu — mambari kesempatan padanya menyaksikan kaum politisi berebut massa malalui rapat-rapat umum nan mareka  adakan. ‘’Namun nan terpikirkan saya waktu itu, bagaimana menjadi dokter atau diplomat karier,’’ tutur ahli hubungan internasional ini.

Muhaimin juga dikenal sebagai pengamat politik, militer, bidang nan pernah begitu traumatis baginya. Soalnya, daerah kelahirannya di Bumiayu, Jawa Tengah, dahulu menjadi ajang pertempuran antara TNI dan Darul Islam (DI). ‘’Derap sepatu lars, deru kendaraan perang, aba-aba militer, desingan peluru, dan ledakan mortir hampir rutin bagi saya,’’ katanya mengenang maso ketek nya.

Profesi lain nan pernah dicoba dihindarinya adolah manjadi guru. Padahal, ibunya, saurang pendidik, pernah membujuk bia Yahya nio manjadi pengajar. Namun, duo taun sasudah merampungkan studi Fakultas Ilmu Sosial dan Politik UGM, 1973, anak kaduo dari tujuah bersaudara iko mulai menyadari, manjadi guru baginya memang indak terelakkan. Inyo kudian tacataik sabagai dosen hubuangan internasional di alma maternya.

Sekitar 11 taun kemudian, putra saurang wiraswasta itu pergi ka Institut Teknologi Massachusetts, AS, dan meraih gelar dokter ilmu politik jo disertasi The Politic of Client Businessmen; Indonesian Economic Policy 1950-1980. Salamo duo taun barikuiknyo Muhaimin mengelola Program S2 Fakultas Sospol UGM.

 Inyo menganggap, industri persenjataan adolah program mahal, mungkin juo mewah. Tetapi bagi Indonesia swadaya itu perlu.

 Inyo menikah jo Choifah nan kini jadi ibu ampek anaknya. Inyo juo manjadi kolumnis untuak babarapo majalah dan surek kabar.  Salain itu inyo juo manulih buku Masalah-Masalah Pembangunan Politik (1977) dan Pakambangan Militer dalam Politik di Indonesia (1982, revisi), keduanya diterbitkan dek Gadjah Mada Press.

 




#Article 354: Muhammad Nazir Alwi (148 words)


Muhammad Nazir Alwi () adolah dokter gigi asa Indonesia. Inyo marupoan salah saurang dari sedikit akademisi Indonesia nan manjadi rektor di duo universitas negeri. Nazir berturut-turut manjabaik sabagai rektor Universitas Sumatera Utara (1965-1966) dan kudian Universitas Gadjah Mada (1966-1967).

Nazir Alwi lahia dari pasangan Minangkabau. Dia manyalasaikan pendidikannya pado Fakultas Kedokteran dan Farmasi Universitas Gadjah Mada pado tanggal 9 Desember 1954. Pado saaik mahasiswa, Nazir pernah tapiliah sabagai  Katuo Dewan Mahasiswa Universitas Gadjah Mada.

Riwayat pekerjaan Nazir Alwi dimulai pado saaik inyo bakarajo di tambang batu bara Tanjung Enim, Sumatera Selatan. Kemudian inyo pindah ka Jakarta, dan manjabaik sabagai  Kapalo Kesehatan Gigi. Dia pernah pulo bakarajo di Pertamina Jambi sabagai dokter. Pado taun 1965 dipercayo dek Universitas Sumatera Utara (USU) untuak manjabaik rektor universitas tersebut, sakaliguih merangkap sabagai Dekan Fakultas Kedokteran Gigi USU. Pado tanggal 13 Juni 1966, Nazir diangkek manjadi Rektor Universitas Gadjah Mada, manggantian Herman Johannes.




#Article 355: Rumpun bahaso Austronesia (160 words)


Rumpun bahaso Austronesia adolah suatu rumpun bahaso nan taseba laweh pado pulau di babagai kapulauan Asia Tenggara jo Pasifik, sato pulo saketek di daratan Asia, nan digunoan dek kiro-kiro 386 juta urang.  Otto Dempwolff, surang pakar Jerman, adolah pariset patamo nan manaliti sacaro mandalam bahaso Austronesia mamakai metode komparatif. Pakar Jerman lainnyo, Wilhelm Schmidt, adolah nan patamo manggunoan istilah Austronesia () nan dibantuak dari kato bahaso Latin auster (angin salatan) jo kato bahaso Yunani nêsos (pulau).

Rumpun bahaso ko sasuai bana jo namonyo, dek karano sabahagian gadang bahaso Austronesia ko dipagunoan di babagai pulau; ado babarapo bahaso, sarupo bahaso Malayu jo bahaso-bahaso Chamic, nan dipagunoan juo di daratan Asia. Banyak bahaso Austronesia nan saketek sajo panutuanyo, tapi bahaso-bahaso Austronesia nan utamo ditutuaan dek bajuta-juta urang. Salah satu bahaso Austronesia, Bahaso Malayu, ditutuaan dek 180 juta urang, nan mambueknyo sabagai bahaso tagadang ka-8 di dunia. Duo puluah atau labiah bahaso Austronesia marupoan bahaso rasmi di nagara-nagaranyo surang (caliak daftar bahaso Austronesia).




#Article 356: Paristiwa Situjuah (420 words)


Paristiwa Situjuah adolah suatu paristiwa panyarangan dek pasukan panjajah Balando kapado para pajuang kamardekaan Indonesia di maso Pamarentahan Darurat Republik Indonesia (PDRI) nan manewaskan babarapo urang pimpinan pajuang sarato puluahan urang anggota pasukan lainnyo.

PDRI (Pamarentahan Darurat Republik Indonesia) adolah suatu pamarentahan darurat nan dibantuak pado tanggal 22 Desember 1948 dek babarapo urang pimpinan pajuang kamardekaan Indonesia nan dipimpin dek Sjafruddin Prawiranegara. Pamareintahan tu dibantuak kareno ditangkok sarato diasiangan-nyo babarapo urang pamimpin Republik Indonesia iyolah Presiden Soekarno, Wakil Presiden Mohammad Hatta jo Mantari Lua Nagari Agus Salim sarato Sjahrir jo nan lainnyo dek pihak Balando katiko tajadinyo Agresi Militer Balando II pado tanggal 19 Desember 1948.

Ibukota PDRI adolah Bukittinggi, namun pajuangannyo labiah banyak tajadi di desa-desa jo di hutan-hutan Sumatera Tangah sahinggo disabuik Pamarentahan Dalam Rimbo Indonesia (PDRI) dek pihak Balando. Sadangkan lokasinyo disabuik Somewhere in the Jungle.

Dalam salah satu mato rantai pajuangan PDRI itulah tajadi suatu paristiwa pado tanggal 15 Januari 1949, dima puluahan urang pajuang nan tadiri dari babarapo pimpinan jo puluahan anggota pasukan Barisan Pangawal Nagari jo Kota (BPNK) tewas sakatiko dibarondong tembakan dek pihak panjajah Balando. Paristiwa tu tajadi di Lurah Kincia, Situjuah Batua,Kecamatan Situjuah Limo Nagari, Kabupaten Limo Puluah Kota, Sumatera Barat.

Malam sebalunnyo pado 14 Januari 1949 para pajuang tu maadoan rapek untuak mambahas strategi dalam maadok-i agresi nan dilakuan dek Balando nan disabuik sabagai Agresi Militer Balando II. Rapek tu ateh instruksi Gubernur Militer Sumatera Tangah Sutan Mohammad Rasjid nan dipimpin dek Chatib Sulaiman sabagai Katua Markas Patahanan Rakyat Daerah. Salain tu rapek diikuik-i dek babarapo urang pimpinan pajuang lainnyo, diantaranyo Arisun Sutan Alamsyah (Bupati Militer Limo Puluah Kota), Letnan Kolonel Munir Latief, Mayor Zainuddin, Kapten Tantawi, Lettu Azinar, Letda Syamsul Bahri sarato 69 urang pasukan Barisan Pangawal Nagari jo Kota (BPNK).

Hasil rapek mamutuihan baso mareka akan manyarang kota Payokumbuh nan diduduak-i Balando, lalu akan manduduak-i kota tu sambia manggaloraan sumangaik palawanan gerilya rakyaik untuak mambuktian pado dunia internasional baso Pamarentahan Republik Indonesia masih ado sarato didukuang rakyaik nan taruih malakuan palawanan sarato pajuangan. Kasadonyo tu dilakuan untuak malawan propaganda Balando nan salalu mengatoan baso mareka alah manguasoi Indonesia sapanuahnyo sasudah mareka bahasil manduduak-i ibu kota Republik Indonesia, Yogyakarta, sarato manangkok jo maasiangan para pamimpin Republik.

Subuah hari sasudah baistirahat sausai rapek, katiko nak malaksanaan shalat subuah tibo-tibo mareka disarang dek pihak Balando. Para pimpinan pajuang nan ikuik mahadiri rapek tu sarato puluahan pajuang lainnyo-pun gugur sakatiko.

Paristiwa nan tajadi di Lurah Kincia, Situjuah Batua, Kecamatan Situjuah Limo Nagari, Kabupaten Limo Puluah Kota, Sumatera  Barat itu dikana sabagai Paristiwa Situjuah.




#Article 357: Yeyen Tumena (240 words)


Yeyen Tumena () adolah surang pamain sarato palatiah sepakbola Indonesia. Yeyen Tumena pernah bamain di Tim Nasional Indonesia sabagai pamain belakang atau defender. Sabagai surang pamain batahan Yeyen dikenal cukuik tangguh. Yeyen adolah salah surang pamain hasil program Primavera basamo jo pamain lainnyo sarupo Kurniawan Dwi Yulianto, Sugiantoro, Bima Sakti sarato nan lain-lain.

Yeyen tatariak jo sepakbola sajak masih ketek. Satiok pulang sakola inyo salalu singgah di lapangan sepakbola punyo PT. Semen Padang, jo serius mamparatian para pamain PSP Padang balatiah. Suatu katiko, salah surang pamain PSP, Suhatman Imam maajainyo caro manyipak jo bamain bola.

Karano bakaik sepakbola-nyo nan gadang, akhianyo PSP-pun marekrutnyo jadi palapih pamain senior pado umua 16 taun. Salanjuiknyo karier sepakbolanyo samakin basinar katiko tapiliah sabagai salah surang pamain nan dikirim ka Italia dalam proyek Primavera.

Pado tanggal 10 Desember 1996, dalam suatu patandiangan di putaran final Piala Asia malawan timnas Uni Emirat Arab di stadion Jeque Zayed, Abu Dhabi, Yeyen babanturan kareh jo kapten tim lawan sahinggo inyo mandarito cidera parah. Sajak itu karier jo pamornyo-pun manurun.

Sapanjang karier profesionalnyo di sepakbola, Yeyen sempat bamain dibabarapo klub, diantaronyo PSM Makassar, Persija Jakarta, PSMS Medan, Persma Manado sarato nan lain-lain.

Sasudah indak aktif lai sabagai pamain, Yeyen bakarier sabagai komentator sepakbola sarato ikuik pulo maurus pasepakbolaan nasional diantaronyo jo manjadi palatiah tim yunior nasional sarato anggota tim pancari bakaik Badan Pambinaan jo Pangambangan Usia Mudo PSSI. Disampiang itu inyo tajun pulo ka dunia bisnis  manjadi surang pangusaho.




#Article 358: Raphael Maitimo (181 words)


Raphael Guillermo Eduardo Maitimo, atau nan labiah tasabuik jo Raphael Maitimo () adolah surang pamain sipak bola Indonesia.

Raphael Maitimo laia sarato gadang di nagari Balando dari urang tuo katurunan Minangkabau. Pamain nan batinggi badan 180 cm jo barek 77 kg tu manampek-i posisi galandang dalam timnyo.

