#Article 1: Somalia (223 words)


Somalia es un pais en Africa.

La area es sirca 637,657 cilometres cuadrida.

La cuantia de abitores, en la anio 2007, ia es sirca 9,118,773 persones.

La site capital es Mogadishu.

La linguas major es somali (85%), bantu e otra linguas (15%).

En anticia, Somalia ia es un sentro comersial importante. Lo ia es un de la locas la plu probable de la pais Punt. En la eda medieval, imperos somali potiosa diversa ia domina la comersia rejional, incluinte la Impero Ajuran e la Sultania de Geledi. En la tarda de la sentenio 19, par un serie de tratas con esta renas, la imperos brites e italian ia gania controla de partes de la costa e ia institui la colonias brites e italian de Somaliland. 

De 1991, Somalia no ia ave un governa cual controla la pais intera. En la norde, la rejion de Somaliland ia declara autonomia en acel anio. Puntland es un otra rejion cual ia declara nondepende.

Somalia ave 10 milion persones. Multe es nomada. Sua site la plu grande es la capital, Mogadishu.

Tra sentenios, la somalis ia produi obras notable de leteratur muslim. Con la adota de la alfabeta latina en 1972 par la somalis, scrivores somali diversa ia publici novelas, de cual alga ia es lodada par la mundo. Un de la plu notables es Nuruddin Farah.




#Article 2: Sona (536 words)


Sona es un lingua aidante internasional creada par Kenneth Searight e descriveda en sua libro publicida en 1935. La parola sona en la lingua sinifia un cosa neutra e aidante, e eco parolas como sona en multe linguas european.

Searight ia crea sona per coreta la eurosentrisme de otra linguas natural de sua eda, como esperanto e ido. Ance, el ia intende ce sona es plu pratical ca la linguas lojical como solresol e ro.

La lingua ave 375 radises, fundida en la tesoro orijinal de Roget. Otra parolas es creada par junta esta radises. Per esemplo, ra (mas) plu ko (enfante) deveni rako (xico).

La libro par Searight - Sona: an auxiliary neutral language - es la sola esemplo de la lingua. Lo ave un comunia peti a la interede ce es interesada en revive e usa de sona.

La alfabeta per sona ave 24 leteras, pronunsiada como en elefen, con esta esetas:

Un e in es ance usada per indica move a e de:

Otra determinantes:

Ha es ance usada per crea esclamas:

Alga nomes de cosas es simple un radis: bo (carne), di (parte), mo (fruta), te (mano), pe (pede). Ma sona ave ance afisas per distingui un radis nomin de un radis verbal:

Pe: tena (un estende) ma tega (bras). Como un prefisa, ga- sinifia alga cosa de la corpo, pe, gase (oio).

Pe: cebi (clave), tebi (manico)

Pe: dia (sal), dima (distrito), dica (area), dikan (aparte).

Pe: kari (media-dia), kane (xefia), kada (gida), kavi (superioria).

La cuantia de un nom no es sempre indicada, e nunca pos un numero. Pluralia pote es indicada par la sufisa -e. La prefisa e- sinifia multe, cada, o frecuente.

Sona ave un morfema -na cual opera como la xines clasintes: cana ibo (cuatro testas de boves), atuna velen (oto pajes de paper), etc.

Un nom ante un otra nom cuali o defini lo, ma un ajetivo vera es formida con la sufisa -(y)o, pe tayo (grande), kanyo (de casa), suo (acual, acuin).

Per compara ajetivos:

Otra formas per compara:

Un pronom cual es la sujeto de un frase presede, o es prefisada a, la verbo. Un pronom cual es la ojeto segue, o es sufisada a, la verbo. La ojeto direta segue direta, e la ojeto nondireta segue pos la ojeto direta. Un pronom pote presede, o es prefisada a, un nom per indica posese.

La pronom de relata es ci (cual). Lo pote refere a un person, cosa, loca, tempo, modo, spesie, o cuantia:

Como un prefisa, ci- sinifia alga o tan:

Demandas es formida con la usa de -ke-- (ce?). Como un prefisa, lo forma un demanda direta:

Como un sufisa, la parola presedente deveni un demanda:

La nega es formida par na-:

La prefisa non- indica la oposa:

Sona ave multe radises per usa como preposadas:

Sona ave ance un preposada jeneral po (su, asta, a, en, per...) per usa en casos ambigua.

Un esemplo: ru (move)

Sona ave tre verbos aidante:

Un otra radis usosa es -ni-. Como un prefisa, lo indica capasia. Como un sufisa, lo indica la pasiva:

Otra afisas verbal inclui:

Kenneth Searight (1935) Sona: an auxiliary neutral language. Publicida a la interede par Richard K. Harrison a 




#Article 3: Spirito (330 words)


Spirito (un la usa de la parola en lfn) refere a un aspeta noncorpal de un person (o otra vivente), a veses tratada como continua esiste pos mori. Otra sinifias inclui otra esentes nonmaterial, como anjeles o demones, o un cualia de Dio. Lo es usada ance como un metafor per la esense de alga cosa, an si no espresada clar.

La spirito, en multe tradisiones relijiosa, filosofiste, e mitolojial, es la esense noncorpal de un vivente. En Elas antica, la spirito o psice (ψυχή psūkhḗ, de ψύχειν psū́khein, respira) es la capasia mental de un vivente, incluinte razona, carater, emosia, consensia, persepi, pensa, etc. Dependente de la sistem filosofial, un spirito pote es o mortal o nonmortal. En la relijios abramica, sola umanas ave spiritos nonmortal, ma en alga setos, animales pote ave un spirito mortal. En la eda moderne, multe persones crede ce alga animales ave ance spiritos nonmortal.

Otra relijios, como Induisme e Jainisme, crede ce tota viventes, an la baterias la plu peti, ave, o plu esata es spiritos se mesma (nomida atman o jiva), e ave sua representa fisical - la corpo - en la mundo. La person vera es la spirito, e la corpo es sola un mecanisme per esperi la carma de acel vive. Algas crede ce an esentes nonbiolojial (rios, montes) ave spiritos, un crede nomida animisme. Filosofistes elinica, como Socrate, Platon, e Aristotele, crede ce la spirito (psice) debe ave un un capasia per razona, la usa de cual es la ata umana la plu divin. A sua prosede de defende, Socrate ia resoma sua instruis par dise ce Atinanes debe esele en consernas de la psice, car tota bones fisical depende de tal esele (Apolojia 30)

La acorda entre siensistes moderne es ce on ave no evidentes per suporta la esiste de la spirito. En metafisica, la conseta de spirito pote es a veses tratada como egal a la mente, per refere a la consensia e inteleto de la individua.




#Article 4: Spokil (413 words)


Spokil es un lingua creada par Adolphe Nicolas, un dotor a barcon de la Bourboule, Frans. Un volapukiste, el ia comensa labora sur spokil en 1890, e ia publici un libro sur lo. A un confere en Paris en 1907, el ia es permeteda defende sua lingua. Otra linguas presentada a la confere inclui esperanto, parla, bolak (la Langue bleue), idiom neutral, e un lingua nova introduida ido.

Como volapuk, spokil es un combina de a priori e a posteriori, pe, lo inclui la influe de linguas real (spesial la linguas romanica e germanica) e de creas tota nova.

Spokil ave 21 leteras:
Como esperanto, la roles de parolas ave sufisas fisada:

Lo ave tre articles: le (la), ne (un), e me (alga).

La nomes no cambia per casos. La plural es -s, ma lo pote es ajuntada a la nom, la article, o a otra determinantes.

Ajetivos no cambia.

La pronomes personal es estas:

La ajetivo de posese es formida par ajunta la sufisa per ajetivos (-o). La pronom de posese es formida par presede la ajetivo par la article (le).

Verbos no varia per person. Los ave esta sufisas per indica tempo e aspeta:

On pote ance forma la tempo e aspeta de verbos par usa la infinitivo segueda par l- e la sufisas a supra:

La vose pasiva es creada par ajunta la sufisa -en ante la sufisa per tempo o aspeta:

La aspeta continuante es creada par ajunta la sufisa -iz ante la sufisa per tempo o aspeta:

Ambos la vose pasiva e la aspeta continuante pote es usada con la particula l-:

La partisipio ativa es formida como esta:

La partisipio pasiva es formida par ajunta -en:

On pote usa la verbo aidante de (ave) per crea plu tempos e aspetas.

Comandas es formida par usa la particula vi:

La sinifia jeneral de un parola es portada par un, du, o tre consonantes, e la sinifia plu esata par un o du vocales. Per esemplo:

Par ajunta vocales, on crea parolas propre:

Pos esta radises, on ajunta la sufisas gramatical:

Ave ance sufisas spesial:

On pote ance crea parolas composada:

Mael nio, kui vai o les zeal;Aepseno lezai tio mita.Veze lezai tio tsaeleda.Feleno lezai tio bela,uti o zeal itu o geol.Demai da ni itu ebilai da gelenelas nio.E no apidai ni o fismena.Stu nibai ni le sfail.




#Article 5: Sranan (lingua) (440 words)


Sranan (Ance sranan tongo (leteral: lingua sranan), creol sranan, taki taki) es un lingua creol parlada como un lingua franca par sirca 400 000 persones en Suriname. Lo es la lingua propre de la popla creol. En la pasada, sranan ia es clamada nengre o negerengels (nederlandes per engles de negras). Car esta lingua es usada ance par la comunias nederlandes, djava, indi, e xines, la plu de persones en Suriname parla sranan.

Sranan ave un vocabulo derivada prima de engles con alga parolas nederlandes. La gramatica es simple e sembla la gramatica de otra creoles.

A, B, D, E, F, G, H, I, K, L, M, N, O, P, R, S, T, U, W, Y.

La vocales es jeneral como en elefen. Un asentua supra la E (è) indica [ɛ]. Ditongos inclui AY, EY, OY, UY, AW, e OW.

La consonantes es jeneral como en elefen. K ante I o E es pronunsiada como [c] (prosima como tx), e TY es usada per esta sona ante A, O, o U. G ante I o E es pronunsiada como [ɟ] (prosima como dj), e DY es usada per esta sona ante A, O, o U.

C, J, Q, V, X, e Z no es usada en sranantonga.

Nomes no cambia per indica seso, pluralia, etc.

Lo usa tre articles: a (la, nonplural), den (la, plural), wan (un):

Nota ce a e den es ance usada per el, lo, e los!

Otra determinantes inclui disi (esta) e dati (acel), ce segue la nom:

Verbos no cambia per indica person, pluralia, tempo, aspeta, o modo. On usa averbos per esta roles.

La presente es indicada par e:

La pasada es indicada par ben, o par usa la verba solitar:

La futur es indicada par sa, o, o e go (la plu poplal):

Alga combinas es posable, ma no comun usada:

Sranan distingui entre du formas de es - de e na:

Na deveni a ante no:

Con completintes ajetival, on no usa un forma de es:

Sranan usa verbos en combinas ce ave sinifias nova:

Nota ce gi sinifia e dona e per:

Esta frase ave sinco verbos!

En es usada en loca de a per la ojeto de un verbo o preposada:

Nota ce a e es scriveda a-e e es pronunsiada ai.

La mesma formas es usada per determinantes de posese:

Pronomes de demanda:

Fa es usada con verbos; o con otra parolas:

Otra pronomes:

Preposadas pote es usada en du modos:

La forma du a supra es xef usada con pronomes personal. Ma on pote vide ance esemplos como esta:

Frecuente, la juntas es cadeda, como en esta espresa:




#Article 6: Srilanca (332 words)


Srilanca (ofisial la Republica Sosialiste Democrata de Srilanca) es un pais de isola en Asia sude. Lo es situada a sude-este de Barat e a norde-este de Divehi.

La isola conteni multe cultures, linguas e etnicos. La majoria de la popla es sinala, ma un minoria grande de tamiles ia fa ance un rol influente en la istoria de la isola. En ambos grupos, cristianes es convertidas resente ci ia reteni la cultur tradisional. Moros, burgeres, melaius, jonguos e la vedas nativa es ance grupos instituida sur la isola.

La istoria documentinda de Srilanca estende tra 3000 anios, con atesta de colonias umana preistorial a 125 000 anios ante aora, cisa plu. Lo ave un erita cultural rica, e la scrivedas budiste prima conoseda de Srilanca, la Canon Pāli, veni de la Consilio Budiste Cuatro en 29 aec. La loca jeografial e portos profonda de Srilanca ia dona a lo un importa stratejial grande de la eda de la Via de Seda antica asta la Via de Seda maral moderna.

De la comensa de la rena colonial brites asta 1972, Srilanca ia es nomida Ceylon.

La constitui presente defini la sistem political como un republica e un stato unial governada par un sistem semipresidental. Lo ia ave un istoria longa de engrana internasional, como un membro fondinte de la Asosia Sude-Asian per Coopera Rejional, e como un membro de de la Nasiones Unida, la Comunia de Nasiones, la G77 e la Promove Nonaliniada. Srilanca e Divehi es la sola du paises de Asia sude cual ave un grado alta en la Indise de Developa Umana; esta grado de Srilanca e sua revenu per person es la plu altas entre la nasiones de Asia sude.

La capital leginte, Sri Jayawardenepura Kotte, es un suburbe de Colombo, la capital comersial e la site la plu grande.

La area es sirca 65,610 cilometres cuadrida. La cuantia de abitores, en la anio 2007, ia es sirca 20 926 315 persones.

La linguas major es sinala (74%) e tamil (18%).




#Article 7: Statos Federada de Micronesia (381 words)


La Statos Federada de Micronesia (SFM) es un pais de isolas e un stato asosiada de la SUA en la ueste de la Mar Pasifica. Lo es composada de cuatro statos: de ueste a este, Yap, Chuuk, Pohnpei e Kosrae. En junta, los conteni sirca 607 isolas (un area combinada de tera de sirca 702 km²) cual estende tra un distantia lonjitudal de cuasi 2700 km² pico a norde de la ecuator.

Los es a norde-este de Gine Nova, a sude de Guam e la Isolas Mariana, a ueste de Nauru e la Isolas Majel, a este de Belau e la Pilipinas, a sirca 2900 km a norde de Australia este, e a sirca 4000 km a sude-ueste de la isolas major de Hawaii.

An si la area intera de tera de la SFM es alga peti, lo ocupa plu ca 2 600 000 km² de la Mar Pasifica, tal ce la pais ave la zona economial escluinte 14 de la plu grandes de mundo. La capital es Palikir, situada sur Isola Pohnpei, e la site la plu grande es Weno, locada en la Atol Chuuk.

Cada de sua cuatro statos es sentrida sur un o plu isolas major e alta, e tota estra Kosrae inclui multe atoles plu distante. La Statos Federada de Micronesia es estendeda tra un parte de la Isolas Caroline en Micronesia, un rejion plu grande cual es composada de miles de isolas peti, divideda entre paises diversa. La parola Micronesia pote refere o a la Statos Federada o a la rejion intera.

La SFM ia es un parte de la Teritorio Fidusial de la Isolas Pasifica (TFIP, un Teritorio Fidusial de la Nasiones Unida, dirijeda par la SUA), ma lo ia formi sua propre governa constitual a 10 maio 1979, deveninte un pais pos ateni autonomia a 3 novembre 1986 su un Acorda de Asosia Libre con la Statos Unida. Otra grupos de isolas visina, ance membros pasada de la TFIP, ia formi sua propre governas constitual e ia deveni la Republica de la Isolas Majel e la Republica de Belau. La SFM ave un seja en la Nasiones Unida.

Sua popla, en la anio 2007, ia es sirca 107 862 persones. La linguas major es engles (ofisial e comun), trukes, pohnpeian, yapes, kosrean, ulithian, woleaian, nukuoro e kapingamarangi.




#Article 8: Statos Unida de America (1053 words)


La Statos Unida de America (SUA) es un republica federal en America Norde, formida par sincodes statos e un distrito federal. Lo es la pais tre de la plu grandes de la mundo, con 9,83 milion km² e 308 milion abitores. La linguas major es engles e espaniol.

Tra la sentenio 19, la Statos Unida ia desloca la tribus nativa, ia oteni tera de Frans, Espania, Rena Unida, Mexico e Rusia, e ia ajunta la Republica de Texas e la Republica de Hawaii. La disputas entre la sude e la norde sur sclavia e la diretos de la statos ia provoca la Gera Interna American en la desenio de 1860. La vinse par la norde ia preveni la divide de la pais e ia gida la fini de sclavia en la Statos Unida. La Gera Espaniol-American e la Gera Mundal Prima ia confirma la state de la pais como un potia militar. Lo ia emerji de la Gera Mundal Du como la pais prima con armas nucleal e como un membro permanente de la Consilio de Securia de la Nasiones Unida. La resulta de la Gera Fria ia es la disolve de la Uni Soviet, lasante la Statos Unida como la sola suprapotia. La SUA fa 43% de la spende militar global e lo es la fortia prima, cultural, political e economial en la mundo.

En 1492, Cristoforo Colombo, contratada par la renores espaniol, ia ariva a alga isolas de la Mar Caribe e ia contata la poplas orijinal a la ves prima. A 2 april 1513, la concistor espaniol Juan Ponce de León ia ariva a lo cual el ia nomi La Florida (la ariva prima a la Statos Unida moderna par europeanes). La colonias espaniol en la rejion ia es segueda par otras en la sude de la Statos Unida. Comersiores franses ia fundi colonias sirca la Lagos Grande. La colonias engles prima ia es la Colonia de Virginia en Jamestown en 1607 e la Colonia de Plymouth en 1620 (de la Peregrinores). La constitui en 1628 de la Colonia de la Baia de Massachusetts ia resulta plu migrores, e en 1634 England Nova ia ave 10 000 puritanes. Entre la tarda de 1610 e la Revolui American, 50 000 condenadas ia es portada a la colonias american. Comensante en 1614, la nederlandeses ia coloni la parte basa de la Rio Hudson, incluinte Amsterdam Nova sur Isola Manhattan.

En 1674 la nederlandeses ia sede sua tera american a England, e la provinse de Nederland Nova ia es renomida New York. En la sentenio 18, sclavos african ia es la fonte prima de labora. Con la divide de Carolina en 1729 e la coloni de Georgia en 1732, la des-tre colonias brites ia es instituida. Tota ia ave governas local con elejes per omes libre e con un suporta grande per republicisme. Tota ia legali la comersia de sclavos. Un promove per revive cristianisme de la anios 1730 e 1740, conoseda como la Velia Grande, ia nuri interesa sur relijio e libros relijiosa. En la Gera de Sete Anios, la fortes brites ia ataca Canada franses e ia prende lo de la franseses, ma la popla de lingua franses ia es permanente isolida de la colonias sude. En 1770, la des-tre colonias ia ave 2,6 milion abitores.

Problemes entre la colonistes american e la briteses entre la periodo revoluiste de la anios 1760 e 1770 ia provoca la Gera Revoluiste American (1775–81). A 14 junio 1775, la Congresa Continental, conveninte en Philadelphia, ia constitui un Armada Continental su la comanda de George Washington. Proclamante ce tota la omes es creada como egal con alga diretos nonalienable, la Congresa ia adota la Declara de Autonomia, scriveda par Thomas Jefferson, a 4 julio 1776. Esta data es selebrada en cada anio como la Dia de Autonomia de la Statos Unida de America. En 1777, la Articles de la Federa ia stabli un governa debil cual ia opera asta 1789.

Britan ia reconose la autonomia de la Statos Unida pos sua defeta en Yorktown. En la trata de pas de 1783, la autonomia american ia es reconoseda de la costa atlantica a la rio Mississippi. La nasionalistes ia gida la Confere de Filadelfia de 1787 en cual la Constitui de SUA ia es scriveda. Lo ia es validida en reunis statal en 1788.

La tera continental de la Statos Unida es 770 milion ectares. Alaska, fisical separada de la Statos Unida par Canada, es la stato la plu grande con 150 milion ectares. Hawaii ave 1,6 milion ectares. La SUA es la pais tre de la plu grandes de la mundo, pos Rusia e Canada.

La Statos Unida ave 50 statos.

La site capital es Washington (uaxington), en la Distrito de Columbia.

La Statos Unida es la federa la plu vea de la mundo. Lo es un republica con constitui e un democratia represental. 

Lo ave tre niveles de governa: local, statal e federal.

La governa federal ave tre ramos:

La legeria es divideda entre du partes: la Casa de Representores ave 435 membros; la Senato ave 100 membros.

En tota sua istoria, la Statos Unida es dirijeda par la presidente.

La presidente aora es Donald Trump. La presidentes presedente ia es Barack Obama e George W. Bush.

La Statos Unida es un nasion secular; la Cambia Prima de la Constitui de la Statos Unida garantia la eserse libre de relijio e proibi la institui de cualce relijio par la stato. En un studia de 2002, 59% de americanes ia dise ce relijio ave un rol multe importante en sua vive. Longo un studia de 2007, 78,4% de adultes ia dise ce los es cristianiste. 51,3% es protestantes, ma catolicisme es la ramo de cristianisme la plu grande, con 23,9% de adultes.

La instrui publica american es dirijeda par la governa statal o local e regulada par la Departe de Instrui de la Statos Unida.

La Statos Unida ave un rol major en rexerca siensal e inova tecnolojial de pos la sentenio 19. En 1876, Alexander Graham Bell ia oteni la patenta prima american per la telefon. La laboreria de Thomas Edison ia developa la fonograf.

Con la ariva de nazisme, multa siensistes european ia move a la Statos Unida. Aora la enormia de la suporta finansial de rexerca e developa (64%) veni de la campo privata.




#Article 9: Stoicisme (204 words)


Stoicisme (de la parola elinica στοά stoa, serie de colonas) ia es un scola de filosofia fundida par Zeno Citieus de Cipros sirca 300 aec. La scola ia reseta esta nom car sua instruores prima ia instrui a interna de un serie de colonas en la agora de Atina.

Tra la anios, la opinas de la stoicistes ia cambia gradal; on deteta stoicisme antica, media, nova. An tal, comandas ia permane; nos pote nomi los prinsipe elemental.

Tota cosas esistente es desendeda con la foco. Acel foco es ance nomida la eter. Tota materias es aspirada par logos: donce en la universa on pote trova trasas de razona divin, la causa e la favore divin de tota la cosas e persones. Umanas debe es un parte de la spirito de tota e xerca par razona la bonia suprema. Per segue la bonia suprema, on debe modera sua spirito. Si on fa tal, on va aseta ataraxia, apatia, autarcia, e alora on pote vive felis. La comunia de umanas es de importa masima. Si no tota persones fa la labora a la mesma tempo, nun pote ateni un vive felis; donce, per la romanes, stoicisme ia es cuasi un scola publica dedicada a la republica.




#Article 10: Stomaco (344 words)


La stomaco es un parte de la curso gastrointestinal.  La rol de la stomaco no es la asorbe de nurintes, un taxe per la intestines.  Sua rol es la rompe de moleculas grande de gras afin los pote es asorbeda plu fasil par la intestines.  La nomes latina per la stomaco ia es ventriculus e gaster; multe parolas medical relatada a la stomaco usa gastro-. La parola stomaco orijina como στόμαχος en elinica clasica.

La stomaco de umanas es un ambiente multe asidosa – con pH de 1,5–2 par causa de la secrete de asida idroclorica (HCl) – con enzimas dijestal peptidase como pepsin.  En fato, la stomaco pote secrete 2 a 3 litres de jus gastral per dia.  La HCl comensa la cataboli de protenas, per desenrola la molecula afin otra enzimas pote rompe la protenas asta aminoasidas.  Esta prosede cambia un bal de comeda a un materia mol nomida cimo.

La stomaco es situada entre la esofago e la parte prima de la intestin magra (la duodeno).  Lo es a la lado sinistra de la caveta adomenal, e sua fondo resta su la diaframa.  Su la stomaco es la pancreas, e la omento grande pende de la curva grande de la stomaco.

Lo es divideda en cuatro partes, de cual cada ave selulas e funsionas diferente.  La partes es:

Du valvas de musculos lisa es situada a la entra e la sorti de la stomaco:  la sfinter cardial (o sfinter esofagal) a la entra; e la sfinter piloral a la sorti.

La asida gastral es tan asidosa ce lo pote dana la surfas interior de la stomaco, creante un ulsera gastral.  Plu resente, siensistes ia descovre ce ulseras de la stomaco es causada par un infeta de la bateria Helicobacter pilori.  La Premio Nobel per medica de 2005 ia es donada a Barry J. Marshall e Robin Warren per esta descovre importante.

En umanas, la stomaco ave un volum de sirca 50 ml cuando lo es vacua. Pos un come, lo pote estende per conteni entre un e cuatro litres de comeda.




#Article 11: Strutures fundal de linguas (165 words)


On ave modos diversa per descrive linguas. La prima clasi los longo sua strutures gramatical fundal:

Un otra modo de clasi linguas es fundida sur la ordina de parolas en la lingua:

Entre los cual usa posposadas es xines, suomi e esti, multe linguas nonbantu de africa como mandinca, e guarani, un lingua de la americanes orijinal de America Sude. La tre primas ave sua ajetivos ante la nom, e la otras ave la ajetivos pos la nom. Alga linguistes opina ce xines es deveninte un lingua de SOV.

Sola un cuantia peti de linguas pone la sujeto pos la ojeto. Alga linguas de la americanes orijinal de la norde-ueste de la SUA e Canada usa VOS. Ma alga usa preposadas e ajetivos ante nomes, e alga usa posposadas e ajetivos pos nomes.

On ave ance linguas cual usa plu ca un de esta sistemes. La plu notables es tagalog e engles. Ance, alga linguas infletante, como rusce e latina, permete ordinas variosa de parolas.




#Article 12: Suahili (418 words)


La lingua suahili es un lingua bantu parlada par etnicas variosa ci abita estendes grande de la costa de Cenia norde a Mosambic norde, incluinte la isolas de Comori. An si sola sinco milion persones parla suahili como se lingua nativa, la cuantia completa de parlores es plu ca 60 milion persones, car lo es usada como un lingua franca en un parte grande de Africa este. Lo es un lingua nasional o ofisial en sinco nasiones: Tanzania, Cenia, Uganda, Comori, e la Republica Democrata de Congo.

Alga vocabulo en suahili es derivada de arabi tra plu ca 12 sentenios de contata con la abitores de la costa de Africa sude-este cual parla arabi. Lo ia adota ance parolas de farsi, deutx, portuges, engles, e franses par contata tra la sinco sentenios la plu resente.

La ordina de parolas en un frase es sujeto-verbo-ojeto, como lfn.

Suahili ave multe clases e otra afisas, cual comun acorda la un con la otra. Per esemplo, en la frase Mtoto mdogo amekisoma (La enfante peti ia leje lo (un libro)), mtota (enfante) governa la prefisa m- de mdogo (peti) e la prefisa a- de amekisoma (el ia leje lo (un libro)). En amekisoma, -me- sinifia perfeta e -ki- sinifia la ojeto e acorda con la parola implicada, kitabu (libro). Si on vole plurali enfantes, la frase deveni Watoto wadogo wamekisoma, e si on vole plurali ance los (libros), la frase deveni Watoto wadogo wamevisoma.

Como tota otra linguas bantu, suahili usa clases de nomes. Suahili usa 16 clases, con ses per nomes singular, sinco per nomes plural, un per nomes astrata, un per infinitivos, e tre per indica locas.

La verbos de suahili es composada de un radis e alga afisas cual espresa persones, tempos, e suordinas.

Verbos orijinal bantu fini en -a en la modo indicativa. Esta vocal cambia per indica nega e sujuntiva.

La prefisas per sujetos e ojetos umana o animada, con la ma-/wa- (clase umana) en la person tre es...

La prefisas plu comun per tempos es...

La junta si es traduida par -ki-.

Un prefisa tre es la prefisa de ojeto, o como el o como la...:

La sufisa -a indica la moda positiva indicativa. Otra formas aveni con nega e la sujunta, como en sisomi:

Otra casos de esta cambia de la vocal final inclui la sujuntiva con -e, cual opera sola per verbos bantu cual fini con -a.

Otra sufisas es poneda ante la vocal final, pe la aplicativa -i- e la pasiva -w-:




#Article 13: Suaziland (403 words)


Suaziland (ofisial la Rena de Esuatini) es un pais sin costa en Africa. Lo es bordada par Mosambic a la norde-este e par Sudafrica a la norde, ueste e sude. La pais e sua popla prende sua nom suazi de Mswati 2, la re de la sentenio 19 ci ia rena cuando la teritorio suazi ia es grandida e unida.

Con no plu ca 200 cilometres de norde a sude e 130 cilometres de este a ueste, Suaziland es un de la paises la plu peti en Africa; an tal, sua clima e topografia es diversa, variante entre un plano alta cual es fresca e montaniosa e un plano basa cual es calda e seca. La popla es xef composada de suazis etnical, con lingua suazi. Los ia institui sua rena en la media de la sentenio 18 en la rena de Ngwane 3; la fronteras presente ia es desideda en 1881 a media de la Scaramuxa per Africa. Pos la Gera Anglo-Boer, Suaziland ia es un protejoria brites de 1903 asta 1967. Lo ia regania sua autonomia a 6 setembre 1968.

La pais es un monarcia asoluta, renada de 1986 par Ngwenyama (Re) Mswati 3. El es la xef de stato e asinia la ministro xef de la pais e alga representors de ambos salones (Senato e Salon de Asembla) de la parlamento. On fa elejes a cada anio sinco per determina la majorias de la Senato e Salon de Asembla. La constitui presente ia es adotada en 2005.

Suaziland es un pais developante con economia peti, clasida como un pais de revenu media basa. Como membro de la Uni Duanal de Africa Sude e la Mercato Comun per Africa Este e Sude, sua asosior comersial local xef es Sudafrica; per stabli la economia, la mone de Suaziland (la lilangeni) es liada a la rand de Sudafrica.

La popla suazi fronti problemes major de sania: viu/aides e, a grado min forte, tuberculose es defias grave. En 2013, la longia prevideda de vive en Suaziland es la plu basa de mundo (49,18 anios). La popla es relativa joven, con eda media de 20,5 anios. Persones con 14 anios o plu composa 37,4% de la popla intera de la pais. La popla crese presente a 1,195%. En 2007, la pais ia ave sirca 1 133 066 abitores.

La area es sirca 17,363 cilometres cuadrida. La site capital es Mbabane. La linguas major es engles e suati.




#Article 14: Sudafrica (1094 words)


Sudafrica (engles: South Africa), ofisial la Republica de Sudafrica (engles: Republic of South Africa) (RSA), es la pais la plu sude de Africa. Lo ave un linia de costa de 2798 cilometres entre la Mar Atlantica Sude e la Mar Indian. Lo ave fronteras con Namibia, Botsuana e Zimbabue a norde, e con Mosambic e Suaziland a este e norde-este, e lo ensirca la rena de Lesoto. Lo es la pais 25 de la plu grandes de mundo par area, e con sirca 56 milion abitores, lo es la nasion 24 de la plu poplidas. Sirca 80% de la popla es de orijina susaharan, divideda entre un varia de etnicos parlante linguas bantu diversa, de cual nove es ofisial. La popla restante es formida par la comunias la plu grande en Africa de desendentes de europeanes (blanca), asianes (barati) e multirazal (colorida).

La area es sirca 1 219 912 cilometres cuadrida. La cuantia de abitores, en la anio 2007, ia es sirca 43 997 828 persones. La capital es Pretoria. Cape Town es la capital leginte; Bloemfontein es la capital judinte. La linguas major es zulu 23.8%, cosa 17.6%, africans 13.3%, sepedi 9.4%, engles 8.2%, setsuana 8.2%, sesoto 7.9%, xitsonga 4.4%, otras 7.2% (2001).

Colonias de persones de lingua bantu, ci ia es cultivores e pastores, ia es ja presente en la sude de la rio Limpopo (oji la frontera norde entre Botsuana e Zimbabue) en la sentenio 4 o 5 ec. Los ia migra, concistante e asorbente la parlores coisan, la poplas coicoi e san. La bantu ia move lenta a sude. On crede ce la obras en fero la plu temprana de la provinse de KwaZulu-Natal es de 1050. La grupo la plu sude es la cosas, de ci la lingua asorbe cualias lingual de la popla coisan temprana. La cosa ia ariva a la Provinse Este de Capo. En cuando los ia migra, esta poplas la plu grande de la eda de fero ia migra o ia asorbe poplas plu temprana. En Mpumalanga, on ia trova alga sirculos de petras como ance un organiza de petras nomida la Calendario de Adam.

En la tempo de la contata european, la etnico dominante ia es la poplas de lingua bantu ci ia migra de otra locas de Africa a mil anios a ante. La grupos istorial la plu grande ia es la zulus e la cosas.

En 1487, la esploror portuges Bartolomeu Dias ia gida la prima viaja european cual ia ateni Africa sude. En 4 desembre, el ia ariva a la Baia Walfisch (oji Baia Walvis en Namibia). Esta ia es a sude de la loca la plu distante atenida en 1485 par sua presedor, la navigor portuges Diogo Cão (Capo Crus, a norde de la baia). Dias ia continua a sude de la costa ueste de Africa sude. Pos 8 janero 1488, impedida par tempestas de continua longo la costa, el ia naviga estra la vista de tera e ia pasa la punto la plu sude de Africa sin vide lo. El ia vade tan distante longo la costa este de Africa como Rio do Infante, probable oji la Rio Groot, en maio 1488, ma en sua reveni ia vide la Capo, cual el ia nomi prima la Capo de la Tempestas (Cabo das Tormentas). Sua re, Joan 2, ia renomi la punto Capo de Espera Bon (Cabo da Boa Esperança), car el ia gida a la ricias de Indias Este. La ateni de Dias ia es nonmortalida par Luís de Camões en sua epica portuges Os Lusíadas.

En la sentenio 17 temprana, la potia maral portuges ia comensa declina, e la mercatores engles e nederlandes ia compete per esclui Lisboa de sua monopolio profitosa en la comersia de spises. Representores de la Compania Brites de la Indias Este ia veni nonperiodal a la Capo per xerca furnis en 1601, ma plu tarda los ia favore la isola Asende e San Helena como portos de refuja alternativa. La interesa nederlandes ia velia pos 1647, cuando du empleadas de la Compania Nederlandes de la Indias Este (VOC) ia ruina sua barcon ala per alga menses. La navigores ia survive par oteni acua e carne de la nativas. Los ia semi ance alga vejetales en la tera fertil. A sua reveni a Nederland, los ia informa favorente sur la posibles de la Capo como un beneria e jardin per reserva furnis per dona a barcones pasante en viajas longa.

En 1652, a un sentenio e du pos la descovre de la via de la Capo, Jan van Riebeeck ia institui un stasion de comeda en la Capo de Espera Bon, en lo cual ia deveni Cape Town a pos, per la Compania Nederlandes de la Indias Este. La Capo ia deveni la casa de un popla grande de vrijlieden, ance conoseda como vrijburgers (sitadanes libre), empleadas pasada de la compania ci ia resta en la teritorios nederlandes ultramar pos fini sua contratas. La nederlandeses ia importa ance miles de sclavos de Indonesia, Madagasicara e partes de Africa este. Alga de la comunias prima de raza miscada en la pais ia es formida par la uni entre la vrijburgers, sus sclavos, e alga poplas nativa. Esta ia gida a la developa de un etnico nova, la coloridas de la Capo, de ci la plu ia adota la lingua nederlandes e la relijio cristian.

La estende a este de la colonistes nederlandes ia comensa un serie de geras contra la tribu cosa ci ia migra a sude-ueste, car la du ia compete per la teras de pasto (nesesada per sua boves) locada sirca la Rio de la Pex Grande. La vrijburgers ci ia deveni cultivores autonom a la frontera ia es conoseda como boeres, e alga ia adota un modo de vive seminomada, deveninte nomida trekboers. La boeres ia crea militias nonfisada, cual los ia nomi comandos, e ia formi alias con la grupos coisan per repulsa la atacas cosa. Ambos ia lansa atacas sanguosa ma nonconcluinte; e violentia nonperiodal, frecuente acompaniada par fura de bestias, ia resta comun tra alga desenios.

En agosto 2012, un masacra ia aveni a Marikana, en la Provinse Norde-Ueste. La polisia ia fusili matante 34 escavores.

En 2013, la Republica ia envia sirca 400 soldatos a Sentrafrica. En marte, 13 ia es matada en la capital Bangui en combates entre 200 sudafricanes e 1000 rebelores. Esta ia es cisa la ves prima pos la tempo de la governa de apartheid cuando Sudafrica ia interveni militar en un otra pais.

Sportes popular es rugbi e criceta. Futbal es popular, ma la ecipos es debil.




#Article 15: Sudan (450 words)


Sudan (ofisial la Republica de la Sudan) es un pais en Africa norde. Lo es bordada par Misre a la norde; la Mar Roja, Ertra e Itiopia a la este; Sudan Sude a la sude; la Republica de Africa Sentral a la sude-ueste; Txad a la ueste; e Libia a la norde-ueste. Lo es la pais tre de la plu grandes en Africa. La Rio Nilo divide la pais entre duis este e ueste. Ante la Gera Interna Sudani, Sudan Sude ia es un parte de Sudan, ma lo ia deveni autonom en 2011, e aora Sudan es ance conoseda como Sudan Norde. La relijio dominante es islam.

En anticia, lo cual es aora la norde de Sudan ia es la Rena de Nubia, cual ia veni su rena egiptian pos 2600 aec. Un sivilia egiptian e nubian nomia Cux ia flori asta 350 ec. Misionores ia converti la rejion a cristianisme en la sentenio 6, ma un enflue de arabis muslim (ci ia concista ja Egipte) ia controla final la area e ia sustitui islam per cristianisme.

En la desenio de 1500, un popla nomida la funjes ia concista multe de Sudan, e alga otra grupos de africanes negra ia comensa abita la sude. Egiptianes ia reconcista Sudan en 1874, e pos cuando Britan ia ocupa Egipte en 1882, lo ia prende controla de Sudan en 1898, governante en junta con Egipte/Misre. La pais ia es conoseda como la Sudan Angloegipsian entre 1898 e 1955.

La sentenio 20 ia vide la crese de nasionalisme sudani, e en 1953 Misre e Britan ia permete ce Sudan deveni autonom. On ia proclama la autonomia a 1 janero 1956. De pos autonomi, Sudan ia es renada par un serie de governas parlamental e militar nonstable. Su Gaafar Nimeiri, Sudan ia institui leges muslim fundaliste en 1973. Esta ia mali la divide entre la norde arabi (la seja de la governa) e la animistes african negra e la cristianes en la sude. Diferes de lingua, relijio, etnicia e potia political ia eruta en un gera interna nonsesante entre fortes governal (forte influeda par la Fronte Islamiste Nasional) e la rebelores sude, de ci sua partito la plu influente es la Armada de Libri de la Popla Sudani. La pais ia deveni isolida de la comunia internasional par causa de violes de diretos umana, persegues relijial e alegas ce Sudan ia es un loca secur per teroristes. En 1995, la Nasiones Unida ia institui punis contra lo.

La area de Sudan es sirca 1 886 068 cilometres cuadrida, e sua popla en 2008 ia es composada de sirca 30 894 000 persones. La site capital es Khartoum, e la linguas major inclui arabi (ofisial), nubian e ta bedawie.




#Article 16: Sudan Sude (173 words)


Sudan Sude es un nasion sin costa en la rejion Sahel de Africa norde-este. La capital e site la plu grande es Juba, ma la capital va es moveda a Ramciel, cual es plu sentral, en la futur. Sudan Sude inclui la Sudd, un pantan enorme, cual ia es formida par la Nilo Blanca, e es local nomida la Bahr al Jabal.

Sudan Sude e Sudan ia es un parte de Egipte su la dinastia de Muhammad Ali, e ia es plu resente governada como la Condominio Angloegipsian asta la autonomi de Sudan en 1956. Pos la Gera Interna Prima de Sudan, la Area Autonom de Sudan Sude ia es formida en 1972, e ia continua asta 1983. La Gera Interna Du de Sudan fini con la Acorda Completa de Pas de 2005. Plu tarda en acel anio, autonomia ia es restorada.

Sudan Sude ia deveni un stato autonom a 9 julio 2011. Lo es un stato membro de la Nasiones Unida, de la Uni de Africa, e la Autoria Intergovernal de Developa.




#Article 17: Suiz (250 words)


Suiz (deutx: Schweiz, franses: Suisse, italian: Svizzera, rumans: Svizra e latina: Confoedaratio Helvetica) es un pais en Europa. Sua area es sirca 41 290 cilometres cuadrida e la cuantia de popla, en la anio 2006, es sirca 7 523 934 persones.

La site capital es Bern. Lo es un pais federal de 26 statos. La linguas ofisial es deutx, franses, italian e rumans. Lo ave dialetos de Schweizerdeutsch (Suiz-deutx) cual es nonofisial parlada.

Suiz esiste como un stato en sua forma presente de pos la adota de la Constitui Federal Suiz en 1848.

En 1863, Henri Dunant de Geneve ia crea la Crus Roja. En 1859, el ia vide la batalia de Solferino entre la osteraiceses e la sardas, en cual 40 000 persones ia mori o deveni ferida. La orijina de la bandera de la Crus Roja es la bandera de Suiz.

Per 2012 la presidente ia es Sra Evelyne Widmer-Schlumpf (Stato de Graubuenden).

Per 2013 la presidente ia es Sr Ueli Maurer de la Partida de la Popla de Suiz (SVP/UDC) e de la stato de Zürich.

La dia nasional es la prima de agosto. Esta dia recorda la dia suposada en 1291 cuando la Nota Federal (la Magna Carta de Suiz) ia es composada.

Suiz ave cuatro linguas ofisial: deutx, italian, franses e rumans, un lingua romanica cual es un lingua nasional como la tre otras. La governa federal es obligada a comunica en la linguas ofisial, e en la parlamento federal on ave traduis simultan a deutx, franses e italian.




#Article 18: Suomi (116 words)


Suomi (ance nomida Finland) es un republica en Europa.

Sua area es sirca 338 145 cilometres cuadrida.

Sua cuantia de abitores, en la anio 2006, ia es sirca 5 231 372 persones.

La site capital es Helsinki (svensce: Helsingfors).

La lingua major es suomi, un lingua multe difisil.

Linguas: suomi 90% e svensce 5%. Otras: 5%.

Jornales xef: Suomi: Helsingin Sanomat (Novas de Helsinki). Svensce: Hufvudstadsbladet (Jornal de la capital).

Ministro prima (de 2011) es sr. Jyrki Katalainen (Partida de asosia). La governa es un alia de 6 partidos contra sola 2 partidos, la sentrales e la nasionalistes (Suomis vera).

La parlamento ave sola un salon.

Diferente de Noria, Sveria e Danmarc, Suomi es un republica.

Sporte nasional: hoci a jelo.




#Article 19: Suomi (lingua) (3555 words)


Suomi es la lingua parlada par la majoria de la popla en Suomi, e par persones desendeda de suomis estra Suomi. Lo es un de la du linguas ofisial de Suomi e un lingua ofisial minor en Sveria. En Sveria, e suomi normal e meänkieli, un dialeto de suomi, es parlada. La lingua kven, un dialeto de suomi, es parlada en Noria norde.

Suomi es parlada par sirca sinco milion persones, la plu de ci abita en Suomi. On ave ance minorias en Sveria, Noria, Rusia, Esti, Brasil, Canada, e la SUA. Sirca 90% de la popla de Suomi parla suomi como sua lingua prima. La resta, sirca 5.5% parla svensce, sami, o otra linguas.

Suomi es un lingua ofisial de Suomi e de la Uni European.

Suomi es un membro de la familia de linguas finica (en la familia plu grande de linguas uralica) e es un lingua entre la fusante e la aglutinante. Lo altera e infleta nomes, ajetivos, pronomes, numeros, e verbos per indica sua roles en la frase. Lo mostra sua parteni con otra linguas finica en multe aspetas, incluinte estas:

La teoria plu comun per la orijin de suomi e otra linguas finica es ce los veni de la foresta boreal sirca la Montes Ural e/o la curva de la Volga media.

La popla suomi es plu simil a sua visinas cual parla linguas indo-european ca la parlores de sua visinas cual parla sami. Un teoria sujesta ce la popla nativa cual parla un lingua finica ia asorbe un popla de parlores de indo-european cual ia migra a norde e cual adota la lingua finica.

La linguas finica ia evolui de la proto-finica pos cuando la sami ia separa de lo sirca 1500 - 1000 ace. teorias dise comun ce tre o plu dialetos ia evolui en la milenio prima. Ante la eda media, suomi ia es un lingua de parla, ma no de scrive. An pos la eda media, comersia nonlocal ia es conduida en deutx norde media, la lingua de governa ia es sveria, e avenis relijiosa ia es en latina. Suomi ia es sola usada en la vive local de la popla comun.

La esemplo prima conoseda de suomi es de esta eda e ia es trovada en un jornal de viaja de sirca 1450:

Seguente la jornal, un bispo suomi ia es la fonte de esta sita, e lo ave alga eras cual indica un parlor nova. Alora, la prestas ia es, per la plu parte, parlores de svensce.

La dialetos de suomi es divideda a du grupos, la ueste e la este. La dialetos es cuasi tota comprendable con lunlotra, e es distinguida par cambias minor de vocales, diftongos, e ritmo. Per la plu parte, la dialetos opera con la mesma fonolojia, gramatica, e vocabulo. On ave sola un poca de esemplos de sonas o construis gramatical cual es trovada en un dialeto e no en suomi normal. Du esemplos es la fricante dental vosida en la dialeto de Rauma, e la caso esesiva en la dialetos este.

On ave du varias de suomi usada tra la tota pais. La un es la lingua normal (yleiskieli), e la otra es la lingua parlada o comun (puhekieli). La lingua normal es usada en situas formal como parlas political e difusas de novas e es enseniada en la scolas. La lingua normal en sua forma scriveda, la lingua scriveda (kirjakieli) es usada en cuasi tota testos scriveda. La lingua parlada es la varia usada en televide e radio popular e a locas de labora.

Cualias distinguinte de suomi (ance trovada en otra linguas uralica) inclui armonia de vocales e un morfolojia aglutinante. La asentua es sempre a la silaba prima, ma no es multe forte. On ave oto vocales cual pote es corta o longa, indicada par dupli la letera. La colie de consonantes es alga peti e vose no es distinguinte. Consonantes, como vocales, pote es corta o longa, ance indicada par dupli la letera.

Armonia de vocales es un regula en suomi par cual la vocal prima de un parola determina si la otra vocales en la parola (incluinte sufisas) debe es frontal (i, e, ä, y, ö) o dorsal (a, o, u). Un otra regula morfofonetica es ce, si la consonante final es p, t, o k, lo es duplida per un o la otra de la radis nominativa o la radis oblica.

La pronomes personal es sola usada per umanas. Estas esemplos es en la caso nominativa:

Car la verbos conteni inflexas per person e numero, la pronomes usada per la sujeto no es nesesada, e la person prima e du es plu comun ometeda en suomi formal, estra per asentua. En suomi comun, tota pronomes es plu comun usada. Per la person tre, la pronom es nesesada en ambos suomi formal e suomi comun.

En suomi comun, la pronomes se e ne es comun usada per person tre, singular e plural. Simil, mä e sä es usada per minä e sinä

Pronomes de mostra es usada per cosas nonumana, estra ce se e ne es usada en suomi comun.

Un grupo grande de pronomes es la pronomes nondefininte. Suomi no ave pronomes negativa; en loca, la pronom positiva es negada con la verbo de nega ei. Duple negas no es permeteda.

Nota ce cada pronom nesesa sufisas de caso. Elefen no ave un cosa egal a mones. La plu prosima ta es la loca en un ordina.

Alga ajetivos nondefininte es comun videda como pronomes:

La lingua suomi no distingui entra mas e fem o otra distinguis de seso, an en la pronomes personal. Per esemplo, hän es mas o fem, dependente a lo cual on refere.

Suomi ave 15 casos de nomes: cuatro casos gramatical, ses casos de loca, du casos de rol (o tre, en alga dialetos este), e tre casos de asosia. Nota ce un parola en un caso de loca altera un verbo, no un nom.

Nota ce un nom en la comitativa es sempre seguente par un sufisa de posese, ma un ajetivo no es tal: Mies ylellisine taloineen, un om con sua casa/casas lusosa. Ance sola la acusativa de pronomes difere de la nominativa o jenetiva: minut, la forma acusativa de minä, me

Suomi ave tre plurales:

La plural nominativa es la plural definida. La sufisa es -t e lo pote aveni sola en la loca final de la parola, pd, lo es cadeda cuando un sufisa de posese aveni ance.

Pos numeros plu ca un en la nominativa singular, la nom reseta la partitiva singular. Estra esta, la nom e la numero acorda la un con la otra en numero e caso.

La plural infletada usa la radis de la plural partitiva con la mesma finis como la nomes singular. La sufisa es -i-, e vocales longa es supresada; lo pote aveni sola ante un otra sufisa.

La pronomes personal es infletada en la mesma modo como nomes, e pote es trovada en la plu de la mesma casos como nomes. Per esemplo:

Ajetivos en suomi es infletada en la mesma modo esata como nomes, e un ajetivo debe acorda en numero e caso con la nom lo altera. Per esemplo, asi es alga ajetivos

E asi es alga esemplos de ajetivos infletada per acorda con se nomes:

Nota ance ce la ajetivos ave la mesma tipos de cambias de radis como la nomes.

La compara de un ajetivo es formida par ajunta -mpi a la radis. Per esemplo:

Car un ajetivo comparante es ancora un ajetivo, lo debe es infletada per acorda con se nom. Per crea un radis per la forma de compara, la -mpi perde se i final. Si la contesto silabal nesesa un consonante debil, la -mpi deveni -mm-. Alora -a- es ajuntada ante la sufisa de caso (o -i- en la plural). Per esemplo:

La forma superior de ajetivos es creada par ajunta -in a la radis. Per esemplo:

Como la forma de compara, la forma superior debe es infletada per acorda con se nom. La -in deveni o -imma- o -impa (plural -immi o -impi):

Un modo comun per crea averbos es par ajunta la sufisa -sti a la radis de un ajetivo:

Averbos altera verbos, no nomes, e donce los no infleta.

On formi la compara de un averbo con la sufisa -mmin:

La forma superior de la averbo ave la sufisa -immin:

Posposadas es plu comun en suomi ca preposadas.

Posposada indica loca, tempo, causa, resulta, o relata. La nom es plu comun en la forma de posese:

Como con verbos, la pronom no pote es cadeda en la person tre, singular o plural:

On ave alga preposadas importante en suomi. En formulas preposadal, la nom es sempre en la partitiva:

Alga posposadas pote es ance usada como preposadas:

Verbos en suomi es normal divideda entre sete grupos, dependente de la tipo de radis. Tota sete tipos ave la mesma finis, ma la radises ave alga diferes (no grande) cuando infletada

On ave poca verbos noncoerente en suomi. Sola olla (es) ave du formas noncoerente, la singular on e la plural ovat. Otra formas segue de la radis ole-/ol-, pe olet derivada de ole+t (tu es), olkoon, de ol-koon (lasa lo es), etc. Un poca de verbos, como nähdä (vide), tehdä (fa, fabrica), e juosta (core) ave mutas rara de consonantes no derivable de se infinitiva. En suomi como comun parlada, alga verbos comun (mennä, tulla, olla, panna) ave radises noncoerente (mee, tuu, oo, paa, en loca de mene, tule, ole, pane - vade, veni, es, pone en esta ordina).

Suomi no ave un verbo unica per posese (como ave en lfn). Posese es indicada en otra modos, per la plu parte par jenitivas e proposas de esisite. Per posesores animada, la caso adesiva es usada con olla, pe koiralla on häntä (la can ave un coda), leteral sur la can es un coda. Esta es simil a la formas usada en eres e cimri, como es un famia sur me.

Verbos suomi ave formas per presente, nonperfeta, perfeta, e pluperfeta:

Suomi ave du voses per verbos: ativa e pasiva.

La pasiva en suomi es unipersonal, cual es per dise, lo apare sola en un forma, sin regarda ci fa la ata. On pote vide lo como un person cuatro, car lo no inclui un modo de refere a un ajento spesifada. La usa de la vose pasiva no es tan comun en suomi ca in otra linguas, e la vose ativa es prefereda.

Per esemplo: talo maalataan (la casa va es pintada) no ave un modo simple per indica la person ci pinta (la casa va es pintada par Jim. On pote usa un parola toimesta (par la ata de), un imita de svensce, pd talo maalataan Jimin toimesta (la casa va es pintada par la ata de Jim), ma lo no es videda como un espresa normal. Par tradision, un proposa pasiva no ave tecnical un sujeto.

En suomi comun, la pasiva es usada en loca de la person un plural en la indicativa e la imperativa, pd, me mennään (nos vade) e mennään! (ta ce nos vade).

En frases de person zero, indicada en lfn par la pronom on, usa ance la pasiva:

La indicativa es la forma de la verbo usada per declaras o demandas. La conjuga es cuasi regulal. Per esemplo, per puha (parla):

Per forma la negativa, on usa en, et, ei, emme, ette, eivät, ante puhu.

Per la nonperfeta, on usa puhu + -i- + -n, -t, -u, etc.

Per la nonperfeta negativa, on usa en, et, ei, etc, ante puhu- + ...

Per la pluperfeta, on usa olin, olit oli, olimme, olitte, olivat, ante puhunut.

Per la pluperfeta negativa, on usa en, etc ante...

... ante puhunut.

La ipotesal espresa la idea ce la ata o state indicada par la verbo es posible ma no serta. Lo es usada en suomi en frases dependente (pe, me ta dise lo a tu si me ta recorda) e en demandas cortes (pe, me ta gusta alga cafe). En suomi, la modo ipotesal debe es usada en ambos proposas de la frase:

En la morfolojia de suomi, la ipotesal ave isi entre la radis e la fini personal:

Formas ipotesal esiste per voses ativa e pasiva, e per tempos presente e perfeta.

La modo imperativa (modo de comanda) es usada per espresa comandas. Lo ave sola un tempo (la presente-futur), ma pote varia per alga otra casos:

La imperativa ativa per person du (pe fa lo! o no fa lo!) es la tempo presente sin alga fini personal (pd, sutrae la -n de la person prima singular, etc)

Per fa esta negativa, älä es ajuntada ante la forma positiva:

Per la plural, ajunta -kaa o -kää a la radis:

Per fa esta negativa, älkää es ajuntada ante la forma positiva, e la sufisa -ko o -kö es ajuntada a la verbo:

Suomi no ave un espresa simil a per favore. La egal es ce on usa o ole hyvä o olkaa hyvä (es bon...), ma lo es normal oblida. Cortesia es normal indicada par la tono de la vose, espresas de la fas, e la usa de verbos dependente e nomes partitiva. Per esemplo, voisitteko sinifia tu ta pote..., pe voisitteko auttaa ta ce tu pote aida me, per favore?

Ance, otra espresas (no tan cortes) pote es ajuntada a imperativas: Menes sinifia la espeta, pd, la demanda no nesesa discute; menepä ave la -pa, cual indica insiste; e menehän ave la -hän cual indica sertia.

Imperativas pasiva:

Imperativas en la person tre:

Imperativa en la person un:

Esta sona antica, e un forma de la indicativa pasiva es comun usada en loca: mennään! = ta ce nos vade!

The optative mood is an archaic or poetic variant of the imperative mood that expresses hopes or wishes. It is not used in normal language.

La modo optativa es un varia antica o poesial de la modo imperativa cual espresa esperas o desiras:

La modo potential es usada per espresa ce la ata o state es posible ma no serta. Lo es cuasi rara en suomi moderna. La forma es normal fada par ajunta -ne entre la radis e la fini personal. Lo esiste per la voses ativa e pasiva, e per la tempo presente e perfeta:

La eventiva no es usada en suomi moderne, ma pote es trovada en la Kalevala. Lo es un combina de la potential e la dependente.

Verbos suomi ave cuatro infinitivas:

La infinitiva prima es usada en la disionarios suomi. Lo es marcada par la sufisa -a o -ä, a alga veses con alteras. Lo ave sola formas ativa.

La infinitiva du es usada per espresa aspetas de atas en relata a la tempo o la modo de la ata. Lo es formida par ajunta e en loca de a/ä. Acel es segueda par alga sufisas de caso.

La forma inesiva es videda plu en suomi scriveda. Suomi parlada espresa comun la mesma idea par usa du proposas juntada par kun (cuando). La instrutiva es an plu rara e es normal espresada par espresas como toisin sanoen (en otra parolas).

La infinitiva tre es simil a la jerundio en engles (la forma de -ing), e ata como un nom cual pote es infletada en alga casos. Lo es ance usada per refere a un ata spesifada o la ves de la ata. Lo es fada par usa la radis forte de la verbo e ajunta ma segueda par la caso.

La infinitiva tre es normal sustituida par la infinitva prima en suomi moderne.

La infinitiva cuatro es rara aora. Lo es formida par ajunta minen. Aora, on usa plu comun parolas como pitää e täytyy cual ave la mesma sinifia. Per esemplo:

Un plu comun usa de -minen no es un infinitiva ma un nom verbal cual dona la nom de la ata cual la verbo descrive. Lo pote es infletada como cualce otra nom.

On ave un infinitiva sinco cual es multe rara, e cual ave la sinifia es a punto de.... Per esemplo:

Verbos suomi ave partisipios en la tempos pasada e presente e la voses ativa e pasiva, e un partisipio per la ajente. Los pote aseta un ojeto.

La partisipio pasada pasiva:

La partisipio pasada ativa – -nut/-nyt:

La partisipio presente pasiva – -a/-ä:

Otra esemplos:

Partisipio presente ativa – -va/-vä:

La partisipio de la ajente:

Esta es formida como la infinitivo tre, par ajunta -ma o -mä a la radis. Per esemplo:

Indicativa presente: Per esta, on usa un verbo de nega ante la verbo en la tempo presente:

Per la nega de la presente pasiva, on usa la person tre singular de la verbo de nega e la presente pasiva de la verbo con la -an sutraeda:

La nega de la indicativa nonperfeta es la verbo de nega segueda par la partisipio pasada ativa:

La nega de la nonperfeta pasiva es formida con la verbo de nega e la partisipio presente pasiva:

Car suomi es un lingua infletada, la ordina de parolas en frases pote es multe plu libre ca, per esemplo, elefen. En elefen, la ordina forte de sujeto-verbo-ojeto indica la rol de un nom como sujeto o ojeto. En suomi, la rol de la nom es indicada par marcas de caso cual indica sujeto e ojeto. An si la ordina la plu neutral en suomi es sujeto-verbo-ojeto, la tema de la frase es plu comun a la comensa.

Esta es frase cual introdui un sujeto nova. Los comensa comun con lo es o on ave en elefen. La loca de la cosa nova veni prima, segueda par la verbo stativa, segueda par la cosa se mesma.

On ave du modos per formi demandas: la usa de un parola de demanda, o la ajunta de la sufisa -ko/-kö a un de la parolas de la frase. Un parola de demanda veni prima en a frase, e un parola con la sufisa de demanda es ance moveda a la comensa:

Per responde a un demanda, on usa plu comun la mesma strutur como la demanda. La responde a demandas de si o no en lfn es normal fada par repete la verbo en se forma de afirma o nega:

An si lo ave poca radises (en compara con linguas como engles o elefen), suomi usa multe sufisas per crea plu parolas. Per esemplo, on pote comensa con la parola kirja (libro), e crea esta parolas:

Esemplos de sufisas:

La sufisas de deriva per verbos es multe diversa:

Un esemplo de la estende de la usa de sufisas de deriva e infleta:

Tra la edas, la lingua suomi ia prende multe parolas de multe otra linguas, spesial la linguas indoeuropean visin. Alga linguistes sujeste ce sola sirca 300 parolas de la cor de la vocabula protouralica supravive en suomi. Plu, car la fonolojia e gramatica de suomi difere multe de los de la linguas indoeuropean, parolas prendeda comun es cambiada per acorda.

La parolas prima prendeda par la linguas uralica ia es de linguas indoeuropean temprana, incluinte de linguas irani, baltica, germanica, e slavica. Ance, parolas ia es prendeda de la linguas turcica. Alga parolas en suomi no esiste en otra linguas, incluinte otra linguas uralica. Linguistes divina ce los veni de un lingua paleoeuropean parlada en la area ante an la linguas uralica. Esemplos inclui jänis (lepra), musta (negra), mäki (colina), saari (isola), suo (pantan), e niemi (capo).

Esemplos de germanica inclui kuningas (re) e ruhtinas (prinse, nobil) de la germanica *kuningaz e *drihtinaz. Un otra esemplo es äiti (madre) de la goto aithei. La orijinal parola suomi - emo - aveni en contestos rara. Otra esemplos de linguas germanica e baltica es morsian (sposa nova), armas (cara), huora (puta). Esemplos de iranica antica inclui vasara (martel) de avestan vajra e orja (sclavo) de arya (om).

En la edas plu prosima, suomi ia prende multe parolas de svensce, incluinte multe parolas european. Suomi ia es poseseda par Sveria de la sentenio 12 e ia es sededa a Rusia en 1809. Lo ia reteni svensce como la lingua ofisial e de la clases alta a pos. Esemplos inclui laki (lege), lääni (provinse), piispa (bispo), peruna (patata), likka (de svensce flicka, xica).

Parolas de rusce es comun multe antica e donce difisil per reconose. Los inclui papu (fava), sini (blu), pappi (prete), raamattu (biblia). Ance, nota la parola per un reno mas en suomi es irvas, e lo en serbo-hravatsce es hirvas.

La plu resente, engles ia deveni la fonte de parolas nova, tra la filmas, musica, comersia, e la interede. Multe companias suomi, como Nokia, ia adota engles per se lingua franca. Esemplos de parolas adotada inclui deittailla (encontra, de engles date), pleikkari (Playstation), hodari (hot dog - paneta de salsix), hedari (headache, headbutt - dole de testa, colpa de testa)

Final, alga parolas es inventada cuando nesesada:

Tra tempo, esta formas sustitui per formas plu vea, como kompuutteri (computador) e kalkulaattori (calculador).

 Isä meidän, joka olet taivaassa:
 Pyhitetty olkoon Sinun nimesi,
 Tulkoon Sinun valtakuntasi,
 Tapahtukoon Sinun tahtosi maan päällä niinkuin taivaassa.
 Anna meille tänä päivänä meidän jokapäiväinen leipämme.
 Ja anna meille meidän syntimme anteeksi,
 niinkuin mekin anteeksi annamme niille,
 jotka ovat meitä vastaan rikkoneet.
 älakä johdata meitä kiusaukseen,
 vaan päästä meidät pahasta,
 sillä Sinun on valtakunta,
 voima ja kunnia iänkaikkisesti.
 Aamen.




#Article 20: Sur la nasion macedonsce (270 words)


Sur la nasion macedonsce (За Македонската нација en macedonsce) es un libro dedicada a la defende de la esiste de la nasion macedonsce. Lo ia es scriveda par la istoriste Dragan Taskovski en 1976 como un responde a la atacas de la stato balgarsce e sua governa.

La libro es formida en 7 partes. Lo comensa con la situa de la nasion macedonsce en la Republica Sosialiste de Macedonia como la sola parte de Macedonia librida e constituida en stato nasional, e la situa de otra partes de Macedonia, como Prin Macedonia en Balgaria e Macedonia ejean en Elas. Esta es segueda par un vista jeneral de la orijina e etnojenese de la nasiones balgarsce e macedonsce e la emerji e apare de la consensia nasional.

Lo razona ance contra la atacas cual ia rejeta la esiste de la nasion macedonsce, fada par la Partito Comuniste Balgarsce e la Academia de Siensas de Balgaria. La libro nara la momentos diferente en la prosede de crea de la nasiones balgarsce e macedonsce en la eda medieval con la colonia de slavicas en la Balcanes e sua interfere con la tribus de Balgaria.

La libro continua parlante sur la prosede de velia nasional e revive en Macedonia, con un asentua clar en la consensia de parteni e unicia de la macedonsces, con asentua a la refere a la res macedonsce antica e de Macedonia antica como Filipo 2 e Alexandro Magno e frontinte la declaras de nasionalistes elinica, balgarsce e serbsce. La libro parla ance sur la tempo de la comunistes en Macedonia, indicante la trata coreta de la Comintern a Macedonia.




#Article 21: Suria (458 words)


Suria es un pais en Asia ueste. Lo ave fronteras con Lubnan e la Mar Mediteraneo a la ueste, Turcia a la norde, Irac a la este, Urdun a la sude, e Israel a la sude-ueste.

La du tris ueste de sua Altas de Golan es ocupada par Israel de pos 1967; la tri este es controlada par Suria. La Nasiones Unida manteni un zona de cuxin entre los.

La capital e site la plu grande es Dimashq.

Suria es un pais de planos fertil, montes alta e desertos, e conteni etnicos e relijios diversa, incluinte arabis, elinicas, haiarenes, curdis, turceses e otras. La grupo relijiosa la plu grande en Suria es la sunis.

La stato moderna de Suria ia es instituida pos la fini de sentenios de controla osmanian en la Gera Mundal Prima su autoria franses. Lo ia es la stato arabi la plu grande cual ia emerji de la Levante Arabi de rena pasada osmanian. Suria ia gania autonomia como un republica parlamental a 24 otobre 1945 cuando lo ia deveni un membro fondinte de la Nasiones Unida, legal fininte la autoria franses, an si la soldatos franses no ia parti de la pais asta april 1946.

La tempo pos autonomi ia es tumultosa, e multe colpas militar ia secute la pais entre 1949 e 1971. En 1958, Suria ia entra a un uni corta con Misre, nomida la Republica Arabi Unida, cual ia es abortada par un colpa de stato en 1961. La Republica Arabi de Suria ia comensa esiste en la tarda de 1961, pos un referendo constitual a 1 desembre.

La pais ia es sempre min stable asta un colpa de stato par la partito Ba'ath, pos cual acel partito ia manteni sua potia. Suria ia es su Leges de Crise entre 1963 e 2011, e la plu de protejes constitual per sitadanes ia es suspendeda. Bashar al-Assad es presidente de pos 2000, presededa par sua padre Hafez al-Assad, ci ia ocupa la posto de 1971.

Suria es un republica unial, composada de 14 rejiones de governa, e es la sola pais cual ia adota la politica de Ba'ath.

De marto 2011, Suria es envolveda en un gera con alga paises en la rejion, e alga esentes political autoproclamada ia emerji sur la teritorio. Suria es clasida como la pais la plu violente en la mundo a presente, an si la vive ia continua normal per la plu de sua sitadanes en desembre 2017. La gera ia mata 470 000 persone, ia causa la desloca interna de 7,6 milion persones, e ia crea plu ca 5 milion refujadas.

La area es sirca 185 180 cilometres cuadrida.

La cuantia de abitores, en la anio 2007, ia es sirca 19 314 747 persones.

La lingua major es arabi.




#Article 22: Suriname (265 words)


 Suriname (ofisial la Republica de Suriname) es un pais a la costa norde-este de America Sude. Lo es bordada par Guian Franses a la este, Guiana a la ueste e Brasil a la sude. Con area de pico min ca 165 000 cilometres cuadrida, lo es la pais la plu peti en America Sude. Lo ave un popla de sirca 566 000 persones, de ci la plu abita a la costa norde, en e sirca la capital e site la plu grande, Paramaribo.

Longa abitada par multe cultures de tribus nativa, Suriname ia es esplorada e disputada par potiosas european ante veni su controla nederlandes en la tarda de la sentenio 17. En 1954, la pais ia deveni un de la paises composante de la Rena de Nederland. A 25 novembre 1975, la pais Suriname ia sorti de acel Rena per deveni un stato autonom cual ia manteni an tal lias prosima economial, diplomata e cultural con la pais cual ia coloni lo. Sua poplas nativa deveni sempre plu ativa en reclama diretos de tera e en labora per conserva sua teras e abitadas tradisional.

On regarda Suriname como un pais cultural caribe, e lo es un membro de la Comunia Caribe (CARICOM). An si nederlandes es la lingua ofisial de governa, comersia, medias e educa, la lingua sranan (un lingua creol con funda engles) es vasta usada. Suriname es la sola teritorio estra Europa do la plu de persones parla nederlandes. Engles, hindi e djava es ance parlada. La popla de Suriname es entre la plu diversas de mundo, incluinte multe grupos etnical, relijial e lingual.




#Article 23: Surtsey (215 words)


Surtsey es un isola volcanal situada a la costa sude de Island. Lo ia es formida par la eruta de un volcan cual ia comensa a 130 metres su la nivel de mar, e ia ariva a la surfas a 14 novembre 1963. La eruta ia comensa a alga dias ante esta, e ia fini a 5 junio 1967. En acel momento lo ia estende a sua area masima, 2,7 km², con altia masima de 173 metres. A pos, par causa de erode par venta e ondas, la isola ia diminui e ia estende a mera 1,4 km² en 2005. Plu, lo ia perde sua altia par erode, par la presa de stratos de deponeda a su, e (a grado min grande) par la isostasia de la litosfera.

A la tempo de sua apare, la isola ia es studiada par multe volcanolojistes e, de pos la fini de la eruta, lo es un ojeto de interesa per botanicistes e biolojistes car viventes coloni gradal la isola. En 2001, la governa de Island ia presenta la isola a UNESCO per lista lo como un loca de erita mundal. Visita lo es proibida; sola siensistes es permeteda.

En la lingua islansce, sua nom sinifia la isola de Surtur, la volcan o jigante de foco en mitolojia nordica.




#Article 24: Svensce (lingua) (140 words)


Svensce es un lingua germanica norde, xef parlada en Sveria, partes de Suomi, e en la Isolas Åland, par plu ca 9 milion persones. Lo es multe simil a dansce e norsce.  Con esta linguas e ance islansce e faroisce, svensce es un desendente de norsce vea, la lingua de la popla germanica ci ia abita Scandinavia en la eda de la vicinges.

Un esemplo:

 Vår fader, du som är i himlen.
 Låt ditt namn bli helgat.
 Låt ditt rike komma.
 Låt din vilja ske,
 på jorden så som i himlen.
 Ge oss i dag vårt bröd för dagen som kommer.
 Och förlåt oss våra skulder,
 liksom vi har förlåtit dem som står i skuld till oss.
 Och utsätt oss inte för prövning,
 utan rädda oss från det onda.
 Ditt är riket. Din är makten och äran i evighet.
 Amen.




#Article 25: Sveria (537 words)


Sveria (ofisial la Rena de Sveria) es un pais nordica e scandinavian en Europa norde. Lo borda Noria a la ueste e norde e Suomi a la este, e es liada en la sude-ueste a Danmarc par un ponte-tunel cual traversa la Öresund. Con 450 295 cilometres cuadrida, Sveria es la pais tre de la plu grandes en la Uni European par area, ma con mera 10 milion persones, sua densia de popla es basa (22 persones per cilometre cuadrida); la densia la plu alta es en la dui sude de la pais. Sirca 85% de persones abita en rejiones urban.

Poplas germanica ia abita Sveria de edas preistorial, emerjinte en istoria como la gotos scandinavian e la svensces, e composante la poplas maral conoseda como nordicas. Sveria sude es xef cultival, ma la norde es forestosa. Sveria es un parte de la rejion jeografial Fenoscandia. La clima es jeneral multe temperada per un latitude tan norde, par influe de la mar: la pais ave estates continental calda.

Oji, Sveria es un monarcia constitual e democratia parlamental, con monarca per xef de stato. La site capital es Stockholm, cual es ance la site la plu poplada en la pais. La potia leginte parteni a la Riksdag, un legeria con un salon de 349 membros. La potia esecutante parrteni a la governa, presideda par la ministro xef. Sveria es un stato uniforma, presente divideda a 21 contias e 290 munisipas.

Sveria ia emerji como un pais autonom e unida en la Eda Media. En la Eda Media, la plu sude e ueste partes de Sveria de aora no ia es svensce, con ce Suomi alora ia es parte de Sveria. En la sentenio 17, lo ia estende sua teritorios per formi la Impero Svensce, cual ia deveni un de la potias grande de Europa asta la temprana de la sentenio 18. Teritorios svensce estra la Penisola Scandinavian ia es gradal perdeda en la sentenios 18 e 19, fininte con la propri de Suomi presente par Rusia en 1809.

La gera final en cual Sveria ia partisipa direta ia es en 1814, cuando Noria ia es militar forsada a uni. Pos alora, Sveria ia es pasosa, manteninte un politica ofisial de neutralia en cosas esterna. La uni con Noria ia es pasosa abolida en 1905, resultante la fronteras presente de Sveria. An si Sveria ia es formal neutral en ambos geras mundal, Sveria ia partisipa en laboras umaniste, como aseta refujadas de Europa deutx ocupada.

Pos la fini de Gera Fria, Sveria ia junta se a la Uni European a 1 janero 1995, ma pos un referendo lo ia rejeta membria de la Eurozona. Lo es ance un membro de la Nasiones Unida, la Consilia Nordica, la Consilia de Europa, la Organiza Mundal de Comersia, e la Organiza per Coopera e Developa Economial. Sveria no es membro de OTAN.

Sveria manteni un sistem nordica de aida sosial cual furni aida medical universal e educa universial per sua sitadanes. Lo ave la revenu oto de la plu altas de mundo per person, e apare alta en multe mesuras nasional, incluinte cualia de vive, sania, educa, proteje de librias sivil, competosia economial, egalia, ricia e developa umana.

La lingua major es svensce.




#Article 26: Tadjicistan (296 words)


Tadjicistan (ofisil la Republica de Tadjicistan) es un pais montaniosa e sin costa en Asia sentral. Lo ave un popla de 8 milion persones (estimada en 2013) e un area de 143 100 cilometres cuadrida. Lo es bordada par Afganistan a la sude, Uzbecistan a la ueste, Cirgistan a la norde e Jonguo a la este. A sude es Pacistan, separada par la Coredor Wakhan streta. La teras tradisional de la popla tadjic ia inclui la paises moderna Tadjicistan, Afganistan e Uzbecistan.

La teritorio presente de Tadjicistan ia es abitada par cultures antica, incluinte la site Sarazm de la Neolitica e la Eda de Bronze, e ia conteni plu tarda renas de poplas de relijios e cultures diversa, incluinte la sivilia de Oxus, la cultur de Andronovo, budisme, cristanisme nestorian, zoroastrisme, manisme e islam. La rejion ia es renada par multe imperos e dinastias, incluinte la Impero Acemenan la Impero Sasanian, la Impero Heftalita, la Impero Samanida, la Impero Mongol, la Dinastia Timurida, la Impero Rusce, e final la Uni Soviet. Cuando la Uni Soviet ia desintegra en 1991, Tadjicistan ia deveni un nasion autonom. Un gera interna ia aveni cuasi direta pos la autonomi, entre 1992 e 1997. Pos la gera, la stablia political nova e aida esterna ia permete la crese de economia de la pais.

Tadjicistan es un republica presidental, composada de cuatro provinses. La plu de sua 8 milion persones parteni a la etnico tadjic, ci parla la lingua tadjic (un dialeto de farsi). Multe tadjices parla ance rusce como sua lingua du. La rejion Gorno-Badakhshan, poca poplada, conteni un diversia stonante de diversia lingual. Montanias covre plu ca 90% de la pais. Lo ave un economia traversante cual depende multe de la produi de aluminio e coton.

La site capital es Duxanbe.




#Article 27: Tahiti (lingua) (432 words)


La lingua tahiti es la lingua de la Isola Tahiti e otra isolas prosima en Polinesia Franses. Lo es un lingua de la familia polinesian, e es relatada prosima a la lingua maori de Zeland Nova, la lingua maori de la Isolas de Cook, e la lingua hawaii. Per esemplo (fonetical):

Tahiti ave sola des-cuatro fonemes - nove consonantes e sinco vocales. La vocales ave formas corta e longa, la longas indicada par un supralinia. 

Los sona como en lfn.  'eta indica un consonante plosiva glotal ([ʔ]).

Esta tables mostra la sistem fonetica de tahiti:

La presente de un determinante ante un parola indica ce la parola es un nom.

Pluralia de nomes es indicada sola par la paricula mau entre la article e la nom. Tahiti no indica pluralia con afisas.

La pronomes de tahiti ave variosa per la tre persones e tre numeros - simple, duple, e plural:

Pronomes personal

On ave multe determinantes en tahiti. A su es la determinantes la plu importante: la articles, la determinantes de indica, e la determinantes de posese:

On ave modas variosa per forma la articles. La es normal te (te ’oire - la site); un es normal te hō’ē (te hō’ē ’oire - un site). Per cosas duple, on usa nā (nā mata - la oios). Per la plural, on ajunta mau ante la nom (te mau fare - la casas; te hō’ē mau fare - alga casas). Tahiti ave ance un article personal ’o (E fa’ehau ’o Rui - Luis (Rui) es un soldato)

Esta table mostra la articles plu comun:

La determinantes de indica ave formas per cosas distante e prosima, e un forma plu ambigua:

Determinantes de indica

Tahiti distingui tre formas de determinantes de posese: Un forma forte, ce indica ce la cosa es juntada forte a la person o cosa (tōna pape - sua acua, la acua de la rio); la forma debil, ce indica ce la cosa es juntada debil a la person o cosa (tāna pape - sua acua, la acua cual el beve); e un forma neutral. Per crea la pronom de posese, on pone un article (te, te mau) ante la determinante de posese.

Determinantes de posese

Tahiti ave multe particulas per indica la moda, aspeta, e tempo de verbos. La moda e aspeta es plu importante ca la tempo, cual es indicada frecuente sola par la situa. Otra averbos ajunta plu detalia a la verbo.

Per esemplo:

La ordina de parolas es verbo-sujeto-(ojeto/completante). La ojeto es introduida par la preposada i. Per esemplo:

Per construis nonpersonal, tahiti usa ’ua ta’ata (on, ave).




#Article 28: Tai (258 words)


Tai (ofisial la Rena de Tai) es un pais a la sentro de la penisola indoxines en Asia sude-este. Con area intera de sirca 513 000 km², Tai es la pais 50 de la plu grandes de mundo. Lo es la pais 20 de la plu popladas de mundo, con sirca 66 milion persones.

Tai es un monarcia constitual e ia varia tra desenios entre democratia parlamental e junta militar; la colpa de stato la plu resente ia es par la Consilio Nasional per Pas e Ordina en maio 2014. Sua capital e site la plu poplada es Bangkok. Lo es bordada a la norde par Miama e Lau, a la este par Lao e Camputxa, a la sude par la Golfo Tai e Malaisia, e a la ueste par la Mar Andaman e la parte estrema sude de Miama. Sua fronteras maral inclui Vietnam en la Golfo Tai a la sude-este, e Indonesia e Barat en la Mar Andaman a la sude-ueste.

La economia tai es la numero 27 de la plu grandes de mundo par produi interna bruta, o la numero 20 si on mesura par capasia de compra. Lo ia deveni un pais nova industrida e un esportor major en la desenio de 1990. Fabrica, cultiva e turisme es campos major de sua economia. On regarda lo como un potiosa media en la rejion e la mundo.

La area de Tai es sirca 514,000 cilometres cuadrida. En 2007, la pais ia ave sirca 65 068 149 abitores. La site capital es Bangkok, e la lingua major es tai.




#Article 29: Taifa (463 words)


En la istoria de la penisola iberian, un taifa (de arabi طائفة‎‎ ṭā'ifa) ia es un prinsia autonom governada par muslimes. Pos la colasa final de la Califia Umaian de Cordoba en 1031, varia taifas ia es creada. La plu ia es amirias, an si ia un oligarcia ia esiste.

La orijina de la taifas debe es xercada en la divide manejal de la Califia Umaian de Cordoba, como ance en la divide etnical de la elites de la stato, divideda entre arabis, la plu berberes, muslimes iberian (conoseda como muladis, un majoria grande) e la sclavos pasada de Europa este.

En la tarda de la sentenio 11, cuando la Crusada Prima ia es reganiante teritorios en Ieruxalim, la cristianes de la norde de Iberia ia deside concista la teritorios muslim. La Califia de Cordoba, alora entre la statos la plu rica e potiosa de Europa, ia sufri un gera interna, conoseda como fitna. Como resulta de esta, la Califia ia divide en taifas, amirias peti e competosa, lutante contra  lunlotra.

An tal, la declina politica e la caos no ia es direta segueda par un declina cultural. Un ativia intensa leteratural e inteletal ia continua en alga de la taifas la plu grande.

On ia ave un periodo du cuando la taifas ia apare denova, en la media de la sentenio 12, cuando la gidores almoravide ia es en declina.

En la apico de la taifas, en la sentenio 11 e denova en la media de la sentenio 12, sua amires (gidores) ia compete entre los per prestijia cultural. Los ia atenta enscrive la poesistes e artisanes la plu famosa.

Reversante la tende de la periodo umaian, cuando la renas cristian de la norde ia debe frecuente paia tribuis a la califa, la desintegra de la Califia ia lasa la renas muslim enemi como multe plu debil ca sua corespondentes cristian, spesial la monarcia de Leon e Castilla, e los ia debe paia los tribuis nomida parias.

Par causa de sua debilia militar, la prinses de la taifas ia apela a gerores de Africa norde per luta contra la re cristian a du veses. La almoravides ia es invitada pos la cade de Toledo (1085) e la almohades pos la cade de Lisboa (1147). Esta gerores no ia aida la amires de la taifas ma ia ajunta sua teras a la imperos de Africa norde.

Frecuente la taifas ia emplea mersenarios de la statos cristian de la Pirineo (ambos cristian e muslim). La taifa la plu dinamical, cual ia concista la plu de sua visinas pos la invade almoravide, ia es Sevilla. Zaragoza ia es ance multe potiosa e estendosa, ma constrinjeda par sua statos cristian visina de la Pirineo. Zaragoza, Toledo e Badajoz ia es ante la fronteras de la Califia.




#Article 30: Taiuan (519 words)


Taiuan es un stato en Asia este. Lo es ance nomida la Republica de Xina, cual es un stato autonom, ma lo es reclamada par la Republica Poplal de Xina (o Xina propre), cual borda lo en la ueste. Nion borda lo en la norde-este, e la Pilipinas borda lo en la sude. Taiuan es la stato la plu poplada cual no es un membro de la Nasiones Unida e ave la economia la plu grande estra la NU. La cuantia de popla, en la anio 2007, es sirca 22 858 872 persones. La area es sirca 35 980 cilometres cuadrida. La site capital es Taipe. La linguas major es putong, min, e dialetos de haca.

La isola de Taiuan, conoseda en la pasada como Formosa, ia es abitada par la abitores orijinal de Taiuan ante la sentenio 17, en cuando colonias nederlandes e espaniol ia abri la isola a multe migra de xines. Pos un rena corta par la Rena de Tungning, lo ia es proprida par la Dinastia Qing, la dinastia final de Xina. La Dinastia Qing ia sede Taiuan a Nionen 1895 pos la guera prima entre Xina e Nion. Cuando Nion ia governa Taiuan, la Republica de Xina ia es constituida en la continente en 1912, pos la cade de la Dinastia Qing. Pos Nion ia sede a la Alias en 1945, la Republica de Xina ia propri Taiuan. An tal, la recomensa de la Gera Interna Xines ia causa ce la Republica de Xina ia perde Xina continental a la comunistes, e sua governa ia fuji a Taiuan en 1949. An si la Republica de Xina ia declara ce lo es la governa legal de Xina, pos la perde de Hainan en 1950, la governa de la Republica de Xina ia es limitada a Taiuan e la isolas ambiente; la isola xef es 99% de la teritorio par fato de la Republica de Xina. Como un membro de fundi de la Nasiones Unida, la Republica de Xina ia permane representa Xina en la Nasiones Unida asta 1971, cuando la Republica Poplal de Xina ia oteni la seja de Xina. Par causa de esta, la Republica de Xina ia perde sua parteni en la NU.

En la temprana de la desenio de 1960, Taiuan ia entra a en un periodo de industri e crese economial rapida, cual ia crea un economia stable. En la desenio de 1980 e la temprana de la desenio de 1990, lo cambia de un autocratia militar con sola un partito cual ia es dominada par la Kuomingtang a en un democratia con partitos multiple e un sistem semipresidental. Taiuan ave la economia la 22 de la plu grande en la mundo, e sua industria de tecnolojia alta fa un rol major en la economia global. Lo es gradida alta en libria de jornalisme, aida medical, educa publica, libria de economia e developia umana. La pais ave un laborores multe capas e es un de la paises la plu bon educada en la mundo, con on de la persentos la plu alta de sitadanes ci ave diplomas de educa de universia.




#Article 31: Tale (150 words)


Tale de Mileto (624–546 aec) ia es un filosofiste elinica desendeda de fenisias. El ia abita en Mileto, la site la plu rica de Ionia (aora la costa ueste de Turcia). El ia studia en Egipte e otra partes de Asia sude-ueste, e ia aprende jeometria e astronomia. On ia descrive el a multe veses como la padre de filosofia ueste.

El ia atenta responde a la demanda de cual es la universo construida?  Sua responde ia es ce tota es construida de acua.  Car acua es un molecula simple, trovada en formas gasal, licuida e solida, e acua es trovada en cada parte de la Tera, spesial en esentes vivente, esta no ia es un mal responde. Esta filosofia es nomida materialisme.

Tale ia crede ance ce la universo intera de cosas material es vivente, e ce animales, plantas e ance metales ave animas – un idea nomida panpsicisme.




#Article 32: Tanzania (300 words)


Tanzania (ofisial la Republica Unida de Tanzania) es un pais en Africa este, en la rejion de la Lagos Grande de Africa. Partes de la pais es en Africa sude. Lo es bordada par Cenia e Uganda a la norde; Ruanda, Burundi e la Republica Democrata de Congo a la ueste; Zambia, Malaui e Mozambic a la sude; e par la Mar Indian a la este. Monte Kilimanjaro, la monte la plu alta de Africa es en Tanzania norde-este.

La popla tanzanian de 51,82 milion persones (2014) es composada de grupos diversa de etnico, lingua e relijio. Tanzania es un republica constitual presidental, e de 1996 sua site capital ofisial e Dodoma, do on trova la Ofisia de la Presidente, la Asembla Nasional e alga ministrerias governal. Dar es Salaam, la capital pasada, reteni la plu de ofisias governal e es la site la plu grande de la pais, como ance la porto xef e la sentro comersial major.

Tanzania es montaniosa e densa forestida en la norde-este, do Monte Kilimanjaro es situada. Tre de la Lagos Grande de Africa es partal en Tanzania. A la norde e ueste es Lago Victoria, la lago la plu grande de Africa, e Lago Tanganyika, la plu profonda, conoseda per sua spesies unica de pex. La costa este es calda e umida, con la Arcipelago Zanzibar prosima a la costa. La cascades Kalambo en la rejion Rukwa en la sude-ueste es la cascade du de la cascades noninterompeda la plu alta en Africa, e es situada prosima a la costa sude-este de Lago Tanganyika a la frontera con Zambia. La Area de Conserva de Baia Menai es la area maral protejeda la plu grande de Zanzibar.

La area de Tanzania es sirca 945,087 cilometres cuadrida. La linguas major es suahili, engles e arabi.




#Article 33: Tartessos (587 words)


Tartessos (elinica: Ταρτησσός) ia es un site con porto e la cultur ensircante a la costa sude de Iberia (en Andalusia moderna), a la boca de la Rio Guadalquivir. Lo es prima notada en sitas de Elas e Asia sude-ueste, comensante en la media de la sentenio prima aec. Per esemplo, Herodoto ia descrive lo como ultra la Colona de Hercule (la Streta Jibraltar). De sirca la fini de la sentenio, la nom Tartessos ia es apena notada, e lo es posible ce la site ia es perdeda par deluvias. Descovres arceolojial ia crea un pitur de la cultur – nomida la tartessian – cual inclui no min ca 97 enscrives en la lingua tartessian.

La popla tartessian ia es rica en metales. En la sentenio cuatro aec, la istoriste Eforo ia descrive un mercato rica nomida Tartessos, con multe stanio portada par la rio, e ance oro e cupre de la paises celta. La comersia en stanio ia es multe profitosa en la eda de bronze, car lo es un parte esensal de bronze vera, e relativa rara. Herodoto ia refere a un re de Tartessos – Arganthionios – probable nomida per sua ricia en arjento.

La popla de Tartessos ia deveni asosiores importante de la fenisias, de ci sua presentia en Iberia ia comensa en la sentenio oto aec, e ci ia construi prosima sua porto propre, Gadir (elinica τΓάδειρα, latina Gades, aora Cádiz).

Alga fontes antica, como Aristotele, ia refere a Tartessos como un rio. El ia dise ce lo deriva de la Monte Pirene (cual nos conose aora como la Pirineo) e flue a la mar estra la Colonas de Hercule. No rio esata como acel esiste en Iberia. Ma, seguente Piteas (sentenio 4 aec), como reportada par Strabo (sentenio 1 ec), la popla nomida Turduli ia ocupa la area cual ia es Tartessos, cual ia es la Rio Baetis (aora la Rio Guadalquivir). En la sentenio 2 ec, Pausanias ia identifia la rio e ia dona detalias de la site:

La rio es aora nomida la Guadalquivir. La bocas ia es gradal blocida par un parador de arena, e la cambias de la area ia entera Tartessos su pantanes. La area es aora protejeda e es nomida la Parque Nacional de Doñana. Alga alega ce Tartessos es la pais mital de Atlantida.

La lingua tartesian es la lingua estinguida de Tartessos. On ave 95 enscrives en un scrive partal alfabetal e partal silabal, probable derivada de la scrive fenisia. La scrives ia es de sirca la sentenio sete aec.

Como tota scrives paleoispanica, con la eseta de la alfabeta elinica-iberian, tartesian usa glifos silabal per la consonantes esplodente, e leteras alfabetal per la otra consonantes, en un misca nomida un semisilabario. Ance como la otra scrives de Iberia antica, lo de tartesian no ia difere entre consonantes con o sin vose (t/d, p/b, k/g). Tartesian es scriveda en un modo continuante, sin spasios entre parolas, cual fa ce la identia de parolas individua es difisil.

Car nos ave poca datos per tartesian, la plu linguistes o no clasi tartesian, o sujesta ce la lingua es un isolida. An si alga nomes tartesian pote es videda como indoeuropean (celta), la plu de la lingua no ave la strutur de silabas de linguas indoeuropean. Lo pare plu simil a lo de iberian antica o euscara. Un esplica posible es ce tartesian es un sustrato vasconica (euscara e/o iberian) con un suprastrato celtiberian.

Asi es alga esemplos de enscrives:

Du radises pare infleta como verbos:




#Article 34: Tasonomia de Lineo (293 words)


La tasonomia de Lineo, o clasi biolojial, es un metodo par cual biolojistes clasi organismes par tipos biolojial, como jenero o spesie. La orijina de clasi biolojial es en la laboras de Carolus Linnaeus (o Carol Lineo), ci ia clasi spesies longo sua cualias fisical. Esta clasis ia es revisada pos la laboras de Charles Darwin per segue la prinsipe de desende comun. La analise de ADN ia causa revisas plu resente, e va continua probable.

On ave oto niveles major: domina, rena, filo (o divide), clase, ordina, familia, jenero, e spesie. La jenero plu la spesie descrive jeneral un clasi de viventes cual pote reprodui con lunlotra.

Nota ce, per la animales, la finis de la nomes de categorias alta no es coerente.

Un vivente es normal indicada par du nomes – la jenero e la spesie – o par tre nomes – jenero, spesie, e suspesie. La jenero es normal un nom e comensa con un letera major. La spesie (e suspesie) pote es un nom, un ajetivo, o an la nom propre de la siensiste ci ia descovre o clasi orijinal la vivente, e lo comensa con un letera minor. Per esemplo:

Esta sistem es internasional asetada par biolojistes, en la forma latina, usante la 26 leteras de la alfabeta roman completa, e sin la usa de sinietas. Multe linguas ave un sistem paralel cual usa sua propre spele e pronunsia. La sistem paralel per elefen segue esta regulas: [nota: elinica/latina  elefen]

La finis de la nomes siensal per animales (a supra) es tipal cambiada a -o, con la plural en -os. Alga finis comun:

Finis de nomes de spesies o jeneras segue esta regulas:

Finis per spesies e jenera de plantas, bateria, etc, segue la mesma regulas como animales.




#Article 35: Tavo (473 words)


Tavo es un lingua creada simple inventada par Kevin Smith. Tavo ia es orijinal fundida sur glosa (e ia es nomida glo). Plu tarda, Smith ia comensa usa la vocabulo de Lingua Franca Nova con un gramatica fundida sur glosa. Aora, tavo ia deveni un varia simplida de espaniol.

Seguente Smith, la goles major de tavo es:

La forma la plu resente de tavo es como un espaniol minimida. La gol es ce la vocabulo es fundida sur la vocabulo comun conoseda de espaniol, ma ce la gramatica es multe plu simple ca espaniol:

la ficcion de Esopo: la ave sin agua

pasado, uno ave que necesita agua, encuentra uno copa con uno poco de agua. la agua esta demasiado bajo por la ave puede come. la ave no puede causa la copa cae, por que la copa pesa mucha. la ave piensa y piensa. ello mori ria sin agua. la ave comensa mueve piedras pequenya con la boca, entre la copa. la nivel de agua comensa esta mas alto. despues de mucho piedras y mucho tiempo, la agua esta basta alto, y la ave come la agua.

de sabe y trabaja, viene suceso

La fabula de Esopo: La avia side

En la pasada, un avia, cual ia nesesa acua, ia trova un contenador con un pico de acua. La acua ia es tan basa ce la avia no ia pote bevi. La contenador ia es tan pesosa ce la avia no ia pote fa cade lo. La avia ia pensa e pensa. El va mori sin acua. La avia ia comensa move rocas peti con sua beco en la contenador. La nivel de la acua ia comensa leva. Pos multe rocas e multe tempo, la acua ia es sufisinte alta, e la avia ia bevi lo.

La susede veni de sajia e labora.

La fábula de Esopo: la Corneja con Sed

La corneja con sed grande vino a un pozo donde falló una herrada en el hondo de la qual estava una poca de agua en tan chica quantidad que la ave no podía bever d' ella salvo trastornándola, y no bastava para ello su fuerça porque era pesada. E assí, movida la corneja de impaciencia, pensando toda manera de ingenio que podía considerar para que pudiesse satisfazer a la sed de que quasi quería morir, cogió de las pedrezuelas que podía traer con la boca con las quales, echándolas en la herrada, dentro hizo crecer el agua y assí falló manera cómo ligeramente pudiesse bever d' ella y amató su sed.

Con la prudencia e industria se suple el defecto de las fuerças.

Orijinal, tavo ia es glosa con un vocabulo de elefen. Aora, tova ia es elefen con un vocabulo de espaniol! On debe demanda a se: Esce tavo es vera plu bon ca elefen, o glosa, o ance espaniol?




#Article 36: Teatro (135 words)


Teatro (de la parola elinica θέατρον) es la braso de la artes de presenta cual inclui la presenta de naras ante un popla, usante parla, jesti, musica, dansa, sona, fondos, e cualce otra modos nesesada.

La teatro ueste veni, xef, de la drama elinica antica, de cual lo ia empresta terminolojia tecnical, clasi en jeneros, e multe de sua temas, carateres e tramas. La artiste teatral Patrice Pavis defini teatralia, lingua teatral e scrive teatral como espresas sinonim cual difere teatro de otra artes de presenta, leteratur e la artes en jeneral.

La teatro moderna, en un defini larga, inclui teatrales e musica teatral. On ave lias entre la teatro e la formas artal de baleto, opera (cual usa presentas en un teatro con vestes fantasin, acompaniada par canta e orcestra) e otra formas diversa.




#Article 37: Teatro elizabetan (239 words)


La teatro elizabetan refere a la teatro de England entre 1562 e 1642.

Esta es la stilo de la teatrales de William Shakespeare, Christopher Marlowe e Ben Jonson. La eruditas estende la eda elizabetan asta inclui la rena de James 1 (ci ia mori en 1625), e an plu incluinte sua seguor, Charles 1, asta la clui de teatros en 1642.

La teatro elizabetan no coaveni cronolojial con la renase european e min con la italian.

La popla cresente de London e sua ricia cresente, e sua amosia per spetaculo, ia produi un leteratur teatral de varia, cualia e estende notable. An si la plu de la obras scriveda per la teatro elizabetan ia es perdeda, sirca 600 resta.

La scrivores de esta obras ia es xef omes de fondo modesta. Alga de los ia es educada en Oxford o en Cambridge, ma multe no. An si William Shakespeare e Ben Johnson ia es atores, lo pare ce la majoria no ia es, e no autor ci ia apare pos 1600 es conoseda per aumenta sua fonte de revenu par ata. Sua vives ia es propensada a la mesma nivel de peril e mori temprana como tota ci ia vive en la eda moderna; pd: Christopher Marlowe ia es matada en un combate en un beveria, e Ben Johnson ia mata un ator en un duel. Ala probable ia es soldatos.

Cronolojia de la autores teatral de teatro elizabetan




#Article 38: Teogonia (113 words)


La Teogonia (de la elinica antica Θεογονία orijina de la deos) es un obra poesial scriveda par Hesiodo. Lo conteni un de la esemplos la plu antica de la orijina de la universo e la linia de familia de la mitolojia elinica antica.

Ta ce nos comensa canta de la musas heliconal, ci abita la monte grande e santa Helicon e dansa sur pedes suave sur la fonte profonda azul e la altar de la fio omnipotiosa de Crono, e, cuando los ia lava sua corpos suave en Permeso o en la Fonte de Cavalo o Olmeio, fa sua dansas bela e encantante sur Helicon la plu alta, e move con pedes enerjiosa.




#Article 39: Teorem de Pitagora (258 words)


En matematica, la teorem de Pitagora es un relata fundal en la jeometria euclidal entre la tre lados de un triangulo reta. Lo dise ce la cuadro de la ipotenusa (la lado cual fasa la angulo reta) es egal a la soma de la cuadros de la otra du lados. La teorem pote es scriveda como un egali relatante la longia de la lados a, b e c, frecuente nomida la egali pitagoral:

do c representa la longia de la ipotenusa e a e b la longia de la otra du lados de la triangulo.

An si lo es frecuente disputada ce la conose de la teorem presede lo, la teorem es nomida per la matematiciste elinica antica Pitagora (s 570–495 aec), car la tradision atribui a el la prima demostra rejistrada. On ave atestas ce la matematicistes babilonian ia comprende la formula, an si poca indica un aplica en un strutur matematical. Ance matematicistes mesopotamian, barati e xines ia descovre la teorem de forma autonom e, en alga casos, ia furni demostras per casos spesial.

La teorem ave demostras diferente – cisa plu ca cualce otra teorem matematical. Los es multe diversa, incluinte demostras jeometrial e aljebral, con alga veninte de mil anios ante aora. La teorem pote es jeneralida en formas variosa, incluinte spasios cual no es euclidal, ojetos cual no es triangulos reta, e an ojetos cual no es triangulos.

La teorem de Pitagora ia atrae atende estra la matematica como simbol de potia inteletal e referes a lo abunda en leteratur, animas e cantas.




#Article 40: Teoria de relativia (381 words)


La teoria de relativia es un de la teorias fisical la plu importante de la sentenio 20. Lo ia es developada par Albert Einstein. Lo ave du partes: la teoria de relativia spesial e la teoria de relativia jeneral. La introdui de la teoria ia es importante car lo ia solve multe problemes fisical e consetal.

Ante 1905, la anio en cual la teoria prima (sur la relativia spesial) ia es publicida, on ia ave teorias vera strana sur la eter. On ia proposa la eter como un fluida material – ma sin masa! – cual cambia la relatas eletromagnetal cuando ojetos move. Esta cambias ia es mesurable, ma la teorias sur la eter no ia coere. La eter mesma no ia es vidable, e no ia es mesurable.

La teoria de relativia spesial ia combina la relatas a moves con la eletromagnetisme a un modo matematical vera simple e refinada, par introdui un conseta nova de la spasio.

La teoria de relativia spesial nega la ipotese de la eter, e informa nos ce la spasio mesma es un ojeto. Lo es un ojeto cual es cambiada par la ojetos cual move tra lo.

Plu, lo no es sola un spasio, ma un spasiotempo. Moves tra la spasiotempo cambia ance la tempo. Esta fato ia inspira multe scrivores de naras siensal en la idea de viaja tra la tempo: move a la pasada o a la futur (como en la filma Revade a la futur).

La teoria de relativia jeneral evolui esta conseta e la leges fisical de la spasiotempo. Lo predise ce la spasiotempo ave perforas. Esta bucos atrae cuasi tota ojetos, an fotones (particulas de lus), cual es la ojetos la plu rapida en la universo. No fotones pote evade esta bucos, e la bucos no emete fotones. Seguente, nos no pote vide un buco. Nos vide sola un loca sin lus: un buco negra.

On ave alga filmas de naras siensal sur bucos negra. Un esemplo es La buco negra de Disney, cual es un varia moderna de la nara 20 000 legas su la mar de Jules Verne.

La siensiste la plu famosa en la campo de bucos negra es Stephen Hawking – un jenio de fisica ci parla tra un computador e move en un seja rolante.




#Article 41: Tera (114 words)


La Tera es la planeta tre de la sistem solal par prosimia a la Sol e la planeta sinco par diametre. Lo es un de la planetas terin. Lo es unica en la sistem car lo es la sola planeta sur cual on ia confirma la presentia de la vive.

Movente sirca la Sol, la Tera ave un orbita pico nonsirculo (un elise). Sua distantia de la Sol es 149 600 000 km (= 1 UA), e lo ave un rapidia de 29,8 km/s.

Lo jira en 23 oras, 56 minutos e 3,5 secondos. Acel move determina la dia e la note. Sua diametre ecuatoral es 12 756 km. Lo ave sola un luneta natural, la Luna. 




#Article 42: Theodor Herzl (107 words)


Theodor Herzl (ivri: תאודור הֶרְצֵל‎ Te'odor Hertsel, magiar: Herzl Tivadar; 2 maio 1860 - 3 julio 1904), naseda Benjamin Ze'ev Herzl (ivri: בִּנְיָמִין זְאֵב הֶרְצֵל‎ Binyamin Ze'ev Hertsel), ance conoseda en ivri como חוֹזֵה הַמְדִינָה‎, Chozeh HaMedinah (lit. Previdor de la Stato), ia es un jornaliste, autor teatral, ativiste e scrivor osteraices-magiar, ci ia es un de la padres de sionisme. Herzl ia formi la Organiza Sioniste Mundal e ia promove la migra iudi a Palestina en un labora per crea un stato iudi. An si el ia mori ante sua fundi, el es jeneral regardada como la padre de la Stato de Israel, constituida en 1948.




#Article 43: Theodor Mommsen (134 words)


Theodor Mommsen (1817–1903) ia es un istoriste deutx e un spesialiste en istoria roman, un de la istoristes deutx la plu influosa de la sentenio 19. Mommsen ia nase en Garding, Schleswig. El ia servi como profesor en universias famosa. Ocupante la posto de xef en istoria antica en Universia de Berlin, el ia edita la colie gloriosa de enscrives latina Corpus Inscriptionum Latinarum.

Mommsen ia es bon conoseda per un serie de obras sur istoria e enscrives de estende vasta e capasia astuta.

Mommsen ia gania la premio Nobel de leteratur en 1902, per es la mestre la plu grande vivente de la arte de scrive istorial, con refere spesial a sua obra la plu grande Istoria roman, cual on regarda como un de la istorias la plu profesal scriveda a cualce tempo.




#Article 44: Thomas Alva Edison (275 words)


Thomas Alva Edison (1847–1931) ia es un inventor american. El ia developa la bulbo de lus eletrical, un sistem de jenera eletrica, un aparato per rejistra sonas, e un projetador sinemal – de cual tota resta importante en la sosia moderna.

Naseda en Milan, Ohio, Edison ia comensa esperimenta con primadores e aparatos eletrical e macinal en sua jovenia. Cuando el ia labora como telegrafiste, el ia fa sua inventa prima per move mesajes a un linia nova, automatida sin operor. Sua reali grande ia es un macina per envia multe mesajes a la mesma tempo tra un linia unica. Sua inventa de la transmetador carbonal de telefon ia es esensal en la developa de la telefon, cual ia es plu tarda inventada par Alexander Graham Bell, un fisiciste american.

En 1877 Edison ia anunsia la fonograf prima. En 1879 el ia mostra a la popla la bulbo incandesente de lus eletrical. En 1882 el ia developa e fisa en New York City un sentro grande de potia eletrical, la prima en la mundo. En 1883 el ia oserva la flue de eletrones de un fileta caldida – nomida la efeto de Edison.

En 1888, el ia inventa la cinetoscopio, la macina prima per produi imajes movente par un segue rapida de senas individua. El ia crea un pila per reteni la eletrica e un fonograf en cual la sona ia es gravada sur un disco en loca de un silindre. Par sincroni sua fonograf e cinetoscopio, el ia produi imajes movente e parlante a la ves prima en 1913.

En la Gera Mundal Prima (1914–18), Edison ia labora per la atas nesesada de gera.




#Article 45: Thomas Mann (173 words)


Thomas Mann (1875–1955) ia es un noveliste e criticiste deutx, e un de la figures la plu importante de leteratur en la temprana de sentenio 20. Sua novelas esplora la individua estracomun e sua relata a la ambiente de la familia o la mundo en jeneral.

Sua naras distingui se par un reprodui esata de la detalias de vive moderna e antica, par un analise profonda e sutil de la ideas e carateres, e par un punto de vide distante e alga ironial, combinada con un senti de trajedia. Sua eroes es frecuente membros de la burjesia ci sufri un turba spirital.

En 1929 Mann ia gania la premio Nobel de leteratur, xef per Buddenbrooks. Sua otra obras inclui Mori en Venesia (1912), Regrete temprana (1925) e La pecor santa (1951). La montania majial (1924) es sua obra la plu conoseda e un de la novelas famosa de la sentenio 20.

El ia es un om de la norde de Deutxland (Lübeck), e esta vila costal es la loca de sua obra xef Buddenbrooks.




#Article 46: Tibet (333 words)


Tibet es un pais sur la plano de Asia sentral. Oji, lo es un parte de Xina e covre sirca 2,4 milion cilometres cuadrida, cuasi un cuatri de la teritorio de Xina. Lo es la abita orijinal de la popla tibetan e alga otra etnicos, incluinte la monpa, la quiang e la lhoba, e es oji abitada ance par cuantias notable de hanes e huis. Lo es la parte de la mundo la plu alta, con un altia promedia de 4900 metres. Sua punto la plu alta es Sagarmata (Monte Everest); con un altia de 8848 metres supra la nivel de mar, lo es la monte la plu alta sur la Tera.

Tibetanes nomi sua pais Bod (བོད་), pronunsiada [pʰøʔ] en la dialeto de Lhasa, la capital. Esta nom es atestada en la jeografia de Ptolemeo como βαται (batai). La nom Tibet veni de la nom arabia Tubbat, cual veni de la turces Töbäd, sinifiante la altas. La nom xines es 西藏 (Xīzàng).

On ave nonacorda sur la autonomia de Tibet. Tibetanes, con multe otras sirca la mundo, crede ce Tibet debe es un nasion autonom. Ma Xina comuniste crede ce Tibet es un parte de Xina, e esta es la realia a esta tempo.

Tibet es conoseda per sua spesie de budisme nomida vajrayana o la via de la diamante. La xef de esta relijio es la Dalai Lama. La Dalai Lama oji es numero 14, Tenzin Gyatso, ci es un refujada en India. El ia gania la Premio Nobel de Pas en 1989.

La economia de Tibet es dominada par cultiva per susiste, ma turisme ia deveni un industria cresente en desenios resente. La relijio dominante en Tibet es vajrayana, ma Tibet ave ance bön, cual es simil a vajrayana, e minorias de muslimes e cristianes. Vajrayana es un influe xef sur la arte, musica e festas de la rejion. Arciteta tibetan mostra influes xines e indian. Comedas major en Tibet es orzo rostada, carne de iac, e te con bur.




#Article 47: Timor Este (272 words)


Timor Este (ofisial la Republica Democrata de Timor Este) es un pais en la rejion maral de Asia sude-este. Lo es composada par la dui este de la isola Timor; la isolas prosima Atauro e Jaco; e Oecusse, un esclave a la lado norde-ueste de la isola, ensircada par Timor Ueste Indonesian. La area de la pais es sirca 15 410 km².

Timor Este ia es colonida par Portugal en la sentenio 16, e ia es conoseda como Timor Portuges asta 28 novembre 1975, cuando la Fronte Revoluiste per Timor Este Nondependente (FRETILIN) ia declara la autonomia de la teritorio. Pos nove dias, lo ia es invadeda e ocupada par Indonesia, e ia es declarada como la provinse 27 de Indonesia en la anio seguente. La ocupa indonesian de Timor Este ia es marcada par un gera multe violente tra desenios entre grupos separadiste (spesial FRETLIN) e la militar indonesian.

En 1999, pos la ata de autodetermina suportada par la Nasiones Unida, Indonesia ia sede controla de la teritorio. Timor Este ia deveni la stato autonom nova prima de la sentenio 21 a 20 maio 2002, e ia junta se a la Nasiones Unida e la Comunia de Paises de Lingua Portuges. En 2011, Timor Este ia anunsia sua intende de gania membria en la Asosia de Nasiones de Asia Sude-Este par solisita per deveni sua membro des-un. Lo es un de sola du nasiones xef cristian en Asia sude-este, con ce la otra es la Pilipinas.

La popla en la anio 2007 ia es sirca 1 084 971 persones. La site capital es Dili. La linguas major es portuges, tetum e otra linguas local.




#Article 48: Timur (401 words)


Timur (parsi: تیمور‎‎ Timūr, chagatai: Temür, uzbec: Temur; mori 18 febrero 1405) ia un un concistor turces-mongol e la fundor de la Impero de Timur en Persia e Asia sentral. Sua nom sinifia fero en turces antica.

El ia nase en Transoxiana en la desenio de 1320 o 1330, prosima a la site Kesh (aora Shahrisabz, Uzbecistan) a sirca 80 km a norde de Samarkand. Sua padre Taraqai ia es un nobil minor de la burlas, ci ia es un popla mongol ci ia deveni turces.

Timur ia gania controla de la Hania Chagatai ueste sirca 1370. De acel base, el ia gida campanias militar tra Asia ueste, sentral e sude, la Caucasos, e Rusia sude, e ia deveni la renor la plu potiosa en la mundo muslim pos sua vinse de la mamluces de Egipte e Suria, la asende de la Impero Osmanian, e la desende de la Sultania de Delhi. De esta concistas, el ia fundi la Impero de Timur, ma sua impero ia frati corta pos sua mori.

La armadas de Timur ia es multietnical e temeda tra Asia, Africa e Europa, de cual multe partes grande ia es destruida par sua armadas. Istoristes estima ce sua campanias militar ia causa la mori de sirca 17 milion persones, cual es egal a sirca sinco persentos de la popla de la mundo a acel tempo.

Timur es videda como la concistor nomada final de la stepes eurasian, e sua impero ia furni la funda de la asende de imperos plu struturida e permanente de la eda de fusiles en la sentenios 16 e 17. Timur ia presenta se como la eritor de Txingis Han e la restoror de la Impero Mongol. El ia usa simboles e espresas muslim per legali sua concistas, e ia nomi se la spada de islam. Timur ia vinse ance la Cavalores de San Joan de Ieruxalem (Ospitalores) a Smirna. 

Ante la fini de sua rena, Timur ia controla tota la restas de la Hania Chagatai, la Hania Hulagu e la Manada de Oro, e ia atenta an la concista de la dinastia Yuan.

Timur ia es la avo de la sultan Ulugh Beg, un astronomiste e matematiciste e la renor de Asia sentral de 1411 a 1449. El ia es ance la cuatroavo de Babur, la fundor de la Impero Mogol, ci ia rena partes de Asia sude per plu ca tre sentenios (1526–1857).




#Article 49: Tirana (354 words)


Tirana es la capital e site xef de Xciperia como ance la cor cultural, economial e governal de la pais. Lo es locada en la sentro ueste de la pais, a 700 cilometres de Atina, a 290 cilometres de Skopje, a 250 cilometres de Pristina e a 160 cilometres de Podgorica. En la anio 2008, Tirana ia ave 624 642 abitores. La area de Tirana es 41,8 cilometres cuadrida. 

Tirana es locada en la sentro de Xciperia, a 32 cilometres de la costa. La altia promedia es 110 m, e la punto la plu alta es Mali me Gropa, con 1828 metres. La site es ensircada par colinas, con la Monte Dajti en la este e un vale pico abrinte en la norde-ueste regardante la Mar Adriatica a distantia.

Tirana ia deveni la capital de Xciperia a oto anios pos la autonomi de la Republica Prima en 1912. La urbanisme prima de la site ia es fada en 1923 par arcitetas osteraices-magiar.  A pos, la sentro de site ia es desiniada par arcitetores italian como Florestano di Fausto, Gherardo Bosio e Armando Brasini. Esente la capital de Xciperia, lo es la seja de la governa de la pais. La du ofisiores xef ave sua abiteria ofisial en la site. La presidente de la pais abita en la Palasio Presidental, e sua ofisia es la Ofisia Presidental. La ministro xef labora en la Ofisia de la Ministro Xef.

El ia declara Xciperia como un stato ateiste e ia atenta sutrae tota relijio organizada de la pais. La Eglesa Catolica es representada par la Arcibispia de Tirana e Durres, con la Catedral de San Paulo como la seja. La comunia ortodox es gidada par la Arcibispo de Tirana en la Catedral de la Revive.

La sistem de aida medical es xef publica. La sistem de aida medical privata es developante, e covre la plu de la servis farmasial e dental. Lo es xef locada en Tirana. La ospital la plu grande es la Ospital de la Madre Teresa, cual es asosiada con la Scola de Farmasia de la Universia de Tirana. Alga ospitales privata ia es abrida.




#Article 50: Tito Livio (978 words)


Tito Livio (latina clasica: Titus Livius, pronunsiada [ˈtɪ.tʊs ˈliː.wi.ʊs]; 64 o 59 aec - 12 o 17 ec) ia es un istoriste roman. El ia scrive un istoria de Roma e la popla roman – Ab Urbe condita libri (Libros sur la Fundi de la Site) – covrente la periodo de la lejendas prima de Roma (ante la fundi tradisional en 753 aec) asta de la rena de Augusto en la vive intera de Livio. El ia es conoseda par la dinastia julio-claudia, esente un conselor de la dusobrino de Augusto, la imperor futur Claudio, como un om joven no multe ante 14 ec en un letera en cual el ia comensa sua scrive de istoria. Livio e la sposa de Augusto, Livia, ia veni de la mesma clan en locas diferente, an si los ia no ia es relatada par sangue.

Livio ia nase en Patavium, en Italia norde, oji Padua. On ave un disputa sur la anio en cual el ia nase: esce 64 aec o 59 aec. En la tempo de sua nase, sua site ia es la numero du de la plu ricas de la penisola Italian, e la plu grande en la provinse de Galia Sisalpan. En sua obras, Livio espresa frecuente sua ama profonda e orgulo per Patavium, e la site ia es conoseda par sua valuas conservaliste en moralia e politica.  El ia es par natur solitar, nonestrema en tempera e antipatiosa con la violentia; la pas restorada de sua tempo ia dona a el la oportun de usa sua pasion en la pasada istorial e lejendal de la pais cual el ia ama.

Sua adolese ia aveni en la anios 40 aec, un periodo de multe geras interna tra la mundo roman. La governor de Galia Sisalpin en acel tempo, Asinio Polio, ia atenta convinse Patavium per suporta Marco Antonio, gidor de un de la partitos en luta. La sitadanes rica de Patavium ia rejeta contribui con mone e armas a Asinio Polio, e los ia asconde. Alora Polio ia atenta soborna la sclavos e acel sitadanes rica per esposa la secretas de sua padrones, ma esta ia no funsiona e la sitadanes ia promete sua fida a la Senato. Lo es donce probable ce la geras interna ia impedi Livio de segue un educa de universia en Roma o vade en turi a Elas, cual ia es comun entre la adolesentes mas de la nobilia en acel tempo. A multe anios plu tarda, Asinio Polio ia comenta la patavinia de Livio, disente ce la latina de Livio ia mostra alga provinsialismes nonasetada en Roma. Esta comenta par Polio ta pote es resulta de la odia a la site de Patavium par causa de sua esperias en la geras interna.

Probable Tito Livio ia vade a Roma en la anio 30 aec e ia resta en la site per un larga tempo pos esta, an si cisa lo no ia es sua abita xef. En sua tempo en Roma, el ia ave nunca un ofisia en la governa. Sua scrivedas ave eras fundal sur cosas militar, indicante ce probable el ia servi nunca en la armada roman. An tal, el ia es educada en filosofia e retorica. Lo pare ce Livio ia ave fontes finansial per un vive autonom, an si la orijina de sua ricia es nonconoseda. El ia dedica un parte grande de sua vive a sua scrivedas, cual el ia pote fa par causa de sua libria economial. Livio ia sposi e ia ave un fia e un fio.

La obra la plu famosa de Livio es sua istoria de Roma. En lo, el nara un istoria completa de la site de Roma, de sua fundi asta la mori de Augusto. Car el ia scrive en la rena de Augusto, sua istoria asentua la vinses grande de Roma. El ia scrive sua istoria con reportas belida de la eroisme roman per promove la tipo nova de governa enforsada par Augusto cuando el ia deveni imperor. En la prefasa a sua istoria, el ia dise ce lo no importa si sua fama personal ia resta en oscuria, si sola sua obra ia aida conserva la memoria de la atas de la nasion suprapasante en la mundo. Car Livio ia scrive xef sur avenis cual ia aveni a sentos de anios plu temprana, la valua istorial de sua obra es dutable, an si multe romanes ia crede sua nara como vera. El ia scrive ance otra obras, incluinte un esajo en forma de letera a sua fio, e dialogos diversa, probable fundida en obras simil de Ciceron.

Tito Livio ia mori en sua site de Patavium en 12 ec o en 17 ec; la data ultima ta es tre anios pos la mori de la imperor Augusto.

La sola obra cual ia survive de Livio es la Istoria de Roma (Ab Urbe Condita), cual ia es sua carera de 32 anios, asta cuando el ia abandona Roma per vade a Padua en un eda vea, probable en la rena de Tiberio pos la mori de Augusto. Cuando el ia comensa sua labora, el no ia es joven; e avenis en sua vive ante acel tempo ia gida el a deveni istoriste. Seneca la Joven ia nota ce Livio ia es ance conoseda como retoriciste e filosofiste e ce el ia scrive alga tratas en acel campos de un punto de vide istorial. 

La Istoria de Roma par Livio ia es multe popular de la tempo de sua publici e ia resta tal en la anios temprana de la impero. Plinio la Joven ia reporta ce la fama de Livio ia es tan vasta ce un om de Cadiz ia viaja a Roma sola per conose el. La obra de Livio ia es un fonte per obras plu tarda de Aurelio Victor, Casiodoro, Eutropio, Festo, Floro, Granio Liciniano e Orosio.




#Article 51: Tocelau (349 words)


Tocelau es un pais de isolas en la sude de la Mar Pasifica. Lo es composada de tre atoles tropical de coral (de la norde-ueste: Atafu, Nukunonu e Fakaofo), de cual sua area combinada de tera es 10 km² e sua popla es sirca 1500 persones. Sua capital move entre la tre atoles a cada anio. Tocelau es a norde de la Isolas Samoan (de cual Isola Swains es la plu prosima), a este de Tuvalu, a sude de la Isolas Fenix, a sude-ueste de la Isolas Linia (plu distante) e a norde-ueste de la Isolas Cook. Asta 1976, la nom ofisial de la pais ia es la Isolas Tocelau.

Con la popla cuatro de la plu petis de cualce pais, Tocelau es un gidor de enerjia renovable, la nasion prima de mundo cual funsiona intera par enerjia solal. Lo es un nasion libre e democrata, con un vota a cada anio tre. Tota aspirores es nondependente: Tocelau ave no partitos political.

La lingua la plu parlada es tocelau, par 93,5% de persones.

Un teritorio dependente de Zeland Nova, a veses on refere a lo con sua nom colonial, la Isolas de Uni. En 2007, la Asembla Jeneral de la Nasiones Unida ia identifia Tocelau como un teritorio nonautonom. An tal, Tocelau es descriveda como un nasion par e la governa de Zeland Nova e la governa tocelau.

La funda de la sistemes legal, dirijal e judal de Tocelau es la Ata de la Isolas Tocelau 1948 e sua cambias. En 1992, on ia institui un xef de governa, ci on eleje a cada anio tre. Ante esta, la Dirijor de Tocelau ia es la ofisior la plu alta de la governa. En novembre 1974 la dirije ia es moveda de la Departe per Maoris e Isolas a la Ministreria de Esternas, e de alora asta setembre 1980, cuando on ia cambia la regulas per dirije Tocelau, la Ministro de Esternas de Zeland Nova ia es la dirijor de Tocelau. La regulas a pos ia permete ce la Ministro de Esternas asinia un person conveninte per es la Dirijor.




#Article 52: Tocipona (1326 words)


Tocipona (toki pona, la bon parla) es un lingua creada estrema simple, con sola 120 parolas. Multe influeda par dauisme, lo usa la min per espresa la plu. Lo ia es desiniada en 1999 par Sonja Lang (nomida Sonja Elen Kisa a ante), un linguiste e traduor canadian, ci ia publici lo par interede en 2001. La libro ofisial defininte la lingua ia apare final en la media de 2014.

La parolas representa cosas fundal e universal de la vive umana. Combinas de parolas sujesta consetas plu complicada. An si multe frases es ambigua, la lingua es notable espresosa. Parlores nesesa considera multe la situa e redui ideas a sua esenses. Esta pote revela relatas interesante. Per esemplo, ami en tocipona es jan pona o bon person. On vide ce un mal ami es un contradise.

Tu pote aprende tocipona con , scriveda en elefen.

Tocipona ave sola 14 sonas. On scrive los con leteras cual coresponde esata a simboles de la Alfabeta Fonetical Internasional:

a e i j k l m n o p s t u w

Car la lingua ave tan poca sonas, multe varias es permeteda. Per esemplo, on pote pronunsia p t k como b d g, o on pote pronunsia w como v.

Cuando n es segueda par p, on pronunsia mp. Simil, cuando n es segueda par k, on pronunsia ŋ.

On asentua cada parola a sua vocal prima.

Un silaba ave la forma CV[n]. La silaba prima de un parola no nesesa comensa con un consonante. Un silaba no pote fini con n si la silaba seguente (en la mesma parola) comensa con m o n. On no permete la silabas ji, jin, ti, tin, wo, won, wu, wun.

La plu parolas indica fundal un cualia. Otras indica fundal un ata.

pona es un esemplo de un parola cual indica un cualia. Lo es un ajetivo (o averbo) cual sinifia bon (o simple, o coreta, o un otra cualia simil bon). On pote usa lo como un nom per indica un bon person o cosa, o per la conseta de bonia (cual es vera un spesie de bon cosa). Plu, on pote usa lo como un verbo nontransitiva cual sinifia es bon, e como un verbo transitiva cual sinifia boni (alga cosa).

toki es un esemplo de un parola cual indica un ata. Lo es un verbo transitiva cual sinifia dise, parla. On pote usa toki sin ojeto, ma esta no cambia sua sensa. Plu, on pote usa lo como un nom per la ata de parla, o per la cosa diseda. E on pote usa lo como un ajetivo o averbo cual sinifia pertinente a parla o parlante.

Ajetivos segue sempre la nom cual los descrive. Per esemplo, en toki pona, pona descrive toki. En fato, on pote comprende toki pona o como un formula de nom (lingua simple) o como un formula de verbo ((on) parla simple), car averbos segue ance sua verbos.

Si on ajunta un ajetivo du, lo descrive la combina ja esistente. Per esemplo, toki pona mute sinifia multe linguas simple. Per espresa linguas multe simple, on dise toki pi pona mute (linguas de multe bonia). La parola pi es un preposada con un sensa estrema jeneral.

On espresa un nom propre como un nom comun segueda par un ajetivo propre. Per esemplo, Sonja es jan Sonja (la person Sonja), Xina es ma Sonko (la tera Jonguo), e elefen es toki Elepen. Ajetivos propre es la sola parolas cual on scrive con un letera major.

Un frase conteni un sujeto e un predica. On separa la du con li – ma on omete esta parola si la sujeto es mi (me) o sina (tu, vos). La sujeto es un formula de nom, per esemplo toki pi pona mute. La predica pote comensa con un formula de verbo o un formula de nom. Con un formula de nom, on comprende ce la sujeto es la cosa indicada:

La problem de moku (en la esemplo a supra) aveni comun cuando la predica comensa con un parola cual es fundal un verbo. Un otra esemplo es mi toki, cual sinifia e me es parlante e me es parlada, me es un lingua.

Un verbo transitiva ave un ojeto direta, cual on espresa como un formula de nom, poneda pos la formula de verbo, e separada de lo con e. On repete e si la verbo ave plu ca un ojeto. Simil, on repete li si on desira plu ca un predica:

Un frase pote comensa con un (o plu ca un) espresa de situa, cual es un formula de nom (o un frase intera) segueda par la:

Per espresa un comanda, on cambia li a o. On pote omete la sujeto e comensa con o. Simil, on pote comensa un frase comun con la nom de la person a ci on parla, segueda par o:

Per demanda esce un frase es vera, on repete la verbo pos ala, cual es ance la parola per no:

On fa demandas de identia con seme, cual sinifia cual?. Un otra modo de demanda sur la veria de un frase es pone anu seme? (o cual?) a la fini:

Tocipona ave sete preposadas. pi ave un sinifia estrema jeneral, e es la sola preposada cual pote apare en un formula de nom. Lo apare ance en formulas de verbo. La otra ses apare sola a la fini de predicas, pos la ojetos direta:

Plu, on pote usa esta ses preposadas como la sola contenida de un predica. On comprende ce la sujeto es en la situa indicada par la preposada. Per esemplo, soweli li lon telo sinifia la animal es en la acua, e mi tawa sina sinifia me vade a tu.

Esta preposadas es ance parolas comun. Per esemplo, kepeken es la verbo usa, e sama es la ajetivo egal. Donce on pote crea frases estrema ambigua: sina pana e sitelen tawa mi pote sinifia tu envia la pitur a me o tu difusa me pitur movente (= me filma video).

Tocipona evita numeros grande. On ave ala per zero, wan per un, e tu per du. Un segue de numeros indica un soma: tre casas es tomo wan tu, e on no nesesa pi. Per espresa numeros plu grande, on dise mute (multe) o ale (tota).

En casos spesial, cuando on nesesa es alga plu esata, on usa luka (mano) per sinco, mute per dudes, e ale per sento. 234 es ale ale mute luka luka tu tu.

On espresa numeros ordinal con la parola nanpa (numero), cual no nesesa pi. La casa tre es tomo nanpa wan tu.

Asi es la 120 parolas de tocipona, con sua sinifias fundal. Los veni de linguas diversa, incluinte cartuli, nederlandes, suomi, pisin, e xines. La lista defini alga parolas como nomes – esta parolas indica fundal cualias, ma los es comun usada como nomes.

La testo seguente es un tradui de Bocragonia (Jabberwocky), un poesia asurda, en tocipona:

suno li tawa anpa. akesi jaki
li kalama li tawa lon telo.
akesi li pilin ike.
soweli lili li kalama wawa.

ona li ken moku li ken awen e ijo mute!
o tawa ala lukin e waso pakala suli e
akesi suli ike!

ona li jo e ilo moli wawa.
tenpo suli la ona li wile moli e ijo Sepawa.
ona li lape lili lon poka pi kasi pona
li kama sona e ijo.

ona li kama sona e ijo la
ijo Sepawa li kama tan ma kasi nasa!
oko ona li seli.
ona li kalama.

a! a! a! a! jan li pakala mute
e ijo Sepawa kepeken ilo moli.
ijo Sepawa li moli. jan li kama jo e lawa pi ijo Sepawa
li tawa weka.

jan lili mi o kama!
a! pona! pona!
ona li pilin pona li musi lukin.

suno li tawa anpa. akesi jaki
li kalama li tawa lon telo.
akesi li pilin ike.
soweli lili li kalama wawa.




#Article 53: Togo (335 words)


Togo (ofisial la Republica Togoles) es un pais en Africa ueste, bordada par Gana a la ueste, Benin a la este e Burcina Faso a la norde. Lo estende a sude asta la Golfo Gine, do sua capital Lomé es locada. Togo covre 57 000 cilometres cuadrida, tal ce lo es un de la paises la plu peti en Africa, con popla de sirca 7,5 milion persones.

De la sentenio 11 asta la sentenio 16, tribus diversa ia entra a la rejion de tota dirijes. Entre la sentenios 16 e 18, la rejion costal ia es un sentro major de comersia de sclavos a europeanes, ganiante per Togo e la rejion ensircante la nom la Costa de Sclavos.

En 1884, Deutxland ia declara Togo como un protejoria. Pos la Gera Mundal Prima, la controla de Togo ia move a Frans. Togo ia gania sua autonomia de Frans en 1960. En 1967, Gnassingbé Eyadéma ia gida un colpa de stato susedosa, deveninte la presidente a pos. A la tempo de sua mori en 2005, Gnassingbé ia es la xef la plu longa en posto en la istoria moderna de Africa, pos tra 38 anios de presidentia. En 2005, sua fio Faure Gnassingbé ia es elejeda como presidente.

Togo es un nasion tropical e susaharan, de cual sua economia depende multe de cultiva, e con un clima cual ofre bon saisones de crese. La lingua ofisial es franses, ma multe otra linguas es parlada en Togo, spesial los de la familia gbe. La grupo relijial la plu grande en Togo es los con credes nativa, e on ave ance minorias importante de cristianes e muslimes. Togo es un membro de la Nasiones Unida, la Uni African, la Organiza de Coopera Muslim, la Zona de Pas e Coopera de la Atlantica Sude, la Organiza Internasional de la Francofonia, e la Comunia Economial de Statos de Africa Ueste.

La popla en la anio 2007 ia es sirca 5 701 579 persones. La major linguas es franses (ofisial), eue, mina, kabie e dagomba.




#Article 54: Pisin (835 words)


Pisin (o Tok Pisin, pronunsiada /ˌtɔːk ˈpɪsɪn/) es un creol parlada tra la tota de Papua Gine Nova. Lo es un lingua ofisial ala e la lingua la plu usada en acel pais. Entre sinco e ses milion persones usa pisin a alga grado, e per entre un e du milion persones lo es la lingua prima. Familias en la sites, la polisia, e la militares usa comun pisin per comunica con lunlotra.

La nom de la lingua es derivada de la engles talk pidgin (parla pijin). Otra nomes inclui neomelanesian e pijin engles melanesian e, simple, pidgin.

La lingua es la resulta de la nesesa de comunica entre multe persones variosa de la isolas de la Pasifica, spesial los ci ia es prendeda per labora a la cultiverias grande en Queensland, Australia. Esta isolanes ia crea un pijin con un vocabulo prima engles, ma inclui ance parolas de deutx, melaiu, e la linguas austronesian (posible spesial de Kuanua de la popla Tolai de Britan Nova Este).

La pijin ia evolui a un creol, pisin, en Gine Nova Deutx e ia comensa estende tra la area. On ave linguas prosima relatada, incluinte bislama en Vanuatu e pijin en la Isolas Solomon. Nota ce pisin no es relatada a un otra creol, hiri motu, la creol de Papua, cual es derivada no de engles ma de motu, un lingua de la nativas de la area de Porto Moresby.

Con engles e hiri motu, pisin es un de la tre linguas ofisial de Papua Nova Gine, e es comun usada en la parlamento. La plu de testos de governa es produida en engles, e campanias de informa usa comun pisin. Engles es la lingua major de scolas, ma alga scolas usa pisin en la tre anios prima de scola per promove la aprende de leje.

La fonolojia de pisin, como multe otra pijines e creoles, es plu simple ca la plu de linguas. Lo ave 16 consonantes e sinco vocales. Nota ce esta varia, dependente de la linguas nativa e la anios de scola de un person. Alga persones usa an des vocales diferente, per esemplo.

En deriva parolas de engles, pisin nesesa simpli la sonas: Per esemplo, la parola engles hand (mano) deveni han, e la parola pig (porco) deveni pik en pisin. Car pisin no distingui /p/ e /f/, e no distingui /s/, /z/, /ʃ/, /ʒ/, /tʃ/, and /dʒ/, pis en pisin pote sinifia la engles beads, fish, peach, feast o peace, e sip en pisin pote sinifia la engles ship, jib, jeep, sieve o chief.

La sufisa -im (de la engles him - el) pos la verbo indica la transitiva. Per esemplo, luk es regarda e lukim es vide. Ma alga verbos, como kaikai pote es transitiva sin la sufisa.

Tempo e aspeta es indicada par paroletas:

Pasada es indicada par bin (de engles been) ante la verbo:

Continuante es indicada par la verbo + i stap (de engles stop) pos la verbo:

Perfeta es indicada par pinis (de engles finish) a la fini de la frase:

Futur es indicada par bai (de engles by and by) a la comensa de la frase o pos la sujeto:

Frases cual ave la person tre como un sujeto pone la paroleta i (de engles he) direta ante la verbo. Esta no es un pronom o verbo, ma un marca gramatical. Per esemplo:

La nom no indica pluralia. Ma si la nom es la sujeto, pluralia es indicada par ol (de engles all) en loca de i. Per esemplo:

Ajetivos prende comun la sufisa pela (de engles fellow) cuando los altera nomes. Un eseta es liklik (peti), cual pote es ance usada como un averbo. Per esemplo, dispela bikpela liklik ston (esta petra poca grande). En alga dialetos, -pela es pronunsiada -pla. Numeros usa comun esta sufisa ance, per esemplo wanpela (un), dupela (du), etc.

Pronomes mostra person, numero, e esclui. La numero duple es comun; la numero truple es min comun. Asi es un lista completa:

Dupli de parolas es comun en pisin. A alga veses, lo es usada como un metodo de deriva; a otra veses, parolas simple ave un repete de partes. Per esemplo, la distingui entre barcon e ovea es sip per la prima e sipsip per numero du.

Ave sola du preposadas propre: bilong (de engles belong) sinifia de o per; e long (de engles along) sinifia a, en, sur, con, asta, etc. pisin usa comun formulas per espresa sutilias: long namel bilong es en la media de.

Parolas orijinal de engles:

(Nota: kaikai es de la linguas austronesian, parlada par alga colonistes temprana de la isolas de la pasifica; rausim es de deutx, de un periodo en cual parte de Papua Gine Nova ia es dominada par Deutxland, e pretes deutx ia introdui cristianisme a la popla ala.)

Tradui leteral:

(Nota ce long (a) e bilong (de) ave multe otra sinifias. La i no ave un tradui en elefen, ma marca la predica, cual no es sempre un verbo en pisin!)




#Article 55: Tonga (410 words)


Tonga, ofisial Rena de Tonga (en lingua tonga Pule'anga Fakatu'i 'o Tonga, en engles Kingdom of Tonga), es un pais en la Mar Pasifica locada en Polinesia e constituida como un monarcia parlamental. La capital e la site con la plu de abitores es Nuku'alofa. Con un area de sirca 748 cilometres cuadrida, Tonga es la pais 186 longo area. Lo es formida par plu ca 177 isolas, conoseda como Isolas de la Amis, de cual 36 es abitada. La cuantia de popla, en la anio 2011, ia es sirca 103 036 persones. La plu de la popla segue alga eglesia cristian e parla la du linguas ofisial de la pais: tonga e engles.

La pronunsia de la nom en tonga es ['toŋa]. En multe linguas polinesian, la parola Tonga sinifia 'sude', e lo es probable ce la arcipelago ia reseta esta nom per sua loca a la sude de la isolas de Samoa. Par contrasta, la abitores de Tonga opina ce la nom de la pais sinifia jardin.

Tonga es un monarcia constitual. Onora per la re sustitui per la onora en sentenios presedente per la onora per la xef santa la plu importante, la Tuʻi Tonga. Critica de la monarcia es regardada como oposada a la cultur tongan. La re Tupou 6 (desendente de la re prima), sua familia, nobiles potiosa e un caste elejeda no real es rica, en cuando la resta de la popla vive en povria relativa. La efetos de esta nonegalia es diminuida par la instrui, la medica e la posese de tera.

La politia esterna de Tonga en janero 2009 ia es descriveda par Matangi Tonga como regarda la este (pd: institui relatas diplomata e economial plu prosima con Asia, cual es locada en la norde-ueste de la rena). Tonga ave relatas cortes con la Statos Unida. Sua relatas con la Rena Unida, an si bon, no es plu prosima. La relatas con la potias rejional de Oseania, Australia e Zeland Nova, es bon.

Tonga es sudivideda en sinco divides dirijal: ʻEua, Haʻapai, Niuas, Tongatapu e Vavaʻu.

Locada en Oseania, Tonga es un arcipelago en la sude de la Mar Pasifica, direta en la sude de Samoa. Sua 169 isolas, de cual 36 es abitada, es divideda en tre grupos xef – Vava'u, Ha'apai, e Tongatapu – e covre un linia de 800 cilometres de norde a sude.

La isola la plu grande, Tongatapu, do la capital Nuku'alofa es locada, covre 257 cilometres cuadrida.




#Article 56: Tora (120 words)


La Tora (Ivri: תּוֹרָה, instrui) es un conseta sentral de la tradision iudi. La sinifia la plu restrinjeda es la sinco libros prima de la Tanakh (Atesta vea iudi). Plu jeneral, lo refere a la Tanakh completa e ance la comentas de la rabis, e an tota de la instrui e pratica de la iudis (la halakha o modo de vive).

Esta article es sur la sinco libros prima, cual, par tradision, Dio ia nara direta a Moxe. Los es nomida en iudisme par la parolas cual comensa la strofe prima de cada libro:

La nomes usada par cristianes per la libros es derivada de la septuaginta, la tradui orijinal en elinica, e los indica la temas de cada libro:




#Article 57: Tore de London (134 words)


La Tore de London (engles: Tower of London) es un castel istorial en London|London] sentral. Lo ia es construida a fini de 1066 como parte de la concista normande de England. La Tore Blanca, cual dona sua nom a la castel, ia es construida par William la Concistor en 1078, e ia es un simbol odiada de la opresa aplicada a London par la elites nova governante. Lo ia es usada como prison de 1100 (Ranulf Flambard) asta 1952 (jemelos Kray) an si esta no ia es sua intende prima. Un palasio grande en sua istoria temprana, lo ia es usada como abiteria real.

La Tore de London ia ave un rol importante en la istoria engles. Lo ia es asejada a veses diversa, e sua controla ia es importante per controla la pais.




#Article 58: TriMet (581 words)


TriMet, ofisial la Distrito de transporta urban tricontial de Oregon (Tri-County Metropolitan Transportation District of Oregon) es un corpora munisipal per intende spesial, constituida par la lege de la stato de Oregon, SUA, en la  . La Distrito ave la autoria de legi, imposta, e de polisia en la area de servi.  TriMet es encargada a construi e dirije un sistem de transporta publica en la area urban de la contias Clackamas, Multnomah, e Washington, en la stato de Oregon, incluinte la sites de Portland , Gresham, Fairview, Troutdale, Wood Village, Maywood Park, Lake Oswego , West Linn, Tualatin , Rivergrove , Tigard, Durham, King City, Beaverton, Hillsboro, Cornelius, Forest Grove, Oregon City, Gladstone, Milwaukie, Happy Valley, e Estacada, ma escluinte la sites de Canby, Damascus, Molalla, Sandy, e Wilsonville.

En 1872, a 21 anios pos la corpora de la site de Portland, Ben Holladay ia compra alga caros tirada par cavalos e mulos, de San Fransisco.  El ia comensa un servi de caros sur la via 1 entre la stradas Glisan e Caruthers en la sentro de Portland.

En 1888, un sistem de tram de vapor ia es construida, raminte en dirijes a Monte Scott, Monte Tabor, bolevar Hawthorne, St Johns, e Vancouver, Washington.  En la anio seguente, trames eletrical ia es introduida, sustituinte per la trames de vapor.  En 1892, la Compania de ferovias sur strada combinada de Portland (Portland Consolidated Street Railway Company) ia es formida, e ia fusa tre companias cual ia ave alga linias de tram en la vila.

En 1893, un ferovia interurban eletrical de 16 milias, la Ferovia de la Lado Este (East Side Railway), ia comensa servi de Portland a Willamette Falls (en Oregon City).  En 1906, tota la linias de tram e la ferovias interurban ia es combinada, en junta con alga otra companias, e ia deveni la Compania ferovial e eletrical de Portland (Portland Railway, Light and Power Company).

En 1910, la sistem de interurban ia estende a Eugene en la sude, a Troutdale en la este, a McMinnville en la ueste, e Vancouver, Washington en la norde.   

Pos la Gera Mundal Du, la cuantia de usores de la Portland Rail ia diminui forte, par alga razonas, incluinte la popularia cresante de autos.  En 1950, la linias de tram ia es abolida.  En 1956, la compania nova, Rose City Transit, ia oteni tota funsionas de transporta publica de Portland Rail, cual ia es alora un parte de la Compania de enerjia eletrical de Portland (Portland Electric Power Company, PEPCO).  PEPCO es aora conoseda como la Portland General Electric (PGE).

En la desenio de 1960, la Rose City Transit ia deveni cuasi bancarota, par la cuantia diminuida de clientes, e la costas grandida de combustables e empleadas.  En 1969, Terry Schrunk, alora la maior de Portland, ia reuni un comite avisal sur transporta publica.  A 14 janero 1969, la consilio munisipal de Portland ia aproba un resolve per crea la Distrito de transporta urban tricontial de Oregon (Tri-Met, con un sinia de junta asta a 1 setembre 2002) e la Legeria de Oregon ia aproba la Proposa de la Camera de representores (HB) 1808, cual ia constitui ofisial la Tri-Met en marto 1969.

A medianote de 1 desembre 1969, la Rose City Transit ia pasa sua ativas e obligas a la Tri-Met, e la Tri-Met ia comensa sua servi.  Un contrae de labor ia es aprobada entre la Tri-Met e la Sindicato combinada de transporta (Amalgamated Transit Union), comite local 757.




#Article 59: Trigo (497 words)


Trigo (Tritico) es un erba domada de Asia sude-ueste cual es cultivada tra la mundo. Trigo es un comeda importante per umanas: numero un es mais, du es trigo, e tre es orzo. La gran de trigo es usada per pan, tortas, tortetas, pasta, e cuscus, e per fermenta per bir, alcol, vodca, e biocombustables. Trigo es ance cultivada como un colieda per bestias, e la palia per bestas e per un materia de construi per tetos.

Trigo es un planta anial cual ateni un altia promedia de 1,2 metres. La folios apare temprana e es segueda par rametas magra cual fini con spinas de gran (nomida spigas).

