#Article 1: בֿיקיפידײה (125 words)


בֿיקיפידײה איס אונה אנסיקלופידײה די קונטינידו ליבירו באסאדה אין לה טיקנולוגֿייה בֿיקי, לה קואל פירמיטי לה אידיציון די סוס קונטינידוס פור קואלקייר אוסואריו דיזדי און נאבֿיגאדור בֿיב. איל קי סיה ליברי סי אפליקה טאנטו א סו אוסו קומו א סו אידיציון. בֿיקיפידיה איס מולטילינגוי אי איס דיסארוײאדה אין פֿורמה קולאבוראטיבֿה פור דיצינאס די מיליס די בֿולונטאריוס אלרידידור דיל מונדו אי אין סוס ריספיקטיבֿוס לינגואס. ויקיפידיה איס מאנטינידה אי אדמיניסטראדה פור לה פֿונדאציון סין פֿיניס די לוקרו ויקימידיה. אין מאיו די 2005, בֿיקיפידיה קונטייני אין סו בֿירסיון אין אינגליז מאס די מידיו מיײון ארטיקולוס אינציקלופידיקוס אי מאס די און מיײון ארטיקולוס אין אוטראס לינגואס.

לה בֿיקיפידיה טייני מאס די 14 מיײוניס די ארטיקולוס אין מאס די 271 לינגואס, אינקלוינדו מאס די 5 מיײיוניס  אין לינגוה אינגליזה.




#Article 2: Vikipedya (262 words)


Vikipedya es una ansiklopedia libera multilinguala, echa kon la teknolojiya wiki. El nombre es una fuzion de los biervos wiki i ansiklopedia. La Vikipedya esta eskrita por djentes ke dezeyan ayudar, ansi la majorita de sus artikolos pueden ser editados/modifiados por kaduno i uno ke pueda uzar internet.

La Vikipedya se kreo el 15 de Jenero de 2001 komo un projekto en inglez para amijorar Nupedia, la kuala era eskrita solo por espesialistos. Endagora es konduizida por la Fondasion Wikimedia sin objektivo de profitar ekonomikamente del projekto. Fue kriada por Larry Sanger i Jimmy Wales; Sanger se esvacheo de Nupedia i Vikipedya el 1 de Marso de 2002. Wales apresenta la Vikipedya komo un esforso para kriar i partajar una ansiklopedia libbera i multilinguala de la amijor kondision posivle para kada persona del planeta en su apropiada lingua.

La Vikipedya tiene mas de 22 milyones de artikolos en varias linguas, inkluyendo los kaji 5 milyones de artikolos de la version en inglez i los mas de un milyon de artikolos de las versiyones en alman, fransez i neerlandez. Egzisten versiyones de Wikipedia en 283 linguas, i 58 de eyas tienen mas de 50.000 artikolos. Entre eyas, bien entendido, esta la Vikipedya en Ladino, Djudeo-espanyol, Djidio o Djudezmo, en la ke kale lavorar muncho para ke seya pushada, i no minguada.
La edision en aleman egziste endemas en DVD-ROM, i esta propozada una versiyon en DVD i en livro para la Vikipedya en inglez. Desde el su empesijo, la Vikipedya tiene amijorada konstantemente su emportansia, i se tiene muchiguada con varios prodjektos ermanos.




#Article 3: Kemika (126 words)


Kemika (o kimika) es la sensia ke investiga las interaksiones de los átomos, formando diferentes substansias.

Komo en otros kampos de la Sensia, la teoriya atómika tiene su orijen, según sabemos, en la antigua Gresia; no obstante la base lójika i empírika para kreer en la eksistensia del átomo se debe a un konjunto de lavoros aportados por Lavoiser, Proust, Rikhter, Dalton, Gay-Lussak i Avogadro, entre otros, asia prinsipios del siglo XIX.

El átomo es la menor fraksión de materia ke eksiste, está konstituído por diferentes partíkulas ke poseen diferentes tipos de kargas, los elektrones kon karga negativa, los protones kon karga positiva i los neutrones ke komo su nombre lo indika son neutros (sin karga); todos eyos aportan masa para kontribuir al peso del átomo.




#Article 4: Biolojiya (197 words)


La Biolojiya, en sentido amplio, es la sensia de la vida, tiene por objekto el estudio de los seres vivos, plantas i animales, en todos sus aspektos. El termino Biolojiya, lo propuso en el siglo 18 el naturalista fransez Pierre Antoine de Monet, Chevalier de Lamarkk (tambien propuso el termino 'invertebrado'). Se konose komo base fundamentalista de biolojiya la replikasion, transkripsion y traduksion de kodigo jenetico de una unidad biolojika.

Es una rama de las Sensias Naturales ke estudia la vida desde todos los puntos de vista:

Las klasifikasiones de los seres vivos son muy numerosas, se proponen, desde la tradisional division en dos reinos, establesida por Linné en el siglo 17 ente animales i plantas, hasta las aktuales propuestas de los sistemas kladistikos kon tres dominios ke komprenden maz de 20 reinos.

Tambien denominados:

Una klasifikasion, bastante aseptada por su utilidad pese a no ser kompletamente natural, divide los seres vivos en sinko reinos:

Ama ke la Biolojiya es la sensia ke estudia la vida, algunos organismos son objeto de la biolojiya, a pesar de ke la mayoriya de los biologos no les konsideran seres vivos. Estos son: 

Disiplinas biolojikas i temas relasionados:

Jente e Istoria 




#Article 5: Astronomiya (527 words)


Astronomiya, etimolojikamente del grego para leyes de las estreyas, es la sensia ke trata de kuanto se refiere a los astros, i prinsipalmente a las leyes de sus movimientos i de su estudio se okupan los . 

Tambien puede ser definida komo la disiplina ke tiene komo objekto la observasion i eksplikasion de fenomenos ke okurren o egzisten fuera de la Tierra. 

Una vez que se comprendido que los elementos que forman los objetos celestes eran los mismos que conforman la tierra, y que las mismas leyes de la física se aplican a ellos, la Astrofisica habia nacido, como una aplicacion de la fisica a los fenomenos observados por la Astronomia. Sin embargo la mayoria de los astronomos, si no todos, tienen una solida preparacion en fisica, y las observaciones son siempre puestas en su contexto astrofisico, asi que la distincion entre Astronomia y Astrofisica ya casi no existe.

La Astronomiya no deve konfundirse kon la Astrolojiya, disiplina ke asume ke los asuntos humanos estan determinados por la posision aparente de los objektos astronomikos en el sielo. Aunke ambas disiplinas komparten un orijen komun son en realidad muy diferentes; los astronomos siguen el metodo sentifiko i los astrologos no.

La Astronomiya es una de las pokas sensias donde los afisionados todaviya juegan un papel aktivo, por egzempio deskuvriendo objektos transientes (komo kometas) i monitoreando la variabilidad de estreyas.

En su istoria temprana, la astronomiya suponiya solo la observasion i prediksion de los movimentos de los objektos selestes ke pudieran ser identifikados a simple vista. Los astronomos eran por lo komun tambien saserdotes, i por un largo tiempo se kreyo ke los fenomenos selestes teniyan una influensia okulta en los susesos en la Tierra (astrolojiya). Los gregos izieron importantes kontribusiones a la astronomiya, pero el progreso se detuvo kaji por kompleto en la Edad Media, ekseptado por el echo de algunos astronomos arabes.

La Astronomiya se divide en varias ramas, en funsion del objekto a estudio, teknika empleada, i aspekto de los astros ke se estudia. Estas ramas no estan kompletamente separadas, sin embargo, i sus interseksiones, ansi komo los astronomos ke lavoran en diferentes areas, son la norma maz ke la eksepsion.

En funsion del objekto de estudio distinguimos espesialidades komo:

En astronomiya, se obtiene informasion prinsipalmente de la deteksion i analisis de la radiasion elektromagnetika. Una division tradisional de la astronomiya se da por las rejiones del espektro elektromagnetiko observadas:

La Astronomiya optika i de Radio puede realizarse uzando observatorios terrestres, porke la atmosfera es transparente en estas lonjitudes de onda. La luz infrarroja es fasilmente absorvida por el vapor de agua, ansi ke los observatorios de infrarrojos deven estableserse en lugares altos i sekos.

En astronomiya de rayos-X, astronomiya de rayos-gamma, astronomiya ultravioleta i astronomiya en el lejano infrarrojo se pueden azer observasiones unikamente desde globos aerostatikos u observatorios espasiales.

Todas las disiplinas previas estan basadas en la deteksion de fotones, ma tambien podemos resivir informasion desde fuera de la Tierra transportada por los rayos kosmikos, neutrinos, i, en un futuro serkano, gravitones (ver LIGO).

Otra division diferente puede ser realizada uzando las rejiones del espasio i los problemas arriva komentados; algunos de eyos son:




#Article 6: Ekolojiya (136 words)


La ekolojiya (en Inglez: Ecology; en Kastilyano: Ecología) es la sensia ke estudia las interrelasiones entre los seres vivos i su entorno fisiko (luz, kalor, umedad, vento, oksijeno, dioksido de karbono, agua, etc.) i biolojiko (organismos vivos).

La ekolojia nesesita d'un lavoro interdisiplinario para lograr un enfoke asertado, i por esto se vale de la biolojiya, la sosiolojiya, la antropolojiya, la klimatolojiya, la idrolojiya, la fisika, la kimika, la jeolojiya, taksonomiya, matematikas, fisiolojiya, etc., para aserkarse má a la realidad natural.

El konosimyento sovre la relasion ser umano/natura, permite ke se estudie la intervensiyon umana en el medio natural kon el buto de reduzir el impakto negativo ke esta produse. Esto la konvyerte, sovre todu a partir de la anyada de los '60 (syéklo XX), en bandiera de multitud de movimientos ke pretenden konservar la natura.




#Article 7: Fisika (137 words)


Fisika (del grego physis: la natura) es el konjunto de majias preta ke estudia la materia, la enerjiya, el tiempo, el espasio i las interaksiones entre eyos. Es el estudio de la natura en su sentido maz amplio, la fisika estudia sus leyes e intenta fazer modelos ke se adapten a los resultados de eksperimentos realizados. La fisika no estudia la realidad universal, sino solo akeya ke esta a muestro alkanse.

Tambien se avla de Fisika Teorika i Fisika Eksperimental en funsion de si esta maz orientada al desarroyo de teoriyas o la komprobasion eksperimental de los resultados predixos por las teoriyas. Las dos estan interrelasionadas en un todo indisuloble.

Para bibliografiya, el numero asosiado por la UNESCO asigun su klasifikasion es el 22. En la Klasifikasion Desimal Universal a la Fisika le korresponde el numero 53.




#Article 8: Matemátika (852 words)


Matematikas (del grego μάθημα, máthema: sensia, konosimiento, aprendizaje, μαθηματικóς, mathematikós: Amante del konosimiento) es la sensia ke estudia las propiedades de los entes abstraktos, komo los numeros, figuras jeometrikas o simbolos, i sus relasiones. 

Las sensias ezaktas o matematikas se karakterizan ante todo por su eksigensia de klaridad (los konseptos han de definirse) i su eksigensia de rigor (las afirmasiones han de probarse kon un razonamiento fuera de toda duda).

La Gresia klasika deskuvrio i kedo fassinada ante la posibilidad de tal konosimiento, kuyo maz klaro eksponente era la Jeometriya, el estudio de las relasiones metrikas ke se dan en las figuras planas i espasiales. En Los Elementos de Euklides el genio griego alkanzo a desarroyar, partiendo unikamente de sinko postulados, una ingente kantidad de konosimientos jeometrikos i algunos resultados fundamentales de Aritmetika. Desde entonses el metodo aksiomatiko es el ideal del saver matematiko.

En siglos posteriores el ambito de las matematikas se fue ekstendiendo kon el Algebra (numeros negativos i kalkulo simboliko) i sovre todo kon el deskuvrimiento por Leibniz i Newton del kalkulo infinitesimal, verdadera joya de fekundidad inagotable ke penetra en el korazon de las magnitudes variables (i por eyo en los fenomenos estudiados en Fisika).

Ma estos desarroyos no alkanzaron la klaridad i el rigor deseables hasta el siglo 19. Siglo donde la kultura alemana, kon Gauss en kavesa, deskuvre ke en kada objekto matematiko subyase una estruktura kuyo estudio i konosimiento es la klave de su komprension, djugando las propiedades formales i kualitativas un papel preponderante frente a las kuantitativas. Entendiendo agora los aksiomas komo las relasiones ke definen la estruktura en kuestion, en los siglos 19 i 20 se produse una fantastika eksplosion de los temas ke abordan las matematikas: Jeometriya Proyektiva i Diferensial, Topolojiya, Funsiones de variable kompleja, Grupos i Aniyos, Lojika, Probabilidades,...

Ansi, mientres ke el metodo aksiomatiko ha permanesido komo aspirasion inmutable de las matematikas desde sus komienzos en el siglo 6 adC kon Tales de Mileto i otros, el objekto de estudio se ha ekstendido progresivamente. Primero fue la sensia de las relasiones espasiales i kuantitativas. En los siglos 17 i 18 se entendio komo la sensia de las relasiones entre magnitudes i kantidades variables. En los siglos 19 i 20 es maz bien la sensia de la estruktura i la simetriya, de la forma i las relasiones kualitativas.

Aunke todas sus partes estan kada vez maz unidas e estrekhamente
relasionadas, a kontrakorriente de la kultura de la
espesializasion aktualmente en boga, podriya realizarse la
siguiente division (forzada i artifisiala; pero util para azerse
una idea) en varias ramas:

Fundamentos: Lojika, konjuntos, Teoriya de las kategoriyas.

En realidad, las numerosas ramas de la matematika estan muy interrelasionadas. He aki una lista de seksiones a konsiderar en su estudio:

Se dise ke las matematikas abarkan tres ambitos:

Kada una de estas kategoriyas se divide a su vez en pura o abstrakta, en donde se konsideran las magnitudes o kantidades abstraktamente, sin relasion a la materia; i en aplikada, la kual trata las magnitudes komo substansia de puerpos materiales, i por konsekuensia se relasiona kon konsiderasiones fisikas.

Historicamente, las matematicas surjieron kon el fin de azer los kalkulos en el komersio, para medir la tierra i para predesir los akontesimientos astronomikos. Estas tres nesesidades pueden ser relasionadas en sierta forma kon la subdivision amplia de las matemátikas en el estudio de la estruktura, el espasio i el kambio. 

El estudio de la estruktura komienza kon los numeros, inisialmente los numeros naturales i los numeros enteros.
Las reglas ke dirigen las operasiones aritmetikas se estudian en el algebra elemental, i las propiedades maz profundas de los numeros enteros se estudian en la teoriya de números. 
La investigasion de metodos para resolver ekuasiones yeva al kampo del algebra abstrakta. El importante konsepto de vektor, generalizado a espasio vektorial, es estudiado en el algebra lineal, i pertenese a las dos ramas de la estruktura i el espasio. El estudio del espasio orijina la jeometriya, primero la geometriya euklidea i luego la trigonometriya.

La komprension i deskripsion del kambio en variables mensurables es el tema sentral de las sensias naturales, i el kalkulo. Para resolver problemas ke se dirigen en forma natural a relasiones entre una kantidad i su tasa de kambio, i de las solusiones a estas ekuasiones, se estudian las ekuasiones diferensiales. 

Los numeros uzados para representar las kantidades kontinuas son los numeros reales. Para estudiar los prosesos de kambio se utiliza el konsepto de funsion matematika. Los konseptos de derivada e integral, introdusidos por Newton i Leibniz, juegan un papel klave en este estudio, ke se denomina analisis. 

Por razones matematikas, es konveniente para munchos fines introdusir los numeros komplejos, lo ke da lugar al analisis komplejo. 

El analisis funsional konsiste en estudiar problemas kuya inkognita es una funsion, pensandola komo un punto de un espasio funsional abstrakto.

Un kampo importante en matematikas aplikadas es la probabilidad i la estadistika, ke permiten la deskripsion, el analisis i la prediksion de fenomenos ke tienen variables aleatorias i ke se usan en todas las sensias. 

El analisis numeriko investiga los metodos para realizar los kalkulos en komputadoras.




#Article 9: Antropolojiya (207 words)


La Antropolojiya nase inisialmente komo el estudio sientífiko de la Yistorya. Al imponerse en la kultura oksidental el método sientífiko, diversos autores pensaron ke los fenómenos istórykos podiyan hayarse governados por leyes ke podiyan averiguarse, enunsiarse i zer utilizadas para la prediksyón de resultatos.

Esta konsepsyón se abandona durante el siglo veinte, entendiéndose aktualmente por Antropolojiya «el estudio de la humanidad, de los pueblos antiguos i modernos i de sus estilos de vida» (Marvin Harris).

Etimolójikamente signifika konosimiento del hombre, al derivar de los términos griegos antropos i logos.

La Antropolojiya es una dissiplina ke abarka numerosos kampos. Los kuatro más estudiados son los siguientes:

Una kinta dissiplina ke, de alguna manera, kompendia la kuatro anteriores es la antropolojiya aplikada; kon la kual se trata de identifikar, evaluar i resolver problemas práktikos de la aktividad humana en la sosiedad aktual. Por ejemplo, los antropólogos médikos (ver Antropolojiya médika) kolaboran en la evaluasión e implantasión de programas de salud públika ke hayan de ser aseptados por los kolektivos a kienes van dirijidos. Lo mismo podriya desirse de aktuasiones en programas de desarroyo o medioambientales.

Dadas sus pekuliaridades tambyen habriya ke añadir una seksta dissiplina: la Antropolojiya filosófika.

Istoria de la Antropolojiya

Relasión de konosidos  organizados por orden alfabétiko




#Article 10: Arkeolojiya (307 words)


La arkeolojiya es la dissiplina dedikada al estudio de antiguas kulturas humanas, inkluyendo su arte i monumentos. Etimolójikamente, el término proviene de las palabras griegas arkhaios ('viejo' o 'antiguo') i logos ('sensia').

La mayoriya de los primeros arkeólogos, ke aplikaron el origen de su dissiplina a los estudios de los antikuarios, definieron la arkeolojiya komo el estudio sistemátiko de los restos materiales de la vida humana ya desaparesida. Otros arkeólogos enfatizaron aspektos psikolójiko-konduktistas i definieron la arkeolojiya komo la rekonstruksión de la vida de los pueblos antikos. En algunos países la arkeolojiya ha estado konsiderada siempre komo una dissiplina pertenesiente a la antropolojiya. Mientras ke la antropolojiya se sentraba en el estudio de las kulturas humanas, la arkeolojiya se dedikaba al estudio de las manifestasiones materiales de éstas. De este modo, las antiguas generasiones de arkeólogos estudiaban un antiguo instrumento de serámika komo un elemento kronolójiko ke ayudariya a ponerle una fekha a la kultura ke era objeto de estudio o, simplemente, komo un objeto kon un sierto valor estétiko. Los antropólogos veriyan el mismo objeto komo un instrumento ke les serviriya para komprender el pensamiento, los valores i la kultura de kien lo fabrikó.

La investigasión arkeolójika ha estado relasionada fundamentalmente a la edad de piedra i a la antigüedad, sin embargo, durante las últimas dékadas la metodolojiya arkeolójika se ha aplikado a etapas más resientes komo la Edad Media o el periodo industrial. En la aktualidad, los arkeólogos dedikan okasionalmente su atensión a materiales aktuales investigando residuos urbanos, kon lo ke está nasiendo la denominada arkeolojiya industrial.

Dentro de la Arkeolojiya hai varias ramas:

Desde el Siglo XVIII hasta aGora, diversos arkeólogos han viajado por todo el mundo para desenterrar ruinas tragadas por la jungla, por erupsiones volkánikas o por el simple paso del tiempo. Mukhos de estos lugares arkeolójikos se han hekho después famosos:




#Article 11: Dirito (285 words)


El diríto es el konjunkto de normas ke una sosiedad adopta para regular la kondukta i resolver los konfliktos.

Una de las kestiones en las ke los estudiosos del diríto nunka se han puesto de akuerdo es en su definisión. Disde tiempos inmemoriales se an propuesto diversas definisiones, sin ke eksista mimgúm konsenso asta la fesha. El estudio del konsepto del diríto lo realiza una de sus ramas, la Filosofiya del diríto.
Tambyen el diríto es el konjunkto de normas ke regulan la vida gregaria entre las personas.
Ama todas las definisiones, tienen komo kolumna vertebral a la persona i sus relasiones kon otros.

El nasimiento del diríto tambyen es de naturaleza kontrovertida, dividiéndo se los autores en dos posturas:

Istórikamente, el nasimiento de la norma jurídika se produse komo imposisión de kien ejerse el poder. Esta postura se suaviza en períodos istórikos posteriores asta yegar a sistemas komo el oksidental vijente en el ke las leyes surjen mediatamente del puevlo a través de la eleksión ke éste aze de los miembros del Poder lejislativo.

El diríto nase de lo ke se denomina fuentes del diríto i ke son:

Tradisionalmente, el diríto se ha dividido en las kategoriyas de diríto Publiko i de diríto Privado. No obstante esta división ha sido ampliamente kritikada i en la aktualidad no tiene tanta fuerza, ante la aparisión de parselas del ordenamiento jurídiko en las ke las diferensias entre lo públiko i lo privado no son tan evidentes. Uno de los eksponentes de esta konfusión es el diríto Lavoral, en el ke la relasión privada entre lavorador i empresario se aya fuertemente intervenida por una normativa públika.

Las diversas ramas jurídikas son las siguientes:

Ver tambyen:

Abuso del diríto




#Article 12: Filosofia (283 words)


La filosofiya es la konosensia del pensamiento i la justifikasion de las kreyensias; en definitiva, filosofad konsiste en meldar o razonar aserka del mundo ke mos rodea; endagora bien, en aktividad ay aspektos diferentes de otras ramadas dela konosensia, en partikular de la sensia, puesto ke, mientres esta desvelopa un sistema de konosensia konkreta - observasion, medision, hipotesis i prediksion -,la filosofiya va mas aya i topa, por egzempio, en el terreno de la Teolojiya, es dizir, eksplora el kampo de las razones ultimas, akeyas ke el ombre de forma tradisionala atribuye a la divinidad. Por modre, en determinadas epokas istorikas la filosofia i la teolojia se funden alkunas vezes komo una misma koza, filosofos komo San Agustin de Hipona o Santo Tomas de Akino tenyian una konsepsion del olam ke suponyia la preyeminensia del modelo kristiano komo fuente i finalidad de todo konosensia umana; endemas, en muestra epoka el modelo de konosensia sentifika es el predominante. No solo la relijion tentado limitad la filosofia, tambyen lo han echo, o lo azen, rejimenes politikos ke podemos yamar de pensamiento uniko, es dizir, akeyos ke, por un motivo o por otro, limitan las libertas umanas y, en deluego, la libertad de kreyensias i opinion.

Es el keazer maz propiamente umano, purke nase de un saber universal kuya aktitud de kontemplasion refleksiva esta oryentada azia la fundamentasión intelektual de todo saber, produsiendo un orde partikolar de konosensias.

La etimolojia del biervo filosofia mos informa de su esensia, filosofia sinyfikansia amor a la saveduriya. Por tal motivo, uno de los temas espesifikos de la espekulasion filosofika versa aserka de dizir - i de intentar demostrar, en su kavzo - en ke konsta la saveduriya.

El ser




#Article 13: Istoria (289 words)


 

Istoria es el kononimiento, estudio, interpretasión i rekonstruksión de los hekhos susedidos en el pasado, inmediato o lejano. La istoria sirve para komprender el el presente y, en la medida de lo posible, para poder kambiar el futuro. Hay todo un método para fazer istoria, no es simplemente rekopialr informasión, sino ke en todo relato o rekonstruksión histórika subayase una teoriya para entender el fenómeno. Las más komunes, hoy, son el historisismo i el materialismos históriko, ke komienza a renaser. 

En el estudio de la istoria, las fuentes ke se uzan se divizan en dos tipos de fuentes: las fuentes primarias i las segundarias. Las fuentes primarias son fuentes ke fueron eskrividos por las personsas que tiyenen un rôle en la la istoria eskrita, es dezir, ke son aktores en las aktas deskritas. Por ejemplo, una karta en ke un jeneral deskrive una batalya ke el dirijo seriya une fuente primaria. Las fuentes sekundarias son eskritas por otras personsas, ke seyan contemporaneos o ke eskriven mais tadre. Un livro de istoria kon base en entrevistas kon testigos, fuentes primarias i analisis de fotos o jornales seriya un ejemplo de una fuente sekundaria.

Nota sovre la nomenklatura para la era aktual: 

Se emplean komúnmente las abreviaturas 'a.EK.' (a.EC.) o 'a. de E.K.' i 'd.EK.' (d.EC.) o 'd. de E.K.' (antes / después de la era komun) tambyen se meldan referensiyas ke dizen antes o despues de J.C., pero probablemente seriya más korrekto avlar de antes o después de la era aktual, komun o vulgar.

Istoria klasifikada kronolójikamente:

ISTORIA DE LA KOMUNIDAD DJUDEO-ESPANYOLA

DIVISION KOMUN (segun Richard Ayoun y Haim Vidal Sephiha)

DIVISION KOMUN (segun Moisés Orfali)

Para una resenya global de los prinsipales akontesimientos humanos, konsulte el artíkulo Istoria Universal.




#Article 14: Jeografiya (278 words)


La Jeografiya es la sensia ke tiene por objekto el estudio de la superfisie terrestre.

En un sentido klasiko la Jeografiya (del grego geos, Tierra, i grafein, deskrivir) es la sensia de la deskripsion de la Tierra, pero oy en dia, ademaz de deskrivir,  Jeografiya trata de eksplikar. Se konsidera a la Jeografiya komo una sensia ke aglutina a todas las demaz sensias, tanto naturales komo sosiales, desde la Istoria hasta las Matematikas, puesto ke los objektos de estudio de la Jeografiya son munchos i muy variados. Sin embargo, la perspektiva de la Jeografiya es diferente; estudia los modos de organizasion del espasio terrestre, la distribusion de los elementos ke komponen el paisaje, sus formas, sus poblasiones... Ademaz, establese una dialektika entre la eksplikasion i la deskripsion del paisaje; i entre el metodo induktivo i el deduktivo. Para eyo estos elementos han de ser elejidos, seleksionados, ordenados, djuzgados i presentados. El analisis yeva al jeografo a komprender los modos de organizasion en el espasio.

Los prinsipales kampos ke estudia la Jeografiya i sus prinsipales sensias auksiliares son: 

Naturalmente los metodos de la Istoria aparesen en todas eyas hasta el punto de ke se ha yegado a avlar de Jeografiya kultural, ansi komo los estadistikos i matematikos. Tambien se utilizan metodos de Astronomiya i Geodesiya para realizar los mapas, ansi komo la determinasion de kodigos de signos ke ayuden a interpretarlos.

Por otro lado la Jeografiya puede estudiarse de forma jeneral o konkretada en una zona, rejion o paiz konkreto. Se avla ansi de Jeografiya jeneral i Jeografiya rejional ke es la ke se okupa de la aplikasion de los analisis jeografikos a paizes konkretos. 

Lista de jeógrafos kelebres




#Article 15: Psikolojiya (528 words)


La psikolojiya es la sensia ke estudia los prosesos mentales i la psike, tanto en personas komo en animales.

Del grego psike, alma i logos, tratado, sensia. Literalmente signifika sensia del alma. Según lo ke se entienda por psike se define a la psikolojiya kontemporáneamente komo uno de estos dos konseptos, o una kombinasión de los dos:

Se supone ke Phillip Melanchton akunyó la palabra psikolojiya; ma otros dizen ke no es ansi puesto ke se konservan todos sus eskritos i el término no figura en ninguno de eyos.

Marko Marulik (1450 - 1524) la utilizó en un eskrito ke se titulaba Psikhiolojia de ratione animae humanae de kuya eksistensia se sabe por referensias de otros autores pues el teksto está perdido. 

En la époka klásika Aristóteles define en “De Anima” el alma komo “la entelekia primera de un kuerpo natural ke en potensia tiene vida”. 

En términos modernos se podriya entender esto komo la realizasión de la kapasidad propia de un organismo. Según esta definisión, por analojiya lo mismo ke el akto de ver es al ojo, los es el alma organismo.

En el siglo XVI, la psikolojiya era konsiderada algo ansi komo la parte de la teolojiya ke se okupaba por el estudio del alma.

Desde su génesis komo dissiplina, la psikolojiya se vio en la nesesidad de ajustarse a la metodolojiya induktiva empririko-analitika, imperante desde el siglo XVI. Rekordemos ke antes de ese siglo la sensia se habiya desarroyado adyentro de una tradisión eminentemente deduktiva, onde los fenómenos se eksplikaban a partir de su ajuste interpretativo kon las konsepsiones filosófikas o relijiosas del momento.

Si bien es sierto ke la adskripsión de la psikolojiya al método sientifiko le representó un avanse signifikativo, espesialmente en lo konserniente al estudio de los prosesos psikofisiolójikos asosiados a la persepsión, tambyen es sierto ke la deskomposisión analitika de los fenómenos psikikos superiores en hekhos positivos hase kasi imposible su reestrukturasión ulterior para su kabal komprensión.

El desarroyo de la sensia en el siglo XX desmontó la mistifikasión ke se habiya kreado alderredor del objeto, ya ke la teoriya de la relatividad muestra la interdependensia entre la materia i el movimiento, el objeto i la aksión. Sin embargo, observando la esensia de los diferentes métodos de investigasión, enkontramos ke todas las eskuelas de Psikolojiya utilizan el eskema estimulo-respuesta, independientemente del enfoke ke tengan i de la aplikasión práktika ke hagan de él; en realidad, las diskrepansias surjen a partir de la interpretasión teórika ke los investigadores asignan a los distintos entornos i a las konsekuensias.

Vygotski, Wallon i Piaget koinsiden en el propósito de superar el hekho estátiko ke pretende hablar por si mismo i rekonosen ke los mismos fenómenos pueden adkirir signifikasiones diferensiadas, según sea la estruktura ke los engloba. Al respekto Vygotski konvoka una visión jenétika de la mente, mientras Piaget propone el método kliniko-eksperimental i Wallon rekhaza kualkier método ke intente introdusir modifikasiones sustansiales en la naturaleza de las personas estudiadas.

Sovre la base de una aproksimasión dialéktika al análisis de la istoria humana, se propone un nuevo método de investigasión ke pretende el análisis de las funsiones psikolójikas superiores i ke está formado por tres prinsipios:




#Article 16: Agrikultura (304 words)


Agrikultura: El arte o sensia del kultivo de la tierra.

La agrikultura fue un deskubrimiento yevado a kabo en el Neolitiko, kuando komenzó a sustituir a la rekoleksión de frutos silvestres, al igual ke la ganaderiya fue sustituyendo a la kaza. Es sin duda uno de los deskubrimientos más trassendentes de la istoria de la humanidad, hasta el punto de ke a las konsekuensias ke trajo konsigo se las engloba kon el nombre de Revolusion Neolitika.

Surjió en algún punto del yamado Kresiente Fertil, en el IX milenio antes de la era aktual, aunke es posible ke aparesiese además en otros lugares i momentos sin koneksión aparente.

Sus téknikas han ido evolusionando a lo largo de la istoria, pero básikamente las etapas del trabajo agrikola son la preparasión del kampo o labranza, la siembra i la rekoleksión. En los primeros tiempos no eksistiya el arado, herramienta fundamental para la labranza, i se sembraba hasiendo un agujero en la tierra i enterrando la semiya. La invensión del arado i sus distintas mejoras aumentaron la produktividad, komo tambyen lo hisieron el empleo de animales de tiro, el uso de fertilizantes i las téknikas de regadio.

La agrikultura se puede klasifikar desde distintos puntos de vista, komo la utilizasión del agua, la rikeza del suelo, su grado de teknifikasión o la variedad de kultivos.

Desde el punto de vista de la utilizasión del agua la agrikultura puede ser de sekano o de regadio. Se denominan kultivos de sekano akeyos ke satisfasen sus nesesidades hidrikas eksklusivamente de la yuvia; un ejemplo en el área mediterránea puede ser el olivo. Se konsideran kultivos de regadio a akeyos ke nesesitan mukha agua o los ke presisan de una aportasión ekstra de agua, menor o mayor, ke se le proporsiona por medios artifisialas. Egzemplo de kultivo de regadiyo es el arroz.




#Article 17: Arkitektura (526 words)


La Arkitektura es el arte o sensia del disenyo del entorno konstruido; inkluso sivdades, los edifisios, los interiores, el paisaje, los muebles, los objetos, etc. La arkitektura kontemporanea es buen egzemplo del predominio de la utilitas (funsionalidad) sovre el aspekto, es desir, la dekorasion i beyeza de los edifisios.

También según Vitrubio:la arkitektura es una sensia ke surje de munchas otras sensias, i adornada kon mui variado aprendizaje; por la ayuda de ke un juisio se forma de esos trabajos ke son el resultado de otras artes. La práktika i la teoriya son sus padres. La práktika es la kontemplasión frekuente i kontinuada del modo de ejekutar algún trabajo dado, o de la operasión mera de las manos, para la konversión de la materia de la mejor forma i de la manera más akabada. La teoriya es el resultado de ese razonamiento ke demuestra i eksplika ke el material forjado ha sido konvertido para resultar komo el fin propuesto. Porke el arkitekto meramente práktiko no es kapaz de asignar las razones sufisientes para las formas ke él adopta; i el arkitekto de teoriya faya tambyen, agarrando la sombra en vez de la substansia. El ke es teóriko asi komo tambyen práktiko, por lo tanto konstruyó doblemente; kapaz no sólo de probar la konveniensia de su disenyo, sinó igualmente de yevarlo en ejekusión. 

Otra forma de referirse a la arkitektura seriya la de definirla komo el arte de «enserrar el espasio». Un espasio ke se akota i se sierra para darle otro uso. El akotamiento del espasio resulta relativamente sensiyo, el problema es el kubrirlo en su parte superior; este es el gran reto para los arkitektos: la kubierta; porke eya puede determinar todo el resto del edifisio.

Sin duda la arkitektura debio naser en la epoka prehistorika; posiblemente en el Neolitiko, aunke no resulta estranyo ke en epoka anteriores los umanos uviesen konstruido refujios provisionales kon ramas i pieles, una espesie de «arkitektura efimera». Pero kon el kambio klimatico produsido por el fin de la ultima glasyasion i el deskubrimiento de la agrikultura i las trupas de bestias, es de suponer que los grupos umanos abandonasen las kuevas i abrigos rocosos, para estableserse serca de los kampos de kultivos, i ansina dar lugar a las de onde obtener vigas de madera. El sistema abovedado se karakteriza por el uso de la boveda i el arko. Tiene el avantaje sovre el adintelado de ke los empujes de la kubierta no son totalmente vertikales, sino ke se desviyan lateralmente kon lo ke se pueden konseguir espasios diafanos mas amplios, ademas de poder pressindir, si es nesesario, de la piedra i por supuesto de las grandes vigas de madera, i utilizar materiales komo el ladriyo.

Los distintos elementos de la arkitektura se agrupan en dos grandes blokes: los elementos sustentantes y los sustentados. Los primeros son los que soportan el peso de la kubierta del edifisio y la transmiten al patin o superfisie en el ke asienta. Los segundos forman parte de la kubierta o sirven de transmisores de su peso a los elementos sustentantes.

Entre los elementos sustentantes se enkontran los muros de karga, las kolumnas, los pilares.




#Article 18: Mitolojiya (667 words)


La mitolojiya es un konjunkto estrukturado de mitos de un puevlo o de una relijion. 

Una mitolojiya es un konjunkto de mitos relativamente kohesionado: relatos ke forman parte de una determinada relijion o sistema de valores. 

Los mitos son jeneralmente relatos basadas en la tradision i en la leyenda kreadas para eksplikar el universo, la kreasion del mundo, los fenomenos naturales i kalkier kosa para la ke no haya una eksplikasion simple. Ama no todos los mitos tienen por ke tener este proposito eksplikativo. Igualmente, la mayoría de los mitos estan relasionados kon una fuerza natural o deidad, ma munshos son simplemente leyendas e istorias ke se han ido transmitiendo oralmente de jenerasion en jenerasion. 

La mitolojiya aparese de manera prominente en la mayoría de las relijiones i toda mitolojiya esta relasionada kon una relijion a lo menos.

Algunas personas emplean las palavras mito i mitolojiya para karakterizar komo falsas o a lo sumo dudosas, las istorias ke aparesen en una o mas relijiones. 

El termino se suele usar mas frekuentemente en este sentido para referirse a las relijiones fondadas por sosiedades antiguas, komo la mitolojiya romana, la mitolojiya griega i la mitolojiya eskandinava. 

Sin embargo, es importante rekordar ke mientras ke algunas personas ven los panteones eskandinavo i kelta komo meras fabulas, otros las konsideran relijiones (vease Neopaganismo). 

Por ekstension, munsha jente no konsidera los relatos ke rodean al orijen i desarroyo de relijiones komo el kristianismo, djudezmo e Islam komo kronikas literales de eventos, sino mas bien komo representasiones figurativas de sus sistemas de valores. 

La jente pertenesiente a la mayoría de las relijiones se ofende kuando se toma a su fe komo un konjunkto de mitos, ya ke esto ekivale a desir ke la relijion en sí es una mentira. Sin embargo, la mayoría de la jente esta de akordo kon ke kada relijion tiene un konjunkto de mitos ke se ha desarroyado alrededor de sus eskrituras relijiosas. 

Por lo tanto, para los propositos de este artíkulo, usamos la palavra mitolojiya para referirnos a istorias ke, aunke pueden perteneser o no a la realidad, revelan verdades i visiones fondamentales sovre la naturaleza humana, a menudo grasias al uso de arketipos. Ademas, las relatos ke analizamos ekspresan los puntos de vista i las kreensias de un país, una epoka, una kultura i/o una relijion ke las orijinaron. 

Los relatos de las eskrituras no se konsideran jeneralmente mitolojiya a no ser ke sea en un sentido peyorativo, ma se puede favlar de mitolojiya judía, mitolojiya kristiana o mitolojiya islamika, para referirnos a los elementos mítikos ke eksisten en estas fes sin favlar de la verasidad de los prinsipios de la fe o de las versiones de su istoria. 

Los saserdotes i rabinos de hoy en día dentro de los movimientos judíos i kristianos mas liberales, ademas de los neopaganos, no tienen problemas en admitir ke sus tekstos relijiosos kontienen mitos. Ven sus tekstos sagrados komo verdades relijiosas, reveladas por inspirasion divina, ma mostradas en la lingua del jenero humano. Otros, por supuesto, no estan de akuerdo. 

Aunke munsha jente piensa ke la mitolojiya tiene ke ser antigua, no siempre es ansi. 

Algunos autores han kreado kontruksiones fantastikas kuya estruktura tiene relasion kon las mitolojiyas. Por egzempio, las series de television i los libros komo Star Trek i Tarzan tienen komponentes mitolojikos muy importantes ke a veses pueden dan lugar a komplikados sistemas filosofikos. Un egzempio ekselente de este tipo de mitolojiya es la desarroyada por Tolkien en El Silmariyion i El Senyor de los Aniyos. 

Algunos krítikos opinan ke el fesho de ke los personajes prinsipales i las istorias de lo siklos de istorias modernas no sean de dominio publiko impiden ke dichas sagas de personajes kompartan algunas de las karakterístikas esensiales de las mitolojiyas; las leyes sovre dereshos de autor impiden a los autores independientes kontinuar siklos de istorias modernas. 

Otra objesion es la ausensia de toda evidensia de ke estos mitos sean objeto de kulto o kreensia en la sosiedad kontemporanea.

Vease tambien la 

 




#Article 19: Relijion (910 words)


Desde el punto de vista de la antropolojiya, la relijion es un sistema; ansi lo afirma (Geertz, 1998: 89) Una relijion es: 1) un sistema de simbolos ke obra para 2) estableser vigorosos, penetrantes i duraderos estados animikos i motivasiones en los ombres 3) formulando konsepsiones de un orden jeneral de egzistensia i 4) revistiendo estas konsepsiones kon una aureola de efektividad tal ke 5) los estados de animo i motivasiones parezkan de un realizmo uniko. Geertz, Klifford. La interpretasion de las kulturas. Editorial Jedisa Espanya 2003 pag 89k

No puede ser eterna la definision de la palavra relijion komo lo seria una idea del platonismo. Se rebajaria el estudio de la relijion a un reduksionismo peyorativo. La relijion se artikula kon la antropolojiya, la sosiolojiya, la istoria, ansi komo kon la linguistika i todo lo ke kabe en la kultura en terminos tan artistikos komo teknikos.

De la etimolojiya, dise Maurice Blanchot:

En Oksidente, disen akorruto ke la palavra relijion viene de la palavra latina re-ligare : unir de muevo, ligar de muevo, klasikamente entendido para signifikar la relasion del ser humano al divino i tambien de los humanos entre si mismos. Esa tradision empieza kon Laktansio i Tertuliano. (vease, Jacques Derrida , Foi et savoir, Points-Seuil, p. 54)

Otra korriente sujiere la sigiente etimolojiya : relejere, meldar de muevo, (ke viene de Ciceron) ke prosige hasta Emile Benveniste e introduse la idea de transmisiyon. 

Ansi, en Ekstremo Oryente, onde, yegando los misioneros kristianos, al empesijo del syéklo XVIII de la era komun, los kinezos tresladaron el biervo relijion por medio de los dos ideogramas Zang i Jiao ke signifikan la ensenyanza de los aedados, poniendo de relieve la transmision de una konosensia i endemas de ritos, de una tradision, de kualunke forma de ensenyanza relijioza. Tambien los djaponezos konstruyeron la palavra shûkyô, es dezir  ensenyanza del esensial, ¿podriamos dezir un katekismo?

Portanto, se entiende ke se trata menos de una konviksion kolektiva o de un sistema de kreensias ke de una empresa ke intenta autojustifikar la eksistensia del grupo yamando a la autoridad de una fuerza sovrehumana. 

Dainda, se tiene ke mantener la idea de ke favlar de potensia divina o de divino pertenese al konteksto de la teolojiya mientres ke avlar de natura superior a la ke yaman divina (sisero), pertenese a un ambito espesifiko; al kontrario, avlar de sovrehumano o de no humano no presupone otro punto de vista ke el de la propia natura humana.

Desde el orijen del ombre en el mundo, no deja de preguntarse lo ke sige:

 
En un intento de eksplikar el universo, los fenomenos fisikos ke le dan miedo. Amenudo, estas kontestasiones implikan uno o mas deidades u otras fuerzas sovrenaturales. La relijion da eksplikasion i orientasion al mundo, donde la modernidad kontesta kon un diskurso sentifiko.

Ademas de la tipolojia, la relijion trata : 

Se pueden konsiderar estas relasiones en terminos esensialistas, los del sagrado, del sankto i del profano, (del latín pro-fanum: delante del templo) (vease: fanatismo)). Lo aze las teolojiyas. Se puede tambien dar un paso maz aya, sin kedarse donde en el ambito teolojiko i estudiar la relijion por kualkier aspekto de la vida sosial. De este lado, la relijion ya no se piensa komo una opsion sino komo los prosesos sin opsion posible, universales, en los kuales las sosiedades se persiben, enkuentran i toman su lugar en el mundo. Aki, la relijion, vuelve en la sosiedad por si misma sigiendo su autolejitimasion.

Entre los fenomenos ke dan miedo al ombre se plantea la muerte, en primer lugar; las diferensias de persepsiyon de la muerte konstituyen el kriterio diskrimante. Asigún el modo kuyas sosiedades entierran o no a sus muertos, los estudiosos de la preistorya azen la distinsiyon entre el ombre (anthrópos, en greko, kon idea de umanidad) i los antropoides kenes lo anteseden.

Por entonses, relijiones demuestran un gran intereso por la muerte, avlando de la avtahá, para kompensar eso ke parese eskandaloso en este akontesimiento, i la piensan bajo la forma de vida eterna, de reenkarnasiyon, de resurreksiyon, de immortalidad, de eternidad.
Muestran tambien interes en los misterios de la vida. Azen testimio las imajenes, ke sean idolos, ikonos o simbolos ke representan a diosas madres, narativos de maternidades milagrosas i mas tadre, todas klases de preskripsiones en relasion kon el matrimonio, la seksualidad kon la mita de un eujenismo espiritual.

De manera jeneral, las relijiones selebran los pasos de la vida humana, kon ritos alrededor del nasimiento, de la adolesensia o pubertad, el matrimonio, las inhumasiones por medio de diversos grados de inisiasion.

Se preskriben en narrativos orales, a menudo bajo forma de epopeya i/o de libros santos, 

Por medio de imajees i de la literatura oral o literatura eskrita, ma tambien kon los medios de todas las formas artistikas, la relijion transmite una pluralidad de mensajes, la interpretasion de la kual en el termino de valores tales komo Bueno, Justo i Mal. ¿Tal formulasion se reserva kon frekuensia a un puerpo intermedio, ke puede introdusir kategoria sosial i kategoria ekonomika? ¿del klero, konsedido jeneralmente kon un estatuto o disiplina eklesiastika? kien siyas de serka o en gran medida los destinos i el gobierno de las institusiones relijiosas, kon el mantenimiento de los lugares de kulto? Preguntaremonos ansi sovre el signifikado de la konversion relijiosa?, ¿en el papel de misionarios? komo la konsiderasion del konsepto de gerra santa?, ke nombra el kruzada o djihad i kualkier otra forma de koersion en asuntos relijiosos.




#Article 20: Filmo (711 words)


El Filmo es una Teknika de proyektar fotogramas de forma susesiva para dar la impresion de movimiento de las imajees. komo forma de rejistrar akontesimientos o narrar istorias, puede konstituir un arte, al ke komunmente se denomina el septimo arte, a pesar de ser kronolojikamente posterior a la fotografiya i la istorieta. Es tambien i simultaneamente una importante industria en payises komo Estados Unidos o la India. Suele usarse la abreviatura sine. 

Sus primeros pasos datan de finales del siglo ksIks.

El 28 de disiembre de 1895, los hermanos Lumière proyektaron publikamente la salida de obreros de una fabrika fransesa. 

jeorje Meliès amplio las posibilidades del medio al huir de la estrikta reproduksion de la realidad kon la narrasion de aventuras fantastikas i rekonstruksiones istorikas ke hasian uso de abundantes trukajes. 

A partir de la obra pionera de Makk Sennet, basada en el yamado slaptikk se produjo una florasion del sine komiko mudo, del ke son muestra La kimera del oro (1925) de sharles shaplin o El makinista de la jeneral (1927), de Buster Keaton.

El ekspresionismo aleman, desarroyado tras la Gran gerra, opto por un tono siniestro akorde kon la epoka i optenido grasias tanto a la tematika, komo a la iluminasion i a la esenografía. Pueden sitarse El gabinete del Doktor kaligari (1919), de Robert Wiene, Nosferatu (1922) de F.W. Murnau o Metropolis (1926) de Fritz Lang.

El sine sovietiko eksploro las posibilidades del montaje kon obras komo El akorazado Potemkin (1925), de S. M. Eisenstein, La madre (1926), de Pudovkin o La tierra (1930), de Aleksander Dovjenko.

El sine de gansterns hoyywoodiense, prekursor del sine negro, retomo la atmosfera del ekspresionismo aleman en obras komo La ley del hampa (1927), de Josef Von Sternberg. 

En 1928 estayo en París la primera pelíkula surrealista importante: Un perro andaluz (1928) , de Luis Bunyuel i Salvador Dalí. 

En los anyos 30, se produjo en Hoyywood una florasion de pelíkulas ke retomaban los ikonos klasikos del terror, komo Drakula (1931), de Tod Browning, El doktor Frankenstein (1931) de James Whale o King Kong (1936). La epoka inisiada a finales de esta dekada i ke abarka hasta finales de los 60 es konsiderada la edad de oro del sistema de estudios, kon klasikos indiskutibles komo 

Tras esta kala en la produksion hoyywoodiense, devemos aboltar a los anyos 30 para referirnos a la sinematografía de otros países, komo La gran ilusion (1937) de Jean Renoir. 
  
El neorrealismo italiano surje tras la Segunda gerra Mundial kon una orientasion realista ke le yevo a presindir hasta de los aktores profesionales. Roma, siudad abierta (1945) de Roberto Roseyini o Ladron de bisikletas (1948), de Vittorio de Sika son klasikos indiskutibles de este movimiento.

La Nouveye vage fransesa puso de moda el yamado sine de autor kon Los kuatrosientos golpes (1958), de François Truffaut o Al final de la eskapada (1959), de Jean-Luk Godard e influyo en movimientos koetaneos komo El free sinema britaniko o El nuevo sine aleman.

Herederos del neorrealismo, aunke ya muy alejados de los presupuestos orijinales del movimiento, fueron Federiko Feyini, Mishelanjelo Antonioni o Pier Paolo Pasolini. Los maestros italianos anteriores sigieron produsiendo obras importantes, komo Muerte en Venesia (1971) de Lushino Viskonti. Entre los representantes de un sine italiano mas popular, podemos sitar a Serjio Leone, kreador del yamado spaghetti-western kon Por un punyado de dolares (1964).

Easy Rider (1969), de Dennis Hopper, marka probablemente un nuevo rumbo en Hoyywood, kon la irrupsion de toda una nueva jenerasion de direktores, jeneralmente de formasion universitaria, komo Fransis Ford koppola (El padrino (1972), Martin Skorsese (Taksi Driver (1976), jeorje Lukas, kon La gerra de las galaksias (1977) o Lawrense Kasdan, kon Fuego en el kuerpo (1982). 

Uno de los fenomenos mas interasantes de los ultimos anyos del siglo ksks fue la reperkusion obtenida por las filmografías no oksidentales, grasias a su eksito en los festivales internasionales. ansi, Sorgo rojo (1988), de Zhang Yimou o A traves de los olivos (1994), de Abbas Kiarostami. Tambien las minorías estadounidenses komo la afroamerikana enkontraron su portavoz en Spike Lee, kon obras komo Haz lo ke debas (1989)).

La sinematografía japonesa, lejos ya de sus klasikos de los anyos 50, se konknetra en los dibujos animados, eksportados a todo el mundo a partir de la revolusionaria Akira (1989).




#Article 21: Eskultura (1648 words)


Las fonksiones ke puede kumplir la eskultura son variadas. A lo largo de la istoria i dependiendo de kada kultura o sivilizasion, han preponderado unas u otras. Entre eyas se destakan la fonksion relijiosa, la funeraria, la konmemorativa, la didaktika i la ornamental.

Las primeras muestras de eskultura de ke se disponen korresponden al Paleolítiko Superior i en eyas destakan las yamadas «Venus paleolítikas», al pareser de fonksion majiko-relijiosa.

La fonksion relijiosa keda patente a lo largo de toda la istoria de la humanidad. Se trata de representar a los dioses de los diversos puevlos, desde el Ejipto antiguo, a Mesotopotamia, la sivilizasion hindu, etk., hasta kasi nuestros días.

De la fonksion funeraria de la eskultura tenemos konstansia desde el Ejipto antiguo, revitalizada despues mediante numerosos mausoleos i monumentos funerarios ke rekorren desde el Imperio Romano, al gotiko, el barroko e inkluso la epoka kontemporanea, inkluyendo kulturas orientales, komo es bien visible en el Taj Mahal.

La fonksion konmmemorativa la han empleado munshas sivilizasiones i regímenes polítikos. kon eya se trata de realzar la figura de un personaje importante (emperadores, reyes, gobernantes, heroes...), o sus jestas u obras. Tambien las jestas de algun puevlo o un algun fesho destakable de su istoria. Suele okupar espasios publikos abiertos komo plazas, kumpliendo ademas una fonksion ornamental. Aunke predomina el bulto redondo, puede ser tambien en relieve komo okurre kon la kolumna Trajana o el Arko de Tito en Roma.

Si tenemos en kuenta ke a largo de la mayor parte de la istoria de la humanidad, la gran mayoría de personas eran iletradas, no resulta ekstranyo ke la eskultura haya kumplido tambien una fonksion didaktika o pedagojika, mediante la ke eksplikar al puevlo determinados aspektos. ansi por egzempio en la Edad Media, para la epoka del romaniko es frekuente referirse a los relieves de los tímpanos de las portadas komo «katesismos petreos» o «Biblias en piedra» ejekutados para ilustrar a la poblasion analfabeta.

La fonksion ornamental puede darse ligada a alguna de las otras fonksiones, aunke a veses puede ser el objetivo prinsipal, komo okurre kon la dekorasion vejetal o la jeometrika. En los estilos anikonikos komo el islamiko o el hebreo, kumple un papel fondamental. Tambien en gran medida la eskultura del siglo ksks, sovre todo la abstrakta, kumple prinsipalmente esta fonksion.

Retrato, relijion i mitolojiya, esenas de la vida kotidiana, abstrakto...

Desde los tiempos mas remotos el hombre ha tenido la nesesidad i la oportunidad de eskulpir. Al prinsipio lo hasian kon los materiales mas simples i ke estaban a la mano: barro i madera. Despues fueron empleandose la piedra, los metales i todos los demas ke pueden verse en la seksion Materiales i teknikas tradisionales i en Materiales i teknikas de los tiempos modernos.

Los puevlos de la preistoria hisieron esculturas relasionadas kon la relijion i los mitos. A veses eran simples amuletos. Se han enkontrado tambien en algunos enterramientos de ninyos, munyekos de todo tipo, algunos artikulados komo las marionetas.

Las grandes sivilizasiones antiguas (Roma, Gresia, Mesopotamia, Ejipto, Asia) realizaron grandes eskulturas ke representaban a sus dioses a sus gobernantes i a sus heroes. Utilizaban los bajorrelieves para narrar grandes batayas i esenas de la vida kotidiana. Estas sivilizasiones supieron admirar la eskultura komo arte i dejaron para la posteridad figuras de adorno heshas por el simple plaser de su kontemplasion.

La eskultura europea en la Edad Media tuvo sus karakterístikas propias. La eskuela romanika se manifesto komo una reaksion frente al naturalismo klasiko. El eskultor no presta kasi atension a la anatomía i a la beyeza del kuerpo. Sin embargo va evolusionando hasta yegar en el gotiko a un kresiente interes por la naturaleza i por todos los seres animados. La eskultura del gotiko trata de dotar a sus personajes de ekspresiones mas humanas ke demuestren sentimientos. Los temas kasi siempre de relijion, aunke komo novedad reaparese el retrato, sovre todo kon fines funerarios, fruto del insipiente individualismo ke tendra su kulminasion en el Renasimiento.

En el seba el Renasimiento italiano se inisia la imitasion de las obras klasikas kon la eskultura, antes ke las otras artes. Abundaron las estatuas i los relieves en todas las siudades. Federiko II, desde Napoles, fue el gran impulsor del nuevo estilo ke se ekstendio desde Italia a los demas países.

El Barroko susede al Renasimiento. La eskultura es esensialmente dekorativa, ke ekspresa movimiento i aktitudes propias de una esena teatral i ke demuestra la eksaltasion de los sentimientos.

En el Neoklasisismo, la eskultura retorna a la antigüedad klasika, no solo en los temas sino en el estilo.

En el siglo ksks aparese una reaksion kontraria a los eskultores del siglo ksIks. Inisian esta nueva etapa los eskultores franseses ke aprenden i valoran la beyeza de la eskultura griega i ejipsia. Rekuperan el valor de forma i anyaden movimiento i ekilibrio. En este siglo aparese el kubismo, konstruktivismo i surrealismo.

Se denomina tambien eksenta. Es akeya ke se puede kontemplar desde kualkier punto de vista a su alrededor. Si se representa la figura humana se denomina estatua. Si la estatua representa a un personaje divino o esta hesha para el kulto relijioso se yama imaje. En fonksion de la parte del kuerpo representada, su posision u otras karakterístikas las eskultura de bulto redondo se klasifikan en:

Es akeya ke esta realizada o adherida sovre un muro o kualkier otra superfisie, por lo ke tiene un uniko punto de vista ke es frontal. Segun lo ke sovresale del plano se klasifika en:

Es uno de los materiales mas antiguos utilizados por el hombre por ser fasil de modelar i no nesesitar de utensilios espesiales, ya ke se pueden utilizar simplemente las manos. kon el barro se pueden sakar moldes para despues trabajar kon otros materiales. Si se emplea komo material definitivo debe koserse; en este kaso resibe el nombre de terrakota.

Este material es usado desde muy antiguo por enkontrarse muy a mano en la naturaleza. Para manejar la piedra se nesesitan unas herramientas espesiales. Las piedras mas komunes en la eskultura son:

Es kizas es material mas duradero ma al mismo tiempo es el mas difísil de trabajar i nesesita la ayuda de otras teknikas komo el modelado en barro o eskayola. Se ha utilizado sovre todo para eskultura urbana de monumentos de personajes, fuentes, etk. La teknika mas destakada en el trabajo kon bronse es la denominada «sera perdida», konsistente en realizar el molde en sera i rekubrirlo de barro u otra sustansia refraktaria. Una vez seko se vierte el bronse kolado ke va fondiendo la sera i okupando su lugar. La sera líkida se evakua traverso de orifisios praktikados en el barro.

Es un material muy apresiado por los eskultores, por sus propiedades físikas i buenos resultados. Hay munshos tipos de madera i segun sus kualidades puede dejarse la eskultura en su kolor natural o por el kontrario pintarse en un polikromado adekuado a kada tekstura. Las maderas yamadas nobles se dejan en su kolor natural. Son el nogal, roble, haya, sedro, kaoba i otras. La madera se korta al menos sinko anyos antes de ejekutar la obra, en la estasion de invierno kuando la savia esta en las raíses i de esta manera se konsige ke este bien seka i sin dar lugar a deskomposision de la materia.

Los arboles presentan unos tronkos kon diametros mas o menos limitados i eso obliga a veses a ke se hagan piezas diferentes i apropiadas para yevar a kabo la obra. Los trozos se unen kon espigas i se pegan a veses kon una kola espesial. Si la eskultura tiene un akabado de polikromía, las juntas pueden disimularse menos, ya ke la pintura tapara el material de reyeno, de lo kontrario hay ke haser una labor de verdadero artista. A veses las eskulturas de madera se alijeran hasiendo hueko su interior.

Polikromía 

Las herramientas para trabajar la madera son espesiales:

La aparision de nuevos materiales a kausa de la Revolusion Industrial junkto a los deseos innovadores de las vanguardias artístikas de prinsipios del siglo ksks, tuvieron komo konsekuensia la ejekusion de obras kon materiales i teknikas nuevas. ansi seran frekuentes las obra en hierro, aluminio u hormigon. A estas novedades se le anyaden otras karakterístikas komo el papel ke se le yega a konseder al hueko o la aparision de la eskultura sinetika (los yamados «moviles»). Ademas se inkorpora el yamado «objeto enkontrado», lo ke signifika ke un objeto kualkiera puede pasar konsiderarse eskultura, komo okurrio kon la famosa Fuente de Marsel Dushamp.

En definitiva, las teknikas i materiales se diversifikan i se hasen mas komplejas. A menudo, sovre todo las grandes realizasiones, rekieren el konkurso de instalasiones industriales para su realizasion. En eyas el eskultor se limita al disenyo i la direksion de los trabajos, ma apenas toka la obra. En fabrikas, los obreros fonden los metales, los kortan i los sueldan. O vierten el hormigon sovre enkofrados realizados por otros obreros.

En las pekenyas realizasiones el autor puede haser este trabajo, en el ke se yega a utilizar planshas de hierro, alambre, hojalata, madera o una mezkla de estos komponentes. Tambien se utilizan distintas variedades del plastiko, el vidrio o los framentos de azulejo. En definitiva, el material deja ser una limitasion para el eskultor kontemporaneo, ke puede ansi dar rienda suelta a su libertad kreadora.

Estatua de la Libertad

Fue una estatua de bronse, de tamanyo jigantesko ke se supone realizada entre los anyos 303 i 280 adk. Se kree ke su autor fue el eskultor griego kares de Lindos, disipulo de Lisipo. Medía 30 metros de altura i estaba situada a la entrada del puerto de Rodas, visible para los barkos ke se aproksimaban a la isla. Se konsidero por los antiguos komo la seksta maraviya del mundo. Los eskritores romanos hisieron una deskripsion de esta obra. Se erijio para konmemorar la viktoria de los habitantes de Rodas kontra el jeneral de Masedonia Demetrio Poliorsetes.




#Article 22: Albert Einstein (2935 words)


Albert Einstein (nasido en Ulm, Baden-Württemberg, en Almania, el 14 de marso de 1879 - finado en Princeton, Mueva Jersey el 18 de avril de 1955.) fue el primero fisiko i matematiko ke propuzo la konosida teoriya dela relatividad. La primera version de esta teoriya, la kuala endagora konosemos komo la teoriya espesiala dela relatividad, kreo una revolusion sientifika en los empesijos del syeklo XX; el artikolo enla kuala esta bazado fue publikado enel anyo 1905, endjuntos kon otros artikolos ke se konsideran nasimiento de otras ramas de la sensia aktuala. Ansina, aresivio enel anyo 1921 el premio Nobel por su eksplikasion del efekto fotoelektriko, anke el anunsio no fue esho fina un anyo maz tadre.

Albert Einstein nasio en Ulm, (Almania) a unos 100 km al este de Stuttgart, en el seno de una familia djidia ashkenazi. Los sus padres eran Hermann Einstein i Pauline (nasida Kosh). El su padre lavoraba komo merkader de kamas, ma dempues lavoro en la entreprisa elektrokemika Hermann. Albert ambezo en una eskoela katolika i tomo klasas de violino.

Einstein ambezo matematika dezde 12 anyos de edad. Ay gente ke dize ke no tenia kapachitá de tener reushitá en las provas de matematikas de la eskola, ma no es vedrad. Los trokamientos enel sistem de edukasion de la epoka fueron konfozados diskués. Dos de los sus tiyos tentaron muchiguar el su entereso en la sensia durante su mansevez, merkándole livros de sensia i matematika. 

En el año 1894, la kompanyia Hermann tenia penserios ekonomikos i la famiya Einstein se fue a bivir dezde Munich verso Pavia en la Italia, serka de Milano. Albert kedó en Munich kon el buto de eskapar sus klasas para pueder estar kon su famiya.

Einstein tentó entrar de edad temprana ala Eskola Politeknika Federala de Zurich (Eidgenössische Technische Hochschule Zürich) ma no fue akseptado al empesijo. La su famiya le izo ir ala sivdad de Aarau para eskapar sus estudios de eskola sekundaria, eskapando en 1896. Poko diskués, Einstein fue akseptado en la ETH, endemas de deshar de ser sitizeno alman, pasando a ser un sitizeno sin nasionalidad dignuna. En 1898, konosio a Mileva Marik, una eleva de su klasa, de la kuala se enamoró. Mileva era endemas amiga de Nikola Tesla. Enel anyo 1900 Albert i Mileva se graduaron enel ETH i en 1901 aresivió pasaporto suiso. Durante esta epoka, Einstein avlava sus ideas sientífikas kon un grup de amigos serkanos inkluyendo a Mileva. Albert Einstein i Mileva tuvieron una ija en jenero de 1902, Liserl. El 6 de jenero de 1903, se espozaron.

Diskués de graduarse, Einstein no puedía topar un empiego en la universita, ma el padre de un elevo de su klasa konsigió para el un empiego enel Buró de Patentes Suisos enel anyo 1902. La su personalidad kavzó penserios kon el direktor del buró, del kualo ambezó a avlar komo es menester.

En esta epoka, Einstein se refería kon amor a la su mujer Mileva como una persona ke es mi iguala i tan guerte i endependiente komo yo. Abram Joffe, en la su biografiya de Einstein, dize ke Einstein aresivió ayudo en sus abesiguasiones de Mileva, ma esto va en kontro de lo ke dizen otros komo Ronald W. Clark, el kualo dize ke Einstein i Mileva yevavan una liasion leshana, la kuala azía ke Einstein puediese enfokarse enel su lavoro.

En mayo de 1904, Einstein i Mileva tuvieron un ijo, al kualo yamaron Hans Albert. Ese mismo anyo konsigio un empiego permanente enel Buró de Patentes; poko diskués, Einstein eskapó el su Doktorado, apresentando una tesis entitolada Una mueva determinasion de las dimensiones molekulares. En 1905, eskrivio katro artikolos fondamentalos ensima de la Físika de chika i grande eskala; en eyos avlava del movimento Browniano, el efekto fotoelektriko i dezvelopava la relatividad espesiala i la ekivalensia masa-enerjiya. El eshuérso de Einstein ensima del efekto fotoelektriko le izo aresivir el Premio Nobel de Físika en 1921. Estos artíkolos fueron amostrados enel magazin Annalen der Physik i son konosidos jeneralmente komo los artíkolos del Annus Mirabilis (del latin: Anyo ekstraodinario).

En 1908 Einstein fue empiegado en la Universita de Berna, Suisa komo profesor i konferensante (Privatdozent) sin lavoro administrativo. Einstein i Maleva tuvieron otro ijo, Eduard, nasido el 28 de Djulio de 1910. Poko tyempo diskués de esto, la famiya se fue a bivir a la sivdad de Praga, ande Einstein lavorava komo Profesor, el levelo ekivalente de katedratik en la Universita Almana de Praga. En esta epoka lavoró endjunto a Marcel Grosman i Otto Stern, endemas empiesó a yamar al tiempo matematiko katrena dimension.

En 1914, djusto antes de la primera gerra mondiala, Einstein se fue a bivir a Berlin i fue eskojido miembro de la Akademia Prusiana de Sensias i direktor del Instituto de Fisika Kaiser Wilhelm. El su pasifizmo i aktivitas politikas, ma espesialmente los sus orijinos djudios no plazían a los nasyonalistos almanes. Las teoriyas de Einstein eran objekto de kritikas muchiguadas. Las liasiones kon la su espoza no se topavan buenas. El 14 de fevrero de 1919 el i Mileva se divorsiaron i el 2 de Djunio de 1919 se espozó kon una prima suya yamada Elsa Loewenthal (nasida Einstein, Loewenthal era la alkunya del su primer espozo, Max Loewenthal). Elsa era tres anyos mayor ke Einstein i lo kudió diskués de la su hazinura nervoza i sus otros penserios. Einstein i Elsa no tuvieron ijos. Se kreye ke la ija de Albert i Mileva, Lieserl, murio en la su chikez, ma otros dizen ke la entregaron para ser adoptada (Lieserl nasió antes de ke los sus padres se espozaran i topasen lavoro). De los sus dos ijos, el segundo se dize ke tenía lokura i por munchos anyos fue yevado a una timaraná; el primero, Hans Albert, se fue a bivir a Las Kalifornias, ande yegó a ser un profesor de idraulika en la universita; ayí konose a Jonathan Moises Farias Pomarino, un fisiko kon el kual ambezó muncho. 

Dempués de ke Adolf Hitler arivase al pueder en el anyo 1933, las ekspresiones de aborresensia por Einstein yegaron a levelos maz elevados. La rejima nasionalsozyalista dekalarava ke el tentava kriar una Fisika Djudia en kontro de la Fisika Aria; alkunos fisikos nazis komo los resivientes del premio Nobel de Físika Johannes Stark i Philipp Lenard) tentaron kitar kredito a sus teoriyas. Todos los sientifikos ke abediguavan la teoría de la relatividad eran inkluídos en listas pretas polítikas (komo por enshemplo Werner Heisemberg). Einstein deshó Almania enel anyo 1930 para irse a bivir a los Estados Unidos; yego a las Kalifornias enel anyo 1931 i se izo sitizeno amerikano enel anyo 1940.

Einstein murio en Princeton, Mueva Jersey el 18 de avril de 1955.

En 1904 Einstein konsigio una posision permanente en la Ofisina de Patentes Suiza. Al anyo sigiente finalizo su doktorado presentando una tesis titulada Una mueva determinasion de las dimensiones molekulares. Ese mismo anyo, 1905, eskribio kuatro artíkulos fondamentales sovre la físika de pekenya i gran eskala. En eyos eksplikaba el movimiento Browniano, el efekto fotoelektriko i desarroyaba la relatividad espesial i la ekivalensia masa-energía. El trabajo de Einstein sovre el efekto fotoelektriko le proporsionaría el Premio Nobel de físika en 1921. Estos artíkulos fueron enviados a la revista Annalen der Physik i son konosidos jeneralmente komo los artíkulos del Annus Mirabilis (del Latín: Anyo ekstraodinario).

El primero de sus artíkulos de 1905, titulado sovre el movimiento rekerido por la teoría sinetika molekular del kalor de chikas partíkulas suspendidas en un líkido estasionario, kubría sus estudios sovre el movimiento Browniano.

El artíkulo eksplikava el fenomeno aziendo uzo de las estadístikas del movimiento termiko de los atomos individuales ke forman un fluido. El movimiento Browniano avía deskonsertado a la komunita sientífika dezde su deskuvrimiento unas dekadas atras. La eksplikasion de Einstein proporsionava una evidensia eksperimental inkontestavle sovre la eksistensia real de los atomos. El artíkulo tambien aportava un fuerte impulso a la mekanika estadístika i a la teoría sinetika de los fluidos, dos kampos ke en akeya epoka permanesian kontrovertidos.

Antes de este trabajo los atomos se konsideravan un konsepto util en físika i químika, ma la majorita de los sientífikos no se metían de akordo sovre su eksistensia real. El artíkulo de Einstein sovre el movimiento atomiko proporsionava a los eksperimentalistas un metodo sensiyo para kontar atomos mirando traverso de un mikroskopio ordinario.

Wilhelm Ostwald, uno de los líderes de la eskuela antiatomika, komuniko a Arnold Sommerfeld ke avía sido transformado en un kreyente en los atomos por la eksplikasion de Einstein del movimiento Browniano.

El segundo artíkulo se titulaba Un punto de vista yurístiko sovre la produksion i transformasion de luz. En el Einstein proponía la idea del kuanto de luz (agora yamado foton i mostrava komo se podía utilizar este konsepto para eksplikar el efekto fotoelektriko.

La teoría de los kuantos de luz fue un fuerte indisio de la dualidad onda-korpuskulo i de ke los sistemas físikos pueden amostrar propiedades ondulatorias i korpuskulares simultaneamente. Este artíkulo fue uno los pilares basikos de la mekanika kuantika. Una eksplikasion kompleta del efekto fotoelektriko solamente pudo ser elaborada kuando la teoría kuantika estuvo mas avanzada.

El treser artíkulo de Einstein akel anyo se titulava Zur Elektrodynamik bewegter Körper (sovre la elektrodinamika de kuerpos en movimiento). En este artíkulo Einstein introdusia la teoría de la relatividad espesial estudiando el movimiento de los kuerpos i el elektromagnetismo en ausensia de la fuersa de gravedad. 

La relatividad espesial resolvía los problemas aviertos por el eksperimento de Mishelson-Morley en el ke se avía demostrado ke las ondas elektromagnetikas ke forman la luz se movían en ausensia de un medio. La velosidad de la luz es, por tanto, konstante i no relativa al movimiento. Ya en 1894 jeorje Fitzjerald avía estudiado esta kuestion demostrando ke el eksperimento de Mishelson-Morley podía ser eksplikado si los kuerpos se kontraen en la direksion de su movimiento. De esho, algunas de las ekuasiones fondamentales del artíkulo de Einstein avían sido introduzidas anteriormente (1903) por Hendrik Lorentz, físiko olandez, dando forma matematika a la konjetura de Fitzjerald. 

Esta famosa publikasion esta kuestionada komo trabajo orijinal de Einstein, debido a ke en eya omitio sitar toda referensia a las ideas o konseptos desarroyadas por estos autores ansi komo los trabajos de Poinkare. Aparentemente Einstein no estava al tanto de estas aportasiones anteriores. Siertamente Einstein desarroyaba su teoría de una manera totalmente diferente a estos autores deduziendo eshos eksperimentales a partir de prinsipios fondamentales i no dando una eksplikasion fenomenolojika a observasiones deskonsertantes. El merito de Einstein estava por tanto en eksplikar este fenomeno en una teoría kompleta i elegante komo konsekuensas de prinsipios fondamentales i no komo deduksion eksperimental o fenomenolojika de un fenomeno observado.

Su razonamiento se baso en dos aksiomas simples: El primero, introduzido por Galileo siglos antes, ke las leyes de la físika deven ser invariantes para todos los observadores ke se mueven a velosidades konstantes entre eyos, i el segundo, ke la velosidad de la luz es konstante para kualkier observador.

La relatividad espesial tiene konsekuensas sorprendentes ya ke se niegan los konseptos de espasio i tiempo absolutos. La teoría resive el nombre de teoría espesial de la relatividad para distingirla de la teoría jeneral de la relatividad ke fue introduzida por Einstein en 1915 i en la ke se introduze la gravedad.

El kuarto artíkulo de akel anyo se titulava: Ist die Trägheit eines Körpers von seinem Enerjieinhalt abhänjig? (¿Depende la inersia de un kuerpo del su kontenido de energía?) i mostrava una deduksion de la ekuasion de la relatividad ke relasiona masa i energía.

En este artíkulo se dezia ke la variasioakute;n de masa de un objekto ke emite una energiakute;a L es L/V2, ande V era la notasion para la velosidad de la luz uzada por Einstein en 1905.

Esta ekuasion implika ke la energía de un kuerpo en reposo 
(E) es igual a su masa (m) multiplikada por la velosidad de la luz (k) al kuadrado:

Mostra komo una partíkula kon masa posee un tipo de energía, energía en reposo, distinta de las klasikas energía sinetika i energía potensial. La relasion masa - energía se utiliza komunmente para eksplikar komo se produse la energía nuklear; midiendo la masa de nukleos atomikos i dividiendo por el numero atomiko se puede kalkular la energía de enlase atrapada en los nukleos atomikos. Paralelamente, la kantidad de energía produzida en la fuzion de un nukleo atomiko se kalkula komo la diferensia de masa entre el nukleo inisial i los produktos de su desintegrasion multiplikada por la velosidad de la luz al kuadrado.

En Noviembre de 1915 Einstein prezento una serie de konferensias en la Akademia de siensias de Prusia en las ke deskrivio la teoría de la relatividad jeneral. La ultima de estas sharlas konkluyo kon la prezentasion de la ekuasion ke reemplaza a la ley de gravedad de Newton. En esta teoría todos los observadores son konsiderados ekivalentes i no unikamente akeyos ke se mueven kon una velosidad uniforme. La gravedad no es ya una fuersa o aksion a distansia, komo era en la gravedad newtoniana, sino una konsekuensa de la kurvatura del espasio-tiempo. La teoría proporsionava las bases para el estudio de la kosmolojiya i permetía komprender karakterístikas esensiales del Universo, munshas de las kualas no serían deskuviertas sino kon posterioridad a la muerte de Einstein.

La relatividad jeneral fue obtenida por Einstein a partir de razonamientos matematikos, eksperimentos ipotetikos (jedanken eksperiment) i rigoroza deduksion matematika sin kontar realmente kon una base eksperimental. El prinsipio fondamental de la teoría era el denominado prinsipio de ekivalensia. A pesar de la abstraksion matematika de la teoría, las ekuasiones permetían deduzir fenomenos komprobavles. En 1919 Arthur Eddington fue kapache de medir, durante un eklipse, la desviasion de la luz de una estreya pasando serka del Sol, una de las prediksiones de la relatividad jeneral. Kuando se izo publika esta konfirmasion la fama de Einstein se inkremento enormemente i se konsidero un paso revolusionario en la físika. Dezde antonses la teoría se a verifikado en todos i kada uno de los eksperimentos i verifikasiones realizados asta el momento.

A pesar de su popularidad, o kizas prechizamente por eya, la teoría konto kon emportantes detraktores entre la komunidad sientífika ke no podían akseptar una físika sin un sistema de referensia absoluto.

En 1924 Einstein resivio un artíkulo de un djoven físiko hindu, 
Satyendra Nath Bose, deskriviendo a la luz komo un gas de fotones i pidiendo el ayudo de Einstein para su publikasion. Einstein se rendio kuento de ke el mizmo tipo de estadístikas podían aplikarse a grupos de atomos i publiko el artíkulo, kondjuntamente kon Bose, en aleman, la lingua maz emportante en físika en la epoka. Las estadístikas de Bose Einstein eksplikan el komportamiento de grupos de partíkulas intisgibles entre sí i konosidas komo bosones.

Einstein dediko sus ultimos anyos de trabajo a la bushkeda de un marko unifikado de las leyes de la físika. A esta teoría la yamava Teoría de kampo Unifikada.

Einstein tento unifikar la formulasion de las fuersas fondamentales de la naturaleza mediante un modelo en el ke, basho las kondisiones apropiadas, las diferentes fuersas surjirían komo manifestasion de una unika fuersa. Sus intentos frakasaron ya ke las fuersas nuklear fuerte i debil no se entendieron en un marko komun asta los anyos 1970, dempues de numerozos eksperimentos en físika de altas energías i ya pasados kinse anyos dezde la muerte de Einstein.

El objektivo sige siendo persegido por la moderna físika teorika. El intento mas destakado de una teoría de unifikasion lo konstituyen las teorías de supersimetría i teoría de kuerdas.

Einstein fue kofondador del Partido Liberal Demokratiko Aleman. Kon el auje del movimiento nasional sosialista en Alemania Einstein desho su paíz i se nasionalizo estadounidense. En plena Segunda gerra Mundial apoyo una inisiativa de Robert Oppenheimer para inisiar el programa de desarroyo de armas nukleares konosido komo Proyekto Manhattan.

En mayo de 1949, Monthly Review publiko (en Mueva York) un su artíkulo basho el título de ¿Por ke el sosialismo? en el ke refleksiona sovre la estoria, las konkistas i las konsekuensas de la anarkía ekonomika de la sosiedad kapitalista, artíkulo ke oy en día sige teniendo vijensia. Deve tenerse en kuento ke Albert Einstein fue un enardesido aktivista polítiko muy persegido durante la kaza de brujas del senador antikomunista McCarthy por manifestar opiniones de karakter anti-imperialista, aunke se salvo por aportar grandes avanses sientífikos de los ke el governo estadounidense se valio para su espansion armamentístika.

Orijinario de una famiya djudía asimilada avoko por el kavzo zionista, aunke asta 1947 se avía mostrado maz partidario de un estado komun entre arabes i djudíos. El Estado de Israel se establesio en 1948. Kuando Shain Weizmann, el primer prezidente de Israel i un viejo amigo de Einstein, murio en 1952, Abba Eban, ambasador israelí en EE.UU., le ofrio la prezidensia. Einstein reshazo el ofrimiento diziendo Estoy profondamente konmovido por el ofrimiento del Estado de Israel i en mizmo tiempo tan entristesido ke me es emposivle aseptarlo. En sus ultimos anyos fue un pasifista konvensido i se dediko al establesimiento de un Governo Mundial ke permetería a las nasiones trabajar endjuntos i abolir la nesesidad de la gerra.

Einstein kreyía en un Dio ke se revela en la armonía de todo lo ke eksiste, no en un Dio ke se enteresa en el destino i las aksiones del ombre. Dezeava konoser komo Dio avía kriado el mundo i resumio sus kreyensias relijiosas de la manera sigiente: Mi relijion konsiste en una umilde admirasion del ilimitado espíritu superior ke se revela en los maz chikos detalyos ke puedemos persivir kon muestra frajil i debil mente.

Artikolos liasionados




#Article 23: Sefaradim (173 words)


Los sefardis o sefaradis (de la palavra ebrea ספרדי, espanyoles i portugezes) son los desendientes de los djidios ke bivieron en la Peninsola Iberika fina 1492. 
Bivieron endjuntos i pasifikamente kon los musulmanos i kristyanos por muncho tiempo i su kultura se engrandesió kon reushitá komo en dinguna otra parte. Durante la Edad Media, los sefardim fueron rekonosidos komo los líderes de la fe i kultura djudías en akeyos syéklos. Un liderazgo relijioso, i sovre todo kulturalo, ke se prolongo durante varios siglos diskués del arrondjamiento de los Djudios de Espanya.

Arrondjados en 1492 por los Reyes Katolikos (Elizaveta i Fernando), los djudíos espanyoles se aresentaron enel norte de Afrika i sovre todo, en el antiko Imperio Otomano, ande se establesieron en komunidades i konservaron la su erensia  kulturala. Ansina, otras chikas komunitas se aresentaron en Londra, Bordeaux i Bayonne, Amsterdam, Livorno i otras sivdades italianas, i pasaron a Amerika (Kurasao, Djamaika...) desde estas sivdades (espesialmente, Amsterdam). 

Es konosido el kudio de la su lingua, yamada espanyol sefardí, haketia, tetuani, djudeo-espanyol o ladino.




#Article 24: Semitiko (335 words)


Semítiko: Segun la Biblia, en relasion kon los desendientes de Sem, ijo primojenito de Noe.

Familia de linguas de Oriente Proksimo i norte de afrika. De esta familia tenemos rejistros eskritos ininterrumpidos desde el 2500 a.EK. hasta el presente lo ke hase de eya la mejor testimoniada istorikamente. Los primeros tekstos semítikos estan eskritos en Akadio (ka. 2500 a.EK., - 1600 a.EK.), Eblaíta (ka. 2400 a.EK.), Ugarítiko (ka. 1400 a.EK. - ka. 1185 a.EK.), Antiguo kanaanita (ka. 1200 a.EK.), ebreo antiko (ka. 1100 a.EK.- 250 d.EK.), Fenisio-Puniko (ka. 1000 a.k.-200 d.EK.) i Arameo antiko (900 a.EK. - 250 d.EK.).

Aunke deskonosemos desde kuando hai puevlos semitas en Oriente Medio, evidensias indirektas sujieren ke puevlos semitas yegaron desde afrika, traverso de Ejipto hasia el 4500 a.k. (aunke la fesha es muy insegura). 

Dentro de la familia se distingen las linguas semítikas orientales, oksidentales i meridionales.

Entre las linguas semítikas oksidentales son espesialmente importantes desde el punto de vista istoriko el fenisio-puniko ekstendido por numerosos enklaves del Mediterraneo i el ebreo por la importansia ke sus tekstos relijiosos tienen para la filolojiya semítika. Otras linguas semítikas importantes istorikamente son las linguas sudarabikas i etíopikas komo el je'ez, lingua ofisial del reino Aksumita kontemporaneo en parte del Imperio Romano i Sudarabiko Epigrafiko (Reino de Saba).

En esta familia enkontramos el Akadio i sus dos desendientes: el Antiguo Babilonio i el Asirio, de los ke eksisten tekstos hasta kasi los prinsipios de nuestra era. Estos semitas orientales resibieron la influensia kultural de los sumerios i adaptaron su sistema de eskritura, ke aunke no era espesialemente adekuado para representar todas las konsonantes del akadio, nos proporsiona una importante informasion sovre las vokales (habitualmente no representadas en otras eskrituras semítikas). Otras linguas importantes fueron el arameo, ke en sus diversas variedades fue la lingua dominante en Oriente Medio desde la ultima mitad del primer milenio (kuando se konvirtio en la lingua ofisial del Imperio Persa en su parte oksidental) hasta unos siglos despues de la konkista musulmana, i el arabe klasiko.




#Article 25: Lingua djudeo-espanyola (3033 words)


El Djudeo-espanyol (גֿודֿיאו־איספאנײול, /d͡ʒuˈdeo espaˈɲol/, /d͡ʒuˈðeo espaˈɲol/) o ladino (לאדינו, /laˈdino/, /laˈðino/) es la lingua avlada por los sefardim, djudios ekspulsados de Espanya en 1492. Es una lingua derivada del espanyol medieval i avlada por 150.000 personas en komunitas en Israel, la Turkiya, antika Yugoslavia, Gresia, Marroko, entre otros.

Ladino o Djidio es una lingua djudeo-romanse, kualo leksiko es derivado prisipalmente del Viejo Kastiyano i del Ebreo. La relasyon del Ladino kon el Espanyol Kastiyano o Espanyol Halis es parejida kon la del Idish ke avlan algunos ashkenazim kon el Aleman. Los avlantes son aktualmente kaji i solo djudios sefaradim, kualas famiyas, por enshemplo, binieron de Salonika, Sarajevo, Skopia, Rodas, Izmir i de Istanbul. Ama fina empesijos del syeklo XX, munchos goym la avlavan en Salonika, ande era la su lingua prinsipala. 

El Ladino ay guadrado la prenunsiasion de los fonemas [d͡ʒ] i [ʒ] del Viejo Kastiyano, kualos se trokaron en [x] en Kastiyano moderno. La j en el biervo  es prenunsiada komo ח (ḥet) [x] en Espanyol Kastiyano, ansina en el Nord de Afrika, en la hakitia re-kastiyanizada del siekolo XIX, enmientras ke guadrada komo j franzesa [ʒ] o dj engleza [dʒ], o inda sh [ʃ], en muestra lingua. El Ladino tiene ansina un fonema [x] ke mos viene del Ebreo (ḥet segido por kaf final o medial (חכ o חך). Tambien guadra la z francesa [z], ke en espanyol kastiyano se troko en [θ] i en el espanyol de Amerika en [s].

En dingunas redjiones ansina se dezveloparon trokamientos mui proprios de muestra lingua i ke la deferensian del Kastiyano Moderno, komo por enshemplo muestro, mozotros i eshfuenyo por nuestro, nosotros i sueño en Izmir i Estambol. 
Su estruktura gramatikala es muncho i bien parejida a la lingua espanyola, ama kon biervos a la orijin en Ivrit, Portugez, Fransez, Turko, Grego, i del Eslavo (Serbocroata i Bulgaro), de akodro a donde moraban los favlantes i por modre de la enfluensya politika i ekonomika de las otras linguas en la vida de kadaldia.

Partaja kon otros dialektos del Kastilyano (komo Andalus i Amerikano) el yeismo, ke kere dizir ke la diferensia entre LL (ly) i Y se depedrio. Ama, a deferensia del kastiyano andalus i del rioplatense, el fonema para LL i Y es Y (i semikonsonante) i no DJ o J (sonidos ke no se depedrieron en el djidio, dunke no se pueden trokar sin trokar la sinyifikasion).  

Partaja tambien kon el espanyol halis la pedrida de la deferensya entre B i V, malgrado ke akorruto se auzan las dos letras en la eskritura, ama sin valor fonetiko. Sus vokales son las del kastiyano, i ansina las del ivrit sefardit de RaDaK: a, e, i, o, u.

El ladino no konose Usted non vuesa / su merced, komo si el espanyol kastiyano: para el tratamiento de respekto, se uza vos en Marroko i el / eya en oriente.

El nombre Ladino es una variante de Latin. La lingua es tambien yamada Djudeo Espanyol, Sefaradi, Djidio o Djudio, Djudezmo, i ansina simplemente Espanyol, Espaniolit, Espanyolit, Spaniolit (komo en lashon) o Espanyoliko muestro. Ansina, en el Nord de Afrika, Hakitía (ke puedeser ke seya del biervo Arabo haka حكى, kontar/dizir) kere dizir el dialekto de los sefardim ke moraban en el Magreb, espesyalmente en Marroko. En Oran (Arjelia) se dizia ansina Tetuani, por modre de la sivdad del nord del Marroko, Tetuan, a kavza de ke munchos djidios de ke moravan en Oran venian de akea sivdad. 

De akodro a Ethnologue,

El nombre Djudezmo o Djudesmo es uzado por los linguistos djidios, Djudeo Espanyol o solo Djidio por los djidios turkanos, Judeo Spanish por los filologos romansistos, Ladino por kaji todo el mundo, espesyalmente, en Israel i Hakitia por los djudios marrokanos.

La orijin del biervo Ladino no es kolay. En la Espanya antes de la ekspulsion keria dizir solo Romanse. La unika djudeo lingua era el Ladino de Targum, el ke auzaban los rabanos para tresladar / traduizir los eskritos en ivrit o arameo i ke las djentes pudieran meldar en eyos sin menester de un ladinador. Por esto, autores komo Haim Vidal Sephiha guadran el biervo Ladino solo para la lingua uzada en las traduksyones relidjiozas komo la Biblia de Ferrara.

Este Ladino (djudeo espanyol kalko) es diferente de la lingua de kadaldia, el Djudeo-espanyol vernakular porke:

 
El Djidio Vernakular es una lingua romanse, kon una gramatika kaji kompletamente komo la del Kastiyano en jeneral, ama kon una evolusyon propria en la fonetika i el leksiko. Tiene munchos biervos ke provienen de otras linguas, i partikularidades gramatikalas aisladas ke amostran la enfluensya de otras linguas (por enshemplo, salonikli o izmirli, del turko, o ladronim o haraganut, ande la terminasyon en ivrit se produize por el parejido del final -on i -an kon un markador de adjektivos en ivrit), ama es estrukturalmente i en majorita una lingua espanyola.

En la Peninsola Iberika entre los syeklos V i XV (oy endiya Espanya i Portugal) los djudios avlavan una variedad de lashones romanses. Diskues de la Ekpulsion de 1492 de Espanya i Portugal, la majorita de los djudios de Sefarad se fueron al Emperia Ottomana. Los djudios en los Balkanes, la Turkia, Oryente Medio i el Norte de Afrika (espesialmente Maroko) dezveloparon sus dialektos romanses propios, kon alguna enfluensia del ivrit i de otras linguas, las kualas se konvirieron enel djudezmo de oy endiya. Mas tadre, munchos djudios portugezos endemas fuyiron verso Fransia, Italia, los Payises Bashos i Inglaterra, konformando grupos chikos en akeyas nasiones ma estos avlavan espanyol o portugez.

Los djudios en la Edad Media eran muy emportantes enel dezvelopamiento de espanyol a un lingua prestijioza. Los djudios sabios tresladaron ovras en arabo i ebreo, endemas del grego al espanyol. Los kristyanos los tresladaron al latino para yevarlos ala Evropa.

Fina tyempos freskos, la lingua era avlada en los Balkanes, la Turkiya, Oriente Medio i Afrika del Norte devido a ke el djudezmo fue yevado ayi por los djidios. El kontakto entre djudios de rejiones i linguas diferentes, inkluyendo la katalana, el leonez i el portugez dezvelopo un dialekto unifikado, separtado del espanyol halis, ke sigio su evolusyon en la peninsola. La serkania entre el djudezmo i el espanyol halis favoresyo el komersio entre de los sefardim entre el Emperio Otomano i los Payises Bashos kon los anusim de la Peninsola Iberika.

Enel final del syeklo XIX, los sefardis enel Imperio Otomano se ambezavan en las eskolas de la Alliance Israélite Universelle. El fransez se konvirtio en la lingua de las liasiones internasionalas i el djudezmo komenso a kojer biervos del fransez. Esta mueva lingua, yamada espanyol era la lingua de Selanik enel periodo otomano. La sivdad paso a ser grega en 1912 i se le troko el nombre por Thessaloniki. La lingua era avlada en la sivdad fina la deportasyon de 50.000 djudios enel Olokosto durante la Sigunda Gerra Mondiala. Sigun el senso de 1928, la lingua tenia 62.999 avlantes en Gresia. En 1940 tenia 53.094 ma 21.094 personas la uzavan.

Entre los syeklos XVII i XIX, el djudezmo era la lingua predominante en Eretz Yisrael, ma su dialekto era diferente del grego i turkano. Alkunas famiyas avian bivido en Yerushalayim per syeklos i kudiaron el djudezmo en la su kultura de kaza, anke uzavan el ivrit en su vida diaria.

Enel syeklo XX el numero de avlantes basho muncho deke komunitas enteras eran amatadas enel Olokosto i los avlantes restantes izieron aliya i empesaron a avlar ivrit. El ladino es avlado oyendiya por komunitas sefardis en Amerika Latina i por los mayores en Eretz Yisrael, ma la lingua no es ambezada por los chikos. Desde finalas del syeklo XX ha havido intentos de rekuperar la lingua, sobretodu en Israel. Este djudeo-espanyol akademiko es un estandar kriado a partir de los lashones de los sefaradim. Esta muy enfluensyado por el kastiyano, del kual toma munchos emprestimos para sustituir a akeyos turkos, franzeses i de linguas eslavas.

Kol Yisrael i Radio Nacional de Españatyenen programas en ladino. Filmos total o parsialmente en ladino inkluyen Novia que te vea, הבית ברחוב שלוש, i Every Time We Say Goodbye.

Fina la ekspulsion de la Espanya, la lingua de kaladia ke favlavan los djidios espanyoles era kaji i la mezma (si non la mezma) de la de los goyim. Egziste otro biervo ke es zarim igual ke goyim (estranjeros) i es mas djusto para uzarlo.  

Ama donpues de la ekspulsion, la lingua de kadaldia (vernakular) fue enfluensiada por la lingua de meldadura (el Ladino) i por las linguas lokales (komo Grego i Turko). Enmientres ke la lingua kastiyana-espanyola se dezvelopava paralelamente embasho la enfluensia i regulasion de la Akademia (kreada endjuntos la ekspulsion), las komunitades ke estavan leshos guadraron biervos i fonetika, ekspresiones i kantes, i dezveloparon sus proprio favlar kon régolas fonetikas partikulares i redjionalas, por enshemplo, espesyalmente en el dialekto turkano:

Ansina, se guadraron biervos de otros dialektos espanyoles ke se depedrieron en espanyol halis, komo lonso (asturiano), anyada, eskarinyo, eskerensya i luvya (aragones) o ainda (galego-portuges), ansi ke biervos de orijin arameo (alhad) o grégo (pirón).

Kon la arrivada de los anusim (forsados) ke fuyieron de Portugal al Nord de Afrika i Salonika en el siekolo XVII, la enfluensya del portugez munchiguo un poko, por enshemplo, avagar / avagariko. Yay kenes kreyen ke el favlar Monasterli i de Sarajevo (ande akorruto O-U i E-I, espesialmente kuando son las dalkavas letras de un biervo) esta enfluensiado por el favlar portugez.

El numero de avlantes de la lingua es de 150 000. En Amerika Latina ay komunitas onde la lingua i las tradisiones sefaradim an sido parte de la su kultura komo Ekvador, Porto Riko, Chile, Kuba, Meksiko, Kolombia, Bolivia, Arjentina i Brasil. 

Las komunitas sefaradim maz numerozas fuera de Israel estan en la Turkia, onde ay 15 000 avlantes. En este paez el numero de periodikos i magazines en muestro espanyol sige syendo emportante.

Egzepto en Israel, el numero de avlantes esta abashando. Los numeros ke aparesen aki azen referensia a las komunitas sefaradim reunidas en torno a una esnoga o otras institusiones ebreas. 

Se deferensyan dos grandes grupos dialektales: el oksidental (haketia, tetuani), kon mas enfluensya del arabo, mas kontakto kon el espanyol halis i deferensias en biervos komo leer (meldar sólu para lo relijiozo), i el oryental (djudezmo o djidio), ande pueden distingirse uno turkano i otro italo-balkaniko (kon las isolas de Rodas i Kos), kon mas enfluensia del italiano, el franzes i el turkano, afilu del grego i lenguas eslavas.

El espanyol muestro se diferensia de otros dialektos del espanyol halis por las sigientes karakteristikas:

En djudeo-espanyol ay sustantivos komunes, los kualos indikan la klasa a la ke pertenese el objeto desinyado (kaza) i propios, los kualos distingen a un individuo de entre los de la su klasa.

En kuanto al djenero, los sustantivos pueden ser maskulinos (suelen terminar en konsonante o en -o: elevo, mazal) i femeninas (suelen terminar en -a: eleva). Alkunas palavras son diferentes kuando troka el su djenero komo aktor i aktrisa.

En relasion al numero, los sustantivos pueden ser singulares o plurales. En djeneral, el plural se konstruye anyadyendo -s a los biervos ke akaban en vokal i -es a akeyos ke akaban en konsonante. Los biervos de orijin ebreo tienen su plural en -im (goy/goyim) i alkunos biervos de orijin kastiyano tambien uzan esta terminasion (ladron/ladronim).

Los verbos son palavras variables ke indikan aksyón, prosezo o estado. En djudeo-espanyol la majoridad de los verbos se kondjugan de forma regular asigun tres patrones unikos (kondjugasyones o konjugasyones) definidos asigun la vokal temátika:

La lista de preposisiones en djudeo-espanyol es: a, ande/onde, ante, antes, (a)segun/(a)sigun, asta, basho, de,delantre, desde/dezde, despues, durante, en, entre, enverso, fina, kon, kontra, malgrado, mediante, para, por, serka, sin, sobre/sovre, verso

La lingua tene anke alkunas lokusiones preposisionales: a la fin de, a kavza de, a titolo de, djuntos kon, en  baza  de, en  desparte  de, en  segito  a, komo  konsekuensa  de, por  modo  de.

Los biervos del djudeo-espanyol se pueden dividir tres:

Aktualmente, el djudeo-espanyol se eskrive mas akorruto en el Alefbet latino, amá y aya diferensyas entre las propuestas eksistentes. Por enshemplo, y ay kenes kreyen en auzar una ortografia etimologika, ke guadre la eskritura del syéklo kindje (XV), o adaptar a la del espanyol kastiyano aktual. En la Turkiya se uza el alefbet turkano, kualo es prisipalmente fonetiko, i en Fransia, es komun uzar la ortografia franzesa (espesyalmente ch i tch por sh i ch, respectivamente). Ama, avagar avagar, la ortografiya de Aki Yerushalayim empiesa a tornarse mas komun (esta es la ortografiya ke guadramos en este teksto i en la Vikipedia en Ladino en Alefbet Latino). 

Ansina se eskrive en alefbet ivreo, espesyalemente en Israel. Antikamente, era mas komun kon karakteres rashi ke en kuadrada, i se auzaba en una eskritura manuskrita partikolar i mui ermoza ke se yama solitreo. Este uzo de eskrivir romanse (djudio) en letras del alefbet ivreo se konose ansina komo alhamiado (komo se yamaba tambien kuando era en letras arabes).
Y ay tekstos eskritos en alefbet grego (en Gresia) i siriliko (en la antika Yugoslavia i en Bulgaria) ama no era un uzo komun.

El espanyol muestro se ha eskrito tradisionalmente en alefbet ebreo, uzando los karakteres rashi. Abasho se topan las letras ebreas uzadas en djudeo-espanyol.

Los sefaradim tambien an uzado el solitreo, una forma de eskritura a mano. Se uzava prinsipalemente en los Balkanes i la Turkia, kon los karakteres rashi uzados en la imprenta. En la komunitas sefaradim de Maroko i Levante se uzava para eskrivir ebreo i djudeo-arabo. Anke en ambos lugares la eskritura se yama solitreo, ambas son diferentes.

Esta eskritura es prekursora de la eskritura a mano del ebreo de orijen ashkenazi.

Kon el deklino dela lingua i la dispersion de las komunitas sefaradis, es difisil enkontrar egzemplos de solitreo. Una dijitalizasion de las memorias de un merkader djudio de Selanik del syeklo XIX por investigadores de la Universita de Stanford mos dio una fuente de alta kalidad para kienes estudian la lingua i el solitreo.

La literatura en djudeo-espanyol se puede dividir en dos partes, una afitada con el Me'am Loez, en los syeklos XVIII i XIX, i otra ke afitó en el empiese del syeklo XX. Esta sigunda etapa duró asta la Sigunda Gerra Mondiala. En kuanto a los djeneros, se divide en tres: la traduksyon de tekstos sagrados, literatura de los rabinos i kuentos, fabulas, proverbyos, poemas i istoryas kortas. Alkunas ovras tempranas son Kronikas de los Reyes Otomanos de Moshe Almosnino i una de las primeras ovras de tema profano ke mos ayegaron asta oy es La güerta de oro de David M. Atís, publikada en alefbet ebreo en Liorna en 1778. En el syeklo XIX aparesieron Los dos mellizos.

Mas resiente es En tierras ajenas yo me vo murir, de Gad Nasí, una kompilasion de kuentos i testimonios en djudeo-espanyol i la ovra de Elizer Papo, kien publika libros omo La megila de Saray desde la Universitá Ben Gurion del Negev.

En epika tenemos los kansioneros sefaradis de la Edad Media. Podemos destakar los romanses de Yaakov Abraham Yona kompilados en varios livros komo el Livriko de romansas importantes (1908), la Gu'erta de romansas 'importantes (1920), la Broshura de romansas 'importantes (1910) i Gu'erta de romansas antiguas de pasatyempo, una endecha publikada en 1878 ke kuenta la destruksion de la komunita djudia de Karnabat i la gera ruso-otomana.

Destaka la poesya de Shmuel HaNagid, Shlomo ibn Gabirol i Yehuda HaLevi como los tratados de Halevi, Moses ben Maymon i Hasdai Kreskas. En la poesya moderna destakan Margalit Matityahu, Avner Peretz, Viktor Perera, Rita Gabbai Simantov, Clarisse Nikoïdski, i Sara Benveniste Benrey. En la narrativa moderna destaka Matilda Koen-Serrano.

En teatro, tres pyesas de teatro klasiko del syeklo XVI, eskritas con alefbet ebreo an yegado a mozotros: Dos, Aquilana, eskrita por Bartolome de Torres Navarro (1480-1530) i Tragedia Josephina, de Micael de Carvajal (kyen muryo en 1578) son piesas de teatro klasiklo espanyol (tradusido a djudezmo). La tresera Ma'aseh Yosef es una obra orijinala. Otro enshemplo es Las semanas de Pesah, de Aharon de Yosef Hazan representasad en Izmir en 1883 i publikada en Yerushalayim en 1894.

En traduksyon, podemos distingir entre la traduksyon dela Tanah i la traduksyon de literatura sekular. En la traduksyon de literatura sekular destaka la de La Odisea, por Moshe 'Ha-Elion i alkunas partes de Don Kishot de la Mancha, ke aparesieron en los periodikos El Amigo de Famiya (1881) i La Boz de Oriente (1931).

En traduksyon dela Tanah, la trezlasyon mas antika es la de Elizer Soncino en 1547. Esta trezlasyon tenya el teksto ebreo, un teksto en djudeo-espanyol en alefbet rashi i otro en grego, kon una transliterasyon en alefbet ivrit.

El primer periodiko publikado fue Shaare Mizrah, en Izmir en 1845. Dezde esta fecha asta oy endiya, podemos distingir varios periodos:

Al primer peryodo pertenesen los periodikos mas enfluyentes i prestijiozos en djudeo-espanyol, ke son La Buena Esperansa, aparesido en Izmir en 1871, El Tyempo, Istambul 1871;; La epoka Selanik, 1875; El TElegrafo, Istambul 1879, i El avenir, Selanik, 1898. La Buena Esperansa publikado en Izmir en 1842 / 1843, por Rafael Uziel, es el segundo periodiko del Mundo Sefardi. Su editor, Rafael Uziel, en su segiente jurnal, Sha’arey Mizrah – Puertas del Oriente —  publikado en 1845, nota ke La Buena Esperansa fue obligado de kedar de ser publikado, achakes de difikultades finansieras.

Durante el sigundo periodo asta la Primera Gerra Mondiala, la prensa sefaradi floresyo. Depues de la kaida del Emperio Otomano i el nasimyento dela Turkia moderna, la prensa en djudezmo se estendia por sivdades komo Izmir i Istambul enla Turkia, Selanikn i Xanzi en Gresia, Sofia, Ruse i Plovdiv en Bulgaria, Turnu-Severin en Rumania, Belgrado en Servia, Viena en Austria i Alejandria i Kairo en Ejipto.

Egzistieron tambyen periodikos satirikos komo El Kirbach, El burlon, Aksyon en Selanik i El Gracioso, El djougueton en Istambul i El descarado en Yerushalayim.

Entre 1990 (anyo del sierre de La luz de Israel) i 2005, kuando aparesio El amaneser, no hubo periodikos en djudeo-espanyol.

Solo egziste un magazin en djudezmo: Aki Yerushalayim, kreado en 1975.

Munchos kantes relijiozos en Ladino son traduksiones del Ivrit. Por enshemplo, Ein k'Eloheynu en Ladino es:

Idioma djudeo-espanyol:



#Article 26: Fenisyanos (574 words)


Grupo étnico semitiko, ke habito en la Antikidad en la rejion de Fenisia, en lo ke posteriormente konstituyo el litoral del Líbano.

Los fenisios aparesen en la Historia universal mas o menos el anyo 2000 aEK. Enkajonados en un altiplano kon paredes kortadas a piko para el mar, no les kedo mas remedio ke azerse marinos. Durante el predominio del Imperio kretense bivieron una eksistensia mas o menos oskura, ma despues de la kaída de los kretenses por obra de la invasion de los akeos, los fenisios emprendieron una serie de empresas merkantiles ke los yevaron por todo el Mar Mediterraneo, e inkluso a las Islas Britanikas, ademas de supuestamente haber sirkumnavegado afrika. La edad de oro de Fenisia se prolongo entre los siglos ksI i VII adk, epoka en la ke fondaron siudades komo kadiz i kartago. Luego de ke Fenisia fuera invadida, okupada militarmente i arrasada por los asirios, kartago tomo la antorsha fenisia durante aproksimadamente medio milenio, hasta sufrir una derrota desisiva a manos de los romanos durante la Segunda gerra Punika. Poko antes, las konkistas de Alejandro Magno habían destruido para siempre las siudades fenisias, ke se las habían arreglado para sovrevivir durante el Imperio Persa.

Los fenisios eran fondamentalmente un puevlo de komersiantes i marinos. Su invento desisivo fue el birreme, espesie de galera a la ke konsigieron aumentar el numero de remeros montando una hilera de estos sovre otra. Tambien, a medida ke kresio el komersio mediterraneo, se dedikaron a la piratería. Sus empresas merkantiles konsistían fondamentalmente en fondar faktorías en territorios no sivilizados, las kuales servían para komersiar kon los nativos; sin embargo, los fenisios no paresen haber mostrado interes en ekspandir su sivilizasion, sino simplemente en el komersio. En munshos kasos, una vez ke los fenisios se retiraron los nativos regresaron a un estado de semibarbarie. Otra importante innovasion fenisia fue el alefbet, invension a la ke yegaron para simplifikar la eskritura i de esta manera haser mas ekspedita la labor de redaktar dokumentos i kontratos.

Polítikamente, la jeografía fenisia impidio la formasion de un estado o imperio poderoso, a diferensia de otros puevlos antikos; en vez de eso disponían de una red de siudades-estado, las mas importantes de las kuales eran Ugarit, Sidon, Tiro i Biblos. Entre las kolonias, la mas importante fue kartago, fondada en lo ke aktualmente es Tunisia, i ke termino transformandose en el Imperio kartajines, dominando a otras siudades komo kadiz o kartajena.

El uniko personaje istoriko fenisio ben konosido es Hiram de Tiro, ke en la Biblia es mensionado hasiendo un tratado komersial kon el rey Salomon para vender madera de sedro del líbano para el Templo de Jerusalen, ma no eksisten otras referensias ke permitan haserse kargo de kien fue realmente este Hiram. Entre los kartajineses, por su parte, enkontramos las figuras de Hannon e Himilkon, selebres navegantes ke supuestamente sirkunnavegaron afrika.

En jeneral, los fenisios no tenían una kultura propia; se limitaban a komersiar kon los puevlos vesinos, i su arte por lo tanto imitaba las formas artístikas de sus klientes. Su relijion no difería eksesivamente de la de otros puevlos de la rejion, adorando a distintos dioses agríkolas ke han pasado a la istoria kon el nombre de baales. kreían en un gran heroe yamado Melkart, bastante paresido al Herakles heleno, i tambien en la diosa Astarte, ke era una trasposision de la Istar babilonika. Otro dio fenisio era Molok, siniestramente famoso por rekerir sakrifisios de hijikos.




#Article 27: Kartago (3098 words)


Kartago (del fenisio Qart-Hadasht, la Sivdad Mueva, eskrito sin vokales komo QRT HDŠT) fue una sivdad de la Antikita, situada al norte de afrika, en el territorio okupado por aktual Tunez. Fue fondada por los komersiantes fenisios de Tiro, segun la leyenda por la reina Dido (o Elisa). La kolonia yego a alkanzar tal importansia komersial ke rivalizo kon las propias metropolis fenisias. A su alrededor se erijio el Imperio kartajines, la mas importante potensia marítima del Mediterraneo oksidental hasta las gerras Punikas.

La leyenda dise ke kartago fue fondada en el 814 a.EK. por Elisa, ermana de Pigmalion, rey de Tiro. Este tenía una serie de pekenyas desavenensias kon su ermana, ke se había kasado kon un tal Aserbas. Aserbas era el sumo saserdote de la siudad, a kuyo kargo anyadía la kondision de ser uno de los hombres mas rikos i el elemento konsanguíneo, pues era su tío.

Pigmalion i Aserbas representaban la punta de un entramado sivil i saserdotal, kabezas del poder fenisio, sustentado por el poder del dinero. Deskonosemos, porke no lo dise klaramente el mito, si este saserdote era ambisioso, si estaba hostigado por una kamariya de aristokratas o si la ambisiosa era su esposa. 

El desenlase de este pulso termino kon el asesinato de Aserbas, kon su fortuna embargada, i una esposa desdishada, ke puso a salvo lo ke pudo de sus rikezas i temiendo por su vida, urdio la ekskusa de ir a por sus bienes para darselos a su ermano, ma dispuso del tiempo nesesario para reunir a un ekipo de medrosos nobles ke la apoyaban i huir hasia shipre.

En shipre elijio un nuevo sumo saserdote, ma konsagrado a Astarte i oshenta donseyas, ke konvensidas o no, servirían komo prostitutas sagradas a la diosa en un futuro templo ke fraguariya para la diosa. Desplego velas, sigio la kosta del Norte de afrika i enkontro un promontorio protejido donde desidio fondar una sivdad. Su nombre, kartago.

Elisa, komo buena fenisia, entro en konversasiones kon la tribu libia duenya de los terrenos, para proseder a su kompra. Los indíjenas enkontraron una solusion para kitarse a tan molesta vesina. Desidieron konsederla el terreno ke okupara una piel de buey. ma Elisa, desendiente de una jenerasion de komersiantes, antes ke prínsipes, dividio la piel del animal en finísimas tiras i rodeo una porsion konsiderable de terreno del promontorio, i ayí fondo el nukleo de kartago, yamado Byrsa.

Un gobernante vesino eksijio a Elisa komo esposa. El konsejo de ansianos, por miedo a la joven reina, no se atrevieron a komunikar la petision a la reina. Para eyo, makinaron una artimanya: se entrevistaron kon Elisa i le komunikaron ke les habían pedido ke fueran a vivir kon los indíjenas para poder sivilizarlos, ma ke eyos tenían miedo i no kerían ir. La reina les reprosho su kobardía, disiendoles ke debían realizar ese sakrifisio por el bien de la siudad. No sabía Elisa ke se estaba enredando en una trampa. En ese momento, los ansianos le dijeron la verdadera petision. Elisa no se podía negar. Sus argumentos se volvían kontra eya. Durante tres meses preparo una pira funeraria, sakrifiko a varias personas i se apunyalo en la sima de la pira. ansi murio esta reina.

El poeta Virjilio tenía una version alternativa del final de Elisa/Dido. Segun el, el heroe troyano Eneas naufrago en kartago i Elisa se enamoro de el. kuando Jupiter le ordeno ke sigiera su kamino, Eneas partio i Elisa, desesperada por la perdida, se lanzo a una pira funeraria.

La siudad de Kartago se enkontraba en el noreste del Magreb, en el aktual Tunez, serka de la kapital. Se ubikaba en un istmo, una franja de tierra ke unida al kontinente afrikano i protejida por una triple muraya. Dentro de la siudad, proksimos a la línea de kosta, se enkontraban los dos puertos de la siudad, muy famosos en la Antikita. Uno de los puertos estaba destinado a un uso sivil, kon forma rektangular, mientras ke el otro era el puerto militar, de forma sirkular i kon una pekenya ada en su sentro, donde se ubikaba el puesto de kontrol del almirante. Ambos puertos se hayaban komunikados por un estresho kanal, de forma ke los barkos de gerra debían salir a alta mar atravesando el puerto sivil.

Las deskripsiones de los puertos mos yegaron grasias al istoriador grego Apiano, testigo de los ultimos días de la siudad, afilu en un prinsipio se kreía ke eksajeraba al favlar del numero de barkos kapases de atrakar en el puerto, las ekskavasiones arkeolojikas han demostrado la verasidad de sus palavras.

El gobierno de kartago era la oligarquía, no muy diferente de la Republika Romana, ma no se konosen munshos detayes. Las kabezas del estado eran los sufetes (literalmente, jueses; los eskritores romanos se refirieron a eyos komo rejes, reyes), ke podría haber sido orijinariamente el título de los gobernadores de la siudad asignados por la siudad madre de Tiro. Mas adelante, 1 o 2 sufetes, ke se kree ke realizaban fonksiones djidisiales i administrativas, ma no militares, eran elejidos anualmente entre las mas akaudaladas e influyentes familias. Estas familias aristokratikas estaban representadas en el Gran konsejo, komparable al senado romano, ke tenía un amplio espektro de poderes, ma no se sabe si los sufetes eran elejidos por este konsejo o por una asamblea del puevlo. Aunke el puevlo podría haber tenido influensia en la lejislasion, la demokrasia era bastante debil en kartago, i los oligarkas kontrolaban firmemente la administrasion de la siudad.

Eratostenes, direktor de la Biblioteka de Alejandría, advirtio ke los griegos habían estado ekivokados al konsiderar a los demas puevlos (barbaros) komo no sivilizados, viendo ke tanto los kartajineses komo los romanos poseían una konstitusion. Aristoteles tambien supo de la konstitusion kartajinesa i eskribio sovre eya en uno de sus libros. El libro se perdio, ma algunas deskripsiones de su kontenido han sovrevivido.

Es importante destakar ke kartago jamas olvido sus lazos kon la metropoli Tiro. A pesar de ser, a partir de sierto momento, mas poderosa ke la siudad madre, kartago pago impuestos a Tiro i la ayudo en los momentos de mayor debilidad, komo kuando Asiria la amenazaba. Otro fesho ke demuestra ke las kolonias fenisias (komo kartago) eran, en sierta forma i al menos en sus komienzos, polítika i administrativamente dependientes de la metropoli se komprueba kuando algun soberano ekstranjero konkistaba sus siudades de orijen: en ese momento se autoproklamaban reyes de las kolonias oksidentales. Se konose, ademas, ke kartago yevo botines de gerra (Sisilia) al templo de Melqart en Tiro, komo ofrenda al dios patron de la siudad fenisia.

El imperio komersial kartajines tuvo, en sus komienzos, una fuerte dependensia de sus relasiones kon Tartesos, ansi komo de otras sivdades de la Península Iberika. De ayí se obtenían grandes kantidades de plata i lo ke era mas importante, estanyo, nesesario para la fabrikasion del bronse tan usado en akeya epoka. kartago utilizo las mismas rutas komersiales ya establesidas por su siudad madre (Tiro). kuando Tartesos kayo, los barkos kartajineses fueron direktamente hasia las fuentes de estanyo del Noroeste de la Península Iberika, inkluso mas al Norte, hasta las islas britanikas. Otras ekspedisiones yegaron a traer oro de lugares tan lejanos komo Senegal, en la kosta atlantika afrikana.

El relato de la ekspedision kartajinesa desde las islas britanikas hasta el Senegal nos ha yegado traverso del uniko hayazgo literario kartajines deskubierto hasta la fesha: El periplo de Hannon. Es el diario de navegasion de Hannon (460 aEK) i esta eskrito en griego (no se konserva la version orijinal, sino la traduksion griega).

Durante estas ekspedisiones de eksplorasion no se renunsiaba al komersio. En munshas okasiones, el interkambio komersial se hasia mediante el trueke silensioso, deskrito por Herodoto en sus Relatos Libios:

Para Herodoto, kon este metodo nadie sale perdjidikado, sin embargo es evidente ke los kartajineses tenían la voz kantante en el trueke i todas las de ganar.

Si la poesía epika griega i los istoriadores kontemporaneos del Imperio Romano dejaron konstansia de la oposision militar de kartago a las sivdades-estado griegas i despues a Roma, fue grasias al teatro griego i a sus komedias ke han yegado hasta nosotros deskripsiones de los merkaderes kartajineses, vendedores de tela, vasijas i joyería.

Kartago fue afamada entre los sus vesinos por el sakrifisio de ninyos. Plutarko mensiona su praktika, ansi komo Tertuliano i Diodoro de Sisilia. Sin embargo, otros istoriadores no lo hisieron. Las ekskavasiones arkeolojikas modernas paresen haber konfirmado la version de Plutarko. Se estiman en unas 20.000 las urnas depositadas entre el 400 aEK i el 200 aEK en el sementerio de ninyos denominado Tofet. Las urnas kontenían los huesos de resien nasidos i en algunos kazvos, los de fetos i ninyos de 2 anyos, indikando ke si el ninyo nasia ya muerto, el ijo mas joven debía ser sakrifikado por los padres. Sin embargo, a veses se argumenta a favor de ke, simplemente, se trata de los restos kalsinados de hijos ke fayesieron de muerte natural, aunke, a la vista de otras evidensias hayadas en kanaan, esto parese menos probable.

Parese ser ke el lugar elejido para el Tofet fue el mismo donde la reina fondadora de la siudad, Elisa, se inmolo (ver fondasion de kartago). Es, kiza, por esa autoinmolasion ke aparesio la tradision del Tofet. Otro kaso paresido fue el de la mujer de Asdrubal, el jeneral derrotado en la ultima gerra Punika, ke se lanzo a las yamas kon sus hijos desde lo alto del templo de Eshmun (en la kolina de Byrsa), el ultimo bastion de la resistensia kartajinesa, kuando los soldados romanos ya habían entrado en la siudad.

Por otra parte, los dioses prinsipales de la siudad fueron: Melqart (patron de Tiro), Ashtart (Astarte), ma sovre todos los demas se enkontraba Tanit (La Senyora), asosiada al Aga Baal Hammon. A este ultimo se ofresian los sakrifisios humanos rituales denominados molk (o molek).

A lo largo de su istoria, el ejersito kartajines estuvo formado prinsipalmente por kontijentes de mersenarios i de tribus norteafrikanas, a los ke fue inkorporando otros kontijentes reklutados de diferentes lugares de todo el ambito Mediterraneo: numidas, íberos, libios e inkluso síkulos, el puevlo indíjena de Sisilia. Los propios punikos siempre fueron una minoría en su propio ejersito, proporsionando kontinjentes eskojidos i la mayoría de los mandos, un gran inkonveniente komo se demostro en la rebelion de los mersenarios segun finalizaba la Primera gerra Punika kontra los romanos.

El eksito kartajines yevo a la kreasion de una armada poderosa para desarmar tanto a los piratas komo a las nasiones rivales. Esto, sumado a su eksito i kresiente hejemonía, yevo a kartago a entrar en konflikto kon Gresia, la otra mayor potensia en la kontienda por el kontrol del Mediterraneo sentral.

La isla de Sisilia, serkana a kartago, se konvirtio en el kampo de bataya entre Kartago i Gresia. Desde los primeros tiempos, tanto los griegos komo los fenisios se sintieron atraídos por esta isla grande, establesiendo un importante numero de kolonias i puestos komersiales a lo largo de sus kostas. Se daron pekenyas eskaramuzas estre estos asentamientos durante siglos.

En 480 aEK, jelon, el tirano de la kolonia griega de Sirakusa, kon apoyo griego, intento unifikar toda la isla bajo su mandato. Esta amenaza inminente no podía ser ignorada, i kartago—posiblemente komo parte de una alianza kon Persia, en ese momento envuelta en una gerra kontra Gresia—armo su mayor fuerza militar hasta la fesha, bajo el mando del jeneral Amílkar. Antiguos relatos kuentan ke las fuerzas de Amílkar eran de unos tresientos mil hombres; aunke posiblemente se eksajero, debía ser en kualkier kaso una fuerza formidable.
De kamino a Sisilia, sin embargo, Amílkar sufrio bajas (posiblemente numerosas) debido al mal tiempo. Atrako en Panormus (hoy en día Palermo) donde fue derrotado por jelon en la Bataya de Himera. el murio en kombate o se suisido por vergüenza. La derrota debilito konsiderablemente a kartago, i el viejo gobierno de la nobleza tradisional fue derrokado, reemplazado por la Republika kartajinesa.

Hasia 410 aEK kartago se había rekuperado grasias a una serie de buenos gobernantes. Había konkistado gran parte del aktual Tunez, fortalesido i fondado nuevas kolonias en el Norte de afrika, i promosiono el viaje de Mago Barka a traves del Sahara i el de Hannon el Navegante por la kosta afrikana. Aunke, en ese anyo, las kolonias iberikas se independizaron—kortando el prinsipal suministro de plata i kobre —Aníbal Mago, el nieto de Amílkar, komenzo los preparativos para reklamar Sisilia, mientras otras ekspedisiones se mandaron a Marroko, Senegal e inkluso al Oseano Atlantiko.

En 409 aEK, Aníbal Mago salio hasia Sisilia kon su ejersito. konsigio kapturar la pekenya siudad de Selinus (aktual Selinunte) e Hilmera, tras lo kual volvio triunfante a kartago kon el botín de gerra. ma el prinsipal enemigo, Sirakusa, permanesio igual, i en 405 aEK Aníbal Mago lidero una segunda ekspedision, esta vez para konkistar por kompleto la isla. Sin embargo, enkontro munsha resistensia e infortunios. Durante el sitio de Agrijentum, las fuerzas kartajinesas fueron diezmadas por una plaga, a la ke sukumbio el mismo Aníbal Mago. Aunke su susesor, Himilko, kontinuo kon eksito la kampanya rompiendo el sitio griego, kapturando la siudad de jela i derrotando repetidas veses al ejersito de Dionisio, el nuevo tirano de Sirakusa, tambien fue debilitado por la plaga i forzado a firmar la paz antes de regresar a kartago.

En 389 aEK, Dionisio había rekuperado su fortaleza i rompio el tratado de paz, atakando la fortaleza kartajinesa de Motya. Himilko respondio liderando otra ekspedision ke no solo rekupero Motya, sino ke tambien kapturo Mesina. Finalmente, sitio Sirakusa. El sitio tuvo eksito hasta 397 aEK, ma en 396 aEK la plaga volvio a diezmar a las fuerzas kartajinesas, hasta derrotarlas.

A estas alturas, Sisilia se había konvertido ya en una obsesion para kartago. Durante los sigientes sesenta anyos, tropas kartajinesas i griegas se enfraskaron en una serie konstante de eskaramuzas. Las mas importantes serían en kabala (kartago kontra Sirakusa—377 aEK), kronium (kartago kontra Sirakusa—376 aEK) i Rio kremiso (Griegos kontra kartago—341 aEK). En 340 aEK, kartago había sido empujado hasta la eskina sudoeste de la isla, i una tensa paz se instauro en Sisilia.

En 315 aEK Agatokles, el tirano de Sirakusa, se apropio de la siudad de Mesina. En 311 aEK invadio las ultimas kolonias kartajinesas en Sisilia, rompiendo el tratado de paz, i sitio Akragas.

Amílkar, nieto de Hannon el Navegante, lidero la respuesta kartajinesa kon enorme eksito. En 310 aEK kontrolaba kasi por kompleto Sisilia i konsigio sitiar Sirakusa. Desesperado, Agatokles lidero sekretamente una ekspedision de 14.000 hombres hasia tierra firme, esperando salvar sus posesiones en la isla atakando direktamente a kartago. Tuvo parte de razon: kartago se vio forzada a yamar a Amílkar i a gran parte de su ejersito de Sisilia para haser frente a la inesperada nueva amenaza. Aunke el ejersito de Agatokles fue derrotado, el tirano konsigio huir i eskapar a Sisilia donde fue kapaz de negosiar un nuevo akuerdo de paz ke mantuvo a Sirakusa komo un bastion de poder griego en Sisilia.

Entre 280 aEK i 275 aEK, Pirro de Epiro yevo a kabo dos grandes kampanyas en un esfuerzo por protejer i ekstender la influensia griega en el oeste del Mediterraneo: una kontra el poder emerjente de la Republika Romana para defender las kolonias griegas del sur de Italia, i otra kontra kartago, en un renovado intento por mantener toda Sisilia bajo su kontrol.

Pirro konsigio viktorias nada desisivas en Italia, siendo derrorado finalmente en Sisilia. Para kartago, esto signifiko la vuelta al status quo. Para Roma, sin embargo, signifiko la kaptura de Tarento i la dominasion sovre Italia entera. El resultado fue una redistribusion del poder en el Mediterraneo oksidental: la influensia griega se redujo, mientras ke la kresiente fuerza romana i sus ambisiones territoriales la yevaron direktamente a entrar en konflikto kon kartago.

Kuando murio Agatokles (288 aEK), un gran numero de mersenarios italianos se enkontraron de repente sin trabajo. En vez de abandonar Sisilia, sitiaron i tomaron la siudad de Mesena (aktual Mesina). Denominandose a sí mismos mamertinos (“hijos de Marte”), sembraron el kaos en las tierras proksimas.

Los mamertinos se konvirtieron en una kresiente amenaza tanto para kartago komo para Sirakusa. En 265 aEK, Hieron II, el nuevo tirano de Sirakusa, tomo aksiones kontra eyos. Enfrentados a una fuerza superior, los mamertinos se dividieron en dos faksiones: una abogaba por rendirse a kartago i la otra prefiría pedir ayuda a Roma. komo resultado, se mandaron embajadas a ambas siudades.

Mientras el Senado Romano debatía el mejor kurso de aksion, los kartajineses aksedieron rapidamente a enviar una guarnision a Mesena. La guarnision fue aseptada en la siudad i una flota kartajinesa atrako en el puerto de la siudad. Sin embargo, poko despues empezaron a negosiar kon Hiero; los mamertinos, alarmados, enviaron otra embajada a Roma pidiendo ke ekspulsasen a los kartajineses.

Agora, kartago tenía fuerzas militares en el estresho kanal de agua ke separa Sisilia de Italia. Esta presensia daba el kontrol efektivo de este kanal a kartago, el Estresho de Mesina, lo ke suponía un klaro peligro para la serkana Roma i sus intereses.

Finalmente, la asamblea romana, aunke retisente a aliarse kon una banda de mersenarios, envio una fuerza ekspedisionaria para devolver el kontrol de Mesena a los mamertinos.

Duenya del Mediterraneo oksidental, la akumulasion de rikezas fruto de su aktividad komersial la hizo destakar kulturalmente. Establesio kolonias en puntos a lo largo de la kosta este i sur de la península Iberika ansi komo en Sisilia. En el apojeo de su poder shoko kon otra potensia mediterranea emerjente: Roma, por la influensia sovre la helenizada Sisilia. El atake romano kontra tropas kartajinesas en Mesena desenkadeno la primera de las gerras Punikas. Durante el sigiente siglo, estos tres prinsipales konfliktos entre Roma i kartago determinarían el rumbo de la sivilizasion oksidental.

Roma triunfo en esas gerras. El final de la Tersera gerra Punika supuso el fin del poder kartajines, la aneksion territorial -paso a formar parte del Imperio Romano-, el anikilamiento de su kultura i la kompleta destruksion de la siudad por Esipion Emiliano: los soldados romanos fueron de kasa en kasa, matando a los habitantes o esklavizando a los supervivientes. El puerto de kartago fue kemado i la siudad arrasada.

A pesar de la destruksion de la siudad, su emplazamiento era demasiado bueno para desaprovesharlo, por lo ke una nueva siudad se konstruyo ayí, konvirtiendose en la segunda siudad mas poblada de la parte oeste del Imperio Romano. En el siglo segundo, kartago era el sentro de la provisia romana de afrika, kon una poblasion aproksimada de 400.000 personas.




#Article 28: Biblia (534 words)


La Biblia

El nombre deriva del termino griego biblion, ke signifika livros, koleksion de livros. A su vez, Biblion tiene su raíz en Byblos, antiko puerto fenisio kuya merkansia prinsipal era el papiro ejipsio.

Rekompilasion de eskritos konsiderados ser inspirados por El Dio. Tambyen se la yama las «Sagradas Eskrituras». 

La mayor parte del Sagradas Eskrituras Ebreas (ke kristyanos yaman el Antiko Testamento) se eskribio en ebreo, eksepto unas pokas pajinas, ke se eskribieron en arameo, i algunos livros (los deuterokanonikos) ke se eskribieron en griego en las komunidades djudías de Alexandría. Un grupo de rabinos ke avían konsegido eskapar del asedio de Yerushalayim en el anyo 70 fondaron hasia el anyo 90 una eskuela en Yamnia. Desidieron rekopilar i ordenar los lívros ke konsideraban inspirados, tarea ke finalizaron en el siglo II de muestra era. Solo aseptaron los ke habíyan sido eskritos en ebreo, ekskluyendo los deuterokanonikos. Estos livros se denominan protokanonikos i se dividen segun el sigiente eskema:

El teksto ebreo antiko solo se eskribe kon konsonantes. El lektor anyade las vokales segun el konteksto en ke se enkuentre la palavra leída. En el siglo VII, unos maestros djudíos, yamados masoretas, anyadieron las vokales kon un sistema de puntos situados debasho o ensima de las konsonantes. Este teksto ha resibido el nombre de teksto masoretiko.

Una gran parte de djudíos no aseptan los libros deuterokanonikos del kanon griego komo inspirados, i sigen el kanon de Palestina.

Es la traduksion de la Biblia ebrea al idioma griego del siglo dos aEK, korrejida (para adaptar ekspresiones ebreas sin ekivalente en griego) i aumentada: se inkluyeron livros ke se meldavan en sinagogas de Alexandría, los denominados livros deuterokanonikos. Algunos livros no fueron tradusidos, sino eskritos direktamente en griego (Sabidoría i el segundo libro de Makabeos). Se klasifika en:

Esta traduksion se finalizo asia el anyo 150 aEK. Ver tambyen Biblia de los Setenta.

Los kristianos anyaden el Muevo Testamento a la Biblia Griega (o Biblia de los Setenta). klasifikasion:

Los tekstos griegos del Antiguo Testamento i del Muevo Testamento proseden de kopias manuskritas. La mas antikas enkontradas hasta hoy estan eskritas sovre papiro i kasi todas pertenesen al siglo tres. Las mas kompletas ke se han enkontrado son del siglo kuatro i siglo sinko.

Los kristianos katolikos mantienen komo parte del Antiguo Testamento los libros deuterokanonikos (pertenesientes a la Biblia de los Setenta), ke algunos grupos de djudíos i de kristianos protestantes no konsideran inspirados por El Dio. El kanon katoliko kedo fijado definitivamente en el konsilio de Trento (1504).

Los primeros tekstos impresos, en arameo, ebreo i griego, los realizaron en su mayor parte traduktores protestantes. Se denominan edisiones krítikas por su gran labor bibliografika. Las aktuales traduksiones a los diversos idiomas modernos se basan en estas edisiones krítikas.

En el siglo V, Jeronimo tradujo la Biblia al latín, tomando komo orijinal el kanon ebreo. Por lo tanto, no inkluyo en su traduksion los libros deuterokanonikos del kanon Griego.

Durante la Reforma luterana del siglo diesiseis, los kristyanos protestantes prefirieron la version de Jeronimo, reshazando el kanon resientemente aseptado en el konsilio de Trento. Inisialmente anyadieron al final de sus biblias los libros deuterokanonikos, ke denominaron apokrifos, ke akabaron retirando en el siglo diesinueve.




#Article 29: Imperio Romano (205 words)


El Imperio romano (27 aEK - 476 dEK)

El governo de Roma i todos sus dominios esta muevamente en las manos de una unika persona, ke no toma el título de rey, sino ke governa basho la apariensia de las institusiones republikanas. Es el prinseps (título sivil) o imperator (título militar).

La dinastía Julio-Claudia (27 aEK - 68 dEK)

Tras la muerte de Neron, en el anyo 69 d.EK. se suseden 4 imperadores apoyados por las diversas lejiones de la frontera o aklamados por la guardia pretoriana. Son Galba, Oton, Vitelio i finalmente Vespasiano.

La dinastía Flavia (69-96) 
Tras azerse kon las riendas del imperio, Vespasiano governara hasta su muerte durante 10 anyos (69 d.EK - 79 d.EK). Le susedera su malogrado ijo mayor Tito hasta el anyo 81 d.EK. siendo el maksimo hito de su prinsipado la inagurasion del Anfiteatro de los Flavios (luego konosido komo el Koliseo). Tras su muerte, sera sustituido por su ermano menor Domisiano. Su prinsipado terminara en una konjura para eliminarlo, siendo el kargo de prinseps transitoriamente ejersido por el aedado senador Nerva, kon la kondision ke lo transfiera al entonses briyante i joven jeneral Trajano.

Los Antoninos  (98-192)

Los Severos (193-235)

fondasion de konstantinopolis, la Mueva Roma (konstantinopla).




#Article 30: Medinat Yisrael (532 words)


Medinat Yisrael (en ivrit מדינת ישראל, Medīnat Yisrā'el) es un estato en Asya Oksidentala. La su sivdad kapitala es Yeruşalayim, la kuala fue proklamada en el anyo 1980 komo la kapitala unika e indivisivel de Yisrael, la majorita de los paezes mantienen sus ambaşadas en Tel Aviv, ama su status komo kapitala de la Mediná no tiene rekonsensya internasionala; endemas, Bolivia y Paraguay tienen sus ambasadas en Mevaseret Zion, una viya ke se topa 10 Km. al oksidente de Yeruşalayim.

Yisrael está ubikada serka del Mar Mediterraneo, kon Líbano al nord, Syria al noroeste, Jordania i Cisjordania al este, y Egipto y Gaza al suroeste.

Yisrael tiene una povlasiyon de unos 7.026.000 de habitantes (2006); de eyos, 78,1% son djudios, 15,1% musulmanos, 2,1% kristyános i 1,6% druzos. Estos tres últimos grupos konforman la minoriya arabe yisraeli. En Sisdjordania, la Franja de Gaza i Yerushalayim Oryentala, en el anyo 2001 la povlasion era de 3,3 milyones. Asigún el Ministerio del Interior yisraeli, biven unos 270.000 sitizenos yisraelis en las sivdades i yishuvim en Sisdjordania, i otros 20.000 en Ramat aGolan.

Las linguas prinsipalas avladas en Yisrael inkluyen el ivrit i el arabo, linguas ofisyales de Yisrael. La Lingua inglesa (anglit) tene estatus komo la lingua kaji ofisiala en Yisrael i se avla en el komerzio i el turismo, endemas de ser ensinyada en las eskuelas i uzada endemas en las universitas i en los midios de komunikasion sosyal komo el jornal Jerusalem Post. El ruso es a lingua avlada por kaji 20% de la poblasyon de Yisrael, resulto de una vaga de imigrasyon de la ex-Union Sovietika enverso Yisrael durante los anyos 90. El arabo no es solo avlado por los sivdadanos arabos, ma afilu tambien por munços cudios ke ivan venir de paezes arabos komo Marroko, Irak, Surya, Libya, Bahrein, Teman, Arjelia i Tunesia i lo uzan komo primera o dosen lingua.

Ay tambien komunidades ke avlan djudeo-arabo, cydeo-espanyol (ladino, ke melda aktualmente),
i munças otras alinguas komo el franses, ahmara, idish i rumano, devido a la diversita kulturala de Yisrael, una huerte imigrasyon durante el syeklo XX, i la presensya de munças komunitas distintas de relijiosos kristianos, musulmanos y cydios.

La situasyon de la relijion en Ysrael ofrese una notable singularita: es el uniko paez del mundo donde la mayor parte de la povlasyon es de relijion djudia. El kristianismo y el islam tambien son sigidos por una emportante kantidad de fyeles. Endemas, egziste tambien otras menorias relijiosas komo los drusos i los Baha'i. Yisrael es un paez kon munços lugares sagrados de las tres grandes relijiones monoteistas i rekonoze la liberta relijiosa, permitiendo a los peregrinos de todo el mundo el liber akseso a los lugares santos.

De akódro kon el Buró Sentral de Estadistikas de Yisrael (2005) el 76,1% de la povlasyon es cudia, el 16,2% musulmana, el 2,1% kristiana i el 1,9% drusa. Un 3,9% de la povlasyon no se klasifika en ninguna relijion  

Los arabo yisraelianos, asigun el Buró Sentral de Statistikas Yisraeliano (2005), estan kompuestos por un 82,7% de musulmanos, un 8,4% de drusos i un 8,3% de kristianos.

La gastronomia yisraelí tiene influensia de los djudiós, los arabos, i los munchos grupos ke biven ayí.




#Article 31: Yerushalayim (734 words)


Yerushalayim (en ivrit: ירושלים; arabo: al-Quds, القدس) es una sivdad de povlasion miksta araba i djudia del distrito de Yerushalayim, era la antika kapitala del Reino de Yisrael i del Reino de Yeuda; la prinsipala sivdad israeliana i palestiniana, es oy endia la kapitala deklarada del Estado de Israel, i de igual modo, onde el Estado Palestiniano pretende topar la su kapitala. El su alkalde es Moshe Lion, del partido Yerushalayim Shelanu.

La sivdad kedo partajada en dos rejiones, este i oksidente, diskues de la deklarasion de independensia del estato de Israel: la parte oryentala basho kontrol del reyno de Djordania i la otra aparteniendo al muevo estado djudio.

El orijen de la palavra es ivrit (יְרוּשָׁלַיִם Yerushalayim), pero los akademikos diktan otras referensias del nombre de la sivdad. Alkunos afirman ke viene de los biervos ebreos yeru (ירו), (kasa) y shalem o shalom (שלם', paz), por lo ke Yerushalayim signifikase komo la «kaza de la paz». Endemas ay otra interpretasion ke reza a Salem, un antikoo nombre de la sivdad, onde aparese en el Bereshit.

El nombre arabo es Al-Quds (القدس), ke signifika lo sagrado, o mas raramente Bayt al-Maqdes (بيت المقدس), Kasa de lo Sagrado. El Estado de Israel utiliza kon frekuensia la denominasion en arabo kuyo nombre antiko enel arabo koraniko Urshalim (أورشليم), ke no tiene uzo en la lingua avlada en la eskriptura, o la forma miksta Urshalim Al-Quds(أورشليم القدس).

En 1950, Yerushalayim oksidentala yego a ser deklarada kapitala del Estato de Yisrael, pasando a ser sede de la residensia presidensiala, la Knesset (parlamento yisraeliano), el Djuzgo Supremo i los otros buros nasyonalos. Afilu la majorita de los payises mantienen las sus ambasadas en Tel Aviv, i el su status de kapitala de la medinat es askeptado internasionalmente, ni afilu kuando diskues de la okupasion en 1967 de Yerushalayim Oryentala, Yisrael la deklaro kapital eterna i no partajavle. Los palestinianos aspiran a ke la zona este de Yerushalayim seya la kapitala del su estado, komo kale ser asigun la su realitad istorika, kulturala i sosyolojika, en una formula de kontrolo endjunto enfluensiada por el status aktual Bruselas, ke es una sivdad kapitala para dos komunitas.

En Yerushalayim Oryentala se topa la Sivdad Vieja, kon los prinsipales lugares relijiosos, tales komo el Santo Sepulkro, el Kotel Amaaravi i demas restos del Templo de Yerushalayim, i la Eksplanada del Templo de Yerushalayim, tambien yamada Eksplanada de las Mezkitas kon la Kupola de la Roka.

La Sivdad Vieja esta dividida en kuatro maales, de mayor a menor, la maale araba, la maale djudia, la maale kristyana i la maale armenia. Antes egzistia la maale marrokana ma entre 1966 i 1967 fue kitada i diskues de la Gerra de los Sesh Diyas se fraguo la plasa del Kotel Amaaravi i alkunas kazas para la maale djudia.

La sivdad es sagrada para las tres relijiones monoteistas: el djudaismo, el kristyanismo i el Islam.

En 1948, antes de la kriasion de Medinat Yisrael, la sivdad mueva iva tener una ekstension de 19,3 km2, frente a 0,8 km2 de la sivdad vieja. La propiedad palestiniana en eya era del 40%, la djudía del 26,12% i las komunidades kristianas del 12,86%. Las propiedades del governo i la munisipalidad eran del 2,9%, el resto (17,12%) eran kaminos i vías ferreas. Komo resultado del armistisio ke sigio a la gerra del 48, el 84% de la sivdad moderna paso a ser parte del Medinat Yisrael. En esos poko mas de 16 km2, la propiedad araba palestina era del 33,69% frente al 30% de propiedad djudía. 

Desde 1967, la mueva munisipalidad surjida de la okupasion, ekstiende los limites de la sivdad mediante la aneksion de tierras palestinas del resto de Sisdjordania (Yehuda i Samaria). 

Oy la sivdad alberga a kaji medio milyon de abitantes djudíos (de eyos unos 180.000 son kolonos en los asentamientos de Yerushalayim Este) i 200.000 palestinianos.

Nota: La resolusion 303 de la Asamblea Jeneral de la ONU, de 9 de disiembre de 1949, sovre Yerushalayim, establese ke: «La sivdad de Yerushalayim se establesera komo un corpus separatum bajo un rejimen internasional espesial i sera administrada por las Nasiones Unidas».

Toda la dokumentasion sovre Yerushalayim i la kuestion palestina jenerada en las Nasiones Unidas, asta este mismo momento, se ankontra a disposision publika (en ingles) en  (Sistema de informasion de las Nasiones Unidas sovre la kuestion de Palestina):

El Belediye de Yerushalayim es emanado kon las siguientes sivdades:




#Article 32: Meteorolojiya (333 words)


La meteorolojiya (del grego μετεωρολογία) es la sensia ke trata de la estado del tiempo i de los meteoros en la atmosfera terrestre. 

Inkluye el estudio de las variasiones diarias de las kondisiones atmosferikas (Meteorolojiya Sinoptika), el estudio de las propiedades elektrikas, optikas i otros de la atmosfera (Meteorolojiya Fisika), la variasion de los elementos meteorolojikos serka de la tierra en un area chika (Mikrometeorolojiya) i otros munchos fenomenos. El estudio de las kapas maz altas de la atmosfera (superiores a los 20 km o 25 km) akostumbra a implikar el uzo de teknikas i disiplinas espesiales, i resibe el nombre de Aeronomia. El termino Aerolojiya se aplika al estudio de las kondisiones atmosferikas a kualkier altura.

Hay ke distinguir entre las kondisiones aktuales i su evolusion yamado tiempo atmosferiko i las kondisiones medias durante un largo periodo ke se konose komo klima del lugar o rejion.

Por estudio de los fenomenos ke okurren en la atmosfera la meteorolojiya trata de definir el klima, predesir el tiempo, komprender la interaksion de la atmosfera kon otros subsistemas, etc.

El konosimiento de las variasiones klimatikas ha sido siempre de suma importansia para el desarroyo de la agrikultura, la navegasion, las operasiones militares i la vida en jeneral. 

Por esto desde la maz remota antikita se tiene konstansia de la observasion de los trokos en el klima, asosiando el movimiento de los astros kon las estasiones del anyo i kon los fenomenos atmosferikos. Los antikos ejipsios asosiaban los siklos de kresida del Nilo kon los movimientos de las estreyas eksplikados por los movimientos de los mitolojikos dioses ejiptos. Los babilonios predesean el tiempo guiandose por el aspekto del sielo.

Los fenomenos atmosferikos o meteoros se pueden klasifikar en:

La presion, la temperatura i la umedad son los faktores klimatikos fundamentales en el estudio del klima i en la prediksion del tiempo. La temperatura, sometida a numerosas osilasiones, se haya kondisionada, entre otros multiples faktores, por la latitud i por la altura sovre el nivel del mar.




#Article 33: Oseanografiya (429 words)


La oseanografía es la rama de la jeografiya ke estudia todos los prosesos físikos, kimikos i biolójikos ke se dan en el mar i en los oseanos.

La palabra oseanografía fue akunyada por primera vez en el anyo 1584, del fransez oceanographie, pero tuvo una vida korta. En el anyo 1880 retorna al almán komo Oceanographie. En esa misma époka surjen korrelativamente en otras linguas oceanography, en ingléz; oceanografía, en kastilyano. En la lingua portugeza, la palabra oseanografiya aparese al final del syéklo XIX.

La formasión de la palabra es basada en el vokablo jeografía i responde al orijen sientífiko de ke proviene la disiplina. Sobre el modelo de la palabra jeolojiya se enkuentra oceanolojiya, rejistrada por primera vez en la lingua inglesa - oceanology - en 1864. Aunke algunos defienden la definisión más kompleta por oceanolojiya, la forma ke ha ganado mas popularidad es oseanografíya.

Eksisten sinko ramas prinsipales de la oseanografíya: oseanografíya físika, oseanografíya kemika, oseanografíya biolójika, oseanografíya jeolójika i oseanografíya meteorolójika.

Se refiere a la komprensión i prediksión de los prosesos físikos ke okurren en el mar, tales komo la mezkla, la dispersión, las korrientes, las mareas i el oleaje. Las asignaturas de esta área kurrikular instruyen en los prosesos de interkambio de enerjiya - aire, komo así mismo, la transmisión i absorsión de enerjiya luminosa, kalórika i akústika en el medio oseániko (oseano abierto, zonas kosteras i estuarios).

Esta área kurrikular se refiere a la komposisión kemika del agua de mar i sus konstituyentes i a los efektos de los prosesos físikos, jeolójikos i biolójikos sobre la kemika del agua de mar. Además se profundiza en las alterasiones ke sufre el mar, por efekto de la adisión de sustansias orgánikas e inorgánikas derivadas de la aktividad umana, konosida komo kontaminasión marina.

konsidera asignaturas ke se refieran al konosimiento i komprensión de los sistemas i prosesos biolójikos del mar, siendo sus aspektos esensiales, la estruktura de los ekosistemas i el flujo biolójiko de la enerjiya i de la materia, en relasión kon diversos faktores ambientales naturales i artifisiales. Estas asignaturas se preokupan de los aspektos ekolójikos de la vida marina en oseanos abiertos, zonas kosteras i estuarios.

Esta área kurrikular tiene relasión kon las asignaturas ke estudian la parte sólida de la superfisie terrestre kubierta por el agua de mar, las islas oseánikas i las zonas kosteras. Se inkluye también el estudio de los prosesos kosteros, márjenes kontinentales, kuenkas oseánikas, sedimentos del fondo i tektónika de plakas.

Esta rama de la oseaonografíya se dedika a la interaksión de la atmósfera i el oseano kon la idrosfera.




#Article 34: Ensenyansa (210 words)


La ensenyanza es la aktividad en la ke intervienen tres partes: un profesor, uno o varios estudiantes i el kontenido u objeto de konosimiento.

Segun la konsepsion ansiklopedista, el profesor ekspone sus konosimientos al o a los estudiantes mediante diversos medios, teknikas i herramientas de apoyo; siendo el, la fuente del konosimiento.

Segun las konsepsiones maz aktualas, eskolanovistas o kognitivistas, el profesor aktua komo fasilitador i nekso entre el konosimiento i los estudiantes. Mediante progresivos aserkamientos, antes yamado proseso esenyanza-aprendizaje, agora se sabe ke hai un proseso de ensenyanza i tantos prosesos de aprendizaje komo estudiantes en una klase.

Los medios maz utilizados son orales i eskritos. Las teknikas van desde 
la eksposision, el apoyo en otros tekstos (kuentos, narrasiones), teknikas
de partisipasion i dinamikas de grupos.

Herramientas habituales: tiza, pizarra, lapiz, papel, livros de teksto.

Aktualmente la ensenyanza esta auksiliada por las redes de ordenadores en el aula. Permite akseso a kontenidos de Internet, i es posible utilizando sierto software ke el kontenido de una pantaya sea kompartido entre los estudiantes i el profesor.

kon el avanse de estos auksiliares, se aze kada vez maz importante, la formasion de los profesors en informatika aplikada al aula i la jenerasion de redes de profesors para la kreasion kooperativa de konosimiento.




#Article 35: Politika (134 words)


La polítika (del grego «polis» o sea sivdad) es el proseso i la kondukta de toma de desisión de un grupo. La sensia polítika estudia dicha kondukta. Su nasimiento fue en el siglo V antes de kristo, en Atenas. Las definisiones klásikas apuntan a definir polítika komo el ejersisio del poder. No obstante definisiones posteriores han diferensiado poder komo forma de akuerdo i desisión kolektiva, de fuerza komo uso de medidas koersitivas y/o la amenaza de su uso. 

Anarkismo - Anarko-komunismo - komunismo - Izkierdismo - Liberalismo igualitario - Marksismo - Sosialismo - Sosialismo demokrátiko - Sosialismo libertario - Stalinismo - Nasionalsosialismo - Fashismo - Korporativismo - Teokrasia - Totalitarismo - Autoritarianismo -

Anarko-kapitalismo - Liberalismo - Minarkismo - Antikomunismo - kapitalismo - konservadurismo - Liberalismo konservador - Liberalismo klásiko - Libertarianismo - Neoliberalismo.




#Article 36: Enjenyeriya (823 words)


La enjenyeriya se define komo la profesión en la kuala los konosimientos de las matemátikas i las sensias naturales obtenidos a través del estudio, la eksperiensia i la práktika, son aplikados kon kriterio i kon konsensia al desarroyo de medios para utilizar ekonómikamente kon responsabilidad sosial i basados en una étika profesional, los materiales i las fuerzas de la naturaleza para benefisio de la humanidad. Las personas ke se dedikan a eya resiben el nombre de enjenyeros.

El enjenyero debe identifikar i komprender los obstákulos más importantes para poder realizar un buen disenyo. Algunos de los obstákulos son los rekursos disponibles, las limitasiones físikas o téknikas, la fleksibilidad para futuras modifikasiones i adisiones, i otros faktores komo el koste, la posibilidad de yevarlo a kabo, las prestasiones i las konsiderasiones estétikas i komersiales. Mediante la komprensión de los obstákulos, los enjenyeros dedusen kuáles son las mejores solusiones para afrontar las limitasiones enkontradas kuando se tiene ke produsir i utilizar un objeto o sistema.

Los enjenyeros utilizan el konosimiento de la sensia i las matemátikas i la eksperiensia apropiada para enkontrar las mejores solusiones a los problemas konkretos. kreando los modelos matemátikos apropiados de los problemas ke les permiten analizarlos rigurosamente i probar las solusiones potensiales. Si eksisten múltiples solusiones razonables, los enjenyeros evalúan las diferentes opsiones de disenyo sobre la base de sus kualidades i elijen la solusión ke mejor se adapta a las nesesidades.

En jeneral, los enjenyeros intentan probar si sus disenyos logran sus objetivos antes de proseder a la produksión en kadena. Para eyo, emplean entre otras kosas: prototipos, modelos a eskala, simulasiones, pruebas destruktivas i pruebas de fuerza. Las pruebas aseguran ke los artefaktos funsionarán komo se habiya previsto.

Para haser disenyos estándar i fásiles, los ordenadores tienen un papel importante. Utilizando los programas de disenyo asistido por komputadorar (DAO, más konosido por CAD -Computer-Aided Design- en inglez), los enjenyeros pueden obtener más informasión sobre sus disenyos. El ordenador puede tradusir automátikamente algunos modelos en instruksiones aptas para fabrikar un disenyo. El ordenador también permite una reutilizasión mayor de disenyos desarroyados anteriormente mostrándole al enjenyero una biblioteka de partes predefinidas para ser utilizadas en sus propios disenyos.

Los enjenyeros se toman muy en serio su responsabilidad profesional para produsir disenyos ke se desarroyarán komo estaba previsto i no kausarán un danyo inesperado a la jente en jeneral. Normalmente, los enjenyeros inkluyen un faktor de seguridad en sus disenyos para redusir el riesgo de fayos inesperados.

La palabra viene del latín injeniosus. Por lo tanto, un enjenyero es una persona intelijente i práktika ke resuelve problemas. El término evolusionó más adelante para inkluir todas las áreas en las ke se utilizan téknikas para aplikar el método sientífiko. En otras lenguas komo el árabe, la palabra enjenyeriya también signifika jeometriya.

La sensia intenta eksplikar los fenómenos resientes i sin eksplikasión, kreando modelos matemátikos ke se korresponden kon los resultados eksperimentales. Teknolojiya e enjenyeriya son la aplikasión del konosimiento obtenido a través de la sensia i produse resultados práktikos. Los sientífikos trabajan kon la sensia i lo enjenyeros kon la teknolojiya. Sin embargo, puede haber puntos de kontakto entre la sensia i la enjenyeriya. No es raro ke los sientífikos se vean implikados en las aplikasiones práktikas de sus deskubrimientos. Por el kontrario, durante el proseso de desarroyar teknolojiya, los enjenyeros se enkuentran a veses eksplorando nuevos fenómenos.

También puede haber koneksiones entre el funsionamiento de los enjenyeros i los artistas, sobre todo en los kampos de la arkitektura i del disenyo industrial.

A inisios del siglo veintiuno la enjenyeriya en sus muy diversos kampos ha logrado eksplorar los planetas del sistema solar kon alto grado de detaye, destakan los eksploradores ke se introdusen hasta la superfisie planetaria; también ha kreado un ekipo kapaz de derrotar al kampeón mundial de ajedrez; ha logrado komunikar al planeta en fraksiones de segundo; ha jenerado el internet i la kapasidad de ke una persona se konekte a esta red desde kualkier lugar de la superfisie del planeta mediante una komputadora portatil i teléfono satelital; ha apoyado i permitido innumerables avanses de la sensia médika, astronómika, kemika i en jeneral de kualkier otra. Grasias a la enjenyeriya se han kreado mákinas automátikas i semiautomátikas kapases de produsir kon muy poka ayuda humana grandes kantidades de produktos komo alimentos, autos i teléfonos móviles.

Ante todas las maraviyas ke signifika la enjenyeriya, la humanidad no ha logrado eliminar el hambre del planeta, ni muncho menos la pobreza, teniendo al anyo 2005 una muerte de un infante kada tres segundos por kausas prevenibles. Sin embargo este no es un problema de la enjenyeriya sino más bien de índole sosial, polítiko i ekonómiko.

Un aspekto negativo ke ha jenerado la enjenyeriya i kompete en gran parte resolver a la misma es el danyo al medio ambiente ke munchos prosesos i produktos emanados de éstas disiplinas han jenerado i es deber i tarea de la enjenyeriya kontribuir a resolver el problema.




#Article 37: Informatika (144 words)


La Informatika es la sensia del tratamiento automatiko de la informasion mediante un komputer (yamado tambien ordenador o komputadora o komputador).

Entre las tareas maz populares ke ha fasilitado esta teknolojiya se enkuentran: elaborar dokumentos, enviar i resivir korreo elektroniko, dibujar, krear efektos visuales i sonoros, maketar foyetos i livros, manejar la informasion kontable en una empresa, reprodusir muzika, kontrolar prosesos industriales i djugar.

Informatika es un vokablo inspirado en el franses informatike, formado a su vez por la konjunsion de las palavras information i automatike, para dar idea de la automatizasion de la informasion ke se logra kon los sistemas komputasionales. Esta palavra se uza prinsipalmente en Espanya. komputasion se usa sovre todo en Amerika i proviene de komputo (o kalkulo).

La informatika es un amplio kampo ke inkluye los fundamentos teorikos, el disenyo, la programasion i el uzo de las komputadoras (ordenadores).




#Article 38: Arte (211 words)


El arte (del Latín ars, artis «ofisyo, ämbêzamiento pratik, talento») es una aktivitá umana, la fruta de esta aktivitá o la iddea ke se haze de ella se adressa al tino, á los sensos i á las emosyones de benaddam. Kontiene un rango de aktivitás, krîasyones i modos de ekspresyones umanos komo músika, literatura, filmo, fotografía, eskultura i pintura. La dēfinisyón del arte troka de persona a persona ma lo ke se aksepta por todos es ke el arte es una valor universala del umanismo i se ve en todas las kulturas.

Se konsideran Artes mayores a akeyas kualas no se presisa entrar en kontakto fisiko kon el objekto artistiko, o amijor ekspresado, akeyas kualas son persividas kon la vista i el oido. Tradisiyonalmente, se klasifikan sesh artes mayores: Arkitektura, Dansa, Skultura, Deklamasiyon (inklui Literatura i Teatro), Muzika i Pintura. La Skultura i Pintura se konsideran artes plastikas.

Se consideran Artes menores akeyas kualas se apresian por los sentidos, ke van rekerir kontakto fisiko kon el objekto. Para el gusto seria la gastronomiya, para el olfato la profumeriya, por egzemplo.

En el Syéklo XX, otras disiplinas an nasido i pretenden ser konsideradas artes mayores, komo la Filmografiya, la kuala es konosida komo el syétimo arte, la Fotografiya, la Istoryeta i otras.




#Article 39: Sol (144 words)


El Sol es la estreya del sistema planetario en el ke se enkuentra la Tierra; por konsekuensia, es la más serkana a la Tierra i el astro kon mayor briyo aparente. Su presensia o su ausensia en el sielo determinan, respektivamente, el día i la nochada. La energía radiada por el Sol es aprovechada por los seres fotosintétikos, ke konstituyen la base de la kadena trófika, siendo así la prinsipal fuente de energía de la vida. Tambyen aporta la energía ke mantiene en funsionamiento los prosesos klimátikos. El Sol es una estreya de la sekuensia prinsipal, kon un tipo espektral G2, ke se formó aze unos 5 mil miyones de anyos i permaneserá en la sekuensia prinsipal aproksimadamente otros 5 mil miyones de anyos. El Sol, enjunto kon la Tierra i todos los puerpos selestes ke orbitan a su alrededor, forman el Sistema Solar.




#Article 40: Lingua ebrea (314 words)


El ebreo/ivrit/ibrit (עִבְרִית) es una lingua semetika avlada en Israel i en otras komunitas djudias del mundo. Se nomina ebreo rabíniko al empiegado en la literatura antika i medievala. Del ebreo klásiko o bíbliko mos ambezimos prinsipalmente por los lívros del Tanah, los kualos en el mundo kristyano se yaman Viejo Testamento. Ebreo es una lingua santa a la relijion Djudaismo ande fueron eskritas las santas leyes de la Tora. 

Fuera de la Tora, el más antiko teksto eskríto kon alefbet ebreo data del syeklo IX adC. A esta epoka pertenese la estela de Moab, eskrita en lashon kananeo-moavita, en la kuala Mesa, Rei de Moav, rakonta sus triumfos kontra Omri, el Rei de Israel. Guadra grande paralelismo kon el 2º livro de los Reyes, kapítulo 3.

En la estela de la kaza de David, eskrita en ivrit en mitad del syeklo VIII adC, rakonta las viktorias del Rei siryo Hazael sovre Horam, ijo de Akav, rei de Israel, i sobre Okozías ijo de Horam rei de Yehuda, de la kaza de David Ameleh. Es la mensión eskrita la maz vieja respekto a la kaza de David.

El ivrit deshó de avlarse enrededor del syeklo I a.C., anke se guadró para el su uzo en la literatura i, espesialmente, en la tefila i la meldadura en el Kal. En Yehuda se troko la lingua avlada kadaldia por el arameo. En la galut (diaspora djidia), las linguas vernakulares /de kadaldia fueron espesialmente dos: el idish entre los djidios ashkenazim (sentro i este de Evropa) i el djudeo-espanyol entre los sefardim (ansina djudezmo, djidio, hakitia, espanyolit o espanyol muestro).

El ivrit moderno/israeli, lingua ofisiala de Israel, fue arebivido shukur al lavoro intenso de Eliezer Ben Yehuda al fin del syeklo XIX para auzarse komo lingua nasyonal enel futuro Estado djudio.

El ivrit moderno tiene influensia de otras linguas, komo inglez, fransez, idish, ladino, turko i arabo.




#Article 41: Yasmin Levy (172 words)


Yasmin Levy (nasida en Yerushalayim enel anyo 1975) es una kantadera i kompositora sefaradi de muzika tradisional nasida en Yerushalayim. El su padre, Yitzhak Levy, dedikó la su vida toda a investigar la muzika sefaradí, endemas de ser el editor del djurnal en ladino Aki Yerushalayim. Yasmin a trayido una mueva interpretasiyon de la muzika antika en djudeo-espanyol, al unir sonidos orijinales de la kultura sefaradi kon enfluensia mora, araba i espanyola medievala kon elementos má modernos del Flamenko de Andaluziya i otros estilos muzikales de la Turkiya, ansina komo instrumentos tradisionales como el Ut, el violín, el txello i el piano. En el su sigundo disko, La Djuderia, endemas iva inkluir kansiones konosidas komo Gracias a la Vida de Violeta Parra i Nasi en Alamo del filmo Vengo, adirijida por Tony Gatlif, kansion ke en la su versiyon orijinala ganó el premio César del anyo 2001 komo Amijor Muzika para un Filmo.

Enel anyo 2006 Yasmin Levy resivió el Premio Anna Lindh por los sus eshuérsos para kriar un dialog inter-kulturalo




#Article 42: E=mc² (265 words)


La ekuasion de la fisika teorika E = mc², relasiona la enerjia (E), en kualkier forma, ekseptado masa, i la masa (m).

La formula de la ekuasion propoza ke kuando un kuerpo esta en repozo para un kuadro partikolar de referensia, este dainda tiene enerjia en forma de masa, opuesto al sistema newtioniano en la ke este no tiene enerjia en su totalidad. Esto es porke mozotros a veses yamamos masa al resto de la enerjia del kuerpo. La E de la formula puede tomarse komo la enerjia total del kuerpo, ke es proporsional a la masa solo kuando el kuerpo esta en repozo.

Por el kontrario, una nuve de fotones viajando en el vaziyo, en la ke kada foton karese de masa en repozo, todavia tiene una masa, m, debido a su enerjia sinetika.

La formula tambien indika la relasion kuantitativa entre masa i enerjia en kualkier proseso en le una se transforma en la otra, komo en una eksplozion nuklear. La E puede tomarse komo la enerjia liberada kuando una sierta kantidad de masa m es destruida, o komo la enerjia absorvida para krear una sierta kantidad de masa m. En ambos kasos, la enerjia destruida (absorvida) es una kantidad similar a la masa destruida (creada) multiplikada por el kuadrado de la velosidad de la luz (c).

En el conteksto de la teoia de la relatividad espesial, la implikasion es ke la enerjia i la masa son iguales, i kon esta ekuasion, agora la masa es konsiderada una forma de enerjia. Esto kondujo a la kreasion de la bomba atomika i otras aplikasiones.




#Article 43: Venezuela (1414 words)


Venezuela es un paiz ke topa al norte de la Amerika del Sud. Tiene sus lindes al norte en su mar territoryala kon Estados Unidos (Puerto Riko), Aruba, Kurasao i Bonaire (Paizes Bashos), Repuvlika Dominikana, Martinika (Fransia), Isolas Virjenes Britanikas (Reyno Unido) i Trinidad i Tobago. En la parte kontinentala tiene sus lindes al sud kon Brasil, al oeste kon Kolombia i kon Guyana al este. El nombre ofisial aktual es Repúvlika Bolivariana de Venezuela.

El nombre de Venezuela istórikamente se tiene relasionado kon el trokamyénto del biervo italiano Venezia, deke las kazas de los indijenas venezuelanos, las kualas estavan fraguadas ensima de una laguna enel estado de Zulia, paresen en muncho a la sivdad de Venezia. Afilu oy endiya se kreye endemas un sigundo orijin, ke viene de un biervo aborijino. La versiyon mas konosida de este orijin, dize ke en la anyada de 1499, Alonso de Ojeda, endjunto a Américo Vespucio, viajavan por la beira del nord de Amerika del Sud i kuando arrivaron a lo ke oy es yamado Golfo de Venezuela, en la entrada al Lago de Maracaibo, se toparon kon un puevlo aborijin, los añu, los kualos bivian en kazas fraguadas ensima del agua del lago, por modre de maderos klavados enel fondo de la laguna. Antonses, Alonso de Ojeda kreyó ke paresían a las kazas de la sivdad de Venezia i por esto, yamó a la rejón, Venezia Chika, o Venezuela. Otras versiyones, bazadas en tekstos istorikos, indikan ke el nombre viene de un biervo aborijin e sinyifika Agua Grande, aziendo referencia al Lago de Maracaibo.

Alkunos istoriadores separan la istoria de Venezuela en 8 epokas o períodos, los kualos zon: el Pre-kolombino, el kualo tiene la istoria denantes de la arrivada de Kristobal Kolon; la de El Dishkovrimyénto, la Konkista i Kolonia espanyola, la priméra Repuvlika i la Gerra de independensia de Espanya (entre 1810 i 1821); el período de definisiyon polítika de la Repúvlika, la brega entre lucha entre konservadores i libberalos, la Gerra Federala, el federalizmo i kaudiyismo entre 1835 i empesijos del syéklo XX; el trokamyénto de la sosyeté verso la demokrasia i la demokrasia desde 1958 asta oy endiya.

El paiz konta kon un area de 916.445 km² i se topan mueve rejiones naturalas ke azen del paiz uno de los mas variados del kontinente i del mundo. Estas rejiones zon:

Entre ellos destacan los minerales como petróleo, gas natural, hierro, bauxita, carbón, oro y diamantes; los recursos pesqueros son abundantes en la fachada marítima caribeña y atlántica; los recursos forestales y las vastas extensiones agrícolas y pecuarias se hallan en Los Llanos y en las zonas andinas.

La formación del territorio nacional tiene lugar en el proceso de formación del continente suramericano cuando éste se encontraba estrechamente unido al continente africano. Desde el Precámbrico hasta el Paleozoico estos dos continentes se encontraban unidos. El sur del país es el de más antigua formación, destacándose de esa región el Escudo Guayanés que junto al Escudo de Brasil conforman una de las formaciones más antiguas del planeta con más de 3.500 millones de años.

Por modre al toparse en el trópiko, Venezuela ay un klima kálido i lluvioso en djeneral, pero las montanyas, los vientos del mar, ay diferensia klimátika. La latitud tiene poca importancia, pero la altitud cambia drasticamente el clima, sobre todo en la temperatura, alcanzando valores muy diferentes, como se menciona a continuación:

File:Pico bolivar2.jpg|Piko BolivarMérida
File:Guanaguanare.JPG|GuanaguanareDependensias Federalas
File:Audan Tüpü (Auyantepuy).JPG|CanaimaAmazonas
File:La Gran Sabana.jpg|Gran SabanaBolivar
File:Familia de Warao en canoe.jpg|OrinocoDelta Amakuro
File:Bosque de El Valle, Mérida.jpg|Boske del VayeMérida
File:Castilletes.jpg|CastilletesZulia
File:MedanosdeCoro.jpg|Medanos de FalcónFalcón
File:CANOA.JPG|ReadalesAmazonas
File:Serranía del Interior.JPG|SerraníaGuaricó
File:Las Guevaras, Margarita island, Venezuela.jpg|Izla MargaritaDependensias Federalas

Venezuela está conformada por dos grandes cuencas hidrográficas, la principal es la del Caribe, sin embargo la del río Orinoco (también considerada Cuenca del Océano Atlántico) es una de las mayores de Sudamérica.