Pado taun 2002-2003 inyo pernah bamain di klub sipak bola Feyenoord, Rotterdam, Balando, sabagai pamain yunior dari klub itu. Sabagai atlet sipak bola profesional, inyo pernah bamain di FC Dordrecht pado taun 2004–2005, lalu pado taun 2005–2009 pindah ka SC Feyenoord AV. Sapanjang taun 2009–2010 inyo bamain di Beijing Institute of Technology FC, Cino, sabalun pindah ka klub sipak bola dari Bali, Bali De Vata FC sapanjang taun 2011–2012.

Raphael Maitimo masuak dalam skuat  pado Piala Suzuki AFF 2012 di bawah asuahan palatiah Nil Maizar. Sempat tajadi kagusaran karano alun siapnyo dokumen naturalisasi dirinyo di saat-saat tarakhia sabalun patandiangan partamo malawan  pado turnamen tu. Namun tapek sahari sabalun patandiangan akhianyo sadonyo dokumen nan dinanti tu-pun salasai, sahinggo Raphael-pun dapek mampakuaik Timnas Indonesia pado laga partamo tu, bahkan inyo mancetak 1 gol pado patandiangan tu.




#Article 359: Markis Kido (162 words)


Markis Kido () adolah salah surang pamain bulu tangkis Indonesia. Inyo adolah kakak kanduang dari Bona Septano jo Pia Zebadiah Bernadet nan pauni pelatnas Cipayung pulo, Bona adolah pamain ganda putra nan bapasangan jo Mohammad Akhsan sadangkan adiaknya Pia adolah pamain ganda campuran nan kini bapasangan jo Fran Kurniawan. Markis Kido basudaro adolah anak dari Djumharbey Anwar, surang parantau dari Minangkabau.

Kini ko inyo bapasangan jo Hendra Setiawan dan manduduak-i paringkek partamo dunia IBF untuak ganda putra. Mareka adolah pasangan andalan Indonesia sasudah pansiunnyo pasangan Chandra Wijaya/Sigit Budiarto jo maredupnyo pasangan Luluk Hadianto/Alvent Yulianto Chandra. Markis Kido basam0 pasangannyo Hendra Setiawan bahasil maraiah juaro dunia taun 2007 sarato meraiah madali ameh partamo untuak Indonesia di Olimpiade Beijing 2008 untuak cabang bulu tangkis ganda putra. Di partai final pado tanggal 16 Agustus 2008 tu, mareka bahasil manakluak-an pasangan RRC Cai Yun/Fu Haifeng malalui pataruangan sengit 3 set jo skor 12-21, 21-11, 21-16.

Kajuaraan Dunia

Kajuaraan Asia

Grand Prix Dunia

Piala Sudirman

Piala Thomas




#Article 360: Ananda Mikola (189 words)


Ananda Mikola () adolah pambalap oto nasional Indonesia badarah Jawa-Minang. Tinggi badannyo sakitar 173 cm. Ananda pernah mamacari surang artis rancak nan banamo Wulan Guritno, mantan bini Attila Syah. Ananda adolah kakak kanduang dari pambalap F3 Moreno Soeprapto sarato anak dari pambalap oto Tinton Soeprapto jo Dewi Anggraini. 
Ananda tampil di ajang Formula 3000 dari taun 1999 hinggo 2001, lalu manjadi juaro Asian F3 pado musim 2005. Ananda Mikola sempat absen babarapo musim sabalun akhianyo mambela tim A1 Indonesia di ajang A1GP pado musim 2005/2006 sarato musim 2006/2007. Pado musim barikuiknyo, 2007/2008, Indonesia diwakili dek Satrio Hermanto.

Ananda Mikola basamo jo pacarnyo Marcella Zalianty talibat dalam kasus panganiayoan, pamukulan jo panculikan kapado Agung Setiawan. Kasusnyo ditangani Polres Jakarta Pusat. Untuak tuduahan ko Ananda diancam hukuman minimal 5 taun panjaro.

Pado Rabaa 1 Juli 2009, Pangadilan Nagari Jakarta Selatan manjatuahan vonis 7 bulan panjaro dipotong maso tahanan kapado Ananda Mikola. Kudian Ananda dibebaskan dari tahanan karano maso panahanan alah habih pado saat vonis dijatuahan.

Pado tanggal 29 November 2010 Ananda manikahi Marcella Zalianty. Pado tanggal 19 Juni 2011 istri Ananda malaiaan anak partamo mareka, nan diagiah namo Kana Mahatma Soeprapto.




#Article 361: Aidil Zafuan Abdul Razak (243 words)


Mohammad Aidil Zafuan Abdul Radzak () adolah pamain sipak bola asa Malaysia nan kini bamain basamo Negeri Sembilan FA di Liga Super Malaysia. Inyo adolah anggota tim nasional Malaysia. Aidil Zafuan adolah sudaro kamba dari Mohammad Zaquan Adha Abdul Radzak.

Aidil Zafuan adolah produk Sakola Olahraga Bukit Jalil. Kariernyo bamula katiko inyo mawakili Malaysia pado umua 16 taun. Katiko baumua 18 taun, Aidil mawakili pasukan Nagari Sembilan FA untuak kajuaraan Piala Presiden jon Sukan Malaysia (SUKMA). Pancapaian tabaiak Aidil basamo pasukan remaja Nagari Sembilan FA iolah mamanangi medali ameh Pekan Olahraga Malaysia pado taun 2004.

Pado taun 2004, Aidil masuak ka dalam skuat U-20 Malaysia pado turnamen AFC U-20. Sasudah balatiah ka India, pado taun 2006 Aidil diagiah tangguangjawab untuak mamimpin tim nasional U-20 Malaysia pado kajuaraan U-20 AFC 2006 di India.

Pado taun 2005, Aidil diagiah paluang untuak mamimpin tim utamo Nagari Sembilan FA, lalu manjuaroi Liga Super Malaysia jo juaro kaduo Piala Malaysia.

Aidil masuak ka dalam tim nasional Malaysia pado Piala Asia 2007. Inyo cuma sempat baaksi pado patandiangan malawan Iran katiko Malaysia kalah 0-2. Pado kualifikasi Piala Dunia 2010, Aidil manarima karatu sirah partamonyo sasudah mangganja pamain Bahrain, Mahmood Abdul Rahman nan manyabab-an inyo dihukum tigo kali patandiangan dek FIFA. Pado taun 2008, Aidil tapiliah masuak tim Malaysia XI untuak manantang Chelsea F.C.. Pado palawanan tu, Malaysia XI kalah 0-2 dari Chelsea F.C.

Aidil alah malangsuangan panikahannyo jo aktris Rita Rudaini (32), pado Februari 2008 di Songkhla, Songkhla, Thailand.




#Article 362: Zaquan Adha Abdul Razak (294 words)


Mohammad Zaquan Adha Abdul Razak () adolah pamain sipakbola Malaysia nan kini bamain basamo Negeri Sembilan FA di Liga Super Malaysia. Inyo adolah anggota Tim nasional sipakbola Malaysia. Zaquan Adha Abdul Razak adolah sudaro kamba dari Mohammad Aidil Zafuan Abdul Razak.

Zaquan Adha adolah produk Sakola Olahraga Bukit Jalil basamo jo pasangan kambanyo Aidil Zafuan. Pado umua 18 taun, Zaquan alah dipanggia untuak mawakili pasukan Nagari Sembilan FA dalam kajuaraan Piala Presiden jo Sukan Malaysia (SUKMA). Pancapaian tabaiak Zaquan basamo pasukan mudo Nagari Sembilan FA katiko maraiah madali ameh di Pekan Olahraga Malaysia pado taun 2004.

Pado musim 2005, Zaquan diagiah paluang untuak masuak tim utamo Nagari Sembilan FA. Pado taun itu juo inyo digandengan jo panyarang sensasi Christian Bekamenga sahinggo muncul sabagai juaro Liga Super Malaysia sarato juaro kaduo Piala Malaysia. Pado musim 2007/08, Zaquan bajaya mancetak 11 gol. Pado musim 2009, Zaquan mambantu Nagari Sambilan manjuaroi Piala Malaysia, sakaligus mamanuahi harapan nan alah 61 taun tatundo. Inyo manjariangan 10 gol dalam 11 panampilan pado kajuaraan tu.

Pado taun 2004, Zaquan masuak ka dalam skuat U-20 Malaysia di bawah asuahan palatiah K. Rajagopal pado Piala Asia U-20 taun 2004. Taun barikuiknyo, Zaquan tapiliah baliak dalam tim nasional Malaysia dalam SEA Games 2011 di Palembang, Indonesia. Zaquan manjadi top skor dalam kajuaraan ko jo 9 gol.

Zaquan mulai masuak tim U-23 Malaysia di Piala Merdeka 2007, dima pasukan U-23 Malaysia kalua sabagai juaro sasudah mangalahan Myanmar 3-1, Zaquan pun mancetak 3 gol pado kajuaraan tu. Pado taun 2008, Zaquan tapiliah ka dalam pasukan Malaysia XI untuak manantang Chelsea. Pado patandiangan tu, Zaquan ampia bahasil mambobol gawang nan dikawal Petr Cech. Pado patandiangan ko Malaysia XI kalah 0-2 dek Chelsea. Zaquan mambuek gol partamonyo untuak pasukan utamo Malaysia katiko malawan Pakistan pado 10 Oktober 2008.




#Article 363: Syaiful Nazar (142 words)


Syaiful Nazar (laia di Salido, Pasisia Salatan, Sumatera Barat, taun 1961) adolah surang atlet senam Indonesia. Sabagai surang pasenam Syaiful Nazar alah baprestasi tinggi baiak dilingkuik nasional maupun regional ASEAN. Dalam babarapo arena PON jo SEA Games inyo alah manyumbangan banyak madali ameh. Sapanjang taun 1979-1985 namonyo dikana sabagai salah surang atlet pandulang madali ameh baiak untuak daerahnyo, Sumatera Barat dalam arena PON maupun untuak negaranyo, Indonesia di arena SEA Games.

Syaiful Nazar pernah mangenyam pandidikan tinggi FPOK IKIP di Jakarta. Pado taun 1982 sampai taun 1989 inyo sempat pulo bamain di film layar leba baiak sabagai pemeran utamo maupun figuran.

Karano prestasinyo, inyo pun diagiah hadiah sabuah rumah di Padang dek Gubernur Sumatera Barat wakatu itu. Bahkan inyo pun diangkek jadi pagawai nagari sipil (PNS) sarato ditugehan dikantua pawakilan Pemda Sumatera Barat di Jakarta sabalun dipindahan ka Padang 5 taun kudian.




#Article 364: Desy Ratnasari (542 words)


Desy Ratnasari () marupoan aktris film dan sinetron, model, bintang iklan, penyanyi, dan pembawa acara papan ateh Indonesia. Dessy bertinggi badan 167 cm.

 Pado era 1990-an, artis nan selalu bamain protagonis, iko bertahta sabagai artis nomor 1 dan termahal nan manguasai jagat hiburan Indonesia malalui penampilannya dalam babagai paran layar kaca nan menyedot paratian publik dan berating tinggi. Itu tabukti jo selalu masuaknyo namo Desy dalam babagai penghargaan di tanah air. Desy juo manjadi artis patamo Indonesia nan dibuek cap tangannya untuak disimpan di Planet Hollywood Jakarta. Desy sampai saaik iko pun masih marupoan salah satu artis papan ateh dan terpopuler di Indonesia sajak awal taun 1990-an dan masih eksis di tangah gempuran bintang-bintang baru dan berwajah Indo. Desy dianggap marupoan ikon kecantikan wajah Indonesia asli.

Desy mangawali kariernya saaik barusia 14 taun mangikuti ajang pamiliahan GADIS Sampul dan kalua sabagai juara 2 tamasuak mengungguli temannya nan juo manjadi artis papan atas, Bella Saphira. Sasudah itu kariernya bakambang dan melesat bak meteor. Desy mulai main film dan sinetron. Film dan sinetron nan dibintanginya banyak menyedot paratian penonton, diantaronyo Olga Sepatu Roda, Blok M, basamo Didi Petet dan Paramitha Rusady membintangi Si Kabayan, sarato film Joshua oh Joshua basamo aktor cilik Joshua Suherman dan Anjasmara.