Spesies de trigo en un area spesifada es elejeda per sua ajustablia a altia, clima, e cuantia de colieda. La trigos cultivada en la republicas pasada de Uni Soviet, la SUA, e Canada es trigos de printempo e inverno, cual es cultivada o en printempo per colie en estate o en autono per colie en printempo.

Trigo durum ave spesial un grana dur. Lo es creseda en la areas norde sentral de la SUA. Trigos nova produinte resiste a maladia ia es developada de pos 1960 per usa en paises developante. La usa xef de trigo es en la fabrica de farina. Jeneral, spesies dur es usable en fabrica de farina de pan, e spesies mol per farina de confeta. Trigo es usable ance en produi de come de matina e a grado limitada en la prepara de bir, uisce, e alcol industrial. Trigo de grado basa es usada per nutri bestias de produi. La produi mundal de trigo en la temprana de la desenio de 1990 ia es plu ca 590 tones metral, un aumenta de sirca 30 persentos supra la promedia de la periodo de 1979 a 1981. Rusia ia continua es la produor gidante mundal, ma la produi ia diminui par causa de la cade de la governa sentral en 1991. Xina ia es la produor du de la plu grandes en 1990, e la SUA ia es numero tre.

Trigo orijina en Asia sude-ueste. La relata a monococo (Tritico beotico) e dicoco (Tritico dicoco) indica ce la area la plu probable de doma ia es prosima a Diyarbakir en Turcia. Esta trigos savaje ia es domada en la comensa de cultiva en la cresente fertil. Formas ia muta con spigas forte e granes plu grande. La cultiva de trigo ia comensa estende estra la cresente fertil en la eda neolitica. A sirca 5000 anios ante aora, trigo ia estende a Itiopia, India, Er, e Espania. Pos mil plu anios, lo ia estende a Xina. A 3000 anios ante aora, la usa de aradas traeda par cavalos ia aumenta la produi de granes sereal. En la sentenio 18, la inventa de la forador de semes ia aumenta plu la produi. Ma 2006 ia es la prima anio cuando la mundo ia consuma plu trigo ca lo ia produi. Esta es un problem cual es cisa seria.




#Article 60: Trinidad e Tobago (305 words)


Trinidad e Tobago (ofisial la Republica de Triniada e Tobago) es un pais de du isolas, prosima a la norde de la continente America Sude, a mera 11 km de la costa de Venezuela norde-este e 130 km a sude de Grenada. Lo borda la Mar Caribe a la norde e comparti fronteras de mar con otra nasiones incluinte Barbados a la norde-este, Grenada a la norde-ueste, Guiana a la sude-este e Venezuela a la sude e ueste.

La isola Trinidad ia es un colonia espaniol de la ariva de Cristoforo Colombo en 1498 asta la sede de la governor espaniol, Don José María Chacón, a la ariva de un flotila brites de 18 barcones de gera a 18 febrero 1797. En la mesma periodo, la posese de la isola Tobago ia cambia entre colonistes espaniol, brites, franses, nederlandes e curlandes, a plu veses ca cualce otra isola en la Caribe. Trinidad e Tobago ia es sededa a Britan en 1802 con la Trata de Amiens, e ia resta separada asta 1889. La pais Trinidad e Tobago ia deveni autonom en 1962, e ia deveni un republica en 1976.

Lo es la pais tre de la plu ricas par produi interna bruta per person en la Americas, pos la Statos Unida e Canada. Plu, la Banco Mundal reconose lo como un economia de revenu alta. No como la plu de la Caribe de lingua engles, la economia de la pais es xef industrial, focada a petrolio e petrocimicales. On atribui la ricia de la pais a sua reservas grande e esplota de petrolio e gas natural.

La area es sirca 5,128 cilometres cuadrida. La site capital es Port-of-Spain.

La popla en la anio 2007 ia es sirca 1 056 608 persones. La majoria es de orijina asian. La lingua major es engles, ma multe persones parla espaniol.




#Article 61: Troia (312 words)


Troia (en elinica: Τροία o Τροίας) es un site en Anatolia do la gera de Troia ia aveni.

La familia real troian ia es fundida par Eletra e Zeus, padres de Dardano, ci ia crusa asta Anatolia de Samotracia, do ia conose a Teucro. Dardano ia sposi Batiea, fia de Teucro e ia fundi Dardania, a pos governada par Eneas. Pos la mori de Dardano, la rena pasa a se neta Tros. Zeus ia fura sua fio Ganimede, par causa de sua belia. Ilo, otra fio de Tros, ia fundi Ilion e demanda a Zeus un sinia. El ia trova un sculta conoseda como Paladio. Un oraculo ia dise ce si la Paladio ia permane en la site, lo ta es nonconcistable. Pos Ilo ia construi la templo de Atenea en sua site, en la mesma loca do ia cade.

La istoristes elinica antica ia situa la Gera de Troia en la sentenio 12, 13 o 14 aec. Eratostene ia dise ce lo ia aveni en 1184 aec; Herodoto ia dise ce en 1250 aec e Duri de Samos en 1334 aec. La arceolojistes moderna lia la Troia de Homero a la Troia 7 arceolojial.

En la Iliada, la aceanes ia construi sua campa prosima a la nase de la Rio Scamandro, do los ia ariva con sua barcos. La site de Troia ia es sur un colina, pasante la Rio Scamandro, do las batalias de la Gera de Troia ia aveni. La loca de la site antica es 5 cilometres de la costa oji, ma 3000 anios aa la nase de la Scamandro ia es plu prosima a la site, descargante en un baia grande cual ia forma un porto natural, cual ia es plenida materia aluvial. Descovres jeolojial resente ia permete identifia la linia de costa troian antica, e la resultas confirma la esatia de la jeografia homeral de Troia.




#Article 62: Tsernagora (2433 words)


Tsernagora (ance nomida Montenegro: ambos sinifia monte negra) es un stato en Europa sude. Lo ave un costa a la Mar Adriatica a la sude-ueste, e es bordada par Corvatsca a la ueste, Bosnia e Hersegovina a la norde-ueste, Serbia a la norde-este, Cosovo a la este e Xciperia a la sude-este. Sua capital e site la plu grande es Podgorica, e Cetinje es titulida la Capital Real Vea.

En la sentenio 9, tre prinsias serbsce ia es locada en la teritorio de Tsernagora: Duklja, corespondente a aprosima la dui sude; Travunia, la ueste; e Rascia, la norde. En 1042, arconte Stefan Vojislav ia gida un revolta cual ia causa la autonomi de Duklja de la Impero Bizantian e la institui de la dinastia Vojislavljević. Pos pasa tra la controla de alga potias rejional e la Impero Osmanian en la sentenios seguente, lo ia deveni un parte de la Rena de Iugoslavia en 1918, cual ia es segueda par la Republica Federal Sosialiste de Iugoslavia en 1945.

Pos la desintegra de Iugoslavia en 1992, la republicas Serbia e Tsernagora ia institui juntada un federa como la Republica Federal de Iugoslavia, an si sua state como la seguente legal de Iugoslavia ia es oposada par otra republicas pasada e negada par la Nasiones Unida. En 2003, lo ia renomi se Serbia e Tsernagora. Pos la resulta de un referendo a 21 maio 2006, Montenegro ia declara autonomia a 3 junio de acel anio.

En lingua franca nova, la pais ave du nomes Tsernagora e Montenegro. Ambos sinifia monte negra. La parola Montenegro veni de la latina mons monte e nigra black. Alga linguas cual tradui leteral esta nom es xcip Mali i Zi, elinica Μαυροβούνιο (Mavrovoúnio), jonguo 黑山 (Hēishān), turces Karadağ (e multe linguas turcica usante un varia de esta nom) e arabi الجبل الاسود (al-Jabbal al-Aswad). La linguas slavica (la lingua ofisial de la pais, tsernogorsce, es un lingua slavica) usa varias de la nom en la lingua de la pais (Crna Gora) e ance la nom prima usada en lingua franca nova Tsernagora veni de la nom ofisial. Otra esemplos de la varia fundida en la nom slavica es la nom en txesce Černá Hora, en rusce Черного́рия (Černogórija), en balgarsce Черна гора (Černa gora), e en polsce Czarnogóra (de sua forma literalleteral Czarna Góra). En la lingua mongol, la pais es nomida o Черногори (Chernogori, emprestada de rusce) o Монтенегро (Montenegro).

La nom Crna Gora ia comensa indica la plu de la Montenegro presente sola en la sentenio 15. Orijinal, lo ia refere a sola un banda peti de tera governada par la Paštrovići, ma la nom ia es final usada per la montania plu vasta pos cuando la familia nobil Crnojević ia prende la potia en Zeta Alta.

La rejion orijinal ia deveni conoseda como Montenegro Vea (Stara Crna Gora) en la sentenio 19 per distingui la rejion autonom e Brda (montania), un teritorio montenegrin visina e ocupada par osmanianes. Montenegro ia grandi plu a alga veses ante la sentenio 20, como resulta de geras contra la Impero Osmanian, cual ia vide la propri de Hersegovina Vea e partes de Metohija e Rascia sude. Sua fronteras ia cambia poca a pos, perdente Metohija e ganiante la Baia Kotor.

La codigo ISO Alfa-2 per Montenegro es ME, e la codigo Alfa-3 es MNE.

En la sentenio 9, tre prinsias serbsce ia es locada en la teritorio de Tsernagora: Duklja, corespondente a aprosima la dui sude; Travunia, la ueste; e Rascia, la norde. En 1042, arconte Stefan Vojislav ia gida un revolta cual ia causa la autonomi de Duklja de la Impero Bizantian e la institui de la dinastia Vojislavljević. En la desenios seguente, lo ia estende sua teritorio a Rascia e Bosnia visina, e ia deveni ance reconoseda como un rena. Sua potia ia comensa declina en la comensa de sentenio 12. Pos la mori de la Re Bodin (en 1101 o 1108), alga geras interna ia segue. Duklja ia ariva a sua apico su la fio de Vojislav, Mihailo (1046–81), e sua neto Constantino Bodin (1081–1101). En la sentenio 13, Zeta ia sustitui Deuklja cuando on ia refere a la rena. En la tarda de la sentenio 14, Tsernagora sude (Zeta) ia deveni governada par la familia nobil Balšić, pos la familia nobil Crnojević e, en la sentenio 15, Zeta ia es plu frecuente conoseda como Crna Gora (venezian: monte negro).

Car la nobiles ia luta per la trono, la rena ia debili, e en 1186, lo ia es concistada par Stefan Nemanja e ajuntada a la rena serbsce como un provinse nomida Zeta. Pos la colasa de la Impero Serbsce en la dui du de la sentenio 14, la familia la plu potiosa de Zeta, la familia Balšić, ia deveni monarcas de Zeta.

En 1421, Zeta ia es ajuntada a la Despotia Serbsce, ma pos 1455, un otra familia nobil de Zeta, la familia Crnojević, ia deveni renores de la pais, cambiante lo a la monarcia libre ultima de la Balcanes ante la concista osmanian en 1496, e ia es ajuntada a sanjak de Shkodër. En la rena de la familia Crnojević, Zeta ia deveni conoseda su sua nom de oji – Montenegro. Tra un tempo corta, Tsernagora ia esiste como un sanjak autonom (1514–28); un otra varia de lo ia esiste denova entre 1597 e 1614. Ance la rejion de Hersegovina vea ia es un parte de la Sanjak de Hersegovina.

Partes grande ia cade su controla de la Impero Osmanian de 1496 a 1878. En la sentenio 16, Tsernagora ia developa un forma unica de autonomia en la Impero Osmanian, permetente a la clanes tsernagorsce libria de alga restrinjes. An tal, la montenegrines no ia gusta la gida osmanian e ia rebela a multe veses en la sentenio 17, culminante en la defeta de la osmanianes en la Grande Gera Turces a fini de la sentenio.

La stratejia militar tsernagorsce ia es simple ma produosa: si la osmanianes ta veni con 5000 soldatos, la tsernagorsces ta pote oposa los; si la osmanianes ta veni con plu soldatos ca la tsernagorsces pote oposa, la montenegrines ta arde tota, ta retira plu en la montanias e ta lasa ce la enemi mori de famia.

Tsernagora ia es composada par teritorios controlada par clanes gerosa. Plu clanes ia ave un xef (knez), ci no ia pote ave la titulo sin demostra ce el es tan meritante como gidor como sua presedor. La asembla grande de clanes tsernagorsce (Zbor) ia reuni a cada anio en 12 julio en Cetinje, e cualce adulte de cualce clan ia pote partisipa.

Partes de la teritorio ia es controlada par la Republica de Venezia e la Impero Franses Prima e Osteraic-Magiar, sua seguores. En 1515, Tsernagora ia deveni un teocratia gidada par la bispia de metropoli de Tsernagora e la Costa, cual ia flori pos cuando la Petrović-Njegoš de Cetinje ia deveni la prinses-bispos tradisional (de ci sua titulo ia es Vladika de Tsernagora). An tal, la Republica Venezian ia introdui governores ci ia interfere en la politica montenegrin. La republica ia es segueda par la Impero Osteraices en 1797, e la governores ia es abolida par la Prinse-Bispo Petar 2 en 1832. Sua presedor Petar 1 ia contribui a la uni de Tsernagora con la Terenos Alta.

Su Nicolas 1, la prinsia ia es grandida a veses diversa en la geras tsernagorsce-turces e ia es reconoseda como nondependente en 1878. Su la gida de Nicolas 1, relatas diplomata ia es instituida con la Impero Osmanian. Estra scaramuxas en la frontera, la diplomatia ia gida 30 anios de pas entre la du statos asta la despone de Abdul Hamid 2.

La capasia political de Abdul Hamid e Nicolas 1 ia ave un rol major en la relatas mutua amin. Lo ia segue la moderni de la stato, culminante con la clama de un constitui en 1905. An tal, lutas political ia emerji entre la Partito Poplal renante, ci ia suporta la democrati e uni con Serbia, e la Partio Poplal Vera, ci ia es monarciste.

En esta periodo, un de la vinses tsernagorsce major su la osmanianes ia aveni en la batalia de Grahovac. La dux grande Mirko Petrović, frate major de Knjaz Danilo, ia gida un armada de 7500 persones e ia vinse 15 000 osmanianes en Grahovac a 1 maio 1858. La gloria de la vinse tsernagorsce ia es nonmortalida en cantas e leteratur de tota la slavicas sude, xef par la tsernagorsces en Vojvodina, alora un parte de Osteraic-Magiar. Esta ia forsa la Grande Potias a desinia ofisial la fronteras entre Tsernagora e la Impero Osmanian, reconosente par fato la nondepende tsernagorsce, cual ia es ance reconoseda par la Impero Osmanian en la Trata de Berlin en 1878.

La constitui prima de Tsernagora ia es proclamada en 1855, conoseda como Codigo Danilo.

En 1910, Tsernagora ia deveni un rena, e como resulta de la geras de la Balcanes en 1912 e 1913 (en cual la osmanianes ia perde tota la Balcanes), un frontera comun con Serbia ia es instituida, con ce Shköder ia es donada a la Xciperia nova emerjinte, an si la capital de Tsernagora, Podgorica, ia es la frontera vea de Xciperia e Iugoslavia.

Tsernagora ia es entre la Aliadas en la Gera Mundal Prima (1914–18). De 1916 a otobre 1918, Tsernagora ia es ocupada par Osteraic-Magiar. En la ocupa, la Re Nicolas ia fuji de la pais, e la governa en esclui ia es organizada en Bordeaux.

En 1922, Tsernagora ia deveni la oblast de Cetinje en la Rena de Serbsces, Corvatsces e Slovenianes, con la ajunta de la areas costal ensircante Budva e la Baia de Kotor. En un restruturi en 1929, lo ia deveni un parte de la banato de Zeta en la Rena de Iugoslavia cual ia ariva a la rio Neretva.

La neto de Nicolas, la re serbsce Alexander 1, ia domina la governa iugoslavian. La banato de Zeta ia es un de la nove banatos cual ia forma la rena; lo ia es formida par lo cual es oji Tsernagora e alga partes de Serbia, Corvatsca e Bosnia.

Internasional, Tsernagora ave fronteras con Corvatsca, Bosnia e Hersegovina, Serbia, Cosovo e Xciperia. Lo es locada entre la latitudes 41° e 44°N, e lonjitudes 18° e 21°E.

Tsernagora varia de la apicos alta longo sua bordas con Serbia, Cosovo e Xciperia, un parte de la Carst de la Penisola Balcan ueste, a un plano costal streta cual es larga de sola 1,5 a 6 cilometres larga. La plano para en la norde, do la Monte Lovćen e la Monte Orjen tufa en la baieta de la Baia de Kotor.

La rejion de Carst la plu grande de Tsernagora es locada en altias de 1000 m supra la mar, ma alga partes ateni 2000 m, como la Monte Orjen (1894 m), la masif la plu alta entre la cadenas de calcario costal. La vale de la Rio Zeta, con altia de 500 m, es la parte la plu basa.

La montes de Tsernagora inclui alga de la tereno la plu ru en Europa, con un eleva promedia plu ca 2000 m. Un de la apicos la plu notable de la pais es Bobotov Kuk en la Montes Durmitor, cual ave un altia de 2522 m. Par causa de la clima iperumida en la parte ueste, la cadena montanial tsernagorsce ia es la parte la plu erodeda par jelo de la Penisola Balcan en la periodo glasial ultima.

La constitui de Tsernagora descrive la stato como un stato ecolojial, democrata, munisipal de justia sosial, fundida en la rena de la Lege. Tsernagora es un republica autonom cual ia proclama sua constitui nova en 22 otobre 2007.

La Presidente de Tsernagora es la xef de stato, direta elejeda a cada sincuple de anios. La Presidente representa la pais estra la pais, promove leges par proclama, clama a vota per la Parlamento, e proposa aspirores per ministro xef, presidente e judores de la Corte Constitual de la Parlamento. La Presidente proposa ance la clama a referendo a la Parlamento, amnestia la ofendes criminal prescriveda par la leje nasional, dona premios e fa otra debes, e es un membro de la Consilio de Defende Suprema. La abiteria ofisial de la Presidente es en Cetinje.

La Governa de Tsernagora ave la potia de esecuta. La governa es gidada par la ministro xef, e es formida par la visministros prima como ance la ministros.

La Parlamento de Tsernagora es un legeria de un salon. Lo aseta lejes, validi tratas, nomi la ministro xef, ministros e judores de tota la cortes, adota la bujeta, e fa otra debes como institui la constitui. Lo pote ance fa un vota de nonfida a la governa par majoria simple. Un representor es elejeda par 6000 votores. La parlamento ave 81 sejas, con 39 tenida par la Alia per un Tsernagora European pos la elejes parlamental de 2012.

Tsernagora es divideda en 23 munisipas (opština) e du munisipas urban, con du sudivides de la munisipa de Podgorica. Cada munisipa pote ave multe sites. Istorial, la teritorio de la pais ia es divideda en nahije.

Clasida par la Banco Mundal como un pais de revenu media alta, Tsernagora es un membro de la NU, OTAN, la Organiza Mundal de Comersia, la Organiza per Securia e Coopera en Europa, la Consilio de Europa, la Acorda de Comersia Libre de Europa Sentral, e un membro fundinte de la Uni per la Mediteraneo.

Tsernagora ave un costa depintin e un rejion montanial a norde. La pais ia es un loca conoseda par turistes en la desenio de 1980. An tal, la geras de Iugoslavia lutada en la paises visina en la desenio de 1990 ia descapasi la industria de turisme e ia dana la imaje de Tsernagora per anios.

Longo la conta de abitores de 2003, Tsernagora ave 620 145 sitadanes. Si la metodolojia usada asta 1991 ta es adotada en la conta de abitores de 2003, Tsernagora ta ave 673 094 abitores rejistrada. La resultas de la conta de abitores de 2011 ia mostra ce Montenegro ave 620 029 sitadanes.

Tsernagora es un stato multietnical en cual no grupo etnical ave un majoria. La grupos etnical xef inclui montenegrines e serbsces; otras es bosnianes, xcipes e corvatsces. La cuantia de montenegrines e serbsces flutua vasta entre la contas par causa de cambias de la modo en cual la popla persepi, esperia o eleje espresa sua identia e parteni etnical.

La pais ave un area de sirca 14 026 cilometres cuadrida e, en la anio 2006, sirca 630 548 abitores. La linguas major es serbsce e tsernagorsce.




#Article 63: Tsimxian (783 words)


Tsimxian (o Sm'álgyax) es un lingua isolida de Alaska sude-este parlada par sirca 50 persones de sirca 1300 persones de un tribu.

Tsimxian usa silabas (C)CV o (C)CVC(C) en cual la vocales pote es longa o corta. Consonantes silabal es comun e pote aveni a cualce loca en un parola. La consonantes silabal es m, n, l e sua formas glotalida.

Grupos de consonantes es comun, pe pt, pts, ptl, kts, qp, qtk, qtsky, qsk, nts, tgy, etc.
 
Grupos de consonantes a la fini de parolas ave comun un vocal introduida, la plu comun a: 

La vocales longa debe es pronunsiada en un de tre modos: con un tono continuante; un tona cadente; o con un interompe glotal. Esemplos:

La asentua prima tipal es sur la silaba final de la parola. Si un sufisa o junta es ajuntada, la asentua es sur la silaba ante la final.

Tsimxian es un lingua polisintesal, an si min ca multe otra linguas de America Norde. Tempo, per esemplo, no es indicada en la verbo ma como un parola separada. Ma la verbo es la parola la plu importante en la frase, e con afisas lo pote espresa un frase completa.

Tsimxian usa comun reduplis per indica pluralia en nomes e verbos. Ma la formas es cambiada en modos variosa:

Estra redupli, plurales pote ance es formida par ajunta cliticos:

La parola gyik (denova) pote es prefisada per formi alga plurales, spesial los cual refere a tempo:

La parola lu'kwil (multe) pote es cortida a lu- e afisada a alga parolas per formi la plural:

Alga plurales es la mesma como la singular:

E otras ave plurales con no relata morfolojial:

On ave des sufisas per deriva otra parolas con alga relata de sinifia a la orijinal:

Otra sufisas es derivadas de parolas cual pote es ajuntada a parolas per cambia sua sinifia. La afisas deveni multe cambiada par regulas fonolojial o par acaso:

Tsimxian ave multe prefisas clitical. Esemplos:

Loca (stante)

Loca (movente)

Derivada de parolas

Multe de la informa cual aveni en un formula nomin pote es espresada sur la formula verbal. Como esemplos, a su es la formas la plu comun de sufisas asolutiva:

 
Si on ave un nom ergativa nonmarcada en la frase e ance un pronom asolutiva, ance la marca de tempo reseta un sufisa -t:

Asi es la afisas pronomal ergativa:

Ambos afisas pronomal pote aveni en la mesma frase:

Tsimxian es un lingua ergativa-asolutiva. An si la marca de nomes e verbos permete ce la sintatica es plu libre ca, per esemplo, lo de engles, la ordina de parolas es ancora importante. La ordinas fundal:

Per asentua la nom ergativa, lo pote es moveda a la comensa de la frase con esta cambias: 

Esta aveni sola si la nom ergativa es un pronom, e nunca con nomes propre. Otra nomes pote es asentuada en la mesma modo con esta cambias:

La formula verbin ave la ordina: marca de tempo - verbo. Ma multe formulas nomin en la frase pote es representada sur ambos la verbo e/o la marca de tempo como prefisas, infisas, o sufisas. On ave sinco marcas de tempo cual pote es combinada per formi tempos o aspetas variosa:

Alga combinadas:

La formula nomin fundal ave la ordina: marca de cuantia - ajetivo - nom - determinante - posesente. 

Simil a sistemes de clasi en otra linguas, Tsimxian ave sete sistemes: cosas astrata, cosas plata e animales, cosas ronda e unias de tempo, persones umana, cosas longa, canoas, e mesuras:

Como numeros, ajetivos veni ante sua nom. Los nesesa un -m juntante e debe acorda con la numero de la nom (singular o plural). Ajetivos segue numeros. 

Determinantes segue la nom e la nom nesesa un sufisa juntante, -a.

Posese es mostrada par pone la nom posesente pos la cosa poseseda, cual reseta un -a juntante. Si la ojeto poseseda no es alga cosa forte juntada a la posesor en alga modo (partes de la corpos, vestes, familia, etc), la ojeto reseta la prefisa na-

Si la verbo es transitiva, la ajenta de la verbo es tratada como un nom ergativa e la ojeto como un nom asolutiva. En esta casos, la marca de tempo reseta la sufisa -t, la verbo reseta la sufisa -da, e la nom ergativa reseta la sufisa -a:

Frases transitiva en cual la verbo es relatada a la asolutiva pote permete ce la nom es juntada a la verbo. La junta verbal -m- es usada per sufisa la nom a la verbo:

Cuando un verbo nontransitiva es usada, la ajenta de la verbo es tratada como un asolutiva. Si la nom segue direta pos la verbo, donce la verbo reseta un -a sufisa:




#Article 64: Tucidide (366 words)


Tucidide ia es un istoriste e jeneral elinica. Sua Istoria de la Gera de Peloponeso nara la gera en la sentenio 5 aec entre Sparta e Atina en la anio 411 aec. Tucidide ia es nomida la padre de istoria siensal par los ci ia aseta sua declaras de sua normas de asembla de indicas e analise de causa e efeto, sin refere a intervenis par la dios, como el ia resoma en la introdui de sua obra.

El ia es ance nomida la padre de la scola de realisme political, cual vide la condui political de individuas e la resultas de relatas entre statos como arbitrada e construida sur emosias de teme e la propre interesa. Sua testo es ancora studiada en la universias e scolas militar global.

Plu jeneral, Tucidide ia mostra interesa en comprende la natur umana per esplica condui en crises como pestas, masacras e geras interna.

An con sua grandia como istoriste, la istoristes moderna conose poca sur la vive de Tucidide. La informa la plu fidable veni de sua propre Istoria de la Gera de Peloponeso, cual indica sua nasionalia, padria e loca de nase. El ia informa nos ce el ia luta en la gera, ia prende la pesta e ia es escluida par la democratia. El ia es cisa envolveda en supresa la revolta samian.

Paul Shorey nomi Tucidide un sinica sin sensosia moral. En ajunta, el nota ce Tucidide ia conseti la natur umana como determinada par la ambientes fisical e sosial, a lado de desiras fundal.

La obras de Tucidide indica un influe de la ensenias de la sofistes cual contribui a la pensa e carater de sua Istoria. Atestas inclui sua ideas setica sur la justia e la moralia. On ave ance elementos en la Istoria (como sua opina sur la natur de cosas fatal, empirical e nonantropomorfe) cual sujesta ce el ia conose min la opinas de filosofistes como Anaxagora e Democrito. On ave ance atesta de sua conose de alga de la scrives medical de Hipocrate.

Tucidide ia es spesial interesada en la relatas entre la intelijentia umana e la judi, Fortuna e Nesesa, e la idea tro noncoerente e noncalculable per predise.




#Article 65: Tunis (478 words)


Tunis (ofisial la Republica de Tunis) es un pais en Africa norde, con area de 165 000 cilometres cuadrida. Sua punto la plu norde, Capo Angela, es la plu norde de la continente african. La pais es borada par Jazair a la ueste e sude-ueste, Libia a la sude-este e la Mar Mediteraneo a la norde e este. On ia estima sua popla como pico min ca 11 milion persones en 2014. La pais ave la mesma nom como sua site capital, Tunis, cual es situada a la costa norde-este.

Jeografial, Tunis conteni la fini este de la Montes Atlas e la partes la plu norde de la deserto Sahara. Multe de la resta de la tera de la pais es fertil. Sua 1300 cilometres de costa inclui la junta african de la partes ueste e este de la Basin Mediteraneo e, par la Streta Sisilia e Canal Sarda, conteni la puntos du e tre de la plu prosimas a Europa en la continente Africa, pos Jibraltar.

Tunis es un republica democrata semipresidental, e on regarda lo como la sola democratia completa en la mundo arabi. Lo ave un indise alta de developa umana. Lo ave un acorda de asosia con la Uni European; es un membro de la Organiza Internasional de Francofonia, la Uni per la Mediteraneo, la Uni Magreb Arabi, la Alia Arabi, la Organiza de Coopera Muslim, la Area Arabi de Comersia Libre, la Comunia de Statos Sahel-Saharan, la Uni African, la Promove Nonaliniada, e la Grupo de 77; e lo ia gania la state de aliada major non-OTAN de la Statos Unida. En ajunta, Tunis es ance un stato membro de la Nasiones Unida e un partisipor de la Lege de Roma de la Corte Criminal Internasional. Relatas prosima con Europa – spesial con Frans e Italia – ia es creada par coopera economial, privati e moderni industrial.

En la eda antica, Tunis ia es xef abitada par berberes. Migra fenisia ia comensa en la sentenio 12 aec; esta migrores ia fundi Cartago. Un potiosa comersial major e un oposor militar de la Republica Roman, Cartago ia es vinseda par la romanes en 146 aec. La romanes, ci ia ocupa Tunis tra la plu de la 800 anios seguente, ia introdui cristiania e ia lasa un lega arcitetal incluinte la amfiteatro El Djem.

Pos alga atentas comensante en 647, la arabis ia concista la intera de Tunis ante la fini de 697, segueda par la osmanianes entre 1534 e 1574. La osmanianes ia domina tra plu ca 300 anios.

La coloni franses de Tunis ia aveni en 1881. Tunis ia deveni autonom su Habib Bourguiba e ia es declarada como la Republica de Tunis en 1957. En 2011, la Revolui Tunisi ia resulta la suverti de presidente Zine El Abidine Ben Ali, pos cual elejes parlamental ia aveni.

La linguas major es arabi e franses.




#Article 66: Turbas en Er Norde (349 words)


La Turbas en Er Norde (eres: Na Trioblóidí, engles: The Troubles) es la nom comun per la disputa etnico-nasionaliste en Er Norde en la tarda de la sentenio 20. La disputa ia comensa en la desenio de 1960 e ia fini con la Acorda de Venerdi Santa en 1998. An si la Turbas ia aveni xef en Er Norde, violentia ia estende a Er, England e la resta de Europa.

La disputa ia es xef political e nasionaliste, nurida par avenis istorial. Lo ia ave un dimension etnical o setal, an si lo no ia es un disputa relijiosa. Un tema xef ia es la state constitual de Er Norde. La unidistes, ci ia es xef protestante e ia ave nasionalia (juntada a la resta de Era Norde) ia desira ce Er Norde resta en la Rena Unida. La republicistes, ci ia es xef catolica, ia desira ce Er Norde lasa la Rena Unida e deveni un parte de un Er unida. La disputa ia comensa en la batalia per fini la separa contra la minoria catolica par la governa unidiste e la polisia. A esta campania de protesta, violentia ia es la responde de la unidistes ci ia vide lo como un escusa republiciste. Esta ia gida a la ativi de soldatos brites, inisial per suporta la polisia e proteje la siviles catolica, e a gera en la tre desenios seguente.

La partisipores xef en la Turbas ia es la republicistes paramilitar como la Armada Republiciste Eres Tempora e la Armada de Libri Nasional Eres (INLA); unidistes paramilitar como la Forte de Bonvolores de Ulster (UVF) e la Asosia de Defende de Ulster (UDA); la fortes de securia brites (la Armada Brites); e ativistes political e politicistes. La fortis de securia de la Republica ia fa un rol peti. Plu ca 3500 persones ia mori en la disputa, de ci 52% ia es nonmilitares, 32% ia es membros de la forties de securia brites, e la 16% ia es membros de grupos paramilitar. Violentia ia aveni ancora nonperiodal pos la suscrive de la Acorda de la Venerdi Santa.




#Article 67: Turcia (128 words)


Turcia es un pais en Europa e Asia sude-ueste.

La area es sirca 780 580 cilometres cuadrida.

La popla, en la anio 2006, ia conteni sirca 70 413 958 persones.

La site capital es Ancara.

La major lingua es turces. 10 miliones parla la lingua curdi. (Vide ance Curdistan.) En Istanbul 15 000 iudis parla iudezmo, un dialeto de espaniol.

La Ministro xef es Recep T. Erdoğan, un islamiste moderada. La presidente es Abdullah Gül.

En 1913 la turceses joven ia rebela en Istanbul, la capital vea (la Porta Sublima).

En la Gera Mundal Prima (1914–18), Turcia ia alia se con Deutxland. Pos la gera, la Impero Osmanan ia fini.

En 1928 Kemal Atatürk ia introdui sua reformas european.

En 2013 on ia ave protestas en Istanbul (Plaza Taksim) e otra sites.




#Article 68: Turcmenistan (310 words)


Turcmenistan es un pais en Asia sentral, bordada par Cazacstan a la norde-ueste, Uzbecistan a la norde e este, Afganistan a la sude-este, Iran a la sude e sude-ueste, e la Mar Caspio a la ueste.

Lo es ja un crus de vias de sivilias tra sentenios. En la eda medias, Merv ia es un de la sites grande de la mundo muslim e un stasion importante sur la Via de Seda, un via de caravan usada per comersia con Xina asta la media de la sentenio 15. Proprida par la Impero Rusce en 1881, plu tarda Turcmenistan ia partisipa forte en la promove antibolxevic en Asia sentral. En 1925, Turcmenistan ia deveni un republica constituinte de la Uni Soviet, nomida la Republica Sosialiste Soviet Turcmen; lo ia deveni denova autonom cuando la Uni Soviet ia desintegra en 1991.

Turcmenistan posese la reservas cuatro de la plu grandes de recursos de gas natural en la mundo. La plu de la pais es covreda par la Deserto Caracum. De 1993, sitadanes reseta eletrica, acua e gas natural sin custa, furnida par la governa.

Turcmenistan ia es renada par Saparmurat Niyazov, presidente tra la vive, asta sua mori en 2006. Gurbanguly Berdimuhamedow ia es elejeda como presidente en 2007. Longo Human Rights Watch, Turcmenistan resta como un de la paises la plu represante de mundo. La pais es cuasi cluida contra esaminas nondependente, librias jornaliste e relijial es controlada par restrinjes sever, e defendores de diretos umana e otra ativistes fronti la menasa constante de venja par la governa. Pos la suspende de la puni de mori, sua usa ia es formal abolida en la constitui de 2008.

Turcmenistan ave un area de sirca 488,100 cilometres cuadrida, e ia ave sirca 5 097 028 persones en 2007. Sua site capital es Axgabat, e la linguas major es turcmen (72%), rusce (12%) e uzbec (9%).




#Article 69: Turcs e Caicos (806 words)


Turcs e Caicos es un teritorio ultramaral brites cual es composada de la Isolas Caicos, e la Isolas Turcs min grande, du grupos de isolas tropical en la Arcipelago Lucaias de la Mar Atlantica e la norde de la Indias Ueste. La isolas es conoseda xef per turisme e como un sentro estrateritorial de finansia. La cuantia de popla, en la anio 2012, ia es sirca 31 458 persones, de ci 23 769 abita sur Providenciales en la Isolas Caicos. La lingua major es engles.

Turcs e Caicos es a la sude-este de Mayaguana en Bahamas e a la norde de la isola de Ispaniola (cual conteni Aiti e la Republica Dominican) e otra isolas en la Antiles. Cockburn Town, cual ia es la site capital de pos 1766, es sur la isola de Grand Turk, cual es a sirca 1042 cilometres a la este-sude-este de Miami en la Statos Unida de America. La area intera de tera de Turcs e Caicos es sirca 430 cilometres cuadrida.

La oserva prima rejistrada par europeanes de esta isolas ia es en 1512. En la sentenios seguente, la isolas ia es reclamada par alga potias european, e la Impero Brites ia ateni ultima la controla. Tra multe anios, la isolas ia es nondireta governada par Bermuda, Bahamas e Jamaica. Cuando Bahamas ia autonomi en 1973, la isolas de Turcs e Caicos ia reseta un governor, e ia resta un teritorio ultramaral brites separada e autonom de alora. En agosto 2009, la Rena Unida ia suspende la autonomia de Turcs e Caicos pos reportas de froda ministral. Autonomia ia es restorada en la isolas pos la vota de novembre 2012.

La isolas Turcs e Caicos es nomida per la melocacto (ance conoseda en engles como la Turk's cap cactus, cual sinifia cacto de fez), e la terma taino caya hico, cual sinifia cadena de isolas.

La du grupos de isolas es en la norde de la Mar Atlantica, a la sude-este de Bahamas, a la norde-ueste de Porto Rica, a la norde de Ispaniola, e a sirca 1000 cilometres de Miami en la SUA, a 21°45′ norde 71°35′ ueste. La teritorio es jeografial continuante con Bahamas, de cual ambos parteni a la Arcipelago Lucaias, ma lo es un teritorio political separada. La Isolas Caicos es separada de la isolas bahaman de Mayaguana e Inagua Grande par la Pasaje Caicos.

La oto isolas xef e plu ca 299 isolas plu peti ave un area intera de tera de 616,3 cilometres cuadrida, e es composada xef de calcario plana e basa; los ave pantanes estendosa, pantanes erbosa de rizofora, e 332 cilometres cuadrida de plaia. La clima es frecuente solosa (on dise comun ce la isolas reseta 350 dias de sol em cada anio) e relativa seca, ma sufri frecuente siclones. La isolas ave recursos limitada de acua dulse; on usa tances privata per colie acua de pluve per bevi. La recursos natural xef es langosta, strombo e otra crustaseos e moluscos.

La Pasaje Isolas Turcs separa la du grupos de isolas.

La isolas Turcs es separada de la Isolas Caicos par la Pasaje de Isolas Turcs, cual es plu profonda ca 2200 metres. La isolas es un cadena cual estende de la norde a la sude. En 2012, la cuantia de abitores ia es sirca 4939 en la du isolas xef, la sola isolas en la grupo cual es abitada:

Esta du isolas, con isolas ambiente en Parador Turcs, formi du de la ses distritos dirijal de la teritorio cual es en la Isolas Turcs. Parador Turcs, cual es plu peti ca Parador Caicos, ave un area intera de sirca 324 km².

La Parador Mouchoir es a 25 cilometres a la este de la Isolas Turcs e separada de los par la Pasaje Mouchoir. An si lo ave no isoletas emerjinte, alga partes es multe nonprofonda e la acua rompe sur los. Parador Mouchoir parteni de la Isolas Turcs e Caicos e es en la zona economial escluinte de los. Lo es sirca 960 cilometres cuadrida. Du paradores de arena a la este, Parador Silver e Parador Navidad, es jeografial un continua, ma parteni a la Republica Dominican.

La isola la plu grande en la arcipelago Caicos es Caicos Media, cual es 144 cilometres cuadrida, ma ia ave sola 168 abitores en 2012. La isola la plu poplada es Providenciales, cual ia ave 23 769 abitores en 2012, e ave 122 cilometres cuadrida. Caicos Norde, cual ave 116 cilometres cuadrida, ia ave 1312 abitores en 2012. Caicos Sude (21 cilometres cuadrida) ia ave 1139 abitores en 2012, e Parrot Cay (6 cilometres cuadrida) ia ave 131 abitores en 2012. Caicos Este (cual es dirijeda como un parte de la distrito de Caicos Sude) es nonabitada, e sola empleadas de vacanseria abita Caicos Ueste (cual es dirijeda como un parte de la distrito de Providenciales).




#Article 70: Turnavise (114 words)


Un turnavise es un util con punto plata o crusin, capas de turna la testa de un vise. Un turnavise simple ave un manico e un ase, e un punto cual la usor inserta en la testa de la vise per turna lo. La ase es frecuente fabricada de aser dur per evita curvi o torse. La punto es durida per resiste gasta, e tratada con un covre oscur per boni la contrasta vidal entre la punto e la vise. La manicos es tipal fabricada de lenio, metal o plastica e es usual exagon, cuadro o oval per aida la teni e per evita ce la util rola cuando lo reposa sur un surfas.




#Article 71: Tutankhamun (513 words)


Tutankhamun (egiptian antica: twt-ꜥnḫ-jmn) ia es un faraon de Egipte antica de sirca 1334 aec a 1323 aec. El ia deveni la faraon de la dinastia 18 en la Rena Nova cuando el ia ave nove anios. Sua padre ia es la faraon Akhenaten, cual arceolojistes crede es la momia trovada en la tomba KV55. Sua madre ia es la sore de sua padre, identifiada par esamina de ADN. El ia rena tra nove anios e ia mori joven – cuando el ave 18 anios – e, per esta razona, a veses el es nomida la xico-re. la renor final de sua familia real a la fini de la dinastia 18. El ia sposi sua duisore Ankhesenamun, la fia de Rea Nefertiti, ci ia es sua madre par lege.

En la anio tre de sua rena, Tutankhamun ia reversa alga cambias fada en la rena de sua padre. El ia para la adora de la dio Aten e ia restora la dio Amun a la la rol de dio suprema. La proibi presedente de la seta de Amun ia es canselada e la vantajes tradisional ia es restorada a sua pretes. La capital ia es moveda a Teba denova e la site de Akhetaten ia es abandonada. A esta tempo el ia cambia sua nom a Tutankhamun, cual sinifia la imaje vivente de Amun.

Sua nom sinifia la imaje vivente de Aten e la imaje vivente de Amun, con Aten reponeda par Amun pos la mori de sua padre Acenaten, la creor de la monoteisme de Aten. Alga egiptolojistes crede ce un tradui plu bon es la vive de Aten es plasente o un perfeta de vive es Aten.

Tutancamun ia restora la relijio de Egipte antica pos la disolve par sua padre. El ia rici e forti la ordinas de pretes de du cultos importante e ia comensa restora monumentos vea, danada en la periodo Amarna. El ia move la restas de sua padre a la Vale de la Res, e la site capital de Acetaten a Tebe.

Tutancamun ia es descapasida fisical con un malformi de sua pede sinistra, con necrose de la oso. Studias resente de sua corpo par scanes CT e probas de sua ADN mostra ce el ia es un person multe debil ci ia nesesa probable un basto per pasea. Siensistes crede aora ce el ia mori de un gama rompeda, complicada par un maladia de la osos e malaria. Ante esta descovre, alga ia crede ce el ia es matada. Lo es probable ce el ia ave defetos jenetical, la resulta posible de la fato ce sua padre e madre ia es frate e sore.

El usa un basto, un cuantia de cual ia es trovada en sua tomba. Ance en sua tomba, on ia trova armur e arcos. El ia es instruida en xuta con arco. El ia ave otra problemes de sana, incluinte scoliose, e ia developa alga varias de malaria.

Sua momia e sarcofago bela ornada, con multe ojetos fabricada, reposa a la Galeria de Tutankhamun en la Museo de Egipte en Qahira.




#Article 72: Tuvalu (412 words)


Tuvalu, conoseda a ante como la Isolas Ellice, es un isola polinesian situada en la Mar Pasifica, sirca a media entre Hawaii e Australia. Lo es a este-norde-este de la Isolas Santa Cruz (cual parteni a la Isolas Solomon), a sude-este de Nauero, a sude de Ciribas, a ueste de Tocelau, a norde-ueste de Samoa e Uvea e Futuna, e a norde de Viti.

Lo es composada de tre isolas de resife e ses atoles vera, estendeda entre latitude sude 5° e 10° e lonjitude 176° e 180° a ueste de la Linia Internasional de Data. Tuvalu ave un popla de 10,640 persones (conta de 2012). Locada en Oseania, la area intera de tera de la isolas de Tuvalu es 26 cilometres cuadrida.

La abitores prima de Tuvalu ia es polinesianes. On crede ce la polinesianes ia sperde de Samoa e Tonga a la atoles tuvalu, tal ce Tuvalu ia furni un petra de paso per migra a la comunias periferial polinesian en Melanesia e Micronesia.

En 1568, un navigor espaniol nomida Álvaro de Mendaña ia es la european prima ci ia naviga tra la arcipelago, vidente la isola Nui en sua mision xercante Terra Australis (la Tera Sude). En 1819, la isola Funafuti ia es nomida Isola Ellice; la nom Ellice ia es aplicada a tota nove isolas pos la labora de Alexander George Findlay, un idrografiste engles.

La isolas ia entra a la sfera de influe de Britan en la tarda de la sentenio 19, cuando cada de la Isolas Ellice ia es declarada como un Protejeda Brites par Captain Gibson de HMS Curacoa entre 9 e 16 otobre 1892. La Isolas Ellice ia es manejada como un protejeda brites par un Comisionor Abitante de 1892 a 1916 como parte de la Teritorios Brites de la Pasifica Ueste, e a pos como parte de la colonia Isolas Gilbert e Ellice de 1916 a 1974.

On ia fa un referendo en desembre 1974 per deside esce la Isolas Gilbert e la Isolas Ellice debe ave sua propre sistemes de maneja. Par causa de la referendo, la colonia Isolas Gilbert e Ellice ia sesa esiste a 1 janero 1976 e la colonias individua brites Ciribas e Tuvalu ia comensa esiste. Tuvalu ia deveni completa autonom en la Comunia de Nasiones a 1 otobre 1978. A 5 setembre 2000, Tuvalu ia deveni la membro 189 de la Nasiones Unida.

La site capital es Funafuti.

La linguas major es tuvalu, engles, samoan, e ciribas.




#Article 73: Txad (300 words)


Txad es un pais en Africa.

La area es sirca 1 284 000 cilometres cuadrida.

La cuantia de popla, en la anio 2009, ia es sirca 10 780 600 persones.

La site capital es N'Djamena.

La linguas major es arabi, franses, e sara.

Txad es un republica presidental. La presidente es la xef de stato e la xef de governa e es elejeda a cada anio sinco. La constitui ia es aprobada en 1996 e ia es alterada en 2005 per permete la reeleje nondefinida de la presidente.

La parlamento ave sola un salon con 155 membros elejeda per la popla a cada anio cuatro. La potia de judi es autonom, ma la presidente eleje la xef de la corte suprema, cual ave 16 membros. La otra 15 es elejeda per la presidente e la asembla nasional, per autoria de vive.

Asta 1992, sola la partito de la governa ia es legal. En esta anio la partitos oposante ia es legalida. Oji Txad ave 78 partitos legal. Lo es un de la paises la plu povre e frodosa en la mundo.

Con 1 284 000 km², Txad ave cuasi la area duple de Frans e plu ca la area truple de California. La plu de persones vive en la sude. La capital, N'Djamena, es locada a 1060 km de Douala, en Camerun, la porto la plu prosima en la Atlantica. Per sua distantia grande de la Atlantica e sua deserto enorme, Txad es nomida a veses la cor seca de Africa.

Txad ave tre rejiones jeografial: la deserto Sahara en la norde, la stepe en la sentro, e la savana en la sude. La monte la plu alta es Emi Kousi, con 3100m, en la norde de la pais.

La lago Txad, con 17 806 kmenorme , es la lago du de la plu grandes de Africa.




#Article 74: Txesce (lingua) (118 words)


Txesce (čeština IPA: [ˈʧɛʃcɪna] en txesce) es un lingua slavica ueste, como slovensce, polsce, caxubian, e sorbian lusatian. Lo es parlada par la plu de persones en Txesco e par multe txesces tra la mundo: sirca 12 milion en soma. Como en la plu de linguas slavica, multe parolas ave multe formas. En esta caso, txesce e la otra linguas slavica es plu prosima a la lingua indoeuropean orijinal ca otra linguas. Txesce ave ance un pronunsia difisil per otras. Per esemplo, multe parolas pare ave no vocales, car R e L funsiona como e consonantes e vocales: zmrzl (tota jelada), ztvrdl (durida), scvrkl (diminuida), čtvrthrst (cuatri de un mano), blb (un fol), vlk (volpe), e smrt (moria).




#Article 75: Txile (419 words)


Txile (ofisial la Republica de Txile) es un pais en America Sude, ocupante un banda de tera longa e streta entre la Andes a la este e la Mar Pasifica a la ueste. Lo borda Peru a la norde, Bolivia a la norde-este, Arjentina a la este, e la Pasaje Drake a la sude estrema.

Teritorio txilan inclui la isolas pasifica Juan Fernández, Salas y Gómez, Desventuradas, e Isola Pascua en Oseania. Txile reclama ance sirca 1 250 000 cilometres cuadrida de Antartica, an si tota reclamas es suspendeda su la Trata Antartica.

La Deserto Atacama seca en Txile norde es multe rica con minerales, xef cupre. La rejion sentral e relativa peti es dominada par persones e recursos cultival, e es la sentro cultural e political de cual Txile ia crese en la tarda de la sentenio 19 cuando lo ia oteni sua rejiones norde e sude. Txile sude es rica con forestas e pastos, e conteni un serie de volcanes e lagos. La costa sude es un labirinto de fiordos, baietas, canales, penisolas torseda e isolas.

Espania ia concista e coloni Txile en la media de la sentenio 16, sustituinte per la rena inca en Txile norde e sentral, ma falinte concista la maputxes nondependente ci ia abita Txile sude-sentral. Pos declara sua autonomia de Espania en 1818, Txile ia emerji en la desenio de 1830 como un republica autoritariste e relativa stable. En la sentenio 19, Txile ia esperia creses major de economia e teritorio, fininte la resiste maputxe en la desenio de 1880 e ganiante sua teritorio norde presente en la Gera de la Pasifica (1879–83) pos vinse Peru e Bolivia.

En la desenios de 1960 e 1970, la pais ia esperia polali political sever e turba. Esta ia culmina con un colpa de stato en 1973 cual ia suverti la governa sinistriste e democrata elejeda de Salvador Allende e ia institui un autocratia destriste militar cual ia dura tra 16 anios e ia lasa plu ca 3000 persones mor o mancante. Esta governa, gidada par Augusto Pinochet, ia fini en 1990 pos perde un referendo en 1988, e ia es segueda par un alia sentriste-sinistriste cual ia rena tra cuatro presidentias asta 2010.

Oji, Txile es un de la nasiones la plu stable e rica de America Sude.

Lo ave un area de sirca 756 950 cilometres cuadrida e, en 2006, sirca 16 134 219 persones.

La site capital es Santiago. La lingua major es espaniol.

En la site de Antofagasta en Txile es la Estadio Regional de Antofagasta.




#Article 76: Txingis Han (152 words)


Txingis Han (sirca 1162–18 agosto 1227) (cirilica: Чингис хан), naseda con la nom Temüjin (Тэмүүжин), ia es un xef militar de Mongol de la sentenio 13, conoseda tra cuasi tota la mundo. El ia es la fundor e la Han Grande (Imperor) de la Impero Mongol, la impero la plu grande, de 1206 asta sua mori en autono 1227.

Ante cuando el ia prende seuatitulo, Temüjin ia uni la nasiones de Asia Sentral tra plu ca 20 anios, e la grupos separada de Mongol, creante la base de la Nasion Mongol.

En Mongol norde, Txingis Han es regardada como la padre de la nasion per sua rol en uni la grupos de Mongol, e en crea un identia comun con un lingua e cultur. Ance bon regardada es sua contribuis a crea la sistem prima de scrive per la lingua mongol, fundida sur la scrive esistente de la lingua uigur.

(en engles)




#Article 77: Ualon (lingua) (286 words)


Ualon (Walon en ualon) es un lingua romanica parlada en Ualonia en Beljia, e en un parte de la provinse franses de la Ardenes (botte de Givet). Lo es ance parlada en Wisconsin (SUA) par desendentes de ualones ci ia move sua casa a ala en la sentenio des-nove. Ualon es un lingua de la familia de linguas de oil, de cual la lingua parlada la plu vasta es franses. Ance, lo es multe simil a otra linguas romanica, como romanian e rumans, par e vocabulo e gramatica.

Donce, ualon ave multe parolas cual ia veni de latina (sirca 90 persentos), ma lo ave ance plu veas cual ia veni de la celtas,  e algas cual ia ajunta se a la lingua en la sentenios sinco a des, cual ia veni de linguas germanica e, plu direta, de letseburges vea. Entre tota linguas romanica, ualon es lo cual ave la plu parolas germanica.

An con sua leteratur rica, cual ia comensa anonim en la sentenio 16 e ave autores bon conoseda de pos 1756, la usa de ualon ia redui notable pos la propri de Ualonia par Frans en 1795. Esta periodo ia institui defininte franses como la lingua de alti sosial, multe plu ca lo ia es a ante. Pos la Gera Mundal Prima, scolas publica ia furni educa en franses per tota enfantes. Esta ia indui un desvalua de ualon, spesial cuando comandas ofisial, cual es instituida en 1952, ia puni la usa de lo en scolas.

Lo ave ance, evidente, multe parolas prendeda de franses, un prosede cual ia aumenta de la data 1800.

Ualon ia comensa es refundida de 1992. (La rifondaedje es la egali de la scrive de dialetos de ualon.)




#Article 78: Ucraina (475 words)


Ucraina es un pais en Europa este. Lo es bordada par Rusia a la este, norde-este e sude, par Bielarus a la norde-ueste, par Polsca e Slovensco a la ueste, par Magiar, Romania e Moldova a la sude-ueste, e par la Mar Negra a la sude e la Mar Azov a la sude-este.

Ucraina es presente en disputa teritorial con Rusia sur la penisola Crim, cual Rusia ia propri en 2014, ma cual Ucraina e la plu de la comunia internasional reconose como ucrainsce. Incluinte Crim, la area de Ucraina es 603 628 km², tal ce lo es la plu grande de la paises cual es intera situada en Europa e la pais 46 de la plu grandes de mundo. Lo ave sirca 42,5 milion abitores, tal ce lo es la pais 32 de la plu popladas de mundo.

La teritorio moderna de Ucraina ia es abitada de 32 000 aec. En la eda media, la rejion ia es un sentro major de cultur slavica este, con ce la stato potiosa Rena de Ciiv ia formi la funda de la identia ucrainsce. Pos sua frati en la sentenio 13, la teritorio ia es disputada, renada e divideda par potiosas diversa, incluinte Lietuva, Polsca, la Impero Osmanian, Osteraic-Magiar e Rusia. Un republica cozac ia emerji e flori en la sentenios 17 e 18, ma sua teritorio ia es ultima divideda entre Polsca e la Impero Rusce, e plu tarda lo ia fusa completa con Rusia.

En la sentenio 20, tre periodos de autonomia ia aveni. La prima ia es corta, en e direta pos la ocupa deutx, prosima a la fini de la Gera Mundal Prima. La numero du ia es ance corta, e ance pos ocupa deutx, en la Gera Mundal Du. An tal, pos ambos de estas, la teritorios de Ucraina ia es final recombinada a un republica soviet en la URSS. La periodo tre de autonomia ia comensa en 1991, cuando Ucraina ia gania sua autonomia de la Uni Soviet en la tempo pos sua disolve a la fini de la Gera Fria. A pos, Ucraina ia manteni sua autonomia.

Ucraina es ja longa un graneria global, par causa de la vastia e fertilia de sua tera cultivada, e lo es un de la esportores major de gran en la mundo. Sua economia diversida inclui un campo grande de industria pesosa, spesial de airospasio e aparatos industrial.

La pais es un republica su un sistem semipresidental con potias divideda a ramos leginte, esecutante e judinte. Sua capital e site la plu grande es Ciiv. Escluinte Crim, lo ave 42,5 milion abitores, de ci 77,8% es etnical ucrainsce e 17,3% es rusce. La lingua ofisial es ucrainsce, e sua alfabeta es cirilica. La relijio major en la pais es la Eglesa Ortodox Este, cual ia fa un influe forte a la arciteta, leteratur e musica ucrainsce.




#Article 79: Udmurt (lingua) (1997 words)


Udmurt (udm|удмурт кылes) un lingua uralica de la sufamilia permica, parlada par la udmurtes de la republica de Udmurtia en Rusia, do lo es un lingua coofisial con rusce. Lo es scriveda con la alfabeta cirilica, plu sinco leteras no usada en rusce: Ӝ, Ӟ, Ӥ, Ӧ, e Ӵ. La lingua ave sirca 550 000 parlores en un popla etnica de sirca 750 000. Lo ave tre dialetos – norde, sude e besermian – cual no difere multe, estra la influe forte de turces su besermian.

La lingua no distingui entre vocales longa e corta, e no ave armonia de vocales

La consonantes /f x t͡s/ es usada sola en parolas de otra linguas, e es tradisional sustituida par /p k t͡ɕ/ en acel ordina.

Udmurt es un lingua aglutinante. Lo usa afisas per espresa posese, moda, tempo, etc.

Pronomes en udmurt es infletada en la mesma modo en cual sua nomes es infletada, ma no en la casos locativa.

La caso nominativa de la pronomes refletante:

La caso nominativa de la pronomes de demanda:

La pronomes de demanda en tota casos:

Udmurt no distingui entre la jeneras en nomes (o an en la pronomes personal).

Udmurt ave dessinco casos de nomes: oto casos gramatical e sete casos locativa. Nota ce un parola en un caso locativa altera la verbo, no la nom.

La sufisas de caso en udmurt es afisada direta a l nomes en un modo multe coerente, con alga esetas: parolas prendeda de linguas uralica, cual ave cambias de sua radis en la casos de loca cual comensa con un vocal:

La pronomes personal ave noncoerentias cuando comparada con nomes:

 
On ave du tipos de plurals de nomes en udmurt. Un es la plural per nomes -ос/-ëс e la otra per plural per ajetivos -эсь/-есь. On usa sempre la plural per nomes, ma lo no es nesesada per ajetivos:

La marca per plural aveni sempre ante otra sufisas (pd casos e sufisas per posese):

Como en magiar, si la sujeto es plural, la ajetivo debe es plural cuando lo funsiona como la predicativa:

Nomes es normal en la singular cuando seguente un numero de cuantia. Ma un vivente como la sujeto pote es plural. En esta caso, la verbo debe coere con la sujeto:

Sufisas de posese es ajuntada a la fini de nomes o ante o pos la sufisa de caso. La sufisas de posese varia en la casos nominativa e acusativa e con finis de caso. La consonante de la person du e tre plural depende de esce la fonem final de la parola es vosida o nonvosida.

Alga parolas cual ia es orijinal de suomi es alga noncoerente:

Sufisas de posese de nomes acusativa opera alga diferente:

La loca morfolojial de sufisas de posese con otra finis depende de la caso. Sufisas de posese es la mesma como sufisas nominativa pos cual la casos jenitiva, ablativa, dativa, abesiva, averbal, e prosiminte aglutina.

La sufisa de posese segue la casos strumental, inesiva, ilativa, elativa egresiva, terminativa, e prolativa, e la vocale redui a  ы  en la persones singular. Un м, un marca de la person un singular en uralica antica, mostra se en la person un singular. Cuando on ajunta un sufisa de posese, la formas inesiva e ilativa cambia a -а- e la forma elativa cambia a  -ысьт-. La ы no apare en la inesiva, ilativa, terminativa, e prolativa cuando la caso fini con un vocal.

Como en la singular, sufisas de posese vade ante la casos jenitiva, ablativa, dativa, abesiva, averbal, e prosiminte. Ma la vocal de la persones singular redui a  ы:

Ance como en la singular, la sufisas de posese segue la casos instrumental, inesiva, ilativa, elativa, egresiva, terminativa, e prolativa. La mesma esetas apare en la plural como en la singular con la junta de un eseta plu de la э/е de la strumental reduinte a  ы e de la nonusa de la prolativa  э/е

Some words can be used as nouns, adjectives, and adverbs without a change in form. For example,  

Alga parolas pote es usada como nomes, ajetivos, e averbos sin un cambia de forma. Per esemplo, чылкыт (čilkit) sinifia limpia e limpa o clar (ajetivo e averbo).

La sufisa de posese de person tre singular pote ata ance como un article de defini. Per esemplo, удмурт кыл(ыз) чебер (udmurt kyliz č´eber) - la lingua Urdmurt es bela – leteral Udmurt lingua-sua bela).

On no ave coere entre ajetivas e nomes en proposas neutra, pd on no ave un declina de ajetivos. Ma ajetivos en formulas nomin atribuinte neutra pote ave un marca de pluralia cuando la nom es pluralida.

Udmurt ave un sufisa determinante o asentuante. Sua rol es per asentua la cualias de la refereda, defininte e separante lo de un grupo de otra referedas simil. La sufisa de posese de la person tre singular  -ез/-эз and -из e plural -ыз ata como la sufisa determinante. La ajetivo determinante conjuga como en la person tre singular o plural e la nom conjuga sin cualce otra marca.

La comparativa es usada cuando du ojetos es comparada a lunlotra, ma la sujeto de la compara no debe nesesa es espresada. La sufisa per la comparativa es -гес. La sujeto de la compara pote es espresada o en la caso ablativa o con la forma posposada сярысь. Si la sujeto es mostrada, la sufisa pote es abandonada.

On no ave un sufisa de superlativa en Udmurt. Lo es espresada par un particula prendeda de rusce - самой - o par espresas nondefinada como ваньмызлэсь, котькинлэсь o котьмалэсь.

Udmurt usa posposadas en loca de preposadas. Multe ave un sinifia locativa e pote conjuga en casos locativa . Per esemplo выл sinifia alta e ance surfas e pote es infletada en tota casos locativa: (inesiva) вылын, (elativa) вылысь, (ilativa) вылэ, (prolativa) вылтӥ, (egresivea) вылысен, (termanitiva) вылозь e (prosiminte) выллань.

Ma min ca sete casos locativa es incluida en la infleta de multe de la posposadas, plu comun, la casos es inesiva, elativa, e ilativa.

Posposadas comun inclui estas:

La caso ilativa pote varia entre  -э/-е e -ы. PLa ilativa de la posposada пал 'lado' is пала 'a la lado de'.

On ave ance alga posposadas noninfletante cual usa la caso jenetiva: ystävän kanssa (con un ami). Plu esemplos:

La plu de nomes en formulas posposadal usa la caso nominativa, ma alga nesesa ce la nom usa la caso dativa, ablativa, o strumental.

La verbos de udmurt es divideda entra du grupos, ambos con la sufisa de la infinitiva -ны. Verbos de tipo un es composada con ы, pe мыныны (vade). Verbos de tipo du es composada con -а-, pe ужаны (labora). Verbos de tipo un pote ance ave du radises, plena e corta, pe мыны- e мын-.

Verbos en Udmurt ave tre modas: comun, dependente, e comandante. Alga dialetos ave ance un moda esperante. La moda comun ave cuatro tempos: presente, futur, e de tempos pasada. Plu, on ave cuatro tempos pasada cual inclui verbos aidante. Verbos es negada par la usa de un verbo aidante negativa cual conjuga con finis personal. Pronomes separada no es nesesada en formulas verbal.

The basic verbal personal markers in Udmurt are (with some exceptions):

La indicas personal de verbos es:

La verbo negativa presente:

La futur negativa:

La negativa de la pasada es formida con la verbo aidante ӧ-  e la radis de la verbo major en persones singular. La persones plural es marcada con o -э/-е o -лэ.

La pasada du ave la sinifia de alga cosa pasada confirmada o atestada, ma no videda direta par la parlor. Lo es marcada par (э)м/(е)м

La forma negativa de pasada du es formida par o la verbo aidante ӧвӧл, pd no es, o con la marca de nega -мтэ-.

Udmurt ave cuatro tempos pasada cual usa un forma pasada de the verbo major e un forma pasada de la verbo aidante es.

Pluperfeta un indica ce un prosede de ata cual ia aveni en la pasada, posible distante.

Pluperfeta du espresa la resulta de un ata cual ia es completada, ma cual nun ia vide.

La pasada durante es simil a la pasada continuante en lfn. Lo espresa un prosede cual aveni en la pasada.

La pasada frecuente espresa un ata repetada en la pasada. Lo usa la tempo futur de la verbo major.

Udmurt no ave un afisa spesial per espresa la vos pasiva. La plural de person tre es usada per espresa un ator nonconoseda o nondeterminante.

La moda dependente espresa un ata nonreal cual la parlor vide como suposada, posible, o esperosa. La marca es -сал, ajuntada a la radis con la finis personal.

Un comanda per person du es la radis de la verbo. Per la person du plural, on usa -е(лэ)/-э(лэ) en verbos de conjuga un and -лэ en vejrbos de conjuga du. La negativa usa эн ante la forma infinitiva.

Per espresa capasia, la verbo луынын (es) es usada en la person tre singular en tota tempos, con la sujeto en la caso de posese. La verbo major ave la partisipio pasada con la sufisa de posese.

Esta moda espresa un desira. La verbo потынын (desira) es en la person tre singular (en tota tempos) con la sujeto en la caso jenetiva. La verba a cual la sujeto dirije la desira es en la partisipio pasiva (э)м/(е)м con un sufisa per posese personal.

Per espresa nesesa, la parola кулэ (nesesada) es usada con la compula infeltada en la person tre singular (en tota tempos) con la sujeto en la caso dativa. La infinitiva de la verbo a cual la sujeto dirije la nesesa o un ojeto es usada.

Per espresa permete, la verbo яраны (conveni, es valida) es infletada en la person tre singular (en tota tempos) con la sujeto en la dativa. La infinitiva de la verbo a cual la sujeto dirije permete es usada.

Verbos en udmurt ave formas pasada, presente, e futur, con formas spesial de asentia.

La partisipio presente opera ance como un sufisa de deriva per crea nomes:

Con la sufisa inesiva, la partisipio pasada pote espresa ata completa:

On ave ance un partisipio simil a un jerunda. Lo espresa la capasa per un ata o ce lo es posible ce on ata:

On ave cuatro jerundios en udmurt, un de los espresante la asentia de un nom marcada. Los es afisada a la radis plen de la verbo. 

Udmurt no ave parolas de demanda (pd ci, cual, cuando, etc). Un proposa de demanda es formida par la sufisa -a. Lo es afisada a la parola per la ojeto de la demanda.

Udmurt ave un sufisa cual crea nomes de verbos:

La plu de esta deriva ave sinifias e astrata e concreta. La deriva pote espresa la ata indicada par la verbo fundal, la resulta, o la strumenta:

Udmurt ave sufisas ajetival -о/-ë, e un sufisa negante -тэм (non-)

Ajetivos con la sufisa -ӧ pote ance ave un alterante:

Udmurt ave ance sufisas ajetival cual sinifia un cuantia alga grande, ma no completa, de la ajetivo, comun un color o sabor, simil a la sufisa en lfn -in.

Udmurt ave formas de aspeta verbal:

La aspeta de momentia de verbos espresa la idea ce la ata (o state) aveni sola un ves. No sufisa spesial marca lo. Per esemplo, лыӟыны sinifia leje (un ves).

La aspeta de frecuentia espresa la idea ce la ata (o state) no aveni sola un ves. La ata es continuante of frecuente.

Un otra afisa per frecuentia es -иськы-/-ӥськы-:

Udmurt es un lingua SOV, pd sujeto-ojeto-verbo.

La copula вань (vań, – to be) es ometeda si la frase es en la presente:

Estas es frases cual introdui un sujeto nova. En lfn, los comensa comun con on ave:

Posese es espreseda par infleta e la strutur de la frase, no con un verbo unica como ave. La posesor e la ojeto poseseda es ambos infletada con un sufisa de posese e usada con la copula per espresa posese.




#Article 80: Ueb (137 words)


La ueb (ance WWW, pronunsiada wa-wa-wa – un corti de la nom engles World-Wide Web – o rede mundal) es un sistem de documentos liada entre se, cual on asede par la interede, usante un program nomida un surfador.

Documentos de ueb es nomida recursos, un terma cual inclui no sola testos, ma ance imajes, filmas, e otra spesies de informa. Cada ave un adirije – un nom cual identifia lo a modo unica en la mundo. Tecnical, la adirijes es nomida URIs (Identifiantes Uniforma de Recursos).

La ueb es la parte la plu grande e importante de la interede, e, a multe veses, on usa la nom ueb per refere a la interede intera. Ma en realia, la ueb es sola un de multe servis de la rede. Un  otra servi, per esemplo, es la eposta.




#Article 81: Uganda (322 words)


Uganda (ofisial la Republica de Uganda) es un pais sin costa en Africa este. Lo es bordada a la este par Cenia, a la norde par Sudan Sude, a la ueste par la Republica Democrata de Congo, a la sude-ueste par Ruanda, e a la sude par Tanzania. La parte sude de la pais inclui un parte grande de Lago Victoria, cual es compartida con Cenia e Tanzania. Uganda es en la rejion de la Lagos Grande African. Uganda es ance en la basin de la Rio Nilo, e ave un clima ecuatoral variada.

Uganda prende sua nom de la rena Buganda, cual inclui un parte grande de la sude de la pais, incluinte la capital Kampala. La popla de Uganda ia es xasores-coliores asta entre 1700 e 2300 anios ante aora, cuando poplas de linguas bantu ia migra a la partes sude de la pais.

Comensante en 1894, la rejion ia es renada como un protejeda par la briteses, ci ia institui un lege dirijal tra la teritorio. Uganda ia gania autonomia de Britan a 9 otobre 1962. La tempo seguente ia es marcada par geras de ves a ves, incluinte un gera interna longa contra la Armada de Resiste de la Senior en la Rejion Norde, cual ia mata sentos de miles de persones.

La linguas ofisial es engles e suahili, an si cualce otra lingua pote es usada como un media de instrui en scolas o otra instituidas educal o per intendes leginte, dirijal o judal como pote es prescriveda par la lege. Luganda, un lingua sentral, es vasta parlada tra la pais, e alga otra linguas es ance parlada, incluinnte runioro, runiancole, ruciga e luo.

La presidente de Uganda es Yoweri Museveni, ci ia emprende sua posto en janero 1986 pos un gera de gerilias de ses anios.

La area es sirca 236 040 cilometres cuadrida. La cuantia de abitores, en la anio 2007, ia es sirca 30 262 610 persones.




#Article 82: Uman (409 words)


Uman, ofisial la Sultania Yman, es un pais arabi a la costa sude-este de la Penisola Arabi.

Ocupante un loca stratejial importante a la boca de la Golfo Persian, la pais ave fronteras con la Amirias Arabi Unida a la norde-ueste, Arabia Saudi a la ueste, e Iaman a la sude-ueste, e ave fronteras maral con Iran e Pacistan. La costa es formida par la Mar Arabi a la sude-este e la Golfo Uman a la norde-este. La esclaves Madha e Musandam es ensircada par la AAU a sua fronteras teral, e la Streta Hormuz (compartida con Iran) e la Golfo Uman formi la bordas costal de Musandam.

De la tarda de la sentenio 17, la Sultania Uman ia es un impero potiosa, competente con Portugal e Britan per influe en la Golfo Persian e la Mar Indian. A sua zenite en la sentenio 19, la influe o controla umani ia estende ultra la Streta Hormuz asta lo cual es aora Iran e Pacistan, e asta tan sude como Zanzibar (aora un parte de Tanzania). Cuando sua potia ia diminui en la sentenio 20, la sultania ia veni su la influe de la Rena Unida.

Istorial, la capital Mascat ia es la porto xef de comersia en la rejion de la Golfo Persian. Muscat ia es ance entre la portos comersial la plu importante en la Mar Indian. La relijio ofisial de Uman es islam.

Uman es un monarcia asoluta. La sultan Qaboos bin Said al Said es la renor erital de la pais de 1970. Par longia de periodo de posto, el esede tota otra renores presente en Asia sude-ueste, e es la numero cuatro de la monarcas presente renante en la mundo.

Uman ave reservas modesta de petrolio, ocupante la loca 25 global. An tal, en 2010 la Program de la Nasiones Unida per Developa ia gradi Uman como la nasion la plu bonida de mundo par causa de sua developa en la 40 anios presedente. Un parte major de sua economia envolve turisme e la comersia de pexes, datilas e alga produidas cultival. Esta distingui Uman de la economias de sua visinas, cual depende xef de petrolio.

Uman es categorida como un economia de revenu alta, e es gradida como la pais 74 de mundo longo la Indise Global de Pas.

La area es sirca 212 460 cilometres cuadrida. La cuantia de abitores, en la anio 2007, ia es sirca 3 204 897 persones. La lingua major es arabi.




#Article 83: Umana (285 words)


Umanas moderna (Homo sapiens, suspesie xef: Homo sapiens sapiens) es la sola membros esistente de la sutribu Hominina, cual es un ramo de la tribu Hominini (ominines), cual es relatada a la familia de primates grande. Los es marcada par posa erijeda e move bipede; destrosia alta de manos e usa grande de utiles cuando on compara esta a otra animales; e un tende jeneral a serebros e sosias plu grande e complicada.

Ominines primitiva – spesial la australopithecos, de ci sua serebros e anatomia ia es plu simil a primates nonumana en multe modos – es min comun regardada como umana ca la ominines de la jenero Homo. Alga de esta ominines ia usa foco, ia ocupa multe de Eurasia, e ia es la orijina de Homo sapiens anatomial moderna a sirca 200 000 anios en la pasada. Los ia comensa mostra indicas de condui moderna a sirca 50 000 anios en la pasada. En alga ondas de migra, umanas anatomial moderna ia veni de Africa e ia popla la plu de la mundo.

La estende de umanas e sua popla grande e cresente ia ave un efeto profonda sur areas grande de la ambiente e miliones de spesies nativa tra la mundo. Vantajes cual umanas ave cual esplica esta susede evolual inclui un serebro relativa plu grande con un neocortex, un cortex prefrontal e lobes tempal spesial bon developada, cual capasi niveles alta de razona astrata, lingua, solve de problemes, sosialia e cultur par aprende sosial. Umanas usa utiles multe plu ca otra animales, e es la sola spesie esistente cual construi focos e coce sua comeda. Los es ance la sola spesie cual vesti se, e crea e usa multe otra tecnolojia e artes.




#Article 84: Umanisme de la Renase (171 words)


La umanisme de la Renase es la studia de la Anticia clasica, prima en Italia e estendente a pos tra Europa ueste en la sentenios 14, 15 e 16. La terma umanisme de la Renase es contempora de acel periodo.

La umanisme de la Renase ia es un responde a la pratica prosima e a lo cual ia deveni representada como pedantia streta asosiada con la scolastica medieval. La umanistes ia xerca crea sitadanes capas de parla bela e clar e de partisipa tal en la vive sivil de sua comunia e convinse otras a atas virtuosa e cauta. Esta ta debe es atenida tra la studia de la studia humanitatis, oji conoseda como siensas umana: gramatica, retorica, istoria, poesia e filosofia moral.

Umanisme ia es un moda cultural permeante e no un program de un elite peti, un program per revive la lega de cultur, leteratur e filosofia moral de la Anticia clasica. On ia ave sentros importante de umanisme en Firenze, Napoli, Roma, Venezia, Genova, Mantua, Ferrara e Urbino.




#Article 85: Uni de Republicas Sosialiste Soviet (315 words)


La Uni de Republicas Sosialiste Soviet (rusce: Советских Социалистических Республик o СССР) ia es un nasion multe grande con un governe comuniste en Europa e Asia entre 1922 e 1991. Un soviet es un comite, la funda teorial de la sosia comuniste e la URSS. Pos la Revolui Rusce de 1917, alga republicas soviet ia formi un uni de estende simil a la Impero Rusce (sin Polsca e Suomi).

Lo ia deveni un uni de 15 republicas de pos 1956: Armenia, Azerbaidjan, Bielarus, Cazacstan, Cirgistan, Esti, Jorjia, Latvia, Lietuva, Moldova, Rusia, Tadjicistan, Turcmenistan, Ucraina, e Uzbecistan. Entre 1945 e 1991, la URSS ia es, con la SUA, un de la du suprapotias. La uni ia disolve en 1991.

La URSS ia ave sua radises en la Revolui de Otobre en 1917, cuando la bolxevices – gidada par Vladimir Lenin – ia suverti la Governa tempora rusce cual ia recambia Tsar Nicolai 2. En 1922, la URSS ia es formida par la combina de la republicas rusce, transcaucasian, ucrainsce e bielarusce. Pos la mori de Lenin en 1924 e un luta corta de potia, Josef Stalin ia ateni potia en la media de la desenio de 1920. Stalin ia promete continua la ideolojia de la stato a marxisme-leninisme (cual el ia crea), e ia comensa un economia sentral desiniada. Como un resulta, la pais ia esperia un periodo de industri e colie rapida. Paranoia political ia es provocada sur Stalin, e la Purga Grande ia es esecutada per sutrae sua oposores de la Partito Comuniste par arestas acaso e persegues de multe persones.

Corta ante la Gera Mundal 2, Stalin ia suscrive la Trata Molotov-Ribbentrop e ia acorda per nonataca con Deutxland nazi, pos cual la du nasiones ia invade Polsca en setembre 1939. En junio 1941, Deutxland ia invade la URSS, cual ia comensa la teatro de gera la plu grande e sanguosa en istoria.




#Article 86: Universalglot (274 words)


Universalglot es un lingua aidante internasional, creada par la linguiste franses Jean Pirro e publicida par se en 1868 como Tentative d'une langue universelle, Enseignement, grammaire, vocabulaire. Universalglot es cisa la lingua aidante natural prima en la mundo, creada a 10 anios ante volapuk e a 20 anios ante esperanto. La lingua ia ave 7000 parolas fundal e multe afisas per crea plu parolas.

La vocales es pronunsiada como en italian o espaniol. Un vocal es ajuntada: ü, pronunsiada como en deutx. La plu de consonantes es pronunsiada como en elefen, con alga esetas:

W e y no es usada.

La casos de nomes es formida par la usa de preposadas, spesial de, ex, e ad. Ajetivos no varia:

Tota parolas pote es usada como nomes par ajunta un article: el (la singular), li (la plural), un (un), e uni (alga), o otra determinantes. On pote cade la determinante per indica la plural nondefinida.

On compara ajetivos con la sufisas -er e -est, como en engles, o mer e mest.

La pronomes personal (sujeto, ojeto):

La pronom/determinante de demanda e relata:

La determinantes de posese (singular, plural):

La pronomes de posese es creada par presede la determinante de posese par el o li.

Otra determinantes/pronomes (singular, plural):

Tota verbos ave la mesma sufisas, e no varia per person o numero:

La perfeta es creada par usa formas de haben (ave) con la partisipio pasiva.

La pasiva es creada par usa formas de esen (es) con la partisipio pasiva.

Esemplos de averbos:

Multe averbos es creada de ajetivos par ajunta -t:

Esemplos de preposadas:

Esemplos de prefisas:

Leter de grat (leter de grasias):

Konversatsion (conversa):




#Article 87: Universia de Guam (148 words)


La Universia de Guam, locada en Mangilao, Guam, es un universia onorada de la Western Association of Schools and Colleges.

De la 3387 studiantes de la universia, 94% es de etnicos de la Pasifica, e sirca 72% es de tempo plen. 180 profesores de tempo plen suporta la mision de la universia de Ina, Diskubre, Setbe — cual tradui como Lumina, descovre, servi.

La universia prima ia es fundida en 1952 como un scola de du anios per instrui enseniores, con la nom de Territorial College of Guam (la universia teritorial de Guam). En 1960, la universia ia move a sua loca presente en la distrito media de Mangilao. En 1965, lo ia deveni un universia de cuatro anios con la potia de dona diplomas. En 1968 lo ia ave 1800 studentes.

Rosa Roberto Carter ia servi como Presidente de la Universia de Guam de 1977 a 1983.




#Article 88: Universia de Oxford (447 words)


La Universia de Oxford es la instituida de instrui alta la plu vea en la mundo de la lingua engles, situada en Oxford, England. La site Oxford ia es ja importante como sentro de instrui a la fini de la sentenio 12. En la desenio de 1250, membros de multe ordinas relijiosa ia abita en Oxford, ia deveni influosa e ia manteni casas per studiantes. Alora, persones privata carital ia fundi universias per servi como comunias autosufisinte de scolores; un cuantia cresente de studiantes ia abita en la universia.

La aprendes de la Renase (sentenios 14 a 17) ia influe vasta Oxford.

La universia ia es un sentro de la Partido Monarciste en la Gera Interna Engles (1642–49). La soldato-statiste Oliver Cromwell, canselor de la universia de 1650 a 1657, ia es encargada a preveni la clui de la du universias de Oxford e Cambridge par la puritanes, ci ia regarda la instrui de la universia como perilosa a sua credes relijiosa.

Reformis de organiza en la sentenio 19 ia inclui un tolera plu grande per desacorda relijial e la fundi de cuatro scolas per femes, como Somerville College. La cursos de Oxford ia avansa en la sentenio 19 per inclui studias medical e siensal.

Oxford inclui 38 scolas, e cada ave sua propre strutur interna e ativia. La xef formal de la universia es la canselor, elejeda per sua vive par tota membros de la universia ci ave un diploma de grado M.A. (mestre de artes). La vis-canselor, ci reteni sua posto per cuatro anios, es la xef esecutante de la universia. La universia fa esaminas e ofre diplomas. On nesesa susede en du esaminas per oteni un diploma prima. Diplomas e rexercas a la niveles de mestre e dotor es ofreda en tota sujetos studiada a la nivel graduada.

Pregraduadas dispone instruis formal en la forma de lesones, e labora direta con un instruor privata de la universia, ci es encargada a oserva la progresa academial de un studiante.

De pos 1902, studiantes stranjer ia pote studia en Oxford su la sistem de Donadas de Rhodes, fundida par la statiste colonial brites Cecil John Rhodes.

En ajunta a recursos de come e abita, la scolas furni ativias sosial, cultural e divertinte per sua membros.

Entre la arciteta dominante gotica de la universia es Tom Quad de Christ Church, la plaza la plu grande en la universia. La biblioteca xef, la Biblioteca Bodleian, ia es construida en la comensa de la sentenio 17. Museos inclui la Museo Ashmolean de Arte e Arceolojia (1683). Libros ia es prima primida par la universia en 1478. La primeria Oxford University Press publici, entre otras, la disionario engles de Oxford.




#Article 89: Urdun (508 words)


Urdun (ofisial la Rena Haximita de Urdun) es un pais arabi en Asia ueste, a la riva este de la Rio Urdun. Lo es bordada par Arabia Saudi a la este e sude; Irac a la norde-este; Suria a la norde; Israel, Filastin e la Mar Mor a la ueste; e la Mar Roja a sua sude-ueste estrema. Urdan es stratejial locada a la crus de vias de Asia, Africa e Europa. La capital de Urdun, Aman, es la site la plu poplada de la pais e ance sua sentro economial, political e cultural.

Lo cual es aora Urdun es ja abitada de umanas de la periodo paleolitica. Tre renas stable ia emerji ala a la fini de la eda de bronze: Amon, Moab e Edom. Renas plu tarda ia inclui la Rena Nabatea, la Impero Roman e la Impero Osmanian. Pos la Revolui Arabi Grande contra la osmanianes en 1916, la Impero Osmanian ia es divideda par Britan e Frans. La Amiria de Transurdun ia es instituida en 1921 par la amir alora Abdullah 1, e lo ia deveni un protejeda brites. En 1946, Urdun ia deveni un stato autonom, ofisial nomida la Rena Haximita de Transurdun. Urdun ia catura la Riva Ueste en la Gera Arabi-Israeli de 1948, ma ia perde lo en 1967, e la nom de la stato ia es cambiada a la Rena Haximita de Urdun en 1949.

Urdun es un membro fundinte de la Alia Arabi e la Organiza de Coopera Muslim, e es un de du statos arabi cual ia suscrive un trata de pas con Israel. La pais es un monarcia constitual, ma la re ave multe potias de dirije e legi.

Urdun es un pais relativa peti e semiseca, sin costa, con popla de 9,5 milion persones. Islam suni, praticada par sirca 92% de la popla, es la relijio xef en Urdun. Lo coesiste con un minorio cristian nativa. On regarda Urdun como un de la paises arabi la plu secur en Asia sude-ueste, e lo ia evita terorisme e nonstablia durante. A media de tumulta ensircante, lo ia es multe bonveninte, asetante refujadas de cuasi tota geras visina tan temprana como 1948, con un cuantia estimada de 2,1 milion filastinis e 1,4 milion suris en abita en la pais. Lo es ance un refuja per miles de cristianes iraci ci fuji de Daex. An si Urdun continua aseta refujadas, la enflue grande resente de Suria ia ajunta un tensa notable a la recursos e infrastrutur nasional.

On clasi Urdun como un pais de developa umana alta, con un economia de revenu media alta. La economia urduni, un de la plu petis en la rejion, ma con laborores capas, es atraente a investores stranjer. La pais es un destina major per turises, e atrae ance turisme medical par causa de sua campo bon developada de sania. An tal, un manca de recursos natural, un flue grande de refujadas e alga tumulta rejional ia impedi la crese economial.

La area es sirca 92,300 cilometres cuadrida. La lingua major es arabi.




#Article 90: Uruguai (146 words)


La Republica Este de Uruguai (en espaniol, República Oriental del Uruguay) es un pais de America Sude. Sua teritorio es divideda en 19 departes (departamentos), e sua area es sirca 176 220 cilometres cuadrida. Lo es la nasion du de la plu petis en acel continente.

La cuantia de abitores, en la anio 2007, ia es sirca 3 460 607 persones.

La site capital es Montevideo.

La lingua major es espaniol.

A la limita norde, la popla parla Portunho, un misca entre espaniol e portugues.

La presidente entre 2010 e 2015 ia es José Mujica, ci es popular con sinistristes per sua stilo de vive simple; per esemplo, el ia usa un Volkswagen vea. El ia es ance un fumor de canaba. El ia vive con £750 per mense ($1250). En la eleje de presidente de 2009, el ia gania con 53% per la Fronte Larga (Frente Amplio) sinistriste.




#Article 91: Uzbecistan (463 words)


Uzbecistan (ofisial la Republica de Uzbecistan) es un de sola du paises en la mundo cual es sin costa e ensircada par otra paises sin costa. Locada en Asia sentral, lo es un republica constitual unial secular, composada de 12 provinses, un republica autonom e un site capital. Uzbecistan es bordada par sinco paises sin costa: Cazacstan a la norde, Tadjicistan a la sude-este, Cirgistan a la norde-este, Afganistan a la sude, e Turcmenistan a la sude-ueste.

Lo cual es aora Uzbecistan ia es antica un parte de la rejion Transoxiana, xef parlante farsi, en cual sites como Samarcand ia deveni rica par causa de la Via de Seda. Plu tarda, la area ia es concistada par un serie de invadores, incluinte la Califia Arabia e statos turcica como la hania Göktürk, pos cual la mongoles ia destrui lo. La site Shahrisabz ia es la loca do Timur ia nase. La rejion ia es concistada en la temprana de la sentenio 16 par nomadas este de lingua turcica, e ia deveni gradal asorbeda en la Impero Rusce en la sentenio 19. En 1924, la republica composante de la Uni Soviet conoseda como la Republica Sosialiste Soviet Uzbec ia es creada. Pos la desintegra de la Uni Soviet, lo ia declara autonomia como la Republica de Uzbecistan a 31 agosto 1991 (ofisial selebrada a la dia seguente).

Uzbecistan ave un erita cultural diversa, par causa de sua istoria e loca stratejial. Sua lingua ofisial es uzbec, un lingua turcica scriveda en la alfabeta latina e nativa parlada par aprosima 85% de la popla. Rusce es vasta usada; lo es la lingua du de la plu vasta enseniadas. Tadjici es la lingua tre. Uzbeces formi 81% de la popla, segueda par rusces (5,4%), tadjicis (4%), cazaces (3%) e otras (6,5%). Un majoria de uzbeces es muslimes nonramal. Uzbecistan es un membro de la Comunia de Statos Autonom, la Organiza per Securia e Coopera en Europa, la Nasiones Unida e la Organiza Shanghai de Coopera. An si lo es ofisial un republica democrata, en 2008 organizas nongovernal de diretos umana ia defini Uzbecistan como un stato autoritar con diretos sivil limitada. Pos la mori de Islam Karimov en 2016, la presidente seguente – Shavkat Mirziyoyev — en sua anio prima ia aboli sclavia de coton e visas per sorti, e ia amnestia multe prisonidas political.

La economia de Uzbecistan depende xef de la produi de benes, incluinte coton, oro, uranio e gas natural. An con la gol declarada de cambia a un economia mercatal, sua governa continua manteni controlas economial par cual on importa cosas en loca de crea sustituis interna per los.

La area es sirca 447,400 cilometres cuadrida. La popla, en la anio 2007, ia conteni sirca 27 780 059 persones.

La site capital es Taxcent.




#Article 92: Vanuatu (350 words)


Vanuatu, ofisial la Republica de Vanuatu, es un nasion melanesian isolal en la Mar Pasifica Sude. Un grupo de isolas, lo es locada a sirca 1750 km a este de Australia, 500 km a norde-este de Caledonia Nova, a ueste de Fiji, e a sude de la Isolas Solomon.

La area es sirca 12,200 cilometres cuadrida.

La popla, en la anio 2007, ia conteni sirca 211,971 persones.

La site capital es Port-Vila.

La linguas major es bislama e plu ca 100 linguas orijinal, un recordo mundal. En la isola Espiritu Santo, on ave 26 linguas per 40 000 persones!

Prima, Vanuatu ia es abitada par persones melanesian. Europeanes ia veni per abita en la tarda de la sentenio 18, e en 1906 Britan e Frans ia reclama ofisial la pais, dirijente lo en junta tra la Condominio Anglo-Franses. Un promove per autonomia ia es creada en la desenio de 1970, e la Republica de Vanuatu ia es creada en 1980.

Multe de la isolas de Vanuatu es abitada tra multe mil anios, e la atesta arceolojial la plu vea es de 1300 aec. 

En 1606, en la mision espaniol dirijeda par la esplorores Luis Váez de Torres e Pedro Fernández de Quirós, los ia deveni la europeanes prima en la isolas, credente ce la isolas es un parte de Terra Australis. Abitores de Europa ia veni tarda en la sentenio 18, pos cuando la esploror brites James Cook ia visita la isolas en sua viaja du, e ia dona a los la nom Hebrides Nova. En 1887, la isolas ia comensa es dirijeda par un comanda marinal Anglo-Franses. En 1906, Frans e Britan ia concorda con un governa entre la du paises en la Hebrides Nova. Par causa de maladias nova de la europeanes, la popla en Vanuatu ia diminui a 54 000 persones en 1935.

En la Gera Mundal Du, la isolas de Efate e Espiritu Santo ia es usada como bases militar. En la desenio de 1960, la abitores orijinal de la pais ia comensa presa per autogoverna; autonomia completa ia es donada par ambos paises european a 30 julio 1980.




#Article 93: Vasco da Gama (113 words)


Vasco da Gama, un navigor portuges, ia nase sirca 1469 en Sines o Vidigueira en la provinse de Alentejo en la sude de Portugal e ia mori a 24 desembre 1524 en India. Sua fama xef veni de sua descovre de la via par mar de Europa a India sirca la Capo de Bon Espera. 

Re Manuel 1 de Portugal ia encarga a el a completi la atentas de Bartolomeu Diaz per descovre la via sude a India. Cuatro barcones su sua comanda ia parti de Portugal en julio 1497 e ia ariva en la sude-ueste de la penisola barati a 20 maio 1499. Da Gama ia reveni a Portugal en setembre 1499.




#Article 94: Venezuela (660 words)


Venezuela (ofisial la Republica Bolivarian de Venezuela) es un republica federal locada a la costa norde de America Sude. Lo es bordada par Colombia a la ueste, Brasil a la sude, Guiana a la este, la isolas nederlandes Aruba, Curaçao e Bonaire a la norde, e la isolas Trinidad e Tobago a la norde-este. Venezuela covre 916,445 cilometres cuadrida e ave plu ca 31 milion (31 568 179) abitores. La pais ave un biodiversia estrema alta e es la numero 7 en la lista de paises con la plu spesies. On trova abitadas de montania (la Andes en la ueste) asta foresta pluvosa (la Basin Amazon en la sude) tra planos estendosa. En ajunta, on ave la costa caribe en la sentro e la delta de la Rio Orinoco en la este.

La teritorio aora nomida Venezuela ia es colonida par Espania en 1522, resisteda par poplas nativa. En 1811, lo ia deveni un de la teritorios prima espaniol-american cual ia declara sua autonomia – cual no ia es securida asta 1821, cuando Venezuela ia es un departe de la republica federal de Gran Colombia. Lo ia gania autonomia plen como un pais separada en 1830. En la sentenio 19, lo ia sufri tumulta political e autocratia, restante rejional dominada par tiranos militar asta la media de la sentenio 20.

De 1957, la pais ia ave un serie de governas democrata. Xocas economial en la desenios de 1980 e 1990 ia gida a alga crises political, incluinte la tumultas matante Caracazo en 1989, du colpas de stato atentada en 1992, e la acusa de presidente Carlos Andrés Pérez per froda de mone publica en 1993. Un colasa de fida a la partitos esistente ia provoca la eleje en 1998 de Hugo Chávez, envolveda en colpas de stato presedente, e la inisia de la Revolui Bolivarian. La revolui ia comensa con un Asembla Composante en 1999, do on ia scrive un constitui nova de Venezuela, cual ia cambia la nom ofisial de la pais a República Bolivariana de Venezuela.

Venezuela es un republica presidental federal, composada de 23 statos, la Distrito Capital (cual covre Caracas), e dependes federal (cual covre la isolas costal). La pais reclama ance tota teritorio guianan a ueste de la Rio Essequibo, un area de 159 500 cilometres cuadrida nomida Guayana Esequiba o la Zona en Reclama. Venezuela es entre la paises la plu urbanida en America Latina: la majoria vasta de venezuelanes abita en la sites de la norde, spesial en la capital (Caracas), cual es ance la site la plu grande de la pais.

On ia descovre petrolio en la temprana de la sentenio 20, e oji Venezuela ave la reservas de petrolio la plu grande conoseda de mundo. Lo es un de la esportores major de petrolio. En la pasada, lo ia es un esportor sudevelopante de benes cultival como cafe e cacau, ma petrolio ia domina rapida la esportas e la revenus governal. La suprabunda de petrolio en la desenio de 1980 ia provoca un crise esternal de deta e un crise economial durante. La infla ia culmina a 100% en 1996 e la taso de povria ia crese asta 66% en 1995; en 1998, la produi interna bruta per person ia diminui asta la mesma nivel como en 1963, min ca sua apico de 1978 par un tri.

Pos la recovre de la custa de petrolio en la temprana de la desenio de 2000, la governa venezuelan ia institui politicas popliste cual ia aumenta inisial la economia e ia grandi la spende sosial, tempora reduinte la nonegalia economial e la povria. An tal, plu tarda, esta politicas ia deveni nonsufisinte, e on culpa sua esedes – spesial un suporta unica estrema per combustables de fosil – per destabli denova la economia de la nasion. La resulta ia es un iperinfla, un depresa economial, un manca de benes fundal, e creses grave de povria, maladia, mori de enfantes, malnuri e crimin.

La lingua major es espaniol.




#Article 95: Venus (422 words)


Venus es la planeta du de la Sol, e orbita lo en 224,7 dias. Pos nosa Luna, Venus es la ojeto la plu briliante en la sielo a note, con fortia parente de -4,6 (masima). Videda de la Tera, Venus pare resta sempre prosima la Sol, de cual sua distantia angulal masima es 47,8%. Venus deveni la plu briliante pronto ante la leva de sol, o pronto pos la reposa de sol, e per esta razona on nomi lo la stela de matina o la stela de sera.

Venus es un planeta terin, e on ia descrive lo como la sore de la Tera, car la du ave grandia e composa simil. La planeta es covreda con un strato opaca de nubes refletante, e sua surfas no pote es videda de spasio en lus vidable. Venus ia es la sujeto de multe divinas asta la descovre de alga de sua secretas par siensa planetal en la sentenio 20. Lo ave la atmosfera la plu densa de la planetas terin, xef composada de dioside de carbono, e la presa atmosferal a sua surfas es plu forte a 90 veses ca lo de la Tera.

La surfas de Venus ia es descriveda en mapas detaliosa sola en la 30 anios resente. On vide atesta de multe ativia volcanal, e alga volcanes es cisa ativa ance oji. Diferente de la move constante de la crosta de la tera, siensistes crede ce la crosta de Venus sumerji rapida (en alga milion anios) a un ves en sirca sento milion anios, e deveni resiclida.

Venus es nomida per la diva roman de ama, e la plu de la ojetos a sua surfas es nomida per femes famosa de mitolojia.

La atmosfera de Venus es multe densa, composada de 96% CO2, 3% nitrojen, e otra gases. En la surfas, la presa atmosferal es plu densa a 90 veses ca lo de la Tera, e la temperatur es prosima 500 °C. A contra, a 50 cilometres supra la surfas, la temperatur e presa atmosferal es sirca la mesma de los de la Tera, e esta es la local la plu simil a la Tera en la sistem solal. La siensiste Geoffrey A. Landis ia publici un paper cual asentua ce nos debe vade no a Marte pos la Luna, ma a Venus.

Un sonda sirca la planeta, nomida Venus Express, ia es realida par la Ajenteria Spasial de Europa. Venus Express ia ariva a la planeta en 2006, e sua mision ia fini en 2014.

, Geoffrey A. Landis




#Article 96: Verde (437 words)


Verde es la color entre blu e jala en la spetro de lus vidable. La oios de umanas persepi verde cuando los vide lus con un longia de onda entre 495 e 570 nanometres. En la sistem de colores sutral, verde es creada par combina jala e blu en depinta, e jala e sian en primi. Verde es un color xef de la model de colores RGB (con roja e blu) cual es usada per crea cada de la colores sur un scermo de un televisador o computador.

Lo es la color de erba e folias vivente, e donce lo es la color la plu asosiada con primavera, crese e natur. La contribuor la plu grande de verde en natur es clorofila, la cimical cual capasi plantas a fotosintese. Multe viventes ia ajusta a sua ambientes verde par adota un tinje verde per camofla. Alga minerales ave un color verde, incluinte esmeralda, cual es verde par causa de sua cromo.

Diseda par sondas en Europa e la SUA, verde es la color la plu asosiada con natur, vive, sania, jovenia, primavera, espera e invia. Verde ave relatas variosa cual pare contrasta; en Europa e la SUA, lo es asosiada a veses con mori, maladia o la diablo, ma en Xina sua relatas es multe positiva, como la simbol de fertilia e felisia.

En la eda medieval e la Renase, cuando la color de vestes ia mostra la prestijia sosial de sua posesor, verde ia es portada par mercatores, bancores e clases alta, e roja ia es la color de nobiles. La Mona Lisa par Leonardo da Vinci porta verde, mostrante ce el no ia es de un familia nobil. La bancas en la Salon Basa brites es verde; los en la Salon Alta es roja. Verde es ance la color tradisional de securia e permete; un lus verde sinifia ce on pote vade, e un carta verde permete on abita permanente en la SUA. Lo es la color la plu importante en islam. Lo ia es la color de la bandera de Muhammad e es trovada en la banderas de cuasi cada pais muslim, e representa la plantas densa de paradiso. Lo es ofte asosiada con la cultur de Er celta, e lo es un color de la bandera de Er. Par causa de sua relata con natur, lo es la color de la promove ecolojial. Grupos political ci promove la proteje de la ambiente e justia sosial descrive se como un parte de la promove verda, nominte se partitos verde. Esta ia indui campanias simil de anunsias comersial, e companias vende produidas verde (o ecolojial sana).




#Article 97: Vergilio (389 words)


Publio Vergilio Maro (70–19 aec) ia es un poesiste roman, e la autor de la obra mestral Eneida, la obra de leteratur la plu influente en tota Roma antica. En 19 aec, Vergilio ia comensa un viaja a Elas e Asia, con la intende de revisa la Eneida, e alora de dedica la resta de sua vive en studia de filosofia. El ia deveni malada ante parti de Atina e ia mori pronto pos sua ariva a Brundisio (aora Brindisi, Italia).

En 37 aec, Vergilio ia completi sua obra prima major: la des poesias pastoral, la Campaniales. Per crea un umor pastoral, Vergilio ia descrive la conversas amin de la pastores e sua cantas de ama, sua lamentas, e sua concursos de canta. Ma el ia dona a la Campaniales un natur orijinal e plu nasional, par introdui persones e avenis real en la poesias, e par refere, en metafor, a otra poplas e avenis.

La Cultivorales, o Arte de cultiva, un poesia sur la vive de la cultivor, ia es scriveda de 36 a 29 aec. La poesia revela la perfetia artistal la plu alta trovada a cualce tempo en poesias latina.

Vergilio ia dedica sua des anios ultima a la crea de la Eneida, un epica mital descrivente la vagas de la eroe Eneas pos la cade de Troia en la Gera de Troia asta sua vinse militar en Italia. Eneas ia fuji de Troia, portante sua padre senesente sur sua spalas, e gidante sua fio joven Ascanio par mano. El ia asembla un marina e ia vela tra la Mar Mediteraneo este con la troianes survivente a Tracia, Criti, Epiro e Sisilia, ante la destrui de la marina sur la costa de Africa. Asi, Dido, rea de Cartago, ia cade en ama a Eneas. Ma el ia suiside cuando Eneas ia parti plu tarda. Pos para a la boca de rio Tiber en Italia, Eneas ia mata Turno, la re de la rutulianes.

La moda e la trama de la Eneida ia es derivada de la Iliada e Odisea, la epicas elinica antica atribuida a Homero. La Eneida es regardada como la epica grande prima, e Vergilio ia intende lo como un atenta de glori Roma.

La moda de la poesia vergilian ia influe poesistes engles como Geoffrey Chaucer, Edmund Spenser, John Milton, e Alfred Tennyson.




#Article 98: Veria (216 words)


La veria es la cualia de acorda con fatos o realia, o de conforma a un norma o model orijinal. Lo es usual regardada como la oposada de falsia.

On discute e debate la conseta de veria en contestos diversa, incluinte filosofia, arte e relijio. Multe atas umana depende de lo, incluinte la siensas, la lege, jornalisme e la vive comun; esta atas presuposa la esiste de la veria como un conseta, sin trata lo como un tema de discute. Alga filosofistes regarda la conseta de veria como fundal, e nonesplicable en termas plu fasil ca la conseta mesma. Comun, on regarda la veria como la coresponde de linguaje o pensa a un realia nondependente.

Teorias e opinas diversa de la veria es ancora debateda entre eruditas, filosofistes e teolojistes. Linguas e parolas es un media par cual umanas espresa informas a lunlotra, e la metodo cual on usa per deside lo cual es vera es nomida un criterio de veria.

Respondes diversa esiste a esta demandas: De cual la veria es composada? Cual cosas es capas de es vera o falsa? Como on defini, identifia e distingui la veria? Cual es la roles de sabes empirical e sabes fundida en crede relijial? Esce la veria es sujetal o ojetal? Esce lo es relativa o asoluta?




#Article 99: Victor Hugo (254 words)


Victor Marie Hugo (1802–85) ia es un poesiste, noveliste e autor teatral franses. Sua obras ia furni la stimula la plu grande a la promove romantica. El ia nase en Besançon, Frans. En la prefas de sua drama istorial longa Cromwell (1827), el prea per la abandona de la restrinjes clasica.

La periodo de 1829 a 1843 ia es sua plu produosa. El ia publici la novela istorial grande Notre Dame De Paris (1831). El ia scrive ance cantas poesial e pesos teatral como La re diverti se (1832), ajustada par la musiciste italian Giuseppe Verdi per la opera Rigoletto (1851).

En la desenio de 1840, Hugo ia ativi se en politica. En 1851, pos la colpa de stato de presidente Napoleon 3, Hugo ia fuji a Beljia. En 1855, el ia comensa esclui se per 15 anios sur la isola Gernsi. Ala , Hugo ia scrive obra criticosa incluinte Napoleon peti (1852) e Reproxas (1853). El ia completi sua obra la plu famosa, Les Misérables (La Miseras, 1862), un novela cual descrive e condena la nonjustia sosial de Frans en la sentenio 19.

Hugo ia revade a Frans pos la cade de la Impero Du en 1870 e ia recomensa sua rol en politica. Prima, on ia eleje el a la Asembla Nasional e plu tarda a la Senato. Entre la obras la plu grande de sua 15 anios final es Novedes-tre (1874), un novela sur la Revolui Franses; e La arte de es un avo (1877), cantas poesial de sua vive familial.




#Article 100: Vietnam (443 words)


Vietnam (ofisial la Republica Sosialiste de Vietnam) es la pais la plu este en la Penisola Indoxina en Asia sude-este. Con sirca 94,6 milion abitores en 2016, lo es la pais 14 de la plu popladas de mundo, e la numero 9 de la paises asian. Lo es bordada par Xina a la norde, Lau a la norde-ueste, Camputxa a la sude-ueste, Tai ultra la Golfo Tai a la sude-ueste, e par la Pilipinas, Malaisia e Indonesia ultra la Mar Xina Sude a la este e sude-este. Sua site capital ia es Hanoi pos la reuni de Vietnam Norde e Sude en 1976, con ance la Site Ho Chi Minh como un site istorial.

La parte norde de Vietnam ia parteni a Xina imperal tra plu ca un milenio, de 111 aec asta 939 ec, cuando un stato viet autonom ia es formida pos un vinse viet en la Batalia de la Rio Bạch Đằng. Un serie de dinastias imperal viet ia flori en cuando la nasion ia crese jeografial e political en Asia sude-este, asta cuando la Penisola Indoxina ia es colonida par Frans en la media de la sentenio 19.

Pos un ocupa nion en la desenio de 1940, la vietes ia batalia la rena franses en la Gera Prima de Indoxina, ultima escluinte la franseses en 1954. A pos, Vietnam ia es political divideda a du statos oposada, Vietnam Norde (ofisial la Republica Democrata de Vietnam) e Vietnam Sude (ofisial la Republica de Vietnam). La desacorda entre la du lados ia intensi en lo cual es conoseda como la Gera de Vietnam, con un interveni forte par la Statos Unida per aida Vietnam Sude entre 1965 e 1973. La gera ia fini con vinse per Vietnam Norde en 1975.

Vietnam ia deveni alora unida su un governa marxiste-leniniste, ma ia resta povre e political isolida. En 1986, la governa ia inisia un serie de reformis economial e political cual ia comensa la via de Vietnam a integra en la economia mundal. Ja en 2000, Vietnam ia crea relatas diplomata con tota nasiones. De 2000, sua taso de crese economial es entre la plu altas de mundo, e en 2011 lo ia ave la grado la plu alta de 11 economias major en la Indise de Jenerores de Crese Global. Par causa de sua reformis economial susedosa, lo ia junta se a la Organiza Mundal de Comersia en 2007. Lo es ance un membro de la Coopera Economial Asia-Pasifica e la Organiza Internasional de Francofonia. Vietnam resta un de cuatro statos sosialiste de un partito cual promove ofisial comunisme.

La area es sirca 329,560 cilometres cuadrida.

La lingua major es viet.




#Article 101: Violeta (color) (295 words)


Violeta es la color de ametista, lavanda, e calicarpa. Sua nom es derivada de la flor violeta.

Violeta es la color a la lado de la spetro de lus vidable entre blu e ultravioleta, cual es nonvidable. Violeta ave un longia de onda entre 380 e 450 nanometres, ma en esperimenta con constrinje spesial, persones ia vide a 310 nanometres. Lus con un longia de onda plu basa ca violeta ma plu longa ca raio X e raio gama es nomida ultravioleta. En la rota de colores istorial usada par depintores, violeta es entre blu e purpur.

Sur la scermos de computadores e televisadores, un color cual aspeta simil a violeta es creada con la sistem de colores RGB, par misca roja e blu, usante blu con un cuantia de brilia multiplida par la duple de la cuantia de brilia de la roja. Lo no es violeta vera, car lo es creada par misca colores de longias de onda plu longa, e violeta vera es un longia de onda sola, plu basa ca la longia de onda de blu.

Violeta e purpur aspeta multe simil; ma violeta es un color vera, cual ave sua propre colie de longias de onda, en cuando purpur es un color composada, creada par combina blu e roja.

En istoria, violeta e purpur ia es longa asosiada con reia e gloria. La imperores de Roma ia porta togas purpur, e ance la imperores bizantian ia porta estas. En la eda medieval, violeta ia es portada par bispos e profesores de universias, e ia es frecuente usada en arte per la color de la robas de la Virjin Maria.

Longo sondas en Europa e la SUA, violeta es la color la plu asosiada con estravagantia e individuisme, noncostumales, artifisia, e ambiguia.




#Article 102: Vitamina A (388 words)


Vitamina A es un grupo de composadas organica nonsaturada en nuri, cual inclui retinol, retinal, asida retinoica e carotenoides diversa de provitamina A. Lo ave multe funsionas: lo es importante per crese e developa, per manteni la sistem de imunia e per la bon capasia de vide. Vitamina A es nesesada par la retina de la oio en la forma de retinal.

En comedas de orijina animal, la forma major de vitamina A es un ester, xef palmitato de retinil, cual es convertida a retinol (cimical un alcol) en la intestin magra. En la forma de retinol lo funnsiona como un reserva de la vitamina, e pote es convertida de e a sua forma de aldehido vidal ativa, nomida retinal.

On pote loca la descovre de vitamina A en 1816, cuando la fisiolojiste François Magendie ia oserva ce canes privada de nuri developa ulseras corneal e ave un taso de mori alta. En 1912, Frederick Gowland Hopkins ia mostra ce la crese de ratas nesesa alga fatores ajuntada, ma nonconoseda, estra carboidratos, protenas e grases, cual on trova en lete.

Hopkins ia reseta la Premio Nobel en 1929 per esta descovre. En 1913, un de esta sustantias ia es descovreda en modo separada par Elmer McCollum e Marguerite Davis en la Universia de Wisconsin–Madison, e par Lafayette Mendel e Thomas Burr Osborne en la Universia Yale ci ia studia la rol de grases en la dieta. McCollum e Davis ia reseta la onora car los ia envia sua tese a tre semanas ante Mendel e Osborne. Ambos paperes ia apare en la mesma numero de la Journal of Biological Chemistry en 1913.

La fatores ajuntada ia es nomida gras soluble en 1918 e vitamina A en 1920. En 1919, Harry Steenbock (Universia de Wisconsin–Madison) ia proposa un relata entre pigmentos jala de plantas (beta-caroten) e vitamina A. En 1931, la cimiciste suiz Paul Karrer ia descrive la strutur cimical de vitamina A. Vitamina A ia es prima sinteseda en 1947 par du cimicistes nederlandes, David Adriaan van Dorp e Jozef Ferdinand Arens.

On trova vitamina A en multe comedas, incluinte:

La valuas brasetida es la corespondes de ativia de retinol e la cuantia persental de la Cuota Dietal Recomendada per 100 grames de comable (promedia).

Vitamina A ave un rol importante en funsionas diversa tra la corpo, como:




#Article 103: Viti (179 words)


Viti  (o Fiji, ofisial la Republica de Fiji) es un pais en la Mar Pasifica. Lo ave un area de sirca 18 270 cilometres cuadrida, e sirca 918 675 abitores en 2007.

La site capital es Suva.

La linguas major es engles, viti, e hindi.

On ave ance un lingua franca, hindi viti, un varia de hindi con multe parolas engles. Per esemplo, per ueste on pote dise west o pachim (de hindustani); per isola: island o dvip. Alga parolas hindi reseta formas diferente: ziyada (plus en hindi) es jaada en hindi viti. Multe frases ofisial es en engles. Un vicipedia peti esiste en hindi viti.

La arte de seramica de la vilas viti mostra ce Viti ia es colonida entre 3500 e 1000 aec. La colonistes prima ia es mercatores ci ia ariva de la ueste a 5000 anios ante aora. Comersia entre la vitis e la otra poplas e arcipelagos visina es atestada per canoas, fabricada con arbores de Viti, locada en Tonga, e par parolas de la lingua tongan cual es usada en la grupo de isolas Lau.




#Article 104: Viventes estrateran (572 words)


Viventes estrateran es viventes cual no ia orijina de la Tera. Esta viventes ipotesal pote estende de viventes simple de un selula a viventes con sivilias multe plu avansada ca umanas. An si multe siensistes espeta ce viventes estrateran ta esiste en alga forma, on ancora no ave confirma. La egali de Drake divina sur la esiste posible de viventes intelijente en otra partes de la universo. La siensa de viventes estrateran en tota sua formas es nomida esobiolojia.

De la media de la sentenio 20, on ave un xerca continuante per sinias de viventes estrateran. La xerca inclui la indicas de esiste istorial e presente, e un xerca plu esata per viventes estrateran intelijente. La metodos inclui la analise de datos de telescopios e radios per deteta e envia siniales de comunica.

La conseta de viventes estrateran, spesial de viventes intelijente, ia ave un efeto cultural major, spesial en la obras de naras siensal. Tra la anios, naras siensal ia presenta ideas de siensa e ia influe la interesa e espetas publica sur la natur de intelijentia estrateran. Algas coraji nos a usa metodos forte per contata viventes intelijente, ma otras sujesta ce la dirije de atende a la Tera pote es perilosa.

Siensistes ipotese ce viventes en la forma de microbios es posible en la sistem solal e tra la universo. Esta ipotese es la resulta de considera la grandia enorme de la universo, e la leges coerente de la fisica de nosa parte de lo. Alga siensistes bon conoseda, como Carl Sagan e Stephen Hawking, e an Winston Churchill, ia sujesta ce lo es nonprobable ce viventes no esiste a alga loca estra la Tera.

Esta idea es derivada de la prinsipe de Copernico, cual dise ce la Tera no ave un rol unica en la universo, e la prinsipe de mediocria, cual dise ce viventes sur Tera no es vera spesial. La cimica de vive ia comensa cisa no longa pos la Buma grande, a 13,8 bilion anios ante aora, entrante a un epoca abitable cuando la universo ia ave sola 10–17 milion anios. 

Viventes ia pote emerji autonom en multe locas tra la universo. O posible, viventes ia es formida min frecuente, e ia sperde alora – par meteoroides, per esemplo – entre planetas abitable en un prosede nomida panspermia. En cualce caso, moleculas organica complicada ia pote es formida en la disco protoplanetal de granes de polvo sirca la Sol ante la formi de la Tera. Longo esta studias, esta prosede ia pote aveni estra la Tera sur alga planetas e lunas de la sistem solal, e sur planetas de otra stelas.

De la desenio de 1950, siensistes ia sujesta ce zonas abitable sirca alga stelas es la loca la plu probable per trova viventes. Multe descovres en esta zonas pos 2007 ia jenera estimas de frecuentias de planetas con composa simil a la Tera tan alta como multe biliones, an si (asta 2013) sola un cuantia peti de planetas ia es descovreda en esta zonas.

An tal, a 4 novembre 2013, astronomistes ia reporta, usante datos de la mision spasial Kepler, ce on pote ave tan multe como 40 bilion planetas de la grandia de la Tera orbitante en la zonas abitable de stelas simil a nosa Sol, e stelas roja nana en la Via Letin. La tal stela la plu prosima a nos pote es distante de nos par sola 12 anios de lus.




#Article 105: Vladimir Lenin (388 words)


Vladimir Ilitx Lenin (nom orijinal: Владимир Ильич Ленин) (1870–1924) ia es un revoluor e teoriste political rusce. El ia es la creor de Uni de Republicas Sosialiste Soviet (URSS) e la xef prima de sua governa.

Lenin ia nase en Simbirsk. En 1891, el ia gradua como legiste e ia labora per la povres en la vileta Samara asta la rio Volga ante move a la site San Peterburg en 1893. Ala, Lenin ia junta se a la sirculo cresente marxiste en 1895. Pronto el ia es arestada. Pos spende 15 menses en prison, el ia es escluida a Sibir asta 1900. Lenin ia vade estra la pais, do el ia resta asta 1917 con eseta de un periodo corta en la revolui de 1905. En sua esclui, el ia scrive sua obra mestral de teoria organizal, Cual nos debe fa? (1902). Sua projeta per la revolui ia foca sur un partito alta organizada de revoluores profesal, ci ta gida la popla laborante a vinse supra la asolutisme tsariste.

La insiste de Lenin a un cor sentrida de revoluores profesal ia causa un rompe en la Partito Sosial Democrata Laboral Rusce. La grupo de Lenin ia emerji con la nom bolxevic; la oposa ia es conoseda como menxevic. Disputas entre la du grupos ia domina la politica partital asta la comensa de la Gera Mundal Prima en 1914.

La Revolui Rusce de febrero 1917 cual ia reversa la governa tsariste ia stona Lenin. El ia ariva a San Peterburg a un mense pos la despone de la tsar par laborores e soldatos rebelante. Un revolui du en otobre ia atrae la bolxevices a potia, e Lenin ia gida un curso lenta a sosialisme. Sua conserna grande ia es la preserva de revolui e potia soviet contra enemis interna e stranjer. 

Lenin ia fa pas con la deutxes e, con Leon Trotsky, ia segue un curso cual ia atrae vinsente la pais tra la gera interna 
(1918–21). El ia presenta la Politica Economial Nova en 1921, cual ia reveni la pais a un economia miscada, partal nasionalida e partal fundida a mercato. El ia insiste sur la prinsipe de governa par un sola partito.

Un ataca serebral ia descapasi Lenin en 1922. Un otra ataca en 1923 ia priva el de parla e evidente ia fini sua carera political.




#Article 106: Voksigid (796 words)


Voksigid es un lingua creada cual ia es inventada par Bruce R. Gilson e un comite de otras, comensante en 1991. Los ia atenta crea un lingua lojical cual es plu fasil per la person comun. Gilson ia crede ce la usa de ordina de parolas en loglan e lojban es tro confusante, e el ia prefere la usa de preposadas per indica casos, seguente la teoria de Charles J. Fillmore.

La lingua ave un sintatica simil a japanes, ma reversada (verbo prima, con preposadas). La vocabulo es fundida sur radises de la linguas european.

La projeta ia es descontinuada en 1997.

Pronunsia es como en elefen, con esetas notada:

a, b, c (tx), d, e, f, g, h, i, j (dj), k (c), l, m, n, o, p, r, s, t, u, v, w (u consonantal), y (i consonantal), z.

Alga varias en pronunsia es permeteda.

Diftongos es ai, au, e oi.

l, r, m, n, w, e y es considerada como semivocales, e la otra consonantes es pur.

Un silaba es construida de entre un e cuatro fonemes, en la ordina posible [pur consonante] - [semivocal] - vocal - [consonante]. La consonante final no pote es h, w, o y, e nesesa es permeteda (par la regula a su) si lo es segueda par un consonante en la silaba seguente.

On no pote ajunta un consonante con vose con un consonante sin vose (per esemplo dg e tk es bon, ma no dk e tg), e la consonantes nasal nesesa acorda en loca con un consonante seguente (per esemplo mp e nt es bon, ma no np e mt).

On ave tre clases de parolas: verbos, preposadas, e paroletas. Paroletas inclui juntas, parolas de aspeta e moda, marcas de fini, etc. Nomes e ajetivos es derivada de verbos par la usa de sufisas.

Tota frases comensa con un verbo, posible con un paroleta presedente de aspeta o moda. Tota otra partes de la frase es espresada par la usa de formulas de preposada, incluinte la sujeto e ojetos de la verbo. La ordina de estas es libre, e pote es usada per asentua o stilo.

La preposadas:

Proposas es construida con un junta segueda par la mesma partes cual ta composa un frase. Proposas coordinada e proposas suordinada no es distinguida.

Un nom, construida de un verbo, pote es usada como un ajetivo par pone lo pos la nom cual lo cambia.

Articles de defini e nondefini no es nesesada, car cada preposa introdui un formula de nom.

On Ave paroletas variosa per indica la fini de un formula, la fini de un proposa, e la fini de un ajetivo o averbo.

Un proposa de relata es introduida par un sujunta spesial (su) e es construida como cualce otra proposa. Lo es poneda en la frase pos la parola cual lo altera. La loca en la proposa de relata cual relata a la nom esterna es indicada par la pronom de relata (lau).

Un otra forma, egal a un proposa de relata, es un construi con un preposada spesial cual governa un nom creada de la verbo cual ia es la verbo major de la proposa. La nom indica a cual rol la formula restrinjeda debe conveni. Cuando nesesada (en la caso rara do la formula restrinjeda no va es la sujeto o ojeto de la verbo de la proposa) o desirada per stilo, on pote nomi con cen (per indica astrati) e usa lau como un pronom per representa la formula restrinjeda, con se preposada propre. Esta ta es nomida un formula cuasi relativa.

Un verbo ave du silabas o plu, e fini con un vocal; preposadas ave un silaba, e comensa e fini con consonantes; otra paroletas ave un silaba e comensa o/e fini con un vocal.

Nomes e ajetivos es derivada de verbos par sufisas nominte, cual es la mesma como la preposadas. Per esemplo, si on ajunta la preposada per ojeto nondireta (por) a un verbo cual sinifia dona (dona), on crea la nom per resetor (donapor). La mesma parola usada como un ajetivo sinifia resetante.

Sufisas cual es usada per crea parolas de preposadas o otra paroletas, o cadenas de estas, ta es en la forma de consonante + diftongo.

Seso es espresada par la usa de la prefisa mas- o fem- (alterada a maz- o fen- en alga casos per evade mal grupos de consonantes).

Per pronomes de person tre, on usa ko normal. Ma on pote ance eticeti un nom con vi e un de la parolas como la, e alora usa la mesma forma per indica esta nom. Esta es simil a la metodo usada par loglan e lojban.

Parolas proposada (si du parolas es listada, es intendeda ce la comite ta eleje un de los):




#Article 107: Volapuk (296 words)


Volapük [vola'pyk] es un lingua aidante internasional construida par Johann Martin Schleyer, un prete catolica en Baden, Deutxland, ia crea la lingua en 1879–80, seguente un sonia en cual Dio ia parla a el.  En 1889, on ia ave sirca 283 organizas, 25 jornales en o de volapük, e 316 testos en 25 linguas. Oji, on ave sola sirca 20 o 30 parlores de volapük en la mundo. Ma volapük ia inspira multe otra atentas per crea un lingua aidante internasional. En 1931, Arie de Jong ia cambia la lingua a sua forma moderna.

La leteras e sonas de volapük es:

La asentua es a la silaba final de cada parola.

La plu parolas ia es prendeda de engles, con alga parolas de franses e deutx.  Ma multe parolas ia es cambiada e deveni nonreconosable.

La gramatica es simil a latina, con multe formas de nomes e verbos, ma tota coerente.

Nomes ave cuatro casos en du numeros:

Ajetivos es creada con la sufisa -ik e segue comun la nom.  Comun, los no acorda con la nom.  Ma ajetivos predicativa acorda.  Un ajetivo ce presede la nom, o ce es separada de la nom per otra parolas, acorda ance.  E ajetivos ce es usada en loca de un nom, o ce relata a plu ce un nom acorda.

Averbos es creada par ajunta la sufisa -o a cualce radis, e segue la verbo o ajetivo.

Verbos fini con la mesma silabas como la pronomes ce indica la sujeto, per esemplo:

Verbos ave multe detales plu ce la sufisas per person e numero, con esta morfemes posable:

Nota ce multe de esta morfemes es nonnesesada, e la verbo simple es permeteda.

Ave ance multe afisas per altera la sinifia de parolas.

Esemplo: la Nos Padre en Volapük:




#Article 108: Vole libre (146 words)


Vole libre es la crede filosofial ce esentes controla sua propre atas e desides. Per trata esta demanda, on debe comprende la relata entre libria e causia, e esplora esce la leges de natura esije determinisme causal. La scolas filosofial diversa difere sur esce avenis es predeterminada o no, e esce libria pote coesiste con determinisme o no. Donce, per esemplo, longo determinisme dur, la universa es intera deterministe, e la vole libre no esiste. 

La prinsipe de vole libre ave implicas relijial, etical e siensal. Per esemplo, longo teorias relijial, la vole libre ta sinifia cisa ce un dio omnipotente no elimina vole e colies individual. En siensa, lo ta implica ce la atas de la corpo, incluinte la serebro e la mente, no es completa determinada par causalia fisical. La demanda de vole libre ia es tema sentral de la comensa de pensa filosofial.




#Article 109: Voltaire (269 words)


Voltaire (1694–1778) ia es un scrivor e filosofiste franses, ci ia es un de la gidores de la Lumina. Voltaire ia nase con la nom François Marie Arouet en Paris, do el ia deveni famosa como jenio sarcasmosa en salones. On ia prisoni el en Bastille par causa de alga de sua scrivedas. En un prisoni de 11 menses, Voltaire ia completi sua trajedia prima Edipo e ia comensa un poesia epica sur Henri 4 de Frans.

Pos plu turbas en Paris, el ia move a London. Pronto, el ia aprende perfeta la lingua engles. El ia scrive Poesia de la alia sur la tolera relijial, cual ia susede enorme en Frans e tota de Europa. En 1728, Voltaire ia reveni a Frans, do el ia scrive elementos de filosofia de Newton, novelas, satiras e racontas. El ia scrive pensas sur istoria jeneral e  sur costumes e carater de nasiones. En esta, el ia critica la supranaturalisme e relijio e la potia de pretes, ma clarinte ancora ce el crede la esiste de Dio. Alga de sua obras grande ia es Candide (1759); la trajedia Tancrède (1760); e la Disionario filosofial (1764).

El ia pare capas de defende cualce lado de discute; sua amis ia regarda el como nonfidable, avar e criticosa. Otras ia regarda el como jenerosa, aspirante e simpatiosa. El ia odia cosas nonlojical e noncomprendable, e ia sujesta ce on ta luta contra nontolera, tirania e superstisio. Sua moralia ia es fundida sur un crede a libria de pensa e respeta de tota individuas, e ia asentua ce leteratur debe es usosa e conserna problemes dial.




#Article 110: Wallis e Futuna (201 words)


Wallis e Futuna (ofisial la Teritorio de la Isolas Wallis e Futuna) es un coletiva de isolas franses en la Mar Pasifica sude. Lo es situada entre Tuvalu a la norde-ueste, Viti a la sude-ueste, Tonga a la sude-este, Samoa a la este, e Tocelau a la norde-este. An si lo es e franses e polinesian, Wallis e Futuna es diferente de lo cual on nomi Polinesia Franses.

Sua area de tera es 142,42 km², e sua area intera es sirca 274 km². Lo ave sirca 11 899 abitores. Mata-Utu es la capital e site la plu grande. La teritorio es composada de tre isolas xef, tropical e volcanal, con ance alga isoletas pico. Lo es divideda en du grupos de isolas, separada par sirca 260 km, pd la Isolas Wallis (ance nomida Uvea) en la norde-este, e la Isolas Futuna (ance nomida Hoorn) en la sude-ueset, incluinte Futuna mesma e Alofi, un isola jeneral nonabitada.

De 2003, Wallis e Futuna es un coletiva ultramar franses. Entre 1961 e 2003, lo ia ave la grado de un teritorio ultramar franses, an si sua nom ofisial no ia cambia con la grado.

La linguas major es wallis (58,9%), futuna (30,1%) e franses (10,8%).




#Article 111: William Shakespeare (488 words)


William Shakespeare (pronunsiada Uliam Xecspir; 1564–1616) ia es un poesiste e autor teatral de England. On regarda el como la autor la plu alta en la lingua engles, e la dramiste la plu eselente en la mundo. El ia es batizada en Stratford-upon-Avon, Warwickshire. En 1582 Shakespeare ia sposi Anne Hathaway. Los ia jenita un fia en 1583 e jemelos — fia e fio — en 1585. La fio no ia survive.

En 1592 Shakespeare ia deveni famosa como ator e autor teatral. Sua reputa como poesiste capas e popular ia culmina pos la publici de sua du naras poesial Venus e Adonis (1593) e La Viole de Lucretia (1594) e sua sonetos (1609).

En la eda presente, Shakespeare es xef conoseda per sua 38 teatrales. El ia fundi sua propre compania de atores, The Lord Chamberlain's Men, plu tarda nomida The King's Men, e du teatros: la Teatro de Globo e Teatro Blackfriars.

Sua teatrales temprana inclui: Henry 6, partes 1, 2 e 3 (1590?–92?) e Richard 3 (1593?), sur la vilia cual resulta de rena debil e de nonunia nasional.

Ance a la comensa, el ia scrive comedias La comedia de eras (1592?), La doma de la fem odiosa (1593?) La du seniores de Verona (1594?), e Laboras perdeda de ama (1594?).

A pos, el ia es la autor de teatrales istorial — Richard 2 (1595?), Henry 4, partes 1 e 2 (1597?), e Henry 5 (1598?).

La comedias amada inclui La sonia de un note de estate (1595?), La mercator de Venezia (1596?), Multe ruido per no cosa (1599?), Como lo plase tu (1599?), e Note des-du (1600?).

La du trajedias famosa es Romeo e Juliet (1595?), cual trata poesial la ama joven, draminte la fortuna de du amores ci es vitimes de disputas e malcomprendes de sua relatadas e sufri sua propre emosias fretada. Julio Cesar (1599?) es un trajedia seria de lutas political.

La obras ultima es comedias amarga e trajedias grande: Hamlet (1601?) sur venja e misca de vilia con gloria umana. Othello (1604?) depinta la crese de jelosia sin razona. Re Lear (1605?) trata la segues de la maljudi e freta de Lear.

Antony e Cleopatra (1606?) nara la ama focosa de la jeneral romanica Mark Antony per la rea misri Cleopatra. La ama de la du jovenes brilia gloriosa par la poesia la plu sensosa de Shakespeare.

Macbeth (1606?) nara la trajedia de un om ci sede a aspira avar. On ave ance du comedias amarga: Tota es bon cual fini bon (1602?) e Mesura per mesura (1604?).

La trajicomedia romantica Pericles, prinse de Tiro (1608?) conserna la mori de la sposa de la carater titulal e la persegue de sua fia.

En Cymbeline (1610?) e La nara de inverno (1610?), carateres sufri peri e dole grande, ma reuni a la fini. En La tempeste (1611?), la trama sujesta la efetos beneficosa de junta la potentia con la sajia .




#Article 112: William la concistor (585 words)


William la concistor (sirca 1028 – 9 setembre 1087) ia es la re normande prima de England, renante de 1066 asta sua mori en 1087. Un desendente de invadores vicing, el ia es la duxe de Normandia de 1035. Pos un luta per institui sua potia, en 1060 sua controla de Normandia ia es secur e el ia comensa la concista de England en 1066. La resta de sua vive ia es marcada par lutas per serti sua controla de England e sua paises continental, e par difisiles con sua fio plu vea.

William ia es la fio de Robert 1, la duxe de Normandia, ci ia es nonsposida, e sua amor Herleva. Sua state como un bastardo, e la anarcia de la anios prima de sua rena, ia causa alga problemes per el pos cuando el ia segue sua padre como duxe. Entre sua enfantia e adolese, membros de la aristocratia normande ia batalia lunlotra, no sola per controla la duxe enfante ma ance per sua propre goles.

En 1047, William ia pote crase un rebela e ia comensa sua autoria sur la duxia, cual el no ia pote completi asta sirca 1060. Sua sposi en la desenio de 1050 a Matilda de Flandre ia furni a el un aliada potiosa en Flandre, la contia visina. El ia es alora capas de asinia a sua suportores postos como bispos e abades en la eglesa normande. E la institui de sua potia ia permete el a estende sua rena a la contia Maine.

En la temprana de la desenios de 1050 e 1060, William ia deveni un competor per la trono de England, alora tenida par Edward la conselor, sua tio (de grado du), ci no ia ave enfantes. On ia ave otra competores, incluinte la duxe potiosa engles Harold Godwinson, ci ia es nomida como la re seguente par Edward a sua leto de mori en janero 1066. William ia declara ce Edward ia promete plu temprana la trono a el, e ce Harold ia jura ce el va suporta la direto de William. 

William ia construi un marina grande e ia invade England en setembre 1066, vinsente e matante Harold a la Batalia de Hastings a 14 otobre 1066. Pos plu atas militar, William ia es coronida como re a natal de 1066. El ia prepara per sua governa de England en la temprana de 1067 ante reveni a Normandia. Alga rebelas ia segue e fali, e ante 1075, la teni de England ia es secur, per la plu, e esta ia permete el a pasa la majoria de sua rena a la continente.

La anios final de William ia es marcada par difisiles en sua dominas continental e con sua fio, e par menasas de invades de England par la dansces. En 1086, William ia comanda la crea de la Domesday Book (Libro de judi), un lista de tota propriores en England e sua proprias. William ia mori en setembre 1087 cuando el ia gida un campania en Frans norde, e ia es enterada en Caen.

Sua rena en England ia es marcada par la construi de casteles, la coloni de nobiles normande en England, e un cambia de la composa de la eglesores engles. El no ia atenta uni sua dominas en un impero, ma en loca el ia continua governa cada parte separada. Pos sua mori, la paises ia es divideda entre sua fios: Robert 2, sua fio prima, ia reseta Normandia, e William, sua fio du, ia reseta England.




#Article 113: Wole Soyinka (125 words)


Wole Soyinka (1934–) es un autor teatral, poesiste e noveliste nijerian. Sua scrivedas ave sua fonte en mitos e costumes tribal, e asentua frecuente la libria individua.

En la gera interna en Nijeria (1967–70), Soyinka ia es arestada par la governa e ia es poneda en prison isolida de 1967 a 1969. Esta esperia ia inspira Poesias de prison (1969) e La om ia mori (1972).

La teatrales de Soyinka inclui Un dansa de la forestas (1960) e Un jua de la jigantes (1984). Entre sua otra scrivedas es La traduores (1965), Saison de turba sosial (1973), Idanre (1967) e Isara. En 1986 Soyinka ia gania la premio Nobel per leteratur, deveninte la autor african prima e la autor negra prima ci ia reseta lo.




#Article 114: Wolfgang Amadeus Mozart (280 words)


Wolfgang Amadeus Mozart  (27 janero 1756 – 5 desembre 1791; batizada como Johannes Chrysostomus Wolfgangus Theophilus Mozart) ia es un de la musicistes la plu importante de la istoria de musica.

En sua vive el mesma no ia usa la nom Wolfgang Amadeus, ma Wolfgang Amadé, o a veses, plu o min como broma, Wolfgangus Amadeus; la forma moderna de sua nom personal ia es usada sola pos sua moria. A veses el ia usa nomes bromante, per esemplo Edler von Sauschwanz (Nobil de Coda de Porco), o Franz von Nasenblut (Fransisco de Sangue Nasal).

Mozart ia nase en Salzburg, en Osteraic. Sua padre, Leopold Mozart, ia es un violiniste.

Joven, Mozart ia es un enfante multe intelijente. En sua enfantia, el ia comensa ocupa se sur musica: entre sua anios cuatro e ses el ia composa 22 obras musical. A cuatro anios el ia comensa aprende la piano de sua padre, ci ia es un musiciste real en Salzburg. A sinco anios el ia comensa composa obras e ia presenta sua conserta prima ante la popla. A ses anios el ia presenta consertas en Munchen e Wien, e entre sua anios sete e des el ia fa un turi grande de consertas tra Paris e London. A des-du anios el ia es la autor de operas, simfonias e obras musical per strumentos musical diversa (consertos); a des-cuatro anios el ia deveni un membro de la academia famosa de musica en Bologna, Italia.

An si el ia vive tra sola 36 anios, el ia produi 626 obras de musica. El ia mori en Wien.

On ia declara 1991 como la anio de Mozart per la aniversario 200 de sua mori.




#Article 115: Wright (245 words)


Wright ia es la nom de du frates american ci ia colabora juntada en la developa inisial de avioni. Los ia inventa e vola la avion pratical prima.

Orville Wright (1871–1948) ia nase en Dayton, Ohio. Sua contribuis individua a la boni de avioni inclui la developa de la tunel prima de venta en 1901. El ia descovre en 1902 ce on pote elimina la jira codal en aviones par sustitui un coda vertical movable per la coda fisada alora usada. En 1903 el ia fa la vola susedosa prima. En 1908, el ia reali multe recordos simultan cuando el ia vola la avion prima Wright tra 62 minutos, con acorda governal, completinte 57 sirculos a altia de 36,6 metres.

Wilbur Wright (1867–1912) ia nase en Millville, Indiana.

La frates Wright ia es amirores de la injenior deutx Otto Lilienthal e la injenior american Octave Chanute, de ci ambos ia esperimenta con aviones liscante. En 1900, la frates Wright ia proba sua propre avion liscante. En 1903 los ia construi sua elica prima, usante un calcula orijinal. A la dia seguente, en un macina de 337 kg con un motor de 12 cavalos de vapor, los ia fa la vola prima de avion en istoria en Kitty Hawk, North Carolina. A esta anio, los ia reali un acorda formal con la Corpo de Comunica de la armada de la SUA per produi un avion capas de vola per 10 minutos a rapidia de 64 km/h.




#Article 116: Xace (343 words)


La xace es un jua entre du juores oposante. La nom veni de la parola farsi xah, cual sinifia re. La table ave sesdes-cuatro cuadros en oto colonas e oto orizonales, de colores cual alterna entre blanca e negra. Cada juor ave des-ses pesos – blanca per un juor e negra per la otra:

Un peso catura un peso oposante par vade a la cuadro de acel peso.

Un peon pote catura sola par avansa par un cuadro en un dirije diagonal a la cuadro de un peso oposante (cual es caturada par la peon).

Si un peon avansa par du cuadros per evita deveni caturada par un peon oposante, la peon oposante pote catura lo en pasa en la turno direta seguente.

Si un peon ateni la linia final de cuadros, lo pote deveni un dama o un otra peso (ma no un re).

Si la re e la tore no ia move ja, e si no otra peso sta entre los, los pote move en junta en la mesma turno: la re traversa du cuadros en dirije a la tore, e la tore vade a la cuadro a la otra lado de la re, per proteje lo. On nomi esta move un roca, de la nom arabi per la peso cual nos nomi la tore). En scrive, la simbol de la roca es o-o (per la tore de la re) o o-o-o (per la tore de la dama).

La jua fini cuando un juor susede xacemata la re oposante. Acel parola veni de la frase per la re es mor en farsi, e lo indica un situa do la re no pote evita ce on catura lo en la move seguente. Cuando la re es menasada ma capas de fuji, on dise ce lo es xaceda.

Un parte de un jua es mostrada a su:

 1.   e2-e4  -    e7-e5
 2. C g1-f3  -  C b8-c7
 3. B f1-b5  -    d7-d6
 4.     o-o  -  B c8-d7

 5. B b5xc6  -  B d7xc6
 6. C b1-c3  -  D d8-d7
 7.   b2-b3  -    o-o-o




#Article 117: Xavacano (969 words)


La lingua xavacano (Chavacano, Chabacano) es la sola creol en Asia fundida sur espaniol. Lo ia survive tra plu ca 400 anios, sinifiante ce lo es un de la creoles la plu vea en la mundo. Lo es la sola lingua cual ia developa en la Pilipinas cual no parteni a la familia austronesian. Xavacano ave ses dialetos, cual es locada en partes diferente de la Pilipinas e ave influes de linguas austronesian diferente. La plu de la parolas en xavacano es de la lingua espaniol, ma la gramatica es prima fundida en la linguas austronesian de la Pilipinas.

La ordina de parolas en xavacano es simil a la ordina en tagalog e sebuano, con la verbo a la loca prima. Per esemplo, la frase la negosiores compra la tera pare como la un o la otra de estas:

An cuando un pronom es la sujeto, la verbo vade prima:

La article de defini en xavacano es el e lo presede la nom singular o la particle de pluralia. La article de nondefini es un. Los no varia per indica mas o fema. Lo es comun en xavacano ce on usa ambos – el un – per indica defini e cuantia:

Sin un article, la nom ave un refere jeneral:

Nomes propre de persones es segueda par la article de defini si o la espresa un tal como la article de nondefini:

Nomes en xavacano no segue la regulas de seso como espaniol. La article el es usada per tota nomes, ma on pote usa la per alga nomes.

Como en espaniol, nomes en xavacano pote ave seso, ma sola cuando los refere a persones. Jeneral, la forma mas fini con -o, e la forma fema fini con -a:

Multe nomes no varia per seso:

On usa normal la forma mas per animales:

En xavacano, nomes plural (mas o fema) usa el segueda par la particle maga, de la tagalog o sebuano mga. Parlores vea usa mana, cual es ance asetable.

Esta regula no es rijida. Lo es asetable ce on usa la formas los o las de espaniol:

Ma lo es sempre bon ce on usa la forma el maga per plurali:

En xavacano, lo es comun ce alga nomes deveni duple cuando on plurali los. Esta es un cualia de la linguas malaio-polinesian:

La plural en -s, -as, o -os, de espaniol, es cuasi desapareda, ma es ancora asetada en alga casos:

Lo es ancora comun e asetable ce on ajunta -es a alga nomes, spesial los cual fini en -cion:

Ma lo es plu secur si on usa la regula jeneral de usa maga:

La pronomes de xavacano es fundida en tagalog, sebuano e espaniol. On ave tre niveles de usa per alga pronomes: comun, conoseda e formal. La formas comun es derivada per la plu de tagalog e sebuano; la otra formas es derivada de espaniol. On usa la formas comun per parla a persones de min prestijia ca la parlor e con amis; on usa la formas conoseda per parla a persones de prestijia egal; e on usa la formas formal per parla a persones plu vea o prestijiosa, o en scrives.

Un dialeto – zamboanguenio – distingui entre nos incluinte la escutor (kita) e nos escluinte la escutor (kame) en la modos comun e conoseda. Los usa nosotros per ambos en la modo formal.

A su es un table de la pronomes personal per tre dialetos de xavacano:

La modas de usa es ance trovada en la pronomes de posese, spesial en zamboanguenio. Amon e inyo ave sua orijinas en hiligainon e sebuano, e es usada en la modos comun o conoseda. A su es la pronomes de posese en zamboanguenio:

La plu de verbos en la dialeto zamboangenio es de espaniol. Jeneral, la verbo es derivada de la infinitiva espaniol, sin la -r. Per esemplo, continuar, hablar, poner, recibir, e llevar deveni continuá, hablá, poné, recibí, e llevá, tota con la asentua a la vocal final.

Xavacano (spesial zamboanguenio) usa la parolas ya (de espaniol ya - ia es), ta (de espaniol está - es), e hay con la forma simple de la verbo per indica la tempo pasada, la tempo presente, e la tempo futur.

En zamboanguenio, ya pote es usada ambos ante e pos la verbo per espresa la idea ce, en la presente, la ata es completida (pe: la presente perfeta).

