#Article 1: Ӧндриан (Кудымкар район) (123 words)


Ӧндриа́н — учӧтик грезд (деревня) Перем ладорись Коми кытшын, Кудымкар районас.  Грездыс сулалӧ Кудымкарсянь рытвылӧ 42 км ылынаын, Вежайка ю дорын.

Ӧндрианыс ӧні пырӧ Иньвайыв посадмуӧ, а 2006 годӧдз сія вӧлі Москвина сельсоветын.

Ӧндриансянь ойвылас, Вежайка ю пӧлӧн кӧ кайны, петӧ Вежайка грезд, лунвылас кӧ лэдзчыны — Вальков грезд, а сы сайын, нёль километра ылынаын, куйлӧ Москвина, кӧда Ӧндриан понда кольччӧ шӧрин туйӧ.

Олӧны Ӧндрианас ӧндриа́новчи. 2009 во пондӧтчикӧ нія вӧлісӧ 25 морт, видзисӧ 13 горт. Этӧ унапӧв етшажык 1970 год сьӧрті, кӧр татӧн олӧмась 120 морт. Уна отир мунӧмась овны Москвинаӧ нето Куваӧ.

Быдӧс оліссез комиӧсь. Унажыкыс новйӧны памиллёэз Васькин да Зубов.

Кулӧммезнысӧ ӧндриановчиыс дзебӧны Куваас. Сэтчин жӧ дзебсьӧны вежайчана да вольковчи. 

  

Школаӧ ӧндриановчилӧн челядь ветлӧны Москвинаӧ, сэтчӧ жӧ мунӧны пельшер-акушер дынӧ.
 




#Article 2: Бадьӧг (122 words)


Бадьӧг (лат. Lagopus) — курӧгчужӧмаэз артісь таркодьӧммез субфамилияись кай увтыр. 

Мӧдік таркодьӧммезсянь бадьӧг неӧткодь то мыйӧн: кокбӧррес да кокчуннес сылӧн вевттьӧмӧсь сук си кодь тыввезӧн, кӧдна дорйӧны коккесӧ кӧдзыт увья. 

Этася гыжжез бадьӧгыслӧн кузьжыкӧсь да быд во вежсьӧны линяйтӧм одзын. 

Олӧны бадьӧггез пыр ӧтілаын. Озӧ полӧ кӧдзытісь. Сёйӧны туруна сёянсӧ, кӧть кайпияннэз вермӧны кокавны и геббезӧс. 

Быдӧс виддэзлӧн (чочком бадьӧгысся) дзир иньпӧлӧс кольттялӧ да быдтӧ пияннэзӧс. 
 

Одзжык лыддисӧ этія увтырын квать вид. Ӧні торйӧтӧны дзир куимӧ, кӧдна и мыгӧрнас и оланнас неӧткодьӧсь:

Бадьӧг увтырись кайез олӧны кӧдзыт ладорын. Чочком бадьӧг олӧ Ойвыв Евразияын. Чочком бӧжа бадьӧг йылӧ Ойвыв Америка керӧссэзын, а тундра бадьӧг олӧ Арктикаын и керӧсаиннэзын кыдз Евразияын, сідз и Ойвыв Америкаын. 

Миян Коми муын олӧны чочкӧм бадьӧг да тундра бадьӧг.




#Article 3: Балуев Анатолий Данилович (103 words)


Балуев Анатолий Данилович (1946) — Коми кытшись кинорежиссёр. Сы творчествоын унажыксо тӧдчӧны коми мотиввез.

А. Д. Балуев чужис март 5 лунӧ 1946 годӧ Кӧч посадын. 1963 годӧ помаліс Кӧчись жӧ шӧрӧт школа, сэсся кынымкӧ во уджаліс посадас да районас. 

Велӧтчис Кинематография сьӧрті всесоюзнӧй государственнӧй институтын кинотӧдӧм факультет вылын. 1973 восянь уджалӧ Свердловскись киностудияын редакторӧн, бӧрынжык и режиссёрӧн. 1999 годсянь — веськӧтлӧ Свердловскись государственнӧй телерадиокомпаниялӧн «Уралтелефильм» творческӧй йитӧтӧн. 

Кинематография кужӧт сьӧрті роч академияись «Ника» нима чукӧрлӧн академик (1997), Рочмуись кинематографисттэз йитӧтлӧн Урал юкӧтын веськӧтланісь член (1996).

Уна приз да награда Международнӧй фестиваллез вылын босьтісӧ сылӧн фильммез: «Фуга», «Мы были дымом», «Волны», «Хор» да мӧдіккез.




#Article 4: Берлин (165 words)


Берлин ( ) — Немечмулöн канкар да 16 йитчанмуись (бундӧслянд) ӧтік. Сулалӧ Германия асыввыв-ойвыв лапӧлын, Шпре ю дорын. Олӧны татӧн 3,4 млн морт. Европа ӧтувтчӧмын сія мӧдік кар оліссез лыд сьӧрті. Муыслӧн куимӧт тор кыным куйлӧ вӧррез, парккез, саддэз, юэз да тыэз увтын.

Талун Берлин - Европаын политика, культура да тӧдӧс (наука) шӧрин. Унажык отирыс уджалӧны кысъялан (обслуживаннё) сфераын, эм и берся керӧтан ыджыт уджаиннэз (предприяттёэз), юӧртан медиа корпорацияэз дмд. Берлин пыр мунӧны кӧрттуез да автотуйез, татӧн эмӧсь ыджыт аэропорттэз. 

Видзӧтны Берлин вылӧ пыр вовлӧны уна турист, карыс ӧддьӧн басӧк, сулалӧны быдкодь мича керкуэз, быдсяма казьмӧтаннэз.

Карын эмӧсь университеттэз, туялан институттэз, спортаиннэзз, музыка орсаніннэз, музейез да мд.

Берлинсӧ медодз казьтыштӧмась XIII векын. Сэсся сія вӧлі канкарӧн Пруссмуын (1701–1918), Немеч империяын (1871–1918), Веймар республикаын (1919–1933), Куимӧт рейхын (1933–1945). Му югыт пасьта мӧдік тыш-кось бӧрын Берлинсӧ торйӧтӧмась: асыввыв Берлин лоис ГДР юркарӧн, а рытвыв Берлин - анклавӧн, кӧда вӧлі кытшӧвтӧм Берлин берӧдӧн (1961–1989). Кӧр Немечму 1989 годӧ бӧра лоис ӧтласа, Берлинас бӧр керисӧ ӧтувья немеч канмулӧ канкар.




#Article 5: Братислава (130 words)


Братислава (словак кыв вылын Bratislava, , ) – Словенсколӧн канкар, канмуын медыджыт кар, Братиславскӧй крайлӧн шӧрин. 

Мувывторыс 367,584 км², олӧны 431 морт, Братислава аггломерацияын (ыждаыс 853,15 км²) оліссес 546 300 кыным. Лыддьӧны, карас пӧ быд лун вовлӧны уджавны 150-200 сюрс морт кар визиррез сайсянь, сійӧн луннас татӧн овлӧ 650 сюрс мортӧн.

Братиславаын уджалӧ республикаись президент, пукалӧ парламент, керӧ удж веськӧтлан (правительство), концентрируйтӧмӧсь министраиннэз да канлӧн мӧдік шӧрӧт контораэз. Карын эмӧсь университеттэз, институттэз, театррез, музейез да культура зорӧтан мӧдік керкуэз, шуам Словакмуись филармония нето Словак войтырлӧн галерея.

Муюгытся мӧдік косясян одзын татӧн отир баитӧмась куим кыв вылын: немеч, мадьяр да словак мозӧн.
 
Братиславаын тыр казьмӧтаннэз, кӧдна унажыксӧ сулалӧны важ кар вылын. Даминантаӧн лэбтісьӧ Братиславскӧй град, кӧда дорӧ меститчӧм Словак республикаись Народнӧй радалӧн керку, а неылын сы дынсянь сулалӧ Вежа Мартин вичку.

  




#Article 6: Будапешт (164 words)


Будапешт — Мадьярмулӧн канкар. Сулалӧ Европа шӧрын Дунай ю дорын. Кыдз мадьяррезлӧн медыджыт кар, Будапешт лоӧ канмулӧн политикаын, культураын, вузасьӧмын, кӧзяйствоын да транспортын медшӧрӧт инӧн. 2009 воын Будапештын олісӧ , кӧть эшӧ 1980' воэз шӧрын татӧн вӧлі 2,1 миллион олісь. Будапешт карму вылын (с.ш. Ыджыт Будапештын) олӧны быдсӧн . Мувывторыс  (кар визиррез пытшкын). Будапешт лоис ӧтласа карӧн 1873' воын нояб 17' лунӧ, кӧр Дуна ю веськыт (рытвыв) вадӧрись Буда да Обуда ӧтлаасисӧ шульга (асыввыв) ладорись Пешткӧт. Аквинк, кӧркӧся кельттэзлӧн оланін, вӧлӧма кар местаын, кӧр римляна керасӧ сыись Улісь Паннониялӧ канкар. Мадьяррез локтасӧ татчӧ ІX векӧ. Нылӧн медодзза оланін жугдӧмась монголлэз 1241'-42' воэзӧ. Вились вептӧм кар лоас Ренессанс кадся ыджыт культура шӧринӧн XV векын. Сэсся вӧлісӧ Мохач дорын тыш, Османнэзлӧн 150 годся юралӧм, буркодь олӧм XVІІІ да XІX веккезӧ. Будапешт лоис му югыт пасьта тӧдса карӧн 1873' вося ӧтлаасьӧм бӧрын, кӧр сія вӧлі Австрия-Венгрияын мӧдік канкар туйӧ. Медбӧрья веккезӧ татӧн гымалісӧ 1848' годся революция, мадьяррезлӧн совет республика (1918), Будапешт понда тыш (1944), 1956' вося лэбтісьӧм.
 

 




#Article 7: Вальков (Кудымкар район) (127 words)


Валько́в (татісь оліссез шуӧны Валько́) — учӧтик грезд (деревня) Перем ладорись Коми кытшын, Кудымкар районас.  Грездыс сулалӧ Кудымкарсянь рытвылӧ 40 км ылынаын, Вежайка ю дорын.

Вальковыс ӧні пырӧ Иньвайыв посадмуӧ, а 2006 годӧдз сія вӧлі Москвина сельсоветын.

Вальковсянь ойвылас, Вежайка пӧлӧн кӧ кайны, петӧ Ӧндриан грезд, сы сайын — деревня Вежайка. Лунвылас, Вежайкаыс кузя кык километраӧн улынжык, куйлӧ Москвина, кӧда Вальков понда кольччӧ шӧрин туйӧ.

Олӧны Вальковын валько́вса нето валько́вчи. 2009 во пондӧтчикӧ нія вӧлісӧ 22 морт, видзисӧ 8 горт. Этӧ унапӧв етшажык 1970 год сьӧрті, кӧр татӧн олӧмась 77 морт. Уна отир мунӧмась овны Москвинаӧ нето Куваӧ.

Быдӧс оліссез комиӧсь. Унажыкыс новйӧны памиллёэз Васькин да Зубов.

Кулӧммезнысӧ вальковсаыс дзебӧны Куваас. Сэтчин жӧ дзебсьӧны вежайчана да ӧндриановчи. 

  

Школаӧ вальковсалӧн челядь ветлӧны Москвинаӧ, сэтчӧ жӧ мунӧны пельшер-акушер дынӧ.
 




#Article 8: Вежайка (Кудымкар район) (158 words)


Вежа́йка — учӧтик грезд (деревня) Перем ладорись Коми кытшын, Кудымкар районас.  Грездыс сулалӧ Кудымкарсянь рытвылӧ 43 км ылынаын, Вежайка ю дорын.

Вежайкаыс ӧні пырӧ Иньвайыв посадмуӧ, а 2006 годӧдз сія вӧлі Москвина сельсоветын.

Грездыс шусьӧ сідз Вежайка ю сьӧрті, кӧда сы дынӧт и котӧртӧ. Юыслӧн нимыс аркмӧма Вежай форма дынӧ -ка суффикс содтӧмӧн. А ачыс Вежайыс лоӧма  Вежа ю кывтэчас джендӧтӧмсянь. 

Вежайкасянь лунвылас, ю пӧлӧн кӧ лэдзчыны, петӧ Ӧндриан грезд, сы сайын — Вальков грезд. Эшӧ ылынжык катытас, вит километра ылынаын, сулалӧ Москвина, кӧда быдӧс матісь грезддэз понда кольччӧ шӧрин туйӧ. Ойвылас Вежайкасянь, буракодь ылын, сулалӧ Кува посад.

Олӧны Вежайкаын вежайча́на. 2009 во пондӧтчикӧ нія вӧлісӧ 34 морт, видзисӧ 13 горт. Этӧ унапӧв етшажык 1970 год сьӧрті, кӧр татӧн олӧмась 147 морт. Уна отир мунӧмась овны Москвинаӧ нето Куваӧ.

Быдӧс оліссез комиӧсь. Унажыкыс новйӧны памиллёэз Васькин да Зубов.

Кулӧммезнысӧ вежайчанаыс дзебӧны Куваас. Сэтчин жӧ дзебсьӧны ӧндриановчи да вольковчи. 

  

Школаӧ Вежайкаись челядь ветлӧны Москвинаӧ, сэтчӧ жӧ мунӧны пельшер-акушер дынӧ.
 




#Article 9: Весляна (Коми кытшын ю) (112 words)


Весляна — Перем ладорись Коми кытшын визывтан ю, Кама юлӧн шульга вож. 

Кузяыс Весляналӧн – 310 км. Петӧ сія Ойвыв мыссэзісь Гуменцо нюрсянь. Этія вӧр ю вель ыджыт. Коми кытшыслӧн ой-рытвылын сы вылӧттяс отирыс унажыксӧ и уялӧны да кылӧтӧны сы кузя вӧр. 

Ӧрыс Веслянаыслӧн чукыля, натодиль шӧрӧт визылын. Паськытаыс вовлӧ 100 метраӧдз. Тулысся ыждӧм коста юыс паськалӧ ӧддьӧнжык, пыдынаыс сэк овлӧ 3-4 метарӧн. Но шӧркоддяс джуджытаыс плёссэзын 1-1,5 м, коссезын – 0,25-0,40 м. 

Ваыслӧн шонтӧгыс кывтытас сибӧтчӧ 18-20°С. Юыс визывтӧ шӧркодяс 0,6 м/с перытаӧн, тулыснас перытаыс содлӧ 1,1 м/с-ӧдз, а межень коста чинӧ 0,15-0,35 м/с-ӧдз. 

Ваыслӧн рӧмыс пемытжык Камаынся, сійӧн мыля Сьӧдъю дорын (а этія юыс усьӧ Веслянаӧ) миськассьӧны пемыт рӧма сёйез.




#Article 10: Волгадор федерал кытш (101 words)


Волгадор федерал кытш (рочӧнжык Приволжский федеральный округ) — Роч президент вертикальын мувывторнас веськӧтлан юкӧт. Сія босьтӧ ас увтӧ Волгадор да Рытвыв Урал. Акмӧтӧм РФ президент тшӧктӧт сьӧрті 2000 годӧ, май 13 лунӧ.

Кытшыслӧн мувывтор 1 038 000 км² (Роч Федерацияись 6,08 %). 2010 годӧ татӧн олісӧ 29 900 359 морт (РФ-ын быдӧс оліссезісь 20,9 %). Медуна йӧз олӧны каррезын.

Индустрияын лэдзӧм сьӧрті ВФК босьтӧ Роч му экономикаын медодзза места (23,9 %), мӧд местаын – Медшӧр федерал кытш. Му-видз уджалӧмын лэдзӧмыс кытшас лоӧ 24,7 % омӧн Роч му пасьта лэдзӧм сьӧрті. Роч муын быдӧс инвестицияэзісь Волгадор федерал кытшас пуктӧны 15,3 %.

 

БПЛ:




#Article 11: Вуктыл район (134 words)


Вуктыл район () — веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧрин – Вуктыл карын. Вуктылсянь Сыктывкарӧдз 545 км ылына.

Районыс аркмӧтӧм 1975 годӧ.

Вуктыл районыс 22,6 сюрс км² ыжда. Куйлӧ Коми Республика асыввылын. Межаасьӧ Печора районкӧт ойвылын, Сӧснагорт районкӧт рытвылын, Мылдін районкӧт лунвылын да Йӧгра кытшкӧт асыввылын. 
  
Медыджыт ю районас – Печора, кӧда дорын сулалӧ Вуктыл кар. 

Оліссез Вуктыл районас 16,8 сюрс морт (Коми Республикаись 1,7% отирыс). Ны коласісь карын олӧны 13,4 сюрс морт, мӧділаын 3,4 сюрс морт.

Район вылын юралісьыс Зиняк Ярослав Степанович. Веськӧтланыслӧн адрес: 169570, Вуктыл кар, Комсомол туй, 14. Факсыс (82146) 213-33. 

Вуктыл район янсӧтчӧ 5 веськӧтлан юкӧт вылӧ. Татӧн ӧтік карму да нёль посадму.

Вуктыл районын лыддьӧны 11 оланін: ӧтік кар (Вуктыл), вит посёлок, кык посад да куим грезд.

Вуктыл районас кӧзяйство понда медыджыт роль орсӧ газ.




#Article 12: Вертюсва (Кудымкар район) (560 words)


Вертю́сва (томмез шуöны Верх Юсьва) – Перем ладорись Коми кытшын, Кудымкар районсис Ленинск посадмуын важ коми посад. 

Асьныс оліссез шуӧны посаднысӧ комиӧн Вертюсва, рочöнжык Верх Юсьва. 

Оланіныс шуӧм места сьӧрті: сія сулалӧ Юсьва (татіссез шуöны Юсва) ю пöлöн вылынжык (верх) Юсьва посадся. 

Неважын посадсö вöзйылöмась нимтыны Юсьвайыв, но оліссез сьöрті сідз шуны оланіннысö оз туй.

Одзжык посадыс рочӧн шусис Иваново над ключами, сэсся Верх-Юсвинскӧй, ӧні Верх-Юсьва. 

Вертюсва посад сулалӧ Кудымкарсянь лунвылӧ 23 км ылынаын, Юсьва ю дорын, Гайна–Перем трассасянь асыввылö кык километра ылынаын.

Ойвылас Вертюсвасянь километра етш ылынаын, Юсьва мöдöрас, сулалö Казаринчи грезд, лунвылас 2 км ылынаын – Рӧдин, асыввылас кык километра ылынаын, тракт сайын – Сидӧршор грезд, рытвылас 2 км етш ылынаын – Ляпинчи да Канамовчи, лунвыв-рытвылас километра ылынаын – Пання.

Одзжык рытвылас топ поздісьлöмась деревняэз Се́ньчи да Кыро́в.

Вертюсва сулалö Юсьва ю веськыт (лунвыв) вадöрын. Катытас юыс поромитöм – аркмöма паськыт Вертюсва пруд.

Пруд дорас эм шоччисянін Сеньчиу́вт.

 

Вертюсваöттяс котöртöны кык шор:

Неылын посадсяняс эмöсь эшö юоккез:

Лунвылöттяс асыввывсянь рытвылö нюжалöны воллез:

Посадыс тэчӧм сизим торись:

Эна микрорайоннэз коласісь Посад, Гришинчи, Подяновчи да Педукинчи – одззася грезддэз, а посёлоккез да Пруддор – неважся оланіннэз.

Гришинчи доррезлöн эм асланыс ниммес:

Вертюсваын ниммесö öні новйöны 23  да öтік  :

Кыдз и быдлаын чиновниккез нимтöмась туйесö рочöн ас гажись, коми традицияэз вылö видзöттöг. Сійöн отирыс корöны вежны туйниммесö татісь топонимия лыдö босьтöмöн.

Медшöр туйыс лунвылас петö посад сайö да мунö Рöдинланьö, а Заводскöй посёлок саяс кежö асывланяс Виль трактланьö (1,5 км).

Посад шöринас Медшöр туй кежö асыввылö, сэсся петö посад сайö и мунö Бормотовчиланьö. 

Шöринсянь ойвылö мунöй туй Поссайö да Казаринчиö. Этія туй кузя да  Медшöр туйлöн меридиан орöток кузя муніс Важ тракт Менделёв-Кудымкар.

Рытвыв-лунвылас Мир туй петö посад сайö да мунö Паннялань, лунвылас Кортуй петö Рöдинлань, а асыввылас Ошмарин туйсянь петö веськыт туй Виль трассалань.

Вертюсваын вöлі колхоз Родина, кöда 1990' воэз пондöтчикö янсöтчис кыкö: Родина (центрыс Гришинчиын) да Колос (центрыс посадын). 

Посадыс пырӧ Ленинск посадмуӧ. Татчö лöсьöтöмась посадмулісь юкöт (структурнöй подразделеннё), кытöн кан нимсянь отирыскöт уджалöны юралан специалист да мумерайтісь.

Мöдік каналан (государственнöй) службаэз:

Отирыс Вертюсваын комиöсь, баитöны комиöн.

Пенсионеррез пöрисьмöм увья 216-а (47-ыс 80 годся пöрисьжыкöсь), вермытöм шогья 146-я. Учöт челядьыс 125-а.

  
Медуна отирыс гижсьöны Мехоношин. 

Татісь памиллёэзöн лыддисьöны сідзжö:

Мöдік йöзлöн гишшаннэз: 

Öні колхоз не заводдэз посадын абуöсь. Сю озö кöдзö. Крессяна-фермеррез, кöдна 1990' воэзö вöлöмась 8-а, öні öтік абу.
 
Мужиккез ветлöны керны шабашкаэз.

Уджаиннэз öті-öті.

Эм куим вöрпилитан, ныись регистрируйтöмöсь кыка:

  
Вöралöмсö лöсьöтö Вертюсваись вӧралан кӧзяйство.
 
Öні вузасьöны куим магазин:

Одзжык вöлі магазин «Бипур», но сійö сотöмась. 

Кöркöся быт керку пöдналöмась.

Горт кöзяйствоэз 418-а. Отирыс быдтöны карч асланыс огореччезын. 126 кöзяйствоын йылöтöны пода: мӧссэз (öксяс куим стадо), баляэз, кöзаэз, вӧввез, порссез, курöггез.  10-11 морт видзöны мошшез. 

Гожумнас отирыс тшакьялöны (гӧрд гриб, масьляк, рыжык) да ягöдалöны (озъягӧд, ӧмидз).

Кыкись год вылас лöсьöтлöны ярмаркаэз, базар овлö и тшак празьник коста. Вузавлöны яй, йöв, рись, нöк дмд. Сідз-ту отирлісь видз-му продуктаэз ньöбалан структура абу.

Посад рытвылас кöркöся Колхозлöн сад, кытöн быдтывлöмась ирга, сэтӧр, крыжовник, помидоррез.

Посадас эм пода веськöтанін.

Посад пырйöт мунö асфальтируйтöм туй Виль трактсяняс Бормотовчиланьö (Медшöр туй).

Эм гортся телефоннэз (асланыс АТС), туйдорся таксофоннэз, позьö баитны мобильник пыр (UTEL), видзöтны телевизор.

Веськöтчöны отирыс больничаын (амбулатория да лунъян стационар), öні сія сулалö важ челядьсад керкуын, Челядь туй дорын, одзжык (1980'-2009' воэзö) веськöтчаніныс вöлöма Лялямшор йыввезын.

Дзебсьöны Вертюсвинса да быдöс одззася сельсоветыс Поссайын, Казаринчиланяс. Важ могильникыс вöлі посадсянь лунвылас, вакачайтан сайын.

Вертюсваын чулöтлöны тшак празьник - Ай да рыжык.
 

 




#Article 13: Вынва (ю) (142 words)


Вынва (рочӧнжык Севернӧй Двина) — Ойвыв Европаын ыджыт ю. 

Кузяыс, ӧтлаын Учӧт Вынвакӧт кӧ лыддьыны, лоӧ 744 км; ӧтлаын Сукӧнкӧт кӧ босьтны, петас быдса 1300 км. Бассейныслӧн пасьта — 360 000 км².

Вынва пондӧтчӧ кык ю, Сукӧн да Юг, ӧтлаасянсянь (Югдін кар дынын). Сээся сія кежӧ ойвывлань да пырӧ Кардор ладорӧ. Котлас кар дынын Вынва ӧтлаасьӧ Эжвакӧт, да сыбӧрын кежӧ рытвыв-ойвылӧ, и сэсся жагӧника ойвывланьжык. Катытас ӧтлаасьӧ Пиньӧгкӧт да усьӧ Чочком саридзӧ Кардор да Северодвинскӧй дынын, Вынва курья аркмӧтікӧ (дельтаын пасьтаыс 900 км² гӧгӧр).

Сукӧн да Юг ӧтлаасянсянь Эжва уссёӧдз юыс шусьӧ Учӧт Вынва, улынжык – Ыджыт Вынва. (Вынвакӧт ӧтлаасьтӧн Эжва нӧбӧтӧ сысся унажык ва, сідзкӧ былись-ту Вынва усьӧ Эжваӧ).

Пиньӧгкӧт ӧтлаасьӧм бӧрын Вынва торьясьӧ уна вискӧ да сы вылын аркмӧны уна ді (остров), пасьтаыс быдмӧ 18 км-ӧдз. Кардор дынын Вынва бӧра ӧксьӧ ӧтласа ӧрӧ, а карыссянь катытынжык вожасьӧ кынымкӧ виска дельтаӧн.




#Article 14: Гаврив Пёдор (257 words)


Гаврив Пёдор (рочӧнжык Тараканов Фёдор Гаврилович; 1900—1997) — коми политик, поэт. Коми кытш лӧсьӧтіссезісь ӧтік, олан сьӧрна пессис ӧтласа Коми республика понда.

Гаврив Пёдор чужис Юсьваын 1900' февраль 17' лунӧ вöрвидзись гозъялӧн.  1911' годӧ Кудымкарись  школа, а 1915' воын карись нёль класса училищё. 1915—1918' воэзӧ велӧтчис Красноуфимскын му-видз уджалӧм сьӧрті техникумас, кӧдӧ пӧдналасӧ  пондӧтчӧм кузя.

Вӧлі йӧзпытшкся косясянын,  дивизиялӧн политотделын, сыбӧрын — 23'  полклӧн агитаторӧн-организаторӧн. Одзлань уджаліс ЧК-лӧн тодильнӧй . Гӧрд армияись вӧлі демобилизуйтӧм Республикаись Реввоенсоветлӧн висьталӧм сьӧрті 1920' февраль коста, кыдз му-видз уджалӧм сьӧрті специалист да вӧлі ыстӧм Кудымкарӧ агрономӧн.

Уна вын Гаврив Пёдор сетіс, мед лэбтыны кӧзяйство, культура да велӧтӧм Коми кытшын. Округись советтэзлӧн медодзза  дырйи, кӧда вӧлі 1925' апрель коста, сійӧ бӧрйисӧ окрисполкомись уджалан президиумлӧн одзза составӧ, сетісӧ уджавны округись му сьӧрті юкӧтын юралісьӧн.

Уна керис коми отир коласын йӧктӧм-сьылӧм, гижӧм, литература, школа зорӧтӧм понда, медодзза типография осьтӧм понда да округись медодзза газета «Гӧрись» лэдзӧм понда. Уна во сьӧрна уджаліс веськӧтлісьӧн коми му велӧтӧм сьӧрті . 1924 январ коста вӧлі делегатӧн Советтэзлöн Рочмуись XI да Дӧссоюзісь ІІ ӧксяннэзын.

Мöдпöв Гаврив Пёдорöс арестуйтöмась 1950 воын, кöр сія вӧлі ыстӧм пыр кежö Сибирӧ. Уджаліс Краснояр ладорын. Лэдзисӧ 1954' годӧ, реабилитируйтісӧ 1956' годӧ. 

Пенсия вылö петтöдз (1960' г.) мортыс уджаліс Крыкалёвын вӧрпромхозас. 1980' во  муніс овны Сыктывкарӧ, кытӧн уна баитіс йöз одзын, лэдзис казьтылöммез. 

Куліс Гаврив Пёдор Коми Республика юркарын 1997' нояб 26' лунӧ.

Гöтрасис 193? годö. Иньыс Голева Анастасия Георгиевна. Зоннэз Владимир, Спартак да Фёдор. Ныв Валентина (1935).

Гаврив Пёдорлӧ сетісӧ Гӧрд дӧрапаса Удж орден (1967), медаллез. Сылӧн вӧлі «Кудымкар карлӧн почётнӧй гражданин» гора ним (1995).




#Article 15: Гаинчи (Кӧчладор район) (104 words)


Гаинчи — Перем ладорись Коми кытшын, Кӧчладор районісь Кӧч посадмуын грезд (деревня). 2006 воӧдз сія вӧлі Кӧч сельсоветын.

Гаинчиыс сулалӧ Кӧч посадсянь лунвыв-рытвылӧ 13 км ылынаын, Нипан да Льӧмью ӧтлаасянінын

Гаинчисянь асыввылас, 1,5 км ылынаын сулалӧ Петрушин грезд, сы сайын Лобоз, ылынжык —  Каз, Дуров, Шорша да Шипичинчи.  Трак кузя рытвылӧ кӧ мунан, 3-4 км ылынаын петас Киршин грезд (ӧні овтӧм ни), сы сьӧрын — Усь Янчер посёлок да Шаньшор грезд.

Гаинчи грездын олӧны гаинчи. Отирыслӧн лыдыс медбӧрья нёльдас годӧн невна чинӧма. 2009 во пондӧтчикӧ татӧн вӧлісӧ 15 морт, кӧдна видзисӧ сизим горт, а 1976 годӧ грездсис лыддисӧ 23 мортӧс. Фамиллёыс сьӧрті унажыкыс Исаеввез.




#Article 16: Гайна район (153 words)


 
Га́йна райо́н () — веськӧтлан юкӧт Перем ладорись Коми кытшын. Куйлӧ Коми кытш ойвылын. 

Аркмӧтӧм 1925 годӧ, Кӧс районісь ойвывся сельсоветтэз торйӧтӧмӧн. 

Мувывтор сьӧртіыс (14 934,2 км2 ыжда) этӧ лоӧ медыджыт район Коми кытшын, кӧдаись сія босьтӧ 46%.

Гайна районкӧт ордчӧн куйлӧны: рытвылын Коми Республикаись Койгорт район, ойвылын – Коми Республикаись Кӧрткерӧс да Кулӧмдін районнэз, асыввылын – Перем ладорись Чердын район, лунвылын – Коми кытшись Кӧсладор да Кӧчладор районнэз, а лунвыв-рытвылын – Киров лапӧлісь Камакатыт район. 

Районын лыддисьӧ 40 олан ин, ны коласын 22 посёлок да 18 грезд (деревня). Олӧны 15,1 сюрс морт (01.01.2009). Ныись 36% – коми отир, 53% - роч йӧз. Йӧзыслӧн топыта – 1,5 морт/км2-ын.

Веськӧтлан шӧрин – посёлок Гайна. Гайнасянь Кудымкарӧдз – 163 км.

Район вылын юралісьыс – Останин Н. А..

Гайна районын 7 посадму:

Виль нёж янсавтӧдз Гайна районын вӧлі 12 совет (2000 годӧ): Васькина, Гайна, Данилова, Иванчина, Карин, Кебраты, Керӧс, Плёсо, Серебрянка, Старича, Усь Сьӧдъю да Шумин.




#Article 17: Гарри Поттер (роман лёдз) (144 words)


Гарри Поттер – сизимторья мойд небӧг, кӧдӧ челядь да томпӧлӧс понда гижис Ыджыт Бриттмуись инька Дж. К. Роулинг. Небӧгын висьтасьӧ сы йылісь, кыдз олӧны да мый керӧны тӧдісь зонка Гарри Поттер да сылӧн медбур ёрттэз Рон Уизли да Гермиона Грейнджер туннэз школаын, Хогвардсын, велӧтчикӧ. Медшӧрӧт сюжет зораммӧ сы гӧгӧр, кыдз Гарри вермасьӧ лёк тӧдісь Волан-не-морткӧт, кӧда босьтӧ бы ас кипод увтӧ туналан мирсӧ. Небӧг лёдзын сизим тор, да нійӧ содталан кынымкӧ удж, кӧднӧ Ровлинг ачыс и гижис. Гарри Поттер небӧг сьӧрті керӧмась фильммез, орсаннэз да мукӧд берся. 

Небӧг лёдзын одззаыс «Гарри Поттер да авьяэзлӧн из» вӧлі первуись лэдзӧм ас кыв вылын 1997 воын, а медбӧрья торыс «Гарри Поттер да куланлӧн козиннэз» - 2007 годӧ. Медодзза жӧ лэдзӧмсяняс небӧг гленитчӧма отирыслӧ омӧн му югыт пасьта, сійӧ вылӧ донъялісӧ и бура ньӧблісӧ. 2008 годся юньӧдз небӧгсӧ вузалӧмась 400 миллионся унажык экземпляр да вуджӧтӧмась 67 кыв вылӧ.




#Article 18: Горадзуль (122 words)


Горадзуль (лат.: Trollius, рочӧн: купальница) — унавося туруна быдмас лютиккоддьӧммез увтырись. Медматын горадзуль дынӧ этія увтырын лоӧ лягушапаськӧм, кӧда вермӧ быдмыны и ваын.

Олӧ горадзульыс ӧддьӧн паськыта Европаын, Азияын да Ойвыв Америкаын.

Рытвыв Европаын сія быдмӧ унажыксӧ керӧссэзын. Асыввыв Европаын бӧра видззез вылын, ю оллезын, вӧр кушиннэзын. Азияын этійо турунсӧ позьӧ пантавны невна не быдлаись. Дзир континент лунвыв дорланьӧттяс сія абу. Ойвыв Америкаын Атлантика вадӧрсянь да Лӧнь океанӧдззас зораммӧны горадзульыслӧн кык тыд. 

Коми диалекттэзын горадзульыслӧн эм и уна мӧдік ним:

Зыряна ладорись комиэз горадзульнас унажыксӧ шуӧны сильканок турун.

Миян горадзульсӧ ӧддьӧн радейтӧны. Этія дзоридзыс йылісь гижӧмась уна кывбур. Горадзульнас шусьӧ 1923 годся коми небӧг – кывбуррезӧн медодзза ӧктӧт, кӧдо лэдзисӧ перем коми поэттэз.

Ракин А.Н. Краткий коми-русский, русско-коми ботанический словарь. Сыктывкар, 1989.




#Article 19: Гёттинген (434 words)


Гёттинген — Германияын, Улісь Саксму лунвылын сулалан университета кар. Карыс – Немеч муын да и быдӧс Европа понда тӧдса кыдз велӧтан да туялан шӧрин.

Ганновер, Брауншвейг, Оснабрюк да Ольденбург бӧрын Гёттинген лоӧ ыждаыс сьӧрті витӧт кар Улісь Саксмуын. 1964 во бӧрын коркӧся кытштӧм кар пырис Гёттинген ландкрайсӧ (районӧ) да лоис сы шӧринӧн. 1965 годсяняс карас олӧ 100 сюрс мортся унажык, да сысянь сія лыддиссьӧ Германияын ыджыт карӧн.

Мӧдік ыджыт каррез Гёттинген гӧгӧрын: Кассель (38 км лунвыв-рытвылас), Хильдесхайм (70 км ойвылас), Брауншвейг (92 км ойвыв-асыввылас), Эрфурт (98 км лунвыв-асыввылас), Ганновер (105 км ойвылас) да Падерборн (120 км рытвыв-ойвыв-рытвылас)

Гёттинген куйлӧ Лайне-Ильме увтас да Гёттингер Вальд вылынін коласын. Сы пырйӧт лунвывсянь ойвылӧ котӧртӧ Аллерӧ усян Лайне нима юок. Карыслӧн ойвывся тор Венде кузя котӧртӧ Венде шор, ойвыв-асыввыв торрезӧттяс – Луттер шор, а рытвыв торрес пырья – Гроне шор. Кынымкӧ километра ылынаын ойвылас пондӧтчӧ Нёртенер Вальд. Карыс лунвыв дорын куйлӧ Лайнеись ва босьтан Гёттингер Кисзэ нима ты.

Гёттинген кар увтӧ пыран муэз куйлӧны саридз вевдӧрсянь 138–127,5 м вылынаын, рытвывлань Клеперберг да Хайнберг керӧссэзсянь, а Гёттингер Вальд ассыввыв дорын сулалан Макенрёдер Шпитце лоӧ медвылын керӧсӧн Гёттинген карас. Кар му вылын, Лайнесянь рытвылас куйлӧ Хагенберг (сідзжӧ сійӧ шӧны Учӧт Хаген, 174 м), а кык километраын сысянь лунвылас – некрут вылынін Эгельсберг. Карыслӧн рытвыв визир бердын лэбӧны эшӧ кык керӧс: Кнутберг (363 м) да Куберг (288).

Гёттингер Вальдсянь топ рытвылас сулалан Гёттинген лоӧ вит вылынін шӧрын. Энія вылыніннэс: Золлинг (34 км ойвыв-рытвылӧ), Гарц (60 км ойвыв-асыввылӧ), Кауфунгер Вальд (27 км лунвыв-лунвыв-рытвылӧ), Дрансфельдер Штадтвальд (13 км лунвыв-рытвылӧ) да Брамвальд (19 км рытвылӧ).

Оліссезлӧн лыдыс Гёттингенын шӧрӧт веккезсянь ни пыр быдмӧма, а виль кад пондӧтчӧмсянь ӧддьӧн ни чожа. 1985 воын карас олісӧ медуна отирыс – 132.100 морт. Сэсся пондісӧ чинны. 2006 декаб 31 лун кежӧ Гёттингенас кольччис 121.581 пыр олісь морт.

Уна отирыс велӧтчӧны Гёттинген университетын: 2005/06 тӧвнас токӧ сэтчин вӧлі 24.400 велотчись , а сысся и мӧдік институттэз эмӧсь. Быдсӧн босьтӧмӧн студеттэс карас лоӧны оліссезісь 20 % мымда.

Карись обербургомистр – Вольфганг Майер (СПД).

Карын 18 кытш (штадтбецирк):

Ӧшмӧс: GÖSIS

Вит кытшыс – карыслӧн важся шӧрин. Мӧдік кытшшез вӧлісӧ перво посадмуэзӧн, а сэсся нійӧс ӧтлаӧтісӧ кар дынӧ:

Мукӧдын сёрӧнжык ӧтлаӧтӧм кытшшез коласісь кольччӧ асвеськӧтлӧм. Сэтчин эмӧсь отирсянь бӧрьян советтэз (9-13 мортӧн), асланыс юралісь (ортсбургомистр). Советтэзын видзӧтӧны кытш понда тӧдчана моггез, но медбӧрья кыв кольччӧ Гёттинген кар советыслӧ. Аслыныс советтэз бӧрйӧны: Гайсмар (Цитентерассаэзӧн), Гроне, Херберхаузен, Хольтензен, Николаусберг, Роринген, кыкӧн ӧтік совет бӧрйӧны Венде да Деппольдсхаузен, Эллихаузен да Эзебек, куимӧн – Гросс Эллерсхаузен, Хетьерсхуазен да Кнутбюрен.

Гёттинген карыскӧт межаасьӧны сизим посадму, кӧдна быдӧнныс пырӧны Гёттинген районӧ: Бовенден, Вааке (лоӧ ӧтласа Радольфсхаузен посадмуын), Гляйхен, Фридланд, Росдорф, Дарнсфельд кар (лоӧ ӧтласа Дарнсфельд посадмуын) да Аделебзен.




#Article 20: Дебрецен (112 words)


Дебрецен (мадьяр кыв вылын Debrecen, латынь вылын Debretinum) — Мадьярмуын ыждаыс сьӧрті мӧдік кар. Сія Хайду-Бихар ладорлӧн да Дебрецен районлӧн шӧрин, Тіса сайся регионын – медыджыд да медтӧдчана кар. Мукӧдкоста Дебреценсӧ шуӧны кальвинисттэзлӧн Ромаӧн.

Первуись нимыс казьтывсьӧ XIII векын. 1361 воын сія – неыджыт карок, а 1683 годӧ король лэбтӧма сійӧ «мезмыт кар» рангӧдз. Европа пасьта кар йылісь тӧдісӧ татісь ыджыт ярманка увья, а сідзжӧ кальвинизм сьӧрті тыдалана школа увья. Кыкись Дебрецен вӧлӧма Мадьрму понда канкарӧн, 1848–49 воэзӧ да 1944 годӧ. Уна веккез сьӧрна неӧтпыр сотчылӧма, а муюгытся мӧд косясян коста сійӧ буракодь паздӧмась. Талун Дебрецен мадьяр оланіннэз коласын чожа зорамман кар. Дебреценса ыждӧтӧны ассиныс гортнысӧ кар гаж дырйи апрель 11 лунӧ.




#Article 21: Едэма (Изьва район) (162 words)


Едэма (рочӧнжык Васильевка) — Коми Республикаын, Изьва районісь Кельчиюр посадмуын грезд. 

Коми ним Едэма аркмис натьтӧ изьватас сёрниын ветлана едэма ‘нюрьяин’ кывсянь . А сідз-ту едӧма – этӧ лоӧ ‘сукмӧм, косьмӧм (вир йылісь)’ .

Грезд сулалӧ Печора ю дорын, Кельчиюр посадсянь 11 км ылынаын. Ордча оланіннэз: Изьвавом, Галфедь, Неридз.

Грездсянь неылӧт котӧртӧ Изьва ю. Ордчӧн эм Едэма яг.

Оліссез шуӧны асьнысӧ едэмсаяс (ö.л. – едэмса). 2010 год кежӧ татӧн олӧны дзир 8 морт. Чужан кыв нылӧн – коми (изьва диалект). Медуна отир новйӧны фамиллё Филиппов. 

Том отирыс грездас абуӧсь, оліссез сё 40 годся пӧрисьжыкӧсь.

Грезд аркмӧма 1859–1859 воэзӧ. Медодз сы йылісь гижисӧ 1858 годӧ сідз: выселок Едомский.

Грезд пырӧ Кельчиюр посадмуӧ. Аслас веськӧтлан ни милиция пост абу. 

Авто туез абуӧсь, товар кыскавны позьо токӧ Изьва ю кузя. Но грездын эм мотоцикл, коть автомобиллез абуӧсь жӧ. 

Эм учӧтік вузясянін. Отирыс олӧны пенсия вылӧ. Вӧралӧны да кыйӧны чери.

Школа ни культура керку грездас абу.

Жеребцов И. Л., Мусанов А. Г. Где ты живешь? (гипермедиаэнциклопедия).




#Article 22: Емва район (433 words)


Емва район () — веськӧтлан юкӧт Коми Республикаын, республикалӧн 15 районнэзісь ӧтік.

Веськӧтлан шӧрин – Емва карын.

Район аркмис 1939 июль 14 лунӧ. 1963 годӧдз шусьӧма Кӧрттуй район (рочӧнжык – Железнодорожнӧй район)

Районыс 24,6 сюрс км² ыжда. Куйлӧ Коми Республика рытвылын. Межаасьӧ рытвылын Удора районкӧт, ойвылын Чилимдін районкӧт, асыввылын Уква кар кытшкӧт, лунвылын – Кӧрткерӧс да Емдін районнэзкӧт.

Район пырйӧт мунӧ кӧрттуй Котлас–Вӧркута да автотуй Сыктывкар–Сӧснагорт.

Мувевдӧрыс вӧрсялӧм да нюрсялӧм, неыджыт мыссэза, но волькыткодь. Ойвыв-рытвылын волькытіныс пӧднассьӧ Тиман мусюрӧн, кӧда лэбӧ татӧн 353 м вылынаӧдз. 

Мусиннэз нюрвыв торфаӧсь, шаргунаӧсь, сісьмӧта-глеяӧсь.

Климатыс шӧркодя континентвывся. Январ коста шӧрӧт шонтӧгыс -17 °C, июль коста +15 °C. Енӧжваыс усьӧ шӧркодя 550 мм-ӧн год сьӧрна.

Медыджыт юэз: Емва да сылӧн вожжез: Весыва, Едва. Медпаськыт ты районас – Синдор ты.

Колана шедтассэзісь татӧн эмӧсь извесняккез, лыа, кӧдза, сёйму, сотчан сланеччез, бокситтэз, изсов.

Вӧрыс унажыксӧ кӧзъяин нето пожумсора кыдзза-кӧзъя, шочжык лисвеня. Вӧр подаись панталан татісь вӧрмӧсӧс, ланаӧс, ондатраӧс, ю мойӧс. Кайез коласісь поздісьӧны дозмӧр, тар, сьӧла. Юэзын да тыэзын уна дона чери: семга, нельма, сиг, хариус.

Ӧтӧр дорьян муэз: Ботаника сьӧрті вӧр-ва казьмӧтан «Кедраёль», Синдорись ӧтласа заказник, нюррез дорьян 19 заказник.

Емва дорын отирыс олӧ важынсянь. Емва пӧлӧн да Синдор ты гӧгӧр сёэзӧн вӧлісӧ сулаланіннэз, овмӧтчаннэз, дзебсяннэз, вежаиннэз. Татісь адззӧмӧсь ӧддьӧн уна важся казьмӧтаннэз да кладдэз. 

Медъёна пондісӧ отирыс поздісьны татчӧ виль эрася мӧд сюрсвоын. 400 вося дыржык ни сулалӧны грезддэз (деревняэз) Кони, Весыва да Рак, Серегов посад. А Виз посад да Турья посад тыртӧмась вит сё годӧн ни.

Виз посадсӧ, кӧдӧ рочӧн шуӧны Княжпогост, аркмӧтӧма кинкӧ Емва ӧксы увтырись. Этія увтырыс юраліс Эжва Перемын 1451–1502 воэзӧ. 

Крессьяна гӧрлӧмась му, видзлӧмась пода, чериавлӧмась да вӧравлӧмась. Мукӧдыс мунлӧмась кошшыны удж Серегов керӧс дорӧ, сов шедтанінас. Медбура зорамас Сереговын промысёл XVII век помланьын, кӧр татісь завод пырис Рочмуас совпуан сьӧрті медгырись уджиннэз коласӧ.

Район Емваас лӧсьӧтӧмась 1939 годӧ июль 14 лунӧ. 1963 годӧдз сія шусьӧма Кӧрттуй район (Железнодорожнӧй район).

Советтэз дырни татӧн уна мый вежсис. Пондіс уджавны Княжпогостын механика завод, районісь вӧрпункт, вӧлі осьтӧм пусіа плитаэз лэдзан завод, Синдорись газсуктан поз, мӧдік уджаиннэз да аркмӧтӧммез.

Оліссез 29,7 сюрс морт. Йӧзыс олӧ 48 оланінын, медыжытӧсь – Емва кар, посёлоккез: Синдор, Мещура, Ветью да Чимиавӧрӧк, посаддэз: Сьӧська да Серегов. Оліссез коласын 17,9 % – комиӧсь. Рочму шӧрись ваявлӧны татчӧ уна пукаліссезӧс. 2002 вося гижöтöм дырни татöн вöлісö 64,4 % роччез, 7,7 % украинса, 2,4 % беларуссэз да 0,9 % немеччез.

Район вылын юралісьыс Такаев Радик Николаевич. Веськӧтланын медыджытыс Попов Виктор Александрович. Веськӧтланлӧн адресыс: 169200, Емва район, Емва кар, Дзержинскӧй туй, 81; факсыс (82139) 224-86.

Веськӧтлӧм могись Емва район янсӧтӧма 12 тор вылӧ: татӧн эм кык карму да 10 посадму. 

Емва районын талун 48 оланін.




#Article 23: Емдін район (311 words)


Емдін район () — веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧрин — Айкатыла посад. Айкатыласянь Сыктывкарӧдз 95 км.

Районыс аркмӧтӧм июль 15 лунӧ, 1929 годӧ.

Емдін районыс 4.775,1 кв. км ыжда. Куйлӧ Коми Республикалӧ лунвыв-рытвылын. Межаасьӧ Емва районкӧт асыввылын, Сыктывдін районкӧт лунвылын, Кардор лапӧвкӧт рытвылын да невунка Удора районкӧт бӧра ойвылын. 

Мувевдӧрыс волькыткодь, медыджыт вылынаэз 157 м. 

Климат шӧркодя континентвывся. Январ коста шӧрӧт шонтӧгыс -15,5°С, июль коста - +16°С. Енӧжва усьӧ 550 мм-ӧн во сьӧрна. 

Медыджыт юэз районас Эжва, Емва да Еринь.

Мусиннэз унажыксӧ нюрвыв шаргунаӧсь. 

Районыс куйлӧ шӧрӧт парма отын; 86,4 % вылӧ районыс вӧрсялӧм. Му-видз уджалӧм понда лӧсялӧ токӧ 3,4 % му, сы лыдын гӧран му – 1,1%, ытшканыс – 1,6%, пода йирсьӧтаныс – 0,7%.

Вӧр фонд торйӧтӧм кык вӧрхоз коласын: Айкатыла (381,0 сюрс гектар, сы лыдын вӧрсялӧм мувывтор – 352,6 сюрс га) да Чернам (74,7 сюрс гектар, сы лыдын вӧрсялӧм мувывтор – 70,5 сюрс га). Пуовӧй тырбур лыддьӧны ӧтас 32, а мӧдас 7,2 млн. кубометр.

Районас эм ихтиология сьӧрті заказник – Йӧвты.

Колана шедтассэз: строитчан да кварца лыаэз, песӧка-кӧдза сорассэз, кирпич да сылӧтан сёйез, минерал пигменттэз, кӧдна лӧсялӧны миччез керӧм понда. Районын уна торф, ваувтся минерала да дуб ваэз. Эмӧсь пуксьӧссэзын кӧрт рудаэз. Ӧні татісь кошшӧны и мусир.

XVI век помын веськӧтлан шӧрин вуджӧтӧны Емдінісь Яренскӧ.

 

Оліссез Емдін районас 31,2 сюрс морт (2009 во кежӧ). Йӧзыслӧн тшӧкыта 8,1 морт/км². 2002 вося гижӧтӧм дырни районын олісӧ роччез 56,0 %, комиэз 29,5 %, украинса 5,8 %, беларуссэз 1,5 % да немеччез 1,2 % . Карын оліс быдӧс отирись 64,8 %. 

Район вылын юралісьыс Махмудов Михаил Махмудович. Веськӧтланыслӧн адрес: 169040, Емдін район, Айкатыла посад, Шӧр туй, 112. Факсыс (82134) 201-39. 

Район янсӧтчӧ 12 веськӧтлан юкӧт вылӧ.Татӧн эм кык карму да дас посадму.

Емдін районын 53 оланін: ӧтік кар (Микунь), ӧтік карок (Зӧвсьӧрт), 12 посёлок, вит посад да 34 грезд.

Район отир понда петӧ «Вперёд» газета (роч кыв вылын).




#Article 24: Зиль-Зёль (113 words)


Зиль-Зёль — этӧ коми зыряналӧн сьыланкыв. Шыладыс В.Гущинлӧн Кыввезыс А.Шебыревлӧн

Мусук локтіс рытъядорӧ,
Ӧшинь улын кыйкъялӧ,
Ывла вылӧ бара корӧ,
Менам бандзиб ыпъялӧ.
Пельӧй чошӧ, мый нӧ тайӧ,
Мелі шыысь пӧсьӧдӧ.
Кодкӧ ворсӧ–ворсӧ рытӧ–войӧ,
Кодкӧ сьӧлӧм вӧрзьӧдӧ.

Припев:
Зиль–зёль кӧнкӧ кылӧ,
Зиль–зёль вошӧ дой,
Зиль–зёль, зиль–зёль олӧм–вылӧм,
Талун сатин, аски ной.

Кильчӧ вылын зонмыс вӧзйӧ
Аслас киӧн вӧчӧмтор.
Аддза: синмыс шудӧн ӧзйӧ,
Варовитӧ серамсор.
Менам киын югыд шонді,
Менам киын вӧрса ёль,
Гулыд сӧстӧм ягыс, чизыр тӧлыс –
Ӧти кывйӧн зиль да зёль.

Мусук локтіс рытъядорӧ,
Менӧ мамӧ велӧдӧ.
Еджыд кудри, вылын морӧс,
Тэнӧ зонмыс ылӧдӧ.
Мамӧй, мамӧй, зӧлӧтанӧй,
Сыысь муса зон эз коль.
Олӧм–олӧм гугӧй, олӧм банӧй,
Артмам сыкӧд зиль да зёль.




#Article 25: Коми (зыряна) кыв (510 words)


 Коми (зыряна) кыв нето  (аснимыс коми кыв) — коми отир кылыслӧн öт регионісь стандарт, кӧдӧ зорӧтӧны Коми Республикаын. Коми кывлісь мӧд регионісь стандарт – перем коми кыв – видзӧны Перем ладорись Коми кытшын. 

Зыряналӧн коми кылыс, коми кыв да, пырӧ урал кыввезлӧн чудь-йӧгра увтырӧ, перым чукӧрас . Торья кыввезын содтассэз агглютинасьӧны, сёрникузялӧн унажыксӧ номинатив тэчас.

Зыряна нёж комиӧн баитӧны 217 сюрс морт.

Ассиныс лыддьӧтан кыв коми зыряна зорӧтӧны XIV вексянь. Кыв вӧлі нормируйтӧм Коми (зыряна) лапӧлын 1918'-1938' воэз сьӧрна. Ӧння гижан нормаэз кодифицируйтӧмӧсь 1938' годӧ.

Зыряналӧн коми кыв лыддисьӧ кыв стандартӧн Коми Республикаын, кытӧн коми отирыс (коми зыряна) баитӧны коми кывлӧн дас диалект вылын да рочӧн. Энія диалекттэз унажыксӧ лоӧны коми кывлӧн зыряна сёрнитаннэзын.

Ассиныс лыддьӧтан кыв лӧсьӧтікӧ зырянаыс подыс туйӧ бӧрйӧмась ойвыв да лунвыв сёрнитаннэз коласісь диалект (Сыктывдін диалект), кӧда вылын баитӧны комиэз Сыктывкарын (зыряналӧн канкар) да сы гӧгӧр. Сэтчӧ содтӧмась нетырман кыввез да кывлад сьӧрті варианттэз мӧдік диалекттэзісь.

Унажык сы йылісь видзӧт: Коми кыв сьӧрті социолингвистика

Унажык сы йылісь видзӧт: Коми зыряна кыв вылын баитіссез 

Унажык сы йылісь видзӧт: Коми зырына кывлӧн статус

Коми Республикалӧн конституция сьӧрті зыряналӧн коми кыв лоӧ роч кывкӧт ордчӧн Коми Республикаын веськӧтлан (каналан) кылӧн. Этія кыв вылӧ веськӧтлан керкуэзын вуджӧтӧны туйдӧттэз, бланккез да мӧдік документтэз. Сы вылын позьӧ баитны татісь парламентын (Каналан Совет) да правительствоын. Республикаись Юралісьыс лыддьӧтӧ ёрдкыв (присяга) медодз комиӧн. Каррезын да посаддэзын нима пӧввесӧ тшӧктӧны ӧшӧтны кык кыв вылын: комиӧн и рочӧн. Коми кыв зорӧтӧм сьӧрті Коми Республикаын лэдзӧма торья программа, уджалышӧ терминнэз да орфография лӧсьӧтан поз.

Унажык сы йылісь видзӧт: Зыряналӧн коми кыв масс-медиаын

  

 

Важ авторрез:

Коми фонология видзӧтӧ, кытшӧм сёрни шыэз эмӧсь коми кылын, кыдз нія вежсьӧны нето асалӧны ӧтамӧднысӧ сёрниын, мыйся шы вынсьӧтан лоӧ аскодяӧн торья коми диалекттэзлӧ нето лыддьӧтан кыввезлӧ.

Зыряналöн коми кылын нія жӧ сёрни шыэз, кыдз и перем коми кыланым. Быдсӧн важ вужья шуаннэзын пантасьӧны 33 торья шы.

Коми кылын сизим тыргора шы:

Шума шыэз:

Пасйӧттэз таблича сьӧрті:

 

Коми (зыряна) кылас шывынсьöтöмыс мезмыт, но унажыксö вынажыкöн овлö медодзза слог.
 

Унаö лыдян суффикс зыряналöн -яс (= перем коми -эз). Этія суффикс некöр оз вежсьы.
 

Асалан содтассэз нія жö, кыдз и перем комиын, токö öтікö лыддяна 1' мортінас форма -öй (-ö туйö), а 2' мортінас суффикс помас -д (-т туйö).

 

Коми зыряналöн лыддьöтан кыланыс 16 кöрталан (перем коми кылын 18).

Ордчöтан -ся суффикс зыряналöн абу. Сы туйö гижöны: öт вежöртасын кындзи кывбöр (Илля кындзи ставöн гортын 'Илляся быдöнныс гортын'), мöд вежöртасын петан падежлісь -ысь суффикс (ошкыс мортысь вынаджык 'ошыс мортся вынажык').

Абу зыряналöн и вертикальöт судзан -ви суффикс (сы туйö шуöны -öдз суффикс нето выйöдз кывбöр: пидзöсöдз, пидзöс выйöдз  'пидзöсви')

Мукöд суффикссэзлöн формаэз ассямаöсь:

Вуджан падежас -öд суффиксся эм эшö -ті суффикс: ветлöдлі вöръясті нето ветлöдлі вöръясöд 'ветлöті вöррезöт'.

Сора вежласьöмын торйотан суффикс петӧ асалан суффикс одзö: 

Эна суффикссэзлöн абу домыштöм форма:

Быдöс кöрталан суффикссэз: 

  

Унажык лыдниммез кыкнан коми стандартын öткодьöсь.

Коми (зыряналöн) ассяма кодя лыдниммез:

Сьöрся-бöрся лыдниммез аркмöны кодя лыдниммез бердö -öд (= перем коми -öт) суффикс кышалöмöн:

Асмоза аркмöны:

Аскодя формаэз:

 

 

Коми зыряна коласісь ассиныс кывнысӧ наука ладӧрсянь туялісӧ кӧркӧ нето ӧні туялӧны:

Коми кыв сьӧрті велӧтан небӧггесӧ гижисӧ и гижӧны велӧтіссез да методисттэз: 




#Article 26: Зюзьдін район (307 words)


Зюзьдін район () — Киров лапӧлісь веськӧтлан юкӧт, муниципал район. 

Зюзьдін му – Коми отирлӧн важся горттэзісь ӧтік.

Шӧриныс – Афанасьева карокын. Афанасьевасянь Кировӧдз  ылына.

Районыс аркмӧтӧм 1929 годӧ. Веськӧтліссез лыддьӧны аркман каднас 1963 во, кӧр районыс босьтіс роч ним Афанасьевскӧй.

Районыслӧ коми ним пуктӧма Зюзьдін (рочӧнжык Зюздина) посад сьӧрті, кӧдӧ ӧні шуӧны Афанасьева. Посадыс сулалӧ Сюзьва ю уссёын (дінын), да сысянь перво шусьӧма Сюзьдін ‘Сюзь уссё’. Сэсся пондӧтчан шыыс гораммӧма, а сэсся роччез и д-сӧ небзьӧтӧмась да -а помас содтӧмась, лоас Зюздина. Коминас мийӧ гижам Зюзьдін.

Зюзьдін районыс  ыжда. Куйлӧ Киров лапӧв асыввылын. Межаасьӧ Камакатыт районкӧт ойвылын, Омутнинск районкӧт рытвылын, Удмурт республикакӧт лунвылын да Перем ладорись Коми кытшкӧт да Сива районыскӧт асыввылын. 

Район асыввылын – Камайыв вылынін, мувевдӧрыс татӧн мыссэза. Рытвылас бӧра – уланін, татӧн уна нюррез.
  
Медыджыт ю районас – Кама, кӧдаӧ усьӧны районісь быдӧс мӧдік юэз. Веськыт ладорись Камаӧ усьӧны Леман (вожжес – Ёрдва, Ив), Кедра, Кӧлыч (вожжес – Сӧзим, Езжа), Чус (вожыс – Омен), Сюзьва, а шульга ладорись – Лопья, Ыджыт Пызан, Сьӧва, Лытка, Ченӧг, Томызь, Кая, Нёпыль, Вок, Пура.

XVІ век помын вӧлі аркмӧтӧм Зюзьдін волось (шӧрин – Зюзьдін погостын), кӧда вӧлі Кай уездын сизим веськӧтлан юкӧтісь ӧтік. 

Волосьын вӧлісӧ куим ыджытжык оланін. 

XІX векӧ Зюзьдін муэз лоисӧ Ятка губерняись Глаз уездын. Ӧння район му вылын лӧсьӧтісӧ нёль волось: Афанасьева, Бисерова, Гордина, Георгиевскӧй.
 

 

 

Олӧны Зюзьдін районас , ны коласын коми отир – ӧтік сюрс мымда. Комиэз Зюзьдін ладорын ӧддьӧн рочсялӧны, эшӧ 1926 годӧ мияніссез татӧн вӧлісӧ  (быдсӧн олӧмась сэк Зюзьдін муас ).

Ӧні карокын олӧны , мӧдіккез – грезддэзын да посаддэзын. Отирлӧн тшӧкыта – .

Зюзьдін район вылын юралісьыс Казаков Леонид Кузьмич. Веськӧтланын медыджыт Сероев Александр Ананьевич.

Зюзьдін район янсӧтӧма 7 веськӧтлан юкӧт вылӧ, татӧн ӧтік карму (Зюзьдін) да квать посадму.

Одзжык татӧн вӧлі 19 веськӧтлан юкӧт (поссовет да сельсоветтэз, сэсся посад кытшшез)

Быдсӧн лыддьӧны Зюзьдін районас 202 оланін.

Медыджытӧсь ны коласісь:




#Article 27: Изьва (ю) (142 words)


Изьва (рочӧнжык: Ижма) — Коми Республикаын ю, Печоралӧн шульга вож. 

Кузяыс 531 км, бассейныс 31 000 км² ыжда. Шӧркодяс ва видзӧм уссёсяняс 154 км ылынаын 203 м³/сек. Тыртчӧ унажыксӧ сылан лымнас. Кынмӧ нояб шӧрын, оссьӧ май шӧрын. 

Медыджыт вожжес – Уква, Айюва, Сэбысь.

Изьваыс пондӧтчӧ Тиман керӧссэз лунвылын, котӧртӧ ойвыв-рытвылӧ.Катытын вадӧррез вӧрсялӧмӧсь, кывтытас ю дорас унажыксӧ видззез да нюррез. Ӧрыс чукыля, шӧрӧт да катыт визулын эмӧсь коссез да ваувтся иззэз. Медыджыт кось – Сьӧлӧм кось, кӧда куйлӧ юас Сӧснагортсянь кывтытжык. 

Катытас юыс кывтӧ Вылыс Изьва посёлок пырйӧт, шӧрӧт визулын, Уква ю уссё дынын сулалӧ Сӧснагорт кар, кӧдӧ 1957 шуисӧ Ижма (м.ш. Изьва). Уква кар сулалӧ Сӧснагортсянь 8 км ылнанын, Уква ю кывтытынжык

Уква ю уссёсяняс Изьваыт лӧсялӧ уйӧтаннэз (судноэз) понда. Кывтытас Изьва бура паськалӧ, визулыс жагмӧ, ю вылас аркмӧны виссэз, курьяэз да ыджыт діэз (островвез). 

Изьва усьӧ Печора юӧ Изьвавом посад дорын.




#Article 28: Изьва район (129 words)


Изьва район () — веськӧтлан юкӧт Коми Республикаын, республикалӧн дасвит районісь ӧтік. 

Районыс аркмӧтӧм 1929 годӧ, юль 15 лунӧ. 

Куйлӧ Изьва ю пӧлӧн да ойланяс, Изьва уссёланьын, Печора дорын. Изьва районыскӧт межаасьӧны Чилимдін район рытвылын, Ускар каркытш ойвылын, Печора район асыввылын, Уква каркытш да Сӧснагорт район лунвылын.

Районыс 18 420 км² ыжда. Оліссез – 20 сюрс морт гӧгӧр (2007 во). Отирись 85 % комиӧсь, баитӧны изьватас диалект вылын; 10 % – роччез. 

Веськӧтлан шӧрин – Изьва посад, кӧдасянь Сыктывкарӧдз 544 км, а медматын кӧрттуй поз дынӧдз (Йираёльӧдзыс) – 102 км. 

Районӧн веськӧтланӧ гижны: 169460, Изьва район, Изьва посад, Сӧвет туй, 45, факсыс (82140) 942-40. Район вылын юралісьыс – Дитятев Пётр Николаевич. Районісь советын веськӧтлісь Артеев Анатолий Иванович.

Веськӧтлӧм могись район ӧні янсӧтӧма 10 посадму вылӧ:

Изьва районын 34 оланін:




#Article 29: Инта каркытш (106 words)


 
Инта каркытш () — веськӧтлан юкӧт Коми Республикаын, республикалӧн вит каркытшшезісь ӧтік. 

Шӧрин – Инта карын.

Аркмӧтӧм 1953 годӧ.

Инта каркытшыслӧн ыждаыс 30 100 км². Куйлӧ сія Коми му ойвыв-асыввылын. Ордчӧн сыкӧт куйлӧны: ойвылын – Яраннэзлӧн асвеськӧтлан кытш, ойвыв-асыввылын – Вӧркута каркытш, лунвыв-асыввылын – Йӧгралӧн асвеськӧтлан кытш, лунвыв-рытвылын – Печора район да ойвыв-рытвылын –Ускар каркытш.

Олӧны Инта каркытшын 40 032 морт (2007), ны коласісь Инта карын 33 442 морт.

Инта каркытш вылын юралісьыс Вейгандт Владимир Филиппович. Веськӧтланыслӧн адрес: 169840, Инта кар, Горькӧй туй, 16. Факсыс: (82145) 617-65.

Инта каркытшӧ пырӧны: ӧтік кар (Инта), кык карок (Вылыс Инта да Кожым), ӧкмыс посёлок, куим посад да кыкьямыс грезд.




#Article 30: Иньва (ю) (150 words)


И́ньва (одзжык шуöмась Инва) — ыджыткодь ю Перем ладорись Коми кытшын, Камалӧн веськыт вож. 

Иньвалӧн кузяыс – 257 км. Бассейныс – 5 920 км² ыжда. Ваӧктан вылынаыс (шӧркодяс) – 188 м. Пӧлінь (шӧркодяс) – 0,2 м/км .

Иньва пондӧтчӧ Камайыв вылынінын, неылын Киров лапӧвкӧт визирсяняс. Юыс котӧртӧ Коми му кузя асыввылӧ да усьӧ Кама вавидзанӧ Майкар дорын, Иньва курья аркмӧттӧнняс.

Юыс йысялӧ унажыксӧ октяб помын нето нояб пондӧтчикӧ, а оссьӧ – апрель коста. 

Иньвалӧн уна вож.
 
Шульгаланьсянь сыӧ усьӧны

Веськыт ладорсянь сыкӧт ӧтлаасьӧны:

Медыджытӧсь ны коласын – Велва, Юсьва, Кува да Исыв.

Ю котӧртӧ Коми кытшись кык район пыр: Кудымкарскӧй да Юсьвинскӧй. Сы дорын сулалӧны олан иннэз: Видзай, Дёма, Нёльсин, Иньвайыв, Пешнигорт, Кудымкар, Тшакылёвчи, Карпов, Аксёновчи, Купрӧс, Ыджыт Можга, Ӧнь, Майкар.

Иньва бассейнын унажык отирыс – комиӧсь, кӧдна аркмӧтӧны этнография сьӧрті тодильнӧй группа – иньвенса.

Иньва, кыдз и Кӧсва – перем коми отирлӧн ошшасян. Юсӧ сьылӧтӧны быдкодь писняэзын да кывбуррезын.




#Article 31: Италья (747 words)


Италья ( [iˈtaːlja], ) — итальян отирлӧн канму Европа лунвылын, Мушӧр саридз ареал медшӧрын. Куйлӧ Апеннин кӧдж вылын, По волькытінын, Альпаэз лунвыв покаттэз вылын, а сідзжӧ Сардиння, Січилья да эшӧ кынымкӧ поснитжык ді вылын.

Ойвылас Итальян республика межаасьӧ Франскӧт (488 км кузя визирыс), Швейцармукӧт (740 км), Австриякӧт (430 км) да Словениякӧт (232 км). Италья пытшкын куйлӧны кык учӧтик канму: Ватикан (визиррес 3,2 км кузяӧсь) да Сан Марино (39 км).

Канкар Итальяын — Рома.

Ӧння мувывтор вылас ӧтувья канму лоис итальяннэзлӧн 1861 годӧ, кӧр быдӧс регионнэз ӧтлаасисӧ да аркмис Королевство Италья. Республика татчӧ лӧсьӧтӧмась 1946 восянь. Талун Итальяыс олӧ Ӧтласа Европаын, пырӧ Шенген зонаӧ да Еврозонаӧ.

Итальянас медодз шуисӧ дзир Апенниннэзлісь лун-рытвыв торсӧ. Кысянь лоис этія нимыс, абу тӧдса. Мукӧдыс лыддьӧны, сія пӧ артмис важ эллин кылын, кытӧн сійӧ позьӧ вежӧртны кыдз «Кукань му». Мӧдіккез шуӧны, татӧн пӧ овлӧма кӧркӧ италик увтыр, дак сы сьӧрті и нимтӧмась канмусӧ. Талун Итальяын оліссез шуӧны асьнысӧ итальяно (у.л. итальяні). Комиӧн ми гижамӧ мортсӧ итальян (о-тӧг, мыля сія — вежласяна тор), а мусӧ — Италья, мыля итальяннэз самӧй сідз и шуӧны канмуныслісь нимсӧ, кӧть роччез гижӧны латыньын шуӧм сьӧрті — Италия.

Италья унажыксӧ куйлӧ Апеннин кӧджын, кӧдалӧн формаыс сапӧг кодь. Этія «сапӧгыс» 1200 км кузя.

Италья — керӧса ладор. Сы ойвылын куйлӧны Альпаэзлӧн ӧддьӧн вылын мусюррез, кӧдна вевттьӧмӧсь пырся лыммезӧн да визывтан йыӧн. Лыммезся улынжык куйлӧны керӧсвывся виж видззез. Быдӧс покаттэс гарйӧмӧсь пыдын оллезӧн. Ны кузя визывтӧны юэз, кӧдна аркмӧтӧны коськкез да борганнэз. Медкузь ю — По.

Ломбардия лажмытін — эта важся саридз курья, кӧда тыртӧма юэзісь бура шогмӧтан нюйтӧн. По юлӧн дельтаыс и ӧння кадӧ сё быдмӧ да дзескӧтӧ асыввывлань Адрия саридзсӧ. Кыкдас век бӧрлань самӧй эта саридз дорын сулаліс Адрия кар, а ӧні сія вадӧрсяняс сулалӧ 22 километра ылынаын.

По юся, этія саридзӧ усьӧны Эч ю да уна поснитик юоккез; этасянь сэтӧн аркмӧны сё вились виль непыдыніннэз, діэз да чукыляиннэз, кӧдна йӧрйӧны саридзсянь непыдын ваа курьяэз — лагунаэз. Сійӧн, мыля Ломбардия лажмытін гӧгӧртӧма куим ладорсянь керӧссэзӧн, сылӧн климатыс континентвывся; сыӧ оз вермӧ кокнита сюрны тӧввез, кӧдна пӧльтӧны Атлантика океансянь. Тӧлӧн сэтчин овлӧны не учӧт кӧдзыттэз (−10°-ӧдз), и муыс нешоча вевттисьӧ лымӧн, но сы туйӧ гожум овлӧ ӧддьӧн жар.

Доль быдӧс кӧджыс кузя кыссьӧны Апенниннэз. Ой-рытвылын, Генова курья дынын, Апенниннэз матына локтӧны саридз дорӧ да орӧны ны дынын ӧддьӧн ыджыт тшупӧттэзӧн, кольӧны токо векнитик вадӧр видз — Итальян ривьера, кытӧн пыр виж пуэзісь саддэзӧн уна сулалӧны дачаэзӧн посёлоккез да саридз курорттэз. Покаттэз кузя вылынжыка быдмӧны сора вӧррез да ольсассьӧны виж видззез.

Матын Арно ю йыв дынын Апенниннэзлӧн видыс швач вежсьӧ, сідз кыдз сэтӧн пондӧтчӧ шӧрӧт Италья аслас кӧс климатӧн.

Апенниннэз да Тиррен саридз коласын куйлӧны мыса керӧсодззез, кӧдна пыр котӧртӧны Арно, Тибр да мӧдік юэз. Асланыс уссёэзын нія не ӧтік век сьӧрна аркмӧтісӧ нюра волькытіннэз — мареммаэз, кӧднаын поздісьӧ малярия; ӧні нія мымдакӧ косьтӧмӧсь. Мареммаэз да Апенниннэз коласын эмӧсь кусӧм вулканнэз; паськыт муэз ны гӧгӧр вевттьӧмӧсь вулкан пӧимӧн, кӧда пӧртчис бура шогмӧтан мусинӧ. Лунвыв Итальяын самӧй Наполи курья дорын эм ловья вулкан Везувий. Січильяын — Этна, Стромболи.

Везувий кратерись пыр петӧны дзирыт паррез, кӧдна шогмӧтӧны йыв дынас кымӧрок; кадісь кадӧ овлӧны быльнӧй шупкисьӧммез. Ыджыт шупкисьӧм вӧлі 1906 годӧ, эта дырни вулканыс чапкис тшына кымӧрсӧ вылынанас 13 километра; кымӧрыс гымаліс да вирдаліс. Везувий шупкис ӧддьӧн уна дзирдаммӧм бомбаэз, и сы конусын аркмисӧ виль кратеррез, кӧднаись пондісӧ петны лава визыввез, кӧдна дзирдаммӧмӧсь чочкомӧдз. Ӧтік биа визыв пондіс лэдзчыны покат кузя да сотіс кынымкӧ оланін; этія визыпыс вӧлі пасьтанас 4 километр. Везувий ойвыв покатын куим кар вӧлісӧ тыртӧмӧсь пӧимӧн да лапиллиӧн — поснит, ӧрек ыжда кынмӧм лава кусӧккезӧн.

Січилья да Сардиння діэз — коляссэз сія кӧсінлӧн, кӧда одзжык ӧтлаӧтліс Европасӧ Африкакӧт.

Муувт выннэз, мыйсянь эна му юкӧтас янсалісӧ, олӧны и ӧння кадӧ.

Эта йылісь баитӧны вулканнэзлӧн шупкисьӧммез, а сідзжӧ вына мувӧрӧммэз, кӧдна овлӧны омӧн лунвыв Итальяын, а ӧддьӧнжыксӧ Калабрияын да Січильяын.

Лунвыв Итальяын климат, кытчӧ оз пырӧ токо Апенниннэзлӧн вылын мусюррез, субтропикын кодь: жар кӧс гожум да зэра ыркыт тӧв.

Енӧж сэтчин невна не пыр мича, нельки тӧвнас оз овлӧ туманнэз; кадісь кадӧ рытвывсянь мыччисьлӧны кымӧррез, кӧднаись мунӧ сливеня зэр, но эта недыр кежӧ — чожа енӧжыс мичамӧ, и бӧра бура югдӧтӧ шонді. Кӧдзыттэз кӧть и овлӧны, но неыджытӧсь, лымыс вевттьӧ токӧ керӧссэз, да и нійӧ недыр кежӧ. Этасянь сэтчин быдмӧны пыр виж пуэз да тэлляэз, кӧдна шусьӧны маккияэзӧн.

Республика янсӧтчӧ 20 регион вылӧ:

Энія регионнэзісь вита (Сицилия, Сардиния, Трентино-Альто-Адидже, Валле-д’Аоста и Фриули-Венецья-Джулия) видзӧны тодильнӧй статус, м.ш. нылӧн ыджытжык автономия.

Регионнэз янсӧтчӧны провинцияэз вылӧ (быдсӧн Итальяын 110 провинция), кӧдна асьныс янсӧтчӧны коммунаэз вылӧ (коммунаэс 8101-а). Регионнэзлӧн эм асланыс парламенттэз (региональ советтэз) да веськӧтланнэз (джунтаэз).




#Article 32: Йӧгра кытш (310 words)


Йӧгра кытш (тыр нимыс Йӧгралӧн асъюралан кытш, ) — веськӧтлан юкӧт Роч муын, Роч Федерация . Пырӧ Урал федерал кытшӧ.

Канкарыс – Йӧгракар.

Кытшыс йӧгралӧн вӧлі аркмӧтӧм 1930 годӧ декаб 10 лунӧ.

Йӧгра кытш куйлӧ Роч канму шӧрын, Сибир рытвылісь волькытін вылас. Ордчӧн Йӧгра кытшыскӧт куйлӧны: ойвылын – Ямал Яран кытш, асыввылын – Краснояр ладор, лунвылын – Томва лапӧв, Тюмень лапӧв (кытчӧ Йӧгра кытшыт бытьтӧ пырӧ) да Свердлов лапӧв, а рытвылын – Коми Республика.

Климатыс Йӧгра муын чорыта континентвывся, погоддяыс ӧддьӧн чожа вежсьӧ, унажыксӧ вуджан каддэзӧ: ар да тӧв коласын нето тулыс да ар коласын. Эттшӧм климат аркмӧма сысянь, мыля рытвылыс – Урал керӧссэз, кӧдна оз сетӧ локны татчӧ Атлантикасянь тӧввезлӧ, а ойвылас Йӧгра муыс немӧн абу дорйӧма, и сы шогья Арктикасянь кӧдзыт массаэз вовлӧны татчӧ веськыта и тшӧкыта. А сэсся и муыс волькыт да ульсӧта: уна юэз, тыэз, нюррез.

Медыджыт ю – Об да сыӧ усян Иртыш. Ыджыткодьӧсь и Обыслӧн мӧдік вожжес – Вах, Аган, Тромьеган, Ыджыт Юган, Пим, Ыджыт Салым, Ойвыв Сосьва, Казым, а сідзжӧ Иртышлӧн вожжез: Конда, Согом.

 

Титул отирыс – йӧгра: хантыэз да мансиэз. Унакодь олӧны и коми отир. Но медыджыт пай татӧн – мусир да газ кыскись роччезлӧн.

 

Йӧгра кытш янсалӧ 13 кар кытш да 9 муниципал район вылӧ.

Кар кытшшез:

Районнэз:

Йӧгра кытшын 26 каркодь оланін да 58 посадкодь оланін.

Каррез да кароккез: Белоярскӧй, Берёзов, Игрим, Кондинскӧй, Куминскӧй, Луговӧй, Междуреченскӧй, Мортка, Пойковскӧй, Излучинск, Новоаганск, Октябрьскӧй, Андра, Приобье, Талинка, Зеленоборскӧй, Таежнӧй, Агириш, Коммунистическӧй, Пионерскӧй, Советскӧй, Малиновскӧй, Белӧй Яр, Барсов, Фёдоровскӧй, Лянтор;

Посадкодь оланіннэз: Ыджыт Леуши, Верхнеказымскӧй, Казым, Лыхма, Полноват, Сорум, Сосновка, Саранпауль, Приполярнӧй, Светлӧй, Хулимсунт, Леуши, Мулымья, Шугур, Болчары, Половинка, Салым, Сентябрьскӧй, Чеускино, Каркатеевы, Куть-Ях, Лемпино, Усть-Юган, Сингапай, Аган, Ларьяк, Ваховскӧй, Покур, Вата, Зайцева Речка, Карымкар, Учӧт Атлым, Перегребнӧй, Сергино, Шеркалы, Каменнӧй, Унъюган, Алябьевскӧй, Солнечнӧй, Локосово, Русскинскӧй, Сытомино, Нижнесортымскӧй, Лямина, Тундрино, Угут, Ульт-Ягун, Горноправдинскӧй, Цингалы, Кедровӧй, Красноленинскӧй, Луговскӧй, Согом, Нялинскӧй, Кышик, Селиярово, Сибирскӧй, Выкатнӧй, Шапша.
 




#Article 33: Кӧрткерӧс район (245 words)


 
Кӧрткерӧс район () — веськӧтлан юкӧт Коми Республикаын; республикаись 15 районісь ӧтік.

Веськӧтлан шӧрин – Кӧрткерӧс посад.

Районыс 19 760 км² ыжда (Коми Республика мувывторсис 5% мымда). Лунвылын Кӧрткерӧс район межаасьӧ Перем ладорись Коми кытшкӧт, ойвылын – Емва районкӧт, рытвылын – Сыктывдін районкӧт, асыввылын – Кулӧмдін районкӧт. 

Район пыр котӧртӧ Эжва ю. Эжваӧ усьӧны район понда тӧдчана юэз: Висер, Лӧкчим, Ньывсер.

Рельефыс – неыджыт мыссэза лажмытін, кӧдӧ янсӧтӧны уна юэз. Колана шедтассэз: сотчан сланеччез, песӧка-кӧдзаа сорассэз, сёйму, кӧрт рудаэз. Климатыс шӧркодя континентвывся. Шӧрӧт шонтӧгыс январ коста -17 °C, июль коста +16 °C, во сьӧрна ваыс енӧжсянь усьӧ шӧркодяс 550 мм.

Мусиннэз нюрвыв шаргунаӧсь, кӧртсораӧсь, шаргуннэз, буса-сёйсораӧсь. Районыс куйлӧ парма суботын. Вӧррез кӧзъя-пожумаӧсь, кыдз да пипу сорӧн. Олӧны ныын ошшез, кӧиннэз, кӧччез, мойез, дозмӧррез, таррез, руд сьӧлаэз да кин да. Районас дорйӧны куим суспуаин, кытчӧ керӧмась заказниккез, да 23 нюр. 
 

Кӧрткерӧсӧ район вӧлі лӧсьӧтӧм 1939 вося юль 14 лунӧ. 1963 годӧ февраль 1 лунӧ, Кӧрткерӧсісь районсӧ вештӧны, а мусӧ сетӧны Сыктывдін район увтӧ. 1965 воын, январ 16 лунӧ Кӧрткерӧс район вӧлі аркмӧтӧм вились. 
 

Оліссез 2007 во пондӧтчан кежӧ вӧлісӧ 22 849 морт. Ны коласын медуна отирыс комиӧсь – 75 %-ся унажык. Олӧны сідзжӧ роччез, украинса, беларуссэз, немеччез да кин да. 

Кӧрткерӧс район вылын юралісьыс Даньщиков Иван Николаевич, веськӧтланын медыджытыс Доломина Николай Иванович. Веськӧтланлӧн адресыс: 168020, Кӧрткерӧс район, Кӧрткерӧс посад, Сӧвет туй, 225; факсыс (82136) 922-46.

Веськӧтлӧм могись районыс янсӧтӧм 18 посадму вылӧ, кытчӧ пырӧны 53 оланін. Одзжык посадмуэз шусисӧ сельсӧветтэзӧн.

Кӧрткерӧс районын лыддьӧны 53 олан ин.




#Article 34: Кӧсладор район (477 words)


 

Кӧсла́дор район () — веськӧтлан юкӧт Перем ладорись Коми кытшын. Куйлӧ Кӧсва ю кывтытын, Кудымкар–Гайна автотуйсянь асыввылын.

Аркмӧтӧм 1924' годӧ февраль 27' лунӧ Чердын уездісь Чурак, Кӧс, Юксьӧв да Бондюг волоссез ӧтлаӧтӧмӧн. Медодз вӧлі Камакатыт (Верхнекамскӧй) кытшын, а февраль 26' лунӧ 1925' воын Коми кытш аркмикӧ лоис сы пытшкын.

Районын лыддисьӧ 59 оланін, ны коласын кык посад (Кӧс да Пуксипи), öкмыс посёлок да 47 грезд (деревня). 

Веськӧтлан  – Кӧс посад. Кӧссянь Кудымкарӧдз – 163 км, Перемӧдз – 338 км, медматын кӧрттуй ӧдз (Совкар) – 150 км.

Районын юралö Анфалов Евгений Васильевич (2011' восянь).
 

Кöсладор районлöн ыс 3462 км2 ыжда, ныись му-видз уджалӧм понда лӧсялӧны токӧ 4%. Мӧдік торыс – вӧр да нюррез увтын.

Ойвывсянь лунвылӧ районыс нюжалӧ 91 км ылына, рытвывсянь асыввылӧ – 67 км ылына. 

Кöсладорыс межаасьӧ: ойвылын Гайна районкӧт, рытвылын – Кӧчладор районкӧт, лунвылын – Юрла да Кудымкар районнэзкӧт, асыввылын – Чердын, Совкар (Соликамскӧй) да Совдор (Усоллё) районнэзкӧт.

Район му кузя котӧртӧны Кӧсва ю да сылӧн 20 кыным вож. Ны коласын медкузьӧсь – Лолӧг, Косья, Вум, Сия, Октыль, Булач, Лолым, Лоч, Одань, Сым, Солым. Ойвылын район пыр котӧртӧ Кама.

Вӧр-ваись аскоддя ладорӧн лыддисьӧны: Гнилуха нинпуаин (Усь Кӧсва гӧгӧрын, ыждаыс 78 га), Солым нинпуаин (Солым посёлоксянь 6,5 км ойвыв-рытвылӧ, ыждаыс 20 га), Вум нинпуаин (Лёвич дорын, ыждаыс 45 га), Лёль яг (Вылісь Лёль дорын, ыждаыс 67 га) да Селиш нюр (Кӧс посад, Лочсай да Селиш грезддэз коласын, ыждаыс 20 сюрс га).

Кöсладор районын öні нёль посадму:

Олӧны Кöсладор районын 7,9 сюрс морт. Ныись 74% – комиэз. Йӧзыслӧн топыта – 7,1 морт/км2-ын.

Кӧсладор район аркмикӧ 1924' годӧ февраль 27' лунӧ сы пытшкӧ пырӧмась Чердын уездісь Чурак (27 олан ин, 6029 морт), Кӧс (17 олан ин, 2526 морт), Юксьӧв да Бондюг волоссез. 

Сэсся Октыльсорд, Улісь Кӧс да Селиш сельсоветтэсӧ вежӧмась, а муэсӧ пыртӧмась Кӧс сельсовет увтӧ, вӧвлӧм Панин сельсоветлісь муэз – Порошволь сельсовет увтӧ, Лямпинлісь – Чурак сельсовет увтӧ.

Пуксипи сельсовет увтісь вӧлі торйӧтӧм Мараты сельсовет (посёлоккез Мараты да Буждӧм), кӧда 1963' воын вӧлі вуджӧтӧм Кӧсладор районісь Кӧчладор районӧ.

Кöсладор район понда öнняся устав примитöмась виль роч туйдöт сьöрті 2005' декаб 9' лунö. Уставыс регистрируйтöм Волгадор федерал кытшын РФ Минюстлöн ГУ-öн 2006' январ 13' лунö. 
 
Кöсладор районын öння юралісь Анфалов Евгений Васильевич вöлі бöрйöм Кöсладорын оліссезöн 2011' март 27' лунö мöдöдз турын. Сы понда  53,35% локтіссез. «Öтласа Рочмусянь» вöзйöм одзза юралісь Чугаев Юрий Егорович понда сетöмась кипаснысö 44,3%. Бöрйисьны локтöмась быдсöн 68,5% отир. Ю.Е. Чугаев норасис, оппоненттэс пö ньöбöмась бöрйиссесö, но баснисö пöдтісö.

Отир нимсянь баитісь орган Кöчладор районын — Земство öксян

Земство öксянас öні юралö Федосеева Валентина Васильевна. Нуöтісь специалистыс — Якушева Ольга Николаевна. Ревизия сьöрті комиссияöн веськöтлісь — Фадеева Ольга Карловна

Земство öксянö бöрйöмöсь то киннэз (2005' октяб 9' лунö да 2009' октяб 11' лунö) :

Омӧн район пасьта ӧні сулалӧны 51 оланін. Статус сьӧрті ны коласын эмӧсь 2 посад, 9 посёлок да 40 грезд (деревня).
 
Посаддэз:

Ӧння посёлоккез:

Кӧркӧся посёлоккез:

Ӧння грезддэз (деревняэз):

Кӧркӧся грезддэз:

 




#Article 35: Кӧч посад (121 words)


Кӧч (рочӧнжык Кочё́ва) — Перем ладорись Коми кытшын ыджыт посад, Кӧчладор районлӧн да Кӧч посадмулӧн веськӧтлан шӧрин. 

Посадыс шусьӧ сідз Кӧч нимкодь сьӧрті. 

Кӧч посадыс сулалӧ Кудымкарсянь ойвылӧ 75 км ылынаын, Перемсянь 266 км ылынаын.

Посадыс поздісьöм Сэпӧль ю шульга ладорын. Мӧдлапöлас километра ылынаын сулалӧ Леспромкоз посёлок да йӧзтӧм Нинмараск грезд. Автотуй кузя ойвылӧ кӧ мунны, петӧ Демин грезд, асыввылӧ — Кышка да Палькояг, лунвыв-рытвылын куйлӧ Шипичинчи. Сэпӧль ю кузя кывтытынжык сулалӧ Пӧлӧзайка, катытынжык — йӧзтӧм Долгӧйӧв грезд. 

Кöч посадын öні лыддьöны 40  да 2  :

Первуись Кӧч йылісь казьтывсьӧ 1848' воын. Шусис сэк сія Кочов починок. Этійӧ починоксӧ лӧсьӧтӧмась пӧ Пыстöговвез, Пыстӧг грездісь локтіссез. 

Кöч посадын поздісьöны Кӧчладор районлӧн да Кӧч посадмулӧн веськӧтланнэз. 

Экономика понда медтӧдчана му-видз уджалӧм. 

Уджаиннэз:

Коллективвез:

 

 




#Article 36: Кӧчладор район (245 words)


 
Кӧчла́дор район () — веськӧтлан юкӧт Перем ладорись Коми кытшын. Куйлӧ Кӧсва ю да сы вожжез катытын, Кудымкар–Гайна автотуйсянь кыкнан ладорын.

Кӧчладор район вӧлі лӧсьӧтӧм октяб тӧлісьӧ 1926' годӧ Юрла районсянь торйӧтӧмӧн да Кӧсладор районісь мукӧд муэз содтӧмӧн. 

Районын лыддисьӧ 68 оланін, ны коласын 4 посад, 9 посёлок да 55
грезд (деревня). Олӧны 12.372 морт (2009.01.01). Кӧчладор районын 80% – 
коми отир. Йӧзыслӧн топыта – 4,5
морт/км2-ын. 

Веськӧтлан шӧрин – Кӧч посад. 

Районын юралісьыс – Пыстогов Ӧльӧш (2011' восянь).

Кöчладор районыслöн ыждаыс 2718,07 км2 . Визиррес нюжалӧны 324 км-ся кузьжыка. 

Кöчладорыс межаасьӧ ойвылын Гайна районкӧт, рытвылын – Киров лапӧлісь Камакатыт районкӧт, лунвылын – Юрла районкӧт, асыввылын – Кӧсладор районкӧт.

Кӧчладор районын 5 посадму:

Посадмуэзся Кöчладор районын эм эшö вит мувывтор, кöдна, оланінтöмöсь да, куйлöны веськыта районісь веськöтлан кипод увтын. 

Вильнёж янсӧттӧдз Кöчладорын лыддиссис 7 сельсовет: Акиловскöй, Большекочинскöй, Кочёвскöй, Маратовскöй, Пелымскöй, Сэпöльскöй, Юксьӧвскöй. Сэсся Акиловись да Сэпӧлись асвеськӧтлӧмсӧ вештісӧ, а муэзнысӧ пыртісӧ Кӧч посад увтӧ.

Районын эм 28 бурдӧтчанін, отирӧс велӧтан 14 керку; культура видзан 45 керку. Уджалӧ Вежа Микола вичку.

Шöрöт школаэз öні вита: Кöчын, Ыджыт Кочаын, Пелымын, Маратыын, Юксьöвын. 

Под школаэз кватя: Акиловын (ф), Казын (ф), Сёрваын, Сэпöльын, Усь Силайкаын, Усь Онолваын.

Нысся эм квать пондöтчан школа-филиал. 

Челядь саддэзісь токö кыка уджалöны аспондасис, этö Кöчись Сильканок да Малышок. 
 

Ӧні Кӧчладор районын быдсӧн 67 оланін: 4 посад, 9 посёлок да 54 грезд (деревня). Олан иннэслӧн лыдыс дугдывтӧг чинӧ: 1932' годӧ нія районас вӧлісӧ 209-а, 2000' годӧ – 79-а.

Ӧння посаддэз:

Ӧння посёлоккез:

Ӧння грезддэз (деревняэз):




#Article 37: Кама (ю) (390 words)


Кама — ыджыт ю Европа асыввылын, Урал керӧссэз одзын. Сія лоӧ Каспи саридзӧ усян Волгалӧн шульга вож. Волгаыслӧ Кама лоӧ медыджыт вожнас. Сылӧн кузяыс – 1805 км (Европаын 7-ӧтыс). Кама бассейнын - коми отирлӧн лунвыв горт.

Кама пондӧтчӧ Удмурт Республикаись Кез районын, сэсся мунӧ ойланьӧ Киров лапӧлӧт Зюзьдін да Камакатыт районнэс кузя, сы бӧрын кежӧ асывланьӧ и мунӧ Коми кытш пырйӧт, Гайна да Кӧс районнэзӧттяс, петӧ Перем ладорись Совкар районӧ, кытӧн кежӧ лунвылӧ и сыбӧрын визывтӧ сё лунвывланьӧ Перем ладор кузя, Удмурт да Башкыр республикаэз коласӧттяс да петӧ Татарстан республикаӧ, кытӧн сія и усьӧ Волгаас. 

Кама вылын Перем ладорын керӧмӧсь кык пором, сійӧн аркмӧмась Кама вавидзан (1915 км²), Вотка вавидзан (1120 км²), Кама кывтытісь вавидзан.

Кама дорын сулалӧны каррез – Совкар (Соликамскӧй), Кыдзкар (Березники), Перем, Вотка, Сарапул, Елабуга, Чаллы.

Камалӧн медыджыт вожжез: Вятка, Чочком, Чусва, Вишера.

Коми кытш пырья Кама ю котӧртӧ паськыт оль кузя Порыги посёлоксянь да Светлицаӧдз, быдӧссӧ 120 км. Кама визывтӧ вӧррез да нюррез коласӧт. 

Коми кытшын Камаӧ усьӧны веськытладорсянь Кӧсва, Иньва, Пожва, шульгаладорсянь Весляна, Сьӧдъю, Лупья, Леман.

Кама ольыслӧн профиль абу симметрия сьӧрті керӧм. Веськыт вадӧр унажыксӧ вылын, тэчӧм под иззэзісь: сёйму, извесьму, мергель. Шульга вадӧрыс, бӧра, лажмыт, ваялӧм лыаӧсь пляжжезӧн да ляпытіннэзӧн. Камалӧн ӧрыс рытвывланьын уналаӧт янсӧтчӧ виссэзӧ. Весляна усянінсянь улынжык да Кӧсва уссёӧдз ӧрыс мукӧдлаӧт паськалӧ 300 метраӧдз. Гайналӧ паныт Камаыс 180-190 м пасьта. Ӧтік воӧн ваыс татӧн кывтӧ шӧркодяс 3 км3 мымда. Гожумся межень коста Кама визывтӧ 0,3–0,6 м/сек шупытаӧн, коссезӧт – 1 м/сек-ӧдз. Коми кышын Камалӧн пыдынаыс шӧркодяс 1-1,5 м. Медучӧт пыдынаэз межень коста 50-60 см, коссезын 0,3-0,4 см. Плёссэзын пыдына овлӧ 3-5 м-ӧдз.

Режим сьӧртіыс Кама – волькытін кузя котӧртан юэз кодь. Оссьӧ апрель коста. Ваыс пондӧ ыждыны майын. Вылын тшупӧтас видзсьӧ 60-70 лун. Этія кадӧ ю кузя ӧтӧрӧ-мӧдӧрӧ ветлӧны уяланнэз – отирыс чулӧтӧны с.ш. ойланься завоз. Сія жӧ кадӧ пондӧны лэдзны вӧр, керӧны пуррез (плоттэз). Лымья тӧв бӧрын да чожа кӧ тулыс локтас, ваыс содӧ 3 метрася вылӧжык. Сэки юыс вӧтьӧ ӧрвывся терраса, ӧтлаын и вадорся вӧррез, йӧз оланіннэз.

Пыдӧсыс Камаыслӧн унажыксӧ лыаись (песӧкись), сорасӧн лоӧ кӧдз (галька), уна сорлалӧм и нювт. Ваыс Камаын рудӧв-гӧрд. Этадз лоӧ сысянь, мыля татчӧ унаӧн миськассьӧны перем системаись гӧрдрӧма сёймуэз. Лёка гудыртӧны Камалісь васӧ неыджыт шороккез, кӧдна петӧны нюррезісь. Ваыс энія шоррезын сьӧда-гӧрд рӧма, мыля сыын соралӧма сісьман органика.

Йысявны Кама пондӧтчӧ Коми кытшӧ кӧдзыттэз локтӧм бӧрын. Йыыслӧн кыза медкӧдзыт воэзӧ овлӧ 1 метраӧдз.




#Article 38: Кама вавидзан (351 words)


Кама вавидзан (рочӧнжык Камскӧй водохранилищё) — Кама ГЭС лӧсьӧтӧм бӧрын аркмӧм вавидзан Кама ю вылын. Лоӧм этія вавидзаныс 1954 годӧ, кӧр Камасӧ ГЭС дынас поромитісӧ да керисӧ сэтчӧ помӧт (плотина). 

Вавидзаныслӧн ӧтласа ыждаыс — 1 910 км², тӧрасыс (объёмыс) — 12,2 км³. Медыджыт паськыта — 14 км, но сэтӧн, кытӧн Камакӧт ӧтлаасьӧны Обва да Косьва вадӧррез коласын овлӧ и 27 км. Кузяыс ойвывсянь лунвылӧ – 250 км кыным. Медыджыт пыдына – 30 м. 

Кама вавидзаныс куйлӧ Европалӧн асыввыв дорын, Урал одзись мыса-мылькья отын, Кама ю бассейнын.

Помӧтыс керӧм Чусва уссёсянь невна улӧжык, Перем кар ойвыв дорланяс.

Кама бассейнлӧн катыт да шӧрӧт торас вавидзаныс куйлӧ самӧй шӧрас. Веськыт ладорас ваӧктаныс мунӧ Роч волькытін вылісь, шульга ладорас – Урал керӧссэз одзись да ны рытвыв покаттэзсис. Медвылыніннэз, кытісь ӧктіссьӧ ваыс – керӧса ладорын лоӧны 1000-1500 метраӧн, волькытінын – 400 метраӧн, медлажмытіннэс – 100 м вылына. Урал одзись мыссэза волькытін лоӧ шӧркодяс 200-250 м вылына. Сійӧ пыдына (100-150 метраӧдз) кырӧтӧны Вишора, Яйва, Косьва, Усьва да Чусва юэзлӧн оллез. Ю колассэзын некрут веретяэз. Бура учӧтжыкӧсь ыжда да тӧдчанныс (значеннёныс) сьӧрті Камайыв вылынін, Ойвыв мыссэз, Кондӧс мыссэз, Сылва кряж, Тулва вылынін, кӧдналӧн межвылын чуттэз лоӧны 300 м кыным.

Медыджыт вожжес, кӧдна усьӧны Кама вавидзанӧ: веськыт ладорсянь – Яйва, Косьва, Усьва да Чусва, шульга ладорсянь – Кондӧс, Иньва, Обва. 

Шульга да веськыт вожжес ӧддьӧн неӧткодьӧсь. Кама вавидзанӧ веськыт ладорсянь усьӧны волькытін понда лӧсялан юэз: оллезныс бура тӧдчӧны, визылыс – жаг. Веськыт ладорсянь усян юэс катыттэзын керӧс понда лӧсяланаӧсь. Пондӧтчӧны нія унажыксӧ Урал вылын, перво котӧртӧны медшӧрӧт мусюрыс (хребетыс) пӧлӧн, а сэсся кежӧны рытвылӧ да татісь мусюрресӧ пырӧтӧм бӧрын петӧны Кама дынӧ. Шульга вожжезас унажык ваыс, стокыс ыджытжык. 

Кама ГЭС лӧсьӧтӧм бӧрын ваыс Камаас польдӧма да сы вожжес уссёын артмӧмась курьяэз да дорӧттяныс вомыннэз (плёссэз). 

Вавидзан аркмӧм бӧрын Кама кузя уйӧтӧмыс да кылӧтӧмыс энія местаэзын ӧддьӧн бурмис: ӧшисӧ коссез, веськытжык лоис уйӧтан туй. Лоисӧ сибыттэзӧн судноэз понда Камалӧн вожжес: Чусва Сылвакӧт, Обва, Косьва, Иньва. 

Вавидзан вылӧт ветлӧны тывывся судноэз, нія озӧ полӧ вылын да крут гыэзісь (ваввезісь), кӧдна аркмӧны татӧн шторм коста.
 
Вавидзан дорын Кама ГЭС-ысся сулалӧ сідзжӧ Перем ГРЭС.

Ӧзыннэз: Добрянка, Чормӧc, Майкар, Пожва, Орёл, Совдор, Кыдззакар, Совкар.




#Article 39: Кельмаков Валей Кельмакович (105 words)


Кельмаков Валей Кельмакович — паськыта тӧдса удмурт кывтуялісь. Чужис 1942 январ 14 лунӧ Татарстанын, Кукмор районісь Тыло посадын. Филология сьӧрті доктор (1993), профессор (1996). Канлӧн Удмурт университетын ӧтласа да чудь-йӧгра кывтӧдӧм сьӧрті кафедраӧн веськӧтлісь. 

 

В.К. Кельмаков публикуйтіс кывтӧдӧм сьӧрті 170-ся унажык гижӧт. Сійӧ интересуйтӧ диалектология, а сідзжӧ фонетика да морфология зоралӧм. 

Валей Кельмакович лӧсьӧтіс нёль ыджыт конференция да лэдзис «Пермистика» нима нёль ӧктӧт. 

Мортыт лыддьӧма быдкодь курссэз УдГУ-ын, шуам ономастика, чудь-йӧгра кывтӧдӧм, удмурт кывтуялӧмыслӧн зоралӧм сьӧрті.

В. К. Кельмаков тшӧкыта ветліс чудь-йӧгра туяліссезлӧн йӧзколасся конгрессэзӧ. Сія вӧлі Таллиннын (1970 во), Будапештын (1975 во), Туркуын (1980 во), Сыктывкарын (1985 во), Дебреценын (1990 во), Ювяскюляын (1995 во).
 




#Article 40: Киров лапӧв (681 words)


Киров лапӧв () — веськӧтлан юкӧт Роч муын, Роч Федерация видзантор (субъект), коми отирлӧн горт муэзісь ӧтік. Пырӧ Волгадор федерал кытшӧ.

Канкарыс – Киров.

Киров лапӧв вӧлі аркмӧтӧм 1936 годӧ декаб 5 лунӧ, кӧр Киров ладорись петіс Удмурт АССР.

Киров лапӧв – ыджыткодь регион Европа ладорись Рочмуын. Сія куйлӧ  Роч волькытін ойвыв-асыввылын. Нюжалӧ 570 км ылына ойвывсянь (61°4 о.п.) лунвылӧ (56°3 о.п.) да 440 км ылына рытвывсянь (41°17 а.к.) асыввылӧ (53°56 а.к.).

Мувывторыс – 120374 км²  ыжда. 

Кировсянь Мӧскваӧдз – 896 км ылына.

Ордчӧн Киров лапӧлыскӧт куйлӧны: ойвылын – Кардор лапӧв да Коми Республика, асыввылын – Перем ладор да Удмурт Республика, лунвылын – Тотара Республика да Мари Республика, а рытвылын – Вӧлӧгда, Кострома да Улісь Новгорт лапӧввез.

Мувевдӧр – мыса волькытін, кӧда пӧліньтӧм ойвыв-асыввывсянь лунвыв-рытвылӧ. Медыджыт (337 м) да медучӧт (56 м) вылынаэз коласын неӧткодьыс лоӧ 281 м. Лапӧв шӧрын – Ятка мыссэз, ойвыв-асыввылын – Камайыв вылынін, ойвылын – Ойвыв мыссэз.

Киров лапӧлын котӧртӧны быдсӧн 19 753 ю да шор, ӧтласа кузяныс – 66,65 сюрс км. Ойвыв мыссэз янсӧтӧны кык бассейнлісь юэз – Вынваӧ да Волгаӧ визывтаннэз. Медыджыт тор Киров лапӧлісь босьтӧ Ятка баасейн. Ачыс Яткаыс усьӧ Кама юӧ Татара муын ни. Камаыслӧн Киров лапӧлас токӧ катыт визувтӧмыс. 

Ыджыт юэзӧн регионас лыддисьӧны нысся Молома, Пижма, Луз, Кобра, Чупчи.

Тыэз Киров лапӧлын 4,5 сюрс мымда. Ӧтлаын пруддэзкӧт нылӧн лыдыс лэбтісьӧ 5,5 сюрсӧдз. Медыджыт тыэз: Акшубень ты (85 га), Орлов ты (63 га), Мусер ты (32 га). Медпыдын ваыс Лежнина тыын (36,6 м). Уржум районын куйлӧ ассяма Шайтан ты.

Киров лапӧвлӧн ойвыв торыс лёка нюрсялӧм. Камакатыт районас нюррез вевттьӧны 40% быдӧс мувывторсис. Медыджыт нюррес: Волма нюр (13514  га), Саламат нюр (10556 га), Кайсин нюр (10517 га).

Климатыс шӧркодя континетвывся. Киров лапӧв куйлӧ матынкодь Ойвыв океан дынсянь, сійӧн и кӧдзыт руыс вермӧ кокнита вовлыны татчӧ: тӧвнас овлӧ ёна кӧдзыт, а гожумся кадӧ нешоча кынмывлӧ нето лёка сайкавлӧ.

Уна во сьӧрна мурталӧм (меряйтӧм) шӧрӧт шонтӧгыс январ коста – нуль увтся –13,5–15°С, июль коста – нуль вывся +17+19°С. Абсолют максимум овлӧ +36+38°С, абсолют минимум – –45–50°С.

Руыслӧн ульсӧтыс 75–79%. Октябсянь февральӧдз этія лыдыс лоӧ 81–89%, вуджан кадӧ (март, сентяб) сія вежласьӧ 74%-сянь 85%-ӧдз. А медкӧс руыс овлӧ май-июнь коста – 61–68%.

Киров лапӧв пырӧ тырмытӧдз ульсялан зонаӧ. Енӧжва усьӧ быд мӧд лун. Во сьӧрна лапӧлас ваыс усьӧ енӧжсяняс шӧркодьын 500–680 мм кыза, ойвылын 590–680 мм, лунвылын – 500–550 мм кыза. Енӧжваись 60–70% усьӧ шоныт кадӧ.

Во сьӧрна унажыксӧ пӧльтӧны тӧввез лунвыв-рытвывсянь да лунвывсянь. Тӧлыслӧн шӧркодь перыта во сьӧрна  лоӧ 3–5 м/с. Гожумнас тӧввез лӧньжыкӧсь (ог кӧ лыддьӧ тӧвчиккез), арнас выныс быдмӧ да кӧдзыт кад коста павкӧ максимум. Тӧлыс пӧльтӧ унажыксӧ порыввезӧн, кӧдналӧн перытаныс овлӧ 30–40 м/с, не кӧ чожжык.

Медыдыжт озырвынӧн (богатствоӧн) Киров лапӧлас лыддисьӧны вӧр (унажыксӧ лысъя породаэз), фосфориттэз, торф, куэз, ва да му. Татӧн пантасьӧ ӧддьӧн шоч металл волконскоит. Паськыта куйлӧны торф шогманіннэз. Уна рудатӧм минераллэз: извесняккез, мергеллез, сёйэз, лыаэз, кӧдза. Медбӧрья дасвоэзӧ адззалӧмась мамдакӧ мусир, а сідзжӧ бетонит сёйез. Киров лапӧлісь фосфориттэз шогманін лыддиссьӧ меджыджытӧн быдсӧн Европаын.

Тодиль дорйӧны вӧр-васӧ 197 мувывторын, кӧдналӧн ӧтласа пасьтаыс 375,6 сюрс га. Ны коласын  «Нургуш» нима пӧдналӧм му (федерациясянь видзанатор) да регионсянь видзана куим заказник (Пижма, Былина, Бушков вӧр). Сэсся регионсянь видзана вӧр-ва казьмӧтаннэз татӧн 189-а, да бурдӧтчан-веськӧтчан  муэз куима. Ӧні КИров лапӧлас мӧдӧны лосьӧтны национал парк «Атар Лука».

Киров  лапӧв аркмис 1936 декаб 5 лунӧ, кӧр Киров ладорись петіс Удмурт АССР. Ас кадӧ Киров ладор аркмис Горькӧй ладор разьӧм бӧрын – 1934 декаб 7 лунӧ.

Оліссезлӧн лыдыс Киров лапӧлын дугдывтӧг чинӧ, мыля отир мунӧны татісь овны Мӧскваӧ, Улісь Новгортӧ, Козаньӧ, Перемӧ.  

Медбӧрья гижӧтӧм дырни Киров лапӧлын оліс  1503,5 сюрс морт. 2009 во пондӧтчан кежӧ оліссезлӧн лыдыс лоис 1401,2 сюрс морт (Роч муын быдӧс оліссезісь 1,0%). 

Отирлӧн тшӧкытаыс: 11,3 морт/км², карын олӧны 72,1% (2009). Уджавны кужиссез – 911 сюрс морт.

Медыджыт оланін Киров лапӧлас да сылӧн веськӧтлан шӧрин – Киров кар (464,5 сюрс олісь 2009 воын).

Козак реформаӧдз Киров лапӧлын вӧлі 45 веськӧтлан юкӧт – районнэз да лапӧвсянь видзана каррез.  Виль туйдӧттэз сьӧрті татӧн лоисӧ 39 район да квать кар кытш, кӧдна янсӧтчӧны 436 поснитжык муниципал юкӧт вылӧ (383 посадму и 53 карму). 

Татӧн мыччалӧмӧсь оланіннэз, кытӧн 2009 январ 1 лун кежӧ оліс кыкьямыс сюрс мортся унажык.

  




#Article 41: Климов Василий Васильевич (107 words)


Климов Василий Васильевич (*1927) — Коми отирын паськыта тӧдса гижись, фольклорист, этнограф. Гижӧ перем комиӧн. Перем коми литератураын тыдалана ним. 

Василий Васильевич чужис март 20' лунӧ 1927' годӧ Кудымкар районісь Юсай Пешнигорт грездын. Велӧтчис горт школаын (1934-1941). Айму дор ыджыт кось коста уджаліс колхозын. 1944’-1952’ воэзӧ кысъяліс армияын, сэсся помаліс рытся школа (1955) да педагогӧ велӧтанін (1957), пончич.

В. В. Климов ӧддьӧн уна да быднёжа гижис: сы бордтыв йывсис петӧма и проза, и кывбур, и орсан. Этася Василий Васильевич ӧктіс да йӧзӧтіс уна тексттэз коми фольклорись. 

Медодзза кывбур печатйтӧма 1956’ годӧ. 1966’ во коста мортӧс босьтӧмась СССР-ын гижиссез йитӧтӧ. Быдсӧн В. В. Климовыслӧн петӧмась комиӧн 25 небӧг.

 




#Article 42: Койгорт район (505 words)


Койгорт район () — веськӧтлан юкӧт Коми Республикаын, республикалӧн 15 районісь ӧтік. 

Веськӧтлан шӧрин – Койгорт посадын. Койгортсянь Сыктывкарӧдз 196 км.

Районыс аркмӧтӧм 1949' юнь 7' лунӧ.

Койгорт районыс 10.415,7 км² ыжда. Сія куйлӧ Коми Республика лунвыв-рытвылын, Сыктыв ю катытын. Койгорт мукӧт межаасьӧны асыввылын – Перем ладорись Коми кытш, лунвылын – Киров лапӧв, рытвылын – Луздор район, ойвылын – Сыктыв да Сыктывдін районнэз.

Невна не быдӧс муыс вӧрсялӧм. 

Колана шедтассэз: сотчан сланеччез, фосфориттэз, торф, керамзит да кирпич сёйез, строитчан да кварца лыаэз, муувтся ваэз. Эм мымдакӧ зарни да алмаззэз. Ӧні кошшӧны газ да мусир. 

Медваж оланіннэз – посаддэз Ужга (1490), Койгорт (1586) да Грива (1586). Эна оланіннэз аркмисӧ ӧнія Койгорт район му вылын XII-XIII веккезӧ. Рочму дынӧ ӧтлаӧтӧм бӧрын перво вӧлі лӧсьӧтӧма Ужга волось, сэсся Койгорт да Грива лоисӧ торья волоссезӧн. 

Район аркмӧм бӧрын кӧзяйствоыслӧ подӧн пыр вӧлі вӧрлэдзӧм. 1936' годӧ лӧсьӧтісӧ вӧрпромхоз Койгортӧ, а 1942' – Кажымӧ. 1970' годӧ нійӧ ӧтувтісӧ, лоис ӧтласа Койгорт вӧрпромхоз, кӧда 1998' октябсянь шусьӧ ООО Койгорт вӧркомбинат. 

 

Олӧны 9,3 сюрс морт. 2002' вося гижӧтӧм дырни оліссез коласын татӧн вӧлі 48,0% роччез, 40,0% комиэз, 4,3% украинса, 2,8% немеччез да 1,0% беларуссэз. Йӧзыслӧн тшӧкыта 1,1 морт/км². Томмез (14-сянь 30-ӧдз годдэзсяӧсь) районас 2,5 сюрс морт.

Район вылын юралісьыс – Перепаденко Юрий Алексеевичч (2011' мартсянь). Веськӧтланыслӧн адрес: 168170, Койгорт район, Койгорт посад, Мир туй, 7. Факсыс (82132) 914-00. 

Койгорт район ӧні янсӧтӧма 10 посадму вылӧ:

Одзжык посадмуэз туйӧ вӧлісӧ сельсоветтэз.

Ӧні Койгорт районын 21 оланін: куим посад, куим грезд (деревня) да посадчужӧма 15 посёлок.

Районын пасйӧма 136 уджаин да аркмӧтӧмин. Эшӧ 124 уджбергӧтісь олӧны туйдӧтвывся чужӧм аркмӧттӧг.

Берсяторресӧ лэдзӧны 48 кӧзяйствуйтан субъект (35% ӧтласа лыдісь), кысъялан сфераын – 88 (65%). Медуна уджаиныс пасйӧма вузасянын да отир верданын (16%), му-видз уджалан да вӧрлэдзан кӧзяйствоын – 14 (10%), берся керӧтӧмын – 14 (10%).

Береся керӧтан сферасӧ аркмӧтӧны пукерӧтан да сёян лӧсьӧтан, шоныт да ва лэдзан, нуан да янсӧтан юкӧттэз.

Вӧрлэдзӧм пыр вӧлі и эм районас кӧзяйстволӧ подӧн. Уджалӧны вӧрвидзаннэз Койгортын и Кажымын.

Койгорт районын ӧні уджалӧ Асдор музей, 5 киномыччалан, 12 клуб, 16 библиотека да 27 лыддьӧтанін.

Библиотекаэз уджалӧны Койгорт ЦБС борд увтын. Медбурӧн лыддисьӧ Челядь понда шӧрӧт библиотека Койгортын.

Быд год лӧсьӧтӧны гажжез: «Иллялун», «Зымгыштам», «Карвуджӧмись стречалун», «Роч кыдз». Район чужан лун кежӧ чулӧтӧны музыка сьӧрті фестиваль «Койгорт гожум», эм торья фестиваль челядь понда.

Фольклор видзан группаэз коласісь медбура тӧдсаӧсь «Гора Ань» (Гриваись), «Сударушки» (Подзись)

Койгорт районын эм 11 школа, кытӧн велӧтчӧны 1066 и велӧтӧны 151 морт. 

Шӧрӧт школаэз куима, под школаэз – сизима, пондӧтчан школа – ӧтік. 

Учӧтжык челядь олӧны 11 челядь садын да яслиын. 

Эм и содтӧт велӧтан куим керку, ны коласын Челядь понда музыка сьӧрті школа Койгортын.

Койгорт районын 12 спортзал да 14 спортыб. Эм быдса спорткомплекс Койгорт посадын. 
Быд год районас лӧсьӧтӧны 30-ся унажык вермасьӧм быдкодь спорт юкӧтын. Республика тшупӧтын медбур результаттэз шедтісӧ медбӧря годдэзӧ гирялэбтіссез, волейболӧн орсісь ныввез да шахматисттэз. 

Ужгаись спорт сьӧрті мастер Турышев Александр Михайлович – бура тӧдса гирялэбтісь, спортасьӧ 1976 годсянь. Сія 10-ісь лоис Коми Республикаын чемпионӧн, шедтіс «Ладӧг кубок», куимись босьтліс приза места Рочму тшупӧта вермасьӧмын посадісь спортсменнэз коласын, кимись вӧлі призёрӧн Рочму Ойвыв-Рытвыв чемпионатын.




#Article 43: Коми-Пермяккез (486 words)


Коми-Пермяккез (буржык гижны коми пермяккез) — этӧ чудь-йӧгра отир.

Тӧдса XV–XVІІ вв. роч гижӧттэзын Камалӧн вывланьын важ оліссес шусисӧ пермяне, пермичи, пермяки. Асьнысӧ нія шуисӧ комиöн коми морт, рочöн пермяк. 1925-ӧт воын, кӧр аркмис Коми (Пермяцкӧй) национальнӧй кытш, Кама ладорын важ олісь отир, кӧда вӧлі кытшыслӧн ыджыт торӧн, пондісӧ шуны асьнысӧ коми пермяккезӧн, мед не сорласьны аскодь нима отиркӧт коми зырянакӧт да Кама ладорын мӧдік йӧзкӧт, кӧдна топоним сьӧрті шусисӧ пермяккезӧн.
 
XVІІІ веклӧн пондӧтчытӧдз вылісь Камлӧн муэс шусисӧ Ыджыт Перемӧн. Мукӧд важ гижӧттэзын этія ним дынӧ содтісьлісӧ вежӧртӧтан кыввез глаголемая Чусовая. XІV–XVІІ веккезын Ыджыт Перем босьтіс ас пытшкас паськыт муэз – Рытъявлын Кама ю пӧлӧн да сыӧ усян ваэз пӧлӧн, асывьявлын Ураллӧн иззэзӧдз, ойвылын Печоралӧн вылісь ваязсянь Чусты дынӧдз, лунвылын Чусва дынӧдз. Этія муыс вӧлі Эжва Перем| унаись ыджытжык, сійӧн сійӧ не весь шуисӧ басӧк да бытшӧм нимӧн Великöй. 

Медодз пондісӧ тӧдмавны Ыджыт Перемлісь муэсӧ Новгортісь йоз, кӧдна неӧтпыр ыстывлісӧ асланыс ушкуйниккезлісь дружинаэз ӧктыны вот да кучик. Недыр мыйись нылӧн лоисӧ мырддиссез – Ростов–Суздались да Мöскваись öксуэз. 

XV векын вылісь Кама муэс быдсӧн пырӧны Роч канмуӧ. Канкарлӧн веськӧтлӧмыс одзлань вынсялӧ христианизация пыр, кӧда ковтӧг пыртӧм коми пермяккез коласӧ. Чердынын, Ыджыт Перемлӧн веськӧтлан карын, оссьӧ Изын Иоанн-Богословлӧн медодзза вичку. 

Но 1460-ӧт – 1470-ӧт вося событиеэс мыччалісӧ – наместник да христианизация оз сетӧ Канкарись эксуэзлӧ Ыджыт Перемын вын. 
Перемись муэз вылӧ неӧтпыр уськӧтчывлісӧ Козанись да Сибирись ханнэз. 

Роч йӧзлӧн локтӧмыс да Кама дорӧ пуксьӧмыс осьтіс колонизация – паськалісӧ Роч государстволӧн муэз, вын-сяліс сэтӧн веськӧтлӧм, ёнмисӧ экономическӧй йитӧттэз. 

Перемись муэз вылӧ роч колонизацияыс сьӧрас вайис лёк эксплуатация. Строгановвезлӧн муэс лоисӧ ыджыт крепостнӧй промысловӧй йитӧттэзӧн. Нія пуксисӧ асланыс муэз вылӧ, кытӧн паськыта видзисӧ внеэкономическӧй принужденнё, отсӧтсӧ босьтісӧ вотчинаӧн веськӧтіссезсянь. Коми пермяккес унаись лэбтісьлісӧ Строгановвеслӧ паныт. Медыджыт выступленнё крестьяналӧн вӧлі 1861-ӧт воӧ, кӧда паськаліс быдсӧн Иньва му пасьта. Губернияись газетын эз лэдзӧ нельки гижны эта йылісь. 

Кӧркӧся вына легендарнӧй отир лоис великорусскӧй угнетателлез киын богатсялан орудиеӧн, сорласисӧ национальнӧй культуралӧн вужжез. 

Важся олан дын нюжаліс ӧнняся оланісь ён шӧрт. Уралын важ олісь отирлӧн муэс кыскӧны дынаные наукаын уджаліссезӧс: археологгезӧс, этнограффезӧс, фольклористтэзӧс. Перем муэзлӧн дон йылісь бура висьталіс Д. Н. Мамин-Сибиряк: Эстӧн сё эшӧ ловья важ олан, кӧда видзӧ ас пытшкас эпическӧй склад... 

Коми пермяккезлӧн важся вужжезісь отирлӧн вӧлі аскоддя искусство – медно-бронзовӧй пластика, мӧднёж – Перем пода стиль|. Перем пода стильӧн берсяыс, кӧдӧ адззисӧ Кама ладорын, лыддисьӧны ІІІ–ІX веккезсяӧсь. 

Сёрӧнжык пода стиль лоӧ мӧдӧтчан берсян, мый висьталӧ увтырлӧн культтэз ӧшӧм йылісь, кӧднӧ вежёны увтыррез коласся антропоморфнӧй идоллэз, сёрӧнжык сійӧ пондісӧ шуны перем пуовӧй скульптура.
 

Коми пермяккезлӧн гижан кыв, кыдз и коми зыряналӧн пондӧтчӧ Стефан Пермскӧйлӧн миссионерскӧй уджсянь, кӧр вӧлі керӧм коми алфавит. Но гижаныс эз паськав и XVІІ веклӧн помын ӧшис, причинаэс вежӧртанаӧсь. 

Коми пермяккезлӧн да коми зыряналӧн том отир и ӧні уджалӧны ӧтвыв наукаын, литератураын, культураын да образованнёын. 