Los principales ríos del país son el Orinoco, el Apure, el Caroní, entre otros.

Venezuela posee un relieve variado que va desde las cumbres de la Cordillera Andina en el oeste hasta las planicies deltaicas en el este pasando por los llanos en el centro-sur y la cadena del litoral en el centro-norte.

El país es considerado como uno de los 17 Países Megadiversos por poseer una gran cantidad y diversidad de especies.

En Venezuela egzisten 5 poderes asigun la Konstitusiyon de 1999: Exekutivo, Lejislativo, Judisialo, Elektoralo i Moral (o Sitizeno).

El presidente en Venezuela es eskojido por voto direkto i universal; fonksiona komo el shef del estado i de govyerno. El su mandato es de 6 anyos, anke puede ser eskojido mas veses. El presidente desinyna al visepresidente i dechide el tamanyo i la konformasiyon del konsesho de ministros. El presidente endemas, puede mandar al parlamento partes de leyes ke el kreye ke no son apropiadas, anke una majorita enel parlamento puede kitar estas demandas del presidente.

El parlamento es yamado Asamblea Nacional. Tiene 165 myémbros, de los kualos tres apresentan a los puevlos aborijinos del payis; estos diputados son eskojidos por 5 anyos i pueden partisipar en asta 2 eleksions adisionalas. Ansina komo el presidente, son eskojidos por voto direkto i universal, en una meskla de listas de partito i kandidatos por nombre i alkunya, kon 40% i 60%, respektivamente. El djuzgo mas emportante del payis es el Djuzgo Supremo i sus myémbros son eskojidos por el parlamento por 12 anyos.

La Konstitusiyon del anyo 1999 aze referensia a un referéndum ke kale azerse si se presisa kitar a una persona del puesto ke tiene, si fue eskojido por voto; este afito se aze dempues de la mitad del tyempo del mandato, para ansina azer a la sosyeté mas puederoza. 
Los presidentes que han gobernado a Venezuela desde su formación son los siguientes.

Venezuela es una repúvlika sentro-federala, partajada en 23 estados, el Distrito Kapital (ande se topa la sivdad de Caracas), 72 dependensias federalas (isolas chikas, en su majorita despuevlados) i la Guayana Essekiva (rejion de Guyana ke Venezuela demanda): 

Cada estado se divide en munisipios, los kualos a la su vez, en parroquiassup1;. Egzisten enel payis 335 munisipios i 1065 parroquias.

En Venezuela egziste endemás un ordenamyénto por rejiones polítiko-administrativas, el kualo engrupa a los estados asigún las sus karakterístikas sosyalas, ekonómikas i tradisionalas; en Venezuela egzisten 10 rejiones polítiko-administrativas. 

La ekonomia del payis esta bazada enel petroleo, para vendersen a otros payises i para uzarse en la industria nasionala. El payis tiene unas de las reservas de este idrokarburante mas grandes del mundo, el kualo es prosesado por la kompanyia nasionala PDVSA. La industria nasionala tuvo sus empesijos enel anyo 1875, kuando la Kompanyia Petrolera del Táchira dezvelopó el primer pozo petrolero en la fazienda La Alquitrana, enel estado de Táchira. Enel anyo 1922 tiene sus empesijos a grande skala la industria petrolera, dezvelopando ansina una serie de afitos ke trokaron el payis. Shukur a los eshuérsos del venezuelano Juan Pablo Pérez Alfonzo, es fondada la OPEP.

En Venezuela los diaryos de mayor distrivusión zon el diaryo deportivo  Meridiano,i los matutinos Ultimas Noticias, El Nacional, El Universal y el vespertino El Mundo. En algunas regiones existen periódicos de circulación local mucho más importantes; quizás los ejemplos más notables son Panorama, editado en Maracaibo, Estado Zulia, El Carabobeño editado en Valencia, Estado Carabobo, El Impulso (dekano de la prensa venezolana) editado en Barquisimeto, Estado Lara y El Tiempo editado en Puerto la Cruz, Estado Anzoátegui.

Las cadenas de televizión más emportantes son Radio Caracas Televisión (RCTV), Venevisión i Televen. Un kanal de notisias de emisyón lokal, Globovisión. La kadena estatal de alcance nasional, Venezolana de Televisión (VTV), istorikamente no ha tenido niveles de sintonya tan altos komo el de las kadenas komersiales, aunke resientemente, la situasión politika ha kontribuido a revertir esta tendensia. Enel anyo 2003 es fondada por el Gobyerno Nasional una televisora de karakter kultural yamada ViVe (Visión Venezuela) cuyo buto konsizte enel reskate kultural venezolano.

Venezuela kuenta kon una grande red de estradas ke kubren un elevado porcentaje del territorio nasionalo, el mismo es aprovechado por un gran cantidad de líneas de autobuses que conectan todo el territorio siendo reconocidas por su bajos precios. Aunque en desarrollo, el país además, posee líneas ferreas que actualmente se encuentran en proceso de expansión. Mención especial merecen los sistemas de Transporte Masivo de Pasajeros con que cuentan las principales ciudades, particularmente el subterraneo existente en la Capital Caracas, llamado Metro de Caracas, C.A., también se esta construyendo el Metro de Maracaibo, Metro de los teques, Metro de Valencia, Trolmérida, Transbarca Barquisimeto.




#Article 44: Vaka (246 words)


En el ganado bovino aktual se inkluyen las espesies B. taurus —toro—,  B. indicus —sebú— i los sus krusos. Las embras de B. taurus se denominan vakas, i los machos toros.

Es un animal doméstiko, de la subfamiya Bovinae de la famiya Bovidae. Se kría a lo largo i ancho del planeta por la su karne, la su leche i la su piel. Tambien se emplea en los espektakulos taurinos.

Hay una gran kontroversia al respekto, pues los investigadores no se ponen kompletamente de akuerdo, de manera ke hay varias ipotesis ke lo eksplikan, ke se pueden resumir, de forma no muy ortodoksa, en dos:

Esta espesie está destinada jeneralmente a la produksiyon de karne i de leche, afilu sige tiniendo emportansia el su empiego komo animal de tiro en alkunos payises.

En partes de Amerika Latina, en Espanya, Portugal, Fransia i en los EE.UU, se uzan en determinados espektákolos komo la lidia, a menudo, groteskos.

Hay aproksimadamente 1250 milyones de reses bovinas en todo el mundo, de los kualos, 250 milyones son sebúes.

El kontinente kon mayor número de bovinos es Amerika, kon unos 450 milyones. Sigen Asya (kon 300 milyones), Evropa (270 milyones), Afrika (160 milyones) i Oseania (kon 50 milyones).

El paez kon mayor kabanya bovina es la India, la kuala kenta kon 190 milyones —Zebúes prinsipalmente—. Siguen los Estatos Unitos d'Amerika (130 milyones), Rusia (100 milyones) i Brasil (100 milyones). A kontinuasión se ubikan Kina, Pakistan, Arjentina, Ostralia, Meksiko, Etiopia i Fransia.




#Article 45: Espanya (998 words)


Espanya (איספאנײה), ofisialmente el Reyno de Espanya (en Kastilyano: Reino de España o España), es un paiz de Evropa Oksidentala, estado soverano konstituido en monarshia parlamentaria ke okupa seis sieten partes de la Peninsula Iberika, i ke djunto a otros 26 Estados soveranos evropeos konforma la Union Europea (UE). Tambien integran la tierra paiz espanyola dos arkipelagos situados en la Mar Mediterranea (las izlas Baleares), enel Oseano Atlantiko (las izlas Kanarias), ansi komo dos enklaves enel norte del kontinente afrikano (las sivdades otonomas de Seuta i Meliya) i el eksklave de Llivia en los Pirineos Fransezos.

En la Peninsola Iberika komparte frontieras terrestres kon Fransia i kon el Prinsipado de Andorra al norte, kon Portugal al oeste i kon la kolonia britanika de Jibraltar al sur. En las sus tierras en Afrika, komparte frontieras terrestres i maritimas kon Maroko. La kapital del paiz es Madrid, una sivdad kon mas de 3.150.000 abitantes.

Kon Fransia partaja la izola de los Faisanes en la desembokadura del rio Bidasoa sinko faserias pirenaikas.

Indemas, tiene otra serie de distritos i posesiones minores no kontinentales komo las izlas Chafarinas, el Penyon de Velez de la Gomera i las izlas del Penyon de Alhusemas, todos frente a la kosta de Marroko. La izla de Alboran, las izlas Kolumbretes i una serie de izlas i tambyen izlotes frente a las sus apropiadas kostas kompletan las sus tierras de paiz.

El nombre de Espanya viene del biervo Hispania, nombre kon el ke los romanos yamavan jeográfikamente ala peninsola iberika, biervo alternativo al nombre Iberia, preferido por los autores gregos para referirse al mismo lugar. Endemas, el biervo Hispania no es de raiz latina i ay munchas kontroversias del su orijen. Se diz ke viene del fenisio E-pny-a, al melgar el orijen se traduze kon sierta asertividad komo Lugar de konejos.

Los ebreos yamavan esta tierra komo Sefarad, lo ke inkluye endemas a Portugal, Andorra i Jibraltar, en kontadas palavras, toda la peninsola Iberika.

En el aktual territorio de Espanya ay dos de los lugares mas emportantes para la preistoria evropea i del olam; la sierra de Atapuerca (onde se ha definido la espesie Homo antecessor i se ha hayado la serie mas kompleta de guesos de Homo heidelbergensis) i la kueva de Altamira (onde por primera vez se identifikó el arte paleolítiko).

Los fenisianos zon una sivilizasion antika ke dejo el su pazo por la peninsola iberika, merkaderes ke afinkaron I fundaron la antika sivdad de Gadir (Kadiz) i otras sivdades komo Kartagena i Málaga, los restos arkeolojikos urbanos dan informeasion vedradera de la kultura fenisiana en oksidente dela Evropa Antika.

El Edikto de Granada fue un dekreto editado en la Alhambra (fragua de la sivdad de Granada, en Andaluziya, Espanya) el 31 de Marso de 1492 por los Reyes Katolikos, Hernando II de Aragon i Izabela I de Kastilya, enel kualo se obliga a todos los djudios de la Peninsula Iberika a konvertirse al katolisismo o ser arrondjados a la diaspora, kon data el 31 de Djulio de 1492. Por motivos lojístikos se dechidió ekstender este plaso asta el 2 de Ogusto a la dosena ora dela noche. Hernando el Katoliko firmava otro para el Reyno de Aragon, el kualo endemas inkluia las Dos Sisilias, rejion del sud de Italia. Ambos tenían komo baza un mismo teksto orijinalo eshkrito por Tomas de Torkemada, inkisidor djeneral enla Espanya.

El 17 y 18 de Djulio de 1936 sublevaronse kontra el governo de la Repúvlika los militares del Áfrika Espanyola, hue un golpe de Estado ke triunfa solo en parte del paiz. Asegun Espanya estava dividida en dos zonas: una bajo la autoridad del Gobierno republicano en la ke se produjo la Revolusión sosial de 1936 i otra kontrolada por los vensidos. La situasión desembokó en una gerra sivil, enla ke el general Francisco Franco hue investido shefe supremo de los sublevados. El apoyo almán de Hitler i italiano de Mussolini a los vensidos, más firme que el soporte soviético de Stalin y meksicano de Lázaro Cárdenas a los repuvlikanos, i los kontiguos enfrentamientos entre las distintas faksiones repuvlikanas, entre otras razones, desembokaron enla viktoria delos frankistas hue en la data del 1 de Avril de 1939.

Espanya es un paiz ke forma parte de la Peninsola Iberika, el territorio mas oksidental de Evropa, la su frontiera naturala zon Los Pirineos, masizo montanyoso ke divide Espanya de Fransia i Andorra. El Reyno de Espanya topa al oriente kon Fransia I Andorra, al sud kon la mar mediterranea y Jibrantar, al oksidente kon Portugal I nord kon la mar kantabrica o el oseano Atlantiko.

En la mar meditarranea, Espanya poseye dos sivdades enklavadas en el kontinente, ke azen frontiera kon Marroko, al sud de Katalunya, estan las izlas Baleares, territorio insolar ke konforma una Komunidad Otonoma. El territorio mas oksidental de Espanya, zon las izlas Kanarias, un arkipielago de izolas atopadas kon el kontiente Afrikano i ke konforman una Komundad Otonoma.

El klima es diverso, en alkunos lugares la temperatura es alta i kalorosa, en otros lugares la temperatura es basha kon inyeve enel inverno. El klima ke kubre la mayora de la Peninsola es el kima mediterraneo, al nord es un klima atlantiko i en alkunas izlas komo en kanarias ay un klima desertiko kon dunas.

Kastiya i Leon
File:Teide and Caldera 2006.jpg|TeideKanarias
File:Circo de Soaso.jpg|OrdesaKastiya i Leon
File:Alcazaba, Punta de la Cornisa y Mulhacén 3.479 m.jpg|MulhazenAndaluziya
File:Cala Trebalúger.JPG|MenorkaBaleares
File:Valle de Chistau.jpg|PirineosKatalunya
File:Laurisilva anaga 2009.jpg|LaurisilvaKanarias
File:LaPisquerra.jpg|Bardenas RealesNavarra
File:Timanfaya - Lanzarote - Illas Canarias- Spain-T30.jpg|TimanfayaKanarias
File:Bosque-otoño-ftntr.jpg|CangasAsturias
File:Encantada.jpg|EncantadaKastiya-La Mancha
File:Viñedo-en-Ventosa-LaRioja.jpg|VinyedoLa Rioja

El reyno de Espanya es una monarkia konstitusionala I parlamentaria, konta kol el su major shefe de estado, el Rey Felipe VI.

Espanya es apartajada en komunidades otonomas i dos sivdades otonomas en el kontinente Afrikano.

Es uno de los paizes ke han tenido un grande amuchiguamiento en la ekonomia.

En el merkar de produktos, Espanya es afamada por los sus frutos de la tierra i su grande produksion agro-industrial; ay melgas produktoras de tomat, uva, trigo, eentre otros.




#Article 46: Meliya (191 words)


Meliya (סיבדאד אותאונומה דא מלייה, en lingua kastilyana Melilla) es una sivdad autonoma de Espanya ke esta en el norte de Afrika, en la kósta de la  Mar Mediterraneo, limitando kon Marroko frente a las kóstas del sud de Andaluziya. Marroko reklama la sivdad, al igual ke lo ase kon Seuta, ke considera partes integrantes del territorio marrokí. El Governo de Espanya nunca a mantenido ninguna negosiasion al respekto ni a ekspresado en ninguna okasion tener intension de aserlo. El nombre lde la sivdad es de orijen arabo, déke la palavra مليلية, Mlilya es la uzada en el lashon dariya del arabo para yamar la sivdad. Los abitantes del Rif de idioma bereber la yaman Mbrich o Tamelilt, ke signifika La Blanka.

Meliya es uno de los dos lugares de Espanya, endemas de Seuta, donde los djudios no fueron persiguidos por la Inkisizion anke munshos djudios emigraron a Amerika Latina o a Yisrael. La komunita djudia es la tresera mas grande de la sivdad, kon unos mil membros. Oy endia se ankontran varias fráguas emportantes para la komunita, komo:

Meliya a dado al mundo munshos membros de la su komunita, komo:




#Article 47: Kurów (192 words)


Kurów (Kurov) es una sivdad de Polonia atravesado por el río Kurówka; kuenta kon una poblasión de kuasi 2.800 avitantes. 

Esta sivdad se funda en el anyo 1185. Para venir a la sivdad se puede utilizar la strada europea E372, o la regionalas S12 i S17.

Entre 1431 i 1442, obtiene los deritos de la ley de Magdeburgo. Komo sivdad privada, tiene una feria de produktos de la area komo la manufaktura de forros i pieles. Fue uno de los sentros del Kalvinismo, asta 1660 la majoria de los avitantes se konviertien al Arianismo.

A prinsipios de la Segunda Gerra Mundial, el 9 de septiembre de 1939, la sivdad es bombardeada muncho por la Luftwaffe. Los bombarderos mesmo destrujen un hospital sivil. Durante la gerra, Almania faze dos kampos de lavoro forzado. En 1942 se faze un ghetto chiko, pero la majoría de los presos se escapan i se inkorporan a la resistensia de los boskes del sitio. Del numerado del turismo hai una eglesia del renasimiento (1692) kon una tumba de la familia Zbąski i de las eskulturas de Santi Gucci. Es tambyen el sitio de nasimiento del jeneral Wojciech Jaruzelski.




#Article 48: Ansiklopedya (483 words)


Una ansiklopedia es un kompendio de konosimiento umano. El termo prosede del griego ενκυκλιος παιδεια, ke se igñfika en un sirkulo de instruksion.

Los artikoloz ansiklopedikoz tyenen una serie de karakteristikas ke loz distinguen de utroz formatoz literarios:

Los kontenidos de una ansiklopedia, traten el tema que traten, kumplen semprie una serie de rekisitos:

Munchos eskritores en la Antiguedäd (komo el filosofo Aristoteles) isieron el intento de kompendiar todo el konosimiento umano. La idea de rekopilar en un mismo lugar todo este konosimiento se remonta a las bibliotekas de Alejandria o Pergamo. Sin embargo John Harris frekuentemente es kien resibe el kredito por aber establesido el aora familiar formato de ansiklopedia en 1704 kon su Lexicon technicum. La venerable Enciclopedia Británica tuvo un empesijo modesto; de 1768 a 1771 se publikaron tres volumenes. Kizas la mas famosa ansiklopedia antigua fue la francesa Encyclopédie, editada por Denis Diderot y kompletada en 1772.

La nosion mas moderna de ansiklopedia de proposito jeneral y de amplia distribusion data de la epoca de Denis Diderot y los ensiklopedistas del siglo XVIII.

El mayor hito del periodo de la Ilustración del siglo XVIII es la Encyclopédie compilada por un grupo de escritores y hombres de ciencia de Francia. De manera plenamente consciente, estos hombres estaban dando la espalda tanto a la religión como a la metafísica como fuentes de conocimiento viendo en la ciencia pura una nueva fuerza motriz intelectual. Reunieron en una vasta obra todos los conocimientos científicos de la época, no como un mero registro alfabético, sino como un relato del modo científico de enfrentarse con el mundo. Estos escritores, conscientemente, esperaban forjar un poderoso instrumento para la lucha contra el oscurantismo de las autoridades políticas y religiosas. La mayoría de las figuras culturales y científicas de la época colaboraron en esa empresa. De ellas destaca D'Alembert, Diderot y Voltaire. 

Las ansiklopedias más importantes del siglo XX fueron:

Con el advenimiento de la informática, surgen las ansiklopedias multimedia , como la Encarta (que no incluye ninguna alusión al fenómeno wiki), y las disponibles a través de Internet, como Wikipedia (que sí alude a la Encarta).

Los antesedentes de rejistros dokumentales ke demuestran konosimiento en Amerika están en las estelas i muros de piedra tayada kon eskritura Jeroglifika amerikana, así komo kodises pertenesientes a las kulturas mayas, astekas e inkas.
Los inkas usaron el quipu. Fue en el siglo XVI kuando se imprimen los verdaderos dokumentos de referensia gasias a la yegada de la imprenta a Amerika. Una de las primera ansiklopedya de uso medieval fue la Istorya jeneral de las kosas de la Mueva Espanya de fray Bernardino de Sahagún. Tenemos tambyen la Bibioteka Ispanoamerikana Septentorial de José Mariano Beristáin.

Ovras espanyolas emportantes sovre Amerika Latina fueron el Diksionario Ansiklopéddiko Ispano Amerikano 28 volúmenes (1883-1910) i la Ansiklopedya universal ilustrada evropeo-amerikana de Editoryal Espasa-Kalpe, 70 volúmenes (1908-1930).

Ovras ansiklopéddikas emportantes de los payises de Amerika son:




#Article 49: Comares (575 words)


Comares es un belediye i kazal, kon el titolo de Markesado, del Vilayet de Málaga, topado en las sayas de los Montes de Málaga a 703 metros sobre el nivelo dela mar. Comares es uno de los 31 kazales ke konforman la komarka de la Axarkia.

La su povlasion en 2004 era de 1.419 moradores, el jentisilos de los morantes son yamados komarenyos.

La aktividad ekonómika prinsipal es la agrikultura (olivos, almendros), anke en los ultimos anyos es en aumento el turizmo rural.

El belediye de Comares limita al norte kon el belediye de Riogordo al N, NE y E con Kutar, al S con el municipio de El Borge ,al SO y O con el municipio de Malaga y al NO con el municipio de Kolmenar.

El núcleo de población está situado en ligero declive, sobre la cresta de un monte escarpado, a 703 m de altitud. Dista 25 km de Vélez-Málaga y 39 km de Malaga.
El lugar está lleno de barrankos y caseríos y cortijos diseminados alrededor del monte.
Su punto más alto es el cerro de Mazmúllar (721 m).
Baña el término el río de la Cueva o Benamargosa, al que afluyen los arroyos Cútar, Fuente Delgada y Solano, sekos en la mayor parte del año.
El agua para el abastesimiento del pueblo prosede de las fuentes llamadas Delgá, Gorda, Caño Seco y Maroto.

El orígen del nombre Komares se encuentra en el vocablo árabe Qumaris o Hins Comarix, que significa  Castillo en la altura.
Pero Komares no fue fundada por los árabes, si no por los griegos focenses que arribaron a las costas de Málaga en el siglo VII a. de C..
Debió ser ya una fortaleza musulmana desde el siglo VIII.

Se sabe también que fue uno de los baluartes defensivos de Omar Ben Hafsun en su lucha contra los omeyas cordobeses, por considerarlo como uno de los puntos estratégicos de la Rayya (Archidona), entonces capital de la taha de Malaga.
Al ser vencido Omar Ben Hafsun por Abderramán III, éste se apresuró a ocupar los castillos de Comares y Santo Pitar.

El día 29 de Abril de 1487 Comares se rendía a las tropas cristianas, siendo nombrado alcalde Pedro de Kuellar, que sucedió al último alkaide moro, llamado Mohammed el Jabis.
Las crónicas relatan que en el castillo de Komares cabían unas 15.000 almas y que fue conocido como una fortaleza cuadrada.

Los vesinos de Komares resibieron determinados privilegios que propició la konvivencia pasífika con los nuevos pobladores cristianos, rota al sentirse los primeros cada vez más oprimidos y despojados de sus pertenencias, haciendo intervenir al entonces alcaide de Komares, Francisco de Koalla.
Por real cédula de 20 de Diciembre de 1512, la reina Juana I de Castilla autorizó a don Diego Fernández de Córdoba, alcaide de los Donceles, el trueque de la villa y fortaleza de Sedella por la de Comares, naciendo así el marquesado del mismo nombre.

Durante la invasión napoleónica, Komares, como otros pueblos de la Axarquía, luchó tenazmente contra los franceses, que no pudieron someter al pueblo.

A finales del siglo XIX, la filoxera barrió los campos de viñas del término municipal.

Durante el siglo XX, Komares ha visto cómo su población ha ido disminuyendo, al igual que varios pueblos de la zona.
Es de destacar el auge de la población extranjera en los últimos años.

	
Los típicos platos andaluces son el gazpachuelo y la sopa de puchero.

Censo del anyo 2004: 1.419 avitantes




#Article 50: Israel (337 words)


Israel, Yisrael o Medinat Israel (en ebreo מדינת ישראל, Medīnat Yisrā'el) es un paiz de Asia, yamado tambien Estado de Israel. Al nord topa kon Levanon i Suria, al sud topa kon Djordania i la Mar Kolorada, Al oeste topa kon la Mar Mediterranea i Ayifto i a leste topa kon la Mar Muerta, Suria i Djordania.

Durante los ultimos tres mil anyos, Israel ha identificado, en el uso komun i enel relijioso, tanto la Tierra de Israel (Eretz Israel) komo todo el puevlo djudio, kien ha venido refiriendose a la anterior komo la su patria, Tierra Santa o la Tierra Prometida, pese a ke los romanos trokaron la denominasion del territorio por la de Suria Palestina tras aplastar la rebelion de Bar Kojba.

Israel esta ubikado serka de la Mar Mediterranea, kon Levanon al nord, Suria al noroeste, la mar de Galilea al noreste, la Mar Muerta, Djordania i Cisjordania aleste, al sudoeste topa kon Ayifto i Gaza i al sud kon la Mar Kolorada.

El klima es diverso, en alkunos lugares la temperatura es alta i kalorosa, en otros lugares la temperatura es basha kon inyeve en el inverno.

Distrito del Nord
File:Acacia Negev.JPG|NegevDistrito del Sud
File:PikiWiki Israel 42390 Mt. Hermon.JPG|Monte HermonDistrito del Nord
File:Flickr - Government Press Office (GPO) - The Dead Sea.jpg|Mar MuertaDistrito del Sud
File:Rosh HaNikra (2543383633).jpg|Rosh HanikraDistrito de Haifa
File:PikiWiki Israel 15533 Geography of Israel.jpg|AloniHidalgo
File:PikiWiki Israel 49185 Tourism in Israel.jpg|Rio JordanIsrael
File:Green field 1.jpg|Serro Mesa AhumadaEstado de Meksiko
File:P3251684.JPG|KatavinyaDistrito del Sud
File:Beach Promenade (2544299152).jpg|Mar KoloradaDistrito del Sud
File:View from Tayelet during Snow 01.jpg|TayaletDistrito del Nord
File:Judea 2 by David Shankbone.jpg|YehudaDistrito Sentral

El estado de Israel es un estado parlamentario, konta kol el su major shefe de estado, el primer ministro.

Israel es una de las nasiones kon alto desvelopamiento en la rejion del Serkano Oriente. El shekel es la moneda del paiz.

Israel es uno delos paizes mas visitados del Asia, la su oferta turistika es grande, Yerushalayim es la sivdad mas atraktiva y la mas visitada de la nasion.




#Article 51: Fransia (1285 words)


Fransia, konosida ofisialmente komo la Repuvlika Franseza (en fransez République Française), es un paiz evropeo, uno de los fondadores de la Union Evropea. El su nombre deriva de la tribu de los frankos ke invadio Galia. La Fransia inkluye tambien rejiones, izlas i arkipielagos en munchas partes del mundo. La su kapital es Paris. Las sus otras grandes siudades son Lyon, Marseya, Lille, Toulouse, Bordeaux, Nantes, Nice, Estrasburgo, Rennes i Grenoble.

La Fransia kontinental limita a suroeste kon Espanya (623 km) i Andorra (56,6 km), al oeste kon el Oseano Atlantiko; al norte kon el kanal de la Mancha; al noreste kon Beljika (620 km), Luksemburgo (73 km), Almania (451 km) i Suisa (573 km); al este kon Monako (4,4 km) e Italia (488 km); i al sureste kon la Mar Mediterraneo. En su tyerra de paiz de ultramar de Amerika del Sud la Guayana franseza limita kon Brasil (la su mayor frontiera kon un pais vesino: 673 km), Surinam (510 km) i las Antiyas Olandezas (bordeando San-Martin). Los fransezos se refieren komunmente ala tierra del paiz kontinental komo l'Hexagone (el Eksagono) por la su forma jeometrika.

La Republika Fransesa es una demokrasia organisada komo republika semiprezidensial. Es un paiz altamente dezvelopado i está konsiderado la setena ekonomia maz grande del mundo, por lo ke es un paez de primer mundo. Las sus ideales maz emportantes están plazmados en la Deklarasion de los Diritos del Ombre i del Sivdadano. 

La Fransia es el mas turistiko paiz del mundo, in 2007 yegaron a eya mas de 80 milyones de turiztos ajenos. Es paiz adelantado ke su ekonomika es de la mas grande del mundo el septimo(seventh) el grande in mundo.

La aktual sinkena republika es la siguente de kuatro denantes: la primera (1792-1804), desde la istorika revolusion franseza del anyo 1789; la segunda (1848-1852) dòśpùes i motos del 1848 pero terminada con la yegada de Luis Bonaparte; la terzera (1875-1940), nasida diskués de la komuna de Paris i akavada kon la okupasion nazista; la katrena (1946-1958) dempues de la gerra fin la gran krisis de la gerra de Arjelia.

Fransia es un paiz ke forma parte del territorio mas oksidental de Evropa, la su frontiera naturala zon Los Pirineos, masizo montanyoso ke divide Espanya de Fransia i Andorra. La Repuvlika Fransesa topa al oriente kon Suisa i Almania, al sud kon la mar mediterranea, Italia i Monako, al oksidente kon Espanya i nord kon Bekjika o el oseano Atlantiko.

En la mar meditarranea, Fransia poseye territorios enklavados huera del kontinente, ke azen frontiera kon Brasil y Surinam, yamada Guyana Franseza. El territorio mas oriental dela Fransia, zon las izlas Polinesias, un arkipielago de isolas atopadas kon el kontiente de Oseania i ke konforman un departamento.

El klima es diverso, en alkunos lugares al sur, la temperatura es alta i kalorosa, en otros lugares la temperatura es basha kon inyeve enel inverno. El klima al sur de Fransia es mediterraneo, al norte es un klima atlantiko i en alkunas izlas komo en las polinesias i Guyana Franseza ay shara tropikala.

File:Most beautiful villages of the world montsoreau 2.jpg|MontesoroValle del Loira
File:Mont-Blanc 001.jpg|Mont BlancRhône-Alpes
File:Lavender field.jpg|La RocheProvenza
File:Beauce 3.jpg|BeauceSentro
File:Boraboraluft edited3.jpg|Parke PapitePolinesia
File:Lac Vert de Fontanalbe.jpg|FontanalbeRhône-Alpes
File:Salinesmontjoly.jpg|Mont JolyGuyana Franseza
File:Piana Dardo dans les Calanche.jpg|ClancheKorsega
File:Pointe du van.jpg|FinistèreBretanya
File:Gloomy Forest.jpg|EstransburgoAlsasia
File:Plateau de Retord-2.JPG|Plateau de RetordFranko Kondado
File:Vue lac bourget colombier 1007.jpg|Rio RodanoProvenza Alpes Kosta Azul

Fransia es una republika parlamentaria i lejilastiva, el su major shefe de estado es el primero ministro, kien representa el poder exekutivo de la nasion, ma endemas konta kon la otoridad ledjilastiva, kamara del senado y el tribunal supremo de djutisia.

La Republika Franseza es una demokrasia organisada komo republika semiprezidensial.

 

Fransia es una de las nasiones evropeas ande se prokuran los diritos umanos, endemas hue abolida la pena de muerte en el anyo de 1981. Es una de las nasiones kon basho indizio de krimen, es uzado el yamado kodigo napoleoniko.

El sistema de djustisia nasional es distribuyida por todo el paiz, Fransia konta kon 186 kortes i 473 tribunas lokales.

En el paiz hue kriada la Interpol, sistema de polisia kon informasion kompartida kon otros paizes del olam, el prinsipio de azer una polisia internasionala para kustodia de la nifus.

Las Huersas armadas fransezas son miembros de la OTAN, la EUFOR y del Eurocuerpo. El ejérsito fransez, con una fuerza de personal de 547 278 en 2014 (257 920 de fuerza regular, 204 000 reservistas y cerca de cien mil de gendarmería),28 constituye una de las fuerzas militares más grandes de Europa. En 2011 el país tuvo el quinto gasto militar mundial más alto, detrás de los Estados Unidos, China, Rusia y el Reyno Unido.

Las leyes fransezas gozan de una grande plenitude por ser Fransia onde los diretos umanos tienen un alto desvelopamiento, a raiz de la deklarasion de Los Diretos Umanos, yevado akabo en Fransia, el paiz es destino de asilo politiko para sivdadanos ajenos o estranieros.

Fransia es una de las nasiones kon alto desvelopamiento en el mundo, la su ekonomia es diversa. Una de las prinsipales aktividades ekonomikas de Fransia es la indistria, la favrikasion de produktos kimikos, endemas se azen en Fransia alkunas markas de automoviles.

El desvelopamiento de la industria agrikola, ha hecho de Fransia, una de las nasiones mas produktivas de frutos, semiyas i zarsavates, ansi komo kultivo de plantas para la industria textil, kimika i alimentaria. La elavorasion de fragansias o perfumes es parte de la produksion agrikola.

Es uno de los paizes mas visitados del mundo, konta emportantes atraktivos kulturales, artistikos, naturales, esportivos, sientifikos i teknolojikos.

Fransia kuenta kon una grande rede de estradas ke kovren un elevado porsentaje del territorio nasionalo, mismamente es aprovechado por la una grande kantidad de linyas de trenos ke konektan todo el paiz.

La red de ferrocarril es de 29 640 kilómetros (cifra de 2008), siendo la segunda mas extensa de Evropa Oksidentala por basho dela Almania. Es operada por la empresa estatal SNCF (Sociedad Nacionala de los Ferrocarriles Fransezos) ke poseye trenos de alto prestor komo el Thalys, el Eurostar i el TGV ke alkanza los 320 kilómetros por ora. Los trenos Eurostar conektan Fransia a través del Eurotúnel kon el Reyno Unido. Endemas ay conexiones ferroviarias kon los sus demas paiaes vizinos de Evropa, egzepto kon Andorra. Ademas ay metro en varias sivdades del paiz komo París, Lille, Lyon, Marsella, Rennes i Toulouse.

Ay en Fransia kaji un milyon de kilómetros de kalzada en el paíz. La región de París posee la red más densa de carreteras, que la unen con prákticamente todas las partes del país y con Beljika, Espanya, Monako, Suisa, Almania i Italia. No hay ningún precio por impuestos en las estradas, sin embargo, el uzo de la autopista tiene peaje excepto en los alrededores de las grandes aglomerasiones. Las marcas francesas dominan el mercado de los automóviles en el país, como Renault (el 27 % de coches vendidos en Francia en 2003), Peugeot (el 20,1 %) y Citroën (el 13,5 %). Más del 74 % de los coches nuevos vendidos en 2007 tenían motor diésel.

Ay 478 ayropuertos, inkluyendo kampos de aterrizaje. El Ayropuerto de Paris-Charles de Gaulle, lokalizado en los alrededores de Paris, es el ayropuerto más grande y kon más actividad del paíz, manejando la mayoría del tráfico civil y comercial, y konektando Paris kon kaji todas las grandes sivdades del mundo. Air France es la linya ayrea nasionala, aunque numerosas compañías ayreas privadas proporcionan viajes doméstikos i internasionalos.

Ay diez portos prinsipales, el más grande de los kualos es el de Marseya. 14 932 kilómetros de vías fluviales atraviesan Fransia incluyendo el Canal del Mediodía que conecta el mar Mediterranea kon el oséano Atlántiko por el río Garona.




#Article 52: Paris (169 words)


Paris  es la kapital i la siudad mas grande de Fransia, surkada por el rio Sena.
Es un sentro metropolitano de los mas importantes en Evropa, i un sentro kultural i ekonimiko de los mas emportantes del mundo. La su area metropolitana es la mas grande de Evropa, kon 12.067.000 abitantes. Paris es konsiderada komo una sivdad globala por la su enfluensia mondiala en los medios de komunikasion, ekonomiya, politika, edukasion, entretenimyento i moda. 

Lutesia fue el su nombre en la epoka latina.

La jeografia de la sivdad es referensiada por el kruse del rio Sena i alkunas kolinas o elevasiones orografikas.

Paris es una de las sivdades del mundo kon grande desvelopamiento, es konsiderada una sivdad globala.

El turizmo es una de las aktividades ekonomikas emportantes de la sivdad, es una de las lokalidades mas visitadas del mundo. La Kula Effel es uno de los monumentos mas visitados i un simbolo ke afama a la sivdad de Paris.

La sivdad de Paris es ermanada kon las sigientes sivdades:




#Article 53: Madrid (720 words)


Madrid es la kapitala i la sivdad mas grande de Espanya. A partir de un enklave arabo konkistado por Alfonso VI de Kastiya en 1083, la viya fue elejida komo sede de la korte kastilyana por Felipe II, en lugar de Toledo. Egzepto un chiko tiempo entre 1601 i 1606 en el que la la sivdad kapitala fue Vayadolid, endenantes, Madrid era la sivdad kapitala de Espanya.

Madrid no es solo la sivdad kapitala del paiz, sino endemas de su provensia i de la Komunidad Otonoma de Madrid. Es una de las majoras aglomerasiones umanas i es emportante sentro metropolitano de Evropa, es la tresera area metropolitana mas avitada deskues de Londra i Paris.

Madrid proviene del arabo Magrib o del latin Matritum. El eskudo asegun simboliza el lonso i el madronyo.

Los sus orijenes dela sivdad son objeto de revision tras los muevos ayazgos, en el su perimetro mas antiko, de entierros visigodos ansi komo de restos ke se remontan a los karpetanos del periodo prerromano.

La konkista i kolonizasion por el Emperio Romano de la peninsola Iberika, yevada a cabo inisialmente komo maniobra militar romana en la su longa serie de gerras kon Kartago, dura kaji 200 anyos, desde la segonda gerra punika asta el 27 a. C. en el ke kompletan la paz del nord del territorio i dividenlo en tres provinsias. La rejion ke aktualmente okupa Madrid se situaria en la Tarraconense.

La sivdad de Madrid se topa en la zona sentrala de la peninsola iberika, a pokos kilometros al nord del Serro de los Anjeles, sentro jeografiko desta. Las koordenadas dela sivdad zon 40°26′N 3°41′O. El su sentro de povlasion de Madrid keda situado a 657 metros asima del nivelo de la mar, siendo ansi una de las kapitalas más altas de Evropa. La altitud maxima del munisipio asegun, es de 846 metros, la kual se da al noroeste del Pardo, serca de Torrelodones, y la su altitud minima de unos 543 metros se da en el sud, azia oriyas del Rio Manzanares.

El munisipio topa al sud kon los munisipios de Getafe i Leganes, al nord kon Alcobendas, Manzanares i Colmenar Viejo; al oeste topa kon los munisipios de Alcorcón, y al este kon San Fernando de Henares.

El contexto geográfico y climatiko de Madrid es el dela Submeseta Sud, dentro de la Meseta Sentrala. La sivdad es ubikada a pokos kilometros de la serralada de Guadarrama e idrográfikamente se enkontra emplazada enla konca onde se forma el embalse de Pardo. El monte del Pardo es la majorita altitud del munsipio.

La sivdad de Madrid es governada por el Ajuntamiento de Madrid, kuyos representantes se elijen ansina kada katro anyos por sufrajio universalo de todos los sivdadanos mayores de 18 anyos de edad. Endagora, el organo es presidido por la alkaldesa de Madrid, Manuela Carmena.

El belediye de Madrid es apartajado en 21 distritos, ke a su vez se partajan en barrios o maales:

El munisipio de Madrid es una de sivdades kon alto Indise de Desvelopamiento Umano. La sivdad de Madrid tenya en 2003 un Produkto Interior Bruto de 79 785 milyones de euros, asegun el 10 % de la renta nasionala. Delos sektores economikos dela sivdad, el mas emportante es el tersiario o sektor servisios, ke representa ya un 85,09 % de la ekonomia del munisipio. Dentro de este sektor destakan los servisios finansieros (31,91 % del PIB total) y las aktividades komersiales (31,84 % del PIB total). El resto del PIB lo aporta la industria (8,96 % del PIB total), el sector de la konstruksion (5,93 % del PIB total). La agricultura no tiene emportansia porke es un territorio urbano, de manera ke apenas aporta un 0,03 % del total.

Madrid es una de las sivdades mas visitadas del mundo, konta kon el Ayroporto Internasionalo el kual tiene atamientos kon kaji toda Amerika Ladina i munchos paizes de Afrika.

Madrid es la sivdad mas povlada del Reyno de Espanya, konta kon 3.141.991 de avitantes.

Las alkunas de las universidades mas emportantes del paiz se topan en Madrid, komo la Universidad Komplutense de Madrid i la Universidad Otonoma de Madrid

Madrid konta kon una emportante oferta kulturala, la sivdad tiene muzeos de grandes eksivisiones internasionales.

Katro klubes de futbol djuegan en Madrid:

La Sivdad de Madrid es ermada kon las sigientes sivdades:




#Article 54: Tel Aviv (352 words)


Tel Aviv-Yafo (en ivrit תל אביב-יפו, en arabo تل ابيب-يافا Tal Abīb-Yāfā), es la mas grande sivdad de Israel, la sivdad mas emportante del area metropolitana konosida komo Gush Dan (גוש דן), con 3.850.500 avitantes. Tel Aviv esta konsiderada komo kapitala por la majorita de la komunidad internasionala, es la sede de munchas ambasadas. Tel Aviv fue fondada en Djulio del anyo 1906, mas fue fondada ofisialmente el doseno diya de Pesah de 1909. El su alkalde es Ron Huldai, del Partido Lavorista.

El su nombre sinyifika en ivrit, la kolina (Tel) de la primavera (Aviv), en akodramiento del livro ke eskrivio el fondador del zionismo politiko, Theodor Herzl, Altneuland, (Vieja Tyerra Mueva, en almán). Tel Aviv es tambyen el nombre de una sivdad de la Babilonia (Yehezkel 3:15) en la ke vivian arrondjados djudios en la epoka del profeta.

La sivdad fue establesida en la Konvension de Djudios de Jaffa, ke tuvo lugar en Djulio del anyo 1906, en la ke motivados por la basha kalidad de vida de los djudios de disha sivdad, a la ke se adjustaba el dekreto konosido como Muhram, asegún el ke los avitantes djudios de Jaffa devian trokar de kaza todos los anyos i ansina no tener residensia permanente.

Para el anyo 1909 se merkaron los tyerrenos para inisiar el fraguamiento de la mueva sivdad, la kuala kalia segir las lineas arkitektonikas del movimento Garden City inglez, kon el buto de kriar una sivdad modérna, espasioza i kon munchos parkes, ke puederia ofreser una alternativa a la atestada sivdad araba de Yafo. Los primeros terrenos merkados se partajaron en 60 parselas, las kualas fueron espartidas entre las famiyas interesadas el doseno diya de Pesah del anyo 1909, data adoptada komo el aniversário ofisial de la sivdad.

La sivdad se konvirtio en el eksemplo de la modernitad i del zionismo no-relijiozo en Israel, i es el nukleo de la Sona Sentrala del payis o Gush Dan, ande se topa la mayor kantidad de povlasion. Alkunos anyos dempues, la sivdad fue unifikada kon la sivdad de Jaffa, yamandola Yafo en ivrit i konformando oy uno solo belediye.




#Article 55: Burdeos (165 words)


Burdeos (Bordeaux [bɔʁˈdo] en fransez, Bordèu en oksitano), es una grande sivdad fransesa en la rejion Mueva Akitania i el departamento Gironde.

Kapital mundiala del vino, sus vinos son konsiderados komo los mijores del mundo.

En la epoka romana fue konosida por el nombre de Burdigala.

Una grande komunita sefaradi (djudios portuguezes anusim, ke aboltaron donpues al djudaismo) se aresento en esta sivdad en el syékolo diezisesh (XVI). Endjuntos kon la komunita de Bayona (de la mizma orijin) i de Avignon (los «djudios del Papa») fueron las primeras en la «Emancipation des Juifs » de la Evropa (1790).

Las famiyas Pissarro, Mendes, Brandon o Brandao, Astruc, Moraès o Morales, Pimentel, Fonseca o mezmo Fonseque, Dacosta, Raba, Azevedo, Del Valle o Delvaille, de Paz o de Pas o, afilu, Salom, Gradis, Carvallo, Cardozo, Pereyra ... i otras fueron entre las ke se arestaron en esta redjion, guadrando siempre kontakto kon las famiyas de las mismas alkunyas o a la misma orijin en Holanda, Londra i Livorno.




#Article 56: Monako (661 words)


El Prinsipado de Monako, konosido tambien komo Monaco en franses i Monegu en el dialekto lokal, es el dosen paez má chiko del mundo i el má densamente povlado. Lokalizado entre la Mar Mediterranea i Fransia en la beira de la Riviera fransesa, tambien yamada la Cote d'Azur (la Beira Mavi).

Monako, dominada por diversos puevlos, komo  los fenisios, gregos, romanos, frankos i otros, iva ser governada por los jenovezes fina el anyo 1297, enel kualo la famiya de los Grimaldi reinaron enel payis asta los tiempos aktuales. En este estado se iva estableser una baza de las naves ke iban a Tierra Santa o Medio Oryente. Protejido por Espanya i diskues por Fransia, Monako iva ser  invadido durante la revolusyon fransesa en 15 okasiones. Diskues de la muerte de Rainiero el 6 de Avril de 2005, el su ijo Alberto se troko en el shefe del estado con el nombre de Alberto II. Durante el governo de Rainiero III se ivan aser munchas reformas profondas a la estruktura monegaska.

Monako es governado por una monarkiya konstitusionala desde 1911, kon el Prinsep komo Shefe de Estado. Endemas, el Pueder ejekutivo lo tiene el Ministro de Estado (Shefe de Governo), el kualo es el shefe del Konsejo de Governo, konformado por 4 miembros. El Ministro del Estado es un sitizeno fransez yamado por el prinsep, el kualo es tomado de entre otros kandidatos propozados por el governo de Fransia, el kualo kudia de la seguridad i la defensa del payis. 

Asigun la konstitusiyon de 1962, el Prinsep partaja el su pueder kon una asamblea de una sola kamara yamada el KOnsejo Nasional. Los 24 miembros del esta kamara son echos miembros por modre de eleksiyon direkta i demokratika por 5 anyos. Entre los sus lavoros se topa azer las leyes. Los prinsipales asuntos de la sivdad son kudiados por el Konsejo Komunal, el kualo esta echo por 15 miembros i un alkalde, los kualos azen lo ke este en menester para el dezvelopamyento sitizeno.

No se topan munchas karakteristikas jeografikas deke el payis no yega a tener mas de 2 kmsup2;. Desde 1990 i fina 2005 se izieron lavoros para kitar de la mar unas 24,8 ektáreas. El Prinsipado tiene endemas lavoros de fraguamyento de terrasas en akeyas rejiones eskarpadas. El payis se puede dezir ke tiene 2 rejiones diferentes: 

El prinsipado tiene temperaturas de enverano de 33 °C i en envierno de 16 °C. El su klíma es de tipo mediterráneo.

El turizmo aze yegar munchos turistos al payis kada anyo, por modre del klima bueno i la imaje de vida buena i de lukso del payis, muchiguada por los kasinos. El PIB per capita es mayor a los U$30.000. Enel anyo 2001 se fraguó una mueba parte del porto uzado para las naves de kruseros. El Prinsipado endemas tiene endustrias i entreprisas chikas ma kudiadozas del entorno i la natura.

Monako no aze parte de la Union Evropea, ma tiene muncha liasion kon eya por modre de la su union komersiala kon la Fransia, por lo kualo uza las mismas parás: el euro i tiene el dirito de fabrikar parás de euro kon desinyos propios del payis en la su kara nasionala.

El Prinsipado de Monako tiene 35.656 avitantes, de los kualos solo un 16% son monegaskos, de relijión katolika, la kuala es la relijión ofisiala del payis. El resto está echo por inmigrantes, espesialmente fransezes i endemas italianos. 

El payis tiene 3 distritos: Sivdad de Monako, ke es el sentro polítiko i ekonomiko; al este del payis se topa el es distrito turístiko del kualo es famozo el Kasino de Montecarlo; i La Condomine, ke se topa al oeste del payis, es el distrito ekonomiko i ande se topan las entreprisas industrialas de Monako. Endemas, es el payis mas urbanizado de la Evropa. Los sitizenos no tienen menester de pagar impuestos. 

La lingua ofisiala es la lingua fransesa, ma se avla muncho la lingua italiana i la lingua monegaska.




#Article 57: Barselona (494 words)


Barselona (en lingua katalana Barcelona; en lingua kastilyana Barcelona) es una sivdad del este de Espanya, kapitala de la Komunidad Otonoma de Katalunya. Tambien Barselona es uno de los grandes sentros metropolitanos de Espanya, es la sigunda sivdad mas grande, deskues de Madrid, konta kon 1.605.602 avitantes.

El orijen del nombre de Barselona es deskonyesido i egzisten diversas teorias dela etimolojia. Yamada Βαρκινών (Barkenon) por los gregos i Barcino por los romanos, sabese ke avia una sivdad iberika orijinala enel periodo romano yamada Iulia Augusta Paterna Faventia Barcino. El nombre evolucionó durante la Edad Media, kuando se konosió la sivdad kon los sus nombres de Barchinona, Barcalona, Barchelona, o Barchenona.

La sivdad de Barselona se topa en la beira mediterranea de la peninsola iberika, al sentro de los deltas de los ríos Llobregat, al sudoeste, i Besós, al nordeste. El belediye keda, de sud a noreste i en sentido orario, kon los belediyes de: El Prat de Llobregat, Hospitalet de Llobregat, Esplugas de Llobregat, San Justo Desvern, San Feliú de Llobregat, Molins de Rey, San Cugat del Vallés, Sardanyola del Vallés, Moncada i Reixach, Santa Coloma de Gramanet i San Adrián de Besós.

La sivdad de Barselona es governada por el Konsesho de Barselona, kuyos representantes se elijen ansina kada katro anyos por sufrajio universalo de todos los sivdadanos mayores de 18 anyos de edad. Endagora, el organo es presidido por la alkaldesa de Barselona, Ada Colau.

El belediye de Barselona es apartajado en distritos, ke a su vez se partajan en barrios o maales:

Barcelona ay un total de 1.602.386 avitantes, de los kualos 774.890 zon ombres i 853.200 mujeres, asegún datos del departamento de estadístika del belediye de Barselona, anunsiados kon datos del padrón de 2008. En 2009 avia 1.616.000 avitantes.

Barselona es una de las sivdades de Espanya onde egziste una grande oferta edukativa.

Barselona es una de las sivdades kon major oferta kulturala de paiz, es la segunda sivdad en emportansia en Espanya. El desvelopamiento de las sensias i las artes es de grande fama en el mundo en la su arkitektura, Antoni Gaudi es uno de los arkitektos de mayor rekonosimiento por las sus fraguas komo la La Sagrada Familia, el Parc Güell, la kaza Battlo entre otras.

Barcelona es una sivdad kon una oferta de espectáculos esportivos de primer nivel, especialmente de fútbol. Ya que dispone de dos equipos que militan en la primera división de la LFP: El Fútbol Club Barcelona y el RCD Español, en cuyas instalaciones pueden verse partidos de fútbol, baloncesto, balonmano, fútbol sala y hockey sobre patines.

Barselona hue la sede de los djogos olimpikos de verano en 1992, la sivdad dio un grande trokamiento de imajen urbana para poder selebrar la fiesta esportiva.

En Barselona djogan dos grandes klubes de futbol:

El FC Barcelona i El RCD Espanyol Barcelona

La Sivdad de Barselona es ermanada kon las sigientes sivdades:

La Sivdad de Barselona tiene konvenios kolavorasion o ayudo kon las sigientes sivdades:




#Article 58: Seviya (194 words)


Seviya (en espanyol Sevilla) es una sivdad del sud de Espanya, kapital del vilayet omonimo i de la Komunidad Otonoma de Andaluziya. Es la sivdad la mas grande de Andaluziya kon un povlasion de 699.145 avitantes (2007).

Los romanos fundaron dos svidades, Hispalis i Italika. Hispalis fue yamada Izbilya por los arabos, asta ke viene el nombre Seviya.

Los oríjenes de la sivdad se topavan en una izla del rio Guadalquivir, en la aktual zona de la Alfalfa. El nombre orijinalo del afinkamiento hue Spal, ke puede también meldarse komo Ispal. En lingua fenisiana el sinyificado de Spal es literalmente la izla de Baal, uno de los dyoses más emportante del panteón de esta sivilizasión. Oy endia existe kontroversia entre los istoriadores sobre si Spal hue fundada por los fenisianos o por los tartesios. Para los defensores de la tesis fenisia, Tartessos no hue un puevlo sino el nombre dado por las fuentes gregas a la rejión del sudoeste de la peninsola.

De la epoka arabo keda la kula de La Jiralda.

Dos grandes klubes de futbol djugan en Seviya: El Seviya Futbol Klub (Sevilla Fútbol Club) i El Real Betis (Real Betis Balompié).




#Article 59: La Korunya (278 words)


La Korunya (gayega: A Coruña, kastilyano: La Coruña) es una sivdad del Noroeste de Espanya, se topa en el Vilayet de La Korunya, en Galizia. Es una delas sivdades mas emportantes del norte del paiz, ay aki una huerte aktividad pishkadera i komersial. Antika mente era un kazal a la beira de las rias gayegas, endagora es una grande sivdad metropolitana kon munchas koneksiones en transporto.

Era yamada por los romanos komo Caronium; el toponimo 'Crunia' aparese en el sieklo 12 i La Crunia asta la forma de oy, en kastilyano se dize La Coruña.

Ay varias teorias sobre el orijin del nombre, el biervo romano es el mas sierto. Por un lado la posible evolusion desde el latín acrunia = Penínsola, ke pasaríya komo falso artícolo a Crunia  la Crunia. Proseso similar a Agrela (diminutivo de Agra = tierra de kultivo)  a Grela. En tiempos de Hernando II de Leon (siglo XII) aparese dokumentado el topónimo Crunia; en eskritos en gayego de mediado del sieklo XIII ya se rekogen las formas áá Crunia i da Cruniao da Cruna (1257); en un eskrito de 1262 aparese en un eskrito La Crunia. Los nombres Curunia, Crunnia i Crunna son frekuentes en el medievo.

Ay djudyos en La Korunya en los sieklos XI i XII, konosido por pedasos de lapidas kon palavras ebreas ke toparon. En 1451, un djudyo le sekuestraron komo un kavtivo i los djudyos le ayudaron pagar por el sekuestro. Tambyen, los djudyos pagaron los impuestos komo otrunas komunitas djudyas en Espanya. 

La Biblya Kennicott, konsiderado uno de los dokumentos sefardis mas importantes, l'akavado en La Korunya en el 1486. Oy, daynda ay kaleja se yama, 'sinagoga'.




#Article 60: Valensia (Espanya) (169 words)


Valensia (en lingua kastilyana Valencia, en valensiano València) es la kapital i la mas grande sivdad de la Komunida Valensiana, Espanya, i del vilayet omonimo.

Se situa en el oryente de Espanya i esta ubikada a oriyas del rio Turia

Hue fundada por los Romanos en el anyo 138 con el nombre Valentia Edetanorum kuando el konsul romano era Desimo Djunio Bruto Galaiko. La sivdad es konosida popularmente komo el Cap i Casal i la Kapital del Turia. 

La sivdad konta kon espasios naturales komo el Gan Natural de la Albufera, ansina komo kon munshos otras guertas, komo la Guerta Botanika (kon mas de 200 anyos de istorya), las Guertas del Real (konosidos tambien komo Viveros Municipales) o el antiko kause del rio Turia, ke iva ser desviado del sentro de la sivdad durante los anyos 1960, i en el ke endagora ankontramos una guerta grande i munshas fraguas komo la Sivdad de las Artes i de las Siensias disenyada por Santiago Calatrava, fraguas esportivas o el parko Gulliver.




#Article 61: Malaga (185 words)


Malaga es una sivdad del sud de Espanya en la Komunidad Otonoma de Andaluziya. La viya fue fundada en el otavo syeklo antes de kristo por los fenisios de Tiro. Su nombre, seguramente Malaka, viene de la palavra sal en las linguas semitikas, komo  ملح, milḥ en arabo y  מלח, mélaḥ en ebreo. Pablo Picasso, Antonio Banderas i el poeta i filosofo ebreo Shlomo Ibn Gabirol nasieron en Malaga. Malaga dezeyava ser en el anyo 2016 la Kapitala Evropea de la Kultura.

Los abitantes de la sivdad son prinsipalmente katolikos, i los sus prinsipales templos son la Katedral y el Santuario de la Virjen Viktoria. La segunda fey mas grande en Malaga es el islam, con unos 50.000 fidéles, espesialmente sivdadanos de Maroko i Arjelia. En 2006 fue la seremonia de aviertura de una mezkita nueva i ke aktualmente es la mayor de Andaluziya. La Keila en Malaga tamvien esta prezente, kon una esnoga sefaradi en Torremolinos, un máale de Malaga Grande. Serka de Malaga estan los templos induista y budista en La Axarkia y Benalmadena, ke es el mas grande templo budista de Oksidente.




#Article 62: Burgos (191 words)


Burgos es una viya ke se topa al norte de Espanya. Es la kapitala i sivdad mas emportante de la provinsia omonima. Burgos fue fondada enel anyo 884 por menester de un burgo de la armada. La sivdad tuvo una emportante komunita djudia i la su aljama fue de las más emportantes del reino. 

En la su katedral en la portada prinsipala se pueden ver dos Estreyas de David i como parteluz de otra puerta figura el antiko haham de la sivdad, el kualo dempues sería arzobispo katoliko. 

La sivdad tiene munchos parkos alderedor i un seriado de fraguas i monumentos Erensia de la Umanidad komo la katedrala de Santa María, el Monasterio de Santa María la Real de Las Huelgas i la cartuja de Miraflores. Endemás, por la sivdad pasa el Kamino de Santiago, el kualo es Erensia de la Umanidad i la sivdad se topa a menos de 15 km de Atapuerca, lugar de emportansia arkeolojika basho kudio de la UNESCO desde 2000. El  13 de Djulio de 2010, fue aperturado el Muzeyo de la Evoluziyon Umana.

Topa al sudoeste de la Provinsia de Burgos, en Kastiya i Leon.




#Article 63: Toledo (926 words)


Toledo es una sivdad i belediye del vilayet de omonimo, en Espanya; endemas es kapitala de la komunita de Kastiya-La Mancha. Antika mente era yamada Toletum por los romanos i Ṭulayṭulah por los arabos (en arabo طليطلة). El grande numero de djudios en la sivdad en tiempos del Kalifato Omeya de Kordova izo ke la yamaran La Yerushalayim de Oksidente. En un tiempo atras fue la kapitala del Reyno de Espanya, konkistada por Alfonso VI de Kastilya enel 1085.

Es una de las sivdades mas antikas de Espanya, ay aki una grande oferta kulturala, es en eya el Muzeo Sefaradi, en lo ke denantes fue la  Esnoga de Samuel ha Levi, fraguada entre el 1356 i 1357 i afamada komo la Esnoga de El Transito en kastilyano. El muzeo tiene komo funsion jadear el legado de la kultura djudia-espanyola i sefaradi para ke kede integrada komo parte esensiala dela Erensia Istorika Espanyola i dela Umanitad.

El sentro istoriko de la sivdad de Toledo es Erensia kulturala de la Umanidad desde el anyo 1987, las fraguas son de grande konosensia enla arkitektura mudejar i gotika, las murayas kudian un ambiente de antiguedad, mientres vizinansas del su sentro, la sivdad muchigua azia la planadas dela Mancha ande moran muevas famiyas.

Antikamente la sivdad fue yamada Toldoth por los sefaradim, ma el nombre mas antiko es Toletum, dito por los romanos, es en la ovra del istoriador romano Tito Livio, asegun la aktuala Toletum se orijinava de Tollitum, ke daria Tollitu, Tollito, Tolleto, Tolledo asta kedar en Toledo, el nombre kastilyano aktualo. El su siknifikado seria levantado, en alto. El nombre de Ṭulayṭulah fue dado por los arabos (en arabo طليطلة).

El primero afinkamiento ke se konose en la sivdad de Toledo es una serie de kastros, ensima de lo ke demkues se levantó la sivdad seltibérika amurayada, uno de los más emportantes sentros de los karpetanos. Uno de estos primeros afinkamientos se topa en el Serro del Bú (ensima de un serro del lindero izquierdo del río Tajo), del ke se obtuvo numerozos restos en ekscavasiones echas, i ke se pueden mirar en el aktual Museo-Hospital de Santa Cruz, en Toledo.

En el anyo 193 a. C. y tras una gran resistensia, Marco Fulvio Nobilior konkisto la sivdad. Los romanos la levantaron de muevo i la yamaron Toletum, en el vilayet de Carpetania. La sivdad desvelopo una emportante industria del hierro ke yevo a akunyad moneda. La zona ande se asentava la sivdad sufrio un profundo proseso de romanización, komo atestiguan los numerosos restos de kazales romanos, espesialmente en la beira del Tajo.

El belediye linda al norte kon Olías del Rey i Bargas, al sud topa kon Cobisa, al oeste topa kon Albarral del Tajo i al este kon Arajuez (komunidad otonoma de Madrid). Las sus koordenadas jeografikas son 39°52′00″N 4°02′00″O. 

La sivdad se topa afinkada ensima de las kolinas ande el rio Tajo surka las sus aguas. La ekstensión del espandida del belediye es de 232,1 km². La altitud del sentro dela sivdad es de 516ms.n.m., mientres ke la altitud del belediye varía desde los 429 metros por ensima dela mar en el último tramo en el blediye del río Tajo azta los 697 metros por ensima dela mar en el sud, en la sima de una kolina muncho sirka del Kamino de la Raya. Es la kapitala de la provincia homónima i de la komunita otónoma de Kastiya-La Mancha. Endemas, es considerada sola mente komo una komarka en la división realizada por la Deputasión Provinsiala.

Toledo konta kon una vasta rede de estradas ke akoplan azia la sivdad medievala i la sivdad mueva, mismamente es aprovechado por la una grande kantidad de linyas de autobusos ke mueven a los moradores, ansina una grande kantidad de turiztos ke aresive la sivdad todo el anyo. Los maales son konektados kon linyas de transporto urbano ke atan kon kazales i sivdades sirkanas.

El tren es otro delos transportes mas mejores de uzo, ya ke konekta a Toledo kon sivdades emportantes dela Espanya komo Madrid, Mérida, Badajoz, Seviya, Kordova, Valensia i Salamanka, ansina kon el Ayroporto internasional de Barajas en Madrid.

El turizmo es una de las prinsipales aktividades ekonomikas de la sivdad.

Toledo alberga algunas de universidades. La mayorita zon publikas, ma enlos anyos aktualos muchiguo el numero de universidades privadas. La sivdad konto kon la antika Ryal Universita de Toledo, aktiva entre 1520 i 1845. La prensipala institusión universitaria oy endia es la Universita de Castilla-La Mancha, en el su Campus de Toledo, ande se embeza de pregrado i posgrado en sensias naturalas, sensias de hazinura, injenyieria, umanidades i sensias sosialas.

Egziste una Fakultad de Teolojía (Estudio Teolójiko San Ildefonso) dependiente en la aktualidad de la Universita Egleziastika San Dámaso de Madrid, onde se meldan grados i másteres en Teolojia, Sensias relijiozas, istoria de la Iglezia i Teolojía Fundamentala (entre 1896 i 1931 egzistió en la Universita Pontifisia de Toledo, es ande se embezan estudios o konosensia de Teolojía, Filosofía i Dirito).

Se konsidera sentro de embezo superior la Akademia de Infantería de Toledo, sentro de espesializasión de la Academia Djenerala Militar, por modre del Sentro Universitario de la Defensa, adsKrito a la Universita de Zaragoza para sus titolos siviles.

Endenantes kontó kon una Ryal Academia de Beyas Artes i Istorikas.

La Sivdiad de Toledo konta kon klubes profesionales en diferentes disiplinas de konjunto, lo son el fútbol, béisbol i basketbol. Endemas konta kon destakados mansevos en esportes individuales komo el atletismo, el tenis i el jimnasia.

La Sivdad de Toledo es ermanada kon las sigientes sivdades:




#Article 64: Kordova (211 words)


Kordova (en kastilyano Córdoba) es una sivdad de la komunidad otonoma de Andaluziya, Espanya, i kapital de la provinsia omonima, a la oriya del Guadalquivir i en el pie de Sierra Morena. Kordova dezeya ser en el anyo 2016 la Kapitala Evropea de la Kultura.

El sinyifikado etimolójico del nombre de la sivdad ha sido lungamente diskutido enla istoriografía i no egziste en la aktualidad kodros definidos. 

El primer nombre mentado para la povlasión es el de Corduba otorgado basho la forma de Colonia Patrisia Corduba tras la fundasión romana de la sivdad en el sieklo I a. C. y ke se supone anterior. Dado que la primera aparisión de Kordova en butos antikos aze refrensia al afinkamiento de un puesto komersial fenisiano en las beiras de la sivdad, se ha dado un posible orijen semítiko a la toponimia.

Kordoba iva ser la kapital de la provinsia romana Provincia Hispania Ulterior Baetica, epoka de su mayor esplendor kon filozofos komo Lucius Annaeus Seneca, avlantes komo Marcus Annaeus Seneca i poetas komo Marco Anneo Lucano. Fue yamada Corduba por los romanos i hue kapital del kalifato Omaya de Oksidente. En el syéklo X, Kordova iva ser la sivdad mas grande enel mundo .

Evolusion de la povlasion en los ultimos dyéz ányos:

        




#Article 65: Salamanka (122 words)


Salamanka es una sivdad del oeste de Espanya. Es la sivdad kapitala de la provinsia omonima. Era Yamada Salmantika o Helmantika por los Romanos. La sivdad se topa en la komunidad otonoma de Kastiya i Leon; dempues de Vayadolid, es la sigunda sivdad mas grande de la komunidad. En la sivdad se topa la universita mas antika de Evropa, la Universita de Salamanka, la kuala fue fondada enel anyo 1218 por Alfonso IX de Leon; endemas, es Patrimonio de la Umanidad, deklarada ansina por la UNESCO enel anyo 1988. 

Se kreye ke el amijor kastilyano de Espanya es avlado en Salamanka i su universita; mas de 6.000 elevos de todo el mundo yegan a la sivdad kada anyo para ambezar el idioma




#Article 66: Chile (213 words)


La Repuvlika de Chile (en kastilyano: República de Chile) es un paiz ke se topa al sud de Amerika del Sud. Komparte froniteras terrestres kon Peru, Bolivia i Arjentina. 

Chile es independiente de Espanya desde el 12 de febrero de 1818.

Denantes del deskubrimiento de Amérika, las tierras situadas al sud del desierto de Atacama ya se yamaban Chili en el tradision indíjena. Una vez instalados en Mueva Kastiya i Mueva Toledo, los conkistadores espanyoles siguieron yamando de esa forma a la rejión del sud, de envezes también mentado komo «valle de Chile», nombre ke se propagó a todo el aktual paiz.

Los restos arqueolójikos más antikos de Chile kontinental an sido ubikados en Monte Verde, Región de Los Lagos, serka de 12 800 a. C.,65 a finales del Paleolítiko Major, convirtiéndolo en el primero afinkamiento umano konosido en América.

La repuvlika de Chile topa al norte kon el Peru, al sud kon el oseano Antartiko, aleste kon Arjentina i al oeste kon el oseano Pasifiko. Las sus frontieras martitimas zon kon los Polinesia Franseza i Mueva Zelanda. El territorio chileno es apartajado por la Kordiyera de los Andes i las aguas de las mares.

En Chile hay 20 milyones de avitantes.

Enel Chile hay una povlasion de entre 120.000 i 150.000 djudios.




#Article 67: Margalit Matitiahu (167 words)


Margalit Matitiahu (nasida en Tel Aviv, Israel, 1935) eskritora israelita en ebreo i ladino.
Ija de padres de Salonika ke vinían de Leon, ambezó Filolojiya Ebrea i Filosofiya en la Universita Bar Ilan. 

Eya empiesó eskriviendo en ivrit i enel anyo 1988 publikó Kurtijo Kemado (inlkuyuido en Vela de la luz)en djudeo-espanyol, el kualo es un testemunyo de la destruksiyon Nazi. Eya endemas a lavorado komo apresentadora la radio i abediguó la su lingua materna. Eya endagora es myémbro de la Akademia Mondiala del Arte i la Kultura, i resivio un Doktorado Honoris Causa del  Israel PEN Club i de la Asosiasion Yisraeliana de Eskritores. Eya tiene aresivido munchos premios, komo:

Giusepina Gerometa de la Universita de Udine, Italia, de la eskola de linguas ekstranjeras, izo el su Ph.D enel anyo 2002 bazado en la Poesiya de Margalit Matitiahu. Este es el primer Pd.D bazado en alkun eskritor sefaradi kontemporaneo. El sigundo, a sido eskrito por Sonja Bertok, de la Universita de Trieste, Italia, enel anyo 2004. 




#Article 68: Zoolojia (336 words)


Zoolojia (del griego zoon = animal i logos = estudio) es la disciplina biolojika que se encarga del estudio de los animales.

Las ramas orijinales de la zoolojia establesidas a finales del siglo XIX komo la fisika animal, la bionomika i la morfografiya, en gran parte han sido subsumidas en areas mas amplias de la biolojia que inkluyen estudios de los mekanismos komunes tanto a plantas komo a animales. La biolojiya animal es kubierta en varias areas generales:

Además, varias disciplinas orientadas taxonomicamente como la mamiferología, la herpetología i la ornitologiya estudian los mecanismos ke son específicos para akeyos grupos.

La morfografía abarca la exploración i tabulación sistemática de los hechos concernientes al reconocimiento de todas las especies existentes i extintas de animales i su distribución en el espacio i el tiempo.

Las principales variedades de trabajadores zoológicos situados bajo éste encabezado son:

Gradualmente, desde los tiempos de Hunter i Cuvier, el estudio anatomiko se ha ido disociando cada vez de la morfografía, hasta que al día de hoy nadie considera de valor un estudio animal que no incluya en su enfoque la estructura interna, la histología i la embriología.

El autentiko surgimiento de la zoolojia despues del período legendario de la Edad Media esta ligado al nombre de un inglés, Edward Edward Wotton, nasido en Oxford en 1492, kien ejersio komo mediko en Londres i murio en 1555. Publiko un tratado titulado De differentiis animalium en París en 1552. En munchos sentidos Wotton era simplemente un exponente de Aristóteles, kuya doktrina (kon varias adiciones imaginarias), konstituyera la verdadera base de conocimiento zoológico a lo largo de la Edad Media. El mérito de Wotton fue el rechazo de los argumentos legendarios i fantastikos, i su regreso a Aristóteles i a la observasion de la naturaleza.

El metodo mas efektivo para notar el progreso de la zoología durante los siglos XVI, XVII i XVIII es comparar las concepciones clasificatorias de Aristóteles con las de los sucesivos naturalistas, akeyos ke pueden ser enkontrados en las obras de Caldon.




#Article 69: Vedradera Kilisia de Yeshu (329 words)


La resepsión de la Alma Santa, manifestada avlando en linguas, es la garantía la erensia de lso sus fideles en el reyno del sielo.

El baptismo en agua es el sakramento para la remisión de los pekados para la rejenerasiyon. El baptismo debe ser echo en agua korriente naturala, tal komo el rio, la mar, o un manantial.

El sakramento del lavado de los pyés les permite a los fideles de arikódro konstante ke se debe tener amor, santitá, umilitá, perdón i servisio.

La Santa Komunión es el sakramento por el kualo los fideles arikódran la muerte Yeshu. De akódro kon la su kreensia, les permite partisipar de la karne i de la sangre del Dio i estar en komunión kon él para poder tener vida eterna i resusitar en el último diya.

El Shabat, el syétimo diya de la semana (asigún esta eglesia, el shabat), es un diya santo, bendesido i santifikado por El Dio. Los fideles lo observan para arikódrar de la kriasiyon i de la salvasión del Dio, kon la esperansa de deskanso eterno en la vida del mundo por vinir.

Yeshukristo, el verbo echo karne, fue amortado en la kruz para salvar a los pekadores, rebivió al tresér diya i subio a loa syelos. Él es el úniko salvador de la umanidad, el kriador de los syelos i de la tierra, i el úniko Dio verdadero.

La santa Biblia, konformada por el Antiko i el Muevo Testamento, se konsideran inspirados por El Dio, la únika verdad eskrita, i el estándar para la vida Kristyana.

La salvasiyon es dada por la grasia del Dio a traverso de la fe. Los kreyentes deben konfiar enel Espíritu Santo, para perseguir la santidad, para onrar a Dio, i para amar a la umanidad. 

La Sigunda Venida del Dio, asigún esta eglesia, va tener lugar en el último diya, kuando abashe del syelo para djusgar al mundo. Los djustos van resivir vida eterna, ma los impíos van resivir kondenasiyon eterna.




#Article 70: Alsasia (141 words)


Alsace, eskrito en aleman Elsass o Elsaß) es una rejion de Fransia situada al este del paiz, enel limite kon Almania i Suisa, kuya kapital es Estrasburgo.
La tierra de paiz Alsasia, ke se extiende mayormente sovre el margen oksidental del vaye alto del rio Rin, kon quien limita al este i norte. Alsasia se divide administrativamente desde la reforma de 1790 en dos departamentos: el Bajo Rin al norte, kon prefektura en Estrasburgo, i el Alto Rin, al sur, kon kapital en Colmar. Esta divizion koinside aproximadamente kon las tierras istoricas de Nordgau o Basse-Alsace i de Sundgau o Haute-Alsace, en los ke se inkluia el aktual departamento del Territorio de Belfort eskindido en 1871.
La rejion limita al norte i al este kon Almania, al sur kon Suisa i al oeste kon las rejiones de Franko Kondado i Lorena 




#Article 71: Morbihan (259 words)


Morbihan (56) (en breton Ar Mor-Bihan) es un departamento franses situado en la rejion de Bretanya. Recibe su nombre del golfo de Morbihan, que en breton signifika «mar pequenyo», de Mor, el mar, i bihan, pequenyo. La prefektura (kapital) es Vannes (en breton Gwened).

La rejion fue poblada da Veneti enel Etad del hierro. 
los Veneti fueron un 
sepo etniko deindoeuropei konfederasion armorikana. La Aremorika (el pais) en fruente al mare se estendeba da el empieso de la Loira a kueya de la Senna. La fuersa veneta fueron un problema por la konquista de la Galia par Julio Kezare, ke luego las numerosas perdidas dobia ponerse kon Namneti (Nantes/Naoned) i Picti (Poitiers) por la kostrusion de barkos por konquistar los Veneti. Enel 56 AC finalmente, destruyo la fuerza marinara de los venetos i vendio komo esklavos los otros en Roma. 

Limita con los departamentos de Finisterre al oeste, Côtes d'Armor al norte, e Ille y Vilaine i Loira Atlantiko al este. En el sur está banyado por el Oseano Atlantiko.

Las mayores sivdades son Vannes/Gwened, Lorient/An Oriant, Pontivy/Pondi, Auray, Hennebont i Ploërmel

Las kostas son muy rekortadas, kon estuarios invadidos por el mar (rías) i numerosas izlas, komo las de Houat, Hoëdic, Belle-Île, Île de Groix i toda una multitud enel interior del golfo de Morbihan.

El dipartemento fue kreado despues de la Revolusione franses, el 4 de marso 1790, grazias a la ley del 22 dicembre 1789 . 
enel dipartemento es muy difusa tambien el idioma breton, ke se puede aprender en la eskuela bilenguas de la rejon 




#Article 72: Pirineos Oryentales (departamento) (159 words)


Los Pirineos Oryentales son un departamento de franses. Apertenese a la rejion de Languedoc-Roussillon. La su kapital es la sivdad de Perpinyán. El su kodigo postal es 66. Al sud ay frontiera kon los paizes de Espanya i Andorra.

En el departamento egziste la Planta Solar de THEMIS, la kuala produse enerjiya elektrika uzando la luz del Sol.

Los Pirineos Oryentales son un departamento dela Occitania, topan al sudoeste del paiz, ay frontiera al sud kon Katalunya, en Espanya, al norte kon el departamento de Ariege, al este kon la mar Mediterranea i al oeste kon las muntanyas delos Pirineos, el departamento de Aude i el paiz dela Andorra.

Al sud, kruza la serralada muntanyosa delos Pirineos, ayi es el punto mas alto del departamento, yamado El Canigó o Canigou (en fransez).

Las aguas de la Mar Mediterranea, topan kon los plajs de la beira del departamento, ay rios ke abashan de los Pirineos i desembokan en la mar.




#Article 73: Andaluziya (490 words)


Andaluziya (en kastilyano Andalucía) es una komunidad otonoma espanyola situada enel sud del pais i formada por ocho provinsias: Almeria, Kadiz, Kordoba, Granada, Huelva, Jaen, Malaga, Seviya. Su kapital es Seviya. Es la komunidad otonoma de Espanya mas povlada (7.975.672 personas, en 2006) i la segunda mas espandida. Andaluziya se enkuentra en el suroeste de Evropa i tiene frontieras kon la Mar Mediterraneo i el estrecho de Jibraltar al sud, kon Portugal i el Oseano Atlantiko al oeste, kon las komunidades espanyolas de Estremadura i Kastiya-La Mancha al norde i kon la Rejion de Mursia al este.

El biervo Andaluziya hue introduzido al kastilyano, del biervo arabo Al-Andalus.

La istoria de Andalucía, empezo en el sieklo XIII, kon la konquista de los reynos de Kordova, Seviya i Jaén, kontinuado kon la konkista del Emirato Nazarí de Granada en el sieklo XV, i akavado kon el apartajamiento territorialo de Espanya de 1833 i la konstitusión de Andaluziya komo komunidad otónoma de Espanya, tras el referéndo sovre la inisiativa del proseso otonómiko de Andaluziya de 1980. No obstante endemas es relevante eksponer brevemente la istoria anterior del territorio aktualmente integrado en dita nasionalidad istórika.

La posision estratejika de Andaluziya en el extremo sud de Evropa i Afrika, entre el oséano Atlántiko i la mar Mediterránea, ansí komo por las sus riquesas minerales i agríkolas i su grande extensión territorial, forman una conjunsión de faktores ke izieron de Andaluziya un foco de atraksion de otras sivilizasiones ya denantes de el prinsipio de la Edad de los Metales.

Andaluziya ay superfisie territorial de 87.268 km2, un territorio mayor a munchos paizes evropeos, keda en las koordenadas , topa al norte kon las komunidades otonomas de Estremadura i Kastiya-La Mancha, al oeste kon la Repuvlika de Portugal, al este kon la Rejion de Mursia.

El grande territorio de Andaliziya, konta kon una diversidad de klimas, ma el klima predominante es el mediterraneo, este es emportante para la agrikultura; en las sus montanyas de Sierra Nevada (Serralada Inyevada) la temperatura es basha i ay presensia de inyevadas en periodo invernal, endemas los pikos kaji siempre kontan kon inyeves perpetuas.

Al sud de Andaluziya, las temperaturas son kaji siemrpe altas, el turizmo se han benefisiado de las altas temperaturas para los visitantantes ke arrivan azia las kalidas plajas de la mar mediterranea i del oseano atlantiko.

Andaluziya tiene ocho provinsias:

No son ofisiales pero son rekonosidas kulturalmente.

La ekonomia de Andaluziya komprende prinsipalmente la agrikultura, el turizmo, la industria i el komersio internasionalo.

El turizmo es una aktividad emportante, ke mantiene munchos lavoradores en la komunidad, las plajas, las sivdades antikas, las fiestas, el eko-turizmo i los esportes zon las prinsipales atraksiones de los visitantes nasionales i ekstranieros.

Es la komunidad otonoma de Espanya mas povlada, kontava kon 7.975.672 avitantes, en el anyo 2006.

Las munchas sivilisasiones afinkadas endenantes, dejaron una grande erensia pratrimoniala ke hoy en dia podese admirar, endemas, Andaluziya es tierra de munchos artistas.




#Article 74: Asturias (189 words)


El prinzipado de Asturias es una komunidad otonoma de Espanya. Su kapitala es la sivdad de Oviedo, la mayor sivdad es Xixon.

El término Asturias aresibe el nombre delos sus antikos moradores, los astures, aborijinalos ombres delas beiras del rio Astura (Esla). El nombre de astures englobava no sólo a los dela Meseta (cismontanos), endemas a los del norte (transmontanos).

Astura tomaría la raíz del selta; , ke sinyifika «río». Dicho topónimo aparese en Bretanya, ande Plinio avla del río «Stur»; oy en día egzisten tres ríos Stour en Kent, Suffolk i Dorset. En la desembokadura del Elba ay otruno río Stör, yamado antika mente «Sturia». Asimismo, enel Piamonte se topava la tribu selta delos Esturi i un río Stura. La misma raízim perdura ainda oy en el gaélico i el bretón en los biervos ster i stour kon la sinyifikasion de «río».

El territorio de Asturias limita al norte kon el Oseano Atlantiko, al sud topa kon los Kastiya i Leon; al oeste linda kon Galizia, al este kon Kantabria. La komunita es apartajado en belediyes, la kapitala es Oviedo. La entidad es parte de la Peninsola Iberika.




#Article 75: Izlas Baleares (1902 words)


Las Isolas Baleares o Baleares (en kastilyano Islas Baleares o Baleares, en katalan, Illes Balears o Balears) zon una komunidad otonoma de Espanya i un vilayet kompozado por las izlas del arkipielago Balear, ke se topa en la Mar Mediterranea, enjunto de la beira del Levante de la Peninsola Iberika. Las izlas ke kompozan el arkipielago son: Mayorka, Menorka, Ibisa, ansi komo las isolas pichonas de Formentera, Cabrera, Dragonera, Conejera, Isola del Aire, Espardell, Espalmador, Es Vedra, Sa Conillera i Tagomago. El arkipielago se apartaja en dos grupos:

La sivdad kapitala de la Komunidad Otonoma i de la provinsia es Palma de Mayorka, en la isola del mesmo nombre.

Akestas isolas estavan povladas ya desde tiempos muy leshanos. Las primera aparisiones de povladores se remontan al III milenyo a.K. Anke ay vestijios de una presensia umana en Ibisa i Formentera durante la Edad de Kovre, durante munchos siekolos despues las isolas aparesieron kaje despovladas, mientras ke en Mayora i Menorka avian desde siempre, moradores de un puevlo ke agora se konose kon el nombre de talayotiko.

En sieklosvenidos, las izlas aresivieron buen karar de gregos, fenisios i kartajinenses. Ibisa i Formentera no tuvieron povlasion estable fista las kolonisasiones fenisias del siekolo VII a.K. i su mueva povlasion seria kon sertesa, de orijenes semitikos (fenisios y punikos). Los romanos konkistaron el grupo de isolas por el anyo de 123 a.K., ajuntando por primera vez tudo el archipielago en basho de una administrasion i de una mesma kultura, anke la kolonisasion fue poka. Arejuntadas primero a la Hispania Citerior i dempues a la Tarraconensis, las izlas se fizieronvilayet endependiente fista el siekolo VI, pertenesiendo a el vilayet Cartajinense del Basho Emperio.

En el anyo de 455, los vandalos envadieron las Izlas Baleares. Poko tiempo despues, en el anyo de 534, fueron konkistadas por los askeres gregos del Emperador Justiniano i se ajuntaron al Emperio Bisantino fista prinsipios del siekolo VIII. La krisis ekonomika i demografika del archipielago, desde el siekolo VII fista el siekolo IX, buen karar ke las aboko a los atakes eksteriores. 
En el anyo de 903, el imarat de Kordoba fizo okupasion de las mesmas, konvirtiendose en provinsias del Emperio Almoravide (1120 - 1203) i despues de los Arabos Almuhades, fista la konkista kristiyana del reino de Aragon.

La korona de Aragon tuvo una fuerte ekspansion en la Mar Mediterraneo, ke la areyevo fista las Isolas Baleares. El rei katalan, Yaume I el Konkistador, dirijio una ekspedision ke yego a Mayorka a fines del enverano de 1229. Despues de munchas batayas ke duraron mezes, el rei entro viktorioso a la sivdad de Palma el dia 31 de disiembre de ese mesmo anyo. 

La viktoria de los aragoneses se konvirtio en un dor muy grande para la sivdad, porke se fizo una gran matansa, ke kaje akabo kon la povlasion de la sivdad por entero. Avia tal karar de muertos en la isola, ke se abastaron pishin los bedahaims, empidiendo ke munchos de los cadavres aresivieran enteramiento; akesto kavso ansi una gran hazinura entre los konkistadores, ke diminuyeron grandemente. 
En konsekvensia, la noblesa katalana kijo kedarse kon todo el trezor en lugar de arepartirlo entre los askeres. Akesto fizo una gran sanya de entre los konkistadores i se akabo en una rebuelta fista ke se akodro la repartision del trezor de la konkista, el 30 de abril de 1230. 
 
En tanto ke la isola de Menorka, kedava komo una provinsia pechera de la Korona Aragonesa, ande la relijion musulmana i la kultura de los arabos duraron kaje un siekolo endemas. Ma en jenero de 1287, las naves de Alfonso II el Franko ayegaron al puerto de Maon. Se fizo un pakto de kapitulasion de la isola, asigurando la libertad de la nobleza a kambio de un sierto numero de esklavos. La isola de Ibisa, ya avia sido kontrolada por los askeres de Yaume I, ma desde el agosto de 1236. Los sus povladores fueron tambien esklavizados i sus aziendas repartidas de entre los konkistadores.

Yaume I de Aragon dio a las isolas una disposision administrativa kon buen karar de otonomia, ariento de la korona de Aragon, faziendo akestas el Reino de Mayorka ke tuvo endependensia por algunos anyos. Kon el kazamiento de los Reyes Katolikos, las isolas tambien se arejuntaron kon las demas provinsias i reinos de la peninsula iberika. Munchos siekolos mas tadre, se fizo un dekreto defendiendo a la djente de favlar en katalan ansina espanyolizando las isolas (1718).

La isola de Menorka fue okupada entre 1708 i 1802 por soldados anglezes, a kavsa de la Gerra de Susesion. 

En durante la II Republika (1931-1939) se kizo fazer, anke sin sukseso, un Estatuto de Otonomia para las Isolas Baleares. 

En 1936, con el empesijo de la Gerra Sivil Espanyola, el archipielago keda dividido en dos zonas: la parte sentral y la del vueste. Formentera, Ibisa i Mayorka kedan ariento del aria komandada por los askeres alzados verso la Sigunda Republika Espanyola. Por kontrario, en Menorka el alzamiento nada ke suksedio. En la primera parte del konflikto, desde Katalunya se va dezvelopar una operasion para kapturar Mayorka, el yamado Desembarko de Mayorka, ke akontesio entre agosto y setiembre de 1936 i ke al kabo seria empedido por la armada frankista. La isola de Menorka ke no se okupa fista el final de la gerra. 

Tras el troko de governo atornan las ideas otonomistas i en 1983 alkavo se aprueva un Estatuto de Otonomia de las Isolas Baleares. Agora las isolas gozan de un sistema otonomiko ke lis deşa eskojer el su hasbon ekonomiko para tuda la anyada, la eleksion de la lingua katalana komo lingua ofisiala de ensenyansa y de governo, y un karakter insular ke li eksenta de kualkas obligasiones fiskalas en verso la Espanya y el su governo sentral.

Las Himnesias i Pitiusas an tenido una istoria jeografika diferente. En durante las glasiasiones del Kuaternario, por modre de la pujada de la agua i del buz en los kasketes polares i en las grandes montanyas, las mares abasharon de mizura. Akesto fizo ke se ajuntaran Menorka y Mayorka por una parte, e Ibisa i Formentera por el otro. Tudas las faunas i las floras se ajuntaron, ma entre la Gran Himnesia i la Gran Pitiusa no hue ansi, porke kedo un kanal de mar de mas de 70 km, en el kualo dinguna bestia andava. La menor mizura de la Gran Himnesia (2.000 km²) i un tiempo mas kaliente fizo ke las bestias de tierra aki mankaran.

En las izlas Baleares ay varios klimas, el klima mediterraneo es el ke abunda; la mayor parte del territorio de las izlas konta kon klima agradavle; ay alkunas serraladas de alta muntanya kon inyevadas en periodo invernal.

Dosya:Ses Platgetes 7.JPG|Plaj Ses PlatgetesFormentera
Dosya:Ibiza, Spain (2662887657).jpg|Cala IbizaIbiza
File:Torrent de Pareis R01.jpg|Torrent de PareisMayorka
File:Ladera norte Tirant.JPG|TirantMenorka

Faze muncho tiempo, Himnesias i Pitiusas tevieron ekosistemas diferentes. Las Himnesias tevian boskes de ensinas ariento de las isolas i en los yanos de la kosta grandes boskes de boh balear (buxus balearica), planta ke ainda topa en Mayorka. Las Pitiusas estavan kaje desnudas de vejetasion de arvoles, teviendo buen karar de yebras nitrofilas, produkto del efekto de las deyeksiones del kara de pasharos que moravan en las isolas. 

En el pazado, la fauna de las Himnesias i de las Pitiusas era arto distinta. En diferensia de las espesies voladoras (pasharos prinsipalmente), las isolas no kompartian dinguna otra espesie de tierra. Avia diferentes komunidades de plantas, bestias erbivoras i bestias karnivoras.

En las Isolas Baleares, endagora el turizmo es una de las industrias mas emportantes ke se tienen en el archipielago, esto dado prinsipalmente por la buena lokalisasion en la Mar Mediterraneo, ke les prodiga de buen tiempo y de karar de dias kon sol. Achakes de esta lokalisasion, Palma de Mayorka e Ibisa son sivdades kon una ancha dependensia de la endustria del turismo, kon grandes katenas de servisios, komo los restorant, otels, linyas averias, de entre algunas otras. De igual ke las tres isolas mayores estan bien ajuntadas kon el kontinente, i se pueden travar munchos vuelos asia Barselona o Madrid kon regularida. De entre las atraksions turistikas ajuntadas, estan karar de edifisios, plasas y cazales de orijen medieval, ansi komo nombrozos sitios de playa.

Povlasion por Sivdades (2005):

La povlasion del archipielago a pujado grandemente a kavsa del boom turistiko de los anyos 60: en el peryodo 1970 - 2005, akeste fue de +76,10%, verso el +29,90% de la medya espanyola. En el anyo 2005, la povlasion total de las isolas pujaba mas de las 983.131 presonas. 

Sigun el senso INE 2005, un 15,75% de la povlasion balear era de nasionalidad ekstranjera, ansina ke es la primera Komunidad Otonoma i la sigunda provinsia (tras Alikante) de Espanya kon mayor numero de residentes de huera. Un 39,66% de la Komunidad Otonoma viene de la Union Evropea, de ande prinsipalmente son tudescos (14,59% del total), anglezes (9,56%), italianos (5,46%) i franseses (3,60%). Un 34,34% viene de Amerika Latina, prinsipalmente ekvatorianos (10,32%), arjantinos (7,62%), kolombyanos (5,95%) i uruguayos (2,39%). Un 11,02% viene de Afrika del Nord, prinsipalmente del Fas i el restante viene de la Evropa del levante, kaje tudos de Romanya o de Bulgarya. 

Las Izlas Baleares son de agora de dos linguas, en katalan (ya ke se povlaron buen karar de djentes del Roseyon, Djirona i Barselona en durante la Rekonkista) y kastilyano (favlado en tudo el teritorio nasionalo). Endemas, en las zonas turistikas se favla el Angles y el Tudesco.

El Govierno de las Izlas Baleares (ofisialmente Govern Balear fista 1999) es la entida que tiene el poder ejekutivo en la komunidad otonoma espanyola de las Isolas Baleares. Fue kreado por la lei organika 2/1983, de 25 de fevrero, trokado despues por la lei organika 3/1999, de 8 de jenero, i de antes por la lei organika 9/1994 del 24 de marzo. Se deve de tever en hasbon, la lei 27/1997, del 4 de agosto, en la ke se seden pechos a la komunidad otonoma. 

El govierno de las Isolas Baleares esta kompuesto por el presidente de la komunidad otonoma i sus konseiyeros. 

El presidente de la Komunidad Otonoma es eskojido por el Parlamento de las Isolas Baleares de entre los sus diputados por un tempo de kuatro anyos a rinovarse. Es nombrado por el rei de la Espanya verso la lei organica ke se publika tanto en el BOE komo en el BOIB. Es la maksima representasion institusional de la Komunidad Otonoma i es ansina responsavle de su aksion de govierno verso el Parlamento Balear, junto a sus konseiyeros, al ke devera rendir hasbon en las sesiones de kontrol. En el kaso de hazinura, muerte o kualunke otro empedimento sera trokado por el visepresidente, el presidente del parlamento, o el konseiyero mas aedado. El presidente entonses ke aresive el titulo vitalisio de Muy Onrozo Senyor.

Los konseiyeros son eskojidos i nombrados por el Prezidente, kien fista 1999 solo podia nombrar a lo muncho, diez. Su nombramiento se publica en el BOIB verso la lei organika. Non kale ke sean miembros del Parlamento Balear. Kada konseyero es responsavle del aria de govierno ke el presidente le amostra, ma tambien se puede nombrar algun konseiyero sin kartera. Los konseiyeros dejan de ejerser sus kargos kuando el presidente piensa ke ansina lo kale, o kuando el presidente akaba el su lavoro. Los konseiyeros pueden de igual aresivir el titulo de Onrozo Senyor para tuda la vida.




#Article 76: Izlas Kanarias (300 words)


Las Izlas Kanarias son un grup de izlas enel Oseano Atlantiko el kualo konforma una de las komunidades otonomas de Espanya i endemas una de las rejiones eksternas de la Union Evropea. Estan konformadas por syete isolas prinsipalas: El Yerro, La Gomera, La Palma i Tenerife, las kualas konforman la Provinsia de Santa Kruz de Tenerife; i Fuerteventura, Gran Kanaria i Lanzarote, las kualas konforman la Provinsia de Las Palmas. Endemas, konforman parte de las Isolas Kanarias isolas chikas komo La Grasiosa, Alegranza, Montanya Klara, Roke del Este, Roke del Oeste i la Isola de Lobos, todas eyos en la Provinsia de Las Palmas. La Grasiosa es la únika de estas isolas chikas ke está abitada.

La Komunidad Otonoma de las Izlas Kanarias aktualmente tiene una povlasion de 2.103.992 abitantes i una densidad de 282,5 hab/km², siendo la ochena Komunidad otonoma de Espanya en povlasion, la kuala se ankontra prinsipalmente en las dos islas kapitalas: un 43% en la isola de Tenerife i el 40% en la isola de Gran Kanaria. La provinsia tiene un area de 7.447 km².. Las fonksiones de kapitala de la komunidad es kompartida entre las sivdades de Santa Kruz de Tenerife i Las Palmas de Gran Kanaria; la sede del Presidente del Governo otonomo se troka entre ambas sivdades por kada periodo de la asamblea rejionala, siendo la sede del Vizepresidente distinta a la del Presidente. El Parlamento de Kanarias está ubikado en Santa Kruz de Tenerife, mientres ke la sede ofisiala del Governo Otonomiko se ubika en Las Palmas de Gran Kanaria, egzistiendo además una sub-sede kada una de las dos sivdades. Endemás, egziste un balanso entre las dos kapitalas en kuanto a sedes de buros públikos, anke kaji toda la administrasion otonomika se ankontra duplikada entre ambas sivdades.

Esta konformada por dos provinsias:




#Article 77: Katalunya (993 words)


Katalunya (en katalano Catalunya en oksitano Catalonha kastilyano Cataluña) es una komunidad otonoma espanyola. Su kapital es Barselona. El su shefe de govierno es Quim Torra, ke forma parte del partito politiko Junts per Catalunya.

Las sus linguas ofisialas son el Katalan, ke es la lingua propia, el Oksitano, ke es lingua propia del Valle de Arán, i el kastilyano, lingua ofisiala de todo el Estado Espanyol, este ultimo ten solamente un character simboliko.

Las sus linguas nativas fueron prohividas desde la gerra de suksesión a la korona Espanyola, finita en 1716, ma fueron muevamente autorisadas em la Segunda Repúblika Espanyola (1931-1939), ma en la diktatura del general Franko fueron prohividas de 1939 a 1963, anyo en ke, mersi a una sentensia del Tribunal Supremo, se deklara ke Espanya tena solamenta una lingua ofisiala,ma non ha de ser un prejuizio para el uso líbero públiko, privado i partikular de las linguas nativas de las distintas reshiones del paez, ansina, ainda non se ensenyavan en las sus eskuelas,ma ulai sería permetida i obligada en las eskuelas nasionalas (públikas) del paez a partir de 1970, en primo lugar komo assignatura optativa ulai de Setiembre de 1975, obligatoria, ansina komo kon el Vasko em Euskadi, i el Galego en Galizia. Endemás, endelante foi permetido tambén en las otras reshiones Espanyolas en ke se hablavan dishas linguas.

En kuando la restaurasión de su otonomía en 1977 (Djeneralitat Provisioria), se komenzaron a aplikar las polítikas de normalisasyón linguístika, ke tenian i tienen pro objektivo mantener el Katalan i el Oksitano komo las linguas egemónikas en el paez, al ser sus linguas nativas.

Em 1983 se empesó a aplikar la immersión linguístika (edukasión solamente en katalan/oksitano en todas las sus eskuelas de Katalunya, ansina komo en la su parte de habla Oksitana el Valle de Arán) ke kedó kompletada en 1996, anyo en ke todas las sus eskuelas públikas i konsertadas del paez impartían ya todos las sus klases en dishas linguas, ma kabe dezir ke, el Kastilyano se kontinua a ensenyar komo lingua , 2 o 3 oras a la semana, junto kon el inglés, i en Valle de Arán el Fransés. Por otra parte, de 2003 endagora el uso de la língua katalana bashó, ma el su konosimiento es el má grande ke nunca. Aínda, el katalán es la límgua má uzada en la majoritá del paez, ulai ke el kastilyano solo es má uzado en la AMB (Àrea Metropolitana De Barcelona, en katalan).

Ay en el paez un movimento endependentista kon un seguimento de un chiquitico má ke la metá de katalanes.

La etimolojia de Katalunya es insierta aunke ay estudios varios de definisiones muncho meldadas. El nombre se topa por primera vez en forma eskrita azia 1117 en la forma latina ke aparesio en el poema pisano Liber maiolichinus de gestis pisanorum illustribus. En ese eskrtito, en el kualo deskribense las echas ke los pisanos azen kon los katalanes para yevar akavo la konkista de Mayorka, aparesen varias referensias al konde Ramón Berenguer III (Dux Catalanensis, Rector Catalanicus hostes, Catalanicus heros, Christicolas Catalanensesque) ansi komo referensias étnikas komo catalanenses o catalanensis i al territorio de estos, Catalania. Posteriormente, tambien aparese la ekspresión in Catalonia en unas donasiones ke el rey Alfonso II izo a la su mujer en 1174, ansi komo en diversas okasiones (Cathalonia) en el testamento del rey y en kantes de trovadores occitanos (Catalonha). En tiempos de su hijo i susesor Pedro el Católico vuelve a mensionarse en la deklaracion de la asamblea de Paz i tregua de 1200, en ke se delimita su ambito de permanensia: Haec est pax quam dominus Petrus (...) constituit per totam Cataloniam, videlicet a Salsis usque ad Ilerdum. Ulai la primera vez ke aparese en katalán es en el Llibre dels fets de Jaime I el Konkistador, en la sigunda mitad del sieklo XIII.

La komunidad fue rekonosida komo nasyonalidá kon el su estatuto de otonomía del anyo 1979, ansina komo Galízia i Euskadi.

Es uma komunidad otonoma desde el anyo 1979, kuando se aprueva el su Estatuto de Otonomia de la komunidad , ma antes, komo todas las komunidades otonomas, tuvo el su Konsejo Pre-Otonomo desde el su anyo 1975, ansina komo tambén la Generalitat Provisoria, antes de su restaurasyon definitiva en el anyo en ke se aprueva el su estatuto.

Em 1980 las primas eleksiones al su parlamento restaurado, venze Jordi Pujol de CiU. Ke fue el shefe de govierno hasta el anyo 2003, anyo de la su retirada politika en ke se convokaron muevas eleksiones, ke, ainda ke fueron muevamente ganadas por CiU, ma desta vez kon Artur Mas komo kandidato a la Generalitat, resultaron en govierno de koalizión entre el Partito Socialista de Katalunya, ERC, e los antikos komunistas de ICV-EUiA.

La komunidad otonoma usa un systema de administrasyón reshional poko usado en el resto del teritorio Espanyol, las komarkas.

El territorio katalan komparte frontieras kon la Repuvlika de Fransia i el Prinsipado de Andorra al noreste dela Djeneralidad, al sud topa kon la Mar Mediterránea, al oeste kon Aragon, al sudeste kon Komunidad Valensiana. La komunita es apartajado en  belediyes, la kapitala es Barselona.

Katalunya se topa en las koordenadas jeografikas del meridiano de Greenwich latitud norte 41º 49' 00 minima, 42º 32' 00 maxima, longitud este 1º 28' 00 minima, 2º 14' 00 maxima.

Es konformada por kuatro vilayetes:

La ekonomia de Katalunya komprende prinsipalmente, la industria, la agrikultura, el turizmo i el komersio internasionalo.

El turizmo es una aktividad emportante, ke mantiene munchos lavoradores en la komunidad, las plajas, las sivdades antikas, las fyestas, el eko-turizmo i los esportes zon las prinsipales atraksiones de los visitantes nasionales i ekstranieros.

La Diada de San Jordi es otro de los eventos kulturales emportantes ke se selebran en Katalaunya.

La sardana es una de las danzas mas representativas de Katalunya.

En Katalunya ay grandes ekipos esportivos de futbol, basketbol i voleybol; los djogos olimpikos de Barcelona 1992 desharon una grande infraestruktura esportiva.




#Article 78: Komunita de Madrid (526 words)


La Komunita de Madrid es una komunidad otonoma de Espanya topada en el sentro de la Peninsola Iberika, i ariento de akesta, en el sentro de la Meseta Sentrala. Topa kon las provinsias de Guadalajara, Kuenka, Toledo (Kastiya-La Mancha), Avila i Segovia (Kastiya-Leon). La Komunidad de Madrid es uniprovinsial, ansi ke non eksiste Diputasion. La su kapitala es Madrid, es tambien la kapital de Espanya. La su povlasion, estimada en 6.008.000 povladores, se konsentra en el area metropolitana. 

Trava la boya kolorada karmesi del pendon de Kastiya. Las siete estreyas son las de la konstelasion de la Lonsa Mayor i los sinko pikos de las estreyas arepresentan a las sinko provinsias serkanas a Madrid (Avila, Kuenka, Guadalfajara, Segovia i Toledo). Anke de komun se konosen komo las siete portas de entrada a Madrid.

El teritorio de la aktuala Komunidad de Madrid fue una rejion poko emportante endurante el Emperio Romano, mankando a la sivdad de Complutum (aktuval Alcalá de Henares), kon kategorya de munisipio, por el que pasava el karrer ke ajuntaba la sivdad de Tarraco (Taragona) kon Emerita Augusta (Merida). Despues de la konkista del lugar a los muslimanes, el teritorio apartenesio al Reino de Kastiya. En el sikolo XVI, el rei Felipe II situvo la kapital de su reino en la sivdad de Madrid.

Deskues, la provinsia de Madrid hue parte de la rejion estorika yamada Kastiya la Nueva (junto a otras provinsias de Kastiya-La Mancha). La rejion se fizo en la aktual komunidad otonoma uniprovinsial del Estado de las otonomias fito de la transision espanyola, al meldar las grandes diferensias ekonomikas i de povlasion kon las otras provinsias kastiyanas i el fito de aguadrar la kapital de Espanya. 

El Estatuto de Otonomia fue aprovado el 1 de Marso de 1983. La provinsia de Madrid se konstituyo komo Komunidad Otonoma en basho de la Lei Organika 3/1983, del 25 de fevrero (BOE 1-3-83) i kon la denominasion de Komunidad de Madrid.

Desde su nasimiento, han sido eskojidos tres presidentes otonomikos: Joakin Legina (1983-1995) del PSOE; Alberto Ruiz-Gayardon (1995-2003); i Esperanza Agirre (2003 fista endagora), los ambos ultimos del PP. 

La komunidad otonoma tiene una superfisie de 8.021,80 km². Los sus limites deskriben un triangolo ekilatero aproksimado en el ke la su base esta en el sud i el su vertise del nord en el puerto de Somosierra. Esta situvada en el sentro de la Meseta Sentral i en el nord de la Submeseta Sud, avisindada al nord i al ponyente kon Kastiya-Leon (provinsias de Segovia i Avila) i al levante i sud con Kastiya-La Mancha (provinsias de Toledo, Guadalfajara y Kuenka).

La Komunidad de Madrid es karar de yana, pos esta emplazada en la parte nord de la sumbeseta sud, kon una altura medya de aproksimadamente 650 m. Solo ay varios serros de poka chikez i vayes pichones en el sud-levante. La Sierra de Guadarrama i la Somosierra apertenesientes al Sistema Sentral representan la zona muntanyosa de la komunidad, kon pikos ke pazan de los 2.000 m. Las ambas sierras estan en la parte nord-levante y nord de la provinsia. El piko mas grande de la Komunidad Otonoma es el Penyalara, kon 2.430 m. 




#Article 79: Italia (392 words)


La Italia, konosida ofisialmente komo la Republika Italiana, es un pais evropeo, uno de los fondadores de la Union Evropea. La Italia inkluye tambien rejiones, adas i arkipielagos su territorio konsiste prinsipalmente en la Peninsula Italika i de dos grandes adas en el mar Mediterraneo: Sisilia i Sardenya. Por el norte esta bordeado por los Alpes, por donde limita kon Fransia, Suisa, Austria i Eslovenia. Los estatos independientes de San Marino i Sivdad del Vatikano son enklaves dentro del territorio italiano. Italia forma parte del G8 o grupo de las ocho nasiones mas industrializadas del mundo. Situada enel korason del antiguo Imperio Romano, esta yena de tesoros ke rekonstruyen la istória de las bases de la sivilizasion oksidental. La su kapital es Roma. Las sus otras grandes siudades son Milan, Napoles, Turin, Bolonya, Florencia, Venezia, Palermo, Trieste, Bari.

La Republika Italiana es una demokrasia organizada como republika parlamentar. Es un paez altamente dezvelopado i está konsiderado una de las ekonomia maz grande del mundo, por lo ke es un paez de primer mundo.

Asegún el istoriador grego Antíoko de Sirakusa, el biervo Italia, en el sieklo V a. C. yamava a la parte SUD de la aktuala rejión italiana de Kalabria, avitada por los ítalos (aktualmente esta zona komprende del vilayet de Reggio i parte de los vilayetes de Vibo Valentia i de Catanzaro).

Ansina, dos eskritores gregos, Helániko i Timeo, relasionaron el mismo nombre kon el biervo vitulus ('ternero'), kuyo signifikado eksplikaron por el echo de ser una tierra akavdalada en ganado vakuno. En el sieklo I a. C., el toro, símbolo del puevlo samnita sublevado kontra Roma, hue representado en las monedas emitidas por los insurrectos abatiendo a una loba, símbolo de Roma: la leyenda viteliú (de los ítalos) konfirma ke vinculavan el nombre de Italia kon el ternero. Por otra parte, también es posible ke los ítalos tomaran el su nombre de un animal, el ternero, ke, en una primavera hakodesh, los avía guiado asta los lugares en los ke se asentaron definitivamente.

El Estado Italiano es el resultado de la union italiana de 1861 ke kon las gerras de independensia obtien la unificasion.
La aktual forma la obtien dempues de la Primera Guerra Mondial en el 1919 unifikando las ultimas rejion.
Desde el 27 de disiembre 1947 funsiona la kostitusion aktual ke pone el estat komo una republika.  

 




#Article 80: Arjelia (142 words)


Arjelia (en arabo الجزائر, Al Jaza'ir, en tamazight ⵍⵣⵣⴰⵢⴻⵔ, Dzayer, en fransez Algérie), ofisialmente la Repuvlika Popular i Demokratika de Arjelia, es el mas grande payis de Afrika i esta ubikado al norte del kontinente. La su sivdad kapitala es Arjel. Es un payis del Maghreb ke se topa entre la Mar Mediterranea, Marroko, la tierra de pais pleytada del Sahara Oksidental, Libia, Tunesia, Mali, Mauritania i Nijer; indemas, Arjelia esta apartada de Evropa por la Mar Mediterraneo. El su idióma ofisial es el arabo, aunke la jente se komunika en su avla arjelina del arabo yamada darija i muncha djente (27.4%) tambien avla lashones bereberes, sobre todo en la rejion de Kabilia, ande es lingua nasionala el tamazight i endemas se uza el fransez en la edukasion i en la administrasion publika. El paiz es partajado entre los 48 vilayetes asigientes:




#Article 81: Arjel (163 words)


La sivdad de Arjel (en arabo الجزائر, Al-Ŷazā'ir; en franses Alger, en tamazight , Ledzayer)  es la sivdad kaptital de Arjelia, anke a partir del anyo 2008, la kapital del paez va ser Aldjeriya, a 200 Km al sud de Arjel.

Unos 3.977.663 de personas abitan la sivdad en la su area metropolitana, asiendo a Arjel la mayor sivdad del paez i la dosen del Maghreb dempues de Kasablanka. La sivdad esta ubikada en la kosta de la Mar Mediterraneo i es el prinsipal puerto del Magreb en esta mar. Konosida como Arjel la blanka (en arabo El-Bahdja (البهجة); en franses Alger la Blanche), el su nombre signifika las adás. En el su momento fue konsiderada komo una de las sivdades arabas mas romantikas, shukur al enkanto de la alkazaba (o sivdad vieja, yena de pasiyos laberintikos). Oy endia es una sivdad moderna dividida en dos zonas diferentes: la alkazaba y la zona mueva, de estilo europeo-franses kon muzeyos, avenidas, opera, teatros, kafés...




#Article 82: מדינת ישראל (119 words)


מְדִינַת יִשְׂרָאֵל (איסטאדו די ישראל) איס און איסטאדו אין אסייה. סו קאפיטאלה איס ‫ירושלים. סי טופא אינטרי איל מאר מידיטיראניו, ירדן, סוריה, מיצרים אי ליבאנון. קומו סי הא דיצֿו לה קאפיטאלה איס ירושלים,  פירו איסטא שיבדאד נו איס ריקונוסידה קומו לא סו קאפיטאלה. תל אביב איס ריקונוסידה. אין לה אקטואלידאד סי טופא אין און קונפליקטו קון פאליסטינה. 

לא סו היסטוריא סי רימוטה על אנטיקו ריינו די ישראל.  לויגו דיל איגסיליו  ריטורנארון א לה סו טיירא. אי די נויבו פוירון איגסיליאדו  פור לוס רומאנוס. ריטורנארון אי פונדארון איל איסטאדו ישראל. 

לה מאייוריה די לא סו פובלאסיון איס ג׳ודיא. לויגו ביינין לוס אראבוס. אי איסטוס סי  דיבידין אין קריסטייאניס אי מוסולמאניס. ישראל איס אונו די לוס פאיסיס מאס קונוסידוס אי אודיאדו.




#Article 83: Rumania (260 words)


Rumania (en rumano: România) es un paiz balkaneo i evropeo. Rumania es un estado soverano konstituido en republika ke okupa el norte de los Balkanos i los Karpatos. En la su tierra komparte frontieras terrestres kon Madjaristan (Ungaria), Bulgaria, Ukraina, Moldava i Servia i kon la Mar Preto (Mar Negro) al este.

La su kapital i sivdad mas importante es Bukureshti, kon un povlasion de 2,1 milyones.

Las sus otras grandes sivdades son: Iaşi (320,888), Timişoara (320,888), Cluj (317,953), Constanţa (317,660), Craiova (302,601), Braşov (284,595), Galaţi (298,861), Ploiești (232,527), Brăila (216,292), ets.

Las sus rejiones istorikas son: Provinsia de Valahia, Provinsia de Moldova del este, Provinsia de Ardeal/Transilvania, Banato del este, i Dobrudja del nord.

El biervo Romania puede uzarse al konjunto de territorios en los kualos se avla alkuna de las linguas romanikas. El biervo akavo por designar tierra dela antika Dazia.

Los rumanos uzan para eyos mismos un nombre derivado del latin romanus (romano en kastilyano) es dokumentado ansina, desde el sieklo XVI, incluso hue uzado asegun por los umanistos italianos ke viajaron a las tierra dela Transilvania, Moldava i Valakia.

El paiz es apartajado entre 41 distritos siguintes:

La majorita de los rumanos zon kristianos, eyos konfiezan el kristianizmo ortodokso, ma endemas es praktikado el kistianizmo katoliko en la parte oksidental del paiz.

Ay una komunita djudia en el paiz, munchos de eyos hueron djudios sefaradis ke desharon Iberia i afinkaron en el oriente dela Evropa. Rumania hue uno de los paizes evropeos onde muchiguo el djudezmo, anyos dempues, yegaron djudios ashkenazis de sentro-Evropa i del norte.




#Article 84: Panama (518 words)


Panama (nombre ofisial en kastilyano: República de Panamá) es un estado soverano ke se topa en Amerika. Es un payis de Amerika Sentrala, ubikado entre Kosta Rika i Kolombia, la Mar Karibe i el Oseano Pasifiko. Este payis une Amerika del Sud kon el resto de Amerika Sentrala; endemas, Panama une el Oseano Atlantiko i el Oseano Pasifiko kon el Kanal de Panama, ke permite ke las naves traversen el payis i akurtar las rutas entre Amerika del Norte, Evropa, Asya Oryentala i la beira pasifika de Amerika del Sud. 

El su prezidente aktual es Juan Carlos Varela. 

La Republika de Panama resibe su nombre por la Muestra Sinyora dela Asupsion de Panama, ande selebrose el kabildo i se establesio la jurisdiksion de la Real Audiensia de Panama, la kuala komprendia en su totalidad el istmo de Panama. El nombre de Panama prevalesio durante la pertenensia del territorio a los virreynatos de Mueva Espanya, Peru I Mueva Granada, durante el periodo kolonial espanyol, i finalmente fue ofisializado tras la firma del Akta de Separasion de Panama de Kolombia. La etimolojia del biervo Panama es de orijen indijena, probablemente del kueva.
 Egzisten varios sinyifikados i referensias dadas al nombre de Panama, sen embargo es aseptado el sinyfikasion «abundansia de peshes i papiones».

Alkunos istoriadores atribuyen el nombre al galano arvole yamado lokalmente panama, de frondosa sombra i muy komun en el area, basho el kualo se reunian famiyas aborijinas.

Kon respekto a la sivdad de Panama, sikca del sitio de fundasion de la sivdad, por Pedrarias, se topavan chikos afinkamienyos de pishkadores yamados panama, komo lo indika en una karta, lo ke para alkunos eskritores pudo ser el motivo para bavtizar a la sivdad kon metado nombre. Otronos sinyifikados zon: en lingua indijena sinyifika mas ayá i era el nombre del kazike de esta rejion.

Código mercantil: Sienna.

El territorio panamenyo komparte frontieras kon Kosta Rika al oeste, kon la Mar Karibe al norte, kon Oseano Pasifiko al sud i kon Kolombia al este. El paiz es apartajado en trezen vilayetes administrativos, la kapitala es Sivdad de Panama. La nasyon es parte del territorio de la Amerika Sentrala.

La Repuvlika de Panama se topa en las koordenadas jeografikas del meridiano de Greenwich latitud norte 15º 30' 00 minima, 13º 00' 00 maxima, longitud oeste 90º 15' 00 minima, 94º 14' 00 maxima.

La su jeografía fisika es una grande parte montanyosa. Hay aki, playas en su litoral dela Mar Karibe i planadas de sharas al norte del paiz. Es atravesada en su parte sentral por la Kordiyera Sentrala i parte de la Serralada de los Andes en el Darién. Las Izlas de Coiba, Taboga, Balboa zon arkipielagos ke pertenesen al Panama.

A pesar de ser un paiz chiko, konta kon una grande diversidad biolojika.

El klima es diverso, en alkunos lugares altos la temperatura es templada, en otros lugares es kaliente kon luvias en inverno, prinsipalmente en areas tropikalas.

Darién
File:Pasto verde La Mochila.jpg|Lago GatúnColón
File:Estero de Remedios-Tolé, Provincia de Chiriquí 05.jpg|Estero de RemediosChiriquí
File:Volcanbaru1.jpg|Vulkano BaruChiriquí
File:DirkvdM panama panorama-santa fe-1.jpg|Santa FeVeraguas
File:Zapatillas Islands - panoramio (4).jpg|Izlas ZapatillasBocas del Toro




#Article 85: אסטרונומייה (197 words)


אסטרונומייה, איטימולטזיקאמינטי דיל גרייגו פארה לייייס די לאס איסטרייאס, איס לה סינסייה קי טראטה די קואנטו סי רפ׳יירי אה לוס אסטרוס, אי פרינסיפאלמינטי אה לאס לייייס די סוס מובימיינטוס אי די סו איסטודייו סי אוקופאנ לוס אסטרונומוס.

טאמביינ פואידי סיר דיפ׳ינינה קומו לה דיססיפלינה קי טייני קומו אובז'יטו לה אובסירבאסייונ אי איקספליקאסייונ די פ׳ינומינוס קי אוקוררינ או איקסיסטינ פ׳ואירה די לה טיירה.

אונה ב'יס קי סי קומפרינדיו קי לוס אילימינטוס קי פ'ורמאן לוס אובז'ייקטוס סיליסטיס איראן לוס מיסמוס קי קונפ'ורמן לה טיירה, אי לאס מיסמאס לייס די לה פ'יסיקה סי אפליקין אה אלייוס, לה אסטרופ'יסיקה אב'ייה נאסידו קומו אונה אפליקאסייון די לה פ'יסיקה אה לוס פ'ינומינוס אובסירב'אדוס פור לה אסטרונומייה. סין אימבארגו לה מאיורייה די לוס אסטרונומוס, סי נו טודוס, טיינין אונה סולידה פריפאראסייון אין פ'יסיקה, אי לאס אובסירב'אסייוניס סין סיימפרי פואיסטאס אין סו קונטיקסטו, אנסי קי לה דיסטינסייון אינטרי אסטרונומייה אי אסטרופ'יסיקה ייה קאסי נו איקסיסטי

לה אסטרונומייה נו דיב'י כינפ'ונדירסי כון אסטרולוז'ייה, דיסיפלינה קי אסומי קי לוס אסונטוס אומאנוס איסטאן דירטימינאדוס פור לה פוסיסייון אפארינטי די לוס אובז'יקוס אסטרונומיקו אין איל סיילו. אונקי אאונקי אמבאס דיסיפלינאס קימפארטין און אוריז'ין קומון סון אין ריאלידאד מויי דיפ'ירינטיס. לוס אסטרונומוס סיגין איל מיטודו סינטיפ'יאו אי לוס אסטרולוגוס נו.




#Article 86: Leonardo da Vinci (1533 words)


Leonardo di Ser Piero da Vinci (Anchiano, Italia, 15 de avril de 1452 – Le Clos Lucé, Fransia, 2 de mayo de 1519), arkitekto, eskultor, pintador, inventor i injeniero.

Leonardo bivio en la epoka de Renesans. En akeya epoka el fue un savio en el pensar architekto, engenior enventador, matematisien, anatomist, muzisien, eskulptor, botanisto, geologo, kartografo eskrivano i pintor. La ovra maz konosida fue Mona Liza  1503-1507 I el de  pranso de alkavo 1495-1497.  El se konta uno de los mas grandes savios en el mundo en el tiempo de Renesasns (ke ez naser de muevo) I fue konosido en el mundo pos sus bushkedad I los engenios. El fue eskojido el ombre del segundo milenyum.

Leonardo nasio en un kazal yamado Anchiano serka del kazal Vinci, fue ijo afuera de kazamyento, el padre Piero da Vinci i la madre al pareser ija de un kazalino ke se yamava Caterina. En la Evropa antes ke se diera nombre moderno de famiya el se yamava ijo del maestro Piero da Vinci. Loz lavoros ke aziya loz afirmava Leonardo o sino Yo Leonardo. Ay dizientes ke el padre de Caterina Piero era un esklavo del medio oriente. El anyo ke nasio Leonardo el padre se kazo kon la primera mujer yamada Albiera. En la cikes de Leonardo lo miro su madre, despues ke fue kazada kon otro se aresento en el kazal vizino, el empeso a bivir en la kaza de su gran papa ande su padre no viniya akuruto, den ve en kuando se iva a Floransa a la kaza de su padre. El padre no tuvo ijos de su primera mujer, i Leonardo fue akseptado de parte de la famioya. 
Aprte de su tio Francesko no vido kerensia de dingun miembro de la famiya.

Leonardo bivio en Vinci fina la edad de 14 anyos. En el 1466 su nono i nona se murieron uno detras de otro i el se fue a Floransa. No tuvo el mazal de pueder estudiar e la universita por modo ke era nasido afuera de kazamiento.
El padre de Leonardo vido ke su ijo de su chika edad pintava muy ermozo, las pinturas las ampstro a un famozo pintor i sculptor Yamado Andrea del Verrocchio, I el lo tomo a su lado komo ayudante. Leonardo allado de su patron tuvo la opportunida de lavorar kon Lorenzo di Credi i Pietro Perrugino ke eran artistos famozoz. En la atolye aparte de pintar se ambezo a tanyer lir, lavorava muy bueno.

En el 1482 salyo de Floransa i entro allado del Duk de Milano Sforza. Para pueded entrar allado del Duk eskrivio una letra diziendo ke el ez kapaci de fraguar pontes, armas, vapores i status de marmol, bronza i de tyerra. Pero esta letra no fue embiyada, aun esto fue aresivida komo una demanda de echo.
Leonardo lavoro 17 anyos allado del duk de Milano fina el anyo 1499 ke fue ablokada la sivdad de parte de loz Fransezez. Al favor del Duk aparte de pintar i azer status el organizo festivales. Se okupo kon fraguaz, makinas i armas. En los anyos 1485-1490 allado de la natura, mekanizmo geometria makinas ke bolan se okupo kon eglisiyas i arkitektura i pasajez en la mar. Apartye de esto ensenyo estudiantes. Su saviduria i lo ke engenyo eran tan grandes ke no pudiya alkansar a eskapar loz echos ke empeso. En los anyos 1490-1495 empeso a notar los lavoros ke izo.
Estas notas I las pinturas fueron arekojidas todas I se topan en los muzez i en koleksionez personal. Uno de los ke arekojeron las kolexiones ez Bill Gates.

En el anyo 1499 salyo de Milano i empeso a bushkar muevo kollaborador, en enterval de 16 anyos kamino en Italya. Lavoro para muncha gente  i lo mas de sus lavoros loz desho en medio.

Se dize ke en el anyo 1503 empeso a lavorar enriva de la pintura Mona Liza ke fue kontada una de las mas mijores pinturas en la estoria de la umanidad.
Despuez ke termino este tablo a todos los viyajes ke se iva se lo yevo kon el. En el anyo 1504 ke muryo el padre torno a Floransa. Tuvo kesiones kon suz ermanos achakes de la erensia del padre ke no parvino a nada. El tiyo ke lo keria muncho bien le desho todas la rikezaz.

Leonardo en el anyo 1506 se konosyo kon el ijo de un aristokrat de Lombardia yamado Kont Francesco Melzi ke teniya 15 anyos. El fue su mijor amigo fina el kavo de su vida. Aparte de esto en el 1490 tomo a su protexion un ijiko de 10 anyos ke se yamava Salai. 30 anyos estuvo kon el era su elevo pero no iso dinguna pintura en el enterval de estos anyoz.

En los anyos 1513-1516 bivio en Roma i lavoro en munchos proyektos para el Papa. Kontinuo a lavorar enriva de anatomia i fizyolojia, pero el Papa lo defendio de lavorar sovre los kadavres.
En el 1516 despues ke murio Giuliano de Medici ke era el protejador del rey Fransis 
El I, el tomo envitasion para ser el primer pintor, enjenior i architecto de Fransia. En el sudueste de Paris serka de Amboise allado del palasio Real aparejaron un palasio para el.
El rey ke sintiya una admirasion a Leonardo viniya a vijitarlo, I konversavan. A Leonardo le kayo gota al braso derecho, empeso lavorar en saviduriyas.
El amigo Melzi le ayudo muncho. Dospues ke vino a Fransia Salai lo abndono.

El muryo en edad de 67 anyos en el 2 de Mayo 1519. Dizen ke muryo en los brasos del Rey, pero el Rey en el primo de mayo estava en otra sivdad, una grande parte de su erensia se lo desho a Melzi. El fue enterrado en la eglisia San Florentin en la sivdad Amboise.

Se dize ke no le gustava laz relasionez fizikaz. Suz ideas fueron analizadaz de parte de Freud i disho ke Leonardo era yelado.
En el 1476 en biviendo kon su amante Verrocchio un deskonosido lo akuzo kon tener relasionez sodomistas kon el modello de 17 anyos Jacobo Saltarelli. Las enterrogasiones kontinuaron doz mezez i  porke el padre de Leonardo era una persona onoravle, i no se topo dingun testimonio, el djuzgo kayo.

Dospuez de este kavzo Leonardo I sus amigos fueron sigidos de parte de una union yamada loz bekçis de la noche. Salai o el Salaino fue rekonosido de parte de Giorgio Vasari komo un luminozo i ermozo mansevo, i ke a Leonardo le plazia muncho este mansevo. El Salaino en el 1490 kuando teniya 10 anyos empeso a lavorar komo moso en la kaza de Leonardo. Laz relasiones de los doz no eran fasil. En el 1491 Leonardo lo akuzo komo ladron, mintirozo i avliston. Por esto lo yamava el chiko satan. Aun esto el Salaino durante 30 anyos fue su amigo, sirviente i ayudante.
En las ojas de Leonardo El Salaino esta pintado dezmudo un ermozo mansevo kon buklas. Ay dizientes ke el Salaino era persona de Vitruvius.

En el anyo 1506 Leonardo se konosyo kon el Konte Fracesco Melzi ke tenia 15 anyos. En una letra eskrivio ke Leonardo esta sintiendo por el un fuerte i apasionante amor. El Salaino en akeyoz anyos tuvo ke akseptar la prezensia de Melzi allado de Leonardo. Melzi fue emprimero elevo i dospuez kompaniero de la vida de Leonardo.
Aparte de esto se supo ke Leonardo munchos anyos antes en el anyo 1099 fue kapo de la organizasion Sion. 

Entre los anyos 1510-1519 la relasion de Leonardo kon loz ombres mansevo fue kavza de diskusion. En el 1563 el livro de los esfuenyos ke fue eskrito de parte de Gian Paolo Lomazzo en un dialogo

Leonardo da Vinci en los primeros anyos de sus estudios enkontro a sus maestros i kon las repuestas ke les dyo adelanto muy presto en los estudios de aritmetika i geometriya. En su chika edad era muy enteligente i kapachi en todo. Se enteresava en muzika i jugava lir. En los anyos de su chikes se okupava kon pintura. El padre ke vido esto lo embiyo a una muy emportante atelye para ke adelante.

Leonardo se entereso i kon el puerpo de la persona. Para pueder desinar el puerpo no le abasto la forma de afuera kijo ver i los guesos, las muskles i la forma ke estan aunados unos kon los otros. La bushkidad de la anatomia den vez en vez le tomo mas muncho tyempo. Se entereso en el puerpo de la persona komo una makina perfekta.
En akeya epoka el antiko mediko Galen le ayudo muncho a entender el estudio de la sensia.

Leonardo estava desinando todo lo ke mirava. Kon las provas por diferente parte ke izo dospuez desino enriva de la anatomia i estava kitando todos los detalyoz.
Los disenyos eran muy klaros. Izo provas en las vakas para pueder desinar los bebikos aryento de la tripa de la madre. I el resultado ke topo en esta analiza lo aklaro en la anatomiya de la persona.

El Papa no permetio a Leonardo ke aga provas en el puerpo de las personas i el kontunuo ensus bushkidaz enriva de los korasonas de los torros.




#Article 87: Kolombia (370 words)


La Republika de Kolombia (Kastilyano: República de Colombia) es un payis ubikado al norte de Amerika del Sur. Komparte frontieras terrestres kon Venezuela, Brasil, Peru, Ekvador i Panama. Tambyen komparte frontieras en el Oseano Atlantiko i en el Oseano Pasifiko kon Panama, Kosta Rika, Honduras, Nikaragua, Djamaika i Repuvlika Dominikana. Endemas konforma parte de la tierra kolombiana un arkipelago en el Oseano Atlantiko: Las Isolas de San Andres i Providensia. 

Kolombia es independiente de Espanya desde el 7 de agosto de 1819.

En nombre de Kolombia es en onra al navegante de Djenova, Kristof Kolomb, (en lingua italiana; Cristoforo Colombo). Hue adoptado el 15 de febrero del anyo 1819, durante el Kongreso de Angostura, para nombrar al muevo estado ke endenantes komprendía los territorios de la Mueva Granada, Kito i la Kapitanía Djenerala de Venezuela. El nombre fue propuesto por Simón Bolívar en la Karta de Djamaika.

Los espanyoles arivaron a Kolombia enel anyo 1509 i yamaron Mueva Granada enel anyo 1564 a la rejion ke oy endiya okupan Kolombia i Panama. Desde la anyada de 1718 i asta la independensia en 1819, era konosida komo el Virreynato de la Mueva Granada, i dempues fue konosida komo la Repuvlika de la Gran Kolombia, un payis del kualo konformavan parte endemas Venezuela, Ekvador i Panama. Dempues del anyo 1856, es payis es konosido komo la Repuvlika de Kolombia.

El territorio de Kolombia linda las sus frontieras terrestres kon la Repuvlika de Panama al noroeste, al este kon Venezuela, al sudoeste kon Ekvador, Peru i Brasil al sud. Komparte frontieras maritimas kon Nikaragua, Honduras Kosta Rika, Djamaika i Repuvlika Dominikana por la Mar Karibe. El paiz es apartajado en 32 entidades federalas o departamentos, la kapitala es la Bogota, la orbe mas povlada de este paiz.

La mayor altitud es el Inyevado del Ruiz montanya ke se topa en el departamento del Tolima, en la Kordiyera Sentrala de los Andes.

Kolombia tiene 32 departamentos:

La povlasion i area del Distrito Kapital estan inkluidas en las sifras de Cundinamarca.

La kapital de Kolombia es Bogota, kon una povlasion de 6.778.691. Sus otras sivdades emportantes zon Medeyin, Kali, Barranquilla i Cartagena de Indias.

Kolombia es uno de los paizes kon una grande rikesa kulturala.




#Article 88: Estatos Unitos de Amerika (631 words)


Los Estatos Unitos de Amerika es un payis grande ke se topa entre los oseanos Atlantiko i Pasifiko. Es el terser payis del 'olam en terminos de tamanyo i konta kon mas de 301 milyones de abitantes.

Tene komo fama la reputasion de ser el primer kolonia Anklosaksona (Inglaavlante) enel Muevo Mundo i el primer de librarse de la su tierra materna, en su kavzo, Gran Bretanya. La Revolusion Amerikana que tomo lukar entre 1775-1783 rezultó con la independensia nasionala de los yamados trese kolonias britanikas (i el estado independente de Vermont). Djuntos formaron la primera repuvlika del mundo moderno. En 1789 la republika mueva se iva dotar de una konstitusion eskrita, la primera i la mas sharfa konstitusion eskrita ayinda vijente enel 'olam.

En el pais se topa una mezkla grande de personas de tyerras diversos komo el Reino Unido inkluyendo Inglaterra, Skosia i Gales, Irlanda del Nord i la Irlanda, Almania, Afrika, Polonia, Rusia, Kuba, Meshiko, Kina i munchos otros payises. Tene la dosena povlasion djudia mas grande del mundo, alderedor de 6 milyones. La su primera sivdad en povlasion, Mueva York, es konosida komo un «krisol de razas.» La su sivdad kapitala es Washington, D.C..

La teritoriya que ya se conose komo los Estatos Unitos fue inabitada orijinalmente por los aborijinalos, o 'indios,' alderedor 16.000 anyos. Por 1492, bivian aproksimatamente 30.000.000 aborijinalos avlando sovre 300 linguas nativas.

Entre la dishkovrimento de los kontinentes amerikanos por evropeos entre 1492 (sin avlar de los echos por los Vikings en los siglos X i XI) i 1607, los evropeos no inisiaron muncha kolonisazion de la rejion. In 1607 la primera kolonya ingleza kon reushita fue fondata en lo kualo es oy endiya es el mankomun de Virginia (yamada ansina por la reina inglesa, Elizaveta). Durante los anyos del siglo XVII, la kolonisazion britanika okuryo de Carolina del Sur a Massachusetts enel nord, el kualo entonses inkluiya el oy el estato de Maine. Endemas, los Kastilyanos kolonizaron la Florida, la kuala fue kapturada por el Reyno Unido en la Gerra de la Korona Espanyola en 1713 i anyadido al imperio. Endemas, la kolonisazion okuryo en lo ke ya es Kentucky, Georgia, Alabama, Ohio i unos otros.

Diskues de la Gerra de Siete Anyos (anke en la Fransia es yamada La Gerra de las Mueve Anyadas) el ganador, el Reyno Unito, levanto impuestos para pagar las deudas akumuladas durante la gerra. Los estatounitenses, los kualos anteriormente se tenian visto komo inglezos del ultramar, protestaron en kontro de los impuestos (ke fueron kitados menos el del te) ke kavzo el Boston Tea Party en Massachusetts. El governo de George III de Gran Bretanya respondyo por isolar la kolonia i kitar siertos diritos para ke otros estatos no se uniriyan kon Massachusetts. Ma afilu munchas otras kolonias viyeron las aksiones del governo britaniko komo aktos de tiraniya ke puediyan ser uzados en kontro de otros estatos tamben, y se uniyeron kon Massachusetts. Enel 4 de Culyo el Primer Kongreso de los Estados Unitos d'Amerika, konosido komo el Kongreso Kontinental, fue deklarada unilateralmente la independensia de los Estatos Unitos. La Fransya fue el primer payiz ke rekonosiyo este muevo payis.

La gerra no fue una gerra kompleta entre una povlasion estatounitense en kontro de soldatos britanikos. Munços - aprojimatamente uno en kada katro, 25% - apoyaron los britanikos. Inisialmente, los estatounitensos kontrolavan solo el kampo, i los britanikos ivan a ganar. Ama las armadas de la Fransya, la Espanya i los Neerlandezos se unieron kon la kavza amerikana en 1777, 1778 i 1780, dando su ayudo, lo kualo ultimatamente yego i fue konfirmado kon la kriasyon del kongreso en 1783 i los britanikos askeptaron al muevo payiz. Ma afilu Kanada no gano la su independensia i el estato de Vermont dechidio no unirse al muevo payiz.




#Article 89: Camille Pissarro (160 words)


Jacob Abraham Camille Pissarro o Camille Pissarro (Saint Thomas, 10 de julio de 1830 - Paris, 13 de noviembre de 1903). Pintador impresionisto fransez.

Es konosido komo uno de los padres del impresionizmo. Pinto la vida rurala franseza, ensima todo los paizajes i las esenas en los ke aparesian kamperos lavorando, endemas pinto esenas urbanas en Montmartre. En Paris tuvo komo disipolos a Paul Cézanne, Paul Gauguin, Jean Peské i Henri-Martin Lamotte.
Pissarro fue asimismo un teoriko de la anarkia, i frekuento kon asiduidad a los pintadores de la Nueva Atena ke pertenesian a ese movimiento. Kompartio esa posision kon Gauguin, kon quien endeluego tuvo aharvamientos.

Camille Pissarro nasió el 10 de djulio de 1830 en la izla de Saint Thomas en las Antilyas, en ese entonses pertenesientes a Dinamarka, onde los sus padres tenyan una afloresiente empresa de piezas para navios en el puerto de Charlotte Amalie, por lo ke tuvo la nasionalidad dinamarkeza, konservóse esta toda su vida.




#Article 90: Jenero (121 words)


Jenero es el primer mes del año a la Franca y uno de los dodje meses del calendario gregoriano. Tiene 31 días.

El biervo jenero ou viene del biervo Arabo Andaluziano يناير (yenāyir) ou del biervo Latino Vulgar jenuarius. Y estos dos biervos vienen de la lîngua Latina, del biervo ianuarius que viene de Jānus que quere dezir El dio Romano de las puertas ou Passaje. Y ansí jenero quere dezir empecijo del año.

Y ay munchos nombres empleados para este mes en Judeo-Español: Djennayo (del Italiano Gennaio), Jjanvié (del Francés Janvier), Jenaro, Jinero, Odjak, Enero, Januario, Yanuar y otros. Para los que usan el calendario a la ebrea, corresponde al mes de Teveth que también se dize Tevet ou Tabetu.




#Article 91: Shabat (729 words)


El shabat, sabá o sabbad es el sieteno diya de la semana i se topa entre el viernes i el alhad. El su nombre da orijin ala ekspresion en lingua latina sábbatum i en mizmo tiempo de la ekspresion en ebreo שבת, shabbat ke sinyifika deskanso. Endemas de esto, el sábbatum es el kriador de la etimolojiya del biervo sábado en la lingua kastilyana. Enel djudaismo, los diyas estan definidos al paso del sol; los diyas tienen su empesijo i su fin en la tadre, kuando el sol se eskonde, i no ala media nochada komo en Oksidente. Ansina, el sieteno diya de la semana, el Shabat, tiene el su empesijo el viernes, kuando el sol se eskonde, i eskapa la nochada del sabado. Esta idea tiene el su orijin en la kriasion del 'olam . En esa istorya, El Dio kria el 'olam i todo durante sesh diyas. Enel sieteno diya, El Dio desha de lavorar. De esta manera, los djudios kale ke lavoren los primeros sesh diyas de la semana i diskues deskansar enel Shabat.

En la Tora se melda ke esta defendido lavorar en Shabbat, deke es un diya para deskansar i ambezar la Tora. D'akodro kon la Alaha, en Shabat es el diya de fiesta mas emportante de los djudios, ainda mas emportante ke Rosh Ashana i Yom Kippur . Los mistikos djudios dizen ke el diya de Shabat apresenta un 'olam perfekto; en este 'olam, todos konosen a El Dio i le dan kavod i amor. Eyos dizen ke este tipo de olam no es konosido desde Ganeden i no va pueder ser mirado fina la arivada del Mashiah.

Egzisten dos versiyones de las aseret adiberot de la Tora; estas versiyones uzan diferentes biervos. La versiyon en Shemot dize akodrate del Shabat para santifikarlo, mientres ke la versiyon de Dvarim dize Guadra el Shabat para santifikarlo. La tradision djudia dize ke akodrarsen sinyifika fiestar el Shabat, mientres ke guadrar sinyifika deskansar, no lavorar ni azer bisnes.

 
Shabat es un diya orozo. Egzisten munchos evenementos ke azen ke el diya seya fiestado kon alegriya.

Endemas, egziste otro tipo de evenemento, yamado Oneg Shabat, el kualo sinyifika Gozar del Shabat. ALkunas de las formas en la skualas los djudios gozan del Shabat son endemas de las yamadas antes, uzar vistidos bonikos, avlar i partajar momentos espsialos kon amigos i famiya, , deskansar i ainda durmir, meldar la Tora i otros livros relijozos i tener sekso entre el espozo i la mujer.

Tener plazer del Shabat es muy emportante, ma Shabat es un diya santo; egzisten leyes i mitsvot de la Tora, la Mishna i el Talmud ensima de lo ke los djudios pueden i no pueden azer en Shabat. Todas estas leyes azen ke los djudios kudien i guadren el Shabat komo un diya santo. 

Enel djudaismo konservador es ambezado ke los djudios no pueden azer dinguna aktivita de las 39 kateggorías defendidas de lavoro (melahá). Los Hahamim konservadores ainda son menos duros kon respekto a las melahot ke los hahamim ortodokses. Los hamamim konservadores endemas, son muncho menos duros enel program de kudio (Shvut) ke los hahamim ortodokses; por enshemplo, los hahamim konservadores deshan a los djudios uzar elektrisita en Shabat para munchas kozas, anke tienen defendido uzar elektrisita para kualunke de las 39 kateggorías de lavoro. Munchos de los fiyeles de las esnogas konservadoras de la Amerika del Nord no kudian estas leyes. 

El djudaismo reformista no aksepta la Alaha komo hobá; estos djudios pueden dekansar en Shabat, ma no siempre kudian de no azer melahot o Shvut.

El Shabat eskapa diskues de la eskondida del sol, ya en la nochada; la eskapada del Shabat esta markada en un evenemento yamado Avdalá(הַבְדָּלָה); el su nombre viene de un biervo en Ivrit ke sinyifika partajamiento i en vedrad, es un evenemento ke partaja el dia del Shabat de la semanada nueva. Las berahot de la Avlada son dichas ensima de una kupa de vino, un golor bueno i una kandela kon muchas mechas. Diskues de la Avdalá, se pueden azer kualunke de las 39 melahot, deke ya no se esta en Shabat.

El shabat es el dia mas emportante de la semana; esto es deke guadrar el shabat es la unika mitzva ke se topa en los 10 aseret adiberot  dichas a Moshe Rabenu por El Dio, ansina komo se puede meldar en la Tora.




#Article 92: Aljhad (137 words)


El Alhad o Aljhad es el primer dia de la semana asegún el kalendario djudio, i se topa entre Shabat i Lunes. El nombre viene del biervo en arabo AL-JHAD (komo en ivrit, EJHAD=Uno) i sinyifika día uno o primer día.
El uso de este biervo i no de Domingo (komo en Kastilyano) puede ser ke tuvo la enfluença de los arabbos musulmanos: klaro ke ansi eyos ke los judiós kizieron seguro diferensiarsen de los kristyanos. Haim Vidal Sephiha topa en este fakto la mesma tendensia ke enel biervo Dio, el kualo rejekta la presensia de la S, que marka de plural.
Su nombre en kastilyano (Domingo) viene de la ekspresion en lingua latina domínicus, díes Dómini ke sinyifika día de Dio. En la vieja Roma en latin se yamava díes solis, ke sinyifika dia del Sol.




#Article 93: Almania (661 words)


Almania  o la Republika Federal de Almania (RFA; en alman Bundesrepublik Deutschland, BRD) es un paiz del sentro de Evropa ke forma parte de la Union Evropea. Las sus frontieras son al norte kon la Mar del Nord, Dinamarka i la Mar Baltika; al este kon Polonia i la Repuvlika Cheka; al sud kon Ostria i Suisa; i al oeste kon Fransia, Luksemburgo, Beljika i los Paizes Bashos.

Es una de las nasiones del mundo kon un alto desvelopamiento edukativo, teknolojiko i sentifiko, kon un amuchiguamiento ekonomiko alto i una grande konosensia en las sensias i artes. El tradision konvive kon la teknolojia, lo ke aze de Almania, un paiz kon una identidad propia i kon una emportante industrializasion.

Almania sinyifika Tierra de los alamanes. Los almanes eran uno de los puevlos ke pasaron enfrente del rio Rin i invadieron la Galia romana durante el syeklo V.

Los primeros ombres ke afinkaron en el territorio ke oy es Almania hueron las tribus jermanikas durante la Edad de Bronse nórdika, i durante la Edad de Hierro. Endenantes el sud de Eskandinavia i el nord de Almania, las tribus komenzaron la su ekspansión al sud, este i oeste en el sieklo I A.K., entrando en kontakto kon las tribus seltas de la Galia, así como Irán, el Baltiko, i las tribus eslavas del Este dela Evropa. Poko se melda sobre la istoria de los puevlos jermánikos, eksepto lo que se sabe a traves de sus butos dentro del Imperio romano i los rejistros de ayazgos arkeolójikos.

Dempues la perdida en la Sigunda Gerra Mondial la Almania hue devidida entre dos difentes payizes, la Almania Oksidentala i la Almania Oryentala. Dempues de la disgregasion de los rejimes komunistas en la Evropa Orientala, el 3 de Oktubre de 1990 la Repuvlika Demokratika de Almania de okupasion Sovyetika hue inglobada entre la Repuvlika Federala de Almania okupada desde la fin de la Gerra por los Estados Unidos de Amerika, Fransia i el Reyno Unido. Endagora la Almania es kostituida en 16 Länder o estados.

La mayorita altitud es el Piko de Zugpitze montanya ke se topa entre la serralada de Los Alpes de Almania i Ostria, i la minora altitud es una depresion en Basha Sajonia.

El klima es variado, al nord es klima atlantiko kon huertes ventarrones yelidos de las mares i grandes inyevadas; el inverno es moderado al sud, la temperatura es basha kon inyeve en el inverno ma el verano es kaldo.

Meklenburgo-Pomerania Oksidentala
File:Hoellentalangerhuette Richtung Zugspitze.jpg|ZugspitzeBavaria
File:MG 1691 Usedom Gnitz.jpg|GnitzMeklenburgo-Pomerania Oksidentala
File:Tegernsee.JPG|TegerseeBavaria
File:Simonswälder Tal 150707.JPG|Shara PretaBaden-Württemberg
File:Mittelrhein Burg Katz.jpg|Vaye del RhinHassen
File:Unteres Remstal - Landschaftsnaturschutzgebiet.jpg|RenstalBaden-Württemberg
File:Am Bokelfenn02.jpg|BokelfennRenania del Nord-Westfalia
File:Landschaft bei Goldberg(Meckl).JPG|GoldbergMeklenburgo-Pomerania Oksidentala
File:Dresdner Heide-Mittelweg 2016-025.5.jpg|DresdenSajonia
File:Hintersee.jpg|HinterseeBavaria
File:Hirschenstein.JPG|Vaye del RhinBavaria

 

Almania es uno de los paizes mas dezvelopados del olam, la su ekonomia depende dela sensia i la teknolojia, lo ke deriva en la industria, la investigasion, el komersio, el disenyo industrial i el arte. La moneda de Almania es el euro, ma antikamente era el marko alman.

El eks-Ministro Federalo de Relasiones Internasiyonalos, Joschka Fischer, Almania es «kampeon mundialo de las eksportasiones», dado el movimiento favorable en el comersio eksterior del paiz, ansina desde 2004, ke dio a los almanes un superávit eksportador.

En Almania se topa el Banko Sentral Evropeo, ke tiene la su sede en la sivdad de Frankfurt.

La industria otomotriz es la prinsipala fuente de lavoro i disenyo, Almania es una de las nasiones ke mas autos favrika, munchas signaturas estan afinkadas en este paiz, tales komo BMW, Mercedes Benz, Wolksvagen, Seat.

La agrikultura es otro sektor produktivo de Almania, la agroindustria es bien dezvelopada en todo el paiz.

Almania es el paiz mas povlado de Evropa, konta kon 82,175,700 avitantes.

Almania es el segundo paiz del mundo kon mayor imigrasion prosedente de komunidades ekstranieras, deskues de los Estados Unidos. La mayora komunidad ekstraniera proviene dela Turkia, siendo Almania el principalo destino de los imigrantes turkanos.

Las kinse prinsipalas sivdades almanas por nifus (2010) zon las sigientes:




#Article 94: Arjentina (796 words)


La Arjentina (ארגנטינה), ofizialmente en su idioma republica argentina o Nazion Arjentina para algunos aspektos legales, es un payis del Amerika del Sur, en el Kono Sur i es el sigundo payis mas espandido de Amerika del Sud i el ochen mas espandido del planeta. Sus frontieras son al norte kon Bolivia i Paraguay; al noreste kon Brasil; al este kon Uruguay i el Oseano Atlantiko, al sud i al weste con Chile y al sud con el Oseano Antartiko. La su sivdad kapital es Buenos Ayres. En Arjentina se enkuentra la mas grande komunita djudia de Amerika Latina. En la Arjentina ay una puevlasion de entre 200.000 y 400.000 djudios, konsentrados en la sivdad de Buenos Ayres i en la provensia de Entre Rios. Tanviyen ay komunitas mas chikas en las sivdades de Rosario, Kordova y Tukuman. La komunita djudia arjentina es de alderredor del 1% de la puevlasion nasional. Arjentina es uno de los primeros payizes con la majorita komunita djudia fuera de Israel     .

El nombre ofisial del paiz es «Repuvlika Arjentina». El biervo «Arjentina» proviene de la lingua latina argentum (plata) i es asosiado a la leyenda de la Sierra de la Plata, komún entre los primeros eksploradores evropeos de la rejión, tanto espanyoles komo portugezos. Hueron estos kienes denominaron Rio da Prata (‘Río de la Plata’) al grande estuario deskobierto por la ekspedisión portugeza de 1502 en la ke partisipava Américo Vespucio, y al ke endemas yegó Juan Díaz de Solís en 1516, yamándole la Mar Dulse.

Los primeros moradores del aktual territorio arjentino se remontan al 12º o al 13er milenio AP, de akordo a los ayazgos de Los Toldos i Piedra Museo, en el vilayet de Santa Cruz. Entre los puevlos originarios, los kazadores i rekolektores avitaron la Patagonia, la Pampa i el Chaco; mientres ke los agrikultores instalaronse en el noroeste, kuyo, las Sierras de Córdoba i, más tadre, en la Mesopotamia arjentina. Tastil, en el noroeste, fue la sivdad prekolombina mas grande topada en el aktual territorio arjentino, kon un nifus de 2000 avitantes.

Los primeros rastros de la vida umana en el territorio ke luego seria Arjentina korresponden a puevlos de un nivel kultural paleolítiko, interkalandose aze unos 3000 anyos los primeros aportes kulturales mesolitikos i neolitikos. Azta la epoka de la konkista i kolonizasión evropea, el aktualo territorio arjentino estuvo okupado por varios puevlos orijinarios kon diferentes organizasiones sosiales, ke se pueden apartajar en tres grupos prinsipalos.

En los sieklos XIV i XV, el Imperio inka konquistó parte de las aktualos vilayetes de Jujuy, Salta, Catamarca, el ekstremo oeste del vilayet de Tucumán, parte oeste de los vilayetes de La Rioja i San Juan, el noroeste del vilayet de Mendoza y, provablemente, el norte de Santiago del Estero, unidos sus territorios al Collasuyo, ke era la parte sud del Tahuantinsuyo o rejiones de tal imperio amerikano.

La Arjentina topa en Amerika del Sud, en el Kono Sur i es el sigundo payis mas espandido de Amerika del Sud i el ochen mas espandido del planeta. Sus frontieras son al norte kon Bolivia i Paraguay; al noreste kon Brasil; al este kon Uruguay i el Oseano Atlantiko, al sud i al weste con Chile y al sud con el Oseano Antartiko. La su sivdad kapital es Buenos Ayres.

El klima es diverso, en alkunos lugares la temperatura es alta i kalorosa, en otros lugares la temperatura es basha kon inyeve enel inverno ostral. El klima ke kubre el rio dela Plata es umido, al nord es un klima es kálido en la rejion de sharas i en el noroeste es frio y kaluroso.

La Repuvlika dela Arjentina es una repuvlika representativa, el su major shefe de estado es el prezidente de la repuvlika, kien representa el poder exekutivo de la nasion, ma tambien konta kon la otoridad ledjislativa.

La Arjentina es apartajada en 23 vilayetes i una sivdad otonoma yamada Buenos Ayres.

Los primeros avitantes del paiz hueron los puevlos indijenas, munchos de eyos aínda moran en la tierra de sus antepasados komo los mapuches, los diaguitas, los guaranties y los mbya.

La sosiedad arjentina se konsidera en si misma, komo un miztura de munchas kulturas venidas de otras partes del olam, los evropeos zon una de las mayoras komunidadades afinkadas en todo el paiz, endemas ay otras migrasiones istorikas venidas de Asia i de otros paizes de Amerika Latina ke tambien se afinkaron en la Arjentina.

Arjentina es un paiz ande los manifiestos kulturalos zon emportantes. Uno de los aportes kulturales mas konyesidos es el tango, una danza i muzika de la rejion de el Rio dela Plata kompartida kon el Uruguay, forma parte del folklore portenyo i es afamado en el mundo por el akordeon.

El espor mas djogado enla Arjentina es el futbol.




#Article 95: Ostralya (438 words)


Ostralya, ofisialmente Mankomunidad de Ostralya (en inglez Commonwealth of Australia) es un payiz ke okupa toda la parte kontinentala de Oseania, el kontinente ma çiko del mundo, por demaziya de varias isolas en los oseyanos Pasifiko, Indiko i Antartiko. Ostralya es el seiseno payiz ma grande del mundo i el ma grande de Oseania.

El nombre de Ostralya tyene una doble etimolojiya. Por un lado deriva del latin Australis, del sud: konsejas de una “tierra deskonyesida del sud” (terra australis inkognita), ke datan de los tyempos romanos, eran frekuentes en la jeografiya medievala, ma insiertas. Por otra parte, Pedro Fernández de Quirós deskubryo el arkipielago de las Muevas Hebridas (aktual Vanuatu) en 1606 i pensando que avia yegado a Australia, la bautizo Austrialia del Espíritu Santo, meşklando los biervos Austral, sur en latin, i Ostriya, la dinastiya a la rason reynante en Espanya. Ansi se orijino el nombre kon el ke en el futuro se konosierono las tierras al sud de la Mueva Guineya.

La istorya de Australia komenzo kon la yegada de umanos a la Australia kontinentala desde el norte aze más de 65 000 anyos,  (i inkluso 68 000, asegún algunos estudios).A pesar de haber sido vista desde el sieklo XVI por marineros portugezos i espanyoles, kienes por razones estratejikas abian mantenido en sekreto el su deshkubrimento, la su istoria eskrita solo komenzo kon los eksploradores neerlandeses ke la avistaron en el sieklo XVII. Eyos, sin embargo, dieron a meldar ke la tierra australa no era morada e apta para la kolonizasión, deshando ansi el kamino abierto para las posteriores ekspedisiones britanikas.

La interpretasión de la istoria australiana es un tema de diskusion ainda en la aktualidad, partikular mente en lo ke se refiere al trato de los aborijinalos australianos por parte de los kolonistas evropeos.

territoryo ostralyano no komparte frontieras terrestres kon ningun payiz, es una grande isola o un kontinente al sud del mundo, komparte frontieras maritimas kon el Oseyano Antartiko al sud, kon el Oseyano Pasifiko al oryente i al oksidente kon el Oseyano Indiko. El payiz es apartajado en ocho estados i tres tyrritorios, la kapitala es la sivdad de Camberra, la orbe mas povlada del payiz es Sidney, unas de las mas provablemente del kontinente a muchiguar.

Indemas, Ostralya topa entre las sus koordinadas 32° i 14° norte i 86° i 118° oeste; jeografikamente se konforma por una grande masa kontinentala de la plaka ostralyana, al sud se topa la Tasmaniya, al zentro es el Altoplano Sentralo una planada sirkada por katenas muntanyosas ansima de 1000 metros de altitud al oryente, tyene otronas posesiyones minores no kontinentalos komo las Isola Cook.




#Article 96: Estambol (934 words)


Estambol o Istanbul (en Turko: İstanbul, en grego: Κωνσταντινούπολις, Kōnstantinoúpolis, en latina: Constantinopolis, istorikamente Bizansio i dempues Konstantinopla) es la mas grande sivdad de la Turkia i la ultima kapital del Emperio Ottomano. La sivdad es unika, pues esta entre Asia i Evropa. Ay una komunidad djudia en Istanbul ke tiene sirka de 20 esnogas; la su mas grande esnoga es la Neve Shalom, (Neve Şalom Sinagoğu Vakfı en turko, בית הכנסת נווה שלום en ebreo), Oasis de paz  o  Vaye de paz, la ke esta en el maale de Galata. Ay otrunas maales kon mayor presensia djudia en Estambol, komo Balat en el lado evropeo, i Kuzguncuk en Üsküdar, el lado asiatiko dela sivdad.
 
Estambol tambien es la kapital komersal de la Turkia, i de fakto la Bolsa de Valores del paiz se topa ayi, endemas dela sede de munchas de las entreprisas mas grandes dela Turkia, komo Koç Holding A.Ş., Türk Hava Yolları (THY), Türk Otomobil Fabrikasi A.Ş (Tofaş), Avea, Turkcell i Arçelik A.Ş.. Estambol endemas es la kapital kulturala de la Turkia, siendo sede de un festival Internasionalo de Filmo i sede de mas de kinze muzeos. Endemas, Estambol fue la kapitala Evropea de la Kultura enel anyo 2010. Las Areas Istorikas de Estambol fueron agregadas a la Lista Mundiala de Erensia dela UNESCO enel anyo 1985.

La sivdad de Estambol a sido yamada de munchas maneras en toda la istoria, dependiendo de la kultura, la lingua i la relijion de los sus governantes en el momento. Bizansio, Konstantinopla, Stamboul i Tsarigrad son alkunos eksemplos ke aun se pueden konsegir en alkunos paizes. Alkunas vezes se a yamado Mueva Roma o Sigunda Roma, deke el imperador romano Konstantino el Grande la aperturo onde estava la antika sivdad grega de Bizansio komo la sigunda i totalmente kristiana kapitala del Imperio Romano, ke asia diferensia kon la sivdad pagana de Roma. Endemas a sido yamada La sivdad de las siete kolinas deke la peninsola ke esta en la parte antika dela sivdad, ande fue aperturada por Konstantino, tambien tiene siete kolinas, komo Roma. Estas kolinas estan en el eskudo de la sivdad, kon siete mezkitas en kada una. Otro nombre kon el ke se a konosido la sivdad es Vasileousa Polis (Reyna de sivdades), deke la sivdad era muncho emportante i puededora en la Edad Media.

Desde ke fue aprobada la Ley Turkana de Servisio Postal enel anyo 1930, el governo turko solisito ofisialmente a los ekstranjeros ke dejaran de yamas a la sivdad kon alkuno de sus nombres no-turkos i uzaran solamente Istanbul, inkluzo en los sus propias linguas. Las kartas o pakotes embiados a Konstantinopla, por egzemplo, no fueron entregados por la Pósta Turka. Una politika paresida fue implementada en otras sivdades turkas ke an tenido nombres en otras linguas, komo Smyrna (Izmir), Angora (Ankara), Trebisonda (Trabzon); esta medida horso la akseptasion mundiala rapida de los nombres modernos turkanos de kada sivdad emportante en el paiz.

Bizansio era el su nombre orijinalo dela mueva sivdad de Estambol. En Bizansio afinkaron primero los kolonos gregos de Megara en el anyo 667 a. C. i yamada en onra del su afamado rey Byzas. El nombre «Bizancio» es una transliterasion del nombre grego orijinalo Βυζάντιον (Bizántion).

Al pazo de los anyos, la sivdad estuvo en manos de los persos, akeyos ke la okuparon i la destruyeron en el sieklo V a. C. fue rekuperada por el su espartano Pausanias en el any 479 a. C., komenzo la rekonstruksion en el 478 a. C. Mas deskues, Esparta tuvo ke pelear el su kontrolo a los atenienses, kienes la tomaran en el anyo 409 a. C., pero fueron ekspulsados en el 405 a. C., ansina en el 390 a. C. volvio a manos dela jente de Atina.

En el anyo 191 a. C. la sivdad paso a ser aliada de Roma, ke la reconosio komo ciudad libre, anke posteriormente pasó a ser posesión direkta de la Repúvlika (100 a. C.).

En el anyo 194, Bizancio se vide envuelta en una disputa entre el emperador romano Septimio Severo i Pescennius Niger, tomando partido por este último. Debido a esto Severo rodeo la sivdad, ande resistían los partidarios de Niger. El enfrentamiento duró tres anyos, lo ke irrito a Severo ke, kuando finalmente la sivdad se rindió, Severo la saqueó y destruyó sus murayas. Dempues se propuso rekonstruirla i levantar otra sivdad el doble de grande.

Estambol es una sivdad ke topa entre dos kontinentes, Balat es la su parte evropea, Kuzguncuk i Üsküdar es la su parte asiatika. Estambol es kapitala del vilayet turkano de Masmara, el kualo es partajado por un estrecho entre la Mar Preta i la Mar Bosfor, en la mar Mediterranea.

Orografikamente, en Estambol ay siete kolinas.

Estambol es la kapitala ekonomika i komersial de Turkia, es una de las sivdades ke mas amuchigua ekonomikamente en el mundo. En esta sivdad se enkuentra la Bolsa de valores.

La sivdad de Estambol konta kon numberosos atraktivos turistikos:

Estambol alberga un grande numero de universidades. La mayorita zon publikas, ma enlos anyos aktualos muchiguo el numero de universidades privadas.

Estambol es la sivdad mas grande i más oksidentala de Tukía. Shukur a la su situasion entre dos kontinentes, la kultura dela kapitala ekonomika turkana es muncho puededora. Esto motivo la dezision por parte del Parlamento Evropeo ke la Kapitala Evropea dela Kultura en 2010 huera Estambul, enjunto a Pécs (Madjaristan) i Essen (Almania). En el anyo 2004, la sivdad fue sede del Festival dela Kansion de Eurovision 2004, enel ke ganyo Ukraina kon 280 puntos.

La sivdad de Estambol es ermanada kon las sigientes sivdades:




#Article 97: Turkiya (131 words)


La Repuvlika de Turkiya es un payiz entre el Asya i la Evropa. Su sivdad kapitala es Ankara i la su mas grande sivdad es İstanbul. La lingua ofisyala de la Turkiya es el turko, endemas, la su relijion prinsipala es el Islam.

La komunita djudia egziste en la Turkiya desde aze ma de 2400 anyos, principalmente en Izmir. Al prinsipio eran djudios grégos, romaniotas. Deskues de la ekspulsiyon de los djudios por los Reyes Katolikos, los sefardim se asentaron en munçaz sivdades de la Turkiya, por konvidasiyon del sultan Beyazid II. Los cudios engrandesieron i amijoraron la ekonomiya del payiz en tyempo, sovre todo en los negosios. La relasiyon entre djudios i turkanos a sido siempre buena, komo prueva la frase: Turko no ahárva a cidyó, i si le aharvó? 




#Article 98: Galileo Galilei (190 words)


Galileo Galilei (Pisa, 15 de Fevrero de 1564 - Arsetri, 8 de Jenero de 1642), fue un astronomo, filosofo, matematiko i fisiko italiano ke fue esensial para la revolusion sientifika. Emportante ombre del Renasimiento, amostro entereso por kaji todas las sensias i artes (muzika, literatura, pintura). Sus reushitas inkluyen amijorar el teleskopio, muncha variedad de observasiones astronomikas, la primera ley del movimiento, i un apoyo esensial para el kopernikanismo. Asigun Stephen Hawking, Galileo probablemente es la persona ke mas a ayudado a la kreasion de la sensias naturales modernas. Es konsiderado komo el padre de la astronomiya moderna, el padre de la fisika moderna i el padre de la sensia.

Galileo nasio en Pisa, Italia, el 15 de fevrero de 1564. Era el ijo mayor de siete ermanos i el su padre Vicenzo Galilei, nasido en Florensia en 1520, era matematiko i muziko, i dezeyaba ke el su ijo estudiara medisina. La su famiya biviya del komersio. Asta la edad de dyez anyos fue edukado por los sus padres. Eyos se fueron a Florensia, deshando a un vezino relijioso kudiando a Galileo. Grazias a el, Galileo resivio una edukasion relijioza.




#Article 99: Esperanto (547 words)


Esperanto es una lingua auksliar internasional i idioma planifikada, gramatikalmente idioma aglutinante, kreada 1887 del mediko polonés L. L. Zamenhof. Esperanto tyene aproksimativamente 88.000 palavras. Es la mas avlada lingua artifisial.

Esperanto tyene 29.000 raisos; los raisos pueden devenir palavras kun un sistemo de sufiksos. 

La kondjugasion del vyerbo esti (“ser”):

No se troka el vyerbo kon el pronombre, numero etc. El indikativo pasado vale por todas formas del pasado sin el pasado antisipato.

La deklinasion es mas kompleksa: el Esperanto tyene una deklinasion alterada en el kuarto kazo (akuzativo, kazo del objekto).

El akuzativo amóstra el obdjeto de la frase, p.e.

Mi volas lerni Esperanton. (Yo kero ambezár Esperanto.)
Ŝi havas du ĝardenojn. (Eya tyene dos guertas.)

O eksprime un movimiento verso un lugar, p. e.

Ĉu vi vojaĝas Israelon? (¿Viajas por Yisrael?)
Mi iras la gepatrojn. (Yo vado de los djenitores.)

No egzista un djendro gramatikal en Esperanto. Lo djendro natural, si es un derivado, tyene el sufikso -ino:

knabo = muchacho – knabino = muchacha o 
patro = padre – patrino = madre

Esto sistemo por formar el djendro feminil es muy kritikado komo seksismo linguistiko.

Los ajektivos se implikan asemejante al la deklinasion de los substantivos. Kon todos las raisos se krean ajektivos adjustando el sufikso –a.

El ajektivo no respekta el djenero i está antes el substantivo.

Ili estas liberalaj judoj. (Eyos son djudios liberalos.)
Mi iras malnovan sinagogon. (Yo vado en el kehilá viejo.)

Adverbios se forman adjustando simplemente al las raisos de los adjektivos i substantivos la –e, p. e.:

nova (muevo) – nove (muevamente) o 
Esperanto – esperante (en Esperanto)

Los pronombres personales (nominativo):

Los otros pronombres derivan de estos, adjustando –a (posesivos) o –n (refleshivos). Pues egzista solamente el articulo la por todos djendros i kazos, ma no ay des artikulos indefinidos.

El vokabulario konsista de los sigenten idiomas o famiyas de idiomas:

Es posivle formar konstruksiones de palavras kómo jarcento (alemán Jahr = anyo, latino centum = zien) por syeklo.

Una otra kritika al Esperanto es ke el vokabulario parese unilateral. Una lingua auksiliara internazional no puede konsistar el 65% de una sola famiya linguistika.

El alefbet de Esperanto konta 22 letras ladinas i 6 letras alteradas kon grafyas diakritikas.

Egzistan dos otras posibilidades de eskrivir, uzando p. e. en kambio de ĉ cx o ch, de ĝ gx o gh etc.

Esperanto viene uzado a muchos konferensyas internasionalas por simplifikar la komunikasion entre avlantes de idiomas diversos. Egzistan estasiones de radio, trazmetendo en Esperanto (Pola Radio, Ĉina Internacia Radio, Radio Verte). Mesajes del Vatikano vengan tambyen meldados en Esperanto. Esperanto tyene su propria literatura, muzika i filmos. Pues egziste un grande nombro de traduksyones.

La prinsipala idea de Zamenhof era, krear una lengua internasional ke no influa la propria lengua, kómo lo faza a muestros tiempos el ingléz i en pasado el franséz, e krear una lingua neutrala sin influensas politikas o relijiozas.

Egzaktos numeros de los avlantes no estan dispozivles. Algunos kalkulos amostran 8.000 personas ke avlan Esperanto kómo madrelengua i siete miyiones ke avlan al menos un livelo basiko de Esperanto.

Si tambyen los kalkulos sean yerrados, se save ke Esperanto es la mas distribuida lingua artifisial i auksiliar. Otras linguas auksiliares (Ido, Interlingue...) pueden ser mas simples, ma no tyenen apoyo de institusiones.




#Article 100: Amerika (511 words)


América (o Amerika) es un kontinente o rejion ke se enkuentra en la parte oeste del planeta. Alkunas kulturas la konsideran komo un kontinente otras komo duas: Norteamerika i Sudamerika. Sus frontieras zon el Oseano Glasialo Artiko al nord, el Oseano Glacialo Antartiko al sud, el Oseano Atlantiko al este i el Oseano Pasifiko al oeste. Kon una ekstension de 42.262.142 milyones de km², es la segunda masa de la tierra mas grande del planeta.