En la xavacano de Cavite e Ternate, on usa ya, ta, e di per la pasada, presente e futur:

Per nega la frase, xavacano usa la parolas jendeh (de tagalog o sebuano hindi, cual sinifia no) en la presente, no hay (no) en la pasada, e jendeh o nunca (no o nunca) en la futur:

La tempo presente

La tempo pasada

La tempo futur

Per nega la sujeto, pone la parola de nega a la comensa de la frase, ma cambia la strutur a sujeto-verbo-ojeto. Per esemplo:

Nunca pote es usada en la mesma modo en la tempo futur per nega forte la sujeto:

No hay e nunca pote ance es usada per nega la verbo en la tempos pasada e futur con la strutur sujeto-verbo-ojeto:

Di amon Padre na cielo, 
ta dale came honor con el di uste nombre sagrao, 
y ta roga came que uste ay vene para reina canamon. 
Ojala que todo el maga gente ay hace el di uste querer 
aqui na mundo igual como todo aquellos ta hace na cielo. 
Todo el dia, dale canamon el comida ta necesita came, 
y perdona el di amon maga pecado, 
como ta perdona tamen came con todo quien ta hace malo canamon. 
Y no deja canamon cae na tentacion, 
y proteje canamon na poder di Satanas. 
Uste el Rey bien poderoso con quien ta dale came alabanza 
y honor hasta para cuando. 
Amen. San Mateo 6:9-13




#Article 118: Xcip (lingua) (175 words)


Xcip (gjuha shqipe, ance conoseda como albanian en multe linguas european) es un lingua parlada par plu ca ses milion persones, xef en Xciperia, Cosovo, Elas, Macedonia, Serbia, Montenegro, la costa de Italia e Sisilia, e par migrores en multe nasiones. La lingua es un ramo isolida en la familia de linguas indoeuropean.  Alga linguistes crede ce xcip desende de linguas antica nomida ilirian, e alga ce lo desende de linguas antica nomida dacotracian. No multe parolas survive de esta linguas antica, e lo es posible ce esta problem no va trova un solve.

Per mostra, asi es la Prea de la Senior en Xcip:

    Ati ynë që je në qiell,
    Shenjtëruar qoftë emri Yt.
    Ardhtë mbretëria Jote,
    U bëftë dëshira Jote,
    Si në qiell, ashtu edhe në dhé,
    Bukën tonë të përditëshme jepna ne sot,
    Ndjena ne fajet e mëkatet tona,
    Si ndjejm ne fajtorët tonë.
    E mos na lër të biem në tundim (keq),
    Por largona prej gjith së keqes.
    [Se e Jotja është mbretëria dhe fuqia
    dhe lavdia në amshim]
    Ashtu qoftë.




#Article 119: Xciperia (595 words)


Xciperia o Albania (ofisial la Republica de Xciperia) es un pais en Europa sude e sude-este. Lo covre 28 748 cilometres cuadrida e ia ave 3 milion abitores en 2016. Lo es un republica constitual parlamental unial, con capital en Tirana, la site la plu poplada de la pais e sua sentro xef de economia e comersia.

Xciperia ocupa la parte sude-ueste de la Penisola Balcan, bordada par Tsernagora a la norde-ueste, Cosovo a la norde-este, Macedonia a la este, e Elas a la sude e sude-este. La tereno es notable diversa, con la Alpes Xcip en la norde, la Montes Corab en la este, la Montes Ceraun en la sude e la Montes Skanderberg en la sentro. Lo ave un costa a la norde de la Mar Mediteraneo, la Mar Adriatica a la ueste e la Mar Ionio a la sude-ueste, forminte la Riviera Xcip. Xciperia es a min ca 72 cilometres de Italia a traversa de la Streta Otranto, cual lia la Mar Adriatica a la Mar Ionica.

En la eda clasica, Xciperia ia es abitada par tribus antica diversa de Iliria, Tracia e Elas, e ance par alga colonias elinica instituida en Iliria. En la sentenio tre aec, la rejion ia es prendeda par Roma e ia deveni un parte de la provinses roman Dalmasia, Macedonia e Mesia Superior. La Prinsia de Arbër ia emerji unida en 1190, instituida par arconte Progon en la Krujë, en la Impero Bizantian. En la tarda de la sentenio 12, Charles de Anjou ia concista la teritorios xcip de la bizantianes e ia institui la Rena de Albania medieval, estendente de Durrës longo la costa asta Butrint en la sude. Esta rena ia cade en la media de la sentenio 15 su domina osmanian.

Xciperia ia emerji como pais moderna en 1912, pos la colasa de la Impero Osmanian e la Geras Balcan. La Rena de Xcip ia es invadeda par Italia en 1939, forminte Albania Grande, ante deveni un protejeda de Deutxland Nazi en 1943. En la anio seguente, un republica poplal sosialiste ia emerji su la gida de Enver Hoxha e la Partito de Labora. La pais ia esperia cambias sosial e political vasta en la eda comuniste, e ia deveni ance isolida de multe de la comunia internasional. Pos la revoluis de 1991, on ia disolve la republica sosialiste e ia institui la Republica cuatro de Xcip.

Xciperia es un pais democrata e developante con un economia de revenu alta-media. La campo de servis domina la economia, segueda par la campos industrial e cultival. Pos la colasa de comunisme en 1990, Xciperia ia cambia de un economia sentrida a un economia de mercato. Lo ave un grado alta en la Indise de Developa Umana e es la numero 37 en la mundo per espeta de vive. Lo furni aida medical universal e educas prima e liseal a sua sitadanes. Lo es un membro de la Nasiones Unida, la Banco Mundal, UNESCO, OTAN, la Organiza Mundal de Comersia, la Consilio de Europa, la Organiza per Securia e Coopera en Europa, e la Organiza de Coopera Muslim. Lo es ance un aspiror ofisial per parteni a la Uni European. Lo es un de la membros fundinte de la Comunia de Enerjia.

La lingua major es xcip.

Xciperia ave 19 contias dirijal (xcip: qark o prefekturë). Esta contias ave 36 distritos (xcip: rreth) e 373 munisipas (xcip: bashki o komunë). 72 munisipas ave la grado de site (xcip: qytet). On ave 1980 viletas (xcip: fshat) en tota Xciperia.

Cada distrito ave sua consilio composada de alga munisipas.




#Article 120: Xina (442 words)


Xina (o Republica de la Popla de Xina) es un pais en Asia. Lo es la nasion con la cuantia la plu grande de abitores en la mundo; la cuantia de abitores, en la anio 2013, ia es sirca 1 339 724 852 persones. Con area de sirca 9 596 960 cilometres cuadrida, lo es la stato du de la plu grandes par area teral en la mundo, e la numero tre o cuatro de la plu grandes par area intera. Governada par la Partito Comuniste de Xina, lo ave autoria sur 22 provinses, sinco rejiones autonom, cuatro munisipas cual la governa controla direta (Beijing, Tianjin, Shanghai e Chongqing), e la Rejiones Manejada Spesial de Hongkong e Macau, e ance alga domina sur Taiuan. Xina es un potiosa grande e es un potiosa rejional major en Asia, e on ia marca lo como un suprapotiosa potensial.

Xina ia emerji como un de la sivilias prima de la mundo en la Rio Huanghe en la Plano de Xina Norde. Tra milenios, la sistem political de Xina ia es fundida en monarcias erital, o dinastias, cual ia comensa con la Dinastia Xia cuasi lejendal. De alora, Xina ia estende, ia frati, e ia reuni a multe veses.

La site capital es Beijing.

De 2013, la presidente per 10 anios es Xi Jin-Ping (sr Xi). 

La linguas major es putong, guangdong (iue), haca, minbe, minan, miau-lau, uu e otras. Putong (comun nomida simple xines) es la lingua la plu grande en la mundo, con plu ca mil milion parlores.

Min ca 3% de la popla es cristian, e protestante e catolica. Un proportio grande ave no relijio o segue relijios miscada de folclor e dauisme. Entre 10% e 16% es budiste. Entre 1% e 2% es muslim. Alga eruditas pensa ce on ave noo limitas clar entre la budisme, la dauisme, e la relijios folcloral.

La proportio de omes sirconsideda es min ca 1% en Xina.

La Gera Sivil Xines ia fini en 1949 con la Partito Comuniste de Xina controlante Xina continente e la Kuomintang retirante a Taiuan. Mao Zedong ia proclama la Republica de la Popla de Xina.

La Republica de la Popla de Xina es la pais du la plu grande en la mundo. Xina es un de la poca paises comuniste cual resta en la mundo de oji, an si la forma de economia es cuasi capitaliste.

Lo ave 22 provinses. La governa dise ce Taiuan es provinse 23, ma lo no ave controla de la isola, cual es autonom governada par la Republica de Xina.

Nota: Per un pronunsia prosima en lfn, usa esta convertis:

Provinses (省)

Rejiones autonom (自治区)

Munisipas (直辖市)

Rejiones spesial (特别行政区)




#Article 121: Linguas xines (194 words)


La linguas xines (o sinitica) es plu coreta un familia o grupo de linguas relatada, desendentes de un lingua, xines vea, parlada par la hanes de Xina norde. La familia es un de la du ramos de la familia linguas xinotibetan. Sirca un sinci de la popla de la mundo – 1200 milion – parla alga forma de xines per sua lingua nativa. La plu de linguistes crede ce on ave sirca 10 dialetos de xines, con putong (o mandarin) como la plu grande, con sirca 850 milion persones.

Putong es la forma usada per un lingua franca en Xina, e la model es la dialeto parlada en Beijing. Putong es ance un de la ses linguas ofisial de la Nasiones Unida. Guangdong (o cantones), con 80 milion parlores, es ance importante, e es un de la linguas ofisial de Hongkong e Macau.

La linguas xines difere en multe modos, ma tota ave tonos, un gramatica analisal, e parolas corta. Los ave ance un forma de scrive – la scrive xines (o 漢字 / 汉字 Handzi), cual es un sistem de sinias cual representa cosas, ideas e sonas.

La linguas en la familia xines es:




#Article 122: Xines (gramatica) (1918 words)


En xines, cada parola ave sola un forma gramatical, car (con esetas minor) la lingua no ave infletas per nomes, ajetivos, o verbos. Cosas como pluralia o tempo es espresada par la ordina de parolas o par paroletas.

Xines es un lingua cual asentua la tema de la frase. La tema es informa vea sur cual la frase es fundida. Per esemplo, la frases a su no pare segue la normal ordina de sujeto prima, ma los adere perfeta a la ordina tema-comenta.

(Esta es un esemplo de un frase procade: La sujeto (per esemplo nos o me o nosa grupo de scola) es determinada par contesto.)

Xines es frecuente clasida como un lingua SVO (sujeto-verbo-ojeto), car verbos presede ojetos en frases simple, como en elefen. Ma xines ave ance multe cualias de linguas SOV, como turces e japanes. Donce:

Plu, en multe construis, xines usa posposadas en loca de preposadas. Per esemplo:

Xines usa ance formulas ajetival en loca de proposas suordinada. La formula es liada a la nom par la paroleta de, cual es la sinia de posese, como la 's  de engles (←de, la reversa de la paroleta de en elefen). Per esemplo:

Plu, formulas verbal aveni a la fini de un proposa si la ojeto direta o indireta es marcada. Per esemplo, on ave du tipos de ojetos direta: tipo un es la normal SVO; tipo du, nomida la construi de bǎ, causa un cambia de state en la ojeto, e indica ce la ojeto es cambiada en un modo forte. La ojeto es marcada par la prefisa 把 bǎ (a, pone,...) e la verbo es moveda a la fini de la proposa (SOV).

Simil, en frases con un ojeto nondireta, la ojeto nondireta es marcada par la paroleta dativa 给 gěi– (per, dona,...), cual es simil a lfn a. E en frases pasiva, la sujeto es marcada par 被 bèi– (par). Ambos move ance la verbo a la fini de la proposa (SOV):

Multe linguas european reversa la verbo e la sujeto per formi un demanda. Xines usa du construis diferente:

La paroleta ma (吗) es poneda a la fini de la frase comun per cambia lo a un demanda de si o no. Per esemplo:

On pote ance formi un demanda par dise la positiva e la negativa en segue, usante la paroleta bù (不, no):

Pronomes en xines es simil a los en elefen. Per esemplo, on ave no difere entra formas mas, fema e neutra de la person tre, e la formas de pronomes no cambia per roles como sujeto e ojeto. Xines no distingui entre la determinante de posese e la pronom de posese – ambos es formida par pospone la paroleta per 的 de (posese, de). Pronomes de onora esiste, ma xines moderna no usa la multe formas de otra linguas, como japanes.

Nota ce 咱们 zánmen es sola usada per tu e me. Esta forma no es multe usada estra Beijing.

Orijinal, xines no ia distingui entre mas, fema o neutra en person tre, e esta continua en la lingua como parlada. Simboles separada ia es creada, respondente a contata con la usa de esta distinguis par europeanes. Atentas per introdui formas diferente per parla (fema yī e neutra tuō)
no ia susede.

La usa de pronomes per person tre es min en xines ca en linguas european, e tro multe usa es videda como nondesirada. Per cosas, “esta” e “acel” es usada en loca.

La formas plural es formida par ajunta 们 mén a la fini de cada pronom.

La pronom 您 nín es usada como un varia formal de person du, ma esta no ave un varia fema e no es usada en la plural.

Per indica posese 的 (de, ←de) es ajuntada pos la pronom. Esta es ometeda en leteratur e en alga espresas comun, spesial cuando on refere a familia o cosas multe prosima a la posesor. Per esemplo, 我 妈 (wǒ mā) es un sinonim per 我 的 妈妈 (wǒ de māmā, me ←de madre)

La pronom personal singular per umanas pote deveni refletante par ajunta 自己 zìjǐ, (se mesma).

En edas imperal, la pronom per me ia es comun ometeda cuando on ia parla cortes o a algun de un state sosial plu alta. Oji, on usa ancora formas diferente cual indica state en alga situas. Per esemplo, en resomas, on ta usa 贵 (guì, noble) en loca de “tu”, e 本 人 (běn rén, esta person) en loca de “me”.

Xines ave du formas diferente de verbos: la verbo statal e la verbo dinamical. La frase cambia en acorda con esta formas de verbo.

Verbos xines no cambia como la verbos de la plu de linguas european, como engles o espaniol. Los ave sola un forma per tota person, tota tempos, etc. La presente es indicada par la verbo simple. On pote ajunta alga particulos per asentua o altera la sinifia:

La modo la plu simple de espresa la pasada es par usa averbos como ier. Per esemplo:

Un otra modo es par usa la paroletas de aspeta guò (过) o le (了) (vide a su), cual no pote sta par se mesma ma pote espresa atas completida cuando los segue un verbo.

La pasada pote ance es asentuada (plu ca la ata mesma) par ensirca la verbo e la ojeto direta con la paroletas shì ... de (是...的, pasada - abitua). Per esemplo:

On usa la presente en la plu casos per avenis en la futur, o on pote usa alga particulos per asentua o altera la sinifia:

Per nega la verbo en xines, on inserta 不 bù (“no”) ante la verbo. Per esemplo:

On ave sola un eseta de esta regula: La verbo yǒu (有, “ave”) es negada par la paroleta méi (没).

Car la fonotatica de xines es multe restrinjeda, on nesesa usa multe omofones per alga silabas. On compensa esta par usa alga verbos en combina con sua ojetos. Per esemplo, , 睡 (shuì) (dormi, v.) e 觉 (jiào) (dormi, n.) la un con la otra es usada per “dormi”:

Aspeta es un parte de gramatica cual dona informa sur la flue de tempo. Xines ave du paroletas per indica la aspeta perfetiva: 了 (-le) e 过 (-guo)

le (perfectiva):

guo (experiential perfectiva de esperia)

La du paroletas nonperfetiva - 正在 (zhèngzài-, prosede) e 着 (-zhe) - difere ance en detalia:

zhèngzài/zài (dynamos)

zhe (statal)

Si la frase intende en la media de, zhèngzai ta es la plu bon; en otra situas, zhe. Me es (en la media de) pende pitures pote egal zhèngzài, ma on ta usa zhe per un pitur es (en la media de) pendente a la mur. La du nonperfetivas pote es usada en la mesma proposa, pe

Redupli es usada per formi un aspeta delimitada (un ata cual aveni per un tempo corta):

wǒ dào gōng yuán zǒu zǒu

(me vade pasea alga en la parce)

Esta frase pote es ance espresada par 走一走 zǒu yi zǒu , cual ave la mesma sinifia, e pote cisa es traduida par pasea un pasea.

Un otra categoria de paroletas unica per xines es la paroletas de moda, usada per espresa como un frase relata a realia o intende. Entre los, la plu importantes es:

Le (comensante)

Hai (nondesideda)

Verbos serial es un parte fundal de la gramatica de xines. Los aveni en du modos: completintes verbal, cual aveni pos la verbo major; e coverbos, cual aveni ante la verbo major. Verbos serial es ance un parte de otra linguas, como turces, corean e japanes.

La completinte verbal indica o la resulta de la ata prima, o la direta en cual la sujeto es traeda. Cuando esta informa conveni, lo es jeneral esijeda.

La completinte de resulta ave du formas: un indica un conclui asoluta, e la otra un conclui posible o probable. Per esemplo, la verbo 听 (tīng, escuta) pote es la verbo ativa, e 懂 (dǒng, comprende) pote es la completinte de resulta:

La completinte de resulta es un construi potiosa e es comun usada en xines. Espresas como 饿死了 (è sǐ le, fami-asta-mor, o mori de famia) e 气死了 (qì sǐ le, coler-asta-mor, o multe coler) es comun.

La completinte de dirije indica la dirije de la ata, e es usada con cuasi tota verbos de move. A la plu simple, la parolas 去 (qù, vade) and 来 (lái, veni) es afisada a la fini de la verbo. Estas pote es ajuntada con otra verbos per dona plu detalia de dirije, per esemplo 上去 (shàng qù, asende), 过来 (gùo lái, veni tra), e los pote es ance ajuntada a un otra verbo, pe 走过去 (zǒu gùo qù, pasea supra o tra).

Coverbos pote prende la loca de preposadas o posposadas en otra linguas. A alga veses, esta coverbos pote sta solitar como un verbo. Un esemplo es 给 (gěi, per), cual pote es usada en ambos modos.

Como un preposada:

Como un verbo:

Un otra esemplo:

La coverbo aida tu es usada con la verbo major trova per espresa la idea de per.

La verbo 到 (dào) sinifia ariva, ma como un coverbo, lo pote sinifia a (un loca). Algas es usada sola en sua sinifia preposadal, como 从 (cóng), cual sinifia de (un loca). Per esemplo:

Ajetivos en xines difere de los en linguas european. Los pote es usada como verbos. Per esemplo 天黑了 tiān hēi le (la sielo ia deveni oscur) es leteral sielo oscur le. Donce, ajetivos en linguas como xines es comun nomida verbos statal.

Ajetivos presede normal la nom. En multe casos, la paroleta de asosia 的 de es usada entre la ajetivo e la nom. Per esemplo 高兴 的 孩 子 gāo xìng de hái zi (felis ←de enfante - enfante felis).

Ajetivos es ance poneda pos nomes, en du modeles:

Prima, sujetos e ajetivos completinte no es ajuntada par un copula como es, ma par averbos de grado, como 很 hěn multe 好 hǎo grande, 真 zhēn vera, e 非常 fēicháng estrema. Per esemplo:

Model du usa la verbo 是 shì (to be): nom + 是 + ajetivo + 的, per declara o asentua un fato. Per esemplo:

Car 的 es un paroleta de posese, e la nom seguente no es indicada, la tradui plu esata ta es el es de la mas, la auto es de la nova, e la gato es de la negra.

Xines comanda ce nomes ave un parola de mesura per es contada. Per esemplo on debe dise 两头牛 du testas de bove, no du boves, con 头 (testa) como la parola de mesura. Esta es un model comun en la linguas de Asia.

Esta parolas es asosiada con grupos spesifada de nomes, relatada par sinifia. Per esemplo, on usa 条 tiáo (banda) per ojetos o animales longa e magra (como cordas, serpentes o pexes); on usa 把 bǎ (manico) per ojetos con manicos (como coteles o parapluves); on usa 张 zhāng (folia) per ojetos plata (como fotos, pel, etc). An ave multe de esta parolas, la plu de nomes usa 个 gè (peso).

La finis per la article un e la article de mostra nesesa ance acorda con la parola de mesura de un nom. Per esemplo, 狗 gǒu sinifia can o la can. Ma per dise acel can, on dise 那只 狗 nàzhī gǒu, per esta can, on dise 这只 狗 zhèizhī gǒu, e per dise un can, on dise 一只 狗 yīzhī gǒu, do la fini 只 zhī (animal) acorda con la nom 狗 gǒu (can).




#Article 123: Y Wladfa (2208 words)


Y Wladfa (pronunsiada /ə ˈwladva/ en cimrica, sinifiante La Colonia) e, a veses, Y Wladychfa Gymreig, es un colonia cimrica en Arjentina, cual ia comensa en 1865 e ia aveni xef longo la costa de la provinse Chubut en la rejion de Patagonia.

En la sentenio 19 e la sentenio 20 temprana, la governa arjentina ia promove migra de Europa per popla la rejion estra Buenos Aires, e entre 1856 e 1875, 34 colonias de nasionalias diversa ia es instituida en Santa Fe e Entre Ríos. En ajunta a la colonia xef en Chubut, un colonia plu peti ia es instituida en Santa Fe per 44 cimricas ci ia abandona Chubut, e un otra grupo ia coloni Coronel Suárez en la sude de la provinse de Buenos Aires En la temprana de la sentenio 21, sirca 50 000 abitores de Patagonia ia es desendentes cimrica.

La comunia cimrica-arjentina es sentrida en Gaiman, Trelew e Trevelin. Chubut estima ce la cuantia de parlores de cimrica patagonian es 1500; par contrasta otras estima ce lo es 5000.

La idea de un colonia cimrica en America Sude ia es avansada par Profesor Michael D. Jones, un sermonor nonconformiste nasionaliste cimrica ci ia abita en Bala e ci ia recomenda crea un Cimri peti ultra Cimri. El ia pasa alga anios en la Statos Unida, do el ia vide ce la migrores cimrica es multe rapida asorbeda en compara con otra poplas e ce frecuente los ia perde sua identia cimrica. El ia proposa institui un colonia de parlores de cimrica a via de la influe de la lingua engles. El ia enscrive colonistes e ia furni finansia; Australia, Zeland Nova e an Filastin ia es considerada, ma Patagonia ia es elejeda per sua isoli e la ofre de la arjentinas de 260 km² de tera longo la rio Chubut per intercambia per abita la tera ancora no concistada de Patagonia per Arjentina. Michael D Jones ia parla par letera con la governa arjentina sur coloni un area conoseda como Bahía Blanca do la migrores cimrica ta pote manteni sua lingua e cultur. La governa arjentina ia aseta e ia dona a los un area grande per controla. Un comite de migra cimrica ia asembla en Liverpool e ia publici un manual Llawlyfr y Wladfa per anunsia la scema per crea un colonia cimrica en Patagonia, cual ia es distribuida a tota partes de Cimri.

A la fini de 1862, la capitan Love Jones-Parry e Lewis Jones (per ci Trelew ia es nomida) ia parti en dirije a Patagonia per deside esce lo es un area conveninte per la migrores cimrica. Los ia visita prima Buenos Aires, do los ia discute con la ministro de internas Guillermo Rawson e, pos un acorda, ia dirije se a plu sude. Los ia ariva a Patagonia en un barco peti nomida la Candelaria, e ia es dirijeda par un tempesta a un baia cual los ia nomi Porth Madryn, per la imobila de Jones-Parry en Cimri. La site cual ia crese sirca la loca do los ia ariva es oji nomida Puerto Madryn. En sua reveni a Cimri los ia declara ce la area es multe conveninte per coloni.

La colonia european permanente en la Vale de Chubut e sua ambiente ia comensa a 28 julio 1865 cuando 153 colonistes cimrica ia ariva sur la Mimosa, un cliper-de-te convertida. La custa de lua la Mimosa e converti lo per pasajores ia es 2500 paundes, e la custa de viaja de Liverpool a Patagonia ia es 12 paundes per adultes e 6 per enfantes, ma cualcun ci ia desira viaja ia es asetada an si el no ia pote paia. La colonistes de la Mimosa, incluinte taliores, sapatores, carpentores, fabricores de brices e escavores, ia es composada de 56 adultes sposida, 33 nonsposida o vidua, 12 femes nonsposida (xef sores o servores de la migrores sposida) e 52 enfantes; la majoria ia veni de la rejion nomida South Wales Coalfield e de sentros urban engles. On ia ave poca cultivores, cual ia es spesial nonfortunosa cuando on ia descovre ce la atraes de la area ia es tro lodada e los ia ariva a un deserto semiseca con poca comeda; on ia informa los ce la area es como la tereno basa de Cimri. En la costa on ia ave poca acua bevable, e la grupo ia comensa un pasea traversante la plano con sola un careta de jardin per porta sua posesedas. Algas ia mori e un bebe, Mary Humphries, ia nase en la pasea. John Williams ia es la sola coloniste con cualce sabes medical simple.

Cuando los ia ariva a la vale de la rio Chubut, la colonia prima ia es un fortres peti cual ia deveni plu tarda la site Rawson, oji la capital de la provinse de Chubut. Lo ia es nomida Yr Hen Amddiffynfa (La Fortres Vea). La casas prima, construida de tera, ia es destruida per un deluvia subita en 1865, e casas nova de cualia superior ia es construida per recambia los. La inondas ia destrui ance la cultivas de patatas e mais. La pluve en la area ia es multe min ca los colonistes ia espeta, gidante a falis de cultivas.

La colonistes ia contata prima la popla tehuelche local a un anio pos sua ariva. Pos alga anios temprana difisil de suspeta e alga violentia, la popla tehuelche ia institui un relata cortes con la cimricas e ia aida la colonistes a survive la manca de comeda temprana. La colonistes, gidada par Aaron Jenkis (de ci sua sposa Rachel ia es la prima ci ia leva la idea de usa sistemosa canales de iriga), ia institui pronto la sistem prima de iriga fundida en la rio Chubut (en cimrica Afon Camwy), irigante un area de 5 o 6 cilometres a cada lado de la estende de 80 cilometres de la rio, e creante la teras de trigo la plu fertil de Arjentina. En la comensa la colonistes ia es autonom, e tota la omes e femes con 18 anios o plu ia ave la direto de vota. En 1885 la produi de trigo ia ateni 6000 tones, e la trigo produida par la colonia ia gania la medalia de oro en esibis internasional en Paris e Chicago.

La boca de la rio Chubut ia es difisil per naviga, esente profonda e con bancos de arena nonstable, e on ia deside ce un ferovia es nesesada per lia la vale basa de Chubut con Puerto Madryn (orijinal Porth Madryn) en la Golfo Nuevo en la parte sude de la Peninsola de Valdés. Lewis Jones ia es la forsa propulsante, e en 1884 la Congresa de Arjentina ia autori la construi de un ferovia, la Ferrocarril Central de Chubut, par Lewis Jones e Compania. Recolie reservas per la projeta ia es difisil, donce Lewis Jones ia vade a la Rena Unida per xerca suporta finansial, do el ia enscrive la aida de Asahel P. Bell, un injenior. La labora sur la ferovia ia comensa en 1886, aidada par la ariva de 465 plu colonistes cimrica en Vesta, un barcon de vapor. La site cual ia apare en la stasion final ia es nomida Trelew (Site de Trelew) en onora de Lewis Jones. La site ia crese rapida e en 1888 ia deveni la xeferia de la Compañía Mercantil del Chubut.

En janero 1868, la jornal prima de la colonia Y Brut (La Nara), ia apare; Ein Breiniad (Nosa Vantaje) ia segue en 1878. Los no ia vive longa, con 6 sola numeros de cada titulo. Lewis Jones ia fundi Y Dravod (Discute) en 1891, e esta ia dura plu longa: un numero semanal ia es produida asta 1961.

En la media de la desenio de 1880, la plu de la tera de cultiva en la vale basa de Chubut ia es reclamada, e la colonistes ia organiza alga misiones per esplora otra partes de Patagonia per trova tera cultivable. En 1885 la cimricas ia demanda a la governor de Chubut, Luis Jorge Fontana, ce el permete organiza un mision per esplora la parte de la Andes de Chubut. Fontana ia deside acompania personal la mision. A la fini de novembre 1885, los ia ateni un area fertil cual la cimricas ia nomi Cwm Hyfryd (Vale Plasente). En 1888, esta loca en la pede de la Andes ia deveni un plu colonia cimrica, nomida en espaniol Colonia 16 de Octubre. Cuando la cuantia de abitores ia crese asi, la sites de Esquel e Trevelin ia es fundida.

Esta area ia deveni un tema de disputa entre Arjentina e Txile. En la comensa la frontera ia es definida par un linia liante la montes la plu alta de la area, ma plu tarda lo ia deveni clar ce esta linia no es la mesma como la linia separante la basines idrografial, car alga de la rios de la area flue a ueste. Arjentina e Txile ia acorda ce la Rena Unida debe arbitra e on ia solisita la opinas de la colonistes cimrica. En 1902, an con un ofre par Txile de un lega de tera per cada familia, los ia vota per resta en Arjentina.

Multe dana ia es causada par inondas en la desenios de 1890 e 1900, cual ia ruina Rawson e (a grado min grande) Gaiman, ma Trelew no ia es afetada. On ia ave ance un desacorda entre la colonistes e la governa arjentina, cual ia introdui enscrive militar e ia insiste ce omes de eda militar es instruida a soldis. Esta ia es contra la prinsipes sabadiste de la colonistes e ia causa multa odia; la problem ia es solveda par la interveni de Julio Argentino Roca, la presidente arjentin. Esta elementos, e la manca de teras cultivable nonreclamada, ia causa ce 234 ia parti per Liverpool, embarcante la Orissa a 14 maio 1902; a pos, 208 de los ia viaja a Canada, arivante a Saltcoats, Saskatchewan, a fini de junio an si alga de esta familias ia reveni plu tarda a Chubut. Alga otra colonistes ia move a la provinse de Rio Negro en Arjentina. Multe de los ci ia lasa Chubut ia es arivores tarda ci no ia oteni la posese de tera, e plu migrores de Cimri ia sustitui per los. A la fini de la sentenio 19, 4000 persones de orijina cimrica ia abita en Chubut. La migra sustantial ultima de Cimri ia aveni corta ante la Gera Mundal Prima, cual ia preveni plu migras. Sirca 1000 migrores cimrica ia ariva a Patagonia entre 1886 e 1911, e sur funda de esta e otra statisticas, Glyn Williams ia estima ce en soma cisa no plu ca 2300 migrores cimrica ia migra direta a Patagonia.

Pos alga tempo la colonia ia mostra se como susedosa, an si migras pos 1914 ia veni xef de Italia e de paises de la sude de Europa; per esta razona la cimricas ia deveni un minoria. Como ance la sistem de iriga, la crea de un Sosia Cooperante (Compañía Mercantil de Chubut) ia es esensal. La Sosia ia comersia per la colonistes en Buenos Aires e ia ata como un banco con 14 ramos. La sosia fundida en eglesetas ia es importante, asentuante la suporta mutua e aida, ativias sosial e scemas de asecura. Par contrata, la Sosia Cooperante ia colasa en la Depresa Grande de la desenio de 1930, e multe ia perde sua reservas. La construi de un parario en la rio Chubut a 120 km a ueste de Trelwe, induida a 19 april 1963, ia redui la risca de inonda en la Vale Basa de Chubut.

La cimricas ia lasa sua marca a la vista, con molines de venta e eglesetas tra la provinse, incluinte la Egleseta Salem e la Salon San David en Trelw, un atenta de reprodui la Catedral de San David en Pembrokeshire. Multe de la colonias en la vale ave nomes cimrica.

Tra la anios la usa de la lingua cimrica ia declina, e on ia ave poca contata entre Cimri e Chubut per multe anios pos 1914. La cosas ia comensa cambia cuando un cuantia grande de cimricas ia visita Patagonia en 1965 per selebra la aniversario 100 de la colonia. De alora la cuantia de visitores de Cimri ia crese. Enseniores ia es enviada per manteni la lingua vivente, e alga prestijia sosial esiste en parla la lingua — an entre persones sin asendentes cimrica. On ave ancora ativias cultural importante, incluinte tes cimrica e poesia en casa de te a lado la rio en Gaiman e Dolavon. En 2006, la lia entre la Vale de Chubut e Cimri ia es sulinida, a esta ves en un contesto de sporte. La prima max de un turi de du maxes Test a Arjentina par la ecipo de rugbi nasional cimrica ia es juada en Puerto Madryn, ganiada con 27–25 par Arjentina. La imnos de ambos paises ia es cantada par la cimrica-arjentina Billy Hughes. Un otra esemplo de la lia entre Arjentina e Cimri es ce la Sentro Cimrica en Londres ia es tra multe anios la loca xef per dansa tango arjentina.

La colonias xef en la area es Puerto Madryn, Trevelin, Rawson, Trelew, Dolavon e Gaiman.




#Article 124: Yasser Arafat (287 words)


Yasser Arafat (ياسر عرفات) ia nase en 1929 en Cairo, Misre, como Abd al-Rahman Arafat al-Husaini, e ia mori en 2004 en Frans. El ia es un politiciste filastini, e de febrero 1996 la presidente de la governa de autonomia filastini. Sua nom militar ia es Abu Amar.

El ia reseta la premio Nobel per pas con Ximon Peres e Yitzhak Rabin. Sua padre ia es un mercator de telas. Arafat ia dise ce sua pais de nase es Ieruxalim ma plu probable sua loca de nase ia es en Cairo o Gaza. El ia studia tecnica eletrical en Cairo. El ia labora como un esperta sur esplodes en batalias de canal de Suez contra la colonistes brites e franses. El ia deveni un teninte en la armada misri. Alora el ia susede partal en laboras de construi.

En 1959 el ia fundi en Cuait la Organiza de Libri de Filastin (Fatah). De 1969 el ia es presidente de la organiza per libri de Filastin (PLO). El ia reveni, pos esclui longa, a la autonomia filastini en 1994 pos tratas de autonomia. En 2000, Arafat ia fa un interacorda con ministro xef israeli Barac e presidente de SUA Bill Clinton en Campo David, sur la fundi de stato filastini, cual no ia reali asta aora. Clinton ia sta entre Barac e Arafat ci ia presa manos con lunlotra en Oslo, Noria. De 2001, el ia vive prisonida a casa en Ramala per du anios.

El ia sufri cisa de sindrom Parkinson. En otobre de 2004, sua maladia ia deveni plu sever cuando on ia transporta el a Paris. Ala el ia cade en coma a 4 novembre. On ia declara ofisial sua mori a 11 novembre 2004.




#Article 125: Yitzhak Rabin (360 words)


Yitzhak Rabin (1922–95) ia es la ministro xef sinco de Israel, e la prima ci ia nase en acel pais. El ia gania un premio Nobel de pas. El ia es asasinada en 1995 en un selebra per pas en Tel Aviv car el ia acorda sede teritorio ocupada par Israel per reali pas con nasiones arabi visina.

Rabin ia nase en Ieruxalim, en Filastin (aora Israel) renada par Britan.

El ia junta se a la rejimento secreta de comandos Haganah (militia iudi) en 1941. En la Gera Mundal Du (1939–45) la rejimento ia coopera con Britan Grande per batalia la influe de deutxes e sua aliadas en Asia sude-este.

Pos la gera cuando la briteses ia limita la migra de iudis, la alia de Britan e iudis de Filastin ia mali. Cuando la briteses ia atenta esclui alga iudis ci ia migra nonlegal a Filastin, Rabin ia partisipa en atacas per libri los de campas de prison brites. Plu tarda en 1948, la rejimento de comandos ia es asorbeda en la Fortias Israeli de Defende (IDF), la armada nova de stato israeli.

Rabin ia es xef de IDF de 1964 asta 1967. El ia retira de la armada en 1968 per posto de ambasador en la SUA.
 
El ia reveni a Israel en 1973 e ia es elejeda a la parlamento como membro de la Partito de Labora.

El ia servi en la governa de ministro xef Golda Meir. El ia deveni mesma la ministro xef en 1974 pos la retira de Golda Meir ci on ia critica per la manca de prepara de Israel en la gera de Yom Kippur en 1973.

El ia revive la securia de Israel, ma ia fa min bon en economia.

Rabin ia servi como ministro xef e ministro de defende, suscrivente la acordas de pas con Yasser Arafat, la gidor de la Organiza per Libri de Filastin (PLO) en 1993, 1994 e 1995, fasilinte la via a autogoverna en la Riva Ueste e la teritorio Gaza. Rabin, Arafat e Ximon Peres (la ministro israeli de esternas) ia gania la premio Nobel per pas en 1994 per sua laboras en coopera de pas.




#Article 126: Yolik (404 words)


Yolik es un lingua creada construida a , un foro ede lingua franses. Lo ave ja sirca 2000 parolas e un gramatica avansada. Lo es un lingua en la linia de volapük ma vole es multe plu simple. Como volapük, sua radises tende es monosilabal, ma lo ave sola sinco vocales, como elefen, e un cuantia multe limitada de afisas. Ance sua conjuga es plu simple e sua parolas no es declinable. Sua radises veni de plu multe linguas (xef: espaniol, portuges, rusce e bresonica, o miscada).

ativa nonperfeta

ativa perfeta

pasiva nonperfeta bini (es)

pasiva perfeta

de loca

de tempo

(sujesta: asentua la vocal ante la consonante final de la parola cuando on ave plu ca un silaba)

(fonte: vici de LFN)

Zan, un kerik mik dalakida mi pa konvi mi prezi belik den sunik en voni ta nimyop vidi nimyo selvik iz nesamyo konter. Ni vonida en bus ra si mob bine en remont. Lo, ni vidida lefyo i tigyo i ridida mun kon momyo ki fabe yo grim. Ni i mirida pityo zotik kon si penyo iz yol krom…

Ier, un ami ia telefoni a me per invita me a profita de la bela dia solosa par vade a la zo per vide la animales savaje de continentes divesa. Nos ia vade ala par bus car sua auto ia es a la garaje. Ala, nos ia vide la elefantes e la tigres, e nos ia ride multe con la simias cual ia fa grimas. Nos ance ia amira la avias esoticas con sua plumas multicolor…

Sor Korv su un dar en sid
tene en si bek un kez
Sor Lis fa si far trakid
Disa muner munes di res
Yey Sor Korv! Den bon!
Kis vi sima tom bel, lo on!
Verim, se vi vos
mera si kon vi vest
Vi bina ya primik
mez ol nimyo en bos
En yori di, ni Korv ne geda muner ves
Bera may si bek i lasa kadi kez
Lis trapa di
disa i:
Sor keridik,
leri ke ol flatik
viva fa sploti ki skuta
Mi kreda ke di les un kez nedubim kusta!
Sor Korv, stidik i turbik
jura ma ja posan ne bini tis kredik

Mi salva ti, Maryam, grasplenid;
Bini kon Ti Div-Sor.
Ti bina mez olyo fem benid
I benid Yesu, frut iz Ti vot.
Maryam Santid, Mam Divik,
Pregi pa ni, povryo pekor,
Toan i da ni tan morik 




#Article 127: York (186 words)


York es un site istorial con muron, locada en Yorkshire Norde, England. Lo es la site xef de la contia de Yorkshire a cual lo dona sua nom. La site ave un erita rica e ofre multe atraes per turistes, de cual la plu importante es la catedral de York.

La site ia es fundida par la romanes como Eboracum en 71 ec. Lo ia deveni la capital de la provinse roman de Britannia Inferior, e a pos de la renas de Northumbria e Jórvík. En la eda medieval, York ia crese como un sentro de comersia de lana e ia deveni la capital de la provinse eglesal norde de la Eglesa de England, un rol cual lo ia manteni.

En la sentenio 19, York ia deveni un sentro de la rede ferovial e un sentro de fabriceria de confeto. En desenios resente, la economia de York ia cambia de sua industrias relatada a ferovia e confeto a la servis. La Universia de York e la servis de sania ia deveni la empleores xef, an si la turisme es un elemento importante de la economia local.




#Article 128: Zambia (408 words)


Zambia (ofisial la Republica de Zambia) es un pais sin costa en Africa sude. Lo es bordada par la Republica Democrata de Congo a la norde, Tanzania a la norde-este, Malaui a la este, Mosambic, Zimbabue, Botsuana e Namibia a la sude, e Angola a la ueste. La site capital es Lusaka, en la parte sude-sentral de Zambia. La popla es xef consentrada sirca Lusaka en la sude e la Provinse Copperbelt a la norde-ueste, la sentros economial de la pais.

Orijinal abitada par poplas coisan, la rejion ia es afetada par la crese bantu de la sentenio 13. Pos visitas par esplorores european en la sentenio 18, la rejion ia deveni la protejedas brites Rodesia Norde-Ueste e Rodsia Norde-Este, prosima a la fini de la sentenio 19. Estas ia fusa en 1911 per formi Rodesia Norde. Per la plu de la periodo colonial, Zambia ia es governada par un comite asiniada de London, conselada par la Compania Brites de Africa Sude.

A 24 otobre 1964, Zambia ia deveni autonom de la Rena Unida, e la ministro xef Kenneth Kaunda ia deveni la presidente prima. Sua partito sosialiste ia manteni sua potia asta 1991, e el ia fa un rol major en diplomatia rejional, prosima cooperante con la Statos Unida per xerca solves de geras en Rodesia (Zimbabue), Angola e Namibia.

Kaunda ia es segueda en 1991 par Frederick Chiluba de un partito sosial democrata, comensante un periodo de crese sosioeconomial e desentrali de la governa. Levy Mwanawasa, elejeda par Chiluba, ia preside Zambia de janero 2002 asta sua mori en agosto 2008, e ia campania per redui froda e alti la cualia de vive. Pos sua mori, Rupiah Banda ia es elejeda como presidente en 2008. El ia resinia pos sua defeta en la vota de 2011 par Michael Sata de la Fronte Patriota, ci ia mori en otobre 2014 (la presidente zambian du ci ia mori en la posto). Un vota nova en janero 2015 ia eleje Edgar Lulu como la presidente ses.

En 2010, la Banco Mundal ia nomi Zambia como un de la paises la plu rapida economial reformida en la mundo. La Mercato Comun per Africa Este e Sude ave sua xeferia en Lusaka.

La area de Zambia es sirca 752 614 cilometres cuadrida. En la anio 2007, la pais ia ave sirca 11 477 447 persones.

La site capital es Lusaka.

La linguas major es engles (ofisial), bemba, klaonda, lozi, lunda, luvale, nyanja, tonga, etc.




#Article 129: Zeland Nova (312 words)


Zeland Nova (maori: Aotearoa) es un pais de isola en la sude-ueste de la Mar Pasifica. Lo es jeografial composada de du teras xef – la Isola Norde (Te Ika-a-Māui) e la Isola Sude (Te Waipounamu) – e sirca 600 isolas plu peti. Lo es situada a sirca 1500 cilometres a este de Australia, separada de lo par la Mar Tasman, e a sirca 1000 cilometres a sude de Caledonia Nova, Viti e Tonga.

Par causa de sua distantia, lo ia es un de la teras la plu resente colonida par umanas. En sua periodo longa de isoli, Zeland Nova ia developa un biodiversia spesial de animales, plantas e fungos. Sua topografia diversa e sua montes de apico agu – pe: la Alpes Sude – resulta xef de levas tetonical de la tera e erutas volcanal. La site capital de Zeland Nova es Wellington, e sua site la plu poplada es Auckland.

A alga tempo entre 1250 e 1300, polinesianes ia coloni la isolas e ia developa la cultur maori. En 1642, Abel Tasman, un esploror nederlandes, ia deveni la european prima ci ia vide Zeland Nova. En 184, representores de Britan e xefes maori ia suscrive la Acorda de Waitangi, cual ia declara la domina brites a la isolas. En 1841, Zeland Nova ia deveni un colonia en la Impero Brites, e en 1907 un domina.

Oji, la pais ave 4,7 milion abitores, de ci la majoria desende de europeanes; la maoris nativa es la minoria la plu grande, segueda par asianes e persones de la Isolas Pasifica. Refletante esta, la cultur de Zeland Nova es xef derivada de colonistes maori e colonistes temprana brites; un largi resente ia es causada par un crese de migras. La linguas ofisial es engles, maori e la Lingua de Sinias de Zeland Nova, ma engles es dominante.

La area es sirca 268 680 cilometres cuadrida.




#Article 130: Zeno de Elea (184 words)


Zeno de Elea (490-430 aec) ia es un filosofiste de Elea en Italia sude, e un seguor de Parmenide.

El ia scrive un libro de paradoxes famosa, incluinte la nara de Acile e la tortuga: Prima, nos permete ce la tortuga comensa a un o du metres en avansa de Acile. Cuando Acile ariva a acel loca, la tortuga ia avansa ja pico plu de sua comensa. Cuando Acile ariva a la loca nova de la tortuga, la tortuga ia avansa denova un pico plu. Sempre cuando Acile ariva a la loca presedente de la tortuga, la tortuga ia move ja pico plu. Donce, Acile no pote pasa la tortuga, e la tortuga gania la corsa! La idea ultima de esta nara es ce la idea de move es vera un alusina.

En crea naras como esta, Zeno ia inventa un forma de razona nomida redui a asurda.

(Nota: esta nara no mostra vera ce move no esiste, car Zeno ia crede, noncoreta, ce la move, la tempo e la spasio es construida de un cuantia infinita de puntos. En realia, los es continuante.)




#Article 131: Zona de Colonia (254 words)


La Zona de Colonia ia es un rejion en la ueste de Rusia Imperal, con fronteras cambiante, cual ia esiste entre 1791 e 1917. La abita permanente par iudis ia es permeteda en lo, e proibida estra lo.

La Zona de Colonia ia inclui multe de la areas cual parteni oji a Lietuva, Bielarus, Ucraina, Moldova e Polsca, un parte de Latvia este, e partes de la ueste de Rusia. Lo ia estende de la frontera rusce con la Rena de Prusen (a pos, la Impero Deutx) e con Osteraic-Magiar. Plu, lo ia inclui 20% de la teritorio european de Rusia e ia coresponde con la fronteras istorial de la Comunia Lietuvisce-Polsce e la Hania Crimsce.

En la periodo de la esiste de la Zona de Colonia, la Impero Rusce ia es xef cristian ortodox. La area incluida en la Zona, con sua abitores catolica e iudi, ia es otenida par un serie de concistas e manobras diplomata, entre 1791 e 1835. An si la natur relijial de la proclamas per crea la Zona de Colonia ia es clar – la converti a la ortodoxia rusce (la relijio statal) ia libri la individuas de la restrinjes – istoristes razona ce la motivas de sua crea e manteni ia es de natur economial e nasionaliste.

La fini de la enforsa de la marca de la Zona de Colonia ia coaveni con la comensa de la Gera Mundal Prima, e con la revolui de febrero e otobre de 1917, pd: la cade de la Impero Rusce.




#Article 132: Robert Louis Stevenson (174 words)


Robert Louis Balfour Stevenson (Edinburgh, Scotland, 13 novembre 1850 - Vailima, Samoa, 3 desembre 1894) ia es un novelor e poesiste scotes. 
Novelas famosa es Isola de tesoro e La caso strana de Dr Jekyll e Sr Hyde.

Sur sua petra de tomba, sua poesia Misa de memori es gravada, como el ia desira:

  Su la sielo larga e stelosa,
  Ta ce tu entera me,
  Felis me ia vive e felis me mori,
  E me ia reclina me con un atesta final,
  Ta ce tu grava esta poesia per me:
  Asi el reposa do el ia anela es;
  A casa es la marinor, a casa de mar,
  E la xasor es a casa de la colina.

  Under the wide and starry sky,
  Dig the grave and let me lie,
  Glad did I live and gladly die,
  And I laid me down with a will,
  This be the verse you grave for me:
  Here he lies where he longed to be;
  Home is the sailor, home from sea,
  And the hunter home from the hill.




#Article 133: Roger Martin du Gard (209 words)


Roger Martin du Gard, (1881-1958), es la autor de novelas e teatrales franses e ganior de la premio Nobel, de ci sua obras conserna la menasas dial e la turbas moral confusosa cual fronti la popla comun.

Martin du Gard ia es instruida como arciviste a la scola Ecole de Chartres, en Chartres, Frans, graduante en 1906. El ia studia su psiciatristes diversa en Paris ante publici sua novela Deveni (1908). Sua novela prima susedente ia es Jean Barois (1913; traduida a engles en 1949), un conversa cual trasa la turbas moral e pensal de un joven regardante la siensa e relijio. 

Sua obra la plu aspirante es de oto partes La mundo de Thibaults (franses: Les Thibault) (1922–40), un novela epica e complicada, cual esamina ideas turbante regardada de perspetivas multiple, contrastante la vives de la frates Jacques e Antoine Thibault – la un es un revoluiste e la otra es un conservaliste sosial.

Martin du Gard, ci ia es un ami intima de la noveliste franses Andre Gide, ia edita la jornal franses xef de leteratur Revista Nova Franses (Nouvelle Revue Francaise). El ia reseta la premio Grand Prix Littéraire de la Ville de Paris per la estate (1936) e la premio Nobel per Leteratur en 1937.




#Article 134: Roja (462 words)


Roja es la color a la estrema de la spetro de lus vidable, con longias de onda la plu longa, a lado de orania e a la otra estrema ca violeta. La oios de umanas persepi roja cuando los vide lus con un longia de onda entre 620 e 740 nanometres. Lus con un longia de onda plu longa ca roja, ma plu corta ca radia de teraherze e microondas, es nomida infraroja.

Roja es un de la colores xef de la sistem de colores ajuntal de lus vidable, con verde e blu, en la sistem de colores RGB, cual es usada per crea cada de la colores sur un scermo de un televisador o computador. Roja es un de la colores suordinada en la sistem de colores sutral, resultante de la combina de jala e majenta en la sistem de colores CMYK. Tradisional, lo ia es videda como un de la colores xef en la sistem de colores sutral, spesifada en la sistem de colores RYB, con jala e blu, cual es usada en depinta per produi cada de la colores. La tinjes de roja varia entre ros multe pal e bordo o burgonia multe oscur, e entre la roja oranin de scarleta e la roja bluin de carmesi. La color oposada de roja es sian.

En natur, la color roja de sangue es causada par emoglobina (la protena cual conteni fero), cual es trovada en la eritrosites de tota vertebratos. La color roja de la Canion Grande e otra spesifadas jeolojial es causada par ematita o ocer roja, de cual ambos es formas de osido de fero; esta causa ance la color roja de la planeta Marte. La sielo roja a la reposa de sol e la leva de sol es causada par un efeto otical nomida sperde de Rayleigh, cual grandi la longia de onda de la lus cual ateni la oios cuando la sol es basa o su la orizon. La color de folias en autono es causada par pigmentos nomida antosianinas, cual es produida prosima a la fini de estate, cuando clorofila verde es no plu produida. Entre un e du persentos de umanas ave capeles roja; la color es produida par cuantias grande de la pigmento rojin feomelanin (cual causa ance la color roja de labios), e cuantias relativa peti de la pigmento oscur eumelanin.

Car roja es la color de sangue, lo ia es istorial asosiada con sacrifia, peril e coraje. Sondas moderna en la SUA mostra ce roja es ance la color la plu asosiada con caldia, ativia, pasion, sesia, coleria, ama e joia. En Xina, India e multe otra paises asian, lo es la color cual simboli felisia e bon fortuna. De la sentenio 19, roja es ance asosiada con sosialisme e comunisme.




#Article 135: Roma (349 words)


Roma es la site capital de Italia de 1870. Lo ia es ance la capital de la area Lazio – Latium en la tempo antica. Lo ave cuasi 3 000 000 abitores. Tra sua istoria, cual ia dura tra tre milenios, lo ia susede estende sua domina sirca la Mediteraneo, la sentro de un de la sivilias antica la plu importante. Lo ia influe la sosia, la cultur, la lingua, la leteratur, la arte, la arciteta, la filosofia, la relijio, la lege e la vestes de la sentenios seguente.

Roma ia es fundida en 21 april 753 aec, cual es la anio zero (anio 0) Ab Urbe Condita (AUC). Pos la fundi par Romulo, Roma ia es governada en 244 par un monarcia, prima par monarcas de orijina latina e Sabine, a pos per res etruscan. La tradision ia recorda sete res: Romulo, Numa Pompilio, Tulo Hostilio, Anco Marcio, Tarcinio Prisco, Servio Tulio e Tarcinio la Orgolosa.

Lo ave un enclave – la Stato de Vatican.

Roma es locada en la rejion de Lazio en Italia sentral a lado de la Tiber. La colonia orijinal ia developa en la colinas a fronte de la rio basa a lado de la Isola Tiber, la sola rio basa natural en esta loca. La Roma de la res ia es construida sur sete colinas.

An si la sentro de la site es 24 cilometres de la Mar Tireno, la teritorio de la site estende asta la costa, do la distrito sude-ueste de Ostia es locada. La altia de la parte sentral varia de 13 m asta 139 m. La comunia legal de Roma covre un area de 1285 cilometres cuadrida, incluinte multe areas verde.

La teritorio de la Site Vatican es un parte de la Colina Vatican e de la Campos Vatican visina, do la Basilica de San Petro, la Palasio Apostolal, la Egleseta Sistina e museos ia es construida, como ance otra construidas.

On dise sur Roma:

Du ecipos de futbol (calcio en italian): Roma e Lazio.

John Keats, poesiste engles, ia mori en Roma en 1821, a la eda de 25 anios.




#Article 136: Roma antica (10303 words)


Roma antica (en latina: Antiqua Rōma) ia es un unia political cual ia nase de la estende de la site de Roma, cual, en sua epoca culminante, ia estende de la Rena Unida asta la Sahara e de la Penisola Iberian asta la Eufrates. A la comensa, pos sua fundi (753 aec), Roma ia es un monarcia etrusca. Plu tarda, (509 aec), lo ia es un republica latina, e en 27 aec ia converti a un impero. A la periodo de brilia masima, lo ia es conoseda como pax romana per sua state de armonia cual ia domina en la rejiones su domina roman, un periodo de ordina e ricia cual la Impero ia conose su la dinastia de la Antoninos (96–192), e a grado min alta, su la Severos (193–235). Lo furni elementos esensal per la developa de la Ueste, e plu tarda de la Este.

Seguente la tradision roman, Romulo (771–717 aec) e sua jemelo Remo (771–753 aec) ia es la fundores de Roma e de la Senato roman. La istoriografia de aora considera falsa esta tradision, e dona la sentenio 7 como la data de la orijina de la site.

Romulo e Remo, desendentes de Eneas, e netos de Numitor, ia fundi la site a 21 april 753. Numitor ia es desponeda de la trono per sua frate, Amulio. La fia de Numitor, Rea Silvia, ia pari la jemelos, ci ia es regardada como partal divin. Le re nova ia teme ce jemelos va prende la trono, donce el ia comanda ce on afoca los. Un lupo ia salva e eleva los, e cuando los ia es bastante vea, los ia redona la trono de Alba Longa a Numitor.

La jemelos alora ia fundi sua propre site, ma Romulo ia mata Remo en un disputa sur la loca de la rena roman. Alga fontes afirma ce la disputa ia es sur ci va governa o nomi la site. Romulo ia deveni la fonte de la nom de la site. Per atrae persones a la site, Roma ia deveni un refujeria per la escluida. Esta ia causa un problem a Roma, cual no ia ave femes. Romulo ia viaja a la sites e tribus visina e atenta securi diretos de sposi, ma Roma ia ave multe nondesiradas cual tota ia refusa. Un lejenda dise ce la romanes ia invita la sabines a un festa e ia ruba la femes nonsposida, causante la integra de la romanes e la sabines.

Otra lejenda, recolieda par la istoriste Dionisio de Halicarnaso, dise ce Eneas ia gida un grupo de troianes tra la mar per fundi la Troia nova, car la orijinal ia es destruida pos la gera de Troia. Pos longa tempo sur la mar, los ia ariva a la rivas de la Rio Tiber ma la omes ia vole reveni a la mar. La femes, ci ia viaja con los, no ia vole abandona la loca. Un fem, nomida Roma, ia proposa ce la femes arde la barcos. Prima, la omes ia es coler con Roma, ma ia comprende pronto ce los es en la loca ideal per coloni. Los ia nomi la colonia longo la nom de la fem ci ia torxi la barcos.

La poesiste roman Virjilio ia renara esta lejenda en sua poesia epica, la Eneida. Esta poesia nara como la prinse troian Eneas ia es destinada par la deos en sua emprende de fundi un Troia nova. En la epica, ance la femes ia refusa reveni a la mar, ma los no ia es abandonada en la Tiber. Pos ariva a Italia, Eneas, ci ia vole sposi Lavinia, ia debe declara un gera contra Turno, la corteor presedente. Longo la poesia, la res alban ia desende de Eneas, e donce Romulo, la fundor de Roma, ia es de desendente.

La site ia es governada par un re (rex) elejeda par un consilio de senesentes (senatus). La re de Roma es:

La ultima ia es suvertida en 509 aec cuando la Republica ia es instituida.

La monarcia roman pote es divideda en du periodos: la periodo un coresponde a la cuatro prima res lejendal a ci la analisores atribui la fundi de la instituidas political e relijial de la site. Esta ia es organizada en curias, senato e comitia curiata. Roma ia comensa multe geras de concista. En esta epoca on ia fundi la porto de Ostia e la ponte prima sur la Tiber ia es construida.

Seguente la tradision, la romanes antica ia es divideda en tre grupos, la Tities, la Ramnes e la Luceres. La orijina e la composa de esta tribus es un tema de debate per la istoristes. La familias cual parteni a un de esta tre grupos constitui la prima familias patrisio. Per organiza la site, esta familia patrisio ia es divideda en unias nomida curias. Contra esta, seguente la lejenda, esta organiza ia es fada par la re prima, Romulo. Cada de la tre tribus ia es divideda en des curias.

Alga clanes opera en forma democrata, con ce cada membro ave la direto de vota. Otras es governada de forma aristocrata, organizada sirca un comite de veas. Cuando esta clanes ia uni per crea un comunia plu grande, la du metodos ia es conservada per governa.

La romanes prima ia espresa democrata tra un comitia (« asembla » o « comite »). La du asemblas xef formida ia es conoseda como comices curiates e comices calates. La asemblas ia es la survive de la propensas democrata de la prima clanes. Per respeta la forma de democratia direta de la clanes federada, a du comites ia es organizada de forma cual refleta plu bon la divide tribal de la site. La comices ia es organizada per curias. La membres de cada de la tre tribus (Ramnes, Tities e Luceres) es asiniada a un curia, con ce cada grupo ia es divideda en des curias.

La corespondente aristocrata de la asemblas ia prende la forma de un consilio munisipal de senesentes. En cuando la consilios de cada clan ia es composada de senesentes de la familias cual dirije la clan, la consilio munisipal es composada de senesentes ci parteni a la clanes dirijente de la site, un consilio cual ia deveni la Senato. Esta (seguente la lejenda) es composada de 300 senesentes (patres familias) veninte de cada de la tre tribus e constituinte la senatores roman prima.

La popla e la senesentes ia reconose la nesesa de ave un dirijor unica, nomida la rex. La popla ia eleje la re e la senesentes ia consela a el.

La periodo du, plu rica en avenis ca la prima, ia vide la rena de la tre res lejendal ultima, la crese importante de la teritorio roman e la developa de la plebianes con sua integra partal en la strutur political de la site. Esta tre res ia governa seguente la erita. La tre res etrusca ia comensa un politica de concista. 

La prima re etrusca, Tarcinio la Antica, ia susede Anco Marcio. Lo ia es proposada ce Roma ia es invadeda par la etruscas, ma esta ia es nonprobable. La site ia es locada en un loca de defende fasil e sua crese rapida ia atrae la poplas de tota la area. La politica libraliste de la site ia constitui un oportun per un gidor capas de gania la trono.

La plu frecuente, la abitores de la sites concistada ia permane. Sua vive dial es sua sistem de governa resta la mesma, ma sua sites ia perde sua nondepende a fas de Roma. Par contrasta, alga ia veni a Roma. Per oteni un state economial e legal viable, la nova arivores ia debe aseta depende de un familia patrisio o de la re (ci es un patrisio); los ia deveni la clientes de un familia patrisio. Los ci ia depende de la re ia es librida de sua depende. Esta ultima ia constitui la popla comun prima.

En cuando Roma ia crese, plu soldatos ia es nesesada per concista. La nonpatrisios ia parteni a la mesma curia como sua padrones. En esta tempo, la armada es organizada fundinte se en la curias, tal ce la individuas dependente de familias ia debe luta. Par contrasta, cuando los ia es librida de sua depende, los lasa la curia a cual sua padron ia parteni. Los no ia es obligada a luta ma ia perde sua state political e economial.

Per fa ce la popla comun reveni a la armada, la patrisios ia debe fa sedes, de cual on no conose la natur. Un de la resultas ia es ce la popla comun ia pote posese sua teras propre. Los ia ave interesa en defende la site: si lo ta es concistada, los ta perde sua teras. Par contrasta, los no ave potia political. Tota esta elementos ia gida a la gera de ordines su la Republica.

Per fa ce la popla comun reveni a la armada, la re Servio Tulio ia aboli la sistem antica cual ia organiza la armada fundinte su la curias e la cambia per un sistem fundida en la propria de teras. Seguente la reorganiza de Servio Tulio, du unis nova ia es creada. La armada ia es divideda en centuriae. Organizas futur va es plu capas per es fundida en la tribus. La centuriae ia uni en un asembla nova, nomida comitia centuriata. Cuando lo ia es creada, esta asembla ia ave no potia political o de legi. Lo ia es sola usada como punto de reuni en la armada.

Lucio Junio Bruto, la sobrino de la re Tarcinio la Superba, ia institui la Republica en 509 aec pos esclui Tarcinio, ci ia atenta institui un tirania. Sua maltratas ia es tal estrema ce la Senato e la popla roman vide la conseta de monarcia como odiosa. La Senato ia perde la controla de la eleje de novas su la dinastia etrusca de la Tarquinios, e lo ia es esta ataca a la autonomia de la Senato, plu ca un tirania nontolerable, ci ia fa ce la patrisios, plu ca la popla comun, ia xasa la ultima re. Tarquinio la Orgoliosa ia revolta la sites etrusca contra la republica nasente cual vinse los. Porsenna, re etrusca de Clusium, aseja Roma per restabli Tarquinio, ma ia renunsia par la ostina de la romanes. Par contrasta, alga sites roman ia desfa de la iugo etrusca en la fini de la sentenio 6 aec. La tirano ia refuja en Tusculum do el ia demanda sua fio par sposi vade a gera. Aliada de la latinas, el ia luta contra Roma en la batalia de la Lago Regilo do el ia es vinseda e ia mori a alga anios a pos en Cumas do el ia fa ce sua ospitor, la tirano Aristodemo, deveni sua eritor.

Alga lejendas sujesta ce la monarcia ia es multe diferente de la republican asente. Lo es plu probable ce un cambia gradal ia aveni. Lo ia pote ave un suverti rapida de la monarcia, ma la sola cambia direta en acel momento ia es la cambia de la re per un majistratia. La otra cambia es plu probable ce ia aveni plu progresiva ca la tradision sujeste.

La batalia de Lago Regilo, marca la fini de la rena de la Tarquinios en Roma. En 493 aec un alia ia es suscriveda en con la Liga Latina: la fœdus Cassianum. Lo ia fini la gera entre romanes e latinas e ia loca Roma en egalia de potia con tota la membros de la Liga latina reunida. Esta ia crea un muron sircante Roma contra la volscos e la ecuos, e ance contra la sabines. Roma ia resiste la popla de la montanias, vinsente los e oteninte sesaspara plu o min longa.

Roma e Veies ia oposa lunotra par causas economical. Grasias a Fidenes, locada a un vado de la Tiber a alta de Roma, Veies ia controla la Via Salaria e la trafica de sal en la rejion. Un prima gera, privata, ia es comensada par la Fabianes, masacrada en la batalia de Cremera. A pos, en 435 aec, Roma ia prende Fidenes a la ves prima, cual ia deveni un colonia roman, permanente en 425 aec, la anio cuando un sesaspara de 20 anios ia fini. En 406 aec Roma ia aseja Veies. La gera e la aseja ia dura tra des anios, asta 396 aec. La site etrusca ia cade en la manos de la romanes gidada par la tirano Camilo en 396 aec. Esta gera e esta prende ia es un aveni grande en la istoria de Roma: lo es la ves prima cuando la soldatos-campanianes ia resta en la armada per plu ca un anio completa, sin reveni a casa en inverno, e lo ia es la ves prima cuando, como compensa, los ia reseta un paia cual veni de un imposta nova paiada per la propriores de tera, la tributum. La teritorio roman ia dupli es Roma ia es la prima en la alia eterna entre egal con la Liga Latina, dominante la otra sites. Tal, Roma ia es nunca tan forte e no site latina no etrusca ia pare pote vinse lo.

Ma en 390 un grupo galo, gidada par Breno, ia vinse la armada roman. La ojetos relijiosa e santa ia es lasada en Caere, un alia, ante cuando la galos ia saisi Roma e aseja la Capitolio, do la defendores ultima ia resiste. Si nos crede la tradision, Roma ia es sacada, destruida e ardeda estra la Capitolio, cual ia es eroin defendeda (la episodio de la gansos de la Capitolio es multe conoseda). En fato, lo ia pote es un saca jeneral e no tan radisal como la lejenda dise. Esta saca causa un trauma per sempre a la Republica roman, e lo es posible ce la tradisiones ia es esajerada. La saca de Roma es sola un aveni minor en la gera entre la tiranos de Siracusa, como Dionisio la Vea, aliadas de la galos ci ia usa los como mersenarios (si on crede la istoriste Marta Sordi), e la etruscas de Caere (ambos sites ia vole oteni la potia de la mar). La blanco de la galos ia es la etruscas, ci ia sufri multa perdes como Roma.

La sentenio 4 aec representa un punto importante en la istoria de Roma, car la crese de Roma ia comensa asta Campania, an con la resiste de la samnites. La istoristes contempora identifia varia causas cual esplica esta cambias: la trauma de la invades galo e la la problemes seguente con la visinas, ia pare convinse la romanes a no aseta menasas e comensa la crese cual on pote a veses descrive como imperialisme de defende.

La periodo cual segue la vota de la Leges Liciniae Sextiae vide la emerji de tendes xocante, como la prosimi continuante de la tribunos e la senatores. Prosima a la media de la sentenio 4 aec, la consilio de la popla comun ia validi la Lex Ovinia cual ia permete ce la sensurores deside la entrada de cualce majistrato elejeda a la Senato. La popla comun ia ave multa majistratias e sua cuantia ia aumenta en la Senato. La prosimi de la tribunos e la Senato ia fasili la crea de un aristocratia nova de la popla comun: la plu de la popla comun elejeda en la majistratias ia veni de un de esta familias de la popla comun. Esta aristocratia nova de la popla comun ia uni con la aristocratia patrisio vea, creante un aristocratia combinada.

En 287 aec la popla comun ia revolta. Per fini con lo, la Lex Hortensia ia es adotada. Esta leges ia dona fortia de lege a la solves de la popla comun sin validi de la Senato. Esta leges fa ce la patrisios no pote oposa la popla comun e donce la senatores de la popla comun ave la mesma diretos ca la patrisios. Donce, la controla de la stato no es democrata, ma cade supra la aristocratia nova de patricios e la popla comun.

Sola la sitizanes ci ia es posesores ia ave la debe de luta per la Republica. La plu ricas ia batalia en lo como cavalores (equites), otras como peones (pedites). Pos la reformis de Marco Furio Camilo, la armada roman ia es formida con 4500 omes, incluinte la hastati, jovenes (iuniores) bon instruida en la linia prima, la principes e ance iuniores ma plu esperiosa, en la linia du e la triarii, la seniores, ci ia formi la linia ultima e la reserva. La plu povres ia combate como velites. On ia ave ance soldatos aidante, ci es soldatos sin sitadania roman ma ci aida la armada. En la armada roman un disiplina sever ia esiste.

En 390 aec Roma ia es atacada par la galos e ia sufri sua saca prima. Par la romanes, esta episodio ia es viveda como un desastre nasional. La site ia nesesa multa tempo per recovre de esta desastre. Pos alga scaramuxas con sua visinas, spesial la etruscas de Tarquinia vinseda e alga sites latina rebelante, e pos luta contra atacas galo nova, Roma ia comensa la concista de Italia.

Roma ia pote fini sua divides sosial e ia pote proposa un model political atraosa a la aristocratas de otra sites de la Mar Mediteraneo, un ativa diplomata importante. La diplomatia ia ave un rola frecuente descurada en la concista en favore de aspetas pur militar. La deditio de Capua en 343 aec constitui la esemplo la plu bon: per benefica la proteje roman, la site de Capua en Campania ia libri a Roma, ci ia vide sua area de ata tradisional estendeda a la area rica Campania. La uni de la elites es tan importante ce a veses on parla de stato roman-campanian. Esta es un tatica esensal en la concistas futur: Roma va apoia en la aristocratias local per estende sua teritorio e el ofre a esta aristocratas la stabilia political e la asede a un scala superior. Tal, en la gera samnita prima, la romanes ia interveni, en 343 per proteje Capua de la samnitas. Los ia es vinseda en 341 aec ma Roma ia debe retira per la revolta de la latinas, ci ia menasa direta Roma.

Lo segue la geras latina, ci oposa Roma a la Lega Latina, sircante la teritorio roman. Un desira de la poplas latina de oteni sua autonomia ia es la causa xef de la gera. La perde la latinas vide la disolve de la Liga e la incorpora de la teritorios a la area de influi roman. En esta tempo, la latinas ia oteni diretos partal e niveles diferente de sitadania. Sua sites ia es cambiada en munisipas o en colonias. Entre 336 e 327 Roma ia intrui plu en la sude de Italia e en Campania, e ia stabli la teritorios concistada denova.

La funda roman de Fregeles en la frontera samnita e la tensas en Napoli ia provoca la reata direta de la samnitas. La desacorda ia dura tra 40 anios. La romanes ia gania la batalias prima, ma pos alga anios de gera en la fronteras, la consules roman ia deside en 321 aec porta la gera a teritorio samnita, cual ia fini con la catura de du lejiones roman per la samnota Caio Ponto en la batalia de Forces Caudin. La lutas ia fini en 316 aec e la sesaspara favore la samnitas, ci ia oteni de la romanes la sede de la colonia roman de Fregeles. La lutas ia comensa en 314 aec e Roma ia vinse un alia de samnitas, etruscas, umbras, marses hernicas, pelignas, marucinas e la volscos. La ecuos ia es proprida. En 295 aec la samnitas ia pote penetra un armada en la norde de Italia, apoiada per sua alias etrusca e umbra, ci ia es en gera contra Roma de 302 aec. Los ia profita de la presentia de la galos ci de 299 aec ia ataca Italia norde. La romanes ia vinse esta alia e la teritorio samnita ia es invadeda. Los ia sede en 290 aec, e Roma ia propri sua teritorio. 

Roma ia sorti de la geras samnita como xef de Italia sentral e ia contata la sites elinica de la sude de la penisola e ci ia controla un parte de la comersia de la Mediteraneo. Taranto ia apela a la re de Epiro, Piro 1 per lenti la avansa roman. En 280 aec Piro 1 desembarca en Italia e ia vinse la romanes. La popla ancora autonom de Bruttium e Lucania ia alia con Piro, segueda de la samnitas e la re ia vinse. En la campanias en Italia, Piro ia aida la sisilianes contra Cartago. Roma alia con Cartago contra Piro, ci ia debe lasa Sisilia per alga consernas en Italia sude. Lo ia es vinseda en 275 aec, e reveni a Eprio, lasante un garnison en Taranto.

La salentinas e pisenas ia es concistada. En 265 e 264 aec Roma ia destrui la site etrusca de Volsinii e la sites etrusca autonom ultima en la sude de la rio Arno ia es ajuntada a la Republica.

En esta epoca, la Republica roman ia domina un parte grande de Italia e ia permete stabli e rici per la ves prima en sua istoria. La economia roman e italian ia flori. En Roma, la instituidas ia solidi e ia diversi, la disputa de la ordinas fini, e la Stato ave un sola xef de potia: la Senato.

Pos la cade de Taranto en 272 aec, tota la teritorios de la penisola italian en la sude de la rio Arno es su domina direta o nondireta roman. De tota esta poplas e sites, nun pote resiste la armada roman, car tota los ia es desunida en tempos de pas. Roma ia porta a Italia un stablia en la comensa de la sentenio 3 aec, la mesma epoca en cual la instituidas de la Republica ia es stablida.

Tota la poplas e sites italian ia es divideda ante la intrui de Roma, cual ia manteni la diferes de cada site e cada popla, su states diferente. En tota Italia sentral e sude, sola resta la romanes, la latinas e sua alias, la sola cual ia resta omes libre en la comunia roman. Lo es donce Roma e poplas cual ia es intera integrada, teritorios semiintegrada e la alias de Roma, en la comensa per alias entre egales cual ia deveni tratas dominada per Roma.

Du tipos de sitadania roman ia esiste: la sitadanes con tota la diretos cual ia pote vota e es elejeda, es propriores, reseta salario en la armada e ance la debe de servi en la armada e paia la impostas, e los ci ave tota la deretos estra vota e es elejeda como majistrato. Un parte de la latinas antica ci ia formi la Liga LAtina ia es incorporada a Roma con la sitadania. Roma ia formi multe colonias latina en locas stratejial de la teritorio roman. Esta sistem de colonia latina, do la colonas no ia es sitadanes roman ma ave alga diretos en un colonia cuasi nondependente de Roma, ia dura tra multe tempo, esente un vantajia per Roma e la colonas. La aliadas es la parte la plu basa de la strutur manejal roman. En la plu de la casos, los ia es unida a Roma en un alia nonegal, e en tota la casos, los ia debe dona a Roma alga soldatos e aparatos militar. Roma ia no debe paia los, e esta ia favore la sitadanes roman.

Tal, Roma ia sabe crea alga ecuilibra sirca lo, e un ricia cual Italia ia no conose, eliminante la nonegalias en la organiza roman.

De 264 aec comensa la grande fronti contra Cartago cual marca un punto desidente en la istoria de Roma. Cartago, antica colonia fenisia, ia developa prima locas comersial, pos locas de suporta e colonias en tota la Mediteraneo ueste e spesial en la ueste de Sisilia con grasias a sua spirito emprendor. Roma desfida de la aspiras cartagines en Sisilia. Lo es la causa de la gera punica un cual ia dura 25 anios. La cartaginenses ia prende prima la site de Mesina, reconcistada per la romanes per surprende, provocante la comensa de la gera. Lo segue 20 anios de geras, con fortunas diversa la prima vinses es roman, pos la punicas ia para la avanse roman. A fini Roma ia controla la mar e la vinse naval sirca la isolas Egade obliga a Cartago a suscrive un pas vergoniosa. Lo ia abandona Sisilia, pos Sardinia e Corsica e ia paga un imposta grande.

Pos la gera punica un, Roma ia estende en Iliria, pos vinse la ligures, la insubres e redui la Galia cisalpina a provinse roman. Caratgo ia comensa sua concista de Espania, e esta espande ia preocupa Roma. ci ia fa renase la lutas en 219 aec. Ma la Republica ia trova contra el, en la eprsona de Hannibal Barca, un enemi, un politico e un militar importante. El ia vinse en la norde de Italia e ia avansa verso la sur travesante la Apeninos. Ala, el ia vinse en la batalia de Trasimeno e Cannas a las armadas roman. La sites de la sur de Roma ia alia con Hannibal, ci ia instala se en Capua. Roma ia refusa inclina e vinse en Nola e Siracusa con Marco Claudio Marcelo, pos en Espania e fine en Africa con Scipio la African, ci ia vinse Hannibal en la batalia de Zama en 202 aec. Esta ia es la fin de la gera punica du. La vensidas, ci ia perde sua poseses esterna, ia debe paga un imposto tre forte a Roma, cual ia deveni la prima potia de la Mediteraneo ueste en 202 aec. Entre la causas de la vinse roman, on pote parla re la refusa de la clase political roman de reconose es vensida, an cuando el es divideda en la stratejia cual debe segue, ofendente o defendente; la capas de enscrie romana, completante sua perdes (posante multa presionn a sua alias) la domina de la mar e la fidelia de la poplas aliada sircante Roma e de la plu de la portos de la sur de Italia.

Cartago ia es destruida en 146 aec durante la gera punica tre. An con multa revoltas, Espania ia resta roman. La Mediteraneo ueste ia es domina roman en la sentenio 2 aec, sola la futura Galia transalpina ancora no es roman, ma ia deveni provinse roman en la 121 aec acabante la concista de tota la teritorios costal de esta lado de la Mediteraneo.

Durante la gera punica du, Filipe 5 de Macedonia, alia con Hannibal Barca. La gera ia acaba en 205 aec e ia solve con la divide entre Roma e la Macedonia de Iliria, un teritorio en la costa de la Mar Adriatico per combate la piratia. En 201 aec Roma ia comensa la gera macedonsce du con aida de casi tota la mundo elinica. Lo ia es un disputa vasilante asta la vinse roman en la batalia de Cinocefalon en 197 aec. En 194 aec Roma declara Elas libre e retira se de la Balcanes. La alia etolia no es sasiada con la teritorios ce Roma ia sede los e ia invita Antioco 3 de la Impero Seleucan a aida los per libri Elas de la opresa roman. Roma ia responde escluinte la seleucanes de Elas e vinsente los en Anatolia, obligante Antioco 3 a sinia la Pas de Apamea en 188 aec.

Pos la mori de Filipe 5 de Macedonia en 179 aec, sua fio, Perseo de Macedonia, comensa la gera macedonsce tre. En la comensa, la forsas roman ia ave difilias contra la macedonsce, ma en 168 aec la romanes ia destrui sua enemis en la batalia de Pidna. La rena de Macedonia ia es divideda en cuatro republicas dirijedas con governas pupetin cual Roma ia gida. Roma ia destrui completa un revolta macedonsce e no retira se de la teritorio, formante la provinse roman de Macedonia e establinte la potia roman de forma definitiva en la penisola elinica. Entre 149 e 146 la lega acean ance revolta se: vinse roman, sacor e destrui de Corinto. En 133 la rena de Pergamo es convertida en la provinse roman de Asia.

En 287 aec, la gera de ordinas ia fini con la Lex Hortensia, solvinte tal un de la plu grande problemas de comensa de la Republica. An tal, on ia ave no cambia political major entre 287 e 133 aec. La leges importante de esta periodo ia es validida per la Sento. La fin de la sentenio 2 aec ia vide un mali de la poblemas finansial per grande parte de la popla comun. En efeta, la longa campanias militar fa ce multa ta es fora de casa per luta e no pote labora sua teras, cual ia es abandonada. La cultivores peti ia bancaroti e ia va de a Senato do sua state economial permete los voti per la aspiror ci ia promete la plu bon futur. Un nova cultur de depende ia apare e va favori la asende de la plu popular.

Durante tota la gera punica du, eseta alga abandona militar en la sur, la teritorios latina e la aliadas de roma ia resta fidosa a la Republica, e ia contribui a la fortias de la gera. Par contrasta, la sitadania roman ia es tre poca estendeda e la nonpardona e causas de revolta contra la potia sentral en Roma ia acumula. La organiza de Italia sentral no ia cambia pos du sentenios an cuando la teritorio roman ia estende tra grande parte de la Mediteraneo. Esta impedi ia fa comensa un gera interna en la comensa de la setenio 1 aec su la nom de gera sosial entre la romanes e sua aliadas.

La Republica ia es la sola xef de tota un parte de la Mediteraneo do la teritorios ia flori. La prende de Elas e de un parte de Asia ia aumenta la enflue de ricia tra tota la Republica. La numero de sclavos ia crese. La furni finansial seguente a tota la geras e a esta teritorios cocnistada ia es multe importante La sclavos ia deveni la motor de la sosia roman pos la gera punica du, cuando la ricas roman ia comensa a crea grande proprias (latifundium) en la provinses concistada.

Roma, cuando ia deveni gidor de Italia e xef de la sites de Elas Grande pos la gera punica du, forti sua elenismo. La elinica ia deveni la lingua du utilisada en comersia, e ance un lingua de cultur. La romanes la plu rica ia envia sua fios a scolas elinica. La prende de Elas e 146 aec forti plu la fenomeno. La arte elinica vive un renase ver en la media de la sentenio 2 aec e sua influi en la arte roman es notable. La elinici de la arte roman ia es desirada per la pais dominante.

La fini de la Republica es marcada per geras sivil e esterna diversa, cual ia ave grande influe sur la economia e la sosia roman. La instituidas political republiciste ia es pico e pico vacuida de sua contenida favorente la jenerales de la armadas de veteranes ci es fidosa.

La gera benefica xef a la ricas. La sitizanes ci es propiores peti ia es diluida, xef durante la gera punica du. Donce on ave min cultivores. La campania es covreda de pastos ruinada. La trigo emportada de Sisilia compete con acel de la latinas ci, ruinada, vende sua teras a custa basa a la propriores grande e va a Roma a junta con la popla comun urban. La familias grande constitui tal dominias enorme, la cultiverias grande, do instala campanianes ci no es propiores, la colonistes, e multa sclavos. Los forma la nobilitas, la nobilia ci ave la judorias e pleni la Senato. A lado de esta nobilia imobilior, ia apare un clase nova de comersiores ci ia rici per comersia, bancos e credito. Sua ricia permete los ave un loca importante en la ordina de la cavalores. La nobilia e la cavalores acorda esplota la impero nasente cual ia es divideda en provinses. Comersiores e judores sivil nobil ia rici se mesma sacante de forma sistemosa.

A contra, en la site, la nonemplea ia crese, la empleadas con salario ia compete con la sclavos prosedente de la teritorios concistada. Roma ia deveni un site colorosa asemblante, junta a la sitadanes roman, italianes, elinicas e sclavos librida de tota la Impero. Esta fola ia manteni un turba constante en la site. De 133 aec la tensa ia crese entre ricas e povres, spesial cuando la luso la plu scandalosa ia apare en Roma. Par contrasta, un atenta de reforma ia emerji con la Gracos, naseda en familia nobil. Los pensa ce un reformi cultival es nesesada per solvi la problem de la popla comun, ma la du fratres ia es masacrada e la reformas ia es abandonada.

La germanicas ia invade la Galia e ia crase multa veses la armadas roman. Un reforma militar profonda es comensada asetante la sitizanes no propriores, ci, asta alora, no ia ave asede a la armada roman. Un armada de povres e no-sitizanes ia sustitui a la armada de sitizanes propriores de tera, ma lo ia es un armada profesal, preparada per dedica se a sua xef e abri per el la via a la potia, spesial se el es jeneral. La armada nova ia permete a Roma e a Mario vinse du menasas.

Pos la Gracos, la aspirantes ia luta per la potia. Con la reforma militar, e sua vinses en Africa e en la Galia, Mario domina la vive political, asosiante la xefes de la partia de la popla a sua potia. En 91 aec, comensa la gera sosial, cual oposa la Senato e la italianes, ci atenta oteni la sitadania roman. Los ci ia es multa tempo en la armada ia no ateni la sitadania roman. Roma ia susede en para la rebela donante la direto de site a la aliadas ce ia no revolta e alora a tota ci ia despone la armas. A pos, Silla ia vinse la ultima sites nonreduida. A pos la gera sosial la italianes ia otenia la direto a la sitadania roman e Italia ia es unida su un sola state legal.

Ma la problemas ia continua. La instituidas republican ia no pote funsiona normal. La cavalores e la nobilitas luta inter los per la esplota de la provinses. Lo ia segue la geras sivil entre Sila e Mario, masacrante sua oposores en la stradas de Roma e fininte con un ditatur de Sila, ci ia fa reformas political importante, refortinte la potia de la aristocratas e diminuinte la de la tribunos de popla comun. A pos el ia retira se de la politica.

Ma rapida la nova revolta fa comensa nova misiones militar favorente la emerji de nova jenerales vinsente ci ia disputa la potia. Pompeio e Craso ia luta contra la revoltas e la enemis de Roma, con suseso. Pompeio alia con Craso e Julio Cesar en sua asende political. La tre omes ia comparti le potia e ia formi la prima truple. De 58 aec a 51 aec Julio Cesar ia concista Galia, oteninte prestijia e ricia. El pote dedica a se aspira suprema, la concista de la potia en Roma. El sabe ce ia ave la fida de sua armada e sua suportores political en Roma. Durante esta tempo, Craso ia mori lutante contra la partos en Carre en 53 aec e Pompeio profita de la asentia de Julio Cesar per es nomida consul unica per la Senato en 52 aec e fini la turba political cual secute la site. En la fini de 50 aec e comensa de la 49 aec la nobilia roman confida a Pompeio la mision de proteje Italia. Cesar, con sua armada forte pos nove anios de lutas en Galia, ia vinse Pompeio en Espania e pos en Farsalia en 48 aec. La ultima partisanes de Pompeio ia es vinseda en Africa en 46 aec. Julio Cesar resta la unica gidor de Roma pos cuatro anios de gera.

El ia organiza un monarcia ma sin nomi el. El ia es nomida per la Senato tirano (dictator) per 10 anios e pos per tota sua vive en 44 aec. El ia es elejeda consul tota la anios e es ance sensuror e ave la titulo de imperor, xef suprema de la armada. El a ance la nonviolablia de la tribuno de la popla comun. El ia reorganiza la Senato abrinte lo a familias no roman de otra provinses. El ia prativa un politica favorable a la povres: remite de detas, grande obras per beli Roma. El ia mori en la idus de marto 44 aec, per un conspira dirijeda par Marco Junio Bruto, e Caio Casio Longino.

Pos la mori de Julio Cesar, sua peti sobrino e fio adotada, Otavio, sua teninte, Marco Antonio e le proconsul de Galia transalpina, Lepido, ia comparte la potia e forma la triumvirato du. Sua scopo es venja la mori de sua gidor. Casio e Bruto ia es asasinada en 42 aec en la batalia de Filipos. Pos la destitui de Lepido como triunvir per Otavio, la du omes rencontra se e la luta es nonevitable. Marco Antonio e Cleopatra es vinseda en la batalia de Actio en 31 aec. Tal, Otavio ia continua sua scopo de concista la este, asta agosto 30 aec, cuando Marco Antonio e Cleopatra suiside. Otavio resta la sola gidor de Roma. La opina publica, fatigada de geras, ia reclama un governa stable, an si es autoritar.

Cuando ia reveni a la site, Otavio ia indui un nova era cual ne acaba asta la cade de Roma en la sentenio 5.

En 27 aec, Otaviano ia deveni la renor solitar de Roma, e ia cambia se nom a Augusto (Imperator Gaius Julius Caesar divi filius). Esta aveni es videda par istoristes como la comensa de la Impero Roman. La dinastia cual Augusto ia comensa es nomida la dinastia de Julio-Claudio, e inclui Augusto, Tiberio, Caligula, Claudio, e Nero. Su esta dinastio, Roma ia crese e deveni la potia la plu grande de la mundo per acel eda. Ma lo ia ance perde la valuas republiciste de la eda pasada.

Augusto ia colie cuasi tota la potias republiciste su se stitulo ofisial de princeps (prinse): la potias de consul, princeps senatus (xef de la senato), aedile (dirijor de construidas, sporte publica, e furni de gran), sensuror, e tribuno, incluinte la santia legal de la tribuno.

El ia diminui la influe de la clase de senatores par suporta la clase de cavalores. La senatores ia perde la direto de rena alga provinses, como Egipte. E el ia crea la Praetoriani, un armada direta su se controla, e ia crea un militaria preparada con 28 lejiones (armadas). An si Augusto ia es asente en batalias, se jenerales ia estende la impero par vinse Cantabria Aquitania, Retia, Dalmatia, Iliricum, e Panonia.

La rena de Augusto como prinse ia es multe pasosa, comparada con lo de la epoca de la triumverato. La eda es comun nomida la pas de Roma o la pas de Augusto. Esta pas, e la ricia furnida par la comedas de Egipte, ia crese la popularia e donce potia de Augusto.

En la rena de Augusto la eda oro de literatur latina ia comensa. Poesiores e scrivores como Vergilio, Horatio, Ovidio, Rufio, Mecenate, e Livio ia es amis bon de Augusto e ia produi obras famosa e clasica.

Augusto ia continua la cambias de la calendario promoveda par Caesar, e la mense de Augusto es nomida per el. El mori en 14 ec.

La omes cual Augusto ia prefere per segue el - se sobrino Marcelo, se ami e jeneral Agripa, e se neto Gaio Cesar, ia mori ante Augusto. Influeda par se sposa Livia Drusila, Augusto nomida Tiberio (un fio de se sposa de un otra sposi) como se eritor.

La Senato ia acorda con el e ia dona la mesma titulos, onores, e potias como Augusto. Ma Tiberio no ia gusta politica e, pos un acorda con la Senato, el retira a Capri e lasa controla de la site de Roma a prefetos de la armada. Tiberio ia es videda como un om cruel e lo es posible ce el ia comandada la mata de se relatas, la jeneral Germanico, e se propre fio. Tiberio mori en 37 ec.

La imperor seguente ia es Caligula. El ia es popular en la dui prima de sua rena, ma ia deveni plu cruel e cisa demente. Suetonio ia dise ce el ia fa insesto con sua sores, ia mata alga omes sola como un diverti, e ia nomi un cavalo per un consul.

La Pretorio ia mata Caligula a cuatro anios pos la mori de Tiberio, e ia proclama Claudio, la tio de Caligula, como la imperor nova. Claudio ia es un renor plu razonante, e ia concista Licia e Tracia e ia comensa la invade de Britan. Ma el ia es venenida par sua sposa, Agripina minor, en 54 ec.

Se eritor ia es Nero, la fio de Agripina e se sposa pasada, car la fio de Claudio, Brttanico, no ia es ja adulte. Nero ia es posible la prima perseguor de la cristianistes e la causa de la Foco Grande de Roma. El ia defeta multe rebelores, estra lo conduida par Servio Sulpicio Galba. La senato ia declara Nero un enemia, cual resulta en se suiside

La dinastia de Flavio ia es la dinastia du cual ia rena Roma. En 68 ec, Roma no ia pote reveni a un republica, e donce un imperor nova ia es nesesada. Pos un anio en cual cuatro imperores ia rena, Tito Flavio Vespasiano ia prende controla de la impero. Su se rena, Roma ia continua crese.

Vespasiano ia es un jeneral su Claudio e Nero e ia combata contra la iudes en la gera prima entre la iudes e Roma. Pos prende controla, el ia repara multe partes de Roma destruida par la foco grande, e la capital ia comensa regania se gloria. El ia comensa ance la construi de la Amfiteatro Flavian, conoseda aora como la Coloseo. El ia envia armadas a Capadocia per defende la frontera este, ia estende la ocupa de Britan, e renovida la sistem de imposta. El mori en 79 ec.

Tito ia rena per un periodo corta, de 79 a 81 ec. En esta periodo, el ia completa la Coloseo e promove juas cual dura 100 dias. El ia construi un linia de vias e fortreses a la borda de Germania, e se jeneral Gneo Julio Agricola ia concista Britan a la borda de Scotland moderne. Ma se gera contra Dacia ia es un defeto vergoniante. Tito ia mori de un febre en 81 ec.

Domitiano ia es la frato de Tito. Domitiano ia es plu un autocrata ca se frato. El ia gusta pensa de se como un Augusto nova e un dio. El ia construida du templos per onora Jupiter. La nobiles no gusta se rena e Domitiano ia es matada par un conspira en 96 ec.

En la renas de esta dinastia, Roma ia ateni se culmina de teritorio e susede economia. La cualias desirada per un imperor ia deveni se virtuas como un roman, e no la lias de familia. E no geras interna o defetas militar ia aveni en esta eda.

Seguente la mata de Domitiano, la senato ia eleje Nerva per teni la dinia imperial. El ia es un conselor per Nero e la Flavianes. Se rena ia restora multe de la librias cual Domitiano ia sutrae e ia comensa la eda oro final de Roma.

Pos la mori de Nerva en 98 ec, la jeneral Trajano deveni imperor. La popla de Roma ia bonveni la rena de Trajano, e el ia recompensa se zelo par rena bon. El ia concista Dacia e ia defeta re Decebalo, ci ia defeta la armadas de Domitiano. El ia ajunta ance Nabatea per forma la provinse de Arabia Petrea. El ia comanda la construi de multe construidas cual esiste an oji: la Foro de Trajano, la Mercato de Trajano, e la Colona de Trajano. Plu, arcos de vinse ia es construida en Ancona e Benevento, e un ponte supra la Danubio, desiniada par se arcitetor favorida, Apolodoro.

La gera final de la rena de Trajano ia es contra Partia. Partia ia nomi un re per Armenia ci la romanes no gusta, e Trajano ia declara un gera contro los. El ia marxa a Armenia e ia depone la re. En 113, el ia vade sude e ia vinse la sites de Nisibis e Batne, cual ia es parte de Partia, e ia crea la provinse de Mesopotamia. En la mesma anio, el ia prende Seleucia e Ctesifon, la capital de Partia, e el ia para un revolta par la iudis. Ma pos estas, el ia debe retira se ativias per razonas de sana, e el mori de edema.

Trajano ia nomi Hadriano per imperor. Hadriano ia retira tota fortes militar de Partia e Mesopotamia. El ia evita tota geras e ia comensa construi fortreses e murones como lo entre Britan e la barbares de la pais aora nomida Scotland. El ia promove cultur, spesial la cultur de Elas, e ia proibi tortura. El ia construi multe acuadutos, banios publica, bibliiotecas, e teatros, e ia viaja a la plu de la provinses per esamina se infrastrutur e situas militar.

Pos la mori de Hadrian en 138 ec, Antonio Pio ia deveni imperor e ia continua la projetas de Hadriano, la promove de artes e siensas, e la construi de construidas publica. El ia estende la rena en Britan par invade Scotland sude e construi la Muron Antonino. El mori en 161 ec.

Marco Aurelio, conoseda como la Filosofiste, ia es la final de la Sinco Bon Imperores. El ia es un filosofiste de la scola stoica e ia scrive un libro, Meditas. El defeta la impero de Partia, e la tribus barbar en a Geras Marcomani. Se coemperor, Lucio Vero, ia mori en 169 ec, posible un vitim de la Pesta Antonin cual mata cuasi sinco milion persones tra la impero de 165 asta 180 ec.

De Nerva a Marco Aurelio, la impero ia ateni un state felis e gloriosa, con influes potiosa de leges e cortesia e un respeta per la ideales de la Impero Roman. Esta eda de la Sinco Bon Imperores ia es videda como la eda oro de la Impero.

Commodo, la fio de Marco Aurelio, ia deveni imperor pos la mori de se padre. El no es videda como un de la Sinco Bon Imperores. El no ia partisipa en la atas militar de se armadas, ma en loca ia partisipa en la combatas de la gladiatores. La state de la impero ia comensa dejenera.

Commodo ia es matada par un conspira en 192 ec. La anio seguente ia es conoseda como la Anio de la Sinco Imperores: Pertinax, Didio Juliano, Pescenio Niger, Clodio Albino, e Septimio Severo ia luta per la ro de imperor. Ultima, Severo ia institui se como imperor. El e la imperores seguente ia pote governa con a suporta de la armadas, cual ia es recompensada bon per esta suporta. La custas ia resulta en la crise finansial de la Crise de la Sentenio Tre.

Severo ia deveni imperor pos invade Roma e comanda ce Didio Juliano es mata. Se otra competores, Pescannio Neger e Clodio Albino, ia es declarada como imperor, ma Severo ia defeta ambos. El ia atenta revive autocratia e ia declara a la popla e la senato se amira per la cruelia de Mario e Sula, cual ia asusta la senatores.

Cuando Partia ia invade teritorio Roman, Severo ia declara gera contra lo. El saisi la sites Nisibis, Babilon, e Seleucia, e ultima Ctesifon, la capital. Pos esta susedes, el ia fali concista Hatra, un site rica arabi. Pos esta defeta, el ia retira. El ia atenta ance concista la caledonianes en Britan. Pos multe de soldatas ia es matada, el mesma ia entra la batalia. Ma el ia deveni malada e mori en 211 ec.

Pos la mori de Severo, se fio Caracala ia deveni la imperor. El continua la politica de se padre e ia es respetada par la armadas. Ma el ia es un renor cruel e mata multe persones, incluinte persons como se ensenior e un ami de se padre. La sitadanes de Alexandria ia odi el. Donce, el ia invita la nobiles de la site a un banceta grande. Pos lo, se soldatos ia mata tota la invitadas, marxa a la site, e mata la plu de la sitadanes de Alexandria.

En 212 ec, el presenta la Proclama de Caracala, cual dona sitadania roman a tota omes libre abituante la impero. Caracala ia es matada par un de soldatas en un campania en Partia en 217 ec. Publio Septimio Geta ia rena per cuasi un anio.

Macrino, un prefeto de la Pretorio, ia comanda la mata de Caracala, e el ia prende titulo. Se rena ia fini un anio plu, cuando Elagabalo, un relatada de Severo, ia gania la suporta de la armadas e defetada Macrino. Ma el ia es un renor noncapas e estravagante, e Alexandro Severo, se cusin, ia prende la trono. Alexandro ia batalia contra Persia e la germanianes, ma no ia susede. La soldatos ia deveni nonsasiada par el, e ia mata el en se campania en Germania en 235 ec.

Pos la mata de Alexandro Severo, la stato roman ia sufri geras interna, invades esterna, caos political, depresa economial, e pandemicas. El loca de la tradisiones de Roma vea, Mitraisme e Cristianisme ia sperde tra la popla. Imperores no ia es plu la nobiles de familias antica, ma soldatos de otra partes de la impero cual ia deveni imperores par geras interna.

On ave 26 imperores en un periodo de 49 anios, un indica clar de nonstablia political. La fronteras ia deveni abandonada e la economia ia declina rapida. La Pesta de Ciprian ia comensa en 250 ec e ia mata un parte grande de la popla. En 260 ec Siria Palestina, Asia Minor, e Egipte ia separa de la Impero Roman e deveni la Impero Palmiran, renada par rea Zenobia. En la mesma anio, Postumo crea la Impero Galian, cual inclui Britan.

La crise ia comensa decrese su la renas de Claudio Gota (268-270), ci defetada la invadores la gotas, e Aurelian (271-275), ci ia reconcista la Imperos Galian e Palmiran. Fina, en la rena de Diocletiano, un renor capas, la crise ia para.

En 284 ec, Diocletiano ia es nomida imperor par la armada de la este. El ia establi un forma nova de governa: la tetrarcia. La impero ia es divideda entre cuatro imperores, du en la ueste e du en la este: Diocletiano en la este, Maximiano en la ueste, e, como imperores minor, Galerio en la este e Flavio Constaninio en la ueste.

Diocletiano ia esclui la Persis ci ia saca Siria. Con Maximiano, el ia concista alga tribus barbar. El ia adota alga abituas de renore de Asia ueste, como porte perlas e robas e sandales oro. El ia demanda ce cada person en la presente de la imperor debe proni se, un abitua cual ia es nunca usada en Roma a ante.

Diocletiano ia es ance culpable per alga persegue de cristianistes. En 303 ec, el e Galerio ia comensa la persegue e ia comandada la destrui de tota  eglesas, adora, e scrives cristianiste.

Diocletiano e Maximiano ia renunsia la rol de imperor en 305 ec. El ia es la imperor prima ci ia fa tal. Se rena ia fini la forma ofisial de rena imperal - la principate - e ia comensa la dominate, de la parola latina per mestre.

Constantino ia deveni tetrarca en 306 ec. El ia defeta la Francos e la Alemani entre 306 e 308. El ia luta contra la otra tetrarcas, e en 312, el ia defeta Maxentio. En 324, el ia defeta un otra tetrarca, Licinio, e ia controla la tota impero, como ante Diocletiano.

El ia converti a cristianisme e en 313 per sasia se madre, ci ia es un cristianiste, e el ia dona libria a la cristianes en la Proclama de Milano. Per selebra se vinses e la rol nova de cristianisme, el ia comanda la reconstrui de Bizantio, e renomida lo Roma Nova. Lo ia deveni la capital nova de la Impero, e lo ia comensa es clamada Constantinopolis, per la imperor. Roma mesma ia perde se rol sentral de la capital pos la Crise de Sentenio Tre.

Pos se mori en 337, cristianisme ia es declarada la relijio ofisial de la impero.

La imperor Teodosio (388 - 395) ia divide la Impero entre se du fios - Arcadio e Honorio - en du partes cual va es conoseda como Impero Roman Ueste e Impero Roman Este. La Impero Roman Este ia es multe rica e avansada cultural e ia survive per mil anios plu (en un forma reduida), asta 1453. La invadores barbar ia entra la Impero Roman Ueste, e la ultima imperor de la Ueste, Romulo Augustulo, ia es desponida en 476 par la gota Odoacro. Esta aveni es videda como la comensa de la Eda Medieval. La Impero Ueste ia es divideda entre xefs barbar e gerores roman, e la sitadanes ia es reduida a sclavia, campanianes feudal, e artisanes povre en la restas de la sites grande.

De se nase, Roma antica ia estende de se loca orijinal, pd, la site de Roma, cual ia resta la capital de la sivilia, asta la se limites plu grande, cuando ia controla 5 900 000 km² sirca la Mediteraneo.

En Roma antica, un provinse (latina: provincia, pl. provinciae) ia es la unia manejal e teritorial la plu grande de la Impero estra Italia asta la Tetrarcia (293 ec).

La provinses ia es governada per politicistes de la senato, usual consules pasada. Un eseta a pos ia es la provinse de Misre, corporada par Augusto pos la mori de Cleopatra; lo ia es governada per un politiciste de la cavalores sola, cisa como discoraji a la aspiras de la senatores, Esta eseta ia es unica ma no oposante la lege roman, car Misre ia es considerada la propria personal de Augusto, seguende la tradision de la res elinistica pasada.

La limes ia es la defende de la frontera o la sistema de limita de Roma antica. Lo ia indica la limitas e la provinses de la Impero Roman.

La limites roman la plu notable ia es:

La governa e politica de la romanes ia developa e cambia en la anios multe de se esiste. Comensante como un tribu simple, lo ia deveni plu sofisticada en la Republica. An si la tradision ia es un governa par tota omes roman, la familias rica ia deveni cresente potiosa e ia forma un oligarcia.

En la eda de la Impero, la potia ia move cresente a individuas de esta familias, ultima en la forma de un princeps (prinse), un imperor con potias multe grande e sola controlada par la aspiras e desiras de otra grupos e individuas, spesial la militaria.

A la fini de la Impero, la governa ia deveni fendeda entre cesares e augustos e multe renores plu peti. Alora, la Impero ia deveni preda per jenerales e barbares diversa.

La clases sosial en Roma antica ia es ierarcial, ma lo ia esiste ierarcias sosial supraponida. La state de un roman naseda libre en la Republica ia es stablida per:

La unia fundal de la sosia roman ia es la casa e la familia. La casa ia inclui la testa (usual la padre) de la casa, pater familias (padre de la familia), sua sposa, fios, e otra relatadas. En la clases alta, sclavos e servores ia es ance parte de la casa. La potia de la testa de la casa ia es suprema (patria potestas, potia de la padre) sur aceles vivente con el: el ia pote forsa sposi (usual per mone) e divorsa, vende sua fios como sclavos, declara la propria de sua dependentes como sua propre, e an la direto de puni o mata membros de la familia (an si esta direto ia sesa es eserseda pos la sentenio 1 aec).

Roma antica ia ave un enorme teritorio con estrema recursos natural e uman. La economia roman ia es focada en eleva, cultiva e comersia. La comersia cultival libre ia cambia la desinia de Italia, e la ajunta de Egipte, Sisilia e Tunisia en Africa norde furni continuante con gran. Olivas e vino ia es la esportas xef de Italia.

Industrias e fabricas ia ia es poca. La plu grande de esta ativias ia es la mina e escaveria de petras, cual ia furni materias basicas de construi per la construidas de la periodo. En la fabricas, la produi ia es a scala peti, e jeneral ia es composada de laborerias e fabricerias peti cual ia emplea a masima a desduple laborores. Par contrasta, alga fabricerias de brices ia emplea a plu ca sento laborores.

Lo ia es la resulta de un intercambia importante entre sivilias diferente: la cultura elinica e la culturas developada en la Este (xef Mesopotamia e Egipte) ia contribui a formi la cultura e la arte roman. Un de la veculos ce plu ia contribui a fa universal la cultura roman ia es la latina, lingua comun de tota la Imperio. en la du sentenios pos la gera de Augusto, la Impero Roman ia ateni se estende masima e ia fa se labora de sivili. La cultura roman ia estende a la provinses plu distante de la Impero.

La mostras un de arte roman ia nase su influe de la arte etrusca e ia es ance influeida par la arte elinica cual ia conose en la sude de Italia, concistada par Roma en la sentenios 4 e 3 aec. La influe elinica es plu grande cuando Roma ia concista Macedonia e Elas en la sentenio 2 aec.

La musica roman ia es basada en la musica elinica, e ia ave un parte importante en multa aspetas de la vive roman. En la esersito roman, la instrumentos musical como la tuba ia es usada per dona caria comandas, contra ce la bucina ia es usada en rituos.

En se grados inisial, la arciteta roman antica ia refleta elementos de stilos arcitetal de la etruscas e la elinicas. Injenia sivil e construi ia developa e ia refina. La stilo arcitetal de la capital ia es imitada par otra sites su controla roman. La testo de Marco Vitruvio Polio, De architectura (Sur arciteta) ia resta un testo clasica asta la Renase.

La lingua de la romanes ia es la latina. Se alfabeta ia es basada en la etruscan, la cual a es basada en la elinica. 

An cuando la latina ia es la lingua scriveda xef de la Impero Roman, la elinica ia es la lingua parlada per la personas importante, car la plu grande parte de la libros lejeda par la romanes ia es scriveda en elinica. en la media este de la Impero, cual ta deveni la Impero bizantian, la latina nunca ia pote recambia la elinica e pos la mori de Iustinian, la elinica ia deveni la lingua ofisial de la governa bizantian. La crese de la Impero ia estende la latina tra Europa, e la latina vulgar ia evolui a dialetos en locas diferente, cambiante gradal a la linguas romanica.

La scrivores de la Republica Roman e la Impero Roman evita inova e ia favore imita de la autores elinica.

La majoria de testos ce nos ave oji de la leteratur latina es de la latina clasica. En la media este de la Impero Roman, cual is deveni la Impero bizantian, elinica ia es la lingua franca xef como ia es durante la rena de Alexandro la Grande, ma la latina ia es usada per la dirije roman e la soldatos. A fini, elinica ta sustitui la latina como lingua scriveda e parlada en la Impero Roman Este, contra ce la dialetas de la latina vulgar ia deveni la linguas romanica diferente parlada oji: portuges, espaniol, catalan, franses, italian e romanian.

Siensa no ia ave un grande developa en Roma en teoria o rexerca pur, limitante la autores roman a compila anoses presedente, xef de la elinicas: Plinio la Major (23-79) ia compila se Naturalis Historia de la siensa elinica.

Instrui en Roma antica, de la ultima sentenios de la Republica Roman, ia es un macina relatada con la clases sosial alta, cual ia dona a se fios un instrui simil al elinicas.

La romanes ia es politeiste. Le relijio roman mostra la mesma elementos venida de otra sivilias cual la resta de se mostras cultural. La relijio elinica ia ave un grande influe en la crea de la panteon roman.

La relijio roman anticin, ia es composada de naras nonscriveda ma interelatas complicada entre la dios e la umanas. Nonsimil a la mitolojia elinica, la dios ia no es personida, ma ia es spiritos santa nomida numina. La romanes ia crede ce cada persona, loca o cosa ia ave sua propra genius o sprito divin. Durante la Republica Roman, la relijio roman ia es organizada su un sistema sever de ofisias de pretes.

En Roma antica la vestes servi por distingui la clases sosial. Per esemplo, la senatores roman ia usa la calceus, un sapato cual sola esta clase ia usa. Per la romanes la vestes ia ave un grande sinifia political.




#Article 137: Romani (lingua) (406 words)


Romani es la nom de la linguas de la popla romani. Los es de la familia Indica, comun clasida como parte de la sentral o norde-este zona de linguas Indica, ma a alga veses como un ramo de se mesma.

Sete varias de romani pote es comprendeda como linguas separada: romani vlax (sirca 900,000 parlores), romani balcan (700,000), romani carpatian (500,000), romani sinti (300,000), romani baltica (60,000), romani calo de suomi (12,000), e romani cimrica (vera poca, probable estinguida):

La lingua no es ofisial a cualce loca, ma es reconoseda como un lingua minor en multe paises. Varias de romani es aora deveni normida en la paises con cuantias grande de romanis. Ave ance alga atentas a crea un lingua normal unida.

Ave ance linguas miscada cual combina romani con la lingua de la loca - plu comun con parolas romani e la gramatica de la lingua local:

La spele de la multe dialetos de romani no es normida. Un sistem, Pan-Vlax, es un bon esemplo:

Romani distingui entre singular e plural, e mas e fema. Ave du varias per mas e du per fema:

Ajetivos acorda con se nomes:

La forma nominativa es usada per la sujeto de la verbo:

La acusativa es usada per la ojeto direta de la verbo, e es la funda de la plu de otra casos:

La dativa es usada per la ojeto nondireta (la resetor de la ojeto direta):

La jenitiva es usada per indica la posese:

La locativa mostra la loca de la aveni:

La ablativa mostra la orijin:

La strumental indica la cosas o modos usada per la ata. Lo es ance usada como la sosiativa, cual indica relatas con otra persones, como la parola lfn con:

La vocativa es usada per clama un person:

Un resoma de la casos de nomes, con ajetivos e determinantes. Nota ce la forma acusativa es usada como la radis per la otra casos, esetante la jenitiva e la vocativa:

Nota ce la formas acusativa (ojeto direta) es usada como la radises per la otra casos, esetante la jenitiva e la vocativa.

La pronomes de demanda (e relativa) es ko (ci), so (ce).

Verbos en romani es multe coerente:

La copula es usada per lia nomes con ajetivos o otra nomes. Lo es ance usada per crea verbos complicada. La formas deriva de du radises - si (es) e aven (deveni):

Nota como 7, 8, e 9 es prendeda de elinica:




#Article 138: Romania (398 words)


Romania es un pais en Europa sude-este. Lo borda la Mar Negra, Balgaria, Ucraina, Magiar, Serbia e Moldova. Lo ave un area de 238 397 cilometres cuadrida e un clima continental temperada. Con cuasi 20 milion abitores, la pais es la numero sete de la statos membros la plu poplada en la Uni European. Sua capital e site la plu grande, Bucuresti [bucurexti], es la site ses de la plu grandes en la UE, con 1 883 425 abitores en 2011.

La Rio Danubio, la rio du de la plu longas en Europa, fonti en Deutxland e flue en dirije jeneral sude-este tra 2857 km e des paises, ante emerji en un delta en Romania. La Montes Carpati, cual traversa Romania de la norde asta la sude-ueste, inclui Moldoveanu con altia de 2544 metres.

La Romania moderna ia es formida en 1859 par un uni personal de la Prinsipias Danubian de Moldavia e Walachia. La stato nova, ofisial nomida Romania de 1866, ia gania autonomia de la Impero Osmanian en 1877. A la fini de la Gera Mundal Prima, Transilvania, Bucovina e Besarabia is uni con la Rena de Romania. En la Gera Mundal Du, Romania ia es un aliada de Deutxland Nazi contra la Uni Soviet, bataliante a lado de la Wehrmacht asta 1944, cuando lo ia junta se a la potiosas Aliada e ia fronti ocupa par soldatos de la Armada Roja. Romania ia perde alga teritorios, de cual Transilvania Norde ia es reganiada pos la gera. Pos la gera, Romania ia deveni un republica sosialiste e membro de la Trata de Warszawa. Pos la Revolui de 1989, lo ia comensa un cambia en dirije a democratia e un economia de mercato capitaliste.

Romania es un pais developante e un de la plu povres en la Uni European, con grado 50 en la Indise de Developa Umana. Pos un crese rapida de economia en la temprana de la desenio de 2000, Romania ave un economia xef fundida sur servis, e es un produor e esportor de macinas e enerjia eletrical. Lo es un membro de OTAN de pos 2004, e un parte de la Uni European de pos 2007. Un majoria forte de la popla identifia se como cristianes ortodox este e parla romanian, un lingua romanica, como sua lingua propre. On refere frecuente a la istoria cultural de Romania en relata a artistes, musicistes, inventores e sportores influente.




#Article 139: Romanian (lingua) (168 words)


La lingua romanian es un lingua indo-european, e un parte de la sugrupo este de la linguas romanica. Entre la linguas romanica, romanian es la numero sinco par cuantia de parlores, pos la espaniol, portuges, franses e italian.

Lo es parlada en soma par sirca dudes-ses milion persones. Entre estas, dudes milion abita en Romania (do romanian es la lingua ofisial e, seguente la conta de 2002, la propre lingua de plu ca 90% de la popla).

Lingua romanian ave la state de lingua de stato en la Republica de Moldova (do lo porta la nom de lingua moldovan, esente la propre lingua de 76% de la popla) e es un de la ses linguas ofisial en la Provinse Autonome de Voivodina (en Serbia).

Simil, lo es un lingua ofisial o manejal en alga comunicas e organizas internasional (en Uni Latina e Uni European – de 1 janero 2007).

La lingua romanian ave la nometa Lingua de Eminescu, de Mihai Eminescu, poesiste nasional de la romanianes e moldovanes.




#Article 140: Romániço (695 words)


La lingua romániço (cual on no debe confusa con linguas romanica, arte romanica e la lingua rumans) es un projeta de lingua aidante internasional creada en 1991 e multe influeda par esperanto, ido e interlingua. La diferes xef entre romániço e esta linguas es:

Romániço ofre la mesma sonas vocal como espaniol. Jeneral, on asentua tota la parolas en la silaba cuasi ultima, estra la infinitivos, cual asentua la final. An tal, multe parolas es asentuada a la silaba du ante la ultima (esemplo áquilo agila), e on distingui los par asentuas ortografial.

La majoria de la vocales e de la consonantes sona como sua corespondentes de Alfabeta Fonetical Internasional, estra:

Romániço ave la digrames seguente:

E la diftongos seguente:

Como esperanto e ido, la romániço es un lingua aglutinante, en otra parolas sua vocabulo es construida de radises nonvariante. Alga de la afisas plu comun es:

On ave ance un sufisa verbal -en cual on usa (con la paroletas has, van, volde, e fay) per vosi alga tempo o modo: mi parlen me parla; mi here parlen me ia parla ier; mi has parlen me ia parla; mi van parlen me va parla; mi volde parlen me ta parla; fay parlen! parla!.

La ses pronomes fundal en romániço es mi me, vi tu (la tu formal), li el/lo, nos nos, vos vos, e los los. Lo ave ance la pronomes suordinada ti tu (la tu intima), ili el (mas), eli el (fema), oli lo, e la pronom refletante si se. La posesivas es construida par medio de combina -a, esemplo mia mea.

La romániço, como ido, ave un pronom androjine —hi— cual es usada per refere sola a umanas: Esque la postalisto has konsignen la pako? Sik, hi has konsignen oli ye equista matino. Esce la postor ia move la paceta? Si, el (om o dona) ia move el esta matina.

Per los cual desira los, la formas plural ilos, elos, olos, e hos es otenable.

La ordina normal de parolas en romániço es sujeto-verbo-ojeto, como en Louis has kolpen Ludwik Louis ia colpa a Ludwik. Si on inversa la ordina de parolas, on ance inversa la sujeto e la ojeto. (Ludwik has kolpen Louis Ludwik ia colpa a Louis), estra cuando on usa la preposada je per marca la ojeto. (Je Ludwik has kolpen Louis Louis ia colpa a Ludwik) o usa un parola de demanda per representa la sujeto (Qua has kolpen Ludwik? Ci ia colpa a Ludwik?) o ojeto (Qua Louis has kolpen? A ci ia colpa Louis?).

La tore de biblia (Genesis 11: 1-9)

Lingua Franca Nova

Romániço

D-ro Zaslavskiy, aut: Quale mi has aprensen cesar destranquilesar et amar Rusenso

La Rusana linguaĝo es diventinta universala linguaĝo … La serio di linguaĝos kursen tra la épokos. Latinenso has es la linguaĝo di la mundo antiqua, Francenso di la mundo feudana, Anglenso di kapitalismo. Rusenso es la universala linguaĝo di socialismo. Francenso es la linguaĝo ornamentizita di kortanos et Anglenso la jargono di komerciistos. Los has es la linguaĝos di la klasos gubernanta et di snoba intelektosos. La Anglana linguaĝo has korupten pópulos en extranĝera paesos. Rusenso es la unésima universala linguaĝo di internacionezismo. Nula poten nominiĝar si erudito se hi ne sapen Rusenso.

Selektaĝo de La magna linguaĝo di nosa époko da David Zaslavskiy Literaturana jurnalo, Moskvá, n-ro 1, 1 Januario 1949.

Dr. Zaslavsky, o: Como me ia aprende parti de preocupa me e ama rusce

La lingua rusce ia deveni un lingua universal … La serie de linguas core tra tota la edas. Latina ia es la lingua de la mundo antica, franses de la mundo feudal, engles de la capitalisme. Rusce es la lingua universal de la sosialisme. Franses es la lingua modosa de la omes e femes de corte, e engles la jergo de comersiores. On ave la linguas de la clases dirijente e la intelijistes clasiste. La lingua engles ia soborna poplas en teras stranjer. Rusce es la lingua prima universal de la internasionalisme. Nun pote nomi se un scolor si el no conose rusce.

Eleje de La grande lingua de nosa eda par David Zaslavsky Literaturnaya gazeta, Moscow, n. 1, 1 de janero de 1949.




#Article 141: Ron Paul (199 words)


Ronald Ernest Ron Paul (naseda a 20 agosto 1935) es un Om de Congresa Republiciste de Lake Jackson, Texas, dotor, e un aspirante per presidente de la Statos Unida en 2008. Orijinal el es de Green Tree, Pennsylvania, ma es la representor de Texas de 1976 a 1977, de 1979 a 1985, e de 1997 asta aora. Paul ia fini en loca multe distante en la eleje per presidente en 1988, e ia es la representor per la Parte Libertarian, ma ance un membro de la Parte Republiciste. Pos cuando el ia fini la Universia Scola de Medica de Duke, el ia deveni sirurjiste de vola en la Fortia de Aira de la Statos Unida.

En la campania per presidente en 2008, Paul ia ave un presentia forte en la interede, spesial en locas de rede como YouTube. En 16 desembre 2007 la suportores de Ron Paul (sin dirije de la campania ofisial) ia crea un arcivo nova per donadas per un campania en un dia, coliente plu ca 6 milion dolares en 24 oras.

En la campania per presidente en 2012, el ia es un aspiror per representa la Republicanes, ma sin susede. El ia jubila de Congresa. 




#Article 142: Ros (1251 words)


Ros es un color entre roja e blanca, como un roja pal. Como la flor rosa, la nom de la color ros es ultima derivada de latina rosa (cual refere a la flor). Longo sondas en Europa e la SUA, ros es la color la plu comun asosiada con encanta, cortesia, sensosia, molia, dulsia, enfantia, feminia e relatas romantica. Cuando lo es combinada con blanca, lo es asosiada con nonculpablia. Cuando lo es combinada con violeta o negra, lo es asosiada con erotica e sedui.

La color ros ia es descriveda en leteratur de pos la eda antica. En la Odisea, cual ia es scriveda sirca 800 aec, Homero ia scrive Alora, cuando la enfante de matina, la matini de ditos rosin, ia apare… Poesistes roman ia descrive ance la color. Roseus es la parola latina cual sinifia rosin o ros. Lucretio ia usa la parola per descrive la matini en sua poesia epica De reurum natura (De la natur de cosas).

Ros no ia es un color comun en la moda de la eda medieval; nobiles ia prefere comun rojas plu briliante, per esemplo carmesi. An tal, lo ia apare en la moda de femes e en arte relijial. En la sentenios 13 e 14, en obras par Cimabue e Duccio di Buoninsegna, la enfante Cristo ia es vestida a alga veses en ros, la color cual ia es asosiada con la corpo de Cristo.

En Madona de la Diantos par Rafaello Sanzio, un depinta de la Renase, la enfante Cristo dona un flor ros a la Virjin Maria. La dianto ia es un simbol de sposia, e mostra un uni spirital entre la madre e la enfante.

En la Renase, ros ia es usada xef per la color de la pel de fases e manos. La pigmento cual ia es usada comun per esta ia es nomida cinabrese pal; lo ia es un misca de la pigmento de tera roja nomida sinopia (o roja venezian), e un pigmento blanca nomida Bianco San Genovese (o blanca calce). En la manual famosa sur depinta par Cennino Cennini en la sentenio 15, Il Libro Dell'Arte, el ia descrive lo como: Esta pigmento es creada de la sinopia la plu bela e pal cual es trovada e miscada con blanca de San Joan, como lo es nomida en Firenze; e esta blanca es creada de calce cual es completa blanca e purida. E cuando esta du pigmentos ia es completa miscada (pd, du partes de cinabrese e la tre, blanca), formi panes peti de los e como nozas duida e lasa ce los seci. Cuando on nesesa alga, on debe prende tan multe como pare aplicable. E esta pigmento fa multe bon si on usa lo per depinta fases, manos e nudas sur mures...

La eda oro de la color ros ia es la Periodo Rococo (1720–77) en la sentenio 18, en cuando colores de pastel ia deveni multe modosa en cada de la cortes de Europa. Ros ia es spesial campionida par Madame de Pompadour (1721–64), la concubina de re Louis 15 de Frans. El ia porta combinas de blu pal e ros, e ia fa ce un tinje individua de ros ia es creada per el par la manufacture nationale de Sèvres; lo ia es creada par ajunta tinjes de blu, negra e jala.

Ros ia es evidente la color de sedui en la depintas personal creada par George Romney de Emma, Lady Hamilton, la concubina futur de amiral Horatio Nelson, en la tarda de la sentenio 18, ma lo ia ave la sinifia oposada en la depinta de Sarah Barrett Moulton cual ia es depintada par Thomas Lawrence en 1794. En esta depinta, lo ia simboli enfantia, virtua e molia. Sarah Moulton ia ave mera des-un anios cuando la imaje ia es depintada, e ia mori la anio seguente.

En England en la sentenio 19, xicos joven ia porta comun sintas o decoras ros; xicos ia es regardada mera como omes peti, e en cuando omes ia porta uniformas roja, xicos ia porta ros. La vestes per enfantes en la sentenio 19 ia es cuasi sempre blanca, car, ante la inventa de tinjentes cimical, vestes de cada color ia pali rapida cuando los ia es lavada en acua bolinte. Rea Victoria ia es depintada en 1850 con sua fie sete e fio tre, prinse Arthur, ci ia porta blanca e ros.

En la sentenio 20, tinjes de ros ia deveni plu osante, plu briliante e plu serta, partal par causa de la inventa de tinjentes cimical cual no ia pali. La abrivia en la crea de tinjes nova de ros ia es Elsa Schiaparelli (1890-1973), un modiste italian ci ia es aliniada con la artistes de la move surealiste, incluinte Jean Cocteau. En 1931, el ia crea un varia nova de la color nomida ros xocante. Lo ia es creada par misca majenta con un cuantia peti de blanca. El ia comensa un parfum nomida Shocking, cual ia es vendeda en un botela con forma de la tronco de un fem. On dise ce esta tronco ia es modelida sur lo de Mae West. Sua modas, codesiniada con artistes como Cocteau, ia mostra la tinjes nova de ros.

En Deutxland Nazi en la desenios de 1930 e 1940, prisonidas de campas de consentra ci ia es acusada de omosesalia ia es forsada a porta un triangula ros. Par causa de esta, la triangulo ros ia deveni un simbol de la promove moderna per diretos ge.

La cambia de ros a un color sesal distinguida de xicas ia deveni gradal, par causa de la prosede distinguinte de la venderia, en la desenios de 1930 e 1940. En la desenio de 1920, alga grupos ia descrive ros como un color masin, un paralel de la roja cual ia es videda como un color de omes, ma plu pal per xicos. An tal, botecas ia trova ce persones ia compra sempre plu ros per xicas e blu per xicos asta cuando esta ia deveni un norma asetada en la desenio de 1940.

Ros es un color cual no indica un tinje diferente de roja, ma un varia plu pal, de poca satura, e comun pico blu. Lo es la color la plu comun de flores, e ia evolui, posible, per sua capasia per atrae insetos e avias nesesada per polini, e posible ance per evita predores. La color orijina en la pigmentos natural nomida antosianines, cual ance dona la ros en frambosas e alga otra frutas. En Japan, rosa es la color la plu asosiada con primavera, cuando la serisos flori.

En multe linguas, la parola per ros es derivada de la nom de la flor rosa. Per esemplo: rose en franses, roze en nederlandes, rosa en deutx, latina, portuges, catalan, espaniol, italian, svensce, e norsce, rozoviy en rusce, różowy en polsce, e گلابی‬ (gulabi) en urdu. Engles usa comun rose en loca de pink.

Ros es ance videda como la color de carne. La carne de bove es roja car la musculos de vertebratos conteni un protena nomida mioglobin, cual lia osijen e fero, e cuando la carne es coceda, la mioglobin es osijenida e deveni plu ros (e ultima brun). 

La conca e carne de crustaseos como crabes, omaros, langostas, e gambas, conteni un pigmento carotenoide nomida astazantin, cual es ros. La concas, cual es natural blu-verde, deveni ros o roja cuando coceda. La carne de la salmon conteni ance astaxantines. La color de flamingos veni de sua dieta de plancton.




#Article 143: Ruanda (618 words)


Ruanda (ofisial la Republica de Ruanda) es un pais en Africa sentral e este, e un de la paises la plu peti en la continente african. Locada prosima a sude de la Ecuator, Ruanda es bordada par Uganda, Tanzania, Burundi e la Republica Democrata de Congo. Ruanda es en la rejion de la Lagos Grande de Africa e es alta levada; sua jeografia es dominada par montes en la ueste e savana a la este, con multe lagos tra la pais. La clima es temperada a sutropical, con du saisones pluvosa e du saisones seca en cada anio.

La popla es joven e xef campanial, con densia entre la plu altas en Africa. Ruandas veni de sola un grupo cultural e lingual, la baniaruandas, esta grupo conteni tre sugrupos: la hutus, la tutsis e la tuas. La tuas es un popla de pigmeos ci abita en forestas, desendente de la abitores la plu temprana de Ruanda. Eruditas desacorda sur la orijinas de e diferes entre la hutus e tutsis: algas crede ce diferes deriva de castes sosial pasada en sola un popla, ma otras crede ce la hutus e tutsis ia ariva separada en la pais, de locas diferente. Cristianisme es la relijio la plu grande en la pais; la lingua xef es cinyaruanda, parlada par la plu de ruandas, e engles e franses servi como linguas ofisial.

Ruanda ave un sistem presidental de governa. La presidente es Paul Kagame de la Fronte Patriota Ruanda, ci ia emprende la posto en 2000. Ruanda ave oji poca froda en compara con paises visina, an si organizas de diretos umana reporta supresas de grupos oposante, menasas, e restrinjes de libria de parla. La pais es governada par un ierarcia dirijal ordinada ja de la eda precolonial; on ave sinco provinses con fronteras definida en 2006. Ruanda es un de sola du paises con majoria fema en la parlamento nasional.

Xasores-coliores ia coloni la teritorio en la edas de petra e fero, segueda plu tarda par poplas bantu. La popla ia fusa prima en clanes e a pos en renas. La Rena de Ruanda ia domina de la media de la sentenio 18, cuando la res tutsi ia concista militar otras, ia sentri potia e ia reali final politicas antihutu. Deutxland ia coloni Ruanda en 1884 como un parte de Africa Este Deutx, segueda par Beljia, cual ia invade en 1916 en la Gera Mundal Prima. Ambos nasiones european ia rena tra la res e ia continua un politica protutsi. La popla hutu ia revolta en 1959. Los ia masacra multe tutsis e ia fundi ultima un stato nondependente e xef hutu en 1962. La Fronte Patriota Ruanda (FPR), gidada par tutsis, ia inisia un gera interna en 1990. Tensas sosial ia eruta en la jenoside de 1994, en cual estremistes hutu ia mata un cuantia estimada de entre 500 000 e 1,3 milion tutsis e hutus nonestrema. La FPR ia fini la jenoside con un vinse militar.

La economia de Ruanda ia sufri multe en la jenoside de 1994, ma ia forti a pos. La economia es xef fundida sur cultiva susistal. Cafe e te es la recolies xef esportada. Turisme es un setor rapida cresente e es aora la modo xef par cual mone stranjer entra a la pais. Ruanda es un de sola du paises en cual on pote visita secur gorilas montanial, e visitores paia per lisensas de trasa gorilas. Musica e dansa es partes integral de la cultur ruanda, spesial tambures e la dansa intore, multe coreografida. Ojetos tradisional de arte e artisania es produida tra la pais.

Ruanda ave un area de sirca 26 338 cilometres cuadrida, e sirca 11 262 564 abitores (2015). Sua site capital es Kigali.




#Article 144: Rudyard Kipling (203 words)


Rudyard Kipling (1865–1936) es un scrivor engles, de ci sua obras aveni en India e Burma (Miama moderna) en la tempo de rena brites. Kipling ia nase en Bombay, Barat e ia es instruida en England. Sua reputa en leteratur ia es grandida par ses naras sur la vive engles en Barat, publicida en Barat entre 1888 e 1889.

En 1907 Kipling ia es la autor engles prima ci ia reseta la premio Nobel en leteratur. Como poesiste, Kipling es distinguida par sua poesia rimada scriveda en la jergo usada par la soldatos brites normal. Sua scrives refleta constante la patriotisme intensa e la encarga de la engleses per un vive de ativia sever e la destina de England de deveni un impero grande.

Entre se naretas es Multe inventas (1893), La libro de la jungla (1894) e La libro du de la jungla (1895). Kim (1901) es un raconta aventurosa de la vive barati, e es regardada como sua nara longa la plu bon.

Sua colies de poesia inclui Baladas en sala de rejimento (1892), cual conteni la poesietas popular Danny Deever, Mandalay, e Dias de rio Gunga (hindi: Gunga Din), e La sinco nasiones (1903), con la poesieta famosa Retrosedal (Recessional).




#Article 145: Rusce (lingua) (404 words)


Rusce (русский язык, transcriveda: russkiy yazyk, AFI: [ˈruskʲɪj jɪˈzɨk]) es la lingua slavica la plu parlada; lo es ance parlada en la area la plu grande, de Europa este a Asia sentral e norde.  Lo es un lingua slavica este, con bielarusce, ucrainsce, e rusin.  Ance como la otras, rusce es scriveda en la alfabeta cirilica.  Esemplos de slavonica este vea, la asendente de rusce, es atestada de sirca la sentenio 10.

Oji, rusce es multe usada estra Rusia, e un cuatri de la literatur de siensa es scriveda en rusce.  Lo es un lingua ofisial en Rusia, Bielarus, Cazacstan, Cirgistan e multe teritorios minor o nonreconoseda.  Lo es un lingua nonofisial ma multe parlada en Ucraina, e a grado min grande en otra paises cual ia es republicas composante de la URSS e en membros pasada de la Bloco Este. Rusce es la lingua prima per 147 milion persones, e un lingua du de sirca 113 milion (1999, 2000).

Rusce distigui entre consonantes con un pronunsia suordinada palatal e consonantes sin esta, cual on nomi la sonas mol e dur. Cuasi cada consonante ave un corespondente dur o mol, e esta distingui es un cualia importante de la lingua. Un otra aspeta importante es la redui de vocales nonasentuada. Asentua, cual es nonpredisable, no es normal indicada en la ortografia, an si un sinieta agu elejable (знак ударения, znak udareniya) pote es usada per marca asentua; per distingui entre parolas omograf, per esemplo замо́к (zamók, cual sinifia un clavi) e за́мок (zámok, cual sinifia un castel); o per indica la pronunsia propre de parolas o nomes noncomun.

Un esemplo:

   Отче наш, сущий на небесах! да святится имя Твое;
   да приидет Царствие Твое; да будет воля Твоя и на земле, как на небе;
   хлеб наш насущный дай нам на сей день;
   и прости нам долги наши, как и мы прощаем должникам нашим;
   и не введи нас в искушение, но избавь нас от лукавого.
   Ибо Твое есть Царство и сила, и слава во веки веков.
                                                          Аминь.

Transcriveda en leteras latina:

 Otxe nax, suxtxi na nebesah! Da sviatitsia imia Tvoio;
 da priidiet Tsarstvie Tvoio; da budet volia Tvoia i na zemle, kak na nebe;
 hleb nax nasuxtxni dai nam na sei den;
 i prosti nam dolgi naxi, cac i mi proxtxaiem doljnicam naxim;
 i ne vedi nas v iskuxenie, no izbav nas ot lucavogo.
 Ibo Tvoio iest tsarstvo i sila i slava vo veci vecov.
                                                           Amin.




#Article 146: Rusia (170 words)


Rusia es la nasion la plu grande en la mundo, e es un parte de Europa e Asia. La parte la plu grande, cual es en Asia (a este de la montanias de la Urales), es nomida Sibir.

La area es sirca 17 075 200 cilometres cuadrida.

La cuantia de popla, en la anio 2006, ia es sirca 142 893 540 persones.

La site capital es Moscva.

La lingua major e ofisial es rusce. La plu republicas autonom de rusia ave plu linguas ofisiales de se propre. Los es la linguas: abazgi (como linguas abcaz e abaza), adigabze (como linguas adige e cabadrin-txerces, agul, altai, avar,  azeri, baxcort,  buriad, caratxai-malcar,  cirimtatar,  comi,  cumuc,  dargan,  erzian,  galgai (galgai/ingux),  hacas,  halmg (calmic),  oseta (oseta/iron),  lac,  lezgi),  mari,  mihab (rutul),  mocxen,  nogai,  nohtxin (txetxen),  saha (iacut),  tabasaran,  tatar,  tati,  tiva (tuvin),  tsah (tsahur).  txavax, ucrainsce,  udmurt.

Rusia es composada de 85 sujetos federal: 22 republicas, 46 oblastes, 9 crais, 3 sites de state federal, 1 oblast autonom, 4 ocruges autonom. Los es unida a 8 ocruges federal.




#Article 147: SETI (390 words)


La xerca per intelijentia estrateran (engles: Search for Extraterrestrial Inteligence = SETI) es un projeta comensada en la desenio 1960. Sua ativia xef es la scane de la sielo con radiotelescopios per trova un sinial estrateran. Asta aora los no es susedente. 

Un visita de astronautas a un planeta estra la sistem de nosa sol es presente nonposible con la medios de nosa tecnolojia. Ma nos pote construi un sistem de comunica con enviadores e resetadores per trova siniales de orijina estrateran. Ma SETI no es un projeta fasil. Nosa galasia, la Via Letin, ave un diametre de sirca 100 mil anios de lus e conteni sirca 300 mil milion stelas. La xerca de la tota sielo per siniales debil e distante es un taxe nonfasil cual nesesa un estende grande.

Sur la cuantia probable de la sivilias estrateran, vide la formula de Drake. 

On ave alga restrinjes usable per fasili la xerca. Nos suposa la seguentes: 

Un otra restrinje importante xef per la xerca con radiotelescopes es:

Stelas vera grande ave un periodo de esiste tro corta per la developa de vive. Stelas vera peti ave enerjia tro peti e nesesa un orbita planetal vera prosima de la stela. Sirca 10% de la stelas de nosa galasia es simil a nosa sol. Sirca 

Un sinial de radio per envia interstelal debe es plu forte ca la radia de la stela, car lo usa probable un largia de banda vera streta. Per trova tal siniales, la siensistes debe xerca la sielo intera per un cuantia grande de frecuentias. Los ance no sabe cual cualia tal siniales pote ave. Un segue complicada de pulsa ta es un proba de un orijina artifisial.

Un otra demanda es esce on pote desifra un tal sinial. Per redui la fortia de la enviador la estrateranes usa probable un sinial vera consentrada. Trova un tal sinial es nonposible si nos no es en la dirije coreta. A esta caso nos debe espera ce los sabe nosa esiste e dirije la sinial direta a nos. 

 

De alga anios, on xerca ance sinias vidal. On suposa ce sivilias estrateran pote usa radia vera forte de laser per comunica interestelal. Studias ia mostra ce un laser de nosa tecnolojia con un miror con diametre de 10 metres pote envia un sinial con fortia 1000-uple plu ca nosa sol.




#Article 148: Sacartvelo (544 words)


Sacartvelo (o Jorjia) es un pais en la Caucaso en Eurasia. Locada a la junta de Asia ueste e Europa este, lo es bordada a la ueste par la Mar Negra, a la norde par Rusia, a la sude par Turcia e Haiastan, e a la sude-este par Azerbaijan. La capital e site la plu grande es Tbilisi. Sacartvelo covre un teritorio de 69 700 cilometres cuadrida, e en 2017 lo ia ave sirca 3,718 milion abitores. Lo es un republica unial e semipresidental, con un governa elejeda par un democratia represental.

En la eda clasica, alga renas nondependente ia deveni instituida en lo cual es aora Sacartvelo, como Colcis e Iberia. La cartulis ia adota cristianisme en la temprana de la sentenio 4. Unida, la Rena de Sacartvelo ia ateni la culmina de sua fortia political e economial en la rena de Re Davit 4 e Rea Tamar en la sentenio 12 e la temprana de la sentenio 13. A pos, la rena ia declina e ia desintegra ultima su la ejemonia de potiosas rejional diversa, incluinte la mongoles, la Impero Osmanian, e dinastias seguente de Iran. En la tarda de la sentenio 18, la Rena Kartli-Kakheti en la este de Sacartvelo ia alia se con la Impero Rusce, cual ia propr direta la rena la 1801 e ia concista la Rena Imereti, en la ueste, en 1810. La rena rusce de Sacartvelo ia es final reconoseda en tratas diversa de pas con Iran e la osmanianes, e la teritorios cartuli restante ia es gradal asorbeda par la Impero Rusce en la sentenio 19. Pos la Revolui Rusce en 1917, Sacartvelo ia gania un autonomia de dura corta, e ia institui un republica gidada par la democratas sosial en 1918, ma ia es invadeda par Rusia soviet en 1921 e asorbeda en la Uni Soviet como la Republica Sosialiste Soviet Cartuli.

Un promove per autonomia ia causa un separa de la Uni Soviet en april 1991. Per la plu de la desenio seguente, Sacartvelo poscomuniste ia sufri geras interna, geras separadiste en Abcazia e Osetia Sude, e crises economial. Pos la Revolui de Rosas sin sangue en 2003, Sacartvelo ia adota un politica esterna forte proueste, desirante junta se a OTAN e Europa, e ia introdui un serie de reformis democrata e economial, con resultas miscada, ma ia forti sua instituidas de governa. La orienta ueste de la pais ia provoca rapida un mali de relatas con Rusia, culminante con la Gera Rusce-Cartuli en agosto 2008 e la disputa teritorial presente de Sacartvelo con Rusia.

Sacartvelo es un membro de la Nasiones Unida, la Consilio de Europa, e la Organiza GUAM per Democratia e Developa Economial. Lo conteni du rejiones autonom par fato, Abcazia e Osetia Sude, cual ia gania un reconose internasional multe limitada pos la Gera Rusce-Cartuli en 2008. Sacartvelo e la majoria vasta de la comunia internasional regarda esta rejiones como partes de la teritorio governada de Sacartvelo, su ocupa rusce.

La lingua major es cartuli.

La bandera nasional es de San Jorjio, como lo de England, ma con cuatro repetes peti de la crus xef en la angulos. San Jorjio es ance la santa padronal de Catalunia. 

La nom de la pais es Gruzia en linguas slavica e Georgia en engles.




#Article 149: Sagarmata (195 words)


Sagarmata (Nepali: सगरमाथा), ance nomida Qomolangma (Tibetan: ཇོ་མོ་གླང་མ) o Monte Everest, es la monte la plu alta en la mundo, a sirca 8848 metres supra la nivel de mar. (Montania K2 es numero du, a 8611 m.)  La monte, un parte de la rejion Himalaia en Asia alta, es locada a la borda entre Nepal e Bod.

La nom plu vea es la nom tibetan Qomolangma, cual es ance usada par la xines como Zhūmùlǎngmǎ Fēng. La nom Everest ia es donada par Andrew Waugh, la jeometror jeneral de Barat en 1865.  Sirca 1960, la governa de Nepal ia dona la nom Sagarmata, cual sinifia Diva de la Sielo.

En 1953, la mision brites nove, conduida par John Hunt, ia revade a Nepal.  Hunt ia eleje du duples per atenta ariva a la culmina de Sagarmata. La duple prima (Tom Bourdillon e Charles Evans) ia veni a min ca 100 metres de la culmina, ma ia nesesa reveni car los ia deveni tro fatigada.  A la dia seguente, la duple du ia atenta la asende.  Edmund Hillary de Zeland Nova e Tenzing Norgay de Nepal ia ateni la culmina a 11:30 en 29 maio 1953.




#Article 150: Sajia (1105 words)


La sajia sinifia la sabe e la virtua de un esente. Lo distingui un person ci es en armonia con se mesma e con la otras, con sua corpo e sua pasiones (virtuas de modera e de justia), ci ia cultiva ja sua capasias mental, en armonia con sua atas e sua parolas.

En sua persepi poplal, la sajia es atribuida a la person ci prende desides razonable, an si los difere de sua interesas tempora. La enfantes ci es obedinte e discrete ave la capasia saja.

Per la filosofistes elinica e en la tradision este, la sajia (sofia en elinica antica) es la ideal de la vive umana. La sajia pote es definida como un state de realia cual fundi se sur un conose de se mesma e de la mundo, e teni compania a un felisia suprema e coresponde a la state de perfeti la plu alta cual la umana e sua spirito pote ateni. La sajia es la sabe de es felis o ancora la siensa de la felisia. Alga vias es posible.

La sajia trajedial de Heraclito la oscur presenta aforismes cual esposa la move eterna de la cosas, la cambia cual obliga nos a rexerca la solves, ajustante se a lo a cual on debe abitua se (Tu no va bani tu a du veses en la mesma rio) par un conose de la razona de la cosas: la sajia es fada de un sola cosa: conose la logos (=razona) cual ata sempre e en cada partes.

De pos Socrate, model de la sajia antica, la Stoicistes e la aderores de Epicuro ia defini la sajia como la mestri de desiras par la razona e la conose de lo cual depende de nos, e de lo cual no depende. La Sofistes clama la relativia de la veria cual los esplica en la parla, en la debate competosa, en la maneja de la retorica, de la lojica e de la resolve de la contradises.

La Academistes rexerca la Bonia Suprema, e Aristotele presenta con cautia la ativias contemplante e teorial per ariva a esta bonia. Socrate predica la refleta, la umilia, la aseta de sua iniora, e la respeta asoluta de la leges de la site (en sua caso, Atina). Presocratal, Parmenide ia esamina en un poesia la via de la es, la via de la non-es, e la posiblia de un via tre. La Sinicas ia insiste sur la idea de joia individua, de severia (aseticisme) e de libria. No asconde mea sol la filosofiste sinica Diogene de Sinope ia dise a Alexandro Grande.

En la Este, ma ance en la Ueste antica, a veses la sajias es difisil a distingui de la mesuras relijiosa, spesial car los es praticada (o ia es ja praticada) a la scala de un comunia de individuas avente la mesma pensa. Buda pote per esemplo es regardada como un mestre de sajia o ance como la fundor de un relijio.