 Taun 2007, Desy bamain dalam film Kun Fayakuun garapan Ustadz Yusuf Mansyur. Sinetron Desy nan takenal diantaronyo Jendela Rumah Kita, Saat Memberi Saat Menerima, Cinta, Anakku Terlahir Kembali, dan Malin Kundang. Dessy mampu memadukan popularitas dan kualitas nan jarang ditemukan dalam dunia hiburan Indonesia nan sangat cepat berganti-ganti trend.

Selain seni peran, Desy juga merambah ke seni olah vokal. Lagunya nan terkenal adalah Tenda Biru, sedangkan Takdir merupakan lagunya nan memicu kontroversial karena liriknya. Desy juga aktif menjadi pembawa acara. Saat ini Desy memandu Selamat Pagi di Trans 7. Bersama Charles Bonar Sirait, dia memandu Acara variety Show Gebyar BCA.

Dan pado tahun 2009, dia berperan sebagai juri di Akhirnya Datang Juga basamo Parto dan Olga Syahputra di Trans TV.

Desy marupoan anak patamo dari ampek basudaro dari Ayah H.M. Syahminan (alm) dan Ibu Hj. Mulyanah.

Desy Ratnasari adolah satu satunya aktris padusi indonesia nan pernah mencoba ngebut di arena F1 sirkuit Du Luc le Paris, Desy ngebut layaknya pembalap F1 pado Oktober 2005.

Desy pernah diisukan manjalin hubuangan jo mantan Menteri Tenaga Kerja, Abdul Latief. Menepis isu tasabuik inyo manikah jo teman maso sekolahnya, Ir. Trenady Pramudya, tanggal 20 Februari 1999 di masjid Al Mutaqien, Sukabumi. Pernikahan tasabuik tak batahan lama. Taun 2000 Desy mambuek heboh jo gugatan cerainya. Satu taun sasudah bercerai dari saurang pagawai  kantoran biasa, 19 Desember 2001 Desy menikahi saurang pengusaha kaya banamo Sammy Hamzah. Pernikahan keduannya iko pun barakhia jo perceraian pado tanggal 16 Maret 2003. Dari hasil pernikahan keduanya, Desy dikarunia saurang anak, Nasywa Nathania Hamzah (lahir 21 Juli 2002).  Saaik iko Desy manjalin hubuangan jo Irwan Danny Musri, saurang pengusaha jam mewah.

Desy alah manyalasaikan pandidikan S1 di Fakultas Psikologi Universitas Atmajaya dan pandidikan S2 Fakultas Psikologi dari Universitas Indonesia.

Desy bersahabat baik jo mantan putri Indonesia, Alya Rohali dan Dina Lorenza...

Desy menggenggam gelar sarjana psikologi dari Universitas Atmajaya dan meraih gelar magister psikologi dari Universitas Indonesia.

Desy Ratnasari alah didaftarkan ka KPU untuak manjadi calon anggota DPR Daerah Pemilihan Jawa Barat IV periode 2014-2019 dek Partai Amanat Nasional.




#Article 365: Chairil Anwar (686 words)


Chairil Anwar (), dijuluki sabagai Si Binatang Jalang (dari karyanyo nan bajudul Aku), Inyo adolah panyair takamuko di Indonesia. Chairil Anwar dipakiroan alah manulis 96 karyo, tamasuk 70 puisi. Basamo Asrul Sani jo Rivai Apin, Chairil Anwar dinobaik-an dek H.B. Jassin sabagai palopor Angkatan '45 sakaligus panuliah puisi moderen Indonesia

Chairil lahia dan tumbuah di  di Medan, sabalun pindah ka Batavia (kini Jakarta) samo ibunyo pado taun 1940, Chairil Anwar alah mulai manggaluti dunia sastra. Satalah mampublikasi-an puisi partamonyo pado taun 1942, Chairil taruih manuliah. Puisinyo manyangkuik babagai tema, mulai dari pambarontakan, kamatian, sifaik individualisme jo eksistensialisme hinggo teman multi interpretasi.

Chairil Anwar dilahia-an di Medan, Sumatera Utara pado 26 Juli 1922. Inyo marupakan anak surang dari pasangan Toeloes jo Saleha, kaduonyo barasal dari kabupaten Lima Puluh Kota, Sumatera Barat. Jabatan tarakhir ayahnyo adolah sabagai bupati Inderagiri, Riau. Inyo masiah punyo partalian kaluargo samo Sutan Sjahrir, Perdana Menteri pertama Indonesia. Sabagai anak satu satunyo, Chairil Anwar acok dimanjoan dek urang tuonyo. Tatapi, Chairil, salalu basikap kareh kapalo jo indak ingin kahilangan apopun; iko marupoan dari salah satu sifaik urang tuonyo.

Chairil Anwar partamo kali marasoan pandidikan di Hollandsch-Inlandsche School (HIS), sekolah dasar untuak urang-urang pribumi di maso panjajahan Belanda. Satalah itu, Chairil manaruih-an pandidikannyo di Meer Uitgebreid Lager Onderwijs (MULO). Di umua nan alah mancapai 18 tahun, Chairil indak basakolah lai doh. Chairil mangatoan bahwa samanjak usia 15 tahun, inyo alah batekad manjadi seniman.

Pado usia 19 tahun, satalah urang tuanyo bacarai, Chairil basamo ibunyo pindah ka Batavia (kini Jakarta) dimano inyo mulai bakanalan samo dunia sastra; walaupun alah bacarai, ayahnyo tatap manafkahinyo jo ibunyo. Maskipun indak dapek manyalasai-an sakolahnyo, inyo tatap dapek manguasoi  bahaso asiang takah Inggris, Belanda, dan Jerman. Di wakatu luanyo, Chairil acok mambaco karya pangarang Internasional tanamo takah  : Rainer Maria Rilke, W.H. Auden, Archibald MacLeish, Hendrik Marsman, J. Slaurhoff, dan Edgar du Perron. Panulis-panulis itu sangaik mampangaruhi tulisannyo sacaro indak langsuang samo tatanan kesusasteraan Indonesia.

Namo Chairil mulai populer di dunia sastra satalah mamuek tulisannyo di Majalah Nisan pado taun 1942, samanjak itu inyo baru barusia 20 tahun. Hampia sadoalah puisi-puisi nan di tulih marujuak pado kematian. Tatapi samanjak mangiriman puisinyo partamo kali di majalah Pandji Pusaauntuak dimuek, banyak urang nan manolak karano dianggap individualistis samo indak sasuai jo samangaik Kawasan Kemakmuran Basamo Asia Timur Raya. Katiko Chairil Anwar manjadi panyiar radio Japang di Jakarta, Chairil kanai hati pado Sri Ayati, tatapi hinggo akhir hayatnyo, inyo indak barani untuak manguangkapkan isi hatinyo. Puisi-puisinyo baredar di ateh karateh murah salamo maso panduduak-an Japang di Indonesia  dan karyanyo sempak indak diterbit-an hinggo taun 1945. Satalah itu, inyo mamutuihan untuak manikah samo Hapsah Wiraredja pado6 Agustus 1946. Inyo baduo dikaruniai saurang padusi nan banamo Evawani Alissa, tatapi Chairil Anwar barcarai pado akhir taun 1948.

Samangaik puitis Chairil indak pernah diimbangi samo fisiknyo. Sabalun ma-injak umua 27 tahun, sajumlah panyakiak basarang ka tubuahnyo. Chairil Anwar maningga pado usio nan mudo di rumah sakiak CBZ (sekarang Rumah Sakit Dr. Cipto Mangunkusumo), Jakarta pado tanggal 28 April 1949; panyabab dari kamatiannyo indak diketahui sacaro pasti, manuruik pakiroan dari dokter inyo maningga karano panyakiak TBC. Inyo dimakamkan sahari kamudian di Taman Pemakaman Umum Karet Bivak, Jakarta. Makamnyo diziarahi dek ribuan pangagumnyo dari maso ka maso. Hari kamatiannyo diingek dek Indonesia sabagai  Hari Chairil Anwar. Tukang kritik sastra Indonesia dari Belanda, A. Teeuw mangacek-an kalau Chairil telah manyadari akan mati dalam usianyo nan mudo, takah tema nan ado di puisinyo nan bajudul Jang Terampas Dan Jang Putus.

Salamo hiduiknyo, Chairil alah manuliah kiro-kiro 94 karya, tamasuk 70 puisi; kabanyakan indak dipublikasikan hinggo kamatiannyo. Puisi tarakhir Chairil bajudul Cemara Menderai Sampai Jauh, dituliah pado taun 1949, sadangkan karyanyo nan paliang terkenal bajudul Aku jo Krawang Bekasi. Sadoalah tulisannyo nan rancak jo sali, modifikasi, atau nan diduga diciplak, dikompilasi dalam tigo buku nan diterbitkan dek Pustaka Rakyat. Kompilasi partamo bajudul Deru Campur Debu (1949), kamudian disusul dek Kerikil Tajam Yang Terampas dan Yang Putus (1949), sarato Tiga Menguak Takdir (1950, kumpulan puisi samo Asrul Sani jo Rivai Apin).

Karyo-karyo Chairil banyak nan ditamahkan ka dalam bahaso asiang, antaro lain bahasa Inggris, Jerman, bahasa Rusia jo Spanyol. Terjemahan karya-karyanya diantaronyo adolah : 




#Article 366: Japang (3065 words)


Japang (bahaso Japang: 日本 Nippon/Nihon, namo rasmi: 日本国 Nipponkoku/Nihonkoku ) adolah sabuah nagara kapulauan di Asia Timua. Lataknyo di ujuang barek Samudra Pasifik, di sabalah timur Lauik Japang, dan bajiran jo Republik Rakyaik Cino, Korea, jo Rusia. Pulau-pulau paliang utara barado di Lauik Okhotsk, dan wilayah paliang selatan barupo kalompok pulau-pulau ketek di Lauik Cino Timua, tapeknyo di sabalah selatan Okinawa nan bajiran jo Taiwan.

Japang tadiri dari 6.852 pulau nan mambueknyo marupoan suatu kapulauan. Pulau-pulau utamo dari utara ka selatan adolah Hokkaido, Honshu (pulau tagadang), Shikoku, jo Kyushu. Sakitar 97% wilayah daratan Japang barado di kaampek pulau tagadangnyo. Umumnyo pulau di Japang bagunuang-gunuang, jo sabagian di antaronyo marupoan gunuang barapi. Gunuang tatinggi di Japang adolah Gunuang Fuji nan marupoan sabuah gunuang barapi. Panduduak Japang bajumlah 128 juta urang, dan barado di paringkek ka-10 nagara bapenduduak tabanyak di dunia. Tokyo sacaro de facto adolah ibukota Japang, dan bakaduduakan sabagai sabuah prefektur. Tokyo Rayo adolah sabutan untuak Tokyo jo babarapo kota nan barado di prefektur sakuliliangnyo. Sabagai daerah metropolitan talaweh di dunia, Tokyo Rayo bapenduduak labiah dari 30 juta urang.

Manuruik mitologi Japang, Japang didirian dek Kaisar Jimmu pado abad ke-7 SM. Kaisar Jimmu mamulai mato rantai kaisar Japang nan indak taputuih inggo kini. Sungguahpun baitu, sapanjang sajarahnyo, untuak kabanyakan maso kakuatan sabananyo barado di tangan anggota-anggota istano, shogun, pihak militer, dan mamasuaki zaman moderen, di tangan pardano mantari. Manuruik Konstitusi Jepang taun 1947, Japang adolah nagara monarki konstitusional di bawah pimpinan Kaisar Japang jo Parlemen Jepang.