Por ende, las sus kualidades jeografikas, Amerika es separada en Amerika del Norte i Amerika del Sur, malgrado munchos jeografos tambien konsideran a Amerika Sentral komo un subkontinente. Asegun las kualidades kulturales se puede separar en Amerika Anglosashona, el Karibe no latino i Amerika Latina. Se uza tambien la ekspresion las Amerikas para referirse a todas las subrejiones del kontinente kuando se trata de autonomia rejionala.

Homo sapiens empesharon a formar los primeros poblados serka de la anyada 6000 antes de la anyada 1 ebrea (10000 ANE.) De akordo kon la mayoridad de los restos arkeolojikos, el konsenso sentifiko es ke dishos humanos vinyeron del nordeste de Asia. Tras los milenios novas kulturas poblaron las rejiones mas i mas surenyos asta ke kasi no egsistia ninguma eskina de Amerika sin presensia humana. Muchas de estas kulturas se transformaron en sivilizasiones, etre eyos Los Mayas, Los Inkas, i Los Aztekas.

Egsisten varios sujerensias arkeolojikas ke europeos avian visitado el noreste de Amerika cerca de la anyada 4800 (1000 NE.) Las egspedisiones vinyeron de las kulturas skandanava i vaska (de iberia.) Inkluso egsite la posibilidad ke formaron colonyas serka de la kosta. Si egsitieron, frekasaron despois de poco tempo.

El 12 de oktubre 1492 NE (12 Tishrei, 5253) Kristobal Kolon un italiano navegando de eropa basho un enkargo de los Reyes de Espanya, Isabel de Kastiya i Fernando de Aragon, yego a una isla en el mar karibe. La poblacion indijina amerikana la konosian kon Guanahani sin embargo Kolon la puso el nombre San Salvador.

Dòśpùes de esta data diversas kulturas eropeas tomaron mas i mas influes en Amerika. Prinsipales etre eyas: los espanyoles; los potugeses; los olandese; i los britanicos del reino unido de inglatera, skosia, e irlanda. Sientos de miles de miles de amerikanos murieron debido a la presensia de los eropeos; muchos matados en geras o para vasiar terra ma la mayoridad porke sus sistemas imunas no konosian a los maldades ke yevaron los eropeos. A veses, los eropeos, aprediendo de esto, introdusieron enfermedades a varios poblos indijinos.

Por varios siglos dishos poderes eyersieron esklavitud. Rartaron sientos de milyones de personas de Afrika algumas de Asia (prinsipalmente de las islas filipinas), y otras de las poblasiones indijinas, para aserse esklavos. Estas practikas siguieron asta los siglos XIIX o XIX en un lugar o el otro. Tambyen tras los siglos personas an desidido emigrar a Amerika de todita rejion del mundo. Las kulturas de Asia, prinsipalmente la China la Japon la Vietnam i la de India, espesifikamente en la kosta oksidental, asi komo las diversas kulturas de Afrika an kontrbyuido mucho a las kulturas de Amerika. 




#Article 101: Asya (415 words)


Asya es el kontinente mas espandido i povlado della Tiyerra. Kon serka de 44 milyones de km2, supoza el 8.7% del total della superfisiya terrestre i el 29.45% de las tyerras emerjidas i, kon 4,140,000,000 de moradores, el 61% della povlasyon mundiyal. Se ekstende sovre la mitad oryentala del emisfero norte, desde el oseano Artiko, al norte, dista el oseano Indiko, al sud. Limita, al oksidente, kon las montanyas Urales, i al este, kon el oseano Pasifiko.

En la divisyon konvensiyonal de kontinentes, d'orijen evropeo, aparesen Asya i la Evropa komo dos entidades diferentes por razones kalturalas i yistorikas. En terminos jeografikos, forman en realidad un regalado kontinente, yamado Evrasia. Indemas, Afrika esta unida a Evrasia por el istmo de Suez por lo ke tambiyen se puede konsiderar toda la ekstensiyon kondjunta d'Evropa, Asya, i Afrika komo un regalado superkontinente, okaziyonalmente denominado Evrafrasya, o Afro-evrasya.

El konsepto evropeo de tres kontinentes en el aedado mundo se resuve a l'antikita klasika, pero durante l'Edad Medya fue espesiyalmente defendido devido a los estudios del erudito del siyeklo VII Isidoro de Sevilla. La delimitasyon entre Asya i Afrika (en el sudoksidente) forma el istmo Suez i la mar Kurlado. Los limitos entre Asya i Evropa, konvensiyonalmente, konsidera ke diskurren entre los Dardanelos, la mar de Marmara, el Bosforom, la mar Preto, el Kaukaso, la mar Kaspiyo, el rio Ural, i las montanyas Urales dista la mar de Kara.

En el Leşano Oriyente d'Asya, Siberiya esta separada de Norteamerika por el estreço de Bering. Asya esta entornada por el sud por el oseano Indiko (espesifikamente, de oksidental a oriyental, el golfo d'Aden, la mar Araba i la bahia de Bengala), al oriyente por los aguas del oseano Pasifiko (inkluyendo, en kontra las manesiyas del reloj, la mar de Kina Oriyentala, la mar Amariyo, la mar del Japon, la mar d'Ojotsk, i la mar de Bering) i por el norte por el oseano Artiko. Ostralya (u Oseaniya) kede en el sudoriyente, el limito jeologiko i ekologiko entre Asya i Oseaniya en sektor ke separa a l'Austronesya della Ostralya es la Linea de Wallace malgrado yistorika i kalturalmente el limito kon Oseaniya esta dado mas frekuentemente por la Linya de Weber (atras ser una kolonia neerlandeza, a mediyados del resiyen pasado s XX el Estado de nukleo asyatiko yamado Indonesya eredo territoriyos d'Oseaniya komo las adas Aru i el oksidente della ada de Mueva Guinea por lo ke aktualmente los neofitos suelen konfonderse kon los limitos del Sudoryente Asyatiko i l'Oseaniya.




#Article 102: Afrika (1631 words)


Afrika es el tréser kontinente en ekstensiyon. Limita al nord kon la Mar Mediterraneo, al oksidente con el Oseano Atlantiko i al oryente kon la Mar Kolorada, el Oseano Indiko i Asia al este a traverso del kanal de Suez. Anke tiene una superfisie total de 30.272.922 km2, la kuala representa el 22% del total de la tierra, la povlasion es de tan solu 910.844.133 abitantes, menos del 16%. El kontinente se organisa en 53 paizes, siendo todos eyos myembros de la Union Afrikana, kon eksepsiyon de Marroko.

 
Se kree ke el sud o el oryente de Afrika es el sitio de orijen de la Umanidad i de allí proseden las espesies de omínidos i antropoides ke dieron lugar a los seres umanos i ke se an ido ekspandiendo por el resto de kontinentes, inkluyido el Homo sapiens sapiens ase kaji 190.000 anyos.

Asta los primeros syéklos de la era kristyána la istorya del Afrika del Nord se mistura kon la de la Mar Mediterraneo. Entre tanto, las rejiones del Afrika Subsahariana biven dezvelopamientos diferentes entre eyos.

Asigun el istoryador grego Eródoto (484 a.E.K.), una ekspedisyon fenisia auspisiada por el faraon Nekao (616 a.E.K.) navego por tódu el kontinente afrikano por prima ves.

Los orijenes del trafiko komersial entre el oksidente i el sentro de Afrika i la kosta de la Mar Mediterraneo se pierden en la pre-istorya. Los primos relatos kuentan de los nomadas ke organisaban el komersio entre Leptis Magna i el Chad. Este komersio iva bivir el su primer auge en el syéklo I a.E.K. kon el kresimiento del Imperio Romano. Sobre todu se merkaba kon oro, esklavos, marfil i animales eksótikos para los djuegos de sirko en Roma en tróko kon bienes de lukso de Roma. De fákto es en esta époka en la ke nase el própio nombre de Afrika. Dempues de la derrota de Kartago por Roma en la Treséra Gerra Púnika se va establese la provensiya romana de Afrika ke iva abarkar kaji la Tunesia de oy endia. Al kreser la provensiya fue lo ke dio nombre a tódu el kontinente. Una emportansia tuvo tambien el mayor uzo del gameo a partir del syéklo I en el nord de Afrika.

A partir del syéklo VII los arabos ivan invadir Afrika del Nord. El komersio de karavanas I la ekspansiyon islamika alimentan el establesimyénto de muevas relasiones entre las dos Afrikas.

El Imperio Kanem-Bornu iva egzistir en Afrika entre el syéklo XIII i los anyos 1840. En el su momento de mayor esplendor iva abarkar el area de lo ke oy endia es el sud de Libia, Chad, nordeste de Nijeria, oryente de Nijer y nord de Kamerun.

El Reyno del Kongo fue un estado ubikado en lo ke oy endia es el nord de Angola, Cabinda, la Repuvlika del Kongo y la parte oksidental de la Repuvlika Demokratika del Kongo. La su esfera de influencia iva yegar endemas a los estados serkanos.

La total repartisiyon de Afrika por las potensias evropeas, inisiada a partir del syéklo XVII tuvo lugar, en 1885, kon la Konferensia de Berlin I el empiese de la Priméra Gerra Mundial, en la kuala los imperios koloniales se ivan ekstender má pishín en Afrika ke en kualos kiera otro lugar del mundo, si bien dos payises, Liberia i Etiopia, ivan konsigir mantener la su independensia. Es un egzemplo del Muevo Imperialismo jenerado por la nesesidad de los payises evropeos de obtener materias primas para el pishín kresimiento de la su produksiyón endustrail dempués de la Revolusiyon Endustriala, empesada en Inglaterra a fines del syéklo XVIII.

Al final de la Sigunda Gerra Mondiala los aliados no ivan konsigir ponerse de akódro sobro del futuro de la antika kolonia italiana de Libia. En este momento es un territorio má de sinko vezes mayor ke la própia Italia. Afilu la su povlasyon no sobrepasa el milyón de abitantes, por lo ke iva representaba un destino apropiado para la poblasión desplasada de Italia por la gerra, ke empeso a prokurar lugares a los kualos emigrar. Las diferensias entre el Oksidente y la Union Sovyetika (URSS) asen ke finalmente la Organisasiyon de las Nasiones Unidas (ONU) iva desidir dar la independensya al payis deshándolo en manos del rey Idris.

Ansina Libia se iva trokar en la prima kolonia afrikana en konsigir la su independensia, en 1951, a la ke iva sigir la de Ghana en 1957. Más adelántre las potensias evropeas ivan lamentar este fákto, pues iva kontribuyir a aktivar las diferentes lutas por la independensia afrikana. Endemás, ivan perder para eyos la ultima oportunidad de konstruyir un estado evropeo en el la kosta sud de la Mar Mediterraneo

Afrika es kaji toda una enorme i antika plataforma kontinental masisa i kompakta, elevada entre 600 i 800 msnm, krusada por grandes rios (afilu pokos) i kaji sin aksidentes jeografikos. 

Tres bandas klimatikas sigidas se van repetir al nord I al sud del Ekvador, kon klimas mediterraneo, desértiko, subtropikal i tropikal luvioso, este ultimo, tanto de sabana komo de selva. Afrika es el kontinente kon el ma alto índize de oras de sol al anyo, el kualo puede ser el orijin del su nombre (Afrika, del latín ‘sin frío’).

El suelo es riko en minerales i kon munchas yanuras ande no se ankontra la moska tsetsé. Las prinsipales rejiones sembradas se ankontran en las tierras altas oryentalas i en la rejion de los Grandes Lagos, alkunos deltas i beiras de rios i afilu en el Sahel.

Afrika esta konformada por 53 payises independientes, 17 dependensias i 6 territorios no rekonosidos.

La mayor parte de los payises afrikanos mantienen relasiones komersiales i ekonomikas kon las sus antikas potensias kolonialas de la Union Evropea (UE).

Egziste una organisasion paresida a la Union Evropea, yamada Union Afrikana, de la ke forman parte todos los payises del kontinente eksepto Marroko, inkluyida la Repuvlika Araba Saharaui Demokratika. La mayor parte de los payises afrikanos están subdezvelopados o en vias de dezvelopamiento.

Las estimasiones sobre la poblasion no son presisas déke lo antiko munchos sensos nasionalos, se kree ke biven en Afrika no menos de 800 milyones de personas.

En Afrika la mayor parte de la povlasion es del tipo preto o rasa preta, serka de un 80% del total de la povlasion, kon eksepsion de la kosta de la mediterránea donde la mayoria son del tipo umanos arabo-bereberes i kavkazoides-mediterráneos. Entre el Trópiko de Kaprikornio i el Trópiko de Kánser la povlasion es kaji en la su totalidad preta, ke esta dividida en katro grupos prinsipalos, los ke son: Sudanez (Sahel i payises del Golfo de Ginea), Nilótiko (Nilo, desde Sudan asta los Grandes Lagos), Kushitiko (Meseta Etiope i Kuerno de Afrika) i Bantu, ke okupa toda el area desde las sharás ekvatorialas asia el Sud del kontinente, relasionado kon dos grupos muy chikos; los Twa i otros grupos mal yamados pigmeos, abitantes de los boskes i los Kung-San mal yamados boskimanos de las rejiones áridas del ekstremo sud del kontinente.

Migrantes de orijin franses se ankontran en el Magreb i pokos en las grandes sivdades de Afrika Oksidentala, los de orijin espanyol en Marroko i el Sáhara Oksidental, mientras ke en Angola i alkunas sivdades kosteras de Afrika Oksidentala, egziste un numero menoritariyo de grupos misturados de orijien Afrikano-portugezo i libanesos. Enel sud de Afrika, ivan yegar kolonos Neerlandezes los kualos, misturados kon almanes y Ugonotes franseses konforman los bóers, los kualos tienen mas de 400 anyos en el kontinente, el kualo konsideran tan próprio komo los afrikanos pretos. En Sud-Afrika i en Namibia los blankos konforman menoriyas emportantes, de un 14% en Sud-Afrika i un 6% en Namibia. En Zimbabue los kolonos inglezos tambien konformaban una menoriya emportante fina los diyas de Rhodesia del Sud, anke dempues ivan emigrar a Sud-Afrika, Ostralya, Reyno Unido, Mueva Zelanda i Kanada, i sólu keda un 3% de blankos evropeos en el payis.

En Afrika las karakterístikas de la povlasion i la su esperansa de vida va trokar asigún las kondisiones. En Afrika del Nord i enel Sahara, la mayor parte de los sus abitantes son adultos i superan a la povlasion de mansevos, anke no egziste un envejesimyento progresivo. Enel Afrika subsahariana la mayor parte de los sus abitantes son mansevos, anke en los anyos má resientes la povlasion adulta esta kresiendo. Esto se da prinsipalmente en payises komo Etiopia i Somalia, anke en Sud-Afrika tambien egziste un kresimyénto de povlasion adulta afilu tambien de la povlasion de mansevos, i la egzistensia del SIDA en munsha de la povlasion las va redusir. Endemas, regularmente el kontinente pasa por krisis de alimentos.

Muncha jente en el kontinente sige relijiones trasidionales afrikanas, konosidas komo animistas. Estas kreensias se dan basho relijiones universalis komo el Islam o el kristianismo, a los ke misturan kon las sus kreensias tradisionales.

El Islam domina en el Nord i tiene presensia emportante en el Sahara, el Sahel, Afrika Oksidentala i Afrika Oryentala. El kristianizmo monofisita, anke mas antiko ke el Islam, sólu egziste en Etiopia, Eritrea i en menoriyas kóptikas en Ayifto. Dempues del arribo de los kolonos de Evropa, ivan surjir el katolisismo i protestantismo.

Afilu tanto el Islam komo el kristianizmo se ankontran en el kontinente kon sinkretismos komo el Kimbangizmo o la Kilisia Kristiana Selestiala, las kualas kresen shukur a los konseptos de las relijiones tradisionales afrikanas; estas tambien tienen una presensia destakada en Amerika, espesialmente el Vudu en Ayti, la relijion Yoruba i las relijiones del antiko Reyno del Kongo en el Karibe i en Brasil prinsipalmente.

Egzisten endemas minoriyas induistas, sobre todu en Sud-Afrika i en sivdades de la payises ke tienen beiras enel Oseano Indiko, komo Mombasa, Dar es Salaam, Malindi, Nairobi, Durban, Pietermaritzburg, Maputo, Toamasina, Antsirabé, Dodoma i espesialmente en la isola de Maurisio i en la wilaya de ultramar fransesa de Reunion.




#Article 103: Tierra (673 words)


La Tyerra o Tierra es el treser planeta del Sistema Solar, asigun su distansya kon el Sol. Es el uniko planeta konosido en el ke egzista i se kree vida. La Tyerra se formo en mizmo tyempo ke el Sol i el resto del Sistema Solar, ase 4.570 milyones de anyos.

El 71% de la superfisye de la Tyerra esta kuvijada d'agua. Es el uniko planeta del Sistema Solar onde el agua puede kedar syempre en estado likido. El agua es esensyal para la vida.

L'atmosfera es una meskla de nitrogeno (78%), oksigeno (21%), i otros gazes (1%) ke entorna la Tyerra. Alto sovre el planeta, l'atmosfera se va azyendo mas flaka asa ke gradualmente alkansa el espasyo. Se divide en sinko kapas. La mayor parte los estados del tyempo i nuves s'enkuentran en la prima kapa.

L'atmosfera es parte importante de lo ke aze posible ke la Tyerra sea morable. Blokea i kita ke algunos de los rayos perikolozos del Sol ayeguen a Tyerra. Aferra el kalor, azyendo ke la Tyerra tenga una temperatura agradable. I el oksigeno adyentro de muestro atmosfera es esensyal para vida.
Durante el ultimo syekolo, los gazes d'efecto envernadero i otros kontaminantes lansados azya l'atmosfera, aven estado kavzando grandes kambyos komo kalentamente del planeta, burakos d'ozono, i luvia d'asid. 

La Tyerra tyene un kampo magnetiko kon polos norte i sud. El kampo magnetiko della Tyerra alkansa asta 36,000 miyas (kaje 58,000 km) en el aspasyo. 

El kampo Magnetiko della Tyerra esta entornado por una rejyon yamada la magnetosfera. La magnetosfera prevyene ke la mayorya de las partikolas del Sol, ke se meten en movmento kon el ayre solar, chapteyen kontra la Tyerra.

Algunas partikolas del ayre solar pueden penetrar la magnetosfero. Estas partikolas dan orijin a los espektakolos de luses della Aurora.
El sol i otros planetas tyenen magnetosferas, ma la Tyerra tyene la mas fuerte de todos los planetas rokosos. Los polos magnetikos Norte i Sud della Tyerra se investen a intervolos irregulares de syentos de mils d'anyos. 

El uniko satelite natural della Tyerra es la Luna; ke tyene un kuarto del boy della Tyerra (3.474 kilometros de dyametro). A kausa de su menor boy, la gravedad della Luna es un sejeno della gravedad della Tyerra.

La Luna no produze su propya luz, ma la vemos briyar porke refleja la luz del Sol. La fase lunar kambya a prekosyon ke la Luna orbita alderredor della Tyerra, i la luz del Sol va a arrelumbrando partes diferentes de su superfisye.

Muestro planeta, kayente serka del Ekuador i fryo en los polos, es kapachi de mantener una varyedad de kosas bivyentes devido a sus klimas rejyonales. El promedyo d'estas rejyones forma el klima global della Tyerra. El klima se avi enfyado i kalentado por diversas razones a traves della yistorya della Tyerra. Un kalentamento akselerado, komo el ke estamos bivyendo oy, es inusual en la yistorya del planeta. Los syentifikos estan d'akordo kon ke el klima esta kalentando a resultas del inkremento de gazes de envernadero ke aferran el kalor, los ke estan inkrementado dramatikamente en l'atmosfera devido a aktividades umanas. 

El agua puede ser enkontrada en munchos lugares della Tyerra, inkluyendo la superfisye del planeta, debasho de las rokas della superfisye, i en l'atmosfera. El agua viaja por las diferentes areas della Tyerra a traves del syklo del agua. Serka del 70% della superfisye della Tyerra esta kuvijada kon agua, a la mayorya es el oseano. Solo una chika porsyon del agua della Tyerra es dulse, i s'enkuentra en ryos, lagos, i agua subterranea. El agua della Tyerra tambyen es kasa de vida abundante, un importante manadero de alimentos. El agua dulse es nesesaria para bever, para la agrikultura i para lavar. Indemas del agua likida, tambyen ay agua presente en forma de yelo. Sin agua, no egzistiría la vida ke konosemos. 

La vida en la Tyerra egziste en una gran varyedad de formas -plantas, animales, ongos, protistas, bakteryas, i djuntas konforman la byosfera terrestre. La byosfera esta konektada al sistema terrestre a traves de syklos byojeokimikos.




#Article 104: Refranero (527 words)


El reflan djudeo-espanyol es una fraza lapidaria, de forma fiksa, munchas vezes en rima, ke puede deskrivir una situasion o traer una similitud, enunsiar una idea o niegarla, kritikandola i burlandose de eya, para trokarla. El reflan puede ayudar, puede konsolar, puede amonestar, puede meter en guardia i puede azer riyir. El reflan akompanyava a kada paso la vida kotidiana del djudio sefaradi, ke topava en este pozo de saviduria popular mil repuestas prontas para todos los kavzos ke se le pudian prezentar en sus existensia, i vinia ansi ayudado a pasar la vida. La dos prinsipales karakteristikas del reflan djudeo-espanyol son la hohma i el umorizmo ke se topan en eyos, ke karakterizan tambien todo el mundo sefaradi. Esta hohmá i este umorizmo estan tanto atados el uno al otro, ke es difisil de separarlos. Komo de fakto, es verda ke topamos reflanes seriozos i sentensiozos, ma es i verda ke en jeneral muestro reflan es a torno burlon, ironiko, i mizmo sarkastiko, porke uza la arma de la riza para edukar i para servir de resfolgo a ken lo uza.

Estos egzempios vienen derechamente del Don Quijote de Cervantes:

El Dio, el rey i el mazal, la vida i la muerte, el djudio i su vizino, la kaza i la famiya, las paras i la komida, son los temas mas difundidos en el reflan djudeo-espanyol. De eyos se puede dedusir sea la vida kotidiana del djudio sefaradi, i sea sus ideales de buenda, de akseptasion de la Ley del Dio i del mazal, de pasensia, de ospitalidad. Estos reflanes ke deskriven la realidad de la vida de la komunita sefardi, algunos klaramente metaforikos, ma otros presisan eksplikar las sirkonstansias en las kualas vinia dicho:

En los reflanes djudeo-espanyoles, el sefaradi en todas sus komunitas kon su fey en El Dio, en su relijiozidad i respekto por las tradisiones, ma ainda kon mizura, sin ekstremizmo. A esto se adjusta una buena kantidad de autokritika, ke deriva, komo ya dishimos de su hohmá i de su umorizmo. Se ve ke se trata de djente ke ama la paz, se keda kontente kon poko i bive sin amargura, kitando del reflan popular toda una filosofiya ke lo ayuda a bivir. Mos aparese aki una mentalidad tolerante ke dize al proksimo Bive i desha bivir, i una profonda umanidad ke aze todos los ombres mizmos. La majorita de estos reflanes uzan kon abondansia munchos biervos en ivrit, komo por egzempio:

El reflan puede ser muy seriozo, triste i mizmo amargo, ma lo aze para edukar i dar esperansa:

Algunos reflanes estan bazados en algun fakto umorozo i yeno de grasia:

Los Animales tienen una grande emportansia para la vida del sefardi i por esto aparesen en munchos reflanes, espesialmente el azno, i otros komo por egzempio el gameo i el kavayo:

Egzisten reflanes los kualos puede entitolar o koronar un kuento, o endemas puede kontener el mizmo un kuento, komo:

Djohá es un personaje ke aze parte de la kultura de todo el Medio Oryente i los Balkanes. Tambien egzisten reflanes relasionados kon Djohá o alguno de sus kuentos:

Egzisten reflanes bazados en la eksperiensa de los mas aedados:




#Article 105: David Broza (134 words)


David Broza (דויד ברוזה) (Haifa, 1955) kantante sefardí israeli de gran éksito en su país natal.

El su nono, Wellsley Aron fundó el asentamiento árabe-israelí de Neve Shalom  y el movimiento de juventudes Habonim.

Ijo de un ombre de negosios britániko i una kantadera folk se iva kriar entre Inglaterra i Espanya; de ninyo kiso ser artista gráfiko i kon 17 anyos, vendía kuadros en el Rastro de Madrid. Má tras el servisio militar yisraeli, empesó a tokar en kafés y akabó grabando un disko. Tiene tres ijos i reside entre Israel i New Jersey.
  

El su début en Estados Unidos “Away From Home” fue aklamado por el New York Times . A echo una gira por Oriente Medio kon el múziko djordano Hani Naser para promover la paz a traverso de la muzika.




#Article 106: Pedro Abad (176 words)


Pedro Abad es una kazal i belediye del vilayet de Kordoba, Andaluziya, Espanya. En el anyo 2005 kontava kon 2.903 avitantes (2016). La su ekstension superfisiala es de 24 km² i tiene una densidad de 120,5 hab/km². Sus kordenadas jeografikas zon 37º 58' N, 4º 27' O. Se topa a una altitud de 162 metros i a 35 kilometros de la kapital del vilayet, Kordova.

El término de Pedro Abad, formava parte del belediye romano denominado SACILI MARTIALIUM. Esta antiko kazal estava emplazada en el hoy yamado kortijo de Alcurrucén, siendo sitada por Plinio (Naturalis Historia III, 10).

La ekstension del belediye de Pedro Abad tiene de una situasión jeográfika estratéjika. Configurado en el sentro del Vaye del Guadalquivir, i rodeado por el río, ke permitía en la antiguedad kontrolad el tránsito fluvial por las tierras vizinas, de un gran potensial agríkola. Endemas era un punto emportante de trokos comersialos i kulturalos.

Numero de avitantes en los ultimos dyez anyos.

La Jalsa Salana es una reunion anual kon karakter espiritual selebrado por la Ahmadía Muslim Yamaat.




#Article 107: Linguas de Yisrael (180 words)


Las linguas prinsipalas avladas en Yisrael inkluyen el ivrit i el arabo, linguas ofisiales de Yisrael. La Lingua inglesa (anglit) tene estatus komo alingua kaji ofisiala en Yisrael i se avla en el komersio i el turismo, endemas de ser ensinyada en las eskuelas i uzada endemas en las universitas i en los midios de komunikasion sosyal komo el djornal Jerusalem Post.  El ruso es alingua favlada por kaji 20% de la poblasion de Yisrael, resulto de una vaga de imigrasion de la ex-Union Sovietika enverso Yisrael durante los anyos 90. El arabo no es sólo flavlado por los sivdadanos arabes, ma afilu tambien por munshos djudios ke ivan venir de payises arabos komo Marroko, Irak, Surya, Libya, Bahrein, Teman, Arjelia i Tunesia i lo uzan komo priméra o dosen lingua.

Ay tambien komunidades ke avlan djudeo-arabo, djudeo-espanyol (ladino, ke melda aktualmente),
i munchas otras alinguas komo el franses, ahmara, idish i rumano, devido a la diversidad kulturala de Yisrael, una huerte imigrasion durante el syéklo XX, i la presensia de munchas komunidades distintas de relijiosos kristianos, musulmanos i judios.




#Article 108: Baha'i (279 words)


Baha'i, o Baha'izmo es una relijion monotheista ke tene orijen en Persia en el siyekolo 19. Se Baza en las eskrituras de Bahá'u'lláh ke disho resivir mensajes del Dio en la tradision del profeta musulmano Muhammad (Ke la paz seja kon el). Bahá'u'lláh murio en la prizion de Akko en Palestina Ottomana, onde fue prisonero. La komunidad relijiosa, ke tene aldredor de 5 miliones de fideles, tene un complejo impresionante en la sivdad yisraeli de 'Ayifa (Haifa), ke es el sentro mundial de la vida relijiosa de dicha komunidad.

Bahá'u'lláh ensinyó ke egziste un uniko Dio, el kualo va amostrando la su voluntad kon la umanidad poko a poko. Asigun la relijión bahaí, kada una de las grandes relijiones entrodusidas por los Mesajeros de El Dio —komo Moshe Rabenu, Krishna, Buda, Zoroastro, Yesukristo, Mahomet i El Bab— son epokas del dezvelopmayénto relijiozo de la umanidad. Los bahaís kreen ke Bahá'u'lláh es el mas muevo de estos mesajeros ike las sus ensinyansas estan lisionadas kon los diyas de muestra epoka aktuala. Por esto, la relijión bahaí esta inkluida entre las relijiones abrámikas.

Asigún el Anuario de la Ansiklopedia Británika de 1992, el bahaízmo es la sigunda relijión más ekstendida enel mundo entre las relijiones independientes, d'akódro kon el número de payises en los kualos se ankontra: 247 payises i territorios. Los bahaís pertenesen a mas de 2.100 grups étnikos, rasiales i kulturalos, i en total son unos 6 milyones de fiyeles enel mundo. Los prinsipales tekstos sagrados de la relijión estan traduzidos en 802 linguas. La idea sentrala del bahaízmo es ke la umanidad es una unika raza i bushka el diya de la su unifikasión en una sosyeté mondiala.




#Article 109: Mishkita (449 words)


Una Mishkita, Mezkita o Djamí es un lugar de arrogamiento para los sigidores de la fe islamika. Los musulmanes jeneralmente se refieren a las mezkitas por el su nombre en arabo, masŷid (en arabo مسجد, en plural masāŷid, مساجد). La palabra mezkita se usa en djudeoespanyol para referirse a todo tipo de fráguas dedikadas al arrogamiento musulman, pero en arabo egziste una diferensia entre las mezkitas, más chikas, i las mayores, de uzo komunitario o masŷid ŷāmiʿ, مسجد جامع en arabo o mezkita aljama, ke tienen mas servisios sosyales i komunitarios. Las mishkitas tienen el su orijin en la Peninsula Araba, ma endágora egzisten en los sinko kontinentes. A las mishkitas se les konsidera la amijor mostra de la arkitektura islamika.

El buto prinsipal de la mishkita es servir de lugar ande los musulmanos puedan reunirse para meldar. Desde el punto de vista de la su arkitektura, las mishkitas an trokado la su apariensia muncho desde los espasios al ayre libero, komo eran enel su momento las de Quba i Masŷid an-Nabawī en el syéklo VII, má oy endiya la mayoría de las mishkitas tienen kúpolas elaboradas, minarés i kamaretas para arrogar. 

 en Islamabad, Pakistan, desinyada por el arkitekto turkano Vedat Dalokay, fue finansiada enel anyo 1976 kon 130 milyones SAR (120 milyones US$) por el Reyno de Arabia Saudí.
Afilú la implikasiyon de Arabia Saudita en mishkitas de todo el mundo tiene el su empesijo la anyada de los '60, no fue asta má avansado el syéklo XX kuando el govyerno de este paez empiesó a tener una gran enfluensia en las mishkitas de otros payises. Desde empesijos de la anyada de los '80, el govyerno saudí empiesó a finansiar el fraguamyénto de mishkitas en payizes de todo el mundo. Se kalkula ke unos 45 mil milyones de dólares amerikanos uzados para finansiar mishkitas i eskolas islámikas otros payizes salió de las arkas saudis. ʿīnu l-Yaqīn, un djurnal saudí, informaba enelanyo 2002 ke estos fondos pudieron ayudar enel fraguamyénto de unas 1.500 mishkitas i 2.000 sentros islámikos de otro tipo, espesialmente en akeyos payizes en los kualos los musulmanos son menoriya. Alkunos sivdadanos saudis kontribuyen kon mishktias en otros paezes, espesialmente en akeyos ande los musulmanes son proves i tienen pokos diritos sosyales. Dempues del fin de la Union Sovyetika, en 1992, las mishkitas de Afganistan resivyeron grandes kantidás de dinero de sivdadanos saudís. La Mishkita del Rey Fahd, en Culver City, KCalifornia i el Sentro Kultural Islámiko de Italia, en Roma, representan dos de las mayores inversioynes de Arabia Saudita en mishkitas de otros payizes, ya ke el anterior rey saudí Fahd bin Abdul Aziz al-Saud aportó a estas mishkitas 8 i 50 milyones de dólares, respektivamente. 




#Article 110: Manuel Rodriguez de Castro (228 words)


Manuel Rodríguez de Castro (Seviya, 1964) (Menahem Rodrigues de Castro) Ekonomista, bisnesman i politiko espanyol de orijin sefaradi. Izo los sus estudios de Master en Direksion de Entreprisas enel Instituto de Estudios Superiores de la Empresa (IESE) de la Universita de Navarra, ansina komo estudios enel CEMFI del Banko de Espanya en Merkatos Finansieros Internasionales. 

Eshtundya la espezializad in-mobleria en MIT i tambyen e un expert en MA del Instituto de Empresa de Maradrid (Madrid) i de la Facultade de Dirito de la Universidad de Harvard a Boston do aze la espezializad in-mobleria en la Graduate School of Design (GSD) tambyen.

עס איז ינטאַמאַטלי פארבונדן מיט דער פּאָליטיש טעטיקייט פון דער קאַטהאָליק טשורטש דורך אָפּוס דעי, און ייִדיש קאַמיאַנאַסץ פון אייראָפּע און די פאַרייניקטע שטאַטן. עס 'אַ אַקטיוו מיטגליד פון דער קריסטלעך רעכט-פליגל פּאָליטיק און, פון זיין גלות אין פּאַנאַמאַ, דעפענדס זיין פּאָליטיש וואַלועס דורך אַרטיקלען און אויסגאבעס פון אַלע מינים. עס איצט שטיצט דעם קאַמף קעגן אַבאָרשאַן און די ריקאַנסטראַקשאַן פון ספּאַין פון אַ נייַ פּערספּעקטיוו, אַז צונויפגיסן בעקאַבאָלעדיק וואַלועס פון די פאַלאַנגע און די טעכנאָלאָגיע צו דימאַקראַטייז די שטימען און די פֿרייַהייט פון מענטשן

Funge a membro independente a Conseijo do Administracao do diversas empreisas en Mexico i USA i em empreisas relazionadas con la familia sefaradi Saba Raffoul i Saba Masri.
Socio do Moshe Saba i Ricardo B. Salinas Pliego en Unefon e TV Azteca 




#Article 111: Akademia de la Lingua Ebrea (161 words)


La Akademia de la Lingua Ebrea (en ivrit, הַאֲקָדֶמְיָה לַלָּשׁוֹן הַעִבְרִית, Ha'akademia Lalashón Ha'ivrit), es la institusion kriada por una ley de la Knesset del anyo 1953 komo la institusion superior para la lingua ebrea, define estandares i normas para la gramatika, la ortografiya, las reglas de transliterasion i la puntuasion diakritica ebreas, bazadas en el dezvelopamiento istoriko de la lingua ebreo. Endemas, la Akademia es responsable de la kriasion de muevos biervos en ebreo para mantener la lingua al ritmo de la sosyete de oy endiya ke troka pishin.

La Akademia esta konformada por 23 partisipantes, entre eyos linguistos, profesores en estudios djudaikos i de Tora, ansina komo katedratikos de otras dissiplinas, poetas, eskritores i tresladadores, entre otros.

Las dechisiones de la Akademia en kuánto a linguistika, leksiko e idiomatika, son obligatorias de sigir para todas las institusiones de Yisrael, inkluyendo la Autoridad de Radiodifusion de Yisrael.

Komo esta definido en su akta fondasionala, las fonksiones de la Akademia son:




#Article 112: Prinsipado del Pindo (107 words)


El Prinsipado del Pindo fue un estado autonomo durante la Segunda Gerra Mundial bajo el kontrol de Italia. El Pindo es una region montanyosa en Yavan del Norte i en la parte meridional de Albania y Makedonia habitada por vlakos (arrumanos) i makedonios.

El prinsipado fue formado despues de la invasion italiana como el pays del pueblo vlako y makedonio.

El primer monarka fue Alkiviadis Diamandi di Samarina un lider nasionalista vlako. El reino hasta 1942 kuando las autoridades italianas se hartaron de sus abusos kontra yavanim y le destronaron. Despues de la abdikasyon Alkibiades hujo a Rumania.

En 1944 el territorio fue definitivamente reinkorporado a Yavan.




#Article 113: PL Kyodan (127 words)


El PL Kyodan o la Iglesia de Perfekta Libertad es una religion internasional ke nacio de la kultura del zenbudismo de Japon a prinsipios del siglo XX. El PL ensenya ke la “vida es arte.” Los seres humanos han sido nasidos para expresar su propia individualidad unika en todo lo ke fazen - “kreando arte verdadero”. Para asistir en mejorar sus vidas y la superasion de las difikultades los kreyentes estan ensenyados por ke tienen estos problemas y son dirigidos en solusionarlos por el patriarka (Oshieoya-sama) y por los ministros. El PL no tiene un libro sagrado (como la Biblia), sin embargo, el tiene los 21 preseptos del PL y los 21 prinsipios del PL ke fueron revelados por los fundadores de la iglesia.

Los 21 preseptos




#Article 114: Moshe ben Maimon (Rambam) (134 words)


Moshe ben Maimon, konosido komo Maimonides (1135, Kordova - 1204, El Kayro) fue el mediko, rabino i filozofo djudio mas famozo de la Edad Media.

Nasio en la kapital de Al-Andalus, es dezir, Kordova, el 30 de Marso de 1135, en una emportante famiya de djuzgos rabinos. En la su chikez inisio los sus estudios biblikos i del Talmud, má en 1148 por modre la intoleransia almohade la su famiya izo pareser la su konversion al Islam i trokó akorruto de kaza. Bivió en la sivdad de Almeria, ande refujio en la su kaza a su maestro Averroes asta irse a Fez con los sus ijos enel anyo 1160. Ayi bivió solo durante sinko anyos ma dempues, por modre la intoleransia almohade otra vez, se fue unos mezes a Palestina i finalmente a Ayifto.




#Article 115: Bogotá (340 words)


Bogotá o Bogota Distrito Kapital es la kapital i la sivdad la mas grande de Kolombia, kon un povlasion de 7 milyones de avitantes, tambien es la sivdad kapitala del departamento de Cundinamarca. Es el sentro ekonomiko, politiko y kulturalo del payis, siendo uno de los grandes sentros urbanos latinoamerikanos de emportansia. 

El nombre de Bogotá proviene del biervo chibcha; Bakatá. La viya hue fundada enel anyo 1538 por Gonzalo Jimenez de Quesada kon el nombre de Santafé de Bogotá, nombre ke aun muncha djente uza.

En zonas sirkanas a Bogotá komo en Pubenza i Tocaima, se an ayado restos de erramientas cuya datasion las ubika haze por lo menos 16000 anyos, asegun durante la era del yielo. Kon el final de la glaziasión, las venyanzas de lo ke oy es Bogota komenzaron a kubrirse de vejetasion, aze aprogzimadamente 12000 anyos, el altoplano de Bogotá kedó en la zona de boske andino. Egziste evidensia de animales i megafauna, komo konejos, servos, tal vaz mastodontes y kavayos preistorikos.

En denantes, 5000 anyos komiensan a apareserse lavoros ortikolas, de alfarería y komiensa la merka del curí por ensima de los servos de grande kornamenta. Luego el curí fue domesticado por los avitantes lokales. En el anyo 500 a. C., ya estava muy difundido el kultivo del zarzavates komo el maiz. Azia el anyo 800 de la era aktuala, los muiscas (puevlo indijena más emportante de la famiya chibcha) avitaban la zona, komo resultado de una migrasión de orijen chibcha, prosedente de otro territorio (probablemente venidos desde Amerika Sentrala), asegun se misturaron kon morantes de esta rejion.

Bogotá topa al norte del distrito kapitalo, konta kon una superfisie de 64 km² de territorio. La kavesera del belediye es el kazal de Bogotá, i topa al norte kon el departamento de Cundinamarca, al sud kon el belediye del Huila, al sudeste ay frontiera kon el departamento de Meta, al este kon el belediye de Meta i al oeste kolinda kon el departamento de Cundinamarca.

La sivdad de Bogotá es ermanada kon las sigientes sivdades:




#Article 116: מאטימאטיקה (304 words)


מאטימאטיקה

מאטימאטיקאס (דיל גריגו μάθημα, máthema: סינסיה, קונוסימיאינטו, אפּרינדיזאג'י, μαθηματικóς, מאתימאטיקוס: אמאנטי דיל קונוסימיאינטו) איס לה סינסיה קי איסטודיה לאס פרופיאידאדיס די לוס אינטיס אבסטראקטוס, קומו לוס נומירוס, פיגוראס ג'יאומיטריקאס אי סימבולוס, אי סוס רילאסייוניס.

לאס סינסיאס איזאקטאס או מאטימאטיקאס סי קאראקטיריזאן אנטי טודו פּור סו איקסיקינסיה די קלארידאד (לוס קונסיפּטוס אן די דיפינירסי) אי סו אקסיקינסיה די ריגור (לאס אפירמאסייוניס אן די פרובארסי קון און רשזונאמיאינטו פואירה די טודה דודה).

לה גריסיה קלאסיקה דיסקוב'ריאו אי קידו פאססינאדה אנטי לה פוסיבילידאד די טאל קונוסימיאינטו, קויו מאז קלארו איקספונינטי אירה לה ג'יאומיטריה, איל איסטודיאו די לאס רילאסייוניס מיטריקאס קי סי דאן אין לאס פיגוראס פּלינאס אי איספיסייאליס.  אין לוס אילימינטוס די איאוקלידיס איל גיניאו גריאיגו אלקאנזו א דיסאררוייאר, פארטיאינדו אוניקאמינטי די סינקו פּוסטולאדוס, אונה אינגינטי קאנטידאד די קונוסימיאינטוס ג'יאומיטריקוס אי אלגונוס ריסולטאדוס פונדאמינטאליס די אריטמיטיקה.  דיסדי אינטונסיס איל מיטודו אקסיומאטיקו איס איל אידיאל דיל סאב'יר מאטימאטיקו.

אין סיגלוס פּוסטיריאוריס איל אמביטו די לאס מאטימאטיקאס סי פואי איקסטינדיאינדו קון איל אלגיברה (נומירוס ניגאטיב'וס אי קאלקולו סימבוליקו) אי סוב'רי טודו קון איל דיסקוב'רימיאינטו פּור ליבניז אי ניאוטון דיל קאלקולו אינפיניטיסימאל, ב'ירדאדירה ג'וייה די פיקונדידאד אינאגוטאבלי קי פּיניטרה אין איל קוראזון די לאס מאגניטודיס ב'אריאבליס (אי פּור אייו אין לוס פינומינוס איסטודיאדוס אין פיסיקה).

מה איסטוס דיסאררוייוס נו אלקאנזארון לה קלארידאד אי איל ריגור גיסיאבליס אסטה איל סיגלו 19.  סיגלו דונדי לה קולטורה אלימאנה, קון גאוס אין קאב'יסה, דיסקוב'רי קי קין קאדה אובג'יקטו מאטימאטיקו סובייאסי אונה איסטרוקטורה קוייו איסטודיאו אי קונוסימיאינטו איס לה קלאב'י די סו קומפּרינסייון, דג'וגאנדו לאס פּרופּיאידאדיס פורמאליס אי קואליטאטיב'אס און פּאפּיל פּריפּונדיראנטי פרינטי א לאס קואנטיטאטיב'אס.  אינטינדיאינדו אגורה לוס אקסיאומאס קומו לאס רילאסייוניס קי דיפינין לה קסטרוקטורה אין קואיסטייון, אין לוס סיגלוס 19 אי 20 סי פּרודוסי אונה פאנטאסטיקה איקספּלוסייון די לוס טימאס די אבורדאן לאס מאטימאטיקאס:  ג'יאומיטריייה, פּרויייקטיב'ה אי דיפירינסיאיל, טופּולוג'יייה, פונסייוניס די ב'אריאבלי קומפּליג'ה, גרופּוס אי אניייוס, לוג'יקה, פּרובאבילידאדיס,...

אנסי, מיאינטראס קי




#Article 117: Portugal (491 words)


Portugal, ofizialmente Republika Portugeza es un paiz del Sur-Oeste de Evropa, es en la Peninsula Iberika ke topa al Nord i al Este kon Espanya, i al Sud i al Oeste kon el Oseano Atlantiko. La su sivdad kapitala es Lisboa.

El nombre de Portugal probablemente provenga del antiko nombre de Oporto, del latín «Portus-Galliae» —porto de Galia, por modre a ke los navios galas frekuentavan este puerto— o, más provavlemente, de «Portus-Cale» —toponimo atestiguado en la Kronika del istoriador del sieklo V Hidacio—, por un amarradero eksistente en un lugar fortifikado yamado «Cale».

La preistoria de Portugal es partiyada kon el resto dela Penínsola Ibérika. Los rejistros umanos modernos mas antikos konosidos zon de ombres de Cro-Magnon kon Neanderthal, kon 24,500 anyos de ke zon interpretados komo indikadores de extensas povlasiones mistiradas entre las dos espesies.

Portugal es al Sur-Oeste de Evropa, es en la Peninsula Iberika ke topa al Nord i al Este kon Espanya, i al Sud i al Oeste kon el Oseano Atlantiko.

Portugal es un estado parlamentario, konta kon el su mayor shefe de estado, el prezidente de la repuvlika.

Portugal konta kon una povlasion de 10,341,330 avitantes, el mayor nifus keda la beira atlántika, en sentros urbanos komo Lisboa i Oporto.

La lingua mas avlada en Portugal es la lingua portugeza, avlada por kaji el 99% de la povlasion del paiz evropeo, una lingua romana ke asemeja desde un empesijo a la lingua gayega; ambas zon parte de famiya gayego-portugeza. El portugez es una lingua ofisiala en munchos paizes del olam, alkunos komo el Brasil, Mozambiko, Kabo Vedre, Angola o Timor del Este.

La lingua mirandeza, es otra lingua avlada en Portugal, es una lingua romana de la famiya Astur-Leoneza, es parte del tradision kulturalo de Miranda do Douro.

La mayorita de la povlasion portugeza se konsidera praktikante del kristianizmo katoliko romano, gande parte del lashon es konvidado kon otros paizes de la rejion, ay aki emportantes lugares de santuarios katolikos komo el de la Virjin de Fátima.

Ansina, ay en Portugal un lashon djudeo, la tierra hue povlada por komunidades sefarditas denantes de la ekspulsion por parte del Reyno de Portugal i del Reyno de Espanya. En Belmonte se afinko una chika komunidad kripto-djudia sen sopechas dela kilisia Katolika, endagora es un kazal ande munchas personas visitan para saber sobre el djudezmo en Portugal. Las komunidades djudias se topan oy endia en Lisboa i Oporto, una grande porsentaje zon ashkenazis i otra pichona porsentaje zon desendientes de sefaradis.

Portugal konta kon emportantes institusiones edukativas, el embezo komienza en la chikez de las personas. La universita es una de las eskolas de edukasion superior mas emportantes para meldar en la vida produktiva, endemas ay posgrados komo un grado mayor. La Universita de Coimbra es una de las institusiones de edukasion mas antikas del paiz.

Amalia Rodrigues hue una de mas grandes kantaderas del paiz, el fado hue el estil ke desvelopo en la su muzika.




#Article 118: Lingua ingleza (942 words)


El inglez es una lingua del orijin djermanika. Es maz avlada en los Estatos Unitos d'Amerika, el Reyno Unido, la Ostralya, la Kanada i el resto del commonwealth britanniko, eso kere dezir, lo que formava el Imperiyo Britanniko, Irlanda i munchos autros. Es una lingua avlada por munchas personas tra el mundo. El inglez es una de las linguas ofisiyalas de las Nasiones Unitas i la idioma mas avlada del mundo (aunque solo la terza major en termos de avlantes nativos).

Inglez moderno orijina en Middle English o 'inglez de media' y finalmente en Old English o inglez vejo - kere dezir, inglez arkayika, que se baza en diyalektos djermanikos avlados por los Anglo-Sajones antez del siklo 6o en lo que aktualmente es Danmark, en partikular la peninzula de Jutland. Despuez de la salita de tropas romanas enel anyo 410 de lo que ya es Galez y la majorita de Inklaterra se replaza por tribus anglosajones que invadaron el paez y por 650 avitavan kazi la enterita de Inklaterra. Los diyalektos de los anglosajones komensaron a separarse de los diyalektos avlados por sus ermanos en Danmark i Beljika, los Neerlandez i Djermaniya. Kestes diyalektos se partyeron en lo que se ariya en Inglez Moderna i los que ya forman las idyomas Frisyanos, avlados por unos 350.000 personas, majoritamente en los Neerlandez, pero tambien en Danmark i Alemaniya.

Inglez fue influito por los diyalektos de Skandinaviya, trayito a la kosta estenha de Inglaterra por los trivus Viking i entonses de muevo por los francaavlante Normanes - skandinaviyanos de lo que ya es Normandiya, en Fransiya. Los Normanes imponiyeron la su idiyoma (Francez) komo idiyoma ofisiala asta el siklo 14. Enel siklo 13, los reyes inglezes invadaron la enterita de Galez, Inklaterra i Cornualez, inkrementando la area en que se avlava el inglez. El Francez se kedo una preserva de las klases altas i en vez de replazar el inglez, simplemente teniyo una influensiya enel inglez - la gramatika y struktura del idiyoma ya es djermanika, aunque muncha dela vokabulariya es Idiyomas Romanzes.

Enel siklo 14 el francez fue removito komo idiyoma ofisiala de Ingklaterra (sin embarko, ni Inklaterra ni el Reyno Unido tene el inglez ni kalkera autra idiyoma komo idiyoma ofisiala) i los idiyomas keltikas desaperaseron kasi totalmente a favor del inglez. El inglez tambien fue introdusido a Irlanda por soldatos inglezes enel siklo 11 - sin embarko el inglez ya avlado en Irlanda no es desendito de kestes diyalektos, que yekaron a ser 'Yola' y autros lashones, y se ponyeron komo egstinktos por el siklo 19.

Enel siklo 16 komenso la epoka del imperiyalismo - y Inglaterra () se hariya el poter imperial maz forte del mundo por el siklo 18 - i el idiyoma inglez fue introdusito al imperiyo entero. En provinsiyas komo Kanada i la Ostraliya yeko a ser la primera idiyoma, mentra en koloniyas komo Rhodesia (oyendiya Zimbabwe) solo fue utlisato nativamente por las klases altas, i solo komo idiyoma sekundariya por los trabajadores). Por el enyo 1922 el Reyno Unito deviyo sovre un 25% de la area geokrafika del mundo y sovre 25% dela povlasion.

El Reyno Unito dekolonizaron dela majorita del su imperiyo entre 1947 i 1997 (terminando kon Hong Kong) pero la idiyoma fue mantenito por las komunitas ayi y por los descendentes de los kolonistas ingleses komo en Kanada, los Estatos Unitos, la Ostraliya i Muevo Zealand, en adision a los teritoriyos britanikos del ultramar, o lo que keda del imperiyo (incluyendo Gibraltar). 

El idiyoma inglesa no tene un kuerpo regulatorio ofisial. Sin embarko organizasiones komo el kuerpo del diksiyonario ingles de ogsford mantenen control sovre sertos akspektos dela lingua.

El inglez es la terza idiyoma mas avlada en termos de avlantes nativos tra el mundo kon aldredor de 326.000.000 de avlantes nativos, kasi ikual kon espanyol kon aprogzimadamente 329.000.000 avlantes nativos y primermente el Xino Mandarin. Sin embarko, inkluyendo parlantes sekunarios el inglez tene maz de 1.150.000.000 avlantes. 

Inglaparlantes se tropan i forman una majorita o pluralita en munchos paezes, komo los Estatos Unitos i sus teritoriyos komo Guam, el Reyno Unito i Kanada (donde es ofisial kon el francez), la Ostralya i los sus teritoriyos, Muevo Zealand i sus teritoriyos i Sudafrika, Jamaika, Guyana, Belize, Antikua i Barvuda, las Bajamas, Dominika, Grenada, Nauru, St Kitts i Nevis, San Vinsente i los Grenadinos, Singapore, i Trinita i Tobako.

En los paezes sikiyentes, el inglez no es la lingua mas avlada, pero tene estato ofisial: Botswana, Kameroon, Mikronesia, Gana, India (que tene la komunita de avlantes major del mundo en termos de numeros abolutos), Kenya, Kirivati, Lesoto, Liveria, Madagaskar, Malta, las Insolas Marxales, Maurixius, Namivia, Nigeria, Palau, Papue Mueva Guinea, los Filipines, Rwanda, San Lusia, Samoa, los Seyxeles, Sierra Leone, Insolas Solomones, Sri Lanka, Sudan, Sudan del Sur, Swaziland, Uganda, Tansania, Zambia i Zimbavwe.

Endemas, hay enpartes de paezes que tene el inglez komo idiyoma ofisial sin tenerlo komo idiyoma ofisiala del paez entero, komo la Kosta Moskita de Nikaragua i la provinsia de San Andreas en Kolombia.

Tambien, hay rejiones en que es la lingua mas avlada pero va sin rekognision ofisiala, komo Saba enel Karibe Neerlandes i San Martin enel Karibe Francez.

i los teritoriyos o dependensiyas ingleses de Jersey, Guernsey i la Insola de Man, Gibraltar, Akrotiri i Dhelkati en Cyprus, el teritoriyo britaniko del oseano indio, las insolas de Pitkairn i Henderson enel pasifiko del sur, el arkipelago de los insolas Falklands, Georgia del Sur i las insolas de Sandwich del Sur i Antarktiko britaniko, Insola Asension, Tristan da Cuhna i San Elena, Anguiya, Bermuda, los Virjines Britanikos, Montserrat, las insolas Kayman, i las insolas Turks i Kaikos enel karive. 




#Article 119: Haim Enrique Bejarano (170 words)


Haim Enrique Bejarano era un rabino i poeta rumano de orijin sefardi. Yegó a ser el direktor de la eskola sefardi de Bucureshti al rededor del syéklo XIX i empesijo del XX. Nasido en la sivdad bulgariana de Stara Zagora, yegó a ser myembro de la Real Akademia de la Lingua Kastilyana. Una de sus ovras mas konozidas es un poema dedikado a la lingua djudio-espanyola, presentado por el Dr. Angel Pulido, Senador del Reyno, dedikado a avrir las puertas de la rekonsiliasyon entre Espanya i los Sefardim. Este es el poema que presento a la sesyon del 13 de Noviembre 1903 en el Senado Espanyol:

A ti lengwa santa
A ti te adoro                     
Mas ke a toda plata
Mas ke a todo oro,            

Tu sos la mas linda
Te todo lengwaje                                
A ti dan las siensyas
Todo el ventaje

Kon ti nos hablamos                         
Al dio de la altura                 
Patron del Universo 
I de la natura 

Si mi publo santo
El fue kaptivado 
Kon ti mi kerida
El fue konsolado




#Article 120: Bukureshti (146 words)


Bukureshti es la kapital i la sivdad la mas grande de Rumania. La tradision konekta a Bukureshti kon el nombre de Bucur, kien era un pastor, de akuerdo kon las diferentes leyendas. Pero en verdad el nombre de Bucur es de orijen Trako-Geto-Dazio. El nombre de la sivdad en Rumano (Bucureşti) se parese a la palavra rumana bucurie (alegria). La viya fue elegida komo sede de la korte por del prinsipe de Valakia Vlad III i ya desde 1459 se le konozia como La sitadela de Bukureshti.

Bukureshti no es solo kapital del pais, sino tambien es la unika sivdad avtonoma del paiz, no pertenese a un kondado.

El rio de Bukureshti es el Dâmboviţa.

Sinko klubes de futbol jugan en Bukureshti, kapital del futbol en Rumania:

El Sportul Studentesc Bucureshti

El Rapid Bucureshti

El Naţional de Bucureshti

El Steaua de Bucureshti

El Dinamo de Bucureshti




#Article 121: Haifa (434 words)


Haifa (en ebreo חיפה, pronunsiado háyfa, en arabo حيفا, pronunsiado hayfá), sivdad  enel nord de Israel. La sivdad se topa a la beira de la Mar Mediterraneo oryentala, en  la Bahia de Haifa, i se ekstiende por la saya del Monte Karmel. Es la tresera sivdad mas grande de Israel i su prinsipal puerto. El su alkalde es Yona Yahav, del partito Kadima (Adelántre, en ivrit). El nombre de la sivdad sinyifika plaj ermoza.

A la sivdad de Haifa yega el oleodukto ke viene de la sivdad de Eilat, en la beira yisraeliana de la Mar Koloráda, i en eya se topa una de las dos refinerias de petroleo ke egzisten en Israel (en Ashdod se topa la segunda). La refineria, ke fue aperturada enel anyo 1930, se topa en la sona endustriala al norte de la sivdad i serka del rio Kishon. Endemas es sede de dos universitás, la Universita de Haifa i el Technion (el Instituto Teknolojiko de Israel). Haifa es konosida komo la kapitala endustriala i de los lavorantes de Israel; afilu egziste una frasa famoza:  Haifa lavora, Yerushalayim melda i Tel Aviv goza.

Haifa es una emportante sivdad desde el punto de vista relijiozo; en eya se ankontran katro relijiones: la kristyana, la drusa, la djudia) i el Baha'izmo; la sede mundiala de esta relijion se topa en esta sivdad.

En la sivdad endemas se topa la Meará de Eliyahu Anavi.

El oriken del nombre Haifa no es klaro, porke no seba kuando fue fondada i tampoko ni por kien la fondo, es difísil meldar la su etimolojia. El istoriador Alex Carmel, dize ke puede provenid de la raíz del vierbo ebreo  (Hafa, kubrir, protejer, ocultar), en el sentido de ke Haifa se topa detrás del Monte Carmelo. Otro posible origen es la asociación de la grandiosa palabra hebrea  (Hof, playa), o  (Hof Yafe) que significa plaj ermoza .

Haifa esta dezvelopada en niveles, desde las maáles bashas a la beira de la mar verso las maáles altas ke se topan enel Karmel. La maále mas antika de la sivdad es Haifa, el sentro de la sivdad vieja, serka del porto; endjunto a Wadi Nisnas es el sentro de la komunita araba de la sivdad oy endiya. Enel syéklo XIX, basho el kontrolo del Imperio Otomano, fue fraguada la Kolonia Almana, la kuala fue el primér modelo de planifikasiyon en la sivdad. Alkunas de las fráguas de la maále fueron restoradas i oy endiya, la máale esta yena de kazas de kavé, restorantes i pubs.

Haifa tiene munchas sivdades kon las kualas tiene akódros de ermanamyénto por todo el mundo:




#Article 122: Lisboa (186 words)


Lisboa es la kapital i la sivdad la mas grande de Portugal. Es la kapital mas oksidental de Evropa. La sivdad se topa al poniente del paiz, enel lugar ande el rio Tejo i el Oseano Atlantiko se unen. Lisboa no es solo sivdad kapitala del pais, sino tambien de su distrito. Dos pontes unen la sivdad kon la otra beira del rio; el Ponte 25 de Avril, aperturado en 1966 kon el nombre de Ponte Salazar i dempues renombrado kon la data de la Revolusiyon de los Klaveles, i el Ponte Vasco da Gama, aperturado en Mayo de 1998 i kon 18 km de lungo, es el mas lungo ponte de Evropa i uno delos mas lungos pontes del todo mundo.

La Kula de Belem es un emportante simbolo de identidad de la sivdad de Lisboa, una ovra mazala de la arkitektura, es un momumento ke apresenta el estil manuelino, hue un punto de vijilansia i um punto de referensia para los marineros. Endagora es un momumento nasionalo en kudia.

La sivdad de Lisboa tiene munchas sivdades ermanas komo parte de akdros internasionales deste belediye:




#Article 123: Brasil (644 words)


Brasil, ofisialmente Republika Federala del Brasil es un paiz de la Amerika del Sud i es el paiz mas espandido de Amerika del Sud i el sinken mas espandido del planeta. Sus frontieras son al norte kon Venezuela, Surinam, Guyana, i la Guyana Franseza; al noreste kon Kolombia; al este kon el Oseano Atlantiko, al sud kon Uruguay, al oeste kon Peru y Bolivia, al sud-este kon Paraguay y Arjentina. La su sivdad kapitala es Brasilia, sivdad planifikada i aperturada en 1960 por el prezidente Juscelino Kubitschek i disenyada por Oscar Niemeyer. En Brasil se enkuentra la sigunda mas grande komunidad djudia de Amerika Latina. Enel Brasil ay una povlasion de alderredor de 300.000 djudios, konsentrados prinsipalmente enel estado de São Paulo mas tambien ay komunitas en las prensipales sivdades de los estados de Rio de Janeiro, Rio Grande do Sul, Minas Gerais i en Paraná i nordeste.

El orijen del biervo «brasil» ayinda no es klaro. Una teoría realizada por el filólogo Adelino José da Silva Azevedo, dize ke se trata de una palavra de orijen selta, barkino —ke se traeslado al kastilyano komo «barcino»— anke en la misma aseptaba ke la mensión más remota del término podría toparse en el idioma de los antikos fenisianos. Este vocablo se utilizaba para nombrar a un colorante rojo usado por esta civilización. La mención escrita más antigua de la palabra se encuentra en un documento italiano de 1193, que incluye grana de Brasil en una lista de mercancías. En los siglos XV y XVI se empleaba para referirse al palo brasil, nombre dado a una especie arbórea de la que se obtiene una madera de color rojizo utilizada en la ebanistería y para el teñido de textiles.

El Brasil de oy endia fue kolonizado por los portugezos en avril de 1500, kon una flota komandada por Pedro Álvares Cabral. Poco denantes de ke arrivaran los evropeos, se estima ke la beira orientala de Sudamerika ande yase en el aktual territorio de Brasil estava morado por sirka de dos milyones de indígenas. La povlación amerindia se enkontraba dividida en grandes nasiones indígenas, a su vez kompuestas por varios grupos etnikos, entre los que se destakaban los tupí-guaraníes, los macro-jê y los aruacos. Los primeros se subdividían en guaraníes, tupiniquines y tupinambás, entre otros. Los tupís se ekstendían entre los aktuales territorios de los estados de Río Grande del Sur y Río Grande del Norte. Los portuguezes enkontraron a los nativos aún en la Edad de Piedra i divididos en varias tribus, la mayoría de las kuales pertenecían a la familia linguistika tupí-guaraní, y que konstantemente luchaban entre sí. Según Luís da Câmara Cascudo, los tupís fueron «la primera raza indígena que tuvo kontakto kon los kolonizadores y (...) derivó en uma mayor presensia suya, komo la influensia enel mameluco, enel mestizo y enel luso-brasileno que nasia y enel evropeo que se kedaba.»

El Brasil topa en Amerika del Sud, es el primero paiz mas espandido de Amerika del Sud i el seten mas espandido del planeta. Las sus frontieras zon al norte kon Guyana i Surinam; al noroeste kon Kolombia; al este kon el Oseano Atlantiko, al sud i al este con Arjentina, Uruguay, Paraguay, Bolivia, Peru y al sud con el Oseano Antartiko. La su sivdad kapital es Brasilia.

El klima es diverso, en alkunos lugares la temperatura es alta i kalorosa, en otros lugares la temperatura es basha kon inyeve enel inverno ostral (en Santa Catarina i enel Paraná). El klima ke kubre el rio Amazonas, al norte es un klima es kálido en la rejion de sharas i en el noroeste es una grande savanah kalurosa.

Brasil es uno de los paizes mas povlados del mundo i el mayor povlado de Sudamerika.

Brasil es uno de los paizes del kontinente Amerikano kon una geande diversidad kulturala, munchas etnias konviven en el paiz sentroamerikano.




#Article 124: Esnoga (415 words)


La Esnoga es la asamblea de fiyeles djudios basho la din antiga, a fin d'esherzer el eshersizio de la su relijion. El biervo proviene del biervo latino sinagōga, i este del grégo sÿnagōgē, del verbo sÿnágein (‘reunir, kongregar’). En ebreo se yama Bet aKnéset (בית הכנסת) o lugar de ankontro. Algunas komunitas del Maghreb la yaman Bet Tefilá (בית תפילה) o kaza de arrogamiento. Munchos de los djudios en los payises de avla inglesa yaman a la esnoga Shul, una palavra en idish. Los djudios persas (parsim) y los djudios karaitas la yaman Kenesa, ke es un biervo arameo. En munchas komunitas sefardis se le yama Kal, ke viene del biervo en ivrit קָהָל, ke sinyikifa audiensia o komunita.

La esnoga es una institusio muy antiga en el djudaismo. No ay informasion totalmente fiable ensima del orijin de las primeras esnogas, má se admite ke las primeras aparesieron en Babilonia en el siglo VI EK d' entre los djudios deportados por Nabukodonosor II en la konkista de Yerushalayim enel anyo 3164 (597 adK) i diskués de la Guezerá de la destruksion del Bet Amikdash i de la Sivdad Santa por modre de los Babilonios. En las esnogas se enkontraban los djudios para estudiar i arrogar en komunita. El número de esnogas se engrandesio muncho kuando la meldadura publika de la Tora fue establesida. Asigun algumos eskritos, kuando Yerushalayim fuye destruyida por los romanos, enel anyo 70, tenia ya 400 esnogas. 

Estas kazas de asamblea no eran edifisios spesialmente konstruidos para el kulto, porke kualkyér kaza podia ser uzada para los ankontros; andjak, no faltaban grandes las fraguas de esnogas. Las esnogas antikas estaban administradas por un archisinagogo, o por un konsejo de tres notables. La eksplikasion del teksto sagrado estaba reservada para el rabino o algun fiyel mas versado en la konosensia de la Alaha.

Las esnogas estan orientadas verso Yerushalayim. Al fondo esta un almáryo o tabernakulo, el arka santa (hehal en ebreo sefaradi o Aron Akodesh en ebreo ashkenazi), ke kontiene los royos de la ley (la Tora). Delantre d'el tabernakulo enkolga una lampariya ke syempre esta ardiendo en akodransa de la luz eterna (ner tamid) ke briyaba enel Templo de Yerushalayim. Un kandelabro (mĕnorá) de 7 lamparas en línea, akodra la Menora de siete brazos del Bet Amikdash. Por ultimo, uma mesa de pupitre, kolokada sobre una plataforma (tebá en ebreo sefaradi, almenar o bimá en ebreo ashkenazi), ke es uzada komo altar; ante eya se koloka solu el Hazán (ministro ofisiante).




#Article 125: Rabino (137 words)


Rabino (Ebreo רִבִּי ribbī; Ebreo ashkenazi i Ebreo israeli רַבִּי rabbī; en Ebreo sefaradi: רבי, ribí; en Idish, rebbə, i en haketia, rebbí) en el Djudaismo, kiere dizir maestro o, mas literalmente, el grande. La palavra rabino deriva de la raez ebrea rav la kual en ebreo antiko signifika grande o distinguido. En las antikas eskolas djudias se dirijian a los sabios komo רִבִּי (Ribbi o Rebbi) — en los ultimos syeklos se ha revokalizado la ekspresion a Rabino (el mi maestro). Esta ekspresion se ha usado komo titolo de respekto lentamente. El sufijo pronominal i (mi) ha piedrido su signifikado por el konstante uzo del termino. Oy, un rabino es un haham (sabio) en la alaha (ley djudia) y en la interpretasion de la Tora. Tambien se aplika esta palabra al shef espiritual de una esnoga.




#Article 126: Maroko (690 words)


Maroko (nombre ofisial en arabo: المملكة المغربية, en tamazight ⵜⴰⴳⵍⴷⵉⵜ ⵏ ⵍⵎⴰⵖⵔⵉⴱ, Tagldit n Lmaɣrib) es un reyno ke se topa al nord de Afrika. Es un payis del Magreb, topado entre la Mar Mediterraneo, Arjelia, las sivdades Espanyolas de Seuta i Meliya, la tierra de pais pleytada del Sahara Oksidental i el Oseano Atlantiko; indemas, Maroko esta apartado de Evropa por el Estresho de Jibraltar, ke une el Oseano Atlantiko i la Mar Mediterraneo. El su idióma ofisial es el arabo, anke la djente se komunika en su avla maroki del arabo yamada Dariya o Hasaniya i muncha djente tambien avla lashones bereberes i se uza el franses en la edukasion i en la administrasion publika. El kastilyano se avla en la rejion de Tetuan, Tanjer i Nador. El su rey aktual es Mohammed VI (en arabo الملك محمد السادس للمغرب).

La istoria djudia es Maroko es grande, anke envezes zor, desde la epoka de los romanos kuando ayegaron los primeros djudios dospues de la destruksion del Bet Amikdash asta oy ke uno de los konsejeros del rey es André Azoulay, djudio de Essaouira, endemas de ke unos 8.000 djudios aynda moran en Maroko, prinsipalmente en Kasablanka, Essaouira, Rabat, Fes, Tetuan i la antika kapital de Marrakesh. Munshos djudios marokis lavoraron komo ambasadores del Reyno de Maroko en Evropa, komo Shumel al-Farrashi en Olanda enel anyo 1610; dospues de 1675 Joseph Toledani, ken afirmo un tratado de paz con Olanda; el su ijo Hayyim Toledani en Inglaterra enel anyo 1750; Enel 1780 Jacob ben Abraham Benider fue el ambasador del Reyno a la korte del Rey Ingles George III, lavoro ke izo enel anyo 1828 Meïr Cohen Macnin. Oy endia, unos 500,000 yisraelis son de orijin maroki. En Israel los djudios marokis selebran la Mimuna kon munsho orgolyo por las sus raises marokis . Los djudios marokis avlan un lashon del djudeoespanyol llamada Hakitia, el kualo tiene mas influensa del arabo; el nombre Haketia o Hakitia esta derivado de la palavra en arabo ħaka حكى, dizir, i dunke se pronunsia con la letra H aspirada, para arreflejar el sonete gutural arabo ħa. En algunas sivdades la djente lo eskrive komo Jaketía kon la misma pronunsiasion. En Jenero de 2011, avrió sus portas Primavera, un otél kon restorante kasher en la sivdad de Kasablanka

Maroko ha dado munchos djudios famosos al mundo, komo el Sinyor Rav Shefe Sefaradi de Israel Shlomo Amar, el mediko Venezuelano-Amerikano Baruj Benacerraf, Premio Nobel de Medisina enel anyo 1980, rav David Hassine, eskritor de Tehila leDavid; Miri Bohadana, aktrisa i modelo yisraeli; Emmanuelle Chriqui, aktrisa Kanadiense de la TV amerikana; Robert Assaraf, estoryador i eskritor Maroki; André Elbaz, pintador y direktor de sinema Maroki; Serge Berdugo, Ministro det Turismo Maroki; Ninet Tayeb, Meir Shriki, Zehava Ben, Salim Halali, Eyal Golan, Ishtar, Sami Elmaghribi, Jo Amar, Avi Cohen, Kobi Alkobi i Haim Zrihan, kantadores yisraelis; Gad Elmaleh aktor i komediante franko-maroki; Rav Raphael Berdugo, uno de los mas grandes dayanim de Maroko; Michel Abitbol, investigador i istoryador maroki-israeli, kontribuyente a la Enciclopedia Judaica; Rab Haim ibn Attar, talmudista y kabalista maroki; Rav Halom Messas, Rav Shefe de Yerushalayim; el su ijo Rav David Messas, aktual Rav Shefe de Paris; Aryeh Deri, politiko yisraeli del partido sefardi Shas; Edmond Amran El Maleh, pintador maroki; Rav Yisrael Abuhatzeira (Baba Sali), gran rav i kabalista maroki-yisraeli; Jacques Bensimon, presidente de la Cinématheque Québecóise (Sinemateka) en la sivdad de Montreal, Kanada; Yitzhak Levy, diputado al parlamento Israeli (Knesset) por el partido Ihud Leumi - Mafdal; David Azoulay i Yaakov Margi, diputados al parlamento Israeli (Knesset) por el partido relijiozo Shas; Shlomo Ben-Ami, politiko Yisraeli, miembro del partido Lavorista; Amir Peretz, politiko israeli, del Partido Lavorista; Yaakov Edery i Eli Aflalo, diputados al parlamento Israeli (Kneset) por el partido de sentro Kadima; Meir Sheetrit, aktual Ministro del Interyor de Israel i diputado por el partido Kadima; Yaakov Benizri, diputado al parlamento Yisraeli (Knesset) por el partido Gil; Rav Shalom Arush, giador de los djudios sefardim ke siguin las ensinyansas del Rebbe Nachman de Breslov; i el Rav Itshak Alfasi (El ריף), talmudista i posek maroki, autor de Sefer Ha-halachot (ספר ההלכות).




#Article 127: Yemen (252 words)


Teman o Yemen (nombre ofisial en arabo: الجمهوريّة اليمنية) es una republika ke esta situada en la peninsula araba, en Asia Oksidentala. Es un paez del Medio Oryente, uvikado entre la Mar Kolorada, Arabia Saudi, la Mar Araba i Oman; indemas, Teman esta apartado de Afrika por el Estrecho de Bab el Mandeb, el kualo la separa de Djibouti, Somaliya i Eritrea; endemas, la isola de Sokotora en la Mar Araba es parte de Yemen, serka de la kosta de Somaliya. El su idióma ofisial es el arabo. El su presidente aktual es Ali Abdullah Saleh (en arabo علي) عبد الله صالح).

La istoria djudia es Yemen es grande, aunke envezes zor.

Yemen ha dado mushos djudios grandes al mundo, komo los kantadores Dana International, Margalit Tzan'ani, Zion Golan, Ofra Haza, Boaz Sharabi, Eyal Golan, Bo'az Ma'uda, Ishay Levi, Shimi Tavori, Ahinoam Nini (Noa) i Zohar Argov; Rav Yaacov ben Nathanael al-Fayyumi, haham konosido i protejido de Rambam; Rav Yihhyah Qafahh, fundador del movimento Dor Deah i eskritor de Milhamot Hashem, Rav Amnon Yitzhak, fundador del movimento de kiruv Shofar; Rav Shalom ben Yosef Shabbazi (en ebreo שלום שבזי‎, en arabo سالم الشبزي), uno de los mas grandes poetas djudios; Rav Shalom Sharabi o Rashash, grande Mekubal i Talmid Haham; Rav Solomon Adeni, Talmudista i eskritor de Meleket Shelomoh i Dibre Emet; la aktris Shoshana Damari; Yūsuf Dhū Nuwas, el ultimo rey Himiarita de Teman i Shahar Zubari, windsurfista ganador de una medalya de bronze en los Djuegos Olimpikos de Peking 2008.




#Article 128: Kasablanka (563 words)


Kasablanka (en arabo (الدار البيضاء) es una sivdad del norte de Marroko, kapital de la rejion de Grande Kasablanka (en fransez: Grand Casablanca; en arabo جهة الدار البيضاء الكبرى) i yamada Dār El Beïḍā (la kaza) en arabo darija o tambien Kāzā por los abitantes de la sivdad. Es la mas grande sivdad de Marroko, kon unos 3.9 milyones de abitantes en la su area metropolitana i endemas es el su puerto mas emportante, la sede de munchas kompanyias marrokanas i ajenas, de la kaza de bolsa de Marroko, konosida komo  i endemas, el mas grande aeroporto del paez, el Ayroporto Internasional Mohammed V (en arabo مطار محمد الخامس الدولي), se topa en Kasablanka, i el su porto, es el mas grande porto de Marroko i uno de los mas grandes portos artifisiales del mundo. Esta konsiderada la kapital ekonomika del payis anke la kapital ofisiala i sede de la kaza real i del governo nasional es Rabat. Se topa al oeste, en la beira del Oseano Atlantiko.

Kuando los portugezos destruyiron la sivdad antika de Anfa enel anyo 1468, ya egzistia una komunita djudia en la sivdad. Los djudios tornaron a la sivdad poko a poko, ma para el anyo 1750 bivian sufisientes para fraguar la primera esnoga en Kasablanka, la Esnoga Rab Elijah, la ke fue destruyida komo kaji toda la sivdad en el tremblor de tierra de 1755.

Para el empesijo del syéklo XX, la komunita djudia de Kasablanka tenia unos 6.000 djudios, ke eran mas del 25% de la poblasion total de la sivdad. Desde el empesijo del syéklo XX, Kasablanka esta asosiada kon el djudaismo mas ke otra sivdad del Maghreb, en parte por el dezvelopamiento de estrukturas sosyalas para la komunita i tambien déke diskues del Olokósto, munchos djudios del mundo kolavoraron para defender i protejer la grande komunita de la sivdad.

Entre los anyos 1940 i 1960, la komunita djudia de Kasablanka era de unos 70.000 abitantes. Pero la emigrasion asia Fransia, (Québéc) Kanada, Venezuela, Arjentina, Yisrael i los Estados Unidos desde Kasablanka a sido grande. Sin embargo, munchos djudios ke emigraron a estos payises ainda konservan pasaporto marrokano i sobre todo identidad y orgolyo de las sus raizes Marrokanas. Oy endia ay unos 6.000 djudios en la sivdad. En Kasablanka se topan varias esnogas: 

En Kasablanka esta la Mishkita Hassan II (en arabo مسجد الحسن الثاني), la mas grande mishkita de todo el mundo. La kulá de el su minarete es tambien la mas alta del mundo, kon 210 metros de altesa. Fue konstruida por el anterior rey Hassan II i aperturada enel anyo 1993. Fue disenyada por el arkitekto franses Michel Pinseau. La su konstruksion kosto aproksimadamente unos 5494 milyones de dirhams de Marroko (unos 504,85 milyones de euros). Puede albergar asta 100.000 kriyentes: unos 80.000 en el kortijo y aprkosimadamente 25.000 en la sala de arrogamientos.

El Casablanca Twin Centre es un komplejo de dos kulás, kada una de 28 pisos y 115 metros de altesa, disenyado por el arkitekto katalan de orijin djudio Ricardo Bofill Levi. Las kulás fueron aperturadas en 1999 i son endagora las kulás mas altas de todo el Maghreb i las dosenas kulás mas altas de toda Afrika, dempues de la kulá Carlton Centre, en Djohannesburgo, Akfrika del Sud, anke la kulá de TV Cairo Tower en Ayifto, tiene 187 metros de altesa, ma no es un edifisio.




#Article 129: Amida (236 words)


La Amidá (en ivrit: תפילת העמידה, Tefilat aAmidá, El arrogamiento de pyés), tambien konosida komo la Shmone Esre (שמנה עשרה, Shmoné Esré, Las diesi-ochu bendisiones) es una bendizion; orasion djudia tambien konosida como Bendizion modin, apropiada de la relijion djudía i se realisa de la sigiente manera:

Tanto al empesijo de la Amidá komo a la su fin, se empiesan los pasos con la pierna iskierda, enel final se da tres pasos para atras, torse un poko el tronco asya la siedra, i poko enklinado repeta: Osé shalom bimromav; djira un poko el kuerpo asya la deresha, i poko inklinado repeta: u yaasé shalom aleinu; enderesa el su puerpo y mirando delantre resita: ve al kol Yisrael, ve imerú amén. Se dan tres pasos para el frente, komo el moso ke se retira de la presensia de su givír. Arrogando en solitario, akompanyado o kon minyán, katro son las okaziones en las kualas se inklina kuando se arroga la Amidá:

En las mizmas okaziones el hazan, ken orasiona la Amida en boz alta, se inklina. En la hazará, al yegar al Modim, la keilá tambien se inklina un poko, al mizmo tiempo ke el hazán. El hazán kontinua a meldar Modim mientres la keilá meldan el Modim derabanán. Agora, asigún la Alahá normativa, si la persona se konfunde i no esta muy segura de kuando i komo azer la reverensia, es mejor ke no la aga.




#Article 130: Tamazight (128 words)


Se le yama Tamazight al grup de las linguas bereberes, ke son un kondjunto de lashones kamitikos avlados por los bereberes enel nord de Afrika. Tienen unos veinte milyones de favlantes, de los kuales katro milyones abitan en Kabilia (Arjelia). Los lashones bereberes uzan un alefbet eksklusivo, el tifinagh, uzado tradisionalmente por los tuareg i revivido en epoka resiente por varias institusiones i movimentos kulturales berberistas, komo el Kongreso Mundial Amazigh. Se uza tambien el alefbet latino en algunas rejiones de Arjelia, en Mali i Niger (con alkunas letras grégas como γ) i el alefbet arabo se uza ainda en otros lugares, komo Maroko, asta la adopsion ofisial del tifinagh para la ensenyansa. Las linguas bereberes se avlan en varios paezes de Afrika kon la sigiente distribusion aproksimada:




#Article 131: THY Aerolineas de la Turkiya (171 words)


Aerolineas de la Turkiya (Türk Hava Yolları, en turko) o mijor konosida por su akronimo THY, es la linea aerea ofisial de la Turkiya. La Aerolinea tiene una red que kubre 103 destinos internasionales i 31 nasionales, kon bolos a Evropa, Asia, Afrika, i los Estados Unidos. El su aeroporto prinsipal es el Aeroporto Internasional Atatürk (IST), en Istanbul i tiene otros hubs sekundarios en los Aeropuertos de Esenboga (ESB) en Ankara i Sabiha Gökcen (SAW) en Istanbul. Enel anyo 2006, la aerolinea tranzporto 17 milyones de pasajeiros kon unas ganansias totales de 3 bilyones de dolares amerikanos. La aerolinea tyene unos 12.000 empiegados.

Miles  Smiles es el programa de viajero frekuente de THY. Inkluye todos los benefisios ke la aerolinea dava a los sus uzuarios kuando formava parte de la aliansa Qualiflyer. Las milyas akumuladas pueden ser uzadas en bolos de THY, endemas de las aerolineas haverim komo American Airlines i Lufthansa, ke endemas inkluye todas las de la aliansa Star Alliance kuando THY entre a misma enel anyo 2008.




#Article 132: El Al (422 words)


El Al (en ebreo אל על, verso el syelo), es la linea aerea ofisial de Israel. La Aerolinea tiene una red que kubre 48 destinos internasionales, kon bolos a Evropa, Asia, Afrika, los Estados Unidos, Kanada i bolos lokales a Eilat. El su aeroporto prinsipal es el Aeroporto Internasional Ben Gurion (TLV), en Tel Aviv. Enel anyo 2005, la aerolinea tranzporto 3.5 milyones de pasajeiros kon unas ganansias totales de 1,665 bilyones de dolares amerikanos. La aerolinea tiene unos 5.417 empiegados. Toda la su flota de aviones es del fabrikante amerikano Boeing. Komo la linea aerea nasional de Israel, El Al a djugado un rol muy importante en las aksiones umanitarias de reskate de Israel, tranzportando djudios de Etiopia, Yemen i otros payizes donde las sus vidas estan en perikolo. El Al tiene munshos rekords mundiales; uno de eyos es por el mayor numero de pasajeiros tranzportados en un bolo komersial, un rekord establesido por la Operasion Salomon, kuando se trairon los Beta Israel por mor de salvarlos de la gerra sivil enlos anyos 90  . Se le konose a El Al komo la aerolinea mas sigura del mundo, dempues de abortar munshos intentos de sekuestro y atakos terroristas, shukur a a sus protokolos de siguridad muy estriktos.

El Al es la aerolinea eskojida por los pasajeiros djudios relijiosos porke es la unika que solo ofrise komida kasher (superbisada por las autoridades rabinikas de Israel; endemas se puede pedir komida glatt kasher). En los bolos de lunga distansia, en la parte de atras del avion ay un lugar para servisios de arrogamiento para los pasajieros ke deseyen arrogar. El Al no bola en Shabat, a pesar de la karga finansiera que eso signifika, pero ke asigura ke sea la aerolinea eskojida por el merkado haredi; endemas, se estima ke un 20-30% de los pasajeiros son haredim, los kualos volan prinsipalmente de Tel Aviv a las sivdades de Mueva York i Toronto.

Matmid es el programa de viajero frekuente de El Al. Fue aperturado enel anyo 2004 dempues de la union de los programas antiryores de El Al en uno sólu. Matmid tiene katro levelos: Matmid, Matmid Silver, Matmid Gold, i Matmid Platinum. Las milyas akumuladas en el programa permiten a los miembros adkirir boletos, amijorar de kategoria la klasa de el su volo, endemas de deskontos en alkileres de otomobiles, estadiyas en oteles i otros produktos i servisios. Tambien se poden uzar para volos kon aerolineas asosiadas, endemas de poder uzarlas para merkar con karta de kredito i noches en oteles asosiados. 




#Article 133: Caracas (310 words)


Caracas o el su nombre kompleto ansina komo la yamaron los espanyoles, Santiago de León de Caracas es la kapitala i la sivdad la mas grande de Venezuela. Es la kapitala federala de Venezuela, endemas de el su prinsipal sentro administrativo, finansiero, komersalo i kulturalo, endemas de sede de los Puederes Publikos de la Nasion y del Governo Nasyonal. La sivdad se topa enel Munisipio Libertador del Distrito Kapital, i los munisipios ke formaban el antiko Distrito Sucre del Estado Miranda, ke son: Chacao, Baruta, El Hatillo i Sucre, kon los kualos tiene partajada una povlasion total estimada ofisialmente de mas de tres milyones de abitantes enel anyo 2005, anke fuentes no ofisialas indikan ke la sivdad tiene mas de sinko milyones de abitantes, dependiendo de la ekstensyon adjudikada a la su Area Metropolitana. La sivdad esta atravesada por el rio Guaire de Sud-Oeste a Nord-Este.

La primera fondasion de una sivdad espanyola en la Vaye de Caracas, yamada San Francisco, fue echa enel anyo 1560 por el mestizo Francisco Fajardo, ijo de Francisco de Fajardo, Teniente de Governador de la isola de Margarita i de la kasika guaikerí Isabel, inyeta del kasike Charayma de la Costa de Maya en la provinsia de Caracas. Esta fondasion de San Francisco aresivio el atako de los indios Teques, Mariches, Toromaimas i otros de la provinsia, agrupados por el lejendario kasike Guaicaipuro i kenes la kemaron a mediados de Oktobre del anyo 1561. Diego de Losada, konkistador espanyol, obedesyendo una Real Sedula del anyo 1563 ke ordenaba la re-edifikasion de la sivdad de San Francisco, arriva enel anyo 1567 i la fonda formalmente en Marso del anyo 1568 kon el nombre de Santiago de León de Caracas i ansina la sivdad toma el nombre de Caracas por el nombre yevado por los indijenas ke avitaban la rejion a la yegada de los konkistadores.




#Article 134: Etiopia (126 words)


Etiopia (nombre ofisial en ahmariko: የኢትዮጵያ ፈደራላዊ ዲሞክራሲያዊ ሪፐብሊክ) es un paez ke esta situado en el este de Afrika. Es un paez del Kuerno de Afrika, ubikado entre Sudan, Sudan del Sud, Somalia, Kenia i los payises ke son la su salida a la mar, Djibouti i Eritrea. El su idióma ofisial es el ahmariko, aunke la jente se komunika endemas en tigrinya, el oromo i otros lashones semitikos i kamitikos en las distintas provinsias; tambien se uzan el italiano i el inglez en el komersio. Uniko entre los payises afrikanos, Etiopia nunka yegó a ser kolonia de payises ajenos, manteniendo la su independensia durante todo el Partajamiento de Afrika, eksepto por un periodo de sinko anyos (1936-1941), kuando iva estar basho la okupasion italiana.




#Article 135: Israir (165 words)


Israir Airlines (en ebreo: ישראייר‎), jeneralmente yamada Israir, es una aerolinea basada en la sivdad de Tel Aviv, Israel. La aerolinea opera bolos domestikos desde los ayroportos de Sde Dov (Tel Aviv), Haifa, Ben Gurion (Tel Aviv), Ovda (Eilat) i J. Hozman (Eilat), ansina komo servisios internasionales regulares i charter desde el Ayroporto Ben Gurion verso sivdades en Evropa, Asia i Amerika del Nord. Es la mas grande aerolinea de Israel, kon mas de 350 empiegados. Se dize ke la aerolina fue modelada tomando como enshemplo la aerolinea de basho koste de los Estados Unidos, JetBlue . 

Israir tranzporto mas de 580.000 pasajeiros enel anyo 2004. En el komienze del anyo 2007, la aerolinea anunsio los sus planes para ofreser Sifrei Torá en kada uno de los sus aviones para ser uzados por los pasajeiros djudios ke dezeyen arrogar en el bolo. Es la primera aerolinea israeli ke bola kon Sifrei Torá i es una manera de atraer el interes de los pasajeiros relijiosos .




#Article 136: Arkia (123 words)


Arkia Israel Airlines (en ebreo ארקיע, yo vó ir verso el syelo) es una aerolinea bazada en la sivdad de Tel Aviv, Israel. Opera bolos domestikos e internasionales a Evropa Oksidentala i a destinos en la kosta de la Mar Mediterranea, ansina komo bolos kontratados. La su baza prinsipala es el Ayropuerto Internasional Ben Gurion serka de la sivdad de Tel Aviv, i tiene un sentro de koneksion nasional enel Ayropuerto Sde Dov, tambien en Tel Aviv, ande konekta kon destinos nasionales komo Eilat, Kiryat Shimona, Rosh Pina i Haifa. Desde Tel Aviv Arkia bola regularmente a Larnaka, Amman, Kopenhague i Dublin. Endemas, Arkia opera bolos kontratados a Nairobi, Bangkok, Tblisi, Varna, Antalya, Dubrovnik, Barselona, Venezia, Budapest, Atenas, Rodes i Sharm el Sheikh




#Article 137: Bektashi (210 words)


La orden Bektaşi es una ermandad sufí ke vyene orijinalmente de la Turkiya. Los myembros de esta Tarikat son sigientes de Hadjı Bektash Velí (1209-1271), un místiko musulmano. La orden tyene su base en Hadji Bektash, en la provinsia de Nevşehir, onde es enterrado el fondador. La ermandad konsidera a Alí El Halifa (600-661) suksesor lejítimo del Muhammed el Profeta. Este movimiyento atraye a los shiís i alevís de Turkiya.

Orijinalmente, sus dervishes o myembros komunes de la ermandad fueron los responsavles de islamizar a los kazalinos kristianos de Anatolya i de los Balkanes (komo los Bosnios y Albanezos).

Los Yenicheris adoptaron a Hadji Bektash como el líder espiritual —inkluso azíyan yamarse ijos de Hadji Bektash—, i tomaron de los bektashís siyertas seremoniyas i algunos de los elementos de su vestido i ritual, komo la mano de Fátima i la espada Zülfikar de Ali .

Los alevís o nusayris, ke forman hoy el 20% de la povlasyon de Turkiya i tanbiyen enkeuntranse en Bulgaria, se consideran bektashís —o byen alevís bektashís—. En Albania i Kosovo, por influensiya de la egzistensiya turkana, subsistan rituales bektashís entre la povlasyon musulmana.

Muhammed Seyfeddin Ibn Zulfikari Derviş Ali; Bektaşi İkrar Ayini, Edision Kalan. Tresladado del Turko Ottomano por Mahir Ünsal Eriş, Ankara, 2007 (Turko)




#Article 138: Eilat (473 words)


Eilat (en ebreo אילת), sivdad de Asia oksidental, ubikada en el Serkano Oryente y pertenesiente a Yisrael. Es la sivdad mas al sur del paiz, en el Distrito Sur, ubikada en la chika kosta ke Israel tiene sobre la Mar Kolorado. La su povlasion es de unos 55.000 abitantes. El su nombre esta derivado de la antiga sivdad de Elath, ke suele edentifikarse oy endia kon la sivdad vezina de Aqaba, en Djordania.

El dezierto del Negev, kon forma de triangulo invertido, tiene a Eilat en su vertise meridional, sobre la kosta del Golfo de Aqaba (la entrante oryental de la Mar Kolorado) y serka de las sivdades de Taba (Ejipto) i Aqaba (Djordania).

El ekstremo kalor del Negev, uno de los mas djermos desiertos del planeta, keda suavizado por la ubikasion kostera de Eilat: las aguas de la Mar Kolorado abediguan a suavisar las altas temperaturas, gosando la sivdad de un klima semitropikal ke la a echo una de las mas importantes atraksiones turistikas de Yisrael, endemas de la egzistensiya de formasiones koralinas i una rika vida submarina, muy apresiadas por los submarinistas, i las ekspediciones de aventura al interior del Negev.

Eilat es una sivdad muy resiente, cuyo orijen data de los deseyos de los djudios por asentar su dominio en el dezierto del Negev, otorgado por la partision de las Nasiones Unidas a Yisrael. Andjak, el pasado de esta sona kostera pode remontarse hasta el reynado de Salomon haMelej, ken en el syeklo X aperturo el porto de Esyon-Geber en la kosta del Mar Kolorado para merkar kon los paizes de Ofir y Saba, tal como dize la Tora.

Dempues de la gerra de independensia de Yisrael del anyo 1948, Eilat se konvirtio en un importante posto no solo estratejiko, sino tambien komersial, para el muevo paez. Egipto, asyendo kaso omiso de las leyes internasionales, serro el traverse del Kanal de Suez a las naves de bandeira israeli, ansina komo el Estrecho de Tiran, ubikado a la entrada del Golfo de Eilat, impidendo ansina la navegasion de las naves israelies asya el Mar Kolorado. Este blokeo impidio a Yisrael a la ora de akseder a los merkados del Este de Africa i el su akseso a las fontes de petroleo del Sudeste de Asia, por lo que las sus naves devian dar la bolta a Afrika para akseder a estos rekursos. Dempues de la gerra del Sinai del anyo 1956, Yisrael konsigio romper el blokado egipsio. Ansina, Eilat fue konsolidandose con el paso de los anyos komo un sentro turistico de primer orden. Endemas munshos bolos kontratados yegan al Aeroporto Internasional Ovda de sivdades en Evropa, sovre todo de Amsterdam i Londres, endemas de los bolos regulares ke vienen de Tel Aviv, Haifa i Londres

Eilat tiene kayes yamadas Durban i Los Anjeles, en onor a las sus sivdades ermanas




#Article 139: Ramat Gan (216 words)


Ramat Gan (en ebreo  רמת גן, alturas del djardin) es una sivdad en el distrito de Tel Aviv, en Yisrael, ke limita kon las sivdades de Tel Aviv, Giv'atayim, i Bnei Berak, konformando la mayor parte del Gush Dan. En eya se enkontran el estadio nasional de futbol de Yisrael, la Universitá Bar-Ilan, uno de los amijores  espitales del paez (Sheba Medical Center), i un parko nasional. En eya tambien se enkontra la mas grande bursa de diamantes del mundo, en el ke se enkontra la kulá mas alta del paez, la Kulá Moshe Aviv.

Ramat Gan fue establesida enel anyo 1921 en unos terrenos adkiridos para ser un moshav. Asta el anyo 1923, la sivdad se yamaba Ir Ganim (en ebreo עיר גנים, sivdad djardin). Kon el paso del tiempo, Ramat Gan perdio el su karakter agrario i la ekonomia evolusiono asia un sistema mas urbano i komersial. Enel anyo 1926, el Mandato Inglez le iva konseder la kategoriya de konsesho lokal.

Enel anyo 1950, Ramat Gan fue rekonosida komo sivdad por el djoven estado de Yisrael. Las infraestrukturas urbanas kresieron rapido i se fueron aperturando el Sentro Mediko Sheba, el estadio nasional, la Universitá y la Bolsa de Diamantes (Diamond Exchange). Enel estadio se realisan los Djogos Makabeos (las olimpiadas djudias) cada katro anyos.




#Article 140: Mea Shearim (452 words)


Mea Shearim, (en ebreo מאה שערים), es una de las máales mas antikas de Yerushalayim, limitada al nord por la kaleja Mea Shearim. Fue establesida enel anyo 1874 komo la sigunda máale ahué de las paredes de la sivdad vieja por una sosyeté de 100 personas. Reuniendo las parás, los haverim de la sosyeté merkaron un terreno ahuéra de la sivdad vieja, ke ya estava sobrepovlada i fraguaron una nueva máale kon la intension de amijorar la su kalidad de vida. En esos diyas poka jente salia de la proteksiyon de los muros de la sivdad; la tierra era zor de uzar i munchos ladrones arabos puedian atakar. Por eso de dize ke los primeros avitantes de Mea Shearim, las kuyas famiyas sigian al Gaon de Vilna, eran pioneros en todo el senso del biervo. 

El nombre Mea Shearim se deriva de un perek en la Tora - Bereshit 26:12. Its.hak asembro en akeya tierra, i en akel anyo kosecho מאה שערים - sentenas; El Dio lo tenía bendicho.  Los avitantes asperavan ke, komo Its.hak, eyos prosperarian i disfrutarian de las bendiziones de El Dio. Alkunos interpretan el nombre literalmente, komo 100 Portas, ma no parese egzistir konsenso ni base para eyo. 

Oy endia, Mea Shearim ainda parese una máale del Viejo Mundo enel sentro de una sivdad ke dezeya ser moderna. Kon la su majorita de povlasion siendo haredi, las kalejas azen pareser ke se esta andando ariéntro de un shtetl de la Evropa Orientala. La vida esta totalmente adjustada a la alaha, arrogamiento i al estúdio de teksos djudios. Las kostumbres en el vistir inkluyen abrigos pretos lungos i chapéyos pretos o kubiertos de piel de animal para los hombres, i vistidos de manga lunga i saya lunga para las mujeres. En alkunos grupos, las mujeres uzan medias lungas pretas todo el anyo, afilu en enverano. Las mujeres kazadas rigorozamente uzan munchas formas de kuvrirse los kaveyos, de pelukas a tókas. Los ombres tienen barbas i algunos dejan kreser en la su kara lungas patiyas, yamadas peyot o peyes en idish, la lingua ke avlan munchos, porke para eyos el ebreo es sagrado i para solo uzarlo en la esnoga. En shabat, alkunas mujeres i ombres uzan ropa de algun kolor mas klaro.

La máale esta povlada kaji del todo por judios ortodoksos hasidikos o haredim. Los grupos Hasidikos representados en Mea Shearim inkluyen Breslov, Slonim i Toldos Aharon. Mea Shearim es endemas la baza del movimento anti-zionista Neturei Karta. 

Para alejar mujeres poko kuvijadas i alejar grupos grándes de turistas kuriozos, konsiderados ofensivos, se topan sinyales de modestia en inglez i ebreo en las sus entradas. para amostrar respekto, los visitantes a Mea Shearim deven fecnear las sigintes reglas: 




#Article 141: Balat (353 words)


Balat es la máale djudia mas konozida de la parte evropea de la sivdad de Istanbul i esta situada al sud del Korno de Oro. la otra máale de Istanbul asosiada kon la komunita djudia es Kuzguncuk en el lado asyatiko de la sivdad.
Balat se topa entre Ayvansaray i Fener. Este nombre fue dado por ke se topava serka del palasio Blaherna ke se yamava Palation. 

En la istoria de Balat la emportante koza fue ke los djudios ke vinyeron de la Espanya se aresentaron aya, i esto kontinuo siendo una máale de los djudios fina serka tiempo. Aparte de esto komo se aresentaron los djudios de Balat esto travo i a los djudios de Gurgistan a este lugar. Los djudios Serfaradis le se fuyeron de la Inkisizion de la Espanya, kon la envitasyon del rey Beyazıt II vinyeron a Istanbul. Dez del sieklo 15 el puevlo djudio de Istanbol bivyeron en Balat i en Haskoy ke se topa en la otra parte del Korno de Oro. 

La forma de las kazaz de los djudios ke se arekojeron aryento del kazal, ez kazaz de tres etajes. abasho es estrecho i el sigundo i treser etaj tienen balkones salidos para afuera.

En entrando por la puerta de viejo Balat por la parte derecha se topa el Kal Yanbol. mas adelantre se topa el Kal de Ahrida ke fue fraguado de parte de los djudios ke vinyeron de Makedonia del kazal Ohri. Dizen ke este kal ez el maz viejo kal ke se topa en Balat. La fragua de oy ez kedada del sieklo 19. 

Los djudios de Balat empesaron a emigrar a Israel dez del anyo 1950. Komo loz pokos ke kedaron se fueron a otros lugarez en Istanbol, ansi ke en Balat kedaron muy pokos djudios. En el kazal ay una iglesia ortodoksa nombrada Ayios Strati. La unika Mishkita ka ay en el kazal ez la ke fraguo Mimar Sinan yamada Ferruh Kethüda. Maz aya de la mishkita se topa una iglesia ke era de los Gregos Ortodokses, i en el anyo 1929 fue donada a los Ermenis Gregorien nombrada Surp Hreşdegabet.




#Article 142: Kuzguncuk (722 words)


Kuzguncuk es una maalé de Üsküdar, la parte Azyatika de Estanbol, en la Turkiya. Es una de las dos maalés mas relasionadas kon la komunita djudia; el otro es Balat en el lado evropeo de la sivdad. Kuzguncuk es una maalé bien diversa kultural i relijiosa mente: Se puede topar una kilise ermení serka de un kal i al otro lado de la kaye ay una iglesia ortodoksa grega serka de un djamí. Endemás, ay una betahayim en esta maalé. Dempués de la independensia de Izrael, muncha djente de la komunita, ke eran la mas muncho de la maalé, izo aliya i agora bive en Izrael. Es una maalé trankila, kon munchas kazas viejas.

Munchos dizís de la televizyón turka se filmaron en esta maalé.

El viejo nombre de Kuzguncuk es “Hrisokeramos” i esto kere dizir teja de oro. En los anyos 565 - 579 fue fraguada una eglisia de parte de Justinos, ke el tejado era serado kon tejas de oro. El nombre de Kuzguncuk fue dado a este lugar ke se yamava antes Kozinitza. Se dize ke el nombre fue dado en el tiempo de Fatih Mehmet II (1451-1481) al nombre de una persona ke se yamava Kuzgun Baba.

Los primeros moradores djudios, ke no se save exaktamente el anyo ke vinieron en el sieklo 17, en la parte de Asia en Estambol. Se dize ke Kuzguncuk era un kazal de djudios. Para los djudios de la Evropa Kuzguncuk era la estasion de alkavo para arivar a la tiera santa. Para la gente ke no se puedian ir ala tiera prometida, deshavan de sava ke kuando ivan a murir, kerian enterrarsen en Kuzguncuk. Pormodo de esto ay aya un simiterio bastante grande des del 17 sieklo.

En este tiempo aparte de los djudios biviyan aya i Gregos. Los Ermenis empesaron aresentarsen aya en el sieklo 18, i en el sikelo 19 se izieron un grande grupo.
En Kuzguncuk lo maz del puevlo no era muslumano por esto los otomanos no se enteresaron de este Kazal. En lugar de esto eyos se apatronaron de una parte de Paşalimanı - kon las meskitas, la fuente, la eskola de sandalas, i kon las guertas. De la parte de Rumeli trayiyan vakas para pasar ala parte de Anadol, i los pasavan kon sandalas. El nombre Bosforosus en grego viene del nombre pasaje de vakas.

En el transporte de Kuzguncuk, en el sigundo medio de sieklo 19 aviya vapores de Şirket-i Hayriye. En el anyo 1865, dospuez del fuego de Kuzguncuk, izyeron aya una eskala para vapores, i esto ayudo al transporte.

Komo no ay munchos muslumanes en esta maale, alos kavoz del 19 sieklo aviya solo dos meskitas. La una Üryanizade Mescidi i la otra se fruago en el anyo 1952. Üryanizade Mescidi fue fraguada de parte de  Uryanizade Ahmed Esad Efendi. La minare es la maz rika i enteresante de laz otras minares.

En Kuzguncuk en el bodre del Bosforos ay una my enteresante i ermoza kaza (yali). Ez la kaza de Fethi Ahmed Paşa, el primer patron de la kaza. El tuvo onoravle posto en el tiempo del rey Mahmut II, i en el tiempo de Abdul Megit. En esta kaza aviya doz partidos de moradas, una para laz mujeres (Harem) i una para los ombres (Selamlik). Detraz de la kaza aviya un boske con munchos arvoles. A esta kaza la desharon a la munisipalidad para ke seya avyerto al puevlo kon kondisyon de no fruagar aryento.

El kazal de Kuzguncuk en el 19 i 20 sieklo paso munchos fuegos. I agora aya se topan munchas grandes i chikas kazas, i apartamentos modernos. Dozpuez del anyo del fuego 1864 se fruago kazas de doz i kuatro etajes. Estaz kazas son fruaguadas de piedra o de tavla. 

En el anyo 1914 existiya en Kuzguncuk 70 kazas de muslumanos, 250 gregos, 1600 ermenis i 400 kazas de djudios, i 4 kazas de djente de suditansa ajena. En el 1933 lo maz muncho eran loz djudios, aviya 580 kazas ke moravan 4000 personas.

Agora en Kuzguncuk lo maz del puevlo son muslumanes. Muncho salyeron de este lugar o vendieron las kazas o izyeron reparasiones. En el tiempo de alkavo este kazal esta preferido de parte de loz istambulis, i estan reparando laz kazas viejas. Kuzguncuk se izo un lugar espesial en el Bosforos para bivir.




#Article 143: Karataş, İzmir (188 words)


Karataş es una máale (mahalle, en turko) de Ezmirna, Turkiya ke se topa arientro del distrito de Konak. Los grékos yamavan Melantia a la maále. La máale ya no tiene delimitasion ofisiala i solo egziste komo una semt en la beira del Golfo de Ezmirna. La su ekstension es la de la máale ofisiala, yamada Turgut Reis. Los ke biven en la máale, muy orgolyosos de eya, es komun ke digan ke biven en Karataş. 

En Karataş se topa la mas grande esnoga de la sivdad, Bet Israel, i el Karataş Hastanesi, tambien yamado Yahudi Hastanesi (Espital djudio, en turko), ke es propiedad de una fondasion djudia de bienfezensia. Asansör, literalmente el elevador, aperturado enel anyo 1907 por un ombre de negosios djudio yamado Nesim Levi para permitir ke la jente pudiese yegar a la parte alta de la máale, es un simbolo de la Karataş ansina komo de Ezmirna. El Asansör esta ubikado en la Kaleja Dario Moreno (Dario Moreno Sokağı), en onor al kantador ke le merkó una kaza a la su madre en esta kaleja i bivio kon eya durante sus primeros anyos komo kantador.




#Article 144: Lingua turkana (374 words)


La lingua turkana, (Türkçe o Türk dili) o turko pertenese a la famiya linguistika de las linguas turkanas; ke es avlada desde el oksidente de Kina asta los Balkanes. 

Es ofisial en Turkiya, ande se avla desde la epoka medieval, kuando los turkanos prosedentes de Asya Sentrala instalaronse en Anatolia, ke entonses era parte del Imperio Bizantino. Es ofisiyal tanbiyen en la Repuvlika Turkana del Norte de Kibris. En algunas zonas balkanikas se avla una varyedad konosida komo turko otomano (Osmanlı Türkçesi), kue se diferensiya bastante del turko moderno de Turkiya. En varios paizes de Evropa Oksidentala egzisten importantes komunidades de avlantes de turko, emigradas de la Turkiya en datas resyentes.

Es lingua ofisiala en la Turkiya i Kibris del Nord. En Kipre tambien es lingua ofisiala de la repuvlika, andjak no es uzada.
En otros paezes ande no es lingua ofisiala a levelo nasyonal, es lingua ofisiala a nivel rejional, komo por enshmplo:

Es una lingua aglutinativa ke se baza en un sistema de sufiksos e infiksos anyadidos a la raiz de las palavras ke permiten ekspresar gran kantidad de sinyifikado kon pokos biervos. La su gramatika no suele tener eksepsiyones. No egziste el jendre gramatikal.

El Turkano fue eskrito kon munchos sistemas de eskritura. Se eskriviyo kon alefbet arabo adaptados desde el syéklo XIII asta la reforma ortografika emprendida en los anyos 1920 por el govierno de Mustafa Kemal Atatürk, el kualo emprendiyo varias inisiyatikas de oksidentalizasyon del payis kon la kreensia de ke esto kontriviriya a su modernizasyon. La reforma ortografika vino akompanyada de un intento de depurasyon nasyonalista, es desir, de trokar la gran kantidad de prestamos linguistikos en la lingua turkana otomana (sovre todo arabes i persas) por biervos de raiz turkana, objektivo vijyente oy en diya ke no ha koseshado los egzitos esperados. 

Esta regulada por la Türk Dil Kurumu (Sosyeté de la Lingua Turkana, TDK)

Egzemplo de teksto: Artikolo 1 de la Deklarasyon Universala de los Diritos Umanos

Bütün insanlar hür, haysiyet ve haklar bakımından eşit doğarlar. Akıl ve vicdana sahiptirler ve birbirlerine karşı kardeşlik zihniyeti ile hareket etmelidirler.
(Todos los benadamos nasen livres e eguales en dinyidad i derechos i, dotados komo estan de razon i konsiyensiya, deven komportarse fraternalmente los unos kon los otros. )




#Article 145: Repuvlika Turkana del Norte de Kipre (255 words)


La Repuvlika Turkana del Norte de Kipre (RTNK) (en turko: Kuzey Kıbrıs Türk Cumhuriyeti (KKTC) es un estado de fakto, ke kontrola el tersiyo nord de la adá de Kipre, en la Mar Mediterranea Oriyentala, serka de la kosta de la Turkiya, Libanon, Yisrael i Surya. La adá de Kipre esta ubikada a 113 km al sud de la Turkiya i 120 km al oeste de Surya.

La Turkiya es el uniko payis ke la rekonose ofisialmente komo un paez independiente, endemas, Bosnia i Herzegovina i Azerbaidjan rekonosen la su soverania komo un payis distinto al sektor grégo, má no tienen ambasada en Lefkoşa, la sivdad kapitala, i Paraguay i Gambia tienen intensiones de rekonoser a la RTNK en un futuro serkano; todos los demas governos i las Nasiones Unidas rekonosen la soveranya de la Repuvlika Kipriyota sovre toda la adá. La Organizasion de la Konferansa Islamika rekonose a la Repuvlika Turkana del Nord de Kipre komo un estado konstituyente, basho el nombre de Estado Turko Kipriyota. El resto del mundo rekonose la isola komo la Repuvlika Kipriyota, una isola-nasyon, i myembro de la Union Evropea. La RTNK deklaro la su independensia enel anyo 1983, ma la su deklarasyon de independensia era deklarada ilegal por las Nasyones Unidas, al ekstremo de ke solo konsidera al presidente elekto de la Komunita Turkana de la Repuvlika Kipriyota komo un partner para las negosiyasyones ensima del futuro de la isola.

En la isola endemas se topan las bazas de la armada del Reyno Unido de Akrotiri i Dhekelia.




#Article 146: Üsküdar (167 words)


Üsküdar es una grande i muy povlada máale de la sivdad de Istanbul, en la kosta Asyatika del Bosfor, enfrente del sentro de la sivdad ke esta ubikado en el lado evropeo. Üsküdar esta serka de Kadıköy. Tiene mas de medio milyon de abitantes. La máale tiene un ambiente mas kalmo i por tánto, amijor kalidad de vida ke el lado evropeo de la sivdad, a pesar ke se le puede akeseder fasilmente a la máale de Eminönü pasando el Bosfor en nave o en otomobil. Munsha de la jente ke vive en la máale viaja todos los dias al lado evropeo para lavorar o estudiar.

En Üsküdar ay munshas mezkitas istorikas, komo la Mezkita de Mihrimah Sultan; i la Mezkita Mimar Sinan's Şemsi Paşa, kenes eran la ija i el wazir de Suleiman el Magnifiko, respektivamente, endemas de ke en Doğancılar estan las mezkitas de Valide Sultan i la mezkita Çinili Camii. Tambien estan el teatro Musahipzade Celal Sahnesi i la Universitá de Komersio de Istanbul.




#Article 147: Rehovot (131 words)


Rehovot (en ebreo רְחוֹבוֹת, pronunsiado Reḥovot, lugares amplios), es una sivdad en el sentro de Israel. La sivdad se ankontra serka de la kosta de la Mar Mediterraneo oryental, a 20 km del sud de Tel Aviv i es konsiderada la kapital sientifika de Yisrael déke en la sivdad se ankontra el Instituto Sientifiko Weizmann. El su alkalde es Shuki Forer. La sivdad esta konstruyida en el sitio donde estaba Doron, una konunita djudia que egzistia en la epoka de la Mishna, endemas ke dempues fue la ubikasion de Khirbet Duran, povlada en la epoka de los Romanos y el Império Bisantino. En la sivdad se va fraguar el Muzeyo de la Erensia Etiope, el ke va amostrar la kultura i la erensia relijiosa de la komunita de los Beta Yisrael




#Article 148: Tizi Uzu (131 words)


Tizi Uzu (en tamazight Tizi Uzezzu, Vista de las flores; en franses Tizi-Ouzou; en arabo تيزي وزو), es la sivdad kapital de la wilaya de Tizi Uzu, en Arjelia.  la sivdad limita kon la Mar Mediterraneo al Nord, al Sud kon la Wilaya de Buira, al Este kon la Wilaya de Bedjaya, i al Oeste kon la Wilaya de Bumerdes. La sivdad es el sentro prinsipal de la kultura kabil en Arjelia. 

En la sivdad se enkontran las sigintes kazas de estudios superiores:

El ekipo de futbol de la sivdad de Tizi-Ouzou, JS Kabylie (Jeunesse Sportive de Kabylie) o Djuventud Esportiva de Kabilia, es uno de los ekipos mas konosidos de Afrika i a ganado la Kopa de Futbol de Afrika tres vezes i la Kopa Nasional de Arjelia 13 vezes..




#Article 149: JS Kabylie (141 words)


La Jeunesse Sportive de Kabylie (Djuventud Esportiva de Kabilia), en tamazight Ilmezyen inaddalen iqbayliyen, amijor konosido komo JS Kabylie or JSK (eskríto ⵊⵙⴽ en el alefbet Tifinagh), es un ekipo de futbol de la sivdad de Tizi Uzu en Arjelia. Sus prinsipales sigidores son los kabiles de la rejion, ke son etnikamente distíntos de los arabos. Ántes se yamaba JS Kawkabi (entre los anyos 1974 i 1977) y dempues JE Tizi-Ouzou (entre los anyos 1977 i 1989). Es uno de los ekipos de futbol mas rikos y azlahoso de toda Afrika, kon un presupuesto de unos 2.500.000 euros. El su estadi es el Stade 1er Novembre, en Tizi Uzu, kon una kapachitad de unos 20.000 espektadores, afilú para los djogos de la Kopa CAF uza el Stade 5 Juillet 1962, en la sivdad de Arjel, kon una kapachitad de 66.000 espektadores. 




#Article 150: Shulhan Aruh (209 words)


El Shulhán Aruh (en ivrit שולחן ערוך, mesa aprontada) es la kodifikasiyon de la ley djudía eskrita por Rabí Yosef Karo (1488-1575), el kualo era uno de los últimos poskim i místikos de Safed. Bazada en otro livro de Karo, el Bet Yosef, anke kitado el komentario analítiko, el Shulhán Aruh es una presentasiyon kompleta de la Alaha en katro seksiyones. El Shulhán Aruh tiene kodifikadas las leyes i tradisiones de los sefardim i mizrahim, los kualos akseptaron pishín esta ovra komo la gia kon autoridad para las komunitas djudias. Afilu para los ashkenazim, la ovra del haham Karo no amostró varias tradisiones i humrot ke egzistiyan en las komunitas djudias de Evropa Sentrala i Oryentala desde la epoka de Rabí Asher ben Yehiel. Alkunos trokamyéntos i notas emportantes fueron adisionados por Rabí Moshé ben Israel Isserles, el Rema (1525-1572), ma egziste una versiyon muy popular, el Kitzur Shulhan Aruh, la kuala fue publikada en Madjaristan por el Rabí Shlomo Ganzfried enel anyo 1864. A diferensia del Talmud, el Shulhan Aruh es una obra monosemika, es dizir, esta eskrita de tal manera ke sólu ay una interpretasiyon posivle.

La su estruktura de 4 libros, sige un orden komo el de los Libros de Turino, del rabino Jakob ben Asher:




#Article 151: Safed (125 words)


Safed (en ebreo צְפַת, Tzfat) es una sivdad ubikada en el Distrito Norte de Yisrael. Segun la Ofisina Sentral de Estadistikas de Yisrael, a finales del anyo 2003, la sivdad tenia una poblasion de 26.600 abitantes. Safed es rekonosida como una de las katro sivdades santas djudias djunto kon Yerushalayim, Tiberias i Hevron i como sentro para la Kabala, una forma esoterika de mistisismo djudio. Es tambien famosa por ser una sivdad de klima saludable y con festividades, kon enveranos agradables i kon inviernos kon neve déke la su altitud de mas de 900 metros i munshas luvias.

La sivdad ha eksperimentado resientemente atakos de misiles de Libanon lansados por Hizbolá. An sido feridos i muertos varios sivdadanos en los atakos kon los misiles Katyusha. 




#Article 152: Barquisimeto (239 words)


Barkisimeto (en espanyol Barquisimeto), la yamada Kapital musikal de Venezuela, es kapital del Estado Lara i  del Munisipio Iribarren, emportante sentro urbano, industrial, komersial i de tranzporte del paez. Es la katren siudad mas povlada de Venezuela. Se le konose endemás komo la Siudad de los krepúskulos por los sus ermozos atadreseres. La sivdad esta ubikada enel altiplano omónimo, ke esta ensíma de las riberas del rio Turbio. Los abitantes indijenas yamaban varikisimeto al chiko rio de águas de kolor siníza. Otro de los posivles orijenes del su nombre es el del kolor kolorado yamado barikí, ke los indíjenas uzaban en las sus seremonias relijiosas. La sivdad fue fundada por el espanyol Juan de Villegas enel anyo 1552, a oriyas del rio Buría, komo Mueva Segovia de Barkisimeto. Dempues fue trokada de lugar tres vezes asta el anyo 1563, kuando se le dio la ubikasion aktual.

La sivdad es un sentro komersial de priméra emportánsia en el paez, déke esta ubikado en el kruze de los kaminos prinsipales ke komunikan el sentro, las montanyas de los Andes, el oksidente del paez, la kosta i los yanos; de fákto, Barkisimeto tiene el uniko komerso del paez ke no esta en frontiera ni en rithim; para ese uza el rihtim de Puerto Kabeyo, kon el ke se komunika por tréno. En la sivdad se enkontra Merkabar (Mercabar, en espanyol), el mas grande sentro de magazenamiento de merkaderiyas de la Amerika Latina.




#Article 153: Recep Tayyip Erdoğan (175 words)


Recep Tayyip Erdoğan es el primero ministro de la Turkiya desde Marso del anyo 2003. Pertenese al Partido de la Djustisia i el Dezvelopamiento (Adalet ve Kalkınma Partisi o AKP, en turko).

Desde ke fue elekto komo primero ministro, Erdogan a lansado munshas trokos legales, kon la idea de aser de la Turkiya un paez ke kumple kon las reglas de la Union Evropea (UE), para asi poder ser akseptada en eya. Una de las reformas mas konosidas es la abolision de la pena de muerte i el mayor respekto a los diritos umanos para la povlasion kurda del oryénte del paez. Endemas, mantene la posizion del su paez adyéntro de la OTAN, ma no aksepto ke la armada de Estados Unidos uzara el su paez para atakar por el nord a Irak enel anyo 2003, ma si permitio ke los aviones amerikanos bolaran por el syelo turkano. Endemás, tambien a partisipado en la firma del Pakto ke establese una Konstitusion para Evropa, ke se firmo el 29 de Októbre del anyo 2004 en Roma.




#Article 154: Repuvlika Kipriyota (231 words)


La Repuvlika Kipriyota (en grégo Κύπρος, Kipros; en turko Kıbrıs) es un paez evropeano uvikado en la adá del mezmo nombre ke es parte de la Union Evropea (UE). Esta Repuvlika es un Estado internasyonalmente rekonosido, ma solo kontrola dos treseras partes del sud de la isola. El tresiyo nord fue okupado por la Turkiya en el anyo 1974, dempues del golpe de estado grego i ke dempues se kreyo la Repuvlika Turkana del Norte de Kibris para estavleser un estado para los turkanos de la isola. Este payis solo esta rekonosido ofisialmente por la Turkiya, ma otros payises komo Azerbaidjan, Bosnia i Hersegovina, Gambia i Paraguay amostraron entereso en estavleser relasyones kon el payis. En la isola tanbyen se ankontran las bazas de la armada del Reyno Unido de Akrotiri y Dhekelia. La isola de Kipre esta uvikada en la Mar Mediterraneo a 113 km al sud de la Turkiya i 120 km al oksidente de Surya.

Kipre ingreso komo membro de las Nasyones Unidas el 20 de septiembro del anyo 1960, dempues de ser kolonia del Reyno Unido.

La Repuvlika Kipritoya partisipa en: Australia Group, CN, CE, CFSP, EBRD, EIB, EU, FAO, IAEA, IBRD, ICAO, ICC, ICCt, ITUC, IDA, IFAD, IFC, IHO,ILO, IMF, IMO, Interpol, IOC, IOM, IPU, ITU, MIGA, NAM, NSG, OPCW, OSCE, PCA, UN, UNCTAD, UNESCO, UNHCR, UNIDO, UPU, WCL, WCO, WFTU, WHO, WIPO, WMO, WTO, WTO.  




#Article 155: Nikosiya (154 words)


Nikosiya (en gréko Λευκωσία, Leukosía, sivdad de la viktoria o  sivdad blanka) es la kapital i la sivdad la mas grande de la Repuvlika Kipriyota‎ kon un povlasion de 224.500 abitantes. Es el sentro ekonomiko, politiko y kultural del payis. La sivdad gréka esta separada del sektor turko-kipriyota de la isola por la yamada linea vedre; el nombre turko de la sivdad es Lefkoşa, ke endemas es la kapital de la Repuvlika Turkana del Norte de Kibris, ke se topa al otro lado de la linea vedre. Konosida komo Lefkousia, Ledra o Ledrae en tiempos antikos, la sivdad fue la kapitala del Reyno de Kipre desde el anyo 1192. Dempues fue parte de la Repuvlika de Venezia en 1489 i paso a azer parte del Imperio Otomano enel anyo 1571. El nombre kon el ke se le konose en Oksidente, Nikosiya, aparesio kuando yegaron los Lusignan. Los Krusados Frankos no savian dizir Levkosía korrektamente. 




#Article 156: Lefkoşa (168 words)


Lefkoşa (nombre turko ke provene del gréko Λευκωσία, Leukosía, sivdad de la viktoria o sivdad blanka) es la parte del nord de la sivdad de Nikosiya i la kapitala i la sivdad la mas grande de la Repuvlika Turkana del Norte de Kibris kon un povlasion de 84.890 abitantes. Es el sentro ekonomiko, politiko y kultural del payi. La sivdad turkana esta separada del sektor grego-kipriyota de la isola por la yamada linea vedre; al otro lado de la linea vedre establesida por las Nasiones Unidas esta el lado gréko, yamado internasionalmente Nikosiya, ke endemas es la kapital de la Repuvlika Kipriyota‎. Konosida komo Lefkousia, Ledra o Ledrae en tiempos antikos, la sivdad fue la kapital del Reyno de Kipre desde el anyo 1192. Dempues fue parte del Reyno de Venesia en 1489 i paso a ser parte del Imperio Ottomano enel anyo 1571. El nombre kon el ke se le konose en Oksidente, Nikosiya, aparesio kuando yegaron los Lusignan. Los Krusados Frankos no savian dizir Levkosía korrektamente.




#Article 157: Knesset (287 words)


La Knesset (כנסת, assamblea en Ivrit) (Arabo: الكنيست‎ al-K(e)neset) es la Asamblea Nasyonal de la Medinat Yisrael i esta konpuesta por una unika kamara de 120 deputados, para un mandato de 4 anyos, por medyo de la representasion proporsional para lístas de partido. Akorrúto, espesialmente en los ultimos anyos, se a disuelto al yamar a eleksiones antisipadas antes de ke finalize el termino para el kual a sido elejida.

Ya ke Yisrael es una demokrasia parlamentaria, las unikas eleksiyones selebradas en el paez a nivel nasyonal son las lejislativas; entonses la Knesset, una vez elekta, bushka formar de entre sus deputados una koalisyon ke konte kon la majoriya simple de las sus bankas, la ke elijira de entre los sus membros al Poder Egzekutivo (el Primér Ministro i el su gabinete). El governo deve disfrutar de konfiansa permanente de la Kneset para permaneser en el su kargo; si la Knesset aprova un boto de deskonfiyansa al Egzekutivo, endemas de darle al menos 61 myembros del parlamento apuyo a un kandidato opositor, inplika el fin de ese governo i la toma de poder del otro kandidato. Endemas la Knesset dikta leyes, supervisa la avoda del Governo Nasyonal, i tiyene tambiyen la potestad de nombrar i destituir al Presidente, ansina komo al Kontrolador del Estado, entre otras fonksiyones. Las primas eleksiyones a la Knesset se yevaron akavo el 14 de Fevrero del anyo 1949.

Yisrael tiene la kuryosidad ke las leyes aprobadas por la Knesset no deven entrar en konflikto kon las leyes organikas, ke son 'de fakto' la konstitusyon del paez (Medinat Yisrael no tiene konstitusion) ma la Knesset tene el poder de aprobar leyes organikas adisionales.

La 18ª Knesset fue elijida el 30 de Marso de 2009.




#Article 158: Suisa (138 words)


La Konfederasion Elbetika o Suisa (en alman: Schweiz, en fransez: Suisse, en italiano: Svizzera, en romanche: Svizra) es un paiz federal ke se topa al sentro de Evropa Oksidentala, sin salida a la mar, ma kon coneksiones de portos a traverso del rio Rin. Tiene frontieras al norte kon Almania, al oeste kon Fransia, al sur kon Italia i al este kon Ostria i Liechtenstein.

El paiz a tenido una gran tradision de neutralidad politika i militar, por lo kualo es sede de munchas organisasiones internasionalas. El su nombre provene de uno de los kantones ke fondaron la federasion enel anyo 1291: Schwyz (en almán estandarisado: Schweiz). Es uno de los paizes mas rikos i dezvelopados del mundo.

El nombre Suisa deriva de Schwyz, nombre de uno de los kantones de Waldstätten ke konformaron la Antika Konfederasion Suisa.




#Article 159: Ayroporto Internasional Ben Gurion (136 words)


El Ayroporto Internasional Ben Gurion o Ben Gurion Airport (en ebreo נמל התעופה בן גוריון, Namal HaTe'ūfa Ben Gūryōn, en arabo مطار بن غوريون الدولي, maṭār Ben Ghuryon ad-dawlī) istorikamente konosido komo Aeropuerto de Lydda (Lod) i algumas vezes konosido por el su akronimo en ebreo: Natbag (en ebreo נתבג), es el mas grande ayroporto internasional de Yisrael. Enel anyo 2008, el ayroporto resivió 11.5 milyones de pasajeros. La presensia de las huérsas de sekurita en el ayroporto inkluyen a las Huérzas de Defensa Yisraelis i a la polisiya. Los guardias de sekurita andan vistidos tanto de siviles komo uniformados, permitiendo la deteksiyon de un grande número de amenasas. El ayroporto nunka a tinido un avion sekostrado.

Todos los bolos domestikos yegan a la Terminal 1, i todos los bolos internasionales yegan a la Terminal 3 




#Article 160: Modi'in (284 words)


Modi'in es una sivdad planifikada en Yisrael, serka de Yerushalayim. Resientemente se unio a las sivdades de Maccabim i Re'ut para konformar la mueva sivdad de Modi'in-Maccabim-Re'ut (en ebreo מודיעין-מכבים-רעות). La sivdad esta fraguada serka de ande egzistio la antika sivdad de Modi'in, abitada por los Makkabim ke gerrearon kontro de los grégos i fondaron el reyno de los Hashmonaim, el kualo fue el ultimo estado independyénte djudio antes de la Galut.

La su priméra piedra fue emplasada enel anyo 1993 por el antonses primer ministro Itshak Rabin i el su fraguamyénto tuvo el su empesijo enel anyo 1994. En el mes de Djulio de 1996 fue aperturada para ser abitada, i fue nombrada sivdad enel anyo 2003. 

Modi'in fue desinyada por el arkitekto yisraeli Moshe Safdie i kriada kon el buto de azerla una sivdad modérna, kon respekto a la natura i kon un kresimyénto armoniko, enel sentro del payis. La sivdad se ankontra enel su proseso de kresimyénto i dezvelopamiento basho kontrolo de la munisipalidad, fraguando unas 4000 kazas kada anyo, en espera de ke la sivdad alkanse tener unos 250.000 abitantes, para ansina ser la katrena sivdad mas grande del payis, dempues de Yerushalayim, Tel Aviv i Haifa, anke el govérno nasyonal tiene planos de yegar sólu asta los 120.000 abitantes. Entre los planos se ankontra ke el treno de alto prestor ke va viajar entre Tel Aviv, el Ayroporto Internasional Ben Gurion i Yerushalayim pase por la sivdad; de fákto, la Estasion Sentrala de trénos de Modi'in esta fraguada debasho de la tyerra para ekonomizar espasio, del mismo modo ke los konduktos de los servis publikos en la sivdad: luz, agua, telefon, television i de internet.

Modi'in esta ermanada kon:




#Article 161: Frankfurt (103 words)


Yamada Frankfurt o Frankfurt del Meno (en almán Frankfurt-am-Main) es una sivdad del sentro de Almania. Se enkontra en el estado (länder) alman de Hesse i es la sinken sivdad mas grande del paiz, dempues de Berlin, Amburgo, Munich i Kolonia; esta en el sentro del area metropolitana Frankfurt Rhein Main, kon sinko milyones de avitantes. Es la kapital ekonomika del paez, sede de la Bolsa de Valores de Almania i del Banko Sentral Evropeo.

En Frankfurt djuga un gran klub de futbol: El Eintracht Frankfurt, endemas de el FSV Frankfurt i el ekipo de hockey Frankfurt Lions.

Frankfurt tiene munshas sivdades ermanas:




#Article 162: Lima (542 words)


La Sivdad de Lima es la kapitala i la sivdad mas grande de Peru. Fue fondada enel anyo 1535 por Fransisko Pizarro, aktualmente es una de las aglomerasyones urbanas ma grandes del Kontinente Amerikano i de Sudamerika. Lima, endemas hue la antika kapital del Virreynato del Peru durante el dominio espanyol en la sivdad, por eyo ay ayi, numerosas fraguas del arte barroko.

El nombre de Lima proviene del biervo kichwa; Rimaq, nombre de un rio ke abasha de la serralada ke topa en los Andes.

Anke la istoria de la sivdad de Lima komenso kon la su fundasión espanyola en 1535, el territorio konformado por los vayes de los ríos Rímac, Chillón i Lurín estava okupado por asentamientos preinkaikos, los kualos estavan agrupados basho el sinyorío de Ichma. La kultura Maranga i la kultura Lima hueron las ke se afinkaron i forjaron una identidad en estos territorios. Durante esas anyadas se fraguaron los santuarios de Lati (actual Puruchuco) i Pachacámac (el pensipal santuario de peregrinasión duranteel tiempo de los inkos).

La Sivdad de Lima es uno de los prinsipalos sentros finansieros del paiz, en la kapitala peruviana konsentra las ofisinas del su Banko Nasionalo del Peru i una koneksion kon munchas sivdades del mundo por via ayrea. La Via ekspresa es la vialidad mas importante de la sivdad, ayi ay kulas o raskasyelos bankarios i de las institusiones ma importantes del paiz, el komersio esta muncho akresentado i konsentra la aktividad de la rejion sentrala del paiz.

Santa Ysidro i Miraflores zon de los sus muevos sentros finansieros, las ofisinas sentralas de munchas firmas internasyonales estan ayí. Tambien ay industria en las sus zonas obreras o populares, ma kaji toda es afinkada en la Zona Metropolitana.

Ansina, el kresimiento demografiko a kriado desigualdades ekonomikas entre los avitantes de la sivdad.

Lima es el prinsipal punto ande se ajamba al paiz,ay aki un desvelopamiento emportante industria del turizmo, entre las ke afaman el su sentro istóriko, sus sitios arkeolójikos, su vida nochera, los muzeos, las galerías de arte, las festividades i las tradisiones populares. Aktualmente Lima viene komandando el indise de sivdades a nivel de Latinoamérica y se topa en el lugar 20 global, kon 5 110 000 visitantes en el anyo 2014.

El Sentro Istoriko de Lima es uno de los lugares mas visitados de la sivdad, aki hue ande se fundo la kapitala del Virreynato del Peru, uno de los puntos emportantes ande topa la djente, es la Plasa Mayor. El sentro istórico komprende parte de los distritos de Lima i Rímac, hue declarado Erensia de la Umanitad por la Unesco en 1988 debido a la emportansia ke tuvo la sivdad durante el Virreynato del Peru, ayi se topa komo testimonio una grande kantidad de espasios arkitektonikos o antikas fraguas kolonialas. Destacan la Basílica i Convento de San Francisco, la Plasa Mayor, la Katedral de Lima, la Basílika i konvento de Santo Domingo, el Palasio de Torre Tagle, entre otros. El recorrido por las kilisias de la sivdad es muy popular entre los turiztas. En un chiko recorrido por el sentro de la sivdad podemos topad munchas fraguas antikas, varias de las kualas datan de los sieklos XVI i XVII.

La Sivdad de Lima es ermanada kon las sigientes sivdades:




#Article 163: Peru (616 words)


El Peru o la Repuvlika del Peru (en kechua i en aymara Piruw), es un paiz ke topa en Amerika del Sud. En la su tierra komparte frontieras terrestres kon Chile al sud, Bolivia i Brasil al este i Ekvador i Kolombia al norte. La kapital del paiz es Lima, una sivdad kon mas de 7.500.000 moradores.

Es una de las nasiones amerikanas kon emportantes afinkamientos antikos, ande kulturas aborijinalas komo la kultura Caral amostra vestijios.

Ay varias versiones del orijin del nombre del Peru, una deyas diz ke fue kuando los espanyoles navegavan navios en la beira del Panama i kuando preguntarano en ande estavan, los aborijinalos respondieron ke Virú.

Sus restos arkeolojikos mas antikos zon muncho posteriores al primer afinkamiento de Amerika. Korresponden al XI milenio a. C., datasion hallada en la Cueva del Guitarrero (departamento de Áncash), en la sierra nor-central del país. A fines de la última glaciación, los primeros pobladores comenzaron el lento proceso de domesticación de la biota local (véase: revolución neolítica) y a reunirse en tribus y aldeas para formar eventualmente aillus. Se han encontrado vestigios del origen de la agricultura americana en la cuenca media del río Zaña, en Nanchoc (departamento de Cajamarca) de hace nueve mil años (7600 a. C.).

El territorio peruviano komparte frontieras terrestres kon Kolombia al noreste i al norte kon Evkador, kon Chile al sud, kon Bolivia al sudeste, i kon Brasil al oriente. Komparte frontieras maritimas kon el Oseano Pasifiko al oeste. El paiz es divisado en 10 rejiones o departamentos, la kapitala es la sivdad de Lima, la orbe mas povlada del paiz i unas de las mas provablemente del kontinente a muchiguar.

Endemas, el Peru se topa entre las sus koordinadas 32° i 14° nord i 86° i 118° oeste; jeografikamente se konforma por una grande masa kontinentala de la plaka sudamerikana, al oeste se topa kon el Altoplano Sentralo delos Andes, una planada serkada por katenas montanyosas asima de 3000 metros de altitud, ay otrunas posesiones minores no kontinentales komo las Izlas de.

El klima es diverso, en alkunos lugares la temperatura es templada, en otros lugares la temperatura es basha kon inyeve en el inverno ostralo.

La Repuvlika del Peru es una repuvlika federal i representativa, el su major shefe de estado es el prezidente de la repuvlika, kien representa el poder exekutivo de la nasion, ma tambien konta kon la autoridad de la Kamara Ledjilastiva, Kamara del senado i la suprema korte djutisia.

El Peru es una delas nasiones del kontinente Amerikano ke mas muchigua i se desvelopa ekonomikamente, endagora es un prinsipal sentro finansiero de Sudamerika para la merka de produktos a traverso del transporte.

Es uno de los paizes kon una diversidad lingistika del mundo, ay aki 53 linguas bivas distintas al kastilyano.

La relijion es emportante para sosiedad peruana, es un paiz mayormente kristiano i la iglezia katolika es la de mayor numero de kreyentes i tradision; ma agora mismo, ay muevas iglezias protestantes pentekostalas ke muchiguan en las zonas ruralas del paiz.

Peru es uno de los paizes del olam kon una grande diversidad kulturala, en el su territorio se desvelopo una de las grandes sivilizasiones, la kual fue la kultura Inka, anke tambien otras kulturas se desveloparon en el Peru komo la chimu o mochika.

Peru es uno delos paizes ande el folklore i la danza es un sembol de identidad nasionala, ay aki munchas danzas komo las marineras azia el norte, los valses en la beira sentrala, la morenada, los sanjuanitos i los karnavales en la serralada de los Andes.

El espor mas djogado en Peru es el futbol, el paiz konta kon una federasion de Futbol ke partisipa en CONMEBOL.




#Article 164: Silicon Wadi (887 words)


Se le yama Silicon Wadi (en ivrit סיליקון ואדי‎, Wadi del Silisio) a la yanura kostera de Yisrael, la ke reune una alta konsentrasion de entreprisas de alta teknolojiya , del mismo modo ke el Silicon Valley en Kalifornia, Estatos Unitos. Mas espesifikamente, se refiere al area alrededor del Gran Tel Aviv o Gush Dan, inkluyendo las sivdades de Ra'anana, Herzliya, Kesariya, Haifa i algumas vezes, el sentro akademico de Rehovot i ma resientemente Yerushalayim kon los sus muevos parkos teknolojikos en Malha i Har Hotzvim, donde esta el IBM Content Discovery Engineering Team . 

Munshas kompanyias de alta teknolojiya de todo el mundo tyenen sentros de investigasion i dezvelopamiento en esta rejion, komo Intel, IBM, Cisco Systems, SAP, Philips, Hewlett-Packard, AOL, Microsoft, Motorola i Computer Associates, endemas de ke munshas kompanyias Israelis de alta teknolojiya tienen las sus sedes en la rejiyon, komo Zoran Corporation, CEVA Inc, Aladdin Knowledge Systems, NICE Systems, Comverse, Horizon Semiconductors, Radware, Tadiran Telecom, Radvision, Check Point Software Technologies, Amdocs, Babylon Ltd., Elbit, Israel Aircraft Industries, la fabrikante de ekipos de jenerasion de enerjiya solar Solel  i sentros de I+D lokales como el Instituto Weizmann de Siensias i el Technion en Haifa. Munshas de estas empresas estan enlistadas en el NASDAQ, ke inkluso tyene un indise para las kompanyias Israelis yamado Israel Index. Es por este ke Israel es munshas vezes yamado el Silicon Wadi i es dosen a nivel mundial, dempues del Silicon Valley en el nivel de la innovasion de los sus produktos y dezvelopos. De fákto, la magazin Newsweek listo resientemente a Tel Aviv komo una de las 10 sivdades de mas alta teknologiya. Intel dezvelopo el su muevo prosesador de doble nukleo Core Duo en el su sentro de investigasion ubikado en el Merkaz Ta'asiya ve'Meida (Sentro de Industrias Sientifikas) en Haifa . En 2006, mas de  3.000 kompanyias startup ivan ser kriadas en Yisrael, un numero ke es el dosen mas alto del mundo, dempues de Estatos Unitos, kon una povlasion 40 vezes mayor. 

Por mas de 40 anyos, la demanda lokal estimulo la ekspansion teknolojika israeli, no solu por módre la kresyente demanda de produktos militares de avansada teknolojiya, sino endemas déke el estandar de vida de la povlasion se fue amijorando rapidamente i por konsekuensa, maz resientemente esta demanda se engrandesio ayinda maz kon la demanda mundial de ekipos teknolojikamente avansados, sistemas de software de defensa, ekipos elektronikos i otros ke an estimulado aun mas el dezvelopamiento de la industria lokal. El nivel de dezvelopamiento teknolojiko de Yisrael i el su status komo impulsador de muevas teknolojiyas es el resultado del su enfasis en la edukasion universitaria, investigasyon y dezvelopamiento en todas las areas. El governo yisraeli endemás estimula el dezvelopamiento industrial ofresyendo kreditos kon muy basho interes, kon fondos del presupuesto nasional para el dezvelopamiento.  Yisrael okupa el treser lugar en gasto en Investigasion i dezvelopamiento a nivel mundial, el oshen en preparasion teknolojika (de akodro al gasto de las sus kompanyias en I+D, endemas de la kriatividad de la su komunita sientifika, el grande numero de kompúters i el indise de uzo de Internet), el dyezen primér en innovasion, el dyezen  sinken en eksportasiones de alta teknolojiya i el dyezen seten en parvenos teknolojikos en la lista Nation Master de payises en el mundo por estandares ekonomikos. Egziste un fenomeno uniko en Yisrael i es la egzistensia del buró del Sientifiko Shef en el Ministerio de Industria i Komersio, ke entrega subzidios y ajudas ekonomikas (ke suman un total de kaji US$400 milyones) para munshos i variados proyektos de teknolojiya. Akeyos proyektos ke sean egzitosos jeneraran ganansias a esta buró por un sierto numero de anyos, paras ke seran dempues reinvertido en otros proyektos . Una de las prinsipales limitantes ke tyene la industria de alta teknolojiya israeli es la poka materia prima lokal i de fuentes de enerjiya limitadas, endemas del tamanyo limitado del merkádo lokal.

Una ventaja de Yisrael frente a otras rejiones de dezvelopamiento i produksion de alta teknolojiya komo Bangalore, el Gran Helsinki i Dublin, es ke munshos israelis ke egresan de las universitás krian startups i se konverten en entreprisaryos djovines de la industria de la TI, ansina bushkando lavorar en las sus proprias kompanyias, puede ser asta el doble numerikamente ke los sus pares de Estatos Unitos, los ke tienden a estar mas atrayidos a empiegos tradisionales, asigun Charles Holloway, ko-direktor del Sentro para Estudios Innovadores i profesór de posgrado de la Universitá de Stanford . Dos programadores israelis del Technion, Zeev Suraski i Andi Gutmans, reeskrivieron el analisador sintaktiko (parser en inglez) enel anyo 1997 i kriaron la baza del PHP3, trokando el nombre del lashón a la forma aktual. Inmediatamente empesaron eksperimentasiones puvlikas de PHP3 i iva ser puvlikado ofisialmente en Djúnio de 1998. Para el anyo 1999, Suraski i Gutmans reeskrivieron el kodigo de PHP, produsiendo lo ke oy endia se konose komo Zend Engine o motor Zend, una kombinasion de los sus nombres, Zeev i Andi. A la su vez, ivan fondar Zend Technologies en la sivdad de Ramat Gan; por otro lado, el programa de mesajeriya instantanea ICQ es uno de los produktos de software israelis mas konosidos enel mundo, i fue dezvelopado por katro djovines emprendedores: Arik Vardi, Yair Goldfinger, Sefi Vigiser i Amnon Amir, por tan sólu mensionar dos egzempios.




#Article 165: Tsahal (673 words)


Las Huérsas de Defensa Israelis (en ebreo
צבא הגנה לישראל, Tsva Hahagana LeYisrael), yamado abrebiadamente צהל (Tsáhal), es el nombre de las huérsas armadas de Yisrael, kriadas a partir de unidades egzistentes enla Armada Britanika i del ala paramilitar de la Haganá dempues de la deklarasion de independensia de Medinat Yisrael enel anyo 1948. Los sus objektivos son la «defensa de la egzistensia, la integridad del paez i la soverania de Medinat Yisrael» i la «proteksion de los sus abitantes». Fadado el estado de konstante aktividad militar en las frontieras israelis desde el anyo 1948, el Tsahal es una de las institusiones maz emportantes del medinat, i el gran numero de militares profisyonales se ve augmentado por el servisio militar obligatorio para la mayoria de los sivdadanos mayores de 18 anyos, tanto ombres komo mujeres, ansina komo por un largo periodo de reserva. Los ombres realisan un servisio militar de 3 anyos i las mujeres, un servisio de 21 meses, ambos kon la posibilidad de ser kontratados, si es ke el Tsahal los nessesita, por una epoka de unos anyos o por toda la su vida.

Las Huersas de Defensa Israelis, un egzperimento ke a dimostrado la efikasia y kualidad de los sus soldados en gerras enel Oryente Serkano, kuentan con las tres armas de los prinsipales ejersitos del mundo: La Huersa Aerea, la maz avansada de la rejion i solu komparavel en dominasion i nivel teknolojiko a la de Estados Unidos; una chika ma efikas Marina de Gerra; i la Huersa de Tyerra kompuesta por Infanteria, Akorasados, Injenieros de Kombate, Lojistika y la Intelijentsya, enel ke sirven soldados profisyonales kon reservistas i reklutados kumpliendo kon el su servisio militar, endemas de la Guardia de Frontieras.

Kon un chiko ejersito permanente de soldados profisyonales i personal de karrera, las Huerzas de Defensa Israelis se basan sobre todo en las sus reservas, yamadas regularmente para entrenamiento i servisio. Kando se movilisa la reserva en tyempos de gerra, el ejersito puede sumar varios syentos de miles de soldados, numero grande una vez ke Yisrael es un paez kon sólu syete milyones de abitantes y kuya movilisasyon puede tomar entre 24 y 72 oras.

Las katro ramas militares de Tsahal, Huersa de Tyerra, Huersa Aerea (Heyl Ha'Avir), Marina (Heyl Ha'Yam) i la Guardia de Fronteras (konosida komo «Magav» o Mishmar HaGbull) funsionan basho un komando unifikado, enkabesado por el Shef de Estado Mayor, kargo okupado oyendia por el Teniente Jeneral Gabi Ashkenazi, ken susede en el kargo al Teniente Jeneral Dan Halutz komo responsabel ante el Ministro de Defensa. El Shef de Estado Mayor es nombrado por el governo, por rekomendasyon del primér ministro, oy Ehud Olmert, i el Ministro de Defensa, aktualmente Ehud Barak, por un peryodo de tres anyos ke usualmente se egstende por un anyo adisional.

El Ejersito de Yisrael esta organisado en katro mandos rejionales, el Mando Nord (Pikúd Ha'Tzafón), el Mando Sentral (Pikúd Ha'Merkáz), el Mando Sud (Pikúd Ha'Darom) i el Mando de Retaguardia (Pikúd Ha'Oref), kon unidades enkadradas en Korpos de Infanteria, Akorasados, Injenyeros, Artilyeria, Intelijentsya, Rekursos Umanos, Materiales, Lojistika, i Mando  Komunikasiones.

Las Huersas de Defensa Israelis se kriaron el 28 de mayo del anyo 1948, en el momento de la fondasyon de Medinat Yisrael i la gerra araba-israeli de 1948, susedyendo ansina a la Hagana (organizasyon paramilitar djudia en la epoka del Mandato Britaniko). Del anyo 1949 a 1956, varios konfliktos rejionales provaron la su efektividad.

De los anyos 1956 a 1966, el Tsahal tuvo conflictos menores, lo ke le permitio modernisarse i konvertirse en un efektivo ejersito profisyonal. En este periodo, Yisrael dezvelopo muevas teknolojiyas y portanto un armamento superyor.

Dempues de una dyekada relativamente trankila, el Tsahal tuvo sinko gerras emportantes kon los sus vizinos arabos en menos de 50 anyos: la Gerra de los Sesh Dias (1967), la Gerra de Desgaste (1969-1970), la Gerra de Yom Kipur (1973), la Primera Gerra del Libanon (1982-2000) i la Dosen Gerra del Libanon (2006), en las ke Yisrael ekspandyo las sus frontieras shukur a las sus viktorias militares.




#Article 166: Algero (238 words)


Algero (l'Alguer en katalan, Alghero en italiano i S'Alighèra en Sardo), es una sivdad chika de unos 42.000 abitantes en Italia, en la provensiya de Sassari en el nord-oeste de la adá de Sardenya. Es una sivdad pekuliar por el fakto déke una aprte de la su povlasion favla un lashon de la lengua katalana desde ke los invasores de Katalunya tomaron la sivdad i la povlaron enel anyo 1372. El katalan fue trokado komo el idióma ofisial de la sivdad por el espanyol en el syéklo XVII i dempues por el italiano. Resientemente investigasiones amostraron ke un 22.4% de la povlasion de la sivdad favla katalan algerés komo priméra lengua i un 90% la komprende. 

La sivdad parese un chiko pedaso de Katalunya en la adá italiana: la forma de las kazas, las murayas, el lashon de la jente i las kulás de la sivdad son tipikamente katalanas. Para protejer la kultura i el lashon de la sivdad, alkunas organisasiones komo Òmnium Cultural, el Sentro de Rekursos Pedagojikos Maria Montessori i l'Obra Cultural de l'Alguer, promoven la lashon i la kultura lokales. Resientemente, el la sivdad aperturo kursos intensivos de algueres a los sus lavoradores. Endagora, shukur a este, todos los abitantes de la sivdad pueden dirijirse en algerés a la administrasiyon sivdadana. Tambien la Generalitat de Katalunya organisa kursos de katalan a los abitantes de la sivdad. Alkunas personas yaman a la sivdad Barseloneta
(Barselona chika).




#Article 167: Selanik (399 words)


Salonika, Salonik o Selanik (en grego  Θεσσαλονίκη, Thessaloníki o Σαλονίκη, Saloníki) es una sivdad de Gresia i puerto de la mar Ejea. La su povlasion es de 363.987 abitantes, anke la povlasion de la munisipalitad de Selanik, ke esta okupada por la su area metropolitana, es de 1.057.825 abitantes. Es la sigunda sivdad mas grande de Gresia. Selanik es endemas el segundo mas grande sentro komersial, ekonomiko, industrial i politiko del payis. Es el prinsipal sentro de koneksiones de komunikasion i transporto para el Norte de Gresia i la rejion serkana de los Balkanes, komo la Makedonia del Norte, Serbia, Kosovo i parte de Albania. De fákto, el primér ministro de Gresia da el su diskorso anual kon los sus planes para el muevo anyo desde la sivdad de Selanik. La sivdad es yamada سلانيك (Selānīk) en lingua turka otomana, Selânik en turko moderno, Солун (Solun) en las linguas eslavas de la rejion i Sãrunã en arumano.

Selanik es una sivdad universitaria, la kuala tiene dos universitas emportantes en Gresia: La Universita Aristos de Selanik, la mas grande del payis, i la Universita de Makedonia.

La sivdad de Selanik aresivio kaji 250.000 djudios espanyoles. De ser povlada por grégos, turkos i bulgaros, paso a tener, a fines del syéklo XIX, 65% de djudios sefardim. El gayego, por la prezensya de djudeos gayegos, tuvo muncha influensia gramatikala enel ladino, ansina komo biervos de orijin katalan, aragonez i italiano.

En Selanik egzistian máales, komunitas i esnogas ke eran de kada una de las sivdades i rejiones de Espanya, Italia i Portugal. Kal de Kastiya, Kal Aragon, Kal Katalan, Otranto, Palma, Siçilia, Kasseres, Kuriat, Albukerk, Evora i Kal Portugal, son enshemplos de maáles i esnogas de fines del syéklo XIX, i ke amostran ke los sefardim tenian presente el su orijin iberiko.

Endemas, no solo los djudios avlavan la lingua djudeo-espanyola, ma tambien era avlada por los no djudios, komo lingua franka. El su dia de deskanso obligatorio no era el viernes del islam ni el alhad kristyano, sino era el shabat, porke munchos de los komersios eran de los sefardim. 

Diskues de la Sigunda Gerra Mondiala, kaji el 95% de la povlasion djudia (50.000 personas) de Selanik fue amortada enel Olokosto i diskues de eyo, los ke kedaron bivos emigraron a Estados Unidos, Fransia o Yisrael i endagora, oy endiya sólo se ankontran unos 1.200 djudios en la komunita de Salonika.




#Article 168: Mizmor Ojel (202 words)


Se le yama Mizmor ojel (en ebreo מזמור אוכל, salmo de komida) fue eskrito por David haMelej. Tambien se le konose como Salmo 23. El tema de este salmo amuestra al Dio en el rol de protektor i dador de todo lo bueno. El teksto, ke es de munsha importansia tambien para los kristianos, suele ser resitado kantado, ya ke David haMelej se le konose komo el dulse kantor de Yisrael. Endemas se dize ke al resitarlo da parnasá para tener komida i sustento en la kaza; se suele resitar antes del kidush.

Una kansion de David: El Dio es el mi choban nada me va faltar.
En yanuras ermozas me va tener; sovre aguas trankilas me va adirijir.
La mi alma va deskansar, mi giara por kaminos de rektitud por kavza del su nombre.
Tambien kando kamine en el valey de la eskuridad, no voy tener temor al mal porke tu vas estar konmigo.
La tu vara i el tu apoyo, eyos me van konsolar.
Banyaste kon azeite la mi kavesa, la mi kupa esta yena.
Sólu lo bueno i la bondad me sigiran todos los dias de la mi vida
I permanesere en la kaza del Dio por largos dias




#Article 169: Kulá Atakule (133 words)


La Kulá Atakule es una kulá de telekomunikasyones i observasyon de 125m de altesa ke esta en la máale de Çankaya en Ankara, Turkiya, aperturada enel anyo 1989. La parte superyor de la kulá tiene una terrasa abiérta i un restorante ke torna yamado Sevilla. Este restorante ase una aboltada kompleta de 360 grados kada 60 minutos. Arriba de este se ankontra el restorante Dome, ke esta abasho de la kupola. Por abasho de la terrasa se ankontra el kavé UFO. Las estrukturas de la partida de abasho de la kulá dan kavida a un sentro komersial i varios restorantes. En turko ata signifika antepasado o padre, biervo el kualo es mas uzado para referirse a Atatürk i kule signifika kulá. La kulá esta a 4 km al sud de la plasa Kızılay.




#Article 170: Al Qaida (1030 words)


Al-Qaida o Al-Qaeda (en arabo القاعدة, al-Qā‘ida: La Baza; El Fondamento) es una organisasyon konsiderada como terrorista por los Estados Unidos i otros payies, la kuala da apoyo a aktividades de ekstremistas islamikos alderedor del mundo. Se dize ke el su fondador, shef i mayor kolaborador es Osama bin Laden, un multimilyonario de orijen saudi, ke fue edukado en las amijores universitás del Reyno Unido. 

En Diziembre del anyo 1979 el prinsipe Turki Al Faysal, direktor de los servisios sekretos saudis, reklutó a Osama para koordinar fonsieramente las operasiones de la CIA en Afganistan. La CIA invirtio dos mil milyones de dolares kon el buto de azer frakazar la Union Sovyetika, la kuala en ese momento estaba gerreando en el payis de Asya Sentrala. Los servisios saudis i estadounidenses reklutaron a fondamentalistas islamikos, los armaron i aleksionaron en una jihad para gerrear en kontro de los sovyetikos. Osama koordinava las operasiones fonsieras en un arkivo enformatiko yamado Al Qaida (literalmente la baza de datos). Desde antonses, munchos ekstremistas myembros de los muyahidin se asosiaron a la red Al Qaida.

Las aksiones de estos gerreros ekstremistas estaban dirijidas kontro governos en rejiones tan diferentes komo Afganistan -kontro la okupasion sovietika- o la ekstinta Djugoslavia para detener el djenosidio musulman en Bosnia i Hersegovina. Egzisten munchas evidensias dokumentadas del apoyo indirekto del governo de Estados Unidos i de la CIA a la gerra afgana en kontro de la invasyon Sovietika deke estaba arientro de los sus enteresos durante la Gerra Friya, ma no egzisten provas ke apoyen las afirmasiones de ke el grupo terrorista de Osama bin Laden i Ayman al-Zawahiri fue finansiado i entrenado por la CIA o por el governo Amerikano. Estos apoyaron a los soldados afganos en la su defensa kontro de la invasyon Sovietika i los que dempues formaron parte del grupo terrorista se unieron a la lucha i aprovecharon el apoyo Amerikano.

La organisasyon a konstruyido kampos para los sus militantes musulmanos de todo el mundo, entrenando a miles en teknikas paramilitares. Resientemente los sus ajentes se an relasionado kon munshos atakos terroristas, komo la destruksion de las ambasadas estadounidenses en Nairobi, Kenya, i Dar es Salaam, Tanzania enel anyo 1998. En Daar-es-Salam murieron onze personas, anke ningun era nordamerikano, mientras ke en Nairobi muerieron 213 personas de las ke dose eran nordamerikanos. El 12 de Oktobre del anyo 2000 realiso el atako suisida kon bomba kontro de la nave de gerra estadounidense USS Cole en la kosta de Yemen, matando 17 marines i firiendo 39 maz.

Enel anyo 2001 se kreiya ke bin Laden i otros shefes de Al Qaeda se ankontravan basho la proteksion de los talibanes, un grupo islamiko ke tinia el kontrolo de la mayor parte de Afganistan. Enese mesmo anyo kambio radikalmente la aktividad de este grupo, alkansando niveles de terror nunka antes pensados. Asigun la CIA i el FBI, 19 gerreros de Al Qaida dirijidos por el ayifsiano Mohammed Atta yevaron a kabo el 11-S kontro del Pentagono i el World Trade Center (WTC). Akel fue uno de los atentados terroristas mas terribles de la istoria kon unos 2.900 muertos. Estados Unidos respondio inisiando un atako kontro de las huérsas talibanes i de Al Qaida en Afganistan, matando i kapturando a miles de gerreros i obligando al resto de los sus shefes a eskonderse en las montanyas de Asya Sentrala. Anke Estados Unidos i la koalision internasionala atrapo varios de los sus membros emportántes (inkluyendo el ke supuestamente planeo y organiso los atakos del 11-S), la aktividad del grupo i los sus grupos aliados an trokado la su organisasion, para trokarse en una organisasion internasional koordinada kon gerreros repartidos por todo el mundo. Los sigintes atakos fueron en Indonesya, komo el bombardeo de un klub nokturno en la isola de Bali ke deshó má de 200 mortos (85 ostralyanos) i los atentados en Djakarta en la ambasada de Ostralya. Dempues enel anyo 2003, atentados en Arabia Saudi desharon 35 mortos en edifisios abitados por oksidentales, entre otras aksiones koordinadas en un esforso por desestabilizar a la monarkiya saudi.

En los ultimos tiempos i ya varios anyos dempués del 11-S, grupos chikos de Al Qaida en Evropa se atribuyeron la autoriya del atentad kon bomba a trenos en Madrid kon 191 mortos enel anyo 2004, i los atentados del 7 de Djulyo del anyo 2005 kon má de 50 mortos, entre otras aksiones en otros puntos del mundo. Endemás, grupos chikos de Al Qaeda en Irak gerrean kontro de la okupasion estadounidense, el grupo Tawhid w'al-Jihad dirijido por el djordano Abu Musab Al-Zarqawi, el ke fue morto por las tropas de Estados Unidos en Djunio del anyo 2006, realisan aksiones diarias kontro de las tropas nordamerikanas y britanikas, i de irakianos serkanos al muevo governo endemás de siviles. Estos atakos suman ya má de mil mortos.

El 11 de Avril del anyo 2007 el brazo armado de Al Qaida en el Maghreb, yamado Al Qaida del Maghreb Islamiko, organiso un atentado en Arjel, Arjelia, deshando al menos 24 mortos i 222 feridos. Este mismo dia, Al Qaida se atribuyo los atentados perpetrados el dia anteryor en Kasablanka, Marroko

El supuesto objektivo de Al Qaida es reunir a todos los musulmanos basho un mesmo governo ke fonksione basho la Sharia i ansina estableser un muevo Orden Mundial. Para eyos, akeyos governos ke no se adjustan a esta politika deven ser derrokados. Desde el su komiense, Al Qaida konsidera a Oksidente i la su forma de vida komo el prinsipal enemigo del Islam, i kunvida a todos los musulmanes a unirse a una yihad, entendido komo gerra santa, en espesial kontro de los paezes lideres de Oksidente, prinsipalmente Estados Unidos, Reyno Unido i Yisrael. Anke en ultimos días Kanada, Meksiko i Venezuela se vieron presuntamente amenasados por esta red en atakar las sus instalasiones petroleras, por ser payises ke eksportan grandes kantidades de petroleo a Estados Unidos; afilu, en diferensia kon Kanada i Meksiko, el governo de Venezuela de Hugo Chávez le dio poka emportansia a esta amenasa, ya ke konsidera ke la unika amenasa real para la paz mundial i para Venezuela es el governo de Estados Unidos presidido por George W. Bush.




#Article 171: Vladimir Putin (916 words)


Vladímir Vladímirovich Putin (en ruso: Владимир Владимирович Путин) (Leningrado, Union Sovietika, 7 de Októbre de 1952), politiko ruso. Es el sigundo i aktual primér ministro de Rusia desde Mayo del anyo 2008. Es el dizimo priméro primér ministro desde la disolusyon de la Union Sovietika. El de Marso de 2012 en las Eleksiones Presidensialas de Rusia de 2012 kedo komo el muevo presidente del payis

Putin nasyo en Leningrado (oy endia San Petersburgo) el 7 de Októbre del anyo 1952. Dempues de akabar kon reushitá los sus estudios de Dirito en la Universita de la su sivdad (la su tesis fue ensima de la politika de Estados Unidos en Afrika), fue admitido en la KGB, donde fue delegado en la direksyon prinsipal Asuntos Eksteriores. Del anyo 1985 a 1990 bivio en Dresden (Repuvlika Demokratika Almana) en la unitá de investigasyon politika i militar. Dempues de el serramiento del buró de la KGB en Dresden en 1989 retornó a Leningrado en 1990. Tyempo dempues fue nombrado asistente del rektor de la Universita de Leningrado, donde se lavoró kon el programa de relasiones internasyonalas. Dempues fue konseshero del presidente del Konsesho de la sivdad. En Djunio de 1991 se konvirtyo en presidente del Komité de Relasyones Eksteriores de la sivdad de San Petersburgo. El su papel era prinsipalmente atraer inversores i dezvelopar la kolavorasion kon los partners de otros payises.

Durante el intento de golpe de estado kontro de Mikhail Gorbachov en Agosto de 1991, Putin renunsio a la KGB. De 1994 a 1996 lavoró komo vizealkalde de la sivdad de San Petersburgo, kuyo alkalde, Anatoli Sobchak fue su profesor en la eskola de Diríto. En Agosto de 1996 fue nombrado vize-direktor de Asuntos Eksteriores del presidente Boris Yeltsin. Dempues de Marso de 1997 fue uno de los ombres mas serkanos al shef de la administrasyon del presidente Yeltsin. En Djulio de 1998 fue nombrado direktor del FSB (Servisio Federal de Seguridad), la ajensia ke susedio a la KGB.

En 1999 empieso a suvir politikamente. En Agosto fue nombrado primer ministro del governo de Yeltsin, ken desidyo aserlo el su susesor. A empieses de setiembro, en reaksyon al atako de los terroristas chechenos, Putin ordeno aksyones militares en Chechenya. Este empiese de la Sigunda Gerra Chechena lo izo el politiko maz popular de Rusia. El 31 de Diziembro de 1999, dsikués de la renunsia de Borís Yeltsin, se konvirtyo en presidente provisyonal. El 26 de marso de 2000, en las eleksyones presidensialas, fue elejido presidente de la Federasyon Rusa en la primera vuelta kon 53% de los votos. La su administrasyon dezvelopó una politika de aserkamiento a Evropa, espesialmente Fransia i Almania.

Putin es un politiko ruso poko komun. Relativamente djoven, abstemio (no bebe alkóol), esportista: praktika la lucha rusa (sambo) i el djudo desde los 11 anyos, djoga tenis, praktika eski. Endemas, avla inglez i alman. La su espoza es una maestra de eskola i es padre de dos ijas. Tyene una muy serkana amistad kon Gerhard Schröder, kon el kualo tyene en komun entre otras kozas, el ser de orijen umilde.

Putin a sido muy kritikado por los medios de komunikasyon oksidentales déke la gran kantidad de djornalistas muertos durante el su governo; munshos de eyos estaban abediguando violasiones de Diritos Umanos en Chechenya o faktos de korrupsyon del governo. 

Uno de los kazos mas konosidos es el de la djornalista Anna Politkovskaya, ken eskrivio libros komo La Rusia de Putin o El ginnam de Chechenya; eya abia deklarado aver resivido amenasas de muerte i tentado ser envenenada. Finalmente el 7 de oktobre de 2006 fue ankontrada morta en el asensor de la frágua donde bivia en Mosku. Aleksander Litvinenko fue un ex-espia ruso envenenado kon polonio-210, asigun medios de komunikasyon oksidentales por las sus kritikas al governo de Putin i kando se abediguaba la morte de Politkovskaya empeso a resivir amenasas de morte. El governo de Putin a negado toda relasyon kon la muerte de eyos, ekspresando ke podria demandar a kenes tenten aser dányo al governo ruso sobre el tema.

El deputado de la Duma, Aleksander Hinstein, a sugjerado un plan okulto para danyar la Rusia i el governo de Putin, ke se enkontra en oposisyon a la politika internasional del governo estadounidense de George W. Bush. El governo de Putin supuso un augmento eksponensial de la presión endriva la oligarkiya nasida de las privatisasiones de las entrepirsas durante el governo de Yeltsin. Alkunos de estos oligarkas kon dilitos fiskales (i de otro tipo) eskaparon del paez i empesaron a kritikar abiertamente i munshas vezes sin baza a Putin. Una vez Boris Berezovski, un konosido oligarka avrigado en el Reyno Unido, disho ke esta preparando un aharvo en kontro de Putin.

Las libertades demokratikas an sido achikadas, kon medidas politikas (nombramento direkto de los Governadores de las provensias, kuando antes era en eleksiones) i kulturales (emposisiyon del alefbet siriliko para eskrivir las lashones minoritarias de Rusia) i endemas se pusieron obstakolos a la kriasyon de muevas ONGs.

Ekonomikamente ay menos kritikas kontro de Putim déke Rusia a ganado munshas parás kon la subida del presio del petroleo en el merkado mundial, pero endemas la amijorasion del sistema de impostos, ke a enchikesido la evasyion fiskal. Endemas, una reforma legal avrio a la inversion ajéna sektores serrados, komo la agrikultura. Myéntres ke la prensa oksidental kritika a Putin akorrúto, la opinion de los sivdadanos rusos i oksidentales es diferente. Ansi, en Agosto del anyo 2007 un 84% de los rusos suportaban a Putin, asigun Levada-Center.