Коми-пермяцкӧй национальнӧй кытш аркмӧм бӧрын пондіс петны 1926-ӧт воӧ коми (пермяцкӧй) кыв вылын Гӧрись газета. Газетаын корреспонденттэзнас уджалісӧ том отир, мукӧдыс ны коласісь одзлань лоисӧ гижиссезӧн – Н. Попов, М. Лихачёв, С. Караваев. 

 




#Article 44: Коми-пермяккез (302 words)


Коми-пермяккез (буржык гижны: коми пермяккез, медбур гижны: перем комиэз) — ним, кӧдӧн веськӧтліссез вӧзйӧны шуны Перем ладорись Коми кытшын олісь комиэсӧ. Роч да рочовӧй туяліссез (учёнӧйез) сьӧрті коми пермяккез – торья отир, коми-пермяцкӧй народ. Мӧдік нёджӧв сьӧрті, кыдз коми ладорсянь пондам видзӧтны, то петӧ: коми пермяккез пырӧны коми отир коласӧ. Ӧтлаын Язьва дорись да Зюзьдынісь комиэзкӧт нія аркмӧтӧны коми отир пытшкын тор, кӧдӧ шуамӧ перем комиэз. Перем комиэз да коми зыряна – коми отирлӧн кык борд.

Коми кытшын олісь комиэз одзжык асьнысӧ шуисӧ комиӧн – коми, а рочӧн –пермяки (сідз жӧ нимтӧны асьнысӧ язьвинса да зюзьдінса и ӧні). 1925 во бӧрын юраліссез тшӧктісӧ отирсӧ и рочӧн, и комиӧн шусьыны коми-пермяккезӧн (коми-пермяки). Коми отирыс Коми кытшын дыр вермасисӧ, мед чапкыны этійӧ нимкодьсӧ, но 1937 во бӧрын эзӧ ни вермӧ. Аспондасис татісь комиэз ӧнӧдз шуӧны асьнысӧ коми отир.

Гижӧмыс «коми-пермяккез» (кыдз и «коми-зыряна») оз лӧсяв коми кыв туйдӧттэзкӧт. Коми шуаныс лоӧ тӧдмӧтанӧн (определеннёӧн) пермяккез нето зыряна кыв дынӧ, сідзкӧ гижны сійӧ колӧ торйын: коми пермяккез нето коми зыряна.

Перем ладорись Коми кытшын коми отирыс (перем комиэз, коми пермяккез) баитӧны коми кывлӧн перем диалекттэз вылын (83,1 %) да рочӧн. Перем комиэз ӧні чожа рочсялӧны. 2002 годся гижӧтӧм сьӧрті омӧн Роч муын перем комиэз вӧлӧмась 125 235-а. Этія лоӧ 15%-ӧн етшажык 1989 воынся. Да и мам кыв тӧдӧны сё етшажык ныись, кӧдна гижӧтчӧны коми пермяккезӧн: Роч му пасьта токӧ 94,3 сюрс морт.

Перем комиэзлӧн эм асланыс кыв стандарт – перем комиэзлӧн лыддьӧтан кыв (рочӧнжык коми-пермяцкӧй литературнӧй кыв), кӧда вӧлі лӧсьӧтӧм татісь коми диалекттэз под вылын. Коми кытшись школаэзын лыддьӧтан кывнысӧ да перем коми литература 2008/09 воын велӧтӧмась дзир 20,5% коми челядь коласісь (2931 морт); а садиккезӧ, кытӧн челядёкыскӧт баитӧны коми кыв вылын, ай-маммез сетӧмась сія жӧ годӧ токӧ 848 кага (этія лоӧ 14,3% быдӧс дошкольниккез коласісь).

Унажык сы йылісь видзӧт: Перем комиэз 

Официальнӧй нёджӧв видзӧт: Коми-Пермяккез




#Article 45: Коми Парма медваж кадӧ (1883 words)


Коми Парма медваж кадӧ — Коми Пармалӧн меважся историяись серпас, кӧдӧ ми вермам пуктыны син одзӧ археологгезӧн Перем муись адззалӧм казьмӧтаннэз (памятниккез) сьӧрті.

Кама катытас археологгез пондісӧ гарйыны муэсӧ XIX вексянь. Сэксяняс Кама ладорас вӧлі осьтӧм да видзӧтӧм-велӧтӧм медваж кадся казьмӧтаннэсӧ уна сюрсӧ, ны коласісь 400-ся унажык — Коми кытшын.

Мортыс локтӧма Перем му вылӧ 200-150 сюрс во одзті. Сійӧ кадсӧ шуӧны палеолит. Мӧдік коляссэз шӧрын адззавлісӧ и лыись-коскаись керӧм пӧляннэз, а сія висьталӧ: важ отирыс тай вежӧртӧма музыкаын дон. Унажык орсаннэсӧ керисӧ, натьтӧ, пуись, сійӧн и абу кольччӧмась нія ӧнӧдз. Туяліссес казялісӧ — мукӧд доз да мӧдік берся вылын пассэс, кӧднӧ одзжык чайтісӧ орнаментӧн, пуктылӧмась чукӧрӧн: 50-ӧн, 74-ӧн да 28-ӧн. Эстісь ми вежӧртам: отирыс сэк ни кужӧмась лыддьыны да нылӧ вӧлі тӧдса кадлыддян (календарь). Сэк вӧлі тӧлісь сьӧрті кадлыддян, кӧдӧ лӧсьӧтісӧ вӧралан-кыйсян уджжез тӧдвылын видзӧмӧн. Сідзкӧ отирыс авйыштӧмась и астрономияын. Сія кадӧ шогмӧ и религия — тотемизм, анимизм да магия.

А сэсся вежсьӧма климат, мыйсянь уна быдкодь вӧрпода ӧшас. Вӧравны ыджыт чукӧрӧн ветлісь вӧрпода вылӧ сідзжӧ дугдасӧ. Отирыс пондасӧ овны мӧдмоза да кошшыны виль оланін. Пондӧтчас виль кад — мезолит (шӧрӧт изъя кад). Вӧраліссез пондасӧ кыйсьӧм могись ветлӧтны тшӧкжыка да ылынжыка. Сійӧ кадсӧ казьмӧтаннэзӧн кольӧмась абужык пырся оланіннэз, а вӧраліссезлӧн арсӧ-тулыссӧ сувтчаніннэз. Лыйсяннас сэк быдлаын вӧлӧма ньӧв да ньӧвьёссез. Вӧррезас олісь отирыслӧн вӧлӧмась ни черрез. Йӧзыс лӧсьӧтӧмась ни лямпаэз да доддез, кӧднӧ туяліссес адззывлӧны нюрьяинісь. Черикыйӧмыслӧн лоас ыджыт дон. Пондасӧ видзны кулӧммез (сеттез), мордаэз. Тӧдсаӧсь лоасӧ отирыслӧ лыись керӧм крюккез. Адззӧм пешняэс сьӧрті позьӧ вежӧртны — черисӧ кыйлӧмась и тӧвнас. Иззэсӧ пондасӧ кеслыны лэчытжыка, мезолит кадся пурттэслӧн доррес вӧлісӧ кеслӧмӧсь кыкнан ладорсянь. Сія кадсӧ медыджыт казьыланнэзӧн лоӧны Кӧс, Усть Онолва, Метшкӧр да Учӧт Сер дынын сувтчанін-оланіннэз.

Изъя веклӧн мӧдік кадколас — неолит. Сэк одзлань зораммас горт видзӧм, кӧда Кама муын пондӧтчӧ V сюрсвоын миян эраӧдз. Отирыс сія кадӧ унажыксӧ чериавлӧмась, сійӧн и пондӧмась овны ӧтілаын. Оланіннэс сулалӧмась юэз да тыэз пӧлӧн. Нійӧ керлӧмась ыджытӧсь (100 кв. метра гӧгӧр), джынӧдз гарйӧмӧсь му пытшкӧ. Сэтӧн вермас овны не ӧтік дас морт. Пондӧмась керны гӧрд сёйись ёся пыдӧса серпасалӧм доз. Неолит кадся сувтчанін-оланіннэс адззалӧмӧсь Коми кытшын быд районсис. Сія кадӧ финн-йӧграыс янсӧтчӧма важ финн да важ йӧгра увтыр вылӧ.

Пондӧтчӧ историялӧн мӧдік кад — энеолит. Ӧні Кама ладорас олісь отирыс мукӧд берсясӧ пондӧмась керны и кӧртісь. Кӧртсӧ медодз вайлывлӧмась мӧділаись, одзлань пондасӧ керны асьныс. Кама отирыс вузасьӧмась уна йӧзкӧт: позьӧ адззыны Балтика дорись вайӧм янтарь, Алтайись — нефрит, Кавказісь — бронза, Индика океан дынісь — каури нима шоркытшшез. Кӧть лоӧма ни кӧрт, но отирыс уна мый керӧмась и кремень изсис.

Сія кадӧ Кама отирыс пондӧмась видзны пода, но, кыдз и одзжык, сёянсӧ шедтӧмась вӧралӧмӧн да чери кыйӧмӧн. Мукӧд оланінас черикыян кулӧммезлӧн вӧтяна иззэс пантасьлӧны ӧддьӧн уна. Оланіннэс унажыксӧ вӧлӧмась кынымкӧ неыджыт керкуись, кӧдна ӧтамӧд коласын йитсьӧмась му пытшкӧ гарйӧм да вевттьӧм вуджан туйез пыр. Сія кадся медыджыт оланін — Базов Бор — вӧлі гарйӧм Юсьва районын, Иньва ю усянінланяс. Уна оланін-сулаланін адззисӧ Кӧсва ю пӧлӧн Кӧч районісь Уржа да Ташка греззддэз дынын.

Бронза да кӧрт эпохаэз вежсикӧ важ финн отирыс торьясьӧ рытвыв финн да перым увтыррез вылӧ. Перым отирыс, пермяна, лоӧны удмурттэзлӧн да комиэзлӧн ӧтласа важ увтырӧн. 

Кама ладорын кӧрт эпохалӧн пондӧтчӧм йитсьӧ ананьинса культуракӧт. Ананьинсаыс одзлань зорӧтӧмась культурасӧ бронза кадӧ оліссезлісь да олӧмась зэв паськыта: ойвылын — Печора ю дорсянь, лунвылын — Волга юлӧн шӧрӧт муэзӧдз. Отирыс ветлӧмась ни вӧввезӧн, тышкасьлӧмась ӧтамӧдныскӧт да вувтлӧмась-уськӧтчывлӧмась мӧдік йӧз вылӧ. Нылӧн вӧлӧмась ни сэк шыпурттэз, бытшкан ёссез да кышаланнэз, но унажыксӧ нія лыйлӧмась ньӧвьёссезӧн. Кама ладорись отир сія кадӧ олӧма ордчӧн да унажыксӧ босьтасьӧма-вузасьӧма скиф-сармат йӧзкӧт. Ны пыр и шедас Кама муас Сьӧд саридз дорын, Элладаын да Египетын керӧм берсяыс.

Кадыс вӧлӧма сьӧкыт, тышкасьӧм-пессьӧммес лоасӧ тшӧкжыкӧсь, сысянь Кама отирыс и пондасӧ керны, ассиныс увтыр дорйӧм могись, каррез. Карресӧ сувтӧтлӧмась ю пӧлӧн буждӧм керӧс йылӧ кык кырас коласӧ. Керӧсыс пӧлӧн мӧдӧр ладорсяняс вӧлі гарйӧм пыдын кырас да йӧрйӧм вылын стынӧн. Кар гӧгӧрас сувтӧтлісӧ посаддэз да дзебсянін. Кама ладорас сэк уна берся керлӧмась бронзаись да кӧртісь. Сійӧн ананьинсалӧн культураныс бура неӧткодь кӧрт кадся культура сьӧрті. Бронзасис кисьтлывлӧмась пурттэз, кутан-кышаланнэз, шыпурттэз, ньӧвьёссез да черрез.

III-II сугӧддэзӧ миян эраӧдз ананьинсаыс коласісь янсӧтчӧны пьяноборса, кӧднасянь аркмасӧ сэсся удмурттэз, да Гляденса, кӧднасянь лоасӧ коми отир. Гляденсалӧн культураныс шусьӧ сідз важ юрбытанін сьӧрті, кӧдӧ адззӧмась неылын Перем кар дынсянь Гляден нима керӧс йылын. Кама ю весьтын этія 90 метра вылына керӧсыс не ӧтік сюрс во вӧлӧма Кама ладорас медыджыт. Сысянь сія и лоас дзебсянінӧн да казьтісянінӧн. Сэтӧн казьтывлӧмась важ кулӧм отирсӧ; шуӧны, быттьӧ казьтісьӧм понда вермӧмась нельки вийлыны морттэзӧс. Сотасӧ кулӧммесӧ да пӧимсӧ кашниккезын и ваясӧ казьтісянінас. Уна годдэз сьӧрна сэтчин пӧимыс, горт- да вӧрподаыслӧн лыэс и жугдӧм кашник торрес ӧксьӧмась кык метра сувда. Казьтісян берсясӧ адззисӧ 19 сюрс гӧгӧр. Гляденса дырни аркмӧма тӧдчана перем пода стиль. Бронзаись кисьтӧм берсяыс вылын серпасалӧмась быдкодь пода да отир. Нія ӧтлаӧтӧмась аскодьӧма йитӧттэзӧн да мыччалӧны отирлісь гӧгӧр олансӧ вежӧртӧм, сылісь аркмӧм да зоралӧм, мортлісь сія оланын вужьясьӧм. Татӧн бронзаись керӧм берсяыс лыддисьӧ ыджыт донӧн омӧн му югыт пасьта.

IV векӧ пондӧтчӧ быдкодь йӧзыслӧн «Ыджыт ветлӧтлан» («Великӧй переселеннё»), кӧр ӧтӧрӧ-мӧдӧрӧ ветлӧтісь йӧзыс тӧвчикӧн мунасӧ асывывлісь Евразия кушиннэзӧт рытвыв муэзӧ да нуӧтасӧ сьӧрас уна мӧдік отир. Кама ладорыс пыр, сваль вӧрыс да, ветлӧтісь йӧзыс озӧ мунӧ. Но лунвыв Урал сайын сэтчин олісь отирыс ветлӧтісь йӧзсӧ дзескӧтасӧ ойвылӧ, сійӧн нылӧ ковсяс пуксьыны овны Кама ю да сыӧ усян юэз пӧлӧн. Археологгес нійӧ шуӧны харинсаӧн, сідз кыдз адззӧмась нылісь дзебсяніннэсӧ Гайна районісь Харина грезд дын. Кыксё мымда год бӧрті нія йӧзыс сорласясӧ сэтӧн олісь отирыскӧт да аркмӧтасӧ виль культура — ломоватовса, а лунвылас аркмас культура неволинсалӧн. Быдсӧн нія культураэс вӧлӧмась V-IX сугӧддэзӧ. Сія кадӧ (VII в.) и ӧння Кудымкар му вылын аркмас кар да ордчӧн сыкӧт — дзебсянін. Быдӧссӧ Коми кытшас адззӧмась ломоватовсаӧн кольӧм сёся унажык казьмӧтан. Тӧдчанажыкӧсь ны коласісь дзебсяніннэз. Ыджытжык донсӧ видзӧны Урья, Важгорт, Елева да Пешнигорт дорын дзебсяніннэз. Кыдз чайтӧны, отирыс дзебан гуэзас тэчлӧмась сійӧ, мый колас кулӧмыслӧ «виль оланас»: лыйсян, уджалан да мӧдӧтчан берсятор, вӧв сийӧс-сермӧттэз. Пантасьлӧны куш дзебаніннэз, пантасьлӧны и бура лӧсьӧтӧм дзебаніннэз — эзісись (сереброись) керӧм сьӧм (монетаэз), мӧдӧтчан берся (пристежжез, пелькытшшез, ӧктӧм-кыйӧм кушаккез да дона лыйсяннэз). Быдӧс сія мыччалӧ — отирыс сэк ни олӧмась абу ӧтнёж.

Эрмитажын ӧктӧмӧсь быдкодь эзысёвӧй берсяыс. Сія аскодь басӧк дозмукыс керӧма Иранын да Византияын, унажыкыс ны коласісь адззӧмӧсь ойвыв Кама ладорын. Асыввыв муэзын шӧрӧт веккезӧ история вӧлӧма сэтчӧдз сорласьӧм-пансьӧм, нельки эзісёвӧй берсяыс сэтчин оз кольччы. Кама ладорас сія шедас вузасьӧм-босьтасьӧм пыр да веккез сьӧрна ӧксяс уна. Сійӧ видзӧмась дзир казьтісян коста, абу сёян доз туйӧ. Эд быдӧс, мый адззӧмсь, абу шедӧма оланіннэзісь нето дзебсяніннэзісь, а кладдэзісь. Сэтшӧм эзысёвӧй дозмука кладдэсӧ Кама мусис адззалӧмась уна дас, нія и аркмӧтӧмась Эрмитажас медыджыт ӧктӧмсӧ.

IX-X веккезӧ Кама ладорас ломоватовса культура туйӧ аркмӧ родановсалӧн культура. Перем комиэз и лоасӧ родановса увтырись. Сія кадӧ тыла керӧмсянь вуджӧмась муэз гӧрӧмӧ. Отирыс быдтӧмась ид, шогді, рудзӧг, анькытш, лён да пыш. Родановсалӧн вӧлӧма ни горт пода. Унажыксӧ видзӧмась мӧссэзӧс да вӧввезӧс, етшажык — порссезӧс, баляззӧс да кӧзаэзӧс. Керкуэс гӧгӧр археологгез адззалӧмась пода видзан гиддэзлісь да пода йӧртаннэзлісь кольччӧм торрез, кӧдна йитсьӧны керкуыскӧт. Одззамоз медколанаӧн вӧлӧма вӧралӧм. Вӧралӧмась яй да гӧна кучик (ку) заптӧм понда. Кучиксӧ вежлывлӧмась вузасян-босьтасян коста. Кыйлӧмась чери да ӧктылӧмась вӧр ма.

XII сугӧдсянь паськыта пондасӧ гӧрны муэз. Вӧв лоас сьӧкытсӧ кыскалан гортся подаӧн. Сэксянь ыджыт увтырись пондасӧ торйӧтчыны учӧт гортся увтыррез. Нія торйӧн ни вермасӧ гӧрны му да видзны пода. Оланіннэзын адззалӧмась сія кадся уна сьӧм, ӧшлісян гириэз да уна мый мӧдік берсятор, кӧда керӧма вӧлі Волга дорись Булгара да Русь муэзын. Ыджыта да паськыта Кама ладорись отир пондӧмась вузасьны Волга булгаракӧт да Русь муэзісь отиркӧт.

Археологияись казьмӧтаннэз сьӧрті чукӧражык отир вӧлӧма Иньва ладорын. Татісь лыддьӧны кыкьямыс увтыр, кӧдна олӧмась Иньва, Кува да Велва юэз пӧлӧн. Невна етшажык олӧмась отир Обва дорын. Нылісь ыджытжык казьмӧтаннэсӧ адззисӧ Назар кар гӧгӧр Обва юӧ усян Чӧлва ю пӧлӧн. Чердын-Язьва йӧзсӧ ӧтлаӧтӧны казьмӧтаннэз, кӧдна адззӧмӧсь Чердын кар гӧгӧр Кама, Вишера, Колва юэз пӧлӧн да Вишера юӧ усян Язьва ю пӧлӧн. Кама ю пӧлӧн Вишера ю усянінын Пожва посадӧдз ӧтлаын олӧмась кыкьямыс учӧт увтыр. Нія аркмӧтӧны ыджыт, но янсалӧм чукӧр. Гайна посад гӧгӧр Кама ю пӧлӧн да сыӧ усян Луп ю пӧлӧн олӧмась квать увтыр. Нія пырӧны ыджыт Гайна отирӧ. Кӧсва отирын, кӧдна олӧмась Кӧсва ю пӧлӧн да сыӧ усян Лолӧг ю пӧлӧн, вӧлӧмась куим увтыр. Зюзьдін отирлӧн чукӧрыс олӧ мӧдік комиэзсянь медылын — Кама катытын. Сійӧ отирсӧ казьмӧтаннэс мыччалӧны ӧкмыс увтыр вылӧ. Быдӧс этія отирыс ӧтлаын бӧсьтӧмӧн и лоасӧ талуння перем коми отирлӧ важ ай-маммезӧн. 

Уна казьмӧтаннэзын археологез адззалӧмась уджалан берся: гӧррез, кучитчаннэз, чарлаэз, ытшкисян-горбушаэз, изыннэз, сідз кыдз родановсалӧн бӧрьяжык кадӧ зорамӧма пода видзӧм.

Отирлӧ унажык пондас ковны кӧртісь керӧм уджалан берся, сійӧн пондас бура ни зорамны кӧрт шедтӧм да кӧрт дорӧм. Кудымкар лоас тӧдчана карӧн, кытӧн керӧмась кӧртсис берсясӧ. Гӧрд сёйись керӧм формаэзын кисьтлӧмась мӧдӧтчан берсятор. Мымдакӧ кад бӧрті оссясӧ кӧрт шедтан да кӧрт доран шӧриннэз.

Родановса пондӧны унажык шедтыны сов. Совсӧ керӧмась росолісь. Росолсӧ пизьӧтасӧ пуовӧй да бановӧй ӧррезын, кӧднӧ вевдӧрсяняс мавтласӧ сотӧм гӧрд сёйӧн. Мукӧдпырся росолас лэдзвывлӧмась биын дзирӧтӧм иззэз. Иньва, Вишера, Борва, Язьва, Колва юэз пӧлӧн, кытӧн XX сугӧд пондӧтчикӧ пуӧмась совсӧ, ӧнӧдз кольччӧны пуись керӧм росов кысканнэз. Бура зорамӧма лыись (коскаись) берсятор керӧм, сэк и серпасавны лысӧ кужӧмась ни. Лысис керлӧмась сынаннэз, пуртӧссэз, пелькытшшез, киззез, еммез, амулеттэз, паськӧм вылӧ берся ӧшланнэз. Уна мый ны коласісь серпасалӧмась ас пассэзӧн.

Быдлаын керлӧмась кашниккез да гырниччез, кӧднӧ серпасалӧмась розетка нёжа веськыт да чуклялӧм серпассэзӧн. Кашниккесӧ дзирдӧтлӧмась горын. Коми отирлӧн уна вӧлӧма и пуовӧй доз. Сідз кыдз пуыс чожа сісьмӧ, одззася пуовӧй доззэс абу кольччӧмась. Гортын печкӧм, кыйӧм да гӧрдззӧм йылісь висьтасьӧны важ каррез вылын адззӧм печканнэзлӧн, кыйсян станоккезлӧн да гӧрдззисян еммезлӧн торрез.

Родановсалӧн медбӧрья кадӧ учӧт увтыррез туйӧ аркмӧмась матын оліссезлӧн ыджыт ӧтуввез. Увтыррезлӧн ӧксуэз (княззез) пондӧны веськӧтлыны ыджытжык ӧтуввезӧн. Важ висьт сьӧрті Иньва дорись коми отирлӧн увтырӧн веськӧтлӧма Кудым Ош нима пам, кӧда сэсся лоас и ыджытжык ӧтувлӧн веськӧтлісьӧн. Кудымкар пӧртчис бура дорйӧм веськӧтлан карӧ. 

Родановса пондӧны ни гӧрны-кӧдзны. Сысянь отирын паськалӧ шонді да карч вылӧ юрбытӧм. Сэкся казьтісяніннэзісь ӧнӧдз адззалӧны пода лыэз, кӧртсис керӧм ньӧвьёссез, морт да пода вылӧ вачкисян мыгӧроккез.

Но вӧравнытӧ эз жӧ дугдӧ, сійӧн и важ туналӧм (магия) да вӧрподалӧ юрбытӧм кольччис жӧ. Сы йылісь миянлӧ висьтасьӧ перем пода стильӧн бронзаись керӧм берсятор.

Коми еннэз коласын медыджыт вӧлі вылын енӧжись (нёбоись) Ен. Археология материаллэз сьӧрті аскодьӧм культура пас перем комиэс вылӧ кольӧмась X сугӧдӧ коми отир, кӧдна олісӧ ойвылынжык, Эжва да Емва юэз пӧлӧн. Перем комиэз да коми зыряна коласын важын муніс вузасьӧм да культураӧн вежсьӧм, нія ӧткодя дзебсисӧ да новйисӧ ӧткодь паськӧм.

Родановса кадсянь перем коми ладорын адззалісӧ эзысёвӧй доззэзӧн кватьдасся унажык клад, кӧдна вӧлісӧ вайӧмӧсь асыввыв муэзісь. Кладдэслісь куйланіннэсӧ позьӧ торйӧтны нёль чукӧрӧ: Иньва, Кӧсва-Кама, Обва, Вишера-Кама. Унажыкыс ны коласісь вӧлісӧ гарйӧмӧсь му пытшкӧ. Шуам, Пешнигорт да Мальцева дорись ыджыт кладдэс вӧлісӧ дзебӧмӧсь муӧ. Быдӧс энія эзысёвӧй дозыс да сьӧмыс ӧні куйлӧны Канлӧн Эрмитажын (Петракар) да Канлӧн история сьӧрті музейын (Мӧсква), мукӧдсӧ позьӧ адззывны Коми кытшись да Перем ладорись музейезын.

Х вексяняс Волга дорись булгара тӧдчӧмӧн пырӧны коми отир оланӧ. Нія босьтӧны ас кипод увтӧ Кама ю кузя туйез, вузасьӧны, нельки олӧны комиэзкӧт ордча муэзын. Родановса казьмӧтаннэзісь уна адззалӧмась Булгарын керӧм гӧрд доз (сёйись да кӧртісь), мӧдӧтчан берсятор. Комиэз и асьныс вуза¬сьӧны вӧлі булгараыскӧт ны муэзын. Уна мый коми инькаэзлӧн мӧдӧтчан берсяись шедас Булгарӧ. Меддонаыс вузасян-босьтасянас вӧлӧма вӧрподалӧн гӧна кучик (куэз).

XI-XIII сугӧддэзӧ коми отир шедӧны кипод увтӧ славяналӧ, кӧдна локтӧны Новгортсянь да Ростов-Суздаль ладорсянь. Шыпурттэз (меччез), сьӧм, амулеттэз, пернаэз, чунькытшшез, пристежжез, кӧдна вӧлісӧ керӧмась роччезӧн, адззалӧмӧсь родановсалӧн нёльдас казьмӧтанын. Мукӧдыс, натьтӧ, коми отир дынӧ шедісӧ и булгара пыр.




#Article 46: Коми Республика (883 words)


Коми Республика () — Роч Федерация видзантор. Куйлӧ Европа ойвыв-асыввылын, Урал одзын, Печора, Эжва да Мозын юэз бассейнын. 

Коми Республика — коми отирлӧн чужан му. Коми йӧзыслӧн мӧд горт — Перем ладорись Коми кытш, куйлӧ Коми Республикасяняс лунвылынжык.

Коми Республикалӧн мувывтор — 415,9 сюрс км2. Оліссес — 951,2 сюрс морт (2010), ны коласын комиэз — 25,2%. Канкарыс — Сыктывкар, кытӧн олӧ республика йӧзісь нёльӧт тор. 

Республика янсалӧ 20 юкӧт вылӧ — 5 каркытш (Сыктывкар, Вӧркута, Инта, Уква, Ускар) да 15 муниципал район: Вуктыл, Изьва, Емва, Емдін, Койгорт, Кӧрткерӧс, Кулӧмдін, Луздор, Мылдін, Печора, Сӧснагорт, Сыктыв, Сыктывдін, Удора да Чилимдін.

Республикаын 10 кар: Вӧркута, Вуктыл, Емва, Инта, Микунь, Печора, Сӧснагорт (Сосногорск), Сыктывкар, Ускар (Усинск), Уква (Ухта).

Нысся эмӧсь 37 карок да 762-а посад кодь оланіннэз: посёлоккез, посаддэз (татӧн нійӧ шуӧны сикттэзӧн) да грезддэз (деревняэз).

Коми Республикаыс аркмӧма 1921' годӧ август 22' лунӧ. Медодз сія статус сьӧрті вӧлӧма асвеськӧтлан лапӧлӧн (областьӧн) РСФСР тэчасын, 1929'—1936' воэзӧ недыр кежӧ сійӧ сюйлӧмась Ойвыв ладорӧ (крайӧ), но 1936 во бӧрын сія лэбтісьӧма Коми АССР-ӧдз, 1990' годӧ босьтіс статус ССР, а 1992' воын нимтіс асьсӧ Коми Республика и лоис Роч Федерация видзанторӧн (субъектӧн).

Медыджыт мортӧн Коми Республикаын лыддисьӧ Мӧсквасянь иньдӧм Юралісь. Туйдӧттэз лӧсьӧтан органӧн лоӧ Каналан сӧвет, кытчӧ баитіссесӧ бӧрйӧны республикаын оліссез. Юралісь да Каналан сӧвет бӧрйӧны Коми Республикалӧ веськӧтлан (правительство), кытӧн пукалӧны министррез. Медодзза юралісьӧн Коми Республикаын 1994'—2000' воэзӧ вӧлі Спиридонов Юрий, сы бӧрын 2001'—2009' годдэзӧ — Торлопов Ладимир. Ӧні, 2010' вося январсянь, юралісьын пукалӧ Гайзер Вячеслав.

Республикаыс олӧ Мӧсква кад сьӧрті: муюгыт (Гринвидз) кад + 3 час (гожумнас + 4 час), Урал кад — 2 час.

Сьӧм туйӧ Коми Республикаын бергалӧ роч шать. 1 шать = 100 ур.

Коми республика рочӧн шусьӧ Республика Коми, инглиш кыв вылын — Komi Republic.

Юраліссез нимтӧмась республикасӧ медодз Коми (зырянскӧй) автономнӧй область, комиӧн эта лоӧ Коми (зыряналӧн) асвеськӧтлан лапӧв. 1936' воын сія пондіс шусьыны Коми Автономнӧй Советскӧй Социалистическӧй Республика (комиӧнжык кӧ керны Советтэзын социализм видзись комиэзлӧн асвеськӧтлан республика; дженыта — Коми АССР). 1990' годӧ этія кузь нимсис шупкӧмась автономнӧй (асвеськӧтлан) тор, а 1992' воын Коми республика босьтіс аслыс ӧння нимсӧ. 

Коми кыв тудӧттэз сьӧрті тӧдмӧтаныс кывтэчасын пыр суалалӧ одзын: «Кытшӧм республика?» – «Коми республика». Роч кылын жӧ сэтшӧм туйдӧт абу, сійӧн и Республика кылыс нылӧн сулалӧ Коми шуан бӧрын.

Ассис нимсӧ республикаыс босьтӧма татӧн важынсянь олісь коми отир ним сьӧрті, кӧда понда сія и вӧлі лӧсьӧтӧм. 

Унажык сы йылісь видзӧт: Коми республикалӧн статус

Ӧння статус Коми республикаыслӧ гижӧмась Роч Федерация да Коми Республика асланыс Конституцияэзын. Ны сьӧрті Коми республика лоӧ Роч Федерациялӧ субъектӧн. 

Унажык сы йылісь видзӧт: Коми республикалӧн янсалӧм

Коми республикаӧ пырӧны 15 район да 5 кар кытш.

Районнэз сэтшӧмӧсь: 

Кар кытшшез (муниципал юкӧттэз) мыччалӧмӧсь татӧн:

Му-видз уджалан 11 район лыддисьӧны коми муэзӧн, Чилимдін районын важынсянь олӧны сваль роччез. 3 кар районын (Сӧснагорт, Вуктыл, Печора) да каркытшшезын унажыксӧ олӧны роч отир да мӧдік вовліссез. 
 
Быд районын да каркытшын эм отирсянь бӧрйӧм юралісьыс да советыс. Нія лӧсьӧтӧны районлыслӧ бюджет да видзӧтӧны асланас мувывторын кӧзяйство да культура зорӧтӧм сьӧрын.

Районнэз асьныс янсасьӧны поснитжык муниципал юкӧттэз вылӧ, быдсӧн эмӧсь 16 карму да 175 посадму.

Унажык сы йылісь видзӧт: Коми республикалӧн география

Коми республика куйлӧ Европа ой-асыввыв пельӧсын, Роч му ойвылын, Урал керӧссэз одзын, Печора, Изьва, Эжва, Висер, Сыктыв, Ву да Мозын юэз пӧлӧн. 

Коми республика олӧ II час отын, неӧткодьыс Коми кытшыскӧт — -2 час.

Муыс республикалӧн 415,9 сюрс км2 пасьта, этія лоӧ Роч Федерацияись 2,44%. Коми отирлӧн ойвыв гортыс ыджытжык сэтшӧм канмуэзся кыдз Германия, Италья нето Суоми. А Коми кытш ыжда регионнэз вермасӧ тӧрны Коми республикӧ невна не 13-а.

Ойвывсянь лунланьӧ республика нюжалӧ 785 км, рытвывсянь асывланьӧ — 695 км, медкузь визь позьӧ нюжӧтны лун-рытвывсянь ой-асыввылӧ, сідз петӧ 1275 км.

Республикаыс куйлӧ вылын паськытаэзын. Сылӧн медылісь чутоккез: ойвылын — 68°25′ о. п., лунвылын — 59°12′ о. п., рытвылын — 45°25′ а. к. да асыввылын — 66°15′ а. к.

Лунвылас Коми республикакӧт ордчӧн куйлӧ коми йӧзыслӧн мӧд горт — Коми кытш да Перем ладор, кытчӧ миян кытшыс ӧні пырӧ, лун-асыввылын – Свердлов лапӧв, асыввылын — Ханты-Манси (Йӧгралӧн) асвеськӧтлан кытш да Ямалісь яраннэзлӧн асвеськӧтлан кытш. Ойвылын республика межаасьӧ Яраннэз кытшкӧт, а рытвылын — Кардор лапӧвкӧт, кытчӧ этія кытшыс пырӧ. Лун-рытвылас Коми республикакӧт ордчӧн куйлӧ Киров лапӧв. 

Лунвывся визирыс мунӧ Ойвыв мыссэз кузя, асыввывся — Урал керӧссэз кузя.

Му пытшкӧс

Му вевдӧр

Мупытшся шедтассэз

Мусиннэзз

Унажык сы йылісь видзӧт: Коми республикаын мусиннэз

Юэз 

Тыэз 

Нюррез. 

Унажык сы йылісь видзӧт: Коми республикаын климат

Унажык сы йылісь видзӧт: Коми республикаын быдмӧт

Унажык сы йылісь видзӧт: Коми республикаын вӧрпода
 

Унажык сы йылісь видзӧт: Коми республикаын экология

Унажык сы йылісь видзӧт: Коми республикалӧн демография

Унажык сы йылісь видзӧт: Коми республикалӧн история

Коми Ойвыв медважся кадӧ

Коми (зыряна) роч саррез увтын

Коми (зыряналӧн) асвеськӧтлан лапӧв

Коми АССР дырни

Коми республика субъекталікӧ

Унажык сы йылісь видзӧт: Коми республикаын политика олан

Унажык сы йылісь видзӧт: Коми республикалӧн кӧзяйство

Берся керӧтӧм (перерабатывающӧй промышленность)

Видз-му уджалӧм (сельскӧй кӧзяйство)

Вӧр лэдзӧм

Строитчанторрез керӧм

Транспорт да йитчан (связь)

Вузасьӧм

Бытын отирлӧ отсасьӧм

Сьӧм бергӧтӧм (финанссэз)

Керкаэз видзан (жилкомхоз)

Учӧт уджбергӧтӧм (предпринимательство)

Унажык сы йылісь видзӧт: Коми республикалӧн культура

Видзӧт сідзжӧ: Коми отирлӧн важся культура

Важ поверьёэз

Серӧтӧм

Паськӧм

Театр

Небӧг лэдзӧм

Библиотекаэз

Архиввез

Музейез

Культура шӧриннэз

Кино

Унажык сы йылісь видзӧт: Коми республикаын религия

Унажык сы йылісь видзӧт: Коми республикаын юӧртан везӧт

Газетаэз

Радио

ТВ

Унажык сы йылісь видзӧт: Коми республикаын отирӧс велӧтӧм

Унажык сы йылісь видзӧт: Коми республикаын лысин видзӧм

Унажык сы йылісь видзӧт: Коми республикаын спорт




#Article 47: Коми зыряналӧн гишшаннэз (123 words)


Гишшаннэз (рочӧнжык: памиллёэз) — кӧднӧ новйӧны зыряна ладорын коми отир, мукӧдыс ӧткодьӧсь миян перем коми гишшаннэзкӧт (шуам – Истомин, Вавилин), мукӧдыс бӧра нылӧн асланысӧсь.

Кыдз и миян ладорын мукӧд гишшаннэз (а коми зырянаыс памиллёсӧ шуӧны ов) аркмӧмась важся коми ниммезісь, а мукӧдыс босьтӧмӧсь мӧдік отиррезлісь.

Сідз, сэтшӧм гишшаннэз кыдз Ракин, Сюзев аркмӧмась Рака, Сюзь ниммезісь, Женидкоков – Дженыт кок нимкодись. Татчӧ жӧ позьӧ казтывны: Изъюров, Кызъюров, Лыюров, Кушпелев, Кушманов, Югыдсинов, Яборов да уна мӧдіккез.

Мукӧд оввез босьтӧмӧсь яраннэзлісь (ненеччезлісь): Выучейский, Хатанзейский, Ванюта дмд.

Унажык памиллёэз, кыдз и миян, зырянаыслӧн аркмӧмась роч ниммезсянь: Быков, Князев, Лобанов, Распутин, Черных дмд.

То коми зыряналӧн оввез:

 

Плесовский Ф. Комиын овъяс / отв. ред. И.Л. Жеребцов, О.И. Уляшёв. Сыктывкар: РИПКРО МО РК, 1997. 144 с.

Перем комиэзлӧн гишшаннэз




#Article 48: Коми кыв (769 words)


Коми кыв — коми отирлӧн чужан кыв. Коми кыв аркмӧма Урал вужсянь да пырӧ чудь-йӧгра группаись перым кыввез увтырӧ. Медматын коми кыв дынӧ лоӧ удмурт кыв.

Баитіссезлӧн лыдыс – 311 сюрс гӧгӧр морт.

Коми кыв вылын баитӧны коми отир, кӧдна унажыксӧ олӧны Коми Республикаын, Перем ладорын да Киров лапӧлын. Одзжык этна муэз вӧлісӧ янсӧтӧмӧсь Кардор (Архангельск), Вологда, Вятка да Перем губернияэз коласын. Быдсӧн энія мувывторрез – коми отирлӧн горт. Татӧн и аркмӧмась коми кывлӧн диалекттэз. 

Сійӧн, мыля кӧркӧся Кардор да Вологда губернияэзын коми отирӧс роччез шуисӧ зырянаӧн (ойвывся комиэз), а Вятка да Перем губернияэзын – пермяккезӧн (лунвывся комиэз), коми диалекттэсӧ велалӧмась янсӧтны кык ыджыт чукӧрӧ: зыряна коми да перем коми, кӧдна коласын эмӧсь мымдакӧ неӧткоддез кыв ладын да лексикаын. 

Гижӧтыс коми кыв вылын аркмӧма XIV векӧ, кӧр Вежа Стефан (Перем Степан) лӧсьӧтӧма медодзза коми анбур да вуджӧтӧма роч да эллин кыввез вылісь вичкося тексттэз. Печатайтӧм небӧггезӧ коми кыввез да тексттэз пырӧны XVIII век пондӧтчикӧ. Медодзза коми грамматика да ыджыт коми кывкуд вӧлісӧ лӧсьӧтӧмӧсь 1785 годӧ Перемланьын. Быдсӧн комиӧн небӧггез пондасӧ лэдзны 1815 восянь (медодз зыряналаньын). 

Коми нация аркмытӧдз коми отирыс гижӧмась быдкодь диалекттэз вылын, а 1920-30 воэзӧ Коми лапӧлын (ӧння Коми Республика) да ӧння Перем ладорись Коми кытшын нормируйтӧмась кык торья лыддьӧтан кыв: зыряналӧн коми кыв да перем коми кыв.

Рочӧн термин коми кыв видзӧны кык вежӧртасын: 1) зыряналӧн коми кыв да 2) быдӧс коми отирлӧн сёрнитан кыв. Эта дырни перем коми кывнымӧс роччес шуӧны коми-пермяцкӧй языкӧн. 

Сійӧн, мыля перем комиэз ассьыныс кывнысӧ зыряна моз жӧ шуӧны коми кыв, то перем комиӧн баитікӧ колӧ торйӧтны кык вежӧртас и шуаннэзӧн, мед сорасьтӧг вежӧртны, мый йылісь бысниыс. 

Эта понда мийӧ коми кывнас шуамӧ коми отирлісь сёрнитан кыв быдсӧн, а зыряналісь коми кывсӧ сідз и шуамӧ: зыряналӧн коми кыв, нето зыряналӧн кыв, эд миянлӧ и сідз вежӧртана: зырянаыс тай сё ни комиӧсь.

Термин коми-перемяцкӧй кыв туйӧ босьтамӧ термин перем коми кыв. Этія шуанӧн вежӧртамӧ перем комиэзлӧн лыддьӧтан кыв. 

Коми диалекттэз да сёрнитаннэз (наречиёэз) йылісь пондамӧ баитны сідз: коми кывлӧн зыряна диалекттэз / сёрнитаннэз да коми кывлӧн перем диалекттэз / сёрнитаннэз. 

Коми кывлӧн нимыс аркмӧма коми шуанісь. Коми шуаныслӧн вежӧртасыс коркӧ вӧлі ‘морт’. Баитны комиӧн, сідзкӧ, лоӧ ‘баитны морт моз’.
 

Унажык сы йылісь видзӧт: чудь-йӧгра кыввез

Коми кыв аркмӧма Урал вужсянь чудь-йӧгра кыввез коласын. Чудь-йӧгра кыввезӧн лыддисьӧны комиысся: удмурт кыв, мари кыв, мордва кыв (эрзя и мокша), вепс кыв, карел кыв, финн кыв, ижора кыв, вадья кыв, эст кыв, лив кыв, мадьяр кыв, ханты кыв да манси кыв. Медбӧрья куимсӧ пыртӧны йӧгра кыв чукӧрӧ, одззаэсӧ – чудь кыв чукӧрӧ. Чудь чукӧр пытшкын коми да удмурт аркмӧтӧны торья перым чукӧрок, нылӧн важ ай-маммез баитӧмась пӧ ӧтласа перым кыв вылын. Коми кыв да удмурт кыв жагӧника торйӧтчӧмась ӧтамӧдныскӧт миян эрася VIII вексянь.

Мукӧд коми шуаннэз коми да мӧдік чудь-йӧгра кыввезын.

Унажык сы йылісь видзӧт: Коми диалекттэз

Коми кывлісь диалекттэсӧ нимтӧны унажыксӧ ю ниммез сьӧрті, кытӧн коми йӧзыслӧн сія нето мӧд чукӧрыс олӧ. Туяліссез велалӧмась коми кылын торйӧтӧны перем коми да зыряна коми диалекттэз

Перем коми диалекттэзӧн лоӧны: 

Вылісь Иньва, Улісь Иньва, Нердва да Ӧнь диалекттэз ӧтлаӧтӧны лунвыв перем сёрнитанӧ, Кӧсладор да Луп диалекттэз ӧтлаӧтӧны ойвыв перем сёрнитанӧ. 

Мукӧд отирыс Нердвасӧ озӧ лыддьӧ торья диалектӧн, а сэтісь баснисӧ пыртӧны Вылісь Иньва диалект пытшкӧ. Бӧра, Кӧсладор диалектісь мукӧд туялісьыс торйӧтӧ Кӧчладор диалект, а Луп диалектісь петкӧтӧ торья Нӧрыс диалект. 

Сійӧн, мыля Кӧсладор диалект вылын отир баитӧ и кынымкӧ грездын Кама ю дорын, мукӧдыс шуӧны сійӧ диалектсӧ Кӧсва-Кама диалект (Кӧчладор диалектсянь сійӧ торйӧтӧмӧн).

Зюзьдін диалект лыддисьӧ рытвыв перем сёрнитанӧн; кӧть и сія жӧ сёрнитанӧ позьӧ пыртны Луза-Лэтка да Сыктыв йыв диалекттэз. Мукӧдыс бӧра пыртӧ зюзьдін диалектсӧ лунвыв зыряна сёрнитанӧ.

Язьва диалектыс важынсянь лыддисис коми кывлӧн асыввыв перем сёрнитан туйӧ. Ӧні мукӧд отирыс озӧ пыртӧ сійӧ перем сёрнитаннэз коласӧ да лэбтӧны бы сылісь статуссӧ торья кылӧдз (коми-язьвинскӧй кыл пӧ миян).

Зыряна коми диалекттэзӧ пыртӧны:

Луза-Лэтка, Сыктыв йыв, шӧрӧт Сыктыв да Печора диалекттэсӧ ӧтлаын шуӧны лунвыв зыряна сёрнитанӧн. 

Эжва горув, Емва, Удора да Изьва диалекттэсӧ лыддьӧны ойывыв зыряна сёрнитанӧн. 

Сыктывдін да Эжва йыв диалекттэсӧ озӧ ӧтлаӧтӧ сёрнитаннэзӧ, мыля нія аркмӧмась мӧдік сёрнитаннэз сорлалӧмись.

Сыктывдін диалектсӧ мукӧдыс шуӧны Сыктывкар берд диалектӧн, но этадз шуаныс сьӧкытӧв, сысянь сійӧ и вежамӧ кокнитжыкӧн, вежӧртасыс тай кольччӧ сія жӧ.

Изьва диалектсӧ мукӧд отирыс лыддьӧны торья кыв туйӧ (изьва кыы), но этія «кыы» вылын ӧтік букварся нем абу гижӧма.

Унажык сы йылісь видзӧт: Перем коми кыв, Зыряналӧн коми кыв

Унажык сы йылісь видзӧт: Коми анбур 

Унажык сы йылісь видзӧт: Коми орфография 

Унажык сы йылісь видзӧт: Коми сёрни шыэз 

Быдсӧн важ вужья шуаннэзын пантасьӧны 33 торья шы.

Коми кылын сизим тыргора шы:

Шума шыэз:

Пасйӧттэз таблича сьӧрті:

Унажык сы йылісь видзӧт: Коми кыв лад 

Унажык сы йылісь видзӧт: Коми кыввӧр 

Унажык сы йылісь видзӧт: Коми кывлӧн история 




#Article 49: Коми отир (650 words)


Коми отир (мукӧд диалекттэзын: коми войтыр, коми утьӧр, коми йӧз) – чудь-йӧгра вужись петӧм отир. Рӧдвуж сьӧрті комиэзлӧ медматынӧсь удмурттэз. 

Коми отирлӧн эм кык ыджыт субэтнос – коми зыряна да перем комиэз, кык  кыв – коми (зыряна) кыв да перем коми кыв, кык асланым регион – Перем ладорись Коми кытш да Коми Республика и кык канкар – Кудымкар да Сыктывкар.

Коми отир пытшкын торьясьӧны кык ыджыт субэтнос: перем комиэз (125 235 морт) да коми зыряна (309 013 морт). 

Мукӧд  лыддьӧны перем комиэзӧс да коми зырянаӧс торья этноссэзöн (народдэзöн). Этія нёджжӧлыс ӧддьӧн кивыв и роч юраліссезлӧ, да сысянь сідз и гижсьӧ быдӧс роч , этадз и велӧтӧны коми челядьӧс школаэзын. 

Но асьнысӧ коми отир быдлаын ас кыв выланыс шуӧны комиэзӧн, быд комиыс шуӧ асьсӧ коми морт. Быдкодь регионнэзын быдмӧм комиэз мырсьытӧг вежӧртӧны ӧтамӧднысӧ, эд коми йӧзлӧн басниэз торьясьӧны токӧ кыдз диалекттэз. Ассиныс кывнысӧ комиэз быдлаын шуӧны коми кыв (диалекттэзын сідзжӧ коми кыл, коми кыы).

Коми зыряна коласісь ӧні мӧдӧны торйӧтчыны Изьва дорись комиэз (15 607 морт, кӧдна медбӧрья гижӧтӧм дырни босьтӧмась аслыныс ним изьватас, рочӧн – коми-ижемцы) 

Перем комиэз коласісь торья отирӧн шусьӧны бы Язьва дорись мукӧд комиэз (20 морт, кӧдна 2002 вося гижӧтӧм дырни нимтӧмась асьнысӧ язьвинскӧй пермяккезӧн).

Медодз роччез шуӧмась быдӧс коми отирсӧ ӧтласа нимӧн – пермяна нето пермяки, пермичи, но XVII вексянь ойвыв комиэсӧ рочӧн пондісӧ гижны зырянаӧн, а лунвыв комиэсӧ – пермяккезӧн. Этнія ниммез дынӧ жагӧник велалісӧ и асьныс комиэз, да унажыкыс сідз и кутчисӧ шуны асьнысӧ, кӧр баитӧны рочӧн.

Ойвыв комиэз (зыряна) 1921 годӧ шупкисӧ роччезлісь босьтӧм нимкодьсӧ да рочӧн шуӧны асьнысӧ дзир комиэзӧн (коми народ пӧ мы), кӧть роч наукаын нагладь лӧсьӧтісӧ ним коми-зыряна, мед вежӧртны, кӧдладорись комиэз йылісь сёрниыс.

Коми кытшын олісь комиэзлӧ, кӧдна одзжык асьнысӧ шуисӧ рочӧн пермяки, а комиӧн коми, 1925 во бӧрын юраліссез тшӧктісӧ и рочӧн, и комиӧн шусьыны коми-пермяккезӧн (коми-пермяки). Коми отир татӧн дыр вермасисӧ, мед чапкыны этійӧ нимкодьсӧ, но 1937 во бӧрын сетчисӧ, кӧть и аспондасиныс сё шуӧны асьнысӧ важ мозӧн - коми.

Язьва дорын олісь комиэз ӧнӧдз шуӧны асьнысӧ рочӧн дзир пермяккезӧн, а Киров лапӧлын комиэз (зюзьдінса) – пермянаӧн. 

Мукӧд перем комиэз (Сыктыв йылын, Лэт йылын да Луз дорын оліссез), кӧдна совет кадӧдз рочӧн шуӧмась асьнысӧ пермяккезӧн, ас кадӧ пырӧмась Коми Республикаӧ да ӧні наукаын лыддисьӧны коми зыряна колысын.

Изьва ю дорын олісь комиэз, кӧр мӧдӧны мыччавны ассиныс неӧткодьсӧ мӧдік зыряна коласісь шуӧны асьнысӧ изьватас, мый лоӧ ‘Изьва ладорын оліссез’. Рочӧн нія асьнысӧ шуӧны коми ижемсаӧн (Ижмаӧн роччез нимтӧны Изьва юсӧ), кӧть и совет кадӧдз татісь отирыс вӧлі тӧдса кыдз ижемскӧй зыряна.

Перем коми кыв вылын, кӧр колӧ тодиль мыччавны кӧда субэтнос йылісь басниыс, пондамӧ гижны сідз: перем комиэз да коми зыряна.

Унажык сы йылісь видзӧт: Коми отирлӧн олан муэз

Коми отирлӧн горт муэз куйлӧны Коми Республикаын, Перем ладорын да Киров лапӧлын. Ыджыткодь чукӧррезӧн комиэз олӧны и ордча муэзын: Мурман лапӧлын, Яран кытшын, Ямал кытшын, Йӧгра кытшын. 

Унажык сы йылісь видзӧт: Коми отирлӧн демография

Коми отирлӧн лыдыс Роч му пасьта 2002 вося гижӧтӧм сьӧрті вӧлӧма пӧ быдсӧн 434 248 морт. Унажыкыс олӧны Коми Республикаын (256,5 сюрс морт) да Перем ладорын (103,5 сюрс морт).

Унажык сы йылісь видзӧт: Коми отирлӧн янсалӧм

Коми отир янсалӧ кык ыджыт тор вылӧ: перем комиэз да коми зыряна, кӧдна лоӧны коми отирлӧ медшӧр субэтноссэзӧн.

Быд ыджыт субэтносын этнограффез торйӧтӧны поснитжык чукӧррез. Коми отирлӧн эттшӧм чукӧррез олӧны мӧдіккезсянь торйынмоз, нылӧн эм аскоддяыс быдлуння оланын, поверьёэзын, юрбытаннэзын да быдӧс лов культураын.

Перем комиэз коласын адззам то кытшöм этногруппаэз:

Коми зыряна коласын эмӧсь сэтшӧм юкӧттэз:

Мукӧд комиэз мунӧмась Сибирӧ да сэтчин аркмӧмась сэтшӧм чукӧррез:

Унажык сы йылісь видзӧт: Коми кыв

Перем ладорын да Коми Республикаын олісь комиэзлӧн эм быдас аслас кыв стандарт, кӧдӧ аркмӧтӧмась татісь диалекттэз под вылын. Перем ладорись Коми кытшын лӧсьӧтӧм кывcӧ шуам перем коми кыв (нето перем комиэзлӧн лыддьӧтан кыв, рочӧнжык: коми-пермяцкӧй литературнӧй кыв), а Коми Республикаын лӧсьӧтӧм кыв стандартсӧ – коми зыряналӧн лыддьӧтан кылӧн, нето дженытжыка коми зыряна кылӧн (асьныс зырянаыс сійӧ нимтӧны коми гижӧд кыв).

Унажык сы йылісь видзӧт: Коми отирлӧн история




#Article 50: Коми отирлӧн сёян-юан (352 words)


Коми отирлӧн сёян-юан — важынся традиция, кӧдӧ комиэз веккез сьӧрна берегитӧны. Отир ӧнӧдз бура тӧдӧны важ сёяннэсӧ да лӧсьӧтӧны нійӧ нимлуннэз кежӧ да гӧтрасяннэз кежӧ. Быд локтісь мортсӧ коми керкуын потшуйтӧны ас сёянӧн. Сідз бура тыдалӧ — комиэз видзӧны ассиныс сёян традицияэз.

Сёйлісӧ коми отир пыр ӧтік кадӧ. Лунтырӧн сёйлісӧ нёлись: асывнас, луннас, лунся сёйӧм да ужын коласын вӧлі павжун, рытнас — ужын. Кӧслуналісӧ комиэс етша, но тӧдісӧ кӧслун да ульлун сёян. 

Кӧс сёяныс вӧлі — лёнісь да пышись виӧн сорлалӧм рок (каша), пӧжӧм тшакьяшыд, пуӧм да жаритӧм картов, кӧс виӧн сорлалӧм кушман, суслоӧн да ырӧшӧн пӧжӧм сёртни, зӧрись пуӧм ляз (кисель), ягӧддэзісь керӧм юан. 

Кӧслуналӧм бӧрсянь сёйисӧ чериись да яйись пуӧм да пӧжӧм сёян, черинянь, пельняннез, тупӧссез. Берся сёян лӧсьӧтлісӧ вежалуннэз кежӧ: яяшыд, няняшыд, нӧкьяйӧв, мичӧтӧм кольттез, тупӧссез да мый да. Масленича кежӧ пӧжалісӧ блиннэз, Благовещеннё кежӧ — кай кодь нянь. Казьтісяннэз кежӧ лӧсьӧтлісӧ чериняннез, пельняннез да тупӧссез изӧм идісь да нӧкись. Медуна сёянсӧ лӧсьӧтлісӧ гӧтрасян кежӧ да Семик кежӧ.

(Унажык видзӧт Пельнянь)

Коми отир сёянсис йӧзыс бура тӧдӧны пельняннез. Кыдз шуӧны кывтуяліссез, сія кылыс шогмис кык торись — пель да нянь кыввезісь.

Сёянаныс комиэз паськыта пыртӧны ӧктӧм ягӧд, тшак, турун. Турун сёянсис отирыс медуна ӧктӧны пистик да пикан.

Ассяма коми юаннэзсис быдыслӧ тӧдсаӧсь чуж пизись керӧм сур да рудзӧга-зӧрья пизись — ырӧш. Ӧнӧдз этнӧ юаннэсӧ лӧсьӧтӧны быд вежалун кежӧ.

Сёянсӧ комиэс тшӧкжыка пӧжисӧ да пуисӧ горын. Коліс кӧ лӧсьӧтны сёянсӧ перыта, сэк пуисӧ дорӧм куим кока таганка вылын, кӧда увтын вадзӧтлісӧ чаг-ёг. Сёян да пуан дозсӧ лӧсьӧтлісӧ быд грездын (деревняын) асланыс мастеровӧйез.

Базар вылын позис небны гӧрд сёйись, пуись да кӧртісь керӧм бекӧр-пань да дозмук (посуда). Быд керкуын вӧлісӧ пожум вужись да банісь керӧм доззэз. Унажыксӧ ныын видзисӧ пизь да сю, косьтӧм ягӧд да тшак, сов. Быдлунся сёян понда дыр видзисӧ сэтшӧм дозсӧ.

Сёрӧнжык, XIX век помын, вежалуннэз коста сёянсӧ пызан вылӧ пондісӧ ваявны стеклоись да фаянсісь керӧм дозын. Бура олісь отирыс дознысӧ видзисӧ керӧм шкап-посудниккезын.

Ӧння кадӧ асланым коми сёян культураын лоисӧ вильмоза лӧсьӧтӧм блюдоэс. Сідз верданіннэзын, кафеэзын да рестораннэзын позьӧ адззыны — «кулич по-кудымкарски», «плюшки по-юрлински», «биточки по-гайнски», «жаркое по коми-пермяцки», «ырӧш по-кочёвски», «сур по-современному» да мый да.




#Article 51: Краснояр ладор (130 words)


Краснояр ладор () — веськӧтлан юкӧт Рочмуын, Роч Федерация . Пырӧ Сибир федерал кытшӧ.

Канкарыс – Краснояр.

Краснояр ладор – Рочмуас ыжда сьӧрті мӧд регион, сысся гырисьжык токö Якутму. 

Веськӧтлан юкӧт Краснояр муас лӧсьӧтӧмась 1934' декаб 7' лунӧ, кӧр сэкся Рытвыв Сибир ладорись да Асыввыв Сибир ладорись мукӧд муээз вӧлісӧ ӧтлаӧтӧмӧсь. Одзжык (1822'—1925' воэзӧ) эта жӧ мувывторын вӧлі Енисей губерния. 

Краснояр ладорӧ 2007' восянь пырӧны кык кӧркӧся автономия: Таймыр (Долган-Яран) кытш да Ӧвӧнки кытш.

Краснояр ладӧр куйлӧ Сибир шӧрын, Енисей ю бассейнын. Босьтӧ Роч муись 13,86 %. 

Ойвылын Краснояр ладорыс петӧ саридз дорӧ, татӧн куйлӧны Ойвыв йыа океан бердісь Кара саридз да Лӧпта саридз.

Ордчӧн Краснояр ладоркӧт куйлӧны: асыввылын – Якутму да Иркут лапӧв, лунвылын – Тыва, Хакасму, Кемеров да Томва лапӧввез, рытвылын – Йӧгра кытш да Ямал Яран кытш.

 




#Article 52: Кривощёкова-Гантман Антонина Семёновна (136 words)


Кривощёкова-Гантман Антонина Семёновна (1921–1995) — коми лингвист, доцент. Туяліс перем коми кыв, унажыксӧ ономастика. Филология сьӧрті кандидат.

Кривощёкова Тоня чужöма 1921' август 17' лунӧ Юсьва районісь Виджӧв . Помалöма Кудымкарись педагогика сьӧрті училищё, 1939' воын сійö ыстöмась велӧтчыны Ленинградӧ  университетӧ чудь-йӧгра кыввез сьӧрті факультет вылӧ. Айму понда ыджыт косясян коста уджалöма медсойӧн блоктруйтӧм Ленинградын. Университетсӧ помалӧм бӧрын велӧтчöма аспирантураын. 

Уджаліс перво Кудымкарас велӧтіссез институтын, а 1955' воын вуджис Перемас педагогика сьӧрті  институтö, кытӧн самöй оссис перем коми . Эстӧн сія уджаліс 30 годся дыржык. 

Лӧсьӧтіс студенттэз понда велӧтан да отсасян небӧггез, туйдӧтан литература да программаэз. Гижис 90 гӧгӧр статья. Сылӧн туялан редакция да соавторствоын петісӧ учебниккез. Ӧтлаын Р. М. Баталовакӧт сія лӧсьӧтіс «Коми-пермяцкӧй орфографическӧй словарь» да «Коми-пермяцко-русскӧй словарь».

Педагоггезӧс велӧтӧм-лӧсьӧтӧм понда да ассис наука удж пуктӧм понда наградитӧм «Отличник народного просвещения РСФСР» значокӧн да сизим медальӧн.

 




#Article 53: Кудымкар (514 words)


Кудымкар — Перем ладорись Коми кытшын кар, Коми кытшлӧн . 

Öні карыс лыддисьö торья асвеськöтлан öн — Кудымкар , этася карыс лоö Кудымкар район понда веськöтлан .

Кудымкар куйлӧ Перемсянь 201 км ылынаын, Коми кытш лунвылын, Иньва ю кыкнан ладорын да мымдакӧ Кува ю уссёын. Карыс дорӧт мунӧ автомагистраль Гайна—Менделеева. 

Карыс 25,3 км² ыжда, олӧны татӧн 30,7 сюрс морт (2010).

Отир пондӧмась овны ӧння Кудымкар местаын важынся каддэзсянь. 1472' годӧ энія муэз ӧтлаын Ыджыт Перемкӧт пырӧмась Мӧсква кипод увтӧ. 

Медодз Кудымкарсӧ (Кудымкор) казьтылӧма И. И. Яхонтов 1579' воын, сэк татӧн олӧмась пӧ 11 айка морт да вӧлі сизим горт. В 1609 годӧ Кудымкар гӧгӧр эм ни аслас кытш, кытчӧ пырӧмась нёль грезд. XVII векӧ Кудымкар лоас Иньва ладор понда шӧрин туйӧ. 1623' воын М. Кайсаров гижӧтан небоггез сьӧрті Кудымкарыт — погост, кӧда кипод увтӧ пырӧны 11 грезд да 13 починок. 

Кува да Иньва юэзлӧн ӧтлаасьӧм мecтаын бытшӧмa пукcьӧмa посад строитсис да паськаліс. Строитчӧмыс нуӧтcиc C.В. Строганова грaфинялӧн accямa плaн cьӧpті, кытӧн бaитcиc и Иньвa ю весьтӧт пос строитӧм йылісь, кӧда народас шусис «софийскӧйӧн». Ӧнӧдз важ Кудымкар мыгӧрын кокнита казясьӧны веськыт туйез, кӧдна аркмӧтӧны кварталлэз, да изісь керӧм вичку гӧгӧрись медӧшрӧт отаин, кӧда вылын чулaвліcӧ быдкодь вeжaлуннэз.

Кудымкарын сія кадӧ вӧлі нёлькласса велӧтчанін, земство осьтлӧма тодиль школа и нывкаэз понда. Уджалӧмась библиотека, больнича да ветеринар пункт, челядь понда юрсюянін, богодельня. Кува ю вылын керӧмась пором да сувтӧтӧмась мельнича. Карын поздісис вӧрвидзан контора, потребитіссезлӧн котыр. Год вылас куимись чулӧтлӧмась ярманкаэз, быд недель осьтлӧмась базар. 1909' годӧ татчӧ лӧсьӧтӧмась пошта-телеграф юкӧт. 

Советтэз дырни Кудымкар пондіс быдмыны чожажык. 1931' годӧ посад туйӧ сія лоис карокӧн, а 1938' воын сійӧ керисӧ карӧн.

Кудымкарас пондісӧ уджавны: 1927' годӧ педагогика сьӧрті велӧтчанін (медодз техникум), 1929' годӧ вӧртехникум (медодз техникумлӧн юкӧт), 1930' годӧ му-видз уджалӧм сьӧрті техникум, 1930' жӧ годӧ медицина сьӧрті велӧтчанін (перво фельдшер-акушеррез понда школа); война бӧрын Кудымкарас осьтісӧ техника профессияэзӧ велӧтан кынымкӧ керку. 

Кудымкарись юкӧттэз:

Кудымкарын öні лыддьöны 183 туй :

	

Туйезся Кудымкарын эм 20 туйколас

	
 

Оліссезлӧн лыд, сюрс морт 

Кудымкарлӧн вужпас да дӧрапас вачкисьӧны ӧтамӧд вылӧ, кыкнан вылас гӧрд ош оськалӧ чочком ыб кузя. Вевдӧрас веськытланись пельӧсын ӧшалӧ лӧз коми перна.

Медыджыт берся керӧтан уджаиннэз: ОАО «Молоко» (йӧв продуктаэз) да яйкомбинат, кӧдна мылькйӧн кайӧны мӧдік уджаиннэз коасын лэдзӧмыс дон сьӧрті. Ӧтлаын нянь, сёян да фруктаэз лэдзан комбинаттэзкӧт нія сетӧны Кудымкарын лэдзӧмись 2/3 (сьӧмӧн кӧ лыддьыны). 

Кудымкарӧ электровын локтӧ Перемсянь кык ЛЭП-110 сьӧрті, сэсся сійӧ иньдӧтӧны Коми кытш районнэзӧ.

Коми кытшись асторья автомобиллезісь кумимӧт торыс - кудымкарсалӧн.

Пассажиррезӧс карын кыскалӧ Кудымкарись ПАТП. Автобуссэс ветлӧны сэтшӧм маршруттэз кузя:

 

Кудымкарын уджалӧны вит шӧрӧт школа, кык лицей, челядь понда кужӧттэз сьӧрті школа. 

Тодильнöй шöрöт велöтан керкуэз

Кудымкарын эмӧсь культура керкуэз кыка, сизим клуб, паськытэкрана Кинотеатр «Комсомолец», культура да шоччисян парк (И. Я. Кривощёков нима); неважын лӧсьӧтӧмась Культура шӧрин, кытӧн эм ыджыт видзӧтан зал, уна быдкодь жыррез кужӧттэз зорӧтісь отир понда.

Челядь да томмез понда спорт школаын чеччалӧны трамплиннэз йылісь (лямпа трамплиннэза комплекс), котрасьӧны лямпаэз вылын, вермасьӧны самбоӧн да боксӧн, занимайтчӧны кокнит (стадион «Парма») да сьӧкыт атлетикаӧн, зорӧтӧм и мӧдпӧлӧс спортыс. 2008' воын карын осьтісӧ бассейн.

Кудымкырын уджалӧны сэтшӧм лысин видзаніннэз:

 

Эмӧсь архитектура казьмӧтаннэз – Строгановлӧн кӧркӧся контора да Микола вичку (XVIII век).
 

 




#Article 54: Кудымкар район (743 words)


 
Куды́мкар райо́н () —  Перем ладорись Коми кытшын. Куйлӧ Иньва ю , да Иньваӧ усян Кува да Велва юэз пӧлӧн. 

Лӧсьӧтӧм февраль 27' лунӧ 1924' годӧ. Медодз вӧлі Кама катыт кытшын, а февраль 26' лунӧ 1925' воын, Коми кытш аркмикӧ, лоис сы торӧн. 

Ыждаыс 4733 км2.  лунвылӧ районыс нюжалӧ 105 км ылына, рытвывсянь асыввылӧ волокыс 110 км ылына. Межаасьӧ ойвылын Кӧсладор да Юрла районнэзкӧт, рытвылын – Зюзьдін (Афанасьева) районкӧт, лунвылын – Сива да Карагай районнэзкӧт, асыввылын – Юсьва да Совдор районнэзкӧт.

Районын лыддисьӧ 279 олан ин, ны коласын 11 посад, 9 посёлок да 259 грезд (деревня). Олӧны 27,9 сюрс морт. Кудымкар районын медуна коми отир. Йӧзыслӧн топыта – 7,1 морт/км2-ын. 

Веськӧтлан  – Кудымкар. 

Районын юралісьыс – Климов Валерий Анатольевич (2010 восянь).

Му вевдӧр сьӧрті – волькыткодь мысаин, рытвылын лэбӧны лажмытик Кымайыв мыссэз, а ой-рытвылын – Кондӧс мыссэз. Климатыс небыта континентвывся, кӧдзыттэз оз овлӧ 102 лунӧн. Шӧрӧт  январ коста -15,7°С, юль коста +17,6°С. Медвылӧ шонтӧгыс кайлӧма кӧркӧ +37°С-ӧдз, медкӧдзыт вӧлӧма -48°С.  усьӧ год сьӧрна 518 мм мымда. 

Район му кузя котӧртӧны Иньва да сылӧн вожжез. Ны коласын медкузьӧсь – Кува, Юсьва да Велва.

 унажыксӧ  да сёйвевья, мукӧдлаын ежаа-шома, юэз пӧлӧн – видзвыв ежаа. Быдӧс муэз буракодь шогмӧтанаӧсь, но нійӧ колӧ пыр вынсьӧтны.

Быдмассэз нія жӧ, кыдз и быдлаӧт лунвыв тайга ойладорын. Дӧс муись вӧрсялӧма 67%, медуна быдмӧ кӧз (48%) да кыдз (39%). Панталан татісь и пожум, пипу, ньывпу, нинпу; ыджыт пуэз увтын быдмӧны поснит кора тэлляэз. Унакодь видззез, мукӧдлаын нюррез.

Вӧррезын олӧны вӧрмӧс, ош, кӧин, руч, вӧркань, тулан, ур. Кай-пӧткаись пантасьлӧны дозмӧр, сьӧла, тар, кыр, ыбшар, пытьканкай, герскан. Юэзын уялӧны пескан, тыпыв, сирчери, ёкыш, ёді.

Вӧр-ваись аскоддя ладорӧн лыддиссьӧ Ӧстап нюр; куимлаын дорйӧны и быдмасэз (шуам, Иньва йылын Буждӧм кӧзъяинас). Ыджыт интерес видзӧны Крӧт урочищё, Кува дорись пожума яг да пруд, а сідзжӧ Ошыбись дорйӧмин.

Лунвывсянь ойвылӧ район му кузя мунӧ асфальта автотуй, кӧда кыссьӧ сэсся Гайналаньӧ. Район пасьта этія ыджыт туйсяняс ӧтмӧдӧрӧ вожасьӧны учӧтжык туйез: асфальтаöсь, гравийись да муись. 

Кудымкар районын 6 посадму:

Кудымкар районын важынсянь зорамӧ быдкодь чужӧма экономика.

Му-видз уджалӧм аркмӧтӧ район кӧзяйстволӧ под. Иньдӧтӧм ас товаррезлӧн да керӧм уджжез и кысйӧттэзлӧн (услугаэзлӧн) ыждаыс лоӧ 158,503 млн. шайт нето 53 % ӧтласа ыжда сьӧрті.

Му-видз районас уджалӧны 9 уджкеранінын, крессяна-фермеррезлӧн 24 кӧзяйствоын да 9,9 сюрс мымда асторья гортгӧгӧрся кӧзяйствоын.

Му-видз уджалӧм сьӧрті медыджыт кооперативвез:

Берся керӧтан комплекс районас тэчӧма сёян керӧмись да вӧр заптӧмись. Берся керӧтӧмын лэдзан индексыс 2008 годӧ лоис 114,5 % (2007' г. - 120,8%). 

Вӧр лэдзан комплексын уджалӧны кӧзяйство видзан 106 субъект. Иньдӧтӧм ас товарыс сьӧрті нылӧн пай лоӧ 18% ӧтласа ыждаись. Заптӧма 170,4 тыс. м3 вӧр, этія лыдсис 44,0 тыс. м3 заптісӧ кӧртмаліссез. Медколан продукция вузалӧма сымдаӧн: гӧгрӧса вӧр – 85,98 тыс. м3, пилитӧм материаллэз – 7,465 тыс. м3, олан керкуэз – 1190 кв. м.

Ыджыт пай босьтӧ и ОАО «Кудымкарись яйкомбинат» - 15% ӧтласа ыждаись.

Районын эм 322 уджбергӧтісь и 86 учӧт уджкеранін. Учӧт уджкераніннэс 1 сюрс олісьыс вылӧ лоӧны 16-а. Быдсӧн сія секторын уджалӧ 1,3 сюрс морт.

Эм 220 мымда вузасянін. Товар бергӧтӧмын медыджыт пай шедӧ вузасян кооперациялӧ – 51%.

Туйез. Быдӧнлӧ ветлана авто туйезлӧн кузяыс район веськӧтлан увтын 837,8 км. Сэсся эшӧ олан пункттэз пытшкӧт мунан туйез лоӧны быдсӧн кузянас 1087 км. Район му вылӧт мунӧ федерациялӧн магистраль Нытва - Кудымкар, кӧда лоас орӧтокӧн Ойвывся транспорт кориодорлӧн (ойвывся маршрут Перем-Сыктывкар-Котлас-Питер). 

Кӧрттуйез абуӧсь. Медматын кӧрттуй поз, Менделеёв, куйлӧ район шӧринсянь 100 км ылынаын.

Районас эм йитчаныслӧн (связьлӧн) быдӧс ӧння виддэз. 

Сьӧм бергӧтан инфраструктура районын буркодь: татӧн эмӧсь филиаллэз да баитчаніннэз кык федеральнӧй да регионісь банккезлӧн.

Районын уджалӧны кык страхуйтан компания.

Годвывся бюджет Кудымкар районыслӧн 700 млн. шайтся унажык. 

Шӧрӧт удждон районас петӧ 6583,1 шайт.

Районын эм 46 бурдӧтчанін: 4 больнича, 36 ФАП, 1 поликлиника, посад отирӧс веськӧтан 5 амбулатория. Быдсӧн бурдӧтан керкуэзын 2008 годӧ уджалісӧ 32 веськӧтісь, шӧрӧт медперсонал – 255 морт. 

Районын эм отирӧс велӧтан 27 керку (14 шӧрӧт школа, кыкьямыс нетыр шӧрӧт школа, вит пондӧтчан школа), эм челядь понда кык тодиль велӧтчанін (Челядь да томмез понда спорт школа, Челядь кужӧммез зорӧтан шӧрин), 35 челядь сад. Быдсӧн ныын велӧтчӧны нето быдтіссьӧны 3881 нывка и зонка (2931-а – школаэзын, 950-а – челядь саддэзын), уджалӧны 500 педагог.

Культурасӧ районын видзӧны: клуб кодь 40 керку, автоклуб, челядь понда кужӧттэз (искусствоэз) сьӧрті школа, 33 библиотека. 

Районісь отир понда петӧ асланыс газета - «Иньвенскӧй край».

Омӧн район пасьта ӧні сулалӧны 275 олан ин. Статус сьӧрті ны коласын эмӧсь 11 посад, 9 посёлок да 255 грезд (деревня). Медыджыт посаддэз – Белоёв, Кува да Иньвайыв, медыджыт посёлоккез – Велва База, Берёзовка да Верх Буждӧм, медыджыт грезддэз – Степановчи, Таров да Кекур).




#Article 55: Кулӧмдін район (642 words)


 
Кулӧмдін район () — веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧриныс – Кулӧмдін посадын. Кулӧмдінсянь Сыктывкарӧдз 189 км ылына.

Районыс аркмӧтӧм 1929' июль 15' лунӧ. 

Кулӧмдін районыс 26,2 сюрс км² ыжда. Куйлӧ Коми Республика лунвылын. Межаасьӧ Уква кар кытшкӧт да Сӧснагорт районкӧт ойвылын, Мылдін районкӧт асыввылын, Перем ладоркӧт и Коми кытшыскӧт лунвылын да Кӧрткерӧс районкӧт рытвылын. 
  
Мувевдӧрыс – мыссэза волькытін, кӧдӧ торйӧтӧны юэз. 

Медыджыт ю Кулӧмдін районас – Эжва, кӧда дорын сулалӧ ачыс Кулӧмдіныс да районісь мӧдік гырисьжык посаддэз. Район кузя котӧртӧны и Эжвалӧн вожжес: Войвыв Кӧтйӧм, Лунвыв Мылва, Нем, Вӧль да мӧдік юэз.

Климат районас шӧркодя континентвывся. Январ коста шӧрӧт шонтӧгыс –15,5 °С, июль коста +16 °С.

Колана шедтассэз: строитчан материаллэз (сы лыдын мраморвевья доломиттэз да строматолитвевья извесняккез), торф, мусир, унаазота геливевья газзэз, мурӧма шом, алмаззэз, зарни. Тиман да Пузла гӧгӧрын куйлӧны бур бокситтэз, кӧднаын уна сёйму да етша кӧрт. 

Медодзза морт Кулӧмдін ладорӧ локтӧма эшӧ мезолит кадӧ, 8–10 сюрс годӧн миян луннэзся одзжык. Районісь адззалӧмась археология сьӧрті уна казьмӧтан из эпохасянь шӧрӧт веккезӧдз. Ны коласын оланіннэз, шойнаэз, юрбытаніннэз. 

Татісь грезддэз (деревняэз) йылісь медодз казьтывсьӧ Яренск уезд гижӧтан небӧгын (ХVІІ век). Сія жӧ векся мӧд джынас, отирыс татӧн унажык лоӧма да, аркмис торья волось, кӧдалӧн шӧрин лоис Кулӧмдін погостын. 

XVIII векӧ татісь муэз вылӧ пондіс буржыка видзӧны роч кан (государство). Екатерина II, медбы лӧсьӧтны ва туй Чочком да Каспи саридззез коласын, шуис ӧтлаӧтны Волгасӧ Вынва бассейнкӧт. Эта понда 1776-сянь 1822 годӧдз татӧн гарйисӧ канал (Ойвыв Кать канал). Каналыс уджаліс сэсся 1822-сянь 1848 воӧдз, но и сы бӧрын, кӧр сійӧ кан нимянь пӧдналісӧ, крессяна да купеччез кыскывлісӧ сы кузя товаррез. Ӧні эшӧ кӧркӧся канал доррезын тыдалӧны киссьӧм шлюззэз.

XIX пом кежӧ Кулӧмдін буракодь ни быдмӧма да лоӧм веськӧтлӧмын, кӧзяйствоын да культураын тыдалана шӧрин туйӧ. Сы ладорын осьтӧмась велӧтаніннэз: Кулӧмдінӧ – училищё (1843), Немдінӧ – школа (1860), Помӧсдінӧ – бӧра училищё (1861). 1890 воын Кулӧмдінас лӧсьӧтӧмась медодзза больнича, а 1899 воын и медодзза библиотека. XIX век мӧд джынын архитекторрез А.Иваницкӧй да В.Шильдкнехт проекттэз сьӧрті Ульянаас вильмӧтӧмась Стречалун нима Степан монастырлісь керкуэз. Важ висьттэз сьӧрті монастырсӧ лӧсьӧтӧма эшӧ вежа Степан XIV векын. Этія монастырыс дыр кад сьӧрна вӧлӧма вичкуся шӧринӧн Коми муын. 

Кан нимсянь Кулӧмдін район вӧлі осьтӧма 1929 годӧ июль 15 лунӧ. Сэк ВЦИК и лэдзӧма постановленнё виль веськӧтлан юкӧт аркмӧтӧм йылісь. 

Оліссез Кулӧмдін районас 30,7 сюрс морт. Олӧны унажыкыс комиэз (70%) да роччез (20%).

Район вылын юралісьыс Каплин Сергей Петрович (2007 мартсянь). Веськӧтланыс: 168060, Кулӧмдін район, Кулӧмдін посад, Сӧвет туй, 37. Факсыс (82137) 946-91. Районісь сӧветын медыджыт – Кондрашкин Александр Николаевич.

Кулӧмдін район янсӧтчӧ 22 посадму вылӧ.

Кулӧмдін районын 63 оланін: 16 посад, 22 посёлок да 25 грезд.

Кулӧмдін районын ӧні осьтӧмӧсь 300-ся унажык уджаин. Нысся эмӧсь ас вылӧ уджаліссез 375-а. 25% отирыс ноксьӧны промышленносьын, 6,6% му-видз уджалӧмын да 33% вузасьӧмын.

Му-видз уджалӧм районас видзӧны нёль СПК («Пожӧг», «Помӧсдін», «Руч2», «Пожӧг-3К»), крессяна-фермеррезлӧн 28 кӧзяйство, кык ООО («Кулӧмдінса МТС», «Кулӧмдінса ПМК»). Этася отирыс видзӧны 11256 ас кӧзяйство. Во сьӧрна шӧркодяс му-видз уджаиннэз лэдзӧны продукция 80 млн. шайт дон. 

Му-видз угоддёэз быдсӧн районас 15,9 сюрс га, куимӧт тор ныись – гӧран муэз. Пода видзӧмын продуктаэз лэдзӧмыс лоӧ, лыддьыны кӧ ловья сьӧкта сьӧрті, 115 т., 1,3 сюрс т. йӧв, 1,5 т. чери.

Промышленносьын шӧркодяс во сьӧрна лэдзӧны товарресӧ 1 млрд. шайт дона. 

Ыджыт пай район кӧзяйствоӧ пуктӧ вӧрлэдзӧм. Быд во заптӧны 1 млн. кубометрася унажык пу, лэдзӧны 60 сюрс кубометра пиломатериаллэз. Ӧні районас мӧдӧны лӧсьӧтны пу керӧтан завод (ООО «ЦентроВудКом»), кӧдалӧн этшыс лоас 750 сюрс кубометра мымда дась лэдзӧмыс.

Автотуйезлӧн ӧтласа кузя 900 км, куимӧт тор ныись чорыт вевттьӧсаӧсь. 

Телефон пыр йитчыны ӧні позьӧ кокнита. Эм сівывся оптик визь Сыктывкар–Кулӧмдін, 10 оланінын лӧсьӧтӧмӧсь лыдпасвывся станцияэз, быд оланінӧ сувтӧтӧмӧсь ӧтласа таксофоннэз. Мобильниккез пыр йитчӧм видзӧны операторрез: «МТС», «Мегафон», «Теле2», «Билайн».

Кулӧмдін районын петӧ коми кыв вылын газета «Парма гор». Эм литература сьӧрті клуб «Эжва». Кулӧмдінісь библиотекаын быд во чулӧтӧны Тима Веньлӧ сиӧм лыддьӧтӧммез.

Кулӧмдін район ошшасьӧ аслас коми гижиссезӧн:

Районын чулӧтӧны быдвося гажжез:

 




#Article 56: Кывтэчас (178 words)


Кывтэчас — кык нето унажык асвына шуан, кӧдна йитчӧмӧсь вежӧртас ладорсянь да кыв лад сьӧрті. Кывтэчассӧ велӧтӧ-туялӧ синтаксис.

Быд асвына шуан кокнита йитсьӧ мӧдік шуаннэзкӧт. Сідз, кыв ыб позьӧ йитны кыввезкӧт: паськыт (паськыт ыб), гӧрӧм (гӧрӧм ыб), айлӧн (айлӧн ыб). Кыввез паськыт, айлӧн йитсикӧ увтыртчӧны кывлӧ ыб.

Йитсьӧм, кӧр ӧтік кыв видзӧ мӧдсӧ ас увтын, шусьӧ увтыртанӧн. Увтыртан йитсьӧмлӧн куим нёж: веськӧтлӧм, кышасьӧм, лӧсялӧм.

Эттшӧма йитсьӧм кыввез и аркмӧтӧны кывтэчассэз.

Кывтэчас, кыдз и торья кыв, мыччалӧ кытшӧмкӧ эмтор, керӧм нето тӧдчан. Но керӧ этӧ сія утлянножык, пыдынжыка: лун и кузь лун; мича и зэв мича; мунны и мунны перыта; локны и сьылӧмӧн локны; мийӧ и мийӧ быдӧнным.

Кывтэчасӧ йитчӧны видзан кыв и кӧртыштӧм кыв, шуам: кузь лун — лун (кытшӧм?) кузь; зэв мича — мича (кыдз?) зэв; мунны перыта — мунны (кыдз?) перыта; сьылӧмӧн локны — локны (кыдз?) сьылӧмӧн; мийӧ быдӧнным — мийӧ (киннэз?) быдӧнным.

Кывтэчассэз асланыс состав сьӧрті овлӧны ӧтпӧвсаӧсь и унапӧвсаӧсь.

Ӧтпӧвса кывтэчас сулалӧ кык асвына кылісь. 

Шуам: гижис мамыслӧ, мунны ты дорӧт 

Унапӧвса кывтэчас аркмӧ ӧтпӧвсасӧ паськӧтӧмсянь.

Шуам: чожа гижис мамыслӧ, рытнас мунны ты дорӧт




#Article 57: Кыдз (524 words)


Кыдз () — кӧрусяна пуэзлӧн нето куссэзлӧн увтыр, кӧда пырӧ кыдзкодььӧммез (Betulaceae) котырӧ. Кыдзыс быдӧ омӧн Ойвыл джыншар пасьта. Коми муын да и бысӧн Роч му пасьта сія ӧддьӧн бура тӧдса пу. Кыдззез оллӧны ӧддьӧн неӧткодьӧсь – виддэзыс сотняся невна унажык. 

Кыдзсӧ быднёж видзӧны кӧзяйствоын: босьтӧны сылісь пу вын, карч, симӧт, кыдз сок. Гар да корсӧ видзӧны медицинаын. Мукӧд видсӧ садитӧны ыбдорьян виззез лӧсьӧтӧм могись, а сідзжӧ быдтӧны и басӧкӧмыс понда саддэзын. 
Кыдзыс орсӧ ыджыт роль фин-йӧгра, сакандинав да славяна мифологияэзын.

Кыдзза вӧрсӧ миян шуӧны рас (кыдзза рас) нето кыдзъяин. 

Зырянаыс кыдзсӧ шуӧны эшӧ и кыдз пу, кыдз соксӧ – зарава, симӧтсӧ – сюмӧд, мукӧд диалекттэзас симӧд.

Уна сорттэз кыдзлӧн — паськыта
распространяйтчӧны и являйтчӧны важнейшӧй вӧраркмӧтіся породаэзӧн, унаын определяющӧйезӧн облик и виддэӧсь состав лиственнӧй и хвойна-лиственнӧй (сорӧм) вӧррезлӧн умереннӧй и кӧдзыт торын Евразияын и Северӧсь Америкаын. Эмӧсь кыдззес коласын и кустарниккез. Ёнжыка известнӧй ныись карликкезӧсь кыдз (Betula nana), быдмӧ тундраэзын Европаас и
Северӧсь Америкаас и керӧса тундраэзын Сибирьын. Сія оз быдмы вылынжык 1 м вылынася. 
Кыдззес ӧддьӧн мороззэза атерпитісьӧсь, оз шогаллӧ тулысся кӧдздӧтӧммезсянь.
Шонытыс колӧ тӧкӧ кыдззезлӧ субтропическӧй
районнэсісь (гималайа-китайӧсь, мукӧд японскӧй и
америкаӧсь шорреза кыдз
(Betula nigra)).
Разнӧй кыдззезлӧн оланыс кыссьӧ 100—120 во, 150 (300) во, 100—150 во, торья пуэз оллылӧны 400 воӧдз и унажык. 
Листтэнас кыдзыслӧн питайтчӧны Майся жуккез, и торья воэзӧ кӧр нія ӧдзӧн уна, вермӧны причинитны ыджыт вред кыдззеслӧ.

Медбы получитны ыджыт
поделочнӧй материал кыдззес керассьӧны 60—80 и даже мукӧдпыр 100-вося возрастын.
Лыддисьӧ медбур песӧн, пессэз вылӧ пилитчӧ уже 40—60 воын. 
Постройкаэз вылӧ оз лӧсял, сідз кыдз чожа сісьмӧ грибоккез уллъя.
Сідзжӧ кыдзись керӧны
высококачественнӧй фанера, лыжжез, резнӧй чачаэз, прикладдэз билыйсянӧсь оружие понда.

Кӧс перегонка дырни чочком карчсис шогмӧ дёготь.
Кыдзӧсь дегӧдь применяйтчӧ медицинаын и парфюмерияын, кыдз
противовоспалительнӧй и
антисептическӧй средства. 

Велдорись слоез кыдзыс карчлӧн имейтӧны ассьа шусь — симӧт.
Симӧт важынсянь применяйтчыліс отиррес промыселлэзын лӧсьӧтлӧм понда: туисоккез, доззэз, коробкаэз, кӧшшез, лукошкаэз и мӧдік комся паньбекӧр, а сідз жӧ нинкӧммез понда, видзсьыліс материалӧн гижӧм понда, сэтчӧ кӧркӧся коми отир гижлісӧ охотникӧсь пассэз, кӧдна мыччалывлісӧ кӧр и кин вылӧ вӧралны.

Тӧдсӧт сідзжӧ уна важ китайӧсь и санскритӧсь
тексттэз симӧт вылын.
Одзжыкся каддэзӧ употребляйтчыліс  малериясянь (кӧдӧ шувлісӧ перемежаӧсь лихорадкаӧн).

Кыдззес вегетативнӧй
периодыс конецӧ ӧктӧны уна питательнӧй
веществоэз, ны числоын и сахар.

Если ствол вылас керны надреззэз эта кадӧ, ныись пондас визылтны ыджыт количестваын сок, видзлісь  0,43 сянь 1,13 % ӧдз
сахар. 
Кыссьӧ сок визылтӧмыс —
кынымкӧ неделя.
Кыдзыслісь сок ӧктӧмыс истощайтӧ пусӧ, сы дынӧ же ранаэзӧт карч вылас, ловья тканнезӧ вермасӧ пырны шогӧта микроорганизммез, пуыс вермас шогӧтсялны и сэсся кулны. Сійӧн соксӧ ӧктӧмыс бӧрсянь тшоктӧны ранаэсӧ карчсис малтлыны нятьӧн или глинаӧн.
Кыдз сокыс мунӧ мунӧ разнӧй напитоккез гӧтӧвитлӧм вылӧ.
Ыджыт кыдзыс вермас сетны суткиас ӧт ведрася унажык соксӧ.
Сок мукӧдпыр консервируйтӧны, шӧмсьӧтӧмӧн фосфорӧсь кислотакӧт.
Упареннӧй кыдз сок
применяйтӧны мошшезлӧ, тулысся подкормка понда.

Кыдзсӧ традиционнӧя используйтӧны лечитлӧм понда: настоез кыдз почкаэзись и листтэзісь — кыдз кудзвӧтлісь, бактерицидӧсь и
ранозаживляющӧй средства, а виӧсь вытяжка кыдзись почкаэзісь — кыдз дерматологияӧсь средства.
Эфирӧсь ви сис кыдз
вишняӧсь ВИДісь (Betula lenta) (карчсӧ и петассэсӧ перегонкаӧн ваӧсь руын) получайтӧны метилсалицилат.

Кыдзись короссез  используйтӧны лечебнӧй профилактикаӧсь
целлезас баняэзын.
Лыддисьыліс, что дук кыдзыслӧн лечитӧ меланхолиясянь и отсалӧ вомзьсянь, а кыдз
сок, ӧктӧм особӧй луннэзӧ
мартын и апрельын, сӧстӧмтлӧ вир.




#Article 58: Луздор район (138 words)


Луздор район () — Коми Республикалӧн муниципал юкӧт (муниципал  район).  

Веськӧтлан шӧрин — Абьячой посад, кӧда сулалӧ Сыктывкарсянь 189 км ылынаын.

Луздор район — Коми Республикаас самӧй лунвылын. Мувывторыслӧн ыжда — 13168 км².

Район аркмӧма июль 15 лунӧ 1929 годӧ, а февраль 10 лунӧ 1935 воӧ сыись торйӧтісӧ Летка район, шӧриныс  Летка посадын. 1963 годӧ Луздор да Летка районнэсӧ ӧтлаӧтӧмась.

Олӧны районас  24,7 сюрс морт. 60 %-ся унажык — комиӧсь. Нысся эм эшӧ мӧдік 19 чужанвужа йӧзыс. Район му вылас эм видз-мууджаліссезлӧн 90 олан ин.

Район вылын юралісьыс – Кузнецов Василий Павлович. Веськӧтланыслӧн адрес: 168130, Луздор район, Абьячой посад, Мир туй, 76. Факсыс: (82133) 215-14.

Районын 16 посадму.

Ӧні Луздор районын 90 оланін: 14 посад, 16 посёлок да 60 грезд (деревня).

Асфальтӧсь автотуйезлӧн ӧтласа кузяыс районас 400 км -ся унажык (нето быдыслӧ ветлыны позяна туйез коласісь 70 %).

 




#Article 59: Лыдним (272 words)


Лыдним (числительнӧй) — кывладын асвына сёрнитор. Лыдниммезӧн шусьӧны шуаннэз, кӧдна мыччалӧны эмторрезлісь (предметтэзлісь) лыд, лыддикӧ нылісь арт, а сідзжӧ ӧтлаӧтӧмӧн лыддьӧм.

Коми кылын эм сэтшӧм лыдниммез. 

Лыдниммез асланыс вежӧртас сьӧрті овлӧны кодяӧсь, сьӧрбӧраӧсь да ӧтлаӧтӧмӧсь.

Кодя лыдниммез мыччалӧны предметтэзлісь лыд, видзӧны очакыв кыным?  юасян вылӧ. Мыччалӧм могись: ӧтік, кык, куим, нёль, вит, квать, сизим, кыкьямыс, ӧкмыс, дас, дасӧтік, даскык, даскуим, кыкдас, кыкдаслісь, кыкдаслӧ.

Сьӧрбӧра лыдниммез мыччалӧны предметтэзлісь лыддикӧ арт, видзӧны очакыв кынымӧт?  кынымӧдз?  юасяннэз вылӧ. Нія аркмӧны кодя лыдниммез бӧрӧ ӧт содтас быдтӧмӧн. Мыччалӧм могись: кыкӧт, куимӧт, нёльӧт, витӧт, сизимӧт, дасӧт, даснёльӧт, дасвитӧт, дассизимӧт, дасӧкмысӧт.

Медодзза кык кодя лыднимись сьӧрбӧра лыдниммес вермӧны аркмыны мӧдік вужжезісь и мӧдкодь содтассэзӧн: медодзза, мӧдік.

Вужыс кӧ мыччалӧма лыдпасӧн, сэк содтасыс гижсьӧ кырӧлок пыр: 1-а, 2-к, 3-ӧт, 24-ӧт, 135-ӧт. Эм кӧ сэсся эманим, то кырӧлока содтас туйӧ позьӧ гижны апостроф: 1’ классын, 3’ лунӧ, 24’ автобус, 135’ километра. 

Ӧтлаӧтӧм лыдниммез мыччалӧны предметтэзлісь лыдсӧ ӧтлаӧтӧмӧн. Нія аркмӧны кодя лыдним бӧрӧ нан содтас быдтӧмӧн. Мыччалӧм могись: нёльнан год, витнан морт, куимнан вон. 

Тэчас сьӧрті лыдниммес овлӧны ӧтпӧвсаӧсь, унавужаӧсь, унакылаӧсь.

Ӧтпӧвсаэзын эм токӧ ӧтік вуж: ӧтік, квать, сизимӧт, кыкнанным.

Унавужаэзын вужжез кыка нето унажык: витдас, кватьдас, дассизимӧт, даскыкьямысӧт.

Унакыла лыдниммез аркмӧны кынымкӧ торья лыднимись: куимдас нёль, нёльдас кык, куимсё витдас квать.

Кӧр лыдниммез петӧны эманиммезкӧт, нія озӧ вежласьӧ: дас морт, дасӧт морт, кыкнан мортыс, куимнан сойыслӧ.

Лыдниммес вермӧны петны эманиммезтӧг, сэк нія вежласьӧны кӧрталан сьӧрті. Мыччалӧм могись: дас, дасӧн, даслӧн, даскӧт; дасӧт, дасӧтӧн, дасӧтлӧн, дасӧткӧт; кыкнан, кыкнанӧн, кыкнанлӧн, кыкнанкӧт.

Лыдним сёрникузяын лоӧ видзан нето паськӧтан юкӧтӧн. Мыччалӧм могись: Кыкнанныс локтасӧ аскадӧ. Кык да кык — нёль. Воннэс велӧтчӧны сизимӧт классын. Чулаліс мӧдік час.

Лыдниммез гижикӧ колӧ видзны тӧдвылын сэтшӧм туйдӧттэз.

 




#Article 60: Лягай (Кӧчладор район) (101 words)


Лягай — Перем ладорись Коми кытшын, Кӧчладор районісь Кӧч посадмуын грезд (деревня). 2006 воӧдз сія вӧлі Кӧч сельсоветын.
 

Лягайыс сулалӧ Кӧч посадсянь трак кузя рытвылӧ 6 км ылынаын.

Мадматын олан иннэз, Тарас да Васькин, сулалӧны Лягайыссянь лунвыв-асыввылын. Вит километра ылнаын, асыввылӧ кӧ мунны, петӧ Октябскӧй посёлок да сы саяс Кӧч посад. Ойвыв-рытвылын Лягайсяняс, сьӧд вӧр шӧрӧ дзебсисьӧмӧнмоз, сулалӧ Ой Пожым грезд, а ойвыв-асыввылын, Учӧт Сэпӧль ю дорас, отиртӧм Долгоев грезд.  

Лягаяс öні лыддьöны 5  :

Лягайын оліссезлӧн лыдыс медбӧрья нёльдас годӧн невна чинӧма. 2009 во пондӧтчикӧ татӧн олісӧ 133 морт, кӧдна видзисӧ 53 горт, а 1970 годӧ грездас вӧлі 198 морт.




#Article 61: Мӧсква (288 words)


Мӧсква () — Роч мулӧн канкар, Роч Федерация видзантор. 

Роч канму понда Мӧсква – быдӧс. Татӧн чукӧртӧмӧсь роч политика, культура, наука да бизнес зорӧтан медыджыт выннэз. 

Карыс сулалӧ Ока да Волга юэз коласын, сэтчин, кытӧн ӧтлаасьӧны Смоленск-Мӧсква вылынін (рытвылын), Мӧсква-Ока волькытін (асыввылын) да Мещёра улынін (лунвыв-асыввылын). 

Мувывторыс – 1.091 км², сыись ыджытжык торыс куйлӧ Мӧсква гӧгӧртан авто туйкытш пытшкын (МКАД). 

Карыс куйлӧ Мӧсква ю кыкнан ладорын. Сысся карӧттяс котӧртӧны и мӧдік юоккез: Сходня, Химка, Пресня, Неглинная, Яуза, Нищенка, Сетунь, Котловка, Городня. Унажык нія юэзісь кар кузя котӧртӧны му пытшкӧт – трубаэзӧт. 

Ӧддьӧн унаӧсь Мӧсква му вылын вӧррез да быдкодь быдманнэз. Татӧн эмӧсь Измайлов, Тимирязев, Битцев паркез, а сідзжӧ Нескучнӧй но Ботаническӧй саддэз.

Олӧны Мӧскваын 13 197 596 морт (2017).

Мӧсква янсӧтӧма дас кытш вылӧ. Шӧрӧт кытшыс куйлӧ карыслӧн важся шӧринас. Мӧдік кыкъямыс кытш куйлӧны сы гӧгӧр, кыдз авто туйкытш пытшкын, сідз и сы сайын. И токӧ ӧтік кытш (Зеленоград) куйлӧ быдӧнныссянь торйӧн.

Ойвыв-рытвыв кытшын эмӧсь татшӧм районнэз: Куркино, Митино; ойвыв-асыввыв кытшын – Севернӧй карок, Асыввыв кытшын – Выхино, Жулебино; Лунвыв-рытвыв кытшын – Ойвыв да Лунвыв Бутово. 

Нысся Москва кармуын лыддиссьӧны сы гӧгӧр куйлан каррез: Зеленоград, Внуково, Толстопальцево, Рублёво, Некрасовка, Люберцы, Одинцово, Видное, Долгопрудный, Мытищи, Королёв, Балашиха, Реутов, Химки.

Мӧсква кар вылын юралісьыс шусьӧ Мӧсква карись веськӧтланын юралісь – карлӧн мэр. Уна во эта пост вылын пукаліс Лужков Юрий, 2010' окябсянь мэралӧ Собянин Сергей. Туйдӧттэз Мӧсква понда лэдзӧ Карись Дума. Сэтчӧ пырӧны 35 депутат, кӧднӧ бӧрйӧны 4 во кежӧ. 

Карын быдсӧн 121 театр. Ны коласын Учӧт театр да Ыджыт театр, Кужӧт театр, Таганка театр. 

Мӧскваын эмӧсь вылісь тшупӧта 94 кыным велӧтчан керку (29-а – университеттэз), 1 433 школа, 147 училищё да техникум, 1 820 челядьсад. 

Мӧскваын уджалӧ 807 мымда ӧтувтчӧм.

Роч канкарын арккредитируйтӧм 138 посолкерку, 35 сюрс визирсайся уджкеранін.




#Article 62: Мадьярму (429 words)


Мадьярму (, ) — мадьяр отирлӧн республика Европа шӧрын. Мезмыт канмуӧн Мадьярму лоис 1918 годӧ, кӧр разьсис кыкторья Австрияк-Мадьяр империя. Ордчӧн Мадьярмукӧт ӧні куйлӧны татшӧм канмуэз: Австрия, Словенско, Украина, Ромыния, Сӧрбия, Хӧрватска да Словения.

Мадьяр Республика пырис ӦВК-ӧ 1955 воын, ГАТТ-ӧ 1973 воын, МВФ-ӧ да МБРР-ӧ 1982 воын, Европа Советӧ 1991 воын. НАТО-ын сія 1999 восянь, Ӧтласа Европаын – 2004 восянь. 

Мадьярму шусьӧ сідз мадьяр отир сьӧрті, кӧда локтіс татчӧ Уралсянь сюрс во сайын да лӧсьӧтіс Европа шӧрын аслыс канму. Ас кыв вылын мадьяррез шуӧны мунысӧ Мадярорсаг (Magyarország), мый лоӧ 'мадьяр оксяин'. Йӧз кыввезын канму нимыслӧ под туйӧ босьтӧмась угор ним, кыдз тюрк отирыс шуисӧ мадьяррезлісь 10 увтыр: оногур 'дас ньӧвьёсь'. Сысянь лоисӧ сэтшӧм ниммез кыдз Ungaria, Угорщина, Венгрия. Коми кыв вылын колӧ отирсӧ шуны сідз, кыдз и асьныс, мадьяррезӧн, а мунысӧ – Мадьярму.

Мадьярмуыс унажыксӧ лажмыт, куйлӧ Шӧрӧт Дуна волькытінын. Рытвылын – ш.с. Дунатульын (Дуна сайын) уна мыссэз (вылынаэс 300 метраӧдз), а асыввылас, Альфёльдын, мувевдӧрыс волькыт да лажмыт. Ойвыв-рытвылын куйлӧ Киш Альфёльд нима лажмынін, кӧда рытвылас петӧ Альпа керӧссэз одзӧ. Вылынаэз татӧн 500-800 метраӧн, медджуджыт чутыс – Иротт кё: 883 м. Балатонсянь ойвылас платокоддьӧм массиввезӧн нюжалӧны 400-700 вылына Шӧрӧт Мадьяр керӧссэз (Баконь, Вертеш, Дуназуг). Дунатуль Лунвылас сулалӧны Метшек нима глыба керӧссэз, медвылын чут татӧн Зенгё (681 м). Рытвыв Карпаттэз пырӧны Мадьярму ойвылас 1000 м-ӧдз вылына мусюррезнас. Нія вулкан массиввез да извесняка платоэз кодь (Бёржёнь, Черхат, Матра, Бюкк, Черехат, Земплени-Хедьшег…), кӧднӧ кырӧтӧмӧсь паськыт ю оллез. Татӧн (Матраын) лэбӧ и Мадьярмуись медджуджыт чут – Кекеш керӧс (1014 м). Словакмукӧт визир дорын, керӧссэзас жӧ, куйлӧ и Агтелек – ыджыт карстовӧй мугырк ваувтся юэзӧн да тыэзӧн. 

Мадьярмуын куйлӧны то кытшӧм колана шедтассэз: бокситтэз, руд шом, мусир, газ. Эмӧсь сідзжӧ кӧрт, марган, ыргӧн да озысь-цинк рудаэз, минераль да термаль ваэз. 

Климатыс Мадьярмуат, керӧссэз коласын куйлӧ да, континентвывся, небыт тӧвнас да жар гожумнас. Енӧжва усьӧ во сьӧрна 450 мм-сянь асыввылас 900 мм-ӧдз керӧссэзын.

Быдӧс юэз Мадьярмуын котӧртӧны Дуналаньӧ. Ачыс Дунаыс шӧриалӧ канмусӧ ойвывсянь лунвылӧ да котӧртӧ сыӧттяс 410 км. Медыджыт ты мадьяррезлӧн – Балатон, кӧда кыскӧ туристтэзӧс быдӧс му югытісь. Сы рытвыв пом дорын куйлӧ Европаись медыджыт термальнӧй ты – Хевиз, кӧда дынын лӧсьӧтӧмась бальнеокурорт. 

Быдмӧтыс Мадьярму вылас бура мӧдкодьсьӧтӧма. Муыс унажыксӧ вевттьӧма быдтана торррезӧн: татӧн тыр ыббез, саддэз, кодтусяиннэз. Вӧррез кольччӧмась токӧ керӧссэзас да вевттьӧны мувывторсис 20 % мымда (800-1000 м вылынаӧдз быдмӧны паськыт корья вӧррез, вылынжык пантасьӧны кӧзья-нинпуаиннэз). 

Муыс волькытінын унажыксӧ сьӧдмусин, Альфёльдын эмӧсь совмусиннэз, а керӧссэзын рудмусин да рендзиннэз. 

Мадьярму янсалӧ 19 ладор (меде) вылӧ, асвына ӧтувторнас лыддиссьӧ канкар Будапешт. 
 
Ладоррез:

Этася эм 24 кар, кӧдналӧн эм ладорлӧнкодь позяннэз, но нія ӧтдырйи лыддисьӧны и ладорын.

Унажык сы йылісь видзӧт: Мадьярмуын оланіннэз
 




#Article 63: Мальчов (Кудымкар район) (105 words)


Мальчо́в (томмес шуöны Ма́льцева ) — Перем ладорись Коми кытшын, Кудымкар районас, грезд (деревня). 
 

Татӧн кӧркӧся олісь Радостев Арсентий Григорьевич ( ~ 1754 ч. г.) висьтасьӧма, мыля грездыс шусьӧ Мальчов. Важын пӧ вӧлӧма Дӧйӧгын Терентий Мальцев (комиöн Мальчов), кӧда мортӧс вийӧма да пышшӧма анькытш мешӧкӧн Кува дорас. Сылӧ пӧ мыйӧнкӧ гленитчас вадӧрыс, кытӧн ӧні Мальчов грездыс, сэтчӧ сія и пуксьӧма овны.

Мальчов грезд сулалӧ Белоёв посадмуын, Кудымкарсянь ойвылӧ 29 км ылынаын, Кува ю дорын. 

Мальчовын öні лыддьöны кыкьямыс   :

Мальчов гӧгӧрись археологгез адззӧмась VI-IX веккезся кык казьмӧтан.

Отирыс комиӧсь. Оліссезлӧн тшӧкыта пантасяна гишшан – Радостев. Эмӧсь увтыррез: Костика увтыр, Миш увтыр, Олёш увытр, Паль увтыр.

 

 




#Article 64: Матісь Асыввыв (209 words)


 

Матісь Асыввыв (рочӧнжык: Ближньӧй Восток, араб.: شرق أدنى‎‎, фарс.: خاور نزدیک, ивр.: הַמזרח הַקָרוֹב, тюрк.: Yakın Doğu) — география да политика сьӧрті ыджыт ладор, кӧда нюжалӧ Мушӧр саридз лунвыв да асыввыв доррезсянь Перс курья дорӧдз. Ыджытжык торнас Матісь Асывыв куйлӧ Азияын, учӧтжыкӧн – Африкаын.

Быдӧнныс лыддьӧны этія регионын сэтшӧм канмуэсӧ: 

 
Паськытжыка босьтӧмӧн татчӧ пыртӧны эшӧ и Магрибись канмуэз: Алжир, Ливия, Марокко да Тунис, а сідзжӧ Судан, мыля энія канмуэз история да культура ладорсянь веськыта йитчӧмӧсь вылынжык шуӧм муэзкӧт. 

Сэсся Мавритания да Сомали сідзжӧ видзӧны йитӧттэз Матісь Асыввылыскӧт, кӧть и абужык ённэзӧ ни.

Афганистан да Пакистан буражык йитчӧмӧсь Шӧрӧт Азиякӧт да Индиякӧт, нежӧ Матісь Асыввывкӧт. Ӧтлаын Ираныскӧт нійӧ канмуэсӧ вежӧртӧны кыдз Шӧрӧт Асыввыв.

Мукӧд кыввезын Матісь Асыввывсӧ быдсӧн шуӧны Шӧрӧт Асыввыв, шуам инглиш кыв вылын этія регион шусьӧ Middle East, курд кыв вылын – Rojhilata Navîn.

Унаӧн шуӧны, этӧ пӧ ыджыт ӧтласа регион: Матісь да Шӧрӧт Асыввыв.

Мукӧдыс пыртӧны Матісь Асыввыв регионӧ и кавказсайся канмуэз: Картвелму (Грузинму), Хаястан (Арменму) да Азербайджан.

Но нія канмуэз, кыдз и Тюркия да Кипр, асьнысӧ лыддьӧны Европа канмуэзӧн.

Матісь Асыввылын унажык отирыс баитӧны араб, фарси, тюрк да курд кыввез вылын. Нысся эмӧсь уна мӧдік кыввез да диалекттэз.

Регионас невна не быдӧс оліссез – муслиммез. Кӧть Матісь Асыввылас эмӧсь христостуйлӧн да иудаизмлӧн тыдалана шӧриннэз да вежаиннэз.




#Article 65: Москвина (Кудымкар район) (309 words)


Москвина́ (мукӧдыс шуӧны Москви́нчи) — ыджыт грезд (деревня) Перем ладорись Коми кытшын, Кудымкар районас.  Грездыс сулалӧ Кудымкарсянь рытвылӧ 38 км ылынаын, Вежайка ю дорын.

Москвинаыс ӧні пырӧ Иньвайыв посадмуӧ, а 2006 годӧдз татӧн вӧлі Москвина сельсоветлӧн шӧрин.

Москвинасянь ойвылас, Кувалань трак кузяс кӧ мунан, петӧны грезддэз Вальков, Ӧндриан да Вежайка. Мунан кӧ лунвылӧ, Иньвайывланяс, локтан Черӧмнӧйӧдз, Виль Жуковӧдз да Кариновӧдз. Асыввылын, Белоёвлань тракт дорын сулалӧ Сель. Сы ладорын жӧ кӧркӧ вӧлӧмась ӧні овтӧм ни деревняэз Шатун, Носков да Важ Жуков.

Москвинакӧт топ сулалӧ Яраш грезд, кӧдӧ позьӧ ни лыддьыны Москвина торӧн.

Олӧны Москвинаын москви́нса нето москви́нчи. 2009 во пондӧтчикӧ нія вӧлісӧ 289 морт, видзисӧ 82 горт. Этӧ кыкись унажык 1970 год сьӧрті, кӧр татӧн олӧмась дзир 130 морт. Быдӧс оліссез комиӧсь. Уна отир локтӧны овны Москвинаас ордча грезддэзісь, а Москвинасянь мукӧдыс вешшӧны шӧриннэзлань, Иньвайылӧ нето Пешнигортӧ.

Памиллёэз коласын унажыксӧ ветлӧны сэтшӧммез: Васькин, Зубов, Устюжанцев, Харин, Хозяшев, Бачев.

Кулӧммезнысӧ москвинсаыс нӧбӧтӧны шойнаӧ, кӧда куйлӧ грездсяняс асыввылас, Сель да Носкова коласын. Сэтчинӧ жӧ дзебсьӧны селёвса да ярашовса. 

Одзжык Москвинаын вӧлі колхоз «За мир» (отирыс сералӧмӧн шуӧмась сійӧ «Замри»). Ӧні ӧтласа аркиль абу. 

Грездас эм ферма. Видзӧны баляэз, мӧссэз. Отирыс быдтӧны карч, мукӧдыс ӧктӧны вӧр ма. Быдӧс вузалӧны ньӧбсиссезлӧ. Ягӧдалӧны да тшакьялӧны унажыксӧ ас пондасис. Кӧть матісь вӧррезын олӧны ошшез, кӧиннэз да вӧрпорссез, москвинса озӧ тодиль вӧралӧ. Сю  сідзжӧ озӧ быдтӧ.

Москвина дорын, Вежайка ю вылын, эм пруд, кытчӧ кӧркӧ лэдзӧмась карппез. Ӧні энӧ чериэсӧ кыйлӧны.

Москвинаын эм кык магазин: ӧтыс сельпо, мӧдыс — асторья.

Бытын кесъялан пункт 2000 воэзӧ грездісь подналісӧ, кыдз и пӧжаланін (пекарня). Няньсӧ ваявлӧны Иньвайылісь, нето ветлӧны сыла Куваӧдз.

Туйез Москвиналаняс умӧльӧсь.

Телевизоррез эмӧсь быд керкуын. Радио абу нач, кыдз и мобильниккез. Но грездын эм телефона будка.

Москвинаын эм под (основнӧй) школа, клуб, сы бердын библиотека. Шогаліссез понда осьтӧм пельшера-акушера пункт.

Кӧркӧ грездас вӧлі часовенка, кӧда ӧні кежӧ быдсӧн киссьӧм. 

Москвинаас сулалӧ Айму понда косясянын усьӧм земляккезлӧ обелиск.




#Article 66: Мылдін район (345 words)


Мылдін район () — веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧрин – Мылдін карокын. Мылдінсянь Сыктывкарӧдз 515 км ылына.

Районыс аркмӧтӧм 1931 годӧ.

Мылдін районыс 40,7 сюрс км² ыжда. Мувывтор сьӧртіыс сія лоӧ Коми Республикаас мӧдік местаын Чилимдін район бӧрын. 

Куйлӧ Коми Республика лунвыв-асыввылын. Межаасьӧ Вуктыл районкӧт ойвылын, Йӧгра кытшкӧт асыввылын, Свердловск лапӧвкӧт лунвыв-асыввылын, Перем ладоркӧт лунвылын, Кулӧмдін районкӧт рытвылын да Сӧснагорт районкӧт ойвыв-рытвылын. 

Мувевдӧрыс – мыссэза волькытін, асыввыв дорӧттяс – Урал керӧссэз. Рытвылӧт нюжалӧ Тиман мусюр.
  
Медыджыт ю районас – Печора, кӧда дорын, Мылва уссёын, сулалӧ Мылдіныс. Медыджыт вожжес Печораыслӧн район му вылын Унья да Ылыдз.

Климатыс шӧркодя континентвывся, тӧлыс кузь да кӧдзыт, гожумыс дженыт да абу жӧ бура шоныт. Год сьӧрна шонтӧгыс вежласьӧ 34 °C диапазонын. Вося шӧрӧт шонтӧгыс лоӧ –1 °C –2 °C. Январ коста шӧрӧт шонтӧгыс лоӧ –18 °C, июль коста +16 °C. Во сьӧрна луннэз, кӧр руыслӧн шонтӧгыс 0 °C -ся вылынжык, шӧркодяс 170-180-а. Енӧжва усьӧ год сьӧрна шӧркодяс 556 мм-ӧн. 

Аслас кӧдзыт климат шогья районсӧ пыртӧмась медся ойвыв мувывторрез коласӧ. 

Колана шедтассэз: кали сов, кирпич сёйму, бокситтэз, торф. Кынымкӧ неыджыт шогманінын шедтӧны газ да мусир.

Вӧрыс унажыксӧ кӧзъя да ньывпуаин, ю оллезын вӧррес кыдз сораӧсь. Эм кынымкӧ сыспуаин. 

Ыджыт мувывтор (721,3 сюрс га) районас босьтӧ Печора-Ылыдз доръянін, кытӧн олӧны мӧділаэзас етшаӧн кольччӧм кыяна вӧрпиэз (низь, кидӧс, вурд, норка, ондатра). Олӧ сэтӧн и мӧдік звир: вӧрмӧссэз, вӧй кӧррез, ошшез. 

Мылдін район аркмӧтӧм 1931 вося февраль 20 лунӧ.

Оліссез Мылдін районас 15,9 сюрс морт, ны коласісь 21% – комиӧсь. Джынся унжык отирыс (9,6 сюрс морт) олӧны Мылдін карокын.

Мылдін район вылын юралісьыс Широтов Виталий Валентинович. Веськӧтланыслӧн адрес: 169420, Мылдін район, Мылдін посёлок, Ленин туй, 2. Факс (82138) 910-84. Районісь сӧветын юралісь Голубев Лев Васильевич.

Мылдін районын 11 веськӧтлан юкӧт: ӧтік карму (Мылдін) да 10 посадму.

Мылдін районын 34 оланін: ӧтік карок (ачыс Мылдіныс), 16 посёлок, нёль посад да 13 грезд.

Мылдін районын кӧзяйство базируйтчӧ унажыксӧ вӧр лэдзан вылын (быдсӧн 64 учӧт уджаин). 2003 во помын сэтчин шедтісӧ мед 1254 морт нето районас быдӧс уджаліссез коласісь 23%.

Медыджыт уджаиннэз вӧрлэдзӧмын:

Мусир да газ районісь кошшӧны да шедтӧны:

Му-видз уджалӧны:




#Article 67: Мыс (Кӧсладор район) (200 words)


Мыс — Перем ладорись Коми кытшын, Кӧсладор районісь Кӧс посадмуын грезд (деревня), кӧть мукӧдыс и лыддьӧны сійӧ Порошволь грездлӧ тор туйӧ. 

Мысыс куйлӧ Кӧссянь ойвыв-рытвылӧ 20 км ылынаын, да кык километра ылынаын Сым ю дорсянь лунвылӧ, Пятигорланьӧ мунтӧн автотуйсянь веськыт ки вылас, ыббез коласын.

Мыссянь рытвылас, кырас сайын сулалӧ Порошволь грезд. Мукӧдкоста Порошволь да Мыс лыддьӧны ӧтік деревняӧн (Порошвольӧн жӧ шусьӧ). 

Этія кыкторья грезд дынсянь медматын олан пункт — Несӧль деревня, кӧда сулалӧ лунвыв-рытвылӧ 1,5 км ылынаын. Сы ладорын жӧ куйлӧ быдӧс матісь грезддэз понда ӧтласа шойна. 

Лунвыв-асыввылас трасса кузя, ылынкодь ни, сулалӧ Маскаль, ойвылас медматын грезд — Дасморт. 

Вӧрынжык, лунвыв-рытвылас, кӧркӧ вӧлӧмась сэтшӧм учӧтик грезддэз, кыдз Новосёл да Собачка. Сэтӧн олӧмась сваль роччез, кӧдна ӧні вуджисӧ Мысӧ да Порошвольӧ. 

 

Грездын уличаэз сэтшӧммез: 

Олӧны Мыс грездын 101 морт (2009 во пондӧтчан кежӧ), видзӧны 39 горт. 

Медодз деревняас олӧмась чисто комиэз. Сэсся, война коста, татчӧ локтӧмась роччез, этасянь талун татӧн оліссез коласын эмӧсь и комиэз, и роччез. Унажыкыс сё жӧ комиэз. Школаын (Порошволяс) быдӧнныс кывзӧны коми кыв сьӧрті уроккез. Но мунӧ сёрни коми кывсӧ школаись вӧтлӧм йылісь.

Памиллёэз коласын медуна пантасьӧны Щербаковвез, Останиннэз, Жижилеввез.
 
Религия сьӧрті отирыс веськыткылаӧсь (православнӧйӧсь). Мыля часовенка Порошволяс пӧдналӧм, Мысісь отирыс ветлӧны юрбытны Кудымкарӧ нето Кӧс посадӧ. 




#Article 68: Немечму (164 words)


Немечму (, ) — ыджыт канму рытвыв Европа шӧрын. Тыр нимыс Немечму йитан республика (рочӧнжык: Федеративнӧй Республика Германия, немеч кыв вылын: Bundesrepublik Deutschland, шусьӧ [ˈbʊndəsʁepuˌbliːk ˈdɔʏtʃlant]). 

Ойвылын Немечму межаасьӧ Данмарккӧт да петӧ Ойвыв да Балты саридззез дорӧ, асыввылын видзӧ ӧтласа визир Польскакӧт да Ческокӧт. Лунвылас Немечмукӧт ордчон куйлӧны Австрия да Швайсму, рытвылын — Франс, Лецебург, Белгия да Недерланд.

Мывывторыслӧн ыжда 357,021 кв.км. Климатыс — шӧркодь, вежласьӧ сезоннэз сьӧрті. Оліссез — 82 млн. морт, этӧ лоӧ медуна Ӧтувтчӧм Европаын. Му югытын быдӧс пышьяліссез коласісь куимӧт торыс адззӧмась мӧдік гортнысӧ Немечмуас. 

Немечму — парламента федератив республика, тэчӧм 16 йитчан муись (бундесланддэзісь).

Канкарыс да канмуын медыджыт карыс — Берлин. 

Немечму пырӧ Ӧтувтчӧм Войтыррез коласӧ, НАТО-ӧ, Кыкьямыса йылӧ, Кыкдаса йылӧ, OECD-ö, Муюгытісь удж артмӧтчанӧ (ВТО). 

Немечмулӧн экономика ӧддьӧн вына: му югытас сія ВВП сьӧрті нёльӧт, эмбур петкӧтӧм (экспорт) сьӧрті - мӧдік да эмбур пыртӧм (импорт) сьӧрті — медодзза.

Канмуын лӧсьӧтӧма бур олан отир понда, бура зорӧтӧм йӧзыслӧ бытын отсалан тэчас.

Немечму юралӧ тӧдӧс (наука) да технология кынымкӧ сфераэзын.




#Article 69: Несӧль (Кӧсладор район) (107 words)


Несӧ́ль (рочӧн Несоли́) — Перем ладорись Коми кытшын, Кӧсладор районісь Кӧс посадмуын учӧтик грезд (деревня). 

Несӧльыс куйлӧ Кӧс посадсянь ойвыв-рытвылӧ 23 км ылынаын, Сым ю дорсянь лунвылӧ кык километра ылынаын, Пятигорланьӧ мунтӧн автотуйсянь шульга ки вылас, ыббез коласын. 

Кӧркӧ Несӧль вӧлі Порошволь сельсоветын. Медматын олан пункт — Порошволь и эм. Сія сулалӧ Несӧльсянь ойвыв-асыввылӧ ӧтік километра ылынаын (автотуй кузяс сэтчӧ муннытӧ 1,5 км). Кыкнан деревня коласын куйлӧ ӧтласа шойна. Сійӧн, мыля Несӧляс не садик, не школа, не магазин, не почта, не мый абу, несӧлёвчиыс вовлӧны пыр Порошвольӧ.