Esta consideras de sajia no es stranjer a la pensa ueste. On retrova esta consideras en la pensa de autores tan diversa como la filosofiste Confuzi, Laozi, la prinse e dramiste indian Sudraka, o la poesiste e matematiciste farsi Omar Khayyam.

La sajia cristian de la Anticia tarda e de la Eda medieval no evita esta ambigua: la monces prima, como la filosofistes plu tarda (San Augustino, San Tomas de Acuino…) ia punta ja a esta, crusante sua fide relijiosa con la ideal de sajia, e clar referente a la filosofistes elinica e roman a veses.

Ance la comunias moncal ia es la plu frecuente fundida par la sajas (en la sense clasica de la terma). La autores de alga libros de la Biblia, Qohelet, como la libro de la Proverbos, identifiada a la Re Salomon, ia nuri multe la refletas relijiosa sur la sajia.

A la comensa de la sentenio 16, la moves como la umanisme, e plu tarda la Filosofia de la Luminadas ia comensa constitui otra sajias, proposante la boni de la state umana par la fide a la razona, e la dana de la dogmas relijiosa. Montaigne recomenda la reveni a la sajia antica, esplicante ce la gusta per la plaser epicural es sola un ama simple per la vive.

Spinoza esplica la sajia par un razona siensal cual afirma la potia de ama e de joia a fas de la desordina turbante de la pasiones. Nietzsche proposa reveni a la consepi de Heraclito de un sajia trajedial fundida sur la aproba de la realia (amor fati: la ama de la destina). En la sentenio 19, la Positivistes como Auguste Comte prende spesifada sua dirije a la progresa tecnical e asosia la sajia a la siensa, movente reatas de la parte de la relijiosas e de la misticas.

An tal, e cuando simil la individuisme ia developa se en la asosias de Ueste, la sajias (como ance la vias de boni de la umana par la individua) ia declina en la mesma tempo, recambiada par la prinsipes puntante a cuieti la pasiones de la jenero umana par medio de solves global, frecuente de ordina economial e/o political (liberalisme, sosialisme, comunisme, anarcisme, etc).

La bancarota, o a la min la retarda potiosa en causa de esta sistemes, como ance la preda de consensia sirca alga problemes (como la degrada de la ambiente par la asosia materialiste), ia condui ja, de alga desenios, a un repara de interesa per la sajias, en la sinifia clasica de la terma, en otra parolas la vias permetente ce la individua boni se par un modo de vive ecuilibrada e de un spesie de controla de sua pasiones ante la mundo esterna.

La rexerca de sajia cuando lo es liada a la fenomenos coletiva no es an tal protejeda contra alga falis como en la promove de hipis en la anios 1960–70, o de devias comersial esensal nononesta, per esemplo alga setas, ma vera de mestres spirital continuante la furni de instruis de sajia, como Swami Prajnanpad e sua disiplo franses Arnaud Desjardins, o la pensores-instruores como Krishnamurti. Pos un fase de manca de interesa par la filosofistes, la sajia presente ia deveni denova un tema sentral de la refleta de nosa tempo: La Sagesse des modernes (La sajia de la modernas, André Comte Sponville e Luc Ferry), Principes de sagesse et de folie (Prinsipes de sajia e de folia, Clément Rosset), L'Amour de la sagesse (La ama de la sajia, Bruno Giuliani)...

La sajia poplal sinifia a veses la sensa comun o la capasia de fa elejes parente justa, un sajia pratical de la vive cual no nesesa fundi se sur comandas filosofial o relijial.




#Article 151: Sami (118 words)


Sami (sami norde: Sápme; sami julev: Sábme; sami sude: Saemie; norsce e svensce: Sameland) es un nom per la area cultural abitada istorial par la popla e sua lingua ance nomida sami. La area es xef a norde de la sirculo artica, e covre partes de Noria, Sveria, Suomi, e la Penisola de Kola en Rusia. Lo es bordada par la Mar Barents a la norde, la Mar Norsce a la ueste, e la Mar Blanca a la este. En la pasada, la area ia es nomida Lapland (la pais de la lapes), cual ia es un nom vea per la samis e es oji regardada como noncortes. Esta nom es ancora usada per un provinse en Sveria.




#Article 152: Sami (lingua) (113 words)


Sami es un nom jeneral per un grupo de linguas e dialetos de la familia de linguas uralica, parlada par sirca 20 000 a 30 000 de la samis, ci abita en Sami (Sapmi) en la partes norde de Noria, Sveria, e Suomi, e la partes norde-ueste de Rusia.

Un esemplo (en sami norde):

 Ačče min, don,
 gutte læk almin.
 Basotuvvus du namma.
 Bottus du rika.
 Shaddus du datto, moft almest,
 nuft maidai ædnam alde.
 Adde migjidi odna bæive min juokkebæivalaš laibbamek.
 Ja adde migjidi min velgidæmek andagassi,
 nuftgo migis addep min velgolažaidasamek andagassi.
 Ja ale doalvo min gæččalusa sisa.
 Mutto bæste min bahast erit.
 Dastgo du læ rika ja fabmo ja gudne agalašvutti.
 Amen.




#Article 153: Samoa (240 words)


Samoa es un pais en la Mar Pasifica.

La area es sirca 2,842 cilometres cuadrida.

La cuantia de popla, en la anio 2016, es sirca 194,899 persones.

La site capital es Apia.

La linguas major es samoan e engles.

La samoanes ia orijina de poplas austronesian ci ia estende de Asia sude-este entre la anios 2500 e 1500 aec. Studias sur la popla lapita, ci ia abita en la rejion mostra ce los ia viaja entre Samoa, Fiji e Tonga.

La contatas con la europeanes ia comensa en la sentenio 18. La nederlandes Jakob Roggeveen ia es la prima european ci ia vide la isola. A pos, la esploror franses Louis Antoine de Bougainville ia ariva a la rejion.

Sola a pos la anios 1830 ia comensa la visita de la misiones anglican e de mercatores. En esta epoca, la samoanes ia deveni conoseda per es savaje e volente, e ia ataca ferose la franses, brites, deutxes e americanes. Seguente Barbara A. West, la samoanes ia talia la testa de sua enemis per dona el a sua xefes, como demostra de coraje. La deutxes ia comensa comersia con la abitores de Upolu, en cuando la americanes ia comensa con la abitores de Tutuila e Manu'a, cual a pos ta formi Samoa american.

La constituida de 1960, es fundida sur la democratia parlamental brites, alterada per colie ance la abituas samoan. La governa moderna nasional de Samoa es refereda como Malo.




#Article 154: San Kitts e Nevis (255 words)


La Federa de San Kitts e Nevis, ance conoseda como la Federa de San Cristoforo e Nevis, es un pais de du isolas en la Indias Ueste, en la Mar Caribe. Situada en la Isolas Suventa de la Antiles Minor, lo es la stato autonom la plu peti en la Emisfera Ueste, e en area e en popla. La pais es un membro de la Comunia de Nasiones, con Rea Elizabeth 2 como xef de stato.

La site capital es Basseterre sur San Kitts, la isola plu grande. La otra isola, Nevis, es locada a sirca 3 km a sude-este de San Kitts, a la otra lado de un canal basa nomida La Stretas.

La depende brites Anguila ia es istorial ance un parte de esta uni, cual ia es alora conoseda como San Cristoforo-Nevis-Anguila. A la norde-norde-ueset es la isolas de San Eustacio, e Saba (Nederland), San Barthélemy, San Martin e Anguila. A la este e norde-este es Antigua e Barbuda, e a la sude-este es la isolas Redonda (peti e nonabitada) e Montserrat (cual ave un volcan ativa a presente).

San Kitts e Nevis ia es entre la isolas prima en la Caribe cual europeanes ia coloni. San Kitts ia es la loca de la colonias prima brites e franses en la Caribe, e per esta razona on ia refere a lo como la Colonia Madrin de la Indias Ueste.

La area es sirca 261 cilometres cuadrida. La popla, en la anio 2007, ia conteni sirca 39,349 persones. La lingua major es engles.




#Article 155: San Lusia (290 words)


San Lusia es un isola e pais en la Mar Caribe este, a la borda con la Mar Atlantica. Un parte de la Antiles Minor, lo es situada a norde/norde-este de la isola San Vinsent, a norde-ueste de Barbados e a sude de Martinic. Lo covre 617 cilometres cuadrida de tera, e ia reporta un popla de 165 595 en la conta de 2010. Sua capital es Castries.

La franseses ia es la colonistes european prima de la isola. Los ia suscrive un trata con la caribes nativa en 1660. England ia controla la isola entre 1663 e 1667. En la anios seguente, lo ia gera contra Frans a 14 veses, e la controla de la isola ia cambia frecuente: lo ia es controlada a sete veses par cada de Frans e Britan). En 1814, la briteses ia prende controla defininte de la isola. Car lo ia pasa tan ofte entre controla brites e franses, San Lusia ia es ance conoseda como la Helena de la Indias Ueste.

Governa represental ia ariva en 1840; la direto universal de vota ia comensa en 1953. De 1958 a 1962, la isola ia es un membro de la Federa de la Indias Ueste. A 22 febrero 1979, San Lusia ia deveni un stato autonom de la Comunia de Nasiones, asosiada con la Rena Unida. San Lusia ave un sistem legal miscada, fundida partal sur la lege sivil e partal sur la lege comun engles: la Codigo Sivil de San Lusia de 1867 ia es fundida sur la Codigo Sivil de Quebec de 1866, aumentada par leges en la stilo comun engles.

La lingua major es engles, ma la popla parla un franses creol. San Lusia es un membro de la Organiza Internasional de Francofonia.




#Article 156: San Marino (320 words)


San Marino (ofisial la Republica de San Marino) es un pais peti en Europa. Lo es un enclave, ensircada par Italia, situada a la penisola italian, a la lado norde-este de la Montes Apenino. Lo ave un area de pico plu ca 61 km² e un popla de 33 562 persones. Sua capital es la Site San Marino, e sua site la plu grande es Serravalle. San Marino ave la popla la plu peti de tota membros de la Consilio de Europa.

La pais prende sua nom de Marino, un petror de la colonia roman sur la isola Rab, en la Corvatsca moderna. En 257 ec, Marino ia partisipa en la reconstrui de la murones de la site Rimini pos sua destrui par piratas liburnian. A pos, Marino ia fundi un comunia moncal nondependente sur Monte Titano en 301 ec; per esta razona, San Marino reclama ce lo es la pais autonom la plu vea survivente, e ance la republica constitual la plu vea.

San Marino es governada par la Constitui de San Marino, un serie de ses libros scriveda en latina en la tarda de la sentenio 16 cual determina la sistem political de la pais, entre otra cosas. On crede ce la pais ave la documentos governante, o constitui, la plu vea ancora ativa.

La economia de la pais depende xef de finansia, industria, servis e turisme. Lo es entre la paises la plu rica de mundo par produi interna bruta per testa, con cuantia comparable a la rejiones european la plu developada. La economia es multe stable, con un de la tasos la plu basa de nonemplea en Europa, no deta nasional, e un suprapasa bujetal. Lo es la sola pais con plu veculos ca persones. De un punto de vista diplomata, lo segue la gida de Italia e es entre la membros sentral de la grupo Uniting for Consensus (Uni per Acorda).

La lingua major es italian.




#Article 157: San Nicola (132 words)


San Nicola (Elinica: Άγιος Νικόλαος, aghios nicolaos) (270 - 6 desembre 343), ia es la bispo elenica de Mira (aora nomida Demre, Turcia). Per la multe miracles atribuida a se interveni, el es ance conoseda como Nicola la miraclor (Elinica: Νικόλαος ο Θαυματουργός, Nikolaos o Thaumaturgos). En 1087, se ojetos santa ia es furada e moveda a Bari, Italia. Se festa es desembre 6. El ia ave un reputa per dona en secreta. Per esta razona, el ia deveni la model per la mito de Sinterklaas en Nederland, do jenitores pone secreta alga donadas en la sapatos de se enfantes per desembre 6. Esta ia deveni plu resente la tradision de Santa Claus en la SUA e otra paises, an si la dona de donadas ia es moveda a natal, desembre 25.




#Article 158: San Tome e Prinsipe (285 words)


San Tome e Prinsipe (ofisial la Republica Democrata de San Tome e Prinsipe) es un isola e pais en la Golfo Gine, a la costa ueste ecuatoral de Africa sentral. Sua lingua major es portuges. Lo es composada de du arcipelagos sirca la du isolas xef, San Tome e Prinsipe, locada a distantia de sirca 140 cilometres de lunlotra e a distantia de (en ordina) sirca 250 e 225 cilometres de la costa norde-ueste de Gabon.

La isolas ia es nonabitada asta sua descovre par esplorores portuges en la sentenio 15. Gradal colonida par la portugeses tra la sentenio 16, los ia servi en junta como un sentro major per la comersia atlantica de sclavos. Par causa de sua solo rica de tera volcanal e sua prosimia a la ecuator, San Tome e Prinsipe ia es ideal per cultiva de zucar, segueda par recolies profitosa como cafe e cacau; la economia profitosa de cultiverias ia depende multe de sclavos african importada. Sicles de turba sosial e nonstablia economial tra la sentenios 19 e 20 ia culmina en autonomia pasosa en 1975. De alora, San Tome e Prinsipe ia resta un de la paises la plu stable e democrata en Africa.

Con 192 993 abitores (contada en 2013), San Tome e Prinsipe es la pais du de la plu petis en Africa (pos Sexeles), e ance la plu peti de la paises do on parla portuges. Sua popla es xef de desende african o miscada, e la plu es catolica. La erita de la governa portuges es ance vidable en la cultur, costumes e musica de la pais, cual fusa influes european e african.

La area es sirca 1,001 cilometres cuadrida. La site capital es Sao Tome.




#Article 159: Sandro Botticelli (528 words)


Alessandro di Mariano Filipepi, plu bon conoseda como Sandro Botticelli (baril peti) (1 marto 1445 – 17 maio 1510) ia es un depintor italian. El ia es de la scola de Firenze en la Renase temprana. A min ca sento anios plu temprana, Giorgio Vasari ia dise ce esta promove ia es un eda orosa. Vasari ia dise esta en la comensa de sua vive de Botticelli. La padron de prola move ia es Lorenzo de Medici.

La nase de Venus

Botticelli ia nase en Firenze a laborores de la comunia nomida Ognissanti. Prima, el ia es un aprendor per deveni un forjor de oro.  Seguente la desiras de sua fio, la padre amante ia envia el a Fra Filippo Lippi.  Lippi ia labora a un fresco a la Soreria de la Carmina. Lippi ia sintese la metodo nova de tre dimensiones, la espresa compatiosa de la fas e jesti, e detales ornal eritada de la moda gotica. Estas ia influe multe Botticelli.  Un otra influe ia es la frates Pollaiuolo. Los ia fa un serie de Virtus per la Tribunale (la sala de reuni de la Mercanzia, o la mercatores de stofa). Botticelli ia contribui a esta projeta la Fortia (1470, Galeria Uffizi).

Botticelli ia es ance un aprendor de Andrea del Verrocchio, do Leonardo da Vinci ia labora a sua lado.  Ma el ia deveni conoseda en sua Eglesa de Ognissanti (tota santas), con un depinta de San Augustino. En 1470, el ia abri un studio autonom per se mesma.

Lorenzo de Medici ia emplea pronto la talento de Botticelli. Botticelli ia usa multe la forma sirculo e ia crea multe depintas de femas nuda e bela. La esemplo la plu conoseda es la Nase de Venus a la casa campanian de la Medici a Castello. La fusa de temas pagan e cristian e la importa de estetica como un elemento fundal de arte, somada en la filosofia de neoplatonisme, ia es multe influente a la arte de Botticelli.

La Primavera

La Primavera ia es un simbol de la Renase en Firenze. De sinistra a destra, Mercurio, la tre Grasias, Venus, Flora, Cloris, e Zefiro. Nota como Venus sembla un Madona – comun en arte neoplatoniste. Tota fases es de persones real de la tempo. Poca de la depintos mitolojial de Botticelli survive.

La Adora par la Majias, creada per Santa Maria Novella sirca 1476, inclui depintas de Cosimo de Medici, sua neto Giuliano di Piero de Medici, e sua fio Giovanni di Cosimo de Medici.

En 1481, Papa Sixtus IV ia clama ce Botticelli e otra artistes conoseda de Firenze e Umbria  veni a Roma per crea frescos a la mures de la egleseta de Sistine. A pos, el ia revade a Firenze, do el ia crea desinias per La Comedia Divin de Dante Alighieri, ia scrive comentas per esta libro, e ia publici lo. Cisa la labora ia dana sua mente, car Botticelli ia comensa segue la predicas de Fra Girolamo Savonarola. Botticelli ia abandona sua arte car el ia crede ce la arte es pecosa, e ia arde multe de sua obras. El ia deveni povre, ma sua padrones pasada ia suporta el.




#Article 160: Sango (366 words)


Sango es la lingua la plu comun en Sentrafrica. Lo es clasida plu comun como un creole fundida sur ngbandi. La strutur es completa african, ma lo ave multe parolas adotada de franses. Lo ia developa longo la Rio Ubangi en la 1800s tarde par marcetores. Orijinal un lingua franca, la migra de popla variosa a la site Bangui fini con multe enfantes sola usante sango.
		
La spele de sango ofisial de 1984 usa 22 leteras:

a, b, d, e, f, g, h, i, k, l, m, n, o, p, r, s, t, u, v, w, y, z

On no usa c, j, q, o x.

		
E /e/ e /ɛ/ es scriveda con e; e /o/ e /ɔ/ es scriveda con o. La vocales nasal es scriveda in, en, an, on, e un.

		

La consonantes duple es scriveda kp, gb, mb, mv, nd, nz, ng, nj, e ngb. La  /j/ es scriveda y, e /ɓ/, noncomun, es scriveda b'.

Sango ave tre tonos: basa, media, e alta. En scrive, la tono basa no es marcada, la tono media es marcada con duple puntos (¨), e la tono alta es marcada con un sircoflexe (ˆ). do-re-mi ta es scriveda do-rë-mî.

		
Sango es un lingua isolante con la ordina de parolas sujeto-verbo-ojeto. Formulas nomin ave la ordina determinante-ajetivo-nom:

Plurales es marcada con la proclitica â-, cual presede formulas nomin:

La sufisa de deriva  -ngö causa ce verbos deveni nomes. Lo cambia ance tota tonos en la verbo a media:

		
Jenitivas es formida normal con la preposada tî (de):

	
La prefisa a- es afisada a la verbo si la sujeto es un nom o formula nomin; lo no es usada si la sujeto es un pronom o es implicada (como en comandas):

		

		

Sango es fasil aprendeda. Per parlores de linguas european, la lingua ave du difisiles. On debe recorda ce on no divide consonantes duple. Bambari, per esemplo, es pronunsiada ba-mba-ri, e no bam-ba-ri. Ance, como en cualce otra lingua con tonos, on debe no varia la tono par contesto. Per esemplo, si on indica un demanda con un tono levante, lo es posible ce on es disente un parola diferente e nonconveninte a la fini de la frase.




#Article 161: Santeria de Ise (133 words)


La santeria de Ise (伊勢神宮 Ise Jingū) es locada en la site Ise, en la Prefetia de Mie, es un santeria xinto dedicada a Amaterasu, la diva de sol. Ofisial conoseda como Jingū (神宮), Ise Jingū es un compleso composada de un cuantia grande de santerias xinto consentrada en tu santerias xef, Naikū (内宮) e Gekū (外宮).

Seguente la libro Nion Xoki, a sirca 2000 anios ante aora, Yamatohime-no-mikoto la divin, fia de la Imperor Suinin, ia parti de la Monte Miua (oji en la Prefetia Nara) per xerca un loca permanente per adora la diva Amaterasu, vagante tra 20 anios tra la rejiones Ohmi e Mino.

La stilo arcitetal de la santeria es conoseda como xinmei-zukuri, distinguida par sua anticia e simplia: sua prinsipes fundal veni de la periodo Cofun (250–538 ec).




#Article 162: Sarda (lingua) (128 words)


Sarda es la lingua romanica nativa parlada en Sardinia (Italia). Entre la linguas romanica, lo es considerada la plu prosima a la latina. An tal, lo ia asorbe sustrato prelatina e suprastrato elinica bizantian, catalan, espaniol e italian par la istoria political de la isola, cual ia prima cade su influe iberian e, a pos, su italian. 

La isoli relativa de Sardinia de la continente european ia coraji la developa de un lingua romanica conservante cualias de sua lingua(s) preroman. La lingua ave influes de sustrato de la lingua paleosarda, cual alga eruditas ia lia a euscara e etrusca. La influes de astrato inclui catalan, espaniol e italian. La situa de la sarda en relata con la linguas dominante political ia no cambia asta la desenio de 1950.




#Article 163: Sardinia (1735 words)


Sardinia es un isola de Italia en la Mar Mediteraneo. Lo es la isola de en grandia en la Mediteraneo, pos Sisilia e ante Cipros. Lo es locada a ueste de la penisola italian e a la sude de la isola franses de Corsica.

Sardinia es un rejion political de Italia, de cual sua nom ofisial es Regione Autònoma de Sardigna (rejion autonom de Sardinia). Lo es divideda entre cuatro provinses e un site urban, con Cagliari como sua capital e ance sua site la plu grande. La lingua sardinian nativa e otra linguas de minorias (sasares, galares, catalan, etc) parlada sur la isola es reconoseda par leges rejional con dinia egal con italian.

Como un resulta de la varia de sua ecosistmes, cual inclui montes, bosces, planos, teritorios nonabitada, rietas, costas rocosa, e plaias longa de arena, la isola ia es definada metaforal como un microcontinente. En la eda moderne, multe viajores e autores ia loda la belia de sua vistas nondisturbada, cual conteni la rests de la sivilia nuragica.

Sardinia ia es poplida en ondas variosa de migra de preistoria a tempos resente.

La popla prima ci coloni Sardinia en la paleolitica e mesolitica veni de Europa continental: La popla paleolitica es mostrada par le evidentes en la Cava Cobeddu de Oliena; en la mesolitica, alga poplas, spesial de la costa italian de la Mar Tireno, ia move a Sardinia norde tra Corsica. 

La revolui neolitica ia es introduida en la milenio 6 aec par la cultur Cardial de la penisola italian. En la periodo media de la neolitica, la cultur Ozieri, probable orijinante de la rejion de la Mar Ejeo, ia flori sur la isola, sperdente la tombas ipojeo (nomida domus de Janas), en cuando la cultur Arzachena de Gallura ia construi la megalitos prima en la forma de tombas sircula. En la milenio 3 temprana, la metalurjia de cupre e arjento ia comensa developa.

En la calcolitica tarde, la cultur de vasos campanin, veninte de partes variosa de Europa continental, ia apare en Sardinia. Esta popla nova coloni xef sur la costa ueste, do la plu de locas atribuida a los ia es trovada. La cultur de vasos campanin ia es segueda en la eda de bronze temprana par la cultur Bonnanaro, cual ia ave indicas de la cultur de vasos campanin e de la cultur Polada.

Tra la edas, la poplas diferente de sardinianes ia pare deveni unida en sua costumes, an si restante divideda political entre grupos variosa de tribus peti, aliante a veses con lunlotra, e a otra veses gerante contra lunlotra. Casas ia es casetas ronda de petra con tetos de palia.

De sirca 1500 aec, vilas ia es construida sirca un tipo de tore-fortres ronda nomida nurages. Esta tores ia es comun fortida e grandida con merlones. Bordas tribal ia es gardada par nurages plu peti per vijila construida a colinas con vistas de otra teritorios.

Oji, alga 7000 nurages pote es trovada en Sardinia. A la comensa, los ia es relativa simple, ma plu tarde, los ia deveni estrema complicada e monumental. La sperde de esta construidas grande sujeste ce la sardinianes nuragica ia deveni multe rica.

La nurages no ia es la sola construidas cual resta aora. On ave alga posos santa sirca la isola, e otra construidas con intendes relijiosa, como la tomba de jigantes e otra locas cual ia es visitada par pilgrimes e rituas relijiosa atendada par manadas de credores.

Sardinia ia es ance la sentro de alga vias comersial, e ia es un furnante importante de materias cru como cupre e plombo, Par controla la escava de esta materiales e vende los a otra paises, la sardinianes antica ia es capas de acumula ricas e ateni un sofistica simil a otra cultures importante de la Mediteraneo, refletada par sua arte, como la figures de bronze famosa.

En la sentenio 9 aec, la fenisianes ia comensa visita Sardinia plu frecuente, probable a la comensa per reposa entre viajes longa entre Fenisia e la costas de la Atlantica african e european e an plu distante.

En la sentenio 6 aec, pos la concista de Sisilia ueste, la punicas de Cartago ia intende prende Sardinia. La invade prima ia fali, ma de 510 aec, la partes sude e ueste-sentral de la isola ia es prendeda par la punicas.

En 283 aec, la romanes ia propri Sardinia e Corsica en cuando la punicas ia debe fasa un rebela de sua mersenarios pos la Gera Punica (264-241 aec). La romanes ia debe trata con multe rebelas e ia nesesa multe anios asta la isolas ia es pasida. Sites vea ia es bonida e grandida, e sites nova ia es construida, e ia es poplida par romanes. La rena roman ia continua per 694 anios, en cuando la isola ia es un fonte de gran per la capital. Latina deveni la lingua xef en esta periodo, an si la cultur roman ia es plu lenta per es adotada. Ultima, cristiania ia es adotada, a min par la artistocratas.

Pos la cade de la Impero Roman, la vandales, un tribu de germanicas este, ia prende ja Cartago de la punicas, e alora ia concista Sardinia en 456 ec. La vandales ia continua usa la formas de governa instituida par la romanes. La governor de Sardinia, Godas, ia declara Sardinia autonom de Cartago e ia atenta negosia con Imperor Justinian 1 per pas. Ma Justinian ia envia sua armadas a Sardinia, e reconcista la isola en 534. La rena de la vandales ia dura 78 anios.

Su la rena bizantian, la isola ia es divideda entre distritos nomida mereiai (μερείαι) en elinica, cual ia es governada par un judor en Caralis. Un garnison ia es instituida en Forum Traiani su la comanda de un dux. En esta periodo, cristiania deveni plu comun sur la isola, recambiante per la paganisme cual ta survive a la eda medieval en la interna de la isola.

La data e situa de la fini de la rena par la bizantianes en Sardinia no es conoseda. Control direta ia es mantenida a min tra sirca 650 ec, pos cual local xefes ia es autorida en la fas de rebelas e muslimes. La perde de controla en Africa a la arabis en 697 e la crese de atacas par moros e berberes ia forsa un crese de autonomia militar en la provinse. Par 952, la autorias bizantian no listada plu ce Sardinia es un provinse de la impero, cual sujeste ce los vide lo como perdeda. 

En la sentenio 11 temprana, un atenta a concista la isola ia es fada par la moros baseda en la penisola iberian. La cristianes gania, ma pos lo, la rena ia es divideda entre cuatro statos peti: Cagiari, Arborea, Gallura, e Torres (o Logudoro). La situa nova ia conserva formas semidemocrata, con asemblas nasional. Ma la istoria de la cuatro statos ia es definada par la competa per influe entre la du potias maral italian de Genoa e Pisa, e plu tarde, la Rena de Aragon.

An con la esiste de la statos nativa, la pape ia ofre la corona nova a James 2 de Aragon, con la promete de suporta si el ta desira concista la partes de Sardinia controlada par Pisa en intercambia per Sisilia. en 1324, aliada con la Rena de Arborea e seguente un campania militar cual ia dura un aniol la prinse coronada Alfonso ia condui la armada catalan cual ta ocupa la teritorios pisan de Cagliari e Gallura e la site de Sassari, e nomi los La Rena de Sardinia e Corsica. Esta rena ta resta su la corona de Aragon (su la res de Espania) asta la Trata de Utrecht.

Entre 1353 e 1409, la judores Marianus 4, Hugh 3, e Brancaleon Doria ia susede per ocupa tota de Sardinia estra la sites forte protejeda de la Cagliari e Alghero, cual per anios ia resta como la sola areas controlada par Aragon. Ma, en 1409, Re Martin 1 de Sisilia (e eritor a la corona de Aragon) ia defeta la sardinianes a la Batalia de Sanluri.

La concista de Sardinia par la aragones ia sinifia ce la sistem feudal ta es introduida tra tota Sardinia. Sardinia ia es la sola pais european do feudalisme ia es introduida tan tarde en la eda medieval, cuando feudalisme ia es ja abandonada par multe otra paises european.

En 1469, la eritor de Sardinia, Ferdinando 2 de Aragon, ia sposi Isabela de Castelia, e la Rena de Sardinia (aora separada de Corsica) ta es eritada par sua neto habsburgian, Carlos 1 de Espania, con la simbol de stato de la Cuatro Moros. La susedentes de Carlos 1, per defende sua teritorios mediteraneo de atacas par la piratas berber, fortida la costas sardinian con un sistem de tores de vijila, cual ia permete un recoloni gradal de alga areas costal. 

La Rena de Sardinia ia resta su la domina de Aragon e Espania per sirca 400 anios, de 1323 sa 1708. En esta tempo, la popla ia asorba un cuantia de tradisiones, costumes, e detalias de lingua de sua mestres.

In 1708, as a consequence of the Spanish War of Succession, the rule of the Kingdom of Sardinia passed from King Philip V of Spain into the hands of the Austrians, who occupied the island. The Treaty of Utrecht granted Sardinia to the Austrians, but in 1717, Cardinal Giulio Alberoni, minister of Philip V of Spain, reoccupied Sardinia.

En 1708, como un resulta de la Gera de Susede Espaniol, la rena ia pasa de Re Filipo 5 de Espania a la osteraices, ci alora ia ocupa la isola. La Trata de Utrecht ia dona Sardinia a Osteraic, ma en 1717, Cardinal Julio Alberoni, ministro de Filipo 5 de Espania, ia reocupa Sardinia. En 1718, con la Trata de London, Sardinia ia es donada a la Dinastia de Savoia, cual ta forsa la lingua italian a la isola en 1760.

Con la Fusa Perfeta en 1848, la federa de states de la renas savoian de Sardinia ia deveni un stato unida e constitual, e ia comensa la Geras de Autonomia Italian contra la Impero Osteraices per la Uni de Italia, cual ia dur 13 anios. En 1861, la parlamento de la Rena de Sardinia ia deside par lege per cambia sua nom e la titulo de sua re a la Rena de Italia e la Re de Italia. 




#Article 164: Saturno (135 words)


Saturno es la planeta ses de la sistem solal. Lo es un jigante de gas (ance nomida un planeta jupiterin, pos la planeta Jupiter). Lo es la planeta du par grandia en la sistem. Lo ave un sistem de anelos tre vidable, composada de particulas de jelo e partes plu peti de polvo. La nom de Saturno veni de la dio roman Saturno. Sua simbol es un representa stilida de la falxe de la dio (Unicode: ♄).

La sonda Cassini-Huygens ia orbita la planeta en un mision cual ia comensa con sua ariva a la planeta en 2005.

Un luna multe importante en la sistem solal es Titan. Lo parteni a la sistem de Saturno, e es la sola luna en la sistem solal cual ave la propre atmosfera.  Saturno ave plu ca 60 lunetas.




#Article 165: Scizofrenia (230 words)


Scizofrenia (de la parola elinica schizophreneia, sinifiante mente fendeda) es un diagnose psiciatrial de un disturba mental marcada par malias en persepi o espresa de realia. Malpersepi pote influe tota sinco sensas, incluinte vide, oia, sabor, ole e toca. Ma la plu evidente es alusina de oia, deludes paranoiosa o bizara, o parla e pensa  malordinada con malfunsiona major sosial o laboral. Sintomes inclui disturba de pensa, alusina, reata emosial nonconveninte, o moves tensa repeteda. Lo aveni usual ante la eda media. La ataca prima  apare tipal en adolese o adultia joven. Malis apare en la labora de pasiente, sua relatas sosial e sua capasia per cura se mesma.

Scizofrenia resulta de un interata de biolojia, psicolojia e cultur. Lo repete se en membros de familia. Resente on ia culpa un defeto jenetical, liada a un resetor en la serebro, cual contribui a la capasia de un person de filtri la ruido ambiente. Esta resetor maladial causa evidente alusinas de oia. Rexerca psicolojial ia lia scizofrenia a situas de ambiente, como mal comunica  e desacorda   entre membros de familia o mal sania  asosiada con povria.

Dopamina, cual es un mesajor en la serebro, pote es presente en cuantias  nonormal en scizofrenia. Ance defetos strutural ia es trovada en alga popla con scizofrenia.

Trata es par perfenazina, vea ma efetosa, o par risperidona, plu nova ma min secur, per 18 menses.




#Article 166: Scotland (357 words)


Scotland (en scotes: Scotland [ˈskɔt.lənd], en gailica: Alba [ˈal̪ˠapə], pron. Alapa) es un pais en Europa e, plu spesifada, en la Rena Unida. Lo ocupa la tri norde de la isola de Britan. Lo ave un borda con England en la sude, la Mar Norde en la este, e la Streta Norde e Mar Eres en la sude-ueste. Con ance la tera xef, la pais ave plu ca 790 isolas, incluinte la Isolas Norde e la Hebrides. La capital de Scotland es Edinburgh, e la urbe la plu grande es Glasgow. Sua area es 78 772 km² e lo ave sirca 5 116 900 abitores (2005).

La Rena de Scotland ia emerji como un stato autonom en la temprana de la eda medieval e ia dura asta 1707. James 6, re de la scotes, ia deveni re de England e la re de Er par erita en 1603, donce un uni personal de la tre renas ia es formida. A pos, Scotland ia entra a un uni political con la Rena de England a 1 maio 1707 per crea la Rena de Britan. La uni ia crea ance la parlamento de Britan, cual ia segue e la parlamento de Scotland e la parlamento de England. En 1801, Britan ia entra a un uni political con la Rena de Er per crea la Rena Unida de Britan e Er.

En Scotland, la monarcia de la Rena Unida ia continua usa un varia de stilos, titulos e otra simboles real de statia cual es spesifada a la Rena de Scotland ante la uni. La sistem legal en Scotland resta ance separada de la sistemes de England e Cimri e de Er Norde; Scotland es un autoria distinguida en lege publica e privata. La esiste continuada de instituidas legal, educal, relijial e otras cual es distinguida de estas en la resta de la Rena Unida ia contribui a la continua de cultur scotes e identia nasional scotes de la uni de Scotland con England en 1707.

La bandera es la crus de San Andreas.

La poesiste nasional es Rabbie Burns, ci ia scrive en scotes e engles.

En Scotland tre linguas es parlada:




#Article 167: Sefardi (132 words)


La iudis sefardi es un etnico iudi desendente de los espulsada de Espania e Portugal, ci conserva la tradisiones iudi de Babilonia en loca de los de Filastin.

Sua nom en ivri es סְפָרַדִּים‎, pronunsiada en ivri moderna Sfaraddim, o יְהוּדֵי סְפָרַד‎ Y'hudey Spharad, traduida como la iudis de Espania.

Ante 1492, comunias importante de iudis ia esiste en provinses espaniol e portuges. Entre la plu grandes ia es la comunias de Lisboa, Toledo, Cordoba, Sevilla, Malaga e Granada. En esta sites, an tal, la iudis ia composa un minoria importante de la popla jeneral. En alga sites plu peti, la iudis ia es la majoria car esta sites ia es instituida o abitada par iudis. Entre esta sites ia es Ocaña, Guadalajara, Buitrago de Lozoya, Lucena, Ribadavia, Hervás, Llerena, e Almazán.




#Article 168: Selma Lagerlöf (123 words)


(nom orijinal Selma Lagerlöf)
Selma Ottiliana Lovisa Lagerlof (1858–1940) ia es un noveliste fema svensce ci ia scrive multe novelas e naretas tratante la vive svensce pasada. El ia nase en Morbacka. Sua obras fundi se sur naras folcloral e distingui se par naturalia e frescia. Sua carateres es simple en pensa e ata, e la bonia vinse usual contra la vilia.

Lagerlof ia gania la premio Nobel de leteratur en 1909. Entre sua novelas es Jerusalem (1901–1902), La casa de Liljecrona (1911), La escluidas (1918), e la trilojia La anelo de Lowenskolds (1925–1928).

Sua colie de naras inclui De un casa campanial svensce (1899); La aventuras merveliosa de Nils (1906–1907), alga naras enfantin imajinosa; e Troles e omes (2 partes: 1915, 1921).




#Article 169: Semantica (854 words)


Semantica refere a la nivel de lingua consernada con sinifia. On pensa plu comun de semantica como reposante supra la nivel de sintatica e su la nivel de esperia e pensa nonlingual.

Tota consetas es colies neblosa, pd un colie de prototipos (esemplos la plu tipal) con alga grado de varia permeteda en, entre, e estra la prototipos. An un individua nomida, como un conseta, es un colie neblosa de avenis (pe posas e moves variosa, aspetas a tempos e locas diferente, etc).

Un animal, cuando el ariva a un situa cual ia causa dole en la pasada, va asosia la consetas de acel situa con consetas de atas cual ia aida el en la pasada. La resultas de esta asosias va es fortida si la resultas es sasiante, o no si los no es sasiante. En esta modo, consetas deveni interliada en la memoria de la animal e formi un rede semantical. Ma la animal no ave parolas.

En umanas, consetas es liada a lexemes, cual opera como colies neblosa de parolas. Tipal, on ave un o du lexemes prototipal cual pote alora es alterada par sintatica e otra prosedes cual es aplicada a la lexemes en la contesto de otra consetas e se lexemes asosiada.

Prima, un enfante aprende asosia lexemes spesifada con consetas spesifada. La enfante aprende alora como el pote ajunta a la lexemes individua un varia de detalias, e comensa composa la colie resultante de lexemes como un strutur cual descrive la interelata de la detalias cual es plu o min isomorfe con la interelata de la consetas. Esta es la rede semantical.

Cuando algun esperia un aveni, un parte de la rede semantical es engranada – e la consetas e la lexemes asosiada. Cuando la consetas e lexemes pertinente es engranada, los formi un strutur tempora. La strutur de consetas pote deveni un memoria de la aveni. La strutur de lexemes pote deveni la funda per un espresa verbal.

(An si esta strutur tempora es vera un parte de la rede plu grande de conose semantical, posible lo es plu simple si on vide lo como un rede de lexemes en un bloco de desinias, en la mesma modo en cual alga psicolojistes parla de un anelo fonolojial e la bloco de desinias vidal, de cual ambos es ance probable caxida en un rede plu grande, e no limitada a un area spesial de la mente o serebro.)

Esta strutur es alora prosededa, par la sintatica aprendeda de la lingua spesifada de la person, a alga cosa cual nos pote modeli con la arbores sintatical cual on pote trova en cualce introdui a sintatica. Esta, en segue, es plu prosededa asta cuando lo deveni un espresa verbal. Natural, la prosede aveni ance a retro (de oia a un reconstrui consetal de la aveni orijinal), e la parte de la prosede consernante espresa pote no es restrinjeda a materia verbal, ma inclui ance materia scriveda.

De semantica a sintatica

An si on ave un cuantia nonfinita de modos per clasi consetas, alga es spesial pertinente a lingua:

Cada de estas es relatada a un clasi en sintatica nomida la spesies de parolas. Estas es definida par se roles en un frase, pd se relata de la un a la otra, cual alora furni nos con la segues posible en cual nos pote pone los.

A la plu simple, un frase es composada de un sujeto, un verbo, e (si nesesada) un ojeto. Nota ce sujetos e ojetos es comun implicada o representada par un pronom. Ajetivos e preposadas es usada per furni detalias a la otra partes de un frase. Los pote es levada a la nivel de verbos par la usa de copulas como es e tal usada per construi frases simple, an si alga linguas no esije los.

Clar, me ia ordina esta categorias per coresponde a la categorias de consetas. Comprende ce, en linguas real, cosas pote deveni multe plu desordinada.

Un esemplo de cosas deveni plu desordinada es ce nos pote fasil usa un nom per descrive un move: Dansa es un move, ma nos pote parla sur la dansa si nos desira. O nos pote usa un nom per un cualia. Multe linguas ave un forma nomida la verbo statica en loca de ajetivos, afin en loca de el es bela, on ta dise el bela, como bela es un tipo de move. La mesma pote aveni con preposadas: En loca de el es en la casa, on ta dise el en la casa. Nos fa alga simil cuando nos dise el entra la casa en loca de el vade a en la casa. La verbo entra combina la move de vade con la relata de a en per formi un verbo transitiva. Lo pote causa vertigo.

Como me ia indica a supra, la spesies de parolas, an si los es asosiada laxe con un categoria spesifada de un conseta, es vera definida par un descrive de relatas la un con la otra. Alora, la regulas de sintatica pote liniali lo cual nos ave en mente afin lo pote ultima es parlada o scriveda. 




#Article 170: Senegal (362 words)


Senegal (en franses: Sénégal), ofisial nomida la Republica de Senegal (en franses: République du Sénégal [ʁepyblik dy seneɡal]), es un pais en Africa ueste. Senegal es bordada par Muritania en la norde, Mali en la este, Gine en la sude-este, e Gine-Bisau en la sude-ueste. Senegal borda ance Gambia, un pais cual ocupa un ageta de tera longo la riva de la Rio Gambia, cual separa la rejion sude Cascamance de Senegal de la resta de la pais. Senegal ave ance un borda maral con Capo Verde. La capital economial e political de Senegal es Dakar. Lo es la pais la plu ueste en la continente de Afro-Eurasia, e deriva sua nom de la Rio Senegal, cual borda lo en la este e norde. La nom Senegal veni de la parola uolof Sunuu Gaal, cual sinifia nosa barco. La area de Senegal es sirca 196 190 cilometres cuadrida. La cuantia de popla, en la anio 2007, ia es sirca 12 521 851 persones, de cual la etnico uolof es sirca 40%. La clima es seca, ma lo ave un saison pluvosa.

La linguas major es franses (ofisial), uolof, pular, jola, e mandinca.

Senegal es nomida per la Rio Senegal, la etimolojia de cual no es serta. Un teoria popular (proposada par David Boilat en 1853) es ce lo es derivada de la frase uolof sunu gaal, cual sinifia nosa canoa (o piroge), cual ia resulta de un malcomunica entre marinores portuges de la sentenio 15 e pexores uolof. La teoria de nosa canoa ia es popular abrasada en Senegal moderna per sua encantia.

Istoristes moderna crede ce la nom refere probable a la sanhadjas, berberes ci ia abita la lado norde de la rio. Un teoria competente es ce lo es derivada de nom de la vila medieval de Sanghana (ance speleda Isenghan, Asengan o Singhanah), cual la jeografiste arabi al-Bakri ia descrive en 1068 como locada a la boca de la rio. Alga persones serer de la sude crede ce la nom de la rio es derivada de la parola composada de la parola serer Sene (de Roge Sene, la diva suprema en la relijio serer) e O Gal (cual sinifia corpo de acua).




#Article 171: Senerela (278 words)


Senerela (engles: Cinderella, franses: Cendrillon, espaniol: Cenicienta, italian: Cenerentola, deutx: Aschenputtel, nederlandes: Assepoester, rusce: Золушка) es un fable antica e poplal.
 
La nara fundal es de un fem joven ci vive en un situa de miseria: sua madre es mor, e sua padre ia resposi a un fem basa. Esta fem fa ce Senerela servi la familia como un sclavo. A un dia, Senerela es visitada par sua madrin en la forma de un fe. La madrin, par majia, dona a Senerela un roba bela e otra cosas afin el pote vade a un dansa a la castel. La madrin dise a Senerela ce el nesesa parti de la castel ante medianote, o el va deveni denova un fem povre. La prinse de la pais dansa con Senerela e comensa ama el. Ma, a medianote, Senerela core de la castel. Sola sua sapato peti resta a la castel! La prinse, volente trova Senerela, comanda sua servores a fa ce tota femes joven de la rena atenta porta la sapato peti. Natural, sola Senerela ave pedes tan peti! Los sposi, e vive sempre felis.

Multe varias es creada tra la edas, incluinte filmas moderna. Un esemplo es la filma Pretty Woman (fem bela), en cual la eroe es un prostituida ci deveni amada par un om rica. Orijinal, la nara de Senerela ia ensenia a fias ce, si los es bon e grasiosa, los va es recompensada par ama. Oji, la nara es videda como un nara de espera falsa de fias ci pensa ce sua problemes va es solveda par un om spesial. La fem moderna no debe depende de un prinse, ma nesesa fa sua propre vive.




#Article 172: Sentrafrica (141 words)


Sentrafrica (Republica de Africa Sentral, RAS) es un pais en Africa.

En la pasada lo ia es un colonia de Frans, nomida Ubangi-Shari (du rios).

La area es sirca 622 984 cilometres cuadrida.

En la anio 2007, lo ia ave sirca 4 369 038 abitores.

La site capital es Bangui, con plu ca 500 000 abitores. Lo es la sola vila en la pais cual ave plu ca 100 000 abitores.

La linguas major es franses e sango.

Lo es nonusual ce un lingua african es ofisial en un pais pasada colonial. La sango es multe oscur.

En desembre 2012 un combate ia aveni entre la presidente, jeneral Bozizé, e rebelores.

En marte 2013 presidente Bozizé ia fuji a Camerun. Combates ia aveni en Bangui entre 1000 rebeliores e 200 soldatos de Sudafrica. 13 sudafricanes ia mori. Frans ia envia 300 soldatos. La rebela ia vinse. 




#Article 173: Sentro de masa (115 words)


En fisica, per calculas diversa, la sentro de masa de un ojeto es la punto en spasio do la masa intera de la ojeto es consentrada. On nomi lo ance la barisentro (de βαρύκεντρον en elinica).

La sentro de gravita es un punto relatada, do la pesa de un ojeto ata como si lo ta es consentrada ala. En un campo gravital uniforma, on trova esta punto a la sentro de masa, e, en la parla comun, on regarda la du puntos como la mesma. Ma en un campo nonuniforma, la sentro de masa es no plu la sentro esata de gravita, e donce fisicistes tende distingui la sentro de gravita como un conseta separada.




#Article 174: Seoul (138 words)


Seoul (Corean:서울) es la capital de Corea Sude (la Republica de Corea) e un de la sites la plu poplada en la mundo. Lo ia deveni la capital de la pais en 1945 con la fundi de la nasion, e es aora un Site Spesial (특별시). 

La loca de Seoul es en la norde-ueste de la pais, a sude de la Zona Desmilitarida, en la Rio Han, a 37°35′N 127°0′E. Prosima a la site es la Airoporto Internasional de Incheon en la site Incheon, la airoporto la plu grande en la pais. La airoporto es a prosima 50–60 minutos de Seoul.

Con 22 300 000 abitores, Seoul es la site tre par grandia en la mundo.

Seoul ave un metro grande con oto linias e plu ca 500 stasiones. Du de la stasiones es Cheongdam Stasion (청담역) e Sangnoksu Stasion.




#Article 175: Servo (175 words)


Servos es mamales ruminante cual formi la familia Cervidae. On ave plu ca 60 spesies. Los es distribuida tra tota continentes estra Antartica e Australia, an si Africa ave sola un spesie, la servo roja, cual es trovada sola en la Montanias Atlas en la norde-este de la continente. Servos abita en un varia de situas, de la tundras a la forestas pluvosa tropical. An si on regarda comun los como abitantes de la forestas, multe spesies de servo abita la ecotono entre la forestas e boscas e la prado e savana.

Servos ave jeneral pesas entre 30 e 250 kg. Ma la pudu norde ave sirca 10 kg, e la alce ave sirca 430 kg. Servos ave jeneral corpos curvable e compata e gamas longa e potiosa, bon ajustada per vive en tereno difisil. Los es nadores e saltores eselente. Servos es ruminantes, con un stomaco con cuatro cambras. La mases de tota spesies (estra la servo acual) e la femas de la renos ave cornos cual crese e es perdeda a cada anio.




#Article 176: Ses (lingua) (409 words)


Ses es un varia plu normal de solresol, cual usa fonemes en loca de notas musical.

Solresol ia es un lingua artifis creada par François Sudre, comensante en 1827. Se libro Langue musicale universelle ia es publicida en 1866. Lo usa sonas, o colores, o silabas per espresa se mesma. Esta es serta interesante, ma la parolas, cuando parlada, deveni multe longa.

Per un lingua plu normal, on pote usa sete consonantes (p, t, k, f, s, m, l) e sete vocales/diftongos (i, e, a, o, u, au, ai) per la silabas/notas. La letera prima ta es un consonante, numero du un vocal/diftongo, numero tre un consonante, etc. La asentua es sempre a la silaba prima. La resulta pare simil a un lingua de Polinesia. Pe:

(En loca de au e ai, on pote usa ɔ e ɛ, pronunsiada como en la AFI, o como engles aw e eh. Alora, maiso  mɛso, laumo  lɔmo, etc.)

En esta modo...

Un parola de sola un nota debe es sola un vocal/diftongo, natural:

Como tu pote vide, on ave sete parolas de un fonem. Donce on ave 49 con du fonemes, 343 con tre fonemes, e 2401 con cuatro fonemes (pd de du silabas), per un soma de 2800 parolas!

Parolas con plu ca un fonem es ordinada par sua longia:

La fonemes seguente la prima ave ance sua sinifias spesifada.

En solresol, on indica la nega de un idea, par reversa la sonas. En ses, esta opera bon per parolas de tre fonemes, ma no tan bon per otras. Pe, fau (de fa-la) sinifia bon, donce la (de la-fa) indica mal; mais es bon fortuna, saim es mal fortuna; saif es ria, fais es plora; faimu es avansa, tita es retira.

Solresol espresa la spesie de la parola, la plural, e la fema par la usa de asentuas e la cambia de la longia de sonas. Ma esta metodos no pare estrema nesesada, e pote es espresada, pe, par la ordina de parolas, articles, preposadas, parolas de cuantia, etc.

Donce, per la plural, on pote usa pau (alga), fai (multe), o otra parolas de cuantia, ante la nom o pronom.

Per la fema, si nesesada, on pote usa mu (orijinal usada per bon como un averbo) ante la nom o pronom.

La ordina de parolas es como en solresol: 

tempos/modos de verbos:

determinantes de posese:

determinantes/pronomes

si e no:

espresas sosial:

esemplos de tre partes (cvc):

esemplos de cuatro partes (cvcv):




#Article 177: Setaseo (102 words)


La Setaseos es un ordina de mamales cual inclui balenas, delfines, e fosenas.  Los es la mamales la plu ajustada per abita en la acua.  La brasos ia deveni aletas, la gamas es nonvidable, e la coda ia deveni un aleta grande. La setaseos es sin pelo, e isolida par un strato densa de gras.  La ordina es ance conoseda per sua intelijentia grande.

La ordina conteni 90 spesies.  La plu de spesies es de mares, estra 5 spesies de delfines de rios.  La ordina es divideda en du suordinas: Mistisetio (balenas vera) e odontosetio (balenas con dentes, incluinte delfines e fosenas).




#Article 178: Sexeles (302 words)


Sexeles (en engles: Seychelles /seɪˈʃɛlz/; en franses: Seychelles [sɛʃɛl]), nomida ofisial la Republica de Sexeles (en engles: Republic of Seychelles; en franses: République des Seychelles; en creol sexeles: Repiblik Sesel), es un arcipelago e pais en la Mar Indian. La pais de 115 isolas, de cual sua capital es Victoria, es situada a 1500 cilometres a este de Africa este continental. Otra paises e teritorios de isolas visina inclui Comori, Mayotte (un rejion de Frans), Madagasicara, Réunion (un rejion de Frans) e Mauris a la sude. Con sirca 92 000 abitores, lo ave la popla la plu peti de cualce pais african autocrata; an tal, lo ave plu abitores ca la teritorio brites nomida San Helena, Asension e Tristan da Cunha.

Sexeles es un membro de la Uni African, la Comunia de Developa de Africa Sude, la Comunia de Nasiones e la Nasiones Unida. Pos proclama sua autonomia de la Rena Unida en 1976, Sexeles ia developa de un sosia xef cultival a un economia diversida e fundida sur mercatos, e la cultiva ia es sustituida par la campos rapida cresente de servis e publica, e ance par turisme. De 1976, la produi interna bruta ia setupli cuasi, e la potia de compra ia crese e ia dessesupli cuasi. En anios resente, la governa ia coraji investi esterna per aumenta esta campos. Oji, Sexeles ave la plu alta de la produis interna bruta per testa en Africa, estra la rejiones franses. Lo es un de un cuantia peti de paises en Africa con un indise alta de developa umana. An con la ricia economial nova de la pais, multe povria resta, causada par un nonegalia de revenu entre la plu altas de mundo, e par un distribui basa de ricia.

La linguas major es creol 91.8%, engles 4.9% (ofisial), e otras 3.1% (2002)




#Article 179: Shin Chaeho (139 words)


Shin Chae-ho (1880–1936) ia es un ativiste corean proautonomial, istoriste, anarciste, nasionaliste e fundor de la istoriografia nasionaliste etnical corean (민족 사학, minjok sahak). El es multe respetada en Corea Norde e Sude. Du de sua obras, Un nova leje de istoria (Doksa Sillon) scriveda en 1908 e La istoria temprana de Joseon, publicida en 1931, es regardada como obras xef de istoriografia nasionaliste en Corea moderna.

El ia razona ce la coreanes moderna e la popla de Mandju ia es un raza cual ia ave un reclama istorial a Corea e Mandju. El ia studia ance la mitolojia corean. Cuando el ia es escluida en Xina, el ia junta se a la Asosia Anarciste Este e ia scrive articles proautonomial e antiimperaliste. Sua ativias anarciste ia gida a sua aresta e mori en prison a 21 febrero 1936.




#Article 180: Sian (489 words)


Sian es un color verdin blu. Lo es evocada par lus con un longia de onda entre 490 e 520 nanometres, entre la longias de onda de blu e verde. Lo es un de la colores xef en la sistem de colores CMYK, con jala, majenta e negra, cual es usada en primi per deriva tota la otra colores. En la sistem de colores RGB, cual es usada per crea cada de la colores sur un scermo de un televisador o computador, sian es creada par misca cuantias egal de lus verde e lus blu. Sian es la color oposada de roja; on pote crea lo par desroji lus blanca. Cuando on misca lus roja con lus sian a un intensia spesifada sur un scermo negra, la resulta es blanca.

La nom de sian es derivada de la parola de elinica antica κύανος kyanos, cual sinifia blu oscur, esmalte blu, lapislazuli. La orijina de la nom de la color pote es trovada en un tinjente cual es produida de la blueta (Centaurea cyanus). En la plu de linguas, sian no es un nom de un color fundal. On pote trova razonas per la fato ce sian no es lingual asetada como un color fundal en la manca comun de distingui entre blu e verde en multe linguas.

La color ueb sian es un color suordinada en la sistem de colores RGB, cual usa combinas de roja, verde e blu per crea tota la colores sur la scermos de computadores e televisadores. La colores ueb es plu briliante ca la sian usada en la sistem de colores CMYK, e la colores ueb no pote es esata reproduida sur un paje primida. Per reprodui la color ueb sian con incas, on debe ajunta alga inca blanca a su la sian de la primador; donce cuando lo es reproduida en primi, lo no es un color xef sutral.

Sian es un de la incas cual es usada comun en primi con cuatro colores, con majenta, jala e negra; esta colie de colores es nomida la sistem de colores CMYK.

An si e la color suordinada ajuntal e la color xef sutral es nomida sian, los pote difere sustantial de lunlotra. Inca sian de primi pote es plu saturada o min saturada ca la sian suordinada de RGB, dependente sur cual spasio de color RGB e cual inca es usada.

Sian de primador no es un color de RGB, e on no ave un converti spesifada entre colores xef de CMYK e colores de RGB. Formulas diferente es usada per inca de primador, donce on pote ave varias en la color primida cual es inca pur sian. Esta aveni car la misca de colores sutral (no como colores ajuntal) no produi coerente la mesma resulta cuando on misca colores cual pare identica, car la frecuentias spesifada cual es filtrida per produi esta color afeta la modo en cual lo interata con otra colores.




#Article 181: Sibir (144 words)


Sibir es la parte la plu grande de Rusia, en Asia norde. Lo ave un area de 10 007 400 km², e composa sirca 58% de la area intera de Rusia. Sibir ave un densia de popla de sirca tre persones per cada cilometre cuadrida. La plu de sibirsces es rusces.  Entre la poplas orijinal es grupos de mongoles e turceses como la buriates, tuvinianes, e iacutes. Otra etnicos inclui cetes, evences, txuctxis, e iucagires. La cuantia intera de abitores es sirca 35,6 milion.

Sirca 70% de persones en Sibir abita en sites. La plu de persones en la sites abita apartes peti, e la persones en la campania abita casas simple de troncos, ma plu grande. Novosibirsk es la site la plu grande en Sibir, con sirca 1.5 milion abitores, segueda par Yekaterinburg (1.3 milion), Omsk (1.1 milion), Chelyabinsk (1 milion), e Krasnoyarsk (1 milion).




#Article 182: Sicada (106 words)


Sicadas es plantas con semes, un tronca spesa, e un corona grande de folias composada. Los es perene e ave formas mas e fema separada. Los sembla palmas e filises, ma es sola distante relatada a ambos. Sicadas es trovada tra multe de la partes tropical e sutropical de la mundo. Alga es famosa per sua capasia de survive en climas semidesertin e pote vive en arena e an sur roca. Los pote crese en sol plen o ombra, e alga pote tolera sal. An si los es un parte peti de la rena de plantas oji, los ia es multe comun en la eda jurasica.




#Article 183: Sicisme (216 words)


Sicisme es un relijio fundida par Guru Nanak Dev, la prima de la 12 gurus – la guru final es la Guru Grant Sahib (Punjabi: ਗੁਰੂ ਗ੍ਰੰਥ ਸਾਹਿਬ, gurū granth sāhib), la libro santa de sicisme. Lo es la numero sinco par grandia de la relijios orginazada en la mundo, con sirca 20 milion seguores.

La parola Sikh es la parola en punjabi de la parola sanscrito śiṣya' (शिष्य), cual sinifia aprendor.

La filosofia de sicisme es simple, e la crede es esplicada en la paje prima de la Guru Grant Sahib.

ੴ ਸਤਿ ਨਾਮੁ ਕਰਤਾ ਪੁਰਖੁ ਨਿਰਭਉ ਨਿਰਵੈਰੁ ਅਕਾਲ ਮੂਰਤਿ ਅਜੂਨੀ ਸੈਭੰ ਗੁਰ ਪ੍ਰਸਾਦਿ ॥
Ik▫oaŉkār saṯ nām karṯā purakẖ nirbẖa▫o nirvair akāl mūraṯ ajūnī saibẖaŉ gur parsāḏ.

Un creor universal Dio. La nom es Veria. Creos-esiste personida. No teme. No odia. La imaje de la nonmorinte, estra nase, autoesistente. De la onora de la guru (el es conosable).

॥ ਜਪੁ ॥

Jap.

Canta e medita.

ਆਦਿ ਸਚੁ ਜੁਗਾਦਿ ਸਚੁ ॥
Āḏ sacẖ jugāḏ sacẖ.

Vera en la prima-comensante. Vera a tota partes la veas.

ਹੈ ਭੀ ਸਚੁ ਨਾਨਕ ਹੋਸੀ ਭੀ ਸਚੁ ॥੧॥
Hai bẖī sacẖ Nānak hosī bẖī sacẖ. ||1||

Vera asi e aora. O Nanak, Per sempre e sempre vera.

Sices batizada ave 5 nesesadas cual los es obligada a reteni, la sinco Cs.




#Article 184: Siensa (265 words)


Siensa (de la parola latina scientia, sabe) es un emprende sistemosa cual construi e organiza sabes en la forma de esplicas esaminable e predises sur la universa.

Ante la inventa o descovre de la conseta de natur (elinica antica physis) per la filosofistes presocratal, la mesma parolas ia es usada per descrive la forma natural en cual un planta crese e la forma en cual, pe, un tribu adora un dio spesifada.

La comunia siensal es la grupo de siensistes ci interata. Lo inclui multe sucomunias laborante en campos siensal spesifada e en instituidas spesifada.

Un cuantia enorme de leteratur siensal es publicida. La jornales siensal comunica e documenti la resultas de la rexerca fada per la universias en otra instituidas de rexerca, servinte como un rejistra arcivida de siensa. La jornal siensal prima, Journal des Sçavans, segueda par Philosophical Transactions, ia comensa es publicida en 1665. De acel tempo la cuantia de revistas periodal ia crese. En 1981, un estima de la cuantia de jornales siensal e tecnical publicida ia es 11 500. La Biblioteca Nasional de Medica de Statos Unida catalogi aora 5516 jornales cual conteni articles con temas relatada a siensas de vive. An si la jornales es en 39 linguas, 91% de la articles es en engles.

La plu de la jornales siensal covre un sola campo siensal e publici la rexerca en acel campo.

Revistas siensal como New Scientist, Science  Vie e Scientific American covre la nesesas de un publica plu vasta e furni un resoma nontecnical de areas popular de rexerca, incluinte descovres e avansas en alga campos de rexerca.




#Article 185: Siera Leon (1868 words)


Siera Leon, ofisial la Republica de Siera Leon, es un pais en Africa ueste. Lo ave frontera con Gine en la norde-este, Liberia en la sude-este e la Mar Atlantica a la sude-ueste. Lo ave un clima tropical, con un ambiente diversa variante de savana a foresta. La pais ave un area de 71 740 cilometres cuadrida e un cuantia de popla de 7 075 641 en 2015. Lo es un republica constitual con un presidente elejeda direta e un legeria con un salon, la Parlamento. La capital e site xef es Freetown. Siera Leon es divideda en sinco rejiones manejal: la Provinse Norde, Norde-Ueste, Este, sude e ueste. Esta rejiones es sudivideda en des-ses distritos, cual es divideda en xefias. Cada distrito ave sua governa local elejeda direta, an con potias multe limitada, car multe de la potias es de la governa sentral en Freetown.

Siera Leon ia es un colonia de la corona brites de 1808 a 1961. Lo ia deveni autonom de Rena Unida en 27 april 1961, gidada par Sr Milton Margai. En maio 1962, Siera Leon ia ave sua prima votas jeneral como un nasion nondependente. En 19 april 1971, la governa de Siaka Stevens ia aboli la governa parlamental e ia declara Siera Leona un republica presidental con Stevens como la prima presidente de la pais. De 1978 a 1985, Siera Leona ia es un pais con un sistem unipartital en cual la APC de Stevens ia es la sola partito political legal en la pais. La constituida de Siera Leona de oji, cual inclui un democratia multipartital, ia es adotada en 1991 par la governa de la presidente Joseph Saidu Momoh, la seguente de Stevens elejeda par el mesma. En 23 marto 1991, un grupo rebelante conoseda como la Frente Unida Revoluiste, gidada par la ofisior militar pasada Foday Sankoh ia lansa un gera interna de 11 anios en la pais, con un ojeto nonsusedosa de suverti la governa de Siera Leon.
 
En april 1992, la armada ia fa cade Momoh de la governa. En janero 1996, la governa militar su la jeneral brigador Julius Maada Bio ia fa reveni a la pais a un democratia multipartital e la constituida de 1991 ia es reinstituida. Bio ia dona la potia a Ahmad Tejan Kabbah pos sua vinse en la votas presidental de 1996. En 1997, la armada ia suverti la presidente Kabbah. An tal, en febrero 1998, un alia de fortes militar de Ecowas gidada par Nijeria ia sutrae la junta militar e la presidente Kabbah ia es reponeda como presidente. Siera Leona ia ave un democratia noninterompeda de 1998 asta oji. En janero 2002, la presidente Ahmad Tejan Kabbah ia completi sua promete de campania cuando el ia fini la gera interna, vinsente la rebelores con aida e suporta de Ecowas, la governa brites, la Uni African e la Nasiones Unida.

Sirca 16 etnicos abita Siera Leon, cada con sua propre lingua e costumes. La du plu grande e influente es la temne e mende. La temne abita xef en la norde-ueste de la pais, e la mende abita xef en la sude-este. Composada de un minoria peti, sirca 2%, es la popla crio, ci es desendente de la sclavos african-american librida. An si engles es la lingua ofisial, usada en scolas e en la maneja governal, crio, un creol fundida sur engles, es la lingua la plu parlada en la pais, parlada par 97% de la abitores. La lingua crio uni tota la etnicos en la pais, spesial en sua interatas comersial e sosial.

Siera Leon es un pais de majoria muslim, con la 78% de la popla seguente esta relijio, an si lo ave un minoria cristian influente (21%). La pais es videda como un de la statos la plu tolerante en la mundo. Muslimes e cristianes colabora e interata lunlotra multe pasosa, e violentia relijial es multe rara. La festa xef cristian e muslim es vacanses ofisial en la pais. En politica, la plu parte de la persones vota per un aspiror sin regarda sua relijio.

Siera Leon ia depende de minas, spesial de diamantes, per sua economia. Lo es entre la produores xef de titanio e bauxita, es un produor major de oro, e un de la deponedas plu grande de rutilo. Lo ave la porto natural tri plu grande en la mundo. An con tota sua ricia natural, 53% de la popla vive en povria en 2011. Siera Leon es membro de multe organizas internasional, incluinte la Nasiones Unida, la Uni African, la comunia Economial de Statos African Ueste (ECOWAS), la Uni de la Rio Mano, la Comunia de Nasiones, la Banco African de Developa e la Organiza de Coopera Muslim.

Descovres arceolojial mostra ce Siera Leon ia es abitada continua per a la min 2 500 anios, poplada par sosias ci ia migra de otra partes de Africa. La popla ia adota la usa de fero en la sentenio 9 e en la anio 1000 cultiva ia es praticada longo la costa. La clima ia cambia notable e la limitas entre la zonas ecolojial diferente ia cambia, afetante migra e concista.

La foresta pluvosa tropical densa e la ambiente pantanosa de Siera Leon ia es considerable nonpenetrable; lo ia es ance la abiteria de la tsetse, cual ia porta un maladia fatal per cavalos e la zebus de la popla mande. Esta fator ambiental ia proteje sua popla de es concistada par la Impero Mali e otra imperos african. Esta ia ance redui la influe muslim de la Impero Mali ma islam, introduida par mercatores e migrores susu de la norde e la este, ia es jeneral adotada en la sentenio 18.

La contatas european con Siera Leon ia es entre la prima en Africa Ueste en la sentenio 15. En 1462, la esploror portuges Pedro de Sintra ia mapa la colinas ensircante cual oji es la porto de Freetown, nominte la formi ‘’Serra da Leoa’’’ o “Serra Leoa” (portuges per Montes Leon Fema). La tradui espaniol es ‘’Sierra Leona’’ cual pos adatada e malspeleda ia deveni la nom corente de la pais en engles.

Poca pos la mision de Sintra, la comersiones portuges ia ariva a la porto. En 1495 los ia construi ja un punto de comersia en la costa. La nederlandes e la franseses ia comensa comersia ala, e cada nasion ia usa Siera Leon como un punto de comersia per sclavos traeda par comersiones african de areas interna con geras tribal e lutas per la teritorio. En 1562, la ingleses ia comensa la Triangulo de Comersia cuando la amiral Sir John Hawkins de la Marina Real ia transporta 300 sclavos african -otenida par spada e parta par otra metodos- a la colonia espaniol de Santo Domingo en Hispaniola en la Mar Caribe, do el ia vende los.

Seguente la Gera de Nondepende Esuan, la brites ia evacua miles de african-american sclavos libre e ia relocali los en colonias canadian e caribe como ance en London. En 1787 la Corona Brites ia fundi un colonia en Siera Leon en cual ia es nomida la Provinse de Libria. Lo ia intende relocali alga de la “negra povre de London”, xef african-americanes librida par la brites en la gera. Sirca 400 negras e 60 blancas ia ateni Siera Leon en 15 maio 1787. La grupo ance ia inclui alga persones de Indias Ueste desendente de africanes de London. Pos institui Granville Town, plu de la prima grupo de colonistes ia moria, par causa de maladias e gera con la poplas african nativa (temne) ci ia resiste la intrui. La 64 colonistes restante ia institui un Granville Town du.

Siera Leon es locada en la costa ueste de Africa, entre la latitudes 7° e 10°N (un area peti es a sude de 7°) e lonjitudes 10° e 14°U. La pais limita con Ginea a norde e norde-este, Liberia a sude e sude-este, e la Mar Atlantica a ueste.
Siera Leon ave un area total de 71 740 km2, divideda en un area de tera de 71 620 km2 e 120km2 de acua. La pais ave cuatro areas jeografial diferente:
En Siera Leon este on trova la plano alta es miscada con montes alta, do la Monte Bintumani ateni 1 948 m, la punto la plu alta de la pais.

La clima es tropical, con du saisones determinante la sicle cultival: la saison pluvosa de maio a novembre, e la saison seca de desebre a maio, cual inclui HARMATAN, cuando ventas fresca e seca venta de la Deserto Sahara e la temperatur a note pote es de 16º C. La temperatur promedia es 26ºC e varia de 26 a 36ºC tra la anio.

Educa en Siera Leon es legal esijeda per tota enfantes de ses anios en educa prima (clase P1 a P6) e tre anios en educa de liseo minor, ma un manca de scolas e enseniores ia fa reali lo nonposible. Du tris de la popla adulte de la pais es nonalfabetiste.

La gera interna de Siera Leon ia resulta en la destrui de 1 270 scolas de educa prima e, en 2001, 67% de la enfantes en eda de vade a scola ia es estra lo. La situa ia boni notable de alora con la dupli de la enrola en la scola de educa prima entre 2001 e 2005 e la reconstrui de multe scolas de la fini de la gera. Studiantes en scolas de educa prima es entre 6 e 12 anios, e en la scolas de liseo entre 13 e 18. La educa prima es sin custa e obligante en scolas publica sponsorida par la governa.

La pais ave tre universias: Fourah Bay College, instituida en 1827 (la universia la plu vea en Africa ueste), la Universia de Makeni (instituida como The Fatima Institute en setembre 2005 e donada la state de universia en agosto 2008 con la nom de Universia de Makeni; e la Universia de Njala, locada en la Distrito Bo. La Universia de Njala ia es instituida como la Njala Agricultural Experimental Station en 1910 e ia deveni un universia en 2005. Scolas per instrui profesores e seminarios relijial pote es trovada en tota la pais. Israel dona donadas per studia a studiantes de Siera Leon como parte de sua program de coopera a developa internasional.

En la desenio de 1990 la ativia economial ia es descresente e la infrastrutur economial ia deveni vera degradada. En la desenio seguente plu de la economia formal ia es destruida en la gera interna de la pais. De la fini de combates en janero 2002, aida masosa esterna ia aida Siera Leon en sua recovre.

Plu de la recovre depende de la susede e la fortias de la governa per limita la froda de la ofisiores, cual multe crede ce lo ia es la causa de la gera interna. Un indicador xef de susede va es la eficasia de la maneja governal de la setor de diamantes.

On ave un nivel alta de nonemplea, xef entre jovenes e soldatos pasada. Autorias ia comensa lenta a reali reformis en la setor publica e la program de privati.

La mone es la leone. La banca sentral es la Banca de Siera Leon.




#Article 186: Sigmund Freud (557 words)


Sigmund Freud (pronunsiada zigmunt froit) ia nase 6 maio 1856 en un vila peti — Freiberg — en Moravia. Sua padre ia es un mercator de lana con un mente agu e un bon umor. Sua madre ia es un fem vivosa, la sposa du de sua padre e plu joven par 20 anios. Sua madre ia ave 21 anios cuando el ia pari sua fio prima, sua cara Sigmund. Sigmund ia ave du duifrates plu vea e ses frates e sores plu joven. Cuando el ia ave cuatro o sinco anios (el no ia es serta), la familia ia move sua casa a Wien, do el ia abita per la plu de sua vive.

Un enfante multe intelijente, sempre a la culmina de sua clases, el ia vade a la scola de medica, cual ia es un de la poca elejes per un iudi joven e intelijente en Wien en acel dias. En universia, el ia deveni envolveda en rexerca su la gida de un profesor de fisiolojia nomida Ernst Brucke.  Brucke ia crede la reduisme, cual ia es revoluinte ma poplal en acel eda: No otra fortia ca la fortias comun de cimica e fisica ata en la organisme.  Freud ia atenta redui la personalia a neurolojia per multe anios, un idea cual el ia abandona plu tarda.

Freud ia es multe bon en sua rexerca. El ia consentra en neurofisiolojia e ia inventa un tecnica spesial per tinje selulas. Ma sola un cuantia limitada de postos ia es otenable, e multe otra studiantes ia es ante el. Brucke ia aida el a oteni la suporta finansial per studia, prima con la psiciatriste grande Charcot (pronunsiada xarco) en Paris, e seguente con la oposor de Charcot, Bernheim en Nancy.  Ambos esta dotores ia es rexercante la usa de ipnose con istericas.

Pos un periodo corta como un dotor nova en neurolojia e la dirijor de un sala de enfantes en Berlin, el ia reveni a Wien, ia sposi sua prometeda Martha Bernays, e ia comensa sua ofisia medical en neuropsiciatria, con la aida de sua ami Joseph Breuer.

Un pasiente de Joseph Breuder ia ave multe sintomes de isteria (aora nomida sindrom de converti) como ansia, paralise nonfisical, atacas psicojenetical, etc. La nom de esta fem joven ia es Bertha Pappenheim, ma en la leteratur, on nomi el Anna O. Breuer ia demanda de Freud sujestas per aida Bertha, e la tre de los ia descovre la idea fundal de psicoanalise: Si on parla sur un problem e trova la radis de lo, la sintomes diminui.

La libros e lesones de Freud ia dona e fama e esclui de la corente xef de la comunia medical. El ia atrae alga suportores multe intelijente ci ia deveni la cor de la move psicoanalisal. Nonfortunosa, Freud ia ave un tende de refusa persones ci no acorda completa con el. Alga ia separa de el en modo amin; otras ia separa de el en modo nonamin, e ia fundi moves competente. 

Freud ia migra a England prosima ante la Gera Mundal 2, cuando Wien ia deveni un loca multe perilosa per iudis, spesial los ci ia es tal famosa como Freud. No multe plu tarda, el ia mori de canser de la boca e mandibula, de cual el ia sufri tra la 20 anios final de sua vive.




#Article 187: Sigrid Undset (142 words)


Sigrid Undset (1882–1949) ia es un autor fema norsce de naras istorial e un ganior de la premio Nobel. El ia nase en Kalundborg, Danmarc.

Sua novelas temprana, incluinte Sra Martha Oulie (1907) e Jenny (1911), es naras simpatiosa de romanse e costumes en la vive contempora.

Undset es la plu bon conoseda per la nara Kristin Lavransdatter  (3 partes, 1920–22), per cual el ia reseta la premio Nobel per leteratur en 1928. Aveninte en Noria de la sentenio 14, la novela combina un eruditia suprema con un stilo gloriosa vera. Ance con trama en la edas media es La mestre de Hestviken (4 partes, 1925–27). Ambos novelas esplora temas de egosia, eroisme, ama e relijio.

Entre sua libros plu tarda ia es la novelas La sposa fidosa (1936) e Madame Dorothea (1939); e un autobiografia, La anios la plu longa (1934).




#Article 188: Sinclair Lewis (148 words)


Sinclair Lewis (1885–1951) ia es un noveliste satira de la SUA. Sua narad la plu comprada Strada xef (1920, engles: Main Street) ia es segueda par Babbitt (1922), la raconta de un comersior autosasiada de la SUA.

Martin Arrowsmith (1925) es un nara satirinte la profesa medical. 

Elmer Gantry (1927) presenta un pitur savaje de revivistes relijiosa profesal. Dodsworth (1929) ia es la fruta de  multe viajas a Europa. En 1930 Lewis ia deveni la american prima ci ia reseta la premio Nobel per leteratur.

El ia nase en Sentro Sauk, Minnesota. Pos fini studia en universia en 1907, el ia labora tempora como reportor per jornales e editor aidante de companias publicinte en la SUA. Con la apare de Strada xef, Lewis ia gania reconose de un fortia nova en leteratur de SUA, un satiriste de la ordina prima ci ia vide sua pais con oios clar.




#Article 189: Sinema (197 words)


Per plu, vide .

Un sinema es un construida cual conteni un salon de presenta per regarda filmas per diverti. Multe sinemas, ma no tota, es locas comersial per la popla jeneral, ci entra comprante un bileta. Alga sinemas, an tal, es operada par organizas nonprofitante o asosias en cual la membros paia per parteni e regarda la filmas.

La filmas es projetada con un projetador de filmas en un scermo a fronte de la salon de presenta, en cuando la dialogo, sona e musica es juada tra alga parladores fisada a la mures.

Un varia grande de filmas es mostrada en sinemas: animas per enfantes, filmas susedosa per regardores jeneral, e filmas atestante per los ci es interesada par temas de fato. La sinemas la plu peti ave sola un salon de presenta, con sola un scermo. En la desenio de 2010, la plu de la sinemas ave multiple scermos. La regardores senta en sejas cuxinida cual, en la plu de sinemas, es sur un solo inclinada, con la parte la plu alta a retro de la salon. La sinemas vende usual bevidas sin alcol, popcorn e confetos, e alga sinemas vende ance comedas rapida calda.




#Article 190: Sintatica (1101 words)


Sintatica es la regulas per ordina parolas per crea frases coerente en un lingua. Esta regulas inclui la clases de parolas, la indica de roles cual parolas entra, e la modeles per usa esta clases e roles. Sintatica interlia la consetas en la mente (vide semantica) e la capasias per parla, comprende, scrive, e leje un lingua. Comun, sintatica inclui morfolojia, cual ave un article propre. Vide ance fonetica per un discute de la produi (e reconose) de la sonas de linguas.

En cada lingua, parolas pote es clasida par la relatas permeteda entre los e otra parolas. La clases de parolas inclui la seguentes. Nota ce no cada lingua usa tota de estas, e alga linguas usa varias plu detaliosa. La clases stelida (paroletas) es cluida, cual es per dise ce los no permete la ajunta de parolas nova e donce es comun clases peti. La otra clases es abrida e permete la ajunta de parolas nova e donce es comun multe grande.

On ave un colie de roles, paralel a la clases, en cual parolas pote entra. La du roles la plu importante es partisipantes (engles: arguments) e predicas. Partisipantes (en la plu de casos, nomes con sua alterantes) pote es sujetos o ojetos de predicas. Predicas (verbos, ajetivos, preposadas, e otras, con sua alterantes) alora descrive sua sujetos e junta los a se ojetos. Plu, alga predicas pote governa un otra ojeto (comun nomida la ojeto nondireta); e, en alga linguas, on pote ave un otra sujeto (nomida la tema o foca) cual, an si no direta interatante con la predica, es an tal un sujeto de la proposa.

On ave spesies variosa de predicas: Alga – predicas xef (plu comun, verbos con sua ojetos e alterantes) – pote crea un proposa; otras – predicas alterante (pe, ajetivos e preposadas) – no pote crea proposas par se mesma.

Ajetivos e preposadas pote opera como predicas xef en multe linguas par la usa de verbos spesial nomida copulas. Per esemplo, on pote dise lo es verde e el es en la jardin, etc. En multe otra linguas, la usa normal de ajetivos es como predicas xef, pe el grande en loca de el es grande.

Alga predicas descrive sola un sujeto (pe, verbos nontransitiva, ajetivos); alga predicas governa ance un ojeto (pe, verbos transitiva, preposadas). On ave an alga predicas cual no ave un sujeto o ojeto (per esemplo, verbos de clima), e alga predicas cual governa du ojetos (pd, verbos ditransitiva). Esta varias es nomida la valentias de un verbo, con valuas de 0, 1, 2, o 3 (la cuantia de sujetos e ojetos). Ma valuas de 1 e 2 es la plu comun, e otras pote es espresada par la usa de trucos como pronomes pupetin (lo pluve) e preposadas (el dona lo a me).

Alga predicas descrive otra predicas – los altera la sinifia de un verbo o ajetivo, per esemplo. En esta casos, on refere a los como predicas averbal, o plu simple, averbales. La grupo cluida de parolas cual spesiali en esta rol es nomida averbos. Seguente la usa de esta termas en deutx, ajetivos usada per altera otra predicas (pe, los cual fini con -ly en engles o -mente en italian) es nomida ajetivos averbal.

Alga parolas pote es usada (o, plu esata, reusada) per otra roles ca sua roles normal. Comun, los ave afisas per indica la rol nova, ma ance comun, los no cambia en forma.

Nota ce parolas es videda como reusada cuando los reteni se sinifia fundal orijinal e donce reteni ance alga de la se potias orijinal (pe, infinitivas, jerundios, e partisipios continua comun governa ojetos; en multe linguas, los reteni an sua indicas de tempo, etc). Ma si, per esemplo, un verbo es usada per refere a un person o cosa, an sin un afisa, lo no es plu un verbo, ma un nom. Pe, laboror refere a un person ci labora, no a la labora mesma. E cuando un nom es usada per indica un ata, lo no es plu un nom, ma un verbo. Pe, marteli en el marteli la clo refere a la ata, no la util.

Per resoma, la spesies e suspesias comun de roles sintatical inclui...

On pote usa grupos de parolas (formulas) como partisipantes e predicas. Esta formulas es composada de un parola sentral con sua alterantes e sua ojetos. Per esemplo, en la frase La om vea con la parapluve vade rapida a la opera, La om vea con la parapluve pote es videda como la formula sujetal de la formula predical vade rapida a la opera.

Formulas pote es ance reusada (pd, usada en modos min comun). Per esemplo, un verbo con sua nom ojetal (normal usada como un formula predical) pote ata como un formula partisipante en un frase plu complicada. En la frases come tartes es bon e me gusta come tartes, la formula come tartes es usada como un formula partisipante, an si lo es composada de un verbo e sua nom ojetal. Nota ce, en multe linguas, la verbo come usada como un partisipante es en la forma de un infinitiva o jerundio (pe to eat, eating, comer, etc).

Un proposa es un segue de parolas cual pote comunica un sinifia completa. La plu comun, un proposa es composada de un sujeto e un predica xef, incluinte sua ojetos e alterantes variosa. Un proposa cual sta par se mesma es un frase.

A alga veses, proposas es juntada a (o an caxida en) otra proposas. Proposas caxida en otra proposas es nomida proposas suordinada:

Proposas suordinada es comun juntada a se sujeto o predica par paroletas spesial nomida sujuntas, cual es comun pronomes (supronomes) o averbos (suaverbos) reusada, e ata en un modo simil a preposadas (pd, como predicas alterante e transitiva). Alga sujuntas (como la ci en me sabe ci fa lo) combina la rol de sujunta e un partisipante de la proposa suordinada.

Alga juntas – notable e – es interesante car los crea un unia plu grande. Per esemplo, en Joan e Maria ia vade a casa, Joan e Maria deveni un formula partisipante cual es descriveda par ia vade a casa. Simil, en Joan ia vade a casa e come, ia vade a casa e come deveni un formula predical cual descrive Joan. E, en Joan ia vade a casa e Maria ia resta asi, du proposas es liada, sin alga interata clar. A la otra lado, la juntas ma e o es plu complicada, con roles cual inclui serta la roles de predicas.

Asi es sujestes per modeles per lfn:




#Article 191: Sistem de dijesta (102 words)


La sistem de dijesta, ance nomida la tubo gastrointestinal, es la sistem de organos cual prende comedas, dijesta los per estrae enerjia e materia nurinte, e esflue dejetadas nonusable.

La tubo gastrointestinal de un om adulte e normal ave sirca 7,5 metres de longia.  Lo es composada de estas:

La tubo alta

La tubo basa

Otra organos de dijesta

La figato envia bile a la intestin magra tra la sistema bilal, usante la vesica bilal per un reserva.

La pancreas secrete un licuida cual conteni bicarbonato e enzimas diversa, incluinte tipsin, cimotripsin, lipase, amilase pancreal e enzimas nucleolital, en la intestin magra.




#Article 192: Sistem solal (492 words)


La sistem solal es la sistem de la Sol, la planetas liada par gravita, e otra ojetos cual orbita la Sol. La Sol es un stela, e otra stelas pote es ance solas con sua planetas propre. De la cosas cual orbita la Sol direta, la oto la plu grande es la planetas, e la resta es cosas plu peti, como planetas nanin, asteroides, e cometas. De la cosas cual orbita la Sol nondireta, pd satelites o lunas, du es plu grande ca la planeta la plu peta, Mercurio.

La sistem solal ia formi 4.6 bilion anios a ante de la colasa par gravita de un nube moleculal jigante. La majoria de la masa de la sistem es en la Sol, con la majoria de la resta contenida en Jupiter. La cuatro planetas plu peti e plu prosima a la Sol, Mercurio, Venus, Tera, e Marte, es prima composada de roca e metal. La cuatro planetas esterna es planetas gasosa. La du la plu grande, Jupiter e Saturne, es jigantes gasosa, composada xef de idrojen e elio; la du la plu distante, Urano e Netuno, es jigantes jelosa, composada xef de materia jelin con temperatures de fonda alta, como acua, amonia, e metano. Tota oto planetas ave orbitas cuasi sirculo cual es contenida en un disco cuasi plata, nomida la eclisica.

La sistem solal conteni ance ojetos plu peti. La sintur de asteroides, cual esiste entre la orbitas de Marte e Jupiter, conteni xef ojetos composada, como la planetas terin, de roca e metal. Estra la orbita de Netuno es la sintur de Kuiper e la disco sperdeda, cual es cuantias de corpos composada xef de jelo. E estra estas es un cuantia nova descovreda de cosas nomida sednoides. En esta grupos es multe ojetos sufisinte grande ce los ia es sferida par sua propre gravita. Alga ojetos es nomida planetas nanin. Los cual es nomida inclui la asteroide Ceres e la du ojetos estra Netuno: Pluto e Eris. En ajunta a esta du rejiones es otra cuantias de corpos peti, incluinte cometas, sentauros, e polvo interplanetal cual viaja libre entre rejiones. Ses de la planetas, cuatro de la planoetas nanin, e multe otra corpos es orbitada par satelites natural, comun nomida lunas. E cada de la planetas esterna es ensircada par anelos de polvo e otra ojetos peti.

La venta solal, un corente de particulas cargada flue a estra de la Sol, creante un rejion bolin en la media interstelal nomida la eliosfero. La eliopausa es la punto a cual presa de la venta solal es egal a la presa oposante de la media interstelal. Lo estende a la borda de la disco sperdeda. La nube de Oort, crededa como la fonte de cometas con periodos longa, pote ance esiste sirca miles veses plu distante ca la eliosfero. La sistem solal es locada en la Braso de Orion, 26000 anios de lus de la sentro de nosa galasia, la Via Letin.




#Article 193: Sistemes de relatas familial (1147 words)


Sistemes de relatas familial determina la condui de persones en un sosia con lunlotra. Si un person (A) nomi un otra (B) madre, per esemplo, A ave debes fial a B, e B ave debes madral a A. Multe importante es la idea de insesto: en cuasi tota sosias, on no pote sposi un relatada ci on nomi madre, padre, fia, fio, etc – an si esta person es plu distante relatada en realia. En sosias tribal, esta parolas determina cual parte de un vileta es familia, e esta determina la rol de familias en la vileta o an la tribu.

Ego (me): La nom tradisional per la person sentral en un descrive de un sistem de desende.

Relata direta: jenitores e enfantes de ego, per un o plu jeneras.

Relata coladal: la relatadas direta de la sore o frate de un de la relatadas direta de ego.

Cusin paralel: la fios e fias de la frate de la padre o sore de la madre.

Cusin crusada: la fios e fias de la sore de la padre o frate de la madre.

Matrilinial: relatas es determinada sola par segue la desende de un asendente fema tra femas.

Patrilinial: relatas es determinada sola par segue la desende de un asendente mas tra mases.

Ambilinial: la determina de desende par ambos linias.

Matriladal: relatadas a la lado de la madre.

Patriladal: relatadas a la lado de la padre.

Biladal: la relatadas a ambos lados.

Sistem hawaian: Esta es la plu clasinte e la plu simple, e distingui sola entre sesos e jeneras.

Sistem inuit: Esta es e clasinte e descrivente. Lo distingui entre sesos e jeneras, e ance entre desendentes direta e coladal. Esta es la sistem de la plu de cultures de Europa, e es la funda de la nomes familial en elefen.

Sistem sudani: Esta sistem es la plu descrivente. No du relatadas ave la mesma termas. Cusines es distinguida par seso, par paralel o crusada, e par la lado (de la madre o de la padre). Per prosimi a esta sistem en elefen, on debe usa espresas como frate de me padre e fia de la sore de mea madre, etc. Esta sistem ia es usada par la romanes antica.

Sistem irocuoi: En ajunta a la distinguis de la sistem inuit, esta sistem distingui entre la tios e la tias de la jenera de la jenitores. Ego nomi la sore de sua madre madre e la frate de sua padre padre, ma la frate de sua madre o la sore de sua padre ave nomes diferente. La enfantes (cusines paralel) de tota madres e padres es donce nomida sores e frates e es regardada como consanguines. La enfantes de la otra tias e tios (cusines crusada) no es sores o frates, e es disponable per sposi. Elefen pote prosimi a esta sistem par usa padre per la frate de sua padre, madre per la sore de sua madre, frate e sore per la fio e fia de cualce padre o madre, e parolas como tia, tio e cusin sola per persones estra los.

Sistem cro: Simil a la sistem irocuoi, ma lo distingui entre la relatadas a la lado de la madre e los de la lado de la padre. Relatadas a la lado de la madre ave (usual) nomes descrivente, e los a la lado de la padre ave nomes clasinte. Donce, la enfantes de la frate de la madre es cusines (e sposable), ma la sore de la padre e sua enfantes ave la mesma nom. Esta sistem es plu comun en sosias matrilinial.

Sistem omaha: Como la sistem cro, ma reversada: La relatadas a la lado de la madre ave nomes clasinte e los a la lado de la padre ave nomes descrivente. Donce, la enfantes de la sore de la padre es cusines (e sposable), ma la frate de la madre e sua enfantes ave la mesma nom. Esta sistem es plu comun en sosias padrelinial.

Sistem dravidica: Esta sistem ia es descovreda en la desenio de 1950. Lo es simil a la sistem irocuoi, ma con plu detalias. Si on descrive la relatadas entre du persones como mas e fema, e dona 0 a la femas e 1 a la mases e soma los, on pote determina si la otra es sposable o no. En un sosia matrilinial, un resulta nonreta (pe, 3, 5, 7, etc) indica ce el es sposable; en un sosia patrilinial, un resulta reta (pe, 2, 4, 6, etc) indica ce el es sposable.

Multe linguas e cultures usa nomes diferente per edas diferente, spesial per un frate o sore plu vea o plu joven. En elefen, on pote sola usa espresas como frate plu vea e frate plu joven.

La sistem de relatas en elefen es simil a lo de la sistem inuit a supra:

La jenitores de ego es nomida madre e/o padre; la conasedas es nomida frate e/o sore.

La jenitores de la jenitores de ego es avo e ava, o sin indica la seso avi. Tota jenitores plu temprana usa la mesma nomes, ma pote aseta un prefis numeral per indica la jeneras supra la avi plu prosima.

La conasedas de la jenitores de cualce jenera es nomida tio e tia, o sin indica de seso tie. Denova, on pote ajunta un prefis numeral per indica la jenera supra lo de la jenitores.

La enfantes de ego es nomida fia e/o fio, con fie si la seso no importa.

La enfantes de enfantes es nomida neto e neta, o nete sin indica la seso. Plu jeneras su la netes pote ave un numero prefisada per indica la jeneras su la netes.

La enfantes de la ties prima de ego es nomida cusino o cusina o cusin sin indica de seso.

La enfantes de la conasedas de ego es nomida sobrino o sobrina o simple sobrin sin indica la seso. Denova, prefisas numeral pote es ajuntada per indica la jeneras su la sobrines prima. Estas aplica ance a la enfantes de la cusines de ego.

Normal, la numerales no es usada. Donce on usa madre, padre, sore, frate, fia, e fio per membros de sua familia nucleal, ma on usa... 

Si la jenera no es conoseda (per esemplo, con relatas distante) o un parola familial es usada per algun ci no es relatada (como un parola de amosia o aminia), on pote usa la parola cual coresponde plu bon con la edas relativa. Per esemplo, un om vea ci on gusta pote es nomida tio. Per indica respeta grande, on pote usa avo o ava, como alga etnicos de americanes orijinal refere a un diva o otra spirito importante como ava. Simil, on pote usa fio o fia per un person plu joven per ci on senti multe amosia, o usa cusin per un bon ami. En lfn, la usa de metafores es corajida.




#Article 194: Site Vatican (295 words)


La Site Vatican (ofisial la Stato de Site Vatican) es un pais situada en la site Roma en Italia. Con area de aprosima 44 ectares e sola 1000 abitores, lo es la stato la plu peti de mundo. Ma formal, lo no es autonom; lo es dirijeda par la Seja Santa.

Lo es un spesie de teocratia renada par la Bispo de Roma – la Pape. Tota sua ofisiores la plu alta es eglesores catolica de orijinas diversa. Pos la reveni de la papes de Avignon en 1377, los ia abita jeneral en la Palasio Apostolal en lo cual es aora la Site Vatican, an si a veses los ia abita en la Palasio Cuirinal en Roma, o en otra locas.

La Site Vatican es distinguida de la Seja Santa, cual ave sua orijina en la cristianisme temprana e es la seja bispal xef de 1,2 mil milion aderores catolica latina e este sirca la globo. La stato autonom, par contrasta, ia es creada en 1929 par la Trata Lateran entre la Seja Santa e Italia, cual ia descrive lo como un creada nova, no un vestijio de la Statos Papal multe plu grande (756–1870) cual ia inclui multe de Italia sentral. Longo la acordas de la trata, la Seja Santa ave la posese plen, domina escluinte e autoria autonom de la stato-site.

En la Site Vatican, on trova locas relijial e cultural como la Basilica de San Petro, la Egleseta Sistina e la Museos Vatican. Los conteni alga de la pintas e scultas la plu famosa de mundo. La economia unica de la Site Vatican es finansial suportada par la vende de selos postal e suvenires turismal, custas per entra a museos, e la vende de publicis.

La linguas major es italian e latina.




#Article 195: Sitting Bull (1173 words)


Sitting Bull (bison mas sentante; sirca 1831 – 15 desembre 1890) ia nase en Teritorio Dakota. El ia es nomida Jumping Badger (texon saltante). Cuando el ia ave 14 anios, el ia acompania un grupo de gerores lacota ci ia prende du cavalos de un campo de gerores cro. Car el ia mostra coraje en la ataca, sua padre ia dona un festa de selebra a cual sua padre ia nomi el, per se mesma, Tȟatȟaŋka Iyotake (bison mas sentante). A la seremonio, sua padre ia dona a sua fio un pluma de agila per porta en sua capeles, un cavalo cual conveni a un geror, e un scermo de cuoro durida de bison, per marca la pasaje de sua fio a adultia como un geror lacota.

En setembre, Sitting Bull e sirca un sento hunkpapas (un sugrupo de la lacotas) ia ataca un grupo peti prosima a un loca cual es aora Marmarth, Dakota Norde. La hunkpapas ia continua ataca grupos de migrores e fortreses en la anios tarda de la desenio de 1860. Cuando en 1871 la Northern Pacific Railway (Ferovia de la Pasifica Norde) ia esplora per un via tra la plano norde cual ta traversa la pais de la hunkpapas, los ia encontra un resiste forte par la lacotas.

Cuando la comandor militar american, George Custer, ia anunsia la trova de oro en la Black Hills (colinas negra) de Dakota Norde, un freta de oro ia comensa. La tensas entre la lacotas e la blancas ci ia vole move a la Black Hills ia crese. En novembre 1875, la governa ia comanda ce tota grupos de lacotas debe move a la Great Sioux Reservation (la reserva grande lacota), an si los ia conose ce los va resiste. A 1 febrero 1876, la Departe de la Interna ia declara ce la grupos de lacotas ci abita estra la reserva es enemin. 

La refusa par Sitting Bull de adota cualce depende de la governa SUA ia resulta ce, a veses, el e sua banda peti de gerores ia nesesa abita isolida sur la plano. Cuando americanes orijinal ia es menasada par la SUA, multe membros de grupos lacota e otra tribus, como la tsêhéstáno (xeien) norde, ia veni a la campa de Sitting Bull. Sua reputa per medisin forte (potia spirital) ia developa en cuando el ia continua evita la armada american.

Tra la dui prima de 1876, la campa de Sitting Bull ia continua crese con otras ci ia alia se con el per ave la securia de cuantia. Sua xefia ia atrae gerores e familias, e ia crea un vileta estendeda con popla estimada de plu ca 10 000. Custer ia descovre esta campa a 25 junio 1876. An si Sitting Bull no ia partisipa direta en la batalia, el ia ata como la xef spirital.

Sitting Bull ia ave un previde en cual el ia vide multe soldatos en la campa de la lacota, tan densa como locustas, de ci cada ia es inversada, e sua seguores ia interprete esta como un previde de un vinse major en cual multe soldatos va es matada. A un semana ante la ataca, el ia fa la dansa de la sol, en cual el ia juna e sacrifia plu ca 100 pesos de carne de sua brasos.

A 25 junio 1876, sirca tre semanas plu tarda, la grupo avansada de la cavaloria sete de Custer ia ataca la xeienes e lacotas a sua campa a la rio Little Bighorn (corno grande peti), cual la lacotas ia nomi rio de erba grasosa. La armada american no ia sabe ce la campa es tan grande. Plu ca 2000 gerores orijinal american ia parti de sua reservas per segue Sitting Bull. La soldatos, plu poca en cuantia, ia perde rapida sua locas e ia debe retira. La gerores ia comensa un contrataca contra la soldatos sur un cresta prosima, e ia elimina los.

La selebras de la lacotas no ia continua longa. La xoca e coleria de la publica american sur la defeta e mata de Custer e la sabe la governa sur la lacotas restante ia causa la asinia de miles de plu soldatos a la area. La militar ia xasa la lacotas tra la anio seguente, e ia forsa la sede de multe lacotas. En maio 1877, Sitting Bull ia gida sua grupo ultra la borda a Canada e ia resta escluida per cuatro anios, prosima a Monte Wood. Car la manadas de bison en Canada ia es plu peti, los ia esperia problemes en trova comedas sufisinte per sua popla, ci ia es faminte e multe fatigada.

Ultima, famia e despera ia forsa ce Sitting Bull e 186 de sua familia e seguores reveni a la SUA e sede se a la armada american a 19 julio 1881. La armada ia move Sitting Bull e sua grupo a Fortres Yates, a lado de la Ajenteria de Standing Rock (roca stante). Esta reserva monta la frontera presente entre Dakota Norde e Sude.

En 1884, Alvaren Allen, un promovor de spetaculos, ia demanda ce ajente James McLaughlin permete ce Sitting Bull turi partes de Canada e la SUA norde. En esta turi, Sitting Bull ia encontra Annie Oakley en Minnesota. El ia senti ce Annie Oakley posese un donada supranatural cual permete el a fusili multe esata con ambos manos. Per esta razona, el ia adota Oakley en 1884. El ia nomi Oakley Little Sure Shot (fusilor serta peti), un nom cual Oakley ia usa tra sua carera.

En 1885, Sitting Bull ia es permeteda a sorti de la reserva per vade con Buffalo Bill Cody, un otra promovor de spetaculos, en un turi. Sitting Bull ia resta con la spetaculo per cuatro menses ante reveni a la reserva. La popla ia vide el como un selebrada e un geror romantica. El ia gania un monton peti de mone par demanda un paia per sua foto e suscrive, e ia dona la plu a mendicores e povres sin casa.

En 1890, la ajente James McLaughlin ia teme ce Sitting Bull ia fuji la reserva. A 15 desembre, 39 polisiores ia ensirca sua casa, ia bate, e ia entra. La teninte Bull Head ia esplica a Sitting Bull ce el es arestada e ia gida el a estra. Un luta streta ia aveni, e en minutos, alga omes ia es mor. La lacotas ia mata pronto ses polisiores, e du plu ia mori corta pos la luta, incluinte teninte Bull Head. La polisiores ia mata Sitting Bull e sete de sua seguores e du cavalos.

La corpo de Sitting Bull ia es traeda a Fortres Yates, do lo ia es poneda en un cason funeral e enterada. Un monumento ia es instalada per marca sua loca de entera pos cuando sua corpo ia es traeda a Dakota Sude. En 1953, membros de la familia lacota ia desentera lo sua corpo crededa, e ia transporta lo per reentera prosima a Mobridge, Dakota Sude, sua loca de nase. Un monumento ia es erijeda ala per onora el.




#Article 196: Slovenia (310 words)


Slovenia (ofisial la Republica de Slovenia) es un pais en la sude de Europa sentral. La pais es locada a la crus de vias cultural e comersial european. Lo es bordada par Italia a la ueste, Osteraic a la norde, Magiar a la norde-este, Corvatsca a la sude e sude-este, e la Mar Adriatica a la sude-ueste. Lo covre 20 273 cilometres cuadrida e ave un popla de 2,06 milion persones. Lo es un republica parlamental e un membro de la Nasiones Unida, la Uni European e OTAN. Sua capital e site la plu grande es Ljubljana.

La teritorio es xef montaniosa con un clima xef continental, con eseta de Primorska do la clima es sumediteranean, e la norde-ueste do la clima es alpan. La pais, marcada par un diversia biolojial major, es un de la plu ricas de acua en Europa, con un rede densa de rios, un sistem rica de acuiferes e cursos de acua suteran. Plu ca un dui de la teritorio es covreda par forestas. La abita umana de Slovenia es sperdeda e noncoerente.

Istorial, Slovenia ia es la crus de vias de la linguas e cultur ueste slavica, sude slavica, germanica, romanica e magiar. An si la popla no es omojen, la majoria es slovenian. Slovenian, un lingua sude slavica, es la lingua ofisial tra la pais. Slovenia es un pais xef secularida, ma sua cultur e identia ia es major influeda par catolicisme e ance luteranisme. La economia es peti, abrida, fundida sur esportas, e forte influeda par la state internasional. Lo ia es grave danada par la crise de la Eurozona cual ia comensa en la tarda de la desenio de 2000. La campo xef de economia es servis, segueda par industria e construi.

Slovenia ia es un de la ses republicas de ex-Iugoslavia. Lo ia deveni un stato autonom en la anio 1991.




#Article 197: Slovenian (lingua) (106 words)


Slovenian (slovenski jezik o slovenščina) es un lingua indoeuropean cual es un membro de la familia de linguas slavica sude. Lo es parlada par sirca 2 milion persones, de ci la plu abita en Slovenia. Slovenian es un de poca linguas cual conserva la numero duple en la gramatica de protoindoeuropean.

Un esemplo:

 Oče naš,
 ki si v nebesih,
 posvečeno bodi tvoje ime,
 pridi k nam tvoje kraljestvo,
 zgodi se tvoja volja,
 kakor v nebesih,
 tako na zemlji.
 Daj nam danes naš vsakdanji kruh
 in odpusti nam naše dolge,
 kakor tudi mi odpuščamo svojim dolžnikom,
 in ne vpelji nas v skušnjavo,
 temveč reši nas hudega.
 Amen.




#Article 198: Slovensce (lingua) (108 words)


La lingua slovensce (slovenčina, slovenský jazyk) es un lingua indoeuropean en la familia de linguas slavica ueste (con txesce, polsce, caxubian, e sorbian). Slovensce e txesce es multe simile. Slovensce es xef parlada en Slovensco (par 5 milion persones), ma ance en la SUA (par 500 000 persones) e en Txesco (par 320 000 persones).

Un esemplo:

 Otce nás,
 ktorý si na nebejiach!
 Posvät' sa meno Tvoje;
 prid k nám král'ostvo Tvoje;
 bud' vólá Tvoja
 jako v nebi, tak i na zemi!
 Chlieb nás vozd'ajsi daj nám dnes,
 a odpust' nám nase viny,
 jako i my odpúst'ame nasim vinnikom;
 a neuvvod' nás v pokusenie;
 ale zbav nás od zlého!
 Amen.




#Article 199: Slovensco (425 words)


Slovensco (ofisial la Republica Slovensce) es un pais sin costa en Europa sentral. Lo es bordada par Tsexco e Osteraic a la ueste, Polsca a la norde, Ucraina a la este e Magiar a la sude. La teritorio de Slovensco covre sirca 49 000 cilometres cuadrida e es xef montaniosa. La pais ave plu ca 5 milion abitores, de ci la plu es de la etnico slovensce. La capital e site la plu grande es Bratislava, e la lingua ofisial es slovensce.

La slavicas ia ariva en lo cual es aora Slovensco en la sentenios 5 e 6. En la sentenio 7, los ia fa un rol importante en la crea de la Impero de Samo, e en la sentenio 9 los ia institui la Prinsia de Nitra. En la sentenio 10, la teritorio ia es integrada en la Rena de Magiar. Pos la Gera Mundal Prima e la disolve de la Impero Osteraic-Magiar, la slovensces e txesces ia institui Txescoslovensco. Un Republica Slovensce separada ia esist en la Gera Mundal Du como un stato-cliente de Deutxland Nazi. En 1945, Txescoslovensco ia es reinstituida su governa comuniste como un satelite soviet. En 1989, la Revolui de Veluda ia fini la governa comuniste en Txescoslovensco. Slovensco ia deveni un stato autonom a 1 janero 1993 pos la disolve pasosa de Txescoslovensco.

Slovensco es un economia avansada de revenu alta, con un indise multe alta de developa umana e un cualia multe alta de vive. Lo fa bon en mesuras de librias sivil, libria de jornalisme, libria de interede, governa democrata e pasosia. La pais manteni un combina de economia mercatal con un sistem completa de securia sosial. Sitadanes de Slovensco reseta aida medical universal, educa sin custa, e un de la vacanses madral paiada la plu longa en la Organiza per Coopera e Developa Economial.

La pais ia deveni un membro a la Uni European en 2004 e la Eurozona a 1 janero 2009. Slovensco es ance un membro de la Area Schengen, OTAN, la Nasiones Unida, la OCDE, la Organiza Mundal de Comersia, CERN, la Organiza per Securia e Coopera en Europa, la Consilio de Europa e la Grupo Visegrád. La economia slovensce es un de la plu rapida cresentes en Europa. An si on ave multe nonegalia rejional de revenu, 90% de sitadanes posese sua casas.

Entre la produores de autos en la mundo, Slovensco es la plu grande per person, con 1 040 000 autos fabricada en la pais en 2016. Autos representa 43% de la esflue industrial de Slovensco e un cuatri de sua esportas.




#Article 200: Snorri Sturluson (323 words)


Snorri Sturluson (1179 – 23 setembre 1241) ia es un istoriste, poesiste e politiciste islansce.

On ia eleje el a du veses como parlor de lege a la Althing, la parlamento de Island.

El ia es la autor de la Edda de Prosa, composada de Gylfaginning (la engana de Gylfi), un nara de mitolojia norsce; Skáldskaparmál, un libro de linguaje poesial; e Háttatal, un lista de formas poesial. El ia es ance la autor de Heimskringla, un istoria de la res norsce cual comensa con materia lejendal en Ynglinga saga e continua asta la istoria scandivanian de la temprana de la eda media.

Per razonas de stilo e metodolojia, on suposa comun ce Snorri ia es la autor de la saga de Egill.

Como istorite e mitografiste, Snorri es notable per proposa la ipotese (en la Edda de Prosa) ce dios mitolojial comensa como gidores geral e res umana, de ci sua locas funeral developa cultos. Cuando persones clama la nom de un geror mor en cuando los vade a batalia, o de un re mor en cuando los fronti un sufri de comunia, los comensa adora la figur. Final, la re o geror es sola recordada como un dio. El ia sujesta ance ce cuando un tribu vinse otras, lo esplica sua vinse par proposa ce sua propre dios ia es bataliante la dios de la otras.

La scrives de Snorri Sturluson furni informas e indicas sur persones e avenis cual ia influe la poplas abitante Europa Norde en periodos per cual informas pertinente es rara. On regarda Snorri como un figur de importa durante.

A alga grado, sua scrives ia fa ance un rol en politica an longa pos sua mori. Los ia pote es usada per suporta la reclamas de res norsce seguente sur la validia e estende de sua rena. Plu tarda, Heimskringla ia contribui a la crea de un identia nasional en la promove norsce per autonomia nasional.




#Article 201: Socratistes (3080 words)


Cuando no pensa de Elas antica, nos pensa direta de Atina. Alga de la filosofistes cual nos ia discute ja ia pensa ce Atina ta es la culmina en sua careras si los ta pote presenta sua ideas en esta site grande.

Ma Atina no ia es sempre grande. Lo ia comensa como un colie de viletas en alga de la tera la plu povre per cultiva en Elas. Sola uvos e olivas, curante cultivada, ia dona un modo de susta Atina vea, e ance comersia.

Ultima, la distantia entre la aventes - la familias aristocrata, rica de comersia, cual rena Atina - e la povre - laborores, campanianes, e sclavos - ia deveni tan grande ce la site pare destinada a ruina.

En 594 aec, la xefes de la clase media ia enscrive un mercator nomida Solon per aseta la taxe de gida la sita e restora alga pas e ricia. El ia comensa par cansela tota detas e libri tota persones ci ia es sclavida per sua detas. Alora, el ia crea un constitui en cual la popla ia es divideda entre cuatro clases fundida sur sua valua economial, con la plu alta  reteni la plu potia, ma la plu basa esenta de taxes.

Pos un traversa multe difisil, la democratia prima en la mundo ia es fundida su la xefia de Clistene en 507 aec, cuando el ia anunsia ce tota omes libre ta es permeteda vota. Esta, natural, no es un democratia completa, ma no judi los tro sever: Sclavia no ta es proibida asta 1814, cuando Mexico ia deveni la nasion prima ci fini permane sclavia. La SUA no ta libri se sclavos asta 1865. E femes no ta pote vota asta 1893, cuando Zeland Nova ia dona los la vota. La SUA no ia permete ce femas vota asta 1919.

Nonfortunosa, a la mesma tempo ce la esperimenta democrata ia comensa, la Impero persian ia deside ce lo vole estende se a, prima, Ionia, e alora Elas propre. Ma en 490 aec, 20,000 elinicas ia defeta 100,000 soldatos de Persia a la vila de Maraton, a norde de Atina. Un mesajor nomida Pidipides ia core la 26 milias - 42.195 km - a Atina per dona la novas bon. Esta es la orijina de la sporte de core maraton.

En 481, la imperor persian Xerxes ia envia un armada de plu ca 2 milion soldatos, aidada par un marina de 1200 barcones per ataca Elas denova. La armada ia ruina Elas norde e ia prepara per ataca Atina. Los ia trova la site abandonada. Ma la marina persian ia trova la marina elinica espetante lo en la baia de Salamis. La elinicas ia es vinsente contra tota prevides. A 479 aec, la persianes ia es forsada a retro a Asia.

Si esta pare como un peso minor de istoria, recorda: Esta vinse ia permete ce la aventura elinica continua produi la tipo de pensa cual ta domina Europa e la Mediteraneo per la 2 milenios seguente.

En esta periodo de tempo en esta capital, Atina ia ave cuasi 300,000 persones, e ia es un de la plu grande sites en la mundo. Sirca dui ia es libre, un tri ia es sclavos, e un sesi ia es stranjeres. Sirca 50,000 - omes adulte e libre - pote vota.

Socrate (470-399) ia es la fio de un scultor e un comadre, e ia servi con merita en la armada atinan entre la gera entre Atina e Sparta. El ia sposi, ma ia tende deveni enamada par omes joven e bela, spesial un soldato joven nomida Alcibade. On ia dise ce Socrate el ia es corta e alga obesa, no ia cura multe per se aspeta, e ia ama vino e conversa. Sua studiante la plu famosa - Platon - ia dise ce el ia es la plu saja, la plu justa, e la bon bon de tota omes ci me ia conose sempre (Fedo).

El ia es iritada par la sofistes e sua tende per ensenia lojica como un modo de ateni finis sasiante, e an plu sua promove de la idea ce tota cosas es relativa. La veria es lo cual el ia ama, desirada, e crede.

Filosofia, la ama de sajia, ia es per Socrate un via santa, un xerca santa - no un jua divertinte. El ia crede (o el ia dise ce el crede en la conversa Meno) en la reincarne de un spirito eterna cual conteni tota comprende. Nonfortunosa, el ia dise, nos perde conose de acel comprende a cada nase, e donce nos nesesa es recordada de lo cual nos sabe ja (en loca de aprende alga cosa nova).

Donce, el ia dise ce el no ensenia, ma en loca servi, como se madre, como un comadre cual aida pari un veria ja en nos. La usa de demandas e respondes per recorda sua studiantes de sabe en los es nomida maieutica (comadria), dialetica, o la metodo socratal.

Un esemplo de sua efeto sur filosofia es trovable en la conversa Eutifro. El ia sujesta ce lo cual nos considera un ata bon no es bon car la dios dise lo, ma lo es bon car lo es usosa per nos en nosa atentas per es persones plu bon e plu felis. Esta sinifia ce etica no es plu un caso de demanda de la dios o scrivedas santa per la natur de bon o mal, ma un caso de pensa sur vive. El ia locada an la consensa individua supra la lege - un idea multe perilosa en cualce sosia!

Socrate mesma ia scrive nunca cualce de sua ideas, ma en loca engrana se studiantes - omes joven e rica de Atina - en conversas sin fini. Per recompensa el per sua instrui, los manteni sua vive. Car el ia dise ce el ia ave poca nesesas, el prende poca - cual causa angusa per se sposa Xantipe.

Platon ia reconstrui esta discutes en un colie grande de scrives conoseda como la Conversas. Lo es difisil per distingui cual es de Socrate e cual es de Plato en esta scrives. Donce nos va discute los combinada a su.

Socrate no ia es amada par tota atinanes. Sua ideas nonortodox sur politica e relijio ia dona a la sitadanes xef de Atina la escusa cual nos nesesa per condena el a mori per mali la morales de la jovenes de la site. En 399, el ia es comandada per bevi un prepara de conio venenosa, cual es ia fa con la acompania de se studiantes. La aveni es rejistrada en la Apolojia, par Platon.

Se parolas final ia es Crito, nos debe un gal a Ascelpio (la dio de medica). Paia lo e no descura lo.

Platon (437-347) ia es la studiante la plu valuada par Socrate. De un familia rica e potiosa, sua nom vera ia es Aristocle. Platon ia es un nometa cual refere a la largia de se spalas. Cuando el ia ave sirca 20 anios, el ia es encantada par Socrate e ia deside dedica se a filosofia. Ferida par la mori de Socrate, el ia vaga sirca Elas e la Mediteraneo e ia es caturada par piratas. Sua amis ia colie la mone nesesa per rescati el de sclavia, ma cuando el ia es librida sin paia, se amis ia compra un propria peti per fundi un scola - la Academia, fundida en 386 aec.

La Academia ia es plu como la comunia de Pitagoro: un tipo de fratia cuasi relijiosa, do omes joven e rica pote studia matematica, astronomia, lege, e, natural, filosofia. La scola ia es sin costa e dependeda sola de donadas libre. Seguente sua ideales, Platon ia permete ance ce femes pote studia ala! La Academia ia deveni la sentro de aprende elinica per cuasi un milenio.

On pote comprende Platon como idealiste e razonaliste, simil a Pitagoro ma min mistica. El ia divide realia entre du: A un lado, on ave ontos, la idea o ideal. Esta es la realia ultima, permane, eterna, spirital. A la otra lado, on ave fenomenos, cual es un apare de la ideal. Fenomenos es cosas como los pare a nos, e es asosiada con materia, tempo, e spasio.

Fenomenos es iludes cual dejenera e mori; ideales es noncambiante e perfeta. Fenomenos es serta inferior ca ideales. La idea de un triangulo - la matematica cual defini lo, la forma o esense de lo - es eterna. Cualce triangulo individua, la triangulos de la mundo dial de esperia, es nunca perfeta: Los pote es alga vagante, o la linias un poca spesa, o la angulos no tota coreta. Los pote sola prosimi acel triangulo perfeta, la triangulo ideal.

Si esta parla sur ideas o ideales pare strana, como en alga modo los es plu real ca la mundo de nosa esperias, considera siensa. La lege de gravita, 1 +1 = 2, magnetes atrae fero, E = mc2, etc - estas es universales, no vera per un dia en un loca pico, ma vera sempre e en tota locas. Si on crede ce la universo ave ordina, ce natur ave leges, on aseta ideales.

Ideas es disponable a nos tra pensa, en cuando fenomenos es disponable a nos tra nosa sensas. donce, natural, pensa es un modo multe plu bon per ariva a la veria. Esta es lo cual indica ce la epistemolojia de Platon es razonaliste, e no empiricaliste.

Sentis pote sola furni informa sur la mundo nonperfeta e sempre cambiante de fenomenos, e donce pote sola furni implicas sur realia ultima, e no realia mesma. Razona vade direta a la idea. On recorda, conose par intui, la veria, como Socrate ia sujesta en la conversa Meno.

Seguente Platon, la mundo fenomenal aspira deveni ideal, perfeta, completa. Ideales es, en esta modo, un forsa motivante. En fato, el identifia la ideal con Dio e bonia perfeta. Dio ia crea la mundo de materia e formi lo seguente se scema o sianogram - ideas o la ideal. Si la mundo no es perfeta, lo no es la fali de Dio o la ideales, ma car la materia cru no es perfeta. Me opina ce tu pote vide perce la eglesa cristian antica ia fa ce Platon un cristian onoral, an si el ia mori tre e un dui sentenios ante Cristo!

Platon ia aplica la mesma duplisme a umanas: On ave un corpo, cual es material, mortal, e moveda (pd un vitim de causa). E on ave un spirito, cual es ideal, nonmortal, e nonmoveda (capas de vole libre).

La spirito inclui razona, natural, e autoconsensa e la sensa de moralia. Plato ia dise ce la spirito va sempre eleje fa bon, si lo reconose cual es bon. Esta es un conseta de bon e mal simil a lo de la budistes: En loca de la idea ce mal es un peca, lo es videda como un caso de nonsabe. Donce, algun ci fa alga cosa mal nesesa instrui, no puni.

La spirito es traeda a la bon, la ideal, e donce lo es traeda a Dio. Nos move gradal plu prosima a Dio en nosa vive individua e par reincarne. Nos gol etical en vive es deveni plu como Dio, move a la mundo pur de ideas e ideal, libri nos de materia, tempo, spasio, e deveni plu real en esta sinifia plu profonda. Nosa gol, en otra parolas, es autoreali.

Platon ia parla de tre niveles de plaser. Prima es plaser fisical, de cual seso es un bon esemplo. La nivel du es plaser estetica, per esemplo par amira la belia de un person o arte, o joia lunlotra en un sposi bon. La nivel tre, la plu alta, es plaser ideal, pd la plaseres de la mente. Asi, la esemplo ta es ama platonal, ama inteletal per un otra person, nonsusida par la fisical.

Paralel a esta tre niveles de plaser es la tre spiritos. Nos ave un spirito nomida apetito, cual es mortal e veni de la ventre. La spirito du es nomida zelo o coraje. Lo es ance mortal, e vive en la cor. La spirito tre es razona. Lo es nonmortal e vive en la serebro. La tre es cadenida par la canal serebrospinal.

Platon ia gusta analojias. Apetito, el ia dise, es como un cavalo savaje, ci es multe potiosa ma es difisil controlada. Coraje es como un cavalo bon domada, ci ave potia refinada e dirijeda. E razona es la caror, dirijeda par sua goles, dirijente ambos cavalos en acorda con se vole.

Otra analojias abunda, spesial en la obra la plu grande: la Republica. En esta obra, Platon desinia (usante la vose de Socrate) un sosia como un modo per descovre la sinifia de justia. El ia compara la elementos de se sosia (un utopia, elinica per no loca) a la tre spiritos: La laborores e campaniores es la funda de la sosia. Los cultiva e produi benes per sasia la apetitos fundal de la sosia. La  gerores representa la zelo e coraje de la sosia. E la res-filosofistes gida la sosia, como razona gida nosa vives.

Ante ce tu suposa ce nos es esaminante un varia elinica de la sistem de caste en India, nota per favore: La enfantes de tota sitadanes es elevada con lunlotra, e sua parteni en un de la tre niveles de sosia es fundida sur talentos, e no sur la niveles de sua jenitores. E Platon inclui femes como la egales de omes en se sistem.

Alga sitas:

Aristotele (384-322) ia nase en Stagira, un colonia elinica peti en Tracia. Sua padre ia es un mediciste ci ia atende la avo de Alesandro la grande. Lo es suposada ce sua padre ia instrui Aristotele en la studia de natur.

El ia es la studiante la plu valuada de Platon, an si el no ia acorda con Platon sur multe ideas. Cuando Platon ia mori, Aristotele ia resta per un tempo corta con un otra studiante de Platon ci ia fa ce el deveni un tirano en Anatolia minor. Aristotele ia sposi sua fia, Pitia. Los ia move a Lesbos, do Pitia ia mori en pare sua enfante sola, un fio. An si Aristotele ia sposi denova, sua ama per Pitia no ia mori, e el ia demanda ce los ta es enterada a lado de lunlotra.

Per cuatro anios, Aristotele ia es la ensenior de Alesandro, la fio de Filipe de Macedonia, ci ia ave destra anios a la comensa de sua instrui. En 334, Aristotele ia reveni a Atina e ia funda sua scola de filosofia en un construida nomida la Liceum (de un nom per Apolo). La jardines bela e paserias covreda ia es perfeta per paseas e discutes estendeda, e donce la studiantes ia es nomida per la peripatoi (paserias covreda).

Prima, on debe comprende ce Aristotele ia es un siensiste tan multe como el ia es un filosofiste. El ia es fasinada sin fini par natur, e ia clasi multe de la plantas e animales de Elas. El ia es egal interesada par la anatomias de animales e sua condui savaje.

Aristotele ia inventa lojica. Estra la simboles, lo es esensal la mesma como lojica moderna.

Ta ce nos comensa con metafisica: Cuando Platon separa la mundo sempre cambiante de fenomenos e la realia ideal e eterna, Aristotele ia sujesta ce la ideal es trovada en la fenomenos, la universales en la individua.

Lo cual Platon ia nomi idea o ideal, Aristotele ia nomi esense, e sua oposada materia. Materia es sin forma o usa intendeda. Lo es la posible sin realia. Esense furni la forma o usa intendeda a materia. Esense es perfeta, completa, ma lo ave no sustantia. Esense e materia nesesa lunlotra. Esense reali materia. Esta prosede, la move de materia sin forma a esente completa es nomida entelecia.

On ave cuatro causas cual contribui a la move de entelecia. Los es la respondes a la demanda perce? o cual es la esplica de esta?

Aristotele ia scrive la libro prima sur psicolojia (como un sujeto separada de la resta de filosofia). La libro ia es conveninte nomida Peri Psice, elinica per sur la mente o spirito. Lo es ance conoseda par se nom latina, De Anima. En esta libro, nos trova la referes prima de multe ideas fundal per psicolojia oji, como la leges de asosia.

En esta libro, el dise ce la mente o spirito es la entelecia prima de la corpo, la causa e prinsipe de la corpo. Nos pote dise lo como esta: La mente es la opera intendente de la sistem de nervos.

Como Platon, el ia proposa tre tipos de spiritos, an si definida en un modo alga diferente. On ave un spirito vejetal, la esense de cual es nuri. Alora, on ave un spirito animal, cual conteni la sensas fundal, desira, dole e plaser, e la capasia per causa move. E final, on ave la spirito umana. La esense de la spirito umana es, natural, razona. El ia sujesta ce, posible, esta spirito final es capas de survive separada de la corpo, como un capitan pote survive la ruina de se barcon.

El ia premostra multe de la consetas cual ta deveni popular sola du mil anios plu tarda. Libido, per esemplo: En tota animales... la funsiona la plu natural es per pare un otra vivente simil a se mesma... afin los pote ateni, tan multe como posible, la nonmortal e divin.... Esta es la causa final de la vive natural de cada vivente.

E la luta entreid e ego: On ave du potias en la spirito cual es aparente la forsas de move: desira e razona. Ma desira stimula atas cual viole razona... desira... pote es falsa.

E la prinsipe de plaser e la prinsipe de realia: An si desiras aveni cual es oposada a lunlotra, como en la caso cuando razona e apetito es oposada, lo aveni sola en viventes con un sensa de tempo. Car la razona, vidente la futur, dise ce nos debe resiste, en cuando la desira vide sola la presente; la plasente momental pare a el como la plasente asoluta e bon asoluta, car lo no pote vide la futur.

E, final, autoreali: Nos comensa en la utero como materia sin forma, e tra anios de developa e aprende, nos deveni adultes matur, sempre atenta ateni perfeta. Donce, la bon ia es bon esplicada como lo a cual tota cosas punta.




#Article 202: Soia (176 words)


Soia (Glycine max) es un spesie de legum, orijinal de Asia este. La parola soia es de la japanes shoyu per salsa de soia, e es orijinal de xines.

Soia es un cultiva importante en la mundo, e furni olio e protena. La plu de la cultiva es cambiada a olio vejetal, e la farina cual resta es usada como comeda per animales. Un parte peti de la cultiva es usada direta par umanas. Con soia on prepara ance un varia grande de comedas.

Soia ia es la cultiva la plu importante en Asia este a multe sentenios ante la arcivos scriveda, e lo es ancora un cultiva major en Xina, Japan, e Corea. Ante cuando on fa produidas fermentada como salsa de soia, tempeh, natto, e miso, soia ia es regardada como santa per sua usa en la alterna de la cultivas, como un metodo de fisa nitrojen.  La plantas ia es aradida per prepara la campo per la cultivas de comedas.  Soia ia es introduida a Europa en la comensa de la sentenio 18.




#Article 203: Solresol (598 words)


Solresol es un lingua artifisal creada par François Sudre, comensante en 1827. Sua libro Langue musicale universelle ia es publicida en 1866.

La vocabula de solresol es formada de sola sete silabas ce pote es representada en modos variosa, pe notas musical, silabas parlada, colores, jestis de la manos, etc.

Parolas plu grande es divideda entre categorias de sinifia fundada a sua silaba (o nota) prima. Per esemplo, parolas comensante con sol ave sinifias relatada a la artes o siensas. Si los comensa con solsol, la sinifias relata a maladia e medica, e tan plu. solsolredo, per esemplo, es la parola per migrania. Como linguas simil, solresol ave difisilias en categori la complica de la mundo real!

En esta modo, Solresol pote ave un numero grande e, seguente Sudre, sufisinte de parolas:

Plu, Sudre ia permete 9072 parolas de sinco silabas/notas per animales, plantas, e minerales spesifada.

La table a su mostra la parolas de un e du silabas/notas:

La plural es indicada par dupli la pronunsia de la consonante de la silaba/nota final o, en scrive, par ajunta un asentua agu. La formas femal es indicada par estende la pronunsia de la vocal de la silaba/nota final o, en scrive, par ajunta un supralinia a esta vocal. La indicas de la plural o la femal es a la parola peti ante la nom (pe la, de me, senior, etc) o, si un de los no esiste, a la nom se mesma.

La parolas de tre silabas/notas es usada per numeros, la menses, la dias de la semana, e la clima:

(La cortis usada es d - do, r - re, m - mi, f - fa, s - sol, l - la, t - si/ti)

Parolas de cuatro silabas/notas es clasida entre sete clases, seguente sua silaba/nota prima:

Parolas cual comensa con do conserna umania, la capasias de umania, sua cualias bon, la cosina, relijio, pretia, etc:

Parolas cual comensa con re conserna construi, artisanes, vestes, la casa, mobilas, manteni de la casa, la familia, etc:

Parolas cual comensa con mi conserna averbos, preposadas, juntas. Ance: la atas de umania, spesial sua faltas, etc.

Parolas cual comensa con fa conserna la nasion, cultiva, gera, la mar, viaja, medica:

Parolas cual comensa con sol conserna la teatre, leteratur, artes, siensas, maladias:

Parolas cual comensa con la conserna comersa e industria:

Parolas cual comensa con si (ti) conserna justia, la corte de lege, la site, maneja, governa, politica, finansia, la polisia, etc:

Un aspeta unica de solresol es ce la sinifias es negada par reversa la silabas in un parola. Pe, fala sinifia bon, e lafa sinifia mal:

Solresol usa esta du parolas per indica cuatro grados de la mesma idea:

La mesma parolas es usada con nomes:

La spesie de un parola es indicada par la asentua de un silaba/nota:

En parla, on estende la silaba/nota, como lo ave du silabas/notas.

Jeneral, la sujeto presede la verbo, e la ojeto segue la verbo. Ajetivos presede nomes, averbos presede verbos. Preposadas e determinantes presede nomes, tempos presede verbos. Nota ce esta regulas fa ce la asentuas no es multe esensal.

Verbos no cambia per indica la person o pluralia:

Per indica tempos e modas, on usa dd, rr, mm, ff, ss, ll, tt ante la verbo:

Per indica la sujuntiva, pone mr (ce) ante la pronom personal.

Per indica la pasiva, usa la verbo aidante frm (es) ante la verbo:

Per indica la refletante, pone la pronom du pos la verbo:

Verbos sin sujeto:

Per indica un demanda, pone la pronom personal pos la verbo:

Vide ance Ses (lingua)




#Article 204: Nazisme (247 words)


Nazisme o sosialisme nasional (deutx Nationalsozialismus) es la ideolojia e la rena cual ia governa Deutxland de 1933 asta 1945 cuando la Partito Sosialiste Nasional de Laborores Deutx de Adolf Hitler ia govena Deutxland; Osteraic pos la Anschluss (afisa), e otra teritorios. On conose la Deutxland de esta periodo como Deutxland Nazi.

Nazisme deutx ia asentua nasionalisme deutx, incluinte la ideal de restora e estende sua rena. La nazis ia ave teorias razal basada en la crede de la esiste de un raza mestral e superior de arianes (pd de la etnica germanica). La nazis ia asentua la esiste de lutas razal entre la raza arian e otras. La iudis ia es videda como un raza miscada cual ia infiltra multa sosias, e ia es culpable de esplota e represa la raza arian. Ance incuida en la Untermenschen (su-umanas) ia es africanes, romanis, slavicas, asianes, omosesales, bolxevices, e persones con descapasias, fisical o mental.

Como Untermenschen, la nazis ia crede ce acel etnicos o razas debe es dominada par la arianes. Ultima, la nazis crede ce los debe es sclavida o destruida per permete la rena universal de la nazis e sua raza. En la Gera Mundal Du, la nazis ia mata sirca 10 milion persones, incluinte s 6 milion iudis, no incluinte la vitimes de la gera mesma. Esta fatos ia causa ce aora multe nasiones no permete partitos con ideolojias nazi. Ma nazisme o sua ideolojia esiste ancora en multe nasiones, comun su otra nomes.




#Article 205: Nebraska (1139 words)


Nebraska es un stato de la Statos Unida de America.

La site capital es Lincoln. La site la plu grande es Omaha, Nebraska. Omaha es a lado de la rio Missouri. La clima de Nebraska ave e invernos fria e estates calda. Tempestas violente e tornados es ance comun en la menses calda. La stato es jeneral covreda par prados sin arbores. La plu de la prados es ideal per la boves, e Nebraska produi multe carne de bove, carne de porco, mais, e soia. 

La cuantia de abitores de Nebraska es plu ca 1 881 000. La tera covre plu ca 200 000 cilometres cuadrida.

La plu de la persones de Nebraska es desendentes de deutxes-americanes, ma on ave ance alga desendentes de txesces-americanes. 

La parola Nebraska ia deriva de o la parolas Ni Brasge en oto (un lingua american orijinal) o la parolas Ni Bthaska en omaha (un otra lingua american orijinal). Ambos sinifia acua plana. Acua plana ia descrive la rio Platte, cual flue tra la stato de la ueste a la este. 

Americanes orijinal ia abita sur la teritorio de Nebraska tra miles de anios ante la esplora european. La tribus abitante ia inclui la omaha, misouria, ponca, poni, oto, e ramos diversa de la tribu lakota.

Cuando esplora, comersia, e coloni european ia comensa, e Frans e Espania ia atenta controla la tera. Ante la anio 1705 Frans ia crea lias de comersia con la americanes orijinal ci ia vive longo la rio Missouri a la borda este de Nebraska. Ante 1719 Frans ia scrive tratas de pas con multe de la tribus. Gera ia comensa entre Frans e Espania. En 1720, Espania ia envia un grupo de sua armada per ataca la franseses, ma un armada de pauni se otos, tribus ci ave tratas con Frans, ia mata la plu de la grupo espaniol. Esta batalia ia fini la esplora espaniol de Nebraska en la sentenio 18. 

Frans ia sede la posese de la teritorio de Louisiana, cual ia inclui Nebraska, a Espania en la anio 1762. La parti de Frans de la teritorio ia lasa ce ambos de Espania e Britan compete per lo. La colonia european prima en Nebraska ia es instituida en 1795, prosima a la conflue de la rio Platte e la rio Missouri. 

Plu tarda, la teritorio de Louisiana ia es comprada par la Statos Unida de America. La armada american ia institui la fortres Atkinson en Nebraska en la anio 1819. Fortres Atkinson ia es la fortres american prima a la ueste de la rio Missouri. La armada american ia abandona lo en 1827.

Pos 1848, con la trova de oro en California, multe persones ia comensa coloni la tera de Nebraska. En acel tempos, multe cursos de migra famosa ia traversa la tera de Nebraska, incluinte la curso Oregon, la curso California, e la curso mormon, entre otras. Alga migrores viajante longoo la cursos ia resta en Nebraska. En 1854 la congresa de SUA ia crea la teritorios de Kansas e Nebraska su la ata Kansas-Nebraska. La capital de la teritorio de Nebraska ia es Omaha. 

En la anios 1860, la governa de la SUA ia desloca la americanes orijinal de la plu de la teritorio de Nebraska. Esta ia abri la tera per la coloni european. Su un ata de la governa de la SUA, miles de persones ia veni a Nebraska per reclama tera sin custa. Car Nebraska ave arbores sola prosima a la rios e rietas, la plu de la colonistes prima ia construi sua casas de brices de tera. Ance multe de la tribus americanes orijinal ia construi tal casas. La onda prima de migra ia dona a la stato tan multe abitores ce lo ia pote solisita deveni un stato.

A 1 marto 1867, Nebraska ia deveni la stato 37, e sua capital ia move de Omaha a Lancaster. La vila de Lancaster ia cambia sua nom a Lincoln per onora Abraham Lincoln, la presidente resente asasinada.

Asta esta tempo, la tribus de lakotas e ponis ia batalia multe. La batalia major ultima entre la ponis e la lakotas ia es la batalia de Canion Masacra en 1873.

En la anios seguente, la cuantia de abitores ia crese multe. Fatores diversa ia contribui a la crese, incluinte la prados enorme, e progresas cultival como molines de venta, filo spinosa, e arados de asero. En la anios 1880, la cuantia de abitores en Nebraska ia crese asta 450 000. 

En la anios final de la sentenio 19, multe de afroamericanes ia migra a Nebraska de la statos sude. La plu de esta migrores ia move a Omaha. Omaha ia ave multe empleas en industrias incluinte paci de carne, e ferovias. Oji la stato ave ance alga reservas per americanes orijinal, e lo ave poplas latina. Ma ancora la plu de la abitores de Nebraska es desendentes de euroamericanes.

Nebraska ave multe areas separada, incluinte la Cresta de Pinos, la Colinas Wildcat (gato savaje), e la Colinas de Arena, entre otras.

La Cresta de Pinos, locada en la norde-ueste de Nebraska, es covreda par pinos de la spesie ponderosa. Lo ave multe presipes, rocas grande e caniones. Lo es la abitada de multe alces, servos, e alga oveas de corno grande. Ance pavos nondomada abita ala. En la Cresta de Pinos es la Parce Statal de Chadron, e un area de foresta nasional de la SUA, cual inclui la area recreal nasional nomida Cresta de Pinos. Esta areas ave bon ruas de pasea e areas de campa.

La Colinas Wildcat, como la Cresta de Pino, es ance un area con multe presipes, rocas grande e caniones. La Colinas Wildcat ave alga de la rocas la plu famosa de Nebraska, incluinte la Roca Ximine (un loca istorial de la SUA), la Rocas Corte e Prison, e la Roca de Scot (en engles Scottsbluff) cual es un monumento nasional de la SUA. La area, locada en la ueste de la manico de padela de Nebraska, es ance covreda par pinos ponderosa. La Colinas Wildcat, e la Cresta de Pino es la sola areas de Nebraska cual ave permanente grupos de pumas.

La Colinas de Arena, en la area norde-sentral de Nebraska, es leteral colinas de arena con un covrente de erba. Los formi un tipo de prado unica, cual ave colinas grande miscada con areas de pantan con acua basa en multe de la vales. La alta de alga de la colinas es plu ca 100 metres. La colinas covre prosima un cuatri de la stato. En cada anio, la Colinas de Arena es sur un rua de migra par multe spesies de avias migrante. Cisa la plu famosa de la spesies cual migra tra la area es la gru de la Colinas de Arena, cual pausa a la borda de esta colinas en la rio Platte a cada anio.




#Article 206: Nederland (837 words)


Nederland es un nasion locada xef en Europa ueste, con tre munisipas spesial en la Caribe: la isolas de Bonaire, San Eustasio, e Saba. En Europa, lo es bordada par Deutxland a la este, Beljia a la sude, e la Mar Norde a la norde-ueste, con Britan a la otra lado.
Nederland (Nederland [ˈneɪdərlɑnt] en nederlandes; Nederlân en frisce ueste; e Hulanda en papiamento) es un pais en Europa cual es parte de la Rena de Nederland (Koninkrijk der Nederlanden; der es gramatica vea per van de (de la)). Nederland sinifia leteral Tera Basa.

La area es sirca 41,848 cilometres cuadrida. En la anio 2011 la pais ia ave sirca 16,660,700 abitores. La site capital es Amsterdam (Holland-Norde), e la seja de la governa es Den Haag (Holland-Sude). La site tre es Rotterdam. (Holland-Sude).

La site la plu grande en Nederland es Amsterdam, Rotterdam, Den Haag, e Utrecht. Amsterdam es la site con la plu abitores en la nasion, e es la capital ofisial (pd par tradision); Den Haag es la loca de Statos Jeneral, la Consilio, e la Corte Suprema. La porto de Rotterdam es la porto la plu ativa en Europa, e la plu ativa en cualce nasion estra Asia este e sude-este, pos Xina e Singapor. La airoporto a Amsterdam - Schipol - es la airoporto la plu ativa en Nederland, e la airoporto tre en Europa.

Nederland es un membro orijinal de la Uni European, la Eurozone, la G10, NATO, OECD, e WTO, e un parte de la Area Schengen e la Uni Benelux (composada de Beljia, Nederland, e Luxemburg (Be-ne-lux). Lo es la ospitor de multe organizas intergovernal e cortes internasional, multe de cual es sentrida en Den Haag, cual ave la nometa la capitol legal de la mundo.

Nederland es numero 12 de paises la plu densa en la mundo, e numero du en la Uni European, con un densia de 521 abitores per km2. An tal, Nederland es numero du en esporta de comeda e produidas cultivada, pos la SUA, la resulta de sua tera fertil, clima temperada, cultiva intensa, e inventosia.

Nederland ia es un monarcia parlamental e constitual con un strutur unial de 1848. La pais ave un tradision de verzuiling, cual indica ce grupos sosial pote defini multe de sua regulas autonom de otras. Lo ave ance un reputa longa per tolera sosial, e ia legali aborta, prostitui, e eutanasia, e lo ia manteni un politica libral de drogas. La Nederland ia elimina la puni de mori en sua leges sivil en 1870. Lo ia permete la vota par femes en 1919, e deveni la nasion prima cual legali sposi entre persones de la mesma seso.

La economia de Nederland es un tipo de mercato miscada avansada e ia ave un revenu per person 13 en la mundo. Lo es listada como la pl alta en indicas internasional de libria de jornalisme, libria economial, developa umana, cualia de vive, e felisia. En 2019, Nederland ia es gradida la economia como numero 11 como mesurada par la produi interna bruta (GDP) per person. En 2019, lo es gradida como numero 10 a la indise de developa umana.

La nom Nederland sinifia la pais basa, cual refere a sua altia basa e topografia plata. Sola 50% de sua tera es plu ca un metre supra la nivel de mar, e cuasi 17% es su la nivel de mar. La areas su la nivel de mar, nomida polderes, es la resulta de reclama de tera cual ia comensa en la sentenio 16.

La pais es divideda en du partes xef par tre rios, la Reno, la Maas, e la Schelde. Esta rios opera como un ostaculo natural entre la feudos temprana e de asi ia crea un divide cultural, como videda en alga cualias fonetical reconosable norde e sude de esta Rios Grande.

Nederland ave des-du provinses e tre munisipas spesial (Bonaire, Saba, e San Eustasio).

Nederland ia es un monarcia constitual de 1815 e un democratia parlamental de 1848. La monarca (de 1980 la rea Beatrix) ia es la xef de stato. La Rea Beatrix ia renunsia la trono en favore a sua fio, Willem-Alexander (45 anios) en april 2013, cuando la rea ia ave 75 anios. Esta ia es la ves prima en 103 anios cuando la Rena ia ave un re e no un rea.

La potia de esecuta es formida par la Consilio de Ministros de Nederland (Ministerraad en nederlandes). La ministro xef de setembre 2012 es sr. Mark Rutte de la VVD (Volkspartij voor Vrijheid en Democratie - Uni per Libria e Democratia). El es la xef de un alia political.

La lingua major es nederlandes, ma frisce, platdeutx e limburgan es ance parlada, e on ave ance un cuantia grande de persones ci parla otra linguas, como sranan, turces, indonesian, etc. On ave ance multe persones de Maroco ci parla berber e arabi. La lingua ofisial es nederlandes, e linguas co-ofisial es engles, papiamentu, e frisce ueste. Linguas reconoseda es sason basa nederlandes, limburges, ides e sinti romani.




#Article 207: Nederlandes (lingua) (1160 words)


Nederlandes es un de la linguas germanica ueste, parlada par sirca 23 milion persones, la plu parte en Nederland, Beljia, e Suriname, e ance par grupos plu poca en partes de Frans, Deutxland, e colonias nederlandes de la pasada. El es relatada prosima a la otra linguas germanica ueste, como frisce, engles, e deutx, e plu distante a la linguas germanica norde. Nederlandes es un desendente de franco vea e es la jenitor de la lingua africans, un de la linguas ofisial de Africa Sude. Nederlandes e africanes es per la plu parte comprendable un a la otra, ma ave normas de spele e disionarios diferente e comites de regula separada. Nederlandes normal es la lingua normal de la areas major de parlores nederlandes e es regulada par la Nederlandse Taalunie (Uni de Lingua Nederlandes).