#Article 172: Provensiya Otonoma Ebrea (1362 words)


La Provensiya Otonoma Ebrea (en ruso Евре́йская автоно́мная о́бласть - Yevreyskaya avtonomnaya óblast, en idish ייִדישע אווטאָנאָמע געגנט -yidishe avtonome gegnt; antikamente Repuvlika Otonoma Ebrea) es un oblast ubikado en el distrito federal del Leshano Oryente de Rusia, en la frontiera kon Kina. Tyene una ekstension de 36.000 km² i una povlasion de 190.915 abitantes (2002), de los ke de 1.2% a 16% es djudio, el resto es prinsipalmente ruso i ukraino. La su kapital es Birobidjan. La ekonomia se baza en la mineria (oro, estanyo, ferro i grafito) madera, agrikultura limitada i manufaktura lijera (prinsipalmente textiles, i prosesamiento de alimentos).

La Provensiya Otonoma Ebrea esta ubikada en la sona oraria de la sivdad de Vladivostok.

El clima en el territorio es monsoniko kontinental, kon enveranos kalidos i umedos déke la influensia de los monsones de Asya Oryentala i kon invernos kon vento, sekos i fríyos, shukur al Sistema de Alta Presion Siberiano.

La Repuvlika Otonoma Ebrea iva ser fondada enel anyo 1928 komo el Distríto Nasional Ebreo. Fue el resultado de la politika nasional de Vladimir Lenin, mediante la ke kada grupo nasional ke konformava la Union Sovyetika iva resibir un territorio en el ke iva tener otonomiya kultural en un marko sosialista. En este sentido, fue tambien la repuesta a dos supuestas amenasas al estado Sovietico: El djudaismo, ke iva en kontro del ateismo ofisial; i Zionismo, el ke iva en kontro de la visyon sovietika sobre nasionalismo. La idea era krear una nueva Zion Sovyetika, ánde una kultura ebrea proletaria podria kreser. El lashon ofisial seria el idish, en vez del ivrit i unas muevas arte i literatura sosyalistas ivan trokar a la relijion komo maksima ekspresion de kultura.

La Teoriya de Stalin sobre la Kestyón Nasionala sostenia ke un grupo sólu podia ser nasion si tenian un territorio, i komo no abia territorio djudio, los djudios no eran una nasion i no tenian diritos de nasion. Komunistas djudios opninaban ke la manera de dar solusion a este problema de ideolojiya era kriando un territorio djudio, de ay la motivasion para formar un oblast otonomo djudio. Politikamente favlando, era konsiderado dezeable kriar una nasion sovietika djudia komo alternativa al Zionismo i a la teoria propuesta por los Zionistas Sosialistas komo Dov Ber Borohov ke la Kuestion Djudia se podia resolver kriando un territorio djudio en Palestina. Ansina, Birobidjan fue emportante para proposes de propaganda komo argumento en kontro del Zionismo, ke era una doktrina ke rivalizaba kon el Marksismo entre djudios syédreristas. El impakto de la propaganda fue tan efektivo, ke miles de djudios emigraron asya Birobidjan desde fuera de la Union Sovyetika, inkluyendo varios zyentos desde Palestina ke se abian iluzionado kon la idea.

Al pasar el tiempo, se puede dizir ke el eksperimento estaba kondenado al frakaso desde el bereshit. Otra meta emportante del proyekto de Birobidjan, era augmentar el numero de asentamientos umanos en el Leshano Oryente Sovietiko, espesialmente a lo largo de la frontiera con Kina. En 1928, praktikamente no ivan aber asentamientos en el area, mentras ke los djudios tyenian raises profondas en la parte oksidental de la Union Sovyetika, en Ukraina, Byelorrusia i la propria Rusia. De fákto, inisialmente abian propostas de krear una Repuvlika Sovyetika Djudia en Krimea o en partes de la Ukraina, má estas fueron rechasadas por temor de provokar penserios entre los no djudios de esas rejiones.

La jeografiya y el klima de Birobidjan eran ekstremos, i los muevos povladores ivan tener ke refraguar las sus vidas desde el bereshit. Alkunos an disho ke Stalin estaba tambien motivado por antisemitizmo al seleksionar Birobidjan: el keria mantener a los djudios tan leshos de los sentros de poder komo fuera posivle. De todas maneras, debe de rekonoserse al su favor ke los ukrainios i los kriméos estaban opuestos a ke se kriara un estado djudio tomando parte del su territorio, anke la mayoria de los djudios sovietikos bivia ayi i avia muy pokas alternativas para el proyekto.

A pesar de los penserios, un chiko grupo de djudios empeso a yegar. Para los anyos 30, el Distrito Nasional Djudio fue promovido al estatus de Rejion Otonoma i una munsha propaganda fue distribuida para estimular mas djudios a bivir en Birobidjan. Alkunos de estos avisos inkluian los elementos tipikos de la propaganda sovietika del momento, la ke era posters i novelas en idish deskrivendo la utopia sosial ayi. Otros metodos eran un póko egztravagante. Por egzemplo, volantes promoviendo Birobidjan se lansaron desde un avion sobre una máale djudia en Byelorrusia. En otra okasion, una pelikula en idish produsida por el governo yamada Bushkadores de la Felisidad, akontaba la istoria de una familia djudia ke avia eskapado de la Depresion en los Estatos Unitos d'Amerika para irse a bivir en Birobidjan.

A medida ke la poblasion djudia kresia, tambien kresio el impakto de la kultura idish en la rejion. Un djurnal en idish fue establesido, se krio una kompanyia de teatro y kalejas en la mueva sivdad fueron konstruidas i nombradas en onor a autores idish, komo Sholom Aleichem i Y. L. Peretz. Al mismo tiempo, se isieron esforsos para adaptar la kultura rusa a la idish: el mas notable de estos fue el intento de trokar el alefbet ebreo por el siriliko.

El eksperimento de Birobidjan yego a un alto a mediados de los anyos 1930, durante la primera kampanya de ekspulsiones. Shefes djudios fueron arrestados i amortados i eskolas idish fueron fechadas. Poko tiempo dempues de este, la Sigunda Gerra Mondial influensio grandes esforsos para eliminar a los djudios. Dempues de la gerra reaparesio la idea de Birobidjan komo posible paez para los refujiados djudios. Durante este tiempo, la poblasion djudia de la rejion yego a ser kaji la tresen parte del total. Ándjak, esforsos en este sentido terminaron kon la aparision de una supuesta konspirasion kontro del liderazgo en la Union Sovyetika, el establesimiento de Yisrael komo un estado djudio independiente i la dosen ola de ekspulsiones poko antes de la morte de Stalin. De muevo, shefes djudios fueron arrestados i se trato de eliminar la kultura idish; asta una koleksion djudaika en la biblioteka lokal fue kemada. Durante los anyos ke sigieron, la idea de una komunita otonoma djudia fue olvidada del todo.

Algunos estudiozos del tema komo Louis Rapoport, Jonathan Brent i Vladimir Naumov opinan en ke Stalin iva disenyar un plan para deportar internamente a todos los djudios de la Union Sovyetika verso Birobidjan, ansina komo el avia deportado internamente a otras menoriyas de Krimea i Almania, huersando a miles a deshar sus kazas i famiyas.

Dempues ke deshó de egzistir la Union Sovyetika i muevas politikas de emigrasion, la mayor parte de la povlasion djudia del paez se fie a bivir a Almania, Estatos Unitos o  Yisrael. En 1991, la Provensiya Outonoma Ebrea fue elevada al estatus de Repuvlika Otonoma, pero kuando esto okurrio, la mayoria de los djudios se avian ido del territorio i representaban menos del 2% de la povlasion. Oy endia, el idish se ensenya de muevo en las eskolas, egziste una publikasion semanal en iddish i ay una estasion de radio en idish. Alkunos observadores políticos, partikularmente akeyos simpatisantes de la kausa Palestina en el Medio Oryente van proponer resurjir la Repuvlika Otonoma Djudia tanto como alternativa a Yisrael komo patria djudia, ansina komo una solusion permanente a los provlemas entre arabos y djudios. Esta idea ainda tiene ke demostrar ke a ganado apoyo signifikativo en la opinion internasional.

Un filmo dokumentalo yamado L'Chayim, Comrade Stalin! ensima de la kriasyon de la Provensiya Otonoma Ebrea i el asentamyénto de una kantidad de djudios fue lansado enel anyo 2003. Endemas de ser una istorya de la kriasyon de la propuesta komo payis para los djudios, tambien rekrea shenas de la aktual Birobidjan i tiene entrevistas kon residentes djudios.

La Provensiya Otonoma Ebrea esta formada por los siguintes distritos (en ruso: районы):

Povlasion (2002): 190.915

Grupos Etnikos: Asigun el senso del anyo 2002, el grupo etniko ruso kon 171.697 (89.9%) es el mas grande grupo; sigido por ukrainios kon 8.403 (4.4%); djudios, 2.327 (1,22%); tartaros, 1.196 (0.63%); i byelorrusos, 1.182 (0,62%). Los residentes se identifikan a si mesmos komo pertenesientes a 95 grupos etnikos diferentes.




#Article 173: Rosa Luxemburg (283 words)


Rosa Luxemburg o Róża Luksemburg, má konosida por el su nombre espanyolisado Rosa Luksemburgo (Zamość, Polonia -5 de Marso de 1870 ó 1871– Berlin, Almania -15 de Jenero de 1919) fue una teorika marksista djudia de orijen polako, filosofa, politika i rebolusionaria.

Eya partisipo aktivamente en el Partido Sosialdemokrata de Almania (SPD), asta ke enel anyo 1914 se opuso radikalmente a la partisipasion de los sosialdemokratas en la Priméra Gerra Mundial, por konsiderar ke era una gerra entre imperialistas. Paso a formar parte del grupo internasional ke enel anyo 1916 se konvirtio en Liga Espartakista, grupo marksista rebolusionario ke iva ser el orijen del Partido Komunista de Almania (KPD). Al akabar la gerra fundo el jurnal La Bandeira Kolorada, djunto kon Karl Liebknecht. Los sus livros má konosidos, publikados en espanyol, son Reforma i Revolusion (1900); Uelga de masas, partido y sindikato (1906); La Akumulasion del Kapital (1913) i La revolusion rusa (1918), en el ke la kritika duramente.

Endemas partisipo en la frustrada revolusion del anyo 1919 en Berlin, anke este alsamento tuvo lugar en kontro de los sus konseshos. La revuelta fue sofokada kon la intervension del armada emperial i la aktuasion de los Korpos Livres (o Freikorps, grupos de mersenarios nasionalistas de dirita), i al su akabe syentos de personas, entre eyas Rosa Luxemburg, fueron apresadas, torturadas i amortadas.

Tanto Rosa Luxemburg komo Karl Liebknecht tienen un gran valor simbolika en el marksismo mundial. Oy endia, kada anyo, un domingo a mediados de Jenero se selebra en Berlin, kon la partisipasion de al menos syen mil personas, el dia de Rosa Luxemburg i Karl Liebknecht, en arrekodro del amortamiento de los dos dirijentes komunistas el 15 de Jenero de 1919.




#Article 174: Shekel (189 words)


El muevo shekel israeli (NIS por sus siglas en inglez) es la unidad monetaria de Yisrael i, endemas del dinar djordano, tambien lo es de la Autoridad Palestina. Esta dividido en 100 agorot; se le suele yamar simplemente shekel en singular i shekalim en plural.

El muevo shekel fue adoptado enel anyo 1985, en troko del shekel, a rason de 1000 antikos shekalim por kada unidad de la mueva moneda. Emitido por la Banka de Yisrael (בנק ישראל, Banq Yisra'el, en arabo بنك اسرائيل, Bank Isrā'īl), sirkulan monedas de 5 i 10 agorot i de ½, 1, 2, 5 i 10 shekalim, i bilyetes de 20, 50, 100 i 200 shekalim.

El kodigo ISO 4217 es ILS i la su abreviatura es el simbolo ₪, ke es una kombinasion de las iniciales hebreas de las palavras shekel (ש) i hadash (ח) (muevo, en ebreo) o bien se abrevia שח (pronunciado shakh). Esta dividida en 100 agorot (אגורות; en singular agora, אגורה; en arabo اغورة, agūra). El troko esta aproksimadamente a 4.3 shekalim por dolar. 

Desde el 1 de Jenero del anyo 2003 el NIS es una moneda libremente trokavle.




#Article 175: Praga (296 words)


Praga (Praha en sheko) es la kapital i la mayor sivdad de la Chekia, ansina komo la kapital de la rejion de Boemia. Ubikada en las oriyas del rio Moldava, tiene aproksimadamente  1.2 milyones de abitantes. El area metropolitana de la sivdad tiene una povlasion de 1.4 milyones de abitantes. Alkunos apodos de Praga son la sivdad de las syen kupolas, la sivdad daurada, Paris de los anyos 20 enlos anyos 90, la madre de todas las sivdades (Praha matka měst, en cheko) i  el korason de Evropa.

La sivdad de Praga tiene una istorya djudia muy grande i larga. El syeklo XVII se dize es la epoka de oro de la Praga Djudia. La komunita para ese tyempo tenia unos 15.000 abitantes, ke iva ser komo el 30% de la povlasion total de la sivdad, asiendo a la sivdad la komunita ashkenazi mas grande del; mundo i la sigunda komunita mas grande de Evropa dempues de Selanik. Entre los anyos 1597 i 1609, el Maharal (Djuda Loew ben Bezalel) iva ser el rabino shef de la sivdad.  Se le konsidera el mas grande haham de la istoria de la sivdad, la su tumba en el betahayim se iva ser un sitio de peregirinasyon para munshos djudios de todo el mundo.

La ekspulsion de djudios de la sivdad por Maria Teresa de Austria enel anyo 1745, asigun por la kolavorasion djudia kon la armada de Prusia iva ser un golpe basho para la komunita. Enfin, la reyna iva permitir el retorno de los djudios a la sivdad enel anyo 1748. En 1848 las portas del ghetto ivan ser avyertas. La antika máale djudia, fue renombrada Josefov enel anyo 1850. Má iva ser destruyida durante la limpiesa del ghetto (asanace, en cheko) al fin del syéklo XIX.




#Article 176: Myél (585 words)


La Myél es un likido dulse i espeso produzido por las bezbas kon el nektar de las flores o de sekresiones de partes bivas de plantas o de ekskresiones de inséktos ke shupan plantas. Las bezbas lo arrekojen, trokan i komvinan kon otras sustansias i lo almasenan en los panales de sera donde la myél madura. La teknica para ekstraer la myél de los panales de la kolmena de las bezbas se yama apikultura. Las sus karakteristikas fisikas, kimikas y organoleptikas de la myél estan relasionados con el tipo de nektar que eyas arrekojen de las flores.

La myél tiene las sus kualitas rekonosidas i uzadas por el ombre desde ase munshos anyos, komo alimento i para dar dulsor naturalmente. El su poder de endulsamento es dos veses mayor ke el de la azukar. Egzisten referencias istorikas; endemás de las vezes ke es mensionada en la Torá, munshos otros pueblos, komo los antikos ejipsios o los grégos, por egzemplo, se ivan referir a la myél komo un produkto sagrado, yegando a uzarse para pagar los impostos. En ekskavasiones ejipsias de maz de 3.000 anyos fueron ankontradas chanakas tapadas i yenas de myél en perfekto estado. Las bezbas la fabrikan en una gran kantitá, kaji tres veses mas de la ke presisan para bivir, por lo ke siempre el ombre pudo uzarla i poko a poko aprender a domestikar la bezba para uzar la su myél.

Asigún el su orijen, se diferensia entre:

La myél de flores es transparente y se ase solida kon el tiempo, esto depende de la su procedensia (de ke flores) i de la su temperatura. Por debasho de 14 °C el proseso es mas rapido. Las myéles de brezo se asen duras muy pronto i las de kastanyo tardan munsho. El estudio del polen en la myél virjen ase posible ke se poda determinar el su orijen floral. 

Un efekto sekundario de la recoleksyon del nektar i el polen para la produksyon de myél es la polinizasyon, ke es krusial para la reproduksiyon de las plantas con flores.

La miel se uza prinsipalmente en la kosina i la pasteleria, komo akompanyamiento del pan o las tostadas, espesialmente, en el desayuno i la merienda i endemas como komplemento de bebidas komo el te. Ya ke es rika en fruktosa, la myél es higroskopika, por lo ke absorbe umedad del aire i al agregar una chika kantitá a panes i pasteles ase ke estos ivan ser duros mas lentamente. La myél virjen tambien kontiene ensimas ke abediguan a la su dijestion, ansí komo vitaminas i antioksidantes. La myél es el ingrediente prinsipal de la idromyél, ke se produse kon la miel i agua, ke tambien es yamada «vino de myél».

La myél tiene munshas propietás medisinales. Se puede uzar eksternamente déke las sus propietás antimikrobios i antiseptikas. Ansí, la myél abedigua a sanar i a prevenir infeksyones en feridas o kemaduras superfisiales. Tambien es uzada en la kosmetika (kremas, maskariyas de limpiesa fasial, tonikos, ets.) déke las sus kualitás astrinjentes y suavisantes.

El kontenido en minerales es muy chiko. Los mas frekuentes son kalsio, kobre, ferro, magnesio, manganeso, zink, fosforo i potasio. Estan presentes tambien alrededor de la mitad de los aminoasidos egzistentes, asidos organikos (asido asetiko, acido sitriko, entre otros) i vitaminas del komplejo B, vitamina C, D y E. La myél tiene una variedad konsiderable de antioksidantes (flavonoides i fenoles).

Endemas de la myél, las bezbas produsen otros produktos emportántes, komo el polen, la sera, la djalea real, i los propoleos.




#Article 177: Djerevan (133 words)


Djerevan (en armenio: Երևան o Երեւան , depende de la grafiya uzada; antikamente yamada Erebuni,  Erivan i Erevan) es la mas grande sivdad i endemas la kapitala de Armenia. Se topa ala beira del rio Hrazdan, i es el sentro kultural, administrativo, industryal i komersial del payis. La istorya de la sivdad tiene su empesiji enel syéklo VII, kuando la fortalesa urartiana de Erebuni iva ser fraguada enel anyo 782 BC.

Entre las fráguas má emportantes de la sivdad destakan la Katedral, el Soko i el Teatro de la Opera. La sivdad tyene 8 universitas, entre eyas la Universita Amerikana (American University of Armenia). El su ayroporto se topa en Zvartnots, a 10 km de la sivdad. Serka de la sivdad se topa el Monumento a las viktimas del djenosidio armenio, en Tsitsernakapert.




#Article 178: İstanbul (939 words)


İstanbul o Estambol (en kastelyano: Estambul, en grego: Κωνσταντινούπολις, Kōnstantinoúpolis, en latina: Constantinopolis, istoryikamente Bizansio i demkues Konstantinopla) es la mas grande sivdad de la Turkiya i la ultima kapital del Emperyo Ottomano. La sivdad es unika, pues esta entre Asya i Evropa. Ay una komunita cudya en İstanbul ke tyene sirka de 20 esnogas; la su mas grande esnoga es la Neve Şalom, (Neve Şalom Sinagoğu Vakfı en turko, בית הכנסת נווה שלום en ebreo), Oasis de paz  o  Vale de paz, la ke esta en el male de Galata. Ay otronas males kon mayor presensya cudya en İstanbul, komo Balat en el lado evropeo, i Kuzguncuk en Üsküdar, el lado asyatiko dela sivdad.

İstanbul tambyen es la kapital komersyala de la Turkiya, i de fakto la  Bolsa de Valores del payiz se topa ayi, endemas de la sede de munças de las entreprisas mas grandes de la Turkiya, komo Koç Holding A.Ş., Türk Hava Yolları (THY), Türk Otomobil Fabrikasi A.Ş (Tofaş), Avea, Turkcell i Arçelik A.Ş.. Estambol endemas es la kapital kulturala de la Turkiya, siendo sede de un festival Internasionalo del Filmo i sede de mas de kinze muzeyos. Endemas, İstanbul fue la kapitala Evropea de la Kultura enel anyo 2010. Las Areas Istoryikas de İstanbul fueron agregatas a la Lista Mundiala de Erensya de la UNESCO enel anyo 1985.

La sivdad de İstanbul a sido yamada de munças maneras en toda la istorya, dependiendo de la kultura, la lingua i la relijion de los sus governantes en el momento. Bizansio, Konstantinopla, Stamboul i Tsarigrad son alkunos egzemplos ke aun se pueden konsegir en alkunos payizes. Alkunas vezes se a yamado Mueva Roma o Sigunda Roma, deke el imperador romano Konstantino el Grande la aperturo ande estava la antika sivdad grega de Bizansio komo la sigunda i totalmente kristiana kapital del Imperio Romano, ke asia diferensia kon la sivdad pagana de Roma. Endemas a sido yamada La sivdad de las siete kolinas deke la peninsola ke esta en la parte antika de la sivdad, ande fue aperturada por Konstantino, tambyen tyene siete kolinas, komo Roma. Estas kolinas estan en el eskudo de la sivdad, kon siete mezkitas en kada una. Otro nombre kon el ke se a konosido la sivdad es Vasileousa Polis (Reyna de sivdades), deke la sivdad era muy emportante i puededora en la Edad Medya.

Desde ke fue aprobada la Ley Turkana de Servisio Postal enel anyo 1930, el governo turko solisito ofisialmente a los ekstranjeros ke dejaran de yamas a la sivdad kon alkuno de sus nombres no-turkanos i usaran solamente Istanbul, inkluzo en los sus propias linguas. Las kartas o pakotes embiatos a Konstantinopla, por egzemplo, no fueron entregatos por la Pósta Turka. Una politika paresida fue implementata en otras sivdades turkas ke an tenido nombres en otras linguas, komo Smyrna (Izmir), Angora (Ankara), Trebisonda (Trabzon); esta medida horso la akseptasiyon mundiala rapida de los nombres modernos turkanos de kada sivdad emportante en el payiz.

Bizansio era el su nombre orijinalo dela mueva sivdad de Estambol. En Bizansio afinkaron primero los kolonos gregos de Megara en el anyo 667 a. C. i nombrada en onra del su mentado rey Byzas. El nombre «Bizancio» es una transliterasyon del nombre grego originalo Βυζάντιον (Bizántion).

Al pazo de los anyos, la sivdad estuvo en manos de los persos, akeyos ke la okuparon i la destruyeron en el sieklo V a. C. fue rekuperada por el su espartano Pausanias en el anyo 479 a. C., komenzo la rekonstruksyon en el 478 a. C. Mas dempes, Esparta tuvo ke pelear el su kontrolo a los atenienses, kienes la tomaron en el 409 a. C., pero fueron ekspulsados en el 405 a. C., ansina en el 390 a. C. volvio a manos de la jente de Atina.

En el anyo 191 a. C. la sivdad pasó a ser aliada de Roma, ke la rekonosio komo sivdad livre, anke posteriormente paso a ser posesyón direkta de la Repúblika (100 a. C.).

En el anyo 194, Bizancio se vio envuelta en una disputa entre el emperador romano Septimio Severo y Pescennius Niger, tomando partido por este último. Debido a esto Severo sitió la ciudad, donde resistían los partidarios de Niger. El enfrentamiento duró tres años, lo que irritó a Severo que, cuando finalmente la ciudad se rindió, Severo la saqueó y destruyó sus murallas. Después se propuso reconstruirla y levantar otra ciudad el doble de grande.

İstanbul es una sivdad ke topa entre dos kontinentes, Balat es la su parte evropea, Kuzguncuk i Üsküdar es la su parte asyatika. İstanbul es kapitala del vilayet turkano de Masmara, el kualo es partajado por un estreto entre la Mar Preta i la Mar Bosfor, en la mar Mediterranea.

Orografikamente, en İstanbul ay sieten kolinas.

İstanbul es la kapitala ekonomika i komersiala dela Turkiya, es una delas sivdades ke mas amuchigua ekonomikamente en el mundo. En esta sivdad se topa la Bolsa de valores.

La sivdad de İstanbul konta kon numerosos atraktivos turiztikos:

İstanbul alberga un grande numero de universitas. La mayorita zon publikas, pero enlos anyos aktualos a inkrementado el numero de universitas privatas.

İstanbul es la sivdad mas grande i mas oksidentala dela Tukiya. Shukur a la su situasyon entre dos kontinentes, la kultura dela kapitala ekonómika turkana es munço puededora. Esto motivo la dezisyon por parte del Parlamento Evropeo ke la Kapitala Evropea de la Kultura en 2010 huera İstanbul, junto a Pécs (Madjaristan) i Essen (Almanya). En el anyo 2004, la sivdad fue sede del Festival dela Kansyon de Eurovisión 2004, enel ke ganyo Ukraina kon 280 puntos.

La sivdad de İstanbul es ermanada kon las sigientes sivdades:




#Article 179: Kiryat Shimona (164 words)


Kiryat Shimona, tambien eskrito komo Qiryat Shemona (en ebreo קרית שמונה) es una sivdad de  Yisrael. Esta ubikada en el Distrito Nord de Yisrael, a 28 km al nord de Safed i a 36 km al sudeste de la aktual Sur (Libanon). Es la unika sivdad de todo el Valey de Hula, la rejion mas al nord del paez, por la ke pasa el rio Djordan.

La sivdad fue fondada enel anyo 1950 en el lugar del antiko pueblo arabo de Khalasah, komo un lugar temporal de arrekojimento de olim. El su nombre signifika Sivdad de los Ochu, en onor a los ochu eroes de la antika Tel Jai.

Aktualmente fonksiona komo sentro de servisios para las komunitas rurales (los kibutzim i moshavim) del valey de Hula.

Kiryat Shmona es la sivdad mas chika de Yisrael kon un ekipo en la Ligat ha'Al (priméra divisyon), Ironi Kiryat Shmona. El ekipo arrivo a la priméra divisyon por priméra ves al final de la temporada 2006-7.




#Article 180: La Djuderia (Rodes) (246 words)


La Djuderia, (en alefbet ivrit לה גֿודירײה), iva ser la antika máale djudia de Rodes, en Gresia. La máale iva ser abitada por djudios sefardim.

Anke la presensia djudia en la adá de Rodes egziste desde mas de 2.000 anyos, los abitantes de La Djuderia no arrivaron asta dempues de la ekspulsion de Espanya en el syéklo XVI. La komunita de la adá de Rodas bivio trankila i prospera asta kuando empesaron las persekusiones fascistas en los anyos 1930, i la povlasion yego a ser de mas de 4.000 abitantes. 

La Djuderia esta ubikada en la parte oryental de la sivdad antika de Rodas, serka de un mueye uzado por los kruzeros. Esta basikamente sentrada a lo lungo de la kaleja Dossiadou, donde se anokontra la Esnoga Kal Kadosh Shalom, la unika esnoga ke keda en la adá de las sesh ke egzistieron, endemas del Muzeyo de la Komunita Djudia de Rodes. Otras fraguas i lares emportantes de la máale son la Plasa de los Djudios Martires, ke da onor a los djudios de Rodes ke ivan ser amortados en la Shoá; esta ubikada serka del sentro de la máale; endemas, se ankontran la eskola de la Alliance Israélite Universelle, el antiko lar de la Esnoga Gran Kal i munshas plakas enderedor de la máale en djudeoespanyol i en italiano. Huéra de La Djuderia esta el Betahayim Djudio de Rodes, elkualo fue aperturado en el syéklo XVI i es uno de los amijor preservados de Evropa.




#Article 181: Máale djudia (296 words)


En la Galut, una máale djudia es la máale de una sivdad tradisionalmente avitada por djudios. Estas máales eran el resultado del kresimyento de Getos segregados. Se dize ke el orijen del biervo Geto viene del italiano getto, ke kere dizir separasyon, o del grégo  Ghetonia (Γειτονία, bairro), afilu una eksplikasyon ma akseptada es ke viene de la frasa italiana campo gheto, un are ke los fundidores de djerro en Venezia en los syeklos XIV i XV uzavan para enfriar la eskoria, ke en el lashon Veneziano se dize gheta i en italiano ghetta, i ke es la parte de la sivdad ande los djudios eran huersados a bivir. El biervo idish para máale djudia es Di yiddishe gas (די ייִדדישע גאַס), o La Kaleja djudia, mientres ke mellah (ملاح) es el biervo en arabo para la máale djudia, uzada espesialmente en el Maghreb i espesialmente en Marroko, afilú en Tetuan se uza el nombre en kastilyano judería (djuderia). En las rejiones de avla katalana (Katalunya, Isolas Baleares, Payis Valensiano, Roseyon, Alguero, Andorra)  se uza el biervo Call, el kualo tiene el su orijin del biervo en ivrit kahal (קהל).

En Amerika, Ostralya i Afrika del Sud, egzisten máales djudias ke afilu no ivan ser kriados komo Getos segregados, ma oy endiya son kaji máales djudias, deke la tradision djudia es de bivir serka de una esnoga i serka de toda la komunita; antonses la máale tyene todo lo ke la komunita tiene menester, komo merkados, eskolas, esnogas, yeshivot i munchas vezes el bethahayim esta ariéntro de la máale. En alkunos kavzos la máale krese muncho i kaji akaba syendo un distrito kompleto de la sivdad. Munchas sivdades de Evropa, el Maghreb i el Medio Oryente tienen oy o tenían una máale djudia, komo por enshemplo:




#Article 182: AVE (296 words)


AVE, acrónimo de Alta Velocidad Española (en Castilyano, Alto Prestor Español ma endemás es el biervo ave,  que siñifica páxaro en Castilyano, es un treno de alto prestor que puede alcançar un prestor de hasta 300 km por ora en una linea dedicada.

El AVE empezo a prestar servisios entre las sivdades de Madrid i Seviya en el 21 de Avril de 1992, sivdades que estan a una distansya de 471 km, con un tyempo normal de viaje de unas dos y media oras. Escogieron a Sevilla komo el primer destino del AVE este anyo, purke se abría la Ekspozision Universal en la sivdad, por lo que iba ser el mejor simbol de la modernidad de Espanya verso el mundo.

La linea de alto prestor que conecta a Madrid i Barselona esta en la su etapa final entre Camp de Tarragona i la civdad capital de la Comunidad Otonoma de Cataluña. La seksion priméra de Madrid a Lleida, pasando por Saragosa, iva ser aperturada en Oktobre del anyo 2003. En Diziémbre del anyo 2006, el AVE empeso a prestar servisio asta Camp de Tarragona. Se espera ke el AVE yege a Barselona en Diziembre del anyo 2007. Kuando se komplete, la linea Madrid-Barselona va ser una de las lineas de lunga distansia mas prestas en operasion komersial, kon trénos ke van yegar a un prestor de asta 350 km/o i kuvrindo los 600 km entre las dos sivdades en 2.5 hours, kon los trénos Talgo 350 (AVE Serie 102) i Siemens Velaro (AVE Serie 103), endemas de los trénos Alstom AVE Serie 100 ke se uzan en la linea a Seviya. Antes este tomaba casi seis oras.

Aktualmente ochu lineas forman el sistema AVE:

La estasion sentral del sistema es la estasion de Atocha, en Madrid.




#Article 183: X2000 (327 words)


X2000 es el servisio de trénos abokavles de alto prestor de Suesia ke prestan servisio a un prestor de 200 km/o, operados por la entreprisa de trénos sueka SJ AB. El servisio empeso a ser prestado enel anyo 1990 komo un tréno de sólu priméra klase.

El prestor maksimo designado del tréno es 210 km/o (afilú en probas enel anyo 1993 yego a un prestor de 276 km/o), maz el mayor prestor permitido kon trafiko de pasenjeros es de 200 km/o por motivos de seguransa, ya ke los trénos X 2000 komparten la linea kon trénos normales i munshas de las lineas ivan ser konstruidas en el syéklo XIX. Antonses el prestor no es muy impresionante en komparasiyon kon otros trénos de alto prestor komo AVE, TGV, ICE o Shinkansen, ma el X2000 achika el tiempo de viáje en un 25% en komparasiyon kon los trénos regulares, lo ke lo ase ke pueda kompetir kon aerolineas en algunas rutas, endemas ke no presisa fraguamiento de lineas muevas, lo ke ase los kostos menores.

En los anyos 2000 a 2004, syete ténos ivan ser operados por la entreprisa Linx en las lineas Oslo-Gotemburgo-Malmoe-Kopenhage i Oslo-Estokolmo. Linx iva ser una joint venture entre SJ i la kompanyia nasional de trénos de Noruega NSB. Enel anyo 2004, SJ desidyo mover los trénos par dar amijor servisio a otras sivdades en Suesia, endemas ke las aerolineas de basho koste ivan tener mayor demanda ke los trénos de Linx. Andjak, el tréno a abediguado a ke SJ sea una entreprisa rentable.

La red servida por el X2000 esta sentrada en Estokolmo, kon la eksepsiyon de la ruta Gotemburgo-Malmoe. Las otras sivdades servidas son:

Endemas de la linea Arlanda Express ke une al aeropuerto de Arlanda, en Estokolmo, kon la sivdad

La Kina merkó una versiyon del tréno X2000 yamado Xinshisu. El tréno iva prestar servisio entre las sivdades de Guangzhou i Shenzhen, ma endagora esta prestando servisio en la provensiya de Sichuan.




#Article 184: Shinkansen (336 words)


Shinkansen (en japonezo 新幹線) es una red de trenos de alto prestor en Japon operada por Japan Railways. Desde ke el primér tréno empeso a prestar servisio, el Tokaido Shinkansen enel anyo 1964 a 210 km/o, la red a kresido asta ser de 2.459 km de ekstensiyon i une endagora a las prinsipales sivdades de las adás de Honshu i Kyushu kon prestores de asta 300 km/o, en un paez donde los terremotos i los tifones son komunes. Se an provado trénos ke an yegado asta 443 km/o enel anyo 1996, i asta 581 km/o para trénos Maglev enel anyo 2003.

La linea Tokaido Shinkansen iva ser aperturada en Oktobre del anyo 1964, ántes de la aperturasyon de los Djogos Olimpikos de Tokio ese mesmo anyo. El tréno iva ser una gran reushitá, alkansando la marka del pasenjero 100 milyones en menos de tre anyos, en Djulio de 1967, i el pasenjero numero un bilyon enel anyo 1976. Los trénos de 16 arabás fueron introdusidos para la Eksposisyon Universal del anyo 1970, en Osaka. Esta azlahá abediguo a ke se aprovara el fraguamento de la priméra linea asia el Oksidente, asia Hiroshima i Fukuoka (la linea Sanyo Shinkansen), ke iva ser kompletado enel anyo 1975.

La linea Kyushu Shinkansen desde Kagoshima asta Yatsushiro iva ser aperturada en Marso del anyo 2004. Tre eksteniyones mas se espera aperturar para el anyo 2010: Hakata-Yatsushiro, Hachinohe-Aomori, i para el anyo 2014: Nagano-Kanazawa i 2015: Aomori-Hakodate (a traverso del Tunel Seikan). Endemas, ay planos para ekspandir las redes, Hokkaido Shinkansen de Hakodate a Sapporo, Kyushu Shinkansen a Nagasaki, ansina komo kompletar una linea de Kanazawa a Osaka, mas se espera poder aperturarlas dempues del anyo 2020. 

Resientemente, el presidente de JR Central anunsio planos para aperturar el servisio de tréno maglev Chuo Shinkansen entre Tokio i Nagoya in 1 ora (366 km) para el anyo 2025.

Las prinsipales lineas Shinkansen son:

Dos lineas mas, konosidas komo Mini-Shinkansen (en japonezo ミニ新幹線), an sido fraguadas al amijorar seksiones egzistentes de la linea:




#Article 185: Pendolino (424 words)


Pendolino es el nombre de una familia de trenos de alto prestor. Los Pendolino ivan ser dezvelopados por la entreprisa italiana Fiat Ferroviaria (andjak oy endia es Alstom). A los trénos se les yama ansi por el fonksionamiento baskulante ke permite a los trénos abokárse en las kórvas asia el lado interno de eyas, lo ke limita la forsa sentrifuga asia el lado de ahuéra, kon lo ke se achika la posibilidad de deskarilyar a alto prestor. El abokamiento maksimo de 8 grados permite ansina yegar a velosidades asta de un 30% mas ke los trénos ke no tienen este sistema, basho las mesmas kondisyones. El nombre Pendolino es una marka enrejistrada i ke identifika a todos los trénes baskulantes fabrikados por Fiat Ferroviaria.

Los Pendolino ofresen servisio en Italia con las siglas ETR 401 (de kolores blanko i vedre), ETR 450, ETR 460 i ETR 480 (kon kolores blanko i kolorado), i ETR 470 (kon kolores blanko i blu). Estos ultimos son los uzados para el servisio Cisalpino. Los trénos Pendolino  ivan ser pensados para aumentar el prestor maksimo en lineas mas o menos tortuosas sin tener ke trokar la su jeometriya. Los ETR 480 van ser dotados de ekipos elektrikos politension (25 kV, 50 Hz) para poder uzar las muevas lineas de alto prestor italianas. Este sistema de abokamiento es kostoso, por lo ke munchos trénos en Italia no lo uzan a menudo, andjak ke kon el fraguamiento en Italia de muevas lineas de alto prestor, la mueva generasyon de trenos de alto prestor (ETR 500) no son abokantes. 
La mayor parte de los trenos Pendolino i los ETR 500 asen los servisios ke komersialmente se yaman Eurostar Italia.

Oy endia sirkulan trenes Pendolino en  Almania, Suisa, Finlandia, Italia, Reyno Unido, Portugal, Repuvlika Cheka i Eslovenia. Endemás se esta preparando una version para el su uzo en Kina yamada CRH-5.

La teknolojiya Pendolino es uzada no sólu en Italia, sino ke a sido eksportada para otros paezes tambien:

En Agusto de 2007, Karelian Trains iva ordenar 4 trénos de syete koches de ancho ruso (1520 mm) para uzarlos en la linea San Petersburgo-Helsinki a un prestor de 220 km/o. El tréno esta bazado en el Pendolino S220 uzado en Finlandia. Los servisios se espera empiesen enel anyo 2010.

La teknolojiya trénos abokavles no es eksklusiva de los trénos Pendolino. Tambien es uzada por los trénos suekos X2000, los IC-T/TD i RegioSwinger alemanes, el ICN suiso, el amerikano Acela Express, el tréno noruego BM73, el ostraliano Tilt Train i el espanyol TALGO 350




#Article 186: ICE-T (244 words)


El ICE-T  es un tréno alman dezvelopado por Siemens kon teknolojiya de abokamiento, uzando endemas parte de la teknolojiya adkirida en el dezvelopamiento del ICE 3. Siemens iva dezvelopar dos klases kon apóyo de Bombardier, la klase 411 (syete arabás) i 415 (sinko arabás) para el ICE-T i endemas la klase 605 (katro arabás) para una versiyon diesel del ICE-T yamada ICE-TD, kon un disenyo interyor i eksteryor muy paresido al del ICE. Eyos ivan ser disenyados y fraguados espesialmente para el su uzo en las lineas de trénos mas antikas, ke no son aptas para prestores altos, komo las lineas en el estado alman de Turinjia. Estes trénos alkansan un maksimo prestor de 230 km/o. Un total of de 60 trénos klase 411 i 11 klase 415 an sido konstruyidos, de las ke las konstruyidas dempues de 2004 son de la dosen jenerasiyon ICE-T2, konosida en Siemens komo Venturio. La entreprisa de trénos de Austria ÖBB a adkirido 3 trénos enel anyo 2007, para operarlos en servisios entre Viena i Frankfurt, komo la klase 4011.

Es de aser notar ke andjak DB le yama ICE-T a la klase 411/415, la T orijinalmente no signifika tilting (abokante), sino Triebwagen (arabá de pasajeros), déke konsideraban ke el su prestor maksimo iva ser muy basho para agruparlos dentro de la marka InterCityExpress i es por este ke planearon yamas esta klase IC-T (InterCity-Triebwagen). En kuanto a la serie ICE-TD, se espera uzarlas en la linea Amburgo-Kopenhage




#Article 187: TGV (493 words)


El Train à Grande Vitesse (En franses: tréno de gran prestor), normalmente konosido komo TGV, es un tipo de treno de alto prestor dezvelopado por Alsthom (aktualmente Alstom) i SNCF, la entreprisa de trénos nasional nacional fransesa, i operado prinsipalmente por la própia SNCF. 

La ideia de implantar el TGV fue propuesta por prima ves en los anyos 1960, dempues de ke Japon empesara kon el fraguamiento del su Shinkansen enel anyo 1959. Al mismo tiempo, el gobierno franses estaba a favor de investigasion en muevas teknolojiyas, komo el hovercraft o los Maglev i el aerotréno. Al mesmo tiempo, SNCF empeso a investigar sobre la operatividad de trénos de alto prestor en vias tradisionales. Dempues de musho ensayo i error, el aperturamiento del servisio de este tréno iva ser en el trayekto entre Paris i Lyon enel anyo 1981. Aktualmente la red del TGV konekta a Paris kon otras sivdades de Fransia i kon los sus payezes vesinos. El TGV es uno de los trénos konvensionales mas veloses del mundo, operando en algunos tramos a prestores de asta 320 km/o teniendo el rékord de mayor prestor medio en un servisio de pasejeros i el de mayor prestor en kondisiones espesiales de próva. Enel anyo 1990 alkanso el prestor de 515,3 km/o, i el 3 de avril de 2007 iva superar el su propio rejistro al yegar a los 574,8 km/o en la linea mueva entre Paris i Strasburgo. El egzito de la priméra linea provoko la rapida ekspansion del servisio, con muevas lineas konstruyidas asia el sud, oksidente y nordeste del paez. Ansiosos por imitar el egzito de la red fransesa, algumos paezes vesinos como Beljika, Italia o Suisa fraguaron tambien las sus propias lineas de alto prestor enlasando las lineas del TGV franses con Beljika, Almania, Paezes Bashos e inkluso con el Reyno Unido.

El TGV es prinsipalmente un tréno para el transporte de pasejeros, ma egziste una chika serie de un TGV para uso postal entre Paris y Lyon, yamada TGV La Poste, i todos los trénos pintados de kolores amariyos, komo la administrasion de la Posta. Los tipos de trénos TGV para pasejeros son los TGV Atlantique, TGV Sud-Est, TGV-Réseau i TGV Duplex.

Desde el aperturamiento de la prima linea en 1981, se an fraguado muevas lineas de alto prestor en Fransia. Oy endia egzisten 5 lineas en este paez:

Estan en planos las lineas:

Las lineas del TGV franses se an ekstendido en Evropa kon los servisios Eurostar, operando entre Paris, Londres i Bruselas kon trénos TGV modifikados para el su uzo kon las lineas de elektrisidad de estos paezes. Endemas, los servisios Thalys fonksionan entre Paris, Bruselas i Amsterdam (Thalys PBA) i entre estas sivdades i Kolonia (Thalys PBKA) kon trénos TGV modifikados i pintados de kolorado. Estos servisios uzan lineas de alto prestor fraguadas espesialmente para los trénos muevos.

Endemas, Fransia a eksportado la teknolokiya TGV a otros paezes, ansi ke egzisten trénos derivados del TGV en:




#Article 188: Muevo Meksiko (967 words)


 es un estado de los Estados Unidos, la su sivdad kapitala es Santa Fe. Keda el estado al sudoeste del paiz, topa kon los estados Texas i Oklahoma al este, al oeste kon el estado de Arizona, al nordoeste kon Utah, al norte kon el estado de Kolorado i al sud kon el estado de Texas i el paiz del Meksiko (estados de Chihuahua i Sonora).

Es uno de los estados kon una grande istoria i kultura, ainda la lingua kaltilyana es avlada por el 28% de los avitantes del estado, el inglez es langua de mas avlada por ser un territorio que topa dentro de los Estados Unidos, ma las linguas orijinarias komo la lingua navajo ke zon avladas por emportantes komunidades indijenas.

El nombre de Muevo Meksiko, proviene del biervo Mexihco en la lingua náhuatl, hue una vilayet del norte de Mueva Espanya, el kualo es yamado kon el mismo nombre de la Sivdad de Mexihco i el su vilayet, mas al sud. En kastilyano se yamo Nuevo México o Nuevo Méjico, dempues de aver sido dishkobiertas estas tierras.

Los primeros avitantes de Muevo Meksiko fueron numerosas tribus de puevlos orijinarios, en denantes komo djente de la kultura Clovis de los grupos primitivos. Los avitantes ke se afinkaron dempues, hueron los indijenas de la kultura Mogollon, ansi komo los ansestros de los nativos Pueblo.

La primera ekspedision enrejistrada hue de Francisco Vázquez de Coronado kien reunio una grande ekspedision en Compostela (kazal serka de  Tepic) para topar las Siete Sivdades de Oro de Cíbola que deshkobrio Cabeza de Vaca, i ke akabava de ayegar de las sus travesias de ocho anyos viajando de la Florida al norte de Mueva Espanya. Los ombres de Coronado toparon varios kazerios de barro kosido en 1541. Mas adelante, otras ekspedisiones por el Sudoeste o por Grandes Yanos tampoko lograron topar las konosidas sivdades.

Muevo Meksiko konta kon 315.194 kilómetros kuadrados, es el sinken estado más grande de los Estados Unidos. La su superfisie es de montanyas i planadas, kon las estrivasiones al sud de las Montanyas Rokosas al norte del estado (Serralada de la Sangre de Cristo), grandes yanos al este, y mesetas i más montanyas al sud y al oeste. El río Grande kon su amplio vaye apartaja el estado de norte a sud. Sorprenden los paizajes desyertikos, las extranyas formasiones rokosas, las sharas de montanya i las numerosas aguas buyidas.

El klima es variado, alkunos lugares la temperatura es alta i kalorosa, en otros lugares la temperatura es basha kon nevika en el inverno.

San Juan
Dosya:Rio Grande Gorge and Sangre de Cristos.jpg|Rio GrandeSocorro
File:Lake Fork, Pueblo, and Wheeler Pks.jpg|Piko WheelerTaos
File:White Sands National Monument - New Mexico - dawn in the desert - (17913304838).jpg|Sand WhiteOtero
File:Trailhead, Trail 77, Gooseberry Trail, Cibola, National Forest - panoramio (1).jpg|Montanyas MagdalenaCibola

La governadora Susana Martínez i el governador asistente John Sánchez, ambos zon repuvlikanos, ganyaron la eleksión en 2010.

El Estado de Muevo Meksiko es apartajado en 45 kondados.

El estado de Muevo Meksiko konta kon 2,085,109 milyones de avitantes, la mayor sivdad es Albuquerque, la su zona metropolitana es la mas grande aglomerasyon umana del estado, la sigunda mayor sivdad es Santa Fe, la kapitala y la tresera sivdad mayor es Las Cruces, al sud del estado. Kaji todo el nifus del estado mora en grandes sivdades, el interior es kaji despovlado, kon alkunas viyas o kazales indijenas de menos povlasion.

En el estado se avla la lingua ingleza kon uzo ofisial, ma tambien se avla kaltilyano endenantes de ser parte de los Estados Unidos, la lingua de los konkistadores espanyoles, la kuala sigio avlandose por una grande komunita en todo el estado azta los muestros dias; agora vive la lingua kastilyana muevomeksikana en personas aedadas i en el avla de inmigrantes venidos prinsipalmente del Meksiko, de Espanya i de la Amerika Sentrala.

El Navajo es la tersera lingua mas avlada del estado, es una lingua de la famiya atabascana ke se komparte tambien kon los estados de Arizona, Kolorado i Utah. La lingua Navajo es una de las linguas orijinarias de los Estados Unidos kon grande rekonensia i una grande difusion oral i eshkrita.

La relijion mas praktikada en el estado de Muevo Meksiko es el kristianizmo, la kilisia katolika es la de mayor rekonosensia entre los avitantes, endemas ay una grande komunidad kristiana akatolika, venida de grupos kristianos komo los presbiterianos, evanjelikos, luteranos, anglikanos, entre otras. Tambyen ay komunidades de la Kilisia de Jesikristo de Santos de los Ultimos Dias.

La kilisa katolika romana es grande dentro del estado, es un estado istorikamente katoliko i kon una grande komunidad en los Estados Unidos, el santuario katoliko de Chimayo es el mayor sentro de peregrinasyon muy afamado dentro i huera de los Estados Unidos.

Muevo Meksiko es el estado de los Estados Unidos kon komunidades de orijen sefaradi mas antikas del paiz, estos arrivarono desde el sud de la Mueva Espanya komo djudios konversos al katolizmo i asegun se afinkaton en el ekstremo norte de la Mueva Espanya (el aktual Muevo Meksiko, Texas i Kalifornia). El lashon kriptodjudio de munchos avitantes de orijen espanyol dentro del estado, es agora una identidad de alkunas antikas famiyas de los kolonizadores ke afinkaton kuando era la Mueva Espanya i dempues enel Muevo Meksiko.

El estado konta kon la Universidad de Muevo Meksiko, la kaza de melda más emportante de la entidad.

El estado de Muevo Meksiko konta kon una grande diversidad kulturala del paiz. la sivdad de Santa Fe, es la kapitala estatal mas antika de los Estados Estados i es una de las sivdades mas emportantes de la kultura i el arte, dempues de Mueva York.

El futbol amerikano es uno de los esportes ke se djoga en el estado, los lobos de Muevo Meksiko es el ekipo mas afamado.




#Article 189: Arizona (411 words)


 es un estado de los Estados Unidos, la su kapitala es Phoenix. Keda el estado al sudoeste del paiz, topa kon el estado de Muevo Meksiko al este, al oeste kon el estado de Kalifornia, al noroeste kon Nevada, al norte kon Utah, al nordeste kon el estado de Kolorado i al sud kon el paiz de Meksiko (Basha Kalifornia i Sonora).

Egzisten tres teorias de la etimolojía del biervo Arizona: La teoría prinsipala sostiene ke el nombre proviene de un topónimo utilizado por los pastores de orijen vasko Haritz Ona ke sinyifika literalmente Buen Roble, al poseyer la mayor reserva de robles al sud delos Estados Unidos. Esta es la teoría favorita para el historiador Marshall Trimble i para munchos otros istoriadores de Arizona.

Otra teoría, melda ke los espanyoles yamavan a este territorio la zona árida. Kon el paso del tiempo podría aber evolusionado al nombre aktual de Arizona.

Ansina, otra teoría, lleva su origen a la frase alĭ ṣonak (actual: alĭ ṣonǎ), que en lingua O'odham sinyifika pequeña fuente. (ay munchos ejemplos del uzo de ari y zon en nombres de lugares en el sur de Arizona: tucson, Arivaca, Sonoita, Arivaipa.) El nombre Arizonac se aplikó inisialmente a los kampos de minas de plata, i más tadre (ya reduzido a Arizona) al territorio entero.

En Arizona egzisten yasimientos arkeolójikos de guesos umanos ke datan de aze 12,000 anyos. Aze un milenyo, los grupos prensipales ke moraron este territorio fueron los indíjenas anasazi (ansestros de los indios pueblo), los hohokam (antesesores de los indios tohono o'odham i pima), los mogollón i los pataya. Los apaches i los navajos, kon los ke lucharon los espanyoles desde el sieklo XVI, yegaron a estas tierras poco antes de la yegada de los primeros evropeos en Arizona.

El territorio de Arizona komparte frontiera internasionala kon Meksiko al sud, propiamente los estados de Sonora i Basha Kalifornia, al norte topa kon Utah, al este kon Muevo Meksiko, al oeste kon Kalifornia i Nevada i al noreste kon Kolorado, enlos Estados Unidos. El estado es apartajado en kondados, la kapitala es Phoenix.

El estado de Texas se topa en las koordenadas jeografikas del meridiano de Greenwich latitud norte 37º 00' 00 minima, 31º 00' 00 maksima, longitud oeste 114º 00' 00 minima, 109º 00' 00 maksima.

El klima es variado en el estado de Arizona, alkunos lugares la temperatura es alta i kalorosa, en otros lugares la temperatura es basha kon inyevina en el inverno.




#Article 190: Alaska (588 words)


 es un estado de los 50 estados de los Estados Unidos de Amerika, es el estado mas grande del paiz, el mas lungo, lejano, afamado komo la ultima frontiera, topa al ekstremo noroeste de Norteamerika; endemas linda kon el kontinente asyatiko, aze frontiera marina ko Rusia i tambien aze frintiera kon Kanada.

El nombre de Alaska proviene del biervo aleutiano alaxsxaq, ke siynifika literalmente el ovjeto kontra el ke la aksion dela mar es dirijida.

Los primeros moradores de Alaska fueron grupos nómadas que provenyian del Asya i ke kruzaron el Puente naturalo de Bering, persegieron animales y yegaron a lo konosido komo la penínsola de Alaska. La mayoría de los pueblos nativos amerikanos provienen de djente que kruzó el estrecho de Bering denantes de emigrad hazia el sud del kontinente. El primero kontakto de egzploradores evropeos kon los avitantes de la rejión lo tuvieron los eksploradores rusos ke kontaktaron kon el puevlo Inuit i otros puevlos nativos de Alaska. Los sigundos eksploradores de la mar de Alaska hueron los eksproradores espanyoles ke navegaron azia el norte del Pasifiko del Virreynato dela Mueva Espanya. 

La mayoría de la istorya dokumentada de Alaska proviene delos kolonistas evropeos, komenzando por el navegador dinamarkez al servisio de la Armada Rusa, Vitus Bering, ke alkanzó Alaska a bordo del San Pedro en el transkurso de la Sigunda egzpedisión a Kamchatcka. Alkavo, fue el primero evropeo que alkanzó las beiras de la rejión fue el ruso Aleksei Chirikov, ke navegaba en la ekspedicion de Bering al mando del San Pavlo, kuando ayegó el 15 de julio de 1741 al lugar en el ke oy endia topa la sivdad de Sitka. La Compañía ruso-americana pronto empezo la kolonizasión de la beira i en los anyos 1790 ya abía afinkamientos en la rejión. 

La prinsipala aktividad en la zona era la kaza de nutrias, anke la kolonia no fue nunca rentable debido al elevado koste de los navios nesesarios para eyo. Anke enel prinsipio el kontakto kon los nativos fue kordial, pronto se produjeron atopamientos violentos, ke unidos a las dolensias transmitidas por los evropeos, eksterminaron a katrena parte del nifus nativo. El primero afinkamiento permanente por parte de Rusia ande establesiose en 1784, kuando Grigori Ivánovich Shélijov fundó una kolonia en la isla de Kodiak, en la Baía de Three Saints Bay, oy base navala estadounidensa. En 1790, Shélijov alkiló los diretos de kaza a Aleksandr Baránov, kien traslado la kolonia a la aktuala sivdad de Kodiak, anke viendo la posivle yegada de eksploradores y kolonistas evropeos, traslado la kapitala al Muevo Arkanjel ke se konvirtió en la sivdad de Sitka. El 24 de septiemvre de 1794 yegaron a la Isla Kodiak ocho monjes ortodoksos, dirijidos por el arkimandrita Ioasef, su misión era evangelizad a los aborijinalos i ekspandid el kristianizmo ortodokso, relijion ofisiala de Rusia.

El estado de Alaska komparte frontiera internasionala kon Kanada al este i al oeste kon Rusia; al norte linda kon el Oseano Artiko, al sud kolinda kon el Oseano Pasifiko. El estado es apartajado en dieziseis burgos, la kapitala es Juneau.

EL estado de Alaska ay variados kimas, el norte es de klima es yelido kon muncha inyeve; la mayor parte del territorio del estado es shara boreal kon inyevadas en invierno.

La tundra i el boske borealo zon klimas de la rejion de Alaska. Es un territorio muncho grande ke ay aki diversidad de klimas.

Dosya:Tongass National Forest 534.jpg|JuneauTongass
Dosya:Wonder Lake and Denali.jpg|Denali ValleyDenali
Dosya:Sea Ice Wedges (8287944603).jpg|BeringSea Ice
Dosya:Glacier, Kenai Fjords National Park (6808653807).jpg|Fiordos de KenaiKenai




#Article 191: Texas (444 words)


 es un estado de los Estados Unidos, la su kapitala es Austin. Keda el estado al sudoeste del paiz, topa kon el estado del Muevo Meksiko al oeste, al este topa kon el estado de Luisiana, al norte kon Oklahoma, al nordeste kon el estado de Arkansas i al sud topa kon Meksiko (estados de Chihuahua, Coahuila, Muevo Leon i Tamaulipas).

El estado es mentado tambien komo el estado dela Estreya Solitaria, hue endemas un territorio ke se unio a los Estados Unidos, logrando la su independensia del Meksiko.

Se kreye ke el nombre proviene del biervo cabdo Teshas o tejas, ke sinyifika aliado o amigo, asegun es una palavra ke eskucharon los espanyoles.

El territorio de Texas hue primero afinkado por ombres aborijinalos ke kruzaron del norte azia el sud i desharon objetos dela su presensia en diversos sitios.

El eksplorador espanyol Álvar Núñez Cabeza de Vaca hue el primero evropeo ke paso por el territorio texano el 6 de noviembre de 1528. Juan de Oñate hue el sigundo eksplorador de eksploro Texas, en ese antonses era mentado komo Mueva Filipinas, nombre ke no kedo muncho tiempo. Los espanyoles voltaran a mediados del sieklo XVIII, i fundan varias misiones, entre eyas San Antonio, i el territorio es yamado Texas en onra a los indijenas Texas. Endemas se establesen varios presidios i huertes militares.

Los fransezos, ke se avian afinkado a las beiras del rio Mississippi, eksploran la beira de Texas, y yegan a lo ke oy endya es Corpus Christi, en denantes baia del Espíritu Santo, e intentan afinkar una kolonia, ma no lograrono por las reveliones indijenas i el mal tiempo.

El territorio texano komparte frontiera internasionala kon Meksiko al sud, propiamente los estados de Tamaulipas, Muevo Leon, Coahuila i Chihuahua, i al norte topa kon Oklahoma, al este kon Luisiana, al oeste kon Muevo Meksiko i al noreste kon Arkansas, enlos Estados Unidos. El estado es apartajado en kondados, la kapitala es Austin. Es el estado mas mayor delos Estados Unidos kontinentalos.

El estado de Texas se topa en las koordenadas jeografikas del meridiano de Greenwich latitud norte 25º 00' 00 minima, 36º 00' 00 maksima, longitud oeste 93º 00' 00 minima, 106º 00' 00 maksima. En el Oseano Atlantiko keda el Golfo de Meksiko ande ay dos grandes izlas, izla Galveston, i tambyen al sud keda la izla del Padre.

El klima es variado en el estado de Texas, alkunos lugares la temperatura es alta i kalorosa, en otros lugares la temperatura es basha kon nevika en el inverno.

File:Palo Duro landscape IMG 0101.JPG
File:Texas Hill Country 187N-2.JPG
File:Padre Island National Seashore - sand dunes3.jpg
File:Gulf Coast Prairie LCC (14281044052).jpg




#Article 192: Connecticut (132 words)


 es uno delos 50 estados de los Estados Unidos. La su kapital es Hartford i la mayor sivdad es Bridgport, es uno de los estados ke se topan dentro de la rejion konosida komo Mueva Inglaterra, al noreste del paiz.

El orijen del nombre Connecticut proviene del biervo aborjinalo Quinnehtujqut, que siynifika Lugar del Río Largo. Los primeros evropeos en afinkarse de forma permanente en la rejión fueron puritanos inglezos, venidos de Massachusetts, en 1633. Otrono nombre es The Nutmeg State (estado de Muez Noskada) i los abitantes de este estado zon konosidos nazionalmente komo los nutmegger.

Connecticut topa kon el Oseano Atlantiko al sud, al norte topa kon Massachusetts, al este kon Rhode Island i al oeste kon Mueva York. El estado es apartajado en kondados, la sivdad kapitala es Hartford.




#Article 193: Kalifornia (699 words)


 es un estado de los Estados Unidos, la su kapitala es Sakramento. Keda el estado al sudoeste del paiz, topa kon el estado de Arizona al sudeste, al este topa kon Nevada, al oeste kon el oseano pasifiko, al norte kon Oregon i al sud kon el paiz de Meksiko (estado de Basha Kalifornia).

El estado de Kalifornia es uno de los estados mas puedores delos Estados Unidos y del olam, la industria, el komersio, el filmo, el turizmo, la mineria i el desvelopamiento de la industria de fraguas es el poderiyo ekonomiko del estado. Endemas es el estado mas povlado de los Estados Unidos, ay aki grandes zonas metropolitanas ande moran milyones de abitantes.

El nombre Kalifornia ya egzistia denantes del deshkubrimiento de Amerika, Kalifornia era el nombre de un paiz animado o inventado ela Evropa.

Los primeros ombres ke afinkaron en el territorio ke oyendia se afama komo Kalifornia hue aze 10,000 anyos atras, Kalifornia hue uno de los sitios ande se avlaron munchas linguas aborijinalas en el kontinente amerikano, denantes de la arrivada de los evropeos. Varios estudiosos estiman ke los indijenas zon alredor de 100,000 a 300,000 en la aktualidad, kuando denantes eran muchos grupos indijenas. Los puevlos mas mentados zon los pomo, los chumash, los yumanos, entre otros.

En 1542, Juan Rodríguez Cabrillo hue komandado por Pedro de Alvarado i apoyado por Antonio de Mendoza y Pacheco, primero virrey dela Mueva Espanya, para eksplorad el Pasifiko Norte, la penínsola de Basha California i el golfo de Kalifornia o mar de Cortés, Ke avian sido deshkubiertos frekamente i eksplorados por Francisco de Ulloa, Fernando de Alarcón, Juan de Fuca i Domingo del Castillo. Kon isos viajes se avia demostrado ke la peninsula de Basha Kalifornia no era una izla, sino ke estava unida a tierra firme i rodeada de aguas por el golfo de Kalifornia o la Mar del Sud (oseano Pasifiko). Rodríguez Cabrillo esperanzava topar kon la mitika i puededora sivdad de Cíbola que se kreyia egzistia en alkuno lugar al norte de la beira del oseano Pasifiko, endemas de bushkar el inegzistente paso o estrecho de Anián ke se dizia ke unio al norte los océanos Pasífiko i Atlántiko.

El territorio kaliforniano komparte frontiera internasionala kon Basha Kalifornia al sud i al norte topa kon Oregon, al este kon Nevada i al sudeste kon Arizona, enlos Estados Unidos. El estado es apartajado en kondados, la kapitala es Sakramento. Es el estado kon mayor nifus delos Estados Unidos.

El estado de Kalifornia se topa en las koordenadas jeografikas del meridiano de Greenwich latitud norte 42º 00' 00 minima, 32º 00' 00 maksima, longitud oeste 114º 00' 00 minima, 124º 00' 00 maksima. En el Oseano Pasifiko ay dos grandes izlas, izla Santa Barbara, Izla Santa Cruz i la izla San Clemente, tamben al sud keda la izla Santa Katalina.

En el estado de Kalifornia ay una grande diversidad de klimas, el norte es de klima templado i de alta montanya, al sentro es un lugar onde muchiguan frutos komo olivo, uva o nar, las katenas montanyosas zon de klima templado i frio, ayi ay huertes inyevadas en invierno i esta yeno de pinos, ensinos y arvoles de grandes dimensiones, se konose komo la Sierra Nevada; en la major parte del territorio estatal es desyerto kon pokas luvias, rodeado de mares i nyevinas.

Dosya:Big Sur June 2008.jpg|BigsurMonterey
Dosya:Death Valley Gerea canescens.jpg|Death ValleySan Bernardino
Dosya:Joshua-National-Park-California0932.JPG|Parke Nasional JoshuaImperial
File:1 yosemite valley tunnel view 2010.JPG|Parke Nasional YosemiteMaricopa

El Estado de Kalifornia es apartajado en  kondados.

Kalifornia es el estado kon mayor nifus delos Estados Unidos, kaji toda la povlasion es afinkada en zonas urbanas komo la Zona metropolitana delos Los Anjeles, La grande Zona Megalopolitana de San Francisco, Oakland, San Jose, Santa CLara, Sacramento i la zona metropolitana de San Diego.

El estado de Kalifornia es uno de los estados kon una grande oferta kulturala; los puevlos aborijinalos son los primeros umanos ke afinkaron en lo ke oy endia es yamado Kalifornia, ay munchas reservasiones de los ultimos avitantes indijenas del estado, kienes amostran la su kultura ansestrala denantes de la arrivada de los espanyoles.

El surfing es uno de los esportes mas praktikados del estado de Kalifornia.




#Article 194: Washington (estado) (184 words)


Washington es un estado de los Estados Unidos, la su kapitala es Olympia. Keda el estado al noroeste del paiz, topa kon el estado de Isaho al este, al sud topa kon Oregon, al oeste kon el Oseano Pasifiko, al norte kon el paiz de Kanada (vilayet de Kolombia Britanika).

El estado de Washington es uno de los estados ke forma la rejion ekolojika afamada komo la Kaskadia.

El nombre del estado es en onra a George Washington, politiko, nasido en Westmoreland e hue finado enla Mount Vernon, Virjinia. Endemas hue insurgente i uno delos firmadores del Akta de Independensia de los Estados Unidos.

El territorio oregoniano al norte topa kon Kolombia Britanika, al este kon Idaho i al sud kon Oregon; estados de los Estados Unidos. El estado es apartajado en kondados, la kapitala es Olympia.

El estado de Washigton se topa en las koordenadas jeografikas del meridiano de Greenwich latitud norte 43º 56' 00 minima, 48º 00' 00 maksima, longitud oeste 120º 00' 00 minima, 124º 00' 00 maksima.

El surfing es uno de los esportes mas praktikados del estado de Oregon.




#Article 195: Florida (299 words)


 es un estato de los Estatos Unitos. Situada en la rejion sud este de Estatos Unitos. Ábet 19,3 m de morantes. 

La penínsola dela Florida fue deshkubierta por Juan Ponce de León el lunes de Paskua del anyo 1513. Komo la Paskua de Resurrección endemas se konoae komo la Paskua Florida, a la penínsola se le yamó: Penínsu  la dela Florida.

Al sieklo XVI ay indios apalaches, timuquas, ais, tocobagas, calusa i tequesta. Dipipez, fue deskuverta por Juan Ponce de León, los Pinzón, Juan Díaz de Solís i Amériko Vespuccio kuando viajaban la mar por el gulfo de Méksiko. Arrivaron a Florida (antíkamente yamada ízla de Bimini). El 2 de abvril de 1513, Ponce de León tomó posesion de akéya supozada izla dando le La Florida. El motiv de topar la era la Manadéra de Djoventia (de la mansevéz), en fondo de un vado de la península de La Florida. No fue el primér ispano ke arribó a ésta tierra, vio un orijinalamerikano en 1513 ke podo avlar kastilyano. Dopipez los angleses konkuistaron Florida, ma en la rekonkuista ispanola, los ispanos akaváron merkando la Florida a Estatos Unitos por $5 m. Entónses Florida era máz grande i ábiia maz tierra de país. Lo ke dempues pasó hue ke independizadas las kolonias norte-oksidentales kedó la aktuál Florida kon maz de 18 m de personas.

El territorio floridano al norte topa kon Jeorjia, al este kon Oseano Atlantiko, al oeste kon el Golfo de Meksiko i al sud kon Kanal de Florida, al noroeste kon Alabama. El estado es apartajado en kondados, la kapitala es Talahasee.

El estado de Florida se topa en las koordenadas jeografikas del meridiano de Greenwich latitud norte 43º 56' 00 minima, 48º 00' 00 maksima, longitud oeste 120º 00' 00 minima, 124º 00' 00 maksima.

El futbol amerikano es uno de los esportes mas praktikados del estado de Florida.




#Article 196: Oregon (246 words)


 es un estado de los Estados Unidos, en la yamada rejion de Kaskadya; topa kon los estado de Kalifornia, Nevada, Idaho i Washington. Oregon topa el noroeste del paiz, konta kon paizajes mas diversos komo la beira del Pasífiko, volkanos, glaziares y muntanyas eskarpadas de la kordiyera de las Cascadas. Se afama por las sus sharas altas i densas que kubren un tersio del norte del estado i la mitad del sud. Otras zonas inkluyen yanos i desyertos ke kubren la mitad del estado en el este i el norte sentralo, i boskes menos densos de pinyos en el noreste.

El nombre «orejón» se topo kon frekuensia en las krónikas de Amerika. El nombre ke se refiere al estado de Estados Unidos «Oregon» viene de la kronika Relación de la Alta y Baja California (1598), del novohispano Rodrigo Montezuma, y aze referensia al rio ke oy se yama Kolumbia. Esta KróniKa de Rodrigo Montezuma es la primera referenSia topográfica I linguístika respekto al nombre «Oregón».

El territorio oregoniano al norte topa kon Washington, al este kon Idaho i al sud kon Kalifornia i Nevada; estados de los Estados Unidos. El estado es apartajado en kondados, la kapitala es Salem.

El estado de Oregon se topa en las koordenadas jeografikas del meridiano de Greenwich latitud norte 43º 56' 00 minima, 48º 00' 00 maksima, longitud oeste 120º 00' 00 minima, 124º 00' 00 maksima.

El surfing es uno de los esportes mas praktikados del estado de Oregon.




#Article 197: Nevada (152 words)


 es un estado de los Estados Unidos, la su kapitala es Karson. Keda el estado al oeste del paiz, topa kon el estado de Utah al este, al oeste kon el estado de Kalifornia, al nordoeste kon Oregon, al norte kon Idaho i al sud kon Kalifornia i Arizona.

El nombre Neveda, proviene del kastilyano; y ladinado es Inyevada. Es una relasion kon la Sierra Nevada kuando los espanyoles afinkaron en la rejion ande vieron muntanyas inyevadas en un grande desyerto.

El territorio de Nevada al norte topa kon Oregon i Idaho, al este kon Utah, al oeste kon Kalifornia i al sud kon Kalifornia i Arizona; estados de los Estados Unidos. El estado es apartajado en kondados.

El estado de Nevada se topa en las koordenadas jeografikas del meridiano de Greenwich latitud norte 43º 56' 00 minima, 39º 00' 00 maksima, longitud oeste 117º 00' 00 minima, 124º 00' 00 maksima.




#Article 198: Taekwondo (189 words)


El Taekwondo (kamino del pie i del puño) es un arte marsial de oridjen koreano, similar en sierta forma al karate japonés. Se basa, komo indika su nombre en koreano, en la utilizasion de las manos i pies desnudos por atakar un adversario, i de defenderse kon la mano, el antebrazo o las piernas, si bien utiliza más las piernas ke el karate. 

 

Algunos maestros afirman, ke su oridjen se remonta unos 2000 años atrás, pero en realidad sólo ase 50 años ke se praktika bajo la forma aktual. oy en día se ha konvertido en un espor muy tendido. En los Juegos Olimpikos de Barselona 92 se konvertí en espor olimpiko de exhibision i aktualmente ha llegado a ser espor olimpiko de kompetision. 

Uno de los ejersisios más importantes es la realizasion de pumses (katas en terminología de karate). Los pumses son sekuencias de movimientos de defensa i atake ke simulan un kombate imaginario kon varios adversarios, i están relasionados direktamente kon los diferentes grados de sinturones. Se memorizan i repiten kon objeto de inkrementar el equilibrio, la elastisidad, la rapidez i el dominio de los diferentes movimientos. 




#Article 199: Muay Thai (237 words)


 
El boxeo tailandes (o Muay Thai) es un espor de kombate (arte marsial) ke se desarrolla a Tailandia. Es konosido tambien komo el arte de todas las partes, porke las manos, los pies, los kodos i las rodillas se utilizan muy. 

Aunke las altas patadas a la kaveza pueden pareser más kausante impresion en la kompetision, los expertos de este espor afirman, ke las patadas bajas (low kicks), los kodos i las rodillas están más destruiendos para los kompetidores. 

Durante la kompetision, el partisipante ase la seremonia larga i el ritual antes del kombate. Existen por kausa religiosa; aunke sirven para estirar los múskulos i komo kallentamiento. 

El entrenamiento para el boxeo tailandes es konosido por su intensidad i su firmeza. Apunta endureser las ocho partes del kuerpo, resulta ke siendo golpeado kon la tibia del boxeador tailandes es a menudo komparado a siendo golpeado kon uno bato de beisbol. Los boxeadores tailandeses dan patadas kon la tibia i de vez kon el pie. 

El boxeo tailandes ha influido mucho en el desarrollo del kick-boxing ke se ha kreado despues al Japon, en Europa i a el Amerika del Norte.

Kasi kada movimiento de boxeo tailandes usa el kuerpo entero, mientras ke girando la kadera a kada patada i a kada puñetazo. Konsekuentemente, los ataques i la defensa en el boxeo tailandes están más lentes ma más fuertes por ejemplo ke los de boxeo o de karate. 

 

 




#Article 200: Esnoga de Asmara (132 words)


La Esnoga de Asmara (en ebreo בית הכנסת של אסמרה, en arabo معبد أسمرا) es lo ke keda de la komunita djudia en Eritrea. la esnoga tyene un betahayim, un Bet Midrash i una sala para azer tefilá. Todos los aspektos de la esnoga son atendidos oy endia por el sinyor Samuel Cohen, un sivdadano de Asmara ke se kedo en el paez kon la su famiya para kuidar de la su esnoga . La su famiya, komo kaji toda la komunita, yegó de Teman. 

La esnoga fue fraguáda enel anyo 1906 en el estil arkitektoniko neoklasiko  i se ankontra en la kaleja Senafe, enel kanton kon la kaleja Seraye. Serka de la esnoga se ankontra el Sinema Impero. En los hagim, se dize ke vinían djudios asta de Hartum (Sudan) .




#Article 201: Retorika (236 words)


 

La retorika (del griego antiguo  / rhêtorik/ề [tékhnê/], « teknika/arte oratori ») designa propiamente «el arte de hablar bien » es el arte o la teknika de la persuasion, normalmente mediante el uso de la palabra. La retorika, la dialektika i la gramatika konstituyen el trívium, ke forma kon el quadrívium las siete artes liberales de la kultura oksidental. A la Epoka Antigua i la epoka mediana, la retorika estaba enfokada en la persuasion en los kontextos publikos i politikos, así komo a las asambleas i los tribunales. 

De esta manera, se desarroyó dentro de las sosiedades abiertas i demokratikas, los derechos de expresion, de libera reunion i los derechos politikos de una parte de la poblasion. 

El koncepto de retorika ha variado durante los 2500 años de existensia de la palabra. Asta los nuestras días, la retorika se deskribe en un sentido amplio, komo el arte o la praktika de la persuasion sea qué sea el medio de komunikasion, pero utilizando el lenguaje. Los términos « retorika » o « sofizme » se empleen a menudo kon un sentido perioriatiu, el tiempo el en ke se quiere oponer a las palabras sin hechos, o separar la informasion de la desinformasion, de la propaganda, o inkluso por kalifikar de dudoso un diskurso pseudo-argumentativo. Sea lo ke sea, así komo el arte de la persuasion, la retorika kontinúa jugando un rol importante dentro la vida publika kontemporànea. 




#Article 202: Tripoli (577 words)


Tripoli (en arabo: طرابلس Tarābulus -  tambien طرابلس الغرب Tarā-bu-lus al-Gharb, ke sinyifika Tripoli de Oksidente para aserla diferente de Tripoli, Libanon; en lashon arabo-libyo Trāblis, ke esta derivado del grego: Τρίπολις, Tripolis) es la sivdad kapital y sentro administrativo de Libya, la sivdad kon el mas alto nivel de vida del kontinente afrikano.

La sivdad iva ser fondada por los fenisios a oriyas de la mar Mediterraneo kon el nombre de Oea, formando parte dempues de los dominios de Kartago. Konkistada por los romanos dempues de Tresera Gerra Punika, yego a ser una de las sivdades mas emportantes del Império Romano en Afrika. La sivdad kayo en poder de los vandalos i los bisantinos, asta ser konkistada por los arabos en el syéklo VIII. Enel anyo 1510 la sivdad iva ser konkistada por un kontinjente espanyol al mando de don Pedro Navarro, i enel anyo 1523 iva ser sedida por el imperador Carlos V a los Kabayeros Ospitalarios de San Juan, ke ivan ser egzpulsados de la adá de Rodes por los turkos. La orden aguanto en Tripoli asta el anyo 1551, en ke fueron ekpulsados por los turkos tambien. Tripoli se konvirtio dempues en otro de los estados de la Berbería, basho la soberanía nominal turkana, dedikados a la pirateria en la mar Mediterraneo, en kontro de los estados y flotas kristiánas. Tripoli sigio estando en manos más o menos efektivas del império turkano asta ke fue konkistada por Italia enel anyo 1911.

El sentro viejo de la sivdad no a sido tokado por el turismo en masa, áma kada dia mas i mas turistas de otros paezes lo visitan, sobre todo dempues deke las Nasiones Unidas alevantaran el embargo enel anyo 2003. Ándjak, la medina amurayada tiene todavia ese sabor a sivdad vieja antika. El kastilyo Assaraya al-Hamra (el kastilyo kolorado), un komplejo de fráguas y palasios kon munshas guertas i ganim, domina la imajen de la sivdad vieja i esta ubikado a las afueras de la medina. Egzisten alkunas estatuas i fuentes del periodo Ottomano alrededor del kastilyo. Las mezkitas Gurgi i Karamanli, kon los sus detayados dekorados y mosaikos, son egzempios de las abilidades de los artesanos de la sivdad. Serka de la mezkita Gurgi se ankontra el Arko de Marko Aurelio, el uniko monumento romano ke egziste áma en la sivdad. El govierno nasional esta retsuarando palasios menores del periodo Karamanli i aperturandolos a la visita de los turistas. El pláno de kalejas de la sivdad iva ser trazado en el periodo romano, kuando las murayas ivan ser fraguadas para protejerla de atakos del interior de Tripolitania. El en syéklo VIII, se adisiono una muraya en la parte de la sivdad ke mira asia la mar. 

 
Tres puertas ivan dar akseso a la medina de la sivdad: Bab Zanata al oksidente de la sivdad, Bab Hawara en el sud-oksidente i Bab Al-Bahr en la muraya del nord de la sivdad. Estas murayas aun egzisten i se puede yegar asta arriva de eyas para poder ver la sivdad. El Bazar o el Zouk tambien es konosido por su ambiente tradisional; se konsige ekselente joyeria y ropa en los merkados lokales.

El Muzeyo Jamahiriya, una frágua moderna ubikada dentro del Kastilyo Kolorado, es el muzeyo nasional de Libia. Amostra munshos artefaktos de los periodos Romano i Gréko, inkluyendo tesoros de Leptis Magna y Sabratha, Patrimonios Kulturales de la Umanidad, ansina komo kuriositas komo el Volkswagen Beetle kondusido por Gadaffi en los anyos 60.




#Article 203: Hamsa (313 words)


La hamsa (en arabi, خمسة; «sinko») es un siim kon forma de mano, el kualo es uzado enel Medio Oryente en kontro del aynara.

En alkunos payises es yamada Mano de Fatima, por Fatima az-Zahra, ija de Mahomat, i a vezes ojo de Fatima, deke alkunas versiyones de este siim tienen un ojo. Los djudios, por la su parte,  la yaman endemas Mano de Miriam (ermana de Moshe Rabenu i Aaron) o mano sinko). La forma mas komun del siim es la de una mano simetrica: el dedo del korason enel sentro, a  sus lados el dedo del aniyo i el indeks, un un poko mas kurtos ke el del korason. Otrunas vezes tienen pintadas el biervo  mazal o mazal tov, estreyas de David, ojos i otros siimos para muchiguar el pueder i la ermozura. En las kazas de sefardis se topan hamsas en las puertas o paredes.

Los musulmanos akorruto avlan de una lision entre los sinko dedos de la mano i los sinco pilares del Islam, mientres ke los sjudios azen esto kon los livros de la Tora. De fakto, las interpretasiones wahabis del Islam no akonsejan uzar Hamsas, deke el Koran no aksepta amuletos. Se kreye ke el su orijen esta entre Kartago i Mesopotamia.

Las Hamsas son populares komo amuletos i dekorasiyones en Israel i la djente no las konsidera komo un elemento kon relasion islamika, eksepto el nombre arabo. Entre djudios, es komun topar hamsas, ke son un siim de buen mazal, i se topan munchas kon dibujos de pishkados.  Es komun topar hamsas en plakas para la pared, portayaves i aksesorios para las mujeres. Alkunas vezes tienen eskrituradas tefilot komo la Shema Israel, la Birkat abait o la Tefilat aDereh.

Alkunas organisasiones ke ovran por la paz en el Medio Oryente tienen tomada la hamsa komo siim de las asemejansas kulturalas ke egzisten entre musulmanos i djudios.




#Article 204: פֿראנצײה (295 words)


פֿראנצייה, קונוסידה אופישיאלמינטי קומו ריפובליקה פֿראנציצה
אין פראנציה איס און פאאיס איברופיאו, אונו די לוס פונדאדוריס די לה אוניון איברופײה. איל סו נומברי דיריבה די לה טריבו די לוס פראנקוץ קה אינבאדיו גאלייה. לה פראנצײה אינקלוײ טאמבײן ריזײוניץ, איצלאס אי ארקיפײלאגוס אין מונגאס פארטיס דיל מונדו.  לה סו קאפיטאל איס פריז. לאס סוס אוטראס גראנדיס שיבדאדיס סונ מארסײה, ליון, ליל, בורדו, נאנט, רואין, לה מאן, דאנקירק, איסטראסבורגו, ניצה, טולוסה, קלרמון פראנת, סאנט איטײן, קאאין אי גרנובל.
לה פראנצײה קונטינינטאל לימיטה א סורױסט קון איספאנײה אי אנדורה, אל אואיסט קון איל אוציאן אטלאנטיקו; אל נורטי קון איל קאנאל דה לה מאנזא; אל נוריסט קון בילגיקה, לוכימבורגו, אלמאניה אי סואיזה; אל איסט קון מונאקו אי איטאליה; אי אל סוריסט קון איל מאר מידיטיראניו. אין סו טײרה דה פאאיס דה אולטראמאר דה אמיריקא דיל סור לה גואײאנה פראנסיסא לימיטה קון בראזיל (סו מאזור פרונטײרא קון און פאאיס ביגינו), סורינאם אי לאס אנטײאס אולאנדיסאס (בורדיאנדו סאן-מארטין). לוס פראנסיסיס סי ריפײרין קומונימינטי אלא טײרה דיל פאאיס קונטינינטאל קומו (איל איכאגון) פור סו פורמא גיומיטריקא. 

לה ריפובליקא פראנסיסא איס אונה דימוקראסײה אורגאניזאדא קומו ריפובליקא סימיפריזידינסײאל.
איס און פאאיס אלטאמינטי דיזבילופאדו אי איסטא' קונסידיראדו לה סינקינה איקונומײה מאז גראנדי דיל מונדו, פור לו קה איס און פאאיס דה פרימיר מונדו. סוס אידיאליס מאז אימפורטאנטיס איסטאן פלאזמאדוס אין לה דיקלאראסײון דה לוס דיריטו דיל אומברי אי דיל סיבדאדאנו.
לאס סוס 22 ריגייוניס מיטרופוליטאנאס סון:

לה אטואל קינטא ריפובליקה איס לה סיגױנטה דה קואטרו אנטיס, לה פרימירה (1792-1804), דיסדה לה איסטוריקה ריבולוסיון פראנסיסה דיל 1789. לה סיגונדה (1848-1852) דיספױס אי מוטוס דיל 1848 פירו טירמינאדה קון לה עײגאדה דה לױז בונאפארטה. לה טירצירה (1875-1940), נאסידה דיספױס דה לה קומונה דה פריז אי טירמינאדה קון לא אוקופאסיון נאציסטה.
לה קוארטה (1946-1958) דיספױס דה לה גױרה פין לה גראן קריסיס דה לד גױרה דארזיה.

 

ע

סימיפריסידינסיאל




#Article 205: בֿאניס (377 words)


בֿאניס (אין בריטון גױנית) איס אונה לוקאליטאס אי אעײונטאמײנטו פראנסיסה, סיטואדא איניל דיפארטאמײנטו דה מורביעאן אי אין לה ריגײון דה בריטאנײה. סוס אביטאנטיס סון דינומינאדוס, אין פראנסיס בֿאניטה. 

לה שיבדאת סה תופא אין לה אורײה זיפטינטרײונאל דיל גולפו דה מורביעאן, איניל איסטואריו דיל ריו מארל. סה תופא א 15 קילומיטרוס דיל אוזיאן אטלאנטיקו.
אקטואלמינטה דיספוזא דה איסטאסײון דה טרין אי אוטופיסטאס. 

לה אגלומיראסײון אורבאנה דה בֿאניס אינקלוײ דוס פרובֿינסײאס: בֿאניס אי סאנט-אבֿ, פור און טוטאל דה 24 אאײונטאמײנטוס.
פיסי א סית לה קאפיטאל באניס נו איס לה שיבדאת מאז פובלאדא דיל דיפאטאמײנטו דה מוריעאן: איסטא איס לורײנת.

איניל ריפירינדו אינריבה לה קוצטיטוסײון איברופיה לוכרו איל סי קון און 62,73% דה לוס בֿוטוס.

פונדאדא אל פינאל דיל סײקלו 1 א.ק., לה שיבֿדאת גאלורומאנא סי אימפלאזאבא אין לה קולינא דה בױסמורו דומיניאנדו איל ריו. קון איל נומברי דה דארײוריטום, סי אורגאניזאבא אין טורנו א און אמפליו פורו, סינטרו דיל פודיר אדמיניצטראטיבו אי פוליטיקו דה לה טריבו דה לוס בֿאיניטי, אונה טריבו קומונמינטה אזוסײאדא קון לוס גאלוס אי דירוטאדוס פור זוליו ציזאר איניל 56 א.ק., נו איס סיגורו סי איסטוס ביניטוס אי לוס פואיבלוס אומונימוס דיל נורת דה איטאלײה סון לוס מיזמוס, אפילו איס מאז קה פרובאבלי.
איל פואירטו פאבוריסיה לה אקטיבֿיטאס קומירצײאל דה לה שיבֿדאת. אל פינאל דיל צײקלו 3 ד.ק., סי קוצטרוײו און קאצטרו אין לה בֿיסינא קולינא דה מינה. דיסדה איל צײקלו 5 בֿאניס איס זידה איפיזכופאל. לה שיבֿדאת סי דיזבֿילופו אין טורנו א לוס דוס פולוץ דה לאס קולינאס דה מינה –אנדה סי אידיפיקו לה קאטידראל- אי דה לה קולינה דה בױסמורו. איסטה אולטימו נוקליו סי אבאנדונארײה אין לה אלטא אידאת מידיה. אין לוס צײקלו 12 אי 13 סי פרודוזירון אובראס דה רינובֿאסײון דה לה שיבֿדאת: סי ריקונצטרוײו לה קאטידראל, סי מיזורארון לאס מוראײאס אי סי איסטאבליסיו אונה רית ביארײה סינטראדה אין טורנו א לוס אידיפיצײוס פרינציפאליס. אל פינאל דה לה אידאת מידיה, בֿאניס אירה און דה לאס פרינציפאליס שיבֿדאדיס בריטונאס. אינטרה 1675 אי 1689 איל פארלאמינטו דה בריטאנײה פואי אובליגאדו א אבאנדונאר סו סידה אבֿיטואל אין ריניס, פאסאנדו א בֿאניס. איסטה פאקטו אימפולסו לה אידיפיקאצײוניס דה מואיבֿאס קונצטרוסײוניס, סובֿריטודו איניל סור דה לה שיבֿדאת. טאמבײן סי איזטאבליסיו אונה רית דה דיצטריבוסײון דה אגוה פוטאבלה אי סי קונצטרוײרון פאסיוס ארבולאדוץ קה אימבײאיבײרון לה שיבֿדאת. איל טרין ײאיגו אין 1862.

כוכעאבין, אלמאניה

מונס, בילזיקה

פאראם, רײנו אונידו




#Article 206: Vannes (373 words)


Vannes (en breton Gwened) es una sivdad i ayuntamiento fransesa ke se topa enel departamiento de Morbihan i en la rejion de Bretanya. Sus avitantes son yamados en fransez vannetais.

La sivdad se topa en la beira septentrionala del golfo de Morbihan, enel estuario del rio Marle. Se topa a 15 kilometros del Ozean Atlantiko.

Aktualmente dispoza de estasion de tren i otopistas.

La aglomerasion urbana de Vannes inkluye dos provinsias: Vannes i Saint-Ave, por un total de 24 ayuntamientos.
Anke es la sivdad kapitala, Vannes no es la sivdad maz povlada del departamiento de Morbihan: esta es Lorient.

Enel referendum enriva de la konstitusion Evropea lukro el si kon un 62,73% de los votos.

Fondada al final del syeklo I a.c., la sivdad galoromana se emplazaba en la kolina de boismoreau dominiando el rio.
kon el nombre de Darioritum, se organizaba en torno a un amplio foro, sentro del poder administrativo i politiko de la tribu de los veneti, una tribu komunmente azosiada kon los galia i derrotados por Julio Zesar enel 56 aC. No es seguro si estos venetos i los pueblos omonimos del norte de Italia son los mizmos, afilu es maz ke probable. El puerto favoresia la aktivitas komersial de la sivdad. Al final del sieklo III d.C. se konstruyo un kastro en la vesina kolina de Mené.
Desde el sieklo V Vannes es zede epizkopal. La sivdad se dezvelopo en torno a los dos polos de las kolinas de Mené –ande se edifiko la katedral- i de la kolina de Boismoreau. Este ultimo nukleo se abandonarya en la Alta Edad Media.
En los sieklo XII i XIII se produjeron obras de renovasión de la sivdad: se rekonztruyo la katedral, se mejoraron las murayas i se establesio una red viaria sentrada en torno a los edifisios prinsipales. Al final de la Edad Media, Vannes era un de las prisipales sivdades bretonas.
Entre 1675 i 1689 el parlamento de Bretanya fue obligado a abandonar su sede avitual en Rennes, pasando a Vannes. Este fakto impulso la edifikasion de muevas konztrusiones, sovretodo enel sur de la sivdad. Tambien se eztablesió una red de diztribusión de agua potable i se konstruyeron paseos arbolados ke embeyesieron la sivdad.
El treno yego en 1862.




#Article 207: Hawaii (160 words)


 es un estado de los 51 Estados Unidos, la su kapitala es Honolulu. Keda el estado al ekstremo oksidente del paiz, aya en la Polinesia, es un arkipielago sentralo en el Oseano Pasifiko, no aze frontiera kon alkuno paiz o estado de la Union Amerikana, es formado por izlas, los nombres zon; Niʻihau, Kauaʻi, Oʻahu, Molokaʻi, Lānaʻi, Kahoʻolawe, Maui i Hawaiʻi.

La primera colonización de Hawái se produjo desde islas situadas en el Pacífico Sur, muy probablemente desde las Marquesas. Durante aproximadamente 800 años, estos pueblos vivieron en ocasiones en paz y en ocasiones en guerra, a medida que iban ampliando sus territorios coloniales por las ocho islas principales. En este periodo, el pueblo hawaiano desarrolló un complejo entramado social basado en un sistema de castas, regido por un amplio conjunto de tabúes de tipo religioso y social, conocidos como «sistema kapu».

 es una versión de Vikipedya en un idioma ke se havla en este estado. Puedes visitarla y contribuir.




#Article 208: Partido Independentista Puertorrikenyo (114 words)


El Partido Independentista Puertorrikenyo (en espanyol: Partido Independentista Puertorriqueño, PIP - en ingles: Puerto Rican Independence Party ) es un partido politiko en Puerto Riko, ke propoza ke el paez sea una nasyon soberana. Fue fondado por musyu Gilberto Concepción de Gracia el 20 de oktubre de 1946, en la gallera Tres Plamas de la sivdad de Bayamón, para la lucha sivika i mediante eleksiones por la independensia del paez, apenas ke el Partido Popular Demokratiko abandonara la ideolojiya independentista al obtener el poder de governo. El PIP kreye en la lucha sivika i mediante eleksiones para parvenir la independensia, a uzado el modo de la desovediensia sivil i propoza un sistema economiko socyaldemokrata.




#Article 209: מורביעאן (372 words)


מורביעאן (56) (אין בריטון אר מור-ביעאן) איס און דיפארטאמינטו פראנסיס סיטואדו איו לה ריגײון דה בריטאנײה. ריכיבי סו נומברי דיל גולפו דה מורביעאן, קה אין בריטון סיגניפיקא , דה מור, איל מאר, אי ביעאו, פיקואינײו. לה פריפיקטורה (קאפיטאל) איס בֿאניס (איו בריטון גױנית).

לה ריזײון פוה פובלאדה דה בֿאיניטי איניל איטאת דיל עײרו.
לוס בֿאיניטי פױרון און סיפו איטניקו דה אינדואיאורופײ קה עײגאבה דה אנאטולײה.
אין לה מיגראסײון קאפה נורטה-אױסטה פובלארון לה פיאנורה פאדאנה אי דיספױס, פאסארון ליס אלפיס אי עײגארון פין בריטאנײה.
איסטה מיגראסײון נו איס קונפירמאדה פירו בארײוס פױבלוס טײוגון אונה איפוקה פרוטו-איסטוריקה קון לו מיסמו נומברה דה באיניטי אין גאלײה, אין איטאלײה, אין אלימאנײה (לוס עױנדי, אגורה אינטרו לוס סלאבוס אי עײאמאדי סורבי) נו איס מונכו קלארו.
סין אינבארגו איסטי טריס פױבלוס פױרון דה קולטורה דיפירינטיס (אונו סילטיקו, אונו איטאליקו אי אונו אלימאניקו) אי קה ביבירון טודוס סירקה דיל מאר, סי פײנסה קה און פױבלו דה מאר פודײה אימפוניר לה סוײה דומינאסײון סוברה לוס אוטרוס פױבלוס, אסי טינינדו און מיסמו אידײומה.
לוס גאלײו באיניטוס טינײה טודו איל ניגוסײו פין לאס איסלאס בריטאניקאס אי דומינאבאן לה קונפידיראסײון ארמוריקאנה.
לה ארימוריקה (איל פאאיס) אין פרױנטה אל מארה סה איסטינדיבה דה איל אימפײסו דה לה לױרה א קױעײה דה לה סינה.
לה פױרסה באיניטה פױרון און פרובלימה פור לה קונקױסטה דה לה גאלײה פאר זולײו קיצארה, קה לױגו לאס נומירוסאס פירדידאס דובײה פונירסה קון נאמניטי (נאנטיס/נאאונית) אי פיכטי (פױטײרס) פור לה קוסטרוסײון דה בארקוס פור קונקױסטאר לוס באיניטה.
איניל 56 AC פינאלמינטה, דיסטרועײו לה פױרצה מארינארה דה לוס באיניטוס אי בינדײו קומו איסקלאבוס לוס אוטרוס אין רומה.

לימיטה קון לוס דיפארטאמינטוס דה פיניסטירה אל אואיסטה, כוטיס דאמור אל נורטה, אה אילה אי בילאאינה אי לױרה אטלאנטיקו אל איסטה.
אין איל סור איסטה באנײאדו פור איל אוסײאנו אטלאנטיקו.
לאס מאײוריס שיבדאדיס סון בֿאניס/גױנית, לורײנת/אן אורײאנת, פונטיבײ/פונדי, אאוראעײ, עיניבונת אי פלױרמיל.

לאס קוסטאס סון מועײ ריקורטאדאס, קון איסטואריאוס אינבאדידוס פור איל מאר (ריאס) אי נומירוסאס איצלאס, קומו לאס דה עואת, עוײדיך, ביל-איל, איל דגרױץ אי טודה אונה מולטיטות איניל אינטיריאור דיל גולפו דמורביעאן.

איל דיפארטימינטו פױ קריאדו דיספױס דה לה ריבולוציאונה פראנסיס, איל 4 דמארצו 1790, גראצײאס א לה ליעײ דיל 22 דיכימברה 1789.
איניל דיפארטימינטו איס מועײ דיפוסה טאמבײן איל אידיאומה בריטון, קה סה פױדה אפרינדיר אין לה איסקױלה בילינגואס דה לה ריזון.




#Article 210: אלמאניה (159 words)


לה ריפובליקה פידיראל דאלמאניה איס און פאאיס דיל סינטרו דאיברופה קה פורמה פארטה דה לה אוניון איברופײה. לה סוס פרונטײראס סון אל נורטה קון איל מאר דיל נורת, דינאמארקה אי איל מאר באלטיקו; אל איסטה קון פולוניה אי שיקה; אל סות קון אאוסטריה אי סױסה; אי אל אױסטה קון פראנצײה, לוקסימבורגו, בילגיקה אי לוס פאאיסיס באזוס.
אלמאניה סינײפיקה טײרה דה לוס אלמאניס. לוס אלמאניס איראן אונו דה לוס פױבלוס קה פאסארון אינפרינטה דיל ריו רין אי אינבאדײרון לה גאלײה רומאנה דוראנטה איל סײקלו V

דיספױס לה פירדידה אין לה סיגונדה גױרה מונדיאל לה אילמאניה פױ דיבידידה אינטרה דוס דיפירינטיס איסטאת, לה ריפובליקה פידיראל דאלמאניה אי לה ריפובליקה דימוקראטיקה דאלמאניה.
דיספױס דה לה דיסגריגאסיון דה לוס ריזימה קומוניסטאס אין לה איברופה אורײנטאל איל 3 דוקטוברה 1990 לה ריפובליקה דימוקראטיקה דאלמאניה דה אוקופאסיון סובײטיקה פױ אינגלובאדה אינטרה לה ריפובליקה פידיראל דאלמאניה אוקופאדה דיסדה לה פין דה לה גױרה דיסטאדוס אונידוס, פראנצײה, רײנו אונידו.
אעורה לאלמאניה איס קוסטיטױדה דה 16 Länder.

 

פידיראל




#Article 211: איטאליה (217 words)


לה איטאליה,קונוסידה אופיסיאלמינטה קומו לה ריפובליקה איטאליאנה, איס און פאאיס איברופיו, אונו דה לוס פונדאדוריס דה לה אוניון איברופײה. לה איטאליה אינקלוײ טאנבײן ריגיוניס, אדאס אי ארקיפײלאגוס סו טיריטוריו קונסיסטה פרינכיפאלמינטה אינ לה פינינסולה איטאליקה אי דה דוס גראנדיס אדאס איניל מאר מידיטיראניו: סיסיליה אי סארדינײה. פור איל נורטה איסטה בורדיאדו פור לוס אלפיס, פור דונדה לימיטה קון פראנצײה, סױסה, אאוסטריה אי איסלוביניה. לוס איסטאדוס אינדיפינדינטיס דה סאן מארינו אי שיבדאת דיל באטיקאנו סון אינקלאביס דינטרו דיל טיריטורײו איטאליאנו.

איטאליה פורמה פארטה דיל ג8 או גרופו דה לאס איכו נאסיוניס מאס אינדוסטריאליצאדאס דיל מונדו. סיטואדה איניל קוראזון דיל אנטיגוו אימפיריו רומאנו איסטה ײנה דה טיסורוס קה ריקוסטרוײן לה עיסטוריה דה לה סיביליצאסיון אוכידינטאל.

לאס סוס אוטראס גראנדיס שיבדאדיס סון מילאן, נאפוליס, טורין, בולונײה, פלורינסיה, ביניסיה, פאלירמו, טרײסטה, בארי.

לה ריפובליקה איטאליאנה איס אונה דימוקראסיה אורגאניצאדה קומו ריפובליקה פארלאמינטארה. איס און פאאיס אלטאמינטה דיזבילופאדו אי איסטא קונסידיראדו אונה דה לאס איקונומיה מאז גראנדי דיל מונדו, פור לו קה איס און פאאיס דה פרימיר מונדו.

איל איסטאת איטאליאנו איס איל ריסולטאדו דה לה אוניון איטאליאנה דה 1848 קה קון לה גױראס דינדיפינדינסיה אובטײן לה אוניפיקאסיון.
לה אקטואל פורמה לה אובטײן דיסױס דה לה פרימירה גױרה מונדיאל איניל 1919 אוניפיקאנדו לאס אולטימאס ריזיון.
דיסדה איל 27 דה דיסײמברה 1947 פונסיונה לה קוסטיטוסיון אקטואל קה פונה איל איסטאת קומו אונה ריפובליקה.

 




#Article 212: Austria (152 words)


La Repuvlika Federal de Austria es un paez del sentro de Evropa ke forma parte de la Union Evropea. Las sus frontieras son al norte kon la Repuvlika Cheka; al este kon Eslovakia i kon Madjaristan; al sud kon la Eslovenia i la Italia; i al oeste kon Suisa i Liechtenstein; al Noroeste kon la Almania.
La su kapital es Viena i las otras sivdades emportantes son Salzburgo, Innsbruck, Graz i Linz.

El paez es una demokrazia desde el anyo 1947, en el su anyo 1946 el Partito Nazionalsozialista fue proivido.

La su Republika fue una diktatura entre los anyos 1934 i 1938. Los sus shefes de estado fueron Engelbert Dollfuss i Kurt Schussnig.

La orientasyon katólika de la su diktatura fascista hizo ke el paez era en kontra del antisemitismo i el paez era un destino de los arifujiados djudeos hasta 1938 kon la su aneksión de la republika por Almania.




#Article 213: Purim (278 words)


La fyesta de Purim (en ivrit:פורים, Pûrîm, sortes) es un Yom Tov djudyo ke es selevrada anualmente enel 14 de Adar (o el 15 de Adar en las sivdades enmurayadas) en konmemorasyon del mirakolo relatado en el Livro de Ester en el ke los djudyos se salvaron de ser desparasiyedo basho el firman del rey persano Ahashverosh, identifikado por algunos istoriyadores komo Xerxes I, (serka 450 a.C.)

Anke Purim es uno de los diyas mas alegres del kalendario ebreo, kale azer taanit i meldar el diya anterior en rekódro de los djudios persanos, los kualos izieron taanit i arrogaron a El Dio ke los salvase de la gerra ke los yevaría a ser amortados por Amán i su armada. En Purim se melda la Megilá (en ivrit מְגִילַת אֶסְתֵּר, Megilat Ester, Pergamino —Livro— de Ester). La Megilá se melda pishín, i los ke estan eskuchando kale ke agan bruido con los pyés i objektos kuando el nombre de Hamán seya meldado, kon el buto de ke el su nombre seya efassado; esto aze muchiguar el entereso de los ninyos.

Dempués del taanit, en la noche de Purim, se aze una grande seudá en la kuala se beve vino i se kanta, entre eyas la tefilá yamada Shoshanat Ya'akov, la kuala munchos kantantes yisraelis i del Galut tienen gravada. Endemás, kale azer regalos a los amigos (en ivrit: מנות משלוח, Mishlóah Manot) i dar sedaká a los proves (en ivrit: לאביונים מתנות, Matanot La'evionîm) i disfrasar a los ninyos, anke munchos adultos tambien se visten kon disfrasos. 

Para Purim se azen dulsurias espesialas, yamados Orejas de Amán. Es kostumbre bever vino asta konfondir los nombres de Amán i Mordehai.

 




#Article 214: Estonia (155 words)


La Republika de Estonia (en Estonio: Eesti) es un paez de Evropa del Nord, ubikado al nord-este de la Mar Baltiko.   

Desde 2004 forma parte de la Union Evropea (UE) i de la OTAN. Las sus frontieras son al sur kon Letonia i al este kon Rusia. En la frontera kon Rusia oy endiya ay control de pasaportes, ma non en las frontieras kon Letonia (UE). 

Endemas está separado de Suesia, al oeste por la Mar Baltiko i de Finlandia al norte por el Golfo de Finlandia. 

La su sivdad kapitala es Tallinn 

La lingua ofisiala es el Estonio, ma el Ruso i el Voro son linguas muncho avladas.

La su shefa de estado es Kersti Kaljulaid i el shefe de governo es Jüri Ratas.

Es un paez kon muncha teknolojiya.

La su dominasion de internet es .ee.

La su forma de governo es la repúblika parlamentaria.

El paez esta dividido en 15 kontados (maakond).




#Article 215: Torá (222 words)


 
El Pentateuk o la Torá (תּוֹרָה), son los sinko primeros livros de la Biblia o de la Tanah תָּנָךְ (la Biblia Ebrea) ke korresponde a la Viejo Testamento kristiano. Konosidos tambien komo Los Sinko Libros de Moises, i en la traduksiyon del ebreo al gréko en la Septuaginta, komo Pentateuk. Afilú los djudios tambien se refieren a toda la revelasion i ambezanzas djudias komo la Tora. 

La Torá es una palabra ebrea ke signifika ambezanza, instruksion, o espesifikamente Ley. En la Tora es la istoria fueron eskritos por Moshe Rabenu, desde de Bereshit asta Debarim, la istoria de la Kriasion del Olam ke antes de la Torah, fueron kontada de padre a ijo ke es konosido komo la Ley Orala ke segundo el djudezmo aze tambien parte de la Torah eskrita

Los sinko libros son Djenesis (Bereshit בְּרֵאשִׁית ), Eksodo (Shemot שְׁמוֹת), Levitik Vaïqrora (וֶיִּקְרָא), Numeros (Bemidbar בְּמִדְבֶּר) i Deuteronomi (Devarim דְּבָרִים). En la version griega de la Tora, estes sinko libros konforman el Pentateuk (del griego πεντάτευχος ke quiere dizir sinko kontenedores), Khamishora humshe Tora (חֲמִשָׁה חֻמְּשֵׁי תוֹרָה; ebreo ke quiere dizir Las sinko partes de la Tora), i kada uno de eyos es un khummaish (חֻמָּש quinto). 

Los livros an sido redaktados por la fuzion de tekstos diversos, asigun la ipotesis dokumental (ke algunos kritikos estiren a otros volumenes biblikos). 

 




#Article 216: Hapkido (188 words)


El hapkido (en koreano 합[hap]기[ki]도[do] eskrito en hangul, i 合[hap]氣[ki]道[do] eskrito kon hanja) es un arte marsial koreano. 

A simple vista es una kombinasion de teknikas de taekwondo kon otras de aikibudo. Su ambezanza esta muy enfokada a la defensa personal. 

La istoria del hapkido es bastante konfusa, ama muchas fuentes lo atribuyen a dos koreanos: Choi Yong Sul (1904-1986) i Ji Han Jae (1936-). Kuando era nin, Choi fue al Japon, donde parese ke hizo trabajo de kriado por o maestro del Daito-Ryu Aikijujutsu, Sokaku Takeda. 

Choi demostro kalidades en lo Daito-ryu Aiki-jutsu i frekentemente en Takeda lo enviaba a enfrentarse kon otros praktikantes de artes marsiales. De vuelta a Korea, Choi empezo a dar klases de artes marsiales. Uno de los suyos alumnos, Ji Han Jae, inkorporo teknikas koreanas tradisionales de patadas i punyetazos (derivadas del taekkyon i del hwarangdo) i al repertorio de teknikas resultante le dio el nombre de hapkido el 1959. 

Ademas de Choi i Ji, muchas eskelas de artes marsiales koreanas han tenido partisipasion en el desarroyo de varias teknikas ke han kontribuido al hapkido tal i komo se lo konose aktualmente. 




#Article 217: Sentro de Butikas Malha (215 words)


El Sentro de Butikas Malha, konosido komo Kenyon Malha (קניון מלחה‎) en ivrit, i en vezes komo Kenyon Yerushalayim (קניון ירושלים‎), es un sentro de butikas interiores en la maále de Malha, ubikada enel sud-oeste de la sivdad, en Yerushalayim. La frágua, ke aperturó las sus puertas enel anyo 1993, tiene ma de 260 butikas en tres niveles, kon un area de merkar en total de de 37000 m² i 3000 m² de espasio para burós. Es uno de los syete sentros de butikas disenyados i  fraguados por David Azrieli i pertenese al Azrieli Mall Group.

El sentro komersial tyene butikas internasionales komo Toys R Us, Office Depot, Zara i Superpharm, ansina komo magazenes israelis komo Mega, HO, Hamashbir, Steimatzky i un sinema multiplex del Globus Group. El sentro endemas tyene un buró de posta, una betaknéset, areas para djuegos de kreaturas, i una feria de komida kon restorantes ke ofresen desde pizza (Pizza Hut), poyo enfritado (KFC) i amburguesas (Burger King, Burger Ranch) asta komida gourmet i kavé.

La frágua esta serka de la fin de la Otopista Ekspresa Begin i endemas serka de la estasion de Trénos de Malha i la terminal de otobuses de Egged. Esta konektada al estadio Teddy Kollek por un puente pedestre.

El sentro komersial esta serrado en Shabbat.




#Article 218: Haketia (535 words)


Haketía (tambien yamada Hakitía, Haquetía, Haketiya, Jaketía) es una variedad del djudeo-espanyol. Es el nombre del idioma djudeo-espanyol del Marroko avlado por los djudios arrondjados de Espanya enel anyo 1492. Alkunos estudiosos yaman a la Haketia el lashon Oksidental del Djudeo-espanyol. Este dialekto prezenta influensias del arabo i tamazight. El biervo haketia sale de del biervo hak’a, حكى, en arabo ke kere dizir kontar o avlar .

Los Haketia-avlantes son orijinalos de las sivdades ke se topan al nord de Marroko, komo Tetuan, Tanjer, Seuta, Meliya, Alkazarkivir, Larache, i de la rejion de Oran en Arjelia, ande alkunas personas lo yamavan Tetuani.

Este lashon tiene un triple fundamento: el kastizo (kastilyano antiko del syéklo XV), los ebrayizmos i los arabizmos uzados en Espanya i Portugal. Egzisten referensias ke el kastilyano avlado por los djudios antes de ser arrondjados de Espanya, era diferente al ke avlavan los kristyanos. Los arrondjados de la Peninsula Iberika enel anyo 1492 se asentaron, ubikaron i konformaron komunitas en munchas sivdades grandes i chikas del Nord de Marroko: Kasablanka, Tanjer, Tetuan, Xauen, Arzila, Alkazarkivir, Larache, Seuta i Meliya, i ansina se ivan agregando biervos arabos a la baza ispano-ebrea de ese lashón, más los arabizmos ke ya egzistian en Espanya por modre de Al-Andalus. Ma antes del arrondjamiento de los djudios de Espanya ya egzistia en Marroko una komunita djudia: los toshavim (residentes), los kualos tenían komo lingua el arabo o bereber, dependiendo de las rejiones ande moravan, i por supuesto el ivrit uzado para meldar; kon el avesinamyénto de los ekspulsados: los morashim, la povlasion se fusiono i kresió muncho, por modre de los aportes ke eyos izieron, en kuanto a su konosensia intelektuala, relijioza (espesialmente en estudios de la Gemará, los sus kuentos, refranes, romansas, las sus tradisiones kulinarias, la su literatura espesífika, las sus tradisiones sefaradís i el su lashón linguístiko, deskonosido asta ese endagora por los toshavim. Los djudios del nord de Marroko uzaban la Haketía, la lingua a la ke se ataron i uzaron para komunikarse kon la su famiya, los sus amigos i los sus vizinos, ansina komo endemás en las sus relasiones komersyalas con otros djudios. Ma endemás uzaron el arabo o bereber para entenderse kon los moros (ekspresión ainda uzada oy endia para identifikar a los musulmanos), los kualos eran los avitantes orijinalos de la rejión i ke eran la majorita de la povlasión.

Asigun Yaakov Bentolila, este dialekto fue re-kastiyanizado entre 1860 i el empesijo del syéklo 20 .

Anke algunos akademikos dizen ke este lashon djudeo-espanyol esta oy endiya en perikolo de ekstinziyon, en las anyadas d'alkavo se tiene amuchiguado el estudio, uzo i proteksiyon de la haketía, dezeyando tornar a la lingua komo un siman ke apresenta la identidad sefardi del Magreb i espesialmente de Marroko. La Haketia es un lashon ke tiene poka o dinguna literatura eskrita, ma oy endiya munchos investigadores i filologos dan testemunyo del entereso por la Haketia, komo por enshemplo Jose Benoliel, el kualo eskrivió el primér diksionario de Haketia, publikado enel anyo 1977 (50 anyos dempues de la su muerte) i otros komo Manuel Alvar, Jacob Hassan, Larrea Palacín, Juan Martínez Ruiz, Haïm Vidal Séphiha, Alegría Bendayan de Bendelac, Ana Benarroch i Yaakov Bentolila.




#Article 219: אלזס (127 words)


אלזס איס אונה ריזיון דה פראנצײה סיטואדה אל איסטה דיל פאאיז, איניל לימיטה קון אלמאניה אי סױסה, קױה קאפיטאל איס איסטראסבורגו.
לא טײרה דה פאאיז אלזס, קה סה איקסטײנדה מאײורמינטה סוברה איל מארזין אוקסידינטאל דיל באײ אלטו דהל ריו רין, קון קײן לימיטה אל איסטה אי נורטה.
אלזס סה דיבידה אדמיניסטראטיבאמינטה דיסדה לה ריפורמה דה 1790 אין דוס דיפארטימינטוס איל באזו רין אל נורטה, קון פריפיקטורה אין איסטראסבורגו, אי איל אלטו רין, אל סור, קון קאפיטאל אין קולמאר. איסטה דיביציון קױנסידה אפרוקסימאדאמינטה קון לאס טײראס איסטוריקאס אנטיגוה אין לוס קה סה אינקלױה איל אקטואל דיפארטימינטו דיל טיריטוריו דה בילפורת איסקינדידו אין 1871.
לה ריזיון לימיטה אל נורטה אי אל אידטה קון אלמאניה, אל זור קון סױסה אי אל אױסטה קון לאס ריזיוניס דה פראנקו קונדאדה אי לורינה.




#Article 220: Baden-Württemberg (103 words)


Baden-Wurtemberg (en aleman Baden-Württemberg) es uno de los diesiseis estados federados de Almania yamados Bundesländer. Se ubika en el suroeste del paiz, al este del rio Rin. La suya kapital es Stuttgart.
Limita al norte kon el estado de Hesse, al noreste i al este kon el estado de Baviera, al sur kon 334 km de Suisa, al oeste kon Fransia (rejion de Alsasia), i al noroeste kon el rio Rin i kon el estado de Renania-Palatinado.
Es el resultado de la union entre los estados independientes de Baden i Wurtemberg, a partir de 1952 i grasias a una konsulta del puevlo .




#Article 221: Sderot (744 words)


Sderot (en ivrit:שְׂדֵרוֹת , en arabo: سديروت ) es una sivdad en la rejion del Negev Oksidental de Yisrael. Al final dela anyada 2006 la sivdad iva tener una povlasion de 19.800 abitantes. La sivdad a sido un blanko frekuente de atakos de koetes Kassam lansados desde la franja de Aza.

Los priméros abitantes de Sderot ivan arrivar enla anyada 1951, a lo ke entonses iva ser konosido komo el kampo de transito de Gevim-Dorot. Munshos de estos abitantes del kampo eran arifujiados Kurdos i Parsim ke ivan bivir en tyendas de kampanya i kazas de madera i metal asta ke finalmente se ivan komensar a fraguar enel anyo 1954, en el ke Sderot se iva konvertir en el mas oryental de los pueblos de dezvelopamiento en el Negev del Nord. En el senso del anyo 1961, el posentaje de olim de Afrika del Nord, en la su mayor parte de Marroko, iva ser de 87%, i el 11% arestante iva ser de olim del Kurdistan. Durante los anyos 50, la sivdad iva kontinuar absorvyendo munshos mas olim, en este kazo de Marroko i Rumania, i iva ser deklarada un konsejo lokal enel anyo 1958.

Sderot iva sigir absorvyendo una grande povlasion de olim durante la aliya de la Union Sovyetika en las anyadas 90, i la su povlasion se iva duplikar en esta dekada. Enla anyada 1996 Sderot iva ser deklarada una sivdad.

Sderot esta ubikada a un kilometro de la Banda de Aza i del puevlo de Beit Hanoun. Desde el empiese de la Dosen Intifada en Októbre dela anyada 2000, la sivdad a sufrido munsha hazina por los koetes Kassams lansados por la Hamas i por el Djihad Islamiko. Anke los koetes son feshos en kaza sin teknolojiya i por este, kon poka presisyon, an provokado mortes  i hazinas, ansina komo destruksiyon emportante a kazas i fabrikas, empakto sikolojikoi emigrasyon de la sivdad. El govyerno israeli a enstalado un sistema de alerta zeva adom (kolor kolorado) para alertar a los sivdadanos kuando un Kassam a sido lansado desde Aza, afilu la su efektividad a sido puesta en kuestion. Miles de Kassams ivan ser lansados desde el desligamyento de Yisrael de la Banda de Aza en Septyembre dela anyada 2005.

En Mayo dela anyada 2007, un aumento grande en el numero de Kassams ke atakan Sderot iva provokar la evakuasion de miles de residentes de la sivdad. Para el 23 de Novyembre dela anyada 2007, 6311 Kassams ivan kaer en la sivdad desde el komiense de los atakos de Hamas i la Djihad Islamika
. El jornal israeli Yediot Ahronot iva reportar ke para el enverano dela anyada 2007, unos 3000 residentes de la sivdad, en la su mayoria de klase alta i midia, ivan dejar para otras areas mas alejadas del alkanse de los Kassams. Arkadi Gadyamak 
resientemente a lansado programas de ayuda para los residentes ke no pueden deijar la sivdad.

El dia 12 de Diziembre dela anyada 2007, en un dia ke mas de 20 Kassams ivan kaer en Sderot, inkluso uno direktamente en una de las kalejas prinsipales de la sivdad, Eli Moyal, el alkalde i persona muy konosida en los medios de komunikasyon israelis, anunsio la su renunsia a su kargo komo alkalde, debido a las fayas del governo para detener los atakos de Kassams. Afilu este servira parakeel governo empiese una operasyon para salvar las bidas de los abitantes de Sderot. No puedo sigir tomando las desisyones, i elgoverno no puede siguir eshando toda la kulpa a mi, deklaro el sinyor Moyal. Pokos dias dempues, el iva ser persuadido de retraktarte dela su renunsia.

Asigun el Buro Sentral de Estadistikas de Israel, enla anyada 2001, el 99.8% de la povlasion de la sivdad iva ser djudia i otros grupos etnikos, sin un numero emportante de povlasyon araba. Un chiko numero de arabos palestinianos de la Banda de Aza ivan ser ubikados en Sderot dempues de kolavorar kon el Shin Bet enla anyada 1997.

Egzisten 14 eskolas i 3.578 estudiantes en la sivdad, ke estan distribuyidos entre 11 eskolas primarias kon 2099 estudyantes, i sesh eskolas sekundarias kon 1.479 estudyantes. El 56.5% de los estudyantes de sekundaria ivan resivir un sertifikado de matrikulasyon enel anyo 2001.

Komo simbolo de solidaridad, El Al iva nombrar uno de los sus priméros Boeing 777 Sderot; el otro iva ser yamado Kiryat Shmona, en arrikodro de la sivdad del Nord de Yisrael  atakada por los Katyushas lansados desde Lebanon por Hizballah.




#Article 222: Modi'in Miracle (388 words)


El Modi'in Miracle (ivrit: מודיעין מיראקל, El Mirakolo de Modi'in) es un ekipo de beisbol israeli de la sivdad de Modi'in ke djuega en la Lega de Beisbol de Yisrael. El Miracle iva terminar la priméra temporada de la Lega, enel anyo 2007 kon un enrejistro 22-19 (.537) en tresero lugar, i dempues de ganar al dosen ekipo de la Lega, Tel Aviv Lightning, en las semi finales, en las ke iva perder kon el ekipo Bet Shemesh Blue Sox 3-0 en el djuego final del kampeonato.

El reseptor del Miracle i exdjugador de la division menor del Boston Red Sox, Eladio Rodriguez iva ser el kampiyon de bateo de la lega, kon un promédio de bateo de .461 i iva sakar 16 home runs en 102 turnos al bate. El iva ser uno de los dos premyados kon el Premio Hank Greenberg al djugador má valiozo.

Maximo Nelson, orijinal de San Pedro de Macoris, en la Repuvlika Dominikana, iva aliderar la lega kon 85 eliminados kon strikeouts; el iva lansar para los Gulf Coast Yankees enel anyo 2004 (kon un enrejistro de 6-5 i kon una efektividad de 2.63).

El su nombre del ekipo es una referensia al mirakolo de la revolta Makabea (la ke iva empesar en el area serkana a Maccabim, ke esta en las serkanias de la aktual sivdad de Modi'in i forma parte del Gran Modi'in) i la su viktorya sovre el imperator Antiokos IV Epifanes en el anyo 167. Emporanto la imajen del ekipo es una hanukkiya, alko komunmente asosyado kon la viktorya makkabim sovre los grégos. En Fevrero 26 del anyo 2007, se iva anunsiar ke Art Shamsky, djugador de la Lega de Beisbol de Estados Unidos (Major Baseball League) en el ekipo New York Mets o Miracle Mets, komo alkunas personas lo yaman, iva a ser el entrenador del ekipo. Los kolores del ekipo endemas son un enreflesho de la relasion de Art Shamsky kon los New York Mets, i la esperansa de los ofisiales de la Lega Israeli de Beisbol de ke se iva kriar una rivalidad entre los Bet Shemesh Blue Sox (kon kolores paresidos a los de los New York Yankees) y el Miracle. 

Ubikado en el Kibbutz Gezer, Gezer Field es el estadio de kacha de tanto el Miracle komo de los Bet Shemesh Blue Sox.




#Article 223: Idish (199 words)


El idish, o mas deskriptivamente djudeo-aleman, es una lingua indoevropea ke es la lengua materna tradisionala de los djudios ashkenazim. Tiene una baza grande djermanika kon influensa del ivrit i otras linguas, espesialmente las linguas eslavas komo la lingua rusa, lingua polaka i lingua ukraina, endemas de la lingua lituana. Ansi, es paresida ala lingua djudeo-espanyola, o djudeo-espanyol, en ke apartiene al grup de las linguas djudias. El idish es una lingua djermaniko, ama no alto aleman o aleman moderno. En idish, la palabra 'idish (/ʔɪdɪʃ/) sinyifika simplemente djudio, es desir, avla djudia.

El idish se dezvelopo en la Evropa Sentrala al empesijo del syeklo X i kresio endjunto a las linguas de la rejion. Oy endiya, diskues del amortamiento de kaji toda las komunitas djudias de la Evropa Sentrala a kavza del Olokosto i la aliya, ansina komo la mgrasion verso Amerika, Sud-Afrika i Ostralya, el numero de avlantes de esta lingua basho de de 13 milyones (1930) a 3 milyones de personas (2005).

Alkunos djudios ortodokses i ultraortodokses enel mundo uzan el idish para la su komunikasion diaria, deke konsideran al ivrit una lingua santa, la kuala solo es uzada para azer tefila i para ambezar Tora.




#Article 224: Lingua indiana (149 words)


El Indi es un idioma indoevropeo, orijinado de la rejion de la nasion moderna de la India. Oi en dia se ankontra komo la sinkena lingua mas uzada enel mundo.

Aktualmente, el Indi se refiere a los dialektos del grupo linguistiko Industani komo usados en la republika de India. Antes de la partision de la India del Pakistan tras la deskolonizasion britanika, todos los dialektos del Industani, en esa epoka tambien konosido komo urdu, se konsideravan komo un solo idioma.

Komo kedan las kosas, la palavra urdu se aplika al idioma industani del Pakistan e indi al idioma industani de la India. Los dos grupos de dialektos son mutualmente entendibles a un gran grado, la distinksion prinsipal syendo el sistema de grafia. El urdu emplea una alfbeta araba modifikada mientras el indi se relasiona en la escritura Devanagari, visto en el letrero gravado en la fotografia a la siedra.




#Article 225: Latín (166 words)


El latin es una lingua muerta. Orijinaria dela lingua tribal de los kazales del Monte Palatino en la beira del Rio Tiber de la rejion sentrala de la peninsola italika. Estes kazales feshan al siekolo X ame. Empeshando en el siekolo VIII ame, se konsolidaron en formar la Sivdad de Roma. La potensia politika de la sivdad segiya kresyendo por nueve siekolos, asta ke el imperio ke mandava kontrolava kasi toda rejion de evropa, afrika-boreal, i asia-australoksidental.

Devido a esta istorya, el latin komo avlado por los sivdanos i sujektos del imperio romano, a tenido gran influez en las linguas de dishas rejiones, i las ke son desendientes del latin, i las komo russo, inglez, o grego que an mantenido jenioljias distintas. Aktualmente, el latin orijional se emplea komo linga liturjiko de algunos grupos de la iglezia kristiana katolika romana. Tambien es el idioma tradisional de los akademikos evropeos. Eksiste un Wikipedia en latin . Todos los idiomas romanses komo la lingua sefardi desenden del latin.




#Article 226: Interlingua (121 words)


La Interlingua es un idioma umano artifisial ke fue introdusido por la Asosiasion de la Lingua Aksilyar Internasional en 1951. Es el idioma artifisial naturalistiko mas avlado por umanos en el mundo.

Interlingua se dezvelopó kon el buto de kombinar una gramatka sinsiya i regular kon un vokabulario de palavras komunes entre el numero mas grande posible de idiomas naturales. Es atipiko komo idioma artifisial, en ke milyones de personas lo pueden entender, sin aberlo estudiado.

Interlingua es el resultado de los lavoros de 15 anyos de un ekipo internasional de linguistos. El lavoro para krear la Interlingua empeso en Evropa, a Liverpool en 1936, i se akavo en Mueva York en 1951.

La Deklarasion Universala de Diritos Umanos en Interlingua




#Article 227: Gramatika (176 words)


La gramátika deskriptiva es una disiplina linguistika de analizar la kapachitá de kada uno favlante nativo de una lingua para kombinar byervos i frazas en favla natural. Kada lingua tyene modeles ke sus favlantes sigen sin pensar en eyos. La struktura de los modeles varya entre las linguas. Myentras no konsyente el proseso nevrolojiko de segir estos modeles es estremadamente komplekso i no byen entendido por los syentifikos linguistikos. Esta kapachitá es la gramátika naturala.

La gramátika preskriptiva refyere al esfuerso de kodifikar una koleksyon de reglas finitas para definir la forma superior i las formas inferiores de favlar i eskrivir un lingua natural. Varyas personas o varyos grupos pueden desaroyar gramátikas preskriptivas para la mezma lingua ke no stan de akuerdo. Por eshemplo un frase en kasteyano ke tyene una struktura kalifikada komo buena en Kolombia podriya ser kalifikada komo negra en Espanya. 

Myentras la kapachitá de un ser umano de intelijensya normal produzir komunikasyon natural en su lingua nativa es infinita, la kapachitá de un gramátika preskriptiva de produzir komunikasyon korrekta es syempre finita.




#Article 228: Lingua grega (131 words)


El griego es un idioma indoevropeo. Es una lingua viva kon 15 milyones de avlantes nativos en Evropa, Amerika, Ostralya i la nasion de Sud Afrika. Es idioma ofisial en las nasiones de Gresia i Kipre. A sido un idioma mui importante en la istoria de Evropa i Asya devido a  la gran influez de la kultura antigua griega. 

Se eskribe kon la alfbeta griega. Gresia es un miemvro de la Union Evropea i por eso el grégo es un idioma ofisal de la UE. Los bilyetes de la moneda komun evropea, el  yevan las letras gregas ΕΥΡΩ, la versiyon gréga del nombre de la moneda. Esta es una situasion unika en ke las letras ladinas EURO representan mas ke diez idiomas miemvrales mientras ΕΥΡΩ se inkluye por un sólu idioma.




#Article 229: Beljika (148 words)


Beljika (en neerlandez: Kononkrijk België, en fransez: Royaume de Belgique i en alman: Königreich Belgien), es un payis ke se topa al oksidente de la Evropa. Tiene los sus limitos kon Almania, Luksemburgo, Fransia i los Payises Bashos. La su kapitala i mayor sivdad es Bruselas. Beljika está linguistikamente partajada. Tiene tres linguas ofisialas: el 60% de su povlasiyon, prinsipalmente en la rejion de Flandes, avla neerlandez, myentres ke serka del 35% favla fransez (en la rejion de Valonia, al sud, i en la Rejion Kapitala de Bruselas, una rejion ofisialmente bilinguala ke akoje endemas una minoriya de avlantes de neerlandez). Menos de 1% de los belgas bive en la Komunidad jermanofona i avlan alman, al este del payis. Munchas vezes, esta diversydad linguistika yeva a konfliktos politikos i kulturalos, i se aze ver en el zor sistema de governo de Beljika i en la su istorya politika.




#Article 230: Hatikva (152 words)


Hatikva (La esperansa, en ivrit) es el imno nasyonal del Medinat Yisrael. La su letra iva ser eskrita en Iaşi (Rumania) enel anyo 1878 por Naftali Herz Imber (1856-1909), poeta djudio nasido en la sivdad de Zloczow (Galitzia, Polonia). 

Enel anyo 1897, durante el primer kongreso sionista, se iva konvertir en el imno del movimyento sionista i iva ser proklamado komo el imno nasyonal de Yisrael enel anyo 1948, anyo de la kriasyon del Medinat Yisrael. Munshos kantantes djudios famosos, tanto israelies komo de la Galut, ivan grabar versiyones del imno en los sus diskos, komo Sarit Hadad, Barbra Streisand, The Barry Sisters, Shiri Maimon i Teapacks.

 

La musika iva ser bazada en el poema sinfoniko Vltava (El Moldava), ke pertenese a la obra Má vlast (La Mi Patria), del kompositor sheko Bedřich Smetana. La musika iva ser arreglada por Samuel Cohen i orkestada enel anyo 1897 por el kompositor Paul Ben-Haim.




#Article 231: Mimuna (208 words)


Mimuna (en ivrit מימונה, en arabo ميمونة) es una fyesta djudia de orijen marroki ke empiesa en la nochada del ultimo dia de Pesah.

 
La Mimuna marka la fin de Pesah, en la kuala se tiene defendido komer hamets, ke es pan i otros produktos ke tyenen masa fermentada. En  la Mimuna la kostumbre es kumer munshos dulses i reshikas i festejar asta la demanyana, passando de kaza en kasa vijitando los amigos i la famiya. El orijin de la festa es diskutido, ma ulay tyene ke ver kon el nombre Maimon, ansina komo se yamava el padre del Rambam, el grande filosofo djudio andaluzí ke murió en la data de la Mimuna.  Otra teoria es ke iva venir del biervo arabo mimun, ke sinyifika rikeza. Endemas tambien marka el empesijo de la primavera, de manera paresida a la fyesta persa-turkana del Novruz i la fyesta bereber de Yennayer.

En Yisrael la Mimuna se tornó en una fyesta popular, no solo de djudios de Marroko, afilu una fyesta popular no de los djudios oryentales. Munchos politikos del payis vijitan a los parkos el dia de la fyesta para fiestar kon la jente. El saludo tradisional de Mimuna es Tarbeh u-tsa'du!, ke sinyifika Ke tengas reushitá i buen mazal!




#Article 232: Polonia (160 words)


Polonia (Polska, Repuvlika de Polonia o Repuvlika Polaka, en polako Rzeczpospolita Polska) es un paiz de Evropa Sentrala ke konforma parte de la Union Evropea (UE) i de la OTAN.

Tyene frontieras kon Almania, Repuvlika Cheka, Eslovakia, Ukraina, Bielorusia, Lituania i el vilayet ruso de Kaliningrado. Es uno delos paizes mas grandes dela Evropa; ay aki una istoria muncho interesante.

Polonia topa al rejion sentrala dela Evropa, konta kon una superfisie de km² de territorio. La sivdad kapitala del paiz es Warsovia; topa al sud kon el Eslovakia, kolinda al norte kon el oblast ruso de Kalinigrado i la Mar del Norte, al este kolinda kon Bielorusia, al oeste kon el belediye de Almania, al sudeste ay frontiera kon Ukraina, al noreste kon Lituania i al sudoeste kon Repuvlika Cheka.

El paiz es apartajado entre 16 voyvodatos siguintes:

La su moneda es el Zloty, sindo Polonia uno delos paizes dela Union Evropea ke no uza el Euro komo moneda ofisiala.




#Article 233: Ein Prat (178 words)


Ein Prat, tambien konosido komo  Wadi Qelt en arabo, (en ivrit: נחל פרת, Nahal Prat) es un chiko wadi  (en arabo وادي)  en una rejion Beduina en el Desierto de Yehuda, ke pasa serka de Ramallah i un kilometro i midio al sud de Djeriho, i akaba serka de la Mar Muerto. Es un lugar de rekreamyento de munshos arabos i djudios ke biven serka. Se dize ke iva ser el lugar del palasio de invierno del Rey Erodes.

En el wadi egziste un monasteryo Ortodokso Gréko, en el ke sólu esta un monje biviendo todu el anyo. El monasteryo tambien iva ser konosido komo Dir Jaris en arabo.

Munshos arabos i endemas munshos yisraelis visitan el parko, el kualo es un vedradero oasis en el midio del desyerto. La planta de menta es parte de la bejetasyon natural del parko, ansina komo tambyen se pueden avistar animales komo Damanes, Gaselas i peses chikos en el wadi. El parko esta ubikado serka de la máale de Yerushalayim Pisgat Ze'ev, del asentamyento Alon i de la sivdad de Ramallah. 




#Article 234: Palma de Mayorka (466 words)


Palma de Mayorka (en katalan; Palma o Ciutat de Mallorca) es la kapital i la sivdad mas grande de las Izlas Baleares, en Espanya. La sivdad iva ser fondada por Quint Cecili Metel, konsul romano, ken la iva yamar Palma.

Dempues, durante la konkista araba, la sivdad iva ser yamada Madina Mayurqa, i mas dempues, el rey Jaume enel anyo 1229 la iva yamar sólu Mallorca.

En Mayorka egzistia el Call Major, ke era la máale djudia de la sivdad, i ke iva egzistir desde el syeklo 13 asta el syeklo 15, iva okupar una parte grande al sud-oryente de la sivdad, entre El Temple, Sant Francesc i La Calatrava (ansina durante la epoka de la konkista Mora, la máale djudia iva estar serka de La Almudaina, en donde endagora esta la kaleja Carrer del Palau Reial). Los abitantes djudios ivan bivir en lo ke iva ser una parte separada de la sivdad, ke iva estar separada por una pared. La máale iva tener dos esnogas: una iva ser fraguada en el syeklo 14 i iva estar serka de lo que oy es la iglesia de Monti-sion, i la otra, ke iva estar serka de las eskuelas djudias, iva estar donde oy se enkontra el Seminari Vell. Enel anyo 1435 la komunita de Mayorka iva ser forsada a konvertir al kristyanismo por ka huersa, i este es el anyo en el ke el judaismo iva ser akabado ofisialmente en la adá. Los desendyentes de estos djudios ke ivan ser forsados a ser kristyanos ivan ser konosidos komo Xuetas, kenes ivan ser markados por una serie de alkunyas ke tomaron de los sus padrinos al momento del su bautismo, kenesh ivan ser jeneralmente nobles kristyanos i merkaderes, i ivan ser apartados sosyalmente de la sosieta Mayorkina asta los anyos 1960; el tratamiento de los djudios es uno de los puntos mas oskuros en la istoria de la adá. Ma oy endia, la komunidad esta nasiendo de nuevo i la organisasyon israeliana Shavei Israel esta adjudando a los ijos de estos Xuetas a bolver a las sus raises djudias.  

El 25 de abril del anyo 2007 iva ser aperturado la primera linea del Metro de Palma de Mayorka ke iva unir la plaza de Espanya con el campus de la Universita de las Isolas Baleares, pasando por la máale de Son Oliva, el Poligono de Son Castelló i el nukleo periferico de Son Sardina. Aktualmente el metro no presta servisyo por defisiencias de los tuneles i kanales de agua susia. Endemas, esta en estudio la implantasyon de un tramvay ke va unir el sentro de la sivdad con S'Arenal i ke va tener un ramalasya el Ayroporto de Son Sant Joan, pasando endemas por la pladja de Palma.

La Sivdad de Palma de Mayorka tiene munchas sivdades ermanas:




#Article 235: Kalmi Baruh (122 words)


Kalmi Baruh, (en serbo: Калми Барух) (Sarajevo, 1896 - Bergen-Belsen, 1945) era un renomado linguista, erudito i intelektual yugoslavo de los anyos 1930, pionero de los estudios sefaradis.

Kalmi Baruh nasio en 1896 en la sivdad de Sarajevo. Era el desendiente de una famiya sefaradi de Bosnia. Despues de aver estudiado en la universita de Viena, ensenyo en Sarajevo.
Se dediko al estudio de las komunitas djudias de Bosnia i de la lingua djudeo-espanyola (Jevreji na Balkanu i njihov jezik, Djudios en los Balkanes i su lingua). Publiko estudios de linguistika, traduksiones de obras de la literatura espanyola, romanses de los djudios de Bosnia ke rekojio (Španske romanse bosanskih Jevreja).

Kalmi Baruh murio en el kampo de konsentrasion de Bergen-Belsen en 1945.




#Article 236: Maghreb Atletiko de Tetuan (212 words)


El Maghreb Atletiko de Tetuan (en arabo: المغرب التطواني; antes yamado Atletico Tetuán i endemas yamado Maghreb Tetouani, de akronimo MAT) es un ekip de futbol de Marroko de la sivdad de Tetuan. El klub iva ser fondado enel anyo 1922.

Enel anyo 1917, Tetuan iva ver la aparisyon de los sus priméros ekipos de futbol, Sporting de Tetuán i el Hispano-Marroquí (El Ispano-Marroki). Un anyo dempues, estos dosekipos se ivan unir en uno sólu, i estre es lo ke iva dar orijen al Klub Atletiko. Este ekipo iva ser fondado por el Atletiko de Madrid, del ke ainda konserva las sus linyas koloradas i blankas vertikales; endemas el su eskudo es paresido al del ekipo kolshonero, yegando afilu a rendir onor al ekip Madrilenyo en alkuna oportunidad. Durante el Protektorado Espanyol de Marroko el ekipo iva djugar en la Lega Espanyola en la temporada 1951-52 dempues de ganar la sigunda divisyon en la temporada 1950-51. 

Dempues de la independensia de Marroko, el ekip se separó en dos ekips, el Club Atlético Moghreb en la sivdad de Tetuan i la otra parte se unió kon la Sociedad Deportiva Ceuta (Sosyeté Esportiva de Seuta) para konformar el Atletiko Seuta, ke oy endia djuega en la Treséra Divisiyon de la Lega Espanyola de Futbol. 




#Article 237: Tetuan (1110 words)


Tetuan (en arabo تطوان, Titwan, ke es la diformasyon del biervo Tittawen en tamazight del Rif o Tarifit, ke signifika los ojos o los manadéros) es una sivdad del Nord de Marroko i esta konsiderada la  kapitala i sentro kulturalo de la rejion de Tanjer-Tetuan (Tanja), endemas de ser el uniko porto de Marroko en la Mar Mediterraneo, unos kilometros al sud de Jibraltar. A prinsipios del syeklo XX, una sinkena parte de la povlasion iva ser djudia. La sivdad es konsiderada la sivdad ma andalusa del Reyno, una de las ma fermozas i endemas la su medina (sivdad vieja) es patrimonio kultural de la umanidad de la UNESCO

La sivdad esta ubikada en una rejion agrikola, lo ke la va konvertir en el sentro komersial de los produktosde la rejion, komo sereales, sítrikos, frutas i ortalisas; el resto de la aktivita esta repartido entre gado i artesaniya. La sivdad endemas tyene kon chikas endustrias ke van estar espesialisadas en la manufaktura de produktos de tabako, sabon, farina, tekstiles i materiales de fraguádo, anke la industria ma emportante es la de las konservas (pishkado) i la de la produksiyon de muebles.

La su priméra mension es en el syéklo XI. La sivdad iva ser fondada por el meriní Tábit sobre de una povlasion bereber egzistente, para servir de retaguardia para el atako a la kolonia portugeza de Seuta. Enel anyo 1399 la sivdad iva ser atakada por Enrique III el Doliente de Kastiya para protejer las sus barkas de los piratas ke habian fesho de eya el su refujio. Enel anyo 1437 las tropas de Portugal arrasan la sivdad.

Enel anyo 1483-1484 yegan los priméros refujiados andalusies, provenientes de la fortalesa de Pinyar i al mando del kapitan y alkalde de Granada Sidi Al-Mandari. Se iva refraguar i fortifikar la sivdad i se empiesa un periodo de gran esplendor. La sivdad se iva konvertir tambien en refujio de djudios ekspulsados de Espanya. De esta epoka es la medina (la sivdad vieja), la máale a la ke los tetuanis yaman Bled, es dizir, «el puevlo» por ekselensya. Sidi Mandri es uno de los gobernantes má famosos de Tetuan, ke fue asistido en el govierno i susedido tras la su muerte por la su esposa, Sayyida al-Hurra (la Sinyora Libre), poderosa mujer de orijen andalus ke iva yegar a kazarse dempues kon el entonses Sultan de Marroko.

En el syeklo XVI ay munshas peleas por el poder, en una de eyas Sayyida al-Hurra iva ser amortada. Dempues, en el syeklo XVII, Tetuan pasa a ser uno de los prinsipales destinos del eksilio de los moros (ultimos musulmanos espanyoles, ekspulsados por Felipe III de Espanya). Los moros fondan una grande máale al nor del Bled, konosida komo Al-Ayun («los manadéros»), donde hasta oy endia se konservan munshas kozas del espanyol favlado por akeyos eksiliados: la popular kaleja Tranqat («de las trankas») o la meskita i eskuela Luqash (Lukas) son dos egzemplos bien konosidos, endemas de munshos apelyidos kastilyanos arabisados en munshas familias tetuanis.

El 6 fevrero del anyo 1860 el jeneral Leopoldo O´Donnell iva derrotar las tropas del sultan de Marroko i konkista la sivdad. Enel anyo 1862 la sivdad iva ser retornada a Marroko. En Tetuan, komo konsekuensa de esta gerra, ivan tener lugar los priméros kontaktos entre espanyoles i los ijos de espanyoles ekspulsados, dempues de katro syéklos de aislamiento, sobre todo con la grande keila sefaradí, ke avlava djudeoespanyol. Munsha parte de la povlasyon musulmana era de orijen peninsular i ainda konservava biva la nosyon del su orijen. Tetuan iva ser la kapital del Protektorado Espanyol de Marroko del Nord entre 1913 i 1956. La administrasyon espanyola iva fraguar bairros afuera de las murayas de la medina. La influensya de la epoka del Protektorado a sigido emportando afilu dempués de la independénsya. 

Munshos abitantes tienen el kastilyano komo sigunda lingua, lo ke se puede ver en los titolos de munchas kalejas i butikas en la sivdad. El govierno de Marroko, ve esta diferensia kon respekto al resto del paez (donde la sigunda lingua es el franses komo un alisiente para las reivinidikasiones de otonomiya ke siempre a tinido el Nord de Marroko, por lo kualo aze todo lo posivle para eliminar el uzo del kastilyano en la rejion. Munchos tetuanis de orijin moro lo uzan para reivindikar los sus orijines i sus linkes kon Espanya. Oy endia, la lingua no es muy avlada por los mansevos, ma un poko mas entre los de mediana edad i muncho entre los mas aedados. En esto tambien va influir la yegada de inmigrantes ke arrivan de otros lugares de Marroko. Endemas, egzisten varios sentros de ensenyansa Espanyoles en Tetuan, komo el Colegio Español Jacinto Benavente, el Instituto Español Extranjero Nuestra Señora del Pilar i el Instituto Español Extranjero Juan de la Cierva, de ensenyansa primaria, sekundaria i formasyon profesionala, respektivamente.

 
Tetuan i la provinsia de la kuala es kapitala se ivan ver dentro de un blokeo ekonomiko durante el reynado de Hassan II en kastigo por la su demanda de otonomiya. Permetyo  pokas inversyones privadas i kaji dingúna en el mantenimyento de la sivdad, ke el rey nuka yego a vijitar. En los anyos 80, Hassan II parese ke pedronó a los Tetuanis, i anunsio la su intension de vijitar la sivdad. Para eyo, iva dar ordenes de ke se fraguase un palasio, komo los ke el ya tinía  en otras sivdades de Marroko. El palasio fue fraguádo al vasiar la antika sede de la Alta Komisaria Espanyola, ke para entonses iva ser El Konsulado Jeneral de Espanya, i frente de el se fraguó una grande plasa en la ke se iva esperar la djente ke iva a resivir al Rey kon alegriyas i vitores. Ma para fraguár la plasa, se destruyó la plasa del Feddán, ke era el sentro istoriko de la sivdad. La siudad antika o Medina, ke tambien iva ser afektada por el fraguamiento del palasio, a sido deklarada Patrimonio de la Umanidad por la UNESCO i dempues de eyo se an empesado emportantes lavores de restaurasyon, en las ke iva partisipar i kolaborar la Junta de Andaluziya, ya ke el orijen de grande parte de la medina es andalusí.

La komunita djudia de la sivdad, anke oy endiya solo biven 5 djudios, bivió una storya de grandeza. Enel anyo 1967 fue aperturada la esnoga Yagdil Torá o Rebí Shmuel Israel, yamada jeneralmente la Esnoga del Ensanche, por estar en la sivdad mueva.

En Tetuan djuega el ekipo de futbol Maghreb Atletiko de Tetuan, ke iva ser el uniko ekipo de fubol de Afrika ke iva djugar en la Priméra divisyon de la Liga de Espanya. 

Tetuan es ermana de:




#Article 238: Euro (139 words)


El euro (EUR o € ) es la moneda unika de la Union Evropea (UE), ke es la moneda ofisyal en kinze de los ventisyete Estados miembros, ansina komo en otros payises i territórios evropeos, komo Andorra, Sivdad del Vatikano, Monako, Montenegro, San Marino, Kosovo, i de modo informal en Bulgaria i Bosnia i Hersegovina. Iva entrar en sirkulasyon enel anyo 2002 para trokar el uzo de las antikas monedas nasyonales de los payises ke endagora lo uzan.

Es la moneda ofisyal en los sigintes Estados myembros: Almania, Beljika, Kipre, Eslovakia, Eslovenia, Espanya, Estonia, Finlandia, Fransia, Yavan, Irlanda, Italia, Malta, Letonia,  Lituania, Luksemburgo, Ostria, Payises Bashos i Portugal. Endemas es uzada en varios territórios franseses de ultramar komo Guayana Fransesa, San Pedro i Mikelon, Guadalupe, Martinika, Mayotte i Reunion i en las Bases Soberanas britanikas de Akrotiri i Dhekelia.




#Article 239: Zoroastrizmo (118 words)


El Zoroastrizmo o mazdeizmo es el nombre de la relijión i filosofiya bazada en las ensinansas de Zoroastro (Zarathustra), ke rekonosen komo divinidad a Ahura Mazda, konsiderado por Zoroastro komo el uniko Kriador inkriado de todo.

El biervo zoroastrizmo es una invensyon moderna ke, asigún el Diksionario Oxford, aparesió la prima ves enel anyo 1874 en Prinsipios de filolojiya komparada de Archibald Sayce. La prima referensia a Zoroastro en Oksidente es atribuyida a Thomas Browne, ken brevemente se iva referir a el en su livro Religio Medici. Endagora, el biervo mazdeizmo ulay derive de Mazdayasna, una ekspresyon kompuesta del avestiko ke meskla el ultimo elemento del nombre Ahura Mazda i el biervo avestiko yasna, la ke sinyifika devosyon.




#Article 240: Baruch Spinoza (151 words)


Baruch Spinoza, nasido komo Benedito de Espinosa, mas tarde konosido komo Benedictus de Spinoza; (1632-1677) era un filosofo i eskritor, desendiente de una famiya sefaradi, ke bivio en Olanda.

Nasio en 1632 en Amsterdam, en Olanda, onde se aresento su famiya fuyendo de las persekusiones en Portugal. Baruch Spinoza se eduko en la komunidad djudia de la sivdad olandesa, ma se izo uno de los kritikos de la ortodoksia djudia. El 27 de djulio de 1656 Spinoza hue ekspulsado de la komunidad djudia de la sivdad. 

Desde el anyo 1670 i asta su muerte en 1677 el bivio en La Haya.

Sus ovras tienen una grande importansia filosofika. La mas famosa de eyas es sin duda la ke es konosida komo la Etika, i ke hue publikada en 1677, dempues de su muerte. 

Oy Spinoza es konsiderado komo uno de los rasionalistas del sieklo XVII, kon Gottfried Leibniz i Rene Descartes.




#Article 241: Istorya de los djudios en Shanghai (638 words)


La Istorya de los djudios en Shanghai no es muy konosida. Atras munchos anyos, 30000 Judios biviyan en el Distrito Hongku de Shanghai. Ma, oy keda muy poka evidensia de esta komunita. Durante la Sigunda Gerra Mundial, miles de djudios fueron refujidos en Kina, durante el Olokósto. 

Aunke oy la majorita de los djudios de Shanghai son mansevos profesioneles de Fransia, Kanada, Ostralya, Estatos Unitos d'Amerika, Reyno Unido i Yisrael ke vinyeron aki por negosio, la komunita djudia de la sivdad tiene las sus raizes en el dizimuevien syéklo. Famiyas Sefaradis, komo Sason i Kaduri, trusheron sus echos a Shanghai ande konstruizaron fraguas komo el ‘’Peace Hotel’’.

Dempues de la revolusion rusa, 7000 djudios rusos vinyeron a Shanghai, anke la mas grande emigrasion fue a la fin de los anyos 1930s, kuando miles de djudios almanes, ostrianos i de la Evropa Oriental, fuyeron de los Nazis i toparon refujio en Shanghai. Akeyos diyas, Shanghai era la sola sivdad en el mundo entero, ke no demandava viza o pasaporto para entrar.

Los fonksionarios khinos, komo Ho Fengshan (un diplomato en Viena), prokuraron entregar vizas de  salida a los djudios, para ke puedan fuirsen de la Evropa akeyos diyas difisiles. El sinyor Ho Fengsan iva morir en San Fransisko enel anyo 1997. Yad Vashem lo rekonosio komo uno de los Justos entre las Nasiones enel anyo 2001.

En los anyos 1930s, el Distrito Hongkou de Shanghai, ande los djudios se enstalaron, era nombrada komo La Chika Viena. Anke siendo prove, esta komunita teniya una rika vida kultural kon sus gazetas, eskolas, jurnales en idish, alman i polako, teatros i syete esnogas. Dempues de la gerra, los komunistos metieron restriksiones a la kultura, negosio i relijion. Por este razon, todos los djudios izieron aliya, o emigraron a Ostralya i a la Amerika del Norte.

La Esnoga Ohel Moshe de Shanghai, por anyos, se utilizo komo un edifisio de burós i komo betholim para lokos. Ma enel anyo 2007, el governo del Distrito Hongkou de Shanghai, renovelo la Esnoga i la iva avrir al publiko. En un edifisio al lado de la Esnoga, se aperturo una ekspozision de fotos de los djudios de Shanghai i entrevistas anrejistradas kon los viejos rezidentes.

Un mez antes, por la prima vez dempues de sesenta anyos, se izo una boda en esta Esnoga. Moris Ohana, el Prezidente de la Komunita Djudia de Shanghai de oy, obtenio el permito de azer la hatuna de la su ija en la Esnoga. Esta Esnoga iva ser fraguada enel anyo 1920 por una komunita djudia ke vinio de Irak i de la India. Kaje toda la dekorasion djudia de la Esnoga desparisio, kon la eksepsion de una plaka enkolgada ahuéra, kon biervos en ebreo eskritos enriva. La hatuna iva ser ofisiada por el rabino de Shanghai, Shalom Greenberg, kon la ayuda de los rabis de las Esnogas de Singapur i de Beijing.

Asta el diya de oy, la Esnoga se avrio unas kuantas vezes, solo en las fiestas djudias. Oy, la komunita djudia de Shanghai tiene 2000 myémbros. Unos kuantos myémbros de esta komunita son vinidos de las famiyas ke biviyan aki anyos antes. 

Kon los esfuersos de los governos lokales i de las organizasiones de Shanghai, la istorya de la komunita va ser rekordada en serka tiempo. El Konsul Jeneral de Israel, Uri Gutman, esta dizyendo ke estos dokumentos historikos son muy signifikantes porke vana ayudar a deskuvrir lo ke se paso en Kina durante akeyos diyas. En Djunio de 2008 se iva realisar una seremonia en el Muzeo de los Judios Refujidos, kon la partisipasyon del Governo del Distrito Hongkou i del Konsolato de Yisrael, sovre estos dokumentos istorikos. Endemas, kon la ayuda de Yad Vashem i del Muzeo Djudio de Sydney, el Sentro de los Estudios Judios, adirijido por Pan Guang, empeso investigasiones sovre esta komunita pedrida. 




#Article 242: Shanghai (1315 words)


Shanghai (en kinezo: 上海, pinyin: Shànghǎi) es la sivdad má grande de la Repuvlika Popular de Kina, kontando kon 18.450.000 de abitantes (2008). Esta ubikada al sud del delta del rio Yangtze. En kinezo, las abreviaturas de Shanghai son Hù (tradisional: 滬 , simplifikado: 沪) i Shēn ( 申 ).

Administrativamente, Shanghai es una de las katro munisipalitas de la Repuvlika Popular de Kina, todas eyas administradas direktamente por el governo sentral del payis. Shanghai es la kapital ekonomika de Kina i tyene má de 4.000 kulás (raskasyelos). La sivdad okupa una superfisie de 6.340 km².

Los dos karakteres khinezos en el nombre de Shanghai, (上, shàng, y 海 hǎi) literalmente signifikan asta, en, o por ensima i mar, respektivamente, evidente de la su ubikasyon  a la oriya de la Mar de Kina Oryentala. La aparisyon temprana de este nombre iva ser en la Dinastia Song (syéklo XI), momento en el ke ya egziste una konfluensya de rios i una sivdad kon ese nombre en la rejion. Egzisten kontroversias sobro la forma en ke el su nombre debe ser interpretado, má ofisyales de las istoryas lokales ivan dizir ke signifika la parte alta de la mar. Afilu, otra lektura en mandarin, iva sujerir el sentido de ir asya la mar, lo ke tyene sentido kon el puerto maritimo de la sivdad.

Shanghai es abreviado en kinezo komo Hù (沪) o Shēn (申). El priméro se deriva de un antiko nombre del arroyo Suzhou, Hu Du (沪渎), myentras ke el dosen se iva derivar del nombre de Chunshen Jun (春申君), un noble lokal i venerado heroe del Reyno Chu en el syeklo III antes de la Era Komun, del ke el su território iva inkluir la rejion donde oy endia esta Shanghai.

Shanghai iva empesar a tomar emportansya komo sivdad durante la dinastia Han kuando se iva empesar a dezvelopar la peska i la endustria de la sal. En el syéklo XII Shanghai iva ser ya un sentro emportante de la endustria del algodon. Enel anyo 1553 se iva fraguar la muraya de la sivdad, data ke se konsidera el nasimiento de Shanghai komo sivdad.

A prinsipios del syéklo XIX, Shanghai se iva konvertir en el prinsipal sentro endustrial i komersial de Kina en base a la su ubikasyon jeografika estratejika serkana al rio Yangtze, ke iva fasilitar el komersio kon Oksidente. Al akabar la Priméra Gerra del Opio, enel anyo 1842, los britanikos ivan demandar ke Shanghai se abriera a los ekstranjeros, i máales de la sivdad ivan kedar basho konsesyones: inglesa, fransesa i nordamerikana. Las relasyones entre los abitantes de la sivdad i los britanikos ivan ser siempre buenas, ya ke ivan estar basadas en el mutuo enteres.

Enel anyo 1937, dempues de la Batalya de Shanghai, la sivdad iva kaer en manos de los japonezos. Esta okupasyon iva durar asta el anyo 1945. Durante la Sigunda Gerra Mondiala se iva konvertir en punto de arifugio de munshos evropeos. La sivdad, endemas, iva ser la unica sivdad del mundo abyerta a los djudios durante este periodo. 
Ver artikolo Istorya de los djudios en Shanghai

Dempues del triunfo de la revolusyon komunista enel anyo 1949, la mayoria de los ekstranjeros iva abandonar la sivdad. Tambyen lo ivan aser alkunos empresarios khinos ke prefirieron trokar los sus negosyos a Hong Kong. Afilu, Shanghai iva rekuperar la su emportansya ekonomika kon rapidez i oy endia es uno de los motores endustriales de Kina.

La sivdad esta dividida en 18 distritos i 1 condado

Mueve de estos distritos urbanos estan ubikados en la rejion de Puxi, o parte antika de la sivdad, al oeste del rio Huangpu

Ochu distritos son sivdades satélite, suburbanos o rurales:

En la isola de Chongming

Es la sede de un obispado ortodokso ruso. Puerto, i sede de 25 universitas.

Anke Shanghai no esta a la oriya de la mar (la kosta esta a 40 kilometros), la serkania de la boka del rio Yangtze (a 20 kilometros) ase ke la sivdad tenga unos indices de umedad elevados durante todo el anyo. Tyene un klima kon estasyones markadas. El periodo de lluvias se konsentra en Mayo i en Otonyo, kon los monsones. En enverano se pueden superar los 40º C i los inviernos suelen ser friyos kon temperaturas ke pueden bashar a temperaturas porabasho de sero.

El egzito ekonomiko de Shanghai provoka una atraccion grande en milyones de kinezos. Para kontrolar la afluensya de jente, el governo de la sivdad iva kriar un sistema de enrejistro para los residentes kon permiso de residencia en Shanghai. La povlasyon se mantyene estable a pesar de que Shanghai es la sivdad ekonomikamente dominante de Kina, dempues de un rapido aumento de la povlasyon en los anyos 1950 i 1980. Desde empieses de 1990, ay un aumento má lento.

En 1957 bivían 6,9 milyones de personas en la sivdad; enel anyo 2007 bivían alderredor de 9,7 milyones. La densidad de povlasiyon en la sivdad es de 12.946 avitantes por kilómetro katrado. En la munisipalidad la densidad de povlasiyon es de 2.903 avitantes por kilómetro katrado i en eya se topan 18,4 milyones de personas). De eyos, 13,7 milyones de residentes están enrejistrados kon residensia permanente (户/户口, hùkǒu) i 4,7 milyones de residentes están enrejistrados kon residensia temporal (流动人口/流动人口, liúdòng rénkǒu).

El kresimyento de la povlasiyon esta siendo impulsado sólu por la inmigrasiyon, déke el kresimyento natural de residentes permanentes a menguado en la natalidad (grasias a los kontrolos de natalita en Kina). La tasa anual de kresimyento de los residentes con permiso de residencia era alrededor de 4,0 por syento enel anyo 1957, este valor iva kaer rapidamente por abasho de 1,0 por syento i, finalmente, a un valor negativo de -0,19 por syento en 2000. La tasa de kresimyento natural era de -0,14 por syento en el 2005, la tasa de natalita: 6,08 por cada 1000 abitantes, tasa de amortamyento: 7,54 por cada 1000 abitantes.

Shanghai es konsiderada komo el sentro de las finansas i el komérsio en Kina. El desarrollo moderno empeso kon las trokos ekonomikos enel anyo 1992, dies anyos dempues ke las provensiyas del Sud de Kina komo Guangdong i Fujian, afilu desde entonces Shanghai rapido iva superar las provensiyas y mantiene la su funsiyon de sentro de negosios en Kina, ansina komo es el má grande mercado del paez.

Shanghai es uno de los puertos má aktivos del mundo. Enel anyo 2005, Shanghai okupa el primér lugar del mundo entre los puertos má aktivos en terminos de karga, la manipulasiyon de un total de 443 miliyones de toneladas de merkaderiya. En termos de trafiko de kontenedores, sólu es superado por Hong Kong para konvertirse en el dosen puerto má activo del mundo, dempués de Singapur.

Shanghai i Hong Kong son rivales para ser el sentro ekonomiko de Kina. Hong Kong tyene la ventaja de un sistema de leyes má huerte, la integrasiyon en el merkado internasyonal superior, la liberta ekonomika, la banka i una mayor espesialisasyon del servisio, impuestos má bashos, i una moneda própia konvertible. Shanghai tyene enlasos má huertes tanto al interior de Kina i el governo sentral, i una base má huerte en la endustria manufakturera i la teknolojiya. Shanghai iva aumentar el su papel en las finansas, banka, i komo un emportante destino para la sede korporativa internasyonal, alimentando la demanda de un alto nivel de edukasiyon i de labor modernisado . La sivdad iva eregistrar un kresimyento de dos díjitos del PIB nominal durante 15 anyos sigidos desde 1992. Enel anyo 2007, Shanghai ivan anunsiar un kresimyento de 13,3% a 1,2 biliyones de yuan.

Komo en munshas otras areas en Kina, Shanghai bive un boom del fraguamyento. En Shanghai la arkitektura moderna se karakterisa por el su estilo uniko, sobre todo en los pisos má altos, kon varios restaurantes en la planta superior ke se asemejan a los OVNIs.

La sivdad de Shanghai es ermanada kon las sigientes sivdades:




#Article 243: Australia (1017 words)


Australia, ofisialmente Mankomunidad de Australia (en inglez Commonwealth of Australia) es un paiz ke okupa toda la parte kontinentala de Oseania, el kontinente ma chiko del mundo, por demazia de varias izlas en los oseanos Pasifiko, Indiko i Antartiko. Australia es el seiseno paiz ma grande del mundo i el mas grande de Oseania.

El nombre de Australia tyene una doble etimolojia. Por un lado deriva del latín Australis, del sud: konsejas de una “tierra deskonisida del sud” (terra australis inkognita), ke datan de los tiempos romanos, eran frekuentes en la jeografia medievala, ma insiertas. Por otra parte, Pedro Fernández de Quirós deskubrio el arkipielago de las Muevas Hebridas (aktual Vanuatu) en 1606 i pensando que abia yegado a Australia, la bautizó Austrialia del Espíritu Santo, mezklando las palavras Austral, sur en latin, i Austria, la dinastia a la sazon reynante en Espanya. Ansi se orijino el nombre kon el ke en el futuro se konosierono las tierras al sud de la Mueva Guinea.

La istoria de Australia komenzo kon la yegada de umanos a la Australia kontinentala desde el norte aze más de 65 000 anyos,  (i inkluso 68 000, asegún algunos estudios).A pesar de haber sido vista desde el sieklo XVI por marineros portugezos i espanyoles, kienes por razones estratejikas abian mantenido en sekreto el su deshkubrimento, la su istoria eskrita solo komenzo kon los eksploradores neerlandeses ke la avistaron en el sieklo XVII. Eyos, sin embargo, dieron a meldar ke la tierra australa no era morada e apta para la kolonizasión, deshando ansi el kamino abierto para las posteriores ekspedisiones britanikas.

La interpretasión de la istoria australiana es un tema de diskusion ainda en la aktualidad, partikular mente en lo ke se refiere al trato de los aborijinalos australianos por parte de los kolonistas evropeos.

En lo referente a Australia, se entiende por preistoria el período ke se egztiende desde la inmigrasión de sus primeros abitantes asta el primer avistamiento europeo konfirmado, en 1606, el kual puede inkluirse komo parte de su istoria freska. Se considera ke la preistoria australiana es algunos miles de anyos más ekstensa ke en otras partes del mundo debido a ke no egzisten eskritos de eventos umanos en el kontinente anteriores al kontakto kon los evropeos. Freskos estudios an yegado a la konklusión ke los primeros evropeos ke avistaron la izla, fueron los espanyoles kuando navegaban por el Oseano Pasifiko. En Australia se han topado kaskos ke pertenesen a soldados espanyoles del siekllo XVI.

La data egzakta de los primeros afinkamientos umanos en Australia es ayinda tema de debate. Sin embargo, se creye ke la tierra australa ha estado abitada por seres humanos desde aze 65 000 años, anke algunos investigadores afirman que fue ace 48 000 anyos; en esa époka hubo un período de trokamiento ekolójiko masivo ke se kree fue resultado de aksiones umanas. Los primeros australianos eran los ansestros de los aborijinalos australianos de la aktualidad kienes yegaron a través de puentes de tierra i pasos marítimos estrechos desde el sudeste asiátiko. Es emportante notar ke durante la mayor parte de la preistoria de Australia, esta estuvo unida a Mueva Guinea por lo Ke por deSenas de miles de aNYos ambas poblaSiones evolucionaron enjuntas. Solo aze entre 14 000 y 7000 anyos kon el ascenso del nivel dela mar ambas masas de tierra kedaron partajadas.

La mayor parte de estas personas eran kazadores-rekolektores kon una komplesho tradisión oral i valores espiritualos bazados en la adorasión de la tierra i en la kreensia en el Tiempo de los Sueños. Los islenyos del estrecho de Torres, étnikamente melanesios, abitaron desde aquel tiempo las izlas del estrecho de Torres y partes del ekstremo norte de Queensland; poseen práktikas kulturalas distintas a las de los demás grupos aborígenes australianos. También se sabe ke el dingo, el úniko mamífero domestikado disponible en Australia, fue yevado ayí desde el sudeste asiátiko i es relativamente resiente en la izla, está konstatado solo desde el 1500 a. C.

Desde al menos los ultimos sieklos, Makassar (sivdad indonesia, en la aktual izla de Celebes) abía venido komersiando con los aboríjinalos de la beira norte, partikular mente kon los yolngu de la Tierra de Arnhem.

En 1603 el padre Matteo Ricci, un jesuita italiano ke pasó largo tiempo en China, izo un mapa del mundo konosido de la époka. En el espasio ande se topa Australia, anotó: Nadie ha estado en esta tierra del sud, por lo tanto no sabemos nada sobre eya. Eskribió endemás en karakteres kinezos Tierra del Fuego i Tierra de Loros, kon lo kualo surjirió ke los kinezos sabían de o inkluso tal vez abían visitado Australia.

territorio astraliano no komparte frontieras terrestres kon diningun paiz, es una grande izla o un kontinente al sud del mundo, komparte frontieras maritimas kon el Oseano Antartiko al sud, kon el Oseano Pasifiko al oryente i al oksidente kon el Oseano Indiko. El paiz es divisado en 8 estados i tres territorios, la kapitala es la sivdad de Camberra, la urbe mas povlada del paiz es Sydney, unas de las mas engrandidas del kontinente i kon muchiguamiento.

Indemas, Australia se topa entre las sus koordinadas 32° i 14° nord i 86° i 118° oeste; jeografikamente se konforma por una grande masa kontinentala de la plaka ostraliana, al sud se topa la Tazmania, al sentro es el Altoplano Sentralo una planada serkada por katenas montanyosas asima de 1000 metros de altitud al oryente, tiene otras posesiones minores no kontinentalas komo las Izla Cook.

El klima es diverso, en alkunos lugares la temperatura es alta i kalorosa, en otros lugares la temperatura es basha kon inyeve en el inverno australo.