Грездын эм куим улича:
 

Олӧны Несӧляс 42 морт (2009 во пондӧтчан кежӧ), видзӧны 16 горт. Отирыс шусьӧны несӧлё́вчи. Оліссез комиӧсь.




#Article 70: Ошыб (Кудымкар район) (182 words)


Ошыб (мукöдыс гижöны ) — Перем ладорись Коми кытшын, Кудымкар районас, посад. Ошыб посадмулӧн шӧрин.
 

Ошыбын чужöм и быдмöм Радостев Павел Михайлович сьӧрті, посад местаын вӧлісӧ ыджытся-ыджыт ыббез, кытӧн быдмис сю и кытчӧ петісӧ уна ошшез и быдӧс гудыртісӧ, дзугисӧ. Сысянь отир, кӧдна татчӧ локтісӧ, казялісӧ соровтӧминсӧ да шуисӧ этійӧ местасӧ Ошыбӧн.

Но былись-ту, ыбсö нимтöмась Ош нимкодя морт сьöрті, кöдалöн ыбыс и вöлі.

Ошыб посад сулалӧ Кудымкарсянь ойвылӧ 29 км ылынаын.
 

Посадын куим тор: Важ Ошыб, Виль Ошыб да Лячкан.

 

Роччез первуись казьтыштöмась Ошыб 1700’ годö (починок на Ошибе). Посадöн сія лоöм 1862’ во, пуовöй Митрей вичку лэптöм бöрын. 

Öні Ошыбыс пырö  Перем ладорись Коми кытшö, Кудымкар районас. Посадыс — Ошыб посадму понда шöрин.

Ошыбын оліссезöс шуöны ошиби́нчи нето о́шыбса (öтік морт о́шибись нето о́шибскöй). 2010’ во пондöтчикö татöн лыддьöмась 685 лов. Эта невна не кыкись унажык 1970’ во сьöрті, кöр посадас олöмась 373 морт.  

Отирыс комиӧсь, баитöны комиöн. 

Оліссез гишшаннэзісь унажыксӧ пантасьӧны Лунегов да Радостев.

Татӧн торьясьӧны увтыррез: Палёв увтыр, Парапон увтыр, Попов увтыр, Торговӧй увтыр, Чикай увтыр. 

Ошыбын эм автобус сувтчан, ветлöны рейссэз Кудымкар-Мелекин, Кудымкар-Öрна,Перем-Ошыб, Кудымкар-Егорова.

Археология сьöрті казьмöтаннэз: 




#Article 71: Коми-пермяцкӧй кыв (2389 words)


Коми-пермяцкӧй кыв нето перем коми кыв (аснимыс коми кыв) — коми отир кывлӧн öт регионісь стандарт, кӧдӧ видзӧны Перем ладорись Коми кытшын. Коми кывлӧн мӧд регионісь стандарт – зыряналӧн коми кыв – зорамӧ Коми Республикаын. 

Перем коми кыв вылын баитӧны 63,1 сюрс морт (2010' во).

Перем комиэзлӧн кылыс, коми кыв да, пырӧ урал кыввезлӧн чудь-йӧгра увтырӧ, перым чукӧрас . Торья кыввезын содтассэз агглютинасьӧны, сёрникузялӧн унажыксӧ номинатив тэчас.

Ассиныс лыддьӧтан кыв перем комиэз зорӧтӧны XVIII вексянь. Кыв вӧлі нормируйтӧм Коми кытшын 1921'–1938' воэз сьӧрна. Ӧння нормаэз кодифицируйтӧмӧсь 1938' годӧ.

Перем коми кыв лыддисьӧ кыв стандартӧн Перем ладорись Коми кытшын, кытӧн коми отирыс (перем комиэз нето коми пермяккез) баитӧны коми кывлӧн кык сёрнитан вылын. Этӧ лоӧны ойвыв перем да лунвыв перем сёрнитаннэз. 

Перем коми кыв лӧсьӧтікӧ подыс туйӧ бӧрйӧмась лунвыв сёрнитансис вылісь иньва диалект, кӧда перем диалекттэз коласын баитіссез лыд сьӧрті лоӧ медыджыт. Сэтчӧ пыртӧмась л шы, медбы лыддьӧтан кыв лӧсяліс и лунвыв перем, и ойвыв перем сёрнитана коми отирлӧ.

Коми кытшын баитӧны комиӧн 67 сюрс морт, ны коласісь 2051 озӧ пӧ кужӧ рочӧн.

Быдӧс перем комиэзісь мам кыв тӧдӧны 72,6%. Этія лыдпас вежсьӧ сы сьӧрті, кытӧн коми мортыс олӧ. Шуам, Коми кытшын чужан кыв вылын баитӧны 83,1% комиэз коласісь; Перем ладорын (кытш визиррез сайын) - 60,7%; Перем ладорсянь ылын олісь перем комиэз коласын чужан кыв тӧдӧны токӧ 46,4%. 

Перем ладорлӧн Устав сьӧрті Перм ладорын канму (государство) нимсянь веськӧтлан органнэзлӧ колӧ лӧсьӧтны уджнысӧ сідз, медбы перем коми отирлӧн зорамис кыв, лов культура да этнослӧ аскодя мӧдік берся. 

Перем ладорись Коми кытшын веськӧтлан кылӧн лоӧ роч кыв. Сыкӧт ӧтлаын веськӧтлан керкуэзын позьӧ баитны и перем коми кыв вылын.

Кыкись тӧлісьӧ коми кыв вылын петӧ тодиль газета «Кама кытшын» (сійӧ лӧсьӧтӧны Кудымкар районісь «Иньвенскӧй край» газета редакцияын). 

Коми кытшись «Парма» нима газетаын перем коми кыв вылын петӧ быд неделься листбок «Коми говк».

Шочыника лэдзӧны челядь понда журнал, «Силькан» нимаӧ, кытӧн сетӧны гижӧттэз и комиӧн, и рочӧн.
 
Телевизорӧт перем коми кыв вылын баитӧны «Всеросийскӧй» телерадиокомпания бердын «Перем» филиалыслӧн юкӧт пырья: лун вылас джын час висьтасьӧны берся юӧррез.

Радиӧт сія жӧ юкӧтсянь баитӧны комиӧн 10 минут мымда быд уджалан лун. Лыддьӧтӧны токӧ бӧрья юӧррез.

Ӧті-ӧті программаэз перем коми кыв вылын лӧсьӧтӧ и аспондасис уджалан радио «Союз-FМ-Кудымкар». 

Коми кытшись школаэзын челядьсӧ велӧтӧны унажыксӧ роч кыв вылын. Перем коми кыв босьтӧны отсӧт туйӧ сэк, кӧр колӧ, медбы челядь буржыка вежӧртісӧ материал. Велӧтан кывнас перем коми кыв лоӧ токӧ мам кыв да перем коми литература уроккез коста. Энія предметтэз сьӧрті и лэдзӧны комиӧн велӧтан небӧггез.

Лыддьӧтан кывнысӧ да перем коми литература 2008'/09' воын Коми кытшас велӧтӧмась дзир 20,5% коми челядь коласісь (2931 морт); а садиккезӧ, кытӧн челядёкыскӧт баитӧны коми кыв вылын, ай-маммез сетӧмась сія жӧ годӧ токӧ 848 кага (этія лоӧ 14,3% быдӧс дошкольниккез коласісь). 

Медвылӧдз велӧтаніннэз коласісь перем коми кыв вылын лыддьӧтӧны лекцияэз токӧ Перемын, педагогика сьӧрті университетын. Татісь филфаклӧн коми-роч юкӧт вылӧ одзжык быд во босьтлӧмась 25 мортӧн. Сэсся велӧтчыны локтіссез лоӧны сё етшажык. 2009' годӧ 1-а курс вылӧ босьтӧмась дзир 17 мортӧс. Велӧтчылісӧ 5 воӧн, ӧні пондасӧ етшажыкӧн. Юкӧтсӧ помаліссезлӧ сетӧны диплом «Перем коми кыв да литература сьӧрті велӧтісь, роч кыв да литература сьӧрті велӧтісь». Но уджавны коми кыв велӧтісьӧн томмэс сэсся озӧ вермӧ да мунӧны шедтыны сьӧм мӧділаэзӧ.

Пондӧтчан школа понда коми велӧтіссезӧс лӧсьӧтӧны Кудымкарын, педагогика сьӧрті колледжас, но татӧн нельки оз быд во босьтӧ абитурасӧ. Этія и вежӧртана, мыля школаэз Коми кытшын пӧднасьӧны, а коми кыв тӧдісь школьниккез дугдывтӧг чинӧны. 

Ӧння кадӧ небӧггесӧ перем коми кыв вылын лэдзӧны ӧддьӧн етша, да и тематика нылӧн зэв и зэв дзескыт. Шуам, кӧр 1921'–1937' воэзӧ петӧмась 350 нима быдкодь небӧггез, то сы дыра жӧ кад сьӧрна, 1991'–2007' воэзӧ,  дзир 80. Кӧркӧ, лыддьӧтан кыв лӧсьӧтікӧ, лэдзӧмась кыдз велӧтан да мича литература, сідз и политика, наука да берся удж сьӧрті колана небӧггез, ӧні жӧ лыддьӧтісьлӧ вӧзйӧны токӧ перем коми гижиссезлісь мичмӧтӧм гижӧттэз да перем коми кыв да литература сьӧрті велӧтчан небӧггез. Коми книгаыс Коми кытшын петӧ Перем коми  этнокультура шöринісь.

Визирсайся да роч литературасӧ перем коми кыв вылӧ дугдӧмась вуджӧтны 1962' воын. Математика сьӧрті медбӧря велӧтан небӧг лэдзӧмась 1975' годӧ.

Коми кытш визиррез сайын перем комиӧн небӧггез петӧны Финмуын, кытӧн Библия вуджӧтан институт 1993'-2009' воэз сьӧрна лэдзӧма öкмыс гижӧт Христос велӧтӧм сьӧрті. 
 

Коми отирлӧн гижӧт медодз аркмис XIV векӧ, кӧр Перем Степан лӧсьӧтіс медодзза коми анбур (азбука) да вуджӧтіс кынымкӧ вичкося текст перем кыв вылӧ.

Рытвыв Европаын перем кыв вылын медодзза текст вӧлі йӧзӧтӧм (публикуйтӧм) 1705' годӧ. Этӧ вӧлі кеймисян «Миян айö», кӧдӧ ми вермам лыддьӧтны Н. Витсен небӧгись «Ойвыв да асыввыв тотаралӧн му».

Перем кывлісь кынымкӧ шуан гижӧма Д. Г. Мессершмидт (1720) да мымдакӧ публикуйтіс Ф. Й. Страленберг небӧгын «Европа и Азиялӧн ойвывся да асыввыв тор» (1730).

Быдӧс эна материаллэз лӧсялӧны и перем коми, и зыряна коми сёрнилӧ.

Первуись перем коми шуаннэсӧ сетӧма торйӧн и ордчӧн зыряна коми кыввезкӧт Г. Ф. Мюллер. Этійӧ сія керис 1756' годӧ, кор сылӧн медодз петіс небӧгыс «Казань губерняись чучкӧй отир йылісь». Перем кыввез босьтӧмӧсь ойвыв сёрнитанісь.

Медодзза коми грамматика да ыджыткодь кывкуд вӧлісӧ лӧсьӧтӧмӧсь 1785' во кежӧ. Уджыс вӧлі керӧм Перемись протоиерей Попов Антоний веськӧтлӧм увтын. Небӧггес ӧнӧдз абу публикуйтӧмӧсь.

Сэсся перем сёрнитаннэзісь лоасӧ ӧктӧмӧсь эшӧ кык ыджыт кывчукӧр – Чечулин Георгийлӧн (1820' воэзӧдз) да Волегов Федотлӧн (1830'-1840' воэзӧ). 

Куимӧт пырся перем коми кыв лад йылісь гижис Рогов Миков. Сылӧн грамматикаыслӧ вӧлись лӧсяліс: небӧг вӧлі печатайтӧма Петракарын 1860' годӧ. Ӧкмыс во бӧрті, 1869' годӧ, сэтчин жӧ петӧ Ӧврам Миколыслӧн жӧ «Коми-роч да роч-коми кывчукӧр». 

Челядьӧс велӧтӧм понда медодзза небӧг, «Лыддьӧм пермяк понда», петӧ 1894' воын, гижис сійӧ Попов Ермов. 

XIX век помын – XX век пондӧтчикӧ Казаньын лэдзӧны перем коми кыв вылын букваррез да унакодь вичкося небӧг. Сійӧ уджсӧ артмӧтіс Камасинісь Шестаков Яков (сія вӧлі поп Кудымкарын). Вуджӧтіссез коласын тӧдса Седегов И.В., кӧда кипонісь петіс «Вежа история» (1901' во) да мд. 

Быдсӧн 1917' воӧдз перем комиӧн печатайтӧмась 26 мымда небӧг. Роч муын саррезӧс берездӧтӧм бӧрын коми небӧггес пондасӧ петны бура унажык, 1921'-1941' воэзӧ петӧма 533 етш небӧг перем коми кыв вылын, да эшӧ вӧлсіӧ газетаэз и журналлэз…

Важ режим дырни да и мыйкӧ дыра революция бӧрын, 1927' годӧдз, небӧггесӧ лэдзӧмась ойвывся да лунвывся сёрнитаннэз вылын торйӧн. Сэсся шуасӧ лӧсьӧтны ӧтласа перем коми кыв, мый понда и пыртасӧ л/в вежласьӧм. 

Кыв пондӧмась буражык нормируйтны. Терминнэз аркмӧтӧм да орфография бурмӧтӧм сьӧрті чулӧтлӧмась ӧксяннэз, медыджытыс вӧлі 1933' годӧ, юль коста. Мӧдігод перем комиэз ветласӧ сэтшӧм жӧ ӧксян вылӧ и Сыктывкарӧ, кытӧн мӧдісӧ унифицируйтны орфографиянысӧ зырянаыскӧт.

ХХ веклӧн 20'-30' воэз сьӧрна перем комиэзлӧ лыддьӧтан кыв лӧсьӧтӧмась Лихачёв Микаль, Питю Ӧньӧ, Онтон Пёдор, Ёгор Пёдор, а томжыккез коласісь Нечаев Григорий, Грибанов Спиридон, Василь Миков, Иву Стёпко. 

Сія жӧ кадӧн перем коми кыв вылын вӧлісӧ лэдзӧмӧсь велӧтан небӧггез алгебра, геометрия, физика, химия, география, ботаника да зоология сьӧрті, уна небӧг вуджӧтасӧ роч кыв вылісь. 

Эна воэзӧ неӧтпыр вежсьылӧма коми кывлӧн графика (гижӧт): перво вӧлӧма Молодцов анбур (1921-1932), сыбӧрын коми латынь (1932-1937), сэсся татісь комиэсӧ вуджӧтасӧ роч азбука вылӧ, а 1939' годсянь пыртасӧ ӧння коми алфавит. 

Перем коми кыв вӧлі вӧлись кодифицируйтӧм 1938' август 7' лунӧ, кӧр РСФСР-ись отирӧс велӧтӧм сьӧрті нарком «утвердитіс русскӧй основа вылын коми-пермяцкӧй алфавит да основнӧй орфографическӧй правилоэз» . Но эшӧ 1936' восянь коми кывсӧ пондӧмась Коми кытшын быднёж дзескӧтны. Перво шупкасӧ коми теминология (Мошегова Анна, Спорова Анна да кд.), сэсся кутчасӧ жагӧник пичкыны коми кывсӧ школаись, веськӧтлан керкуэзісь, газетаись. Медбӧрьяись газета быдсӧн комиӧн петас 1958' годӧ. Историяӧ велӧтан медбӧрья небӧгсӧ печатайтасӧ 1962' воын, математикаӧ (1 кл. понда) - 1975' воын. Быдӧс этіясянь лыддьӧтан коми кыв ӧштас ассис дон, и кольччас коланаӧн токӧ ны понда «кинлӧ этӧ интересно».

Нормаэз коми кыв сьӧрті сэсся вежсисӧ етша. Орфография сьӧрті медодзза кывкуд вӧлі лэдзӧм 1945' годӧ. Сэсся сэтшӧм жӧ кывкуддэс петасӧ 1955', 1965' да 1992' воэзӧ. 

Терминология сьӧрті кывкудоккез лэдзӧмась 1940' да 1949' годдэзӧ. Сэсся терминология (унажыксӧ рочись босьтӧм) эз вежсьывлы 2000' воэзӧдз.

Ыджыткодь «Русско-коми-пермяцкӧй словарь» петіс 1946' годӧ (лӧсьӧтіссез – А. М. Спорова да П. С. Кузнецов), а «Коми-пермяцко-русскӧй словарь» – 1985' воын (лӧсьӧтіссез – А.С. Кривощёкова-Гантман да Р.М. Баталова). Кыкнан кывкудын коланася унажык роч шуаннэз, а ӧддьӧн уна коми кыввез сэтчӧ абу пыртӧмӧсь.

Перем коми кыв теория сьӧрті ӧтласа небӧг петӧма токӧ ӧтчид - 1962' годӧ. Небӧгсӧ гижӧмась Илля Вась кипод увтын. Сэсся эттшӧм уджжез перем комиэзлӧн эзӧ ни вӧлӧ.

Ӧння кадӧ Коми кытшын бӧра весӧтӧны бы перем коми терминология. Виль велӧтан небӧггезӧ пыртӧны ни сэтшӧм вунӧтӧм кыввез, кыдз шыпас (буква туйӧ), кывбур (стихотвореннё туйӧ) да мӧдіккез. Комиӧн баитыштӧ радио да телевизор, газетаын петӧ коми листбок. Но глобализируйтчӧм коста вились саймӧтны коми отирыслісь интерес мам кыв дынӧ лоӧ ӧддьӧн сьӧкыт.

Коми  йылісь баитікӧ сьӧрсьӧн-бӧрсьӧн видзӧтӧны кывсӧ куим ладӧрсянь: фонология (сёрни шыэз йылісь велӧтӧм), морфология (кыв формаэз йылісь велӧтӧм) да синтаксис (кыввез йитчӧм йылісь велӧтӧм).

Перем коми кывлад йылісь татӧн гижам унажыксӧ А.С. Кривощёкова-Гантаманлӧн «Дженынт грамматика» сьӧрті .

Коми фонология видзӧтӧ, кытшӧм сёрни шыэз эмӧсь коми кылын, кыдз нія вежсьӧны нето асалӧны ӧтамӧднысӧ сёрниын, мыйся шы вынсьӧтан лоӧ аскодяӧн торья коми диалекттэзлӧ нето лыддьӧтан кыввезлӧ.

Перем коми кылын нія жӧ сёрни шыэз, кыдз и зыряналӧн коми кыланыс. Быдсӧн важ вужья шуаннэзын пантасьӧны 33 торья шы.

Коми кылын сизим тыргора шы:

Шума шыэз:

Пасйӧттэз таблича сьӧрті:

 

Перем коми кылын аскодя шы вынсьӧтӧм, кӧда оз вачкись зырана кылын шы вынсьӧтан вылӧ не мукӧд перем диалекттэзісь шы вынсьӧтан вылӧ.

Лыддьӧтан кылын перем комиэзлӧн сія лоӧ морфологизируйтӧм, м. ш. мукӧд содтассэз пыр вынаӧсь (сідз, небзьӧтан содтас -ок: пызанок, пурток), мукӧдыс бӧра некӧр оз вынсьӧтчӧ (шуам, эманимлӧн места кӧрталан содтас -ын: вӧрын, Перемын), вӧлись куимӧттэз кыскӧны вынсьӧтӧмсӧ ас одзись слогӧ (шуам, ордчӧтан содтас -жык: чочкомжык, пемытжык).
 

КОМИ АНБУР

Анбур (алфавит) тэчӧма 35 шыпасісь, ны коласын быдӧс роч шыпассэз да кык асланым - ö, i. 

Шыпассэз сьӧрсьӧн-бӧрсьӧн мунӧны сідз: а, б, в, г, д, е, ё, ж, з, и, i, к, л, м, н, о, ö, п, р, с, т, у, ф, х, ц, ч, ш, щ, ъ, ы, ь, э, ю, я. 
 
Шыпас i видзӧны, мед мыччавны тыргора шы и гозъя чорыт шума шыэз бӧрын (т, д, с, з, н, л): тійӧ, тӧді, сім, зі, ӧні, вӧлі; абу кӧ этія тыргора шы одзын гозъя чорытыс, сійӧ жӧ мыччалӧны и шыпасӧн.: мийӧ, син, йирны, иган).

Шыпас э видзӧны, мед мыччавны небыт шы э кыв пондӧтчикӧ да гозъя чорыт шума шыэз бӧрын (эстӧн, тэнат), мӧд шыэз бӧрын гижӧны е (менам, сетны).
 
Ассяма гаршыэз (гартчӧм шыэз) мыччалӧны кык шыпасӧн: 

Коми морфология велӧтӧ торья кыввезлісь (шуаннэзлісь) тэчсьӧм (кываркмӧм), содтӧт формаэзнысӧ да вежласян кыв парадигамаэсӧ. Быдӧс этійӧ морфология видзӧтӧ сёрни торрез пыр. Перем коми кыв лад сьӧрті велалӧмась адззыны 11 сёрни тор: 

Серкывсӧ оз быдыс пукты сёрни тор туйӧ, унажыкыс лыддьӧны сійӧ тӧдчанкылӧн.

Кадакылын торйӧтӧны эшӧ причассёэз да деепричассёэз.

Эманим коми кылын вежласьö лыддян (число), асалан да кöрталан (падеж) сьöрті.

Унаö лыддян (множественнöй число) перем коми кылын мыччалöны эз содтасöн:

Асалан мыччалöны тодильнöй асалан суффикссэзöн:

 
Кöрталан (падеж) мыччасьö кöрталан суффикссэзöн. Перем комиэзлöн лыддьöтан кылын эм кöртавтöм (под) форма да 17 кöрталан. Мукöд кöрталан суффикссэзлöн эм вына да жеб варианттэз, мöддэс овлöны токö сора вежласьöмын.

Коми тöдчанним вежласьö тшупöттэз сьöрті

Кодя нимвежлассэс:

Кадакыв вежласьö кад, мортін да лыддян сьöрті. Сылöн эм нёль модус: индикатив, императив, конъюнктив, оптатив. 

Под форма - тшöктан модуслöн (императив) öтікö лыддян мöдöдз мортін: мун, кер, пукты. 

Инфинитив аркмö под сьöрас суффикс -ны содтöмöн: мун-ны, кер-ны, пуктыны.

Вежласикö аффирмативын вежам суффикссэз, негативын – префикссэз да суффикс: 

Суффиксісь тыргора шы одзын под помсис -ы öшö: пукты - пукт-а-с.

Кывладісь быд вежöртас мыччалöны торья аффикссэз (содтассэз), кöдна öтлаасьöны кывйыввезö.

Мыччалам, кыдз вежласьö керны кадакыв.

Пасйöттэз.

Императивын вежласьöм:

 
Инфинитив

Партициппез

Герунддэз

Кываркмӧм сьӧрті кывбӧррез коласын янсӧтчӧны кык чукӧр: 

Ин сьӧрті быдкодь йитӧттэсӧ (отношеннёэз) мыччалӧны нима кывбӧррез. Нія вужнаныс шуӧны ин, кӧда куйлӧ кытшӧмакӧ эмторыс сьӧрті (сы одзын, дорын, весьтын, сайын да мд.): керӧс увтын, керку сайын; ю дорын, школа одзын.

Нима кывбӧррез да мукӧдыс кодя кывбӧррезісь вермӧны кышавны асалан содтассэз, шуам пызаныт увтын туйӧ позьӧ висьтавны пызан увтат; пызаныт увтісь туйӧ - пызан увтсит.

Йитассэз янсӧтчӧны кык ыджытжык чукӧрӧ: ёрталанаӧсь да увтыртанаӧсь. 

а) ӧтлаӧтӧмӧн: и, да, сідзжӧ, тожӧ, не — не, шуам:
Кушамӧ ыб, и му шуралӧ; Быд лун сылӧ вовлісӧ телеграммаэз да письмоэз; Зоночка любитіс лыддьӧтны, сія сідзжӧ занимайтчис спортӧн.

б) янсӧтӧмӧн нето оча пуктӧмӧн: а, но, да, или, али, то — то, то ли, шуам:
Керкуным бур, да юыс матын абу; Небоын югьяліс шонді, а руыс вӧлі кӧдзыт

а) висьталантор: что, чтобы, медбы, бытьтӧ, кыдз бытьтӧ, шуам:
Бур, что лымыс одз сыліс; Петялӧ кажитчис, бытьтӧ ойся вӧрын кинкӧ ветлӧтӧ; Быдыс тӧдіс, что чожа войнаыс кончитчас

б) кад: кӧр, кыдз, только, кытчӧдз, шуам:
Кӧр мужиккез саймисӧ, Ипатов керкуас эз ни вӧв; Только пондіс югдыны, вӧраліссез вӧлісӧ кок йылын ни

в) гӧгӧртас: кӧ, кӧбы, если, ежели, коли, раз, шуам: Гортсянь кӧ лэдзасӧ, сэк мунам татісь; Ежели бы кӧч ветлӧтіс эсті, сійӧ адззисӧ бы след сьӧрті; Если колӧ сёрнитны мекӧт, кай татчӧ

г) помка: мыля, сідз кыдз, сійӧн что, сысянь что, сійӧн мыля; шуам:
Библиотека оз уджав, сідз кыдз мунӧ ремонт; Юннаттэз киськалісӧ пуоккез, сійӧн мыля гожумыс ӧддьӧн жар. Огӧ ни кайӧ вӧрас, лӧсьӧтчӧ зэрны да.

д) мог: мед, медбы, сы понда, медбы, шуам:
Варяыс муніс мӧдӧрӧ, медбы сыкӧт не пантасьны; Деддэзным пессисӧ сы понда, медбы мийӧ бура олім.

Тороккесӧ янсӧтӧны сэтшӧм чукӧррезӧ:

а) таксьӧтан: нельки, нӧ, инӧ: нельки кылыс ӧшис; кытчӧ инӧ мунан?

б) чинтан: только: только татӧн эм быдӧс

в) мыччалан: вон, вон тай, то : то кытӧн вӧлӧма тшакыс! 

г) юасян: я, разь, неужели, ли мый ли: абу я татӧн ваок?

д) соссян: абу; не: не, не сія; меным абу охота

е) сетчан: мыйнӧ: мыйнӧ, сідз и вӧлі быдӧс

ж) кад йитан: на, ни, эшӧ: ме эг на вӧв татӧн; ӧвсьы ни

з) пыртан: тай, эд, кӧть, некӧ, мыся, пӧ: мунам, пӧ, клубӧ; мыся, ог мун

и) мӧдан: бы, давай, ась, мед, нӧ, -ко: висьтав-ко; ме бы ветлі; ме бы ветла жӧ

к) ордчӧтан: топ, дзик: сія топ айыс

Коми кылын, кыдз и урал-алтай вужа мӧдік йӧз сёрниын серкыввес тыр. Серкыввезӧн мийӧ нимтамӧ кыввез, кӧдна вачкисьӧны быдкодь оланшыэз вылӧ нето серпасалӧмӧн мыччалӧны вешшӧммез, асвидзӧммез (состояннёэз), коддьӧммез (качествоэз) да мд. 

Шы мыччалан серкывез. Шуам: кар-р, кар-р — рака карзӧм вылӧ вачкисьӧ, крив-крув, крив-крув — туриэз кривзӧны, кук-ку, кук-ку — кӧкӧкӧк, ур-р, ур-р — ургӧ дудіыс, чив-чив — чивзӧ рудкайыс, герс-герс — герсканыслӧн шыыс, чав-чав — чавкан горӧтӧ, чирк-чирк — кӧбывкаэз чирскӧны да с.о.

Унакодь и адззӧмсӧ мыччалан серкыввез: дзар: дзар керны ‘чожа видзӧтны’; жӧв: жӧв керсьыны ‘чӧв усьны’; сяр: сяр сулавны ‘арттӧг сулавны’ (уна йылісь); чывк: чывк керны ‘чожа бергӧтчыны’ (морт йылісь); кваркыш: кваркыш керны ‘куньыштлыны син’; питькыр-питькыр: питькыр-питькыр мунны ‘мунны каджжезӧн питькырасьтӧн’; лег-лег: лег-лег керны чуньӧн ‘повзьӧтны чуньнас’.
 

Перем комиэз коласісь ассиныс кывнысӧ наука ладӧрсянь туялісӧ кӧркӧ нето ӧні туялӧны 15 морт:

Коми кыв сьӧрті велӧтан небӧггесӧ гижисӧ и гижӧны велӧтіссез да методисттэз: 

Кывкуддэз

  
Грамматикаэз 

Туялӧммез




#Article 72: Перем коми лыддьӧтан (261 words)


Перем коми лыддьӧтан нето коми пермяккезлöн литература — перем коми кыв вылын гижöм мичмöтан гижöттэз.

Перем коми литературалӧн медодзза оськӧввез йитсьӧны А. Зубов да М. Лихачёв ниммезӧн. Национальнӧй литератураыс аркмӧ да зорамӧ ас пытшкас. Фольклор туйдӧтіс перем коми литературасӧ керны медодзза оськӧввез. 

Фольклор ӧктӧмын некокнит удж, отирлӧн устнӧй творчество колисӧ ассиныс пас А. Зубов (Питю Ӧньӧ) творчествоын. Сы гижӧттэзын, кыдз и фольклорын, позьӧ лыддьӧтны коми инькалӧн некокнит олан йылісь. 

Мӧдік гижись, кӧда сідз жӧ осьтіс туй перем коми литературалӧ, М. Лихачёв. Сія унажыксӧ радейтӧмӧн гижӧ аслас му йылісь, ловья вӧр-ва йылісь. М. Лихачёв оліс сэтшӧм кадӧ, кӧр эз позь вежӧртны – кин сайын бур оланыс, сійӧн сылӧн гижӧттэс мыччалӧны этійӧ кадсӧ. 

Этна жӧ годдэзӧ пешлӧны гижӧмын вын В. Дерябин, С. Караваев, Н. Попов, Ф. Тараканов. 

Этія кадӧ зорамис дзир поэзия, прозаыс эз вӧв. 

XX-т веклӧн 1980-ӧт – 1990-ӧт воэзӧ быдмисӧ том прока поэттэз: Ф. Истомин, Л. Никитин, Г. Бачева, А. Истомина, Арк. Истомин, Н. Исаева, Л. Гуляева, Л. Косова. Нія гижӧттэзаныс пыдына видзӧтӧны олансӧ, быдыс пуктӧ ассис пас да философскӧй мывкыд, пыдына радейтӧ чужан му да мам кыв. 

Прозаын ассиныс вын пешлӧны А. Ермаков, В. Кольчурин, В. Козлов, В. Канюков, Л. Нилогов. Важын ни гижӧ деревняын оліссез йылісь С. Федосеев. 

Сьӧкытжык уджавны коми материал вылын национальнӧй драма театрлӧ, сідз кыдз коми кыв вылын етша драматургия. Этшӧм жанр вылын гижис коми драматург С. Можаев. Роч кыв вылын коми преданнёэз сьӧрті гижис М. Сторожева. Быд во театр сувтӧтӧ перем коми кыв вылын ӧтік-кык спектакль, мый лоӧ ӧддьӧн етша кытшын олісь отирлӧ. Перем коми кыв вылын спектакллес бура гленитчӧны видзӧтісьлӧ. 

Перем коми гижисӧ унаӧн:




#Article 73: Перем комиэз (3088 words)


Перем комиэз нето коми пермяккез – коми отир, кӧдна олӧны Перем ладорын, Киров лапӧлын да Коми Республика лун-рытвыв пельӧсын. Быдӧс этна комиэз рочӧн асьнысӧ шуӧны (нето шуисӧ ХХ век пондӧтчикӧ) пермяккезӧн.

Комиӧн баиттӧнняс перем комиэзісь быд морт нимтӧ асьсӧ коми морт.

Перем комиэсӧ, кӧдна олӧны Перем ладорись Коми кытшын веськӧтліссез тшӧктӧны шуны коми-пермяккезӧн. Коми кытш визиррез сайись перем коми анклаввезын отирыс ӧнӧдз шуӧны асьнысӧ рочӧн дзир пермяккезӧн. Унажык комиэсӧ, кӧдна олӧны Коми Республикаын, йӧзыс шуӧны коми зырянаӧн. Перем комиэз да коми зыряна лоӧны коми отир пытшыкын кык ыджыт субэтнос туйӧ.

XIX век помын да XX век пондӧтчикӧ перем коми отир сё содӧма, мыля отирыс горт муэзісь мунісӧ етша. 1897 годся гижӧтӧм сьӧрті перем комиэзісь 98% олӧмась асланыс муэзын. Ӧні уна том отир мунӧ аслас чужан муэзісь кошшыны буржык олан да ӧшӧ-сылӧ роччез шӧрын, сійӧн и коми отирыс Перем ладорас лоис унаись етшажык.

Перем комиэз баитӧны коми кывлӧн перем диалекттэз вылын. Коми кытшын перем комиэз лӧсьӧтӧмась тодильнӧй кыв стандарт, кӧда шусьӧ Перем комиэзлӧн лыддьӧтан кыв (рочӧнжык: коми-пермяцкӧй литературнӧй кыв). Этійӧ кыв велӧтӧны Коми кытшись школаэзын 21% мымда коми челядь коласісь. Тодильнӧй лыддьӧтан кыв (коми-язьвинскӧй кыл) Перем ладорись юраліссез ӧні лӧсьӧтӧны и Язьва дорись комиэз понда. 

Медодз роччез шуӧмась быдӧс коми отирсӧ ӧтласа нимӧн – пермяна нето пермяки, пермичи, но XVII вексянь ойвыв комиэсӧ рочӧн пондісӧ гижны зырянаӧн, а лунвыв комиэсӧ – пермяккезӧн. Этнія ниммез дынӧ жагӧник велалісӧ и асьныс комиэз, да унажыкыс сідз и кутчисӧ шуны асьнысӧ, кӧр баитӧны рочӧн.

Ойвыв комиэз (зыряна) 1921 годӧ шупкисӧ роччезлісь босьтӧм нимкодьсӧ да рочӧн шуӧны асьнысӧ дзир комиэзӧн (коми народ), кӧть и наукаын коми зыряна ним кольччис, мед вежӧртны, кӧдладорись комиэз йылісь сёрниыс.

Коми кытшын олісь комиэзлӧ, кӧдна одзжык асьнысӧ шуисӧ рочӧн пермяки, а комиӧн коми, 1925 во бӧрын юраліссез тшӧктісӧ и рочӧн, и комиӧн шусьыны коми-пермяккезӧн (коми-пермяки). Коми отир татӧн дыр вермасисӧ, мед чапкыны этійӧ нимкодьсӧ, но 1937 во бӧрын сетчисӧ.

Язьва дорын олісь комиэз ӧнӧдз шуӧны асьнысӧ рочӧн дзир пермяккезӧн, а Киров лапӧлын комиэз (зюзьдінса) – пермянаӧн. 

Колӧ содтыны то мый: мукӧд перем комиэз (Сыктыв йылын, Лэт йылын да Луз дорын оліссез), кӧдна рочӧн шуӧны асьнысӧ пермяккезӧн, ас кадӧ пырӧмась Коми Республикаӧ да ӧні наукаын лыддисьӧны коми зырянаӧн.

Сійӧн, мыля дӧс этна комиэз босьтісӧ аслыныс роч ним перем шуан сьӧрті (пермяк  перем), да и унажыкыс ны колаісь олӧны Перем ладорас, ми и нимтамӧ нійӧ быдӧннысӧ комиӧнжык перем комиэзӧн (рочӧнжык – коми пермяккезӧн). Но этійӧ ми керамӧ токӧ сэк, кӧр перем комиэз (коми пермяккез) да коми зыряна казьтывсьӧны ордчӧн. Абу кӧ могыс нійӧ торйӧтны – сэк тырмӧтчамӧ дзир коми нимӧн.

Унажык сы йылісь видзӧт: Перем комиэзлӧн олан муэз

Перем комиэзлӧн олан муэз куйлӧны Перем ладорын, Киров лапӧлын да Коми Республикаись лун-рытвывся пельӧсын. 

Медуна перем комиэз олӧны Перем ладорись Коми кытшын, кӧда куйлӧ шӧрӧттяс и лоӧ перем коми отир понда культура шӧрин (центр). Татісь школаэзын первуись перем комиэз коласын пондісӧ велӧтны комиӧн, татісь ысталісӧ коми велӧтіссесӧ мӧділаын олісь перем комиэз дынӧ, татӧн петӧны комиӧн небӧггез, комиӧн баитыштӧ радио да телевидз. Оліссез татӧн – иньвенса да косинса.

Перем ладорись ойвыв-асыввылын, Вишера районын перем комиэз олӧны Язьва ю йыввезын. Нылӧн аскоддя диалект, вера сьӧрті нія кержаккез. Перем ладорись юраліссез нетшкӧвтӧны бы язьвинсасӧ мӧдік перем комиэз коласісь, сы понда кынымӧкӧ ны челядь коласісь пондісӧ велӧтны татісь диалектӧ, кӧдӧ томмез вунӧтӧмась ни, лэдзӧны небӧггез.

Одзджык Кама ладорыс Перемсянь ойвывланяс вӧлі сваль коми муӧн, эта йылісь баитӧны топониммез: Ныроб, Яйва, Чусва, Обва. Ӧні коми отир татісь рочсялӧмась, кӧть и ны роч сёрниын кольччӧны торья коми шуаннэз да формаэз.

Перем ладор пасьта (Коми кытш визиррез сайын) олісь перем комиэз – Коми кытшись нето Язьва дорись мунӧм йӧз. Нія олӧны унажыксӧ каррезын, медуна – Перемын.

Киров лапӧлісь Зюзьдін (Афанасьева) район – перем комиэзлӧн важ горт. Сія куйлӧ Кама катытын, ордчӧн Коми кытшкӧт асыввылын да Удмурт Республикакӧт лунвылын. Зюзьдінса лёка рочсялӧны, школаын коми кыв оз велӧтӧ.

Коми Республикаись Койгорт районын, Сыктыв ю йыввезын, олӧны перем комиэз, кӧдналӧн басни вачкисьӧ зюзьдінса сёрни вылӧ. Но этнограффез пыртӧны нійӧ коми зыряналӧн сыктывса чукӧрӧ. Лыддьӧтан кыв туйӧ татӧн лыддисьӧ зыряналӧн коми кыв, кӧда вылын уна бур небӧг гижис татісь петӧм морт Торопов Иван.

Коми Республикаись Луздор районын перем комиэз олӧны Лэт ю йыввезын да Луз ю дорын. Нійӧ туяліссез сідзжӧ лыддьӧны коми зыряна туйӧ, нылӧн челядь велӧтӧны мам кыв зыряна небӧггез сьӧрті.

Уна перем комиэз мунісӧ чужан муись кошшыны буржык олан. Сійӧн миян вужись петӧм отир олӧны ӧні омӧн Роч му пасьта. Медуна – Краснодар ладорын, Ростов да Свердлов лапӧввезын, Йӧгра кытшын. 

Унажык сы йылісь видзӧт: Перем комиэзлӧн демография, Перем комиэзлӧн лыд Роч му регионнэз сьӧрті

Коми кытшас сія жӧ кадӧ коми отир вӧлӧмась 80 327 морт. 

Перем лапӧлас, Коми кытш визиррез сайын, сія жӧ кадӧ лыддисӧ асьнысӧ перем коми отирӧн 23 178 морт (эшӧ 1148 морт шуисӧ асьнысӧ коми), ныись 900 гӧгӧр коми морт олӧмась Язьваланьын. 

Зюзьдінса коласісь перем комиӧн шусьӧмась 351 морт.

Унаӧн перем комиэз коласісь мунӧны ылӧ чужан мусянь. 2002 вося гижӧтӧм сьӧрті медыджыт перем коми диаспораэз аркмӧмась Ханты-Манси (Йӧгра) кытшын (2704 морт), Свердловск лапӧлын (1897 морт), Ростов лапӧлын (1811) да Краснодар ладорын (1095). Унаӧн перем комиэз мунӧны и Коми Республикаӧ, татӧн нія 1118 морт.

Мымда вӧлісӧ перем комиэз важ кадӧ тӧдны сьӧкыт — сы йылісь некытӧн абу гижӧм. Тӧдны пондасӧ дзир XVIII век пондӧтчикӧ. 1710 годӧ Чердын уездісь 57 грездын (деревняын) олӧмась 3026 коми морт, Иньва ю гӧгӧр Совкар уездісь 97 грездын — 4763 коми морт (нійӧ тожно, 1702 воын, сетісӧ Строгановвезлӧ). 1745 годӧ коми отир лоасӧ ни 16 300 морт, а 1795 во кежӧ — 29 800 морт. 

XIX век сьӧрна комиэз содӧмась чожжыка мӧдік кывья йӧзся. 1857-1858 годдэзӧ X ревизия (гижӧтӧм) сьӧрті коми отир вӧлӧмась 62 130 морт. Ны коласісь Совкар уездын олӧмась 45 356 морт, Чердын уездын — 15 458 морт, Оханскӧйын — 1316 морт. 1897 годӧ Роч империялӧн медодзза гижӧтӧм мыччалас Перем губернияись 92 641 коми мортӧс, ны коласын: зюзьдінса — 9320 морт, язьвинса — 3843, обвинса — дзир 62 морт. 

Быдсӧн отирсӧ гижӧтӧммэз сьӧрті Коми кытшас оліс: 

Зюзьдын районас 1950 воэзӧ коми отир вӧлӧмась 7 сюрс гӧгӧр морт, 1970 годӧ — 700, а 2002 воын татісь лыддисӧ токӧ 351 коми мортӧс, сы сьӧрті, кыдз быдсӧн районас йӧзыс олӧны 16 960-а.

Язьва дорын коми отир 1897 годӧ вӧлӧма 2,2 сюрс морт, 1926 вося отир гижӧтӧм кежӧ нія лоасӧ унажыкӧсь: татӧн олӧма сэк 3163 коми морт. А сэсся нійӧ пондасӧ гижны роччезӧн. Медбӧрья гижӧтӧм дырни комиӧн (нето перем комиӧн) асьнысӧ шуӧмась дзир 886 морт омӧн Вишера район пасьта.

Перем комиез коласын ӧні позьӧ янсӧтны нёль чукӧр: иньвенса (лунвывся перем комиэз), косинса да лупьинса (ойвывся перем комиэз), язьвинса (асыввывся перем комиэз) да зюзьдінса (рытвывся перем комиэз).

Кӧркӧся обвинсалӧн неыджыт чукӧр, кӧда олӧма Перем губернияись Оханскӧй уездын, ӧння кадӧ быдсӧн рочсялӧма. 

Зюзьдынісь да Язьва дорись комиэз, кӧдна эзӧ пырӧ Коми кытш муэзӧ не Коми Республикаӧ, ӧнӧдз олӧны асланыс поверьёэз сьӧрті. Мӧділаэзісь комиэз нылӧ отсалӧмась умӧля, сысянь нія озжык кылӧ асьнысӧ коми отирӧн, но сё жӧ абу досповна ӧштӧмась ассиныс баитан коми кыв, а гижӧтчӧм коста мукӧдыс и шусьӧ коми мортӧн.

Коми кытш ойвылын да лунвылын олісь комиэз баснинаныс, культурананыс да оланнаныс невна торьясьыштӧны. Медтӧдчана неӧткодьыс ны коласын тыдалӧ л да в шыэз пыр. Кӧсва дорланьын комиэз баитӧны л шы пыр, а Иньва дорын унажык комиэз ӧштӧмась сійӧ шысӧ да пондӧмась шуны сы туйӧ в шы: (кыл — кыв).

Унажык сы йылісь видзӧт: Иньвенса, Нердвинса

Лунвылынжык олісь перем комиэзісь унажыкыс олӧны Иньва ю да сыӧ усян юэз пӧлӧн (сійӧн и шусьӧны – иньвенса). Сія ладорись комиэз торьясьӧны нёль неыджыт чукӧр вылӧ, кӧдна олӧны Иньва кывтытын, Иньва катытын, Ӧнь дынын да Нердва ю йыввезын.

Нердва йылын да Ӧннезын оліссез лоӧны коляссэз нія коми йӧзісь, кӧдна олӧмась кӧркӧ Обва ю да сы вожжез пӧлӧн. Ӧні унажыкыс обвинса рочсялӧмась, а Нердваись да Ӧннезісь комиэзӧс видзӧтӧны ӧтлаын иньвенсакӧт. 

Нердва дорын олісь комиэс торьясьӧны мӧдіккезсянь асланыс басниӧн. Уна годдэз сьӧрна роччезкӧт ӧтлаын олӧмыс пыртӧма ны оланӧ роччезлісь поверьёэз. Ӧньын отирыс невна не быдӧнныс рочмӧмась ни.

Кудымкар район пасьта да Юсьва район рытвылын олісь комиэзлӧн аскодьӧм басни да культура, ордча комиэз нійӧ шуӧны батюррезӧн. 

Иньвенса шедтӧмась сёянсӧ гӧрӧмӧн да кӧдзӧмӧн. Иньва ю пӧлӧн керкуэсӧ сувтӧтӧмась вит бокаӧсь, картавывсӧ абу вевттьывлӧмась. Керкуэсӧ лэбтӧны вӧлі невылына. Паськӧмсӧ вурлӧмась мурӧма да сьӧдрӧма пестрӧдись, вежалунся дубассэз вӧлӧмась набойнӧй дӧраись. Инькаэс новйӧмась юр выланыс шамшураэз. 

Коми иньвенса тӧдӧны космогония висьт сы йылісь, кыдз Ен да Куль аркмӧтісӧ мусӧ, висьтасьӧны Кудым Ош йылісь важся легенда. 

Унажык сы йылісь видзӧт: Косинса, Лупьинса

Ойвылісьжык перем комиэсӧ этнограффез ӧтувтӧмӧн шуӧны косинса. Коми отирлӧн этія чукӧрӧ пыриссез важынсянь олӧны Кама да сыӧ усян Кӧсва (рочӧн – Коса) ю пӧлӧн. Коркӧ нылӧн муэз вӧлісӧ Перем губернияись Чердын уездын, сійӧн татісь комиэсӧ сэк нимтӧмась чердынскӧй пермяккез). Ӧння кадӧ нылӧн оланіннэз пырӧны Коми кытшись Кӧч, Кӧс да Гайна районнэзӧ.

Ойвывся перем комиэз коласын торьялӧны Луп йылісь да Нӧрысісь комиэз, кӧдна олӧны Гайна районын. Нія асланыс этнокультураӧн вачкисьӧны коми-зыряналань, но асьнысӧ шуӧны рочӧн пермяккезӧн. Туяліссез нійӧ шуӧны лупьинса.

Гортся поверьёэз да кыв торьялӧны и Кӧч районісь комиэсӧ, кӧдна косинса коласісь лоӧны медгырись чукӧрӧн. Мукӧд туяліссез Кӧч ладорись комиэсӧ лыддьӧны косинса да иньвенса коласын вуджан чукӧрӧн (кочовса нимаӧн).

XIX-XX веккезся туяліссез косинса дынӧ ӧтлаӧтлісӧ Юрла районлӧн ой-асыввыв муэзын олісь комиэзӧс, кытӧн мӧддэс олісӧ роччез коласын. XX сугӧд пондӧтчикӧ Юрла районсис комиэс быдсӧн рочсялісӧ. Дзир оланіннэзлӧн, ыббезлӧн, видззезлӧн да мыссэзлӧн топониммез да одззася коми нимкоддезсянь аркмӧм гишшаннэз (фамиллёэз) мыччалӧны отирыслісь коми йӧзісь петӧм-аркмӧмсӧ.

Ойвыв районнэзісь коми отирыс кӧркӧ вӧлӧмась кан (государство) вылӧ уджалісь крестьянаӧн. 

Комиэс татӧн унажык вӧралӧмась, кыйӧмась чери, мукӧдлаас гӧрлывлӧмась ректассэзын муэз. Горт гӧгӧр уджын нылӧн вӧлісӧ няридззез. Грезддэзас (деревняэзас) керкуэс вӧлӧмась етша, сулалӧмась нія ордчӧн. Керкуэс вӧлісӧ вылынӧсь, ӧтлаӧтӧмӧсь кыксувда чомӧн. Керку вевттэсӧ баситлӧмась подачужӧма берсянас. Инькаэс унажык новйӧмась гӧрд дубас да кокошник.

Вӧраліссез новйӧмась паськӧмыс вевдӧрын лузан. Лов культураас татісь комиэслӧн вӧлісӧ аскодьӧм сьыланкыввез, висьтттэз да орсаннэз. Нія висьтасьӧмась Пера богатырь йылісь, кеймӧмась пода видзись да вӧралӧмын отсалісь еннэзлӧ. Уна тӧдісӧ Висьӧв йылісь висьттэз. Кӧрткыввез да модяннэз, ны сьӧрті, отсавлӧны вӧралӧмын да черикыйӧмын. 

Унажык сы сылісь видзӧт: Коми-Язьвинса

Перем му асыввылын эм комиэзлӧн тӧдчана чукӧр — Язьва комиэз нето, рочӧнжык кӧ шуны, язьвинса. Нія олӧны Язьва ю катытын. Эна муэс пырӧны Перем ладорись Вишера районӧ, а одзжык вӧлӧмась Чердын уездісь Верх-Язьва волостьӧн. Асьнысӧ язьвинсаыс рочӧн шуӧны пермяккезӧн.

Язьва комиэз сёрниын уна неӧткодьыс мӧдік комиэз басникӧт. Но этія сёрниыс (баитіссез 200 морт кыным) сё жӧ лоӧ коми кыв понда диалектӧн, кӧдӧ позьӧ пыртны коми кывлӧн асыввывся перем сёрнитанӧ (восточно-пермяцкӧй наречиёӧ). 

Коми отирлӧн асыввывся перем чукӧрыс Кама ладорас аркмӧма да зорамӧма IX-XV веккезӧ Кама, Колва да Вишера юэз пӧлӧн. Роччезлӧн Ыджыт Перемӧ локтӧмыс уна мый сорлаліс, сійӧн XVII сугӧд шӧрын Перем му асыввылісь комиэс невна не быдсӧн ӧшӧны. Ны чукӧрсиныс дзир неыджыт тор, кӧда муніс Язьва ю пӧлӧт катытас, видзис ассис баитан кывсӧ да аскодьӧм культурасӧ. Сія и аркмӧтас ӧння торья чукӧр.

XVIII век помын – XIX век пондӧтчикӧ натьтӧ и аркмис язьвинсалӧн чукӧрныс. Сія кадӧ Кама ладорас паськыта ветлӧма кержаккезлӧн велӧтӧм (Христослӧ важ нёжа эскӧм), сы сьӧрті отирыс и ӧтлаасясӧ ӧтік чукӧрӧ да пондасӧ видзсьыны ӧтамӧд бердӧ. Буржыка сорласясӧ рочческӧт Язьва дорись нія комиэс, кӧдна ветлісӧ буркывья вичкуӧ. 1897 годӧ язьвинсаыс вӧлӧмась 2,2 сюрс морт. Комиэзӧн нійӧ медбӧрьяись гижисӧ 1926 вося гижӧтӧм коста, сэк татӧн вӧлі 3163 коми морт. Одзланься гижӧтӧммез дырни татісь коми отирсӧ гижӧтлісӧ роччезӧн ни. 

Советтэз дырни Язьва дорись комиэс эзӧ пырӧ нія муэзӧ, кытӧн ӧксисӧ ӧтлаӧ унажык коми отирыс: ни Перем комиэзлӧн асвужья кытшӧ, ни Коми АССР-ӧ. Язьва дорись коми отир ӧнӧдз озӧ вермӧ вежӧртны, кытшӧм чукӧрӧ пырны, шуӧны асьнысӧ коми-язьвинсаӧн, коми-пермяккезӧн, комиэзӧн, пермяккезӧн, нельки роччезӧн. Унаӧн озӧ вермӧ висьтавны, киннэз нія чужанвуж сьӧрті.

Унажык сы йылісь видзӧт: Зюзьдінса

Рытвылынжык олісь перем комиэз коласын медматынӧсь Коми кытш дынӧ лоӧны Кама йыввезісь (Зюзьдінісь) комиэз. Нія олӧны Киров лапӧлісь Зюзьдін (Афанасьева) районын. Одзжык эта вӧлі Вятка губерняись Глазов уезд. 

Зюзьдінса этноним лоис, натьтӧ, Сюзьва ю нимсянь, кӧда усьӧ Кама юӧ веськыт ладорсянь (Зюзьдін  Сюзь дін, дін кывлӧн вежӧртас лоӧ ‘уссё’). Этія ю уссё гӧгӧр, тыдалӧ, и олісӧ татісь комиэзлӧн важ ай-маммез. 

Асьнысӧ татісь комиэз рочӧн шуӧны пермянаӧн, пермяккезӧн. 

Уна век сьӧрна зюзьдінса олӧмась торйӧн коми этнос шӧриннэзсянь, ӧтлаын роччезкӧт. Сійӧн Зюзьдын комиэслӧн важынсянь лоӧма аскодьӧм рочсялӧм олан культура. Рӧдвуж отир дынсянь торйӧн олӧмыс, нация зоралӧмсянь да коми отирлӧн ӧтлаасьӧмсянь торьялӧм, Коми кытшись да Коми Республикаись комиэзкӧт экономика да культура йитӧттэзын етша пантасьлӧм, унажыксӧ и сорлаласӧ Зюзьдынісь комиэсӧ рочческӧт. 

Зюзьдынісь комиэс баитан кыв да горт олан сьӧрті торйӧтчӧны кык чукӧр вылӧ. Ойвыв зюзьдинсаыс вачкисьӧны унажыксӧ Гайна гӧгӧрись комиэзлань, лунвывсяэс — Иньва дорись комиэзлань.

Ой-рытвылын, ылынкодь Коми кытшсянь олӧны перем комиэз, кӧднӧ пыртӧмась зыряна коласӧ, этӧ Сыктывйывса, Лэт ю дорись да Луз ю дорись комиэз.

Перем комиэзлӧн эм асланыс кыв стандарт – перем комиэзлӧн лыддьӧтан кыв (рочӧнжык коми-пермяцкӧй литературнӧй кыв), кӧда вӧлі лӧсьӧтӧм татісь коми диалекттэз под вылын. Коми кытшись школаэзын лыддьӧтан кывнысӧ да перем коми литература 2008/09 воын велӧтӧмась дзир 20,5% коми челядь коласісь (2931 морт); а садиккезӧ, кытӧн челядёкыскӧт баитӧны коми кыв вылын, ай-маммез сетӧмась сія жӧ годӧ токӧ 848 кага (этія лоӧ 14,3% быдӧс дошкольниккез коласісь).

Унажык сы йылісь видзӧт: Перем коми диалекттэз

Перем комиэз олӧны паськыта, сійӧн и кыв нылӧн абу быдлаын ӧткодь. Позьӧ торйӧтны нёль ыджыт сёрнитан (наречие): ойвывся, лунвывся, рытвывся да асыввывся. Коми кывлӧн перем сёрнитаннэз невна не пыр лӧсялӧны коми отирлӧн торья перем чукӧррезкӧт. 

Ойвывся да лунвывся сёрнитаннэз куйлӧны шӧрӧттяс, ны под вылын вӧлі аркмӧтӧм перем комиэзлӧн лыддьӧтан кыв – перем коми кыв.

Унажык сы йылісь видзӧт: Перем коми кыв

Перем комиэзлӧн лыддьӧтан кыв аркмӧма коми кывлӧн лунвывся да ойвывся перем сёрнитаннэз под вылын. 

Первуись бумага вылӧ перем коми кыввез-шуаннэз лоисӧ личкӧтлӧмӧсь-печатайтӧмӧсь 1756 годӧ Г.Ф. Миллер уджын, мортыс босьтӧма нійӧ ойвыв сёрнитанісь. 1785 во кежӧ вӧлі дась (готов) медодзза коми грамматика да ыджыткодь кывкуд, лӧсьӧтісьыс – Попов Антоний. Сэсся перем сёрнитаннэзісь лоасӧ ӧктӧмӧсь эшӧ кык ыджыт кывчукӧр – Чечулин Георгийлӧн да Волегов Федотлӧн. 1823 воын первуись вуджӧтӧны перем коми кыв вылӧ Бур юӧр (Евангеллё). Этійӧ керӧма Йӧг посадісь поп Любимов Феодор. 

Стандарт туйӧ перем коми кыв вӧлі кодифицируйтӧм август тӧлісьӧ 1938 годӧ. Но эшӧ 1937 восянь коми кывсӧ пондӧмась Коми кытшын быднёж дзескӧтны. Перво шупкасӧ коми теминология (Мошегова Анна, Спорова Анна), сэссся жагӧнік пичкасӧ сійӧ школаись, веськӧтлан керкуэзісь, газетаись. Медбӧрьяись газета быдсӧн коми кыв вылын петӧма 1958 годӧ. Историяӧ велӧтан медбӧрья небӧгсӧ печатайтӧмась 1962 воын, математикаӧ - 1975 воын. Быдӧс этіясянь лыддьӧтан коми кыв ӧштас ассис дон, и кольччас коланаӧн токӧ ны понда «кинлӧ этӧ интересно».

Ӧні коми кыв вылын лэдзӧны недель вылыс ӧтпыр «Коми говк» нима листбок «Парма» газетаын. Телевизор пырья комиӧн баитӧны джын час, а радиоӧттяс дас минут быд уджалан лун. Перем коми кыв сьӧрті медбӧрья ыджыт кывчукӧр (роча-коми) петіс 1985 годӧ, орфография кывчукӧр – 1992 воын. 

Ӧння кадӧ отир мӧдӧны бӧра весӧтны коми терминология. Виль велӧтан небӧггезӧ пыртӧны ни сэтшӧм вунӧтӧм кыввез, кыдз шыпас (буква туйӧ), кывбур (стихотвореннё туйӧ) да мӧдіккез.

Перем коми кыв понда ассямаӧн лоӧны:

Но сё жӧ унажык кыввез, формаэз да структураэз кыкнан лыддьӧтан коми кылын ӧткодьӧсь.

Унажык сы йылісь видзӧт: Перем комиэзлӧн история

Перем комиэз, кыдз и быдсӧн коми отир, петӧмась финн-йӧгра вужись. Этійӧ позьӧ вежӧртны, кӧр мийӧ ордчӧн видзӧтам коми кыв да кыввез финнэзлісь, эсттэзлсіь, мордвалісь, мариэзлісь, йӧгралісь нето мадьяррезлісь. Медся матынӧсь коми отир дынӧ кыв сьӧрті лоӧны удмурттэз, кӧдна олӧны перем комиэзсянь лун-рытвылын.

Археологияӧн адззалӧм коляссэз сьӧрті медодзза отирӧн, кӧдӧ мийӧ вермам лыддьыны перем коми йӧзлӧ важся ай-маммез туйӧ, вӧлісӧ ананьина культура видзиссез. 

Архелогия культураэз петӧны сьӧрсьӧн-бӧрсьӧн сідз:

Родановсаыс и вӧлӧмась ни перем коми увтыррез.

Унажык сы кылісь видзӧт: Ыджыт Перем

XV векӧ перем комиэзлӧн аркмӧ асланыс канму – Ыджыт Перем, кытчӧ юравны корӧмась Вереяись роч ӧксуэсӧ. Медодзза ӧксунас вӧлі Михаил Ермолаич. Коми канму мынтӧма вот Мӧсквалӧ да Ыджыт Новгортлӧ. Канкар вӧлі Чердын. 1455 годӧ зыряна ладорсянь корӧмась епископ Питиримӧс, медбы сія пыртіс Ыджыт Перемись коми отирсӧ. Но татісь комиэз унаӧн эзӧ мӧдӧ вунӧтны чучкӧй веранысӧ, сійӧн 1462 годӧ виль епископ Иона бӧра пыртӧ коми отирсӧ Ыджыт Перемын.

Сія жӧ кадӧ перем коми муэсӧ пондісӧ босьтны роччез. Сідз, Вологда муэзісь локтӧм Калинниковвез сувтӧтӧны сов пуаннэз Камаӧ усян Борва ю пӧлӧн. 1430 во гӧгӧр Камаӧ усян Усолка ю вылын вӧлі сувтӧтӧм Соль Камскӧй кар, ӧні — Совкар (Соликамск). Роччез пондасӧ кыскыны совсӧ сэтісь, кытӧн одзжык олісӧ родан культураа коми отир. Нія дзескӧтісӧ комиэсӧ сэтісь умӧльжык муэзӧ.

Сьӧкыт пессьӧммэз, уна отир вийӧм да ыджытжык каррез босьтӧм бӧрын Сера Пёдорлӧн чукӧррес тулыснас 1472 годӧ пантасисӧ Покчаын, «тшуписӧ-сувтӧтісӧ сэтӧн кар, пуксисӧ сэтчӧ овны да быдӧс сійӧ мусӧ вайисӧ ыджыт ӧксу увтӧ». Михаил ӧксу сетчас. Cійӧ, отирлісь мырддьӧм дӧс берсянас, ыстӧмась Москваӧ. Капитуляция кырымалӧм бӧрын Иван лэдзис Михаилсӧ бӧр Ыджыт Перемӧ веськӧтлыны ыджыт ӧксу нимянь. 

Татӧн Михаил ӧксу веськӧтліс 1481 воӧдз, кӧр сія вӧлі вийӧм Пелым дорись вогуллэзкӧт (манси) пессикӧ. Михаилыс бӧрын Ыджыт Перем муэзын пондіс веськӧтлыны сылӧн Матвей нима зоныс, но 1505 годӧ Мӧскваись виль ыджыт ӧксу III Василий вештӧ сійӧ юралӧмсис, абу кывзісьӧм да. 
 

Строгановвес чожа озыртчасӧ-богатсяласӧ сов судзӧтӧмӧн да Сибирись йӧзкӧт вузасьӧм-босьтасьӧм пыр. Одзлань нылӧн вотчина дынӧ ӧтлаӧтасӧ Камаӧ усян юэз пӧлӧн коми муэсӧ. Эна муэзын нія веськӧтлӧмась сідз, кыдз гажныс петас: асьныс веськӧтлісӧ уджӧн, вайӧтісӧ му вылын уджалісь отирӧс да лэбтісӧ гӧрӧм му, кыскисӧ сов да кыйисӧ чери, кӧдзисӧ шогді, кыскисӧ муись гӧрд из (руда) да керисӧ кӧрт, лэбтісӧ дозоритан каррэз. Строгановвез немымда абу кывзӧмась уездӧн веськӧтліссесӧ. Быдӧс веськӧтлӧм-мыжйӧмыс мунис Мӧсква пыр. 

Строгановвеслӧн муэс унажыксӧ вӧлісӧ Совкар уездын. Чердын уездын комиэс вештӧмась вотсӧ-налогсӧ веськыта каныслӧ (государстволӧ). Визир дозорись крестьяна моз, Сибирьсӧ босьтӧм бӧрын, комиэс уджалӧмась Мӧскваись юраліссез вылӧ: асланыс вӧввез вылын кыскалісӧ нянь, муэз дорйись отирӧс, лӧсьӧтісӧ ыджыт туй Сибирланьӧ, быд во лӧсьӧтісӧ пыжжез да иньдӧтлісӧ ассиныс отирсӧ пыжжез вылын, мед ыстыны быдкодь ветлісьӧс да лыйсиссезӧс Сибирьӧ дзескытінӧ пуксьӧтӧм отирӧс нуӧтӧм понда. 

Шӧрӧт Уралас, Ыджыт Перем муэзын, пондасӧ овны пышшӧм роч крестьяна. XVII веклӧн шӧрӧт воэзӧ роччез тӧдчӧмӧн пондасӧ йывны Кама катытын. Сэк и Строгановвез нійӧ корӧмӧн корӧмась. Ыджыт Перемын этнокультура серпасыс лёка вежсяс, комиэз ас муын лоасӧ сё етшажык.

XVIII сугӧдӧ Роч муас перыта зорамӧма берсяторрез керӧтӧм, кӧда пуктас Чердын уездісь коми отир вылӧ ассис пас. Нія лыддисисӧ канлӧн, но 1760 во кежӧ нійӧ быдӧннысӧ гижӧтасӧ Урал сайись ыргӧн сылӧтан асторья заводдэз дынӧ. 1760-1764 годдэзӧ лэбтісьлӧмась ыджыт зыккез. Комиэз норасисӧ Мӧскваӧ, уськӧтчывлісӧ чиновниккез вылӧ, эзӧ ветлӧ уджавны заводдэзӧ. Мукӧдлаас отирыс петавлӧмась и лыйсяннэзӧн. Ӧвны коми отирсӧ ыстасӧ Вяземскӧй ӧксулісь тышкасян вын, кӧда чожа ӧлас отирсӧ. Пондӧтчиссесӧ вартласӧ, но гижӧтнытӧ сё жӧ дугдасӧ нёль год кежӧ.

Мӧдпырся Чердын ладорись комиэс пондылӧмась дорйыны асьнысӧ 1767 годӧ, кӧр вӧлі Емельян Пугачёвлӧн лэбтісьӧм. Раммӧтны отирсӧ бӧра ыстасӧ тышкасян вын. Комиэсӧ лёка ӧлӧмась. Пондӧтчиссесӧ дорӧмӧн иньдӧтасӧ Сибирьӧ, мӧддэсӧ — ӧтікӧ дас морт коласісь — «вартласӧ ньӧррезӧн». Быдӧссӧ вийӧмась да вартлӧмась вит сюрс гӧгӧр морт. Сідз коми отирсӧ «сувтӧтӧмась пидзӧс вылӧ». Сэсся нія тӧвбыт кежӧ пондасӧ вӧввезӧн ветлыны Урал керӧссэз сайӧ, заптыны вӧр, сотны сійӧ шомӧ да ваявны заводдэзӧ, гарйыны да новйыны гӧрд из (руда). Отирыс вештӧмась каныслӧ и вот. Комиэс пышшалӧмась завод уджсянь, абу и полӧмась вартлӧмись. Заводын уджыс нылӧ нем эз сет. Сыбӧрын коми отирыс паськыта лэбтылӧмась зыксӧ 1824, 1832, 1850, 1851 воэзӧ. 
 

Унажык сы йылісь видзӧт: Перем комиэзлӧн культура

Унажык сы йылісь видзӧт: Перем комиэзлӧн религия




#Article 74: Перем комиэзлӧн гишшаннэз (129 words)


Перем комиэз новлӧны быдкодь гишшаннэз (рочӧнжык: памиллёэз). Мукӧдыс ны коласись асланым, мукӧдыс важся кадӧ ни босьтӧмӧсь мӧдік отиррезлісь. 

Медваж чисто коми памиллёэз аркмӧмась увтыр ниммезісь, кӧдна помын сулаліс -ег нето -ӧг: Гачегов, Волегов, Кочегов, Чажегов, Ужегов, Лунегов, Седегов, Отегов, Кузегов, Категов. 

Мӧдік памиллёэз аркмӧмась важ коми чучкӧй ниммезісь: Зонов, Канёв, Кудымов, Мошев, Ябуров.

Роччезлісь кышасьӧм гишшаннэз коласісь позьӧ казьтыштны то эттшӧм памиллёэз: Анфалов (Новгортын овлӧма Анфал воевода), Вилесов (роч чучкӧйезлӧн вӧлӧма Велес ен), Галкин (галка ― чавкан), Голев (голь), Зубов, Зубков (зуб, зубок), Истомин (истома), Канюков (канюк), Мехоношин (мехонос — мешӧк новйӧтісь), Радостев (Радогост, Радость ниммезісь), Распопов (распопа, распоп — вӧвлӧм поп), Трубинов (труба), Утробин (утроба), Хромцов (хромец), Щербинин (щерба, щербина), Ярков (ярый, яркий) да уна мӧдіккез, нія не ӧтік дас.

Улынжык сетӧм перем коми гишшаннэз сьӧрті тыр нимлёдз:




#Article 75: Перем ладор (308 words)


Перем ладор () — Роч Федерация видзантор. Куйлӧ Кама ю бассейнын, Урал керӧссэз одзын. Ордчӧн Перем ладоркӧт куйлӧны: ойланьын – Коми Республика, асыввылын – Свердлов лапӧв, лунвылын – Башкыр Республика, рытвылын – Удмурт Республика да Киров лапӧв. 

Мувывторыслӧн ыжда – 160 600 км². Оліссез – 2 708 419 морт (01.01.2009). Перем ладорлӧн шӧрин – Перем кар. 

Перем ладор вӧлі аркмӧтӧм Перем лапӧв да Перем комиэзлӧн асвеськӧтлан кытш ӧтлаӧтӧмӧн. Коми кытш эта коста лоис тодильнӧй статуса мувывторӧн Перем ладорын. 

Перем ладорлӧн медваж отир – комиэз. Медодз татӧн вӧлі Ыджыт Перем канму. XV векын роч кан вынӧн босьтіс Перем му ас кипод увтӧ. 1781' годö вӧлі аркмӧтӧм Перем губерния, 1923' годӧ вӧлі лӧсьӧтӧм Урал лапӧв (шӧриныс – Свердлов кар), 1934' годӧ – Свердлов лапӧв, 1938' годӧ вӧлі торйӧтӧм Перем лапӧв, кӧда 1940'–1957' воэзӧ шусис Молотов лапӧлӧн. 2005' годся декаб 1 лунсянь – Перем ладор.

Медыджыт юралісьыс Перем ладорын – губернаторыс. Ӧні губернаторын пукалӧ Чиркунов Олег.

Перем ладор куйлӧ Асыввыв Европа волькытін асыввылын да Шӧрӧт да Ойвыв Урал рытвыв покатын. 99,8 % куйлӧ Европаын, 0,2 % — Азияын.

Медкузь виззез позьӧ нюжӧтны:

Медылісь чутоккез:

Ладорлӧн визиррез чукыляӧсь, ӧтласа кузяыс - 2 200 км.

Перем ладорын климатыс — шӧркодя континентвывся.

Тӧв кузь, лымья. Ойвыв-асыввылын шӧрӧт шонтӧгыс январ коста -18,5 °C, лунвыв-рытвылын - -15 °C. Медлажмыт шонтӧг (ладор ойвылын) вӧлі кӧркӧ -53 °C.

Перем ладорын 29 сюрс ю, ӧтласа кузяныс 90 сюрс километрася унажык. Быдӧс юэз Перем ладорас лоӧны Кама бассейнын. 

Перем ладорын токӧ кык ю позьӧ лыддьыны ыджыт туйӧ (м. ш. нія 500 км-ся кузьжыкӧсь). Этӧ ачыс Кама (1805 км) да сылӧн шульга вож Чусва (592 км). 

Учӧт юэз (кузяныс 100 км-ся етшажык) ладорас медуна. Мукӧдыс история понда тӧдчанаӧсь, шуам, Егошиха, кӧда уссёын вӧлі сувтӧтӧм Перем кар.

Пыр олісь отирыс (шӧркодяс во сьӧрна):

Кык сюрсся унажыкӧн олӧны сэтшӧм чужанвужжезісь отирыс:

Перерем ладорӧ пырӧ медодзза тшупӧта 51 муниципал веськӧтлан юкӧт — 42 муниципал район да 6 каркытш.

  




#Article 76: Перем ладорись Коми кытш (2070 words)


Пе́рем ла́дорись Ко́ми кытш () — ассяма статуса  Роч Федерацияын, Перем ладорас. Куйлӧ Урал одзын, Кама йыввезын. Коми отирлӧн чужанін. Коми йӧзыслӧн мӧд чужан му — Коми Республика, куйлӧ Коми кытшсяняс ойвылынжык.

Коми кытшыслӧн мувывтор — 32,77 сюрс км². Оліссез — 127 сюрс морт (2009), ны коласын комиэз 60,2%.  — Кудымкар. Кытшас 6 район: Гайна, Кӧс, Кӧч, Кудымкар, Юрла да Юсьва гӧгӧртасын. Кытшас дзир ӧтік кар — Кудымкар, ӧтік карок — Пожва, 30 посад, 66 посёлок да 590 грезд (деревня).

Кытшыс аркмӧма 1925' годӧ февраль 26' лунӧ. Медодз пырӧ вӧлі Урал (Свердловск) лапӧлӧ (областьӧ), а 1938 во бӧрын — Перем (Молотов) лапӧлӧ. 1993'-2005' воэзӧ вӧлі Роч Федерациялӧ субъектӧн, шусис Перем комиэзлӧн асъюралан кытш. 2005' годся декаб 1' лунсянь, асъюралӧмыс вӧлі вештӧма да, Коми кытшыс лоис ассяма статуса мувывторӧн вились аркмӧтӧм Перем ладорын.

Медыджыт мортӧн Коми кытшын лыддисьӧ Перемсянь иньдӧм министр. Сылӧн эм аслас веськӧтлан, рочӧн шусьӧ Перем ладорлӧн Коми кытш делоэз сьӧрті министерство. Медодзза министрӧн 2005'-2008' воэзӧ вӧлі Баяндин Валерий. Сэсся, 2008' год , Коми кытш сьӧрті уджалісь министрын пукаліс Быкариз Игорь, а 2012 во юньсянь Рычков Виктор.

Кытшыс олӧ Урал кад сьӧрті: муюгыт (Гринвидз) кад + 5 час (гожумнас + 6 час), Мӧсква кад + 2 час. 

Сьӧмнас Коми кытшын лыддисьӧ роч шать (руб). 1 шать = 100 .

Унажык отир олӧны вӧр лэдзӧмӧн, тшак-ягӧд да йӧв-яй вузалӧмӧн, мукӧдыс уджалӧны  сфераын.

Коми кытшын абу кодя кӧрттуйез. Кудмыкарсянь кӧрттуй дынӧдз (Менделеёв нима поз дынӧдз) колӧ мунны 100 км. 

Перем ладорись Коми кытш рочӧнжык шусьӧ Коми-Пермяцкӧй округ Перемскӧй крайын. Татӧн олісь отирыс пыр шуисӧ и шуӧны ассиныс кытшнысӧ Коми округ. Округыс — роч вылісь кӧ вуджӧтны лоӧ кытш. Сідз и пондамӧ сійӧ сэсся шуны ас кыв вылын — Коми кытш. Юраліссез нимтӧмась кытшсӧ медодз Коми (пермяцкӧй) национальнӧй округ, 1937' год бӧрын Коми-Пермяцкӧй национальнӧй округ (комиӧн кӧ шуны, этія лоӧ Коми отирлӧн кытш), 1977' восянь, Роч муын виль Конституция лэдзӧм бӧрас, кытшыслӧн нимыс лоис Коми-Пермяцкӧй автономнӧй округ (комиӧн — Комиэзлӧн асъюралан кытш). Ӧні, асвеськӧтлӧм абу ни да, тыр нимыс кытшыслӧн лоӧ Перем ладорись Коми кытш.

Ассис нимсӧ кытшыс босьтӧма татӧн важынсянь олісь коми отир ним сьӧрті, кӧдна понда сія и вӧлі лӧсьӧтӧм. 

Ӧння тодильнӧй статус Коми кытшыслӧ вӧлі пуктӧма 2007 годӧ апрель коста, кӧр Перем ладор понда туйдӧттэз лэдзись ӧксян (Законодательнӧй собраннё) пыртіс оланӧ Перем ладорлісь Устав. 
Сы сьӧрті Коми кытшыслӧн мувывторыс (территория) кольччӧ сы ыжда жӧ, мый ыжда вӧлі Перем лапӧвкӧт ӧтлаасьтӧдз. 

Перем ладор понда туйдӧттэз лэдзись ӧксянын Коми кытш нимсянь баитӧны кык морт, кӧднӧ бӧрйӧны ӧті манадата кык бӧрьян кытшын.

Коми кытшын Перем ладор юраліссезлісь шуӧммесӧ пыртӧ оланӧ Перем ладорлӧн Коми кытш делоэз сьӧрті министерство. Этія министерствонас веськӧтлӧ Перем ладорлӧн министр, кӧда лоӧ Коми кытшын юралісьӧн. 

Уставись 42 параграф сьӧрті Перм ладорын канму (государство) нимсянь веськӧтлан органнэзлӧ колӧ лӧсьӧтны уджнысӧ сідз, медбы перем коми отирлӧн зорамис кыв, лов культура да этнослӧ аскодя мӧдік берся. 

Перем ладорись Коми кытшын веськӧтлан кылӧн лоӧ роч кыв. Сыкӧт ӧтлаын веськӧтлан керкуэзын позьӧ баитны и комиӧн (перем коми кыв вылын). 

Перем ладорись Коми кытшӧ пырӧны квать район да ӧтік кар.

Ны коласын коми районнэзӧн лыддисьӧны Гайна, Кӧс, Кӧч, Кудымкар да Юсьва, сваль роч районӧн — Юрла. Ӧнісӧ коми отир лёка рочсялӧ быдлаын, сійӧн и одзза районнэсӧ оз ни позь шуны тырмӧмви комиэзӧн.

Ойвыв районнэз коласӧ пырӧны Гайна, Кӧс, Кӧч да Юрла увтісь муэз, лунвыв районнэзӧн лоӧны Кудымкар да Юсьва увтісь муэз.

Быд районын эм отирсянь бӧрйӧм юралісьыс да ӧксяныс. Нія лӧсьӧтӧны районлыслӧ бюджет да видзӧтӧны асланас мувывторын кӧзяйство да культура зорӧтӧм сьӧрын.

Районнэз асьныс янсалӧны поснитжык муниципал юкӧттэз — посадмуэз вылӧ .

Перем ладорись Коми кытшыс куйлӧ Роч муподыслӧн асыввыв тор вылын, Урал керӧссэзсянь рытланьын, Кама ю йыввезын. Перем ладорсис кытшыс босьтӧ ой-рытвыв тор. 

Кытш олӧ IV час отын, неӧткодьыс Мӧскваыскӧт — +2 час.

Мувывтор

Муыслӧн ыжда 32,77 сюрс км², этія лоӧ Перем ладорись 20,4%. Коми кытш ыджытжык сэтшӧм канмуэзся кыдз Албанму, Арменму нето Белгия.

Ойвывсянь лунланьӧ кытшыс нюжалӧ 280 км, рытвывсянь асывланьӧ — 180 км.

Кытшыс куйлӧ вылын паськытаэзын. Сылӧн медылісь чутоккез: ойвылын 61°04′ о. п., 52°52′ а. к., лунвылын 58°33′ о. п., 54°47′ а. к., рытвылын 69°32′ о. п., 51°47′ а. к., асыввылын 59°15′ о. п., 56°15′ а. к.

Ойвылас кытшыскӧт ордчӧн куйлӧ коми йӧзыслӧн мӧд чужан му — Коми Республика, рытвылас — Киров лапӧлісь Камакатыт да Зюзьдін районнэз, лунвылын — Перем ладорись Сива, Карагай да Ильинскӧй районнэз, асыввылын — Перем ладорись Добрянка, Усоллё, Совкар да Чердын районнэз. 

Ойланься визирыс мунӧ Ойвыв мыссэз кузя, рытланься — Вятка-Перем мыссэзӧт да Камайыв вылынін кузя, лунланьсяыс — сія жӧ вылыніныслӧн мусюррезӧт да Обва-Иньва волькытін кузя. Асывланяс визирыс мунӧ Кондӧс мыссэзӧт, Кӧсва да Весляна лажмытіннэз кузя.

Му пытшкӧс

Роч мупод, кӧдалӧн тай асыввыв дорланяс куйлӧ Коми кытшыс, лоӧ кыксувда: улынжык — кристалл кодь топыт фундамент, вылынжык — пуксьӧссэзісь (осадочнӧй) вевтӧс. Медся уна пуксьӧссэз кольччӧмась палеозой кадся перем системасянь. Коми кытшыслісь мувывторсӧ нія тыртӧны 60% вылӧ. Коми кытш рытвыв визир пӧлӧн паськалӧмась мезозой кадся пуксьӧссэз (вевттьӧны 30% мувывторсис). Геология сьӧрті медтом — кайнозой — кадся пуксьӧссэз быдлаӧт вӧснит вевтӧсӧн шебралӧны важынжык, палеозӧй да мезозой кадӧ, пуксялӧмсӧ. 

Му вевдӧр

Му вевдӧрыс Коми кытшын абу ӧткодь. Пуксьӧса породаэз куйлӧны топыт фундамент вылас горизонталь нёжӧнжык, сійӧн и рельефыс унажыксӧ лажмыт да волькыт. Муыс лэбӧма, саридз вевдӧрсянь кӧ лыддьыны, шӧркодяс 100-200 м вылынаӧ. 

Кытшыс ойвылын да рытвылын муыс вылынжык. Татӧн сулалӧны Ойвыв мыссэз да Камайыв вылынін. Медся джуджыта муыс лэбӧма Лопва да Юм ю йыввезын, кытӧн адззӧмась и кытшыслісь медвылын чутокcӧ — 329 м. 

Лажмытжык да волькытжык муэз паськалӧмӧсь Коми кытш шӧрӧттяс да лун-асыввылын: Весляна лажмытін (татӧн куйлӧны кытшись медлажмыт чутоккез — 120-130 м), Кӧсва лыжмытін, Обва-Иньва волькытін.

Асыввыв визирыс пӧлӧн Коми кытшас буракодь тӧдчӧны Кондӧс мыссэз. Кӧсва да Велва коласын ва юкан визьӧттяс нія йитчӧны Камайыв вылынінкӧт.

Мупытшся шедтассэз

Мупытшся шедтассэзісь Коми кытшын медодз колӧ казьтыштны кӧрт руда, кӧдӧ адззӧмась эшӧ XIX век шӧрын. 1856' годӧ граф Строганов осьтӧма Кува дорын металл керан завод, кӧда уджалӧма 1909 воӧдз. Эмӧсь сідз жӧ мусир (нефть), торф, бивидзан сёйез, извесь иззэз, лыа (песӧк), охра. 
 
Коми кытш озыр и минерал ваэзӧн. Кудымкар да Юсьва районнэзын адззӧмась веськӧтчӧм понда ӧддьӧн лӧсялан ваэз: хлорида-натрияӧсь, сульфата-натрияӧсь, иода-бромаӧсь да сира-ваувтыраӧсь. Позьӧ босьтны бурдӧтчӧм могись и Майкар дорись минерал ва петаніннэз.

Мусиннэзз

Юэз 

Коми кытшас 400-ся унажык ю. Невна не быдӧнныс лоӧны Кама бассейнын. Ачыс Кама ю кытшыс му кузя котӧртӧ рытвывсянь асывланяс, а сылӧн вожжес (притоккез) артмӧтӧны кытшыслӧ быдӧс ю везӧт (речнӧй сеть). Шульга вожжес (Весляна, Луп, Леман) ӧктӧны ва Ойвыв мыссэзісь, а веськыттэз (Иньва, Кӧсва) — Камайыв вылынінісь.

Иньва вожжезісь колӧ казьтыштны Кува, Велва, Юсьва, Исыв.

Кӧсва вожжезісь медкузьӧсь — Лолӧг, Лопва, Янчер, Онолва, Сэпӧль, Юм. 

Весляналӧн медыджыт вожӧн лоӧ Сьӧдъю. 

Тыэз 

Тыэз Коми кытшын етшаӧсь, и куйлӧны нія ойланьынжык — Кама ольын, шульга вадӧрас. 

Унажык тыыс — ю дорсяӧсь. Нія аркмӧны юыслӧн важ ӧрын, лоӧны джын тӧлісь кодьӧсь, кузьмӧса нето лента кодьӧсь. Медыджыт ны коласіь Нахты, ссээся эмӧсь Кривчи ты, Тундра ты, Улын Старича, Вылын Старича, Вежаты, Леман ты, Валаужом. Ны коддьӧм жӧ юдорся тыэз, кӧть и бура учӧтжыкӧсь панталамӧ Кӧсва, Иньва да Весляна оллезын. Медгырисьӧсь ны коласын аркмӧмась Юсьва районын, Купрӧс посад дынын.

Юдор тыэзся эмӧсь и сэтшӧм тыэз, кӧдна аркмисӧ му вевдӧрын важся лажмалӧммезын, кӧр кыссян йы (ледник) сылікӧ ны кузя котӧртіс ваыс. Этатшӧм тыэзӧн лоӧны Вадты да Оныл, кӧдна куйлӧны Коми кытш ой-рытвылын, Порыш да Утьва юэзлӧн ваюканінын, дзибья вӧр да нюррез коласын.

Пруддэз 

Коми кытшын 70 кыным пруд. Нія не быдлаын ӧтмымдаӧсь. Медуна пруддэз Юрла да Кӧч районнэзын. Медыджыттэз коласісь лыддісьӧ сідзжӧ Кува пруд Кудымкарын. Татісь босьтӧны ва карын оліссез понда. Уна пруддэзын быдтӧны чери, мукӧдас чериалӧны, мукӧд дорас шоччисьӧны отир: тульӧтчӧны да уялӧны. 

Кама вавидзанін Коми кытшланьӧ петӧ рытвыв дорнас. Татӧн аркмӧмась Иньва да Пожва курьяэз, кытӧн сулалӧны порттэз: Усть Пожва да Майкар. 

Нюррез. 

Сійӧн, мыля Коми кытшыс куйлӧ волькытінын, ваыс кымӧрсянь усьӧ унаӧв, а пакмӧ сія муись умӧля, татӧн и аркмӧмась ӧддьӧн уна нюррез, медуна ойланяс да шӧрӧттяс. Нюррезісь унажыкыс вевдӧрсяӧсь нето вуджанаӧсь. 

Паськыт нюррез куйлӧны Важты да Онолва тыэз гӧгӧр, Утьва да Порыш ю йыввезын. Паськыт да кузь визьӧн нюжалӧны нюррез Кама шульга вадӧр пӧлӧн, Тимшор, Луп, Леман дорезын, Весляна йыввезын. Нюррезлӧн этія чукӧр шусьӧ Гайна нюррезӧн. Уна нюр эм Кама да Кӧсва коласын ва юканінын (Селиш, Солым, Булач). Нежык гырись нюррез куйлӧны Кӧсва да Лолӧг коласын, а сідзжӧ Чус, Янчер да мукӧд ю йыввезын. 

Коми кытш лунвылын, кытӧн вундалӧм мыса-кыраса вевдӧрыс сетӧ вевдӧрся ваэзлӧ мымдакӧ дренируйтчыны, нюррез етшажыкӧсь. Невна не быдӧнныс — увдӧрся нюррез, васӧ кыскӧны грунтісь. Куйлӧны нія Иньва бассейнын да ыждананас абу гырисьӧсь. 

Руыслӧн сям Коми кытшын небыта континентвывся: гожумыс кӧть и шоныт, а дженыт, тӧввез жӧ мукӧд воэзӧ сулалӧны ӧддьӧн ни кӧдзытӧсь. Этійӧ позьӧ вежӧртны: кытшыс куйлӧ экваторсянь зэв ылын да и океан доррезсянь абу матын. Сійӧн и руыслӧн тӧвся шонтӧгыс (температураыс) лажмытӧв, а неӧткодьыс тӧвся да гожумся шонтӧггез коласын ӧддьӧн ыджыт.

Уна во сьӧрна казялӧмась: январын шӧрӧт шонтӧгыс (температураыс) Коми кытшас -16°С, юль коста — +17°С. Сідзкӧ неӧткодьыс шонтӧгыслӧн лоӧ годнас 33°, а мукӧд воэзӧ медыджыт да медучӧт шонтӧггез коласын неӧткодьыс вермас локны 85°-ӧдз. Кӧть и кытшыс куйлӧ 3000 км-ся ылынжык Атлантика океансяняс, этія океаныс сё жӧ буракодь павкӧ сы климатыслӧ. Годыслӧн кӧдзыт кадӧ рытвыв да лун-рытвыв тӧввез вайлӧны кымӧррез, сы коста пондӧ лымьявны да шоналыштлӧ. А воыслӧн шоныт кадӧ нія жӧ тӧввез чинтӧны руыслісь шонтӧгсӧ да вайлӧны зэррез.

Коми кытшын быдмӧтыс быдсяма.

Коми кытшыслӧн ыджытжык тор вӧр увтын куйлӧ, сійӧн и фаунасӧ татӧн аркмӧтӧны вӧрын олісь подаэз. Ассямаӧн лоӧ сія, мый кытшас сорасьӧны ӧтамӧдныскӧт фаунаэз Европалӧн да Азиялӧн. 

Йӧлӧнвердіссезлӧн татӧн эм кынымкӧ увтыр. 

Сюраэз коласісь пантасьӧны вӧрмӧс (йӧра), ойвыв кӧр, Сибирись вовлӧ косуля. 

Лёквиррезӧн шусьӧны руда-гӧрд ош, кӧин, руч, вӧркань, тулан, чужмӧр, учкись, хорь, барсук, вурд, лана. 

Йылӧмӧн йылӧны йирсиссез: ур, кӧч, виззяорда, ондатара, мой, быдкодь шыррез. 

Гебсёйиссез шӧрись казьтыштам муканьӧс, ёжӧс, мушырӧс.

Кайпӧлӧс быдчужӧма жӧ. Вӧрын олӧны сьӧла, дозмӧр, тар, чочком да руд бадьӧг, вальдшнеп, а нысся и поснит каёккез: сера кыр, сизь, уркай, кӧк, герскан, сырчик (пичик), перк, жонь, чикыш, джыдж, пистӧг, рудкай да мӧдіккез.

Уялісь пӧткаэзӧн лоӧны быдкодь чӧжжез (уткаэз), дзодзоггез, туриэз, юссез. 

Яй вылын олӧны кутш, кайварыш, шырварыш, тарварыш, сюзь, тюгуй (лунь), тупка, зобга (неясыть) да мукӧд.

Чериэз Коми кытшын 30-ся унажык берся. Мудунаӧсь карп увтырись чери: ёді, сын, кельчи, жерег, аргыш, шаклей, гов, тыпыв, пескан, линь. 

Лёквиррез коласын тӧдсаӧсь сирчери, судак, муткыль, ёкыш, дарга да кин да.

Коми кытшын отир важынсянь вӧралӧны. Ӧні кыйӧны 30 мымда вид вӧрпода. Медуна уралӧны, кӧчалӧны, ручалӧны. Кучиккез понда кыйӧны ондатраӧс, туланӧс да мойӧс.  кӧ эм, позьӧ петны и гырисьжык вöрпиэз вылӧ: кутны вӧрмӧсӧс, ошӧс, кӧинӧс. Арнас позьӧ кыйны и кай-пӧтка: тар, дозмӧр, сьӧла, уялісь кайсӧ (чӧжжесӧ).

Кытӧн олӧны

Мый керӧны

Парма медважся кадӧ

Коми Пармаын вӧлӧмась археология сьӧрті сэтшӧм культураэз: 

 
Коми Парма роч саррез увтын

Коми кытш аркмӧтӧм

Коми кытш Советтэз дырни

Коми кытш субъекталікӧ

Коми кытш 2000-ӧт воэзӧ

Берся керӧтӧм (перерабатывающӧй промышленность)

Видз-му уджалӧм (сельскӧй кӧзяйство)

Вӧр лэдзӧм

Строитчанторрез керӧм

Транспорт да йитчан (связь)

Вузасьӧм

Бытын отирлӧ отсасьӧм

Сьӧм бергӧтӧм (финанссэз)

Керкаэз видзан (жилкомхоз)

Учӧт уджбергӧтӧм (малӧй предпринимательство)

Видзӧт сідзжӧ: Коми отирлӧн важся культура

Важ поверьёэз

Серӧтӧм

Паськӧм

Театр

Небӧг лэдзӧм

Библиотекаэз

Архиввез

Музейез

Культура шӧриннэз

Кино

Коми кытшын унажык отирыс важынсянь, XV сугӧдсянь эшӧ, эскӧмась-веритӧмась Иисус Христослӧ, кӧть и чучкӧй (языческӧй) нёж юрбытӧм абу жӧ нач вунӧтӧма. 1894' воын ӧння Коми кытш му вылын вӧлӧма 24 вичку да 1 монастыр. Советтэз дырни унажык йӧзыс ентӧмалӧм, вичкуэз пӧднассьӧмась. Мукӧдыс Ентӧг олӧ и ӧні. Но 1990' воэз бӧрын Христоса вичку бӧра пондіс кыскыны ас дынӧ йӧзсӧ. 

Медуна отирыс пыртчӧмӧсь Роч буркывья вичку велӧтӧм сьӧрті. Этія вичкулӧн оссьӧмась 12 юрбытан керку: Кудымкарын (Микола вичку), Карпов посадын да мукӧдлаын. 

Мӧднёжа эскиссез коласын эмӧсь адвентисттэз (Христосаэзлӧн Сизимӧт лун видзчисян вичку), витдасӧтлунняэз (Христосаэзлӧн «Виль Йитӧт» вичку), баптисттэз (Христосаэзлӧн «Бур юӧр сьӧрті» вичку). Коми кытш ойвылын ӧті-мӧділаын олӧны и кержаккез. 

Перем коми кыв вылӧ Бур юӧр (Евангеллё) медодз вӧлі вуджӧтӧма 1823' годӧ (небӧгсӧ гижӧма Йӧг посадісь поп Любимов Феодор), сэсся вежа небӧггез комиӧн печатайтлӧмась XIX век помын — XX век пондӧтчикӧ Казаньын. Ӧння кадӧ Коми кытш понда Ен гижӧт лэдзӧны Финн муын, сэтчинісь öкмыс коми небӧг ни вайӧмась Христос велӧтӧм сьӧрті.

Медбӧрья кадӧ Перем ладорись юраліссез мӧдӧны лӧсьӧтны Коми кытшын чучкӧй нёж юрбытан шӧрин, мыля комиэз коласын бура видзсьӧ и чучкӧй лолыс. 

Коми кытшын петӧны сизим газета. Ны колысын омӧн округ пасьта мунӧны «Парма» да «Парма-Новости». Вит районын сідз жӧ эм асланыс газетаӧн. Шочыника лэдзӧны челядь понда журнал, «Силькан» нимаӧ, öні Перем лэдзö челядь понда мöд журнал «Сизимок». 

Кудымкарын кык радио шӧрин. Ӧтыс — «Всеросcийскӧй» телерадиокомпания бердын «Перем» филиалыслӧн юкӧт. Мӧдыс — аспондасис уджалан «Союз-FМ-Кудымкар» радиопоз, кӧда лэдзӧ эфирӧ программаэз ультрадженыт гыэз пырйӧт.

Телевидз лӧсьӧтӧ сія жӧ «Перем» филиал.

Комиӧн телевизорӧт баитӧны «Перем» юкӧтсянь лун вылас джын час, радиӧт — 10 минут гӧгӧр.
Радио «Союз-FМ-Кудымкар» пыр мукӧд коста кылӧ жӧ коми сёрниыс.

Коми кытшын уджалӧны сэтшӧм лысин видзаніннэз:

 




#Article 77: Перем ладорись Коми кытшлӧн география (2622 words)


Перем ладорись Коми кытшыс куйлӧ Роч муподыслӧн асыввыв тор вылын, Урал керӧссэзсянь рытвывланьын, Кама ю йыввезын. Перем ладорсис кытшыс босьтӧ ой-рытвыв тор. 

Коми кытш куйлӧ вылын паськытаэзын. Сылӧн медылісь чутоккез: ойвылын 61°04′ о.п., 52°52′ а.к., лунвылын 58°33′ о.п., 54°47′ а.к., рытвылын 69°32′ о.п., 51°47′ а.к., асыввылын 59°15′ о.п., 56°15′ а.к.

Муыслӧн ыжда 32,77 сюрс км², этія лоӧ Перем ладорись 20,4%. Коми кытш ыджытжык сэтшӧм канмуэзся кыдз Албанму, Хаястан нето Белгия.

Лунвывсянь ойланьӧ кытшыс нюжалӧ 280 км, рытвывсянь асывланьӧ – 180 км.

Ойвылас кытшыскӧт ордчӧн куйлӧ коми йӧзыслӧн мӧд чужан му – Коми Республика, рытвылас – Киров лапӧлісь Камакатыт да Зюзьдін районнэз, лунвылын Перем ладорись Сива, Карагай да Ильинскӧй районнэз, асыввылын – Перем ладорись Добрянка, Усоллё, Совкар да Чердын районнэз. 

Ойланься визирыс мунӧ Ойвыв мыссэз кузя, рытланься – Вятка-Перем мыссэзӧт да Камайыв вылынін кузя, лунланьсяыс – сія жӧ вылыніныслӧн мусюррезӧт да Обва-Иньва волькытін кузя. Асывланяс визирыс мунӧ Кондӧс мыссэзӧт, Кӧсва да Весляна лажмытіннэз кузя.

Кытш олӧ IV час отын, неӧткодьыс Мӧскваыскӧт – +2 час.

Унажык сы йылісь видзӧт: Перем ладорись Коми кытшлӧн му пытшкӧс.

Коми кытшыс куйлӧ Роч муподлӧн асыввыв дорланяс. Муподыс кык сувда: улынжык – кристалл кодь топыт фундамент, вылынжык – пуксьӧссэзісь (осадочнӧй) вевтӧс. Топыт фундаментыс куйлӧ 1600–3000 м пыдынаын. Сія тэчӧма гнейссэзісь да граниттэзісь. Пуксьӧса вевтӧс аркмӧма палеозой, мезозой да кайнозой каддэзӧ, кӧркӧся саридззезын пуксялан быдкодь породаэзісь, эд уна сё миллион во сьӧрна саридззез абу ӧтпырись вевттьылӧмась ӧння Коми кытшыслісь мувывторсӧ. Но медся уна пуксьӧссэз кольччӧмась палеозой кадся перем системасянь. Коми кытшыслісь мувывторсӧ нія тыртӧны 60% вылӧ. Перем кадӧ шогмӧмась извесь из, кремнийвевья да магмавевья породаэзісь конгломераттэз, сера рӧма мигреллез да сёйез, чочком кварцись лыа (песӧк), кӧдна невна не быдӧнныс куйлӧны горизонталь нёжӧн. Горизонттэз мичӧтӧмӧсь быдкодь рӧммезӧ, но медуна татӧн чим гӧрд сёйез да мергеллез. Сера рӧма кызаыслӧн кушмӧминнэз бура тыдалӧны Иньва, Кува да Велва оллезын.

Коми кытш рытвыв визир пӧлӧн паськалӧмась мезозой кадся пуксьӧссэз (вевттьӧны 30% мувывторсис). Нія нюжалӧны меридиан пӧлӧн да аркмӧмась триас да юра каддэзӧ гӧрд рӧма лыа иззэісь, кытчӧ шочыныка сорасьӧны мергеллез да извесь иззэз, руд да пемыт руд сёйез да лыа иззэз.

Геология сьӧрті медтом – кайнозой – кадся пуксьӧссэз быдлаӧт вӧснит вевтӧсӧн шебралӧны важынжык, палеозӧй да мезозой кадӧ, пуксялӧмсӧ. Медбура зорамӧма нёльӧттор кадся системаыс ю оллезісь аллювий пуксьӧссэзын да Коми кытш ой-асыввылын, кытӧн сія тэчӧма кыссян йыӧн (ледникӧн) ваялӧм лыаэзӧн да суглиноккезӧн, кӧднаӧ мукӧдлаӧт кольччӧмась валуннэз да кодз иззэз.

Унажык сы йылісь видзӧт: Перем ладорись Коми кытшлӧн му вевдӧр.

Му вевдӧрыс Коми кытшын абу ӧткодь. Пуксьӧса породаэз куйлӧны топыт фундамент вылас горизонталь нёжӧнжык, сійӧн и рельефыс унажыксӧ лажмыт да волькыт. Муыс лэбӧма татӧн, саридз вевдӧрсянь кӧ лыддьыны, шӧркодяс 100-200 м вылынаӧ. Медвылын чуттэсӧ адззӧмась Камайыв вылынінісь (329 метраӧдз), медся лажмыттэсӧ – Весляна лажмытінісь (120-130 м).

Ыджыткодь роль Коми кытшын му вевдӧр аркмӧтӧмын орсӧма кыссян йы. Йыыс кыссьылӧма кытшыс ойланься визирӧдз да ваялӧма сьӧрас уна пазӧтӧм тор, а кӧр бӧрыньтчис, вевдӧрыс вежсьӧма визывтан ваэс шогья. 

Юэзлӧн сук везӧт бура тӧдчӧ рельеф аркмӧтӧмын и талун. Юэс (шуам, Иньва, Кува, Кӧсва, Юм) уналаӧттяс кырӧтӧны мусӧ. Юэз коласын ва юканнэзӧн лоӧны вылын волькытіннэз. Нія невна шыгыракодьӧсь, мыля сэті тӧдчӧны неыджытӧсь, небыт покатэза веретяэз. Энӧ веретяэсӧ отир мукӧдлаын шуӧны керӧссэзӧн. Сэтшӧмӧсь Сизимтшупӧта керӧс Исыв ю дорын, Катша керӧс Велва дорись Старцева грезд дынын, Шапка-Пожум Иньвайыв посад дорын, Разин Мыс (нето Парма мыс) Разин грезд дынын да уна мӧдіккез.

Му вевдӧрыс вежсьӧ и морт ки павкӧмсянь. Поромитам кӧ мийӧ пруд, керам ва видзан, кералам вӧррез, нюжӧтам туйез – быдӧс этасянь ӧння рельефыс мӧдкодьсялӧ. 

Кытшыс ойвылын да рытвылын лэбӧны вылыніннэз, а лажмытіннэз да волькытіннэз паськалӧмась шӧрӧт да лун-асыввылын. 

Ойвыв мыссэз – этӧ невна лэбыштӧм шыгыракодь муэз, кӧдна унажыксӧ быдмӧмась вӧрӧн да нюрсялӧмась. Медыджыт вылынаэз татӧн сибалӧны 200-250 метраӧдз. Сійӧн, мыля покаттэс умӧля кырӧтӧмӧсь, лэбӧминнэсӧ он и казав. Но сё жӧ Ойвыв мыссэз олӧны ва юканӧн. Тасянь пондӧтчӧны Камалӧн шульга вожжез: Весляна Ручкӧт, Лупья, Леман Лёлькӧт да Тимшор.

Ойвыв мыссэзсянь лунланьӧттяс, 150 км рытвывсянь асыввылӧ нюжалӧ Весляна лажмытін. Этія лажмалӧмас куйлӧ паськыт ольыс Кама юлӧн, татӧн жӧ сы вожжезлӧн (Весляна, Лупья, Леман) кывтыттэз. Вылынаэз татӧн 120-130 метраӧн саридз вевдӧрсянь. Кама оляс бура тыдалӧны кык терраса. Одззаыс тэчӧма ӧнняся лыа (песӧк) да сёй пуксьӧссэзӧн, мӧдыс – куш лыаись. Этія вылынжык терраса овлӧ кынымкӧ километра пасьта, сы вылын лажмалӧммезас аркмӧмась сфагнума ыджыт нюррез, а кӧсжык иннэзын – пожума яггез.

Лунвылынжык ми адззамӧ Кӧсва лыжмытін. Сія лоӧ Кӧсва юлӧн паськыт да волькыт оль, кӧдӧ аркмӧтӧмась кыссян йы бӧрся ваэз. Шӧркодь вылынаэз татӧн вежсьӧны 120-150 м коласын. Кыкнан лажмытіныс куйлӧны Кама депрессия тэчасын.

Коми кытш рытвылын да лун-рытвылын сулалӧ Камайыв вылынін. Медся джуджыта муыс лэбӧма Лопва да Юм ю йыввезын, кытӧн адззӧмась и кытшыслісь медвылын чутcӧ – 329 м. Но унажыксӧ вылыніныс куйлӧ 250-270 метраын саридз вевдӧрсянь. Таті мунӧ ва юкан визь Камалӧн веськыт вожжез коласын, ӧттэс лэдзчӧны асыввылӧ Коми кытш му кузя, а мӧддэс рытвывлань котӧртӧны, Киров лапӧлас, да Камаӧ жӧ усьӧны. Мыссэзлӧн йыввез волькытӧсь нето невна мылькьяӧсь, но алькӧса покаттэз дорӧсалӧмась юэзӧн да шоррезӧн. Камайыв вылынін абужык нюрсялӧма Войвыв мыссэс сьӧрті. Медуна нюрыс татӧн увдӧрсяӧсь. Вевдӧрся нюррес эмӧсь токӧ ӧті-ӧтілаын, да и то нія непаськытӧсь.

Асыввыв визирыс пӧлӧн Коми кытшас буракодь тӧдчӧны Кондӧс мыссэз. Кӧсва да Велва коласын ва юкан визьӧттяс нія йитчӧны Камайыв вылынінкӧт.

Коми кытшыслӧн лун-асыввылын куйлӧ Обва-Иньва волькытін, сы кузя визывтӧ паськыт ольӧттяс Иньва ю да сылӧн вожжез – Юсьва, Велва да Пожва.

Му вевдӧрыс кытшас буракодь лӧсялӧ му-видз уджалӧм понда. Сылӧн кырӧтӧмыс мӧдкодьсьӧтӧ покаттэз, а сысянь ыббез да карчйӧррез позьӧ сайӧвтны кӧдзыт ойвывся тӧввез шогья.

Унажык сы йылісь видзӧт: Перем ладорись Коми кытшын мупытшся шедтассэз.

Коми кытшын мупытшся шедтассэзісь мукӧдыс руда чужӧмаӧсь, а мукӧдыс абу руда чужӧмаӧсь. Рудаыс аркмӧма пуксьӧссэзынжык. Шуам, Урал керӧссэз жугалікӧ поснитжык торрес вӧлісӧ петкӧтӧмӧсь ордча мыса волькытінӧ, мыйсянь татӧн и шогмӧмась кӧрт рудаэз. Ны куйланіннэз эмӧсь му вевдӧрыслӧн вылынжык иннэзын, кытшыс рытвыв визир пӧлӧн (Кудымкар, Юрла, Кӧч да Гайна районнэзын).

Кува йыввезын кӧрт рудаэсӧ адззӧмась эшӧ XIX век шӧрын. 1856 годӧ граф Строганов осьтӧма Кува дорын металл керан завод, кӧда уджалӧма 1909 воӧдз. Заводын кӧртсӧ керӧтӧмась рудаись, кӧдӧ вӧлі шедтӧны перем система вевдӧр горизонттэзісь.

Руда куйланіннэз йитӧмӧсь сёйвевья песӧккезлӧн сера рӧма кызакӧт, мыйсянь геологгез нимтӧны сійӧ «рудаа лӧз му». Этія рудаа муын и куйлӧны кӧрт руда чукӧррез. Унажыксӧ нія – кӧртлӧн карбоната ӧтувтчӧммез, а форма сьӧрті пласттэз, чечевица нето сьӧвмӧс коддьӧмӧсь. Руда видзан пласттэзлӧн кызаыс овлӧ 0,7–3,5 м. Сійӧн, мыля нылӧн етшныс абу ыджыт, ӧні кӧрт рудасӧ шедтыны татӧн абу коланыс.

Пуксьӧса породаэзын шогмӧмась и мукӧд шедтассэз: мусир (нефть), торф, бивидзан сёйез, извесь иззэз, лыа (песӧк), охра. 

Мусир да торф пырӧны кытшлӧн лонтісян ресурссэз коласӧ. 

Первуись мусирыс чижгӧма му осьтаись Майкар дорын 1960 годӧ. Ӧні кытшыс лунвылын адззӧмась мусирыслӧн эшӧ кынымкӧ шогманін. 

Быд районын эм тырмӧмви торф куйлассэз, медуна – Гайна, Кӧс да Кӧч районнэзын.

Бивидзан сёйез пантасьлӧны рытвылын да лун-рытвылын (Кӧч да Юрла районнэзын), нія куйлӧны ордчӧн кӧрт руда шогманіннэзкӧт. Сы понда нійӧ кӧркӧ уджӧтлӧмась Куваись металлкеран заводын. Ӧддьӧн бурӧсь сёй шогманіннэз Кӧсва, Юм, Лолӧг, Чус да Вурлам йыввезын. Медбура тӧдса ны коласісь Кӧч районісь Зырянов дорын сёй куйланін. А чочком сёйез, бӧра, пантасьлӧны шочжыка.

Извесь иззэз куйлӧны омӧн кытш пасьта. Медыджыт куйлассэз Кӧч да Юрла районнэзын (Зула ю ольын), Юсьва районісь Кимина грезд дорын да Гайна районісь Данилова посад дынын. Пласттэслӧн кызаыс 0,5-сянь 4 метраӧдз. Адззӧм извесь иззэслӧн ӧтласа ыжда лоӧ 1 млн. т мымда.

Лыаэз (песӧккез) быдлаын жӧ эмӧсь. Нія аркмӧмась нёльӧттор кадӧ аллювий да кыссян йы бӧрся пуксьӧссэзынжык. Медся озырӧсь (богатӧсь) песӧккезнас Коми кытшыслӧн ойвыв районнэз. Лунвывлын, Юсьва районісь Дӧйкар да Купрӧс дорын куйлӧны кварца лыаэз, кӧднӧ позьӧ лэдзны стёкло керӧмӧ. 

Охралӧн зэв бур шогманіннэз пантасьлӧны Кӧс районісь Кордон, Нагорнӧй да Чиркова дынын, а сідзжӧ Юсьва районісь Дӧйкар грезд дорын.

Коми кытш озыр и минерал ваэзӧн. Кудымкар да Юсьва районнэзын адззӧмась веськӧтчӧм понда ӧддьӧн лӧсялан ваэз: хлорида-нарияӧсь, сульфата-натрияӧсь, иода-бромаӧсь да сира-ваувтыраӧсь. Позьӧ босьтны бурдӧтчӧм могись и Майкар дорись минерал ва петаніннэз.

Унажык сы йылісь видзӧт: Перем ладорись Коми кытшлӧн климат.

Климат Коми кытшын шӧркодь континентвывся: гожумыс кӧть и шоныт, а дженыт, тӧввез жӧ мукӧд воэзӧ сулалӧны ӧддьӧн ни кӧдзытӧсь. Этійӧ позьӧ вежӧртны: кытшыс куйлӧ экваторсянь зэв ылын да и океан доррезсянь абу матын. Сійӧн и руыслӧн тӧвся шонтӧгыс (температураыс) лажмытӧв, а неӧткодьыс тӧвся да гожумся шонтӧггез коласын ӧддьӧн ыджыт.

Уна во сьӧрна казялӧмась: январын шӧрӧт шонтӧгыс Коми кытшас -16°С, юль коста - +17°С. Сідзкӧ неӧткодьыс шонтӧгыслӧн лоӧ годнас 33°, а мукӧд воэзӧ медыджыт да медучӧт шонтӧггез коласын неӧткодьыс вермас локны 85°-ӧдз. Кӧть и кытшыс куйлӧ 3000 км-ся ылынжык Атлантика океансяняс, этія океаныс сё жӧ буракодь павкӧ сы климатыслӧ. Годыслӧн кӧдзыт кадӧ рытвыв да лун-рытвыв тӧввез вайлӧны кымӧррез, сы коста пондӧ лымьявны да шоналыштлӧ. А воыслӧн шоныт кадӧ нія жӧ тӧввез чинтӧны руыслісь шонтӧгсӧ да вайлӧны зэррез.

Коми кытшын муыс ӧддьӧн ваӧсь. Юэз, тыэз да нюррез татӧн тыр, мыля ваыс усьӧ кымӧрсяняс бура и уна, а пакмӧ муись умӧлькодя. 

Унажык сы йылісь видзӧт: Перем ладорись Коми кытшын юэз

Юэс Коми кытшын босьтӧны ванысӧ унажыксӧ кымӧрсянь усялӧмись. Тулыснас лымыс сывлӧ да юэз ыждывлӧны, сія кадӧ медуна ва и кывтӧ. Гожумнас да арнас юэсӧ видзӧны ӧшӧмсянь зэррез, мукӧдкоста нысянь ваыс ӧддьӧн чожа содлӧ да вӧтьлӧ видззез да луддэз, мыйсянь ӧддьӧн умӧль овлӧ му-видз уджаліссезлӧ, эд заптӧм туруныс эта дырни тшыксьӧ. 

Гожумсӧ да тӧвсӧ юэз юктассьӧны ключчезӧн да мӧднёжа муувтся ваэзӧн. Нагладь ыджыт роль мупытшся ваэзлӧн тӧвнас, кӧр юэз йысялӧмӧсь.

Юэз режимын аскодя лоӧ то мый: вит тӧлісь сьӧрна (ноябсянь мартӧдз) нія вевттисьлӧны йыӧн. Йыыслӧн кыза овлӧ 50-75 см. Апрель пондӧтчикӧ юэз оссьывлӧны. Вӧррезын тулысся ва ыждӧ сёрмӧмӧн. Нюраиннэзын ваыс юэзын, тодиль ойланьын, сёрӧнжык жӧ ыждылӧ. Тулысся ыждӧм дырни юэз нӧбӧтӧны ӧддьӧн уна ва, кӧда сы коста не шоча вевттьылӧ ордча муэз. Шуам, Кама дорын сулалан Кӧсвадын нето Старица грезддэз тшӧкыта шедлӧны ва увтӧ 10 лун кеж нето нельки дыржык кежӧ. Сэсся ваыс пондӧ чинны, и кӧркӧ гожум шӧрланяс юыс вӧлись пуксьӧ аслас ӧрӧ.

Кытшас 400-ся унажык ю. Невна не быдӧнныс лоӧны Кама бассейнын. Ачыс Кама ю кытшыс му кузя котӧртӧ рытвывсянь асывланяс, а сылӧн вожжэс (притоккез) артмӧтӧны кытшыслӧ быдӧс ю везӧт (речнӧй сеть). Шульга вожжэс (Весляна, Лупья, Леман) ӧктӧны ва Ойвыв мыссэзісь, а веськыттэз (Иньва, Кӧсва) – Камайыв вылынінісь.

Иньва вожжезісь колӧ казьтыштны Кува, Велва, Юсьва, Исыв.

Кӧсва вожжезісь медкузьӧсь - Лолӧг, Лопва, Янчер, Онолва, Сэпӧль, Юм. 

Весляналӧн медыджыт вожӧн лоӧ Сьӧдъю. 

Унажык сы йылісь видзӧт: Перем ладорись Коми кытшын тыэз

Тыэз Коми кытшын этшаӧсь, и куйлӧны нія ойланьынжык – Кама ольын, шульга вадӧрас. 

Унажык тыыс – ю дорсяӧсь. Нія аркмӧны юыслӧн важ ӧрын, лоӧны джын тӧлісь кодьӧсь, кузьмӧса нето лента кодьӧсь. Нія чукыля-викыляӧсь, куйлӧны кузь векнит кырассэзын да ыджыт ва коста йитчывлӧны юыскӧт.

Сэтшӧм тыэз абу ыджытӧсь. Паськыта нылӧн шӧркодяс 80-100 м, кузяныс – 1-12 км, пыдына 5 метрася ылӧжык оз судз. 

Медыджыт ны коласіь Нахты: кузяыс 12 км, паськытаыс 100 м гӧгӧр. Ю кодь нюжалӧм, сія и лоӧ Тимшор юыслӧн важ ӧрнас. Васӧ Нахты босьтӧ ордча нюррезісь, а ва ыждикӧ – Тимшор юись.

Нахтысянь лунланьын нюжалӧ Кривчи ты, ордчӧн сія жӧ нима грездкӧт. Кузьта сылӧн 10 км, пыдына – 2 м. Кывтытас сія паськыт да ляпкыт ӧрнас йитчӧ Камакӧт. Ой-асывланьын Кривчи тысянь эм неыджыт гӧгрӧса Тундра ты, а сысянь рытланяс аркмӧмась сэтшӧм тыэз: Улын Старича (Пятигоры грезд дорын), Вылын Старича (сэтшӧм жӧ нима грезд дорын), Вежаты (Гайналӧ панытын), Леман ты (Леман ю кывтытын), Валаужом (Усть-Чикурья грездлӧ паныт).

Сэтшӧмӧсь жӧ юдорся тыэз, кӧть и бура учӧтжыкӧсь панталамӧ Кӧсва, Иньва, Весляна оллезын. Медгырисьӧсь ны коласын аркмӧмась Юсьва районын, Купрӧс посад дынын.

Юдор тыэзся эмӧсь и сэтшӧм тыэз, кӧдна аркмисӧ му вевдӧрын важся лажмалӧммезын, кӧр кыссян йы (ледник) сылікӧ ны кузя котӧртіс ваыс. Этатшӧм тыэзӧн лоӧны Вадты да Оныл. Нія куйлӧны Коми кытш ой-рытвылын, Порыш да Утьва юэзлӧн ваюканінын, дзибья вӧр да нюррез коласын.

Вадты – Коми кытшын медыджыт ты. Ва вевдӧрыс – 370 га, кузяыс – 3 км, паськытаыс – 2 км. Пыдӧсыс лыаӧсь (песӧка), ваыс вадӧрын югыт, а 4-5 м пыдынаэзын пемыт. Ваыслӧн шонтӧгыс гожумсӧ шӧркодя овлӧ +18+20°С.

Вадтысянь асывланяс куйлӧ Оныл ты, сылӧн диаметрыс 1 км-ся не унажык. Вадӧррез нюрсялӧмӧсь, торфсялӧмӧсь. Этія тыись петӧ Оныл ю, кӧда усьӧ сэсся Веслянаӧ.

Унажык сы йылісь видзӧт: Перем ладорись Коми кытшын пруддэз

Коми кытшын 70 пруд гӧгӧр. Нія не быдлаын ӧтмымдаӧсь. Медуна пруддэз Юрла да Кӧч районнэзын. Медыджыттэз коласісь лыддісьӧ Кува пруд Кудымкарын. Татісь босьтӧны ва карын оліссез понда. 

Уна пруддэзын быдтӧны чери, мукӧдас чериалӧны, мукӧд дорас шоччисьӧны отир: тульӧтчӧны да уялӧны. 

Лыддиссьӧ, пруддэз пӧ Коми кытшын тшыксьӧны, нюйтсялӧны, пороммэз жагӧник разьсьӧны. Пруддэзын абу быдлаын сӧстӧм ваыс, сійӧ грязьӧсьтӧны назёмӧн.

Кама вавидзанін Коми кытшланьӧ петӧ рытвыв дорнас. Татӧн аркмӧмась Иньва да Пожва курьяэз, кытӧн сулалӧны порттэз: Усть Пожва да Майкар. 

Унажык сы йылісь видзӧт: Перем ладорись Коми кытшын нюррез

Сійӧн, мыля Коми кытшыс куйлӧ волькытінын, ваыс кымӧрсянь усьӧ унаӧв, а пакмӧ сія муись умӧля, татӧн и аркмӧмась ӧддьӧн уна нюррез, медуна ойланяс да шӧрӧттяс. Нюррезісь унажыкыс вевдӧрся нето вуджанаӧсь. Паськыт нюррез куйлӧны Важты да Онолва тыэз гӧгӧр, Утьва да Порыш ю йыввезын. Паськыт да кузь видзӧн нюжалӧны нюррез Кама шульга вадӧр пӧлӧн, Тимшор, Лупья, Леман дорезын, Весляна йыввезын. Нюррезлӧн этія чукӧр шусьӧ Гайна нюррезӧн. Уна нюр эм Кама да Кӧсва коласын ва юканінын (Селиш, Солым, Булач).

Нежык гырись нюррез куйлӧны Кӧсва да Лолӧг коласын, а сідзжӧ Чус, Янчер да мукӧд ю йыввезын.

Коми кытш лунвылын, кытӧн вундалӧм мыса-кыраса вевдӧрыс сетӧ вевдӧрся ваэзлӧ мымдакӧ дренируйтчыны, нюррез етшажыкӧсь. Невна не быдӧнныс - увдӧрся нюррез, васӧ кыскӧны грунтісь. Куйлӧны нія Иньва бассейнын да ыждананас абу гырисьӧсь. 

Нюррезын адззисяс ӧддьӧн уна буртор мортыслӧ. Шуам, торф (сія медуна аркмӧма Коми кытш ойвылын - 85%), ягӧда иннэз (туримоль, пув, сьӧдягӧд, вежъягӧд, лӧзъягӧд), веськӧтчан туруннэз, вӧралан да ытшкисян угоддёэз, пода йирсяніннэз.

Нюррез орсӧны ва видзан роль, но вӧр кералӧм шогья не токӧ поснялӧны юэ, но и нюррез косьмӧны; нія лоӧны сё етшажыкӧсь, чинӧны ягӧда иннэз.

Коми кытш лунвылын кынымӧкӧ увдӧрся нюрресӧ нагладь косьтӧмась, нюрсялӧм видззесӧ бурсьӧтӧмась, но бурсьӧтӧм видззез бӧрся пыр тай видзӧтны колӧ.

Коми кытшын муас пырӧтӧма 150-ся унажык осьта ва нуан пӧвсттэзӧдз – кыдзи вевдӧрсяэзӧдз (нёльӧттор кадсяэзӧдз), сідз и пыднынжыккезӧдз (палеозой кадсяэзӧдз), нія абу ӧтмоза минералсялӧмӧсь. Ваыс этна осьтаэзісь сідз-ту бур и лӧсялӧ сетавны отирыслӧ. Но йӧзыс унажыксӧ ва босьтӧ ӧшмӧссэзісь, кӧднаын куйлӧны вевдӧрся ваэз. Нія нешоча нятьӧсьмӧмӧсь кыдз гортся, сідз и кӧзяйство шупкӧттэзӧн (нитраттэз, нитриттэз).

Коми кытшын эмӧсь кынымкӧ куйланін веськӧтчан ваэзлӧн. Медтӧдсаӧсь ны коласісь адззӧмась Майкарын да Кудымкарын. Хлорида-натрия ваэсӧ татісь торйӧтӧны тодиль перем коми типӧ, кӧда понда аскодянас лоӧ иод, бром, бор да сира ваувтырлӧн ыджыт сукмӧм. 

Унажык сы йылісь видзӧт: Перем ладорись Коми кытшын мусиннэз

Унажык сы йылісь видзӧт: Перем ладорись Коми кытшын быдмассэз

Унажык сы йылісь видзӧт: Перем ладорись Коми кытшын вӧр пода

Коми кытшыслӧн ыджытжык тор вӧрсялӧма, сійӧн и фаунасӧ татӧн аркмӧтӧны вӧрын олісь подаэз. Медся аскоддяӧн сы понда лоӧ то мый: кытшас сорасьӧмась Азияись да Европаись фаунаэз, мыля кытшыс куйлӧ кык му тор ӧтлаасянінын. Морт сідз жӧ мӧдкодсьӧтӧ татісь пода пӧлӧссӧ, эд сія кералӧ вӧр, весӧтӧ видззез, лэдзӧ вӧрӧ лёкби да с.о.