La gramatica de nederlandes es simil a el de deutx, ma min complicada, como engles. La sistem de consonantes no ia ave la move de consonantes de deutx alta, e sembla plu la consonantes de engles e la linguas de Scandinavia. Como la plu de linguas germanica, nederlandes ave un sistem de silabas cual permete grupos complicada de consonantes. Multe persones nota la usa comun de fricantes velal (spesial ch e g, pronunsiada prosima la garga). La vocabulo de nederlandes es la plu germanica, plu ca engles. Nederlandes usa nomes composada de juntas de morfemes multe longa, simil a deutx e la linguas de Scandinavia.

Un dialeto de nederlandes, clamada vlaams, es parlada en Nederland sude-ueste e Beljia norde-ueste. La diferes es no plu ca la diferes entre engles en la Rena Unida e la SUA, e la plu en pronunsia. Ambos usa la mesma norma per scrive.

Per un esemplo, asi es la prea de nos Senior:

 Onze Vader,
 die in de hemelen zijt,
 geheiligd zij Uw naam.
 Uw rijk kome,
 Uw wil geschiede op aarde als in de hemel.
 Geef ons heden ons dagelijks brood,
 en vergeef ons onze schulden,
 gelijk ook wij vergeven aan onze schuldenaren.
 En leid ons niet in bekoring,
 maar verlos ons van het kwade.

Nederlandes ave alga diferes notable de otra linguas germanica:

Nederlandes ave un colie multe grande de vocales e diftongos:

Nederlandes es scriveda con la alfabeta latina. Lo usa un letera estra: la digram Ĳ/ĳ (pronunsiada /ɛi/). La spele es cuasi fonemal, con la usa de leteras duple per indica la vocales longa e otra trucos. Sinietas es rara.

Nederlandes es simil gramatical a deutx. Ma lo ave sola un caso per nomes, no cuatro como deutx, e du sesos, no tre como deutx. Jeneral, la gramatica es plu simple.

La lingua usa du sesos - comun e neutra. En Beljia, los reteni la distingui entre mas e fema, cual ia es combinada en la comun en la norde.

La sistem de casos en nederlandes, como la usa de la sujuntiva, ia es, per la plu parte, desapareda. Per la pronomes, la dativa vea ia sustitui per la caso acusativa.

En alga espresas fisada, la jenitiva e dativa (e la distingui entre mas e fema) esiste ancora en la articles:

Alga de esta espresas usa un corti de des: 's morgens (en la matina), 's ochtends (en la sera).

La plural de nomes es la plu comun formida par la ajunta de -en (pronunsiada como /ən/ or /ə/), o de -s. Parolas de un silaba normal usa -en:

Parolas cual fini con /ə/ usa comun -s, ma multe usa -n, spesial nomes derivada de ajetivos:

Parolas relativa moderna cual fini en un vocal longa usa -'s, estra ce los fini en -ee o -é, cual usa simple -s:

Alga nomes ave plurales noncoerente:

En nederlandes, la forma diminuinte de nomes es usada comun, e inclui diferes de sinifia sutil cual es difisil per aprendores. La fini difere dependente de la letera final de la radis:

La diminuinte pote es usada ance con alga numeros, pronomes, verbos, e an preposadas en espresas idiomal. Notable es la ajetivos e averbos con un diminuinte:

Cuando usada con tempo, la diminuinte pote indica esce un person trova lo plasente o no:

Lo pote es ance usada per indica alga cosa negativa:

Como la plu de linguas germanica, nederlandes forma nomes composada en cual la nom prima ajunta defini a la categoria de la nom du, pe hondenhok (casa de la can), boomhuis (casa en un arbor), etc. A veses, esta nomes composada pote deveni multe longa. Un de la plu longa es ziektekostenverzekeringsmaatschappij (compania de asecura de sania).

La infleta de ajetivos es plu complicada. Con un nom neutra, nondefinida, e singular, la ajetivo ave no afisa; en tota otra casos, lo fini con -e.

Un ajetivo ave no -e si lo es en un rol predicativa.

Cuando usada como un completinte, ajetivos usa nunca la -e: De soep is koud.

Nederlandes ave cuatro tipos de verbos: debil, forte, noncoerente, e miscada.

La verbos debil es la plu comun - sirca 60%. En estas, la tempo pasada e la partisipio pasada es formida con -de o -te.

Verbos forte es numero du en cuantia. Asi, la pasada es formida par cambia la vocal de la radis. Esta no es tota coerente, e nederlandes distingui entre sete clase de verbos forte, de cual sinco ave un varia interna cual permete 12 sistemes.

Verbos miscada es los con un tempo pasada debil (-de o -te), ma un partisipio pasada forte (-en), o un tempo pasada forte, ma un partisipio pasada debil.

La verbos noncoerente es la min comun, ma la plu usada.

Como deutx, nederlandes ave un ordina de parolas sujeto-ojeto-verbo, ma en proposas major, la verbo major es moveda a la loca du, un sistem conoseda como V2 (verbo du). Per esemplo: On ta dise Ik kan mijn pen niet vinden omdat het veel te donker is, cual pote es traduida como Me no pote trova mea pen car lo (la sala) es multe tro oscur. Si on rompe la frase a un proposa major e un proposa minor, on pote vide plu clar la lojica:

Verbos es poneda en la loca final, ma la verbo conjugada en la proposa major, en esta caso kan (pote), es fada la parte du de la proposa.

En demandas, la proposa major ave tipal la verbo conjugada segueda par la sujeto, ma otra verbos es en la loca final:

En demandas cual comensa con pronomes o averbos de demanda, la verbo conjugada es parte du, con la sujeto a pos; otra verbos es a la loca final:

La vocabulo de nederlandes es, per la plu parte, germanica, con sirca 20% de otra orijinas. La influe plu grande ia es de franses, con sirca 6.8%. Latina furni parolas de relijio e siensa, con sirca 6.1%. Deutx e platdeutx ia contribui sirca 2.7%, an si multe ia es cambiada per conveni la fonetica de nederlandes. E, spesial en la sentenios resente engles ia contribui sirca 1.5%, an si multe plu es espetada en la futur.




#Article 208: Negra (514 words)


Negra es la color la plu oscur.  Lo resulta de la asentia o asorbe completa de lus. Como blanca e gris, lo es un color acromata, pd lo es sin color. Lo es un de la colores xef en la model de colores CMYK, con sian, jala e majenta, cual es usada en primi per deriva tota de la otra colores. Negra es usada frecuente per representa oscuria; lo es la oposada simbolin de blanca (o brilia).

Negra ia es un de la colores prima ia usa par artistes en depintas neolitica en cavas. En la sentenio 14, lo ia es comensada portada par reia, eglesores, judores, e ofisiores de la governa en multe de Europa. Lo ia deveni la color portada par poesistes engles romantica, comersiores e statistes en la sentenio 19, e un color a la moda en la sentenio 20.

En la Impero Roman, lo ia deveni la color de lamenta, e tra la sentenios lo ia es asosiada frecuente con mori, malia, sorsores e majia. Diseda par sondas en Europa e America Norde, lo es la color la plu asosiada con lamenta, la fini, secretas, majia, fortia, violentia, malia, e sofistica.

Negra ia es un de la colores prima cual ia es usada en arte. La Cava Lascaux en Frans conteni imajes de boves e otra animales cual ia es creada par artistes paleolitica entre 18 000 e 17 000 anios en la pasada. Los ia comensa par usa carbon de lenio, e a pos los ia crea pigmentos negra plu intensa par arde osos o par mole un polvo de osido de magnanese.

Per la egipsianes antica, negra ia ave asosias positiva; lo ia es la color de fertilia e de la solo de tera negra cual ia es inondada par la Rio Nilo. Lo ia es la color de Anubis, la dio de la sumundo, ci ia ave la forma de un xacal negra e ia ofre proteje contra mal a mores.

Per elinicas antica, negra ia es la color de la sumundo, cual ia es separada de la mundo de viventes par la rio Aceron, la acua de cual ia es negra. Persones ci ia fa la pecas la plu mal ia es enviada a Tartaro, la nivel la plu profonda e oscur. En la sentro ia es la palasio de Hades, la re de la sumundo, en cual el ia senta sur un trono negra de ebano.

Negra ia es un de la colores la plu importante cual ia es usada par artistes elinica antica. En la sentenio 6 aec, los ia comensa crea seramica de figures negra, e plu targa seramica de figures roja, par usa un tecnica multe inventosa. En seramica de figures negra, la artiste ia depinta figures con un barbotin de arjila glasada sur un vaso roja de arjila. Cuando la vaso ia es coceda, la figures ia deveni negra, contra un fondo roja. Plu tarda, los ia reversa la prosede: los ia depinta la spasios entre la figures con barbotin. Esta ia crea figures roja merveliosa contra un fondo glasada negra.




#Article 209: Neo (340 words)


Neo es un lingua artifisial per comunica internasional, cual ia es creada par Arturo Alfandari, un linguiste e diplomata de Beljia. Neo combina cualias de esperanto, ido, novial, occidental, e volapuk.

La projeta ia es prima presentada par la autor en 1937, ma no ia atrae multe atende. En 1961 en Bruxelles, Alfandari ia publica se opera major, con la titulo Cours pratique de Neo, deuxieme langue. La opera ia inclui un gramatica en 44 lesones, traduis de leteratur, leteratur orijinal, testos de siense e tecnica, e disionarios. La opera ia ave 1304 pajes.

Neo ia trae la atende de lejores e la editores de International Language Review, ci ia developa un edita dedicada a linguas artifisial. En 1962, un asosia Amis de Neo ia es establida, e un academia ia es creada per manteni la lingua. Ma pos la mori de Alfandari en 1969, la academia e la Amis ia sesa.

Nota: «sh» — x, «zh» — j, «ts» — ts.

Otra pronomes:

Alga verbos ave varias con sola un silaba:

Neo (Alfandari 1961)

Na Patro ki sar in cel, siu ta nam santat
Venu ta regno. Siu fat la vol, absen in cel, as on ter.
Na shakida pan ne diu oje.
E ne pardonu na debos, as nos pardonar na deberos.
E no ne induku in tentado, mo ne fridu da mal.

Per compara: Esperanto (Zamenhof 1887)

Patro nia kiu estas en la ĉielo, sankta estu via nomo.
Venu regno via! Estu volo via, tiel en la ĉielo tiel ankaŭ sur la tero.
Panon nian ĉiutagan donu al ni hodiaŭ.
Kaj pardonu al ni ŝuldojn niajn, kiel ni ankaŭ pardonas al niaj ŝuldantoj.
Kaj ne konduku nin en la tenton, sed liberigu nin de la malbono.

Nosa Padre, ci es en la sielo, tua nom es santa.
Ta ce tua rena veni. Ta ce tua vole aveni, sur la tera como en la sielo.
Dona oji nos pan dial a nos.
E pardona nosa detas, como nos pardona nosa detores.  
E no condui nos a tenta, ma libri nos de mal.




#Article 210: Nepal (474 words)


Nepal (ofisial la Republica Democrata de Nepal) es un pais sin costa en Himalaia sentral, en Asia. Lo es divideda en 7 statos, 75 distritos e 744 unias local. Lo ave 26,4 milion abitores e es la pais 93 de la plu grandes par area (147 181 cilometres cuadrida). Bordante Jonguo en la norde e Barat en la sude, este e ueste, lo es la pais himalaian la plu grande. Lo no borda Bangladex, cual es locada a sola 27 cilometres de sua punto sude-este. Lo ance no borda Druciul, car la stato barati Sikkim es locada a entre.

Nepal ave un jeografia diversa, incluinte planos fertil, colinas forestosa sualpan, e oto de la des montes la plu alta de mundo, incluinte Everest, la punto la plu alta sur la Tera. Catmandu es la capital e site la plu grande. Nepal es un nasion multietnical de cual nepali es sua lingua ofisial.

La teritorio de Nepal ave un istoria rejistrada de pos la eda neolitica. La nom Nepal es prima rejistrada en testos de la Eda Vedal, la era cual ia fundi induisime, la relijio xef de la pais. A media de la milenio prima aec, Gautama Buddha, la fundor de budisme, ia nase en Nepal sude. Partes de Nepal norde ia es entretexeda conla cultur de Bod. La Vale Catmandu en Nepal sentral ia deveni conoseda como Nepal par causa de sua sivilia urban complicada. Lo ia es la seja de la federa rica conoseda como Nepal Mandala.

La ramo himalaian de la Via de Seda antica ia es dominada par la comersiores de la vale. La rejion ia developa arte e arciteta tradisional distinguida. En la sentenio 18, la Rena Gorkha ia ateni la uni de Nepal. La dinastia Shah ia institui la Rena de Nepal e ia formi plu tarda un alia con la Impero Brites, su sua dinastia Rana de xefes. La pais ia es nunca colonida, ma ia funsiona como un stato cuxininte entre Jonguo Imperal e Barat Colonial.

En la sentenio 20, Nepal ia fini sua isoli e ia crea lias forte con potias rejional. Democratia parlamental ia es introduida en 1951, ma ia es suspendeda a du veses par monarcas nepali en 1960 e 2005. La Gera Interna Nepali ia resulta la proclama de un republica en 2008, fininte la rena de la monarcia indu final de mundo.

Nepal moderna es un republica parlamental secular federal. Lo ave sete statos. Lo es un nasion developante, lutante de la cambia de un monarcia a un republica, e ance sufrinte de niveles alta de famia e povria. An con esta defias, Nepal fa un progresa constante, e la governa ia declara sua intende de leva la nasion de la grado de pais la min developada ante 2022. Nepal ave ance la capasia vasta de jenera enerjia idraulical per esporta.




#Article 211: Neva (270 words)


Neva es acua cristal jelada cual presipita de nubes e cumula sur surfases. Lo pertine a acua jelada tra sua sicle de esiste, comensante cuando, en states conveninte, cristales de jela formi en la atmosfera, crese a grandia de sirca un milimetre, presipita, cumula sur surfases, e muta alora en loca, ultima fondente, sublimante o liscante a via. 

Nevones developa par nuri se con umidia e aira calda. Flocos crese sirca particulas en la atmosfera par atrae gotetas de acua suprafrida, cual jela como cristales exagon. Flocos developa en formas variosa, como platetas, agos, colonas, e nebla jelada. Cuando la neva cumula, lo pote es soflada per formi dunas de neva. Tra tempo, la neva cumulada muta par compati, par sublima, o par fonde e rejela. Si la clima es tan fria ce lo permete cumula tra la anio, un glasia pote forma. Ma tipal, neva fonde saisonal, fluente a rietas e rios e recargante acua suteran.

La areas con propensas per neva inclui la rejiones polal, la dui superior de la emisfera norde, e la rejiones montaniosa de la mundo cual ave umidia e temperatures sufisinte fria. En la emisfera sude, neva es xef restrinjeda a la areas montaniosa, estra Antartica.

Neva afeta alga ativias umana, como transporta (par crea la nesesa de manteni clar la autovias, la alas de aviones, e la vitros de veculos), cultiva (par furni acua per plantas e bestias), sportes (como sci, etc), e gera (par impedi la move e la manteni de aparatos). Neva afeta ance ecosistemes, par furni un strato isolinte en inverno su cual plantas e animales pote survive la fria.




#Article 212: Nicaragua (224 words)


Nicaragua (ofisial la Republica de Nicaragua) es la pais la plu grande en la istmo de America Sentral, bordada par Onduras a la norde, la Caribe a la este, Costa Rica a la sude, e la Mar Pasifica a la ueste. Sua capital, Managua, es la site la plu grande de la pais, e la site tre de la plu grandes de America Sentral. La popla multietnical de ses milion inclui poplas orijinal, europeanes, africanes e asianes. La lingua xef es espaniol. Tribus nativa a la costa este parla sua propre linguas.

La Impero Espaniol ia concista la rejion en la sentenio 16. Nicaragua ia gania autonomia de Espania en 1821. De pos sua autonomia, Nicaragua ia esperia periodos de turba political, tirania e crise finansial – la causas la plu notable cual ia provoca la Revolta Nicaraguan de la desenios de 1960 e 1970. Nicaragua es un republica democrata represental.

La misca de tradisiones cultural ia jenera un diversia notable en arte e spesial en leteratur, par causa de la contribuis de poesistes e autores nicaraguan, incluinte Rubén Darío, Pablo Antonio Cuadra e Ernesto Cardenal. La diversia biolojial, clima tropical calda e volcanes ativa fa ce Nicaragua deveni sempre plu popular como un destina per turistes.

La area es sirca 129,494 cilometres cuadrida. La linguas major es espaniol 97,5% (ofisial) e miscito 1,7%.




#Article 213: Nijer (341 words)


Nijer (ofisial la Republica de Nijer) es un pais sin costa en Africa ueste, nomida per la rio Nijer. Lo ave fronteras con Libia a la norde-este, Txad a la este, Nijeria e Benin a la sude, Burcina Faso e Mali a a ueste e Jazair a la norde-ueste. Sua area es sirca 1,267,000 cilometres cuadrida, tal ce lo es la pais la plu grande de Africa ueste, con plu ca 80% de sua area covreda par la Deserto Sahara. La popla de sirca 21 milion persones, xef muslim, es colieda en la sude e ueste estrema de la pais. La capital es Niamey, locada en la angulo sude-ueste estrema.

Nijer es un pais developante, e es repeteda un de los con grado la plu basa en la Indise de Developa Umana de la Nasiones Unida; en 2014, lo ia es la plu basa de tota 188 entradas. Multe de la partes nondesertosa de la pais es periodal menasada par secia e deserti. La economia es consentrada a susiste, alga cultiva esportable en la sude plu fertil, e la esporta de materias cru, spesial uranio mineral. Nijer fronti defias grave de developa par causa de sua situa sin costa, tereno desertosa, cultiva perosa, taso alta de fertilia e suprapopla sin contrasepi, educa debil e povria de persones, manca de infrastrutur, aida medical debil, e degrada ambiental.

La sosia nijerien refleta un diversia resultante de la istorias longa e individua de sua grupos etnical e rejiones e sua tempo relativa corta de abita en un stato unida. Istorial, lo cual es aora Nijer ia es a la bordas de alga statos grande. De pos autonomi, nijerienes ia abita su sinco constituis e tre periodos de rena militar. Pos un colpa militar en 2010, Nijer ia deveni un stato democrata e multipartital. Un majoria abita en partes campanial, con poca asede a educa avansada. En 2015, 71,3% de la popla no ia pote leje: un de la proportios de alfabetisme la plu basa de mundo.

La linguas major es franses (ofisial), hausa, djerma.




#Article 214: Nijeria (485 words)


Nijeria (ofisial la Republica Federal de Nijeria) es un pais en Africa ueste, bordante Benin en la ueste, Txad e Camerun en la este, e Nijer en la norde. Sua costa sude es a la Golfo Gine en la Mar Atlantica. Lo es composada de 36 statos e la Teritorio de Capital Federal, do la capital, Abuja, es situada. Nijeria es ofisial un pais secular democrata.

Lo Nijeria presente ia es la loca de multe renas e statos de tribu tra la milenios. La stato moderna ia orijina de rena colonial brites, comensante en la sentenio 19, e la fusa de la Protejeda de Nijeria Norde e la Protejeda de Nijeria Sude en 1914. La briteses ia institui strutures dirijal e legal, e ia pratica un rena nondireta par usa xefias tradisional. Nijeria ia deveni un federa formal autonom en 1960. Lo ia esperia un gera interna de 1967 a 1970. A pos, lo ia alterna entre governas sivil democrata elejeda e tiranias militar asta cuando lo ia ateni un democratia stable en 1999. On regarda la elejes presidental de 2011 como la primas cual ia es asetable libre e justa.

Nijeria es conoseda como la Jigante de Africa, par causa de sua popla e economia grande. Con sirca 186 milion abitores, Nijeria es la pais la plu poplada en Africa e la pais sete de la plu popladas de mundo. Lo ave un de la poplas joven la plu grande de mundo. On regarda la pais como un stato multinasional, car lo es es abitada par plu ca 500 etnicos, de cual la tre la plu grandes es la hausas, la igbos e la iorubas. Esta etnicos parla plu ca 500 linguas e es identifiada con un diversia grande de cultures. La lingua ofisial es engles. Nijeria es aprosima divideda a duis entre cristianes, ci abita xef en la parte sude de la pais, e muslimes ci abita xef en la norde. Un minoria de la popla pratica relijios nativa de Nijeria, como los de la etnicos igbo e ioruba.

En 2015, Nijeria ia es la economia 20 de la plu grandes de mundo, con valua de plu ca $500 bilion par produi interna bruta. Lo ia pasa Sudafrica per deveni la economia la plu grande de Africa en 2014. La Banco Mundal regarda Nijeria como un mercato emerjinte; on ia identifia lo como un potiosa rejional sur la continente african, un potiosa media en cosas internasional, e un potiosa global emerjinte. Lo es listada entre la 11 venintes, la economias cual pare a punto de deveni la plu grandes de mundo. Nijeria es un membro fondinte de la Uni African e un membro de multe otra organizas internasional, incluinte la Nasiones Unida, la Comunia de Nasiones e OPEP.

Sua area es sirca 923,768 cilometres cuadrida. En 2007, lo ia ave sirca 135,031,164 abitores. La linguas major es engles (ofisial), hausa, ioruba, ibo, fulani.




#Article 215: Nimfa de acua (153 words)


En mitolojia elinica, la nimfas de acua (elinica: Νηρηΐδες Nereides, sg. Νηρηΐς Nereis) ia es la 50 fias de Nereo e Doris. Los ia acompania comun Poseidon, la dio de la mar, e ua pote es amin e aidosa a marinores.

Los ia es spesial relatada con la Mar Ejeo do los ia vive con sua padre Nereo en un palasio de oro en la profonda. La plu notables es Tetis, sposa de Peleo e madre de Acile; Amfitrite, sposa de Poseidon; e Galatea, la amor de Polifemo.

Los ia simboli tota cual es bela e amable en relata con la mar. Sua voses melodiosa ia canta en cuando los ia dansa sirca sua padre. Los es representada como xicas multe bela, coronida con ramos de coral roja, vestida en robas de seda blanca, decorada con oro, e con pedes nuda. Los ia es la atendores de Poseidon e ia porta sua tridente.




#Article 216: Nion (776 words)


Nion (o Japan) es un pais en Asia.

La area es sirca 377 835 cilometres cuadrida.

La cuantia de popla, en la anio 2015, es sirca 127 110 047 persones.

La site capital es Tokyo.

La Ministro Prima de desembre 2012 es Sr Shinzo Abe (PLD). La Emperor de 2019 es Naruhito.

La lingua major es la lingua nion o japanes.
Nion es un pais isola en Asia este, a la lado este de Xina en la mar Pasifica. Nion es composada de cuatro isolas grande e un catena de otra isoletas. Los es culminas de montanias su acua. La terena es rocin, sola un oti es cultivable. La costa es longa e nonregulada, con multe baias refujidas. Nion no ave rios grande e la plu de sua lagones es en la montanias. La terenos plata situa en vales de montanias e la planos alta situa longo la costas. La montanias de Nion inclui multe volcanes ativa e nonativa. La punto la plu alta es la volcan dorminte Mount Fuji, alta a 3776 m. Tremas de tera es frecuente en Nion. Siclones sever aveni temprana en otobre. La recurso la plu importante es cultiva; la pais debe emporta tota sua minerales nesesada.

A prima, on ia abita Nion durante la anios 1000 aec, e la impero ia es datida a 660 ec. Nion ia es influeda par cultur xines de do lo ia prende budisme en sentenio sete ec. Rena par clanes seguente ia resulta a geras interna, feudalisme e a crea de xogunes (renores militar) e la clase de samurais (gerores). En 1543, misionor jesuita ia converti niones variosa a cristianisme. Ja on reali la instrui coletiva, lista militar, industri rapida, e la elimina de clase de samurai.  Nion ia entra e gania la gera xines-nion (1894-1895) con Xina e a pos gania la gera rusce-nion (1904-1905), ce resulta en ocupa de Corea en 1910. Nion ia entra la Gera Mundal I (1914-1918) a lado de la aliadas e prende de Deutxland isolas variosa de la mar Pasifica. Ma en 1940, Nion ia junta Deutxland e Italia en alia de Ase.

Aviones nion ia ataca la base marinal de Pearl Harbor, Hawaii, en 7 desembre 1941. Durante un anio Nion ia ocupa multe isolas pasifica, la parte grande de Asia sude-este, avansante a Australia e Zeland Nova. En 1942, lo ia perde se tota isolas ja invadeda. En 6 agosto 1945, SUA ia fa cade la bomba atomal prima supra la site de Hiroshima. Tre dias plu tarda, un otra bomba ia cade supra site de Nagasaki. La governa nion ia abandona sin restrinje en 2 setembre 1945. Armada de SUA ia invade Nion, e ia comensa funda democratia, infrastrutur, e base industrial. Un constitui nova ia es adotada en 1947, evadente gera sempre a futur. SUA ia para sua aida economial en 1951, ma Nion ia progresa como furnor de nesesadas per SUA en gera corean (1950-1953). En 1952, lo ia oteni autonomia plen. La crese economial ia gida la mundo en 1964, cuando juas olimpial ia desideda de aveni en Tokyo. La economia ia tardi tempora par la embargo de olio arabi en 1973. En anios temprana de 1990, la malia governal e la depresa economial secute la fida de popla.  En 1995, un trema de tera ia destrui la site de Kobe.

Cuatro sincis de a popla de Nion abita en sites. La lingua nion es la lingua ofisial ma engles es ance parlada par multe.
La relijio xef es xinto, fundida sur adora de natur de asendentes e budisme. Multe persones es ambos xinto e budiste.  Un proportio de niones es membros de Moves Relijial Nova cual ia crese pos 1945.  Min ca 2% es cristianes.  Nion ave un sistem de instrui de controla sentral, estrema developada, obligada, e sin costa.

En 1993, la produi tota nasional de Nion ia es 4.2 trilion dolares, la numero du la plu grande en mundo pos SUA. Industrias pesosa, produinte veculos, aser, macinas, e aparatos eletrical, funda un fratia grande de fabrica. Bon conoseda per produidas eletronica, pe computadores, Nion es gidor mundal en produi de cimicales, tesedas e fibres artifisia. Un numero peti de negosias teni un potia economial vasta, ce es la erita de unias de familias rica ci a pasada ja controla la economia.
Ris es la comeda comun e la colieda xef. Tecnicas avansada ia fa la cultiverias nion entre la plu produintes en mundo.  Pex es la comeda du, e la marina nion es multe grande. Pos SUA e Deutxland, Nion es la esportor tre en mundo.  La moneta fundal es la ien (95 ienes egali $1 en 1996).




#Article 217: Niue (629 words)


Niue es un isola e pais en la Mar Pasifica sude, a 2400 cilometres a norde-este de Zeland Nova, a este de Tonga, a sude de Samo, e a ueste de la Isolas Cook. Sua area de tera es sirca 261 cilometres cuadrida, e sua popla, xef polinesian, ia ave sirca 1612 persones en novembre 2016. La isola es comun conoseda como La Roca, cual veni de la nom tradisional Roca de Polinesia.

Niue, de cual sua capital es la vileta Alofi, es un stato autonom en asosia libre con Zeland Nova; e Zeland Nova fa la plu (ma no tota) relatas diplomata per lo. Niues es sitadanes de Zeland Nova, e Rea Elizabeth 2 es la xef de stato car el es la Rea de Zeland Nova. Entre 90 e 95% de persones niue abita en Zeland Nova, con 70% de la parlores de la lingua niue. Niue es un pais bilingual: plu ca 30% de sua abitores parla e niue e engles, an si la cuantia persental de persones ci parla sola engles es sola 11%, e 46% parla sola niue. Rugbi es la sporte la plu juada en Niue. En otobre 2016, Niue ia declara ofisial ce tota sua deta nasional ia es paiada.

Niue no es un membro de la Nasiones Unida (NU), ma organizas NU ia aseta sua state de stato libre asosiada como corespondente a autonomia per la intendes de lege internasional. Tal, Niue es un membro completa de alga ajenterias NU spesialida (como UNESCO e la Organiza Mundal de Sania) e es invitada, como ance la Isolas Cook (la otra stato membro non-NU) a es presente a conferes NU abrida a tota statos. Niue es sudivideda a 14 viletas (munisipas). Cada vileta ave un comite cual eleje sua presidente. La viletas es ance distritos elejal. Cada envia un asemblor a la Parlamento de Niue.

En 2003, Niue ia deveni la pais prima de mundo cual ia finansia la furni de interede sin filo a tota abitores. La Asosia de Cultivores Organica de la Isola Niue intende fa ce Niue deveni la prima de la nasiones intera organica de mundo ante la fini de 2020. Un gidor en crese verde, Niue move ance a enerjia solal, aidada par la Uni European. Niue intende deveni 80% renovable ante la fini de 2025. An tal, a presente, Niue ave un de la tasos la plu alta de mundo de produi de gases invernerial per person (pos sola Cuait e Brune).

En 2015, Niue ia comensa furni linias de telefon a tota sua abitores. En 2008, lo ia deveni la pais prima de mundo do on furni computadores portable a tota studiantes de scola. Un nasion peti e multe democrata, niues es multe libre e elejes aveni en cada anio tre. On ave aora no partitos political en Niue: tota asemblores es nondependente. La partito final, la Partito de Popla Niue (1987–2003), ia gania a un ves, ma ia sperde a pos.

En janero 2004, Niue ia es colpada par Siclon Heta, cual ia causa multe dana a la isola intera, incluinte destrui la plu de la sude de la capital, Alofi. La desastre ia retarda la isola par sirca du anios de sua projeta de reali la Projeta Stratejial Integrada Niue, en cuando la nasion ia labora per recovre. 

Niue es un de la isolas de coral la plu grande de mundo. La tereno es composada de falesas presipe de calcario longo la costa con un plano sentral levante a sirca 60 metres supra la nivel de mar. La isola es ensircada par un resife de coral, en cual la sola buco major es a la costa ueste sentral, prosima a Alofi. Un cualia notable es la multe cavas de calcario prosima a la costa.




#Article 218: Nomes de dias (189 words)


La nomes de dias en elefen segue la nomes costumal de la linguas roman, cual segue la nomes latina:

Car la fundores de elefen no vole indica un prefere per un relijio o un otra, nomes costumal per Saturdi (como Sabato) e Soldi (como Domenico) es cambiada a nomes plu vea de la romanes.

Linguas celta usa nomes simil a latina e elefen.

Linguas romanica (estra portuges, vide a su) usa la nomes de la planetas o dios vea de romanes, con esta esetas:

Linguas germanica usa alga dios vea germanica, en loca de alga dios roman:

La linguas de India usa nomes per planetas de dios vea de India. Per India norde, los usa estas:

Miama, tai, mon, e bali segue ance la sistem indian.

Japanes, corean, e tibetan usa parolas per la planetas construida de la sinco elementos antica:

En canji japanes: 日 月 火 水 木 金 土

Multe linguas usa la metodo simple de numeros. On ave du varias: la un comensa con soldi e la otra con lundi.

Comensante con soldi:

Comensante con lundi:

Ma esta linguas usa comun ance nomes spesial:

Vide ance 




#Article 219: Nomes de menses (109 words)


La nomes de menses en elefen segue la nomes costumal de linguas roman:

La plu linguas usa formas de esta nomes, ma txesce, lietuvisce, e suomi usa sua propre nomes vea. Per esemplo, la menses en txesce, lietuvisce, e suomi (con sinifias posible):

Arabi usa un calendario antica lunal.

India ave du calendarios: la un es lunal, la otra es solal, e ambos ave nomes costumal. La menses de la calendario solal ave la nomes de la figures stelal de la ecuator sielal.

Xines, japanes e corean usa simple mense un, mense du, etc. Esta es ance bon per parlores de elefen.

Vide ance Calendario de la Revolui Franses.




#Article 220: Nomes engles (401 words)


La plu de nomes en engles indica sua plural par ajunta -s o -es. Pos vocales e consonantes vosida, la -s es pronunsiada /z/; pos consonantes nonvosida, la -s es pronunsiada /s/; pos s, z, sh, ch, o j (o plu esata la sonas /s/, /z/, /ʃ/, /ʒ/, /tʃ/ o /dʒ/) on usa -es, pronunsiada /ɨz/. Si la nom fin con -y (pos un consonante), la -y (pronunsiada /i/ o /ai/) deveni -ies (pronunsiada /iz/ o /aiz/ en acel ordina). Esemplos:

Alga nomes cual fini con /f/ o /θ/ cambia los a /v/ o /ð/ ante la fini /-z/. En la caso de /f/ a /v/, la letera es cambiada de f a v. Ma multe nomes no segue esta regula, o pote segue la regula normal o esta regula, dependente a la dialeto. E un parola cambia /s/ a /z/:

La dirije de evolui de esta esetas es a la coere. Donce, multe persones dise /maʊθs/, /li:fs/, e /haʊsɨs/.

Multe nomes de animales ave la mesma forma en la plural como la singular:

Ma nota ce multe persones usa la forma normal (pe buffalos, fishes, squids, etc).

Tre nomes ave la plural con -en:

E alga nomes usa un cambia de la vocal per indica la plural, un resta de la umlaut de la orijinas de engles en la germanica antica:

E tre nomes ave otra noncoerentes:

En la pasada, parolas cual deriva de latina o elinica ia manteni sua plural orijinal. An si multe de los resta, spesial en usa tecnical, otras ia deveni normalida. Alga ia perde sua forma plural, o usa la forma plural como la singular. Esemplos:

Nomes de otra linguas es cuasi sempre normalida.

La posese de nomes es creada par usa la sufisa scriveda -'s, pronunsiada como la plural (pd /-s/, /-z/. Pos nomes plural cual fini con -s o -es, la posese es indicada par sola -', e la pronunsia no cambia.

Seso gramatical no esiste estra la usa de la pronomes personal. La mas e la fema pote es espresada par ajunta ajetivos como male e female cuando nesesada. Alga nomes per persones pote ave un forma fema con la sufisa -ess:   

Ma parolas diferente per fema e mas esiste en multe casos:

Ance, alga parolas ave formas jeneral, fema, e mas:

Alga parolas per la fema e mas de animales esiste ance. Los es plu usada par cultivores e xasores, etc:




#Article 221: Nomes roman (194 words)


En la costum de nomes de Roma antica, la nom de un sitadan mas ia es construida de tre partes: la nom individua (praenomen), la nom de la clan (nomen gentile), e la nom de la familia (cognomen). A veses, un nom du o tre (un nom familial conoseda como agnomen) ia es ajuntada.  Esta sistem es de la sivilia de la Etruscanes.

Femas ia es conoseda (ofisial) par la forma fema de la clan de la padre, segueda par la caso posesente de la nom familial de la padre o, si sposida, de la sposo. Si on ave multe sores, cada sore ave un numero de la ordina de nase entre la sores.  Plu tarda, en la eda de la Republica Roman, femas ia adota ance la forma fema de la nom familial de la padre.

Per esemplo, a su es un analise de un nom roman: Marcus Aurelius Marci f. Quinti n. tribu Galeria Antoninus Pius, domo Caesaraugusta.

En usa dial, persones ia es clamada con sua cognomen, o con sua praenomen e nomen gentile. Donce, Marcus Livius Drusus ia es simple Drusus o Marcus Livius.  Iulia Marciana ia es simple Iulia.




#Article 222: Noria (461 words)


Noria (ofisial la Rena de Noria) es un pais en Europa, de cual sua teritorio es composada de la parte ueste de la Penisola Scandinavian plu Jan Mayen (un isola distante) e la arcipelago Svalbard. Noria reclama ance un parte de Antartica nomida la Tera de Rea Maud. Asta 1814, la rena ia inclui la Isolas Faro, Calalitnunat e Island. Lo ia inclui ance Bohuslän asta 1658, Jämtland e Härjedalen asta 1645, Shetland e Orkney asta 1468, e la Hebrides e Isola Man asta 1266.

Noria ave un area intera de 385 252 cilometres cuadrida e un popla de 5 258 317 persones (en janero 2017). La pais comparti un frontera este longa (1619 cilometres) con Sveria. Noria es bordada par Suomi e Rusia a la norde-este, e par la streta Skagerrak a la sude, con Danmarc a la otra lado. Noria ave un costa estendosa, fasante la Mar Atlantica norde e la Mar Barents.

La re presente de Noria es Harald 5 de la Casa Dansce-Deutx de Glücksburg. Erna Solberg ia deveni la ministro xef en 2013, recambiante Jens Stoltenberg. Un monarcia constitual, Noria divide la potia de governa entre la parlamento, la consilio de ministros e la corte suprema, como determinada par la constitui de 1814. La rena es instituida como un fusa de alga renas peti diversa. Si on segue la conta tradisional de la anio 872, la rena esiste ja continuante tra 1145 anios, e la lista de monarcas norsce inclui plul ca sesdes res e contes.

Noria ave sudivides dirijal e political a du niveles: contias e munisipas. La popla sami ave alga autonomia e influe sur teritorios tradisional par la Parlamento Sami e la Ata de Finnmark. Noria manteni relatas prosima con la Uni European e la Statos Unida. Lo es un membro fundinte de la Nasiones Unida, OTAN, la Asosia European de Comersia Libre, la Consilio de Europa, la Trata Antartica e la Consilio Nordica. Lo es ance un membro de la Area Economial European, la Organiza Mundal de Comersia e la Organiza per Coopera e Developa Economial, e un parte de la Area Schengen.

La pais manteni un combina de un economia mercatal e un model nordica de aida sosial, con aida medical universal e un sistem completa de securia sosial. Noria ave reservas grande de petrolio, gas natural, minerales, lenio, comedas de mar, acua dulse e enerjia idraulical. La industria de petrolio representa sirca un cuatri de la produi interna bruta de la pais. Per person, Noria es la produor la plu grande de petrolio e gas natural en la mundo, estra Asia sude-ueste.

La site capital es Oslo. La lingua major es norsce.

Noria ave du nomes ofisial: Noreg (nordica antica: Noregr)  en Nynorsk e Norge  (nordica antica: Noregi, dativa de Noregr) en Bokmål.




#Article 223: Normandia (136 words)


Normandia ( franses: Normandie [nɔʁ.mɑ̃.di]) es un de la rejiones de Frans, corespondente a la Duxia de Normandia de istoria. Oji, Normandia es divideda entre sinco departes: Calvados, Eure, Manche, Orne, e Seine-Maritime. Lo estende tra 30,627 km², o 5% de la pais de Frans. Lo ave sirca 3.37 milion abitores, cual es sirca 5% de la popla de Frans. La nom es derivada de la colonistes vicing de Noria e Danmarc, nomida normanes (omes de la norde), ci ia invade la rejion, comensante en la sentenio nove. Normandia ia es instituida como un duxia en la sentenio des par re Carlo 3 de Frans e duxe Rollo de Møre, Noria. Tra un sentenio e un dui pos la concista de England par la normandes en 1066, Normandia e England ia es liada par renores normande.




#Article 224: Norsce (lingua) (154 words)


Norsce (Norsk) es un lingua germanica norde parlada xef en Noria par sirca 4.7 milion persones. Con svensce e dansce, lo es un continua de dialetos sin bordas clar. Los ci parla norsce no pote comprende parlores de islansce e faroisce ce la linguas de la continente ia deveni plu e plu simple en gramatica.

On ave du formas ofisial de scriveda norsce, bokmål (leteral lingua de libros) cual es per la plu derivada de dansce, e nynorsk (norsce nova) cual es fundada en dialetos de Noria.

Un esemplo en Bokmål:

 Vår Far i himmelen!
 La navnet ditt helliges.
 La riket ditt komme.
 La viljen din skje på jorden slik som i himmelen.
 Gi oss i dag vårt daglige brød,
 og tilgi oss vår skyld, 
 slik også vi tilgir våre skyldnere.
 Og la oss ikke komme i fristelse,
 men frels oss fra det onde.
 For riket er ditt og makten og æren i evighet.
 Amen




#Article 225: Notes arabi (186 words)


Notes arabi, o Mil un notes (arabi: كتاب ألف ليلة وليلة‎ kitāb 'alf layla wa-layla; farsi: هزار و یک شب Hezār-o yek šab), es un colie de naras colieda tra miles de anios par autores, traduores e scolores variosa de multe paises.

La naras la plu bon conoseda en la mundo es Alibaba e la cuatrodes furores, Sinbad la marinor e Aladin e la lampa majiosa.

La nara xef es sur un re persian Xereiar e sua sposa nova Xerezad. La re descovre la nonfida de sua sposa pasada, e el comanda ce on esecuta la fem. Alora la re sposi un serie de virjines e fa ce on mata los a la matina seguente.

Xerezad, la fia de la vizir (ministro arabi) ofre se como la sposa nova per la re. En la note de sua sposi, Xerezad fa un nara per la re, ma el no fini lo. La re es obligada a lasa ce la sposa vive per oia la fini. En la note seguente, cuando la sposa fini la nara, el comensa un otra. A esta modo, el continua tra 1001 notes.




#Article 226: Novial (560 words)


Novial es un lingua aidante internasional creada par profesor Otto Jespersen, un linguiste dansce. La nom es derivada de nov (nova) + ial (lai). La vocabula es fundada en la linguas romanica, con alga radises de la linguas romanica, e con un gramatica influeda forte par engles.

Novial ia es prima introduida en la libro par Jespersen clamada An International Language (un lingua internasional) en 1928. La lingua ia es refrescida en se disionario Novial Lexike publicida du anios plu tarde. Plu alteras ia es introduida en la decade pos 1930, ma la lingua deveni dorminte cuando Jespersen ia mori en 1943. En la decade pos 1990, alga persones ia redescovre Novial e ia discute el a la interede.

La vocales a, e, i, o, u es pronunsiada como en lfn, espaniol, o italian. La consonantes p, b, t, d, g, f, v, m, n, l, e r es pronunsiada como en lfn. Otra consonantes difere:

C e z no es normal usada. Ma, en nomes stranjer, los es pronunsiada como esta:

La ordina de parolas normal es sujeto-verbo-ojeto, como en lfn:

La article de defini es li. Novial no ave un article de nondefini, ma un pote es usada, si desirada.

La plural de un nom es formada par ajunta -s (o -es pos un consonante).

Jeneral, la forma de ojetos es la mesma como la sujetos. Ma, per clari, on pote ajunta la sufisa -m (o -em pos un consonante), -sem per la plural (o -esem pos un consonante), o par usa la preposada em.

On pote indica posese par ajunta -n (o -en pos un consonante), -sen per la plural (o -esen pos un consonante), o par usa la preposada de.

Per person tre, on usa -o per mases, -a per femes, -e per ambos mases e femes, e -u per cosas. Ave ance la sufisa -um per astratas. Esetante per me/nus, la plurales es la singulares con -s.

Per clari cuando un frase es ambigua, on pote ajunta la sufisa -m (o -em pos un consonante) per indica la ojeto, o usa la preposada em.

La ajetivos de posese es formada de la pronomes par ajunta -n (o -en pos un consonante). Esta servi ance como la pronom de posese:

On pote ance espresa la posese con la preposada de: de me, de vu, etc.

La sistem aplica ance a determinantes como disi (esta), ti (acel), omni (tota, cada), kelki (alga), nuli (no), e irgi (cualce). Per esemplo, on pote crea la pronomes dise (esta person), diso (esta mas), ta (acel fema), tu (acel cosa), tum (acel idea), kelke (algun), irge (cualcun), irgas (cualce femas), omnes (tota persones, cada persones), omnum (tota ideas, cada idea), nule (nun), etc.

Verbos no cambia per person o numero. La plu de tempos, modas, e voses es espresada con verbos aidante ante la forma simple de la verbo major:

Novial ave du partisipios:

Novial ave du modas per espresa la pasiva. La prima es formada con es e la partisipio pasiva:

La du es formada con bli (deveni) e la verbo simple:

Tota ajetivos fini con -i, ma esta pote es cadeda si pronunsia permete e no confusa aveni.

Compara es fada con plu (plu), maxim (la plu), min (min), and minim (la min).

Ajetivos deveni averbos par ajunta -m pos la -i. Preposadas pote deveni averbos par ajunta -u.




#Article 227: Nube (145 words)


En meteorolojia, un nube es un airosol cual es composada de gotas pico de licuida, cristales jelada, o particulas suspendeda en la atmosfera sur la surfas de un planeta.

La gotas e cristales es composada de acua o otra cimicas. A tera, nubes es formida como la resulta de satura de la aira cuando lo es frida a sua punto de rosio, o cuando lo colie umidia sufisinte (plu comun en la forma de vapor de acua) de un fonte prosima per alti la punto de rosio a la temperatur ambiente.

Nubes es videda en la omosfera de tera, cual inclui la troposfera, stratosfera e mesosfera.

Nefolojia es la siensa de nubes, cual es un aspeta de la fisica de nubes en meteorolojia.

La nomes de varias de nubes es tipal formida de parolas latina. Plu varias es determinada par sua altia en la atmosfera.




#Article 228: Occidental (458 words)


Occidental (pronunsiada ocsidental) es un lingua construida par Edgar de Wahl, un mestre e un ofisior de la marina deutx. El publici la lingua en 1922. El ia crea la lingua usante formas de parolas comun en la linguas de Europa ueste. Con un gramatica simple, occidental es fasil lejeda par la plu de europeanes. La lingua ia es multe poplal ante la Gera Mundal Du, con posable sirca du milion parlores. La nom ia es cambiada a interlingue, ma la introdui de interlingua de ALAI, el deveni min conoseda. Oji, a la rede, Occidental deveni de nova plu poplal. El es multe fasil per los ci conose elefen. Occidental es sirca egal fasil lejeda ca elefen per persones european sin preconose de occidental o elefen. Occidental es plu complicada per scrive ca elefen. Per esemplo: en occidental on ave 41 preposadas frecuente, en elefen on ave 22 preposadas frecuente. Occidental no es fonetical e donce min fasil parlada ca elefen.

Tre formas de la verbo es marcada par sufisas:

La forma de comanda es indicada par cade la sujeto.

Otra tempos e aspetas es indicada par particles poneda ante la infinitivo:

La pasiva es indicada par usa es (en la tempo e aspeta desirada) segueda par la partisipio pasiva (-t).

La aspeta perfeta es creada par usa ha (ave) segueda par la partisipio pasive (-t).

Simil, la aspeta continuante es creada par usa es segueda par la partisipio ativa (-nt).

La plural es indicada par la sufisa -s (pos vocal) o -es (pos multe consonantes).

La nom pote fini en -o per marca la forma mas o -a per marca la forma fema, per persones e animales.

La nom pote es presededa par la article de defini li. No ave un article de nondefini.

On espresa la forma posese par presede la nom par de, e la dativa par presede la nom par a.

Ajetivos no varia. Si nesesada per distingui el de otra categorias de parolas, un ajetivo pote fini con -i. Ma multe sufisas es spesifada per ajetivos e no nesesa la -i: -al, -an, -at, -(í)bil, -esc, -ic, -in, -íssim, -iv, -nd, -ut.

Averbos cual deriva de ajetivos es marcada par ajunta -men a la ajetivo. Multe parolas cual es sola averbos esiste ance.

Ajetivos usada como nomes pote aseta -s o -es per deveni plural.

Per compara:

Pronomes personal:

La pronom nondefinada es on.

Pronomes de indica:

Pronomes de relata e demanda:

On pote ajunta estas a la pronomes de relata e demanda:

Numeros cardinal:

Numeros ordinal:

Numeros ordinal es formada par ajunta -ésim:

Fratales es la mesma, eseta per la cuatro prima:

Multiples es formada par ajunta -uplic (-plic pos vocales):

Grupos es formada par ajunta -ene:

Veses es formada con vez:




#Article 229: Ocupa de Nion (120 words)


La ocupa aliada de Nion a la fini de la Gera Mundal Du ia es gidada per Douglas MacArthur, la Comandor Suprema de la Potias Aliada, con la suporta de la Comunia Brites. Nonsimil a la ocupa de Dutxland, la Uni Soviet no ia es permeteda a influe Nion. Esta presentia stranjer ia es la ves prima en istoria cuando Nion ia es ocupada par un potia stranjer. Lo ia cambia la pais a un democratia parlamental cual ia recorda la consernas xef de la New Deal (Trata Nova) en la desenio de 1930. La ocupa ia dura ofisial asta 8 setembre 1951 (ma real asta 18 april 1952) e ia fini con la Trata de Pas de San Francisco.




#Article 230: Odisea (216 words)


La Odisea (elinica antica: Ὀδύσσεια) es un de du poesias epica de Elas antica cual on atribui costumal a Homero. (La otra es la Iliada.) On dati lo a la sentenio 8 aec.

Lo descrive la reveni de Odiseo pos la Gera de Troia. En sua asentia, un grupo de amores cortea sua sposa Penelope e los fura sua ricia. La epica aveni tra des anios de viaja, e Odiseo fronti un serie de periles. Final, el ariva a Itaca, sua isola de casa. El retalia sanguosa contra la amores de Penelope. El es alora reunida con sua fio, sua sposa e sua avo vea.

Musa, nara a me sur la om de multe ruses ci ia vaga vera multe pos destrui la fortres santa de Troia. El ia vide la sites de multe poplas e ia conose sua mentes, e el ia sufri multe dolores en sua cor sur la mar per gania sua vive e la reveni de sua cameradas. Ma, an tal, el no ia salva sua cameradas, an contra sua desira, car esta foles ia mori pos sua propre pecas de come la boves de Elio, dio de sol; e vera el ia prende de los la dia de sua reveni. Diva, fia de Zeus, parla cualce sur estas an a nos.




#Article 231: Odiseo (212 words)


Odiseo (elinica antica: Ὀδυσσεὺς, latina: Vlixes) es un de la eroes de la mitolojia elinica ci apare en la Iliada e es la carater xef de la Odisea. Ambos obras es scriveda par Homero.

Sposo de Penelope, padre de Telemaco, e fio de Laerte e Anticlea, Odiseo es conoseda per sua brilia inteletal e es nomida Odiseo la astuta. El es famosa per sua nostos (reveni a casa), cual ia ocupa 10 anios pos la cade de Troia.

La plu de la fontes sur la vive de Odiseo ante la gera de Troia es la scrivor de mitolojia Pseudo-Apolodoro e Higino, ci ia nase a multe sentenios pos Homero. Un nara es multe conoseda: Cuando Helena ia es saisida, Menaleo ia solisita ce sua corteores obedi la jura e aida el a reprende el, un atenta cual ia provoca la gera de Troia. Odiseo ia atenta evita lo par finje dementia, car un oraculo ia predise un reveni longa a casa per el si el ta vade. El ia junta un bove e un asino a sua arado e ia comensa semi sal. Palamede ia  vole contrademostra la folia de Odiseo e ia loca Telemaco, la fio de Odiseo, fronte a la arado. Odiseo verje la arado e tal esposante sua stratejia.




#Article 232: Onduras (253 words)


Onduras (ofisial la Republica de Onduras) es un pais en America Sentral. A veses pasada, on ia refere a lo como Onduras Espaniol per distingui lo de Onduras Brites, cual es oji nomida Beliz. Onduras es bordada a la ueste par Guatemala, a la sude-ueste par El Salvador, a la sude-este par Nicaragua, a la sude par la Mar Pasifica a la Golfo Fonseca, e a la norde par la Golfo Onduras, un baia grande de la Mar Caribe.

Onduras ia es la loca de alga cultures mesoamerican importante, spesial la cultur maia, ante cuando la espanioles ia invade en la sentenio des-ses. La espanioles ia introdui catolicisme e la lingua espaniol (aora dominante), e ance multe costumes cual ia fusa con la cultur nativa. La pais ia deveni autonom en 1821, e es un republica a pos, an si lo ia sufri continuante multe disputas sosial e nonstablia political, e resta un de la paises la plu povre en la emisfera ueste. Onduras ave la taso la plu alta de omiside en la mundo.

Onduras estende tra sirca 112 492 km² e ave un popla cual esede 8 milion persones. Sua partes norde parteni a la Zona Caribe Ueste, como refletada en la demografia e cultur de la rejion. Onduras es conoseda per sua recursos natural rica, incluinte minerales, cafe, frutas tropical e cana de zucar, com ance per sua industria cresente de stofa, cual servi la mercato internasional.

La site capital es Tegucigalpa. La linguas major es espaniol e alga linguas amerindian.




#Article 233: Onondaga (lingua) (1503 words)


La tribu onondaga es un de la sinco tribus orijinal de la Alia de la Irocuoi (Hodenosaunee). Los ia abita orjinal en la parte norde-sentral de la stato de New York en la SUA. La lingua onondaga es un de la linguas irocuoi, e es parlada aora en la SUA e Canada, per la plu parte a la reservas en New York e Ontario.

Esta carta mostra la fonemes consonantal cual es en onondaga:

La consonantes esplodente t e k es vosida alofonal ante vocales e resonantes, e es speleda d e g en esta casos.

Onondaga ave sinco vocales normal - i, e, o, œ (ä), a – e du vocales nasal – ẽ, ũ. La nasales es speleda ę, ǫ/ų en Ontario, e eñ, oñ en New York. Vocales pote es corta o longa. Vocales longa es segueda par : .

La ordina de parolas es normal libre en onondaga. Un eseta es en frases de demanda. En demandas, la parola de demanda (ce, ci, do, cuando, etc) es poneda a la comensa de la frase. Per demandas de si o no, on ajunta la particula de demanda a pos la cosa nonserta, tipal a la fini de la frase, pos la verbo.

Onondaga es un lingua polisintesal, con multe varias de morfolojia infetal e derival a la formas verbal (incluinte la inclui de nomes en la verbo completa). Formas nomal ave min varia. Plu, ave particulas, cual es monomorfemal.

Verbos pote es divideda a tre clases major, seguente la cualia de ata. La clases es verbos ativa, verbos de move, e verbos de state. Onondaga distingui entre tempo e aspeta: La tempo indica si la aveni es en la pasada, presente, o futur; La aspeta indica si la aveni es puntal (perfeta), statal (continuante, nonperfeta), abitual (repetente), o intendeda. Verbos ativa pote es puntal, statal, e abitual, ma no intendeda; Verbos de move pote ave cualce aspeta; Verbos de state pote usa sola la aspeta statal.

Un verbo tipal en onondaga ave multe morfemes. Nota ce la morfemes ce debe apare a cada verbo es un fonte forte. La otras es elejable:

La prefisas prepronomal espresa un varia de consetas e ideas. Prima es la moda, cual espresa la grado de presa, serta, o probable de la aveni. On ave tre prefisas modal en onondaga, cual apare sola con la aspeta puntal. Los apare ance cuando on ave un sufisa modalinte. Esemplo (1) mostra la moda futur, cual indica ce la aveni no ia aveni a la tempo cuando la parlor es parlante. Esemplo (2) mostra la moda fatal, cual indica ce la parlor sabe ce la aveni ia aveni como un fata (normal en la pasada, natural). Esemplo (3) mostra la moda ipotesal, cual indica ce la aveni no es vera o ce la aveni ia pote aveni ma no ia aveni.

ęhayę́:twaʔ
ę- ha- yętw- aʔ
FUT- 3.SG.M.AJ-	planta-	PUNT

waʔhayę́:twaʔ
waʔ- ha- yę:tw-	aʔ
FAT- 3.SG.M.AJ-	planta-	PUNT

ahayę́:twaʔ
a- ha- yę:tw- aʔ
IPO- 3.SG.M.AJ- planta- PUNT

Esta prefisas varia con la person e otra fatores:

waʔhayę́:twaʔ
waʔ- ha- yę:tw- aʔ
FAT- 3.SG.M.AG- planta- PUNT

weʔdniyę́:twaʔ
weʔ- dni- yę:tw- aʔ
FAT- 1.DU.INCL.AJ- planta- PUNT

waʔ- wak- yę:tw- aʔ
FAT- 1.SG.PAS- planta- PUNT

ęhayę́:twaʔ
ę- ha- yę:tw- aʔ
FUT- 3.SG.M.AJ- planta- PUNT

ahayę́:twaʔ
a- ha- yę:tw- aʔ
IPO- 3.SG.M.AJ- plant- PUNT

aedniyę́:twaʔ
ae- dni- yę:tw- aʔ
IPO- 1.DU.INCL.AJ- plant- PUNT

aǫgyę́:twaʔ
a- wak- yę:tw- aʔ
IPO- 1.SG.PAS- plant- PUNT

En ajunta a la prefisas modal, ave ance prefisas cual espresa un varia de consetas. Alga de los no ave un sinifia clar e distinguida, ma se sinifia varia en contestos variosa. La lista de esta inclui repetente, move asi, move ala, dual, partal, coaveninte, contrastante, e negante.

sahayę́:twaʔ
sa– ha–	yętw– aʔ
REP.FAT- 3.SG.M- planta-PUNT

ęshayę́:twaʔ
ęs– ha–	yętw– aʔ
REP.FUT- 3.SG.M- planta- PUNT		

waʔhayę́:twaʔ
waʔ– ha– yętw– aʔ
FAT- 3.SG.M- planta- PUNT							

La morfeme per move asi es usada per indica move a la parlor. El pote ance sinifia ce un aveni es en la pasada. La morfeme normal es t-, ma on usa di- con alga persones.

La morfeme per move ala es usada per indica move de la parlor. La morfeme es he-.

La dual no ave un sinifia spesifada. El es normal de-, ma el cambia cuando usada con otra prefisas prepronomal. Plu comun, el indica un ativia mutua, como comersia. Per alga verbos, la prefisa de dual es obligada. De la esemplos a su, numeros un e du es obligada. Numero tre (contra numero cuatro) indica la crea de du pesos.

deyǫshę́thwas 
de- yǫ-	ashęthw-as	
DU- 3.SG.F- plora- AB							

					
dehahahíyaʔks 
de- ha-	ahah- iyaʔk- s	
DU- 3.SG.M- rua- traversa- AB

dehá:yaʔks 
de- ha-	yaʔk- s	
DU- 3.SG.M- rompe- AB	

há:yaʔks 
ha- yaʔk- s	

Onondaga ave tre series de prefisas pronomal. Un series es per verbos transitiva. Verbos nontransitiva usa du formas: un series de ajente e un series de pasiente. La esata forma de la prefisa varia con la sona cual seguente el - un consonante, a, e, ę, o, ǫ, o i. Final, la prefisas varia per person, cuantia, e seso.

La lingua ave tre persones gramatical: prima (me, nos), du (tu, vos), e tre (el, los). La person prima pote es escluinte (escluinte la oior) o incluinte (incluinte la oior).

weʔdnek
weʔ– dn– ek– Ø						
FAT- 1.DU.INCL-	come- PUNT						

waʔagnek
waʔ– agn– ek– Ø	
FAT- 1.DU.ESCL-	come- PUNT		

Onandaga distingui tre cuantias: singulal, dual, e plural.

waʔsek
waʔ– s–	ek– Ø	
FAT- 2.SG- come- PUNT		

weʔsnek
weʔ– sn– ek– Ø						
FAT- 2.DU- come- PUNT						

weʔswek
weʔ– sw– ek– Ø	
FAT- 2.PL- come- PUNT	

Plu, la lingua distingui tre sesos gramatical, ma sola en la person tre: Mas (umanas e alga animales), fema (umanas e alga animales, o seso nonconoseda), e neutra (cosas e la plu de animales).

waʔek
waʔ- e-	k- Ø
FAT- 3.SG.F- come- PUNT

waʔwek
waʔ- we- k- Ø 
FAT- 3.SG.N- come- PUNT

waʔhek
waʔ- he- k- Ø
FAT- 3.SG.M- come- PUNT

Final, ave du series de prefisas per verbos nontransitiva - la series de ajente e la series de pasiente. Jeneral, la verbos con move o ata ativa e intendeda usa la series de ajente. Verbos con ata nonintendeda o con states usa la series de pasiente. Ma esta regulas ave multe esetas. Ance, un regula indica ce verbos nontransitiva cual usa normal la series de ajente, usa la series de pasiente cuando los ave la aspeta continuante.

Denova, ave ses clases de prefisas pronomal, cual varia con la sona comensante de la morfeme seguente (la radis verbal o un nom incluida). Sola la clase presedente consonantes es mostrada asi:

Nontransitiva, series de ajente

Nontransitiva, series de pasiente

La refletante es la situa en frases como Juan vide se mesma e Nos gusta la un la otra. La forma fundal de la indicante refletante is atat- e el aveni pos la prefisa pronomal e ante la nom incluinte, si el esiste. La refletante es sola tipal en verbos transitiva, ma car ave sola un partisipante en la aveni, on usa la serie nontransitiva de prefisas pronomal. Asi es esemplos de un frase refletante e un frase comun (nonfefletante) per compara:

waʔgadadaehsę́thwaʔ
waʔ- k- atat- aehsęthw-	aʔ
FAT- 1.SG.AJ- REFL- colpa- PUNT

waʔsgaehsę́thwaʔ
waʔ- sk- aehsęthw- aʔ
FAT- 2.SG.AJ:1.SG.PAS- colpa- PUNT

En la forma nonrefletante transitiva, ave un prefisa pronomal sk- cual indica la sujeto (tu) e la ojeto (me). En la forma refletante, es sola un partisipante en la ata de colpe con la pede (me), donce la forma nontransitiva de la prefisa pronomal es usada, k-.

Un ata refletante es alga cosa cual on fa a se mesma. Un ata mutual es alga cosa persones fa la un a la otra. Estas es formada con la indicante refletante e la prefis prepronomal dual. Per esemplo:

waʔthyadadyǫ́dyahdęʔ
waʔ- t-	hy- atat- yǫtya- ht- ęʔ
FAT- DUC- 3.DU.AJ- REFL- laugh-	CAUS- PUNT

La semirefletante aveni un situas variosa cual no es simple descriveda. La forma normal es at-, ma alga radises verbal ave otra formas. Comun situas per la semirefletante inclui estas: 

Prima, on usa la semirefletante cuando un parte de la corpo de la person se mesma es la ojeto de la ata. Asi es un esemplo con e sin un semirefletante:

waʔgadnęntshagetsgwaʔ
waʔ- k- at- nęntsh- a- getsgw- aʔ
FAT- 1.SG.AJ- SRFL- braso- JUNTA- leva- PUNT

waʔkhenęntshagetsgwaʔ
waʔ- khe- nęntsh- a- getsgw-	aʔ
FAT- 1.SG.AJ:3.SG.F.PAS- braso-	JUNTA- leva- PUNT

Du, on usa la semirefletante con verbos de cura personal:

John waʔhadyaʔdohaeʔ 
John waʔ- ha- at- yaʔt-	ohae- ʔ
Juan FAT- 3.SG.M.AJ- SRFL- corpo- lava-	PUNT

Final, on usa la semirefletante per descrive avenis o atas cual es interna causada o spontan:

waʔwadehnhóhwak		
waʔ- w- at- ehnhohw- aR- k
FAT- 3.SG.NT.PAS- SRFL-	porte- aplica- PUNT

odųhwejiyáʔgi:h				
o- at- ųhwęjy- yaʔk- ih

La inclui de nomes en la verbo es comun en onondaga, per la plu parte nomes cual indica pasientes e temas. Per esemplo, si on vole dise el ia planta mais on nesesa dise el ia mais-planta




#Article 234: Orania (315 words)


Orania es la color entre roja e jala en la spetro de lus vidable. En depinta e la teoria de colores tradisional, lo es creada par combina roja e jala. Sua nom es derivada de la fruta orania. Lo es la color de carotas, abricocas, e la spesie de zucas usada comun per la vijila de tota santas. Longo sondas en Europa e la SUA, orania es la color la plu asosiada con diverti, noncostumales, estrovertis, caldia, foco, enerjia, ativia, peril, sabor e bon odor, autono, e protestantisme. Lo es la color nasional de Nederland e la Casa de Orania-Nassau. En Asia lo es un color simbolin importante de budisme e induisme.

En Egipte antica, artistes ia usa un pigmento mineral orania, nomida realgar, per depintas en tombas e per otra usas. Lo ia es ance usada a pos par artistes medieval per colori manoscritos. Pigmentos ia es ance creada en la eda antica de un mineral nomida orpimento. Orpimento ia es un ben importante en la Impero Roman e ia es usada como un medica en Xina, an si lo conteni arsenico e es multe nosiva. Lo ia es ance usada como un venena per moscas, e per veneni flexas. Par causa de sua color jala-orania, lo ia es ance un prefereda de alcimicistes ci ia xerca un modo de crea oro, en e Xina e en la mondo ueste.

Ante la tarda de la sentenio 15, la color orania ia esiste en Europa, ma sin la nom; lo ia es simple nomida jala-roja. Mercatores portuges ia trae la oranios prima a Europa de Asia en la tarda de la sentenio 15 e la temprana de la sentenio 16, con la parola sanscrito naranga, cual, par la parola arabi nāranj, ia deveni gradal un parte de alga linguas european: arancia en italian, naranja en espaniol, laranja en portuges, e orange en franses e engles.




#Article 235: Orania (vila) (132 words)


Orania es un vila sudafrican africanse, locada a lado de la Rio Orange en la rejio Karoo en la provinse de Capo Norde. La vila es divideda par la rua R369, e es locada media entre Cape Town e Pretoria. Lo ave un area de sirca 90 km2, e un popla de sirca 1600, estimada en 2018. Cualcun ci defini se como africans es bonvenida en Orania. Popla negra e colorida (de raza miscada) es tolerada ma no bonvenida. La abitores ia crea la site en 1990 per conserva la erita cultural e lingual e proteje se de la alta niveles de criminalia. An si la vila es raziste, la popla de Orania xerca autodetermina como es permeteda par la constituida de Africa Sude.

La comunia ave sua mone propre, la Ora.




#Article 236: Oscar Arias (220 words)


Oscar Arias Sanchez (1941–) ia es la presidente de Costa Rica entre 1986 e 1990. Naseda en Heredia, Costa Rica, Arias ia es instruida a la Universia de Costa Rica, Universia de Boston, la Scola de Economia de London, e la Universia de Essex.

De 1969 a 1972 el ia ensenia siensa political a la Universia de Costa Rica e ia prende plu tarda postos ministral su presidentes José Figueres e Daniel Oduber. Ativa en la Partida Nasional de Libri (PLN), el ia es elejeda a la asembla nasional en 1978; en 1979 el ia deveni xef de PLN. En 1986, on ia eleje el a presidente.

El ia deside crea un scema de pas per America sentral par diplomatia personal entre la gidores de statos de America sentral. Arias Sanchez demanda El Salvador, Guatemala, Honduras, e Nicaragua per reativi la prosede pasal de Contadora, cual ia fali par geras interna en la area e la tensas entre la governas de la SUA e Sandinista de Nicaragua. En agosto 1986, la presidentes de tota sinco nasiones de America sentral ia suscrive la acorda de pas.

Per onora sua atas grande, Arias Sanchez ia es presentada con la premio Nobel de pas en 1987. De 1990 el ia continua labora per pas par la Funda Arias per Pas e Progresa Umana.




#Article 237: Oseta (lingua) (535 words)


Oseta o iron (endonim: Ирон æвзаг, Iron ævzag) es un lingua iranian este parlada en Osetia, un rejion en la inclinas norde de la montes Caucauso. Lo es un desendente direta de la linguas scitian, sarmatian, e alana.

La area en cual la lingua es parlada en Rusia es nomida Osetia-Alania Norde, e la area sude de la borda es nomida Osetia Sude, reconoseda par Rusia e poca otras como un nasion autonom, ma par la resta de la comunia internasional como un parte de Sacartvelo. On ave sirca 577,450 parlores, con 451,000 de la parlores en Rusia.

La gramatica de Oseta ia adota multe aspetas de la linguas de la Causasos, ma la strutur gramatical e la vocabula fundal mostra sua relata con la familia iranica.

Oseta ia perde la categoria de seso cual la plu de linguas indoeuropean ia reteni. Lo ia reteni oto casos de nomes, ma lo pare ce alga de estas no es orijinal ma ia es redevelopada.

La definitiva es indicada par un cambia de asentua, an si esta no es posible per alga nomes. Per esemplo:

færǽt an axe
fǽræt the axe

Nomes e ajetivos comparti la mesma morfolojia e distingui du cuantias (singular e plural) e nove casos: nominativa, jenetiva, dativa, diretiva, ablativa, inesiva, adesiva, ecuativa, e comitativa. La morfolojia es aglutinante: la sufisas per casos e la sufisa per cuantia es separada, con la mesma sufisas de caso e cuantia per tota.

Car la inesiva e jenitiva mostra la mesma formas en ambos cuantias, alga linguistes sujeste ce Oseta ave oto casos.

Verbos distingui tre persones e du cuantias, tre tempos (presente, pasada, e futur, toto sintesal espresada), e tre modos (direta, sujuntiva, e comanda). La morfemes per estas es, per la plu parte, fusada. La vose pasiva es espresada nondireta con la partisipio pasiva pasada e la verbo aidante cual sinifia vade; sinifias causal e refletante es ance espresada con espresas nondireta. Verbos pote parteni a un de du aspetas (perfeta e nonperfeta), cual es espresada par prefisas, cual orijina tipal en preposadas. On ave un infinitiva (la mesma como la prima person singular), cuatro partisipios (ativa presente, ativa pasada, pasiva pasada, e futur), e un jerundio.

On ave diferes de vocales e/o consonantes entre la radises presente e pasada, e entre formas transitiva e nontransitiva. On ave ance formas spesial, pe un tempo futur prosima cual es formida par ajunta -inag a la verbo e la verbo aidante es. La futur imperativa es ance un forma spesial cual usa la particulo iu. E un otra forma spesial es usada per indica un prosede interompeda o cuasi completada, fada par usa la particulo sæi entre la prefisa (tipal fæ-) e la verbo.

Oseta usa cuasi sempre posponedas (derivada de nomes), e du preposadas. Nomes segue ajetivos. La ordina de parolas no es rijida, me tende a sujeto-ojeto-verbo. La alinia morfosintatical es nominativa-acusativa, an si la caso acusativa no esiste: en loca la ojeto direta es en la caso nominativa (tipal si nonanimada o nondefininte) o en la jenitiva (tipal si animada o defininte).

Per numeros supra 20, du sistemes es usada - un sistem desimal es usada ofisial, e un sistem dudesimal es usada demotical.




#Article 238: Ositan (lingua) (262 words)


Ositan es un lingua romanica parlada en Ositania, cual es situada en Frans sude, Monaco, la vales Ositan de Italia, e en la vale Aran en Espania (aranes).

La area do ositan ia domina es la casa de 15 miliones de persones. 1 milion persones en Frans, Italia, Espania e Monaco pote parla lo. Alga rexercas dise ce en Frans la lingua es comprendeda par 7 miliones de persones; 12 o 14 miliones ia parla lo en 1921. En 1860 la parlores de ositan ia es plu ca 39% de la popla franses e en 1993 los ia es 7%.

Ositan ave du dialetos xef:

An si ositan ia es un lingua dial per la plu de la persones campanial de Frans sude en la sentenio 20, lo ia es cambiada par la forsa de sistemes de franses. Longo la conta de popla de 1999, lo ave 610 000 parlores nativa.

Parlores de engles usa frecuente la parola provençal per refere a la lingua ositan.
En 1904 Frédéric Mistral (1830–1914) ia gania la premio Nobel (con un espaniol). Sua obra xef es Mireio (Mireille en franses). El es  la ganior unica de un lingua areal. Ositan es presente en la Vicipedia.

Un esemplo de Ositan:

Paire nòstre que siès dins lo cèl,
que ton nom se santifique,
que ton rènhe nos avenga,
que ta volontat se faga
sus la tèrra coma dins lo cèl.
Dona-nos nòstre pan de cada jorn,
perdona-nos nòstres deutes
coma nosautres perdonam
als nòstres debitors
e fai que tombèm pas dins la tentacion
mas deliura-nos del mal.
Atal sia!




#Article 239: Osteraic (251 words)


Osteraic es un pais ensircada par tera  en Europa Sentral. La site capital es Wien. La area es sirca 83,879 cilometres cuadrida e la cuantia de popla, en la anio 2019, ia es 8,858,775 persones. La lingua major es deutx.

La nom deutx de la pais Österreich ia sinifia rena este en deutx-alta-vea e es conaseda con la parola Ostarrîchi, cual apare prima en la documento Ostarrîchi en 996. Esta parola es probable un traduida de la latina medieval Marchia orientalis a la dialeto (baires) local. Osteraic ia es un prefetia de Baiern creada en 976.

La nom de la pais en elefen veni de la nom deutx cual ia es adatada a la fonetica de la lingua: en deutx es pronunsiada /ˈøːstəraiç/ e en LFN /'osteraik/.

Colonia en tempos antica, la teras en Europa Sentral cual es oji Osteraic ia es ocupada en tempos ante la ariva de la romanes per varia tribus celta. La rena celta de Noricum ia es concistada per la Impero Roman e convertida en provinse. La site de Carnuntum en Osteraic este ia es un campa militar importante e ia deveni la capital de lo ce ta es conoseda como la provinse de Pannonia Superior. Carnutum ia ave 50.000 abitores durante sirca 400 anios.

Osteraic ave 9 paises federal (Länder o Bundesländer) incluinte la capital Wien.

La Presidente es sr. Alexander Van der Bellen e Prima Minister es sra. Brigitte Bierlein.!-- La governa es un uni entre Socialistes e la Partida de Popla. (De 2010).--




#Article 240: PHP (252 words)


PHP es un lingua de programi a lado de servador, desiniada per developa de ueb, ma ance funsionante como un lingua multiusal. Lo ia es inisial creada par Rasmus Lerdorf en 1994, e sua reali model es aora produida par La Grupo de PHP (The PHP Group). Orijinal, PHP ia es un corti de paje prima personal (Personal Home Page), ma aora lo es un retroacronim de PHP: Preprosedador de Ipertesto (PHP: Hypertext Preprocessor). 

Codigo PHP pote es caxida en codigo de HTML, o lo pote combina con sistemes diversa de montur ueb, de maneja contenidas ueb, e de stensil ueb. Codigo PHP es usual prosededa par un interpretador PHP realida como un modulo en un servador o como un program CGI. Pos interpete e esecuta codigo de PHP, la servador combina la resultas, representante cualce tipo de dato (incluinte imajes), con la paje jenerada. On pote esecuta codigo de PHP par un interfas de linia comandal e ance usa lo per reali programes grafica autonom.

La interpretador PHP de norma ofisial, fundida sur la Zend Engine, es un program libre, publicida con la lisensa PHP (PHP License). On ia tradui vasta PHP, e pote usa lo en la plu de servadores ueb con cuasi cada sistem de opera e plataforma, sin custa.

PHP ia evolua sin un spesifa formal o norma ofisial asta la anio 2014. On ia considera la spesie de la interpretador ja usada como la norma par fato. De la anio 2014 on labora sur un spesifa formal.




#Article 241: Pablo Neruda (149 words)


Pablo Neruda es la nom falsa de Neftali Ricardo Reyes Basoalto (1904–73), un poesiste txilan, regardada como un de la poesistes major de la sentenio 20.

Neruda ia nase en Parral. En America latina, el ia gania fama per sua Dudes poesias de ama. Lo conteni obras diversa, incluinte Abita sur tera (1933), Cantada jeneral (1950) e Poesias elejeda de Pablo Neruda (1961).

Neruda ia comensa como membro de la promove simboliste; alora el ia deveni un surealiste e a fini un realiste. El ia abandona la forma costumal de poesia a la forma de espresa de vive usual. En onora de sua grandia leteratural, Neruda ia gania la posto de servi consulal txilan. En 1970 la partida comuniste txilan ia eleje el como aspiror per presidente. De 1970 a 1972 el ia es la ambasador txilan a Frans. En 1971, el ia gania la premio Nobel en leteratur.




#Article 242: Paje ueb (154 words)


Un paje ueb es un documento (como esta) cual on pote asede par un surfador. La documento es usual scriveda en un forma nomida HTML o XHTML, e lo pote conteni lias ipertestal a otra pajes de rede.

On pote retrae pajes de sua propre computador o de un servador distante. On pote restrinje la servador per opera sola en un rede privata como la intrarede de un compania, o on pote publici pajes a la mundo intera par la WWW. La surfador fa sua solisitas per pajes, e la servadores fa sua respondes, usante un protocol nomida HTTP.

Pajes ueb pote es fixes noncambiante de testo tenida en la servador, o la servador pote reconstrui los a cada retrae, afin la paje mostra sempre la informas la plu fresca. Un paje pote conteni ance programetas, tipal scriveda en la lingua JavaScript, per responde direta a la usor sin revade constante a la servador.




#Article 243: Pan (150 words)


Pan es un comeda comun en la cultures de Europa e Asia sude e sude-ueste. Lo es preparada par forni, vapori o frita un pasta. La pasta es, a la min, un misca de farina, spesial farina de trigo, e acua. En la plu de casos, on usa ance sal e probable fermento. Pan pote inclui ance alga cuantia de zucar, spises, frutas (como uvas seca o bananas), vejetales (como oniones o zucas), nozas, semes (como carvi, sesamo, semes de papaver). On ave varia grande de panes, e preferes difere entre la rejiones.

La pan ave un sinifia sosial e emosial ultra sua importa como nuri. Lo ave un rol esensal en rituos relijial e cultur secular. Sua importa en la vive dial es refletada en la lingua, do lo apare en disedas, preas e en la etimolojia de la parolas como acompanior (de la latina con + panis pan).




#Article 244: Pan negra (242 words)


La pan negra (deutx Pumpernickel) es un pan de segal tipal pesosa e pico dulse fada con la levada natural segal bruta moleda. 

Lo es liada a la rejion deutx de Westfalia, prima refereda en la anio 1450. An si no es conoseda si esta e otra referes plu temprana refere a la pan cual ta deveni conoseda como pan negra, la pan negra de Westfalia es distinguida par la usa de farina de segal bruta moleda e un periodo de formi longa, lo cual dona a la pan sua color tipal.

Varia studias comparante la diferente panes ia es fada. En multe niveles, la panes conteninte plu farina de trigo intera es nural beneficante. La panes fada de farina de segal, par causa de sua basa carga glisemial, ta es spesial beneficante en redui la risca de un aveni cardiovascular. Tal, un studia ta mostra un 8% de diminui en la colesterol intera en sangue. En ajunta, la pan completa de segal ave multe otra cualias dijestal par causa de sua consentra alta de fibre. La ingredientes de la pan negra sujesta an plu cualias beneficante. Entre otra cosas, melasas es rica en minerales como fero trovada en pan, en cuando la zucares de la melasas es convertida en diosido de carbono, alcol (cual vapori en la coce) e varia asidas produida par lo. En ajunta, un fermenta longa de la pan, como en la resetas orijinal, ta boni sua dijestablia.




#Article 245: Panama (317 words)


Panama (ofisial la Republica de Panama) es un pais en America Sentral. Lo es bordada par Costa Rica a la ueste, Colombia (en America Sude), la Mar Caribe a la sude-este e la Mar Pasifica a la sude. La capital e site la plu grande es la Site Panama, de cual sua parte urban casi cuasi un dui de la cuatro milion abitores de la pais.

Panama ia es abitada par tribus nativa ante sua coloni par la espanioles en la sentenio 16. Lo ia rompe de Espania en 1821 e ia junta se a un uni de Granada Nova, Ecuador e Venezeula, nomida la Republica de Colombia Grande. Cuando Colombia Grande ia desintegra en 1831, Panama e Granada Nova ia resta juntada, final deveninte la Republica de Colombia. Suportada par la Statos Unida, Panama ia separa de Colombia en 1903, permetente la construi de la Canal Panama par la Corpo de Injeniores de la Armada SUA entre 1904 e 1914. En 1917, un acorda ia es suscriveda per pasa intera la Canal de la Statos Unida a Panama ante la fini de la sentenio 20.

Revenu de peajes de canal representa ancora un parte importante de la produi interna bruta de Panama, an si comersia, bancos e turisme es campos major e cresente. En 2015, Panama ia es la numero 60 de mundo en la Indise de Developa Umana. De 2010, Panama resta la economia du de la plu competosas en America Latina, longo la Indise de Competosia Global de la Foro Economial Mundal.

Junglas covre sirca 40 persentos de la area de tera de Panama, e un abunda de plantas e animales abita ala, de cual alga es trovada en no otra loca sur la planeta.

La area es sirca 78 200 cilometres cuadrida. En 2007, la popla ia es sirca 3 242 173 persones: la numero 131 de mundo.

La linguas major es espaniol e engles (14%).




#Article 246: Panica (161 words)


Panica e la sindrom de panica es representada par avenis (o atacas) spontan e nonespetada de teme intensa. Tal avenis es tempora, con funsiona mental normal (asentia de teme) entre avenis. La cuantia de avenis pote varia entre multe en cada dia a poca en un anio.

Panica es comun acompaniada par agorafobia, cual es la teme de locas e situas nonconoseda.

Ance, panica pote aveni en multe maladias psicolojial (pe depresa), states medical (pe epilesia, maladias de cor); donce la presentia de atacas panica no nesesa un diagnose de sindrom de panica.

Car pasientes ci ia esperia atacas de panica vade frecuente a un ospital medical (en loca de visita un psiciatriste o psicolojiste), la sintomes pote es noncoreta diagnoseda como un state medical (pe ataca de cor) o como sintomes de isteria.

Oji, de la crea de la diagnose en 1980, medicistes ia aumenta sua capasia de reconose la sintomes de panica, e tratas produinte e spesifada es otenable.




#Article 247: Papiamento (205 words)


Papiamento (o Papiamentu) es un lingua ofisial de la isolas de la Mar de Caribe cual ia es colonias de Nederland: Aruba, Bonair, Curasau, e San Marten. El es un lingua creol cual es derivada de portuges e espaniol, con contribuis de nederlandes, engles, linguas arauac, e linguas de Africa ueste. La nom de la lingua veni de papear (parla, parleta) de portuges.

Papiamento ave du sistemes de spele. En Aruba, los usa un spele cual es plu prosima la spele orijinal en portuges, espaniol, o nederlandes. En la otra isolas, los usa un spele plu prosima a la pronunsia. Per esta razona, los dise papiamentu en loca de papiamento.

Nota ce papiamento no usa la asentua. Papiamentu usa ance ù per /ʏ/ e ü per /y/. Papiamento usa y per /i/, ma sola en la caso de la parola per e.

En papiamento, a veses, b pote es usada per /v/, d per /t/, s per /ʃ/, e z per /s/. Papiamentu no usa c e j, estra en la duples ch, dj, e zj, e en nomes propre o parolas stranjer. Ambos no usa x e q, estra en nomes propre e parolas stranjer, s es sempre /s/, estra en la duple sh. 




#Article 248: Papua Gine Nova (429 words)


Papua Gine Nova  (Pisin: Papua Niugini, ofisial la Stato Autonom de Papua Gine Nova) es un pais cual ocupa la dui este de la isola Gine Nova e sua isolas visina en Melanesia, un rejion de la Mar Pasifica sude-ueste, a norde de Australia. Sua capital, locada a sua costa sude-este, es Port Moresby. La area es sirca 462,840 cilometres cuadrida. La dui ueste de Gine Nova formi la provinses indonesian Papua e Papua Ueste.

A la nivel nasional, pos es renada par tre potias esterna de pos 1884, Papua Gine Nova ia institui sua autonomia en 1975. Esta ia segue cuasi 60 anios de dirije australian, cual ia comensa en la Gera Mundal Prima. Lo ia deveni un rena autonom de la Comunia de Nasiones en 1975, con Rea Elizabeth 2 como sua xef de stato.

Papua Gine Nova es un de la paises la plu cultural diversa en la mundo. La pais conteni 852 linguas conoseda, de cual 12 ave aora no parlores vivente conoseda. (Sola la pais Vanuatu es plu densa con linguas.) Pijin melanesia (pisin) es la lingua franca. La plu de la popla de plu ca 7 milion persones abita en comunias nativa, cual es tan diversa como la linguas.

Lo es ance un de la paises la plu campanial, car sola 18 persentos de sua popla abita en sentros urban. La pais es un de la min esploradas de mundo, cultural e jeografial. On sabe ce lo conteni grupos de poplas noncontatada, e rexercores crede ce multe spesies nondescovreda de plantas e animales esiste en la interna.

La Reserva Monal Internasional clasi Papua Gine Nova como un economia developante. Un crese forte en sua campo de mina e recursos ia fa ce la pais ia deveni la economia ses de la plu rapida cresentes de mundo en 2011. Governas local e nasional discute la posible de recomensa operas en la mina Panguna en la provinse Bougainville, cual es cluida de pos la gera interna en la desenios de 1980 e 1990. Cuasi 40 persentos de la popla ave un vive natural e autosustante sin asede a capital global.

La plu de la abitores vive ancora en grupos sosial tradisional forte, fundida sur cultiva. Sua vives sosial combina relijio tradisional con praticas moderna, incluinte educa prima. Esta sosias e clanes es direta reconoseda par la Constitui de Papua Gine Nova, cual espresa un desira ce viletas e comunias tradisional resta como unias viable de la sosia de Papua Gine Nova e proteje sua importa continuante a la vive de la comunias local e nasional.




#Article 249: Paradox de Fermi (400 words)


La fisiciste Enrico Fermi ia indica la paradox seguente en relata con la probablia de la esiste de vive intelijente estrateran:

Si nosa Via Letin conteni a la min un sivilia capas de coloni la galasia, alora la galasia pote es ja colonida tra poca milion anios. Car la Via Letin es multe plu vea ca la sirca 20 milion anios nesesada, tal sivilias debe esiste a cada parte de lo. Ma asta aora nos ia trova no sinia de un tal sivilia (vide SETI).

Modos posible de solve de esta paradox:

Ta ce nos suposa ce la states sur nosa tera es unica. An si on ave alga razonas (per esemplo la esiste de la luna), esta suposa no apare razonante. Otras disputa ce la esiste de vive es probable, ma la developa de intelijentia es estrema nonprobable.

An si nos no sabe aora un modo de traversa la distantias vera grande interstelal (par causa de la limita de la rapidia de lus), un tempo vera longa esiste per solve esta taxe, e nos veni de comensa la esplora de la universo. En esta caso multe sivilias ta pote esiste sin influe lunlotra.

Nos pote demanda esce un sivilia pote ave interesa a colonia la galasia e comunica interstelal. On pote duta la razona economial e filosofial.

La usa de sinias de radia es perosa. Si otra sivilias usa xef otra metodos de comunica (per esemplo laser), alora on pote ave sola vera poca radia en esta banda de frecuentias. En otra caso, los pote usa un modo de radia tal nonperosa, cual nos no pote 
distingui de la ruido de universa. Nos pote descovre sola un sinia vera simple.

Nos no sabe tra cuanto tempo un sivilia pote esiste. Lo pote es ce sivilias deveni estinguida pos alga tempo en loca de crese. La esiste de un sivilia tecnolojial de sola poca mil anios pote es tro corta per encontra un otra sivilia.

La otras pote iniora nos, car nos no es sufisinte developada o nos es en un state de developa critical. Nos es cuasi en un zo galasial.

Alga persones es convinseda ce viajores ia visita o visita ancora nos planeta. Ma la plu multe prefere iniora indicas de tal avenis.

Esta consideras es nonserta, car nos sabe sola vera poca sur la states nesesada per la developa de vive intelijente. Vide la Formula de Drake.




#Article 250: Paraguai (391 words)


Paraguai (ofisial la Republica de Paraguai) es un pais sin costa en America Sude sentral, bordada par Arjentina a la sude e sude-ueste, Brasil a la este e norde-este, e Bolivia a la norde-ueste. Lo es situada a ambos rivas de la Rio Paraguai, cual flue tra la media de la pais, de norde a sude. Paraguai es un de la du paises sin costa estra Afro-Eurasia (la otra es Bolivia).

La popla guarani ia abita en Paraguai tra a la min un milenio ante la concista de la teritorio par la espanioles en la sentenio 16. Colonistes espaniol e misiones jesuita ia introdui cristiania e cultur espaniol a la rejion. Paraguai ia es un colonia periferial de la Impero Espaniol, con poca sentros urban e colonistes. Pos autonomi de Espania en 1811, Paraguai ia es renada par un serie de tiranos ci ia reali jeneral politicas isoliste e protejiste.

Pos la desastre de la Gera Paraguai (1864–70), la pais ia perde entre 60 e 70 persentos de sua popla par causa de gera e maladia, e sirca 140 000 cilometres cuadrida (un cuatri de sua teritorio) a Arjentina e Brasil.

Tra la sentenio 20, Paraguai ia continua sufri un serie de governas autoritariste, culminante con la rena de Alfredo Stroessner, ci ia gida la tirania militar la plu longa de America Sude entre 1954 e 1989. El ia es desponeda par un colpa militar interna, e elejes libre multipartital (incluinte la legali de partitos comuniste) ia es organizada a la ves prima en 1993. A un anio plu tarda, Paraguai ia junta se con Arjentina, Brasil e Uruguai per fundi Mercosur, un colabora economial rejional.

En 2009, on ia estima la popla de Paraguai a sirca 6,5 milion persones, de ci la plu es consentrada en la rejion sude-este de la pais. La capital e site la plu grande es Asunción, de ci sua area urban casi cuasi un tri de la popla de Paraguai. Contrastada con la plu de nasiones de America Latina, la lingua e cultur nativa de Paraguai, guarani, resta multe influosa. En cada conta, abitores identifia se xef como de raza miscada, refletante anios de intersposi entre la etnicos diversa. On reconose guarani como un lingua ofisial a lado de espaniol, e ambos linguas es comun parlada en la pais.

La area es sirca 406,750 cilometres cuadrida.




#Article 251: Paris (121 words)


Paris es la capital de Frans. Lo es locada a la rio Seine en Frans norde-sentral, e es ance la capital de la rejion Île-de-France (ance conoseda como la Area de Paris), cual inclui Paris e sua suburbes. En 2004, Paris ia ave sirca 2 144 700 abitores. La area de la site intera ave aora sirca 9,93 milion abitores. Incluinte vilas ensircante, la popla intera ave sirca 11,5 milion persones (en 1999), e donce Paris es un de la areas la plu poplada en Europa.

De 2014 la maior es Anne Hidalgo, sosialiste, ci ia nase en San Fernando, Cádiz, Espania en 1959.

La sentro de Paris es la Isola de la Site (Île de la Cité), cual inclui Notre-Dame de Paris.




#Article 252: Patrick White (232 words)


Patrick Victor Martindale White (1912–90) ia es un autor e ganior de Nobel australian, ci ia nase en London en un visita periodal de sua jenitores. White ia reveni a England per studia a la Universia de Cambridge, e ia servi en la Fortia Real Airal en la Gera Mundal Du (1939–45).

Sua novela prima, La vale felis (1939), ia aveni en Australia, como otra obras cual ia susede plu tarda como La arbor de om (1955), sur la lutas de un cultivor en la savajeria australian, e Voss (1957). Estas es regardada como sua obras famosa e grandi sua reputa. Entre sua otra obras es Montores en la caron (1961), La mandala solida (1966) e La oio de la tempesta (1973). Rica con simbolisme e metafor, los trata la xerca de un om per sinifia en un pais ru e cisa violente, xercante la defini de se mesma.

La reconta de Twyborn (1979) ia esplora la confusa sesal e spirital e ia fini con la gera lampin de London.

White, ci en 1973 ia deveni la resetor australian prima de la Premio Nobel de leteratur, ia es sitada per sua arte de nara psicolojial e epica, cual ia introdui un continente nova a leteratur.

Sua moda de scrive alta orijinal ia es lodada par criticistes per sua grandia de descrive. Sua autobiografia, Fesures en la vitro, ia es publicida en 1980.




#Article 253: Paucituberculato (214 words)


La ordina Paucituberculato conteni la ses spesies survivente de oposum musaranin: marsupiales peti e musaranin restrinjeda a la Andes en America Sude.  On crede ce la ordina ia diverje de la linia asendente de marsupiales prematur.  Tan resente como 20 milion anios ante aora, plu ca sete jeneros ia esiste en America Sude.  Los abita la areas de foresta e erba de la Andes alta.  Car otra insetivores es asente de America Sude, oposumes musaranin pleni la mesma nix ecolojial.  Esta sujesta ce oposumes musaranin ia abita esta area cuando America Sude ia es un continente isolida.

Oposumes musaranin (ance nomida oposumes ratin) ave sirca la grandia de un rata peti (9–14 cm de longia), con membros plu peti, un beco longa e puntida, e un coda magra e capelosa.  Los es jeneral carnivor: xasores ativa de insetas, vermas de tera, e vertebratos peti.  Los ave oios peti cual vide povre, e xasa a la sera temprana e a note, usante sua oio per loca vitimas.  Los pare vive la plu de sua vives en tuneles su la tera e en ruetas a la surfas.

Car los abita locas ru e nonasesable, los no es bon conoseda e es clasida como rara.  Studias resente sujesta ce los es plu comun ca nos ia pensa.




#Article 254: Paul Heyse (165 words)


Paul Johann Ludwig von Heyse (1830–1914) es un noveliste, poesiste e dramiste ci on ia reconose per la realisme e perfetisme strutural de sua obras. El ia nase en Berlin, en Deutxland, e ia es instruida a la Universia de Berlin.  
Per la plu de sua carera el ia es su la padronia de Maximilian 2 e Ludwig 2, res bavarian.

Sua noveletas de prosa la plu famosa es La furia (1855; trad. 1855), La fia de Treppi  (1858; trad. 1874) e Andrea Delfin (1859; trad. 1864). Sua obras inclui Enfantes de la mundo (1873; trad. 1882). 

Heyse ia scrive multe poesias e sirca 60 teatrales. El ia es un oposor conservaliste de la promove naturaliste e impresiste en leteratur de la fini de sentenio 19; el ia perde multe prestijia leteratural en Deutxland par causa de contratacas de membros de esta scolas.

Heyse ia gania la premio Nobel de 1910 per leteratur, e ia es la scrivor deutx prima ci ia reseta esta onora.




#Article 255: Pearl Buck (186 words)


Pearl Buck es un autor american ci ia nase en 1892 en Hillsboro, Virginia Ueste. En sua enfantia, sua jenitores ia prende el a Jonguo do los ia labora como misionores e ia compra un casa en un provinse jonguo. Ala el ia spende la plu parte de sua jovenia, e ia aprende engles en un scola jonguo. El ia viaja denova a America do el ia studia en Virginia.

El ia gania premio Pulitzer e otra premios per sua publicis en leteratur. En 1917, Pearl ia sposi John Lossing Buck, ci ia prende el a Jonguo, ma los ia sufri un vive povre e nonfelis. El ia descrive esta en sua novela la bon tera. El ia viaja con sua sposo a la SUA, do el ia fini con esele la studia de leteratur engles. El ia gania un premio per sua rexerca Xina e Ueste. De sua jovenia, el ia ama leje naras diversa, como Aladin e la lampa majiosa. El ia gania la premio Nobel per leteratur en 1938.

A su es alga de sua novelas abundante :

Libros de fato

Naras corta




#Article 256: Pennsylvania (723 words)


Pennsylvania es un stato de la Statos Unida de America. Lo es en la parte norde-este de la pais, e lo ave un borda con Ohio a la ueste, West Virginia a la sude e ueste, Maryland a la sude, Delaware a la sude-este, New Jersey a la este, New York a la norde, e Lago Erie a la norde-ueste.

La capital de Pennsylvania es Harrisburg. La site la plu grande es Philadelphia. La nometa es la petra clavin. 

Pennsylvania es bon conoseda per sua rol en la Revolui american, sua comunias grande de Amix, e sua industria pesosa.

Pennsylvania ia es la abita de multe grupos de americanes orijinal, incluinte la lenapes, la suscuehana, e la irocuoi. La prima colonistes european ia es de Sveria, ci ariva en 1643. La area ia es dominada plu tarde par Nederland e Britan. En 1681, Re Charles 2 de England dona la area a William Penn, ci ia usa esta dona per crea un abita per la cueceres. La pais ia es clamada la foresta de Penn, cual es Pennsylvania en latina, e esta nom ia es adotada per la nom de la colonia.

En la parte ueste de la stato, armadas de Frans e Britan ia batalia per controla de la orijin de la Rio Ohio. Esta ia es un parte de la Gera franco-indian, cual es un parte de la gera plu grande, la Gera de sete anios. Pos la gania de la batalia, la brites ia construi la fortres Pitt. Esta fortres ia deveni la site Pittsburgh.

La stato de Delaware ia es orijinal un parte de Pennsylvania. Delaware ia es creada cuando tre contias de Pennsylvania ia parti la stato e ia forma sua governa propre.

Pennsylvania ia es un de la 13 colonias cual batalia Britan en la Revolui american. La Declara de autonomia de la Statos Unida ia es suscriveda en Philadelphia. Pennsylvania ia es la stato du cual junta se a la Statos Unida, e Philadelphia ia es la capital ante Washington, DC. Benjamin Franklin, un person multe importante en la revolui, ia es un primor en Philadelphia.

Plu tarda, Pennsylvania ia deveni un sentro importante de industria. Petrolio ia es descovreda en Titusville en la sentenio 19. Esta ia es la comensa de la industria de petrolio en la Statos Unida. Ance, depones grande de carbon ia es descovreda en la area de Pittsburgh, cual ia causa lo deveni un site industrial major.

Industria ia comensa parti Pennsylvania tarda en la sentenio 20 car la plu de industria pesosa ia es moveda a otra nasiones. Esta ia causa la cuantia de la popla diminui seria, e multe sites e vilas ia deveni povre.

La plu de Pennsylvania es un parte de la cadena de montanias, la Apalatxias, spesial la areas sude-sentral e norde-este. La resta de la stato es plen de colinas, con multe vales cual es creada par la rios. La rios Monongahela, Allegheny, e Ohio es en la ueste de la stato, la Susquehanna en la parte sentral, e la Delaware en la este. Sola a partes norde-ueste e sude-este, do la stato toca la lago Erie e la mar Atlantica, es basa e plana.

Pennsylvania es numero 33 en grandia en la Statos Unida, con un area de 44,817 miles cuadrida. La punto la plu alta es Monte Davis, a 3213 pedes supra la nivel de mar. La punto la plu basa es la rio Delaware, cual es a la nivel de mar.

Pennsylvania es numero 6 en cuantia de popla en la Statos Unida. En 2000, la cuantia ia es 12 281 054.

Plu ca dui de la popla abita en la areas de Pittsburgh e Philadelphia. Poca persones abita en la parte norde-sentral.

Pennsylvania ave multe universias. La plu grandes es la Pennsylvania State University, la University of Pittsburgh, la University of Pennsylvania, Temple University, e Carnegie-Mellon University. Ance, Pennsylvania ave un grupo de 14 universias cual es governada par la stato. Los es locada en Bloomsburg, California, Cheyney, Clarion, East Stroudsburg, Edinboro, Indiana, Kutztown, Lock Haven, Mansfield, Millersville, Shippensburg, Slippery Rock, e West Chester. Esta 14 scolas composa un de sistemes la plu grande de universias en la nasion. Plu, Pennsylvania ave un de grupo la plu famosa de universias privata, como Bucknell, Bryn Mawr, Franklin e Marshall, e multe otras.




#Article 257: Peru (389 words)


 Peru (ofisial la Republica de Peru) es un pais en America Sude ueste. Lo es bordada a la norde par Ecuador e Colombia, a la este par Brasil, a la sude-este par Bolivia, a la sude par Txile, e a la ueste par la Mar Pasifica. Peru es un pais estrema biodiversa, con abitadas variante entre la planos seca de la rejion costal en la ueste, la montania alta Andes cual estende de la norde asta la sude-este, e la foresta pluvosa de la Basin Amazon en la este con la Rio Amazon.

Teritorio peruan ia casi cultures antica como la sivilia Norte Chico en Caral (un de la plu veas de mundo, con abitadas tan vea como 3200 aec) e la Impero Inca (la stato la plu grande de America precolumbian). La Impero Espaniol ia concista la rejion en la sentenio 16 e ia institui un visreia con sua capital en Lima, cual ia inclui la plu de sua colonias de America Sude.

Plu tarda, ideas de autonomia political ia estende tra America espaniol e Peru ia gania sua autonomia, ofisial proclamada en 1821 pos la ocupa par campanias militar de José de San Martín e Simón Bolívar; Peru ia serti sua autonomia sola pos la batalia de Ayacucho, a tre anios pos la proclama.

Pos autonomi, la pais ia resta en retrosede e no ia es multe militar ativa, asta un leva economial fundida sur la estrae de materias cru e maral, fininte corta ante la Gera de la Pasifica. A pos, la pais ia esperia cambias governal de sistemes oligarcial a democrata. Peru ia traversa periodos de turba political e gera interna, ma ance periodos de stablia e boni economial.

Peru es un republica democrata represental, divideda en 25 rejiones. Lo es un pais developante con un indise alta de developa umana e un nivel de povria sirca 25,8%. Sua atas economial xef inclui mina, fabrica, cultiva e pexa.

La popla peruan, estimada como 31,2 milion persones en 2015, es multietnical, incluinte nativas, europeanes, africanes e asianes. La lingua parlada xef es espaniol, ma un cuantia notable de peruanes parla cetxua, aimara o otra linguas nativa. Esta misca de tradisiones cultural ia crea un diversia vasta de espresa en tal campos como arte, cosini, leteratur e musica.

La area de Peru es sirca 1 285 220 cilometres cuadrida.




#Article 258: Pex (247 words)


Pexes es un supraclase de vertebratos cual abita en acua, respira par brancias e pari sua projenia par ovos. Sua corpos es covreda par scamas e los move par pinas.

Pexes pote comunica en sua ambientes suacuan tra la usa de comunica acustica. Comunica acustica en pexes conserna la transmete de sinial acustica de un individua de un spesie a otra. La produi de sonas como medias de comunica entre pexes es plu frecuente usada en la contesto de come, ataca o cortea.

Pexes es abundante en plu acuas. Los pote es trovada en casi tota la ambientes acual, de la corentes de montanias alta a la profondones de la mares plu profonda. Con 33 600 spesies descriveda, la pexes ave un diversia plu grande ca cualce otra grupo de vertebratos.

Pexes es un recursos importante per la umanas, spesial como comeda. Pexores comersial e de susiste pexa en pexerias savaje (pexa maral) o eleva los en lagetas o en cajes en la mar (acuacultur). Los ance es pexada par pexores recreal, mantenida como animales de casa e esibida en acuerias publica. La pexes ia ave un rol en cultur tra la edas, servinte como dios, simboles relijial e como sujetos de arte, libros e filmas.

La plu pexes intercambia gases usante brancias en cada lado de la farinje. Pexes de alga grupos pote vive estra la acua per periodos estendeda.

(Nota: esta lista no inclui grupos de pexes estinguida)

Infrafilo Agnata (sin mandibula)

Infrafilo Gnatostomata (mandibula-boca)




#Article 259: Piemontes (160 words)


Piemontes (Piemontèis) es un lingua romanica parlada en Italia. Lo ave 2 000 000 parlores.

Multe  linguistes european e esuan reconose la piemontes como un lingua autonom, an si en Italia lo es considerada ancora un dialeto de italian. Oji lo ave serta state ofisial reconoseda par la governa rejional de Piemonte, ma no par la governa nasional.

La piemontes es la prima lingua de la migrores ci, en la periodo entre 1850 e 1950, ia abandona Piemonte per paises como Frans, Brasil, Statos Unida, Arjentina e Uruguai.

La prima documentos en piemontes, la sermones subalpini, es de la sentenio 12, en cuando la lingua ia es ancora multe prosima de la ositan. La piemontes leteratural ia developa entre la sentenio 17 e 18. La lingua nunca ia ave la susede de la franses o la italian, otra linguas usada en Piemonte. An tal, la leteratur en piemontes nunca ia para: lo ia ave multe jeneros: poesia, drama, novelas e obras siensal.




#Article 260: Pijin (518 words)


Un pijin es un lingua simple cual developa per aida la comunica entre du o plu grupos cual no ave un lingua comun. La plu de pijines usa aspetas de la lingua de un popla nativa con un vocabulo limitada de la lingua de un popla esternal. Pijines tipal ave no afisas gramatical e un gramatica limitada.

La pijin no es la lingua orijinal de un popla ma es aprendeda como un lingua du; lo es usual la lingua usada par un migror en sua nova loca de abitada, o un lingua franca usada en un zona de contata intensa de poplas lingual distinguida, como un porto multe ativa; la pijines ia es frecuente ance en la colonias, miscante elementos de la lingua de la nasion dominante con los de la nativas e la sclavos introduida a lo.

La parlor de un pijin usa la strutures formal de sua lingua madral, completida con parolas de la lingua de sua conversor; car on usa los per manteni comunicas entre individuas con capasias lingual diferente, sua gramatica redui normal a sola la nesesada. Alga pijines deveni la lingua prima de un popla. Si un pijin stabli como lingua de un grupo, on prefere la terma lingua creol, cual oteni tota la cualias de un lingua natural completa de la momento cuando lo ave parlores nativa.

La pijin la plu antica conoseda es la lingua franca, un dialeto usada par la marinores e mercatores de la Mediteraneo de la sentenio 14 cual ia continua en usa asta la fini de la sentenio 19. Multe otra pijines ia veni de la ativia comersial de la europeanes; la pijin de Guangzhou ia veni de la portos jonguo per la negosia.

Un otra fonte rica de pijines ia es la introdui en la colonias american e caribean de sclavos de orijina african; la combina de la linguas distinguida cual estas ia parla – car la mercatores de sclavos ia prende membros de etnicos distinguida, a multe veses mutua nonconoseda o enemin – con la linguas de la propriores colonial e la nativas american orijinal ia produi multe miscas, de cual la majoria ia stabli final como linguas creol. En America Sude, la combina de portuges, espaniol e la linguas tupi-guarani ia dona orijina a la Lingua geral, parlada en la basin de la Amazonas e usada per la rituos umbanda asta oji.

La orijina de la terma no es clar. On ia sujesta ce la parola veni de la pronunsia xines de la parola engles business (negosia), ma lo ta pote resulta ance de la espresa pigeon English (engles de pijon), en refere a la pijon. La parola xines per pijin, (en xines 洋涇濱, 洋泾滨, yáng jīng bīn), ia ave sua orijina en la nom de la rio Jing, locada longo la frontera entre la teras luada a franseses e engleses en Shanghai.

Pidgin English es la nom donada par la parlores nativa de engles a la pijin xines-engles-portuges usada per la comersia en Guangzhou entre la sentenios 18 e 19; en Xina esta lingua franca ia reseta la nom de engles de Guangzhou.




#Article 261: Pilipinas (308 words)


La Republica de la Pilipinas es un nasion de isolas formida de un arcipelago de plu ca sete mil, ma min ca oto mil, isolas a sirca 100 km sude-este de Asia, en la costa ueste de la Mar Pasifica. La capital es Manila. La linguas ofisial es engles e tagalog, ma la lingua nasional es tagalog (filipino).  Ester sites, multe persones no comprende engles.  On ave plu ca sento, ma min ca dusento, linguas local austronesian.

La area es sirca 300 000 cilometres cuadrida.

La cuantia de popla, en la anio 2015, es sirca 100 981 437 persones.

La eroe nasional es José Rizal (1861-96), scrivor de la novela Noli me tangere.

La ariva de Ferdinand Magellan a Homonhon, Samar Este, en 1521 ia marca la comensa de la coloni espaniol. En 1543, la esploro espaniol Ruy López de Villalobos ia nomi la arcipelago Las Islas Filipinas, per Felipe 2 de Espania.  E Miguel López de Legazpi ia ariva de Site de Mexico en 1565 e ia stabli la prima colonia espaniol en la arcipelago. Pilipinas ia deveni parte de la Impero Espanial per plu ca 300 anios. Esta ia resulta en ce la catolicisme es la relijio xef. Durante esta tempo, Manila ia deveni la sentro ueste en la comersia transpasifica conetante Asia con Acapulco en America e usante la galeones de Manila.

En la fini de sentenio 19, la revolta de Pilipinas ia comensa. Esta ia nase la Republica Prima de Pilipinas, cual gera contra la Statos Unida. La gera, como ance la epidemica de colera, es la causa de la mori de miles de combator e desmiles de sivil. En 1898, la pais ia es concistada par la americanes.  La niones ia ocupa la pais en 1941 a 1945.  La pais ia ateni la autonomia en 4 de julio de 1946 de la americanes.




#Article 262: Piotr la grande (321 words)


Piotr la grande (9 junio 1672 – 8 febrero 1725) ia es la tsar de Rusia e, plu tarda, de la Impero Rusce de 7 maio 1682 asta sua mori (con sua duifrate Ivan 5 ante 1696).

 
En 1697, el ia visita Amsterdam e otra sites de Europa ueste, e ia deside ce Rusia debe pote asede la mar. Per reali esta intende, el ia comanda la construi de la site e porto San Petersburg, cual ia deveni la capital de Rusia en 1711. Par geras susedosa, el ia estende la tsaria a un impero multe plu grande, e Rusia ia deveni un potia major en Europa. El ia gida ance un revolui cultural cual ia cambia alga de la sistemes political e sosial medieval a un nasion european moderna, envolveda en siensa, e fundida en la Eda de Lumina. Multe de la reformis cual Piotr ia fundi es ancora un parte de la cultur e politica de Rusia.

Piotr ia ave du sposas, con ci el ia ave 14 enfantes, de ci sola tre fias ia survive a adultia. Sua sposa prima, Eudoxia Lopuhina, ia es elejeda par sua madre. Petr ia divorsa el en 1698. Piotr ia comensa un caso de ama en 1702 con Marfa Scavronskaia. Marfa ia converti a la Eglesa Ortodox Rusce e ia eleje la nom Ecaterina, e ia sposi secreta con Piotr en 1707, e denova e ofisial en 1712.

La enfante prima de Piotr e sua eritor, Alexei, ia es suspetada de conspira per suverti la imperor. El ia es torturada e ia confesa, e ia es condenada a mori. El ia mori en prison en 1718. Alora, sin un eritor mas, en 1724, Piotr ia causa ce sua sposa Ecaterina ia deveni Imperoresa, an si Piotr ia reteni la potia.

Piotr ia mori a 8 febrero 1725, de gangrena de la vesica. El ia ave 52 anios, e ia rena tra 42.




#Article 263: Pitagora (299 words)


Pitagora (582–500 aec) ia es un filosofiste e matematiste elinica de Ionia.  Pos viaja a multe paises, incluinte Galia (Frans moderna), Egipte e India, el ia abita a Crotona, un porto de Italia sude.  Italia sude ia es la abitada la plu grande de elinicas estra Elas, e la romanes ia nomi lo Magna Graecia (Elas grande).  Ala, el ia fundi un scola famosa.

Sua scola ia es plu simil a un comunia, e sua filosofia como un relijio.  Car los ia crede a reincarne, tota de sua seguores ia es vejetalistes.  Los ia evita vino, juras par dios, mal conduis sesal, e tro multe bones e joia.  Per la prima sinco anios, un studiante nova ia fa un promete de povria.  Femas ia es egal a la omes – un cosa vera rara en la mundo antica.

Sua filosofia ia es fundida en matematica, cual ia sinifia jeometria per la elinicas antica.  Pitagora ia es onorada per alga demostras de jeometria, plu importante la teorem de Pitagora:  La soma de la cuadros de la du lados de un triangulo reta es egal a la cuadro de la lado diagonal.  El ia descovre la funda matematical de musica, e ia crede ce la moves de la planetas (la musica de la sferas) ia ave la mesma funda.  El ia vide ce un coere elejente pote es la funda de la universo intera.

En loca de xerca la regulas de natur en la move de materia e enerjia, el ia xerca los en la regulas formal de matematica.  Car esta regulas esiste sola en la mente, Pitagora es regardada como un idealiste.

An si sua vive resta misteriosa, sua scola ia dura tra sirca 300 anios, e el ia ave un efeto profonda a tota ci ia segue, spesial Platon.




#Article 264: Pitcairn (167 words)


Pitcairn  es un pais en la Mar Pasifica.

La Isolas Pitcairn es un grupo de cuatro isolas volcanal en la Mar Pasifica sude. Los formi la Teritorio Ultramar Brites final en la Pasifica. La isolas – Pitcairn, Henderson, Ducie e Oeno – es sperdeda tra sentos de cilometres de mar e sua tera ave un area intera de sirca 47 cilometres cuadrida. Sola Pitcairn, la isola du par grandia, es abitada. De este a ueste, lo ave un longia de 3,6 km.

Lo es xef abitada par desendentes de nove rebelores de la barcon Bounty e la tahitis (o polinesianes) ci ia acompania los, un aveni narada en multe libros e filmas. Esta istoria es ancora evidente en la multe nomes familial de la isolas. Con sola 50 abitores permanente, orijinante de cuatro familias xef, Pitcairn es la teritorio nasional la min poplada de mundo.

La capital (e la sola loca abitada) es Adamstown.

La linguas major es engles e pitcairnes (un junta de engles e tahiti).




#Article 265: Planetas estrasolal (124 words)


Un planeta estrasolal es un planeta cual no orbita nosa sol, ma sirculi sirca un otra stela.

Ja en agosto 2011, plu ca sincosento planetas estrasolal ia es conoseda o suspetada.

Multe de estas ia es descovreda par la metodo de la rapidia raial (la metodo de Doppler). La gravita de la planeta cambia la move de la stela cual lo orbita, e la longia de la ondas de lus de la stela cambia cuando lo move a o de nos.

Otras ia es descovreda par la metodo de eclises. Cuando la planeta pasa entre sua stela e la Tera, lo bloci alga de la lus de sua stela. On pote trova la planeta par mesura la diminui de la lus de la stela.




#Article 266: Platdeutx (219 words)


Platdeutx (Plattdüütsch o deutx basa) es un lingua parlada en Deutxland norde e partes de Nederland este e Danmarc sude par sirca tre milion persones. La parola platt (basa) refere a la costas e planos basa de Deutxland norde, etc. Car lo no ave un forma ofisial, multe persones crede ce platdeutx es no plu ca un dialeto de deutx. Ma lo es un lingua separada, e es plu simil a nederlandes ca deutx. La parlores de platdeutx usa normal la lingua ofisial de sua nasiones – deutx, nederlandes o dansce – estra sua familias e amis. Platdeutx es desendeda de deutx basa vea (o saxon vea) de la sentenio nove. Deutx basa media ia es la lingua franca de la alia de la Hansa, e ia es parlada sirca la Mar Norde e la Mar Baltica.

Un esemplo (de la paises de la Reno):

 Unse Vader in' Himmel !
 Laat hilligt warrn dienen Namen.
 Laat kamen dien Riek.
 Laat warrn dienen Willen so as in'n Himmel,
 so ok op de Eerd.
 Uns' dääglich Brood giff uns vundaag.
 Un vergiff uns unse Schuld,
 as wi di vergeben hebbt,
 de an uns schüllig sünd.
 Un laat uns nich versöcht warrn.
 Mak uns frie vun dat Böse.
 Denn dien is dat Riek un de Kraft un de Herrlichkeit in Ewigkeit.
 Amen.




#Article 267: Platon (721 words)


Platon (437–347 aec) ia es la studiante la plu importante de Socrate.  De un familia rica e potiosa, ua nom real ia es Aristocle.  Platon es un nometa cual refere a sua spalas larga.  Cuando el ia ave sirca dudes anios, el ia es encantada par Socrate e ia deside dedica se a la filosofia.  Cuando Socrates ia mori, el ia es ruinada, e ia comensa vaga sirca Elas e la Mediteraneo, e ia es caturada par piratas.  Sua amis ia colie mone per salva el de sclavia, ma el ia es librida sin la mone.  Donce sua amis ia compra un imobila peti per comensa un scola – La Academia, fundida en 386 aec.

La Academia ia es simil a la comunia de Pitagora – un tipo de frateria parente relijiosa, do omes joven e rica studia la matematica, la astronomia, la lege, e la filosofia.  La Academia no ia esije paias, ma ia depende intera de donadas.  Longo sua ideales, Platon ia permete ance ce femes partisipa.  La Academia ia deveni la sentro de aprende elinica per cuasi un milenio.

Lo es clar ce Platon ia es un idealiste e un razoniste, multe como Pitagoras, ma multe min mistica.  El divide la realia en du partes: a un lado, nos ave ontos onta (ideas o la ideal).  Esta es la realia esensal, eternal, spirital.  A la otra lado, nos ave fenomena, cual es la realis de la ideal.  Fenomenos es la pares, la cosas como los apare a nos, e es asosiada con la materia, la tempo e la spasio.

Fenomenos es alusinas cual putri e mori.  Ideales es noncambiante, perfeta.  Fenomenos es vera inferior ca ideales.  La idea de un triangulo — la matematica de lo, la forma o la esense de lo — es eterna.  Cualce triangulos individua, la triangulos de la mundo de la esperia dial, es nunca vera perfeta:  los pote es alga curva, o la linias es alga spesa, o la angulos es no esata…  Los pote sola prosimi acel triangulo perfeta e ideal.

Ideas es otenable sola par pensa; fenomenos es otenable par nosa sensas.  Donce, per Platon, la pensa es multe superior per oteni la veria.  Per esta razona, Platon es un razoniste, e no un empiriciste, en la epistemolojia.

La sensas pote sola dona a nos informas sur la mundo de fenomenos nonperfeta e eterna cambiante, e donce sola la sujestas de la realia ultima, e no la realia mesma. La razona vade direta a la idea.  Nos pote recorda o reconose la veria par nosa intui, como Socrate dise en la conversa Menon.

Longo Platon, la mundo fenomenal labora per deveni ideal, perfeta, completa.  Ideales es, en esta modo, fortias motivante.  En fato, Platon dise ce la ideal es la mesma como la Dio e la bonia perfeta.  La Dio crea la mundo de materia e formi la mundo en acorda con sua desinia – la ideas o la ideal.  Si la mundo no es perfeta, esta no es par causa de la Dio o la ideales, ma car la materia cru no es perfeta.  On pote vide perce la eglesa crististe prima ia deside ce Platon deveni un cristianiste onoral, an si el ia mori a tre e un dui de sentenios ante Cristo!

Platon aplica esta mesma dualisme a la umanas:  la corpo es material, mortal e moveda (un vitima de causa); la spirito es ideal, nonmortal e nonmoveda (capas de vole libre).

La spirito inclui la razona, serta, e ance la consensia de se e un sensa moral.  Platon dise ce la spirito cambia sempre per es bon, si lo reconose la bonia.  Esta conseta de bonia e malia es simil a lo de la budistes:  La malia no es un peca, ma un problem de iniora o nonconsensia.  Donce, on nesesa instrui, e no puni, un person ci fa mal.

La spirito es atraeda a la bonia, la ideal, e en esta modo es atraeda a la Dio.  Nos move en grados sempre plu prosima a la Dio par nosa vives individua e par reincarne.  Nosa gol moral en la vive es deveni plu simil a la Dio, deveni plu prosima a la mundo pur de ideas e ideales, librinte nos de la materia, la tempo e la spasio.  Nos gola es, en otra parolas, autoreali.




#Article 268: Plinio la Vea (188 words)


Gaio Plinio Du (latina: Gaius Plinius Secundus) ance conoseda como Plinio la Vea ia es un scrivor e militar roman. El ia scrive Naturalis historia, cual ia es la model de ensiclopedia en la sentenio 17.

Plinio ia es fio de Gaius Plinius Celer e sua sposa Marcella. El ia nase en Como e un sculta en la fasada de la Duomo de Como selebra sua fio. El ia ave un sore, Plinia, ci ia sposi en la familia Caecilius e ia es madre de sua sobrin, Plinio la Joven, de ci la leteras descrive sua labora con detalia.

En un de sua leteras a Tacito  (avunculus meus), Plinio la Joven detalia como la come de matina de sua tio es lejera e simple, seguente la costumes de nosa asendentes. Esta mostra ce Plinio la Joven vole espresa ce Plinio la Vea ia es un bon roman, cual sinifia manteni la costumes de la grande asendentes roman. Esta declara ia plase a Tacito.

Longo sua sobrin, la ultima obra de Plinio ia es la Naturalis Historia, un ensiclopedia en cual el ia colie la sabe de sua epoca.




#Article 269: Pluto (188 words)


Pluto (ance 134340 Pluto) es un de la planetas nana cual orbita la sol.

Pluto es la corpo des par grandia cual orbita la sol; la oto planetas e la planeta nana Eris es plu grande.

Pluto es tro oscur per es vidable con la oio nonaidada, e ia es descovreda en 1930 par Clyde Tombaugh. Orijinal regardada como un planeta vera, astronomistes dise aora ce Pluto es un planeta nana. Lo es la membro la plu grande de la sintur de Kuiper. Como otra membros de la sintur, lo es composada de roca e jelo. Sua masa es un sinci de lo de la Luna de la Tera e sua volum es un tri. La nom Pluto veni de la dio roman de la enferno.

Pluto ave cuatro lunas: Caron, Nix, Hydra, e un luna cual ia es descovreda en 2011, tempora nomida S/2011 P 1. La luna Caron es multe plu grande ca la otra lunas, tan grande ce on pote regarda Pluto e Caron como un sistem binaria, car la sentro de masa sta entre Pluto e Caron, e no a la interna de Pluto.




#Article 270: Podgorica (125 words)


Podgorica es la capital e la site plu grande de Tsernagora. Lo ia es ance nomida Titograd entre 1946 e 1992 cuando Tsernagora ia es parte de la Republica Federal Sosialiste de Iugoslavia, en onora de Josip Broz Tito.

La loca favorable de Podgorica en la conflue de la rios Ribnica e Morača e la punto de reuni de la plano Zeta e la vale Bjelopavlići ia coraji la coloni. La site es prosima a la sentro de sci de inverno en la norde e la vacanserias a borda de mar en la Mar Adriatica.

La munisipa de Podgorica ocupa la 10,4% de la teritorio de Tsernagora e ave la 19,9% de sua popla. Lo es la sentro manejal, economial, cultural e instrual de Tsernagora.




#Article 271: Poesia de Mea Cid (469 words)


La Poesia de Mea Cid (espaniol: Cantar de Mio Cid) es un epica cual nara la istoria de Rodrigo Díaz de Vivar. La majoria de criticistes presente crede ce la varia conservada ia es composada sirca la anio 1200. Lo es la nara longa prima de la leteratur espaniol en lingua romanica, e sua valua leteratural es alta.

La linguiste espaniol Ramón Menéndez Pidal ia inclui la libro en la tradision popular nomida mester de juglaría. Mester de juglaría refere a la tradision medieval seguente la cual la poesias popular ia pasa de jenera a jenera, cambiante en la prosede.

El Cid ia sposi la cusina de la re Alfonso 6, Doña Ximena, ma ia debe abandona sua pais (Castilla) per alga razonas: longo la nara, el ia fa ce la re jura en San Gadea ce el ia no comanda la fratiside de sua propre frate.

La istoria comensa con la esclui de El Cid, ci la enemis ia acusa nonjusta de fura mone de la re, Alfonso 6 de Castelia e Leon, el cual ia causa sua esclui. Per regania sua onora, el partisipa en batalias contra la armadas moro e concista Valensia. Par esta atas eroin el regania la fida de la re e sua onora es restorada. La re personal sposi la fias de El Cid con la prinses de Carrion. Par contrasta, cuando la prinses es vergoniada par la omes de El Cid per sua coardia, la prinses jura venja se. Los bate sua sposas nova e lasa los per mori. Cuando El Cid descovre lo, el esije justia de la re. La prinses es forsada a redona la dote a El Cid e es vinseda en un duel, sutraente tota onora de los. La fias de El Cid resposi la prinses de Navarra e Aragon. Par esta sposi, El Cid comensa la uni de Espania.

Nonsimil a otra epicas medieval european, la tono es realiste. On no ave majia; an la apare de la arcanjel Gabriel (strofes 404–410) aveni en un sonia. Par contrasta, lo parti ance de un veria istorial: per esemplo, lo no nota sua fio, sua fias no es nomida Elvira e Sol, e los no deveni reas.

Lo es composada de plu ca 3 700 strofes de 14 a 16 silabas, cada con un caesura entre la duilinias (hemistiches). La rima es asonante.

De 1913, e seguente la labora de Ramón Menéndez Pidal, la obra completa es divideda en tre partes.

De sua oios, tan forte plorante,
Ia reversa la testa e ia mira los,
El ia vide portes abrida e sin clavis
Vacua pendadores sin pelo e sin jacas,
Sin falcones e sin azores,
E ia parla, como el parla, con tanta mesura:
Bondise, mea Senior, cual es en lo alta,
Esta contra me ia conspira mea enemis!




#Article 272: Politeisme celta (264 words)


La politeisme celta, ance conoseda como paganisme celta ensirca la credes e praticas relijial a cual ia adere la popla de la eda de fero en Europa ueste oji conoseda como celtas, entre 500 aec e 500 ec, estendente de la periodo de La Tène e la eda roman, e en la caso de la celtas isolal, la edas de fero brites e eres.

La politeisme celta ia es un de la relijios politeiste xef de la eda de fero de la familia indoeuropean. Lo ensirca un grande grado de varia jeografial e cronolojial, an si a pos esta diversia, larga similias strutural pote es detetada permetente un omojenia relijial fundal entre la celtas.

La panteon celta es formida par multe nomes de dios rejistrada, ambos de la etnografia elinica-roman e epigrafia. Entre los la xef es Teutatis, Taranis e Lugus. Figures de la mitolojia eres medieval ia es sitada par mitolojia comparada, interpreteda como varias tarda de dios isolal precristian.

Seguente la concista de Galia par la Impero Roman (58-51 aec) e de Brites sude (43 ec), la praticas relijiosa celta a comensa mostra elementos de romani, resultante en un cultur miscada galo-roman con sua praticas relijiosa propre con sua propre colie de dios como Cernunnos, Artio, Telesforo, etc.

En la sentenios 5 e 6 tarda, la rejion celta ia es cristianida e la tradisiones relijiosa ia es sustituida. An tal, la tradisiones politeiste ia lasa un erita en multe nasiones celta, ia influe mitolojia plu tarda, e ia servi como la funda de promoves relijial nova, neopaganisme celta en la sentenio 20.




#Article 273: Polsca (493 words)


Polsca (ofisial la Republica de Polsca) es un pais en Europa sentral. Lo es un stato unial, divideda en 16 sudivides dirijal, covrente un area de 312 696 cilometres cuadrida con un clima jeneral temperada. Con popla de plu ca 38,5 milion persones, Polsce es la stato ses de la membros de la Uni European. Sua capital e site la plu grande es Warszawa. Otra sites inclui Kraków, Wrocław, Poznań, Gdańsk and Szczecin.

On pote trasa la institui de un stato polsce a 966, cuando Mieszko 1, renor de un teritorio simil a Polsca presente, ia converti a cristianisme. La Rena de Polsca ia es fundida en 1025, e en 1569 lo ia seli un asosia political longa con la Duxia Grande de Lietuva par suscrive la Uni de Lublin. Esta uni ia formi la Comunia Polsce-Lietuvisce, un de la paises la plu grande (a sirca 1 milion km²) e poplada de Europa en la sentenios 16 e 17, con un sistem political unica libraliste cual ia declara ia constitui prima de Europa.

Pos la divides de Polsca a la fini de la sentenio 18, Polsca ia regania sua autonomia en 1918 con la Trata de Versailles. En setembre 1939, la Gera Mundal Du ia comensa con la invade de Polsca par Deutxland Nazi, segueda un invade de Polsca par la Uni Soviet longo la Trata Molotov–Ribbentrop. Plu ca ses milion de la sitadanes de Polsca ia mori en la gera. Pos la gera, la Republica de la Popla Polsce ia es instituida como un stato satelitin su influe soviet. Pos la revoluis de 1989, xef par la emerji de la promove Solidarność (Unia), Polsca ia deveni un republica democrata.

Polsca es un potiosa rejional e ance un potiosa mundal cisa emerjinte. Lo ave la economia oto de la plu grandes en la Uni European, e un de la plu dinamicales, simultan ateninte un grado multe alta en la Indise de Developa Umana. En ajunta, la Asioneria Polsce en Warszawa es la plu grande e importante en Europa sentral e este. Polsca es un pais developada e democrata, cual manteni un economia de revenu alta como ance normas multe alta de cualia de vive, securia, educa e libria economial. Longo la Banco Mundal, Polsca ave un de la sistemes xef de educa scolal en Europa. La pais furni educa a universias sin custa, securia sosial finansiada par la governa, e un sistem universal de aida medical per tota sitadanes.

Situada entre cultures de Europa este e ueste, e formida par un istoria cambiante, Polsca ia developa un erita cultural rica, incluinte multe monumentos istrial e 15 Locas UNESCO de Erita Mundal. Sirca 17,5 milion turistes visita lo en cada anio (2016), tal ce lo es la pais 16 de la plu visitadas en la mundo. Lo es un stato membro de la Uni European, la Area Schengen, la Nasiones Unida, OTAN e la Organiza per Coopera e Developa Economial.

La lingua major es polsce.




#Article 274: Poplas germanica (280 words)


La poplas germanica es un ramo lingual e etnical de la popla indoeuropean. Los ia veni de Europa norde (Danmarc e Sveria sude) e es identifiada par sua usa de la linguas germanica. Cada tribu germanica ia es political autonom, renada par un re eritante. La res ia declara ce los desende de fundores mital de la tribus. Germanicas migrante ia estende a sude ante 1000 aec, lente prendente teritorios orijinal de la celtas, ci ia move a sude e ueste, e de la slavicas, ci ia move a este. Sirca 200 aec, la tribus germanica prima – la bastarnes – ia traversa la Danubio. Plu tardea, plu tribus ia move a la borda de la Impero Roman e ultra.

La nom germani ia es prima usada par Julio Cesar. Ma la tribus germanica no ia ave un nom propre per inclui tota de sua popla. En la sentenio prima aec, la scrives de Cesar, Tacito, e otra scrivores roman ia indica un divide de la popla germanica en grupos tribal sirca la rios Oder e Vistula (la tribus este germanica), la rio Reno basa (la istveones), la rio Elbe (irminones), e la costa de la Mar Norde (la ingveones). La germanicas de Scandinavia es nomida la germanicas norde.
 
Esta grupos ia developa dialetos separada. Germanica este no ave cualce desendentes moderna, ma ia inclui la gotos, vandales e otra tribus cual ia invade la Impero Roman ma ia adota la linguas de la impero. La linguas desendente de germanica ueste inclui deutx (cisa de la irminones), nederlandes (cisa de la istveones), frisce, e engles (ambos de la ingveones); e los de germanica norde inclui norsce, svensce, dansce e islansce.




#Article 275: Poplas slavica (363 words)


La popla slavica es los ci abita en Europa este e sentral, la Balcanes, e Asia norde e sentral. La slavicas inclui la rusces, la bielarusces, la ucrainsces, la polsces, la txesces, la slovensces, la balgarsces, la slovenianes, la serbsces, la corvatsces, e la bosnianes. La rusces es la grupo la plu grande, segueda par la polsces e la ucrainsces.

Alga otra poplas abita prosima a la slavicas ma no es mesma slavica: la lietuvisces e latvisces es de un grupo relatada; otra indoeuropeanes inclui la deutxes, la elinicas e la romanianes; nonindoeuropeanes inclui la popla uralica, suomis e magiares.

La popla slavica ia veni orijinal de un area norde e norde-este de la Montes Carpato, en cual es aora Polsca sude, Bielarus sude e Ucraina norde. La popla baltica, ci es relatada a la slavicas, abita a norde de los, a la costa sude de la Mar Baltica. La romanes ia nota los pos 500 ec, spesial como tre tribus: la antes, la sclaveni, e la veneti.

Sirca 500 ec, cuando la germanicas de la area de Polsca ia vade a ueste e sude-ueste, la slavicas ia migra a la paises cual la germanicas ia abandona sirca la Rio Oder e la Rio Danubio. La xefes de la slavicas ia alia comun con o la impero de la Francas o la impero de Bizantio. En 681, la impero prima de Balgaria ia deveni la pais la plu potiosa. Los contribui multe a la sperde de cristianisme e alfabetisme a la slavicas.

La linguas slavica es nativa parlada par plu ca 300 milion persones. Lo es divideda entra tre ramos: la slavica este (rusce, bielarusce e ucrainsce), la slavica ueste (polsce, txesce e slovensce), e la slavica sude (slovenian, corvatsce, serbsce, bosnian, macedonsce e balgarsce). Seguente linguistes, corvatsce, serbsce e bosnian es no plu ca dialetos de serbocorvatsce, e macedonsce es un dialeto de balgarsce. Ma la nasionalistes de cada nasion insiste vide los como linguas separada.

On ave multe poplas istorial peti, como Lusitania, Rusin, Kaxubia, etc. Aora, Rusia es la nasion la plu potiosa, ma en la sentenio 10, la Txesco ia es la plu potiosa, e en la sentenio 16, Polsca.




#Article 276: Poplas latina (349 words)


La poplas latina es un terma usada per refere a la sosias multe influeda par la cultur roman cual, pos la cade de la Impero Roman Ueste, ia comensa diverje de la lingua latina parlada, creante varias localida cual ia evolui final a la linguas romanica.

La latinas ia es un tribu italian de Latio, un rejion locada en Italia sentral, en la milenio 1 aec. An si los ia abita en sites-statos autonom, los ia parla un lingua comun (latina), ia ave credes relijiosa comun, e ia comparti un senti comun de relata, espresada en la mito ce tota la latinas ia desende de Latino. Latino ia es adorada sur la Monte Albano en un festa anial a cual tota la latinas ia es presente, incluinte los de Roma, un de la statos latina. La sites latina ia estende diretos comun de abita e comersia lunlotra.

La aspiras teritorial de Roma ia uni la resta de la latinas contra lo en 341 aec, ma la vinse final ia es de la lado de Roma en 338 aec. Alora, alga de la statos latina ia es asorbeda a la stato roman, e sua abitores ia reseta sitadania completa. Otras ia deveni aliadas de Roma e ia ave alga vantajes. Cuando la autoria roman ia estende tra la penisola Italian e a pos a la teras de la Mediteraneo, la terma latina ia deveni un terma legal aplicada a tota ci ia ave diretos legal completa como un sitadan de la stato roman.

La terma latina es oji usada per refere a la europeanes de ci sua cultures es derivada de la romanes, jeneral incluinte la usa de linguas romanica. Esta nasiones es distinguida par un tradision cultural e legal roman forte. La Europa latina es un sudivide major de Europa, a lado de la Europa germanica e la Europa slavica.

La sudivides jeneral de la poplas latina en Europa es la espanioles, la portugeses, la franseses, la italianes e la romanianes. Lo ance inclui otra poplas con un propre lingua romanica como la catalanes, la galegos o la romanes.




#Article 277: Portland, Oregon (1258 words)


Portland, Oregon es un site en la stato de Oregon, SUA.  Lo es la seja de la contia de Multnomah, ma la teritorio de la site estende a alga partes peti de la contias de Clackamas e Washington.

La cuantia de abitores de la site ia es 583 776 en 2010, en un area de 375,78 cilometres cuadrida. 

La site de Portland ia es corporada a 8 febrero 1851.  Lo ia es nomida per la site de Portland, Maine, cual ia es la orijina de Francis Pettygrove, un de la fundores de la vila nova en Oregon.

Portland es en la vale Willamette a la conflue de la rios Willamette e Columbia.

Portland es divideda en sinco cuatrimes: la Norde, la Norde-este, la Sude-este, la Sude-ueste e la Norde-ueste.  La strada Burnside divide la norde de la sude, e la rio Willamette divide la este de la ueste.  La lado norde-este de la Willamette es plu divideda en la lado a ueste de la via Williams (la Norde) e la lado a este de la via Williams (la Norde-este).  Adirijes en Portland inclui sempre esta indica de dirije.

Per esemplo:

Alga areas de comersia ia formi  . 

La maior de Portland es Charlie Hales (elejeda en 2012). La potia de lege e manejal de la governa munisipal es eserseda par la Consilio de la Site, cual ave un maior e cuatro otra membros.  Cada membro de la consilio dirije ance buros de la governa munisipal.

Portland es bon conoseda como un site de ativisme e protestas frecuente.  George H. W. Bush, un presidente pasada de la SUA, ia descrive Portland como Beirut peti pos vide un protesta grande contra Bush major.  Causas ambientiste e antigeral atrae sempre un fola grande.

Anarcisme e sindicatisme es ance causas popular en Portland.  La sindicato Laborores industrial de la mundo (IWW -- Industrial Workers of the World) ave un ramo grande de membros jeneral, e posese ance un restorante Red  Black Cafe.

La move Ocupa ia ave un campa masosa en la parces Lownsdale, Chapman e Terry Schrunk en la sentro de site, en la autono de 2011.  On ia reporta ce la campa ia es la plu grande (sirca 10,000 ia marxa en alga protestas, sirca 500 a 800 ia campa) en la mundo.  Pos la esclui de la Ocupa de la parces, alga Ocupores ia continua un campeta a fronte de la ofisia de site tra 600 dias, asta la maior Charlie Hales ia esclui los.

La Projeta de bus (The Bus Project) ia comensa en Portland par Jefferson Smith.  La projeta aida persones a enscrive se per vota. 

En la eleje jeneral de 6 novembre 2012, plu ca 70 persentos de votores ia vota per Barack Obama (75,37% de la contia Multnomah, incluinte Portland e otras sites e areas noncorporada).  La votores de Portland ia eleje ance un maior e un membro de la consilio munisipal en esta eleje:

Japan e Mexico ave se ofisias de consul en Portland:

Otra paises servi Portland en se consulerias en Seattle, San Francisco, o Los Angeles.

Portland e alga sites stranjer ia formi relatas de soria entre se.

Entre otras, Portland es bon conoseda como un vila de la cultur de bricola (DIY), punk e la hipster.  Ance, la cultur local de Portland es definida per sua ama de natur, consensia ecolojial, e un misca de orienta comunial e orienta individualiste.

En Portland multe galerias de artes es consentrada prosima a la distrito de Perla (Pearl District), strada Alberta Norde-Este (Northeast Alberta Street), e la Lado Este-Sentral (Central Eastside).  La salones de conserta Arlene Schnitzer, Paramount, e la Keller en la sentro de site, e la Cuatro de Rosa (Rose Quarter) en la distrito Lloyd es do multe conserta de musica aveni.

Portland ave multe caretas de comeria ( ) sur alga parces ( ) tra la vila.  La caretas es multe popular.  Portland es ance bon conoseda como un site de multe  e .

Diseda par la conta nasional de abitores en 2010, 76,1 persentos de la abitores de Portland es de orijina european, o blanca.  Portland no ave comunes etnico grande.  An tal, ave alga peti comunia etnico en la site:

Jardines e parces istorial es tesoros de Portland.  En la lado ueste de la site, la Parce de Foresta (Forest Park) e la Parce Washington es du parces grande sur la inclina de la Cadena Tualatin, e es conoseda como la parces urban la plu grande en la SUA.  En la lado este de Portland, la Parce de Monte Tabor ave un volcan vive.

On ave du jardines de rosa en Portland, en la Parce Penisola (la jardin vea de rosa) en Portland norde, e la Parce Washington (la Jardin Internasional de Rosa).  La jardin japanes grande es ance en la Parce Washington, cual Hirohito, la imperor Xoua de Japan, ia descrive como la jardin japanes la plu bon estra Japan.  En la vea vileta xines de Portland es la jardin xines clasica Lansu 兰苏园 (la nom Lansu 兰苏 un combina de la letera xines Lan 兰 -- de la nom xines de Portland, Botelan 波特兰 -- e Su 苏, de Suzhou 苏州, la site jemelo de Portland en Xina).

La Arboreria Hoyt es un parte de la Parce Washington.  La arboreria dise ce lo ave tota species arboral de Oregon. 

La sentro de site de Portland ave alga blocos de parce (park blocks), e un grande parce longo de la rio Willamette.

La Airoporto internasional de Portland (PDX) es la airoporto xef de la area.

La feroviales Union Pacific, BNSF, Portland  Western, e Oregon Pacific ave reles en Portland.

Amtrak servi Portland con la servis de pasajor Amtrak Cascades (entre Vancouver, Columbia Brites e Eugene-Springfield, Oregon), e la Coast Starlight (entre Seattle, Washington e Los Angeles, California)

La Distrito de transporta urban tricontial de Oregon (Tri-County Metropolitan Transportation District of Oregon), o TriMet , ave cuatro linias de reles lejera MAX (Metropolitan Area Express):

La governa munisipal de Portland ia construi la Tram Portland (Portland Streetcar) en la visinas sentral de Portland:

Bisicle es un bon modo de transporta en Portland.  Alga organizas per siclisme esiste en la site, como la Alia de Transporta Bisiclal (Bicycle Transportation Alliance) e la club Portland Wheelmen.

La governa musipal, rejional e statal finansia e suporta la transporta con bisicles.

Portland ave alga universias, ambos publica e privata:

Portland ave un ecipo profesal major de futbal, la Portland Timbers (la lenios) en la stadion Jeld-Wen Field, e un ecipo profesal major de bascetbal, la Portland Trailblazers (la esplorores de rueta) en la stadion Moda Center en la  Rose Quarter.

Portland es ance conoseda per ecipos profesal de roler-derbi (un compete con patin de rotas) la Rose City Rollers (la rotas de la site de rosa), e un ecipo fema de futbal profesal, la Portland Thorns (la spinas).

La Universia Statal de Portland ave alga ecipos atletal, como de futbol american, bascetbal e golf. Los es nomida la Vikings (vicinges).

Siclisme en Portland es multe popular.  On ave multe stradas Vias Verde de Visineria (Neighborhood Greenways) e ruetas de bisicles tra la site.  Alga ruetas de bisicles, incluinte la rueta Springwater, formi la Anelo de 40 Milias (40 Mile Loop).

Portland es la sujeto de un comedia televisada , cual es un satira de la cultur bizara de esta vila.

Alga sinemas e dramas televisada ia es filmada en Portland, como Leverage, What the bleep do we know?!, Jackass: the movie, The hunted (con Benicio del Toro), Pay it forward, Men of honor, etc.




#Article 278: Porto Rica (390 words)


Porto Rica (espaniol: Puerto Rico), ofisial la Comunia de Porto Rica, es un teritorio noncorporada de la Statos Unida, locada en la norde-este de la Mar Caribe. La area es sirca 13 790 cilometres cuadrida.

Un arcipelago entre la Antiles Major, Porto Rica inclui la isola xef (nomida Porto Rica) e alga plu petis, como Mona, Culebra e Vieques. La site capital e la plu poplada es San Juan. Sua linguas ofisial es espaniol e engles, ma espaniol domina. La isola ave sirca 3,4 milion abitores. Par causa de sua istoria, clima tropical, vistas natural, cosini tradisional e beneficas finansial, lo es un destina per viajores de sirca la mundo.