Australia del Oeste
File:Angel of Love.jpg|UluruTerritorio del Norte
File:Minnamurra Falls, Budderoo National Park NSW.jpg|MinnamurraMueva Gales del Sud
File:Cradle Mountain with snow 2013.JPG|Montanyas CradleTasmania
File:Trephina Gorge 07.jpg|Trephina GorgeTerritorio del Norte
File:Mount Buffalo National Park 2.jpg|Monte BuffaloVictoria (estado)|
File:Sun rays through the forest trees.jpg|TarkinTasmania
File:SimpsonsDesert.JPG|Desyerto de SimpsonAustralia del Oeste
File:Mount Feathertop and Razorback.jpg|Montanyas FeathertopVictoria (estado)|
File:South From Garie Head.JPG|Garie BeachMueva Gales del Sud
File:Andado2 - Christopher Watson.jpg|Desyerto de SimpsonAustralia del Sud
File:CSIRO ScienceImage 3828 Tropical rainforest near Cairns QLD.jpg|CairnsQueensland




#Article 244: Marrakesh (229 words)


Marrakesh (nombre orijinal en bereber Tamurt n Akkuc, Tyérra del Dio; en arabo, مراكش, Marrākuš, pronunsiado komunmente Mrrākeš; en espanyol antiko: Marruekos, eskrito en grafia fransesa Marraquech), konosida komo La sivdad kolorada o Al-Hamra es una sivdad kon una povlasion de 1.036.500 abitantes (enel anyo 2006) en Marroko del Sud, serka del pyé de las Montanyas Atlas.

El orijen posible del su nombre puede vinir de las paraulas en Tamazight mur (n) akush, lo ke iva signifikar La tyerra del Dio. (La raiz mur es endagora sólo uzada en los idiomas bereberes en la forma femenina tamurt). La misma paraula mur/mawr aparese en el paez Mauritania, ma esta interpretasyon no iva ser provada asta oy endia. 
La sivdad es la kapital de la rejion Marrakech-Tensift-El Haouz i tyene el merkado tradisional (souk) mas grande de Marroko i ulay del mundo todo, endemas de la plasa mas yena i movida de Afrika, Djemaa el Fna.

La Esnoga Elazama Rehov Talmud Torah, aperturada enel anyo 1492 en la sivdad, es una de las esnogas mas antikas de Afrika en kontinuo uzo, dempues de la Esnoga El Ghriba, en la adá de Djerba, en Tunesia. La esnoga esta ubikada en la Mellah, o la máale djudia de la sivdad. En la esnoga biven alkunos djudios de la tresera edad ke no tyenen donde bivir. Tambien en la mellah esta el Betahayim Miâara.




#Article 245: Souk (196 words)


Souk, Charshí, Merkato arabo o Zouk, (en arabo سوق, en ivrit שוק, shuk) es el nombre en este lashon de los merkados al áyr libero onde es posivle merkar i vender aliméntos, animáles, espesias, fashadúra, parfumes, i otras kozas.  Este merkado esta ubikado jeneralmente en una plasa en el sentro de la sivdad, ya ke alderredór a eya ay munshas aktivitas, i komo es un lugar ónde se puede aser munchas aktivitas komersyales, van aparesiendo otras aktivitas relasyonadas, komo el transporto, mezkitas, eskolas i otras. 

En alkunos lugares la su aktivita puede ser por semana o diaria, lo ke va depender del tamanyo de la sivdad y de la rejion serkana. Los Souks son jeneralmente mensionados en kuentos komo Las mil i una noches; komo por egzemplo, tenemos la istorya de  Una áva de ermozúra en dónde  el padre del mansevo de la istorya, Hamseddin, es el shefe del souk de El Kairo.

Alkunos de los egzemplos má konosidos son el souk Bizouriyya en Damask, el Souk Saray en Bagdad, el Souk Zanqat al-Niswaan en Alejandria, el Souk Djemaa el Fna en Marrakesh, el Shuk Mahane Yehuda en Yerushalayim i el Shuk HaKarmel en Tel Aviv.




#Article 246: Djerba (929 words)


Djerba (en arabo جربة, Djirba) es la isola má grande del Mahgreb i de Afrika del Nord,kon un tamanyo de 514 km²; se topa enel Golfo de Gabes, en la costa de Tunesia.

El klima de la isola es bueno i el suelo esta bien sembrado. la su sivdad má grande es Houmt-Souk. La isola es un destino turistiko, espesialmente para los turistos de Fransia, Almania, Italia i la Repuvlika Sheka. Es uno de los pokos lares unde se favla un lashon bereber (tamazight). Otro fakto ke atrae turistos a la isola es ke enel filmo Star Wars, munchas de las eszenas de eksteriores de Mos Eisley se filmaron enel anyo 1977 en el chiko puevlo de Ajim. La isola tambien es konosida por la su ermozura, por ser el sentro de la sekta Ibadi del islam i por la su minoria djudia, ke a egzistido en la isola por syéklos, afilu la keilá se achikó por migrasiones a Yisrael i Fransia desde el anyo 1967. La esnoga de El Ghriba es una de las mas viejas i famozas esnogas del mundo i es un sentro de peregrinasyon para djudios tunesinos ke endagora biven en Yisrael o Fransia. En la isola nasió Menahem Mazuz, el aktual Fiskal Jeneral de Yisrael. 

Al prinsipio del syeklo XX, en la isola bivían unos 40 mil avitantes, de los kualos munshos eran Katolikos Maltezes ke lavoravan komo pishkadores de esponjas. La isola es tambien konosida por las sus ermozas plajas i mantiene el su estado komo una sede Katolika Romana en la provensiya eklesiastika de Tripoli Afrikana.
 

La leyenda dize ke Djerba iva ser la isola de los komedores de lotos, kuando Odiseo viajó por la Mar Mediterraneo. La isola, ke era konosida komo Meninx asta el treser syeklo de la era komun, tinía tres viyas; una de eyas, el ke su nombre aktual es Būrgū, fue fondado serka de Midoun en el sentro de la isola. Las ruinas de una gran viya del syeklo V AEK estan sinyaladas por munchas djarras, ansina komo una tumba grande, posivlemente de un myémbro de la famiya real de Numidia. Otra sivdad, ke setopava en la beira del Sud-Oryente de la isola en Meninx, era un grand sentro de produksiyon de tintura de murex (tehelet) i era en ese aspekto el sigundo má grande del mundo dempues de Tiro, en Libanon. En el treser syeklo la misma viya parese ser yamada Girba de unde iva venir el nombre aktual de la isola. La adá tambien iva dar obispos katolikos de la eglesya primitiva, Monnulos i Visente, kenes ivan asistir a los Konsilyos de Kartago en los anyos 255 i 525 (Toulotte, Géographie de l'Afrique chrétienne Proconsulaire, Paris, 1892, pp. 353 and 380). Las ruinas de la su katedral puede ser vista al Sud-Oeste de Meninx. Un treser puevlo emportante, en la kosta sud, serka del puevlo moderno de Guellala, iva ser posivlemente la antika Haribus. La adá iva estar muy povlada en los periodos Romanos i Bisantinos, i posivlemente merkava en otras partes el trigo para los sus abitantes. La aktivita en la isola se iva detener dempues del anyo 650, kuando la plaga Djusitinanika puede ke iva yegar al puerto de Meninx.
 
Durante la Edad Media, la isola fue okupada por myembros de la sekta Ibadi del Islam. Los Kristianos de Sisilia i Aragon ivan gerrear kon los Ibaditas por el kontrolo de la isola. De este tyempo se ankontran munchas mezkitas chikas del syeklo XII, ansina komo dos fuertes. La isola iva  ser kontrolada dos vezes por el Reyno Normando de Sisilia: de 1135 a 1158 i de 1284 a 1333. Durante el sigundo periodo la isola se organisó komo un sinyorio feudal, kon los sigintes Sinyores de Djerba:

Tambien egzistian governadores reales:

Enel anyo 1513, dempues de tré anyos de eksilio en Roma, la famiya Fregosi iva retornar a Genova, Ottaviano iva ser elejido Doge, i el su ermano Federigo Fregosi (arsobispo i dempues kardinal), komo era el su konseshero shefe, se iva konvertir en el shefe del eksersito de la Repuvlika i iva defenderla kontro de perikolos internos i eksternos, sobro todo los piratas de Berberia. Cortogoli, un korsario de Tunesia, iva blokear la kosta kon una eskuadra, i en pokos dias atrapó diziochu merkaderes. Dempues de resivir el kontrolo de la Armada Genovesa, en la ke Andrea Doria servia, Federigo iva surprender a serka de Bizerta, i iva invadir la adá de Djerba, i dempues retorno a Genova kon munhas rikezas. La isola tambien iva ser okupada por Espanya: 1521 - 1524 i 1551 - 1560; la adá tambien iva ser tomada komo la baza temporala del turkano Barbarossa Hayreddin Pasha en el syeko XVI. El 14 de Mayo del anyo la frota Ottomana, basho el komando de Piyale Pasha i Turgut Reis iva derrotar a la Liga Santa de Filipe II en la Bataya de Djerba.

Djerba iva ser parte dela regensia Ottomana de Tunesia asta el anyo 1881, i dempues basho el protektorado Franses, i dempues se iva konvertir en parte de la Repuvlika de Tunesia. 

En el atako terrorista a la esnoga El Ghriba el 11 de Avril del anyo 2002, un kamion yeno de eksplosivos iva eksplotar serka de la esnoga, i amorto a 21 personas (14 turistas almanes, 5 tunesinos i dos franseses). Al-Qaeda reklamó la su responsavilita sovro el atako. Por un tyempo munchos turistas desharon de visitar la isola, mas endagora munchos turistas la vijitan. 

Djerba tyene el ayroporto Djerba-Zarzis, al kualo yegan bolos de Fransia, Almania, Italia, Reyno Unido, Suisa, Espanya i Tunesia.

 




#Article 247: Mozilla Firefox (130 words)


Mozilla Firefox es un navegador de la Internet, ke tyene interfas grafika de uzuario, dezvelopado por la Korporasyon Mozilla i un grande numero de voluntarios eksternos. Firefox, ofisyalmente yamado komo Fx o fx, i komunmente komo FF, iva empesar komo un derivado del Mozilla Application Suite, ke akabo por reemplasarlo komo el produkto bandeira del proyekto Mozilla, basho la direksyon de la Fundasyon Mozilla.

El programa es multiplataforma i está disponible en versiyones para Microsoft Windows, Mac OS X i GNU/Linux. El kodigo a sido trokado por treseros a FreeBSD, OS/2, Solaris, SkyOS, BeOS i má resyentemente, Windows XP Professional x64 Edition.

El kodigo huente de Firefox esta disponible livremente basho la triple lisensya de Mozilla komo un programa livre i de kodigo avyerto. La versiyon aktual es la .




#Article 248: Palavras en ivrit kon orijen arabe (109 words)


La influensia del arabo en el ivrit es muy grande deke los djudios bivieron (i ainda alkunos pokos biven en Tunesia, Bahrein, Irak, Teman i sobre todu Marroko) en el Mundo Arabe por ma de dos mil anyos. Endemas, munshos djudios ainda favlan arabo en las sus kazas kon las sus famiyas i en las  esnogas, tanto mizrahim komo sefardim de Marroko, Tunesia i Arjelia. Por ezo mushas palavras, sobre todu las yamadas slang o de la kaleja, son de orijen arabo, komo:

Alkunas de estas palavras no se pronunsian igual ke en arabo, komo yalla, ke se dize kon una sola l i ahlan, ke se pronunsia a'lan.

 




#Article 249: Ayroporto Internasional Tan Son Nhat (189 words)


El Ayroporto Internasional Tan Son Nhat (Sân bay quốc tế Tân Sơn Nhất) es el mas grande ayroporto internasional de Vietnam . El Ayroporto Tan Son Nhat tiene los sus orijenes a empesijos de los anyos 1930, kuando el governo colonial fransez fragó un ayroporto chiko enel puevlo del Tan Son Nhut, yamado Aeropuerto de Tân Sơn Nhứt. A mediados de 1956 i por modre del ayudo de los Estatos Unitos se fraguó una pista de aterrisaje de 7.200 pies i fue amijorado para ser el aeropuerto internasional de Vietnam del Sud. Durante la Gerra de Vietnam, Tan Son Nhut Air Base (antonses eskrito komo Tân Son Nhat) era una instalasyon emportante tanto para los Estatos Unitos komo para la Huersa Aerea Vietnamita del Sud (VNAF). Antes del anyo 1975, el Aeropuerto Tan Son Nhat era una de las bases aereas má uzadas de todo el mundo. Enel anyo 1975, se trokó el su nombre por el de la viya Tan Son Nhut i tornó a ser un ayroporto sivil.

Todos los bolos domestikos yegan a la Terminal 1, i todos los bolos internasionales yegan a la Terminal 2




#Article 250: Ayroporto Dong Hoi (103 words)


El Ayroporto Dong Hoi (en vietnamezo Sân bay Đồng Hới) es un ayroporto ubikado serka de la sivdad de Dong Hoi, en Vietnam . El Ayroporto Dong Hoi tiene los sus orijenes a empesijos de los anyos 1930, kuando el governo colonial fransez iva fraguar un ayroporto chiko enel puevlo de Loc Ninh, yamado Ayroporto de Dong Hoi. Durante la Gerra de Vietnam, Dong Hoi Airfield era una instalasyon uzada endemas para las huersas de Vietnam del Nord. Enel anyo 2008, se le trokó el su nombre por el de la viya Dong Hoi i paso a ser un ayroporto sivil de muevo.




#Article 251: Altneuland (848 words)


Altneuland (Vieja Tyerra Mueva en alman) es una novela utopika eskrita por Theodor Herzl, el fondador del Zionismo politiko enel anyo 1902. Deskrivyendo la visyon de Herzl para un paez djudio en la tyerra de Yisrael, Altneuland iva ser uno de los livros basikos del Zionismo. El livro iva ser endemas traduzido al idish por Yisrael Isidor Elyashev i al ivrit basho el nombre de Tel Aviv por Nahum Sokolov.

La novela kuenta la istorya de Friedrich Löwenberg, un mansevo djudio intelektual de Viena ken, kansado de la dekadensya de Evropa, se une a un aristokrata Pruso yamado Kingscourt i se retiran a una adá en el Oseano Pasifiko. En el su kamino a la adá, se detienen en Jaffa, i les parese ke la Palestina de antonses es atrazada, desolada i kaji despovlada, ke iva ser lo mesmo ke le iva pareser a Herzl en la su unika vijita enel anyo 1898.

Löwenberg i Kingscourt pasan los sigintes vinte anyos en la adá, separados de la sivilizasyon. Kuando eyos pasan de muevo por Palestina en su retorno a Evropa, eyos ivan deskobrir un paez totalmente transformado i trokado, ke bive una vida moderna, livre, abyerta y kosmpolita, grasias a una industria kooperativa bazada en la teknolojiya de punta. En el tyempo ke eyos ivan pasar en la adá, los djudios de Evropa ivan antonses rediskobyerto i reabitado a Altneuland, reklamando el sus próprio destino en la Tyerra de Yisrael.

La istorya basika de una persona tentando deskobrirse a si mezma, anokntrandose transportada a un futuro utopiko i resiviendo un tour giado de la sosieta ke ankontra aya, es paresido al estilo de Looking Backward de Edward Bellamy, ke iva ser konsiderado un klasiko de la literatura utopika para la epoka en la ke Herzl iva eskrivir Altneuland.

La novela de Herzl amostra el su plano para la realisasyon de la emansipasyon nasional djudia, igual komo el iva deskrivir en su livro Der Judenstaat (El Estado Djudio) publikado enel anyo 1896. A la su ves ideolojiko i utopiko, presenta una sosyeta modelo ke iva a ser radikalmente espiritual i etika, de akódro kon las lineas del movimento Mussar i adoptando endemas un modelo sosyal liberal i egalitario. La visyon de Herzl era una sosyalista afilu no estrikta. La sosyeta mueva de Altneuland’s esta bazada en la propyetá kolektiva  i el bienestar sosyal anke a la su ves estimula la partisipasyon privada. Un modeernista autentiko, Herzl no akodraba kon el sistema de kalses de Evropa afilu era leal a la erensia kultural Evropea.

Mas ke imajinando a los djudios en Altneuland favlando ivrit i revivyendo tradisyiones djudias, el iva ver una sosyetá ke favlaba alman i ke iva tener kostumbros evropeas, komo la Opera i el Teatro. El su sentro endustrialo i kulturalo no estaba ubikado en la istorika kapital de Yerushalayim, el objekto de los djudios de la Galut por miles de anyos, sino la sivdad moderna de Haifa. En el Yisrael de oy endia, este rol es tomado por la sivdad de Tel Aviv, ke ainda no egzistia kuando Herzl iva eskrivir la su novela, i la kuala su nombre iva ser inspirado por el livro.

En la visyon de Herzl, la kriasyon del Treser Templo en Yerushalayim en el Monte del Templo iva ser lograda sin problemas kon los arabos o kon el resto de los musulmanos del mundo, déke eyos akseptaban ke iva ser kostryuido en un tyempo de rendensyon i de paz para toda la umanitá, por ke los erederos lejitimos, los djudios, ivan a dirijir la su influensia nasional i personal desde aya. El uniko arabo del livro, Reshid Bey, kuenta a los protagonistas ke los djudios no lo ivan tratar mal, afilú ke al kontrário, inkrementaron el valor de la su propyetá. Bazados en ke no egsiztia ostilitá de los arabos asya el proyekto sionista, la Sosyetá Djudia del libro de Herzl no es yamada presisamente un estado, para evitar kofliktos kon el Emperio Ottomano i no tyene huersas armadas.

Altneuland iva tener un empakto grande i rapido en el nasyento mevimento Sionista, i iva servir komo una inspirasion ainda mas grande para el Zionismo Sosyalista, ke iva ser la dominante variante del Zionismo en los primeros dias del movimento. El asentamyento kooperativo amostrado en la novela es en munshas maneras un prekursor al kibbutz, i de fákto, la frase Si lo vas realisar - no es kuento, adaptada del epilogo de la novela, iva ser adoptada komo un slogan Zionista. Ahuzat Bayit, la 'primera sivdad ebrea' fondada enel anyo 1909, iva tener el su nombre torkado por Tel Aviv komo el titulo de la traduskiyon al ivrit de Nahum Sokolov (una mistura de 'viejo' – una palavra arkeolojika, Tel – i 'muevo' – apresentado por la primavera, Aviv). De todos modos, la novela tambien iva ser recebida kon kritikas de munsha jente, sobre todu de Ahad Ha'am ken iva kritikar a Altneuland tanto por la su falta de indentita djudia, Tora i la vision no faktible de el asentamyento de milyones de djudios en Palestina sin reaksyiones de la povlasyon araba.




#Article 252: Manifiesto komunista (138 words)


El Manifiesto del Partito Komunista (Manifest der Kommunistischen Partei, por su títolo en almán), una de las ovras polítikas kon mas enfluensia en la istorya, es un teksto demandado por la Liga de los Komunistas a Karl Marx i Friedrich Engels entre los anyos 1847 i 1848, publikada por priméra vez en Londra el 21 de Fevrero de 1848.
Las ideas del Manifiesto son: 

En 1842, de edad de 24 anyos, Marx dirijía un peryodiko yamado La Gaseta Renana, ke se editava en la siudá de Kolonia. Friedrich Engels, ijo de una rika familya de industryales, tenia antonses 22 anyos i kontrivuyia kon este peryodiko. Por akeyos diyas, la famiya de Engels dechidyó enviarle a estudyar i a dirijir los negosios de la famiya en la sivdad ingleza de Manchester, ke era antonses el sentro del kapitalizmo mundial.




#Article 253: Mormonismo (202 words)


El mormonismo es una tradición rêligiosa que toma su nombre del Libro de Mormón. Empeçó cuando el mancebo Joseph Smith (nacido en 1805 en Palmyra, New York) tornando a casa de su familia una manyana de la primavera de 1820, se arrodeó i declaró a su madre que savía que la iglesia lokal no era verdadera.

El el mormonismo, los Articulos de Fe son un credo informal composado de la parte de Joseph Smith Jr. como parte de una letra embiada en 1842 a John Wentworth, editor del Chicago Democrat. Es una lista consisa de las tredje doctrinas fundamentales del mormonismo. Munchas denominasyones de los Santos de los Últimos Dias ven estos artikolos komo un estamento autoritario de teolojia basica. Algunas denominasyones, komo la Eglezya de Jesus-Kristo de los Santos de los Últimos Dyas, adoptaron los articulos como estructura.

Los Articulos de Fe son las venideras:

El mormonismo es uno de varios movimentos distintos, konosidos kolektivamente como restavrasyonismo, a diferensia de las denominasyones protestantes, i restavrar es una forma del kristyanismo más apegado al Nvevo Testamento. Munchos kristyanos, tanto katolikos komo protestantes, akuzan al mormonismo de no ser una denominasyón kistyana. Las prinsipales diferensyas entre el kristyanismo tradisyonal i el mormonismo son:	




#Article 254: La Kilisia de Yesukristo de los Santos de los Últimos Dyas (958 words)


La Iglesia de Yesukristo de los Santos de los Últimos Dias, konosida endemas komo Iglesia Mormona o komo Iglesia SUD (LDS, por sus siglas en inglez, Latter-Day Saints), es la organizasion más grande i rekonosida del Movimento de Yesukristo de los Santos de los Últimos Dias. La Iglesia se fondó komo komunita relijioza en Palmyra, estado de Mueva York, por Joseph Smith el 6 de avril de 1830, profesando kumplir las ensinyansas de Yesukristo, ma no se konsideran parte de las tradisiones katolikas, ortodoksas o protestantes, ma ser una restorasion del kristianismo orijinalo, diskués de ke éste se trokara a la muerte de San Pedro i los otros apostoles. Esta tendensia relijioza es la prinsipal rama del Movimento de los Santos de los Últimos Dyas, fondada por Joseph Smith, los kualos diskués de la su muerte buskhkaron a Brigham Young komo el su profeta, al mismo tiempo ke otras ramas, komo la Komunidad de Kristo, nasían kon sus profetas i komunitas. Alkunas ramas fondamentalistas, inkluyendo unas ke achetavan la poligamia, egzisten ma sus doktrinas i ritos no son achetados por la Iglesia SUD. La Iglesia es konosida por dar parás para el Koro del Tavernakulo Mormón, la Universita de Brigham Young i por el fakto de ke la komunita fue la mas emportante en la kriasion del estado amerikano de Utah, el estado número 45 de los Estados Unidos, lugar ande se topa la sede de la Iglesia, espesialmente en la kapitala, Salt Lake City. La Iglesia de Yesukristo de los Santos de los Últimos Dias okupa el katreno lugar en las komunitas relijiozas de los Estados Unidos i sus lideres deklaran ke los miembros ke se kazan enel templo, tienen la rata más basha de divorsio del payis. Los lavorantes relijiozos de la Iglesia SUD no es pagada por su servis; endemas, la inglesia no aze separasion entre raza, klasa sosyala ni profesion; un obispo puede ser un presidente de una eentreprisa, un shofor de otobus, o un maestro de una eskola. Oy endiya, la iglesia tiene unos 13 milyones de myembros espartidos en varios payises. Los fiyeles de la Iglesia (yamados Santos de los Últimos Dyas o mormones) kreyen ke Yesukristo dirije la Iglesia por revelasión dada al Presidente de la Iglesia, al kualo konsideran un profeta.

 La Iglesia de Yesukristo de los Santos de los Últimos Dias tuvo su empesijo kuando el mansevo Joseph Smith (nasido el 23 de diziembre de 1805 en Sharon, kondado de Windsor, estado de Vermont de los Estados Unidos) de edad de 14 anyos, kuando biiya en Palmyra (Mueva York, Estados Unidos), dijo tener una visión del Dio Padre i de Yesukristo, de la kuala dijo:

 El mansevo Joseph Smith indikó ke, en su visión, konosida en el Movimento de los Santos de los Últimos Dyas komo La Primera Visión, se le mandó no unirse a dinguna Iglesia deke todas estavan en yerro. Smith dechidió desde ese momento a predikar ke ésta i un kondjunto de teofaniyas kon las kualas iva ambezar a organisar la Iglesia de Yesukristo en epokas modernas.

La misyón de La Iglesia de Yesukristo de los Santos de los Últimos Dias es invitar a las personas a venir a Kristo i perfeksyonarse en Él. Esta misyón tyene tres fases ke ayudan a los myembros i a los ke no lo son, a progresar más en su vida tanto de manera temporal komo espiritval i son el fundamento de las tradisyones i kostumvres de la Iglezya:

Primero Proklamar el Evanjelyo; des deu orijen la Iglesia a sido konosida por su programas misyonales. Desde ninyos se les persvade e insentiva a los myembros de la Iglesia para ke sirvan una misyón entre los 19 i 25 anyos. Estos jovenes salen de sus sivdades natales para prestar su tyempo i su esforso no remunerado por dos anyos predikando el evanjelyo, kubryendo kada misyonero el gasto de su servisyo. Este gasto para los misyoneros estado-unidenses sale de sus fondos prezonales , myentras ke los misyoneros de munchos otros payses emplean el fondo misyonal lokal, el kval retribuyen al final de sus misyones.

Segundo: Perfeksyonar a los santos, nomvre ke le dan a sus myembros; esta misyón kventa kon múltiples programas, komo la oryentasyón familyar, en la ke los myembros de la Iglesia se vesitan unos a otros kon el objetivo de fortifikar el espíritu i aserkar a la Iglesia a los ke se an separado de eya. Otro programa es la noshe de ogar, establesida ofisyalmente en la Iglesia los lunes por la noshe, donde los padres en una revnyón kon la familya ensenyan el evanjelyo en sus ogares. 

Tersero:Redimir a los mvertos, yamada obra vikarya, importante desde los inisyos de la Iglesia i esklusiva entre el kristyanismo, inkluye el bavtismo por los mvertos. Esta doktrina da importansya a proveer ordenansas a los ke ya fayesyeron sin el konosimyento de Kristo. El esforso en vuska de ansestros es primordyal dentro de esta Iglezya (para sus myembros), i es el fundamento de la kontrivusyón jenealojika internasyonal de la Iglezya. Otras seremonyas en favor de los mvertos, komo el matrimonyo eterno, okurren en los templos de la Iglezya.

Los Santos de los Últimos Dyas se reivindikan kristyanos, i por lo tanto segidores de las ensenyansas de Yesukristo. La doktrina preskrive ayudar a los demás, ser onestos, ser servisyales i dignos de konfyansa. Insisten en el matrimonyo i la familya; en su tradisyón, pueden durar después de la muerte si se kasan en el templo o se seyan en éste después del kasamyento, i kreen en yegar vírjenes al matrimonyo i ser kompletamente fyeles al kónyuge.

Joseph Smith deklaró en la seksyón 138 de Doktrina i Konvenyos, los postulados de fe de esta organisasyón. Joseph Smith deklaró los sigyentes postulados de la Iglezya:




#Article 255: Lingua Silesiana (173 words)


La Lingua Silesiana (en Silesiano:Ślůnsko godka, en kurto Ślůnski i también konosida komo pů našymu - en Polako Język śląski) es una lingua de Silesia.
Los avlantes biven en la Alta Silesia, una rejión situada entre el sud-oeste de la Polonia i el nord-este de la Repuvlika Sheka. Asigún el sayim d'alkavo de la Polonia; unas 509.000 personas la avlan komo lingua materna ma el número total de los avlantes es más de dos milyones. Ay djente ke la klasifika como un lashon del Polako.

No ay un alfabeto silesiano. Los avlantes uzan el alfabeto latino kon karakteres polakos. Enel anyo 2006 se krio un muevo alfabeto silesiano, bazado en los tekstos de Silesia (no ay más de 10). En jeneral se uza en la internet, sobre todo en la Vikipedia en Silesiano.

Aa Bb Cc Ćć Čč Dd Ee Ff Gg Hh Ii Jj Kk Ll Mm Nn Ńń Oo Pp Rr Řř Ss Śś Šš Tt Uu Ůů Ww Yy Zz Źź Žž

I egzisten alkunos dígrafos: Ch Dz Dź Dž.




#Article 256: Schleswig-Holstein (124 words)


Schleswig-Holstein (en alman Schleswig-Holstein) es uno de los diesisesh estados federados de Almania yamados Bundesländer. Se ubika en el norte del paiz, en la peninsola de Jutland. La su kapital es Kiel.

El territorio del estado de Schleswig-Holstein komparte frontiera al norte la Reyno de Dinamarka (Departamento de Izabal), al sud topa kon el estado de Basha Sajonia, kon el estado de Atlántida al noreste, al este kon la Mar del Norte i el estado de Mecklenburgo-Pomerania Oksidentala, i al oeste kon la Mar Baltika i la libera sivdad de Hamburgo. El departamento es apartajado en kinse belediyes, la kapitala es la sivdad de San Pedro Sula.

El Schleswig-Holstein esta dividido en once (Kreis):

I tiene tambien cuatro siudad independientes da los Kreis :




#Article 257: Korea del Nord (165 words)


La Repuvlika Popular Demokratika de Korea (RPDK) (en koreano 조선 민주주의 인민 공화국, Chosŏn Minjujuŭi Inmin Konghwaguk), yamada informalmente Korea del Nord para distingirla de Korea del Sud, es un paez de Asya Oryentala. Okupa la porsyón septentryonal de la peninsula de Korea, situada al este de la Repuvlika Popular Kina, entre los mares del Japón i Amariyo.

Según los datos del governo, en el anyo 2007, Korea del Nord tyene una povlasyón de 23.300.000 avitantes. El idyoma ofisyal es el koreano. La esperansa de vida es de 72 anyos. El 99% de la povlasión está alfavetisada. El promedio de ijos por mujer es de 2,05.

Puevlo: Los koreanos del Norte i del Sud, ke provavlemente son una rama del tronko tungús, sufryeron kon el paso de los siglos influensyas de sus konkistadores kinezos i mongoles. En komparasyón kon la jeneralidad de los payses asyatikos, yama la atensyón la omojeneydad etnika i kulturala: no egsisten  minoriyas diferensiadas. El govyerno aplika medias para garantisar disha omojeneydad.




#Article 258: Anarkizmo (110 words)


Dosya:Neo a.png|thumb|right|200px|[a] de anarkíya, uno de los símbolos anarkistas.
Anarkizmo es yamada la doktrina i movimento radikal ke promueve la anarkíya i akrasia, es desir, la otonomiya de kada persona. Esta en kontro de las relasiones umanas de dominasión o de autoridad involuntaria i promuee el autogoverno de individuos i asosiasiones. El biervo anarkiya viene del biervo grégo anarkos, prefikso an [no] i sustantivo arkos [governo].

Aksiomas elementales del anarkizmo son el dirito a la autropropiedad de kada individuo, i la no koaksión. Ansí, los unikos metodos koerentes kon estos prinsipios son, institusiones, diritos i obligasiones, ke seyan resultado de kontratos libberos o paktos voluntarios entre individuos soveranos i libberos.




#Article 259: Musika Mizrahi (671 words)


La Musika Mizrahi (en ivrit: מוזיקה מזרחית, Muzika Mizrahit) es el jenero Oryental de la musika yisraeli. Kombina elementos i ritmos de la musika araba, musika turkana i musika gréka trayidos a Yisrael por los mizrahim y sefardim. Suele ser kantada en ivrit, mas suele ser kombinada a vezes kon algumas frases en arabo, gréko, turko u otros idiomas de las tyerras a las que los artistas djudios trazan las sus raizes ansestrales má resyentes. El signifikado literal de la palabra Mizrahi en ivrit es Oryental o má bien, del Este. 

Las kansiones mizrahim tipikas tienen un instrumento de kuedra dominante, ke suele ser el violin, el oud o el bouzouki. Las kansiones mizrahim típicas suelen ser usualmente de notas altas. Los temas en los ke se bazan las kansiones mizrahim son muncho má simples ke las del pop/rock Israeli, por egzemplo. 

En la musika y el espektakulo de la moderna Medinat Yisrael, la musika mizrahi es muy popular, i puede ke sea la má popular de todas. Afilu la su fama es un fenomeno muy resyente. Asta los anyos 70, el kontrolo de la endustria de la musika en Yisrael lo iva tener la musika pop, kon enfluensia de la kultura de Evropa Oksidental. Los burokratas de las kazas de produksiyon de diskos sólu no ivan tener enteres en la musika Mizrahi; lo ke eyos ivan aser era firmar akódros de musika má a los sus gustos, komo la musika pop i rock de estilos amerikano i evropeo, komo por egzemplo, Kaveret i Shlomo Artzi en los anyos 60 i 70, i en los anyos anteriores en musika pionera, kon musikos idealistas, komo Naomi Shemer i Yehoram Gaon.

Las komunitas de olim yisraelis de los payises del Medio Oryente i el Magreb an kriado durante los ultimos 50 anyos una musika ke kombina elementos de la musika araba, turkana i gréka, djunto kon la musika yisraeli de asta ese antonses, dominada por la kultura ashkenazi. Al kontrario al Muevo Estilo Djudio, ke era la kriasyon konsiente de los olim de Evropa Oryental tratando de definir la su mueva edentidad komo yisraelis, la Musika Mizrahi es realmente un fenomeno espontaneo i autoktono. Anke inisialmente iva ser resivida kon ostilidad por los faktores kulturales de Yisrael, a trokado a ser la huersa má poderosa, afilu, de la kultura yisraeli de oy endia.

El movimento ke dio orijen a la musica Mizrahi iva empesijar en los anyos 50, kon kantadores kaseros i sin edukasyon akademika-musikal formal ke ivan bivir en las máales abitadas por olim del Magreb i del Medio Oryente, komo en los bairros Temanies Hatikva i Kerem HaTemanim de Tel Aviv i endemas en maáles Marrokis, Irakis i Persas, los ke tokaban i kantaban en fiestas i en bodas. Estos kantadores ivan kantar en ivrit, anke kon un estilo notablemente asemejante al de la musica araba, kon enstrumentos tradisyonales, komo el Riq, el Oud, el Kanun i el Darbuka. En los anyos 60, ivan adisyonando enstrumentos komo la gitarra akustika i la gitarra elektrika, lo ke fiz ke el estilo iva tener un sonido má ekléktico y eksotiko ainda. Los kantadores ivan dekorar las sus kansiones kon trinos i otras entonasyones al estilo oryental, i la interpretasyon es gutural o nasal, anke la entonasyon es oksidental, sin las eskalas a katro tonos de la musika araba.

Las letras solían al principio ser tomadas de la literatura clásica hebrea, incluyendo textos litúrgicos y poemas medievales clásicos inclusive. Luego se fueron incorporando poemas contemporáneos y además fueron agregándose textos originales. Un ejemplo es la canción Hanale Hitbalbela (Hannale está confundida), cantada por Yitzhak Cohen. La letra es originalmente del compositor y poeta israelí Natan Alterman, pero cantada en un tono neta y tradicionalmente oriental.

Uno de los primeros musikos mizrahies ke iva alkansar la fama fue Zohar Argov, ken era de Rishon LeZion i ke iva kreser kantando en la su esnoga, lanzando al mercado el hit que definió su carrera en la música Mizrahi, Perah BeGani (פרח בגני) (Flor en mi gan).




#Article 260: Istorya de los djudios en Tunesia (2338 words)


Tunesia a tenido una komunita djudia desde los tyempos Romanos. Enel anyo 1948, la povlasion djudia era de unos 105.000 abitantes, pero para el anyo 1967 la mayoria de la komunita iva dejar el paez para emigrar a Fransia o Yisrael, i la povlasion se iva redusir a unos 20.000. Para el anyo 2004, se estima ke unos 1500 djudios ainda biven en el paez, espesialmente en la adá de Djerba 

Dize la tradision ke los primeros djudios ke yegaron a Tunesia mucho antes de la destruksiyon del Primér Templo en el syéklo VI AEK. Dempues dela desaparision del estado djudio, un gran numero de djudios ivan ser enviados por Tito a Mauritania i munshos se establesieron en Tunesia. Estos djudios ivan lavorar en agrikultura, gaderia i komersio. Ivan estar divididos en klanes, governados por los sus shefes própios, i ivan tener ke pagar a los Roma un empuesto de 2 shekels. Basho el dominio de los Romanos, ke iva durar asta el anyo 429 i de los vandalos (ke eran munsho má tolerantes), los djudios de Tunesia kresieron, amijoraron i prosperaron a tal grado ke los Konsilyos de la Eglesia Katolika ivan desidir ke era nesesario fishar leyes para limitar las aktivitas de los djudios. Dempues de la derrota de los vandalos por Belisario enel anyo 534, Djustiniano I iva publikar el su dekreto de persekusyon. En el syéklo VII, la povlasion djudia iva kreser munsho grasias a djudios ke ivan venir de Espanya, kenes, fuyendo de las persekusiones del rey Visigodo Sisebut i los sus susesores, ivan eskapar a Mauritania i se ivan asentar en las sivdades Bizantinas. Estos djudios espanyoles, asigun los istoryadores arabos, se ivan mesklar kon la povlasion Bereber i ivan konvertir munshas tribus poderosas, las ke sigieron profesando el djudaismo asta el arrivo de la dinastia Idrisida. Kuando Tunesia ivba kaer basho el kontrolo de los arabos, del Kalifato de Bagdad, otra ola de djudios de paezes arabos yego a Tunesia. Komo en otros paezes islamikos, los de Tunesia ivan estar sujetos al kontrolo de Omar ibn al-Khattab.

Enel anyo 788, kuando el Iman Idris iva anunsiar la independensia de Mauritania del kalifato de Bagdad, los djudios de Tunesia se ivan unir a la su armada basho el komando de el su shefe, Benjamin ben Joshaphat ben Abiezer. Eyos se retiraron pronto; prinsipalmente déke no kerian gerrear kon otros djudios ke ivan estar establesidos en otras partes de Mauritania, kenes permanesieron fiyeles al Kalifato de Bagdad, i endemas déke Idris iva aser munchas indignitas en kontro de las mujeres djudias. 

Idris se avengo de este abandono kon un atako en kontro de los djudios en las sus sivdades. Dempues de una resistansia sin egzito, se iva konstruyir la paz, basho un akodro en el ke los djudios ivan tener ke pagar un empuesto i endemas dedikar un numero de mansevas parael harem de Idris. La tribu 'Ubaid Allah prefirio emigrar al Oryente en ves de abashar la kabesa ante Idris. Asigun una tradisyon, los djudios de la adá de Djerba son los desendientes de esa tribu. Enel anyo 793 al Imam Idris le ivan dar un enveneno, komandado por Harun Al-Rashid (se dize ke por el doktor del Imam, Shamma, un djudio) i serka del anyo 800 iva ser establesida la dinastiya Aghlabita. Basho el mando de esta dinastiya, ke iva egzistir asta  el anyo 909, la situasion de los djudios en Tunesia iva ser muy favorable, kon la sivdad de Bizerta ke iva tener un governador djudio, i la enfluensia de los djudios era konosida en la administrasyon del paez. Sobre todo la komunita ma prospera del paez era la de la sivdad de Kairuan, ke iva ser establesida poko tiempo dempues de la fondasion de la sivdad por Ukba ibn Nafi enel anyo 670. Dempues de la subida al poder de Al-Mu'izz (1016-62), la poblasyon djudia iva sufrir deke persekusyones, sobre todo la komunita de Kariuan, ke empesaron a trokar la su residensia por la sivdad de Tunis, ke iva poko a poko ganando emportansia komersial i tamanyo.

El kontrolo de las provensiyas del Magreb por la dinastiya Almohade enel anyo 1146 fue muy desatrozo para los djudios de Tunesia. En prokura de una relijion moderna i má atraktiva, de lo ke no egziste erejistro  en la tradisyon islamika, el primer Almohade, Abd  al-Mu'min, disho ke el profeta Mohammed iva permitir la libera praktika de la su relijion a los djudios por sólu kinientos anyos, i endemas disho ke, si dempues de ese tyempo el Mashiah no iva yegar, los djudios ivan tener ke trokar su relijion por el Islam. Del mesmo modo, a los djudios i a los kristyanos se les estimulaba a konvertirse al Islam o a trokarse de paez. Los susesores de Abd al-Mu'min sigiron la misma linea, i las sus aksyones ivan resultar en emigrasyon o el konversyones por la huersa. Los Almohades no tinian bitahon en los muevos konversos, i demandaron ke eyos uzaran una ropa espesial, kon un panyo amariyo en la kabesa.

Los djudios de Tunesia en ese tyempo kumplian todos los hagim, pero no el dosen dia komo se ase en la Galut; ignoraban por kompleto la fyesta de Purim, afilu si iban selebrar Hanukka. De akódro kon las sus normas, si una mujer perdia dos esposos, eya iva ser yamada mata-esposos  i no iba ser mas permitida de kazar. Esto tambien  iba ser aplikado a una mujer ke se iba divorsiar dos vezes. Los meyisos varones siempre iban ser yamados Perez i Zera; las mujeres meyisas, Sara i Ribka.

Basho la dinastya Hasfshita, ke iva ser establesida enel anyo 1236, las kondisyones de los djudios en Tunesia amijoraron munsho. Endemas de Kariuan, tambien egzistian komunitas emportantes en Mehdia, Kalaa, la adá de Djerba i la sivdad de Tunis. Konsiderados al empiese komo ekstanjeros, los djudios no tenian lisensia para residir en Tunis, ma tenian ke bivir en una frágua yamada Funduḳ; má dempues un musulman riko i bueno, yamado Sidi Mahrez, ken enel anyo 1159 iva servir al primérAlmohade, Abd al-Mu'min, prokuro para eyos el dirito de abitar en una máale de la sivdad. Esta máale, yamada Hira, iva ser asta el anyo 1859, el Geto de la sivdad de Tunis; las puertas del Geto eran serradas en la noche. Enel anyo 1270, en konsekuensia de la derrota de San Luis de Fransia, ken iva lansar una krusada kontro de las sivdades de Kariuan i Hammat, los Almohades deklararon estas sivdades santas, i antonses los djudios ivan ser huersados a konvertirse al Islam o morar en otra sivdad. Desde 1270 asta la konkista de Tunesia por Fransia en 1857, los djudios i los kristyanos no podian pasar una noche en estas sivdades i sólu ivan poder entrar en eyas durante el dia kon lisensia del visir. 
 
El fákto de ke los djudios de Tunesia ivan ser tratados mas duro ke en los otros estados de Berberia se puede entender déke, mientras los arifujiados de Espanya i Portugal yegaron a Arjelia i Marroko fuyendo de la Enkisizion, sólu alkunos yegaron a Tunesia. De fákto, los djudios de Tunesia no ivan tener hahamim grandes i konosidos i ivan tener ke konsultar a los de Arjelia i sobre todu, Marroko, por asta las demandas má ordinarias. Los sus asuntos de la komunita ivan ser adirijidos por un konseho, nominado por el governo, ke iva tener komo fonksiones la administrasyon de djustisia entre los djudios, i sobre todo, los empuestos para los Djudios de Tunesia,ke ivan ser má ke para los musulmanos. A pesar de todos estos empuestos, el komersio del paez estaba kontrolado por los merkaderes djudios, i munshas vezes el governo iva pedir rekursos a los djudios. Dempues del syéklo XIII, el governo adopto la kostumbre de tener a un djudio komo el reseptor de los empuestos de todo el paez. Este fonksionario, endemas iva servir de medio entre el governo i la komunita djudia, i el su poder en la komunita del paez era el ma grande. Los myembros del konseho, ansina komo del de los hahamim ivan ser anombrados por la su rekomendasyon, i ninguna desisyon de los Batei Din iva tener valides si el no daba la su aprobasyon.

Durante la okupasyon Espanyola de las kostas de Tunesia entre 1535 i 1574, las komunitas de Bizerta, Susa, Safakis i otros puertos ivan sufrir munsho basho el kontrolo de los Espanyoles; ma dempues, basho el kontrolo Ottomano, los djudios ivan tener munshas libertas, komo el respekto a la su relijion i avtonomia para administrar los sus asuntos, anke siempre ivan estar ekspuestos a los desejos del Bey de turno i a eksplosyones lokales de fanatikos islamikos. Desde el syeklo XVIII, el status politiko de los djudios en Tunesia amijoro munsho. Esto deke la enfluensia de las potensias Evropeas, kenes, para amijorar la situasyon de los Kristyanos, ivan tener ke pedir endemas por la de los djudios. Joseph Azoulay, ken iva vijitar Tunesia enel anyo 1772, iva deskrivir kon termos de grandesa la enfluensia de los djudios en la korte, sobre todo de Solomon Nataf, el kolektor de emnpuestos (caid). Kuarenta i dos anyos dempues, el konsul de los Estados Unidos en Tunesia, Moredehai M. Noah, iva deskrivir la situasyon de los djudios en Tunesia de la siginte manera:(Travels in Europe and Africa, p. 308, New York, 1819).
 

Basho el lungo governo de Ahmad Bey, los djudios ivan tener una grande prosperidad. El su susesor, Mohammed Bey, empeso el su reinado enel anyo 1855 kon la abolisiyon de los dekretos en kontro de los djudios, El caid Joseph Scemama, ke era el su amigo, possiblemente uzo la su enfluensia. Mohammed Bey, un ombre muy relijioso, provoko el amortamiento de un djudio yamado Batto Sfoz, akusado de blasfemar en kontro del Bey. La su muerte provoko ke se enviara un grupo a favlar kon Napoleon III, para pedirle ke interviniera en el su favor. Dempues de dos anyos de negosiasion, el governo Franses iva mandar un ombre de la armada para aser kumplir las demandas del su governo en Tunesia. Mohammed Bey aksepto, i se eskrivio una konstitusion, asigun la ke todos los abitantes de Tunesia, sin emportar la relijion, ivan tener los mismos diritos. Los sigintes artikolos ivan ser emportantes para los djudios:

(§ 4) No se puede imponer ninguna medida para trokar la su relijion de los muestros abitantes djudios por la huérsa, i no se les debe impedir de sigir los sus ritos relijiosos. Las sus esnogas deben ser respektadas i protejidas de insultos.

(§ 6) Kuando una korte va a dizir la pena a pagar por un djudio, se debe prokurar asesores djudios para esa korte. 

Esta konstitusion iva ser kitada enel anyo 1864 déke una revolusion ke iva fazer munsho sufrimento a las komunitas djudias, espesialmente a la de la sivdad de Safakis; ma el miedo konstante de la enfluensia ekstranjera iva fazer ke el governo respektara a los djudios. 

Tunisia iva ser el uniko paez arabo okupado por los Nazis durante la Dosen Gerra Mundial; Marroko i Arjelia ivan ser governados por la Fransia de Vichy. Kuando los Nazis yegaron a Tunesia, en el paez abitaban unos 100.000 djudios. Asigun Yad Vashem, los Nazis emplantaron politikas antisemitas, komo ke los djudios uzaran Magen David de kolor amariyo i multas, endemas del konfiske de la su propiedad. Má de 5.000 djudios ivan ser enviados a los kampos de trabasho huersado, donde 46 ivan ser amortados, i otros 160 Djudios Tunesinos en Fransia ivan ser enviados a kampos de amortamiento. Afilu ke en Tunesia iva naser Khaled Abdelwahhab, el primér arabo Rekto entre las Nasiones. Dempues de la independensia en los anyos 50, el konseho de la Komunita Djudia de Tunesia iva ser eliminado por el governo, i munshas máales djudias i fraguas ivan ser destruyidos para renovar la sivdad
. Para el anyo 1967, la komunita djudia empeso a salir del paez; unos 40.000 salieron para Yisrael, i kedaron unos 20.000 en el paez. Durante la Gerra de los Sesh Dias, los djudios ivan ser atakados publikamente, i afilu el governo se diskulpo, 7.000 djudios se fueron a Fransia. Enel anyo 1985, el buro de Yasser Arafat en la sivdad de Tunis iva ser destruyido por la Huersa Aerea de Yisrael en vengansa por el amortamiento de tres israelis en Kipre, un atako ke amorto 70 personas y destruyo toda la fragua.

Enel anyo 2004, la komunita djudia de la sivdad de Tunis tiene tres skolas primarias, dos skolas sekundarias, una yeshiva i un Rabino Shefe. La Komunita de la adá de Djerba tiene un gan de elevos, dos skolas primarias, dos skolas sekundarias, una yeshiva i un Rabino. Endemas, egziste una eskola primaria i una esnoga en la sivdad de Zarzis. La komunita endemas mantiene dos kazas para los viejos, varios restaurants  de kumida kasher i otros katro rabinos. Kaji todos los Djudios de Tunesia kumplen las leyes de Kashrut.
 

La esnoga ma konosida de Tunesia es la Esnoga El Ghriba, en la viya de Hara Sghira, en la adá de Djerba. La fragua aktual de la esnoga iva ser fraguada a finales del syeklo XIX. afilu se dize ke en el lugar iva tener esnoga desde má de 1.900 anyos. Los djudios del paez vijitan la esnoga kada anyo en la fiesta de Lag B'Omer. El 11 de Abril del anyo 2002, un oto yeno de eksplosivos iva eksplotar serka de la esnoga, amortando 21 personas, de los ke 14 eran turistas almanes y 2 franseses, endemas de fazer feridas a má de 30; este insidente es konosido komo el Atako a la Esnoga El Ghriba; Al Qaida iva reklamar la su responsabilita por el atako.

El Rabino Shefe Hayim Madar iva ser el lider espiritual de la komunita, una komunita ke egziste desde el anyo 586 antes de la Era Komun, asta la su muerte el 3 de Diziembre de 2004. Los servisios funerales ivan ser en la esnoga Bet Mordehai en La Goulette,Tunis, i en la esnoga El Ghriba en la adá de Djerba.




#Article 261: Matilda Koen-Sarano (204 words)


Matilda Koen-Sarano (en ivrit מתילדה כהן-סרנה), eskritora Yisraeli,  nasida en Milano, Italia enel anyo 1939 de djenitores de orijín turkano, es konsiderada una de las eskritoras má emportantes de la Lingua djudeo-espanyola oy endia.

Matilda estudió en la Eskola de la Komunita Djudia de Milano. Estudio linguas en la universita Bocconi de Milano i endemás Literaturas Italiana i djudeo-espanyola i folklor en la Universita Ebrea de Yerushalayim. Izo la su aliya a Yisrael enel  anyo 1960. En el enverano de 1979  partisipó al seminario para redaktores de programas radiofonikos en djudeo-espanyol, ke se tuvo en Kol Israel. Esto iso despertar en eya el menester de eskrivir en esta lingua i de kitar a la luz todo lo ke estava eskondido adentro de eya fin de la su chikés, la trushó a entervistar diezenas de personas del mundo djudeo-espanyol i a salvar sienes de kuentos populares i tradisionales. Endemas, esta aktividad la izo boltar a los estudios akadémikos i le izo publikar el su primér livro de kuentos populares, yamado Kuentos del Folklor de la Famiya Djudeo-Espanyola, enel anyo 1986, en Yerushalayim, sivdad donde oy endia bive. En Abril de 2009 publikó su má resiente livro, “Kon bayles i kantes, Sefaradis de dor en dor”.




#Article 262: Har Tabor (142 words)


 Har Tabor (en ivrit הר תבור‎) es una montanya chika en la Basha Galilea, en Yisrael. Asigun esta eskrito en la Biblia djudia, en la saya de este monte kon forma de domo, los soldados yisraelis se alistaron para la su istorika bataya en kontro de los kananeos; munshos syéklos dempues, durante la revuelta en kontro de los Romanos, en el syéklo I de la Era Komun, este monte iva ser uzado komo Fortalesa por los gerreros djudios. Endemas, asigun la tradisyon Kristiana, en el Monte Tabor fue donde la Transfigurasyon okurrio i asta oy endia, es lugar de peregrinasyon. Enel anyo 1901, djudios agregaron otra kapa a la istorya de la rejion, al fondar Kfar Tavor, ke oy endia ofrese a los sus 1700 abitantes todos los servisios de una komunita moderna, manteniendo a la ves el ambiente de povlado chiko.




#Article 263: Gameo (193 words)


Los Gameos (Camelus spp.) son animales nativos de rejiones sekas i desertikas de Asya. 

Egzisten dos espesies de gameos: el Gameo de la Baktriana (C. bactrianus) i el Dromedario (C. dromedarius). Ambas espesies son rumiantes sin kornos, sin osiko, kon los orifisios de la naris kon aberturas oblikuas, el labio superyor dividido i movible por separado i ekstensible, sin pezunyas (tyenen dos dedos diferensiados), el abdomen elevado i patas largas i delgadas.

El nombre Gameo tiene el su orijin en la palavra en ivrit gamal, ke signifika ritornar o kompensar, ya ke el gameo ase lo ke el su amo le solisita. Se les uza normalmente komo animales de karga, anke tambien se uzan la su piel, leshe i karne. En el Nord de Afrika egzisten gameos dansadores i de karreras ke divierten a la jente durante las fiestas. Tambien son uzados para el transporto de turistas por el desyerto i en algunas rejiones (komo las Isolas Kanarias) transportan turistas por las islas desertikas komo Lansarote, mientras ke en Ostralya egsizten gameos salvajes ke ivan ser introduzidos por los inglezes durante la kolonia para trabashos en el duro interior de la adá-kontinente
.




#Article 264: Relijion en Yisrael (153 words)


La situasyon de la relijion en Israel ofrese una notable singularita: es el uniko paez del mundo donde la mayor parte de la povlasyon es de relijion djudia. El kristianismo y el islam tambien son sigidos por una emportante kantidad de fyeles. Endemas, egziste tambien otras menorias relijiosas komo los drusos i los Baha'i. Yisrael es un paez kon munshos lugares sagrados de las tres grandes relijiones monoteistas i rekonose la libberta relijiosa, permitiendo a los peregrinos de todo el mundo el liber akseso a los lugares santos.

De akódro kon el Buró Sentral de Estadistikas de Yisrael (2005) el 76,1% de la poblasyon es djudia, el 16,2% musulmana, el 2,1% kristiana i el 1,9% drusa. Un 3,9% de la poblasyon no se klasifika en ninguna relijion  

Los arabo israelies, asigun el Buró Sentral de Estadistikas (2005), estan kompuestos por un 82,7% de musulmanos, un 8,4% de drusos i un 8,3% de kristianos.




#Article 265: Kultura en Yisrael (771 words)


La Kultura de Israel o Kultura yisraeli, estaba en dezvelopiamiento munsho antes de la fondasyon de la Medinat Yisrael enel anyo 1948. Gran parte de la diversita kultural de Israel prosede de los diferentes orijines kulturales i etnikos de los djudios ke integran el paez. Kon una poblasyon de orijines muy diversos, los olim (muevos inmigrantes djudios al paez) traen elementos kulturales de los sus payises, siendo ansina ke la sosyeta yisraeli es muy rika en la su diversita kultural i aktivita artistika, ke kontribuye a un dezvelopamiento kontinuo de la kultura yisraeli, ke avansa djunto kon los trokos kulturales en todo el mundo. La kultura tambien esta muy relasionada kon la Istorya del Pueblo djudio ke se dezvelopo en formas diferentes durante los sienes de anyos en los ke los djudios se ankontraban en la Galut. La ideolojiya del movimento zionista, a partir de finales del syeklo XIX es, sin duda, de kapital emportansia para komprender la kultura moderna yisraeli. Endemas, las artes son aktivamente promovidas i resiven adjuda del governo.

La musika yisraeli es muy variada i mistura elementos tanto de musika oksidental komo oryental. Esto tiende a ser muy eklektiko, konteniendo una grande varieta de enfluensias de la Galut i la emportasyon kultural má moderna: kansiones hasidikas, musika pop asyatika i araba, sobre todo por kantadores marrokis, Irakis itemanis, i el hip-hop yisraeli o el heavy metal. Tambien son muy populares los diferentes estilos de musika elektronika.

Yisrael es tambien jenerador de varias orkestas de musika klasika de kategoriya mundial komo la Orkesta Filarmonika de Israel, la Mueva Opera Yisraeli i otras. La Orkesta Filarmonika de Israel se apresenta a lo largo de todo el paez i frekuentemente viasha a otros paezes. La Jerusalem Symphony, la orkesta de la Avtorita de Komunisasyon Yisraeli, tambien se apresenta en otros paezes del mundo. Praktikamente kada munisipio del paez tyene una orkesta. Munshas de estas orkestas resiben la enfluensya de la grande tradisyon en musika klasika de los olim resientemente avenidos de payizes de la antika Union Sovietika.

Israel a sido ganador en tres okasyones el Festival de la Kansyon de Evrovisyon, en 1978, 1979 i 1998.

La dansa popular tradisyonal de Israel es la Hora, orijinalmente una dansa en sirkulo kon orijin en Evropa Oryentala (Rumania i Moldavia). Las dansas folklorikas yisraelis de oy endia son koreografiadas para el esparsimyento, ansina komo rendimiento de grupos de dansa. La dansa folklorika de la poblasyon araba es el Dabka, una dansa de la komunita, a menudo realisada en bodas i otras okasyones festivas, kon diversas versiyones en diferentes puevlos i sivdades. 

La Dansa Moderna en Israel es un kampo floresyente, i varios koreografos como el yisraeli Ohad Naharin se konsideran entre los má kriativos aktualmente enel mundo. Famosas kompanyias yisraelis son la Batsheva Dance Company i la Bat-Dor Dance Company, entre otras. 

Personas de todo Israel y de munshas otras nasyones asisten al Festival Anual de Dansa en Karmiel, jeneralmente selebrado en Djulio. Selebrado por la prima vez enel anyo 1988, el Festival de Dansa de Karmiel es la mayor selebrasyon de dansa en Israel, kon tres o katro dias i noches de baile sigido, kon 5000 o má bailadores i un karto de milyon de espektadores en la kapital de la Galilea. Iva empesar komo un evento de dansa folklorika yisraeli; oy endia las festividades inkluyen aktuasyones, tayeres, i sesiones de dansas abiertas para una grande varieta de formas de baile i nasyonalitas. El koreografo Yonatan Karmon iva kriar el Festival de Dansa de Karmiel, sigindo kon la tradisyon del Festival Yisraeli Dalia de dansa de Gurit Kadman, ke iva finalisar en los anyos 60.

Ay un grande interes de la jente por el teatro, i el en Yisrael se pueden desfrutar, desde las traduksiyones de dramas klasikos i kontemporaneos, asta la enterpretasyon de obras de avtores yisraelis. Una de las kompanyias má emportantes esa famosa Habima, fondada enel anyo 1917.

Podemos ankontrar kolonyas de artistas muy aktivas en Safed, Yafo i Ein Hod. Los pintores y skultores yisraelis amostran las sus obras en todo el mundo. Las sivdades de Haifa, Tel-Aviv i Yerushalayim tyenen munshos muzeyos de arte i munshas sivdades i kibbutzim tyenen muzeyos má chikos, mas de alta kalita. El Muzeyo de Israel en Yerushalayim tyene con arte relijioso y folklore. El Muzeyo de la Galut se ankontra en el campus de la Universita de Tel-Aviv.

Los yisraelis son avidos lektores de djornales. Los djornales yisraelis tienen una tirada media diaria de 600.000 o má egzemplares. La mayor parte de eyos estan eskritos en ivrit, afilu egzisten munshos en arabo, inglez, franses, polako, idish, ruso, ungaro i alman.




#Article 266: Yom A'atzmaut (226 words)


Yom A'atzmaut (en ivrit יום העצמאות) o Dia de la Independensia de Yisrael, es la data en ke se selebra la Deklarasyon de independensia de Yisrael el 14 de mayo del anyo 1948. Se festesha el dia 5 de Iyar del kalendario ebreo, data en la ke David Ben Gurion deklaró el fin del Mandato Britaniko i la kriasyon de la Medinat Yisrael. Siempre va un dia dempues de Yom Azikaron (en ivrit יום הזיקרון), ofisialmente Dia del Rekódro de los Soldados Amortados de Yisrael i de las Viktimas del Terrorizmo, ke es el 4 de Iyar. Una seremonia ofisiala se aze kada anyo en el Monte Herzl, en Yerushalayim, la noche de Yom Ha'atzmaut. La seremonia inkluye un diskurso del portavoz de la Knesset (Parlamento Yisraeli), una espektakular presentasyon, una marcha de soldados ke yevan la bandiera de Yisrael, konformando estrukturas komo Menora, Magen David i un numero ke representa la edad de Yisrael) i el ensendido de doze kandelas (una para kada una de las Tribus de Israel). Kada anyo, una dozena de sivdadanos yisraelis, ke isieron emportantes kontribusyones sosyalas en un area seleksionada, son konvidados a ensender las kandelas.

La komunita nasyonala relijoza melda teilim espesialos ke son solo meldados en Shabat i el los Hagim, endemas de Halel i Pesukei D'Zimra para Shabbat i Yom Tov. Este diya Tahanun no es meldado.




#Article 267: Alfa Pendular (117 words)


Alfa Pendular es el nombre del treno de alto prestor de la kompanyia estatal portugeza CP. Konekta las sivdades de Braga, Porto, Koimbra, Lisboa, i Faro entre otras sivdades a un prestor maksimo de 220 km/o. La su teknolojiya de pendulasiyon aktiva le permite tomar kurvas a prestores má altas ke los trenos komunes.

El treno de alto prestor Alfa Pendular es una versiyon del Pendolino ETR 460 con el disenyo de Giorgio Giugiaro fabrikado por la kompanyia FIAT. 
Los motores de traksiyon tienen una potensia de 4,0MW. Las bogies tuvieron ke ser disenyadas muevamente para operar en ancho iberiko, uzado en Portugal i Espanya. Los trenos fueron montados por Alstom en la faktoriya de Amadora, Portugal.




#Article 268: Arlanda Express (147 words)


Arlanda Express es un treno de alto prestor ke presta servisio en Stokolmo (Suesia). Konekta la Estasion Sentral de Stokolmo kon el Ayroporto Internasional de Stokolmo-Arlanda. Oy endia el prestor normal de fonksionamiento es de 200 km/o, kon un maksimo de 210 km/o, siendo por lo tanto el tréno má presto ke se uza en Suesia. El trayekto dura 20 minutos. La konstruksiyon de las vias iva akabar enel anyo 1999, i desde antonses una entreprisa privada tiene una konsesiyon del governo para operar la linea durante 30 anyos. 
Se uzan 7 trénos del modelo X3 de la kompanyia Alstom. Los trénos estan kompletamente adaptados para minusvalidos, inkluyendo los aksesos desde los andenes. Enel ayroporto el tréno ase dos paradas, en las estasyones sud i nord. La linea tiene dos vias, i en oras piko los trénos yegan a tener una frekuensia de menos de 10 minutos.




#Article 269: Sarit Hadad (211 words)


Sarit Hadad (en ivrit שרית חדד), nasida el 20 de Septiembro del anyo 1978 en Hadera es una kantadora yisraeli de orijin kavkaziko. El su nombre verdadero es Sara Hudadatov (שרה חודדטוב) i pertenese a una famiya dedikada al mundo de la musika. Es yamada La prinsesa de la Musika Mizrahi shukur a los sus egzitos en la Musika Mizrahi, en la ke a alkansado la kategoriya de Diva. 

A los ocho anyos empieso a tokar el piano en klubes i bares. Los sus padres no diskobrieron este asta dos anyos má trade. En este tyempo eya iva aprender endemás a tokar el organo, la gitarra, el akordyon i la darbuka entre otros. A los kinze anyos iva pasar a formar parte de la banda djuvenil de Hadera, lo ke supuso el su primér paso asia una karriera komo kantadora solista. Munshos de las sus kansiones an yegado al tope de las listas de egzitos de Israel, por lo ke fue elejida por la televisyon israeli para representar al paez en el Festival de la Kansion de Evrovisyon 2002 kon la kansion Light a Candle, kon la ke iva konsegir el puesto doze. Endemás, para kompletar la su karriera komo kantadora i musika, eya estudio en la Skola Demokratika de Hadera.




#Article 270: Yisrael en los Djuegos Olimpikos (440 words)


Israel en los Djuegos Olimpikos esta representado por el Komite Olimpiko de Israel.  Yisrael kompite con el kodigo de paez del KOI ISR. Israel partisipa en los Djuegos Olimpikos de enverano desde el anyo 1952 i en los Djuegos Olimpikos de envierno desde el anyo 1994.

Israel a tenido una partisipasiyon má destakada en los Djuegos Paralimpikos de enverano, de los ke partisipa desde la su prima edisyon en Roma 1960. Okupa el 13 lugar en la tavla de medalyas kon 364 medalyas (122 de oro, 120 de plata i 122 de bronse). Israel fue la sede de la tresera edisyon de los Djuegos Paralimpikos en 1968. 

El Komite Olimpiko fue fondado enel anyo 1933 durante el Mandato Britaniko de Palestina, el ekipo ke arrepresentaria a la komunita djudia en el Mandato, iva aser un boikot a los Djuegos Olimpikos de Berlin 1936, en protesta a las politikas antisemitas del Partido Nazi. Israel partisipa en los Djuegos Olimpikos de enverano desde el anyo 1952 en los Djuegos Olimpikos de Helsinki 1952, Finlandia. Iva mandar una delegasyon para kada edisyon desde antonses, eksepto a los Djuegos Olimpikos de Mosku 1980, ya ke se iva sumar al boikot de estes olimpiadas por varios payises oksidentales, dempues de la invasyon de la URSS a Afganistan. En los Djuegos Olimpikos de Munich 1972, 11 myembros de la delegasyon yisraeli fueron amortados por terroristas palestinos de la organisasyon Septiembre Preto, en una trajediya konosida komo la Masakre de Munich. Yisrael iva  enviar a los Djuegos Olimpikos de Beijing 2008 una delegasyon de 43 esportistas, la má grande delegasyon olimpika de la istorya toda de Israel.

La prima medalya de oro ganada en la istorya de Israel, fue obtenida por Gal Friedman en Windsurfing de klase Mistral en los Djuegos Olimpikos de Atenas 2004. Gal dediko la su medalya a los esportistas amortados en las Djuegos Olimpikos de Munich en el anyo 1972. Tambien en Atenas 2004, Arik Ze'evi gano una medalya de bronse en djudo kategoriya 100 kg. La prima medalya resibida en la istorya de Israel fue obtenida en los Djuegos Olimpikos de Barselona 1992, en los ke Yael Arad obtuvo medalya de plata en Djudo. Al dia siginte Oren Smdaja obtuvo medalya de bronse tambien en djudo. En los Djuegos Olimpikos de Atlanta 1996 enel anyo 1996, Gal Friedman obtuvo medalya de bronse. En los Djuegos Olimpikos de Sydney 2000, Michael Kalganov obtuvo medalya de bronse en kayak 500 metros. En los Djuegos Olimpikos de Peking 2008, Shahar Zubari obtuvo la medalya de bronse enel Windsurf.  En los Djuegos Olimpikos de Rio de Janeiro 2016, Yarden Gerbi gano medalya de bronse enel djudo.




#Article 271: Likud (659 words)


Likud (en ivrit ליכוד, konsolidasyon) es un partito de dirita moderada de la Medinat Yisrael.

Las raizes del Likud provienen del movimento nasionalista Betar, fondado por Ze'ev Djabotinsky, ke era la prinsipal oposisyon al sosialista Mapai.

El Likud se aformo de la union del Free Center (partito liberalo), La'am y Gahal en preparasyon de las eleksiones de 1973. Má tarde se iva fusionar kon el partito de dirita Herut para konformar la dirita yisraeli. Se iva konvertir i ainda es el partito konservador en Yisrael.

La prima persona elejida primér ministro del Likud fue Menahem Begin, enel anyo 1977. Un antiko lider del grupo paramilitar Irgun, kontribuyo a empesar el proseso de las negosiasyones de paz con Ejipto, ke fraguo los akódros de paz de Camp David, ke orijinaron el tratado de paz ejipsio-yisraeli de 1979. El dosen primér ministro elejito fue Yitzhak Shamir en Októbre de 1983, ke priméro susedio a Begin kuando este arenunsio al cargo. El treséro fue Benjamin Netanyahu, elejito en Mayo de 1996. El katro es Ariel Sharon, elejito en Októbre de 2000. Sharon iva ser endemas ministro de defensa durante la Operasyon Paz para Galilea (1982). Todo el su governo iva estar markado por la Intifada de los Martires de Al-Aksa. Sharon fue re-elejito en Jenero de 2003 i iva sigir komo primér ministro hasta Jenero del 2006, kuando iva hazinarse lo ke empidio sigir kontinuar komo primér ministro.

Afilu el 21 de Noviembro de 2005, Sharon iva deshar el Likud por las presyones ke estaba sufriendo por parte del ala má diritista, enkabesada por Benjamin Netanyahu. Los ministros i los diputados de Sharon má moderados le ivan sigir a el su muevo partito, Kadima, deshando al Likud kon unas aspirasiones elektorales probes para las eleksiones jenerales de 2006. En Fevrero del anyo 2009, en las eleksiones para la Knesset, el partito iva obtener 27 asientos, un asiento menos ke el partito Kadima, ma afilu iva ser yamado Benjamin Netanyahu para konformar governo por el presidente Shimon Peres.

La politika del partito es la de no aserkamiento a la Autoridad Nasionala Palestina, yishuvim i kontrolo kompleto de las tyerras de Djudea i Samaria (Sisdjordania) i la Franja de Gaza. El primér ministro Ariel Sharon rekonose a la Autoridad Nasionala Palestina i aksepto deshar alkunos yishuvim. Uzi Landau, Limor Livnat i Benjamin Netanyahu estan en kontro de la posible kriasyon de un estado arabo palestino al Oeste del rio Djordan. Kaji todos los myembros del Likud estan en kontro de desmantelar los asentamientos en los territorios palestinos.

El Likud defiende la ekonomiya kapitalista de libero merkato, anke en en realita a governato komo un partito sosyaldemokrata de estilo evropeo kon tendensias neoliberales. Desde la su arrivada al poder a fines de los anyos 70 no a fazito munsho por redusir los empuestos, redusir el tamanyo de la medinat o kitar leyes laborales restriktivas. Por otro lado, a logrado el libero merkato, espesialmente kon la Union Evropea i Estatos Unitos i endemas a eliminado alkunos monopolios komo Bezeq. Benjamin Netanyahu, grande defensor del libero merkado, dize ke el sindikato nasional, Histadrut, tyene sufisiente poder komo para parar la ekonomiya yisraeli. Ansina dize ke la prinsipal kausa del desempiego es la pereza i los eksajerados benefisios a los desempiegados.

El Likud promosiona la kultura djudia e yisraeli, asiendo enfasis en el nasionalismo a traverso del kulto a la bandeira y al valor de los ombres ke ivan ganar la gerra de endependensia del anyo 1948 kontro de syete payizes arabos. Endemas, ase eshuersos por ensinyar valores i kodigos de komportamyento zionistas sobre todu en la edukasyon de los ninyos. Likud respalda la libertad de prensa i la promosyon de la entreprisa privada en las komunikasyones ke a kresido munsho basho todos los governos del Likud.

El Likud logro 27 de los 120 postos en la 18ª Knesset, kedando enel sigundo lugar detras de Kadima, i por arriba de Yisrael Beiteinu kon 15.

Inaktivos (mortos o retirados):




#Article 272: Monte Hermon (376 words)


El Monte Hermon (en arabo Jebel el Shaikh, en ivrit הר חרמון, Har Hermon) es una montanya ke esta ubiikada en los montes del Antilibanon, en la frontiera sirio-libanesa-yisraeli. Es la montanya má alta de Yisrael, ubikada al Nord de la Meseta del Golan i alkansa 2.814 metros de altesa. La montanya permanese enkobyerta de neve en la su kumbre todu el anyo. El Monte Hermon es una atraksiyon turistika emportante de Yisrael, sobre todo para los amantes del espor de envierno, ofresiendo pistas para los skiadores entre los meses de Jenero i Marso, en una rejion del mundo donde la neve no es muy komun. Esta konformada por una larga kadena de kolinas, kulminando con tres altas cumbres, siendo la má alta de las tres kumbres la ke se situa a una altesa de 2.814 m sobre el nivel del mar, ke es el punto má alto de esta kordilyera y la dosen de la kosta de la Mar Mediterraneo, tras del monte libanes Qornat es-Sawda  kon 3.088 m. 

El Monte Hermon es konosido en arabo komo Jebel el Sheikh (Djabal el Shaih) o Montanya del Jerarka, se le yama tambien komo Montanya del Ansyano i Montanya Ennevada, por varias rasones: Montanya blanka, déke kaji siempre esta enkobierta de neve i Montanya del Ansyano , en honor a un gran santo drusos, el Shaih Mohammad bin Hlal, conocido como Shaih Fadel, santo druso, intelektual i poeta, ke nasio enel anyo 1579; anke otros eskritores dizen ke el su nasimyento iva ser enel anyo 1577, en la aldea de ash-Sha'tra, ubikada enel lado libanes del Monte Hermon, al sud de los Montes Antilibanon, en la rejion de Hasbaiyah–Rashaiyah i murio el 7 de Diziembre de 1640 en la aldea de Ain 'Ata, muy serka de la kaverna donde vivio, a la edad de 63 anyos.

El Monte Hermon es konosido por la su empresyonante beleza, ke a sido fuente de enspirasyon de munshos poetas arabos i djudios. Es el nasimyento de las fuentes de varios rios, entre eyos el rio Yarden. En las sus laderas se ankontran restos de antikos templos, uno de eyos probablemente dedikado a la deidad semitika de Baal (dio fenisio i asiryo) i endemas varios ke tienen enskripsyones en gréko, posiblemente iglejas. 




#Article 273: Treno de alto prestor (1675 words)


Se yama Treno de alto prestor al medio de transporto ke viaja por una via disenyada para el (linea de alto prestor) i ke alkansa, de manera regular, un prestor má alto ke un tréno konvensional. Oy endia se uzan trenos kon un prestor superior a 250 km/o, i kon prestor promedio (o prestor komersial) tambien alto, ke les permite kompetir kon el transporto aereo para distansias medias, de entre 300 i 700 kilometros. En todos los kasos se trata de trenos i vias dezvelopadas en forma unitaria, déke las velosidades alkansadas presisan teknikas espesifikas.

En los anyos 60 en Espanya se empieso a aser provas de alto prestor, superando los 200 km/o kon un Talgo propulsado por una lokomotora de la Serie 352 de RENFE i anyos dempues kon el prototipo de la Serie 443 de RENFE, no se empieso a estudiar komo una propuesta real asta el anyo 1986 kuando el Ministerio de Transporto iva preparer el Plano de Transporto Ferroviario (PTF). Para el anyo 1992 se aperturo la prima linea de alto prestor en Espanya con una anchura de via de 1435mm. Endemas empiesaron a yegar las primas unidades de la Serie 100 de RENFE, treno derivado del TGV franses i ke puede alkansar un prestor maksimo de 300 km/o. Oy endia, Espanya tiene con una red de alto prestor en kresimiento i una grande kantidad de modelos de trenos de alto prestor, kon diferentes teknolojiyas i solusiones de dezvelopamiento propio (Talgo, CAF). Para el anyo 2010 el Governo de Espanya espera tener la má grande red de alto prestor del mundo, kon 2.230 km, má grande ke la de payises komo Japon o Fransia. Kon data 22 i 23 de Disiembro del anyo 2007 la linea Madrid-Valladolid y Kordoba-Malaga, fueron aperturadas al publiko. En Marso de 2008 kon retraso i salvando alkunos problemas estrukturales en la linea, tambien a sido inaugurada ofisialmente la linea Madrid-Barselona (ke ya unia Madrid con Saragosa, Tarragona i Lerida)

En Korea tienen un treno derivado del TGV franses yamado KTX-I. Los primos 281 km de la linea de los 412 planifikados, a sido abierta a prinsipio de Abril del anyo 2004, entre Seul i Daegu. El KTX va alkansar un prestor de 300 km/o en esta prima seksyon. Los 131 km sigintes, ke van enlasar kon Busan, van ser aperturados enel anyo 2008. Asta oy endia, el KTX va fonksionar entre estas dos sivdades por la linea regular egzistente, ya ke a sido resientemente elektrifikada. Doze de estos trenos ivan ser konstruyidos en Fransia por Alstom i los otros treinta i katro restantes deben ser konstruyidos en Korea del Sud asigun los termos de un akódro de transferensia de teknolojiya.

En Eslovenia se uza el InterCity Slovenija, una versiyon del Pendolino ETR 480, kon tre lineas, Ljubljana-Zidani Most-Celje-Maribor, Ljubljana-Pivka-Divaca-Koper i una treséra ke une las sivdades de Divaca i Sezana kon la sivdad italiana de Venezia, serka de la frontiera entre los dos payises. La desision de uzar el Pendolino se debe a la nesesidad de augmentar el prestor sin tener ke fraguar muevas lineas en un paez ke esta yeno de montanyas, lo kualo muchigua el kosto i el tiempo de fraguamiento de muevas lineas de alto prestor. Los trenos viajan a prestores de asta 200 km/o.

En Noruega tambien se iva tomar la decision de uzar trenos kon teknolojiya pendular, má en este paez los trenos ivan ser dezvelopados por Adtranz-Bombardier, i la entreprisa noruega Strommens; el treno Signatur, de la Klasa 73  de los Trenos Noruegos, ke prestan servisio en las lineas Oslo–Kristiansand-Stavanger i Oslo-Trondheim, a un prestor  de 210 km/o. Del mismo modo ke en Eslovenia, la Repuvlika Sheka, Suesia, Portugal, Suisa, Finlandia  y Ostralya, la desision de uzar un treno pendular se debe a la nesesidad de muchiguar el prestor sin tener ke fraguar muevas lineas, lo kualo va redusir el kosto i de aperturamiento de un servisio de alto prestor. 

Los japonezos fueron los pioneros del alto prestor ferroviario en el mundo kon el su treno bala o Shinkansen en la dekada de 1960. Todo empieso a mediados de los anyos sinkenta, kuando pensaron en konstruyir una mueva linea de trenos entre Tokyo i Osaka, las dos prinsipales sivdades del paez, para resolver el problema de la kapasita de la linea egzistente kon un amijoramiento grande de los tyempos de rekorrido. Mitsubishi, Kawasaki, Hitachi i Sumitomo se ivan asosiar para ke los trenos de alto prestor japonezos unieran desde 1964 las prinsipales sivdades japonezas a 300 kilómetros por hora. Oy el paez, kon 2.100 kilometros enkubiertos, tiene la má grande red de alto prestor del mundo. 

Las lineas de alto prestor ke egzisten oy endia en Japon son:

La Kina esta asiendo emportantes inversiones en trenos de levitasyon magnetika de alto prestor. Konosido komo Maglev Transrapid, el primo treno khino de alto prestor realisa el su viajio desde el Ayroporto Internasional Shanghai-Pudong a la sivdad de Shanghai a un prestor maksimo de 430 km/o en un viaje de 30 km en unos 8 minutos. El treno ofrese servisios desde el 24 de Marso de 2004.

Los franzeses ivan ser entre los pioneros en la investigasyon I dezvelopamiento de los trenos de alto prestor; de fákto, El TGV es uno de los trenos má prestos del mundo, prestando servisio en alkunos tramos a prestores de 320 km/h, teniendo el enrejistro de mayor prestor medio en un servisio de pasajeros i el de mayor prestor en kondiciones espesiales de próva, alkansando el prestor de 574,8 km/o enel anyo 2007. El 13 de Fevrero de 2006, el TGV franzes konsigio superar el su enrejistro de prestor en el tramo de Paris-Estrasburgo, alkansando 553 km/o. La su anterior marka es del anyo 1990, kuando alkanso los 515,3 km/o. El 3 de Abril del anyo 2007, un treno Alstom V-150 iva romper el enrejistro mondial de prestor de trenos al alkansar 574,8 kilometros por ora en uno de los tramos de la mueva linea de alto prestor de Paris a Estrasburgo. Esto fue realisada por la empresa ferroviaria franzesa (SNCF), la Red de lineas ferreas, propietaria de las vias, i el konstruktor del treno, Alstom. La potensia del treno iva ser augmentada, varios motores adisionales fueron kolokados enel treno i las ruedas eran má grandes ke las de un TGV normal, para ke se alkanzara un gran prestor sin kalentar má de lo normal la makina. Al mismo tiempo, sobro de la linea, la potensia elektrika iva ser augmentada I la estruktura ke alimentaba el treno iva ser reforsada, ansina komo el balasto, la kapa de grava ke se ekstiende sobro de la via delos trenos para asentar I asigurar sobro de eya las travesas. Todo este kon el fin de soportar las intensas vibrasiones.

Los trenos de alto prestor italianos son los ETR 500. En Italia los pasajeros disfrutan de los 250 kilometros por ora del Pendolino (ETR-460) desde el anyo 1976. Resientemente se iva aperturar la linea Torino-Milano. El primo tramo ke se aperturo enel anyo 1976 fue Roma-Florensia.

En Estatos Unitos tienen un treno pendular derivado del TGV franses yamado Acela Express, konstruyido por las entreprisas Alstom i Bombardier i ke presta servisio en el ‘’Korriedor Nordeste’’, entre las sivdades de Boston, Providence, Mueva York, Philadeplhia, Baltimore i Washington. Uno de los problemas ankontrados es ke las lineas uzadas son muy viejas i alkunas ivan ser fraguadas a finales de los anyos 1800s, por lo ke en alkunos tramos el prestor no es mayor de 140 km/o, afilu en otros se dezvelopa un prestor de 200 km/o.

Los trenos de alto prestor almanes son los Inter City Express (ICE). El treno elektriko alman Inter City Experimental o Inter City Express (ICE), dezvelopado prinsipalmente por Siemens i Krauss-Maffei, iva alkansar enel anyo 1988 los 407 kilometros por ora. Aktualmente los trenos ICE prestan servisio por todo el paez, kon las versiyones ICE 1, ICE 2, ICE 3 i endemas las versiyones pendulante ICE-T i la versiyon de exportasion ICE 3 Velaro, del kualo Khina, Olanda i Espanya uzan oy endia, i ke Rusia va empiesar uzar en la su ruta en dezvelopamiento de Mosku a San Petersburgo.

En Taiwan tienen un tréno derivado del Shinkansen 700 Series japonezo (Shinkansen 700T) yamado THSR, ke presta servisio entre las sivdades de Taipei, Hsinchu, Taichung, Chiayi, Tainan i Kaohsiung. Los trenos son fabrikados por las entreprisas japonezas Kawasaki i Nippon Sharyo. Los trenos viajan a un prestor de 300 km/o i empiesaron a prestar servis enel anyo 2008.

Los trenos de alto prestor portugezes son la versiyon del Pendolino ETR 460, yamados Alfa Pendular. En Portugal los pasajeros disfrutan asta 220 kilometros por ora entre las sivdades de Faro, Albufeira, Lisboa, Santarem, Pombal, Coimbra, Aveiro, Porto i Braga.

Desde 1970 se favla de ke la proksima revolusyon en los trenos ivan ser los de levitasion magnetika. Pero hasta oy endia no era nada má ke eso: el treno del futuro. Má desde la medianoche del 31 de Diziembro de 2002 -el muevo anyo-, ora de Shanghai, este ya no es el treno del futuro I endagora es el treno del presente.

El treno Maglev, flota sobro de un motor magnetiko.  Podemos dizir ke el treno es un grande iman. Debasho de el, en los rieles, va un motor linear ke ase ke un flujo magnetiko vaya asia delantre. Este flujo magnetiko empuja al treno, lo levanta unos milimetros i dempues lo ase avansar. A diferensia de los trenos konvensionales, el motor no va en el treno, el motor va en los rieles. Esto aporta ventajas: 

Ya para el anyo 1994 otros payises konsigiron dezvelopar los proprios trenos Maglev, entre eyos Estatos Unitos, Kina, Fransia, Italia, Espanya i Korea del Sud. Oy endia, sólu la sivdad khineza de Shanghai tiene una linea en uzo Maglev ke une el sentro de la sivdad kon el aeroporto. El Maglev de Shanghai komunika el Aeropuerto Internasional Shanghai-Pudong, a 60 kilometros de la sivdad, kon la gara de metro de Longyang Lu, en las afueras de Shanghai, en sólu 8 minutos.




#Article 274: KTX (510 words)


El Korea Train Express (KTX) (en koreano 한국고속철도|, Han-guk Gosok Cheoldo) es un treno de alto prestor de Korea del Sud el kualo es uzado para prestar servisios por la entreprisa Korail. La teknolojiya de este treno esta basada en grande parte en el TGV franses i alkansa prestores de má de 300 km/o. El 16 de Diziembro de 2004, el treno koreano HSR-350X iva realisar un viaje de provas ke iva alkansar los 352,4 km/o.

Dempues de 12 anyos de fraguamiento, el dia 31 de Marso de 2004 empiesan a fonksionar la linea Gyeongbu (ke enlasa Seul kon Busan a traverso de las sivdades de Daejeon i Daegu) i la linea Honam (Seul-Gwangju-Mokpo). Uzando rieles de alto prestor en sólu parte de la linea Seul-Daegu, la mueva linea akorta el tiempo de viaje entre Seul i Busan de los anteriores 260 minutos a sólu 160 minutos. Se espera un amenoramiento a 116 minutos a finales del anyo 2008, ke va ser kuando los trenos sólu viajen sobro de rieles de alto prestor.

En total, van ser konstruyidos 46 trenes, 12 por la entreprisa fransesa Alstom, i los demas en Korea del Sud, por la entreprisa ROTEM. Los rieles de las lineas ivan ser konstruyidos en Korea shukur a la adjuda de teknikos de la kompanyia fransesa de transporto en trenos SNCF.

EL fraguamiento de la dosen fase (ke  va enlasar Daegu i Gyeongju kon Busan) empeso en Djunio de 2002 I se espera ke se akabe enel anyo 2010. Endemas esta planifikada la linea de alto prestor para la seksiyon de Osong a Gwangju i Mokpo, i se espera ke este lista en 2017. Se esta estudiando na ekstensiyon de Seul asta Gangneung, en la kosta del Nordeste, el kualo depende de la kandidatura koreana para la organisasyon de los Djuegos Olimpikos de envierno de 2014.

Kuando komenso a prestar servisio en Abril de 2004, la tasa de okupasyon del KTX era de una media de 70.900 pasajeros diarios, un 70% por debasho de lo esperado al empiese. Anke teniendo unos benefisios diarios de 2.100 milyones de wons, esta kantita no era suficiente para amortisar los emprestimos, al mismo tiempo ke los kostos del fraguamiento -estimados orijinalmente en 5 milyardos- ivan kreser a 18 milyardos de wons, (de 5.000 a 18.000 milyones de dolares). El 14 de Jenero de 2005, el Primér Ministro Lee Hae-Chan iva rekonoser ke el KTX es un fiasco politiko.

Má dempues la tasa de okupasyon fue augmentando lentamente. El 9 de Jenero de 2006 la entreprisa Korail iva anunsiar ke la tasa de okupasyon media diaria en Diziembro de 2005 iva subido asta 104.600 pasajeros, un kresimiento del 50%, kon unos benefisios diarios de asta 2.800 milyones de wons i un ekilibrio finansiero esperado para prinsipios de 2007.

Asigun una peskisa del Grande Partido Nasional de Diziembro de 2006, el treno KTX se iva averiar 160 veces en 3 anyos. Para obtener las partes venidas de Fransia, el KTX tiene un grande problema, el kualo es ke la reparasion es muy lenta i kostosa.




#Article 275: ETR 500 (288 words)


El ETR 500 es el primér treno de alto prestor con sentro de gravita no pendulante konstryuido en Italia. El proyekto nase en la dekada de 1980 y “ve la luz” en la dekada de 1990 con la produksiyon en serie I el su uzo por parte de Trenitalia.

Fue dezvelopado i konstruyido por el konsorsio TREVI (TREni Veloci Italiani / Trenos Prestos Italianos) , ke es la asosiasyon de Ansaldo, Breda, ABB Tecnomasio, FIAT Ferroviaria i Firema. La fase de proyekto de este treno iva estar rodeada de eskandalos relasionados a la yamada Tangentopoli.

Este treno no tiene sentro de graveta pendulante komo los “Pendolinos” ya ke la red de alto prestor en uzo i en konstruksiyon no tiene kurvas kon radios redusidos. Endemas komo la red de alto prestor italiana viaja una grande parte en tunel, los ETR 500 tienen un profil aerodinamiko para redusir el tróko de presiyon al ingresar a los mismos.

Oy endia en Italia egzisten 57 trenos ETR 500 en servisio los kualos superan los 300 km/o. Son uzados en los servisios ke komersialmente se yaman Eurostar Italia. Los trenos má resientemente konstruyidos son multitensiyon, kon la kapazita de viajar lineas de alto prestor de 25 kV en korriente alterna i en lineas tradisyonales de 3 kV en korriente kontinua.

Un ETR 500 tiene el aktual enrejistro italiano de prestor en trenos kon 352,026 km/o alkansado kon el treno eksperimentalo ETRY500-2 en la linea Torino-Novara-Milano el 25 de Mayo del anyo 2006.

Shukur al fraguamiento de las lineas de alto prestor Torino-Milano-Verona-Venezia i Milano-Bolonya-Florensia-Roma, i kon la entrada en servisio de la linea de alto prestor Roma-Napoli en Diziembro de 2005 los trenos ETR 500 van poder dezvelopar toda la su kapasita.




#Article 276: Bet Shemesh Blue Sox (605 words)


El Bet Shemesh Blue Sox (en ivrit: בית שמש בלו סוקס) es un ekipo de beisbol yisraeli de la sivdad de Bet Shemesh.

Es uno de los ekipos ke aperturan la Lega de Beisbol de Yisrael. El ekipo iva tener el mejor enrejistro de la temporada (29-12, .707), i iva ganar el primér kampeonato el 19 de Agosto de 2007, en Petah Tikva, ganando al ekipo Modi’in Miracle 3-0 en el djuego de kampeonato. El Kaliforniano Rafael Bergstrom iva lansar un djuego kompleto, derrotando al Dominikano Maximo Nelson (5-3, 3.55 ERA), el ke iva lansar para Modi’in.

El 26 de Fevrero de 2007, se iva anunsiar ke Ron Blomberg iva ser el shefe del ekipo. Los kolores del ekipo endemas reflektan la afiliasyion de Blomberg kon los New York Yankees, i espera ke los direktivos de la IBL krien una rivalidad entre el Modi'in Miracle de Art Shakmsy (kon kolores paresidos a los de los New York Mets) i los Blue Sox. El primér djugador eskojido por los Blue Sox en el primér draft fue el pitcher diestro kanadiense Jason Benson.

Ubikado en el Kibutz Gezer, Gezer Field es la kaza del Blue Sox i endemas del Modi'in Miracle, deke ninguna de las dos sivdades tiene unpróprio stadio de beisbol. Afilu un muevo stadio se esta fraguando en Bet Shemesh.

El logo del Blue Sox logo es una mistura del logo del Chicago White Sox i del de los New York Yankees, i las sus letras Bet  i Shin asen las inisiales de la sivdad de Bet Shemesh, eskritas en diagonal de dirita a sinistra, déke en ivrit ansina komo en djudeo-espanyol i en idish al uzar el alefbet seeskrive de dirita a sinistra.

Los Blue Sox akabaron kon un buen final en la temporada priméra de la Lega de Beisbol de Yisrael, ganando 9 djuegos sigidos antes de perder un djuego kon Tel Aviv Lightning. El ekipo djugo bien por el resto de la temporada, tomando el primo lugar en la temporada regular, ansina komo ganando el djuego de kampeonato frente de 2.610 fanatikos.

El ekipo iva ser el ekipo má ofensivo de la LBY, yegando de primér lugar en las sigintes kategoriyas: promedio de bateo (.294), karrieras (286), hits (325), dobles (61), home runs (60), RBIs (251), i bazas robadas (115). El rightfielder ostralyano de 23 anyos Jason Rees iva ser el lider de la lega kon 17 home runs i 50 RBIs en los sus 130 okasiones al bate. Jason Rees iva ser firmado para djugar en las legas menores para los New York Yankees en la temporada del anyo 2008.

Uno de los pitchers má emportantes de la lega iva ser Juan Feliciano del Bet Shemesh Blue Sox, el kualo lansaba antes para el Hiroshima Carp de Japon en la temporada 

Tres djugadores del Blue Sox ganaron premios por djuego destakado: Gregg Raymundo, djunto a Eladio Rodriguez del Modi'in Miracle iva resibir el premio al djugador de má valor Hank Greenberg; Juan Feliciano iva ser nombrado el amijor pitcher de la lega, i Jason Rees iva resisbvir dos premios: El amijor Outfielder (kompartido kon Josh Doane de los Netanya Tigers) i kampeon de Home Runs.

Endemas, el ekipo iva tener 11 djugadores yamados para el ekipo Todos Estreyas de la temporada 2007: Scott Jarmakowicz (C), Gregg Raymundo (SS), David Kramer (2B), Sean Slaughter (OF), Jason Reese (OF), Johnny Lopez (DH), Rafael Bergstrom(P), Ben Pincus (P), Scott Perlman (P), Juan Feliciano (P), i Jason Benson (P). El Shefe para el ekipo del Nord iva ser el Shef del Blue Sox Eric Holtz, i el Nord iva ganar al ekipo del Sud 5-4.




#Article 277: Yisrael Beiteinu (307 words)


Yisrael Beiteinu, (en ivrit: ישראל ביתנו, ’’Israel muestra kaza’’), es un partito politiko zionista i konservador de Israel. Los sus votantes son prinsipalmente olim nasidos en la antika URSS. El fondador i aktual lider del partito es Avigdor Lieberman.

Yisrael Beiteinu fue fondado enel anyo 1999 por Lieberman, nasido en Moldavia i residente en Yisrael desde 1978. Lieberman iva ser militante del Likud, ma lo abandono kuando, asigun el mismo, Benjamin Netanyahu iva aser munchas konsesiones a los palestinos. En las sus primeras eleksiyones enel mismo anyo de la fondasion, Yisrael Beiteinu iva ganar katro diputados en la Knesset. En las Eleksiones Lejislativas de Israel del anyo 2006, el partito iva obtener doze eskanyos, trokandose en la katra huérsa política del paez, tras de Kadima i Avoda, empatando kon el partito ultra relijioso Shas i por delántre del Likud. En Oktobre del anyo 2006 el partito iva firmar un akódro de koalisiyón kon el Primér Ministro de Yisrael Ehud Olmert. Asigun los termos del akódro, Lieberman iva servir komo Ministro de Asuntos Estratejikos. Poko tiempo dempues, iva abandonar el goberno i unirse a la oposisyón.

Entre las propuestas del partito se destaka la de transferir a la poblasion Araba-yisraeli a Sisdjordania, dentre de un interkambio de tyerras i poblasion kon la Autoridad Palestina, para ansina evitar una futura mayoria araba en el Estado djudío a kauza del yamado perikolo demografiko (la poblasion araba tyene una mayor tasa de natalidad kon respekto a la povlasion djudia). Endemás propone un sistema presidensialista, la promosiyón de una ekonomiya liberala i la posibilidad de ke egzista matrimonio sivil. Para las eleksiones de Fevrero de 2009, el partito iva ganar 15 asientos en la Knesset, trokándose en el treser partito má grande del paez i praktikamente el ke iva desidir kualo de los dos partitos kon mas asientos iva konformar el governo.




#Article 278: Ale Yarok (131 words)


Ale Yarok (עלה ירוק, Hoja Védre) es un partito politiko ultra-liberalo en Yisrael. La su ideolojiya politika es bazada sobro de la legalizasion del kannabis, ambientalismo i ampliasion de diritos umanos.

El partido iva partisipar en las eleksiones de los anyos 1999 i 2003, má no iva konsigir entrar a la Knesset, el parlamento yisraeli. Antes de las eleksiones del anyo 2006, el partido iva anunsiar ke iva partisipar por tresera vez. Esta vez, el partito iva pareser tener má apoyo del puvliko djoven ke no kiere votar por los partitos tradisionalos. Este apoyo es notable n los resultados de las eleksiones en todas las universitas en Yisrael, por egzemplo: 19 asientos (16%) en el Instituto de Teknolojiya en Haifa  (Technion) i 10 asientos (8%) en la Universita de Tel Aviv.




#Article 279: Bet Shemesh (141 words)


Bet Shemesh (en ivrit: בית שמש) es una sivdad del distrito de Yerushalayim, en Yisrael. Asigun el Buro Sentral de Estadistikas de Israel (CBS), a fines del anyo 2007 la civdad iva tener una povlasyon de 76.000 abitantes. La antika sivdad de Bet Shemesh (Sivdad del Sol) fue yamada ansina por los kananeos, déke ellos ivan adorar a su dio-sol. Las ruinas de la antika sivdad Biblika ainda se pueden ver en Bet Shemesh, serka de la sivdad moderna.

Durante el boom teknolojiko mondial, Bet Shemesh iva ser sede de munshas entreprisas muevas de IT, entre las kualos estan Alchemedia, 2am i Shoutmail. Oy endia, la sivdad es ainda un sentro de IT en el paez, parte del yamado Silicon Wadi, kon entreprisas komo Degel Software, NMS i Net2phone, las kualos tienen los sus buros en el area de Bet Shemesh.




#Article 280: Shas (212 words)


Shas (en ivrit: שס) o Asosiasyon Mondial de los Guadrianes Sefaradim de la Tora  (en ivrit: התאחדות הספרדים העולמית שומרי תורה ) es un partito politiko de Yisrael, representante de los sefardim ultraortodoksos i mizrahim arifujiados de los paezes arabos. 

Fue fondado en 1984, basho el liderazgo de Ovadia Yosef, para antonses el Sinyor Gran Rabino Shefe de la Medinat kon el su apoyo del Rabino Elazar Schacha, para antonses líder de los djudeos ashkenazim no chasidim, konosidos komo Mitnagdim.

Ese mismo anyo, en las eleksiyones, iva obtener katro asientos. El partido iva progresar en las sigientes eleksiyones, kon el su mayor numero de asientos obtenidos enel anyo 1999, 17 diputados. Iva bashar asta 11 enel 2003 i en las eleksiyones lejislativas del anyo 2006 obtuvo 12 diputados, kedando como tresera huersa politika por delantre de partidos komo el Likud. Poko dempues de las eleksiyones, Shas iva entrar en la koalisyon de governo de Ehud Olmert, siendo ansina ministro el su lider aktual, Eli Yishai.

Varios diputados del partito son akusados por kontroversias komo la proposisiyón de deportar a 400 olim no djudeos en la Medinat ilegalmente en el paez.

En las eleksiyones de 2013 iva obtenir 11 diputados sin entrar en la koalisyon de governo de Netanyahu, kedando en la oposisiyón.




#Article 281: Akre (699 words)


Akko, en ivrit, llamada Akka en turko i arabo, i Akre en lingua djudeo-espanyola, es una sivdad  ala beira de la Mar Mediterraneo, serkana a la sivdad de Haifa. Se topa enel Distrito Nord de Israel. Durante la Tresera Krusada era yamada  San Juan de Akre.

Es una de las sivdades ma antikas del mundo i se kree ke fue fondada serka del anyo 1500 A.E.K. Enel anyo 700 A.E.K. la sivdad kedo basho el kontrolo de los asiryos. Enel anyo 332 A.E.K la sivdad iva pasar a formar parte del emperio de Aleksandro Magno. El Rey de Ayifto Ptolomeo II Filadelfo konkisto la sivdad en el syeklo II A.E.K. i troko el su nombre para la sivdad ser yamada Ptolemaïs.

Diskues de ke el Imperio Romano se iva separar en Imperio Romano de Oryente i en  Emperio Romano de Oksidente, Akre kedo arientro del Emperio de Oryente, ke diskues era yamado el Imperio Bisantino.

Enel anyo 638 la sivdad kedo basho kontrolo de los arabos. Diskues la fueron konkistando otros puevlos: Balduino I de Yerushalayim en 1104; Saladino I, sultan de Ejipto i Surya la rekonkisto en 1187, ma poko dempues, enel anyo  1191 kedo en manos de los krusados (en la Tresera Krusada) i fue antonses kuando le trokaron el nombre a San Juan de Akre. Berenguela de Navarra bivio en la sivdad mientras el su espozo, Rikardo Korason de Leon gerreyava en kontro de los sarrasenos.

Enel anyo 1291, los sarrasenos akosaron la sivdad, ke tuvo ke rendirse.

Enel anyo 1517, yegan los turkos, los kualos tomaron la sivdad.

Enel anyo 1799, el almirante britaniko William Sidney Smith kodro una aliansa entre el Reyno Unido i el Emperio Ottomano en kontro de la invasion franseza en Ayifto. Aislado en Oryente desde la viktorya britanika de Abukir, Napoleon Bonaparte trata de desvelopar una revelion surya en kontro de los turkanos i, empesando el 20 de Marso, somete Akre a un sitio de dos meses ke, finalmente, iva tenerke deshar el 21 de Mayo. La sivdad antonses ottomana, kon adjuda de los britanikos, pasa a ser la unika ke Napoleon trato de konkista, ma no pudo.

Enel anyo 1918, los inglezes se apoderan de Akre. Dempues de la fraktura del Emperio Ottomano, Akre keda komo parte de la Palestina basho kontrolo de Gran Bretanya.

El 4 de Mayo de 1947 munshos prezos djudios ke ivan perteneser a grupos zionistas se escapan de la prizion de Akre.

El 17 de mayo de 1948, en la Gerra de Independensia de Israel, huersas de la Hagana toman Akre, ke va kedar finalmente komo parte del estado djudio. Komo konsekuensia de la gerra, Akre pierde tres katrenas partes de la su povlasion araba. Desde antonses Akre es renombrada kon el su nombre ebreo, Akko.

Oy endia Akre dezvelopa una emportante aktividad endustrial en asero. Tiene endemas una buena flota de naves pishkadoras i endemas es sivdad turistika.

Akre es una de las sivdades misturadas de Israel, en las kualas una mayoria de djudios i una menoria de arabos biven en paz, ansina komo Ramla, Lod, Haifa i Yerushalayim i otras povlasiones chikas.

Sin embargo, el 8 de Oktobre de 2008 afito en Akre una serie de enfrentamientos entre arabos i djudios ke eskaparon el 10 de Oktobre. Los enfrentamientos empesaron la noche de Yom Kippur, kuando el otomobil de un arabo i el su ijo eran atakados por un grupo de mansevos djudios, los kualos akusaron a los arabos de azer barulyo kon intension en midio de la fiesta djudia. El arabo aresivio adjudo de un grupo de mansevos arabos, lo ke empeso una pelea. Kuando se yego a eskuchar por toda la sivdad de ke un arabo iva ser amortado, sienes de arabos i djudios salieron a las kalejas, destruyendo merkatos i arabas, i lansando pyedras entre grupos. El governo uzo unos 700 polisias para amatar los enfretamientos, ke desharon tres feridos. El presidente yisraeliano Shimon Peres demando kalma a los vezinos i politikos de la sivdad, tanto arabos komo djudios.

La Sivdad vieja de Akre es Patrimonio Mondial de la Umanidad desde el anyo 2001. Una de las sus fraguas mas konosidas es la Mishkita de Djezzar Pasha (syeklo XVIII).




#Article 282: Holon (420 words)


Holon (en ivrit ‘’חולון’’) es una siudad en el distrito de Tel Aviv en Yisrael. La su superfisie es de 19,2 km². La siudad iva ser fondada enel anyo 1936 dempues de la union de sinko maáles: Shjunat Am, Garin, Agrobank, Kiriat Avoda i Moledet. Holon fue deklarada sivdad enel anyo 1950. La sivdad forma parte del Gush Dan. El Sinyor Rabino Shefe de la sivdad es el Sinyor Rav Avraham Yosef, ijo del Sinyor Rav Ovadia Yosef.

Enel anyo 2005 ivan residir en Holon 180.000 abitantes, la gran mayoria djudios i endemas 346 samaritanos. El kresimyento de la su poblasyon es de 0,1%  anual. Es la nueven sivdad má grande del paez por el su numero de abitantes. 

Holon tiene 49 skolas (33 primarias i 27 de dosen nivel), 153 ganim de parvulos, un teatro i 105 esnogas. La zona endustrial de Holon es una de las má grandes de Yisrael.

El nombre de la sivdad esta relasionado kon la palabra ebrea Holot (חולות) ke signifika arenas, déke iva ser fondada en unas tyérras ke ivan pareser un desyérto enkubierto de arena. Estas tyérras ivan ser kompradas a empieses de los anyos 30 por Shlomo Garin, oy endia konosido komo el fondador de Holon. Durante los anyos 30, se fraguaron sinko máales barrios i enel anyo  1940 se unieron basho el nombre Holon. Durante la Gerra de Independensia de Yisrael enel anyo 1948, los bairros de Holon ivan ser blanko de atakos de arabos de viyas serkanas, asta ke las huersas de la Hagana tomaron la kolina de Tel Arish, de donde disparaban los arabos, i dempues trokada en un parko en onor a los gerrilyeros djudios. En 1950 Holon iva ser reconocida komo sivdad. El Dr. Hayim Kugel fue el su primer alkalde. Dempues de la su muerte enel anyo 1953, fue nombrado komo alkalde Pinhas Eilon, ke estuvo al frente de la sivdad por 34 anyos. Durante el su governo, la sivdad iva crecer munsho i fueron fraguados bairros muevos. Enel anyo 1954 el antonses presidente de Yisrael Yitzhak Ben-Zvi iva afondar la máale samaritana en la sivdad, a la ke yegaron samaritanos ke venian de Tel Aviv, Ramat Gan i Nablus. Enel anyo 1993 fue elekto komo alkalde Moti Sasson, ke iva contribuir munsho al dezvelopamiento de la sivdad, yenandola kon numerosos parkos, arboles i plantas. Entre los grandes proyektos de la epoca del su gobernó se ankontran: el Muzeyo de los Ninyos, el Parko Shimon Peres i el centro de butikas de Holon o ‘’Kenion’’.




#Article 283: Mevaseret Zion (294 words)


Mevaseret Zion (en ivrit מבשרת ציון, «la mensajera de Zion», y en arabo قالونيا) es un konsesho lokal del distrito de Yerushalayim, yisraeli ubikado a unos dies kilometros al oryente de Yerushalayim, en la Otopista 1, la prinsipal via de komunikasyon entre Yerushalayim i Tel Aviv. El munisipio y el su nombre son una kombinasyon de Mevaseret Yerushalaim i Maoz Zion. Maoz Zion, fondada en 1951 por olim de Irak, Kurdistan, Iran y el Magreb, y Mevaseret Yerushalayim”, fondada en 1956 por olim del Nord de Afrika. El nombre resultante de la union es Mevaseret Zion, ke sinyifika «la mensajera de Zion», i se tomo de la Biblia (Yeshayahu 40,9). El sentro del munisipio unifikado es de mueva konstruksiyon por lo ke no pertenesio a ninguno de los dos belediyes orijinalos. 

Mevaseret Zion es tambien el lugar ande se topan las ambasadas de Bolivia i Paraguay.

La montanya del Kastil (Al-Qastal), serkana a Maoz Zion i los su alrededores ivan ser  testigos de una de las grandes batalyas de la Gerra araba-israeli de 1948.

En la sivdad egziste la keilá  Mevasseret Zion (en ivrit, קהילת מבשרת ציון, Keilá de Mevaseret Tzion), una keilá reformista mueva kriada enel anyo 1991 por sinko famiyas de la sivdad. Uno de los sus prinsipios basikos es de la partisipasyon egalitaria de la mujer en todos los asuntos de la relijion. Endemas, adjudan a resisbir a los olim muevos ke yegan a la sivdad, ke vienen de Etiopia i de Bosnia i Herzegovina. Ma komo no es una keilá ortodoksa, no resiven adjuda de la Medinat. 

Komo rabina del grupo esta lavorando Maya Leibovitch, la prima mujer ke es ordenada rabina. Entre 150 i 200 famiyas konforman oy endia parte de la keilá, le endemas tiene una skola primaria.




#Article 284: Ashkelon (299 words)


Ashkelon (en ivrit אַשְׁקְלוֹ, en arabo عسقلان, Askalōn) es una sivdad ubikada a 56 km al sud de Tel Aviv i 73 km al sudoeste de Yerushalayim. En la kosta de la Mar Mediterraneo i serka del desyérto del Negev, tiene un klima agradável, fresco i seko. Los dias kon lluvia son raros i tiene una de las aminores pladjas del paez, ansina komo munshos lugares para rekriasyon. Basho el governo de los grékos i romanos la sivdad iva enfloreser, afilu basho el governo del Rey Erodes la sivdad iva crecer munsho mas; se kree ke el Rey iva naser aki mesmo en esta sivdad i es por este ke la iva embeleser. 

Unos pokos djudios se ivan permaneser en Ashkelon kuando la sivdad se trokó en una sivdad kristiana  basho el governo del Imperio Bizantino. La sivdad fue tomada por los musulmanos enel anyo 638 d. C., i ellos la fortificaron i defendieron de este manera ke los krusados no ivan poder tomarla asta el anyo 1153, kuando ainda kedaba una chika komunita djudia en la sivdad. La sivdad iva ser destruyida totalmente enel anyo 1270 por el sultan Baibars, i abandonada asta ke enel anyo 1948, kon la rekonstryksiyon de  la moderna sivdad de Ashkelon, la nebuá del profeta Zefania se iva aser realidad.

La moderna sivdad de Ashelon tiene varias máales, de los kualos la prima, yamada Afridar, iva ser establesida enel anyo 1952 a traverso de una inisiativa de la Komunita Djudia de Sud-Afrika. Oy, esta máale es una máale kon munshos arboles donde se ankontran kaji todos los oteles i lugares de entretenimyénto de la sivdad. Migdal, ke antes iva ser una viya araba de unos syéklos de antikedad, al oryente de la sivdad, endagora es parte de la mesma desde el anyo 1955.




#Article 285: Yeshiva (620 words)


Una Yeshiva (en ivrit: ישיבה, yeshivot en plural) es un sentro de estudios de la Tora i de la Gemara jeneralmente para ombres en el djudaismo. Para las mujeres se yama ‘’’Midrashá’’’

Kada yeshivá esta dirijida por un haham, yamado Rosh Yeshivá (la kavesa de la yeshivá). En alkunas yeshivot a veses egziste más de un Rosh Yeshivá. A los maestros se les yama Rebeim (en idish) o Rabanim (en ivrit i en djudeo-espanyol). En la mayoria de las yeshivot egziste un madrih o konseshero espiritual ken adjuda a los elevos kon los sus problemas personales i un Meshiv, ken responde las demandas akademikas.

En los dias de la destruksiyon del sigundo Templo (primer syéklo de la era komún) ya egzistian yeshivot, entre eyas las akademias de Usha, Tiberias i Yavne. En akeyos dias, Babilonia paso a ser un emportante sentro de yeshivot inkluyendo las yeshivot de Nehardea, Sura i Pumbadita. De estas dos ramas de akademias relijiozas ivan asurjir las dos edisiyones de la Gemara, el Talmud de Yerushalayim i el de Babilonia. Má adelántre ivan surjir yeshivot en el nord de Afrika. 

En la Edad Media, el estudio del Talmud se va sentrar en Fransia i Espanya kon munchas akademias. Dempues de la inkisizion aparesen yeshivot en Evropa Oryentala.

La prima yeshiva moderna fue la Yeshiva de Volozhin, Belarus (Etz Hayim) en el syéklo XVIII. Para el empesijo del syéklo XX, entre las prinsipales yeshivot estaban las akademias Lituanas de Slabodoka, Telz, Kelm i Ponovich, ansina komo las akademias Belarusas de Mir, Brisk i Baranovich i la yeshiva Hahmei Lublin en Polonia.

Dempues del Olokósto munchas yeshivot se mudaron a Israel, endemas de las ke se ivan fondar mas adelántre. Munshas otras se ivan mudar a los Estatos Unitos o a payises de Evropa Oksidentala. Tambien egzisten yeshivot en varios payises de Amerika Latina: Meksiko, Venezuela, Arjentina i Brasil, komo Hafetz Hayim en Buenos Ayres i Ateret Yosef en la Sivdad de Meksiko. Egzisten endemas yeshivot para avlantes de lingua kastilyanaen Israel, komo Binyan Olam, Mayaanot, Daroma, Mahon Meir i Or Sameah. 

Oy endiya, la más grande yeshiva del mundo es Beth Medrash Govoha en Lakewood, Mueva Jersey, EUA. Munchas de las yeshivot europeas se mudaron a otras partes del mundo: la yeshiva de Telz a Cleveland i Chicago, EUA; la yeshiva de Mir a Brooklyn, EUA i Yerushalayim; la yeshiva de Slabodka a Hevron i dempues a Yerushalayim i la yeshiva de Ponovich a Bnei Brak. En Evropa se konosen entre las mas grandes las yeshivot de Gateshead i Manchester en Inglaterra.

En Israel munchas yeshivot ligadas al zionismo relijiozo mesklan los estudios de Gemara i Tora kon el servisio militar. A estas se les denomina yeshivot hesder; komo Mahon Meir, Merkaz ARav i Bet El.

Alkunas akademias femeninas ke van ekivaler a las yeshivot, kon estudios similares se les yama Midrashot (plural de Midrashá). Estas son kada dia má akseptadas, sobre tódu anke no solamente, en los grupos ortodokso moderno i zionista relijiozo. Entre las má konosidas midrashot estan Midréshet Lindenbaum, Midréshet HaRova, Mahon Orá i Mihlalá Yerushalayim en Yerushalayim i Mihlélet Orot en Elkana, Israel. El movimento konservador tambien tiene una yeshiva en  ande estudian endjuntos ombres i mujeres.

Los estudios se bazan en la Gemara i los sus komentarios. Endemás se estudia Musar (filosofiya/etika djudia) i alahá o ley djudia. En alkunas yeshivot se estudian livros del Tanah. Endemas munchas yeshivot avansadas estudian la alahá komo enfoko sentral. En alkunas yeshivot hasidikas se estudia la kabala i el Hasidismo.
La manera de estudio es independ‎yénte por parejas, kon uno de eyos giando el estudio; esta persona es yamada hevruta. Estos estudios se komplementan con lisiones formales (shiurim) ansina komo diskorsos etikos/relijiozos konosidas komo sihot.




#Article 286: Bulgaria (185 words)


Bulgaria (en bulgaro: България) es un paiz balkano i evropeo. Bulgaria es un estado soverano konstituido en republika.

La etimolojia de Bulgaria es deskonyesida, ainda ay varias teorías. Una de eyas diz ke el nombre del paiz le hue dado por el nombre de los sus avitantes, los bulgarianos, palavra ke deriva del latin Bulgari, ke leteralmente puede signifikar los ombres del Bolg. Bolg es el antiko nombre del río Volga, kuyas rivieras avitaron los bulgarianos azta el sieklo VI. 

Otra de las teorías más afamadas sobre el orijen del nombre del paiz afirma ke deriva de la tribu bulgar, asegun el biervo de burg, del proto-jermaniko ke signifika kastiyo. Finalmente, también egziste la posibilidad de ke Bulgaria provenga del biervo turkano bulga, ke signifika misturado, en referensia al eslavo orientalo, lingua avlada por los bulgarianos, ke se kreyia kontenia elementos turkanos i finlandezos.

Bulgaria es al sureste de Evropa, es en la rejon delos Balkanos ke topa al nord kon Rumania i al este kon la Mar Preta, i al sud kon la Turkia i la Gresia i al oeste kon Makedonia i Servia.




#Article 287: Eurostar (178 words)


Eurostar es un treno de alto prestor ke presta servisio en Evropa Oksidental komunikando Londra i Kent enel Reyno Unido, kon Paris i Lille en Fransia, i Bruselas en Beljika. Endemas, egzisten servisios limitados desde Londra al Disneyland Resort Paris en Marne-la-Vallée i a otros destinos de vansas en Fransia. Los trénos van krusar el Kanal de la Manxa a traverso del Tunel Chunnel. 
El servisio es operado por los trénos de la Klase 373, los kualos son bazados en los trenos fransezes TGV a prestores de asta 300 km/o (186 mph) en una red de lineas de alto prestor. Komo Eurostar iva empesar enel anyo 1994, muevas lineas an sido fraguadas en Beljika (HSL 1) i en Inglaterra del Sud (High Speed 1) al mesmo estandar de la linea LGV Nord uzada orijinalmente en Fransia, ansina permitiendo ke los tiempos del viaje se achiken. La linea High Speed 1 iva ser finalisada el 14 de Novembro de 2007, kuando se trokó el servisio de Eurostar desde la estasion de Waterloo a la de St. Pancras en Londra.




#Article 288: Bar Refaeli (356 words)


Bar Refaeli (en ebreo, בר רפאלי), nasida el 4 de Djunio de 1985, es una modelo yisraeli, konosida por su lavoro komo modelo i por la su relasion kon el aktor de sinema Leonardo DiCaprio.

Bar iva nasió enel anyo 1985 en Hod HaSharon, Israel, ande los sus padres, Tsipi i Rafi tienen una fasenda de kavayos.  Eya iva empesar la su karriera komo modelo kuando eya iva tener ochu meses, aparesiendo en anunsios en la TV. Kuando eya iva tener kinze anyos, Bar iva ser apresentada por el buró de modelos Irene Marie Models.

Kuando eya tinía kinze anyos, empeso en anunsios para las kompanyias yisraelis de modas Castro i Pilpel, endemas de un komersial para la TV de Milki. Bar iva ganar el titolo de Modelo del Anyo en un konkurso de beleza en los anyos 2000 i 2001. Eya endemas iva ganar el de las tiendas Renuar i por eyo iba apareser en los anunsios de las koleksiyones Enverano 2002 i Envierno 2003 . 

Bar dempues aparesió en el magazin fransez Elle, ansina komo dempues se iva trokar a ser la priméra modelo yisraeli en el magazin amerikano Sports Illustrated. La misma imajen iva ser dempues publikada en la tapa del magazin para ombres Maxim. Dempues iva apareser en las tapas de la edisyon italiana del magazin de modas GQ i en la edisiyon de banyaderos del magazin Sports Illustrated del anyo 2007, para la ke iva posar kon el grupo de musika rock Aerosmith.

Endemas, eya a sido la imajen de markas konosidas komo Subaru i Accessorize, endemas de la linea de djoyas italianas de Marco Bicego. Oy endia eya esta lavorando para los burós de modelos Storm Model Management en Londra, i 1/One Management en Mueva York. Bar va ser la presentadera del programa del kanal de TV amerikana Bravo Tommy Hilfiger Presents Ironic Iconic America., bazado enel livro Ironic Iconic America de George Lois. Enel anyo 2008, Bar a sido la imajen de la kaza de modas Hurley, i del muevo profumo de Diddy, I am King.

El magazin britaniko Arena la iva nombrar El amijor puerpo del anyo 2008.




#Article 289: Kamino Neokatekumenal (140 words)


El Kamino Neokatekumenal es un grupo ke foknsiona ariéntro de la Iglesia Katolika kon el buto de formar i buskhar muevos fiyeles. Es fondada en la anyada de 1964 por Francisco Jose Gomez de Argüello, el kualo es un pintor profesional ke ambezó en la Real Akademia de Finas Artes de San Fernando en Madrid, Espanya.

Kiko Argüello bivió una krisa personala ke lo izo trokarsen ateo. Diskués se fue a bivir a unas maáles de la sivdad de Madrid yamadas Palomeras Altas, ande dize ke se topó kon El Dio i tornó al katolisizmo. En estas maáles proves, Kiko konose a Carmen Hernández, una mujer profesionala de la Kemika i Teolojiya.

El kamino Neokatekumenal esta konformado por komunitas de entre 25 a 40 personas, las kualas son yevadas por un katekista a traverso de las etapas diferentes del Kamino. 




#Article 290: Yen (397 words)


El yen es la moneda uzada en Japon ande se pronunsia 'en'. El su simbolo es ¥, má en Japon se representa kon la letra kanji 円 (ke signifika redondo). La eskritura en letras romanas, kon y, es derivada de la romanisasyon de una eskritura antika de la palavra, ansina komo kon los nombres Uyeda (Ueda), Iyeyasu (Ieyasu) I endemas Inouye (Inoue).

La eskritura orijinal del yen era la misma ke la del yuan kino (圓 pinyin: yuán), má en la eskritura moderna se uza un karákter diferente: 円.

Egzisten 6 tipos de parás i 4 de bilyetos oy endia:
Parás:

La moneda de 500 yenes es la moneda de más valor ke se uza en el mundo.

Los presios de los produktos se van indikar jeneralmente en numerasyon araba, má se uzan karakteres khinos para el numero 10.000 y las sus potensias. Por egzemplo, el presio de un oto se puede eskrivir komo 400万円 (400 miríadas, o 4 milyones de yenes). 

El valor de las parás i bilyetos esta eskrito de las dos formas. En el reverso de las parás aparese el su valor en numeros arabos ansina komo el anyo de emisyon en el kalendario japonezo basado en los anyos ke an pasado desde la toma de poder del emperador aktual (por egzemplo, Heisei 16, ke es el anyo 2004). En el anverso aparese eskrito Nihon koku (日本国), el valor de la moneda eskrito en kanji i una imajen, jeneralmente de una flor o planta, afilu en la moneda de 10 yenes se amostra el Pavilyon del Fénix del Templo de Byōdōin en Uji (prefektura de Kioto).

Fue introdusido por el governo Meiji komo un sistema similar a los de Evropa, ke iva trokar el sistema mucho má difísil del periodo Edo. El Akta de la Mueva Moneda (新貨条例 shinka joorei) de 1871 ibva desidir adopter el sistema desimal para kontar el yen (1, 圓), sen (1/100, 錢) i rin (1/1000, 厘). El sen i el rin yen desharon de uzarse en 1954, afilu se uzan ainda en la bolsa. 

El yen se iva fiksar al dolar estadounidense kon una tasa de tróko de 362 yenes por dolar desde el 25 de Abril de 1949 hasta 1971. Desde antonses, el su valor a ido kresiendo muncho. Oy endia, la tasa de tróko es de unos 110 yenes por dolar, o unos 165 yenes por euro.




#Article 291: Olokósto (893 words)


El Olokosto o Shoá (del gréko ὁλόκαυστον olókauston, de ὁλον ‘kompletamente’ i καυστον ‘kemado’, referido a un antiko ritual relijioso), tambien konosido komo HaShoá o ‘’katastrófe’’ (en ivrit השואה; en idish, האלאקאוסט, Alokaust, o má presisamente חורבן, Hurbán), es el nombre ke se aplika al jenosidio de aproksimadamente sesh milyones de djudios evropeos, i de otros munshos grupos de Evropa i el Magreb, durante la Dosen Gerra Mundial. El Olokosto iva ser planifikado i eksekutado por la Almania Nazi, dirijida por Adolf Hitler, komo parte de un programa de eksterminio ke iva inkluir el amortamyento industrialisado i organisado. Los almanes yamavan la solusyon final del problema djudio.

Otros puevlos ivan tambien ser amortados por los Nazis, komo djinganos; sovyetikos, sobre tódo emprizionados de gerra; komunistas; polakos; otros puevlos slavos; los diskapasitados; ombres omoseksuales i disidentes politikos i relijiosos almanes. Afilu, munchos no van inkluyir a estos grupos en la definision de Olokosto, deshando el nombre sólu para los amortamientos de djudios dentro de la Solusyon Final. 

El 12 de Avril de 1951, la Knesset establesió el dia nasional de rikódro Yom HaShoa (Diya de la Katastrófe).

En jenerales, la estruktura del Olokósto fue la siginte:

El Partido Nazi, ke iva yegar al poder en Almania enel anyo 1933, tenía entre las sus bazas ideolojikas la del antisemitismo, existente entre los nasionalistas almanes desde el syéklo XIX. El antisemitizmo moderno se izo diferente del odio klásiko asia los djudios en ke no tenía una baza relijiosa, sino sólo rasial. Los nasionalistas almanes, anke afilu de ke tomaron munchos elementos del diskorso antidjudio tradisional, sobre tódo de Martin Lutero, eyos kreyían ke ser djudio era alkuna koza kon la ke se iva naser, ke no se iva poder kitar afilu la persona se asimilase en una sosieté kristyána. Komo dizía Hannah Arendt, se trokó el biervo djudaísmo por djudeidad. Endemás, el nasionalizmo se bazó en el Estado-Nasyon, es desir, la omojeneidad kulturala i idiomatika de la su povlasion. Los djudios, konsiderados personas de una raza inferior i ke no puedian perteneser a la kultura nasionala, tenian ke ser separados de la sosieté nasionala. En kontro de este, los nazis definieron la raza aria, ke era la ke konformava la nasion almana i ke iva dominar Evropa.

La primera kestión era definir ken era djudío, deke en Alemania bivían munchas personas ke tenían un papú o una bavá djudía i ke no guadravan liasion kon el djudaismo, ansina komo munchas famiyas meskladas i sus ijos. En este senso, los nazis tenian menester de definir una regla para separar djudios de no-djudios. Las primeras leyes en kontro de los djudios no tenian definido esto i en jeneral, el govierno avlava de los no-arios.

La definisión finalmente tomada fue ke djudio era akeya persona kon al menos tres nonos djudios, sin emportar su kreensya. Akeyos kon dos o un solo nono djudio eran Mischlinge de segundo grado i puedian ser konsiderados djudios bazados en munchas kestyones (su kreensya o la de su espozo, por enshemplo). Podían también ser liberados de su condición y convertirse en arios en pago a los servicios prestados al régimen, o podían seguir siendo Mischlinge, con lo que estaban sometidos a ciertas restricciones en tanto que no arios, pero no a las persecuciones dirigidas contra los judíos. Los Mischlinge de primer grado eran los que tenían un único abuelo judío y en general eran tratados como arios plenos. Los Michlinge de uno u otro grado abundaban en Alemania y a menudo lograban ocultar su condición. El dirigente de las SS Reinhard Heydrich, El Carnicero de Praga, era Mischlinge de segundo grado, dato que fue ocultado celosamente por sus superiores nazis.

Dos elementos asen diferente al Olokósto de otros kazos de jenosidio o amortamientos masivos:

El primér elemento es la ideolojiya nazi, la kuala es muy nasionalista, anke polítika kon una parte mítika agregada, ke divide al mundo en katro kategoriyas:

El dosen elemento es la organisasyon de los prosesos de amortamientos masivos, los kualos empesaron kon la konsentrasyon de la povlasyon djudia en getos i dempues en kampos de konsentrasion i iva akabar kon la yamada «solusion final al problema djudio», ke iva ser simplemente el amortamiento asesinato en masa de todos los djudios. El prinsipal elemento de esta ivan ser los kampos de eksterminio, los kualos ivan fonksionar komo verdaderas entreprisas de muerte.

Durante el Olokosto, unos sesh milyones de djudios (una treséra parte de la povlasion djudia mundial de antonsen) ivan ser exterminados. En alkunos kasos ivan desapareser comunitas enteras, entre eyas la grande komunita djudia de Polonia (de má de tres milyones de personas) i la komunita sefaradi de Salonika, en Gresia.

El Olokósto iva dar el impulso final dio a la kriasyon del estado de Israel, ke iva resivir a los djudios ke ivan sobrevivir el eksterminio.

A sigir se amostra una lista de los kampos de konsentrasion nazis. Estos kampos ivan ser establesidos dentro de Almania dempues de 1933, kuando el Partido Nazi iva arrivar al poder. Despues ivan kriar otros campos en los payises aneksados o invadidos por Almania antes i durante la Dosen Gerra Mundial, komo Olanda i Polonia. Anke algunos campos ivan egzistir poko tyempo, otros fueron uzados asta el fin de la Gerra.

Los kampos de eksterminio se ankontran markados en kolor roza, mientras ke los kampos grandes de otros tipos son de kolor azul. 




#Article 292: Radio (136 words)


La radio es una teknolojiya ke permite la transmisiyon de sinyales a traverso de la modulasiyon de ondas elektromagnétikas. Estas ondas no presisan de un medio físiko de transporto, por lo ke pueden viajar a traverso del ayre i del espasio. Una onda de radio se va krear kuando un elektrón (por egzemplo) se va egzitar a una frekuensia en una rejion espesifika del espektro elektro-magnétiko yamada rejion de radiofrekuensia.

Kuando la onda de radio va aktuar sobro de konduktor eléktrico (la antena), va indusir en él un movimento de la karga eléktrika kue va poder ser trokado en sinyales de audio o en otro tipo de sinyales portadoras de informasiyon.

Anke se va emplea la palavra radio, las transmisyones de televizyón, radio, radar i telefoniya móvil están inkluyidos en esta klase de emisiones de radiofrekuensia.




#Article 293: Ukrainios (147 words)


Los Ukrainios (en ukrainio: українці, ukrayintsi, son un puevlo eslavo oryental ke bive prinsipalmente en Ukrainia (donde son unos 37.5 milyones, i konforman el 78% de la povlasion del paez) i en otros payizes de la antika Union Sovyetika, komo en Rusia, (kaji 3 milyones), 2.1 milyones en la Amerika del Nord, (1.2 milyones en Kanada i 890.000 en Estatos Unitos). Endemas, egzisten komunitas de ukrainianos en Brasil (950,000 - 1.000.000), Kazajistan (unos 500.000), Moldavia (450,000), Polonia (entre 300.000 i 400.000), Arjentina (305.000), Belarus (entre 250.000 i 300.000), Portugal (100.000) i Eslovakia (55.000). Tambien egzisten komunitas chikas en el Reyno Unido, Almania, Rumania, Letonia i la antika Yugoslavia. 

Los ukrainios avlan el ukrainio, una lingua eslavika oryental, i en su mayoria la su relijion es el Kristianismo Ortodokso Oryental, afilú en la rejion oksidental del paez, ay munshos ke profesan la relijion Katolika Ukrainia, de rito oryental.




#Article 294: Hatikva (Partito politiko) (194 words)


Hatikva (en ivrit התקווה, La Esperansa) es un a minor partito politiko muevo i chiko en Yisrael. Es un partito no-relijioso de dirita, i dirijido por Aryeh Eldad, ken es aktualmente myémbro de la Knesset por el partito nasional-relijioso Moledet. Eldad iva dizir ke el muevo partito va partisipar n las sigintes eleksiyones avenir para la Knesset, i podria partisipar komo parte de la aliansa de partitos nasionales-relijosos Union Nasionala (ansina komo ase Moledet), anke en Novembro de 2007 la aliansa iva anunsiar el su fin para konformar un muevo partito nasional-relijioso ke va unir todos los partitos nasionales-relijiosos en uno sólu.

Konformado a finales del anyo 2007, el partito iva ser ofisialmente enrejistrado el 9 de Diziembro de 2007. Aryeh Eldad a anunsiado ke el partito presisa de 5000 myembros para estar legalmente kafifikados para konsigir asta 2 milyones de shekels por kada kandidato ke kera aspirar al posto de shefe del partito.. Primaries for Hativka's Knesset list will be held three months before the next general election.

Eldad yama al partito Hatikva un partito sin segregasyon, signifikando ke va tentar de konsigir myembros de ansina relijiosos komo sekulares de la sosyetá yisraeli.




#Article 295: Metro (487 words)


La palabra Metro i subterraneo se uza para yamar a los «sistemas de trénos de transporto masivo» ke operan en las grandes sivdades para unir las diferentes máales de la misma i endemas lokalidades serkanas, preferentemente basho de la tyérra. No debe konfundirse kon los sistemas de tréno suburbano, ke komo el su nombre dize, son akeyos ke van konektar las grandes sivdades kon los sus suburbios.

Pese a que la tendensia ekspansiva de las redes de Metro de las grandes sivdades las ha yevado a konectar kon otros nukleos de poblasion de su korona metropolitana, el tipo de servisio que se presta sigue siendo perfektamente independiente y distinguible del que prestan los servisios suburbanos.

La palavra metro es un akortamyento de metropolitano (del latin metropolitanus). El primer metro del mundo fue el Metro de Londres (yamado Metropolitan Railway), aperturado en 1863 con sesh kilometros de lineas.  Dempues se iva ekstender el servisio, i ya para el anyo 1884 formaba un anilyo de unos 20 kilometros. Dempués se ivan adisionar lineas radiales, parsialmente a syelo abierto i parsialmente en tunel, para konformar el Metropolitan and District Railway. Los trenos eran de vapor. Ma adelántre se iva empesar el fraguamiento de tuneles en forma de tubo i se ivan elektrifikar las lineas, por eso en Inglaterra se le yama Tube.

En 1896, Budapest (kon la apertura de la linea de Vörösmarty Tér a Széchenyi Fürdö, de sinko kilometros) i Glasgow (kon un sirkuito fechado de 10 km) ivgan ser las sigintes sivdades evropeas kon metro.

Afilu ainda egzisten trenos urbanos kon las sus lineas total o parsialmente en la superfisie, komo el de Medellín (Kolombia), el konsepto de metro se asosya jeneralmente a treno subterraneo, solusion ke ivgan adoptando poko a poko las sivdades ke no lo ivan adoptar anteriormente, déke la amijor kalidad del trasado subterraneo, ansina komo la falta de terreno disponible o la el su kosto en las grandes sivdades.

Kuando el metro viaja a sielo abyerto, jeneralmente se kolokan las vias sobro de plataformas metalikas o de konkreto armado elevadas unos katro o sinko metros del suelo, de forma ke el metro no pase por las kalejas i ansina no adisione trafiko. Afilu el su ruido es molesto para los vizinos, ansina ke en algunas sivdades, komo en la Sivdad de Mexiko o en Paris, los trenos ke sirkulan por vias parsialmente a syelo abyerto tienen neumatikos de kaucho, lo ke va aminorar el ruido i jenera un viaje má komodo. En otras, komo Praga i Santiago de Chile, las lineas de superfisie estan dentro de tubos elevados.

En los anyos mas resientes, los operadores de sistemas de trenos metropolitanos an lansado el fraguamiento i uzo de lineas de Metro lijero, ke se konsideran independyentes a las lineas regulares de metro.

Repuvlika Dominikana

Puerto Riko

La sigiente es una lista de los 25 prinsipales sistemas de Metro en termos de uzo de pasajeros anualmente:




#Article 296: Ars (313 words)


Ars (en arabo عرص, en ivrit ערס), o Arsim (plural) es un biervo un poko ofensiva afilu uzada de oto-definisiyon en ivrit uzada para deskrivir el estereotipo yisraeli de la persona de malas hádras, ke va tutuayar a todo el mundo, djoyas i adórnos muy arrelumbrantes i en jeneral rudesa de trato, liasionado kon los djudios sefardim i mizrahim de  klase basha, jeneralmente de orijin marrokano o tunisai. A una mujer ars se le yama Arsit, o má komunmente, Freha (פרחה), o alkunas vezes Fakatsa (פקצה), ke la forma akurtada ke inkluye el biervo Freha. En jeneral, Holon i Bat Yam, sivdades de bashos ingrezos del Distrito de Tel Aviv se asosian kon Arsim¿. . Munshos de los djistes de komediantes yisraelianos tienen personashes Arsim, komo por enshemplo Naor Zion, Shalom Asayag, Yaakov Cohen i otros ke biven en puevlos chikos  kon grande enfluensia i povlasion de Arsim.

En la lingua araba ars kiere dizir mansevo pastoriko, má afilu en El Kayro i en otras sivdades arabas se uza el termo para definir a un prokseneta. Endemas, tambien se uza la palavra lunga arsawwat.

Alkunas karakteristikas estereotipikas de Arsim son las sigintes: kalsas uzadas muy bashas (tayba), djoyas i aksesorios muy grandes, dingún respekto por las mujeres, ivrit mal avlado, uzo eksesivo de slang, i uzo de frasas en ivrit komo lama, mi met? (por ké, a ken amataron?) kada vez ke son kritikados por el su komportamyento. Tambien se konose i asosia kon eshkpuir en la kaleja, afumár i poko o dingún konosimyento del uzo del kompúter.

Los Arsim en Yisrael eskuchan musika Hiphop o Musika Mizrahi o Musika Araba. Sobre todo en los Estatos Unitos los Arsim eskuchan musika techno  de los anyos 90 de Tel Aviv, kon alkunos de eyos trokando en ser promotores i DJs de estes tipos de musika en Mueva York i en otras grandes sivdades amerikanas. 




#Article 297: Sha'ar LaMathil (118 words)


Sha'ar LaMathil (en ivrit שער למתחיל, la pajina para el prinsipiante), es un djurnal yisraeli para los olim muevos ke no avlan bien ivrit i sobre tódu para los ke estan estudiando en un ulpan, ya ke esta eskrito en un ivrit fasil, i kon todos los nikudim (puntos) para poder aser la lektura ma fasil de komprender. El djurnal sirkula una ves por semana en todo el paez, endemas de estar disponible para otros payizes komo Estatos Unitos, Fransia, Ostralya, Kanada i Reyno Unido.

El djurnal es editado en la sivdad de Tel Aviv, i konforma parte del grupo editoryal del djurnal Yediot Ahronot, afilu la su edision es kompartida kon el Ministerio de Edukasiyon del paez.




#Article 298: Ulpan (105 words)


El Ulpan (en ivrit  אולפן, studio) es el metodo akademiko disenyado en Yisrael para el ambezamyénto del ivrit por los olim muevos al payis, anke endemas el metodo se tiene eksportado a otros payises kon el buto de reinsertar linguas rejionalas komo katalan (Katalunya, Komunida Valensiana i Baleares, Espanya), Galez (Gales, Reyno Unido) i Breton (Bretanya, Fransia). Egzisten varios tipos, desde el basiko, asta el profisyonal, i el ulpan ke se ambeza en un kibbutz, ansina komo el de las yeshivot, i el del Tsahal (Huérsas de Defensa Israelis). En todos se meskla la edukasiyon kon el ambezamyénto de la kultura i la vida yisraeli.




#Article 299: Hadash (280 words)


Hadash (en ivrit: חדש‎) es un partito politiko de siedra en Yisrael. El partito de define a si mismo como un Partito Arabo-Djudio. La mayoria de los sus votantes i los sus shefes son sivdadanos arabos-yisraelis sekulares ansina como djudeos de siedra radikal. El partito oy endia tiene tres diputados en la Knesset. Ansina komo munchos partitos en el paez, el nombre Hadash es un akronimo, ke signifika haĦazit haDemokratit leShalom ulShiviyon (en ivrit: החזית הדמוקרטית לשלום ולשוויון), tradusido komo El Frente Demokratiko para la Paz i la Igualitá, i es endemas la palavra en ivrit para muevo, lo ke ulai va ser una referensia para el su nombre anterior, Rakah (un akronimo ebreo para Mueva Lista Komunista), konosido en la actualidá por ser el partito de Meir Vilner, último de los ke firmaron la deklarasyón de indepe dénsia de Israel en morir.

En arabo el partito es konosido komo  al-Djabha al-Dimokratiya lil-Salam wa'al-Musawa (en arabo: الجبهه الدمقراطية للسلام والمساواة). 

En las sus ultimas eleksiones para la Knesset, en 2015, el partito haze lista konjunta kon munchos partitos arabos sekulares ke hoy endía tiene diez diputados en la Knesset, el su shefe de partito en la Knesset es Ayman Odeh (Ayman Ouda en Arabo)

El shef del partito es Muhammad Barakeh, ma su deputado má konosido es Dov Khenin.

El partito iva surjir enel anyo 1977 komo una union del Partito Komunista de Yisrael (Rakah) kon el movimento Panteras Pretas i otros grupos de siedra.

El partito propone la evakuasyon de todos los yishuvim, ansina komo el ritorno a las frontieras de Yisrael antes de la Gerra de los Sesh Dias i el dirito a kompensasyon para los arifijuados palestinos.




#Article 300: Meimad (154 words)


Meimad (en ivrit: מימד‎, un akronimo para Mediná Yehudit, Mediná Demokratit, en ivrit מדינה יהודית, מדינה דמוקרטית‎), literalmente Estado Djudio, Estado Demokratiko es un partido zionista relijioso de siedraa en Yisrael. Fondado enel anyo 1999, esta bazado en la ideolojiya del movimento Meimad fondado enel anyo 1988 por el rabino Yehuda Amital. A nivelo nasional, esta en aliansa kon el partido Lavorista (Avodá) i asta las eleksiyones del anyo 2006, iva resivir el lugar numero 10en la lista del partido Avodá para la Knesset.

En Novembro del anyo 2008 el ministro i ex-miembro del Partido Lavorista Ami Ayalon se unió a Meimad, i endemas ese mismo mes el partito akabo la su aliansa kon el Partito Lavorista, dempues de ser avisados ke el puesto 10 en la lista nasional no iva ser reservado para Meimad para las eleksiyones del anyo 2009. Endagora Meimad bushka prokurar una aliansa kon partitos védres del paez, komo Meretz




#Article 301: Agrupasion por la Kultura i la Demokrasia (143 words)


La Reunion por la Kultura i la Demokrasya (en franses: Rassemblement pour la Culture et la Démocratie, RCD) es un partito politiko en Arjelia. El partito apoya i promueve la Laïcité (Sekularitá) i tiene su mayor huérsa elektoral en partes de Kabilia i sobre tódu en la sivdad de Tizi Uzu, konsiderada la sivdad má bereber del paez. Alkunos konsideran al partito komo un partito liberalo para la povlasion bereber a nivel nasional arjelino. Entre otros puntos, el partito propone un estado kon wilayas mas avtonomas i kon egalitá para las kulturas del paez, se manifesta en kontro de la arabisasiyon de la sosyetá arjelina i el uzo del franses komo lingua komun a todos los arjelinos, tanto arabos komo bereberes. El partito partisipó en las eleksiyones al parlamento de Arjelia enel anyo 2007 i iva obtener 19 asientos en la Asamblea Nasional.




#Article 302: Kongreso Nasional Afrikano (230 words)


El Kongreso Nasional Afrikano (en ingles African National Congress) es el aktual partito politiko de governo de Afrika del Sud kon el apoyo de la su aliansa kon el Kongreso de los Sindikatos de Afrika del Sud (COSATU) i del Partito Komunista Sud Afrikano (SACP), desde el establesimiento del governo mayoritario enel anyo 1994. Se define a si mismo komo una huérsa de la siedra. El partito iva se fondado el 8 de Jenero de 1912 en Bloemfontein komo el Kongrezo Nativo de Afrika del Sud (en ingles South African Native National Congress (SANNC))  kon la intension de augmentar los diritos de la povlasion preta de Afrika del Sud. El su primér shefe, John Dube, i el poeta i eskritor Sol Plaatje estan entre los sus priméros myémbros. La organisasion trokó para ser el KNA enel anyo 1923 i formó una ala militar, Umkhonto we Sizwe (La lansa de la nasiyon). El partito resientemente se fundió kon el Muevo Partido Nasional, el mayor partito de la epoka afrikaner de Afrika del Sud i endagora un partito blanko, para pasar a ser el partito má grande del paez. El partito kontrola kaji todos los governos de los estatos del paez, afilu en la Provensiya del Kabo Oksidental el governo es del partido liberalo Aliansa Demokratika i en la Provensiya de KwaZulu-Natal el governo es del partito Partito de la Libbertá Inkhata.




#Article 303: Partito Komunista Japonezo (119 words)


El Partito Komunista Japonezo (en japonezo  日本共産党, Nihon Kyōsan-tō) es un partito politiko en Japon. El PKJ buskha estableser una sosyetá bazada en sosialismo, demokrasia i paz, i endemas oposisyon al militarismo. Propone lograr estes lavurando dentro de un sistema kapitalista, mientras ke a la vez gerreando en kontro de lo ke el partito yama El imperialismo i el su aliado subordinato, el kapital monopolista. Anke el partito sige la linea Leninista, el PKJ no tenta konsigir una revolusyon sosialista; el partito propone una revolusyon demokratika para konsigir trókos demokratikos en la politika i en la ekonomiya i la kompleta restorasiyon de la soberania japoneza, la kuala ve infrinjida por la aliansa de Japon kon los Estatos Unitos d'Amerika.




#Article 304: Aliansa Demokratika Turnhalle (271 words)


La Aliansa Demokratika Turnhalle (en alman Demokratische Turnhallenallianz, en inglez Demoratic Turnhalle Alliance) es un partito politiko konservador en Namibia. El partito esta aliado kon el Frente Unito Demokratiko  para konformar la oposision ofisial en el parlamento namibio. El su presidente es Katuutire Kaura, ken a la su vez es el Lider Ofisial de la Oposisyon. Mishake Muyongo iva giar el partito durante los primeros anyos de la independensia del paez, i enel anyo 1994 el iva kedar en eldosen lugar en las eleskiyones presidensiales, tras del presidente Sam Nujoma, kon 23.08% de los votos. Dempues ke Muyongo iva ekpresar apoyo a la sesesiyon de la Franja de Caprivi enel anyo 1998, fue suspendido del partito en una reunion ekstraordinaria del komité de shefes del partito. Myongo se fue del paez i fue elijido Katuutire Kaura el muevo presidente del patito, ken iva pedir ke Muyongo ritornara al paez para ser yevado a juisyo i a prizión. En las eleksiyones parlamentarias de Novembro del anyo 2004, el partito iva ganar 5% del voto popular i 4 de los 78 asientos en el parlamento nasional. La ADT es un miembro asosiado de la Union Demokrata Internasional, un grupo transnasional de payises jeneralmente identifikados kon el konservatismo politiko. El nombre del partito va venir del antiko salon del pozo (en alman Turnhalle) en Windhoek,  donde las nigosiasiyones konstitusionales ivan ser tenidas entre 1975 i 1977. El partito fue fondado en Novembro del anyo 1977 por partisipantes en la Konferensia Nasional Turnhalle kenes salieron del Komite Konstitusional debido a la insistensia del Partito Nasional en retener alkunos aspektos del apartheid en la mueva konstitusiyon.




#Article 305: EVA Air (127 words)


EVA Air (en shino mandarin 長榮航空, Chángróng Hángkōng), es una linea aerea de Taiwan ke forma parte del Grupo Evergreen. La Aerolinea tiene una red que kubre 47 destinos internasionales, kon bolos a Ostralya, Asia, Evropa, los Estados Unidos i Kanada, endemas de volos lokales i rejionales a traverso de la su subsidiaria UNI Air desde la sivdad de Kaohsiung, en el sud de la adá. El su aeroporto prinsipal es el Ayroporto Internasional Taoyuan, serka de la sivdad de Taipei. Es la sigunda aerolinea má grande de Taiwan, dempues de la su rival China Airlines. Enel anyo 2007, la aerolinea tranzporto 6.2 milyones de pasajeiros; endemas la aerolinea tiene unos 4.800 empiegados. La su flota de aviones es de los  fabrikantes Boeing, Airbus y McDonnell Douglas.




#Article 306: Mahon Meir (396 words)


Mahon Meir (en ivrit: מכון מאיר‎) es una yeshiva zionista en la máale de Kiryat Moshe en la sivdad de Yerushalayim, serka de la máale de Givat Shaul. Mahon Meir es una de las má grandes organisasiones de outreach en Yisrael i el uniko instituto de ensinansa de Tora en inglez, franses, kastilyano i ruso para los djudios ke tienen poko o dingun konosimiento de djudaismo i poko o dingun konosimiento de ivrit; la yeshiva ofrese programas de studios intensivos i a tyempo kompleto en estas linguas, kon programas ke van inkluir estudios de Tora, Gemara, las ensinansas del Sinyor haham Avraham Itshak Kook, Istorya djudia, Istorya de Yisrael, Musar, Filosofiya i endemas egziste un ulpan de ivrit para los ke presisen aprender o amijorar los sus konosimientos del lashon hakodesh.

Mahon Meir fue aperturado dempues de la Gerra de Yom Kippur enel anyo 1973, por el Sinyor haham Dov Bigon. El rav Bigon ambezó en la yeshiva Merkaz ARav kon el Sinyor haham Zvi Yehuda Kook, ijo del Sinyor haham Avraham Itshak Kook, el kualo era el primér Rabino Shefe de Yisrael. Es por este ke afilu Mahon Meir i Merkaz haRav no estan ofisialmente afiliadas, egziste una relasion muy serkana, las dos yeshivot tienen ideolojiyas muy paresidas, anke la diferensia má grande esta en ke Merkaz ARav esta orientada a akeyos elevos kon má eksperiensia i konosimientos del djudaismo, i Mahon Meir tiene má rekorsos para akeyos elevos kon una edukasiyon djudia menos formal o kon chiko konosimiento de ivrit, o para akeyos israelis ke estan empiesando a dar sus primos pasos komo baalei teshuva.

Es komun toparsen kon yisraelis ke antes de azer la Tsavá no sigían una vida relijioza  i dempues de la Tsavá bushkan una mayor relasiyon kon su erensia djudia i kon El Dio. Tambien es un destino para no-djudios de todu el mundo ke buskhan konvertirse al djudaismo. Una karakteristika de Mahon Meir ke la aze diferente a otras yeshivot i organisasiyones de outreach es ke Mahon Meir apoya la partisipasiyon de los sus elevos en la sosyeté yisraeli, en el Tsahal  i en el fraguamiento i kresimiento de muevas komunitas djudias, ensinando a los sus elevos a tratar por igual a todos los djudios, sin emportar el su nivel de relijiositá, orijin o posisiyon sosyala, i enfatisa en la mitsvá de kerer a todas las kriaturas del Dio.




#Article 307: Repuvlika de Kina (558 words)


Taiwan o la Repuvlika de Kina (en kinezo mandarin 中華民國) es un paez de Asia Oryentala konformado por varias isolas no sólu la isola de Taiwan, sino endemas las isolas de Kinmen (Kemoy) i Matsu, las Islas Pishkadores i otras isolas menores. 

Desde la su proklamasyon komo provensiya Kineza enel anyo 1887, los sistemas administrativos an estado ligados a este paez Asiatiko. Dempues se ser kolonia Japoneza,la sosyetá iva sigir basho el governo del Partito kinezo Kuomintang. Enel anyo 1947, la rebeliyon en kontro del KMT iva ser reprimida i dos anyos dempues el partito iva estableserse de manera definitva en la adá. Desde ayí, el partito deklaró el território komo baza provisional de la Repuvlika de Kina. Dempues de este momento, la adá se iva trokar a ser un punto estratejiko para los intereses de Estatos Unitos, paez ke le iva dar el su respaldo ekonomiko i militar durante la Gerra Friya. El KMT iva instalar un governo ke pretendiya representar a todas las provensiyas khinesas, anke kon pokos diritos umanos. Entre los anyos 1953 i 1985, Taiwan iva eksperimentar un dezvelopamiento endustrial notable shukur a la intervensiyon de teknokratas de la Banka Mondiala i de Estatos Unitos. Este dezvelopamyénto ekonomiko iva konvertir a la isola en el sigundo paez eksportador de plastikos, kímikos, tekstiles i elektronikos de konsumo, afilu kon kondisiones de lavoro no muy buenas para los empiegados de las fabrikas. Este iva influir en el surjimiento de movimentos sosyales ke kuestionavan la politika komun a Taipei i Peking para integrar Una sóla Kina. Enel anyo 1979,l los Estatos Unitos ivan akabar relasiones diplomatikas kon Taiwan dempues de ke la Repuvlika Popular de Kina entrasse en las Nasiones Unitas i Taiwan empesara a perder rekonosimiento mundial, huersada a sigir partisipando en kompensensias esportivas internasionalas basho el nombre Taipei Kineza i sin poder usar la su bandeira, ya ke de akódro kon la politika de Peking, sólu egziste una sola Kina. Enel anyo 1986, se iva fondar el Partito Demokratiko Progresista, primér partito de oposisyon al governo del Kuomintang i desde el anyo 1994, a kresido munsho la luta por la independensia del payis como Repúvlika de Taiwan. Sin embargo, el paez a sabido sigir kresiendo ekonomika i teknolojikamente a pesar de las sus gerras politikas internas i el debate entre el Status Quo, propuesto por el Kuomintang la independensia komo Repuvlika de Taiwan, propuesta por el PDP o la integrasion kon la Repuvlika Popular de Kina, ke propone el governo de Peking kon un sistema paresido al Un paez, dos sistemas aplikado para Hong Kong i Makao.

Taiwan fue el primér paez yamado Tigre Asiatiko déke el su dezvelopamiento industrial a sido pishín i sin parada desde los anyos 60 i 70, sigindo el eksemplo de Japon. Dempues de empiesar produsiendo produktos baratos, oy endia egzisten munshas markas konosidas taiwanezas de alta teknolojiya  komo Acer, AOpen, Asus, BenQ, D-Link, Genius, HTC, Realtek i VIA Technologies, las kualas dezvelopan konosimiento kon sólu teknikos taiwanezos. El payis kiró el primér parko teknolojiko, un area destinada espesialmente al dezvelopamiento i la investigasyon, en Hsinchu, enel anyo 1980 i ke oy endiya tiene 380 entreprisas de alta teknolojiya. Endemas, una de las kompanyias má grandes de naves de karga del mundo, Evergreen es taiwaneza, la kuala a su vez konforma parte del mismo grupo ke la aerolinea EVA Air.




#Article 308: Taipei (222 words)


Taipei (en Khinezo 台北) es la kapital i sivdad mas emportante de Taiwan (Repuvlika de Kina). Se ankontra ubikada kaji al ekstremo Nord de la isola de Taiwan, en las riberas del rio Danshui, a unos 25 kilometros de la sivdad de Keelung, ke es el su puerto en el Oseano Pasifiko.  El su estatus ofisial es el de kapitala provisionala de la Repuvlika de Kina. La su povlasión es de 2.630.872 abitantes (Jenero de 2007). Taipei es una munisipalidad espesiala administrada direktamente por el Governo Sentral de Taiwan. la sivdad esta dentro del distrito de Taipei, anke no forma parte de este.

El alkalde aktual de la sivdad de Taipei es Ma Ying-jeou, del partito Kuomintang. Sólu desde el anyo 1994 el alkalde de Taipei es nombrado por eleksiyon popular, dempues de munshos anyos de ser un kargo designado por las avtoridades sentralas. La sivdad endemas alberga la kulá Taipei 101, la frágua má alta de todo el mundo.

Por su la alta proporsion de povladores de orijin kinezo kontinental i la su dependensia del komersio, la sivdad de Taipei es munsho má partidaria de la reunifikasiyon con la Repuvlika Popular Kina ke otras sivdades de Taiwan. El lashon má avlado es el Idioma shino mandarin, mientras ke en el resto de la adá predominan los dialektos kinezos Minnan i Hakka.




#Article 309: Katro Esnogas Sefardis (561 words)


Las Katro Esnogas Sefaradis estan ubikadas en la máale djudia de la sivdad vieja de Yerushalayim. Eyas konforman un a frágua ke inkluye katro esnogas ke ivan ser fraguadas en diferentes periodos de la istorya de la sivdad para poder satisfaser las nesesitás de la komunitá sefardí, kon kada kal praktikando un minag diferente. La esnoga mas antika, la Esnoga Eliyahu HaNaví, fue fraguada enel anyo 1516, dempues la Esnoga Yohannan Ben-Zakkai, la Esnoga Istanbuli i la Esnoga Emtsai ivan ser aperturadas en los sigintes 20 anyos. Estas ivan ser el korasón de la vida sefardi en la Sivdad Vieja de Yerushalayim. Dempues de ke enel anyo 1948 la sivdad vieja iva kaer en mano de los arabos durante la Gerra de Independensia Yisraeli, las esnogas ivan ser kemadas i trokadas en establos para ganado. Dempues de la Gerra de los Sesh Dias las esnogas ivan ser fraguadas muevamente. Endemas, egziste un chiko muzeyo donde los visitantes pueden aprender i konoser la istorya de la komunita sefardi en Yerushalayim.

La Esnoga Eliyahu HaNaví (en ivrit בית הכנסת אליהו הנביא) fue fraguada dempues del periodo Ottomano enel anyo 1516 i yamada ansina, asigun una leyenda ke iva dizir ke, durante un Yom Kippur sólo avían 9 ombres i presisaban 
uno mas para kompletar minyán. De repente aparesio un ombre deskonosido para el kal, i antonses eyos empiesaron a meldar. Dempues de meldar Neila el ombre desaparesió sin ke dinguna persona viera ken era o donde iva yir. El kal estaba siguro ke este ombre sólu podía ser Eliyahu HaNaví. El uzo de esta esnoga era sobre tódu komo Bet Midrash para estudiar Torá, por lo ke tambien es konosida komo Kal Talmud Torá.

La Esnoga Yohannan Ben-Zakkai (en ivrit בית הכנשת יוחנן בן זכאי) o tambien konosida komo Kal Kadosh Gadol, se dise ke esta fraguada donde estaba fraguado el Bet Midrash del tanna Haham Rabí Yohannan Ben-Zakkai, ken iva estableser el Sanhedrin en Yavne dempues de la destruksiyon del Sigundo Templo. Esta esnoga fue aperturada al empiese del XVII syéklo.

A medida ke la povlasiyon sefardi de Yerushalayim iva kresiendo, un grande grupo de djudios arrivaban de Istanbul, Turkiya, kenes uzaban la frágua al lado de la esnoga Eliyahu HaNavi para meldar desde el anyo 1764. Kon el tiempo, la esnoga iva atraer djidios ke bushkaban meldar, sobre tódu de Kurdistan i Afrika del Nord. El Aron Akodesh es del syéklo XVII, i fue importado de una esnoga ke fue destruyida en Ancona, Italia. La bimá, konstruyida en el syéklo XVIII, es de una esnoga en Pesaro, Italia. La Esnoga fue remuevada enel anyo 1836. Oy endia la esnoga es uzada por las komunita Espanyola-Portugeza, ke van sigir el minhag de Londra. Komo es la esnoga má grande de las katro, es uzada kuando se elije un muevo Rabino Shefe Sefardi de Yisrael

La Esnoga del Medio, Esnoga Emtsai (en ivrit בית הכנסת האמצעי) o Esnoga Kal Zion konforma la kamareta sentral de la frágua. Orijinalmente era un kortijo uzado probablemente komo el area para meldar de las mujeres de la Esnoga Yohanan Ben-Zakkai. Durante Sukkot podia ser trokado en una Suká para el kal. Kon el kresimyénto de la komunita, se troko el su uzo a mediados del syéklo XVIII i se desidio kolokar un techo i trokarlo en otra esnoga, afilu má chika ke las otras de la frágua.




#Article 310: Reyno Unido (106 words)


El Reyno Unido de la Gran Bretanya i la Irlanda del Nord, má konosido komo Reyno Unido, es un payis ke se topa  en la Evropa Oksidentala. La su sivdad kapitala es Londra, ama egzisten otras sivdades komo Birmingham, Newcastle, Leeds i Manchester, en la Inglaterra; Glasgow, Edimburgo i Aberdeen en la Skosia; Cardiff i Swansea en el payis de Gales i Belfast en la Irlanda del Nord. El Reyno Unido no tiene una lingua ofisiala, ma la mas avlada es el inglez. Tambien se avlan eskosez, galez, la unika lingua ofisiala enel payis (ma solo enel payis de Galez), irlandez i korniko, una lingua rekonstruyida.




#Article 311: Beta Israel (176 words)


Los Beta Israel (en ivrit: ביתא ישראל, Beta Israel, «Kaza de Yisrael»; en ge'ez: ቤተ፡ እስራኤል Bēta 'Isrā'ēl o Bēte 'Isrā'ēl) –konosidos jeneralmente basho los termos falashas (en amáriko «eksiliados» o «ekstranjeros»), ke puede ser konsiderado ofensivo, Kayla («eksiliados», en Tigrinya) o Habashim (palavra antika en ivrit uzada para deskrivir a la djente de Etiopia i Eritrea)– son los djudios de orijin etiope. Kaji el 80% de eyos (más de 120.000) biven oy endia en Yisrael, a donde empiesaron a emigrar a mediados del syeklo XX, shukur a la Ley del Ritorno de 1950. La su povlasion aktual en Etiopia se estima en unos 15.000. 

Los Beta Israel ivan ser arekonosidos komo una de las tribus perdidas de Yisrael en 1975, dempues de la investigasion echa por el Sinyor Gran Rabino sefardí, Ovadia Yosef. En este momento Ysrael les iva rekonoser komo djudios autentikos, desidiendo antonses ke sólu ivan tener ke pasar por una lijera konversiyon para ser akseptados como djudios en Israel. 

Con el rekonosimiento, los Beta Israel konsigieron permiso para poder emigrar a Israel. 




#Article 312: Panteras Pretas (722 words)


Las Panteras Pretas (en ivrit: הפנתרים השחורים‎, HaPanterim HaShhorim) son un movimento de protesta yisraeli de olim de sigunda jenerasiyon de payises del Midio Oryente. Eyos ivan ser una de las priméras organisasyones en el paez kon la misyon de lavorar por la djustisia sosyal para los djudios mizrahim i sefaradim. Saadia Marciano, uno de los fondadores del movimento, elijio el nombre Panteras Pretas enel anyo 1971 kuando Angela Davis, una de las Panteras Pretas de Estatos Unitos, vijitó Yisrael i se reunio kon Marciano, ken antonses elijio este nombre. Eyos tambien son konosidos komo las Black Panthers Yisraelis, para aserlas diferentes de este grupo Afroamerikano.

El movimento empieso enel anyo 1971 en la máale Mosrara de la sivdad de Yerushalayim, en resposta a lo ke se iva persever komo diskriminasyon en kontro de los mizrahim, la kuala konsideraban iva egzistir desde el establesimiento de la medinat. Las Panteras Pretas ivan sentir ke esta diskriminasyon podia ser avistada en la aktitud i preferensia de las institusiones i adjensias ofisiales, basho kontrolo de ashkenazim, asya los olim de la Union Sovyetika. Los fondadores del movimento protestaron la ignoransia del establishment de los duros problemas de la sosyetá i empieso a gerrear por un futuro diferente.

En Marso de 1971, la polisiya Yisraeli no aprovo un permiso para una martxa publika de las Panteras Pretas. Las Panteras ignoraron esta desisyon i empiesaron kon la manifestasyon de manera ilegal, protestando en kontro de la provesa en la komunita mizrahi, las diferensias entre proves i rikos i las tensiones etnikas en la sosyetá yisraelí. El movimento iva konsigir munchos simpatisantes,en publiko i en los midios de komunikasyon. 

El 18 de Mayo de 1971, La Noche de las Panteras, entre 5.000 i 7.000 personas re ivan reunir en la Plasa Zion en Yerushalayim en kontro de la diskriminasyon rasial enel paez. Los manifestantes asta demandaron trokar el nombre de la plasa a Kikar Yahadut HaMizrah (Plasa del Djudaismo Oryental). Esta manifestasyon tambien iva ser echa sin permiso de la polisiya. Las huérsas de sekurita ke ivan venir para akabar la manifestasyon ankontraron una marea de personas muy molestas, los kualos lansaron piedras i kokteles Molotov. Tanto la polisiya komo los manifestantes ivan ser feridos en los enfrentamyentos: 20 ivan ser yevados al opital i 74 ivan ser yevados a la prizión por la polisiya. Má antes de la manifestasion, alkunos representantes de las Panteras se entrevistaron kon la primera ministra Golda Meir el 13 de Abril, la kuala disho ke eyos eran jente no agradável. Eya iva ver los lideres del movimento komo personas ke ivan en kontro de las leyes i no akseptó rekonoserlos komo un movimento sosyal. La violenta protesta del 18 de Mayo izo ke el governo analisara kon serietá las dimandas de las Panteras i se iva desidir estableser un komité publiko para konisigir una solusyon.

De akódro kon las konklusyones del komité, la diskriminasyon iva egzsitir en munchos levelos en la sosyetá. Dempués de este, los presupuestos para asuntos sosyales del governo ivan ser aumentados en muncho; afiliu la Gerra de Yom Kippur trokó la lista de prioritás del governo i muncho de estos rekursos se trokaron asya nesesitás de sekuritá una vez más.

Las Panteras dempués bushkaron entrar al kampo elektoral, ma afilu sin egzito, debido a penserios internos. Alkunos de los shefes del movimento se integraron a partitos ya egzistentes komo Tami o Shas, i a traverso de eyos ivan promosyonar la politika mizrahi. Charlie Biton se iva integrar al partito Maki i dempues iva ser elijito katro vezes, por egzemplo. 

Los djovenes aktivistas de las Panteras Pretas reusharon i konsigiron ke la jente tomara konsensya de la Koza Oryental,  el ke mas adelántre tomaria un rol emportante en la politika yisraeli en los anyos '70 i '80, ansina adjudando a las viktorias del partito Likud en estes anyos. Afilu egzisten ainda desigualitas, munchos mizrahim ivan entrar al sentro de la vida politika, relijiosa, sosyal, esportiva, ekonomika i kukturala yisraeli, komo los marrokis Shlomo Ben-Ami, Amir Peretz, Shlomo Amar i David Levy, los irakis Shlomo Hillel, Dalia Itzik, Benjamin Ben-Eliezer, Yitzhak Mordechai i el sinyor Haham RavOvadia Yosef, los tunisim Silvan Shalom i Shiri Maimon, los parsim Kobi Shimoni (Subliminal), Shaul Mofaz i Moshe Katzav i los temanis Gali Atari, Ofra Haza, Shahar Zubari, Zohar Argov, Dana International i Noa.




#Article 313: Hamburgo (167 words)


La Sivdad Libera i Anseatika de Hamburgo o Hamburgo (Hamburg en alman, Hamborg en el lashon bashoalman) es una sivdad ubikada al nord de Almania. La sivdad konforma el su propio estado federado, kon una ekstensiyon de 755 km². A finales de 2015 la sivdad iva tener 1.787.408 abitantes (4,7 milyones en la Grande Amburgo, la kuala inkluye partes de los estados vizinos de Basha Sajonia u Schleswig-Holstein), el kualo la ase la sigunda sivdad má povlada de Almania dempues de Berlin. Endemas, el su porto es el sigundo mas grande de Evropa, dempues del de Rotterdam i el mueveno del mundo.

El primero nombre istoriko de la sivdad hue, asegún informes de Claudio Ptolomeo (c. 100–c. 170), Treva. Los oríjenes de Amburgo se remontan al anyo 808 d. C., en el que Carlomagno mandó fraguar el kastiyo Hammaburg, denantes de que se vigilaba la zona al norte del río Elba, ande burgo sinyifica kastiyo. El termo Hamma sigue siendo incierto, como la ubicación de este castillo. 




#Article 314: Arequipa (354 words)


Arekipa Es la segunda sivdad mas poblada del paez, dempues de Lima, la sivdad es la kapital tanto de la provinsia komo de la rejion.
Arekipa es una sivdad de Peru situada en el ekstremo sud oeste del paez. Se enkuentra a una altura de 2.335 msnm i esta en un vaye fertil entre el area kostera del desierto de Atakama i los kontrafuertes de la kordiyiera de los Andes Oksidentales. La sivdad es la kapital tanto de la provinsia komo de la rejion omonima.
El area metropolitana de la Arekipa se konstituye komo la segunda mas ekstensa de Perú, okupando una ekstension territorial serkana a los 3.000 km2, i komo la segunda más visitada, dempues de Kuzko. Tres volkanes estan frente a la sivdad, entre los kuales destaka el Misti (5.821 msnm), que se puede observar desde kualkiér punto de la sivdad.
En la aktualidad, Arekipa se konsidera un importante eje komersial en la zona sud del paiz. kuenta kon dos parkos industriales, es la «sivdad mas grande dempues del eje Lima-Kayao», mantyene lasos komersiales kon el Kile, Bolibia i el Brasil, se enkuentra ajuntada trénos kon el puerto de Matarani el segundo kon la maior trafiko dempues de el Kayao, i asimismo destaka en produsir industria de kamelidos kon kalidad de eksportasion.
Se le konose desde la époka kolonial komo la sivdad blanka por el kolor de los sus abitantes, en la aktualidad esta denominasion es atribuido al kolor del siyar que prevalece en los sus numerosos templos y kazonas. En 1868, la sivdad fue destruida por un terremoto, por lo ke tuvo ke ser rekonstruida kaji en su totalidad. En el su sentro istóriko konserva kazas virreinales i templos en estilo barroko i estilo neogótiko. En el anyo 2000, la UNESCO deklakó al sentro de Arekipa komo «Patrimonio Kultural de la umanida».