Татӧн паськалӧны асыввыв Европаись вӧрын олісь подаэз.
 
Кыкгыжья йӧлӧнвердіссез коласын ветлӧны вӧрмӧссэз да кӧррез. Вӧрмӧс (йӧра) олӧ омӧн. Сійӧн, мыля видз-му уджалӧм паськалӧ, энӧ подаэсӧ вештӧмась ойвывланьӧ. Нія гажӧн овмӧтӧны том тэлляӧн быдмыштӧм вӧркерассэз да палёжжез, кытісь адззӧны бур вердас. Сэтӧн, кытӧн паськалӧмась нитшшез, ойвыв районнэзын олӧны кӧр табуннэз. Медбура радейтӧны нія веретяэз Вадты, Оныл да Тундра тыэз гӧгӧр.

Сибирись Коми кытшӧ пыравлӧ косуля, но вердчаныс сылӧ татӧн етша, лымыс пыдынӧв, да и лёквиррез-яйсёйиссез уськӧтчӧны, сійӧн и оз кольччы сія миянӧ дыр кежӧ.
Яйсёйиссез коласын медгырисьыс – руд-гӧрд ош. Ошез татӧн унакодь и олӧны нія кытшас быд ыджыт вӧраинын. Не весь ошыс сьылӧтӧма коми фольклорын, пуктӧма Коми кытш да Перем ладор вужпассэзӧ, да дыр кад сьӧрна вӧлі дорьян увтын. Ошыс олӧ дзибья сьӧд вӧррезын, выскыррез да шаттяэз коласын. Нешоча сійӧ позьӧ пантавны пуягӧда яггезын да ӧмидзӧн тырӧм палёжжезын. Нія ошшез кытшын бура йылӧмась, нія уськӧтчӧны горт пода вылӧ. Сійӧн отирыс пондісӧ бӧра ошавны.
Кытӧн вӧрыс вежласьӧ ыббезкӧт олӧны кӧиннэз. Медуна нія лунвыв да шӧрӧт районнэзын. Татӧн кӧин и керӧ медуна умӧльсӧ отирыслӧ, сійӧн и сы сьӧрын кыйсьӧны жӧ.
Руччез пантасьӧны Коми кытш пасьта омӧн. Тӧвнас этія яйсёйисьыс ӧддьӧн уна вийлӧ шыркоддьӧм йириссезӧс, гожумнас сёйӧ геббезӧс да чеччассезӧс, куталӧ кайезӧс да кӧччезӧс. Унажыксӧ кытшын олӧны гӧрд руччез, етшажык панталан сивӧйесӧ, сьӧддэз пыравлӧны токӧ ӧті-ӧтіӧн.




#Article 78: Перем ладорись Коми кытшлӧн статус (273 words)


Перем ладорись Коми кытш — ассяма статуса мувывтор Рочму Федерацияись Перем ладорас. 

Ӧння статус Коми кытшыслӧ вӧлі пуктӧма 2007 годӧ апрель коста, кӧр Перем ладор понда туйдӧттэз лэдзись ӧксян (Законодательнӧй собраннё) пыртіс оланӧ Перем ладорлісь Устав. Коми кытш йылісь Уставас баитсьӧ VIII да IX юкӧттэзын. 

Уставись 35 параграф сьӧрті Коми кытш пырӧ Перем ладорӧ, кыдз мувывторӧн веськӧтлан юкӧт, кӧдалӧ сетӧма тодиль статус. 

Коми кытшыслӧн мувывторыс (территория) кольччӧ сы ыжда жӧ, мый ыжда вӧлі Перем лапӧвкӧт ӧтлаасьтӧдз. 

Перем ладор понда туйдӧттэз лэдзись ӧксянын Коми кытш нимсянь баитӧны кык морт, кӧднӧ бӧрйӧны ӧті манадата кык бӧрьян кытшын.

Коми кытшын Перем ладор юраліссезлісь шуӧммесӧ пыртӧ оланӧ Перем ладорлӧн Коми кытш делоэз сьӧрті министерство.

Сы одзын пуктӧмӧсь сэтшӧм моггез:

а) Кытшын кӧзяйство да социаль сфера зорӧтӧм, отирыслӧ бур олан лӧсьӧтӧм.

б) Кытшын канму (государство) юраліссезлісь шуӧммесӧ оланӧ пыртан органнэзлісь удж ӧтувтӧм.

в) Перем ладорлӧн юралан да Кытшись муниципал юкӧттэзлӧн асвеськӧтлан органнэз коласын ӧтласа удж ӧтувтӧм.

г) Кытшын Федерация да Перем ладор нимсянь лэдзӧм программаэсӧ оланӧ пыртікӧ отсасьӧм. 

д) Роч му Федерация да Перем ладор туйдӧттэз сьӧрті мӧдік моггез тыртӧм, кӧдна павкӧны Коми кытшыс тодиль статуслӧ.

Коми кытш делоэз сьӧрті министерствонас веськӧтлӧ Перем ладорлӧн министр, кӧда лоӧ Коми кытшын юралісьӧн. Мортыс пырӧ Перем ладорӧн Веськӧтланӧ (правительствоӧ). Вежны сійӧ вермӧ Перем ладорлӧн губернатор, Веськӧтлансӧ юралісь вӧзйӧм сьӧрті. Кытшын министрыс вермӧ уджавны ӧтік восянь вит воӧдз.

Уставись 42 параграфын гижӧм: Перм ладорын канму нимсянь веськӧтлан органнэз колӧ лӧсьӧтны уджнысӧ сідз, медбы перем коми отирлӧн зорамис кыв, лов культура да этнослӧ аскодя мӧдік берся. Эта понда министерстволӧ сетӧмӧсь сэтшӧм уджжез:

Перем ладорись Коми кытшын веськӧтлан кылӧн лоӧ роч кыв. Сыкӧт ӧтлаын веськӧтлан керкуэзын позьӧ баитны и комиӧн (перем коми кыв вылын).




#Article 79: Печора (кар) (114 words)


Печора — Коми Республикаын кар, Печора районлӧн шӧрин. 

Кар муэз – 34 кв. км. Оліссез 46 884 морт.

Карыс сулалӧ республика ойвыв-асыввылын, Печора ю веськыт вадӧрын, кытӧн юсӧ вуджӧ Ойвыв кӧрттуй магистраль. 

Координатаэз 65°08’ в.п. и 57°13’ а.к.

Печорасянь Сыктывкарӧдз 588 км ылына.

Карас – юдорся ыджыт порт, кӧрттуй станция, аэропорт.  

Посёлок Печора аркмис 1937–1942 годдэзӧ Ойвыв Печора кӧрттуй нюжӧтікӧ. 1940–1941 воэзӧ пондісӧ лӧсьӧтны туйкериссез понда посёлок Печора станция дынын (кан нимсянь осьтӧм 1950 годӧ) да юдорся порт Канин дорын. 1949 годӧ январ 18 лунӧ кыкнан оланінсӧ ӧтлаӧтісӧ да аркмис Печора кар.
 
Печора карын вӧлі Войвыв Печора ИТЛ (1950 восянь – Печора ИТЛ), кӧдӧ пӧдналісӧ 1959 годӧ. Пукаліссезлӧн лыдыс сибӧтчыліс 59 сюрс морт дынӧ.




#Article 80: Печора (ю) (243 words)


Печора (яран моз: Санэро˝ яха) — Коми Республикаын да Яран кытшын ыджыт ю. 

Сія лоӧ 1809 км кузя, а сылӧн бассейныс 322 сюрс км² ыжда.	

Печораыс пондӧтчӧ Ойвыв Урал вылын, Коми Республика лунвыв-асыввыв пельӧсын, и перво котӧртӧ лунвыв-рытвылӧ. Йывсяняс Унья уссёӧдз сія керӧсвывся ю кодь. Якша дорын (кӧр сыӧ усяс Волосница), юыс кежӧ ойвывланьӧ да кывтӧ Печора улынінӧттяс Усвавомӧдз. Усва уссё бӧрас Печора кежӧ рытвылас, кык ыджыт кӧджжезӧн паськыт чукыль аркмӧтікӧ. Сылӧн ӧрыс татӧн вовлӧ кык километра пасьтаӧдз, а оляс петӧны ота видззез (ластаэз). Чилимдін дынын, сыӧ Пижма да Чилим усьӧм бӧрын, Печора бӧра кежӧ ойвывлань. Татӧн сылӧн паськыт уйтыс (поймаыс) кырӧтӧм уна вискӧн (татісь отир нійӧ шуӧны шаррезӧн) да тыкӧлаэз.

Аслас уссёсянь 130 км ылынаын Печора вожьясьӧ – аркмӧны асыввыв сос (Ыджыт Печора) да рытвыв сос (Учӧт Печора). Кывтытын, Нарьянамар гӧгӧрын юыс аркмӧтӧ 45 км пасьта дельта да сідз и петӧ Печора вом пырйӧт Печора саридзӧ.

Саридзсяняс вӧтлан визуввез вовлӧны ю кузя лунвылас Ишым посадӧдз.

Тыртчӧ Печораыс быдмоза, унажыксӧ сылан лымӧн. Ыджыт ва пондӧтчӧ апрель помын – май пондӧтчикӧ, максимум овлӧ май шӧрсянь (шӧрӧт визывтӧмын) июнь пондӧтчытӧдз (кывтытас). Гожумнас да тӧвнас ваыс ямлӧ. Гожумся ямлӧмсӧ июль шӧрсяняс августӧдз нешоча костіавлӧны зэррез, кӧдна увья ваыс бӧра лэбӧ. Ваыслӧн шӧркодя видзӧмыс уссёас 4100 м³/с. 

Кынмӧ Печораыс октяб помын, оссьӧмыс пондӧтчӧ катытсяняс да эта коста йыыс уналаӧттяс поромитлӧ юсӧ.

Печоралӧн медыджыт вожжес:

Шульга ладорсянь:

Веськыт ладорсянь:

Пырся уйӧтӧмыс позяна топ Мылдінӧдз, тулыснас да арнас – Уньядінӧдз. Саридз судноэз вермӧны кайлыны Нарьянамарӧдз (110 км ылынаын уссёсяняс).




#Article 81: Печора район (1050 words)


Печора район () — веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧрин – Печора карын. Печорасяняс Сыктывкарӧдз 588 км ылына.

Районыс аркмӧтӧм 1941 годӧ. Медодз (1959 воӧдз) шусис Кожва район.

Печора районыс 28,9 сюрс км² ыжда. Куйлӧ Коми Республика ойвыв-асыввылын. Межаасьӧ Вуктыл да Сӧснагорт районнэзкӧт лунвылын, Изьва районкӧт рытвылын, Ускар каркытшкӧт ойвылын, Инта каркытш да Йӧгра кытшкӧт асыввылын. 

Климат Печора районас – шӧркодя континентвывся: татӧн овлӧны кузь да лёккодь тӧввез, а гожуммес дженытӧсь да ыркытӧсь. Шӧрӧт шонтӧг лоӧ январ коста −19,3 °C, июль коста +15,4 °C. Год сьӧрна шӧрӧт шонтӧгсӧ лыддьӧны −2,5 °C. Енӧжваыс ӧтік во сьӧрна усьлӧ 580 мм мымдаӧн.
  
Медыджыт юэз районас – Печора да сылӧн вож Кожва. Мӧдік кузькодь юэз: Лыжа, Луза, Изъяю, Ыджыт да Учӧт Сыняэз, Вангыр, Вяткина.

Колана шедтассэз: мусир, лыа, кӧдза, лыа-кӧдза сорас, извесняк, кирпич сёй, арргиллиттэз да суглиноккез кирпич аркмӧтӧм понда. Клямшор гӧгӧрись (Печора шульга ладорын) аддзисӧ муувтся дубыт ваэзлісь ыджыт куйланін.
 
Вӧрыс Печора районас – ойвыв парма, унажыксӧ лысъя пуэза. 

Районын куйлӧ «Югыд ва» нима националь парклӧн тор. Эм кынымкӧ нюрвывся заказник, кытӧн видзӧны дубваэз, кайезлісь поздісяннэз, туримоль да мырпом быдманіннэз. Ихтиология сьӧрті заказниккез лӧсьӧтӧмӧсь Сыня да Печора юэзӧ, татӧн дорйӧны дона черилісь олан да кульманіннэз (ком, нельма, чими) 

Печора карсянь 13 км ылынаын Каменка ю дорын эм геология сьӧрті ассяма казьмӧтан: важ породаэзлӧн петанін. Местаыс ӧддьӧн гажа да кыскӧ дынас туристтэзӧс, сы понда сійӧ нельки шуӧны Печора дорись Альпаэзӧн. 

Оліссез Печора районас 2010 во пондӧтчан кежӧ 61,1 сюрс морт (Коми Республикаись 6,4 % отирыс). Карын да кароккезын олӧны быдсӧн 51,4 сюрс морт, мӧділаын – 9,7 сюрс морт. 2002 вося гижӧтӧм дырни 68,9 % оліссезісь вӧлісӧ рочӧсь, 15,4 % – комиӧсь, 7,6 % – украинса, 1,9 % – беларуссэз да 1,0 % – тотара.

Район вылын юралісьыс – Торлопов Василий Александрович. Веськӧтланыслӧн адрес: 169600, Печора кар, Ленинград туй, 15. Факс (82142) 747-44. Районісь советын медыджыт Ведрицкас Виктор Иозасович.

Печора районӧ пырӧны 15 веськӧтлан юкӧт: нёль карму да дасӧтік посадму.

Печора районын ӧні 32 оланін: ӧтік кар (Печора), куим карок (Кожва, Путееч да Изъяю), 17 посёлок, кык посад (Яранкурья да Соколов) да ӧкмыс грезд.

Индустрия

Печора район пырӧ Коми Республикаись куим район коласӧ, кытчӧ мусир да газ шедтан комплекслӧн ӧктӧмӧсь медшӧрӧт выннэз. Районісь мусирсӧ судзӧтӧны 16% быдӧс республика шедтӧм сьӧрті. Татӧн уджалӧны: 

Районлісь мупытшксӧ вились пондісӧ туявны геологгез. Мусирсӧ кошшӧны талун лэдзӧг сьӧрті 9 компания: 

Район му кузя мусир да газ кыскӧм сьӧрті эм нёль ыджыт уджаин: 

Ӧні район пырйӧт мӧдӧны лӧсьӧтӧны мусирнуан гум «Ямал – Европа».
 
Транспорт

Печора район аркмӧм Печора ю да ойвывся кӧрт туй вожасянінын. Нӧббесӧ (груззэсӧ) кыскалӧны кӧрттуй да ю кузя, а сідзжӧ вертолёттэзӧн.

ОАО «Печорскӧй речнӧй порт» уджалӧ маршруттэзын: Печора – Вуктыл, Печора – Изьва, Печора – Ускар, Печора – Нарьянмар. Уджаинылӧн эм этася лэдзӧг (лицензия) видзны кӧдзалісь кык шогманін, кытісь сія шедтӧ да вузалӧ кӧдзасӧ.

Ю кузя нӧббесӧ кыскалӧны сідзжӧ ОАО «СК Печорскӧй речнӧй пароходство» (маршруттэс: Печора – Ускар, Печора – Чилимдін, Печора – Нарьянмар) да ЗАО «ВиД» (нӧббез кыскалан маршрутыс Печора – Нарьянмар да отирӧс нӧбӧтан маршрут Печора – Озёрнӧй – Печора).

Ӧні нюжӧтӧны авто туй Ухта – Печора – Усинск: лӧсьӧтӧмась ни Ыджыд Каменка ю вевдӧрӧт пос, осьтӧмась ветлӧмсӧ кык зумыт пос кузя (Марьёль да Чикшин юэз весьтӧт) . Талун кежӧ помалӧмась федераль туйлісь тор Чикшин да Берёзовка коласын (16,4 км кузя).

Туйез нюжӧтӧны да видзӧны районас 

Агропромкомплекс

Печора районын эм му-видз уджалӧм сьӧрті дзир 2 уджаин:

Энія уджаиннэс тырмӧтӧны йӧвнас Печора карись бюджетвывся сферасӧ (больничаэз, челядь саддэз, школаэз), ӧтлаын чулӧтӧны му-видз уджаліссезлісь ярманкаэз, сетӧны мед отирыслӧ асланыс оланіннэзын.

Район му вылын эм сэсся крессяна-фермеррезлӧн вит кӧзяйство (Краснӧй Яг, Соколов, Яранкурья, Кедровӧй Шор посёлоккезын). Нія йылӧтӧны сюра гырись пода, высьтісьӧны да вузасьӧны йӧлӧн, быдтӧны да вузалӧны картов да мӧдік карч. 

Печора районын отирӧс велӧтӧм могись уджалӧны 50 артмӧтӧмин (учрежденнё). 24 школаодзся велӧтанінын быдтіссьӧны 3006 посни челядёк (65-ӧс быдтӧны пондӧтчан школа-садын). Эм 12 шӧрӧт школа (ны коласын ӧтік гимназия), нёль под школа, 6 пондӧтчан школа-сад; быдсӧн ныын велӧтчӧны 5678 морт.

Печора карын уджалӧ Челядь понда кужӧттэз (искусствоэз) сьӧрті школа (филиалыс эм Кожваын), кӧдаись 65 кытшоккезын велӧтчӧны 2200 морт.

Печораын медыджыт велӧтчанін – Индустрия-экономика сьӧрті техникум. Татӧн 16 быдкодь уджжезӧ пондӧтчан тшупӧтын да 4 специальнось сьӧрті шӧрӧт тшупӧтын велӧтчӧны сюрсся унажык морт. 2009 годсянь ИЭТ-ӧ осьтӧмась коставлӧмӧн велӧтчан юкӧттэсӧ эшӧ кык специальнось сьӧрті: «керкуэз да мый да вептӧм и видзӧм», «электро поззэз, веззэз да системаэз». Техникумлӧн эм 11 велӧтчан корпус, товарлэдзан ӧння комплекс, сёян лӧсьӧтан цех, кык магазин, «Дебют» нима шырсянін.

Печора карын эм и Ю кузя уйӧтісьӧ велӧтанін. 2006 годсянь сія лоӧ филиал туйӧ Ва коммуникацияэз сьӧрті унивеситетлӧн (Петракар). Этӧ – ыджыт велӧтчанін, кӧда вермӧ лӧсьӧтны бур специалисттэзӧс ю флот понда. Сылӧн ӧння материальнӧй база: паськыт жыррез, бытшӧма лӧсьӧтӧм кабинеттэз, компьютеррезӧн кык класс, лабораторияэз, мастерскӧйез, уйӧтан тренежёррез, тренажёррезӧн зал, лямпаэз видзан база, озыр библиотека, мезей, ӧтуволанін. Велӧтанінсис лэдзӧм отир уйӧтӧны судноэз Рочму 23 бассейнын да му югыт саридзӧт быдкодь паськытаэзын. Сія жӧ велӧтанінас удж сьӧрті содтӧт велӧтчан босьтӧм могись быд во ыждӧтӧ тӧдӧммесӧ да кужӧммесӧ ю транспортын не ӧтік сё уджалісь. 

Карын оліссезлӧн эм «Досуг» нима ӧтувтчӧм, кытӧн 22 гажӧтан коллективӧ пырӧны 293 морт. «Досуг»-ыс под вылын сідз жӧ уджалӧны интерессэз сьӧртьі куим клуб да йӧзколасісь квать котыр.

Карын оліссезлӧн эм и «Центр досуга и кино» нима ӧтувтчӧм, кӧда борд увтын 25 клубчужӧма котыр.

Оланіннэз коласісь «Меридиан» нима ӧтувтчӧм видзӧ 21 филиал Печора районісь быдкодь оланіннэзын.

Печора районісь библиотекаэз ӧтувтан системаӧ пырӧны 22 библиотека: 6 – карись да 16 – район пасьтаись. Аркмӧтӧны виль чужӧма небӧгаиннэз: библиотека-клуб Берёзовкаын (1997) да библиотека-музей Соколовын (2004).

Печораись история сьӧрті асладор музей ӧктӧ, видзӧ да сетӧ тӧдмасьӧм понда отирлӧ важ кадсянь кольччӧм бурсӧ, быдтӧ йӧзын радейтӧм ыджыт да учӧт чужанін дынӧ, саймӧтӧ морттэзлісь асьнысӧ гражданаӧн кылӧмнысӧ.
 
Кужӧтэз сьӧрті школаын (Печора) эмӧсь юкӧттэз – скрипка, баян, гитара, аккордеон, домра, балалайка, фортепиано, кужӧттэз, театр. Филиаллэс остӧмӧсь Кожваын да Кӧджорӧмын.

Печораын эм челядь да томмез понда спорт школа (филиалыс Кожваын), кытчӧ ветлӧны 657 морт. Уджалӧны секцияэз:

Печораись ДЮСШ видзӧ стадион, И. Кулаков нима спортасянін, кытісь уялан бассейн лыддисьӧ Рочму ойвыв-рытвылын 10 медбур бассейн коласын. Нысся сылӧн эм куим спортбаза (Рытвыв туй, 43; Гагарин туй, 47а; Печора туйколас, 110).

Печора районын СМИ уджалӧны роч кыв вылын. Петӧ быдлунся газета «Печорское время». Недель вылас ӧтпыр лэдзӧны газетаэз «Волна» да «Новая волна». Шочыника петӧ «Добрая газета города Печора».
 
Уджалӧ ООО «Телерадиокомпания ‘Волна-плюс’», кӧда лӧсьӧтӧ телевидзӧм кабель пыр да эфир пырйӧт. Сысся электрон масс-медиа коласын ООО «Телекомпания ‘ТВ-Блиц’», радиостанцияэз «Европа плюс Печора» да «Радио Шансон».
 




#Article 82: Пешнигорт (Кудымкар район) (684 words)


Пешни́горт — Перем ладорись Коми кытшын, Кудымкар районісь Степановчи посадмуын коми посад. 

Пешнигортлісь нимсӧ йöзыс вежöртöны быдмоз: 

Пешнигорт посад сулалӧ Иньва ю дорын, Кудымкар шöринсянь рытвылӧ 6,7 км ылынаын (автобусöн кö мунны, 15 минутаöн локтан). Посадсяняс Кудымкарыс бура тыдалö.  

Пешнигортыскӧт ордчӧн куйлӧны сэтшӧм : ойвыв-рытвылын – Вуровчи да Чикув, ойвылын – Баран, асыввылын  – Юковчи да бокынжык Сергина, лунвылын – Сопрон, лунвыв-рытвылын – Сопонко, Борисовчи да Амон.

Мувевдöрыс лажмыт да волькыт, токö юланьö муыс пöліньтчöм.  Муыс кöс, нюррез абуöсь. 

Местаыс осьтöм, невна не быдладорас куйлöны ыббез да видззез. Ордча деревняэз бура тыдалöны.

Иньва юыс öддьöн чуклясьö да, аркмöмась быдкодь старицаэз (шуам, Заречнöй старица), кытöн олö сякöй чери. 

Посад кузя котöртö Чукыляшор (сійö эшö шуöны Никулинскöй речка). Эм кык вежа ключ, кöднö отирыс обикодитöны: Кротас да Паськыт пожум увтын. Эм эшö ключ могильник дынын, а почтаын ключыс косьмöм. 

Посад дорын садитöмась кык лисвеня яг да суспуа яг. (Ягнас татісь отирыс шуöны керöс). Пешнигортісь яггез бура быдмöмась ни да öддьöн басöксьöтöны пейзажсö.

Посад гöгöр быдмöны и мöдік пуэз: кӧз, кыдз дмд. Лёка йылö понуль (верӧс).

Посад ладорын пантасьöны ошшез да кӧиннэз.

Пешнигорт посад тэчӧм кынымкö торись. Иньва ю сайын куйлö Заречнöй Пешнигорт (кöдö гумагаэзын лыддьöны торья грездöн), ю веськыт вадöрын куйлö ачыс Пешнигорт, туй вевдöрын – Никулина, туй увдöрын – Прокина да Починок, сэсся эмöсь Крот, Паськыт Пожум, Ключ да Тепляк.

Пешнигорт посадын öні лыддьöны 23  :

Медшöр туйнас лыддьöны Голев туй.

Тодильнöй  посадас абу. Колö кö öксьыны, отирыс чукöртчöны магазин дорö.

Пешнигорт гӧгӧрись археологгез адззӧмась VII–IX да VIII–XI веккезся куим казьмӧтан. 

Пешнигортлісь нимсö роччез первуись казьтыштӧмась 1647' во (деревня Верх Инвы реки на Пешнигорте). 

Посадӧн сія лоöма 1896' годӧ, кӧр татчӧ лэптöмась Стефан нима пуовӧй вичку (пӧдналӧм 1930' воэзӧ). Сія жӧ восянь татӧн пондöмась овны монашкаэз (медодз общинаӧн), а 1905' годö оссяс инькаэз понда Стефан нима быдса монастыр, кӧдӧ пӧдналасӧ советтэз пуксьӧм бӧрын.

Одзжык Пешнигортын вӧлі Пешнигорт сельсоветлӧн , сэсся сельсовет вештöмась Кекурö, а 2006' во пондöтчикö, виль роч туйдöт сьöрті, вöлі аркмöтöм Степановчи посадму, кытчö Пешнигортыс талун и пырö.

Талун Пешнигортыс лыддисьö Перем ладорись Коми кыштшын да пырö Кудымкар районсис Степановчи посадмуö.

Влась нимсянь посадас баитö Степановчи посадмуись главнöй специалист Хозяшева Раиса Валентиновна.

Посадын эм асланыс . 

Кудымкарсянь кынымиськö недель вылас кайлö полицияись участковöй. 

Пешнигортын уджалö Роч почталöн юкöт №619545 да Роч сбербанклöн сберкасса.

Олöны Пешнигортын пешни́гортса. Татісь öтік мортöс шуöны пешни́гортісь нето рочöнжык пешни́гортскöй.

Пешнигортын оліссез комиöсь, баитöны комиöн. Роччез эмöсь жö, но етша. Öні том отирыс велöтöны челядьнысö баитны токö рочöн.

Пешнигортсалöн : 

Эмӧсь сэтшӧм увтыррез: 

Медыджыт  посадас — СПК «Рочму»лöн . Эм ферма, кытöн видзöны высьтан мӧссэз. Кöдзöны сортовöй сю. Отирыс асьныс видзöны пода. Кöркö мöссэс вöлöмась 130 юр, а 2010' во кежö кольччöмась токö 33 юр. 2011' годö мöссэсö бöра пондöмась видзны унажык — 40 юр. Отирыс быдтöны карч, тшакьялöны, ягöдалöны. 

Медшöр туйыс Пешнигортас асфальта, мöдіккез гравийнöйöсь нето куш му. Уна отирлöн эм асланыс машина.  ветлöны автобуссэз. Эм кык сувтчан да нёль маршрут — 115, 155т, 188, 121. Кудымкарöдз мунны 15 минут. 

Пешнигортса видзöтöны телевизор, радио абу. Интернет эм школаын, но оссьö умöля. 

Посадсянь позьö баитны мобильникöт (МТС, UTEL дмд). Эм гортся да öтласа телефоннэз.

Пешнигортын эм нёль лавка. Берся вузалан магазиннэз куима:

Öтік лавкаын вузасьöны хозтоварöн —

Быт службаэз абуöсь. Шырсьыны да мый да отирыс ветлöны Кудымкарöдз.

Посадыс эм ФАП. Карсянь вовлöны терапевт да педиатр.

 пешнигортсалöн лöсьöтöм ас посад да Юковчи коласын. Кырасöн шойна янсöтöм кыкö: Важ могильник (матынжык Пешнигорт дынö) да Виль могильник (Юковчиланяс). 

Öні Пешнигортын эм шöрöт школа (осьтöм 1885' годö ) да сылöн филиаллэз: челядьясли да челядьсад. Кöркöся пондöтчан школа посадісь пöдналöмась.

Одзжык школаын вöлісö классэз А (коми) да Б (роч), сэсся, челядьыс лоисö етшажык да, классэз öтлаöтöмась. Неважын шöрöт школаын нач дугдöмась велöтны коми кыв, мыля аймамыс пондöмась сетны челядьнысö Кудымкарись школаэзö, мед не велöтны комисö. 2011/12' восянь мöдöны осьтны коми кыв сьöрті факультатив.

Посадын эм челядькерку (кытöн видзöны и поснит челядьсö).
 

Пешнигортын эм 

Чулöтаннэз:

Апрель вылын овлö Голев нима эстафета. Сэк жö  школалун.

Юнь помын чулöтöны посадлун.

Одзжык посадас сулалöма вичку, кöдö 1930' воэзö пöдналöмась, а неважын разьöмась. 2011' май 9' лунö сы местаö сувтöтöмась перна да шуöмась лэптыны вичку вились.

Отирыс порйöтöны Розосво, Масленича да Стречалун.

Археология сьöрті казьмöтаннэз (ломоватовсалöн да родановсалöн культураэз):

 




#Article 83: Питю Ӧньӧ (107 words)


 
Питю Ӧньӧ (Зубов Андрей Никифорович, 1899–1937) — коми гижись, велӧтісь, поэт. Гижис перем комиӧн. Перем коми литературалӧ под пуктіссезісь ӧтік.

Питю Ӧньӧ шогмис нояб 25 лунӧ 1899 воӧ Кудымкар районісь Иньвайыл посадын. Велӧтчис горт школаын, сэсся Юрлаын пондӧтчан велӧтчанінын.

Сентяб 8 лунӧ 1937 годӧ сійӧ пуксьӧтісӧ, шуисӧ отирлӧ умӧль керисьӧн да вийисӧ. 1956 воын нимсӧ сӧстӧмтісӧ.

Питю Ӧньӧ – Перем коми литература аркмӧтісь. Медбура сійӧ тӧдӧны кыдз лирикӧс да фолькор ӧктісьӧс. Первуись гижис да лэдзис кывбурресӧ 1922 годӧ, кывбуррезӧн небӧг ас дырни петіс 1929 воын. Пьеса «Пемыт ой пыр» вӧлі сувтӧтӧм Коми кытшись драма театрын.

Уна гижис велӧтчан небӧггез, уна вуджӧтіс роч да коми (зыряна) кыв вылісь.




#Article 84: Порошволь (Кӧсладор район) (561 words)


Порошво́ль (рочӧнжык По́рошова) — Перем ладорись Коми кытшын, Кӧсладор районісь Кӧс посадмуын грезд (деревня), кӧть мукöдыс шуӧны сійӧ и посадӧн. 

Порошволь куйлӧ Кӧс посадсянь ойвыв-рытвылӧ 20 км ылынаын, Сым ю дорсянь лунвылӧ ӧтік километра ылынаын, Пятигорланьӧ мунтӧн автотуйсянь веськыт ки вылас, ыббез коласын. 

Кӧркӧ татӧн вӧлі Порошволь сельсоветлӧн шӧрин.

Талуння отирыс шуӧны да, Порошовасӧ пондӧмась сідз шуны роч пороша 'усян лым, падера' кывсянь. Важынся Порошволь нимсӧ талун етша кин и тӧдӧ, коть А. С. Кривощёкова-Гантман дырни важ отир кужӧмась эшӧ висьтавны веськыт этимология: Порош воль — Порош нима мортлӧн воль (ректас). 

Порошволь дынсянь медматын олан пункт — Несӧль грезд, кӧда сулалӧ Порошвольсянь лунвыв-рытвылӧ ӧтік километра ылынаын (автотуй кузяс сэтчӧ муннытӧ 1,5 км — автобус сувтчанінсянь медодз ойвылӧ, сэсся кежны шульга ки вылӧ). Кыкнан деревня коласын куйлӧ ӧтласа шойна. Сійӧн, мыля Несӧляс не садик, не школа, не магазин, не почта, не мый абу, несӧлёвчиыс вовлӧны пыр Порошвольӧ.

Лунвыв-асыввылас трасса кузя куим километра ылынаын сулалӧ Маскаль деревня. Ойвылас медматын грезд, Дасморт (ӧні йӧзтом ни), сизим километра ылынаын. Асыввылас ӧддьӧн ни ылын — Солым.

Вӧрынжык, лунвыв-рытвылас, кӧркӧ вӧлӧмась сэтшӧм учӧтик грезддэз, кыдз Новосёл (30 км ылынаын) да Собачка (35 км ылынаын). Сэтӧн олӧмась сваль роччез, кӧдна ӧні вуджисӧ Порошвольӧ. 

 

Грезд шӧрӧттяс мунӧ ыджыт кырас: асыввылас сысянь куйлӧ Мыс, кӧдӧ унажыксӧ лыддьӧны торья грездӧн, рытвывланьын – ачыс Порошвольыс.

Грездын эм то кытшӧм уличаэз: 

Медыджыт туй грездас мунӧ автотрассасянь ойвывланьӧ, параллель нёжӧн кырасыскӧт, рытвылӧттяс. Медодзза туйвежын — площадь кодь мыйкӧ. 

Одзжык сельсовет администрацияын пукалӧмась 3 морт. Ӧні ӧтік морт баитӧ отирыскӧт влась нимсянь. Эм милицияись участковӧй. Уджалӧ почта юкӧт № 619435. 

Олӧны Порошволяс 122 морт (2009 во пондӧтчан кежӧ), видзӧны 40 горт. Отирыс шусьӧны порошо́вчи. 

Медодз грездас олӧмась чисто комиэз. Сэсся, война коста, татчӧ локтӧмась роччез, этасянь талун порошовчи коласын эмӧсь и комиэз, и роччез. Унажыкыс сё жӧ комиэз. Школаын быдӧнныс кывзӧны коми кыв сьӧрті уроккез. Но мунӧ сёрни коми кывсӧ школаись вӧтлӧм йылісь.

Памиллёэз коласын медуна пантасьӧны Щербаковвез, Останиннэз, Жижилеввез.
 
Религия сьӧрті отирыс веськыткылаӧсь (православнӧйӧсь). Мыля часовенка грездын пӧдналӧм, отирыс ветлӧны юрбытны Кудымкарӧ нето Кӧс посадӧ. 

Кӧркӧ Порошвольын вӧлі колхоз. Ӧні колхоз местӧ осьтӧмась пилорама. Вӧрсӧ пӧрӧтӧны унажыксӧ вовліссез (лунвывся отир). Мукӧдыс порошовчи коласісь уджалӧны ны бердын. Асьныс оліссез пӧрӧтӧны жӧ вӧр, керӧны сруббез да вузалӧны Кыдзкарланьын. 

Керкуэз быдӧнныс керӧмӧсь пуись. Эмӧсь кык патераа керкуэз да торья гоз понда керкуэз. 

Грездын эм куим магазин, ӧтікыс сельпо, а кыкыс частнӧйӧсь. 

Йӧзӧс кыскалӧ автобус Кӧс—Пятигор (ветлӧтӧ вильлунӧ да петничаӧ). Эм тодильнӧй сувтчанін. Озыржык порошовчилӧн эмӧсь ас автомобиллез, кынымкӧ трактор. Туйез вевттьӧмӧсь кӧдзаӧн нето щебёнкаӧн. 

Отирыс уна вӧралӧны. Угоддёэз эмӧсь Собачка ладорын. Кыйлӧны кӧччезӧс, таррезӧс, сьӧлаӧс (дзугӧн). Ошшезӧc озо кыйӧ, мыля мӧссэзӧс нія вийлӧны шоча. А кӧиннэзкӧт бура пессьӧны, лёка пода джагӧтӧны да.

Порошвольын эм нетыр шӧрӧт школа, кӧдалӧн важ керкуыс сулалӧма 1925-28 (?) восянь. 12 км сайсянь ордча грезддэзісь челядьыс вовлӧны татчӧ велӧтчыны.

Кӧркӧ грездын вӧлі приют (Кӧсладорын сэтшӧмыс нач ӧтік и вӧлӧма). Сэсся приютсӧ пӧдналӧмась, а сы керкуӧ меститӧмась школа.

Порошволяс эм кык библиотека (посад понда да школа понда), ДК клуб (сельскӧй библиотекаыс сэтчин). Школаын осьтӧм музей.

Эм и фельдшера-акушера пункт.

Вежалуннэзісь медбура порйӧтӧны масленича: март коста быдӧс район понда лӧсьӧтӧны гажсӧ, кӧть и не быд год. 
 
Сьылісь чукӧрӧн быдкодь фестиваллез вылӧ, Кӧсӧ да кытчӧ да, сьывнытӧ ветлӧны велӧтіссез. 

Порошвольын эмӧсь площадкаэз футболӧн да волейболӧн орсӧм могись. Ордчӧн, ДК клубын уджалӧ спортзал (волейбол, баскетбол да теннис). Кӧсладор чемпионатын волейбол сьӧрті порошовчи неӧтпыр вермывлісӧ. Быд во гожумнас томпӧлӧс лун кежӧ Порошвольӧ вовлӧны пятигорчи орсны волейболӧн да футболӧн.




#Article 85: Сӧснагорт район (205 words)


Сӧснагорт район () – веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧрин – Сӧснагорт кар. Сӧснагортсянь Сыктывкарӧдз 345 км, Уква карӧдз 15 км.

Районыс аркмӧтӧм 1979 нояб 29 лунӧ.

Сӧснагорт районыс 16,5 сюрс км² ыжда. Куйлӧ Коми Республика шӧрын. Межаасьӧ Изьва да Печора районнэзкӧт ойвылын, Вуктыл районкӧт асыввылын, Мылдін да Кулӧмдін районнэзкӧт лунвылын да Уква каркытшкӧт рытвылын. 

Медыджыт ю районас – Изьва, кӧда дорын сулалӧ Сӧснагорт. Районас котӧртӧны Изьвалӧн медыджыт вож Айюва, Уква (уссё гӧгӧр) да Сьӧдъю, а сідзжӧ Печоралӧн шульга вож – Льӧмъю. 

Район куйлӧ вӧр отын. Лысъя породаэз коласын унажыкыс пожум, кӧз, лисвень да ньывпу. Кӧрья вӧрын быдмӧ кыдз да ловпу. Пармаын уна тшак да ягӧд, йылӧ звир-пӧтка. Лыддьӧмась 50 гӧгӧр вид йӧлӧнвердіссез да 100 мымда вид кайез. 

Районыс аркмӧтӧм нояб 29 лунӧ, 1979 годӧ, Уква карсӧветісь янсӧтӧмӧн.

Оліссез Сӧснагорт районас 49 790 морт (2009 во кежӧ). Ны коласісь карын олӧны 28 103 морт (81%). Йӧзыслӧн тшӧкыта 3,5 морт/км². 

Район вылын юралісьыс Леонов Игорь Викторович. Веськӧтланыслӧн адрес: 169706, Сӧснагорт кар, Зоя Космодемьянскӧй туй, 17. Факсыс (82149) 505-07. 

Район янсӧтчӧ 10 веськӧтлан юкӧт вылӧ.Татӧн эм куим карму да сизим посадму.

Сӧснагорт районын 21 оланін: ӧтік кар (Сӧснагорт), кык карок (Улыс Одес да Войвож), 12 посёлок , ӧтік посад (Уквавом) да вит грезд.




#Article 86: Свердлов лапӧв (132 words)


Свердлов лапӧв () – Роч Федерация видзантор. Куйлӧ Урал сайын, пырӧ Урал федерал кытшӧ. Ордчӧн Свердлов лапӧвкӧт куйлӧны: ойланьын – Коми Республика, ойвыв-асыввылын – Йӧгра кытш, асыввывлын – Тюмень лапӧв, лунвылын – Курган лапӧв, Челяба лапӧв да Башкыр Республика, рытвылын – Перем ладор. 

Мувывторыслӧн ыжда – 194,8 сюрс км². Оліссез – 4 394 866 морт (2010). 

Свердлов лапӧвлӧн веськӧтлан шӧрин – Катькар. 

Медыджыт юралісьыс Свердлов лапӧлын – губернаторыс. Ӧні губернаторын пукалӧ Мишарин Ӧльӧксан Сергеевич.

Свердлов лапӧв вӧлі аркмӧтӧм 1934 годӧ Урал лапӧв разикӧ. Ӧння визиррезын олӧ 1938 восянь, кӧр сысянь торйӧтчис Перем лапӧв. 

Свердлов лапӧв шусьӧ сідз, мыля сылӧн шӧрин Катькарыс, лапӧв аркмӧтікӧ (1934 годӧ), шусис Свердловскӧй. Катькарсӧ нимтӧмась Свердловскӧйнас Урал вылын революция керись Свердлов Яков Михайлович сьӧрті. 1991 годӧ Катькарыслӧ сетӧмась важ роч ним (Екатеринбург), а ачыс лапӧвыс кольччис Свердлов нимаӧн.




#Article 87: Секов (Юсьва район) (124 words)


Секо́в — Перем ладорись Коми кытшын, Юсьва районісь Карпов посадмуын коми грезд (деревня).  

Секов грезд сулалö Иньва ю шульга вадöрын, Карпов посадсянь рытвылö кык километра ылынаын да Юсьва посадсянь ойвыв-рытвылö вит километра (туй кузя кö — 7 км) ылынаын. Сековсянь асфальтируйтöм автотуйöдз (Юсьва—Карпов) колö мунны асыввылö километра мымда. 

Рытвылас Секов бердын сулалö Проньчи грезд, сы сайын, эшö джын километра кö мунны, петö Ганёвчи. Лунвылас, километра ылынаын сулалö Иньвадор грезд, но веськыт туй сэтчö абу.

Быдöс туйез да туйколассэз Сековын шусьöны öткодя: Медшöр туй.

Сековыс пырö Перем ладорись Коми кытшö, Юсьва районсис Карпов посадмуö, одзжык вöлöма Архангельскӧй сельсоветын.

Роч гумагаэз сьöрті Секов грездын 2009' во пондöтчикö олöмась 68 морт, кöдна видзöмась 25 горт. Оліссез шусьöны секо́вчи.

Унажык отирыс гишшöны Утев.

Сековын эм Карпов сельполöн лавка.




#Article 88: Сибир шӧрись джуджытін (197 words)


Файл:Srednesibirskoe ploskogorie vid s reki Tunguska 01.jpg|thumb|210px|Сибир шӧрись джуджытін: Улісь Тунгускасянь нёджӧв Путорана плато вылӧ
Файл:Srednesibirskoe ploskogorie les v rajone reki Tunguska 01.jpg|thumb|210px|Пожума яг Улісь Тунгуска дорын

Сибир шӧрись джуджытін (як. Орто Сибиир хаптал хайалаах сирэ) – Асыввыв Сибирын, Сибир под вылын сулалан джуджытін. Джуджытіныслісь муувывторсӧ янсӧтӧны ас коласаныс Якутму, Краснояр ладор да Иркут лапӧв.

Лунвылас Сибир шӧрись джуджытін пыкӧтасьӧ керӧссэзӧ: этӧ Асыввыв Саян, Байкал дорись да Байкал сайись мусюррез. Рытвылын сыкӧт ордчӧн куйлӧ Сибир рытвылісь волькытін, ойвылас – Сибир ойвылісь улынін, асыввылас – Якутму шӧрись улынін.

Сибир шӧрись джуджытін понда ассямаӧсь паськыт платоэз да кряжжез. Медыджыт вылына – 1701 м (Путорана плато). Паськыт муэз босьтӧны уна вося кын породаэз, кӧдна Вилюй плато вылын 1,5 км ыждаӧсь (мушар вылас нія медыджытӧсь) .

Климат Сибир шӧрись джуджытін вылын чорыта континентвывся. Быдмӧны унажыксӧ лисвення вӧррез, лунвылыжык – пожума-лисвення вӧррез да пожума яггез. Джуджытін ойвылас – керӧсвывся тундраэз.

Сибир шӧрись джуджытінас мукӧдлаын куйлӧны вӧрстеппез (Кан да Краснояр вӧрстеппез) да степпез (Балаган степ).

Джуджытінас эм уна колана шедтас: никель, ыргӧн да кӧрт рудаэз, из шом, графит, из сов, мусир, газ.

Сибир джуджытін кузя кывтан-котӧртан юэз нуӧны ванысӧ Ойвыв Йыа океанлань. Медыджыт юэс татӧн: Улісь Тунгуска, Шӧрӧт Тунгуска, Ангара, Лена, Вилюй, Хатанга.




#Article 89: Словенско (289 words)


Словенско нето Словакму (словак кыв вылын Slovensko, ) – словак отирлӧн республика Европа шӧрын. Мезмыт канмуӧн Словенско лоис 1993 годӧ, кӧр разьсис Ческо-Словенско йитан республика. Ордчӧн Словенскокӧт ӧні куйлӧны татшӧм канмуэз: Австрия, Ческо, Польска, Украина, Мадьярму.

Словакму лоис НАТО-ын 2004 март 29 лунсянь. Ӧтувтчӧм Европаӧ сія пырис 2004 май 1 лунӧ, кӧр сія ӧтлаасис и Шенген сёрнитчӧм дынӧ. 2007 декаб 21 лунӧ оссисӧ визиррез, а 2009 январ 1 лунсянь сьӧмнас Словенскоат лоис евро.

Коми кыв вылын мийӧ вӧзъям гижны канмулісь ним Словенско, кыдз сэтісь отирыс асьныс сійӧ шуӧны (Slovensko). Этія нимыс аркмис сысянь, мыля татӧн важысянь олӧны унажыксӧ словене. Проблема петӧ сысянь, мыля ӧтік айморт ны кыв вылын шусьӧ словак (Slovák), кӧть инька ны моз – словенка, тӧдчанним – словенски). Этасянь мӧдік кыввез вылын канму нимыс аркмӧтӧм словак дінсянь (Slovakia дмд.). Коми кылын мийӧ пондам шуны словаккезлісь (словеналісь) канму сідз, кыдз нія асьныс, но мукӧт коста синоним туйӧ пондам гижны универсальнӧйжыка – Словакму. 

Словенско нюжалӧ рытвывсянь асыввылӧ 410 км кузя, а лунвывсянь ойвылӧ 100-190 км кузя. Ӧтласа визирыс Австриякӧт сылӧн 127 км кузя, Ческокӧт 265 км кузя, Польскакӧт 597 км кузя, Украинакӧт 98 км кузя да Мадьярмукӧт 679 км кузя. Визиррез пӧлӧнся юэз: Морава (Ческоланьын да Австрияланьын), Дунава (Австрияланьын да Мадьярмуланьын) да Иполь (Мадьярмуланьын).

Словенско ойвылас, асыввылас да шӧрас лэбӧны Карпат керӧссэз. Нылӧн вылынжык торыс шусьӧ Джуджыт Татраэз, кытӧн уна лямпа курорттэз гажа тыэз да оллез коласын. Татӧн жӧ канмуас медвылын чут – Герлаховскӧй штит (2655 м). Лажмытіннэз куйлӧны лунвыв-асыввывся да лунвыв-рытвывся Словенскоын, кытӧн сія петӧ Паннония улынін дорӧ. 

Медкузь юэз канмуас Дунава, Ваг да Грон.

Климат Словенскоын шӧркодь, гожумнас шоныткодь, а тӧвнас кӧдзыт, кымӧра да уль. 

Словенско янсалӧ 8 край (kraj) вылӧ, кӧдна шусьӧны веськӧтлан шӧрин ним сьӧрті: 

Крайез янсӧтчӧны окрессэз (okres) вылӧ. Быдсӧн Словенскоын ӧні 79 окрес.




#Article 90: Суоми (219 words)


Суоми нето Финму (, , ) – ыджыт канму Асыввыв Европа ойвылын, суоми отирлӧн горт му. Пырӧ Ӧтласа Европаӧ да Шенген зонаӧ. 

Ӧтласа мувывторнас Суоми лоис 1809' годсянь, кӧр финнэз муыслӧ дӧнзис автономия Роч империя пытшкын. Октябся революция бӧрын, 1917' восянь Финму лоис мезмыт канмуӧн. 

Талун Суоми видзӧ визир куим канмукӧт: асыввылас куйлӧ Рочму, ойвыв-рытвылас – Шведму, ойвылас – Норвег. Лунвылас да рытвылас Суоми петӧ Балты саридз дорӧ, татӧн шыль видзӧны Фин курья да Похья курья. 

Европааись мӧдік канмуэз сьӧрті, Суомиыс ыджыткодь. Но, ойвылын куйлӧ да, олісьыс татӧн абу уна. Мувывторыслӧн ыждаыс — 338 145 километра квадрат, а олӧны дзир 5 милион мымда морт. Ордчаӧт: Немечмуын, кӧда пӧшти сы ыжда жӧ, олысьыс лоӧ 80 миллион. Суомиыс видзӧ мувывся визиррез куим канмукӧт: асыввылын — Рочмукӧт, ойвылын — Норвегкӧт, да ой-рытвылын — Шведмукӧт. Эм сылӧн и саридзвывся визиррез. Лунвылын, Фин курья пырйӧт — Эстмукӧт. Рытвылын да лун-рытвылын Суоми да Шведму коласын водӧма Похья курья, кӧда Балты саридз шӧрсянь торйӧтӧма Олан ді чукӧрӧн. Олан діэз Суоми кан увтынӧсь жӧ, но лыддисьӧны тодиль асвеськӧтлана торӧн.
Мукӧдкоста Суоми, Шведму да Норвег ӧтлаын шуӧны Скандинав канмуэз, кӧть география ладорсянь дзир Шведму да Норвег олӧны Скандинав кӧджын. Суоми, Шведму, Норвег, Данмарк да Исланд ӧтлаӧтӧны и мӧдік нимӧн: Ойвывся канмуэз. Этадз аркмис сы понда, мыля эна канмуэс лӧсьӧтӧмась Ойвывся совет, и сы пыр видзӧны ӧта-мӧдныскӧт бур йитӧттэз.

  




#Article 91: Сыктыв (ю) (107 words)


Сыктыв – Коми Республикаын ю, Вынваӧ усян Эжвалӧн шульга вож.
 
Сыктылыс 487 км кузя, бассейныс 17 200 км². Юыс тыртчӧ унажыксӧ сылан лымнас. Ыджыт ва апрель мӧд джынсянь июнь шӧрӧдз. Уссёсянь 318 км ылынаын ваыслӧн шӧркодь ыжда лоӧ 33 м³/сек мымда. Кынмӧ Сыктылыс окяб помын – нояб коста, оссьӧ апрель помын – май пондӧтчикӧ. 

Медыджыт вожжес:
Воктым, Тыбью, Ыджыд Визин (шульга вадорсяӧсь); Ныдыб, Лӧпъю, Пӧинга (веськыт вадорсяӧсь).

Сыктыв пондӧтчӧ Ойвыв мыссэз вылын, Коми Республика да Киров лапӧв визир дорын. Перво котӧртӧ рытвылӧ, уна вож ас пытшӧ босьтӧмӧн. Кывтытын кежӧ ойвылӧ. 

Ю дорын сулалӧны кык районлӧн шӧрин: Койгорт посёлок да Визин посад, а сідзжӧ Сыктывкар, Коми Республикаись канкар.




#Article 92: Сыктыв район (322 words)


Сыктыв район () – веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧрин – Визин посадын. Визинсянь Сыктывкарӧдз 88 км ылына.

Районыс аркмӧтӧм 1929 годӧ.

Сыктыв районыс 6 140 км² ыжда. Куйлӧ Коми Республика лунвыв-рытвылын. Межаасьӧ Сыктывдін районкӧт ойвылын, Койгорт районкӧт асыввылын, Луздор районкӧт лунвылын да Кардор лапӧвкӧт рытвылын. 
  
Мувевдӧрыс – некрут мыссэза волькытін, медвылын местаэз – 217 метраӧдз. 

Колана шедтассэз: керамзит сёйез, сотчан сланеччез. 

Медыджыт озырвын (богатство) районас – вӧр да гӧран муэз.
 
Вӧрас быдмӧ кӧз, пожум, кыдз. Мукӧдлаті панталан ньыв. Тыр звер-пӧтка да чери.
 
Вӧр-ва дорьян муэзӧн лоӧны: туримоля нюр Вожашор, туримоля нюр Поёл вӧрвидзанісь 25 кварталын да Вад ты.

Медыджыт ю районас – Сыктыв, кӧда дорын сулалӧ Визин да мӧдік гырисьжык посаддэз. Сэсся эмӧсь юэз: Ичӧт Видзин, Ыджыт Визин.

Сыктыв район аркмӧтӧм июль 15 лунӧ 1929 годӧ. 1949 воын Сыктыв районісь торйӧтісӧ Койгорт район.

Сыктыв район вылын юралісьыс – Иевлев Владимир Павлович. Веськӧтланыслӧн адрес: 168100, Сыктыв район, Визин посад, Сӧвет туй, 35. Факс (82131) 910-09. Районісь веськӧтланын медыджыт – Мальцев Владимир Викторович.

Сыктыв районас 11 посадму.

Сыктыв районас 79 оланін: 9 посад, 8 посёлок да 62 грезд (деревня).

Промышленносьын уджалӧны 21,8% (1133 морт) быдӧс уджаліссез коласісь. Этія сфераын быдӧс лэдзӧмись 88% сетӧ вӧр лэдзан-керӧтан комплекс. 

Учӧт уджаиннэз районас 34-а, татӧн шедтӧны мед 940 морт. Эшӧ 207 морт гижсисӧ вот ӧктан органнэзын ас вылӧ уджаліссезӧн.

Сыктыв районас 2004 во кежӧ вӧлі му-видз уджалан вит предприяттё, кыкыс отсалан уджаин, 18 крессяна кӧзяйство, гражданалӧн 4 ас подворьё. Му-видз уджалӧмын быдӧс лэдзӧмыс 2004 во сьӧрна вӧлі 46,5 млн. шайт.

Сыктыв районын уджалӧны 15 библиотека да 22 клуб.

Петӧ роч кыв вылын «Маяк Сысолы» нима газета.

Кебра (Куратово) сиктын уджалӧ асладор музей, быд во татӧн чулӧтӧны медодзза коми поэт И.А.Куратовӧс казьтылӧм понда кывбур гаж, кытчӧ отир вовлӧны республика быдӧс пельӧссэзсянь.

Сыктыв районын эм 17 сад-ясли (750 морт челядь) да 17 школа, кытӧн велӧтчӧны 2137 нывка да зонка. 14 школаын велӧтӧны коми кыв. 

Содтӧт велӧтан керкуэзӧ (ДЮСШ-ӧ, ЦДТ-ӧ, РЦДО филиалӧ) вовлӧны 1000 мымда морт.




#Article 93: Сыктывдін район (431 words)


Сыктывдін район () – веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧрин – Выльгорт посадын. Выльгортсянь Сыктывкарӧдз 7 км ылына.

Районыс аркмӧтӧм 1929 июль 15 лунӧ. 

Сыктывдін районыс 7404,7 км² ыжда (Коми Республика мувывторись 1,8 %). Куйлӧ республика лунвыв-рытвылын. Межаасьӧ Емдін да Емва районнэзкӧт ойвылын, Кӧрткерӧс районкӧт асыввылын, Койгорт районкӧт лунвылын да Сыктыв районкӧт и Кардор лапӧвкӧт рытвылын. Сыктывдін район пытшкын куйлӧ Сыктывкар каркытш ӧтлаын республика канкарыскӧт.

Районсӧ лӧсьӧтӧмась Сыктыв ю уссёын (Сыктыв дінын), мыйсянь и аркмс сылӧн нимыс. Медыдджыт ю Сыктывдін районас – Эжва, кӧда вуджӧ районсӧ параллель нёжӧн да кӧдаӧ Сыктылыс и усьӧ. Мӧдік юэз: Пожӧг, Кылтымъю, Лопъю, Нювчим.
  
Мувевдӧрыс – некрут мыссэза волькытін, кӧдӧ торйӧтӧны ю оллез. Юэз коласын мувевдӧрыс пӧшти волькыт. 

Мусиннэз адзвывсяӧсь, шаргунаӧсь нето нюрвыв шаргунаӧсь. 

Вӧрыс – кӧзъяин да пожумаин, кыдз, ловпу да пипу сора. 
 
Колана шедтассэз: кирпич сёйез, лыа, кӧдза, мергель, мукӧдлаын пантасьлӧны титан да кӧрт.
 

XIX векын Сыктывдін му пырлӧма Вӧлӧгда губерняӧ, Сыктывдін да Яренск уезддэзас. Район татчӧ аркмӧтӧмась 1929 годӧ, июль 15 лунӧ.

Олӧны Сыктывдін районын 24,6 сюрс морт. Ны коласын 51,8 % комиӧсь, 39,5 % рочӧсь, 3,1 % украинса, 1,1 % немеччез ja 0,8 % беларуссэз.

Район вылын юралісьыс – Рудольф Артур Альбертович. Веськӧтланыслӧн адрес: 168220, Сыктывдін район, Выльгорт посад, Домна Каликова туй, 62. Факсыс (82130) 710-42. Районісь Сӧветын медыджыт – Шкодник Александр Михайлович.
 

Сыктывдін районын 13 посадму.

Сыктывдін районын ӧні 49 оланін: 10 посад, посадчужӧма 13 посёлок, 26 грезд.

Cыктывдін – Коми республикаын медгырись район му-видз уджалӧм сьӧрті. Республиаись 89,4% пода яй, 87,6 % курӧг яй, 75,9% курӧг кольть, 44,5% картов, 85,9% гына кӧмкӧт лэдзӧны татӧн. Эм 5 совхоз, 3 му-видз уджалан кооператив, 2 кайфабрика.

Районас уджалӧ валёнки гындан фабрика (сысся республикаын сэтшӧммез абуӧсь), быд во татӧн лэдзӧны 83 сюрс гоз валёнкиез. 

Вӧр районыс ыджыт озырвын (богатство), муыс 85 % вылӧ вӧрсялӧм, быдтан вӧрыс 65 сюрс м3. Вӧр лэдзӧмын медыжыт уджаиннэз: «Яснӧглеспром» да «Лесозаготовительнӧй компания». Нысся районас заптӧны вӧр и мӧдік фирмаэз: ООО «Лузалес», ООО «Севлеспил» да ОАО «Монди Сыктывкарса ЛПК».
 
Быдсӧн районын 360-ся унажык уджаин да аркмӧтӧмин. Медыджытӧсь ны коласын:

Дзоньталӧны да обикодитӧны олан керкуэз асторья уджаиннэз: ООО «Шнагундай», ООО «Благоустройство», ООО «Техжилцентр».

Туйезлӧн ӧтласа кузя Сыктывдін районас 359 км.

Сыктывдін районас эм 19 клуб, 20 библиотека, куим музей, районісь культура керку, чужанвужья культураэз сьӧрті шӧрин, отир киподтуй сьӧрті «Зарань» нима шӧрин, кужӧттэз сьӧрті кык школа, музыкаӧ велӧтан школа да киподтуйӧ велӧтан школа. 

Районын уджалӧны 15 школа, ны коласын 11 шӧрӧт, кык подвыв да кык пондӧтчан. Сэсся эмӧсь сӧдтӧт велӧтан куим шӧрин, 21 сад-ясли да кык интернат . 
 

Район му вылын куйлӧ республикаись медыджыт стадион (Раиса Сметанина нима). Татӧн чулӧтлӧны лямпаэзӧн котрасьӧм кузя канмуись да йӧзколасісь турниррез 




#Article 94: Сыктывкар (196 words)


Сыктывкар – Коми республикалӧн канкар да Сыктывкар каркытшлöн шöрин.

Одзжык сійӧ шуӧмась Сыктывдінкар (рочӧнжык Усь-Сысольскӧй). 

Карыс сулалӧ Сыктыв ю уссёын (дінын), сысянь и нимыс.

Отирыс унажыкнас баитӧны рочӧн, кӧть и куимӧт тор оліссес – комиӧсь.

Сыктывкарын эм важ кар (с.ш. шöрин) да сёрöнжык кар дынö öтлаӧтöм ордча оланіннэз - быдкодь карпоммез. Ны коласісь öтікыс – асвеськöтлан район Эжва, кöдалöн эм и аслас карпоммес. 
 
 Сыктывкарись öння карпомммез:

Эжва районісь карпоммез:

Важ кар кöркö вöлі тэчöм торья грезддэзісь:

Торья грезддэзісь вöлісö тэчöмöсь и мукöд карпомммез. Шуам, Тентюковын:

Сыктывкар – общественӧй и деловӧй шӧрин Коми Республикалӧн. Сія сідзжӧ лоӧ шӧринӧн промышленностьын Ойвыв Россия пасьта. Карас пырӧны 40 мымда гӧгӧр промышленнӧй предприятиеэз, кытісь ӧтік торыс куимсис имейтӧ всероссийскӧй значеннё. Основнӧй производителлезӧн лоӧны:

Промышленность  карлӧн мыччалӧм дас отрасльӧн. Леснӧй, деревообрабатывающӧй да целлюлозно-бумажнӧй торлӧ лоӧ квать дас кык процент быдӧс товарнӧй продукциялӧ. Карын быдӧс воын керӧны 254 000 м3 колана пу, 179 000 м3 пиломатериаллэз, 43 000 м3 фанера, 65 000 м3 древесностружечнӧй плитаэз, 370 000 т бумага мымда, 50 млн (м)2 невурӧм материаллэз.

Карын мед уна ветлӧны автобуссэзӧн да таксиэзӧн. Сiдзжӧ эм Кӧрттуй вокзал. «Сыктывкар» – тупиковӧй станция, татчӧ локтӧ туй Микунь нима гӧрӧд станциясянь. Ӧні мӧдӧны  нюжӧтны туй Сыктывкарсянь Перемӧдз.




#Article 95: Сэпӧль (Кӧчладор район) (258 words)


Сэ́пӧль (ӧння оліссез шуӧны Сэ́поль) — Перем ладорись Коми кытшын, Кӧчладор районісь Кӧч посадмуын грезд (деревня). Одзжык татӧн вӧлі Сэпӧль сельсоветлӧн шӧрин.
 

Сэпöль грезд шусьö сідз Сэпӧль (рочöн Сеполька) ю сьöрті. 

Грездыс сулалӧ Сэпӧль ю дорын, Кӧч посадсянь лунвыв-асыввылӧ 15 км ылынаын (машинаöн мунны 20 минут етш).

Сэпӧль дынсянь медматын олан ин — Слепӧйӧв, куйлӧ сысянь километра мымда ылынаын ойвылӧ. Сэпӧльсянь рытвылын сулалӧ Кокушка грезд, ойвыв-рытвылас — Кышка да Палькояг, лунвыв-рытвылын  — Уржа, ойвыв-асыввылын Сюлькӧв, асыввылын Васькин грезд, а саясжык Гӧрдкурья посёлок. Сэпӧль ю кузя кӧ кайны, петӧ Пӧлӧзайка грезд, сыбӧрын и Кӧч посадыс.

Сэпӧльын нёль тор:

Сэпöльын öні лыддьöны 9 туй :

Эна туйезісь медыджытыс — Медшöр туй.

Сэпöль грезд пырö Кöчладор районісь Кöч посадмуö.

Гредас эм почта керку, но не милиция, не староста абу.

Олӧны Сэпӧльын сэ́пöльчи (öтік морт — сэ́пöлеч, сэ́пöлька). 2009' во пондӧтчикӧ нія вӧлісӧ 427 морт, видзисӧ 132 горт. Эта унажык 1970' во сьӧрті, кӧр татӧн олӧмась дзир 285 морт.

Унажык отирыс гишшöны Чугайнов. Оліссес комиöсь, баитöны комиöн.

Ыджыт уджаиннэз Сэпöляс абуöсь. Отирыс видзöны пода, быдтöны карч, чериалöны, тшакьялöны, ягöдалöны, öктöны веськöтчан туруннэз. Мукöдыс вöралöны.

Туйес грездас кыдз и унажыкыс Коми кытшын. 

Унакодь отирлöн эм  ас машинаэз. Кыкись недель вылас ветлö автобус Кудымкарöдз, эм тодильнöй сувтчанін. 

Сэпöльчи вермöны видзöтны телевизор да кывзыны радио, грездсянь позьö баитны мобильник пыр.

Эм лавкаэз:

Быт службаэз абуöсь.

Эм пельшöрпункт.

Грезд бердын эм шойна.

Сэпöль грездын эм челядьсад, пондöтчан да под школа, кытöн велöтöны коми кыв.

Эм клуб, кытöн уджалö йöктан кытшок.

Август мöдік лунö чулöтöны посадлун. Май 9' лунö порйöтöны казьтылан лун.

Юрбытны отирыс ветлöны Кöч посадö.




#Article 96: Сёрникузя (124 words)


Сёрникузя — этӧ ӧтік либо кынымкӧ кыв, кӧдна висьталӧны думасӧ быдсӧн. Сёрникузясӧ велӧтӧ синтаксис.

Кыв — морттэзӧс ӧтлаӧтан средство. Сійӧ видзикӧ мийӧ ӧтамӧднымлӧ висьталам думаэзнымӧс. Но не торья кыв, не кывтэчас озӧ вермӧ мыччавны думасӧ быдсӧн. Нія сетӧны эмторрезлӧ, ны тӧдчаннэзлӧ да керӧммезлӧ ниммез. Сёрникузяӧн жӧ мийӧ вермам висьтавны торья дума — Сук туман лэбтісис юр вевдӧрам; ловкылӧм — Ми вынаӧсь, чожӧсь и немись ог полӧ; корӧм, тшӧктӧм — Кокӧ, кокӧ, эн джӧмдав, нильыг туйын эн нильдав. 
Сёрникузяын кыввез ӧтлаасьӧны ӧтік прогласӧн, кӧда мыччалӧ думалісь помасьӧм.

Сёрникузяын эм под и паськӧтан юкӧттэз. Подсӧ видзӧны кык юкӧт: юракыв да висьтас. Псаськӧтан юкӧттэзӧн лыддьӧны содталан, тӧдмӧтан, тӧдчӧтан.

Сы сьӧрті, тыр я подыс торйӧтӧны кыксостава и джынъя сёрникузяэз.

Сы сьӧрті, кыным подыс сёрникузяын торйӧтӧны ӧтпӧвса да унапӧвса.




#Article 97: Тиман мусюр (107 words)


Тиман мусюр (рочӧнжык Тиманскӧй кряж) – Коми Республикаын да Яран кытшын вылынін. 

Тиман мусюр куйлӧ Роч волькытін ойвыв-асыввылын. Сія нюжалӧ Баренц саридзись Чоша вом дорсянь лунвыв-асыввылӧ Эжва ю йыввезӧдз. Мусюрыс лоӧ  кузя да 60- пасьта. 

Тиманыс янсӧтӧ Рочму ойвылісь улынінсӧ кыкӧ: сы кузя мунӧ ваюкан Вынва бассейн да Печора бассейн коласын.

Тиман мусюр позьӧ торйӧтны куим юкӧт вылӧ:

Медыджыт кар Тиман вылас – Уква. А мукӧдлаын отирыс сы вылын олӧ етша.

Тиман мусюрас тыр колана шедтассэз: титана минераллэз (Ярега), бокситтэз (Чӧдлас Из), девон кадся базальттэзын куйлан агаттэз, мусир шогманіннэз (Улыс Чудью да Ярега Уква дорын, Лаявож), газ да конденсат (Войвож, Омра), битум, сотчан сланеччез, торф, строитчан иззэз.




#Article 98: Тшӧтшкӧр (118 words)


Тшӧтшкӧр (лат. Rumex acetosa, рочӧн щавель кислый) – шомкор увтырись быдмас.

Унавося кыкгорта турун. Заыс веськыт, быдмӧ метра вылынаӧдз. Корыс шӧма. Лиссэз вуж дороттяс пукалӧны кузь идззез йылын, ньӧвъёсь кодьӧсь подланяс, дорыс вундавтӧм, кор шӧрӧттяс мунӧ бура тӧдчана сӧн. Ачыс корыс вермӧ лоны 15-20 см кузя. За вылас лиссэз мунӧны сьӧрсьӧн-бӧрсьӧн, идзныс пошти абу.

Дзоридзыс ӧтікпӧлаӧсь, мурӧмаӧсь нето гӧрдкодьӧсь, ӧктӧмӧсь цилиндрчужӧма моногам росоккезӧ.

Тшӧтшкӧр пантасьӧ Евразияын, Ойвыв Африкаын да Рытвыв Австралияын. Быдлаын сійӧ видзӧны сёян да бурдӧтчан турун туйӧ.

Коми муын быдмӧ видззез вылын, вӧр доррезын, вӧр кушиннэзын да пода йирсяніннэзын. 

Коми отир тшӧтшкӧрсо бура сёйлӧны да тэчлӧны сёянӧ шӧм кӧрыс увья.

Коми диалекттэзын тшӧтшкӧрыслӧн эм и мӧдік ниммез:

Ракин А.Н. Краткий коми-русский, русско-коми ботанический словарь. Сыктывкар, 1989.




#Article 99: Удмурт Республика (986 words)


Удму́ртму (, ) – удмурт отирлӧн горт му, асъюралан республика, Роч Федерация , пырӧ Волгадор федерал кытшӧ. 

Тыр нимыс Удму́рт Респу́блика, , .

Канкарыс – Ижкар.

Удмурт Республика межаасьӧ рытвылын да ойвылын Киров лапӧвкӧт, асыввылын – Перем ладоркӧт, а лунвылын сыкӧт ордчӧн куйлӧны кык мӧдік республика: Тотарму да Башкырму.

Асъюралӧм Удмурт муас лоис 1920' нояб 4' лунӧ, республика 1934' восянь.

Удмурт Республикаын медыджыт морт – азьмурт (президент). Ӧні (2000 восянь) татӧн президенталӧ роч Волков Ӧльӧксан. Парламентыс шусьӧ Кун Кенеш (рочӧнжык Государственнӧй Совет), медбӧрьяись бӧрйисьӧмась сэтчӧ 2007 годӧ, вермис «Ӧтласа Рочму». Веськӧтлӧ Кун Кенешын Соловьёв Ӧльӧксан. Удмурт Республикаись веськӧтланын юралӧ Питкевич Юрий.

Медодзза отир пондӧмась овны Кама ладорын VIII–VI сюрсвоын миян эрася одзжык. Ӧні археологгез торйӧтісӧ татісь кынымкӧ культура, кӧднӧ йитӧны перем (коми да удмурт) отир важайезкӧт – ананьинса, пьяноборса, поломса, чупчинчи. 

VI–IX веккезӧ шогмӧ удмурт этнос. 

XVI векӧ Мӧсква босьтӧма ойвыв удмурттэсӧ ас кипод увтӧ, а лунвыв удмурттэз сё олӧмась Козань ханмуын. Кӧр Гым Иван разис Козань (1552), удмурттэзлӧн быдӧс муэз лоисӧ ӧтік канмуын. 1731 восянь роччез пондісӧ пыртны удмурттэзӧс кристосаэзӧ. 

XVIII векын – XX век пондӧтчикӧ удмурт муэз куйлісӧ янсӧтӧмӧн Ятка губернияись кынымкӧ уездын.

Удмурт Республика куйлӧ Шӧрӧт Урал рытвылын, Кама да Ятка бассейннэзын. Мувевдӧрыс – кынымкӧ вылынін да улынін. Медвылын чут (332 м) куйлӧ республика ойвыв-асыввылас Камайыв вылынінын. Медулын чут (51 м) куйлӧ лунвыв-рытвыв ладорын, Тотармукӧт визир бердын, Ятка ю уйтын (поймаын).

Удмуртмуыс куйлӧ контитент пытшкын, сійӧн климатыс понда ассяма лоӧ жар гожум да кӧдзыт уналыма тӧв.

Во сьӧрна шӧрӧт шонтӧгыс республикаын вежласьӧ 1,0-сянь 2,5 °C-ӧдз. Медшоныт тӧлысь – июль (+17,5 +19 °C), медкӧдзыт – январ (–14 –15 °C). Максимал шонтӧггез сибӧтчӧны +37 +38 °C дынӧ. Абсолют минимум казялӧмась 1978 декаб 31 лунӧ, кӧр шонтӧгыс лажмавліс −50 °C-ся улӧжык. Ойлунся шӧрӧт шонтӧг овлӧ 0 °C-ся улынжык 160–175 лун сьӧрна, этія период пондӧтчӧ октяб помын да помасьӧ апрель пондӧтчикӧ.

Енӧжва усьӧ во сьӧрна шӧркодяс 500–600 мм кыза. Шоныт кадӧ (кӧр шонтӧгыс 0 °C-ся вылынжык) енӧжваыс усьӧ годся суммаись 65–75 %. Медуна енӧжва петӧ июль коста (62–74 мм), медъетша – февраль коста (24–32 мм). Медбура вадӧтчӧ енӧжсяняс республикалӧн ойвыв-асыввыв тор, медумӧля – лунвыв-рытвыв.

Лым пуксьӧ нояб шӧрланьын, сёрмас кӧ – декаб пондӧтчикӧ. Медпыдын лымыс овлӧ март шӧрын – 50–60 см кыза. Муыс куйлӧ лым увтын 160–175 лун сьӧрна.

Меддона мупытшся шедтасӧн лоӧ мусир. Адззӧмась 300 млн тонна, шедтӧны быд во 10 млн тонна. Быдсӧн эмӧсь мусирлӧн 114 шогманін, ныись 72 лӧсьӧтӧны, а 32 лӧсьӧтӧмась ни кыскӧм понда. 

Удмурт муын эм торфлӧн 619 куйланін, ӧтласа ыждаыс – 204,7 млн тонна.

Эмӧсь руд да из шом. Медыджыт шома районнэз – Алнаш да Камбарка, пласттэз куйлӧны 1000–1500 м пыдынаын. Медыджыт шогманін – Голюшурма.

Республика му пытшкын куйлӧны сідзжӧ извесняк, доломиттэз, строитчан лыа да кӧдза, кирпич керан сёй, строитчан из, песӧка-кӧдза сорассэз. 2009 во пондӧтчикӧ Удмурт Республикаын лыддисӧ колана шедтассэзлісь 369 шогманін да 87 мыччисянін, сы лыдын 433 – строитчан материаллэзӧн.

Удмуртму куйлӧ Кама бассейнын. Татӧн уна ю да юок, кӧдналӧн ӧтласа кузя вӧлі бы 30 сюрс км.

Удмурт Республикалӧн кыкнан медыджыт ю – Кама да Ятка – пондӧтчӧны республика ойвылын, но кынымкӧ километра бӧрті петӧны сы визиррез сайӧ. Йӧз муэзӧт уна сё километра кывтӧм бӧрын нія бертӧны Удмуртмуӧ лунвылӧттяс.

Шорресӧ (10 км-ся дженытжыккезӧ) республикаын лыддьӧны 7000 мымда, учӧт юэсӧ (10-сянь 100 км-ӧдз) – 368-ö, шӧрӧт ыжда (100-500 км) да кузьжык юэсӧ – 17-ö.

Удмурт Республикаись медыджыт юэз:

Юэз унажыксӧ тыртчӧны лымӧн. Йысявлӧны нія нояб мӧд джынын, а оссьӧны апрель мӧд джынын. Ыджыт ва пондӧтчӧ апрель шӧрын да видзсьӧ ӧтік тӧлысь дыра ичӧт юэз вылын да 40–45 лунӧн ыджыт юэз вылын. Судноэз ветлӧны токӧ Кама да Ятка кузя.

Удмуртмуын 600-ся унажык пруд, медгырисьӧсь Ижын, Воткаын, Камбаркаын да Пудемын. Лунвыв-асыввывсянь да лунвывсянь республика миськассьӧ Вотка да Камакывтыт вавидзаннэзӧн, кӧдна аркмисӧ Кама ю вылас ГЭС лӧсьӧтӧм бӧрын.

Ыджыт роль орсӧны муувтісь ва петаніннэз, мыйсянь Удмуртмусӧ шуӧны «ключчез ладорӧн» (удм. ошмесо шаер). Быд во ныись босьтӧны 60 млн м³ ва гортын видзӧм да юӧм понда, а сідзжӧ техника да му-видз уджалӧм понда.

Уна мупытшся ваэз Удмурт Республикаын минералаӧсь, нійӧ видзӧны веськӧтчан да бурдӧтчан керкуэзын, кисьтӧны бутыллезӧ. Минерал ваӧн медтӧдчана петаніннэз – Ӟатчаын (сульфата-кальчиа ваэз), Виль Ижын, Кизнерын да Уваын (йода-брома ваэз).

Удмурт Республикаын дорйӧны вӧр-ва то кытӧн:

Оліссезлӧн лыдыс 2009 во кежӧ лоис 1 528 500 морт (2002 вося гижӧтӧм дырни вӧлі 1 570 316). Йӧзыслӧн тшӧкыта – 36,3 морт/км², карын оліссез лоӧны 67,8 %.

Кӧть титул отирӧн Удмурт Республикаын лыддисьӧны удмурттэз, медуна олӧны сёжӧ роччез. Республика лунвылын ӧті-ӧтіӧн куйлӧны мари да чуваш посаддэз, ойвылын тотара да бесерманалӧн грезддэз. Мӧдік вужа отирыс (100-ся унажык чужанвужжес) олӧны каррезын.

Кыдз вежсис пайыс республика оліссез коласын куим ыджыт отирлӧн, мыччалӧма татӧн:

Пасйӧттэз таблича сьӧрті:

Быдсӧн Удмуртмуын 2008 годӧ вӧлі квать кар (витыс ны коласісь веськыта йитчӧны республикакӧт), вит карок да 2119 посадкодь оланін (посёлоккез, посаддэз да грезддэз).

Ӧння кадӧ Удмурт Республикаын 30 муниципал юкӧт: вит кар да 25 йӧрӧс (муниципал район).

Удмурт Республикаын бура зорӧтӧма индустрия да берся чужӧма му-видз уджалӧм. Татӧн Рочму мӧдік регионнэз сьӧрті медуна виянторрез лэдзан заводдэз. Республикаын озыр мусир куйланіннэз, 2006 во сьӧрна шедтӧма 10,2 млн тонна, а мусир весӧтан индустрия татӧн абу.

Удмуртмуын медуна уджаиннэз машинакерӧм, металлуджалӧм, сьӧд металлургия да пууджалӧм сьӧрті. Энергетика лӧсьӧтӧны кынымкӧ сотчанвывся токкеранін (Ижкарын, Сарапулын, Воткаын, Глазкарын) да Вотка ГЭС. Металургия сьӧрті уджаиннэз быдӧнныс Ижкарын, кисьтан удж – Ижкарын да Воткаын. Сідзжӧ лэдзӧны кокнит автоэз да автофургоннэз, бумакакеран машинаэз, подшипниккез, мусиршедтан берся, вӧралӧм да спорт понда лыйсяннэз, химия инструменттэз. 

Вӧр заптӧны республика ойвыв да рытвыв муэзын, пусӧ вайӧтӧны пилитӧмторрезӧдз, керӧны мебель да керку вептӧм понда пуовӧй торрез. Уна уджаин республикаын йитчӧма Рочмуись война вылӧ уджалан индустриякӧт.

Му-видз уджалан угоддёэз босьтӧны республика мувывторись 50 % мымда. Подавидзиссез унажыксӧ вердӧны сюра гырись пода да порссезӧс, йылӧтӧны баляэзӧс да гортся кайезӧс. Быдтӧны Удмууртмуын рудзӧг, шогді, ид, зӧр, анькытш, маис, шондіюр, лён, рапс, картов, карч да сёдан культураэз.

Удмурт Республикаын уджалӧ дзир ӧтік аэропорт – Ижкарын. Сы туйӧ ыджыт роль орсӧ кӧрттуй транспорт. Удмуӧт мунӧны ыджыт кӧрттуй виззез: Казань–Огырчи–Катькар, Киров–Балязина–Перем. Эм и республика пытшкын оланіннэз йитан кӧрттуй линияэз: Балязина–Ижкар–Алнаш, Ижкар–Вотка, Люкшудья–Калмез.

Республика пырйӧт мунӧны кынымкӧ ыджыт автотуй: Р242, Р320, Р321, Р322.




#Article 100: Удмурт кыв (347 words)


Удмурт кыв () — удмурт отирлӧн чужан кыв, Удмурт Республикаын веськӧтлан кыв. 

Баитіссез — 464 сюрс морт, Удмуртму сайын нія олӧны Перем ладорын, Башкыр да Тотара республикаэзын, Маримуын, Свердлов лапӧлын да Киров лапӧлын. 

Удмурт кыв — медматісь родня коми кывлö. Кыкннанныс быдмӧмась ӧтласа перым вужкылісь.

Удмурт кыв вылын баитöны 464 сюрс морт.

Удмурт кыв — роч кылыскӧт ӧтлаын лыддисьö веськӧтлан кылöн Удмурт Республикаын. 

Телевиденнё:

Радиовещание: 

Газетаэз:

Торйӧтӧны ойвывся да лунвывся сёрнитаннэз. Нысся эм эшӧ бесерман кыв, вуджан диалекттэз да лунвыв переферияись диалекттэз.

Удмурт  йылісь баитікӧ сьӧрсьӧн-бӧрсьӧн видзӧтӧны кывсӧ куим ладӧрсянь: фонология (сёрни шыэз йылісь велӧтӧм), морфология (кыв формаэз йылісь велӧтӧм) да синтаксис (кыввез йитчӧм йылісь велӧтӧм).

Лыддьöтан удмурт кылын нія жö шыэз, кыдз и коми кылын.

Удмурт кылын сизим тыргора шы:

Удмурттэзлöн ö шыыс оз пантась суффикссэзын. Сэтчин, кытöн коми суффиксын петö ö, удмурттэзлöн лоас э нето шочжыка о: мынэм 'мунöм'. 

Удмурт диалекттэзын пантасьöны эшö шыэз ÿ, ő да мöдіккез.

Шума шыэз:

Пасйӧттэз таблича сьӧрті:

Удмурттэз вынсьöтöны унажыксö медбöрья слог.

 

Удмурт кылын аффрикатаэсö мыччалöны лöсялана шыпас весьтö кык чут пуктöмöн:

Сідз жö мыччалöны и чорыт шума шыэз бöрын:

Удмурт морфология велӧтӧ торья кыввезлісь (шуаннэзлісь) тэчсьӧм (кываркмӧм), содтӧт формаэзнысӧ да вежласян кыв парадигамаэсӧ. Быдӧс этійӧ морфология видзӧтӧ сёрни торрез пыр. Удмурт кывлад сьӧрті велалӧмась адззыны 10 сёрни тор: 

 
Кадакылын торйӧтӧны эшӧ партициппез да герунддэз.

 
Эманимыс вежласьӧ лыддян, кӧрталан да асалан сьӧрті. Роч кодьӧм род перем коми кылын абу. 
  
Лыддян
 
Кӧрталан

Асаслан 
 
Вежласьӧм
 
Эманимлӧн формаэз аркмӧтан содтассэз 

 

 

Кодя нимвежлассэс:

 
Кадакыв вежласьö кад, мортін да лыддян сьöрті. Сылöн эм куим модус: индикатив, императив, конъюнктив.

Под форма - тшöктан модуслöн (императив) öтікö лыддян мöдöдз мортін: мын (мун), кар (кер), пукты, кырӟа (сьыв). 

Инфинитив аркмö под сьöрас суффикс -ыны содтöмöн: мын-ыны, кар-ыны, пукт-ыны, а под помас кö сулалö а - ны содтöмöн: кырӟа-ны. 
 

Суффиксісь тыргора шы одзын под помсис -ы öшö: пукты - пукт-о-з (пуктас).

Удмурт кадакыввез вежласьöны неöтмоза, кыдз коми кылын. Торйöтöны:

Кывладісь быд вежöртас мыччалöны торья аффикссэз (содтассэз). 
 
Кад, мортін да лыддян аффикссэз öтлаасикö аркмöтöны кывйыввез.
 

 
Мыччалам, кыдз вежласьö карыны кадакыв.
 

Императивын вежласьöм:
 

 
Инфинитив
 

Партициппез
 

Герунддэз
 

Удмурттэз коласісь ассиныс кывнысӧ наука ладӧрсянь туялісӧ кӧркӧ нето ӧні туялӧны:

Кывкуддэз

Грамматикаэз 

Туялӧммез




#Article 101: Удора район (678 words)


Удора район () – веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧрин – Кослан посадын. Кослансянь Сыктывкарӧдз 270 км.

Районыс аркмӧтӧм 1929 годӧ.

Удора районыс 35,8 сюрс км² ыжда. Куйлӧ Коми Республика рытвылын. Межаасьӧ Чилимдін, Емва да Емдін районнэзкӧт асыввылын, Кардор лапӧвкӧт ойвылас и рытвылас да Вӧлӧгда лапӧвкӧт лунвылас.

Мувевдӧрыс – некрут покаттэза, мукӧдлаӧт нач веськыт волькытін, кӧдӧ кырӧтӧны ю оллез. Ойвыв-рытвывсянь районас пырӧ Тиман мусюрлӧн медвылын чут – Чӧдлас из (463 м).

Колана шедтассэз: строитчан материаллэз (сёй, лыа, мергель), соввез, сотчан сланеччез, люмень да кӧрт рудаэз. 

Климат Удора районас шӧркодя континентвывся, тӧв татӧн ӧддьӧн кузь, а гожумыс дженытӧв. Лым пондӧтчӧ сывны токӧ апрель помын. Лымыс куйлӧ 180–210 лун сьӧрна, пыдынаыс унажыксӧ 60–80 см, мукӧдкоста мартын овлӧ и 100–120 см пыдына. Гожумыс районас шоныткодь, тшӧкыта овлӧны зэррез. Во сьӧрна шӧрӧт шонтӧгыс –0,7 С°, абсолют максимум лоӧ +35 С° , абсолют максимум –53 С°. Тӧввез пӧльтӧны тӧвнас унажыксӧ лунвывсянь, нето лунвыв-асыввывсянь, гожумнас – ойвывсянь.

Медыджыт юэз Удора районын Мозын да сылӧн медыджыт вож Ву. Энія юэзӧ усьӧны 140 учӧтжык юок. Эм 200 кыным ты.
 
Вӧрсялӧм мувывторсис 87,5%. Вӧрыс унажыкнас – кӧзъя да пожума. Быдмӧны татӧн 27 вид быдкодь ягӧд, 50-а быдкодь быдмассэз.

Вӧрын олӧны вӧрмӧссэз, ошшез, уррез, туланнэз, кӧррез, ондатраэз, чожмӧррез, вурддэз. 

Удора районісь юэз тырӧсь быдкодь чериӧн, татӧн уялӧны чими, сиг, пелядь, ком, мык, сын, ёді, ёкыш, сирпинь.

Вӧр-васӧ районас дорйӧны то кытӧн: 

ХV век мӧд джынын вӧлі лӧсьӧтӧма Удора кытш. Удора муӧ сэк пырлӧмась быдӧс Ву ладор, шӧрӧт да катыт Мозын пӧлӧнісь муэз (Ву уссёӧдз). Юравлӧмась татӧн сотниккез, кӧднӧ оліссез асьныс бӧрйывлӧмась.

ХVІ век одзза джынын Удора муись торйӧтчис Мозын катытын куйлан Слӧбӧда волось (1554), кӧда сэсся ачыс торйӧтчис кык волось вылӧ: Глотова Слободка (ӧння Слӧбӧда) да погост Косланскӧй (Кослан).

Гым Иван дырни 1560–1570 воэзӧ Удорасянь Кеврола-Мозын уездӧ вӧлісӧ вуджӧтӧмась опричнинанас Ву кывтытын куйлан муэз: Олема волось да Кеб волось.

Иван сарлӧн 1582 вося сёртокын Удора бӧра шуӧма асторья веськӧтлан юкӧтӧн. Сотникӧн Удораас вӧлі сувтӧтӧма Першин Артей, сы кипод увтын вӧлісӧ целовальниккез да вӧлӧсись мӧдік вськӧтліссез. Сія жӧ кадсянь роч сар титуллэз коласӧ пондӧны гижны и Удораись ӧксу (Князь Удорскӧй).

XVI век помын – XVII век пондӧтчикӧ кыкнан волосьсӧ, Удора му да Слӧбӧдаӧс, пыртӧмась Яренск уездӧ.

Удора район вӧлі аркмӧтӧм 1929 вося июль 15 лунӧ. 

Чужанвуж сьӧрті 2002 вося гижӧтӧм сетіс сэтшӧм лыдпассэз: роччез – 45,4%; комиэз – 40,9%; беларуссэз – 1,3%; украинса – 5,1%.

Район вылын юралісьыс Ульянов Руслан Николаевич. Веськӧтланыслӧн адрес: 169230, Удора район, Кослан посад, Шӧр туй, 114. Факсыс (82135) 3-33-62. Районісь Сӧветын медыджытыс Солдатенко Валентина Тимофеевна.

Удора район янсӧтчӧ 15 веськӧтлан юкӧт вылӧ. Татӧн эм куим карму да 12 посадму. 

Удора районын ӧні 55 оланін: куим карок, кыкьямыс посёлок, ӧкмыс посад да 35 грезд.

Кӧзяйствосӧ Удора районас видзӧны вӧр лэдзӧмӧн да пу керӧтӧмӧн. Пунас ноксьӧны 19 уджаин. Медгыриссез ны коласын – ООО «Удоралес» да ООО «Усвалес». ООО «Опора» осьтіс строитчан конструкцияэз лэдзан завод (9 сюрс кубометра год сьӧрна). 2003 воын коми-мадьяр фирма ООО «Эрдэрт-Коми» лӧсьӧтіс татчӧ вӧрпилитан комплекс. 

Сёян лӧсьӧтіссез коласын медыджыт уджаиныс – ООО «Удорахлеб», кӧда лэдзӧ Удораын оліссез понда нянь да мӧдік пӧжассэз.

Йӧв, яй, ви, сыр да рись Удора отир понда сетӧны куим видз-му уджалан кооператив (СПК), МУП «Вашка» да крестьяна-фермеррезлӧн 22 кӧзяйство. Йӧв керӧтӧм понда Усгортӧ осьтӧмась йӧв цех. 

Вузасьӧмсӧ районас видзӧны 196 магазин да оптӧн ӧтік вузасянін. Эм кыкьямыс ӧтлсаса вердчанін, вит ыджыткодь вевттьӧм базар. Вузасьӧны быдсӧн 600 морт.

Автотуйез районас 1,8 сюрс км, ныись 1,1 сюрс км (60 %) – чорыт вевттьӧсаӧсь.

Удора районын оліссез понда петӧ «Выль туйӧд» нима газета (комиӧн и рочӧн).

Районын уджалӧны 23 клуб, 17 киномыччалан. Лыддьӧтіссез понда осьтӧмӧсь библиотекаэз: ЦБС, челядь да томмез понда шӧрӧт библиотека, ЦБС-лӧн 23 филиал. Эм челядь понда музыкаӧ велӧтан куим школа.

Удора районын ӧтласа велӧтӧм чулалӧ 30 школаын (12 пондӧтчан, 4 шӧрӧт; 14 – гимназияэз), кытӧн велӧтчӧны быдсӧн 3741 нывка да зонка и уджалӧны 472 велӧтісь. Сад-яслиэз районас 23-а (851 чёлядёк, 121 быдтісь). Эм ӧтік челядь керку (49 морт челядь, 16 быдтісь). 

Районын уджалӧны нёль больнича (142 морт вылӧ), куим амбулатория да 23 пельшӧраин.

Удора районісь гажжез:

Удора гажӧтан коллективвез: 

Удора районісь коми гижиссез:

Удораись композиторрез:

Республика пасьта тӧдӧны художник В.Худяковӧс да киподудж керись И.Костивӧс.




#Article 102: Уква каркытш (145 words)


 

Уква каркытш (рочӧнжык Городскӧй округ «Ухта») – веськӧтлан юкӧт Коми Республикаын, республикалӧн вит каркытшшезісь ӧтік. 

Шӧрин – Уква карын. Уква карсянь Сыктывкарӧдз 325 км.

Каркытш (сэк – район) аркмӧтӧм Ухтаын май 17 лунӧ, 1939 во.

Уква каркытшыслӧн ыждаыс 13,2 сюрс км². Куйлӧ сія Коми му шӧрын. Ордчӧн сыкӧт куйлӧны: ойвылын – Чилимдін да Изьва районнэз, асыввылын – Сӧснагорт район, лунвылын Кулӧмдін да Кӧрткерӧс районнэз, рытвылын – Емва район. 

Олӧны Уква каркытшын 127,1 сюрс морт (2007), ны коласісь Уква карын 103,4 сюрс морт.
Роччез каркытшын 75 %, комиэз 9 % , украинса 6 %, беларуссэз 2 % , тотара 1 %.

Уква каркытш вылын юралісь Макаренко Александр Петрович (сія сідзжӧ карса сӧветын юралісь). Веськӧтланас медыджытнас лоӧ Казарцев Олег Владимирович. Веськӧтланыслӧн адрес: 169300, Уква кар, Бушуев туй, 11. Факс (82147) 631-01.

Ускар каркытшӧ пырӧны: ӧтік кар (Уква), нёль карок, кыкьямыс посёлок, ӧтік посад (Кедвавом) да нёль грезд.




#Article 103: Урьюгорт (Кӧчладор район) (166 words)


Урьюго́рт (рочӧн У́рья) — Перем ладорись Коми кытшын, Кӧчладор районісь Коча посадмуын учӧтик грезд (деревня). 

Одзжык Урьюгортыс пырис Коча сельсоветӧ.
 

Урьюгортыс шусьö сідз неыджыт юöк сьöрті, кöдалöн нимыс комиöн Урью, а рочöн Урья. 

Урью  — 'ураинын ю', нето 'Ур нима мортлöн ю'.  

Горт шуаныслöн вöлі важ коми диалекттэзын  'грезд (деревня)'.

Урьюгортыс сулалӧ Кӧч посадсянь ойвыв-асыввылӧ 27 км ылынаын, Ыджыт Кочасянь ӧкмыс километра ылынаын, Онолва юӧ Урью усянін дынын.  

Урьюгортын куим тор: ю пӧлӧн вевдӧрись (отирыс сэтчин сёрнитӧны жагӧна), увдӧрись (кытӧн оліссез тарзьӧны токӧ баитӧны) да шӧрись.

Грезд ладорын отирыс олӧмась важынсянь. Урью уссёланьын археологгез адззӧмась VI–VIII векся казьмӧтан — Курӧгкармыс.  

Медуна отирыс гишшöны Вавилин, Исаев, Никонов.

Советтэз дырни Урьюгорт вӧлі «Родина» колхозлӧн юкӧт (шӧриныс — Ыджыт Кочаын), кӧда сідзту ӧтлаӧтлӧма куим олан пункт: Урьюгорт, Борина да Ыджыт Коча.

Одзжык Урьюгортын вӧлӧмась школа, клуб, аптека. Талун челядьыс велӧтчӧны Ыджыт Кочаын, кӧркӧ ветлӧмась Пелымӧ.

Грездын медбура порйӧтӧны Макар лун, сія овлӧ ойнас август 6-7 луннэз коласын.  Этійӧ вежалунсӧ шуӧны мӧс празьник. Йозыс локтӧны рытсяняс да пырӧны Онолваӧ пидзӧсви.




#Article 104: Ускар каркытш (107 words)


 

Ускар каркытш () – веськӧтлан юкӧт Коми Республикаын, республикалӧн вит каркытшшезісь ӧтік. 

Шӧрин – Ускарын.

Аркмӧтӧм 1975 февраль 21 лунӧ.

Ускар каркытшыслӧн ыждаыс 30,6 сюрс км². Куйлӧ сія Коми му ойвылын. Ордчӧн сыкӧт куйлӧны: ойвылын – Яраннэзлӧн асвеськӧтлан кытш, асыввылын – Инта каркытш, лунвылын – Печора район, а рытвылын – Изьва да Чилимдін районнэз.

Олӧны Ускар кытшын 52,8 сюрс морт (2007), ны коласісь Ускарын 46,7 сюрс морт.

Ускар каркытш вылын юралісь пыдди ӧні уджалӧ Тян Александр Романович (2009 ноябсянь). Веськӧтланыслӧн адрес: 169706, Ускар, Ленин туй, 13. Факсыс: (82144) 281-25.

Ускар каркытшӧ пырӧны 20 оланін: ӧтік кар (Ускар), ӧтік карок (Парма), вит посёлок, вит посад да кыкьямыс грезд.




#Article 105: Усь Янчер (Кӧчладор район) (101 words)


Усь Янчер — Перем ладорись Коми кытшын, Кӧчладор районісь Кӧч посадмуын посёлок. 2006 воӧдз сія вӧлі Кӧч сельсоветын.
 

Усь Янчерыс сулалӧ Кӧч посадсянь лунвыв-рытвылӧ 18 км ылынаын, Янчер ю уссёын да Кӧсва дорын.

Усь Янчеркӧт ордчӧн сулалӧны кык грезд: Шаньшор ойвылас да ӧні отиртӧм ни Киршин асыввылас.  Трак кузя ылӧжык асыввылӧ кӧ мунан, 3-4 км ылынаын, петас Гаинчи грезд. А сідзту быдладорын сьӧд вӧр.

Усь Янчерын öні лыддьöны нёль туй да кык туйколас:

Усь Янчерын оліссезлӧн лыдыс медбӧрья нёльдас годӧн буракодь чинӧма. 2009 во пондӧтчикӧ татӧн олісӧ 160 морт, кӧдна видзисӧ 60 горт, кӧть эшӧ 1970 годӧ посёлоксис лыддисӧ 282 мортӧс.




#Article 106: Франс (585 words)


Франс нето Франсузму (, ) — рытвыв Европаын ыджыт канму. Тыр нимыс — Франсуз Республика.

Ордчӧн Франсыскӧт куйлӧны сэтшӧм канмуэз: Белгия ойвылас, Лецебург, Немечму, Швейцарму, Италья да Монако асыввылас, Эспання да Андорра лунвылас. Рытвылас Франс петӧ Биская курья дорӧ, ойвылас — Ла Манш вис дорӧ, а лунвыв-асыввылас — Мушӧр саридз дорӧ.

Франс – лажмытіннэзлӧн да паськыт керӧса массиввезлӧн му. Кӧрӧм жӧ керӧссэз сыын не сідз уна босьтӧны местасӧ.

Франсузмуын медпаськыт ляпкыт места – Франс лажмытін, кӧда кузя котӧртӧ Сэн ю да сылӧн вож Марн и мымдакӧ Луар. Эта лажмытіныс кералӧма известковӧй лёдззезӧн, кӧдна невылынӧсь да аркмӧмӧсь чорыт керӧс породаэзісь. Ыжда сьӧрті мӧдік ляпкыт места – Гаронн лажмытін, кӧда кузя визывтӧ Гаронн ю; Бискайя курья дынын эта лажмытіныс вевттьӧма песӧк дюнаэзӧн, кӧдна вайӧтӧмӧсь саридзӧн. Веськыта шуны, ойвыв-рытвыв Франсузму – быдсӧн лажмытіна. Куимӧт лажмыт места – Рон лажмытін – куйлӧ торйӧн. Сія кыссьӧ паськыт визьӧн Рон да Сон юэз пӧлӧн, асыввылын кӧрӧм керӧссэз коласын да рытвылын керӧса массиввез коласын; сія вевттьӧма ю наноссэзӧн.

Франсузмуын ыджыт пространствоэз босьтӧны керӧса джуджытіннэз. Ны коласісь тодиль ыджыт ӧтік – Медшӧрӧт массив. Сія зэв вылын и вачкисьӧ паськыт плато вылӧ, кӧда вевдӧрын лэбӧмась кусӧм вулканнэз.

Сэтшӧмӧсь Мон Дор да вулкан лёдз Пюиын, кӧдаын поснитик да гырись вулканнэс лыддиссьӧны 60-ӧдз. Быдӧнныс нія куйлӧны потӧминнэзын, кӧдна пыр кӧркӧ овлывлісӧ изверженнёэз. Важ лаваэз да туффез, кӧдна важын ни сайкалісӧ и кӧдна аркмисӧ пӧимись, вевттьӧны Овернь – сідз шусьӧ эта вулкана лапӧлыс.

Медшӧрӧт массивлӧн асыввыв дорыс бура лэбтӧма и шусьӧ сія Сэвеннӧн. Эна керӧссэс крута лэдзчисьӧны асыввывлань – Рон лажмытінлань, кӧда аркмис му кора пуксьӧмсянь.

Мӧдік зэв паськыт, но ӧддьӧн лажмыт массив куйлӧ Бретань кӧдж вылын да Нормандиын. Эта массивыс тӧдчытӧг ӧтлаасьӧ ордчӧн куйлан лажмытіннэзкӧт. Франсузму ойвыв-асыввылын эмӧсь неыджыт джуджытіннэз: лажмыт Арденнэз, кӧдна пырӧны Франс пытшкӧ токо асланыс рытвыв помӧн, да вылынжык Вогеззэз, кӧдна одзза мировӧй косясян бӧрсянь лоисӧ Франслӧн быдсӧн ӧтлаын матын куйлан Рейн лажмытін торкӧт. Вогеззэз да Арденнэз коласын куйлӧ невылын Лотаринг плато.

Кӧрӧм керӧссэз сулалӧны токо Франсузму доррез гӧгӧр. Лунвыв-асыввылын, Швейцармукӧт визир вылын, эм невылын Юра, а лунланьынжык, Итальякӧт визир вылын, сулалӧны ӧддьӧн вылын Француз Альпаэз ӧтлаын Мон Блан йылӧн, кӧдалӧн вылынаыс 4810 м. Лунвыв-рытвылын, Эспаннякӧт визир вылын, сулалӧны Маладетта йылӧн Пиренаэз.

Франсузмуын колана шедтассэз куйлӧны токӧ керӧс массиввез кок увтын. Главнӧйес ны коласісь – Провансын бокситтэз да Вогезаэз дынсянь ойвывланьӧ, Лотаринг плато пытшкын, Мец гӧгӧр кӧрт рудаэз; этӧ Европаын ӧтік медбогат кӧрт куйлассэзісь. Но изшомӧн Франсузмуыс абу озыр; главнӧй кулассэз сылӧн куйлӧны Арденн керӧс увтын, Лилль кар дынын, да Медщӧрӧт массив кок увтын, Ле Крезо кар дынын.

Мусиннэз Франсузмуын – мымдакӧ шаргунаӧсь, мымдакӧ субтропиксяӧ вуджанаӧсь. Татӧн мусиннэс бура шогмӧтанаӧсь, нежели Ыджыт Бритмуын да Немечмуын, сідз кыдз Франсму пытшкын абу кыссянйыӧн ваялӧмторрез и ӧддьӧн паськыта эмӧсь лёсс пуксьӧссэз.

Франсузмуын климатыс лӧсялана шоныт нето саридздорся. Енӧжваэз вайӧтсьӧны ордча океансянь рыт тӧввезӧн, кӧдна ыждалӧны кузь год. Керӧссэз да массиввез вылын климатыс кӧдзытжык и сэтчин ӧддьӧн уна усьӧ енӧжваыс; керӧссэс да массиввес рытвыв покаттэзын енӧжваэс усьӧны унажык, нежели асыввыв покаттэзын. Лёка кӧс каддэсӧ Франсму оз тӧд, а сувтса зэррез сэтчин овлӧны ӧддьӧн тшӧкыта, кӧр океансянь пондӧны мунны ыджыт циклоннэз.

Быдсӧн мӧдік климатыс Мушӧр саридз дорын да Рон лажмытінын, кӧда ойвывланьсянь сайӧвтӧма керӧссэзӧн. Сэтчин гожумся джынгодӧ сулалӧ атмосфералӧн вылын нырыштӧм да мича, жар погоддя, кӧр почти оз овлӧ зэррез. Тӧвнас атмосфералӧн нырыштӧмыс усьӧ, и татчӧ океансянь пырӧны циклоннэз, кӧдна вайӧтӧны ыджыт зэррез. Кӧдзыттэз татчӧ озжык сибавлӧ; климатыс субтропикся да.

Франсузмуын юэз унавааӧсь, но не пырсяӧсь: то нія ыждӧны да пӧртчӧны гудыр визыввезӧ, то сідз чинӧны, што пароходдэзлӧ абу кокнит адззыны фарватер. Эта ӧддьӧнжыксӧ овлӧ Луар вылын да Гаронн вылын, кӧдна уна васӧ босьтӧны Медшӧрӧт массивын ливеннез дырни.  

 




#Article 107: Чилимдін район (254 words)


Чилимдін район () – веськӧтлан юкӧт Коми Республикаын; республикалӧн 15 районісь ӧтік. 

Чилимдін му – важынсянь роч отирлӧн оланін.

Веськӧтлан шӧрин – Чилимдін посадын. Чилимдінсяняс Сыктывкарӧдз 664 км ылына.

Чилимдін район аркмис июль 15 лунӧ 1929 годӧ.

Чилимдін районыс 42,5 сюрс км² ыжда. Куйлӧ Коми Республика ойвыв-рытвылын. Межаасьӧ Кардор лапӧвкӧт рытвылын, сы увтӧ жӧ пыран Яран кытшкӧт ойвылын, Ускар кытш да Изьва районкӧт асыввылын Емва да Удора районнэзкӧт лунвылын. 

Мувывторыс унажыксӧ вӧрсялӧм (45%), но уна сідзжӧ нюръяиннэз да тэлля. Ойвыв торыс – вӧртундра ни.

Вӧрыс унажыксӧ кӧзъя, пожум да кыдз сора. Пантасьӧ и сыспу, лисвень, корья пуэзісь быдмӧны сідзжӧ пипу, ловпу, бадь.

Климат – кузь лёк тӧв да шоныткодь гожум. Январ коста шӧрӧт шонтӧгыс –17,5°С, июль коста +14°С. Во сьӧрна енӧжва усьӧ 480 мм кыза. 

Лунвывсянь ойвывлань районсӧ вундалӧ Печора ю, сія котӧртӧ Чилимдін му кузя 235 км, сылӧн вожжес: Пижма, Неридз, Чилим, Шапкина.

Вӧрын олӧны: вӧрмӧс, кӧин, ош, кӧч, вурд, ур, чужмӧр, тулан, руч. Ойвылын ветлӧ ойвыв кӧр.

Кайез: дозмӧр, тури, енмеж дкд. 

Юэзын да тыэзын уялӧ уна дона чери: чими, нельма, сиг, ком, омуль и др.

Вӧр-ва казьмӧтаннэз:

Чилимдін районын олӧны 13 615 морт (2010 во). 2002 вося гижӧтӧм сьӧрті пӧшти быдӧнныс отирыс (91,3 %) – рочӧсь, но эмӧсь и комиэз – 6,3 %, украинса – 0,7 %, немеччез 0,6 %.

Район вылын юралісьыс Чупров Александр Филиппович. Веськӧтланыслӧн адрес: 169480, Чилимдін район, Чилимдін посад, Виль квартал, 11а. Факсыс: (82141) 929-61. Районісь советын седыджыт Чупров Василий Михайлович.

Чилимдін районын 11 посадму.

Чилиндін районын ӧні 37 оланін: 10 посад, 5 посёлок да 22 грезд.




#Article 108: Чомор (576 words)


Чомор (диал. чомӧр нето чомер) – коми мифологияын олісь чуд. Важ комиэз понда чоморыс вӧлі натьтӧ мупытшк видзисьӧн. Сылӧн культ павкӧ кык быдкодь сфералӧ. Ӧткӧ – чомортӧ пыртӧны лёк (мупытшкся) чуддэз коласӧ, а мӧдкӧ – йитӧны сю-турун воӧмкӧт. Перем ладорын комиэз талун сійӧ унажыксӧ тӧдӧны мун чомору! кывсер сьӧрті.

Емва дорын, Эжва кывтытын, Эжва йылын, Сыктывдінын да шӧрӧт Сыктыв дорын коми отир шуӧны чомӧрнас нето чомернас гаж, кӧдӧ порйӧтлӧны воӧм сюсӧ дзимлялӧм бӧрын нето ытшкан ештӧтӧм бӧрын. Сідз жӧ нимтӧны и тодильнӧй сёян, кӧдӧ лӧсьӧтӧны этія лун кежӧ: тэсись нето идовӧй пизись, виӧн пӧжалӧмӧ. Кӧр пым уджыс чулалас, Сыктывдінын горӧтчасӧ:  но тай чомӧр шеді нето шедӧдім тай чомӧртӧ. Лэт ю дорын чоморнас шуӧмась гаж, кӧдӧ сурӧн, йӧктӧмӧн да сьылӧмӧн чулӧтлӧмась вартан бӧрын.

Ритуал понда пуана сэтшӧм жӧ кодь сёян йылісь тӧдлісӧ и ордча йӧз. Сідз татара шуӧны чумарӧн кӧвдӧммезӧн шыд, удмурттэзлӧн чумер – кӧвдӧммезісь сёян, а мокшалӧн цёмара – рузӧговӧй пельняннез.

Мукӧдыс чайтӧны, коми отирыс пӧ чомортӧ одзӧстӧмась роччезлісь: кулӧмгортса роч диалектын эм и кыв чомор – сідз шуӧны вӧрисьӧс. И коми мортыт, кӧр мезмӧтчӧ бы дозыляйтісьыс шогья, шуыштас: мун чомору, чомор кывсӧ роч датив формаӧ пуктӧмӧн. 

Но и роч кылас чоморыс понда ӧтвужа шуаннэс эд абуӧсь. Нійӧ адззисӧ айран (иранскӧй) йӧз сёрниись. Сідз, ирон (осетин) кылісь чаммар ‘сэрп, нёштӧм’, чумур ‘нятьӧсь, сӧс’, тюрк чамур, курд чамур ‘нять’ да м. д. ӧддьӧн лӧсялӧны мупытшк видзисьӧс мыччалӧм понда. Сэтісь натьтӧ и петіс сэсся коми чоморыс мупытшк ен туйӧ – сійӧ и порйӧтӧны зыряналаньын. 

Ойвывся роччез сэсся коми енкоддьӧмсӧ пондасӧ вӧрись (лешак) туйӧ видзны, а сэсся лунвыв комиэз роччезлісь ни одзӧстасӧ чомор вылӧ эттшӧм нёджӧвсӧ. Сідз и аркмис фраза мун чомору! ‘мун лешак дорӧ!’, кӧдӧ тӧдӧны унажыксӧ комиэз Иньва ладорын, но, шуам, и шӧр Сыктыв дорись Чуклӧмын чомӧру – видчан кыв.

Лэт ладорын (Порошева грездын) мортӧс, кӧда кӧлысь (свадьба) бӧрын пондіс овны тесь керкуын, нимкодялӧны чомур (чомурӧ мунны – инь ордӧ овмӧтчыны). Мукӧдыс, бӧра, лыддьӧны, чомурнас пӧ татӧн тесь шусьӧ. 

Чомӧр туиснас Сыктывдінын шуӧны и учӧтик симӧтовӧй доз, кӧдаын вайлӧмась сёян ичмоньлӧн ай-мам ордӧ гаж порйӧтікӧ. Мордінын, чужас кӧ ныв, шуӧны чомер туис чужи. 

Перем комиэз сьӧрті, чомор олӧ ыб шӧрись расын, аслас керкуокын. Этійӧ керкусӧ мортлӧ оз позь адззывны: сія нач тырӧм понульӧн, жельнӧгӧн, понсэтӧрӧн да жовпуӧн, ёгтурунӧн. Кӧть и тӧрӧтчас мортыс тэлляинас, Чоморыс керкуок дынӧ, сы дынӧдз сё оз сибав: тэльыс пӧртчас куштывкаӧ, кӧда кузя котӧртӧ руч, а ӧмас видзӧ мыйкӧ сьӧдӧ – этӧ Чоморыс нӧбӧтӧ ассис гортсӧ, медбы сувтӧтны сійӧ мӧділаӧ.

Чоморыс – гожумся олісь, тӧв кежӧ сія пырӧ му пытшкӧ да узьӧ сэтчин тулысӧдз. Саймӧтӧ сійӧ ыбшар.

Чомортӧ тӧдӧны сюа ыббез додзирайтісь туйӧ. Сія абу лышкыт. Лэт дорись Абьячойын чоморнас нимкодялӧны надз мортӧс.
Отирыслӧ чоморыт отсалӧ гусьӧн и мыччасьӧ токӧ сэк, кӧр кинкӧ казьмӧтас сылісь нимсӧ. Вермӧ йӧртлыны аслас гортӧ челядьӧс, кӧр ай-мам асьныс «иньдӧтасӧ» нійӧ этія ыб чуд дынӧ.

Зонка пырас суслонӧ да пӧрӧтас сійӧ. Мамыс лӧгасяс, видас зонсӧ: «Мун чомору, эн дзуг уджӧс!» Рытнас кытсӧвтас зонсӧ – абу. Казялас суслон дорись воньтор. Пондас лэбтыны – воньыс муас пырӧма. «Эта эд зонӧлӧн!» И вежӧртас: зонсӧ тай Чоморыс дынӧ иньдӧтіс.

Ашынас зонсӧ ыб вывсис адззас. «Тэ кытӧн вӧлін?» – «Менӧ тоша старик гортас нуӧтліс. Тшӧктіс сёртни керны. Ме кери, а сэсся пышши». – «Кыдз нӧ бӧр туйсӧ адззин?» – «Пыртӧнням воньӧ пӧрччасис, да нинкӧмӧ ыбӧсас кольччис. Сы сьӧрті и адззи...»

Перем ладорын коми челядьыс тӧдӧны чомор йылісь чожабаитан:

Чочком чомор олӧ чомын. Чочком лым чочкоммӧ омӧн. Чочком ном лэбалӧ чом дын, сылӧ колӧ чочком чомор. Кӧть и чочком чочком чом, но чочкомжык чочком ном…




#Article 109: Чочком бадьӧг (134 words)


Чочком бадьӧг (лат. Lagopus lagopus) – курӧгчужӧмаэз артісь, таррез субфамилияись кай. Олӧ Ойвыв джыншарись тундраын да тайгаын. 

Пантасьӧ и Коми му пасьта

Кайыс 35–38 см кузя; 400–700 г сьӧкта.

Мӧдік курӧгчужӧмаэз артын чочком бадьӧг янсӧтчӧ бура тыдалана сезонколасся диморфизмӧн: сылӧн рӧм вежласьӧ во кад сьӧрті. 

Тӧвнас тыввес чочкомӧсь, токӧ бӧж вевдӧрас сьӧдӧсь. Коккез бура тывсялӧмӧсь.

Тулыснас, гожьясикӧ, айпӧлыслӧн юр да голя лоӧны кирпичкодь мурӧмаӧсь, мый ӧддьӧн контрастируйтӧ чочком лысьӧрнас.

Гожумнас да арнас айпӧв да иньпӧв ӧтмоза гӧрдӧв-мурӧмаӧсь нето сераӧсь, быдкодь гыэзӧн, пятнаэзӧн да виззезӧн вывтыраныс. Ӧвтчан тыввез чочкомӧсь, коккез да кынӧм – чочкӧмӧсь жӧ нето вежкодь-чочкомӧсь. Серпасыс быд кайлӧн ассяма.

Иньпӧлыс невна учӧтжык айпӧлысся, югытжык сысся да одзжык вежӧ рӧмсӧ.
 

Чочком бадегыслӧн лыддьӧны 22 пӧлӧс:

Lagopus lagopus scotica (ингл. Red Grouse) пӧлӧсісь кайезӧс, кӧдна олӧны Англияын да Шотладорын, одзжык лыддисӧ торья видӧн (L. scoticus).




#Article 110: Чудь-йӧгра кыввез (208 words)


Чудь-йӧгра кыввез () – Евразияын баитан кыввез, кӧдна ӧтлаын самод кывввезкӧт аркмӧтӧны урал кыв .

Чудь-йӧгра кыввез вылын баитӧны 24 млн. морт, унажыксӧ нёль : Мадьярмуын, Финмуын, Эстмуын, Рочмуын, а сідзжӧ Норвегын, Шведмуын, Латвияын, Ромынияын да Сӧрбияын.

Баитіссез лыд сьӧрті медыджыт чудь-йӧгра кыввез:

Чудь-йӧгра кыввез традиция сьӧрті чукӧртӧны кык группаӧ: чудь-перым кыввез да йӧгра кыввез. Быд группаӧ пырӧны кынымкӧ увтыр, быд увтырын ӧтік нето мымдакӧ кыв.

Чудь-йӧгра кыввез олӧны сэтшӧм кыв увтыррезын:

Лыддьӧны тай, быдӧс энія кыввез аркмӧмась ӧтік важся кывсянь, с.ш. вужкывсянь, кӧда вылын чудь-йӧгра отир баитӧма пӧ, ӧтлаын олікӧ, 6000  миян кадся одзжык. Сэсся отирыс рознитчисӧ му пасьта да аркмісӧ торья увтыррез. Быд увтырись сэсся быдмӧмась ӧння баитан кыввез. Кыдз муніс этія процессыс, висьтавны сьӧкыт. Эм быдкодь нёджӧввез.

Доннер (1879), а сэсся Янхунен (2003) мыччалӧны чудь-йӧгра кыввезлісь зоралӧм сідз:

Медодз ӧтласа чудь-йӧгра вужкывсянь торйӧтчӧма пӧ йӧгра-мадьяр группа (кытӧн аркмис йӧгра-мадьяр нето угор вужкыв); кольччас чудь-перым вужкыв. Этія чудь-перым кывсянь сэсся янсӧтчӧма перым увтыр (перым вужкыв) да кольччас мари-мордва-чудь-саам вужкыв, сы бӧрын торйӧтчас мари-мордва увтыр (с.ш. волга вужкыв), кольччас чудь-саам вужкыв, а сэсся и саам увтыр янсӧтчас да кольччас ӧтнас чудь увтыр.

Абондоло (1998) сьӧрті быдӧс мунӧма мӧдӧрсянь: перво пӧ янсӧтчӧма чудь-саам увтыр, сэсся мордва увтыр, мари увтыр, перым увтыр да кольччас чунь ӧтнас угор (йӧгра-мадьяр) увтыр.




#Article 111: Ыджыт Бритму (144 words)


Ыджыт Бритму да Ойвыв Ирму Ӧтлаӧтан Канму (дженытжык – Ыджыт Бритму нето Ӧтлаӧтан Канму,  нето United Kingdom,  нето Соединённӧй Королевство) – важынся вына канму Рытвыв Европа дорын, Ыджыт Бритму ді вылын. Бритму видзӧ ас кипод увтын ойладорас Скотланд, Оркней да Гебрид діэз, лунвылын – Норман діэз да сэсся эшӧ вит сюрс мымда поснитжык діок, а сідзжӧ веськӧтлӧ Ирму ді ойвыв-асыввылын, кытӧн куйлӧ сылӧн провинция Ойвыв Ирму. Этія провинция межаасьӧ мезмыт Ир республикакӧт, кӧда петіс Брит Ӧтувтчӧмись 1949 годӧ. Сідз-ту Ӧтлаӧтан Канмуын талун нёль тор: Ингланд, Скотланд, Кӧмры да Ойвыв Ирму.

Асыввывсянь Ыджыт Бритму пӧлӧн куйлӧ Ойвыв саридз, лунвывсянь – Ла Манш да Па дэ Кале виссэз, кӧдна мӧдӧрын, континентас, му видзӧ Франс. Рытвывлань Ыджыт Бритму вадӧр шӧр пӧлӧн куйлӧ Ир саридз, а ойвывсянь, рытвывсянь да лун-рытвывсянь – Атлантика океан.

Ыджыт Бритму – ӦВК-ись Повтӧг олан сьӧрті советын пырся инвидзись, пырӧ НАТО-ӧ да Ӧтласа Европаӧ. 
  




#Article 112: Ыджыт Коча (Кӧчладор район) (226 words)


Ы́джыт Ко́ча (рочӧнжык Большӧ́й Ко́ча) — Перем ладорись Коми кытшын, Кӧчладор районас посад, Коча посадмулӧн веськӧтлан шӧрин. 
 

Ыджыт Кочаын оліссез висьтасьöм сьöрті, вöлöма пö татісь отирлöн кöркö  нето пам, Коча нима. Сы ним сьöртi и пондöмась шуны деревнясö . А ыджытнас сія шусьö, мыля ордчöн Учöт Коча сулалö.

Ыджыт Кочаыс сулалӧ Кӧч посадсянь ойвыв-асыввылӧ 21 км ылынаын, Онолва ю шульга ладорын. Посад кузя котöртö Сылва шор.

Ыджыт Кочакӧт ордчӧн сулалӧ Учӧт Коча. Онолва кузя катытынжык — Маскаль грезд. Ыджыт Кочасянь рытвылас сулало Ыджыт Пальник грезд, ойвыв-асыввылас — Ӧбрамовка, лунвыв-асыввылас — Дзельгорт, лунвылас — Ош, лунвыв-рытвылас — Вежайка.   

Ыджыт Коча посадын 8 туй :

Отир олöмась Ыджыт Коча му вылын важынсянь. Посад шöрын Онолва шульга вадöрын археологгез адззöмась X-XIII векся дзебсянін. Шедöмась татісь сэкся морт лыэз, баситчан торрез.

Первуись Ыджыт Кочаыс йылісь кывсьöма 1579' годö, кöр роччез сійö  гижöмась Нестерова. Сэк татöн олöмась пö 13 айка морт, а керкуэз сулалöмась 14-я. Öтік олісьöс шуöмась Лунег Нестеров. 

ХХ нэм пондöтчикö посадас вöлі инькаэз понда Иона да Серафим нима монастыр. 

Ыджыт Кочаын вöлі сельсовет (Большекочинскöй сельсовет), öні татöн лöсьöтöмась Коча посадмулö веськöтлан. Юралісьыс — Рискова Мария Александровна 

Медыджыт уджаин: колхоз «Родина», кытöн уджалöны 60 морт кыным.

Эм кусöтчан депо да почта юкöт

Посадын быд во чулöтöны Быкобой.

Отирлöн мöдік гажыс — турун вежан лун.

Культура да велöтöм сьöрті уджалöны:

 

Важ монастырсянь кольччöма öтік керку, архитектура ладöрсянь сія öддьöн ассяма.  




#Article 113: Эжва (ю) (473 words)


Эжва (рочӧн – Вычегда) — Коми Республикаын да Кардор лапӧлын ыджыт ю, кӧда усьӧ Вынваӧ. 

Эжваыс 1130 км кузя, а бассейныс 121 сюрс км² ыжда.

Мувывтор аркмӧма йы кыссьывлӧм дырни, а тодиль – Ойвыв саридз медбӧрьяись бӧрыньтчикӧ. Муыс волькыт, шӧрӧт вылынаэз – 120–150 м. Ю оллез паськытӧсь, аллювиӧсь оллез векнитӧсь, террасатӧмӧсь. Бассейныс тэчсьӧма перем кадся пуксьӧссэзӧн (сёйез, мергеллез), изшомвевья извеснякӧн, юра да мел кадся породаэзӧн, кӧднӧ вевттьӧны нельӧттор кадся пуксьӧссэз. 