Orijinal poplada par la popla nativa taino, la isola ia es reclamada per Espania en 1493 par Cristoforo Colombo en sua viaja du. Plu tarda, lo ia sufri invades atentada par Frans, Nederland e Britan. Cuatro sentenios de governa colonial espaniol ia influe la cultur de la isola con ondas de sclavos african e colonistes canarian e andalus. En la Impero Espaniol, Porto Rica ia fa un rol stratejial, ma minor en compara con colonias plu rica como Peru e Espania Nova. La controla distante par Espania ia continua asta la fini de la sentenio 19, produinte un cultur e lingua de creol espaniolin cual ia combina elementos de la americanes orijinal, africanes e iberianes.

En 1898, pos la Gera Espaniol-American, la Statos Unida ia propri Porto Rica su la Acorda de Paris. Portoricans es legal sitadanes natural de la Statos Unida e pote move libre entre la isola e la continente.

En la temprana de 2017, un crise de deta ia crea problemes major per la governa. La deta ia profondi tra un desenio de retrosede. Esta ia es la crise finansial major du cual ia afeta la isola pos la Depresa Grande, cuando la governa SUA ia aida en 1935. En agosto 2017, la deta ia es $72 bilion, e 45% de persones ia es povre.

En la tarda de setembre 2017, Siclon Maria ia colpa Porto Rica, danante e ruinante. La rede eletrical ia es cuasi intera destruida, e on ia previde ce la reparas va ocupa menses, causante la rompe de eletrica la plu grande en la istoria de la SUA. En la tarda de novembre 2017, plu ca 200 000 abitores ia move ja a Florida.




#Article 279: Portugal (234 words)


Portugal es un pais en Europa cual es locada en la area ueste de la penisola iberian e inclui la arcipelagos de Azores e Madeira. La teritorio portuges ave un area de 92 090 cilometres cuadrida, con un frontera con Espania en la norde e la este, e con la Mar Atlantica en la ueste. Lo es la nasion european continental la plu ueste. La nom de la pais veni de sua site du de la plu grande Porto cual ia es nomida Portus Cale en latina (per la diva celta Cale).

La cuantia de popla, en la anio 2006, es sirca 10 605 870 persones.

La site capital es Lisboa.

La lingua major es portuges.

P.M. (2011-) sr. Pedro Passos Coelho (Democratiste sosial, sentro-destra). Governa de uni: 132 congresores. Contra (sinistra): 98. Tota:230.

La istoria temprana de Portugal es compartida con la resta de la Penisola 
Iberian. La rejion ia es colonida par celtas e ia es visitada par la fenisias e punicas, e alora corporada a la Republica Roman con la nom Lusitania pos 45 aec asta 298. Lo ia es colonida denova par la suebas, la buris e la visigotos, e alora lo ia es concistada par la moros.

Eroes: Vasco da Gama, Bartolomeu Dias, Re Enrico la navigor.

Poesiste nasional: Luis de Camoes, scrivor de As Lusiadas, 1524-80.

Poesiste moderna : Fernando Pessoa, 1888-1935.

Romaniste : Eça de Queiroz, 1845-1900.




#Article 280: Portuges (lingua) (571 words)


Portuges (português o língua portuguesa) es un lingua romanica (de la grupo ibero-romanica) cual es la sola lingua ofisial de Angola, Brasil, Capo Verde, Gine-Bisau, Mosambic, Portugal e San Tome e Prinsipe. Lo es un de la linguas ofisial de Gine Ecuatoral, Macau e Timor Este. Portuges e creoles portuges es ance parlada en la India Portuges antica: Goa, Damao, Diu, e Dadra e Nagar Haveli, en la Unia Indian aora e per multe comunias de migrantes ci parla portuges en partes variosa de la mundo. Papiamentu, un creol con influe portuges, es parlada en la Isolas ABC. Creol capoverdean es la creol portuges parlada la plu comun. La state de la lingua en Galisia es controversal, consernante ce un parte de la sosia galisian e alga linguistes considera los parte de la sistem lingual galego-portuges.

Portuges es un parte de la grupo ibero-romanica cual ia evolui de alga dialetos de latina poplal en la Rena de Galisia medieval, e ia reteni alga fonolojia celta. Con plu ca 200 milion parlores nativa, portuges es la propre lingua ses de la plu popular en la mundo, la lingua european tre en termas de parlores nativa, e la lingua romanica du, sola suprapasada par la espaniol. Lo es un lingua major de la emisfera sude. Lo es ance la lingua la plu parlada en America Sude e la du en American latina, seguente espaniol. Lo es un lingua ofisial de la Uni European, Mercosur, la Organiza de la Statos American, la Comunia Economial de Statos de Africa Ueste, e la Uni African.

Fonolojia portuges es simil a linguas como franses (spesial de Québec), la linguas galo-italica, ositan, catalan e franco-provensal; no como espaniol, cual es simil a sarda e dialetos italian sude. Alga descrive la fonolojia de portuges como un misca de espaniol, galo-romanica (pe franses) e la linguas de Italia norde (spesial genoves), ma con un influe plu profonda celta.

Lo ave un masima de nove vocales bocal, du semivocales e dudes-un consonantes, an si alga varias de la lingua ave min fonemes. Lo ave ance sinco vocales nasal, cual alga linguistes regarda como alofones de la vocales bocal.

Portuges es la lingua nativa de la majoria de brasileras e portugeses, e la 00.8% de la popla de San Tome e Prinsipe ia indica en la conta de abitores de 1991 ce sua lingua nativa ia es portuges. Cisa 75% de la popla de Angola parla portuges como lingua nativa, e 85% es plu o min fluente seguente la conta de abitores de 2007. Portuges ave ance parlores nativa en Gine-Bisau (30% de la popla) e la creol fundida sur portuges es comprendeda par totas. On no ave datos sur Capo Verde, ma casi tota la popla es bilingual, e la popla monolingual parla un creol fundida sur portuges.

On ave comunias de migrores de lingua portuges en multe paises incluinte Andora (15.4%), Bermuda,[35] Canada (400,275 persones en la conta de abitores de 2006),[36] Franses (900,000 persones), Nion (400,000 persones), Jersi, Namibia (sirca 4–5% de la popla, xef refujadas de Angola a norde de la pais),[40] Macau (0.6% o 12,000 persones), Suiz (196,000 persones en 2008), Venezuela (554,000) e Statos Unida (0.35% de la popla o 1,228,126 parlores).

En alga partes de la pasada India portuges, pd Goa e Daman e Diu, la lingua es ancora parlada par 10 000 persones. En 2014, s 1500 studiantes ia es aprendente portuges en Goa.




#Article 281: Posocratistes (1926 words)


Pos  Platon e Aristotele, la interesas de la filosofistes ia move plu distante de metafisica, epistemolojia, e alga cosa cual sembla siensa moderna, e plu prosima a la ideas cual ia conserna la elinicas antica la plu: etica. Como on es virtuosa, ave carater de  cualia, vive un bon vive, ave arete (nobilia).

Antistene (445-365) ia es la fio de un sitadan de Atina e un sclavo fema de Tracia. Pos funda sua propre scola, Antistene ia comensa comprende ce Socrate ia es plu saja ce el. El ia pone se su la mestre, con studiantes ance.

El ia es la fundor de sinicisme. La parola deveni de la parola elinica per can, orijinal car Antistene ia ensenia a un jinasio nomida la Cynosarges, o can-pex, cual ia es construida per la povre de Atina.

Sinicisme recomenda ce on abitua se a un vive simple, afin la spirito pote es librida. Lo es un filosofia de reveni a natur, en la modo de san Fransesco de Asisi o la monces sever de India. Par elimina sua nesesas e poseses, on pote consentra plu bon a un vive de filosofia.

Sinicisme dise ce la sola bon e sola felisia vera es virtua. On no pote controla la mundo e la levas e cades de vive, donce on debe controla se mesma. Me ta prefere dementi ca senti plaser! Antistene ia dise. Sinicistes ia rejeta sivilia, e ia tende retira de sosia, an vivente en la deserto. En esta, los ia influe posible la monces iudi e cristian temprana.

Sinicisme no ia es tota negativa (de la vista de la valuas de oji): Los ia coraji forte individuisme, ia crede ce tota omes ia es frates, no ia aseta la nesesa de gera o sclavia, e ia crede en parla libre. Los ia crede ance ce suiside es asetable e, strana, en seso libre!

La sinicas la plu famosa ia es un studiante de Antistene nomida Diogene. El vide se como un sitadan de la mundo (un cosmopolitan), ma, per un periodo, ia abita un amfora grande cual ia es dejetada. On ave un narada famosa en cual Alexandro la grande, trovante Diogene dorminte en la sol, ia declara me es Alexandro, la re grande! Diogene ia responde me es Diogene la can! Alexandro ia demanda si el pote aida el en alga modo. Diogene ia responde par demanda ce Alexandro ta move car el ia preveni ce la sol brilia plu sur el.

Aristupo (435-355) ia es ance un studiante de Socrate. Orijinal de Cirene a la costa norde de Africa, el ia reveni ala per fundi se propre scola, do el ia ensenia la filosofia de edonisme (de la parola elinica per plaser). Edonisme es multe simple: Cualce on fa, on fa lo per gania plaser o evita dole. Plaser es la sola bon, e la ateni de plaser es la sola virtua. Moralia es sola un caso de cultur, costumes, e leges, alga cosa cual nos nomi oji como relatisme etica. Plu, siensa, arte, e sivilia jeneral es bon sola si los es usosa per produi plaser.

Ma nota ce Aristupo ia ensenia ance ce alga plaseres es plu alta ca otras, e ce nos debe no es sclavos a cualce. El ia es egal de bon umor en oras bon e en povria, e el ia despeta mostras vana de ricia.

El es sua studiante ia vive como un parte de un scola-comunia, do tota pratica lo cual los predica, incluinte seso libre, plu ca 2000 anios ante Woodstock. Femes ia es la egales de omes, e no sola en un modo ipotesal: Sua fia Arete ia segue el como la xef de la scola-comunia, ia scrive 40 libros, e ia es onorada par la site de Cirene con la titulo Lus de Elas.

Seticisme es oji videda como un cosa bon - no aseta cualce cosa sola par fida  pote es la slogan per multe filosofistes famosa. Ma orijinal, lo ia es alga plu estrema. Piro de Elis (365-275) es comun videda como la fundor de la scola de seticisme. On crede ce el ia viaja a India e ia studia con la gimnosofistes (amantes nuda de sajia), cual ia pote es cualce de multe setas indian. De ala, el ia  retrae la idea ce no cosa pote es serta conoseda. La sensas es fasil trucida, e razona segue tro fasil nosa desiras.

Si on pote nunca conose serta cualce cosa, on ta pote suspende sua judi, pare disputa sur lo cual pote es nunca solveda, e atenta trova alga pas e calma en esta vive. Esta pas e calma el ia nomi ataraxia. Nota ce, an si on no pote conose serta cualce cosa, on pote sabe sufisinte multe cosas per vive. La sol va o no va leva doman - ma la probablia es bon ce lo va leva, e como usosa es ansia en cualce caso.

Simil, si no sistem es ultima suportable, per manteni pas, on pote adota simple cualce sistem es la plu comun do on abita aora. Piro ia vive adorante la dios de Elis, an si el ta aseta ce los ia es tan probable ce cualce otra dios, o an no dios. Un setica pote aseta multe ideas per conveni, an si no demostra ultima esiste.

An si, cuando prima videda, esta pare positiva, un de mea studiantes, Annie Lam, ia dise esta:

Seticas plu tarda ia deveni comun entre la studiantes en la academia de Platon. Un de los, Carneade de Cirene (214-129) ia es malfamosa per disputa per un caso oji e un otra doman. El ia dise On ave asoluta no criterio per veria. Razona, la sensas, ideas, o cualce otras cual pote esiste, tota de los engana.

La fundor de stoicisme es Zeno de Cition (333-262) en Cipros. Lo es posible ce Zeno ia es fenisian o parte fenisian. El ia es un studiante de la sinicas, ma ia es ance influeda par Socrate. Sua filosofia ia es simil a lo de Antistenes, ma ia es moderada par razona. Fundal, el ia crede en es virtuosa, e ce virtua ia es un caso de sede a la vole de Dio. Como otra elinicas ci ia ave sola un dio, Zeno no ia difere multe entre Dio e natur. Donce, sede a la vole de Dio es no otra ca vive seguente natur (Zen kata physin).

La scola ia deriva se nom de la Portico Pintida (stoa poikile) en Atina, do Zeno ia studia. Paseante tra la coredores abrida, el instrui se studiantes sur la valua de apatea, la asente de pasion, un idea no multe diferente de la idea budiste de nonteni. Par pasion, Zeno ia intende emosia noncontrolada, spesial desira fisical. Sola par adota esta disposa, el ia crede, nos pote developa sajia e la capasia per aplica lo.

Un otra aspeta de stoicisme es sua crede es la developa de un stato universal, en cual tota persones es frates e sores. Stoicas ia crede en alga diretos natural, un conseta cual nos no ta vide denova asta la sentenio 18. Los ia crede ance en la direto per suiside - un parte importante de la tradisiones cultural de la romanes.

La presenta la plu bon de stoicisme es lo par la sclavo elinica Epicteto (50-138 ec), ci ia scrive en la eda roman. On ave ance un libro peti, Meditas, par la imperor roman Marco Aurelio (121-180 ec).

Epicuro (341-270) ia es naseda sur la isola Samo en Ionia. Cuando el ave 19 anios, el ia vade a Atina per studia a la Academia. Ma lo pare ce el ia gusta la filosofia de Democrito plu bon. La scola ce Epicuro ia funda ia es spesial egaliste e ia aseta e femes e sclavos. Epicuro, lo es suposada, ia scrive 300 libros. Triste, sola pesetas survive.

Epicuro no ia ave multe pasientia per relijio, cual el ia vide como un forma de nonsabe. El ia es spesial zelosa per aida ce persones ta perde se teme de la dios. Ma el ia dise ance ce la dios esiste, an si los vive un distante grande a via en spasio e no ave multe interesa en la popla de tera. Ateisme, on debe comprende, ia es ancora nonlegal en Atina!

Un de la problemes la plu persistente consernante la crede en un dio es la problem de malia. La esplica de Epicuro es ancora convinsente:

Epicuro ia crede ce debate sur metafisica no es usosa, ce un spirito cual survive mori no esiste, ce nos ariva a nosa state presente par evolui, e ce nos ave la capasia de vole libre.

On pote vide, cuasi, un materialisme moderna asi: Tota cosas - incluinte mentes - es composada de atomes e segue la leges natural; Tota sabe deriva de la sensas; Pensas e memorias es no plu ca sensas debil....

Per Epicuro, virtua ia es un media a un fini. La fini es felisia. Lo es bon si on senti plaser e evita dole, ma on debe aplica razona a sua vive. A alga veses, dole es nesesada per gania felisia. A otra veses, plaser indui nos a plu sufri ce lo merita.

Ance, on ave niveles de dole e plaser, felisias peti e grande. Amia, per esemplo, es un de la plaseres la plu grande. Un saja ama sua amias como el ama se mesma, el ia dise, e La dona es plu bon ca la reseta. E Lo no es posible per vive plasente sin vive con sajia,  onora, e justia; e lo no es posible ce on vive con sajia, onora, e justia sin vive plasente. El recorda on de Benjamin Franklin.

En epicurisme, sosia es videda como nesesada: Lo proteje on de nonjustas. El predise utilitarianisme par sujesta ce un sosia debe es ordinada per furni la felisia masima a la plu de persones.

Ma la felisia ultima es pas, e Epicuro presta la parola de Piro per calmia: ataraxia. Sua slogan ia es lathe biosas - vive sin traente atende. El pote es considerada la umaniste vera prima, como atestada par esta sita: Filosofia es un ativia cual usa razona e debate sever per promove la flori de umania

La soma la plu bon de epicurisme es la poesia epica Sur la natur de cosas par la roman Lucretio (95-52)

Nota la similes pratical entre stoicisme e epicurisme, contra ce sua diferes teorial. Ambos ia es popular en la eda roman, stoicisme en la anios temprana de Roma e entre la sitadanes comun, e epicurisme (an edonisme) en privata, spesial a la niveles la plu alta de la impero plu tarda.

Alexandro la grande ia introdui la periodo de istoria nomida la eliniste: Sua impero ia porta ideas, arte, lingua, e abituas elinica a la mundo, tan distante a este como India e sude a Egipte. Ma, con se mori (con sola 33 anios), sua impero ia comensa rompe, sua jenerales dividente lo entre se mesma, e la nasiones no tota concistada reclama sua autonomia. E un popla nova ia comensa domina la Mediteraneo: La romanes. La influe de la elinicas ta estende plu ca la impero de Alexandro, sua colasa, e an la romanes. Ma la mundo ia deveni un loca diferente, un loca de potias grande manobrante entre se mesmas, autorias sentrida simil a los en Asia, agregas enorme de comersia e mercatos, comun liada prosima a esta autorias. Un mundo como esta no es vera un bon loca per pensa e oserva individua.




#Article 282: Presocratistes (3147 words)


Psice, de la elinica psu-khe, posible derivada de un parola cual sinifia con sangue calda, sinifia vive, anima, spirito, fantasma, la ego consensa, personalia, o papilio. Alga otra parolas ave sinifias simil: Timos, cual sinifia respira, vive, spirito, tempera, coraje, o vole; Pneuma, cual sinifia respira, mente, spirito, o anjel; Noos, cual sinifia mente, razona, inteleto, o la sinifia de un parola; Logos, cual sinifia parola, parla, idea, o razona.

La istoria de filosofia european comensa sempre con la elinicas antica. On no intende dise ce nun ia ave pensas profonda ante los, o ce la filosofias de India e Xina antica ia es en cualce modo inferior. Vera, filosofias de mundo intera ia influe ultima la pensa de la ueste, plu tarda. Ma lo ia es la elinicas cual instrui la Romanes e, pos un eda oscur, la arcivos de esta mesma elinicas, mantenida e studiada par la scolores muslim e iudi, cual ia instrui Europa denova.

Nos pote demanda perce la elinicas ia es tan temprana en se developa inteletal? Perce no la fenisias, o la punicas, o la persianes, o la etruscas? On ave razonas variosa posible.

Un razona es un caso de la capasia de leje e scrive, cual en sua turno es un resulta de la alfabeta. Cuando ideas es arcivida, ideas entra la istoria inteletal. Budisme, per esemplo, an si lo ia es un filosofia multe sofistica, ia es un tradision de parla per sentos de anios, asta cuando lo ia es rejistrada en scrives, car la alfabeta brami ia ariva tarda. Sola alora budisme pote estende tra Asia intera.

La alfabeta ia es inventada par la semitas de la costa de la mar Mediteraneo, incluinte la ivris e la fenisias, ci ia usa desinias simple per representa consonantes en loca de parolas completa. La fenisias ia pasa la idea a la elinicas, e la elinicas boni la idea par inventa vocales, usante alga leteras cual sua lingua no ia nesesa.

Ante la inventa de la alfabeta, leje e scrive ia es la domina de scrivores spesial, e ia conserna plu con la manteni de arcivos de governa. An en la caso de la fenisias, scrive ia es plu un util de la clase de mercatores, per arcivi sua comersia, ca un modo per arcivi ideas. En elinica, a min en alga site-statos, leje e scrive ia es alga cosa cual tota usa.

Par tota, natural, me intende la omes libre de la clase superior. Laborores, acompaniores, sclavos, e femes ia es descorajida de developa esta capasia. Si vos demanda a vos do ia es la filosofistes fema, la responde es simple: on no ave multe. La poesiste Safo de Lesbos es la plu prosima a un filosofiste fema on pote trova en la arcivos de la mundo antica.

Serta, la alfabeta no esplica tota. Un otra cosa cual ia causa ce la elinicas ia comensa la mundo de la inteleto tan temprana ia es la fato ce los ia comensa temprana la comersia ultra mar. Sua tera e clima ia es oce per cultiva, ma no multe bon; donce, la idea ce on debe intercambia per lo cual on no pote cultiva o fabrica par se mesma ia es fasil reconoseda. E elas es composada cuasi completa de costas e isolas, e la idea de naviga la mares ia es tan fasil reconoseda.

Comersia par naviga dona a un popla la contata con un varia grande de sivilia, incluinte sua relijios, filosofias, e siensas. Esta causa ce persones comensa pensa: si esta popla dise x, e la otra popla de y, e popla tre dise z - cual es la veria? Mercatores es comun seticas.

Ma la fenisias (e sua cusines, la punicas) ia ave la alfabeta prima, e los ia es ance navigores e comersiores eselente. Perce los no ia es la fundores de la istoria de la inteleto european? Posible lo es un caso de sentri. La fenisias ia ave un governa autoritar, controlada par la mercatores la plu potiosa. La punicas ia ave la mesma tipo de governa. Posible, la fato ce los ia es ensircada par imperos autoritar e multe potiosa ia forsa ce los adota acel stilo de governa per survive.

La elinicas, a la otra lado, ia es divideda entra multe site-statos peti, cada unica, cada zelosa autonom, sempre disputa entra lunlotra e comun lutante. Lo pote pare nonvantajosa, ma per ideas, diversia e an desacorda pote es fortinte. Nota ce, cuando Elas ia es unida sur la rena de la macedonianes, la ativia inteletal comensa lenti. E cuando la romanes prende controla, la ativia ia mori cuasi completa.

La filosofistes elinica antica ia dona a nos la categorias fundal de filosofia, comensante con metafisica. Metafisica es la parte de filosofia cual atenta responde a demandas como de cual la mundo es composada? e cual es la sustantia ultima de tota realia?

La elinicas antica ia es entre la primas ci ia sujesta ce on ave un realia vera (numeno) su la realia aparente (fenomeno). La demanda es cual es esta realia vera? Esce lo es materia e enerjia, alga cosa fisical? Esta es nomida materialisme. O esce lo es plu spirital o mental, como ideas o ideales? Este es nomida idealisme. Materialisme e idealisme es la du respondes estrema. Plu tarda, nos va esplora alga otra posibles.

Un aspeta du de filosofia es epistemolojia. Epistemolojia es la filosofia de comprende: Como nos sabe cual es vera o falsa, cual es real o nonreal? Esce nos pote sabe serta cualce cosa, o esce esta un xerca futil?

La elinicas ia descrive du modos oposada per solve la problem de comprende. La un es nomida empiricalisme, cual dise ce tota comprende veni tra la sensas. La otra es nomida razonalisme, cual dise ce comprende es la resulta de razona o pensa. On ave otra respondes en epistemolojia. Vera, empiricalisme e razonalisme ia es nunca completa separada.

La aspeta tre de filosofia cual nos va investiga es etica. Etica es la comprende filosofial de bon e mal, virtuosa e vil. Comun, lo es nomida moralia, e la plu de persones vide la du parolas sinonim. etica deriva de etos, elinica per costum; moralia deriva de mores, latina per costum.

Nos va vide ce etica es la aspeta la plu difisil de la tre. Per aora, nos resta con la du estremas de etica: edonisme e sinicisme. Edonisme dise ce bon e mal es simple un caso de cual me gusta e cual me no gusta, cual dona plaser a me e cual dona dole. Sinicisme dise ce la mundo es a funda mal, e nos pote sola labora per distanti nos de lo e move a la bonia ultima, cual es la Dio.

On ave multe otra aspetas de filosofia: lojica, per esemplo, e estetica, e la filosofia de belia. Ma metafisica, epistemolojia, e etica sufisi per aora.

La filosofia elinica no ia comensa en Elas (como nos reconose lo oji), ma en Ionia, a la costa ueste de Turcia moderna. En la site la plu rica en Ionia - Mileto - ia vive un om, un desendente de fenisias, nomida Tale (724-546). El ia studia jeometria e astronomia en Egipte e otra partes de Asia sude-ueste

Sua responde a la demanda grande de cual la universo es composada ia es acua. Vera, acua es un molecula simple, pote deveni un gas, licuida, e solida, e trovada tra la mundo, spesial en viventes, e donce lo no es un responde mal. Esta fa ce Tale no es sola la filosofiste elinica prima, ma la materialiste prima ance. E, car la sustantia ultima ia es nomida fisis en elinica, el pote es videda como la fisiciste prima ance (o, como la elinicas ta dise, la fisiolojiste prima).

Ma nos debe nota ce el ia crede ance ce la universo intera de cosas material es vivente, e ce animales, plantas, e an metales ave spiritos - un idea nomida panpsicisme.

Sua studiante la plu famosa ia es Anaximandro (611-549), ance de Mileto. El es la plu conoseda per desinia la mapa prima de la mundo abitada.

Anaximandro ia ajunta un aspeta de evolui a la materialisme de Tale: La universo ia comensa como un masa infinita e nonformida, cual developa tra tempo a la mundo complicada cual nos vide sirca nos. Ma, el ia averti, la universo va reveni a la fini a un masa nonformida!

Plu, el ia dise, la tera ia comensa como un licuida, alga de cual seci per deveni tera e alga de cual vapori per deveni la atmosfera. Vive ia comensa ance en la mar, e deveni gradal la animales de la tera e la avias de la aira.

Como Tale, Heraclito (540-475) ia es un ionian, de Efeso, un distante corta a norde de Mileto. E, como Tale, el ia xerca per la sustantia ultima cual uni tota realia. El ia eleje foco - enerjia - ance no mal un idea.

Seguente Heraclito, la diversia de realia veni de foco par condensa, deveninte prima aira, alora acua, e final tera. Ma esta prosede pote reversa se, la tera licuidi e alora vapori, e final reveni a enerjia pur.

Par eleje foco como sua sustantia ultima, Heraclito produi un vista plu dinamica de realia. Cambia, per Heraclito, es la sola constante. Panta rei, ouden menei - tota flue, no cosa resta - es se diseda la plu famosa. El es ance conoseda per dise ce nos no pote pasea en la mesma rio du veses, car acua nova es constante fluente sur nosa pedes.

Foco es ance asosiada en se teoria con la mente o spirito. E, esata como cualce otra foco, la individua debe mori. Un nonmortalia personal no esiste. Sola Dio - la foco divin - es eterna.

En multe modos, Heraclito recorda on de un dauiste elinica. El ia crede ce, an si realia ultima es Un, la mundo cual nos conoseda es construida de duplias, con cada polo nesesante la esiste de sua oposante: supra nesesa su, blanca nesesa negra, bon nesesa mal, etc.

E el vide esta oposas como la fonte de armonia, notante ce, estra ce tu estende la cordetas de tua arpa en du dirijes oposante, tu no pote crea musica.

E, ancora como la dauistes, el ia crede ce la modo la plu bon per vive es en armonia con natur. Ma el ia mori solitar, con 70 anios, car el ia odia la acompania de umanas!

Un otra ionian ia es Pitagora (582-500). Pos viajante a multe paises, de Galia (moderna Frans) a Egipte e India, el ia resta en Crotona, un porto de Italia sude. Italia sude ia es la colonia la plu grande de elinicas estra Elas, cual la romanes ia nomi Magna Grecia (Elas grande). Ala, el ia fundi se scola famosa.

Sua scola ia es plu como un comunia grande, e sua filosofia ia es plu como un relijio. Car los ia crede en reincarne, tota sua seguores ia es vejetalistes. Los ia evita a bevi de vino, jura par la dios, malcondui sesal, suprafluentes, e nonseria. Per la sinco anios prima, un scolor nova segue un jura de silentia. E femes ia es tratada como la egales de omes - un raria vera en la mundo antica!

Sua filosofia ia es fundida en matematica, cual sinifia jeometria a la elinicas antica. Pitagora es reconoseda con un cuantia de demostras jeometrial, la plu notable la teorem pitagoran: La soma de la cuadridas de la du lados de un triangulo reta egali la cuadrida de la ipotenusa. El ia descovre la funda matematical de musica, e ia vide la mesma motifes en la moves de la planetas. El ia es la person prima ci ia reconose ce la tera, la luna, e la planetas es sferas - cual es la orijina de la espresa la musica de la sferas. E el ia vide la leges refinada de jeometria como la funda de la universo intera.

Donce, en loca de xerca per un comprende de la universo en la move de materia e enerjia, el ia xerca per la leges de natur, la idea en loca de la sustantia. Ma, car esta leges esiste sola en la mente, nos nomi Pitagora un idealiste.

An si sua vive resta misteriosa, sua scola dura 300 anios, e ia influe profonda sur tota ci segue, spesial Platon.

En Elea, un otra porto en Italia sude, nos trova Xenofane (570-475). El es conoseda la plu bon per se nega de la esiste de la dios elinica:

On ave sola un Dio, el ia dise, e el es la universo, Natur. Esta vista es nomida panteisme. Xenofanes ia dise ce tota cosas, an umanas, ia evolui de tera e acual par leges natural. Ma cosas e umanas debe resta sempre plu inferior ca la realia ultima, Dio-Natur.

Parmenide (540-470) de Elea ia es un disiplo de Xenofanes, e ta ave un influe potiosa sur Platon. El ia estende la conseta de Xenofanes de un Dio par dise Hen ta panta, tota cosas es Un. Realia ultima es un constante. An si nos regarda como un mundo de cosas e moves e cambias es no plu ca un ilude.

Un de la disiplos de Parmenide ia es Zeno de Elea (490-430 - no debe es confusada con Zeno de Citio, cual nos va regarda en un capital plu tarda). Zeno ia scrive un libro de paradoxes famosa, incluinte la narada de Aciles e la tortuga: Ta ce nos dona un comensa plu avansada a la tortuga. Cuando Aciles ateni la loca a cual la tortuga ia comensa, la tortuga ia move ja un distantia peti plu. Cuando Aciles ateni la loca a cual la tortuga ia avansa, la tortuga ia move ja u otra distantia plu. E la mesma situa continua. Donce, Aciles pote nunca pasa la tortuga! La sinifia de esta narada (e tota de la naradas) es ce move es un ilude.

Per mostra sua idea, el ia inventa la forma de debate dialetica nomida redui a asurdia. Ma, si la narada de Aciles e la tortuga pare strana, nota ce sua razonas no es demostrada, car el ia era par vide move, tempo, e spasio como un cuantia infinita de puntos, en loca de continuante.

Leucipo (ativa sirca 440) ia es de Mileto en Ionia, la site de Tale e Anaximandro. El ia studia con Zeno a Elea, e alora comensa instrui en Abdera, un colonia elinica a la costa sude de Tracia (aora Elas norde-este).

An si sola un frase de sua instruis ia resta, Leucipo va es sempre reconoseda como la om ci ia inventa la ideas de la atom, spasio vacua, e causa-e-efeto. An la spirito, el ia dise, es composada de atomes.

Democrito (460-370) de Abdera, la studiante de Leucipo, ta prende esta ideas e developa los a un filosofia plen. El ia viaja estendosa, ia scrive libros sur cada sujeto, e ia es videda como la egal de la filosofistes grande, Platon e Aristotele. Ma el no ia funda un scola, e donce sua ideas no ia ave la mesma efeto sur sivilias seguente como los de Platon e Aristotele.

Democrito ia es multe setica de datos e ia introdui la idea de cualias du: Cualias como color e sona e sabor es plu en la mente ca en la cosa se mesma. Plu, el ia dise ce sensas es en realia atomes cadente sur la organos de sensa, e ce tota sensas es esensal forma de toca.

El ia introdui ance la idea ce nos identifia cualias par costum, pd nos nomi cosas dulse dulse e acel ata (e no un cualia de la cosa se mesma) es cual fa ce nos grupo los con lunlotra. Esta idea es nomida nominalisme, de la parola latina per nom. Esta modo de pensa no va aveni denova asta la Eda Media tarda.

La spirito o mente, el ia dise, es composada de atomes peti, lisa, ronda, simil a la atomes de foco o enerjia, e los pote es trovada tra la corpos intera de umanas, animales, e an la resta de la mundo.

Seguente Democrito, felisia veni de la oteni de sabe e, ultima, sajia. Plaser sensal aveni per tan corta tempo e es tro nonconstante per nosa depende. En loca, la om o fem saja debe xerca per pas de mente (ataraxia) par manteni bon umor, modera, e un vive ordinada. Sua teoria de moralia es fundida sur un senti de virtua personal: un om debe senti plu vergonia per fante malia ante se mesma ca ante la tota mundo.

Democrito no ia crede en dios o vive pos mori. En fato, el ia formida un organiza ateiste nomida la Kakodaimoniotai - la club de demones. El es a veses nomida la filosofiste riente, car el ia trova ce vive pote es multe plu felis sin los cual el ia considera la superstisios depresante de relijio.

Democrito ia aseta seria la materialisme de Leucipo, e ia nota ce materia no pote es creada o destruida, ce on ave un cuantia infinita de mundos como la nosa, e ce fortuna no esiste, sola causa. Multe sentenios debe pasa asta esta ideas ta es denova popular.

Plu vea ca Democrito ia es Protagora (480-411), ance de Abdera. El es la plu famosa de un grupo de filosofistes nomida la sofistes. La parola deriva de la elinica sofistai, cual sinifia instruores de sajia, pd profesores. Car alga de esta profesores ia ensenia no multe plu ca como on pote gania debate en cortes legal, e car la fatura per sua servis ia es multe grande, la nom ia deveni alga degradante. Sofisme sinifia aora debate per causa de debate, o per profita personal. Ma nota ance ce lo es la radis de la parola sofistica.

Protagora, an si sua fatura per instrui ia es, en fato, alta, ia es un filosofiste seria. On atribui a el la fundi de la siensa de gramatica, e ia es la prima ci ia distingui la conjugas variosa de verbos e la declina de nomes. El ia es ance un contribuor major a lojica e ia usa la metodo socratiste (instrui par demanda e responde) ante Socrate.

El ia es un setica, e ia crede ce no verias ultima esiste, ce veria es un cosa relativa e sujetal. Umania es la mesura de tota cosas es se sita la plu famosa, e sinifia ce cosas es cual nos dise los es.

Aplicante esta seticisme a la dios, el ia asusta la potias de Atina, e ia es comandada a parti de Atina. Lo pare ce el ia afoca a la viaja a Sisilia.

En esta ambiente rica con ideas ta veni la tre atinanes cual ta domina filosofia per la 2000 anios seguente: Socrate, Platon, e Aristotele.




#Article 283: Priamo (135 words)


En la mitolojia elinica, Priamo (elinica: Πρίαμος Príamos, pronunsiada [prí.amos]) ia es la re de Troia en la Gera de Troia e la fio la plu joven de Laomedon.

El ia ave multe sposas. Sua sposa prima ia es Arisbe, ci ia pari sua fio Esaco. El ia mori ante la gera de Troia. Priamo ia divorsa el per Hecuba, fia de Dimas, la re frigian. Par sua sposas e concubinas, Priamo ia es padre de 50 fios e multe fias. Hector ia es la fio major de Hecuba, e eritor de la trono de Troia. Paris, un otra fio, ia es la causa de la gera de Troia. Otra fios de Priamo e Hecuba ia es Heleno e Casandra, fios de Iliones, Deifobo, Troilo, Polite, Creusa (sposa de Eneas) e Laodice (sposa de Helicaon).




#Article 284: Promove völkisch (105 words)


La promove völkisch ia es un promove inteletal e political de la Revolui conserviste. Lo ia apare en Deutxland a la fini de la sentenio 19 e a la comensa de la 20. La nom pertine vera a un entretexe diversa de asosias e persones, de cual sua elemento comun ia es un projeta de dona un spiritalia pagan a tota deutxes, jeneral la paganisme germanica.

Esta promove ia ave sua fonte en la romanticisme deutx de la desenio 1840 e en la desiludes de la periodo de 1849–62, entre la primavera de la poplas e la ariva de Bismarck a la potia en Prusen.




#Article 285: Pronomes (462 words)


En linguistica e gramatica, un pronom es un paroleta cual pote prende la rol de un Nom (gramatica) o formula nomin, spesial cuando la nom ia es identifiada a ante o es conoseda par la escutor. Esta usa es nomida anaforia.

La pronomes fundal es la pronomes personal me e tu, cual indica, natural, la parlor e la escutor. Par estende, la plu de linguas ave formas plural de los, e multe linguas ave ance formas duple e an truple. Alga linguas ave formas separada per me/nos e tu/vos e me/nos ma no tu/vos. La pronomes per el e los es trovada en la plu de linguas, ma alga linguas usa nomes diversa (como la om, la fem, la cosa, etc) o pronomes de mostra (esta, acel, etc). Multe pronomes, incluinte la pronomes de mostra, es relatada a la determinantes. La plu de linguas ave ance pronomes de demanda (ce, ci, cual, etc) e pronomes de relata, comun derivada de la pronomes de demanda.

Pronomes ia es tradisional regardada como un de la categorias sintatical, ma alga teoristes moderna no considera ce los formi un clase sola, par causa de la diversia de funsionas cual los fa. Suspesies inclui pronomes personal, pronomes refletante e resiproca, pronomes posesal, pronomes mostral, pronomes-sujunta, pronomes de demanda, e pronomes de nondefini.

La usa de pronomes envolve comun anaforia, en cuando la sinifia de la pronom depende de un presedente. Esta es aplicada spesial a pronomes personal en la person tre e a pronomes-sujuntas.

La ajetivo cual es asosiada con la pronom es pronomal.

Pronomes personal pote es clasida par person, cuantia, jenero e caso. Elefen ave tre persones (prima, du e tre) e du cuantias (singular e plural); la person tre singular ance ave formas distinguida per persones e animales grande (el), e per viventes simple, cosas e consetas (lo).

Pronomes refletante es usada cuando un person o cosa ata sur se, per esemplo, Joan talia se. En elefen, se es usada en la person tre, e singular e plural; per la person prima on usa simple me, e per la person du, tu (singular) o vos (plural).

Pronomes resiproca refere a un relata resiproca. Un esemplo en elefen es: Los no gusta lunlotra. En alga linguas, la mesma formas pote es usada como pronomes refletante e resiproca.

Pronomes posesal es usada per indica posese (en un sinifia larga). Alga es usada como formulas nomin autonom, e es presededa par la per indica esta: la mea, la nosa, la tua, la vosa, la sua. Un esemplo es: La mea es plu grande ca la tua. Otras debe es usada con un nom, como determinantes: mea, nosa, tua, vosa, sua, per esemplo: Me ia perde mea portamone. Sua es la forma posesal de el, lo, e los.




#Article 286: Protoindoeuropean (1144 words)


La lingua protoindoeuropean (PIE) es la reconstrui de la asendente suposada de la linguas indoeuropean. La loca de la parlores orijinal no es serta conoseda, ma la teoristes sujesta ce la area de Ucraina e Cazacstan moderna es la plu probable (la teoria curgan). Otra teorias inclui ce la popla ia abita la area de la rio Danubio, la montanias Balcan (la teoria balcan), o Anatolia (la teoria anatolian). La teoristes crede ce la protoindoeuropeanes ia comensa estende entre la milenio 7 aec e la milenio 5 aec. Un otra teoria – la teoria de continua paleolitica – sujesta ce la protoindoeuropeanes ia abita multe de Europa an ante la milenio 10 aec.

La istoria de la reconstrui ia comensa cuando la linguiste engles William Jones ia oserva ce sanscrito sembla elinica antica e latina, ce los ia ave cisa un radis comun, e ce otra linguas como goto, la linguas celta, e parsi ia es posible relatada a los ance. La descrive de PIE ia es cuasi intera completida en la comensa de la sentenio 20. La descovre de la linguas anatolian e tocarian ia causa alga ajuntas e cambias de la descrive.

PIE ia es reconstruida par la metodo de compara de linguas recordada, como sanscrito, parsi antica, elinica antica, latina, goto, norsce vea, eres vea, lietuvisce, e slavica vea de eglesa. Par compara parolas simil en esta linguas, e par descovre regulas de cambia cual pote esplica la varias, linguistes ia pote divina la forma posible de la parola orijinal. An si alga linguistes sujesta ce tota linguas es ultima relatada e derivada de un lingua protoumana, la sola otra grupo de linguas cual ave alga indica de relata a PIE es la familia de linguas uralica (pe, suomi, esti, magiar e enets).

La consonantes esplodente: p, b, bh, t, d, dh, k, g, gh, k', g', g'h, kw, gw, gwh. 

La h indica la ajunta de un espira plu forte; la  '  indica un palatali de la sona; la w indica un ajunta labial.

La consonantes resonante: m, n, s, r, l, y, w. 

Estas pote es ance usada como cuasi-vocales cuando los no es a lado de un otra consonante.

La consonantes larinjal: h1, h2, h3. 

Estas ia es introduida a PIE cuando on ia descovre la usa de los en la linguas anatolian. No otra familia de linguas indoeuropean ia reteni los. On divina ce los ia es pronunsiada como sonas velal, uvulal, o glotal. La linguiste Jens Rasmussen ia sujesta [h] como en engles, [x] como ch deutx o scotes, e [ɣw] como nederlandes g ma con un bilabial, per h1, h2, e h3 en acel ordina. 

La rol de la larinjales la plu importante, per linguistes ci studia PIE, es cuando los presede o segue un vocal, los pote cambia los en un modo notable sola en la linguas desendente. En la desendentes de PIE, un vocal a lado de un h1 tende deveni [e], h2 [a], e h3 [o], corte cuando la larnijal presede la vocal, e longa cuando lo segue la vocal.

La vocales: e, e:, o, o:, e posible a, a:. La sonas de i, i: e u, u: ia esiste como varias de y e w.

La du puntos indica plu estende, ance indicada par un macron ( ¯ ) supra la vocal. La resonantes e la larinjales pote es usada como vocales, en formas corta e estendeda.

Diftongos: ei, eu, e:i, e:u, oi, ou, o:i, o:u (e posible ai, au, a:i, a:u).

PIE ia es un lingua infletada: la relatas gramatical ia es indicada par morfemes de infleta, la plu comun par sufisas, ajuntada a la radises. La plu de radises en PIE ia es de un silaba con la forma CVC(C). Esta forma ia es comun cambiada par ablaut (vide a su). Probable, radises cual pare comensa con un vocal ia comensa orijinal con un de la larinjales.

Ablaut es la varia de vocales de un radis per indica cambias de infleta o de rol gramatical. Per esemplo, en engles on ave la varias sing, sang, sung, en cual la cambias indica la presente, la pasada, e la partisipio pasiva. PIE ia ave du grupos de ablaut – la un per varias de e, e la otra per varias de o. La varias la plu comun es entre normal, estendeda, e Ø (zero vocal), e aplica e a la radis e a la sufisa. Cuando la vocal deveni Ø, un resonante o larinjal prosima deveni un cuasi-vocal.

Nomes en PIE ia ave oto o nove casos: nominativa (sujeto), acusativa (ojeto), jenitiva (posese), dativa, strumental, ablativa, locativa, vocativa, e cisa alativa. Los ia ave tre sesos: mas, fema e neutra. Los ia es poneda en un de du tipos de declina: temal e atemal. La radis de nomes temal ia es formida con la sufisa liante -o- (ma -e- en la vocativa) e la radis no reseta ablaut. La radis de nomes atemal ia es plu antica, e es clasida en cuatro clases, seguente la formas de ablaut cual los reseta.

Per favore, note como per person 1 singular, on pote vide esemplos sujestente ego e me, e per person 1 plural, on pote vide esemplos sujestente nos o we de engles; en person 2 singular, vide sujestes de tu, e per la plural, sujestes de vos o you de engles.

Pronomes de mostra (ance usada per pronomes de person 3) es fundida sur la radises so- (esta, acel), cual deveni to- per la plu de varias, e h1e- (la, la presedente). La pronom refletante per person 3 es s(w)e (se). La radis de la pronom de relata es (H)yo- (ci, cual). La pronom de demanda, ance usada como la pronom nondefinida, ave la radis kwe- o kwi-, con kwo- per la forma ajetival. Final, la pronom per un otra o la otra es alyo.

Verbos en PIE es complicada e inclui ance la sistem de ablaut, con un distingui entre verbos temal e nontemal, como la nomes. La aspeta es la plu importante, e inclui la stativa (verbos cual indica un state), la aspeta nonperfeta (verbos cual indica atas continuante, abitual o repeteda), e la aspeta perfeta (verbos cual indica un ata completida o atas videda como un segue integrada). Verbos ave ance (a minima) cuatro modos (indicante, comanda, sujuntiva, e esperante), du voses (ativa e mediopasiva), tre persones e tre cuantias (singular, dual e plural). Plu, la verbos de PIE ave sufisas per crea partisipios (un per cada combina de tempo e modo) e nomes verbal.

Paroletas inclui averbos, posposadas, negantes, juntas e esclamas. La averbos e la posposadas ave la mesma forma. Parolas cual en elefen e otra linguas european moderna es averbos derivada de ajetivos es, en PIE, formas de nomes. Per esemplo, meg'h2 (en un modo grande) es un nom singular en la rol nominativa-acusativa.

Averbos/posposadas:




#Article 287: Protouralica (515 words)


Protouralica es un lingua ipotesal cual es la asendente de la familia de  linguas uralica. La lingua ia es orijinal parlada en un area peti entre 7000 e 2000 aec. La loca esata (urheimat) no es conoseda, ma la area de la Urales en Rusia moderna es comun suposada. On ave du teorias de la developa a pos: Un teoria sujesta ce lo ia fende a du ramos – protofinougrica e protosamoiedica; la otra sujesta ce lo ia fende a tre ramos – protofinopermica, protougrica e protosamoiedica. Un teoria tre sujesta ce la lingua orijinal ia divide en multe partes: protosami, -finica, mordva, mari, permica, magiar, canti, mansi, e samoiedica.

La protolingua ia ave la armonia de vocales, como la linguas moderna. Vocales ronda ia es restrinjeda a la silabas prima. Un teoria sujesta ce la vocales de silabas pos la silaba prima ia es orijinal restrinjeda a /a/ e /i/, o /a/, /i/, e /ə/, e la armonia de vocales ia crea la varia ultima. On crede ce la protolingua no ia ave vocales longa o diftongos.

Palatali ia es un parte de la fonetica, como en multe linguas uralica moderna. Sola un serie de esplodentes – sin vose e nonaspirada – ia esiste. Sola atestas minima esiste per la fonemes en brasetas. La natur de *x es nonserta, ma la suposa comun es ce lo es un consonante a retro, como  [x], [ɣ], [ɡ], o [h]. Lo ata en un modo simil a la larinjales en protoindoeuropean. La consonantes *δ *r *x *ŋ no ia aveni a la comensa de un parola, e no grupos de consonantes ia es permeteda a la comensa o fini de un parola. Cisa on ia ave esplodentes duple. Protouralica no ia ave tonos, e la silaba prima ia es sempre asentuada.

Protouralica ia es un lingua aglutinante, con a min ses casos per nomes e con verbos cual ia varia per numero, person, modo e tempo. On ia ave tre numeros: singular, dual e plural. La lingua ia es un lingua nominativa-acusativa. Lo ia ave no seso gramatical e no articles. La plural ia es indicada par *-t cuando final, e *-j- cuando nonfinal. La dual ia es reconstruida como *-k-, an si lo es perdeda en la plu de linguas uralica moderna. La nomes ia ave sufisas per indica posese ma no pronomes de posese. La casos de nomes inclui sola un grupo de sufisas per locas: entrante, abituante e sortinte. Esta ia es developada a la sistem de tre grupos de tre en alga linguas moderna.

La roles ia es:

Verbos ia es conjugada a min acordante con cuantia, person, e tempo. La reconstruis de marcas de modo es debatada. Nega es espresada par la usa de un verbo negativa *e-, como en, pe, suomi e+mme (nos no fa).

Sola sirca 200 parolas pote es construida per protouralica, si on insiste ce tota linguas moderna ave esemplos de parolas desendeda. La vocabula reconstruida conveni bon con un cultur mesolitica e un loca en Eurasia norde, e lo ave sujestes interesante sur la strutur de familias:




#Article 288: Provinse Cabinda (307 words)


Cabinda es un provinse de Angola. La capital es ance nomida Cabinda. Lo es divideda en cuatro munisipas: Belize, Buco-Zau, Cabinda e Cacongo.

Cabinda moderna es la resulta de la uni de tre renas: N'Goyo, Loango e Kakongo. Lo ave un area de 7270 km² e 688 285 abitores. Seguente la statistica de 1988 par la governa de la Statos Unida, la cuantia de abitores de la provinse ia es 147 200, divideda cuasi egal entre la poplas campanial e urban. A un tempo, on ia estima ce un tri de tota persones de Cabinda vive como refujadas en la Republica Democrata de Congo; par contrasta, pos la acorda de pas, la refujadas ia comensa reveni a sua casas.

Cabinda es separada de Angola par un teritorio cual parteni a la Republica Democrata de Congo, cual ave un frontera con la provinse a la sude e la este. Cabinda ave fronteras en la norde con la Republica de Congo, e en la ueste con la Mar Atlantica. Juntada a la costa on ave un de la campos de petrolio costal la plu grande de la mundo. Cabinda produi ance lenios dur, cafe, cacau, cauxo e olio de palma; par contrasta, la produi de petrolio es la plu de sua produi interna. Cabinda produi 700 000 bariles (110 000 m³) de petrolio bruta per dia. Cabinda Oil es asosiada con Sonangol, Agip Angola Lda (41%), Chevron (39,2%), Total (10%) e Eni (9,8%).

En 1885, la Trata de Simulambuco ia institui Cabinda como un protejeda de la Impero Portuges, e la promoves per autonomia de Cabinda regarda la ocupa de la teritorio par Angola como nonlegal. An si la Gera Interna Angolan ia fini en 2002, un luta armada persiste en Cabinda. Alga de la partitos ia proclama un Republica de Cabinda nondependente, con ofisias en Paris.

Cabinda es divideda en 4 munisipas:




#Article 289: Filosofia e relijio en la Impero Roman (4390 words)


Roma ia es fundida en sirca 500 aec. Ante 200 aec, lo ia rena la parte plu grande de Italia, e en 150 aec, lo ia concista Cartago, la potia la plu grande de la Mediteraneo este asta alora. A acel tempo, sola tre sites ia ave un popla plu ca 100,000: Antacia, Alexandria, e Roma. Ante 44 aec, Roma ta rena tota de los.

Cuando [Julio Cesar ia es asasinada en 44 aec (simil como Shakespeare ia descrive!), la Republica Roman enerjiosa ia es finida. Sua eritor adotada, ci nomi se Augusto Cesar, ia deveni la imperor prima. La Impero Roman ta ateni sua estende la plu grande en 116, su la rena de imperor Trajan.

La mentes la plu bon de Roma ia es asorbeda par politica, gera, e economia. Poca ia ave la luso de filosofia astrata. Plu, la elinicas ia fa lo ancora, e vide como distante acel ia condui los: Multe filosofistes elinica ia fini como sclavos de la romanes, instruinte la jovenes de la aristocratas roman!

En esta ambiente, nos trova un interesa renovida e potiosa, entre e la rica e povre, en relijio. La relijio vea de Roma ia es donada respeta, ma no multe plu. Ma la plu persones ia vide la dios como no multe plu ca carateres en naradas usada per asusta enfantes turbosa (estra cuando la adultes mesma ia deveni asustante!). Los ia es xercante per comforta en un eda nonserta, e ia trova ce filosofia no ia sasia. Multe cultos - de la Madre Grande, de Dioniso, de Isis de Egipte, de Mitra de Persia, de Bal de Suria, de Iaue de Filastin - ia deveni popular. Ultima, un seta iudiste cual nos nomi oji cristianisme ta domina.

Perce parla sur relijios e filosofias de relijio en un libro sur la istoria de psicolojia? Relijio, filosofia, siensa, e psicolojia ia veni de la mesma radises umana: Nos ave un desira forte, an un nesesa, per comprende la natur de la universo, nosa rol en acel universo, e la sinifia de nosa vives. Relijio ia inclui respondes a esta demandas cual ia sasia psicolojial e ia es potiosa sosial e political. Filosofia ia comensa separa de relijio en la eda elinica e roman, ma la majoria grande de persones ia resta con relijio per sua respondes. En la Renase e la Lumina, siensa ia comensa separa de e relijio e filosofia, e ancora la majoria grande resta fida con la dogmas de relijio. E tra un parte grande de istoria, relijios ia prende disposas forte oposada a filosofia e siensa. Psicolojia ia erita alga de esta problemes, an en la eda moderna. La comprende de la radises de relijio e la potia de sua credes merita la atende de cualce studiante de la istoria de filosofia, siensa, e psicolojia.

Filosofia roman ia es rara plu ca un refleta pal de la filosofia elinica, con sinias a veses de brilia en leteratur, ma poca ideas inovosa. A la otra lado, on ia ave un continua de un filosofia pratical, suportada par un tende a ecleticisme (per esemplo, Cicero). E plu, on ave un move cresente a un filosofia alga mistica, un estende de stoicisme comun nomida neoplatonisme. La promovor la plu conoseda ia es Plotino, e nos nomi sua filosofia platonisme.

Plotino (204-269) ia nase en Licopolis en Egipte. El ia studia con Amonio Saco, un filosofiste e docor e instruor de la padre de la eglesa Origen, en Alexandria. Plotino ia parti a Roma en 244, do el ia instrui asta sua mori. El ta influe multe la imperor Julian la renunsior, ci ia atenta reveni la impero, sin susede, a un varia filosofial de paganisme, contra la marea de cristianisme.

Cuando Plotino ia es a un campania militar a Persia, el ia encontra multe varias de ideas Persian e Indian cual el fusa con la filosofia de Platon.

El ia dise ce Dio es la esente suprema, la unia asoluta, e es nondescrivable. Cualce parolas (an los usada en la frase a ante) implica un limita. La Dio es la plu bon refereda como la Un, eterna e infinita. Tota creada es un esflue continuante de la Un, con alga spasma de crea un poca min perfeta ca lo a ante.

La esflue prima es nomida Nous (intelijente o mente divin, ance nomida Logos), e es numero du sola pos la Un. Lo contempla la Un, ma es mesma no plu unia. Nous conteni la formas o ideas cual la elinicas temprana ia discute.
 
Esflue tre es Psice (la spirito de mundo), projetada de Nous sur tempo. Esta Psice es fratida entre tota la spiritos individua de la universo.

Final, la mundo de spasio, materia, e la sensas esflue de Psice.

Spiritalia es la move de la sensas a la contempla de sua propre spirito, alora a la spirito de mundo, alora a la intelijentia divin, e ultima a un comunia direta con la un, a cuando en es completa librida. An si esta pare plu como induisme, neoplatonisme es vera acordable con la cristianisme de monces asetica e la padres de la eglesa, e con tota formas de misticisme cual ta flori en la seguente 1800 anios!

Un otra promovor de neoplatonisme ci merita nota es Hipatia de Alexandria (370-415). Un fem de inteleto grande, el ia deveni asosiada con un enemi de la bispo cristian Ciril. Lo pare ce la bispo ia comanda ce sua monces trata con el. Los ia nudi el, ia trae el de sua casa, bate el, talia el con telias agu, e final arde el. La artiste de la Renase, Rafaello Sanzio, ia valua el sufisinte per inclui el con la filosofistes major de Elas en sua obra mestral La scola de atina.

Un de la relijios la plu popular en la Impero Roman, spesial con la soldatos roman, ia es mitraisme. Sua orijinas es en Persia, e lo inclui la ierarcia antica de dios, como restruturida par Zoroastra (sirca 628 a sirca 551) en la libros santa nomida la Avestas.

En mitraisme, la universo ia es videda como un luta eterna entre lus e oscuria, personida par Ahura-Mazda (la bon) contra Ahriman (la mal). Esta idea ia influe probable la iudis cuando los ia abita Babilon, cuando los ia adota un esente nomida HaXatan - Satan - como la mal, e lia el a la serpente de la jardin.

En la panteon persian, Mitra ia es la judor de spiritos e la protejor, e ia es videda como la representor de Ahura-Mazda sur tera.

Mitra, seguente lejenda, ia es incarneda en la forma de umana (como Zoroastra ia predise) en 272 aec. El ia nase de un virjin, ci ia es nomida la madre de dio. La selebra de sua nase ia es desembre 25 e el ia es nomida la lus de la mundo. Pos ensenia tra 36 anios, el ia asende a sielo en 208 aec.

Lo ia ave multe similes con Cristianisme: Mitraistes crede en sielo e enferno, judi e revive. Los ia ave batisme e comunia de pan e vino. Los ia crede en servi a Dio e otras.

En la Impero Roman, Mitra ia deveni asosiada con la sol, e ia es refereda como la Sol Invictus, pd la sol nonconcistable. La dia prima de la semana - soldi - ia es dedicada a prea. Mitraisme ia deveni la relijio ofisial de Roma per alga 300 anios. La eglesa cristian antica ia adota soldi como sua dia santa, e desembre 25 como la aniversario de la nase de Jesus Cristo. 

Mitra ia deveni la padron de soldatos. Soldatos en la armadas roman ia crede ce los debe luta per la bon, la lus. Los ia crede en autodisiplina, asteni, e frateria. Nota ance ce la costum de presa la manos ia deveni de la saluta mitraiste entre soldatos roman.

Mitraisme ia funsiona como un sosia secreta, con rituos de pasaje en la forma de defias fisical. Como en la setas gnostica, on ave sete niveles, cada protejeda par un planeta.

Car Mitraisme ia es restrinjeda a omes, la sposas de la soldatos ia parteni comun a asosias de adorores de la Madre Grande (Cibele). Un de la rituos de la femes inclui batisme en sangue, fada par sacrifia un animal - preferable un bove - supra la inisiada en un caveta a su. Esta ia combina la mito de Mitra matante la prima vivente, un bove mas, e forminte la mundo de la corpo de la bove, e ia es adotada par la omes ance.

Cuando Constantino ia converti a cristianisme, el ia deslegali mitraisme. Ma alga Zoroastristes esiste ancora en India, e la selebras mitraiste ia survive asta la Aiatola ia ateni la potia. E natural, mitraisme survive plu sutil en  la tradisiones variosa de Europa e an cristianisme.

Jesus Cristo ia nase, on divina, sirca ses aec. Sua nom es un latini de la nom ivri Iexua, comun representada aora como Joxua. La lejenda dise ce el ia nase en la vila peti de Betlehem, par un madre virjin nomida Maria, la prometeda de un carpentor, Josef. Jesus ia maturi en Nazaret, parte de un familia iudi grande. El ia es probable multe intelijente, e ia aprende, per esemplo, per leje sin instrui formal.

Cuando el ia es joven, el ia deveni multe relijiosa, e ia junta se a un grupo de iudis asteninte gidada par un om carismosa nomida Joan la batiste. Cuando Joan ia es destestida par la autoriosas local per stimula manadas, algas ia comensa demanda de Jesus per gida.

El ia ave 12 disiplos de vilas e empleas variosa, e sentos de otra seguores, omes, femes, e enfantes. Los ia vaga tra la rejion, parte per sperde sua credes e parte per evita la autoriosas nonamin.

Temprana, la mesaje de Jesus ia es un forma de iudisme seria, an fundaliste. El ia promove un etica simple e fundal: ama tua visina e si on reseta odia, dona compatia. El ia asentua spesial la difere entre la relijio formal de la pretes e la clase renante de la iudis e la relijio min esata ma plu sinsera de la popla simple. Suportante la mesaje ia es sua capas de cura la malada.

Iudis de sua tempo ia senti opresada par sua renores roman, e multe ia crede ce sua Dio ta interveni per benefica la popla par envia un maxia - un xef carismosa ci ta forsa a estra la romanes e institui un stato nova iudiste.

Multe de la seguores de Jesus, natural, ia crede ce el ia es la maxia. A alga punto en sua carera, el ia comensa crede lo ance. Nonfortunosa, la autoriosas iudiste, ci ia debe es respondente a la romanes, ia es consernada par sua popularia, e ia fa ce el es arestada en Jerusalem.

El ia es condenada per es matada par crusi. Sua seguores ia es clar deludeda ce la stato iudiste prometeda no ia aveni. Ma rumores de sua revive, e sua apare como un revela a alga de sua seguores, reinisia sua fida. Multe ia crede ce el ta reveni - pronto! - per gida los.

Pos la anios ia pasa, natural, lo ia deveni clar ce el no ta reveni, a min en la edas de la seguores. La aspetas min maxial e plu relijiosa de sua instruis ia comensa es asentuada, e sua idea ce la rena de Dio es en nos, o a min es nosa recompensa en sielo, sustitui per la stato iudiste per cual los ia espeta.

Per bon o mal, [Judea ia es vera multe urban, pd forte elinicida, an si no tan romanida. La mesma corentes de pensa en otra partes de la impero ia es sentida asi ance. Donce la narada de Jesus, como rejistrada en la evanjelios de Marco, Mateo, e Luca, ia comensa es liada a ideas cual ia es plu neoplatoniste, gnostica, o an mitraiste!

La evanjelio de Joan, per esemplo, es multe diferente de la otras, e refere a Jesus como la parola - la Logos - un idea elinica comun. La apocalise, ance atribuida a Joan ma diferente en stilo e contenidas, ave tota la imajia de la naradas gnostica e mitraiste de la fini de la mundo, ance popular entre la iudiste a esta eda. Lo inclui la idea de un revive ultima de la corpo - un conseta cual Jesus de la evanjelios no ia promove, e cual la plu de cristianes de oji no crede.

Ma Paul (sirca 10 a sirca 64 ec), un iudi romanida, ia es la seguor la plu importante per recrea Jesus, ci Paul ia encontra nunca e a ci el refere nunca par nom. El ia es la seguor la plu importante per divorsa la relijio nova de sua radises iudiste. Paul es la person ci ia introdui la idea ce Jesus ia es la fio de Dio e ce nos pote es salvada de nosa pecosia inerente sola par fida en el.

Tra cuasi un sentenio, la cristianes temprana ia es fendeda entre du campos enemin: Un grupo ia segue Petro, un de la disiplo orijinal de Jesus. Los ia es xef iudiste e ia continua multe de la tradisiones iudistes, como Jesus mesma ia fa. La otra grupo ia segue Paul, ci ia es multe plu asetante de convertidas noniudi, e ia desprende multe de la lege iudiste per los ci no ia es naseda en la tradision. La batalia entre esta grupos ia es, evidente, ganiada par Paul. Alga criticistes sujesta ce Cristianisme ta es plu esata nomida Paulisme.

E Petro e Paul ia es esecutada en Roma sirca 64 ec. Paul ia es destestida. Petro ia es crusida inversada (a sua propre demanda, per evita compara con Jesus).

La patristes, o padres de la eglesa, ia es la filosofistes cristian prima. En la parte este de la impero, on ave Origen de Alexandra (185-254); en la ueste, on ave Tertulian de Cartago (165-220). Tertulian es recordada per dise ce el crede (en la mori e revive de Cristo) esata car lo ia es asurda. Origen, a la otra lado, ia ave plu de la elinica en el, e ia indica ce multe de la biblia debe es comprendeda como metafor e no leteral. Ma recorda ance ce Origen ia talia sua propre jenitales car el ia vide Mateo 19:12 en un modo multe leteral!

La idea de la trinia, cual no ia es trovada en la biblia mesma, ia preocupa la patristes pos Teofilio de Antioc ia introdui la conseta en 180 ec. Tertulian ia senti ce la trinia refere a Dio, Logos (sua parla), e Sofia (sua sajia). Simil, Origen ia dise ce la trinia refere a la Un (la padre), Logos (la fio, intelijentia), e Psice (la spirito santa), seguente la scema neoplatoniste. Car la conseta de la trinia es difisil (o nonposible), lo ia es la radis de multe interpretes cual no ia conveni la esplicas ofisial. Esta interpretes ia es nomida eresias, natural, e sua autores escluida de la eglesa e sua libros ardeda.

Un otra fato es ce Origen no ia crede en la enferno: Como la neoplatonistes, el ia crede ce tota spiritos va reveni ultima a la Un. Lo es interesante ce Origen e la neoplatoniste grande Plotino ia ave la mesma ensenior: un docor e filosofiste nomida Amonio Saco.

La filosofias de la patristes ia es xef la mesma: Tota veria deriva de Dio, tra la esperia mistica ce los ia nomi grasia (intui, sensa interna, lus de fida, etc). Esta loca la patristes en la mesma grupo como la neoplatonistes, e contrasta filosofia cristian con lo de la elinicas antica: Aseta de alga cosa es vera sola par fida ta es un idea multe strana a persones como Socrate, Platon, Democrito, e Aristotele!

Cristianisme ia ave alga fortes, con mesajes psicolojial (en loca de filosofial) de proteje, espera, e pardona. Ma la forte la plu grande ia es sua egalisme: Lo ia es prima un relijio de la povres, e la impero ia ave multe povres. An si la cristianes antica ia sufri multe persegue, lo ia continua crese.

Alora, a la sera ante batalia a 27 otobre 312, alga milias norde de Roma, imperorConstantino ia ave un alusina de un crus ardente. El ia gania la batalia, e comanda ce cristianisme deveni un relijio legal en la Proclama de Milano. En 391, la imperor Teodosio ia deslegali tota otra relijios. Ma an alora, cristianisme ia ave compete.

Gnosticisme refere un grupo de alga tradisiones de filosofias relijiosa (o relijios filosofial) cual estende a ante a la eda de la egiptianes e babilonianes. Tota formas de gnosticisme inclui la idea ce la mundo es composada de materia e mente o spirito, con materias videda negativa o an mal, e mente o spirito positiva. Gnosticas crede ce nos pote asende a un forma de spirito ultima e pur (Dio) par aprende sabe secreta - la via - como anunsiada par un salvor enviada par Dio.

La detalias de la setas gnostica variosa depende de la metafores mital cual los usa: egiptian, babilonian, elinica, iudi, cristian... Gnosticisme ia es afeta multe par la relijios persian (zoroastrisme e mitraisme) e par la filosofia platonica.

On ave un depende forte sur astrolojia, cual los ia erita de la babilonianes. De sinifia spesial ia es la sete planetas clasica:  la Sol, la Luna, Marte, Mercurio, Jupiter, Venus, e Saturno. Los representa la sete sferas tra cual la spirito debe pasa per ateni la Dio. Encantas majiosa, comun de la semitas, ia es ance importante.

Cuando cristianisme ia entra la sena, gnosticisme ia ajusta rapida a lo, e ia comensa promove se como un forma plu alta e plu vera de cristianisme. La teolojia pare como esta:

Prima, on ave Dio solitar, un tipo de asoluta. Alora, on ave emerjis de Dio nomida la aiones o fios. La plu joven de estas ia es Sofia, pd sajia, cual ia es la prima e sola fio fema. Sofia ia ave un fali - orgulo - cual infeta la resta de la universo. Nos nesesa desfa esta fali (la peca orijinal), ma nos no pote susede par nos mesma. Nos nesesa un aion salvante, pd un salvor, ci ta pote relasa Sofia de la lias de era e restora el a sua state como un emerji de Dio.

Adora entre la gnosticas ia inclui batisme, confirma, e la eucaristia. En fato, lo es probable ce alga de la evanjelios nonofisial ia es scriveda par gnosticas cristian, e alga dise an ce Joan ia es un gnostica.

Gnosticisme ia es forte refutada par la eglesa cristian temprana, en la sentenios du e tre, e ance par neoplatonistes, como Plotino, ci ia vide lo como un mali de la pensa de Platon. En realia, natural, la razona per la odia ia es plu un caso de la similia entre gnosticisme e cristianisme e neoplatonisme.

Manisme ia es fundida par Mani, naseda en 215 ec en Persia. Cuando el ave 12 anios, el ia es visitada par un anjel, ci ia instrui el per vive pur per 12 anios plu, a cuando el ta es recompensada par deveni un profeta. Ultima, el ta considera se la selo (pd la final) de la profetas, un titulo cual Muhammad ta proclama per se mesma.

El ia es forsada per sorti de Persia e ia vaga tra la este, predica un varia gnostica de mitraisme, con elementos de iudisme, cristianisme, e budisme. El ia vide se como un apostol de Jesus. Cuando el ia reveni a Persia, el ia es prisonida e crusida.

En manisme, Ormuzd (un deriva de la nom Ahura Mazda) es la dio bon, la dio de lus, la creor de spiritos. On ave ance un dio de mal e oscuria - a veses nomida Iaue! - ci ia crea la mundo material, an prisoni en corpos la spiritos cual Ormuzd ia crea. Un otra tradision dise ce Ormuzd ia introdui fratos de lus - pd razona - en la manicines de la dio mal.

En cualce caso, on ave lus prisonida en oscuria. Mani ia crede ce salva ariva tra sabe, astenia, vejetalisme, juna, e virjinia. La elejeda ta es los ci ia segue la regulas la plu bon. Sua recompensa ultima ia es relasa de la lus de sua prison, pd la spirito de la corpo

Sua seguores ia es persegueda sever par e la persianes e la romanes. Ma la relijio ia sperde a India, Xina, Anatolia e Asia sude-ueste jeneral, an a Espania. Lo dura en Europa asta la sentenio des e ia influe eresias cristian plu tarda como la bogomiles e la catares.

San Augustino de Hipon (354-430) ia es un maniste per des anios ante el ia converti a cristianisme en 386 ec. El ta continua per deveni la filosofiste cristian la plu conoseda ante la eda medieval.

El es la plu bon conoseda a nos per la reporta vera psicolojial e introspetante de sua xerca per veria, en un libro nomida Confesas. Un indica peti de la detalia intima de sua reporta es mostrada par un de sua sitas plu bon recordada: El ia prea a Dio per dona puria (sesal) a me, e astenia, ma no ancora!

Sua filosofia ia es un ajusta laxe de Platon a la nesesas de cristianisme. Per reconsilia la idea ce Dio es bon con la oserva de la malia cual esiste clar en la mundo, el ia adota la conseta de vole libre, e donce nosa culpablia personal per nosa pecas. E el asentua nosa intendes plu ca nosa atas cuando on asinia culpablia moral.

Natural, on ave problemes con sua razonas: Si la Dio es omnisiente e omnipotente, el sabe cual nos va fa, e en fato ia crea nos en esta modo. Donce, esce El no culpable ancora per malia? Plu, an si umania es culpable per males grande a lunlotra, nos ave ance desastres natural e maladias mortal cual pote videda mal, ma no es la resulta de nosa vole libre. Esta ideas ta causa doles de testa per filosofistes asta an esta sentenio. (Vide [La frates Karamazov par Dostoevski per esemplos eselente.)

Augustino ia deveni la bispo de Hipo Regio (ueste de Cartago) en 395. El ia mori en 430, entre la aseja de Hipon par la vandales, un tribu germanica cual ia concista Africa norde (la orijina major de gran per Italia en acel eda). On pote dise ce Augustino ia vive tra la cade de la Impero Roman.

La Impero Roman ia es grave declinante. La economia ia comensa stania. Tro multe mone ia es usada per manteni simple la fronteras e unia de la impero. La sites ia comensa declina. La servis en la sites ia declina, e famia e maladia feri sever la povres. Multe ia move a estra a la campania, do los trova se laborante en la latifundi (cultiverias) grande como laborores e artisanes. Campanianes libre ia sede la posese de sua cultiverias peti a la propriores de la latifundi como un intercambia per proteje. Alora, esta latifundi ia es perfeta per saisi como renas peti par la xefes barbar ci ta veni pronto.

En la sentenio tre, la impero ia es atacada de tota dirije. Lo ia es nobil defendeda par 33 armadas de 5000 soldatos en cada. Interna, lo ia sufri de sua grandia, e en 395, lo ia fende ofisial entre du duis - la Impero Roman Ueste e la Impero Roman Este.

En la sentenio sinco, la hunes ia entra Europa de la stepes de Rusia, e ia ateni tan distante como Chalons, prosima a Paris. Los ia sperde teror en cada rejion do entra. Sua impero ia colasa en 476, ma los ia stimula deses de tribus germanica per move en la dirije de la Impero Roman.

La romanes ia xasa alga de esta tribus a retro, ia paia algas per sesa combate, e ia permete ce algas entre la impero per proteje la fronteras. La plu de la armadas roman ia deveni composada de soldatos germanica! Un tribu grande, la visigotas (gotas ueste), ia comensa move a Italia de sua colonias en la Balcanes. En 410, los ia destrui Roma. La dui ueste de la impero ia es, per la plu parte, mor e en la manos de invadores variosa.

La Impero Roman Este ia es ance declinante e ia es pestada par geras, esterna e interna. Imperor Justinian (527-565) ia atenta reconcista Italia ma fali e causa la Impero Este cade en un crise finansial. Sua atentas per  elimina filosofias pagan e eresias cristian ia causa multe nonsasia con sua rena. A la otra lado, Justinian ia codigi la leges roman e ia ajusta lo per conforma con teolojia cristian. El ia promove obras grande como la construi de la Hagia Sophia (sajia santa) con sua cupola multe grande e mosaicas briliante.

La tribus de barbares ia es sola un parte de la problemes de la impero. On ia ave famiones en la restas de la impero a veses de 400 a 800. On ia ave un pesta enorme en la sentenio ses. La popla ia es reduida par 50 persento. La popla de la site de Roma ia es reduida par 90 persento. Pos 700, sola Constantinopolis - la capital de la Impero Roman Esta - ia ave plu ca 100 000 persones.

En la sentenio sete tarda, arabis ia concista Egipte e Suria. Asta alora, los ia es ancora parte de la Impero Este. Los ia atenta prende an Constantinopolis. En la sentenio oto, Europa ia es atacada par balgares (un tribu mongol), cazares (un tribu turces ci ia adota Iudisme), magiares (ci ia fundi Magiar), e otras. La turceses concista Anatolia (renomida Turcia) en 1071, e final prende Constantinopolis en 1453.

Entre esta anios, Europa ueste ia es controlada par gerores nonalfabetiste, organizada en ierarcias simil a los de gangsteres. La masa grande de persones ia es reduida a situas simil a los de sclavos, aradi la tera o en laboras de servi en la sites multe reduida. Nos ave razona per nomi esta anios la edas oscur.

Ma, cuando la sol reposa sur un sivilia, lo es levante en un otra loca.




#Article 290: Puritanisme (105 words)


Puritanisme es un grupo de protestantes engles de la sentenios 16 e 17.

On ave multe obras de teolojia scriveda par puritanes, como la Medulla Theologiae de William Ames, ma la puritanes no ave un teolojia clar distinguida. La espresa teolojia puritan es lojical sola como un parte de la teolojia reformida.

La cultur puritan asentua la nesesa de autoesamina e la conta sever de la sentis e atas de un person. Esta ia es la sentro de la esperia evanjeliste. La parolas de la Biblia ia es la orijina de multe ideales cultural puritan, spesial la roles de omes e femes en la comunia.




#Article 291: Purpur (484 words)


Purpur es un color entre blu e roja. Lo es simil a violeta, ma – diferente de violeta, cual es un color de la spetro otical de lus vidable – purpur es un color composada de la combina de blu e roja. Longo sondas en Europa e la SUA, purpur es la color la plu ofte asosiada con familias real, majia, misterio, e relijiosia. Cuando lo es combinada con ros, lo es asosiada con eroticas, e feminia, e sedui.

Purpur ia es la color portada par ofisiores alta roman; lo ia deveni la color imperal, portada par la renores de la Impero Bizantian e la Impero Roman Santa, e a pos par bispos catolica. Simil en Nion, la color es tradisional asosiada con la imperor e la aristocratia. La color oposada de purpur es jala.

Purpur, diferente de violeta, no es un de la colores de la spetro de lus vidable. Lo no ia es un de la colores de la arco de sielo identifiada par Isaac Newton, e lo no ave sua propre longia de onda de lus. Per esta razona, lo es nomida un color nonspetral. Lo esiste en cultur e arte, ma no en otica en la modo en cual violeta esiste. Lo es simple un combina, en proportios variosa, de du colores xef: roja e blu.

En la teoria de color, un purpur es definida como cualce color nonspetral entre violeta e roja (escluinte violeta e roja). La colores spetral de violeta e indigo no es purpures como diseda par teoria de color, ma los es descriveda como purpures en costum comun car los es entre roja e blu.

En la rota tradisional de colores, usada tra tempo longa par depintores, purpur es comun locada entre carmesi e violeta. En un varia pico diferente, en la rota de colores HSV, lo es locada entre majenta e violeta. Esta tinje es a veses nomida purpur eletrical.

En la sistem de colores RGB (nomida per la nomes engles de la colores roja (red), verde (green) e blu (blue), e usada per crea cada de la colores en un scermo de computador e un televisador), la estende de purpures es creada par misca lus roja e blu de intensias variante sur un scermo negra. La color purpur normal de HTML es creada par misca lus roja e blu en intensia egal, a un cuantia de brilia cual es media entre potia plen e oscuria.

En primi de color, purpur es representada a veses par la color majenta, o a veses par misca majenta con roja o blu. Lo pote es ance creada par misca sola roja e blu, ma en esta caso la purpur es min briliante par causa de un satura o intensia plu basa. Un purpur min briliante pote es ance creada con lus o pinta par ajunta alga cuantia de la color xef tre (verde per lus; jala per pigmento).




#Article 292: Qahira (366 words)


Qahira (conoseda en la ueste como Cairo) (arabi: القاهرة‎) es la capital de Misre e la site la plu grande en Africa. Lo es situada prosima a la delta de la rio Nilo, en la norde de Misre. La cuantia de abitores es sirca 6,8 milion (estima de 1992). La plu de abitores es arabis misri. Qahira es la sentro comersial e industrial de Misre, con fabrica de stofas de coton, produidas de comedas, furnis de construi, veculos, e aviones.

Qahira conteni multe instituidas cultural, universias e oteles. En la sentro es la isola de rio Zamalic, cual lia du rivas de la rio par tre pontes. Sur la riva este es stradas streta, bazares folida e sentos de mascitas. A la sude es Qahira vea en cual la comunia cristian coptica abita, con eglesas coptica.

La Universia Al Azhar es la plu vea e famosa de la instituidas muslim. Lo ave la Mascita Al Azhar, cual ia es construida en 970 ec. La Museo Misri conteni plu ca 1700 pesos de la colieda de faraon Tutankhamen. La scrivores e jornalistes es multe vivosa en la area. La piramides de Misre, cual ia servi como tombas per faraones antica, e la sculta de la Sfinx, cual ia es creada en 2565 aec, es locada a ueste de Qahira.

On suposa ce Qahira ave sua orijina en Memfis, la capital vea, fundida en la milenio 4 aec. Cuando la fatimanes, un ramo de islam, ia concista Misre en 969 ec, los ia institui un sentro en la site, cual los ia renomi Al Qahira. La mamluces ia fundi sua capital en Qahira en la sentenio 13. La osmanianes ia invade Qahira en 1517 e sua rena continua a 1798, cuando la area ia es concistada par Napoleon 1 de Frans. La rena osmanian ia reveni en 1801, ma a la media de sentenio 19, la deta stranjer e la debilia de Impero Osmanan ia permete un influe european plu grande en Qahira. En realia, la briteses ia rena Misre de la tarda de la sentenio 19 asta pos la Gera Mundal Prima (1914–18). La organizas de turisme ia deveni un fonte importante de revenu stranjer per Misre.




#Article 293: Rabindranath Tagore (263 words)


Rabindranath Tagore ia es un autor e poesiste de Bengal, India. El ia nase a 6 maio 1861 e ia mori a 7 agosto 1941. El ia nase e vive en un familia de comersiores rica, conoseda per sua jenerosia e capasia. El ia es jeniosa e amirable. El ia es ance un filosofiste, musiciste e depintor. El representa la leteratur bengla de la sentenio dudes a stranjer, e es ance popular en sua propre pais. Traduinte un parte de sua obras a engles, el crea un ponte entre la cultures de Asia e Europa.

Tagore ia crea la canteta nasional de Barat (India), en testo e musica. En 1913, el ia gania la premio Nobel per leteratur. El ia espresa en modo eselente la crede spirital de sua popla, nomida vixnuisme. El ia usa parolas romantica, imajes e sentis comprendable tra la mundo. El ia fundi un universia per sperde sua pensas idealiste. El ia scrive sua nara grande de 84 partes sur la vive de campaniores en viletas misera. Tra cuatrodes anios, el ia viaja nonsesante sirca 30 paises, do poplas diversa conose e ama sua obras. Sua colie de naras (golpoguxo) es la plu amirada, e on ia deriva filmas e pesos teatral de los.

Un sita de sua gitanjali en poesia libre:

O fia amada! cuando tu oia mea canta, tu estrae la ornas.
Tu no senti orgulosa par vestes e joalas!
Ornadas ta fa ce nos reuni anoiante!
Los veni entre la corpos dulse de tu e de me!
La sonas fea ta silenti tua xuxada de desira!




#Article 294: Re Faisal 1 (210 words)


Faisal 1 (1885–1933) ia es un re pasada de Irac. El ia nase en Meca, Arabia Saudi, e ia es instruida en Constantinopoli (oji Istanbul). El ia es la fio tre de Husein ibn Ali, la re prima de Al Hijaz (aora un parte de Arabia Saudi), e la fundor de de la dinastia haxemita moderna.

En la Gera Mundal Prima, Faisal ia servi prima con la armada turces en Suria, ma en 1916 el ia fuji a Al Hijaz, do el ia acompania sua padre e frates en la revolta arabi. Alora, aidada par la scrivor e aventuror brites T. E. Lawrence, Faisal ia partisipa en la catura de Dimashq de la turceses.

En marto 1920, un parlamento nasional suri ia proclama el como re de Suria, ma el ia es destronida en julio, cuando la franseses ia entra a la pais su la acordas de autoria de laAlia de Nasiones.

En agosto 1921, stimulada par arceolojiste Gertrude Bell, la governa aliada a Britan ia permete un vota jeneral. Faisal ia es elejeda como re prima de Irac, resetante 96 persentos de votas. La asembla nasional de Irac ia ofre la titulo de monarca constitual a Faisal en en 1923. El ia es segueda par sua fio Gazi 1.




#Article 295: Reformi protestantiste (568 words)


La Reformi protestante ia es un promove major en Cristiania de Europa ueste en la sentenio 16 cual crea un defia a la Eglesa Catolica Roman e spesial a la autoria de la papes, comensante de la persepi de eras, maltrata, e devias de la Eglesa. La Reformi ia es la comensa de protestantisme e la fende de protestantisme de la Eglesa Catolica Roman.

An si la Reformi es tipal videda como comensante con la publica e la 95 Teses par Martin Luther en 1517, no fende esiste entre la eglesa e Luther asta la Proclama de Worms. La proclama ia conteni Luther e ia proibi la sitadanes de la Impero Roman Santa de defende o estende sua ideas. La fini de la reformi es disputada: on pote vide ce la inisia de la confesas de fida; otras ia sujesta la anios final es relatada a la contra-reformi o la Pas de Westfalia. De la perspetiva de la Eglesa Catolica, la Consilio du de la Vatican ia clama per un fini a la contra-reformi.

Promoves ia es fada a un reformi a ante Martin Luther, donce alga protestantes como Arnold de Brescia, Peter Waldo, John Wycliffe, Jan Hus, Petre Chelčicky, e Girolamo Savonarola. Como resultas de la labora per reformi de Hus e other reformores boemian, husisme ultraquiste ia es reconoseda par la Consilio de Basel e ia es ofisial tolerada en la Corona de Boemia, e si otra promoves ia es ancora menasada par persegue, incluinte la Lollards en England e la Waldensianes en Frans e rejiones de Italia.

Luther ia comensa par critica la vende de favores, cual el dise ce la pape no ave autoria supra purgatorio e ce la Tesoreria de Merita no ia ave un funda en la biblia. La reformi ia developa plu per inclui un difere entre lege e evanjelio, un depende tota de la scrive biblial como la sola fonte de prinsipes  propre (sola scriptura) e la crede ce un fida en Jesus es la sola modo per reseta la pardona de Dio per pecas (sola fide) en loca de bon obras.

Luther e sua seguores no ia vide esta developas como cambias. La 1530 Confesa de Augsburg ia fini ce en prinsipes e rituos, no cosa ia es resetada par nos contra scrives biblial o la Eglesa catolica, e an pos la Consilio de Trento, Martin Chemnitz ia publica la 1565-1573 Esamina de la Consilio de Trento como un labora per mostra ce Trento no ia inova sur prinsipes, en cuando la luteranes ia segue en la paseas de la Padres de la Eglesa e la Apostoles.

La promove orijinal en Deutxland ia diversi, e otra reformores comensa autonom de Luther, como Zwingly en Zurich e Jean Calvin en Geneva. Dependente de la nasion, la reformi ia ave causas variante e fondos, e ance ia developa en modos diferente ca en Deutxland. La sperde of la primador ia dona la modo per sperde materiales relijial en la linguas demotica.

En la eda de reformi, cristiania ueste ia adota confesas diferente (catolica, reformida, anglican, anabatiste, unitarian, etc). Reformores plu radical, en ajunta a formi comunias estra la autoria de la statos, a veses ave cambias de prinsipes plu estrema, como la rejeta de la prinsipes de la consilios de Nicea e de Xalcedon con la unitarianes de Transilvania. Promoves anabatiste ia es spesial persegueda seguente la Gera de Campaniores Deutx.




#Article 296: Relijio (177 words)


Un relijio es un colie de credes (sur la mundo e la persones) e disposas moral, parteninte a un person o un comunia umana. Lo refere spesial a la conseta de esentes santa (per esemplo un dio), e ance a la dinia de la adora, de la respeta o de la obedi.

On pote categori la relijios en cuatro grupos xef:

Consetal e istorial, la relijio prima ia es animisme, cual es la crede sur la spirito umana, e la crede ce tota otra cosas natural ave egal un spirito.

La crede sur la fortes de la natura (animisme) pote cristali en un teisme cual usa la conseta de dio, cual pote es plural (politeisme) o simple (monoteisme) o du fortes de natura (dualisme).

Ance, la junta de teoria e pratica de animisme ia evolui final a credes con strutures fisada, como en la caso de xinto en Japan, o la filosofias relijiosa de induisme e budisme.

Agnosticisme nega la posiblia de demostra la esiste o nonesiste de un realia supranatural. La nega asoluta es la ateisme.




#Article 297: Relijio en Roma antica (190 words)


Su relijio en Roma antica, on comprende la relijio etnical de la asendentes de la site de Roma, e ance la praticas relijiosa adotada de poplas concistada. La romanes ia es multe relijiosa, e ia atribui sua susede como potia global a sua relijiosia coletiva (pietas) par cual los ia manteni relatas bona con la dios.

Longo la lejendas, la plu de la instituidas roman ia pote es segueda asta sua fundores, spesial Numa Pompilio, la re du de Roma, ci ia negosia direta con la dios. Esta relijio anticin ia es la fundi de la mos maiorum (la via de la asendentes o simple tradision), videda como sentral per la identia roman.

Cuando Roma ia contata cultures stranjer, e ia concista los, la relijios stranjer ia atrae sempre plu adorores roman, de ci sua asendentes ia veni sempre plu de otra partes de la Impero. La imperores ia promove la culto imperal tra la Impero, e esta (como ance relijios misterial importada) ia es jeneral praticada a lado de la relijio ofisial. Ultima, la politeisme roman ia fini con la adota de cristianisme como relijio ofisial de la Impero.




#Article 298: Rena Unida (372 words)


La Rena Unida de Britan Grande e Er Norde es un pais en Europa, composada de England, Scotland, Cimri e Er Norde. Sua area es sirca 244 820 cilometres cuadrida e, en la anio 2006, lo ia ave sirca 60 609 153 persones.

La site capital es London.

La major linguas es engles, cimrica, e gelica.

La Rena Unida es un monarcia constitual con un sistem parlamental de governa. Sua site capital e la plu grande es London, un site global e sentro finansial con popla urban de 10 310 000 persones – numero cuatro de la poplas la plu grande de Europa. La monarca presente (de 6 febrero 1952) es Rea Elizabeth 2.

La Rena Unida es vera un uni de cuatro paises, de cual cada ave alga autonomia: England, Cimri (nomida Wales en engles), Scotland e Er Norde. La isolas prosima Man, Gernsi e Jersi no parteni a la Rena Unida, ma es dependes de la corona, e la governa brites es encargada per defende los e representa internasional los.

La bandera de la Rena Unida es nomida la Union Jack o Union Flag. Lo ia es creada en 1606 de la banderas de England e Scotia, e ia es cambiada en 1801 par ajunta la Bandera de San Patricio. Cimri no es representada en la bandera, car esta pais ia es concistada per England ante la crea de la Rena Unida. La imno nasional es God Save the King (Dio ta salva la re), con la parola Re cambiada a Rea cuando la monarca es un fem.

La Rena Unida es un monarcia constitual. Rea Elizabeth 2 es la xef de stato de la Rena Unida, e ance la monarca de des-sinco otra paises autonom de la Comunia Brites. La monarca ave la direto de es consultada, la direto de coraji e la direto de averti. La Constituida de la Rena Unida es noncodigida e es formida par un colie de fontes scriveda diferente. La Parlamento pote fa reformis constitual par aseta Atas de la Parlamento, e en esta modo lo ave la potia political de cambia o aboli cuasi cualce elemento scriveda o nonscriveda de la constitui. An tal, la Parlamento no pote aseta lejes cual un Parlamento futur no ta pote cambia.




#Article 299: Rena de Aragon (118 words)


La Rena de Aragon (Regnum Aragoniae en latina, Reino d'Aragón en aragones e Regne d'Aragó en catalan) ia nase en 1035, par la uni de la contias de Aragon, Sobrarbe e Ribagorza en Ramiro 1. Esta rena ia dura asta 1707, cuando Felipe IV ia esecuta la Comandas de Nueva Planta, par cual la rena ia deveni integrada en la Rena de Espania.

La sposi de Andregoto, fia de conte Galindo 2 de Aragon, con re García Sánchez 1 de Navara, ia uni ambos teras. La Contia de Aragon ia continua conserva sua carater cual ia es fortida par la renase de la vive moncal e la organiza de un bispia conformante a la limitas de la contia.




#Article 300: Rena de Bosnia (124 words)


La Rena de Bosnia ia es un de la renas medieval de la Balcanes. Lo ia emerji como un esente political autonom en la tarda de la sentenio 12, altinte a un rena en la tarda de la sentenio 14.

Pos la mori de Tvrtko 1, la potia de la stato bosnian ia desapare lenta. La Impero Osmanian ia comensa sua concista de Europa e ia concista cuasi tota la Balcanes en la dui prima de la sentenio 15. A fini, su la re Stephen Tomašević, Bosnia ia cade ofisial en 1463 e ia deveni la provinse Polu ueste de la Impero Osmanian. Hersegovina ia cade en 1482. Pos un sentenio, la otra partes de la Bosnia vera ia sede a la atacas osmanian.




#Article 301: Rena frisce (152 words)


La Rena frisce (frisce Fryske Keninkryk) ance conoseda como Magna Frisia es la nom moderna per la rena frisce en la periodo de sua apico (650–734). La impero ia es gidada par res e ia emerji en la media de la sentenio 7; lo ia fini probable con la batalia de Boarn en 734, cuando la frisces ia es vinseda par la Impero Franco.

Lo ia ocupa xef lo cual es oji Nederland e – longo alga autores de la sentenio 19 – ia estende de Zwin en Beljia asta Deutxland. La istoristes disputa sur la estende de la rena, car no documentos survive sur la esiste de un autoria sentral permanente. Cisa Frisia ia es formida par multe renetas, cual ia cambia en tempo de gera a un unia per resiste la potias invadente, e los ia eleje un gidor, la prima inter pares. Los no ia ave un sistem feudal.




#Article 302: Renase (423 words)


La Renase ia es un promove cultural cual ia nase en Europa ueste en la sentenios 15 e 16. Lo ia es un periodo de traversa de la eda medieval a la eda moderna. Sua avansas xef ia es en la artes e en la renovi de la siensas. La site Firenze ia es la loca de nase de esta promove, cual ia estende tra la intera de Europa ueste. Lo ia marca la comensa de la eda moderna temprana.

La fundas inteletal de la Renase ia es sua propria varia inventada de umanisme, derivada de la redescovre de la filosofia elinica clasica, como lo de Protagora, ci ia dise ce la om es la mesura de tota la cosas. Esta pensa nova ia deveni mostrada en arte, arciteta, politica, siensa e leteratur. Esemplos temprana ia es la developa de perspetiva en depinta con olio e la sabe resiclida de fabrica beton. An si la inventa de tipo movable metal ia aselera la difusa de ideas en la tarda de la sentenio 15, la cambias de la Renase no ia es uniforma esperiada tra Europa.

Como un promove cultural, la Renase ia inclui la flori inovosa de latina e linguas demotica. Lo comensa con la renovi en la sentenio 14 de aprende fundida en fontes clasica, cual contemporas ia atribui a Francesco Petrarca; la developa de perspetiva linial e otra tecnicas per rendere un realia plu natural en depinta; e la reformi gradal ma vasta de educa. En politica, la Renase ia contribui a la developa de costumes e praticas de diplomatia, e en siensa lo ia contribui a un depende grandida sur oserva e razona induinte. An si la Renase ia esperia revoluis en multe ativias inteletal, e ance cambiones sosial e political, lo es la plu conoseda per la developas e contribuis artal par eruditas como Leonardo da Vinci e Michelangelo Buonarroti, ci ia inspira la terma om de la Renase.

La Renase ia comensa en Firenze, en la sentenio 14. On ia proposa teorias diversa per considera la orijinas e cualias de la Renase. Los foca a un varia de fatores, incluinte la stranias sosial e munisipal de Firenze a esta tempo; la strutur political de lo; la sponsoria de la familia dominante de lo, la familia Medici; e la migra de eruditas e testos elinica a Italia pos la cada de Constantinopoli a la turceses osmanian. Otra sentros major ia es sites-statos italian norde como Venezia, Jenoa, Milano, Bologna, e a fini Roma en la papia de la Renase.




#Article 303: René Descartes (263 words)


René Descartes (1596-1650) ia es un filosofiste, siensiste e matematiciste franses, descriveda a veses como la padre de filosofia moderna. Naseda en Frans, Descartes ia studia lege a universia de Poitiers e ia segue un carera militar. El ia gusta ance studia filosofia e otica. El ia move a Nederland, do el ia spende multe de sua vive.

Descartes ia scrive esajos filosofial (1637) de cuatro partes: jeometria, otica, meteores e metodo (filosofial). En 1649 Descartes ia es invitada a la corte svensce per instrui la rea. El ia mori en la anio seguente par pneumonia.

Descartes ia aplica la metodos razonante de matematica a filosofia. Cartesianisme indica ce no cosa es vera si on no ia proba la razona de crede sua veria. El ia clama esta Cogito, ergo sum (Me pensa, donce me es). Par esta, el ia serti la esiste de se mesma e de Dio. En otica, el ia descovre la lege de refleta: la angulo de desende egali la angulo de refleta. El ia abri ance la via a la teoria ondal de lus.

Sua contribui la plu famosa es la sistem de jeometria analisal. Descartes ia es la matematiciste prima ci clasi curvas en relata con la egalis cual produi los.

El ia es la prima ci ia usa la leteras ultima de la alfabeta per indica cuantias nonsabeda e la primas per cuantias sabeda.

El ia inventa ance la simboles de esponentes e ia fundi la regula nomada la regula de sinias de Descartes per trova la cuantia de radises positiva e negativa a egalis aljebral.




#Article 304: Retil (177 words)


Retiles es vertebratos tetrapodal, con o cuatro gamas o, como serpentes, ia es desendeda de asendantes con cuatro gamas. La protoretiles la plu temprana ia esiste sirca 312 milion anios ante aora en la periodo carboniferosa, e es evoluida de reptiliomorfos avansada cual ia deveni sempre plu ajustda a abita sur tera seca.

No como afibios, retiles no ave un fase larval acual. La plu retiles es oviparos, an si alga spesies de scuamatos es vivparos, e ance alga grupos acual estinguida. Como amniotas, ovos de retiles es protejeda par membranas, cual ajusta los per reprodui sur tera seca. Multe de la spesies viviparal nuri sua fetos tra formas variosa de plasenta simil a los d mamales, con alga spesies furninte cura inisial per la enfantes nova. Retiles esistente pote es trovada tan peti como un geco (sferodatilo ariase) cual pote es 17 mm, a la crocodil de mar (crocodil poroso) cual pote ateni 6 m e pesa plu ca 1000 kg.

vide ance:

La clasi a la nivel de ordina de la retiles, seguente Benton, 2014.




#Article 305: Revolui Industrial (614 words)


La Revolui Industrial ia es la cambia a un prosede nova de fabrica en la periodo entre s 1760 a 1820-1840. Esta cambia ia inclui vade de metodos de produi par mano a macinas, prosedes nova de produi fero, la usa cresente de la potia de vapor, la developa de macinas-utiles e la asende de la sistem de fabricerias.

La stofa ia es la industria dominante de la revolui industrial en relata con emplea, valua de esflue, e capital investida. La industria de stofa ia es ance la prima en usa metodos de produi moderna.

La revolui industrial ia comensa en Britan, e multe de la inovas ia es fada par persones brites. En la dui de la sentenio 18, Britan ia controla un impero comersial global con colonias en America Norde e Africa, e con alga influe political en la sucontinente indian, tra la ativias de la Compania Brites de India Este. La developa e asende de comersia ia es la causas xef de la revolui industrial.

La revolui industrial ia es un punto de cambia major en la istoria, casi tota aspeta de vive dial ia es influeda en alga forma. Spesial, la revenu promedia de la popla ia comensa esibi creses sustable sin presedente. Alga economistes dise ce la efeto major de la revolui industrial ia es ce la model de vive per la popla jeneral ia comensa crese coerente per la ves prima en istoria, an si otras ia dise ce lo no ia comensa boni sinifiosa asta la sentenio 19 tarda e la sentenio 20 temprana.

La produi interna bruta per person ia es larga stable ante la revolui industrial e la emerji de la economia capitaliste moderna, contra ce la revolui industrial ia comensa un era de crese economial per persones en economias capitaliste. La istoristes de economia acorda ce la comensa de la revolui industrial es la aveni la plu importante en la istoria de umania pos la doma de animales e plantas en la eda neolitica.

La comensa e fini esata de la revolui industrial es ancora discuteda par la istoristes, car lo es un move de cambias e economial e sosial. Eric Hobsbawm ia dise ce la revolui industrial ia comensa en la Rena Unida en la desenio de 1780 e ia no es sentida intera asta la desenio de 1830 0 1840, contra cual T. S. Ashton ia dise ce lo ia aveni entre 1760 e 1830. Industri rapida ia aveni un en Britan, con proportios alta de crese en macinas de vapor e produi de fero aveninte pos 1800. La produi de stofa par macinas ia estende de Rena Unida a Europa continental e a Statos Unida en la sentenio 19 temprana, con sentros importante de stofa, fero, e carbon emerjinte en Beljia e Statos Unida e a pos stofa en Frans.

Un retrosede economial ia aveni de la desenio 1830 tarda a la desenio 1840 temprana cuando la adota de la inovas orijinal de la revolui industrial, como fili e texe macinida, ia lenti e sua mercatos ia maturi. Otra inovas ia develop plu tarda en la periodo, como la adota cresente de locomotivas e barcones de vapor, fonde de aser par soflon calda e tecnolojias nova, como la telegraf eletrica, introduida jeneral en desenios 1840 e 1859, ia no es bastante potiosa per crea proportios plu grande de crese. Crese economial rapida ia comensa pos 1870, orijinante de un grupo nova de inovas cual ia es nomida la revolui industrial du. Esta inovas nova ia inclui prosedes nova per fabrica aser, la fabrica vasta de macinas de produi, e la usa de macinas plu avansada en la fabricerias propulsada par vapor.




#Article 306: Revolui Rusce (120 words)


Su la nom Revolui Rusce (rusce: Русская революция, Rússkaya revolyútsiya), on grupi tota la susedes entre febrero e otobre 1917 de cual sua resulta ia es la suverti de la tsar e la institui de un governa leniniste, induinte la crea de la Republica Sosialiste Federal Soviet de Rusia.

En la revolui prima de febrero 1907 (marto en la calendario de Gregorio), la tsar ia es obligada a renunsia, e un governa tempora ia sustitui per la governa antica.

En la revolui du, en otobre (novembre en la calendario de Gregorio), la governa tempora ia es eliminada e cambiada a un governa bolxevic (comuniste), la Sovnarkom (rusce: Совнарком, de Совет народных комиссаров, pd la Consilia de dirijores poplal; ance SNK).




#Article 307: Reykjavik (242 words)


Reykjavik es la capital e site la plu grande de Island. Sua latitude es 64°08' N, tal ce lo es la capital la plu norde de un stato autonom. Locada en Island sude-ueste, a la costa sude de Baia Faxa, lo es un destina popular per turistes. Lo ave sirca 123 300 abitores (e plu ca 216 940 en sua rejion), e es la cor de la vive cultural, economial e governal de la pais.

On crede ce la colonia permanente prima en Island ia es locada en Rejkjavik, instituida en 874 par Ingólfur Arnarson de Noria. Esta es descriveda en la Landnámabók (Libro de coloni). On dise ce Arnarson ia deside la loca de sua colonia par un metodo norsce tradisional: el ia lansa la palos de sua seja a en la mar cuando el ia vide la costa, e ia coloni do los ia atera. Vapor de fontes calda en la rejion ia inspira la nom de Rejkjavik, cual sinifia aprosima baieta de fuma. La nom ia es orijinal Rejkjarvík con un plu R cual ia desapare ja sirca 1800.

Asta la sentenio 19, la loca de la site no ia es urban developada. La site ia es fundida en 1786 como un vila de comersia ofisial e ia crese constante en la desenios seguente, cambiante a un sentro rejional e ultima nasional de comersia, popla e governa. Lo es entre la sites la plu limpa, verde e secur de la mundo.




#Article 308: Richard 1 (276 words)


Richard 1 de England (8 setembre 1157 – 6 april 1199) ia es la re de England de 1189 asta 1199. El es nomida a veses Richard the Lionheart (la cor de leon) per sua coraje. El ia es la fio de Henry 2 de England e Eleanor de Aquitaine. Car el ia es la fio tre, on no ia espeta ce el va erita la trono.

En 1168, el ia deveni la duxe de Aquitaine. El ia es un de la xefes de la Crusada Tre contra Saladin, un atenta cual no ia susede. Ma, en sua viaja, Richard ia concista Sisilia e Cipros. Ante parti de Cipros, el ia sposi Berengaria de Navarra, la fia prima de Re Sancho 6 de Navarra. El ia luta en la Batalia de Acre e la Batalia de Arsuf. A la fini, car el no ia pote recatura Ieruxalim, el ia deside reveni a England.

En sua reveni de la crusada, Richard ia es caturada par la deutxes. Heinrich 6, la imperor de la Impero Santa Roman, ia esije un rescate grande de la popla engles. Pos cuando el ia es librida, Richard ia pasa la plu de la resta de sua vive en batalias en Frans.

El ia mori de un flexa de balesta en un aseja de un castel. Sua corpo ia es enterada a la Abadia de Fontevraud, prosima a Saumur, Frans, con sua padre e madre. Sua organos interna ia es enterada a Chalus, prosima a Limoges, Frans. Sua cor ia es enterada en la Catedral de Nos Seniora (Notre Dame) a Rouen, Frans.

Richard ia es segueda par sua frate plu joven, John.




#Article 309: Rigoberta Menchú (148 words)


Rigoberta Menchu Tum  (1959–) es un ativiste fema guatemalan per diretos umana e diretos de poplas nativa. Naseda en la norde-ueste de Guatemala, Menchu ia adolese en un comunia cultivante anticin en la montania.

Maturinte, con membros diversa de sua familia, el ia partisipa en atas revoluinte contra la militares per maltrata de diretos umana.

En 1981, pos es xasada par autorias guatemalan, el ia vade en esclui e ia comensa publici la turbas de poplas nativa de Guatemala.

Sua libro Me, Rigoberta Menchu, ditada en 1982 a un antropolojiste Elizabeth Burgos Debray, ia aida Menchu a deveni un simbol poplal de trata nonumana sufrida par poplas nativa e marjinida. Per reconose sua laboras grande per promove justia sosial en Guatemala , Menchu ia es presentada con la premio Nobel per pas en 1992.

Pos reseta la premio, Manchu ia pote reveni a Guatemala e labora per cambia.




#Article 310: Rio (171 words)


Un rio es un via de acua grande e natural.  La orijina de un rio pote es un lago, un fonte, o un grupo de rietas.  De la orijina, tota rios flue a basa, e fini jeneral en un mar.  La boca, o la fini la plu basa de la rio, es nomida sua nivel basa.  La acua de la rio es normal tenida en un canal, entre du rivas.  La plu de pluve sur la tera flue tra rios a la mares.

Normal, elefen usa la nom como speleda en la lingua de la pais tra cual la plu de la rio pasa. En casos do la rio pasa tra multe paises, elefen usa un compromete – per esemplo Danubio e Reno (de sua nomes latina). Si la partes de un nom es simil a los en elefen, on pote usa la formas elefen (pe Rio San Lorenzo). E, si un nom es comun internasional, on pote usa acel forma (pe Rio Jala).

Un lista de rios la plu importante:




#Article 311: Rio Danubio (184 words)


La Rio Danubio es la rio la plu longa en la Uni European, e la rio du par longia (pos la Rio Volga) en tota Europa.  Lo ia es un frontera importante per la Impero Roman.

La orijina de la rio es en la Foresta Negra en Deutxland, de du rios peti, la Brigach e la Breg, cual deveni juntada a la vila Donaueschingen, pos do lo porta la nom Danubio. Lo flue a este tra sirca 2850 km, e pasa tra alga capitales european, e vacui final en la Mar Negra tra la Delta Danubio en Romania e Ucraina.

La rio pasa tra (o forma un parte de la bordas de) des nasiones: Deutxland, Osteraic, Slovensco, Magiar, Corvatsca, Serbia, Romania, Balgaria, Moldova, e Ucraina.

Sua nom es latina, orijinal de la celta *dānu, per corente. En deutx lo es Donau, en polsce e slovensce Dunaj, en magiar Duna, en romanian Dunărea, en norsce vea Duná, en turces Tuna, en elinica antica Istros, en slovenian Donava, en corvatsce Dunav, en serbsce Дунав/Dunav, en balgarsce Дунав, en ucrainsce Дунай, e en arabi e farsi دانوب.




#Article 312: Rio Thames (309 words)


La Rio Thames [temz] es un rio cual flue tra England sude, xef tra London. Con 346 km, lo es la plu longa de la rios locada intera en England e la numero du de la plu longas en la Rena Unida, pos la Rio Severn.

Lo flue ance tra Oxford (do on nomi lo la Rio Isis), Reading, Henley-on-Thames e Windsor. La curso basa de la rio es nomida la Tideway (via mareal) par causa de la estende longa de sua parte mareal asta la clusa a Teddington. Lo fonti a Thames Head en la contia Gloucestershire, e flue tra la Estuario de Thames asta la Mar Norde. Lo drena la intera de London Grande.

Sua parte mareal inclui la plu de sua pasa tra London, e asende e desende par 7 metres. La rio flue tra alga de la partes la plu seca de Britan e on estrae multe acua bevable de lo. Si on considera sua longia e largia, la volum de acua en la Rio Thames es basa: la Rio Severn ave cuasi la duple de la volum per promedia, an si sua basin de drena es min grande. En Scotland, la Rio Tay ave plu ca la duple de la volum promedia per un basin de drena cual es plu peti par 60%.

Longo la curso de la Rio Thames es 45 clusas navigable, acompaniada par pararios basa. Sua zona de catura covre un parte grande de la sude-este de England, e un parte peti de England ueste. Lo es nurida par 38 afluentes nomida, e conteni plu ca 80 isolas.

Con acuas variante de dulse a cuasi marin, la Rio Thames suporta viventes savaje diversa e es bordada par alga Locas de Interesa Siensal Spesial, de cual la plu grande ocupa 5449 ectares en la partes restante de la Pantanes de Kent Norde.




#Article 313: Linguas coisan (162 words)


La familia de linguas coisan conteni sirca 30 linguas con sirca 100 000 parlores, incluinte la popla orijinal de Namibia e Africa Sude. La ramos de esta familia es aora considerada como familias autonom, car lo no ia es mostrada ce los es relatada seguente la metodo comparativa normal. La cualia major cual lia los es la usa de clicas en sua fonolojia, cual pote es un cualia areal e no de relata.

Hadza - sirca 800 parlores en Tanzania (no relata jenetical con la otras)

Sandaue (Sandawe) - sirca 40,000 parlores en Tanzania (posible relatada a la linguas coe)

Coe (Khoe) - sirca 250,000 parlores en Namibia, Botsuana, Sudafrica, e Zimbabue

Tu (Tuu) - sirca 2500 parlores en Botsuana e Sudafrica; la plu de dialetos es estinguida o vera menasada (alga similes a la linguas cxa)

Cha (Kx'a) - sirca 15,000 parlores en Botsuana; menasada (esta familia inclui la lingua famosa cung (!Kung), cual ave la cuantia de clicas la plu grande)




#Article 314: Linguas de Rusia (161 words)


On ave 35 linguas unica cual es nomida linguas ofisial en alga partes de Rusia, no incluinte rusce, cual es ofisial per la tota nasion. Plu, on ave sirca 110 linguas de poplas minor. La plu de los es perilida o an estinguida. Tuva ave sirca 200,000 persones ci cultiva ancora sua lingua.  Saha (o iacut) ave sirca 350,000, ma es plu perilida ca  Saha.  Altai sude ave sirca 50,000,  buriat ave sirca 350,000,  hakas ave sirca 60,000, ma los es perilida par industriali e urbani. Txuctxi (o luorawetlan), con 10,000 persones, e  nenets de tundra, con 25,000, ave poca parlores, ma pote posible continua per un tempo car los es forte asosiada con la eleva de renos, cual es un ocupa vera vivente.

Turcica norde-ueste /  ciptxac:

Turcica ogur (ance incluinte la linguas estinguida  bulgar,  hunica,  hazar,  avar):

Turcica norde-este:

Turcica sude-ueste:

Turcica sude-este:

(posible relatada a hurica e urartica, de Mesopotamia antica):

(posible relatada a hatica, de Anatolia antica):




#Article 315: Linguas de la Impero Roman (106 words)


Latina e elinica ia es la linguas xef de la Impero Roman, ma ance otra linguas ia es importante a nivel local. La lingua nativa de la romanes antica ia es latina, cual ia es la lingua de potia e multe usada en tota la Impero Roman, par la soldatos e la judores en la ueste. Pos la dona de sitadania roman a tota omes de nase libre en la Impero (en 212 aec), on ia ave multe sitadanes roman ci no parla latina, an si tota ia debe ave un conose a la min simbolin de esta lingua, cual ia es un marca de romanablia.




#Article 316: Linguas germanica (324 words)


La linguas germanica parteni a la familia de linguas indoeuropean. La loca orijinal de la linguas (sirca 1000 aec) es Europa norde, cual es aora Noria, Sveria, Danmarc, Deutxland norde e Nederland norde.  Ja en la sentenio 1 aec, la poplas germanica ia entra a Nederland, Deutxland sude, e la rejion de Osteraic moderna, e un ramo de esta familia ia vade de Sveria sude-ueste a la area de Polsca moderna e ia deveni la sufamilia germanica este. Un de esta poplas, la gotos, ia entra a la rejion de Ucraina moderna sirca 200 ec, e ia resta en Dacia (Romania moderna) asta 300 ec.

Sirca 500 ec, multe tribus germanica ia comensa move. De la area de Deutxland e Nederland moderna, la francos e burgundas ia entra a Galia (Frans moderna), la suebas a Espania ueste e Portugal, la anglo-sasones a England este, e la alamanes a Deutxland sude. De Europa este, la gotos ia entra a Italia e Espania este, la langobardas a Italia norde, e la vandales (relatada a la gotas) a un parte de Africa norde (Tunisia moderna). La plu de los ia deveni parlores de linguas romanica, estra la anglo-sasones, la alamanes, e la parte de la francos ci ia resta a norde e este de la Reno.

Sirca 900 ec, alga abitores de England ia entra a Scotland, e alga abitores de Noria ia entra a Island. La dansces e norsces ia prende locas variosa en la ueste de Europa (spesial England, Normandia e Sisilia), e la svensces ia coloni partes de Rusia. Ultima, los ia es asorbeda par la popla orijinal.

En la sentenio 17, England ia comensa coloni partes variosa de la mundo, e ia institui la lingua engles en America norde, Australia, Zeland Nova, e Africa Sude. Ance, Nederland ia coloni partes de Africa Sude. En esta locas, engles e un forma de nederlandes (africans) es parlada oji.

Table de compara entre alga linguas germanica:




#Article 317: Linguas hocan (101 words)


La familia de linguas hocan es un grupo ipotesal de familias variosa de linguas parlada en California e Mexico. La lingas es parlada par la pomos a la costa de California, e otra nasiones de americanes orijinal sirca Monte Shasta e Lago Tahoe, e par la Iumanes longo la riva de la Rio Colorado. La nom hocan es fundida sur la parola per du en alga linguas en la familia: *xwak en proto-Iuman, c-oocj (pronunsiada [ko:kx]) en Seri, hak en Atxumaui, etc. No tota linguistes acorda ce lo es un familia vera , ma la nom es usada per oportunia.

Categoria:Linguas 




#Article 318: Linguas indoeuropean (225 words)


Indoeuropean es la familia la plu grande de linguas en la mundo, con 150 linguas e sirca tre mil milion parlores. Linguas inclui hindi e urdu (400 milion), bangla (200 milion), espaniol (300 milion), portuges (200 milion), franses (100 milion), deutx (100 milion), rusce (300 milion), e engles (400 milion). Engles es la lingua du la plu popular, e es parlada par sirca mil milion persones en la mundo.

La parlores indoeuropean ia abita orijinal la rejion entre la rios Danubio e Volga. Entre 3000 e 2000 aec, la protolingua indoeuropean ia estende a Europa e Anatolia a la ueste, a Persia e India a la sude, e a Xina ueste a la este. Pos miles de anios, en la eda de colonialisme, linguas como espaniol, portuges, franses, engles e rusce estende a la Americas, Australia, la isolas de la mar Pasifica, partes de Africa, e a Sibir.

Un otra teoria sujeste ce la orijina de indoeuropean ia es en Anatolia, e ce la popla ia sperde a la Balcanes sirca 6000 aec e continua de ala e Europa e la stepes de Eurasia. Cual teoria es coreta no es ancora desideda, an si la plu de siensistes prefere la prima, comun nomida la teoria de la stepes, e de la curganes.

Per plu informa, vade a la articles sur la sufamilias e linguas individua.




#Article 319: Linguas inuit-aleut (127 words)


La familia inuit-aleut inclui nove linguas, parlada par sirca 85 000 persones.

Esta linguas es linguas nativa de Alaska, Nunavut, Inuvialuit, Nunavik, Nunatsiavut, Calalitnunat (Gronland), e la penisola Txucotxca a la punto la plu este de Sibir. Lo es divideda entra du ramos: la linguas escimo e la lingua aleut. Aleut es parlada sur la Isolas Aleutian e la Isolas Pribilof. La linguas escimo es ance divideda entre du: la linguas yupic, parlada en Alaska ueste e sude-ueste e en Sibir la plu este, e la linguas inuit, parlada en Alaska norde, Canada, e Calalitnunat (Gronland). Inuit, cual estende tra distantias grande, varia lente de ueste a este, ma ultima la dialetos no pote comprende lunlotra.

Per plu sur inuit, con detalias de gramatica, vade a Inuit (lingua)




#Article 320: Linguas irocuoi (107 words)


La linguas irocuoi ia es parlada par la americanes orijinal de partes de Canada este e la SUA, de la norde e sude de Lago Erie e la Rio San Laurens, desendente asta New York e Pennsylvania, con otra grupos en Carolina Norde, Tennesse este e Georgia norde (la tuscaroras e la tsalagis). En la eda colonial, la tuscaroras ia vade a New York per abita con la sinco nasiones, e la tsalagis ia es forsada de sua abitas a Oklahoma par la militar de la SUA en la sentenio 19 – un aveni nomida La Curso de Larmas.

La familia de linguas irocuoi conteni 11 linguas:




#Article 321: Linguas miau-iau (187 words)


Miau-iau  (acc hmong-mien) es un familia de linguas con sirca sete milion parlores, sperdeda tra Xina sude e otra partes de Asia sude-este.

Como multe linguas en Xina sude, la linguas tende es monosilabal con un sintatica analisal. Los es alga de la linguas la plu tonal en la mundo, con tan multe como 12 tonos distinguida. Los es fonolojial notable per la aveni de nasales sin vose e consonantes uvulal.

Los ave un ordina de parolas SVO ma no es tan destra raminte rijida como la linguas tai-cadai o la plu de linguas mon-cmer, car la linguas miau-iau ave jenitivas e numeros ante la nom como en xines. Los ave poca aposadas: construis serial de verbos recambia per la plu funsiones de aposadas en linguas como elefen. Per esemplo, un construi traduida como es prosima ta es usada en loca de preposadas elefen como en o a.

Estra sua tonos e la asentia de aposadas, un otra cualia noncomun es la cuantia grande de clasintes numeral e sua usa do otra linguas usa articles defininte o demonstrantes per altera nomes.

Linguas miau

Linguas mien (acc iau)




#Article 322: Linguas muscocean (158 words)


Muscocean es un familia de linguas de la americanes orijinal de la partes sude-ueste de la SUA. La familia es divideda en du partes – este e ueste. Los es linguas afisante.

La familia muscocean ave ses linguas cual es ancora parlada: alabama, txicaxa, txacta, cric, coasati e micasuci. Du linguas es aora estinguida: apalatxi e hitxiti (un dialeto de micasuci). Seminol es un dialeto de cric.

La linguiste esperta orijinal de esta linguas ia es Mary Haas.

Esta es la tasonomia de a linguas Muscocean:

I. Muscocean ueste

II. Muscocean este

On conose no relata entre la familia muscocean e otra linguas. La teoria de Haas es ce los es relatada con alga linguas isolida de la sude-este de la SUA – atacapa, txitimatxa, tunica e natxez – en un grupo nomida la golfo, de la Golfo de Mexico. No multe persones acorda con esta grupi, estra sur un relata posible entre la linguas muscocean e natxez.




#Article 323: Linguas na-dene (296 words)


La linguas nadene (acc nadene, na-dené, atabascan-eiac-tlingit, tlina-dene) es un familia de linguas american orijinal cual inclui a min la linguas atabasca, eiac, e tlingit. Membros bon reconoseda es navaho e apatxe (lingua. Haida es aora escluida de la familia. En 2008, lo ia es proposada ce nadene es relatada a la linguas ienesean de Sibir sentral (de cual la sola survivente es cet, creante un familia dene-ienesean, un posible bon resetada par alga linguistes. Lo es ance teorida ce esta familia es la desendentes de la linguas parlada en Beringia, entre Asia e America Norde, de cual la nadenes ia migra sude e este, e la ieneseanes ia migra ueste.

Un arbor simplida de la familia:

Tota esta linguas comparti un strutur de prefisas de verbos multe complicada, en cual marcas de tempo e modo es interordinada entre marcas de acorda per sujeto e ojeto. La marca distinguinte de esta linguas es la serie de prefisas cual aveni direta ante la radis vebal cual leva o basi la transitivia de la parola verbal. Esta prefisas, nomida tradisional clasintes, deriva istorial de un combina de tre clases de morfemes distinguida cual no es notada en cualce otra familia de linguas american orijinal.

La sistemes de fonemes conteni un cuantia grande de consonantes velal e uvulal (frontida en multe linguas atabascan moderne a palatales e velals, en ordina), e un asentia jeneral de esplodentes labial (estra do /b/ deriva de */w/). On ave un tende jeneral en multe linguas atabascan per cualias glotal orijinal trovada a la fini de silabas, developa a tonal distinguis. La cualias glotal es ancora evidente en eiac e tlingit. Esta linguas es nonusual tipolojial par usa estendosa prefisas ma ancora un ordina SOV e posposadal, cualias normal asosiada con linguas con sufisas.




#Article 324: Linguas nijer-congo (133 words)


La linguas nijer-congo composa un de la familias de linguas la plu grande de la mundo e la plu grande de la continente de Africa en area jeografial, cuantia de parolas, e cuantia de linguas distinguida. La cuantia de linguas es sirca 1540 (seguente Ethnologue), e la cuantia de parlores nativa es sirca 700 milion persones (2015). Contenida en la familia es la familia de linguas bantu, cual inclui sirca 350 milion parlores, o dui de la tota de parlores de linguas nijer-congo. La linguas con la plu parlores es ioruba, igbo, fula, e xona. La lingua la plu parlada (nativa o no) es suahili. Otra linguas bon conoseda es mandinca, ioruba, e zulu.

Un cualia comun a la plu de linguas nijer-congo es la usa de un sistem de clasi de nomes.




#Article 325: Linguas romanica (560 words)


La linguas romanica es un ramo de la familia de linguas indoeuropean. Los es la desendentes de la lingua latina, la lingua de la Impero Roman. Los ave plu ca 600 milion parlores, de cual la plu es en America, Europa e partes de Africa.

La linguas romanica es desendentes de la lingua latina comun, cual ia difere de la latina clasica cual on trova en la leteratur roman antica. Entre 200 aec e 100 ec, la Impero Roman ia estende tra la plu de Europa sude, Africa norde e Asia sude-ueste. Pos la cade de la Impero en la sentenio sinco, latina comun ia comensa frati a multe dialetos, cual ia deveni la linguas roman moderna.

Pos la sentenio 15, la imperos colonial de Espania, Portugal e Frans ia estende sua linguas tra la mundo, e oji, du tris de la parlores de linguas romanica es estra Europa. Nota ance ce engles ave un vocabulo en cual la majoria de parolas es derivada de linguas romanica.

La terma romanica veni de la averbo latina demotica romanica (en roman), derivada de Romanicus: pd, en la espresa romanice loqui parla en roman (esta es, la latina demotica), contrastada con latine loqui parla en latina (latina medieval, la varia conservaliste de la lingua usada en scrive e en situas formal o como lingua franca), e con barbarice loqui parla en barbar (la linguas nonlatina de la poplas vivente estra la Impero Roman). De esta averbo la nom romanica ia orijina, cual es usada a la comensa per tota romanice scriveda, pd, en la demotica roman.

La linguas romanica es la continua de la latina demotica, la sosioleto de la latina parlada par la soldatos, colonistes, e mercatores de la Impero Roman, diferente de la varia clasica de la lingua parlada par la clases alta, la forma en cual la lingua usual ia es scriveda. Entre 350 aec e 150 ec, la estende la Impero,junta a la politicas manejal e educal ia fa la latina la lingua nativa dominante en Europa ueste. La latina ia ave un influe forte en Britan sude-este, la provinse roman de Africa, Deutxland ueste, Panonia e tota la Balcanes.

En la declina de la Impero, e pos sua divide e la colasa de la dui ueste en la sentenio 5 e 6, la varias parlada de latina ia deveni plu isolida lunlotra, con la dialetos ueste su un influe forte germanica (spesial de la gotos e la francos) e la este su influe slavica. La dialetos ia diverje de latina clasica de un forma aselerada e a fini ia evolui a un continua de tipolojias diferente reconosable. La imperos colonial instituida par Portugal, Espania e Frans de la sentenio 15 a ante ia estende tan multe sua linguas otra continentes ce sirca du tris de tota la parlores de linguas romanica es estra Europa.

An con otra influes (pd sustrato de linguas preroman, spesial linguas celta continental, e suprastrato de invades germanica o slavica tarda), la fonolojia, morfolojia e vocabulario de tota la linguas romanica es xef composada de formas evoluidas de latina demotica. An tal, alga diferes notable aveni entre la linguas romanica de oji e sua asendente latina. Con sola un o du estas, la linguas romanicas ia perde la sistem de declina latina e, como resulta, ave un strutur SVO e usa multe la preposadas.




#Article 326: Linguas su (157 words)


La linguas su es un familia de linguas de American Norde. Los estende de la planos de Canada a su tra la planos norde de la SUA, asta la rejion de Arkansas. On ave ance un grupo en Virginia e un en Mississippi. La familia es relatada a la familia catauba de la SUA este (Virginia e Carolina Norde). Catauba es aora estinguida. Linguistes usa la parola su per esta familia de linguas car la familia inclui la lingua dacota orijinal e sua relatadas. Ma nota ce su es un parola cortida par la franseses de Canada de un parola algoncian per la popla su, sur cual on crede ce lo sinifia parlores de un lingua strana.

La familia de linguas su ave 17 linguas, con sulinguas variosa:

I. Su de la rio Missouri (acc Cro-Hidatsa)

II. Su Mandan

III. Su de la vale de Mississippi (acc Su sentral)

IV. Su de vale Ohio (acc Su sude-este)




#Article 327: Linguas tocarian (559 words)


La linguas tocarian es la ramo la min conoseda de la familia de linguas indoeuropean. Lo ia es parlada en la sentenios ses, sete e oto en la parte de Xina moderna cual on nomi Txindjiang. La nom tocarian veni de elinica, en cual alga poplas de esta area ia es nomida Τόχαροι Tokharoi.

La linguas tocarian inclui du linguas: tocarian A (o turfanian, o arxi, o tocarian este), e tocarian B (o cutxean, o cutxi, o tocarian ueste). Ma un person ci ia parla la un no ia pote comprende fasil la otra. On divina ce la du ia es separada par multe sentenios.

La linguas parteni a la centum de indoeuropean (como la linguas romanica, germanica, celta e elinica de Europa). Ma los ia deveni separada de los a cisa un milenio aec, e ia es ensircada par la satem (como slavica e indoiranian).

On ave partes de manoscritos de la sentenio oto (e alga plu veas), scriveda sur folias de palma, tabletas de lenio, e paper xines, conservada par la clima plu seca de la deserto basa de Tarim. Otra esemplos de la linguas ia es descovreda en Cutxa e Carasar, incluinte multe scrives mural. La scrives ia es traduis de testos budiste e maniste, notas comersial, testos medical e majial, e ance un poesia de ama.

La alfabeta cual la tocarianes ia usa veni de la abugida (alfabeta silabal) brahmi (indian norde), e es nomida brahmi apoiada.

Tocarian ia es estinguida pos 840 ec, cuando la cirgizes ia forsa la uigures de Mongol a la Tarim, e la uigures ia concista la tocarianes e asorbe los.

La linguas tocarian ia cambi multe de la vocales de PIE, e no sempre acorda con lunlotra. La reconstrui de vocales en tocarian es multe difisil, e linguistes continua disputa. Asi es la vocales jeneral asetada e sin la ajuntas e varias sujesteda par linguistes individua:

La consonantes de tocarian ia es multe reduida de PIE. On no distingui entre esplodentes vosida e nonvosida, aspirada e nonaspirada, e la tre distinguis de esplodentes velal no survive. Ma lo ia introdui multe varias de nasales e un grupo de consonantes alveolal-palatal.

Tocarian ia reconstrui completa la sistem de nomes de proto-indo-european. La sola casos eritada de la protolingua ia es la nominativa e la jenitiva (e, en tocarian B) la vocativa En ajunta a esta casos, cada lingua tocarian ia ave ses casos formida par la ajunta de un sufisa nonvariante a la caso oblica. An ce la colie de ses casos no es identica en cada lingua, e la sufises es per la plu parte nonconaseda

Como un contrasta, la sistem de conjuga de verbos es multe conservante. La majoria de clases e categorias de verbs proto-indo-european es respresentada en alga modo en tocarian, an si no sempre con la mesma funsiona.

Verbos tocarian es conjugada en la categorias seguente:

Cada verbo parteni a un de un cuantia grande de clases, seguente sua conjuga. Como en sanscrito, elinica antica, e (alga min) latina, on ave colies autonom de clases en al direta presente, sujuntal, perfeta, comandante, e a un estende limitada, esperante, e nonperfeta, e on ave no coresponde jeneral entre la colies diferene de clases, pd cada verbo debe es spesifada par usa un cuantia de partes prinsipal.

La sufisas per alga verbos en la presente, per esemplo:




#Article 328: Lingwe uniwersala (230 words)


Lingwe uniwersala es la lingua prima construida par L. L. Zamenhof en 1878, un presedente de esperanto. La notas per la lingua ia es destruida par Mordechai Zamenhof, la padre de L. L. Zamenhof, per evita condena par la polisia de la tsar. La natur de la lingua ia es partal reconstruida par Gaston Waringhien.

La sola esemplo esistente es esta poesia:

En esperanto moderna:

En elefen:

La alfabeta ia inclui ć, dź, h́, ś, ź per ĉ, ĝ, ĥ, ŝ, ĵ. W es usada en loca de v, como en polsce e ŭ no ia esiste. La asentua es normal a la vocal ante la consonante ultima. Esetas es indicada par un sinieta agu, en modo simil a espaniol.

Nomes fini con -e; ajetivos fini con -a. En poesias, on pote omete la -e o -a de parolas.

La plural es indicada con -s pos la -e, e par usa las en loca de la. 
 
No forma spesial esiste per la acusativa (ojeto direta). 

La pronomes personal fini con -o:

La corelatas es simil ordinada como en esperanto moderna:

Como en esperanto, la verbos no cambia per indica persones. 

Lo pare ce lingwe uniwersala no usa sempre la mesma etimolojia ca esperanto. Per esemplo, en la poesia a supra, la parola kadó veni de la parola latina cadere. En esperanto, la parola fali veni de la parola deutx fallen.




#Article 329: Lisosoma (138 words)


La lisosoma es la organeta en la sitoplasma de selulas eucariotal cual conteni enzimas degradante encluida par un membrana.

La lisosomas ance ata como un sistem de dejeta de la selula dijestante materiales nonvoleda en la sitoplasma, de estra la selula e de composantes desusada de la selula. Los ia es descovreda par la biolojiste beljes Christian de Duve, ci ta reseta la Premio Nobel de Fisiolojia o Medica en 1974.

On sabe ce la lisosomas conteni plu can 60 enzimas diferente. La enzimas es emportada de la aparato de Golgi en vesiculas peti, cual fusa con vesiculas asida plu grande.

La lisosomas conteni un varia de enzima, permetente la selula rompe varia biomoleculas cual ensirca, incluinte peptidos, asidas nucleal, carboidratos e lipidos. La enzimas reponsable de esta idrolise nesesa un ambiente asida per ativia la plu bon.




#Article 330: Lista de nasiones (289 words)


En elefen, la nomes de nasiones (e otra paises) e sua formas ajetival segue la formas la plu usada par o la popla nasional o la comunia internasional. La forma ajetival es ance usada como la nom de un person de la nasion, e en alga casos, la nom de un lingua. Per esemplo italian es la forma ajetival de Italia, e ance la nom per persones de Italia e la nom de la lingua italian.

En la plu de casos, cada nasion ave sola un nom e un forma ajetival, ma per alga casos, un nasion ave du formas. Esemplos inclui Xina/Jonguo, Barat/India, e Suomi/Finland. Elefen reteni la nom nasional per respeta la popla de la nasion, e la nom internasional per aida la reconose. Elefen no sujesta ce on usa la un o la otra, ma sola ce on usa los en un modo coerente en un testo.

La formas ajetival usa finis variosa. Elefen usa la fini cual es la plu simil a la fini nasional o internasional. La plu fini con -an, -ian, o -es – per esemplo: american, canadian, e nederlandes. Multe fini con -i o -sce – per esemplo: afgani, arabi, rusce, e svensce. La ajetivo per nasiones muslim fini comun con -i, e los de Europa norde e este fini comun con -sce. Alga ajetivos no difere de la nom o ave un forma plu corta ca la nom, e un cuantia peti ave finis unica – per esemplo: esti, mongol, cazac, deutx, brasilera, e guatemalteca. Ultima, on nesesa aprende individua los.

La colona prima de la table seguente mostra la codigos de la nasiones par la norma internasional ISO 3166. La table inclui ance alga nomes cual no es ofisial nasiones.




#Article 331: Loglan (348 words)


Loglan es un lingua construida, desiniada orijinal per rexerca linguistica de la ipotesa de Sapir-Whorf. Lo ia es developada par Dr James Cooke Brown comensante en 1955, con la gol de crea un lingua tan diferente de la linguas natural ce un person ci aprende lo ta pensa en un modo diferente de normal si la ipotesa ta es vera. Loglan es la prima de linguas conoseda como linguas lojical, un grupo cual inclui lojban e ceqli.

Brown funda la Instituto de Loglan per developa la lingua. Cuando otras ia comensa esperimente con la lingua, Brown ia aplica restrinjes a la usa de la nom. Esta ata ia condui a la crea de un varia, lojban, cual no ave esta restrinjes.

Brown ia intende ce loglan ta es neutra regardante cultur, e ia restrinje la cuantia de categorias linguistica a la minima. Per esemplo, la categorias de verbos, nomes, e ajetivos es incluida en un categoria, nomida predicas. Plu, el intende ce la lingua ta es tota coerente e sin ambiguas.

La gramatica es derivada de logica de predicas, cual esplica la nom, un corti de lingua lojica. Cada predica ave un strutur de partisipantes, cual pote es variables. Per esemplo, vedma es la predica per vende. Ma vedma inclui la idea de cuatro partisipantes: la sujeto (la vendor), la ojeto (la cosa), la ojeto de a (la compror), e la ojeto de per (la costa). Donce, on pote dise da vedma de di do, con da, de, di, e do como pronomes per la vendor, la cosa, la compror, e la costa. En elefen, on pote posible tradui esta par el vende lo a el per alga costa.

An si loglan es difisil per aprende e usa, multe persones tra la mundo ia atenta lo, e la varia lojban ia deveni multe poplal. Loglan ia es presentada en alga libros de imajina siensal, como The moon is a harsh mistress e The number of the beast, ambos par Robert A. Heinlein, Love me tomorrow (1978) par Robert Rimmer, e The troika incident (1970) par Brown se mesma.




#Article 332: Lojica (436 words)


Jeneral, la lojica es la studia de la sistemes de razona, pd la sistemes de razona cual un esente intelijente pote usa per razona. La lojica servi per dise cual formas de dedui es asetable e cuales no. Tradisional, on studia lo como ramo de filosofia, ma on pote ance regarda lo como un ramo de matematica o informatica.

Lojica veni de la parola elenica clasica λόγος (logos), cual sinifia parola; la diseda. Plu tarda, la sinifia ia estende per inclui pensa; razona.

Lingua pote es usada en modos diversa: per demanda alga cosa, per avisa algun, per descrive alga cosa cual nos ia vide ja, o simple per espresa un sensa, como cuando nos cria si nos toca foco. La lojica es un usa spesial de la lingua cual es relatada con la sinifia e la esatia de lo cual nos dise. Concreta, lo es la disiplina cual studia la strutur, funda e usa de la espresas de la sabe umana.

Aristotele, ci on regarda como la abrivia en la studia de lojica e como la creor de sua forma clasica, ia descrive lojica como la arte de razona coreta e vera. A sua libros cual trata temas de lojica, Aristotele ia dona la titulo Organon, cual sinifia strumento. Esta obras consentra se a la studia de la silogisme, un conjunta de tre suposas o judis cual ave entre se la seguente relata: la numero tre es derivada (deduida o concluida) de la du otras. La du otras es nomida premisas e la ultima es la conclui. Un esemplo clasica de silogisme es: Tota umanas es mortal; Socrate es un umana; donce, Socrate es mortal.

Seguente la defini clasica de lojica, nos pote dise ce lo trata la siensa – o la studia – cual trata la razonas coreta. Tra multe sentenios on ia developa un comprende importante de la razonas noncoreta o falsa, a multe veses con intende de confonde la razona o la debate con otra disputores. Vide Falasias per plu detalias.

Oji, con grasias a la laboras de multe matematicistes e filosofistes, entre ci nos nota George Boole (1815–64), Giuseppe Peano (1858–1932), Georg Cantor (1845–1918), Gottlob Frege (1848–1925) e Bertrand Russell (1872–1970), on ia developa lojica simbolal o lojica formal, cual es distinguida par la usa de un lingua formal (simbolal), como lo cual es usada en matematica, pe alga regulas esata de cambia entre proposas diferente. En lo nos pote distingui tre ramos xef: teoria sintatical, teoria semantical e teoria axiomatical.

En ajunta a lojica clasica (simbolal), otra lojicas diversa esiste, pe lojica difusada, lojica probablial, lojica modal e lojicas nonmonotonica.




#Article 333: London (299 words)


London es la site capital e con la plu abitores de England e de la Rena Unida. En la anio 2010, 7 825 210 persones ia abita en la site. Lo ave un area de 1572 cilometres cuadrida.

London es situada en la sude-este de la Rena Unida. La rio Thames flue tra la site. London aora es e ia es un site major per du milenios. La romanes ia fundi lo, e nomida lo Londinium. La cor antica de London, la Site de London, per la plu parte reteni sua limitas medieval de 2.9 km2. De a la plu temprana, London ance refere a la urbe cual ensirca esta cor. Esta urbe es divide istorial entre Middlesex, Essex, Surrey, Kent e Hertfordshire, cual aora formi Greater London, un rejion governada par la maior de London e la asembla de London.

London es un site global cual es un de la xef en arte, comersia, educa, diverti, moda, finansia, aida medical, servi profesal, rexerca e developa, turisme e transporta. Lo ave la sentro finansial la plu grande en la mundo e ave la produi interna bruta urban la sinco o la ses de la plu grande en la mundo. London es un capital cultural de la mundo. Lo es la site cual es la plu visitada como mesurada par arivores internasional e ave la sistem de airoporto urban la plu ativa en la mundo. London es la destina xef de investi en la mundo; lo ospita plu botecas internasional e plu milionores e bilionores ca cualce otra site. La universias de London formi la proportio la plu grande de instituidas de educa de universia en Europa. En 2012, London deveni la site prima cual ospita la Juas Olimpial moderna de estate a tre veses (en la anios 1908, 1948 e 2012).




#Article 334: London Eye (231 words)


La London Eye (Oio de London) es un rota jigante sur la riva sude de la Rio Thames en London. 

La strutur ave 135 m de altia e la rota ave un diametre de 120 m. Cuando on ia abri lo en 2000, lo ia es la rota jigante la plu alta de mund. Sua altia ia es suprapasada par la Stela de Nanchang (158 m) en 2006, la Volor de Singapor (165 m) en 2008, e la Rolor Alta en Las Vegas (168 m) en 2014. Suportada par un cavaleta a sola un lado, diferente de la rotas en Nanchang e Singapor, la Oio es descriveda par sua operores como la plu alta de mundo de rotas cantileverida de oserva.

Lo es la rota la plu alta de Europa, e ia ofre la punto publica de vista la plu alta en London asta cuando lo ia es suprapasada par la oserveria (245 m) a la nivel 72 de la Shard, cual ia abri a la popla a 1 febrero 2013. Lo es la atrae turiste paiada la plu popular en la Rena Unida, con plu ca 3,75 milion visitores per anio, e ia apare a multe veses en cultur poplal.

La London Eye es visina a la fini ueste de Jubilee Gardens sur la riva sude de la Rio Thames, entre Ponte Westminster e Ponte Hungerford en la distrito Lambeth.




#Article 335: Lorem ipsum (215 words)


Lorem ipsum (cortida: lipsum) es la nom de un testo usada a multe veses par primores, scrivores, graficistes e otras, per regarda la aspeta de un testo o un tipo de leteras, pe en un paje de rede o en un libro. La varia normal de lorem ipsum veni de sirca la anio 1500 e comensa en esta modo:

Multe varias esiste de la testo, ma cada comensa con la frase: 

A la vide prima, la testo pare latina orijinal, ma en realia lo ave no sinifia, e la linguaje latina conteni multe eras de spele e sufisas falsa. Esta es car la testo es sola usada par primores per proba tipos de leteras e desinias: la contenida de un testo comprendable ta distrae la lejor e ta oscuri la intende de proba la forma. Ance, la lorem ipsum ave un alterna normal de leteras diferente e parolas corta e longa, donce lo es plu usable ca, per esemplo, Esta es un testo de esemplo. Esta es un testo de esemplo. Esta es un testo de esemplo.

La parolas prima de lorem ipsum veni de la libro De finibus bonorum et malorum (Sur la limitas de bonia e malia) de Marco Tulio Cicero de 45 aec. Parte 1.10.32 de esta libro conteni la frase seguente:




#Article 336: Louis 14 (973 words)


Louis 14, ance nomida la Re Sol (5 setembre 1638 – 1 setembre 1715) ia es la re de Frans e de Navara de 14 maio 1643 asta sua mori. Sua jenitores ia es Louis 13 e Anne de Osteraic. El ia es batizada como Louis Dieudonné (la donada de dio), car sua jenitores no ia susede ave enfantes tra la 22 anios presedente. En 1643, ante sua aniversario sinco, sua padre ia mori e Louis ia erita la trono. Car el ia es tro joven per rena, sua madre ia rena Frans con cardinal Mazarin, un finansior italian ci ia es la ministro xef de Louis 13. Mazarin ia gida la nasion tra la partes tarda de la Gera de 30 anios (1618–48), en cual Frans ia luta per supremia militar contra la dinastia Hapsburg cual ia rena Espania.

En 1660, Louis ia sposi Maria Theresa de Espania, la fia de re Philip 4 de Espania e Elisabeth de Frans. Los ia ave ses enfantes. Sola la prima, Louis, la Dauphin grande, ia survive. Dauphin es franses per delfin, cual apare sur la scermo de eraldia de la eritores legal de Frans.

Pos la mori de Mazarin en 1661, Louis ia proclama ce el va rena Frans sin un ministro xef, como no re franses ia fa a ante. El ia intende rena como un monarca asoluta, credente ce la potia de re deriva direta de dio. Ma el ia crede ance ce el es obligada a rena per la bonia de sua popla, e ia acorda ce el debe rena su la constrinjes de la leges e abituas de sua rena. Louis ia consulta sua nobiles e ministros, e ia reuni a cada semana con sua consiliores alta. El ia crea un consilio de ministros nonformal, cual ia es gidada par Jean-Baptiste Colbert, la ministro xef de finansia.

An tal, la sistem de monarcia asoluta ia asentua la rol de la re, e Louis ia es multe susedosa en colie potia a se, e ia usa la sol como simbol de sua rena.

Comensante en 1661, Re Louis 14 ia muta un casa simple per xasores a un palasio merveliosa. Plu ca 30 000 laborores ia construi la Palasio de Versailles, un projeta cual ia drena la tesoreria real per desenios. La custas ia inclui no sola la construi, ma ance la diverti de rios, la instala de tubos per trae acua pur a la palasio, e la planta de miles de oranios per covre la odor de la acua de cloaca cual no ia pote es intera drenada a via.

En maio 1682, Louis ia cambia la capital de Frans a Versailles, a 12 milias de Paris. El ia desira move se e sua nobiles a via de la conspiras de Paris, e Versailles ia deveni un simbol de sua monarcia asoluta.

An si Louis ia sonia un erita espaniol per sua eritores, sua politica militar no ia intende estende la teritorio de Franse. El ia promove la Gera de la Devolui (1667–68) per reclama alga de la posesedas de Espania pos la mori de la padre de sua sposa, Philip 4. Louis ia reclama la posese de Nederland espaniol en loca de la donada per sposi cual Philip 4 no ia paia.