Sabagai negara maju di bidang ekonomi, Japang punyo produk domestik bruto tagadang kaduo sasudah Amerika Sarikat, dan masuak dalam urutan tigo gadang dalam kasaimbangan kamampuan babalanjo. Japang adolah anggota Pasarikatan Banso-Banso, G8, OECD, jo APEC. Japang punyo kakuatan militer nan mamadoi langkok jo sistem patahanan moderen takah AEGIS sarato skuat armada gadang kapa parusak. Dalam padagangan lua nagari, Japang barado di paringkek ka-4 nagara pangekspor tagadang jo paringkek ka-6 nagara pangimpor tagadang di dunia. Sabagai nagara maju, panduduak Japang punyo standar iduik nan tinggi (paringkat ka-8 dalam Indeks Pambangunan Manusia) dan angko arapan iduik tatinggi di dunia manuruik pakiraan PBB. Dalam bidang teknologi, Japang adolah nagara maju di bidang telekomunikasi, pamasinan, jo robotika.

Japang disabuik Nippon atau Nihon dalam bahaso Japang. Kaduo kato iko ditulih jo huruf kanji nan samo, iyolah  (sacaro harafiah: asa-muasa matohari). Sabuikan Nippon acok digunokan dalam urusan rasmi, tamasuak namo nagari dalam pitih Japang, parangko, jo patandingan ulahrago internasional. Samantaro itu, sabutan Nihon digunokan dalam urusan indak rasmi takah pambicaroan sahari-hari.

Kato Nippon jo Nihon bararti nagaro/nagari matohari tabik. Namo iko disabuik dalam korespondensi Kakaisaran Japang jo Dinasti Sui di Cino, dan marujuak kapado latak Japang nan barado di sabalah timur daratan Cino. Sabalun Japang mampunyoi hubuangan jo Cino, nagari iko dikenal sabagai Yamato (). Di Cino pado zaman Tigo Nagari, sabutan untuak Japang adolah nagari Wa ().

Dalam bahaso Cino dialek Shanghai nan tamasuak salah ciek dialek Wu, aksara Cino  dibaco sabagai Zeppen ([]). Dalam dialek Wu, aksara  sacaro indak rasmi dibaco sabagai [] samentaro sacaro rasmi dibaco sabagai []. Dalam babarapo dialek Wu Selatan,  dibaco sabagai [] nan mirip jo namo dalam bahaso Japang.Zeppen ([]). Dalam dialek Wu, aksara  sacaro indak rasmi dibaco sabagai [] samentaro sacaro rasmi dibaco sabagai []. Dalam babarapo dialek Wu Selatan,  dibaco sabagai [] nan mirip jo namo dalam bahaso Japang.

Kato Jepang dalam bahaso Indonesia kamungkinan barasa dari bahaso Cino, tapeknyo bahaso Cino dialek Wu tasabuik. Bahaso Malayu kuno juo manyabuik nagari iko sabagai Jepang (namun ejaan bahaso Malaysia kini: Jepun). Kato Japang dalam bahaso Melayu iko kudian dibaok ka Dunia Barek dek padagang Portugis, nan mangana sabutan iko katiko barado di Malaka pado abaik ka-16. Inyo lah nan patamo kali mampakenalkan namo bahaso Malayu tasebuik ka Eropa. Dokumen tatuo dalam bahaso Inggirih nan manyabuik tantang Japang adolah sapucuak surek dari taun 1565, nan di dalamnyo batulihkan kato Giapan.

Panalitian arkeologi manunjuakkan bahwa Japang alah dihuni manusia purba satidonyo 600.000 taun nan lalu, pado maso Paleolitik Bawah. Sasudah babarapo zaman es nan tajadi pado maso jutaan taun nan lalu, Japang babarapo kali tahubuang jo daratan Asia malalui jambatan daraik (jo Sakhalin di utara, dan kamungkinan Kyushu di salatan), sahinggo mamungkinkan papindahan manusia, hewan, jo tanaman ka kapulauan Japang dari wilayah nan kini marupokan Republik Rakyat Cina jo Korea. Zaman Paleolitik Japang mahasiakan paralatan babatuan nan alah dipoles nan patamo di dunia, skitar taun 30.000 SM.

Dengan barakhianyo zaman es tarakhia jo datangnyo pariode nan labiah angek, kabudayaan Jomon muncua pado sakita 11.000 SM, nan bacirikan gaya hiduik pamburu-pangumpua semi-sedenter Mesolitik hinggo Neolitik jo pambuek an karajinan tambika ta awal di dunia. Dipakirokan bahwa panduduak Jomon marupokan niniak moyang suku Proto-Japang jo suku Ainu maso kini.

Dimulainyo pariode Yayoi pado sakitar 300 SM manandoi kahadiran teknologi-teknologi baru takah bacocok tanam padi di sawah nan bapangairan jo teknik pambuek an pakakeh dari basi jo parunggu nan dibaok sarato migran-migran dari Cino atau Korea.

Dalam sajarah Cina, urang Japang patamo kali disabuik dalam naskah sajarah klasik, Buku Han nan ditulih taun 111. Sasudah pariode Yayoi disabuik pariode Kofun pado sakitar taun 250, nan bacirikan didirikannyo nagari-nagari militer nan kuek. Manuruik Catatan Sajarah Tigo Nagari, nagari paliang bajayo di kapulauan Japang wakatu itu adolah Yamataikoku.

Bagian sajarah Japang maninggakan dokumen tatulih dimulai pado abad ke-5 dan abad ke-6 Masehi, saaik sistem tulisan Cina, agama Buddha, dan kabudayaan Cino lainnyo dibaok masuak ka Japang dari Karajaan Baekje di Semenanjung Korea. 

 Pakambangan salanjuiknyo Buddhisme di Jepang dan seni ukia rupang sabagian gadang dipangaruahi dek Buddhisme Cino. Walaupun awalnyo kedatangan agama Buddha ditentang panguaso nan manganuik Shinto, kalangan nan bakuaso akhianyo ikuik mamajuan agama Buddha di Jepang, dan manjadi agamo nan populer di Japang sajak zaman Asuka.

 Malalui parentah Reformasi Taika pado taun 645, Japang manyusun ulang sistem pemerintahannya jo mencontoh dari Cino. Hal iko mambukak jalan bagi filsafat Konfusianisme Cino untuak manjadi dominan di Japang sampai abad ke-19.

Periode Nara pado abad ke-8 menandai sabauh nagari Japang jo kakuasaan nan tersentralisasi. Ibu kota dan istano kekaisaran barado di Heijo-kyo (kini Nara). Pado zaman Nara, Japang sacaro taruih manaruih mengadopsi praktik administrasi pamarentahan dari Cino. Salah satu pencapaian tagadang sastra Japang pado zaman Nara adolah selesainya buku sajarah Japang nan disabuik Kojiki (712) dan Nihon Shoki (720).

 Pado taun 784, Kaisar Kammu memindahkan ibu kota ka Nagaoka-kyō, dan barado di sano hanyo salamo 10 tahun. Sasudah itu, ibu kota dipindahkan baliak ka Heian-kyō (kini Kyoto). Kepindahan ibu kota ka Heian-kyō mangawali periode Heian nan marupoan maso keemasan kabudayaan klasik asli Jepang, tarutamo di bidang seni, puisi dan sastra Jepang. Hikayat Genji karya Murasaki Shikibu dan lirik lagu kabangsaan Japang Kimi ga Yo barasa dari periode Heian.

Abad patangahan di Japang marupoan zaman feodalisme nan ditandai dek perebutan kakuasaan antarkelompok panguaso nan tadiri dari ksatria nan disabuik samurai. Pado taun 1185, sasudah menghancurkan klan Taira nan marupoan klan saingan klan Minamoto, Minamoto no Yoritomo diangkek sabagai shogun, dan manjadiannyo  pamimpin militer nan babagi kakuasaan jo Kaisar. Pamarentahan militer nan didirian Minamoto no Yoritomo disabuik Keshogunan Kamakura dek pusek pamarentahan barado di Kamakura (di sabalah selatan Yokohama maso kini). Sasudah wafaiknyo Yoritomo, klan Hōjō mambantu keshogunan sabagai shikken, yakni semacam adipati bagi para shogun. Keshogunan Kamakura barasil manahan sarangan Mongol dari wilayah Cino kakuasaan Mongol pado taun 1274 dan 1281. Walaupun sacaro politik tabilang stabil, Keshogunan Kamakura akhianyo digulingkan dek Kaisar Go-Daigo nan mamuliahkan kakuasaan di tangan kaisar. Kaisar Go-Daigo akhianyo digulingkan Ashikaga Takauji pado 1336. Keshogunan Ashikaga gagal membendung kakuatan panguaso militer dan tuan tanah feodal (daimyo) dan pacah parang saudaro pado taun 1467 (Perang Ōnin) nan mangawali maso satu abaik nan diwarnai paparangan antarfaksi nan disabuik maso nagari-nagari saliang baparang atau periode Sengoku.

 Pado abad ke-16, para padagang dan misionaris Serikat Yesuit dari Portugal tibo untuak patamo kalinya di Jepang, dan mangawali pertukaran perniagaan dan kabudayaan nan aktif antaro Japang dan Dunia Barat (Perdagangan dengan Nanban). Urang Japang manyabuik urang asiang dari Dunia Barat sabagai namban nan bararti urang barbar dari selatan.

Oda Nobunaga menaklukkan daimyo-daimyo pesaingnya jo mamakai teknologi Eropa dan senjata api. Nobunaga hampia barasil manyatuan Japang sabalun tewas tabunuah dalam Peristiwa Honnōji 1582. Toyotomi Hideyoshi manggantian Nobunaga, dan mencatatkan dirinyo sabagai pemersatu Japang pado taun 1590. Hideyoshi barusaho manguasai Korea, dan duo kali malakuan invasi ke Korea, namun gagal sasudah kalah dalam patampuran malawan pasukan Korea nan dibantu kakuatan Dinasti Ming. Sasudah Hideyoshi wafat, pasukan Hideyoshi ditarik dari Samananjuang Korea pado taun 1598.

Sepeninggal Hideyoshi, putra Hideyoshi nan banamo Toyotomi Hideyori mewarisi kakuasaan sang ayah. Tokugawa Ieyasu mamanfaikan posisinya sabagai adipati bagi Hideyori untuak mengumpulkan dukungan politik dan militer dari daimyo-daimyo lain. Sasudah mangalahan klan-klan pandukuang Hideyori dalam Pertempuran Sekigahara taun 1600, Ieyasu diangkek sabagai shogun pado taun 1603. Pamarentahan militer nan didirian Ieyasu di Edo (kini Tokyo) disabuik Keshogunan Tokugawa. Keshogunan Tokugawa curiga tahadok kagiatan misionaris Katolik, dan malarang sagalo hubuangan jo urang-urang Eropa. Hubuangan padagangan dibatehi hanyo jo padagang Belanda di Pulau Dejima, Nagasaki. Pamarentah Tokugawa juo manjalankan babagai kabijakan misalnyo undang-undang buke shohatto untuak mangandalian daimyo di daerah. Pado taun 1639, Keshogunan Tokugawa mulai manjalankan kabijakan sakoku (negara tertutup) nan balansuang salamo duo satangah abaik nan disabuik periode Edo. Walaupun menjalani periode isolasi, urang Japang taruih mampalajari ilmu-ilmu dari Dunia Barat. Di Jepang, ilmu dari buku-buku Barat disabuik rangaku (ilmu belanda) dek barasa dari kontak urang Japang jo enklave urang Balando di Dejima, Nagasaki. Pado periode Edo, urang Japang juo mamulai studi tantang Jepang, dan manamokan studi nasional tantang Japang sabagai kokugaku.