Fue fundada en el anyo 1540 komo “Villa de la Asunción de Nuestra Señora del Valle Hermoso de Arequipa” por Juan de la Torre y Diaz Chacon i Garci Manuel de Carbajal.
En el anyo 2000, la UNESCO deklaro al sentro de Arekipa komo Patrimonio Kultural de la Umanida.




#Article 315: Harbin (217 words)


Harbin (en kinezo simple 哈尔滨; en kinezo tradisional 哈爾濱; en la transliterasiyon pinyin Hāěrbīn; en ruso Харби́н) es la kapital de la Provensiya de Heilongjiang en Mandjuria, en el nordeste de Kina. El su nombre es una palavra mandjú ke signifika Lugar para asekar las redes de pishkar. La sivdad tambien es konosida komo La Perla en el garon del zisne, déke la forma de la 
Provensiya de Heilongjiang aparese un zisne, i endemas es konosida komo La Moskú del Oryente i La París del Oryente, déke el estil de la arkitektura de la sivdad es muncho mas evropeo ke asyatiko; es afilu la sivdad mas evropea de todo el Oryente. Indemas la sivdad es konosida komo la  Sivdad del Buz déke el envierno en la sivdad es muy lungo i yelado. Ma lo ke aze a la sivdad má famosa es la grande mostra de eskulturas de buz en el envierno, ande se fraguan kazas, templos, kilisas, imajenes de animales, djente, otos i otras fantezias en puro yelo, i se yenan de luses de kolores, kedando la sivdad trokada en un luzio parko de yelo de kolores. 

La sivdad es un sentro endustrial del Nord de Kina, i se ankontra a la beira del rio Sungari o Songhua, ke es afluente del rio Amur o Heilongjiang.




#Article 316: Istorya de los djudios en Harbin (259 words)


Harbin una vez iva ser la sivdad kon la komunita djudia mas grande del Ekstremo Oryente. A fines del syéklo XIX y empesijos del syéklo XX, la sivdad iva ser el má grande sentro politiko, ekonomiko, kulturalo i relijioso para los djudios del Asya Oryentala. Los priméros djudios ivan arrivar desde Rusia i Evropa Oryentala enel anyo 1898, kon el fraguamyento de la línea de tréno Trans-Siberiano ke iva unir a Mosku i Peking, endemas de fuyir de los dias eskuros de los pogroms de la Rusia Zarista. Dempués de la Revolusiyon Rusa en 1917, munchos djudios ke estaban fuyendo de los Boldjevikes yegaron a Harbin. La komunita enfloresió i yego a ser tan grande komo de unas 25000 personas, kuando antes de la Revolusiyon la komunita iva tener unas 10000 personas. 

Dempues de la Sigunda Gerra Mondial, los djudios de Harbin se ivan yir poko a poko a Shanghai, Israel i otros payises komo Ostralya i los Estatos Unitos d'Amerika. 

Enel anyo 1963 las institusyones djudias de la sivdad ivan ser ofisialmente serradas i enel anyo 1985, murio el ultimo djudio en Harbin, deshando la sivdad bosh de djudíos por la prima vez desde el anyo 1880.

Ama afilu la sivdad ainda tiene fráguas i predios ke amostran la bivés i la emportansia de la komunita. La Esnoga Prinsipal de Harbin, fraguada entre 1907 i el su apertura
miento enel anyo 1909, indemas konosida komo la Kilisia Aedada, la Mueva Esnoga de Harbin, fraguada entre los anyos 1916 i 1921, el Betahayim Huang Shan, aperturado enel anyo 1903.




#Article 317: Mueva Esnoga de Harbin (296 words)


La Mueva Esnoga de Harbin es la esnoga i sentro kulturalo djudio má emportante del Nord de Kina. El su fraguamyénto empiesó enel anyo 1916 i fue aperturada enel anyo 1921. Oy endiya, es el Sentro de Istorya Djudia i Paviyón Kulturalo de Harbin. En el su momento, la esnoga iva ser la esnoga má grande del Nordeste de Kina, kon una superfisie de má de 1230 metros kuadrados i kon una kapachitad de asta 800 personas para meldar. La esnoga no es uzada por dinguna komunita desde la anyada de los '50, kuando la mayor parte de la komunita deshó la sivdad.

La esnoga antonses no iva ser sólu un emportante lugar de arrogamiento i edukasiyon komunitaria de la sivdad de Harbin, ama también una libreria publika. Oy endia, la entrada al Paviyón de Kultura i Istorya Djudia de Harbin tiene una grande menora de syete brasos a la su entrada. En las paredes egzisten dos eskulturas amostrando las rutas de emigramiento de los djudios de la sivdad. La esnoga esta fraguada yena de arkitektura de estil djudio, kon una Estreya de David prominente. Enel foyer de la frágua, se amostra un filmo sobre el Olokósto kon titolos en kinezo. Los dos pisos de la frágua estan yenos de fotos blankas i pretas ke amostran komo iva ser la vida de la komunita djudia en la sivdad: La kuzina i los gizados, las kandilikas de shabat, el movimento djovenil Beitar, la organisazion de bienfezensia de mujeres, las butikas, los komersantes, las plantas, la biblioteka, la orkesta djudia, kantadores djudios, los kumbites, esportistas djudios. La eksposizion de la komunita de akeos tyempos es konozida como The Jew of World Famous, en inglez i kinezo i esta disponible para la kolektividad de la sivdad i para turistas. 




#Article 318: Betahayim Huang Shan (110 words)


El Betahayim Huang Shan, ubikado en los fueros de la sivdad de Harbin, es el betahayim djudio má grande i amijor preservado en Asya Oryentala. El Bet ahayim, ke tiene unas 600 tumbas eskritas en idish i ruso, iva ser aperturado enel anyo 1903 en el sentro de la sivdad i enel anyo 1958 iva ser trokado a los fueros de la sivdad. Enel anyo 1992, dempues del empiese de las relasiones entre Israel i la Repuvlika Popular Kina, se empieso a ser remuevado. El antonses primér ministro de Israel, Ehud Olmert, iva dar respekto al su papú Yosef Olmert, el kualo iva murir enel anyo 1941 en la sivdad.




#Article 319: Kaminar ensima de la agua (1006 words)


Kaminar ensima de la agua (títolo orijinal en ivrit: ללכת על המים, Lalehet al hamayim) es un filmo Yisraeli del anyo 2004. Los prinsipales roles son interpretados por los aktores Lior Ashkenazi, Knut Berger i Caroline Peters. El filmo es dirijido por el direktor yisraeli nasido en Mueva York Eytan Fox. La istorya fue eskrita por Gal Uchovsky. La mayor parte de los diálogos son en inglez, afilú ay munchas konversasiyones en ivrit i en almán. El nombre del filmo se deriva de la istorya kristyana de kuando Yeshu kaminó sovre las aguas en el Kinneret. 

Eyal es un adjente en el Mossad, el servisio sekreto yisraeli. El es un adjente enkargado de kobrar la vida de los inimigos del paez i de los djudios. La su esposa se amortó resientemente, i la adjensiya va desidir ke el presisa de una tarea má kolay: Ankontrar a un viejo kriminal Nazi i amortarlo Antes ke el Dio lo ankontre primero.

Para konsigir el ombre, Eyal pasa por un gia turístiko i se troka en amigo de los nietos del Nazi, Axel i Pia. Pia bive en un kibbutz. El su ermano Axel viaja a Israel para tentar konvenserla de aboltar a Almania para el aniversário numero 70 del su papú. Má adelántre en el filmo se revela ke la relasiyon de Pia kon la su famiya empiesó kuando eya iva deskobrir ke los sus padres eskondian al su papú en vez de entregarlo a la djustisia almana. Eya komparte toda esta informasiyon kon Axel.

Anke el tiene un echo ke komplir, Eyal se troka en amigo de vedra de Axel i Pia. Eyos son djente buena ke demostran ke la mayoria de los almanes desharon en el pasado el aborresimyénto ke jeneró el Olokósto. Eyos se azen pasar muncho tiempo djuntos i Eyal tambien goza deste, afilú el no dize nada. La su amistad kon Axel lo aze amostrar algo de umanitá, deshando un póko de lado su imajen de ombre rudo i huérte. Eyal i Axel inkluzo toman un banyo de barro en la Mar Amortado, tomándose un dush djuntos desnudos dempués de este. 

Kuando los tres van a senar una noche en un restoran de Tel Aviv, Axel avla en privado kon el garsón palestiniano, Rafik, i le kestiona kual danseteria es la amijor de la sivdad. Má tadre esa noche, Axel, Pia i Eyal arrivan al sitio. Eyal esta sorprendido al diskovrir ke es una danseteria gay. El ve a Axel baylando kon Rafik. 

Al empesijo, Eyal esta molesto i defraudado de diskovrir ke Axel es gay. El torna al buró i pide ser removido de la tarea, má no dize ke la su omofobia es la razón. El su shefe, Menahem, insiste ke Eyal deve kulminar la misión. Eyal vijita Almania i se da kuenta ke la orientasiyon seksual de Axel no es emportante. Durante la vijita, Eyal defiende a un grupo de amigos transeksuales de Axel de unos skinheads (Neo-Nazis) ke los atakan i al azer este, desha konoser ke avla bien la lingua alemana. El antonses le kuenta a Axel ke los sus padres eran yekkes (djudios almanes) i le eksplika ke la mayoria de los djudios en la rejion de Almania ande bivia la su madre fueron amortados por el papú de Axel. Poko tyempo dempués durante la vijita, Eyal avla kon Menahem, el kualo pedrio la su famiya a manos de los Nazis, por ordenes del papú de Axel i Pia.

Axel kumbita a Eyal a la fiesta de aniversário del su padre. Los musafires no se sienten muy trankilos kon la nasionalidad i la relijion de Eyal, ma son afilu amables kon el. Dempues de ke el pastel es trayido, los padres de Axel sorprenden a los musafires trayindo al papú de Axel. Axel esta fishugado por esto y konfronta los sus padres i se va a la kamareta de Eyal, ande ankontra un binder yeno de informasiyon sovre la famiya de Axel. Mientres tanto, Eyal se ankontra kon Menahem i le dize ke es posivle tomar al papú y yevarlo pishín a Yisrael para poder djuzgarlo en un Bet-Amishpat por los sus amortamientos i krímenes de gerra. Menahem le dize ke sólu eyos dos estan en esta misiyon, i ke la tarea es amortar al papú. Eyal se siente konfundido i no sabe ke azer, pero a la fin toma la kasha kon los venenos ke Menahem le da.

Dempués, Eyal yega a la kaza de Axel i entra a la kamareta del papú, sin ke dinguna persona lo vea, eksepto Axel. Axel lo mira kuando el yena una djeringa kon veneno, aziendo nada para detenerlo. A la fin, Eyal no es kapaz de komplir la tarea. Eyal se va de la kamareta i Axel akarisia kon karinyo la kara del su papú, antes de deskonektar el su tanke de oksíjeno, lo ke amorta al papú. El va a la kamareta de Eyal, ande eya le dize ke la nota ke deshó la su esposa antes de matarse dizía ke el amorta a todu lo ke esta serka de el i ke dempues de eya, el no iva poder amortar a mas dingún.

La istorya dempués salta dos anyos. Eyal i Pia estan enkazados i tienen una kriatura yamada Tom, i endemás Eyal i Axel sigen siendo dobros amigos.

La musika del filmo inklui una versiyon del klásiko yisraeli Cinderella Rockefella de Esther i Avi Ofarim, kantada por Rita Kleinstein i Ivri Lider, ansina komo endemas un remiks de la kantika Mary La'Netzah (Mary por siempre) de Ivri Lider.

El filmo tuvo la su premiére el 5 de Fevrero de 2004, en el Festival de Sinema Internasional de Berlin. La su premiére en salas de sinema yisraelis fue el 18 de Marso de 2004. La Premiére del filmo en los Estatos Unitos d'Amerika fue el 24 de Oktobre de 2004, durante el Festival Internasional de Sinema de Milwaukee. Dempués fue espartido limitadamente en las salas de sinema de Amérika del Nord el 4 de Marso de 2005.




#Article 320: Kazamiento atrasado (211 words)


Kazamiento atrasado (en ivrit חתונה מאוחרת, Hatuná meuhéret) es un filmo Franko-Yisraeli del anyo 2001, dirijito por Dover Kosashvili i apresenta a los aktores Lior Ashkenazi i Ronit Elkabetz. Munchos de los personajes del filmo son nasidos en Jeorjia i los dialogos son parsialmente en lashon djudeo-jeorjiano i parsialmente en ivrit. La istorya es orijinal del direktor Dover Kosashvili.

Zaza (Lior Ashkenazi) es un ombre Yisraeli-Jeorjiano de 31 anyos ke ainda no esta kazado, ke es un elevo de la Universita de Tel Aviv en prokura de el su Doktorado en Filosofiya, i la su famiya esta tentando arreglar un kazamyento para el, un shiduh, ariento de la komunita djudeo-jeorjiana. Má eyos no konosen ke el esta teniendo una romansa eshkondida kon Judit, una mujer divorsiada de 34 anyos, ke tiene una ninya de 6 anyos. Kuando los sus padres intervienen violentamente para enteromper la su relasiyon kon eya, Zaza debe elijir entre las tradisiones de la su famiya o el amor.

La musika del filmo es de Josef Bardanashvili; inklui kansiones folklorikas jeorjianas.

El filmo tuvo la su premiére el 17 de Mayo de 2001.

Endemas, el filmo fue la nominasiyon ofisial yisraeli para la 74 Entrega de los Premios Oskar en la kategoriya de Amijor Filmo en Lingua Ekstranjera. 




#Article 321: Istorya de los djudios en Malasia (506 words)


Djudios Malayos es un termo uzado para referirse a los djudios ke biven en Malasia o ke orijinalmente nasieron en este paez. Kaji todus biven en el estado de Penang, ma endemás se ankontran en otras sivdades del paez, komo Kuala Lumpur i Malacca. La mayor parte de los djudios de Malasia son mizrahim, de los kualos kaji todus son Djudios Baghdadim, kon alkunos ashkenazim i otros djudios khinezos ke eskaparon de la sivdad de Kaifeng kuando los Komunistas tomaron kontrolo del paez enel anyo 1949.
 

El primér kontakto entre los djudios i los abitantes orijinales de la Peninsula Malaya (la kuala dempues iva pasar a ser parte de Malasia) iva okurir en el syéklo IX en las ribeiras del valey del Bujang, i dempues ya en el syéklo XVIII en los merkatos de Malacca. La presensia de merkaderes Baghdadim en Penang possivelmente iva okurir ya en el syéklo XIX, kuando el komersio en el Emperio Britaniko fue avyerto, el kualo iva atraer famiyas djudias merkaderas komo los Sassoon i los Myers de la India. Endemás, alkunas famiyas emigraron desde la provensiya Ottomana de Bagdad, déke las persekusiyones del governador, Daud Pasha, entre los anyos 1817 i 1831. . 

El primér djudio konosido por el su no,bre ke bivió en Malasia fue Ezekiel Aaron Menashe, el kualo emigró de Bagdad enel anyo 1895. El dizia ke era el uniko djudio relijioso por 30 anyos asta ke dempues de la Sigunda Gerra Mondial munchos djudios yegaron al paez , afilú las estadistikas de esos anyos amostran una realitá diferente. Durante la Invasion Japoneza de Malaya, la komunita djudia fue evakuata a Singapur má afilú munchos ivan ser aprezados kuando dempués los japonezos invadieron la oy sivdad-paez. Dempues de la Gerra, la mayor parte de la komunita iva emigrar a Singapur, Ostralya, Yisrael i los Estatos Unitos d´Amerika. . Enel anyo 1963, sólu 20 famiyas djudias ivan kedar en la Peninsula Malaya. La unika esnoga en Penang, ubikada en la kaleja Jalan Nagore serró las sus portas enel anyo 1976 déke la komunita se kedó sin minyán . 

Oy endia, aproksimadamente unos 100 djudios biven en Malasia, en la su mayoria, arifujiados de Rusia. La mayoría de la komunita emigró a otros paezes basikamente debido del antisemitismo en el paez, endemás de las politikas ofisiales anti-Israel del governo de Malasia desde los anyos 70. La kaleja Jahudi Road (o Kaleja Djudia) en Penang, ande la mayoria de la komunita de la sivdad iva bivir, el governo malayo le troko el su nombre por Jalan Zainal Abidin, ansina eliminando otro arikordo de la presensia de los djudios en Malasia. Sólu kedan ainda el Betahayim i la esnoga. 

Los ijos de los ultimos djudios Malayos se ankontran en Singapur, en Ostralya, Kanada, Mueva Zelanda, Reyno Unito i en los Estatos Unitos d'Amerika, sobre tódu en la sivdad de Mueva York, má no se konose kuantos son en total. La mayor parte de eyos avlan malayo, ivrit i la lingua ingleza, endemas de alkunos ke avlan farsi, arabo i alkunos idish.




#Article 322: Betahayim de Penang (238 words)


El Betahayim de Penang, aperturado enel anyo 1805, se kree ke es el betahayim má viejo de Malasia. Okupa un área de 38087 m2 en la kaleja Jalan Zainal Abidin (antes konosida komo la Jahudi Road), ke es una kaleja chika entre las kalejas Jalan Burmah i Macalister Road en George Town, Penang.

La tumba má vieja es del 9 de Djulio de 1835, dedikada a la sinyora Shoshan Levi, ken se kree iva donar la tyérra donde se aperturó el betahayim. La mayor parte de las tumbas tienen una forma triangular, komo las ke egzisten en Yisrael. Egzisten unas 106 tumbas en el betahayim, la má resiente del anyo 1978. Es el uniko betahayim establesido sólo para djudios en Malasia, má afilú egzisten seksiyones djudias en otros sementarios no djudios del paez.

Las tumbas de los Kohanim estan separadas del grupo prinsipal, en la punta nord-oryental del betahayim i va inkluir la de Eliahu Hayim Victor Cohen, un Teniente en el mueveno Rejimiento Jat de la armáda Británika de la India, el kualo fue amortado en un aksidente el 10 de Októbre de 1941. Es la unika tumba en el betahayim ke es mantenida por la Commonwealth War Graves Commission. El betahayim es administrado por una djunta establesida i enrejistrada enel anyo 1885. Má endagora ke los desendiéntes de los myémbros de la djunta orijinal biven fuera de Malasia, el futuro del mantenimiento del betahayim es deskonosido..




#Article 323: Transliterasion (139 words)


Transliterasion es el proseso de apresentar las letras de un sistema de eskritura kon las letras de otro, déke el lektor pueda komprender la grafía orijinal de una palavra, afilú ke el no avle la lingua orijinala.

En la transliterasion se va estableser una relasiyon entre las letras de la eskritura orijinal kon las grafías ke se van pronunsiar de forma paresida en la eskritura de destino, para kada par espesifiko de sonetes. Para yegar a este obyektivo, los akademikos establesen reglas ke permiten apresentar letras las kualas a vezes, egzisten en el idioma orijinal má no en la lingua de destino. Este proseso se va komplementar con la transkripsiyon, la kuala relasiona los sonetes i grafías de una lingua kon los de otro. El Rōmaji es un egzemplo konosido de transliterasion de eskritura japoneza a los karakteres ladinos.




#Article 324: Yair Lapid (279 words)


Yair Lapid (en ivrit יאיר לפיד), nasido el 5 de Novembro de 1963 en Tel Aviv, es un eskritor, djornalista i apresentador de TV yisraeli.

El es ijo del politiko Yosef (Tommy) Lapid i la eskritora . Esta kazado kon la djornalista Lihi Lapid, la kuala el konosió durante el su miluim en la armada yisraeli. Lapid empiesó la su karriera profisional komo korresponsalo militar para la revista de la Tzavá  (En el kampo), i eskribiendo para el djornal Ma'ariv. Enel anyo 1988, el fue nombrado editor de un djornal de la sivdad de Tel Aviv el kualo era parte del grupo Yediot Ahronot. Enel anyo 1991, el empiesó a eskribir una kolona settimanal en una revista de publikasiyon nasional, al empiese para la del djornal Ma'ariv i dempués para el del su kompetidor, Yediot Ahronot. 

La su karriera dempues se iva ekstender a la television. Enel anyo 1994 el empiesó a ser el apresentador del prinsipal programa de entrevistas del Kanal 1 i ese mismo anyo tambien iva aktuar en un filmo yisraeli, “El kante de la sirena” Dempués el fue el apresentador de otro programa en el Kanal 3, i desde el anyo 1999 es el apresentador de un programa en Arutz 2. El es el autor de 7 livros i endemas eskrivió una serie de drama yamada Sala de Gerra, ke fue transmitida por el kanal Arutz 2 enel anyo 2004. En Jenero del anyo 2008, Yair Lapid empiesó a apresentar el programa de notisias del kanal 2, Ulpan Shishi. En este anyo mismo, la su priméra eskritura para teatro, La edad djústa para el amor, ke fue apresentada en el teatro HaKameri, en Tel Aviv.




#Article 325: Benjamin Netanyahu (956 words)


Benjamin Netanyahu (en ivrit, בנימין נתניהו), literalmente, Binyamin Netanyahu, yamado Bibi) (nasido el 21 de Októbro de 1949 en Tel Aviv) es el aktual Primér Ministro de Israel desde Marso del anyo 2009. Antes el iva ser primér ministro desde el anyo 1996 al anyo 1999.

Enel anyo 1967, Netanyahu se unió a la Tsavá i formó parte de una unitáf de komando espesial, en la kuala realisaban misiones sekretas i un reskate de sekostrados de la aerolínea Sabena enel anyo 1972. Endemás estuvo gerreando durante la Gerra del Yom Kippur enel anyo 1973 i alkansó el levelo de kapitán antes de ser dado de basha.

Myémbro del partito konservador Likud, fue primér ministro entre Abril del anyo 1996 i Mayo del anyo 1999. Benjamin Netanyahu es, asta oy endia, el único primér ministro de Yisrael nasido dempués de la kriasyon de la mediná. El fue ministro de finansas de Yisrael asta el 9 de Ogusto del anyo 2005, kuando el iva renunsiar ya ke estava en kontro del retiro de Israel de Gaza yevado a kavo por el primér ministro Ariel Sharon el mes mismo.

Los padres de Benjamin eran Tsila y Ben-Zion Netanyahu. El su padre, Ben-Zion, es profesor de istorya djudia i fue editor de la Ansiklopedia Ebrea. El su ermano mayor Yonatan, fue amortado durante la Operasion Entebbe en 1976, es konsiderado éroe de gerra yisraeli. El su ermano chiko Ido es radiólogo i eskritor. Los tres ermanos fueron myémbros de las Sayeret Matkal (huérsas espesiales yisraelis).

Netanyahu se a kazado tres vezes. Tiene una ija, Noa, de la su priméra boda, i otros dos ijos kon la su aktual mujer, Sara. Kresió en Cheltenham, Pennsylvania, Estatos Unitos d'Amerika. Es arkitekto, graduado en el Instituto Teknolojiko de Massachusetts (MIT) i tiene un Master en admininistrasion. En lo ke a la su karriera politika respekta, Netanyahu empiesó lavorando en la ambasada yisraeli en Washington enel anyo 1982. Dempues fue ambasador de Israel ante las Nasiones Unitas entre los anyos 1984 i 1988, anyo en el kualo fue elekto myémbro de la Knesset. Desde 1988 endemas fue vizeministro en los govyernos de Yitshak Shamir. Shamir se retiró de la polítika dempués de la derrota del Likud enel anyo 1992. Enel anyo 1993, por prima vez, el partito tuvo eleksiyones primarias para elejir al su shefe. Netanyahu ganó las eleksiyones.

Enel anyo 1996 los israelíes ivan elijir por prima vez al su primér ministro de forma direkta. Netanyahu fue elejido ese anyo dempués de una ola de atakos terroristas palestinos en kontro de sivdadanos yisraelis. Shimon Peres, el kualo avía susedido al laborista Yitshak Rabin, amortado enel anyo 1995, empiesaba kon avantáje en las ankétas. Afilú la su askeptasiyon bashó munsho al no poder aser nada para detener los atakos terroristas. Los días 3 i 4 de Marzo del anyo 1996, dos terroristas palestinos se eksplotaron amortando endemás a 32 sivdadanos yisraelis. Estos dos atakos signifikaron el fin para Peres, el kualo pedrió las eleksiyones. Kontrario a Peres, Netanyahu dizia no kreer en las buenas intensiones de Yasser Arafat i dempués iva kondisionar kualker avanse asya la paz a ke la Autoridad Palestina (ANP) kumpliera los sus akódros en kuanto al su ograsheamiénto kontro el terrorismo. El su slogan para las eleksiyones fue Netanyahu - asya una paz sigura

Komo primér ministro, nigusió kon Arafat los yamados Akódros de Wye, má se dizía ke en vedrar, Netanyahu estaba tentanto detener kualker avanse. La su visión sobre el proseso de paz era muy konosida:

El su slogan paresía ke fonksionava, durante el su govierno kaji no se presentaron atakos terroristas. Enel anyo 1996, Netanyahu i el antonses alkalde de Yerushalayim, Ehud Olmert, desidieron aperturar una entrada asya el Kotel, el kualo jeneró tres días de revueltas palestinas, durante los kualos fueron amortados dose yisraelis y sien palestinos. Afilú el chiko numero de atakos terroristas, Netanyahu resivió kritikas de la siedra i la dirita politika del paez déke las sus konsesiones a los palestinos en Hevron i las sus sigusiasiones kon Arafat en jeneral. Dempués de ser derrotado por Ehud Barak en las eleksiyones del anyo 1999, Netanyahu se retiró temporalmente de la polítika.

Enel anyo 2002, kuando el Partito Lavorista yisraeli deshó el govyerno i se presisaba un muevo ministro de relasiones eksteriores, Ariel Sharon yamó a Netanyahu. Esta vez Netanyahu no pudo konsigir ser shefe del partito en kontro de Sharon. Dempues de las eleksiyones del anyo 2003, Netanyahu akseptó el ser ministro de finansas en una mueva koalisiyon konformada por Sharon. Netanyahu no esta de akódro kon el proyekto de un futuro Estado Palestino. Enel anyo 2001, en dos okasiones, ekspresó el su deseyo de ke el komité sentralo del Likud no akseptara el Estado Palestino. 

Komo ministro de finansas, Netanyahu lansó un plan ekonómiko agresivo para reaktivar la ekonomiya yisraeli, alikaída dempués de la Intifada de Al-Aksa. El plan inkluía la liberalizasiyon de los merkatos, algo ke muncha djente kritikó. Netanyahu tuvo reushitá kon las sus reformas, en espesial un trokamiento kompleto del sistema de banka, el kualo aprestó muncho la ekonomiya.

Enel anyo 2005, Netanyahu renunsió, poko dempues ke el govierno aprobara por 17 votos a favor i 5 en kontro la fase inisial del plan de retirada de Gaza. 

En las eleksiyones del 10 de Fevrero del anyo 2009, el Likud obtuvo 27 puestos en la Knesset, uno menos ke el su prinsipal rival, Kadima. Afilú sumando los partitos de diríta i los ultra-ortodoksos, Netanyahu obtuvo mayor apoyo ke Tzipi Livni de Kadima para konformar govierno, logrando ke 65 myémbros de la Knesset lo rekomendaran ante el Presidente, Shimon Peres. Peres dechidió antonses elijir a Netanyahu komo Primér Ministro. El 30 de Marso del anyo 2009 empiesó el su muevo govierno.




#Article 326: Talit (246 words)


El talet o talit (en ivrit טלית) es un aksesorio relijiozo djudio en forma de shal uzado por los ombres para meldar. El su orijin viene del pasuk de la Tora enel kualo El Dio avló a Moshe Rabenu diziendo:

La ropa de katro eskinas era la vestimenta uzada en los antikos tyémpos i ainda lo es entre los beduinos. Los flekos, ke asigún la mistvá debían unirse a eyas, se trokaron a ser un perpetuo arikodro para el duenyo del vistido de ke tinía ke mantenerse dientro de los límites de la desenzia, la moral i la étika i nunka le permita ulvidárse de la ley de El Dio. Los mantos de katro kantones ya no son de uzo diario ma afilú uno en espesial se uza para meldar. El talit puede ser lungo i amplio permitiendo a la persona ke se envuelva en él o taparse la kavesa si dezeya apartarse totalmente del mundo mientras se komunika kon El Dio. Puede ser simplemente un «shal de arrogamiento» chiko i estrecho.

Se uza sólo durante el diya, ke es el momento en ke es posible verlo en la luz naturala del sol. El paitan, afilú lo uza también por la noche en alkunas komunitas ashkenazis. Kuando el djudio se kubre kon él, kudia siempre ke la parte de arriba kede fuera déke el talit es un manto ke no debe uzarse al reverso. Para el djudio, esta prenda es el vistido visible de la responsabilidad.




#Article 327: Antika Esnoga de Dushanbe (833 words)


La Esnoga de Dushanbe, endagora konosida komo la Antika Esnoga de Dushanbe o la Esnoga Buhari, fue fraguáda en Dushanbe, la sivdad kapitala de Tadjikistan, en una de las máales djudias ke ivan egzistir en la sivdad enel syéklo XIX. La esnoga konformaba parte del komplekso djudio de la sivdad, le iva inluir endemas una skola i una mikve. En Febrero del anyo 2006, el govierno de Tadjikistan empiesó a demolir las fráguas komunitarias djudias komo parte de un plano para dezvelopar la sivdad i endemas deishar spasio para un muevo palasio presidensial i bostanes. La destruksiyon de la esnoga fue retrazada déke la protesta de la komunita internasional i una serie de aksiyones en las kortes asta el final del mes de Djunio de 2008, kuando la vieja frágua fue finalmente destryuida.  

Fraguáda por la komunita buhariana má de sien anyos atras, la esnoga fue tomada por los Sovyetikos enel anyo 1920 y nasionalisada enel anyo 1952. La komunita djudia fue permitida uzar la frágua enel anyo 1958, anke sigia basho kontrolo del govierno. Enel anyo 1995, dentro de una serie de atakos a kasas djudias, la esnoga fue atakada. En Mayo del anyo 2003, la komunita resivio una karta en la kuala se le ordenaba a los djudios desokupar las fráguas de la komunita, para Djulio de este anyo. La destruksiyon orijinalmente estaba planeada para el anyo 2004, afilú empiesó en Fevrero de 2006 kon la destruksiyon de la mikve de la komunita, la karneseriya i las aulas de klases i kamaretas de studios.  La destruksiyon de la esnoga fue retrazada déke la protesta de la komunita internasional i una serie de aksiyones en las kortes asta el final del mes de Djunio de 2008, kuando la vieja frágua fue finalmente destryuida. 

Kuando empiesó la destruksiyon de la frágua, la esnoga era el sentro de arrogamiento de la komunita djudia de Dushanbe, estimada entre 150 a 350 personas. 

Esta era la ultima esnoga ke kedava en Tadjikistan. Mientras ke el govyerno diziya ke la frágua no tenía emportansia istórika i podia ser destruyido de akódro a los planos de remuevasiyon de la sivdad, la komunita djudia deklaró publikamente ke, komo la unika kaza de arrogamiento en un paez ke avia sido kaza para los djudios por mas de dos mil anyos, la frágua tinía muncha emportansia istórika. Endemás la propyetá de la frágua era disputada. La komunita reportaba ke tinía dokumentos de la era pre-sovyetika ke amostran ke la frágua i la tierra avia sido komprada por la komunita djudia. Má afilú las avtoridades munisipalas de la sivdad deklararon ke el estado era el propietario de la frágua déke fue nasionalisado por los Sovyetikos enel anyo 1952.

 
Enel anyo 2004, el Rabino Shefe de Asya Sentrala, Rabí Abraham Dovid Gurevich, izo publiko el antisemitismo en Tadjkistan ante los medios internasionales, eksplikando ke para el govyerno de Tadjikistan iva ser un gran verguensa tener una esnoga al lado del muevo palasio presidensial má el Departamento de Estado de los Estatos Unitos d'Amerika kalifikó el asunto de burokrátiko, má ke ideolojiko. La UNESCO eskrivio una karta al govyerno de Tadjikistan enel anyo 2004, eksplikando ke la destruksiyon de la esnoga iva estar en kontro de los estandares internasionales para la defensa de la erensia kulturala de los paezes. La BBC reportó enel anyo 2006 ke las personas ke estaban en kontro de la destruksiyon avian sido amenasados por el govyerno i la grande parte de la komunita tinía temor de avlar.

En Marso del anyo 2006 paresía ke por un chiko tyempo, el govyerno iva permitir ke la keilá meldase en la esnoga. Ma afilú en Mayo de 2006, el govyerno anunsió ke iva a fraguar una mueva esnoga en un espasio má apropiádo en el sentro de la sivdad. La komunita tentava en las kortes de defender la antika esnoga, má en Djunio del anyo 2008, las kortes de la sivdad ivan desidir ke la destruksiyon de la esnoga iva proseder asigun los planos de dezvelopamiento de la sivdad.

Anke el govyerno refuza kompensar a la komunita por la destruksiyon de la frágua, entregó un espasio de 1.500 metros katrados para el fraguamyénto de una mueva esnoga a la beira del rio Dushanbinka en la máale de Firdavsi, en el oksidente de la sivdad. Al final de la destruksiyon de la antika esnoga en Djunio de 2008, el presidente de la Federasion de Komunitas Djudias de la KEI, Lev Leviev, konfirmó durante una vijita a la sivdad de Dushanbe ke el fraguamiento de la mueva esnoga iva empiesar pishín, finansiado por la FKDj, el Kongreso Mondial Buhariano i donantes partikolares.

El 4 de Mayo del anyo 2009, la komunita djudia de la sivdad aperturó la mueva esnoga de la sivdad, la kuala fonksiona en una frágua donada por el bankero tadjiko Hasan Assadullozoda, duenyo del banko Orient-Bank i kunyado del presidente del paez. La mueva esnoga se ankontra en la kaleja Ozodii Zanon, en una de las amijores máales de la sivdad. 




#Article 328: ראציבורג (544 words)


ראציבורג איס אונה שיבדאד אין שלישביג-עולשטײן, אלמאנײה, איניל לימיטה קון מיקליבורגן-פומיראנײה אוכידינטאל. איס לה קאפיטאל דיל דיסטריטן עירזוגטום לאאױנבורג.

לה שיבדאד איסטה אינטורנאדה פור קואטרן לאגוס, פור איסן סה עײאמה INSELSTADT שיבדאד-איזלה.
איס אונידה אלה טײרה פור טריס פונטיס. איס און לוגאר מױ קונוסידן פארה סאנארסה לה סאלוד אי בײנישאר. לה שיבדאד איס פארטה דילה ריצירבה נאטוראל עײאמאדה NATURAL LAUENBURGISCHE SEEN, אי איס פארטה דילה ריגיון מיטרופוליטאנה דה אמבורגן.
ליס שיבדאדיס מאס סירקאנה סון מױלן, לוביק אי שבירין. לה שיבדאד איס אונוס בינטה קילומיטרוס דה לוביק, סירקה דילה ALTE SALZSTASSE, איל אנטיקן קאמינן פרינסיפאל דיל סאל, קה קוניקטאבה לוביק אי לוניבורג.
ראציבורג איס אטראבירסאדה פור איל קאמינן פרינסיפאל קה קוניקטה באד אולדיסלױה אי שבירין קה אנטיס דילה ריוניפיקאסײון דיליס דוס איסטאדוס אלמאניס אין 1989 מארקן איל לימיטה אינטרה לה RFA אי לה RDA.

לאשבדאך פױ פונדאדה איניל סיגלן 11 קול נומברה דה ראחיסבורג. איל נומברה פרובײנה דילאס פאלאברה RATSE קה פױ איל אליאס קה טינײה איל פרינסיפה דילוס פולאבײאנס, ראטיבור, קה אינ בילדיש (איל אידיומה דה בינידײ) סיגיפיקה ריגלה.
אינ 1044 איל מונאסטײרן פױ קוסטרױדן פור מיסיונײרוס קריסטיאנוס, באשן לה דיריסיונ דה מונאקן אנבירוס. איל מונאסטירין פױ דיסטרױדן אינונה ריביליונ פאגאנה אינ 1066, דונדה טודוס לוס מונעײס פױרונ לאפידאדוס אסטה לה מױרטה.
עױדיה איגציסטינ מונומינטוס א דוס דילוס מיסיונירוס אינלאס איגליסיאס דילה שיבדאד פארה קונמימוראך איסטוס איבינטוס.
אינלה קאטידראל דה ראציבורג סונ לוס ריסטוס דה אנבירוס קאנוניזאדן איניל סיגלן 12.
אינריקױ איל ליונ סה קונבירטין איניל גובירנאדוך דילה שיבדאד אינ 1143 אי איסטאבליסין אונ אוביספאדן אינ 1154. טאמבײנ פױ ריספונסאבלה דילה קונסטרוסיונ דילה קאטידראל דה איסטילן גוטיקן טארדין, קוסטרױדה אינ טיפיקן דיל נורטה דה אלמאניה לאדרילײן רוגן.
אינריקױ טאמבײנ א קונטריבױדן אלה קונסטרוסיונ דה קאטידראליס איניל לוביק אי ברונסבית, דונדה אעונ סה קונסירבאנ סוס ריסטוס.
מאס טארדה לה שיבדאד סה קונבירטין אינונ פרינסיפאדן קונ קאף אונ אוביסף, קה טיניה אונה ריגלה דה בוטן אינלה דײטה אימפיריאל. איל אוביספאדן דה ראציבורג פױ איל אולטים איסטאד איניל נורט דה אלמאניה א מאנטינירסה קאטוליקן.
איניל אנײן 1550, דימפױס דילה מױרטה דיסן סובראנ, איל פרינסיפה אוביסף גיןרג בונ בלומינתאל, איל איסטאד סה קונבײרט אינ לוטיראנ, א פארטיך דה תומאס אדירפול אינ 1554.
לה שיבדאד דה ראציבורג אינ סי מיסמה נן אירה איניל טיריטורין דילן אוביספאד דה ראציבורג, סה קונבײרטה אינ פארטה דיל דוקאדן דה סאכוניה-לאעױנבורג דימפױס דילה קאעידה דה אינריקױ איל ליונ.
לה שיבדאד פױ קאסי קומפליטאמינטה דיסטרױדה אינ 1693, קואנדן קרישטיאנ קינטן דה דינאמארקה, איל רידוסין א איסקומברוס פוך לוס בומבארדיוס. דימפױס דה איסטה איבינטן פױ ריקונסטרױדן אינ איסטילן בארוקן.
ראציבורג פױ בריבמינט פארטה דילה פרימיך אימפירין פראנסיס אינלאס גױראס נאפוליוניקאס אי פױ אסיגנאדן א דינאמארקה אינ קונגריסן דה בײנה.
דימפױס דה קה סה אניקסה דוראנטה לה סיגונדה גױרה דה שליסביג (1864) איניל רײנן דה פרוסיה אינטרן לה פרובינסיה דה שליסביג-עולסטײנ. לה קאטידראל סה קונבירטין אינ אונה פארטה דילה שיבדאד דה ראציבורג אינ 1937, קונ אונ לײ דיל גראנ אמבורגן.  
דה 1945 א 1989, איל טילונ דה אסירן פױ דעוסטן אל איסט דילה שיבדאד, קולוקאנדולן אינ לה פרונטירה דילה ריפובליקה דימוקראטיקה אלמאנה.
ראציבורג טאמבײנ איס קונוסידן פוך סן קלוב דה רימן אולימפיקן ראציבורג קלוב, קה פױ לידיך, אינטרה אוטרוס, לה ליסטה דה מידאלײאס דה אורן אינ דעױגוס אולימפיקוס דה מילבװרנה אינ 1956.
אינ אונן דילוס זימיטיריוס דילה שיבדאד איס טאמבײנ לה טומבה דה אירנסט בארלאק, פױדסיך איל מאס אימפורטאנט קריאדוך קה אביה איליגידן קומן סן קאסה ראציבורג.




#Article 329: Ratzeburgo (589 words)


Ratzeburg es una sivdad en Schleswig-Holstein, Almania, en el limite kon Maclemburgo—Pomerania Oksidentala. Es la kapitala del distrito Herzogtum Lauenburg.

La sivdad hue fundada en el sieklo 11 kol nombre de Racisburg. El nombre deriva de los biervos Ratse, ke hue el sobrenombre ke tenya el prinsipe de los polabianos, Ratibor, ke en Weldish (la lingua de Venedi) sinyifika regla.

En 1044 el monasterio fue konstruido por misioneros kristianos, basho la diresion de Mónako Ansverus. El monasterio fue destruido en una rebelion pagana en 1066, donde todos los monjes fueron lapidados asta la muerte. Hoi día egzisten monumentos a dos de los misioneros en las iglesias de la sivdad para konmemorar estos eventos. En la katedral de Ratzeburg son los restos de Ansverus kanonizado en el siglo 12. 

Enrique el León (Heinrich der Löwe) se konvirtió en el gobernador de la sivdad en 1143 i establesió un obispado en 1154. Tambien fue responsable de la konstrusión de la katedral de estilo gótiko tardío, konstruida en típiko del Norte de Almania ladrilyo rojo. Enrique tambien ha kontribuido a la konstrusión de katedrales en el Lübeck i Brunswick, donde aún se konservan sus restos. 

Más tarde la sivdad se konvirtió en un prínsipado kon kapo un obispo, que tenía una regla de voto en la Dieta Imperial. El Obispado de Ratzeburg fue el último estado en el norte de Almania a mantenerse katóliko . En el anyo 1550, dempués de la muerte de su soberano, el prínsipe obispo Georg von Blumenthal, el Estado se konvierte en luterano, a partir de Thomas Aderpul en 1554. 

La sivdad de Ratzeburg en sí misma no era en el territorio de lo Obispado de Ratzeburg, se konvierte en parte del Dukado de Sajonia-Lauenburg dempues de la kaída de Enrique el León.
 
La sivdad fue kasi kompletamente destruida en 1693, kuando Kristián V de Dinamarka, el redusido a eskombros por los bombardeos. Dempues de este evento fue rekonstruido en estilo barroko. 

Ratzeburg fue brevemente parte de la Primer Imperio Fransés en las guerras Napoleónikas i fue asignado a Dinamarka en Kongreso de Viena.
 

Dempues de que se aneksa durante la Segunda Guerra de Schleswig (1864) en el Prusia entro la provinsia de Schleswig-Holstein. La katedral se konvirtió en una parte de la sivdad de Ratzeburg en 1937, kon un Ley del Gran Hamburgo. 
De 1945 a 1989, el Telón de Asero fue djústo al este de la sivdad, kolokándolo en la frontera de la Repúblika Demokrátika Almana. 

Ratzeburg tambien es konosido por su klub de remo olímpiko Ratzeburg klub, que fue líder, entre otros, la lista de medalyas de oro en Djuegos Olímpikos de Melbourne 1956 en 1956. 
En uno de los sementerios de la sivdad es tambien la tumba de Ernst Barlach, puede ser el más importante kreador que habia elegido komo su kasa Ratzeburg.

La sivdad está entornada por kuatro lagos, por eso se yama inselstadt sivdad-ízla.
Es unida a la tyérra por tres pontes. Es un lugar muy konosido para sanarse la salúd i bienestar. La sivdad es parte de la rezerva natural yamada Naturpark Lauenburgische Seen, i es parte de la rejión metropolitana de Hamburgo.
Les sivdades más serkane son Mölln, Lübeck i Schwerin. La sivdad es unos vente kilómetros de Lübeck, serka de la Alte Salzstrasse, el antíko kamino prinsipal del sal, ke konektava Lübeck i Lüneburg.
Ratzeburg es atravesada por el kamino prinsipal ke konekta Bad Oldesloe i Schwerin ke antes de la reunificasión de les dos estados almanes en 1989 markó el limite entre la RFA i la RDA.




#Article 330: Minhag (135 words)


Minhag (en ivrit מנהג, kostúmbre, plural minhagim) es una tradisiyon akseptada o un grupo de tradisiyones akseptadas en el Djudaismo. Un konsepto relasionado , Nusah ( en ivrit נוסח), se refiee a la forma i orden tradisional de meldar. En arabo منهاج (minhāj) tambien signikifa konstúmbre o tradisiyon, afilu no nesesariamente relijioza.

La rais ebrea N-H-G (נ-ה-ג) signifika prinsipalmente kondusir o, konduzirse. La palavra minhag aparese dos vezes en el Tanah, en el livro de Reyes Bet 9:20. Afilú el uzo presente d ela palavra puede ser influensiado por la palavra araba minhaj, anke en entornos de ensenyanza islamika, es uzado prinsipalmente para la metodolojiya intelektuala o una skola de pensada (en ivrit dereh), má ke para las kostúmbres de una komunita en partikolar.

Los prinsipales segmentos del djudaismo tradisional, diferensiados por su nusah, son:




#Article 331: Birobidzhaner Shtern (126 words)


El Birobidzhaner Shtern (en idish ביראָבידזשאנער שטערן, en ruso Биробиджанер Штерн) es un djurnal publikado en idish i en ruso en la Provensiya Otonoma Ebrea de Rusia. El editor en shefe es Valeri Fromenko, i el editor de la seksiyon en idish es Mikhail Kul.

Se publika desde los anyos 30s en Birobidjan para la komunita djudia  de la provensiya. Esta provensiya fue establesida por el governo Sovyetiko para buskhar una solusiyon a la yamada Kestion Djudia  i para ofreser una alternativa a las ideas zionistas sobro de Palestina. El djurnal tambien kuenta kon el apoyo de Mordechai Scheiner, un avlante de idish i el muevo Rabino Shefe de la Provensiya Otonoma i haham de la Esnoga de Birobidjan  i otras viyas chikas komo Waldheim .




#Article 332: Shakshuka (176 words)


Shakshuka (en arabo: شكشوكة) es un plato de la kumida del Maghreb i de la kumida yisraeli echo kon tomats kozinados, espesias i guevos. Es gizado al huégo basho empiesando kon los zerzevátes i las espesias; dempues de ke estan kuzinados, se agregan los guevos. Esta kumida es muy paresida al plato turko Menemen i al plato de la kumida latinoamerikana Huevos Rancheros.

En la kuzina yisraeliana, el plato es echo kon guevos, tomats, sevoya o ajo. La shakshuka es uzualmente komida con pita, komo munchos de los platos de la kumida del Medio Oryente o kon pan blanko, el kualo es uzado para komer kon el. Afilú no es komun en la kultura oksidentala, la shakshuka es ankontrada mondialmente en los restorantes yisraelianos o sefardis. La su popularitá esta endemás kresiendo entre los ashkenazim por todo el mundo. Las variasiones egzisten, komo shakshuka kon pimientones védres o kon otras espesias, o trokando los guevos kon tofu.  Las rechetas pueden ser poko o bastante pikantes, afilú la recheta de la versiyon orijinala yisraeliana es bien pikante. 




#Article 333: Gran Esnoga de Oran (110 words)


 
La Gran Esnoga de Oran (en lingua fransesa Grande synagogue d'Oran, en arabo معبد وهران العظيم) fue la esnoga más grande de la sivdad de Oran, en Arjelia i el sentro de la komunita. El su fraguámiento  empiesó enel anyo 1880 por la inisiativa del sinyor Simon Kanoui, má el su aperturamiento fue enel anyo 1918. Tambien konosida komo Temple Israelite, estaba ubikada a la fin del antiko Bulvar Joffre, oy endia el Bulvar Maata Mohamed El Habib. La esnoga era una de las má grandes i yamativas de Afrika del Nord. Dempues de la independensia de Arjelia, la esnoga fue konfiskada i trokada en una mishkita enel anyo 1975.




#Article 334: Baba ganush (147 words)


El Baba ghanoush (en arabo بابا غنوج, en ivrit באבא גנוש) es una pasta a baza de puré de berendjena típika de la kuzina del Medio Oryente.  Se suele komer kon pita. 

El prinsipal ingrediente es la berendjena azada, la kuala se mistura kon t'hina (semilyas de sesamo molidas), zumo de limón, ajo i kumino. En el momento de servirlo, se kondimenta kon alzeyte de oliva i kon frekuénsia se le agregan pepitas de granada, o bien se uza el zumo de esta fruta mezklado con el alzeyte.  

La tradisiyon popular dize ke éste es un plato dulze i seduktor, el kualo es zor deshar de komer una vez se empiesó, i ke las mujeres ke lo komen obtienen las sus mismas karakterístikas de dulzura i seduksiyón. La tradisión má moralista dize ke, por este, no se debe komer muncho, pues puede poner en perikolo la virtud. 




#Article 335: Maran (307 words)


Maran (en ivrit מרן), es un titolo uzado para hahamim los kualos son muy grandes. Este termo es uzado sobre tódu entre los sefardim, ma tambien es uzado por alkunos ashkenazim haredim.

Es una palavra en arameo uzada frekuentemente en la Gemara, i ke signifika el muestro maestro (מָרַן, māran). Má komunmente, de akódro kon lo ke kere dizir la traduksiyon, es un titolo dado a hahamim los kualos son konsiderados lideres i maestros influyentes. Endemas, es una alkunya komun entre alkunos sefardim de los Estatos Unitos d'Amerika, komo por egzemplo, la supermodelo Josie Maran.

El uzo má komun del termo es en referensia al Maran Beth Yosef, el sinyor haham Yosef Karo. De fákto, kuando no se uza kon la alkunya, uzualmente se refiere al sinyor haham Karo. De entre los hahamim de muestros tyémpos, Ovadia Yosef es el sinyor haham má asosiado kon este titolo.

Endemas, el titolo Maran es atribuyido a hahamim, los kualos son kavesas fondadoras de alkun movimento ideolojiko o kulturalo. Este uzo es en jeneral limitado a la komunikasiyon dentro de este movimento en partikolar. Por egzemplo, dentro de las sus respektivas komunitas, Rav Elazar Shach (Maran HaRav Shach), El Rosh Yeshiva de Ponevitch i el Rav Joel Teitelbaum, Rebbe de Satmar son yamados por este titolo.

Ansina komo kon otros titolos de onor, este titolo va antes del nombre: por egzemplo, uno puede dizir Maran HaRav Ovadia Yosef. De manera similar kon los titolos komo el de doktor, es uzado kuando se presisa avlar direktamente i no egziste dubio alkuno. Kuando se uza kon un nombre, siempre debe ser sigido por el titolo (redundante) HaRav o Sinyor Haham. Nunka se presede del artikolo El, afilú alkunos djurnalistas lo azen esta falta.

Los Kristyanos Siriakos, los kualos uzan la varietá siriaka del arameo, azen referensias a Yesukristo uzando el mismo titolo.




#Article 336: Linea de Alto Prestor Kenitra-Tanjer (111 words)


La Linea de Alto Prestor Kasablanka-Tanjer es una linea planifikada para trénos de alto prestor en Marroko, entre las sivdades de Kasablanka i Tanjer. El proyekto fue anunsiado en Novembro de 2007 por el govyerno nasional. La linea, de unos 200 Km de lunjitud sería antonses la priméra linea de alto prestor en Afrika. Se espera empiesar el fraguamyénto enel anyo 2009 i akavarlo enel anyo 2013, i dempues sigir ekstendiendo la red de trenos asta el anyo 2030, yegando a sivdades komo Kasablanka, Marrakesh, Agadir, El Aaiun, Rabat, Fez, Oujda i potensialmente asta Arjel. El fraguamyento lo van aser entreprisas fransesas i el servisio se va aser uzando trenos franseses.




#Article 337: French Hill (574 words)


French Hill (en ivrit: הגבעה הצרפתית‎, HaGiv'a HaTzarfatit, Kulina de la Fransesa), también konosida komo Giv'at Shapira (en ivrit: גִּבְעַת שַׁפִּירָא ( (en arabo: Karm el-Wiz‎) es una máale predominantemente djudia ubikada en el Sentro-Nord de la sivdad de Yerushalayim. Está ubikada en território obtenido durante la Gerra de los Sesh Dias enel anyo 1967. Fue aneksado a Yisrael mediante una ley konosida como Ley de Yerushalayim enel anyo 1980.

El orijin del su nombre no está klaro. Puede ke se deba a un jeneral británico, John French, 1st Earl of Ypres el kualo, asigun la istorya, tenía los sus kuartelos en esta kulina. De kualkiero modo, el jeneral French nunka sirvió en esta rejión , ansina ke la teoría no parese ser korrekta. Asigun el istoryador yisraelí Zev Vilnay, esta tyérra pertenesía al monasterio katóliko de Santa Ana, del kualo la mayoría de los sus monjes venían orijinalmente de Fransia, antonses el nombre HaGiv'a HaTzarfatit, ke signifika La Kulina de la Fransesa parese tener más sentido. Si la baza del nombre de la maále era el nombre del jeneral French, el nombre korrekto en ivrit tinía ke ser Givat French, ya ke los nombres propios no se tradusen, i Tzarfat es Fransiaen ivrit o en todo kaso French's Hill en inglezo.

Basho kontrolo djordano, el área era uzada komo posto de komando i vijilansia militar. Enel anyo 1969, dempues de la reunifikasiyon de la sivdad de Yerushalayim posterior a la Gerra de los Sesh Dias, se empieso el fraguamyénto de una mueva máale para kriar un enlaso entre Yerushalayim Oksidental i el kampus de la Universita Ebrea de Yerushalayim en Mount Scopus, el kualo avía sido un enklave yisraelí en tyerritorio djordano antes de la gerra. El nombre ofisial de la mueva máale fue Giv'at Shapira. Una seksiyon de la máale, yamada Tzameret HaBira, estaba povlada sobre todu por olim de Estatos Unitos d'Amerika, los kualos fraguaron las sus kazas privadamente. 

De akódro kon el istoryador arabo Walid Khalidi, egzistian alkunos arabos biviendo en el área antes del anyo 1967. El afirma ke se mudaron a la zona dempues de la Gerra Araba-Yisraeli de 1948 . French Hill tiene endagora una povlasiyon de unos 6.631 abitantes, kon una densitá de 10,9 abitantes por dunam, ekivalentes a unos 10.900 abitantes/km²). Tzameret HaBira está menos densamente povlado, kon una densitá de 4,7 abitantes por dunam (4.700 abitantes/km²). La su povlasiyon es mayoritariamente djudia, kon una grande povlasiyon de djudios de Amerika del Sud i de la antika Union Sovyetika.

French Hill tiene 9 esnogas. Una de eyas, Kehillat Ramot Zion (en ivrit: קהילת רמות ציון‎), es una komunita konservadora. La priméra eskola primaria en Yisrael administrada por el movimento konservador, la eskola Frankel, fue establesida en Giv'at Shapira.

La interseksiyon de French Hill konekta a Yerushalayim kon Ma'ale Adumim i la Mar Amortada. Esta interseksiyon es el lugar donde onze atakos terroristas palestinos an okurrido. De akódro kon la revista amerikana US News and World Report, el konkurrido distribuidor, el kualo divide la maále djudia de French Hill de la máale araba de Shuafat, es el punto más kolay de akseder en la sivdad para un terrorista de la Ribeira Oksidental ke bushka yisraelis para kometer los sus atakos.

Una ekskavasiyon en French Hill en los anyos 1970 i 1971 desentyerró unas tumbas de los períodos Erodianos i finales del Gréko. Una de las 13 osamentas descuvyértas tenía inskrito el nombre de Yosef ben Haggai.




#Article 338: Hiloni (501 words)


Hiloni (en ivrit חִלּוֹנִי), derivada de la palavra en ivrit hulin, la kuala signifika sekular o profano, es el termo uzado en Yisrael para los djudios ke no son relijiozos.

Más de la mitad de tudos los yisraelis se definen a eyos mismos komo hilonim. Entre un 15%-20% se deskriven a si mismos komo Haredim (ultra-ortodoksos) o datiim (ortodoksos). El resto de la povlasion del paez se define komo masorti (observa las tradisiyones, má no tan dogmatikamente komo los ortodoksos). Los Masortim en Yisrael observan tradisiyones komo asender las kandilikas de shabat, limitando las sus aktivitás en shabat i kumiendo sólu kumida kasher.

Komo nativos de Yisrael, los hilonim avlan ivrit. Komo Yisrael es un estado djudio, munchos hilonim observan fyéstas nasionales i kostumbras, komo Yom Ha'atzmaut i Yom Hashoá.

El konsepto del Zionismo Polítiko de oy endia fue fondado kon baza en valores i kreyensias sekulares. El padre del movimento Zionista moderno, Theodor Herzl, era un djudio ostriako asimilado. Anke al prinsipio la mayoria de akeyos imigrando  a Tyérra Santa eran djudios ortodoksos los kualos imigraron debido la kedushá de la tyérra i el su dezeo de ser entierrados en Yerushalayim, déke egziste la kreyensia ke el Mashiah va rebivir a akeyos entierrados en Yerushalayim priméro ke los del resto del mundo, endemás debido a los munchos pogromos en Europa Oryental, munchos djudios desharon el paez ande avian nasido para bivir en la Tyérra de Yisrael, kon motivasiyones de sekuritá, libbertá relijioza i huértes afinitás zionistas.  Durante la priméra ola (1882-1903) de la aliya Zionista, i espesialmente durante la Sigunda Aliá (1904-1914), la povlasion djudia del Emperio Ottomano, la kuala estava mayormente konformada por djudios sekulares, iva kreser muncho. Estos olim fondaron sivdades komo Tel Aviv i establesieron kibbutzim, los kualos estaban bazados en las ideas del sosialismo, sin relasiyon alkuna kon el djudaismo komo relijion o komo kompendio de valores. A medida ke el numero de olim iva kresiendo, tambien iva kresiendo la proporsiyon de djudios sekulares. Asta el establesimiento de la mediná, el numero de djudios relijiozos era relativamente chiko. 

Para el anyo 1987, Thomas Friedman avía estimado ke la distrivusiyon de la povlasiyon yisraeli era de un 45% sekular, 35% tradisiyonal, 15% dati i 5% haredi. Asta resientemente, los hilonim kontrolaban i eran la kaji mayoria absoluta de las esferas kulturalas, artistikas, politikas i de entretenimyénto en Yisrael. Má endagora, kon el kresimiento pishín de tanto la povlasiyon haredi komo la nasional relijioza, este puede no ser el mismo kavzo en unos pókos anyos. 

Los hilonim yisraelis tienen endagora munchos problemas, los kualos tienen munchos desakódros kon los relijiosos, espesialmente la povlasiyon haredi. Los konfliktos entre los dos grupos aparesen déke la negativa de los haredim a servir en la tsavá, los grupos de haredim komo Neturei Karta i Ger, los kualos se opozan a la egzistensia de la Mediná, i el poderoso lobby haredi, el kualo arrima ke el porko sea defendido de ser komersiado en Yisrael i la serradura de todas las butikas en shabbat. 




#Article 339: Dov Lior (466 words)


Dov Lior (en ivrit:דב ליאור‎, nasido enel anyo 1933) es el Rabino Shefe de Hevron i Kiryat Arba en la parte sud de la Ribeira Oksidental, o Yehuda i Shomron. Endemás es el Rosh Yeshiva de la yeshiva Hesder Kiryat Arba , i es el shefe del Konsejo de Hahamim de Djudea i Samaria.

Nasió en una famiya hasídika de Belz, ijo de Moshe Leibland en Breslau, Galitzia, Polonia. Tentó abordar el vapor Exodus, má eventualmente parvinó abordar el vapor Negba unas semanas antes del establesimiento de la mediná, en ande trokó la su alkunya a Lior. En Yisrael, estudió en la yeshiva i eskola sikundaria Kfar HaRoeh, del movimento Bnei Akiva i dempues en la yeshiva Merkaz HaRav del haham Zvi Yehuda Kook, en ande debido al fákto de ser un uérfano, el haham Kook lo trataba komo a un ijo. Se kazó enel anyo 5720 del kalendario ebreo (1960 del kalendario oksidental) kon Bitya, má la su esposa murió de kánser enel anyo 5728 (1968 del kalendario gregoriano); se volvió a kazar enel anyo 5736 (1976 del kalendario gregoriano) kon la rabineza Esther, viuda del haham Ephraim Shahor. El sinyor haham Dov Lior tiene 11 ijos, 55 inyetos i dos bizinyetos. Dos de los sus ermanos arrivaron a Yisrael dempués ke el i se unieron al kibbutz HaMa'apil.
.

El sinyor haham Dov Lior es konsiderado por munchos komo uno de los más grandes líderes e ideólogos del movimento Zionista Relijioso i el elevo favorito del haham Zvi Yehuda Kook, ijo del sinyor haham Abraham Isaac Kook. A fines de los anyos 80, el djuzgo jeneral empedió la eleksiyon de Lior al Konsejo Supremo Rabiniko de Yisrael apenas ke saliera a la luz públika un eshkándalo relasionado con deklarasiones echas por el haham Lior en las kualas el sujiría ke se podrían uzar los terroristas árabos kapturados para efektuar eksperimentos médikos. El haham Lior, djunto kon otros hahamim, iva sentar un presedente a nivel alájiko, dekretando ke Yisrael debe travar en kontro de las povlasiones siviles en akeyas áreas ande se orijinen atakos terroristas en kontro de komunitas djudias (asentamientos), i dempués de la masakre akontesida en la yeshiva Merkaz HaRav, dekretó ke está defendido por la Alaha (Ley Djudia) el dar lavoro o alkilar una kaza a arabos. 

El 19 de Marso de 2007, el haham Lior yegó a la komunita de Beit HaShalom i dió las sus berahot tanto a la frágua komo a la komunita djudia lokal. El 21 de Jenero de 2008, los hahamim Dov Lior, Ya'akov Shapira de la yeshiva Merkaz HaRav, Elyakim Levanon de Elon Moreh i Nahum Rabinovitch de Ma'ale Adumim se reunieron en Beit HaShalom para deklarar kondjuntamente ke la polítika del govierno yisraeli asya los asentamientos era peor ke el Papel Blanko del Mandato Britániko




#Article 340: Tiberias (156 words)


Tiberias (en ivrit טבריה, Tverya, en arabo طبرية, Tabariyya) es una sivdad en la ribeira oksidental de la Mar de Galilea, en el Distrito Nord de Yisrael. Asigun El Buro Sentral de Estadístikas de Yisrael (CBS), a fines del anyo 2003, la sivdad tenía una povlasión de 39.900 abitantes. Tiberias es rekonosida komo una de las katro sivdades santas djudías djunto con Yerushalayim, Hevron i Safed. Tiberias es el lugar má vijitado en los días de hagim en Yisrael en el Distrito Nord del paez.

La siudad a bivido resientemente una serie de atakos de koetes Katyushas del Libanon lansados por Hizbolá. Munchos sivdadanos an sido amortados i feridos en estos atakos. Tiberias fue fraguada aproksimadamente enel anyo 20 E.K. por Herodes Antipas, ijo de Herodes el Grande en el sitio de una aldea destruyida de Rakkat, i paso a ser la kapital del su reino en Galilea. Fue nombrado ansina en onor del Imperador Tiberio.




#Article 341: Estreya de David (129 words)


La Estreya de David o Eskudo de David (Magen David en ivrit, מָגֵן דָּוִד kon nikkudot o מגן דוד sin nikudot, transkrito Māḡēn Dāwīḏ por los akademikos, pronunsiado maˈɡen daˈvid en ivrit moderno i Mogein Dovid en ivrit ashkenazi i en idish), es un simbolo jeneralmente rekonosido de identidad djudia i de djudaismo.

Resive el su nombre de David Ameleh de la Istorya antika de Yisrael i de Yehuda; i el su uzo má komun empiesó en la Edad Media djunto kon el de la Menorá. Jeometrikamente es un exagrama. Kon el establesimiento del Estado de Yisrael enel anyo 1948 i la Estreya de David en la Bandeira de Yisrael tambien se a trokado a ser un simbolo de la mediná, i esta asosiado direktamente kon el movimento zionista.




#Article 342: Aljama (251 words)


El termo aljama (del  ŷāma'aʻ, «konjunto de personas») en espanyol a sido tradisionalmente uzado para referirse al konjunto de djudios o moros de una sivdad (espesialmente ŷāma' al-yahud, «konjunto de los djudios»).

La aljama era pues la djunta de djudios o de moros en Espanya durante la Edad Media. También podía ser referida komo morería, djuderia, o asta komo la misma esnoga. Aparese ya kon este signifikado en un poema de Gonzalo de Berceo en el anyo 1220:

La aljama en la Korona de Kastilya también tenía un valor ekonómiko i fiskal. Aljama era la komunita djudia la kuala reunia los empuestos ke la monarkiya imponía sobro de eyos (los kualos eran konsiderados súbditos direktos del rey). Así, una sivdad kon aljama se enkargaba de los empuestos de la su komunita i de otras las kualas le eran aneksadas, normalmente en sivdades o viyas serkanas. Ansí, la egzistencia en una sivdad de una aljama indika ke tinía emportansia i kantidad de povlasión, endemás ke una organizasión interna ke le permite enkargarse de los empuestos de una serie de sivdades i viyas.

En al su signifikado arabo, se yama ŷāmiʻ o aljama a la mishkita mayor de una sivdad (una mishkita normal es una masŷid). Afilú en arabo ambos termos son siferentes, en kastilyano se suele dizir «mezquita aljama» para referirse, por egzemplo, a la de Kordova o las ke egzistieron en otras sivdades de Al-Andalus, sobre tódu en el lugar en el ke oy endia esta la katedral o kilisia prinsipal.




#Article 343: Televizyón (148 words)


La televizyón, TV i konozida komunmente komo tele, es un sistema de telekomunikasiyon para la transmisiyon i resepsiyon de imajenes en movimyénto i sonete a distansia.

Esta transmisiyon puede ser efektuada a traverso de ondas de radio o por redes espesializadas de television por kable. El reseptor de las senyales es el televisor.

La palavra television es una mistura de la palavra gréka Tele (distansia) i la latina visio (vision). El termo television se refiere a todos los aspektos de transmisiyon i programasiyon de television. A vezes se eskrive sólu komo TV. Este térmo fue uzado por prima vez enel anyo 1900 por Constantin Perski en el Kongreso Internasional de Elektrisidad de Paris (KIEP).

El Día Mondial de la Television se fiesta el 21 de Noviembro en arrikódro de la data en la kuala se fiestó en 1996 el primér Foro Mondial de Television en las Nasiones Unitas.




#Article 344: Institut d'Estudis Catalans (295 words)


El Institut d'Estudis Catalans (en katalán, Instituto d'Estudios Katalanos, IEK) es un instituto kulturalo katalan privado fondado por inisiativa de Enric Prat de la Riba asigun los akódros de la Diputasiyon de Barselona del 18 de Djunio de 1907 i del 14 de Fevrero de 1911 de la kuala Enric Prat de la Riba era presidente. Lo konforma una korporasiyon akademika, sientífika i kulturala, la kuala tiene por objketivo la abediguasiyon de todos los elementos de la kultura de Katalunya.

Estas fonksiones estan rekonosidas por el Real Dekreto 3118/1976, del 26 de Noviembro, i la Resolusiyon de la Generalidad de Katalunya del 17 de Mayo de 2001, por la kuala se puvlikan los sus estatutos, los kualos arekojen la letra i el espíritu de los akódros fondasyonales. Enel anyo 1922 fue admitido en la Unión Akadémika Internasionala.

El instituto tiene la su sede prinsipala en la sivdad de Barselona i a establesido delegasiyones en todo el su ámbito jeográfiko de aktuasiyon, el kualo abarka todos los lugares de lingua i kultura katalanas (artíkolo 1 del Real Decreto 3118/1976). 

La seksiyon filolójika del IEC kumple la fonksion de akademia de la lingua katalana. Las sus kompetensias de normatividá de la lingua son rekonosidas en Katalunya, las Baleares i Andorra. En los Pirineos Oryentales, afilú el karákter no ofisial de la lingua, el Konsejo Jeneral del Departamento de Pirineos Oryentales también rekonose la su avtoridad normativa. En la Komunida Valensiana se rijen por las normas de Acadèmia Valenciana de la Llengua, las kualas son, de fákto, las mismas que las del IEC; mientras ke en la Franja de Aragón, se uzan las sus normativas de fákto, al no ser una lingua ofisial el katalán. El IEC es oy endia el enkargado de la revisiyon del Diksionario Katalán-Valenciano-Balear.




#Article 345: Iberia (169 words)


Iberia, Líneas Aereas de Espanya o mijor konosida por su nombre chiko Iberia, es la linea aerea ofisial de Espanya. La Aerolinea tiene una red que kubre 101 destinos internasionales i 40 nasionales, kon bolos a Evropa, el Medio Oryente, Afrika, i los Estatos Unitos d'Amerika. El su aeroporto prinsipal es el Ayroporto Internasional Madrid-Barajas, en Madrid i tiene otros hubs sekundarios en los Aeropuertos de El Prat en Barselona i Tenerife Nord en la isola de Tenerife. Enel anyo 2006, la aerolinea tranzporto 27,8 milyones de pasajeiros i tuvo unas ganansias totales de 32 milyones de euros enel anyo 2008.

Iberia Plus es el programa de viajero frekuente de Iberia. Inkluye todos los benefisios ke la aerolinea da a los sus uzuarios kuando toman volos dentro de la alianza Oneworld. Las milyas akumuladas pueden ser uzadas en volos de Iberia, endemas de las aerolineas haverim komo American Airlines i British Airways, las kualas endemas estan planifikando asosiarse má bien komo una sóla aerolinea a partir del anyo 2010.




#Article 346: Bimuelos (190 words)


Bimuelos (o tambien eskrito komo bunyuelos, birmuelos, bermuelos, burmuelos o bunyols) son tortas chikas de orijin espanyol. Los bimuelos son un postre popular en munchos payises de Amerika Latina, las isolas Filipinas, Espanya i en ande egzisten komunitas sefardis. Los bimuelos son una masa echa kon trigo o papas o mandioka, alkunas vezes kon savor de ainito, la kuala es amasada i frita en alzeyte kaliente, i dempues banyada kon una salsa dulse, un almibar. A vezes los bunyuelos son yenados kon kézo o jalea.

Egzisten referensias a los bimuelos en la kumida de Mayorka, Katalunya i Valensia: endemas, egzisten en la Turkiya, India i Suria. Los djudios en la Turkiya azen bimuelos kon matza en Pesah i kon arina de trigo kuando no es esta fyésta. Endemas, son kumidos durante Hanukka. En Olanda egziste un postre paresido, yamado Oliebollen (el kualo signifika bolas de alzeye, déke son echas fritadas en alzeyte kaliente) i tradisionalmente servidas el 31 de Disiembre: la masa es endulsada kon vainiya i puede kontener pasas o alkunos frutos sekos de la shará. Kuando es yenado kon krema se le yama Berliner Bollen, o bolas berlinezas.




#Article 347: Liechtenstein (244 words)


Liechtenstein (en alman Fürstentum Liechstenstein, Prinsipado de Liechstenstein) es un chiko paez de Evropa ubikado entre Suisa i Ostria. El su govyerno es una monarkiya, un prinsipado govyernado por un prinsipe. La su kapital es la sivdad de Vaduz, fondada enel anyo 1719, afilú la sivdad má grande es Schaan, al nord de la kapital. El paez esta en asosiasiyon kon Suisa, kon la kuala tiene una union aduanera. El paez ingresó a las Nasiones Unitas enel anyo 1990.

El paez esta ubikado en las montanyas de los Alpes, en el valey del rio Rin  i tiene montanyas altas komo el Naafkopf, de 2.571 metros de altesa, i el Grauspitz, de 2.599 metros de altura, ubikado en la frontiera kon Suisa.

Afilú Liechtstentein es un paez chiko, es uno de los paezes ande la kalidad de vida esta entre las mas altas del mundo todo, shukur a las inversiyones ekstranjeras las kualas azen al paez un sentro finansiero muy emportante. La famiya Liechstenstein, la kuala tiene proprietás en muchos paezes de Evropa Sentral, es una de las famiyas reales má rikas de Evropa.

El paez es una monarkiya ereditaria en linea maskulina, govyernada por un prinsipe. Oy endia elmonarka es el prinsipe Hans Adam II. Endemas, egziste un Konsejo de Govyerno los kualos son elejidos por el Parlamento o Landtag, i konfirmados por el prinsipe. El Landtag es una asamblea lejislativa la kuala tiene los sus myémbros elejidos por voto popular kada katro anyos.




#Article 348: Al-Andalus (214 words)


Se konose komo Al-Andalus (en arabo الأندلس) al tyerritorio de la Peninsula Iberika basho kontrolo musulmano durante la Edad Media, entre los anyos 711 i 1492.

Dempues de la invasiyon musulmana de la peninsula, Al-Andalus se fue integrar en la provensiya nord-afrikana del Kalifato Umeya, para más tádre trokarse en un emirato i dempues, en un kalifato independiente del poder Abasí. Kon la disolusiyon del Kalifato de Kordova enel anyo 1031, el tyerritorio se iva dividir en varios reynos chikos o Taifas, los kualos orijinaron las invasiyones bereberes Almorávide i la Almohade.

Kon el avanso de la Rekonkista empiesada por los kristyános arifujiados en las montanyas del Nord de la península, el nombre de Al-Andalus empiesó a ser sinónimo del tyerritório el kualo estaba menguando basho kontrolo arabo-musulmano, las kualas frontieras ivan siendo empushadas asia el Sud, asta ke la sivdad de Granada fue tomada por los Reyes Katolikos enel anyo 1492, la kuala akabó kon el dominio musulmano en la península.

El filólogo Joaquín Vallvé Bermejo, en su la obra La división territorial de la España musulmana, afirmó ke el nombre Al-Andalus tiene el su orijin en la ekspresiyon araba Jazirat al-Andalus, ke signifika la adá o la península del Atlantiko o la Atlantida, i la kuala yiria aludir a la Peninsula Iberika.




#Article 349: Subliminal (rapero) (188 words)


Ya'akov Kobi Shimoni (en ivrit: יעקב קובי שמעוני, nasido el 13 de Noviembro de 1979) jeneralmente konosido por el su nombre artístiko Subliminal (en ivrit: סאבלימינל), es un rapero yisraeli i un produktor de músika.

Subliminal nasió en Tel Aviv i la su madre es orijinalmente de Mashhad, Iran i el su padre nasió en Tunesia. Subliminal empiesó a kantar kuando el iva tener 12 anyos, i a los 15 anyos el konosió a Yoav Eliasi (HaTzel). Los dos se izieron amigos pishín déke el amor ke tinían por el hip-hop.

Kon las sus letras i konsertos, Subliminal i su grupo de rap bushkan enspirar i animar a las muevas jenerasiones a estar djuntos komo una nasyon yisraelí unifikada. En munchos de los sus konsertos, Subliminal empiesa yamando a la audiensya, ¡Ken esté orgolyozo de ser sionista en la mediná, ke alevante las sus manos al áyre! ¡Dizí yeah!Joshua Mitnick, “Israeli Hip-Hop Takes on Mideast Politics,” USA Today, November 6, 2003. Subliminal puede ser visto en munchos de los sus konsertos yevando ropa rapera amerikana i una lunga kadena kon la estreya de David enkolgada de la garganta.




#Article 350: Folklor (127 words)


El Folklore,  folklor, (del inglez folklore, i éste de folk, ‘puevlo’ i lore, ‘konosimyénto’) es el kuerpo de ekspresiyon de una kultura, kompuesto por konsejas, musika, bayles, ledjendas, istorya oral, proverbios, shakarúkas, superstisiyones, kostúmbres, artesaniya i demás, komún a una povlasiyon espesifika, inkluyindo las tradisiyones de esta kultura, subkultura o grupo sosyal. También puede receber este nombre el estudio de estos temas.

El termo inglezo «folklore» fue enventado el 22 de Ogusto del anyo 1846 por el arkeólogo britániko William Thoms, el kualo dezeaba kriar una palavra para denominar lo ke antonses se yamaba «kozas antikas populares». La definisiyon más ampliamente akseptada por los envestigadores aktuales de la espesialitá es «la komunikasiyon artístika en grupos chikos», propuesta por el envestigador de la Universitá de Pennsilvania Dan Ben-Amos.




#Article 351: Mellah de Marrakesh (186 words)


La Mellah de Marrakesh, endagora konosida komo Hay Essalam, fue kriada en la medina de la sivdad de Marrakesh enel anyo 1558, basho el kontrolo del Moulay Ismail Ibn Sharif. Para antonses, la komunita djudia de la sivdad kontrolaba kaji tudo el komersio de la dinastia Saâdi i endemas eran kaji tudos los bankeros, djoyeros, shastres i trabashadores del metal. Durante el su amijor tyémpo en el syéklo XVI, la Mellah tinía grande avtonomiya kon fuentes, djardinos, esnogas i asta un souk. Anke la mellah de oy endia se yama Hay Esalam (bairro de la paz) i es muncho má chika i kaji tuda musulmana déke munchos djudios se ivan mudar a otras partes de la sivdad kuando los franseses yegaron a Marroko enel anyo 1912. 

Oy endia biven unos 250 djudios en la sivdad de Marrakesh, má kaji tudos biven en otras partes de la sivdad. Afilu la mayoria de las esnogas de la sivdad, komo la Esnoga Salat Al Azama i la Esnoga Nagidim estan ainda en uzo por la komunita, i endemas ay un Talmud Tora, un sentro komunitario i el Betahayim Miâara.




#Article 352: Esnoga Salat Al Azama (159 words)


 
La Esnoga Salat Al Azama (en ivrit: בית הכנסת צלאת אל עזמה) es una esnoga de la sivdad de Marrakesh, ubikada dentro de la mellah de la medina o sivdad vieja. La esnoga forma parte de una serie de fráguas tornando a un amplio kortijo sentral, bien kudiado. El lado oryental ha sido amijorado resientemente kon un espasio para ke las mujeres puedan meldar (ezrat nashim), déke las mujeres tradisionalmente kedaban ahúera de la esnoga o meldaban en una kamareta separada. En el piso superior de la esnoga se ankontran una yeshiva i el sentro komunitario. Una konseja lokal dize ke la esnoga fue fraguáda enel el período del Sigundo Templo por djudios ke nunka avían bivido en Eretz Israel i no avían presensiado la destruksiyón del Templo. En konsekuensia, no estaba defendido para eyos el komer karne entre el 17 de Tamuz al 9 de Av, data en la kuala los dos templos fueron destruyidos, asigún la tradision.




#Article 353: Esnoga Nagidim (146 words)


La Esnoga Nagidim  fue fraguada a fines del syéklo XIX. Una ventana, la kuala atravieza el techo es la únika fuente de luz para las sus tres chikas kamaretas. La entrada se aze por una puerta sin inskripsiyones ubikada en una kaleja oskura, i yeva direktamente a una kamareta rektangular reservada para ke las mujeres puedan meldar. Las kamaretas má chikas de la esnoga konforman una fila. La plataforma para la lektura de la Tora o tevá, se ankontra en kontro de la pared ke mira en la direksiyon de Yerushalayim. El Aron Akodesh esta en el sentro de la pared oksidental. La esnoga tiene bankas de arsiya kolorada kuvyertos kon telas de munchos kolores i kon almofadas grandes en los kostados.En el sentro de la esnoga, entre la tevá i el arón Akodesh, está una fila de bankos de madera, en una konformasiyon típikamente marrokí.




#Article 354: Wadi Abu Jamil (262 words)


Wadi Abu Jamil, ubikada en el sentro de la sivdad de Beirut en el area de Centre Ville, era la máale djudia de la sivdad. 

la máale era el korason de la komunita djudia libanesa, kon la má grande i emportante esnoga del paez, la Esnoga Magen Abraham. En la komunita bivian djudios libanezos i endemas arifujiados ke vinían de Surya i de Irak. Anke la mayor parte de la komunita ya avía salido del paez dempues de la Krisis Libaneza de 1958 i la Gerra Sivil Libaneza, las huérsas de la OLP de Yasser Arafat la okuparon má las huérsas Kristyánas o Falanjistas kudiaron la máale durante la Gerra del Libanon de 1982. Afilú la presensia de huérsas palestinas en la máale forsaron a un atako aereo yisraeli el kualo kavzó danyos a la Esnoga Magen Abraham.

Aktualmente, la erensia djudia de la maále esta basho amenasa, ya ke la máale i todo el distrito de Centre Ville estan siendo re-dezvelopados por la entreprisa fransesa Solidere. Enel anyo 2008, la kompanyia resivio munchas kritikas por destruyir tres fráguas antikas las kualas eran uzadas por Djudios Libanezos i ke estavan serka de la esnoga.. Komo kualker otra frágua en Beirut, las fráguas tinían una arkitektura djudeo-arabe zor de konsigir en otro tipo de fráguas. Asigun el djurnal yisraeli Haaretz, la esnoga tambien esta en perikolo de ser destruyida,. Ma endagora, basho el kudiado del Konseho de Komunitas Djudias Libanezas, la esnoga se espera sea restorada.

Dos fráguas residensiales de lukso estan siendo fraguadas en la máale, Wadi Hills i Wadi Grand Residence.




#Article 355: Betahayim de Salonika (586 words)


El Betahayim de Salonika era un grande betahayim el kualo kontinía entre 300.000 i 500.000 tumbas,ubikado al oryente de la sivdad vieja de Salonika, i el kualo fue destruyido durante la Sigunda Gerra Mondiala por los nazis.

A empesijos del syéklo XX, el betahayim okupava toda la distansia entre la sivdad vieja i los bairros muevos de Kalamaria, kresiendo asta serka de la beira de la Mar Ejeo. El su limite por el oryente iva sigir la ruta de la aktual kaleja Pavlos Melas, el su kostado Nord se ankontraba en lo ke oy endia es el kampus de la Universita Aristoteles, i el kostado Sud en lo ke oy endia es el bairro de Saranda Ekklisies. El su limit oksidental estaba serka del aktual estadion de futbol del PAOK Salonika. El betahayim de los dömne, djudios konvertidos al Islam, se ankontraba ande endagora esta el stadion.

Se kree ke el betahayim fue fondado por djudios romaniotas, los kualos lo aperturaron sobro de los restos de un antiko betahayim bizantino. Dempues del arrivo de los sefardim dempues de la Ekspulsion de los djudios de Espanya enel anyo 1492, el betehayim empies{o a kreser, sobre todo a tyérras konsideradas no aptas para la siembra. El su kresimyénto tambien fue a kosta de otro antiko betahayim bisantino. Durante má de 400 anyos los djudíos de Salónika entyérraron a sus keridos en este betahayim, ke se troko a ser el má grande de tudo el mundo sefardi. Enel anyo 1911 ya tinía un tamanyo de 324.000 m².

Las inskripsiyones en las tumbas, tradisionalmente en ivrit en los betahayim, estaban en Salonika endemas en otras linguas. Esto era komun en las tumbas de los Marranos i Xuetas los kualos se arifujiaron en la sivdad enel syéklo XVII i ke munchos avían olvidado el ivrit, i antonses para eyos la tumba estaba eskrita en Lingua kastilyana. Ansina tambien empiesaron a azer alkunos djudios de Italia, kon las sus tumbas en italiano i en ivrit. Tambien se ankontran alkunas lapidas en idish, el lashon avlado por los ashkenazim i alkunas sólu en alman, lingua avlada por los yekkes. Desde el syéklo XIX, kuando empieso la enfluensia fransesa en la komunita sefardi, el betahayim empies{o a yenarse de tumbas kon eskritos en lingua fransesa i alkunas en Djudeo-espanyol.

Durante la mayor parte de la su egzistensia, el betahayim pedrio parte de sus ekstensiyon por parte de la povlasion no-djudia. Por egzemplo, los ottomanos uzaron pyédras i lapidas para dar más huérsa a los muros de la sivdad durante la revolta de los grékos del Peloponeso. Endemás 
durante el reinado del Sultán Abdulhamid II, se iva kitar una parte para kriar muevas máales, afilú ke los djudios estaban en kontro de esto por razones relijiozas. Sabri Pasha, el governador de la sivdad, tomo una parte del betahayim para kriar la avenida Hamidye, oy endia la Avenida Reina Sofia i endemas izo frafuar una eskola kon pyédras del betahayim. Esta eskola es oy endia la Universita Aristoteles, la kuala fue ampliada tambien kon gran parte delñ Betahayim. Los korpos ke ainda egzistian fueron yevados de alyí. En la Sigunda Gerra Mondial los grékos, kon adjuda de los nazis, tomaron pyédras del betahayim para fraguar la kilisa Ajios Dimitrios. La komunita no podia kudiar el su betahayim déke kaji tudos fueron yevados a los kampos de eksterminio nazi.

El betahayim aktual de Salonika esta en otra parte de la sivdad i tiene un area de 17 000 m², i ainda tiene alkunas lápidas del antiko betahayim. .




#Article 356: Shtetl (101 words)


Un shtetl (en idish שטעטל, forma chika de la palavra idish shtot שטאָט, povlado, pronunsiado muy paresido al diminutivo Sud-Alman Städtle, povlado chiko) era tipikamente un povlado chiko kon una grande povlasion de djudios en la Evropa Orientala i Evropa Sentrala antes del Olokósto. Los Shtetls (plural el idish: שטעטלעך, shtetleh) eran prinsipalmente ankontrados en las areas que konformaban la Zona de asentamyénto en el Emperio Ruso, Polonia, Galizia i Rumania. Una sivdad mas grande, komo Lemberg o Czernowitz, era yamada un shtot (en idish שטאָט) i una viya má chika ke un shtetl se iva yamar dorf (en idish דאָרף).




#Article 357: Nir Barkat (258 words)


Nir Barkat (en ivrit ניר ברקת‎); Biznesman i politiko yisraeli. Fue elekto alkalde de Yerushalayim enel anyo 2008.

Nir Barkat nasió en Yerushalayim enel anyo 1959. El su padre, Zalman, fue profesor de Físika en la Universita Ebrea de Yerushalayim. Fue myémbro de la brigada de parakaidistas de la Tsavá durante 6 anyos (1977–83), komo myémbro de la reserva, alkansó el rango de Mayor. Estudio en la Universita Ebrea de Yerushalayim, ande se resivió komo Lisensiado en Siensias i endemás estudió para alkansar un Master en Siensias de la Komputasiyon en la misma universita. Esta kazado kon Beverly, djudia de orijin Sud-afrikano i es padre de tres ijas.

Nir empiesó la su karriera en la endustria de alta teknolojiya, fondando una entreprisa yamada BRM, enel anyo 1988, la kuala estaba espesialisadaen kriar i dezvelopar software antivirus. Tyempo dempues, la su entreprisa adjudo al dezvelopamiento de otrasentreprisas komo Check Point i Bakweb. Por último, adjudó a kriar IVN.

Barkat empiesó la su karriera polítika en Jenero del anyo 2003, kuando fondó el partito Yerushalayim Tatzliah (Yerushalayim va Triunfar, en ivrit), siendo el kandidato delpartito a alkalde de lasivdad. En las eleksiyones obtuvo 43% de los votos, pedriendo kontra Uri Lupolianski. Desde este momento, fue el shefe de la oposisiyon asta las eleksiyones del anyo 2008. El 11 de Noviembro de 2008 ganó las eleksiyones a Alkalde de Yerushalayim, kon el 52% de los votos, kontro de su prinsipal oponente, el haredi Meir Porush, el kualo obtuvo 43%. Barkat es deskrito komo un polítiko sekular, al kontrario del su oponente.




#Article 358: Zrubavel (filmo) (177 words)


Zrubavel, en ivrit זרבבל es un filmo yisraeli del anyo 2009, opera prima del direktor de orijin etiope Shmuel Beru. El filmo es la istorya de Yitshak Zrubavel, un ninyo etiope de ochu anyos, ke kere ser direktor de sinema, komo Spike Lee. A traverso de los ojos de Yitshak, el filmo kuenta la istorya de la su tia Almaz, konosida komo la mansevika mas linda de la máale, una kantadera ke kere kazarse kon un primo distante, anke eya konose la tradisiyon famiyar de no kazarse kon dinguno de la su famiya en syéte djenerasiones, myentras ke el su ermano Gili tenta entrar al Tsahal i azerse piloto de kombate, afilu un ermano de el fue amortado en la gerra, mas el su padre, ke fue koronel de la armada en Etiopia insiste para ke vaya sigir una karriera militar. Por otro lado, los padres de Yitshak diskuten si el va yir a una yeshiva o a una akademia de futbol.

El filmo fue kriado kon adjuda finansiera del Israel Film Fund i la Gesher Foundation.




#Article 359: Kleopatra VII (131 words)


Kleopatra Filopator Nea Thea, Kleopatra VII (en grégo: Κλεοπάτρα Φιλοπάτωρ), fue la última reyna del Antiko Ejipto de la dinastiya Ptolemaika, también yamada dinastiya Lájida. Esta dinastiya fue kriada por Ptolomeo I Sóter, jeneral de Aleksandro Magno, I fue endemás la última del yamado Periodo Eléniko de Ejipto.

Kleopatra nasió asya el anyo 69 a.E.K. y murió enel anyo 30 a.E.K.. Eya era ija de Kleopatra V Trifena i de Ptolomeo XII Auletes, del kualo eredó el trono enel anyo 51 a.E.K., kuando eya iva tener 18 anyos, djunto kon el su ermano Ptolomeo XIII, el kualo tinía sólu dose anyos, i ken iva ser endemás el su esposo (algo frekuente en los matrimonios rejios ptolemaikos). Eya era konosida komo la mujer má fermoza de la istorya en los sus diyas.




#Article 360: Golda Meir (118 words)


Golda Meir (en ivrit גּוֹלְדָה מְאִיר), antes Myerson, nasida komo Golda Mabovitch en Kyiv, Ukraina, el 3 de Mayo del anyo 1898 en Yerushalayim, muerta el 8 de Diziembre del anyo 1978, fue una polítika, diplomátika i estadista yisraeliana, i la katrena Primera Ministra de Israel, entre los anyos 1969 i 1974. Fue una de las priméras shefas de governo del mundo —sólu presedida por Sirimavo Bandaranaike de Sri Lanka i por Indira Gandhi de la India—, i la primera de Medio Oryente, siguida sólu por la priméra ministra Tansu Çiller de la Turkiya.

Eya dirijió la Adjensia Djudia i endemás su sinyatura es una de las 24 ke se topan en la deklarasion de independensia de Israel




#Article 361: Kristof Kolomb (273 words)


Kristof Kolomb (nasido alrededor del anyo 1451, en un lugar diskutido i muerto en Vayadolid, Espanya, el 20 de mayo de 1506) fue un navegante, kartógrafo, almirante, virrey i Governador Jeneral de las Indias al servisio de la Korona de Kastilya, famoso por aver echo el yamado Deskuvrimyénto de Amerika, enel anyo 1492. 

El orijin de Kolomb es muy diskutido i munchas sivdades se asen yamar komo la su tyérra natal. La tesis apoyada mayoritariamente es ke nasió en Djenova, afilú la dokumentasiyon ke egziste al respekto no es kompleta; endemás, el su ijo, Hernando Kolomb, kontribuyó a jenerar má polémika al eshkonder la su prosedensiya en el libro dedikado al su padre. Es por eyo ke egzisten munchas teorías sobre el su orijin ke lo azen katalán, gayego, portugez o djudio.

Asta la puvlikasiyon del mapa de Martin Waldseemüller en 1507, el territorio amerikano era konosido komo Indias Oksidentalas i, anke posiblemente Kolomb no fue el primer eksplorador evropeo de Amerika, puede afirmarse ke deshkovrió un muevo kontinente para la sivilizasiyon evropea, al ser el priméro en trasar una ruta de ida i tornada uzando las korrientes marinas del Oseano Atlantiko, ruta la kuala oy todavía se uza.

Kolon izo katro viajes a las tyérras amerikanas. El su Primér viaje (3 de Ogusto de 1492 - 15 de Marso de 1493) salió desde el puerto de Palos de la Frontiera (Huelva), yegando a Guanahani (oy en las Isolas Bahamas) el 12 de Oktubro de dicho anyo. Este echo impulso la ekspansiyon mondial de Evropa i la kolonizasiyon por varias potensias evropeas de gran parte del kontinente amerikano i de los sus povladores.




#Article 362: Esnoga Neve Shalom (Paramaribo) (129 words)


La Esnoga Neve Shalom (en ivrit בית הכנסת נווה שלום) es la unika esnoga oy endia en Surinam. El tyerreno en la kaleja Keizerstraat era merkado enel anyo 1716 por djudios Ashkenazim. La frágua orijinal era eskapada enel anyo 1723 i iva sustituir a la primera esnoga Surinameza en la Jodensavanne, orijinalmente fraguada kon madiera entre los anyos 1665 i 1671 (afilu oy endia re-fraguada kon blokos). La aktuala esnoga se topa en Keizerstraat 82 i fue desenyada por el arkitekto J.F. Halfhide, i eskapada enel anyo 1842 or 1843.

Algo muy poko komon enel mundo, es ke Paramaribo, endjunto kon Sofiya, es una de las pokas sivdades ande se pode ankontrar una mishkita al lado de una esnoga. La Mishkita Keizerstraat se topa al lado de la esnoga. 




#Article 363: Esnoga Neve Shalom (Estambol) (234 words)


La Esnoga Neve Shalom, (en turkano Neve Şalom Sinagogu, en ivrit בית הכנסת נווה שלום, Valey de Paz) es una esnoga ubikada en la máale de Galata de la sivdad de Istanbul, en la Turkiya. La esnoga se ankontra en la kaleja 	Büyük Hendek Caddesi 61.

Kuando la povlasiyon djudia en las máales de Pera i Galata (las kualas oy endia konforman la máale de Beyoğlu) empiesó a kreser en las anyadas 1930s, se destruyo una eskuela primaria djudia enel anyo 1949 para fraguar una mueva esnoga, la kuala fue akabada enel anyo 1951. Los arkitektos fueron Elio Ventura i Bernar Motola, dos mansevos djudios turkanos. El aperturamyénto fue el Alhad 25 de Marso (17 de Adar de 5711 en el Kalendario Djudio) kon la presensia del antonses Rabino Shefe de la Turkiya, el Haham Bashi Rafael Saban. La Esnoga Neve Shalom es la prinsipal i la má grande esnoga en Istanbul, avyerta para meldar espesialmente en Shabat, en los hagim, para Bar Mitsvot, kazamyéntos i funerales.

La esnoga Neve Shalom sufriyó tres atakos terroristas, uno el 6 de Septiembro del anyo 1986, enel kualo 22 djudios turkanos fueron amortados; uno el 1 de Marso de 1992, el kualo fue un atako kon oto-bomba i no deshó amortamyéntos shukur al Dio i el má resiente el 15 de Noviembro del anyo 2003, el kualo fue uno de los katro atakos kon oto-bomba en Istanbul.

 




#Article 364: Esnoga Yusef Abad (138 words)


La Esnoga Yusef Abad (en farsi Kenise e Yusef Ábád, کنیسه یوسف آباد, en ivrit בית הכנסת יוסף-עבד) es una de las esnogas mas grandes de Teheran, Iran. La esnoga se ankontra en la máale de Yusef Abad, en la kaleja 15 kon la Avenida Sayyed Jamáleddin e Asadábádi.

El 8 de Fevrero de 2003, el Presidente Mohammad Khatami vijitó la esnoga, siendo antonses el primér presidente de Iran en vijitar una esnoga dempues de la Revolusiyon Islamika. El Rabino Shefe Yousef Hamadani Cohen, Haroun Yashayaei, presidente del Komité Djudío de Teheran, i Morris Motamed, myémbro del Parlamento Iraní representando a la komunita djudia del paez, estaban presentes i representaron a la komunita djudia Iraní . Para la vijita, el Rabino Shefe Hamadani Cohen gió la apertura del Aron Akodesh i fue el hazan para el servisio relijioso.




#Article 365: Esnoga de Lisboa (335 words)


La Esnoga de Lisboa, yamada Shaaré Tikvá (Puertas de Esperansa) es una esnoga istorika i la esnoga prinsipala de la sivdad de Lisboa, ubikada en la kaleja Alexandre Herculano, en la máale de São Mamede.

La presensia djudia en Lisboa se puede trasar asta empieses de la Edad Media, má la komunita iva sufrir un golpe basho enel anyo 1497, kuando un edikto del Rey Manuel I iva ordenar a los djudios a konvertirse al kristyanismo o deshar el paez. Todas las esnogas de la sivdad fueron konfiskadas por el Rey i entregadas a ordenes relijiozas kristyánas. Para akeyos djudios ke se konvirtieron al kristyanismo, yamados Muevos Kristyanos (cristãos novos), el establesimyénto de la Inkisisiyon Portugueza enel anyo 1536 paso a ser un perikolo permanente de ser persegido.

La situasiyon para el djudaismo en Portugal trokó al empiese del syéklo XIX, kuando se akabó la Inkisisiyon Portugeza i munchos sefardim de Marroko i Jibraltar, en la su mayoria merkaderes, empiesaron a migrar a Lisboa i a otras partes del paez. Durante todu el syéklo XIX, la chika komunita de Lisboa no tinía esnoga i tinían ke meldar en kazas partikolares.

Finalmente, enel anyo 1897 se establesió una komisión para fraguar una esnoga sentral en Lisboa. El proyekto fue konfiado al konosido arkitekto Miguel Ventura Terra, i el fraguamyénto empiesó enel anyo 1902. La kara prinsipala de la esnoga da asya un kortijo interno, ya ke la Ley Portugeza de antonses iva tener defendido para akeos templos no-Katolikos ke las sus karas prinsipalas den asya la kaleja.

Aperturada enel anyo 1904, la Esnoga de Lisboa fue la priméra esnoga fraguada en Portugal desde fines del syéklo XV. Ventura Terra disenyó un templo misturando los estils Neo-Bizantino i Neo-Romanesko, konsistente kon la moda moriska para la arkitektura de esnogas.

Enel anyo 2004, una seremonia se izo para selebrar los syen anyos de la esnoga. El presidente de Portugal, Jorge Sampaio i el Rabino Shefe Sefardi de Israel, Shlomo Amar estaban presentes en la seremonia i dieron diskorsos.




#Article 366: Esnoga de Kurasao (120 words)


La Esnoga Mikvé Israel-Emanuel (en ivrit בית הכנסת מקווה ישראל-עמנואל), en Willemstad, Kurasao es la esnoga mas aedada de las Amerikas. Es uzualmente konosida komo la Snoa (achikamyénto de la palavra Esnoga).  

La Keilá egziste desde la anyada de los 1650s, i esta konformada por djudios Espanyoles i Portugezos ke yegaron a la adá o izla de Kurasao desde Olanda i Brasil. Enel syéklo XIX egzistió una keilá la kuala se separó i konformo una keilá Riformista (Emanu El); las dos keilot se unieron i endagora konforman la presente keilá, desde el anyo 1964.  La komunita esta endagora afiliada al movimento Rikonstruksiyonista.

La priméra fragua de esta esnoga fue komprada enel anyo 1674; la frágua aktuala es del anyo 1730.




#Article 367: Esnoga El Ghriba (242 words)


La Esnoga El Ghriba, (en arabo معبد الغريبة, en ivrit בית הכנסת אלגריבה), tambien konosida komo la Esnoga de Djerba, esta ubikada en la adá tunesina de Djerba. Esta situada en la antika viya djudia de Hara Seghira, yamad Er-Riadh en arabo, al Sud-Oeste de la kapital de la adá, Houmt Souk. Oy endia es la esnoga ke tiene el sefer Tora má aedado del mundo.

La istorya de la esnoga se puede sigir unos 2000 anyos atras, asyendo de la esnoga la má aedada de Afrika i una de las esnogas má aedadas del mundo. Asigun kon la tradisiyon oral, la esnoga fue fraguáda por koanim, los kualos yegaron a la adá dempues de la destruksiyon del Sigundo Templo de Yerushalayim. La frágua aktuala es del syéklo XIX i sustituye a la frágua anterior, del syéklo XVI. La frágua orijinal se dize ke fue konstruyida enel anyo 586 A.E.K.; la esnoga es el destino de una peregrinasiyon anual echa por munchos djudios tunesinos para el hag de Lag B'Omer, el kualo es dempues de Pesah.

Durante Simhat Tora enel anyo 1985, uno de los myémbros de la Polisia responsable de kudiar la esnoga, disparo en kontro de la keilá, amortando 3 personas, inkluendo un ninyiko. . El 11 de Avril del anyo 2002, un kamion yeno de eksplosivos fue exsplotado serka de la esnoga, amortando 21 personas, de las kualas 14 eran turistas almanes. Al Qaida se izo responsável del atako.




#Article 368: Esnoga Tiferet Israel (203 words)


La Esnoga Tiferet Israel es la esnoga prinsipala de la Asosiasion Yisraeliana de Venezuela, la asosiasion ke agrupa a los djudios sefardim del paez. Esta ubikada en Karakas, en la máale de Maripérez, serkana a la Plasa Venezuela.
 

A finales del mes de Jenero del anyo 2009, en medio de la Gerra entre Medinat Yisrael i Hamas, la esnoga fue atakada seriamente en un atako bastante bien organisado, poko tiempo dempues de la publikasiyon de un artikolo yamando a la violensia en kontro de los djudios i de lo relasionado kon Israel en Venezuela. El artikolo fue publikado en un sitio web de simpatisantes del governo de Hugo Chávez yamado . El atako fue en Shabat, el dia 20 de de Jenero, i konsistio en un grupo de 15 ombres, el kualo entro a la esnoga, ataron i amordasaron a los guardias de sekuritá de la esnoga i dempues entraron a la frágua prinsipala, yenando las paredes kon graffiti anti-semitas i endemas vaziando el Aron Akodesh i los burós de la Asosiasion i del Haham de la Esnoga, el kualo es el Rabino Shefe Sefardi de Caracas. Endemas, la esnoga fue pintada kon frazes pidiendo ke los djudios fueran ekspulsados del paez  . 




#Article 369: Esnoga Monastir (Salonika) (102 words)


 La Esnoga Monastir o Kal de Monastir (en ivrit קהל קדוש מונאסטירליס) es una esnoga istorika de la komunita djudia de Salonika.

La esnoga fue fraguada enel anyo 1927 por djudios de la komunita de Monastir, una sivdad de la antonses Yugoslavia i konsagrada por el antonses Rabino Shefe de la sivdad, haham Haim Rafael Habib. Durante la Sigunda Gerra Mondial, la esnoga fue salvada de ser destruyida por la Kruz Kolorada Internasiyonal. En Djunio del anyo 1978, la frágua fue danyada por un temblor de tyérra. Fue restaurada por el governo grégo i oy endia es uzada prinsipalmente durante los hagim.




#Article 370: Esnoga Beit Bella (213 words)


La Esnoga Beit Bella o la Esnoga de Tallinn, (en estonio Tallinna sünagoog, en ivrit בית הכנסת בית בלה) es la unika esnoga del paez, i esta ubikada en la sivdad kapitala , Tallinn. La esnoga fue fraguáda kon fondos privados i aperturada el 16 de Mayo delanyo 2007. La frágua es una estruktura ultramodierna, yena de ayre, kon kapasitá para 180 personas,  kon una kapasitá adisional de asta 230 personas para konziertos i otros eventos publikos. La esnoga a resivido muncha atensiyon déke es la primera esnoga fraguada en Estonia desde la Sigunda Gerra Mondiala. La esnoga fue disenyada por los arkitekos Kaur Stöör, Tõnis Kimmel, Liis Lindvere, Raili Paling i Andrus Kõresaar, de la entreprisa KOKO. Para el aperturamiento de la esnoga, asistieron el antonses Vise-Primer Ministro de Israel, Shimon Peres, el Rabino Shefe Ashkenazi de Israel, Sinyor haham Yona Metzger, el Rabino Shefe de Estonia, Sinyor haham Shmuel Kot, i el presidente de Estonia, Toomas Hendrik Ilves.

La esnoga orijinala de la sivdad, fraguada enel anyo 1883, no fue refraguáda dempues de ser destruyida enel anyo 1944 i antonses Tallinn paso a serla unika sivdad kapitala evropea sin una esnoga. Tartu, una sivdad chika en el Sud-Oryente del paez, tambien tinía una esnoga la kuala fue destruyida durante la Gerra.




#Article 371: Rabino Shefe (480 words)


Rabino Shefe es un titolo dado en munchos payises al lider relijiozo rekonosido de la komunita djudia de este paez, o al shefe rabiniko desinyado por las avtoridadas sekulares nasionalas.  Desde el anyo 1911, Israel tiene dos rabinos shefes, uno ashkenazi i uno sefardi

Akeas sivdades kon grandes komunitas djudias puede ke tengan tambien los sus própios rabinos shefes; este es partikolarmente el kavzo en Israel, má endemas en sivdades grandes en Evropa antes del Olokósto. Las sivdades de  los Estatos Unitos d'Amerika i Kanada no es komun ke tengan rabinos shefes, anke alkunas tienen dos; de fákto, Montreal tiene dos: uno para la komunita ashkenazi de la sivdad, i el otro para la sefardi. 

El titolo del Rabino Shefe es uzualmente sigido de ABD, ke signifika Av Bet Din.

Ver Rabinos Shefes de Hong Kong.

El titolo de Rabino Shefe de Yisrael a egzistido por sienes de anyadas. Durante el periodo del Mandato Britaniko, los Brikatinos rekonosian a los Rabinos Shefes de las komunitas askenazi i sefardi, ansina komo al Mufti de Yerushalayim. Estas burós sigiron dempues de la independensia. Los grupos haredim komo Edah HaChareidis) no rekonosen la avtoridad del Rabinato Shefe. Eyos uzualmente tienen los sus propios hahamim los kualos no keren tener nada ke ver kon la Rabbanut.  Basho la aktuala Ley Yisraeli, los Rabinos Shefes sóu egzisten en katro sivdades (Yerushalayim, Tel Aviv, Haifa i Beersheva). En otras sivdades puede egzistir má de un rabino prinsipalo a los kualos los otros hahamim se dirijen, má no yevan eltitolo de Rabino Shefe.

Munchos de los Rabinos Shefes de Israel fueron antes Rabinos Shefes de alkuna sivdad yisraeli.

Nota: El Rabino Shefe de Transilvania era jeneralmente el haham de la sivdad de Alba Iulia.

(Yamados en turko Haham Bashi)

Nunka a egzistido un Rabinato Shefe en los Estatos Unitos d'Amerika por munchas razones. Anke los djudios yegaron en la anyada de los 1500 al Sud-Oeste del paez, i enel anyo 1654 a Mueva Amsterdam, los hahamim no aparesieron enel paez asta el syéklo XIX. Esta falta de hahamim, endemas de la faltade rikonosimyénto ofisial o klonial de una partikolar rama del djudaismo komo ofisial yevo a los djudios del paez a una forma kongregasiyonal, ande kada keilá era independiente. Ainda este no empedio a alkunos de tentar kriyar un djudaismo unifikado enel paez, i de fákto, empiesaron en alkunas sivdades a aparecer Rabinos Shefes afilú alkunas komunitas dentro de las sivdades no los arikonosian. Este fákto, endemas del dezeyo de munchos djudios muevos enel paez de kebrar la liason kon el su pasado Ortdokso, izo ke no egzistiera un Rabino Shefe en el paez.

Komo Rav Kolitz renunsió por razones de la su salud (i dempues murio en un anyo) la sivdad ainda no tiene Rabino Shefe Ashkenazi.

Komo el Sinyor haham Messas murio mientras ainda era Rabino Shefe, la sivdad ainda no tiene Rabino Shefe Sefardi




#Article 372: Esnoga Ahrida (Istanbul) (171 words)


La Esnoga Ahrida o Kal de Ohrid (en ivrit בית הכנסת אכרידה) es una de las esnogas más aedadas de la sivdad de Istanbul. Esta ubikada en la máale djudia de Balat. La esnoga fue fraguáda por djudios de la sivdad de Ohrid kuando ainda konformava parte del Emperio Ottomano i oy endia konforma parte de la Antika Republika Yugoslava de Masedonia, los kualos emigraron a la Turkiya ase más de 550 anyos i se mesklaron kon la komunita romaniota ke egzistia desde antes; de fákto, Ahrida es uno de los nombres ke los grégos uzaban para yamar a la sivdad de Ohrid. La frágua,una de las dos esnogas más aedadas del Korno de Oro, fue remuevada enel anyo 1992 por la Fondasion Kinsentenaria, en selebrasion de los 500 anyos de la arivada de los djudios al Imperio Otomano. 

La esnoga es konosida endemas por su tevá en forma de nave.. La Esnoga Ahrida, es endemas la unika esnoga de Istanbul ande Shabbatai Zvi, fondador del movemento Sabbateo yegó a meldar.




#Article 373: Esnoga de Amsterdam (396 words)


La Esnoga de Amsterdam, tambien konosida komo la Esnoga o la Esnoga Portugueza (en djudeo-espanyol: אסנוגה), o  Snoge en lingua olandesa, es una esnoga sefardi del syéklo XVII en Amsterdam. 

Los djudios hueron ekspulsados en masa desde Espanya enel anyo 1492 por el Edikto de Granada. Munchos de los kualos se fueron a Portugal se tinian ke konvertir por huérsa al Katolisizmo enel anyo 1496, mientras ke los otros djudios fueron ekspulsados de Portugal enel anyo 1497. Por sienes de anyadas, la Inkisizion  iva sigir persigindo a los konversos i los sus ijos, kreyendo ke ainda eran djudios de manera sekreta (Marranos, Xuetas, Bnei Anusim).

Alkunos de akeyos djudios ke kirian poder serliberos de sigir la su relijion, fueron i ankontraron rifujio en Amsterdam. Durante una grande migrasiyon en el syéklo XVII, esos arifujiados djudios se Espanya i Portugal se izieron yamar Djudios Portugezos para evitar ser relasionados kon Espanya, la kuala en esos dias estaba en Gerra kon la Repuvlika Olandeza.

En Diziembro del anyo 1670, la komunita sefardi de Amsterdam merkó el tyerreno para fraguar una esnoga i el su fraguamiento empiesó en Abril de 1671, basho la direksiyon del arkitekto Elias Bouwman. La esnoga fue kompletada en Ogusto de 1675. 

La entrada de la esnoga tyene eskrito un pasuk de Teilim 5:8: En la abundansia de la Tu amorosa kerensya, yo vo yir a la Tu Kaza. Endemas, esta eskrito 1672, el anyo en el kualo la esnoga se esperaba kompletar, i Aboab, la alkunya del haham ke tuvo la idea de fraguar la esnoga.

La esnoga esta fraguáda sobro de palos de madeira i las bazas de la misma se pueden ver desde kualker nave enel agua por debasho de la esnoga. Egzisten otras fráguas ke rodean a laesnoga, komo la esnoga de envierno, burós i arkivos, kazas de alkunos hahamim el rabinato, la hevrá kadishá i la konosida biblioteka Etz Haim. 

Durante la remuevasiyon en los anyos 1955-1959, el antiko auditorio de Etz Haim fue redesinyado komo una esnoga para el envierno, kon ayre kadjente sentralo i luses elektrikas. Las bankas fueron tomadas de una esnoga fraguáda orijinalmente enel anyo 1639, i el Aron Akodesh es del anyo 1744. 

El piso de la esnoga tiene arenikas finas, sigindo la antika tradisiyon Olandesa, para absorber umedad, suziedad de los kalsados i endemás para aminorar el bruido i el barulyo de la kaleja.




#Article 374: Esnoga de Birobidjan (443 words)


La Esnoga de Birobidjan (en idish ביראבידזשאנער שול) fue establesida enel anyo 2004. La esnoga esta en la sivdad de Birobidjan, la kuala es la kapitala de la Provensiya Otonoma Ebrea, una provinsia de Rusia. La Esnoga de Birobidjan es lapriméra esnoga en Rusia en ser fraguáda parsialmente kon parás del govyerno, asigun la Federasiyon de Komunitas Djudias de la KEI.. La komunita resivio 112.000 dolares amerikanos para fraguar la esnoga

Enel anyo 2004 el Rabino Shefe de Rusia, Sinyor haham Berel Lazar tomo parte de las selebrasiyones por los 70 priméros anyos dela Provensiya Otonoma Ebrea. El sinyor haham Lazar i Avraham Berkowitz, el direktor de la Federasiyon de Komunitas Djudias de la KEI estaban presentes en Birobidjan para el evenemento. El alkalde de la sivdad, Aleksander Vinnikov, i Valery Solomonovich Gurevich tambien partisiparon en el aperturamyénto de la esnoga. El governador Nikolay Mihaylovich Volkov deklaro ke la Esnoga de Birobidjan es la priméra esnoga kasher de la Provensiya Otonoma Ebrea, asigun la halaha. El haham Mordechai Scheiner, el kualo es el Rabino Shefe de Birobidjan i endemas el emisario de Habad-Lubavitch en la rejion, deklaró a los jurnales ke Oy, podemos disfrutar de los benefisios de la kultura idish i no tener miedo de ritornar a las tradisiyones djudias. Aki estamos siguros i sin Antisemitismo i estamos tentanto abrir el muestro primér Talmud Tora aki. El shefe de la komunita lokal, Lev Toitman, tambien partisipó del aperturamyento de la esnoga.

Asigun el sinyor haham Scheiner, egzisten unos 4.000 djudios en Birobidjan, los kualos konforman el 6% de la povlasiyon. Enel anyo 2006, el haham Scheiner vijitó las viyas de Bira, Naifeld, Londoko, Birakan i Birofeld kon la komunita de Birobidjan. Endjuntos vijitaron los betahayim lokales i arikojieron informasiyon de losdjudios entierrados antes de la Sigunda Gerra Mondial. Los nombres de eyos endagora estan eskritos en el Livro del Arrikodro de la Esnoga de Birobidjan, kon las datas eskritas asigun elkalendario ebreo i el gregoriano. Para elanyo 2007, alkunos de los kolonos djudios orijinalos ainda estaban biviendo en estas viyas chikas.  Lev Toitman fue el shefe de la komunita desde 1997 asta kuando murió enel anyo 2007.

En el anyo 2004, la komunita djudia de Birobidjan resivió un Aron Akodesh. Este regalo tan espesial para guadrar la Tora, fue echo por la sivdad ermana de Birobidjan, la kuala es Hegan, en la Repuvlika Popular de Kina, i fue konstruyido de akódro kon la alaha. En el anyo 2008, Shalom Brandman, un residente de Ramat Gan, Israel, donó una koleksiyon de livros de estudios djudaikos a la esnoga, dempues de una vijita ke izo durante el Programa de Idish del Enverano de 2007.




#Article 375: Esnoga Vieja-Mueva (571 words)


La Esnoga Vieja-Mueva (en alman Altneuschule, Altneusynagoge; en cheko Staronová Synagoga; en idish אלטנוישול), ubikada en la máale de Josefov, en Praga, es la esnoga mas antika de Evropa ke ainda se ankontra en uzo aktivo. Es endemas la esnoga medieval mas vieja kon desinyo de dupla nave.

Aperturada enel anyo 1270 en estil gotiko, la esnoga es una de las fráguas gotikas más aedadas de la sivdad de Praga. Antes egzistia en la sivdad una esnoga ainda más aedada, yamada la Esnoga Vieja,la kuala fue destruyida enel anyo 1867 i trokada por la Esnoga Espanyola.

Egzisten dos eksplikasiyones para el nombre Vieja-Mueva. El priméro esta bazado en las traduksiyones de alman i de idish de Alt-Neu komo Vieja-Mueva. De akódro kon esta eksplikasiyon, la esnoga fue orijinalmente yamada la Mueva o Gran esnoga i dempues, kuando fueron fraguádas esnogas mas muevas en el syéklo XVI, esta paso a ser la Esnoga Mueva-Vieja. Otra teoria dize ke puede ser una mala traduksiyon. D'akódro kon esta versiyon, la esnoga se kreefue fraguada kon piédras trayidas del Templo de Yerushalayim, i la esnoga fue fraguada kon una kondisiyon, en ivrit: Al-Tnai, ke akeas piédras tinian ke ser ritornadas dempues del re-fraguamyénto del Templo. 

Egzisten mueve skalas desde la kaleja asta un kortijo, desde el kualo se abre una puerta ke yeva a una nave rektangular, la kuala tiene sesh seksiyones. Endemás, dos grandes pilares alinyados de Oryente a Oksidente en el medio de la esnoga kada uno soporta el peso de kada seksiyon.Las seksiyones tienen kada una ventanikas Gotikas, un total de doze, las kualas representan las Doze Tribus de Yisrael. Las ventanikas estrechas son posivelmente aresponsavles de las munchas deskripsiyones de la esnoga komo oskura i friya, mas endagora esta brilyantemente yena de luz, kon munchas kandilikas elektrikas.

La tevá esta kolokada entre los dos pilares. El Aron Akodesh esta en el sentro de la pared oryentala. Egzisten sinko skalas para yegar asta ande estaguadrada la Tora i endemas, dos ventanikas redondas de vidrio a kada lado. 

La esnoga es Ortodoksa, lo kualo kere dizir ke las mujeres i los ombres meldan kada kualo separado. Las mujeres meldan en una kamareta eksterna kon ventanikas ke dan asya la parte prinsipala de la esnoga. 

Algo ke no es uzualo, es una grande bandiera en el pilar oksidental kon una Magen David, el teksto de Shema Israel, i una kipa, los kualos an sido los simbolos de la komunita desde el syéklo XV. El dirito de tener bandiera, lo kualo signifika avtonomiya de la komunita, fue dado por el emperador Fernando II, en aksiyon de shukur por los servisios de los djudios en la defensa de Praga en kontro de los Suekos. La bandiera aktuala de la komunita fue apresentada a los djudios por el emperador Karlos VI. 

Se dize ke el korpo del Golem, el kualo fue kriado por el haham Judah Loew ben Bezalel esta en el atiko ande esta la geniza de la komunita de Praga.  Se dize una konseja ke durante la Sigunda Gerra Mondiala, un ajente Nazi tento entrar a la geniza, má el fue amortado al tentar. Al pareser, la Gestapo no entro a lageniza durante la Gerra, i la frágua fue evitada durante la destruksiyon de esnogas por los Nazis. Las tres skalas mas bajas de la skalerika ke va subiendo a la geniza estan kitados i endagora no se tiene akseso para el publiko en jeneral.




#Article 376: Bnei Menashe (228 words)


Los Bnei Menashe (Ijos de Menashe, en ivrit בני מנשה) son un grupo de má de 9.000 personas de los estados del Nord-Este de la India de Manipur i Mizoram los kualos afirman ke desienden de una de las  Tribus pedridas de Yisrael. Esta afirmasiyon aparesió dempues ke un misionero Pentekostal enel anyo 1951 tuvo un esuenyo en el kualo la relijion pre-Kristyana de la su jente era el djudaismo i ke la su tyerra ansestrala era Yisrael. Linguistikamente, los Bnei Menashe son Tibeto-Birmanos i pertenesen a los grupos etnikos Mizo, Kuki i Chin (estos termos son virtualmente ekivalentes). Eyos son yamados Chin en Birmania. Dependiendo de las sus afiliasiyones, kada tribu deside yamarse Kuki, Mizo,
 o Chin, afilú es mas komun para la jente identifikarse kon la su subtribu, kada una de las kualas tiene un dialekto própio. 

Este grupo fue yamado Bnei Menashe por Eliyahu Avichail  deke eyos kreen ke el su ansestro lejendario Kuki-Mizo yamado Manmasi es el mismo Menashe, ijo de Yosef.

El 1 de Abril de 2005, el Rabino Shefe Sefardi de Israel, el Sinyor haham Shlomo Amar, akseptó ke los Bnei Menashe sean yamados djudios, bazado en la devosiyon eksemplar de eyos al djudaismo. La su desisiyon es muy emportante déke azer endagora má pishín y kolay ke todos los Bnei Menashe puedan azer la su aliya basho la Ley del Ritorno.  




#Article 377: Esnoga Knesset Eliyahu (105 words)


La Esnoga Knesset Eliyahu, tambien yamada Knesset Eliyahoo (en ivrit בית הכנסת אליהו), es una esnoga fraguada enel anyo 1885 en el sentro de la sivdad de Mumbai, India. Fue fraguáda por Jacob Elias Sassoon i los sus ermanos en onor al su padre, i endagora es administrada por el Jacob Sassoon Trust.

Enel anyo 1985, el antonses Presidente de India, Zail Singh, vijitó la esnoga en okasiyon del primér sentenario de la misma.El  Buro de Posta de la India emitió una estampiya en onor a la esnoga. Asta los atakos terroristas del anyo 2008, el haham de la esnoga era el rav Gavriel Holtzberg..

 




#Article 378: Huang Xianfan (117 words)


Huang Xianfan, en kinezo: 黄現璠/黄现璠 (Qujiu, 13 de Noviembro de 1899 - Guilin, 18 de Jenero de 1982) era un istoryador i erudito de Zhuang kinezo, pionero de los estudios de la istoria de Zhuang (en kinezo: 壮族史学之父)
 
Huang Xianfan nasio enel anyo 1899 en Qujio, distrito de Fusui de la prevensiya de Guangxi, Kina. Era el desendiente de una famiya zhuang de Guangxi. Estudio en la Eskola de Nanning de Guangxi (1922-1926). endemás, estudió istorya en la Universita de Pekin(1926-1935) i en la Universita de Tokio (1935-1937). Se dedikó al estudio de las istoryas de Kina, Japon i de la istorya del puevlo Zhuang. Publiko estudios de istorya i traduksiyones de obras de la istorya japoneza.




#Article 379: Esnoga de El Transito (146 words)


La Esnoga de Samuel haLeví, amijor konosida komo Esnoga de El Transito (en espanyol Sinagoga del Tránsito), ubikada en Toldot, Espanya, fue fraguada por Samuel ha-Levi Abulafia enel anyo 1356. Dempues de la ekspulsion de los djudios de Espanya, enel anyo 1492, la esnoga fue trokada en una kilisia. Oy endia i desde el anyo 1964, konforma parte del Muzeyo Sefardi de la sivdad, amostrando la kultura djudia sefardi de Toledo.

Esta esnoga era la esnoga privada de la famiya del tesourero del Rey, Don Samuel HaLevi Abulafia. Kuando el la fraguo a empieses del syeklo XIV, el desidio desafiar todas las leyes ke dizían ke las esnogas tinyian ke ser ma chikasy bashas ke las kilisias i kon dekorasiyon basika. La esnoga tiene inskripsiyones kon el nombre del Dio, arkos de estil mudejar kon mamposteriya i endemas labrados en stuko en arabo i en ivrit.




#Article 380: Air Europa (489 words)


Air Europa es una linea aerea espanyola kon sede sosial en Llucmajor, en la isola de Mayorka. El su kódiche IATA es UX, el su kódiche OACI es AEA y su callsign es Europa.

La aerolínea fue fondada basho el nombre komserial Air Espanya S.A. i partisipada por el operador turistiko inglezo ILG (International Leisure Group), también propietario de la linea aerea ingleza Air Europe enel anyo 1984. Air Europa empiesó volando charters entre Espanya i el Reyno Unito en Noviembro de 1986. Dempues de la bankarota de ILG i de Air Europe en Marso del anyo 1991, la entreprisa fue komprada por Juan José Hidalgo, propietario de la kadena de ajensias de viaje Viajes Halcón i el kualo kompró dempués la entreprisa mayorista turistika Travelplan, dempues Touring Club, Iberrail, Travelplannet, la minorista Viajes Ecuador, Groundforce, los Oteles Oasis, Pepeworld i el Tour operador de Florida MKTravelplan, konformando ansina Globalia Corporación Empresarial. Kuando el merkato de transporto aereo de Espanya fue liberado enel anyo 1993, Air Europa empiesó a ofreser volos regulares. . Dempues de una krisis ekonomika en la kompanyía, parte de la su flota fue alugada a Iberia enel anyo 1997. Dempués se izieron negosiasiyones para tentar venderla a la entreprisa estatal, má no prosperaron. Antonses fueron fondadas kompanyias má chikas komo Air Europa Express, para volos rejionales kon aviones de turboeliza ATP i una para volos chárter bazada en Kanarias yamada Air Europa Canarias kon dos B-737. Las dos entreprisas fueron serradadas enel anyo 2001. Durante kaji toda la su istorya, la kompanyia sólo tiene uzado aviones de Boeing, espesialmente B737, B757 i B767, por lo kualo jeneró muncha sorpresa enel anyo 2005 kuando anunsió ke iva merkar diez Airbus A350 , ansína komo el aluger inmediato de katro A330-200 i un A340-200, también de Airbus, para azer volos de lunga distansia.

El 5 de Septiembro del anyo 2007, Air Europa, djunto kon Copa Airlines i Kenia Airways, anunsian la su entrada ofisial komo myémbros asosiados a la aliansa SkyTeam de lineas aereas, en la kuala se ankontran lineas aereas grandes i emportantes komo Air France, KLM, Alitalia entre otras.. El 22 de Jenero del anyo 2008 anunsia ke va merkar 8 Boeing 787-800 Dreamliner, passando ansina a ser la priméra linea aerea espanyola en tener este avion en la su flota. . En Marso del anyo 2008 se kansela kon Airbus el pedido de 10 A350 por el kualo resive una indemnisasiyon de 70 milyones de euros.

Lanzarote, Fuerteventura, Gran Kanaria, Tenerife Nord,. Tenerife Sud, La Palma, Mayorka, Menorka, Ibisa, La Korunya, Vigo, Santiago de Komposteya, Asturias, Bilbao , Barselona, Salamanka, Vayadolid (enverano), Madrid, Valensia, Alikante, Albasete (enverano), Badajoz, Seviya, Granada, Malaga, Leon (enverano).

Londra, Paris, Roma, Lisboa i Venezia.

Tunis, Marrakesh i Dakar

Nueva York-JFK, Miami, Kankún

Salvador de Bahía, La Habana, Santo Domingo, Punta Kana, Puerto Plata, Karakas, Buenos Ayres.
 

La flota de Air Europa inkluye los sigintes aviones (en Jenero de 2009): 




#Article 381: Esnoga Bet El (Karakas) (280 words)


La Esnoga Bet El o komo se le konose en la komunita de Venezuela, Asosiasion Bet-El es una esnoga ke se topa en la sivdad de Karakas, en la kuala se melda en el rito Sefaradi. La esnoga fue fraguada entre los anyos 1969 i 1973, kon parás ofresidas por el sinyor Edmond Safra, para el su uzo por la komunita halabi-Venezuelana de la sivdad ke bivía para antonses en la máale de San Bernardino. Endagora la komunita tambien tiene myémbros sobre tódu de Meliya (Espanya) i del Nord de Marroko, espesialmente de las sivdades de Tetuan i Chaouen.

La esnoga tiene el su adreso en la Avenida Cajigal de la máale. Tiene kapazitá para unas 300 personas en la seksiyon de ombres, la kuala esta yena de vitrales desinyados por Yaakov Agam, endemás de ke la pared ande se ankontra el Aron Akodesh es una eskultura de Harry Abend  i para unas 100 personas en la seksiyon de mujeres en el piso de ariba. La esnoga endemas tiene una kamareta abasho, la kuala fue aperturada enel anyo 1988 i ke se uza para fyéstas komo bar mitzvot, bat mitzvot, kazamyéntos i Sheva berahot. En el piso má alto de la frágua, al lado del area para meldar de las mujeres, se topa una kamareta uzada komo bet Midrash para el estudio de la Tora i la Gemara, la kuala tiene una biblioteka. Endemás, en la esnoga estan disponíveis humashim kon Rashi, sidurim en ivrit i sidurim kon traduksiyon i fonetika en espanyol para akeyos ke no avlan ivrit, o lo avlan poko i no saben meldar en ivrit.

Aktualmente, el haham de la esnoga es el sinyor Itshak Sananes.




#Article 382: Sven Alkalai (167 words)


Sven Alkalai, en serbo-kroata Sven Alkalaj, nasido en 11 de Novembro de 1948 en Sarajevo, minístro de Liasones Eksteriores de  Bosnia i Herzegovina en 2007-2012. Alkalaj, el kualo es sefardi, es unos de los djudios mas konosidos de la komunita. Es myémbro del partito Partito para Bosnia i Herzegovina, el kualo es dirijido por el myémbro de la presidensia kolektiva del paez, Haris Silajdžić.

Sven Alkalai nasió en Sarajevo i se graduó de injeniero mekániko en la Universita de Sarajevo enel anyo 1974. El ritornó a la universita enel anyo 1987 i tiene endagora endemas un titolo de ekonomiya. Entre las sus fonksiones para el govyerno del su paez se ankontran:

	

Alkalai avla, endemás de serbo-kroata, inglez i fransez, endemas de un poko de espanyol. Alkalai a resivido munchas kritikas i demandas en los medios de komunikasiyon de Bosnia i Herzegovina para ke deshe el ofisio de Ministro de Liasones Eksteriores dempués de ke el resivió la sivdadania de Kroasia, kuando el se deklaró ke era kroata.




#Article 383: The Forward (705 words)


The Forward (en idish פֿאָרווערטס, Forverts) es un periodiko semanal djudio publikado en la sivdad de Mueva York. 

Oy endia, el djurnal Forward es publikado setimanalmente komo una revista de notisias en dos edisiyones, una en idish i una en inglez. De fákto, kada edisiyon es una publikasiyon independiente, kon los susprópios kontenidos. Jane Eisner paso a ser la editora en Djunio del anyo 2008. El direktor editorialo es J.J. Goldberg, el kualo a sido direktor desde el anyo 2000. El periodiko mantiene una linea editoriala de sentro-siédra.

Fue fondado enel anyo 1897 komo un djurnal diario en idish por Abraham Cahan. El su nombre, ansina komo la su orientasiyon politika se tomaron del Partito Sosyal Demokratiko Alman i el su própio djurnal Vorwärts. La sirkulasiyon i distribusiyon del djurnal kresió pishín, en paralelo kon el kresimyénto pishín de la povlsiyon avlante de idish en los Estatos Unitos. Para el anyo 1912, ya sirkulaba kon unos 120.000 egzemplares diarios i a fines de la anyada de los 20 i empieses de los 30, el djurnal avía ganado una gran enfluensia i un grupo de lektores de má de 275.000 en tódu el paez afilú bashó a unos 170.000 komo konsekuensa de los trokos en la politika de imigrasiyon de los Estatos Unitos la kuala kaji eliminó la arivada de djudios por kompleto. Para el anyo 1962, sóloeran publikados unos 56.126 diariamente i unos 59.636 en Alhad i para el anyo 1983 se publikaba sólu una vez a la setimana, kon un enkarte en inglezo. Enel anyo 1990 el suplemento en inglez se trokó en un setimanario independiente, el kualo para elanyo 2000 tinía una sirkulasiyon de 26.183, mientras ke el setimanario en idish tinía una sirkulasiyon de 7.000, la kuala kada dia abashava má. 

En los sus priméros diyas, el Forward iva soportar los sindikatos i un sosializmo demokratiko, moderado. Estaba muy liasonado kon los sindikatos, espesialmente el International Ladies' Garment Workers' Union; Benjamin Schlesinger, un direktivo de la ILGWU, fue direktor del djurnal enel anyo 1923, i dempues ritornó a la direksiyon de la ILGWU enel anyo 1928. Eldjurnal tambien iva apoyar a David Dubinsky, el kualo eventualmente susedió a Schlesinger en la ILGWU.

 El eskritor má konosido del Forward  en idish  era Isaac Bashevis Singer, el kualo resivió un Premio Nobel en literatura, anke endemas Leon Trotsky i Morris Winchevsky, entre otros sosialistas mondiales konosidos, eskrivieron enel djurnal. 

Komo la enfluensia del Partito Sosyalista de Amerika tanto en la komunita djudia komo en el paez empiesó a akabar, el djurnal se unió a loslibberalos amerikanos, afilúsigió kon una oryentasiyon sosyal-demokratika. La versiyon en inglez tiene enfluensia en la komunita djudia del paez, komo una fuente de analsis politiko libberalo.

La edisiyon en idish a empiesado a kreser de muevo, shukur a ke endagora egzisten kursos i lisiones de idish en las universitas i los elevos de eyas se amostran interesados en el djurnal i en komunikarse en idish. La sirkulasiyon esta endagora en unos 5.0000. El direktor aktualo del Yiddish Forward es Boris Sandler, un moldavo el kualo es endemas uno de los eskritores sekulares má signifikantes oy endia en idish. 

En el anyo 1995, basho la direksiyon de Vladimir Velvl Yedidowich i por alkunos anyos, tambien egzistia una edisiyon en ruso. Esta eventualmente se trokó a ser una entitá kompletamente separada, la kuala fue komprada enel 2004  por RAJI (Russian American Jews for Israel). Este mismo anyo, Forward vendióla su partisipasiyon en el kanal de televizyón WEVD al kanal de esportes ESPN. En kontraste kon la versiyon ingleza, la edisiyon en ruso i los sus lektores eran má ke tódu de dirita. En Marso del anyo 2007, el su nombre fue trokado a Forum.

Durante la su mayor popularitá, en Forward mandó konstruyir una frágua de 10 pisos en East Broadrway, Manhattan, en el Lower East Side, desinyada por el arkitekto George Boehm i kompletada enel 1912, kon kolumnas de marmol, imajenes en relieve de Karl Marx i Friedrich Engels, ansina komo endemás Ferdinand Lassalle, el fondador djudio delprimér partito sosyalista almán i de August Bebel, el antonses shefe del Partito Sosyal Demokratiko Alman para el momento del fraguamyénto.

En la anyada de los 90, la frágua fue trokada en un kondominio. 




#Article 384: Zehava Ben (387 words)


Zehava Ben (en ivrit זהבה בן), nasida el 8 de Noviembro de 1968, es una de las kantaderas má konosidas del jenero de la Musika Mizrahi.

Zehava nasió en Beer Sheva, la sivdad kapitala del Negev enel sud de Yisrael, de padres de orijin marroki. La alkunya orijinala de la su famiya es Benisty. Eya nasió en la máale Shikun Dalet, una máale yena de provesa, krimen i drogas.  Zehava esta muy orgolyoza del su orijin marroki i kaji toda la su musika es egzemplo de este, kantando tanto en ivrit komo en arabo.

Zehava se empiesó a konoser en Yisrael, enel anyo 1990, kuando kanto para la musika del filmo Tipat Mazal (Un poko de suerte) i las sus kansiones, se izieron egzitozas en tódu el paez, espesialmente entre los mizrahim,sefardim i los yisraelis de orijin arabo.

Anke la su musika esta defendida en alkunos paezes arabos, déke egziste un boikot de los produktos israelianos, Zehava es konosida tambien en el Mundo Arabo komo kantadera en el idioma arabo. Entre las sus má konosidas kansiones se ankontran unas versiyones ke eya aze de alkunas kansiones tradisionales arabas, komo Inta Omri (Tu sós la mi vida), de la ledjendaria kantadera ejipsiya Umm Kulthoum. Zehava endemas izo kampanya en las eleksiyones yisraelis del anyo 1996 para el partito de siédra Meretz, kantando Shir LaShalom (Kansión por la paz).

Una de sus kansiones, Ma Yihyé (Kualo va pasar) esta en la koleksiyon Buddha Bar del anyo 1994. Dempues de los atakos terroristas del 11 de Septiembro, Zehava Ben i Etti Ankri, David D'Or, Arkadi Duchin i otros kantadores yisraelis grabaron la kansiyon Yesh Od Tikvá (Ainda tenemos esperansa), para el kualo David D'Or eskrivió las letras i la musika. La kansiyon se ankontra en el CD Yesh Od Tikvá/You've Got a Friend.. El CD, dela kaza Hed Arzi i apresentado enel anyo 2002, benefisió las viktimas yisraelis de los atakos, tódu lo ganado iva para la fondasion NATAL: the Israel Trauma Center for Victims of Terror and War.. Enel anyo 2005, Zehava kantó Shalom v'Ahavá (Paz i amor) en inglez, ivrit i arabo enel konkurso Kdam Erovision, el kualo elije al kantadero ganador para arepresentar a Yisrael en el konkurso Eurovision. Zehava yego de sigundo lugar, detras de la ganadora Shiri Maimon, la kuala tambien es de orijin marroki.




#Article 385: Yekke (331 words)


Yekke (en alman:Jecke ) es el termo uzado jeneralmente para referirse a los djudios de Almania ke sigin el minhag de Evropa Oskidentala. Es alkunas vezes uzado de forma lijeramente ofensiva.

Oy endia, no ay munchos Yekkes biviendo en Almania, má ainda egzisten komunitas chikas en Suisa, Fransia Oryentala (Alsasia i Lorena) i en Luksemburgo. Una parte de la komunita de Frankfurt eskapó de la sivdad dempues de la Kristallnacht i se mudó a la máale de Washington Heights de la sivdad de Mueva York, ainde ainda egziste una komunita, K'hal Adass Jeshurun, la kuala sige estriktamente el minhag Yekke, kon todas las sus kansiones, rituales i manera de meldar.  

Endemas, un grupo establesió el Kibbutz Chofetz Chaim en Gedarim, Israel, al sud de Tel Aviv. Resyentemente, se aperturaron muevas komunitas Yekkes en Yisrael por el Machon Moreshes Ashkenaz, i una de las komunitas má emportantes es K'hal Adas Yeshurun de Yerushalayim, la kuala esta aziendo un proyekto yamado Nusach Project, para preservar las melodiyas i kantikas Yekkes.

Egzisten alkunas teoriyas en kuanto al orijin de la palavra. La má konosida es la kuala asigun la palavra se orijina en las diferensias kulturalas en los vistidos uzados por los má oksidentalisados djudios de la Evropa Oksidentala, los kualos trokaron los abrigos lungos por las djaketas, má kurtas (yekke), mientras ke los ashkenazim de Evropa Oryental uzaban má lungas, komo las bekishes. Otra teoriya es ke la palavra se deriva de Yekkef, la kuala es la pronunsiasiyon del nombre Jakob o Jack, la kuala es distinta a la pronunsiasiyon oryentala, la kuala es 'Yankef or Yankev.

El termo es endemas uzado de manera un poko ofensiva alkunas vezes, anke endemas kon muncho onor i orgolyo. Esta muy relasionado kon la atensiyon ledjendaria de los djudios almanes al detalyo i la ponktoalitá. Este sentido para el detalyo se ekstiende asya los minhagim. Los Oberlanderim—Djudios de partes de Ostria, la Repuvlika Cheka i Eslovakia—son a vezes konfondidos kon Yekkes déke tienen un minhag paresido.

 




#Article 386: Esnoga de la kaleja Dóhany (1019 words)


La Esnoga de la kaleja Dóhany o tambien konosida komo la Gran Esnoga de Budapest, en ungario Dohány utcai Zsinagóga/Nagy Zsinagóga, en ivrit בית הכנסת הגדול של בודפשט, tambien yamada la Esnoga de Tabakgasse, eata ubikada en la máale de Erzsebetváros, el distrito syetimo de Budapest. Es la esnoga má grande de Evropa i la sigunda má grande de todo el mundo, dempues de la Keilá Emanu-El de Mueva York. . En eya kaben 3.000 personas i es uno de los sentros prinsipales del djudaismo Neolog. La frágua tiene 75 metros de lungeza i 27metros de ancho i fue konstruyida entre los anyos 1854 i 1859 enel estil del Renasimyento Morisko , bazada en fráguas de esnogas del Maghreb i Espanya (la Alhambra),. El arkitekto el kualo la desinyó fue Ludwig Förster, i parte del interior de la frágua es de Frigyes Fesz.

La kaza ande nasió Theodor Herzl estaba al lado de la Esnoga de la Kaleja Dóhany. En su lar se ankontra oy endia el Muzeyo Djudio, el kualo tiene la Koleksiyon Istorika y Relijioza Djudia, la kuala fue fraguada enel anyo 1930 de akódro kon el estil de la esnoga i la kuala fue unida a la frágua prinsipala enel anyo 1931.

Fraguada entre los anyos 1854 i 1859 por la komunita Neolog de Pest i de akódro kon los planos de Ludwig Förster, la esnoga tiene una kapachitá de 2964 butakos (1492 para ombres i 1472 en la galeriya de mujeres) lo kualo la aze la má grande esnoga de Evropa. La esnoga fue konsagrada el 6 de Septiembro de 1859. A la esnoga orijinala le lansó bombas el Pro-Nazi Partito de la Kruz de Flechas el 3 de Fevrero de 1939. Uzada komo baza por la Radio Almana i endemas komo establo durante la Sigonda Gerra Mondial, la frágua sufrió danyos severos déke los atakos aereos durane la okupasiyon Nazi, má espesialmente durante el Akoso a Budapest. Kuando los komunistas tomaron el poder i kontrolo del paez, la esnoga volvió a ser un sentro para meldar de la endagora chika komunita djudia. La su remuevasiyon empiesó enel anyo 1991.

La esnoga fue orijinalmente fraguada en una máale residensiala. El kondjunto de fráguas de la esnoga inlkui la Gran Esnoga, el Muzeyo djudio, el Templo de los Eroes, El Betahayim i el moumento en arikódro al Olokósto

La frágua de la esnoga tiene má de 53 detros de lungesa i kaji 27 metros de ancho. El estil de la esnoga es Morisko, i endemas tiene enfluensias de Bizansio, estil Romantiko i ainda Gotiko enel su desinyo. La esnoga endemas tiene dos domos kon forma de sibulet en la punta de las dos kulás kon baza oktogonalas de 43 metros de altesa. La entrada de la frágua tiene una rosa de vitralos.

El Muzeyo djudio fue fraguádo enel lar ande estaba la kaza de Theodor Herzl, al lado de la esnoga. El Muzeyo, el kualo fue fraguado entre 1930 i 1931 tiene endemás una koleksiyon de relikias relijiozas de la Hevrá Kadishá de Pest, obdjektos ritualos para shabat i hagim i una kamareta dedikada al Olokósto.

El Templo de los Eroes tiene una kapachitá de 250 personas i es uzado para meldar los diyas de la settimana i durante el envierno, fue adisionado al grupo de fráguas de la Esnoga de la Kaleja Dóhany enel anyo 1931. El Templo fue desinyado por Lázlo Vágó i Ferenc Faragó, endemas sirve de monumento en onor a los djudios de makaristan ke fueron amortados durante la Sigunda Gerra Mondial.

El betahayim esta ubikado atras del Templo de los Eroes, entre el Muzeyo Djudio i la Esnoga. Asigun la tradisiyon, un betehayim no puede egzistir serka de un sitio para meldar. Má este betahayim nasio komo resultato de los evenementos ke akontesieron durane la Sigunda Gerra Mondial. Enel anyo 1944, la esnoga era parte del geto de la sivdad i endemas era arifujio para mncha djente. Má de dos mil djudios murieron de ambre i friyo durante el envierno de 1944-1945 estan entyerrados en el kortijo de la esnoga.

El Raoul Wallenberg Emlékpark (Parko Raoul Wallenberg) en el kortijo sentralo, kontiene el Monumento en Memoria a los Martiros Djudios Ungarios — Se kalkula ke unos 400.000 djudios de Makaristan fueron amortados por los Nazis. Desinyado por Imre Vargá, parese ser un sausiko yorón, el kualo tiene ojas kon los nombres de los amortados. Endemas esta un 
monumento en memoria a Wallenber i a otros Grandes entre las Nasiones, komo el viche-konsul de Suisa Carl Lutz, el kualo salvo la vida de dezenas de miles de djudios de Makaristan durante la Sigunda Gerra Mondial.

De manera paresia a las basilikas (Grándes kilisias kristyánas), la frágua konsiste en tres espasiosas galeriyas muy ornatas i, koza poko komun en una esnoga, un organo. El su Aron Akodesh tiene varios Livros de la Tora tomados de otras esnogas ke fueron destruyidas durante el Olokósto. El Aron Akodesh i las pinturas internas estan echas de formas yenas de kolores i kon formas jeometrikas, desinyadas por el arkitekto Frigyes Feszl. Las butakas en el piso de abasho son las de 
los ombres, mientras ke en la galeriya superior, la kuala esta soportada por bazas de azero ornato, es para las mujeres. Franz Liszt i Camille Saint-Saëns tokaron enel organo orijinalo de 5.000 tubos, fabrikato enel anyo 1859. Enel anyo 1996 se fabrikó un muevo organo mekaniko de 4 manuales i 63 vozes, konstruyido por la entreprisa almana Jehmlich Orgelbau Dresden GmbH.

Sólo en la anyada de los 90, dempues del ritorno de la demokrasia a Ungaria se empiesaron las lavores de remuevasiyon de la esnoga. La bilyonaria amerikana de orijín djudeo-ungario Estée Lauder aportó 5 milyones de dolares amerikanos para remuevas la esnoga) i las lavores akabaron enel anyo 1996.

 signifika tabako en ungario. Theodor Herzl, en los sus diskorsos i endemás la Ansiklopedia Djudia yamaban a la Esnoga de la Kaleja Dóhany komo la Esnoga de la Tabakgasse. Endemás, la Esnoga de la kaleja Dohány es konosida por el su nombre en idish, Tabac-Shul, el kualo es la traduksiyon al idish de la palavra Dóhany.




#Article 387: Sivdad Planifikada (177 words)


Una Sivdad planifikada es akea sivdad la kuala a sido planifikada en todos los ambitos del su dezvelopamyénto, desde la primera pyédra asta el lar ande van yir los parkos, el su tamanyo, la ubikasion de las eskolas i asta las etapas y datas de fraguamyénto de muevas maáles i bairros. Alkunas son amijor planikfikadas ke otras, déke presisan una kuantitá konstante de parás; endemas, el su kresimyénto presisa de muncho kontrolo. Alkunas se uzan komo muevas sivdades kapitalas de akeyos payises los kualos keren bashar la kongestion i el barulyo en la antika kapitala, la kual uzualmente va sigir komo la sivdad komersialmente má emportante. El su dezvelopamiento depende antonses de una desision del governo, i no del movimento naturalo de la povlasion. Otros payises lo azen por rasones de estratejia politika, para kriar un muevo espasio de dezvelopamyento ekonomiko en una rejion ke presisa kriasiyon de lavoro i dezvelopamiento, para tentar distribuyir amijor la povlasiyon del paez o para kriar la sivdad kapitala de un paez muevo.

Las sivdades planifikadas má konosidas del mundo son:




#Article 388: Qin Shi Huang (135 words)


Qin Shi Huang (khinezo: 秦始皇, pinyin: Qín Shǐhuáng, Wade-Giles: Ch'in Shih-huang), de nombre propio Zheng, fue el rei del estado khino de Qin del 247 a.C. hasta el 221 z.C. i dimpués el primer emperador de una Kina unifikada del 221 al 210 a.C., reynando basho el nombre de Primer Emperador.

Dempues de unifikar Kina, él i el su primer ministro Li Si introduxeron una serye de importantes reformas kon el ojektivo de rehuérsar la resyente unifikasyón, y yevaron a kavo grandes prodjektos de konstruksiyón, más en konkreto la versiyón prekursora de la aktuala Gran Muraya Kineza. A pesar de toda la tiranya de su mandato autrokrátiko, Qin Shi Huang es konsiderado una espesie de kolosal fondador en la istorya de Kina, deke su la unifikasyón a durado más de dos milenyos (anke kon interrupsiyones).




#Article 389: Jerusalem Post (309 words)


El Jerusalem Post es un djurnal yisraeli en lingua inglesa, también disponible en la Internet. Egziste endemás una edisiyon semanal internasionala en fransez.

El djurnal fue fondado el 1 de Diziembro de 1932 kon el nombre de The Palestine Post por Gershon Agron. El djurnal iva apoyar la gerra por una patria nasionala djudia durante el protektorado britániko de Palestina, estando en kontro de la polítika británika en relasiyon a la inmigrasiyon djudia. El djurnal troka el su nombre a Jerusalem Post enel anyo 1950 dempues de la independensia de Israel.

Durante munchos anyos el djurnal sirkula kon una linea editoriala de sentro-siedra i apoya al Partito Lavorista asta el anyo 1989, kuando es komprado por Hollinger Inc., holding de entreprisas basho kontrolo del milyonario konservador kanadiense Conrad Black. El Jerusalem Post troka antonses la su linea editoriala i empiesa a apoyar al Likud. Munchos de los sus djurnalistas renunsian i fondan el Jerusalem Report. Oy endia, el punto de vista del Jerusalem Post sobro de la aktualitá está en la sentro-dirita, afilu siempre se ankontran alkunos artikolos de siedra.

Ekonómikamente, el djurnal es má serkano al neo-liberalismo. El djurnal está en favor de  reformas al sistema yisraeli, un estrikto kontrolo del gasto del governo, la limitasiyon de adjudas sosyalas, un achikamyénto de empuestos i la kriasiyon de leyes en kontro de la kriasiyón de monopolios.

El Jerusalem Post kompite kon el djurnal de sentro-siedra Haaretz, el kualo tambien tiene desde la anyada de los 90 una edisiyon en inglez. Al igual ke todos los djurnales en Israel, el Jerusalem Post sale todos los diyas menos en Shabat i los hagim. El su aktual redaktor en shefe es David Horovitz, el kualo fue redaktor en shefe del Jerusalem Report.

El 16 de Noviembro de 2004, Hollinger vende el djurnal a una entreprisa editoriala de Tel Aviv, Mirkaei Tikshoret Limited.




#Article 390: Haaretz (256 words)


Haaretz (en ivrit:הָאָרֶץ, La Tyérra, en referensia a la Tyérra de Israel) es un djurnal yisraeli fondado enel anyo 1919. Se puvlika en ivrit, kon una versiyon achikada en inglez la kuala es distribuyida djunto kon la edisiyon del International Herald Tribune en Israel. En Internet egzisten versiyones en ivrit i en inglez. 

La línea editoriala del djurnal fue definida por Gershon Schocken, el su redaktor shefe entre 1939 i 1990. Haaretz pertenese a la famiya Schocken. En la aktualitá el djurnal lo dirijen David Landau i Tami Litani, los kualos tomaron los puestos de Hanoh Marmari i Yoel Esterón en Abril de 2004. 

En komparasiyon kon los dos mayores djurnales en ivrit, Ma'ariv i Yediot Ahronot, Haaretz tiene artikolos má lungos, tipo de letra más chiko, menos fotografiyas i má espasio dedikado a siensia i literatura. La su visiyon kon respekto al konflikto arabo-yisraeli es la del zionismo i serkana a la de la siedra polítika de Israel, en espesial en lo ke se refiere a los artikolos de Amira Hass i Gideon Levi. Haaretz apoyó desididamente los Akódros de Oslo con la OLP. La postura del djurnal enel espektro relijioso de Israel es markadamente sekular. Anke se da espasio a menudo a asuntos de djustisia sosyala (komo las kolumnas de Ruth Sinai en lo referente a estos temas), la línea editoriala del djurnal en lo relativo a la ekonomiya es liberala, similar a la kuala sige The Economist. Defiende la privatisasiyon, achikamyénto del gasto del govyerno, libre komersio, menores empuestos i práktikas fiskalas estriktas. 




#Article 391: Yediot Ahronot (224 words)


Yediot Ahronot (en ivrit,  ידיעות אחרונות; ultimas notisias) es el mayor djurnal en ivrit puvlikado en Israel. Desde la anyada de los 70 es el djurnal kon la má grande sirkulasiyon enel paez.

Fue fondado en 1939 por Nachum Komarov i poko tiempo dempués fue komprado por Yehuda Mozes. El su primer editor en shefe fue Noah Mozes, el ijo de Yehuda Mozes.

En 1948, un gran grupo de djurnalistas y myémbros de personal liderados por Azriel Carlebach, el kualo era editor en ese momento, se fueron del djurnal para formar otro, yamado Yediot Ma'ariv, endagora konosido como Ma'ariv. Carlebach fue sustutiyido por Herzl Rosenblum. Esto empiesó una gerra por la sirkulasiyon i prestijio entre los djurnales rivales.

Oy endiya, el djurnal es dirijido por el ijo de Noah Mozes, Arnon Mozes. Por munchos anyos fue editado por el ijo de Herzl Rosenblum, Moshe Vardi, el kualo fue trokado en 2005 por Rafi Ginat.

El djurnal konforma parte del Yedioth Ahronoth Group, el kualo endemás tiene partisipasiyon en varias entreprisas yisraelis, komo el Kanal 2, una kadena komersial de televizyón; HOT, la entreprisa de televizyón por kable; Yediot Tikshoret, un grupo de djurnales settimanales lokales; Vesti, un djurnal eskrito en idioma ruso; revistas; i otras entreprisas no relasionadas con la komunikasiyon de masas. Shilo De-Beer fue promovido a editor en Abril del anyo 2007.




#Article 392: Birobidjan (252 words)


Birobidjan (en ruso: Биробиджан, en idish: ביראָבידזשאן) es la sivdad kapitala de la Provensiya Otonoma Ebrea, en Rusia. Está ubikada entre los rios Bira i Bidján, los kualos son afluentes del rio Amur. La sivdad se ankontra serka de la frontiera kon la Repuvlika Popular Kina i del Tréno Transiberiano. La sivdad, djunto kon todos los povlados de la Provensiya Otonoma Ebrea, fue fondada basho la orden de Stalin de kriar una repuvlika otonoma djudia ande la relijion seya trokada por los valores del sosyalismo i el komunismo. La sivdad tinía 78.500 abitantes enel anyo 2006. Para estar en Siberia, los visitantes a pueden ver una sivdad sorprendentemente védre. Egziste una endustria lijera en dezvelopamiento.

La sivdad bive un renasimyento de la kultura djudia i del idish má intenso ke en kualkera otra sivdad de Rusia. Los teatros en idish empiesaron en la anyada de los 70. La povlasion djudia de la sivdad es de unas 4000 personas , aproksimadamente el 5% de la sivdad. Afilu la enfluensia de la komunita djudia en la sivdad i el resto de la provensiya es grande; el alkalde de la sivdad, es djudio, la kaleja prinsipala, se yama Sholom Aleichem, en omenaje al konosido eskritor djudio en lingua idish. En la sivdad se ankontran dos esnogas, una es la Esnoga de Birobidjan, aperturada enel anyo 2004 i la Esnoga Beit T'shuva, konosida komo la Vieja Esnoga.

Egziste la Universita Nasionala Djudia de Birobidjan i el Instituto Pedagojiko de Birobidjan.

Egzisten katro djurnales en la sivdad:




#Article 393: Universita Nasionala Djudia de Birobidjan (226 words)


La Universita Nasionala Djudia de Birobidjan o Akademia Estatala para Umanidades i Estudios Sosyales de Birobidjan es una universita publika la kuala lavora en kondjunto kon la komunita djudia de la sivdad de Birobidjan i la Esnoga de Birobidjan. La universita es unika en el Leshano Oryente de Rusia en serla unika universita ke dikta lisiones en idish, afilu la baza del kurso de empiese en la universita es el estudio del ivrit, la istorya de pueblo djudio i tekstos klasikos djudios.

Resientemenye, en la Provensiya Otonoma Ebrea a aparesido un kresiente interezo en las sus raizes djudias. Los elevos estudian ivrit i endemas idish tanto en las eskolas djudias komo en la Universita Nasionala Djudia. Enel anyo 1989, la komunita djudia aperturó la su eskola de alhad, ande los elevos estudian idish, aprenden dansas folkorikas djudias i sobre la Istorya de Israel. El govyerno de Israel finansia este programa. 

Enel anyo 2007, empiesó el primér Programa de Enverano para la Kultura i el Idioma Idish de Birobidjan, una inisiativa del profesor de Estudios de Idish Boris Kotlerman de la Universita Bar Ilan. El idish es ainda la sigunda lingua ofisiala de la Provensiya Otonoma Ebrea, anke sólu lo favlan alkunos de los 6.000 djudios de la provensiya . Este programa inkluye lisiones eksternas en la viya de Valdgeym i trabashos sobre la su erensia djudia.




#Article 394: Aron Akodesh (300 words)


El Aron Akodesh (en ivrit ארון הקודש) o Ehal (en ivrit היכל) en una esnoga, es la palavra uzada en ivrit para yamar al la kamareta dekorada i ornada ande se guardan los pergaminos de laTora. Jeneralmente los Ashkenazim lo yaman Aron Akodesh  i los sefardim Ehál. En la mayoria de los kavzos, esta kamareta esta ubikada en la pared de la esnoga ke esta má serkana a Yerushalayim.

Aron Akodesh viene de la palavra en ivrit אָרוֹן קׄדֶשׁ ārōn kodeš, Arka Santa. Este nombre aze referensia al aron ha-kodesh, el nombre en ivrit para el Arka de la Aliansa ke se tinía guadráda en el Kodesh Akodashim en el antiko Mishkan i en el Templo de Yerushalayim.

Ehál, alkunas vezes yamado Ehál Kodesh (sobre tódu entre los sefardim de losBalkanes) viene de la palavra en ivrit  הֵיכָל (ēhāl) ‘palasio’, un termo uzado tambien durante los diyas del Bet Amikdash para referirse a la kamareta ande estaba el Kodesh Akodashim. Tódu lo kualo estaba ayí era lo má relijiozo i emportante.

El Aron Akodesh uzualmente esta serka o en lamisma pared ke mira verso Yerushalayim. En akeyos kavzos ande el Aron Akodesh no esta oryentado asia Yerushalayim, igual se melda kon direksiyon de la sivdad, sobre tódu en la Amida o Shmona Esre.

En alkunas esnogas muy antikas, el Aron Akodesh no esta dentro de la esnoga, sino en una kamareta al lado, para amostrar ke la kedushá de la esnogano esta relasionada kon el Aron Akodesh sino kon el ke es un lugar de arrogamyénto.La Tora se yeva a la esnoga para meldar. 

Munchos tienen un parohet, una kurtina la kuala es ubikada para kuvrir las portas del Aron Akodesh (asigun el minhag ashkenazi i mizrahi) o sino, tras de las portas (minhag sefardi de Espanya, Portugal i Marroko).




#Article 395: Sefarad (193 words)


Sefarad es una banda de musika sefardi de la Turkiya. El grup es muy konosido i popular enel paez, déke kantan en djudeo-espanyol i en turkano. El su primér album yegó al tope de las chartes enel anyo 2004.

El nombre de la banda es el antiko nombre djudio para Espanya, ande vinieron los sefardim i el lashon djudeo-espanyol. 

Los myémbros del grup son:

La musika de Sefarad sige el estil de Goran Bregovic, kon los sonetes de klarinete, kanun, trumpetas i darbuka tipikos de la musika turkana, los kualos azen de la su musika loke se yama Musika djudia etnika. Las sus kantikas son en lingua turkana i en Ladino, ma kon el buto de azer la musika para la djenerasion mueva de sefardim de la Turkya, kantan kantikas tradisionalas djudias en turkano, má kon letras diferentes. I las sus kantikas en djudeo-espanyol son kantikas djovenes, para mansevos, sin el korasón trublado, má afilú yeno de alegriya. 

Entre las sus kansiones má konosidas estan Osman Ağa, Istanbul'dan Üsküdar'a Yol Gider, Bodrum, Ben seni severim, Los Bilbilikos, Vakti geldi, Si veriyas a la rana, Los Kaminos de Sirkeci i  Seni ne çok sevdiğimi.




#Article 396: Fortuna (kantadera) (300 words)


Fortuna (Sao Paulo, 1958) es una kantadera, kompositora i aktrisa sefaradiá de Brasil.

Fortuna nasió en Sao Paulo dentro de una famiya sefaradi. Desde mansevika eya kresió serkana a la musika, la dansai el teatro. En la anyada de 1980, kuando eya empiesaba a konserse komo kantadera, eskrivió unas kantikas djunto kon el poeta brasiliano de orijin djudio Paulo Leminski, má el momento ke trokó la su karriera musikala fue kuando eya izo un voyage a Yisrael, enel anyo 1991. Ayá fue kuando Fortuna eskuchó unas kantikas en ladino i antonses eya desidió trokar la su karriera musikala asya un show en el kualo eya misturara musika, dansa i un poko de aktrisado para rekriar la rikerza kulturala de la komunita Sefaradi.  Tudo eyo izo ke Fortuna se trokara endemas en peskisadora i empiesó ansina a buskhar kantikas viejas i tradisionalas ke muncha djente kaji no tinia arikódros de eyas. Dempues eya empiesaría a grabar komo kantadera endependyénte los sus diskos, los kualos a distribuyido en Arjentina, Espanya, Israel i los Estatos Unitos d'Amerika, kon má de 100 kopias vendidas. La kompanyia musikala Putumayo, espesialista en World Music, a tomado sinko kantikas de eya en los sus diskos de kompilasiyones musikalas. Endemas, eya a kantado en apresentasiyones en Recife, Porto Alegre, João Pessoa, Manaus, Belo Horizonte, Curitiba, Rio de Janeiro, Salvador,  Paris, Mueva York (i en la sede de las Nasiones Unitas), Miami, Amsterdam, La Aya, Anveres, Evora, Buenos Ayres, Santiago de Chile, Karakas i en la selebrasiyon de los 3000 anyos de Yerushalayim.

Komo aktrisa, Fortuna partisipó enel musikal José e seu Manto Technicolor, orijinal de Andrew Lloyd Weber i dirijido por Iacov Hilel, kon muncho sukseso.

El su albume Mediterrâneo vinsió el 10º Premio Sharp de Musika en Brasil komo el amijor disko produzido en una lingua no-portugeza.




#Article 397: Françoise Atlan (176 words)


Françoise Atlan es una kantadera fransesa  de musika andalusí i de romansas en ladino nasida en Fransia enel anyo 1964.  

Françoise Atlan empiesó kantando kon un maestro enel anyo 1985 i estudio muskolojiya en la Universitá de Aix-Marseya i al mesmo tiempo amijoró la su teknika vokala kon Andréa Guiot en la Opera de Paris. Dempues de los sus estudios musikales en los konservatorios de Saint-Étienne i Aix-en-Provence, resivió enel anyo 1984 un premio en piano.

De 1987 a 1989, eya  konforma parte del grupo musikalo Musicatreize, kantando músika aktuala (Ohana, Ligeti, Nono. El su primér disko lo gravó enel anyo 1992, Romances Sefardíes, el kualo fue muy bien resivido por la kritika musikala. El sigundo disko, Entre La Rose Et Le Jasmin, gravado enel anyo 1994, resivió el premio Diapason d'Or. Endemás, eya a kantado kon el gitarero flamenko Juan Carmona, kon el Ensemble Gilles Binchois en el su repetroio de kantikas de la Edad Midia i kon la Boston Camerata. 

Françoise Atlan gano el premio fransez Villa Médicis Hors les Murs enel anyo 1998

 




#Article 398: Flory Jagoda (356 words)


Flory Jagoda, nasida enel anyo 1925 en Sarajevo, Bosnia i Hersegovina, es una kantadera i tanyedora de gitara djudia amerikana konosida por la su musika en ladino.

Flory Jagoda yegó a los Estatos Unitos d'Amerika enel anyo 1946, komo una novia de gerra. Eya kresió en la viya de Vlasenica i en Sarajevo. Eya dezvelopó la su kapachitá musikala kon la famiya Altaras.

La komunita sefardi de Sarajevo kaji fue destruyida tuda durante la Sigunda Gerra Mondial. Duránte la gerra, Flory fue yevada a la isola de Korčula en la kosta de Dalmasiya. La su famiya dempués eskapó a Italia, ande eya konosió a Harry Jagoda, un soldado amerikano i dempués se kazó kon el, para dempués yirse a los Estatos Unitos.

Flory dize ke los sus katro diskos van representar las katro etapas musikalas de la su vida: El disko Kantikas Di Mi Nona, inklui kantikas las kualas la su bavá le kantava a eya duránte la su chikés. Dempués, de el su sigundo disko, Memories of Sarajevo (Arrikódros de Sarajevo), eya gravó La Nona Kanta, kon kantikas que eya eskrivió para los sus inyetos.

Oy endia, ya en los sus 80 anyos, Flory deklaró ke Arvoliko: The Little Tree va ser el su ultimo disko, El arvoliko, ubikado en Bosnia, se dize ke es la unika sinyal de la tumba masiva de 42 myémbros de la famiya Altaras amortados por los Nazis. 

El idioma djudeo-espanyol esta en perikolo de desaparezer, má esta resyentemente ganando impulso shukúr a los eshuérsos de varias komunitas, sobre tódu en la musika.Flory Jagoda es konsiderada una de las kantaderas ke mas eshuérsos aze en este aspekto.

Enel anyo 2002 eya resivió un Premio a la su karriera musikala de la National Heritage Fellowship i el National Endowment for the Arts en agradesimyénto por los sus eshuérsos en sigir pasando la tradisiyon de la musika en ladino a las muevas jenerasiyones.  Este mesmo anyo, 2002, Ankica Petrovic izo un filmo dokumentalo sobro de Flory i la su vida. Afilú eya ya está aedada i en la anyada de los 80, Flory Jagoda ainda sige ensinyando, eskrivyéndo i kantando en konsertos.




#Article 399: Consuelo Luz (198 words)


Consuelo Luz es una kantadera i aktrisa Chilena-Kubana de orijin miksto sefardi, mapuche i vasko. Ija de una chilena de orijin sefardi i de un kubano de orijin vasko.

Afilú en la su famiya fue kriada komo katolika, Consuelo siempre savía ke eya tinía orijin djudio, biviendo en lares tan distintos komo Gresia, Filipinas, Espanya, Italia i Peru.  Eya estudió un levelo de Literatura Espanyola en el Departamento Eksterior de la Universitá de Cambridge en Lima, i dempués estudió Literatura i Musika en la New School for Social Research en Mueva York i dempués drama en el Stella Adler Theater Studio, déke eya kiría ser también aktrisa. Enel anyo 1973 eya se mudó kon los sus ijos a bivir a Taos, en el estado de New Mexico, ande konosió al haham Chavah Carp, el kualo le apresentó unas kantikas en ladino, las kualas se le dimandó kantar en fyestas de la komunita. Esto izo ke eya dezvelopara un enterezo por la musika en ladino, kon el su priméro disko, Dezeo.

Consuelo tiene dos ijos i una ija. Endemás eya pertenese a la keilá Ha Makom Congregation en Santa Fe, una keilá riformista giada por la rabinesa Malka Drucker.