Бассейн муыс вӧрсялӧм: пармаын быдмӧны кӧз, пожум, кыдз. Ӧддьӧн унаӧсь нюррез (нюрсялӧм 18,6%-ӧдз). Ӧрыс чукыля, ю пӧліньыс неыджыт (0,000162).

Эжва пондӧтчӧ Тиман мусюр лунвыв пом дорись Дзур нюрын кык шор (Лунвож да Войвож) ӧтлаасьӧмсянь, а усьӧ Вынва юӧ Пырас (Котлас) кар дынын.

Шуӧны Катыт Эжва йылісь (йывсяняс Нем уссёӧдз, 246 км), Шӧрӧт Эжва йылісь (Немдінсянь Сыктыв уссёӧдз, 489 км) да Кывтыт Эжва йылісь (Емва дінсянь аслас уссёӧдз). 
 
Катытас Эжвалӧн бассейныс – кырӧтӧм мыссэза плато, саридз вевдӧрсянь кӧ лыддьыны – 200–250 м вылына. 150–200 метра пасьта оль лажмалӧ 20–40 метраӧдз. Юыс чукыля, уна коськ, лажмытін, ваыс котӧртӧ чожа (0,6–0,7 м/сек лоӧ визулыслӧн перытаыс). Юыс 15–20 метрасянь 80-100 метраӧдз пасьта, шӧрӧт пыдына – 3 м (медджуджытін – 10 м). Тыртчӧ юыс унажыксӧ сылан лымӧн (43–48 %). Ыджыт пайсӧ пуктӧны и муувтся ваэз (35-40 %-ӧдз), мыля му пытшкыс татӧн тэчӧма карст аркмӧтан породаэзӧн (извесняккез, доломит). Ваыслӧн ыждаыс Помӧсдін дорын 49,6 м³/сек.

Шӧрӧт Эжвалӧн бассейныс босьтӧ паськыт волькытін Тиман керӧссэз да Ойвыв мыссэз коласын. Катытланьсянь ю котӧртӧ Керчомья оль кузя, кӧда куйлӧ Нем вылынін да Джеджым парма коласын. Кывтытланяс юыс кывтӧ паськыт волькыт увтасӧттяс, кӧда лёка нюрсялӧм. Веськыт ладорын юсянь эмӧсь ыджыт тыэз (Донты, Синдор ты). Зораммӧма карст (Нем, Ойвыв Кӧтйӧм, Емва пӧлӧн). Ольыс 10 км пасьта. Адзыс (поймаыс) паськыт, унажыксӧ кыкладорся; татӧн уна ласта (видз), нюр, полойез (виссэз), орӧмваэз. Ӧрыс 100-680 м пасьта, пыдӧсыс кӧдза сора лыаись да сёймуись, абу зумыт, эм уна перекат, лажмытін да ді (остров). Перекаттэзын пыдынаыс 0,5 метраӧн, вомынын (плёсын) – 1,5–5 метраӧдз. Гожумся кӧс дырни визулыс мунӧ 0,3–0,6 м/сек перытаӧн, ыджытва дырни перытаыс лоӧ 1,5–1,8 м/сек. Эжва пырӧ сэтшӧм юэз чукӧрӧ, кӧдналӧн менандрируйтӧмыс абу на чулалӧм. Ваыслӧн ыждаыс вежласьӧ 162 м³/сек-сянь (Немдін) 601 м³/сек-ӧдз (Сыктывкар). Вердчан понда васӧ медуна сетӧ сылан лым (60 %–ӧдз), зэрыслӧн пай – 15–30 %, грунт ваэзлӧн – 15–35 %. Тулысся ытва дырни юыс лэбӧ шӧрӧт межень тшупӧтся вылӧжык кынымкӧ метраӧн (Сыктывкар дынын – кыксянь кватьӧдз метраӧн), эта коста сія вӧтьӧ адзсӧ (поймасӧ) уна километра пасьта. 

Кывтыт Эжвалӧн ландшафт да гидрологияыс Шӧрӧт Эжвалӧн кодь жӧ. Ваыслӧн ыжда уссёын – 1160 м³/сек.

Эжваӧ усьӧны 1137 поснитжык ю. Вожжес коласын медкузьӧсь: 

веськыт ладорсянь –

шульга ладорсянь –

Эжва – кылӧтан ю. Кораббез ветлӧны тулыснас Вӧльдінӧдз (959 км), гожмунас да арнас – Кулӧмдінӧдз (693 км). 

Ӧрыс ӧддьӧн вежласьӧ, лыаэз ветланаӧсь. Эта сьӧрті Эжва Рочмуын медодзза юэз лыдын лоӧ. 

Медгырись ӧзыннэз: Совдор, Еринь, Межӧг, Айкатыла, Сыктывкар, Кулӧмдін.

Мукӧд вожжес Эжвалӧн ӧддьӧн коланаӧсь кӧзяйство понда, (чими кульмӧ да): Войвыв Кӧтйӧм, Емва дмд.

 




#Article 114: Эспання (587 words)


Эспання (, кат. Espanya, баск Espainia, ) –  мезмыт канму лунвыв-рытвыв Европаын, Ибер кӧдж вылын.  

Межаасьӧ рытвылас Португалкӧт, ойвылас Франскӧт да Андорракӧт, лунвылас брит колония Гибралтаркӧт да Магрибкӧт (Ойвыв Африкаын). Рытвылас Эспанняыс петӧ Атлантика океан дорӧ, асыввылас – Мушӧр саридз дорӧ.
 
Канму пырӧ ӦВК-ӧ, Ӧтласа Европаӧ да НАТО-ӧ. 

Эспання босьтӧ Ибер кӧджлісь ыджытжык торсӧ. Асыввылын сія петӧ Мушӧр саридз дынӧ, кытӧн эшӧ важся кадӧ зорамис саридз кузя уялӧм, а рытвылын сія петӧ Атлантика океан дынӧ, кӧда вӧлі первуись вуджӧма Коломбо веськӧтлӧм увтын эспаннёл кораббезӧн.

Ойвылын Эспаннялӧн визир мунӧ Пирена керӧссэз кузя, а лунвылын сійӧ торйӧтӧ Африкасянь векнитик (14 км пасьта) Гибралтар вис. Этія висыс ойвыв вадорын сулалӧ англичаналӧн изкар да порт Гибралтар, а лунвыв вадорын – эспаннёл порт Сеута.

Эспання тэчасӧ пырӧны сідзжӧ Балеар діэз.

Эспання ойвылын сулалӧны том кӧрӧм керӧссэз – Пиренаэз, кӧдна кӧджсӧ торйӧтӧны материк дынсянь. Нія аркмӧмась кынымкӧ параллель нёжа излёдзись. Ны коласісь медыджытыс лэбтісьӧ Эспання да Франсузму визир коласын; сылӧн пиня мусюррез вевттьӧмӧсь пырся лыммезӧн; ӧті-мӧділаын лэдзчисьӧны йыаэз, кӧдна асланыс ыждаӧн уна учӧтжыкӧсь альпавывся йыаэзся. Пиренаэзлӧн кӧрӧм виззез нюжалӧны и Кантабрия керӧссэзын.

Эспання лунвылын кыссьӧны Андалусия керӧссэз, кӧдналӧн медшӧрӧт лёдзыс Сьерра Невада; ны вылын лымыс куйлӧ гожум шӧрӧдз.

Ибер кӧджлісь ыджытжык тор босьтӧ ӧддьӧн паськыт массив, кӧдалӧн волькытжыкиныс шусьӧ Месетаӧн, – эспаннёл кыв вылын эта лоӧ «пызан». Месеталӧн вевдӧрыс волькыт, волькӧтӧма не ӧтік век сьӧрна; важынся кадӧ сэтӧн вӧлісӧ ӧддьӧн вылын керӧссэз. Ӧні Месета вевдӧрас лэбтісьӧны токӧ невылын уськӧса керӧссэз, Сьерра Гвадаррама да мӧдіккез, кӧдна янсӧтӧны Месетасӧ кык джуджытін вылӧ: Важ Кастилля да Виль Кастилля. Джуджытіннэзлӧн ӧтласа покатыс лажмалӧ рытвывлань, кытчӧ визывтӧны юэз: Дуэро, Тахо, Гвадиана. Океан дынӧ лэдзчисикӧ нія вуджӧны ыджыт коськкез. Сія жӧ ладорӧ Андалусия лажмытін кузя визывтӧ и Гвадалквивир. Андалусия лажмытін аркмис уськӧссэзсянь му кора лэдзчисьӧм понісь. Му кора лэдзчисьӧмсянь аркмис и Арагон лажмытін, кӧда кузя визывтӧ ю Эбро.

 
Эспаннялӧн му пытшкыс ӧддьӧн озыр кӧртовӧй да ыргӧн рудаэзӧн, ӧддьӧнжыксӧ ойвылын, Кантабрия керӧссэзын, да лунвылын, Андалусия керӧссэзын, а сідзжӧ Гвадиана ю кыкнан вадорын. Эспанняыс озыр и изшомӧн – Астурияын – сэсся, ширисьӧн, свинечӧн да эзісьӧн.

Климат сьӧрті да быдмассэз сьӧрті Эспання юксьӧ мускыт (уль) да кӧс лапӧввез вылӧ. Мускыттэс куйлӧны ойвыв-рытвылын да Бискайя курья вадорын. Сэтчин пыр енӧжӧттяс рытвывсянь кыссьӧны кымӧррез да киссьӧны зэррез; керӧс потассэзын шумитӧны визыввез; покаттэз вылын веж видзӧны бур видззез да быдмӧны вуджӧра вӧррез – улын каштанісь, вылынжык тыпуись да букись, а эшӧ вылынжык – пожума вӧррез. Климатыс небыт, мускыт да шоныт, вачкисьӧ Франсузмуісь Бретань климат вылӧ.

Эспання джуджытіннэз вылын климатыс небыта континентвывся. Тӧввез, кӧдна пӧльтӧны океан вывсянь, кольӧны кӧдж вылас вылын доррезӧ уна ульсӧт, а пытшкись лапӧввезӧ локтӧны кӧсӧсь. Енӧжваэз сэтчин усьӧны тӧвся год джынӧ, кӧр Эспання пыр мунӧны циклоннэз да вайӧтӧны зэр нето лым. Гожумӧн жӧ сэтчин сулалӧны жаррез да лёка кӧс погоддя. Этасянь Эспанняын юэз гожумнас ӧддьӧн косьмӧны и судноэз ветлӧм понда дугдӧны лӧсявны.

Джуджытіннэз вылын быдмассэз йылӧны умӧля; Эспання лунвыв-асыввылын уна места босьтӧны альфа турунӧн да бытшкасян кустарниккезӧн лёк степпез.

Альфа, вачкисьӧ ковыльлань, лоӧ бур вердасӧн баляэз понда нельки сэк, кӧр сія косьмӧ сулалікас. Сійӧн, мыля листтэс сылӧн ӧддьӧн кузьӧсь да топытӧсь, сія мунӧ геззэз, куддэз да сандалийез кыйӧм вылӧ, мунӧ сідзжӧ медбур бумага сорттэз керӧм вылӧ.

Андалусия лажмытінын, кӧда куйлӧ кӧдж лунвыв-рытвылын, да Мушӧр саридз вадорын климатыс субтропикся – кынмывтӧм да зэра тӧлӧн и зэртӧм да жар гожумӧн. Муыс – гӧрдмусин. Сэтчин быдмӧны оливаэз, рожки пуэз да пробка тыпуэз, кӧдна матын Пиренаэз дынын Каталунняын аркмӧтӧны ыджыт вӧррез. Лунвыв вадорын быдмӧны финика пальмаэз и нельки сакара тростник – этӧ Европаын медшоныт места.

Эспанняын оліссезлӧн топытаыс ӧддьӧн неӧткодь: кӧс джуджытіннэзын да керӧса массиввез вылын отирысыс олӧ уна шочжыка, нежели саридз дорын да ю оллезын.




#Article 115: Юшков Геннадий Анатольевич (153 words)


Юшков Геннадий Анатольевич (комиӧнжык Толь Гень) – коми гижись, оліс 1932–2009 годдэзӧ. Гижис зыряна нёж комиӧн.

Толь Гень чужис 1932 март 14 лунӧ Сыктывдін районісь Час сельсоветын, Сітбар сиктас. Велӧтчис горт посадас да Сыктывкарись 12’ школаын. 1958 годӧ помаліс М. Горький нима литературнӧй институт, уджаліс Коми АССР-ись гижись котырын литконсультантӧн, «Войвыв кодзув» журналын кыввидзись секретарӧн. СССР-ись гижись котырӧ сійӧ босьтісӧ 1961 годӧ.1978 восянь да 1993 годӧдз Г. А. Юшков вӧлі Коми АССР-ись гижись котырын юралісьӧн. Куліс гижисьыс Сыктывкарын 2009 декаб 20 лунӧ.

Толь Гень вӧлі тӧдса кыдз поэт, прозаик да драматург. Медодзза кывбурсӧ публикуйтіс 1952 воын Войвыв кодзув журналын. 1959 годӧ сылӧн петіc медодзза небӧг. Уна во сьӧрна Коми республикаись драма театрын мыччалісӧ Сизимӧд председатель, Макар Васька – сиктса зон, Кыськӧ тай эмӧсь пьесаэз сьӧрті спектаккез. Висьттэзын, повессезын да романнэзын гижись бергӧтчӧ отир олӧмын меддонаыс дынӧ, осьтӧ коми мортыслісь ассяма мывкыдсӧ. Гижӧттэс Толь Геньыслӧн вуджӧтӧмӧсь роч да мӧдік кыввез вылӧ. 

Романнэз:

Комиӧн:

Рочӧн:




#Article 116: Якутму (272 words)


Яку́тму нето Саха́му (, ) – якут отирлӧн горт му,  республика, Роч Федерация , пырӧ Ылісь Асыввыв федерал кытшӧ.

Канкарыс – Якутск.

Якутму – Рочмуын ыжда сьӧрті медыджыт регион. Татӧн тыр ресурссэз экономика зорӧтӧм понда.

Асъюралӧм якуттэзлӧн аркмис 1922' годӧ апрель 27' лунӧ.

Якут республикаыс 3103,2 сюрс км² ыжда. Сія куйлӧ ойвыв-асыввыв Сибирын. Канмуыс межаасьӧ Чукотка кытшкӧт да Магадан лапӧвкӧт асыввылын, Хабаров ладоркӧт лунвыв-асыввылын, Амур лапӧвкӧт да Байкалсай ладоркӧт лунвылын, Иркут лапӧвкӧт лунвыв-рытвылын да Краснояр ладоркӧт рытвылын. Ойвылас республика паськыта петӧ океан дорӧ. Асчужӧм дорресӧ татӧн аркмӧтӧны Лӧпта саридз да Асыввыв Сибир саридз. Быдсӧн вадӧр визьыс матӧ 4,5 сюрс км кузя. 

Мувывторсис 2/5-ся унажык куйлӧ ойвыв полюс кытш сайын. Параллель пӧлӧн Якутму нюжалӧ 2500 км кузя, меридиан пӧлӧн 2000 км кузя. 

Медрытвывся чутсӧ адззам Краснояр ладор бердын (105° а.к.), медасыввывсясӧ — Чукотка кытш бердын (165° а.к.). Лунвылас меддорись чут куйлӧ Стан мусюр вылын (55°30' о.п.), Амур лапӧв бердын, а меддорись чутыс ойвылас — Нордвик нӧрыс йылын (74° о.п.), а лыддьыны кӧ и діэсӧ, сэк Генриетта ді вылын (77°о.п.).

Мувевдӧрыс республикаас 2/3 тор – керӧссэз да джуджытіннэз, 1/3 – лажымытіннэз. Медвылын чутсӧ – Победа керӧс (3147 нето 3003 м вылына), адззӧмась Черскӧй мусюр вылын. Мукӧдыс бӧра шуӧны, Мус Хая керӧс пӧ сысся вылынжык (сія сулалӧ Сунтар Хаята мусюр вылын да лэбӧ 2959 нето 3011 м вылына). Якутмуын нюжалӧ сідзжӧ Янайыв мусюр.

Канму рытвылын сулалӧ ыджытся ыжыт джуджытін – Сибир шӧрисьыс. 

Лажмытіннэзісь медпаськытӧсь Медшӧр Якут лажмытін, Колыма лажмытін да асыввыв тор Ойвыв Сибир лажмытінсис.

Якутмуын 700 сюрсся унажык ю да 800 сюрсся унажык ты. Юэслӧн ӧтласа кузяныс 2 млн км мымда. Вермана гидроэнергоресурссэс 700 млрд кВт. Медкузь юэз:

Медпаськыт тыэз — Бустах, Лабынкыр дмд.

 




#Article 117: Гурин (Кудымкар район, Йӧг посадму) (380 words)


Гу́рин (мукӧдыс шуӧны Гу́рина) – Перем ладорись Коми кытшын, Кудымкар районсис Йӧг посадмуын ыджыт грезд (деревня). 

Татісь отир висьтасьöм сьöрті Гурин грездыслöн нимыс аркмöма Гурий морт нимсянь. Мукöдыс бöра баитöны, гури нима чери сьöрті пö шуöны грездсö.

Гурин грезд сулалӧ Камашор уссё гöгöр да улынжык Йӧгва ю пöлöн, Кудымкарсянь ойвылӧ 20 км ылынаын, (автобусöн кö мунны, локтан 35-40 минутаöн). 

Медматын оланін – Савин грезд, кöда сулалö Гурин бердын топ, Йöгва кузя катыт. Вылöжык кö Йöгва кузя кайны, петö Мов, сы сайын – Ӧреп да Паршак. Лэдзчан кö Йöгваыс кузя, адззан Мижуй да Ермак. Камашор ю пöлöн кö кайны, локтан Камашор грездö. Гуринсянь асыввылö километра етш ылынаын сулалö Чукыль грезд (кöдö эшö шуöны Важ Чукыль), а ойвыв-асыввылö 1,7 км ылынаын поздісьöм Виль Чукыль.

Гурин грездын öні нёль тор :

Камашор ю ньылат шульга ладорыс Гуринаӧн и шусьӧ, веськыт ладорас куйлӧ с. ш. Сісьпинь. 1960 годдэзӧ Сісьпинсянь вевдӧрас – Савин Савин грездланяс вептісӧ виль школа, кӧда гӧгӧрын чужис Виль посёлок. Сэтчӧ отирыс локтӧмась овны Ӧрепись да Вотякись.  
 

Гуринын öні лыддьöны кыкьямыс  да öтік  :

Ныись медыджыт туйнас лыддисьö Медшöр туй.

Ӧні Гуриныс пырӧ Йӧг посадмуӧ, одзжык сія вӧлі Мижуй сельсоветын, а эшӧ одзжык – Алёковчи сельсоветын.

Памиллёэз коласын медуна Гусельниковвез, Надымоввез, Нечаеввез, Петроввез

Оліссез комиöсь, баитöны комиöн.

Гурин муэз пырӧны Киров нима колхозӧ (шӧрин – Мижуйын). 

Эм няньпöжалан да ферма. Фермаыс вузалö яй да йöв.

Отирыс тшакьялöны, ягöдалöны, öктöны веськöтчан туруннэз. Чериалöны етша, мыля ыджыт ваэз абуöсь.

Грездын эм кык вузасянін: ӧтыс – сельпо, мӧдыс – асторья лавка.

Мукöд туйез вевттьöмöсь асфальтöн, но унажыкыс - кöдзаöн.

Уна отирлöн эм ас машинаэз. Автобус ветлö быд лун нёлись.

Гуринын позьö видзöтны телевизор да кывзыны радио. Мобильниккез кутöны Мегафонлісь вез.

Быт службаэз абуöсь, шырсьыны да мый да отирыс ветлöны Кудымкарö.

Кӧркӧ татӧн вӧлі медпункт, ӧні грездас поздісьö Мижуй лечебницалӧн офис (амбулатория). Школаын осьтöмась аптека.

Кулöммезнысö гуриновса дзебöны Молö.

Гуринас эм челядьсад. Татчӧ вайӧтлӧны кагаэзнысӧ не токӧ гуринчи, но и алёковчи да мижуевчи.

Гуринын эм шӧрӧт школа, кытчӧ вовлӧны челядь 12 грездісь,  сы лыдын и Мижуйись. Школа керкуын эм библиотека.  

Культура керку не клуб абу.

Порйöтлöны унажыксö масленича да семиккез.

Кӧркӧ грездын вӧлі часовня. Öні отирыс ветлöны юрбытны Йöгö нето Кудымкарö.

Гуринасянь Кудымкарлань мунікӧ шульга ладорын петӧ ыджыт керӧс – Понгород. Сэтчин тшакьялӧны, а вежалунӧ гажа местаэзӧ ӧксьӧны томпӧлӧс да орсӧны ӧзтӧм бипуррез дынын.

Мöдік ландшафттэз:




#Article 118: Мижуй (Кудымкар район) (342 words)


Мижу́й – Перем ладорись Коми кытшын, Кудымкар районсис Йӧг посадмуын ыджыт грезд (деревня). 

Мижуй грезд шусьö сідз натьтö Мижуй нимкодь сьöрті. Мижуйнас коми отир нимкодялö жаг мортöс.

Мижуйыс сулалӧ Йӧгва ю шульга вадöрын, Кудымкарсянь ойвылӧ 18 км ылынаын (автобусöн кö мунны, локтан 30 минутаöн). 

Грезд кузя котöртö Чукыльшор, кöдö мижуёвса шуöны дженытика Шор.

Мижуйсянь рытвылын, Йӧгва саяс топ сулалӧ Ермак грезд. Йӧгва кузя кӧ каян – петӧ Гурин, лэдзчан кӧ – Педӧт грезд. Чукыльшор кузя кӧ кайны, петан Чукыль грезд дынӧ, кöдö эшö шуöны Важ Чукыль.

Ордча рельефын тöдчöны ыббез – Онокыб, Ермакыб, видззез – Нюр, Вöвйöр, вöр – Раск.

Вöрын олöны руччез, кöччез, таррез. Дзоридза быдмассэзісь медуна пантасьöны пикан, пистик, шышыбар, катшасин, горадзуль.

Мижуй грездын куим тор :

Мижуйын öні лыддьöны сизим  да öтік туйколас  :

Ныись медыджыт туйöн лыддисьö Медшöр туй.

Ӧні Мижуйыс пырӧ Йӧг посадмуӧ, одзжык татӧн вӧлі Мижуй сельсоветлӧн шӧрин.  

Грездын эм почта керку, но не староста, не милиция татöн абу.

Памиллёэз коласын медуна Кетоввез, Тупицыннэз, Сыстероввез.

Оліссез комиöсь, баитöны комиöн.

Мижуйын – Киров нима колхозлӧн контора. Этія колхозыс аркмис 1961' годӧ, куим ордча колхоз ӧтлаӧтӧм бӧрын. А одзжык эта ладорын вӧлісö 11 колхоз. 

Грездын эм йöв вузалан ферма. Колхозыслöн эм гараж.

Отирыс видзöны пода да мошшез, быдтöны сю да карч. 

Мижуёвса озö вöралö, но гожумöн чериавлöны Йöгваын: вугыррезöн кыйлöны комöс (хариусöс), арöс, шулюмöс. Сэсся ягöдалöны да тшакьялöны.

Асфальтöн вевттьöм токö Медшöр туй, мöдік туйез – куш му.

Автобус быд лун керö нёль рейсöн, но уна отирлöн эм ас машинаэз.

Мижуйын кык магазин, öтыс – Йöгись сельполöн, мöдыс – асторья.

Мижуёвса вермöны видзöтны телевизор да кывзыны радио. Грездсянь позьö баитны мобильник пыр.

Быт службаэз абу, шырсьыны да мый да отирыс ветлöны Кудымкарöдз.

Грездын эм медпункт.  

Кулöммезöс мижуёвса дзебöны Йöгас.

Быд челядёк олö Мижуёвскöй челядь садын. 

Мижуёвчилӧн челядь велӧтчӧны Гуринын. 

Эшō эм клуб, кытöн отир быд деревняись чулöтöны кад. Томмез понда лöсьöтöны дискотекаэз. Клубын эм библиотека. Уджалöны гöрдззисьöм да сьылöм сьöрті кытшоккез. 

Отирыс порйöтлöны öтласа празьниккез, вильгод, масленича.

Эм фольклор мыччалісь коллектив.

Юрбытны мижуёвса ветлöны Йöгö нето Кудымкарö.

Юдор (Заречнöй?) туй дын котöртö Йöгва ю, увланьжык сыö йитсьö ключ. 




#Article 119: Чукыль (Кудымкар район) (192 words)


Чу́кыль (рочӧнжык Чукылё́ва) – Перем ладорись Коми кытшын, Кудымкар районсис Йӧг посадмуын грезд (деревня).
 

Чукыль грездсö сідзжö шуöны Важ Чукыль.

Чукыль грездыс сулалӧ Чукыльшор ю дорын, Кудымкарсянь ойвыв-асыввылӧ 21 км ылынаын.

Медматын грезд да кöркöся сельсоветлöн шöрин Мижуй, сулалö Чукыльсяняс лунвылас, шор кузя кывтыт 1,7 км ылынаын. Мижуйыс Чукыльсянь бура тыдалö.

Рытвылас 1,6 км ылынаын, Йöгва дорын сулалö мöдік ыджыт грезд Гурина, асыввылас сы ылынаын жö адззам учöтик Сенькашор грезд. Ойвылас, Чукыльшор кузя катыт кö 2 км каян, локтан Виль Чукыльö, кöда Ошыб посадмуö ни пырö.

Чукыльöт мунö туй Мижуйсянь Ӧсипöдз. Öсипыс сулалö Чукыль грездсянь асыввылö 3,5 км ылынаын (туй кузя кö 4,2 км).

Чукыль гöгöрас унажыксö видззез да ыббез. Вöрыс токö öті-öті быдмö. Вöррез сораöсь. 

Ӧні Чукыльыс пырӧ Йӧг посадмуӧ, одзжык вӧлі Мижуй сельсоветын.

Чукыльын олöны чукылё́вса нето чукылё́вчи (öтік мортсö шуöны чукылё́вись нето чукылё́вскöй). 2009' во пондӧтчикӧ чукылёвса вöлöмась 32 морт, кӧдна видзисӧ 15 горт.  

Отирыс комиöсь, баитöны комиöн.

Унажыкыс гишшöны сідз:

Отирыс видзöны курöггез, дзодзоггез, мӧссэз, кӧзаэз, порссез. Баляэз абуöсь.

Мед пуксьыны автобусö, колö мунны Мижуйöдз.

Грездын эм телефоннэз, телевизоррез да радио. Позьö баитны мобильник пыр.

Кулöммесö чукылёвса дзебöны Йöгись шойнаö.

Медматын культура керку Мижуйын.

Чукылёвсалöн челядь велöтчöны Гуринаын.

 




#Article 120: Ӧльӧк (Кудымкар район) (199 words)


Ӧльӧ́к (мукӧдыс шуӧны Алёкова нето Алёковчи) – Перем ладорись Коми кытшын, Кудымкар районсис Йӧг посадмуын грезд.  

Ӧльӧкыс сулалӧ Шорйӧг (Кукушка?) ю дорын, Кудымкарсянь ойвылӧ 10 км ылынаын (туй кузя кö мунны, петö 16 км). 

Ӧльӧксянь рытвылын топ сулалö Мартин грезд, асыввылын – Мурмар.

Ордча ландшафттэз:

Вöрын олöны ошшез, руччез, кöччез, ёжжез.

Ӧльӧкын öні лыддьöны квать  да öтік туйколас  :

Ныись медыджыт туйöн лыддисьö Колхоз туй.

Ӧні Ӧльӧкыс пырӧ Йӧг посадмуӧ, одзжык сія оліс Мижуй сельсоветын. А эта вотӧдз татон вӧлі асланыс сельсоветлӧн шӧрин.

Не страроста, не участковöй, не почта керку грездын абу.

Олöны Ӧльӧкын öльöко́вчи. 2009' во пондӧтчикӧ нійö лыддьöмась 153 лов, а горттэз грездас вöлöмась 47-а.

Оліссес комиöсь, баитöны комиöн.

Унажык отирыс гишшöны Сыстеров, Петров, Канюков .

Грездын эм ферма, вузалöны йöв. Складын видзöны пизь.

Отирыс вöралöны да чериалöны, тшакьялöны да ягöдалöны, öктöны веськöтчан туруннэз.

Ӧльӧк пырйöт мунö бур туй. Быд час ветлö автобус. Уна отирлöн эм ас машинаэз.

Öльöковчи вермöны видзöтны телевизор да кывзыны радио, грездсянь позьö баитны мобильник пыр.

Ӧльӧкын осьтöм Йöг сельполöн лавка. 

Быт службаэз абуöсь, шырсьыны да мый да отир ветлöны Кудымкарöдз.

Грездын эм пельшöр пункт.

Ӧльӧкын эм челядьсад, но асланыс школа абу. Челядь ветлöны велöтчыны Мижуйö.

Эм клуб, но кытшоккез осьтöны токö гожумнас.

 




#Article 121: Мурмӧс (Юсьва район) (350 words)


Мурмӧ́с — Перем ладорись Коми кытшын, Юсьва районісь Карпов посадмуас неыджыт коми грезд (деревня). 
 

Мурмöс грезд сулалö Иньва ю шульга вадöрын, посадму шöринсянь (Карпов) асыввылö вит километра ылынаын, райцентрсянь (Юсьва посад) ойвыв-асыввылö öкмыс километра ылынаын (туй кузя кö мунны пето быдса 25 км).  

Ойвылас, юыссянь ылынсялӧмӧн сулалӧны грезддэз Митровчи да Петыковчи. Иньва кузя кӧ каян, петас Рудак, а сы сайын Ивучовчи. Быдöнныс нія Мурмöссянь кык мымда километра ылынаын. Асыввылас Мурмӧсыссянь нёль километра ылынаын сулалӧ кӧркӧся сельсоветлӧн шӧрин — Ӧнтипинчи посад. 

Муыс лажмыт. Котöртöны шоррез Чумкаршор, Ляпчиншор, Кыровшор. Быдöнныс Иньвалöн вожжез. Гавина грезд дорын куйлö нюр. Мурмöс весьтын, Иньва веськыт вадöрын сідзжö эм нюр да ты (Важты).

Мурмöс дынын адззам Барсуков керöс, Волпавидз шутём, Рӧзинка мыс, Семач лог. Рудак грездланьын сулалö Чумкар керöс.

Мурмöс ладорын быдмöны горадзуль, чаньпод, катшасин, ыжман, туримоль, балянянь.

Олöны вӧрмӧс, кӧин, руч, кӧч, ур, сьӧла, дозмӧр, кӧк, тури, вӧрдуді.

Мурмöсын кык тор:

Барсуковас эм öтік туй, Мурмöсас кыка. Быдöс туйез шусьöны öтмоза Медшöр туй (рочöн ул. Центральная) 
 

Отирыс вежöрö кольччöмась то кытшöм : , колхоз аркмöтöм (1929), ыджыт террор (1937), Айму понда ыджыт косясян.

Ӧні Мурмöсыс пырӧ Карпов посадмуӧ. Эм управляющöй. 

Олöны Мурмöсас мурмöша́на нето мурмöсо́вчи (öтік морт мурмöсо́веч, мурмöсо́вка). 2009' во пондӧтчан кежо татöн лыддьöмась 34 лов, отирыс видзисӧ 14 горт. Былись олöны 11 гортын 25 морт .

Оліссес комиöсь, баитöны комиöн.

Отирыс гишшöны Баяндин, Боталов, Кривощёков. 

Увтыррес: Барсук, Долматович.

Ыджыт уджаиннэз Мурмöсын абуöсь. Отирыс быдтöны карчйöрын лук, капуста, морков, сёква, кушман. Видзöны мӧссэз, баляэз, порссез, дзодзоггез, курӧггез.

Мукöдыс чериалöны да вöралöны. Öктöны тшак (гӧстшак, рыжык, маслята, чочком гриб), ягöд (сэтӧр, туримоль, озъягӧд, ӧмидз, жельнӧг) да турун (петшӧр, пистик, гӧнютш, пикан, веськöтан туруннэз).

Туйес Мурмöсас абуöсь. Автобус татчö оз лок. Отирлöн эмöсь куим ас машина.

Радио мурмöшана кывзöны, телевизор видзöтöны. Деревнсянь туйö баитны мобильникöт (UTEL).

Магазинö колö кайны Петыковчиöдз нето Öнтипинчиöдз, быт службаэз колö кошшыны Öнтипинчиись жö нето нельки Юсьваись.

Грездын эм ФАП.

Кулöммесö мурмöшана дзебöны Öнтипинчиланьын.

Челядьсад да школа Öнтипинчиын. Сэтчин жö культура керку да школа бердісь библиотека. Асланыс фольклор мыччаліссез мурмöшаналöн абу.

Мурмöсын чулöтöны учöт грезд лун.

Отирыс порйöтöны вичкуся вежалуннэз. Юрбытны да мый да лэдзчывлöны Öнтипинчиö.

Быдöс орчча грезддэз понда вежа ним —




#Article 122: Петыковчи (Юсьва район) (154 words)


Петыковчи нето Петуковчи — Перем ладорись Коми кытшын, Юсьва районісь Карпов посадмуас коми грезд (деревня).  Петыковчиыс сулалӧ Иньва ю дорсяняс ойвылын, Юсьва посадсянь ойвыв-асыввылӧ 22 км ылынаын.

Грездыс шусьö медодзза олісь сьöрті, кöда вöлі натьтö  Петук нима. Сы пияннэз лоисö Петуковчи. Вежсьöм у  ы аркмис татісь диалектын, ордч. Петрынёвчи, Крыкалёва да с.о.

Петыковчиыс меститчӧм Иньва ю дорсянь ойвылас. Асыввылын сысянь параллель нёжӧн сулалӧ Митровчи грезд да сылон торрез кодь Падёвчи да Гавинчи.

Иньвалань кӧ лэдзчан джын километра мымда, петас Мурмӧс. Рытвылас, ылынкодь ни, эшӧ кык деревня Рудак да Ивучовчи. Кӧркӧся сельсоветлӧн шӧрин, Ӧнтипинчи посад, куйлӧ Петыковчисянь асыввылӧ куим километра ылынаын. 

Деревняын оліссез сідзжӧ шусьӧны петыковчи. 2009 во пондӧтчан кежо татӧн олӧмась 77 морт, кӧдна видзисӧ 20 горт. Отирыс унажыксӧ   Баяндин, эмӧсь Утеввез, Тарасоввез. 

Ӧні Пытыковчи пырӧ Карпов посадмуӧ. 2006 годӧдз сія вӧлі Ӧнтипинчи сельсоветын. Сэтӧн ӧнӧдз пукалӧны морт-мӧд начальниккез. Милициясь медматын участковӧй патеруйтӧ Дӧйӧгын.

Петыковчиын эм ӧтік сельпо.

Грездын сулалӧ казьмӧтан герой Егор Утевлӧ.

 




#Article 123: Одиссея (865 words)


Одиссея — му югыт пасьта тӧдса эпос. Лӧсьӧтӧма сійӧ важ Элладаын синтӧм сьылісь Гомер. Гижӧмась эпоссӧ миян эраӧдз VIII векын. Сюжетыс одзлань нуӧтӧ Илиадалісь висьтасьӧм.

Троясянь бӧр локтікӧ эллин геройес дыр уялӧмась паськыт саридз кузя. Уна шогыс да сьӧкытыс усис нылӧ. Меддыр ковсьӧма бертны гортас Итакаись (Ион саридзын остров) Одиссей сарлӧ — быдса дас во. «Одиссеяын» гижсьӧ сы ветлӧтлӧм йылісь.
 

Кӧр некӧр вашӧтӧма ӧвсьытӧм саридз Одиссейсӧ да сылісь морттэсӧ циклоппез, ӧтік сина великаннэз, ді дорӧ. Одиссей аслас отиркӧт пырас медлёк циклопыс, Полифем, мугыркӧ.

Гортас бертӧм бӧрын Полифем адззас нійӧ аслас мугырксис. Сія сэк жӧ йӧрьяс пыранінсӧ пытшксяняс ыджытся ыджыт изӧн да кык мортсӧ сэк жӧ и сёяс. Эта бӧрын сія ланьтас. Одиссей вермис бы вийны сійӧ узикас, но сэк некинлӧ бы вӧлі осьтны Одиссейлӧ да сы отирлӧ мугыркись петанінсӧ. Асьныс нія абу вермӧмась вештыны ыджыт изсӧ и нылӧ быдӧнныслӧ ковсис бы тшыгсянь кувны пещёраас.

Ыджыт вежӧра Одиссей думайтӧма керны мӧднёж. Ашынас сія циклопсӧ юкталас винаӧн. Кӧр коддзӧм Полифемыс ланьтас, Одиссей сотчан майӧгӧн сотас сылісь ӧтка синпӧвсӧ. Циклопыс ӧддьӧн лӧгасяс и сетас кӧрткыв некинӧс не лэдзны ловйӧн сы мугыркись.

Асывнас, ассис баляэсӧ пещёрасис лэдзикӧ, Полифем сувтас самӧй пыранін дынас да пондас пешлыны киэзнас быд петісь подасӧ. Но Одиссейыс кужӧма сійӧ бӧбӧтны. Быдӧс баляэсӧ сія домалас куимӧн ӧтлаӧ, а шӧрись баляэз кынӧм увтӧ кӧрталас ӧтікӧн ассис спутниккесӧ. Ачыс сія вевттяс ассис киэсӧ вурунӧн да улісянь кутчисис ӧтік баля бердӧ. Сідз нія пышшӧмась шуштӧм мортсёйись шогья.

Кӧр Одиссей сюрӧма тӧввез ен — Эол — ді вылӧ, сійӧ бытшӧма панталасӧ. Бӧр мунікӧ Эол сетас Одиссейыслӧ мешӧк, кӧдаын вӧлісӧ домалӧмӧсь быдӧс ӧвсьытӧм лёк тӧввес. Кӧр Одиссей уяс Эолыс дынсянь, саридз вылас вӧлі ӧддьӧн лӧнь. Но лоис сідз, что аслас чужанін Итака дынӧ сибӧтчикӧ Одиссейыс ланьтіс, и сылӧн морттэс пӧрччалісӧ мешӧксӧ. Нія виччисисӧ эта мешӧкись адззыны дона берсясӧ. Мезмӧм тӧввес уннялӧмӧн петісӧ воля вылӧ и Одиссейлісь судносӧ вились вашӧтісӧ Эол ді дорӧ. Но ӧні Эолыс эз понды отсавны Одиссейыслӧ, и мӧдыслӧ ковсис одзлань уйны ӧвсьытӧм саридз кузя.

Одиссейлӧн мӧдік интереснӧй приключеннёӧн вӧлі сиренаэзкӧт сылӧн пантасьӧм. Сиренаэс вӧлісӧ джынсӧ инькаэз, джынсӧ кайез. Нія сэтшӧм басӧка сьылісӧ, что быдыс, кин мунліс сія ді дорӧт, кытӧн нія олісӧ, сувтчывліс эта остров дынӧ и сэтчинсянь бӧр эз ни мунлы. Медбы не сетчыны сиренаэс очарованнёлӧ, Одиссейыс ны ді дорӧ сибӧтчикӧ быдӧс аслас спутниккезлісь пеллезнысӧ лякис воскӧн. Асьсӧ сія тшӧктіс кӧртавны мачта бердӧ. Кӧр Одиссей кыліс сиренаэзлісь голоссӧ, сія пондіс пессьыны, мед мездӧтчыны да петны вадӧрас, но спутниккес эшӧ ёнжыка домалісӧ сійӧ. Сідз Одиссей кужис керны ӧтдруг кык дело: и кывны сиренаэзлісь голоснысӧ и не петны берегас.
 

Ӧтік местаын Одиссейлӧ коліс мунны кык лёк нечулим коласӧт: Сцилла да Xарибда коласӧт. Сциллаыс куталіс сы дынӧт уйись кораббез вылісь медбур мореходдэзӧс. А Харибда дынісь некин эз вермы пышшыны: сія ньылавліс быдсӧн корабсӧ ӧтлаын сы вылын муніссезкӧт. Сідз кыдз орддьыны энӧ чудовищеэсӧ некыдз эз туй, Одиссей кык лёксис бӧрйис учӧтжыксӧ — Сциллаӧс. Сія кӧть и сёйис квать мортӧс Одиссейыс спутниккез коласісь, но зато мукӧдыс кольччисӧ ловйӧн. А Харибдаыс быдӧннысӧ бы ньылыштіс.

ӧтпыр кыдзкӧ буря жугдіс Одиссейлісь корабсӧ, и быдӧс спутниккес сылӧн вӧйисӧ. Одиссей кольччис ӧтнас. Уна приключеннёэз бӧрын Одиссей керис пур (плот) да бӧра уйис одзлань. Но Посейдон, кӧда преследуйтіс сійӧ циклоп Полифемӧс синтӧмсьӧтӧм понда (Полифемыс вӧлі Посейдонлӧн зон), жугдіс Одиссейлісь пурсӧ. Токӧ ӧтік саридзовӧй ен инька отсалӧмӧн Одиссей вермис уйны сылӧ тӧдтӧм ді дорӧдз да кольччыны ловйӧн. Эта ді вылын оліс сказочнӧй отир феаккез — кужись мореходдэз. Эта отирлӧн сар Алкиной ласкова панталіс Одиссейсӧ, козьналіс бур козиннэз да гортас бертӧм понда сетіс сылӧ судно.

Сія кадӧ, кӧр Одиссей воюйтіс Троя увтын да странствуйтіс, сылісь иньсӧ — Пенелопаӧс корасисӧ уна жӧниккез. Нія думайтісӧ, что Одиссейыс некӧр ни оз берт, но Пенелопаыс веритіс жӧникыс бертӧмӧ и откажитліс быдӧс жӧниккесӧ. Одиссейлӧн зон Телемах, кӧда Итакаись Одиссейыс мунікӧ вӧлі эшӧ кагаӧн, быдмис вына да бытшӧм том мортӧ. Гажтӧма да лӧгӧн видзӧтіс сія айыс керкуын пируйтісъ жӧниккез буйство вылӧ. Но ӧтнас сія нем эз вермы керны унаыскӧт. ӧтпыр сія муніс кошшыны айсӧ, но нем эз вермы тӧдны сы йылісь и бертіс бӧр.

Одиссей тӧдіс сы йылісь, мый керсис сы керкуын. Этасянь сія решитіс локны гортас не аслас быльнӧй видын, а кыдз корись странник. Эта коста сы керкуын пируйтісӧ жӧниккез. Нія быднёж кешитчисӧ быдӧс кориссес вылын. Мӧд лунас Одиссей локтӧм бӧрын вӧлі Аполлонлӧн вежалун, и Пенелопа вӧзйис жӧниккеслӧ то кытшӧм испытаннё. Сія вайис Одиссейлісь ньӧввуж да висьталіс, кин пӧ жӧниккез коласісь кужас зэлӧтны ньӧввуж везсӧ да пырӧтны ньӧвнас 12 кольчо, сія и лоас сы жӧникӧн.

Жӧниккес ӧтамӧд бӧрын пондылісӧ зэлӧтны ньӧввужсӧ, но некин ны коласісь этӧ эз вермы керны.

 

Сэк Одиссей, сё эшӧ кыдз корись, корис, медбы и сылӧ сетісӧ пешлыны ассис вынсӧ. Жӧниккез откажитісӧ сылӧ этаын. Но Телемах, кӧдалӧ Одиссей осьтіс ассис гусяторсӧ, сетіс сылӧ ньӧввужсӧ, и Одиссей кокнита пырӧтіс быдӧс 12 кольчосо. Сыбӧрын Одиссейыс, ӧтлаын Телемахкӧт да кык веркӧт сэк жӧ вийисӧ быдӧс жӧниккесӧ. Эта бӧрын сія висьталіс Пенелопалӧ, кин сія. Сьӧкыт вӧлі Пенелопалӧ эскыны, медбы эта пӧрись, бырӧм паськӧма корисьыс вӧлі сылӧн жӧникыс. Но сыбӧрын Пенелопаыс тӧдіс сійӧ. Афина, кӧда пыр сулаліс Одиссейыс дор, керис сійӧ одзза кодь томӧн да бытшӧмӧн.

Одиссей локтӧм йылісь да жӧниккесӧ вийӧм йылісь юӧрыс чожа паськаліс омӧн Итака пасьта. Вийӧммезлӧн родняыс мунісӧ тышкасьны Одиссейкӧт да сыдор сулаліссезкӧт. Афина отсалӧмӧн вермисьнас кольччис Одиссей. Недыр мыйись Афинаыс жӧ бурӧтіс сійӧ Итака йӧзыскӧт, и нія бӧра Одиссейсӧ керисӧ асланыс сарӧн.




#Article 124: Азия (1766 words)


Азия – Му планета вылын квать муторись ӧтік. Ӧтлаын Европакӧт сія аркмӧтӧ мушар вылас медыджыт континент – Евразия. Коми мунымӧс Азиясянь торйӧтӧны Урал керӧссэз.

Азияыс чуть не быдсӧн куйлӧ ойвыв джыншарын. Дзир асыввылас мукӧд діэз пырӧны лунвыв джыншарӧ. Азия куйлӧ мукӧд муторрез шӧрын. Рытвывсяняс Азия бердын куйлӧ Европа, лун-рытвыв ладорсяняс Суэц вуджанінӧн Азияыс ӧтлаасьӧ Африкакӧт, асыв ладорсянь куйлӧ Америка, кӧдія торьясьӧ Азия бердісь Беринг висӧн. Лунвыв-асыввылӧ Азиясянь куйлӧ Австралия, кӧдія ӧтлаасьӧ Азиякӧт тшӧк ді чепӧн.

Азияыс – му вылын медыджыт тор (44,6 млн. кв. км). Аслас ыжда (мувывтор) сьӧрті сія 4½-ись Европася ыджытжык. Азиялӧн вадӧррес Европа вадӧррез сьӧрті абу бура вундалӧмӧсь, но унакодь жӧ эмӧсь діэз да кӧджжез.

Азиялӧн вадӧррес миськассьӧны мувылісь нёльнан океанӧн. Ойвылын куйлӧ Ойвыв Йыа океан. Азия вадӧррез дынын сія гожумнас шоналыштӧ неӧддьӧн пыдына и сысянь вонас дыржык овлӧ йы увтын. Этӧ – уялӧм понда медтуянтӧм отва. Азиялӧн ойвыв вадӧррез вундалӧмӧсь етша. Татӧн эмӧсь кӧджжез: Ямал, Таймыр да Чукотка. Ордчон куйлӧны діэз: Ойвыв ді, Виль Сибыр ді да Врангель ді.

Асыввывсянь Азияыс миськассьӧ Ыджыт нето Лӧнь океан ваэзӧн. Этӧ ӧддьӧн ыджыт океан, некӧр оз кынмы, сія медыджыт саридз туй омӧн му кузя канмуэзӧ.

Ыджыт океанӧн миськассян вадӧррез бура вундалӧмӧсь. Ылӧ нюжалӧм кӧджжез да ді кытшшез янсӧтӧны Лӧнь океан бердісь унакодь гырись мудор саридззез. Ойвыв-рытвылын куйлӧ Беринг да Оката саридз. Унажык торыс нылӧн кынмӧ и не пыр позьӧ ны вылӧт уявны.

Лунвыв-рытвылӧ Оката саридзсянь куйлӧ Ниппон саридз. Оката саридзсянь сія янсӧтӧм Сахалин діӧн, Лӧнь океансянь – Ниппон діэзӧн. Уялӧм понда эта пыдын саридзыс ӧддьӧн бур. Ойвылісь дорся, кӧдія куйлӧ Азия берег да Сахалин ді коласын, сія некӧр оз кынмы. Лунвывланяс Корея кӧджсянь Тайвань діӧдз куйлӧ лажмытваа Веж саридз. Сія шоналӧ шоныт Куро-Сиво визылӧн и некӧр оз кынмы. 

Эшӧ лунвылынжык, Индакитай да Малакка кӧджжез коласын, Пилипин да Ыджыт Сунда діэз (Суматра, Калимантан да мукӧд) коласісь адззам Лунвыв Китай саридз. Эта саридзыс быдсӧн куйлӧ тропик отын. 

Лунвылас Азиясянь куйлӧ Инда океан. Азия вадӧррез татӧн вундалӧмӧсь етшажык. Ыджыт Индостан кӧдж да Цейлон ді Инда океанлісь ойвылісь торсӧ янсӧтӧны кык ыджыт курья вылӧ. Индостан да Арабия кӧдж коласісь курья шусьӧ Араб саридзӧн. Векнитик курьяӧн Араб саридзыс пырӧ ылӧжык ой-рытвылӧ и янсӧтӧ Арабия кӧджсӧ Азия материксянь. Векнит Гӧрд саридз да Суэц канал ӧтлаалӧны Инда океансӧ Мушӧр саридзкӧт.

Мушӧр саридзлӧн асыввылыс, Эгеида саридз, Мрамор саридз, Босфор вис да Сьӧд саридз миськалӧны Учӧт Азия кӧджлісь вадӧрресӧ.

Карта вылӧ нёджжӧвтӧм бӧрын жӧ позьӧ адззыны: Азияын унажыкыс вылыніннэз да керӧссэз. Лажмытіннэз ас увтаныс босьтӧны мувывторсис токо 25 % гӧгӧр. Сія жӧ карта сьӧрті позьӧ казявны, ыджытжык керӧссэз да джуджытіннэз кыссьӧны орлытӧм йиӧн рытвывсянь ой-асыввылӧ да лун-асыввылӧ. Эта джуджытін да керӧс йиыс тӧдчӧмӧн янсӧтӧ ойвылісь да шӧрись Азиясӧ тропик Азиясянь. 

Азиялӧн медвылынін – керӧса ладор – Памир да Памир бердісь нюжалан мусюррез: Гималаэз, Кунь-Лунь, Тянь-Шань да мӧд. Эта керӧссэзлӧн вылынаыс сибалӧ 6–7 км-ӧдз (Ибн Сина пик – 7 165 м, Самани пик – 7 495 м, Джомолунгма – 8840 м).

Памирсянь асывланьӧ куйлӧ медвылын джуджытін – Тибет. Сія ойвывсянь кытшӧвтӧм Кунь-Лунь да Тянь-Шань керӧссэзӧн, а лунланьсянь – Гималаэзӧн. Тибетлӧн вылынаыс 4 км гӧгӧр.

Ойвылӧ да ой-асыввылӧ Памирсянь куйлӧны мусюррез: Тянь-Шань, Алтай, Саяннэз, Байкалсай керӧсаин, Стан мусюр и ылын ойвылын – Янайыв мусюр да Черскӧй мусюр.

Памирсянь ылӧжык мунӧм сьӧрна керӧссэзлӧн вылынаыс бура чинӧ. Тянь-Шань кӧ вылынанас 6 км гӧгӧр, то Алтай – 3–4 км-ӧдз, Саяннэз шоча вылынжыкӧсь 2 км-ся, Байкалсай да Стан мусюр 1½-ӧдз и токо шоча 2 км-ӧдз. Вежсьӧ не токо вылынаыс но сідз жӧ и чужӧмыс. Тянь-Шань мусюррез вевттьӧмӧсь пырся лымӧн да йыӧн, нылӧн эмӧсь лажмыт покаттэз, дорыша пиня йыввез, пыдын потассэз да оллез. Саяннэз, Байкалсай да Ой-асыввыв Азияись мукӧд мусюррез мӧдчужӧмаӧсь. Нылӧн йыввезныс кыдз бытьтӧ гӧгрӧстӧмась, волькӧтӧмась, покаттэс лайкытӧсь, оллез – паськытӧсь. Сідзкӧ, быдӧс лунвыв мусюррес том керӧс кодьӧсь, а мусюррез, кӧдна куйлӧны ойвылынжык, пӧрись, бура киссьӧм керӧссэз кодьӧсь.

Паськыта-паськыт муэз, кӧднія куйлӧны Тянь-Шань, Памир, Тибет, Алтай, Саяннэз да Байкалсай керӧссэз коласын, джуджытін кодь, 1000–1500 м вылына. Эта джуджытін ыс ӧтмӧдӧрсянь кытшӧвтӧм керӧссэзӧн и унажыксӧ овтӧмин да джынви овтӧмин кодь (Гоби нето Шамо овтӧмин).

Унакодь джуджытіннэз сідз-жӧ кыссьӧны Памирсянь и рытвылӧ: Иран, Араб, Учӧт Азия да Аястан джуджытіннэз. Армяна джуджытінсянь ойвыдӧ куйлӧ Эльбрус да Казбек йыввезӧн Кавказ мусюр. Иран джуджытінсянь ой-асыввылӧ куйлӧ Гиндукуш мусюр, рытвылын кӧда ӧтлаасьӧ Памиркӧт.

Ойвылӧ керӧса, джуджытін да овтӧмин йисянь куйлӧ Азиялӧн паськыта-паськыт, унажыксӧ волькытіна тор. Сэтӧн мийӧ янсӧтам Арал-Каспи да Рытвыв Сибир лажмытіннэз да Сибир шӧрись джуджытін. 

Арал-Каспи да Рытвыв Сибир лажмытіннэз ӧтамӧд бердісь торьясьӧны неыджыт вылынінӧн. Эна кык лажмытіныс кыссьӧны ойвывсянь лунвылӧ 4000 км кузя. Рытвыв Сибир лажмытін ойвывсянь лунвылӧ – кузянас 2400 км гӧгӧр и асыввывсянь рытвылӧ – 2000 км-ся унажык. Эна омӧн му пасьта медгырись лажмытіннэз. Рытвыв Сибир лажмытін небурика пӧліньтӧм ойвылӧ и сы вывті визывтӧ аслас Иртыш вожӧн Об ю – Азияын медыджыт ю. Арал-Каспи лажмытін вевдӧрсяняс ляпкыт гӧп кодь, кӧдалӧн лажмытіннэс Каспи саридз увтын да Арал ты увтын. Эта лажмытінісь юэз усьӧны Каспи, Арал да мӧдік тыэзӧ и оз вермӧ петны осьта саридзӧ.

Сибир шӧрись джуджытін куйлӧ Енисей юсянь асывланьӧ. Асыввывсянь и медбура лун-асыввывсянь сія жугӧдӧма потласьӧминнэзӧн и вуджӧ Байкалсайӧ, Амурдорӧ да мӧдік уськӧса (сбросовӧй) да чукыра керӧссэзӧ. Сибир шӧрись джуджытін – Азиялӧн ӧддьӧн важся материк тор.

Сибир шӧрись джуджытінын асыввыв да лунвыв ладорын шогмисӧ пыдын потласьӧминнэз и аркмисӧ медважся керӧссэз. Кристала важся продаэзісь, кӧднӧ пышналісӧ вулкан породаэзлӧн сӧннэз, лоисӧ и татӧн рудаэзлӧн да мукӧд колана шедтассэзлӧн куйланіннэз. Мийӧ нійӧ вермам адззыны Лунвыв и Асыввыв Сибирын быд керӧсас.

Шӧр Азияын асыввывсянь и лунвывсянь волькытін сідз-жӧ жугӧдӧма потласьӧминнэзӧн. Татӧн шогмисӧ чукыра и уськӧса керӧссэз, кӧднія кыссьӧны Ыджыт океан ойвыв вадӧррезсянь топ Сунда діэзӧдз. Татӧн Китайын мийӧ сідз жӧ адззам ыджыт руда шогманіннэз.

Лунвыв да Асыввыв Сибир керӧссэзын мийӧ панталам кӧрт, ыргӧн, свинеч, эзысь, зарни да быдкодь асрӧма иззэз. Гырись ыргӧн запассэз эмӧсь Казахстанын (Коундрад). Озыр кӧрт рудаэз, ыргӧн, олово, цинк да мӧдік металлэз эмӧсь Китайын лун-асыв керӧссэзын, ӧддьӧн уна оловоыс Малакка кӧджын и ыргӧн – Ниппонын.

Изшоммез тшӧкжыка пантасьӧны Медшӧр Азия джуджытінсянь ойвылын да асывланьын. Нія эмӧсь Кузнецк, Черемхов бассейннэзын, Роч Ылын Асыввылын, Китайын. Бурӧй шомлӧн ыджыт куйласэз эмӧсь ойвыв Индияын.

Мусир паськалӧма Азияын не ӧтмоз. Медбогатӧсь нефть шогманіннэз Перс курья дорын, Рытвыв Сибирын, Кавказын да Шӧр Азияын. Нефтьыс сідз жӧ Сахалин ді вылын ойвыв ладорын, Тибет вылын асыввыв ладорын, Индокитайын рытвыв ладорын да Калимантан ді вылын ойвыв ладорас.

Азия быд аслас торӧн куйлӧ быдкодь шоныт оттэзын: кӧдзытын, шӧркодьын да жар отын. Ойвыв Азия быдсӧн куйлӧ кӧдзыт да шӧркодь климатын. Татӧн бура усьӧ син вылӧ тӧв да гожум коласын неӧткодьыс. Эта позьӧ бура адззыны январ да юль изотерма картаэз сьӧрті. Сідз, ойасывланись Азияын январ тӧлісьӧ шӧрӧт шонтӧгыс (температураыс) – 40°, а юль тӧлісьӧ шӧрӧт шонтӧгыс – 15°. Тӧвнас виӧдз Лунвыв Сибирын кӧдзыттэз лэдзчӧны 40°-ӧдз, а гожум пора жарыс кайӧ 35°-ӧдз и унажык. 

Шӧркодя шоныт климатын куйлӧ овтӧм кодь джуджытін да керӧса от. Керӧссэз да джуджытіннэз бытьтӧ заплод – нія падмӧтӧны лунвывсянь лун-асыввывсянь пӧльтан тӧввез. Эшӧ сьӧкытжык лоӧ сюрны татчӧ Атлантика океансянь уль тӧввезлӧ. Этасянь кӧс да овтӧм климат кыдз Медшӧрись, сідзжӧ и Рытвыв Азияын. Вылын джуджытіннэзсянь да керӧссэзсянь Медшӧр Азияас эна местаэзын климатыс ӧддьӧн лёк да кӧс.

Азиялӧн лунвыв да лун-асыввыв тор куйлӧны жар отын. Ны вылӧ вачкӧны муссоннэз, а сійӧн ӧтлаасьӧны нія Азияын муссона ладор нимӧн. Лунвылісь Азияын климатыс ӧддьӧн шоныт да ульӧса. Токо тӧвсӧ, кӧр саридзыс шоныт, тӧлыс пӧльтӧ материксянь и татӧн лоӧ кӧс погоддя. Гожумнас, бӧра, тӧввез пӧльтӧны саридзсянь и вайӧны ӧддьӧн уна ульӧс. Гимала керӧссэз падмӧтӧны шоныт саридз тӧввесӧ, а сійӧн лунланись Гимала керӧс покаттэзын овлӧ ӧддьӧн уна зэр – 12 000 м гӧгӧр, мӧднёдж висьтавны 20-ись унажык татӧн сьӧрті, Рочму Европа лапӧлын сьӧрті.

Этӧ жӧ мийӧ адззам лунвыв-асыввыв Азияын. Токо ойланьсянь лунвылӧ ылӧ кыссьӧмыс татӧн сетӧ тӧвся шонтӧггезын ыджытӧ неӧткодьсӧ. Ойвыв Китай понда тӧвся шонтӧггес кӧ унажыксӧ овлӧны 0-ся улынжыкӧсь (0-сянь – 20°-ӧдз), то Лунвыв Китайын нія вылынжыкӧсь 0-ся (0-сянь +20°-ӧдз). Ойвыв Китайын тӧвнас усьлӧ лым, Лунвыв Китайын лымыс оз овлы.

Муссоннэзлӧн вачкӧмыс тӧдчӧ не токо Китайын, но и ойвылынжык, чуть не Оката саридз дорӧдз.

Гожумся муссоннэз кадӧ, и медбура гожум помӧ, татӧн чуть не быд воӧ мунӧны ыджыт зэррезӧн циклоннэз. Эна зэррезсянь Китайын, Ниппонын да Кореяын, а сідзжӧ Роч Ылісь Асывладор лунвылас овлӧны лёк вӧйӧммез.

Азияын медгырись юэз визывтӧны Ойвыв да Асыввыв Азияын. Эта вежӧртана. Ойланьын эмӧсь ыджыт волькытінэз, кӧдна ӧддьӧн учӧта пӧліняӧсь Ойвыв Йыа океан ладорӧ. Медшӧр Азия керӧссэзын пондӧтчӧм бӧрын нія не тэрмасьӧмӧн нӧбӧтӧны ассиныс ваэсӧ волькытін кузя 2–3 и унажык сюрс километра сайӧ. Асывланись торын юэз уна вааӧсь да перытжыкӧсь, но кузя сьӧрті дженытжыкӧсь ойвыв Азия юэзся. Джуджытіна да овтӧмина ладоррезын юэс нето ӧшӧны песӧк муэзын нето усьӧны тыэзӧ.

Азиялӧн медыджыт юэз:

Азиялӧн медыджыт тыэз:

Азияын мийӧ панталам быдмассэзлісь быдӧс оттэсӧ (пояссэсӧ) – полюсдор тундраэзсянь тропик вӧррезӧдз, уль нюра джунглиэзсянь степпезӧдз да овтӧминнэзӧдз.

Тундра от кутӧ ас увтас Ойвыв Йыа океанлісь быдӧс берегдорсӧ. Рытвыв Сибирын тундралӧн лунланись визирыс почти ӧтлаасьӧ полюс кытшкӧт. Шӧрись да Асыввыв Сибирын сія нюжалӧ ылӧ лунвылӧ, медбурасӧ юэз коласын, вылыніннэзын да керӧсаиннэзын. Тайгалӧн лунвыв визирыс рытвылын, мӧднёдж, Рытвыв Сибир лажмытінланьын вешшӧм ӧддьӧн ылӧ ойвылӧ. Шӧрись Сибирын сія сибалӧ керӧса отӧдз, кытӧн Медшӧр Азиясӧ керӧссэзӧн янсалӧ, и мукӧдлаын вуджӧ эна керӧссэзын лунвыв покаттэзӧ. 

Эшӧ ылӧжык лунвылӧ мунӧны вӧррес Асыввыв Азияын. Татӧн тайгаыс вежсьӧ сора вӧрӧн, а эшӧ лунвылынжык – паськыткорья вӧрӧн (Уссури ладор, Манджу, Корея). Китайлӧн асчужан быдмассэз бура вежӧмӧсь морт уджсянь. Вӧррес татӧн пантасьлӧны шоча. Тшӧкжыка сюрӧны быдкодь культура быдмассэз: рис, тута пу, хлопчатник, чай да мый да.

Лунвыв Азияын, медбура асыввыв торас, саридз вадӧррезӧт да покаттэзӧт кыссьӧны дона пуэза тропик вӧррез. Культура быдмассэзісь татӧн позьӧ шуны банан, нянь пу, саго пальма, кокос пальма, сакар тростник, хина пу, кофе пу дмд.

Рытвыв Азияын, ыджытжык торыс кӧдалӧн куйлӧ шӧркодя шоныт да тропик увдӧрись отын, вӧр быдмассэз пантасьӧны ӧддьӧн шоча, и то токо саридз вадӧрись керӧссэзын. Эта лоӧ кӧс климатсянь, а сідз-жӧ эстӧн вӧрсӧ бура видзӧны (керасьӧ морт да тшыкӧтӧны сылӧн баля-кӧза табуннэз). Саридз дорӧт да керӧс покаттэзӧт татӧн быдмӧны пырвеж быдмассэз (апельсин пу, лимон пу).

Месопотамын, Сурияын да Арабияын – финик пальма.

Медшӧр Азияыс торьясьӧ кӧс климатӧн. Татӧн эмӧсь овтӧминэз да джынви овтӧминэз.

Ойвыв Азияын подаыс лӧсялӧны тундраын да тайгаын олӧм понда. Токӧ Ылісь Асывладорын, кытӧн абу ятнӧй визирыс ойвыв да лунвыв тор коласын, мийӧ ӧддьӧн ылын ойланьын панталам лунвыв подаэзӧс. Сідз, Уссури ладорын – тигр, барс, гимала ош, еноткодь пон да мӧдіккез олӧны тшӧтш кӧррезкӧт да мӧдік ойвыв подаэзкӧт.

Рытвыв да Асыввыв Азияын, шӧркодя шоныт да тропик увдӧрись климатын, вӧй пода ӧддьӧн шочӧсь. Эта шогмис сысянь, мыля эстӧн важысянь ни мортыс олӧ да пессьӧ вӧр-ваыскӧт.

Медшӧр Азияын, кӧть сія и быдмассэзнас ӧддьӧн коньӧр (беднӧй), пода мирыс ӧддьӧн озыр (богат). Тибетын уналаын эмӧсь вӧй вӧввез, вӧй осёллэз, кыкгорба верблюддэз, пороззэз-яккез, керӧс бараннэз-аркаррез да кин да. Эта лоис сысянь, мыля татӧн отир шоча олӧ. Мортыс эз на ешты бытшӧмик вежны му вевдӧрын вӧр-ваыслісь чужӧмсӧ.

Тропик обласьын олӧны быдчужӧма подаэз. Мийӧ эстӧн панталам слоннэз, сюраныраэз, тигррез, быдкодь облезяна увтыр, кайез да кыскасись подаэз. Облезянаэз шӧрын эмӧсь и мортчужӧмаэз – орангутанг да гиббон.




#Article 125: Шонді (401 words)


Шонді – кӧдзув, кӧда системаын мӧдік планетаэз коласын бергалӧ мушарным.

Шондіыс вачкисьӧ ӧддьӧн ыджыт да дзирыт шар вылӧ, вевдӧрас кӧдалӧн  6000°, а пытшкас сія эшӧ вылынжык. Мушарысся Шондіыс 1350  ыджытжык. Шондіас эмӧсь сэтшӧм жӧ веществоэз, кыдз и муын. Шонді вылын эмӧсь: кӧрт, ыргӧн да мый да. Сійӧн, мыля шонтӧгыс ӧддьӧн вылын, быдӧс эна веществоэз дзирдаммӧмӧсь – кизерӧсь нето газкодьӧсь.

Му дынсянь шондіыс ӧддьӧн ылын – 149 500 000 км ылына.
Шонді вылын тыдалӧны пятноэз. Нія мыччисьӧны шонді асыв ладорын да 12–13 ойлун бӧрті сибӧтчӧны рыт ладорӧ. Сы дырна кежӧ жӧ нія ӧшӧны, сэсся бӧра мыччисьӧны асыв ладорын. Быдса кытшсӧ пятноыс керӧ 25 ойлун дырна. Сідзкӧ, 25 ойлун дырна шондіыс бергӧтчӧ аслас ось гӧгӧр.

Шондіыс кыскӧ да ас гӧгӧрас видзӧ мусӧ, оз лэдз орӧтчыны помтӧм ылынаӧ.

Шондіыс – ӧддьӧн ыджыт дзирдаммӧм шар, кӧда пасьтӧтӧма вевдӧрсяняс дзирыт югьялан газ вевтӧсӧн. Эта вевтӧсыс шусьӧ фотосфераӧн. Кӧр мийӧ Шондісӧ видзӧтам телескоп пыр, то адззам токӧ фотосферасӧ. Фотосфераыс тыдалӧ миянлӧ  уна югыт-чочком пятноэзӧн, кӧдна ӧддьӧн вачкисьӧны поснитик кымӧроккез вылӧ. Учёнӧйезлӧн исследованнёэз мыччалісӧ: эна кымӧроккес аркмӧны ёна дзирдаммӧм быдкодь веществоэз (элементтэз) суксьӧтӧм паррезісь. Сэтшӧм кымӧроккезісь быдыслӧн поперечникыс – 100-сянь 500-ӧдз и нельки 2000 км. Эна кымӧррес ветлӧны ӧддьӧн перыта – кыдз бы берегтӧм биа океанын пизян . Кытшӧм ыджыт эна кымӧррезлӧн шонтӧгыс, позьӧ адззыны кӧть бы сэтісь, мыля сэтшӧм веществоэз, кыдз кӧрт, платина да мӧдіккез пӧртчӧмӧсь сэтчин пар кодь состояннёӧ.

Фотосфера вылын почти пыр тыдалӧны эшӧ тодильнӧй, шочыника чапкалӧм пемыт пятноэз, кӧдна шусьӧны шонді пятноэзӧн. Шонді пятноэс овлӧны неӧтыждаӧсь и форма сьӧрті вачкисьӧны кыдз бы осьтаэз вылӧ, кӧдна гырися писькӧтӧмӧсь фотосфераас.

Шонді пятноэс, кӧть и тыдалӧны пемыттэзӧн, но былисьсӧ нія вовсё не пемытӧсь. Фотосфера югыт сьӧрті нія нежык югытӧсь и сійӧн фотосфераыс югыт-чочком фон вылын нія тыдалӧны пемытжыккезӧн. Этӧ явленнёсӧ позьӧ ордчаӧтны то мыйӧн: шуам, мийӧ видзӧтам керку вылӧ, кӧдӧ бура югдӧтӧ шонді. Керку ӧшыннэс миянлӧ пондасӧ тыдавны пемыттэзӧн, кӧть керку пытшкас воть абу пемыт.

Кадісь кадӧ Шонділӧн дзирдаммӧм югьялан газ вевтӧсыс письталӧ дзирыт газ лёк взрыввезӧн; дзирдаммӧм газзэс чапкиссьӧны ӧддьӧн вылына (протуберанеццез). Сэтшӧм биа фонтаннэс овлӧны вылынанас не ӧтік дас сюрс и не ӧтік сё сюрс километрӧдз.

Фотосфера вевдӧрын эм шонді атмосфера, кӧда аркмӧ сідзжӧ дзирыт газзэзісь. Шонді атмосфераись прокод лэбтісьӧны неӧтік сюрс километр вылына бикыввез.

Шондіыс, кыдз мыччалӧны наблюденнёэз, бергалӧ аслас ось гӧгӧр, токӧ бергалӧ не сідз, кыдз Му. Шонділӧн экватор ладорыс керӧ быдса бергӧтчӧмсӧ 25 лунӧн, ойвыв да  45° вылын – 28 лунӧн,  дынын – 33 лунӧн. Петӧ тай, Шонділӧн быд поясыс бергалӧ аспондасис.




#Article 126: Мушар (1181 words)


Мушар

XVІІ вексянь пондісӧ точнӧя муртавны, кузь я градусыс, мӧднёж шуны, кузь я мушар гӧгрӧсісь 1/360 торыс. Этӧ керӧны и ӧння кадӧдз. Мурталӧм бӧрын пондісӧ тӧдны, муыс пӧ шар кодь, кӧда полюссэз весьтӧт невна ляпкӧса. Этасянь му радиуссэс и не ӧтыждаӧсь. Полюслань радиусыс, мӧднёж шуны, му шӧрсянь ойвыв полюсӧдз, 6356 километра ылына. А экваторлань радиусыс – му шӧрсянь экваторӧдз – 6378 километра ылына. Шӧрӧт лыднас му шарлӧн радиусыс – 6370 км. Мулӧн гӧгрӧсыс 40 070 км. Эта гӧгрӧслӧн ӧтік градусыс – 111 километра.

Полюссэз весьтӧт муыс лоис ляпкӧса. Ляпкӧса шар кодьӧн вермасӧ лоны токӧ газкодь да небыд вывтыррез, кӧр нія бергалӧны да кӧр нылӧн ыждӧ шӧрсянь пышшан вын (вын, кӧда пышшӧ му шӧрись). Сэтшӧм вывтыррез вылӧ муыс и вачкисис, кӧр сія вӧлі калитӧм быдсӧн.

Мийӧ адззам, бытьтӧ шондіыс петӧ асыввывсянь, луншӧрнас вылына кайӧ горизонт вевдӧрӧ да лэдзчӧ рытвылын. А былись лоӧ мӧднёж: не шондіыс ветлӧ асыввывсянь рытвылӧ, а муыс бергалӧ аслас ось гӧгӧр рытвывсянь асыввылӧ.

Асыввывсянь рывылӧ шонділісь ветлӧмсӧ позьӧ вежӧртны сэк, кӧр мийӧ асьным кытчӧ либо мунамӧ. Босьтам пример: кӧр мийӧ мунамӧ поездӧн, дак адззам бытьтӧ вӧрыс, ыббес, телегрф стоббес да станцияэс котӧртӧны не сылань, кӧдалань мийӧ мунамӧ, а мӧдӧрӧ, бӧрлань.

Кӧр ми ойӧн видзӧтам кӧдзуввес вылӧ, дак адззам: шонді моз и кӧдзуввес мунӧны асывланьсянь рытланьӧ. Быд кӧдзув коласісь дзир ӧтік кӧдзув кольтчӧ вешшытӧг – этӧ Юрйыв кӧдзув.
Сійӧн, мыля кӧдзуввес оз ветлӧ ӧтмӧдӧрӧ, а мунӧны ӧтіклань, мийӧ адззам, бытьтӧ кӧдзула нёбоыс быдсӧн бергалӧ му гӧгӧр, кытшӧвтӧ сійӧ 24 часӧн.

Но босьтам кӧ тӧд вылӧ то мый: му сьӧрті шондіыс уна ыджытжык (1305 сюрс кынымись), дак миян чайтӧмыс нач лоас невежӧртана, мыля сэтшӧм ыджыт шар – шонді – пондас ветлыны учитик шар гӧгӧр – му гӧгӧр.

Эшӧ невернӧйжык чайтӧмным, босьтам кӧ ми сійӧ, мый перыта коліс бы сэк лэбзьыны планетаэзлӧ да кӧдзуввезлӧ. Шуам, шондісянь ӧддьӧн ылын планеталӧ – Нептунлӧ – коліс бы ӧтік суткиӧ мунны 28 миллярд километра. А Капелла кӧдзувлӧ коліс бы ӧтік секундаӧ лэбзьыны 32 миллиард километра.

Мийӧ шуим ни, муыс бергалӧ ось гӧгӧр. Этасянь ой да лун овлӧ: югдӧтӧм му ладорас овлӧ лун, а пемыт ладорас – ой. 

Мулӧн бергалікас быд чутыс керӧ гӧгрӧссэз. Ӧтіккез керӧны ыджытжыккезӧ, мӧдіккез – учӧтжыккезӧ. Токо кык чут, кӧдна куйлӧны мушарас ӧтмӧдӧрсянь, озӧ керӧ гӧгрӧссэсӧ. Эна невештасян чуттэс шусьӧны полюссэзӧн.

Мулӧн полюсыс, кӧда куйлӧ Юрйыв кӧдзувланьын, шусьӧ ойвыв полюсӧн, а мӧдӧрись полюсыс – лунвыв полюсӧн. Ойвыв полюс весьтас Юрйыв кӧдзулыс видзсьӧ веськыта юр вевдӧрын.

Чайтан гӧгрӧс визьыс, кӧда куйлӧ полюссэзсянь ӧтылына, шусьӧ экваторӧн. Му шарсӧ сія янсӧтӧ ӧтыжда кык джыншарӧ: ойвыв джыншар да лунвыв джыншар.

Во сьӧрна луннэс да ойес овлӧны не ӧткузяӧсь. Март 21 лунӧ ойыс да луныс ӧткузяӧсь, мӧднёдж шуны, и луныс 12 час и ойыс 12 час. Сэсся юнь 22 лунӧдз кузьжыкӧсь и кузьжыкӧсь лоӧны луннэс. Мӧскваын юнь 22 лун сулалӧ 17 час да 35 минута дырна. Эта бӧрын луныс пондӧ чинны. Сентяб 23 лунӧ сія сулалӧ 12 час дырна. А декаб 22 лун кежӧ лоӧ токо 6 час 25 минута. Декаб кыкдас кыкӧт бӧрын луныс пондӧ содны. Март 21 лун кежӧ сія лоӧ 12 час кузя. Мыйянь эта шогмӧ? Сысянь, мыля муыс бергалӧ шонді гӧгӧр и быд кадӧ неӧтмоз сія видзӧтӧ шонділань. Кыдз бы му шарлӧн осьыс видзсис веськыта (отвеснӧя) сія туй сьӧрті, кӧда кузя муыс ветлӧ шондӧ гӧгӧр, дак эзӧ бы вежсьӧ во каддэз, и луннэс да ойес прокод-бы вӧлісӧ ӧткузяӧсь – 12 часӧн. 

Но мушарлӧн осьыс пыр видзсьӧ пӧліньӧн (пӧліньтчӧ 66½ ° пельӧс увтӧ), а ойвыв полюсыс видзӧтӧ Юрйыв кӧдзувлань, кӧда горизонт вевдӧрас прокод овлӧ ӧтвесьтын. Вот мыля шонді веськыт югӧррез увтӧ сюрӧ нето му шарлӧн сія бокыс, кӧда куйлӧ экваторсянь ойвыласжык, нето экваторыс, нето экваторсянь лунвывланьжык куйлан бокыс. Первӧй случай коста ойвыв джыншарас овлӧ гожум, а лунвыв джыншарас – тӧв. Мӧд случай коста – тулыс да ар. А куимӧт случай коста – лунвыв джыншарас овлӧ гожум, ойланисяс – тӧв (5 рис.).
 
Медодзза положеннёас муыс овлӧ март 21 лунӧ. Югытъянсӧтан визьыс (югыт коласын да пемыт коласын визьыс) мунӧ полюссэз пыр. Эта положеннёын му вылас омӧн луныс овлӧ ойкӧт ӧткузя. Эта тулысся ойкузялуна кад (равноденствие). Ойвыв джыншарын сэк – тулыс. Экватор вылас эта кадӧ шондіыс овлӧ веськыта юр вевдӧрын.

Мӧд положеннёас муыс овлӧ юнь 22 лунӧ. Эта лунӧ овлӧ гожумся шондісулалан. Сэтшӧм положеннё дырни ойвыв джыншарын овлӧ гожум, а лунланисьын – тӧв. Ойвыв джыншарас быдлаын ой сьӧрті луныс кузьжык. И токо экватор дынын лункӧт ойыс ӧткузя.

Сентяб 23 лунӧ муыс овлӧ сэтшӧм жӧ положеннёын, кыдз и март 12 лунӧ. Эта – арся ӧткузя луна кад. Сэк ойланись джыншарын – ар. 

Нёльӧт положеннёын муыс овлӧ декаб 22 лунӧ. Эта – тӧвся шондісулалан. Эта лунӧ ойвыв полюсыс да сы гӧгӧрӧт муыс овлӧ вуджӧр увтын. Шонді югӧррес веськыта усьӧны экваторсянь лунланьӧжык. Эта кадӧ лунвыв джыншарын – гожум, ойланисьын – тӧв.

Шонытыс, кӧдӧ сетӧ шонді, му вевдӧрас сюрӧ не ӧтмоз. Шондіыс кыным дыржык шонтӧ, сыным унажык сія сетӧ шоныт. Но шонытыс лоӧ не токо этасянь, но и сысянь, кыдз усьӧны югӧррез – веськыта али пӧліньӧн. Веськыт югӧррез сетӧны шонытсӧ унажык, пӧліняэс – етшажык.

Ӧтік воӧ экватор дорын шондіыс кыкись овлӧ вськыта юр вевдӧрын – март 21 лунӧ да сетняб 23 лунӧ. Визьыс, кӧда мунӧ экваторкӧт ордчӧн, кӧда сы дынсянь куйлӧ ойланьынжык 23½°, шусьӧ ойвыв тропикӧн. А сэтшӧм жӧ визь, кӧда куйлӧ экваторсянь лунланьынжык сы ылына жӧ, шусьӧ лунвыв тропикӧн. (Тропик – мусӧ гӧгӧртан кытш. Сідз эта визьыс нимтӧм сійӧн, мыля сы сайын ойланьынжык шондіыс оз ни овлы веськыта юр вевдрын, а мунӧ сія бытьтӧ бӧрлань). Ойвыв тропик вылас веськыта юр вевдӧрын шондіыс овлӧ юнь 22 лунӧ, а лунвыв тропик вылас – декаб 22 лунӧ. Визьыс, кӧда мунӧ экваторкӧт ордчӧн, кӧда сы дынсянь куйлӧ ойланьынжык 66½°, шусьӧ ойвыв полюс кытшӧн. А сэтшӧм жӧ визь, кӧда куйлӧ экваторсянь лунланьынжык сы ылына жӧ – лунвыв полюс кытшӧн. Полюс кытшшез вылын вонас ӧтпырись луныс сулалӧ 24 час. Сы дырна жӧ вонас ӧтпырись сулалӧ и ой.

Ойвыв полюс кытш вылын луныс сулалӧ 24 час – юнь 22 лунӧ, а ойыс сулалӧ 24 час – декаб 22 лунӧ. Лунвыв полюс кытш вылын луныс сулалӧ 24 час – декабр 22 лунӧ, а 24 часа ойыс – юнь 22 лунӧ. Полюссэз вылын 6 тӧлісь гӧгӧр сулалӧ лун и 6 тӧлісь гӧгӧр – ой. 

Кӧр пондісӧ лыддьыны, кузь я воыс, дак пантасисӧ уна сьӧкыттэз. Воас медбӧрья ойлуныс не быдса (воас – 365 ойлун 5 час 48 мин. да 46 секунда). Оз лӧсяв кыдзкӧ пондӧтны восӧ не быдса суткисянь. Миян воэз лыддьӧмӧдз 46 воӧ висьталісӧ, куим во пӧ мед вӧлісӧ 365 ойлунӧн, а нёльӧт («кассян» воын – 366 ойлун. Кассян воэзӧн лыддисьӧны сэтшӧм воэз, кӧднӧ позьӧ юкавны нёль вылӧ, шуам, 1904, 1908, 1916. Простӧй воэзся энӧ воэсӧ пондісӧ лыддьыны кузьжыккезӧн. Нія лоисӧ кузьжыкӧсь 11 минутаӧн да 16 секундаӧн, мӧднёж шуны, воын 365¼ сутки. Этасянь 128 бӧрын петіс сорасьӧм 1 ойлунӧн. Эта календарыс шусьӧ важмоз лыддьӧмӧн.

Медбы ӧксьӧм сорасьӧмсӧ бырӧтны, 1582 воӧ лыддьӧссӧ вештісӧ одзлань 10 лун вылӧ. А медбы эз вӧлӧ сорасьӧммез одзлань, дак воэсӧ, кӧдналӧн лыддьӧссэз помассьӧны кык нульӧн, пондісӧ кассяннэзӧн лыддьыны токӧ сэк, кӧр нылісь медодзза кык лыдпассӧ позьӧ юкавны нёль вылӧ, шуам, 1600, 2000 – кассян воэз, а 1700, 1800, 1900 – простӧй воэз. Эта календарыс шусьӧ вильмоз лыддьӧмӧн. 1918 февраль 15 лунӧ этӧ пыртісӧ и Рочмуын. Вильмоз лыддьӧм коласын да важмоз лыддьӧм коласын неӧткодьыс – 13 ойлун.




#Article 127: Амур лапӧв (117 words)


 Амур лапӧв  () — веськӧтлан юкӧт Рочмуын, Роч Федерация . Пырӧ Ылісь Асыввыв кытшӧ.

Канкарыс – Благовещенскӧй. Благовещенскӧйыс Мӧсквасянь 7 985 км ылына.

Амур лапӧлыс Роч канмуын токӧ 150 во мымда. 1858' годӧдз эна муэз вӧлӧмась Китайлöн.  

Медодз Амур лапӧвсӧ видзӧмась татöн 1858'—1922' воэзӧ.  Сыбӧрын визиррез унаись вежсьылӧмась. Ӧння визиррезын Амур лапӧлыс вӧлі лӧсьӧтӧм 1932' октяб 20' лунӧ Ылісь Асыввыв ладор пытшкын, а 1948' август 2' лунсянь сія веськыта сулалӧ Роч Федерацияын.  
 

Амур лапӧв куйлӧ Асыввыв Сибирын, Амур ю пӧлӧн. 

Лапӧлыскӧт межаасьӧны: Якутму ойвылын, Хабаров ладор асыввылын, Асъюралана Еврей лапӧв лунвыв-асыввылын, Байкалсай ладор рытвылын. Лунвылас Амур лапӧлыскӧт ордчӧн куйлӧ Китай отир республика

Медваж отирыс Амур лапӧлас — ӧвӧнкиэз, кӧдна петӧмась тунгус-манджур вужись.

Чужанвуж сьӧрті тэчас  1959'—2002' воэзӧ:




#Article 128: Хабаров ладор (318 words)


Хаба́ров ладор () — веськӧтлан юкӧт Рочмуын, Роч Федерация . Пырӧ Ылісь Асыввыв федерал кытшӧ.

Канкарыс – Хабаров, кытӧн 2009' годӧ олӧмась 578,6 сюрс морт. Быдсӧн ладорас отирыс олӧны миллионся унажык, но оліссезлӧн лыдыс пыр чинӧ.

Хабаров ладорыс – Рочмуас ыжда сьӧрті нёльӧт регион, этія рангын сія сулалӧ Тюмень лапӧв да Иркут лапӧв коласын. 
 
Роччез локтӧмась эна муэзӧ XVII вексянь да сэсся дыр вермасьӧмась китайсакӧт, кӧдналісь мырддьӧмась амурсайся муэз 1858' годӧ. Вӧлі аркмӧтӧмӧсь Амур лапӧв да Саридздын лапӧв. 1920'-1923' годдэзӧ муыс вӧлі с.ш. Ылісь Асыввыв республикаын, сыбӧрын Ылісь Асыввыв ладорын.

Хабаров ладорыс аркмис 1938' октяб 20' лунӧ, Ылісь Асыввыв ладорсӧ кыкӧ янсӧтікӧ (мӧд торыс – Саридздын ладор). Медодз Хабаров ладорыс вӧлі тӧдчӧмӧн ыджытжык, сэсся сыись сьӧрсьӧн-бӧрсьӧн торйӧтӧмась мукӧд муэз.
 

Хабаров ладӧр куйлӧ Азияын, Роч Ылісь Асыввылын, Амур ю , Оката да Ниппон саридззез вадӧр пӧлӧн. 

Мувывторыс босьтӧ Роч муись 4,5 %, этӧ лоӧ 788 600 км². Ладорыс нюжалӧ   1 800 км,   — 125—750 км ылына.

Ордчӧн Хабаров ладорыскӧт куйлӧны: ойвылын — Якутму да Магадан лапӧв, рытвылын — Асъюралан Еврей лапӧв да Амур лапӧв, а сідзжӧ Китай отир республика, лунвылас — Саридздын ладор.

Ойвыв-асыввывсянь да асыввывсянь Хабаров ладорсӧ миськалӧ Оката саридз, лунвыв-асыввывсяняс — Ниппон саридз. Асыввылас куйлӧ Сахалин , кӧда торйӧтӧм Хабаров ладорсянь Тотара да Невельскӧй . 

Хабаров ладорас лыддиссьӧны кынымкӧ ді, медся гырисьӧсь — Шантар муэз. Вадӧр визьыс быдӧссӧ — матӧ 2 500 км кузя, діэскӧт кӧ лыддьыны — 3 390 км кузя.

Медыджыт керӧс массиввез — Сихотэ Алинь, Сунтар Хаята, Джугджур, Бурея, Дуссэ Алинь, Ям Алинь. Медджуджыт йылыс — Берилл керӧс (2933 м), медлажмытыс — саридз вевдӧрын. 

Медваж оліссез Хабаров ладорын — тунгус-манджур группаись отир: нанайез, наниэз, негдыэз, удэгеэз, ороччез, эвеннэз да эвенкиэз.

Йӧзыслӧн шӧрӧт тшӧкыта 1,8 морт/км² гӧгӧр, ладорись ойвывся да шӧрӧт районнэзас сія не унажык 0,1—0,2 морт/км², эта лыдпасыс меддорись ойвылас кодь жӧ. Но лунвыласжык, буражык зорӧтӧм районнэзын отир олӧны топытжыка — 1-сянь 6  мортӧдз/км².

Отирыс Хабаров ладорас пыр чинӧ, мыля ваясьӧны этшажык нежели кулӧны. 

 




#Article 129: Саридздын ладор (267 words)


Сари́дздын ладор (рочӧнжык: Приморскӧй край) —  Рочмуын, Роч Федерация . Пырӧ Ылісь Асыввыв федерал кытшӧ.

 — Владивосток, кытӧн 2010' годӧ олӧмась 592  морт. Быдсӧн ладорас олӧны отир невна не кык миллион. Унажыкыс олӧны каррезын — 75,4 %.
 
Саридздын ладорыс Роч  токӧ 150  мымда. 1858' годӧдз эна муэз вӧлӧмась Китайлöн. Сэсся татӧн вӧліcӧ аркмӧтӧмӧсь Амур лапӧв да Саридздын лапӧв. 1920-1923 муыс вӧлі с.ш. Ылісь Асыввыв республикаын, сыбӧрын Ылісь Асыввыв ладорын.

Саридздын ладор ыс аркмис 1938' октяб 20' лунӧ, Ылісь Асыввыв ладорсӧ кыкӧ янсӧтікӧ (мӧд торыс – Хабаров ладор). 

 
Ордчӧн Саридздын ладорыскӧт куйлӧны:  — Хабаров ладор,  — Китай отир республика, лунвыв-рытвылас — Корея отирлӧн демократ республика.

 да  Саридздын ладорсӧ миськалӧ Ниппон саридз. Медыджыт курьяыс — Ыджыт Петра нима. Вадӧрыс курьяыслӧн бура вундалӧм да сысянь аркмӧны учӧтжык курьяэз: Амур, Уссури, Посьета, Стрелок, Восток.

Медкузь визьсӧ ладорӧттяс позьӧ нюжӧтны Туманнӧй ю уссёсянь Самарга ю усянінӧдз — сія лоӧ матӧ 900 км ылына. А медпаськыт инӧттяс, Уссури дорсяняс Ниппон саридзӧдз, лоӧ матӧ 280 км ылына.

 ӧтласа кузяыс 3000 км, ныись  дорӧт 1500 км.
  
Саридздын ладорыс шӧрӧт да асыввыв муэзын сулалӧ керӧса массив Сихотэ Алинь, рытвылас куйлӧны Уссури да Ханкадор лажмытіннэз.  йылыс ладорас Аник — 1933 метра вылына, сулалӧ ойвыв-рытвылын, самӧй Хабаров ладор бердын.

Медыджыт : Русскӧй, Путятина, Аскольд, Попова, Рикорда, Рейнеке, Ыджыт Пелис.

Лунвыв-рытвылын эм ыджыт Ханка ты. Сы кузя мунӧ визир Рочму да Китай коласын. 

Медыджыт ю Уссури, сылӧн петанін Снежнӧй керӧс покатын, Облачнӧй керӧссянь ойвыв-асыввылӧ.
 

Саридздын ладорын отир олӧны Владивосток кад сьӧрті. Сія куйлӧ Vladivostok Time Zone (VLAT)-ын, м.ш. Гринвич +11:00. Но асланыс кадныс кык часӧн вешшӧм, мыля Рочмуын пыртӧма декрет кад. Мӧсквакӧт неӧткодьыс +7, Кудымкарыскӧт +5.
 

Медваж отир:

Мӧдіккез:

 




#Article 130: Сахалин лапӧв (142 words)


 Сахалин лапӧв  () — веськӧтлан юкӧт Рочмуын, Роч Федерация ). Пырӧ Ылісь Асыввыв федерал кытшӧ.

Канкарыс – Южно-Сахалинскӧй.  

Рочму регионнэзісь токӧ Сахалин лапӧв  быдсӧн куйлӧ  вылын.  Медпаськыта тӧдса діэc – ачыс Сахалиныс да Курилаэз

Сахалин лапӧлыс вӧлі лӧсьӧтӧм 1932' октяб 20' лунӧ Ылісь Асыввыв ладор пытшкын, 1938 восянь Хабаров ладорын, а 1947' январ 2' лунӧ сы дынӧ ӧтлаӧтісӧ Лунвыв Сахалин лапӧв, да сувтӧтісӧ веськыта  Роч Федерация кипод увтӧ.  
 

Сахалин лапӧв куйлӧ Азияын, Роч Ылісь Асыввылын, Ниппон да Оката саридззез дорын, Лӧнь океансянь рытвылас.

Лапӧлыс быдсӧн  вылын. Медыджытыс — Сахалин куйлӧ материк пӧлӧн. Сы бердын эмӧсь кынымакӧ поснит діоккез: Монерон да Тюленя. Курила діэз нюжалӧны вӧснит лёдзӧн Камчатка кӧдж да Хоккайдо ді коласын. Этӧ 30 гыриськодь да уна поснит діоккез.

Асыввылас Сахалин лапӧвкӧт ордчӧн, материк вылас, куйлӧ Хабаров ладор, ойвылас — Камчатка ладор, лунвылас — Ниппон.
 

Сахалин лапӧлын отирыс олӧ кык кад кытшын:




#Article 131: Чукотка кытш (308 words)


 Чукотка кытш  нето  Чукоткаись асъюралан кытш () —  отирлӧн горт му, Роч Федерация . Пырӧ Ылісь Асыввыв федерал кытшӧ.

Канкарыс – Кагыргын. 
 
Чукотка кытшыс вӧлі лӧсьӧтӧм 1930' декаб 10' лунӧ медодз Камчатка лапӧв пытшкын, 1953' восянь вӧлі Магадан лапӧлын, кӧдаись сія петіс 1992' юль 16' лунӧ. Сэксянь кытшыс веськыта сулалӧ Роч Федерация кипод увтын. 
 

Чукотка кытш куйлӧ Азия ойвыв-асыввыв помын, Роч Ылісь Асыввылас, Чукотка кӧджын да ордча дiэз вылын (Врангель, Айон, Ратманов да мук.). 

Ойвылас сія петӧ Асывыв Сибир да Чукотка саридззез дорӧ, лунвылас — Беринг саридз дорӧ. 

Асыввылас ордчӧн куйлӧ Якутму, лунвылас — Магадан лапӧв да Камчатка ладор. 

Рытвылас, Беринг вис сайын куйлӧ Америкалӧн Аляска штат.

Медыджыт юэз — Кагыргын (вожжес Майн, Белӧй, Танюрер), Омолон, Великӧй, Амгуэма, Ыджыт да учӧт Анюи.

Медпаськыт тыэз — Краснӧй, Эльгыгытгын, Пекульня. Эльгыгытгын тыыс — уникум, кӧдӧ туялікӧ позьӧ тӧдны, кытшӧм климат вӧлі му вылын уна сюрс во одзті. 

Кытшын эм вӧр-ва дорьянін Врангель ді вылын.

Чукотка кытш унажыкнас куйлӧ Ойвыв полюс кытш сайын. Сійӧн и климатыс татӧн лёк, субарктикася, вадӧррезын – шӧркодь саридз климат, пытшкись районнэзын – континентвывся. Тöвся кад кыссьӧ 10 тӧлісь дырна. 

Январын шӧркодя овлӧ −15 °C-сянь −39 °C-ӧдз, юль коста +5 °C-сянь +10 °C-ӧдз. Енӧжваыс усьӧ 200—500 мм во сьӧрна.

Быдмассэз олан кад кытш лунвылас 80—100 лун. Быдлаын адззан пыр кын му.

Чукотка кытшын эмӧсь быдкодь колана шедтассэз: мусир, мугаз, изшом, зарни, озісь, вольфрам, ртуть.

Медыджыт куйлассэз: 

Чукотка кытшын олӧны 49,5 сюрс морт (2009). Отирыслӧн топыта шӧркодяс — 0,07 морт/км², карын оліссес — 66,4 % (2009). 1990' воэзӧ морт лыдыс чинӧма куимись, нетатіссез унаӧн мунісӧ да. Сыбӧрын лыдыс эзжык понды вежсьыны.

Чукотка кытшын квать район да öтік каркытш.

Районнэз:

Кар кытш:

Чукотка кытшын юралö губернатор. Асъюралöм дырни губернаторрес вöлöмась куима. Медгора нимаыс — роч олигарх Абрамович Роман Аркадьевич. Чукотка кытшись öння губернаторсö, Копин Роман Валентиновичöс, кытшлöн дума бöрйис Рочму президент Д.А.Медведев вöзйöм сьöрті 2008' годö юль 13' лунö.

  




#Article 132: Оката саридз (445 words)


Ока́та са́ридз () – Лӧнь океанлӧн тор Ойвыв Азия бердын. Ыждаыс — 1603 сюрс км². Саридз дорын куйлöны кык канму: Рочму да Ниппон.

Оката саридз шусьö сідз Окат ю сьöрті, а окатыс эвен кыв вылын и лоö «ю». Роччез сыбöрын соралісö шуансö, да сідз аркмис ним Охотскöй морё. А одзжык морёсö шуöмась эшö Лам нето Ламскöй морё (эвенск. лам — «саридз»), а сідзжö Камчатка саридз. 

Ниппонса важынсянь шуöмась этö саридзсö Хоккай (北海) «Ойвыв морё». Но сійöн, мыля öні сідз шусьö мöд Ойвыв саридзыс, кöда тай Атлантика океан бердын, нія сетöмась Оката саридзыслö виль ним Охоцуку-кай (オホーツク海), кöдö нія аскодялöмась роч Охотскöй морё ним сьöрті.

Лӧнь океан бердiсь Октата саридзсӧ янсӧтӧны Курила діэз. Саридзыс лунвыв-рытвыв ладорын континент дынас матын куйлӧ Сахалин ді, кӧда торйӧтӧма континент бердiсь Тотара висӧн. Лунвыв-асыввылас Оката саридз дорö петö Хоккайдо ді. 

Курьяэз коласiсь ыджытжыккес ойвыв-асыввылын: Гижига курья да Пенжина курья, діэз коласiсь – Шантар муэз.

Асыввылын, Камчатка дынас, вадӧррес унажыксӧ лажмытӧсь, ойвыв-рытаылас крутӧсь да , судноэз сулалӧм понда лӧсьыт бухтаэз етшаӧсь. 

Медпыдынiннэсö адззöмась лунвыв акваторияын (3916 метраӧдз). Вадöр визьын ваыс 200 метрася не пыдынжык, а ойвывланьсянь Тотара висӧ пыранiнын 20 м пыдына и лажмытжык.

 овлӧны Оката саридз вылас ӧддьӧн вылынӧсь, буражыксӧ Пенжина бухтаын, кытӧн  лэбтiсьлӧ 11 метраӧдз.

Оката саридзлӧн ойвыв помыс куйлӧ Онега ты паськыта вылын, лунвыв помыс – Крым паськыта вылын. Но сёжӧ климатыс сьӧртi Оката саридзыс – полюс дорись бассейн.

Тӧвнас Оката саридз йысялӧ быдсӧн, кольччӧ кынмытӧг только шӧрыс, кытӧн нешоча овлан  падмӧтӧны йыыслӧ аркмыны. Йыӧн вевттисьӧ нояб пондӧтчикӧ, оссьö – юнь пондӧтчикӧ. Но Шантар муэз дынын и ойвыв торын йыэс видзсьӧны юль шӧрӧдз.

Гожумнас нешоча овлӧны сук туманнэз, кӧдна шогмӧны кӧдзыт ва вевдӧрӧ шоныт ру павкӧмсянь. Оката саридзлӧн туманнэс ӧддьӧн бура падмӧтӧны судноэзлӧ ветлыны да самолёттэзлӧ лэбавны. Но Оката саридз весьтын куйлӧны аэролинияэз Хабаровсянь Камчатка вылӧ да Чукотка кӧдж вылӧ. Туманнэс мукӧд пырися сулалӧны недель-мӧдӧн. Шантар муэсӧ нельки сьӧкыт адззыны самолёт вылiсянь.

Тӧвся кадӧ валӧн шонтӧгыс саридз вевдӧрын овлӧ −1,8-сянь 2,0 °C-ӧдз, гожумӧн шонтӧгыс лэбтісьӧ 10-18 °C-ӧдз.

Вевдӧрся слой увтын, 50-150 метра пыдынаын куйлӧ кӧдзыт ва колас, кӧдалӧн шонтӧгыс оз вежсьыв во сьӧрна да лоӧ −1,7 °C гӧгӧр.

Лӧнь океансянь Курила виссэзӧт локтӧны туан ваэз, кӧдна аркмӧтӧны пыдӧс весьтын ва массаэз температуранас  2,5 — 2,7 °C (топ пыдӧс бердын — 1,5-1,8 °C). Вадор районнэзын, кытчӧ петӧ уна ва юэзісь, ваыслӧн шонтӧгыс тӧвнас 0 °C гӧгӧр, гожумся кадӧ — 8-15 °C.

Совпайыс саридз вевдӧрас — 32,8—33,8 промилле. Шӧрись кӧдзыт слойын — 34,5‰. Пыдӧс бердын ваыс солассьӧм 34,3 — 34,4 ‰ мымда. Вадӧр районнэзын ваыс 30‰ сола. 

Миян кадӧ Оката саридз вадöррес перыта осваивайтчӧны. Погоддя сьӧрын видзöтӧм понда керсьӧны радиостанцияэз да метеорология станцияэз.

Медыджыт порттэз: континент вылын — Магадан, Аян, Охотск (портпункт); Сахалин дi вылын — Корсаков, Курилаэз вылын — Северо-Курильск.




#Article 133: Ростов лапӧв (120 words)


Ростов лапӧв () — веськӧтлан юкӧт Роч муын, Роч Федерация . 

Канкарыс – Ростов (Дон), кытӧн 2009' годӧ олӧмась миллионся унажык морт. Быдсӧн лапöлас отирыс олӧны нёль миллионся унажык, и оліссезлӧн лыдыс пыр содӧ. 

Ростов лапӧлыс аркмис 1937' годö сентяб 13' лунӧ, кöр Азов-Сьöдсаридз ладорись торйöтöмась кынымкö кытш.

Ростов лапöлыс куйлö Рочму лунвылын.

Ордчöн Ростов лапöвкöт адззамö: асыввылын —  Волгоград лапöв, ойвылын — Воронеж лапöв, лунвылын — Краснодар ладор, Ставрополь ладор да Калмык Республика, рытвылас  — Украина.

Рытвыв-лунвылас Ростов лапöлыс петö Азов саридз дорö, кытчö усьö Дон ю. Сія и лоас татöн медыджыт ва туй. Доныслöн вож - Донец.

Отирлöн лыд:

Йöзыслöн тшöкыта — 42,1 морт/км² (2009), карын оліссез — 66,9 % (2009).

 Мыччалöмöсь токö чужанвужжес 1000 мортся унажыкöсь 

Ростов лапöлісь медыджыт уджаиннэз:




#Article 134: Араб кыв (103 words)


Араб кыв нето  ( нето дженыта العربية) – Мушар вылын öтік ыджыт кыв, чужан кыв араб отирлöн. Пырö афразия увтырись семит группаö.

Араб кыв ислам религия сьöрті вежа кыв, эта кыв вылын Ен пö диктуйтöма, а Мухаммед пророк гижöма мусульманнэз понда (1 570 млн морт) вежа небöг Коран. 
 
Араб кыв вылын баитöны мам кыв вылын моз 240 миллион морт, эшö 50 миллионыс тöдöны сійö кыдз мöд кыв. Сія лоö каналан кылöн сэтшöм канмуэзын:

Каналан кыв: 

Араббез олöны öддьöн паськыта. Сійöн араб кылын уна диалект. Отирыс, кöдна баитöны эна диалекттэз вылын не пыр вермöны öтамöднысö вежöртны. Но быдöс араб нациялöн эм öтласа лыддьöтан кыв.




#Article 135: Выльгорт (218 words)


Выльгорт – посад Коми Республикаын, Сыктывдін районлöн шöрин. Выльгортыс öтнас аркмöтö торья посадму: Выльгорт посадму. 

Олöны татöн 11 335 морт (2009). 

Сулалö посадыс Сыктыв ю дорын, Сыктывкарсянь 7 км ылынаын. Выльгорт лыддисьö асторья веськöтлан юкöтöн, но былись сія Сыктывкарлöн  кодь ни. 

Посад чужис 1586' годö. 1929' воын сія лоис Сыктывдін районлö шöрин.

Выльгортын позьö янсöтны медшöр тор да Пичипашня, кытöн лоис кайфабрика бердын посёлок. Кыдз юксьö Выльгортас медшöр торыс позьö тöдны автобус сувтчаннэз сьöрті (Сыктывкарсянь Выльгортлань мунікö): 

Сэсся Выльгорт да кайфабрика коласын петö ПМК (сія жö ГАИ), а сыбöрын сувтчаннэз:

 туйыс Выльгортын Каликова Домна нима. Медшöрöт  - Юбилей изэрд.

Кыдз быдмис оліссезлöн лыд, туйö адззыны таблича сьöрті.

Выльгорт посадын керöны валёнкиэз, промышленнöя быдтöны горт кайез (унажыксö лэдзöны курöг кольттез да курöг яйись берся). 

Эмöсь сэтшöм уджаиннэз: 

Посадын поздісьöны:

Мобильниккез йитöны нія жö операторрез, кыдз и Сыктывкарын (ТЕЛЕ2, Билайн, Мегафон, МТС)

Сыктывкарланяс Выльгортысь ветлöны маршрута автобуссэз (маршруттэс 101,174).

Выльгортын эм:

Медся тöдса архитектор посадас вöлі А. В. Холопов. Сы кипод увтын Выльгортас лöсьöтöмась кынымкö отласа мога керку. Медбасöкыс – татісь школалöн керку, кöдаын чорыт архитектурнöй виззез, фасад да посодзас синö чеччана орнамент, бытшöма бöрйöм строитчан материалыс – пу. 

Медшöр отаинын, Юбилей площадьын сулалö Ыджыт войнаын усьöм земляккезлö казьмöтан. Татöн жö эм фонтан.

Музыка школа одзын сулалö казьмöтан Налимов Семёнлö.

Мöд № школа дынын лöсьöтöм Муслун пос.

Выльгорт посадын чужисö:




#Article 136: Лузса (140 words)


Лузса () — коми отир, кöдна олöны Луз ю дорын да Лэт ю йылын. Лузсалöн олан муэз пырöны Коми Республикаись Луздор районö.

Луз дорын комиэз олöмась важынсянь, м.э. І сюрсво помсянь ни. Мöдік комиэзся одзжык нія шедöмась роч кипод увтö, перво Ростов-Суздаль князяинö, сыбöрын Мӧскваись княззез увтö. ХІІІ-ХІV веккезö Луз кывтытö локтöмась овны роч крессяна. Этноссэз торйöтан визьыс мунöма Спаспоруб погостöт. Му, кытöн кольччисö овны комиэз, роч сёртоккезын пондöмась шуны Лузскöй Пермцаöн. Рочöн татісь комиэз шусьöны пермяккезöн.

Сійöн, мыля лузса сы одза кöртасисö роччезкöт, ны культура да кöзяйство лоöмась бура неöткодьöсь ордча комиэз сьöрті. Татöн уна гöрöмась му, кöдзöмась шабді, быдтöмась порссез. Аскодяöсь вöлöмась промысёллэз, паськöм, орнамент. Керкуэз да мöдік стройба асмоза жö керöмась.

Антропология сьöрті лузсалöн ятка-кама сублапоноид тип. Отир баитöны луз-лэт диалект вылын, кöда бура неöткодь мöдік коми диалекттэз сьöрті.

Лузсаын позьö янсöтны кык группа: луздорса да лэтдорса.




#Article 137: Иньвенса (112 words)


Иньвенса – коми отир, кöдна олöны Иньва ю бассейнын. Иньвенсалöн олан муыс куйлö Перем ладорись Коми кытшын, Кудымкар да Юсьва районнэзас.

Татісь комиэз торьясьӧны кык неыджыт чукӧр вылӧ, кӧдна олӧны Иньва кывтытын да Иньва катытын, баитöны кык диалект вылын.  

Кудымкар район пасьта да Юсьва район рытвылын олісь комиэзлӧн аскодьӧм басни да культура, ордча комиэз нійӧ шуӧны батюррезӧн. 

Иньвенса шедтӧмась сёянсӧ гӧрӧмӧн да кӧдзӧмӧн. Иньва ю пӧлӧн керкуэсӧ сувтӧтӧмась вит бокаӧсь, картавывсӧ абу вевттьывлӧмась. Керкуэсӧ лэбтӧны вӧлі невылына. Паськӧмсӧ вурлӧмась мурӧма да сьӧдрӧма пестрӧдись, вежалунся дубассэз вӧлӧмась набойнӧй дӧраись. Инькаэс новйӧмась юр выланыс шамшураэз. 

Коми иньвенса тӧдӧны космогония висьт сы йылісь, кыдз Ен да Куль аркмӧтісӧ мусӧ, висьтасьӧны Кудым Ош йылісь важся легенда.




#Article 138: Удораса (157 words)


Удораса () — коми отир, кöдна олöны Ву да Мозын ю йыввезын. Удорасалöн олан муэз куйлöны Коми Республикаись Удора районын.

Этія коми группа аркмöма ХІІІ-ХVІ . 

Медодз комиэз локтöмась Ву да Пиньöг дорö ХІІІ-ХVІ веккезö Эжва катытсянь, Мозын йылö ХVІ нэм одзза джынын Емвасянь. Ву да Пиньöг ладорын комиэз пантасьöмась рытвыв чудь отиркöт (волоксайся чудь, вепссэз), сорасьöмась ныкöт. Сысянь аркмöма ассяма коми группа Ву дорын (кытчö вуджисö овны и комиэз Пиньöгланись). Мозын йылын коми группаыс аркмöм, кöр татісь комиэз сорасьыштöмась роччезкöт да яраннэзкöт. Сійöн Мозынса мымдакö неöткодьöсь Ву комиэзкöт. 

ХVІІ-ХVІІІ веккезö Ву дорсянь сэтісь коми отир локтöмась Мозын ладорö да сорасьöмась татісёвöй комиэзкöт. Лоис консолидация да, ХІХ нэм кежö удораса пöртчöмась öтласа коми субэтносö асланыс удора диалектöн.

Антропология сьöрті удораса — чочкомсаридз да асыввыв балты типаöсь. Квам да лов культураын ассяма: уна мый босьтöм роч да вепс отирлісь:
öтмоза ныкöт вептöны керкуэз, серöтöны, керöны орнамент дмд. Советтэз вотöдз бура вöралöмась да чериалöмась. Паськöм да кöмкöт аскодяöсь жö.




#Article 139: Изьватас (237 words)


Изьватас — коми отир, кöдна олöны Изьва да Печора юэз дорын, Ыджыт да Учöт тундраын, Обдорын да Кола кöджын. 

Изьватаслöн олан муэз пырöны Коми Республикаись Изьва да Печора районнэзö, Ускар кытшö, а этасся Яран да Ямал Яран кытшшезö и Мурман лапöлö.

Этія коми группа пондöма аркмыны ХVІ , кöр Изьва дорын сорасисö Удорасянь да Емва дорсянь локтöм комиэз, Новгортсянь, Кардорсянь да Чилимдінсянь локтöм роччез да мымдышки яраннэз. Роччез да яраннэз öшисö комиэз коласын, мыйсянь татöр аркмöма ассяма изьва диалект, аскодя олан культура, торья антропотип. 

Субэтнос аркман шöрин вöлі Изьва катытын Ижемскöй слободкаланьын.

Медодз татісь отирыс унажыксö вöралöмась да чериалöмась, етшаника уджалöмась му да видзöмась горт пода. XVIII-XIX веккезö, эна уджжез дынö содтісьö кöрвидзöм, кöда лоöма изьватас кöзяйствоын медассяма чертаöн. Кöррез видзиссезö пöртчикö комиэз пондöмась чожа босьтны аслыныс паськыт муэз тундра пасьта. Коми этнослöн мувывтор öдззöма бура содны. Кöр XIX нэм пондöтчикö комиэз олöмась токö Изьва пöлöн да матісь Печора районнезын, то сія жö век сьöрна нія босьтöны ас кипод увтö быдöс шöрöт Печора вожжезнас (Колва, Усва), овмöтчöны Ыджыт да Канин тундраэзö, вуджöны Кола кöджö да Об дорö, быддлаö аслыныс оланіннэз лöсьöтікö.  

Кöрвидзöмыс талун медбура торйöтö изьватассö быдöс мöдік коми этногруппаэзісь. Нія кочуйтöны кöррезöн, кöть и оланіннэз озö енöвтö. Кöр кучикись нія вурöны кöмкöт да паськöм. Ветлöны нія нартаэзöн, кöррез дор уджалікö олöны чуммезын. 

Изьватас лыддьöны бы асьнысö торья отирöн, да кыдз учöтлыда ойвывся народок мöдöны босьтны сьöм веськыта Мöсквасянь.

Нылöн эм организация Изьватас. Сыктывкарын лöсьöтöмась асланыс землячество. 




#Article 140: Сыктылса (113 words)


Сыктылса нето сыктывса () — коми отир, кöдна олöны Сыктыв ю пöлöн. 

Сыктылсалöн олан муэз пырöны Коми Республикаись Сыктывдін, Сыктыв да Койгорт районнэзö. Мукöд олан иннэз:

Сыктыв дорын комиэз пондöмась овны важынсянь, нія дыр вöлöмась топыт йитöтын Кама ладорись комиэзкöт. ХV векся сёртоккезын Ужга дынісь комиэсö шуöны сиряне. ХV-ХVІІ веккезö татчö унаöн локтöны виль йöз: роччез да Луз дорись комиэз. Роччез татöн лоисö унажык, кöр Кажымö лöсьöтöмась завод. 

Сыктыв ладорын коми отирлісь адззöны кык этногруппа:

Сыктыв йылын комиэз сідз-ту перем комиэз коласö ни пырöны, видзöтам кö нылісь кыв, памиллёэз да культураись мукöд деталлез.

Сыктылсалöн быд этногруппалöн эм аслас диалект:

Антропологгез сьöрті татісь комиэз сублапоноид ятка-кама антропотипаöсь.

Сыктылсалöн важся памиллёэз.

Шöрöт Сыктывланьын:

Вылісь Сыктывланьын:




#Article 141: Зюзьдінса (163 words)


Зюзьдінса — коми отир, кöдна олöны Кама йыввезын, Киров лапӧлісь Зюзьдін (Афанасьева) районын. Рытвылынжык олісь комиэз коласын нія медматынӧсь Коми кытш дынӧ. Одзджык эта вӧлі Ятка губернияись Глазов уезд.

Зюзьдінса этноним лоис, натьтӧ, Сюзьва ю нимсянь, кӧда усьӧ Кама юӧ веськыт ладорсянь (Зюзьдін  Сюзь дін, дін кывлӧн вежӧртас лоӧ ‘уссё’). Этія ю уссё гӧгӧр, тыдалӧ, и олісӧ татісь комиэзлӧн важ ай-маммез.

Асьнысӧ татісь комиэз рочӧн шуӧны пермянаӧн, да пермянса зыряниннэзӧн, пермяккесӧ оз радейтӧ. 

Уна век сьӧрна зюзьдінса олӧмась торйӧн коми этнос шӧриннэзсянь, ӧтлаын роччезкӧт. Сійӧн Зюзьдын комиэслӧн важынсянь лоӧма аскодьӧм рочсялӧм олан культура. Рӧдвуж отир дынсянь торйӧн олӧмыс, нация зоралӧмсянь да коми отирлӧн ӧтлаасьӧмсянь торьялӧм, Коми Республикаись комиэзкӧт экономика да культура йитӧттэзын етша пантасьлӧм, унажыксӧ и сорлаласӧ Зюзьдынісь комиэсӧ рочческӧт.

Зюзьдынісь комиэс баитан кыв да горт олан сьӧрті торйӧтчӧны кык чукӧр вылӧ. Ойвыв зюзьдинсаыс вачкисьӧны унажыксӧ Гайна гӧгӧрись пермяккезлань, лунвывсяэс — Иньва дорисьпермяккезлань.

Баитöны коми -зырянскӧй кыв лöн зюзьдінса диалект вылын.

Антропологгез сьöрті татісь комиэз сублапоноид ятка-кама антропотипаöсь.

Этчинся зыояниннэс новйöны сэтшöм памиллёэз:




#Article 142: Чуша (124 words)


Чуша нето америкаись анча () — дона кучишока вӧй пода. Перво олӧма Ойвыв Америкаын, а ХХ векӧ, сійӧ овмӧтӧмась и Евразияын, кытӧн сія пондіс бура йывны.

Классификация сьӧрті чушаыс пырӧ нимӧтчиссез классӧ, лёквиррез чукӧрӧ, тулан котырӧ, чуша увтырӧ. Одзжык сійӧ лыддьӧмась миян анчалӧ медматісь родняӧн, но виль туялӧммез сьӧрті, америкаись анчаыс вӧлӧма матынжык тулан увтыр дынӧ, а миянісьыс — колоноккез дынӧ. 

Мыгӧрнас чушаыс миян анча кодь жӧ, токӧ невна ыджытжык (лысьӧрыс — 50 см кузяӧдз, сьӧкытаыс — 2 кг-ӧдз, бӧжыс 25 см кузяӧдз). Чуннез коласын уялан ыс чушаыслӧн абужык зораммӧм. Кучишоккез кыкнан анчаыслӧн ӧткодь рӧмаӧсь, но чушаыслӧн гӧныс чочкомвидзӧ токӧ улісь тырп (чуш) вылас, а вылісьыс — юрвыв гӧн рӧма.

Америкаын чушасӧ кучишокыс понда быдтӧны и фермаэзын. Медыджыт фирмаэз: American Legend Cooperative да NAFA.




#Article 143: Кабарга (113 words)


 

Кабарга () — вӧй пода. Олӧ Сибирын да Асыввыв Азияын.

Классификация сьӧрті пырӧ нимӧтчиссез классӧ, вожьясянгыжаэз чукӧрӧ, кабарга котырӧ, кабарга увтырӧ. Кабаргаэс 4-6 пӧлӧс.

Лысиныс овлӧ кузянас 1 м (бӧжыс 4—6 см), вылынаыс сивилёнысви 70 см. Массаыс 11—18 кг. 

Бӧрись коккез кабардаыслӧн кузьӧлӧсь, сійон, чеччас кӧ, каджыс 5—10 сантиметраӧн вылынжык сивилёнысся. Бӧжыс дженыт. Сюррез абуӧсь. Айпӧввезлӧн кузь пиньӧла ковпиннез, кӧдна чурвидзӧны вылісь тырп увтісь 7—9 см. Нійӧн айпӧввез тышкасьӧны ӧтамӧдныскӧт. Айпӧввеслӧн жӧ эм и кынӧм вылас нерӧд, кытісь петӧ муксус. 

Вуруныс кабаргаыслӧн кузь да сук, но чегласяна. Рӧмыс пемытгӧрд нето мурӧма. Пияннэслӧн боккезас да мыш выланыс казалан нежык тӧдчана югытруд пятнаэз. 
 

Латынь нимыс аркмӧ важ эллин  μόσχος 'мускус' шуансянь, сідзкӧ Moschiferus лоӧ мускусновйись.
 




#Article 144: Белоёв (Кудымкар район) (134 words)


Белоёв — Перем ладорись Коми кытшын, Кудымкар районас посад. Белоёв посадмулӧн шӧрин.
 

Посадыс сідз шусьö натьтö медодзза олісь сьöрті, кöдалöн нимыс вöлі Белой.

Белоёв посад сулалö Кудымкарсянь ойвылö 20 км ылынаын, Метшкöр ю дорын.

Белоёвын öні лыддьöны 34  да кык туйколас  :

Роччез первуись казьтылöны этійö оланінсö 1645' воын (деревня Верх речки Мечкора). Посаднас Белоёв лоис 1868 годö, кöр граф А. С. Строганов да татісь отир сьöм вылö вептöмась пуовöй вичку (Васий вичку). 1930' воын лöсьöтісö колхоз «Большевик», кöдö  1951' март коста, кынымкö артеллез öтлаöтікö, шуисö В.И.Ленин нимöн, а 1960' мартсянь сія шусьö «Красное знамя». 1930'-1940' воэзö посадын вöлі випичкан завод  (кöда сёрöнжык лоис випичкан заводыслöн юкöт). 1941' восянь Белоёвын уджаліс райпромкомбинат, сэсся сыись аркмис кирпич керан завод (пöдналöм 1997' воын). 1950' годсянь 1958' годöдз посадын видзисö МТС. 

Öні Белоёвын лöсьöтöмась Белоёв посадмулісь шöрин. 




#Article 145: Минин Иван Алексеевич (263 words)


Минин Иван Алексеевич  (1926–1990) – коми гижись. Лöсьöтліс и проза, и кывбуррез. Гижис перем комиöн да рочöн. Авторыс перем коми литературалöн куимöт гыись.

И. А. Минин чужис 1926' январ 3' лунö Кöчладор районісь Кышкамыс грездын.  Война одзын помаліс школаись кыкьямыс класс, 1955' годö – томпöлöс понда Кудымкарись рытся школа, а 1960' годö медвылісь партшкола Перемын.

Куліс Иван Алексеевич 1990' январ 10' лунö.

КПСС-ö пырис 1953' годö, СССР-ись гижись котырö 1958' годö.

В.И.Ленин чужöмсянь 100 во  кежö сылö сетöмась медаль «Доблестнöй труд понда». Сёрöнжык сія лоис лауреатöн А.Гайдар нима областнöй литературнöй премияöн.

И. А. Минин кутчис гижны эшö пондöтчан школаын, медодзза кывбуррез печатайтöмась «Колхозник» да «Ленин туй вылöт» газетаэзын. Гижис сія быдкодь темаэз вылö: коми му, отирлöн олан, удж да челядь йылісь. Унажык кывбуррес сылöн сюжетаöсь. А лирика геройыс олiсь морт, кöда пельпон вылöт мунiс быдкодь удж, кöда солдат чинын подöн мунiс джын Европа. Öння олöм йылiсь думайтiкö, поэт пыр видзö тöдвылас историясö, отир мывкыдлiсь вужжесö.  Кыдз и мöдiк коми поэттэс, И. Минин радöн сьылöтö чужан мусö, Пармасö, асмознас рисуйтö тöв и гожум. Ыджыт места перем коми поэзияын босьтöны Мининлöн поэмаэз: «Сiдз висьталiс Ленин», «Рыт и асыв», «Миян ладорын», «Пöрись морт».

И. А. Минин прозаын пыр эм лэчыт конфликт. Сія часто паныт сувтöтö бурсö да умöльсö. Медодзза проза öктöтыс не просто сiдз шуöма «Оча морос». И. А. Минин  жанрын пондöтчö исследуйтны современниклiсь олансö, мывкыдсö, олантуйсö, мыччалö, кыдз деревняись петöм или деревняын олiсь морт оз вермы кын сьöлöмöн видзöтны мöдiк морт вылö, то сiя ошкöмöн баитö сосед йылiсь, то сералöмöн висьтавлö сылöн тырмытöм торрез йылiсь.  