 Pado 31 Maret 1854, kedatangan Komodor Matthew Perry dan Kapal Hitam Angkatan Laut Amerika Serikat mamaso Japang untuak mambukak diri tahadok Dunia Barat malalui Persetujuan Kanagawa. Persetujuan-persetujuan salanjuiknyo jo nagaro-nagaro Barat pado maso Bakumatsu mambaok Japang ka dalam krisis ekonomi dan politik. Kalangan samurai manganggap Keshogunan Tokugawa alah melemah, dan mangadoan pambarontakan sampai pacah Perang Boshin taun 1867-1868. Sasudah Keshogunan Tokugawa ditumbangkan, kakuasaan dikambalian ka tangan kaisar (Restorasi Meiji) dan sistem domain dihapus. Samaso Restorasi Meiji, Japang mengadopsi sistem politik, hukum, dan militer dari Dunia Barat. Kabinet Jepang mangatua Dewan Penasihat Kaisar, manyusun Konstitusi Meiji, dan mambantuak Parlemen Kekaisaran. Restorasi Meiji mengubah Kekaisaran Jepang manjadi nagaro industri modern dan sakaliguih kakuatan militer dunia nan manimbulkan konflik militer sangkek barusaho mampalaweh pangaruah teritorial di Asia. Sasudah mangalahan Cina dalam Perang Sino-Jepang dan Rusia dalam Perang Rusia-Jepang, Japang manguasai Taiwan, saparuah dari Sakhalin, dan Korea.

 Pado awal abad ke-20, Japang mangalami demokrasi Taisho nan dibayang-bayangi bangkiknyo ekspansionisme dan militerisme Jepang. Samaso Perang Dunia I, Japang barado di pihak Sekutu nan manang , sampai Japang dapaik mampalaweh pangaruah dan wilayah kekuasaan. Japang taruih manjalankan politik ekspansionis jo manduduki Manchuria pado taun 1931. Dua taun kemudian, Japang kalua dari Liga Bangsa-Bangsa sasudah mandapaik kecaman internasional ateh pandudukan Manchuria. Pado taun 1936, Japang manandotangani Pakta Anti-Komintern jo Jerman Nazi, dan bagabuang bagabuang basamo Jerman dan Italia mambantuak Blok Poros pado taun 1941

 Pado taun 1937, invasi Japang ka Manchuria mamicu tajadinyo Perang Sino-Jepang Kedua (1937-1945) nan mambuek Japang dikanaikan embargo minyak dek Amerika Serikat Pado 7 Desember 1941, Japang manyarang pangkalan Angkatan Lauik Amerika Sarikek di Pearl Harbor, dan manyatoan parang tahadok Amerika Serikat, Inggris, dan Belanda. Serangan Pearl Harbor manyeret AS ka dalam Perang Dunia II. Sasudah kampanye militer nan panjang di Samudra Pasifik, Japang kahilangan wilayah-wilayah nan dimilikinya pado awal parang . Amerika Sarikek malakuan pangaboman strategis tahadok Tokyo, Osaka dan kota-kota gadang lainnya. Sasudah AS manjatuahkan bom atom di Hiroshima dan Nagasaki, Japang akhianyo menyerah tanpa syarat kepada Sekutu pado 15 Agustus 1945 (Hari Kemenangan atas Jepang).

Perang mambaok penderitaan bagi rakyaik Japang dan rakyaik di wilayah jajahan Japang. Berjuta-juta urang tewas di nagaro-nagaro Asia nan diduduki Japang di bawah slogan Kemakmuran Bersama Asia. Hampia kasado industri dan infrastruktur di Japang hancua akibaik parang . Pihak Sekutu malakuan repatriasi gadang-gadangan etnik Jepang dari nagaro-nagaro Asia nan pernah diduduki Japang. Pengadilan Militer Internasional untuk Timur Jauh nan diselenggarakan pihak Sekutu mulai 3 Mei 1946 barakhia jo dijatuhkannya hukuman bagi sajumlah pamimpin Japang nan tabukti basalah malakuan kejahatan perang.

 Pado taun 1947, Japang memberlakukan Konstitusi Jepang nan baru. Berdasarkan konstitusi baru, Japang ditetapkan sabagai nagaro nan manganuik paham pasifisme dan mengutamakan praktik demokrasi liberal. Pendudukan AS tahadok Japang sacaro rasmi barakhia pado taun 1952 jo ditandatanganinya Perjanjian San Francisco. Walaupun demikian, pasukan AS tatok mampartahankan pangkalan-pangkalan pantiang di Jepang, khususnyo di Okinawa. Perserikatan Bangsa-Bangsa sacaro sacaro rasmi manarimo Japang 
sebagai anggota pado taun 1956.

Seusai Perang Dunia II, Japang mangalami pertumbuhan ekonomi nan pesat, dan menempatkan Japang sabagai kakuatan ekonomi tagadang nomor duo di dunia, jo rato-rato patumbuahan produk domestik bruto sagadang 10% per taun salamo ampek dekade. Pesatnya patumbuahan ekonomi Japang barakhia pado awal taun 1990-an sasudah jatuahnyo ekonomi gelembung.

 Japang manganuik sistem nagaro monarki konstitusional nan sangaik mambatehi kakuasaan Kaisar Jepang. Sabagai kapalo nagaro seremonial, kadudukan Kaisar Japang diatur dalam konstitusi sabagai simbol negara dan pemersatu rakyat. Kekuasaan pamarentah barado di tangan Perdana Menteri Jepang dan anggota tapiliah Parlemen Jepang, samantaro kadaulatan sapanuahnyo barado di tangan rakyat Jepang. Kaisar Japang batindak sabagai kepala negara dalam urusan diplomatik.

Parlemen Jepang adolah parlemen duo kamar nan dibantuak mangikuti sistem Inggris. Parlemen Japang tadiri dari Majelis Rendah dan Majelis Tinggi. Majelis Rendah Japang tadiri dari 480 anggota dewan. Anggota majelis randah dipiliah sacaro langsuang dek rakyaik satiok 4 taun sakali atau sasudah majelis randah dibubarkan. Majelis Tinggi Japang tadiri dari 242 anggota dewan nan mamiliki maso jabatan 6 tahun, dan dipiliah langsuang dek rakyaik . Warganegara Japang barusia 20 taun ka ateh mamiliki hak untuak memilih.

Kabinet Japang beranggotakan Perdana Menteri dan para menteri. Perdana Menteri adolah salah saurang anggota parlemen dari partai mayoritas di Majelis Rendah. Partai Demokrat Liberal (LDP) bakuaso di Japang sajak 1955, kacuali pado taun 1993. Pado taun itu tabantuak pemerintahan koalisi nan hanyo barumua singkek jo partai oposisi. Partai oposisi tagadang di Japang adolah Partai Demokratik Jepang.

Perdana Menteri Japang adolah kepala pemerintahan. Perdana Menteri diangkek malalui pamiliahan di antaro anggota Parlemen. Bila Majelis Rendah dan Majelis Tinggi masiang-masiang mamiliki calon perdana menteri, mako calon dari Majelis Rendah nan diutamakan. Pado praktiknya, perdana menteri barasa dari partai mayoritas di parlemen. Menteri-menteri kabinet diangkek dek Perdana Menteri. Kaisar Japang mangangkek Perdana Menteri badasarkan kaputusan Parlemen Jepang, dan mambari persetujuan ateh pangangkatan menteri-menteri kabinet. Perdana Menteri mamarlukan dukungan dan kaparcayoan dari anggota Majelis Rendah untuak batahan sabagai Perdana Menteri.

Kaisar Naruhito adolah Kaisar Japang nan sekarang. Putra Mahkota Naruhito, menikah jo Putri Mahkota Masako nan barasa dari kalangan rakyaik biasa, dan dikaruniai anak padusi banamo Aiko (Putri Toshi). Adiak dari Putra Mahkota Naruhito banamo Pangeran Akishino, menikah jo Kiko Kawashima nan juo barasa dari rakyaik biasa. Pangeran Akishino mamiliki duo anak padusi (Putri Mako dan Putri Kako), sarato anak laki-laki banamo Pangeran Hisahito.

 Japang mamiliki labiah dari 3.000 pulau nan talatak di pasisia Lautan Pasifik di timur benua Asia. Istilah Kepulauan Jepang marujuak kapado ampek pulau gadang , dari utara ka selatan, Hokkaido, Honshu, Shikoku, dan Kyushu, sarato Kepulauan Ryukyu nan barado di selatan Kyushu.
Sekitar 70% sampai 80% dari wilayah Japang tadiri dari pegunungan nan berhutan-hutan, dan cocok untuak pertanian, industri, sarato permukiman. Daerah nan curam babahayo untuak dihuni dek risiko tanah longsor akibaik gampo bumi, kondisi tanah nan lunak, dan hujan labaik. Oleh dek itu, pamukiman panduduak tapusek di kawasan pesisir. Japang tamasuak salah satu negara berpenduduk terpadat di dunia.

 Gampo bumi bakakuatan randah dan sasakali letusan gunuang barapi acok dialami Japang dek lataknyo di ateh Lingkaran Api Pasifik di patamuan tigo lempeng tektonik. Gempa bumi nan marusak acok manyebabkan tsunami. Setiap abadnya, di Japang tajadi babarapo kali tsunami. Gampo bumi gadang nan tajadi akhia-akhia iko di Japang adolah Gempa bumi Chūetsu 2004 dan Gempa bumi besar Hanshin taun 1995. Keadaan geografi manyebabkan Japang mamiliki banyak sumber mata air panas, dan sabagian gadang diantaronyo alah dibangun sabagai daerah tujuan wisata.

 Japang barado di kawasan bariklim sadang jo pambagian ampek musim nan jelas. Walaupun demikian, tadapek pabedoan iklim nan mancolok antaro wilayah bagian utara dan wilayah bagian selatan. Pado musim dingin, Japang bagian utara misalnyo Hokkaido mangalami musim salju, namun sabaliaknyo wilayah Japang bagian selatan bariklim subtropis. Iklim juo dipangaruahi tiupan angin musim nan bertiup dari benua Asia ka Lautan Pasifik pado musim dingin, dan sabaliaknyo pado musim panas.

Iklim Japang tabagi ateh anam zona iklim: 

Suhu tatinggi nan pernah tacataik di Japang adolah 40,9 °C (105,6 °F) pado 16 Agustus 2007.

Musim hujan dimulai labiah awal di Okinawa, yakni sajak awal Mei. Garih depan musim hujan bagarak ka utara, namun barakhia di Japang utara sabalun mancapai Hokkaido. Di sabagian gadang wilayah Honshu, awal musim hujan dimulai patangahan Juni dan balansuang salamo anam minggu. Taifun acok tajadi sapanjang September dan Oktober. Penyebabnya adolah takanan tropis di garih khatulistiwa nan bagarak dari barat daya ka timur lauik, dan acok mambaok hujan nan sangaik lebat.

Japang mamiliki hubuangan ekonomi dan militer nan erat jo Amerika Serikat, dan manjalankan kebijakan luar negeri badasarkan pakta keamanan Jepang-AS. Sajak ditarimo manjadi anggota Perserikatan Bangsa-Bangsa pado taun 1956, Japang alah sapuluah kali manjadi anggota indak tatok Dewan Keamanan PBB, tamasuak taun 2009-2010. Japang adolah salah satu nagaro G4 nan sadang mengusulkan paluasan anggota tatok Dewan Keamanan PBB. Sabagai nagaro anggota G8, APEC, ASEAN Plus 3, dan paserta Konferensi Tingkat Tinggi Asia Timur, Japang aktif dalam hubuangan internasional dan mampararek pasahabatan Japang jo nagaro-nagaro lain di saluruah dunia. Pakta pertahanan jo Australia ditandotangani pado Maret 2007, dan jo India pado Oktober 2008. Pado taun 2007, Japang adolah nagaro donor Bantuan Pembangunan Resmi (ODA) tagadang kalimo di dunia. Nagaro panarimo bantuan ODA tagadang dari Japang adolah Indonesia, jo total bantuan labiah dari AS$29,5 miliar dari taun 1960 sampai 2006.

 Japang bersengketa jo Rusia manganai Kepulauan Kuril dan jo Korea Selatan manganai Batu Liancourt. Kepulauan Senkaku nan di bawah pamarentahan Japang dipermasalahkan dek Republik Rakyat Cina dan Taiwan.