La ataca franses en Nederland espaniol ia mali la relatas entre Frans e Nederland libre. La nederlandeses ia luta ja contra la espanioles tra jeneras per proteje se contra un invade de sua pais. Los no ia intende permete ce la franseses menasa los en la mesma modo. La resulta ia es un gera en Nederland de 1672 a 1678, en cual Louis ia mostra denova la potia de la militar franses. Louis no ia susede concista Nederland. Per proteje se, la nederlandeses ia abri la paramares, ia inonda la campania, e ia cambia [Amsterdam] a un isola. La armadas de Louis no ia pote avansa plu, e los ia negosia un sesaspara.

Un gera ia comensa denova cuando Espania e [Osteraic] ia alia se con Nederland, e Louis ia fa un trata con [England] en 1670 per reteni la neutria de sua marina. Ambos lados no ia pote gania un vinse clar, e ambos ia sufri difisiles finansial, cual ia condui ultima los a un trata per sesa la gera.

En 1685, Louis ia cansela la Trata de Nantes. Esta trata ia dise ce Frans va ave libria de relijio, ma pos la cansela, protestantisme ia deveni nonlegal. Entre 210 000 e 900 000 protestantes – nomida ugonotes – ia sorti de Frans a Nederland, England, e otra paises protestante. La res ci ia segue Louis ia nesesa imposta la popla, spesial la povres, per atenta paia la deta cual la atas de Louis ia causa. Esta impostas ia es un parte major de la causa de la Revolui Franses.

Pos la media de la desenio de 1680, Louis ia comensa deveni fatigada. El ia manteni un ajenda multe intensa e no ia atende sua dotores. Un braso rompeda ia proibi sua paseas a cavalo o pede, e el ia debe es puiada sirca Versailles en un seja rolante. En 1683, sua sposa prima ia mori, e Louis ia sposi sua amor de multe anios, Françoise d'Aubigné, la Marcesa de Maintenon. En 1711, el ia esperia la mori de sua fio prima, e a la anio seguente, la mori de sua neto prima.

Pos 72 anios sur la trono, Louis ia mori de gangrena a Versailles, a 1 setembre 1715, a cuatro dias ante sua aniversario 77. El ia es enterada en la basilica de San Denis estra Paris. El ia resta ala tra sirca 80 anios, pos cual revoluistes ia desentera e destrui la corpo. Louis ia es segueda como re par sua duneto Louis 15, ci ia ave sinco anios cuando el ia deveni re de Frans.




#Article 337: Lubnan (534 words)


Lubnan (arabi: لبنان, Lubnān), es un republica en la sude-ueste de Asia longo la Mar Mediteraneo.

La area es sirca 10 400 cilometres cuadrida.

La cuantia de abitores, en la anio 2007, ia es sirca 3 925 502 persones.

La site capital es Berut.

La lingua major es arabi.

La tera es un plano fertil costal con du cadenas de montes cual separa la vale Beca. La tera cultivable es 29 persentos de la pais, cual es la recurso xef natural. La relijio xef es islam, con la xias dominante, e la druzes como 3%.

Istorial, Berut ia servi como un sentro finansial, con bancos, comersia internasional e turisme. Ma la gera interna resente e gera con Israel ia destrui la infrastrutur. Refina de olio es la industria pesosa xef. La xef de governa es un presidente cristian maronite, un ministro xef suni, e un parlor xia de la Asembla Nasional unicameral. La 128 sejas de asembla es egal divideda entre cristianes e muslimes.

Lubnan, un parte de Fenisia a un ves, ia es invadeda par Roma en 64 aec. Alora lo ia es renada par potias roman e bizantian, e plu tarda par un califia muslim pos 630 ec. En la desenio de 1500 ec, la osmanianes ia ocupa la area. Pos la Gera Mundal Prima (1914–18), Frans ia concista lo e ia institui la Republica Lubnani en 1926. Lo ia gania autonomia en 1946. La maronites e gidores suni diversa ia comparti la potia political pos 1943. A la mesma tempo, competes ia emerji entre la partitos de la elejedas potiosa. An con la disputa, la economia ia flori, ma beneficante la ricas.

La noncontentia de la cultivores xia ia esplode a un gera interna en 1975. Un combate ia eruta entre la partito falanje (dominada par maronites) e la muslimes lubnani, aidada par la organiza per libri Filastin (PLO). Suria ia interveni contra PLO, ma la atas violente ia continua. Israel ia invade Lubnan en 1978 e 1982 per para la atacas de PLO a interna de Israel. La cristianes ia reinstitui sua potia en 1982 con la presidentias seguente de Baxir Jemaiel e sua frate Amin. Un fortia internasional per manteni la pas ia crea un base en Berut.

Pos la mata de 300 soldatos esuan e franses par un bombi teroriste en 1983, la fortes ueste ia retira se. La vacuia de autoria ia causa furas de ostajes ueste par estremistes, plu atacas contra bases de PLO, e un ocupa par armada suri. Un constitui nova cual dona plu potia a muslimes ia es afirmada en 1989, e un presidente nova maronite ia es elejeda, ma asasinada e sustituida par un otra maronite, Elias Hrawi. En 1991, la armada suri ia aida para un rebela e esclui la fortes de PLO. La majoria de ostajes ueste ia es librida.

Israel ia lansa atacas contra gerilias de Hezbola ci ia es suportada par Iran en sude de Lubnan en 1993. Un ataca de rocetos par Israel ia colpa un campa de refujadas sivil en april 1996, matante plu ca 100 persones. Israel ia es vasta condenada per sua atas, e un sesaspara tensa entre Lubnan e Israel ia es pronto negosiada a pos.




#Article 338: Luigi Pirandello (191 words)


Luigi Pirandello (1867–1936) ia es la dramiste italian la plu importante de la periodo entre la Gera Mundal Prima (1914–18) e la Gera Mundal Du (1939–1945). El ia gania la premio Nobel per leteratur en 1934.

Pirandello ia nase en Agrigento, Sisilia. El ia es conoseda internasional per sua teatral Ses carateres xercante un autor (1920). Sin crede a normas fisada de etica, moralia, politica o relijio, la carateres en la teatrales e naras de Pirandello trova la realia sola en se mesma, e descovre alora ce los es esentes nonstable e nonesplicable.

Pirandello ia espresa umorosa sua pesimisme profonda e sua compatia per la confusa e sufri de la state umana. El ia fa novis importante ance en tecnicas de stadio, evadente la restrinjes de realisme par usa elementos de fantasia per crea la efetos cual el ia vole.

Entre otra teatrales de Pirandello es La plaser de onestia (1917), Lo es tal si lo pare a tu (1917), Henrico 4 (1922), e Como tu desira me (1930). El ia scrive ance la novela La escluida (1901), e la colie de naretas (nomida per sua teatral prima) Considera lo, Giacomino!.




#Article 339: Lumina (557 words)


La Lumina (franses: le Siècle des Lumières, deutx Aufklärung) ia es un promove inteletal e filosofial cual ia domina la mundo de la ideas en Europa en la sentenio 18, la sentenio de la filosofia.

La Lumina ia inclui un estende de ideas sentrida en la razona como fonte prima de autoria e legalia, e ia fa avansa ideales como libria, progresa, tolera, frateria, governa constitual e separa de eglesa e stato. En Frans la ideas sentral de la filosofistes de la Lumina ia es libria individual e tolera relijial, en oposa a la monarcia asoluta e la dogmas fisada de la Eglesa Catolica. La Lumina ia es marcada par un asentua en la metodo siensal e reduisme, con un interoga aumentante sur la ortodoxia relijial -un disposa resomada en la frase sapere aude (osa conose).

La istoristes franses tradisional ia loca la Lumina entre 1715 (la anio de mori de Louis 15) e 1789 (la comensa de la Revolui Franses). Alga istoristes resente comensa la periodo en la anios 1620, con la comensa de la revolui siensal. La filosofistes de la periodo ia sirculi sua ideas tra reunis en academias siensal, salones leteratural e en libros e libretas primida. La ideas de la Lumina ia sumina la autoria de la monarcia e la Eglesa e ia pave la via per la revoluis political de la sentenios 18 e 19. Un varia de promoves en la sentenio 19, incluinte libralisme e neoclasicisme, trasa sua erita inteletal asta la Lumina.

La Lumina ia es presededa e asosiada con la revolui siensal. Filosofistes temprana de ci sua labora ia influe la Lumina ia inclui Francis Bacon, René Descartes, John Locke e Baruch Spinoza. La figures xef de Lumina ia inclui Cesare Beccaria, Voltaire, Denis Diderot, Jean-Jacques Rousseau, David Hume, Adam Smith e Immanuel Kant. Alga gidores european, incluinte Caterina 2 de Rusia, Josef 2 de Austria e Frederico 2 de Prusen, ia atenta aplica la pensa de Lumina sur tolera political e relijial, cual ia deveni conoseda como asolutisme luminada. Benjamin Franklin ia visita Europa de forma repeteda e ia contribui de forma ativa a la debates siensal e political e ia porta la ideas nova a Filadelfia. Thomas Jefferson ia segue la ideas european e plu tarda ia asorbe alga de la ideales de la Lumina a la Declara de autonomia de SUA (1776). Un de sua colaborores, James Madison, ia asorbe esta ideales a la Constitui de Statos Unida en sua edita en 1787.

La publici la plu influente de la Lumina ia es la Ensiclopedia (Encyclopédie). Publicida entre 1751 e 1772 en 35 volumes, lo ia es compilada par Denis Diderot,  Jean le Rond d'Alembert (asta 1759) e un grupo de 150 siensistes e filosofistes. Lo ia aida a estende la ideas de la Lumina tra Europa e estra. Otra publica de refere ia es la Disionario filosofial (Dictionnaire philosophique; 1764) e la Letters on the English (1733) de Voltaire; la Parla sur nonegalia (1754) e La contrata sosial (1762) de Rousseau; La ricia de la nasiones (1776) de Adam Smith; e La spirito de la leges (1748) de Montesquieu. La ideas de la Lumina ia ave un rol xef en inspira la Revolui Franses, cual ia comensa en 1789. a pos la Revolui, la Lumina ia es segueda par la promove inteletal conoseda como Romanticisme.




#Article 340: Luna (196 words)


La Luna es la sola luneta natural de la Tera.

La distantia promedia de la Tera a la Luna es 384 399 cilometres, o sirca la diametre de la Tera multiplida par 30. A esta distantia, lus de la sol vade de la un a la otra en 1,3 secondos. La diametre de la Luna es 3474 km, plu peti a 3,7 veses ca la Tera, un cuantia par cual la Luna es la numero sinco de la lunetas la plu grande en la sistem solal, en e diametre e en masa, pos Ganimede, Titan, Callisto, e Io.

La atrae de gravita de la Luna es lo cual crea la mareas sur la Tera. La Luna fa un orbita completa de la Tera en cada periodo de 27,3 dias. Par causa de varias periodal en la jeometria de la sistem Tera-Luna-Sol, la fases de la Luna apare, cual repete en 29,5 dias.

Car la mundo aspeta diferente en la note, on ave multe naras de ama e cosas strana en cual la luna es un ator. Fio de la luna es un fable vea de Espania e ia es cantada par la grupo musical Meccano en 1990.




#Article 341: Luxemburg (719 words)


Luxemburg (ofisial la Duxia Grande de Luxemburg) es un pais sin costa en Europa ueste. Lo es bordada par Beljia a la ueste e norde, Deutxland a la este e Frans a la sude. Sua capital, Site Luxemburg, es (con Bruxelles e Strasbourg) un de la tre capitales ofisial de la Uni European e la seja de la Corte European de Justia, la autoria judal la plu alta en la UE. Sua cultur, popla e linguas es multe entretexeda con sua visinas, tal ce lo es vera un misca de cultures franses e germanica. Esta es asentuada par la tre linguas ofisial: letseburges, franses e deutx. Invades repeteda par paises visina, spesial en la Gera Mundal 2, ia causa un desira forte en la pais per arbitra entre Frans e Deutxland e ia gida a, entre otra cosas, la fundi de la Uni European.

Con area de 2586 cilometres cuadrida, lo es un de la paises la plu peti en Europa. En 2016, Luxemburg ia ave un popla de 576 249 persones: un de la paises la min poplada en Europa ma la pais con rapidia de crese de popla clar la plu alta. Como un democrata representante con monarca constitual, lo es dirijeda par un Duxe Grande e es la sola duxia grande restante en la mundo. Lo es un pais developada, con economia avansada e un de la produis interna bruta la plu alta per person de la mundo. En 1994, UNESCO ia declara la Site Luxemburg con sua partes vea e fortreses ia es declarada como un loca de erita mundal.

La istoria de Luxemburg comensa en 963, cuando conte Siegfried 1 ia oteni un promontania rocosa e sua fortreses roman, nomida Lucilinburhuc (castel peti), e sua area ensircante, de la Abaderia Imperal de San Maximin en Trier. La desendentes de Siegfried ia estende sua teritorio par sposi, gera e relatas de vasal. A la fini de la sentenio 13, la contes de Luxemburg ia rena un teritorio notable grande. En 1308, Heinrich 7, conte de Luxemburg, ia deveni la re de la deutxes e la Imperor Roman Santa. La Casa de Luxemburg ia produi cuatro Imperores Roman Santa a la apico de la Eda Media.

En 1354, Karel 4 ia alti la contia a la Duxia de Luxemburg. Car Sigismund ia ave no eritor mas, la Duxia ia deveni un parte de la Sirculo Burgunda e plu tarda un de la Des-Sete Provinses Nederlandes de Habsburg. Tra la sentenios, la site e fortres de Luxemburg, con importa stratejial major par causa de sua situa entre la Rena de Frans e la teritorios de Habsburg, ia es gradal aumentada a un de la fortreses la plu conoseda en Europa. Pos parteni a la Frans de Louis 14 e la Osteraic de Maria Theresia, Luxemburg ia deveni un parte de la Republica e Impero Franses Prima su Napoléon.

La stato presente de Luxemburg ia emerji a la Congresa de Wien en 1815. La Duxia Grande, con sua fortres potiosa, ia deveni un stato autonom, personal poseseda par Willem 1 de Nederland, con un garnison prusen per garda la site contra un plu invade par Frans. En 1839, pos la tumulta de la Revolui Beljes, la parte de Luxemburg do on ia parla franses ia es sededa a Beljia, e la parte letseburges ia deveni la stato presente de Luxemburg.

La pais ia es industrida en la comensa de la sentenio 20 par la industria de aser, esplotante la fero en la Teras Roja. Pos la declina de esta industria en la desenio de 1970, la pais ia foca a institui se como un sentro finansial global, e ia developa a un sentro reputada de bancos. De la comensa de la sentenio 21, sua governas ia foca a developa la pais a un economia de sabes, fundinte la Universia de Luxemburg e un program nasional de spasio, projetante la envolve prima en un mision robotal a la Luna ante la fini de 2020.

Luxemburg es un membro fundinte de la Uni European, la Organiza per Coopera e Developa Economial, OTAN e Benelux, refletante sua acorda political cual favore integra economial, political e militar. La site Luxemburg, cual es la capital e site la plu grande de la pais, es la seja de alga instituidas e ajenterias de la UE.




#Article 342: Léon Bollack (148 words)


Léon Bollack (naseda en 1859) ia es un comersior franses rica ci ia crea la lingua aidante internasional bolak en 1899. Plu tarda, el ia deveni un suportor de ido. Lo es posible ce el ia dona a la bandera de ido la color blu, cual ia es orijinal la color de sua lingua. A un ves, el ia dise la poesistes de volapük e esperanto merita sola burla.

Bollack ia interesa H. G. Wells, la autor engles, ci refere a el en sua libro A Modern Utopia (1905).

Bollack ia es un membro de la Comité d'Ornithologie Economique, do el ia atenta demostra ce la usa de plumas de avias savaje no perili la spesies. El ia visita ance Wilbur Wright, un de la frates ci ia inventa la avion, cuando Wright ia es en Paris.

On crede ce Bollack ia mori en la Gera Mundal Prima.




#Article 343: Ma per trae un spada (343 words)


La frase apare en la linia de Mateo 10:34 No pensa ce me ia veni per trae pas a la tera: Me no ia veni per trae pas, ma un spada. La controversa es ce Jesus pare promove violentia fisical par spada – un opina rejetada par la ramos tradisional de cristianisme. En la crede cristian, Jesus es la Prinse de Pas, notada en Isaias 9:6, e la cristianes es instruida en Romanes 12:18 ce Si posible, tan multe como tu pote, vive pasosa con tota persones.

Ma la spada pote es un metafor per un divide o disputa ideolojial cristian:

Ivris 4:12 usa spada de du bordas e divide en un forma metafor e ideolojial: Car la parola de Dio es rapida, e potiosa, e plu agu ca cualce spada de du bordas, perforante asta divide la spirito, e la junta de la medula, e persepi la pensas e intendes de la cor.

Mica 7:5-6 dise: No fida tua visina, e no tua amis. Clui tua boca a el ci dormi a tua lado. Car la fio desonora la padre, la fia revolta contra la madre, e la fia par sposi contra la madre par sposi, e tota la mundo ave la enemi en sua casa. Ma me va pone la vide en la Senior, e me va espera per la Dio de mea salva. Ta ce mea Dio escuta me!

R. T. France esplica la strofes como segue: La spada cual Jesus trae no es asi un disputa militar, ma, como diseda par la strofes 35-36, un divide sosial agu cual talia an la lias familial plu intima. […] Jesus parla asi, como en la strofes presedente e seguente, plu sur un divide en la responde personal de la om a El.

La Libro de Kells, un manoscrito luminada celta de la sentenio 7 cual es un copia de la Evanjelios en latina, ia cambia la parola glaudium de la testo (sinifiante spada) per gaudium (sinifiante joia). La strofe resultante traduida es Me veni no [sola] per trae pas, ma joia.




#Article 344: Macedonia Norde (541 words)


Macedonia Norde (macedonsce Северна Македонија) es un pais en la Balcanes en Europa sude-este. Lo es un de la statos seguente de Iugoslavia, de cual lo ia declara sua autonomia en 1991. Lo ia deveni un membro de la Nasiones Unida en 1993, ma, como resulta de un disputa corente con Elas su la usa de la nom Macedonia, lo ia es asetada la nom Republica de Macedonia Norde, un nom usada par organizas internasional como la Uni European, la Consilia de Europa e la OTAN.

La area es sirca 25 333 cilometres cuadrida e la cuantia de abitores, en la anio 2006, ia es sirca 2 050 554 persones. La site capital es Skopje, e la lingua major es macedonsce.

En anticia, un parte grande de la teritoio de lo cual es aora la Republica de Macedonia Norde ia es un parte de Peonia. En 336 aec, Filipo 2 ia concista Macedonia Alta, incluinte la rejion presente de Macedonia. Sua fio, Alexandro la grande, ia concista la resta de la rejion.

En la eda medieval la rejion ia es influeda par la Impero Bizantian e la slavicas. En la sentenio 10, lo ia deveni la sentro de la Impero Balgarsce Prima, su la governa de tsar Samuil 1. La capital nova ia es instituida en Ohrid.

En la dui prima de la sentenio 15, la osmanianes ia concista la rejion, cual ia deveni un parte de la Impero Osmanian tra 500 anios. Su la domina osmanian, la rejion ia resta influeda par un minoria turces, e Skopje e Monastir (oji Bitola) ia deveni capitales de rejiones separada.

Serbia ia catura la rejion en la Gera Balcan Prima en 1912. Su la governa serbsce, la rejion no ia ave autonomia. Pos la Gera Mundal Prima, Serbia ia deveni un parte de la Rena de Serbsces, Corvatsces e Slovensces. En 1929 la rena ia es renomida como la Rena de Iugoslavia.

Pos referendo, la Republica de Macedonia ia deveni autonom de Iugoslavia en 8 setembre 1991. Pos autonomi, la pais ia fa no geras interna contra otra teritorios de Iugoslavia.

La Republica de Macedonia no ave un costa. Lo representa 35,5% de la rejion istorial de Macedonia. La pais ave 62 km de frontera con Serbia en la norde, 148 km con Balgaria en la este, 228 km con Elas en la sude, 151 km con Xcip en la ueste, e 159 km con Cosovo en la norde-ueste. La pais es montaniosa; la monte la plu alta es Monte Corab, con 2764 m de altia, a la frontera con Xcip.

Sua clima es un misca entre mediteranean e continental. La pluve promedia varia de 1700 mm en la area montaniosa ueste asta 500 mm en la sude-este.

La Republica de Macedonia es un republica parlamental. La presidente es elejeda per 5 anios. La Parlamento ave un salon composada de 120 membros, elejeda per 4 anios. La constituida corente ia es adotada en 2001.

Macedonia ia ave 2 062 294 abitores en 2013, de cual 58% abita en sites. Cuasi 65% es macedonsce, 25% es xcip, e 3,85% es turces.

Macedonsce es la lingua xef de la pais, simil a balgarsce. Otra linguas importante parlada es xcip e balgarsce.

Futbal e handbal es la sportes la plu popular.




#Article 345: Madagasicara (570 words)


Madagasicara (ofisial la Republica de Madagasicara) es un pais de isolas en la Mar Indian, a lado de la costa de Africa este. La nasion es composada par la isola Madagasicara (la isola cuatro la plu grande de mundo) e multe isolas periferial e plu peti. Pos la desintegra preistorial de la supracontinente Gonduana, Madagasicara ia separa de la penisola barati a sirca 88 milion anios ante aora, tal ce plantas e animales ia evolui en modo relativa isolida. Per esta razona, Madagasicara es un loca major de biodiversia: plul ca 90% de sua viventes es trovada en no otra loca sur la Tera. La ecosistemes diversa e viventes unica es menasada par la intrui de la popla umana, cual crese rapida, e par otra problemes ambiental.

La indicas arceolojial prima per foraje umana sur Madagasicara es datida a 2000 aec. La coloni umana de Madagasicara ia es fada entre 350 aec e 550 ec par poplas austronesian ci ia ariva en canoas de Borneo. Migrores bantu ia veni sirca 1000 ec, traversante la Streta Mosambic de Africa este. Con la pasa de tempo, otra grupos ia veni a Madagasicara, e cada ia fa contribuis durante a la vive cultural malagasi. La etnico malagasi es comun divideda en 18 o plu sugrupos, de cual la plu grande es la merinas de la montania sentral.

Asta la tarda de la sentenio 18, la isola Madagasicara ia es renada par un colie fratida de alias sosiopolitical nonstable. Comensante en la temprana de la sentenio 19, la plu de la isola ia es unida a renada como la Rena de Madagasicara par un serie de nobiles merina. La monarcia ia colasa en 1897 cuando la isola ia es asorbeda en la impero colonial franses, de cual la isola ia gania autonomia en 1960. Como stato autonom, Madagasicara ia pasa tra cuatro periodos constitual major, nomida republicas.

De pos 1992, la nasion ia es ofisial governada como un democratia constitual de sua capital a Antananarivo. Ma un revolta poplal en 2009 ia obliga presidente Marc Ravalomanana a resinia, e la potia presidental ia es donada a Andry Rajoelina en marto 2009. La governa constitual ia es restorada en janero 2014, cuando Hery Rajaonarimampianina ia es nomida como presidente pos un eleje en 2013 sur cual la comunia internasional ia judi ce lo ia es justa e transparente. Madagasicara es un membro de la Nasiones Unida, la Organiza Internasional de Francofonia e la Comunia de Developa de Africa Sude.

Longo la Nasiones Unida, Madagasicara parteni a la grupo de paises la min developada. E malagasi e franses es linguas ofisial de la stato. La majoria de la popla adere a credes tradisional, a cristiania, o a un combina de ambos. Elementos major de la stratejia per developa de Madagasicara es ecoturisme e cultiva, con ance investis plu grande a educa, sania e companias privata. Su Ravalomanana, esta investis ia produi un crese economial notable, ma la beneficas no ia es justa distribuida tra la popla, creante tensa sur la custa altinte de vive e sur la nivel basinte de vive per persones povre e alga partes de la clase media. la economia ia es debilida par la crise political de 2009–2013, e la cualia de vive resta basa per la majoria de la popla malagasi.

La area de Madagasicara es sirca 587 040 cilometres cuadrida. En 2016, on ia estima ce lo ave sirca 24 430 325 abitores.




#Article 346: Magiar (570 words)


Magiar o Ungaria es un pais en Europa sentral. Lo covre un area de 93 030 cilometres cuadrida, situada en la Basin Panonia, es e bordada par Slovensco a la norde, Romania a la este, Serbia a la sude, Corvatsca a la sude-ueste, Slovenia a la ueste, Osteraic a la norde-ueste, e Ucraina a la norde-este. 

Con sirca 10 milion abitores, Magiar es un stato membro de grandia media de la Uni European. La lingua ofisial es magiar, cual es la lingua uralica la plu parlada de mundo. La capital e site la plu grande de Magiar es Budapest, un sentro economial major e clasida como un site major global.

Pos sentenios de abita par celtas, romanes, slavicas ueste, gepidas e avares, Magiar ia es fundida en la tarda de la sentenio 9 par Árpád, un prinse magiar, en la concista de la Basin Panonia. Sua duneto István 1 (Stefano 1) ia ateni la trono en 1000, convertinte la pais a un rena cristian. Ja en la sentenio 12, Magiar ia deveni un potiosa media en la mundo ueste, ateninte un eda oro en la sentenio 15. Pos la Batalia de Mohács en 1526 e sirca 150 anios de ocupa partal par la osmanianes (1541–1699), Magiar ia veni su la rena de Habsburg, e plu tarda lo ia formi la Impero Osteraic-Magiar con Osteraic.

La fronteras presente de Magiar ia es instituida en 1920. par la Trata de Trianon pos la Gera Mundal Prima, cuando la pais ia perde 71% de sua teritorio, 58% de sua popla e 32% de magiares etnical. Pos la periodo intergeral, Magiar ia junta se a la Potias de Ase en la Gera Mundal 2, sufrinte un cuantia notable de danas e moris. Magiar ia deveni un stato pupetin de la Uni Soviet, contribuinte a la institui de la republica sosialiste cual ia dura tra cuatro desenios (1947–89). La pais ia es internasional multe atendeda par causa de la Revolui de 1956 e la abri influosa de sua frontera restrinjeda con Osteraic en 1989, cual ia aselera la colasa de la Bloco Este. A 23 otobre 1989, Magiar ia deveni denova un republica parlamental democrata.

En la sentenio 21, Magiar es un potiosa media e ave la economia 57 de la plu grandes de mundo par produida interna bruta. Como un ator importante en alga campos de industria e tecnolojia, lo es la esportor 35 e la emportor 34 de la plu grandes de mundo. Magiar ave un economia de revenu alta con un norma de vive multe alta. Lo manteni un sistem de suporta finansial, un sistem de aida medical universal, e un sistem de educa de universia sin costa.

Magiar ia junta se a la Uni European en 2004. e es un parte de la Area Schengen de 2007. Lo es un membro de la Nasiones Unida, OTAN, la Organiza Mundal de Comersia, la Banco Mundal, la Consilio de Europa e otras. Bon conoseda per sua istoria cultural rica, Magiar ia contribui major a artes, musica, leteratur, sportes, siensa e tecnolojia. Lo es la pais 11 de la plu populares en Europa como destina de turisme, atraente 14,3 milion turistes internasional en 2015. Lo conteni la sistem de cavas la plu grande de acua termal de mundo, la lago termal du de la plu grandes de mundo, la lago la plu grande en Europa sentral e la savana natural la plu grande en Europa.

 




#Article 347: Magiar (lingua) (137 words)


Magiar (magyar [ˈmɒɟɒr̪]) es un lingua uralica parlada en Magiar e par minorias magiar en paises prosima. Sirca 14,5 milion persones parla lo, de ci sirca 10 milion abita en Magiar. Sirca du milion parlores abita en areas cual ia parteni a la Rena de Magiar ante la Gera Mundal Prima. La grupo la plu grande – 1,4 milion – abita en Romania.

Un esemplo:

 Mi Atyánk,
 ki vagy a mennyekben,
 szenteltessék meg a Te neved;
 Jöjjön el a Te országod;
 legyen meg a Te akaratod,
 mint a mennyben, úgy a földön is.
 A mi mindennapi kenyerünket, add meg nekünk ma;
 és bocsásd meg vétkeinket,
 miképpen mi is megbocsátunk azoknak,
 akik ellenünk vétkeztek;
 És ne vígy minket kísértetbe,
 de szabadíts meg minket a gonosztól,
 mert tiéd az ország és a hatalom
 és a dicsõség mind örökké.
 Ámen!




#Article 348: Magrib (344 words)


Magrib (ance nomida Maroco) es un pais en Africa.

Sua area es sirca 446 550 cilometres cuadrida. En la anio 2007, lo ia ave sirca 33 757 175 abitores. La site capital es Rabat. La linguas major es arabi, dialetos de berber, e franses.

A comensa de la sentenio 15, Portugal e Espania ia reclama Magrib. En la sentenio 18 e la temprana de la sentenio 19, piratas de Magrib (e otra paises nomida statos berberi de Africa norde) ia xasa la barcones navigante en la Mar Mediteraneo. La controla de Magrib ia es disputada par Espania, Britan, Frans e Deutxland. Britan ia abandona sua influe en Magrib en 1904, e Frans e Espania ia divide la pais a rejiones de controla, un posa cual no ia plase Deutxland.

En 1911, Magrib ia deveni un protejeda franses. La governa de Vichy franses ia permete Magrib a suporta la labora de gera deutx a la comensa de Gera Mundal Du. Fortes american ia atera en 1942; la pais ia es un base major de furni per la Aliadas en la resta de la gera.

Frans ia reconose Magrib como stato autonom en 1956. Pronto a pos, la governa espaniol ia reconose la nondepende de la teritorio magribi su controla espaniol. De pos 1961, Magrib es renada par Re Hasan Du. Espania ia abandona la du tris norde de la Sahara espaniol en 1976. De la tarda de la desenio 1970, Magrib es en disputa militar e political sur sua reclama a la rejion rica en fosfato, nomida la Sahara ueste. Sua enemi xef es Fronte Polisario, un promove nasionaliste saharan.

La economia de Magrib es xef cultival. La cultiva de forestas, la produi de suber e la pexa importa. Turisme crea un industria grande. Magrib es un monarcia erital, con un re ci rena supra la stato. Magrib antica ia es influeda par fenisianes, romanes, cristianes, bizantianes e final arabis, ci en tarda de la sentenio 7 ec ia converti la popla a islam. Alora Magrib ia servi como sentro per influe arabi en Espania e Africa norde.




#Article 349: Maidu (lingua) (372 words)


Maidu es un lingua grave perilida, parlada par la popla maidu, ci abita tradisional la montanias este e sude de Lassen Peak en la vales de la Rio American e Rio Feather en California norde. Ante encontra la popla european, la popla maidu ia abita en partes de California sentral, en un sosia xasante e coliente. Farrell Cunningham ia instrui studiantes en la lingua asta sua moria en 2013, en un labora per revive la lingua. Otras continua sua laboras. Alga linguistes vide maidu como un de la linguas penutian, con otra familias como miwok, wintun, yokuts e ohlone.

Maidu ave 18 fonemes consonantal. A su, los es indicada en leteras forte e segue la ortografia de Shipley:

Parlores vea ia reteni la esplodentes  c e c' , ma parlores plu joven usa un pronunsia nova, la africantes [tʃ] e [tʃʼ]. B e d es implodentes, ma no es distinguida de b e d normal. Ante k e k' , m es pronunsiada como [ŋ].

Maidu ave ses vocales. Lo no distingui formas corta e longa:

Nomes en maidu es divideda entre du clases. La prima es composada de parolas de familia. Los nesesa sempre la posese par un otra nom, un pronom o un mostrante:

Clase du es composada de morfemes libre, e pote es divideda entre suclases plu peti. La suclase prima conteni nomes simple, como /wepa/ (coiote).

Suclase du conteni nomes formida de plu ca un radis:

La pronomes simple:

Madia ave sufisas singular, dual e plural per pronomes e nomes:

Verbos maidu es composada de un radis e un serie de sufisas. Alga verbos comensa de un radis simple. Otras es composada de du parolas:

Causal: -ti- sinifia ce la sujeto causa un aveni:

Ojeto verbal: esta ave formas variosa:

Move e loca:

Alga de esta sufisas pote aveni con lunlotra en alga construis limitada. Pe, c'opin (a supra la borda e a asi), c'ono (a supra la borda en un sircula), noje (sin gol), sippin (de e a asi).

Nega: -men e -n, pe:
kyloknonom as wetemmen'usan (la femes no ia dansa en la pasada)
monma'amkano (tu no va...)

La verbo es completida par la ajunta de sinco sufisas per tempo, aspeta, modo, person e numero. Esemplos:




#Article 350: Majenta (506 words)


Majenta es variosa definida como un color pal purpurin roja, rojin purpur, o rosin purpur. Sur la scermos de computadores e televisadores, lo es creada par misca cuantias egal de blu e roja. Sur rotas de color de la modeles de color RGB (ajuntal) e CMYK (sutral), lo es locada a media entre roja e blu. Lo es la color oposada de verde. Majenta es un de la colores xef usada en primi, con sian, jala e negra, cual es usada per crea tota la otra colores.

Majenta ia es prima introduida como la color de un tinjente nova de anilina nomida fucsin, patentada en 1859 par la cimiciste franses François-Emmanuel Verguin. Sua nom ia es cambiada en la anio mesma a majenta (magenta en franses), per festi un vinse de la armada franses e sarda a la Batalia de Magenta en 4 junio 1859, prosima a la vila italian nomida Magenta.

Majenta es un color estraspetral, pd lo no es trovada en la spetro de lus vidable. Lo es persepida fisiolojial e psicolojial como un misca de lus roja e lus blu o violeta, con la asentia de verde.

En la sistem de colores RGB, cual es usada per crea tota de la colores sur la scermos de televisadores e computadores, majenta es un color suordina e es creada par combina cuantias egal de lus roja e lus blu a un intensia alta. En esta sistem, majenta es la color oposada de verde, e combina lus verde e lus majenta sur un scermo negra va crea blanca.

En la model de colores CMYK, cual es usada en primi, lo es un de la tre colores xef, con sian e jala, cual es usada per primi tota de la otra colores. Si majenta, sian e jala es primi sur lunlotra sur un paje, los crea negra. En esta model, majenta es la color oposada de verde, e esta colores ave la contrasta la plu alta e la armonia la plu grande. Si los es combinada, incas verde e majenta ia apare gris oscur o negra. La majenta usada en primi con colores, a alga veses nomida majenta de primador, es un tinje plu oscur ca la color usada en la scermos de computadores.

En la teoria de colores, majenta es un tinje de purpur e es evocada par lus cual ave min potia en longias de onda verda ca en longias de onda blu, violeta e roja. Colores oposada de majenta ave un longia de onda entre 500 e 530 nanometres.

En la sistem de colores Munsell, majenta es nomida roja-purpur.

Si la spetro es envolveda per formi un rota de color, majenta (como un color ajuntal suordina) apare a media de entre roja e violeta. Violeta e roja, la du composantes de majenta, es a finis oposada de la spetro vidable e ave longias de ondia diferente. La color ajuntal suordina majenta, como notada a supra, es creada par combina lus violeta e lus roja a intensias egal; lo no es vera sur la spetro.




#Article 351: Maladia de Chagas (258 words)


La maladia de Chagas (o tripanosomiase american) es un maladia de parasitos tropical, causada par la protista Trypanosoma cruzi. T. cruzi es comunicada a umanas e otra mamales par la insetos de la sufamilia Triatominae (familia Reduvide) – la insetos asasinante cual suca la sangue, tipal spesies de la jeneros triatoma, rodnio e panstrongilo. La maladia pote ance es sperdeda par transfusas e transplantas, la come de comedas contaminada par parasitos, e par la madre a sua feto. 

La sintomes de la maladia de Chagas varia tra la curso de un infeta. En la fase acuta a la comensa, sintomes es jentil e produi comun no plu ca un infla local a la situa de la infeta. Esta fase responde a tratas antiparasital, e es remediada en 60 a 90% de casos.

Pos cuatro a oto semanas, persones con infetas ativa entra la fase cronica de la maladia, cual es nonsintomal per 60 a 80% de persones cronica infetada tra sua vive completa. La tratas antiparasital pare ance lenti o impedi la developa de sintomes en la fase cronica, ma 20 a 40% de persones cronica infetada developa ancora disturbas de la cor e sistem de dijesta cual menasa sua vive.

La tratas disponable a presente es benznidazole e nifurtimox, cual pote causa efetos tempora en multe pasientes, incluinte disturbas de la pel, la serebro e la sistem de dijesta.

La maladia de Chagas es trovada prima en la Americas, spesial en la campanias povre de America latina. Rara, lo aveni ance en la sude de la SUA.




#Article 352: Malaisia (519 words)


Malaisia es un pais constitual federal en Asia sude-este. Lo es composada de des-tre statos e tre teritorios federal, e ave un area intera de tera de 330 803 cilometres cuadrida, separada par la Mar Xina Sude a du rejiones de grandia simil, Malaisia Penisolal e Malaisia Este (ance nomida Borneo Malaisian). Malaisia Penisolal comparti un frontera teral e maral con Tai, e fronteras maral con Singapor, Vietnam e Indonesia. Malaisia Este comparti fronteras teral e maral con Brune e Indonesia, e un frontera maral con Pilipinas e Vietnam.

La site capital es Kuala Lumpur, e Putrajaya es la seja de la governa federal. Con popla de plul ca 30 milion persones, Malaisia es la pais 44 de la plu popladas de mundo. La punto la plu sude de Eurasia continental, Tanjung Piai, es en Malaisia. Situada en la tropicos, Malaisia es un de 17 paises megadiversa sur la Tera, con un cuantia grande de spesies endemica.

Malaisia ave sua orijina en la renas melaiu de la area, cual ia deveni controlada par la Impero Brites de la sentenio 18. La teritorios brites prima ia es conoseda como la Colonias de Stretas, e sua institui ia es segueda par cambia la renas melaiu a protejedas brites. La teritorios de Malaisia Penisolal ia es prima unida como la Uni Melaiu en 1946. Melaiu ia es restruturida como la Federa de Melaiu en 1948, e ia gania autonomia a 31 agosto 1957. Melaiu ia uni con Borneo Norde, Sarawak e Singapor a 16 setembre 1963 per deveni Malaisia. A min ca du anios plu tarda, en 1965, Singapor ia es escluida de la federa.

La pais es multietnical e multicultural, e esta fa un rol major en politica. Sirca un dui de la popla es etnical melaiu, con minorias grande de persones xines melaiu, barati melaiu e de poplas nativa. La constitui permete libria de relijio e defini Malaisia como un pais ofisial secular, ma defini islam como la relijio de la Federa. La sistem de governa segue prosima la sistem parlamental de Westminster, e la sistem legal es fundida en la lege comun anglosason. La xef de stato es la re, conoseda como la Yang di-Pertuan Agong. El es un monarca elejeda de la renores erital de la nove statos melaiu a cada anio sinco. La xef de governa es la ministro xef.

Pos sua autonomi, Malaisia ave un de la economias la plu bon de Asia, con ce sua produi interna bruta crese a promedia de 6,5% per anio tra cuasi 50 anios. La economia ia es tradisional nurida par recursos natural, ma grandi aora en la campos de siensa, turisme, comersia e turisme medical. Oji, Malaisia ave un economia de mercato nova industrida, gradida como numero tre de la plu grandes en Asia sude-este e numero 29 de la plu grandes de mundo. Lo es un membro fundinte de la Asosia de Nasiones de Asia Sude-Este, la Confere de Xefes de Asia Este, e la Organiza de Coopera Muslim, e un membro de Coopera Economial Asia-Pasifica, la Comunia de Nasiones e la Promove Nonaliniada.

La lingua major es melaiu.




#Article 353: Malaui (547 words)


Malaui (ofisial la Republica de Malaui) es un pais sin costa en Africa sude-este. Lo es bordada par Zambia a la norde-ueste, Tanzania a la norde-este e Mosambic a la este, sude e ueste. Malaui ave un area de 118 000 cilometres cuadrida e un popla estimada de 16 777 547 (julio 2013). Sua capital es Lilongwe, cual es ance la site la plu grande de Malaui; la site du de la plu grandes es Blantyre, la numero tre es Mzuzu, e la numero cuatro es sua capital vea, Zomba.

La nom Malaui veni de la maravis, un nom vea de la popla nianja ci abita la area. La pais ave ance la nometa la cor calda de Africa. Lo es entre la paises la plu peti de Africa. Lago Malaui ocupa sirca un tri de la area.

La parte de Africa aora conoseda como Malaui ia es colonida par grupos bantu migrante, sirca la sentenio 10. En 1891, la rejion ia es colonida par la briteses. En 1953, Malaui, alora nomida Niasaland e un protejeda de la Rena Unida, ia deveni un protejeda en la Federa semiautonom de Rodesia e Niasaland. La Federa ia es desintegrada en 1963. En 1964, la protejeda de Niasaland ia fini e Niasaland ia deveni un pais autonom su Rea Elizabeth 2, con la nom nova Malaui. Pos du anios, lo ia deveni un republica.

Pos gania autonomia, lo ia deveni un stato de un partito su la presidentia de Hastings Banda, ci ia resta presidente asta 1994, cuando el ia perde un vota. Arthur Peter Mutharika es la presidente presente, e Malaui ave aora un governa democrata e multipartital. Lo ave un Forte de Defende Malaui cual inclui un armada, un marina e un ala de aira. Sua politica esterna es proueste e inclui relatas diplomata positiva con la plu de paises e partisipa en alga organizas internasional, incluinte la Nasiones Unida, la Comunia de Nasiones, la Comunia de Developa de Africa Sude, la Mercato Comun per Africa Este e Sude, e la Uni African.

Malaui es entre la paises la min developada de mundo. La economio es forte fundida sur cultiva, con popla xef campanial. La governa malaui depende multe de aida esterna per sasia sua esijes de developa, an si estas (e la aida ofreda) ia diminui de pos 2000. La governa malaui fronti defias en construi e crese la economia, boni educa, aida medical, proteje la ambiente, e deveni finansial nondependente. De 2005, Malaui ia developa alga programes cual foca a esta problemes, e la futur de la pais pare boni, con ce on ia vide un boni de economia, educa e aida medical en 2007 e 2008.

Malaui ave un espeta basa de vive e un mortalia alta de enfantes. VIU/SIDO es multe comun, cual drena la fortes de labora e la spendes governal. On ave un popla diversa de persones nativa, asianes e europeanes, con multe linguas parlada e un colie de credes relijial diversa. An si gera rejional periodal ia es nurida par divides etnical en la pasada, esta ia diminui ja notable en 2008, e la conseta de un nasionalia malaui ia reemerji.

La linguas major es chichewa 57,2% (ofisial), chinyanja 12,8%, chiyao 10,1%, chitumbuka 9,5%, chisena 2,7%, chilomwe 2,4%, chitonga 1,7%, e otras 3,6% (1998).




#Article 354: Malta (656 words)


Malta (ofisial Republica de Malta, engles: Republic of Malta, malti: Repubblika ta' Malta) es un pais en Europa e un arcipelago en la Mar Mediteraneo. Lo es locada a 80 cilometres a sude de Italia, a 284 cilometres a este de Tunisia e a 333 cilometres a norde de Libia. La area es sirca 316 cilometres cuadrida e la cuantia de abitores, en la anio 2014, ia es sirca 445 426 persones. La site capital es Valletta e la linguas major es malti e engles.

Malta es un pais en Europa e un isola en la Mar Mediteraneo. Lo es un membro de la Eurozona e la Comunia de Nasiones [Brites].

La situa de Malta ia dona istorial un importa stratejial grande como base marinal, e la isolas ia es governada par un pasa de potias, incluinte la fenisias, romanes, moros, normandes, sisilianes, espanioles, Cavalores de San Joan, franseses e briteses.

Malta ave un longa istoria cristian. Longo la Atas de la Apostoles, San Paulo ia es perdeda a mar en Melita, oji interpreteda como Malta. Catolicisme es la relijio ofisial de Malta.

Malta es un destina popular per turistes par causa de sua clima calda, la partes recreal diversa, e la monumentos arcitetal e istorial, incluinte tre Locas de Erita Mundal: Ħal Saflieni Hypogeum, Valletta, e sete Templos megalitica.

La mercatores fenisian, ci ia usa la isolas como un loca de pausa en sua vias comersial de la Mediteraneo este a Cerneu, ia uni a la nativas sur la isolas. La fenisias ia abita la area conosea oji como Mdina, e sua site visina, Rabat, cual los ia nomi Maleth. La romanes, ci ia abita ance Mdina plu tarda ia refere a lo (e a la isola) como Melita.

Malta ia es envolveda en la Geras Muslim-Bizantian e la concista de Malta ia es liada con lo de Sisilia en la comensa de 827 pos la tradi de la amiral Eufemio a sua amis bizantian.

La normandes ia concista Malta en 1091, como parte de sua concistas de Sisilia. La gidor normande, Roger 1 de Sisilia, ia es bonvenida per la cristianes nativa.

La periodo normande ia es produosa; Malta ia deveni un parte de la Rena de Sisilia nova emerjinte cual ia covre la isola de Sisilia e la dui sude de Italia. La Eglesa catolica ia es restorada como relijio de stato e alga arciteta normande ia estende tra Malta, spesial en sua capital antica Mdina. Tancred, re de Sisilia, la re normande ultima, ia fa ce Malta deveni un feudo de sua rena e ia instala un conte de Malta. Car la isolas ia es multe desirada per sua importa stratejial, en esta tempo la omes de Malta ia es militarida per evita atentas de catura, prima par la piratas genoves.

Malta es un arcipelago en la Mar Mediteraneo sentral, a 80 km a sude de la isola italian Sisilia ultra la Canal de Malta. Sola la tre isolas la plu grande – Malta (Malta), Gozo (Għawdex) e Comino (Kemmuna) – es abitada. La isolas la plu peti no es abitada. La arcipelago es locada entre la placas tetonical eurasian e african.

Malta es un republica de cual sua sistem parlamental e dirije publica es fundida sur la sistem de Westminster.

La Salon Basa es formida par 69 membros de parlamento. An tal, cuando un partito gania un majoria asoluta de votas, ma no ave un majoria de sejas, acel partito reseta plu sejas per serti un majoria parlamental. La Constitui de Malta furni ce la presidente asinia como ministro xef la membro de la Salon Basa ci es la plu bon per comanda un majoria en la Salon Basa.

Malta es clasida como un economia avansada, en junta con otra 32 paises, longo la Reserva Monal Internasional.

Malta ave un sistem de governa local de pos 1993.

La pais es divideda en sinco rejiones, de cual cada ave sua propre Comite Rejional. 




#Article 355: Mamal (139 words)


Mamales (de la latina mamma, mamela) es animales vertebrato cual composa la clase Mamalia, e es marcada par la presente de la glandes mamela cual, en femas (e, a veses, en mases) produi leto per nuri sua enfantes. Plu, lo ave un neocortex, pelo o capela, e tre osos de la orea interna. Estas distingui los de retiles e avias, de cual los diverje en la triasica tarda (201-227 milion anios ante aora). On ave sirca 5,450 spesies de mamales. La ordinas la plu grande es la rodentes, ciroteros, e soricomorfos (pe, musarania). Ance grande ordinas inclui la primates (cual inclui umanas), la ungulatos, la setaseos, e carnivores (pe, gatos, canes, focas, etc). Como la avias, mamales es endotermal, pd los ave sangue calda. Esta ia evolui en la du clases autonom, e es un esemplo de evolui converjente.




#Article 356: Mar (205 words)


Mares covre sirca tre cuatris (71%) de la surfas de la tera, e sirca un dui de mares es profonda de plu ca 3000 m.

La corpo de acua sal – la Mar Mundal – es divideda par la continentes e arcipelagos a sinco corpos: la Mar Pasifica, la Mar Atlantica, la Mar Indian, la Mar Artica e la Mar Antartica. Estas es divideda a corpos plu peti, como la Mar Baltica, la Mar Caribe, etc. Vide Mares, golfos, e stretas per un lista plu completa.

Jeolojial, un mar es un area de crosta de tera covreda par acua. Esta crosta es un strato de lava solidida, covrente la litosfero de la tera, estra la continentes.

La area de la Mar Mundal es 361 milion km², sua volum es 1370 milion km³, e sua profundia promedia es plu ca 3000 m. Esta numeros no inclui la mares no juntada a la Mar Mundal, como la Mar Caspian. La masa intera de la idrosfera es sirca 1,4 x 10²¹ kg, o sirca 0,023% de la masa intera de la tera.

La mares major:

La Atlantica e la Pasifica es comun divideda a partes Norde e Sude.  En esta modo, nos ave la Mares Sete de naras.




#Article 357: Mar Caribe (117 words)


La Mar Caribe es un parte de la Mar Atlantica en la partes tropical de la emisfero ueste. Lo es bordada a la sude e ueste par America, a la norde-este par la Mar Atlantica, e a la norde-ueste par la Golfo de Mexico.

Lo es un de la mares salosa la plu grande, con area de sirca 2 754 000 km². La punto la plu basa es la Foso Caiman, entre la Isolas Caiman e Jamaica, a 7 686 m su la nivel de mar.

La nom Caribe veni de la caribes, un de la grupos de americanes orijinal la plu forte en la rejion a la tempo de contata par europeanes en la fini de la sentenio 15.




#Article 358: Mar Mediteraneo (161 words)


La Mar Mediterraneo es un mar juntada a la Mar Atlantica par la Streta Jibraltar, cual ave un larjia de sola 14 km. Lo es ensircada par tera, a la norde par Europa, a la sude par Africa, e a la este par Asia.

La mar ave un area de sirca 2,5 miliion km² e un profondia promedia de 1500 m. La parte la plu profonda es 5267 m, en la Mar Ionio entre Italia e Elas.

Lo ia es un via importante per mercatores e viajores de edas antica. Lo ia permete comersia e intercambia cultural entre la poplas emerjente en acel parte de la mundo.

La nom Mediteraneo deriva de la parola latina mediterraneus, cual sinifia en la media de la tera o entre teras, car lo es situada entre Africa, Asia e Europa. Medi- veni de la ajetivo medius, -a, -um media. Terra sinifia tera. La parola elinica Μεσόγειος Mesogeios es simil de μέσο media + γη tera.




#Article 359: Mar Negra (112 words)


La Mar Negra es un mar ensircada par tera, con area de 436 400 km2, volum de 547 000 km3, e profondia masima de 2212 m.

Lo es bordada a la norde par Rusia e Ucraina, a la ueste par Balgaria e Romania, a la este par Sacartvelo, e a la sude par Turcia. A la sude es la montanias de Turcia norde e a la este es la Montes Caucaso.

La Mar Negra vacui tra la Streta Bosporo, la Mar Marmara e la Streta Dardenelia, a la Mar Ejeo, cual es un parte de la Mar Mediteraneo. Alga rios vacui a la Mar Negra, incluinte la Rio Don, Rio Dnepr e Rio Danubio.




#Article 360: Marco Tullio Cicero (242 words)


Marco Tullio Cicero (latina: Marcus Tullius Cicero) ia es un legiste, politiciste, filosofiste, scrivor e parlor roman.

Sua influe a la lingua latina es tan grande ce la istoria de prosa en latina e linguas european asta la sentenio 19 pare composada de reatas contra el o de revenis a sua stilo. Longo Michael Grant, la influe de Cicero en la istoria de leteratur e ideas european esede grande cualce otra scrivor de prosa en cualce lingua. Cicero ia introdui la scolas filosofal elinica a la romanes, e ia crea la vocabulo filosofial latina (con parolas nova como evidentia, humanitas, qualitas, quantitas e essentia), distinguinte se como traduor e filosofiste.

Cicero es tradisional regardada como la mestre de la prosa latina, tal ce Quintiliano ia declara ce Cicero no ia es la nom de un om, ma de la bonparla mesma. El es reconoseda como la om ci ia muta latina de un lingua modesta a un media leteratural capas de espresa pensas astrata e complicada con claria. Cesar ia loda la susede de Cicero, disente lo es plu importante ce on ia estende la fronteras de la spirito (ingenium) roman ca la fronteras de la impero roman.

Longo John Williams Mackail: La gloria unica e nonmortal de Cicero es la crea de la lingua de la mundo sivilida, e la usa de esta lingua per crea un stilo cual 19 sentenios no ia recambia, e en alga aspetas ia altera apena.




#Article 361: Marte (259 words)


Marte es la planeta cuatro de la sol en nosa sistem solal. Lo es nomida per Marte, la dio roman de gera (Ares en mitolojia elinica). Marte es ance conoseda como la planeta roja, car lo pare roja cuando on vide lo de la Tera a note.

Marte ave du lunas, Fobo e Deimo. Los es peti, con forma nonordinada, e lo es posible ce los es asteroides caturada, como 5261 Eureca. Marte pote es videda de la Tera per la oio simple: sua lumina es -2,9 o min. Sola la Sol, la Luna, Venus e Jupiter es plu briliante.

En la pasada, on ia crede ce Marte ave canales de acua licuida, ma la fotos fada par Mariner 4 en 1965 mostra ce no canales esiste. An tal, Marte es ance la planeta la plu probable per la esiste de acua licuida, e cisa de vive. Lo es la sola planeta, estra la Tera, cual ave saisones. Lo ave un periodo de jira cuasi la mesma como la Tera. Lo ave la monte la plu grande de la sistem solal – Monte Olimpo – e la canion la plu grande canion – Vale de Mariner – e covrentes de jelo a la polos. Lo ave partes cual es plu fotografida ca la Tera!

Cuatro sondas spasial ia orbita Marte, e la planeta ia es visitada par du vagadores (robotes esplorante, nomida Spirit e Opportunity).

La prefisa areo- (de la dio Ares) es usada per Marte como la prefisa jeo- es usada per la Tera, p.e. areolojia, como jeolojia.




#Article 362: Martin Luther (346 words)


Martin Luther es la padre mental de la Reformi Protestante. El ia es un monce augustinian e un profesor de teolojia. El ia nase a 10 novembre 1483 en Eisleben, Deutxland, do el ia mori ance a 18 febrero 1546.

Luther ia reconose alga developas falsa de la eglesa catolica e ia vole elimina esta modo de reformis. Cuando la eglesa no ia aseta esta discutes, el ia deside publici 95 frases, cual el ia cloi a la porta de la eglesa de Wittenberg a 31 otobre 1517. Sua punto xef de critica ia es la vende de notas de pardona, la pratica ce cada person ia pote compra un pardona de sua pecas – un fonte de ricia per la eglesa.

En 1518 Luther ia es clamada a Roma per un esamina de sua declaras. La demanda ia es esce on debe trata el como erese. Suportores ia pote causa ce la esamina pote aveni en Augsburg, Deutxland. Ma a esta esamina, Luther ia refusa retira sua declaras, si on no ia pote contrademostra los par la Biblia. En 1521, Luther ia es escluida de la eglesa. A la confere de la governores de statos deutx en Worms, on ia ofre a el un posible final per retira. Ance aora, Luther ia refusa. Aora sua vive ia es en peril, e Luther ia asconde se con la nom falsa Junker Jörg en la castel Wartburg prosime de Eisenach.

En la Wartburg, Luther ia tradui la Atesta Nova de la Biblia a la lingua deutx. Par esta, la popla simple ia pote aora comprende la testos usada en eglesa. Luther ia resta en Wartburg asta 1522. Plu tarda, Luther ia tradui ance la Atesta Vea de la Biblia, completinte lo en 1534.

La atas (xef la scrives) de Luther ia gida a la divide de la eglesa, cual no ia es sua intende. Cuando un parte de la governores ia suporta la Reformi (car lo ta dona a los plu potia ca la imperor e la pape), un tempo longa de geras en Europa ia segue.




#Article 363: Martin Niemöller (135 words)


Martin Niemöller (1892–1984) ia es un pastor luteran, naseda en Lippstadt, Deutxland en 1892.

El ia es un anticomuniste e ia suporta prima la asende a potia de Adolf Hitler. Ma cuando Hitler ia comanda ce la stato va ave potia supra lo de relijio, Niemöller ia deveni desiludeda. El ia deveni un xef de un grupo de eglesores ci ia oposa Hitler. En 1937, el ia es arestada e ultima restrinjeda en Sachsenhausen e Dachau. El ia es librida en 1945 par la Aliadas.

El ia continua sua carera en Deutxland como un eglesor e un vose importante per espia e reconsilia de la popla deutx pos la Gera Mundal Du. Sua declara, comun presentada como un poesia, es bon reconoseda, frecuente sitada, e un model popular per descrive la periles de apatia political:




#Article 364: Martinic (154 words)


Martinices un rejion isolal de Frans en la Antiles Minor, en la este de la Mar Caribe. Lo ave un area de 1128 cilometres cuadrida de tera, e un popla de 385 551 abitores longo un conta de janero 2013.

Como Guadelupe, lo es un rejion ultramar de Frans, composada de sola un departe ultramar. Un de la Isolas Supraventa, lo es direta a norde de San Lusia, a sude-este de Porto Rica, a norde-ueste de Barbados, e a sude de Dominica.

Como la otra departes ultramar, Martinic es un de la des-oto rejiones de Frans e un parte integral de la Republica Franses. Como un parte de Frans, Martinic parteni a la Uni European, e sua mone es la euro. La lingua ofisial es major, ma cuasi tota abitores parla ance un creol nomida Matinik (Créole Martiniquais), cual sembla la creoles franses de otra isolas como Guadelupe e Haiti.

La site capital es Fort-de-France.




#Article 365: Maryland (223 words)


Maryland es un stato de la Statos Unida de America. Un de la des-tre statos orijinal, on regarda lo como la loca de nase de la libria relijial en la Statos Unida, car lo ia es constituida par George Calvert en la temprana de la sentenio 17 como un refuja per la catolicas persegueda de England.

La capital es Annapolis e la site la plu grande es Baltimore. 

Maryland ave un area de 32 133,2 km2, comparable con Beljia (30 530 km2). 

La cuantia de abitores ia es 6 006 401 a 1 julio 2016, un aumenta de 4,03% pos la Conta de Abitores de Statos Unida de 2010.

La espaniol es la lingua du de la plu parladas, pos engles.

La relijio con la plu seguores es la Eglesa Catolica con 837 338 persones, segueda par la protestantes evanjelial nonramal con 298 921 membros e la Eglesa Metodiste Unida con 238 774.

La governa de Maryland es dirijeda longo la constitui de la stato. La governa ave autoria unica sur consernas a interna de la fronteras de la stato, estra cuando limitada par la Constitui de la Statos Unida.

La Departe de Transporta de Maryland supravide la plu de la transporta en la stato tra sua ajenterias diversa. La Autoria de Transporta de Maryland, un organiza autonom locada en Baltimore, manteni e opera la oto peajes de la stato.




#Article 366: Mas (494 words)


Un mas es fundal un animal con la capasia de produi spermas e con un sistem de reprodui capas de envia spermas a la ovo de un fema. La parola es ance usada per plantas con sistemes simil de reprodui. Lo es ance usada per animales cual no produi spermas, ma ave la mesma materia jenetical como los cual produi sperma. Un mas no pote reprodui sesal sin aida de a la min un ovo de un fema, ma alga organismes pote reprodui e sesal e asesal. La plu de mamales mas, incluinte umanas mas, ave un cromosoma Y, cual codigi per la produi de cuantias plu grande de testosterona per la crese de la sistem de reprodui de mases.

Entre umanas, mas es ance usada per persones ci regarda se como omes, an si los es biolojial fema.

Un simbol comun usa per representa la seso mas es la simbol de Marte, ♂, un sirculo con un flexa cual indica a norde-este. La simbol es identica a la simbol planetal de Marte. Lo es usada prima per indica seso par Carl Linnaeus en 1751. La simbol es ofte nomida un representa stilida de la scermo e lansia de la dio roman Marte. Como diseda par Stearn, par contrasta, tota de la indicas istorial mostra ce lo es derivada de θρ, la petida de la nome elinica per la planeta Marte, Thouros.

La seso de un organisme spesifada pote es determinada par alga fatores. Estas pote es jenetical o ambiental, o pote cambia natural tra la vive de un organisme. An si la plu de spesies con sesos mas e fema ave individuas cual es o mas o fema, animales androjine, per esemplo vermes, ave la sistem de reprodui de e mases e femas.

La plu de mamales, incluinte umanas, es determinada jenetical par la sistem de determina de seso XY, en cual mases ave un cromosoma X e un Y, en cuando femas ave du cromosomas X. Un diversia de spesies, incluinte umanas, pote ance es XXY o ave otra cualias intersesal, an si on ta es ancora considerada jenotipal (an si no nesesada fenotipal) mas si on ave a la min un cromosoma Y. En reprodui, un mas pote contribui o un sperma X o un sperma Y, en cuando un fema pote sola contribui un ovo X. Un sperma Y e un ovo X produi un mas, en cuando un sperma X e un ovo X produi un fema.

La parte de la cromosoma Y cual es encargada per masia es la rejion de la cromosoma Y cual deterimina seso, es la SRY. La SRY ativi SOX9, cual formi sicles con FGF9 e PGD2 en la gonadas. Esta capasi ce la niveles de jenes pote permane sufisinte alta per causa crese mas; per esemplo, FGF9 es encargada per la crese de la cordas spermal e la multipli de selulas Sertoli, ambos de cual es esensal per la crese sesal de mases.




#Article 367: Wampanoag (1099 words)


La lingua wampanoag, massachusett (masatxúset), natick, o pokanoket, ia es un lingua de la americanes orijinal e un membro de la familia de linguas algoncian. El ia es parlada par la nasiones de Massachusett e Wampanoag, ci ia abita en la areas ocupada aora par la site de Boston e par Cape Cod, Marthas Vineyard, e Nantucket, tota en Massachusetts, cual ia es nomida per la tribu. La lingua ia es un de la linguas prima oiada e aprendeda par la colonistes engles.

La tradui prima de la biblia en America Norte ia es la tradui a wampanoag, cual ia es publicida par John Eliot en 1663, e el ia publici un primer (testo de instrui) en 1669, e un publici du de la biblia en 1685. La labora de Eliot como un misionor ia aida la wampanoages aprende leje e scrive, e atestas e otra testos survive cual ia es scriveda en la scrive cual Eliot ia introdui per la lingua. Esta tradision de alfabeta de la tribus ia dona los un arcivo de informa plu grande ce la plu de otra linguas estinguida de americanes orijinal, e membros de la nasion Wampanoag atenta aora revive la aprende de sua lingua.

La prea de nos senior en massachusett:

La verbo segue la sujeto:

La verbo solitar indica ce la sujeto es la person tre:

La ojeto segue la verbo:

La verbo ave la mesma sinia de pluralia como la sujeto.

Nomes ave du sesos: animada e nonanimada. A supra, la parola masqa es animada, e la plural es formida con -ak.

Nota como grande es un verbo asi!

Plu esemplos de plural:

Nota ce alga parolas ave un letera o silaba estra cual es insertada entre la radis e la sufisa de pluralia.

Un otra sufisa es usada en frases en do un sujeto animada (person tre) ata a un ojeto animada (person tre). Esta es nomida la forma perifera, e la forma simple es nomida la prosima.

On no difere entre la perifera singular e la perifera plural:

Un otra sufisa es la asental, cual indica ce la cosa o person es no plu presente. En la caso de animadas, lo indica ce el es mor. En la caso de nonanimadas, lo indica ce el no es plu poseseda. La singular es -ay e la plural es -uk:

On no pote es serta si un parola es animada o nonanimada. Per esemplo, la partes de la corpo varia:

Nota como cada tradui inclui de algun. Partes de la corpo nesesa la idea de se posesor. Per esemplo:

La prefises de posese:

Per la plural de cosas poseseda par nos, vos, o los, on ajunta -ôw- entre la radis e la sufisa de pluralia:

Ave ance un sufisa per indica loca: -ut. Per esemplo:

Cuando -ut es ajuntada a un parola, la forma singular e plural es la mesma.

Si un nom es dependente (nesesa un posesor) e ance comensa con un vocal, lo no ta ave la mesma forma de la prefisa:

Si un nom no es dependente e comensa con un vocal, un -t- es inserteda:

Si un parola comensa con m, p, k, o w, la prefisa wu- deveni u-:

Ave alga nomes cual nesesa la ajunta de -m si los ave un prefisa de posesor:

On ave du situas cuando on debe usa pronomes: En frases como neen keetôp (me es tua ami), en cual la predica es un nom; e cuando on responde a un demanda como hawân âseet (ci fa lo?), cual nesesa un responde como neen (me). En frases con verbos e en cual la sujeto e ojeto es clar marcada, pronomes es sola per asentua.

La pronomes personal:

La pronomes refletante:

Mostrantes nonanimada:

Mostras animada:

Pronomes de demanda:

Verbos es divideda entre animada e nonanimada, e entre transitiva e nontransitiva.

Verbos animada e nontransitiva aseta la mesma prefisas como nomes per indica la sujeto. Nota ce la person un e du ave -m- e la person tre ave -w-. En la plural, on ajunta -un per person un, -wuw o -uw per person du, e -ak per person tre.

Per un sujeto perifera, on debe usa la sufisa -ah:

Esta model opera per radises verbal cual fini con vocales longa. Si la radis fini con -ô, la -ô deveni -â en person tre. Si la radis comensa con un vocal, on inserta -t- pos la prefisa, como en nomes. Si la radis fini con un consonante, on inserta -u- ante la sufisa, e en person un e du singular, la -m- es cadeda. Si la radis fini con -n, la -w- es cadeda. Otra esetas opera ance.

Verbos nonanimada no ave un prefisa per person, natural, ma la sufisas es simil a los de la verbos animada:

La ojeto per esta verbos transitiva es sempre un cosa nonanimada:

En esta esemplo, la sujeto es incluida en la verbo (nu-), e la ojeto es clar indicada. Ma nota cuando la ojeto es plural:

Nota ce la verbo no ave la sufisa plural -ash, car es clar ce la ojeto es plural.

Si la ojeto es clar, la forma de la verbo per person tre es indicada par la sufisa -w, en loca de la prefisa wa-.

Si la ojeto no es tan clar, on debe inclui un indica de la ojeto pos la verbo:

Nota como on debe inserta -n- e -nôn- per la sujeto nos. Simil, on debe inserta -wôw- per sujetos vos o los.

On ave tre modeles de la verbos transitiva e nonanimada, con diferes peti.

Si la ojeto es animada, on nesesa usa modeles diferente. Esta verbos ave modeles variosa, dependente de la natur de la ojeto.

Si la ojeto es clar indicada, la afisas per la sujeto es esata como la otra formas de verbos ja discuteda.

Como verbos nonanimada e transitiva, la wa- de person tre deveni -w:

Si la ojeto no es tan clar, on debe ajunta indicantes de la natur de la ojeto:

La modeles deveni plu complicada cuando on debe indica un ojeto de person un o du. Si la sujeto es person tre, on usa un sufisa -uq (cual es comun asimilada), e la ojeto es indicada par la prefisa normal usada per un sujeto:

Si la sujeto es nonanimada, la ojeto es indicada par la prefisa, e la sujeto nonanimada es indicada par la sufisa -un:

Si ambos sujeto e ojeto es animada (de person un o du, singular o plural), on usa sufisas variosa:

Per situas cuando algun es amada par un person nonspesifada, on usa la sufisa -ut/-uty:




#Article 368: Matematica (3686 words)


La matematica es la siensa cual studia la motifes en la strutures de cosas astrata e la relatas entre los. La parola es derivada de μάθημα (mathema, cosa aprendeda) en elinica.

Matematica es esensal en multe campos, incluinte siensas natural, injenia, medica, finansia e siensas sosial. Matematica aplicada ia gida a multe disiplinas matematical nova, como statistica e teoria de jua. Matematicistes es ance envolveda en matematica pur, sin ave un aplica en mente.

La parola matematica veni de la elinica μάθημα (máthēma), cual en elinica antica sinifia lo cual es aprendeda (e ance studia e siensa, e en elinica moderna sola leson). La parola per matematica ia ave un sinifia plu streta e tecnical sinifiante studia matematical an en la eda clasica. Su ajetivo es μαθηματικός (mathēmatikós), sinifiante relatada a aprende o studiosa, cual plu tarda ance va sinifia matematical. Plu esta, μαθηματικὴ τέχνη (mathēmatikḗ tékhnē), en latina ars mathematica ia sinifia arte matematica.

Simil, un de la du scolas de pensa en pitagorisme ia es conoseda como la mathēmatikoi (μαθηματικοί) - cual en acel tempo ia sinifia aprendores plu ca matematicistes en un sensa moderna.

En latina la terma matematica ia sinifia plu comun astrolojia (o a alga veses, astronomia) plu ca matematica; la sinifia ia cambia gradal a sua sinifia oji entre 1500 e 1800. Esta ia resulta en alga maltraduis pd la averti de San Augustino a cristianes per preveni contra la mathematici, ia sinifia astrolojistes e a alga veses es traduida como matematicistes.

En lingua franca nova, la parola es singular, an si en alga linguas fonte es plural. Esta aveni en franses (mathématiques), catalan (matemàtiques) e espaniol (matemáticas, an si ance la singular es usada, xef en America Latina). En portugues (matemática) e italian (matematica), la terma es singular.

Matematica no ave un defini jeneral asetada. Aristotele ia defini matematica como la siensa de cuantia e esta defini ia domina asta la sentenio 18. En la sentenio 19, cuando la studia de matematica ia aumenta en rigor e ia comensa conserna sur temas astrata como teoria de colies, matematicistes e filosofistes ia comensa proposa un definis nova variosa. Tre tipos de defini dominante oji es nomida lojiciste, intuiste e formaliste, cada refletante un scola de pensa filosofial diferente. Cada ave nonperfetas, nun es intera asetada e no reconsilia para posible.

Un defini temprana de matematica relatada con lojica ia es la siensa cual ariva a concluis nesesada, par Benjamin Peirce en 1870. En la Principia Mathematica, Bertrand Russell e Alfred North Whitehead ia avansa la program filosofial conoseda como lojicisme, e ia atenta demostra ce tota consetas, declaras e prinsipes matematical pote es definida e demostrada intera con lojical simbolin. Un defini lojiciste de matematica es Tota matematica es lojica simbolin, par Russell.

Definis intuiste, developada de la filosofia de la matematiciste L.E.J. Brouwer, identia matematica con alga fenomenos mental. Un esemplo de un defini intuiste es Matematica es un ativia mental cual ave la inere de esecuta construis la un pos la otra. Un strania de intuisme es ce lo rejeta alga ideas matematical considerada valida seguente otra definis. Spesial, en cuando otra filosofias de matematica permete ojetos cual pote es demostrada ce esiste an si los no pote es construida, intuisme permete sola ojetos matematical cual pote es construida. Intuistes ance rejeta la lege de no posible tre (un caso ce obliga los a rejeta demostras par contradise como metodo de demostras viable).

Definis formaliste identia matematica con sua simboles e regulas per opera. Haskell Curry ia defini matematica como la siensa de sistemes formal. Un sistem formal es un colie de simboles e alga regulas sur como la simboles es combinada per formi formulas. En sistemes formal, la parola axiom ave un sinifia diferente de sinia comun de un veria autoevidente e lo es usada per refere a un combina de simboles cual es incluida en un sistem formal donada sin nesesa es derivada usante la regulas de la sistem.

Multe matematicistes no cura sur la defini de matematica o considera lo nondefinable. On ave no acorda sur si matematica es un arte o un siensa. Algun dise matematica es cual matematicistes fa.

La matematiciste deutx Carl Friedrich Gauss ia refere a matematica como la rea de la siensas. Plu resente, Marcus du Sautoy ia nomi matematica la rea de siensa... la forsa gidante xef a pos descovre siensal. En la Liber Regina Scientiarum orijinal, como ance en la deutx Königin der Wissenschaften, la parola cual coresponde a siensa sinifia un campo de conose. La spesiali de la sinifia de siensa como siensas natural segue la asende de siensa baconian, cual ia contrasta siensas natural a scolastica, la metodo aristotelan de demanda de prinsipes prima. La rol de esperimenta empirical e oserva de la mundo esterna es iniorable en matematica, spesial cuando es comparada con siensas natural como biolojia, cimica o fisica. Albert Einstein ia dise ce cuanto las leges de matematica refere a realis, los no es serta; e cuanto los es serta, los no refere a realia.

Alga filosofistes moderna considera ce matematica no es un siensa. La filosofiste Karl Popper ia oserva ce la plu teorias matematical es, como acel de fisica e biolojia, ipotesal-deduinte: matematica pur donce es plu prosima a siensas natural de cual la ipoteses es divinas, ca lo pare an resente.

Matematica ave multe en comun con otra campos de siensas fisical, spesial esplora de resultas de suposas. Intui e esperimenta ance ave un rol en la formula de divinas en matematica e otra siensas. Matematica esperimental  continua cresente en importa a en matematica, e computa e simili ave un rol cresente en siensa e matematica.

La opinas de matematicistes sur esta sujeto es variosa. Multe matematicistes crede ce nomi sua area un siensa es desasentua la importa de la lado estetica, e sua istoria en la sete artes libral tradisional; otras crede ce iniora sua lia con siensas es oblida ce interfas entre matematica e sua aplicas en siensa e injenia ia gida multe developa en matematica. Un forma esta difere en puntos de vista apare es la debate filosofial sur si matematica es creada (como un arte) o descovreda (como un siensa). Lo es comun vide universias divideda en sesiones cual inclui un divide de siensa e matematica, indicante ce esta campos es relatada ma no coaveni. En pratica, matematicistes es grupida con siensistes en niveles jeneral ma en otra niveles plu definida, los es separada. Esta es un de la multe temas considerada en la filosofia de matematica.

On pote vide la evolui de la matematica como un serie de astratas sempre cresente, o como un crese de un tema. La astrata prima, cual es compartida con multe animales, ia es probable la numeros: la comprende ce un colie de du pomas e un colie de du oranias ave alga cosa en comun, cual es per dise la cuantia de sua membros.

Como evidentida par la marcas trovada sur osos, en ajunta a reconose como conta ojetos fisical, poplas preistorial ance ta reconose como conta cuantias astrata, como tempo (dias, saisones, anios).

Evidentia per matematica plu complicada no ia apare asta s 3000 aec, cuando la babilonianes e egiptianes ia comensa usa aritmetica, aljebra e jeometria per imposta e otra calculas finansial, per construi e per astronomia. La testos matematical la plu resente de Mesopotamia e Egipte es de 2000-1800 aec. Multe testos plu temprana nota truples e donce, per dedui, la teorem de Pitagoras pare es la developa matematical la plu antica e estendeda pos aritmetica e jeometria fundal. Lo es en aritmetica babilonian do aritmetica fundal (soma, sutrae, multipli e divide) apare prima en rejistras arceolojial. La babilonianes ia ave un sistem de valua local, e ia usa un sistem numeral sesajesimal cual es usada oji per mesura angulos e tempo.

Comensante en la sentenio 6 aec con la pitagoranes, la elinicas antica ia comensa un studia sistemosa de matematica como sujeto propria con matematica elinica. S 300 aec. Euclide ia introdui la metodo axiomal ancora usada en matematica oji, cual es composada de defini, axiom, teorem e demostra. Sua libro de aprende Elementos es considerada la libro de aprende la plu susedosa de sempre. On considera Arcimede como la matematiciste la plu grande de Anticia. El ia developa formulas per calcula la area surfasal e volum de solidas de jira, e ia usa la metodo de consuma per calcula la area su la arco de un parabola par soma un serie infinita, de un forma no multe diferente a calcula moderna. Otra atenis notable de matematica elinica es sesioni cono (Apolonio de Perga, sentenio 3 aec), trigonometria (Hiparco de Nicea, sentenio 2 aec) e la comensa de aljebra (Diofanto, sentenio 3 ec).

La sistem numeral indu-arabi e la regulas per la usa de sua operas, usada en la mundo intera oji, ia evolui en la milenio prima ec en India e lo ia es transmeteda a la mundo ueste par la matematica muslim. Otra developas notable de matematica indu inclui la defini e prosimi moderna de sinus e cosinus, e un forma temprana de series infinita.

En la eda orosa de islam, spesial en la sentenios 9 e 10, matematica ia vide multe inovas importante construinte sur matematica elinica. La ateni la plu notable de matematica muslim ia es la developa de aljebra. Otra susede notable de la periodo muslim es la avansas en trigonometria sfera e la ajunta de punto desimal a la sistem numeral arabi. Multe matematicistes notable de esta periodo ia es persian, como Al-Kwarismi, Omar Khayyam e Sharaf al-Din al-Tusi.

En la eda moderna, matematica ia comensa developa a un ritmo aselerada en Europa ueste. La developa de calcula par Newton e Leibniz en la sentenio 17 ia revolui matematica. Leonhard Euler ia es la matematiciste la plu notable de la sentenio 18, contribuinte con multe descovres de teoremes. Cisa la matematiciste la plu importante de la sentenio 19 ia es la deutx Carl Friedrich Gauss, ci ia contribui a campos como aljebra, analise, jeometria diferensial, teoria de matrises, teoria de numeros e statistica. En la sentenio 20 temprana, Kurt Gödel ia cambia matematica cuando el ia publici sua teoremes noncompleta, cual mostra en parte ce cualce sistem axiomal coerente (si lo es sufisinte potiosa per descrive aritmetica) conteni proposas vera cual no pote es demostrada.

Matematica ia estende de alora, e un interata multe frutosa ia esiste entre matematica e siensa, cual ia benefica ambos. On ave an oji descovres matematical. Seguente Mikhail B. Sevryuk, en un publica en la Bulletin of the American Mathematical Society de janero 2006, la numero de monografias e libros incluida en la base de datos Mathematical Reviews de 1940 (la anio prima en cual lo ia es publicida), es oji plu ca 1,9 miliones, e plu ca 70 000 articles es ajuntada cada anio. La majoria de obras ajuntada inclui teoremes nova e sua demostras.

Matematica apare per multe problemes diversa. Prima los ia es trovada en comersia, mesura de tera, arciteta e, plu tarda astronomia; oji tota siensas sujesta problemes studiada par matematicistes, e multe problemes apare con matematica mesma. Per esemplo, la fisicistes Richard Feynman ia inventa la formula de mecanica cuantal par integrales de curso usante un combina de razona matematical e  comprende fisical, e la teoria de cordas de oji, un teoria an esente developada cual atenta uni la cuatro forsas fundal de natur, continua inspirante matematicas nova.

Alga matematica es relevante sola per la area cual ia inspira, e lo es aplicada per solve plu problemes en acel area. Ma frecuente matematica inspirada par un area es usosa en multe otras, e uni a la colie de consetas matematical. Un distingui es frecuente fada entre matematica pur e matematica aplicada. An tal, temas de matematica pur frecuente ave aplicas pe teoria de numeros en criptografia. Esta fato notable, ce an la matematica la plu pur frecuente ave aplicas pratica, es cual Eugene Wigner ia nomi la efetosia nonrazonable de matematica. Como en multe areas de studia, la esplode de conose en la eda siensal ia gida a spesiali: on ave sentos de areas spesialida en matematica e la ultima Mathematics Subject Classification ave 46 pajes. Areas diversa de matematica aplicada ia uni con tradisiones relatada estra matematica e ia deveni disiplinas autonom, incluinte statistica, rexerca de operas e informatica.

Per lo ci ave tende matematical, on ave frecuente un aspeta estetica per matematica. Multe matematicistes parla sur sofistica de matematica, sua estetica esensal e sua belia interna. Simplia e jeneralia es valuada. On ave belia en un demostra simple e bela, como en la demostra de Euclide ce on ave numeros primal nonfinita, e un metodo numeral sofisticada cual aselera calcula, como la cambia de Fourier rapida. G. H. Hardy en A Mathematician's Apology ia espresa la crede ce esta consideras estetical es sufisinte per justi la studia de matematica pur. El ia identia consetas como sinifia, nonespetablia, nonevitablia e economia como fatores cual contribui a estetica matematical. Rexerca matematical frecuente xerca cualias importante de un ojeto matematical. Un teorem espresada como un distingui de la ojeto par esta cualias es la premio. Esemplos de razonas matematical spesial consisa e revelante ia es publicida en Proof from THE BOOK.

La popularia de matematica recreal es otra sinia de la plaser cual multe trova en solve problemes matematical. E en la otra estrema sosial, filosofistes continua trovante problemes en filosofia de matematica, como la natur de demostra matematical.

Plu de la simboli matematical usada oji no ia es inventada asta la sentenio 16. Ante esta, matematica ia es scriveda con parolas, limitante descovre matematical. Euler (1707-1783) ia es la encargada de multe de la simbolis usada oji. Simboli moderna fa matematica plu simple per la esperta, ma comensores frecuente trova lo descorajinte. Seguente Barbara Oakley, esta pote es atribuida a la fato ce ideas matematical es plu astrata e sifrida ca los de lingua natural. No como lingua natural, do persones frecuente pote egali un parola (como cavalo) con un ojeto fisical a cual coresponde, simboles matematical es astrata e ave no analoja fisical. Simboles matematical es plu sifrida ca parolas normal, cual sinifia ce un simbol pote sifri operas i ideas variosa.

Lingua matematical pote es difisil per comprende per comensores car an termas comun, como o o sola, ave un sinifia plu esata cual los ave en vive dial, e otra termas como abrida o campo refere a ideas matematical spesifada, no covreda par sinifias nonprofesal. Lingua matematical ance inclui multe termas tecnical como integrable cual ave no sinifia esta matematica. On ave un causa per simboli spesial e vocabulo tecnical: matematica nesesa plu esatia ca parla dial. Matematicistes refere a esta esatia e lojica como rigor.

Demostra matematical es fundal un caso de rigor. Matematicistes vole ce sua teoremes segue de axiomes par razona sistemosa. Esta es per evita teoremes erosa, fundida sur intuis capas de era, de cual multe casos ia aveni en la istoria en la sujeto. La nivel de rigor esijeda en matematica ia varia longo la tempo: la elinicas ia espera razonas detaliosa, ma en la tempo de Isaac Newton la metodos usada ia es min sever. Problemes inerente en la definis usada par Newton va gida a reemerji de analise atendente e demostra formal en la sentenio 19. Malcomprende la rigor es un causa de alga malconsetis en matematica. Oji, matematicistes continua discute entre los sur demostras fada par computador. Car lo es multe difisil serti computas grande, tal probas pote es noncoreta si la program usada es lo. A la otra lado, aidadores de demostra permete serti tota detalias cual no pote es donada par un demostra scriveda par mano, e furni sertia de coretia de demostras grande como la teorem de Feit-Thompson.

On va atenta esplica la temas xef de la investiga matematical, desiniante un curso per un prosimi progresiste de la problemes, la razonas e la disputas teorial.

La problemes prima cual prosimi a la matematica es los cual pote es solveda con aritmetica fundal: la calculas fada con la cuatro operas pote relata a la maneja de finansia, evaluas de cuantias jeometrial o mecanical, calculas relatada a la ojetos e a la tecnicas cual on pote trova en la vive dial.

La plu fasil de esta calculas pote es fada con la numeros natural, ma rapida la problemes de calculo esije sabe trata la numeros relativa e razonal.

La problemes aritmetical la plu simple es solveda par formulas cual furni resultas coerente. Per dise: la areas de un retangulo con lados longas  e  e sua produida . Problemes plu complicada nesesa la usa de egalis. Pd: par la teorem de Pitagora, si un triangulo reta ave un lado plu corta de longia  e , la plu longa (ipotenusa) ave como longia la numero positiva  cual solve la egali:

.

La egalis la plu simple es la egalis linial, car los representa la demandas jeometrial la plu simple e car on pote solve los con prosedes normida.

En la formulas e en la egalis, on debe usa parametres con valuas nondeterminada: tal on pote dispone strumentos plu jeneral, cual permete consegue economia de pensa evidente. Pd: en un triangulo retangulo con cateto de longia  e , la longia de la ipotenusa es la numero positiva   seguente la formula .

Per valua la formulas plu bon e per resolve multe tipos de egalis, es nesesada developa un calculo de leteras cual ta permete reimajina los. La reglas de esta calculo leteral constitui la aljebra fundal.

La studia de la jeometria plana e spasial conserna orijinal con primas: la punto, la linia, la plana. Combinante esta elementos en la plana o en la spasio on oteni otra ojetos como partes, angulos, angulos solida, poligones e poliedros.

Punto, linia, plana e spasio ave dimensiones en ordina 0, 1, 2 e 3. Tra la calcula vetoral on define e studia spasios en dimensiones plu alta (ance (infinita. La analojas curva de esta spasios plana es la curva e la surfases, de dimensiones en ordina 1 e 2.
Un spasio curva en dimension acaso es nomida varia diferensiable.

A interna de esta spasio on pote frecuente defini puntos e linias (nomida jeodesia), ma la jeometria cual segue lo no pote sasi la axiom de Euclide: tal jeometria es nomida jeometria euclidal. Un esemplo es la surfas teran, cual conteni triangulo tota conteninte tre angulos reta.

La analise conserna xef la calculo, introdui la idea fundal de la limita, e a pos de derivada e integral. Con esta strumentos es analiseda la comportas de la funsionas, cual frecuente no ave un descrive clar ma es solves de un egalia diferensial, resultante per esemplo de un problem fisical.

Matematicas pote es divideda en la studia de cuantia, strutur, spasio e cambia (pd aritmetica, aljebra, jeometria e analise). En ajunta a esta consernas xef, on ave ance campos dedicada a esplora lias de matematica con otra campos: con lojica, con matematica aplicada e plu resente con la studia sever de nonsertia. An si alga areas pote pare nonrelatada, la program de Laglands ia trova lias entre areas cual ante on ia pensa ia es nonliada, como la grupo de Galois, la surfas de Riemann e la teoria de numeros.

Per clari la fundi de matematica, la campos de lojica matematical e teoria de colies ia es developada. La lojica matematical inclui la studia matematical de lojica e la aplica de la lojica formal a otra areas de matematica; teoria de colies es la campo de matematica cual studia colies o colies de ojetos. La teoria de categorias cual trata de un forma astrata con strutures matematical e relatas entre los, es ancora developante. La frase crise de fundi descrive la xerca de un fundi sever per la matematica cual ia aveni entre 1900 e 1930. Alga desacorda re la fundi de matematica continua oji. La crise de fundi ia es stimulada per varia controversas en acel epoca, incluinte la controversa re la teoria de colies de Cantor e la controversa de Brouwer-Hilbert.

La informatica teorial inclui la teoria de computabli, la teoria de complicadia computal e la teoria de informa. La teoria de computablia esamina la limitas de varias modeles teorial de la computador, incluinte la model plu conoseda - la macina de Turing. La teoria de complicadia es la studia de la manejablia per computador; alga problemes, an si teorial solvable per un computador, es tan cara en relata con la tempo o spasio ce solve los es probable ce va resta cuasi nonrealable, an con la avansa rapida de la aparatos de computador. Un problem famosa es la problem P = NP?, un de la Problemes de la Milenio. A fini, la teoria de informa es consernada con la cuantia de datos cual pote es retenida en un media donada, a de do trata consetas como compresa e entropia.

La studia de cuantia comensa con numeros, prima con la numeros natural e enteros, e operas aritmetical con los, cual es descrive en aritmetica. La proprias plu basa de enteros es studiada en teoria de numeros, de cual veni resulta poplal como la Teorem Ultima de Fermat. La divina de la enteros primal e la divina de Goldbach es du problemes nonresolveda en la teoria de numeros.

En cuando la sistem numeral ia es plu developada la enteros es reconoseda como un suclase de la numeros rasional (fratos). Estas a sua ves es contenida dentro de la numeros real, cual es usada per representa cuantias continuante. La numeros real es jeneralida en numeros complesal. Estas es la pasos prima de un ierarcia de numeros cual inclui la cuaterniones e otoniones. La considera de la numeros natural ance gida a la numeros transfinita, cual formali la conseta de nonfinitia.  Seguente la teorem fundal de aljebra tota la solves de egalis en un nonconoseda con constantes complesal es numeros complesal, sin relata a la grado. Otra campo de studia es la grandia de grupos, cual es descriveda con la numeros cardinal. Estas inclui la numeros alef, cual permete compara sinifiosa de la grandia de grupos infinita grande.




#Article 369: Matematica aplicada (229 words)


La matematica aplicada es la ramo de matematica cual conserna la metodos matematical cual es usada en siensa, injenia, comersia, informatica e industria. Tal, matematica aplicada es un combina de siensa matematica e sabe spesialida. La terma matematica aplicada descrive ance la spesiali profesal en cual la matematicistes labora sur problemes pratical, formulante e studiante modeles matematical. En la pasada, aplicas pratical ia motiva la developa de teorias matematical, cual ia deveni plu tarda la ojeto de studia en matematica pur, do consetas astrata es studiada per sua propre interesa. La ativia de matematica aplicada es tal intima liada a rexerca en matematica pur.

Matematica aplicada es liada a otra siensas matematical:

Computa siensal inclui matematica aplicada (spesial analise numeral), informatica e modeli matematical en un disiplina siensal.

Informatica depende de lojica, aljebra e combinatoria.

Rexerca de operas e siensa manejal es frecuente enseniada en la scolas de injenia, comersia e politica publica.

Matematica aplicada ave un suprapone sustantial con statistica. Teoristes de statistica studia e boni la prosedes statistical con matematica, e la rexerca statistical trova frecuente demandas matematical. La teoria statistical depende de probablia e teoria de deside, e usa la informatica, la analise e la masimi; per la desinia de esperimentas, statisticistes usa aljebra e desinia de combinatoria. Matematicistes aplicada e statisticistes labora frecuente en la scolas de siensas matematical (spesial en scolas e universias peti).




#Article 370: Matematica fundal (627 words)


Matematica fundal es composada de temas enseniada en la scolas prima e liseos.

La temas la plu fundal en matematica es aritmetica e jeometria. Comensante en la desenios ultima de la sentenio 20, on ave un asentua cresente a resolve problemes. Lo es un paso esensal per comprende siensa.

En la liseo, la temas xef en matematica fundal es aljebra e trigonometria.

La numeros intera es los usada per conta (como en on ave ses monetas sur la table) e ordina (como en esta es la site tre de la plu grandes en la pais). En lingua comun, esta intendes es distinguida par la usa de numeros cardinal e ordinal.

Un unia de mesura es un cuantia definida de un cuantia fisica, definida e adotada par costum o par lege, cual es usada como un norma per mesura un mesma cuantia fisica. Cualce otra valua de la cuantia fisica pote es espresada como un multiple simple de la unia de mesura.

Un frato representa un parte de un intera o, plu jeneral, cualce cuantia de partes egal. Cuando parlada en elefen, un frato descrive cuanto partes de un serta grandia on ave, pe, tre cuatris.

Un formula es un identia construida usante la simboles e la regulas de formi de un lingua lojical. Pe, determina la volum de un sfera nesesa un cuantia importante de calculo integral o sua analoja jeometrial, la metodo de fatiga; ma, fante esta a un ves en relata con alga parametre (la raio, per esemplo), la matematicistes ia produi un formula per descrive la volum. Esta formula es:

Datos es un colie de valua de variables. Los es tipal la resulta de mesuras e pote es videda usante grafes.

Datos como conseta astrata pote es videda como la nivel la plu basa de astratia, de cual informa e, a pos, sabe es derivada.

Estima es la prosede de trova un estima o aprosimi, cual es un valua usable per alga intendes an si la datos entrada ta es noncompleta, nonserta o nonstable. An tal, la valua es usable car lo es derivada de la informa la plu bon disponable.

Un frato desimal es un frato de cual la dividente es un potia de des.

Un persento es un numero o proportio espresada como un frato de 1000. Lo es frecuente indicada usante la sinia de persento, %.

Du cuantias es proportial si un cambia en un es sempre acompaniada par un cambia en la otra, e si la cambias es sempre relatada par usa de un multiplinte constante. La constante es nomida la fator de proportialia.

La jeometria analisal es la studia de jeometria usante un sistem de coordinadas. Lo contrasta con la jeometria sintesal.

Un numero negativa es un numero cual es min ca zero. Esta numeros es frecuente usada per representa la cuantia de un perde.

La construi con regla e compas es la construi de longias, angulos e otra figures jeometrial usante sola un regla e un compas idealida.

Du figures es acordante si los ave la mesma forma e grandia, o si la un ave la mesma forma e grandia como la imaje mirorida de la otra.

Du ojetos jeometrial es simil si ambos ave la mesma forma o la un ave la mesma forma como imaje mirorida de la otra.

La jeometria spasial (o solida) ia es la nom tradisional per la jeometria de la spasio euclidal en tre dimensiones. 

Un numero rasional es cualce numero cual pote es espresada como la proportio o la frato p/q de du enteros, con la dividente q nonegal a zero. Considerante ce q pote es egal a 1, tota entero es un numero rasional. La colie de tota la numeros rasional es frecuente indicada par un Q o par .




#Article 371: Mauris (403 words)


Mauris (ofisial la Republica de Mauris) es un pais de isolas en la Mar Indian, a sirca 2000 cilometres de la costa sude-este de la continente Africa. Lo inclui la isolas Mauris e Rodrigues, a 560 cilometres a este de Mauris, e la isolas esterna (Agaléga, San Brandon, e du teritorios disputada). La isolas Mauris e Rodriges formi un parte de la Isolas Mascarene, como ance Réunion, un departe franses ultramar cual es prosima. La area de la pais es 2040 cilometres cuadrida. La capital e site la plu grande es Port Louis.

Pos es un colonia nederlandes (1638–1710) e un colonia franses (1715–1810), Mauris ia deveni un poseseda colonial de Britan en 1810, e ia resta tal asta 1968, la anio en cual lo ia gania autonomia. La colonia coronal brites de Mauris ia inclui en la pasada la teritorios presente de Mauris, Rodrigues, Agaléga, San Brandon, la Arcipelago Chagos e la Sexeles. La teritorios maurisian ia devolui gradal con la crea de un colonia separada de Sexeles en 1903 e la estrae de la Arcipelago Chagos en 1965.

La Arcipelago Chagos es disputada par Mauris e la Rena Unida. La Rena Unida ia estra lo de la teritorio maurisian en 1965, a tre anios ante la autonomi de Mauris. La Rena Unida ia despopla gradal la nativas de la arcipelago e ia lua sua isola la plu grande, Diego Garcia, a la Statos Unida. On proibi ce turistes casual, jornalistes e abitores pasada asede la arcipelago. Mauris reclama ance la governa de la Isola Tromelin de Frans.

La persones de Mauris es multietnical, multirelijial, multicultural e multilingual. La governa de la isola es prosima modelida sur la sistem parlamental de Westminster, e Mauris ave un grado alta de democratia e libria economial e political. Como la otra Isolas Mascarene, Mauris es conoseda per sua plantas e animales diversa, con multe spesies endemica. La isola es famosa como la sola abitada conoseda de la dodo, cual, como alga otra spesies de avia, ia es estinguida par ativia umana, no longa pos la coloni de la isola. Mauris es la sola pais en Africa do induisme es la relijio la plu grande.

La linguas major es creol 80,5%, bodjpuri 12,1%, franses 3,4%, engles (ofisial, ma parlada par sola 1%), otras 3,7% (2000). La governa usa engles como sua lingua xef.

La cuantia de abitores, en la anio 2007, ia es sirca 1 250 882 persones.




#Article 372: Medica (222 words)


Medica es la siensa e pratica de la diagnose, trata e preveni de maladias. La medica ensirca un varia de praticas de aida medical con la ojeto de manteni e restora la sania per la preveni e la trata de maladia. La medica contempora aplica la biomedica, rexerca biomedical, jenetica e tecnolojia medical per diagnose, trata e preveni feri e maladia, tipal per medisines o sirurjia, ma ance per terapias tan diversa como psicoterapia, agetas esterna e aparatos medical, entre otras. 

La parola medica en Lingua franca nova veni de la latina medicus, cual sinifia dotor medical, mediciste.

En la sinifia plu larga de medica on ave multe spesialis diferente. La developa de un spesiali es frecuente gidada par tecnolojia nova (como la developa de anestesentes produosa) o formas de labora (como la departes de crise). La spesiali nova gida en la crea de un corpo uninte de dotores e la prestijia de ave sua esamina propre.

En sirculos medical, spesialis usual ajusta a un de du categorias plu grande: medica e sirurjia. Medica refere a la pratica de medica nonsirurjial, e la plu parte de la suspesialis nesesa instrui inisial en Medica Interna. Aora, alga spesialis de medica no ajusta a un de esta categorias, como radiolojia, patolojia o anestesia. La plu parte ia rami de un campo u otra supra.




#Article 373: Medica medieval en Europa ueste (158 words)


La medica medieval en Europa ueste ia es composada de un misca de ideas ja esistente de pos la eda antica, influes spirital, e lo cual Claude Lévi-Strass identifia como la acorda sosial.

En la comensa de la eda medieval, pos la cade de la Impero Roman Ueste, la sabes medical ia es xef fundida sur la testos survivente roman e elinica, conservada en moncerias e otra locas. Multe persones ia ave simple espera a la eglesa e Dio per sani sua maladias. Ideas sur la orijina e remedia de maladias no ia es pur nonrelijiosa, ma ia es fundida sur un vista de mundo en cual fatores como la destina, la peca e influes astral ia ave roles como causas fisical. La produosia de la remedias ia ance fundida sur la credes de la pasiente e la dotor en loca de la confirma empirical, donce la remedias fisical (remedia physicalia) ia es frecuente suordinada a interveni spirital.




#Article 374: Mercurio (292 words)


Mercurio es la planeta la plu prosima a la Sol en nosa sistem solal, orbitante la Sol en 88 dias. Lo es briliante cuando oservada de la Tera: sua cuantia de brilia varia de sirca -2,0 a 5,5. Ma lo no es fasil vidable, car la masima de sua separa angulal de la Sol es sola 28,3° — donce lo es vidable sola a lus prima e lus final.

On no conose bon la planeta. La prima de du veculos spasial cual ia visita la planeta ia es Mariner 10, cual ia mapa sola sirca 45% de la surfas en 1974 e 1975.  La veculo du, su la nom MESSENGER, ia mapa plu 30% en janero 2008.

Mercurio aspeta simil a la Luna, con multe crateres. Lo ave no lunas e no atmosfera. La planeta ave un cor de fero cual jenera un campo magnetal con sirca 1% de la potia de la campo magnetal de la Tera. La temperatur de la surfas varia de sirca 90 a 700 K: la punto direta su la Sol es la plu calda, e la fondo de crateres a la polos es la plu fria.

La romanes ia nomi la planeta per la dio Mercurio, probable car la planeta move rapida en la sielo de la lus prima. La simbol de Mercurio representa la testa de la dio, en sua elmo con aletas, supra sua basto: un simbol antica de astrolojia.

Ante la sentenio 4 aec, astronomistes elinica ia crede ce la planeta es du ojetos diferente: la un vidable sola a leva de sol, e la otra vidable sola a reposa de sol. La poplas xines, corean, japanes e viet nomi la planeta la stela de acua, per un de la sinco elementos clasica.




#Article 375: Meshari (111 words)


Meshari es la libro plu vea publicida en la lingua xcip. La nom sinifia libro de preas. Lo ia es scriveda par Gjon Buzuku, un eglesor catolica en 1555. La libro conteni 188 pajes e es scriveda en du colonas. Lo es un tradui de la partes xef de la Liturjia catolica a xcip. Lo conteni la liturjias de la festas relijial xef de la anio, comentas de la libro de preas, e estraedas de la Biblia e de rituos e la catecisme. Lo ia es scriveda per aida la cristianes a prea en la servis relijial dial. La sola varia orijinal conoseda es locada en la Biblioteca de la Vatican.




#Article 376: Mexico (253 words)


Mexico es un pais en America Norde. 

La area es sirca 1 972 550 cilometres cuadrida.

La cuantia de abitores, en la anio 2015, ia es sirca 119 530 753 persones.

La site capital es la Site Mexico.

A sirca 9000 anios ante aora, poplas ia aprende cultiva mais e ia comensa un revolui cultival, cual ia es la comensa de sivilias complicada. Entre 1800 e 300 aec, multe sivilias ia deveni sivilias como la maia.

Estas sivilias ia es multe avansada en arciteta, matematica, astronomia, medica e teolojia. A sua culmina, Teotihuacan ia ave un popla de 150 000 persones. On crede ce Mexico ia conteni entre 6 e 26 miliones persones ante la concista espaniol.

La lingua major es espaniol. Multe linguas de la americanes orijinal es ance parlada.

 
La relijio xef es catolicisme, per 82,7% de la popla. 9,7% parteni a otra ramos cristian. 4,7% ave no relijio, e min ca 0,2 ave un relijio noncristian.

Con 92 924 489 catolicas, Mexico es la pais du par cuantia de catolicas, pos Brasil. 47% de los vade a la eglesa en cada semana.

La conta de abitores de 2010 ia reporta 314 932 membros de La Eglesa de Jesus Cristo de la Santos de la Dias Ultima, an si la eglesa ia dise ce lo ia rejistra milion membros.

Esta conta ia reporta ance la presentia de 67 476 iudis.

La Statos Unida Mexican es un federa de tredes-un statos libre e autonom, cual formi un uni cual eserse un grado de domina supra la Distrito Federal e otra teritorios.




#Article 377: Miama (444 words)


Miama (o Burma; ofisial la Republica de la Uni de Miama) es un pais en Asia sude-este. Lo es bordada par Barata e Bangladex a la ueste, Tai e Lau a la este, e Xina a la norde e norde-este. A la sude, sirca un tri de sua perimetre intera de 5876 km formi un costa noninterompeda de 1930 km longo la Golfo Bengal e la Mar Andaman.

La conta de popla en 2014 ia trova 51 milion abitores, un cuantia multe plu basa ca espetada. Miama ave un area de 676 578 cilometres cuadrida. Sua site capital es Naypyidaw, e sua site la plu grande es Yangon, la capital pasada. De 1997, Miama es un membro de la Asosia de Nasiones de Asia Sude-Este.

Sivilias temprana en Miama ia inclui la sites-statos Pyu en Burma Alta e la renas Mon en Burma Basa. En la sentenio 9, la popla bamar ia entra a la alta de la vale de la Rio Irawadi e, pos la institui de la Rena Pagan en la desenio de 1050, la lingua e cultur burman e budisme teravada ia deveni lenta dominante en la pais. La Rena Pagan ia cade par causa de invades mongol, e alga statos gerante ia emerji.

En la sentenio 16, reunida par la Dinastia Toungoo, la pais ia es, tra tempo corta, la impero la plu grande en la istoria de la tera xef de Asia sude-ese. La Dinastia Konbaung de la temprana de la sentenio 19 ia rena supra un rejion cual ia inclui la Miama moderna, e ia controla corta ance Manipur e Asam.

La briteses ia emprende la dirije de Miama pos tre Geras Angloburman en la sentenio 19, e la pais ia deveni un colonia brites. Miama ia deveni autonom en 1948, inisial como un nasion democrata, e pos un colpa de stato en 1962, como un autocratia militar.

Tra la plu de sua anios autonom, la pais es turbada par disputas etnical, e sua multe etnicos es envolveda en un de la plu longas de la geras interna continuante en la mundo. En esta periodo, la Nasiones Unida e otra organizas ia reporta violes frecuente e sistemosa de diretos umana en la pais.

En 2011, la junta militar ia es ofisial canselada pos un vota en la anio presedente, e on ia instala un governa sivil. Esta, como ance la libri de Aung San Suu Kyi e prisonidas political, ia boni la state de diretos umana e la relatas esterna de la pais, e ia gida a la lejeri de punis comersial e economial. An tal, la militar resta un forte potiosa en politica.

La lingua major es miama.




#Article 378: Michael Moore (165 words)


Michael Francis Moore (maical fransis mor) es un comentor libraliste sur politica, un autor, e un sinemiste, e ia gania la premio Oscar. El ia es la dirijor e produor de Fahrenheit 9/11 (sur la destrui de du rascasielos en New York a 11 setembre 2001), Sicko (sur la problemes de aida medical en la SUA), e Bowling for Columbine (sur la problemes causada par fusiles en la SUA). Ance, el ia scrive e ata en TV Nation e The Awful Truth (la veria asustante), programes de televide, en cual el ia usa sua modo umorosa per presenta filmas atestante.

Moore ia descrive se como un libraliste ci critica la globali, la corporas grande, la posese de fusiles, la gera en Irac, la sistem de aida medical en la SUA, e presidente George W. Bush en sua scrivedas e filmas. Time Magazine, en 2005, ia nomi el un de la 100 persones la plu influente en la mundo.

El ia nase a 23 april 1954.




#Article 379: Michel de Montaigne (249 words)


Michel Eyquem de Montaigne (franses: [miʃɛl ekɛm də mɔ̃tɛɲ]) ia es un de la filosofistes plu sinifiante de la Renase franses, conoseda per crea la jenero de leteratur conoseda aora como la esajo. Sua obras ia es notada per sua misca de racontas casual e autobiografia con intuis seria inteletal. Sua obra enorme Essais conteni alga de la esajos la plu influente sempre scriveda. El ia nase a 28 febrero 1533 en la castel de Montaigne, Saint-Michel-de-Montaigne, prosima a Bordeaux, e ia mori a 13 setembre 1592 en la mesma loca.

Montaigne ia ave un influe direta sur scrivores de la ueste, incluinte Francis Bacon, René Descartes, Blaise Pascal, Jean-Jacques Rousseau, Albert Hirschman, William Hazlitt, Ralph Waldo Emerson, Friedrich Nietzsche, Stefan Zweig, Eric Hoffer, Isaac Asimov, e posible incluinte la obras tarde de William Shakespeare.

En sua propre vive, Montaigne ia es amirada plu como un statiste ca un autor. La tende en sua esajos per vaga a racontas e remasticas personal ia es videda como ferinte a un stilo coreta e no como un inova, e sua declara ce me es me mesma la sujeto de mea libro ia es videda par sua contemporas como autoregalante. Ma, pos tempo, Montaigne ta es reconoseda como corpi, posible plu bon ca cualce otra autor de sua eda, la spirito de duta libre cual ia comensa emerje alora. El es la plu famosa per sua nota scetical Que scay-je (pd que sais-je? en franses moderne, o cual me sabe? en lfn).




#Article 380: Michelangelo Buonarroti (286 words)


Michelangelo (1475–1564) ia es un artiste italian, un de la creores la plu inspirada en la istoria de arte e, con Leonardo da Vinci, la forte la plu impresante en la Renase alta italian. Como scultor, arcitetor, depintor e poesiste, el ia influe vasta sua contemporas e la arte ueste seguente.

Michelangelo ia nase en Caprese, ma sua vive ia relata a la site Firenze. Sua padre, un ofisior ci ia ave contata con la familia renante Medici, ia envia sua fio a la eda de 13 anios a la studio de la depintor florensal Domenico Ghirlandaio. Alora, pos studia a la scola de sculta, Michelangelo ia es invitada en la casa de Lorenzo de' Medici. Sua padron ia mori en 1492: el ia fuji de Firenze cuando on ia esclui tempora la Medicis.

En Roma, el ia produi sua sculta grande Bacchus. El ia crea ance ance Pietà (1498–1500), ancora en sua loca orijinal en la Basilica de San Petro en Roma. Pos reveni a Firenze, Michelangelo ia produi David, la plu famosa de sua scultas jigante de marmo (4,34 m). Creada entre 1501 e 1504, David ia deveni la simbol de Firenze.

En 1505 Papa Julius 2 ia clama Michelangelo per du encargas. La plu importante ia es la frescos de la sofito de la Egleseta Sistina. Entre 1508 e 1512, laborante alta supra la solo e reclinante a sua dorso sur scafal, Michelangelo ia depinta un de la imajes la plu gloriosa de la tempo pasada. El ia inclui un sena de Dio separante la lus de la oscuria, e la crea de Adam. Esta imajes, mostrante sua comprende mestral de anatomia e la move umana, ia cambia la curso de depinta ueste.




#Article 381: Miel (131 words)


Miel es un disolve dulse, spesa, suprasaturada e sucarin, fabricada par abeas per nutri sua larvas e per survive en inverno. Abeas laborante come netar de flores e converti lo a miel en sacetas en sua esofagos. La miel es gastada e conservada en favos en sua nidos. Miel de abea es un ingrediente xef de la dieta de multe animales e es comable par umanas.

Miel abeal es composada de frutosa, glucosa e acua en proportios variosa; lo conteni multe enzimas e olios. La color e sabor depende de la eda de la miel e de la fonte de la netar. Mieles de color pal es usual plu alta en cualia ca mieles plu oscur. La miel per la mercato es usual caldida e versada en contenadores per preveni cristali.




#Article 382: Miguel de Cervantes (196 words)


Miguel de Cervantes Saavedra (1547–1616) ia es un autor espaniol. On regarda la novela Don Quixote (Parte 1, 1605; Parte 2, 1615) como un de la obras mestral de leteratur mundal.

El ia nase en Alcala de Henares. En 1571, el ia partisipa contra turceses osmanian en la Batalia de Lepanto, en cual el ia perde la usa de sua mano sinistra.

En reveni a Espania en 1575, el ia es caturada par piratas de la Costa Barbary. El ia es retenida en Jazair como sclavo, ma  amis e familia ia libri final el par rescate.

Pos reveni a Espania, Cervantes ia produi poesias e teatrales sin conta, incluinte sua novela campanian La Galatea (1585). Cervantes ia labora como colior de impostas per governa, en cual labora el ia es prisonida a multe veses per falis nonesplicada. En prison, el ia imajina sua novela grande Don Quixote. Esta ia es un susede pronto, an si Cervantes ia profita nunca de lo, car copias nonlegal ia sperde a tota locas.

Cervantes ia publici ance un colieda de naretas, Novelas Esemplal (1613).

El ia completi la novela metafor Persiles y Sigismunda (1617) a cuatro dias ante sua mori.




#Article 383: Mihail Gorbatxov (220 words)


Mihail Gorbatxov (rusce: Михаил Горбачев) ia es un politiciste soviet e gidor de partito. El ia nase en 1931.

El ia ocupa postos diversa de la partito de 1968 a 1978. El ia es elejeda como presidente de la Soviet Suprema de la Uni Soviet. En 1991, un colpa de stato ia aveni. La junta colpante ia fura el e sua familia cuando los ia vacanse en Crim. Sua vispresidente Boris Ieltsin ia defia la junta, ma la fini de la Uni Soviet ia aveni.

Gorbatxov ia es la inisior de perestroica (rusce per cambia sosial) e glasnost (abri). La resulta lojical seguente ia es la cade vera de la sistem comuniste e la Uni Soviet. Con grasias a el, rusces ave oji la direto de oteni pasaportos e de viaja estra la pais. Ance con grasias a el, la Gera Fria ia fini. Per sua laboras per pas, el ia gania en 1990 la Premio Nobel per pas.

Pos la divide de la Uni Soviet, Gorbatxov ia fundi la Organiza Internasional per Rexercas Economial e Political, ance nomida la Funda Gorbatxov, de cual el es la sola gidor.

Un critica forte es ce su sua rena la armada rusce ia mata nonmilitares en 1991 ci ia protesta per la autonomia de Lietuvia. Sua rol en esta crise es nonserta.




#Article 384: Mihail Xolohov (129 words)


Mihail Alecsandrovitx Xolohov (1905–84; rusce: Михаи́л Алекса́ндрович Шо́лохов) ia es un noveliste e ganior de la premio Nobel rusce. El ia nase en Veshenskaya, Rusia, un vileta sur la parte basa de la Rio Don.

En modo dramosa e realosa, sua scrives major descrive la vives de la popla de esta area. Los inclui la novelas La Don silente de 4 partes, 1928–40), La Don reflue a la mar (1940) e Solo virjin turbada.

Sholokhov es ance la autor de Los ia batalia per sua pais padral, un projeta de tre libros sur la Gera Mundal Du. El ia reseta la premio Stalin en 1941, la Ordina de Lenin en 1955, e la premio Lenin en 1960. On ia presenta el con la Premio Nobel per leteratur en 1965.




#Article 385: Milanes (581 words)


Milanes es un dialeto de la lingua lombarda, parlada en la site de Milano en Italia. An si persones en Italia clama ce lo es no plu ca un dialeto de italian, el es vera un lingua separada, con multe diferes entre el e italian. Ma, natural, plu e plu persones de Milan prefere parla Italian.

La alfabeta per milanes ave 21 leteras:

La vocales es pronunsiada como esta:

Dupli de un vocal a la fini de un parola indica ce el es asentuada. 

Consonantes es jeneral pronunsiada como en lfn, con esta esetas:

Consonantes duple corti e abri la vocal presendente.

Sistemes nova atenta simpli la spele par, per esemplo, usa ö per [ø], ü per [y], u per [u], usa plu vocales duple, e elimina alga asentuas.

Jeneral, nomes mas ave la mesma forma per e singular e plural. Alga esetas inclui...

Nomes fema ce fini en -a deveni plural par cade la -a. Per esemplo:

Nomes fema ce no fini en -a ave la mesma forma per ambos singular e plural.

Pronomes personal ave du formas: forte e debil:

La pronomes personal sujetal es usada con verbos como esta:

La formas asentuada pote es cadeda, e on pote dise te parlet per tu parla, ma la forma nonasentuada es sempre espresada (el parla, la parla - el parla)

La pronom nonasentuada i ia es usada en milanes vea (pe lôr i parlen - los parla). Oji, poca parlores usa el. Ma el es ancora usada en otra dialetos lombarda. La pronom a es oji multe rara (mi a mangi - me come).

En milanes vea, la forma de demanda ia es fada par inverta, pd par pone la pronom nonasentuada pos la verbo (cantel? - el canta?), en loca de el canta? cual es usada oji. Esta construi es usada ancora en otra dialetos de lombarda.

Cuando on parla con un person ci es plu vea ce tu, o algun ci tu no conose bon, tu debe usa la forma cortes: Lu, el per un om, Lee, la per un fem. Per esemplo: Se Lu el voeur, vègni (si tu vole, me veni). A un ami, on ta dise Se ti te voeuret, vègni.

La pronom refletante per tota persones es se.

Como tu pote vide, la article de defini ave formas diferente per la singular (el e la), ma la mesma forma per la plural (i). 

El deveni l'  ante vocales e  'l pos vocales. La deveni l'  ante vocales. Per esemplo:

La articles de nondefini es on (mas) e ona (fema). On es pronunsiada como lfn un ante vocales, ma como u nasalida ante consonantes. Pos un vocal, on deveni  'n si la parola seguente comensa como un vocal nonasentuada:

Ona deveni on'  ante vocales. Si la parola presedente fini como un vocal, el deveni  'na o  'n:

La article plural de nondefini es di.

Determinantes de mostra es comun de du partes, un ante la nom e un pos la nom, como si on ta dise en elefen esta table asi o acel casa ala:

		    	  	

La conjuga de verbos milanes es complicada. Latina ia ave cuatro conjugas. Italian ia redui estas a tre, ma milanes ave ancora cuatro. Per esemplo:

Un esemplo de la conjuga de un verbo de conjuga I - parlà (parla)

La nega en milanes ave du formas, la un con no e la otra con minga (peseta). Ambos es poneda pos la verbo, simil a la usa de pas en franses:




#Article 386: Milton Friedman (186 words)


Milton Friedman (1912–2006) ia es un economiste e ganior de la premio Nobel american.

Friedman ia nase en la site New York e ia es instruida a la universia de Rutgers e a la universia de Chicago. El ia labora como economiste con multe ajenterias federal en Washington, DC, de 1935 asta 1940 e de 1941 asta 1943. En 1946, el ia junta se a la departe economial de la universia de Chicago.

El es famosa per dise ce un crese economial sin infla pote es produida par la fortes libre de mercato, no la interveni governal. El ia sujesta forte ce la sistem federal de reserva debe aumenta la furni de mone a un proportio justa fisada per promove stablia economial. Friedman ia gania la premio Nobel 1976 en economia per sua realis en campos de analise de consuma, istoria e teoria de mone e per clari la politica de stabli.

Entre sua libros es Capitalisme e libria (1962), Un istoria de mone de la SUA , 1867–1960 (1963), Dolares e defisit (1968). Con sua sposa Rose Friedman, el ia scrive Libre de eleje (1980).




#Article 387: Mirandes (lingua) (184 words)


Mirandes (mirandés o lhéngua mirandesa) es un lingua romanica parlada en el norde-este de Portugal. El es un lingua de la grupo asturleones.

El es un lingua ofisial de Portugal de 29 janero 1999.

La mirandes desende de la lingua asturian parlada en la Rena de Leon e ia ave anticines e inovas cual difere lo de otra dialetos de la mesma lingua parlada en Espania. Per reconose esta diferes e car lo es separada de la resta de la teritorio on la lingua es parlada, la mirandes ia adota un sistem de scrive diferente de la usada en Espania. 

En la sentenio 19, José Leite de Vasconcelos ia descrive lo como la lingua de la cultiverias, de la laboras, de la casa e de ama entre la mirandeses. De 1986-87 lo ia es enseniada a la studiantes entre 10 e 11 anios, e tal ia es reganiada.

Oji la mirandes ave min ca 5 000 parlores (ma la numero es de 15 000 se on conta la parlores como lingua du) en la viletas de Mirando do Douro de la munisipa de Vimiso.




#Article 388: Misre (185 words)


 Misre (o Egipte) es un pais en Africa norde-este, con un parte en Asia sude-ueste. Misre es un pais de la Mediteraneo. Lo ave un de la istorias la plu antica de la mundo, comensante en la milenio des aec como un de la nasiones-statos prima. Regardada como la cuna de la sivilia, Egipte antica ia ave un de la developas prima en scrive, cultiva, crea de urbes, relijio organizada e governa sentral. Monumentos iconin, como la Sfinje Grande de Giza e la ruinas de la Vale de la Res, refleta esta lega e resta un foca importante de studia arceolojial. La erita cultural rica de Egipte es un parte integral de sua identia nasional, pos tolera e asorbe influes stranjer diversa, incluinte elinica, persian, roman, arabi, osmanian e european. An si lo ia es cristianida en la sentenio 1 ec, lo ia es muslimida par causa de la concista muslim en la sentenio 7.

La area es sirca 1 001 450 cilometres cuadrida.

La cuantia de abitores, en la anio 2007, ia es sirca 80 335 036 persones.

La site capital es Qahira.

La lingua major es arabi.




#Article 389: Mitolojia elinica (133 words)


Mitolojia elinica es la corpo de mitos narada orijinal par la elinica antica.
Entre la dios, la duple prima ia es Gaia (la tera) e Urano (la sielo), e sua enfantes ia inclui multe dios e divas, nomida la titanes. Crono (tempo), la plu joven, ia mata sua padre Urano. Crono e sua sore Rea ia deveni la re e rea de la dios e divas. Ma cuando los ia ave sua enfantes, Crono ia come los. Rea ia asconde un de sua fios – Zeus. Zeus ia forsa ce Crono vomiti sua frates e sores, e un gera ia comensa. La dios e divas joven ia gania la gera, e ia comensa un rena nova a la apico de Monte Olimpo.

La dios olimpian ia inclui la seguentes:

Otra dios plu antica:




#Article 390: Mitolojia roman antica (280 words)


La mitolojia roman ia ave du edas: la eda prima es la propre mitolojia de la romanes; la eda du es un mitolojia multe influeda par la mitolojia de la elinicas e otra mitolojias plu este.

La romanes antica no ia ave naras ordinada sur sua dios como la elinicas. En loca, los ia ave un sistem complicada de rituos, organizas de pretes, e panteones de dios relatada, con ance un colie rica de mitos istorial sur la fundi e crese de la site de Roma, con atores umana e, a veses, la envolve de dios.

Per esemplo, un roman antica ta dise ce Ceres ave un prete ofisial, nomida un flamen, ci es un inferior de la flamenes de Jupiter, Marte e Quirino, ma un superior de la flamenes de Flora e Pomona. El ta dise ce Ceres es parteni a un truple con du otra dios de cultiva, Liber e Libera. E cisa el ta dona un lista de dios minor con postos spesial ci servi Ceres: Sarritor (per estrae malerbas), Messor (per recolie), Convector (per la caros), Conditor (per la reservas), Insitor (per semes), e multe otras.

En tempos plu tarda, la relijio orijinal de la romanes ia es alterada par la ajunta de credes diversa e nonacordante, e par la asorbe de multe partes de la mitolojia elinica. Nos conose partes de la relijio roman orijinal no de reportas de romanes de la eda prima, ma de scrivores plu tarda ci ia vole salva costumes vea de la nonusa. Otra scrivores antica, como Ovidio, ia es influeda par la moda de la elinicas, e ia usa credes elinica per pleni la fesures en la costumes roman.




#Article 391: Moda elinica antica (364 words)


La moda de elinica antica ia es vera simple e pratical, e alga persones de oji vide ancora lo como un moda multe bela e refinada.

No vestes survive de esta eda de istoria, ma multe descrives, scultas e desinias esiste ancora. On ia fa xef la vestes en sua propre casa, e los ia ave comun multe usas (como telas, per esemplo). An si la media e imajina moderna mostra vestes pur blanca, la elinicas antica comun ia prefere colores vivosa e desinias detaliosa.

La citon (χιτών) ia es un tunica per omes o femes. Lo es construida de un retangulo de lana o lino. La varia dorica ia cade de la spalas e ia es fisada par broxes, spinos, botones o cose. Femes ia usa comun un plia como los usa per la peplo (vide a su). La varia ionica ia es portada sin la plia, e ia es securida de colo a polso par alga spinos peti. On ia pote porta un sintur grande (un zoster, ζωστήρ) o spesa (un zone, ζώνη) sur la citon, su la seno o la taie. La longia de la citon ia es plu longa ca la altia de la person, tal ce la tela suprapasante ia es traeda a supra la sintur como un camisa laxe.

La peplo (πέπλος) ia es un roba longa per femes, comun fada de lana. Lo ia es un tubo de tela, de cual la parte alta ia es pliada en modo eversada asta sirca la media, tal ce la alta de la tubo ia estende asta la taie e la basa asta la talos. La roba ia es alora fronsida sirca la taie, e la alta (a la plia) ia es spinida a la spala par un brox.

A vese, femes elinica ia porta un banda sirca la senos su la tunica, e un xal ia pote es poneda supra la tunica. La himation (ἱμάτιον) ia es un capa longa, comun fada de lana, portada en tempos plu fria. Omes ia pote usa un capa plu corta. Omes (e a veses femes) ia pote usa un xapo. Estra la casa, on ia pote usa sandales o botas de cuoro.




#Article 392: Moldova (392 words)


Moldova (ofisial la Republica de Moldova) es un pais sin costa en Europa este. Lo es bordada par Romania a la ueste e Ucraina a la norde, este e sude (ultra Transnistria, un teritorio disputada). La site capital es Chisinau [txisinau].

La plu de la teritorio moldovan ia es un parte de la Prinsia de Moldavia de la sentenio 14 asta 1812, cuando lo ia es sededa a la Impero Rusce par la Impero Osmaian (a cual Moldavia ia es un stato vasal) e ia deveni conoseda como Besarabia. En 1856, Besarabia sude ia es redonada a Moldavia, cual pos tre a nios ia uni con Valahia per formi Romania, ma la rena rusce ia es restorada supra la rejion intera en 1878.

En la Revolui Rusce de 1917, Besarabia ia deveni corta autonom como la Republica Democrata Moldavan, ante cuando lo ia es integrada con Romania en 1918 pos un vota de sua asembla. La deside ia es disputada par Rusia Soviet, cual en 1924 ia permete la institui (en la Republica Sosialiste Soviet Ucrainsce) de un Republica Sosialiste Soviet Autonom Moldavan (RSSAM) sur teritorios a este de la Rio Dniester. En 1940, par causa de la Trata Molotov–Ribbentrop, Romania ia es obligada a sede Besarabia a la Uni Soviet, gidante a la crea de la Republica Sosialiste Soviet Moldavan (RSSM), cual ia inclui la plu de Besarabia e la parte la plu ueste de la RSSAM pasada.

A 27 agosto 1991, como parte de la desintegra de la Uni Soviet, la RSSM ia declara autonomia e ia adota la nom Moldova. La constitui corente de Moldova ia es adotada en 1994. De 1990, la banda de teritorio moldovan a la riva este de la Rio Dniester es par fato su la controla de la governa separada de Transnistria.

Par causa de un redui de esflue industrial e cultibal pos la desintegra de la Uni Soviet, la campo de servis ia crese per domina la economia de Moldova, aora composante plu ca 60% de la produi interna bruta de la nasion. Sua economia es, per person, la plu povre en Europa. Moldova es ance la pais european la min visitada par turistes, con sola 11 000 visitores stranjer rejistrada.

La area es sirca 33,843 cilometres cuadrida. La popla, en la anio 2006, ia es sirca 4 466 706 persones. La lingua major es moldovan.




#Article 393: Moliere (320 words)


Moliere es la nom teatral de Jean-Baptiste Poquelin (1622–1673), un dramiste franses e un de la scrivores la plu grande de comedia. Asta la eda presente, sua jenero comica universal continua diverti la popla, e sua teatrales es frecuente produida e multe traduida tra la mundo intera.

Moliere ia nase en Paris.  En 1634 el ia junta se a un compania teatral. La  grupo, ci Moliere ia nomi Illustre Théâtre (Teatro luminada), ia fa presentas en Paris e ia turi la vilas tra 13 anios. En 1659, los ia presenta La femes riable finjosa. Esta obra ia provoca un tempeste de amira en Paris. De alora asta sua mori, a la min un de sua comedias ia es produida a cada anio.

La scola per sposas (1662) ia es un rompe con la abitua de farsa, e on regarda lo como la prima de la obras seria-comica grande de leteratur franses. En Tartuffe (Ipocrita relijiosa) el ia inventa un de sua tipos comica famosa sur la crede finjente. Esta paso ia es tan osante ce Re Louis 14, an si divertida par Tartuffe, no ia permete la publici de lo tra 5 anios, temente ce lo va ofende la pretes potiosa franses. Le misanthrope (La odior de umanas) es regardada como trajedia car lo no fini felis.

Entre la pesos la plu impresante de Moliere es La avar (1668) e La mediciste contra se mesma. La senior aspirante es un comedia baletal cual burla un mercator de vestes, susedosa ma naive, ci aspira la invita en corte. La comedia ultima, La malada imajinal (1673) segue la costum de satira sur la medica cual ia es  vasta sperdeda en leteratur de la sentenios 16 e 17.

Sua satiras, dirijeda contra la costumes sosial cual ofende la natur, desinia un pitur esata de la sosia franses contempora. El es la mestre de critica agu, an cuando el atenta teni un simpatia sutil.




#Article 394: Monaco (548 words)


Monaco (ofisial la Prinsia de Monaco, Principatu de Múnegu en monaces, la dialeto local) es un pais e microstato locada a la Costa Azul en Europa ueste. Lo es bordada par Frans a tre lados, e la otra lado borda la Mar Mediteraneo. Lo ave un area de 2,02 km² e un popla de sirca 38 400 persones longo la conta de 2016. Con 19 009 abitores per km², lo es la pais du de la plu petis e la numero du de la plu densa poplada en la mundo. Monaco ave un borda teral de 5,47 km, un costa de 3,83 km e un largia cual varia entre 1700 e 349 m.

La punto la plu alta en la pais es un rueta streta, nomida Chemin des Révoires, sur la inclina de Monte Agel en la rejion Les Révoires, cual es a 161 metres supra nivel de mar. La cuatri la plu poplada de Monaco es Monte Carlo, e la garda la plu poplada es Larvotto/Bas Moulins. Par reprende de tera, Monaco ia crese sua area par 20%: en 2005, la area ia es mera 1,974 km². Monaco es conoseda como un jueria per persones rica e famosa, par causa de sua leges de imposta. En 2014, on ia nota ce sirca 30% de la popla es milionores, plu ca en Zürich o Genève.

Monaco es un prinsia governada su un spesie de monarcia constitual, con Prinse Albert 2 como xef de stato. An si el es un monarca constitual, el ave un potia political enorme. La Casa Grimaldi rena ja Monaco con interompes corta de pos 1297. La lingua ofisial es franses, ma monaces, italian e engles es vasta parlada e comprendeda. La autonomia de la stato ia es reconoseda ofisial par la Trata Francomonacan de 1861, e Monaco ia deveni un membro plen votante de la Nasiones Unida en 1993. An con sua autonomia e sua propre politica esterna, la defende de Monaco es un encarga de Frans. Ma Monaco manteni du unias militar peti.

La developa economial de Monaco ia es speronida en la tarda de la sentenio 19 par la abri de la casino prima de la pais, Monte Carlo, e un lia ferovial a Paris. Pos alora, sua clima temperada, sua vistas bela e sua aposterias ia contribui a la reputa de la prinsia como un destina per turistes e un sentro de recrea per persones rica.

En anios plu resente, Monaco ia deveni un sentro major de bancos e ia atenta diversi sua economia a servis e industrias peti e noncontaminante de valua grande. La stato ave no imposta de revenu e impostas basa de comersia, e es bon conoseda como un paradiso finansial. Lo es ance la ospitor de la Premio Grande de Monaco, un corsa de autos anial sur curso de stradas, un de la Premios Grande orijinal de Formula Un.

Monaco no es formal un parte de la Uni European, ma lo partisipa en alga de la politicas, incluinte impostas de duana e controlas de frontera. Par causa de sua relata con Frans, Monaco usa la euro como sua sola mone; ante esta, lo ia usa la franc monaces. Lo ia junta se a la Consilio de Europa en 2004. Lo es un membro de la Organiza Internasional de Francofonia.




#Article 395: Monarcia Roman (309 words)


La monarcia roman (en latina: Regnum Romanum) ia es la forma prima de governa political de la site-stato Roma, de sua fundi a 21 april 753 aec asta la fini de la monarcia en 509 aec, cuando la re ultima, Tarcinio la Orgulosa, ia institui la Republica Roman.

Romulo ia es la re prima de Roma e la fundor de la site. Pos cuando la governa de Alba ia es donada a Numitor, Romulo e Remo ia deside construi un site en la loca do los ia es lasada. En 753 aec, Romulo ia comensa construi la site sur la colina Palatino. Pos la defeta de Remo, Romulo ia deveni la sola renor. Sua ata prima ia es forti la Palatino. El ia permete ce omes de tota clases veni a Roma como sitizanes, incluinte sclavos. Romulo ia clama sua popla e reuni lo en un consilio do el ia dona a los un colie de leges.

Per oteni sposas, Romulo ia invita la tribus visina a un festa en Roma do la femes nonsposida ia es saisida (la Saisi de la Sabinas). Pos un gera con la sabinas, Romulo ia comparti la titulo de re con la re de la sabinas, Tito Tatio.

Romulo ia eleje 100 de la omes la plu nobil per formi la senato roman como un consilio per avisa la re. El ia ensirca se con un stato grande e ia clama des-du lictores a servi el. El ia nomi los patres e sua desendentes ia es la patricianes. El ia crea ance tre divides de equites nomida centurias: Ramnes (romanes), Tities (per la re sabin) and Luceres (etrusca). El ia divide ance la popla en 30 curias, nomida per la 30 sabinas ci ia para la gera entre Romulo e Tatio. La curias ia formi la unia per vota de la Comitia Curiata.




#Article 396: Monceria de El Escorial (239 words)


La Real Monceria de San Lorenzo de El Escorial es un compleso cual inclui un palasio real, un basilica, un panteon, un biblioteca, un scola e un monceria. Lo es locada en la munisipa espaniol de San Lorenzo de El Escorial, en la Comunia de Madrid e lo ia es construida entre 1563 e 1584.

Lo ia es la abiteria de la familia real espaniol, la basilica es la loca de entera de la res de Espania e la monceria (fundida par la monces de la Ordina de San Jeronimo) esta ocupada par la frates de la Ordina de San Agustin. Lo es un de la arcitetas de la Renase con plu singularia de Espania e de Europa. Locada en San Lorenzo de El Escorial, lo ocupa un surfas de 33 327 m², sur la lado de monte sude de la monte Abantos, a 1028 m de altia, en la Montes Guadarrama. Lo es manejada par Patrimonio Nasional (Erita Nasional en lingua franca nova).

Lo ia es inventada en la dui du de la sentenio 16 par la re Felipe 2 e sua arcitetor Juan Bautista de Toledo, an si a pos ia partisipa Juan de Herrera, Juan de Minjares, Giovanni Battista Castello El Bergamasco e Francisco de Mora. La re ia conseti un compleso multifunsional, moncerin e palasin cual, formida par Juan Bautista de Toledo seguente la model de Traza Universal (trasa universal), ia orijina la stilo hererian.




#Article 397: Moncisme cristian (110 words)


La moncisme cristian es la pratica de individuas ci vive en modo asteninte, tipal en moncerias, e dedicada a adora cristian. Lo ia comensa developa temprana en la istoria de la Eglesa Cristian, modelida sur esemplos e ideales de la Biblia, incluinte los en la Atesta Vea, ma no indicada como un instituida en la scrivedas santa. Lo ia deveni regulada par regulas relijial (pd la Regula de San Benedito) e, en tempos moderna, la Lege Canonal de la ramo cristian propre cual ave formas de vive moncal. La persones ci vive en moncerias es monces. La parola veni de la elinica monachos, cual veni de monos cual sinifia sola.




#Article 398: Mondial (750 words)


Mondial es un lingua aidante internasional, creada par Dr Helge Heimer (1890-1959), un instruor svensce. En 1943, el ia publici Världsspråket Mondial (lingua de mundo: Mondial). La lingua ia es un projeta bon developada, e ia reseta bon resenas de linguistes de academia, ma el no ia gania multe susede. Gramaticas e disionarios ia es publicida en svensce, franses, engles, italian, e deutx.

Mondial usa la alfabeta plena de 26 leteras. La vocales es pronunsiada como en lfn o espaniol. La plu de consonantes es pronunsiada como en lfn esetante:

El reteni la varia de sonas per c e g ce on trova en la linguas romanica:

K e w es usada sola en parolas stranjer.

La asentua es normal a la vocal ante la consonante final, o a la vocal prima si esta no es posable. Mondial usa un asentua agu (´) supra vocales asentuada ce no segue esta regula.

Infinitivos fini con -ar:

La tempo presente fini con -a:

La tempo pasada (nonperfeta) fini con -avi:

La tempo futur fini con -ara:

La imperativa es la mesma como la presente:

La ortativa fini en -amo:

La ipotesal fini con -aria:

La sola verbo nonormal es ser (es):

La sujuntiva es espresada par usa la parola que e la verbo in la tempo presente:

La pasiva es espresada par usa ser e la partisipio pasada.

La perfeta es espresada par usa har (ave) e la partisipio pasada:

La article de nondefini es un:

La article de nondefini no es espresada en la plural:

La article de defini es le:

Le pote es combinada con la preposadas a e de:

Ave ance un article neutral lo:

Usada como articles es cil (esta) e cel (acel):

La plural de nomes es fada con -s (pos vocales) o -es (pos consonantes):

Per persones e animales, on pote cambia la forma mas a la forma fema con la fini -a:

Es prefereda usa espresas de tre parolas e no parolas composada:

Ajetivos no varia:

Ajetivos pote es cambiada a nomes par presede los par un o le o par usa la plural:

Un ajetivo ce no fini en -a pote es cambiada a un nom fema par usa -a :

Per indica ce du cosas ave la mesma grado de un cualia, on usa la espresa tan... come... :

Per compara du cosas, usa plu o men en la espresas plu... di... e men... di... :

Ave cuatro parolas nonregulal:

Per la superlativa, on usa la parolas mas e min en la espresas mas... de... e min... de... :

On pote ance usa la cuatro parolas nonregulal per la superlativa:

Averbos derivada de ajetivos fini con -mente:

Bon e male es nonregulal. El deveni la averbos bien e mal.

Averbos es comparada como ajetivos:

Per bien e mal, la grados plu alta es melio e pejo.

Multe averbos no es derivada de ajetivos, per esemplo:

La pronomes ave formas per la sujeto e la ojeto e un forma per la ajetivo de posese:

La person tre refletante es se e la ajetivo de posese es su:

Mondial usa ance lo per sujetos plu astrata o jeneral ce il:

La pronomes de posese es creada par la ajunta de le a la ajetivos de posese. Per la plural, on ajunta -s:

Parlamo Mondial! 

Tristan Bernard, le autor humoristique, havi un dia prendate place con un amico in un vagon de primer clase por andar a Versailles. Il alumava imediatemente un bon cigar, que il comenzava da fumar con visible satisfacion. Alor un senior entravi i dicavi in un ton iritante a Tristan Bernard da gectar le cigar o da andar in un altere compartimente. Nul response. Le senior inconsosate repeta su demanda, ma in van. Fuor se de indignacion, il precipita se fuor del compartimente i returna algue momentes dopo con le conductor. Cel senior ha nulo da dicar ci, dicavi alor Tristan Bernard, Il ha un biliete de secunde clase, i cil e le primer clase. Confuse i furiose, le pasagero devavi presentar su biliete al conductor i acompaniar lui imediatemente a un compartimente de secunde clase. Cuando li havi andate se, le amico de Tristan Bernard questionavi lui come il havi povate savar que lo evi un biliete de secunde clase. Il saliavi del poche de sui gilete, respondavia Tristan Bernard, i io vidava que il evi del mem color que le mie.

Mondial es la lingua construida la plu como lfn en stilo (ambos natural e simple). Posable bonis multe peti:




#Article 399: Mongol (464 words)


Mongol es un pais sin costa en Asia. Sua area coresponde aprosima a la teritorio istorial de Mongol Esterna, e acel nom es usada a veses per refere a la Republica de la Popla Mongol. Lo es situada entre Jonguo a la sude e Rusia a la norde. An si lo no ave un frontera con Cazacstan, Mongol es separada de lo par sola 36,76 cilometres.

Con area de 1 564 116 cilometres cuadrida, Mongol es la pais 18 de la plu grandes de mundo par masa de tera. Lo ave un popla de sirca tre milion persones. Lo es ance la numero du de la paises la plu grande sin costa (pos Cazacstan) e la pais la plu grande sin costa cual no ave un frontera con un mar fermida. La pais no conteni multe tera cultivable, car multe de lo es covreda par stepes erbosa, con montes a la norde e ueste e la Deserto Gobi a la sude. Sirca 40–45% de la popla de la pais abita en Ulaanbataar, la capital e site la plu grande.

La cultur de cavalos es ancora multe importante. La majoria de la popla es budistes. La popla nonrelijiosa es la grupo du de la plu grandes. Islam es la relijio xef entre  cazaces etnical. La majoria de la sitadanes es etnical mongol, ma ance cazaces, tuvanes e otra minorias abita en la pais, spesial en la ueste. Mongol ia junta se a la Organiza de Comersia Mundal en 1997.

La area aora nomida Mongol ia es istorial renada par imperos nomada diversa. En 1206, Txingis Han fundis la Impero Mongol, cual ia deveni la impero la plu grande de tera continuante en istoria. Sua neto Kublai Han ia concista Jonguo e ia institui la dinastia Yuan. Pos la colasa de esta dinastia, la mongoles ia retira se a Mongol e ia recomensa sua geras partital.

En la sentenio 16, budisme bod ia comensa sperde en Mongol, plu gidada par la dinastia Qing cual ia asorbe la pais en la sentenio 17. Ja en la temprana de la desenio de 1900, cuasi un tri de la popla mas adulte ia es monces budiste. Pos la colasa de la dinastia Qing en 1911, Mongol ia declara sua autonomia de la dinastia, e en 1921 lo ia institui autonomia (par fato) de la Republica Jonguo. Corta a pos, la pais ia deveni controlada par la Uni Soviet, cual ia aida sua autonomi de Jonguo. En 1924, la Republica de la Popla Mongol ia es declarada como un stato satelitin soviet.

Pos la revoluis anticomuniste de 1989, Mongol ia fa sua propre revolui democrata en la temprana de 1990. Esta ia resulta un sistem multipartital, un constitui nova (1992) e un cambia a un economia mercatal.

La lingua major es mongol.




#Article 400: Montes Pirineo (151 words)


La Montes Pirineo o Pirineos (espaniol: Pirineos; franses: Pyrénées; catalan: Pirineus; ositan: Pirenèus; aragones: Perinés; euscara: Pirinioak) es un cadena de montes en Europa sude-ueste cual formi un borda entre Frans e Espania. Los separa la penisola Iberia de la resta de Europa, e estende tra sirca 430 km de la Baia de Biscaia (Cap Higuer) a la Mar Mediteraneo (Cap de Creus).

Per la plu, la cresta major crea un frontera multe grande, con Andora en la media. Catalunia, Euscadi, Navara e Ositania es la sola teritorios cual estende a ambos lados de la cadena.

La nom es de Pirene (foco en elinica), ci ia es la fia de Bebrix e ia es violada par Heracles. Temente pari un serpente, Pirene ia fuji a la montes, do el ia es enterada o comeda par animales savaje. Herodoto ia loca esta mito en sua mapa de la Ecumene sirca 450 aec.




#Article 401: Montserat (363 words)


Montserat es un pais en la Mar Caribe, en la Isolas Leeward, cual es un parte de la cadena nomida la Antiles Minor, en la Indias Ueste Brites. Lo es un teritorio ultramar brites. Montserat ave un longia de sirca 16 cilometres e un largia de 11 cilometres, con sirca 40 cilometres de costa. Sua nometa es la Isola Smeralda de la Caribe par causa de sua similia a Er costal e la asende eres de multe de sua abitores.

A 18 julio 1995, en la parte sude de la isola, la volcan Soufrière Hills, cual ia dormi a ante, ia deveni ativa. Erutas ia destrui la site capital Plymouth de la eda de Re George. Entre 1995 e 2000, du tris de la popla de la isola ia es obligada a fuji, xef a la Rena Unida, lasante min ca 1200 persones sur la isola en 1997. (La cuantia ia crese a cuasi 5000 ante la fini de 2016.) La ativia volcanal continua, xef afetante la visinia de Plymouth, incluinte sua docas, e la lado este de la isola sirca la Airoporto W. H. Bramble, de cual sua restas ia es sumerjida su flues de ativia volcanal a 11 febrero 2010.

Un zona de esclui, estendente de la costa sude de la isola en dirije norde asta partes de la Vale Belham, ia es creada par causa de la grandia de la cupola volcanal esistente e la posiblia resultante de ativia piroclastica. Visitores es jeneral no permeteda a entra a la zona de esclui, ma on pote vide un vista impresante de la destrui de Plymouth de la apico de Colina Garibaldi en Baia Isles.

Relativa calma de la temprana de 2010, la volcan continua es intensa monitorida par la Oserveria Volcanal de Montserat. Lo es la volcan la plu studiada de mundo, e on ia descrive Montserat como un Pompeii de eda moderna en la Caribe.

On developa un vila e porto nova a Baia Little, cual es a la costa norde-ueste de la isola. En cuando esta construi aveni, la sentro de governa e comersia es a Brades.