Быдсöн И. А. Мининлöн  петіс 26 небöг комиöн да рочöн.

 




#Article 146: Ӧнтипинчи (Юсьва район) (160 words)


Ӧнтипинчи  — Перем ладорись Коми кытшын, Юсьва районісь Карпов посадмуас коми посад.

Ӧнтипинчиыс сулалӧ Ойвыв Ык ю дорын, Юсьва посадсянь ойвыв-асыввылӧ 21 км ылынаын.

Грездыс шусьö медодзза олісь сьöрті, кöда вöлі натьтö  Öнтип нима. Сы пияннэз лоисö Ӧнтипинчи. Рочöнжык посадыс шусьö Антипина, сійöн Антипинскöй сельсовет, антипинскöй школа да с.о.  

Ӧнтипинчиыс меститчӧм Иньва ю дорсянь ойвылас, ыджыт туйвежын: таті мунöнын туйез Юсьвасянь Дöйöглань да Кудымкарсянь Пожваöдз. 

Асыввылын Ӧнтипинчисянь Дöйöг ю дорын сулалӧ Петбор грезд, лунвыв-асыввылын — Логинов. Ойвыв-асыввылын, туй кузя кö мунны петö Тарабай, сы сайын Дöйöг, ойвылас — Новосёв, ойвыв-рытвылын нёль километра ылынаын — Петыковчи да Митровчи, асыввылас, Иньва ю дорын, — Мурмöс, лунвыв-рытвылас туй кузя локтан Габовöдз.
 

 
Посадын 10 туй:

Посадын оліссез сідзжӧ шусьӧны öнтипинчи. 2009 во пондӧтчан кежö татӧн олӧмась 372 морт, кӧдна видзисӧ 123 горт.  1970 отирыс вöлі 539-а.  

Ӧні Ӧнтипинчиыс пырӧ Карпов посадмуӧ. 2006 годӧдз татöн вӧлі торья Антипинскöй сельсовет. 

Совет кадсянь колхоз «Родина», юралісьыс Боталова Любовь Ивановна. Уджалöны 140 гöгöр морт. Вöдитöны гырись сюра пода. 

 




#Article 147: Дӧйӧг (Юсьва район) (121 words)


Дöйöг (мукöдыс шуöны Дöег) — Перем ладорись Коми кытшын, Юсьва районісь Карпов посадмуас коми-роч посад.

Дöйöгыс сулалӧ Дöйöг ю дорын, Юсьва посадсянь ойвыв-асыввылӧ 28 км ылынаын.

 

 
Дöйöгсянь неылын сулалöны: ойвылас Воронов, ойвыв-асыввылас Оноков грезд, лунвылас — Якушев да Петбор. Лунвыв-рытвылас, туй кузя кö мунны, петö Тарабай. 
 

  
Посадын 5 туй:

Посадын оліссез шусьӧны дöйöговчи. 2009' во пондӧтчан кежö татӧн олӧмась 308 морт, кӧдна видзисӧ 85 горт.  1970' годö отирыс вöлісö 237-а. Дöйöговчиыс öддьöн рочсялöны. Пöрисьжык отир баитöны комиöн улісь иньва диалект вылын, томмезöс велöтöны сёрнитны лыддьöтан сьöрті. Унажык отирыс гишшöны Мальцев, эмöсь Семушеввез, ...).

Ӧні Дöйöгыс пырӧ Карпов посадмуӧ. 2006 годӧдз татöн вӧлі торья Дöйöговскöй сельсовет.  

Советскöй кадсянь уджалö колхоз «Дружба», юралісьыс Мальцева Тамара Николаевна. Быдтöны гырись пода, вузалöны яй да йöв.

 




#Article 148: Карбас (Кудымкар район) (260 words)


Карба́с — Перем ладорись Коми кытшын, Кудымкар районісь Белоёв посадмуын коми грезд (деревня).  
 

Карбас грезд ним йылісь сьöкыт мыйкö висьтавны. Мукöдыс шуöны, карбас (ыджыт пыж) вылö вачкисьö да, сідз и шусьö. Роччез одзжык деревнясö шуöмась Карбасова.

Карбас грезд сулалö Ошмушашор да Метшкöр юэз дорын, Белоёв посадсянь ойвылö 6 км ылынаын да Кудымкарсянь ойвыв-рытвылö 24 км ылынаын.

Ордчöн адззам деревняэз: ойвылас 1,5 км ылынаын Илля, ойвыв-асыввылас 1,7 км ылынаын Козвовчи, ойвыв-рытвылас кык километра етш ылынаын Епанов да лунвылас 2,7 км ылынаын Важ Чигас.

Карбасын куим тор:

Карбасын лыддьöны квать туй :

XX век пондöтчикö грездыс лыддисьöма Перем губерниялöн Совкар уездісь Белоёв волосьын, татöн вöлі Карбас обществолöн шöрин. 

Öні Карбас грезд пырö Кудымкар районісь Белоёв посадмуö.

Олöны Карбасын карбасо́вса, öтік морт йылісь шуöны карбасо́вскöй нето карба́сісь.

Бумагаэз сьöрті 2009' во пондöтчикö Карбас грездын олöмась 173 морт, кöдна видзöны 62 горт.  

Медваж фамиллёыс татöн Рочев.  

Оліссез комиöсь, баитöны комиöн.

Öні отирыс олöны асторья кöзяйствоэзöн.

Ас машинаэз абу уна. Ветлö автобус куимись луннас Кудымкарлань. Туйыс асфальтируйтöм токö лавкаöдззас.

Лавкаыс кольччис токö Белоёв сельполöн. Вöлі эшö асторья, но öні пöдналöм.

Быт службаэз абуöсь, шырсьыны да мый ветлöны Белоёвöдз нето Кудымкарöдз.

Позьö видзöтны телевизор, баитны мобильникöт (Мегафон, UTEL). 

Эм ФАП.

Дзебсьöны карбасовчи Ярашутёмас (Козвовчиланьын) нето белоёвланяс.

Челядьсад да пондöтчан школа Карбассис пöдналöмась. Челядь велöтчöны Белоёвын.

Эм культура керку (клуб), сэтчин вöлöмась кружоккез, öні кольччис токö библиотека, порйöтан зал пöртöтмась физзалö, кытöн орслöны воллейболöн да баскетболöн. Фольклор коллектив абу.

Клубас чулöтöны быдöс роч празьниккез

Отирыс порйöтöны покров, кöдö татöн лыддьöны престольнöй вежалунöн.

Карбасын пö вöлöма часовня (?). Öні татіссез ветлöны юрбитны Кудымкарö.
  

Археология сьöрті казьмöтан эм Епинын.
 




#Article 149: Илля (Кудымкар район) (263 words)


Илля́ — Перем ладорись Коми кытшын, Кудымкар районісь Белоёв посадмуын коми грезд (деревня).  
 

Вöлöмась пö кык вон, Козлов Иван да Козлов Илля. Öтыс пуксьöма овны сэтчö, кытöн талун Козвовчи, мöдыс татчö, сійöн и шусьö грездыс Илля, нето рочöн, сы пияннэз сьöрті, Ильичи.

Илля грезд сулалö Метшкöр ю шульга вадöрын, Кöзвовскöй шор уссё сайын.

Ордчöн адззам деревняэз: лунвылас 1,5 км ылынаын Карбас, асыввылас километра етш ылынаын Козвовчи, рытвылас 2 км ылынаын Епанов да ойвылас 3 км ылынаын Чибьян.

 

Официальнöй ниммез деревняись туйезлö абу сетöмась .

Былись Илля грездын кык кузькодь туй, кöдна мунöны меридиан пöлöнжык. Энö туйесö йитöны нёль дженыт туйколас. Эшö öтік кузь туй гöгöртö деревнясö асыввылöттяс (ферма дорöт мунö).

XX век пондöтчикö грездыс вöлöма Перем губерниялöн Совкар уездісь Белоёв волосьын, Карбас обществоас. 

Öні Илля грезд пырö Кудымкар районісь Белоёв посадмуö.

Олöны Илляын илляо́вса, öтік морт йылісь шуöны илляо́вскöй.

Гумагаэз сьöрті 2009' во пондöтчикö Илля грездын олöмась 30 морт, кöдна видзöны 14 горт. Былись деревняас олöны 20 морт кыным.

Медваж памиллёыс татöн Козлов. Отирыс гишшöны сідзжö Суранов, Епин, Майбуров, Канюков, Гусельников, Катаев.

Оліссез комиöсь, баитöны комиöн.

Илляын оліссез уджалöны асланыс карчйöрын, видзöны пода, керöны аскур.

Ыджыт , лавкаэз, ФАП, велöтчанін,  да роч цивилизация мöдік мыччаланнэз Илля грездын абуöсь нач.

Босьтасьны да мый да отирыс ветлöны Карбасö.

Туйез умöльöсь, ас машинаэз отирлöн абуöсь, мед пуксьыны автобусö колö мунны Карбасöдз.

Грездас позьö видзöтны телевизор, эмöсь телефоннэз.

Кулöммезнысö илляовса кайöтöны Ярашшутём вылö. Этія шойнаыс (могильникыс) куйлö Козвовчилань кайикö веськытланьын керöс вылын вöрын.

Челядьсад не, школа не абу. Татісь челядьыс велöтчöны Белоевын, кытöн нія олöны интернатын.

Культура керку ордча Карбасын.

Илляын порйöтöны Иллялун, кöда татöн престольнöй празьник.




#Article 150: Вуровчи (Кудымкар район) (113 words)


Вуро́вчи — Перем ладорись Коми кытшын, Кудымкар районісь Степановчи посадмуын коми грезд (деревня). 
 

Вуровчи куйлö Иньва ю шульга вадöрын, Кудымкар шöринсянь лунвыв-рытвылö 7,7 км ылынаын, да Пешнигорт шöринсянь (кöркöсянь сельсовет) ойвыв-рытвылö 1,9 км ылынаын. 

Вуровчи бердын рытвылас сулалö Чикув грезд, ойвылас 1,3 км ылынаын — Баран. Иньва сайын 2 км ылынаын поздісьö Амон. Рытвылас 0,5 км ылынаын кöркö вöлі Новосёв грезд, сы сайын, 2,8 км ылынаын — Пикан.

Олöны Вуровчиын вуровса (öтік морт вуровскöй). 1970 во пондöтчикö татöн лыддьöмась 273 мортöс, а 2010 во пондöтчан кежö кольччöмась токо 142-а.

Отирыс гишшöны 

Разьсьöм Пиканісь татчö локтöмась Зубов, Фирсов, Попов, Хозяшев.

Советтэз дырни Вуровчиын вöлі пондöтчан школа да клуб.

Öні быдöс культура ордча Пешнигорт посадын.




#Article 151: Баталова Раиса Михайловна (214 words)


Баталова Раиса Михайловна (перво гишшис Боталова; 1931- 17.01.2016) —  коми кыв туялісь, филология сьöрті доктор (1998).

Чужис 1931' август 10' лунö Перем ладорись Коми кытшын, Юсьва районісь Рудак грездас. 1954'-1959' годдэзö велöтчис Сыктывкарын, Коми пединститутас. Сыбöрын сія муніс овны Мöскваö, кытöн 1959'-1962' воэзö аспиранталіс СССР-ись НА-лöн Кывтуялан институтын, 1962' годö дорйис диссертация Оньковский диалект коми-пермяцкого языка да 1963' восянь öнöдз уджалö сія жö институтын.

Раиса Михайловна туяліс перем коми диалекттэз. 1959-1992 воэзö сія вöлі öтка специалист этія сфераын. Р. М. Баталова öктöма уна материал, но тексттэз публикуйтöм öті-öті. Ассис нёджöв коми диалектология вылö, сія изложитіс специальнöй изданнёэзын.

Сія торйöтіс Кöчладор диалект Кöсладор диалектісь да Луп сёрниын адззис кык диалект - Лупйылісь да Нöрысісь.

Коми кывлöн Язьва диалект сы сьöрті пырö перем коми диалекттэз коласö.

Р. М. Боталова синöн оз адззы коми зырянасö. Этасянь сія лыддьö коми отирсö кык торья народöн. Сы сьöрті перем комиэз да коми зыряна первосянь жö аркмöмась да пыр олöмась торйын.

Р. М.Баталова готовитіс öтік специалистöс коми кыв сьöрті. Сы бердын велöтчис Лобанова Алевтина Степановна.

Раиса Михайловна занимайтчö нетрадиционнöй медицинаöн. Участвуйтö Рериховскöй движеннёын.

Р. М. Баталовалöн петіс вит ыджыт небöг:

Нысся öтлаын А. С. Кривощёкова-Гантманкöт Р. М. Баталова лöсьöтіс Коми-пермяцко-русский словарь (М., 1985) да Коми-пермяцкöй орфографическöй словарь (Кудымкар, 1966; мöд изданнёыс – Кудымкар, 1992).

Раиса Михайловна гижис сотняся унажык научнöй статья.
 




#Article 152: Кудым Ош (489 words)


Кудым Ош - Иньва ладорись легендаэз сьöрті коми отирлöн важ герой. Кудымкар аркмöтісь. 

Кудымыс вöлöма ош кодь вына, сысянь и шуöмась сiйö Кудым Ош. Вöлöма мортыт куим аршин сувда, муыс сылö вынсö да мывкыдсö куим мортлiсь сетöма, а синнэс и ойнас тупкася буржыка аддзöмась.

Пасьтасьöма сiя не бура, не басöка, а тöв и гожум новйöма кучиккезiсь вурöм паськöм да кöмкöт, а юрсö не зэрсянь, не лымсянь, не шондiсянь, не лёк тöвсянь абу сайöвтлöма.

Кудым Ошлöн вöлöма ён высина мам — ыджыт мыгöра да мывкыд юра инь, кöдö шуöмась Пöвсин. Сiя быдöс родсö ас кипод увтас видзöма, и быдöнныс сiйö кывзöмась. Ачыс уджавлöма мужыккескöт тшöтш, гортас ыджыт кринкаöн ва кайöтлöма да абу кошшывлöма лаб каянiнсö, а кайлöма крутикас веськыта.

Пöвсин öддьöн радейтöма Ойпельöс — чудь отирлiсь бур енсö, и эта понда Ойпель пыр отсавлöма сылö.

Ныкöт жö олöма мöдiк инь — уна тöдiсь Чикыш. Сiя учöтсянь велалöм веськöтчыны да тшыкöтчыны, кужлöма изiсь шедтыны бичир, вийöм мортöс ловзьöтлöма. Тöдчывлöм Чикыш вöрись дядькöт — Сюра-пелякöт и вермывлöм пöртмавны мортлiсь синнэз.

Кудым Ошлöн айыс, Сылпанiсь пам, ветлывлöм войнаöн мöдiк увтыррез вылö: Курöгкарö и Круточойö, Кама дорö и Йöграö. Öтiк ветлансянь сiйö вайöтöмась кулöмöн, и нельки Пöвсин иньыс — Ойпельöс бура радейтiсь, да уна тöдiсь Чикыш абу вермöмась ловзьöтны сiйö.

Дзебöмась памсö Кува дорö, Изъюр мыс вылö, кытöн вöлöма еннэзлöн горт. Чудь увтыр сэтöн юрбитлöма еннэслö да казьтывлöма кулöм-вийöм отирöс.

Дзебасö сылпанса пöрись памнысö да пондасö бöрйыны виль памöс. И керасö памнас Кудым Ошöс. Сетасö сылö памлiсь паськöм да пас, бура юрбитасö Ойпельлö, тшöктасö берегитны Кудым Ошöс пöрöссянь да тшыкöтöмсянь, а эшö ёнжыка берегитны лёк ньöвъёссезсянь да лэчыт пуртсянь. А сыбöрын и том памлö висьталасö, медбы сiя сiдз жö бура, кыдз и пöрись памыс, дорйис нылiсь гортнысö да отирсö, челядьöс и пöрисьöс, медбы сылпанса лэчыта видзисö шодззезнысö, а ньöвъёссез медбы прокод вöлi мавтöмöсь бильöн.

И сэтöн чудь увтыр казялас, кыдз шондiыс югдöтö Изъюр керöссö. Ачыс пö шондiыс мыччалö, кытöн пондам овны, - висьталас Кудым Ош да иньдöтчас сэтчин, Кува ю дорас. А сы бöрсянь мунасö томмес и кыссясö пöриссес. И керасö сэтчин аслыныс виль горт, йöръясö сiйö вылын йöрöн-заплотöн. И шуасö чуддэз ассиныс виль гортнысö Кудым кар
 
Босьтас Кудым Ош бур козин да гöснеч и ветлас Изкарö, воннэз дынö, ваяс сэтчинiсь кöртовöй черрез, пурттэз да ньöвъёсь йыввез. А эшö тöдас мыйись сэтчин кöрт керöны и кыдз кöртсис чер-пурт дорöны. Сэксянь Кудымкарын лоас асланыс кöрт.

Кынымкö год бöртi, кöр уна ни öксяс няньыс, Кудым Ош корас гöссезöс, вердас нiйö чöскыт няньöн. Корас быдлаись, а Юкся оз лок: юöрыс сы дынöдз абу мунöма.

Эта кадсянь чудь увтырыс дугдöма öта-мöдкöт лёкасьны.

Кудым Ош няньсö быдöнныслö сетöма: Кöчлö и Пальлö, Юксялö и Анюшлö, Купралö и Майлö, кöр нiя янсöтчöмась сы дынiсь. Эта понда Кудым Ошсö отирыс вексö донтöм и казьтылöм бур кылöн.

Костö недыр олöма, а Кудым Ош сто год да эшö джын сто олас, и вöлись кулöмыс сы дынö локтас.

Пондас кувны богатыр, корас дынас Ошпиян зонсö да висьталас: 

Прошшайтчасö отирыс, и Кудым Ош онмöссяс кыз онöн.




#Article 153: Пару (Кудымкар район, Иньвайыв посадму) (133 words)


Па́ру —  Перем ладорись Коми кытшын, Кудымкар районсис Иньвайыв посадмуын грезд (деревня).  
  

Пару грезд шусьö сідз Пару нима морт сьöрті, кöда натьтö медодз поздісьöма татчö. Паруыс рочöн лоö Парфён, сысянь и роч нимыс - Парфёново.

Пару грезд сулалö Кöтысö усян Парушор дынын, мыс вылын. 

Грездыс оз янсöтчы поснитжык торрез вылö.

Нима туйез Пару грездын абуöсь.

Ӧні Пару грездыс пырӧ Иньвайыв посадмуӧ. Одзжык сія вöлі Дёминскöй сельсоветын.

Гумагаэз сьöрті 2009' во пондöтчикö Пару грездын олöмась 62 морт, кöдна видзöмась 23 горт.

Татісь отир шусьöны паруша́на (öтік морт - паруо́вскöй).

Оліссес комиöсь, баитöны комиöн.

Унажык отирыс гишшöны Полуянов, эм Четиннэз, Бачеввез.

Пару грездын Дёминскöй совхозлöн юкöт.

Отирыс олöны пилитöм вöр вузалöмöн.

Ас понда быдтöны карч, видзöны мошшез.

Грездас кык лавка, öтыс Дёмина сельпосянь, мöдыс асторья.

Одзжык Паруын вöлöма челядьсад

Отирыс порйöтöны Стречалун, Семик, Масленича, Спассэз




#Article 154: Майкар (Юсьва район) (373 words)


Ма́йкар —  Перем ладорись Коми кытшын, Юсьва районас посёлок, Майкар посадмулӧн шöрин.
 

Нимыс тэчöм кык торись: Май + кар. Май - мортлöн ним, вежöртасыс натьтö вöлі сія жö, мый талун мой (диал. мöй) кывлöн. Кар - комиöн лоö заплодöн гöгöртöм отир оланін. Карöн помасян топониммес Коми муын уна: Сыктывкар, Кудымкар, Дöйкар, Редикар, Изкар. 

Майкарсö рочöн гижöны Майкор, мыля мöд а-ыс коми кылын кöркö вöлі гöгрöстöм шыöн, сысянь рочöн гижöмась нето гижöны сідзжö Кудымкор, Редикор, Искор.  

Майкар сулалö Кама вавидзан дорын, Иньва курья веськыт вадöрын.  

Посёлок вылöт котöртöны юоккез: Кемель...

Майкарсянь Юсьва посадöдз (райцентр) 64 км ылына. Перемöдз веськыт визь кузя — 96 км ылына, а мунны кö автотуй кузя, петö 380 км мымда.

Пожвасянь ойвыв-асыввылö (туй кузя) 14 км ылынаын сулалö Пожва, ордча посадмулöн шöрин.

Майкар бердын, асыввылас, сулалö Горки посёлок. 

Майкарлöн торрез:

Öні Майкар посёлкас лыддьöны 45 туй да кык туйколас :

Майкар дорын адззöм Родановсалісь городищё, кытöн вöлі коми отирлöн важся оланін, Майкар нето Туманкар.

Роч сёротоккезын Майкар муын оланін йылісь медодз казьтыштö 1579' годö Яхонтов, кöда, Строганов понда муэз гижалікö, шуö сійö Туманскöй городищёöн. Сэк пö татöн отирыс абу олöмась.

Майкор нимсö роччезісь медодз касьтылö 1623' годö М. Кайсаров. Сэк пö татöн вöлі кык горт, кöднö видзöмась Ерёмка Давыдов да Пронька Малец.
 

Посадын вöлöмась:

Керкуэз вöлöмась шуч пуись. 

Посадын сэк вöлі волось веськöтлан (старшина, староста да волось понда гижись). Арт видзöмась кык урядник да 10-12 морт стражниккез. Вöлі чижовка.

Совет пондöма юравны Майкарас 1918' январ 29' лунсянь. Перво посадісь советöн веськöтлöма С.Ф.Давыдов. 1918' декабсянь Майкарын джын год ыждалöмась чочкоммез, А.А.Федосеев юралісьныс.
 
Революция дырни татöн вöлі томмезлöн клуб Олимпия

Мöд мировöй война дырни майкарассэз тышкасисö фронт вылын, посад сетöм Советскöй Союзлö кык Геройöс – А.И. Вотиновöс да И.К. Ошмаринöс. 

  

Öні Майкар посёлокын Майкар посадмулöн шöрин. Посадмуын юралö Салахутдинов Борис Александрович да сы бердын веськöтлан (администрация). Эм депутаттэзлöн совет.

Мöдік службаэз:

Олöны Майкарын майкарассэз. 2009' во пондöтчан кежö нія вöлöмась 2985 морт.

Отирыс унажыксö рочöсь, эмöсь комиэз, тотара да локтіссез.

Оліссез öтамöдныскöт баитöны рочöн.

Гишшаннэзісь медтшöка пантасьöны Давыдов, Ошмарин, Чиртулов. Сідзжö уна отирыс гишшöны Корякин, Кривощёков, Кузнецов, Мальцев, Оньков, Якимов.

Майкарассэзлöн быдöс гишшаннэз:
 

Мусир шедтöм:

Пууджалöм:

Мöдіккез:

Майкар пыр бура ветлöны автобуссэз. Эм автовокзал. Маршруттэз:

Мобильникöт баитны Майкарас лоис позяна 2008' январ 24' лунсянь (Оператор UTEL).

Майкарассэз порйöтöны посёлокнысö юнь 27' лунö.




#Article 155: Пожва (Юсьва район) (401 words)


По́жва — Перем ладорись Коми кытшын посёлок, Юсьва районісь Пожва посадмулöн шöрин.

Пожванас посёлоксö шуöны Пожва ю сьöрті, кöд дорö сійö лöсьöтöмась. 

Кылыс тэчöм кык торись — пож да ва. Ва формантöн помасьöны уна юэз Коми муын: Иньва, Обва, Нытва... Пож йылісь эм быдкодь версияэз: пож = коми пож, пож   коми пеж; пож  коми пожум.

Пожваыс сулалö Кама вавизан дынын, Пожва ю паськыт уссёын (Пожва курья), кыкнан ладорас. Вадöррес коласын нюжалö тымöт (дамба), кöда кузя мунö автотуй. Тымöтся катыт аркмöма паськыт Пожва пруд.

Посёлок вылöт котöртöны юоккез: Елыманика, Ратанка, Аняшор (рочöн Анящера), Лысковка.

Пожвасянь Юсьва посадöдз (райцентр) 78 км ылына. Перемöдз веськыт визь кузя — 100 км ылына, а мунны кö автотуй кузя, петö 400 км мымда.

Пожвасянь лунвыв-рытвылö (туй кузя) 14 км ылынаын сулалö Майкар, ордча посадмулöн шöрин.

Пожва посёлок бердын куйлöны грезддэз: рытвылас Ключи, асыввылас йöзтöмöсь ни Ыджыт Мочищё да Учöт Мочищё, лунвыв-асыввылын — грезддэз Льӧмпика да Усь Пожва. 

Пожвалöн торрез:

Öні Пожваын лыддьöны 65 туй. :

Туйезся эмöсь кварталлэз, шуам Подстанция, Аэродром.

Пожва ладорыс öтлаын быдöс Ыджыт Перемнас вуджöма роч кан кипод увтö XVI ын, а 1564’ годö Гым Иван козьналöма эна муэсö Строганов купечлö.

Роччез первуись гижöмась Пожва йылісь  1629’ годö, но сэк басниыс мунöма токö ю йылісь, кöда  гöгöр осьтöмась кöрт рудаэз.  

Пожва ю дорын слободка пондас быдмыны чугунсылöтан да кöрткеран завод бердын, кöдö Н.Г. Строганов тшöктöм сьöрті кутчöмась лэбтыны 1754’ годö да лэдзöмась 1756’ март коста. 1758’ восянь 1786’ воöдз Пожва заводын сылöтлöмась и ыргöн.

Сёрöнжык, 1773’ годö,  заводыс вуджöма сенатор В. А. Всеволожскöй киэзö, а 1796 сылöн Всевлод лö. Мöдыс вуджöтöма перемскöй именнёлісь веськöтлансö Совдорись Пожваö.

Посадсö бура планируйтöмась. Эшö 1785’ годö татчö лэбтöмась мöдік пуовöй вичку (одззаыс сотчöма 1778’ воын). ХІХ век пондöтчикö Пожваын лыддьöмась 414 керку ни. 1809–1812’ воэзö татöн уджалöмась архитекторрез А. М. Заправскöй да П. Д. Шретер. Бура баситöмась посаднысö и крепоститöм архитекторрез Вяткин Андрей да Мальцев Лука Степанович.

XX  пондöтчикö Пожваын оліссезлöн сулалöмась 600 мымда керку, а господалöн — 20. Посадын вöлі зонкаэз да нывкаэз понда велöтчаніннэз, кык изовöй вичку (мöдыс — шойна дынын), почта, телеграф, веськöтчан комплекс.

Пожваыс вöлі Пожевскöй волосьлöн шöрин.

Öні Пожваыс пырö Перем ладорись Коми кытшö, Юсьва районас, кытöн сія — Пожва посадмулöн шöрин (2006' восянь). Посадмуын эм юралісь да депутаттэзлöн совет. Öні посамуын юралö Попов Петра Дмитриевич.

Канму сідзжö Пожваын видзö:

Пожваын оліссез шусьöны пожевля́на. 2009' во пондöтчикö нія вöлöмась 3518 морт. Отирыс баитöны роч кыв вылын.

Пожваын шогмисö:

Пожва история понда уна керис




#Article 156: Юсьва (посад) (117 words)


Юсьва — Перем ладорись Коми кытшын ыджыт посад, Юсьва районлöн да Юсьва посадмулöн шöрин.
  

Юсьва шусьö сідз Юсьва ю сьöрті.

Юсьва сулалö Юсьва ю дорын, Кудымкарсянь (45 минут автобусöн).

Юсьва посад - Юсьва районлöн да Юсьва посадмулöн веськöтлан шöрин.

Олöны Юсьваын юсьвинса. 

Отирыс рочсялöм комиэз.  Унажыкыс баитöны роч кыв вылын. Коми кывсö озö радейтö, школаын сійö озö велöтö.

Юсьваись памиллёэз коласын медодзза местаын  Боталов, сы сьöрын мунöны Казанцев, Баяндин да Сторожев. 

Унакодь отирыс татöн сідзжö гишшöны Кривощёков, Исаков, Петухов,  Тарасов, Савельев, Мелюхин, Власов, Истомин, Быков, Котельников, Ярусов, Вилесов, Можаев, Цыбин, Климов. 

Етшажык адззам сэтшöм памиллёэз:  Бычков,   Гордеев,   Мальцев, Петров,  Габов,  Котов,  Крохалев,  Мехоношин,   Семушев,  Хозяшев,  Хорошев,  Чечулин,  Колыхматов, Овчинников,  Ошмарин,  Сюркаев, Туляев, Утев, Якимов.

Быдöс гишшаннэз :




#Article 157: Онтон Пёдор (114 words)


Онтон Пёдор (; 1886-1937) – коми отир понда пессись, велöтись, небöг лэдзись, перем коми кыв вылö вуджöтісь, редактор.

Чужис Перем губерния Совкар уездісь Йöг волосьын, Поносова грездас. 1906’ восянь уджаліс велöтісьöн Вылісь Юсьваын да Йӧгын. 

Дöсмуись медодзза война коста  сар армияын, вöлі унтер-офицер.

Онтон Пёдор йöзöтіс ассис кывбур медодзаа перем коми  «Горадзуль» (1923) да лöсьöтіс меодзза самоучитель перем коми кыв сьöрті (1935). 

Советтэза Союзын ыджыт террор коста сійö кутісö, мыждісö да 25.09.1937 вийисö. Нимсö сöстöмтöмась 1956’ юль 12’ лунö.

Онтон Пёдор лэдзис велöтчан да велöтан методика сьöрті небöггез:

Небöг лэдзанын уджалікö Онтон Пёдор öддьöн уна вуджöтіс коми кыв вылö роч кыв вылісь. Сылöн вуджöтöмöсь:

Иньыс Тупицына (Копылова) Акилина Петровна – коми велöтісь да методист.




#Article 158: Нефедьев Степан Григорьевич (121 words)


Нефедьев Степан Григорьевич (1904-1938?) – Коми кытшын комсомолісь функционер.

Чужис 1904’ годö öння Кӧсладор районісь Селиш грездын. Помаліс вылынжык пондöтчан училищё Кöсын, кытöн 1919’ воын  комсомол поз. Чожа мыйись комсомолса бöрйисö сійö волосись, а 1921’ во и районісь комитетын юралісьö. Уджаліс РКСМ-лöн Чердын укомын инструкторöн, помаліс Совпартшкола Перемын. Вöлі Кыдзов ГРЭС строитіссез коласын. 

Год да джын редактораліс «Гöрись» газетаын. Помаліс Коммунизм сьöрті университет (Я.М.Свердлов нима). Юраліс Кудымкарись совпартшколаын. Сэсся куим во сьöрна вöлі кыввидзись редакторöн «Ленин туй вылöт» газетаын. 1937’ воын сійö бöрйöмась партиялöн окружком бюроö, кытöн сія веськöтліс школаэз да культпросветработа сьöрті юкöтöн.

Дед Нефёд ним увтын 1932’ годö сія лэдзис гыриссез понда буквар «Ударник».

Öтлаын Иву Стёпкокöт С.Г.Нефедьев вуджöтіс перем коми кыв вылö В.И.Ленинлісь Молодёж Союззэзлöн задачаэз. (Кудымкар, 1933).




#Article 159: Тотьмянин Иван Михайлович (141 words)


Тотьмянин Иван Михайлович (1915-19??) – Коми кытшын партиялöн ыджыт функционер, Коми окрисполкомын юралісь да Коми окружкомын медодзза секретар.

Чужис 1915' годö öння Кудымкар районісь Шадрин грездын. 1934' годö Перемын помаліс финанссэз да экономика сьöрті техникум. Вит во сьöрна уджаліс Улісь Тагилын Комбанк юкöтын инспекторöн-консультантöн, сэсся комсомол органнэзын. 

ВКП(б) ЦК бердын медвылісь партшкола помалöм бöрын И. М. Тотьмянин вöлі иньдöтöм Коми АССР-ö, кытöн сійö пуктöмась секретарöн, сыбöрын мöдöдз секретарöн партия Тывда райкомö, а 1944' годö медодзза секретарöн Кулöмдін райкомö. Мортöс бöрйылöмась депутатöн республика Верховнöй Советö, а 1949' во сія лоис ВКП(б) обкомын секретарöн.

Вöлі РСФСР-ись Верховнöй Советын депутатöн III, IV, V кичöстöм коста (1951-1963), ветліс делегатöн партия XX (1956' во) да XXI (1959' во) öксяннэз вылö. Лыддиссис партия Перем обкомын бюроö пырисьöн.

Кан сетöма И.М. Тотьмяниныслö кык орден: Уджлöн Гöрд Дöрапас да Айму понда косясян (1 тшупöта). Нысся сылöн вöлі кыкьямыс медаль.




#Article 160: Усь Онолва (Кӧчладор район) (133 words)


Усь Онолва — посёлок Перем ладорись Коми кытшын, Кöчладор районас. 

Ӧні Усь Онолваыс пырö Мараты посадмуö.

Усь Онолваын öні лыддьöны 5 туй :

Поселок Усть-Онолва был основан посреди дремучих лесов спецпереселенцами из Белоруссии в 1929г. Еще в 60-х годах это был большой поселок с населением около 500-600 человек. Основным, и практически единственным, видом деятельности была лесозаготовка и сплав древесины по реке Коса. Многие годы поселок служил местом ссылки людей неугодных власти. Там жили русские, белорусы, украинцы, татары, немцы, эстонцы, латыши, литовцы, евреи и многие другие народности нашей необъятной страны.. Раскулаченные, высланные, вернувшиеся из плена, попавшие под известную 58 статью. Сейчас лес вырублен и поселок медленно умирает.
Там еще живет несколько человек - детей тех первых спецпереселенцев, кто строил этот поселок и кто уже давно лежит на обширном, многонациональном кладбище на крутом берегу р.Коса.




#Article 161: Пармайыл (Кӧчладор район) (412 words)


Парма́йыл — Перем ладорись Коми кытшын, Кöчладор районсис Юксьӧв посадмуын коми грезд (деревня) .
 

Пармайыл грездыслöн нимыс вежöртана, сія тэчöм кык торись: парма + йыл. Грездыс сулалöма парма йылын, кöть öні вöрсö и кералöмась.

Роччез кылісö Пармайыл нимын нылö вежöртанасö да гижöмась деревнясö кыдз Пармайлова.

Пармайылыс сулалö Важ сибир тракт дорын, Юксьöвсянь асыввылö вит километра ылынаын (веськыт линия сьöрті кö, петö 4,4 км).

Матісь грезддэз: лунвыв-рытвылас Митя (кык километра ылынаын) да ойвыв-асыввылас Пеклаыб (3,4 км ылынаын, туй кузя кö мунны — 4,3 км).

Пармайылсянь рытвылö 1,5 км ылынаöт котöртö Кончиви́дзшор, кöда усьö Вижайка вылö. 

Ойвылас 1,5 км ылынаын куйлö Кара́иннюр.

Лунвылас туйсяняс петöны ключевинаэз, кöднаись деревня дорын лöсьöтöмась Парма́йыл пруд.

Матісь ыббез:

Кырассэз:

Мыссэз:

Грездыс оз юксьы поснитжык торрез вылö.

Пармайылын куим туй :

Ыджыт туйыс — Кöсланьö тракт, сысянь ойвылöт нюжалö Сад туй, сы бöрын Ойвыв туй.

Пармайыл гöгöр адззалöмась чучкöй местаэз.

Пармайылчи перво олöмась Юксьӧв волосьын, 1924' во бöрын Юксьӧв сельсоветын.

Коллективизируйтікö Пармайылас лоис «За коммунизм» колхоз. Вöлі ферма, кытöн видзöмась порссез, куканнез да мöдік пода. Токö вӧввез вöлöмась 200-а. Сэсся лоис «Юксьӧвскӧй» совхоз.

Советтэз киссьöм бöрын совхозыс разьсис. Отирыс пондöмась видзны кöзяйство торйын. Унаöн пондöмась кодавны да кулöмась, мукöдыс мунöмась овны мöділаö.

Пармайылыс öні пырö Кöчладор районісь Юксьӧв посадмуӧ. Пармайылчи  бöрйöны депутаттэзöс Кöчладор районісь Земство öксянö да Юксьӧв посадмуись депутаттэз советö. Сетöны нысö район да посадму юраліссез понда.

Олöны Пармайылас парма́йылчи. Татісь айка мортöс шуöны парма́йылэч, инька мортсö парма́йылка. ыс парма́йылскöй нето парма́йылісь.

Медваж памиллёыс Пармайылас Юркин. Отирыс гишшöны сідзжö Андров, Сизов, Сидоров, Утробин.

Пармайылчи комиöсь, баитöны комиöн.

Пармайылын оліссезöс ордча грезддэзісь йöзыс нимкодялöны масьля́ккезöн.

Öні Пармайылас ыджыт уджаиннэз абуöсь. Сю озö кöдзö. Ыббез турунсялöны да вöрсялöны. Отирыс ас йöрын быдтöны карч, видзöны пода (мӧссэз, пороззэз, порссез, курӧггез). 

Ветлöны вöравны, чериалöны Лолог вылын.

Кöсладорö туйыс буркодь. Машинаэз абу уна, трактор эм.

Кöсладорся автобус сувтчö быд ойлун öтпыр. Телевизор видзöтöны, радио орöтöмась. Мобильник оз кут. 

Лавка деревняын öтік — ИП Костарева.

Быт службаэз абуöсь.

Медматын веськöтчанін — Юксьöвын (ФАП), сэтчин жö шойна.

Одзжык Пармайылын вöлі челядьсад да клуб, кытöн уджаліс фольклор коллектив. Öні быдöс пöдналöм.

Отир пасйöны Яблочнöй спас — август 19' лунö. Сійö видзöны ас вежалун туйö Пармайыл да ордча Митя грездын оліссез. Этія лунö быд во матісь видззез вылын овлöны Спас коссез, кöр Кöчладорись да Кöсладорись том отир тышкасьöны öтамöдныскöт.

Отирыс Пармайылас öнöдз чучкöйöсь, Кристосö не Иеговаö озö веритö, кöть ортодокссэз да баптисттэз тшöка вовлöны миссионеритны.

Пармайыл нимыс бура горалö Рочму пасьта Пуовöй мыгöрреза музей увья. Энö чуддэсö лöсьöтöма да сувтöтöма ас керкукöт ордчöн татісь морт Педöр Гоша.




#Article 162: Сизьӧв (Кӧчладор район) (490 words)


Сизьö́в — Перем ладорись Коми кытшын, Кöчладор районісь Юксьӧв посадмуын коми грезд (деревня). 
 

Сизьöв шусьö сідз натьтö медодзза олісь сьöрті. Этö коми мортсö шуöмась Сизь.

Сизьöвыс сулалö мыс вылын, Юксьöвсянь лунвыв-асыввылö нёль километра ылынаын, с.ш. Юксьöвскöй Турцияын.

Сизьöвыскöт ордчöн сулалöны: лунвылö 0,8 км ылынаын Москвина, лунвылö кык километра ылынаын Вершинин, асыввылö километра етш ылынаын Бажӧв  да лунвыв-асыввылö нёль километра ылынаын Артипӧв.

Сизьöвсяняс асыввылас кык километра ылынаын эшö позьö адззыны медбöрья строеннёэз йöзтöм Манастыр грездісь, ылынжык  асыввылас кöркö вöлöма Чаняыб грезд, öні сэтчин ытшкас.

Мунан кö ойвылö, куим километра ылынаын петас гажа пруддэза Митя грезд.

Кöркö Сизьöв гöгöр вöлöмась ыббез, öні кежö быдöс ни турунсялöма.

Отир уськöтöны тöд вылö ыб ниммез:

Важ видззез:

Вöлі куим пруд, кытöн сулалöмась мельничаэз:

 
Неылын эмöсь шоррез:

Нюррез:

Мыссэз да кырассэз:

Вöррез

Отирыс торйöтöны Сизьöв грездас У́рдöл (лунвылас) да Ве́рдöл (ойвылас).

Сизьöвын нёль туй. Кыка мунöны параллель пöлöн (Урдöл туй да Вердöл туй), кыка меридиан пöлöн (шуам нійö Рытвыв туй да Асыввыв туй). Рытвыв туйыс петö грезд сайö кыкнан помнас: лунвылас сія мунö Москвиналаньö, ойвылас — Митяланьö. Урдöл туйыс асыввылас кежö Бажöвланьö. Ойвылас да Асыввылас грезд дорöттяс керöмöсь кытшöвтан туйез.

Роччез первуись гижöны Сизьöв (Сизева) йылісь 1834' годö. ХІХ век шöрын Сизьöвись отир лöсьöтöмась Москвина грезд.  1869' годö Сизьöвын олöмась 94 морт (49 айка, 45 инька), вöлі 13 картавыл. 1880' воэзö горттэс Сизьöвын лоöмась 16-я ни, отирыс кöдзлöмась сю, видзлöмась пода, заптывлöмась вöр. Ордчöн вöлöма изгарьян. Сизьöвын сулалöма часовня да уджалöма дорсянін. 

Отирыс деревня вылас чожа содöма, 1909' во кежö грездын лоис 32 картавыл, олöмась 215 морт. Сизьöвыс вöлöма Чердын уездісь Юксьӧв волосьын, татöн вöлі центр Сизьöв общество понда, кытчö пырлöмась сідзжö Артипöв, Вершинин, Манастыр, Москвина, Чаняыб.

Революция бöрын, 1924' во бöрсянь Сизьöвыс лоис Кӧсладор (1926' годсянь Кӧчладор) районісь Вершинин сельсоветын. 1926' вося гижöтöм коста грездын олöмась 213 морт (96 айка, 117 инька), вöлі 37 кöзяйство.

Сэсся лöсьöтöмась колхоз, нимыс унаись вежсьылöма, отир тöдöны да, кöркö вöлі Жданов нима. Коллективизация коста уна отирсö кулачитöмась. 

Сизьöв да Москвина вöлöмась öтік колхоз. Хрущёв дырни колхоззэз гырисьмöтасö, быдöс ордча грезддэз лоисö «Калиновка» колхозын.

Сэк жö Вершининісь сельсоветсö вежöмась, Сизьöвыс лоис Юксьöв сельсоветын.

Сизьöвын вöлі клуб, магазин, челядь сад, пондöтчан школа. Сизьöвскöй школаö вовлöмась челядь Манастырись, Чаняыбись да Бажöвись (москвинскöйес ветлöмась вершининскöй школаö). 

Эшö 1970' годö Сизьöвын олöмась 147 морт. Но сэсся сельсоветын шуöмась зорöтны Москвина (сизьöвскöй выселок), керны сэтчö совхозыс мöд отделеннё понда шöрин. Москвинаö осьтöмась школа, сувтöтöмась сэтчö бур виль керкуэз. Отирыс мунöмась виль центрö, матöжык ыджыт трактланяс. Сизьöвас оліссес кольччöмась öддьöн етша.

Ӧні, Сизьӧвыс пырӧ Кӧчладор районісь Юксьӧв посадмуӧ.

Олöны Сизьöвын сизьӧ́вчи. Айка мортсö шуöны сизьӧ́веч, инька мортöс сизьӧ́вка. ыс сизьӧ́вись нето сизьӧ́вскöй. 

Медваж фамиллёыс Сизов. Отирыс гишшöны сідзжö Жуков, Ветлугин, Андреев, Семерик.

Отирыс комиöсь, баитöны комиöн.

Отирыс олöны аспондасис. Быдтöны карч, вöдитöны пода (мöссэз, вöввез), видзöны мошшез. Ягöдалöны да тшакьялöны.

Гожум пора сизьöвчи ордö вовлöны ас увтыр гожйыны деревня вылас.

Босьтасьны татіссез ветлöны Бажöвö нето Москвинаö.

Кулöм отирсö сизьöвчи дзебöны Яланяс.
  

Важ культура видзан керкуэзісь кольччöма токö кöркöся лавка, кытöн одзжык вöлі юрбитанін, важ часовня дорын.
 




#Article 163: Юксьӧв (Кӧчладор район) (519 words)


Юксьö́в — важ коми посад Перем ладорись Коми кытшын, Кöчладор районас. 

Ӧні посадас Юксьӧв посадмулöн шöрин.

Юксьöв посад шуöны сідз важ  Юкся ним сьöрті.

Юксьöв посад сулалö Ыджыт туйвежын: Важ сибир тракт да öння Кудымкар-Гайна тракт вожасянінын, Кöч посадсянь ойвылö 30 км ылынаын (автобусöн мунны 40 минута), Гайнасянь лунвылö 45 км ылынаын да Кöс посадсянь рытвылö 38 км ылынаын. 

Посадсяняс рытвылö нюжалö Кай волок.

Медматын Юксьöвсяняс — Митя грезд, кöда сулалö асыввылас 1,5 км ылынаын. Ылöжык Кöс тракт кузя кö мунан, адззан Пармайыл. Мунан кö рытвылö кыкьямыс километра, петас Сёрва посёлок. Лунвыв-асыввылас Юксьöвсяняс чукöрöн сулалöны грезддэз Москвина, Сизьöв, Бажöв, Вершинин да нёль километраöн ылынжык Архипöв.

Одзжык матын вöлöмась грезддэз Маше́нь, Ӧ́ртя, Зи́мин (рытвылас), Белькӧ́в да Кайса́рӧв (ойвылас), Манасты́р да Чаня́ыб (Турцияын).

Ордча посаддэз — Чадзöв (асыввылас 11 км ылынаын), Пелым (лунвылас 15 км ылынаын) да Сергеевскöй (посёлок, ойвылас 16 км ылынаын).

Отирыс тöдöны Юксьöв гöгöрись татшöм ландшафттэз:
 

Матісь шоррез:

 
Неылын Юксьöвсяняс пондöтчöны юэз: 

Нюррез:

Посадас эм öтік пруд:

Юксьӧвын öні лыддьöны 12 туй да öтік туйколас :

 
Посадлöн  — Медшöр туй да Базар туй вожасянінын, татöн сулалö вичку да лавкаэз. 

Медшöр туй — важ Гайна трактлöн тор, cія петö посад сайö ойвылас да лунвылас.

Базар туй петö асыввылас посад сайö да пöртчö Кöс трактö.

Сёрва туй петö рытвылас посад сайö да пöртчö Кай волокö.

Эм эшö туйезлöн важ ниммез: Мöсъюртуй, Чагья туй.

Юксьöв ладорыс — важ чудь му.

Роччез первуись казьтылöны Юксьöв йылісь 1579' годö, а 1647' годö шуöны сійö погостöн. Сэк татöн вöлöма ям, сулалöма пуовöй вичку. Посадыс быдмöма Важ сибир тракт дорын. 1787—1798' воэзö татчö сувтöтöмась öнняся изовöй Преображеннё вичку. 1880' воэзö татöн вöлі 54 кöзяйство. Отир кöдзöмась сю, пöрöтöмась вöр, ягöдалöмась (пуягöд, туримоль), ямщичайтöмась, кыйлöмась вöр пöтка. 

ХХ век пондöтчикö кужöмась ни кокнита баитны не токö комиöн, но и рочöн. 1909' годö татöн вöлі волосьнас веськöтлан, земстволöн велöтчанін, лыддьöтан керку (библиотека), вит лавка, казналöн вина вузалан, земстволöн станция. Олöмась сэк посадас 532 морт, видзöмась 68 картавыл. 

Посадын вöлі асфальт-бетон завод.

Öні Юксьöв — Юксьӧв посадмулöн шöрин. Татöн пукалö посадмулöн веськöтлан, юралісьыс Утробин Василий Клименьевич. Эм депутаттэзлöн совет.

Кан нимсянь уджалöны:

Юксьöв посадын олöны юксьӧ́вчи. Айка мортсö шуöны юксьӧ́веч, инька мортöс — юксьӧ́вка.  юксьӧ́вись нето юксьӧ́вскöй.

Отирыс гишшöны то кыдз:

Локтіссез

Отирыс унажыксö комиöсь, баитöны комиöн.

Ордча грезддэзісь йöзыс нимкодялöны Юксьöвын оліссесö лöдззезöн (юксьöвскöй лöдззез).

Öні посадас öтласа артиллез абуöсь. Отир уджалöны му-видз торйын: быдтöны карч да видзöны пода. Сю озö ни кöдзö. Ыббез турунсялöны да вöрсялöны.

Кöзяйство видзись котыррезісь эм:

Одзжык вöлі пекарня, öні сійö разьöмась.

Лавкаэз вита:

Райпö керкуын жö эм йöзöс верданін.

Посад дорын лöсьöтöм электровезлöн трансформатор подстанция.

Виль трасса Кудымкар-Гайна асфальтируйтöм, мöдік туйез посадас вевттьöмöсь гравийöн нето куш му. 

Быд лун ветлöны автобуссэз Кудымкарлань Гайнасянь да Кöссянь и мöдöрö.

Уна отирлöн эм ас машина.

Телевизор юксьöвчи видзöтöны, радио позьö кывзыны токö приемник пыр. 

Эм гортся телефоннэз да туйдорся таксофоннэз. Мобильникöт позьö баитны 2011' гожумсянь (оператор Мегафон, 

U-tel,посадын сувтöтöмась вышка). 

Эм ФАП, матісь больнича — Кöч посадын.

Юксьöвчилöн шойна одзжык вöлі посад шöрас, вичкуыс бердын. Öні кулöммесö дзебöны посадсянь лунвылас.

Посадын эмöсь:

Уджалö фольклор коллектив.

Посад лун чулöтлöны юнь помланьын.

Юксьöвын кык стадион: клуб одзын да школа одзын. Одзжык орслöмась вичку бердісь важ шойнаын.

 




#Article 164: Кӧс (посад) (472 words)


Кöс — ыджыт посад Перем ладорись Коми кытшын, Кӧсладор районлöн да Кӧс посадмулöн .
 

 
Кöс посад шуöны сідз натьтö Кöсва ю сьöрті. Одзжык сія котöртöма посад дорöттяс, а сэсся  вежсьöма, и посадыс кольччöма кöсінас.

Кöс посад сулалö важ сибир тракт дорын Кöсва юсянь рытвылö 2,5 км ылынаын да Лолог юсянь лунвылö кык километра ылынаын.

Кöс посадсянь Кудымкарöдз 163 км, Перемöдз 338 км ылына.

Асыввылас Кöс посад бердын сулалö локтіссезöн лэбтöм Кордон посёлок, рытвылас километра етш ылынаын — Абрамöв грезд. Кöс да Абрамöв коласын адззам Сельхозтехника посёлок. Кöссяняс лунвылас куим километра ылынаын поздісьöмась деревняэз Виль Гущин да Важ Гущин (кöднö одзжык шуöмась Октыльсорд), ойвылас кыкьямыс километра ылынаын сулалö Увдöр Кöс.

Яггез:

Ыббез

Шоррез 

Тыэз:

Нюррез:

Гырися кö юкны, посдас эм кык тор: У́рдöл (асыввылас) да Ве́рдöл (рытвылас). Урдöлыс — важ посад, вердöлыс — сёрöнжык овмöтöм район.

Татісь отир тöдöны и поснитжык мувывторрез посаданыс:

Кӧс посадын вот öктіссез лыддьöны 18 туй :

Былись туйез унажык.

Медшöр улица — Ленин туй. Сія мунö посадöттяс параллель пöлöн, рытвылас петö кар сайö да пöртчö Юксьöв трактö, асыввылас петö Кордонланьö. Лунвылöттяс Ленин туйсяняс нюжалöны Гöрдармия туй, Пролетариат туй, Коми туй, Киров туй, Мир туй, ойвылöттяс — Колхоз туй да Первомай туй. 

Меридиан пöлöн медшöр туйöн позьö лыддьыны Совет туй, этія туйыс петö карсайö да пöртчö Пуксипи трактö. Асыввылас Совет туйсянь куйлö Боталов туй, кöда ойвылас петö кар сайö да пöртчö Светлича трактö. Рытвылас Боталов туйсянь куйлöны Карл Маркс туй, Октябся туй, Партизан туй, Голев туй.

Ленин туй да Совет туй вожасянінын сулалö Микола вичку да культура керку.

Кöсладорын отирыс олöны важынсянь. Кöс посадсянь ойвылö 3,5 км ылынаын археологгез адззöмась неолит кадся йöзлісь сувтчанін (II  миян эраöдз). Родановсалісь  адззöмась посадсянь рытвылö 5 км ылынаын, Ыджытшор уссёын.

XVI век помсянь Кöс пырйöт мунöма ыджыт сибир туй.

Роччез первуись казьтылöны татісь оланін 1579' годö. Сэк Яхонтов гижöма сійö кыдз Ныров погост, кытöн вöлöмась 14 горт. 

XVIII век помын Кöс посадыс лыддисьö Селиш волосьын.

Кöс посад Кöсладор районлöн да Кöс посадмулöн шöрин.

Татöн уджалöны Кöсладор районлöн веськöтлан да Кöс посадмулöн веськöтлан. 

Отир нимсянь баитöны Кöсладöр районісь земство öксян да Кöс посадмуись депутаттэзлöн совет.

Кöсісь отирöс судитö Кöсладор районлöн суд.

Канму нимсянь сідзжö уджалöны:

Олöны Кöс посадын кöси́нчи; айка мортöс шуöны кöси́неч, инька мортсö кося́нка; тöдчаннимыс кöси́нскöй нето кӧ́сісь.

Оліссезлöн лыд 2009' во пондöтчан кежö вöлі 2296 морт, гортвидзаннэз вöлöмась 857-а.

Отир лыдыс кад сьöрна вежсьылöма то кыдз:

Татісь отирын токö 30% лоöны важ оліссезлöн пияннэз, а 70% — локтіссез. Отирыс баитöны унажыксö рочöн, челядьсö комиöн озö велöтö.

Медуна отир новйöны фамиллёэз:

Кöсісь увтыррез (рöддэз):

 

Кöс посадын уджалöны:

Райполöн

Эм берсянас вузасянін (базар).

Шöрись шонтісян ни канализация абу. Лонтісьöны песöн. Вавайöтан лöсьöтöма öті-öті. 

Эм автостанция. Автобус ветлö Перемöдз да Кудымкарöдз öтпыр ойлуннас. Позьö корны такси. 

Уна отирлöн эм ас машина.

Посадын эм ЭТУС-лöн цех, уджалöны гортся телефоннэз да таксофоннэз.

Мобильник кутö токö UTEL.

Косинчи вермöны видзöтны телевизор, радио позьö кывзыны токö приёмниккез пыр.




#Article 165: Выльыб (Кӧрткерӧс район) (248 words)


Выльыб —  Коми Республикаись Кӧрткерӧс районын , кöда пырö пырö Ыджыдвидз посадмуö.

Нимыс вежöртана: выль 'виль' + ыб. Вильнас сія шусьö сійöн, мыля отирыс локтöмась татчö овны мöдлапöвсянь, кытöн нылöн вöлі важ оланін.

Выльыб сулалö Висер ю веськыт вадöрын, куим километра ылынаын Ыджыдвидз посад дорсянь. 

Район шöринöдз, Кӧрткерӧс посадöдз, Выльыбсянь – 78 км, а Сыктывкарöдз – 126 км ылына.

Выльыбыс пыр зораммöма öтлаын Ыджыдвидз посадкöт. Ыджыдвидз ладорись Вишера погост медодз казьтыштöны 1585' годö. Вöлöма сэк куим керку, отирыс олöмась Висер ю шульга вадöрас, öння Выльыб весьтын, а местасö шуöмаöсь Кöсьта керöсöн. Мöдлапöлас вöлöма паськыд видз.

XVII векö Висер ю пырöтöма сэтi виль ватуй, а век помас ыджытва коста местасö пондас вöтьлыны. Висер юлöн ватуй вежсьöм шогья Кöсьта керöс вывсис отирыс пондасö вуджны овны Висер веськыт вадöрас. Мукöдыс лэбтöмась керкуэз вылынжык местаэзö, выль ыббез вылö – сідз аркмöма Выльыб, мукöдыс – ю кузя улöжык поздісьöмась, но сэсся быдöс отирсö пондасö шуны ыджыдвидзсаöн. Медоддза вуджисьсö нимтöмась «шабалаöн». Веськыт вадöрас овнытö вуджöмась уна во. Выльыб, кыдз торья грезд, первуись казьтывсьö 1784' годö.

Эшö Октябся револяцияöдз Педöр Степан Васька лэптöма земскöй правленнё отсöтöн керка и сэтчö осьтöма школа. Вöлі грездын и мельнича. ыльыбсянь катытланьын сулалöма часовня (порйöтöмась Прокопей лун – сура празьник).

Война вотöдз Выльыб ягын вöлöмась тюромщиккезлöн бараккез да вышкаэз, пукалісес пöрöтiсö вöр да лэдзчöтісö сійö Висер юö.

Радио деревенса кывзöны 1952' восянь. Би сетны пондöмаöсь 1958' восянь.

Воэз сьöрна оліссезлöн лыд вежсис то кыдз:

Унажык отирыс Выльыбас гишшöны Макаров, Меников нето Мишарин.

Одзжык грездас вöлöма КБО, медпункт, школа.

Öні кольччöмась:




#Article 166: Чадзӧв (Кӧсладор район) (672 words)


Чадзӧ́в — Перем ладорись Коми кытшын, Кӧсладор районас грезд (деревня), Чадзӧв посадмулöн .
 

Чадзӧвсö мукöдыс шуöны дженытика Чадз. Нимыс аркмöма Чадз морт сьöрті, кöда вöлі Юксялöн зон. Важ гумагаэзын казьтывсьö Гришка Чазев, кöда натьтö вöлі Чадз пиян.

Чадзöвыс сулалö Чадзчой мыс вылын Кӧс посадсянь рытвылö 26 км ылынаын (автобусöн мунны 28 км 30 минута) да Кӧч посадсянь ойвыв-асыввылö 33 км ылынаын. 

Чадзöвсянь рытвылас, увдöрын топ сулалö Поддячӧв грезд, колö токö лэдзчыны Кöсöгöр кузя. Татіссез шуöны, Поддячöвыс пö поздісьöма урдöлас, Чадзöвыс вердöлас.  

Лунвыв-асыввылас, 3,4 км ылынаын сулалö Красинькöв грезд, ойвыв-рытвылас 5,1 км ылынаын Карчой да 6,1 км ылынаын Пеклаыб. Мунан кö рытвылö тракт кузя 7,6 км, петö Пармайыл, 11,6 км кö мунан, адззан Юксьöв, кöдна кыкнанныс Кöчладор районын ни.

Чадзöвсянь лунвывті котöртö Кыдзыс ю. Рытвывті километра етш ылынаын кывтö Кыдзыслöн шульга вож Яйва. Кыдзысыслöн мöд шульга вожыс, Нюрвис, пондöтчö самой посад дорас (асыввывлань) да котöртö Чадзöвсяняс ылынсялöмöн. Эм эшö Кричкан ю.

Кыдзыс вылын Чадзöв весьтын, Яйва уссёланьын эм Коросаыб пруд. Кыдзыс вылын вöлі уна мельнича:

Чадзöв дынын эмöсь нюррез:

Матісь ыббез:

Матісь вöррез:

Деревня лунвылын адззам Виль посёлок (мукöдыс бöра шуöны Колхознöй посёлок).

Чадзӧвын öні лыддьöны квать туй :

Медшöр туйöн лыддисьö Ыджыт туй. Сылö параллель нёжöн мунöны: ойвылас Девятков туй да Ойвыв туй, лунвылас Васöт туй да Виль туй.

 лыддьöны клуб да школа коласісь площадка. Татöн чулöтлöны öксяннэз, спорт вермасьöммез. 

Чадзöв ладорын отирыс олöмась важынсянь. Чадзöвсяняс лунвылö вит километра ылынаын, Кыдзыс ю дорын адззöмась родановсалісь оланін Важ Чадзӧв. Öні сэтöн сулалö перна, пöрись отир ветлöны сэтчö юрбытны. Висьтавлöны, сэтчин пö дзебöмöсь Юкси, Пукси, Чадз да Бач, кöднö вийöмась Сера Пёдор вовлікö. 

Роччез медодз казьтылöны грезд йылісь 1579' годö, кöр Яхонтов Иванлöн отир Ыджыт Перемись муэз гижалікас шуöмась сійö  починок Чазев. Кайсаров Михаил 1623' годö фиксируйтöма ордчöн Чадзöвыскöт и Поддячöвсö.  

Одзжык Чадзöв посадмуöн веськöтліссез пукалöмась ордча Поддячӧв грездын, öні кайöмась вевдöрас, Чадзöвö. 

Посадмуын юралö Кучев Николай Степанович. Сійö бöрйöмась 2007' декаб 2' лунö 366 морт (быдсöн бöрйиссез вöлöмась 956-я). Сылöн конкурент Рудова Мария Алексеевна понда сетöмась сэк нысö 248 морт.

 нимсянь сідзжö уджалöны:

  

Олöны Чадзöвас чадзӧ́вчи, öтік айка мортöс шуöны чадзӧ́веч, инька мортсö чадзӧ́вка,   чадзӧ́вскöй нето чадзӧ́вись.

Татісь важ памиллёэс Батуев да Мартынов. Отирыс гишшöны сідзжö Рудов (Гайна ладорись), Ильиных да Кучев (Бачманов ладöрись), Никонов (Пармайылісь), сёрöнжык локтіссез Грачов, Варганов.

Деревняын эм кынымкö .

Йöзыс быдтöны мöссэз, вöввез, баляэз, порссез, , курöггез.

Мусö озö ни гöрö, буди галяэз понда.

Вöралісь эм быд керкуын. Мед вöравнытö, колö «Удачнöй» вöркöзяйстволісь ньöбны .

Туйез быдкодьöсь, Ыджыт туйыс гравия. Сы кузя ветлöтöны машинаэз Юксьöв да Кöс коласын.

Уна отирлöн эм ас машина.

Чадзöвын эм автобус сувтчан, автобусыс грезд пырйöт мунö кыкись ойлуннас:

Этася Чадзöвись школалöн ПАЗ ветлö куим маршрут кузя: 

Чадзöвчи вермöны видзöтны телевизор, а радиоись нійö орöтöмась. Грездын позьö йитчыны телефон пыр, кöть и линияыс важмöм. Эм таксофоннэз, но карточкаэзöн öнджакерны отирыс абу на велалöмась. 

Мобильник кутö öті-мöділаын (UTEL).

Эм куим магазин:

Быт сфера абу зорöтöм, шырсьыны да мый да ветлöны Кöсöдз. 

Не , не , не канализация Чадзöвын абуöсь.

Эм ФАП, медматын больнича Кöсын.

Шойнаыс куйлö Чадзöвсяняс лунвыв-асыввылö 1,5 км ылынаын. Чадзöвчися сэтчин дзебсьöны Поддячöвчи, Пеклаыбчи да Карчойчи.

Школа понда медодзза керку сувтöтöма 1901' годö Батуев Öсип Павлович. Эта понда сылö сарсянь вöлі сетöм  медаль.

Öні челядьыс велöтчöны кык керкуын:

Культура грездас видзöны Чадзчойын. Школася татчö поздісьöны:

Клуб да школа класын эм площадка.

Грездын вежалун вöлі Девята пятница. 

Чой вылас жö сулалö часовенка Девята пятница. Кöркö матын вöлі быдса часовня, сы местö сэсся лэбтöмась клуб. Татöн жö вöлі шойна. Öнняся клуб, площадка, школаэз да веськöтлан керку сулалöны важ шойна вылын.

Увдöрын, Поддячöвын, сулалö часовенка Пролавер,  сэтчин важынся кадö вöлі дюттян, чулалöмась гулянкаэз да орсаннэз (лапта дмд).

Отирыс порйöтöны и мöдік вичкуся празьниккез, шуам, стречалун, кöдö татöн шуöны трöича.

Посадлун озö чулöтö.

Чадзчой вылын сулалö часовенка Девята Пятница.

Мемориаллэз не казьмöтаннэз Чадзöвын абуöсь.

Археологгез адззöмась харинсалісь кык важ шойна:

Чадзöв да Поддячöв öні позьö лыддьыны öтік  туйö ни, кöть одзжык нія пыр öтамöдныскöт вермасьöмась, быдыс ыджытжыкö бы вöлі пуксьö. Кöркö Чадзöвын олöмась етшажык отирыс, а öні быдса 2/3 вердöлын олöны, и токö 1/3-ыс урдöлын. Да и сельсоветлöн керкуыс дыр кад сьöрна абу жö чой йылас сулалöма...




#Article 167: Митя (Кӧчладор район) (366 words)


Митя́ — Перем ладорись Коми кытшын, Кöчладор районісь Юксьӧв посадмуын коми грезд (деревня).

Вöлöма пö морт, кöда поздісьöм эта местаö, нимыс вöлі Митя. Сідз и пондасö шуны деревнясö.

Митя грездыс сулалö Кыдзыс ю йыввезын, посадму шöринсянь (Юксьӧв посадсянь) асыввылö 1,6 км ылынаын да Кöч посадсянь ойвыв-асыввылö 33 км ылынаын.

Митя грездсянь ойвыв-асыввылö 1,4 км ылынаын сулалö Пармайыл (сэтчö эм веськыт туй), лунвыв-асыввылö 3 км ылынаын сулалö Бажöв, лунвылö 2,8 км ылынаын — Сизьöв.

Татісь отир тöдöны сэтшöм ландшафттэз:

Грезд дынын, Кыдзыс ю вылас, эмöсь унакодь пруддэз: 

Ордча вöррезын олöны кӧин, руч, кӧч да быдкодь кайез.

Митя грездлöн торрез:

Митя грездын куим туй :

Эм отаин (площадь) Бар дынын .

Эм археологгезöн адззöм Митядорись шойна.

Митяыс сэк вöлі Чердын уездісь Юксьӧв волосьын, 1924' во бöрын Кöсладор (1926' годсянь Кöчладор) районісь Юксьӧв сельсоветын.

Советтэз дырни Митяас лоис «За коммунизм» колхоз. Сэсся лоис «Юксьӧвскӧй» совхоз, митинчи уджалöмась совхозыс первöй отделеннёын. Вöлі ферма.

Ӧні Митяыс пырӧ Юксьӧв посадмуӧ, 2006' воöдз вöлі Юксьӧв сельсоветын. Грездын эм староста, полициялöн урядник вовлö Юксьöвись. 

Отирыс шусьöны ми́тинчи (öтік морт — митя́ись). 

Митинчи гишшöны унажыкыс Утробин. Эм и мöдік фамиллёэз — Юркин, Сизов.

Отирыс — комиöсь, баитöны комиöн.

Ордча грездын Митяын оліссесö нимкодялöны упа́ддезöн.

Торья отирыслöн эм нимкоддез: Арбуз Петь, Санко Вань, Паша Валь, Зинко Лёнь, Öнись Лёнь, Гоб Ныр, Одуванчик, Сьöд Иван, Гöрд Иван.

Ыджыт  грездын абуöсь. Отирыс быдтöны пода да карч, туруналöны, ягöдалöны, тшакьялöны, вöралöны.

Туйез грездас умöльöсь. Токö Юксьöвлань туйыс вевттьöм асфальтöн. Ветлö автобус, кöть тодильнöй сувтчаныс и абу. Джын отирлöн эм ас машинаэз.

Митинчи вермöны видзöтны телевизор, а радио кынымкö во кыдз ни орöтöмась. Эмöсь телефоннэз, а мобильниккез озö кутö. 

Эм кык лавка, кытöн вузалöны берсятор. Öт магазиныс шусьö Бар.

Шырсьыны да мый да отирыс, öддьöн колö кö, ветлöны Кöчöдз.

Эм аптека, медматісь медпункт — Юксьöвын. 

Кулöм отирöс Митровчи дзебöны Юксьöвас жö.

Челядьсад грездісь пöдналöмась. Челядь велöтчöны Юксьöвись школаын. Сэтöн жö медматын культура керку. Одзжык вöлöма асланыс клуб, керкуыс öнöдз сулалö.

Митяын берся гажöтаннэз чулöтлöны öддьöн шоча.

Отирыс медыджыт празьник туйö пуктöны Спас. Митяын да Пармайылын сія — асланыс вежалун. Этія лунö быд во матісь видззез вылын овлöны Спас коссез, кöр Кöчладорись да Кöсладорись том отир тышкасьöны öтамöдныскöт.

Порйöтöны сідзжö Стречалун, Ыджытлун, Василей рыт, Масленича. 

Медматын вичку (киссьöм ни) — Юксьöвын.

 




#Article 168: Бажӧв (Кӧчладор район) (392 words)


Бажӧ́в — Перем ладорись Коми кытшын, Кöчладор районсис Юксьӧв посадмуын коми грезд (деревня).
 

Видзöтны кö грездыслöн öння ним вылö, сія ровно кыдз аркмöма Баж нима морт сьöрті. Но одзжык сійö гижöмась мöднёж — Бажья нето Бажаева. Роччез, первуись фиксируйтікö, эшö и сорасьöмöн гижöмась деревнясö Баскаево, сэсся пондöмась гижны Бажева, öні Бажово 

Нимыс кö былись вöлі Бажья, то этö — важ коми увтырлöн ним.

Бажöв грезд сулалö мыс вылын, Юксьӧвсянь лунвыв-асыввылö вит километра ылынаын, с. ш. Юксьӧвскӧй Турцияын. 

Мунан кö Бажöвсяняс рытвылас ыб кузя 1,5 км, локтан Сизьӧв грездö, 2,5 км лунвыв-рытвылас петö Москвина, 3,5 км — Вершинин. Лунвыв-асыввылас километра етш ылынаын сулалöны медбöрья куим керку йöзтöмсялöм Манастыр грездісь. Ойвыв-рытвылас куим километра ылынаын, вöр саяс, поздісьö Митя грезд.

Бажöвыс пöліня рытвывлань. Рытвылас сія орö круткодь покатöн.

Рельефын тöдчöны:

Отир тöдöны ыббез (турунсялöмöсь ни) да видззез:

Вöррез:

Матісь шоррез:

Бажöвын керкуэз сулалöны нёль туй пöлöн. Куим туйыс куйлöны параллельнöя, этö Сёйгуйöр (асыввылас), Шöр улича да Пыштыгöп (рытвылас). Öтік туй куйлö нылö перепендикулярöн, сія петö Сёйгуйöр туйсис, поперегалö кык мöдік туйсö да петö рытвылас грезд сайö — Митяланьö. Пыштыгöп туй петö грезд сайö лунвылас да мунö мöдік ордча деревняэзö.

Шöр уличалöн ойвыв торыс шусьö Кайгоро́дка.

Бажöв грездын официальнöя лыддисьöны куим туй :

Первуись Бажöвсö пасйö карта вылö  А. Е. Теплоухов 1848' годö, сорасьöмöн сэтчö гижöм Баскаева. 1869' вося небöгись адззам: Бажьяын пö олöмась 30 мужик да 25 инька, кыртавыллэз кыкьямыса. 1886' годö  Бажöв выселокын вöлöма 17 картавыл ни. Отирыс кöдзлöмась сю, заптылöмась вöр, вöравлöмась. 1909' годö грездын вöлі вичкубердся школа да дорсянін, олöмась 167 морт, видзöмась 24 картавыл.

Лöсьöтöмась колхоз, коллективизация коста уна отирсö кулачитöмась. 

Бажöв, Манастыр да Чаняыб вöлöмась öтік колхоз. Сээся колхоззэз гырисьмöтасö, быдöс ордча грезддэз лоисö «Калиновка» колхозын. 1970' воланьын «Калиновкасö» öтлаöтöмась Юксьöвись «За коммунизм» колхозкöт да керисö «Юксьӧвскӧй» совхозлö мöд отделеннёöн.  

Бажöвын вöлі челядьсад, аптека. Бажöвскöй челядь велöтчынытö ветлöмась Сизьöвö, 1970' воэз бöрын — Москвинаö.

Ӧні Бажӧвыс пырӧ Кӧчладор районісь Юксьӧв посадмуӧ.

Олöны Бажöвын бажӧ́вчи. Öтік айка морт шусьö бажӧ́веч, öтік инька морт бажӧ́вка. ыс бажӧ́вскöй нето бажӧ́вись.

Медваж фамиллёыс Андров. Йöзыс гишшöны сідзжö Исаев, Евдокимов.

Отирыс комиöсь, баитöны комиöн.

Öтласа кöзяйство öні абу ни. Отирыс уджалöны аспондасис — быдтöны карч, вöдитöны пода, ягöдалöны да тшакьялöны.

Бажöвын вузасьö сельполöн лавка.

Грездын позьö видзöтны телевизор, баитны мобильникöт (UTEL).

Бажöвчилöн эм асланыс шойна — Тимало́г, кöда куйлö грездсяняс рытвылö. Но мукöдыс дзебсьöны и ыджыт шойнаö — Яланяс, кытöн дзебöны кулöммезнысö быдöс ордча грезддэз.




#Article 169: Чикманов (Юсьва район) (295 words)


Чикманов (сідзжö шуöны Чикманова) — Перем ладорись Коми кытшын, Юсьва районсис  Купрӧс посадмуын коми грезд (деревня). 
 

Олöма пö купеч Чикман, сы ним сьöрті и пондöмась шуны грездсö.

Чикманов грезд сулалö Кудымкарсянь Пожвалань мунан туй дорын, Иньва юсянь ойвылö 1,5 км ылынаын. Кудымкарöдз муннытö 56 км, автобусöн 1:20.

Ордчöн, етшажык километрася ылынаын сулалöны: рытвылас, — Трипанов грезд, асыввылас, Пöй ю дорын, — Пашня грезд. Аксёновчи посадöдз колö мунны 2,5 км рытвылö, Купрöс посадöдз — 5 км асыввылö. Лунвылас 4 км ылынаын сулалö Крыкалёв посад, но веськыт туй сэтчöдз Чикмановсянь абу.

Рельефын тöдчöны:

Вöрын олöны ош, вӧрмӧс, кӧин, руч, ур. Быдмöны пикан, шышыбар.
 

Чикманов грездын кык тор: ачыс Чикманов да Маркин.

Чикманов грездын эм нёль туй 

Чикманов грездын кöркö вöлöма колхоз Март 8' лун, уджалöма клуб, школа. Отирыс вöлöм уна.

Öні Чикманов грезд пырö Купрӧс посадмуö, а 2006' воöдз сія вöлі Аксёновскöй сельсоветын. Аксёновчиын и öні пукалö морт, кöда влась нимсянь баитö чикмановчикöт.

Чикманов грездын олöны чикмановчи. 2009' во пондöтчикö нія вöлöмась 37 морт, кöдна видзöмась 17 горт (öні пö 41 морт, 16 горт). Отирыс комиöсь, баитöны комиöн. Уныжыкыс гишшöны Крохалёв да Кылосов. 

Ыджыт  Чикмановын абуöсь. Отиырыс быдтöны карч, видзöны пода, вузалöны ма, чериалöны, öктöны тшак, ягöд да веськöтчан туруннэз.

Туйез Чикмановас умöльöсь, ас машинаэз абу уна . Быд час грезд пырйöт мунö автобус, эм тодильнöй сувтчан. 

Чикмановын позьö видзöтны телевизор, кывзыны радио, баитны мобильникöт. 

Лавкаэз грездын абуöсь, босьтасьнытö отирыс ветлöны Аксёновчиö нето Купрöсö.

Быт службаэз абуöсь жö, бритчыны да мый да колö мунны Юсьва посадöдз.

Медпункт ни аптека абу.

Дзебсьыны ветлöны куим километра сайö.

Челядьсад ни школа öні Чикмановын абуöсь. Медматын пондöтчан школа - Аксёновчиын. Ыджытжык челядь ветлöны велöтчыны Аксёновчиö жö нето Купрöсö.

Клуб абу, фольклор коллектив абу, гажöтаннэсö грездас озö чулöтö.

Гортын порйöтлöны Иван лун, Василий рыт.

Юрбытны татісь кристосаэз ветлöны Öнтипинчиö, Пожваö нето Майкарö.

 




#Article 170: Гортлуд (Кӧсладор район) (368 words)


Гортлу́д — Перем ладорись Коми кытшын, Кӧсладор районісь Чадзӧв посадмуын грезд (деревня).  
  

Гортлуд грездлöн нимыс вежöртана — гортся луд, кытöн лудыс — туруна кушин.

Гортлудыс сулалö Кöсладор район асыввылын, Бачман ладорын, Чадзöвсянь лунвыв-асыввылö 5,2 км ылынаын да Кӧс посадсянь лунвыв рытвылö 24,5 км ылынаын (веськыт линия кузя).

Гортлудсяняс ойвыв-рытвылас километра етш ылынаын сулалö Красинькӧв, ойвыв-асыввылö 1,5 км ылынаын Бачманöв, сы сайын Чоййыл да Пыдöс.

Красинькöвсянь гортлудчи лэдзчöны, Бачманöвö кайöны.

Асыввылас Гортлудсяняс 2,5 км ылынаын кöркö сулалöма Тылавыл грезд, квать километра ылынаын Чаняыб грезд.

Маті котöртö Бе́рег шор, ывтіжык Ю́динскöй шор. Кыкнан шор вылын зм пруд.

Нюррез грезсянь ылынöсь

Матісь видззез:

Матісь ыббез:

Грездас эм Урдöл да Вердöл, а сідзжö Виль посёлок.

Öні Гортлудын лыддьöны токö öтік туй :

Былись ту туйез грездас куима: öтік ыджыт туй да сысянь петан учöт туйез.

Гортлуд гöгöр адззöмась чучкöй берсяторрез. Сідзкö комиэз овлöмась татöн важынсянь.

Öнняся грездыс аркмöма 1880' воэзö, кöр татчö локтöмась йöз Бачманöвись. 1886' годö татöн вöлöма кык гортвидзан. Гортлудын сэк олöмась комиэз, кöдна быдтывлöмась нянь, кылöтлöмась вöр, уравлöмась, кыйлöмась пöтка (сьöла), чериавлöмась.

Коллективизируйтöм коста, 1930' во, Гортлудсö пыртöмась «Ленин» колхозö (шöриныс Бачманöвын). 1934' годö öтлаын Красинькöвкöт да Тылавылкöт гортлудчи лöсьöтöны торья «Комсомол» колхоз, кöдö 1957' во öтлаöтöмась Бачман ладорись öтласа колхозö «Путь Иллича». Мöдсö 1960' годö гырисьмöтасö, шöринсö керасö Чадзöвö. 1966' годö этія суперколхозісь Бачман ладорись грезддэз петöны, аслыныс торья «Искра» колхоз лöсьöтікö. Но торйöн олöмась недыр: 1968' годö нійö кöрталöны «Кöсинскöй» совхоз бердö Бачманöвскöй отделеннёöн, а 1971' восянь  этійö отделеннёсö вуджöтöмась «Чадзӧвскӧй» совхозö. 

Ӧні, 2006 во пондöтчöмсянь, Гортлудыс пырӧ Чадзӧв посадмуӧ.

Олöны Гортлудас гортлу́дчи, öтік айка мортöс шуöны гортлу́деч, инька мортöс гортлу́дка; тöдчанним гортлу́дскöй нето гортлу́дісь.

Гумагаэз сьöрті 2009' во пондöтчикö Гортлудын олöмась 72 морт, кöдна видзöмась 21 горт.

Оліссезлӧн лыд воэз сьöрті:

Отирыс комиöсь, баитöны комиöн.

Медваж гишшаныс Кучев. Мöдік фамиллёэз: Ильниных, Мартынов, Конохов, Калашников.

Öні грездас öтласа кöзяйство абу. Отирыс торйын видзöны пода, быдтöны карч. 

Ньöбöны вöрвидзанісь делянкаэз да пöрöтöны вöр.

Продукция вузалöны ньöбсиссезлö, кöдна вовлöны татчö камаззэзöн. Паныт босьтöны сакар, сов да пизь.

Отирлöн эмöсь ас машинаэз. Автобус ветлö токö школьнöй.

Мобильник кутö UTEL.

Эм райполöн лавка. Асторья магазин банкротитчис.

ФАП-ö колö мунны Бачманöвöдз. Сэтчин жö шойна.

Велöтчынытö челядь ветлöны Бачманöвö.

Гортлудын эм клуб, кытöн уджалö фольклор сьылісь коллектив.

Гортлудчи порйöтöны Бачман ладорись быдöс вежалуннэз:

 




#Article 171: Карчой (Кӧсладор район) (298 words)


Карчо́й — Перем ладорись Коми кытшын, Кӧсладор районісь Чадзӧв посадмуын грезд (деревня).  
  

Карчой грездлöн ним тэчöма кык торись: кар да чой. Карнас одзжык шуöмась йöрйöм оланін нето шойна. Чой — керöс, мыс. Сідзкö, Карчой позьö вежöртны кыдз йöрйöм оланінын мыс.

Карчой сулалö Карчойшор пöлöн, Чадзöвсянь ойвыв-рытвылö 4,5 км ылынаын да Пеклаыбсянь ойвыв-асыввылö кык километра ылынаын.

Грездын эм кык пруд, Карчой кыкнан помын. Гожумнас местаыс öддьöн гажа.

Карчойын позьö торйöтны веськыт вадöр да шульга вадöр.

Öні Карчойын лыддьöны токö öтік туй :

Былись туйес кыка, шорсяняс кыкнан ладöрын.

Комиэз лöсьöтöмась Карчояс öнняся оланін 1870' воэзö, кöр татчö локтöмась йöз Поддячöвсянь. 

Коллективизируйтчикö карчойчи öтлаын пеклаыбчикöт лöсьöтöмась «Краснöй звезда» колхоз. 

Сія жö годö вöлі гижöтöм. Сы коста Карчойсис адззöмась 21 строеннё, 22 гортвидзан, 108 олісьöс.

Гырись «Краснöй звездасö» 1960' годö ни нимтöмась «Путь Иллича», а 1970' годö керисö сыись «Чадзöвскöй» совхоз.

Отир кöдзлöмась сю, видзöмась пода.

Но сэсся оланыс разьсис. Йöзыс пондісö мунны овны мöділаэзö. 2007' во пондöтчикö Карчояс олöмась токö 12 морт, кöдна видзöмась кыкъямыс кöзяйство.

Ӧні Карчойыс пырӧ Кӧсладор районісь Чадзӧв посадмуӧ, отирыс бöрйöны депутаттэзöс районісь Земство öксянö да посадмуись депутаттэз советö. Сетöны кипаснысö район да посадму юраліссез понда.

Олöны Карчояс карчо́йчи. Мужик морт — карчо́еч, инька морт — карчо́йка. ыс карчо́йись нето карчо́йскöй.

Гумагаэз сьöрті 2009' во пондöтчикö Карчойын олöмась 11 морт, кöдна видзöмась сизим горт. 

Карчойись фамиллёэз: Батуев, Мартынов, Пустоев.

Отирыс комиöсь, баитöны комиöн. Токö öтік мортыс (Чудинов) рочовöй, локтöма Нöвöсёлісь.

Отир уджалöны асланыс карчйöррезын. Мукöдыс вовлöны горт деревняаныс токö гожйыны, а уджалöны мöділаын. 

Грезд гöгöр лёка пöрöтöны вöр локтісь йöз.

Отир норасьö кислотнöй зэррез вылö, кöднö вайöтö татчö тöв Кыдззакарсянь.

Карчойын сулалöны таксофоннэз, эм мобильнöй йитöт (UTEL).

Туйез грездас да сы гöгöр — куш му нето турун. Но отирлöн эмöсь ас машинаэз да техника.
 

Грездын порйöтлöмась вежалун Девята Пятница, сэк кежö татчö вовлöмась гöссез ордча деревняэзісь.

 




#Article 172: Пеклаыб (Кӧсладор район) (344 words)


Пекла́ыб — Перем ладорись Коми кытшын, Кӧсладор районісь Чадзӧв посадмуын грезд (деревня).  
  

Пеклаыб грездлöн нимыс кокнита вежöртана Пекла + ыб, м. ш. Пеклалöн ыб. 

Кöр отирыс чожа баитöны, этія нимсис ы-ыс öшö нето пöртчö а-ö; сідз сы туйö, мед висьтавны Пекла́ыбсянь, шуöны Пекла́бсянь нето Пекла́абсянь.

Пеклаыб сулалö Вижайка ю дорын, Чадзöвсянь ойвыв-рытвылö 5,8 км ылынаын, Юксьöвсянь ойвыв-асыввылö кыкьямыс километра ылынаын.

Грездыс поздісьöма Кöсладор да Кöчладор коласісь визир бердын.

Пеклаыбкöт ордча грезддэс: Пармайыл лунвыв-рытвылö куим километра ылынаын, Карчой ойвыв-асыввылö кык километра ылынаын, Поддячöв — лунвыв-асыввылö 4,5 км ылынаын.

Вежайка ю котöртö Пеклаыб шöрöтяс асыввывсянь рытвылö. Медшöр туйыс мунö Пеклаыб пырйöт меридиан пöлöн да поперегалö юсö. Асыввылас поссянь аркмöма пруд, кöдö 2011' гожумнас мöдöны бурмöтны.

Пос сайын, грезд самой шöрын сулалö лисвень — талун паса объект оліссез понда, сы сьöрті тöдöны погоддя.

Ойвылас грездсяняс ландшафтыс шусьö Па́льникмыс, лунвылас Яйва́йыл. Асыввылас куйлöны ыббез (турунсялöмöсь ни), кытöн сулалö енöвтöм ферма. Рытвылас Пекла́ыббез, а ойвыв-рытвылас — Ту́пöсямыс.

 

Öні Пеклаыбын лыддьöны куим туй :

Талуння Пеклаыбсö овмöтöмась отир Поддячöвись 1880' воэзö, кöр татöн лыддьöмась кык гортвидзан. Отирыс кöдзлöмась сю, видзöмась пода. 1909' во кежö сю пондіс артмыны етшажык. Мужиккезлö ковсис пöрöтны вöр, вöравны да чериавны, шочыника кыскалöмась вовлісь йöзсö доддезöн. Грездын уджалöма куим мельнича (мутей). Гортвидзаннэз сэк вöлöмась даса, оліссез 75-а. Пруд дорас сулалöма часовня.

Ыджыт война коста грездын вöлі ыджыт бишог. Сотчисö быдöс керкуэз. Бур кöть урожайыс артмöма.

Ӧні Пеклаыбыс пырӧ Кӧсладор районісь Чадзӧв посадмуӧ, отирыс бöрйöны депутаттэзöс районісь Земство öксянö да посадмуись депутаттэз советö. Сетöны кипаснысö район да посадму юраліссез понда.

Пеклаыбын олöны пеклаыбчи /шусьö пекла́бчи/. Мужик мортыс пеклаыбеч /пекла́беч/, инька мортыс пеклаыбка /пекла́бка/.  пекла́ыбись нето пеклаыбскöй /пекла́бскöй/.

Отирыс комиöсь, баитöны комиöн.

Гумагаэз сьöрті 2009' во пондöтчикö Пеклаыбын олöмась 26 морт, кöдна видзöмась 14 горт. Былись олöны етшажык, 12 морт. 

Унажык отирыс гишшöны Батуев. Эм сідзжö Вилесов, Пустоев.

Пеклаыбын оліссезöс нимкодялöны кара́ссез.

Олöны Пеклаыбас унажыксö пенсионеррез. Отир быдтö карч, вöдитö пода.

Эм асторья вöрпилитан. 

Öтік кöзяйствоын видзöны мошшез, вузалöны ма.

Магазин не мый грездын абу.

Кулöм отирсö пеклаыбчи дзебöны Чадзöвö.

Культура керку да мöдік берся Чадзöвын.

Грездын вежалун вöлі Петырлун — вöв празьник. Отирыс пыралöмась сы коста ваö.




#Article 173: Москвина (Кӧчладор район) (279 words)


Москвина́ — Перем ладорись Коми кытшын, Кöчладор районсис Юксьӧв посадмуын коми грезд (деревня).
  

Москвина сулалö крут мыс вылын, Урьюö усян Уржовчина шор дорын, Юксьöвсянь лунвыв-асыввылö вит километра ылынаын. Москвинасö позьö лыддьыны шöрин туйö с.ш. Юксьöвскöй Турцияын, кытчö пырöны сідзжö матісь грезддэз: Сизьӧв (ойвылö 0,8 км ылынаын), Вершинин (лунвылö 0,6 км ылынаын), Бажӧв (ойвыв-асыввылö 2,5 км ылынаын) да Артипӧв (лунвыв-асыввылö 3,5 км ылынаын).

Москвинаас абу ключчез, сійöн ва коліс кайöтлыны шорсяняс, а öні письктöтöмась артезиан öшымöссэз.

Шор вылас эм басöк пруд.

Москвина грездын öні лыддьöны куим туй :

Москвина грездыс аркмöма натьтö ХІХ век шöрын, кöр татчö локтöмась овны отир Сизьöвись. Сідзкö видзöтам кö история, Москвина — Сизьöвлöн выселок. 1869' годö татöн олöмась 58 морт, вöлі куим (!) картавыл.

Москвинаыс перво вöлöма Чердын уездісь Юксьӧв волосьын, 1924' во бöрын — Кӧсладор (1926' годсянь Кӧчладор) районісь Вершинин сельсоветын. 1926' вося гижöтöм коста Моквинаись адззöмась 61 мортöс (25 айка, 36 инька), öкмыс кöзяйство.

Лöсьöтöмась колхоз, нимыс унаись вежсьылöма, отир тöдöны да, кöркö вöлі Жданов нима. Сизьöв да Москвина вöлöмась öтік колхоз. Н. С. Хрущёв дырни колхоззэз гырисьмöтасö, быдöс ордча грезддэз лоисö «Калиновка» колхозын.

Сэк жö Вершининісь сельсоветсö вежöмась, Москвинаыс лоис Юксьöв сельсоветын.

Москвинаас пондасö локны овны йöзыс сёрдынжык сулалан грезддэзісь. 

Ӧні Москвинаыс пырӧ Кӧчладор районісь Юксьӧв посадмуӧ.

Олöны Москвинаын москви́нчи. Öтік мортсö шуöны москви́нскöй.

Медваж оліссезлöн фамиллёыс — Сизов, мыля грездсö сувтöтöмась йöзыс ордча Сизьöвись. Сэсся татчö пондöмась локны отир мöдік грезддэзісь, Андров (Бажöвись), Пономарёв (Вершининісь), Федурин (Манастырись), Батуев (Чадзöвись), Гагарин, Фалалеев...

Отирыс кöзяйствуйтöны торйын. Быдтöны карч да видзöны пода. Сю озö ни кöдзö.

Эм öтік лавка — ИП Л.Чеботков.

Дзебсьöны москвинчиэз, кыдз и ордча грезддэзісь отир, Ялань шойнаын.

Москвинаын эм пондöтчан школа, но öні, челядьыс етша лоöмась да, школасö мöдöны пöднавны.




#Article 174: Грезд (290 words)


Грезд () — учöт олан пункт, кытöн абуöсь индустрия , а отирыс уджалöны му, быдтöны пода, öктісьöны нето керöны кытшöмкö промысёл. Грездын йöзыс пыржык олöны асланыс торья керкуэзын.

Талун Коми кытшын грезд кывсö лёка вунöтöмась ни. Быдлаын комиöн баитікö шуöны деревня. Кöть эшö XIX век пондöтчикö Кудымкарись поп Г.Чечулин аслас лексиконын гижö: деревняыс пö лоас комиöн грезд, кöть и содтö, шоча пö ни пантасьö асланым .

Миян кадö  грезд кыв тöдöны коми отир Язьваланьын да Коми Республикаын. Зырянаыс, комиöн сёрнитікö, деревнятö некор оз и горöтчö, сё грезд да грезд, мыля важся коми кыв кольччöма нылöн ловья. Сійöн и миян коми гижöтын, перем коми лыддьöтан кылын, вöзъям этійö шуансö ловзьöтны.

Функцияэз сьöрті грездыс öддьöн вачкисьö посад вылö. Одзжык  неöткодьыс грезд да посад коласын вöлі то мыйын: посадас эм вичку, а грездын абу. Öні эта тöдчаныс абу вына, мыля уна посаддэзын вичкуэз абуöсь, а мукöд грездын, мöдöрö, эмöсь. 

Сё жö унажыксö посад овлö грездся ыджытжык, мыля вичкуа оланінö одзжык лöсьöтлöмась быдöс ордча грезддэз понда , отирыс сэтчин, туйö вежöртны, содöма чожажык.

Коми кытшын грезддэс — медтшöка пантасян оланін форма. Нія миян 590-а. Но нылöн лыдыс пыр чинö. Отирыс мунöны ыджытжык оланіннэзö кошшыны сьöмажык удж да кокнитжык олан. Роч юраліссез, мед тырмöтны казнаись сьöм, йöзтöмтöны учöт грезддэсö ныись школаэз да культура керкуэз пöдналöмöн. Коми грездыс öшö. Коми отир, кöдна мунöны карö нето посёлокö, рочсялöны. 

Коми отир шуöны оланіннэзнысö быдкодя, мыля комиэзкöт ордчöн пыр олöмась мöдік чужанвужа отир. 

Медуна грезддэз нимтöмась морт ним сьöрті. Этö вермас лоны важ перем ним - Пыстöг, кистосалöн ним - Митя. Роч кылісь одзöстöмöсь тодильнöй содтассэз: -ов (-öв), -ова (-öва), -овчи, ин, ина, кöдна отсöтöн аркмöны грезд ниммез морт ниммезісь: Ёгоров, Бажöв, Закаровчи, Девин, Москвина.

Мукöд грезддэз нимтöмась увтыр ним сьöрті, шуам Модзга.

Места сьöрті нимтöмась: Сюзьпозъя, Пармайыл.

Оланіннэз




#Article 175: Важ Пальник (Кудымкар район) (134 words)


Важ Па́льник — Перем ладорись Коми кытшын, Кудымкар районсис Ошыб посадмуас коми грезд (деревня). 
 

Важ Пальник шусьö сідз сійöн, мыля эта ладорын кöркö сотöмась вöр, медбы керны ыббез. Натьтö вöлі и виль пальник, но талуння отирыс сы йылісь нем озö тöдö. Юыс, кöда дорын грездыс сулалö сідзжö шуöны Тыашор, кытöн тыдалö компонент тыла (сöтöм ректас).

Грездыс сулалӧ Тыашор ю дорын, Ошыб посадсянь ойвылö километра ылынаын. Важ Пальник да Ошыб коласын сулалö Рочов грезд.

Ойвылас, рытвылас да асыввылас Важ Пальниксяняс оланіннэз абуöсь, уна километра ылына сэтчин нюжалö сьöд вöр.

Тыашор вылас Важ Пальник весьтö лöсьöтöмась пруд, кытöн йылöтöны карппез.

Важ Пальникын öні тодильнöй нима ез абуöсь :

Ӧні Важ Пальникыс пырӧ Ошыб посадмуӧ.

Гумагаэз сьöрті 2009' во пондöтчикö Важ Пальникын олöмась öкмыс морт, кöдна видзöмась куим горт. Татісь отирыс гишшöны Радостев. Оліссез комиӧсь, баитöны комиöн.




#Article 176: Вишера район (183 words)


Ви́шера райо́н () — веськӧтлан юкӧт Перем ладорын, важся коми му, одзжык Ыджыт Перемлöн тор.

Район аркмӧтӧм 1941' годӧ, Чердын районсянь торйöтöмöн.

Веськӧтлан шӧрин – Вишера кар. Вишера карсянь Перемӧдз – 300 км.

Районын юралісьыс – Паньков Виктор Артемьевич.

Вишера районын роччез коласын олöны коми отир — язьва комиэз.

Мувывтор сьӧртіыс (15400 км2 ыжда) районыс босьтö 9,4% Перем ладорсис.

Вишера районкӧт ордчӧн куйлӧны: рытвылын Чердын район, ойвылын — Коми Республикаись Мылдін район, асыввылын — Свердлов лапöв, лунвылын — Лытва да Совкар районнэз 

Татöн öддьöн уна колана шедтассэз. Вишера муись адззöмась алмаззэз, мусир, газ, зарни, сёйез, извесь из, лыа, торф, минерал ваэз. Нійö шедтöны ни. Сэсся эмöсь мрамор, кöрт иззэз, ыргöн рудаэз, вольфрам, ртуть, марган. 

Районын дозоритöны вöр-валöн 22 юкöт да дорйöмин «Вишера».

Öні Вишера районын öтік карму да вит посадму.

Вишера районын юралісьöн 2009 восянь уджалö Паньков Виктор Артемьевич.

Талун Вишера районын олöны 26,1 сюос морт: айморттэз — 12,4 сюрс, инькаэз — 13,7 сюрс.

Коми отирыс районас öтік сюрс морт мымда, баитöны комиöн (коми язьва диалект вылын) 200 морт кыным.

Районын шедтöны алмаззэз да нефть, заптöны вöр.

Вишера карын уджалö ЦБК.

Медыджыт уджаиннэз:

 

 

 

 




#Article 177: Совкар район (121 words)


Совка́р райо́н () — веськӧтлан юкӧт Перем ладорын, важся коми му, одзжык Ыджыт Перемлöн тор.

Район аркмӧтӧм 1924' годӧ, Камакатыт кытш разикö.

Веськӧтлан шӧрин – Совкарын, кöть ачыс Совкарыс аркмöтö торья каркытш да районас оз пыр. 

Районын юралісьыс – Дума Андрей Юрьевич.
 

Совкар районкӧт ордчӧн куйлӧны: рытвылын Коми кытшись Кöсладор район, ойвылын — Чердын да Вишера районнэз, лунвылын — Лытва да Совдор районнэз.
  
Совкар районыс — 5 421 км² ыжда. Мувывторсис 80 % босьтö вöр да ректассэз. Быдмöны унажыкö лысъя пуэз: кöз, ньыв, шочыника лисвень да сыспу, эмöсь и корья пуэз: кыдз, пелысь, льöм. 

Климатыс континентвывся. 

 

Öні Вишера районын сизим посадму.
 

Совкар районын юралісьöн 2009' восянь уджалö Дума Андрей Юрьевич.

Талун Совкар районын олöны 17,5 сюос морт.

Совкар районын 63 оланін.

 

 

 

 




#Article 178: Мушӧр саридз (138 words)


Му́шöр са́ридз  () — Атлантика океан бердісь саридз, кöда куйлö Европа, Азия да Африка коласын. Ыждаыс — 2,5 миллион км². Саридзыс йитчö аслас океаныскöт векнит (токö 14 км паськыта) Гибралтар вискöн. Медпыдынін саридзас 5.267 м.

Важ римляна шуöмась Мушöр саридзсö Mare Nostrum миян саридз.

Араббез нимтöны сійö البحر الأبيض المتوسط, чочком шöрöт саридз, а нысянь нимыс вуджöма тюрк кылö, кытöн морёсö шуöны Akdeniz чочком саридз. 

Мукöд кыввезын саридзсö нимтöны шöрöт саридз: , ивр.  הַיָּם הַתִּיכוֹן, шв. Medelhavet, тот. Урта диңгез.

Мöдіккез шуöны сійö коласісь саридз: фин. Välimeri, эст. Vahemeri, азер. Aralıq dənizi. 

Унажык кыввезын Мушöр саридзыс шусьö му шöрись саридз нето му коласісь саридз: ит. Mar Mediterraneo, эл. Μεσόγειος Θάλασσα, шт. deti mesdhe, берб. ilel Agrakal, хöрв. Sredozemno more, мад. Földközi-tenger, кит. 地中海.  
 
Комиöн Мушöр саридзсö кöркö шуöмась сідзжö Мукос саридз, Мушöр морё. Рочöнжык сійö нимтöны Средиземнöй морё.




#Article 179: Важ перем гижӧт (195 words)


Важ перем гижöт (сідзжö шуöны важ перем гижöт, важ коми гижöт, важ коми анбур, Степанлöн анбур) — коми отирлӧн медваж гижöт, кöдö коми кыв понда лöсьöтöма вежа Перем Степан.

Перем гижöтнас этійö алфавитсö шуöны то мыля. XII-XV веккезö роччез нимтöмась Коми мунымöс Пе́ремь. Этійö кывсö локтісь славяна кывлöмась вепссэзлісь, кöдна ны сайись муэсö шуöмась Пе́рямя, мый лоö Бöрму. Вежа Степаныс и локтас этія Перем муö, медбы пыртны татісь коми отирсö Кристос нимöн да лöсьöтны татчö епархия. Эта понда сылö коліс вуджöтны Ен небöггез коми кыв вылö. Мед текстыс вöлі виль кристосаэзлö вежöртана, мортыс босьтöма важ коми пассэз да лöсьöтöма нійö роч да эллин шыпассэз сьöрті. Перем муын оліссезлöн, коми отирлöн, лоис ассяма алфавит, кöдö и шуöны важ перем гижöтöн нето важ перем анбурöн. 

Анбур (мукöдыс гижöны абур) лоö алфавит комиöн. Роч азбука моз жö, коми анбурыслöн нимыс аркмöма кык медодзза шыпаслісь ниммесö тэчöмöн: ан да бур. Медваж коми анбурсö вежа Степан и лöсьöтöма. Сійöн, кöр рочöн баитöны анбур йылісь, вежöртöны этія ним увтын токö стефаница. Но коми отирлöн анбуррес и сёрöнжык уна эшö вöлісö. Сысянь стефаница йылісь мийö комиöн висьталам: важ коми анбур нето Степанлöн анбур, и эта лоö сія жö, мый важ перем гижöт.




#Article 180: Оханнӧй (102 words)


Оханнöй — Перем ладорын кар, Оханнöй районлӧн да Оханнöй кармулöн шӧрин.
 

Оханнöй нимыс йылісь эм быдкодь мненнёэз. Мукöдыс адззöны татöн роч диалектісь охан кыв (вежöртасыс — ыджыт сина недотка), мукöдыс охансö вежöртöны мöднёж — кулиган, ростя. 

Перво кар местаын вöлі Оханнöй монастыр, 1764 восянь Оханнöй посад, 1781 годö Оханнöйсö керöмась карöн и рочöн шуöмась сійö Оханск. Комиöн кольччö важ нимыс. 

Оханнöй кар сулалö Кама веськыт вадöрын. Кама кузяс Перемöдз 126 км. Оханнöй пырйöт мунö важся тракт Козаньсянь Перемлань, Оханнöй карын этія туйыс вуджö Кама ю, кöда вылын лöсьöтöм  вуджанін. Туй кузяс Перемöдз 66 км ылына.

Медматын кöрттуй станцияöз, Нытваöдз 35 км ылына.

 




#Article 181: Чормӧс (кар) (187 words)


Чормöс — Перем ладорись Обва районын кар, Чормöс кармулöн шӧрин.
 

Чормöс кар шусьö сідз Чормöс ю сьöрті, кöда уссёын сія сулалö.

Чормöс кар сулалö Обва район ойвылын, Кама вавидзан дынын, Чормöс кöдж лунвылын. Петö Чормöс прудланьö. 

Чормöс вылöт котöртöны кык шор: Якинка да Головниха.

Карсö адззан Перемсянь ойвылö 69 км ылынаын, туй кузя колö мунны 212 км. Медматын кöрттуй станцияöдз, Добрянкаöдз, 60 км ылына. 

Кар дорын сулалöны грезддэз Макарята, Бурган да Селезни

Карын важынсянь вöлöмась кык тор:

Öння юкöттэз:

Чормöс грезд роччез первуись казьтылöны 1701' годся гумагаын, сэк татöн олöмась: 

XVIII век помын карсö пондасö план сьöрті зорöтны. Архитекторöн вöлі А. Н. Воронихин.

Чормöс öштіс ассис значеннё 1956' годö, КамГЭС шогья завод подналöм бöрын.

Сэсся 1959' воын пöдналöмась и район. Карыс кольччис горсоветöн (1960'–2005' воэзö), кöда пырис Перем лапöлісь Обва (Ильинскöй) районö.

Öні карыс пырö Перем ладорись Обва районö да лоö Чормöс кармулöн веськöтлан шöрин. Юралісьыс Солдатов Михаил Владимирович.

Чормöс кармуö карысся пырöны Кыласова посад да грезддэз:

Отирыс шусьöны чормозяна. 2010 во пондöтчикö нія вöлöмась 4017 морт.

Чормöсын оліссезлöн динамика

Автотуйыс мунö Обва посадö, сы пырйöт мунöны Перемö (ас машинаöн  2,5 час, автобусöн — 4 час.
  

Архитектура

 




#Article 182: Лытва район (169 words)


Лы́тва райо́н () — веськӧтлан юкӧт Перем ладорын.

Район аркмӧтӧм 1942' годӧ, Кыдзӧл районсянь торйöтöмöн.

Веськӧтлан шӧрин – Лытва кар. Лытва карсянь Перемӧдз – 185 км.

Районын юралісьыс – Шицын Александр Борисович.
 

Лытва район куйлö Перем ладор асыввылын, Урал керöссэз бердын.

Мувывтор сьӧртіыс (5513 км2 ыжда) пырö Перем муын шöрöт районнэз коласö. 

Вишера районкӧт ордчӧн куйлӧны: рытвылын Совдор район, ойвылын — Совкар да Вишерарайоннэз, асыввылын — Свердлов лапöв, лунвылын — Кыдзӧл, Губаха да Добрянка районнэз. 

Мувевдöрыс керöса да мыса. 80 процент мусис вевттьöма вöрöн. Районын 7 мувывтор дорйöны геология ладöрсянь, 4-ö ботаника ладöрсянь, 9-ö вöр-ва история ладöрсянь. 

Колана шедтассэз: мусир, сьöрся газ, торф, мраморсялöм известняк, алмаззэз, зарни, баситан из, керамзит и кирпич керан сёй. 

Öні Лытва районын öтік посадму да куим карму.

Лытва районын öні сулалöны 39 оланін: öтік кар, куим карок, 12 посёлок, кык посад, 20 грезд да öтік невежöртана оланпункт .

Вишера районын юралісьöн 2009' восянь уджалö Шицын Александр Борисович.

Чужанвуж сьöрті (2002' во): роччез – 91,2 %, тотара – 2, 8 %, украинса – 1,4 %. 

 

 

 




#Article 183: Совдор район (191 words)


Совдо́р райо́н () — Перем ладорын  .

Район медбöрьяись аркмӧтӧм 1965' годӧ.

Веськӧтлан  – Совдор кар. Совдорянь Перемӧдз – 183 км.

Районын юралісьыс – Шехматов Геннадий Петрович.
 

Совдор район куйлö Перем ладор ойвылын, Кама ю кыкнан ладорын. 

 сьӧртіыс (4666 км2 ыжда) пырö Перем муын шöрöт районнэз коласö. 

Совдор районкӧт ордчӧн куйлӧны: рытвылын Перем ладорись Коми кытшлöн Кудымкар да Кöсладор районнэз, ойвылын — Совкар район, асыввылын — Лытва район, лунвылын — Добрянка район да лунвыв-рытвылын Коми кытшись Юсьва район. Ойвыв-асыввылын Совдор районыс куим ладорсянь гöгöртö Кыдззакар каркытш.

Климатыс континентвывся. 70 процент мувывторсис вевттьöма вöрöн, быдмöны унажыксö лысъя пуэз (кöз, ньыв, пожум), пантасьöны кыдз да пипу. 

Кан дорйö районас вöр-ва казьмöтаннэз: Кыддзакарись заказник, Огурдін яг, нюррез - Дедюкиннюр, Токовнюр, Марьиннюр, Морошковнюр, Яйванюр да мый да. 

Колана шедтассэз: мусир, калия-магния соввез, извесь из, извесь туф, керамика сёй. 

Öні Совдор районын öтік карму да вит посадму.
 

Совдор районын öні сулалöны 89 оланін: öтік кар, кык карок, сизим посёлок, сизим посад, 68 грезд, куим невежöртана оланпункт да öтік  .

Совдор районын юралісьöн 2003' декабсянь уджалö Шехматов Геннадий Петрович.

Чужанвуж сьöрті (2002' во): роччез – 93,8 %, комиэз – 1,7 %, тотара – 1,4 %. 
 

Районын шогмисö:

 

 

 




#Article 184: Обва район (602 words)


О́бва райо́н () — Перем ладорын  , Коми мулöн важся тор. 

Районыс öння формаын аркмӧтӧм 1959' годӧ.

Веськӧтлан  — Обва карок. Обваcянь Перемӧдз – 93 км. 

Обва районын эм öтік кар — Чормӧс.

Районын юралісьыс — Красноборов Анатолий Иванович.
 

Обва район куйлö Перем ладор шöрын, Кама вавидзансянь асыввылö. Районлöн шöрин Обва карок, сулалö Перемсянь ойвыв-рытвылö 93 км ылынаын. 

 сьӧртіыс (3069  км2 ыжда) пырö Перем муын шöрöт районнэз коласö. Рытвывсянь асыввылö районыс нюжалö 80 км ылына, ойвывсянь лунвылö — 156 км ылына.

Обва районкӧт ордчӧн куйлӧны: рытвылын Карагай район, ойвылын Коми кытшись  Юсьва район, асыввылын — Добрянка район, лунвылын — Красновишерск да Нытва районнэз.  

Асыввылас районыс петö Кама вавидзан дорö. Обва ю торйöтö районсö кыкö: лунвыв да ойвыв ладор. Лунвыв ладорыс пырö Перем аггломерацияö, ойвылыс — дзиб. Öні, Обва вылöт поссö нюжöтöмась да, ойвылыс сідзжö оссьö. 

Мувевдöрыс абу жö öткодь: Обва да Чормöс юэзланьын паськалö лажмытін, а район лунвылас —  Оханнӧй вылынінлöн ойвыв пом.  

Климат шöркодь континентвывся. 

Мусиннэз — ежаа-шаргунаöсь да сёйвевьяöсь.

Быдмассэз кыдз и быдлаын лунвыв тайга дорын. Вöррес пемытлысъяöсь да паськыткорья-лысъяöсь (ньыв, кöз, нинпу). Бöрьяэз лёка кералöмöсь, ны туйö адззам му-видз уджалан юкöттэз, нето — Кама пöлöн — тэллясялöм уйттэз.

Вöрын олöны ур, кöин, вöрмöс, яг пöтка, ош да кин да.  

Дорьяна мувывторрез:

Районісь вöр-ва да мупытшк öддьöн öсь. Татöн эмöсь: вöр, , торф, сёй.
 

Обва район — коми отирлöн важся му. Археологгез осьтöмась татöн родановсалісь культура казьмöтан карколяс — Анюшкар.  

XVIII век пондöтчикö Строгановвез лöсьöтöмась татчö именнёлісь шöрин да вайöтöмась роч крессяна. Коми му лоис роч. Басöк архитектура казьмöтаннэзöн кольччöны 1701' годö панöм Чормöс кар да 1781' воын сувтöтöм Обва посад (öні карок, рочöн Иллинскöй).

Сар дырни öння районыслöн мувывтор вöлі Совкар уездын.

Обва район аркмöма 1923' декаб 14' лунö. 

Öні Обва районын öтік карму да квать посадму.
 

Обва районын öні сулалöны 189 оланін: öтік кар, öтік карок, 11 посад да 176 грезд. .

Обва районын юралісьöн 2011' восянь уджалö Красноборов Анатолий Иванович.

Отирлöн тшöкыта — 6,6 морт/км2. Йöзыс тшöкжыка олöны район шöрын да лунвылын, унажыксö Обва ю кыкнан вадöрын да туйез пöлöн: Перем—Обва, Обва—Григорьевскöй, Сретенскöй—Ивановскöй—Чормöс. Район ойвылын отирыс олöны шоча.   

Медуна йöзыс олöны Обва карокын (7,1 сюрс морт), Чормöс карын (4,1 сюрс морт), Сретенскöй посадын (1467 морт), Васильева посадын (561 морт), Филатова посадын (537 морт), Кривец посадын (503 морт).

 сьöрті 95,3 % рочöсь, 1,7 % комиöсь, колясыс — мöдік чужанвужа йöз. Коми отирыс унажыксö олöны ойвылын да ойвыв-рытвылын.

Джынся унажык отиырыс уджавны лöсялан öсь, 24 % — пöрисьöсь. Öтік во сьöрна уджаліссез да  лыддисьöны 8,7 сюрс морт мымда. Диплома специалисттэз — 1918 морт, ныись медвылын велöтчöмöн — 629 морт. 
 

Кöзяйство структураын медыжыт роль орсöны пукерöтöм да электродеталлез керöм. Му-видз уджаліссез вöдитöны пода, быдтöны сю.

Вöр индустриялöн Обва районас 60 % фонддэз, 40 % лэдзан продукция, 50 % индустрияын уджаліссез. Татчö пырöны вöрхоззэз, вöрпромхоз, кылöтан рейд.  

Машинакерöмын уджалö токö электродеталлез лэдзан Чормöс завод  (кусöтаннэз, радиорозеткаэз, янсöтан щитоккез). 
 
Васильевскöй да Русаки посаддэз дынын невнаöн шедтöны мусир.

Обва районын эм йöвзавод (Обва карокын, сылöн сепаратора юкöттэз осьтöмöсь Чормöсын да Серетенскöйын), Обваын уджалö начкисян пункт, Обваын да Чормöсын эм няньзаводдэз.

Кöдзöны 52 тыс. га пасьта, ныись 5 тыс. га вылын быдтöны сю. Унакодь кöдзöны и вердан культураэз. Сюэз (шогді, зöр, ид, рудзöг) босьтöны 9−11 ц/га.
 
Кöрттуйлань нуан туйез (Григорьевскöйлань да Менделеевалань) вевттьöмöсь кöдзаöн. 

Районын автобуссэз ветлöны 8 маршрут кузя.

Район пырйöт 25 км мунö федерациялö колана газнуан Ямбург—Тула да 8 км кежöтöм газнуан (регионлö колана).

Обва районын кыкьямыс дöсвелöтан шöрöт школа (1934 морт):

Куим дöсвелöтан под школа (188 морт):

Нысся эмöсь тодильнöй школаэз:

Кык шöрин:

Вит челядьсад (795 морт):

Обва район понда уджалöны:

Чормöс карын уджалöны:

Обва районісь посаддэзын да грезддэзын эмöсь

Обва районын петö газета «Знамя».

Обва районын торйöтöны 299 ландшафт (угоддё):

 




#Article 185: Рочов (Кудымкар район) (168 words)


Рочо́в — Перем ладорись Коми кытшын, Кудымкар районсис Ошыб посадмуас коми грезд (деревня). 
   

Рочов грездыс шусьö сідз натьтö медодзза олісь сьöрті, кöдалöн вöлі нимкодь Роч.

Грездыс сулалӧ Тыашор ю дорын, Ошыб посадсянь ойвылö джын километра ылынаын. Ойланяс Рочовсяняс 300 м ылынаын сулалöн учöтик грездок Важ Пальник.

Рочов сулалö Тыашор увтасын. Рочовын Тыашорсö шуöны сідзжö Рочовшор. Шорас гывьясьöны да туллясьöны. Чериыс етша, мыля катытын, Важ Пальникас, лöсьöтöмась пруд, кытöн йылöтöны карппез.

Рочов грездын куим тор: Виль Деревня, Дуко́вчи (Важ Пальник ладорын) да Жопи́нчи (öтік керку кольччис).

Рочовын öні лыддьöны öтік , кöда шусьö Медшöр туй (рочöн ул. Центральная) . 
  

Ӧні Рочовыс пырӧ Ошыб посадмуӧ.

Рочовын олöны рочо́вса (öтік морт рочо́вись). Гумагаэз сьöрті 2009’ во пондöтчикö татöн лыддьöмась 118 мортöс, кöдна видзöмась 27 горт. Оліссес комиöсь, баитöны комиöн. Токö öтік семьяын сёрнитöны рочöн.

Отирыс гишшöны то кыдз:

Колхозыс öні Рочовас абу. Отирыс видзöны баляэз, пороззэзöс, куканнэзöс, мöссэзöс (кöзаэз абуöсь!). Карчйöрö садитöны картовка, сёква, морков, лук, кушман, калиг.

Туйыс куш му. Медматын автобус сувтчан Ошыбын.

Культура керку да шöрöт школа Ошыбын.




#Article 186: Красинькӧв (Кӧсладор район) (304 words)


Краси́нькӧв — Перем ладорись Коми кытшын, Кӧсладор районісь Чадзӧв посадмуын отиртöм грезд (деревня).  
  

Красинькöвыс сулалö Берегшор веськыт вадöрын, Гортлудсянь ойвыв-рытвылö километра ылынаын, Чадзöв посадсянь лунвыв-асыввылын куим километра ылынаын.

Берегшорыс усьö Кыдзыс вылö, кöдö Берегшор уссёланьын шуöны Ме́льник, мыля кöркö татöн вöлі мельнича. 

Красинькöвсянь асыввылö куйлöны ыббез да видззез. Видззезісь тöдöны сэтшöм ниммесö:

Ыббез вöлісö 150 га пасьтаöсь, öні нія турунсялöмась да вöрсялöмась:

Вöррез:

Мыссез:

Логгез:

Нюррез куйлöны деревнясянь рытвылас:

Öні Красинькöвын лыддьöны токö öтік туй :

Красинькöв дорын вöлöма важ чучкöй шойна. 1886' восянь татöн пондöмась гöрикö адззавны муись лыэз, кöртовöй ральниккез, шаманитанторрез.

Красинькöвыс перво вöлöма Юксьӧв волосьын, 1924' восянь пырö Чадзӧв сельсоветö. 

Сэсся Красиньковись, Гортлудісь да Тылавылісь кöзяйствоэсö öтлаöтöны Комсомол колхозö. Этійö колхозсö 1957' годö пыртöны ыджытжык колхозö Путь Ильича, кытöн лоисö сідзжö кöзяйствоэз Бачманöвись (Ленин колхоз) да Чоййылісь и Пыдöсісь (Путь Иллича жö шусьöма). 1960' годö колхоззэз бöра гырисьмöтöны, Путь Илличаö пыртöны Краснöй Звезда колхозісь деревняэз (Чадзӧв, Поддячӧв, Карчой, Пеклаыб, Котша), но 1966' годö ни гырисьмöтöм Путь Илличаись Бачманöв ладорыс петö, Искра колхоз аркмöтікö. Этія колхозыс 1968' годö лоö Бачманöвскöй отделеннёöн Кӧсинскöй совхозын, а 1971' восянь Чадзӧвскӧй совхозлöн Бачманöвскöй отделеннёöн.

Ӧні, 2007' во пондöтчансянь, Красинькӧвыс пырӧ Чадзӧв посадмуӧ.

Олöмась Красинькöвас краси́нькöвчи (öтік морт краси́нькöвеч, краси́нькöвка, тöдчöтним - краси́нькöвскöй). Отирыс вöлöмась комиöсь, баитöмась комиöн.
 
Гумагаэз сьöрті 2009' во пондöтчикö Красинькӧвын олöмась куим морт, кöдна видзöмась кык горт. 2010' сентяб 18' лунö деревняись мунöма медбöрья олісьыс, Кучева Анна Филипповна (*1929). Красинькӧвыс öні отиртöм.

Красинькöвын важ оліссез вöлісö Кучеввез. Олöмась сідзжö Мининнэз да Чӧдоввез. 

Увтыррезись тöдöны токö Мош рöд.

Ниммез: Опонь Паша, Настасика баб, Паша Анна, Куш Митипер...

Коркö Красинькöвын вöлі колхозлöн бригада, сылöн бригаддом. 
Видзöмась ферма, вöв двор (сэсся кайöтöмась Бачманöвö).

Отирыс йылöтöмась мӧссэз да куканнез, баляэз, порссез, курӧггез.

Мельница весьтын вöлöма магазин.

Красинькöвын одзжык вöлі ясли. Велöтчынытö челядьыс ветлöмась Бачманöвö, кытöн вöлöма интернат.

Кöркö Красинькöвын вöлöма клуб.

Порйöтлöмась 

Красинькöвын вöлі часовенка шойна дорын.




#Article 187: Поддячӧв (Кӧсладор район) (516 words)


Поддя́чӧв — Перем ладорись Коми кытшын, Кӧсладор районісь Чадзӧв посадмуын грезд (деревня).  
 

Поддячöвсö татöн оліссез шуöны эшö Подячöв. Этимология сьöрті натьтö перво вöлі Подъя чой.

Поддячӧв сулалö Юксьöв—Кöс туй пöлöн Кӧс посадсянь рытвылö 27 км ылынаын (автобусöн кö мунны, петö 28 км, локтан 30 минутаöн) да Кӧч посадсянь ойвыв-асыввылö 33 км ылынаын (веськыт туй кузя).

Поддячöв бердын топ асыввылас,  йылын, сулалö Чадзöв грезд, посадмулöн шöрин. Татіссез шуöны, Поддячöвыс пö сулалö урдöлын, Чадзöвыс вердöлын. Мед шедны Поддячовсянь Чадзöвö, колö кайны Кöсöгöр.

Местаыс осьтöм, öтмöдöрас паськыт видззез, кöдна одзжык вöлöмась ыббезöн.

Лунвыв-асыввылас, 3,5 км ылынаын сулалö йöзтöм Красинькöв грезд, ойвыв-рытвылас вит километра ылынаын поздісьöма кытчöдз отира Карчой да квать километра ылынаын Пеклаыб. Мунан кö рытвылö тракт кузя сизим километра, петö Пармайыл, 11,6 км кö мунан, петö Юксьöв, кöдна кыкнанныс Кöчладор районын ни.

Поддячöвсянь лунвывті котöртö Кыдзыс ю. Рытвывті километра етш ылынаын кывтö Кыдзыслöн шульга вож Яйва́.  

Яйва вожсянь кык километра етш рытвылас вöлi Крычкан шор (вож), кöда öнi косьмис. 

Асыввылас эмöсь эшö ю Нюрви́с.

Кыдзыс вылын Поддячöв весьтын, Яйва уссёланьын эм Короса́ыб пруд да Пуста пруд.  Лунвывлань кык километра сьöртi эм Капран пруд.   

Поддячöвсянь километра етш рыт вылö вöлi Яйва пруд. 

Поддячöв дынын эмöсь нюррез:

Матісь видззез:

 
Поддячöвчань Карчойöдз мунöны ыббез:

Поддячöвсянь  Юксьöв посадланьö ыббез:

Кузибрыл, Сьöд нять, Лыа ыб, Торчик, Яйвапос велдöр, Кык Яйва колас, Кузьпоспон, Вöрчой. 

Лунлань ыббез: 

Мырья пöдиб, Öльöш пöдиб, Яйва сай, Кыдзыскат, Капран, Льöмпуакуш, Сöбöль кулöм, Мыссэз, Губин йöр.  