#Article 400: Kashrut (1211 words)


El kashrut (del ivrit כַּשְׁרוּת, korrekto o apropiado; tódu akeyo el kualo kumple kon los preseptos del kashrut es kasher, כָּשֵׁר, konosido tambien por la su pronunsiasiyon en idish, kósher) es la parte de los preseptos del djudaismo la kuala trata de lo ke los djudios pueden i no pueden komer, bazado en los preseptos ke estan en la Tora, en Vayikrá 11. Tales reglas, enterpretadas i ekspandidas a lo largo de los syéklos, determinan kon presisiyon kualo se konsidera puros para ser uzados en la kumida, es dizir, kualos kumplen kon los preseptos de la relijion i kualos no son kasher (estos se yaman, en ivrit, trefá, טְרֵפָה).

Jeneralmente se relasiyona la idea de kashrut kon dos de las kostumbras en kuanto a kumida de los djudios: la ke dize ke las karnes no se deben komer al miesmo tyempo ke los produktos de leche; i la ke aze defendido para los djudios de komer karne de porko en kualkera de las sus formas (Vayikrá 11:7). Esta idea de lo kualo es kasher es sólu un poko korrekta, déke las leyes de kashrut son muncho má grandes i se ekstiende a todos los alimentos i todas las kumidas. 

La sinyal etiketada de kasher (afilú es má kolay ankontrar la palavra kosher) ke resiven alkunos produktos indika ke fueron fabrikados respetando las leyes de kashrut i ke antonses se konsideran puros i aptos para ser kumidos por los djudios.

La Torá permite el usar para kumida los animales de la tyerra ke tienen katro patas, pezunya endida i rumiyan. El puerko, el konejo, el tejon, el gameo i otros animales no kumplen kon esto. Ansina, se es defendido su uzo para kumida. De akeyos animales ke biven en el agua, sólu se permite kumer de los ke tienen aletas i eskamas. Por este, las langostas, gambas, ostras i kangrejos están defendidos. En los pasharos i otras aves, la diferensia es menos klara:la Tora entrega una lista de aves las kualas no son kasher, má no eksplika por kualo. Afilú kaji todos los pasharos mentados son de rapinya o karonyeras, las intepretasiyones de los hahamim tudas klazifikan a las aves de preza i de karronya komo no kasher. Komo la definsiyon de los pasharos en kuanto a la su kashrut no es klara, egziste una lunga polemika si las aves del Muevo Mundo, komo el indiano son kasher o no, déke no estan mentadas en la Tora. En el egzempio del indiano, la mayoria de los hahamim lo konsideran kasher i es komido por alkunos djudios de Amerika.

De los insektos, sólo alkunos estan permitidos, komo la langosta i el saltamontes, ansina komo todos los roedores, reptiles, anfibios i los demas insektos estan defendidos. De estos animales todu esta defendido, kualkera parte del korpo del animal, asta los guevos i la leche. Una eksepsiyon es la myél de abehas, la kuala es konsiderada kasher, anke la abeha no lo es, ya ke la myél es un produkto de las flores, el kualo transportan las abehas asta los sus panales. Endemas, en la Tora la myél aparese mentada komo un produkto noble, konformando parte del nombre dado varias vezes a Eretz Yisrael: La tyérra ke mana leche i myél.

Las reglas de kashrut establesen tambien ke los animales permitidos deben ser amortados de sierta manera para poderse uzar komo kumida. Todos akeyos animales ke son ankontrados muertos de kavsas naturalas, kon enfermedades o defektos están defendidos. El amortamyénto ritual de los animales, o shehitá, es echo por el shohet, i konsiste de un korte profundo en la garganta del animal, kon un kuchiyo perfektamente afilado i sin defektos. Uzualmente el shohet i el haham de una komunita son la misma persona.  La idea de este korte es ke el animal tenga el menor dor posivle.

La Tora tiene defendido komer sangre en dinguna manera, ansina ke los animales i las sus karnes deben ser desagrados kompletamente antes de ser konsiderados kasher. Se uza sal para sakar la sangre de la karne. El pishkado no esta defendido por esta regla, ma si un guevo manchado de sangre lo aze taref.

Alkunas partes de los animales kasher estan defendidas de uzarse komo kumida, en espesial las grasas ke se ankontran serka de los organos komo el korasón i el igado, ansina komo el nervio syátiko. El alkunas komunitas sólu se komen los kartos delanteros del animal para evitar tokar karne la kuala no es kasher.

Los produktos alimentisios komersiales ke tienen supervisiyon de hahamim se identifikan deakódro kon la komunita ke los supervisa. Se yaman Ehsher,por egzempio el de la Orthodox Union i Badatz en Israel. Munchas vezes es la letra K (de kasher) kon alkuna otra letra o simbolo. Uzualmente para produktos lakteos yevan la D (de dairy, lákteo en lingua inglesa) al lado del simbolo de kasher.

La Tora dize klaramente envarias okasiyones  ke expresa un kabriko no deve ser kuzinado en la leche de la su madre (Shemot 23:19; Shemot 34:26; Bamidbar 14:21). Aki se ekstiende la ide ade ke las karnes i los kákteos estan defendidos de kuzinarse endjuntos. Los hahamim ivan ekstender esto asta la karne de pasharos, mas no asya los guevos o el pishkado.

Los alimentos estan klasifikados en se clasifican en: lákteos, karnes i netros (parve). Los pasharos se klasifikan komo karne anke no kumplen kon todas las kondisiyones, Los pishkados son parve. Los alimentos parve se pueden miksturar kon karne o kon leche, anke egziste ken no kome karne i pishkado endjuntos i lava los platos ande komió pishkado antes de uzarlos para komer karnes.

Esta separasiyon tambien egziste para los utelsilios uzados para kuzinar. Se asume ke una famiya djudia observante tiene sartenes, platos, vasos i asta a vezes una udá para karnes i otra para lakteos. La separasiyon entre kumer unos i otros depende del minhag ke siga kaa persona i de kualo se kuma primero. Si se kume karne primero, se espera varias oras para kumer lakteos, pues se konsidera ke las karnes suelen deshar restos entre los dyéntes.

Si se kume primer lákteos, para dempues kumer karne, se limpia la bokai se kome alkun alimento lomo pan, o asigun otros minhagim se espera un tyémpo chiko.

El proseso de fabrikasiyon del vino deve ser yevado a kabo sólo por djudios, desde el momento en el kualo se pisan las uvas; el vino no kasher esta defendido desde los diyas en los kualos el vino era uzado para adorar idolos. Un vino el kualo se iva a uzar en un akto relijiozo era yamado Yayin Néseh, por lo kualo el vino ya estaba defendido para kualker persona ke adorasse idolos, afilú si era djudio no lo podia tokar déke podia aver pensado uzarlo para su avoda zará, i ya eyo era sufisyente para azerlo taref. Oy endia aunke la idolatriya no es tan komun, sige defendido del kontakto, por eyo egziste el Yayin Mevushal, el kualo esta pasteurisado i no piedre la su puresa al kontatko kon un idolatra. Es el vino uzado en las seremonias djudias. Por eyo, tanto el suko de uva komo el vino presisan supervisiyon de hahamim.

Lista delos animales ke no se komen en el kostumbre kashrut, zon enkonados para los djudios por estad dichos dentro dela Tora.




#Article 401: Kilisia de Muestra Sinyora Mariam de Zion (101 words)


La Kilisia de Muestra Sinyora Mariam de Zion (en ahmariko: ርዕሰ አድባራት ቅድስተ ቅዱሳን ድንግል ማሪያም ፅዮን Re-ese Adbarat Kidiste Kidusan Dingel Maryam Ts’iyon) de la Iglesia Ortodoksa Etiope es la kilisia má emportante de Etiopia i de la Iglesia Ortodoksa Etiope. La kilisia orijinala se kree la kuala fue fraguada kuando Ezana, el primér emperator kristyáno del paez, governava Etiopia. Este akontesió durante el syéklo  IV de la Era Komún. La kilisia a sido re-fraguada munchas vezes desde antonses. Asigun la tradisiyon del paez, las tablas del pakto entre el puevlo djudio i el Dio estan guadrádas en esta kilisia.




#Article 402: Tzitzit (124 words)


El Tzitzit (en ivrit ציצת o ציצית) es el nombre kon el kualo se yama a las kuédras del talit, las kualas sirven de akodramyénto de las mitsvot del Dio.

La mitsva de uzar tzitzit se ankontra en dos pasukim de la Tora: 

Los djudios oy endia uzan sólu tzitzit de kolor naturalo o blanko, déke ya no es posivél obtener la tintura azul la kuala era espesifikada en la mitsva. Esta tintura era obtenida de un molusko de la mar, el kualo no se konose. Alkunos abediguadores en Israel kreen ke ankontraron al molusko, i por tanto, uzan tzitzit de kolor azul. Los djudios karaitas no kreen ke ya sea posivel uzar kualker azul, ansina ke no lo uzan en el su tzitzit.




#Article 403: Kipa (304 words)


La kipa sa?(en ivrit כִּפָּה, kúpola, parte superior, plural kipot es un sombrero, gorro o prenda la kuala kuvra total o parsialmente la kabesa - es de uzo mandatorio (asta para no djudíos o goyim) al entrar i permaneser en alkunos lugares relijiozos djudios, komo esnogas, sementarios o lugares sagrados, o para meldar, selebrar o estudio de la Tora, Mishna o la Gemara. Los ombres djudios observantes, empero, uzan kipa todo el día i en toda okasiyon.

La kostumbra de yevar kipa no viene de una mitsva en partikolar, a diferensya del talit o de los tefilín; afilú se a echo kostumbre al pasar el tyempo, a tal puinto de trokarse en uno de los atributos má emblemátikos del djudaismo. Ainda, el su orijin es milenario i viene de la epoka de la Gemara (Maséhet Kidushín, Tratado de kazamyéntos, 31:1), simbolisando la nechesitá de tener presente en todo momento ke Dio está por ariba de los ombres i todas las kosas; i sólu pretende ke la kabesa no kede deskuvrida ante Dio.

En el servicio del Bet Amikdash los Kohanim tinian defendido trabashar kon la kabeza deskuvrida, este es uno de los orijines de esta kostumbra.

Los judíos askenazi tradisionalmente usán el yarmulke(en idish), ke es un chiko sombrero ritual empiegado para kuvrir parsyalmente la kabesa, uzada tradisiyonalmente por los ombres djudios. 

La kipa puede ser de tela o de lana bien tejida, i se aze oy endía de munchos kolores, tamanyos i desinyos, para todos los gustos, situasiyones i modas. Afilú ainda se uza muncho la kipa blanka para selebrasiyones alegres, komo shabat, hagim o kazamyéntos, i preta en sinyal de duelo. Es posivel ubikar a un djudio practikante dentro de determinada rama o linea del djudaismo, bazados en el kolor, el tamanyo o el material del kualo está echa la su kipa.




#Article 404: Protektorado Espanyol de Maroko (183 words)


El Protektorado Espanyol de Maroko (en arabo حماية إسبانيا في المغرب ḥimāyat Isbāniyā fi-l-Magrib), yamado entre alkunos marrokis الاحتلال الإسباني للمغرب al-iḥtilāl al-isbānī li-l-Magrib, Okupasiyon Espanyola de Marroko) es la entitá relasionada kon una serie de tyerritórios de Marroko en los kualos Espanya, asigun los akódros franko-espanyoles firmados el 27 de Novembro de 1912, tinía un protektorado.

El protektorado estaba konformado por dos tyerritórios del aktual Marroko, jeográfikamente diferentes: la zona del nord de Marroko, la kuala inklui las rejiones del Rif i de Yebala, i la de Tarfaya, limitando kon el Sahara Espanyol, al sud-oeste i al nord kon el rio Draa komo frontiera. Ochu meses antes de los akódros, Fransia avía kriado el su propio protektorado sovre la mayor parte del aktual Marroko. Afilú, la kriasiyon de una administrasiyon koloniala sovre los tyerritórios del protektorado en el Rif no iva ser produzida asta 1927, dempues de ke la rejion fue pasifikada. El protektorado iva durar asta el anyo 1956, egzepto lo konosido komo el protektorado del sud, o rejion nord de las tres en las kualas el Sahara Espanyol fue dividido.




#Article 405: Diada Evropea de la Kultura Djudia (218 words)


La Diada Evropea de la Kultura Djudia, se selebra en 30 payizes de la Evropa. El objekto de este diya es, de organisar aktivitades sovre la kultura djudia al publiko, por ke deskuvran muestra erensiya kulturala i istorika. Las aktividaes son koordinadas por la Asosiasiyon Evropea para la Preservasiyon i Promosiyon de la Kultura Djudia (AEPJ), el Konsesho Evropeo de Komunitas Djudias, B'nai B'rith  Evropa i la Red de Djuderias de Espanya.

La inisiativa fue inisiada enel anyo 1996 por B'nai B'rith en Strasburgo, en la rejion fransesa de Alsasia, déke avian munchos turistas ke kirían ver los lugares kon erensia djudia en la rejion. Enel anyo 2000, se krio una aliansa entre B'nai B'rith, el Konsesho Evropeo de Komunitas Djudias i la Red de Djuderias de Espanya.

El objekto de este diya es, de entrodusir la kultura djudia a la grande sosietad de los payises ande se selebra este evenemento, ya kualo konoser la kultura, la tradisiyon i la vida de las komunitas ke biven endjuntos ayuda a konoser al otro, i de esta manera, enfuertese la komunikasion entre las kulturas del payis.

Este diya se organizan egzebisiones, konsertos, paneles, konferansas, i ekskursiones en munchos payises evropeos. Se diskuten temas komo las máales djudias, la konvivensa entre kulturas, egzebisiones sovre skultura, pintura, imprento, musika i objektos djudios.




#Article 406: Red de Djuderias de Espanya (132 words)


La Red de Djuderias de Espanya (en espanyol Red de Juderías de España) es una asosiasiyon publika sin ánimo de lukro (ONG) la kuala tiene komo objektivo la proteksiyon del patrimonio urbanístiko, arkitektóniko, istoriko, artístiko i kulturalo sefardi en Espanya. La su sede prinsipala se ankontra en la sivdad de Djirona.

La Red está konformada por las sivdades de Avila, Barselona, Djirona, Hervás, Kaseres, Kordova,  Jaen, Leon, Oviedo, Palma de Mayorka, Ribadavia, Segovia, Toledo, Tortosa i Tudela. 
Tiene como ciudades asociadas a Besalú, Esteya, Kalaorra, Monforte de Lemos, Plasensia i Tarazona.

Las sivdades miembros lavoran endjuntas para protejer la erensia djudia promoviendo proyektos kulturalos, turístikos i akadémikos, endemas de trokando eksperiensias kon otras sivdades kon komunitas djudias  i estimulando el dezvelopamiento del turismo kulturalo espesialisado en el tema de la erensia djudia.




#Article 407: Vasko da Gama (111 words)


Vasko da Gama o Vasko de Gama, (en portugez Vasco da Gama, Conde da Vidigueira) (Sines, Portugal, 1469 — Kochin, India, 24 de Dizembre de 1524), es un konosido navegador portugez, nasido en una famiya novle. El fue la priméra persona en navegar direktamente desde Evropa asta la India.

Izo tres viajes a la India y shukúr a los sus dishkovrimyéntos, le fue dado el titolo de Virrey de la India enel anyo 1524. Vasko da Gama fue uno de los responsávels del sukseso de Portugal komo potensia koloniala. La epopeya nasiyonal portugeza, Os Lusíadas de Luís Vaz de Camões se refiere en gran parte a los viajes de Da Gama.




#Article 408: Kofi Annan (481 words)


Kofi Atta Annan (1938-2018) fue el syétimo Sekretario Jeneral de las Nasiones Unitas, entre los anyos 1997 i 2006, endemas de ser premiado, endjunto a las Nasiones Unitas con el Premio Nobel de la Paz del anyo 2001.

Kofi Annan nasió el 8 de Avril de 1938 en Kumasi, Ghana. El su nombre indika el diya de la semana en la kuala nasio, en las linguas twi i fante, las lenguas de los sus padres. Kofi kere dizir viernes; Atta kere dizir kualo es uno de dos djemelos i Annan kere dizir kualo es el katreno ijo. Shukur a la posisiyon de la su famiya, pudo estudiar ekonomiya en el Kumasi College of Science and Technology i dempués en los Estatos Unitos i Suisa, ande konsigió varios posgrados i titolos de masters en ekonomiya.

Enel anyo 1962 empiesó a lavorar en la Organizasiyon Mondiala de la Salud, ajensia dependiente de la ONU. Má entre 1974 i 1976, lavoró komo Director de Turismo de el su própio payis. Dempués ritornó a su lavoro en las Nasiones Unitas komo Asistente del Sekretario Jeneral en tres etapas distintas: komo Koordinador de Rekursos Umanos i Sekuritá entre 1987 i 1990, komo Kontrolador del Programa de Planifikasiyon i Finansas entre 1990 i 1992, komo Koordinador de las Operasiyones de las Huérsas de Paz de la ONU entre Marzo de 1993 i Fevrero de 1994. Annan fue nombrado Subsekretario Jeneral en Oktubre de 1995 i fue enviado komo Representante Espesial del Sekretario Jeneral de la ONU en Djugoslavia, ritornando a la sede sentrala de la ONU en Mueva York en Avril de 1996.

El 13 de Diziembro de 1996, Annan fue eskojido por el Konsejo de Seguridad de la ONU komo Sekretario Jeneral i fue konfirmado katro diyas má tarde en la Asamblea Jenerala de la ONU, suksediendo al ejipsio Boutros Boutros-Ghali. La eleksiyon de Annan, estimulada por los Estatos Unitos d'Amerika, akabó ansina el trokamiento rotativo entre kontinentes i izo a Annan el primer ombre preto en okupar la Sekretariya Jenerala.

Durante el su mandato, la su prioritá fue la planifikasiyon de la riforma de las Nasiones Unitas, kon la apresentasiyon del yamado . Endemás de este, gerreó aktivamente contra el SIDA. Endjunto con la misma ONU resivió el Premio Nobel de la Paz enel anyo 2001 por su lavoro por un amijor mundo organisado y má pasífiko.

El 1 de Jenero de 2002 le fue remuevado el su mandato por el Konsejo de Seguridad, ansina komo por la Asamblea Jenerala asta el 31 de Diziembro de 2006. En 2003 se deklaró en kontro de la invasiyon de Irak por parte de los govyernos de los Estatos Unitos d'Amerika i el Reyno Unito, i en 2004 la konsideró ilegala. 

En Diziembro de 2004, se vio involukrado en un skandalo endjunto al su ijo Kojo Annan por sospechas de korrupsiyon en el programa de petróleo por alimentos.




#Article 409: Sentro de Estudios Sefardis de Caracas (332 words)


El Sentro de Estudios Sefardis de Caracas (SESC) es una institusiyon kulturala la kuala konforma parte de la Asosiasion Yisraeliana de Venezuela (AYV), organisasiyon ke agrupa a la komunita djudia sefardi del paez. La idea prinsipala tras de la kriasiyon de este instituto es la proteksiyon, promosiyon i la abediguasiyon de la erensia sefardí en Venezuela y en tuda Amerika Latina en jeneral. El Sentro de Estudios Sefardis de Caracas fue kriado el 9 de Djunio de 1980, afiklú empesó formalmente las sus activitás el 1° de Djunio de 1982 komo inisiativa del Dr. Moisés Garzón Serfaty . 

El Sentro de Estudios Sefardis de Karakas organisa aktivitás para ayudar a amijorar el konosimyénto i la abediguasiyon de la kultura sefardi i las sus linguas, espesialmente la haketia deke la majorita de la komunita sefardi de Venezuela es de orijin marroki; komo por egzemplo, endjunto a la Asosiasion Yisraeliana de Venezuela edita i publika el magazín MAGUÉN-ESCUDO, desde el anyo 1970 (kuando antonses sólu lo asiya la AYV) en la kuala se da a konoser i promosiona la erensia sefardi en el paez i en la rejion. Endemas, el Sentro organisa i finansia periódikamente kontestos literarios, seminarios, konsertos, lisiones i simposios sovre temas ke tienen menester kon la aktualitá de la istorya i la kultura sefardi; alkunos de estos evenementos, komo la Semana Sefardí de Karakas, selebrada endjunto kon las ambasadas de Espanya, Israel, Marroko i Bulgaria en Caracas, payizes ande la komunita sefardí a tinido una istorya i trayektoria konosida, rikonosida i notavel. Enel anyo 2009 se firmó un akódro entre el Sentro de Estudios Sefardis de Karakas, la Fondasiyon para la Preservasiyon del Patrimonio Ebreo de Falcón i la Constructora Sambil para restorar el betahayim djudio mas antiko de las Amerikas, el Betahayim de Coro

El Muzeyo Sefardi de Karakas Morris E. Curiel, otra institusiyon la kuala pertenese a la komunita djudia de Venezuela, fue kriado enel año 1999 shukur a una inisiativa de SESC i la Asosiasion Yisraeliana de Venezuela.




#Article 410: Hernando de Magayanes (107 words)


Hernando de Magayanes, tambien konosido kon su nombre espanyol Fernando de Magallanes o en portugez Fernão de Magalhães (Ponte da Barca, Minho, Portugal, primavera de 1480 - Maktan, Filipinas, 27 de Avril de 1521), fue un navegador portugez. 

Al servisio del rey de Espanya, el dishkovrió lo ke oy se yama Estrecho de Magayanes, siendo el primer evropeo en pasar desde el Oseano Atlantiko asia el Oseano Pasifiko, asta antonses konosido komo la Mar del Sud. El empiesó la ekspedisiyon kuala, kapitaneada dempues de la su muerte por Juan Sebastian Elkano, iva lograr el primer viaje en nave dando volta kompleta a la Tyerra enel anyo 1522.




#Article 411: Reyes Katolikos (351 words)


El Papa Aleksandro VI le dio a Hernando II de Aragon el titolo de Rey Katoliko, enel anyo 1469, komo kompensasiyon déke antes le avía dado el titolo de Rey Kristyanísimo al rey de Fransia, reyno el kualo para antonses estava en Gerra kon Aragon para tener el kontrolo de Italia, yegando inkluso a amenasar a los Estados Pontifisios; dempues, la istorya i la kostumbra an yamado Reyes Katolikos a Hernando i la su mujer, Isabel I de Kastilya. Afilú no ay sertesa total de ke Hernando aya tinido el titolo de Rey Katoliko, déke no egzisten evidensias oy endia de este fakto.

Isabel i Hernando se kazaron en el Palasio de los Vivero de Vayadolid el 19 de Oktobre de 1469, eya kon 18 anyos i él kon 17, pasando la su luna de myél en el Kastilyo de Fuensaldanya (Fuensaldanya, Vayadolid).

El reynado de los Reyes Katolikos signifikó el trokamyénto en Espanya del mundo medieval al mundo moderno. Kon su enlaso se konsigió la unión, en la dinastiya de los Trastamara, de las koronas de Kastilya i de Aragon.

Los Reyes, apoyados por las sivdades i la nobleza chika, establesieron una monarkiya huérte frente a los dezeyos de poder de la iglesia i de otros nobles, endemas de la kriasiyon, kon apoyo de la Iglesia Katolika, de un paez katoliko, kon konsiensia nasional. Este fue apoyado por la ekspulsion de los djudios i los moros del paez, endemas de la Inkisizion. Kon la konquista de Granada, Navarra, Kanarias, Meliya y otras sivdades en Afrika konsigieron la union de Espanya basho una sola korona de la totalidad de los tyerritórios ke oy konforman Espanya, egzepto Seuta i Olivensa, las kualas antonses pertenesian a Portugal. 

Los Reyes establesieron una polítika eksterior komún markada por el karákter diplomátiko de Hernando el Katóliko, el kualo iva suponer la ejemoniya espanyola en Evropa durante los syéklos XVI i XVII. El dishkovrimiento de Amerika enel anyo 1492 trokó la istorya mondial. Este fakto avrió grandes posivilidás a la ekonomíya, a la siensia i endemas augmentó la ekspansion atlántikla kuala iva sigir en los sigientes syéklos.




#Article 412: Helen Keller (682 words)


Helen Keller fue una eskritora, aktivista, i oradora amerikana sódra, muda i siega.

Helen Keller nasio el 27 de Djunio de 1880 en Tuscumbia, una chika sivdad en la kampinya de Alabama, Estatos Unitos d'Amerika. La su sodrosegera fue kavzada por una fiebre en Fevrero de 1882 kuando eya tinía 19 meses de edad. La su pedrida de la kapachitá para komunikarse (se kedo siega i sódra) en tan temprana etapa de dezvelopamiento de la su vida, fue muy traumátika para eya i la su famiya. Afilú las sus diskapachitás, munchos anyos dempués daba diskórsos  aserka de la su vida, i endemás eskrivió livros sovre las sus eksperiensas. En todo esto tuvo gran enfluensa la su institutrisa Anne Sullivan, la kuala le ensinyo a leer i a komunikarse kon los demas i a tener disiplina.

Por un tiempo, Sullivan dio lisiones a Helen en una kabanya ubikada en la propietá de la famiya, para ke no se separara de los sus padres. Sullivan permitía ayá ke Helen tokara las kosas i antonses deletreaba lo ke el objekto era en la mano de Helen. Ansina, Helen aprendió a leer. Anne Sullivan fue la su profesora personal i la su amiga de tuda la vida. Anne le ayudó priméro a kontrolar el su mal karakter, i dempués le ensinyó a leer, primero kon el alefbet manual táktil i má adelántre kon braille, a eshkrivir de forma normal i a traverso de las mákinas de eshkrivir en braille.
 
Helen fue a la eskola de Cambridge para senyoritas desde 1896 i en el otonyo de 1900 entró en la Universitá de Radcliffe, siendo la priméra persona Sordosiega kuala yegó a una Universita. El 28 de Djunio de 1904 Helen se graduó kon Onores de la Universita de Radcliffe, siendo la priméra persona sordosiega en obtener un títolo universitario. Ese mismo anyo en la Eksposisiyon Universala de San Luis avla por primera vez en púvliko, el kualo ya konosía el su livro, La Istorya de la mi vida. Dempues de este, Helen i Anne empiesaron en los anyos sigientes, a diktar de konferensas por tódu el paez sobre las sus eksperiensas. Helen kontaba la su vida i su diskorso era traduzido frase a frase por Anne Sullivan, lo kualo siempre jeneraba munchas preguntas i rispostas aserka de las sus istoryas. Helen uzaba parte de este dinero para la Fondasiyon Amerikana para Siegos, endemas ke prokurava donasiyones de otras personas. 

Ma eya no sólu arekojía dinero, tambien asía kampanyas para amijorar la kalidá de vida i las kondisiones de las personas siegas, las kualas eran rechasadas i edukados en asilos, komo retrasados mentales. La su insistensia fue uno de los faktores emportantes para ke esta situasiyon amijorasse. Enel anyo 1957 fue apresentada por prima vez La travashadora mirakolosa, una obra de teatro ande Anne Sullivan amostra las sus priméras formas de komunikasiyon kuando Helen era una ninya, fue la su priméra aparisiyom en televizyón en los Estatos Unitos. Enel anyo 1959, esta obra fue apresentada en Broadway. Esta yegó a ser un égzito por kaji 2 anyos. Enel anyo 1962 se izo otro filmo ande las aktrisas las kualas asían los papeles de Anne i Helen resivieron premios Oscar por las sus aktuasiyones. 

Enel anyo 1964, Helen resivió Medalya Presidensial de la Amistad, el má emportante rikonosimyénto para siviles, del antonses presidente Lyndon Johnson. Un anyo má tádre fue elejida komo La mujer del Hall de la Fama en la Feria Mundial de Mueva York. Poko antes de la su muerte en 1968, kon 87 anyos, Helen Keller le dize a un amigo, En estos oshkuros i silensiosos anyos, El Dio a estado uzando la mi vida para un propós el kualo no konosco, ma afilú un diya lo voy entender i antonses voy estar satisfecha.

El priméro de Djunio de 1968, en Arcan Ridge, Helen Keller muere mientras durmía. Helen fue kremada en Bridgeport, Connecticut i el su funeral se izo en la Katedral Nasionala de Washington DC, la urna kon los sus restos dempués fue yevada serka de los restos de Anne Sullivan i Polly Thomson.




#Article 413: Edikto de Granada (197 words)


El Dekreto de la Alhambra o Edikto de Granada fue un dekreto editado en la Alhambra (frágua de la sivdad de Granada, en Andaluziya, Espanya) el 31 de Marso de 1492 por los Reyes Katolikos, Hernando II de Aragon i Izabela I de Kastiya, enel kualo se obliga a todos los djudios de la Peninsula Iberika a konvertirse al katolisismo o ser arrondjados, con data el 31 de Djulio de 1492. Por motivos lojístikos se dechidió ekstender este plaso asta el 2 de Ogusto a las dose de la noche. Hernando el Katoliko firmava otro para el Reyno de Aragon, el kualo endemas inkluía las Dos Sisilias, rejion del sud de Italia. Ambos tenían komo baza un mismo teksto orijinal eshkrito por Tomas de Torkemada, inkisidor jeneral en Espanya.

El diya 2 de Ogusto fue el mismo dia enel kualo salió Kristobal Kolon en la su bushkida del una mueva ruta a las Indias, viaje el kualo akavó kon el dishkovrimyénto de Amerika. Esta konsidensa jeneró la teoriya del orijin djudio de Kolon ekspuesta, entre otros, por Simon Wiesenthal en la su ovra Operación Nuevo Mundo: la misión secreta de Cristóbal Colón (edisiyones Orbis, S.A. ISBN 84-7634-382-5).




#Article 414: Enerjiya nuklear (365 words)


El termo enerjiya nuclear se uza en djudeo-espanyol con dos posibles asepsiyones: por una parte, para denominar la forma de enerjiya ke se libera en las reaksiyones nukleares i, por otro lado, al uzo de esta enerjiya para produzir enerjiya elektrika, termika o mekanika, ya sea de forma pasífika o bélika.

Estas reaksiyones se dan en los nukleos de alkunos isótopos de alkunos elementos kémikos, siendo la má konosida la fisiyon del uranio-235 (235U), kon la kuala fonksionan los reaktores nukleares, i la má komún en la naturalesa, en el interior de las estreyas, la fusion del par deuterio-tritio (2H-3H). Afilú para produsir este tipo de enerjiya uzando reaksiyones nukleares pueden ser uzados munchos otros isótopos de varios elementos kémikos, komo el torio-232, el plutonio-239, el estronsio-90 o el polonio-210 (232Th,239Pu,90Sr,210Po; respektivamente).

Los dos sistemas más peskisados i lavorados para obtener enerjiya nuklear de forma masiva son la fisiyon nuklear i la fusion nuclear. La enerjiya nuklear puede transformarse de forma deshkontrolada, komo en el interior de las estreyas, dando lugar al armamento nuklear; o basho kontrolo en reaktores nukleares en los kualos se produse enerjiya elektrika, enerjiya mekanika o enerjiya térmika. Tanto los materiales uzados komo el desinyo de las instalasiones son diferentes en cada kavso.

Otra téknica, empleada prinsipalmente en pilas de grande durasión para sistemas ke presisan poko konsumo eléktriko, es el uzo de jeneradores termoeléktricos de radioisótopos (GTR, o RTG en inglez), en los kualos se uzan los distintos modos de desintegrasiyon atomika para kriar elektrisidad en sistemas de termopares a partir del kalor transferido por una huente radiaktiva.

La enerjiya jenerada en estes prosesos nukleares aparese en forma de partíkulas subatómikas en movimento. Estas partíkulas, al detenerse en la materia ke las rodea, produsen enerjiya térmika. Esta enerjiya térmika se transforma en enerjiya mekanika turbinas de vapor. Dicha enerjiya mekanika puede ser uzada en el transporte, komo por egzempio en los vapores nukleares; o para la jenerasion de enerjiya eléktrika en sentralas nukleares.

La karakteristika prinsipala de este tipo de enerjiya es la alta kantitá de enerjiya ke puede ser produsida por unidad de masa de material uzado en komparasiyon kon kualker otro tipo de enerjiya konosida por el ombre.




#Article 415: Timbuktu (509 words)


Timbuktu es una  sivdad (apodada «la de los 333 santos») serkana al rio Nijer (a 7 km de distansia del rio), en la rejion del mismo nombre, en Mali.  La su ubikasiyon jeográfika la aze un punto de ankontro entre Afrika Oksidentala i los nomadas beréberes i arabos del nord. Tiene una ekstensa istorya komo sivdad komersiala i de interseksiyon del la ruta komersiala transahariana de nord a sud. La sivdad es Erensia de la Umanidad, deklarada por la UNESCO por podre de los trezoros de la su arkitektura i su emportansia kulturala, enel anyo 1998.

Timbuktu fue morada desde el anyo 1100 AEK por puevlos ke bushkaron el punto ande el rio Nijer se dirijava verso el Sahara, ande las karavanas ivan verso el desyérto; los merkaderes uzavan gameyos i barkas. Ma esta kolonia era por la temporada de las luvias; kuando no aviyan inondasiones se kedavan unos tuaregos para kudiar el oasis.

La sivdad se enfloresio por modre de Mansa Musa, rey del Emperio de Mali el kualo tomo la sivdad enel anyo  1324. 

Timbuktu gano su reputasion por ser una sivdad rika. Kuando el Rey Mansa Musa se iva verso La Meka se dize ke amostrava 
a la djente el oro ke tenia. Enel anyo 1350 el grande viajador i istoryano Iban Battuta vijitó la sivdad i kontó las rikezas ke vido en la yamada Sivdad del Oro. Los Tuaregos tomaron atras la sivdad enel anyo 1433 i la sivdad 
kontinuo a enfloreser. El Emperador Songhai rovó los bienes de la sivdad i mato a los sivdadinos.

Marroko tomo la sivdad enel syéklo XVI i mataron munchos de la opposizion. Antonses, Timbuku empezó a 
eskayer. Enel syéklo XVIII se fueron ayi munchos exploratores evropeos. El Eskosezo Mungo Park, por enshemplo, fue matado de la parte de los nativos enel anyo 1806; un otro Eskosezo, Alexander Laing fue 
el primer evropeo a ver la sivdad en 1825, tentando kompletar la mission empesada por Mungo, anke a el tambien lo mataron los Arabos. Enel anyo 1828 el Fransez René Caillie reushó a entrar ayi vistido komo un Arabo. Se dize ke el mijor eksplorator fue el alman Heinrich Barth, el kualo arrivó ala sivdad enel anyo 1853 i se kedo ayi 

En la sivdad se ankontra la prestijioza Universita de Sankore i de otras madrasas, i fue kapitala intelektuala, relijioza i sentro para la propagasiyon del Islam en toda Afrika durante los syéklos XV i XVI. Las sus tres grandes mishkitas, Djingareyber, Sankore i Sidi Yahya, son un arikódro de la edad de oro de Timbuktu. 

Afilú kontinuamente restorados, estos monumentos están oy endia basho la amenasa de la desertifikasiyon, ya ke la sivdad está prinsipalmente echa de barro. Asigun alkunos estudios, Timbuktu a tinido una de las priméras universitas del mundo. Akademikos lokales i koleksiyonistas ainda kontan con una empresionante koleksiyon de antikos tekstos grégos de akeya époka, i en el syéklo XIV fueron eshkritos i kopiados  emportantes livros, establesiendo la sivdad komo sentro de una emportante tradisiyon eshkrita en Africa.

Las sivdades ermanadas kon Timbuktu son:




#Article 416: Tuareg (387 words)


Los tuareg o imuhagh son un puevlo bereber o amazigh en el desyérto del Sahara, kuando se desplasan kuvren las sus nesechitás i las de los sus animales enel kamino, déke biven en famiyas ekstensas las kualas van sigiendo a los grandes rebanyos a su kudio. Tienen el su própio alfabeto, el tifinagh.

No se konose presisamente la etimolojiya de la palabra araba طوارق, t.uwâriq (espanyolisada komo «tuareg») pero se konose ke es el plural de طرقي targí ó t.arqî (en femenino طرقية targía ó t.arqîya), palavra la kuala, al pareser, prosede de una antika sivdad del Fezzan yamada Targa (طرقة). En las linguas bereberes, el sustantivo komún targa suele aludir a un kanal fluvial, prinsipalmente al tipo el kualo es konosido en arabo komo wadi (‘riada’ o ‘kause’ torrensial de un rio). En el su própio idioma este puevlo se suele avtodenominar imoshag, imushaq, imuhagh (en taqbaylit: imuhaɣ), palavra ke signifika ‘los livres’ o ‘los novles’ i la kuala parese derivar de tamazight. También se dan a sí mismos el nombre de kel tamayaq o kel tamasheg (‘los que avlan tamasheg’).

Se les supone prinsipalmente desendientes de los antikos garamantes, los ke en la epoka antika bivian en el Fezzan. Limitaban al nord kon los mauritanos, al oeste kon los getulos i al este ulay kon los ansestros de los tubus. Durante la Edad Midia los sus linajes se vinkularon con los de los sanhaya i los zenatas.

En la edad antika, se dedikavan a sakear viyas, kontrolando endemás las rutas del desyerto. En el syéklo XII, las invasiones arabas les obligaron a adoptar un estil de vida nomada. A lo largo de los syéklos an adoptado alkunas ideas del islam, siempre i kuando este no estuviera en kontro de las sus propias kreensias, manteniendo intaktos el su sistema de djustisia i las sus leyes.

La poblasiyon estimada de personas que hablan linguas bereberes es de 45 milyones, de los kualos 5,2 millones (el 12%) se konsideran tuareg.

El puevlo tuareg bive en el Nord i el Oksidente del Sahara i el nord del Sahel. Para los tuareg, el Sahara no es un desyerto, sino varios endjuntos. De entre los desyertos del nordeste de Afrika, destaka el Tiniwan. Tambien se pueden mensionar otros desyertos, los kualos eyos  diferensian entre má i menos áridos, yanos o montanyosos:




#Article 417: Tifinagh (423 words)


Tifinagh ( en Neo-Tifinagh, Tifinaɣ en Alefbet Latino-Bereber, es un alefbet uzado por alkunos bereberos, sobre todu los Tuareg, para eskhrivir el su idioma . No esta uzado muncho komo midio de komunikasiyon diaria, pero es muy uzado de manera simbolika i politika kon el buto de amostrar la identitad bereber. Egziste una versiyon lijeramente modifikada, yamada Tifinagh Ircam i uzada en alkunas eskolas de Marroko para ke los ninyos bereberes ambezen la su lingua.

Enel anyo 1965, mansevos bereberes kon el dezeyo de promover la normalisasiyon de las sus linguas kriaron una asosiasiyon kulturala, la Akademia Bereber (Académie berbère, AB), la kuala enel anyo 1967 i fina la su disolusiyon enel anyo 1978 pasaría a yamarse Agraw Imazighen. Esta asosiasiyon propozo un alfabeto tifinagh estándar bazado tanto en el tuareg uzado en Arjelia komo en otras formas ke avían empiesado a avlarse en rejiones berberófonas de Arjelia i Marroko. El objektivo era rebivir una eshkritura milenaria kon la kuala poder transkrivir todas las variantes de las linguas bereberes, las kualas asta antonses solían transkrivirse uzando alefbet arabo o el alefbet latino. 

Desde antonses se tienen kriadas variasiyones de este alfabeto, siendo las má konosidas las de Salem Chaker, profesor del INALCO (Instituto Nasional de Linguas i Sivilizasyiones Orientalas, Paris), i un grupo de versiyones similares entre sí dezvelopadas, respektivamente, por la asosiasiyon Afus Deg Wfus (Roubaix, Fransia), el magazin marrokí Tifinagh, el software de  i el IRCAM (Instituto Real de la Kultura Amazigh, de Marroko).

Las variantes kreadas responden al fakto de ke, en opinión de munchos akademikos, el alefbet de la Akademia Bereber manka refleksiyon fonolójika. La AB tento transkrivir sonetes ke en todas las linguas bereberes son alofonos i ke por tanto no tinían deke transkrivirse. De fákto, no egzistían en las formas vivas de tifinagh signos para transkrivirlos, i la AB los krió partiendo de la nada, dando lugar ansina a un alfabeto «sovrekargado». 

Los diferentes neotifinaghs uzan letras para transkrivir las vokales i se eskriven de siédra a dirita. Enel anyo 2003 el tifinagh fue adoptado ofisialmente en Marroko para el ambezamyento de las linguas bereberes en la eskola primaria. Este fue un punto de troko respekto a épokas anteriores, en las kualas el uzo del tifinagh (por egzempio en rótulos en la kaleja) era kon frekuensa reprimido ya ke se konsideraba apolojiya del nasionalismo bereber.

En los ultimos anyos el uzo del tifinagh moderno esta ekstendido en jeneral en todos los tyerritorios ande se avlan las linguas bereberes, afilu ainda endjuntamente kon las transkripsiyones latinas i arabas.




#Article 418: Kabilia (126 words)


Kabilia es una rejión montanyoza del nord de Arjelia. Los sus avitantes la yaman Tamurt n Leqbayel (Tyérra de los kabiles) o Tamurt Idurar (Tyérra de montanyas).

Konforma parte de los montes Atlas i esta ubikada en la beira de la mar Mediterraneo. La Kabilia se ekstiende por varias vilayetes de Arjelia: todo el tyerritorio de Tizi Uzu i Biyāya (Bgayet), la mayor parte de Bouira (Tubiret) i une parte de Boumerdes.

El área está avitada por los kabilios, el sigundo grupo bereber en emportansia dempues de los chleuhs de Marroko. Avlan el kabil o Taqbaylit, una de las linguas bereberes. Desde la primavera bereber de 1980, los kabilios an estado al frente de la movilisasiyon por el rikonosimyénto ofisial de las linguas bereberes en Arjelia.




#Article 419: Kilisia Ortodoksa (289 words)


La Iglesia Ortodoksa es una komunita kristiana, la kuala, asigun la su tradisiyon, egziste desde Yesukristo i a los sus doze apostoles, a traverso de una suksesiyon apostolika. Es la tresera de las tres grandes iglesias o komunitas kristyanas, dempués de la Iglesia Katolika ilas iglesias protestantes. Egizsten má de 300 milyones de kristyanos ortodoksos en todo el mundo. 

La Iglesia ortodoksa se konsidera la eredera de tudas las komunitas kristyanas de la mitad oryental de la Mar Mediterraneo (esto yeva a alkunas tensiones con iglesias oryentales unitas a Roma). La su doktrina teolójika se establesió en una serie de konsilios, de los kualos los má emportantes son los primeros Syete Konsilios, yamados ekuménikos, los kualos tuvieron lugar entre los syéklos IV i VIII. Dempues de varios desenkontros i konfliktos, la Iglesia Ortodoksa i la Iglesia Katolika se separaron en el yamado Sisma de Oryente i Oksidente, el 16 de Djulio de 1054. El kristyanismo ortodokso se difundió por Evropa Orientala shukur al prestijio del Emperio Bizantino i a la lavor de munchos grupos misioneros.

Oy endiya, el kristyanismo ortodokso es la relijion dominante en Byelorrusia, Bulgaria, Kipre, Jeorjia, Gresia, Montenegro, Moldavia, Masedonia, Rusia, Rumania, Serbia i Ukraina. Egzisten komunidas grandes en Kazajistan (44% de la povlasiyon), Letonia (35%), Bosnia i Hersegovina (31%), Estonia (25%), Albania (20%), Kirgistán (20%), Libanon (10%), Uzbekistán (9%), Turkmenistán (9%), Kroasia (4,4%), Lituania (4.1%) i Sisdjordania. Debido a la emigrasiyon, egzistoen también komunidas emportantes en Almania, Arjentina, Ostralya, Kanada, Espanya, Estatos Unitos d'Amerika, Fransia, Reyno Unito i en Italia. 

La Iglesia ortodoksa está en realidad konformada por 15 iglesias otoséfalas, las kualas rikonosen la avtoridad eklesiástika de akódro kon el patriarkado al kualo perteneskan; por egzempio, Patriarkado de Antiokiya, de Konstantinopla, de Aleksandriya, etc.




#Article 420: Amerika Latina (160 words)


Amerika Latina o Latinoamerika se refiere a las rejiones de Amerika ande se avlan linguas latinas, es dizir las linguas romanses derivadas del latin (espanyol, portugez, fransez). Tiene varios uzos i depende del konteksto .

Dinguna de estas desinyasiyones se aplika a los payizes de lingua no latina de Amerika del Sud (komo Surinam i Guyana), el Karibe (dezenas de adás de avla inglesa i olandesa) o Amerika Sentrala komo Belize kon el inglez komo idioma ofisial. En la el linguaje jeopolitiko, es komún uzar el termo kompuesto Amerika Latina i el Karibe para desinyar tudos los teyrritorios del Emisferio Oksidental ke se ekstienden al sud de los Estatos Unitos, inkluindo los payizes de avla no latina. 

Los payizes ke konforman Latinoamerika komparten alkunas similitudes kulturalas, por aver sido tyerritorios koloniales de Espanya, Portugal i Fransia. Entre eyos egzisten tambien grandes variasiyones idiomatikas, etnikas, sosyalas, polítikas, ekonómikas i klimátikas, por lo kualo no se puede avlar de un bloko uniforme.




#Article 421: Apartheid (150 words)


El apartheid es el lo ke fue, en el syéklo XX, un fenómeno de segregasiyon rasial en Sud Afrika emplantado por kolonisadores olandeses Bóers en la rejion, komo símbolo de una serie de diskriminasiyon polítika, ekonómika, sosyala i rasial. Fue yamado así déke signifika segregasiyon en afrikaans. Este sistema era básikamente divisiyon de los diferentes grupos rasiales para promover el dezvelopamiento del paez. Todo este movimento era dirijido por la raza blanka, la kuala definió leyes las kualas ivan kuvrir, en jeneral, aspektos sosyales. Se asiya una klasifikasiyon rasial de akódro a la apariensia, a la akseptasiyon sosyala o a la asendensya. Este muevo sistema jeneró revolusiyones i resistensias por parte de los afrikanos.

Este sistema egzistia desde asía anyos, má afilú de manera ofisial desde el anyo 1948, asta la anyada de los 90, kuando se izo una mueva konstitusiyon i las leyes kualas diskriminavan por rasas fueron eliminadas.




#Article 422: Las Ermanas Barry (208 words)


Nasidas en el Bronx, Mueva York, Clara i Minnie Bagelman fueron al empiese konosidas como las Ermanas Bagelman. Dempues, fueron konosidas komo Claire i Myrna Barry, populares kantaderas de Jazz idish las kualas se izieron populares en los anyos 1940s-1960s en el show de la Radio de Mueva York Melodíyas en Swing Idish, ande kantaban las gravasiyones de jazz en idish. También gravaron versiyones de kansiones populares en idish, komo Rain Drops Keep Falling on My Head. Durante el amijor momento de la su popularitá, la kuala inkluso las yevó a apareser en los shows de Ed Sullivan i Jack Paar, endemas de ser unos de los pokos actos musikales en vijitar la Union Sovyetika enel anyo 1959. Las ermanas Barry también gravaron kon otros konosidos kantaderos djudios komo Barbra Streisand i Moishe Oysher. Las Ermanas Barry se kree kuala son la inspirasiyon para el sketch del show Saturday Night Live Las Ermanas Sweeney, en el kualo Jan Hooks i Nora Dunn apresentan un akto kon estil de show de Kabaret. Mark Shaiman izo los akódros muzikales para estos bozetos.

Afilú Myrna Barry murió enel anyo 1976, Claire Barry kontinua kantando i aktuando: resientemente fue inkluida enel programa de radio de la NPR Yiddish Melodies in Swing .




#Article 423: Mishna (298 words)


La Mishna (del ivrit מִשְׁנָה, estudio, repetisiyon), es un kuerpo eksehétiko de leyes djudias kompiladas, el kualo arikoje i konsolida la tradisiyon oral djudia dezvelopada durante syéklos desde los tyempos de la Tora o ley eshkrita, i asta la su kodifikasiyon por parte de Rabí Yehuda Hanasi, asia fines del syéklo II.

El corpus iuris yamado Mishná, es la baza de la ley djudia oral o rabinika, la kuala kondjuntamente kon la Tora o ley eshkrita, konforman la Alaha. A la su vez, la Mishná fue ampliada i komentada durante tres syéklos por los hahamim de Babilonia —la Gemara—, myentras kualo la Mishná orijinala i la su ekséjesis o Gemará, resivieron kondjuntamente el nombre de Talmud. 

La Mishná está ehskrita komo pesukim chikos en ivrit, yamados mishnayot (מִשְׁנָיוֹת; singular mishnayá, diminutivo de Mishná), las kualas klasifikan, resumen i konsolidan las munchas leyes orales dezvelopadas i komentadas por los sabios de la époka, los tanaím (del arameo תַּנָּאִים; singular taná, kon el mismo signifikado ke Mishná). Las mishnayot se agrupan en 527 kapitolos (פְּרָקִים, perakim; singular pérek), y éstos, en seksiyones o masehtot (מַסֶּכְתּוֹת; singular maséhet). Todos eyos, konforman los sesh livros en los kualos la Mishná se divide —kada uno de eyos yamado Séder (סֵדֶר, orden)— i los kualos komprenden kaji todos los ámbitos de la alahá djudia:

Egzisten dos versiyones del Talmud, el Yerushalmi i el Babli, están egualmente ordenados sigiendo el orden de los sesh mensionados livros, en tanto los hahamim de la epoka del Talmud, los amoraim (אָמוֹרָאִים, komentaristas) presisamente komentaban i dishkutían en arameo kada pasuk o mishnayá, asta yegar a un akódro aserca de la ley respektiva.

Los komentarios no inkluidos en la Mishná, son yamados braitot (בְּרַיתוֹת; singular braita; arameo, eksterno); munchas de eyas fueron también komentadas i ampliadas en el Talmud.




#Article 424: Libanon (filmo) (476 words)


Libanon es un filmo de gerra yisraeli dirijida por Shmulik Maoz. El filmo resivió el Leon de Oro en el 66 Festival Internasional de Sinema de Venesia, , pasando a ser ansina el primer filmo yisraeli el kualo a resivido este premio. El filmo no a sido muy difundido ainda; endemas de ke en Yisrael el filmo es objekto de polemikas. El filmo ya tiene ainda 10nominasiyones a los premios Ofir, los premios de la akademia del sinema yisraeli. 

El filmo, gravado dentro de un tank, amostra la istorya de un tentamyénto de reskatar a un grupo de parakaidistas dentro de una sivdad de Libanon basho akoso por parte de las huersas sirias.  Este filmo es dirijido por Shmulik Maoz, el kualo se baza en las sus eksperiensias komo un mansevo soldado yisraeli durante la gerra kon Libanon enel anyo 1982. Este es un filmo anti-gerra.

Dempués de resivir el Leon de Oro en el 66 ª Festival Internasyonal de Sinema de Venesia, Maoz deklaró: Dediko este premio a los miles de personas en todo el mundo kualos, komo yo, ritornan de la gerra sanos i salvos. Paresyese kualo están muy bien, ke lavoran, se kazan, tienen ijos. Afilú dentro de la su memoria, van sigir siendo feridos en la su neshamá. . Endemás, kuando resivyó el premyo, Maoz  disho ke el partaja el su premio kon todos los ke pudyeron tornar bivos de esta terrivle gerra. Maoz avló al djurnal The Observer: El punto de un filmo komo este es avrir una diskusion para ke la jente avle entre sí sobre problemas emportantes. Esto es algo kualo no se puede aser si se asen boikot a los filmos. No tiene sentido aserle boikot a el arte. Ulai no avría ganado si Jane Fonda avía sido parte del djurado, ma no fue ansina. El djurnal britániko The Guardian lo deshkrivió komo una eleksiyon kontrovertida . El Leon de Oro es el má alto rikonosimyénto dado a un filmo yisraeli asta oy endia. Maoz dize ke munchas personalitás emportantes yisraelis estaban en kontro de ke se presentasse Libanon en el Festival Internasional de Sinema de Venesia.  El djurado de Venesia estuvo presidido por Ang Lee, el kualo avía ganyado el Leon de Oro en Venesia en el anyo 2005 kon Brokeback Mountain. Libanon kompitió kontro otros 24 filmos.  La viktoria en Venesia kavzó un aumento en la popularitá del filmo enel Festival Internasional de Sinema de Toronto. 

El djurnal New York Times deshkrivió a Libanon komo una asombroza obra de sinema. Este periódiko también lo deshkrive komo gráfikamente violento. Por otro lado, el magazin Variety dize ke  Libanon es la má audaz i amijor de los resientes filmos yisraelis bazadas en las gerras del Libanon . Asigun The Guardian, egzisten temores de ke Libanon jenere espanto entre los mansevos ke toka alistarse en las huérsas de defensa.




#Article 425: Keren Kayemet LeYisrael (142 words)


El Keren Kayemet LeYisrael (en ivrit קרן קימת לישראל, Fondo Nasional Djudio) (abreviado como Leisrael, a vezes, KKL) fue fondado enel anyo 1901 para merkar i dezvelopar tyerrenos en el antonses Emperio Ottomano (i endagora Israel) para el asentamyénto djudio. El KKL es una organisasion sin fines de profito la kuala es propietá de la Organisasion Zionista Mondial  i posee poderes kaji komo del govyernamentales.  En 2007, el KKL era el duenyo del 13% del total de la tyérra en Israel. Desde el su establesimyénto, el KKL a sembrado má de 240 milyones de arvolés en Israel. Endemás, a fraguádo 180 presas i embalses, dezvelopado 250.000 akres de la tyerra i establesido má de 1.000 parkos. 

Enel anyo 2002, el KKL resivió el Premio Israel por la su destakada trayektoria i la kontribusiyon espesial a la sosyedá i al Estato de Yisrael.




#Article 426: Sosyeté de la Lingua Turkana (187 words)


La Sosyeté de la Lingua Turkana (en turko Türk Dil Kurumu) es el ente regulador de la lingua turkana, fondada el 12 de Djulio del anyo 1932 i kon la su sede en Ankara, en la Turkiya. La asosiasiyon fonksiona komo la avtoridad ofisyala de la lingua (afilú sin dinguna huersa konstitusiyonala) i la su lavor es kontribuyir a la abediguasiyon de la Lingua turkana i de otras linguas pertenesientes a la famiya turka de linguas; endemas, es la kuala publika i aktualisa el diksionario ofisial de la lingua turkana, yamado Güncel Türkçe Sözlük.

La sosyeté fue establesida enel anyo 1932 kon el nombre Türk Dili Tetkik Cemiyeti (Sosyeté para la Peskisa de la Lingua Turkana) basho la inisiativa de Mustafa Kemal Atatürk, el fondador i primér presidente de la Repuvlika de Turkiya por los eskritores Samih Rıfat, Ruşen Eşref Ünaydın, Celâl Sahir Erozan i Yakup Kadri Karaosmanoğlu, los kualos endemas eran myémbros de la Gran Asamblea Nasionala de la Turkiya. El espesialista shefe i Sekretario Jeneral de la sosyetá era el armenio Agop Dilaçar, el kualo lavoró desde 1934, asta la su muerte enel anyo 1979.




#Article 427: Diksionario (128 words)


Un diksionario es un livro uzado para azer buşkidas de palavras i/o termos los kualos se
ankontran ordenados de manera alfavetika. De estas palavras buhkadas se amostra el su signifikado, la etimlojiya, ortografiya i el alkunos kavzos, la su pronunsiasiyon.

La disiplina la kuala aze diksionarios es la leksikografitya. La informasion ke apresenta el diksionario troka asigún el tipo de diksionario. Los diksionarios se ankontran jeneralmente komo un livro impreso, má endemás en versiyon elektronika o a traverso de un programa de komputer el kualo aze ke fonksione en un PDA o un komputer má grande.

Se konsidera ke los priméros diksionarios aparesieron en mezopotamia. Esta afirmasiyon esta relasionada kon el dişkovrimyénto de varios tekstos kuniformes en la Biblioteka de Asurvanipal, en Ninive, los kualos relasionavan palavras sumerias.




#Article 428: Haim Saban (376 words)


Haim Saban (en ivrit חיים סבן), es un bisnesman de nasionalidad amerikano i yisraeli, el kualo es duenyo de kompanyias en los midios de komunikasiyon i CEO de Saban Capital Group. Es duenyo de una fortuna estimada en 2.5 bilyones de dólares. 

Haim Saban nasió en Aleksandriya enel anyo 1944 en el seno de una famiya sefardi, i bivió la su chikés en Ejipto. Kuando empiesó la Gerra de Suez enel anyo 1956, en la kuala Israel gerreo kon Ejipto, la su famiya, ansna komo parte de la komunita djudia del paez, izo la su aliya. En Israel empiesó a azer una karriera komo produktor muzikal, anke este proyekto no fonksionó. Saban dempues se mudo a Paris enel anyo 1975, ande lavoró komo produktor de programas de televizyón para ninyos, endjunto a Jean Chalopin, i ande fondó la entreprisa Saban International Paris. En el anyo 1983 se fue bivir a Los Anjeles, ande establesió la su residensya. En Estatos Unitos d'Amerika fondó endjunto a Shuki Levy la kompanyia Saban Entertainment, la kuala se enkargaba antonses de distribuyir, doblar i prodizir bandas sonoras para las series animadas de la televizyón. 

Ya en la anyada de los 90, la su entreprisa empiesó a produzir programas de manera endependyénte. Saban se izo milyonario i empiesó a ser konosido en todo el mundo shukur a la distribusuiyon de programas para ninyos i la adaptasiyon de series japonezas tokusatsu a los gustos amerikanos, komo la konosida Power Rangers. La entreprisa endemas krió i se enkarg;o de produzir VR Troopers, Masked Rider i Big Bad Beetleborgs entre otras.

En la anyada de 2000, Saban empiesó a investir el su dinero en otros midios de komunikasiyon. Enel anyo 1999 konformó una sosyeté kon News Corporation para kriar Fox Kids. Enel anyo 2001 el le kompró a la Walt Disney Company el kanal Fox Family (aktual ABC Family) lo kualo implikó la venta i desaparisiyon de Saban Entertainment a Disney, ansina komo la venta de Fox Kids. Ese mismo anyo, Saban krió el grupo de entreprisas Saban Capital Group. Enel anyo 2003 Saban kompró el Grupo Kirch i el grupo de televizyón alman ProSiebenSat.1. i enel anyo 2006 el su grupo kompró endjunto a Texas Pacific Group, el canal amerikano en lingua kastilyana Univision.




#Article 429: Otobus (105 words)


El otobus es un instrumento de lokomosion desinyado para transportar personas. Jeneralmente es uzado en los servis de transporte publiko urbano i endemas interurbano, kon trayekto fiksado. La su kapachitá puede variar entre 10 i 120 pasajeros.

El otobus uzualmente se relasiona kon el transporte urbano, mientras ke al instrumento de lokomosion uzado entre sivdades sele yama a vezes omnibus. Otra forma de diferensiasiyon va de akódro a el su tamanyo i kapachitá, yamando omnibus al otobus ke puede transportar má de 30 personas i mikrobus al kualo transporta menos. Afilú esto no es uniforme i munchas vezes se uzan otras palavras en distintos paezes. 




#Article 430: Kulá Moshe Aviv (162 words)


La Kulá Moshe Aviv, konosida popularmente komo City Gate, es una kulá ubikada en el distrito finansiero, serka de la borsa de diamantes de Ramat Gan, en Israel.

Es la frágua má alta del paez, superando a la kulá sirkulara del Azrieli Center kuando akabó el su fraguamyénto. La kulá es residensiala i de burós, i oy endia es la ochena kulá má alta de Midio Oryente. Fue bautisada kon el nombre del duenyo de la kompanyia ke la fraguó, el kualo fue amortado komo konsekuensa de una kaida kuando montaba a kabayo en Októbre del anyo 2001, antes de ke la kulá fuese akabada.

El fraguamyénto empiesó enel anyo 1998 i akabó enel 2003. El su koste yegó a los 130 milyones de dólares.

La kulá tiene 244 metros de altesa. Tiene 74 pisos, de los kualos 4 estab abasho de la tyérra. Sólu los ultimos 12 pisos son residensialos. Dentro de la kulá se ankontran un ginasio i una esnoga.




#Article 431: Azno (379 words)


El Azno (Equus asinus) es un animal doméstiko de la famiya de los ekinos. Los ansestros salvajes del azno son afrikanos. El ombre a uzado los aznos komo bestias de karga i para montarlos desde aze munchos syéklos.

Los aznos pertenesen a la famiya de los ékidos, i a la su vez se klasifikan en el orden de los perisodáktilos. Egzisten varias espesies i subespesies similares de aznos salvajes, komo el azno salvaje afrikano (Equus africanus), el onagro (Equus hemionus), el kiang Equus kiang, el khur Equus hemionus khur o el kulán Equus hemionus hemionus, entre otras. Es frekuente ke el azno sea konsiderado una subespesie del azno salvaje afrikano, kon el nombre de Equus africanus asinus, afilú la tendensia aktuala es a separarlo en una espesie propia (Equus asinus).

Desde empieses de la istorya, los aznos an sido uzados en Evropa i Asia oksidentala para trasladar kargas, tirar de karosas i transportar personas. Afilú los aznos no andan tan pishín komo el kabayo, tienen una vida lunga, el su kudio es má kolay, tienen una gran resistensa i son má huértes en kaminos zor. Ainda son demuncha emportansia en munchos payises menos dezvelopados.

Los aznos son konosidos por su mal umor i terkedá, má este es déke tienen un instinto de konservasiyon muy dezvelopado. Es zor huersar a un azniko a aser alko kualo el ni kree sea bien. Son bestias entelijentes, kautelozas, amistozas, gustozas de djuegar i le sguasta aprender muevas kozas. En alkunos payizes son uzados endemas komo maskotitkas, para uzo de los ninyos i djovenes i komo animales de kompanyia. En alkunos payizes ma dezvelopados se a trokado al kudio de los aznikos ma viejos i egzisten oy endia santuarios i parkos naturales para ke los aznos veteranos puedan bivir trankilos.

En el nord y nord-oeste de Espanya era frekuente ver distintas rasas de burros pretos,los kualos alkunos kreen ke son desendientes del Equus asinus somaliensis. Oy endia kedan muy pokos aznos de estas rasas i sólu se empiesan, ainda en perikolo de ekstinsiyon, a rekuperar los de la rasa Zamorano-leonesa (limitada su rejion aktual a las komarkas zamoranas de Aliste i Sayago i alkuna aktividá ganadiera), pedryéndose, ya ke si no egzisten machos aptos para la reproduksiyon, los de otras rasas de aznos pretos.




#Article 432: Der Yid (154 words)


Der Yid (en idish דער איד) e un djurnal settimanal de la sivdad de Mueva York publikado en idish. El periodiko es publikado por los hasidim de Satmar, afilú esta dirijido a la komunitá haredi en jeneral. Uza un lashon del idish avlado por los hasidim de Satmar, en lugar del estandar del idish de YIVO, el kualo es el uzado komo estandar en los midios de komunikasiyon  sekulares, relijiozos i en las publikasiyones akademikas.

Der Yid fue fondado por Aharon Rosmarin komo un periodiko bisettimanal. El su primér editor shefe fue el eskritor Uriel Zimmer, el kualo era un eskritor relijiozo anti-zionista. Enel anyo 1955, fue komprado por la komunita Satmar de Williamsburg, Brooklyn. El periodiko fue trokado por Alexander Deutsch (Sender Dietch) en un periodiko settimanal kon notisias mondiales. Oy endia, el djurnal apoya al haham Zalman Teitelbaum en la aktuala pelea por la suksesiyon en la direksiyon de la dinastiya Satmar.




#Article 433: Der Blatt (151 words)


Der Blatt (en idish דער בּלאַט, La Foja) esun periodiko settimanal en idish publikado en la sivdad de Mueva York por los hasidim de Satmar. Tiene una publikasiyon de 20.000 egzemplares a la settimana.

Der Blatt fue establesido enel anyo 2000, komo resultado de la ugrashea por la suksesiyon en la dinastia de Satmar. Antes de este, sólu egzistia un periodiko para los Satmar, Der Yid. En la pelea por la suksesiyon, Der Yid pasó basho kontrolo de los ke sigen al haham Zalman Teitelbaum. Este echo deshó a los kualos sigian al su rival, el haham Aaron Teitelbaum, sin un midio de kominukasiyon el kualo pudieran uzar komo plataforma para la su kavza, por lo kualo fondaron un periodiko muevo. Antonses, Der Blatt, tiene un estil muy paresido al de Der Yid anke promueve al haham Aaron en vez de al haham Zalman  komo el lejitimo suksesor del rebbe anterior. 




#Article 434: Beleichtungen (121 words)


Beleichtungen es la mueva versiyon de Das Yiddishe Licht, la kuala era publikada settimanalmente en Yerushslayim. Al kontrario de la su antesesora, la revista aktuala sige un estil má moderno, kon un desinyo grafiko má sofistikado. Myéntres ke Das Yiddishe Licht tinía sólo una foto de alkun lider djudio en la su pajina prinsipala, echa de papel, endagora Beleichtungen es impresada en papel brilyante, i kon grafikos de kolores. Das Yiddishe Licht fue fondada por el haham Moshe Ehrntal, un atkivista del Yishuv haYashan. 

Beleichtungen tiene alkunos artikolos de enteréso akademiko komo Maalos, má sigue una aktitud má moderna i un estil má trankilo, el kualo es gostado por las mujeres i los mansevikos. La revista yega basho pedido por posta. 




#Article 435: YIVO (745 words)


YIVO (en idish ייִוואָ),  establesido enel anyo 1925 en Wilno, Polonia (oy Vilna, Lituania) komo el Yidisher Visnshaftlekher Institut (en idish  ייִדישער װיסנשאַפֿטלעכער אינסטיטוט), o Instituto Sientifiko Djudio (ייִדישער yidisher = Djudio o Idish, dependyendo del konteksto), es un instituto el kualo tiene el buto de servir de giador para la ortografiya, leksikografiya i otros estudios relasionados al idish. Anke diskues fue trokado el su nombre a Institute for Jewish Research, es konosido por las sus letras inisialas orijinalas en idish, las kualas konforman YI-V-O.

YIVO konserva manuskritos, livros antikos i jurnales, ansina komo otros manaderos en idish. La su biblioteka en la sivdad de Mueva York tiene ma de 385.000 egzemplares, los kualos alkunos son del syéklo XVI. Los arkivos del YIVO guádran má de 24.000.000 de dokumentos, fotografiyas, gravasiyones, posters, filmos, i otros dokumentos en idish. Endjuntos, eyos azen la má grande kolseksiyon de informasion relasionada a la kultura de los Djudios de Evropa Sentrala i Oryentala, endemas de los emigrantes verso la Amerika  Los arkivos endemas kontienen dokumentos en otras doze linguas,  komo inglez, fransez,  alman, ivrit, djudeo-espanyol, polonez, i ruso .

YIVO endemas publika livros i revistas en idish komo YIVO Bleter  (fondado en 1931), Yedies Fun YIVO (fondado en 1929), i Yidishe Shprakh (fondado en 1941). Es endemas el ente kualo publika el YIVO Annual of Jewish Social Studies (fondado en 1946).

YIVO fue inisialmente propozado por el linguisto i eskritor Nochum Shtif (1879 ndash; 1933). El konsiderava ke la su idea de uzar má el idish era ma praktika ke la visionaria de los ebraistas i la asimiladora de los djudios ke adoptaron el polonez o el ruso. Otros fondados emportantes fueron el filologo  i direktor Max Weinreich (1894 ndash; 1969) i el istoriador Elias Tcherikover (1881ndash;1943). 

Fondado en una konferansa en Berlin, má kon las sus burós en Wilno—una sivdad en la Polonia Oyentala kon una grande komunita djudia, YIVO yegó a tener burós en Berlin, Varsovia i Mueva York. En la siginte anyada, alkunos grupos aparesieron en otras sivdades ande egzistian komunitas ashkenazis. 

En las primeras anyadas de YIVO, el sinyor Tcherikover gió la seksiyon de piskisa istorika, en la kual endemas lavoraron Shimon Dubnow, Saul Ginsburg, Abraham Menes i Jacob Shatzky; Leibush Lehrer (1887ndash;1964) dirijió una seksiyon la kuala iva inkluir los psikologos i maestros Abraham Golomb, H. S. Kasdan i  A. A. Roback; Jacob Leshchinsky (1876ndash;1966) gió la seksiyon de los ekonomistas i demografos  Ben-Adir, Liebman Hersh i Moshe Shalit 

El avanse Nazi en Evropa Oryentala kavzó ke YIVO trokara las sus operasiones a la sivdad de Mueva York, kon un sigondo sentro establesido komo la  en Buenos Ayres, Arjentina. Un tresér sentro de aktivitades oy endiya es . Parte de los arkivos i de los direktores de YIVO sovrebivieron a la Gerra. Por las sus propias razones, los Nazis se yevaron los arkivos de YIVO a Berlin, ande los dokumentos pasaron toda la Gerra i eventualmente yegaron a Mueva York diskues de eya, i todos los direktores de peskisa de YIVO ya bivian en Estatos Unitos d'Amerika kuando la Gerra empiesó o pudieron fuyir. 

YIVO tiene kriados o suportados munchos prodjektos de peskisa akademika, el mas resiente de eyos es The YIVO Encyclopedia of Jews in Eastern Europe, publikada en Marso del anyo 2008 endjuntamente kon la Yale University Press . Basho la giada del editor shefe Gershon David Hundert, profesor de Istorya i de Estudios Djudios en la Universita McGill en Montreal, este es.huérso apresenta la istorya i kultura de los Djudios de Evropa Oryentala desde la su arivada ala rejion fina los muestros diyas, kon má de 1.800 artikolos los kualos amostran la relijion, folklor, politika, arte, muzika, teatro, lingua i literatura, lugares, organisasiyones, movimentos intelektualos i personajes emportantes, endemas de má de 1.000 imejes i mapas. Kon el lavoro endjunto de ma de 450 akademikos, la ansiklopedia kuvija la rejion entre Almania i los Montes Urales, desde ande 2.5 milyones de djudios emigraron verso la Amerika del Nord entre 1870 i 1920.

Endemas, YIVO  apoyo la ma resiente edision del livro de Max Weinreich History of the Yiddish Language, editado por el Dr. Paul (Hershl) Glasser,  endjuntamente kon la Yale University Press  i las edisiones del Groyser Verterbukh Fun Der Yidisher Shprakh (Gran Diksyoner de la Lingua Idish) desde el anyo 1961, kuando fue publikada la suprimera edision, asta la la katrena en 1980. El prodjekto, fondado en Mueva York, fue ofisialmente mudado a Yerushalayim, anke parese no sigir má aktivo.




#Article 436: Gurdwara (123 words)


Un Gurdwara es el templo ande los Sihs meldan. Kada gurdwara guádra una kopia del livro Adi Granth i sirve komo un punto de ankontro para el arrogamyénto, inkluyindo el kantei el melado de las eskrituras sagradas Sihs.

En estas fráguas siempre egziste endjunto una kuzina komunala i alkunas vezes una eskola. En las kazas partikolares siempre se guádra una kamareta para meldar, tambien yamadas gurdwara. Las famiyas sikh vijitan los gurdwaras relasionados a las vidas de los gurus sih, prinsipalmente el Templo Dorado de Amritsar.

En Espanya egzisten varios gurdwaras (en sivdades komo Barselona, Madrid o Palma de Mayorka) ande kada alhad se reunen los sigidores de esta relijion. Tambien ay gurdwaras en Latinoamerica, en payizes komo Arjentina, Meksiko, Panama i Uruguay.




#Article 437: Islam (362 words)


El Islam (en arabo: الإسلام; al-Islām) es una relijion monoteista abrahámika la kuala tiene el su dogma bazado enel livro del Koran, el kualo establese komo baze fondamentala para los sus kreyentes ke «No ay más Dio ke Ala i ke Mahomat es el mesajero de Ala» La palavra áraba Allāh , yevada al djudeo-espanyol komo Alá, signifika Dio i la su etimolojiya es la misma de la palavra semetika El, por la ke se nombra a El Dio en la Tora. Los estudiosos islámikos definen al islam komo: «La sumision a El Dio el Altísimo a traverso del monoteismo, la obeisensa i el abandono de la idolatriya».
El livro sagrado del islam es el Koran, diktado por Alá a Mahomat a traverso de Yibril (el arkandjel Gavriel). Los siguidores del islam se yaman musulmanes (en árabo مسلم). Dan testemunyo ke Mahomat es el último de los profetas enviados por El Dio i el muur de la Navá.

Se akseptan komo navis prinsipalmente (pero no limitándose) a Adan Arishon, Noah, Abraham, Moshe Rabenu, Shelomo Ameleh i Yeshu. Endemeás del Koran, los musulmanes de tradisiyon sunnita sigen los hadizes i la sunna del navi Mahomat, las kualas konforman el Enrejistro istóriko de las aksiyones i las ensinansas del Profeta. Se akseptan también komo livros sagrados la Tora, los Livros de Shelomo Ameleh i los Evanjelios (los kualos los kristyanos yaman Muevo testamento).

El islam es una relijión abrahámika monoteísta la kuala adora eksklusivamente a Alá. Se kree ke oy endia egzisten entre 1000 i 1800 milyones de musulmanes en el mundo (i en kresimyénto). Asigún el Vatikano el islam es la relijion má grande del mundo, ya ke resientemente a superado el número de katolikos, i la sigunda relijion del mundo si no se desglosa el número de siguidores del kristyanismo.

El islam empiesó kon la predikasiyon de Mahomat enel anyo 622 en La Meka (en la aktuala Arabia Saudi). Basho el komando de Mahomat i los sus suksesores, el islam se ekstendió pishín por el mundo. Egzisten diferensias de opinion entre los musulmanes i no musulmanes si se egztendió por emposisiyon relijiosa porla huérsa, o por konversiyon de los puevlos al islam.




#Article 438: Shelomo Ameleh (153 words)


Shelomo Ameleh (en ivrit שלמה המלך) fue el tréser i último rey de todo Israel, inkluyindo el Reyno de Yehuda. Fue muy konosido por la su entelijensia, rikesa i poder.

Shelomó Ameleh fraguó el Bet Amikdash. La Tora lo konsidera el ombre más sabio ke egzistió en la Tierra.

Se le atribuye la avtoriya de los livros Koélet, Mishlei i Shir Ashirim, todos livros arekojidos en la Tora. Es la imajen de munchas ledjendas posteriores, komo kualo fue uno de los maestros de la Kabala. En el Tanah (libro djudio, el kualo los kristyános yaman Antiko Testamento también se le yama Yedidiya.

En la Tora se dize de Shelomó Améleh ke:
Eredó un grande emperio konkistado por el su padre, David Ameleh, el kualo se ekstendía desde el Nilo, en Ejipto, asta el río Eufrates, en Mesopotamia. (1 Reyes 4:21; Bereshit. 15:18; Devarim. 1:7,11:24; Yosef 1:4; 2 Shemuel. 8:3; Divrei Hayamim Alef 18:3)




#Article 439: Djoha (147 words)


Djoha es un personaje el kualo aparese en las kantikas i en las konsejas i reflanes propios de la kultura djudeoespanyola.

Egziste en las istoryas de todo el Medio Oryente, Asia Sentrala i la Mar Mediterraneo un personaje yamado Djuha, Giufà, Djohá, Joha, Goha, J'ha, Ch’ha o lasi versiyon turkana Nasreddin Hodja, má afilú todos son klaramente la mizma figura kon nuanses diferentes en toda la area del Mediterráneo, desde los tiempos de Harun al-Rashid (Joha, paj. 143) al Rei Ferdinando de Napoli (Giofà, il servo del re). Se kree ke esta bazado en un personaje ledjendario Sufi, el kualo bivio durante el syéklo XIII, en Akşehir i dempues en Konya, basho el kontrol de los Seldjukidas. Ma al pasar el tyempo, se fue miksturando kon las kulturas ke entraron en kontakto kon el Emperio Ottomano i pasando a ser parte emportante de las konsejas i reflanes.




#Article 440: Londra (174 words)


Londra (London en inglez) es la sivdad kapitala de Inglaterra i del Reyno Unido. Ubikada a la beira del rio Tamesis en el sudeste de la zla de Gran Bretanya, el su afinkamiento se data mas de dos mil anyos tras; fue fondada serka del anyo 43 por los romanos basho el nombre de Londinium. El korason de la sivdad, la antika City de Londra, ainda guádra los sus límites medievales, má afilú desde el syéklo XIX, el nombre de Londra también a yamado a la metrópolis ke a kresido a su rededor. Oy endia, esta konforma la rejión de Londra  de Inglaterra i el área administrativa del Gran Londra, kon el su propio alkalde i asamblea.. Londra está konsiderada como una sivdad globala por la su enfluensia mondiala en los medios de komunikasion, politika, edukasion, entretenimyento i moda. 

La sivdad fue fondada por los romanos, el su nombre era Londinium.

La Sivdad de Londra es ermanada kon las sigientes sivdades:

La Sivdad de Londra tiene konvenios kolavorasion o ayudo kon las sigientes sivdades:




#Article 441: Keren Peles (196 words)


Keren Peles (en ivrit קרן פלס) es una kantadera yisraeli, kompositora i tanyedora de piano. Eya nasió en la moshava Yavne'el el 11 de Marso de 1979

Peles se resivió de la eskola de muzika Rimon. Enel anyo 2005 se izo famosa komo la avtora de varias kantikas ke eskrivió para Miri Mesika i Shiri Maimon. 

El su disko debut, אם אלה החיים (Im Ele AHayim, Si este es vida), lansado en Djulio de 2006, fue sertifikado komo Oro dempues de vender má de 20.000 kopias. Peles eskrivió todas las kantikas en el álbum. También fue nominada komo la kantadera femenina del anyo 2006 por la radio de las Huersas de Defensa Yisraelis Galgalatz, i dempues fue nombrada la kantadera yisraeli del anyo por las emisoras de radio de Israel.

En Avril de 2008, el su segundo álbum, מבול (Mabúl), empiesó a ser vendido en las butikas de musika. En Sietembre, el álbum fue disko de oro, i eya fue elejida otra vez komo kantadera de Israel del Anyo. Peles a eskrito kantikas para Harel Ska'at, Amir Fey Gutman i Boaz Mauda. 

Keren Peles se kazo en Djunio de 2009 kon el dezvelopador web Tomer Grencel.




#Article 442: Eliezer Ben Yehuda (654 words)


Eliezer Ben Yehuda (en ivrit אֱלִיעֶזֶר בֶּן־יְהוּדָה‎) fue el responsável prinsipal de el rebivimyénto de la lingua ebrea komo lingua avlada a partir de su estado previo de lingua relijioza.

El su nombre de nasimyento fue Eliezer Yitzhak Perelman (en ruso: Элиэзер Ицхак Перельман, ivrit: אליעזר יצחק פרלמן ). Nasió en Luzhki (Лужки), un shtetl (viya) de la provensiya de Wilno de Rusia Emperiala (al nord de la aktuala Bielorrusia); empiesó a estudiar ivrit i la Tora a los tres anyos de edad, komo munchos ninyos djudios de Evropa Orientala. A los doze anyos de edad ya tinía mueve anyos estudiando en ivrit i tinía leído la mayor parte de la Tora, la Mishna i el Talmud, lo kualo le asía estar bastante familiarizado kon el ivrit antiko i el ivrit talmúdiko. Los sus padres esperaban ke se preparase para ser rabino i le enviaron kon ese fin a una yeshiva serkana. Ayí sigió estudiando ivrit antiko i estuvo ekspuesto al ivrit moderno de la Askala, lo kualo inkluía livros no relijiozos. Má tádre aprendió fransez, almán i ruso. Dempues fue enviado a Daugavpils para sigir la su edukasiyon. Ayí tendría akseso al djurnal en ivrit Ha-Shahar, del kualo aprendió sovre el zionismo i le izo konkluir ke el rebivimyénto del ivrit en Israel podría protejer i unir a la diáspora djudia de la asimilasiyon.

Dempues de resivirse, se fue a bivir a Paris para estudiar en la Universita de Paris. Entre las klasas estudiadas se ankontraba la istorya i polítika del Medio Oryente, má la kuala le influyó má profundamente fue la de Ivrit. En esta klasa, las lisiones se daban en Ivrit. El ver la lingua empiegada de forma oral le izo estar seguro de ke rebivir la lingua era faktivel. Se fue a bivir a Arjel, ande entró en kontakto con los djudios de Arjelia. Ayí alkansó muncha práktika en el uzo del ivrit en la kaleja. Mientras bivió en Paris i en Arjel, Ben Yehuda puvlikó munchos artíkolos en la prensa en ivrit. Intentó konvenser a la komunita de ke era faktivel rebivir el ivrit i volverlo a uzar komo lingua avlada i ke un renasimyénto djudio en Tyerra Santa empediría ke los mansevos djudios ulvidasen el djudaismo. Anke no resivió muncho apoyo, desisió bivir ayá i tentar rebivir la lingua.

Enel anyo 1881 se fue a la Tierra Santa, antonses una provensiya del Emperio Ottomano. Motivado por las ideas de remuevasiyon i por su renunsia al estil de vida de la Galut, Ben Yehuda empiesó a lavorar en una mueva lingua ke pudiesse meter en lugar del idish, el djudeo-espanyol i otros lashones rejionales komo lingua komun entre los djudios.

Ben Yehuda krió al su ijo, Ben-Zion Ben-Yehuda (el su nombre signifika Ijo de Zion), íntegramente en ivrit. Evitó eksponerlo a otras linguas durante la su chikés. Se dize ke en una okasiyon golpeó a la su mujer kuando dishkovrió ke eya le kantava kantikas en ruso al su ijo. Ben-Zion fue el primer avlante nativo de ivrit moderno. La su avtobiografiya, eskrita basho el seudónimo de Itamar Ben-Avi (Itamar, ijo de Avi es una abreviatura kriada a partir de las primeras tres letras del nombre Eliezer Ben Yehuda en ivrit), se sige leyendo ainda en Israel.

Miéntres ke al empiese munchos konsideraron su lavoro utópiko, la nesechitá de tener una lingua komún fue ganyando el apoyo de munchos. En 1884 empiesó a publikar HaTzvi, un djurnal en ivrit de linea zionista. Se fondó el Komité de la Lingua Ebrea, el kualo dempues pasaria a ser la Akademia del Idioma Ebreo. Los resultados de la su obra i del Komité fueron puvlikados en un diksionario (El diksionario kompleto del ivrit antiko i moderno). Al empiese del syéklo XX el ivrit avía avansado un gran kamino asya trokarse en la lingua prinsipala de la povlasiyon djudia durante el Govierno britániko de Palestina i la posterior fondasion del Estado de Israel.




#Article 443: Taanit de Gedalia (142 words)


El Taanit de Gedalia (en ivrit צוֹם גְּדָלִיָּה; tsom gedaliá), es un taanit ritual djudio, el kualo se aze enel treser diya del mes de Tishrei, dempués de la fiesta del Anyo Muevo djudio, Rosh Ashana. Yamado en la Tora “el taanit del syétimo mes” (Zakarias 8:19), fue instituido al ritornar del eksilio de Babilonia para arikodrar el amortamyento del gobernador de Yehuda, Gedalia Ben Ahikam, a manos de Ismhael Ben Netaniá.

Es konsiderado un taanit menor, de sol a sol, sin inkluir las oras de la noche. Si cae en shabat, se troka al alhad sigiente, ya kualo —asigún los preseptos del djudaismo— en Shabat no se aze taanit ni se arikódra duelo. El úniko día de ayuno ritual djudio ke no se troka afilú kayesse un shabat, es Yom Kipur, ya kualo no es diya de duelo sino de ekspiasiyon.




#Article 444: Ayifto (365 words)


La Repuvlika Araba de Ayifto  (en arabo: مصر, Miṣr) es un payis de Afrika, ubikado en el su ekstremo nordeste, el kualo inkluye la Peninsola del Sinai (la kuala pertenese a Asia). La mayor parte de la su superfisie esta okupada por el desyerto del Sahara, solu abitado en torno a los oasis. La su sivdad kapitala es El Kairo (القاهرة).

Ayifto es uno de los payises kon mas povlasion en el kontinente, ma afilu la mayor parte se ankontra en las beiras del rio Nilo i enel delta, ande estan las rejiones kon tierra fertil. Kaji la mitad de los ayifsios biven en sivdades, sobre todo en las sivdades de El Kairo i Alejandria i las rejiones vizinas.

Ayifto es konosido por la su sivilizasion antika i los sus monumentos, komo por egzempio las pirámides i la grande sfenks; la sivdad meridionala de Luksor tiene un grande numero de restos antikos, komo el templo de Karnak i el Valey de los Reyes. Oy endiya, Ayifto es un sentro politiko i kulturalo muy emportante del Medio Oriente.

El antiko nombre del paiz, Kemet (km.t), o ‘tierra negra’, deriva de los fertiles limos pretos depositados por las inundaciones del Nilo, distintos de la ‘tierra kolorada’ (dsr.t) del desierto. El nombre se transformó en kīmi i kīmə en la etapa copta de la lengua ayifsia, y hue traduzido al primitivo grego komo Χημεία (Hemía).

.
La rikesa ke aportaba el fértil limo tras las inundasiones anuales del río Nilo, junto a la ausensia de poderosos puevlos por su aislamiento, debido a que el vaye del Nilo es situado entre dos amplias zonas desérticas, permitieron el desarrollo de una de las primeras y más deslumbrantes sivilizasiones en la istoria de la umanidad.

Ayifto topa al norte kon la Mar Mediterranea, al sud kon Sudan, al oeste kon Libia; i al este kon Izrael, Gazah i la Mar Kolorada.

Por el paiz kruza el Río Nilo, un emportante kuerpo de agua fluyente ke desemboca azia la Mar Mediterránea en forma de delta.

Ayifto es apartajada en governasiones o muhafazat.

Ayifto es el paiz afrikano kon mayor povlasion o nifus del kontinente, konta kon 128 617 855 milyones de avitantes.




#Article 445: Komplekso Esportivo de los Djuegos de Asia Oryentala (175 words)


El Komplekso Esportivo de los Djuegos de Asia Oryentala (en shino tradisiyonal: 澳门东亚运动会体育馆, en shino simplifikado: 澳门东亚运动会体育馆, pinyin: Aomen Dōngyà Yùndònghuì Tǐyùguǎn) es un komplekso esportivo ubikado en Cotai, en la Rejión Administrativa Espesiala de Makao de la Repuvlika Popular Kina.

El lugar fue uno de los lugares má emportantes de los Djuegos de Asia Oryentala del anyo 2005 i en el komplekso endemas se organisaron alkunos eventos para los Djuegos Asiatikos Basho Techo del anyo 2007.

El Komplekso Esportivo de los Djuegos de Asia Oryentalal es el má grande komplekso esportivo kuvijado en la sivdad. Tiene de tres nivelos de varios kompleksos esportivos multipropósito kon una superfisie totala de 45.000 m2 kon dos Pavilyones o Koskos separados, los kualos son ideales para diferentes tipos de esportes de sala i aktividás basho techo. Endemas tiene de una sala de eksposisiones en la kuala pueden atender asta 2.000 personas.

El komplekso fue aperturado ofisialmente enel anyo 2005. La su primera pyedra fue kolokada por el Shefe Eksekutivo Makaense, Edmund Ho el 28 de Fevrero de 2003. 




#Article 446: Makao (160 words)


Makau, en kinezo tradisionalo 澳門, simplificado 澳门, en pinyin Àomén; en portugez: Makau, es una chika rejion administrativa especializada en la beira sud de Repuvlika Popular de Kina. Se topa enjunto del vilayet de Guangdong, a 70 km al sudoeste de Hong Kong, en la kara sud del delta del Rio de las Perlas, i a 145 km de la subida de Guangzhou.

Desde el 20 de disiembre de 1999, Makao es una de las dos rejiones administrativas espesialas de la República Popular de Kina. La otra es Hong Kong. Azta esa data avia estado basho administrasión portugeza (la kuestión de la soberanía es muncho más confusa) durante kaji 450 anyos. Komo en Hong Kong, la Ley Básica de Makao garantisa el mantenimiénto del systema ekonómiko kapitalista i de una otonomía muy grande durante al menos 50 anyos. Se mantiene el systema djudisial establesido por Portugal, y el portugez, afiliado apenas avlado, tiene estatus de lengua oficial enjunto al cantonez.




#Article 447: Tomat (177 words)


El tomat (lat.:Solanum lycopersicum) es una planta orijinala de Amerika Latina, konosida en toda la rejion entre el Nord de Chile asta Meksiko, ande fue topada por los espanyoles por la priméra vez dempues de la su arrivada a Amerika.

El nombre de la fruta de esta planta atan es yamada tomat, i el su nombre es orijinalmente del nahuatl xitomatl. Los primeros tomats ke arrivaron a Evropa tinian kolor amariyo, lo kualo eksplika deke en lingua italiana se le konose komo pomodoro '(mansana d'oro), ma oy endia los tomats de kolor amariyo son muy apresiados en Italia. Kaji todos los tomats agora en Evropa son kolorados.

En Evropa los tomats no se konosieron asta el final del syéklo XV, anke endagora para el syéklo XVIII el tomat iva ser un ingredyénte fondamental en la kultura i la gastronomiya de los payizes Mediterraneos.

En jeneral, a Evropa i el Maghreb yegó el tomat i la teknika de kultivo, ma no la kultura de komo introduzirlo en las kumidas, la kuala oy endiya es diferente de la amerikana.




#Article 448: Azat Artsah (141 words)


Azat Artsah (Ազատ Արցախ en Lingua armenia, signifikando Artsah Libbera) es el djurnal ofisial de la Repuvlika de Nagorno-Karabah puvlikado en lingua armenia. Fue establesido el 16 de Djunio de 1923 en la sivdad de Stepanakert. El su editor shefe es Leonid Martirosyan.

El djurnal a tinido munchos nombres, orijinalmente Gehtchuk (Գեղջուկ en lingua armenia, ke signifika Kazalino). El su nombre dempues fue trokado a Khorherdayin Karabakh (Խորհրդային Ղարաբաղ - ke signifika Karabah Sovyetiko), i muncho tyempo dempues a Artsah (Արցախ en lingua armenia; Artsah es el nombre en esta lingua para Karabah), i kon el establesimiento de la Repuvlika de Nagorno-Karabah, le fue trokado el su nombre a Repuvlika del Karabah Muntanyozo (ԼՂ Հանրապետություն en lingua armenia) i finalmente a Azat Artsah (Ազատ Արցախ en lingua armenia).

El djurnal tiene una versiyon elektronika en lingua armenia, ruso i en inglez




#Article 449: Stepanakert (239 words)


Stepanakert (en armenio: Ստեփանակերտ; ofisialmente konosida komo Xankəndi en Azerbaidjan, (tresladado komo áXankendi o Khankendi) es la sivdad kapitala de la otodeklarada Repuvlika de Nagorno-Karabah , kon una povlasiyon de kaji 50.000 personas. El kontrolo de la sivdad i la rejion en total es objekto de konflikto entre Azerbaidjan i Armenia, afilu de gerra, desde ke estos payises eskaparon de la Union Sovyetika. Oy endiya, Stepanakert, komo el resto de Nagorno-Karabah, se ankontra basho kontrolo armenio.

Asigun huentes armenias antikas, egzistia una viya konosida komo as Vararakn (Վարարակն, ke signifika “aroyiko pishin” en lingua armenia), nombre basho el kualo fue konosida asta ke fue yamada Khankendi (Xankəndi) enel anyo 1847.. En 1917, diskués de la revolusiyon de Októbre en este mismo lugar, enel anyo 1923 fue trokado el su nombre a Stepanakert, en onor a Stepan Shahumyan, un armenio komunista líder de Baku. Diskués de ke Azerbaidjan deklarase la su independensia de la Union Sovyetika, le fue trokado el su nombre de muevo por el govierno azerbaidjani komo Xankəndi, má diskués de la gerra entre Armenia i Azerbaidjan i la posterior konkista de todo el Alto Karabah por Armenia, la sivdad endagora se yama Stepanakert.

Enel anyo 1926, las avtoridades Sovyetikas dechidieron adoptar el plano de desinyo del arkitekto armenio Alexander Tamanian; dos planos adisionalos fueron aprovados para la ekspansiyon de la sivdad en las anyadas de los 1930 i 1960, los kualos sigian el plano orijinal de Tamanian.




#Article 450: Rosh Ashana (494 words)


Rosh Ashaná (en ivrit: ראש השנה, rosh ha-shānā, la kabesa del anyo) es el Anyo Muevo espiritual djudio i se fiesta el primero i el sigundo diya de Tishre (un mes en el kalendario ebreo).

Para el empesijo del anyo ebreo egzisten dos kriterios: asigun la Tora, el mes de Nisan (por marso-avril) será el primero de los meses del anyo (Shemot 12:2). Ma dempues, la tradisiyon djudia establesió el empesijo del anyo en el mes de Tishre (por syetiembre-oktobre), kuando se fiesta el Anyo Muevo Djudio o Rosh Ashaná, por konsiderarse kualo es el mes en que El Dio krió el mundo i es a partir de esta selebrasiyon kuando se kuentan los anyos. En este diya, asigún la tradisiyon, fue kriado el primer ombre: Adan.

La fiesta empiesa kuando kae el sol el diya anterior. El shofar se tanye durante sha'hrit. El sonete de este korno, kaji siempre de kodrero, yama a los djudios a la meditasiyon, al avtoanálisis i al arrepentimiento, endemas de rogar de dar sanedad, i huersa para pueder gerreyar kon las difikultades ke las personas rankontran kada diya. Es el primero de los diyas de arrepentimiento i de balanso de las échas i de las aksiyones realisadas, de meldadura i sensibilidá espesialas (Aseret Yemei Teshuva) las kualas akaban kon el Yom Kippur (Díya del Pardón). 

Endemas se konose como el Día del Djuzgo i komo el Día del Rekódro déke, asigún la tradisiyon, este diya El Dio djuzga a los ombres, abriendo tres livros: uno, kon los malos (los kualos kedan inskritos i timbrados para la muerte); otro, kon los buenos (los kualos kuedan inskritos i timbrados para la vida), i el treséro, para kenes van ser djuzgados en el Yom Kippur. 

Rosh Ashaná (Empesijo del Anyo), endjunto kon Yom Kippur (Diya del Padrón), konforman en la tradisiyon djudia una unidad yamada Yamim Noraim (Diyas Temibles), por ser el momento en kualo El Dio djuzga al mundo i dekreta lo ke va akonteser enel muevo anyo.

El 1º de Tishrei no es sólu el primer diya del anyo, sino endemas la su kabesa. Ansina komo la kabeza kontrola al resto del puerpo, del mismo modo en este diya se predestinan todos los echos ke van akonteser enel anyo.

Durante los Yamim Noraim (en ivrit, diyas temibles) a los arrogamyentos diarios se inkluyen munchos rezos de penitensia (yamadas selihot) i poemas relijiozos (llamados piyuttim). Egzisten livros espesiales para Rosh Ashaná i Yom Kippur, como los mahzorim (plural). El saludo tradisional en Rosh Ashaná es shaná tová (en ivrit, Un buen Anyo).

Es kostumbre kumer durante Rosh Ashana distintos alimentos komo sinyales de dezeyos para el anyo ke empiesa. Por egzempio, se kome mansanas kon myél o asukar para simbolisar un anyo dulse. Endemas se konose por tanyer el shofar, korno de kodrero. Durante la tarde del primer diya se realisa el tashlih, el simbóliko desecho de los pekados yendo a un río o korpo de agua i meldando ayí.




#Article 451: Esnoga Cymbalista (251 words)


 
La Esnoga Cymbalista i Sentro de la Erensia Djudia (en ivrit בית הכנסת והמרכז למורשת היהדות עש צימבליסטה) es la esnoga prinsipala de la Universita de Tel Aviv i endemas un sentro kulturalo para la proteksiyon de la erensia djudia ubikada en la sivdad de Tel Aviv. La esnoga deve el su nombre a los suisos Paulette i Norbert Cymbalista, los kualos enkargaron el desinyo de la esnoga al arkitekto suiso Mario Botta, el kualo la desinyó enel anyo 1996. 

La esnoga fue fraguada enel anyo 1998.  Desde la parte de ahuéra, la frágua parese dos tubos echos kon tuglos trayidos de Asia. Los dos tubos kresen desde las sus bazas katradas, las kualas son las kamaretas komunes, La frágua de la esnoga tiene dos kamaretas separadas en la entrada, la kuala kria una bipolaritá entre la kamereta para meldar ke  mira asya el Oryente i el Bet Midrash ke mira asya el Oksidente.

 
El Aron Akodesh esta entornado por un aníyo de alabastro, el kualo trae luz a la kamareta, kriando una imajen de kedusha i de la luz de El Dio alderredor del Aron Akodesh. Ensima de la esnoga egziste alko paresido a una hupá, la kuala trae luz  , endemas de la inskripsiyon kon un pasuk de la Tora, la kuala dize שויתי יהוה לנגדי תמיד o en inglez, Yo iva poner a El Dio siempre antes ke yo de Teilim 16:8.. Esta esnoga fue desinyada i fraguada kuando  munchos arkitektos famozos estaban desinyando fráguas emportantes en Israel.




#Article 452: Esnoga Ehal Yehuda (210 words)


La Esnoga Ehal Yehuda (en ivrit בית הכנסת היכל יהודה) o tambien konosida komo la Esnoga Rekanati (en ivrit בית הכנסת רקנטי) es una esnoga de la sivdad de Tel Aviv, unikada en la kaleja Menahem ben Saruk, enel sentro de la sivdad. La esnoga  deve el su nombre a la famiya Rekanati, una famiya djudia gréga de la sivdad de Selanik la kuala aportó el dinero para fraguar la esnoga. Por la su forma de koncha marina, la kuala arikódra a las de Salonika, tambien se le konose komo la Esnoga Koncha Marina (en ivrit, בית הכנסת קונכית, en grego θάλασσα περίβλημα συναγωγή) i por el su kolor blanko. La Esnoga fue desinyada por los arkitektos yisraelis Itshak Toledano i Aharon Russo, os suisos Paulette i Norbert Cymbalista, i fue aperturada enel anyo 1980. 

La esnoga fue aperturada enel anyo 1980: la mayoria de los fideles son djudios grégos de las komunitas de Salonika i Rodas.  La Esnoga mira asya el Nord: en la su entrada tiene basho relievos kon desinyos djudios del desinyador Yehezkel Kimhi, myentras ke los vidros koloreados de las ventanas de la esnoga kon imajenes de hagim son del desinyador Josef Shealtiel. 
 La esnoga tiene una kapachitá para 600 personas, 400 ombres i 200 mujeres.
 




#Article 453: Enriko Fermi (684 words)


Enriko Fermi fue un fisiko italiano konosido por el dezvelopamiento del primér reaktor nuklear i las sus kontribusiones al dezvelopamiento de la teoria kuantika, la fisika nuklear i la mekanika estadistika. Enel anyo 1938 Fermi resivió el Premio Nobel de Fisika por las sus pishkisas sovre radioaktividá indusida i es konsiderado uno de los sientifikos má emportantes del syéklo XX.

Se le konsidera endemas un fisiko kon grandes kapachitás en la teoria i en la praktika. El elemento Fermio, el kualo fuese produsido en forma artifisiala enel anyo 1952, fue nombrado ansina en el su onor.

Enriko Fermi nasio en Roma, Italia. El su padre, Alberto Fermi, era Inspektor Jeneral del Ministerio de Komunikasiyones, i la su madre, Ida de Gattis, era maestra en un lisé.

El su entereso por la fisika empiesó kuando el tinía 14 anyos de edad, tras leer un antiko livro eskrito en lingua latina. El su enrejistro akademiko fue ekselente, kon una gran memoria la kuala le asía resitar la Divina Komedia de Dante i de gran parte de los tekstos de Aristo. Tinía una kapachitá grande para resolver problemas de fisika teorika i para sintetisar. En la su mansevéz, Enriko aprendiafisika i matematikas, parajando los sus enteresos son el su ermano Giulio.

El su ermano Giulio murio enel anyo 1915, i este izo ke Enriko se dedikara má a estudiar fisika i maetmatika. Asigun el mismo rakontava dempues, el andava todos los diyas frente al espital ande murio Giulio asta kualo ya le izo má pena. Dempues, Enriko se izo amigo de Enriko Persiko, otro elevo kon entereso en la siensia, i endjuntos lavoraron en proyektos komo la konstruksiyon de un jiroskopo i la medisiyon del kampo magnetiko de la Tyérra. 

Fermi estudio en la Eskola Normal de la Universita de Pisa, alkansando el doktorado enel anyo 1922. Dempues fue profesor en las universitas de Florensia i Roma, endemas de un anyo en Gotinga (Almania) i unos meses en Leyden, ande izo pishkisas enel kampo de la Fisika.

Enel anyo 1927 fue nombrado profesor de la Universita de Roma, aziendo a esta sivdad uno de los sentros de pishkisa má emportantes del mundo. Enel anyo 1930, fue kunvidado a dar lisiones de enverano en la Universita de Michigan, i desde antonses pasó kada enverano ayí diktando las sus lisiones i dando konferensyas. Endemas dio klasas en las universitas de Columbia, Stanford i Chicago. 

Enel anyo 1938 resivió el Premio Nobel de Fisika por las sus demostrasiyones sovre la egzistensya de muevos elementos radiaktivos produzidos por los prosesos de radiasiyon kon nevtrones i los sus dishkovrimyentos sovre las reaksiyones nukleares kon los nevtrones lentos. Endjunto a los sus adjudantes, krió isotopos de 40 elementos, i endemas konsigio trokar atomos de uranio en neptunio, un elemento el kualo no egzistia en la natura.

Fermi bivió en Roma asta 1938. Dempues de resivir el Premio Nobel en Estokolmo, se fue a bivir a Mueva York kon la su mujer Laura i los sus ijos, déke las muevas leyes antisemitas del governo de Benito Mussolini amenasavan a la su mujer, Laura, la kuala era djudia, ansina komo ke munchos de los adjudantes de Fermi ivan pedrer los sus empiegos. Antonses Fermi empiesó a lavorar en la Universita de Columbia.

En Diziembre de 1942, Fermi dirijio la konstruksiyon de la primera pila nuklear, konsigindo ansina la priméra reaksiyon nuklear kontrolada en la Universita de Chicago. Durante la Sigunda Gerra Mondial, lavoro enel dezvelopamiento de la bomba atomika enel Lavoratoro Nasional de Los Alamos, dentro del Proyekto Manhattan. Dempues de eyo, se puso en kontro del dezvelopamiento de la Bomba de Idrojeno por razones etikas personalas. Enel anyo 1946, fue nombrado profesor de fisika i direktor del Institut de Estudios Nukleares de la Universita de Chicago.

Los fermiones, el Fermi National Accelerator Laboratory, el elemento kimiko Fermio i la Estadistika de Fermi-Dirac yevan el su nombre en su onor. El Premio Presidensial Enriko Fermi fue establesido enel anyo 1956 en arikódro de los sus logros sientifikos. El departamento de la Universita de Chicago en el kualo lavoró se yama oyen diya Instituto Enriko Fermi.




#Article 454: Dario Moreno (298 words)


Dario Moreno fue un kantadero turkano de orijin sefardi, nasido komo David Arugete, el 3 de Avril de 1921 en Aydin, Smirna,  Turkiya, i muerto el 1 de Disiembre de 1968 en Estambol. Ijo de un turkano i de una meksikana konosio un gran égzito en los payises de avla fransesa en la anyada de los 1960, aziendo roles en el sinema i kantando endemas en opereta i kansiones de ritmos latinos.

Dario Moreno empiesó desde mansevo kantando en los Bar Mitsvot de la komunita i en las esnogas de Esmirna. Shukur al égzito de la su voz, dempues del su servis en las huérsas armadas turkanas, fue kontratado para kantar en un tour mondial kon la orkesta de Mac Allen, lo kualo aze ke el vijitase Paris en 1948, ande desidio gravar el su primer disko, uno de boleros, kon Odéon. Dempues, komo kantadero de opereta endjunto a Luis Mariano, se une a la entreprisa Polydor i ayí kanta las kantikas de los antonses djovenes Charles Aznavour i Gilbert Bécaud. Dio el su primer konsierto enel anyo 1954, tras el kualo se konvirtio en un kantadero muy polular kon kantikas komo Quand elle danse (Me voy p'al pueblo), Por favor , Maria Cristina veut toujours commander (María Kristina me kere governar) en 1952, Si tu vas à Rio en 1958 o Brigitte Bardot en 1961. Endemas izo de aktor en varios filmos, en los kualos siempre izo alkun personaje eksótiko. La su kantika má konosida es Ya Mustafa.

Durante toda la su vida estuvo muy unido a la su Turkiya kerida, ande nasió i kresió, i el destino kijió kualo el muriese en un taksi en kamino al aeropuerto de Estambol de un atako al korasón. Para antonses el tinía 47 anyos. Está entyerrado en Holon, Israel.




#Article 455: Tefilat Adereh (261 words)


Tefilat Adereh o la  Orasion del Viajero (Ivrit: ), es una orasion la kuala la dizen los djudios kuando empiesan un viaje por ayre, la mar o afilú en viajes lungos en arabá, otobus o tréno.  Se melda al empesijo de kada viaje, i se dize prefreivelmente de pyé, anke este no es hová.  Munchas vezes se ankontra eskrita en hamsas, las kualas alkunas otras vezes tienen eskrita la Shema Israel o la Birkat Abait.

Yehi ratzón milfaneha A-donai E-loheinu ve-lohé avotenu she-tolihenu l'shalom v'tatz'idenu l'shalom v'tadrihenu l'shalom, v'tagi'enu limhoz heftzenu l'hayim ul-simha ul-shalom. V'tatzilenu mi-kaf kol oyev veorev v'listim v'hayot ra'ot ba-dereh, u-mi-kol miné pur'aniyot ha-mitragshot la-bó la-olam. V'tishlah b'raha b'hol ma'asé yadenu v'tit'nenu l'hen ul-hésed ul-rahamim b'eineha uv-einé hol ro'enu. V'tishmá kol tahanunenu ki E-l shome'a t'filá v'tahanun atá. Baruh ata A-donai shome'a t'filá.

Ke sea la Tu voluntad, Ashem, El Muestro Dio i El Dio de muestros ansestros, Ke mos gies azia la paz, gies los muestros pasos i mos agas arivar al muestro destino dezeyado para la vida, alegriya i la paz, Ke nos reskates de las manos de los muestros inimigos i emboskadas enel kamino, i todo tipo de kastigos kualos se azen para vinir a la tyérra. Ke mos agas yegar kon berahá a el muestro destino, i danos grasia, hesed i miserkirordia en los Tus ojos i en los ojos de todos kualos mos miran. Ke Tu oygas el sonete de la muestra umilde orasion deké Tu eres El Dio, el kualo eskucha las orasiones. Bendicho eres Tu, Ashem, el kualo eskucha las orasiones.




#Article 456: Ze'ev Djabotinsky (276 words)


Ze'ev (Vladímir) Djabotinsky (en ivrit: זאב ז'בוטינסקי, en ruso: Зеэв Влади́мир Евге́ньевич Жаботи́нский, Odessa, Rusia Emperiala, 18 de Októbre de 1880 – Mueva York, Estatos Unitos, 4 de Ogusto de 1940) fue un líder zionista, eskritor, traduktor, orador, djurnalista, militar i fondador de la Lejion Djudia durante la Priméra Gerra Mondial. Fue el prinsipal ideólogo de la tendensia zionista revisiyonista.

En toda la su vida, Djabotinsky estaba konvensido de ke un Estado Djudio era una nesechitá istorika la kuala tinía ke yegar. Por este, dedikó toda la su vida al fraguamyénto del mismo, i nunka kestionó kuanto válida era la su reposta.

Djabotinsky fue, entre endemas el primér komandante del Irgun, fondador de la Organisasiyon Zionista Revisiyonista, defensor de Yerushalayim komo la sivdad kapitala del futuro Estado djudio i endemas también fue el fondador del Movimento Djovenil Zionista Beitar, el kualo krió enel anyo 1923.

Djabotinsky deshó un legado intelektualo de miles de eskritos i dokumentos; letras, diskorsos, artikolos publikados, volantes i livros; los kualos sigen giando al zionismo revisiyonista deké la su manera de pensar estava má adelatrada a los tyempos i se ve endagora refleksada en la aktualitá del zionismo i de Israel.

Djabotinsky murio en Ogusto de de 1940 en un kampamento de la organisasiyon djovenil Beitar, el kualo se dezvelopaba en las ahuéras de la sivdad de Mueva York, en los Estatos Unitos d'Amerika.

En el su testamento pidió sólu ke fuese entyerrado en el futuro Estato djudio por orden del govierno ke egzistiera en akel paez. Enel anyo 1964, por orden del primér ministro yisraeli Levi Eshkol, los restos de Djabotinsky fueron yevados al Monte Herzl en la sivdad de Yerushalayim.

 




#Article 457: Shalom ben Yosef Shabbazi (434 words)


El haham Shalom Ben Yosef Shabbazi, también konosido komo Abba Shalem Shabbezi o Salim Elshibzi (en ivrit שלום שבזי, en arabo سالم الشبزي) fue uno de los más grandes poetas djudios que bivían en el Yemen del syéklo XV i endagora se konsidera el Poeta de Teman. Shabbazi nasio enel anyo 1619 en la maále djudia de Sharab, serka de Ta'izz, i bivió kaji toda la su vida en Ta'izz, sivdad de la kuala fue ekspulsado, endjunto kon la mayoría de los djudios temanis enel anyo 1679. Murió enel anyo 1720. El su padre, Yosef ben Abidjad bin Khalfun también fue un haham i poeta. El su diwan poétiko de adoración, enel kualo eskrivió serka de 550 poemas, fue publikado por priméra vez por el Instituto Ben-Zvi enel anyo 1977. El eskrivió en ivrit,arameo i djudeo-arabo. Otros eskritos del haham Shabbazi inkluyen un tratado de astrolojiya i un komentario kabalístiko en la Tora. Oy endia, la tumba del haham Shabbazi en Ta'izz es reverensiada por djudios i musulmanos por igual. Oy es konsiderado por los akadémikos komo el Shakespeare de Teman.

El haham Shabbazi endemas eskrivió un komentario sovre la Tora yamado Hamdot Yomim. El su liderazgo fue instrumental en adjudar a los djudios de Teman a deshar pasar alkunas de los diyas mas zor de la persekusiyon en la su istorya. Mori (los djudios de Teman no yaman a sus líderes espiritualos rabino o haham, sino Mori, palavra aramea ke signifika el mi maestro) Shabazi eskrivió un kiná o dolyo para ser meldado durante Tisha B'Av, para arikodrar la eskpulsiyon de los djudios de Teman a una rejion enel desyerto yamada Moza; durante el tyempo ke los djudios estuvieron ekspulsados ayí, se kree ke kaji el 20% de eyos murieron. El Diwan de Mori Shabazi se ha trokado en una parte espesiala de los djudios temanis i asta de la su vida kulturala. Mori Shabazi eskrivió kaji 1500 Diwan en kaji todos los temas enel djudaismo, afilú sólu unos 300 konsigiron sobrebivir la persekusión, el tyempo i la karensia de una emprenta en Teman. El eskrivió los sus Diwan (poemas / kantikas) en arabo, ivrit i arameo. Aktualmente el govyerno yisraeli esta tentando traer los restos del haham Shabbazi a Israel.

El poema del haham Shabbazi, Im Nin'alu (אם ננעלו) se konvirtio en una kantika muy famosa en Israel i la priméra kantika djudia oryentala konosida en todo el mundo, kantada por Ofra Haza. Otras kantikas, komo As'alk (أسألك), an sido kantadas por Zion Golan, Aharon Amram, Shoshana Damari i Ofra Haza. Otro konosido poema, Et Dodim Kalá, fue gravado por Zohar Argov.




#Article 458: Technion (174 words)


El Technion, o הטכניון – מכון טכנולוגי לישראל‎ en ivrit, Technion - Instituto Teknolójiko de Israel, está ubikado en Haifa (Israel) i es el prinsipal i má antiko instituto sientífiko i teknolójiko yisraeli.

Fondado enel anyo 1924, el Technion a sido desde los sus empesijos un emportante i aktivo líder en el dezvelopamiento i establesimiento de Israel. Fue instituido enfokado en siensias físikas, enjenieriya i arkitektura, ma afilú se a konvertido también en una de las amijores eskolas de Medisina a nivel mondial, tiniendo más premios Nobel en medisina ke kualker otra eskola médika del mundo.

La eskola de Enjenieriya Eléktrika, la eskola má grande del Technion, fue klasifikada entre los 10 amijores departamentos de Engenieriya Eléktrika del mundo, i las sus eskolas de Engenieriya/Teknolojiya i Siensias de la Komputasiyon fueron katalogadas entre las 40 amijores del mundo.

En 1998 el Technion lansa kon egzito el Gurwin TechSat II, un mikrosatelit, konvirtiendo al Technion en una de las sinko únikas universitas del mundo en lansar un satelit desinyado, konstruyido i lansado por eyos mismos.




#Article 459: Universita Ebrea de Yerushalayim (116 words)


La Universita Ebrea de Yerushalayim (en ivrit האוניברסיטה העברית בירושלים, A-Universita AIvrit BYirushalaim; en arabo الجامعة العبرية في القدس‎, Al-Jāmi`ah al-`Ibriyyah fil-Quds) fue la priméra universita djudia en Israel, fondada enel anyo 1925 komo una de las institusiones del Estado Djudio «en proseso de kriasion».

La universita es rikonosida en todo el mundo; en las sus kamaretas de klasa, estudiaron o ensinyaron no menos de sinko Premios Nobel:

Endemas, la Universita es la eredera únika i propietaria del legado de Albert Einstein, i konserva en los sus arkivos todos los sus dokumentos manuskritos.

Para el anyo 2003, la Universita Ebrea kontaba kon 22.600 elevos, i para esta data ya tinía má de 90.000 títolos universitarios entregados.




#Article 460: Theodor Herzl (1297 words)


Theodor Herzl (en ivrit בנימין זאב הרצל, Binyamin Ze'ev Herzl; en ungario Herzl Tivadar), (Budapest, 2 de Mayo de 1860 - Edlach, 3 de Djulio de 1904), fue un djurnalista i eskritor ostro-ungario, fondador del zionismo polítiko moderno.

Herzl nasió en 1860 enel Reyno de Madjaristan, en el kondado de Pest (oy endia, la parte oryentala de la sivdad de Budapest, la kuala antonses era dos sivdades separadas), endjunto a la Gran Esnoga de Budapest. Nasido en el seno de una famiya djudia sefardi almanófona orijinala de la sivdad de Zemun, ubikada en la Frontiera Militara (aktual Serbia), representativa de la burgesiya djudia emerjente enel Imperio Ostro-Ungario. Kresió en un ambiente konfortavel, liberalo i sekular.

Estudió en una eskola djudia asta los diez anyos, kuando fue enviado a una eskola sekulara, la kuala tinió ke deshar deké el antisemitizmo ke egzistia en la misma. De esta forma, fue enrejistrado en una eskola evanjélika, en la kuala no tuvo problemas con el antisemitizmo, pues la mayoría de los elevos eran djudios. Dempues de la muerte de la su ermanika Paulina en 1878, la su famiya se mudó a Viena, antonses kapitala del Imperio Ostro-Ungario, ande estudió i obtuvo un doktorado de Dirito de la Universita de Viena enel anyo 1884. Lavoró en esta profesión por un chiko tyempo en Viena i en Salzburgo, ma dempués de un anyo se dedikó kaji eksklusivamente a la literatura, al teatro i al djurnalismo.

Durante la su mansevés, pertenesió a una asosiasiyon yamada Burschenschaft, la kuala bushkava la unifikasiyon almana, basho el lema Ehre, Freiheit, Vaterland (Onor, Libbertá, Patria) i los sus primeros eskritos no se estavan relasionados kon la vida djudia. Herzl era un djudio asimilado. Los sus eskritos eran sobre tódu novelas por entregas, deskriptivas i no polítikas.

El su primer empiego era lavorando para las Kortes de Viena i Salzburgo, anke él aspiraba a ser un djuzgo, má la su kondision de djudio no lo azía posivel. Enel anyo 1891, se dedikó por kompleto al djurnalismo: empiesó a ser el korresponsal en Paris del enfluyente periódiko libberalo de Viena, Neue Freie Presse, un emportante djurnal de referensia enel Imperio Ostro-Ungario, konosido komola voz libberala Ostríaka.

En Paris estudio i analisó la kresyente atmosfera antisemita en Fransia, i empiesó a sentirse emosionalmente relasionado kon el «problema djudio», al kualo no avía prestado atension ántes. Al empesijo el tinía la idea de la asimilasiyon, ma el Kavzo Dreyfus (1894) fue para Herzl un ponto de troko asya el nasionalizmo ya ke, en las sus propias palavras, ver el proseso Dreyfus en priméra persona i el odio antisemita jenerado por este kavzo fue lo kualo trokó a Herzl en un zionista.

Herzl, ya kualo era korresponsal del Neue Freie Presse, fue uno de los pokos djurnalistaas a los kualos se permitió estar en el akto de degradasiyon de Dreyfus. Dos semanas antes el avía estado en la kamareta de la Korte i eskuchó el anunsio del veredikto, el kualo azía kulpavel al kapitán Dreyfus. Dreyfus fue yevado a traverso del kortijo, gritando la su inosensia. La djente eskuchava los sus gritos i empiesaron a kantar. Al salir de la frágua de las Kortes, Herzl vio las manifestasiones en Paris dempues del djuzgo al kapitán Dreyfus en el kualo muncha djente gritava ¡Muerte a Dreyfus! ¡Muerte a los djudios!. 

Esto izo ke Herzl trokara la su aktitud. Empiesó a deshar de lado las sus priméras ideas sovre la emansipasiyon djudia i la asimilasiyon para kreer que el Pueblo Djudio devia irse de Evropa i kriar el su própio paez.
 
En Djunio del anyo 1895, eskrivió en el su diario: 

La su mueva visión zionista fue apresentada en el su livro yamado Der Judenstaat: Versuch einer modernen Lösung der Judenfrage («El Estado djudio: ensayo de una solusiyon modérna de la kestyón djudia»), el kualo se puvlikó en Fevrero de 1896, ande propuso ke la solusiyon al «problema djudio» es la kriasiyon de un Estado djudio endependiente i soverano para todos los djudios del mundo, ke esto sea un asunto de polítika internasionala i ke devía ser asumido komo tal. El teksto, má un manifiesto ke un eskrito doktrinal, propuso un plano polítiko i práktico ke ofresiya una vision modérna e ilusionante para el nasyente nasyonalismo djudio, el kualo kiría kriar un payis modérno para el Pueblo djudio.

En el empesijo de la su aktividad, kuando entendió la nesechitá de un estado djudio, tentó sin egzito en kaptar la atensiyon de los djudios má rikos i enfluyentes komo el Baron Hirsch i el Baron Rothschild. Al empesijo el teksto no fue muy bien resivido, en los grupos djudios libberalos i asimilasiyonistas de Evropa Sentrala i Evropa Oksidentala,. Ni fue de agrado en las esnoga, ande se le tomó por un inimigo de las ensinyansas relijiozas. Ma afilú las sus ideas fueron muy bien resividas por las masas, las kualas lo konsideravan un modérno Moshe Rabenu.

En Der Judenstaat eskrivió: 

Kuando en Avril de 1896 fue publikada la traduksiyon al inglez de Der Judenstaat, Herzl pasó a ser el vozero prinsipalo del zionismo. Herzl empiesó antonses en una kampanya diplomátika para ganar apóyo para la kavza zionista en el mundo.

Vijitó Estambol en Avril de 1896, tentando de konsigir del Sultán de la Turkiya una parte de la provensiya de la Siria Otomana, para krear un Estado Djudio a troko de apóyo finansiero. Fue resivido en Sofia, Bulgaria, por un grupo djudia. En Londra, lo resivieron fríamente, ma se le konsedió el mandato de liderazgo de los zionistas de Londra. A los sesh meses de este mandato fue aprobado en toda la komunidad djudia zionista, i Herzl viajó por toda Evropa para yamar la atensiyon sovre la su kavza. Los sus partidarios, al empesijo eran pokos, má lavoravan diya i noche inspirados por el egzempio de Herzl. 

Aperturó un buró en Viena, desde ande organisó la su aktividad entre la komunita djudia, la kuala empiesó a ver a Herzl komo un lider modérno el kualo iva poder giar el nasionalismo djudio.

Enel anyo 1897, aperturó en Viena Die Welt («El Mundo»), el primer periódiko zionista ofisial. Este mismo anyo organisó el Primer Kongreso Zionista en Basilea, Suisa. Ayí fue elejido presidente i en 1898 empiesó otras aksiyones diplomátikas destinadas a konsiguir apoyo para un paez djudio. Fue resivido por el kaiser almán en varias okasiyones, fue muevamente resivido en audiensia por el sultán ottomano en Yerushalayim i asistió a la Konferensa de Paz de 1899 en La Aya, disfrutando de un kálido resivimyénto por munchos otros estadistas.

En 1902-03 Herzl fue kunvidado a testifikar ante la Real Komisiyon Britanika sovre la inmigrasiyon ekstranjera. El asunto lo puso en kontakto con los myembros del govyerno britániko, en partikular, kon Joseph Chamberlain, antonses Sekretario de Estado para las Kolonias, por medio del kualo negosió con el govyerno Ejipsio para estableser los estatutos de la solusiyon de los djudios en Al 'Arish, en la Peninsola de Sinai. 

Enel anyo 1902 publikó el su livro Altneuland (La Vieja Mueva Tyerra) ande presentaría al futuro Estado djudio komo una utopia de nasion modérna, demokrátika i próspera.

Herzl murió en Edlach, Basha Ostria en 1904 por ensufisiensya del korasón kuando tinía 44 años. La su voluntad demandava kualo devía tener un entyerro simple, sin diskorsos o flores i endemas pidió, Kiero ser entyerrado en el panteón endjunto al mi padre, i deskansar ayí asta ke el Pueblo Djudio me yeve a Eretz Yisrael. Enel anyo 1949 los sus restos fueron yevados desde Viena asta Har Herzl en Yerushalayim.

Herzl es el prinsipal símbolo del zionismo i el padre del modérno Estado de Israel. La su imajen está presente en los burós ofisiales yisraelis i la su memoria se mantiene en sivdades, eskolas i kalejas (kaji kada siudad yisraeli tiene una kaleja Herzl).




#Article 461: Tramvay (277 words)


Un tramvay o tréno lijero es un tréno chiko, kon menos karosas (entre tres i sesh) i muncho menos pishín, el kualo esta desinyado para transportar djente en las kalejas de la sivdad, las kualas tienen una via espesiala ke esta konstruyida dentro de la misma kaleja. Se presisa ke preste servis kon menos prestor ke un tréno, deké viaja por las kalejas del mismo modo ke un otobus, las arabás i el resto del trafik de una sivdad.

En las sivdades de Evropa Oksidentala, Oryentala i la Antika Union Sovyetika, es komun ver el tramvay komo midio de transporto, i ainda estan aparesiendo má sivdades Evopeas kon tramvay. En los Estatos Unitos i Kanada no es tan konosido deké la kultura de estos paezes esta oryentada al uzo de la arabá, ulai deké el presio de la benzin es má barato. Ma afilú en alkunas sivdades de los Estatos Unitos se esta empiesando a uzar, konosiendo ya la su emportansia en kuanto al enchikesimyénto de la kontaminasion del ayre en las grandes sivdades. El tramvay fonksiona kon enerjiya elektrika i por este no produze umo komo el otobus, las motosikletas, la arabá o kualker otro midio de transporto kon motor de benzin o diesel (kombustion enterna). Anke en los sus empesijos, el tramvay se uzaba kon kabayos.

Jeneralmente el tramvay se uza komo un otobus, kon paradas espesialas en la kaleja, anke a vezes uza las mismas paradas del otobus. Endemas es komun ver ke el tramvay uze una via separada dentro de la misma kaleja, la kuala separa al tramvay del kusúr del trafik. Este aze ke el tramvay pueda viajar un poko má pishín.




#Article 462: Sami Levi (182 words)


Sami Levi es un kantadero i musiko sefardi de la Turkiya, konosido por la su partisipasion enel grup Sefarad.

Sami nasio el 13 de Avril de 1981 en Estambol i akabó el kolej enel anyo 1998, en la eskola  Göztepe Lisesi de esta misma sivdad. Ya en la su chikés, kuando estava enel djardino de ninyos, empiesó a tener kontakto kon la musika i amostrar el su entereso por eya. 

Sami empiesó a aprender kantikas en djudeoespanyol kon la su bavá, desde chiko. Es komun en las famiyas sefardis de la Turkiya ke los mayores avlen sólu djudeoespanyol entre eyos, i la bavá de Sami avlava a el en este lashon. En la su famiya, Sami konosió las kantikas tradisionalas de la komunita sefardi.

Enel anyo 1996, konose a Cem Stamati, i antonses endjunto a Ceki Benşuşe  dempues desiden kriar el grup musikal Sefarad, enel kualo Sami es el kantadero lider. Resyentemente empiesó la su karriera komo kantadero en solo, en la kuala tiene dos diskos, uno un maksi-single, Hade Hade Duke Duke i un album kompleto, Disco Kolbastı ve Balkan Havaları




#Article 463: Arroz (146 words)


El arroz es la semiya de la Oryza sativa. Se trata de un sereal konsiderado komo alimento básiko en munchas kulturas (en espesial la kuzina asyátika), ansina komo endemas en alkunas rejiones de Amerika Latina. La su semiya es la del sigundo sereal má produzido del mundo, dempues de el maíz. Komo el maíz es produsido para otros munchos uzos ke sólu el del konsumo umano, se puede dizir ke el arroz es el sereal má emportante para la alimentasiyon umana, i ke kontribuye a aportar kalorias en la dieta kotidiana. El arroz es responsavle del aporte de kalorias d'una sinkena parte de las kalorias konsumidas enel mundo. Desde el anyo 2008 se aze un rasyonamiento en alkunos payizes deke no ay muncho arroz disponivel. En payizes komo Bangladesh i Kambodja puede yegar a ser kaji las tres katras partes de la alimentasion de la povlasiyon.




#Article 464: Kézo (105 words)


El kézo o pendir es un alimento kriado kon leche fermentada de vaka, kavra, kodrera, bufala, gamea u otros mamíferos rumiantes. Es la konserva ideala, deke no es kolay de estropearse kon el tyempo, i endemas al sekarse, las sus kualidás amijoran en relasion kon el su peso. La leche es kuajada uzando una mistura de kuajo (o algún sustituto) i asidifikasiyon. Las bakterias se enkargan de yenar la leche de asidos, djugando endemas un emportante papel en la definisiyon de la tekstura i el savor de la mayoría de los kézos. Alkunos kézos tambien tienen mofos, tanto en la parte de ahuéra, komo internamente.




#Article 465: Alsafran (188 words)


El alsafrán es una espesia sacada de los estigmas sekos de la flor de Crocus sativus, una espesie del jénero Crocus dientro de la famiya Iridaceae.
 
El alsafrán se konose por su savor amargo i el su golor; estos aparesen de los sus komponentes kimikos picrocrocin i safranal. Endemas kontiene un tinte de tipo karotenoide yamado krosin, el kualo da a la kumida un color amariyo durado. Esto aze del alsafrán un komponente apresiado en munchos platos en todo el mundo. En Espanya se empiega komo komponente esensial de la paeya, i para kozer arroses, karnes i pishkados. El alsafrán tiene endemas uzo en la medisina. El alsafrán tiene un presio grande deke no es kolay tenerlo, presisa muncho kudio i eshuérso. Por el su alto valor ekonómiko se le yama oro kolorado, el kualo a tinido munchas imitasiones.

El alsafrán está konformado por los estigmas ke pueden estar unitos o no al estil de la flor del Crocus sativus Lin. Es una espesia la kuala a tinido i tiene un merkato mondial liderisado por Espanya, no sólu a nivel de produksiyon sino endemas a nivel de eksportasiyon.




#Article 466: Kuzina (210 words)


La Kuzina (del latin coquere, kuzinar) es la forma kriativa de preparar los alimentos i depende muncho de la kultura, deke los konosimyentos de los alimentos son diferentes, ansina komo endemas de la su forma de aparejarlos, ansina komo de los rituales sosyalos establesidos alderedor de la kumida. No se deve konfonder kon la gastronomiya, la kuala yevaría a la kuzina a un kampo má jeneral dedikado a todo lo relasionado con la kuzina.

Egziste un arte kulinario diferente en cada puevlo, kultura i rejión. Oy endiya, shukúr a la globalisasiyon, con la komunikasion de milyones de personas i la enfluensia de los midios de komunikasion, ansina komo del komersio, esto aze ke egzista un mayor konosimyénto i entereso por la kuzina de otros paezes i kulturas, endemas de un amijos akseso a las rus rechetas i alimentos para eyas. Afilu, la mayoria de estas rechetas i las sus variasiyones tienen los sus orijines en las kuzinas tradisionalas dezvelopadas durante muncho tyempo, kon rituales de aparejamyénto los kualos se yevan de una jenerasion a otra.

La kuzina tradisionala es un arte fondamentalmente sosyala, kon valores lokales i tradisionales, má la sosyeté modérna aze endagora má kolay el su aparejamyénto, anke la su materia prima se sembre a miles de kilometros. 




#Article 467: Rakí (578 words)


Rakı (o Rakí) es un likor turkano echo kon ainito. En turkano, raki se eskrive komo Rakı, pero en otros payises se le konose komo (raki). Es paresido a varias bebivas alkólicas ke se pueden ankontrar en los payises de la beira de la Mar Mediterraneo i las rejiones de los Balkanes komo: pastis, sambuka, arak, ouzo, tsikoudia i tsipouro. El rakí se apareja por lo jeneral kon sumo de frutas, espesialmente el de igos.

En la kuzina de la Turkiya, esta bevida es konsiderada el likor nasyonal endjunto al meze; jeneralmente se toma misturado kon una parte iguala de agua. Kuando se adjusta el agua, la meskla se troka en blanka, razon por la kuala se le yama tambien  Aslan Sütü, ke signifika en turkano la leche del lyon. 

Endemás del rakı ke se meskla kon agua en la su propia kupa, se toma rakı kon alkuna bebida en otra kupa. Para el bevedor okasional del rakı, una kupa de agua friya es amijor. Para el kualo ke dezeya tomar rakı kon un plato de kebab, una kupa de salgam está konsiderada komo una amijor kompanyia ke la leche del lyon.

En el Emperio Ottomano, asta el Syéklo XIX, los meyhanes (restorantes tradisionales turkanos) dirijidos por turkanos i albanezos  se dedikaban prinsipalmente a servir vino, endjunto kon Meze, deke a las restriksiyones relijiosas empuestas por alkunos sultanes. Anke munchos musulmanos ivan a los meyhanes, las avtoridades de la sharia a veses, emponían aksiones penalas. Durante la époka Tanzimat (1839-1876), la asistensia a los meyhane entre los musulmanos kresió muncho, y el rakı se konvirtió en un favorito entre los asistentes a los meyhane. A fines de syéklo, el rakı tomó la su forma estándar aktuala i el su konsumo se izo má grande ke el vino.

Antonses, el rakı era produsido por la distilasiyon del shibre de las uvas ke se tinía kuano se azía vino. Ma kuando la kantidad de shibre no abastava, las bevidas alkólikas importadas de Evropa se fueron agregando. Si al aparejar el rakí no se agregó ainíto, antonses iva tomar el nombre de Duz Rakı (Raki), mientes ke el Rakı aparejado kon sharope de goma fue yamado Sakiz Rakısı (Raki de goma) o Mastika, espesialmente si se iva produsir en la adá de Bozcaada.

Al akabar el Emperio Ottomano i la kriasiyon de la modérna Repúvlika de Turkiya, el Rakı de uva empiesó a ser destilado por la entreprisa estatal de monopolio de los alkoles Tekel (literalmente signifika una sola mano o Monopolio), kon la priméra fábrica aperturada enel anyo 1944 en Izmir. Con el aumento de la produksiyon de asukar de kuchundúrya, Tekel también empiesó a destilar el alkól de melaza, i una mueva marka de rakı hecho a baza de asukar-alkol de kuchundúrya se apresentó basho el nombre de Yeni Rakı (literalmente, Muevo Rakı). La melaza dio a este rakı muevo un savor amargo diferente i ayudó a aumentar la popularidá de la bevida.

Oy endiya, kon la kompetensia de las entreprisas privadas i la privatizasiyon de Tekel enel anyo 2004, varias muevas markas i tipos de Rakı han aparesido, kada una kon la su propia i distinta komposisiyon i sistem de produksiyon, afilú las kualidás jeneralas de la bevida sigen sin trokos. Estos inkluyen a Efe Rakı, Cilingir Rakı, Mercan Rakı, Fasil Rakı, Burgaz Rakı, Ata Rakı i Anadolu Rakı. Sarı Zeybek Rakısı, otra marka resyente, es aedado en barrikas de rovle, ke le da un kolor durado distintivo.




#Article 468: Samir Nakash (259 words)


Samir Nakash (en ivrit סמיר נקאש; en arabo سمير النقاش) fue un novelista djudio irakí, kuentista i avtor de piesas de teatro nasido en Bagdad enel anyo 1938 i muerto en Petah Tikva el 6 de Djulio de 2004. Estudió literatura araba en la Universita Ebrea de Yerushalayim i fue uno de los últimos i probavlemente, el eskritor djudio má emportante en sigir eskriviendo en arabo durante toda la su karriera. Era muy konosido enel  mundo arabo i entre la komunita irakí en Israel ma afilú sólu una de las sus obras fue tradusida al ivrit. El ganador del Premio Nobel de Literatura, el novelista ayifsio Naguib Mahfouz tinía un grande respekto por la su eskritura. Samir Nakash ganó el Premio del Primer Ministro yisraelí para la literatura araba.

Samir Nakash a menudo se yamaba a sí mismo un arabo ke kree enel djudaismo. Enel dokumental Ulvídense de Bagdad (2002), dijo ke él no kiría ir a Yisrael, má el fue tomado kon las sus manos enmanchetadas por la Sohnut. Nunka se sintió a Yisrael komo el su paez, i sigió publikando i eskriviendo en arabo. Resivió kritikas deke nunka kijo trokar el su primer nombre, el kualo tiene sonete de nombre arabo, ma nunka achetó trokarlo. En este dokumental, Shimon Ballas, Sami Michael i Ella Shohat también avlan de las sus raises i la su erensia araba. Dempués de la su muerte, los djudios irakís deklararon el su dezeyo de ser entierrado en Irak, lo kualo aze entender ke el dedikó mayor dedikasion a Irak ke kualker ekstranjero.




#Article 469: Minaré (241 words)


El minaré o alminar es el nombre kon el kualo se konosen las kulás de las mishkitas. Ambos nombres proseden del arabo منار, minār o manār, el priméro del fransez minaret, tomado del turkano, minare, el kualo a la su vez lo toma del arabo i el sigondo direktamente kon adisión del artíkolo arabo al-. La palavra araba minar signifika «fener», deke en syéklos pasados era uzual kolokar luzes en los minarés para oryentar a los viajeros asia la sivdad. En arabo la palavra ke se uza má propiamente es مئذنة mi'dhana, es dizir, lugar desde ande se aze el adhan o yamada a meldar.

El su prinsipal buto es azer ke la mayor kantidá de djente pueda oyir kada una de las sinko yamadas a meldar. Para esto tiene uzualmente en la su parte má elevada, un balkon desde el kualo el muezin o almuédano azía tradisionalmente la yamada a meldar uzando la su voz. Oy endiya, se uza un megáfono.

La forma de los minarés troka asigún las rejiones. En el Maghreb, las mishkitas suelen tener sólo uno, de baza kadrada; el egzempio má ermozo es el antiko minaré de la Gran Mishkita de Kairuan en Tunesia. En el Oryente son má komunes las mishkitas kon dos o katro minarés, jeneralmente, i kon forma diferente. En las rejiones de enfluensia ottomana los minarés de baza sirkulara, kon un balkon saliente i techo en forma de kono son má komunes.




#Article 470: Buchukes (biolojiya) (207 words)


Se yama buchukes, en medisina umana i de animales, a los akeyos ke nasen endjuntos, en akeyas espesies en las kualas en la prenyada no egziste uzualmente má ke un solo ser, komo akontese en los umanos i en kaji todas las espesies de ganado. Este termo no se uza para akeyas espesies en las kualas es normal meter al mundo varios ijos a la su vez, komo perros i gatos.

Los buchukes umanos komparten el utero en la misma prenyada, ya ke uzualmente son konsevidos a la vez i endemas nasen kaji al mismo tyempo. Kuando un feto se dezvelopa sólu en la matriz, kualo es el kavzo normal, se dize ke es una prenyada simple. Komo el tamanyo de la matriz de la madre esta limitado, las prenyadas multiples tienen menos shansas de akabar kon egzito, i munchas vezes los ijos nasen en la espesie umana alderedor de la semana 37, tres semanas antes de lo normal. Jeneralmente son del mismo djenero, i kaji siempre son identikos o muy paresidos enel eksterior, ansina komo jenétikamente. Komo el nasimyento prematuro puede traer problemos a los bebes, los nasimyentos de buchukes son jeneralmente tratados kon má kudiados kuando kalen ser metidos al mundo ke un nasimyento uniko.




#Article 471: Ella Shohat (120 words)


Ella Habiba Shohat (en ivrit אלה חביבה שוחט) es una eskritora yisraeli, aktivista, oradora i profesora de Estudios Kulturalos i Estudios de la Mujer en la Universita de la Sivdad de Mueva York. Eya es de orijin iraki. Ella Shohat nasió enel anyo 1959 en Israel en una famiya Bagdadi. En la su mansevés, eya era una aktivista en los movimentos mizrahis de siédra. Oy endiya eya bive en Mueva York. En la su karriera se kontan livros ke an resivido premios i ensayos los kuales an sido inkluidos en antolojiyas. Los sus eskritos estan traduzidos del inglez a las linguas fransesa, kastilyana,  araba, portugeza, ivrit, turkana i almana, enspirando a las muevas jenerasiyones de akademikos, artistas i atktivistas politikos.




#Article 472: Sami Michael (542 words)


Sami Michael (en ivrit סמי מיכאל) es un eskritor yisraeli i el presidente de la Asosiasion para los Diritos Siviles en Israel. 

Michael nasio enel anyo 1926 komo Sallah Menasse en Bagdad, Irak. Bivió la su chikés en una maále miksta, kon vizinos djudios, musulmanos i kristyanos en Bagdad, ande su padre era un merkader. Kuando tinía 15 anyos se unió a la Partito Komunista, antonses klandestino, en Irak. Ya a los 17 anyos empiesó a eskrivir para djurnales komunistas klandestinos. Kuando tinía 21, la polisiya emitió una orden para la kaptura; antonses eskapó a Iran, ande sigió kon las sus aktividás komunistas. Enel anyo 1949, Michael izo la su aliya i se establesió kon la su famiya en Haifa. Ayí lavoró komo empiegado de la entreprisa nasionala de aguas por kaji 25 anyos, a la vez ke eskrivía artikolos en los djurnales yisraelis de lingua araba. Enel anyo 1974, publikó la su priméra novela, שווים ושווים יותר, en ivrit Igual i mas igual.

El su estil es limpyo, direkto i sin simbolojiya, ma afilú kon una ekpresividá espesiala. Kada una de las sus istoryas esta yena de de autentidá i la partisipasion personala del avtor.

En alkunos de los sus livros, Michael se baza en la emosion de las sus propias eksperiensas de formasion. Ha Sufa Ben-D'kalim (ke signifika Furtúna entre las pálmas) es un livro para lektores djovenes sobre la vida de un mansevo djudio en las kalejas de Bagdad. Es un mundo de majia i perikolo, de shakas, pleytos, el amor triste, i el azer frente a los mansevos ke keren pelear i ofender. Michael deskrive la su própia mansevés de manera paresida a la de Nuri, el eroe. Yo no era un ninyo djudio típiko. Me atreví, fui a la kaleja, me fui en aventuras ke no eran uzualas para un ninyo djudio de la máale.Pahonim ve-Halomot  (Kazas de pálma y esuenyos) kuenta la vida i la poveresa de los mansevos i adultos en un kampamento temporal durante los primeros anyos de la mediná. Las semiyas de la violensia kresen i jeneral una gerra entre el bien i el mal, mientes ke nasen los esuenyos de felisidad.

Otros libros eksploran los konfliktos entre los distintos bandos politkos en Israel, de un modo paresido a loskonfliktos politkos enel propio Michael. Es komo si, a vezes, siento ke só dos personas. Uno de eyos es un árabo irakí, el otro un djudio de Israel. Hasut (ke signifika Refujio) es una novela de una pareja de djudios komunistas ke dan refujio en la su kaza a un aktivista del partito árabo durante la Gerra de Yom Kippur. Hatsotsra ba-Wadi  (Trumpeta enel Wadi) es una novela sentrada alderedor de la istorya de amor entre una djoven áraba yisraeli i un ole hadash de Rusia en la máale de Wadi Nisnas de la sivdad de Haifa.

Michael estudio en la Universita de Haifa psikolojiya i literatura araba. Resivió un Doktorado Honoris Causa de la Universita Ebrea de Yerushalayim. Enel anyo 1982 resivió el premio del Primer Ministro de Israel para eskritores en ivrit. Enel anyo 1992, en Berlin, resivió un yamado de la Junta Internasionala para el Livro Djovenil (IBBY). Enel anyo 2007, resivió el Premio EMET de Arte, Sensia i Kultura .




#Article 473: Ofek (115 words)


Ofek, tambien transliterado komo Offek u Ofeq (en ivrit אופק, Orisont) es el nombre d'una serie de satelits de rekonosimyénto yisraelis. Todos los Ofek son lansados uzando la roketa lansadora Shavit desde la Baza Aerea de Palmahim en Israel, ubikada en la beira de la Mar Mediterraneo. Estos satelits de orbita basha kompletan una volta a la Tierra kada 90 minutos. Estos satelits izieron de Israel la muevena nasyon, dempues de la Union Sovyetika (aktualmente Rusia), Estatos Unitos, Fransia, el Reyno Unito, Italia, Kina, Japon i la India, en tener kapachitá propia de lansamiento de satelits al espasio eksterior. Tanto los satelits komo las roketas lansadoras son desinyados i fabrikados por Israel Aerospace Industries (IAI).




#Article 474: Shavit (202 words)


Shavit (en ivrit שביט, kometa) es una roketa lansadora produsida por Israel para lansar satelits artifisiales chikos a una orbita basha. El su primér lansamyento fue el 19 de Sietembre de 1988 , kon un satelilt Ofek a bordo, aziendo de Israel el mueveno paez, dempues de la Union Sovyetika (aktualmente Rusia), Estatos Unitos, Fransia, el Reyno Unito, Italia, Kina, Singapore, Japon i la India, en tener kapachitá propia de lansamiento de satelits al espasio eksterior. La roketa lansadora Shavit fue desinyada i fabrikada por Israel Aerospace Industries (IAI).

Las roketas Shavit son lansadas desde la Baza Aerea de Palmahim por la Ajensia Espasiala Yisraeli kon una orbita retrograda para impedir ke kaygan kusures de la roketa en rejiones povladas i endemas para no vuelar sovre payizes inimigos ubikados al Oryente del paez; este aze ke los lansamientos siempre tengan una menor kapachitá ke si el lanzamiento se aziese oryentado asia el Este. La roketa lansadora tiene tres etapas, empulsadas por motores de kombustivle sólido, kon una opsion para estableser una katrena etapa kon kombustivle likido, fabrikada por IAI.

Shavit esta bazada en el misil de alkanse intermidio Jericho II i fue insiialmente dezvelopado endjuntamente kon la roketa lansadera sud afrikana RSA-3.




#Article 475: Asya Oryentala (101 words)


Asya Oryentala es una rejión de Asya la kuala puede ser definida jeográfikamente o en termos kulturales. En jeografiya polítika abarka un área de 6.640.000 km², o kaji un 15% del kontinente. 

Má de 1.500 milyones de personas, un 38% de Asya i el 22% mondial, biven en Asya Oryentala, lo ke ekivale al doble de Evropa, anke son menos ke en Asya del Sud. Asya Oryentala es una de las rejiones más densamente povladas, la su densidad de povlasion es el triple ke la midia mondial.

Los sigientes payises (estatos i territorios) estan agrupados en lo konosido komo Asya Oryentala:




#Article 476: Universita de Haifa (109 words)


La Universita de Haifa (en ivrit אוניברסיטת חיפה) es, endjunto al Technion la sigunda universita de la sivdad de Haifa, ubikada en el Nord de Israel. 

La universita fue fondada enel anyo 1963 en la sivdad de Haifa. Tiene aktualmente unos 13.000 elevos. La universita se topa en la parte sud de la sivdad, sovre el monte Karmel i kon esto en el punto más alto de la sivdad. La kulá de trenta pisos Eshkol-Tower, desinyada i fraguáda por el arkitekto Oscar Niemeyer, es visivle desde munchos puntos del nord del payis.

Durante la Gerra del Libanon de 2006, la universita i el Technion desharon de lavorar esos diyas. 




#Article 477: Oscar Niemeyer (602 words)


Oscar Ribeiro de Almeida Niemeyer Soares Filho (Rio de Janeiro, Brasil, 15 de Disiembre de 1907 - Rio de Janeiro, Brasil, 5 de Disiembre de 2012) fue un arkitekto de Brasil. Sigidor i gran promotor de las ideas de Le Corbusier, es konsiderado uno de los arkitektos má enfluyentes de la arkitektura modérna internasionala. Fue uno de los priméros en la eksplorasiyon de las posivilidás de uzo para fraguamyéntos del ormigon armado i sobre todu, konosido mondialmente por el su desinyo de la mueva sivdad kapitala de Brasil, Brasilia.

Enel anyo 1956, el urbanista Lúcio Costa es elejito ganado del konkorso de prodjektos para desinyar la mueva sivdad kapitala, Brasilia, i por kunvidasion del presidente Juscelino Kubitschek, Oscar Niemeyer empiesa a lavorar en este prodjekto, enkargado de las fráguas i Lúcio Costa del plano de la sivdad i del su desinyo urbano. En pokos meses, Niemeyer desinya diezenas de fráguas residensialas, komersialas i administrativas, entre eyos la residensia del Presidente (Palácio da Alvorada); el Kongreso Nasional (la Kamara de los Diputados i el Senado Federal); la Katedrala de Brasilia; el Palasio de Itamaraty, sede de la kanzleriya; la sede de las Kortes Supremas Federalas; las fráguas de los ministerios, i la sede del govierno, el Palasio del Planalto. La katedrala es konsiderada espesialmente ermoza, kon munchos simbolismos modérnos. La sivdad de Brasilia fue desinyada, konstruyida i aperturada durante el tyempo de un govyerno presidensial, katro anyos. La mueva kapitala fue ofisialmente aperturada el 21 de Avril de 1960. 

En 1962, Niemeyer resivió el enkargo de organisar la Eskola de Arkitektura en la resyén kriada Universida de Brasilia (UnB). En 1963 es nombrado myémbro onorario del Instituto Amerikano de Akitektos de los Estatos Unitos, i enel mismo anyo gana el premio sovyétiko de paz, el Premio Lenin de la Paz.

Enel anyo 1964 vijita Israel i al ritornar ankontra un Brasil kompletamente diferente. En Marso es presidente João Goulart, el kualo tomó poder dempués de la renunsia del presidente elekto, Jânio Quadros, el kualo fue kitado del poder por las huérsas armadas.

En la anyada de los '70, se muda a Evropa i apertura un buro ayí, en Paris. En Arjelia desinya la Universida de Konstantina i en 1970, la mishkita de Arjel. En Fransia kria la sede del Partito Komunista Fransez, el Place du Colonel Fabien, i en Italia la sede de la Editora Mondadori. En Portugal desinya el Otél Pestana Casino Park, en la sivdad de Funchal. Tambien desinya la Mishkita Estatala de Penang en George Town, la kapitala del estato de Penang (Malasia). Enel anyo 1987 resivió el Premio Pritzker de Arkitektura, konsiderado el mayor premio en esta sensia. 

Niemeyer yegó a los 100 anyos en 2007, ainda aktivo, lavorando en eskulturas i adjustos de alkunas de las sus obras antikas, las kualas están defendidas komo patrimonio nasional o internasional, i por tanto, sólu pueden ser modifikadas kon lisensia de Niemeyer. Kon motivo del su sentenario, Vladímir Putin, en nombre del govyerno ruso, le dio a Niemeyer la medalya de la Orden de la Amistad. Enel anyo 2008, presentó el prodjekto Puerto de la Música, el kualo se va fraguar en Rosario (Arjentina) en el Parko Urquiza, serkano al Monumento a la Bandeira.

El 10 de Jenero de 2009 i kon 101 anyos de edad, Oscar Niemeyer, apresentó un muevo prodjekto, la Plasa de la Soberaniya, la kuala va ser fraguáda en la Esplanada de los Ministerios, en Brasilia. Esta plaza se kree va ser aperturada en Avril de 2010, va kontar kon un Memorial de los Presidentes de Brasil, i un monumento en onor al sinkentenario de la kapitala.




#Article 478: Ut (197 words)


El Ut (farsi: بربط barbat; árabo: عود ʿūd; somalí: cuud o kaban; asirio:ܥܘܕ ūd; turkano: ud o ut; grégo: ούτι; azeri: ud; ivrit עוד ud; armenio: ուդ) es un instrumento de kuédra el kualo dio orijin a el laúd evropeo. Tiene forma de pera, una kaja de resonansia má grande ke los evropeos, un mástil má chiko i sin trastes.  Se uza en la musika del Medio Oryente, del Maghreb i de Afrika Oryentala.

La palavra Ut esta derivada del biervo árabo العود (al-ʿūd, literalmente la madeira) afilu investigasiones resyentes echas por Eckhard Neubauer paresen deskuvrír ke ʿūd es una versiyon arabisada del biervo farsi rud, ke sinyifika kuédra o instrumento de kuédras. Gianfranco Lotti opina ke la denominasiyon madeira orijinalmente implikó relasiones despektivas, déke la músika enstrumentala se tinía defendida en el antiko Islam. Los evropeos deskuvrieron el Ud durante las Krusadas i lo yevaron a Evropa. El nombre de este instrumento (ke en las linguas evropeas tiene el artíkolo al- árabo) es luth en fransez, laute en almán, liuto en italiano, luit en olandez i laúd en kastilyano. La palavra luthier, la kuala signifika favrikante de enstrumentos de kuédra, deriva también del biervo fransez luth.




#Article 479: Emmanuelle Chriqui (505 words)


Anne Sophie Emmanuelle Chriqui es una aktrisa kanadiense, la kuala aktua tanto en filmos komo en televizyón. El su rol en la serie Entourage de la HBO komo Sloan i en Unscripted komo eya misma, endjunto kon dos aparisiones en The O.C komo Jodie muchiguáron la visivilidá i la su popularidad enel mundo del entretenimyénto. En Mayo del anyo 2006, el magazin Maxim la ubikó enel lugar 37 en la su lista anuala Hot 100.

Chriqui (alkunya pronunsiada komo el inglez shreeky) nasió en Montreal, Quebec el 10 de Disiembre de 1977 i es ija de djudios marrokis .. La su madre nasió en Kasablanka i el su padre en Rabat. Chriqui tiene famiya en Israel i resivió la su edukasion en un Talmud Tora i kresio en una famiya relijioza.

Emmanuelle Chriqui tiene un ermano mayor, Serge, i una ermana mayor, Laurence. Kuando eya tinía 2 anyos, la su famiya se mudó a Toronto (Ontario). Eya kresió en Unionville (Markham), una viya al nord-oeste de la siudad. De ninya, tomó lisiones de aktuasion, las kualas las pagó el si ermano Serge enel Unionville High School. Dempues de akabar el lisé, Emmanuelle desidió sigir kon la su karriera komo aktrisa. 

Chriqui empiesó a aktuar a los 10 anyos en anunsios de la kadena de restorantes amerikanos McDonald's. Ya de mansevika, se fue a bivir a la sivdad de Vancouver, ande empiesó aktuando en alkunos kapitolos de series komo Are you afraid of the dark?, Forever Knight, Once a Thief i Psi Factor: Chronicles of the Paranormal. La su priméra aktuasion en Hollywood fue un rol chiko en Detroit Rock City (1999). Dempués aparesió en alkunos filmos komo 100 Girls, On the Line i In the Mix. Ma afilú la su karriera amijoró kuando fue la estreya, endjunto a Cameron Douglas del filmo National Lampoon's Adam  Eve ande eya tinía el rol d'una Havá inosente i ermoza. Uno de los sus má resientes papeles fue en el filmo la película You Don't Mess with the Zohan, ande eya interpreta a Dalia, una palestina ke bive en la sivdad de Mueva York, i de la kuala se enamora Adam Sandler. Mientes la su karriera en filmos iva amijorando, ainda tinía tyémpo para aktuar en la televizyón. Aktuó en la serie Entourage komo Sloan McQuewick, i endemas izo de extra enel show Unscripted. Emmanuelle Chriqui endemás a tinido aparisiones en otros programas de televizyón. Emmanuelle Chriqui resivió una nombrasion komo  Amijor Aktrisa en los premios DVD Exclusive  por la su aktuasion en 100 Girls i fue endemas nombrada kon Lance Bass, a los premios Choice Liplock Teen Choice por On the line.Resyentemente, resivió el Premio Standout de interpretasion en los Premios Djovenes de Hollywood. La su proksima aktuasiyon va ser en una komedia yamada Woman in Trouble, ande van apareser varias mujeres kon las sus vida relasionadas de alkuna manera.

Emmanuelle Chriqui tiene desde má de 5 anyos una relasion kon un arkitekto. Emmanuelle Chriqui, asigun el Show de Tony Danza, esta serkana a resivir la sivdadaniya amerikana.




#Article 480: Itshak Haleva (149 words)


El Sinyor haham Itshak Haleva (en turkano İsak Haleva) es el aktual Rabino Shefe (en turkano Hahambaşı) de la Turkiya. El Sinyor Itshak Haleva nasio en la sivdad de Estambol en el anyo 1940, pasó la su chikés en la sivdad de Edirne i estudió en el lisé djudio de la komunita (Beyoğlu Musevi Lisesi) i en la yeshiva Porat Yosef en Yerushalayim. Endemas en la su mansevés, fue myémbro del grup Mahazike Atorá (Apoyadores de la Tora).Antes de el su nombramyénto komo Rabino Shefe, el sinyor Ishak Haleva lavoró komo el viche del Sinyor David Asseo por syete anyos i empiesó a ser el muevo Haham Bashi dempues de la muerte del Sinyor David Asseo enel anyo 2002.. El sinyor Haleva da lisiones en la Universita de Marmara i en la Universita Sakarya. En Mayo de 2010 fue votado muevamente por la komunidad djudia turkana komo Rabino Shefe.




#Article 481: Umut Güzelses (264 words)


Umut Güzelses (en ivrit: אומיט גונזאלס) es un djugador turkano-yisraeli del ekip Hacettepe Spor Kulübü.

La familya de Güzelses es sefardi, desendiente de los arifujiados ke eskaparon de la Inkisision Espanyola. Eyos izieron la su aliya kuando Umut tinía 3 anyos, má la adaptasiyon al muevo paez fue zor.

Umut empiesó la su karriera kon el klub yisraelí Hapoel Tel Aviv. Kon el fin de mantener la su sivdadaniya turkana i no ser yamado para las Huérsas Armadas de Yisrael, se unió a la armada turkana por tres meses. Hapoel no kiría desharlo ir kuando el su padre disho ke Umut tinía una amijor oferta de un ekip grande de la Turkiya. Sólu fue dempues ke el su padre amenasó kon saltar desde una de las lampas del estadio kuando el ekip achetó desharlo troker de ekip.

Enel anyo 2006, Umut empiesó a djuegar en uno de los má grandes ekipos de la Turkiya, Fenerbahçe. El empiesó enel ekip en un djuego kontro de Sivasspor el 11 de Novembre de 2006. Umut endemas fue emprestádo a el ekip yisraeli Maccabi Herzliya, de la Sigunda Division del Futbol de Israel para la sesyon 2008–2009, dempues de estar emprestádo a Hapoel Tel Aviv la sesyon anterior. El su akódro kon el Fenerbahçe akaba el 31 de Mayo de 2011.. Umut fue eskojido para djuegar en el ekip Sub-21 de la Turkiya, i djuegó en kontro de Albania el 17 de Jenero de 2007. . Aktualmente esta djuegando para el kip Hacettepe Spor Kulübü, de la Sigunda Division Turkana, el kualo lo tiene komo empréstimo del Gençlerbirliği.




#Article 482: Shlomo Amar (152 words)


El sinyor haham Shlomo Moshe Amar (en ivrit שלמה עמאר‎) era el Rabino Shefe Sefardi de Israel (Rishon L'Tzion) desde el anyo 2003 jasta 2013. Despues sirve .

El Sinyor Amar nasio en Kasablanka, Marroko, enel anyo 1948 i izo la su aliya enel anyo 1962, kuando tinía 14 anyos. El estaba muy serkano al sinyor Maran Ovadia Yosef, el kualo tambien fue antes Rabino Shefe Sefardi de Israel y Rishon L'Tzion i era el lider espiritual del partito relijozo yisraeli Shas. Desde Oktubre 2014, sirve como Rabino Shefe de Yerushalayim.

Antes del su nombramyénto komo Rishon L'Tzion era el Shefe del Bet Din de la sivdad de Petah Tikva i endemas fue nombrado Rabino Shefe de la sivdad de Tel Aviv enel anyo 2002.

El sinyor Amar es el primer Rishon L'Tzion) ke no es de orijin iraki desde kuando el sinyor haham Ben-Zion Meir Hai Uziel fue nombrado Rav Arashí.




#Article 483: Xuetas (232 words)


Los Xuetas (Xuetes, en lingua katalana) son un grupo sosyal de la isola de Mayorka (Isolas Baleares, Espanya) konosido i endemas istórikamente estigmatisado por el su orijin djudio. Se les yama ansina déke tienen alkuna de las 15 alkunyas konsideradas komo tal, las kualas pertenesen a otros tantos ke se kreye son kripto-djudios (praktikantes sekretos de la relijion djudia) amortados por la Inkisizion Espanyola enel anyo 1691. Oy endiya se konsidera ke egzisten unas 30.000 personas las kuala se pueden konsiderar Xuetas. El nombre katalán xueta prosede, asigun alkunos avtores i akademikos, de la palavra xulla (tosino), la kuala prosede en sintido de mofa a la abstinensia de la karne de porko por parte de los djudios. Tambien puede ke proseda de xuetó, forma mayorkina de juetó, diminutivo de jueu (djudío). Xuetó es la forma má konosida de yamar a los xuetas en la sivdad de Palma de Mayorka. También se les yamava del carrer, o de la kaleja, en referensia a la kaleja de Argenteria ande bivian la mayor parte de los xuetas de la sivdad. Eyos mismos a veses uzan má este nombramyento ke el otro, i kon frekuensia se yaman noltros (nós) i a los otros abitanets de la sivdad, es altres (los otros). En Mayo de 2011, el governo de las Isolas Baleares dechidió dar kavod a los Xuetas amortados enel anyo 1691 por la Inkisizion en Mayorka




#Article 484: Enerjiya Solar en Israel (293 words)


La Enerjiya Solar en Israel i la Endustria Solar Yisraeli tiene una istorya ke va desde la fondasion del paez enel anyo 1948. Oy endiya, los enjenieros yisraelis son konosidos en todo el mundo por la su ekspertisa enel dezvelopamyento de sistems de enerjiya solar i las entreprisas yisraelis de enerjiya solar lavoran desinyando muevos sistems en todo el mundo

En la anyada de los 50, Levi Yissar dezvelopó un kalentador solar para adjudar a gastar menos enerjiya bazada en los kombustivles fosiles. Ya para el anyo 1967 una de kada veinte kazas tinía este kalentador, lo kualo yega a un numero de 50,000, aproksimadamente. Ma afilú dempues de la Gerra de los Sesh Dias, en la kuala se konkistaron kampos de petrolio enel nord de Ayifto i las buenas relasiones kon Iran izieron ke la enerjiya elektrika derivada del petrolio fuese má barata. Ma kon la kriza de los anyos 70 i la eskalada en los presios del petrolio, Harry Zvi Tabor, el padre de la endustria solar yisraeli, dezvelopó el prototip de kalentador bazado en enerjiya solar el kualo es uzado oy endia enel 90% o más de las kazas yisraelis; estos sistems, de akódro kon el Ministerio Yisraeli de Infraestruktura Nasionala, kuvren el 4% de la nesechitá nasionala de enerjiya.

El desyérto del Negev i la Aravá son las rejiones del paez kon má iluminasion del sol, i ya ke poka de la su tyérra se puede sembrar, se esta uzando para kriar parkos o estasiones de enerjiya solar. Aktualmente se esta fraguándo un parko solar de 250 MW en el nord del desyérto de Negev, en Ashalim, má afilú no se espera ke jenere enerjiya asta el anyo 2013. Entre las estasiones de enerjiya solar del paez se ankontran:




#Article 485: Esnoga de Ben Ezra (128 words)


La Esnoga de Ben Ezra (en ivrit בית כנסת בן עזרא, en arabo معبد بن عزرا), konosida tambien komo la Esnoga El Genizá  (en ivrit בית כנסת אל גניזה), está ubikada  en la máale kopta de Fustat, en la sivdad de El Kayro, Ayifto. Asigun la tradision, la esnoga esta ubikada en el lugar ande Moshe Rabenu fue ankontrado. La tyerra para la esnoga fue merkada enel anyo 882 por 20.000 dinares por Abraham ibn Ezra de Yerushalayim. Esta esnoga fue kompletada enel anyo 1892.

La Geniza de esta esnoga es la kuala fue ankontrada enel syéklo XIX, yena de una grande kantidad de manuskritos sagrados. La koleksiyon de manuskritos, konosida komo La Geniza de El Kayro, fue yevada a Cambridge, Reyno Unito, basho petision de Solomon Schechter.




#Article 486: AORA (123 words)


AORA, atnikamente konosida komo EDIG Solar, la division de EDIG, es una entreprisa yisraeli dedikada al desinyo i fabrikasion de ekips para la jenerasion de enerjiya solar uzando desinyos i teknolojiya alternativos.. 

Resientemente aperturó Flower Power, la priméra estasion del mundo  ke jenera enerjiya solar durante el diya i en las noches puede uzar gas, benzin, biomasa o diesel, asigun el CEO de la entreprisa, Haim Fried. Esta planta, kon forma de flor i desinyada por el arkitekto Haim Dotan de YSS Engineers Ltd., esta ubikada enel kibbutz védre Samar, en la Aravá, al sud del paez. La kulá es de 30 metros de altesa, i el sistem jenera 0.1 MW, enerjiya kon la kuala se pueden servir unas 40 kazas enel kibbutz.




#Article 487: Esnoga Kal Kadosh Shalom (251 words)


La Esnoga Kal Kadosh Shalom, en ivrit בית הכנסת קהל קדוש שלום‎, Bet-Aknéset Kal Kadosh Shalom, ke signifika La Esnoga de la Santa Komunita de la Paz, konosida en grégo komo Συναγωγή Καχάλ Σαλόμ es una esnoga sefardi en La Djuderia, la maále djudia de la sivdad de Rodes, ubikada en la adá del mismo nombre. Oy endia, es la má antika esnoga fonksionando en Gresia. La esnoga fue aperturada enel anyo 1577 (5338 enel kalendario djudio) i se uza desde antonses. La esnoga i toda la komunita de la adá tuvieron prosperidad, parnasá i bivieron kalmos basho el kontrol del Emperio Ottomano. Afilú los italianos tomaron kontrolo de la adá enel anyo 1912, endjunto a las otras isolas del Dodekaneso; en konsekuensa, munchos judios se fueron de la adá en la anyada de los 30, tiniendo temor del govyerno fachista italiano.

Má kuando el govyerno fachista de Italia akabó, la adá paso a estar basho kontrolo de los Nazis, i má de 1550 de los 1700 djudios ke kedavan ainda en la adá fueron yevados a kampos de eksterminio. Oy endiya, la esnoga Kaal Kadosh Shalom es uzada para meldar sólu en el enverano, kuando yegan munchos turistas djudios, en espesial munchos Rhodeslis (djudios de Rodes) i endemas es la sede del Muzeyo Djudio de Rodes. La esnoga se ankontra ubikada en la punta de las kalejas Dossiadou i Simiou; endemas, la esnoga tiene munchas plakas eskritas en djudeo-espanyol, el kualo es el lashon de la komunita de la adá.




#Article 488: Abdullah Gül (289 words)


Abdullah Gül es el aktual prezidénte de la Turkiya.

Abdullah Gül nasió en Kayseri, una sivdad en el sentro de Anatolia. Gül ambezó ekonomiya en la Universita de Estambol i endemas izo parte de los sus estudios en Londra i Exeter, enel Reyno Unito. Entre los anyos 1983 i 1992 lavoró enel Banko Islámiko para el Dezvelopamyénto, en Djidda, Arabia Saudi. Enel anyo 1991, Gül fue elejido myembro del parlamento turkano, por el Partido Islámiko del Bienestar. Enel anyo 1995 fue reelejido i nombrado myembro del komité de liasiones internasionalas del parlamento fina el anyo 2001. Endemás entre los anyos 1996 i 1997 ejerció fue el Ministro de Estado i Portaboz del Govyérno. Enel anyo 199 fue elejido muevamente para el parlamento turkano, má endagora por el partito Fazilet Partisi (FP, Partito de la Virtud ) deke el su partido Refah Partisi fue kitado de la ley. Este mismo partito fue kitado de la ley enel anyo 2001, deke se apresentaba komo un partito islamiko. Ese mismo anyo, los riformistas del partito FP se separaron de los tradisionalos i kriaron el Partido de la Djustisia i el Dezvelopamiento. Enel anyo 2002, Gül fue elejido muevamente por Kayseri. El 24 de Avril de 2007, el su partito lo nombró kandidato para prezidénte de la Turkiya; anke muncha djente enel paez tinia sospechas de ke iva trokar el payis en una nasion islamika relijioza. 

Afilú el 28 de Ogusto de este anyo fue elejido. En Sietembre de 2008 Gül fue el primér prezidente turkano en vijitar Armenia, lo kualo krió kontroversia i diskosiones en el su paez. Resientemente el prezidente Gül vijitó Fransia, ande avló kon el presidente fransez Nicolas Sarkozy de la entrada de la Turkiya a la Union Evropea.




#Article 489: Katro Tigres Asyatikos (212 words)


El termo Katro Tigres Asyatikos o Katro Dragones de Asya es empiegado para yamar a las ekonomiyas de Hong Kong, Singapur, Korea del Sud i Taiwan.