Pasal 9 Konstitusi Jepang barisi penolakan tahadok parang dan panggunoan kakuatan basanjato untuak manyalasaikan persengketaan internasional. Pasal 9 Ayat 2 barisi palarangan kapamilikan angkatan basanjato dan penolakan ateh hak keterlibatan dalam parang . Japang mamiliki Pasukan Bela Diri nan barado di bawah Kementerian Pertahanan, dan tadiri dari Angkatan Darat Bela Diri Jepang (JGSDF), Angkatan Laut Bela Diri Jepang (JMSDF), dan Angkatan Udara Bela Diri Jepang (JASDF). Pado taun 1991, kapal penyapu ranjau Angkatan Lauik Bela Diri Japang ikuik mambarasiahkan ranjau laut di Teluk Persia (lepas pantai Kuwait) basamo kapal penyapu ranjau dari salapan negara. Atas permintaan Pemerintahan Transisi PBB di Kamboja (1992-1993), Japang mengirimkan pengamat gencatan senjata, pemantau pamiliahan umum, polisi sipil, dan dukungan logistik misalnyo perbaikan jalan dan jembatan. Di Irak, pasukan nontempur Japang mambantu misi kemanusiaan dan kagiatan rekonstruksi infrastruktur mulai Desember 2003 sampai Februari 2009.




#Article 367: Urang Sakai (276 words)


 
Urang Sakai atau suku Sakai adolah kalompok panduduak asali nan iduik taseba di rimbo-rimbo padalaman Riau. Rami urang Sakai tingga di rimbo-rimbo Bengkalis, Riau. Jumlah urang Sakai kini dipakiroan ado 4.995 jiwa. Agamo asali urang Sakai basipaik anismisme, tamasuak picayo pado antu-antu, jampi-jampi manto, jo upacara tulak bala.

Urang Sakai tingga di Bengkalis, Riau. Populasi paliang banyak tingga di Kecamatan Mandau. Sabagian ado nan tingga di Kecamatan Bukit Batu. Saketek dari urang Sakai masih iduik cando zaman saisuak nan iduik bapindah-pindah sarato tapisah dari kalompok-kalompok lain. Umumnyo urang Sakai tingga indak jauah dari mato aia sarupo rawo, payau, atau tapian ulu batang aia.

Ado babarapo teori tantang asa mulo urang Sakai. Manuruik Moszkowski (1908) jo Loeb (1935) manyabuik baso urang Sakai adolah hasia pancampuran antaro urang Wedoid jo urang Minangkabau nan kudian mandirikan karajaan pado abaik ka-14. Namun, karajaan ko runtuah dek disarang Kasultanan Aceh inggo akhianyo panduduak malarikan diri ka rimbo-rimbo Batang Gasib, Rokan, Siak, jo anak-anal sungainyo. Teori barikuiknyo nan diiyoan dek urang Sakai adolah asa muasanyo dari urang Mentawai nan dibaok dek Pagaruyuang katiko manaruko rimbo di daerah nan kini disabuik Mandau. Rombongan nan manaruko ko disabuik jo Pabatinan Limo (Perbatinan Lima) jo Pabatinan Salapan (Perbatinan Delapan).

Urang Sakai dalam iduik badunsanak manggabuangkan sistem matrilineal jo parental (prinsip katurunan manuruik garih urang tuo). Hal iko mampangaruahi caro urang Sakai maimbau urang dalam kalompoknyo. Ciri parental tampak pado pabedaan caro maimbau urang manuruik generasinyo. Samantaro dalam ciri matrilineal, ado pabedaan dalam maimbau urang nan batalian darah jo mandehnyo. Misalnyo ado panyapoan sudaro laki-laki tatuo dari mandeh nan disabuik pak kuneng (Minangkabau: mamak), sadangkan sudaro laki-laki tatuo dari ayah disabuik bah tuwo (Minangkabau: pak uwo).




#Article 368: Robert Wentworth John Holness (134 words)


Robert Wentworth John Holness (alias Bob Holness, ) marupoan saurang aktor dan presenter sarato penyiar radio asa Inggris.

Singkatnya sasudah inyo lahia di Afsel, inyo beserta kaduo urang tuanya pindah ka Ashford, Kent, Inggris.  Inyo lantas bersekolah di The Norton Knatchbull School, dan kudian dilanjutkan jo kuliah di Maidstone College of Art, dimana kudian inyo lulus sabagai saurang sarjana seni. Kemudian inyo bakarajo untuak sabauh perusahaan penerbitan sabalun baliak ka Afsel.  Pado 1955 inyo kudian bakarajo di sabauh radio di Afsel.

 Pado 1956 inyo kudian memainkan sandiwara radio bajudul Moonraker di sabauh radio di Afsel, dan manjadiannyo aktor kaduo nan memerankan paran James Bond sasudah Barry Nelson.

 Sasudah lama di Afsel, inyo baliak lai ka Inggris, kali iko inyo bagabuang basamo stasiun radio milik pemerintah, BBC, dimana inyo batahan di sano sampai awal 1990-an.




#Article 369: Adaik Minangkabau (892 words)


Adaik Minangkabau pado dasanyo samo takah adaik lain nan mampunyoi aturan-aturan tatantu dalam kahidupan bamasyarakaik, nan mambedaannyo adolah kakhasan dari sistem adaik itu surang. Nan mambedaan adaik Minangkabau jo nan lainnyo adolah sistem katurunannyo, karano masyarakaik Minangkabau punyo sistem katurunan manuruik garih katurunan ibu. Kaunikan nan lainnyo adolah adaik Minangkabau marato dipakai baiak masyarakaik bawah ataupun masyarakaik ateh. Satiok urang tarikek jo talibaik jo adaik, hampia sadoalah laki-laki di Minangkabau mampunyoi gala adaik salain itu hubuangan kakarabatan diatua pulo dalam adaik. Ado papatah Minangkabau nan mangatokan hiduik dikanduang adaik nan aratinyo satiok kahidupan di Minangkabau diatua dek adaik. 

Marupoan adaik nan paliang stabil jo umum  nan balaku bukan hanyo di wilayah Minangkabau sajo malainkan di saluruah alam semesta. Karano adaik nan sabana adaik ko merupoan katantuan alam nan indak pernah barubah dimano pun jo dalam kaadoan apopun. Alah disapakati pulo adaik nan sabana adaik iko marupoan Sunnatullah jo Hukum Allah nan tatuang dalam Al-quran. Maambiak ajaran Alam Takambang Jadi Guru adaik iko dapek sasuai jo parubahan zaman dan manjago kalangsuangan budayo Minangkabau di tangah budayo asiang nan masuak dalam era global kini ko. Di dalam ungkapan adaik Minangkabau adaik nan sabana adaik iko adolah adaik nan indak lakang dek paneh, indak lapuak dek hujan, diasak indak layua, dibubuik indak mati; atau adaik babuhua mati.
Adaik iko marupoan kalaziman dari katantuan Allah sahinggo indak batantangan jo ajaran Islam. Adaik nan sabana adaik manampati kaduduak-an tatinggi dari ampek jenis adaik di Minangkabau. Bafungsi sabagai landasan utamo dari norma, hukum, jo aturan-aturan masyarakaik Minangkabau. Sadoalah hukum adaik, ketentuan adaik, norma kemasyarakatan, jo paraturan-paraturan nan berlaku di Minangkabau basumber dari adaik nan sabana adaik.
 

Adaik nan diadaikkan adolah adaik nan dibuek, dirancang, jo disusun dek niniak muyang urang Minangkabau untuak balakuan dalam kahidupan sahari-hari. Aturan nan barupo adaik nan diadaikkan disampai-an dalam patatah jo patitiah, mamangan, pantun, sarato ungkapan bahaso nan khas.
Urang Minangkabau mamparcayoi duo urang tokoh sabagai parancang, nan marancanokan, jo panyusun adaik nan diadaikkan, iyolah Datuak Parpatiah Nan Sabatang jo Datuak Katumangguangan. Inti dari adaik nan diadaikkan nan dirancang dek Datuak Parpatiah Nan Sabatang iyolah demokrasi, badaulat kepado rakyat, jo mautamoan musyawarah untuak mufakaik. Sadangkan adaik nan disusun Datuak Katumangguangan intinyo malaksanokan pamarintahan nan badaulat ka ateh, otokrasi dan indak sawanang-wanang.
Sapinteh, keduo konsep adaik itu balawanan. Namun dalam palaksanoannyo kaduo konsep itu batamu, mambaua, jo saliang mangisi. Gabungan kaduanya malahia-an demokrasi nan khas di Minangkabau nan diungkap-an dalam papatah barikuik bajanjang naiak, batanggo turun, naiak dari janjang nan di bawah, turun dari tanggo nan di ateh,titiak dari langik, tabasuik dari bumi.

Adaik nan taradaik adolah katantuan adaik nan disusun di nagari untuak malaksanokan adaik nan sabana adaik jo adaik nan diadaikkan sasuai samo kaadoan jo kabutuhan nagarinyo. Adaik iko disusun dek tokoh jo pamuko masyarakaaik nagari malalui musyawarah jo mufakaik. Dari pangartian itu lahialah istilah adaik salingkuang nagari.
Adaik nan taradaik disebaik jo adaik babuhua santak, artinyo dapek diperbaiki, diubah, jo diganti. Fungsi utamonyo sabagai paraturan palaksanoan dari adaik Minangkabau. Contoh panarapannyo antaro lain dalam upacaro batagak pangulu, turun mandi, sunat rasul, ko perkawinan. 

Adaik istiadaik marupokan aturan adaik nan dibuek dari mufakaik niniak mamak dalam suatu nagari. Paraturan iko manampuang sagalo kamauan anak nagari nan sasuai manuruik alua jo patuik, patuik jo mungkin. Aspirasi nan disalua-an ka dalam adaik istiadaik iyolah aspirasi nan sasuai samo adaik jo limbago, manuruik barih jo balabeh, manuruik ukuran cupak jo gantang, manuruik alua jo patuik.
Ado duo proses tabantuaknyo adaik istiadaik. Partamo, manuruik usua dari anak nagari, anak kemenakan, jo masyarakaik satampek. Kaduo, manuruik fenomena atau gajalo nan tumbuah jo bakambang di dalam masyarakat. Ini diungkapkan dalam kato pusako tumbuah bak padi digaro, tumbuah bak bijo disiang, Elok dipakai, buruak dibuang, elok dipakai jo mufakat, buruak dibuang jo rundiangan.

Samanjak zaman Karajaan Pagaruyuang, ado tigo sistem adaik nan dianuik dek urang Minang iyolah :

Dalam pola pawarisan adaik jo harato, suku Minang manganuik pola matrilineal nan balainan bana jo mayoritas masyarakaik dunia ko nan manganuik pola patrilineal. Tadapek kontradiksi antaro pola matrilineal jo pola pawarisan nan diajaan dek agamo Islam nan manjadi agamo sabagian gadang urang Minang. Dek sabab tu lah dalam pola pawarisan suku Minang, dikenal harato pusako tinggi jo harato pusako randah. Harato pusako tinggi marupoan harato turun-temurun nan diwarisan badasarkan garih katurunan amak, sadangkan harato pusako randah marupoan harato nan dicari nan diwarisan sacaro faraidh badasarkan hukum Islam.

Sistem adaik ko marupoan gagasan adaik nan digarisan dek  Datuak Katumangguangan. Ciri nan manonjol dari adaik Koto Piliang adolah otokrasi atau kapamimpinan manuruik garih katurunan nan dalam istilah adaik disabuik sabagai manetes dari langik, batangga naik, bajanjang turun.
Sistem adaik ko banyak dianuik dek suku Minang di daerah Tanah Datar sekitarnyo. Ciri-ciri rumah gadangnyo adolah balantai jo katinggian nan batingkek-tingkek.

Sistem adaik ko marupoan gagasan adaik nan digarisan dek Datuak Parpatiah Nan Sabatang. Sistem adaiknyo marupoan antitesis tahadok sistem adaik Koto Piliang nan manganuik demokrasi nan dalam istilah adaik disabuik nan tabasik dari bumi, duduak samo randah, tagak samo tinggi. Sistem adaik ko banyak dianuik suku Minang di daerah Lima Puluh Kota. Cirinyo tampak pado lantai rumah gadangnyo nan rato.