Матісь вöррез:

Öні Поддячӧвын лыддьöны кык туй :

Ӧні Поддячӧвыс пырӧ Чадзӧв посадмуӧ.

Татісь йöзыс шусьöны  поддя́чöвчи, öтік айка мортöс шуöны поддя́чöвеч, инька мортсö  поддя́чöвка,  поддя́чöвскöй нето поддя́чöвись.

Гумагаэз сьöрті 2009' во пондöтчикö Поддячӧвын олöмась 161 морт, кöдна видзöмась 52 горт.

Отирыс комиöсь, баитöны комиöн.

Медваж памиллёыс — Мартынов.

Экономика ладорсянь Поддячöвсö колö видзöтны öтлаын ордча Чадзöвыскöт.

Деревняын эм кынымкö .

Йöзыс быдтöны мöссэз, вöввез, баляэз, порссез, нимöв|, курöггез.

Мусö озö ни гöрö.

Вöралісь эм быд керкуын. Мед вöравнытö, колö «Удачнöй» вöркöзяйстволісь ньöбны .

Туйез Поддячöвас быдкодьöсь, Ыджыт туйыс гравия. Сы кузя ветлöтöны машинаэз Юксьöв да Кöс коласын.

Уна отирлöн эм ас автомобиль.

Матісь Чадзöвын эм автобус сувтчан, автобусыс Поддячöв пырйöт мунö кыкись ойлуннас:

Этася Чадзöвись школалöн ПАЗ ветлö куим маршрут кузя: 

Поддячöвчи видзöтöны телевизор, а радио орöтöмась. Позьö йитчыны телефон пыр, но линия важмöм. Эм таксофоннэз, но карточкаэзöн öнджакерны отирыс абу на велалöмась. 

Мобильник кутö öті-мöділаын (UTEL).

Пöддячöвын эм öтік лавка:

Эшö кыка вузасьöны Чадзöвын:

Быт сфера абу зорöтöм, шырсьыны да мый да ветлöны Кöсöдз. 

Не , не , не канализация Поддячöв грездын абуöсь.

Эм ФАП, медматын больнича Кöсын.

Шойнаыс куйлö ордча Чадзöвсяняс лунвыв-асыввылö 1,5 км ылынаын. Поддячöвчиыс  сэтчин жö дзебсьöны, чадзöвчи, пеклаыбчи да карчойчи моз.

Клубыс вердöлын, Чадзöвын, сэтчин чулöтлöны быдкодь вежалуннэз. Клубын эм библиотека, клуб бердас площадка (стадион).

Поддячöвын сулалö часовенка Пролавер, гажöн чулöтöны пролавер лун.

Отирыс порйöтöны и мöдік вичкуся празьниккез, шуам, стречалун, кöдö татöн шуöны трӧ́ича.

Посадлуннысö поддячöвчи озö на чулöтö.

Мемориаллэз не казьмöтаннэз Поддячöвын абуöсь.

Чадзöв да Поддячöв öні позьö öтік  ни лыддьыны, кöть одзжык нія пыр öтамöдныскöт вермасьöмась, быдыс ыджытжыкö бы вöлі пуксьö. Кöркö Поддячöвын олöмась унажык отирыс, а öні токö 1/3 олöны урдöлын, а 2/3-ыс вердöлын. Да и сельсоветлöн керкуыс уна  сьöрна абу чой йылас сулалöма...




#Article 188: Пыдӧс (Кӧсладор район) (269 words)


Пыдӧ́с — Перем ладорись Коми кытшын, Кӧсладор районісь Чадзӧв посадмуын грезд (деревня).  
  

Пыдöс грезд сулалö Кӧс посадсянь лунвыв-асыввылö 20 км ылынаын, Бачман ладорын.

Медматісь грезддэз поздісьöмась Пыдöсыссянь асыввылö: Чоййыл да Бачманöв (километра етш ылынаын), Гортлуд (3,5 км ылынаын) да Красинькöв (4,5 км ылынаын).

Мыссэз:

Матісь нюррез:

Матісь юэз:

Пруддэз:

Мельничаэз:

Пыдöс грездын нёль тор:

Öні Пыдӧсын лыддьöны нёль туй :

Ӧні Пыдӧсыс пырӧ Чадзӧв посадмуӧ.

Посадмуись специалист Нилогова Галина Алексеевна пукалö Бачманöвын.

Почта да полициялöн урядник вовлöны Чадзöвсянь.

Олöны Пыдöсын пыдӧ́счи, айка мортöс шуöны пыдӧ́сöвеч, инька мортсö пыдӧ́ска; тöдчаннимыс пыдӧ́сісь нето пыдӧ́сöвскöй.

Отирыс комиöсь, баитöны комиöн.

Гумагаэз сьöрті 2009' во пондöтчикö Пыдӧсын олöмась 117 морт, кöдна видзöмась 31 горт. Былись олöны 70 мымда морт, кöзяйствоэз 24 гöгöр.

Медваж фамиллёыс Пыдöсас Кучев. Йöзыс гишшöны сідзжö Нилогов, Пономарёв, Сизов.

Пыдöс грездын вöлöмась сэтшöм увтыррез:

Öні инькаэз грездын кольччöмась етша, унажык олöны мужиккез. Томмез мунöны Пыдӧсісь овны мöділаö.

Колхозыс разьсьöм бöрын сюсö кöдзны дугдöмась. Отирыс торйöн видзöны пода (мӧссэз, вӧввез, порссез, баляэз), быдтöны карч, унажыксö картов. 

Айка морттэз ветлöны вахтаэзö. 

Öктöны пуягӧд, чöд (сьӧдъягӧд), нюрмöль (туримоль), нямыр, сьӧлаягӧд, малина (ӧмидз), муягöд (озъягӧд), сэтӧр.

Туйес Пыдöсас куш му. Автобус абу, эм асторья такси. 8-9 мортлöн эм ас машина.

Телевизор мыччалö, радио кывзан токö приёмник пыр. Гортся телефоннэз етша. Мобильниккез кутöны UTEL.

Эм кык асторья лавка. 

Быт службаэз абуöсь, шырсьыны да мый да ветлöны Кöсöдз.

ФАП Бачманöвын, сэтчин жö öтласа шойна.

Челядьыс ветлöны велöтчыны Бачманöвö, кытöн уджалö под школа - челядьсад. Велöтöны коми кыв.

Культура керку Бачманöвын, сэтöн жö библиотека. 

Бачманöвас овлöны и быдöс чулöтаннэз.

Бачман ладорись вежалун — вöв празьник Гаврил лун — порйöтöны юль 26' лунö.

Ыджыт косясянын усьöммезöс казьтыланін лöсьöтöмась Бачманöвын.
 




#Article 189: Артипӧв (Кӧчладор район) (153 words)


Арти́пӧв — Перем ладорись Коми кытшын, Кöчладор районісь Юксьӧв посадмуын коми грезд (деревня). 

Грездсö шуöны сідз Аркип нима морт сьöрті. Татісь коми диалектын /к/ шыыс /и/ одзын пöртчö /ть/-ö. А /о/ туйö чуть да и бöра петö /ö/. Этасянь Аркипов туйö аркмöма Артипöв. Роччез содтöмась ассиныс окончаннё, а /к/ туйö нылöн велассьöм шыöтны /х/, сійö рочöн грездсö гижöны Архипово, а шуöны Архипова.

Артипӧв грезд сулалö Урью дорын. Юксьöвскöй Турцияын сія медылын грезд. Поздісьöма посадму самöй сёрдын. Медматын оланінöдз, Вершининöдз, колö мунны куим километра рытвылö. Лунвыв-рытвылас 4,4 км ылынаын сулалö Öтöпка, но веськыт туй сэтчöдз абу.

 

Артипöв йылісь первуись гижöны 1873' годö, сэк татöн олöмась 50 айка морт да 54 инька морт.

Революция вотöдз Аритипöв лыддисьöма Чердын уездісь Юксьöв волосьын. 1924' во бöрын грездсö пыртöмась Вершинин сельсоветö, сыбöрын, öтлаын Вершининыскöт, Юксьöв сельсоветö.

Ӧні (2006' во пондöтчöмсянь) Артипӧвыс пырӧ Юксьӧв посадмуӧ.

Татісь отир шусьöны арти́пӧвчи.

Медваж фамиллёыс Сидоров.

Ордча грезддэзын оліссез нимкодялöны артипöвчиэсö веж типпезöн.




#Article 190: Манастыр (Кӧчладор район) (307 words)


Манасты́р — Перем ладорись Коми кытшын, Кöчладор районісь Юксьӧв посадмуын кöркöся грезд (деревня). 
 

Манастыр шусьö сідз сійöн, мыля татчö локтöмась овны отир Манастыр грездісь, кöда сулалö Гайна районын. Одзжык деревнясö шуöмась сідзжö Поселье нето рочöн Монастыское поселье. 

Манастыр грезд сулалöма Зьвединка ю дорын (одзжык гижöмась Зелинка, Кузяковка, öні Манастырка), öддьöн гажа местаын, Юксьöвсянь лунвыв-асыввылö сизим километра ылынаын, с.ш. Юксьöвскöй Турцияын.

Татісь шоррез йылісь отирыс висьталöны сідз. Эм пö

Манастырыскöт ордчöн сулалöны деревняэз: ойвыв-асыввылö 0,8 км ылынаын Бажӧв, асыввылö 1,8 км ылынаын Сизьӧв, лунвыв-асыввылö куим километра етш ылынаын Вершинин  да Москвина. Асыввылö 2,3 км ылынаын сулалöма Чаняыб грезд.

Отир басни сьöрті, деревнясö сувтöтöмась Гайна ладорись манаккез, кöдна олöмась сэтчинся Манастыр грездын. Йöзыс вöлöмась пö рочöсь, фамиллёэз Фалалеев, Федурин. Но быдöс сёртоккез сьöрті Манастырас пыр олöмась токö комиэз.

Первуись Монастырское поселье пасйöма карта вылö А. Е. Теплоухов 1848' годö Чердын уездісь вöррез гижалікö. 1869' годö Манастырын олöмась 91 морт (50 мужик, 41 инька), вöлі 10 горт. Сэсся кöзяйствоэз содöмась: 1880' воэзö нія вöлöмась 17-а, 1909' годö 27-а. 1926' вося гижöтöм коста татісь адззöмась 190 мортöс (88 айка, 102 инька) 40 кöзяйствоын.

Манастырын перво вöлі торья колхоз, сэсся быдöс ордча грезддэз понда лоис öтласа колхоз  «Калиновка». 1970' воланьын «Калиновкасö» öтлаöтöмась Юксьöвись «За коммунизм» колхозкöт да керисö «Юксьӧвскӧй» совхозлö мöд отделеннёöн.  Челядьыс ветлöмась велöтчыны Сизьöвö, сэсся Москвинаö.

Эшö 1970' годö Манастырын олöмась 106 морт. Сэсся грездсö пондöмась лыддьыны перспективатöмöн, трактсяняс ылын да. Отирыс мунісö татісь овны мöділаэзö, Москвинаö да кытчö да. 

Манастыр перво вöлöма Чердын уездісь Юксьӧв волосьын, Сизьöв обществоас, 1924' во бöрсянь сія лоис Кӧсладор (1926' годсянь Кӧчладор) районісь Вершинин сельсоветын. 1960' воэзö, Вершининсис сельсоветсö вежöмась да, Манастыр пыртöмась Юксьӧв сельсовет увтö. Öні, 2006' восянь мувывторыс — Кöчладор районісь Юксьӧв посадмуын.

Öні Манастырас некин ни оз ов.

Отирыс шусьöмась манасты́рчи. Öтік айка морт — манасты́реч, инька морт — манасты́рка. ыс манасты́рись нето манасты́рскöй. 

Ордча грезддэзын татісь оліссесö нимкодявлöмась сьöд манастырчи.




#Article 191: Африка (363 words)


Африка – Му планета вылын квать муторись да квать континентісь ӧтік. Ӧтлаын Евразиякӧт сія аркмӧтӧ мушар вылас медыджыт суперконтинент.

Пондӧтчанаись словонас «афри» оліссезыс древньӧй кар Карфагенлӧн шувлісӧ мортэӧс, кӧдна олісӧ неылын карыссянь. Этійӧ шусьсӧ обычно нуӧтсьӧтӧны финикийскӧй «afar» кӧт, мый значитӧ «бус» . Карфогенсӧ завоеваннё бӧрсянь, римляннэс шуісӧ провинциясӧ Африка (лат. Africa).
Сёрӧнжык Африкаӧн пондісӧ шувлыны и дӧс тӧдса регионнэсӧ эта континентлісь, а сыбӧрын и асьсӧ иконтинентсӧ. 
Мӧдік теория шуӧ, что шусь отирлӧн «афри» аркмӧ берберскӧйись ifri, «пещера», имейтчӧ видын пещераӧсь оліссесӧ. Аркмӧм сёрӧнжык этія ланьын мусульманӧсь провинция Ифрикия сідзжӧ сохранитіс этӧ вуджсӧ аслас шусьын. 
Мнение сьӧрті историк и
археолог И. Ефремовлісь, слово «Африка» локтіс кӧркӧся Египетӧсь кылісь «Та-Кем», слово «Афрос» — быгйӧсь ладор. Эта связана динасьӧмкӧт кынымиськӧ виддэза
визыллэзлісь, кӧдна образуйтӧны быг, приближениё дырни континентыс дынӧ
Средиземнӧй море кузя.

Климат кӧс. Африка самӧй ӧдъя материк планеталӧн.

Унажык сая тор вылас средньӧй температура любӧй месяцлӧн вылынжык +20 С, мый объясняйтчӧ расположеннёӧн унажык торсӧ материкыслісь тропиккез коласын, кытӧн шондіыс воыс визылын сулалӧ вылына горизонтыс весьтын, а кыкись воас оллӧ зенитын.
Сезоннэз волӧн унажык различайтчӧны ӧтамӧд коласын увлажнение условиеэз кузя.

Африкаын котортӧ ю Нил кыкӧт кузьмӧса сьӧрті ю мирлӧн, сыисся кузьжык тӧкӧ юж. Америкаӧсь ю Амазонка. Кузьмӧсыс Ниллӧн 6 852 км.
Сідзжӧ африкаын ӧшӧ котӧртӧны кузь юэз: 
Конго 4700 км., Нигер 4 150 км., Замбези 2660 км., Оранджевӧй ю 220 км., Вольта 1600 км., Лимпопо 1600 км.,  Руфиджи 600 км.
Африкаын сулалӧ медыджыт ты Виктория ю Замбези вылын, паськытанас 1800 метр, вылынаӧн 128 метр.
Сідз жӧ африкаын медыджыт тыэз: Ауграбис, Тугела, Хоуик-Фоллз, Мерчисон, Тамарин, Джимба,  Малетсюнейане, Каламбо, Каландула.

Олӧнны бегемоттэз, леввез, тигррез, крокодиллэз, верблюддэз, жираффез, зебраэз и уна мӧдік пиэз.

Олӧны унажыксӧ негыррез да араббез

Африкаын пукӧтсянаӧсь 55 страна и 5 аспровозглашёнӧйез и непризнанӧйӧсь государствоэз.
Большинство ныись дырся кадсӧ вӧлісӧ колонияэӧн европейскӧй
государствоэзлӧн и обретитісӧ
независимостьсӧ тӧкӧ 50 —60-т воэзын XX векас. Эта одзын независимӧеӧн вӧлісӧ тӧкӧ Египет
(1922 сянь), Эфиопия (Средневековьеа каддэзсян), Либерия (1847 восянь) и ЮАР (1910 восянь); ЮАР ас
и  Южӧсь Родезияас (Зимбабве)
вплоть 80-90-х воэзӧдь XX векас, сохранитчыліс режим апартеид лӧн,
дискриминацияӧсь вужжея
населеннёыс дынӧ. Ӧніся кадӧ уна африкаӧсь странаэзын
правитӧны режиммез,
дискриминацияӧсьӧсь отношение сьӧрті чӧчкӧм население кежӧ.
Север вылас континентас
расположенӧйӧсь территорияэз Испаниялӧн
(Сеута, Мелилья, Канарскӧй
островвез) и Португалиялӧн (Мадейра)




#Article 192: Лӧнь океан (116 words)


Лӧнь океан нето Ыджыт океан (, ) — Мушар планета вылын медыджыт отва. Нюжалö Арктикасянь ойвылас, Антарктикаöдз лунвылас, Евразия да Австралиясянь рытвылас Америкаöдз асыввылас.

Мувывторыс (саридззезнас) — 179 679 сюрс км² ыжда, шöрöт пыдына — 3984 м, ваыс 723 699 сюрс км³ тöрик. (саридззезтöг лöсялö: 165246,2 сюрс км², 4282 м да 707 555 сюрс км³). 

Медпыдыніныс (11 022 м) — Мариана потасын.
 
Лöнь океанöт, 180 меридиан пöлöнняс, мунö ойлун вежан визь.

Европаись отирыс первуись адззылöмась Лöнь океансö 1521' годö, кöр Фернан Магеллан уййис сы кузя. Отва вылас петікö вöлöма мича да лöнь, сійöн саридзуййись нимтöма океансö Лöньöн. Мортыс сорасьöма, мыля самой татöн и шогмöны миян планетаись медуна тайфуннэз, мушар вылас 3/4 кымöррез аркмöны Лöнь океан ваэзісь.




#Article 193: Киняргванда (291 words)


Киняргванда нето Няргванда кыв / Руандаись кыв () — этӧ нигер-конго вужись банту группаӧ пыран кыв. Руандаись кыв вылын баитӧны 12 млн морт, унажыксö Руандаын да Угандаын. 

Няргванда кыв босьтöмась веськöтлан кыв туйö Руандаын. Сылöн вариант, Рунді кыв, лыддьöны веськöтлан кывнас лунвылас куйлан Бурундіын. 

Кыдз Руандаын, сідз и Бурундіын отирыс тэчöм куим этносісь: хуту (84%), тутсі (15%) да тва (1%) (пигмей отир). Но быдöнныс баитöны öтік кыв вылын, кöдö перво вöлöма хутулöн. 

Няргванда кылын 11 диалект:

Няргванда кылын 30 торьяшы.

Шумашыэз няргванда кылын 25-а.

 

Нярванда кылын вит тыргора шы:

Няргванда кыв тональнöй кыввез коласын.

Няргванда анбур лöсьöтöм латынь анбурись, кытісь босьтöмöсь 24 шыпас. 

Латин анбурись q да x няргванда кылын абуöсь.

d, f, g, k, m, n, p, s, t, v шусьöны кыдз коми д, ф, г, к, м, н, п, с, т, в.

a, o, u, i, e кыдз коми а, о, у, и, е

Аскодя шусян шыпассэз: 

Шыпас чукöррез, кöдна мыччалöны öтік шы:

Лыддьöтан кылын да басниын Тегари гöгöр к да г матісь тыргораэз одзын пöртчöны ть да дь шыэзö:

Мукöд шыпас чукöррез лыддьöны аскодя: 

Кывпомись a, e да i öшöны баиттöн, локтö кö ны сьöрö тыргораöн пондöтчан кыв. То Руанда гимнын гижöны сідз:

Reka tukurate tukuvuge ibigwi wowe utubumbiye hamwe twese Abanyarwanda uko watubyaye berwa, sugira, singizwa iteka. 

а шуöны: 

Быд субстантив бердын эм

Няргванда кылын субстантиввез юксьöны 16 классö. Мукöдкоста ныись керöны 10 гоз, мыля уна эманиммезлöн унаö да öтікö лыддян формаэз пырöны öтік классö. Улісь табличаын мыччалам субстантиввезлісь 16 класс и кыдз нійö унажыксö гозйöтöны.

Инфинитив мыччалö префикс gu- нето ku- (тыргора одзын kw-). Вежласико инфинитив префикс туйö петö класс мыччылан префикс. Кад мыччалöны торья инфикссэзöн.

Нимвежаннэз туйö кышалöны префикссэз:

Кад мыччалöны.

Чулалöм кадсö мыччалöны öнні да самöй öння кад инфикссэза формаэз дынö аспект суффикссэз содтöмöн. 

 




#Article 194: Инюпиак отир (126 words)


 
 
 
 

Инюпиак отир нето Инюпик отир (инюпиак кыв ӧтікӧ лыддян: , кыкӧ лыддян: , унаӧ лыддян: ) — эскимос вужись инуит группаӧ петӧм отир. Рӧдвуж сьӧрті инюпиаккезлӧ медматынӧсь Канадаись инуиттэз (Инуктитут да Инувиалуит отиррез). 

Инюпиак отирлӧн эм кык ыджыт субэтнос – Аляскаись инюпиаккез да Канадаись инюпиаккез (нето ууммармиуттэз)

North Slope Borough : Анактувук Пасс (),  Аткасук (), Барроу (), Кактовик (), Нуиксат (), Пойнт-Лей (), Пойнт-Хоуп (), Уейнрайт ()

Northwest Arctic Borough : 
Амблер (), Бакленд (), Диринг (), Киана (), Кивалина (), Кобук (), Коцебу (), Ноатак (), Нурвик (), Селавик (), Шаньнак ()

Nome Census Area : Аналаклит (), Головин (), Койук (), Ном (), Теллер (), Теллер-Мишен (), Уэльс (), Шактулик (), Шишмареф ()

The first contact between Europeans да Ойвыв-рытвыв Аляскаись инюпиаккез :




#Article 195: Инюпиак кыв (125 words)


Инюпиак кыв нето инюпиатун (асмознас ) — этӧ эскимос вужись инуит кывлöн рытвыв тор.

Инюпиак отирись (13 500 морт) асланыс кыв вылын баитӧны 3 сюрс морт, унажыксö Америкаись Ӧтлаасьӧм Штаттэзын (Аляскаись рытвыв да ойвыв районнэз) да Канадаын (Аклавик да Инувик грезддэз). 

Аляскаас (Нортвест Арктик район) да Канадаас (Маккензи дельта) инюпиак кывсö нормируйтöмась торйын. Канадаын этійö кывсö шуöны ууммармиутун.

Канадаын нормируйтöмöсь сідзжö инуит кывлісь мöдік варианттэз, инуктитут да инувиалуит кыввез.

Инюпиак кыв (Iñupiaq, Inupiaq, Inyupiaq) шуöны сідзжö инюпиат кыв (Inyupiat, Inyupeat), инюпик кыв (Inyupik, Inupik) нето инюпиатун (Iñupiatun, Inupiatun).

Инюпиак кывлöн нёль сёрнитан, нійö позьö группируйтны кыкö:

Ойвыв Аляскаись инюпиак анбур () лöсьöтöм латынь анбурись, кытісь босьтöмöсь 24 шыпас. 

extra letters for Аляскаись dialectic usage:

Канадаись инюпиак (Ууммармиут) анбур лöсьöтöм латынь анбурись, кытісь босьтöмöсь 22 шыпас.




#Article 196: Кечиэрен (165 words)


 

Кечиэрен район () — Анкара карись район, Тюркиялöн 957 районісь (ильче) ӧтік. 

Районыс пырö Анкара ладорö, кытöн сія öтлаын мöдік 14 районкöт аркмöтö Анкара кар.

Кечиэрен районыс куйлö Анкара кар ойвылын. Мувывторыс 189,88 км² ыжда.

Кечиэренсö керöмась карись районöн 1984' годö. 
 

Кечиэрен карись микрорайоннэз (): 19 Майыс (), 23 Нісан (), Аднан Мендерес (), Актепе (), Ашагы Эглендже (), Атапарк (), Айвалы (), Бадемлик (), Багларбашы (), Басынэвлері (), Чалдыран (), Чичекли (), Эмрах (), Эсертепе (), Этлик (), Гючлюкая (), Гюмюшдере (), Хаскёй (), Инджірли (), Каваджык Субайэвлери (), Калаба (), Кямільоджак (), Кануні (), Караргяхтепе (), Кёшк (), Кушджагыз (), Османгазі (), Оваджык (), Пынарбашы (), Санджактепе (), Шехіт Кубілай (), Шенлик (), Шенйува (), Шефкат (), Тепебашы (), Уфуктепе (), Уяныш (), Якаджык (), Яйла (), Ешілёз (), Ешільтепе (), Юксельтепе () да Баглум ().

Кечиэрен районісь посаддэз (): Чалсеки (), Гюмюшолук (), Гюзельйурт (), Кёсрелик (), Хісар (), Сарыбейлер (), Каршыяка (), Кафкас (), Каракая (), Курусары () да Оваджык ().

 
 




#Article 197: Эманим (203 words)


Эманим - кывладын асвына сёрнитор, кöда мыччалö мыйкö, нето кинöскö.
 
Перем коми кылын эманимыс вежласьӧ лыддян, кӧрталан да асалан сьӧрті. Роч кодьӧм род перем коми кылын абу. 
  

 

Ӧтікӧ лыддян форманас лыддисьӧ эманимыслӧн под. 

Унаӧ лыддян артмӧ эз содтасӧн; под помын кӧ петӧ шума шыыс, то эз одзын сія кыкпӧвсасьӧ.

Гижикӧ унаӧ лыддян содтас гижӧны нето -эз нето -ез.
 
Вариант -эз гижӧны, кӧр эманим помасьӧ: 

а) тыргора шыӧн: пуэз, киэз; 

б) гозъя чорыт шума шыӧн: кӧззэз, поссэз. 

Нія кӧ абуӧсь, гижсьӧ -ез: каннез, кыдззез; керрез, туйез.

Кыдз адззам, помасьӧ кӧ подыс шума шыпасӧн (й-ся), то сія шыпасыс кыдз и шыыс жӧ кыкпӧвсасьӧ.

 

 

Перем комиэзлӧн лыддьӧтан кылын эм 17 кӧрталан. Эманимыслӧн форма, кӧдалӧн абу кӧрталан содтас, лыддисьӧ под кӧрталан туйӧ.

Под кӧрталансянь аркмӧны быдкодь содтаса кӧрталаннэз.

Эмторсӧ (предметсӧ) асалісь вылӧ мыччалӧны асалан содтассэз. Нія то кытшӧмӧсь:

 
Мыччаланнэз:

 

 

Эманиммез вежласьӧны кык нёж. асалан содтассэзӧн нето нытӧг (с.ш аслаӧмӧн вежласьӧм да сӧстӧм вежласьӧм).

Асалан содтассэз -ыт, -ыс йитчӧны унаӧ лыддян содтаскӧт, да сысянь артмӧны дженыт формаэз: небӧгг-ез-ыс  небӧгг-е-ыс  небӧгг-е-с. Лыддьӧтан кылын сэтшӧм дженыт варианттэз пуктӧны норма туйӧ: пызаннэт, пызаннэс. 

Асалан содтассэз йитчӧны и мукӧд кӧрталан содтассэзкӧт, сы коста кыкнан содтасыс петӧны асланыс тодильнӧй формаын (йитчан вариантӧн): ки-си-т (ордч. ки, ки-ись, ки-ыт).

Кӧрталан содтассэзлӧн варианттэз:

 
Асалан содтассэзлӧн варианттэз:




#Article 198: Маньси кыв (647 words)


Маньси кыв – Урал вужись чудь-йӧгра кыв. Баитіссез –  3 сюрс морт гöгöр. Маньсиэз олöны унажыксö Йöгра кытшын. 

Маньси кыв пырö кыввезлöн йöгра увтырö, кытöн сы дынö медматын ханты кыв.

Асьсö маньсиэз шуöны маньси (маньси маа хум 'вöгул муись морт'), ассиныс кывнысö – маньси латынг. Манси ним аркмöма 'сёрнитны' вежöртаса маньсиӈкве кадакылісь. Сiдзкö, манси – морт, кöда кужö баитны.

Важын комиэз шуисö маньси туйö вогул (зыряна моз вöгул). Эта нимыс öнöдз олö рытвылас, визир сайын.  Вогул кывсö позьö петкöтны Вийя ‘Воль ю’ нимись, кöдö ханттэз шуöны Вогаль ёган ‘Вогаль ю’. Этія ю нимись пö и аркмöма комилöн вогул ним. Манси кылын воль ‘вомын’ (плёсо) – юлöн кык чукыльтанiн коласын веськыта визывтан орöток. Вот и пондöмась вöгул кылöн  нимтыны ю дорись чери понісь олан маньсиöс комиэз да орччöн олісь мöдік йöз. 

Но öння коми кылын вогув шуаныс лоис видчан кылöн. Вежöртасыс – дыш.

Первуись торьякывъяс маньси сёрниись гижöмась ХVIII нэмын. Найö чукöртлiсны вовлісь-муніссез, Сибирын олісь отирлысь культурасö, йöзлісь сёрнибурсö туялыссез: П. Паллас, Й. Фишер, Регули Антал, Хунфальви Пал, Август Альквист, Мункачи Бернат, Арттури Каннисто да кин да . 

Мансиэзісь паськытжыка тöдса кывтуяліссез – А. Н. Баландин да Е. А. Ромбандеева.

Маньси кыв янсалö нёль сёрнитан вылö: 

Но бöрья куим сёрнитаныс öнi öшöмöсь ни. 

Медводдза маньси небöгыс петiс ХIХ нэм помланьын. Лыддьöтан кыв вöлi аркмöдöма 1931’ воö Сосьва дорись сёрнисикас под вылын.  Ас кыв вылын петö газет «Луима сэрипос» («Ойвыв кыа»).

Маньсиэз велöтчан небöггез йылісь видзöтö татісь: .

Тыргора шыэз коласын эм дженытöсь да кузьöсь а, э, и, у, о, ы . 

Ы-ыс (сiйö, былисьту, коми ö моз кылö) оз овлы медоддза шыгарын (слогын). Сія вель жеб шыыс: тшöкыта вежлало формасö ордча шумашыяс увья нето нач öшö.

Эмöсь небыт шума шыэз: ль, нь, ть, сь  (бöрьяыс коми сь моз кылö).

Гора шумашыэз абуöсь, нельки рочись босьтöм кыввезын, шуам: косутарства ‘канму’… 

Кыв вуж бердын аркмöны зыртчана г (небыт) да х, нумган ӈ.

В шума шы аркмö тырппез коласын, кыдз .

Вынöнжыка шусьö пыр медоддза слог.

Кыв помын зыртчана шы (с, сь х) одзись нумган н, ӈ öшлö: лёнхыт ‘туйын’ – лёх ‘туй’…

Маньси анбурыс неважöн вöлi вежöм. Одзжык кö кузь тыргора шыэсö гижикас эзö мыччавлö, öнi мыччалöны кузь визьöн шыпас весьтын. Талуння анбурыс маньсиэзлöн не öддьöн бур, сiйöн нія пыр лэбтывлöны сёрни орфографиясö бурмöтöм йылісь.

Öтікö лыддян формася эм кыкö да унаö лыддян пассэз: 

Кыкö лыддянсö мыччалöны сідзжö эманимлöн сора вежласьöмын, кодя нимвежласлöн – торъя формаöн да кадакывлöн – вежласян содтасöн.

Маньси кылын квать кöрталан:

номинативыс под формаа: кол ‘керку’

датив -н: колн ‘керкулö’, ‘керкуö’

локатив -т: колт ‘керкуын’

элатив -ныл: колныл ‘керкуись’

инструменталь -ыл: колыл ‘керкуöн’

транслатив -ыг: колыг ‘керкуö [пöртчис]’

Аккузатив туйö вöдитчöны унажыксö под формаöн, а керанатор тöдчöтöм могись – инструментальöн: Ам агим супыл варилум. ‘Ме нылöлö платтё вура’ (м.ш. ‘ме ныл[öc] платтёöн вурöта’) .

Мансиэзлöн эмöсь артикллез, кöть и вöдитчыны ныöн шочыника, унажкыксö мойдiкö: чорыт артикльыс ань, небыт акв: ань кати ‘[этія] каньыс’, акв кати ‘[öтік] кань’.

Тöдчаннимлісь ордчöтан тшупöт мыччалö -нув содтас: хосанув ‘кузьжык’, а ‘öддьöнöв’ вежöртас тöдчöтöны -кве содтасöн: хосакве ‘кузьöв’.

Кодя лыдниммез:

Сьöрся-бöрся лыдним аркмö содтас -ит отсöтöн: хурмит ‘куимöт’.

Инфинитив пас – -нкве: минункве 'мунны'. Партицип öнiя кадын лоö -нэ содтаса, чулалöм кадын – -м: миннэ ’мунан, мунісь’, артмум ’аркмöм’. 

Кадакывлöн куим нёж вежласьöм: объекттöм, объекта (-л, -яг, -ян паса) да пассива (-аве-, -ве- содтасыс).

Кык кад – öння да чулалöм: мины ‘мунö’, минас ‘мунiс’. Лоан кад туйö вöдитчöны öння кад формаöн + тах кывторöн ( мис, ыж  ош, баля  паля, порсь  пурысь, нянь  нянь, кöрт  кер, акань  акань, видза олан!  пася олэн! (дыровасьöм), роч  русь…

Кывкуддэз

Афанасьева, К.В. Русско-мансийский тематический словарь. СПб, 2002.

Баландин, А.Н., Вахрушева М.П. Мансийско-русский словарь. Л., 1958.

Ромбандеева, Е.И. Русско-мансийский словарь. Л., 1954.

Ромбандеева, Е. И., Кузакова Е. А. Словарь мансийско-русский и русско-мансийский. Л., 1983.

Ромбандеева, Е.И. Русско-мансийский словарь. СПб., 2005.

Чернецов, В.И., Чернецова И.Я. Краткий мансийско-русский словарь. М.-Л., 1936. 

Ahlqvist, A. Wogulisches Wörterverzeichnis. Helsinki, 1891.

Veenker, W. Rückläufiges Wörterbuch der wogulischen Schriftsprache. Wiesbaden, 1971.

Туялан гижöттэз




#Article 199: Тӧдчанним (272 words)


Тöдчанним () — кывладын асвына сёрнитор, кöда мыччалö предметлiсь  да сетö очакыв кытшöм? кытшöмöсь? юасяннэз вылö. 

Мыччалöм могись: паськыт ыб, крут керöс, гажа лун, виль небöг, рöма ситец, ыббез паськытöсь, луннэз гажаöсь.

Тöдчанниммез керöны сёрнисö буржыкöн, мичаöн, богатсьöтöны сiйö.

Асланыс вежöртас сьöртi тöдчанниммес овлöны кодяöсь да жебöсь. 

Кодя тöдчанниммес вежласьöны интенсив тшупöттэз сьöрті:

Эм эшö ыждöтан тшупöт, но сія аркмö синтаксис сфераын: тöдчаннимсö мöдпöвсьöтöмöн. Эта коста, кык öткодь тöдчанним коласö вермö петны -ся суффикс, нето и йитас: ыджыт-ыджыт, ыджытся-ыджыт, ыджыт и ыджыт

Тöдчанним вежöртöтö эманим и унажыксö сулалö сы одзын. Сэк сiя сёрникузяын лоö определеннёöн. Мыччалöм могись: Кузя нюжалöма волькыт туй. Сулалö жар мича погоддя. 

Но тöдчанним вермö сулавны и эманим бöрын. Сэк сiя сёрникузяын лоö висьтасöн и согласуйтчö юракывкöт лыддянын. Мыччалöм могись: Луннэс гажаöсь да   мичаöсь. Туйес кузьöсь да волькытöсь. 

Мукöд тöдчанниммез сёрниын вермöны петны эманим туйö. Мыччалöм могись: Томмезлö колö уна велöтчыны.

Коми кылын эмöсь уна тöдчанниммез, кöдналöн некытшöм содтас абу: кыз, ныж, виль, пым, кузь, лöз, лöг, бур, умöль.

Мукöд тöдчанниммез аркмöны мöдiк сёрниторрезiсь быдкодь содтассэз отсöтöн.  

  
Быдöс тöдчанниммес, кöдна аркмöны содтассэзöн да мед- приставкаöн, гижсьöны öтлаын.  

Торйын колö висьтавны приставка не- гижöм йылiсь. Тöдчанниммез вермöны аркмыны не торокöн, кöда босьтöм роч кылiсь: неыджыт, небасöк, непаськыт, негора. Не торокыс эна мыччаланнэзын вежöртас сьöртi матын приставка дынö. Этасянь гижсьö сiя тöдчанниммезкöт öтлаын. Не торокöн аркмöм тöдчаннимсö кокнита позьö вежны матына вежöртаса кылöн: неыджыт = учöт, небасöк = нёштöм, непаськыт = векнит, негора = гуся (шыэз).

Кöр эм паныта висьталöм, торок не тöдчанниммезкöт гижсьö торйын. Вöр не ыджыт, а учöт. Туйыс миян деревняöдз не паськыт, но волькыт.

Рочись босьтöм тöдчанниммез, кöдна аркмöмась не торокöн, гижсьöны роч орфорграфия сьöртi: небрежнöй, неряшливöй, неаккуратнöй.




#Article 200: Перым кыввез (906 words)


Перым кыввез — урал котырись чудь-йöгра группаын кыв увтыр. Перым кыввезöн лыддисьöны коми кыв да удмурт кыв. 

Мöд нёджöв сьöрті перым кыввез унажык. Коми кывсянь торйöтöны бы коми (зыряна) кыв, перем коми кыв, язьва коми кыв, изьва коми кыв. Удмурт кывсянь торйöтöны бы бесерман кыв. 

Роч кан лыддьö торья кыввезöн куим перым кыв: коми (зыряна) кыв, перем коми кыв да удмурт кыв.

Перым кыввез шусьöны сідз топоним Перем (ойвыв комиэз шуöны Перым) сьöрті. Одзжык Perämä-нас (Бöрму) вепссез шуöмась дорись муэз, кытöн олöмась перым отир (талуння комиэзлöн да удмурттэзлöн важайез). Ны сьöрті скандинаввез пондöмась шуны энö муэсö Bjarmaland (латыньöн Biarmia), а роччез Перемь. Сысянь петісö терминнэз , , . 

Термин аркмöма европаись лингвистикаын XIX векын. Комиöн мийö вуджöтамö сійö кыдз перым кыввез, м.ш. босьтам зыряналісь форма перым, мыля форма перем миян  вежöртасыс сьöрті зэлыта йитöм перем коми кывкöт (кöдö шуöны сідз Перем ладор сьöрті, кытöн сы вылын унажыксö баитöны), а перем коми кылыс — токо öтік юкöт перым кыввез коласын.

Перым кыввез вылын баитіссез олöны Европа ойвыв-асыввылын, унажыксö Перем ладорын, Коми Республикаын да Удмурт Республикаын. Эмöсь нія и ордча муэзын: Киров лапöлын, Тотарстанын, Башкырмуын, Свердлов лапӧвын, Йӧгра кытшын, Ямал Яран кытшын, Яран кытшын, Мурман лапöлын.

Быдсöн перым кыввез вылын баитöны 775 сюрс морт (2002' во). Ныись 464 сюрсыс баитöны удмуртöн, а 311 сюрс морт комиöн. Медбöрья дасвоэзö перым кыввез вылын пондöмась баитны етшажык. Сідз, эшö 1989' годö öтласа лыдпас вöлі миллёнся унажык: 1 210 777 морт .

Перым кыввез история йылісь туяліссез висьтасьöны сідз. 

Важ перым кыв аркмöма миян эраöдз мöд сюрсвоын, кöр одзланься чудь да меря мунöмась рытвылö, а одзланься йöграыс лунвылö. Важ перым отир кольччöмась асланыс горт муын — Кама да Ятка бассейннэзын.
 
Важ перым кыв разьсьöма миян эрася VII-IX веккезö, кöр мукöд перым увтыррез, булгара шогья пышшикö, мунöмась ойвылö — Сыктыв, Емва да Эжва ладорö, а мöдіккез кольччöмась овны Кама да Ятка коласын. 

Ойвылас виль оліссез пондöмась асьнысö шуны коми ойтыр, а ордча чудь йöзыс перво нійö нимтöмась perämäne (бöрмуись), сысянь лоис пермяна, biarmian. Лунвылас кольччöм перым увтыррез сэсся пондöмась асьнысö шуны удмуртъёс (одморттэз), ордча йöзыс шуанöн вотяккез, аррез. 

Перым отирыс эна кык группаын пондöмась жагöника баитны мöднёжа нежели одзжык и быд группаас асмоза, мыля комиэз одз пондöмась вовлісьны роччезкöт да чудьыскöт, а удмурттэз тюркиэзкöт. 

Сёрöнжык мукöд комиэз, роччез шогья пышшикö, бертöмась ойвывсянь Кама ладорö, кытчö нія сьöраныс вайöмась и йöзовöй нимнысö перем. Кама ладорын комиэз аркмöтöмась Ыджыт Перем канму да аскодялöмась кыв сьöрті матын удмурттэзöс да Урал дорсянь вовлісь маньсиэзöс. Этія сорасісь Кама ладорын (öнняся Перем ладор) аркмöмась виль коми диалекттэз , кöднаись сэсся керöмась перем коми кыв. 

Сы коста ойвылас кольччöм коми отирсö ордча чудьыс пондöма нимкодявны zyrjäne (дорись), сы сьöрті и роччез пондöмась шуны сэтісь комиэзöс зыряна. Чудьыскöт да роччезкöт вовлісьöм увья аркмöмась ойвыв коми диалекттэз: эжвагрув диалект, емва диалект, удора диалект. Ны коласын медбура аскоддьöм удора диалект. 

Ойвыв коми диалекттэзісь XVI-XIX веккезö торйöтчис изьва диалект, кöда бура йылöма ойвыв муэзас, кыдз öння Коми Республикаын, сідз и ордча регионнэзын. Сійöн, мыля изьватас отирыс паськыта олöны да зорамöмась кыдз ассяма субэтнос, мукöдыс шуöны нылісь диалектнысö изьва кыы.

Сыктыв ладорись комиэз дыр вовлісьöмась Кама ладорись комиэзкöт Кай волокöт. Этасянь татісь сёрниыс (сыктывыйыв диалект, шöрöт сыктыв диалект) öддьöнжык вачкисьö перем коми басни вылö, а мукöд оліссез нельки рочöн шуöны асьнысö пермякъясöн.

Эшö öтік пермяцкöй диалект зыряналаняс аркмöма Луз ю дорын да Лэт ю йылын (луза-лэтка диалект), кытöн комиэз павкöтчöмась не токö чудьыскöт да роччезкöт, но и мариэзкöт.

Эжва йылö да Печора йылö коми отир локтöмась сёр (XVII век), унажыксö Сыктывсянь да Удорасянь. Татісь диалекттэз (эжвайыв диалект да печора диалект) аркмöмась быдкодь диалекттэз сорасісь.

А Кама ладорын коми диалекттэзлöн аркмöмась нёль группа: асыввылас, рытвылас, ойвылас да лунвылас. 

Перем му асыввылас перво вöлі Ыджыт Перемлöн шöрин; татісь коми диалект вöлöма статусыс сьöрті медвына. Коми öксайезöс берездöтöм бöрын, татчö локтöмась уна роччез, и комиэз XVI-XVIII веккез сьöрна рочсялöмась. ХХ век кежö Перем ладор асыввылын коми басниыс невна не быдсöн öшöма, сылісь коляссö адззам токö Язьва дорын. Этö язьва диалект, кöдаись перемшана öні керöны бы торья язьва коми кыл.

Рытвылас перем комиэз шедöмась Ятка губерняö, кытöн нія бура рочсялöмась жö (öнняся коляысыс — зюзьдін диалект). 
 
Öнняся Коми кытшын коми кывлöн аркмöмась кык диалект чукöр, мыля татісь коми отир XVI век понсянь пондöмась овны торья уезддэзын: Чердын уездын коми оліссезлöн аркмöма кöсладор диалект, а Совкар уездын - иньва диалекттэз (вылісь иньва диалект да улісь иньва диалект).

Ойвыв-рытвылас перем комиэз павкöтчöмась зыряна комиэзкöт: кöсладор диалект XIX векöдз вöлі йитöм cыктыв диалекттэзкöт, а XIX-XX веккезö самöй ойвылас эжвайыв диалекткöт контакт увья аркмöма луп диалект.

Лунвылас коми кылыслöн ареал одзжык вевттьöма и Обва бассейн. Татöн вöлöма коми кывлöн обва диалект, кöда öні кежö öшöма нач — отирыс вокорень рочсялöмась. Токö Нердва йылісь коми басни сьöрті позьö тöдны этія диалектлісь ассямасö.

Ойвыв удмурттэзлöн сёрниыс öддьöн вачкисьö перем коми басни вылö, мыля роччез локтытöдз нія дыр вовлісьöмась ордча коми отирыскöт, кöдна нылö кыв сьöрті öтвужаöсь. Ойвыв удмурт сёрнитан аркмöма Чупчи ю пöлöн, одзжыкся Ятка губерняын.

Ойвыв удмурттэз коласын олöны бесермана. Бесермянасö лыддьöны удмуртсялöм чувашшезöн, кöдналöн аркмöма ассяма бесерман диалект.

Лунвылынжык, одззася Козань губерняын, олісь удмурттэз бура вовлісьöмась тюрки йöзкöт, перво булгаракöт, а сыбöрын тотаракöт. Эта вовлісьöм увья удмурттэзлöн аркмöма лунвыв сёрнитаннэз, кытöн öддьöн уна босьтöм тюрки кыввезісь.  

Удмурт диалекттэз, кöдна Удмуртму лунвылын, шуöны лунвыв сёрнитанöн, а ордча муэзісь удмурт диалекттэз - лунвыв периферияись сёрнитанöн. Мöдас тюрки шöмыс эшö буражык тöдчö.

Удмурт кывлöн лунвыв да ойвыв сёрнитаннэз коласын аркмöмась шöрöт удмурт диалекттэз, кöднаын сорасьöмась ойвывся да лунвывся элементтэз.

Сысянь, мыля торьясьöмыс аркмöма нежык важын, коми да удмурт кыввез öддьöн матынöсь и бура вачкисьöны öтамöд вылö.




#Article 201: Улісь иньва диалект (206 words)


Улісь иньва диалект  () ― коми кывлöн диалект, кöда вылын баитöны Перем ладорись Коми кытшын, Юсьва район асыввылын: Дöйöг, Пöй, Исыв юэз пöлöн да Иньва мöдлапöлын.

Коми диалекттэз системаын улісь иньва диалектыс сулалö вылісь иньва диалект да Язьва диалект коласын.

Улісь иньва диалектын янсöтöны сэтшöм баитаннэз:

Сы пыдди петысь в-ыс зумыд сöмын кыв панасын. Мукöдлаын сiйö жебкодь, гулыд шыяс костыысь да кыв помысь тшöкыда бырлö (медсясö зэвтöд бöрса шыгарын), шуам, поöны   у-: узавны, уджны, утны, уджöр.

Текст мыччалам Йöвсин грездісь:

Учöтнам ме пыр пукавви öтнам. Мунасö быдöнныс роботаö, менö игнаасö керкуö и пукав. Кыдзкö гожумнас вуныс вöи гажа. Мамö да вежаньö веччисö куртны уö видзезвö, а менö кольисö бабö дынö. А меным öдьдьöн окота вöи веччыны ныкöт тшöтш. Но менö изö босьтö, и ме понi горзыны. Мамö из тшöкты ведзны. Бабö дыр менö öвис, а ме сьороно вöччи. Мамö да вежаньö менö казьаисö да вöгасьисö. Менö кутiсö да игнаисö бальа гидö. Бабöö опеть изö тшöктö ведзны, понi брйакйыны удзöсас. Бабöö воис менö жаль. Cia менö ведзис. Me пондi вöччыны мамö сьöрö. Ньиа менö казьаисö и ышö öдьдьöнжык вöгасьисö. Сык ме котрасьны верми бура, ньиа понiсö ме сьöрын вöтвисьны, но вöтны изö вермö. Керны ныö вöви ньем. Менö сьодаки босьтiсö сьöраныс. Сыдз ме первуись вöи уын видззезвын 




#Article 202: Миян айным (204 words)


Миян айным — Христос вичкуын медтöдчана . Библия сьöрті Иисус Христос сетöма сійö велöтчиссеслö, кöдна юалöмась Енпияныслісь, кыдз колö юрбытны.  Текст йöзöтöм «Бур юöррезын» Матьвей сьöрті  да Лука сьöрті . 

Эллин кыв вылын оригинал :

Коми кыв вылö «Миян айнымсö» пондöмась вуджöтны Степан кадсянь (XIV век). 

Перем комиöн «Миян айнымсö» первуись публикуйтöмась Амстердамын 1705' годö, мöдпырся Петракарын 1817' годö. 

Сэсся этійö кеймисянсö öтлаын «Бур юöрыскöт» вуджöтöмась Любимов Фёдор (1823' во) да Попов Öврам (1850' воэз). Революция вотöдз видзсьöма Попов Öврамлöн версия.

Советтэз дырни Хритоса тексттэз перем коми кыв вылö абу вуджöтöмась. 1990' воэзö Никитина Людмила вились комиöтöма «Миян айнымсö», зыряналісь текст под туйö босьтöмöн.

Öння текст керöмась 2000' воэз пондöтчикö Р. К. Попова да Л. Г. Пономарёва.

Татöн мыччалам «Миян айöлісь» коми текст быдкодь каддэзісь.

Перем комиöн текстсö медодз публикуйтöма Николас Витсен. Сы небöгын коми текстыс уналаöт соралöм . Пондылам вежöртны сідз:

 

И. К. Аделунг небöгын йöзöтöм текст, кöдö сылö ыстöма Перемись губернатор К. Ф. Модерах. Этія текстыс лыддисьö öддьöн бура вуджöтöмöн.

Текст Любимов «Бур юöрись»  öння графикаын:

Революция вотöдз перем комиэз коласын ветлан текст лöсьöтöма Рогов Миковлöн ёрт Попов Öврам. Первуись публикуйтöм Рогов «Пермяцкöй грамматикаын», 1860' годö.

Медборья вариантыс (2003 год) сибöтöм перем коми баитан кывлань. Текст редактируйтöмась Петрова Раиса да Пономарёва Лариса.




#Article 203: Амстердам (233 words)


Амстердам () — Недерландлöн канкар да канмуас медыджыт оланін, финанссэс да культураыс понда шöрин. 

Амстердамыс сулалö Недерланд рытвылын, Амстел да Эй юэз уссёын, Ойвыв Холланд провинчаын. 

Омöн Амтердам пасьта гарйöмась каналлэз, кöдна öддьöн басöксьöтöны карсö. 

Öтлаын ордча каррезкöт Амстердам аркмöтö аггломерация Рандстад (7 млн. морт), кöда ыжда сьöрті кватьöт местаын Европаас.
  

Кар нимыс аркмöм кык торись: Амстел да дам. Амстел — эта нимыс юыслöн, кöда дорын карыс сулалö, а дам лоö «дамба».

Амстердам сулалö Недерланд рытвылын, Ойвыв Холланд провинчаын, Амстел да Эй юэз уссёын. 

Амстел юыс каршöрын вожасьö уналыда каналлэзö да ны кузя котöртö Эйсселмер курьяö. Сійöн карыс дзик кыдз сулалö 90  вылын, кöдна кöрталöмöсь поссэзöн и виадуккезöн (нія 1300-ся унажык).

Карыслöн муыс куйлö саридз тшупöтся 2 метраöн улынжык, а гöгöртан лажмыт да волькыт муэз мырддьöмöсь саридзлісь.

Амстердамись гавань кузь Ойвыв каналöн йитöм  Ойвыв саридзкöт.

Амстердам лёка урбанизируйтöм, кыдз и сылöн каркытш. Мувывторыс 219,4 км2, аслас карас петö 4457 морт/км2 да 2275 горт/км2.

Парккез да вöр-ва видзаніннэз босьтöны Амстердам мувывторись 12%.  

Карсяняс лунвыв-рытвылас быдмö Амстердам вöр, кöдö отирыс асьныс садитöмась.
 

Амстердамын  сизим район:  

XII векын татöн вöлöма токö черикыйиссезöн учöтичок грезд, но Недерланд зарни нэм коста, Амстердамыс пöртчöм мирас медтöтчана портö, да ыджыт вузасян шöринö.  

Мирсис 150 медыджт компання коласын сизима поздісьöны Амстердамын, шуам Филипс да ING. Каршöрын уджалö мирсис медваж биржа.  

Кар пырйöт мунöны автострадаэз A1, A2, A4, A6, A7, A8, A9 и A10:

Быд во Амсердамö вовлöны 4,2 миллион турист.

Сингажöтаннэс:

 

 
 
 




#Article 204: Мамак (181 words)


Мамак район () — Анкара карись район, Тюркиялöн 957 районісь (ильче) ӧтік. 

Районыс пырö Анкара ладорö, кытöн сія öтлаын мöдік 14 районкöт аркмöтö Анкара кар.

Мамак районыс куйлö Анкара кар асыввылын. Мувывторыс 478 40 км² ыжда.

Мамак карись микрорайоннэз (): Абидинпаша (), Акдере (), Акшемсеттин (), Алтыагач (), Анаюрт (), Араплар (), Ашыквейсел (), Бахчелеричи (), Бахчелерюстю (), Балкираз (), Башак (), Богазичи (), Бостанджык (), Бюyюккаяш (), Дженгизхан (), Чаглаян (), Чигилтепе (), Демирлибахче (), Дербент (), Достлар (), Дуралиалич (), Дутлук (), Эге (), Экин (), Фахри Корутюрк (), Гн Zеки Доган (), Гюлсерен (), Гюлверен (), Харман (), Хюрель (), Хюсейингази (), Караагач (), Карталтепе (), Казыморбай (), Кыбрыс (), Кёстендже (), Кутлу (), Кючюккаяш (), Мехтап (), Мискет (), Мутлу (), Пеями Сефа (), ПТТ Эвлери (), Саимекадын (), Ш. Дженгиз Топел (), Шафактепе (), Шахапгюрлер (), Шахинтепе (), Ширинтепе (), Тепеджик (), Тузлучайыр (), Тюркёзю (), Юрегил (), Ятыкмуслук (), Енибайындыр (), Ешилбайыр (), Юкары Имрахор().

Мамак районісь кароккез (): Кутлудюгюн (), 

Мамак районісь посаддэз (): Байындыр (), Гёкчеюрт (), Кызылджакёй (), Кусунлар (), Ортакёй ().

 




#Article 205: Бормотовчи (Кудымкар район) (344 words)


Бормото́вчи – Перем ладорись Коми кытшын, Кудымкар районсис Ленинск посадмуын коми грезд (деревня). 

Бормотовчисö коми отир эшö шуöны Бормотова. Öтік идея сьöрті шуаныс аркмöм Бормот ( Бурморт) нимись.

Бормотовчи грезд сулалӧ Вертюсва посадсянь асыввылö 21 км ылынаын, Юсьва ю дорын. 

Öні сы ладорын оланіннэзісь Бормотовчиыс кольччöма невна не öтнас. Медматын грезд, кытöн эшö олö морт, – Косогор. Сія сулалö Бормотовчисянь асыввылö 3,8 км ылынаын. 

Матынжык, 1 км ылынаын, адззам йöзтöм деревняэз Сеня (асыввылас) да Митрок (ойвыв-асыввылас). Отиртöм Юсвадор поздісьöм рытвылас 3,6 км ылынаын.

Мунан кö ойвылас нёль километра, петас Разин грезд.

Одзжык матын вöлöмась эшö деревняэз: Дзольпальник, Трӧпим. Торйöн лунвылас сулалöмась грезддэз  Чирков, Полом, Новӧй Деревня, Карабатова, Русакова, Кутор.

Бормотовчи сулалö Юсьва ю кыкнан вадöрын.  

 

Вертюсваын ниммесö öні новйöны 3  да öтік  :

Öні грездыс пырӧ Ленинск посадмуӧ. Посадмуыслöн юкöт (структурнöй подразделеннё) лöсьöтöмась Вертюсваын, кытчö бормотовса ветлöны  юралан специалист да мумерайтісь дынö.

Сэтчин жö мöдік каналан (государственнöй) службаэз:

Деревняын эм староста.

Олöны деревняас бормото́вса, öтік мортсö шуöны бормото́вскöй.

Оліссез комиöсь, баитöны комиöн.

Медуна отир гишшöны Казаринов да Бормотов.

Мöдік гишшаннэз:

Важжык отир новйисö нимкоддез: Вася Турка, Вукöй Улька, Кушман Степан, Кыр Пёдорок, Чуман Миколика.

Одзжык татöн вöлі «Родина» колхозлöн Бормотовскöй бригада. Кöдззлöмась 2,5 сюрс га пасьта. Вöлі сювидзан, мöскартаэз (кык ферма). 1992'/93' воэзö колхозыс разьсис, перво лоис кооператив, сэсся öтласа кöзяйство нач эз ло. 

Отирыс олöны торья горттэзöн. Быдтöны карч, йылöтöны пода (мӧссэз, вӧввез, баляэз, порссез, курӧггез, дзодзоггез), видзöны мошшез. Сюсö некин оз ни кöдз.

Бормотовчи тшакьялöны да ягöдалöны (озъягӧд, ӧмидз, сэтӧр), мукöдыс вöралöны.

Заптöны керрезöн вöр.

Унаöн юöны, этасянь уна кулöны (миллениум коста 13 мортöдз год вылас). Сысянь жö керсьö берся лёк. Сельполісь лавка унаись петкöтлöмась, сійöн магазинсö нульöт годдэз шöрын пöдналöмась. Öні Бормотовчиас кайлö автолавка Ляпинчисянь öтпыр недель вылас, нёльöдзлунö.

Грездын эм таксофон, радиотелефоннэз, позьö баитны мобильникöт (UTEL), видзöтны телевизор.

Деревняын уджалö аптека (ФАП).

Бормотовчилöн эм асланыс шойна (креста городок): дзебсьöны деревнясянь 1,7 км ылынаын, Косогорланяс.

Вöлі школа, кытöн перво велöтöмась 8 классöдз, сэсся 4 классöдз. 1993' годö школаыс сотчöм, öні челядьыс ветлöны велöтчыны Вертюсваöдз.

Вöлі клуб да библиотека часовня керкуын.

Одзжык отир пантавлöмась тулыс Абраммыс вылын, сэтчин керлöмась бипур.

Отир порйöтöны:

 




#Article 206: Мелюкинчи (Юсьва район) (484 words)


Мелю́кинчи нето Мелю́кина — Перем ладорись Коми кытшын, Юсьва районсис Юсьва посадмуын коми посад.
  

Мелюкинчи шусьö сідз Мелюхин гишшан сьöрті. Отир шуöны Мелюкинчи и Мелюкина.
 

Мелюкинчи сулалö Юсьва ю дорын, Кудымкарсянь асыввыв-лунвылö 18 км ылынаын, Юсьва посадсянь рытвыв-лунвылö 11 км ылынаын.   

Мелюкинчисянь асыввылö километра ылынаын сулалöны грезддэз Баидзовчи да Чубаровчи, асыввыв-лунвылас 1 км ылынаын Тарабаевчи, рытвыв-лунвылас 2 км ылынаын Потинчи. Асыввылас 3 км ылынаын поздісьöм Сивашор, асыввылас 3,5 км ылынаын — Тумень. Асыввыв-ойвылас 3 км ылынаын адззам Керинчи, рытвыв-ойвылас 2,6 км ылынаын — Обиринчи.

Мелюкинчи сулалö Юсьва веськыт ладорын, Тарабайка шор уссёланьын. 

Татісь ландшафттэз:

Посадас кык ыджыт тор: Важ Мелюкинчи да Виль Мелюкинчи.

Микрорайоннэз:

Мелюкинчи посадісь кыкьямыс туй öні новйöны тодиль ниммесö 

Татісь асладор туяліссез сьöрті , Мелюкинчи посад аркмöма да зорамöма то кыдз:

Медодзза оліссез вöлісö Захароввез. Кöр Захаров грездö локтöмась Сергиевскöй волосись виль оліссез, Туляеввез, деревнясö пондöмась шуны Кожов, мыля нія вöлöмась кучиккериссез. Виль грездыс быдмöма кык кырас коласын. 

Сьöраныс татчö Ятка губернясис локтöмась Мелюхиннэз. Нія пуксисö овны Кожовсянь лунвылас да пондöмась шуны грезднысö Кузнецова, мыля вöлöмась дориссез. Дорсянін сулалöма ю дорын, талуння мастерскöйезланяс.

Мелюхиннэз бöрын локтöмась Ӧнь ладорись Ошмариннэз, кöдна пондöмась овны Кожовсянь ойвылас, кырас сайын. Нылöн оланін шусьö Маслов.

ХХ век пондöтчикö Кожовсö сотöма лёкби. Кынымкö увтырлö, керкутöг кольччисö да, ковсис мунны овны мöділаö. Кожов грездыс разьсьöма. Туляеввез кольччöмась куим семья. Нія öтлаасьöмась Кузнецовакöт. Мелюкинчи увтырыс пондіс быдмыны и чожа Кузнецова грездын лоис медыджыт. Сэк и сетöмась деревняыслö виль ним Мелюкинчи.

Важ небöггез сьöрті история чулалöма сідз.

ХХ век пондöтчикö Мелюкинчи, Маслов да Сивухин лыддисьöмась Юсьвинскöй волосись Кожевскöй обществоын.

Сельсоветыс посадас пукаліс 2006' воöдз, кöр виль роч туйдöттэз сьöрті, Мелюкинчи да сы гöгöр деревняэсö пыртöмась Юсьва посадмуö.  

Öні Мелюкинчиыс лыддисьö Юсьва районісь Юсьва посадмуын, посадмусянь Мелюкинчиын уджалö  юралан специалист. 

Мелюкинчиын оліссез сідз и шусьöны — мелюкинчи, а öтік мортсö шуöны мелюкинскöй.

Отирыс комиöсь, баитöны комиöн.  

Фамиллёэз коласын медодзза местаын Мелюхин да Тарасов.

Мöдік гишшаннэз:

Ордча посаддэзын Мелюкинчиланьын оліссесö сералöны сакар сёйиссезöн, мыля Ыджыт косясян коста, татісь отир пондылöмась пö дзебны юö сакар мешöк (сакарсö сэк кыскалöмась мелюкинскöй тракт кузя).

Посадын советтэз кадсянь кольччöма öтласа кöзяйство *ООО Мелюкинскöй (одззася совхоз). Сійö видзö ас кипод увтын Юсьваись Заря будущего колхоз. Отирыс кöдзöны сюэз, видзöны мöссэз. Йöвсö вузалöны Юсьва пыр.

Совхозлöн эм контора, гараж, ферма, куканьвидзан, сюкосьтан.

Матын эм автотыртан.

Мелюкинчиын öні вузасьöны куим магазин: 

Йöзöс вердöны столовöйын. Кöркö вöлі асланыс няньпöжалан.

Автобус Кудымкарöдз (Юсьва пырйöт) ветлö кыкись луннас, мунö асывнас 8:10 да рытнас 5:40. Вöлі сувтчан, öні сійö разьöмась.

Ас машинаэз мелюкинчиэзлöн эмöсь, но не öддьöн уна.

Татісь ФАП-ын уджалöны кык морт: пельшöр да медсой (одзжык медперсонал вöлі 6-7 морт, нельки пиньвеськöтісь вöлöма).

Дзебсьöны Мелюкинчи ас шойнаö, кöда куйлö посадсяняс асыввылын.

Клуб пондіс киссьыны да сійö разьöмась, öні культура пельöсок ФАП керкуын. Сэтчин жö библиотека.

Быд субöта чулöтлöны дискотекаэз.

Спортзалын мастерскöйезкöт ордчöн, сія сідзжö повзьöтчö ни.

Мелюкинчиын эм под школа, кытöн уджалöны 10 морт велöтісь и велöтчöны морт челядь. Директорыс Тарасова Галина Власовна.

Посадын эи куим челядьсад.

Вичку Мелюкинчиын важын ни кисьтöмась.




#Article 207: Ниппон (294 words)


Ниппон нето Нихон (ниппон кыв вылын 日本, рочöн Япония) — Асыввыв Азияын, діэз (островвез) вылын вына канму. Тыр нимыс — Ниппон канму 日本国 (Ниппон коку нето Нихон коку).

Ниппоныс куйлö Лӧнь океанын, Ниппон саридзсянь асыввывланяс. Рытвылас сысянь матын куйлöны канмуэз: Рочму, Китай, Ойвыв Корея, Лунвыв Корея. Ниппоныс нюжалö Оката саридзсянь ойвылас Асыввыв Китай саридзöдз лунвылас. 

Ниппоныслöн нимыс гижсьö иероглиффезöн, кöдналöн вежöртасыс Шонді петан, сійöн Ниппонсö и шуöны Шонді петан канмуöн. 

Ниппон - 6852 острова архипелаг. Медыджыт діэз нёля: Хоншу, Хоккайдо, Кюшу да Шикоку. Öтлаын нія босьтöны канмуын 97% муывывторсис. Ниппонын олöны 127 миллён морт, öні канмуыс лоö му вылас дасöт местаын оліссез лыд сьöрті. Ыджыт Токио, кöдаö пырö Ниппонлöн быльнöй канкарыс да кынымкö ордча лапöв, лыддиссьö му югытас медыджыт кар ареалöн, кытöн олöны 30 миллён морт.
  
Археологгез шуанöн отирыс олöны öння Ниппон му вылын вылісь палеолит кадсянь. Первуись Ниппон йылісь казьтывсьö Китайись хроникаэзын миян эрася I векын. Ниппонса понда öддьöн ассяма то мый: нія мукöд коста паськыта босьтлöмась культура йöзладорись, а мукöдкоста дыр кежö пöднассьывлöмась быдöс мирсис. XIX век помын да XX век пондöтчикö Ниппон лоис вына военнöй канмуöн, вермис китайсаöс, роччезöс, а сэсся и дӧсмирись медодзза войнаын лоис вермиссез коласын. 1937' годсянь Ниппон пондöтіс мöдік война Китайлö паныт, кöда сэсся вуджис Дӧсмирись мӧд войнаö. Этія войнаын Нипонсö пасьвартісö 1945' годö, кöр Хирошима да Нагасаки вылö чапкöмась атомнӧй бомбаэз. 1947' годö канмуын примитöмась виль конституция, кöда сьöрті Ниппоныс лоис парламента монархияöн. 

Ниппон - ыжжыт вын мирись экономикаын. Сылöн БПЛ (быдöс пытшкöсся лэдзöмыс) ыжда сьöрті му югытас куимöт. Экспорт да импорт сьöрті Ниппоныс нёльöт местаын мирын. Кöть и сылö конституция сьöрті оз позь видзны армия, Ниппонын эм асдорьян выннэз, кöднö позьö ыстывлыны йöз муэзö раммöтан могöн. Ниппоныс мортвийöм сьöрті мирас мöд местаын улісянь (Сингапура бöрын). Шуöны, Ниппонын пö отирыс олöны дыржык, нежö быдöс мöдік канмуэзын. 




#Article 208: Волегов Федот Алексеевич (225 words)


Волегов Федот Алексеевич (Öльöш Педöт, 1790–1856) – Перем муын асладор туялісь, этнограф, лингвист, Строганов увтырлöн историк. Уджаліс веськöтлісьöн Строгановвез контораын.   

Öльöш Педöт чужис Перем губерняись Оханнöй уездын, Важ Посад грездын. Сія вöлі Строганов граффезлöн крепоститöм крессянаись.
  

Куліс Öльöш Педöт 1856’ сентяб 16’ лунö Перем губерняись Совкар уездын, Виль Совдор посадын.
 

Ф. А. Волегов, сылöн вон В. А. Волегов моз жö, вöлі Перем муын асладор туяліссез коласын медтöдчана фигураöн. Öльöш Педöт эшö 1810' воэзсянь пондіс туявны Строганов увтырлісь история да кöзяйство. Этія тема сьöрті сія лöсьöтöма кынымкö удж, кытöн сія гижö сы йылісь, кыдз колонизируйтісö Перем ладорсö  XVI—XVIII веккезö  да кытшöм вöлі сы коста Строгановвез роль, кытшöм состояннёын вöлісö Строгановвезлöн вотчинаэз, кыдз нія быдмисö да юксисö пияннэз коласын янсöтчöм коста нето вузалöм шогья, кыдзи зорамисö вотчинаэзын кöзяйстволöн торья виддэз. 

Öльöш Педöт гижалöма Строганов увтырлісь чужанпу, лöсьöтöма Совдорись вогижöт да мый да.

Ф.А.Волегов ыджыт интересöн туяліс и Кама ладорын олісь отирлісь культурасö, нылісь важся история да öння быт, кыв. 1830' годдэзö сія лöсьöтöма роч-коми кывчукöр. Сэк жö сія лöсьöтöма роч, перем коми, зыряна коми, удмурттэз да чувашшез кыввез сьöрті кывлёдз. 

Роч географ котырлöн архивын (Петракар) видзöны сылісь кигижöт «Собрание простонародных слов Пермской губернии», кытöн сія вежöртöтö ассяма кыввез, кöдна бергалісö Уралісь роч крессяна да рабоччöйез басниын  XIX век шöрын. 

Уна материаллэз, кöдна сьöрті позьö туявны Ф. А. Волеговлісь удж, куйлöны Перем ладорись архивын Волеговвез фондын (Ф. 672). 

 

 




#Article 209: Иисус Христос (5966 words)


Иисус Христос (комиöн лыддьöны Сус Кристос, важ элл. Ἰησοῦς Χριστός) - христоса вичкуын медрадейтана чужöм, мессия, кöда йылісь вöлі одзвыв шуöм Важ Йитöтын. Унажык конфессияын веритöны, штö сія - куим чужöма Енлісь öтік ипостась - Ен Зон (мöдік кык торыс - Ен Ай да Ен Вежа Лов). Иисус пö ловзьöма кулöмись. Ислям лыддьö Иисусöс пророкöн да мессияöн, а иудаизм оз пукты сійö ни пророкö, ни мессияö.
Сы йылісь, кыдз олöма Иисус Христосыс му вылын, мийö тöдамö Буръюöррез (Евангеллёэз) сьöрті. Иисус пö вöлі ыстöм му вылö Ен Айсянь, медбы аслас кулöмöн мезмöтны отирöс мыжасянь, кöда ны вылö усьöма нёштöма олöм шогья.
 
Евангеллёэз сьöрті Иисус вöлі еврей. Ас дырни оліссез сійö лыддьöмась велöтісьöн да веськöтісьöн. Мортыс вöлі пыртöма Пыртісь Иванöн да сетöма вартны пернаö Иудеяись прокуратор Понти Пилатöн сы понда, мыля мöдіс лэбтыны отирсö Рим империялö паныт.

Öтпыр Вежа Ныв Мария Иосифкöт мунiсö Вифлеем карö. Мунiсö нiя татчö гижсьыны. Иисус Христос чужöмся одзжык еврейез вöлiсö покорёнöйöсь римскöй отирöн. Римскöй сар мöдiс тöдны, мымда сылöн отир, мый понда быдыслö ковсис мунны аслас карö и гижсьыны. Кöр Вежа Ныв Мария и Иосиф локтiсö Вифлеемö, керкуэз вöлiсö ни тыраöсь. Вежа Нывлö Мария лоис пора вайны кага. Кöр Иосиф и Мария эзö адззö места Вифлеемын, мунiсö öтiк керöс коласö, кöда вöлi неылын Вифлеемсянь, кöда служитiс картаöн подалö. Эта керöс коласын Мария и вайис Иисус Христосöс. Сiя пеленайтiс Сiйö и пуктiс яслиö.

Мезмöтісь чужöм йылісь медодз тöдiсö вифлеемскöй пода караулитiссез. Сы пора, кöр чужис Иисус Христос, нiя вöлiсö ыб вылын аслас подакöт. Вöлi ой. Вдруг нылö мыччисис Ангел Енлöн. Пода караулитiссез повзьöмась сысянь. Ангел висьталiс нылö: «Эд полö! Ме мыччиси гажöтны тiянöс: Вифлеемын чужис Мезмöтісь, Кöда эм Христос Ен. Тiйö адззат Сiйö яслиын пеленаэзö каттьöмö». Сыбöрын пода караулитiссез весьтын лоисö мöдi Ангеллэз, Кöдна сьылiсö Ен писняэз: «Бур шы вылын Енлö и му вылын бур пора: отир коласын благоволеннё». Сыбöрын быд Ангеллэз öшисö. 

Пода караулитiссез висьталiсö öтамöдныслö: «Мунамö Вифлеемö и видзöтам, мый сэтчин лоис». Нiя мунiсö, пырисö гор коласö и адззисö сэтчин Кага Христосöс, пеленаэзöн каттьöмö. Пода караулитiссез юрбитiсö Сылö, кыдз Енлö, и висьталiсö Ныв Мариялö быдöс, мый кылiсö Ангеллэзсянь. Сыбöрын нiя мунiсö бöр ыб вылö и славитiсö Енöс быд понда, мый кылiсö и адззылiсö.

Кöр Иисус Христослö тырис нёльдас лун, Вежа Ныв Мария и Иосиф вайисö Сiйö вичкуö. Вичкуын нiйö панталiс öтiк праведнöй морт, Семен нима. Сылö Енсянь вöлi шуöм, что сiя оз кув, кытчöдз оз адззыв Мезмöтісьöс. Кöр Иисусöс вайисö вичкуö, сiя тöдiс сiйö и висьталiс: «Öнi лэдзан мортöс Тэнчит, Енö, Тэнат шыöт, сысянь что адззылiсö менам синнэз Спасеннё Тэнчит, кöдö Тэ заптiн быд отир понда». Сыбöрын Семен сетiс Иисус Христосöс Ныв Мариялö и шуис Сылö: «Тэнат Зон понда унаöсь пондасö споритны; мукöдныс веруйтасö и мезмасö, а мукöдныс озö. Тэныт Аслыт эта пора сiдз лоас сьöкыт, кыдз бытьтö Тэнö шучкöп бытшкасö мечöн».

Вичкуын сы пора вöлi эшö öтiк дöва, Анна нима. Сiя пыр олiс вичку дынын. Кöр сiя адззылiс Иисус Христосöс, ошкис Енöс, а сыбöрсянь пондiс висьтавны Иисус Христос чужöм понда быдныслö, кöдна виччисисö Сiйö.
Стреча лун празднуйтчö 2 февральын.
 

Кеймисьны чужöм Мезмöтісьлö вовлiсö и ылiсянь мудреччез. Нiя локтiсö Иерусалимö и юалiсö: «Кытöн чужис Сар иудейскöй? Мийö адззылiм Сылiсь кöдзув (звезда) асывланись». Иисус Христос чужöм одзын эшö пророк Валаам висьталiс отирлö, что Сылöн чужöм дырни мыччисяс кöдзув. Мудреччез тöдiсö этö, и кöр адззылiсö виль кöдзув, мунiсö Ерусалимö. Эта пора еврейезлöн сарöн вöлi Ирод Идумеянин – мöдi отирись, сувтöм римскöй сарöн. Кöр сiя кылiс, что еврейезлöн чужис аслас сар, повзис: сiя думайтiс, что эта чужöм сар мырддяс сылiсь власть. Сiя öктiс быдöс велöтöм еврейскöй отир и юалö нылiсь: «Кытöн должён чужны Христос?» Нiя шуисö, что Христослö должно чужны Вифлеемын. 

Сэк Ирод гусьöн корис ас дынö мудреццезöс и юалiс нылiсь, кöр мыччасис кöдзув, и шуис нылö: «Мунö Вифлеемö и тöдö, кытöн чужис Христос, а кöр тöдат, локтö и висьталö меным, и ме муна кеймися Сылö». Ирод совсем эз мöд кеймисьны Сылö, а мöдiс вийны. Мудреччез мунiсö. Кöдзув, кöдö нiя адззылiсö асыввылын, мыччисис нылö и мунiс ны одзын. Сiя мунiс сэтчöдз ны одзын, кытчöдз эз локтö керку весьтö, кытöн вöлi Вежа Ныв Мария Иисус Христоскöт. Мудреччез пырисö эта керкуö, и кöр адззылiсö Христосöс, кеймисö Сылö и вайисö козиннэз: зарни, серебро, ладан и смирна (бур дука мавтан). Эта бöрын нiя мöдiсö мунны Ирод ордö. Но Ангел Енöн мыччисис нылö вöтын и эз тшöкты мунны Ирод ордö, а мунны гортö мöдi туйöн. Мудреччез сiдз и керисö.

Кöр Ирод тöдiс, что мудреччез мунiсö мöдi туйöт, сiя тшöктiс вийны быд кагаэзöс Вифлеемын и сы гöгöр кыкгодсяэзö и учöтжыккезö. Сiя думайтiс, что ны коласын сюрас и Иисус Христос. Воиннэз вийисö даснёль тысяча кага. Иосиф и Вежа Ныв Мария Иисус Христоскöт эта пора пышшисö Египетö, кытöн олiсö Ирод кувтöдз.

Öтiк иудейскöй карын олiс поп Захария аслас инькöт Елизаветакöт. Нiя вöлiсö отир набожнöйöсь. Нiя вöлiсö пöрисьöсь, а челядь нылöн эз вöв. Нiя корисö Енöс, медбы Сiя сетiс нылö кага. Ен кылiс нылiсь кеймöм и ыстiс Захар ордö Архангел Гавриилöс висьтавны, что сылöн чужас зон. Захария эз верит Ангеллö. «Кыдз ме тöда этö? Ме эд пöрись и иньö пöрись?» – шуис Архангеллö Захария. Архангел шуис сылö: «Ме ыстöм Енсянь висьтавны тэныт эта понда; сы понда, что тэ эн верит меным, лоан кывтöм сэтчöдз, кытчöдз тэнат оз чуж зон». Захария сэк жö керсис кывтöмöн. Кыдз висьталiс Архангел, сiдз и лоис: Елизавета вайис зонöс. Кыкьямысöт лунö родственниккез Захарлöн и Елизаветалöн локтiсö ны ордö. Нiя мöдiсö сiйö шуны Захарöн, кыдз шуисö и айöс. Но Елизавета шуис, что сiйö колö шуны Иоанöн. Юалiсö эта понда Захарлiсь. Сiя вöлi сё эшö кывтöм, корис пöлок и гижис: «Иоан ним сылö». Кöр гижис этö, пондiс баитны и ошкыны Енöс».

Иоан учöтсянь олiс пустыняын. Сёйис татöн бöб ма и саранча, паськöм новйис верблюд вурунiсь, кушакасис кучик йиöн. Кöр сылö тырис куимдас год, Ен тшöктiс сылö мунны Иордан вылö и лöсьöтны отирöс стреча вылö Спасительöс. Иисус Христослö эта пора вöлi кыкдас öкмыс джынйöн год. Иоан локтiс Иордан вылö и шуис отирлö: «Каитчö асланыт греххезын: локтiс сарство Енлöн». Кин отирись каитчис, сiйö Иоан пыртiс Иорданын.
Отир юалiс Иоанöс: «Мый жö миянлö керны?» Иоан баитiс сылö: «Кинлöн эм кык паськöм, сiя ась сетö öтiкö сылö, кинлöн абу; кинлöн эм сёян, ась керö сiйö жö», Сборщиккез юалiсö сiйö: «Ученьщик, мый миянлö керны?» Нылö сiя баитiс: «Эдö босьтö некинсянь унажык». Уна и мöдiкö сiя баитiс отирлö, велöтiс сiйö.

Кöр Иисус Христослö тырис куимдас год, Сiя локтiс Иордан вылö Иоан ордö и корö, медбы Иоан пыртiс Сiйö. Иоан видзис Сiйö и баитiс: «Меным колö пыртчыны Тэсянь, и Тэ я локтан ме дынö». «Коль öнi», – шуис сылö Иисус Христос, – «сысянь что миянлö колö керны сякöй правда». Сэк Иоан пыртiс Сiйö. Кöр Иисус Христос петiс ваись, юрбитiс Енлö. Сы пора сы вевдöрын оссис енвевт и Дух Святöй дудi кодьöн лэдзчис Сы вылö, а енвевтсянь кывсис шы Ен Айлöн: «Сiя эм Менам Зон любöй, Кöдаын Менам благоволеннё».

Иисус Христос пыртчис не сысянь, что нуждайтчис пыртанын, а сы понда, медбы светитны пыртан и Аслас примерöн мыччавны отирлö, что нiя должны пыртчыны и весöтчыны греххезсянь.

Крещеннё празднуйтчö 6 январьын. Сiя шусьö эшö Енмыччасьöмöн, сысянь что эта лунö мыччасис отирлö быдöс Пресвятöй Троица: Ен Ай баитiс енвевтсянь, Ен Зон пыртчис, а Ен Дух Святöй лэдзчис Иисус Христос вылö дудi кодьöн.

Аслас пыртан бöрын Иисус Христос мунiс пустыняö и сэтчин нёльдас лун юрбитiс Енлö. Сыбöрын Сiя куим год джынйöн гöгöр ветлöтiс еврейскöй каррезöт, велöтiс отирöс веруйтны Сылö кыдз Ен Зонлö и овны праведно. Эта дырни Сiя керис уна чудоэз. Сылöн вöлiсö велöтчиссез, мукöдныс ныись шусисö апостоллэзöн, мöднёж, посланниккезöн. Сiдз нiя шусисö сысянь, что Иисус Христос ыстывлiс нiйö гöгöр велöтны отирöс. Самöй замечательнöй велöтчиссез Сылöн даскык: Петр, Андрей, Иаков, Иоан, Филип, Варфоломей, Фома, Матфей, Симон, Зилот, Иаков Алфеев, Иуда Иаковлев и Иуда Искориот нимаöсь.

Нёляöсь ныись гижисö и колисö миянлö евангеллё, кöдаын гижсьö быд олöм Иисус Христослöн. Велöтчиссез эна: Матфей, Марк, Лука и Иоан, кöдна шусьöны евангелисттэзöн. Мукöдныс ныись гижисö и колисö миянлö апостольскöй ыстöммез.

Первöй чудо, кöдö керис Иисус Христос вöлi керöм вина свадьба вылын Кана карын.

Еврейскöй карын Канаын вöлi свадьба. Эта свадьба вылö корисö Иисус Христосöс Мамкöт и велöтчиссезкöт. Свадьба дырни жöниклöн эз судз вина. Эн Чужöтiсь тöдiс, что Иисус Христос вермас отсавны жöниклö, локтiс Сы дынö и шуис: «Вина эз судз нылöн». Иисус Христос шуис Сылö: «Эшö эз на лок час Менам». Вина эшö вöлi, а сысянь Иисус Христос и шуис, что эз на лок эшö час Сылöн». Пресвятöй Ныв Мария локтiс жöник слугаэз дынö и тшöктiс нылö керны быдöс, мый тшöктас нылö Иисус Христос.

Еврейезлöн вöлi обычай каждöй локтöм гöсьлö или велöтiсьлö миськавны коккез, а сысянь каждöй еврейскöй ыбöс дынын сулалiсö доззэз ваöн. Иисус Христос шуис слугаэзлö: «Тыртö доззэз ваöн». Слугаэз тыртiсö. Сэк Иисус Христос тшöктiс нылö гумавны доззэзiсь и нöбöтны пир начальник дынö. Пир начальник пешлiс и адззылiс, что эта вина буржык одззася; сiя эз тöд кысянь боссис вина, корис ас дынö жöникöс и шуис сылö: «Быд морт удалö гöссезлö одзжык бур вина, а кöр коддзасö, сэк удö умöльжыкö, – а тэ бур вина видзин öнöдз?» Сэк оссис, что Иисус Христос керис ваись вина, и веруйтiсö Сыö велöтчиссез Сылöн.

Иерусалимын вöлi купальна. Эта купальна дынын вöлi вит жыр, кытöн куйлiсö шогалöммез. Мукöд пораöт Ангел Енлöн лэдзчылiс эта купальнаö и гудыртлiс сыын ва. Кин первöй лэдзчылiс ваö, Ангел ва гудыртöм бöрын, сiя петлiс здоровöйöн. Шогалöммез сысянь сэтöн и куйлiсö, медбы лэдзчывны купальнаö, кöр сыын гудыртчас ва. Татöн вöлi öтiк шог – расслабленнöй, кöда шогалiс куимдас öтiк ямыс год. Öтпыр Иисус Христос пырис эта купальнаö, локтiс расслабленнöй дынö и юалiс сiйö: «Мöдан я лоны здоровöйöн?» Шогалiсь висьталiс Сылö: «Мöда, Енö, но абу сэтшöм морт, кöда бы лэдзис менö купальнаö чожжык гудыртчöм ва бöртi; ачым жö ме ог на ешты лэдзчыны сэтчин одзжык мöднысся». Иисус шуис сылö: «Чеччы, босьт ольпась тэнчит и ветлöт». Шогалiсь сэк жö, öтiк Ен шысянь, лоис здоров, чеччис, босьтiс ольпась и мунiс. Эта вöлi суббота лунö. Еврейез неправильно думайтiсö нёльöт заповедь велöтöм понда, – суббота лунö нiя нем эз керö, дажö эз мöдö керны бурö мортлö. Кöр адззылiсö веськалöмö ольпасьöн киын, нiя висьталiсö сылö: «Талун суббота, эз ков тэныт босьтны ольпась». Веськалöм висьталiс нылö: «Кин менö веськöтiс, Сiя шуис меным: босьт ольпась тэнчит и мун». Сiйö юалiсö: «Кин жö висьталiс тэныт: босьт ольпась и ветлöт?» Веськалöм эз на тöд Иисус Христосöс. Чожа эта бöрсянь Иисус Христос адззылiс веськалöмöс вичкуын и шуис сылö: «То тэ öнi здоров; эн грешит эсся; медбы эз ло тэкöт мый умöльжык» (Эта шыэзсянь тыдалö, что висян веськалöмлöн вöлi аслас греххезсянь). Веськалöм мöдiс прославитны Иисус Христосöс, мунiс и пондiс висьтавлыны, что сiйö веськöтiс Иисус Христос. Еврейез мöдiсö вийны И. Христосöс сы понда, что Сiя керис этö Суббота лунö. 

Öтпыр Иисус Христос локтiс Наин кар дынö. Сы сьöрын мунiсö велöтчиссез Сылöн и уна отир. Карö пыртан дырни Сылö пантасис отир, кöда нöбöтiс дзебны öтiк том мортöс. Кулöм вöлi öтiк зон дöвалöн. Сiя мунiс домовищё сьöрын и горзiс. Иисус Христос жалейтiс сiйö и висьталiс: «Эн горзы!» Нöбöтiссез домовищё сувтiсö. Иисус Христос локтiс домовищё дынö, павкöтчис сы бердö и висьталiс кулöмлö: «Том морт, тэныт шуа, чеччы!» Кулöм сэк жö ловзис, пуксис и пондiс баитны. Иисус Христос сетiс сiйö сылöн мамлö. Кöдна вöлiсö эта чудо дырни, пондiсö славитны Енöс и баитiсö: «Ыджыт пророк лоис миян коласын, и Ен эз коль Ассис отирöс».

Öтпыр Иисус Христос локтiс Генисаретскöй ты дынö, пуксис Аслас велöтчиссезкöт пыжйö и шуис нылö: «Вуджамö мöдлапöлö». Кöр нiя уйисö, ты вылын лэбис ыджыт буря. Иисус Христос эта пора узис. Велöтчиссез öддьöн повзисö, пондiсö саймöтны Иисус Христосöс и баитiсö: «Велöтiсьö! Велöтiсьö! Мийö погибайтам!» Иисус Христос саймис, эз тшöкты пöльтны тöвлö, шуöм: «Дугды!» И буря дугдiс и керсис бур погода. Сыбöрын Иисус Христос висьталiс велöтчиссезлö: «Мый тiйö сiдз полат? Кыдз тiян етша вера!» Велöтчиссез ас коласас баитiсö: «Кин жö эта, ва и тöв кывзöны сiйö?»

Öтi пора Иисус Христос вöлi пустыняын. Отир öксис Сы дынö уна. Иисус Христос пондiс велöтны отир и велöтiс рытöдз. Рытöн велöтчиссез висьталiсö Иисус Христослö: «Места татöн пустыннöй, а сёр ни; лэдз отирöс сёянла». Иисус Христос висьталiс нылö: «Сетö тiйö нылö сёйны, чем нылö мунны». Но апостоллэз висьталiсö Сылö, что нылöн эм токö вит нянь и кык чери, а эта етша лоас сымда отирлö. Иисус Христос тшöктiс вайны этö нянь, а отир пуксьöтны турун вылö стоöн и витдасöн. Кöр нянь и чери вöлi вайöм, Иисус Христос благословитiс нiйö и тшöктiс сетны отирлö. Велöтчиссез сетiсö. Быдöс отир сёйис и пöтiс и эшö кольччисö кусöккез даскык тырья короб. Быдныс сёйис вит тысяча гöгöр, да эшö иннез и челядь.

Öтпыр велöтчиссез Иисус Христослöн уйисö тыöт пыжйын. Иисус Христос эта пора ныкöт эз вöв. Вöлi ой. Ты вылын вöлi öддьöн тöла. Асывлö нiя адззылiсö, что кытшöмкö морт мунö пыдö ваöт. Нiя думайтiсö, что блазнитö, повзисö и пондiсö чирзыны. Эта вöлi Иисус Христос. Сiя висьталiс нылö: «Эд полö! Эта Ме!» Апостол Петр висьталiс Сылö: «Енö! Кыдзи Тэ, тшöкты меным мунны Тэ дынö ваöт». Иисус Христос тшöктiс сылö. Петр петiс пыжйись и мунiс паныт Сылö, но кöр адззылiс ас гöгöрын ыджыт ваввез, повзис и пондiс вöйны. Сiя пондiс чирзыны Иисус Христослö: «Енö! Спасит менö!» Иисус Христос локтiс сы дынö, босьтiс сiйö киöт и шуис: «Мый тэ повзин». Сыбöрын Сiя пырис пыжйö и тöв раммис. Велöтчиссез кеймисö Иисус Христослö и шуисö Сылö: «Тэ – Зон Енлöн!»

Öтпыр Иисус Христос сьöрын мунiс Хананейскöй инька, язычница, и чирзiс: «Милуйт менö, Енö, Зон Давидлöн, ныв менам öддьöн беснуйтчö». Эта инька веруйтiс вынлö Иисус Христослöн. Иисус Христос, кыдз Ен, тöдiс эта понда. Медбы и велöтчиссез адззылiсö сылiсь вера, Сiя дыр нем эз баит сылö. Инька эз на дугды кеймисьны Сылö. Велöтчиссез шуисö Иисус Христослö: «Лэдз сiйö, ась оз чирзы миян вылö». Но Иисус Христос висьталiс: «Абу бур мырддьыны нянь челядьлiсь и сетны сiйö поннэзлö». Инька висьталiс сылö: «Сiдз, Енö, но эд и поннэз сёйöны крöшкаэз, кöдна усьлöны пызансянь». Сэк Иисус Христос висьталiс сылö: «О, инька! Ыджыт тэнат вера, ась лоас тэнат желаннёыт» – и куль петiс сы пытшкись сэк жö.

Пырöм дырни öтiк карö Иисус Христосöс панталiсö дас морт прокажённöйöсь, кöдналöн быд яй вöлi вевттьöм орöн. Нiя сувтiсö и ылiсянь чирзiсö Сылö: «Иисус Велöтiсь, милуйт миянöс». Иисус Христос висьталiс нылö: «Мунö, мыччасьö поппезлö». Шогöт проказа öддьöн заразителен, а сысянь кöдна шогалiсö сiйöн пыр олiсö кар сайын. Кöр нiя веськалiсö, то пыр мыччасьлiсö поппезлö. Поппез нiйö свидетельствуйтлiсö и, кыдз нiя веськавлiсö, вились тшöктывлiсö овны карын отир коласын. Эссянь Иисус Христос и тшöктiс нылö мунны поппез ордö. Нiя мунiсö и туйöн быдныс веськалiсö. Öтiк ныись вöлi Самарянин – мöдi отирись. Кöр сiя адззылiс, что веськалiс, бертчис Иисус Христос дынö, усис Сылöн коккез дынö, ошкис Сiйö и благодаритiс Енöс. Кöр Иисус Христос адззылiс этö, шуис: «Эд быдныс веськалiсö даса? Кытöн жö öкмыс? Мыля жö нiя эзö бертчö сетны бур шы Енлö, а локтiс то токö öтiк мöдi отирись?». И шуис сылö: «Чеччы, мун, вера тэнат спаситiс тэнö».

Öтiк законник (велöтöм морт) локтiс Иисус Христос дынö и юалiс Сылiсь: «Велöтiсьö! Кытшöм самöй главнöй заповедь законын?» Иисус Христос шуис сылö: «Первöй быд заповеддезiсь: кывзы, Израиль, Ен эм öтiк, и любит Енöс тэнчит быд сьöлöмöн и быд воöн тэнат и быд вынöн тэнат – то первöй заповедь! Мöдiк сы кодь жö: любит матiсьöс тэнчит, кыдз асьсö. Мöдi заповедьöс энася ыджытжыкö абу законын». Законник шуис Сылö: «Бур, Велöтiсьö! Правда шуин тэ, что öтiк Ен. И любитны Енöс быд сьöлöмöн, быд воöн и быд вынöн, и любтны матiсьöс, кыдз асьсö, эм ыджытжык быд жертваэзся». Иисус Христос адззылiс, что законник отвечайтiс бура, шуис сылö: «Неылын тэ Ен сарство дынсянь». 

Öтiк законник юалiс Иисус Христослiсь: «Кинöс ме должён лыддьыны аслам матiсьöн?» Эта вылö Иисус Христос висьталiс сылö сэтшöм притча. «Öтiк морт мунiс Иерусалим карись Иерихон карö. Туй вылын сiйö кутiсö разбойниккез, грабитiсö сiйö, ранитiсö и колисö сiйö чуть ловьяö. Сы дынöт мунiс иудейскöй поп. Поп видзöтiс сы вылö и колис. Сэт жö мунiс служитель вичкуись. Но и сiя мунiс ортсö. Сы туйöт жö мунiс Самарянин.

Кöр сiя адззылiс вартлöмö, чеччис аслас осёлсянь, кисьтiс сылö ранаэз вылö ви и вина, а сыбöрын пуксьöтiс сiйö осёл вылö, вайöтiс гостиницаö и ухаживайтiс сы сьöрын. Мöдi лун вылö, кöр сылö колiс мунны, сiя сетiс деньга хозяинлö и висьталiс: «Берегит сiйö, а кыдзи видзан сы вылö унажык, ме мынта тэныт, кöр бертча». Кöр Иисус Христос висьталiс этö притча, юалiс законниклiсь: «Кин эна куим мортiсь матын увешнöйлö?» Законник шуис Сылö: «Сiя, кин отсалiс сылö». Сэк Иисус Христос висьталiс сылö: «Мун и тэ кер сiйö жö».

Кöр висьталiс этö притча, Иисус Христос содтiс: «Висьтала тiянлö, что мытарь мунiс гортö унажык правöн, чем фарисей, сысянь что кин лэбтö асьсö, сiя чинас, а кин чинтö, сiя лэбас».

Öтiк сар ордö вайöтiсö морт, кöда должён вöлi сылö 25 000 000 рублей гöгöр. Морт эта эз вермы мынтыны долг. Сэк сар тшöктiс вузавны сiйö, инь сылiсь, челядь и быдöс именнё и мынтыны долг. Должник усис сылö коккезö и шуис: виччись, ме быдöс тэныт мынта. Сар жалейтiс сiйö и проститiс быд долг. Должник петiс сар ордiсь и пантасис аслас товарищкöт. Эта товарищ должён вöлi сылö рублей 20 гöгöр. Сiя кутiс сiйö горшöт и пондiс корны долг. Товарищ корис виччисьны. Но сiя эз мöд виччисьны и пуксьöтiс сiйö тюрьмаö. Кöр сар тöдiс этö, лöгасис сы вылö, кöда должён вöлi сылö. Сiя корис сiйö ас дынö и шуис сылö: «Лöг морт! Быд долг ме проститi тэныт, и тэныт эз я ков проститны аслат товарищлö, кыдз и ме проститi тэныт? Эта бöрын сар тшöктiс пуксьöтны сiйö тюрьмаö и маитны, кытчöдз сiя оз мынты быд долг».

Öтi мортлöн вöлi кык зон. Учöтжык ныись öтпыр висьталiс аслас айлö: «Ая! Сет меным тор, кöда колö меным». Ай сетiс. Эта бöрын учöт зон мунiс ай керкуись аслас именнёöн öтiк странаö и чожа быдöс этö прожил. Эта странаын лоис тшыг пора, и сiя пондiс нуждайтчыны. Медбы не кувны тшыгсянь, сiя медасис берегитны порссезöс и рад вöлi пöтны сёянöн, кöдö сёйисö порссез, но и этö эзö сетö сылö. Сэк сылö усис тöд вылö ай и шуис: «Мымда менам айлöн строшнöйез и быдныс нiя сёйöны нянь пöттöдз, а ме кула тшыгсянь! Муна айö ордö и висьтала сылö: “Ая! Ме грешитi енвевт весьтын и тэ весьтын и недостоин ни ме шусьыны зонöн тэнат – босьт менö аслат строшнöйез коласö”». Сiдз сiя и керис: чеччис и мунiс.

Ай эшö ылiсянь казялiс сiйö, радуйтчис, котöртiс сы паныт и пондiс сiйö окавны. Зон пондiс баитны, мый мöдiс висьтавны, кöр пондiс мунны гортö. Ай жö сылöн эз сет сылö баитны, а тшöктiс аслас слугаэзлö вайны медбур паськöм, чунькытш, сапоггез, и пасьтöтны бертчöм зонöс. Сыбöрын тшöктiс слугаэзлö начкывны медбур кукань и керны обед. Ыджыт зон эта пора вöлi ыб вылын. Кöр сiя бертчис гортö и кылiс сьылöм ай керкуын, юалiс öтiк слугалісь: «Мыся веселлё ай керкуын?» Слуга висьталiс сылö: «Вон тэнат бертчис, и ай начкылiс сы понда вердöм куканьöс и керис öбед». Ыджыт зон лöгасис эта вылö и эз мöд пырны ай керкуö. Ай петiс сы дынö и пондiс корны сiйö. Но сiя висьталiс айлö: «Кыным год ме служита тэныт; а тэ некöр эн сет меным и кöза пиянöс, веселитчыны аслам товарищщезкöт. Кöр жö эта зон тэнат бертчис немтöг, тэ начкылiн сы понда кукань». Ай эта вылö висьталiс сылö: «Зонöиньöй, тэ пыр мекöт, и быдöс менам тэнат; а сы понда колö гажöтчыны, что вон тэнат вöлi кулöм, и ловзис; öшлiс, и адззисис».

Öтiк господин пондiс мунны ылö странаö. Сiя корис ас дынö ассис работниккезöс и сетiс нылö ассис именнё. Öтiклö сетiс вит талант, мöдiклö кык, куимöтлö öтiк. Кöр сеталiс быдöс, мунiс. Работник, кöда получитiс вит талант, нажил ны вылö эшö вит. Работник, кöда получитiс кык талант, нажил мöдi кык. Работник, кöда получитiс öтiк талант, вöлi морт дыш, сiя дзебис талант муö. Дыр время бöртi господин бертчис и пондiс корны аслас работниккезлiсь отчёт. Работник, кöдалö сiя сетiс вит талант, локтiс сы дынö и шуö: «Господинö! Тэ сетiн меным вит талант, а ме то адззи ны вылö эшö вит». Господин висьталiс сылö: «Бур, тэ бур морт! Учöтын тэ вöлi сувтöм, уна вылын ме тэнö сувтöта; радуйтчы мекöт». Кöда получитiс кык талант, локтiс и шуö: «Господинö! Тэ сетлiн меным кык талант, ме адззи ны вылö эшö кыкö». Господин и эталö висьталiс сiйö жö, мый и первöйлö. Эта бöрын господин дынö локтiс дыш работник и шуö: «Господин! Ме тöдi, что тэ морт лöг: вундан, кытчö он кöдз, и öктан, кытчö он киськав; сысянь ме повзи тэись и дзеби тэнчит талант муö, на босьт сiйö». Господин шуис сылö: «Дыш морт тэ! Кыдз тэ тöдiн, что ме вунда, кытчö ог кöдз, и öкта, кытчö ог киськав. Тэ сетiн бы менчим талант купеццезлö, и ме босьтi бы сiйö барышöн». Эта бöрын господин тшöктiс вашöтны дыш мортöс аслас керкуись.

Кöр Иисус Христос висьталiс этö притча, шуис: «Кинлöн эмöсь пеллез, ась кылö!»

Öтпыр апостоллэз юалiсö Иисус Христослiсь: «Кöр лоас Тэнат мöдi локтöм?» Иисус Христос шуис нылö: «Сы лун понда некин оз тöд, не ангеллэз Енлöн, не Зон, тöдö токö öтiк Ен. Кöр жö локтас Зон Аслас славаын и быд святöй Ангеллэз Сыкöт, сэк пуксяс пызан вылö Аслас славаын. Сы весьтö öксяс быд отир, ловья и кулöм. Сiя янсöтас праведниккезöс грешниккезсянь, кыдз торйöтö пода караулитiсь баляэзöс кöзаэзсянь. Праведниккезöс сувтöтас веськыт ки вылö, а грешниккезöс шульга вылöт. Сыбöрын висьталас праведниккезлö: «Локтö, благословеннöйез Менам Айöн бур местаö, кöда заптöм тiян понда: сысянь что кöр Ме мöдi сёйны – тiйö вердiт Менö, кöр мöдi юны – тiйö юкталiт Менö, кöр ветлöтi – тiйö корит Менö аслат керкуö, кöр вöлi куш – тiйö пасьтöтiт Менö, кöр вöлi шог – тiйö локтiт Ме дынö, тюрьмаын вöлi – и тiйö сэтчö локтiт Ме дынö». Праведниккез шуасö Сылö: «Енö! Кöр мийö адззылiм Тэнö тшыгöн и вердiм? Кöр юкталiм? Кöр адззылiм ветлöтöмöн и корим? Кушöн, и пасьтöтiм? Кöр адззылiм мийö Тэнö шогöн ли тюрьмаын, и локтiм Тэ дынö?» Сар висьталас нылö: «Этö керит тiйö öтiк учöт вонлö Менчим, этö керит Меным». Сыбöрын бергöтчас грешниккезлань и шуас нылö: «Мунö, ёрдöммез, пырся биö, кöда заптöм дьявол и сылöн ангеллэз понда: сысянь что Ме мöдi сёйны – и тiйö эдö сетö Меным сёйны, мöдi юны – и тiйö эдö юкталö, ветлöтi – и тiйö эд корö Менö, вöлi куш – и эд пасьтöтö, вöлi шог и тюрьмаын – и тiйö эдö локтö Ме дынö». Грешниккез шуасö Сылö: «Енö! Кöр мийö адззылiм Тэнö тшыгöн, ли юны бы Тэ мöдiн, ли ветлöтöмöн, ли кушöн, ли шогöн, ли тюрьмаын – и эгö служитö Тэныт?» Сiя шуас нылö: «Этö тiйö эд керö öтiклö учöт вонлö – и эд керö Меным». И мунасö грешниккез адö, а праведниккез сарство небеснöйö.

Öтпыр Иисус Христос босьтiс куим Ассис велöтчись (Петрöс, Иаковöс и Иоанöс) и мунiс ныкöт керöс вылö, Фавор нимаö. Кöр локтiсö керöс вылö, Иисус Христос пондiс юрбитны. Кеймöм дырни Сiя мöднёжасис (вежсис): рожа Сылöн лоис югыт, кыдз шондi, а паськöм керсис чочком лым моз. Эта дырни Сылö мыччасисö Моисей и Илья (пророккез) и баитiсö Сыкöт Сылöн страданнёэз понда, кулöм и ловзьöм понда. Кöр апостол Петр адззылiс этö, чирöстiс: «Енö! Бур миянлö татöн; кыдзи мöдан, мийö керам куим балаган: öтiкö Тэныт, мöдiкö Моисейлö и куимöтö Ильялö». Кöр сiя этö баитiс, югыт кымöр сайöвтiс Моисейöс и Ильяöс, и кымöрись кывсис шы Ен Айлiсь: «Эта (Иисус Христос) эм Менам любöй Зон, Кöдаын менам благоволеннё, Сiйö кывзö!» Кöр велöтчиссез кылiсö этö, повзисö и усисö рожабаннэзöн му вылö. Иисус Христос локтiс ны дынö, павкöтiс нiйö и шуис: «Чеччö и эд полö!» Велöтчиссез чеччисö и некинöс сэсся эз адззылö, токö Öтiкö Иисус Христосöс. Иисус Христос вöлi кыдз и одзжык. Кöр нiя лэдзчисö керöс вывсянь, Иисус Христос шуис нылö: «Эд висьталö некинлö, мый татöн адззылiт, кытчöдз морт Зон оз на ловзьы кулöммезiсь».
Преображеннё Енлöн празднуйтчö 6 августын.
 

Неылын Иерусалим дынсянь вöлi селеннё Вифания. Татöн олiс öтiк благочестивöй морт Лазарь нима. Сылöн вöлi кык сой. Öтiкö шуисö Марфаöн, а мöдiкö Марияöн. Благочессё понда Иисус Христос любитiс нiйö. Öтпыр Лазарь пондiс шогавны и кулiс. Вит лунö, сылöн кулöм бöртi, Иисус Христос локтiс Вифанияö. Марфа петiс Сылö паныт и синваöн синнэз вылын шуис Сылö: «Енö, кыдзи бы Тэ вöлiн татöн, эз бы кув вонö; но и öнi, тöда, мый Тэ коран Енлiсь, Сiя сетас Тэныт». Иисус шуис сылö: «Ловзяс вон тэнат!» Марфа шуис Сылö: «Тöда, что ловзяс ловзян лунö, последньöй лунö». Эта вылö Иисус Христос шуис сылö: «Ме ловзьöм и олöм; кöда веруйтö Меö, кыдз и кулас, ловзяс… Веритан я эталö?» Сiя шуис Сылö: «Верита, что Тэ Зон Енлöн, локтöм мирö». Эта баитöм бöртi Марфа мунiс и корис Марияöс. Мария чожжык котöртiс и, кöр адззылiс Иисус Христосöс, усис Сылöн коккез дынö и шуис: «Енö, кыдзи бы Тэ вöлiн татöн, эз бы кув вонö!» Иисус Христос юалiс: «Кытчö тiйö пуктiт сiйö?» Сылö висьталiсö. Кöр локтiсö керöс колас дынö, кытчö вöлi дзебöм Лазарь, Сiя шуис: «Босьтö из ыбöс дынсянь!» Марфа шуис Сылö: «Енö, Лазарьсянь ни мунö дук, сысянь что сiя нёль лун ни куйлö домовищёын…» Иисус шуис сылö: «Эг я висьтав Ме тэныт, кыдзи пондан веруйтны, адззылан слава Енлiсь?» Эта бöрын из босьтiсö. Иисус Христос юрбитiс Енлö и шуис: «Лазарь! Мун сэсь!» Кулöм сэк жö ловзис и петiс домовищёись, быдöс каттьöм пеленаэзöн. Иисус Христос тшöктiс босьтны быдöс, мый вöлi сы вылын.

Керкуын Марфалöн и Мариялöн вöлi уна иудейез, кöдна вовлiсö гажöтны нiйö. Кöр нiя адззылiсö этö чудо, мукöдныс ныись веруйтiсö Иисус Христосö, а мукöдныс, кöдна эзö любитö Сiйö, мунiсö и висьталiсö эта чудо понда Сылöн лöг враггезлö. Враггез Иисус Христослöн öксисö öтлаын и баитiсö: «Мый миянлö керны? Эта морт керö уна чудоэз. Кыдзи колям Сiйö сiдз, то быдöнныс веруйтасö Сыö». Нiя решитöмась вийны Иисус Христосöс и Лазарьöс Сыкöт, сысянь что уна адззылiсö ловзьöтöм и веруйтiсö Иисус Христосö.

Вит лунся одзжык Аслас кувтöдз Иисус Христос мунiс Иерусалимö. Туй вылын Сiя корис Ас дынö кык велöтчись и шуис нылö: мунö неывся селеннёö, сэччин адззат ослица пиянкöт кöрталöммезö, кöда вылö некин эшö эз на пуксьыв; пöрччалö нiйö и вайöтö Ме дынö. Кыдзи кин юалас тiянлiсь: мыля пöрччалат нiйö? Висьталö сылö: нiя колöны Енлö, – и сiя лэдзас нiйö». Велöтчиссез мунiсö и адззисö ослица пиянкöт кöрталöмöн, ворота дын, öтöрын. Кöр нiя пондiсö пöрччавны, хозяиннэз ослицалöн и пиянлöн шуисö нылö: «Мыля пöрччалат нiйö?» Велöтчиссез шуисö: «Нiйö колö Енлö». Хозяиннэз лэдзисö нiйö. Велöтчиссез вайöтiсö ослицаöс и пиянöс Иисус Христос дынö и пуктiсö ны вылö ассис паськöм. Иисус Христос пуксис ны вылö и мунiс ылöжык. Сы сьöрын мунiс уна отир. Öтныс эта отирись пондiсö ольсавны коккез увтö ослицалöн и пиянлöн паськöм, а мöдныс орлалiсö шаттез пуэзсянь и чапкалiсö нiйö туй кузя, кытi колiс мунны Енлö. Кöр Иисус Христос вöлi ни неылын Иерусалим дынсянь, уна отирись, кöда вöлi Иерусалимын, петiсö Сы паныт пальма шаттезöн. 

Быдныс, кöдна вöлiсö Сыкöт, и кöдна панталiсö Сiйö, пондiсö чирöстлыны: «Спасит, Зон Давидлöн! Благословен мунöм Ен воляöт, Сар Израильлöн! Спасит енвевт вылын олiсь!» Кöр Иисус Христос локтiс Иерусалимö, пырис вичкуö. Татöн вöлi ыджыт беспорядок: вузалiсö дудiэзöс и вежлiсö деньга, мыйсянь вичкуын вöлi шум. Иисус Христос вашöтiс вичкуись быднысö вузалiссезöс и вежиссезöс, кыминьтiс пызаннэз вежиссезлiсь и скамьяэз дудi вузалiссезлiсь, и шуис: «Гижöм: керку Менам эм керку кеймöмись; а тiйö керит сiйö разбойник местаöн». Сэтöн сибöтчисö Сы дынö коктöммез и синтöммез, и Сiя веськöтiс нiйö. Челядь еврейезлöн, кыдзи пöриссез, горöтчывлiсö Сылö: «Спасит, Зон Давидлöн!» Враггез Иисус Христослöн шуисö Сылö: «Кылан я, мый нiя шуöны?» Иисус Христос шуис нылö: «Да! Но тiйö я эд лыддьö энö шыэз: öммезiсь челядьлöн и кагалöн Тэ керан Меным ошкан?» Колис нiйö и мунiс Иерусалимись Вифанияö.

Пыран Иисус Христослöн Иерусалимö празднуйтчö квать лунöн одзжык Ыджыт Лунся и шусьö миян Верба лунöн, сысянь что эта лунö заутреня дорын христиана сулалöны бербаэзöн киэзын; этiйöн отир казьтылö стречайтöм Иисус Христосöс еврейскöй отирöн пальма шаттезöн.
 

Иисус Христослöн вöлi уна враггез, кöдна эзö любитö Сiйö сы понда, что Сiя каверзитiс нiйö нылöн умöль олöм понда. Öддьöнжык эз любитö Сiйö первосвященниккез, книжниккез и фарисейез. Эна лöг враггез сяко старайтчисö погубитны Сiйö. Лунöн одзжык Сылöн кувтöдз нiя öксьöмась öтлаын и совещайтöмась, кыдз бы погубитны Сiйö. Кöр нiя совещайтчöмась ны дынö локтiс öтiк велöтчиссезiсь Иисус Христослöн, Иуда нима, прозвищёöн Искориотскöй. Эта велöтчись Иисус Христослöн медöддьöн любитiс деньга, мый понда сiя дажö лэдзчисьлiс гусялöм вылö. Иуда тöдiс замысёл враггезлiсь Иисус Христослöн, и тöдiс, кыдзи сiя отсалас нылö кутны Сiйö, то нiя сетасö сылö деньга. Сiя локтiс ны дынö и шуö: «Мый тi сетат меным, и ме отсала тiянлö кутны Сiйö?» Нiя кöсйисö сылö куимдас серебренник. Иуда босьтiс нiйö и пондiс кошшыны буржык пора, кыдз бы сетны нылö Иисус Христосöс.

Кöр жö Иисус Христос осужён вöлi кулöм вылö, Иуда вайис серебренниккез бöр первосвященниккезлö и шуис: «Грешитi ме, сетi тiянлö невиннöй вир». Нiя эта вылö шуисö сылö: «Миянлö мый этчöдз, видзöт ачыт». Иуда чапкис серебренниккез джодж вылö, мунiс и джагöтчис. Первосвященниккез лэбтiсö серебренниккез и шуисö: «Абу бур пуктыны этö деньга вичку казнаö, сысянь что нiя – вир цена». Эна деньга вылö нiя ньöбисö кашник керисьлiсь му дзебны ветлöтiссезöс. Эта му сэксянь пондiс шусьыны вир ыбöн.

Лунöн одзжык Аслас кувтöдз Иисус Христос корис Ас дынö Ассис кык велöтчись (Петрöс и Иоанöс) и шуис нылö: «Мунö, заптö миянлö сёйны пасха». Нiя юалiсö Сылiсь: «Кытöн тшöктан миянлö заптыны?» Сiя шуис нылö: «Мунö карö (Иерусалимö): сэтчин пантасяс тiянлö морт, вайöм кувшинын ва: тiйö мунö сы сьöрö и кытчö сiя пырас, висьталö хозяинлö сы керкуись: “Велöтiсь шуö тэныт: кытöн комната, кытöн бы сёйны пасха Менам велöтчиссезкöт?” И сiя мыччалас тiянлö ыджыт лöсьöтöм горница; сэтчин и заптö». Велöтчиссез мунiсö. Кыдз Иисус Христос висьталiс, сiдз и лоис; велöтчиссез заптiсö пасха. Рытöн эта лунö жö (а вöлi четверг пасха одзын) Иисус Христос локтiс эта горницаö Аслас даскык велöтчиссезкöт, чöвтiс Ассянь вевдöрись паськöм, босьтiс чышкöт и кушакасис сыöн; сыбöрын кисьтiс ва дозйö, пондiс миськавны нiйö чышкöтöн, кöдаöн вöлi кушакасьöм. Кöр миськалiс коккез велöтчиссезлö, Сiя бöра пасьталiс Ас вылö вевдöрись паськöм и пуксис Аслас местаö. Баиттöн велöтчиссезкöт, Сiя вдруг гажтöмтчис и шуис нылö: «Öтiк тiянiсь вузалас Менö». Велöтчиссез эзö тöдö, что Иуда лоас Сылöн вузалісьöн, повзисö и юалiсö Иисус Христослiсь: «Не ме я, Енö? Не ме я, Енö?» Юалiс и Иуда: «Не ме я, Енö?» Иисус Христос шуис сылö: «Тэ!» Но висьталiс сiдз жагöна, что мукöд велöтчиссез эзö кылö, и чожа эта бöрсянь Иуда мунiс. Рыт помын Иисус Христос босьтiс шöма нянь, благословитiс сiйö, чеглалiс и, кöр сетлiс велöтчиссезлö, шуис: «Босьтö, сёйö, эта эм яй Менам, кöда тiян понда чегласьö, медбы кольны греххез». Сыбöрын босьтiс бекöр гöрд винаöн и, кöр сетлiс сiйö велöтчиссезлö, шуис: «Юö сыись быдныс, эта эм вир Менам виль заветiсь, кöда тiян понда и уна понда виялö, медбы колисö греххез. Керö этö, медбы казьтывны Менö». Вöлi ой. Иисус Христос Апостоллэзкöт сьылiс псаломмез, чеччис и петiс Иерусалимись.

Тайнöй рытсянь Иисус Христос мунiс Аслас велöтчиссезкöт Гевсиманскöй садö, кöда вöлi неылын Иерусалим дынсянь. Кöр Сiя пырис эта садö, шуис велöтчиссезлö: «Пукалö татöн, а Ме муна юрбита». Куимö ныись: Петрöс, Иаковöс и Иоанöс босьтiс сьöрö. Кöр пырис ныкöт ылöжык садö, Сiя пондiс гажтöмтчыны, и шуис нылö: «Пукалö сэтöн и эд узьö». Ачыс жö мунiс ны дынсянь неылö, усис му вылö и пондiс юрбитны: «Айö! Кыдзи туйö, избавит Менö страданнёсянь и кулöмсянь! Ась лоас не сiдз, кыдз Ме мöда, но кыдз мöдан Тэ». Юрбитiс Сiя сыбурна, что виялiс вир Сылöн кымöс вывсянь. Ангел Енлöн мыччасис Сылö и крепитiс Сiйö. Кыкись Иисус Христос дугдылiс юрбитны и кыкись вовлiс Аслас велöтчиссез дынö, но нiя узисö. Локтiс ны дынö куимöтпырся и шуö: тiйö сё эшö узят? Чеччö, мунамö; то локтö вузалiсь Менö». Кöр Иисус Христос баитiс этö, Иуда воиннэзкöт и первосвященник слугаэзкöт локтiс Сы дынö. Слугаэз и воиннэз вöлiсö биöн, меччезöн и майöггезöн. Иуда туй вылын висьталiс нылö: «Кинöс ме окала, Сiйö и босьтö». Иисус Христос петiс паныт Иудалö. Иуда шуис сылö: «Гажав, Велöтiсьö!» И окалiс Сiйö. Иисус Христос шуис сылö: «Иуда, окалöмöн я сетан Менö враггезлö?» Сыбöрын Сiя бергöтчис воиннэз дынö и первосвященник слугаэз дынö и юалiс нiйö: «Кинöс тiйö кошшат?» Нiя шуисö Сылö: «Иисус Назорянинöс». Сiя шуис нылö: «Эта Ме!» Воиннэз и слугаэз эна шыэзсянь усисö му вылö. Кöр нiя веськалöмась, Иисус Христос бöра юалiс нiйö: «Кинöс кошшат?» Нiя бöра шуисö Сылö: «Иисус Назорянинöс». Сiя баитö нылö: «Ме висьталi тiянлö, что эта Ме; кыдзи Менö кошшат, кольö нiйö (велöтчиссезöс), ась мунöны». Кöр велöтчисссез адззылiсö, что Иисус Христосöс мöдöны босьтны, шуисö Сылö: «Енö, не боссьыны я миянлö меччез бердö?» Апостол Петр эз на виччись ответöс Иисуслiсь, босьтiс аслас меч, вачкис сыöн первосвященник слугаöс, Малх нимаö, и кералiс сылiсь веськыт пель. Иисус Христос шуис Петрлö: «Пукты меч тэнчит пурт видзанö; неужели тэ думайтан, что Ме ог вермы корны менчим Айöс, медбы Сiя дорйис Менö?» Сыбöрын Сiя павкöтчис Малх пель бердö и веськöтiс сiйö. Эта бöрын слугаэз и воиннэз кöрталiсö Иисус Христосöс и нуöтiсö первосвященник ордö. Апостоллэз повзисö и пышшисö. Иисус Христос сьöрö мунiсö токö Петр и Иоан.

Воиннэз и слугаэз вайöтiсö Иисус Христосöс Гевсиманскöй садiсь первосвященник Анна ордö. Анна юалiс Сiйö велöтöм понда и велöтчиссез понда. Иисус Христос шуис сылö: «Ме велöтi пыр явно, а гусьöн эг баит нем; мый юалан Менö? Юав нiйö, кöда кывзiсö Менчим велöтöм». Кöр Сiя шуис этö, öтiк первосвященник слугаэзiсь вачкис Сiйö пель дорöт и шуис: «Сiдз я туйö баитны первосвященниклö?» Иисус Христос шуис слугалö: «Кыдзи Ме висьталi умöльö – мыччав, мый умöль, а кыдзи бур, то мый понда тэ вартлан Менö?» Анна немын эз вермы винитны Иисус Христосöс и ыстiс Сiйö первосвященник Каиафа ордö. Каиафа ордын öксьöмась быд враггез Иисус Христослöн, медбы винитны Сiйö. Иисус Христос сайын некытшöм вина эз вöв, сысянь нiя подкупили неправильнöй свидетеллезöс. Свидетеллез вöлiсö уна, но нiя немын эз вермö винитны Иисус Христосöс. Христос нем эз баит и эз оправдывайтчы. Каиафа чеччис аслас местасянь и шуис Сылö: «Мыля Тэ нем он баит?» Но Иисус Христос и эта вылö нем эз шу. Сэк Каиафа шуис Сылö: «Ёрда Тэнö ловья Енöн, висьтав миянлö, Тэ я Христос Зон Енлöн?» Иисус Христос шуис сылö: «Да, Ме, и висьтала тiянлö, что тiйö адззылат морт Зонöс, мунöмö енвевт кымöррез вылын уна славаöн и вынöн». Кöр Каиафа кылiс энö шыэз, косялiс ас вылын паськöм и шуис: «Мыйлö миянлö эшö свидетеллезöс: тiйö асьныт кылiт, что Сiя хулитö Енöс? Кыдз тiйö думайтат, мый эта понда колö керны Сыкöт?» Враггез Енлöн шуисö: «Сiйö колö вийны!» Кöр враггез осудитiсö Иисус Христосöс кулöм вылö, мунiсö горттэзöт, а Сiйö сетiсö воиннэзлö и слугаэзлö. Воиннэз и слугаэз петкöтiсö Сiйö öтöрö и пондiсö сэтчин сякöй нёж дикуйтчыны Сы вылын: сьöлалiсö Сылö рожабанö, вартлiсö пельбокöт; вевттисö Сылiсь синнэз, вартлiсö юрöт палкаöн и юалiсö: «Христос, висьтав миянлö, кин вачкис Тэнö?». Сiя терпитiс и нем эз баит.