La area es sirca 102 cilometres cuadrida. La lingua major es engles.




#Article 402: Morfolojia (4184 words)


Morfolojia es la studia de la morfemes en un lingua. Morfemes es parolas, radises, e afisas, la unias la plu simple de lingua, un nivel plu alta ca la fonemes. An si los es comun videda como unias de sinifia, los es plu bon videda como un parte de la sintatica de un lingua.

Lo es en sua morfolojia ce nos pote vide plu clar la diferes entre linguas cual es isolinte (como xines, indonesian, creol, etc), los cual es aglutinante (como turces, suomi, tamil, etc), e los cual es infletante (como rusce, latina, arabi, etc). Linguas isolinte usa morfemes gramatical cual es parolas individua. Linguas aglutinante usa morfemes gramatical en la forma de silabas liada a radises, pd afisas. Linguas infletante pote estende un paso plu e cambia la parola a la nivel de fonemes per espresa morfemes gramatical

Tota linguas ave vera sistemes miscada, e difere plu en la proportios. Engles, per esemplo, usa tota tre metodos: Per la tempo futur de un verbo, on usa la paroleta will (pe I will see you); per la tempo pasada, on usa normal la afisa -ed (I changed it); ma en multe parolas, on cambia la fonemes de la parola per la pasada (I see deveni I saw). Regardante nomes, a alga veses on crea la plural con un paroleta (three head of cattle), a otra veses on usa un afisa (three cats), e a otra veses plu, on cambia la parola (one man deveni three men). Ma, car on usa multe afisas nonsilabal (como -ed, pronunsiada como d o t, e -s, pronunsiada como s o z, engles es plu comun videda como un lingua infletante par linguistes.

La plu de linguas, ma spesial la linguas aglutinante e infletante, difere entre la radis de la parola, cual porta la sinifia fundal, e la afisas variosa o otra ajuntas cual porta plu sinifias, comun gramatical. On ave alga tipos de afisas:

Sufisas es la plu comun, e engles usa los. Per esemplo, engles usa -ed per la pasada per la plu de verbos, la partisipio es indicada par -ing, e la plural de un nom es indicada par -s.

Turces es un esemplo de un lingua aglutinante cual usa multe sufisas. Un esemplo a la interede (Learning Practical Turkish) es la parola terbiyesizliklerindenmis:

Nota ce un lingua no nesesa es un lingua aglutinante per ave parolas longa. Deutx, per esemplo, ave Rindfleischetikettierungsüberwachungsaufgabenübertragungsgesetz, e engles ave Pneumonoultramicroscopicsilicovolcanoconiosis!

An si linguas usante prefisas es plu rara, los pote ance es multe estendente.

Ablaut es comun en engles e sua cusines germanica. Per esemplo, la pasada de sing es sang, e la partisipio pasada es sung. La plural de goose es geese. Ablaut pare veni de sufisas pasada cual ia influe la pronunsia de un vocal en la radis, ma alora desapare. goose-geese ia es a un tempo gos-gese, e a ante gos-göse, e a ante gos-gose. La sufisa -e per indica la plural ia causa la fronti de la vocal o a ö e alora a e.

Infisas es mostrada la plu bon par la linguas semitica, como arabi. Multe parolas en arabi es composada de tre consonantes, e multe de la varias gramatical es produida par altera la vocales entre e sirca los. Per esemplo, la radis per scrive es ktb:

Posible, miles de anios en la pasada, alga persones ia comensa jenerali de ablautes - como si parlores de engles ia comensa dise can-cen en loca de can-cans, seguente la model de man-men.

Eres (e la otra linguas celitca, como galica, cimri, e bresonica) es alga strana car la consonantes cambia en situas variosa, en loca de la vocales. (En la esemplo a su, nota ce th es pronunsiada h, dt es pronunsiada d, ea es a, ch es un h dur, e bh es v):

Nomes es parolas cual nomi o indica un person, cosa, ata, o cualia. Los es parolas de cosas - an si cosas pote inclui multe tipos de ideas astrata cual pote, en otra situas, pare plu como verbos o ajetivos. En multe linguas, los es marcada par afisas o paroletas, per sua cuantia, seso, defini, e, plu importante, casos.

Defini pertine a la estende ce nos parla sur un cosa o aveni spesifada, conoseda par la parlores, o sur alga cosa min bon definida, como cualce cosa o alga cosa no spesifada.

En engles, la defini es marcada par la article the.  Lo pote es ance marcada par otra parolas, como this, that, my, yours, etc. La nondefini es marcada par la article a o an, e ance par one, two, some, any, etc, o par la plural sin un article. A la otra lado, multe linguas no usa articles, pe latina, rusce, hindi, e xines.

On ave alga linguas en cual la defini es marcada par un sufisa. Esta es la caso en svensce, dansce, norsce, islansce, romanian, bolgarsce, e xcip (albanian). La linguas de Scandinavia es clar relatada, mar la otras no es prosima relatada. Los es posible ce los ia influe lunlotra, o ce la popla cual ia abita la Balcanes en edas ple antica ia influe tota de los.

Cuantia, natural, refere a como multe de un cosa de cual nos parla. On ave tre cuantias comun: Singular, pd un; plural, pd plu ca un; e (alga plu rara) dual, pd du.  La dual es retenida un multe linguas sola per indica duples tradisional, como sposes o oios. Nota ce multe linguas no marca an la plural.

La aspeta la plu complicada de nomes es la casos. Filosofistes en Elas e India antica ia discute ja esta a min 2500 anios en la pasada! Multe de la termas cual nos usa oji ia es inventada en la Impero Roman, e donce refleta la casos usada en latina.

La caso prima es la nominativa, plu comun la sujeto de un frase. En multe linguas, esta es la forma plu fundal, comun representada par sola la radis. Un caso du es la vocativa, cual es la forma usada cuando on clama algun, como O, Claudius!. La resta de la casos es nomida la ojetal. Linguas cual ave multe distinguis entre la casos ojetal usa los en la mesma modo en cual otra linguas usa preposadas o posposadas:

On ave multe otra casos posible. Un lingua en la Caucasos nomida tasaran ave 48 casos de nomes! Ma multe linguistes nota ce casos debe sola refere a linguas infletante como latina. Un lingua cual usa preposadas ave formulas preposadal, no casos. E un lingua aglutante como suomi, turces, o magiar ave afisas cual es plu como posposadas cual ia es liada a la nom. Los es coerente e fasil reconoseda, no como la casos en latina.

Asi es un esemplo de la parola rusce per pais, en la singular e plural:

Esta no ta es un problem asta on reconose cual rusce ave multe declinas (familias de parolas cual difere en la model de sua formas per casos), e multe esetas ance.
Compara la casos rusce con esta: la casos de la parola tamil per om:

An si tamil ave an plu casos ca rusce, esta finis es la mesma per tota otra nomes! E nota como la plural es un caso simple de pone -kal- entre la radis e la afisa.

Un otra caso interesante: En la plu de linguas, la sujeto de un verbo nontransitiva (pe, el sede) es en la mesma forma (pd la nominativa) como la sujeto de un verbo transitiva (pe, el sede los), e la ojeto de un verbo transitiva es diferente (pd la acusativa). Esta linguas es nomida nominativa-acusativa. Ma on ave ance linguas en cual la sujeto de un verbo nontransitiva es en la mesma forma como la ojeto de un verbo transitiva (pd la asoluta), e la sujeto de un verbo transitiva es diferente (pd la ergativa). Estas es nomida linguas ergativa-asoluta.

Entre la linguas ergativa-asoluta es euscara, la linguas de Caucasos norde, multe linguas de la australianes orijinal, inuit-aleut, e multe linguas de la americanes orijinal de America Norde e Sentral. Los es tota linguas cual pone la verbo prima o final.

Seso es posible la varia plu strana de nomes. On nomi lo seso car lo es - laxe - liada a la seso fisical de persones e animales. Multe linguas difere entre nomes mas e nomes fema, con finis diferente per cada, e an nesesa formas diferente oer articles e ajetivos. Esemplos inclui franses, espaniol, italian, e portuges.

Otra linguas, como deutx, ave tre sesos - mas, fema, e neutra. Neutra refere a cosas cual no ave un seso, ma esta no aplica en cualce modo coerente. En nederlandes, on ave du sesos, ma los es neutra e comun, la comun derivante de los cual ia es orijinal mas e fema. Nomes en engles no ave un seso, ma la pronomes per person tre singular - he e she - ave un indica de seso fisical.

Multe linguas estra la sfero european difere entre nomes animada e nonanimada (simil a lfn), animada referente a persones, animales, e spiritos, e nonanimada referente a cosas - con esetas, natural. E on ave otra linguas cual difere entre multe categorias. La linguas bantu, per esemplo, ave multe categorias de nomes, como cosas longa e magra, partes de la corpo, locas, etc.

En xines, on ave un varia isolinte (sin afisas) de esta: Cuando on vole indica plu ca un de alga cosa, on debe usa un parola spesial nomida un clasador entre la numero e la ojeto. En engles ance, on debe dise three head of cattle.

On ave an plu esemplos de varia en nomes: Diminuintes espresa picia (engles dog deveni doggy, per esemplo), e aumentantes espresa grandia. La diminuintes es ance comun usada per indica amosia, e aumentantes a alga veses espresa peril o malia.

Alga linguas ave un varia de onorantes, comun afisas cual indica stato. La afisa -san en japanes es bon conoseda. On ave ance afisas per indica un stato basa, e en alga linguas (pe indonesian) on debe deside entre multe grados de stato.

Pronomes es parolas cual servi como locatenintes per nomes (o la cosas real). En loca de refere a un person par sua nom, on usa el; en loca de nomi alga cosa repetente, on pote usa lo. Pronomes ave multe de la mesma varias como nomes, incluinte person, cuantia, e caso. La plu de linguas difere entre tre persones - prima (la person ci parla o sua grupo), du (la person a cual on parla, o sua grupo), e tre (persones o cosas estra la conversa). En lfn, nos ave me, nos, tu, vos, el, lo, los. En engles, on ave... 

An si la varias engles es plu rica ca los en lfn, on ave linguas con multe plu varias. Per compara, asi es la varias en islansce per un sola pronom - algun:

En alga linguas on ave du formas de la person prima plural: Un es incluinte e refere a la parlor e la escutor con lunlotra, e otra persones (pe perce nos no vade per cafe con lunlotra?); la otra es la escluinte, e refere a la grupo de la parlor e no a la escutor o sua grupo (pe nos va vinse supra vos!). En alga linguas de la americanes orijinal, los usa un estra forma de la person tre cual refere a alga person o cosa en ajunta a un person tre plu importante.

On ave ance pronomes cual refleta la ata a retro a la sujeto, nomida pronomes refletante. En engles, los es tipal marcada con -self (myself, yourself, etc). En multe linguas on usa un pronom refletante jeneral per person tre, singular e plural - espaniol e lfn, per esemplo.

Cortesia es comun un conserna con pronomes. En multe linguas european, on distingui entre varias familin e formal de la person du singular. En franses, on usa tu per tua amis, ma vous per tua profesor o empleor. On no cambia a usa tu asta vos acorda mutua ce vos es sufisinte familin per tutoyer. En alga linguas asian, on debe usa multe plu detalias per es cortes.

On ave otra tipos de pronomes estra la pronomes personal. Pronomes de mostra inclui esta e acel. Multe linguas ave tre grupos de estas, un per cosas prosima a la parlor, un per cosas prosima a la escutor, e un per cosas distante de ambos.

Pronomes nondefinida inclui parolas como algun, cadun, multe, etc. Como la article nondefinida, los no indica esata la person o cosa a cual on refere.

Pronomes de demanda es usada per demandas - Ci es la om?. Pronomes de relata es usada per junta un nom con un proposa cual dona plu detalia sur la nom: El es la person ci tu ia vide ier. En lfn, como en engles e multe otra linguas, la pronomes de demanda e pronomes de relata es la mesma.

Verbos es parolas cual espresa un ata par alga cosa, la state de alga cosa o un cambia de esta state, o un interata entre un cosa e un otra. Como nomes, on ave multe varias de verbos.

Verbos transitiva es verbos cual ave e un sujeto e un ojeto: Juan colpa la bal. Juan es la sujeto e bal es la ojeto de la verbo colpa. Verbos nontransitiva es verbos cual ave sola un sujeto me rie. On ave no cosa cual es rieda (estra la rie se mesma). Multe verbos ave un forma nomida la refletante, pd con un sujeto cual es ance la ojeto: me feri me. Como esta esemplo indica, verbos refletante aseta comun un pronom refletante como se ojeto. Ma on ave ance verbos refletante cual no opera en esta modo: los sposi.

La morfolojia la plu importante per verbos es conjuga. En alga linguas, lo es multe simple, ma en otra on ave un varia multe grande de afisas e otra cambias.

Person es un aspeta de verbos en multe linguas. La plu comun, on ave un fini o otra afisa cual indica alga cosa sur la sujeto (pe la person prima, du, o tre, la seso, e singular o plural). En engles, la sola fini per person en la plu de verbos es la -s de la person tre singular en la tempo presente (pe, he does, no he do). La verbos en lfn no varia.

En alga linguas (pe Euscara), la ojeto direta e an la ojeto nondireta pote es indica en la verbo: Dakarzkizu, per esemplo, sinifia el condui los a tu, cuando zenekarzkidan sinifia tu condui los a me. Kar es la peso de esta parolas cual sinifia condui.

Asi es un conjuga simple de franses, en la tempo presente:

Plu, alga linguas ave varias cual espresa niveles de cortesia. En japanes, per esemplo,  hon o katta sinifia me compra un libro - ma en un modo corta e simple. Hon o kaimashita, a la otra lado, sinifia la mesma, ma en un modo plu cortes.

Plu familin per europeanes es la tempo de verbos. Multe linguas difere entre la tempo pasada, la tempo presente, e la tempo futur. Alga lingua difere ance detalias de tempo, como un forma direta, un forma prosima, e un forma distante. Multe linguas (pe rusce e japanes) distingui sola la pasada de la non-pasada.

En frases, la verbo per espresa me canta en la tre tempos ave esta formas:

Aspeta es, en realia, un modo multe plu vea, e lo pare liada a nos psicolojia como umanas. La aspeta perfeta (e la aspetas simil completante o aoriste) indica ce la ata es completa, finida, perfetada. En engles, lo es representada par formas variosa de la parola ave, segueda par la partisipio pasada: I had said (pasada perfeta, acc pluperfeta), I have said (presente perfeta), e I will have said (futur perfeta). La esemplo de la futur perfeta sujeste ce, a la tempo a cual nos ariva a un punto spesifada en la futur, mea dise de alga cosa va es ja completa e finida. La varia de la perfeta per la pasiva vose es nomida la efetante. En engles, alga persones ta dise he got seen ( simil a el ia es ja videda).

La nonperfeta (acc durante o continuante) ave un senti de continua: la ata continua tra la momento. En engles, on usa un forma de la verbo es segueda par la partisipio presente: I was saying, I am saying, I will be saying. En lfn, on ta usa la mesma modo.

On ave alga varias de la aspeta nonperfeta. La aspeta progresante sujeste ce la ata ia comensa plu temprana e continua tra la presente: I have been saying, me es ja disente. La  aspeta repetente sujeste ce un ata singular es repeteda: I keep saying, me continua dise. E la aspeta comensante sujeste ce la ata va o ta es comensante: let's get going, ta ce nos ta comensa vade.

E on ave la aspeta simple (o nondefinada). Esta inclui la tempos normal como me ia dise, me dise, e me va dise. 

Un otra forma de la verbo es la modo. La forma fundal es la real (o indicante): on dise alga cosa cual ia aveni, es aveninte, o va aveni. Un varia es la stativa, cual indica ce algun o alga cosa es en un state spesifada e no es atante o cambiante: El sede.

On ave tree modos usada cuando on ave un grado de nonrealia. Esta es comun miscada con lunlotra. La modo desirante indica un desira o espera per la aveni de alga cosa. En engles, on espresa lo con verbos aidante como should o would, e con espresas como I wish.... En lfn, nos usa parolas como ta, ta ce, debe, vole, etc.

La modo dependente es usada cuando la realia de un aveni depende de la realia de un otra: me ta vade si tu vade. En engles, los ave sola un resta de la modo dependente: On dise if I were to go en loca de if I was to go. Ma esta es ja desaparente!

La modo sujuntiva es usada cuando on ave alga dutas o nonsertia sur la aveni. Multe linguas ave conjugas completa de esta modo, con tempos e aspetos incluida. La sujuntiva ia es la parte plu confusante de mea lesones de franses!

On ave otra modos. En japanes, per esemplo, on ave modos de tempora e esitosa. E la plu de linguas ave un varia de la verbo per espresa comandas, pe par no indica la sujeto (tu o vos).

En franses la varias de aspeta e modo de me canta pare como estas:

Alora, on ave alga voses. La vose ativa es la forma fundal. Esta es usada cuando la sujeto fa un ata. La vose pasiva es usada cuando la sujeto de un frase es vera la ojeto de la ata. En lfn (e en engles) on usa un forma de es con la partisipio pasada: me ia es colpada, I was hit.

La vose causante es usada cuando la sujeto causa ce la ojeto fa un ata: el fa ce me fa lo. Cuando la causante es combinada con la refletante, on nomi lo la dinamica: los sposi la un la otra.

Un otra varia comun de verbos es la nega. En lfn, on usa simple la paroleta no ante la verbo. En engles, on usa not pos un de la verbos aidante. Ala, la tende es ce la verbos cambia en la nega, par combina con cortis de not: I can't, I won't, I don't, I ain't. En otra linguas la verbo cambia plu completa.

En alga linguas, la verbo cambia cuando lo es un parte de un demanda. En eres, per esemplo, tá (es) deveni an bhfuil en demandas.

Nos no pote oblida la esemplo de hausa (un lingua de Nijeria). En lo, la tempo, aspeta, etc, es indicada par varias, no de la verbo ma de la pronom-sujeto. Per esemplo, per el:

Nota ce engles es ance movente en esta dirije: I'd, I've, I'll, etc!

En linguas isolante como xines, o en lingua cual move en acel dirije (como engles e franses), multe de la varias a supra no es fada par la ajunta de sufisas o la cambia de la verbo. On indica acel intendes con verbos aidante. En engles, per esemplo, on dise he will sing en loca de il chantera como en franses. En franses, a la otra lado, on dise comun il a chanté en loca de he sang en engles. Esta esemplos es nomida tempos composada, ma los pote ance inclui aspetas e modos, etc.

Partisipios es formas de verbos comun usada en verbos composada. En engles, on ave du: la partisipio pasada (cual fini con -ed, como la tempo pasada) e la partisipio presente (cual fini con -ing). Partisipios es ance usada como ajetivos: el es un fol dansante, el ia es un om bateda, etc. Nota ce la partisipio pasada es ance nomida la partisipio pasiva, e la partisipio presente es ance nomida la partisipio ativa. En alga linguas (como esperanto), on pote indica ance la tempo en un partisipio.

Un otra forma de la verbo comun usada en verbos composada es la infinitiva. En lfn, on no ave un forma vera de la infinitiva. En engles, on pone to ante la radis: to sleep, perchance to dream... E en multe linguas on ave un forma spesial. En italian, per esemplo, la infinitiva fini en -re.

La infinitiva es un esemplo de un nom verbal (o jerundio). On ave multe otra esemplos de verbos usada como nomes, con o sin finis spesial.  Multe linguas usa la radis de la verbo - engles, per esemplo: I dance, I go to the dance, I do a dance, and I devote my life to the dance. Lfn fa la mesma.

Ajetivos es parolas cual altera la sinifias de nomes. En multe linguas, ajetivos ave afisas cual debe acorda con se nomes en caso, numero, seso, etc.

Un cualia spesial de ajetivos en multe linguas es compara: On ave formas spesial de la ajetivo per cuando on vole dise ce un nom es plu o min de cualce cualia la ajetivo espresa (nomida la forma comparativa), o ce lo ave la plu o la min de acel cualia (la forma superlativa). En otra linguas, como lfn, on usa paroletas como plu, min, la plu, e la min. En engles, on vide un varia de metodos: parolas spesial como good/better/best, sufisas coerente como big/bigger/biggest, e forma analisal como significant/more significant/most significant.

Averbos es parolas (o espresas) cual altera verbos, ajetivos, o an otra averbos. On ave comun finis spesial cual difere la averbos de ajetivos simil. En engles, averbos fini comun con -ly; en franses, los fini comun con -ment. Averbos no difere de ajetivos en lfn.

A alga veses, averbos es usada per crea demandas o per introdui alga varias de proposas suordinada cual introdui informa sur cuando, do, e como de la ata. Per esemplo, cuando tu va vade?, me va vade cuando me es preparada.

Cuantia (o numeros) ave comun formas e ajetival e averbal. En la eda de Shakespeare, on ta dise three men ma it was done thrice. Aora thrice ia deveni three times (como lfn tre veses).

La forma la plu simple de un numero es la numero cardinal, cual indica un cuantia spesifada de alga cosa. On ave ance la numero ordinal, cual indica la loca de alga cosa en un segue: el ia es la om tre. Lfn usa un construi analisal, ma multe linguas usa formas spesial, pe engles he was the third man. Ma engles permete ance espresas como he was man number three.

Preposadas es parolas cual permete un nom cuali un otra nom o un verbo en un modo cual paraleli ajetivos e averbos: la om en la jardin core a la casa Multe linguas, como japanes, ave posposadas en loca de preposadas, ma los ave la mesma intende. En otra linguas, como latina, rusce, suomi, etc, la casos de nomes es usada en loca de preposadas o posposadas.

Eres es interesante car lo usa preposadas cual varia par person, esata como verbos. Asi es la conjuga de la preposada roimh: (nota ce mh es pronunsiada como w)

Juntas es parolas cual junta du partes de un frase. On ave du spesies: La plu familiar es la conjuntas (o juntas coordinante) como e, o, e ma. La spesie du es la sujuntas (o juntas suordinante) como si, car, afin, ce, etc. Estas introdui alga tipos de proposas suordinada, como me labora tan multe afin me enfantes pote come e me pensa ce el es bela.

Final, on ave esclamas (o introjetas). Estas es espresas de emosia - no tipal parolas vera, ma sonas vocal cual refleta la emosias de la parlor: o! e? he! txa. merde. Merde es, natural, un parola vera, ma en multe casos la usa de la parola no ave un lia real con la cosa se mesma.




#Article 403: Mormonisme (383 words)


La mormonisme (Promove de la Santas de la Dias Ultima) es un ramo de cristianisme, fundida par Joseph Smith Jr.. Lo ave 14 000 000 membros.

La mormonisme ia nase cuando Joseph Smith Jr. ia reseta un visita de la anjel Moroni. Esta es conoseda como la vide prima.

A du anios pos la mori de Smith, la desacorda entre la mormonistes e la abitores de Illinois ia grandi. Per impedi la odia, Brigham Young ia indui sua seguores, la colonistes mormoniste prima, constituinte la plu de la Promove de la Santas de la Dias Ultima, a Nebraska e alora en 1847 a lo cual va es la Teritorio de Utah.

Mormonistes ave la credes seguente:

Multe eruditas ia mostra influes cual Joseph Smith e la relijio ia reseta.

La dotor Michael Quinn sujesta en sua libro Early Mormonism and the Magic World View ce la obra par Emanuel Swedenborg nomida De Caelo et Eius Mirabilibus et de inferno, ex Auditis et Visis ia influi Joseph Smith en la crea de la vide de vive pos mori mormon cual apare en Crede e acordas Sesion 76.

An tal, multe de la similies es fundida sur linguaje biblial e par interpreta de testos biblial. Per dise, la vide jeneral de la tre sielos en revive pare es fundida sur la Letera Prima a Corintianes 15:40-42:

Alegorial, Swedenborg compara la natur de cada sielo como ance la lumina cada sielo con la sol, la luna e la stelas. El afirma ce la sol de la sielo sielal e la luna de la rena spirital es la Senior. En la vide mormon de 1 Cor 15:40-42, la corpos reviveda de acel en tre grados de gloria (sielal, teral e telestial) es como la sol, la luna e la stelas.

Otras ci reconose similias, incluinte la istoriste mormon Richard Bushman, proposa ce la similias entre la revelas de Smith e de Swedenborg es par causa de la influe de la scrivedas de Paulo en ambos.

Corintianes no es incluida en la lista de libros cual, seguente Swedenborg, formi un canon biblial inspirada listida en Arcana Coelestia 10 324, Cavalo Blanca 16, e Jerusalem Nova e sua Crede Sielal 266. De la perspetiva de Swedenborg la ensenias de Corintianes no es autoriosa e el no ta es influeda par los.




#Article 404: Mos (245 words)


Moses es plantas peti e mol, con altia tipal de 1 a 10 cm, an si alga spesies es multe plu grande. Los crese comun prosima a lunlotra, en masas o tapetas en locas umida o ombrida. Los no ave flores o semes, e sua folias simple covre la troncetas magra e filin. A alga tempos, moses produi sporas cual pote aspeta como capsulas becin levada a supra par troncetas magra.

On ave prosima 12 000 spesies de mos cual es clasida en la divide briofita. En la pasada, la briofita ia inclui no sola moses ma ance epatica e antoserotal. Estas ave aora sua propre divides. La divide briofita ave oto clases:

Moses es plantas non-vasculal. Los difere de epaticas simil car la moses ave rizoides multiselulal. Otra diferes no es universal, ma la sola difere clar entre troncetas e folias – la asentia de folias con lobes clar o sesionida, e la asentia de folias ordinada en truples – indica ce la planta es probable un mos.

En ajunta a la asentia de un sistem vasculal, moses ave un sicle de vive dominada par la gametofita, pd la selulas de la planta es aploide per la plu de sua sicle de vive. Esta contrasta con la sistem de la plu de plantas avansada e de la plu de animales. En plantas con semes, per esemplo, la jenera aploide es representada par la polen e la ovulo, e la jenera diploide es la planta florinte.




#Article 405: Mos maiorum (119 words)


Mos maiorum (abituas de la asendentes) es la codigo nonscriveda de cual la romanes ia deriva sua normas sosial.

La valuas tradisional roman ia es un parte esensal de la mos maiorum.

La virtuas roman ia es la regulas de la comunia roman antica, la costumes cual ia fa ce un roman deveni un cives si el segue los. Esta ia es la erita la plu grande lasada par la asendentes e ia debe es pasada a la desendentes. Jeneral, lo ia es un simbol de solidia moral e de sua orgulo de es un sitadan roman e, per esta razona, los ia es comun oposada a la costumes elinicinte e a la pensas asian.

Esta virtuas roman es:




#Article 406: Mosambic (480 words)


Mosambic (ofisial la Republica de Mosambic) es un pais en Africa sude-este. Lo es bordada par la Mar Indian a la este, Tanzania a la norde, Malaui e Zambia a la norde-ueste, Zimbabue a la ueste, e Suaziland e Sudafrica a la sude-ueste. Lo es separada de Madagasicara par la Streta Mosambic a la este. La capital e site la plu grande es Maputo (nomida Lourenço Marques ante autonomi).

Entre la sentenios 1 e 5 ec, persones de lingua bantu ia migra de plu norde e ueste. Portos comersial suahili (e arabi a pos) ia esiste longo la costas asta la ariva de europeanes. La area ia es esplorada par Vasco da Gama en 1498 e colonida par Portugal en 1505. Lo ia es ance un loca major do mercatores somali ia sclavi la popla local, comensante lo cual on nomi aora la comersia de sclavos somali.

Pos plu ca cuatro sentenios de rena portuges, Mosambic ia gania autonomia en 1975, deveninte la Republica Poplal de Mosambic pos tempo corta. Pos sola du anios de autonomia, la pais ia desende a un gera interna longa e intensa de 1977 a 1992. En 1994, Mosambic ia fa sua elejes multipartital prima; a pos, lo ia resta un republica presidental relativa stable. An tal, de 2013, pos plu ca 20 anios de pas, un rebela renovida par la Resiste Nasional Mosambican (RENAMO) ia aveni.

Mosambic es un de la paises la plu povre e min developada de mundo. Lo ave recursos natural rica e estendosa. La economia de la pais es xef fundida sur cultiva, ma industria crese, xef comedas e bevidas, fabrica cimical, e produi de aluminio e petrolio. La campo de turisme crese ance.

Sudafrica es la asosior comersial xef de Mosambic e sua fonte xef de investi esterna direta. Beljia, Brasil, Portugal e Espania es ance entre la asosiores economial la plu imporante de la pais. De 2001, la crese promedia anial de produi interna bruta de Mosambic ia es entre la plu altas de mundo. An tal, la pais es entre la plu basas par produi interna bruta per person, par developa umana, par mesuras de nonegalia, e par espeta de vive promedia.

La sola lingua ofisial de Mosambic es portuges, cual es xef parlada como un lingua du par sirca un dui de la popla. Linguas nativa comun inclui emacua, sena e suahili. La popla de sirca 24 milion persones ave un majoria vasta de persones bantu. La relijio la plu grande en Mosambic es cristianisme, ma minorias notable segue islam e relijios tradisional african.

Mosambic es un membro de la Uni African, la Comunia de Nasiones, la Comunia de Paises de Lingua Portuges, la Uni Latina, la Promove Nonaliniada, e la Comunia de Developa de Africa Sude, e es un oservor a la Organiza Internasional de Francofonia.

La area de Mosambic es sirca 801 590 cilometres cuadrida.




#Article 407: Moscva (414 words)


 Moscva (en rusce: Москва, Moskva, AFI: [mɐˈskva]) es la capital e la site la plu grande de Rusia. Lo es ance la area urban la plu grande entre la capitales de Europa e es un de la plu grande en la mundo. Moscva es la sentro economial, cultural, relijios, finansial, e de instrui e transporta de Rusia e lo es ance un site global. Lo es la site sete entre la sites la plu grande. La cuantia de abitores ia es 10,524,400 en junio de la anio 2009.

Moscva es locada sur ambos la rivas de la parte sentral de la rio Moscva en Rusia european. La site sta supra la junta de tre plataformas jeolojial. Istorial, Moscva ia es la capital de la Uni de Republicas Sosialiste Soviet, de la Impero Rusce, de la Renas de Tsares, e de la Duxia Grande de Moscva. En nos tempos la person major de governa, ci es Presidente, ave sua loca de labora e de abita en la Cremlin de Moscva, cual es un de la construidas de erita cultural de la mundo.

La site es servida par 6 airoportos, 9 terminas ferovial, 3 portos de rio, e un sistem de metro cual ia es fada en la anio 1935 e es famosa per sua arciteta, decora, e arte.

La istoria ia dona nometas variosa a la site. A la plu parte los refere a sua state superior en la nasion: Roma tre (Третий Рим), Site de Petra Blanca, Site de Trono prima, Site de cuatro-des cuatro-desias (cual refere a la fato ce en Moscva on ia ave cuatro-des eglesas ante la revolta de la anio 1917).

En rusce un abitor de Moscva es Moscvitx (en rusce: Москвич).

La nom de la site, como de multe otra sites en la mundo, es liada a la nom de la rio (en esta caso - Moscva), cual ia esiste asi longa ante cuando un siteta ia apare. No person sabe ci ia dona la nom e cual es sua sinifia. Es du teorias de sua orijin: Posible la nom ia prende sua comensa en la linguas suomi-ugrica con la sinifia Rio-Urso; O, egal posible, lo deriva de un radis protoslavica mosc, cual sinifia pantanosa.

La refere prima a la site ia es en la anio 1147, cuando Iuri Dolgoruci, la prinse de Rostov e Suzdal, ia invita sua aliadas e sua amis con la xef de gera Sviatoslav Olegovitx, la prinse de Novgorod e Seversc, per un visita.




#Article 408: Muhammad Iqbal (177 words)


Sir Muhammad Iqbal (urdu: محمد اقبال ‎) (9 novembre 1877 – 21 april 1938), conoseda como Allama Iqbal (علامہ اقبال), ia es un poesiste, filosofiste, politiciste, academiste, avocato e erudita en Barat brites. On judi ce el ia inspira la Promove per Pacistan. On nomi el la padre spirital de Pacistan e regarda el como un de la figures la plu importante de la leteratur urdu, con obras leteratural en urdu e farsi.

En multe locas de Asia Sude e en la mundo urdu, Iqbal es videda como la Shair-e-Mashriq (Urdu: شاعر مشرق‎, Poesiste de la Este). El es ance nomida Mufakkir-e-Pakistan (Urdu: مفکر پاکستان‎, la Pensor de Pacistan), Musawar-e-Pakistan (Urdu: مصور پاکستان‎, Artiste de Pacistan) e Hakeem-ul-Ummat (Urdu: حکیم الامت‎, La Saja de la Ummah). La governa de Pacistan ia nomi ofisial el un poesiste nasional.

Sua aniversario – Yōm-e Welādat-e Muḥammad Iqbāl (Urdu: یوم ولادت محمد اقبال‎) o Dia de Iqbal – es un festa nasional en Pacistan. En Barat el es ance recordada como la autor de la canta famosa Saare Jahaan Se Achcha.




#Article 409: Muhammad (345 words)


Muhammad  (570?-632), profeta e fundor de Islam, de ci instruis political, sosial e relijios ia deveni la funda de sivili muslim.

Muhammed ia nase en Mecca. El ia parteni a la clan de Haxim, un ramo de un tribu influos de Coraix. Lo ia es un orfan cuando un enfante, e el ia es elevada par sua tio Abu Talib. Como sua familia, el ia labora a mercato. El ia sposi Khadija, un negosior rica plu vea.

A tempos regulal, Muhammad ia retira a un cava estra Mecca per medita e prea a Allah (Dio). Durante un de esta retiras, el ia esperia un vide de la anjelo xef Gabriel, ci ia proclama ce Muhammed es un profeta de Allah. El ia comensa predica a la popla, resitante poesietas de sua revela, cual va es nomida la Curan. A prima, el ia asentua sua crede en un sola Dio, judi ultima, e justia sosial e economial.

Muhammad ia anunsia ce la Curan es la libro ultima revelada e se mesma es la profeta ultima, sertinte e reponente la profetas plu temprana. Muhammad ia recomenda boni la vive de sclavos, orfanes, femes, e povres, reponente costumes de tribu par credes muslim.

Muhammad fuji de Mecca per evade sua enemis, ci ia es coler par sua cambias sosial. El abita en Medina, a norde de Mecca. Esta viaje ia es clamada la hidjra e deveni la comensa de calendar muslim. Muhammad ia gania autoria suprema en Medina, e ala la popla ia comensa pratica la rituos de Islam .

Resista de Mecca ia continua, ma pos multe batalias, la meccanes sumita final a la la pas de Muhammed en 630. Pos converti la tribus tra tota Arabia, Muhammed ia deveni la xef la plu potiosa. El ia asentua la prinsipes de Islam e ia funda la base de la Impero de Islam .

En 632, el ia mori nonespetada de un maladia, en Medina. Un sola de sua enfantes ia survive, un fia nomada Fatima, ci plu tarda ia sposi Ali, ci ia deveni la califa cuatro.




#Article 410: Mundolingue (726 words)


Mundolingue es un lingua creada, e es la inventa de Julius Lott (1848 - 1905), un ofisior de artileria de Wien e un esperta de volapuk e se 
promover en Osteraic. Ma el nota ce volapuk ia es multe nonnatural, nonpratical, e ce el no segue la rol de la sivilia european en la mundo. Per esta razonas, el ia crea mundolingue, con un funda en la vocabula internasional latina-elinica e la linguas la plu importante de se eda: italian, franses, engles, e deutx. El ia prefere descovre parolas en loca de crea los, en un modo cual ia previde la modo usada per la crea de interlingua (IALA). El ia produi sinco libros sur la lingua, de 1888 a 1899, con bonis peti en cada publici.

Mundolingue usa tota leteras de la alfabeta, esetante y.

Vocales es pronunsiada como en elefen o espaniol. Cuando el es final, e pote es pronunsiada como la xva. Diftongos no esiste ofisial, el du vocales es pronunsiada como du vocales separada.

Consonantes es pronunsiada jeneral como en elefen, con esta esetas:

Lott ia reteni alga speles tradisional, incluinte consonantes duple, per reconose e per difere entre omofones. Per esemple:

An si la plu de parolas es derivada de latin e linguas romanica, alga es de engles e deutx:

Nomes per persones fini comun en un consonante. Per mas e fema, on ajunta -o o -a:

Alga parolas ave formas diferente:

Nomes de cosas fini comun en -e

Arbores es derivada de frutas par ajunta -a

La plural es formida con -s o -es

Nomes no varia per rol. On usa preposadas como de, a, etc.

Ajetivos fini con un consonante o -i. On no normal ajunta -s per plural, esetante cuando la ajetivo aplica a plu ce un nom:

Per compara, usa plu(s), le plu(s), e tre o -issimi.

Numeros ordinal:

Numeros averbal:

Numeros multipliante:

Pronomes sujetal:

Pronomes ojetal:

Determinantes de posese:

Pronomes e determinantes de mostra:

La pronomes e determinantes de demanda e relata:

Particulas de demanda/relata es paralel a la particulas de mostra:

Prefisas dona sinifias variosa:

Esta prefisas es usada ance per pronomes nondefinada:

Otra pronomes nondefinada:

La infinitivo fini con -r (-ar, -er, -ir)

Verbos no varia per person o numero:

La partisipios varia per verbos con la infinitivo en -er o -ir:

La vos pasiva es formida con esser e la partisipio pasiva.

Nota ce mundolingue usa la forma supina de latina per la partisipio pasiva:

La du verbos aidante, esser e har, es conjugada coerente:

La nega es sempre con ne, cual seque direta ante la parola cual el nega puni tu:

La afirma es espresada par jes (de engles)

Per crea demandas, on pone la sujeto pos la verbo:

Averbos primitiva es direta de latin, italian, franses, o (rara) de deutx:

Averbos derivada de ajetivos ave la mesma forma como la ajetivos (como en deutx). On evade confusa par usa et (e) entre ajetivos cual segue direta.

Averbos derivada de otra parolas fini sempre con -u:

Otra averbos:

Per nomes e ajetivos derivada de verbos, comensa con la pasiva -at e ajunta un de esta sufisas:

Mundolingue usa multe de la prefisas latina cual ia es deveni internasional:, con la ambigua cual segue los

El usa la prefisa bel- (de franses) per la parentes par sposi:

Mundolingue evade la usa de parolas composada. En loca, el usa espresas en la mdo de franses:

Esetas inclui ferrovie e vaporinavig.

An si mundolingue ave multe bon cualias, on no pote iniora la fato ce el ia reteni un numero grande de esetas, cual ta fa ce la lingua es multe plu difisil per persones otra ce los ci parla linguas romanica.

Amabil amico, Con grand satisfaction mi ha lect tei letter de mundolingue. Le possibilita de un universal lingue pro le civilisat nations ne esse dubitabil, nam noi ha tot elements pro un tal lingue in nostri lingues, sciences, et cetera. Noi trova in le cultur-lingues plu qua 7000 general intellijibil expressions, quel con lostri derivations representa un respectabil vocabular, sufficient pro le reciproc communication. Le simpl, latin pronunciation et accentuation facilita le parlar e l'intelliger, et le simple et regular grammatic fa le mundolingue ad facilissimi lingue de mund. Mi propagaré le universal lingue et conquireré partisans pro ist. Adio!

L. Couturat e L. Leau (1903), Histoire de la langue universelle. Paris: Hachette.




#Article 411: Muritania (269 words)


Muritania (ofisial la Republica Muslim de Muritania) es un pais en Africa norde-ueste. Lo es la pais des-un de la plu grandes en Africa e es bordada par la Mar Atlantica a la ueste, Sahara Ueste a la norde, Jazair a la norde-este, Mali en la este e sude-este, e Senegal en la sude-ueste.

La pais deriva sua nom de la rena berber antica Mauretania, cual ia esiste de la sentenio 3 aec asta la sentenio 7 en la norde estrema de lo cual es oji Magrib (Maroco) e Jazair. Sirca 90% de la tera de Mauritania es en la Sahara; par esta causa, la popla es consentrada en la sude, do lo presipita alga plu.

La capital e site la plu grande es Nouakchott, locada a la costa atlantica, do sirca un tri de la 3,5 milion persones de la pais abita. La governa ia es suvertida a 6 agosto 2008, en un colpa de stato militar gidada par Jeneral Mohamed Ould Abdel Aziz. A 16 april 2009, Aziz ia resinia de la militar per atenta deveni presidente en la vota de 19 julio, cual el ia gania.

Sirca 20% de muritanis vive con min ca US$1,25 per dia. Muritania sufri de alga problemes de diretos umana, incluinte sclavia, car a la min 4% de la popla (155 600 persones) es sclavida contra sua vole. Muritania ia es la pais final cual ia aboli legal la sclavia; lo ia deveni punable como un ata criminal sola en 2007.

La area de Muritania es sirca 1 030 700 cilometres cuadrida. Sua linguas major es arabi (ofisial), pular, sonince, franses, hasania e uolof.




#Article 412: Nadine Gordimer (170 words)


Nadine Gordimer (1923–2014) es un noveliste de Africa Sude ci provoca par sua scrives coleria contra rasisme e sensura political. El ia gania la Premio Nobel per leteratur en 1991.

Gordimer ia nase en Springs, Africa Sude. Sua colie major prima de naras – La Vose Suave de la Serpente (1952) – ia es segueda par obras diversa cual esamina la tensa entre poplas blanca e nonblanca, vivente su apartait, la sistem de separa rijida de la rasas cual ia esiste en la pasada en Africa Sude.

En sua libros, Gordimer mostra compatiosa la vive de nonblancas, en cuando el descrive la sentis turbosa de blancas libraliste ci vive su un sistem cual los regarda como erante.

Sua novela La Conserviste (1974) ia gania en 1974 la Premio Booker. Alga otra novelas es Fia de la burger (1979), Popla de julio (1981), Nara de mea fio (1990), Nun ta acompania me (1994), sur la avenis en Africa Sude, e consernante un fem xercante autocomprende par sua fida a promoves political.




#Article 413: Naguib Mahfouz (330 words)


Naguib Mahfouz (11 desembre 1911 – 30 agosto 2006) ia es un scrivor egiptian. El ia nase en Gamalia, la parte misera de Qahira. El ia es nomida per profesor Naguib Pasha Mahfouz, un mediciste famosa ci ia aida sua nase. En sua jovenia, el ia leje zelosa libros diversa e ia acompania frecuente sua madre a museos. Con sete anios, la revolui misri de 1919 ia aveni, multe influente el. De la fenetra, el ia regarda la soldatos engles sparante contra protestores mas e fema.

El ia studia filosofia en la universia de Fuad. El ia ama contribui a la jornales famosa de Hilal e Risala, e ia scrive naras diversa poplal. El ia scrive multe sur temas istorial, sosialiste, relijial. El ia suporta franca la trata pasosa con Israel par presidente Sadat. Esta ia provoca la proibi de sua libros en paises arabi asta 1988, cuando el ia deveni la ganior arabi prima de la premio Nobel per leteratur.

En 1989, el ia es en la lista de mata par estremistes islamiste per sua defende de Salman Rushdie, ci ia desanti Islam en sua novela La strofes satanal. En 1994, un estremiste ia coteli el a la colo, causante un debilia sever en sua mano destra.

Sua obra xef es Trilojia de Qahira, un novela con 1500 pajes. La partes ave la nomes de stradas en Qahira: Paseria de palasio, Palasio de desira e Strada de zucar. La novela inclui avenis simil a sua propre jovenia. El descrive la vive de un patriarca e sua familia tra tre jeneras, de la Gera Mundal Prima asta la desenio de 1950 cuando la re Faruc ia es descoronida.

Con varias rica de carateres e sentis psicolojial, Mahfouz prosimi a la grado de Tolstoy e Dickens. Parletas sur rio Nile (filmida) critica la malia sosial en la rena de Nasser. En Fios de Gebelaui el descrive, par nara similinte, Dio e la credes Abraimal islam, cristianisme e iudisme en carateres umana.




#Article 414: Nauatl (1784 words)


Nauatl es un lingua en la ramo nauan de la familia de linguas uto-asteca. Lo es parlada par sirca 1.5 milion popla naua, la plu de ci abita Mexico sentral. Nauatl ia es parlada en Mexico sentral de a min la sentenio sete. Lo ia es la lingua de la popla asteca, ci ia domina Mexico sentral en la eda posclasica de istoria mesoamerican. Pos la concista par la espanioles, nauatl ia deveni un lingua de leteratur, con multe jornales istorial, poesias, gramaticas, testos de governa, etc, en la sentenios 16 e 17. Lo es entre la linguas american orijinal la plu studiada.

Oji, varias de nauatl es parlada un comunias sperdeda, per la plu parte en la areas campanial tra Mexico sentral e longo la costa. Los ave multe diferes e alga es noncomprendable par otras. Tota ia es influeda en parte par espaniol. Par la Leje jeneral de diretos de la poplas nativa (Ley General de Derechos Lingüísticos de los Pueblos Indígenas) de 2003, nauatl e la otra 63 linguas nativa de Mexico ia es reconoseda como linguas nasional en la areas en cual los es parlada.

Nauatl es un lingua con un morfolojia complicada, con la cualias de polisintese e aglutina. Multe parolas ia es adotada par espaniol e alora par otra linguas como engles. La plu de esta parolas refere a cosas a cual la espanioles ia es introduida par la nauatl. Per esemplo, en lfn, nos ave avocado, coiote, xili, xocolada, e tomate.

An si la orijina de la nauatles no es serta, la plu de linguistes acorda ce la familia de linguas uto-asteca ia veni de la sude-ueste de la SUA. La popla ia migra en alga ondas a la sude. Sirca la anio 500, la parlores de proto-nauatles ia entra Mexico sentral. Asi, la linguas de la familias maian, oto-manguean, e mixe-zoquean ia coesiste per milenios, e nauatl ia adota alga de la cualias de esta linguas, como nomes de relata, prestas traduida, etc.

Comensante en la sentenio sete, la nauas ia ateni potia en Mexico sentral. La popla de la cultur de Toltecs de sentenio des ia es posible nauatles. Los ia es dominante en la Vale de Mexico en la sentenio 11. Un grupo ia entra la isola en lago Texcoco e ia comensa domina la tribus ensircante. Esta grupo, nomida la Mexica, ia fundi la impero Tenochtitlan. Se potia ia estende tra America sentral, e nauatl ia deveni la lingua franca de la mercatos e aristocratas ala.

La fonolojia de la linguas naua ia cambia tra la edas de la nauatl clasica. Per esemplo, la fonem /t͡ɬ/ ia cambia en multe desendentes a /l/ o /t/; alga desendentes no distingui entre vocales corta e longa; otras ia developa un asentua de tono; e multe ia adota fonemes de espaniol, como /b, d, g, f/.

La fonem glotal (nomida la saltillo) aveni sola pos vocales. En multe dialetos moderna, lo es realida como /h/, ma otras reteni la /ʔ/ de nauatl clasica. La plu de dialetos ave la asentua sur la silaba ante la final. Ance, en multe dialetos, consonantes diseda es nondiseda cuando final o en grupos con otra consonantes. Per esemplo, /j/ deveni /ʃ/, /w/ deveni /h/ o /ʍ/, e /l/ deveni /ɬ/. En alga dialetos, cuasi tota consonantes prima de un grupo de consonantes deveni /h/. A alga veses, consonantes nonvosida deveni vosida entre vocales.

La fonotatica de nauatl es simple, con un masima de un consonante comensante e un final. Cuando un morfem cual fini con un consonante es segueda par un morfem cual comensa con un consonante, un de la du consonantes comun es asorbeda par la otra:

Multa varias de nauatl ave dupli produosa. Par dupli la silaba prima de un radis, un parola nova es creada. En nomes, esta es comun usada per forma plurales, pe tlaːkatl om  tlaːtlaːkah omes, ma lo es ance usada per crea diminuintes, onorantes, o derivas. En verbos, dupli es comun usada per crea un forma repetente, pe kitta el vide lo, kihitta el regarda lo repetosa.

La linguas nauatl es aglutinante e polisintesal e usa multe composada, corpora, e deriva, cual es per dise, los pote ajunta prefisas e sufisas a un radis per crea parolas longa, e un sola parola pote es un frase completa. Per esemplo, esta verbo mostra como un verbo es marcada per se sujeto, pasiente, ojeto, e ojeto nondireta:

La nom nauatl ave un strutur alga complicada. La sola infletas obligada es per cuantia (singular e plural) e per posese (par prefisas per mea, tua, etc). nauatl no usa casos o sesos, ma nauatl clasica e alga dialetos moderna distingui entre animada e nonanimada nomes. En nauatl clasica, sola nomes animada ave un forma plural, e nomes nonanimada es noncontable (como parolas en lfn como acua e pan). Aora, per multe dialetos, tota nomes pote ave sua formas plural.

En la plu de dialetos, nomes singular e nonposeseda ave la sufisa asoluta, plu comun, -tl pos vocales, -li pos l, e -tli pos otra consonantes. Nomes cual pote es pluralida usa un de la sufisas per asoluta plural, -tin o -meh. Alga formas plural es noncoerente o usa la dupli de silabas.

Nom singular:

Nom animada plural:

Nom anima plural con redupli:

Nauatl distingui entre formas poseseda e nonposeseda de nomes. La sufisa asoluta no es usada con nomes poseseda. En tota dialetos, nomes poseseda ave un prefisa cual acorda con la cuantia e person de la posesor. La formas plural fini con -wa:n.

Nom asoluta:

Nom poseseda:

Nom poseseda plural:

Plu esemplos:

Nauatl no ave casos gramatical, ma usa nomes de relata per descrive relatas spasial (e otras). Esta morfemes no aveni sola ma debe sempre aveni pos un nom o un prefisa de posese. Los es ance nomida posposadas o sufisas de loca. En alga modos, esta construis sembla casos de loca. La plu de dialetos moderna ia adota preposadas de espaniol.

Usas de posposada -pan con un prefisa de posese:

Per usa con un nom presedente:

Nomes composada es comun formida par combina du o plu radises nomin, o par combina un radis nomin con un radis ajetival o verbal.

Nauatl ave ance un sufisa, -tzin, per indica respeta:

Alga nomes es no sola un posese, ma un posese nonalienable, cual es per dise, un parte de la posesor. Per esemplo, ambos nonac e nonacayo (formas de posese de nacatl) sinifia mea carne, ma nonac refere a carne cual on ave per come en cuando nonacayo refere a la carne de mea corpo.

Nauatl ave ance sufisas derivada:

Nauatl distingui jeneral tre persones, cada en la singular e la plural. Un dialeto - la Isthmus-Mecayapan - ia developa un distingui entre nos incluinte e escluinte. Tota persones, estra me e nos (escluinte) ave formas onorante. Nos (incluinte) ave un forma onorante car los inclui en sua sinifia la idea de tu o vos.

La verbo en nauatl es complicada e infletada per multe categorias gramatical. La verbo es composada de un radis, prefisas, e sufisas. La prefisas indica la person de la sujeto e la person e cuantia de la ojeto e ojeto nondireta, e sufisas indica la tempo, aspeta, modo, e cuantia de la sujeto.

Asi es esemplos de usa de verbos:

La plu de dialetos distingui tre tempos - presente, pasada, e futur - e du aspetas - aspeta perfeta e nonperfeta. Alga dialetos ajunta aspetas progresante o abitual. Tota distingui a min la modo simple e la modo de comanda, e alga ave ance la modos de espera e de probita.

La plu de dialetos ave alga modos per cambia la dirije de un verbo. nauatl clasica ia ave un vose pasiva, ma la plu de varias moderna no ave lo. Ma multe varias moderna ave voses de causa e de aplica. Ance, multe dialetos permete la forma de composadas verbal.

Nauatl clasica e alga dialetos moderna pote infleta la verbo per mostra la dirije de la ata a o de la parlor. Alga ave ance infletas per mostra intende e ideas como vade per o veni per, vade, fa, e reveni, fa en cuando vade, fa en cuando veni, fa cuando ariva, o fa repeteda en cuando vade asi e ala.

Afisas per sujeto e ojeto (Ø sinifia no prefisa):

Sufisas de tempo e aspeta:

Du verbos pote es combinada con la morfem de lia -ti-.

Per ajunta un otra person o ojeto a la verbo, on pote usa la sufisa -lia:

On pote ance ajunta un person o verbo a la verbo per indica la ajente de causa, con -tia :

Un construi pasiva sutrae la sujeto de la verbo e promove la ojeto a la sujeto, usante -lo o -hua :

On pote indica dirijes de un ata con la prefisas -on- e -hua:l :

Nauatl ave ance du sufisas per indica move a/de la parlor per fa x:

Alga sufisas crea nomes de verbos:

Alga linguistes sujesta ce nauatl es un lingua nonordinal, cual es per dise ce la ordina de parolas es, per la plu parte, libre. Lo es ance un lingua pro-cade e permete la omete de cualce nomes o pronomes, e pronomes es usada sola per asentua. Otra linguistes prefere ce nauatl clasica es verbo-prima, con libria grande per cambia la ordina per indica foca o tema.

Alga nom o verbo en la lingua pote es un frase completa. Per esemplo, la verbo tzahtzi sinifia el cria e no sola cria, e titzahtzi sinifia tu cria. En la mesma modo, cone:tl sinifia lo es un enfante e no sola enfante, e ticone:tl sinifia tu es un enfante. On pote dise ce tzahtzi in cone:ti sinifia no simple la enfante cria ma el cria, el ci es un enfante.

Nauatl clasica ia ave un base-20 sistem. En la scrive pre-columbian, 20, 400 (20²), e 8000 (20³) ia es representada par un bandera, un pluma, e un saco, en acel ordina. 

Multiples de 20, 400 o 8,000 es formida par sustitui un otra numero per cēm- or cēn- , pe, ōmpōhualli 40 (2×20), mahtlāctzontli 4,000 (10×400), nāuhxiquipilli 32,000 (4×8,000).

La numeros entre los a supra -11 a 14, 16 a 19, 21 a 39, etc - es formida par ajunta la numero plu peti a la numero plu grande. La numero plu peti es prefisada con om- or on-, o, en la caso de clases plu grande, con  īpan sur lo o īhuān con lo. Pe mahtlāctli oncē 11 (10+1), caxtōlonēyi 18 (15+3), cēmpōhualmahtlāctli omōme 32 (20+10+2); cēntzontli caxtōlpōhualpan nāuhpōhualomōme 782 (1×400+15×20+4×20+2).

Nauatl ia usa ance parolas de clasi, como Xines e Japanes. Esemplos:

Numeros ordinal es formida par presede la numero con ic- o inic-.




#Article 415: Nama (lingua) (803 words)


Nota: Esta article nesesa la usa de un stilo de leteras usable per unicode

La nama es un grupo etnical de Sudafrica, Namibia, e Botsuana. Tradisional, los parla la lingua coecoe de la familia de linguas coe Ma multe namas parla ance africans. La nama es la grupo la plu grande de la popla coe, ci ia despara como un grupo con la eseta de la namas. Multe clanes de la namas abita en Namibia sentral, e otra grupos plu peti abita en Namaqualand, cual oji estende tra la borda de Namibia e Sudafrica.

Rexerca jenetical ia mostra ce la cromosomas de la popla coisan conteni frecuentias alta de la ramos la plu diverjente (vea) de ambos la cromosoma Y e la cromosoma mitocondrial. Esta sujesta ce los ia abitua continuante en Sudafrica per cuasi sento milion anios. Es posible ce on ta crede ce los ta ave un lingua multe primitiva, o multe diferente de tota otra linguas en la mundo. Ma acel no es vera. La lingua es tan rica e espresante como cualce otra, e no multe diferente. La sola cualia strana es se usa de clicas como fonemes.

Ave sinco vocales, cual pote es simple [/i e a o u/] e nasal [/ĩ ã ũ/].

Estas porta tre (o posible cuatro) tonos [/á, ā, à/]. Los es ance portada par n o m final [/ń ḿ/]

La tonos pote es combinada a alga melodias tonal. La plu importante:

La asentua es sur la silaba prima. Paroletas reseta min asentua.

Ave 31 consonantes. 11 es consonantes normal, e 20 es clicas.

La clicas es formida par pone firma la lingua a un parte de la palato, suca, e relasa la lingua. los es definida par un de cuatro locas a la palato e par la ajunta de sinco efetos . la efetos es creada par ajunta un nasal, un nasal sin vos plu h, un nasal plu un ʔ, o un χ. La plu de la clicas es multe difisil per la plu de parlores de linguas estra un cuantia peti en Africa sude.

En la ortografia normal, la consonantes b, d, e g es usada per parolas con un de la melodias tonal plu basa, e p, t, e k es usada per parolas con un de la melodias tonal plu alta. W es usada sola entre du vocales, ma pote es sustituida par b o p per indica melodia. Jeneral, on no indica tona en otra casos.

Vocales nasal es scriveda con un sirconflexe. Tota vocales nasal es longa, como en hû (/hũ̀ṹ/), 'seven'. Otra vocales longa (duple) es scriveda con un sinieta longa, como en ā (/ʔàa̋/), plora; estas constitui du moras (unias con tonos).

La consonante glotal no es scriveda a la comensa de un parola, a cual lo es predisable, ma es transcriveda con un sinia de junta, como en gao-aob (/kȁòʔòȁp/), xef.

La ordina la plu comun per proposas xef es como asi:

NP + Prt + (Advb/ Loc) + (NP+à) + (NP+à) + Temp (+ Imp) + V + (Perf)*

Nota: La [ -à] ajuntada a cualce NP nonsujetal (e an a alga NPs sujetal) es nomida la marca de la caso oblica. Ma lo no refere nesesada a la acusativa o cualce otra caso, e on pote dise ce casos manca tota en nama.

La ordina per la plu de formulas de nom es como asi:

[(pronom) + (universal) + (mostral) + (relatal) + (cuantia) + (alterante) + (radis de nom)] + pronom clitica

An si la linguas bantu ia influe grande la lingua nama, nama no ave un sistem de clases de nomes. En loca, nama usa un serie de sufisas clitical e pronomal cual indica person, seso, e cuantia (cual pote es ajuntada a cuasi cada parola cuando nesesada, ma sempre la parola final en la NP):

Note- nìí es un morfem radical, e la otras es paroletas

Puntual: ... T + V (vide esemplos 1 - 5 en la parte prima)

Nonperfetida: ... [T + aspeta progresante] + V

Perfetiva: ... T + V + Perf

Aspeta puntual: ... T + V + Neg + neg.cop.

Nota: an si esta strutur es posible, la ordina prefereda es simil a la ordina per la aspeta nonpuntual a su. La sola difere es ce lo manca la marca de perfeta.

Aspeta nonpuntual: ... V + Neg + T + Perf + neg.cop.

Nama ave ance un sistem produosa de composadas verbal:

Nama usa cuatro sufisas per indica varias de vose:

Sufisa pasiva: -hè

Sufisa de benefica: -pa

Sufisa de refleta: -sn

Sufisa de resiproca: -ku

Nama indica proposas ajetival en un modo no multe diferente ca elefen:

Per crea demandas, on usa esta model:

[NP + à] + (kxa) + PredP

Nota: kxa es un paroleta elejable per asentua demandas.

(Wayback)




#Article 416: Namibia (558 words)


Namibia (ofisial la Republica de Namibia) es un pais en Africa sude, de cual sua borda ueste es la Mar Atlantica. Lo comparti fronteras de tera con Zambia e Angola a la norde, Botsuana a la este, e Sudafrica a la sude e este. An si lo no borda Zimbabue, la du paises es separada par un parte de min ca 200 metres de la Rio Zambezi (esensal un protende peti en Botsuana per ateni un microfrontera entre Botsuana e Zambia).

Namibia ia gania autonomia de Sudafrica a 21 marto 1990, pos la Gera Namibian de Autonomia. Sua capital e site la plu grande es Windhoek, e lo es un stato membro de la Nasiones unida, la Comunia de Developa de Africa Sude, la Uni African, e la Comunia de Nasiones.

La teras seca de Namibia ia es abitada de edas temprana par la poplas san, damara e nama. De sirca la sentenio 14, poplas bantu migrante ia ariva como un parte de la estende bantu. De alora, la grupos bantu, conoseda como la popla ovambo, ia domina la popla de la pais e ia composa un majoria grande de la tarda de la sentenio 19.

En la tarda de la sentenio 19 en la coloni european, la Impero Deutx ia institui un rena supra la plu de la teritorio como un protejeda en 1884. Lo ia comensa developa infrastrutur e cultiva, e ia manteni esta colonia deutx asta 1915, cuando fortes sudafrican ia vinse sua militar. Pos la fini de la Gera Mundal Prima, en 1920 la Alia de Nasiones ia asinia la pais a la Rena Unida, su maneja de Sudafrica. Lo ia aplica sua leges, incluinte clases e regulas razal. De 1948, con la Partito Nasional elejeda a governa, Sudafrica ia aplica apartait ance a lo cual ia es nomida Africa Sude-Ueste. En 1878, la Capo de Bon Espera ia propri la porto de Baia Walvis e la Isolas Pinguin; estas ia deveni un parte integral de la Uni de Sudafrica a sua crea en 1910.

En la parte plu tarda de la sentenio 20, revoltas e esijes per representa political par ativistes political nativa african (ci ia desira autonomia) ia causa ce la Nasiones Unida ia prende la encarga direta de la teritorio en 1966, ma Sudafrica ia manteni sua rena par fato. En 1973, la NU ia reconose la Organiza de la Popla de Africa Sude-Ueste como la representor ofisial de la popla namibian; la partito es dominada par la ovambos, ci ave un majoria grande en la teritorio.

Pos geras continuante de gerilias, Sudafrica ia instala un governa tempora en Namibia en 1985. Namibia ia ateni autonomia completa de Sudafrica en 1990. An tal, Baia Walvis e la Isolas Pinguin ia resta su controla de Sudafrica asta 1994.

Namibia ave un popla de 2,1 milion persones e un democratia parlamental, multipartital e stable. Sua economia es fundida sur cultiva, pastoria, turisme e la industria de mina – incluinte mina per diamantes, uranio, oro, arjento e metales basa. Par causa de la Deserto Namib, grande e seca, Namibia es un de la paises la min densa poplada de mundo,

La area es sirca 825,418 cilometres cuadrida.

La major linguas es engles 7% (ofisial), africans (lingua comun de la plu de persones e sirca 60% de la persones blanca), deutx 32%, e otras 1%.




#Article 417: Namyangju (137 words)


Namyangju (남양주시, 南楊州市) es un site en la provinse de Gyeonggi-do, Corea Sude, a este de la capital Seoul. La cuantia de popla en 2004 ia es 423,073, e ia crese a 484,484 en 2007.

La site es locada a 127°05′∼127°31′ este, e 37°31′∼37°41′ norde. A norde de la site on ave la contia Pocheon, a este la contias de Gapyeong e Yangpyeong, a sude la site de Hanam, e a ueste la site de Guri, e Seoul.

La site es locada en un loca con multe montes, de cual multe ave plu ca 800 metres de altia. Montes en la site inclui Suribong (수리봉, 537m), Jugeumsan (주금산, 813.6m), Seorisan (서리산, 825m), Chungnyeongsan (축령산 ,879m), Cheonmasan (천마산, 812.4m), Ungilsan (운길산, 610.2m), Suraksan (수락산, 637m), Bulamsan (불암산, 508m), Baekbong (백봉, 590m), Yebongsan (예봉산, 683m), e Munansan (문안산, 536m).




#Article 418: Napoleon Bonaparte (911 words)


Napoléon Bonaparte (Ajaccio, 15 agosto 1769 – Santa Elena, 5 maio 1821) ia es un governor e gidor militar franses ci ia deveni importante en la Revolui Franses e ia gida alga campanias susedosa en la Geras Revoluinte Franses. Su la nom Napoleon, el ia es la Imperor de la Franseses de 1804 asta 1814, e denova per tempo corta en 1815 (en la Sento Dias).

Napoleon ia domina avenis european e global tra plu ca un desenio en cuando el ia gida Frans contra un serie de alias en la Geras Napoleonal. El ia gania la plu de esta geras e la majoria grande de sua batalias, construinte un impero grande cual ia rena Europa continental ante sua colasa final en 1815. El ia es un de la comandores la plu grande de istoria, e on studia sua geras e campanias en scolas militar tra la mundo. Sua lega political e cultural ia dura como un de la gidores la plu famosa e controversa en istoria umana.

El ia nase como born Napoleone di Buonaparte en Corse, a un familia relativa modesta de nobilia italian minor. Cuando la Revolui ia eruta en 1789, el ia servi como ofisior de artileria en la armada franses. Saisinte la posibles nova presentada par la Revolui, el ia asende rapida tra la grados militar e ia deveni un jeneral a la eda de 24 anios. La Dirije ia dona final a el la comanda de la Armada de Italia pos cuando el ia supresa un revolta contra la governa par rebelores monarciste. Con 26 anios, el ia comensa sua campania militar contra la osteraiceses e sua aliadas italian, ganiante cuasi cada batalia, concistante la Penisola Italian en un anio, e deveninte un eroe nasional. En 1798, el ia gida un mision militar a Misre cual ia funsiona per lansa el a potia political. El ia injenia un colpa de stato en novembre 1799 e ia deveni la Consul Prima de la Republica. Sua aspira e aproba publica ia inspira el a fa plu, e en 1804 el ia deveni la Imperor prima de la Franseses.

Par causa de diferes nontratable con la briteses, la franseses ia fronti un Alia Tre ja en 1805. Napoleon ia frati esta alia par vinses desidente en la Campania de Ulm e par un vinse vasta contra Rusia e Osteraic a la Batalia de Austerlitz, cual ia gida a la elimina de la Impero Roman Santa cual ia esiste tra mil anios. En 1806, la Alia Cuatro ia prende armas contra el cuando Prusen ia deveni ansiosa sur la influe franses cresente sur la continente. Napoleon ia vinse rapida Prusen a la batalias de Jena e Auerstedt, pos cual el ia marxa la Armada Grande a profonda en Europa este e ia elimina la rusces en junio 1807 a la Batalia de Friedland. Alora, Frans a obliga la nasiones vinseda de la Alia Cuatro a suscrive la Tratas de Tilsit en julio 1807, traente un pas noncuieta a la continente. Tilsit ia representa la apico de la Impero Franses. En 1809, la osteraiceses e la briteses ia defia denova la franseses en la Gera de la Alia Sinco, ma Napoleonn ia solidi sua teni de Europa pos vinse a la Batalia de Wagram en julio.

Esperante estende la Sistem Continental e sofoca la comersia brites con la continente european, Napoleon ia invade Iberia e ia declara sua frate Joseph como la Re de Espania en 1808. La espanioles e la portugeses ia revolta, suportada par la briteses. La Gera de la Penisola ia continua tra ses anios, con multe atas de gerilia, e ia fini con un vinse per la Aliadas. La Sistem Continental ia causa disputas diplomata reaveninte entre Frans e sua statos clientes, spesial Rusia. No desirante sufri la segues economial de comersia reduida, la rusces ia viole comun la Sistem Continental e ia atrae Napoleon a un plu gera.

La franseses ia inisia un invade major de Rusia en la estate de 1812. La campania resultante ia vide la colasa de la Armada Grande e la destrui de sites rusce, e ia inspira sua enemis a fa un presa nova contra Napoleon. En 1813, Prusen e Osteraic ia junta se a soldatos rusce en un Alia Ses contra Frans. Un campania militar longa ia culmina cuando un armada aliada grande ia vinse Napoleon a la Batalia de Leipzig en otobre 1813. A pos, la Aliadas ia invade Frans e ia catura Paris en la primavera de 1814, obligante Napoleon a renunsia en april. On ia esclui el a la isola Elba, prosima a Roma, e la borbones ia es restorada a potia. An tal, Napoleon ia evade Elba en febrero 1815 e ia prende denova la controla de Frans. La Aliadas ia responde par formi un Alia Sete, cual ia vinse Napoleon a la Batalia de Waterloo en junio. La briteses ia esclui el a la isola distante San Helena en la Atlantica sude, do pos ses anios el ia mori a la eda de 51 anios.

Napoleon ia ave un influe estendosa e potiosa a la mundo moderna, traente reformis libraliste a la multe teritorios cual el ia concista e controla, como la Paises Basa, Suiz, e partes grande de Italia e Deutxland moderna. El ia reali politicas libraliste fundal en Frans e tra Europa ueste. Sua ateni legal, la Codigo Napoleonal, ia influe la sistemes legal de plu ca 70 nasiones tra la mundo.




#Article 419: Natal (358 words)


Natal es un festa anial a 25 desembre, cuando cristianes selebra la nase de Jesus Cristo. Lo es presededa par la saison de Ariva. La nara tradisional cristian, indicada en la Atesta Nova, dise ce Jesus ia nase en Bethlehem, seguente la predises maxial, cuando Josef e Maria ia ariva a la site, la oteles ia ave no salas libre e on ia ofre a los un stala do Cristo ia nase, con anjeles proclamante la novas a la pastores ci ia difusa plu la mesaje. La Dia de Natal es un festa nasional en multe nasiones de la mundo, es selebrada en modo relijiosa par la majoria de cristianes como ance en forma cultural par multe noncristianes, e formi un parte intera de la saison de festas.

An si la data de la nase de Jesus es nonconoseda, en la dui de la sentenio 4 la Eglesa Cristian Ueste ia loca Natal la 25 desembre, un data cual ta es adotada plu tarda par la Este. Oji, plu cristianes selebra la 25 desembre en la calendario gregorian, cual ia es adotada cuasi universal en la calendarios sivil en tota la mundo. An tal, alga Eglesas Cristian Este selebra Natal en 25 desembre de la calendario julian, cual oji es la 7 janero en la calendario gregorian, la dia a pos la Eglesa Cristian Ueste selebra la Epifania. Lo no es un desacorda sur la data de Natal, ma un prefere de cual calendario ta debe es usada per determina la dia de 25 desembre. Plu, per la cristianes, la crede ce Dio ia veni a la mundo en un forma umana per espia la pecas de la umania, en loca de la data esata de nase, es considerada la intende xef de selebra Natal.

La abituas de selebra liada a Natal en varia paises ave un misca de temas e orijinas precristian e cristian. La abituas popular de oji inclui donadas, completa un calendario de Ariva, musica cristian e cantas de natal, intercambia de cartas de natal e mostra de varia decoras de natal, como la arbores de natal, la luses de natal, garlandas, viscio e ilex.




#Article 420: Nauero (388 words)


Nauero (ofisial la Republica de Nauero, e conoseda en la pasada como Isola Plasente) es un isola e pais en Micronesia en la Mar Pasifica sentral. Sua visina la plu prosima es Isola Banaba en Ciribas, a 300 cilometres a este. Lo es situada a norde-ueste de Tuvalu, a norde de la Isolas Solomon, a este-norde-este de Papua Gine Nova, a sude-este de la Statos Federada de Micronesia, e a sude de la Isolas Majel. Con 10 084 abitores en un area de 21 cilometres cuadrida, Nauero es la stato la plu peti en la Pasifica Sude e la stato tre de la plu petis (par area) de mundo, pos sola la Site Vatican e Monaco.

Colonida par persones de Micronesia e Polinesia sirca 1000 aec, Nauero ia es proprida e reclamada como sua colonia par la Impero Deutx en la tarda de la sentenio 19. Pos la Gera Mundal Prima, Nauero ia deveni un comision de la Alia de Nasiones, dirijeda par Australia, Zeland Nova e la Rena Unida. En la Gera Mundal Du, Nauero ia es ocupada par soldatos nion, ci ia es sircovenida par la avansa de la Aliadas a traversa de la Pasifica. Pos la fini de la gera, la pais ia deveni un fidusia de la Nasiones Unida, e ia gania sua autonomia en 1968.

Nauero es un isola de roca de fosfato, con deponedas rica prosima a la surfas cual ia fasili operas de mina. Alga recursos de fosfato resta cual, en 2011, no ia es economial viable per estrae. En la tarda de la desenio de 1960 e la temprana de la desenio de 1970, Nauero ia ave la revenu la plu alta per person de tota statos de mundo. Ma cuando la reservas de fosfato ia es consumada e la ambiente de la isola ia es grave danada par mina, la valua de la fidusia instituida per maneja la ricia de la isola ia diminui. Per gania revenu, per un tempo corta, Nauero ia deveni un paradiso finansial e un sentro nonlegal de blanci mone.

De 2001 a 2008, e denova de 2012, lo ia aseta aida de la Governa Australian par intercambia per ospita un deteneria. Como resulta de sua depende forte de Australia, multe fontes ia identifia Nauero como un stato cliente de Australia.

La lingua major es nauero.




#Article 421: Italia (1423 words)


Italia (ofisial Republica Italian, en italian: Repubblica Italiana) es un pais en Europa sude. En la norde el ave la Alpes, do borda con Frans, Suiz, Osteraic i Slovenia. La statos de San Marino e la Site Vatican es du enclaves en la teritorio italian. La site capital, e la site la plu grande, es Roma. Italia es 301,230 cilometres cuadrida e la cuantia de popla en 2016 ia es sirca 61 milion.

La ministro prima es Giuseppe Conte.

El es la pais tre en Europa par cuantia de turistes per anio.

Italia es un de la paises la plu industrial de la mundo e el es un pais developada con un cualia de vive alta.

La suposas sur la etimolojia de la nom Italia es multe numeros e la corpo de solves proposada per istoristes e linguistes es multe larga. Seguente un de la esplicas la plu comun, la nom Italia, de la latina Italia, ia es emprestada tra la elinica de la oscan Víteliú, cual sinifia pais de la boves joven (en latina, vitulus es boveta). La bove ia es un simbol de la tribus de la sude de Italia.

La popla de la teritorio italian ia comensa en la preistoria, un epoca de cual on ia trova atestas importante arceolojial.

Entre la sentenio 18 aec e la 2 aec ia esiste en Sardinia la cultur nuragal. Durante la eda de fero ia susede varia cultures cual pote es divideda en tre areas xef: Lazio antica, Magna Elas e Etruria.

La Roma antica ia es un comunia peti cultival fondeda en la sentenio 8 aec, cual ia grandi tra la sentenios per deveni un impero enorme cual ia ensirca la Mar Mediteraneo intera, en cual la cultures de Elas antica e Roma ia fusa en un sivilia. Esta sivilia ia es tan influente ce partes de el survive en la lejes, la dirije, la filosofia e la arte moderna cual formi la base de la sivilia ueste.

En un declina lenta de la parte tarda de la sentenio 4, la impero a fini ia rompe en du partes en 195 ec: la Impero Roman Ueste e la Impero Roman Este. La parte este, su la presa de la frances, la vandales, la hunes, la gotas e de otra poplas de Europa este, a fini ia disolve, lasante la penisola italian como divideda en renas peti e autonom e en statos de site per la 1 300 anios seguente.

En la sentenio 6 la Imperor Bizantian Justiniano ia reconcista Italia de la ostrogotos. La invade de un onda nova de tribus germanica, la langobardas, tarda en la mesma sentenio, ia redui la presentia bizantian a la Esarcia de Ravenna e otra teras en Italia sude. La rena langobarda en Italia norde e sentral ia es asorbeda par la Impero Franco per Carlo la Grande en la parte tarda de sentenio 8. La res franco ia aida ance la Papas constitui un stato vera en Italia sentral, de Roma asta Ravenna. Asta la sentenio 13, la governa italian ia es dominada per la relata entre la Imperores de la Impero Roman Santa e la Papas, con la plu de la statos italian en alia con un o la otra seguente la oportun de la momento.

La ariva en Italia de la armadas de Napoleon ia crea un senti nasional, reclamada en la proclama de Rimini.

Italia ia es unida en 1861.

La Rena de Italia ia es un paso cual ia nase pos la uni de Italia gidada par Vittor Emmanuele 2 ci ia es coronida como Re de Italia en 1861. La Rena de Italia ia partisipa en la du geras mundal. Pos la Gera Mundal 2, a 2 maio 1946, el ia es proclamada como la Republica Italian.

La revoltas sosialiste cual ia segue la ruina de la Gera Mundial Un, inspirada per la Revolui Rusce, ia gida la contrarevolui e represa a tota partes de Italia. La instituida libriste, temente un revolui de la stilo soviet, ia comensa validi la peti Partito Nasional Faxiste, gidada par Benito Mussolini de sua fundi en 1919. El ia oteni potia pos la Marxa a Roma.
 
Italia su la faxistes ia concista Itiopia e Xciperia.

Italia ia deveni un republica pos la referendo fada la 2 junio 1946. Lo ia es la prima ves ce la femes ia pote vota. Umberto 2, fio de Vittorio Emmanuele III, ia es forsada a renunsia e esclui. La Constituida de la Republica ia es aprobada la 1 janero 1984. Italia ia perde sua colonias, fininte con la Impero Italian.

La politica es fundida en un sistem republiciste parlamentiste con democratia tipal de 2 junio 1946, cuando la monarcia ia es abolida par referendo poplal. La potia de esecuta es en la Consilio de ministros cual es gidada par la xef de governa (Presidente del Consiglio dei Ministri), nonformal nomida ministro prima. La legeria es la parlamento e la Consilio de ministros. La juderia es autonom de la esecutores e la legeria. El es un sistem multipartital. En la sude, la mafia ave tan multe potia como la stato e el controla la jornales dial, la judis e la polisia.

La ministro prima ante 2011, Silvio Berlusconi, es acusada de froda e ia es elejeda a du veses per la posto.

Maio 2013 - la PM nova es sr Enrico Letta (Partito Democrata).

Italia es locada en Europa Sude, entre la latitudes 35° e 47° N e la lonjitudes 6° e 19° E.

La isolas xef es Sisilia e Sardinia.

Un isola de Italia es Giannutri.

La revela presenta cuatro unias grande areal:

Italia es divideda en 20 rejiones, sinco de los con state autonom spesial cual capasi los esecuta legi sur alga asuntas local. La pais es ance divideda en 14 sites urban, e 98 provinses, cual cada es sudivideda en 7 960 munisipas (2018).

Roma, la site capital, es la site xef de Italia.

Otra sites importante es Milano, Napoli e Turin.

La clima italian ave cualias mediteraneo ma el ave varias rejional.

La campo cultival (ance la cultiva de foresta), an con la esele e la spesiali alta atenida, representa un parte minima de la economia nasional.

Italia, comparada con otra paises de la Uni European, depende plu alta de la emporta de material cru e idrocarbones (gas e petrolio).

Par causa de la manca de depones importante, la plu de la materiales cru e 75% de la enerjia debe es emportada.

La turisme es un de la campos con la plu crese en la economia nasional con 43,5 miliones de turistes per anio e un intera de 42 700 miliones de dolares jenerada. En esta modo, Italia es la pais cuatro de la mundo par turismo. Roma, la site capital, es un de la destinas la plu visitada de la mundo, con un promedia de 7 a 10 miliones de turistes per anio.

En Italia la lingua ofisial es italian e el es la plu parlada.

El es un de la linguas ofisial de la Uni European. Italian es un lingua romanica, cual es un parte de la linguas indoeuropean. El ave multe linguas e dialetos cual ia evolui de la forma autonom de italian.

A nivel local, alga linguas es reconoseda:

Otra linguas parlada en Italia es:

Multe linguistes crede ance ce alga dialetos es vera linguas separada:

La catolicisme es la relijio xef de Italia.

Per la cosini italian la descovre de America ia es multe importante, car el ia oteni produidas nova como la patata, la tomate e la mais.

La platos la plu conoseda es la piza e la pasta.

La sculta de Roma es orijinal, ma el ave influes elinica (la plu de la sculta roman es copias de la elinica).

La prima creada musical cual on considera como un opera es de la anio 1597. El es Dafne, scriveda par Jacopo Peri per un sirculo de amis conoseda como Camerata Fiorentina. El ia es un atenta de revive la trajedia elinica de la Renase.

La contribui italian a la siensa es multe importante. Galileo Galilei, considerada como la fundor de la siensa, e Leonardo da Vinci, considerada la jenio umana la plu grande, ia es italianes.

Contribuores fundal italian es Leonardo Fibonacci, ci ia introdui la numeros arabi; Niccolò Tartaglia, ci ia solve la egalis cubo, e Girolamo Cardano e Paolo Ruffini ci ia contribui a la aljebra.

Otra matematicistes italian es Jacopo Riccati, Ulisse Dini, Vito Volterra, Guido Fubini, Renato Caccioppoli, Ennio De Giorgi e Enrico Bombieri.




#Article 422: Italian (lingua) (196 words)


Italian (italiano o lingua italiana) es un lingua romanica parlada par sirca 63 milion persones, xef en Italia e Suiz. En ambos locas, lo es un lingua ofisial. La varia normal de italian ia es ofisial adotada par la stato pos la uni de Italia, e es fundida sur la dialeto de Toscana, media entre la dialetos norde e sude.

Diferente de la otra linguas romanica, italian ia reteni la oposa de consonantes longa e corta de latina.  Como la plu de linguas romanica, asentua es distinguinte. De tota la linguas romanica, la vocabulo italian es la plu prosima a la latina orijinal. Romanian reteni plu prosima la sistem de nomes, espaniol la sistem de verbos, e sarda la sistem de fonetica.

Per esemplo, Nos Padre en italian:

Padre nostro. 
che sei nei cieli,
sia santificato il Tuo nome.
Venga il Tuo regno.
Sia fatta la Tua volontà
anche in terra com'è fatta nel cielo.
Dacci oggi il nostro pane quotidiano.
Rimetti a noi i nostri debiti,
come noi li rimettiamo ai nostri debitori.
e non esporci alla tentazione,
ma liberaci dal maligno.
perché tuo è il regno, la potenza e la gloria.
Per sempre.
Amen.




#Article 423: Itiopia (308 words)


Itiopia  es un pais en Africa.

La area es sirca 1 127 127 cilometres cuadiada e la cuantia de abitores, en la anio 2007, ia es sirca 76 511 887 persones.

La site capital es Addis Ababa.

La linguas major es amarina 32,7%, oromo 31,6%, tigrina 6,1%, somali 6%, guaragigna 3,5%, sidamigna 3,5%, hadiyigna 1,7%, otras 14,8%, engles (la lingua la plu aprendeda en scola).

Ante 1996, Itiopia ia es divideda en 13 provinces, de cual multe es derivada de la rejiones istorial. Oji, la pais ave un sistem per cual la governa federal supravide statos rejional, zonas, distritos (woreda) e visinerias (kebele) fundida sur etnicia.

De 1996, Itiopia es divideda en 9 statos rejional autonom fundida sur etnicia (kililoch, singular kilil) e du chartered cities (astedader akababiwoch, singular astedader akababi): Addis Ababa e Dire Dawa. La kililoch es sudivideda en 68 zonas, e ance en 550 woredas e varia woredas spesial.

Etiopia es un republica federal e parlamental. Laparlamento ave du salones.

La cuantia de abitores de Itiopia ia crese de 33,5 milione en 1983 a 97,8 milion en 2014. Los ia es sola 9 milion en la sentenio 19. La cuantia promedia anial ia crese de 2,6% entre 1994 e 2007, pos 2,8% en la periodo entre 1983 e 1994. Oji, Itiopia es entre la des paises prima de mundo par taso de crese de cuantia de abitores. On predise ce la cuantia de abitores va esede 210 milion en 2060.

La persones es multe diversa, con 80 etnicias diferente. Seguente la conta de abitores nasional itiopian de 2007, la oromos es la etnicia la plu grande en Itiopia, con 34,4% de la popla nasional e la amarinas representa 27% de la popla. La somalis representa la 6,22% de la popla.

Seguente Ethnologue, Itiopia ave 90 linguas. La plu de persones parla linguas afro-asiatica de la ramo cuxitica o semitica.




#Article 424: Iugoslavia (143 words)


La Rena de Iugoslavia (Jugoslavija, Југославија) ia es creada en 1918 de la Rena de Serpsces, Corvatsces, e Slovenianes. Lo ia deveni un federa democratial par la resistantes en 1943. En 1946, lo ia es renomida la Republica Federal de la Popla de Iugoslavia cuando lo ia deveni comuniste. En 1963, lo deveni la Republica Federal Sosialiste de Iugoslavia.

La Iugoslavia comuniste ia es fada de ses republicas: Slovenia, Corvatsca, Bosnia e Hersegovina, Serbia, Tsernagora e Macedonia.

Comensante en 1991, Iugoslavia ia desintegra en la geras iugoslavian. En 1992, la Federal Republica de Iugoslavia ia conteni sola Tsernagora e Serbia, con la provinses autonomo de Vojvodina e Kosovo. En 2003,  lo ia deveni la Uni de Serbia e Montenegro, e la nom de Iugoslavia ia deveni sola istorial. En 2006, Serbia e Montenegro ia deveni autonom, e en 2008, Kosovo ia deveni autonom.




#Article 425: Ivan Bunin (166 words)


Ivan Alekseyevich Bunin (1870-1953) ia es un scrivor rusce e la rusce prima ci ia gania la premio Nobel en leteratur (1933). El ia nase en Voronej e ia es instruida a la Universia de Moscva. El ia labora como jornaliste e secretor per gania un revenu peti ajuntada. Bunin ia publici sua libro prima de poesia en 1891. 

En 1903, el ia reseta la premio Pushkin de la Academia Rusce per sua traduis de la poesistes Henry Wadsworth Longfellow, Lord Byron, e Alfred, Lord Tennyson.

Pos la revolui bolxevic de 1917, el ia abita en Paris. Sua reputa leteratural ia depende xef de sua naras, novelas e naretas realiste en cual sua tema major es la vive sombre de provinses rusce.

El ia es alga influeda par la obras de scrivores rusce Anton Chekhov e Ivan Turgenev. Sua obras inclui la nareta La senior de San Francisco (1922) (rusce:Gospodin iz San-Frantsisko) e la novelas Vileta (Derevnya ) (1910) e Amoria de Mitina (Mitina lyubov) (1925).




#Article 426: J. R. R. Tolkien (442 words)


John Ronald Reuel Tolkien CBE, FRSL (3 janero 1892 – 2 setembre 1973) ia es un scrivor, poesiste, filolojiste e profesor de universia. El es conoseda per sua obras La hobit, La senior de la anelos e La silmarilion. El ia nase en 1892 en Bloemfontein en Sudafrica e ia mori en Bournemourth, en la contia Dorset en England.

El ia servi como profesor en Pembroke College de la Universia de Oxford de 1925 a 1945, e en Merton College de 1945 a 1959. A un tempo el ia es un ami prosima de C. S. Lewis – ambos ia es membros de un grupo nonformal de discute leteratural nomida Inklings. Tolkien ia es altida a Comandor de la Ordina de la Impero Brites par Rea Elizabeth 2 a 28 marto 1972.

Pos la mori de Tolkien, sua fio Christopher ia publici un serie de obras fundida sur la notas estendosa e manoscritos nonpublicida de sua patre, incluinte La silmarilion. Estas, con La hobit e La senior de la anelos, formi un corpo liada de naras, poesias, istorias imajinada, linguas inventada e esajos leteratural sur un mundo de fantasia nomida Arda, e de Tera Media en lo. Entre 1951 e 1955, Tolkien ia aplica la terma lejendario a la plu de esta scrivedas.

An si multe otra autores ia publici obras de fantasia ante Tolkien, la susede grande de La hobit e La senior de la anelos ia gida direta a un reativi poplal de la jenero. Par esta causa, on ia identifia Tolkien como la padre de leteratur moderna de fantasia – o, plu esata, de fantasia alta. En 2008, la jornal The Times ia loca el como numero ses en un lista de La 50 scrivores brites la plu grande de pos 1945. Forbes la lista el como numero sinco de la selebradas mor ci gania la plu mone en 2009.

Cuando el ia es un adolesente joven, Tolkien ia encontra a la ves prima un lingua construida, animalic, un inventa de sua cusines Mary e Marjorie Incledon. A acel tempo, el ia studia latina e anglosason. La interesa de los a animalic ia desapare rapida, ma Mary e otras, incluinte Tolkien mesma, ia inventa un lingua nova e plu complicada, nomida nevbosh. La lingua construida seguente con cual el ia labora, naffarin, ia es sua propre creada.

Tolkien ia aprende esperanto a alga tempo ante 1909. Sirca 10 junio 1909, el ia composa La libro de la Foxrook, un libro de des-ses pajes de notas, do la esemplo la plu temprana de un de sua alfabetas inventada apare. Testos cortas en esta libro de notas es scriveda en esperanto.




#Article 427: Jacinto Benavente (135 words)


Jacinto Benavente y Martinez (1866–1954) ia es un autor teatral, un criticiste, e un ganior de la premio Nobel espaniol. El ia nase en Madrid e ia es instruida a la Unversia de Madrid. El ia atrae la atende con un obra criticante Cartas de mujeres (La Leteras de femes, 1893) e un comedia, El nido ajeno (La nidos de otra avias, 1894). Aspirores sosial, persones rica, e instituidas feudal es entre la sujetos cual el ia ataca en sua teatrales.

En 1922 el ia gania la premio Nobel en leteratur; alora el ia turi America latina e la SUA con un compania realinte sua obras. En ajunta a teatrales per enfantes, el ia scrive multe comedias e trajedias, incluinte La lias de interesa (1907; traduida 1917) e La flor de desira (1913; traduida 1917).




#Article 428: Jacob Braakman (138 words)


Jacob Braakman ia es un scrivor nederlandes ci ia inventa la lingua aidante internasional mundolinco. El ia nase a 19 marto 1863 en Haarlemmermeer, Nederland. Pos abita en Hillegom, el ia move a Noordwijk a 7 desembre 1893, do el ia es rejistrada como un vendor e reparor de bisicles. Sua boteca ia deveni un comersia sustantial. Plu tarda, el ia deveni ance un fotografiste de familias e de vistas bela. El ia vende sua fotos como cartas de posta. Un studiante de volapük (el ia scrive un libro per aprende volapük en nederlandes en 1888), el ia crea sua propre lingua, cual el ia nomi mundolinco (lingua de mundo), e ia publici libros sur la lingua en 1889 e 1894. Mundolinco es conoseda como la esperantido (enfante de esperanto) prima. Braakman ia mori a 10 desembre 1932.




#Article 429: Jala (356 words)


Jala es la color de limones matur, eliantos, e oro. Lo es entre verde e orania en la spetro de lus vidable. Lus jala ave un longia de onda entre sirca 570 e 590 nanometres. Lo es un de la colores xef en la sistem sutral de colores, incluida en depinta (con blu e roja) e en primi (con sian, majenta, e negra). En la model de colores RGB, cual es usada per crea cada de la colores sur scermos de computadores e televisadores, jala es un color suordinada cual es creada par combina roja e verde a intensias egal. Diseda par sondas en Europa e la SUA, jala es la color la plu asosiada con diverti, jentilia e spontania, ma ance con engana, invia, avaria e, en la SUA, con coardia. En Iran lo ave conotas de maladia, ma ance sajia e comuta. Lo ave un rol importante en cultur asian, spesial en Xina, do on regarda lo como la color de felisia, gloria, sajia, armonia e cultur.

Jala, en la forma de la pigmento de ocer jala cual es creada de arjilia, ia es un de la colores usada prima en arte preistorial de cava. La cava Lascaux ave un imaje de un cavalo cual es colorida con jala. On estima ce esta imaje ia es creada 17 300 anios en la pasada.

En Egipte antica, jala ia es asosiada con oro, cual ia es considerada como nonputrable, eterna e nondestruable. On ia crede ce la pel e la osos de la dios ia es composada de oro. La egipsianes multe ia usa jala en depintas en tombas; los ia usa o ocer jala o la pigmento briliante orpimento, an si lo ia es creada de arsenico e donce ia es multe nosiva. Un caxa peti de depinta con orpimento ia es trovada en la tomba de Re Tutankhamun. Omes ia es sempre mostrada con fases brun, en cuando femes ia es mostrada con fases ocer o oro.

La romanes antica ia usa jala en sua depintas per mostra oro e tinjes de pel. Lo es trovada comun en la depintas mural de Pompei.




#Article 430: Jamaica (498 words)


Jamaica es un pais en la Mar Caribe, e la isola tre de la plu grandes de la Antiles Major. Con area de 10 990 cilometres cuadrida, lo es situada a sirca 145 cilometres a sude de Cuba, e a 191 cilometres a ueste de Ispaniola (la isola cual conteni la paises Aiti e Republica Dominican).

Abitada par la poplas nativa arauac e taino, la isola ia es renada par Espania pos la ariva de Cristoforo Colombo en 1494. Multe de la persones nativa ia mori de maladia, e la espanioles ia move sclavos african a Jamaica como laborores. Nomida Santiago, la isola ia resta como un poseseda de Espania asta 1655, cuando England ia concista lo e ia renomi lo Jamaica. Su rena colonial brites, Jamaica ia deveni un esportor major de zucar, con un economia de cultiverias cual ia depende de sclavos transportada de Africa.

La briteses ia libri tota sclavos en 1838, e multe de los ia eleje ave sua cultiverias propre de susiste en loca de labora sur cultiverias de zucar. Comensante en la desenio de 1840, la briteses ia usa laborores jonguo e barati su acordas formal per labora sur cultiverias de zucar. La isola ia deveni autonom a 6 agosto 1962.

Con 2,9 milion persones, Jamaica es la pais tre de la plu popladas con lingua engles en la Americas (pos la Statos Unida e Canada), e la numero cuatro de la paises la plu poplada en la Mar Caribe. Kingston es la capital e site la plu grande, con popla de 937 700 persones. Jamaicanes ave xef asendentes african, ma minorias importane esiste con asendentes european, jonguo, barati e miscada. Par causa de un taso alta de migra a via per labora de pos la desenio de 1960, Jamaica ave un diaspora grande sirca la mundo, spesial en Canada, la Rena Unida e la Statos Unida.

Jamaica es un membro de la Comunia de Nasiones, con Rea Elizabeth 2 como sua monarca e xef de stato. La representor asiniada de la rea en la pais es la Governor Jeneral de Jamaica, un posto ocupada par Sir Patrick Allen de 2009. Andew Holness servi como la xef de governa e Ministro Xef de Jamaica de marto 2016. Jamaica es un monarcia constitual parlamental con potia de leji en la Parlamento de Jamaica, cual es compsada de un Salon Alta asiniada e un Salon Basa direta elejeda.

La lingua major es engles.

On ave du partidas political, la PNP (Partida Nasional de la Popla – sinistriste) e la JLP (Partida de la Laborores – destriste). De 2012 la Ministro Prima es la Multe Onorable Sra Portia Simpson-Miller (PNP).

On ave ance un comunia blanca. Per esemplo: Sr. Michael Manley, de la PNP, Ministro Prima 1972–80 e 1989–92; e Chris Blackwell, fundor de la casa de discos Island (Isola), cual ia orijina como un eticeta per rege.

La isola es famosa per multe stilos de musica, incluinte sca, rege, e danshal, cual ave parolas violente a multe veses.




#Article 431: Nion (lingua) (140 words)


Nion, o japanes (日本語, nihongo), es un lingua parlada par plu ce 127 milion persones, en Japan e ance par migrantes tra la mundo.  La istoria de la lingua nion va retro a la sentenio oto, cuando tre operas orijinal de nion vea ia es scriveda.

Nion es scriveda en simboles xines (nomida canji) e scrives silabal (hiragana e catacana) cual es usada en situas diferente.  La alfabeta latina (nomida romaji) es usada per multe taxes moderna, como computadores.

La vocabulo de nion inclui multe parolas prestada de xines durante 1500 anios de contata.  En la sentenios resente, nion ia presta ance multe parolas de linguas european, spesial de engles.

La lingua sembla corean e la linguas altaica, ma la plu linguistes vide nion como un lingua isolida, direta relatada sola a la linguas minor de la Islas de Riuciu.




#Article 432: Jazair (365 words)


Jazair  es un pais en Africa.

La area es sirca 2 381 740 cilometres cuadrida.

La cuantia de abitores, en la anio 2007, ia es sirca 33 333 216 persones.

La site capital es Jazair.

La linguas major es arabi, franses e dialetos de berber.

Tra multe anios, costumes franses ia domina la vive cultural jazairi, ma pos la temprana de la desenio de 1960, multe artistes e inteletosas jazairi ia revive la costumes arabi-berber. Jazair es entre la nasiones african la plu rica. An con cultiva e pexa forte, Jazair debe importa comedas. Sua esportada la plu importante es olio. De pos 1992, elejes ia es proibida per preveni la Fronte Islamiste per Salva, un grupo islamiste estremiste, de gania un majoria en la legeria. Alora la pais ia es governada par la Consilio Alta de Stato, gidada par la presidente.

Numidia, la rena berber prima, ia es vinseda par Roma en 106 aec. En la sentenio 7 ec, arabis muslim ia invade Africa norde, incluinte la Rena Berber. Entre la sentenios 11 e 13 ec, Jazair ia progresa su du dinastias berber: almoravides e almohades. En la sentenio 16, la osmanianes ia governa la area como provinse autonom. Frans ia ajunta Jazair en la desenio de 1830, e ia developa un economia moderna en la colonias o areas abitada par la colonistes franses. Muslimes ia es opresada e restrinjeda en la viletas. Pos la Gera Mundal Prima, nasionalisme ia crese grande.

En 1954, escluidas jazairi ia fundi un comite revoluinte, nomida la Fronte de Libri Nasional (FLN). Lo ia comensa atas de gerilia e sabota, cual ia paralise la fortes franses en la du anios seguente. En 1962, on ia institui un sesaspara, e Jazair ia proclama sua autonomia. An tal, la custas de gera e la parti coletiva de colonistes, cual ia conteni laborores esperta, ia causa un degrada economial. En 1962 Ahmed Ben Bella ia es elejeda como la presidente autonom prima.

Pos 1992 un gera violente interna ia eruta entre la governa tempora e grupos estremiste. En 1994 la Consilio Alta ia nomi Liamin Zerual la presidente. Sua governa ia aproba cambias constitual intendeda per fini la violentia e teror continuante en la pais.




#Article 433: Jean-Paul Sartre (271 words)


Jean-Paul Sartre (1905–1980) ia es un dramiste, noveliste e filosofiste political franses. El ia junta la fenomenolojia, la metafisica e la teoria sosial per crea un vide unica, nomida esistentialisme, cual presenta un relata entre la teoria de filosofia e la vive, la leteratur, la psicolojia e la politica.

Naseda en Paris, Sartre ia instrui la filosofia asta la eruta de la Gera Mundal Du en 1939, cuando el ia es clamada per servi militar. En 1940 e 1941 la deutxes ia prisoni el; pos libri, el ia reveni a instrui, e ia es ativa en la resiste franses. Alora Sartre ia fundi e edita la jornal leteratural e political La tempos moderna (franses: Les temps modernes). La plu de sua scrivedas de la desenio de 1950 ia trata problemes leteratural e political.

El ia refusa la premio Nobel per leteratur de 1964, esplicante ce la aseta de un tal premio ta manxa sua onestia como autor.

En sua obra filosofial major, La es e la noncosia (franses: L'etre et le néant) (1943), Sartre ia pensa a umanas como creadas ci construi sua propre mundo par rebela contra autoria e par aseta la encarga personal per sua atas. El ia vide la libria de eleje asoluta como nesesada per la esiste vera umana. Sua novelas e teatrales espresa la crede ce la encarga personal es la libria e la aseta de la valuas xef en la vive.

Plu tarda, Sartre ia discute ce la influe forte de la sosia moderna sur la individua va produi la seriali (la perde de la me), cual es solvable sola par ativia revoluinte de grupos.




#Article 434: Jenetica (374 words)


Per plu, vide .

Jenetica, un sucampo de biolojia, es la siensa de jenes, erita e la varia de viventes. La parola veni de γενετικός en elinica antica, un forma ajetival de γένεσις (orijina).

La fato ce viventes erita cualias de sua jenitores ia es usada de edas preistorial per boni plantas e animales par reprodui distinguinte. Ma la siensa moderna de jenetica, cual atenta comprende la prosedes de erita, comensa sola con la laboras de Gregor Mendel en la media de la sentenio 19. An si el no ia conose la funda fisical per erita, Mendel ia oserva ce viventes erita cualias par unias unica de erita, cual nos nomi aora jenes.

Jenes coresponde a areas en ADN, un molecula composada de un cadena de cuatro tipos de nucleotidos. La segue de esta nucleotidos es la informa jenetical cual viventes erita. ADN aveni natural en la forma de un cadena duple, con nucleotidos a cada lado de la cadena completinte lunlotra. Cada dui de la cadena pote funsiona como un model per la crea de un cadena nova completa. Esta es la metodo per crea copias de jenes cual pote es eritada.

La segue de nucleotidos en un jen es traduida par selulas per produi un cadena de aminoasidas, cual formi protenas. La ordina de aminoasidas en la protena coresponde a la ordina de nucleotidos en la jen. Esta relata entre la segue de nucleotidos e la segue de aminoasidas es nomida la codigo jenetical. La aminoasidas en un protena determina como lo plia per deveni un forma tridimensional. Esta strutur determina alora la rol de la protena en la selula. Protenas esecuta cuasi tota la roles nesesada par la selulas per vive. Un cambia a la ADN en un jen pote cambia la aminoasidas en un protena, cual cambia sua forma e rol. Esta pote fa un efeto dramosa en la selula e en la vivente tota.

An si jenetica ave un rol grande en la apare e condui de viventes, lo es la combina de jenetica con la esperia de la vivente cual determina la conclui ultima. Per esemplo, jenes ave un rol en determina la grandia de un vivente, ma la nuri e otra cosas ave ance un efeto grande.




#Article 435: Jeografia (172 words)


Jeografia es la studia de la surfas de la Tera e de sua aspetas fisical e sosial. La orijina de esta terma es la parolas elinica γη/γεια (ge/geia), cual sinifia Tera, e γραφειν (grafein), cual sinifia scrive; leteral, la scrive de la Tera.

La jeografia fisical foca a jeografia como la siensa de la tera. Sua intende es comprende la problemes fisical e la difisiles de la litosfera, idrosfera, atmosfera e biosfera.

La jeografia fisical pote es divideda en multe categorias larga:

La jeografia umana es la ramo de la jeografia cual foca a la studia de la prosedes cual formi la sosia umana. Lo ensirca la aspetas umana political cultural, sosial e economial.

La jeografia umana pote es divideda en multe categorias larga:

La jeografia integrada es la ramo de la jeografia cual descrive la aspetas spasial de interatas entre umanas e la mundo natural. Lo esije un comprende de la aspetas tradisional de la jeografia umana e fisical, como ance la formas con cual la sosias umana conseti la ambiente.




#Article 436: Jeolojia (137 words)


Jeolojia es la siensa cual studia la formi e composa de la tera. Lo studia la formas esterna e interna de la Tera e tota cambias de pos sua orijina.

La jeolojia descrive la strutur de la Tera su sua surfas, e la prosedes cual ia formi esta strutur. Lo ance furni utiles per determina la edas asoluta e relativa de la rocas trovada en un loca e ance descrive la istoria de esta rocas. Combinante esta utiles, la jeolojistes pote nara la istoria jeolojial de la Tera e ance mostra la eda de la Tera. La jeolojia furni la evidentia prima de la placas tetonical, la istoria evolual de vive e la climas pasada de la Tera.

Jeolojia veni de la elinica antica γῆ, gē, tera e -λoγία, -logia, studia de).

Zonas jeolojial de la mundo




#Article 437: Jeometria (238 words)


Jeometria (de elinica antica γεωμετρία; geo- tera, -metron mesura) es la campo de matematica cual studia la cualias e relatas de puntos, linias, surfases, solidas, e analojas en dimensiones plu alta.

Jeometria ia comensa como la are de mesura la forma de tera per es divideda justa entre persones. La parola jeometria sinifia mesura la tera. Lo ia developa de esta per deveni un de la ramos plu importante de matematica. La matematiciste elinica Euclide ia scrive la libro un sur jeometria. Jeometria es un de la ramos plu antica de matematica.

Matematicistes indian ia fa contribuis importante a jeometria. La Satapatha Brahmana (sentenio 3 aec) conteni regulas per construidas jeometrial ritual cual es simil a la sutras Sulba. Seguente Hayashi 2005, p. 363, la sutras Sulba conteni la espresa verbal esistente plu temprana de la teorem de Pitagora en la mundo, an si la es conoseda par la babilonianes antica. Brahmagupta ia scrive sua obra astronomial Brāhma Sphuṭa Siddhānta en 628. La capitol 12, con 66 linias en sanscrito, ia es divideda en du partes: operas fundal e matematica pratical.

En la eda medieval, la matematica en islam medieval ia contribui a la developa de jeometria, spesial la jeometrial aljebral. Alga matematicistes muslim medieval ia es Al-Mahani (n 853), Thābit ibn Qurra (conoseda como Thebit en latina) (836–901), Omar Khayyam (1048–1131) e Ibn al-Haytham (Alhazen).

La seguente es un de la consetas la plu importante en jeometria:




#Article 438: Jeometria euclidal (273 words)


La jeometria euclidal es la sistem matematical atribuida a Euclide, ci ia descrive lo en sua manual sur jeometria: la Elementos. La metodo de Euclide es composada de oteni un colie de axiomes intuosa apelante, e dedui multe otra proposas (teoremes) de estas. An si multe de la resulta de Euclide ia es  afirmada par matematicistes plu temprana, Euclide ia es la prima ci ia mostra como esta proposas ta pote ajusta en un sistem lojical e deduinte completa. La Elementos comensa con jeometria de planas, ancora ensenia en educa de liseo como la sistem axiomal un e la la esemplos un de demostra formal. Lo continua con la jeometria solida de tre dimensiones. Multe de la Elementos afirma resultas de cual oji es nomida aljebra e teoria de numeros, esplicada en lingua jeometrial.

Per plu ca dumil anios, la ajetivo euclidal ia no es nesesada car no otra tipo de jeometria ia es consetida. La axiomes de Euclide ia pare tan intuable evidente (estra cisa la axiom de paraleles) ce on ia regarda cualce teorem demostrada de los como vera en modo asoluta e comun metafisical. An tal, oji multe de jeometrias noneuclidal es conoseda, la primas ia es descovreda en la sentenio 19 temprana. Un implica de la teoria de relativia jeneral de Albert Einstein es ce la spasio fisical es noneuclidal, e la spasio euclidal es un bon aprosimi per lo sola do la campo gravital es debil.

La jeometria euclidal es un esemplo de jeometria sintesal, en cual lo prosede lojical de axiomes a proposas sin la usa de coordinas. Esta contrasta con la jeometria analisal, cual usa coordinas.




#Article 439: Jergo xinuc (652 words)


Jergo Xinuc  (ance nomida Xinuc Uaua) es un pijin o lingua de comersia usada par persones – american orijinal, franses, e engles-american – a la costa norde-ueste de la SUA e Canada (Columbia Brites, Washington  e Oregon moderna). Lo ia varia entre la areas e popla de la area. Lo no ia evolui a un creol vera, e ia continua cambia tra la anios. Lo ia mori ante la Gera Mundal 2, ma alga parolas es ancora usada en la rejion orijinal.

La fonte per la informa a su es R. James Holton (2004) Chinook Jargon - The Hidden Language of the Pacific Northwest, disponable de 

La leteras comun usada: b, ch, d, g, h, hw, k, kl, kw, l, m, n, ng, p, r, s, sh, t, tl, ts, w, y.

Nota ce tota esta consonantes, simple e duple, pote comensa un parola. La combinas bl, dl, kr, kt e st pote ance comensa un parola. En alga parolas, derivada de franses, kl es pronunsiada como elefen cl, pe lakli, de la clé.

La vocales es a, e, ê, i, o, u, con diftongos aw, ay, ey, iy, oy, uy.

La asentua es la plu comun a la comensa de la parola, estra alga parolas de franses cual comensa con l, pe lakli.

La pronomes personal en jergo xinuc es:

Estas es usada per sujeto, ojeto, e per indica posese.

Determinantes, mostrada con la parola man (om):

Ukuk pote es usada como un pronom:

Si la verbo de un frase indica un ata, la verbo vade pos la pronom:

Ma si un ajetivo o un nom es usada en loca de un verbo de ata (pe, me [es] fatigada), la ordina pote es reversada:

Kupa indica loca, e pote es traduida par a, con, sur, en, de o asta. Klak, kikwêli e klahani es tre alterantes cual presede kupa a veses:

An si parolas es multe flexable per usa, normal on debe usa cada parola en sua rol fundal – nom, verbo, ajetivo, etc. Ma on pote usa alterantes per cambia roles. Mamuk crea verbos de ata de nomes e ajetivos. Kakwa crea ajetivos de nomes e verbos.

Parolas o espresas cual indica tempo, loca o probablia es normal poneda a la comensa de un frase:

On indica pluralia e seso par usa ajetivos ante la nom. Averbos no difere de ajetivos:

Wik nega la frase e vade ante la sujeto e verbo. Hilu sustitui per wik en alga varias de jergo xinuk, ma sinifia plu esata nun o no cosa. Hawkwêtl pote ance sustitui per wik e sinifia ce on no pote fa alga cosa:

Si la sujeto es un nom, un pronom segue normal:

Pronomes indica ance la posese. Sin un pronom, cualce nom presedente un otra nom deveni un ajetivo:

Comparas es indicada par usa ilêp (plu, leteral prima) e kimta (min, leteral a pos). On usa dêlet ante ilêp o kimta per la plu e la min:

Manêki e pus es usada a veses en loca de ilêp e kupa.

Parolas de demanda vade a la comensa de la frase. On leva la altia de vose cuando on demanda alga cosa, como en elefen:

Jergo xinuk ave alga parolas per fa ce la frase es ipotesal o dependente, per demanda un confirma, o presenta un comanda. Los es poneda a la comensa o la fini de la frase:

Jergo xinuk ave sola entre 500 e 800 parolas, e un vocabulo de 200 parolas simple sufisi per multe. Ma on pote crea multe plu sinifias par composa:

Lo usa ance multe espresas idiomal:

Per asentua un parola, on pote estende sua vocal, o move lo a la comensa de la frase:

La pijin no ave un parola per es. En loca, on usa un ajetivo o nom pos la sujeto:

Mitlayt o kupa pote es usada per es cuando la ojeto senta o abita fisical en un loca:




#Article 440: Jesus Cristo (185 words)


Jesus () o Iexua () es la Fio de Dio (Iaue, o YHWH en ivri) en cristianisme. El es la person tre de la Trinia. On crede ce Jesus ia nase entre 18 e 3 aec (o ante Cristo) en Betlehem, Iudea (aora Israel).

La madre de Jesus ia es la virjin Maria (o Mariam). Jesus ia nase en la rena de Herode e cuando Herode ia aprende ce Jesus ia nase, el ia comanda la masacra de la inosentes. Multe persones ia crede ce 14 000 o 64 000 enfantes ia es asasinada, ma aora The Catholic Encyclopedia (La ensiclopedia catolica) dise ce ses o dudes enfantes ia es asasinada). Jesus e sua jenitores, Maria e Josef (o Iosef), ia fuji a Egipte.

Jesus ia fa miracles: el ia cambia acua a vino, ia revive persones mor (Lazaro, la fia de Jairus, la fio de un vidua, e se mesma), ia nuri 5000 e 4000 persones con un cuantia pico de pan e pexes, ia pasea sur acua, ia sani sordas, siecas, mudas, etc. Jesus ia fa ance esorsis de demones. El ia ave 12 apostoles.




#Article 441: Jibraltar (253 words)


Jibraltar (engles Gibraltar, espaniol Gibraltar) es un teritorio ultramar brites, locada en la sude de la penisola iberian. Lo ave un area de 6,7km² e comparti sua frontera norde con Espania. La Roca de Jibraltar es la cualia jeografial major de la rejion. A sua pede on ave un area urban densa poplada, do plu ca 30 000 jibraltarianes e otra persones abita.

Un forte engles-nederlandes ia catura Jibraltar de Espania en 1704 en la Gera de la Pasa de Rena Espaniol, suportante la reclama de la trona espaniol par Habsburg. A pos, la teritorio ia es sededa a Britan per eternia su la Trata de Utrecht en 1713. En la Gera Mundal 2, lo ia es un base importante per la marina brites (la Marina Real), car lo ia controla ia entra e sorti de la Mar Mediteraneo, cual ave un largia de sola 13 km a esta colo de botela e resta stratejial importante an oji, car plu ca un dui de la comersia maral de la mundo pasa tra la streta. La economia presente de Jibraltar es xef fundida sur turisme, aposta enlinia, servis finansial e servis de renuri barcones de carga.

La governa de Jibraltar es un punto major de desacorda en relatas engles-espaniol, car Espania reclama la teritorio. Jibraltarianes ia rejeta forte proposas per rena espaniol en un referendo en 1967 e denova en 2002. Su la constitui jibraltarian de 2006, Jibraltar governa se, an si alga potias, como defende e relatas esterna, resta encargas de la governa brites.




#Article 442: Jirafa (261 words)


La jirafa (Jirafa camelopardale) es un mamal african de la grupo de ungulatos con ditos duable. De la animales esistente sur la tera, lo es la plu grande. La nom veni de la parola arabi الزرافة (ziraafa), e la nom siensal de la spesie refere a la marcas a sua pelo, cual sembla los de la leopardo, e sua fas, cual sembla el de la camel.

La pesia de un jirafa mas adulta es sirca 1200 kg, e lo de un fema adulte es 830 kg. Los ave entre 4,3 metres e 5,2 metres de altia, e la recordo per un mas es cuasi 6 metres.

La jirafa es relatada a otra ungulatos con ditos duable, como servos e boves, ma on ave un familia separada – la jirafidos – cual conteni sola la jirafa e sua relatada, la ocapi, e alga relatadas estinguida. La jirafa abita en la rejion de Txad en Africa sentral a Sudafrica, normal en la savanas, areas erbosa, e forestas abrida. Cuando comedas es rara, jirafas pote vade a rejiones con plantas plu densa. Los prefere rejiones con multe acasias. Los pote bevi cuantias grande de acua cuando lo es disponable, permetente ce los vive per periodos longa en rejiones seca.

La pelo de la jirafa es plen de antimicrobiales e antiparasitales cual ata como un defende cimical, e dona la odor tipal de la animal. A la min des-un cimicas odorosa esiste en la pelo. Car mases ave un odor plu forte ca la femas, naturalistes suspeta ce la cimicales ave ance un rol sesal.




#Article 443: Johann Gutenberg (114 words)


Johannes Gensfleisch zur Laden zum Gutenberg (sirca 1400 – 3 febrero 1468) ia es un oror e primor deutx ci ia inventa la primi con tipos movable sirca 1439. Sua obra major, la Biblia de Gutenberg (ance nomida la Biblia de 42 linias) es amirada per sua belia e cualia tecnical.

Gutenberg ia desinia tipos movable de metal, ia inventa un metodo de produi serial per estas, ia inisia la usa de incas de olio, e ia inventa la usa de un primador de lenio simil a la presadores cual on ia torse per presa olivas e vino. Sua inventa la plu importante ia es la combina de esta elementos como un sistem pratical.




#Article 444: Johann Sebastian Bach (306 words)


Johann Sebastian Bach ia es un composor. El ia nase en Eisenach, Turingia, (aora en Deutxland) a 21 marto 1685. Cuando el ia ave nove anios, sua madre ia mori, e pos un anio sua padre ia mori ance. Sua frate, ci ia ave 16 plu anios, ia comensa eleva el, e ia instrui el a composa e jua la organo.

Par causa de sua jua eselente de organo, en la anio 1703 Johann Sebastian Bach ia deveni organiste en Arnstadt. Pos cuatro anios el ia move sua casa a Mühlhausen en Turingia, do el ia sposi a sua sobrina Maria Barbara Bach. Ala el ia crea sua cantadas prima. El ia deveni un organiste cortal, e alga plu tarda el ia deveni mestre de consertas a la corte de la duxe Wilhelm Ernst en Weimar. Desfavoreda en la anio 1717, el ia debe pasa cuatro semanas en prison.

De 1717 asta 1723 Bach ia es mestre de orcestra en la corte de la prinse Leopold von Anhalt-Köthen en Köthen. En la anio 1720 sua sposa ia mori. Pos un anio el ia sposi ancora, a la cantor Anna Magdalena Wülcken. De 1723 el ia es cantor en Leipzig. Ala el ia debe no sola dirije cosas musical, ma ance ensenia la latina en la scola liada a la eglesa. El ia pasa sua anios ultima de vive en siecia. En 1749 el ia ave sirurjia a ambos oios. A 28 julio 1750, el ia mori en Leipzig. Pos sua mori, sua musica ia perde popularia, ma la composor Felix Mendelssohn Bartholdy ia repopulari lo (inisial, sola la obras relijiosa per organo). Aora on considera el como un de la composores la plu grande de istoria.

Johann Sebastian Bach ia ave 17 enfantes, de ci 7 ia mori ante el. Cuatro fios ia deveni ance composores:




#Article 445: Johann Wolfgang von Goethe (973 words)


Johann Wolfgang von Goethe (28 agosto 1749 - 22 marto 1832) ia es un scrivor deutx multe importante. Sua obra la plu importante es la drama Faust.

Nos no debe visita un dementeria per trova mentes desordinada; nosa planeta es la dementeria de la universo. - Goethe (1749-1832)

Goethe ia nase en 1749 en Frankfurt-am-Main en Deutxland, la plu vea de ses enfantes, ma sola el e un sore ia survive a adultia. Sua padre, Johann Kaspar Goethe, ia es un avocato confortosa e un erudita amator, ma el no ia susede en politica e ia ave un tempera nonplasente. Sua madre, Katharina Elisabeth Textor, ia es multe plu plasente e ia es la fia de la burgermeister (maior) de Frankfurt.

Goethe joven ia es bela e talentosa. El ia aprende fasil la linguas e ia ave intereses en musica e arte. El ia entra la Universia de Leipzig per studia lege, ma un delude en ama ia resulta en maladia e depresa, e el departi de scola. Ma en 1777, el ia reseta sua diploma en lege de la Universia de Strasbourg.

Sua leje de la Disionario de Bayle ia condui el per renunsia sua cristiania cuando el ia es un adolese, e el ia deveni un ateiste. El ia suavi alga plu tarde, e ia adota un panteisme modelida de lo de Baruch Spinoza.

En 1774, el ia scrive Die Leiden des jungen Werthers (la tristias de Werther joven), un nara de ama trajica cual, an si no gustada par la criticores, ia es multe susedosa, spesial entre inteletos romanica joven. La libro conclui con un suiside cual ia es imitada, nonfortunosa, par un cuanti de lejores ci ia es se mesma sufrinte de un cor rompeda. Como multe de sua obras, la nara asentua la tensas entre la natur de la individua e la restrinjes de la sosia.

La anio seguente, el ia es invitada per junta con la dux de Sasonia-Weimar a corte. A prima, el ia es no plu ca un orna ala, ma plu tarde el ia ave cargas varios real political, incluinte inspetas de minas e la institui de oserverias de clima.

En 1782, el ia induida en la nobilia, cual ia permete ce el ajunta la von a sua nom. La resulta de sua fama e prestije en Weimar, el ia encontra e deveni amis con alga poesistes joven, incluinte Schiller e Herder.

De sua adolese, Goethe ia tende cade en ama, ma no capas de dedica se a un fem o a sposia. Sua relata la plu longa e intensa ia comensa sirca 1775 con Charlotte von Schardt, un fem sposida ci ia ave sete enfantes (an si sola cuatro ia survive). El ta scrive leteras longa e romanica a Charlotte per la plu de sua vive.

El ia comensa sua propre casa con un fem joven de la clase de laborores nomida Christiane Vulpius. El ia pare un enfante a Natal en 1789.

En 1801, Goethe ia deveni malade, e sua sani ia prende multe anios. A la fini de sua malade, Napoleon ia defeta la Pruses a Jena e ia marxa en Weimar. Sua soldatos ia atenta prende la casa de Goethe, e Christiane ia proteje el fisical. El ia sposi el pronto pos esta.

Goethe ia es un amiror de Napoleon, e ia visita el en 1808 a la invita de la imperor. Goethe ia visita ance con Beethoven en 1812.

Faust, la obra la plu grande de Goethe ia es sua presenta teatral en du partes. El ia comensa scrive lo en 1773, ma no ia fini lo asta 1831. La parte prima pote es comprendeda solitar, e lo ia es completeda en 1808. La tema ia es libria umana e la potia de pasion, cual Faust descovre pos cuando el aposa sua spirito en un negosia con la diablo Mephistopheles.

(En un aveni ladal, Faust ia crea un om artifisial en sua laboreria. Esta ia influe un fem nomida Mary Shelley, autor de Frankenstein - posible la novel prima de naras siensal. El ia pone sua nara en un castel de la sentenio 13 cual el ia videda cual ia parteni a un familia deutx vea e colorosa Frankenstein, un castel con cual Goethe ia es ance familiar.)

En ajunta a sua poesia, noveles, e presentas teatral, Goethe ia spende multe tempo sur siensa. El ia studia medica, anatomia, fisica, cimica, botanica, e meteorolojia.

En 1792, el ia completa sua Beitrage zur Optik (contribuis a optica) en du partes, e en 1810 la Zur Farbenlehre (sur la teoria de colores). El ia crede vera ce esta ia es esta obras cual ta es sua contribuis la plu grande. Ma poca siensistes ia aproba de los, e los ta ave poca efeto seria sur la campo. Sua obras ta fa un impresa plu grande sur artistes variosa, incluinte Turner, Klee, e Kandinsky. Sua metodos ia es vera plu fenomenolojial ca esperimental, e sua obras ia refleta plu sur la esperias sujetal de color e lus ca sur sua fisica.

El ia scrive ance un libro nomida La mute de plantas, cual ia sujeste ce tota plantas es sola varias sur un planta primativa el ia nomida Urpflanze. El ia introdui la terma morfolojia e moveda la relata de umanas e animales con sua descovre de la oso intermasila (supra tua dentes superior), en la mesma loca como en animales.

Sua sposa Christiane ia mori en 1816. Sua amada Charlotte ia mori en 1827. La dux ia mori la anio seguente. E la sola enfante restante de Goethe ia mori en 1830. Sufrinte de maladia e depresa, Goethe mesma ia mori, 22 marte 1832, un anio pos completa la dui du de sua obra mestral Faust

El no ia es sola un scrivor e poesiste, ma ance un politiciste e siensiste.




#Article 446: John Galsworthy (158 words)


John Galsworthy (1867–1933) ia es un noveliste e dramiste engles de la sentenio 20 temprana. El ia nase en Kingston Hills, Surrey. En sua scrives prima, el ia usa la nom falsa John Sinjohn.

La novelas e drama de Galsworthy conserna xef la vive de la parte alta de la clase media en England. La plu de sua novelas trata la istoria de un tal familia engles, Forsyte, de tempos victorian tra la cuatri prima de la sentenio 20.

La serie de Forsyte inclui La saga de Forsyte (1922), un colie de sinco titulos, cual ia es ja publicida en modo separada a tempo plu temprana. La nara de Forsyte ia es continuada par Galsworthy en tre plu obras, ultima publicida en junta su la titulo Un comedia moderna (1929).

La tre libros Forsyte ia es publicida en junta pos sua mori como Fini de la capitol (1934). Galsworthy ia gania la premio Nobel de 1932 en leteratur.




#Article 447: John Steinbeck (264 words)


John Ernst Steinbeck (1902–1968) ia es un autor american e un ganior de la premio Nobel en leteratur. El ia descrive en sua obras la luta corajosa de la popla ci depende de la tera per sua modo de susta. El ia nase en Salinas, California. En La pastos de sielo (1932), un colieda de naretas descrivente un comunia de cultivores californian, Steinbeck ia trata prima la vive de omes laborosa e temas sosial cual es presente en la plu de sua obras.

Sua otra libros temprana inclui Tortilla Flat (1935, nomida per un distrito misera a la costa de California), En batalia dutable (1936) e Sur muses e omes (1937). La obra la plu famosa de Steinbeck es La uvas de coleria (1939; premio Pulitzer 1940), cual descrive sombre la familia de Joad abitante en la Bol de Polvo de Oklahoma, un area multe povre, e sua migra a California en la Depresa Grande de la desenio 1930. Otra obras es Cannery Row (nomida per un strada de fabricerias de botes de sardinas) (1945), A este de Eden (1952) e La inverno de nosa noncontentia (1961). En 1962, el ia scrive sua autobiografia Viajas con Charley: xercante America.

Steinbeck ia es un de la figures major en leteratur de la desenio 1930. El ia ave un tema sentral en la dinia cuieta cual el ia vide en la povres e la opresadas. An si sua carateres ia es trapida en un mundo cruel, los ia resta umanas nobil e eroin an en defeta. Steinbeck ia gania la premio Nobel en leteratur de 1962.




#Article 448: Join, or Die (188 words)


Join, or Die es un cartun political, desiniada par Benjamin Franklin e prima publicida en sua Pennsylvania Gazette a 9 maio 1754.

La publicida orijinal es la desinia prima conoseda de uni colonial produida par un coloniste brites en America. Lo es un xilogram mostrante un serpe taliada en otis, de cual cada es eticetida con la inisiales de un de la colonias american. England Nova es representada como un parte, en loca de la cuatro colonias cual lo ia es alora. Delaware no apare car lo ia es un parte de Pennsylvania. Georgia es completa ometeda. Tal, la serpente ave oto partes en loca de la des-tre colonias tradisional. La desinia ia apare con un editorial par Franklin parlante sur la stato desunida de la colonias, e ia aida fa sua punto sur la importa de la unia colonial.

La desinia ia es usada en la Gera de Sete Anios per simboli la idea ce la colonias nesesa es unida con la Rena de Britan per defeta la franseses e la americanes orijinal. Lo ia deveni un simbol de libria colonial en la Gera de Revolui American.




#Article 449: Joseph Smith Jr. (671 words)


Joseph Smith Jr. ia es la fundor e un profeta de mormonisme.

El ia nase en Sharon, Vermont (SUA) en la anio 1805, e ia mori en la anio 1844 en Carthage, Illinois (SUA). El ia es ance un teocrata, politiciste, urbaniste, xef militar, e poligamiste.

El ia crese en New York ueste en un periodo de zelo relijiosa (Velia Grande Du). On ia dise ce el ave la capasia de trova tesoros enterada, par usa medias supranatural. En la fini de la anios 1820, Smith ia dise ce un anjel ia gida el a un libro de placas de oro enterada, enscriveda con la istoria relijial de poplas antica american. Pos publici un tradui a engles de la placas como la Libro de Mormon, el ia organiza ramos de la Eglesa de Cristo, un eglesa de cual sua aderores ia es plu tarda nomida Santas de la Dias Ultima o, plu comun, mormonistes.

En 1831, ia move a Kirtland (Ohio) per fundi la site de Zion en Missouri ueste, ma sua projeta ia es frustrada cuando colonistes de Missouri ia esclui la mormonistes en 1833. Pos gida la Campa de Zion, un mision paramilitar nonsusedosa per regania la tera, Smith ia comensa construi un templo en Kirtland.

En 1837, la Kirtland Safety Society – fundida par Smith e otra gidores de la eglesa – ia sufri un crise finansial grande, e en la anio seguente, Smith ia uni sua seguores en Missouri. La Gera Mormoniste de 1838 contra la popla de Missouri ia es causada car la popla de Missouri ia pensa ce Smith vole provoca un revolui. Cuando la mormonistes ia perde la gera, los ia es escluida e Smith ia es prisonida con acusas grave.

Pos es permeteda a evade prison en 1839, Smith ia gida sua seguores a Nauvoo (Illinois), e ala el ia servi como maior e comandor de sua militia grande, la Lejion de Nauvoo. En 1844, el ia anunsia se como aspiror per la presidentia de la Statos Unida. En acel estate, pos cuando la jornal Nauvoo Expositor ia critica la pratica de la poligamia de Smith, la Consilio de la Site de Nauvoo ia ordina destrui la jornal. En la tumulta seguente, Smith ia declara prima un governa militar, ma ia sede final a la governor de Illinois. An si la governor ia promete sua securia, Smith ia es matada par un manada ante sua litiga en Carthage, Illinois.

La seguores de Smith regarda multe de sua scrives como scrivedas santa. Sua instruis inclui opinas unica sur la natur de Dio, la strutur familial, la organiza political e la coletivisme relijial. Sua lega inclui un cuantia de ramos relijial, cual ave juntada 14 milion membros en la mundo.

Joseph Smith Jr. ia nase a 23 desembre 1805 en Sharon, Vermont. El ia es la numero sinco de des-un fios de Joseph Smith Sr. (un mercator e cultivor) e Lucy Mack (sposida en 1796). Sua familia ia desende de migrores. Pos un infeta en la osos, el ia usa muletas tra tre anios. En 1816–17, la familia ia vade a Palmyra (a ueste de New York) e ia compra plu tarda un cultiva en la vila Manchester.

En la Velia Grande Du, la area ia es la loca de nase de zelo relijiosa. An si la familia Smith ia es egalida en esta stimula, los ia desacorda sur relijio. Joseph Smith no ia es un membero de un eglesa en sua jovenia, ma el ia partisipa en la clases de la eglesa e el ia leje la Biblia. Con sua familia, el ia partisipa en relijio poplal, un pratica comun en la epoca. Como multe persones en acel epoca, sua madre e padre e sua avo madral ia ave sonias o revelas sur cual los ia crede ce los es mesajes de Dio. Smith ia dise ce el ia esperia sua revela prima en 1820, en cual Dio ia dise a el ce sua pecas es pardonada e ce tota la eglesas es falsa.




#Article 450: Jua (176 words)


Per plu, vide .

Un jua es un ativia de umanas en cual los trova joia, cual pote ave regulas e un gol. Multe juas ave un grado de compete entre du o plu juores. Plu, alga juas pote eserse la corpo o mente e pote instrui. Enfantes pote ance jua sin regulas o gol, ganiante joia sola par la ativia.

La difere entre juas de sporte e otra juas es difisil. Per articles sola sur sporte, vade a sporte o un sporte spesifiada.

On ave tre categorias de juas en usa comun:

Alga juas ave cualias de plu ca un categoria. Per esemplo, pocer e trictrac es ambos juas de acaso e de stratejia. Futbal es stratejial, acaso e fisical.

Nos pote ance divide juas par sua aparatos:

Nos pote ance categori juas par la cuantia de juores. Multe juas de stratejia ave du juores. Sportes ave comun multe juores. On ave ance juas cual un person solitar pote jua, como cartas solitar e juas de computador.

E multe otras - vade a la !




#Article 451: Kenzaburo Oe (139 words)


Oe Kenzaburo (1935–) es un scrivor, articlor, e ganior de la premio Nobel japanes. El es cisa la noveliste la plu importante japanes pos la Gera Mundal Du (1939–45). En 1958 el ia gania la premio prestijiosa Akutagawa per sua nara La caturada (1958). En esta mesma anio el ia publici sua novela prima Pinsa la brotos, fusili la xices (1958).

En 1963, la jenita de un bebe maldevelopada e un visita a Hiroshima ia stimula Oe a scrive en dirijes nova. Notas de Hiroshima (1965) ia combina sua reporta con medita sur la bomba atomal en agosto 1945. Esta periodo de sua carera ia culmina en sua obra mestral La cria silenta (1967). Esta novela es complicada, con temas de crise de esiste, istoria, mito e identia cultural.

Oe ia gania la premio Nobel de leteratur en 1994.




#Article 452: Klingon (lingua) (319 words)


Klingon es un lingua construida par Marc Okrand per es usada en la universo de Star Trek.

Descriveda en la libro The Klingon Language, publicida en 1985 par Marc Okrand e desiniada volente per sona estrateran, lo ave un cuantia de cualias tipolojial noncomun. La sona fundal de la lingua, como ance alga parolas, ia es prima inventada par la ator James Doohan (Scotty en la serie Star Trek) e la produor Jon Povill per Star Trek: the Motion Picture. Esta filma ia es la ves prima cuando la lingua ia es oiada en la televide. En la apares pasada, la klingones ia parola en engles. A pos la lingua ia es developada par Marc Okrand.

An si indicada en la episodio de la serie Star Trek The Trouble with Tribbles, la lingua klingon ia apare un en Star Trek: The Motion Picture (1979). Seguente la ator ci ia parola la linias, Mark Lenard, Kames Doohan ia rejistra la linias cual el ia scrive e Lenard ia transcrive los de un forma en cual el ia trova fasil aprende los.

La klingon es un lingua aglutinante, usante xef afisas per altera la funsiona o sinifia de parolas. Alga nomes ave la inere de formas plural, como jengva’ plato (contra ngop platos), ma la plu parte de nomes nesesa un sufisa per espresa la pluralia clar.

La ordina la plu comun en klingon es ojeto-verbo-sujeto e, en la majoria de la casos, lo es la reversa esata de lingua franca nova:
 
 DaH  mojaq-mey-vam  DI-vuS-nIS-be’  ’e’  vI-Har
 aora sufisa-PL-DEM  1PL.A.3PL.P-limita-nesesa-NEG ce 1SG.A.3SG.P-crede
 Me crede ce nos no nesesa limita esta sufisas aora.

(Ifenes es usada a su sola per esempli la usa de afisas. Los no es usada en klingon).

Un numero peti de parlores es capas de conversa en klingon. Arika Okrent ia estima en sua libro In the Land of Invented Languages ce on ta ave 20-30 parlores fluente. 




#Article 453: Knut Hamsun (139 words)


Knut Hamsun (1859–1952) ia es un scrivor norsce, de ci sua obras refleta sua individuisme e sua rejeta de la sivilia industrial. El ia migra a la SUA, do el ia labora en empleas diversa e ia scrive xef en Minnesota e Wisconsin. En 1888 el ia reveni final a Noria e ia dedica alora sua tempo intera a scrive.

Hamsun ia leva se a la nivel vangarda de scrivores scandinavian con la novela Famia (1890), un obra cual trata la efetos psicolojial de famia. Alga otra novelas ia segue, incluinte Pan (1894) e Un vagor jua par cordetas amortida (1909). Un grupo de novelas ia revela la preocupa de Hamsun a la problemes sosial. Un de estas, Crese de solo, es regardada como sua novela la plu importante.

El ia reseta la premio Nobel per leteratur en 1920.




#Article 454: Kobenhavn (1580 words)


Kobenhavn (dansce: København) es la site capital e la plu grande de Danmarc. Lo es situada sur la costa este de la isola de Sjælland, partal sur la isola de Amager, e sur alga isoletas entre la du. A la este, lo fasa Oresund, la streta de acua cual separa Danmarc de Sveria e cual lia la Mar Norde con la Mar Baltica.

Prima documentida en la sentenio 11, Kobenhavn ia deveni la capital de Danmarc a la comensa de la sentenio 15. Oji, sua bon situa e infrastrutur eselente ia fa ce lo deveni un sentro importante e un loca popular per xeferias e conferes. La airoporto la plu grande en Scandinavia es atenable par tren en 14 minutos de la sentro de la site.

On reconose Kobenhavn como un de la sites con la cualia de vive la plu bon en la mundo. Lo es ance un de la sites la plu ecolojial sana. La acua en la porto interna es limpa e secur per nada. 36% de tota la sitadanes vade a sua labora par bisicle. En cada dia, sua bisicles viaja 1,2 miliones de cilometres. Ma, cuando on regarda la costa de vive, lo ia es la site des de la plu caras de mundo en 2010.

Tradisional, on dati la fundi de Kobenhavn a la construi par Bispo Absalon en 1167 de un castel sur la isola peti de Slotsholmen, do la Palasio de Christiansborg sta oji. Ma trovadas arceolojial resente indica ce Kobenhavn ia es ja un vila peti en la sentenio 11.

La porto eselente ia stimula la crese de la site asta cuando lo ia deveni un sentro importante de comersia. Esta es refletada en la nom, de cual sua forma orijinal ia es Køpmannæhafn (porto de mercator). Kobenhavn ia dona ance sua nom latina (Hafnia) a la elemento hafnio.

En cuando la vila ia deveni plu importante, lo ia es atacada a multe veses par la Alia Hanseatica. En 1254, lo ia es constituida como un site par Bispo Jakob Erlandsen. En 1658 e 1659, lo ia resiste un aseja par la svensces e ia repulsa susedosa un ataca major. En 1711, la pesta ia redui la popla de Kobenhavn (sirca 65 000 persones) par un tri.

En april 1801, un marina brites ia vinse un marina dansce-norsce ancorida prosima a Kobenhavn. Visamiral Horatio Nelson ia gida la ataca xef, desobedinte un comanda de retira donada par sua amiral Sir Hyde Parker (pos pone un telescopio a sua oio sieca). El ia destrui multe de la barcones dansce-norsce ante la acorda de un sesaspara.

La fortes brites ia ataca denova en agosto e setembre 1807, en la Batalia Du de Kobenhavn (ance nomida la Bombarda de Kobenhavn). Los ia ataca direta la abitores nonmilitar de la site per pote saisi la marina dansce-norsce. Los ia lansa acaso rocetos ensendente cual ia conteni fosfor (nonestinguable par acua). Los ia atera 30 000 soldatos ci ia mata 2 000 nonmilitares e ia destrui la plu de la site en sola tre dias. Per defende se, Kobenhavn ia depende de sua murones vea, cual no ia sufisi per contrataca la barcones brites con sua artileria plu potiosa.

On ia abri final la murones en la desenio 1850 per permete la construi de casas nova sirca la lagos cual borda los a la ueste. A acel tempo, la sentro de Kobenhavn ia es abitada par sirca 125 000 persones (e par 140 000 en la conta de 1870). Oji, la cuantia de popla es sirca 25 000. En 1901, Kobenhavn ia crese plu, corporante comunias con 40 000 persones, e Frederiksberg ia deveni un enclave en la site.

En la Gera Mundal Du, Kobenhavn (como la resta de Danmarc) ia es ocupada par soldatos deutx de 9 april 1940 asta 4 maio 1945. Esta ocupa no ia es un parte de la crese nazi, e en la anios prima, la autorias deutx ia xerca an un spesie de acorda con la governa dansce. Ma esta colabora ia colasa en agosto 1943, e la Marina Dansce Real ia afonda alga de sua barcones en la porto per preveni ce la deutxes usa los. Pos la invade de Normandia, la deutxes ia teme ce la polisia dansce va causa problemes, e los ia atenta aresta tota la polisia en setembre 1944. Ma la plu de la polisiores ia susede asconde o fuji a Sveria.

La resistores dansce ia xerca la aida de la armada de aira brites per ataca la xeferia nazi en Kobenhavn. La avionores ia debe ataca la construida de la Gestapo en un modo estrema esata. Prisonidas political ia es locada en la suteto de esta construida per impedi un ataca de aira, donce la briteses ia debe bombi sola la niveles basa de lo. Esta ia aveni a 22 marto 1945, en tre ondas corta.

En la onda prima, tota ses aviones (cada con un bomba) ia colpa sua ojeto, ma triste un de los ia cade prosima a la scola de xicas en Frederiksberg. Como resulta, cuatro de la aviones en la du ondas seguente ia malsuposa ce la scola es la ojeto, e ia mata 15 studiantes e alga enseniores. An tal, 18 de la 20 prisonidas political ia susede fuji, la arcivos de la Gestapo ia es completa destruida, e Hitler ia es tan consernada par la situa ce el ia retira sola un dui de sua 200 000 soldatos en Danmarc per reforti la fortes deutx a la Rio Rhein.

De pos la estate de 2000, Kobenhavn es liada a la site svensce de Malmo par la ponte-tunel Oresund. Como resulta, Kobenhavn ia deveni la sentro de un area urban plu grande cual estende en ambos nasiones.

Kobenhavn es en la zona de clima maral, prosima a un clima continental umida. Lo esperia un clima nonstable e cambiante en tota cuatro saisones, e la temperatur es plu alta par sirca 5 grados ca la promedia mundal per sua latitude (55°N). La razona xef per esta caldia es la Corente de Golfo, cual move acua calda de la Golfo de Mexico en dirije a Europa, e sistemes de presa basa cual segue lo.

Presipita es moderada tra tota la anio, con un culmina peti entre junio e agosto. Neva cade xef entre la fini de desembre e la comensa de marto, ma la neva dura rara sur la tera. Pluve en janero e febrero es tan comun como neva, e la temperatures promedia per esta du menses es prosima a la punto de jela.

La primavera es como en Europa continental, ma retardada par sirca un semana par causa de la acua fria ambiente. A la fini de autono, la reversa de esta fenomeno fa ce Kobenhavn resta min fria per un tempo. En novembre e desembre, la acua de mar ambiente es jeneral plu calda ca la aira. De otobre a febrero, un cuantia peti de tempestas (o an siclones) aveni. Tempestas es rara en estate.

Estate es un misca de sistemes ventosa e pluvosa de presa basa de la sude-ueste, e periodos stable de presa alta cual produi un clima solosa e calda (cual dura usual tra no plu ca des dias, an tal).

La parte la plu vea de la site interna de Kobenhavn es comun nomida Middelalderbyen (la site medieval). An tal, la area la plu distinguida es Frederiksstaden, cual ia developa en la rena de Frederick 5. Lo ave la Palasio de Amalienborg a sua sentro, e es dominada par la cupola de la Eglesa de Marmo e alga casones refinada de la sentenio 18.

La sentro istorial inclui la isola peti de Slotsholmen con la Palasio de Christiansborg e Christianshavn. Sirca la sentro, estra la murones vea, ave un banda de areas abital atraosa (Vesterbro, Inner Nørrebro, Inner Østerbro), xef de la parte final de la sentenio 19. 

Nomida la site de pinaculos a veses, on conose Kobenhavn per sua orizon vera orizonal, cual es rompeda sola par la pinaculos de eglesas e casteles. La plu tipal es la pinaculo baroca de Vor Frelsers Kirke (la Eglesa de Nos Salvor) cual ave un scalera elica a sua esterna cual visitores pote asende.

Kobenhavn es un site verde con multe parces grande e peti.

La Jardin de Re es la jardin de la Castel de Rosenborg e la parce la plu vea e visitada en la site. Sua desinia ia es comensada par Christian 4 en 1606. En cada anio lo aseta plu ca 2,5 miliones de visitores, e en la menses de estate lo es plen de persones ci bani su sol, picnica e fa juas de bal. Lo conteni un esibi permanente de scultas (con alga otras ajuntada en la estate).

Ance en la sentro de la site on trova la Jardines Botanical, cual es spesial notada per sua grupo grande de invernerias donada par J C Jacobsen, la fundor de Carlsberg.

Multe semeteros servi ance como parces cuieta en cual on pote bani su sol o leje. Con sua 54 ectares, Vestre Kirkegaard es la semetero la plu grande en Danmarc. Lo presenta un labirinto de bosces densa, jardines de erba, ruetas serpente, sepes vivente, tombas descurada, monumentos, vias con bordas de arbores, lagos e otra cualias simil.

En Kobenhavn, la politica ofisial es ce, de pos la anio 2015, tota sitadanes va pote ateni un parce o plaia en min ce 15 minutos par pede. Como resulta, on construi aora alga parces nova en areas do spasios verde manca.




#Total Article count: 453
#Total Word count: 198847