Sistem ko digagas dek adiak laki-laki dari duo tokoh di ateh nan banamo Mambang Sutan Datuak Suri Dirajo nan Bamego-mego. Dalam adaiknyo dipantangan panikahan dalam nagari nan samo. Sistem ko banyak dianuik dek luhak Agam dan sakitarannyo.

Namun dewasa ko sadoalah sistem adaik nan di ateh alah diterapkan sacaro bersamaan dan indak dikotomis lai.




#Article 370: Hendro Subroto (116 words)


Hendro Subroto () adolah surang wartawan parang senior Indonesia.

Hendro mangawali karirnyo pado taun 1964 sabagai juru kamera di TVRI dan ikuik pandidiakan jurnalisme televisi di Tokyo, Japang.

Liputan konflik partamonyo adolah di Sarawak, Malaysia, pado taun nan samo. Babagai paristiwa pantiang nan dilipuiknyo diantoronyo:

 Taun 1975, inyo malipuik integrasi Timor Timur ka Indonesia. Dalam suatu palawanan di Bobonaro, inyo tatembak di dada kanan ateh, ibu jari akann dan tasarempet paluru di pipi kanan. Baju nan dipakai Hendro pado saaik panembakan tasabuik kini dipajang di Monumen Pers Nasional, Jakarta.

Hendro maningga satalah mangalami sasak angok di rumah sakik Qadr Islamic Village Karawaci, Tangerang, Banten, dan dimakamkan pado 16 Oktober 2010 di Pamakaman San Diego Hill, Karawang.




#Article 371: Dubalang (100 words)


Dubalang () adolah suatu gala pajabaik dalam pamarentahan nagari manuruik adaik-istiadaik Minangkabau. Surang Dubalang adolah urang bagak namun indak parewa, nan tugehnyo sabagai kapalo kaamanan kaumnyo. Dubalang batangguang-jawab ka Pangulu kaumnyo, basamo jo para pajabaik lainnyo iyolah Panungkek, Malim, jo Manti. Samaso daulu, pajabaik ko manjadi palimo bagi kaumnyo sarato mamimpin mareka bakarajo-samo jo suku-suku lainnyo untuak manjago nagari dari sarangan pihak lua (Parik Paga di Salingka Nagari). Dek karano di maso panjajahan Ulando maadoan polisi desa, Dubalang kailangan tugehnyo. Kini ko, paran sabagai panjago kaamanan umumnyo indak lai dilakuan, malainkan labiah sabagai urang nan manjalanan kaputusan adaik dari Pangulu.




#Article 372: Bupati (118 words)


Bupati dalam konteks otonomi Daerah di Indonesia adolah kapalo daerah untuak daerah kabupaten. Surang bupati sapangkek jo wali kota, yakni kapalo daerah untuak daerah kota. Pado dasanyo, bupati punyo tugeh jo wewenang mamimpin panyalanggaroan daerah manuruik kabijakan nan ditetapkan basamo DPRD kabupaten. Bupati dipiliah dalam ciek pasangan sacaro lansuang dek rakyaik di kabupaten satampek. Bupati marupokan jabatan politis (karano diusuakan dek partai politik), dan bukan Pagawai Nagari Sipil.

Sabalun taun 1945 gala bupati sabananyo hanyo dipakai di pulau Jawa, Madura, jo Bali. Dalam bahaso Ulando, bahaso administrasi rasmi pado maso Hindia Ulando, bupati disabuik sabagai regent, dan istilah ikolah nan tapakai sabagai padanan bupati dalam bahaso Inggirih. Samanjak kamardekaan, istilah bupati dipakai untuak manggantikan regent saluruah wilayah Indonesia.




#Article 373: Gubernur (192 words)


Gubernur, adolah jabatan politik di Indonesia. Gubernur marupokan kapalo daerah untuak wilayah provinsi.

Kato gubernur buliah baasa dari bahaso Portugih governador, bahaso Spanyol gobernador, atau bahaso Ulando gouverneur. Bantuak Ulando iko sarupo jo bantuak bahaso Parancih jo arati harafiahnyo adolah pamimpin, panguaso, atau nan mamarintah.

Gubernur dipiliah basamo wakilnyo dalam ciek paket pasangan nan dipiliah sacaro lansuang dek rakyaik di provinsi satampek untuak maso jabatan 5 tahun, sainggo dalam hal iko gubernur batangguang jawek kapado rakyat. Gubernur tapiliah kudian dilantiak dek Presiden, dan buliah juo dilantiak dek Mendagri ateh namo Presiden. Salain itu, gubernur juo bakaduduakan sabagai wakil pamarintah pusek di wilayah provinsi basangkuikan, sainggo dalam hal iko, gubernur batangguang jawek kapado presiden. Dan kawenangan gubernur diatur dalam UU No 32  Taun 2004 dan PP No 19  Taun 2010.

Pado dasanyo, gubernur punyo tugeh dan wewenang mamimpin panyalanggaroan pamarintahan daerah manuruik kabijakan nan ditetapkan basamo DPRD provinsi.

Gubernur bukanlah atasan bupati atau wali kota, namun hanyo sabateh mambina, mangawasi, jo mangkoordinasi panyalanggaroan pamarintahan daerah kabupaten/kota. Hubuangan pamarintah provinsi jo pamarintah kabupaten dan kota bukan subordinat, dimano masiang-masiang pamarintahan daerah tasabuik mangatur dan manguruih surang urusan pamarintahan manuruik asas otonomi jo tugeh pambantuan.




#Article 374: A.A. Navis (146 words)


Ali Akbar Navis () adolah surang pangarang, panyaia, jo budayawan Indonesia nan tanamo. Di antaro babagai karyanyo, nan tasabuik bana adolah kumpulan carito singkek Robohnya Surau Kami (1956), sarato buku Alam Terkembang Jadi Guru: Adat dan Kebudayaan Minangkabau (1984) nan acok jadi rujuakan para panaliti adaik jo kabudayoan Minangkabau.

Baliau lahia di Kampuang Jao, Padangpanjang, dari apaknyo Nafis Sutan Marajo (Padang) jo mandenyo Sawiyah (Padangpanjang), sabagai anak nan patamo dari limo baleh basudaro. Apaknyo adolah pagawai Jawatan Kareta Api, bapangkek mandua kapalo (baso Balando: Hoofd Mandoer) bagian jalan.

Banyak ide nan dilahiakan dek baliau, dalam hal sumbangan pamikiran tahadap daerah iolah baliau sabagai konseptor GEBU MINANG (Gerakan Seribu Minang) nan dikanal jo garakan Ekonomi jo Budayo Minang. Dalam Hal sastra, buku-buku karyanyo nan sangaik takanal adolah :

dan 106 makalah nan ditulis baliau untuak babagai kagiatan nan tahimpun dalam buku nan bajudul Yang Berjalan Sepanjang Jalan.




#Article 375: Liem Soei Liang (431 words)


Liem Soei Liang alias Surya Lesmana 列姆隋亮 () adolah saurang pemain sepak bola terkenal Indonesia di era taun 1960an. Inyo memperkuat tim nasional PSSI salamo 10 taun (1963-1972) dan Persija Jakarta salamo 14 taun (1962-1975). Ketika maso jayanya, Surya Lesmana dikenal sabagai gelandang jempolan nan mamiliki kamampuan manyarang ataupun batahan samo baiknya. 
 
Surya Lesmana mangawali karier sipak bola di Klub Union Makes Strength (UMS) pado taun 1958, seangkatan jo Mulyadi (Tek Fong). Di bawah bimbingan pelatih Endang Witarsa (Lim Soen Joe) kemampuannya semakin terasah. Karena kamampuan individunya nan bagus, Inyo kudian diminta bagabuang jo Persija Jakarta pado taun 1962 dan kudian diminta memperkuat tim nasional pado taun 1963. Namanya kian tersohor seiring jo kariernya nan mulus dan manjadi pujaan banyak orang.

Surya Lesmana pensiun dari tim nasional pado taun 1973. Namun namonyo tak lantas hilang dari dunia sipak bola tanah air. Kepiawaiannya mengolah kulik bundar mambuek klub-klub asiang masih meliriknya. Surya mencatatkan diri sabagai salah satu palopor pemain Indonesia nan merumput di lua negeri. Inyo dikontrak sabagai pemain klub Mac Kinan Hongkong salamo satu musim pado taun 1974 jo gaji HK$ 2.000 per bulan, jumlah nan cukuik gadang kala itu.

Kejayaan seringkali mambuek urang manjadi lupa diri, demikian juo jo Surya Lesmana. Pado maso keemasannya Inyo tenggelam basamo kesenangan duniawi. Surya menghambur-hamburkan kasado penghasilan nan diperoleh dari bamain bola. Pado massa tuanya, Inyo hiduik sebatang kara. Inyo indak mamiliki rumah ataupun kendaraan dan indak menikah. Bahkan Inyo harus tingga menumpang di rumah urang di Gang Kancil, kawasan Glodok, Jakarta Barat. Inyo tingga sacaro cuma-cuma dek jasanya mendidik anak pemilik rumah dan anak-anak di lingkungan sakitar dalam bamain bola. Surya indak nio menyesali taruih keadaannya saaik ini. Kita harus terima keadaan ini dengan lapang dada dan besar hati, ujarnya.

Surya masih tatok menggeluti sipak bola, dunia nan pernah melambungkan sakaliguih menenggelamkan nasibnya. Inyo masih bamain bola basamo para manusia lanjut usia di lapangan UMS. Rutinitas lain nan dilakoni lelaki iko adolah mengunjungi teman-teman lama seangkatannya. Inyo dapek menghabiskan wakatu berjam-jam hanyo untuak mengobrol dan bercerita mengenang maso lalu. Dengan alasan berolahraga, Inyo berjalan kaki sampai belasan kilometer atau bahkan duo jam untuak sampai ka sana. Saya sering jalan sampai ke Komdak, Slipi, atau Cempaka Putih. Tapi, kalau sudah siang, saya naik bus, ujarnya.

Sampai saaik iko Surya basamo jo Mulyadi manjadi pelatih di klub UMS di kawasan Petak Sin Kian, Mangga Besar. Anak kaampek dari anam bersaudara iko indak mampunyoi pekerjaan lain. Setiap hari Surya menghabiskan waktunya mengawasi latihan anak-anak sakolah sipak bola jo imbalan ala kadarnya. Walaupun harus menghadapi getirnya hiduik di usia senja, Inyo masih berharap pamarentah nio memperhatikan nasibnya.






#Article 385: McDonald's (258 words)


McDonald's Corporation (di Indonesia takenal jo sabuik an McD, dibaco Mek-di) adolah rangkaian rumah makan siap saji tabasa di dunia. Hidangan utamo di restoran-restoran McDonald's adolah hamburger, namun mareka juo manyajikan minuman ringan, kantang goreang, filet ayam dan hidangan-hidangan lokal nan disasuaikan jo tempat restoran itu barado. Lambang McDonald's adolah duo busua bawarna kuniang nan biasonyo dipajang di lua rumah-rumah makan mareka dan dapek sagera dikenali dek masyarakaik lueh.

Restoran McDonald's patamo didirian pado taun 1940 dek duo basaudara Dick jo Mac McDonald, namun kamudian dibali dek Ray Kroc dan dipalaweh ka saluruh dunia.

Sampai pado taun 2004, McDonald's mamiliki 30.000 rumah makan di saluruh dunia jo jumlah pangunjuang rato-rato 50.000.000 urang dan pangunjuang pa hari dan rumah makan 1.700 orang.

Restoran McDonald's patama di Indonesia talatak di Sarinah, Jakarta dan dibuka pado 23 Februari 1991. Babeda dari kabanyakan restoran McDonald's di lua nagari, McDonald's juo manjua ayam goreng dan nasi di restoran-restorannyo di Indonesia.