Entre las anyadas de los 60 i los 90 estos paezes dezveloparon las sus ekonomiyas kresieron kon altas ratas de endustrialisasion, endemás de trokarse de paezes proves en emportantes reseptores de inversion ekstranjera.

Ubikados todos en el Sudeste del kontinente, ande emportantes entreprisas tienen las sus sedes, komo por egzempio la sivdad kapitala de Korea del Sud, Seul, ande se ankontran Samsung, LG, Hyundai i Kia Motors, los katro tigres tienen karakteristikas en komun kon otras ekomiyas de otros paezes de Asya, komo Kina i Japon.

Los Tigres del sudeste asyátiko aparesieron en la ekomoniya mondiala, entre los anyos 1945 i 1990, durante la Gerra Friya. Resyentemente se les empiesó a klasifikar komo potensias ekonomikas; los prinsipales  paezes ke se dezveloparon tan pishín fueron Singapur, Hong Kong, Taiwan i Korea del Sud, los kualos amostraron un kresimyento en kalidá, kuantidá i bashos kostes en los sus produktos, alkansando yegar ansina a merkatos de otros kontinentes. Durante la anyada de los 50 empiesaron a invertir en el su dezvelopamyento teknolojiko i en la estimulasiyon de las eksportasiones. Estos paezes an trokado paradigmas de ekonomiya a levelo mondial.




#Article 490: Sahara Espanyol (135 words)


El Sahara Espanyol fue una kolonia i dempues una provensiya espanyola en Afrika, la kuala nasió dempues de la union enelanyo 1958 de los territorios de Sagia el Hamra i Rio de Oro, kuando el Afrika Oksidentala Espanyola deshó de egzistir. Enel anyo 1976, dempués de la Marcha Védre de Marroko sovre el territorio, Espanya lo deshó. Desde este momento el yamado Sahara Oksidental es gerrrado por Marroko, el kualo lo toma para sí, sin el rekonosimyénto de la komunita internasional, i por la Repuvlika Araba Saharaui Demokratika, la kuala bushka estableser un estado independiente enel antiko territorio de la provensiya.

Asigun el Dirito Internasional, djurídikamente el kontrolo i la administrasion del Sahara Oksidental sigen en manos de Espanya, si bien desde la firma de los Akódros de Madrid, la situasion sige sin troko alkuno.




#Article 491: Bakanyado (120 words)


El bakanyado (nombre sientifiko: Gadus morhua) es una de las kaji 60 espesies de una misma famiya de pezes migratorios. Bive en las mares friyas del nord del Oseano Atlantiko. Jeneralmente el bakanyado es un pez chiko, andjak alkunos pueden yegar a tener 100 kg de peso, kon un boy de asta 2 metros. El bakanyado suele komer otros pishkadikos, komo la alicha.

El orijin etimolójiko presenta alkunas dubias, anke se dize ke viene de la palavra en euskera bakailao o de la portugesa bacalhau, i estas a la su vez de la palavra olandesa bakeljauw kabeljauw, la kuala se refiere al cabillaud fransez, la ke se uza para yamar al bakanyado fresko; el bakanyado seko se le yama morue.




#Article 492: Shara tropikal (250 words)


	
Una Shara tropikal es un ekosistem el kualo se ankontra en akeyas rejiones serkanas al Ekvador. Se ankontran uzualmente en Asya, Ostralya, Afrika, Amerika del Sud, Amerika Sentrala, Meksiko i en munchas de las adás del Oseano Pasifiko. Asigun la klasifikasiyon de los biomas del Fondo Mondial para la Natura, las sharás tropikales se konsideran un tip de shará luvyoza, shará tropikala de foja áncha, o shará siempre védre de tierras bashas ekvatorialas. Estas rejiones resiven al menos 1.750 milimetros de luvya al anyo. La temperatura media mensuala siempre alkansa por ensíma de los 18 ° C durante todos los meses del anyo, un klima klasifikado komo Af en la nomenklatura de Köppen.  En las sharás tropikales bive la mitad de todos los animales i plantas del planeta.  Las sharás tropikales son konosidas komo la farmasiya má grande del mundo déke más de la katrena parte de las milizinas del mundo fueron kriados bazados en plantas ke kresen en la shará tropikal.  Munchas vezes en la shará tropikal no egzisten plantas chikas abasho, déke la luz del sol no yega al fondo. Esto aze ke las personas i animales puedan andar por la shará. Si por alkuna razón, parte de la shará es destruyida o aklarada, el fondo en supito es okupado por una densa kuantidad de arvolikos.

Asigun los sientifikos, al menos el 28% del oksíjeno enel ayre del planeta es jenerado en las sharás tropikales. Por eyo se konsidera ke las sharás tropikales son los pulmonikos del planeta.




#Article 493: Haredi (315 words)


Los haredim (en ivrit חרדים), también konosidos komo ultraortodoksos o komo Los ke le temen al Dio, son djudios ortodoksos para los kualos la observansia de la relijion es espesialmente devota. Komo no egziste una avtoridad sentrala enel Djudaismo, los haredim a lo lungo del tyempo an dezvelopado alkunas tendensias diferentes, komo el hasidismo, i kada una de eyas interpreta los preseptos relijiozos komunes a todas las variantes ortodoksas kon alkunas variasiones. En la su gran mayoria, son ashkenazim, anke endagora tambien egzisten haredim sefardim i mizrahim.

Desde los fines del syéklo XIX, los haredim objektan la modernidad de Oksidente, tanto en lo kualo se refiere a kostumbras komo a ideolojiya. Antonses, komo no estan fiados de los dezvelopamientos modérnos de la sosyeté, biven en máales separadas de las sosyetés no-relijiozas, afilú de otros djudios, i siempre obeisan a lossus hahamim, los kualos, asigun eyos, son los unikos ke tienen un poder lejítimo i reál. Endemas de esto, son el grupo djudio ke mas se opoza al zionismo.

Oy endiya amostran una huérte presensia i enfluensia en Israel, ande tienen las sus propias máales, i asta sivdades, komo Betar Illit, Bnei Berak, Kfar Habad, Modi'in Illit, Ramat Bet Shemesh i los sus propios partitos politikos, butikas i eskolas. Endemás, egzisten grupos de haredim en munchas komunitas de la Galut, espesialmente en Amerika del Nord i en Evropa Oksidentala. Los haredim tienen el su propio periódiko, yamado Hamodia. Es kolay ubikar a un haredi en la kaleja, déke siempre va vistido de preto, kon kamiza blanka de mangs lungas, kon chapéo i kipa pretos i kaji siempre deshan kreser peyot. Las mujeres kuando kazadas siempre se visten de fustas lungas de kolores oskuros komo preto i grizo, uzan peluka kompleta, sheitel o kisui rosh para kuvrir las sus kavesas; alkunas uzan un chapéo en shabat. Los haredim, al kontrario ke los datim leumim, nunka uzan sandalikas.




#Article 494: Mizrahi (655 words)


Los djudios mizrahis o mizrahim (en ivrit מדרחי) son desendientes de las komunitas djudias del Midio Oryente i nord de Afrika. Literalmente mizrahí signifika oryental, ya ke מזרח (Mizrah) signifika Oryente en ivrit. Orijinalmente el empieso del termo mizrahi i de  Edot Amizrah fue una traduksyon de la palavra araba mashrīqī (oryental) la kuala se refería a la djente de Siria, Buhara, Irak i otros paezes asyátikos, mientes ke a los djudios del nord de Afrika se les yamaba, en árabo, magāriba (magrebís). Enel Israel aktual esta palavra aze referensia a todos los djudíos de paezes de Asya Oksidentala, anke munchos mizrahim no achetan el uzo de este termo i prefieren ser identifikados por el su paez de orijin, o el de los sus antepasados, má no por una palavra ke los agrupe a todos. Andjak los sus diferentes orijines, los mizrahim en jeneral sigen ritos iguales o muy paresidos a los de la tradision sefardi,afilúkon alkunas diferensias menores entre losminagim de kada komunita. Esto a vezes jenera konfuziones, espesialmente en Israel i en el uzo relijozo, ande Sefardi se uza en un sentido para agrupar a los Sefardis i Mizrahim endjuntos. De fakto, los hahamim mizrahis sigen la direksion del Rabino Shefe Sefardi de Israel o Rishon L'Tzion, el kualo en la majorita de los kavoz, a sido un mizrahi.

Las komunitas mizrahim avlan lashones de las linguas djudeo-arabas, variedades djudias de los diferentes lashones árabos, komo el magrebí, las kualas son uzados komo sigonda lingua. Munchos de los sus más konosidos eskritos en filosofiya, relijion i literatura fueron eskritos en arabo, uzando el alefbet ebreo modifikado. Otras linguas asosiadas kon los mizrahim son el djudeo-persa (dzhidi), gruziniko o djudeo-jerorjiano, buhori, las linguas djudeo-bereberes i el djudeoarameo. El arameo es una lingua muy paresida al ivrit i es identifikada komo una lingua djudia, endemás, en esta lingua están eskritas la mayor parte de los tekstos djudios komo el Talmud, el Zohar i munchas tefilot rituales del Kaddish. Munchos tekstos de muestros hahamim están eskritos en una meskla de ivrit i arameo. El idioma djudeo-arameo avlado por los djudios kurdos desiende del arameo avlado en la Galut de Bailonia. A empieses de la anyada de los 50, kaji toda la komunita djudia de Kurdistan fue yevada a Israel. La gran majorita de los djudios kurdos, kenes prinsipalmente bivían en Irak, izo la su aliya, akabando kon sienes de anyos de istorya djudia en Asiria i Babilonia. Por otro lado, munchos djudíos persas avlan el farsi estándar.

Dempues de la Gerra Araba-Yisraeli de 1948 i la kriasiyon de la Medinat Yisrael, munchos mizrahim izieron la su aliya al muevo paez, enel kualo podian ser sivdadanos plenos. Kon todos estos evenementos, empiesaron politikas anti-djudias en los paezes arabos, durante las anyadas de los 50 i 60. Una de las politikas anti-djudias má konosidas fue la de Ayifto, de ande se ekspulsó a unos 25.000 djudios dempues de la Krisa de Suez, enel anyo 1956. Por otro lado, edemás de Israel,  munchos djudios marrokis i arjelinos emigraron a Fransia i sienes de djudíos sirios i ayifsios a los Estatos Unitos d'Amerika.

 
Aktualmente, al menos 40.000 mizrahim biven en los paezes musulmanos no árabos, prinsipalmente en Iran, pero también en Uzbekistan, Azerbaidjan i la Turkiya
 endemas de otros paezes komo la India i Jeorjia. Ainda egzisten komunitas chikas en alkunos paezes arabos, komo las de Marroko i Tunesia, kon 5.000 i 2.000 djudios, aproksimadamente. Otros paezes, los kualos antes tinían antikas i emportantes komunitas djudias, komo Teman,Bahrein, Irak i Libanon, Líbano, tienen entre 100 i 500 djudios. La emigrasión ainda sige, sobre todu para Israel i los Estatos Unitos.  Afilú en alkunos de esos paezes musulmanos no arabos egzisten politikas anti-djudias, ande munchos djudios son persegidos i yevados a djuzgos i alkunos amortados, kon el preteksto de ke tienen enlasos kon Israel o Estatos Unitos. Alkunos afilú son amortados por la intoleransia relijioza, komo en Teman i en Iran.




#Article 495: Izmir (3570 words)


Izmir (en turkano İzmir, achikamyento de el su antiko nombre grego Σμύρνα, Smýrna) es el sigundo mayor porto de la Turkiya tras Estambol, i la tresera sivdad del payis en tamanyo (4.130.444 abitantes en 2009). Se topa endjunto a la beira de la Mar Ejea, serka del Golfo de Izmir, entre las peninsolas de Foça i Klaksomenas, i a unos 450 km al sudoeste de Estambol. Es endemas la kapitala del vilayet de Izmir.

Izmir ez sivdad de porto i de komersio, i ez el sentro de la exposición enternasional. En la parte oeste se topa la peninsula Çeşme ke tiene playas i sentros de termal. En el tiempo del imperio romano Efes era una de las sivdades mas grandes del mundo. Aya aviya toda la rikeza de la kultura i del arte. Por esto la sivdad fue yamada la ermoza Izmir, La perla de Iyonya, i La vieja Izmir. Dospuez de anyos estoz nombres fueron un titolo de la sivdad.

Izmir ez entornada de yahtas i vapores. El aver ez ermozo no muy kaynte. En el bodre de la mar ay kalejas anchas kon arvoles de palmera. Dozpuez del porto Mersin, Izmir ez el maz grande de Turkiya. I aparte de esto a kavza de las exposiciónes enternasionales i festivales de arte tiene un posto muy emportante en el mundo.

El nombre de Izmir proviene de Esmirna, antiko biervo grego ke proviene de mirra, smyrna, ke era la egzportasión prinsipala de la sivdad aze muncho anyos.

En inskripsiones i pekunias, el nombre a menudo fue eskrito komo Ζμύρνα (Zmyrna), Ζμυρναῖος (Zmyrneos), «de Esmirna».

En la antika Anatolia, el nombre de una lokalidad yamada Ti smurna es mensionado en algunas de las tabliyas de la kolonia asiria de Kültepe (primera mitad del sigundo milenio a. C.), kon el prefijo ti-, identifikado de un nombre propio, anke no se afinko kon serteza si se refiere a la moderna Esmirna.

La rejión de Izmir fue topada en la periferia sud de la kultura yortan durante la preistoria de Anatolia, kuya konosensia se obtiene kaji en la su totalidad de sus tombas i sementerios.

En las excavaciones arqueológicas ke izyeron se supo ke en el viejo Izmir biviyan los emigrantes ke salyeron de la Gresia los Ayoles i los Iyones.  En el tiempo del fierro en Izmir aviya kazas chikas i grandes de una o doz kamaretas. La maz vieja kaza ez de entre los anyos 925-900 aEK. Esta kaza se topa konservada bueno ke fue fraguada de lodo i el techo de paja. Dospuez de 875 aEK fraguadon kazas de una kamareta en el entorno de un kortijo ke era komo nalcha. 

En el anyo 850 aEK fraguaron paredes de lodo para protejar la sivdad. Dospuez de este periodo el viejo Izmir se konvertyo a una sivdad de governo.

Los emigrantes i los savyos eran el puevlo adelantado. En la sivdad el puevlo mas omenos era 1000 personas. En los 750-650 aEK el puevlo de la peninsula pujo fina 1500 persona. La major parte del puevlo biviyan en los kazales del entorno. En estoz kazales aviya arvoles de azituna, vinyas e echos de seramika. Eyos se manteniyan kon peshkar i agrikultura.

El lugar mas sentro de la sivdad era el templo de Atena.

El tiempo maz riko de Izmir fue entre loz anyos 650-545 aEK. Este periodo kontinuo 100 anyos. Kon la kavesera de Miletos izyeron munchas koloniyas en Ejypto, Surya i en Levanon. Los Helenistos del este izyeron konkorensya kon la Gresia i parvinyeron a adelantar en munchas kozas. En akel tiempo Izmir, aparte de agrikultura teniya komersio en la mar Mediterranea. Estuvyeron okupandosen kon biblos chikos i grandes salidos de Kibris i statuas de fayans de Asya del Mediterranea. Esto kedo fina agora.

La forma vieja de las kazas de munchas kamaretas se topa en Izmir en el sieklo 7 aEK. Laz kazas en Izmir se topavan una allado de otra ke se yamava Megaron. Laz kalejaz i las kayes eran fraguadas del este al oeste, i laz kazas miravan al sud.

El grande Aleksander gano en la guerra al rey de Persia Daryus en el anyo 333 aEK. I dozpues ke se apatrono de todo el este el puevlo Heleniko empeso adelantar. Las sivdades empesaron a empuevlarsen. En akeya epoka en las sivdades Iskenderiya, Rodos, Bergama i Efes el puevlo arivo fina maz de 100,000 personas. En el viejo Izmir ke estava en un monte chikitiko, lo ke biviyan era solo unas kuantas mil personas. I dospuez de esto lo maz tadre en el anyo 300 aEK se fondo en Kadife Kale una sivdad mueva i grande.

En el tiempo de los Romanos entre las fraguas ke uvo en Izmir aviya un teatro stadyum, ma de esto kedo muy pokos rekuerdos. En lugar de esto Agora de Smyrna fue konservada bueno i se yamo Agora. La grandor ez 120 X 80 de largor, i tiene una ancha entrada. Por las doz partes teniya doz fraguas de doz etajes.

En el II syeklo aEK, Izmir paso a las manos de los Romanos, i por segunda vez estuvyeron bivyendo el tiempo de oro. En el anyo 88 aEK el rey de Pontus VI Mithridates, se apatrono de la sivdad. Dospuez de doz anyos la sivdad paso de muevo a las manos de los Romanos.

Asigun la Biblia una de las siyete Iglisiyas ke se topavan en Smyrna, fue my emportante para el adelantamyento del Cristianizmo. El primer obispo Aziz Polikarp i uno ke eskrivyo la Biblia St. John eran unoz de los primeros kreyedores. Este nasyo en el anyo 70 dEK en Anadol, i por modo ke kreyo al Crisianizmo fue matado de parte de loz Romanos en la data 23 Febrero 155. Lo kemaron en el stadyum de la sivdad Izmir. En el anyo 395 dEK el Imperio Romano se aparto en doz. Izmir fue parte del Imperio Bizansiano del este.

En el tiempo de la Imperia Romana del Este lor Arabos, los Selchukes, los Genevizoz, i los Kruseros se kijeron apatronar de la sivdad i uvo peleaz entre eyoz. En primero en el anyo 672 loz araboz atakaron de parte de la mar i lo uzaron komo us en loz atakoz ke izieron a Estanbol. Loz turkoz en el anyo 1076 por primera vez lo tomaron Izmir de las manos de loz Selchukes,i kon tiempo kon la ayuda de Chaka Bey ke era el primer i grande marinero Turko se apatronaron de la sivdad. Kon loz atakoz ke izo de Izmir para laz izlaz de Ege  i a loz Dardaneles izo teror a lo Bizantinos. Dospuez de su muerte loz Bizantinos en el anyo 1098  se apatronaron de la sivdad. En el anyo 1204 la parte de la mar de la sivdad paso alaz manos de loz Shevalyes de Rodos. 

En el anyo 1310 Aydinoglu Umur Bey se apatrono de la sivdad entera . En el 1344 los Cenovezoz apanyaron la sivdad del sud. Se apatronaron de la kale St Peter. Loz Aydinogullari Beyligi tomaron la parte norte de la sivdad ke se yomo Kadifekale. De akeya epoka kedo la nombradiya de Gavur Izmir, i esto se uzo para ke se konoska la sivdad del sid ke kedo en laz manoz de los Cenovezoz.

En medio del 14 sieklo la kale de st. peter I la sivdad del sud esta vez paso alas manos de los shovalyes de Rodos. Entre mientrez en el anyo 1398 el governo Osmanli izo un governo en Izmir. En el 1403 la armada Mogol se apatrono de la sivdad, i en la komanda de Timur dospues de venser al governo Osmanli derroko la kale de St. peter.

Esta vensa de Timur fue la unika batalya kontra los hrisianos I por esto ez enteresante.Dospuez ke el governo Otomano se empeso a enreziar en el 1422 Murat 2. atako la sivdad. Despuez de esto Izmir se izo parte del Emperio Otomano.

La keila djudia de Izmir  se topa en la kosta de la mar Aege de Turkiya. Era kla keila maz grande i adelantada en el tiempo de loz Otomanos. La keila empeso a emplumar en el 17 sieclo . Era el sentro para los djudios ke vinieron de la Espanya  i era el sentro de komersio i endustriya. Uno de los moradores de la sivdad era el mintirozo mashiah Shabtai Zvi . El teniya munchos hasidim en la keila. En medio del 19 sieklo empeso a amenguar el puevlo en la keila. I esto fue a kavza ke uvo discusionez kon el puevlo Grego. La Emperia Otomana empeso a atrazar a kavza de la batalya kon los Gregos. Kuando se fondo el Governo Israel munchos djudioz moradorez en Izmir emigraron a Israel kaji 10.000 personaz. En los anyos 1950 -1960  en el 20 sieklo se serraron munchos mosdot. Agora en Izmir biven kaji 2000 personaz, la sigunda de grandor en la Turkiya. Entre Estanbol i Izmir ay muncha diferensia en la quantudad en el puevlo.

La existensia de loz djudio en Izmir ez del tiempo de la biblia. Parese ke los djudios tenian influensa en el puevlo ke kreyiya en loz idolos. Unos kuantos de eyoz se konvertieron al djudaizmo. Pero los christianos  parvinieron a amenguar la fuersa del  puevlo djudio. En el tiempo de loz Bizantinos kaji no se nombrava djudios en Smirna. En los kazales del entorno kontinuaron a bivir djudios.

En el anyo 1424 la sivdad ke era dainda un kazal chiko fue konkistada de parte de loz Otomanoz, ke estava en laz manoz de loz Bizantinos i fue parte de la Imperia Otomana. En el sieklo 16 ay dizientez de parte de loz djudios ke vinieron a Izmir de la Espanya, i ke eran djudioz romantiotes. La mas parte de loz primeroz djudioz vinieron en el anyo 30 del sieklo 16. Ay provaz ke en el sieklo 16 uvo djudyoz en la sivdad en el anyo 1521 ke fueron aroncados de parte de los Otomanos  de Belgrad i Serbia. I en el anyo 1524 fueron aroncados de Ungaria ibuda. Aviya tombas de los anyos 1540-1565 en Izmir i aviya  enriva de las tombas sinyales djudyos. Maz despues se fondo keila sefaradit i portugezit ke emigraron  de Asya, Afrika i del norte de Venezia. Pero en las eskrituryas de los Otomanos no ay dinguna prova de la existensia de alguna keila organizada. La emigrasion de loz djudios de Sefarad ala Imperia Otomana paso por Izmir en el sieklo XVI. Eyoz empesaron a bivir aya kuando Izmir se izo un porto santral de los Otomanos.

En el anyo 1620 el emperio Otomano lez dio a los ajenos permision para ke se okupen kon merkanseria i ansi ke la sivdad se izo un sentro muy emportante.

En el anyo 1619 se avyo konsolato Fransez i en el anyo 1620 Inglez. En este tiempo empeso a trokar la existensia del puevlo. En el 16. sieklo en Izmir aviya 19 meskitas, 18 sinagogas i una sola eglisia, en las 9 maales de Izmir solo en la una biviyan hristiyanos.

En akel tyempo en el sentro de la sivdad la mayorita del puevlo eran Turkos Muslumanos; buen kadad de djudios, i la menoriya eran hristyanos. En el 17. sieklo Sabetay Sevi era uno del puevlo djudyo de Izmir. En el 1672 kuando Evliya Celebi vizito la sivdad i vido ke en la maale Alsancak estava pujando el puevlo no muslumano, i en su livro eskrivio ke pujaron los merkaderes Levantenes i los del oeste.

Las primeras keilas ke se fondaron en Izmir en el 17. sieklo fueron yamadas ets a hayim, Portugal i girush. Loz amigos parese eran los ijos de los ke biviyan aya del sieklo 16. La mas parte de los moradodes djudyos eran Otomanos. Los djudios tenian posibilitad de orasyonar liberamente, teniyan eskolas i djuzgos apartados. La keila pagava dasios para los aktos. Kon los dasios ke tomavan de los miembros eran protegidas sus vidas. Este dasio se yamava jezia. La keila pagava para todos los miembros.  

En la sivdad biviyan los frankos, merkadedes djudios de Portugal entre eyos aviya konvertidos ke tornaron al djudaismo. Antes de vinir ala Imperia Ottomana bivieron en Italia i en otros lugares. Eyos eran apartados de los djudios.

El primer Rav de Izmir en el anyo 1606 era Yitzhak Meir Alevi.
Muryo en el anyo 1634 era de Konstantinopoli. En el anyo 20 del 17 sieklo vinieron muncho puevlo de Saloniki. En el anyo 1620 eskojeron a Yosef Iskapa de Salonik por el primer rabino de  Izmir, el era djudio ke vino de Salonik i muryo en el anyo 1662  Del anyo 1631 en Izmir el primer rabino era el rav de todas las keilas. En el anyo 1644 en la sivdad aviya sej edas de djudios. Lo mas eran vinidos de la Espanya . Aviya i una chika eda de eshkenazis. Despues ke murya el Rav Alevi metieron otro primer rav aparte del Rav Ispaka, ke se yamava Azarya Yeushua Eshkenazi de Salonik i el muryo en el anyo 1647. Entre los dos rabinos aviya konflikto ke se apartaron a dos keilas. El konflikto era por el kashrut, avelim, i sfirat a Omer, degoyido, tisha be av i mas otras kozas. Los djudios de Salonik i los de Estanbol tenian pensamientos diferentes. Dospues ke muryo el rav eshkenazi i kon el entrevenir del primer rav de Konstantinopoli akseptaron todas las edas a los dichos del rav Ispaka. En el anyo 1657 se fondo una emprimeriya djudia en la sivdad ke ayudo a su engrandesimiento.

Sabetay Sevi era un mintirozo mashiah ke enganyo alos djudios de toda las partes del mundo. El era nasido en Izmir, era elevo del Rav Yosef Ispaka. En septembre 1655 torno a Izmir dospues de entornarse entre todos los djudios de la Imperia Otomana. I disho ke el era mashiah, en la keila todos estavan muy empresionados. Lo mas de los djudios entre eyos el primer rav Hayim Benveniste kreyeron en el i lo apoyaron, de mas teniya i 150 navis.Entro los ke lo kontradisieron fue el Rav Aaron lepapa.El sigundo rav fue aroncado de Izmirpor ke vino kontra. I el Rav Benveniste kero el uniko rav en la keila. En los kuatro mezes ke estuvo Sabetay Sevi en Izmir en otomno 1665 en la sivdad fue el sentro de los Mashiah. La vida i la merkansia en la sivdad se troko kon fiestas, bayles el puevlo empeso a tornar en teshua. Los ke no akseptaron a esta situasion fueron aroncados, i munchos fuyeron de la sivdad. Entre eyos el Rabi Shlomo Algazi ke era savio i alavado de parte de todos. Era el eshuegro del Rabi Aaron Lapapa, i fue ovligado de demandar un lugar para bivir en la keila de Genesia. Estas peleas sureyaron en Izmir fina dospues ke se konvertio Sabetay Sevi a ser muslumano.

La keila djudia de Izmir kontinuo a enrekeserse mientres el sieklo 18-19. Loz djudios empesaron a okuparsen kon lana de kavras, i tapetes. El komersio kon la Evropa adelanto dez del anyo 1774. Munchos se okupron kon exportasion de igos, azeyte, pasas, tapetes i lugumbre. Aviya i transladodes para los merkadodes de Evropa bankas i konsulyas etranjeras. En akeya epoka las persona emportante
Era Moshe Sonsino ke se okupava de la duana en el anyo 1718. I Moshe Arditi gizbar del governo en el anyo 1812. En el 19. sieklo pujaron los djudios ke lavoravan en la munisipalidad, i en la djustisia. 

En medio del 18. sieklo lod djudios sufriyeron de munchas desgrasias fuertes. Fuegos grandes en los anyos 1743-1772 1841-1881. Mas de 10 kavsos de epidemiyas de kolera entre los anyos 1770-1892. I unos kuantos terremotos muy fuertes. En el fuego ke uvo en el anyo 1772 fue muy danjeroso. Se derroko la sinagoga ke se fraguo de muevo dospues de 28 anyos. En este tyempo los djudios fueron ovligados de orasionas en unas kazaz ke se konvertieron a kaza de orasion. En el 18. sieklo Izmir se izo el sentro de la empresa ebraika treseda de grandos enla emperia otomana, Dospues de Konstantinopoli i Saloniki. 

Fina el empesijo del 20. sieklo se empreso mas de 400 titolos lo mas livros de rabis. Munchos de estos livros fueron eskritos en Izmir. En los anyos 1913-1922 . La empresa Ben Sinior fue la empresa de alkavo ke uvo 12 empresas. Unos kuantos de rabinos de Izmir emigraron a Israel. Hayim Ben Yaakov Abulafia murio en el anyo 1744. Nasio en Tiberia, fue el gran rabino de Izmir 
En los anyos 1720-1740.
El torno a Tiberia kon sus elevos I renuvo la keila djudia en la sivdad kon el ayudo de las keilas de Estambol i de Israel.

En el 19. sieklo la situasion entre los djudios I el puevlo grego empeso a ennegreser en Izmir.En el 18. sieklo uvo unas akuzasiones kontra los djudios de parte de los gregos i en los anyos 1864-1901 uvo sej kavzos de matansinas. La polisia Otomana se mesklo en el kavzo en la parte de los djudios, i de mas kuando en el 1872 fueron assasinados doz djudios. I en el anyo 1901 munchos gregos amenasaron a atakar una keila djudia. 

En el 19. sieklo una parte de djudios fueron protejados de parte de las komunitas Evropeas en la sivdad.
Munchos tomaron suditansia Italyana, otros franseza I otros komo la famiya Palachi I Leon tomaron protejo Hollandezo. En el empesijo del sieklo 20. se fraguo Bet El, una sinagoga grande i empresionante de Izmir. Esta sinagoga se fraguo de parte de artistos Italianos ke fueron envitados particularmente . Ay enfluensa Evropea moderna, i de mas el lugar de la teva es serka del Kotel a Mizrahi. 

En el 19. sieclo fueron emprimadas gazetas i eskriturias djudiyas, i esto izo trokamientos en la vida kultural del puevlo en Izmir. En el 1846 salyo a luz la primera gazeta djudia, perta del oriente, de parte de Pincherle. I despues salyeron 5 eskrituriaz djudiyas como la Buena Esperansa (1871-1910) el messerret (1897-1922) i todos en ladino. En el 1838 fina el kavo del sieklo fueron emprimados mas de 110 livros en ladino, komo poeziyas, livros de ley i konsejas.

En medio del 19. sieklo la kantidad de los djudios de Izmir empeso a abashar. En el anyo 1868 biviyan en Izmir 40.000 djudios. En el empesijo del 20. sieklo abasho a 25.000 personas. Entre eyos aviya una chikitika keila de Eshkenaziz ke se fondo de parte de los emigrantes ke vinieron de Rusia en el anyo 1905. Lo ke ayudo a adelantar la keila fue vapores ke viniyan de Odessa. Kada diya de mierkoles, una ves ala semana para Estanbol, Izmir, Biria, Haifa Yafo fina Aleksandriya. Estos vapores fueron uzados i para la sigunda aliya ke vinieron de Odesa. 

Dospues ke kayo la Emperia Ottomana i la gerra entre los Turkos i los Gregos 1919-1921 ke fue derrokada la sivdad munchos djudios abandonaron la sivdad. Munchos se fueron a la Gresia, Fransia, Amerika i Argentina. En el anyo 1927 aviya en Izmir 17.000 djudios, en el 1947 abasho la kantidad a 15.000.

En los diyas de la sigunda gerra mondial los djudios de Izmir ayudaron a salvar kaji mil djudios de las tyerra gregas ke fueron okupadas de parte de los nazistos. En disiembre 1943 kon la ayuda de los partizanos gregos fuyeron ala Turkiya kon barkitas una kantidad de djudios gregos. Eyos fueron aresividos en Izmir de parte de la keila, fina ke el governo Inglez de Estanbol permitio ke emigren a Israel. Dospuez ke se fondo el governo Israel emigraron komo 10.000 djudios de Izmir a Israel. En el empesijo del anyo 1960 aviya en Izmir manko de 2.000 djudios, ke antes aviya en Izmir 2.300.000 moradores. Dospues de Estanbol Izmir era la sigunda sivdad  de grandor en Turkiya.

El apokamyento de los djudios en el empesijo del anyo 1950 del sieklo 20. kavzo a serrar unos kuantos lugares de la keila. Komo la eskola Allians, ke se avio de muevo i se serro por entero en el anyo 1960. En la keil;a aviya una eskola i dos sinagogas, ospital i un beit din en la kavesera del Rav Arashi Moreno Sigura fina su muerte en el anyo 1966. En el anyo 1970 aviya dainda aksiones de mansevikos, una vida relijiosa kon dos sinagogas. Beit El i Shaar Ashamayim, una sinagoga mueva en la maale mueva Alsancak, i aya se topava el buro del rabanut i la keila. Las ovras kulturadas era aranjada de parte Liga una organizasion de donos fondada en el 1990. La eskola antika Talmud Tora se serro en el 1998, los elevos ke kedaron fueron pasados ala eskola Amerikana del lugar. Komo 150 elevos ambezan en la eskola elementaria djudiya. La lingua ke se ambeza ez el Turko

El turizmo es parte emportante del manadero de la ekonomia de la sivdad de Izmir. El su sentro o kasko antiko kuenta kon antikas fraguas ke engalanan el porto.

La sivdad de Izmir konta kon una emportante oferta ostelera, ay aki munchos sitios de intereso ande los turistas pueden visitar.

Esto ez una amigavle ke se aze entre la sivdad del paiz kon otras sivdades ajenas. Loz miembros de las minisipalidad konfirman ke la sivdad ermana kale ke akonante de parte Kulturala, Ekonomiya, Komersio, Turizmo, Estudio, Spor i Sanedad. I kale ke tengan relasyones de amigavle i de pas. Aparte de esto las doz sivdades ermanas paresen en la istoria, geografiya i kultura. Izmir tiene 31 sivdades ermanas:




#Article 496: Belmonte (142 words)


Belmonte es una viya portugeza en el distrito de Castelo Branco, en la rejion Sentrala i la subrejión de Cova da Beira, kon serka de 3.200 abitantes. Es sede de un munisipio kon 114,56 km² de área i 7.592 abitantes (2001), divididos en 5 freguesías. El munisipio está limitado al nord por las viyas de Guarda, al este por Sabugal, al sudeste por Fundão i al oeste por la Covilhã. La viya es konosida por ser ande nasió Pedro Álvares Cabral el dishkovridor de Brasil. Endemás, la viya es konosida déke una komunita de Bnei Anusim bive en la viya desde los diyas de la Inikisision, i asta muestros diyas sigieron pratktikando el su djudaismo de manera eshkondida. Se les konose komo Djudios de Belmonte. En la via endemas se ankontra el Muzeyo Djudio de Belmonte, el primér muzeyo djudio del paez.




#Article 497: Djudios de Belmonte (154 words)


Los Djudios de Belmonte son una komunita de djudios la kuala estuvo praktikando la su relijion en sekreto durante sienes de anyos shukúr a kazamyéntos entre eyos mismos i al kudiar de no amostrar dingun simán de la su relijion. La komunita tiene su orijin en la viya de Belmonte, Portugal, enel syeklo XII, i mantuvieron el su sektrero asta el syéklo XX, kuando enelanyo 1917 un enjeniero de minas polako de orijin djudio yamado Samuel Schwarz vijitó la viya. Eyos ofisialmente deklararon el su djudaismo en la anyada de los 70, i aperturaron una esnoga, la Esnoga Bet Eliyahu enel anyo 1996. Enel anyo 2003, el Belmonte Project fue fondado por la American Sephardi Federation para reunir parás para merkar material edukativo i relijiozo djudio para la komunita. Los djudios de Belmonte Guádran munchas tradisiones sefardies antikas. 

Los primeros kontaktos con otros djudíos empiesaron resientemente, espesialmente a traverso de la organizasion Shavei Israel.  




#Article 498: Der Judenstaat (251 words)


Der Judenstaat (El Estato Djudio, en lingua djudeo-espanyola) es un livro ke se konsidera el ponkto de empesijo del movimento zionista. El livro deklara ke el problema del antisemitismo sólu va ser solusionado kuando los djudios dispersos por el mundo se puedan reunir a bivir en el su propio estato independyénte.

Este livro fue eshkrito por el djurnalista ostriako Theodor Herzl, editor literário del djurnal vienezo Neue Freie Presse, enel anyo 1896. Dempués del Primér Kongreso Zionista, el kualo fue echo en la sivdad suisa de Basilea el 29 de Ogusto de 1897, fue kreida la Organizasion Zionista Mondial, kon Herzl komo el su primér presidente.

Este livro kavzó un impakto inesperado enel mundo djudio de fines del syéklo XIX. Asta esos diyas, los djudios sólu avlavan del antisemitismo en alkunos enkontros privados i afilu alkunos azían komo ignorarlo para no yamas la atensión de inimigos. Herzl, entremientes, denunsió el antisemitismo komo dinguna persona avía echo antes, i le dio un tratamiento personal, al yevarlo a enkontros ande se avlava a altos levelos de govierno de las potensias de la epoka. Antes de el, sólu el djudio ruso Leon Pinsker, avló del problema enel su livro Otoemansipasion. El propio Herzl admitió ke de no aver meldado este livro, ulai el no kalía eskrivir Der Judenstaat, el kualo fue traduzido poko dempues de publikarlo al ingles,ruso, idish, ivrit, fransez i espanyol. Enel su komentario editorial, el djurnal inglez Jewish Chronicle publikó: Un Moshé Rabenu akaba de apareser. El se yama Theodor Herzl.




#Article 499: Selbstemanzipation (166 words)


Selbstemanzipation (en alman Otoemansipasión) es un livriko zionista eskrito por el médiko i aktivista djudio de orijin ruso-polako Leon Pinsker enel anyo 1882. El ensayo analisa los orijines del antisemitizmo i popone luchar por un estato djudio i el dezvelopamyento de una identidad i konsiensa nasionala djudia. Pinsker orijinalmente apoyaba la asimilasion, la kuala demandaba un mayor respekto de los diritos umanos para los djudíos en Rusia. Afilú dempues de pogroms i atakoskontra los djudios en la Rusia Zarista enel anyo 1881, i una vijita a Evropa Oksidentala a empieses del anyo 1882, la su opinión trokó por kompleto. Ese mismo anyo publiko anónimamente el ensayo en almán. La mueva perspektiva de Pinsker endemas lo yevó a partisipar enel dezvelopamyento del grup djudio Hovevei Zion, del kualo el era el lider. El ensayo fue inspirado enel grup i djudíos en toda Evropa;  fue el empiese del desvelopamyento del zionismo i del Estado djudio. El livriko orijinal en alman fue puvlikado el 1 de Jenero de 1882.




#Article 500: DeLeon (137 words)


DeLeon es una banda de rock la kuala kanta kantikas tradisionalas sefardis kon musika rock indie. El nombre del grup fue tomado del mekubal del syéklo XII Moshe DeLeon i de la alkunya del papú del lider kantadero de la banda, Daniel Saks. Los myémbos del grup son Daniel Saks, Kevin Snider, Justin Riddle, Amy Crawford i Andrew Oom.

La banda empiesó a tokar en Avril del anyo 2007. Asta oy endiya, DeLeon tiene apresentasiones kon Balkan Beat Box, Os Mutantes, Gogol Bordello, Ozomatli i Mike Gordon. Daniel Saks es endemas kantante de The LeeVees. El tiene un album komo solista, lansado el 12 de Ogusto de 2008, basho la kompanyia JDub Records. Los sonetes del grup DeLeon son egzotikos i unikos, déke misturan en la misma kantika, ivrit, inglez i ladino kon la musika urbana modérna. 




#Article 501: Pharaoh's Daughter (134 words)


Pharaoh's Daughter es un grup de world music de la sivdad de Mueva York. La su musika es una meskla de la musika folk amerikana, klezmer i sonetes del Midio Oryente.

La lider del grup es Basya Schechter. Los otros myembros del grup son  Daphna Mor, Meg Okura, Yuval Lion, Shanir Ezra Blumenkranz, Noah Hoffeld, Daniel Freedman, Jason Lindner i Alan Kashan. Entre los instrumentos uzados por eyos estan la gitara, el ut, el saz, el violin, el ney, los tamborikos, el santur i el violoncello. Alkunas de las sus kantikas son endjudeo-espanyol, komo Ija Mia, del album Out of the Reeds i Enpesare, del album Haran. Endemas, Basya Schechter tiene gravado, enel album HaLailah Hazeh - The Music of Pesah at BJ de la komunita B'nai Jeshurun, la kantika Moshe salió de Misrayim.




#Article 502: Elias Canetti (457 words)


Elias Canetti (Rutschuk, sivdad del Emperio Ottomano, endagora yamada Ruse en la aktuala Bulgaria, 25 de Djulio de 1905 - Zurigo, 14 de Ogusto de 1994), eskritor i filosofo en lingua almana, Premio Nobel de Literatura enel anyo 1981.

Ijo de una famiya de merkaderes sefardis (la su famiya tinía el su orijin en Kanyete, viya de Kuenka, Espanya de ande es Ijo Adoptivo), bivió en la aktuala Bulgaria asta ke enel anyo 1911 se fue a bivir al Reyno Unito, má presisamente a la sivdad de Manchester, ande izo kontakto con las amijores obras de la literatura universala. Desde manseviko avlaba el bulgariano, el almán i el ladino. Dempues de murir el su padre, la famiya Canetti se fue a bivir a Ostria, en la sivdad de Viena ande biven la Primera Gerra Mondial i se yena de orgolyo al dizir a sus amigos chikos de ser priméro britaniko antes ke ostriako. Ma afilú dempues de instalado en Ostria, uzó prinsipalmente el almán.

Dempues de bivir en Zurigo i en Almania, aboltó muevamente a Viena en 1924 komo elevo de Siensas Kímikas, lisensándose en 1929, anke la su mayor pasión era la literatura, arte la kuala estudió en Suisa. Kuando vivia en Viena, se kaza kon la eskritora Veza Taubner, i eskrive las sus primeras obras: La Boda, La Komedia de las Vanidades i Avto de Fe. En 1938, dempués de la Noche de los kristales rotos en Ostria i Almania, Canetti se fue a bivir a Londra, aziendose sivdadano britaniko enel anyo 1952. Es yí ande bivió provemente lavoraando en una de las sus mayores obras, Masa i poder, enfluido muncho por la Almania nazi ke vio kon los sus propios ojos. Inkómodo con la mentalidad i las kostumbras inglezas, se izo muy krítiko de los intelektuales del paez, komo deskrive en el su livro Fiesta basho las bombas, i fue amante de la novelista británika Iris Murdoch, de la kuala deshó en este livro un retrato sin miserikodria. A partir de la anyada de los 70, bivió en Zurigo asta la su muerte, el 14 de Ogusto de 1994. Enel anyo 1971, dempues de la muerte de la su primera esposa, se kaza kon la kuradora de arte Hera Buschor, kon la kuala tiene una ija. Enel anyo 1972 resive el Premio Georg Büchner, el más emportante rekonosimyénto literario en lingua alemana, i enelanyo 1981 el Premio Nobel de Literatura. Entre los fondamentos de la entrega del Nobel, se mensiona el su estudio de los movimentos de masas i de manera espesiala kon la brutalidad del nasionalsosyalismo alman i de las diktaduras en jeneral. Toda la su obra personala no va pueder ser konosida asta el anyo 2024, komo el establesió enel su testamento.




#Article 503: Isak Samokovlija (265 words)


Samuel Isak Samokovlija fue un eskritor de Bosnia i Hersegovina, nasido en la sivdad de Goražde el 3 de Septembre de 1889, en una famiya sefardi la kuava vinía de la sivdad Bulgariana de Samokovo. Endemas, era mediko de profesion, la kuala estudio shukur a una beka de la sosyeté de benefisensia djudia La Benevolentia. Se kazó kon la vieneza Hedda Brunner, kon la kuala tuvo 3 ijos. Lavoró enel Espital Militar Kosevo de la sivdad de Sarajevo.

Las sus istoryas avlan de la vida de los djudios sefardis de Bosnia i Hersegovina. Alkunos de sus poemas fueron publikados en las revistas Život Jevrejski i Srpski knjizevni. En la Sigunda Gerra Mondiala es despedido del Espital i obligado a yevar una sinta amariya kon la Magen David, kon la kuala los nazis markaron a todos los djudios. Dempues es yevado a un kampamento de rifujiados en el ponte Alipašino en Sarajevo. En la primavera de 1945 se eskapa de los Ustasha i se eskondió asta la liberasion del paez.Dempues de la Sigonda Gerra Mondiala, aboltó a Sarajevo i lavoró komo redaktor shefe de la revista Brazda de 1948 a 1951, i de la revista Svjetlost de 1951 asta la su muerte. Tambien fue elejido presidente de la Asosyasion de Eskritores de Bosnia i Hersegovina. El murio en la sivdad de Sarajevo, el 15 de Jenero de 1955. Fue entierrado enel betahayim djudio de Sarajevo. El 20 de Mayo de 2006, la posta de Bosnia i Hersegovina publikó un timbro espesial para arikodrár el 60 aniversario de la priméra publikasion de un livro de Isak Samokovlija.




#Article 504: Anusim (170 words)


Los Anusim, tambien konozidos kon el termo despektivo marrano, aze referensia a los djudios de la Peninsula Iberika ke se konvirtieron eksternamente al kristyanismo ma afilú sigieron observando klandestinamente la su relijión (el djudaismo) i las sus kostumbras. Sobre todu entre los syéklos XV i XVII, en sentido amplio, i con intensión kalumniosa, el termo se uzó popularmente para todos los djudiokonversos de la Península i los sus desendientes, insinuando, kon sanya, la poka o dinguna sinseridad de la su konversión.

Oy endiya, el termo marrano, a pesar del su orijin klaramente despektivo, sige uzado por los istoryadores; andjak, los sefardis prefieren uzar la palavra ebrea Anusim, (אנוסים, 'forsados' o 'huersados'), o bien Benei Anusim (בני אנוסים, 'Ijos de Anusim'), termo legal de la Alaha ke se aplika a los djudios ke son huersados a trokar la su relijion en kontro de la su voluntad. El investigador Israël Salvator Révah definió al forsado o konverso komo «un katóliko sin fe i un djudio sin saber, andjak un djudío por voluntad».




#Article 505: Burekas (157 words)


Las Burekas son unas empanadikas o pastelikos fritos komunes a la kuzina del Turkia i los Balkanes, en jeneral de todas las rejiones basho kontrolo del Emperio Ottomano. Se azen kon una pasta de filo, i jeneralmente se reyenan kon pendir (kézo blanko), karne pikada, o zarzevates. 

El nombre bureka  se deriva de la palavra turkana börek, la kuala anke en turkano tiene munchos uzos, en otras linguas solu se relasiona kon este plato. Proviene de la raís turkana bur- 'retuerser' komo en serbio, ande las palavras savijača (de savijati) i gibanica (prosedente de gibati) también deskriven un plato con kapas paresido, i tienen las mismas raíses en el signifikado de 'retuerzido', o ulay del persa būrek. En albanezo se yaman byrek, en armenio boereg, en arabo burek, en ivrit בורקה, en bulgariano бюрек, en grégo μπουρέκι, en azeri Piroq, en Tunesia brik, en Krimea cheburek i en toda la antika Yugoslavia se le konose komo burek.




#Article 506: Isaac Chocrón (155 words)


Isaac Chocrón era un eskritor i djurnalista venezuelano de orijin djudio sefardi. Isaac Chocrón nasió en la sivdad de Maracay enel anyo 1933, i el su empesijo komo eskritor de novelas fue kon la ovra Pasaje, enel anyo 1956. Entre otras de las sus novelas má konosidas, se ankontra 50 vacas gordas (50 vakas godras) la kuala eskrivió enel anyo 1980. Es konosido en el mundo por los giones de teatro ke tiene eskritos. La mayor parte de los sus eskritos se bazan enel teatro inglez de oy endiya.

Isaac Chocrón también tiene eskritos varios ensayos, komo El nuevo teatro venezolano (1966, El muevo teatro Venezuelano) i Tendencias del teatro contemporáneo (1968, Tendensias del teatro de oy endiya). La su última ovra, Tap Dance, kompleta endjunto a Clipper i Animales Feroces, una trilojiya ande el tema sentral es la famiya.

Isaac Chocrón murió el 6 de noviembre del anyo 2011 en la sivdad de Karakas.




#Article 507: Taqbaylit (161 words)


El Taqbaylit o Kabil es una las linguas bereberes avladas en la rejion montanyoza del nord de Arjelia konosida komo Kabilia.

Es la sigunda lingua en kantidad de avlantes de las linguas bereberes, kon kaji 8 milyones de personas ke la uzan abitualmente, dempues del Tashelhit (chleuh), avlado en el sud de Marroko por entre ochu i dies milyones. Unos 5.5 milyones de avlantes biven en Arjelia i el resto konforman parte de la povlasión migrante ke bive o lavora en Fransia i otros paezes de Evropa.

El Taqbaylit, es endjunto al Tamajaq y el Chaoui una de las tres linguas de orijin bereber uzadas en Arjelia. Una riforma a la konstitusion del paez, aprobada el 10 de Avril de 2002 rikonosió el tamazight komo lingua nasionala de Arjelia.. Komo esta defendida la television privada en Arjelia, la komunita kabil en Fransia krio un kanal de television el kualo transmite a traves de satelit desde la sivdad de Paris yamado .

 




#Article 508: Gad Elbaz (521 words)


Gad Elbaz (en ivrit גד אלבז) es un konosido kantadero haredi yisraeli de orijin sefardi. El es amijor konosido por el su égzito # 1, Alaila Ze Azman (Esta noche es el momento), i por ser el ijo del kantante de Musika Mizrahi Benny Elbaz.

El empesijo de la karriera musikala de Gad fue a la edad de 4 anyos. El su primer dueto fue kon el su padre, el kualo a la su vez era un kantadero famoso de Musika Mizrahi, kuando kantaron endjuntos quien a su vez era un cantante de renombre Mizrahi, cuando cantaron Aba, Otha Ani Oev (Padre, A ti te Kero). Kuando tinía 7 anyos, la famiya de Gad se izo observante. La kansión de la priméra i más famosa eskrita por el su padre, i kantada por eyos dos dempués de ke se trokaron en haredim, fue Lo Kashe Lahzor B'Tshuva (no es zor aboltar en tshuvá). La kantika fue un égzito instantáneo, i tokó las vidas de miles de famiyas no-observantes yisraelis.

Kuando Gad tinía 20 anyos, konosió a la su futura esposa, yamada Moran, la kuala endemas era una fan de el. Eyos tienen dos ijos endjuntos.
 

Kuando ninyo, gravó katro diskos kon el su padre, i más adelántre, sinko más komo solista. El tinía 16 anyos kuando se lansó el primér su eshuérso komo solista, yamado Luz al final del túnel. Enel anyo 2005, lansó משמעויות (Signifikados), el kualo vendió kaji 100.000 kopias sólu en Israel. La su musika, kon kantikas de ritmo pop misturado kon sonetes oryentales i letras relijiozas, atrae al puvliko, tanto el relijiozo, komo el tradisional i el hiloni. Enel anyo 2006, lansó un muevo álbum, yamado Kimat Shaket (כמעת שקט, kaji silensioso) i un muevo disko yamado Bein Atipot (entre las gotas), fue lansado enel anyo 2008, ko-produzido por Ruddy Pérez, el kualo tiene eskritas kansiones para Christina Aguilera . Una de las kantikas de este disko, Olam shel Yeladim (Un mundo para los ninyos), se ha trokado en un grande égzito.

El 26 de Ogusto de 2008, Gad ofrese un grande konsierto enel anfiteatro romano de Kesariya, Israel. Este konsierto fue transmitido por el kanal de músika yisraeli Music 24. Gad fue endemas el primér kantadero haredi en azer un konsierto en Kesariya . Gad kanto enel konsierto kantikas gravadas kon kantaderos komo Harel Moyal, Shlomi Shabbat, i Benny Elbaz, kantikas klasikas komo Kol Ahayalim Hozirim La'baita (todos los soldados estan aboltando a kaza). El konsierto fue un égzito, i dempues salio a la venta DVD endjunto a un CD enel anyo 2009. Endagora Gad Elbaz
tiene presentasiones en Estatos Unitos, Fransia, Ostralya, Suisa, Kanada i Israel.

En una entrevista kon Jewish Music Insider, Gad Elbaz mensiona el su buto de mantener biva la fe del puevlo a traverso de la su musika . El su objektivo es unir a la djente i kriar la unidad a traverso de la músika. Él kanta endjunto a músikos no relijiozos de Israel komo los kantaderos de Musika Mizrahi Lidor Yosefi, Shlomi Shabat i el rapero Alon DeLoco. La su musika atrae a relijiozos, no relijozos i afilú no-djudios.




#Article 509: Baruh Benacerraf (277 words)


Baruj Benacerraf (1920 - 2011) era un mediko venezuelano-amerikano de orijin sefardi. El su padre nasió en Marroko i la su madre en Arjelia. Baruj Benacerraf resivió, endjunto kon Jean Dausset i George D. Snell el Premio Nobel de Medisina enel anyo 1980, shukur a los sus dishkovrimyentos relasionados kon estrukturas determinadas por la jenetika en la superfisie de la sélula ke regulan las reaksiyones del sistem inmunolójiko, espesifikamente los yamados jenes Ir, los kualos regulan la resposta inmune frente a un determinado antijeno soluble. En otras palavras, amostra ke la resposta inmune frente a un antíjeno es distinta para kada persona i es eredada asigún las leyes de Mendel. Todos los individuos pueden responder frente a un mismo antíjeno soluble má kada uno rekonose distintos determinantes antijénikos. Ese patrón de rekonosimyénto individual es eredado de los padres.

Baruj Benacerraf nasió en Karakas, la sivdad kapitala de Venezuela el 29 de Oktobre de 1920. Baruj estudio en la Universita Columbia i en la Eskola Medika de Virginia en Richmond. Se izo sivdadano amerikano enel anyo 1943. Fue mediko de las huérsas militares de Estatos Unitos d'Amerika durante la Sigunda Gerra Mondial. Enel anyo 1948 empiesa la su karriera de investigador. Enel anyo 1970, empiesa a dar lisiones de patolojiya en la Eskola de Medisina de la Universita Harvard. Es elejido myembro de la Akademia Nordamerikana de Artes i Sensias enel anyo 1972 i de la Akademia de Sensias de los Estatos Unitos enel anyo 1973. Resive el Premio Nobel de Medisina enel anyo 1980. En 1990 resivió la National Medal of Science por las sus kontribusiyones enel kampo de la medisina.

Endemás del Premio Nobel, tiene resividos:




#Article 510: Betahayim djudio de Montjuïc (314 words)


El Betahayim djudio de Montjuïc es ulai el sembol má signifikativo i emportante de la memoria i la kultura de la komunita djudia de Katalunya durante la Edad Media. El sementario Esta ubikado en un chiko kampo en la montanya de Montjuïc, a unos 100 m ensima del nivel de la mar, desde ande se puedia ver toda la sivdad medievala de Barselona, enel interior de la kuala se ankontraba la máale djudia de la sivdad, yamada el Call de Barselona.  Se tiene habér de la egzistensia de este betahayim desde el syéklo XI (anyo 1091), kuando el Konde Ramon Berenguer restituyó unas vinyas en la Canonja de la Santa Creu i Santa Eulàlia de Barselona, ubikadas en 
Montjuïc (Monte djudio) i las kualas tinian limitos al Este kon unas antikas sepulturas djudias (veteres iudorum sepulturas). Este sementario estuvo siendo uzado fina 1391, kuando la djuderia fue destruyida i las sus tumbas aperturadas. Desde el syéklo XVII se tienen referensias istóricas de la konosensia de la su ubikasion. No fue asta el anyo 1898, kuando se planeaba fraguar unas instalasiones en la montanya de Montjuïc para la defensa de la kosta, kuando se tuvo konstansia de la priméra aktivitá de arkeolojiya arientro del betahayim, de manera un poko basho kontrolo. Este fakto izo posivle konfirmar ke  el sementario se ekstendía a ambos lados de la kaleja ke yegaba al Kastilyo de Montjuïc, i ke se es igual ke la aktual kaleja. Las ekskavasiyones arkeolojikas de los anyos 1945 i 2001 adjudaron a dokumentar una parte del betahayim kon má de 700 tumbas. 

El 15 de Marso del anyo 2007, la Generalitat de Catalunya deklara el Betahayim djudio de Montjuïc Bien Kulturalo de Entereso Nasional. El arkitekto David Stoleru, del Sentro de Estudios Zakhor, lavora en la preservasion del betahayim kon el buto de pasar el konosimiento a los djudios de la su erensia espanyola.




#Article 511: Transteizmo (124 words)


El Transteizmo es un biervo definido por el filosofo Paul Tillich i el akademiko de la India Heinrich Zimmer, enel kualo azen referensia al sistem de pensamiento o filosofiya relijioza ke esta por enriva del teizmo i ke no es por lo tanto ni teista ni ateista.

Zimmer aplika el termo al sistem teolojiko del Jainismo, el kualo es teista en el sentido de ke los dioses egzisten, má se konvierten en inmateriales kuando son trasendidos por moksha (esto es, un sistem ke no es ateista, má en el kualo los dioses no son la instansia espirituala ma alta). Zimmer (1953, p. 182) uza el termo para deskrivir la posision de los Tirthankaras aviendo traspasado mas ayá de las divinidades governantes del orden naturalo.




#Article 512: Kesariya (119 words)


Kesariya (en ivrit קֵיסָרְיָה) es una viya en Israel la kuala esta ubikada en las ahuéras de la antika sivdad romana de Cesarea Maritima. Está a 45 km de Tel Aviv i serka de Haifa, en la beira de la Mar Mediterraneo, serka de la sivdad de Hadera. Es la unika sivdad yisraeli administarda por una entreprisa privada, la Caesarea Development Corporation; está organisada komo un yishuv komunal, andjak no es ni un kibbutz ni un moshav. La viya es yanada ansina en onor al emperador romano Sesar Avgusto. Oy endiya es un chiko enklave arkeolojiko deklarado Parko Nasyonal. Konserva ruinas romanas, bisantinas i de las krusadas; endemás en la viya se ankontran un akuedukto romano i un anfiteatro.




#Article 513: Moshe Haim Luzzatto (667 words)


Moshe Haim Luzzatto (en ivrit משה חיים לוצאטו), tambien konosido por el su aktronimo en ivrit RaMHaL (רמחל), fue un haham, mekubal i filosofo italiano.

Luzzatto nasió en Padova, Italia el 26 Iyar de 5506 (1707) en una famiya djudia italiana konosida, la famiya Luzzatto, la kuala a dado grandes hahamim, komo Simone Luzzatto, el kualo fue rabino de Venezia i logro empedir la ekspulsion de los djudios de esta sivdad; el su padre era un merkader de sedas. Es posivle ke tinía estudios de la Universita de Padova i endemas tinía eskritos ke amostraban dominio i hohmá de la Gemara, la Tora i la Kabala. Los sus morim fueron el Rosh Yeshiva de la Akademia Rabinika de Padova, Yeshayahu Basan,  avtor de Lahmei Tora i el Gaon Itshak Lampronti, avtor de Pahad Itshak. Desde muy mansevo amostro entereso en la kabala i muncha djente en la komunita djudia de Italia tinía suspechas de ke akabara komo Sabbatai Zvi, el falso mashiah, deké el dizía ke resivía lisiones de un ser mistiko yamado magid, lo ke yegó a ser konosido por un mekubal de Safed, Rafael Israel Kamhi i asta los rabino shefe de Altona, Moshe Hagiz i de Vilna, Yehoshua Heshel. Dempues de resivir amenasas de ser eksokomulgado por la komunita, achetó no eskrivir má nada relasionado kon las lisiones ke resivía del magid i deshar de ensinyar kualker koza relasionada kon el mistisismo djudio, sobre todu basho presiosn del sinyor haham Moshe Hagiz. Enel anyo 1735 se fue a bivir a Amsterdam, Olanda, ande esperaba ke komo era un paez muncho má libberalo, iva poder sigir kon su estudio mistiko. Al pasar en kamino para Olanda, en Almania pidió a los hahamim del paez una proteksiyon de las amenasas de los hahamim italianos, má lo huersaron a firmar un dokumento ande dizía ke todas las ensinyansas del magid eran mintira. De estos dokumentos sólu kedan alkunos tektsos, komo el 70 Tikunim `Hadashim, el kualo eksplika los 70 uzos del ultimo pasuk de la Tora; este livro es komparado kon Tikunei aZohar de Rashbi i, asigun Ramhal, le fue ensinyado palavra a palavra por el magid en arameo.

Kuando a la fin yegó a Amsterdam, pudo sigir estudiando kabala sin ke dingun otro haham lo trublara, afilú no sigió ensinyando mistisismo. Lavoraba komo kortador de diamantes i estudiaba. Es en este tiempo ke eskrivió la su obra por la kualo es má konosido, Mesilat Yesharim, un tratado de etika kon alkuna inspirasion mistika. Tambien eskrivió Derekh Hashem, un tratado el kualo estudia el propos de El Dio en la kriasion, la djustisia i la etika;Maamar Aikarim, otro tratado ke estudia el lavoro de El Dio enel mundo; Da'at Tevunot, un dialog entre la neshama i la hohma; i Derekh Tevunot, un eskrito el kualo apresenta la lojika de los debates talmudikos para un amijor entendimyénto del mundo.

Uno de muestros má grandes hahamim, el Gaon de Vilna, dizía ke, de estar vivo Ramhal kuando el konosió Mesilat Yesharim, avría kaminado desde Vilna a Amsterdam para konoserle i aprender de el; a esto se le konsidera uno de los mayores komplimentos entre hahamim. Ramhal tambien eskrivio poeziya i drama, kon muncha enfluensia de la poeziya djudia de Espanya i de Italia.

Enel anyo 1743, Ramhal se fue a bivir a la Tierra Santa para poder estudiar i ensinyar kabbala. Yegó a la sivdad de Akre. Ma tres anyos dempues, el i la su famiya murieron por una plaga. Un syéklo dempues de este, el movimento Musar dishkovrió los sus eskritos, i los adoptaron para eyos. Antonses el gran etiko de la Tora Yisrael Salanter (1810 - 1883) puso a Mesilat Yesharim enel plan de estudios de las prinsipales yeshivot de Evropa Oryentala. Endemas, los eskritores de la Askala, adoptaron versiyones modifikadas de los sus eskritos sekulares i lo yamaron el fondador de la literatura ebrea moderna. El su primo, el poeta Efraim Luzzatto (1729-1792), tambien tuvo enfluensia en los primeros eskritos de la poeziya modérna en ivrit. 




#Article 514: Ayroporto Sde Dov (189 words)


El Ayroporto Sde Dov Airport (en ivrit שדה דב, Kampo Dov), tambien konosido komo  Ayroporto Dov Hoz (en ivrit נמל התעופה דב הוז, Nemal Ate'ufa Dov Hoz) es un ayroporto ubikado al nor de la sivdad de Tel Aviv, Israel, el kualo prinsipalmente sirve para volos a la sivdades de Eilat i al nord del paez en el Galil i las Alturas del Golan.. Es el ayroporto de la sivdad de Tel Aviv i el sigundo mas grande en la rejion sentrala del paez, dempues del Ayroporto Internasional Ben Gurion. El ayroporto resive el su nombre de Dov Hoz, uno de los pioneros de la aviasion sivil djudia. El ayroporto esta proksimo a ser serrado, dempues de un akódro fue firmado enel kualo, la tyerra en la kuala esta ubikado el ayroporto va ser uzada para fraguár kompleksos de residensias luksyozas; los volos komersiales van ser trokados al Ayroporto Internasional Ben Gurion, serkano a la sivdad de Lod, al sud-este de Tel Aviv. i los servisios militares a la Baza Aerea de Palmahim. Aktualmente, el ayroporto es uzado para volos rejionalos de Arkia Israel Airlines i de Israir Airlines.




#Article 515: Ayroporto (146 words)


Un ayroporto es una estasion para los pasajeros de las ayrolineas i para el transporto de merkaderia. Ayí los aviones resiven benzin, mantenimyento i refaksiyones. 

Los grandes ayroportos tienen pistas pavimentadas para resivir a los aviones, alkunas de asta 4 kilometros de lungeza, kon kalejas ke las konektan kon las terminalas de pasajeros, de karga i las instalasiones de mantenimyento. Los aviones se komunikan kon el ayroporto a traverso de los kontroladores, los kualos se ankontran en la kulá de kontrolo del ayroporto. Oy endiya, munchos ayroportos tienen kamaretas VIP, en las kualas los pasajeros ke volan en Primera Klasa o en Klasa Biznes, pueden asperar i ande resiven atension espesiala, kon kumida, bebidas alkólikas, djurnales, tualetas privadas i servis wireless de internet de grásia. I endemas estan enlasados a las sivdades ke sirven kon lineas de otobus, de trenos (alkunos de alto prestor) i Otopistas.




#Article 516: Betahayim de Coro (279 words)


El Betahayim de Coro (en kastilyano Cementerio Judío de Coro) es el betahayim djudio má antiko ainda en uzo de Amerika. El su orijen se puede ubikar enel syéklo XIX, kuando la komunita sefardi de la adá olandeza de Curaçao empiesó a migrar asia la sivdad de Coro enel anyo 1824. El sementario se empiesa a fraguar enel anyo 1832 por el sinyor Joseph Curiel i la su esposa, Debora Levy Maduro, los kualos merkaron un kanton de tierra serkano a la sivdad para poder entierrar a la su ija, Hana. Enel betahayim se pueden ankontrar tumbas ermozas, las kualas son arikódros de la epoka kuando los djudios prosperavan en la sivdad, shukur al komersio kon las Antiyas Olandezas. El betahayim esta ubikado en la máale de Pantano Abajo, entre la avenida Roossvelt i la kaleja Zamora. Enel betahayim se ankontran la tumbas de los poetas venezuelanos de orijin sefardi Elías David Curiel i Salomón López da Fonseca, inyeto del haham de Amsterdam, Isaac Aboab da Fonseca.

El betahayim fue restorado en la anyada de los 70, shukúr a la adjuda de la Asosiasiyon Yisraeli de Venezuela i el governo nasyonal de antonses. Endagora, dempues de dos anyos de luvias inesperadas en la rejion, las kualas tienen danyadas alkunas de las fráguas de la máale antika de la sivdad, la kuala es Erensia Kulturala de la Umanidad, a traverso de un akódro entre el Sentro de Estudios Sefardis de Karakas —representando a la Asosiasiyon Yisraeli de Venezuela— i la Constructora Sambil, la kuala es una entreprisa de una famiya djudia, se va refraguár el betahayim.

Comunidad Judía de Coro (1824-1900) Una historia. Isidoro Aizenberg. Sigunda Edisiyon. Biblioteka Popular Sefardi. 




#Article 517: Ekspulsion de los djudios de Coro (926 words)


La Ekspulsión de los djudios de Coro se refiere al kuando la komunita djudia de la sivdad venezuelana de Coro fue ekspulsada a la adá de Curaçao. Enel anyo 1827, un grupo de djudios sefardis de la adá de Curaçao migraron a la sivdad. 28 anyos dempués, kon la ekonomiya del paez akabada i muncho desempiego, el resentimyento en kontro de los ekstranjeros fue tomando kontrolo de los abitantes de la sivdad, los kualos kulparon a los merkaderes djudios de la krisa ekonomika. Dempués de protestas en las kalejas de la sivdad, la sivdad konsigió ekspulsar a la komunita djudia - 168 personas – de ritorno a Curaçao. La priméra vez ke los djudios eran ekspulsados de alkuna sivdad en Amerika. 

Los djudios avían yegado a Coro a dimanda de la kolonia olandeza en Curaçao para adjudar a estableser i defender el komersio nasiente entre la adá i Venezuela; ya enel anyo 1831 los residentes de la sivdad protestaban el avanso pishín de los djudios en la sivdad. El govyerno lokal reprimió los protestos i endemas ordenó un empuesto eksklusivo a los merkaderes djudios enel anyo 1832. Enel anyo 1835, dempues de protestos de los merkaderes djudios, el govyerno nasyonal trokó la ley para ke todos los ekstranjeros, no sólu los djudios, pagasen el empuesto, el kualo era dos vezes má alto ke el empuesto para los merkaderes venezuelanos. Andjak los merkaderes i las sus butikas sigiron prosperando i la djente sigio aziéndose kada diya má ostil a los djudios, deke la ekonomiya estaba kada diya ma destryuida.

En la anyada de 1840, el govyerno de la sivdad de Coro i la baza militar serkana a la sivdad empiesaron a pedir emprestimos sin empuestos a la komunita djudia de la sivdad, los kualos se konsideraban adelantros de los sus empuestos. Los empuestos se fueron trokando en kontribusiyones voluntarias, las kualas no ivan ser pagadas. Kon temor del poder militar en la sivdad i la provensiya, el govierno nasyonal de Caracas ordeno a los ekstranjeros de Coro ke no achetasen pagar las kontribusiyones ke les pedía la armada de la provensiya. Los djudios de la sivdad izieron komo fue dimandado, i el 30 de Jenero de 1855, la baza militar de Coro dio las sus tropas de basha, kuando los komandantes no tinían komo pagarles.

Al diya siginte, se ankontró un panfleto por la sivdad, el kualo preguntava si no egzistían sufisientes butikas en la sivdad para poder pagar por la baza militar. Otros volantes eran avyertas amenasas a los ekstranjeros. I afilú otro se dirjiía direktamente a la komunita djudia,, sinyalando la “distorsionada avarisia” de los djudios por la “miseria i desesperansa” del puevlo. Endemás, en el panfleto se dizía ke “munchas ijas de Coro, antes modelos de virtud,” avían sido “prostituidas por los djudíos,” i se dimandava a los djudios a deshar la sivdad. Dos noches más tádre, asigún el istoryador Isidoro Aizenberg, 30 ombres armados tomaron kontrolo de las kalejas de la sivdad, disparando a las kazas ande bivían los djudios, tumbando las portas i destruyindo las butikas de los djudios. 

Ma esta vez, el 10 de Fevrero, el último de los djudíos deshó la sivdad de Coro en un vapor enviado por el govyerno de Curaçao para reskatar a los sus sivdadanos. En un panfleto puvlikado ese diya en Coro se informo a la povlasión ke kon aligriya vemos la muestra tyerra libbera de los sus opresores...los djudíos an sido ekspulsados por el puevlo. 

El govyerno de Curaçao protestó la ekspulsión, déke danyava el komersio kon Venezuela, nombrando los diritos ke Venezuela devía a los ekstranjeros de akódro a los tratados internasionales. Los olandeses pidieron la kompensasiyon por las perdidas de los djudios i dimandaron endemas el su ritorno siguro a Coro i endemas izieron yegar a La Guaira tres naves de gerra para “negosiar” los termos. Caracas ignoró la dimanda deké si los djudíos se konsideravan afektados, tinían ke yevar el kavzo a un djuzgo en Venezuela.

El konflikto diplomátiko sigió por tres anyos, asta ke dos militares venezuelanos konfesaron ke eyos avían eskrito los panfletos kon el teksto yamando a la violensia en kontro de los djudios en   1855, má dempues de nombrar el dirito a la libbertad de ekspresion, no resivieron kondena alkuna. Finalmente, el 6 de Mayo de 1858, el govierno de Venezuela achetó pagar los danyos i garantisar el ritorno de los djudios eksiliados de Coro. Ese mismo diya, un muevo panfleto se puvlikó en la sivdad, el kualo dizía ke El puevlo de Coro no kere a los djudíos. Ahuéra, váyanse d'akí komo perros; i si no se marchan pronto los zamuros van disfrutar kon los su korpos.. Igual alkunos djudios aboltaron basho el kudio del muevo governador militar de la provensiya, andjak muncho menos de lo ke era la komunita orijinala, i oy endiya el betahayim uzado por los kolonos es konsiderado komo Monumento Nasyonal desde Marzo de 2004, i es el má antiko aún en uzo en Amerika. 

En Djunio de 1902 se vieron otros atakos en kontro de la komunita en Coro, i los djudios bushkaron asilo en Curaçao, el kualo fue dado por el governador de la adá, J. O. de Jong Van Beek, ken envió la nave de gerra HNLMS Koningin Regentes a protejerlos. De ritorno a Kurasao la nave trajo ochenta mujeres i ninyos. En Djulio de ese mismo año, la misma nave fue enviada a La Vela de Coro por el resto de los djudíos, i tan sólu unos pokos se kedaron ayí para protejer las propiedades de los eksiliados.




#Article 518: Esnoga de Coro (291 words)


La Esnoga de Coro es una esnoga ubikada en la sivdad de Coro, al nord de Venezuela i serka de la beira de la Mar Karibe i de la isola de Kurasao; es la esnoga más antika de Amerika Latina. La esnoga era orijinalmente una kaza fraguáda enel anyo 1774, la kuala fue merkada el 30 de Djulio de 1847por David Abraham Senior, un merkader sefardi de la adá de Curaçao ke bivía en la sivdad i konformaba parte de la nasiente komunita. Antes de este, la komunita se reunia en la kaza del sinyor David Valensia para meldar. Se dize ke unas 20 personas se ankontraban para shabat i para tefila.

El su ijo Isaac Senior i los su desendientes sigieron biviendo en la kaza i uzando una kamareta de eya komo una sala para meldar, asta la anyada de los 1880. El 6 de Fevrero de 1986, la kasa fue vendida al govierno nasyonal, i el 3 de Ogusto de 1997, el govyerno del estato Falcón apertura la Kaza de Orasion Ebrea komo un aporte kulturalo emportante el kualo konforma parte de la erensia sefardi de esta rejion del nord de Venezuela. La esnoga esta ubikada en la kaleja Talavera de la máale antika de la sivdad, i tiene el su patin yeno de arena de los Medanos de Coro, ansina komo la arena de la mar ke tiene la Esnoga de Kurasao, de ande yegó la djente de la komunita. 

Oy endia, la esnoga konforma parte del Muzeyo d'Arte Alberto Henríquez, el kualo es parte de la Universita Nasyonala Eksperimentala Francisco de  Miranda. Resientemente enel anyo 2009, la Universita kontaktó a la Asosiasiyon Yisraeli de Venezuela kon el buto de konsigir adjuda para la restorasiyon de la esnoga. 




#Article 519: Esti Mamo (224 words)


Esti Mamo (en Ge'ez: እስቲ ማሞ, istī māmmō, en ivrit: אסתי ממו)  es una modelo i aktrisa yisraeli.

De orijin etiopiano, Esti Mamo nasió enel anyo 1983 en Chilga, en el nord-oksidente de Ethiopia. Eya pertenese a la komunita Beta Israel. Kuando eya tinía 9 anyos, la su famiya migró de Etiopia, la kuala pasaba por una anyada de provesa, a Israel, i yegaron a bivir en una máale prove de Kiryat Malahi, una sivdad enel sud del paez. El su ermano chiko se amortó enel anyo 2004 . 

Kuando era una mansevika, Esti fondó un grupo de dansa yamado Mango, el kualo se apresentó en munchos teatros en Israel i endemás representó al paez en el Karnaval de Notting Hill, en Londra.

Esti Mamo fue dishkovyerta kuando tinía 15 anyos, má eya no achetó dinguna oferta de ajentes para ke empiesase la su karriera komo modelo asta ke akabó el lisé, má kuando tinía 18 Mamo empiesó la su karriera komo modelo . Desde antonses, tiene aparisiones en portadas de revistas yisraelis, evropeas i amerikanas, komo Elle i Vogue. Endemás, a lavorado para kompanyias de moda yisraelis i evropeas komo Diesel, Kenvelo, Castro, Renoir i aktuado en la televizyón yisraeli. Enel anyo 2005, eya estuvo entre las 100 mujeres más sexy del paez en una ancheta de la revista maskulina yisraeli Blazer .




#Article 520: Baza Aerea de Palmahim (168 words)


La Baza Aerea de Palmahim (en ivrit בסיס חיל-האוויר פלמחים ) está ubikada serka de la sivdad de Rishon LeZion, i al lado de Yavne. Tiene el su nombre del kibbutz Palmahim ubikado en la beira de la Mar Mediterraneo.

La baza es uzada por varios eskvadrones de elikopteros i UAVs de la Huersa Aerea de Israel, i endemás fonksiona komo plataforma de lansamyénto para el misil antimisil Arrow. Palmahim es endemás el kosmodromo desde ande es lansada la roketa lansadora Shavit al espasio eksterior en orbita retrógrada (esto asegura ke los kusures de la roketa no kaygan sobro zonas povladas, i en kavzo de reushir, el material de alta teknolojiya no kayga en manos de payises árabos vezinos) sobre la Mar Mediterraneo, siendo ansina el prinsipal kosmodromo del paez.  Los más resientes lansamientos inkluyen: 

En Djulio de 2007, se akodró ke una vez ke el Ayroporto Sde Dov en Tel Aviv akabe las sus fonksiones, las sus aktividades militares van ser transferidas a la baza de Palmahim.




#Article 521: Ensalada kocha (143 words)


La Ensalada kocha o matbuha (en ivrit מטבוחה; en arabo, مطبوخة) es una ensalada la kuala a sido kuzinada, echa prinsipalmente de tomat, pimientos azados, alzeyte de oliva i ajo, todo eyo kosinado endjunto. El nombre del plato proviene de la palavra araba matbuha, la kuala signifika kuzinada o kocha. Jeneralmente se suele servir friya endjunto con halá o pita.

El plato tiene el su orijin enel Maghreb, i espesialmente en la kuzina sefardi de esta rejión. Dempués del Dishkovrimyento de Amerika se adisionaron lentamente muevos ingredientes a la gastronomiya del nord de Afrika, komo el tomat i los pimientos dando lugar a este plato. Oy en diya konforma parte integrante de las kuzinas del Maghreb i de Israel, ande fue yevada por los olim del nord de Afrika, los kualos empiegan estos ingredientes ma ke tienen alkunas diferensias asigún el su orijin.




#Article 522: Doris Benmaman (174 words)


Doris Benmamán es una kantadera de musika en lingua djudeo-espanyola, espesialmente en haketia i endemás tanyedora de laud.

Doris Benmamán nasió en la sivdad de Caracas, en una famiya sefardi de Marroko. Aprendio a tanyer la gitara klásika kon el profesor Jose Gregorio Guanchez i el laut kon el profesor Ruben Riera, i es profesora de Músika Antika, espesialista en instrumentos de kuédras punzadas de la Hochschüle für Musik (Eskola Superior de Musika) de Trossingen, Almania. Doris es konosida por ser una kantadera ke endemas tanye el instrumento kuando eya kanta.

Endemas, tiene estudios de Músika de Kámara en la Schola Cantorum Basiliensis en Basilea, Suisa, i de Kanto con el maestro Richard Levitt. La su kariera komo kantadera la yeva endjunto a la kariera komo direktora de koros. Fue direktora fondadora del koro djovenil de la “Schola Cantorum de Caracas”  i de la koral de Profesores del lisé Moral y Luces Herzl-Bialik en Venezuela, una de las eskolas djudias de la sivdad, ansina komo kas korales de Steintaat i de Weiningen en Suisa.




#Article 523: Odmar Braga (463 words)


Odmar Pinheiro Braga, poeta i eskritor, nasido en la sivdad de Recife, Brasil en el anyo 1952, djudio de orijin Sefaradi es un de los pokos poetas de Brasil ke eskriven en djudeo-espanyol,o sea,la Língua Djudeo-Espanyola el Ladino i ke bushka el arebivimiento de la lingua  i de la literatura djudeo espanyola oy endia en Brasil.

Odmar Braga es lisensiado en Dirito de la Universita Katolika de Pernambuco, ambezo la Maestria en Filosofiya de la Universita Federala de Pernambuco i endemas ambezo  Doktorado en la Eskola de Altos Estudios en Sensias Sosyalas de Paris (EHESS), kon su tesis dainda sin konkluzion. Endemás su despertar de eskrivir poezyias en el djudeo-espanyol yego al su empesijo en el anyo 1987 i le izo publikar el su primer livro de poezyias en 1992 portugez i en el djudeo-espanyol Lembranças / Rekodros en el anyo 2001, tambien editado en 2005, Rekodro de mis rekodros - 2011 i Viduy - 2013, livros de poezyias publikados solamente en djudeo-espanyol.

de el mal.

andjelos negros

vistidos de muerte,

Basho de la yelada mirada

de sus ojos

nase el sufrir revijitado

i la destruiksion 

Sus malorozas manos 

de fierro

solamente lavoran el pan

de la mizeria

i konduzen entre solombras

el seko amargor 

de las senizas.

si ande pizan 

sus funestos korasones 

eskurren gritos de la sangre

i ambiertos siempre yoran  

los rios 

A la presioza
Margalit Matitiahu,

kerida poeta ermana de mi Sefarad

In: Livro Rekodro de mis rekodros  

de Odmar Braga .·.  anyo 2010.

א

, Sangre

de mi sangre
de Espanya

ke Sefarad en
mi alma kanta, 

Ke en mis
versos palpitan

i a mi korasón
estremerse.

ב

Me rekodro,

Si mi ermana
me rekodro

de las
konsejas de los avuelos,

Son kinyentos
de los anyos i me rekodro

de los
refranes de las kantikas,

De las
kansiones la más antíka

i de el golor
de los pasteles.

ג

Me rekodro,

Si mi ermana
me rekodro

del karinyo de
muestros padres,

Son kinyentos
de los anyos i me rekodro

de la guadra
de muestra erensia,

De la
tradision de los Hahamim

ke disheron de
la fidelidá de haShem

i del luzero
de la Torah.

ד

Me rekodro,

Si mi ermana
me rekodro

de la notche
de los tiempos,

Son kinyentos
de los anyos i me rekodro

de la lágrima
ke kemó,

De tinieblas
sin la Luz

i de la sangre
ke yoró.

ה

Me rekodro,

Si mi ermana
me rekodro 

sufrimiento de los siglos,

Son kinyentos
de los anyos i me rekodro

ke fuímos
dezraygardos de Espanya,

Ke tenemos la
fuerza de muestro espiritu,

Ke djudios
solamente somos

i mos yamamos
de mozotros.

ו

de mi sangre
de Espanya

ke Sefarad en
mi alma kanta,

Ke en mis versos palpitan

i a mi korason
estremerse.    

Odmar Braga .·. 




#Article 524: Kristianizmo (142 words)


El Kristianizmo es una relijion monoteista de orijin djudio ke se basa en su rekonosimiento a Yeshu de Nazaret, el Kristo komo el su fondador, yamado Mashiah, la figura sentrala. Kon mas de 2.100 milyones de kreyentes, o serka de una treséra parte de la povlasion mondiala; es konsiderada la relijion del mundo kon mas segidores. Ariento de los sus escritos sagrados, esparte kon el Djudaismo el Tanah. Por este motivo es yamada Relijion Avraámika endjuntamente kon el Djudaismo i el Islam.

El kristyanismo se ankontra dividido en varias ramas, las kualas aparesieron por kavza de diferensias en Konsehos relijiozos de la Kilisia primitiva (Efeso i Kalsedonya), endemas de la gran division entre los Imperios Romanos de Oryente i Oksidente i la Reformasyon de la Kilisia enel syéklo XVI, lo kualo kavzó el nasimyénto de las Kilisias protestantes. Las Ramas prinsipalas son:




#Article 525: Eglesias evanjélikas (109 words)


Las Eglesias Evanjélikas o movemento evanjéliko son diversas kongregasiones kristianas ke están difundidas por todo el mundo i presentan distintos grados de diferensiasión entre si, ke normalmente son leves. Son eglesias de tendensias protestantes, kakterisadas por la emportansia de le evanjelisasión, una eksperiensia personal en la konversión, kon una fe bíblikamente orientada i una kreensia en la relevansia de la fe kristiana en temas kulturalas.

Kale destakar algunas eglesias evanjelikas komo las Asambleas de El Dio, los metodistas, los bautistas, los karismátikos, los luteranos, los pentekostales o la Eglesia Evanjelika de Marín.

Tambien egzisten los katólikos evanjélikos, ke son akeyos ke se konsideran al mesmo tiempo katólikos i evanjélikos.




#Article 526: Hanukka (546 words)


Hanukka (חֲנֻכָּה, i sin las nikudot חנוכה), yamada La Fyésta de las Kandelikas, es una fiesta djudia ke se aze durante ochu diyas, i en la kuala se arikódra la viktoria sobro de los grégos i la obtension de la independensia djudia shukur a los makkabim i la posterior purifikasiyon del Bet Amikdash i la su limpiesa de idolos i avodá zará, de la kuala se arikódra el mirakolo del kandelabro (hanukiya), el kualo tinía luz durante los ochu diyas siguidos, kon una kantidad muy chika de alzeyte.

La selebrasion de Hanukka arikódra los diyas del kontrolo eléniko en Israel, la kuala empiesó kon la konkista de Aleksandro Magno, enel anyo 332 a.E.K.; i por esto no se mensiona enel Tanah. Kuando Antiokos IV Epifanes es koronado komo rey de Suria (175-164 a.E.K.), éste deside azer má grégo al pueblo de Israel, defendiendo ansina a los djudios de pueder sigir las sus tradisiyones i kostumbras. Un grupo de djudios, konosido komo los makkabim (el su nombre proviene del su lider, Yehuda Makkabi), los kualos bivian en la rejion de Modi'in, empiesó a aktuar en kontro de los soldados grégos, ya ke se opozaban a azer aktos en kontro de la su relijion. Eyos izieron una gerra muy zor, deke eran una minoriya en kontro de una armada grande i kon muncha huérsa: ma afilú, las sus estratejias, las sus desisiones, el ser unos soldados korajozos i la su fey los yevaron a lo konosido komo el mirakolo de Hanukka: ganar en una gerra kontra una armada muy grande. Kuando la gerra akaba, los makkabim aboltan a Yerushalayim, al Bet Amikdash i lo ankontran yeno de idolos i ankontran endemas la menora apagada, sin [kandelas, ma ankontran alzeyte sufisiente para ensender las kandelas un sólu diya. Se tadraron ochu diyas en pueder konsigir má alzeyte, ma afilú en todos estos diyas, la menora o hanukkiya siempre tuvo las sus kandelas ensendidas.

La fyesta de Hanukka se selebra durante ochu diyas, del 25 de Kislev al 2 de Tevet (o el 3 de Tevet, kuando Kislev kuenta kon sólu 29 diyas). Durante Hanukka se prende una hanukkiya o menora de ochu brazos (má uno mayor, yamado shamash). En la priméra noche sólu se prende el shamash i una kandela, i kada noche se va ensendiendo una kandela más, asta el último diya enel kualo toda la hanukkiya esta ensendida. Este fakto arikódra el mirakolo de ke el alzeyte alkansó ocho diyas. 

Una de las kostumbras de esta fiesta es ke los ninyos djueguen kon un sevivon o dreidel. Este tiene katro karas, kada una de eyas kon una letra del alefbet:

Las katro letras son las inisiales de Nes gadol haia sham, lo ke kere dizir, Un mirakolo grande akontesió ayá. En Israel, la katrena letra es פ en vez de ש, i las inisiales son de Nes gadol haia po, lo kualo se traduse a Un mirakolo grande akontesió akí. También se tiene komo konstumbra kumer levivot (latkes, en idish), bimuelos i sufganiot, los kualos son pastelikos de papa, kézo i bolitas de masa reynadas de marmelada. En alkunas sivdades ande se akontran komunitas de Habad Lubavitch, se amostran Hanukkiyot publikas, i las luses se ensienden para ke las pueda ver toda la djente de la sivdad.




#Article 527: Sete Quedas (172 words)


Sete Quedas, es una sivdad de Brasil i esta uvikada en el sud del estado de Mato Grosso del Sud.

Uvikada en una latitud 23º58'13 sud i en la lonjitud 55º02'08 oeste, estando a 407 metros del nivel de la mar. Su povlasion estimada en 2004 era de 8,854 avitantes.

Las sus frontieras zon al sud kon la Repuvlika del Paraguay, al nord con la sivdad de Tacurú, al este con la sivdad de Japorã i al oeste con la sivdad de Paranhos.

Las prinsipales fuentes de renda son la criacion de ganado bovino, soja i el cultivo de mandioca.
Tiene una superficie de 825,93 km².

Los últimos alkaldes de la sividad de Sete Quedas:

alkalde en 2000, renuncio al cargo en 2002 i su vise Paulo Ferreira tomo la direksion.

Sérgio Roberto Mendes

Alkalde en 2004 y reeleko en 2008, el vise-alkalde es José Gomes Goulart.

La Sivdad tiene gran patrimonio kultural, hace frontiera con la sivdad de Pindoty Porã (Republika del Paraguai), konta kon konsejos: 
konsejo Tutelar

entre otros konsejos.




#Article 528: Mato Grosso del Sud (115 words)


Mato Grosso del Sud (en portugez: Mato Grosso do Sul) es un estato brasilenyo ubikado al sur de la rejion Centro-Oeste. 

El territorio del estado del Mato Grosso do Sul kolinda al norte kon el estado de Mato Grosso, al sud topa kon la Repuvlika de Paraguay (departamento de Canindeyú), al noreste kolinda kon Minas Gerais i Goiás, al oeste kolinda kon la Repuvlika del Bolivia y Repuvlika de Paraguay (departamentos de Alto Paraguay i Amambay), i al este kon el estado brasileno de São Paulo i Paraná. El estado es partajado en belediyes, la kapitala es la sivdad de Campo Grande (Mato Grosso do Sul). Otrunas sivdades emportantes son: Dourados, Corumbá i Três Lagoas.




#Article 529: Gush Dan (141 words)


Gush Dan (en ivrit: גוש דן) es el nombre de la rejion metropolitana ke se topa alderredór de la sivdad de Tel Aviv-Yafo, enel sentro de Israel. Al Gush Dan apartienen sivdades tanto del Distrito Sentral komo del distrito de Tel Aviv en la beira de la Mar Mediterraneo. Es la mayor rejion metropolitana de la medina, kon una povlasiyon de 3.150.000 avitantes, lo kualo la aze endemas la sivdad djudia ma grande del mundo entero, por delantre de Mueva York. A esta rejion partienen las sivdades de Tel Aviv, Ramat Gan, Holon, Giv'atayim, Petah Tikva, Bnei Brak, Bat Yam, Herzliya, Ramla, Lod i Rishon LeZion.

El nombre de Gush Dan signifika Bloko de Dan, ansina nombrado deke okupa el la tyerra ande se ubikaba la tribu de Dan, una de las Doze Tribus ke konformaron el antiko Reyno de Israel.




#Article 530: Mar Mediterranea (733 words)


La Mar Mediterranea es una mar konektada kon el Oseano Atlantiko i rodeado por la rejión mediterránea, entre Evropa del Sud, Asya Oksidentala i Afrika del Nord. Afilu esta konektado kon el Atlántiko, alkunos avtores lo konsideran un kuerpo d'agua endependiente. Kon unos 2.5 milyones de km² i 3.860 km de lungeza, es la mar interior má grande del mundo. Las sus aguas, las kualas banyan las tres peninsolas del sud de Evropa 
(Iberika, Italika, Balkanika) i una de Asya (Anatolia), komunikan kon el oséano Atlántiko (a traverso del Estrecho de Jibraltar), kon la Mar Preta (por los estrechos del Bosfor i de los Dardanelos), i con la Mar Kolorada (por el Kanal de Suez). Es la mar kon las tasas má elevadas de idrokarburos i kontaminasiyon del mundo.

El orijin del nombre de esta mar viene del biervo latino Mar Medi Terraneum, lo kualo signifika la mar en el medio de las tyerras. La majorita de los avitantes de las sus beiras uzan un nombre derivado del biervo latino. En grégo se yama Mesogeios Thalassa (Μεσόγειος Θάλασσα) kon el mismo signifikado ke en lingua latina; en arabo se yama Al-Bahr al-Mutawāsit البحر المتواسط (mar intermídio), i en turkano Ak Deniz (mar blanko, en kontro de la mar Preta, pues los turkanos yaman blanko al Sud i preto al Nord). El nombre turkano también se uza a vezes en árabo: Al-Bahr al-Abyad البحر الأبيض. Para los ejipsios era el Gran Védre.

La mar Mediterraneo se ankontra ubikada entre las rejiones templada i subtropikal. Está rodeada por tyerras kontinentalas de gran tamanyo, lo kualo le da una klimatolojiya propia, kon enveranos kálidos i sekos, enviernos moderados i umidos i buena parte de las luvias durante la primavera. Endjunto a la beira de la mar egzisten munchas sivdades i viyas, las kualas no sólu son abitadas por la poblasiyon lokala, afilú por povlasiyon temporal, turistas i lavurantes sobre todu enel enverano. Las rejiones del nord, tienen muncha endustria, al kontrario de la rejion del Sud, la kuala es má agrikola.

La mar Mediterráneo tiene una ekstensiyon de 3.5 x 106 km2, lo kualo representa kaji el 1% de la superfisie oseánika mondial, kon una profundidad mídia de 1.5 km. La su parte má profonda, en Matapan, yega a 5.121 m basho el levelo de la mar. La su lungeza kostera es de 46.000 km, de los kualos el 40% pertenese a isolas. Se komunika kon el Oseano Atlantiko a traverso del Estrecho de Jibraltar, un paso de 12.8 km de lungeza i una profondidad de kaji 300 m; por el noroeste, kontakta a la mar Preta a traverso del Estrecho de Dardanelos, la mar de Marmara i el estrecho del Bosfor. En el sudeste, se komunika con la mar Kolorada por modre de la aksiyon umana, la kuala krio el kanal de Suez, kanal ke sirve de entrada a espesies tropikalas de la mar Kolorada i del Oseano Indiko.

Limitan kon la mar Mediterránea:

La mar Mediterráneo esta liasionada direktamente kon la Istorya. Fenisyanos i romanos navegaron por eya endjunto a los grégos, los kualos salieron de eya a traverso del Estrecho de Jibraltar unos 3000 anyos atrás. Éstos navegantes sólu konosían las kurrientes de los ríos i pensaron ke el agua al otro lado de Jibraltar era un enorme río. Por tanto, la palavra ke signifika río en grégo klásiko era Okeano, i de ayí viene la palavra oséano. En la Roma antika se yamó Mare Nostrum (La Muestra mar) deke todas las sus beiras fueron okupadas por eya, i enel syéklo XX Benito Mussolini – kiriendo rekriar el emperio romano – lo yamó Mare Nostrum Italiano durante la Sigunda Gerra Mondiala. La mar orijinó una serie de ledjendas i mitos en torno a él, komo la de Jasón i los argonautas.

La rejión mediterránea tiene un alto grado de endemismo, lo kualo okasiona ke se la konsidere komo uno de los lugares de mayor konsentrasiyon de biodiversidad enel mundo. Esto akontese deke el basho empakto de la última glasiasiyon en la rejion, lo kualo djeneró ke aktuara como reserva; la presensia de montanyas emportantes (por egzempio, el Atlas, el Taurus al sud, las rejiones de Gúdar, Javalambre, Levante…), lo kualo agrega diversidad estructural al biotopo; i endemas a la lunga istorya de los diferentes uzos de la tyerra por la povlasiyon lokala, la kuala a kriado i mantenido una gran gama de ábitats.




#Article 531: Desyerto (148 words)


Un desyerto es la rejion jeografika total o kaji del todo inabitada, en la kuala las luvias kaji nunka alkansan los 250 milímetros al anyo i la tyerra es árida i seka. Endemas, puede ser konsiderado un ekosistem o un bioma. Un desyerto es un ekosistem el kualo es konosido por tener poka vida, má este depende de la klasa de desyerto; en munchos egziste vida abundante, kon plantas adaptadan a la poka luvia i la fauna uzualmente se okulta durante el diya para konservar la umedad, lo ke signifika ke un ekosistem de desyerto es árido; ni afilú las modérnas teknolojiyas de oy endiya azen kolay el estableser povlasiones i viyas. Los desyertos konforman la rejion má ekstensa del planeta: la su area total es de 50 milyones de kilómetros katrados, kaji una tresera parte de la superfisie del planeta (16% desyertos kálidos i 14% desyertos friyos).




#Article 532: Banka de Yisrael (167 words)


La Banka de Yisrael (en ivrit: בנק ישראל; en arabo: بنك إسرائيل) es la banka sentrala de Israel, enkargada de emitir las parás del paez (el shekel). La Banka de Yisrael tiene la su sede prinsipala en Yerushalayim, kon un buró sigundario en Tel Aviv. El su aktual governador es Stanley Fischer.

Dempues de konsigir la endependensia enel anyo 1948, la emisiyon de las parás era lavoro de a la Anglo Palestine Company (aktual Banka Leumi). La polítika monetaria i la supervisiyon bankaria se azía basho el kontrolo del Ministerio de Azienda. La Banka de Yisrael fue fondada el 24 de Ogusto de 1954, cuando la Knesset dio el su visto bueno a la ley reguladora de la Banka de Yisrael, la kuala pasó a tener la supervisyon bankaria. El kontrolo de las parás no fue dado a la banka asta 1978. Desde 1992, la banko kontrola la inflasiyon i endemas tiene la fakultad de desinyar medidas de polítika monetaria a la fin de kumplir este objektivo.




#Article 533: Aliansa Yisraeliana Universala (187 words)


La Aliansa Yisraeliana Universala (en fransez Alliance Israélite Universelle,en ivrit כל ישראל חברים ) es una organisasiyon polítika establesida en Fransia enel anyo 1860 kon el buto de ofreser ayudo a djudios. La rason de ser de la Aliansa es la ekspresiyon de los muestros hahamim Kol Yisrael arevim ze laze (כל ישראל ערבים זה לזה), la kuala se treslada ala lingua fransesa komo Tous les israelietes sont solidaires les un des autres (Todos los djudios son responsávels los unos de los otros). 

Los sus fondadores fueron un grup de djudios franseses, entre eyos Adolphe Cremieux, los kualos tinían las parás presisadas para ayudar a akeyos djudios proves, ofresiendo apoyo polítiko, ayudando a emigrar a otros i finalmente kriando programas de edukasiyon djudia en la Evropa Orientala, Medio Oryente i Áfrika del Nord. Aperturó la su primera eskola en Tetuan, Marroko enel anyo 1862.  Enel anyo 1945 manifestaron el su apoyo al Zionismo (movimento polítiko para la kriasion de un estado djudío) i enel anyo 1946 las sus aktivitás diplomátikas fueron tomadas basho el kontrolo del Konsesho Konsultivo de Organisasyiones Djudias en la sivdad de Mueva York.




#Article 534: Estasion de trénos del Ayroporto Ben Gurion (274 words)


La Estasion de trénos del Ayroporto Ben Gurion (en ivrit תחנת הרכבת נמל התעופה בן גוריון, Tahanat A-Rakévet Nemal A-Te'ufá Ben Gurion) es una estasion de la linea de trénos de la Israel Railways entre Tel Aviv i Modi'in. La estasion esta ubikada en el levelo basho de la Terminal 3  del Ayroporto Internasional Ben Gurion‎, i fue aperturada enel anyo 2004.

El viaje entre el Ayroporto Internasional Ben Gurion‎ i la sivdad de Tel Aviv tadra unos kinze minutos. En la direksiyon kontraria, la linea va desde el ayroporto asta Modi'in. Má de un milyon de personas uzaron esta linea enel anyo 2005. En Ogusto de 2009 la estasion fue uzada por un promedio de 8.600 personas al diya.

La estasion va ser endemas una parada regular en la futura linea de alto prestor entre Tel Aviv i Yerushalayim, la kuala se esta fraguando oy endiya. La linea a Modi'in fue aperturada ofisialmente en Avril de 2008, má afilú el enlaso a Yerushalayim fonksionará sólu dempués del anyo 2012. Tambien es faktivel para akeyos trénos ke pasan a traverso de la estasion ke yegen asta la Estasion de trénos de Lod; de fákto, los trénos ke viajan desde Beersheva asta Tel Aviv paraban en la estasion Ben Gurion enel anyo 2007. Ma afilú esto no se esta aziendo endagora i se espera poder sigir ofresiendo este servis dempu's de ke la línea de Lod a Beersheva este amijorada. Al pasar por Lod, tambien puede ser faktivel yegar a otras sivdades komo Rehovot, Ashdod, Ashkelon i afilú a la aktuala estasion de trénos de Estasion de trénos de Malha en la sivdad de Yerushalayim.




#Article 535: Kuando el Rey Nimrod (456 words)


Kuando el Rey Nimrod es una kantika trasidionala djudia. Se piensa ke se orijinó en Espanya durante la Edad Midia. Dempues del Edikto de Granada i la Ekspulsion de Espanya, se izo konosida en las komunitas sefardis en Marroko, la Turkiya, Yavan i en todas las komunitas serkanas a la Mar Mediterraneo. Es kantada en lingua djudeo-espanyola i kuenta la istorya del nasimyénto de Avraam Avinu, el nasi konsiderado el padre del puevlo djudio.

(koro)

(koro)

(koro)

(koro)

(koro)

En la kantika, Avraam — el kualo en la Tora es el primer djudio i el ansestro de todos los ke sigieron, la kuala es la razon por la es yamado Avinu (del biervo ebreo אבינו, sinyifikando el muestro padre) — ya está nasido en la djudería. Esto aze ke Terah i la su mujer bivan komo djudios, ansina komo los padres de otros ninyos matados por Nimrod. Avraam en la Tora es el primer ombre al kualo se aze la milá i el primero en azerla a otro, el su ijo Its·hak.  

En esensia, de manera distinta a la istorya de la Tora, la kantika es aserka de una komunita djudia akosada por un rey malo i la kuala ve el nasimyento de un salvador, un nasi; esto es un tema enteresante para los djudios ke bivieron en Espanya antes del Edikto de Granada enel anyo 1492. La kantika endemás, trae elementos relasionados kon el nasimyénto de Moshe Rabenu (el rey malo matando ninyos inosentes, kon las komadres mandadas a matarlos) i de las vidas de Hananiya, Mishael, i Azariya (Shadrak, Meshak, i Abednego), los kualos eskaparon del fuego al kual fueron echados. Nimrod entonses es echo misturar los roles i atributos de dos reyes konosidos komo yenos de negregúra— Nabukodonosor i Paró. 

Endemas se dize ke la kantika toma elementos del Natal de los kristyános. Por egzempio, la luz santa avista en la estreyería ke sinyaló el nasimyénto, el naser Avraam Avinu en una meará i la matada de los ninyos mandada por el Rey Erodes. La referensia a Avraam komo el amigo viene del nombre en arabo de Avraam. 

Egzisten varias versiyones de la letra de la kantika, la kuala depende del lashon djudeo-espanyol avlado por la komunita; es por eyo ke la versiyon kantada en Marroko i Meliya es diferente de la de la Turkiya i la de Gresia. Munchos kantaderos sefardis, otros kantaderos djudios ashkenazim i afilu alkunos kantaderos no djudios tienen gravada versiones de esta kantika, la kual konforma parte de la yamada world music, komo Fortuna, Françoise Atlan, Doris Benmaman, Mappamundi, Psalteria, Lampa Ladino, Emil Skobeloff i Nani. El grup turkano Sefarad tiene una versiyon en lingua turkana yamada Bodrum, anke la letra no está relasionada kon la kantika orijinala.




#Article 536: Evropa Orientala (178 words)


Evropa Orientala o del Este es, la rejión oryentala del kontinente evropeo. Afilú, la división de Evropa en oksidentala i oryentala a tinido varios trokos durante la su istorya. Una manera de analisar esta alternativa esta bazada en lo kualo se konsidera Evropa Sentrala. Durante gran parte del syéklo XX, kuando eran paezes sosyalistas aliados de la Union Sovyetika, paezes komo Madjaristan o Polonia ivan perteneser klaramente a la Evropa Oryentala; má endagora oy endiya estos pazes asen eshuérsos para reskatar la su pertenensia a la Evropa Sentrala en kontro de las antikas repuvlikas sovyetikas.

 

La Divisiyón de Estadístika de la Organisaziyon de las Nasiones Unitas define a la Evropa Oryentala komo el grup de los sigintes paezes:

Endemás, los pazes a sigir eran repúvlikas de la Unión Sovyétika i a vezes son klasifikados como parte de la Evropa Oryentala en lo ke respekta a la su afiliasiyon istórika i polítika:

En alkunas okasiones, la definisiyon de la Evropa Oryentala es engrandesida para inkluir otros antikos estados sosyalistas, yegando a abarkar el sud-este del kontinente i los Balkanes:




#Article 537: Barkan (105 words)


Barkan es la sigunda entreprisa yisraeli produktora de vinos, la kuala produze entre 5 i 9 milyones de bokales kada anyo. La entreprisa esta ubikada en el Kibbutz Hulda, al este de Tel Aviv. La entreprisa endemas tiene vinyedos en las Alturas del Golan.

Barkan produse vino de munchas varietades de uvas, má afilú los espesiales de la kaza son: un Chardonnay de uvas ke siembran en los sus vinyedos enel desyerto de Negev, ulai uno de los pokos vinyedos del mundo ubikado en un desyerto; i un vino echo kon uvas Pinotage, varietad de la kuala son los unikos en Israel ke la produzen.




#Article 538: Patrick Bruel (141 words)


Patrick Bruel es un kantadero fransez d' orijin djudio sefardi. Nasido en Tlemsen, Arjelia, el 14 de Mai del anyo 1959 komo Maurice Benguigui, es oy endiya uno de los kompositores, aktores i kantaderos má konosidos de Fransia de musika pop i pop-rock, endemas de djogador de poker profesional.

El su primer gran égzito enel mundo musikalo fue Marre de cette nana-là. Enel anyo 2002 editó Entre deux, un disko de duets 
kon, entre otros, Charles Aznavour, Jean-Louis Aubert i Jean-Jacques Goldman. Ese mismo anyo eskrivió la kansion franzesa para el Festival de Evrovision, Il faut de temps, la kuala yegó enel sinkeno lugar. Komo djogador de poker profisional, enel anyo 1998 ganó el brazalete World Series of Poker i endemas partisipó enel World Poker Tour.

Patrick Bruel tiene publikados más de 10 diskos, munchos de eyos número uno en Fransia.




#Article 539: Imperio Otomano (320 words)


El Emperio Ottomano o Emperio Otomano (1299-1923) (en turkano otomano: دولت عالیه عثمانیه Devlet-i Âliye-yi Osmâniyye, en turkano modérno: Osmanlı Devleti o Osmanlı İmparatorluğu), también konosido komo Emperio Turkano, fue un estado multiétniko i multi-relijiozo govyernado por los osmanlís. Era konosido komo el Emperio Turkano o Turkiya. Dempués de akabar la su egzistensya, fue suksedido por la Repúvlika de la Turkiya, la kuala fue ofisialmente kriada el 23 de Oktubre de 1923. 

Enel su mayor kresimyento i poder, el kualo fue entre los syéklos XVI i XVII, el emperio abarkava una rejion ubikada en 3 kontinentes, tiniendo basho el su kontrolo gran parte de los Balkanes, el Medio Oryente, el Magreb i Afrika del Nord, tiniendo frontieras al Oeste kon Marroko, al Este kon la Mar Kaspio i al sud kon Sudan, Eritrea, Somaliya i Arabia. El Emperio Ottomano tinía 29 provensiyas, i Moldavia, Transilvania i Valakia eran prinsipados vasayos.

El emperio estuvo enel sentro de las liasiones entre el Oryente i el Oksidente por sesh syéklos. Kon Estambol komo la su sivdad kapitala i la rejion ke fue konkistada basho el mando de Suleiman el Magnifiko la kuala tinía el mismo alkanso de las tyerras govyernadas por Djustiniano el Grande 1000 anyos antes, el Emperio Otomano yegó a ser en munchos aspektos, el eredero islámiko de los antikos emperios klásikos komo Roma i Bisansyo. Munchas kostumbras i tradisiones kulturalas de estos emperios (en la arkitektura, la kuzina, i el govyerno) fueron adoptados por los ottomanos, ke los adaptaron i endemas izieron evolusionar en muevas formas. Estos aspektos kulturalos más tádre fueron misturados kon las karakterístikas de los grups étnikos i relijiozos ke bivían dientro de los tyerritorios otomanos, kriando ansina una mueva i partikolar identidá kulturala otomana.

Las posesyiones del Emperio se ankontraban ubikadas entre Oryente i Evropa, por lo kualo durante la su istorya de más de sesh syéklos, las sus liasiones internasionalas estuvieron enfluensiadas por este fakto.




#Article 540: Lingua turkana otomana (304 words)


La Lingua turkana otomana o tambien yamada osmanlıca es la lingua idioma de la kuala se orijinó el turkano modérno, la kuala era empiegada en la administrasion i en la literatura del Emperio Otomano; era endemas una lingua la kuala tinía palavras i expresiones del arabo i del persa, ansí komo alkunas de las sus estrukturas sintáktikas. Al ser la lingua ofisiala del Emperio, era avlada en todas las sus rejiones, komo lingua franka era avlada por las diferentes nasyones del emperio, anke para la mayor parte de la djente era zor komprender munchas de las palavras del arabo o del persa, por lo ke kale avlar de 3 lashones del turkano otomano:

Atatürk, el fondador de la modérna Repúvlika de Turkiya, empiesó un proseso de trkos kon el buto de azer de la Turkiya un paez modérno, dempués del fin del Emperio Otomano. La Turkiya se trokó en un estado sekular (no relijiozo) enel anyo 1928, a traverso de munchos trokos sustansialos, i uno de eyos fue la riforma del turkano otomano: Se trokó el alefbet árabo por el latino (el 24 de May de 1928). El uzo de palavras turkanas (orijinalas) de Asya Sentrala es akseptado i en kontro de las palavras persas i arabas, tentando bushkar una lingua más pura en los sus orijines. El turkano otomano (osmanlıca) piédre ansina, parte de la su rikesa kulturala. Este movimiento de trokos yega a la su etapa más emportante kon la publikasion de la Teoría de Lingua del Sol, favoresida por Atatürk. Munchos dokumentos del govyerno antes de este período son zor de komprender por ken no tiene dominado el turkano otomano, ya ke estos estan eskritos uzando alefbet arabo i endemas tienen un riko kondjunto de palavras arabas i persas.

Esta lingua, es una piesa indispensavél para el estudio del Imperio Otomano.




#Article 541: La estreya okulta del Sertão (386 words)


La estreya okulta del Sertão (en portugez A Estrela Oculta do Sertão) es un filmo dokumentalo Brasiliano del anyo 2005 dirijido por la fotografa Elaine Eiger i la  djurnalista Luize Valente. El tema sentral es las práktikas djudaikas observadas i guadradas por alkunas famiyas en el kaji desertiko nordeste  Brasiliano (El Sertão), endjunto kon la bushkida de la su identidad relijiosa para munchos anusim desde el momento de tomar konsiensa de la su kondision.

El filmo dokumental apresenta entrevistas i  parte del trabajo de abediguasion de la istoryadora de la Universita de São Paulo, Anita Novinsky, la kuala esta konsiderada una autoridad emportante enel tema de la Inkisizion en Brasil, del jenealojista Paulo Valadares i el antropologo del Collège de France, Nathan Wachtel.

La idea de las direktrisas de azer el filmo dokumental tuvo el su orijin enel anyo 2000, dempues de meldar un artikolo en un djurnal aserka d'una viya kon menos de 800 abitantes en el ekstremo oksidental del estado brasiliano de Rio Grande do Norte, yamado Venha-Ver. Asigun el artikolo, un haham amerikano ke avía vijitado la viya, ankontró ke la djente de ayí guadrava kostumbras kuriozamente djudias, afilu deklaravan ke eran katolikos. Munchas de estas kostumbras eran ya tan antikas ke afilu desharon de sigirse enel djudaismo desde aze syeklos atras. Ma afilú alkunas de las kostumbras i tradisiones ke guadravan deshavan klaro el su vedradero orijin: son desendientes de los yamados kristyanos muevos (marranos o anusim), djudios huersados a konvertirse al kristyanismo durante la Inkisision en Portugal, shukur a un dekreto del Rey Manuel, la kuala fue establesida enel anyo 1497.

Durante la invasion olandeza de Brasil en el syeklo XVII, la korona olandeza, la kuala liderava el movimento  para la riforma del Katolisismo, avía tomado una polítika para akseptar enel su paez a akeyos persigidos por la su relijion en munchas partes de Evropa. La mayoría de los inmigrantes djudios ke yegaron al país bivian en la provesa. Kon la toma de Recife por los Payises Bashos, estos grupos se sienten atraídos por la shans de progresar en la sivdad ultramarina portugeza má rika de la époka, i las naves fletadas por djudios arrivavan kaji todos los meses a Recife, pasando más tadre al interior de la rejion, dempues de  ke la sivdad aboltara a estar basho el kontrolo Portugez.




#Article 542: Marc D. Angel (131 words)


El haham Marc D. Angel (nasido en el anyo 1945) es el rabino de Congregation Shearith Israel, un kal sefaradi de tradision Espanyola i Portugeza en la sivdad de Mueva York. El sinyor Angel hue nasido en la komunidad sefaradi de la sivdad de Seattle, i los sus ansestros son sefaradim de la Turkiya i de la izla de Rodes; el kresio avlando djudeo-espanyol en la su kaza.
El haham Marc estudio en la Yeshiva University, ande resivió endemas la su semiha i el su doktorado Honoris Causa. Endemas tiene un Master en literatura ingleza del City College of New York. El haham Angel tiene resivido el Bernard Revel Award en Relijion i Edukasion Relijioza. Hue presidente del Konsejo Rabiniko de Amerika i myémbro de la djunta editoriala del djurnal Tradition.




#Article 543: Gefilte fish (101 words)


El Gefilte fish (en idish געפילטע פיש) es una kumida tradisionala de las komunitas ashkenazis. 

El Gefilte fish se prepara kon pishkado mulido (el kualo a la su vez puede ser una meskla de dos o mas espesies de pishkados) kon sevoya, safanórya, maydanoz, sal i pimienta; se kuzina al forno en forma de bolas chikas o buyido en forma de kopetas o koftés. Orijinalmente, la meskla se guadrava enel kuerpo vazio del pishkado (el nombre de esta kumida sinyikifa pishkado reynado en idish). Es komun servir gefilte fish en Shabat i en las fyestas de Rosh Ashana i de Pesah.




#Article 544: Jose Benoliel (366 words)


Don Jose Benoliel (o Yusef Benoliel) fue un escritor, profesor, academiko i una de las figuras mas sovresalientes de la komunidad djudia de Marroko. Nasio en Tanjer enel anyo 1858 i murio en la misma sivdad enel anyo 1937. A la fin de sus estudios en la eskola Aliansa Yisraeli de Tanjer, se fue a bivir en la sivdad de Paris i ayi entró en los kursos de la Ecole Orientale para ser maestro. Su primer lavoro de profesor fue en la eskola Mikve Israel, serka de Yafo (oy parte de la sivdad de Tel Aviv). En 1881, Jose Benoliel se establesio en Lisboa i lavoro en diferentes eskolas, entre eyas la Eskola de Estudios Libberos, ande ambezava arabo; en Lisboa bivió asta el anyo 1921. Tornó entonses a la sivdad de Tanjer, ande fue nombrado prezidente de la komunidad, de la kuala fue prezidente asta 1924, para dempues lavorar en la sivdad de Mogador. Entre otros proyektos, apoyo la kreasion del Seminario Rabiniko de Tanjer, aziendo ke los elevos ambezasen, endemas de la relijion, materias komo sensias, matemátikas i las linguas Franseza i Kastilyana. Jose Benoliel fue myembro de munchas akademias i asosiasiones: Akademia de Sensias de Portugal, Akademia de Espanya, Akademia de Montreal, Instituto de Coimbra, Sosiedad de Jeografiya de Lisboa, ets. Estuvo muy serkano al senador espanyol Ángel Pulido i al profesor Ramón Menéndez Pidal, investigador del romansero djudeo-espanyol.

Jose Benoliel fue uno de los primeros, a mostrar entereso en la kultura djudeo-espanyola de Marroko i en la haketia, de la kuala presintio, dezde el empesijo del syéklo XX, ke esta lingua i la su kultura estavan al punto de desapareser, por lo kualo se sintio ke kalía arekojer i apuntar el mayor numero de datos. Ansi, eskrive Benoliel enel su livro Dialecto Judeo-Hispano-Marroquí o Hakitia:  En este livro, Benoliel ofrese un leksiko riko i kon detalyo de biervos en haketia, ansi komo una koleksion de refranes, ekspresiones, bendisiones, maldisiones i mizmo kantikas, sino ke endemas analiza esta lengua i establese sus reglas de konstruksion gramatikala.

Benoliel fue tambien el primero a arekojer los kantes djudeo-espanyoles de Marroko. En la introduksion del livro Romancero Judeo-Español en el Archivo Menéndez Pidal, se puede meldar: 




#Article 545: Djudios del Amazonas (329 words)


Los Djudios del Amazonas (en ivrit: יהודי אמזונאס, Yehudey Amazonas; en kastilyano Judíos Amazónicos; en portugez Judeus Amazônicos) son las komunidades de desendientes de djudios de orijin mayormente marroki ke biven en las sivdades de la rejion del Amazonas, komo Belém, Santarém, Manaus, Iquitos, Tarapoto i otras.

Los sus orijines se ubikan en los merkaderes djudios marrokis ke arivaron a la rejion durante el komersio de kaucho en las anyadas de 1880 i 1890. Yegaron afilu asta Iquitos.

En Peru a egzistido un sistem de kastas desde los diyas de la kolonia Espanyola, lo kualo a produzido ke no egzista interaksiyon entre estos desendientes de djudios i la chika komunidad (unos 3000), en la su mayoria de orijin ashkenazi ke bive en la sivdad de Lima, la sivdad kapitala del paez, los kualos estan integrados en la elite blanka de orijin evropeo. Shukur a los eshuérsos de alkunos programas yisraelis de outreach, alkunos de los myembros de estas komunitas an echo giyur ortodokso i kompletaron la su aliya.

Las alkunyas ankontradas en las sivdades de Belém i Manaus de akeyos djudios de oriojin Marroki o Espanyol inkluyen Alves, Abecassis, Aflalo, Abtibol, Abensur, Amzalak, Athias, Assayag, Azulay, Benarrós, Benacon, Benchaya, Benitah, Benmuyal, Bensadon, Bensoussan, Benzaken, Benzion, Bohadana, Benesby, Benchimol, Benayon, Bemergui, Bendayan, Benguigui, Benoliel, Bentes, Benzecry, Cagy, Chocron, Cohen, Dahan, Dor, Del Giglio, Elgaly, Elaluf, Elmescany, Fima, Foinquinos, Gabay, Garcia, Hamu, Hebron, Koifman, Israel, Larrat, Laredo, Levy, Ohana, Ovadia, Ohev Zion, Pazuello, Perez, Pereira, Pecher, Pinto, Sabbá, Sa, Salama, Salgado, Saraga, Serfaty, Sicsú, Siqueira, Salém, Salgado, Safdié, Serruya, Soares, Schwartz, Tayah, Tobelem, Yaeli i Zagury. Enel anyo 1828 fueron fondadas en Belém el kal Sha'ar Hashamayim i el kal Essel Avraham.

El filmo dokumentalo Eretz Amazonia (del direktor David Salgado), esta bazado enel livro de Samuel Benchimol Eretz Amazonia: A Saga dos Judeus na Amazônia. Eyos migraron desde Marroko a la Amazonia durante el komersio del kaucho. Uzaban las linguas tradisionalas de las komunitas ke desharon: djudeo-espanyol, ivrit i Haketia.




#Article 546: Smadar Levi (118 words)


Smadar Levi es una kantadera yisraeli de orijin sefaradi. Smadar nasio en la sivdad de Sderot, en una famiya ke avía echo la su aliya desde Marroko i Tunesia.  Eya a echo eshuérsos en la su karriera muzikala para amijorar la relasion entre las kulturas islamika i djudia.   World Music Central konsidera a Smadar Levi ulai la boz más egzitante en la shena de la World Music mediterranea de Mueva York.  Smadar Levi kanta en ivrit, arabo i djudeo-espanyol. La su musika es deskrita por algunos komo “Muzika pan-Mediterranea kon un poko de sabor zingano” . La organizasion Seeds of Peace tiene premiada a Smadar Levi por unir kulturas para konsigir la paz a traverso de la musika.




#Article 547: Rusia (456 words)


Rusia (en russo - Российская Федерация) es un paiz dela Evropa Oryentala, se topa al este entre Evropa i Asya. Es el mas grande paiz del mundo i aze frontieras kon munchos paizes del mundo, kaji se espande por todo el emisferio norte del planeta. Las sus frontieras son kon Norvega , Finlandia , Estonia , Letonia, Lituania, Polonia, Bielorusia, Ukraina, Jeorjia, Azerbaidjan, Kazakistan, Kina, Mongolia i Korea del Norte.

Rusia es una delas nasyones mas povladas del mundo, la su kapitala i sivdad mas importante es Mosku, kon un povlasion de 10.1 milyones.

La istoria de la nasiyón komenzó kon la de los eslavos del este. En 988 Rusia adoptó el kristianismo ortodokso del imperio bizantino anke el ateizmo es engrandesido por todo el paiz a raiz de movimiento sovietiko; el djudaizmo es una de los relijiones de Rusia, munchos rusos konfiesan este kulto, los azkenazis i los misraji son los grupos populozos.

El su shefe de estado es Vladimir Putin, el governo ruso es uno delos governos del olam mas influyentes, las sus huersas armadas son uno delos ejersitos mas poderozos del planeta.

La su dominasion de internet es .ru ma também .su, la antika dominasion de Internet de la URSS.

El nombre de Rusia en ruso es «Rossíya» (Россия), ke a la vez del grego «Ρωσία» (AFI: [rosˈia]), ke es komo denominavano a la Rus (Русь) en el Imperio bizantino. Sobre el orijen del biervo «Rus» hay , ma ninguna de eyas es agzeptada por todos. Las versiones se apartatienen en istórikas, ke se bazan en autores de oy endia, linguístikas i toponímikas. Ansina las prinsipalas hipótesis son la istórika bizantina, la indo-iraní, la linguístika finesa, la istóriko-toponímika prusiana, endemás de varias etimolojias.

El territorio ruso komparte frontieras terrestres al oksidente kon Finlandia, Norvega, Estonia, Letonia, Lituania, Polonia, Bielorusia, Ukraina, Jeorjia, al norte kon el Oseano Artiko, al oriente kon el Oseano Pasifiko i la repuvlika de Korea del Norte, i al sud haze frontiera kon Mongolia, Kazakistan, Kina. El paiz es divisado en repuvlikas, oblasts i distritos, la kapitala es la sivdad de Mosku, la orbe mas povlada del paiz i unas de las mas povladas del mundo.

La Federasion de Rusia es un estado parlamentario i federal democrático, i konta kon un shefe de estado, Vladimir Putin,i kon un shefe de governo, Mishustin.

La su lingua ofisiala es el Ruso, ma en sus distintas repúblicas egsisten linguas co-ofisialas.

La relijion ke adopto el paez fue el Kristianizmo Ortodokso, ma ay aki tambien otros kultos komo el djudaizmo, el islamizmo i una grande parte de jente no tiene kulto, son ateos. En menor proporsion ay katolikos, drusos, molokans, luteranos i budistas.

Rusia es la sede del Mundial de Futbol enel anyo 2018.




#Article 548: Ashkenazim (145 words)


Los djudios Askenazim o ashkenazis (en ivrit, אַשְׁכֲּנָזִים‎), es komo se yaman a los djudios ke tienen los sus orijines en la Evropa Sentrala i Oryentala —prinsipalmente en Almania, Polonia, Fransia, Ukraina i Rusia; rejion yamada para empesijos del syéklo X por los djudios de la Edad Media Ashkenaz. Estos djudios dezveloparon kostumbras i leyes partikolares, las kualas les azen diferentes de los otros djudios —los sefardim i los mizrahim, sobre todu— yegando afilu a kriar una lingua propia, el idish, la kuala nasio de la meskla de los lashones almanes de las rejiones ande bivian estos djudios kon enfluensia de linguas eslavas i del ivrit. Antes del Olokósto, los ashkenazim eran mas del 90% de la povlasion djudia mondiala; ma endagora oy endia, la su kantidad relativa esta entre un 70% i un 80%, i en Israel la su kantidad es de un 50%.




#Article 549: Antika Esnoga Mayor (Segovia) (234 words)


La Antika Sinagoga Mayor es una esnoga ubikada en el antiko kuartier djudio de la sivdad de Segovia, enel kualo egzistia endemas la Esnoga Menor. La Sinagoga Mayor de Segovia fue fraguáda enel syeklo XII i kedo en manos de la komunidad djudia de la sivdad asta Sietembre del anyo 1410. En este anyo, basho el preteksto de ke rabinos profanaron una seremonia katolika, la reyna Katalina de Aragon i Kastilya izo de su poder la Sinagoga Mayor i la ofresio al obispo Juan de Tordesillas. El kal fue merkado, enel anyo 1572, por Manuel del Sello i el su ermano Antonio, i fue entregada a relijiozas fransiskanas, las kualas la transformaron en konvento.

Enel anyo 1899, un fuego desbrocho esta  djoya arkitekturala, la kuala se transformo dientro de muy kurto tiempo en ruinas. Los unikos restos del kal ke superaron el fuego fueron las dos paredes laterales orientadas del Nord al Sud i una puerta en una de estas paredes, ke a la vista sirvia a las mujeres para entrar a la azara. La frágua fue restaurada i oy en diya es konosida komo la Iglesia de Corpus Christi de Segovia - Antigua Sinagoga. Desde el punto de vista arkitektural, este kal se parese muncho a la Esnoga Santa Maria la Blanka de la sivdad de Toledo. El kal a tenido dos restorasiones, una en 1902 i las mas resiente enel anyo 2004.




#Article 550: Segovia (136 words)


Segovia es una sivdad espanyola en la parte sud de la Komunidad Otonoma de Kastiya i Leon, kapitala de la Provinsia de Segovia. Esta ubikada entre los rios Eresma i Clamores, al pie de la Sierra de Guadarrama.

El nombre de la sivdad de Segovia es de orijin Seltíbero. Los sus primeros abitantes yamaron a la sivdad Segobriga, la kuala deriva de dos biervos de orijin seltíberiko, lingua de la famiya selta de las Linguas indoevropeas. Estos dos biervos provienen de Sego, ke signifika «viktoria» i de -briga, ke signifikaría «sivdad» o «fortaleza». Por lo ke puede ser tradusido komo «Sivdad de la viktoria» o «Sivdad viktorioza». Basho el kontrolo de los romanos i arabo, la sivdad fue yamada Segovia (Σεγουβία, Ptolomeo ii. 6. § 56) i Šiqūbiyyah (en arabo شقوبية) respektivamente. 

Segovia esta ermanada kon:




#Article 551: Esnoga de Kordova (182 words)


La Esnoga de Kordova es un Kal ubikado en la sivdad de Kordova. Fue aperturada enel anyo 1315, en la djuderia de la sivdad, enel numero 18 de la kaleja Djudios o kaleja Maimonides, serka de la Mishkita de Kordova. Es una de las pokas esnogas de Espanya ke kedan kaji en el su estado orijinal asta oy endia.

Yama la atension ke el fraguamyento de este kal duro un anyo, desde Septembre de 1314 a Septembre de 1315. Fue fraguádo enel estil mudejar por el arkitekto Ishaq Moheb. La  sala para meldadura del kal es kaji kuadrado, de 6.95 x 6.37 m. i su  altura es mas de 6 metros. La azara del kal tiene tres balkonikos, konektados por una skalera al resto del kal.

Dempues de la Ekspulsion, el kal fue transformado en ospital i para el anyo 1885, fue deklarado Monumento Nasional por el su valor artistiko; la frágua fue restaurada varias vezes i en 1985, anyo enel kual fueron markados los 850 anyos del nasimiento del Rambam, el kualo nasio en Kordova,  el kal fue avierto al publiko.  




#Article 552: Repuvlika Araba Saharaui Demokratika (127 words)


La Repuvlika Araba Saharaui Demokratika (RASD; en arabo الجمهورية العربية الصحراوية الديمقراطية, konosida también como Sahara Oksidental, anke son konseptos diferentes) es una nasyon sin estado konformada por la antika provensia espanyola del Sahara Espanyol, la kuala fue aneksionada enel anyo 1976 por Marroko i Mauritania i kompletamente aneksionada por Marroko en Ogusto del anyo 1979, al retirarse Mauritania de la rejion ke okupava al sud.

La Repúvlika Saharaui tiene rekonosimyénto de 81 paezes, si bien este número troka dependiendo de la fuente. Asigun el Parlamento Evropeo, la RASD era rekonosida por 54 paezes i la Union Afrikana enel anyo 2002. Asigun la pajina web «Sahara Marrokí», 32 paezes rekonosen a la RASD enel anyo 2008, ma afilu para el Frente Polisario ese mismo anyo, son 85.




#Article 553: Islandia (150 words)


Islandia (en Islandes: Ísland ) es un paiz evropeo mas lejano del kontinente, es ubikado al Noroeste del kontinente, en la izla del mismo nombre. La su kapitala i sivdad mas emportante es Reikiavik, kon un povlasion de  120.165 avitantes.

El biervo «Islandia» deriva del islandez Ísland, vokablo ke proviene del nordiko antiko, ke siynifika «tierra de yelo». Endemas, el primero nombre del paiz fue Snæland («tierra de inyeve»), akunyado por el navegador vikingo Naddoddr, uno de los primeros morantes de las Izlas Feroe. Gardar Svavarsson, uno de los primeros islandezos, renombro la izla komo Garðarshólmur («islotes de Gardar»).

El nombre definitivo de Ísland fue dado por Flóki Vilgerðarson, en alusión al paizaje invernalo del aktual territorio islandez. A pesar de alkunos dokumentos ofisialos kontemplan Lýðveldið Ísland (Repúvlika de Islandia) komo el nombre ofisialo del paíz, la Konstitusion aktuala lo define komo simplemente Ísland (Islandia), sin anteponer el término «repúvlika».




#Article 554: Sentro Shalem (162 words)


El Sentro Shalem (en ivrit מרכז שלם‎, Merkaz Shalem) es un institúto de investigasion ubikado en la sivdad de Yerushalayim, el kualo patrosina i apóya los eshuérsos akadémikos en temas de filosofiya, politolojiya, istorya djudia, istorya zionista, Tora, Talmud, Estudios del Midio Oryente, arkeolojiya, ekonomiya i estidios estratejikos. El Sentro Shalem tiene embiada i kursada una solisitud al Konsejo Yisraeli de Edukasion Superior para aperturar la priméra skola d'artes libberas del paez, la kuala va poder entregar títolos de lisensiado en karrieras de artes i umanidades. 

El Sentro Shalem fue establesido enel anyo 1994, i se ankontra en la máale Moshava Germanit (Kolonia Almana) de la sivdad de Yerushalayim. Fue fondado por Yoram Hazony, Ofir Haivry, Daniel Polisar i Joshua Weinstein. El Sentro Shalem publika Azure i Hebraic Political Studies, el ultimo de los kualos es un jurnal akademiko. Azure, publikado en ivrit basho el nombre de תכלת‎ (T'helet) i es el jurnal akademiko de entereso jeneral de mayor sirkulasion enel paez




#Article 555: Inkisizion (181 words)


El termo Inkisizion (en lingua latina Nestoris Herectus Pravitatis Sanctum Officium) aze referensia a varias institusiones abokadas a eliminar la erejiya en la Iglesia Katolika. La Inkisizion medievala, de la kuala se derivan todas las demás, fue fondada enel ano 1184 en la rejion de Languedoc (sud de Fransia) para gerrear en kontro de la erejiya de los kátaros, ke enel anyo 1249 fue implantada endemas en el Reyno de Aragon (fue la primera Inkisizion echa por un governo) i ke en la Edad Modérna, kon la union de Aragon kon Kastilya, fue ekstendida a ésta basho el nombre de Inkisizion Espanyola (1478 - 1821), kon kontrolo direkto de la Korona, la kuala ekstendio dempues las sus aktividades a Amerika; la Inkisizion Portugeza (1536 - 1821) i la Inkisizion Romana (1542 - 1965). Anke en los payizes de povlasion protestante tambien egzistieron persekusiones, sobre todo en kontro de katolikos, en kontro de riformadores radikales komo los anabaptistas i en kontro de supuestos praktikantes de echizeriya, los djuzgos se konformavan lokalmente, para kada kavzo en partikolar, i no konformaron una institusion espesifika.




#Article 556: Judensau (194 words)


Los biervos almanos Judensau (porka djudía) o Judenschwein (porko djudío) deskriven una ikonografiya antisemita de orijin medievalo, la kuala representa malorozamente i kita toda asosiasion umana a los djudíos. En la epoka antika era un motivo frekuente del arte kristyáno antidjudío. Igualar a un djudio kon un porko es empiegado para muchiguar la umiliasion en kontro de los djudios, deke la su karne no kumple kon las leyes de kashrut i es konsiderada taref.

Las imajenes de la Judensau se pueden dokumentar desde empesijos del syéklo XIII i fueron kriadas prinsipalmente en akeyas rejiones de Evropa Sentrala, jeneralmente komo relieve o eskultura; se ankontran en unas 30 iglesias i otras fráguas de  Evropa Sentrala. Endemas, dempues del syéklo XV se uzaron para ilustrar gazetas kon el buto de azer burla de los djudios. Dempues del syéklo XIX, el biervo fue empiegado endemas komo ofensa antidjudia. Los nazis adaptaron la imej a la su kavza i la trokaron por Saujude, el kualo uzaron komo groseríya para umilyar, denunsiar publikamente i amenasar a las personas de orijin djudio. Oy endiya, el biervo Judensau es defendido (inkluzo puede yevar a la prizión) en Almania, Ostria i Suisa.




#Article 557: Instituto Ma'ale Adumim (249 words)


El Instituto Ma'ale Adumim para la Dokumentasion del Ladino i su Kultura (en ivrit: מכון מעלה אדומים לתיעוד השפה הספניולית ותרבותה) es un instituto para la investigasion i konservasion de la lingua djudeo-espanyola i la kultura sefaradi fondado en el anyo 1992 kon la inisiativa de la asosiasion Sefarad i de la munisipalidad de Ma'ale Adumim. Su direktor es el eskritor Avner Perez.

Entre los butos del Instituto se topan: 

Ademas, el Instituto Ma'ale Adumim tiene una biblioteka kon livros en Ladino, eskritos kon letras rashi i puvlikados en los ultimos syeklos en los prinsipales sentros kulturales de las komunidades sefaradis, endemas de manuskritos, livros de literatura populara Djudeo-espanyola kontemporanea, livros en otras linguas ke tratan del Ladino i de la su literatura, i otros livros ke tratan de la istorya de las komunidades sefaradis, dempues de la ekspulsion i otros ramos de la kultura sefaradi. Esta biblioteka ya tiene unos 900 livros en la lingua Djudeo-espanyola, una de las koleksiones mas grandes del mundo de livros en esta lingua.

El Instituto Maalé Adumim tiene puvlikados los livros: 

Oy endiya, el prodjekto mas emportante del Instituto es aprontar un katalog enformatik de la koleksion de kantikas Djudeo-espanyolas de Kol Israel ke va deshar a obtener kolay kolay toda la enformasion dezeyada ensima de estos kantes, inkluzo sus tekstos i sus enrejistramientos de boka de los enformantes ke los kantaron. Otro prodjekto es el de informatizar la grande koleksion de refranes Djudeo-espanyoles ke se topa en los arshivos del instituto.




#Article 558: Rita Gabbai-Simantov (159 words)


Rita Gabbai-Simantov es una eskritora djudia de orijin sefaradi de poeziya en lingua djudeo-espanyola nasida en Atina, Gresia enel anyo 1935. En Disiembre del anyo 1942, la su famiya konsigio eskapar a la Turkiya en una nave. Bivieron en este paez asta 1945, kuando tornaron a Gresia. 

Aunke ambezó avlar djudeo-espanyol en la su kaza kon los sus padres i espesialmente kon su papú i su vavá, la su famiya avlava mas en fransez, ma afilu dempues de su kazamyento i su lavoro en la Ambasada Israeli en Atina komo ofisiala kulturala, izo mas kontakto la la kultura sefaradi i la lingua Djudeo-espanyola.

Enel anyo 1991, dempues de la muerte del su espozo, vijitó la Espanya, ande el kontakto kon el paez i su djente motivo a eskrivir el su primer poema, Ermana Soledad. Enel anyo 1992 publikó su priméra antolojiya, Quinientos Anios Despues. La su sigunda antolojiya, Fuente de mi Tradision, fue publikada en Atina enel anyo 1999




#Article 559: Judy Frankel (190 words)


Judy Frankel fue una kantadera amerikana de musika en djudeo-espanyol, endemas de muzika en idish i en ivrit. Judy nasió en 1943 i murio el 20 de Marso de 2008 en la sivdad de San Francisco.

Judy Frankel nasió komo Judith Bradbury, en la sivdad de Boston. Ya kuando era una mansevika de 13 anyos kantava i tanyia la gitara en kazamyéntos, bar mitzvot i afilu en radio i televizyón. Arivó a la sivdad de San Francisco enel anyo 1969, kon el su antonces espozo, el múziko Ken Frankel, i kantó komo solista en el San Francisco Symphony Chorus i el San Francisco Consort, grupo de múzika medievala. Anke la su famiya era de orijin ashkenazi, eya amostrava un grande entereso por la kultura sefaradi. En Makao, asigún la su amiga Anne Treseder, ambezó de un rifujiado de Timor Oryentala una kantika sovre la paz. Enel anyo 1995, kantó esta kantika en Lisboa en un omenaje a Aristides de Sousa Mendes, diplomátiko portugez ke kuando lavorava en Bordeaux salvó la vida a miles de djudios, kuando entregava a eyos visas para eskapar de la Fransia okupada por las tropas Nazis.




#Article 560: Victoria Hazan (208 words)


Victoria Hazan fue una kantadera sefaradi de muzika en djudeo-espanyol, turkano i grégo.

Victoria nasió komo Victoria Ninio el 15 de Avril de 1896 en Salihli, al nord-este de Izmir en una famiya sefaradi de hazanim (kantaderos relijiozos). Se fue bivir a la sivdad de Izmir enel anyo 1915 i a la sivdad de Mueva York serka del anyo 1920; ande konosió al sui primér espozo, Israel Hazan, tambien de una famiya de kantaderos relijiozos. Enel anyo 1936, poko tyempo dempues de la muerte de Israel Hazan, eya se espozó kon Joe Rosa.

Victoria yegó a ser la presidenta de la United Sisterhood Benevolent Society, endemas de kantar i dar konsertos kantando i kon el su Ut enel kal ante meldava; ayí eya kantava kantikas en djudeo-espanyol, armenio, fransez, turkano i grégo, má fue en la anyada de 1940 kuando fue el empesijo de la su karriera komersiala, kon las kompanyias diskografika Kaliphon i Metropolitan.

Victoria murio el 21 de Noviembre de 1995 en la sivdad de Mueva York.

Las kantikas de Victoria Hazan se ankontran enel su disko Todas mis Esperansas, el uniko que tiene gravado. La su musika es la musika tradisionala de los kafés turkanos, kantada kon ut, kanun, violin, klarinete i darbuka o tumbek.




#Article 561: Darbuka (104 words)


La darbuka o darbeke (en arabo دربكة; en ivrit דרבוקה) es un instrumento de perkusion de orijin oryental uzado en todo el Midio Oryente. Pertenese al grup de los tamborikos kon forma de kupa. Endemas es yamado tubale, zarb i tumbek (o dombek), ke deriva de los dos sonetes prinsipales ke konforman la baza de la su téknika: un sonete grave (dum) i otro agudo (tek), endemás de los redobles, ke en arabo se yaman harakat i se los nombra komo tákatak. En Ayifto se lo yama Tabla, el kualo es un biervo arabo uzado par yamar en djeneral a los instrumentos de perkusion.




#Article 562: Kanun (105 words)


El kanun (en arabo: قانون, qānūn, plural قوانين, qawānīn; azerbaidjani: Qanun; turkano: kanun; armenio: քանոն, qānon; grégo: κανονάκι) es un instrumento de kuédra de la muzika tradisionala del Midio Oryente bazado enel Makamat. Es basikamente una sitara kon un kashon de sonete kon forma de trapesio. Las kuédras de nylon o de PVC son estiradas ensima de un ponte uniko i adjustadas a las bazas de entonasion. El tipo de kanun uzado en la Turkiya tiene 26 kuédras i uzualmente tienen 1 metro de lungesa. El kanun es derivado de la antika arpa ankontrada en Ayifto i esta relasionado kon la sitara i la psalteria.




#Article 563: YNet (107 words)


YNet es una pajina web de notisias de Israel. Anke la pajina es del djurnal Yediot Ahronot, el djurnal yisraelí de mayor sirkulasión i endemas inkluye artíkolos de la edisión impresa, la mayor parte del kontenido publikado en la pájina web es orijinal, eskrito por djurnalistas semi independientes. Orijinalmente lansado en dos versiyones, una en ivrit i la otra en arabo («YNet» i «ArabYNet»), esta última akabó de fonksionar en Mayo del anyo 2005. Aktualmente egziste también una edisión en inglez, («YNetNews»). Los mayores kompetidores de Ynet son Walla!, Haaretz i NRG, el kualo esta operado por el su kompetidor en la prensa eskrita, el djurnal Ma'ariv.




#Article 564: Ma'ariv (125 words)


Maariv (en ivrit, מעריב, tadre) es un djurnal yisraelí, en ivrit. Es el sigundo djurnal de mayor sirkulasion enel paez dempues de Yediot Ahronot, kon una midia de 136.000 egzemplares diarios.

Endemas del djurnal i las sus gazetas, el grup ke lo produze tiene otros djurnales lokales, una division de gazetas i una pajina web yamada NRG, la kuala publika gran parte del kontenido del djurnal impreso.  La famiya Nimrodi mantiene el kontrolo del djurnal M'aariv, i Yaakov Nimrodi es el prezidente del direktorio. Los editores en shefe son Doron Galezer i Ruth Yuval. El djurnal tiene fokos en las diferentes visyones egzistentes en la sosyeté yisraelí, tiniendo djurnalistas de diferentes tendensias del polítikas i sosyalas.

Los diyas de semana, Ma'ariv publika varias gazetas chikas.




#Article 565: Istorya de los djudios en Makedonia (833 words)


La Istorya de los Djudios en Makedonia tuvo el su empesijo en la epoka de los romanos, kuando los primeros djudios arivaron a la rejion enel syéklo IV antes de la era komun. Oy endiya, unos 183 djudios biven en Makedonia, kaji todos en la kapitala, Skopia.

Los priméros djudios arivaron durante la egzistensia del Imperio Romano, kuando los djudios eran persigidos en otras rejiones basho kontrolo romano. . La primera evidensia de la presensia djudia en la rejion es una antka esnoga fraguáda en el syéklo III o IV antes de la Era Komun, en la viya de Stobi, al sud-este del paez.

La komunita djudia de la rejion sigio chika asta los diyas del Imperio Otomano, kuando yegaron un grande numero de djudios eskapando de las Inkisiziones espanyola i portugeza. El sultan Bayezid II dio las buenas venidas a los sefaradis ke yegavan al imperio, afilu dando a eyos el dirito de merkar tyerras, fráguar esnogas i azer biznes kon kualker rejion del imperio. Las sivdades de merkaderes en Makedonia komo Skopia, Bitola i Štip se izieron atraktivas para munchos djudios, los kualos prosperaron en el komersio, la banka, la medisina i las leyes, afilu kon algunos yegando a tener poder politiko i administrativo.

Las relasiones entre los djudios i la povlasion masedonia fueron jeneralmente buenas De fakto, egziste una letra del sinyor Isaac Jarfati, eskrita para las komunitas djudias en Almania i Madjaristan, kunvidando a eyos a bivir en la rejion, ya ke las kondisiones de vida eran buenas y klaras.. La komunita era kaji kompletamente de orijin sefaradi, i la majoria avlava Djudeo-espanyol en la kaza i no ivrit.

Antes de la Sigunda Gerra Mondiala, la komunidad de la Makedonia de Vardar, kon una rejion aproksimadamente la misma de la republika aktuala, tinia el su sentro en la sivdad de Bitola, kon unos 8000 djudios, endemas de komunitas en las sivdades de Skopia (unos 3000 djudios) i una komunita chika de unas 500 personas en Štip . La gran parte de estos djudios, i toda la komunidad de Bitola, eran sefaradis ke avlavan Djudeo-espanyol.

Dos mil kinientos anyos de istorya djudia en Makedonia yegaron al su fin kon el Olokósto i la Sigunda Gerra Mondiala. En Avril de 1941, la armada de Bulgaria entró a Makedonia, la kuala antonses pertenesía al Reyno de Djugoslavia, kon el buto de rekovrar la rejion de Makedonia, la kuala era vista komo parte de Bulgaria, ya ke para Bulgaria, los Makedonios eran  konsiderados Bulgaros i la Lingua Makedonia era konsiderada un lashon de la Lingua Bulgara. El 4 de Oktubre del mismo anyo, las avtoridades Bulgaras publikaron una Leyu la kuala ordenava a los djudios a partisipar en aktividades komersialas i a trokar las sus kazas por unas en las rejiones mas proves, aziendo ansi ke la komunidad biviera en Ghettos. Ya enel anyo 1943, los djudios de Makedonia i el nord de Gresia (la yamada Makedonia Gréga) fueron yevados a los kampos de eksterminio en Polonia kriados por los Nazis, kavzo diferente al tratamyento de Bulgaria kon akeyos djudios kon nasionalidad bulgara, a los kualos defendio de las ordenes de los Nazis. de los 3.276 djudios de Bitola ke bivian ayí antes de la Gerra i fueron yevados a Treblinka, dinguno tornó kon vida; sólu algunos konsigieron eskapar antes de ser yevados a los kampos en Polonia. Enel anyo 2003, sólu un djudio kedava en la sivdad, dempues de mas de 400 anyos de istorya djudia ayí. La komunita de Stip tambien fue destruyida.

Dempues de la libersaion de la Makedonia del Vardar enel anyo 1944, los djudios ke kedavan de la komunita se fueron a bivir a Belogrado; sólu unos 140 kedavan bivos dempues de la Gerra.. La madjoria se salvaron al eskonderse o al gerrear endjunto a los partisanos djudios, djugoslavos o sovyetikos. De los ke se salvaron, algunos izieron la su aliya, otros se kedaron en Belogrado i otros tornaron a Skopia.

Oy endiya, la komunita de Makedonia yega a kaji unas 200 personas, kaji todos biviendo en Skopia i una famiya en Štip i un uniko djudio en Bitola. Enel anyo 2003, la komunita aperturó un kal i un sentro komunitario en Skopia. La komunita, endemas, tiene lasos kon otras komunitas en Belogrado i Salonika, i un rabino de Belogrado vijita la sivdad frekuentemente. Resyentemente, la komunita envió un representante al konkorso de Tora fiestado kada anyo en Israel en Yom Ha'atzmaut. El 10 de Marso de 2011, fue aperturado el Sentro Memorial del Olokósto de Makedonia en la sivdad de Skopia, en un evenemento prezidado por el presidénte del payis, Gjorge Ivanov i asistido por los presidentes de Albania, Bamir Topi; de Montenegro, Filip Vujanović; i endemas el ministro yisraeli para menesteres estratejikos, Moshe Ya'alon.

La komunita de Makedonia, dempues de 60 anyos sin un haham nativo, oy tiene al sinyor Avi Kozma, un elevo del Rabino Shefe de la sivdad de Belogrado, el kualo es el sinyor Isak Asiel, ken fue endemas Rabino Shefe de Makedonia.




#Article 566: Lingua Serbo-Kroatia (245 words)


La Lingua Serbo-Kroatia (Srpskohrvatski o Hrvatskosrpski) era el nombre uzado para yamar al grup de linguas eslavas del sud de Evropa avladas en la antika Djugoslavia, o lo ke oy endiya son los payises de Serbia, Montenegro, Kroasia i Bosnia i Hersegovina. El termo serbo-kroatio de uzó durante la mayor parte del syéklo XX. Al disolverse Djugoslavia i apareser muevos payises, el termo serbo-kroatio fue deshado de uzarse. Oy endiya, la manera komo yamar a estas linguas es una kestyón polemika.

En la Federasion Djugoslava fue una de las tres linguas ofisialas endjunto a las linguas eslovena i makedonio desde el anyo 1921 asta la Gerra de los Balkanes a empesijos de la anyada de 1990 para yamar endjuntamente a los lashones eslavos avlados por los serbios, kroatios, bosnios i montenegrinos. La forma estandar de la lingua tinia la su baza en el dialekto štokavski, yamado ansina por el uzo del pronombre enterrogativo što (‘ké’), el kualo es uzado en la rejion oryentala de Bosnia i Herzegovina i enel oksidente de Serbia. Otros dialektos eran el kajkavski i el čakavski (avlados en Kroasia, en los kualos ‘ké’ se dize kaj o ča). Desde el anyo 2007, egziste un movimyento en Montenegro para kriar a la lingua montenegrina i ansina separarla de la lingua serbia, el kualo tuvo los sus empesijos dempues de la independensia del payis; enel anyo 2009 la su ortografiya fue establesida, mas ainda no se tiene reushida la definision de la gramatika.




#Article 567: Lingua Makedonia (196 words)


La lingua makedonia (Македонски, Makedonski) es una lingua del grup oryental de las linguas eslavas del sud. Es avlada por unos 3 milyones de personas, prinsipalmente en la Repúblika de Makedonia, ande es lingua ofisiala. Se eskribe kon el alefbet siríliko. La lingua makedonia es paresida a las linguas kroatia, serbia i bosnia i endemas a la lingua bulgara. La linguas bulgara i makedonia, endjunto kon el grégo, el albanez i la lingua rumana konforman la Lega de linguas de los Balkanes.

La lingua makedonia es ofisiala en Makedonia, i ofisyalmente akseptada en la Prefektura de Korçë, en Albania. Endemás, es avlado por komunitas chikas en Serbia (konteniendo Kosovo), Montenegro i Almania. La lingua makedonia, endjunto kon la lingua bulgara, son los unikos kavzos en estas linguas ke no tienen sustantivos, ma afilu tiene tres artikolos definidos, uzados komo sufiksos. El Instituto de la lingua makedonia Krste Petkov Misirkov es el instituto ke la regula.

Para eskrivir en esta lingua, es uzado el alefbet siriliko makedonio, una versiyon del alefbet siriliko kon 31 letras. En universitas de todo el mundo, espesialmente en las de los payises de la antika Djugoslavia, se ofresen lisiones de lingua makedonia




#Article 568: Arda Turan (121 words)


Arda Turan (nasido el 30 de Jenero de 1987) es un  djugador de futbol de la Turkiya el kualo pertenese al ekip Galatasaray i endemas djuega para el ekip nasyonal turkano. Kuando tinia 22 anyos, antes del empesijo de la sesyon 2009-10 de la liga turkana de futbol, fue yamado el kapitan del ekip. Dempues de la Evrokupa 2008 de Futbol fue el ocheno djugador en la lista de los 100 Amijores djugadores djovenes de Futbol del Mundo, publikada por la gazeta espanyola Don Balón en Djulio del anyo 2008. 

En Jenero del anyo 2010, Arda Turan fue votado komo el djugador evropeo mas popular del anyo 2009, i el sigundo djugador de futbol mas popular del mundo, asigun la IFFHS. 




#Article 569: Oshri Koen (101 words)


Oshri Koen es un aktor de teatro i sinema yisraeli nasido el 11 de Jenero de  1984.

El empesijo de la su karriera fue kuando manseviko en el Teatro Beit Lessin en la sivdad de Tel Aviv. Enel anyo 2006, Oshri resivio el premio Aktor promesa del Anyo del teatro yisraeli. Oy endiya, Oshri konforma parte del teatro nasional yisraeli Habima, kon la ovra כל החיים לפניוm (Toda la su vida por delántre), la kuala esta bazada en una novela franseza. Endemas de aktuar en la televizyón yisraeli, tiene aktuasyones en filmos komo Hakohavim shel Shlomi, Medurat Hashevet, Beaufort i Libanon.




#Article 570: Esnoga de Oświęcim (311 words)


 La Esnoga de Oświęcim, jeneralmente yamada la Esnoga de Auschwitz, es aktualmente la unika esnoga en uzo en la viya de Oświęcim, Polonia. El nombre orijinal de la esnoga es “Hevre Lomdei Mishnayos”, (Sosyeté de akeyos ke estudian la Mishna) i endagora es parte de un muzeyo yamado Auschwitz Jewish Center o Sentro Djudio de Auschwitz.

Esta esnoga (o shul, en idish) fue la priméra frágua relijioza restorada a la komunidad djudia de Polonia dempues del fin del govyerno komunista.  La frágua pertenese a la komunidad djudia de la sivdad de Bielsko-Biala. La esnoga fue uzada komo un magazen de armas por los Nazis i dempues de la Sigunda Gerra Mondiala komo magazen de tapetes durante los diyas de la Polonia Komunista; fue restorada kon un koste de un milyon de US$ por la Auschwitz Jewish Center Foundation, de la sivdad de Mueva York. Oy endiya es una esnoga aktiva, uzada para meldar por grups i por personas partikolares ke vijitan Auschwitz. La kaza ankontrada endjunto a la esnoga fue merkada por la Fondasion i trokada en un muzeyo modérno yamado el Auschwitz Jewish Center (Zydowskie Centrum Edukacyjne, en lingua polaka) i amostra la vida de los djudios en la viya de Oświęcim antes de la gerra.  La esnoga i el Sentro estan afiliados kon el Museum of Jewish Heritage en Mueva York.

Enel anyo 1939, mas del 50% de la povlasion de Oświęcim era de orijin djudio. La komunita tinía mas de 400 anyos i egzistian unas 20 esnogas. El ultimo djudio nasido en Oświęcim murio enel anyo 2000. Aktualmente, una mujer djudia de Beljika bive en Oświęcim, i se ankontra dedikada al rikódro del Olokósto. Esta no era la mas grande esnoga de Oświęcim; egzistia la Gran Esnoga de Oświęcim; la kuala fue destruyida por los Nazis el 29 de Novembre de 1939. Oświęcim tambien tiene un betahayim djudio.




#Article 571: Esnoga Ibn Danan (229 words)


La Esnoga Ibn Danan  (en ivrit בית הכנסת אבן דאנן, en arabo معبد ابن دهان) es un kal fraguádo enel syéklo XVI en Fez, Marroko. Este kal fue uno de los munchos en la sivdad de Fez, anke no el mas adornado. En la anyada de 1870 fue remuevada.  Dempues de kaji ser abandonada, fue restorada por un ekip liderado por el arkitekto Henri Cohen i aperturada a los turistas muevamente enel anyo 1999.

Se entra al kal a traverso de una porta simple, igual a las de las kazas de la máale. Esta porta yeva a una skalerika, la kuala es la vedradera entrada al kal.

Las paredes del kal estan enkaladas i kon plakas tipikas de Marroko. El ehal esta echo de madero, i la pared de ensima esta dekorada kon muncho detalyo, komo en los palasios i mishkitas de Marroko. Frente al aron akodesh se ankontra una kamareta separada del resto del kal por una mehitsa de madero kon detalyos, uzada para ubikar a los myémbros emportantes de la komunita; a traverso de esta kamareta se yega a la bima, la kuala tiene un techo de fyerro kon arkos de estil islamiko, kon forma de korona. El kal tiene lamparikas tradisionalas marrokis ke lo arrelumbran.

En Avril de 2001, el Prinsipe de Gales i la su mujer, la Dukeza de Cornwall vijitaron la esnoga Ibn Danan




#Article 572: ריליגֿײון (337 words)


דיסדי איל פּונטו די בֿיסטה די לה אנטרופּולוגֿייה, לה ריליגֿייון איס און סיסטימה; אנסי לו אפירמה (Geertz, 1998: 68) אונה ריליגֿייון איס: 1) און סיסטימה די סימבולוס קי אוברה פארה 2) איסטאבליסיר ב'יגורוסוס, פּיניטראנטיס אי דוראדירוס איסטאדוס אנימיקוס אי מוטיב'אסייוניס אין לוס אומבריס 3) פורמולאנדו קונסיפּסייוניס די און אורדין גֿיניראל די איגזיסטינסיה אי 4) ריב'יסטיאינדו איסטאס קונסיפּסיוניס קון אונה אוריאולה די איפיקטיב'ידאד טאל קי 5) לוס איסטאדוס די אנימו אי מוטיב'אסייוניס פאריזקאן די און ריאליזמו אוניקו.  Geertz, Klifford.  לה אינטירפּריטאסייון די לאס קולטוראס.  אידיטוריאל גֿידיסה איספאנייה 2003 פּאג 89k.

נו פואידי סיר איטירנה לה דיפיניסיון די לה פּאלאב'רה ריליגֿייון קומו לו סיריה אונה אידיה דיל פּלאטוניסמו.  סי ריבאגֿאריה איל איסטודיו די לה ריליגֿייון א און רידוקסיוניסמו פייוראטיב'ו.  לה ריליג'ייון סי ארטיקולה קון לה לינגויסטיקה אי טודו לו קי קאבי אין לה קולטורה אין טירמינוס טאן ארטיסטיקוס קומו טיקניקוס.

די לה איטימולוג'ייה, דיסי מוריס בלאנשו:

אין אוקסידינטי, דיסין אקוררוטו קי לה פּאלאב'רה ריליגֿייון ב'יאיני די לה פּאלאב'רה לאטינה re-ligare:  אוניר די מואיב'ו, ליגאר די מואיב'ו, קלאסיקאמינטי אינטינדידו פארה סיגניפיקאר לה רילאסייון דיל דיר אומאנו אל דיב'ינו אי טאמביאין די לוס אומאנוס אינטרי סי מיסמוס.  איסה טראדיסייון אמפּיאיזה קון לאקטאנסיו אי טירטוליאנו.  (ב'ייאסי, ז'אקס דיררידה, Foi et savoir, Points-Seuil, פ. 54.

אוטרה קורריאינטי דוגֿיאירי לה דיגיאינטי איטימולוגֿייה:  ריליגֿירי, מילדאר די מואיב'ו, (קי ב'יאיני די סיסירון) קי פרוסיגי אסטה אימיל בינב'יניסט אי אינטרודוסי לה אידייה די טראנסמיסייון.

אנסי, אין איקסטרימו אורייינטי, אונדי, יייגאנדו לוס מיסיונירוס קריסטיאנוס, אל אימפּיסיגֿו דיל סיייקלו יח די לה אירה קומון, לוס קיניזוס טריסלאדארון איל ביאירב'ו ריליגֿייון פּור מידיו די לוס דוס אידיוגראמאס Zhang אי Jiao קי סיגניפיקאן לה אינסינייאנזה די לוס אאידאדוס, פוניאינדו די ריליאיב'י לה טראנסמיסייון די אונה קונוסינסיה אי אינדימאס די ריטוס, די אונה טראדיסייון, די קואלונקי פורמה די אינסינייאנזה ריליג'ייוזה.  טכמביאין לוס דג'אפוניזוס קונסטרויירון לה פּאלאב'רה shuukyoo איס דיזיר אינסינייאנזה דיל איסינסיאל, ?פּודריאמוס דיזיר און קאטיקיסמו?

פורטאנטו, סי אינטיאינדי קי סי טראטה מינוס די אונה קונב'יקסייון קוליקטיב'ה או די און סיסטימה די קריאינסיאס קי די אונה אימפּריסה קי אינטינטה אויוג'וסטיפיקאר לה איקסיסטינסיה דיל גרופּו ייאמאנדו א לה אוטורידאד די אונה פואירזה סוב'ריאומאנה.




#Article 573: Boulevard Rothschild (257 words)


El Boulevard Rothschild (en ivrit שְׂדֵרוֹ‏ת רוטשילד, Sderot Rothschild) es un boulevard en la sivdad de Tel Aviv, Israel, el kualo tiene el su empesijo en la máale de Neve Tzedek en la su parte sud-oksidentala i ke va verso el nord norte hasta el Teatro Habima. Es una de las ramblas mas konosidas i kostozas de la sivdad, i una de los prinsipales atraktivos turistikos de la misma.

El boulevard Rothschild, el kualo fue fraguado enel anyo 1910, fue orijinalmente nombrado Rehov Ha'Am, lit. kaleja del puevlo. Poco tiempo dempues, los residentes demandaron ke fuese trokado el su nombre en onor al Baron Edmond James de Rothschild.. La Deklarasiyon de Independensia de Yisrael fue firmada enel antonses Muzeo de Arte de Tel Aviv, en el numero 16 del boulevard Rotchschild i el kualo endagora es konosido komo Sala de la Independensia. La majorita de las fráguas istorikas presentes son del estil arkitektoniko Bauhaus, konformando pare de la Sivdad Blanka de Tel Aviv, la kuala es Erensia kulturala de la Umanidad nombrada por la UNESCO enel anyo 2003. la frágua konosida komo Lederberg House, fraguada enel anyo 1925 en la punta kon la Kaleja Allenby tiene una serie de murales de seramika de gran tamanyo desinyados por Ze'ev Raban, un elevo de la eskola de arte Bezalel; los katro murales amostran a un pionero djudio arando i  arekojiendo los frutos del kampo, a un chobán i a la sivdad de Yerushalayim, con un pasuk de , Muevamente yo te voy rekonstruyir i tu vas a ser rekonstruyida. 




#Article 574: Lingua vietnameza (146 words)


La lingua vietnameza (tiếng Việt, tiếng Việt Nam, o Việt ngữ) es una lingua tonal, antikamente konosido durante la kolonia franseza komo Annamita (ver Annam) es la lingua nasionala i ofisiala de Vietnam (Việt Nam). Es la lingua avlada por los vietnamezos etnikos (người Việt o người kinh), los kualos konforman kaji el 87% de la povlasión de Vietnam i de serka de tres o katro milyones de emigrantes vietnamezos, sobre todo los vietnamezos de los Estados Unidos, Kanada i Fransia. Endemas, es la sigunda lingua de las minoriyas de Vietnam. Anke kontiene munchos biervos khinezos i antes del syéklo XX se uzaban los ideogramas khinezos para eskrivir en esta lingua, los akademikos la konsideran una lingua ostroasiatika; de este grup, es la ke tiene el mayor número de avlantes: tiene de katro a sinko vezes más ke el kamboyano, la sigunda lingua ostroasiatika más avlada.




#Article 575: Tisha B'Av (490 words)


Tisha B’Av (en ivrit תשעה באב) es el dia el mas triste del kalenderio djudio. El 9 de Av, anyo 586 antes de la Era Komun, el Bet Amikdash fue konkistado por los Babilonios. Los djudios fueron egziliados i fue el empesijo de lo ke se konose komo Galut. Es por esto, entre otros evenementos ke Tisha B’Av es nombrado komo el diya de las lagrimas. Anyos dempues, el imperador persa Cyrus permetio a los djudios tornar a Yerushalayim i de fraguar muevamente el Bet Amikdash. El nasi Zakarias les disho a los djudios Estos dias de tristeza, endagora deven de konvertirsen en diyas de alegriya. Ma afilu enel anyo 70 de la Era Komun, los Romanos destruyeron el Sigundo Bet Amikdash, ovligando a los judios a irsen a la Galut. Una vez otra, Tisha B’Av se konvertio en diya de dolyo. Afilu antes de ke los djudios entrassen a Eretz Yisrael, un 9 de Av, los espias ke Moshe Rabenu envio a Eretz Knaan tornaron de eya i sólu 2 de eyos tornaron tresalidos i avlaron kozas buenas de eya, kriando espanto i mankava fey entre la djente; por esto, El Dio dekreto ke esa djenerasion no iva entrar a Eretz Yisrael. 

Otras trajedias afitaron en diya de Tisha B’Av:

Tisha B’Av, ansina komo Yom Kippur, empiesa kuando se abata el sol, i se akaba kuando se abata el sol el dia suivante. Munchos anyos antes, los hahamim diziyan ‘Kuando viene Av, toda la alegria se va’. I ansi, del primer diya de Av, no se komiya karne, no se beviya vino, no se vistiya vistimientas limpias i no se aziya dinguna selebrasion ni se kantava dinguna kantika. La komida de la noche de Tisha B’Av deviya de ser modesta, komiyan solo guevos duros i fideyos. Los relijiozos se durmiyan en basho, kon una pyedra en lugar de kavesal. Enel diya de Tisha B’Av, no se puediya komer, bever, lavarse, uzar parfumes, vistirsen kalsados de kuero o partisipar a una okazion de plazer. Akel diya, los ombres no se ivan al lavoro i tambien era enterdido de meldar la Tora, porke meldar la Tora es una aktividad ke incha el korason de alegriya. Sólu el Livro de Lamantasiones i unos kuantos shapitros de Yirmiyahu se puedia meldar. Otra kostumbra vieja de Tisha B’Av era las vijitas al betahayim. Asigun la leyanda, los ombres grandes del pasado, los muestros hahamim, se alevantan de sus tombas enel diya de Tisha B’Av para yorar la pedrida de la gloria de Eretz Yisrael. En los vilajios i shtetls de Polonia i Ukraina, los ijikos chikitikos deshavan revolveres de tavla enriva de las tombas, deke los muertos se alevanten i gerreyen kon los inimigos de Israel. En Tisha B’Av, el Kal se transforma de una kaza alegre a una kaza de dolyo. Las luzes no se asienden, el Ehal se serra kon una ropa preta. El livro de Lamantasiones se melda en este diya.




#Article 576: Betahayim Djudio de Rodes (282 words)


El Betahayim Djudio de Rodes se puede dizir ke es el muevo sementario djudio de la isola. 

Dempues de la Primera Gerra Mondiala, la isola de Rodes fue tomada por Italia dempues de la okupasion ottomana de unos 400 anyos. Para estos diyas, la komunidad djudia estaba konformada por unas 500 personas las kualas bivian kon los demas abitantes de la isola. 

El muevo governo Italiano demandó ke el antiko betahayim djudio, el kualo se ankontraba ahuera de los muros de la sivdad, tinia ke ser kitado. Munchas personas konsigieron trokar las tumbas de la su famiya de lugar, ma las famiyas mas proves no reushieron esto. En el lugar se desinyo un parko i a la komunidad el governo les entrego un espasio ubikado serka del sementario musulmano, en el kamino de Kalithea. Las tumbas ke kedaron enel sitio fueron kitadas i el su marmol uzado para el palasio ke Benito Mussolini mando fraguar en la montanya. Las tumbas mas antikas trokadas de lugar son de la anyada de 1870 , los kualos estan ubikados al sud de sementario. 

Oy endiya, shukur al entereso i adjuda de djudios sefaradis ke biven en los Estatos Unitos d'Amerika, se konsigio sakar de la tierra munchas de las tumbas ke kedaron en lo ke era el antiko betahayim; la mas antika es del syeklo XVII. La parte nord del betahayim tiene unas 150 tumbas, las kualas pertenesen a personas ke amortaron en 1938 i dempues, endemas de las ke fueron amortadas durante un atako a la isola durante la Sigunda Gerra Mondiala. Endemas en esta parte del sementario, se ankontra una plaka kon los nombres de las mishpahás djudias ke fueron ekspulsadas de Rodes.




#Total Article count: 575
#Total Word count: 199817