Pado 1 Oktober 2009 McDonald's barubah manjadi Tony Jack's Indonesia tatapi indak saluruh gerai McDonald's. Tadapek 13 gerai McDonald’s milik Bambang Rachmadi nan barubah antaro lain balokasi di Sarinah (Thamrin), Melawai Plaza, Blok M Plaza, Arion, Kelapa Gading, Sunter, Bandung Indah Plaza, Tunjungan Plaza, Bandara Soekarno-Hatta, ITC Mangga Dua, Citra Land, Gajah Mada Plaza, dan Kebon Jeruk. Tak lamo kudian, pado taun 2010 Tony Jack's Indonesia bangkrut dan diambiak aliah dek McDonald's.

McDonald's manawarkan menu nan babedo-bedo di babagai nagari. Di Norwegia tadapek McLaks, iyolah sandwich salmon, di India tadapek Maharaja Macs jo dagiang kambiang dan McAloo Tikki burger untuak umaik Hindu vegetarian. 

 




#Article 386: Bulan madu (303 words)


Bulan madu adolah pajalanan tradisional nan dilakukan dek pasangan nan baru sajo manikah untuak marayokan panikahan mareka. Kini, bulan madu acokkali dirayokan di tampek-tampek nan tapancia, eksotik, hangek, atau lainnyo nan dianggap khusus dan romantis. Kacandaruangan balakangan di kalangan banyak pasangan adolah manggabuangkan pesta pernikahan jo bulan madu dalam suatu pangalaman atau manggantikan nan satu jo nan lain.

Oxford English Dictionary indak mambarikan etimologi samo sakali, tatapi manyabuikkan bahwa kato iko barasa dari abaik ka-16:

Salah satu kutipan tatua dalam Oxford English Dictionary manunjuakkan bahawa, maskipun di maso kini bulan madu mampunyoi arti positif, kato iko sasungguahnyo marupokan rujuakan mancimeeh kapado mamudanyo cinto nan niscayo tajadi takah tahap-tahap paredaran bulan. Rujuakan sastra patamo kapado bulan madu iko ditulih pado 1552, dalam karya Richard Huloet Abecedarium Anglico Latinum. Huleot manulih:

Juo dikatokan bahwa asa-usua kato iko barasa dari maso Babilon. Untuak maningkekkan kajantanan dan kasubuaan pasangan nan baru manikah, ayah si pangantin padusi akan mambarikan minantunyo sadonyo kabutuhan minuman nan babasis madu nan dapek diminumnyo salamo bulan patama panikahan mareka (karenonyo disabuik bulan). Karano kato bahaso Inggirih iko baru ampek ratuih taun umuanyo, atribusi langsuang ka Babilon dipatanyokan, maskipun acokkali diulangi. Namun kabiasoan maminum minuman babasis madu iko sasudah panikahan salamo satu bulan juo marupokan kaebiasoan abaik patengahan, dan pado maso ikolah kato iko muncua.

Panjalehan lain nan mungkin dari kato bulan madu iko bakaik an jo maso panikahan biasonyo dilangsuangkan. Dahulu panikahan di Barat biasonyo dilangsuangkan pado solstis musim paneh karano alasan-alasan keagamoan sabalunnyo dan juo kaarano alasan praktis karano itulah maso antaro mananam dan menuai. Karano itu adolah wakatu manuai madu, ado kamungkinan istilah iko muncua dari kebiasoan iko.

Alternatif lainnyo iolah bahwa istilah bulan madu dibarikan kapado bulan katiko jalurnyo dakek ka cakrawala selatan. Cahayonyo basinar maskipun kabuik jo abu atmosfer kito mamberikannyo warna kuniang madu nan lembut salamo satu bulan.




#Article 391: Kota Medan (237 words)


Kota Medan adolah ibu kota provinsi Sumatera Utara, Indonesia. Kota iko marupokan kota tagadang di Pulau Sumatera. Kota Medan marupokan pintu gerbang wilayah Indonesia bagian barat dan juo sabagai pintu gerbang bagi para wisatawan untuak manuju objek wisata Brastagi di daerah dataran tinggi Karo, objek wisata Orangutan di Bukit Lawang, Danau Toba.

Ado banyak bangunan tuo di Medan nan masih manyisokan arsitektur khas Balando. Contohnyo: Gaduang Balai Kota lamo, Kantua Pos Medan, Menara Aia Tirtanadi (nan marupokan ikon kota Medan), Titi Gantung - sabuah jambatan di ateh rel kareta api, dan juo Gaduang London Sumatera.

Salain itu, masih ado babarapo bangunan basijarah, antaro lain Istano Maimun, Musajik Rayo Medan, dan juo rumah Tjong A Fie di kawasan Jl. Jend. Ahmad Yani (Kesawan).

Daerah Kesawan masih manyisokan bangunan tuo, co bangunan PT. London Sumatra, dan ruko-ruko tuo sarupo nan dapek ditamukan di Penang, Malaysia, jo Singapura. Ruko-ruko iko, kini alah disulap manjadi sabuah pusek jajanan makan nan rami pado malam harinyo. Kini Pamarintah Kota marancanokan Medan sabagai Kota Pusek Balanjo jo Makanan. Diharokkan jo adonyo program iko manambuah arus kunjuangan jo lamo tingga wisatawan ka kota iko.

Di daerah Kesawan iko, ado Kantua Notaris/PPAT Hj. Chairani Bustami, S.H. nan marupokan salah satu Notaris tatuo di Medan, salapeh Alm. A.P. Parlindungan, S.H. Kini Hj. Chairani alah pensiun dan aktif mangaja di Universitas Sumatera Utara. Aktivitas kantua iko kudian digantikan dek putra-putrinyo nan juo malanjuikan profesi urang gaeknyo sabagai Notaris.




#Article 392: Malala Yousafzai (185 words)


Malala Yousafzai (ملاله یوسفزۍ) Malālah Yūsafzay, lahia (12 Juli, 1997 adolah surang murid sikolah jo aktivis pandidikan dari kota Mingora di Distrik Swat dari provinsi Pakistan Khyber Pakhtunkhwa. Baliau tanamo di bidang pandidikan jo aktivisme hak-hak padusi di Lambah Swat, di mano Taliban alah malarang pado wakatu itu anak gadih basikolah. Pado mulo taun 2009, pado umua sakitar 11 atau 12, Yousafzai manulih di blognyo di bawah namo samaran untuak BBC sacaro mandetail tantang batapo seramnyo hiduik di bawah pamarintahan Taliban, upayo mareka untuak manguasoi lambah, jo pandangannyo tantang mampromosikan pandidikan untuak anak padusi.

Pado tanggal 9 Oktober 2012, Yousafzai ditembak di kapalo jo lihia dalam upayo pambunuahan dek kalompok basinjato Taliban katiko baliak pulang di bus sikolah. Baliau taleso dirawaik di Pakistan sabalun akhianyo ditabangkan ka Inggirih untuak dirawaik di rumah sakik di Birmingham.

Pado tanggal 12 Juli 2013, batapekan jo ulang tahunnyo nan ka 16, Malala bapidato di muko Forum Majelis Kaum Mudo di Markas Gadang PBB di New York, Amerika Serikat. Pidatonyo mamuek tigo isu pantiang, iyolah hak padusi, palawanan tahadok terorisme, jo kabodohan. PBB juo mandeklarasikan hari tasabuik sabagai hari Malala.




#Article 393: Tokyo (214 words)


Tokyo (東京; Tōkyō, harafiah: ibu kota timur) adolah ibu kota Japang sakaligus daerah tapadek di Japang, sarato daerah metropolitan tagadang di dunia manuruik jumlah panduduaknyo (33.750.000 di pakotaan jo sakitarnyo).

Sakitar 12 juta urang tingga di Tokyo jo ratusan ribu lainnyo bapulang pai satiok hari dari daerah sakitarnyo untuak bakarajo jo babisnis di Tokyo. Tokyo adolah pusek politik, ekonomi, budayo, jo akademis di Japang sarato tampek tingga kaisar Japang jo kurisi pamarintahan nagara, jo sakaligus marupokan pusek bisnis jo finansial utamo untuak saluruah Asia Timur.

Tokyo punyo jauah labiah saketek gaduang pancakar langik dibandiangkan jo kota lain nan saukurannyo dek karano paraturan konstruksi gampo buminyo. Bangunan di Tokyo kabanyakan tadiri dari apartemen tingkek randah (6 hinggo 10 lantai) jo rumah kaluargo nan sampik. Tokyo juo marupokan lokasi sistem transportasi massal paliang kompleks di dunia, dan tanamo dek jam-jam sibuknyo nan padek.

Tokyo sacaro harafiah baarati ibu kota timur dalam bahaso Japang, arati nan balawanan jo ibu kota lamo di barat, Kyoto, nan dinamokan saikyo, baarati ibu kota barat untuak jangka wakatu nan pendek pado abad ke-19. Hinggo taun 1870-an, Tokyo banamo Edo. Katiko pusek kakaisaran bapindah dari Kyoto ka Edo, namonyo pun diganti.

Barikuik adolah kota nan punyo hubuangan kota kamba jo Tokyo:

Salain itu, Tokyo punyo ciek pajanjian partnership jo London, Britania Raya.




#Article 394: Tony Abbott (179 words)


Anthony John Tony Abbott () adolah surang politikus dari Partai Liberal Australia nan tapiliah sabagai Pardano Mantari tapiliah Australia pado 7 September 2013, mangalahkan pardano mantari sabalunnyo, Kevin Rudd. Liau alah manjadi anggota parlemen untuak Warringah sajak taun 1994.

Sabalun masuak ka Parlemen, liau mandapekan gala Sarjana Ekonomi jo Sarjana Hukum di Universitas Sydney, kudian liau mandapek beasiswa Rhodes di Universitas Oxford, Abbott sukses maraiah gala master untuak studi politik jo filsafat.  Sabalun masuak ka dunia politik pado 1990, liau pernah manjadi seminaris Katolik Roma lalu bakarier sabagai wartawan. Baliau pandai manulih features untuak The Bulletin jo The Australian.

Tony Abbott patamo ditunjuak masuak dalam kabinet pado taun 1998 di bawah pamarintahan John Howard, sabagai Mantari Pakarajoan, Hubuangan Karajo, jo Bisnis Kaciak. Pado taun 2003, liau manjadi Mantari Kasihatan jo Usia Lanjuik, hinggo kakalahan Pamarintah John Howard di pamilu 2007. Salapeh mangalahan Malcolm Turnbull  sabagai Pamimpin Partai Liberal Australia dan manjadi Pamimpin Oposisi, liau mamimpin partainyo malalui pamilu 2010. Pado pamilu 7 September 2013, partainyo manyingkiakan Kevin Rudd jo Partai Buruah-nyo, jo skor 88 versus 57 kurisi di parlemen.




#Article 395: Pardana Mantari (114 words)


Pardano mantari adolah katua mantari atau sasaurang nan mangapaloi sabuah kabinet pado sabuah nagara jo sistem parlementer. Biasonyo dijabaik dek surang politikus, walau di babarapo nagara, pardano mantari dijabaik dek militer. Dalam banyak sistem, pardano mantari ado hak mamiliah jo mambarantian anggota kabinetnyo, jo mambarikan alokasi jabatan tasabuik ka urang nan dipiliahnyo, baiak itu karano kasamoan partai maupun faksi politik.

Jabatan nan sapangkek jo Pardano Mantari yakni Kanselir, Taoiseach, Ulu.

Indonesia pernah mangalami adonyo jabatan pardano mantari, dimuloi sajak Kabinet Sjahrir I nan dikatuoi dek Sutan Syahrir pado tanggal 14 November 1945, dan diakhiri dek Kabinet Djuanda pado tanggal 10 Juli 1959 nan dipimpin dek Djuanda Kartawidjaja jo kaluanyo Dekrit Presiden 5 Juli 1959.




#Total Article count: 395
#Total Word count: 164243