 

Враггез Иисус Христослöн, кöр осудитöмась Сiйö кулöм вылö, асылöн мöдi лунö (вöлi петнича) нуöтiсö Сiйö Понтий Пилат ордö, медбы сiя тшöктiс нылö кутны Иисус Христосöс. Пилат петiс ны дынö и юалiс: «Мыйын тiйö винитат этö мортöс?» Нiя шуисö сылö: «Сiя оз тшöкты мынтыны вот Кесарьлö (римскöй сарлö), шуö Асьсö Христосöн-сарöн. Кыдз бы Сiя эз вöв злодей, эг бы вайöтö Сiйö тэ дынö». Пилат юалiс сiйö öтiкö и кöр адззылiс, что Сiя немын абу виноват, петкöтiс Сiйö отир дынö и шуис: «Ме ог адззы Сы сайын некытшöм вина». Враггез жö Иисус Христослöн пондiсö чирзыны: «Сiя развращайтö отирöс Галилеясянь (тор Ханаанскöй муын) и Иерусалимöдз!» Пилат юалiс нiйö: «Сiя я Галилеяись?» И, кöр тöдiс, что Иисус Христос действительно Галилеяись (Назарет, кытöн быдмис Иисус Христос, лоö Галилеяын), ыстiс Сiйö Ирод Антипа ордö, Галилейскöй правительлö. Ирод эта пора вöлi Иерусалимын, локтiс татчö праздник Пасха вылö. Кöр Ирод адззылiс Иисус Христосöс, сералiс Сы вылын, пасьталiс Сы вылö чочком паськöм и бöр ыстiс Пилат ордö. Пилат, кöр локтiс Иисус Христос, шуис отирлö: «Ме юалi Сiйö (Иисус Христосöс) тiян дырни, но эг адззы Сы сайын некытшöм вина; ыстылi Сiйö Ирод ордö, и сiя эз винит Сiйö; то ме накажита Сiйö и лэдза». Еврейезлöн жö вöлi обычай лэдзлыны праздник Пасха вылö öтiк преступникöс тюрьмаись. Пилат шуис отирлö: «Кинöс мöдат, медбы ме лэдзи тiянлö, Варавваöс али Иисусöс, шуöмö Христосöн?» Варавва вöлi разбойник. Сiя пукалiс сы пора тюрьмаын морт вийöм понда. Первосвященниккез велöтiсö корны Варавва, а Иисусöс погубитны. Отир пондiс корны Варавваöс. Пилат юалiс нiйö: «Мый жö керны Иисускöт?» И пондiсö чирзыны сылö быдныс: «Ась лоас вартöм пернаö (крест вылö)!» Сэк Пилат сетiс Иисусöс воиннэзлö и тшöктiс вартлыны Сiйö. Сiя думайтiс, что кöр отир адззылас Сiйö вартöмöн, жалейтас Сiйö и оз понды корны Сылiсь кулöм».

Воиннэз керисö терновникись (емья куст) венеч и пуктiсö сiйö Спаситель юр вылö; сыбöрын пасьталiсö Сiйö багряницаö (важ гöрд сарскöй паськöм), пондiсö вартлыны Сiйö и баитiсö Сылö: «Гажав, сар иудейскöй!» Кöр нiя сералiсö сы вылын, Пилат петкöтiс Сiйö отир дынö. Враггез Спасительлöн, кöр адззылiсö Сiйö, пондiсö чирзыны: «Варт Сiйö перна вылö! Варт Сiйö перна вылö!» Пилат уна эшö старайтчис освободитны Иисус Христосöс, но кöр адззылiс, что нем оз вермы керны, тшöктiс вайны ва, миськалiс ны одзын киэз и шуис: «Ме абу виноват вирын эта праведниклöн; асьныт отвечайтö!» Отир шуис сылö: «Вир Сылöн миян вылын и миян челядь вылын (мийö и миян челядь пондасö отвечайтны Сылöн вир понда)». Сэк Пилат лэдзис нылö Варавваöс, а Иису́сöс сетiс перна вартöм вылö.




#Article 210: Мариму (467 words)


Мариму (мариöн да ) – мари отирлӧн горт му,  республика, Роч Федерация , пырӧ Волгадор федерал кытшӧ.

Канкарыс – Ёшкар.

Мариму шусьö сідз мари отир сьöрті, кöда татöн важысянь олöм и кöда понда татöн вöлі лöсьöтöм автономия.

Республика Мариму — Роч Федерация видзантор.

Мариму куйлӧ Асыввыв-Европа волькытін асыввыв торын.

Ордча муэз:  ойвылын да асыввылын — Киров лапӧв, лунвыв-асыввылын — Тотарму, лунвыв-рытвылын — Чувашму, рытвылын — Макарья лапӧв.

Республика куйлӧ Волга шӧр визывтӧмын. Республика ыджытжык торнас куйлӧ Волга шульга вадӧрын. Ю везыс тэчӧм 19 бассейнісь. Быдсӧн республикаын 10 км-ся кузьжык 179 ю. Юэз котӧртӧны унажыксӧ вӧрӧттяс да вердчӧны быднёжа (ныись 50 %  — сылӧм ваэзӧн). Ювезлӧн шӧрӧт тшӧкыта 0,47 км2, медучӧт — 0, 36 км2 Ветлуга ю бассейнын, а медыджыт — 0,85 км2 Учӧт Юнга ю бассейнын. Быдӧс юэз (Илеть-ся) бура йысялӧны. Ваыс ыждывлӧ медбура апрель мӧд джынын, ваыс содӧ 2 до 5,5 м-ӧдз. Ямӧны юэз — май помӧдз, мукӧдкоста юнь пондӧтчанын.

Шульга вадӧрись рытвыв торын паськалӧ нюрья Мари лыжмытін. Рытвылас Волгаӧ усьӧ гырись вож — Ветлуга. Лажмытінся асыввылынжык котӧртӧны Волгалӧн шульга вожжез, кӧдна пондӧтчӧны Ятка мыссэз лунвыв покаттэзын: Учӧт Кокшага вожжезӧн Учӧт Кундыш да Ыджыт Ошла, Ыджыт Кокшага вожнас Ыджыт Кундыш, Рутка. Ны оллезын уна вӧртыэз.

Муввывторлӧн асыввыв тор куйлӧ Ятка мыссэз гӧгӧр (275 м вылынаӧдз), татӧн пантасьлӧны рельефлӧн карстчужӧма формаэз, вевдӧрыс кырӧтӧм юэзӧн да кырассэзӧн. Ны коласісь Яткаӧ усьӧны: Немда вожжезӧн Лаж, Толмань, Шукшан дмд, Буй, Уржумка; Волгалӧн шульга вож Илеть вожжезӧн Шора, Ировка да Юшут.

Волга веськыт вадӧрын республика 14 кундеммезісь куйлӧ токӧ ӧтік — Курыкмари, кӧда босьтӧ Волгадор вылынінлісь ойвыв тор. Татӧн Волгаӧ усьӧны Сура, Сумка, Юнга, Учӧт Юнга, Сундырь.

Волга вылын лӧсьӧтӧмӧсь Шубашкар вавидзан да Куйбышев вавидзан.

Ресурссэз: торф, сёй, строитчан из, известняккез, стеклоа да силиката лыаэз, минерал ваэз.

Климат шӧркодя континентвывся: кузь кӧдзыт тӧв, шоныт гожум. Шӧрӧт шонтӧгыс гожумнас . Меджар погоддя — юль шӧрын. Руыс шоналӧ -ӧдз. Арнас погоддя кӧдзыт да мускыт, пыржык вына лэчыт тӧӧввезӧн да зэррезӧн. Нечшоча одз кынтывлӧ да пуксьывлӧ лым. Нояб — медтӧла тӧлісь. Тӧвся кад, унажыксӧ, пондӧтчӧ нояб коста. Шӧрӧт шонтӧгыс тӧвнас . медкӧдзыт тӧлысь — январ. Республикаын ӧддьӧн лӧсьыт тӧвся спорт понда: татӧн ысласьӧны лямпаэзӧн, конёккезӧн. Тулыс пыржык ыркыт да кӧс.
 

Мариму куйлӧ тагадорись зонаын. Мусиннэс унажыксӧ ежаа-шаргунаӧсь, нюрвывсяӧсь, вӧрись рудӧсь. Сора вӧррез (пожум, ньывпу, кӧз, кыдз) вевттьӧны мувывторсис 50 %-ся унажык (нія унажыксӧ рытвыв да шӧрӧт районнэзын. Юэз пӧлӧн — тыпуа-нинпуа вӧррез. Вӧрын олӧны кӧин, ош, руч, вӧрмӧс, вӧркань, мой, мукань да кин да. Эм ягись да ваись пӧтка.

Маримуын эм национал парк Марий Чодра, заповедник Кугу Кокшага.

Республика Мариму веськӧтлӧм могись янсӧтӧм сiдз: куим каркытш да 14 муниципал кундем.

Ёшкарын да Юлсерын, а сэсся кынымкӧ посадын Ёшкар гӧгӧр да республика рытвылын олӧны унажыксӧ рочччез. Посадын олӧны унажыксӧ мариэз, Курыкмари кундемын — курыкмариэз, кӧдна невна неӧткодьӧсь олык мариэзкӧт. Провой кундемын эм кынымкӧ чуваш посад.

Мыччалӧмась чужанвужжез 1000 мортся унажык

Отир нимсянь баитан орган — Кугыжаныш Погын (каналан ӧксян). Медбӧрьяись Кугыжаныш Погынӧ бӧрйисьлӧмась 2009' октяб 11' лунӧ. 




#Article 211: Чувашму (138 words)


Чува́шму нето Чöва́шму (, ) — чуваш отирлӧн горт му,  республика, Роч Федерация , пырӧ Волгадор федерал кытшӧ.

Канкарыс — Шубашкар. Шубашкарсянь Мӧскваöдз 630 км.

Чувашму шусьö сідз чуваш отир сьöрті, кöда татöн важысянь олöм и кöда понда татöн вöлі лöсьöтöм автономия.

Чуваш Республика — Роч Федерация видзантор. 

Чувашму куйло Асыввыв Европа волькытінын, Волга ю бердын, сы вожжез Сура да Свияга коласын. Мувывторыс — 18,3 сюрс км.кв.

Саридз вевдöрсянь медвылынін республикаас — 286,6 метра

Чуваш Республикакöт ордчöн куйлöны: ойвылын Мариму, асыввылын Тотарму, лунвылын Симбир лапöв да Мордва, рытвылын Макарья лапӧв.
 

Чуваш Республикаын 21 веськöтлан район, 9 кар, 8 карок, 1700 гöрöр учöт оланін.

Республикалöн канкар — Шубашкар, кытöн олö 500 сюрс морт. 2003' годö сія вермис конкурсын «Рочмуын олан понда медбур кар».

Чуваш Республикаын оліссез — 1279 сюрс морт (2009). Отирлöн тшöкыта — 69,9 морт/км² (2009), карын оліссез — 57,7 % (2009).




#Article 212: Тыва (219 words)


Тыва () – тыва отирлӧн горт му,  республика, Роч Федерация , пырӧ Сибир федерал кытшӧ.

Канкарыс – Кызыл.

Тыва шусьö сідз тыва отир сьöрті, кöда татöн важысянь олöм и кöда татöн лöсьöтöма аслыс канму.

Тыва Республика — Роч Федерация видзантор. 

Тыва Республика куйлö Азия шöрын, Асыввыв Сибир лунвылын, Енисей ю йыввезын. Ойвывсянь лунвылö республикаыс нюжалö 420 км кузя, рытвывсянь асыввылö — 630 км. 

Ордча муэз: лунвылын да лунвыв-асыввылын — Монгол Отир Республика, ойвыв-асыввылын — с Иркут лапӧв, ойвыв-рытвылын — Хакас Республика, асыввылын — Бурят Республика, Рытвылын — Алтай Республика, ойвылын — Краснояр ладор. 

Медкузь ю Тываын — Улуг-Хем (Вылісь Енисей).

Тываыс — керöсаин, татöн кузь да вылын керас лёдззез вежласьöны пыдын котловинаэзкöт. 

Климат чорыта континентвывся — тöвнас кöдзыт, абу тöла, котловинаэзын етша лыма. Гожумнас шоныткодь керöссэзын, а котловинаэзын жар. Тöвнас шонтöгыс унажыксö овлö −25 −35 °C; гожумнас +13 +23 °C. Олан понда медлöсялана кад — сёр тулыс да одз ар. 

Быдман кадколас 150—160 лун. Мукöдлаын эмöсь пыркынмуэз. Республика мусис 3 млн га вевттьöмöсь суспуа вöррезöн, эта лоö Рочмуись сыспуаиннэзісь 11 %. 

Тываын эм уна курорттэз, медыджытэс — бальнеология сьöрті курорт Уш-Бельдир да нятьсьöтан курорт Чедер ты дорын. Туристтэз понда республика кузя лöсьöтöмöсь туёккез Азия шöринöдз. Кызыл дорын эмöсь базаэз Азас да Жарки.

Тыва Республика веськöтлöм могись янсöтöм сідз: кык каркытш да 12 кожуун. 

Каррез - Кызыл да Ак-Довурак

Кожууннэз:




#Article 213: Хакасму (137 words)


Хака́сму (, ) – хакас отирлӧн горт му,  республика, Роч Федерация , пырӧ Сибир федерал кытшӧ.

Канкарыс – Агбан.

Хакасму шусьö сідз хакас отир сьöрті, кöда татöн важысянь олöм и кöда понда татöн вöлі лöсьöтöм автономия.

Хакас Республика — Роч Федерация видзантор. 

Хакас Республика куйлö Лунвыв Сибирын, Енисей да Об юэз бассейн шульгаланьын, Саян-Алтай керöсаинын да Хакас-Минусинск котловинаын.

Мувывторыс 61 569 км.кв. 

Ордча муэз: Кемеров лапӧв, Краснояр ладор, Тыва Республика да Алтай Республика. 

Бура лöсьöтöм Лунвыв-Сибир магистраль йитö Хакасмусö Минусинска веськыт вадöркöт, Иркут лапöвкöт, Кузбасскöт. Енисей кузя республикасянь позьö петны «Ыджыт Краснояр» дынö да Енисей Ойвылö. 

Медкузь юэз — Енисей, Агбан, Томва, Чочком Июс, Сьöд Июс, Чулым. 

Енисей вылас лöсьöтöмöсь Саяна-Шушенскöй ГЭС да Майнскöй ГЭС.

 

Виль роч туйдöттэз сьöрті 2003 годö Хакас республикаын лöсьöтісö 100 муниципал юкöт. Ны коласын:

Хакас Республикаын чужанвуж сьöрті тэчам 1939—2002 воэзся гижöтöм коста:




#Article 214: Калмыкму (157 words)


Калмы́кму (, ) –  калмык отирлöн горт му,  республика, Роч Федерация , пырӧ Лунвыв федерал кытшӧ.

Канкарыс – Элиста.

Калмыкму шусьö сідз калмык отир сьöрті, кöда понда татöн вöлі лöсьöтöм автономия.

Калмык Республика - Роч Федерация видзантор.

Калмыкму куйлö Рочму европа юкöнлöн лунвыв-асыввыв дорын. Лунвывсянь ойвылö республика нюжалö 458 км кузя, рытвывсянь асыввылö — 423 км кузя. Сылöн медылісь координатаэз 41°38' и 47°34' асыввыв кузьта да 48°15' и 44°45' ойвыв паськыта.

Ордча муэз: лунвылын — Дагестан, лунвыв-рытвылын — Ставрополь ладор, рытвылын — Ростов лапӧв, ойвыв-рытвылын — Волгоград лапӧв, асыввылын — Астрахань лапӧв.

Регион куйлö степпез, джынви овтöминнэз да овтöминэз зонаын, сылöн öтласа ыжда 75,9 сюрс км², сідзкö Калмыкму паськытжык сэтшöм канмуэз сьöрті, кыдз Белгия, Данмарк, Швейцарму и Недерланд.

Республика ойвыв-асыввыв ладорын котöртö Волга (12 км). Лунвылын, Ставрополь ладоркöт визирын куйлö Чограй вавидзан, асыввылын — Каспи саридз, ва дын муэз 1,4 тыс. км².

Юэз:

Тыэз:

Калмык Республикаö пырöны öтік каркытш (Элиста) да 13 веськöтлан район. 

Республикаын 102 посадму да 3 кар. 

Каррез:

 




#Article 215: Карачай-Черкесму (156 words)


Карачай-Черкесму (,   , ) –  карачай отирлӧн, адыг отирлöн да абаза отирлöн горт му,  республика, Роч Федерация , пырӧ Ойвыв Кавказ федерал кытшӧ.

Канкарыс – Черкесск.

Карачай-Черкесму куйлö Рочму лунвылын, Кавказ керöссэз одзын.  

Ордча муэз: рытвылын — Краснодар ладор, ойвылын — Ставрополь ладор, асыввылын — Кабарда-Малкарму, лунвылын — Медыджыт Кавказ мусюр сайын — Картвелму да Абхазму 

Климат шоныткодь, тöвся кад дженыт, а гожумыс шоныт, кузь да мускыт. Тшöка овлöны шондіа луннэз. Шöрöт шонтöгыс январын −3,2 °C, юльын +20,6 °C, медвылын шонтöг +39 °C, медулыныс −29 °C.

Ваэз республикаын тыр: 130 керöстыэз, керöссэзын уна борганнэз. Котöртöны 172 ю, ны коласын медкузьöсь — Кубань, Ыджыт и Учöт Зеленчук, Уруп, Лаба; эм Кубань вавидзан. Республика вылöт нюжалö Ыджыт Ставрополь канал, кöда кузя локтö юан ва Ставрополь ладорö.

Му пытшкын эмöсь колана шедтассэз: изшом, гранит, мрамор, быдкодь рудаэз да сёйез. Öддьöн унаöсь веськöтан изваэз, адззöмась термаль öшмöссэз.

Республикаын 2 каркытш да 10 муниципал район, кытöн 144 оланін, ны коласын — 4 кар: (Черкесск, Карачаевск, Усть-Джегута и Теберда).




#Article 216: Торокан (218 words)


Торокан нето гöрд торокан () — сія геббез чукӧрись подаок.

Миян керкуэзын олöны кык пöлöс тöрöканнэз: гöрдöсь да сьöдöсь. 

Торокан мортлö уна умöльсö керö. Ветлöтöны нія быдлаöт, сёйöны мый шедас, а сыбöрсянь кайöны сёян вылö, лякöсьтöны сійöс. Уна микроб тороканыс кынöмын оз кулö, и кöр сія кайö сёян вылö и пакöсьтитö сійö, сэк кольöны уна микроббезыс.

Тороканлö туша бердас, а сідз-жö и коккез бердас лякасьö уна нять и бус. Быдöс сія этійö буссö и нятьсö паськöтö быдлаö, кытчö токо оз сюр: и сёян вылö, и пызан вылö, и бекöррез вылö, а öтлаöн и кольö микроббез. Торокан вермö паськöтны сэтшöм шогöттэз: холера, туберкулёз, кынöм тиф и уна мöдік вуджан шогöттэз. Сідз-жö нія вуджöтöны и курöг-тип шогöттэз: курöг холера, курог мыт. 

Торокан мампöв кольттезсö оз тэч кытчö шедас, кыдз лудык, а новйöтö сьöрас, торья кöзичкаокын. Эта кöзичкаокыс мампöвлöн быдмö бöр туша понын. Миян сійöс шуöны торокан кольтьöн. Эта колькын овлывлö 20-50 кольтьöдз. Куим недель бöрсянь мампöлыс кольтьсö чапкö. Кольк кыш потö и сы пытшкись петöны учöтик чочком личинкаэз. Нія чужöмöн сідз-жö, кыдз и ыджыт тороканнэз. Абуöсь токо борддэз. Личинкаэз сёйöны сійö-жö, мый и ыджыт тороканнэз. Быдмöны и вежöны асьсиныс кучиксö (леняйтöны).

Нёлись кучик вежöм бöрсянь личинкаэзлöн пондöны петны борддэз. Кватись кучик вежöм бöрсянь (1 ½ - 3 ½ тöлісь) лоöны ыджыт тороканнэз.

Олікас (олö 100-130 лун) мампöв вайö 3-4 кольть.




#Article 217: Сылва (ю) (107 words)


Сылва — Свердлов лапöлын да Перем ладорын ыджыткодь ю, Камалӧн шульга . 

Юыс 493 км кузя, бассейныс 19 700 км² ыжда. Пондöтчö Шӧрӧт Урал рытвыв покатсянь, котöртö сё рытвылöжык. Усьö Кама вавидзан Чусва курьяö. 

Юыс унаваа, ваыс сöстöм, визылыс шöркодь перыта, кывтытын жагвыв. Öрыс бура чуклясьлö, эм уна ляпытін да кось. 

Сылва бассейн кывтытын öддьöн зорöтöма карст (шуам, Кунгур, Закурья, Серга мугырккез да мый да). 

Серга посад дорсянь пондöтчö Сылва курья.

Вердасыс сора, унажыксö лымья. Уссёсянь 45 км ылынаын ваыс видзсьö 139 м³/с. Юыс кынмö октяб помын — нояб пондöтчикö, овлöны дэз, оссьö Сылваыс апрель мöд джынын.

Шульга вожжес: 

Веськыт вожжес: 

Юыс пыжветлана уссёсянь 74 км ылынаöдз.




#Article 218: Турку (324 words)


Турку нето Обу — кар да порт Суомиын, Варсинайс Суоми регионлöн веськöтлан шöрин. Карыс сулалö Авраёки ю уссёын.

Туркулöн финскöй нимыс Turku аркмöма важ славяна кылісь търгъ 'вузасянін'. Шведскöй нимыс Åbo (лыддьöтӧны Обу) тэчöм кык торись о 'ю' да бу 'оланін'.

Турку куйлӧ Финму лунвыв-рытвылын, Авраёки ю уссёын да матісь Саристо саридз діэз вылын.

Ойвывсянь лунвылö Туркуыс нюжалö 45 км ылына. Ойвыв торыс, 1973' годö каркöт öтлаöтöм одззася коммуна Паттинен, вöснит тув моз нюжöтчö ойвывлань да судзöтчö Куханкуоноöдз, кыкьямыс коммуна öтувтан визир изöдз, кöда и эм Туркулöн медойвывся места. А паськытанас Турку токö 15 километра лоö. Лунвыв-рытвылас карыс куйлö островвез вылын, кöднаись медыджытöсь Руйссало, Хирвенсало, Сатава да Какскерта. 

Энія діэз вылын вöрыс мукöдлаті чисто корья. Ойвылас куйлан Паттиненын вöррез унажыксö лысъяöсь.  

Турку сулалӧ Авраёки ю кыкнан ладорын, кöда янсöтö сійö кык тор вылö. Шульга ладорыс, кытӧн сулалӧ Турку собор, шусьӧ таладорӧн (täl pual), а веськыт ладорсӧ, кытӧн куйлӧ площадь Кавпатори, шуӧны мӧдлапӧлӧн (tois pual). 

Авраёки весьтöт Туркуас керöмöсь кыкьямыс пос:
 

Кывтытын, кытöн поссэсö абу лöсьöтöмöсь, мыля сэтчин кораббезлö ни уялвны колö, лöсьöтöмась паром Фёри (Föri), кӧда Марттиланяс вуджöтӧ отирсö таладорсянь мöдлапöлö да бöр. Шуöны тай, этія паромыс пӧ ветлö  Обусянь Туркуӧдз да мöдöрö.

Туркуыс сулалӧ сизим мыс вылын, то нія:

Карас медджуджыт чут куйлö ойвылас. Этö Кархунсауна (89 метра), кöда сулалö Тортинмяки вылын. 

Ордчӧн Туркукӧт куйлӧны коммунаэз Авра, Карина, Лието, Парайнен, Мюнямяки, Нантали, Новсиайнен, Пёвтюя, Райсио да Руско.

Туркуын 9 район, кытчӧ пырӧны 134 микрорайон. Районнэз да микрорайоннэз оз лӧсялӧ пыр сідз, медбы микорорайон вӧлі ӧтік район пытшкын.

Сэсся эмӧсь статистика мувывторрез (нумеруйтӧмӧсь), кӧдна нач оз лӧсялӧ районнэзкӧт да микрорайоннэзкӧт.

Микрорайоннэз, кӧдна куйлӧны кар шӧрын отир тӧдӧны нуммеррез сьӧрті, а быдӧс мӧдіккес - ас ним сьӧрті.

Ны коласісь Исохейккиля медваж, а Лянсинуммиас строитчӧны и ӧні. Якярля куйлӧ мӧдік карторрезсянь янын, Лието визир дынын. 

Турку архитектураын тöдчöны XVIII—XX веккезся классицизм, национальнöй романтизм да финскöй функционализм. Университет керкуын, кöда сэсся лоис губернатор керкуöн, эм зал, кытчö квать горельеф керöма швед скульптор Каймберг.

Туркуын снимайтӧмась сэтшӧм фильммез:

 




#Article 219: Ёшкар (111 words)


Ёшкар () – Волгаладорын важ кар, Роч Федерацияын каркытш, Мари Республикалӧн канкар.

Мари кыв олык вариант сьӧрті Ёшкарыс шусьӧ Йошкар-Ола, курык мари вариант сьӧрті – Якшар-Хала.  

Сэтшӧм нимсӧ карыслӧ сетӧмась автономия лӧсьӧтікӧ. Одзза тор йошкар (якшар) коминас лоӧ гöрд, ола (хала) – кар, сідзкӧ мари канкарыслӧн нимыс лоӧ, коми вылӧ кӧ вуджӧтны, Гӧрдкар.  

Коминас вежӧртам кар, кыдз топоформант да оласӧ огӧ содтӧ.

Одзжык карсӧ шуӧмась Чарла нето Царола (рочӧн Царевококшайск), октябся революция бӧрын роч нимыс вӧлі Краснококшайск. 
 

Ёшкар сулалӧ Изи Какшан ю дорын.

Ёшкар пытшкӧ ас кадӧ пыртӧмась 20 етш деревня . 

Ӧні Ёшкарын эм сэтшӧм микрорайоннэз :

Ёшкар каркытшын карысся олӧны сэтшӧм олан пункттэз (2008 январ 18 лун кежӧ ):




#Article 220: Варсинайс Суоми (регион) (519 words)


Варсинайс Суоми – Финмуын регион (маакунта), кöда куйлö канму лунвыв-рытвылын, Балтика дорын. Канкарыс – Турку.

Маакунтаын 2011' январын олісö 465 544 морт, сійöн оліссез лыд сьӧрті Варсинайc Суомиыс вöлі куимöт регион Финмуын. Отир тшöкыта сьöрті Варсинайс Суоми сулалӧ мöд местаын Финмуын. 

Отирыс унажыксö финнэз, но эмöсь и шведдэз (5,7 процент) да йöзовöйöсь (3,9 процентыс). 
 

Варсинайс Суоми куйлö Финму лунвыв-рытвылын, Саристо саридз да Похьян курья дорын. Вадӧр саридзӧт кыдз киськалӧмӧсь уна сюрс поснитик островок.

Ордчöн куйлöны сэтшöм регионнэз: Ахвенанма, Сатакунта, Пирканма, Канта Хяме да Усима.

Варсинайс Суомилöн мувывтор 20 537,76 км², ныись муыс – 10 661,61 км², мушӧрваэз – 247,53 км² да саридз ваэз – 9 628,62 км². 

Регионісь медвылын чутыс, 163,9 метра Сярямяки, куйлӧ Сало ді вылісь Кикалаын . Варсинайс Суоми кӧркӧ важын вӧлі саридз увтын. Сэксянь муыс жагӧника лэбӧ, Турку архипелагын островвес ӧнӧдз быдмӧны да содӧны. А сідзту мувевдӧрыс лажмытін, а мусиныс бурачужтана. Финнэз невесь шуӧны Варсинайс Суомисӧ финскӧй карчйӧрӧн. 

Мушӧрваэзісь медтӧдсаыс – Авраёки ю, кӧдалӧн ольыс важысянь мӧдкодьсьӧтӧм морт киӧн да Суомиас лыддисьӧ асланыс национальнӧй ландшафтӧн . Юыс пондӧтчӧ Орипя мусюррезсянь да котӧртӧ коммунаэз Пёвтюя, Авра, Лието да Карина пырйӧт Туркуӧ, кытӧн сія усьӧ Саристо саридзӧ. 

Мӧдік юэзісь позьӧ казьтыштны Паймионъёки, Халиконъёки, Ускеланъёки, Кисконъёки-Перниӧнъёки, Мюняёки, Лаёки да Сирппуёки. Саристо саридзӧ петан юэзісь Паймионъёкилӧн медыджыт ваӧктан. 

Регионісь медыджыт тыыс – Пюхяярви (Сякюлаын), кӧдалӧн кузяыс 30 км, а медпаськытіныс 8 км.

Быдмӧгсис регион понда тӧдчанажыкӧсь рассэз. Тыпуа вӧньыс локтӧ Турку архипелагӧдз да Варсинайс Суоми вадӧрӧдз. Турку одзись Руйссало остров вылын быдмӧны медпаськыт тыпуа вӧррез. 

Подапӧлӧсыс сідзжӧ регионас медозыр быдӧс Суоми сьӧрті. Финмуын олісь насекомӧйезісь 80 % позьӧ пантавны Варсинайс Суомиын. 

Но павкӧтлытӧм вӧр-ва регионыс пӧшти эз и коль . Юэз да важынсянь гӧрӧм муэз ӧтлаын зумыш вадӧррезкӧт лӧсьӧтӧны Варсинайс Суомиын ӧддьӧн аскодя ӧтӧр. 

Регион лунвылас куйлан Турку архипелаг тэчӧм невна не 20 000 островись, кӧднаись мукӧдыс ва увтісь чурвидзан иззэз, мукӧдыс паськыт діэз. 4 км²-ся ыджытжык островвез кынымкӧ сотня. Гижӧны, діэзлӧн лыд сьӧрті Саристо саридз сулалӧ пӧ медодзза местаын мирын. Этія мувывторыс, кыдз и Авраёкилӧн ольыс - финнэзлӧн национальнӧй ландшафт. Вӧр-ваыс татӧн ӧткоста зумыш да лышкыт. Аскодяӧсь татӧн небыт ясеняиннэз да чорыт скалаэз. Медодзза Салпаусселькя нюжалӧ саридзӧ кузь лыаиннэзӧн. Медыджыт ныись Парайнен коммунаын Корппоись Юрмо. Мӧд Салапаусселькя нюжалӧ Кемиёнсари коммунаын Драгфьердісь Ӧрёӧн. Лыа діэз вылас быдмӧг да подапӧлӧс богатжыкӧсь да неӧткодьӧсь скалаэзвывся вӧр-ва сьӧрті.
 

Варсинайс Суомиын 28 коммуна (кунта), кöднаись 11 - каррез. Коммунаэз öтлаöтöмöсь вит районö:

Варсинайс Суомиись коммунаэз:

Варсинайс Суомиын олӧны 460 сюрс морт гӧгӧр. Отир лыд сьӧрті сія сулалӧ Усима да Пирканма бӧрын куимӧт местаын. 

Талуння Варсинайс Суоми шедіс XII векӧ шведдэз увтӧ, кӧр корольныс Эрик XI локтіс татчӧ вынӧн пыртны отирсӧ Христос вераӧ. Сія ветлӧмсяняс, кӧда вӧлі 1155 нето 1156 годӧ, лыддьӧны христоса кад Финмуын, кӧть археологгез сьӧрті, христосаэз пондӧмась овны татӧн эшӧ одзжык. 

Сэкся кадӧ Финландӧн шуӧмась токӧ талуння регион Варсинайс Суоми (Подвыв Финму), сысянь и ӧння нимыс. Сёрӧнжык Финланд / Суоми нимӧн пондӧмась шуны Швед канмуись быдӧс мувывтор, кытӧн олӧмась финнэзкӧт ӧтувтыра йӧзыс. 

XIII векӧ татчӧ сувтӧтӧмась медодзза кар – Турку. Джын сюрсво сія вӧлі медтӧдчана оланін Суомиын. Дзир 1809' во бӧрын, кӧр роччез кыскӧмась шӧринсӧ сэктӧдз тӧдтӧм Хельсинкиӧ, регионыс ӧштӧма одзза рольсӧ. 
 

 
Варсинайс Суомиын медуна турист 2006 годӧ ветлісӧ то кытчӧ :




#Article 221: Нантали (коммуна) (178 words)


Нантали (, ) — кар да коммуна Суомиын, Варсинайс Суоми регионын. Коммунаын олӧны 18 817 морт, а сылӧн мувывтор 688,01 км, кытісь 4,07 км2-ыс — мушӧрва. Отирыслӧн тшӧкыта 60,41 морт/км2.

Коммунаын оліссезісь фин кыв вылын баитӧны  97,6 %, швед кыв вылын 1,7 %. 

Одззася коммунаэз Меримаску, Рюмяттюла да Велку ӧтлаӧтісӧ Нантали дынӧ 2009' во пондӧтчикӧ. Карыслӧн ним да вужпас кольччисӧ важӧсь, а оліссез лоисӧ невна не 20 сюрс .

Суоми пасьта кӧзяйство туялікӧ 2008' воын видзӧтісӧ коммунаэзлісь иммидж. Сы сьӧрті ас группаын (20 сюрс олісся етшажык) Нантали вӧлі медбур. 

Нанталиас республикаись президентлӧн эм гожумся оланін Култаранта. 

Нанталилӧн каршӧр куйлӧ материк вылын. Сы киндзя коммунаӧ пырӧны діэз Луоннонма да Отава, неыджыт тор Ливонма діись, да уна учӧтик діоккез. Діэз вылас унажыксӧ вӧр нето видззез, материкыс унажыксӧ кар кодь. Ливонмаланьӧ позьӧ вуджны токӧ Маску пырйӧт.  

Нанталиыс регион шӧрин Туркусянь 16 км ылына.

Ордча коммунаэз: Парайнен, Маску, Райсио, Тайвассало да Турку.  

  
Нантали янсӧтӧм 21 картор вылӧ, кӧднаись 12 куйлӧны материк вылын, а мӧдіккез Луоннонма ді вылын. Материк вылын олӧны  12 207 морт. Карторрез да отир лыд:

 

Коммунаын олӧны 18 817 морт.

 




#Article 222: Лойма (коммуна) (209 words)


Лойма — кар да коммуна Суомиын, Варсинайс Суоми регионын. Лойма районлӧн шӧрин. Коммунаыс унажыксӧ му-видз уджалана.

Ӧнняся Лойма коммунаын медыджыт оланіннэз нёля: Лойма каршӧр, одззася Лойма посадмулӧн шӧрин Хирвикоски да одззася Аластаро да Меллиля посадмуэзлӧн шӧриннэз. 

Кар шӧрын эм магазиннэз да ыджыт керкуэз, но невна муныштан да, пондӧтчӧны ни ас керкуэз. Ыджыт магазиннэз осьтӧмась каршӧр ойвыв дорын, Туркусянь Тамперелань нуӧтан автотуй №9 пӧлӧн.  

Мувевдӧрыс коммунаын волькыт, иусиныс унажыксӧ тэчӧм сёйись. Быдлаын куйлӧны ыббез. Мӧдкодьсьӧтӧны пейзаж сёйӧттяс кырӧтӧм ю ӧррез, изпытшкӧса моренаэз да мукӧдлаӧт нюррез (ны коласын медыджытыс Эксюссуо куйлӧ коммунаэз Коски, Сомеро да Ӳпяя коласын). Эм кык мусюр, кӧднаись ӧтыс мунӧ Лойма коммуна рытвыв визир пӧлӧн, а мӧдыс одззася Метсяма коммуна му кузя, кытӧн мувевдӧр быдкодьсялӧ. Таті  автотуй №2 мунӧ 15 км ылына мусюрыс пӧлӧн Веняя да Леппиярви коласын.  

Лойма каршӧрӧттяс, Хирвикоски да Аластаро пырйӧт котӧртӧ Таммеласянь пондӧтчан да Хуйттиненын Кокемяенъёкиӧ усян Лоймиёки ю. Юыслӧн ва сёйыс шогья пыр гӧрд рӧма.  Аластораын Лоймиёкиӧ усьӧ сылӧн медыджыт вож Коёнъёки, кӧда пондӧтчӧ Коиярвисянь (Форсса коммунаын) да котӧртӧ Лойма кар ойвылӧт и Метсянма посад пырйӧт.  Лунвывсянь Аластароын Лоймиёкиӧ пырӧ  Меллилясянь пондӧтчан Нииниёки, а Хирвикоски дорын Ёэнперя деревнясянь пондӧтчан Петяёки. Тыэз невна, нія куйлӧны токӧ мусюррез пӧлӧн. 

Лоймакӧт ордчӧн куйлӧны коммунаэз: Хуйттинен, Хумппила, Коски ТЛ, Марттила, Орипя, Пункалайдун, Пёвтюя, Сомеро, Сякюля да Ӳпяя.

 

 




#Article 223: Усикавпунки (коммуна) (173 words)


Усикавпунки — кар да коммуна Суомиын, Варсинайс Суоми регионын, Вакка Суоми районын. 

Карсӧ тӧдӧны унажыксӧ автозавод сьӧрті да квадратӧн тэчӧм каршӧр сьӧрті.

Усикавпунки Финмуын арлыд сьӧрті дасӧт кар. Король Густав ІІ Адольф лӧсьӧтіс сійӧ 1674' годӧ. Карыс пырӧма и Европа историяӧ, мыля татӧн 1720' август 30' лунӧ кырымалӧмась Ништадтісь мир да помалӧмась сійӧн унавося Ойвывся война.  

Усикавпункиас каршӧрысся пырӧны одззася коммунаэз: Усикавпунки посадму, Каланти, Локалахти да Пюхама. 

Усикавпункиӧ медбӧрья война бӧрын эвакуируйтӧмась отирсӧ Метсяпиртиись.
  

 

Кыв Усикавпунки лоӧ Вилькар.

Усикавпунки сулалӧ Похьян курья вадӧрын. 

Медматын карӧдз, Лайтилаӧдз Усикавпункисянь 18 км ылына, Раумаӧдз 45 км, Туркуӧдз 70 км, Тампереӧдз 170 км, юркар Хельсинкиӧдз 230 км ылына.
 

Усикаупункикӧт ордчӧн куйлӧны сэтшӧм коммунаэз: Пюхяранта, Лайтила, Вехма, Тайвассало, Кустави.

  
Посёлоккез: Палккинен, Руйссари, Кинко, Курулма. Лёко ді вылын Сундхолма да Торлахти.

Усикавпункиын уджалӧ Суоми пасьта ӧтка автозавод, кытӧн лэдзӧны кокни автомобиллез. Сія — мирын медойвывся места, кытӧн керӧны автомобиллез. «Валмет Автомотиве» заводын 1960' воэзсянь лэдзӧны маркаэз Сааб, Талбот, Опел, Лада да Порше. Заводын уджалӧны 800 кыным морт. 

Карас мӧд ыджыт уджаиныс — «Кемира» компаннялӧн химзавод. 

Усикавпунки сідзжӧ тӧдчана порт.




#Article 224: Халинен (Турку) (475 words)


 
Халинен – Финму лунвыв-рытвылын посёлок, кöда öні Турку карын микрорайон, а одзжык вöлі грезд. 

Посёлокыс пырö Туркуись Нумми-Халинен (кöркöся Коройнен) районö.

Халинен шусьö фин кыв вылын Halinen, швед кыв вылын Hallis. Этимология тöдмавтöм. Мукöд сэтшöм жö ниммезын моз косвеннöй падежжез аркмöны унаö лыддян формасянь: Halisten 'Халиненнэзлöн', Halisissa 'Халиненнэзын' дмд.

Халинен куйлӧ Турку кар асыввылын, Авраёки веськыт вадӧрын, Халинен коськ бердын.

Ордчӧн Халиненкӧт адззамӧ сэтшӧм микрорайоннэз: Коройнен рытвылас, Рянтямяки да Орикето ойвылас, Нумми да Курала  лунвылас. Халиненсянь асыввылас – кар дор. Сы сайын куйлӧ Карина коммунаись Раваттула грезд.

Халинен ойвыв визир пöлöн котöртö Топиноя шор да мунö Коройстенкари улича. Рытвыв визирыс – Грегориус XI туй. Сы сайын эм токö вузясян шöрин. Микрорайон лунвылöт котöртö Авраёки (Халинен пруд), кöда дорын лэбö Вирнамяки мыс. Асыввылас – вöрсялöм Пяхкинямяки мыс да мöдік вöрьяин. Вöрьяиннэз эмöсь и посёлок пытшкын.

Халиненын кынымкö тор, кöдна неöткодьöсь история да инфраструктура сьöрті.

Халинен важся шӧринын, посад мылькын, отирыс пыр олӧмась кӧрт кадколассянь. Лунвылас Вирнамяки мысвылісь адззöмась корткадся шойна да оланін, а Авраёки дорись Комойнен мылькын – сія жö кадся культура пöвст да юрбитан иззэз.

Пяхкинямяки мысын эмöсь шойгуэз, кöдна кольччöмась м.э. V нэмсянь.

XIV векӧ öння Халинен дорас, Авраёки вылас, керӧмась вамельнича, кӧда сэсся сулалӧма топ 1940' воэзӧдз.

XVI нэм коста Халинен коськ дорын вӧлі осьтӧма нойкыянін, кӧдӧ лыддьӧны Финму пасьта индустрияын медодззза уджаинӧн.

Сія жӧ кадсянь татчӧ лӧсьӧтӧмась му-видз уджалан кӧзяйствоэз Тятиля, Франци да Комойнен, кытӧн и ӧні крессяна уджалӧны.

Важ (увдöрись) пос Халинен коськ весьтöт нюжöтöмась 1930' годö, вильö (вевдöрсяö) осьтöмась 1980' годö.

Бура быдмыны Халинен пондӧма дзир 1980'-2000' воэзӧ, кӧр татчӧ строитӧмась уна ыджыт керкуэз.

Öні Халиненын оліссесö лыддьöны 3600 морт етш. Ны коласын 27%-ыс – йöз муэзісь локтöмовöйöсь. 

Индустрия уджаиннэз Халиненын абуöсь.

Унажык керкуэз унасувдаöсь, сувтöтöмöсь 1980'-2000' воэзö. Нія нето Турку университетлöн, нето кар советлöн. Энö керкуэсö сетöны кöртымö учöт донісь студенттэзлö да гов отирлö, йöзовöйезлö.

Эм и аскеркуэз, кытöн олöны крессяна, кöдна татöн важынсянь уджалöны му-видз.

Халиненын бергöтчö да сы кузя мунö автобус №4 (40). Микрорайон дорöт сідзжö ветлöны автобуссэз №55 да №15. Ны вылын отирыс шедöтчöны каршöрöдз. Подöн Халиненсянь Турку соборöдз муннытö 40 минут, автобусöн 6 минут. Халиненсянь позьö шедны каршöрö и Авраёки пöлöт мунтöн, туёккез кузя.

Халиненын эмöсь универсам S-Market, бар, пицерия. Мельник керкуын эм кофейна.

Спорткерку «Urheilutalo» сулалö микрорайон ойвыв визир сайын, Халиненын да Рянтямякиын оліссез понда сія öтласа. Спорт луддэз эмöсь школа дорын (Францинкенття) да  Раваттуланполкуланьын.

Халиненын эм школа «Halisten koulu» да челядьсад.

Челядь орсаніннэз:

Мельник керкуын позьö босьтлыны пыж. Татöн велöтöны кыдз уявны пыжжезöн коськöттяс. 

Рытвыв дорöттяс Халиненсянь каршöрланьö мунö Грегориус XI туй. Сія вуджö Авраёкисö коськ дынын, кытöн машинаэз ветлöны Вевдöрись Халинен пос кузя. Увдöрись пос кузя позьö мунны токö кокнит транспортöн да подöн ветліссезлö.

Микрорайон ойвылас Орикетолань нуöтö Коройстенкари туй. 

Лунвылöттис Халиненас мунö Раваттуланполку, кöда петö асыввылас кар саяс да шусьö Ванха Раваттулантие (сы кузя позьö шедны Раваттула грездö).

Уличаэз микрорайон ойвылас шусьöны вичкуся уджаліссез ниммезöн, мöділаын туйниммез унажыксö йитöмöсь му-видз уджалöмöн.




#Article 225: Туркуись карторрез (119 words)


Туркуись карторрез () —  Турку карлöн тодиль янсöтöм мувывторрез, кöднö лöсьöтöмась история, география, отир лыд, кöзяйство, транспорт да инфраструктура сьöрті. 

Перво районыс шусьӧма Итяхарью-Вариссуо и сыын вӧлӧмась 9 микрорайон. Сэсся сылӧ сетӧмась виль ним Вариссуо-Лавсте и этчӧ кольччӧмась токӧ 5 микрорайон.

Перво районыс шусьӧма Коройнен, татӧн вӧлӧмась 5 микрорайон. Сэсся нимыс лоӧма Нумми-Халинен, ӧні татӧн 8 микрорайон.

Перво районыслӧн ним вӧлі Тампереэнтие (, ). 

Реформа бӧрын пондӧма шусьыны Руносмяки-Равнистула ( ), ӧні татӧн 5 микрорайон.

Перво районыс шусьӧма Кунинкоя (), да вӧлі тэчӧм 7 микрорайонісь. Сэсся сылӧн сетӧмась виль ним Лянсикескус, а микрорайоннэз лоӧмась 9-а.

Медодзза нимыс Нанталинтие (), татӧн вӧлі 6 микрорайон.

Реформа бӧрын нимыс лоис Пансио-Юрккяля (), ӧні татӧн 4 микрорайон.

Перво районын вӧлі 5 микрорайон, ӧні 10. 

 




#Article 226: Пихлаяниеми (Турку) (139 words)


Пихлаяниеми — Туркуись микрорайон, одззася посад.

Микрорайоныс куйлӧ каршӧрыссянь лунвылын. 

Пихлаяниеми пырӧ карыс кык районӧ — Кескустаӧ да Скансси-Уйттамоӧ. 

Нимыс Пихлаяниеми (гижӧны фин кыв вылын Pihlajaniemi, швед кыв вылын Rönnudden) комиӧн лоӧ Пелісьнӧрыс.  

Ордча микрорайоннэз: Корпполайсмяки ойвылын, Пуйстомяки асыввылын да Уйттамо лунвылын.
 

Одзжык Пихлаяниемиын, Питкясалми курья дорын вӧлі деревня, кӧдӧ дзимлялӧмась 1950' воэзӧ, кӧр мӧдӧмась керны таті туй портсянь. Сэсся татӧн патеруйтӧма Варсинайс Суомиись енӧждорьян полк, кӧдӧ пӧдналӧмась 2002' во помын. 2007' во помын сы казармаэзӧ вуджис Саридзвыннэзлӧн штаб.

Пихлаяниемиын 2004' годӧ олӧмась 1 139 морт, и быд во олісьыс содӧ 3,69 процент вылӧ. Отирись 9,13%-ыс 15 годся томжыкӧсь, а 11,94%-ыс 65 годся пӧрисьжыкӧсь. Мам кывнас шуӧмась фин кыв 90,52%, швед кыв 5,36%, а мӧдік кыввез 4,13% оліссезісь.

Пихлаянниеми пырйӧт мунӧ материковӧй Туркуӧ быдӧс транспорт Хирвенсалосянь, Сатавасянь да Какскертасянь.  

Elina Teerijoki. Kaupunginosien Turku. Turku: Savukeidas Kustannus, 2012. ISBN 978-952-268-030-3




#Article 227: Мартти (Турку) (118 words)


Мартти — Туркуись IV микрорайон.

Мартти пырӧ Туркуись Кескуста районӧ да куйлӧ каршӧр рытвылын. 

Нимсӧ Мартти гижӧны фин кыв вылын Martti нето Martinmäki, швед кыв вылын Martins. Микрорайоныс шусьӧ сідз татісь Мартин вичку сьӧрті, кӧда новйӧ ним Мартин Лютерлісь

Мартти куйлӧ Турку медшӧрӧт чутсянь кык километра ылынаын рытвылас. Сійӧ адззан Авраёки уссёланись, юыс шульга вадӧрись. Мартти петӧ Авраёки дорӧ ойвылас, кытӧн ю весьтӧт нюжӧтӧм Мартти пос.

Ордчӧн куйлӧны сэтшӧм карторрез: Итяранта рытвылын, Вяхяхейккиля и Мянтюмяки лунвылын да карись III микрорайон (Урхейлупуйсто) рытвылын.
 

Картор строитӧмась пуовӧй керкуэзісь ХХ век пондӧтчикӧ. Перво татӧн олӧмась уджаліссез.

Олӧны Марттиын 4 410 морт (2007).

Ӧні Мартти Туркуас ӧті меддона район овнытӧ.

Мартти вичку

Elina Teerijoki. Kaupunginosien Turku. Turku: Savukeidas Kustannus, 2012. ISBN 978-952-268-030-3




#Article 228: Портса (Турку) (111 words)


Портса нето Порт Артур — Туркуись VIII микрорайон.

Портса пырӧ Туркуись Кескуста районӧ да  куйлӧ каршӧр рытвылын. 

Микрорайон шуӧны Портсаӧн (фин кыв вылын Portsa, швед кыв вылын Port Arthur) асыввыв Азияын сулалан Порт Артур изкар сьӧрті, кӧдӧ роччезлісь 1904-1905' годся война дырни мырддисӧ ниппонсаэз. Татчӧ, Туркуас, мӧдӧмась строитны мӧдік Порт Артур.

Портса куйлӧ Турку каршӧр рытвылас. Сійӧ адззан Авраёки уссёланись, юыс веськыт вадӧрись. Мӧдлапӧлас Портсакӧт ордчӧн куйлӧ Мартти.

Мӧд ладоррезӧн Портса граничитӧ Исохейккилякӧт ойвылын, VII микрорайонкӧт асыввылын, Лянсирантакӧт рытвылын.

Лунвыласмоз Портсаын сулалӧ Каколанмяки.
 

Портсаыс Туркуас ӧтік меддона микрорайон овнытӧ. 
 

Портса лыддисьӧ Туркуись медбасӧк карторӧн. Керкуэз невна не быдӧс пуовӧйӧсь, уличаэз векнитӧсь.

Elina Teerijoki. Kaupunginosien Turku. Turku: Savukeidas Kustannus, 2012. ISBN 978-952-268-030-3




#Article 229: Метсямяки (Турку) (120 words)


Метсямяки – Финму лунвыв-рытвылісь Турку карын микрорайон. Пырö Мариа-Паттинен районö.

Метсямяки фин кыв вылын гижöны Metsämäki, швед кыв вылын Skogsbacka. Комиöн эта лоö «Вöрмыс» (metsä – вöр, mäki – мыс).

 
Метсямякилöн ойвыв визирыс мунö Вяхяёки юок пöлöн, лунвывсяыс – Топиноя шор пöлöттяс. Микрорайоныс сідзкö куйлö кык шор коласын. Метсямяки дорын Вяхяёки вылас керöмась пруд (Maarian allas).

Ордчöн куйлöны сэтшöм карторрез: рытвылас микрорайон Орикето, ойвылас Сарамяки микрорайонö пыран куторрез Вярттиля, Вялима да Туленсу, асыввылас одззася микрорайон Хага (сы куторрез Хапала, Каунела, Павола).

Рытвылас кыклаті Метсямяки петö кардорö. Татöн сыкöт граничитöны ордча коммунаэзiсь грезддэз Раваттула да Алискулма.  

Ордча мыссэз:

 

 

Метсямяки - промышленнöй мувывтор. Татöн Туркуись ёгчапканін (Topinojan jätekeskus). 

Уджаиннэз:

Эм ипподром да вöвклиника
 

Эм школа.

Микрорайон ойвылöт рытвывсянь асыввылö мунö Ванха Тамперентие.  

 




#Article 230: Кярсямяки (Турку) (732 words)


 
Кярсямяки – Финму лунвыв-рытвылас, Турку карын микрорайон, одззася деревня. Пырö Руносмяки-Равнистула районö.

 

Кярсямяки фин кыв вылын лоö Kärsämäki. 

Мукöдыс шуöны, бытьтö нимыс аркмöма kärsä (порсь ныр) да mäki (мыс) кыввезісь. Кöр мувевдöрыс вöлі лажмытжык, деревняыс пö сулалöма  вылын, кöда кыдз порсь ныр чурвидзöма Вяхяёки вадöрас.

Но одзжык деревнялісь нимсö гижлöмась и мöднёж: Kaersemaekj, Kozmike, Kiärsemaeki, Kursamäki нето Korsmäki. 

Важ форма Korsmäki сьöрті да ордча топоним Ristinpaltta сьöрті позьö вежöртны сідз, что нимыс аркмöма швед кылісь   Korsbacke, мый лоö 'Пернамыс'. 
 

Кярсямяки куйлö Турку каршöрсянь ойвылö нёль километра ылынаын, Вяхяёки да Пипаноя  юэз веськыт ладорын.

Кярсямякилöн визиррез: ойвылас гöгöртан туй, асыввылас кöрттуй пöлöн котöртан юоккез Пиипаноя да Вяхяёки, лунвылас Каэрлантие туй, асыввылас Тампере кантуй.

Ордчöн куйлöны сэтшöм микрорайоннэз: ойвылас Урусвуори да Лентакенття, асыввылас Орикето да Рянтямяки, лунвылас Каэрла, рытвылас Руносмяки.

Карторыслöн рытвыв тор шусьö Палтта посёлок, сэтöн строитöмöсь унасувда керкуэз. Мукöлаын Кярсямякиас унажыксö аскеркуэз. 

Лунвыв-рытвылас куйлö посёлок Палливаха, кöдалöн мöдік торрез лыддисьöны öні и ордча микрорайоннэзын, Каэрлаын да Руносмякиын.

Кярсямякиын кык промзона: рытвылас Орьясмяки промзона (топ Урусвуори промзона бердын), а асыввылас, кöрттуй дорын, Хиденвартти промзона.

Вöррез Кярсямякиын сулалöны нёль мыс вылын, кöдналöн ниммес Орьясмяки, Мунттисмяки, Палливаханмяки да Руносмяки. 

Орьясмяки ягын куйлöны литорина кадсянь кольччöм иззэз да вайöм валуннэз. Мыс ойвылісь эттшöм глыбасö адззöмась нельки квать метра ыждаö.  Мöдік валун вачкисьö гöглян вылö (Паллинваха) . 

Отир ветлöны шоччисьыштны сідзжö лыаинас лöсьöтöм Палта паркö .

Öддьöн басöкöсь Вяхяёки дорись паськыт ыббез да видззез, кöна öні тырöмöсь мортпиканнэзöн. Татісь пиканнэзкöт öні отир вермасьöны. 

Хиденвартти промзона дорын эм учöтик ты Алоппи, кöдаись ваыс петö Пипинояö, да кытчö завод Хеллас чапкаліс коляссэсö. 
 

Изкадся отирсянь кольöм берся адззалöмась Хиден песöкгарьяинісь, важ казармаланись да Кярсямяки шойна дорись. Этія ладорын медважся крессянскöй керкуэз сулалöмась юэзсянь асывввылö нюжалан покаттэзас, кыдз и Кярсямякиланьын , кöда вöлі медваж деревняöн Мария волосьын . Кярсямякиись изкадся дзебанін, Финмуас эттшшöм дзебаниннэзісь öті медтöдса.

Кярсямяки первуись казьтыштöны гижöттэзын 1363 годö (Kaersemaekj). 

Шöрöт веккезö Кярсямяки вöлі Мария волосьлöн öтік якокунта. XV векöдз сія вöлі öддьöн паськыт, Руско дорсянь Авраёки дорöдз, Рянтямяки да Коройнен деревняэзся сыын лыддисисö грезддэз Халинен, Пипаноя, Хамаро да Ниускала. XV вексянь якокунта чинöма öння мувывторöдз, м.ш. кольччöма Вяхяёки веськыт ладорö.

Шöрöт веккезö Карсямяки пырйöт мунöмась куим туй: Туркусянь ойвылö Юляне ладорся Пюхяярвиланьö нуöтан Савоярвентиелöн рытвыв да шöрöт вож, а сідзжö сэтчö жö Юлянелань нуöтан Айрикинтие да Хуовинтие.

Hiidenvartin teollisuusalueen ja Kärsämäentien välissä sijaitsee Kärsämäen kartano (Hiiden kartano), jonka päärakennus on rakennettu pääasiassa 1800-luvulla, vaikkakin jotkut rakenteet ovat jo 1700-luvulta. Kartano on yksikerroksinen empiretyylinen rakennus, joka on rakennettu puusta ja tiilestä ja rapattu valkoiseksi. Kartanon eteläpääty on korotettu kaksikerroksiseksi. Kartanon viimeiset omistajat ennen sen siirtymistä kaupungin omistukseen olivat Räntämäen asemanhoitaja Karl Lagerstam ja hänen vaimonsa, Maarian kunnanlääkäri Helvi Lagerstam. He omistivat kartanon 1940–1968. Karl Lagerstam kuoli vuonna 1940, mutta Helvi Lagerstam asui siinä kuolemaansa asti vuoteen 1977. 1980-luvulla kaupunki remontoi kartanon. Se annettiin mielenterveyskuntoutujien käyttöön, ja alueen yhdistyksetkin saivat järjestää kartanossa kokouksia ja juhlatilaisuuksia. Kaupunki myi kartanon rakennukset 2000-luvun alussa, ja päärakennus on nyt asuinkäytössä.

Kärsämäkeen perustettiin vuonna 1882 Turun tarkk'ampujapataljoonan alaisuudessa toimineen 5. reservikomppanian kasarmi paikalle, jossa on nykyään Paltan kerrostaloalueen ja Hellaksen tehtaan välinen hiekkakuoppa. Reservikomppania harjoitteli kasarmilla kesäisin vuoteen 1899 asti, kunnes ensimmäinen sortokausi ja helmikuun manifesti lakkautti Suomen suuriruhtinaskunnan armeijan. Kasarmi lienee ollut venäläisten käytössä vuosina 1900–1918. Sen jälkeen kasarmialue oli Puolustusvoimien käytössä 1960-luvulle asti, kunnes aluetta alettiin käyttää hiekanottoon.

Микрорайонас олöны 2000 етш морт. 
 Vielä vuonna 2000 asukkaita oli 2 076. Kartanon vanhoille maille ja päärakennuksen lähelle Hiidenvartin teollisuusalueelle on tehty kaavaluonnos, joka toisi alueelle noin 300 asukasta. Lisäksi Leafin autohuollon alueelle on hyväksytty 80–100 asukkaan kaavaluonnos.

Öні Кярсямякиын кык пондöтчан школа. Важжыкыс сідз и шусьö Кярсямяки школа (Kärsämäen koulu), сійö осьтöма Мария волось эшö 1881 годö . Сы дынö 2007 годö öтлаöтöмась Палливаха школа, кöда вöлі осьтöм 1959 годö .

Кярсямякиын медодза библиотека меститчöма татісь школаын   1885 восянь 1943 воöдз, кöр сійö вуджöтісö кынымкö дас метра ылынаö, Кярсямяки именнё вороталö панытас лöсьöтöм торья керкуö. Библиотекасö пöдналöмась 1990 годдэзö,, и öні Кярсямякиö кыкись недель вылас вовлö машина-библиотека.

Päiväkodin perustamista alettiin suunnitella 1937, ja jo seuraavana vuonna sille oli luvattu tontti, rakennussuunnitelmat olivat valmiit ja merkittäviä rahalahjoituksia oli saatu. Päiväkoti aloitti toimintansa 1. marraskuuta 1938 Kärsämäen kartanossa 22 lapselle. Sodan aikana päiväkodin toiminta oli usein keskeytyksissä, mutta vuoden 1944 alusta se alkoi toimia vakituisesti uudessa kirjastotalossa, missä se pysyikin koko toimintansa ajan. Kärsämäen päiväkoti pysyi yksityisenä, mutta vuodesta 1984 alkaen sen ja Turun kaupungin välillä oli palvelusopimus. Kärsämäen päiväkoti lopetti toimintansa vuonna 2004. Nykyään alueen ainoa päiväkoti toimii Paltankatu 27:ssä.

Kaupunginosassa on neljä pallokenttää.

 




#Article 231: Лайтила (коммуна) (116 words)


Лайтила — кар да коммуна Суомиын, Варсинайс Суоми регионын, пырö Вакка Суоми районö. 

Лайтила фин кыв вылын гижöны Laitila, швед кыв вылын Letala.

Лайтила коммуна куйлö регион ойвывланьын. Ачыс карыс сулалö Сирпуёки дорын, кытöн сыö усьö Кетунъёки.

Лайтилакöт ордчöн куйлöны:  Эвра, Мюнямяки, Пюхяранта, Равма, Усикавпунки да Вехма.
 

Коммунаын ачыс кар да сы гöгöрись деревняэз: Haaro, Hartikkala, Haukka, Kaariainen, Kaivola, Katinhäntä, Kaukola, Kiveinen, Kivijärvi, Kodjala, Koliseva, Koukkela, Kouma, Kovero, Kovio, Kusni, Laessaari, Laitila, Lausti, Leinmäki, Liesjärvi, Malko, Mudainen, Niemi, Nästi, Pahojoki, Palttila, Pato, Pehtsalo, Salonkylä, Seppälä, Sillantaka, Silo, Sorola, Суокайнен, Suontaka, Syttyä, Torre, Untamala, Vahantaka, Vaimaro, Valko, Vekka, Vidilä, Viikainen да Ytö

Лайтила лицейын 150 велöтчись да 19 велöтісь, Лицейыс сулалö Лайтила каршöрын, 2002' годö дзоньталöм керкуын. 




#Article 232: Лужиков Александр Михайлович (134 words)


Лужиков Александр Михайлович (, 1964–2006) – коми поэт.

А.М. Лужиков чужӧма 1964' март 19' лунӧ Коми АССР Кулӧмдін районісь Кекур ын.

Кулӧма 2006' годӧ жӧ. Кулан луныс да шойгуыс тӧдтӧмӧсь. Поэтӧс дзебöмась кыдз нимтöм-увтыртöм мортӧс Вылыс Чов шойнаись 13' участокӧ. Родняыс тöдасӧ кулöм йывсьыс токӧ 2009' воын.

Медодзза кывбуррес Миш Ӧльӧксаныслöн петӧмась 1970' воэз помын. Сэсся сiя ветлӧма Союз пасьтаись том гижиссез IX совещаннё вылö. А.М. Лужиковлісь кывбурресö вылӧ донтӧмась роч поэт Егор Исаев да Коми Республикаись отировӧй гижись Геннадий Юшков.

Сылӧн «Йиркап» поэмаын кылö мамкыв да асувтыр понда тöждісьӧм.

Поэт бура мыччалӧма асьсӧ и драматургия жанрын. Сія гижӧма «Ыджыд висьöм» пьеса (йöзöтöм: «Арт» журнал, 1997' во, №1).

Роч кыв вылын Миш Ольӧксаныслісь гижöттэсӧ публикуйтӧмась «Литературнöй газета» да «Литературнöй Россия» газетаэзын, «Север» журналын. 

А. М. Лужиковлісь кывбурресö вуджöтлӧмась Елена Исаева, Александр Кувакин, Сергей Филатов.

 




#Article 233: Вехма (коммуна) (115 words)


Вехма — посадму Суомиын, Варсинайс Суоми регионын. 

Вехма гижӧны фин кыв вылын Vehmaa, швед кыв вылын Vemo. 

 

Ane, Antola, Ennys, Gunnila, Haapanala, Heikola, Hermula, Hiedo, Hietajärvi, Hilleinen, Himoinen, Hinnuri, Huruinen, Huukainen, Ilmarinen, Inkurinen, Irjala, Isoalho, Kaipinen, Kaivoinen, Karaluoto, Karintaka, Kaukola, Kauramäki, Kesoinen, Ketto, Kiikoinen, Kiima, Kiimkallio, Kirkkomäki, Kirkonkylä, Kivijärvi, Korpi, Koski, Krookkinen, Kupusjärvi, Kuulila, Lahdenranta, Lahdinko, Laittinen, Lallinen, Lammi, Lautanala, Lempiö, Ludila, Maarjärvi, Maitila, Manterkaisti, Mylly, Nakkila, Nuhjala, Oja, Pankkio, Papala, Pappila, Piettinen, Piiloinen, Pitkiskallio, Pullila, Pummainen, Puosta, Puotila, Putta, Pyöli, Rahikkala, Rahkmala, Rautila, Reinilä, Revo, Riihivainio, Riittiö, Ristinkylä, Rokainen, Saarikkala, Salo, Seipsaari, Sillankorva, Soinila, Takala, Tanila, Tarvola, Taskala, Tommila, Tuomarla, Tuomoinen, Uhlu, Ukkila, Vahilainen, Vallila, Vanhakylä, Varttainen, Vihtjärvi, Viiainen, Viljainen, Vilu, Vinkkilä, Ylöjärvi, Yötiö.

 




#Article 234: Кемиёнсари (коммуна) (178 words)


Кемиёнсари — шведкывья посадму Финмуын, Варсинайс Суоми регионын. 

Кемиёнсари гижӧны фин кыв вылын Kemiönsaari, швед кыв вылын Kimitoön. 

 

 

Albrektsböle, Berga, Billböle, Biskopsö, Bjensböle, Björkboda, Bogsböle, Bolax, Brante, Bredvik, Brokärr, Brännboda, Båtkulla, Böle, Dalby, Dalen, Dalkarlby, Digerdal, Ekniemi (Eknäs), Elmdal, Engelsby, Finsjö, Flugböle, Fröjdböle, Galtarby, Gammelby, Genböle, Gräggnäs, Gräsböle, Grönstrand, Gundby, Gästerby, Hammarsboda, Hasselbacken, Helgeboda, Hertsböle, Hiittinen (Hitis), Holma, Hova, Hulta, Högmo, Högsåra, Illo, Kalkkila (Kalkila), Kaskärr, Kasnäs, Kaxskäla, Kiila (Kila), Kirkonkylä (Kyrkoby), Kobböle, Koddböle, Koivuranta, Koustar, Kuggböle, Kråkvik, Kulla, Kvarnböle, Kyrkbacken, Kårkulla, Kärra, Labböle, Labbnäs, Lamkulla, Lappdal, Lemnäs, Lillfinnhova, Lillvik, Linnarnäs, Långnäs, Länsiniemi (Västerudden), Lövböle, Mainiemi (Majniemi), Makila, Mattböle, Mattkärr, Misskärr, Mjösund, Måsa, Nivelax, Nordanå, Nordvik, Norrlångvik, Norrlammala, Norrsundvik, Nybacka, Orrnäs, Pajböle, Pederså, Pungböle, Purunpää, Påvalsby, Pörtsnäs, Reku, Rosala, Rosendal, Rugnola, Rövik, Santasaari (Sandö), Sirnäs, Skarpböle, Skinnarvik, Skoböle, Skog, Skogsböle, Släts, Småland, Smedaböle, Smedsböle, Smedskulla, Stenmo, Storfinnhova, Strömma, Stubbnäs, Stusnäs, Sundvik, Sunnanå, Suomenkulma (Finnudden),  Söderby, Söderlångvik, Söderlammala, Söglö, Skålböle, Skånpusten Skäggböle, Syvälahti (Sjölax), Taalintehdas (Dalsbruk), Tappo, Tavasttrona, Tjuda, Tollsnäs, Torsböle, Trotby, Träskö, Tynglax, Vestlahti (Vestlax), Viksgård, Viksvidja, Villkärr, Vreta, Vänoxa, Vänö, Västankärr, Västermark, Ytterkulla, Ytterölmos, Östanå, Östermark, Överölmos 

 




#Article 235: Маску (коммуна) (119 words)


Маску — посадму Суомиын, Варсинайс Суоми регионын. 

Маску гижӧны фин кыв вылын Masku.

 

 

Ajosenpää, Akkoinen, Auvola, Hujala, Humikkala, Härmälä, Iinainen, Intola, Juva, Kairinen, Kaituri, Kajala, Kakkarainen, Kalela, Kankainen, Karinkylä, Kaukoinen, Kelhoinen, Kierikainen, Killuva, Kiveinen, Korpi-Iiroinen, Kurittula, Kynnysmäki, Lankila, Laulainen, Lellainen, Luolavuori, Maanpää, Malho, Mäksmäki, Ohensaari, Pakainen, Pappila, Piuha, Ristimäki, Sopola, Stenberga, Suikkila, Taipale, Takapaltta,
Tanila, Tuijula, Villilä.

Ahtinen, Antikainen, Auttinen, Hannula, Iiroinen, Kairinen, Karavainen, Karvatti, Koskoinen, Laakinen, Lempoinen, Manna, Merijärvi, Nepola, Palsala, Pukkila, Raumharja, Rauvola, Ruohoisenmaa, Tättäläinen, Tävälä, Vanhakylä, Vilu

Heikkinen, Helala, Hievunen, Iso-Vallunen, Järäinen, Kaitainen, Kaivonen, Kallela, Kovala, Kuneninen, Leppävainio, Mannerjärvi, Maskulainen, Mattila, Miiainen, Monnoinen, Niittukartano, Nikkarla, Nyynäinen, Oukkula, Pappila, Peinikkala, Penninen (hävinnyt), Raukunen, Seijainen, Seppälä, Taloinen, Tenhola, Toijola, Torttila, Tuhkala, Valpperi, Vastila, Verainen, Vipinen, Vitikainen, Vähä-Vallunen, Yllikäinen

 




#Article 236: Мюнямяки (коммуна) (155 words)


Мюнямяки — посадму Суомиын, Варсинайс Суоми регионын. 

Мюнямяки гижӧны фин кыв вылын Mynämäki, швед кыв вылын Virmo. 

 

 

Одззася Миетойнен коммунаын сулалӧны деревняэз:

Aarlahti, Antikkala, Haijainen, Harainen, Heikkilä, Hietamäki, Hiippavuori, Hiivola, Hirmuinen, Hämäläinen, Kaivattula, Kaskinen, Katavainen, Kaukurla, Kaulakko, Kauvainen, Kivivuori, Koivisto, Kumiruona, Kuneinen, Kurina, Kuuskorpi, Laukola, Lehtinen, Leinakkala, Mannuinen, Mietoinen, Nummi, Orkovakkinen, Palokylä, Pursila, Pyhe, Pyhäranta, Rantavakkinen, Raukkaa, Rauvola, Ravea, Runoinen, Ruonkallio, Saari, Soukko, Sukoinen, Sydänperä, Tavastila, Telkinmäki, Tervoinen, Tiirola, Tuokila, Uhlu, Valaskallio, Vähäkylä.

Aakula, Asema, Asemanseutu, Haapainen, Haloila, Halso, Huoli, Hurula, Ihalainen, Jutila, Juva, Kalela, Karhula, Karjakoski, Kasurla, Kattelus, Keijainen, Kintikkala, Kivikylä, Korvensuu, Kukola, Kälälä, Laavainen, Lankkinen, Lemmettylä, Lepistö, Liuskallio, Majalainen, Maunula, Mielismäki, Munnuinen, Munttinen, Mustila, Myllykylä, Mäenkylä, Nakkila, Neuvoinen, Nihattula, Nihdeinen, Nukkila, Nuuskala, Pahikkala, Palolainen, Parsila, Pellilä, Perpoinen, Pursinen, Rahkola, Raimela, Ruotsinmäki, Ruutila, Seppälä, Sunila, Suorsala, Tammisto, Tapaninen, Tarvainen, Tiuvainen, Tursunperä, Vallainen, Vihtamäki, Värräinen

Одззася Карьяла коммунаын сулалӧны деревняэз 

Haankylä, Haanperä, Kalela, Karjala, Karppinen, Ketelinen, Laajoki, Lemmi, Sairinen, Salavainen, Suojoki, Suutila, Tallola, Vehmalainen, Vuoloinen

 




#Article 237: Савво (коммуна) (130 words)


Савво — посадму Суомиын, Варсинайс Суоми регионын. 

Савво гижӧны фин кыв вылын Sauvo, швед кыв вылын Sagu. 

 

 

Татӧн сетӧмӧсь Савво ладорын оланіннэзлісь ниммез вичку небӧггез сьӧрті.

Alsila (Alsböle), Ampola (Amböle), Louhela (Birkkärr), Britsböle, Bränkärr, Dals, Danskulla, Dikarböle, Finkulla, Finskylä, Flossböle, Foudila, Gripsböle, Haarakallio, Haddböle, Hallela, Hemböle, Holvastböle, Hännikböle, Hännälä, Härmälä, Ingniemi, Isomäkipää, Isopalike, Isosilkkilä, Järvenkylä, Kalainen, Kaukola, Kavalto, Kirkonkylä, Knappböle, Koorla, Korpela, Korsnäs, Korvala, Koski, Kosundböle, Kouttu (Koutböle), Kuggböle, Kursalo, Lattmark, Lautkankare, Liesniemi, Liivala, Luola, Lurböle, Marike, Martböle, Mattböle, Mäenala, Naarslahti, Nummenpää, Osmalahti, Paddainen, Pappila, Patarautila, Pyrilä, Raitniemi, Rajalahti, Rikaniemi, Ristniemi, Ruona, Ruonlahti, Salmensuu, Salmi, Sarapisto, Saustila, Sillankorva, Sillanpää, Siuri, Skörsböle, Slätsböle, Sodaböle, Sorrböle, Sunnanberg, Svartsböle, Sydänmaa, Tallböle, Tapila, Timperlä, Vahtinen, Vartsalo, Vesti, Vuotkulla, Vähäkylä, Vähämäkipää, Vähäpalike, Vähäsilkkilä, Västerkulla, Ylistaro, Åkers

Одззася Каруна коммунаӧ пырӧм грезддэзлісь ниммез видзӧт Каруна статьяись.

 




#Article 238: Марттила (коммуна) (154 words)


Марттила — посадму Суомиын, Варсинайс Суоми регионын. 

Марттила гижӧны фин кыв вылын Marttila, швед кыв вылын S:t Mårtens.

 
Марттила посадму куйлӧ Варсинайс-Суоми асыввылын.
 
Ордчӧн Марттилакӧт куйлӧны сэтшӧм коммунаэз: Коски Тл, Лойма, Паймио, Пёвтюя, Сало да Тервасъёки.

Марттила посадму кузя котӧртӧ Паймионъёки ю, кӧда пондӧтчӧ Сомероланьын, а помасьӧ Паймио коммунаын. Ю вылас лӧсьӧтӧмась кынымкӧ электростанция да пруд, но сія лӧсялӧ и пыжжезӧн уялӧм понда.  

Паймиоёки пӧлӧн Марттила пырйӧт мунӧ Туркусянь Хяменлинналаняс нуӧтан Хямелань Ӧшкатуй (Hämeen Härkätie). 

Тыэз посадмуас ӧтік абу. . 

Марттила посадмуын, Хейколаас, лӧсьӧтӧм дзибьяинӧт ветланін, кӧда Варсинайс-Суомиын лоӧ медкузь. 
 

Паймиоёки ю торйӧтӧ посадму кык торйӧ. Ю дорсянь ойвылас куйлӧны деревняэз:

Ю дорсянь лунвылас куйлӧны: 

 
Хямелань ӧшкатуй дорын сулалӧ Вежа Мартин вичку, кӧда строитӧм 1765 годӧ  Антти Пимянен проект сьӧрті. 

Позьӧ видзӧтны сэтчин жӧ сулалан Мартиилан тышкасян казьмӧтан, вичку музей да асладор музей. Марттилаын сулалӧ сідзжӧ Финмуись медбӧрья  юркералан плака да Ностальгия музей. 

Быд год Марттилаын чулӧтӧны компьтер музыка сьӧрті фестиваль «Компьютер вӧр» (Konemetsä).




#Article 239: Тайвассало (коммуна) (135 words)


Тайвассало — посадму Суомиын, Варсинайс Суоми регионын. 

Тайвассало гижӧны фин кыв вылын Taivassalo, швед кыв вылын Tövsala. Тайвас фин кыв вылын лоас 'енвевт', сало — 'остров' нето 'дзибъяин'.

 

Ордчöн Тайвассалокöт куйлöны сэтшöм коммунаэз: Кустави, Маску, Мюнямяки, Усикавпунки, Нантали да Вехма. 

 

Фин кыв лоö мам кывнас 97,06% оліссезло, Швед кыв —  0,59%-ыслö. Мöдік кыввесö шуöмась ас кывнас 2,35% морт.

Арлыд сьöрті оліссез янсалöны то кыдз:

Воэз сьöрті оліссезлöн лыдыс вежсьылöма сідз: 

Тайвассало коммунаын медыджыт мортöн лыддисьö коммунануöтісь (kunnanjohtaja). Öні эта чинын ветлö Веса Рантала (Vesa Rantala).

Коммунна советын юралö  Вилхо Вуоринен (Vilho Vuorinen).

Öння советсö бöрйöмась 2009'-2012' воэз кежö 2008' годся бöрйисян коста.

Советын пукалöны 17 морт: 

Коммунаись веськöтланын сэтшöм отир:

Тайвассало кöзяйствоын тöдчанаэз сэтшöм сфераэз: кысйöттэз, берсякерöтöм, му-видз уджалöм да вöрвидзöм. Шуöны, татöн пö медуна чериалісь, лыддьыны кö Саристо саридз пасьта. 

Тайвассалоын уджалöны кык школа.




#Article 240: Сомеро (коммуна) (154 words)


Сомеро — кар да коммуна Суомиын, Варсинайс Суоми регионын, пырö Сало районö. 

Сомеро фин кыв вылын гижöны Somero.

 

Сомерокӧт граничитӧны сэтшӧм коммунаэз: Ёкиойнен, Коски Тл, Нумми-Пасула, Лойма, Сало, Таммела да Юпяйя. 
 

Сомеро кармуын медшӧр посёлокыс - токӧ ӧтік посёлок и эм.  2005' годӧ татӧн олӧмась 5278 морт. Этія посёлокӧ пырӧны грезддэз Joensuu, Ruunala, Pappila, Jaatila, Lammi, Harju, Härkälä да Kultela. 

Посёлокын медуна отир олӧ Харью да Ламми грезддэзас Кирконмяки вылын , Ламми грездісь Ламминиемиын, Ёэнсу грездісь Кайсларанта, Пярнямяки да Хайронпелто вылын, Okkeri Паппила грездісь Оккериын да Ятила грездісь Ранккулаын . 

Посёлоккӧт ордчӧн куйлӧны Ёэнсу грезд бердісь Pikku-Joensuu да Хяркяля, Харью, Ихамяки да Терттиля грезддэз бердісь Пяликёнкулма .

Härjänlahti, Härjänoja, Jakkula, Kaskisto, Keltiäinen, Kopila, Mäyrämäki, Oinasjärvi, Palikainen, Salkola, Suojoki, Vesanoja, Viuvala

Harju, Hirsjärvi, Häntälä, Härkälä, Ihamäki, Jaatila, Joensuu, Jurvala, Kerkola, Kimala, Kivisoja, Kultela, Kärilä, Lahti, Lammi, Lautela, Ollila, Pajula, Paltta, Pappila, Pitkäjärvi, Pusula, Pyöli, Rautela, Ruunala, Ryhtä, Saarentaka, Sillanpää, Sylvänä, Syvänoja, Talvisilta, Terttilä, Viluksela, Ylenjoki
 

 




#Article 241: Парайнен (коммуна) (165 words)


Парайнен — кар да коммуна Суомиын, Варсинайс Суоми регионын, Турунма районын. 

Ордчӧн Парайненкӧт куйлӧны сэтшӧм коммунаэз: Brändö, Sottunga, Kökar, Кемиёнсари, Савво, Карина, Турку, Нантали да Кустави.

Грезддэз:
Attu, Ali-Kirjala (Neder-Kirjala), Bjursäng, Björkö, Bläsnäs, Boda, Bodnäs, Bollböle, Bollstad, Brattnäs, Degerby, Domarby, Ersby, Fagerkulla, Fallböle, Finby, Gammelgård, Garsböle, Granvik, Grisböle, Gräggböle, Gunnarsnäs, Haraldsholm, Heisala, Håggais, Jermo, Kappeliranta (Kapellstrand), Kassor, Kirjala, Kojkulla, Kopparö, Kouppo, Kuitia (Qvidja), Kurckas, Kyrkäng, Koorlahti (Kårlax), Källvik, Lampis, Laplahti (Lapplax), Lemlahti (Lemlax), Levo, Lielahti (Lielax), Lillby, Lillmälö, Lofsdal, Loskarnäs, Mattholm, Mielisholma (Mielisholm), Munkbacka, Mutainen (Muddais), Myrby, Mågby, Mörkby, Mörkvik, Nilsby, Norrby, Nulto, Ontala (Åntala), Parsby, Pettby, Pikku-Tervo (Lilltervo), Pitå, Piukkala (Pjukala), Pyhänsuu, Pölsböle, Rövarnäs, Sandvik, Seivis, Siggnäs, Siltala (Sildala), Simonkylä (Simonby), Skogböle, Skråbbo, Skräbböle, Skyttala, Skyttböle, Skärmola, Sorpo, Storgård, Stormälö, Strandby, Sunnanberg, Sydmo, Sydänperä, Sysilahti (Sysilax), Såris, Söderby, Tara, Tennby, Tennäs, Tervsund, Toijois, Träskby, Vallis, Vannais, Vepo, Vidkulla, Våno, Västermälö, Ybbersnäs.

Грезддэз:

Berghamn, Björkö, Hyppeinen (Hyppeis), Hönsnäs, Jungfruskär, Järvis, Kittuinen (Kittuis), Kivimo, Lempnäs, Medelby, Mossala (Mussala), Notö, Näsby, Roslax, Saverkeit, Stor-Pensar, Sördö, Träskby, Äppelö

 




#Article 242: Тарвасъёки (коммуна) (223 words)


Тарвасъёки — посадму Суомиын, Варсинайс Суоми регионын, Лойма районас. 

Тарвасъёки гижӧны фин кыв вылын Tarvasjoki. Посадму шусьö сідз таті котöртан ю сьöрті. Кыв ёки фин моз лоӧ ю, а тарваснас кӧркӧ шуӧмась вӧрӧшкаӧс (турӧс), а сэсся  косуляӧс. Эттшӧм пода да ю и рисуйтӧмась Тарвасъёки вужпас вылын.

Тарвасъёки посадмукöт куйлöны ордчöн сэтшöм коммунаэз: Авра, Лието, Марттила, Паймио да Пёвтюя.  

Ландшафтыс Тарвасъёки ладорын унажыксö сёйпытшкöса волькытін, кöть мукöдлаті волькыт вевдöрсö жугдöны изпытшкöса морена мыльккез: лунвылын Киимакаллио, Юӧкаллио, Хорнанкаллио, Койвистонвялья, рытвылын Такаметсянкаллио, Рахоланкаллиот, ойвылын Лепомяки, Ляхтенмяки. 

Посадму кузя котöртö Паймионъёки ю, и медшöр посад дынын сыö усьö медыджыт вожыс, Тарвасъёки, кöда пондöтчö Пёвтюяын Каринайненсянь. Посадмуыс куйлö унажыксö Паймионъёки бассейнын, и токо Лиедонперя ордча грезддэзкöт куйлöны Авраёки бассейнісь Савиёки ю йыввезын.  

Посадмуын абу ни öтік ты. .

Лунвылын эм нюррез: Мяентанрахка, Рахкасуо. 

  

Посадыслö сетісö талуння нимсö 1909' годö. Одзжык волосьыс шусьöма Аластаро приходöн (Alastaron saarnahuonekunta), а сыбöрын Эвраöн (Eura).

Тарвасъёки посадмуын олӧны  морт , оліссезлӧн тшӧкыта  морт/км2.

Посадын эм школа, кык челядьсад, пӧриссез керку.

Посадму кузя мунӧ Хяме ӧшкатуй. Неылын сысянь сулалӧ 1779' годӧ вептӧм пуовӧй Тарвасъёки вичку (архитектор Микаэль Пимянен) да Тарвасъёки асладор музей, кытӧн лӧсьӧтӧмась Ӧшкатуйлісь история  тыдӧтан Tuu tuu tupakkirulla. 

Юва именнёын видзӧны Куста Маври Армфельтлісь горт-музей.

Тарвасъёки SEO автотыртансянь неылын, 10' автотрасса дорын гожуммезӧн овлӧ тыдӧтан, кытӧн мыччалӧны 20 етш музейнӧй трактор.  Тыдӧтансӧ лӧсьӧтӧ 1995 годӧ аркмӧтӧм Тарвасъёкиын оліссезлӧн котыр Uitonkulman Siivapyörämiehet ry.
 




#Article 243: Таллинн (175 words)


Таллинн — Эстмуын кар, Балтика саридз дорын порт, эст отирлöн канкар.

Таллинн эст кыв вылын гижöны Tallinn. Кар нимын кык тор: linn — сія 'изкар', а tal аркмöма tan кылісь, кöда лоö 'дан (датскöй)'. Данлинн сэсся лоöм Таллинн.

Таллинн сулалö Фин курья лунвыв вадöрын, Эстму ойвыв-рытвылын.

Кар му кузя мунö извесьняк тшупöт  (Глинт, нето Балтика-Ладога тшупöт). Сійö позьö казявны Тоомпеа да Ласнамяэ вылын.
 
Медвылын чут Таллиннас (саридз вевдöрсянь 64 метра вылына) куйлö карыс рытвыв-лунвылын Нымме районын.

Медыджыт ты — Юлемисте (9,6 км² ыжда). Татісь босьтöны юан ва карын оліссезлö. Харку — паськыта сьöрті мöдік ты (1,6 км² ыжда). 

Кар дор кузя котöртö Пирита ю, но сія оз кежав кар шöрö, кывтö токö Пирита районöт. Юыс бассейн öддьöн басöк, сійö дорйöны-видзöны.  

Саридз вадöрыс карас 46 километра кузя. Татöн сія аркмöтö куим ыджыт : Копли, Пальяссааре да Какумяэ, нёль курья: Таллинн курья, Пальяссааре курья, Копли курья да Какумяэ курья.

Таллинын кыкьямыс картор: ():

Электропоезддэзöн Таллинсянь позьö шедны сэтшöм каррезö: Тарту, Валга, Тюри, Вильянди, Тапа, Нарва, Рапла, Выхма, Элва, Пылва, Йыгева, Тамсалу, Раквере, Кивиыли, Пюсси, Йыхви да Пярну.

  




#Article 244: Адзва (ю) (122 words)


Адзва — Коми Республикаын да Яран кытшын ю, Усвалӧн веськыт .  

Яран кыв вылын юыс шусьӧ Хирмор нето Хырмор.

Адзваыс 334 км кузя, бассейныс 10600 км.кв. ыжда. 

Юыс котӧртӧ Ыджыт Тундра кузя Чӧрныж мусюр пӧлӧн. Усьӧ Усваӧ (уссёсянь 161' км ылынаын), кӧда ачыс лоӧ Печора вож. 

Адзва бассейнын куйлӧны 5332 ты, быдсӧн 353 км.кв. пасьта.

Адзваӧ усьӧны 307 вож. Межыджыт вож — Хоседа (веськыт)

Ыджытжык вожжес:

 

Вердчаныс лым. Сійӧн, мыля юыс визывтӧ ойвывсянь лунвылӧ, тулыснас овлӧ ыджыт . Кынмӧ Адзваыс октяб-нояб коста. Оссьӧ майын, шочыника юнь коста. 

Адзваын кульмӧ сьӧмга. Чериавны оз позь. Вадӧр пӧлӧн лӧсьӧтӧмӧсь вадорьян вӧр виззез, 1 км пасьтаӧсь. 

Кардор лапӧв да Коми Республика визирсянь неылын эм вӧр-ва казьмӧтан термаль ӧшмӧссэз Пым-Ва-Шор.

Ю ним сьӧрті шусьӧны оланіннэз Адзвавом да Адзва.




#Article 245: Молодцов анбур (121 words)


Молодцов анбур  () — коми зыряналöн 1918'-1932' и 1936'-1938' годдэзö да перем комиэзлöн 1921'-1932' годдэзö гижан шыпаскуд. 

Сьöрсьöн-бöрсьöн шыпассэз молодцов анбурын мунöмась сідз:

Анбур лöсьöтöма 1918' годö Молодцов Сандрö Васьö. Сы ним сьöрті алфавитсö и шуöны.

Молодцов лöсьöтöма анбурсö роч азбука под вылын. Коми алфавит аркмöтікö сія босьтіс принцип туйö серб кириллича, кöда сьöрті быд шылö колö адззыны тодильнöй шыпас.

Анбурас перво вöлі сымда шыпас, мымда шыэз коми кылын — 33. Сэсся содтöмась роч шыпассэз ф, х, ц, кöдна пантасьöны токö рочовöй кыввезын.

Роч анбурись д, ё, и, й, ъ, ь, э, ю, я шыпассэз молодцов анбурын эзö вöлö.

Тыргора /э/ шы пыр мыччалöмась е шыпасöн.

Латина анбурись босьтöмöсь шыпассэз 

Небыт шыэз мыччалöмöсь вывлань бöжока шыпассэзöн: 

Аскодя аффрикатаэз мыччалöмöсь увлань бöжока шыпассэзöн: 




#Article 246: Тима Вень (319 words)


Тима Вень (, 1890-1939) — коми гижись, поэт, коми литератураын классик. Гижис комиöн зыряна моз.  

Тима Вень чужис 1890' октяб 20' лунӧ Вӧлӧгда губерняись Сыктывдін уездын Помӧсдін посадас. 

Велӧтчис перво горт школаын, сэсся помаліс Дереваннӧйись кыквося школа.

Октябся революция бӧрын В.Т. Чисталёв бертӧма гортӧ да дас вит во сьӧрна, 1918'-сянь 1933' годӧдз костіалыштӧмӧн велӧтіс челядьӧс горт школаын. 

Ыджыт террор коста, 1937' годӧ, гижисьӧс пуксьӧтӧмась дзескытінӧ сысянь, мыля «пропагандируйтӧма буржуазнöй идеология».
  

Тима Вень вӧлі стрась бур лирикӧн. Сія гижис сьӧлӧм вӧрзьӧтан   кывбуррез да висьттэз асланым Комиму да коми отир йылісь. 

Литератураӧ Тима Вень локтӧма поэзия вуджӧтісьӧн. Эшӧ революция одзын сія вуджӧтӧма Иван Никитинлісь «Песня бобыля» (1908) да Алексей Кольцовлісь «Песня старика» (1909) кывбуррез.

Мир пасьта война коста том В. Т. Чисталёв гижӧма сэтшӧм стиккез, кыдз «Гут да ном» (1916), «Кöнкö веж турун пöвстын» («Кытӧнкӧ виж турун коласын», 1917).

Асйӧз война бöрын сія гижис «1919-öд во» поэма, висьттэз «Шог асыв», «Тшыг во», «Сартас би улын» да мый да.

Октябся революциялӧ 10-вося юбилей кежö Тима Вень лӧсьӧтіс поэмаэз «Ленин гу дорын» (1927) да «Му вежандыр» (1927).

Мыйнӧ, эм сылӧн кыввбуррез коласын и ӧтілунся гижӧттэз, кӧднӧ сія лӧсьӧтӧма сэкся веськӧтлан идеология сьӧрті: «Кодi гöрд му понда олö?», «Дубинушка», «19-öд во», «Важ олöм колльöдöм», «Том ёртлы», «Олан да вылан, Сöвет Коми му», «Юкмöсö» и мукöд. Эттшӧм гижӧттэз унакодь. 

Но историяӧ Тима Вень кольӧма аслас лирикаӧн  – эна кывбуррес дженытикӧсь да небыт кылаӧсь. Коми Республикаын нійӧ тӧдӧ быд коми морт – «Менам кывъясöй» («Менам кыввезӧ»), «Потандорса» («Зыбка дорся»), «Ок, эськö» («Ок, кӧбы»).

Тима Веньлӧн кывбуррес матынӧсь отир басни дынӧ, этадз коми муын баитӧны чериаліссез, вӧраліссез, няньбыдтіссез... 

Кывбур «Поэзия артмöм» (1921–1922) гижöма карел-фин эпос  ритмöн, дженыт, нёлись куим визёка кывбурöн:

Вöр-ва серпассэз йылісь да му вылын уджаліссез йылісь гижис сэтшöм кывбурресӧ, кыдз: «Тувсов вой» («Тулысся ой», 1920), «Кайла, видзöдла» (1921), «Гожöм пом» (1922) да мый да.

Отир буракодь тӧдӧны сылісь пьесаэз Изкар да Ныв сетöм.

Тима Вень олан сьӧрна уна вуджöтiс сідзжӧ роч да дӧсмирись литература.

  

 

 




#Article 247: Лимерова Валентина Александровна (123 words)


Лимерова Валентина Александровна (*1964) — коми литература туялісь да критик, педагогика сьöрті кандидат.

В.А.Лимерова чужис 1964' январ 1' лунӧ Коми Республика Луздор районын, Берёзовка грездас. 

Помаліс Сыктывкар университетісь филология факультет, сэсся уджаліс школаын коми да роч кыввез и литература сьӧрті велӧтісьӧн. 

Аспиранталіс Мӧскваын, Велӧтӧмын национальнӧй проблемаэз сьӧрті НИИ бердын, велӧтіс Коми Республикаись Велӧтӧм зорӧтан институтын, Сыктывкар университетын. 

В.А.Лимерова пырӧ «Войвыв кодзув» журнал редколлегияӧ.

В.А.Лимерова уджаліс нето вӧлі координаторӧн сэтшӧм туялан проекттэзын: 

В.А.Лимеровалӧн кандидат ним вылӧ диссертация вӧлі «Постижение авторской позиции при изучении эпических произведений родной литературы в 5–11 классах коми школы» (1995 во, наука веськӧтлісь − педагогика сьӧрті доктор, профессор К. М. Нартов).

В. А. Лимерова 100-ся унажык туялан уджлӧ автор.

Мукӧд гижӧттэс:

В.А.Лимеровалӧн торья небӧггез:

Этася сія вӧлі кыввидзись редакторӧн сэтшӧм небӧггезлӧ:

  




#Article 248: Пономарёва Лариса Геннадьевна (166 words)


Пономарёва Лариса Геннадьевна (*1975) – коми кыв туялісь, филология сьöрті кандидат.

Л. Г. Пономарёва чужис 1975' октяб 5' лунö Перем ладорись Коми кытшын, Гайна посёлокас. Быдмис да велӧтчис Юсьва районісь Дӧйӧг посадын. Ай-мамыс велӧтіссез. Школа бӧрын велӧтчис Кудымкарись медучилищёын.

Аспиранталікас Л. Г. Пономарёва туяліс коми сёрни Луп йылісь да Нӧрыс ладорись. Ӧтлаын Е. Н. Федосеевакӧт нія пондісӧ лыддьыны нӧрыс да луп диалекттэсӧ ӧтік нӧрыс-луп диалектӧн. Этадз нія вежисӧ диалекттэзісь система, кӧдӧ лӧсьӧтіс аскадӧ Р. М. Баталова.

Педуниверситетын уджалікӧ Лариса Геннадьевна ветліс экспедицияэзӧ Кӧсладор да Кӧчладор районнэзӧ, чукӧртӧма сэтісь диалекттэз сьӧрті ыджыткодь материал (абу публикуйтӧм).

Ӧтлаын А. С. Лобановакӧт да О. А. Поповакӧт уджалӧма Язьва коми кыв лӧсьӧтӧмын.

Коми кыв туялікӧ интересыс объектӧн медодз вӧлісӧ фонетика да морфология, сэсся лексика да кыввез коласісь йитӧттэз.

Л. Г. Пономарёва лыддьӧ перем коми кыв да коми (зыряна) кыв важынсянь торья кыввезӧн.

Л. Г. Пономарёва гижис 20-ся унажык туялан статья коми кыв сьӧрті. Мукӧдыс ны коласісь:

Пономарёва Лариса Геннадьевна роч да перем комися бура баитӧ удмурт, фин да мадьяр кыввез вылын.




#Article 249: Попова Римма Павловна (130 words)


Попова Римма Павловна (н.п. Дмитриева, *1969) — коми кыв туялісь, филология сьӧрті кандидат.

Римма Павловна чужис 1969' январ 6' лунӧ, Перем ладорись Коми кытшын, Кӧсладор районісь Пуксипи посадын. Велӧтчис перво Порошволь школаын, а мӧдік классянь горт посадас. Шӧрӧт школа помалӧма Кӧсын.

Сэсся Е.В. Ботева ыстіс нывкасӧ одзлань велӧтчыны Сыктывкарӧ. 

Коми Республика канкарӧ Р. П. Дмитриева локтӧма 1994' сентяб коста. 1995' арсянь велӧтчис СГУ бердын аспирантураын. Веськӧтлісьӧн вӧлі Е. А. Игушев. 

Кандидат ним понда диссертация кӧсладор диалект сьӧрті Римма Павловна дорйис 1998' годӧ.

Сэсся Р. П. Попова кольччӧма уджавны Сыктывкар университетас, кытӧн сія вӧлі ыджытжык велӧтісьӧн, доцентӧн, деканӧс вежисьӧн, а 2003'-2005' годдэзӧ юраліс чудь-йӧгра факультетаныс декан туйӧ уджалісьӧн.

Ӧні доценталӧ СГУ-ын жӧ, велӧтӧ студенттэсӧ коми диалектологияӧ да фин кылӧ.

Научнӧй интерессэз — коми диалекттэз, нылӧн фонетика, лексика да морфология. 

Мукӧд статьяэс:




#Article 250: Бажин (Юсьва район, Киминчи ладорын) (107 words)


Бажин (Бажинчи, Бажина) - Перем ладорись Коми кытшын, Юсьва районын учöт грезд.

Бажин ним лоис кык кывсянь Важ (роч: старое) да Ин (роч: место). 

Бажина грезд сулалӧ мыс вылын, куим ладорсянь сы гöгöр кырассэз, кыті котӧртӧны ӧтік ю да кык шор. Рытъяв ладорсянь котӧртӧ Пöй ю, ойвывсянь Шедов грезд дынсянь сійӧ янсӧто Шедов жӧ нима шор, асывладорсянь ыббэз, лувывладорсянь - Ыджыт йир нима кырас да Ябыр нима шор. 

Кимна посад дынöдз туй кузя вит километр, веськыта Ябыровчи грездӧт да вӧрӧн тырӧм туй кузя - нёль километр.

Одзжык Бажина грезд янсалӧм кык тор вылӧ: Улісь туй - матынжык Пӧй ю дорын, да Вылісь туй - матынжык ыббез дынын.




#Article 251: Кияса йӧрӧс (101 words)


Кияса йӧрӧс () – Удмурт Республикаын веськӧтлан юкӧт, муниципал район. 

Веськӧтлан шӧриныс – Кияса посад. 

Кияса йӧрӧс куйлӧ Удмурт Республика лунвылын. Ордчӧн Кияса мукӧт куйлӧны Удмуись жӧ Пичипурга йӧрӧс, Сарапул йӧрӧс да Тотармуись Огырчи район.

Кияса муыс 821.3 км² ыжда. 

Кияса йӧрӧсын ӧні кыкьямыс посадму.

Йӧрӧссӧ Киасаӧ лӧсьӧтӧмась 1926' арпом 4' лунӧ.

Кияса йӧрӧсын ӧні юралӧ Максимов Александр Вячеславович, йӧрӧсісь веськӧтланын медыджытыс Мерзляков Сергей Васильевич.

Олӧны Кияса йӧрӧсын 11,6 сюрс мымда морт. Оліссез коласын 38 % удмурттэз, 54,3 % роччез, 5 % тотара.

Кияса йӧрӧсын эмӧсь 14  школа, 12 библиотека, 22 культура керку да музей.

Ӧні Кияса йӧрӧсын быдсӧн 34 оланін.




#Article 252: Стражжез галактикалӧн (фильм) (723 words)


основаннӧй ӧтнима комикссэзлӧн серияэз вылын; являйтчӧ дасӧтӧн счёт сьӧрті фильмӧн
кинематографическӧй вселеннойлӧн Marvel. Главнӧй роллез исполнитісӧ Крис Прэтт, Зои Салдана, Дэйв Батиста, Вин Дизель и Брэдли Купер. «Стражйез Галактикалӧн» петісӧ роч и коми экраннэзыс вылӧ 31 июльӧн 2014 воын форматтэын 3D и IMAX 3D. Релиз фильмлӧн DVD вылӧ султсис 2 декабӧн 2014.

Ронан тӧдмалӧ сы йылісь, что сферасӧ сӧтіс Кӧдзулэя Лорд, и тшоктӧ вайны сайӧ вийисьлӧ Гаморалӧ. Сая адзӧ Квиллсӧ Ксандар вылын, кытӧн сія получитіс отказ небисьыс сянь сійӧн, что сферанас заинтересуйтчис сэтшом опасной фигура кыдз Ронан Обвинитлісь. Гамора пешлӧ гусялны сферасӧ, но Кӧдзулэя Лорд сайӧ вӧтӧ. Ны разборкаӧ пырӧны кык наёмник — ылъя енот Ракета и пуаобразӧсь гуманоид Грут, кӧдна мӧдӧны получитны награда Квиллыс понда. Но нійӧ быдӧннысӧ кутӧны местнӧй правоохранительнӧй органнэзыс — Корпус Нова, и различнӧй преступленнёэз понда пуксьӧтӧны тюрьмаӧ космическӧй станция вылын Килн.

Сэтчин Гаморасӧ пешлӧны вийны сотрудничество понда Ронан кӧт, кӧда виис уна заключённӧеслісь роднӧесӧ, кӧда коласын опаснӧй вийлісь Дракс Разрушитель. Но Квиллӧ шогмӧ убедитны Дракссӧ, что Гамора вермас отсалны вийны Ронансӧ. Кӧдзулэя Лорд, Гамора, Дракс, Ракета и Грут ӧтлаасьӧны, медбы пышшыны и вузалны сферасӧ ыджыт деньгаэз понда. Реактивнӧй енот аркмӧтӧ план, кӧда сьӧрті командаыс пышшӧ тюрьмасис Милано вылӧ- корабль Квиллыслӧн.

Ронан связывайтчӧ  Таноскӧт, кӧда обещайтіс уничтожитны Ксандарсӧ сфераыс пондаись, обвиняйтӧмӧн сійӧ, сыын что сылӧн приёмнӧй ныл Гамора предайтіс нійӧ. Эта кадӧ геройес локтӧны космоса станция вылӧ Забвение, кӧда сулалӧ черепын кулӧм гигантлӧн, кытӧн нійӧ должен видзчисьны небись сфераыслӧн. Небисьнас оказывайтчӧ богатӧй коллекционер Танелиир Тиван. Сія осьтӧ сферасӧ кӧдалӧн пытшкас — могущественной артефакт, способнӧй уничтожайтны планетаэз, но сійӧн вермӧны владейтны тӧкӧ существоэз ыджыт расалӧн. Карина, рабыня Коллекционерлӧн, пешліс гусялны Галясӧ, медбы шедны рабствосис, но шогмӧ взрыв, кӧда уничтожайтӧ музей Тиваныслісь.
Откадӧ этакӧт коддьӧм Дракс корӧ Ронансӧ, медбы косьасьыштны сыкӧт. Обвинительыс кокнита вермис сійӧ, а Небула, агентыс Ронаныслӧн и мӧдік приёмнӧй ныл Танослӧн, босьтӧ галясӧ сферасис. Гамора, кӧда пешліс мешайтышны аслас сойлӧ, шедӧ космосӧ. 
Медбы сайӧ спаситны Кӧдзулэя Лорд висьталӧ Йондуыслӧ асис местанахожденнёсӧ и мунӧ Гамораыс бӧрсянь вакуумӧ. Пустошителлес кватайтӧны нійӧ, Йондаыс мӧдӧ вийны Квиллсӧ, но сія переубеждайтӧ сійӧ, уговаривайтӧмӧн босьтны сэтшӧм дона артефакт кыдз Галя Понтӧгсьӧмтлӧн Ронаныслісь. Ракета, Грут и Дракс, чайтӧмӧн, что нылӧн ёрттэс пленын, угрожайтӧны Пустошителлэслӧ, но Квилл діс висьтасьӧ нылі и куимчӧтыс ӧтлаасьӧ командаыс дынӧ.

Аслас флагман вылын Ронан получайтӧ галясӧ Небуласяняс и сюйӧштӧ в аслас боевӧй молотӧ, медбы используйтны сылісь ён. Сія связывайтчӧ Таноскӧт и баитӧ, что ӧні, галяыс ёнкӧт, сылӧ оз кол отсӧт уничтоженнёын Ксандарсӧ, и что Ксандарыс бӧрсянь уничтожитас и асьсӧ Таноссӧ. Небула предайтӧ ассис приёмнӧй айсӧ и вуджӧ Обвинительыс ладорӧ. Флагман Ронанлӧн приближайтчӧ Ксандарыс дынӧ, и сія вермас уничтожитны планетасӧ, кӧр корабльыс достигнитас планетаыс дынӧ. Но Пустошителлес атакуйтӧны флагман, ны дынӧ ӧтлаасьӧ асланыс корабыллез вылын Корпус Нова, кӧда пешлӧ сдержитны флагман Ронаныслісь лэдзчисьӧмсянь муыс вылӧ, аркмӧтсьӧмті корабллесісь Корпуслісь ловья энергетическӧй щит сеть видын. Реактивнӧй Енот Опустошителлес главаын кольччӧ сражайтчыны корабыллэзкӧт Крии, пока кольтсьӧм героес пырӧны Ронаныс флагман вылӧ . Нія янсӧтчӧны — Гамора мунӧ отключитны дорьйӧт ыбӧсэслісь команднӧй залас Ронан дынӧ, пока Квилл, Дракс и Грут пессьӧны Обвинительыс дорйиссескӧт. Эта дырни Дракс в киапашнӧй схваткын вийӧ Коратсӧ, кыскӧмӧн сылісь юрсис имплантат.  Небула пешлылӧ мешайтны Гаморалӧ, но лишайтчӧ киысис и пышшӧ.
Героес шедӧны Ронанлӧ и пешлӧны сійӧ вийны, но злодей выживайтӧ. Сія уничтожайтӧ корабыллесӧ Корпуслісь и корабль усьӧ на Ксандар вылӧ. Грут аркмӧтӧ из ас телоись дорйӧтана сфера для кольтсьӧм героес понда и кулӧ усьӧм дырни.

Поверхность вылас Ронан гӧтӧвитчӧ уничтожитны Ксандар и шувӧ героесӧ «Стражжеӧн Галактикалӧн», но Квилл отвлекайтӧ сійӧ йӧктсьӧтӧн, пока Дракс готовитчӧ лыйны Енотыс супероружиеись. Лыйсьмӧмыс выбивайтӧ галясӧ Ронаныс молотісь, и Питер сійӧ кутіс. Энергия галялӧн пондӧтӧ разьны тело Кӧдзулэя Лордлісь, но Гамора, Дракс и Ракета босьтӧнв Квиллсӧ киэзӧттяс, мый сетӧ нылӧ торйӧтны ёнсӧ галяыслісь и уничтожины Ронансӧ. Героес выживайтӧны, но долженӧсь договор кузя сетны Сферасӧ Галянас Йондулӧ.

Корпус Нова прощайтӧ ны одзся преступленнёэсӧ и восстанавливайтӧ уничтоженнӧй корабль Квилллісь. Сідзжӧ Кӧдзулэя Лордлӧ висьталӧны, что сія тӧкӧ джыныланас морт, мый и отсаліс сылӧ видзны Галясӧ сэтшӧм дырись. Героес мӧдӧны и одзлань охраняйтлыны Галактикасӧ угрозаэссянь. А ас корабыль вылын Йонду осьтӧ Сфера и адззӧ сэтчин Галя местӧ чача, сэк кыдз быльнӧй Галясӧ Стражжес сетісӧ храненнё вылӧ Корпуслӧ Нова. Сы бӧрсянь тӧдчана, что отросток Грутлӧн, кӧдія босьтӧм Енотӧн и садитӧм горшокӧ, вужсяліс и лоис чужанӧн виль оланлӧ Грутлӧн.

Сценаын титыррез бӧрсянь Танелиир Тиван пукалӧ развалинаэз вылын аслас музейын и горесянь ювӧ. Сы дынӧ локтӧ бывшӧй экспонат — советскӧй пон-космонавт Космо (Лайка) и лакӧ сылісь чужӧм, мый вылӧ мӧдік образеч сы коллекчиялӧн — антропоморфнӧй утка ним сьӧрті Говард удивленнёӧн реагируйтӧ...




#Article 253: Вин Дизель (382 words)


Вин Дизельлӧн эм вон близнеч Пол, кӧда сӧсем оз вачкись сы вылӧ.
Делора мам - психиатр,
увлекайтчыліс астрологияӧн. Ассис айсӧ Вин эз тӧдлы.

Вин Дизель (быльнӧй ним Марк Синклер Винсент) чужис беднӧй семяын. Семья оліс Нью-Йоркын унаквартираӧсь керкуын.
Куим воӧ Вин Дизель пондіс мыччалны ассис медодзза скллонносттез актёррезӧсь дело дынӧ. 
Этна жӧ воэзӧ Вин Дизельлӧн аркмӧ отчим Ирвин и сводннэзӧсь томжык сой Саманта и томжык вон. Эта умӧльсьӧтіс деньгаа благополучиёсӧ семьялісь.
Отчим уджаліс управляйтісьӧн
театырӧн и велӧтсьӧтліс актерӧсь мастерство университетын Нью-Йоркас. Именнӧ Ирвин влияйтыштіс сы актёрӧсь мылкыдлӧн аркмӧм вылӧ, и
желание вылӧ лоны актёрӧн.
Ирвин пыр нуӧтліс челядьсӧ
театырӧсь представленнёэз и премьераэз кинофильмезыслӧн вылӧ.
Учӧтнас Вин Дизель вӧлі вылынісьӧн и вӧснитӧн, мый понда иньтіс кличка Нидзыл.
Будущӧй актёр вӧлі зэл стеснительнӧсь, мый оз туй мы вон Пол йылісь, кӧда вӧллі тӧдмана дискотекаэз вылын.
Медбы вежны асьсӧ, квнымӧкӧ во Вин Дизель усердно ньылсис спортзалэын.
Кӧр сылӧ тырис 7 во сія ӧтлаӧн мӧдік зонкаэскӧт пырис ӧтік театырӧ, медбы бӧбалыштны реквизиткӧт. Но театырас муніс репетиция. Зонкаэсӧ казяліс режиссер, кӧда заставитіс лыддьӧтны зонкаэсӧ дӧс сценарий роллеыс кузя. Медбура аркмиссис Винлӧн, сылӧнёж режиссер пригласитіс сійӧ выступитны сцена вылы 20 долларрез пондаись.
Вин ӧддьӧн гажӧтсяліс и эта кад сянь пондіс аетлӧтны репетицияэз вылӧ быд лун школа бӧрсянь.
Медодззо спектакль, кӧдаын участвуйтіс Вин, шусис Ыбӧс динозавр понда. Сылӧ сідз гленитчис, что сія пондіс чайтсьылны карьера йылісь актерлісь.17 воӧдз Дизель выступайтліс театырын, бытшӧмсьӧтліс ассис актёрӧсь мастерство.

Этія кад кежӧ сія лоис ыджыт и накачаннӧй зонкаӧн. Сія устроитчис вышибалаӧн ойся клубӧ Туннель Манхэттеныс вылын, вежис ассис быльнӧй нимсӧ Вин Дизель  вылӧ и пондіс бритлыны юр. Куим во Вин уджаліс вышибалаӧн. Этна воэзӧ Вин Дизель поступитіс Хантер Колледжӧ, кытӧн велӧтіс англияӧсь кыл и классикаӧсь литература. Сія сідз жӧ велӧтчис гижны сценариез, мый колсис сылӧ одзланьын.

Вин уджаліс 18 чассэз кузяэзӧн лунас. И сесся муніс Нью-Йоркӧ. 

Ассис медодзза роль Вин Дизель орсіыштіс 1990 воас драммаын Пенни Маршалл Самӧмтчӧм. 

Но успех сылӧн шогмис тӧкӧ кӧр 2001 воын петіс боевик Форсаж
Роба Коэнлӧн, кытӧн Дизель орсситіс роль Доминик Торетто лісь. 2002 воын  церемония награжденнё вылын премияӧн каналлӧн MTV Вин Дизель вӧлі удостоитӧм награда номинацияын Медбур экранӧсь команда. Участие понда эта картинаын Вин Дизель шедтіс ассис медодза гонорар кынымкӧ миллиона доларрэза. 
Сэсся снимайтчис уна успешнӧй киноэын и ӧнӧдз снимайтчӧ ӧшӧ и даже осьтіс компания Tigon Studios кӧда аркмӧтсьӧтӧ компьютераӧсь орсісьӧммез киноэз сьӧртӧт кӧднаын сія вӧлі продюссерӧн.




#Article 254: Нил (ю) (300 words)


Нил – (арабӧсь ﺍﻟﻨﻴﻞ an-nīl , англ. Nile, египетӧсь iteru или Ḥ'pī, коптӧсьⲪⲓⲁⲣⲱ (p(h)iaro) — ю Африкаын, кыкӧт мирын кузьмӧса сьӧрті.

Дыр ваӧсь система Нилыслӧн лыдьысьыліс самӧй кузьмӧсаӧн му вылас. Но 2013 воын установитісӧ, что самӧй кузь шорья система Амазонкалӧн. Сылӧн кузьмӧсыс 6992 километр, сы кадӧ кыдз кузьмӧсыс системалӧн Ниллӧн ӧктӧ 6852 километр, мый 140 километрӧн етшажык.
Слово «Нил»  греческӧй шусь сянь юлісь «Нейлос» ( Νείλος).

Нил — единственнӧй ю
Северӧсь Африкалӧн, кӧда мунлӧ Сахараӧт и вайӧтсьӧтӧ ассис ваэсӧ Средиземнӧй мореӧдз,
являйтчӧ источникӧн оланлӧн ватӧм пустыняас. Шучся водоток Ниллӧн существуйтӧ осадкез улъя,  усяліссез унажыка южӧсь областезас и вердіссез сылісь истоккез. 
Чӧчкӧм Нил, пондӧтчӧмдырни
экваториаӧсь поясын, иньтӧ
питание круглогодичнӧй зэррезсянь. Вердӧллэзын уровень сылӧн ӧддьӧн вылын и довольно
постояннӧй, сідз кыдз сія ӧшӧ регулируйтчӧ озёроэзӧн. Но пределэас Вердӧла-Нильскӧй
котловиналӧн уна 
количество валӧн торксьӧ руалӧм вылӧ, и питаниеас Нилыслӧ уллынжык Хартум сянь важнӧйжык значение
имейтӧ Голубӧй Нил, кӧда нуӧтӧ обильнӧй ваэз гожумся зэррез бӧрсянь, усяліссезсянь Абиссинскӧсь керӧссьӧм (нагорье) вылын. Ыджытжыкся торксьӧмт уллынся Нилас эта
периодӧ примерно 5 разӧ
превышайтӧ торксьӧмт меженьын.
Нил урдӧлісь визылын кисьлассьӧ, вӧйӧтӧмӧн дӧс долинасӧ.
Притокикес Ниллӧн, ыскӧлтіссес Абиссинскӧй керӧссьӧмись, вайлӧны уна ил, пуксялісисьӧ разлив кадын.
Это регулярнӧй удобрение орсӧ ыджыт роль 
Египетыс земледелиеын.
Ваэза ресурсэз Нил лӧн важся каддэзсянь
используйтчӧны орошение и
естественнӧй
удобреннёэз понда ыббезын, черикыисянын, вааснабжениеын и
судоходствоын.
Особенно важнӧй ю Египет понда, кытӧн прибрежнӧй полосаас паськытаӧн 10—15 км проживайтӧны около

Аркмӧтӧм Асуанскӧй гидрокомплексыслӧн
способствуйтіс унавоӧсь
регулированиелӧ стоклісь Нилыслісь,
ликвидируйтіс угроза
катастрофическӧй наводненнёэзлісь и сетіс
содтыны оӧтлаӧсь площадь
орошаемӧй муэзлісь.
Ниле вылын сулалӧны ыджыт каррез Хартум , Асуан , Луксор (Фиввез), карӧсь агломерация Каир -Гиза; дельтын — Александрия. Ю Нил север дынӧ Асуан сянь представляйтӧ асьнас популярнӧй туристическӧй
маршрут.
Нил (Iteru древнеегипетӧсь кыл вылын) представляйтіс асьнас источник оланоісь
древнеегипетӧсь цивилизация понда уже каменного вексянь. Именно сы долине расположенӧйӧсь дӧс каррес Египтлӧн и ӧнӧдз
проживайтӧ практически дӧс
население. 




#Article 255: Ябыровчи (Юсьва район) (164 words)


Ябыровчи (Ябыр) - Перем ладорись Коми кытшын Юсьва районiсь Купрöс посадмуын коми грезд.

Ябыровчи (мöднёж Ябыр) грезд шуöмась сiдз ябыр кайсянь (ябыр - роч: дрозд-рябинник).

Грезд сулалö мыс вылын, неылын Пöй ю дынсянь. Матынжык оланiн - Кимна посад. Сэтчöдз туй кузя нёль километр, веськыта вӧрӧн тырӧм ыб кузя - куим километр. 

Ябыровчи грездын эм токö öтік туй, кöда шусьö Медшöр туй.

Медодззаись Ябыр нима грезд пантасьӧ Строганов бароннэзлӧн 1722 вося переписьын (перепись Купросского погоста Орловских и Чусовских вотчин баронов Строгановых в границах провинции Соль Камской). Сэкта Ябыровчиын вӧлӧмась 4 двор, кытӧн олӧмась 45 морт мужик пӧв. 1869 воӧ вӧлӧмась 10 двор, кытӧн олӧмась 23 мужик да 30 инька (быдӧсӧ 53 морт). 1904 воӧ вӧлӧмась 15 двор, кытӧн олӧмась 44 мужик да 49 инька (быдӧсӧ 93 морт). Медодзза советскӧй 1926 вося перепись сьӧрті Ябырын вӧлӧмась 21 кӧзяйсво, кытӧн олӧмась 44 мужик да 59 инька (быдӧсӧ 103 морт, ныись быдӧнныс коми-пермяккез). 1963 воӧ Ябыровчиын кольчӧмась овны 59 морт. 2021 во пондöтчикö Ябыровчиын кольччисö овны öтік морт.




#Article 256: Месопотамия (189 words)


Месопота́мия - Матісь Асыввыв ладорись историческӧй му. Мӧднёж шусьӧ Кыкьюколас, сідз кыдз куйлӧ кык ю - Тигр да Евфрат коласын. Ӧнняся кадӧ Месопотамиян куйлӧны сэтшӧм канмуэз кыдз Ирак да Кувейт; сідзжӧ Месопотамияын мымдакӧ куйлӧны территорияэз сэтшӧм канмуэзлӧн кыдз Сирия, Турция, Иран да Сауд Арабия. 

Важ Му кадколас коста Месоптамияын вӧлісӧ сэтшӧм канмуэз кыдз: Шумер, Аккад, Вавилон, Ассирия да Урарту. Шумеррез, аккаддеццез, вавилониннэз да ассириеццез олісӧ Месопотамияын  сы пондӧтчӧмсянь 3100 восянь миян эра вотӧдз Вавилон усьӧмӧдз 539 воӧ миян эра вотӧдз,  кӧр Месопотамиясӧ завоюйтіс перссэзлӧн Ахемен Империя. Сы бӧрын, 332 воӧ миян эра вотӧдз, Месопотамия шедіс Вына Александр кипод увтӧ, а сы кулӧм бӧрын лоис торӧн Селевк Империяын.

Месопотамия - ин, кытӧн 10 000 воэзӧ пондӧтчис Неолитическӧй революция, Месопотамияын медодззаись пондӧтчис сю быдтӧм да му вылын уджалӧм, пода вӧдитӧм, ва нуӧтӧм понда каналлэз гарйӧм, металлэз сывӧтӧм да ныись медодзза уджалан колуйез керӧм, медодза колесо сідзжӧ вӧлі лӧсьӧтӧм Месопотамияын, математика да астрономия - наукаэз, кӧдна аркмисӧ Месопотамияын.

Месопота́мия (эллиннэзлон важ кыв вылын Μεσοποταμία, араб кыв вылын الجزيرة‎ Эль-Джезира, курд кыв вылын ما بين النهرين‎ Ма-Байн-эн-Нахрайн, арамей кыв вылын ܒܝܬ ܢܗܪܝܢ Бет-Нахрейн, тюрк кыв вылын Mezopotamya) - Матісь Асыввыв ладорись историческӧй му. 




#Article 257: Бизнес (749 words)


Бизнес - это деятельность по зарабатыванию на жизнь или зарабатыванию денег путем производства или покупки и продажи продуктов (таких как товары и услуги). [требуется цитата для проверки] [3] [4] Проще говоря, это так  любая деятельность или предприятие, созданное с целью получения прибыли. Это не означает, что это компания, корпорация, партнерство или какая-либо такая формальная организация, но это может варьироваться от уличного торговца до General Motors 

Наличие фирменного наименования не отделяет бизнес-объект от владельца, что означает, что владелец бизнеса несет ответственность за долги, понесенные бизнесом. Если  приобретает долги, кредиторы могут заняться личным имуществом владельца. Бизнес-структура не допускает ставки корпоративного налога. Владелец лично облагается налогом со всех доходов от бизнеса.

Этот термин также часто используется в разговорной речи (но не юристами или государственными служащими) для обозначения компании. С другой стороны, компания является отдельным юридическим лицом и предусматривает ограниченную ответственность, а также ставки корпоративного налога. Структуру компании сложнее и дороже создать, но она предлагает больше защиты и преимуществ для владельца.

Формы владения бизнесом различаются в зависимости от юрисдикции, но существует несколько общих субъектов:

Индивидуальное предприятие: Индивидуальное предприятие, также известное как индивидуальный предприниматель, принадлежит одному человеку и действует в его интересах. Владелец ведет бизнес самостоятельно и может нанимать сотрудников. Индивидуальный предприниматель несет неограниченную ответственность по всем обязательствам, взятым на себя бизнесом, будь то операционные расходы или судебные решения против бизнеса. Все активы бизнеса принадлежат индивидуальному предпринимателю, включая, например, компьютерную инфраструктуру, любой инвентарь, производственное оборудование или торговое оборудование, а также любую недвижимость, принадлежащую индивидуальному предпринимателю.

Партнерство: Партнерство - это бизнес, принадлежащий двум или более людям. В большинстве форм партнерства каждый партнер несет неограниченную ответственность по долгам, возникшим у бизнеса. Три наиболее распространенных типа коммерческих партнерств - это полное партнерство, партнерство с ограниченной ответственностью и партнерство с ограниченной ответственностью.

Корпорация: владельцы корпорации несут ограниченную ответственность, и бизнес имеет отдельное юридическое лицо от своих владельцев. Корпорации могут быть как государственными, так и частными, и они могут организовываться как для получения прибыли, так и как некоммерческие организации. Частной коммерческой корпорацией владеют ее акционеры, которые избирают совет директоров для руководства корпорацией и найма ее управленческого персонала. Частная коммерческая корпорация может находиться в частной собственности небольшой группы лиц или в публичном владении с публичными акциями, котирующимися на фондовой бирже.

Кооператив: Кооператив, который часто называют «кооперативом», представляет собой предприятие с ограниченной ответственностью, которое может организовываться как коммерческое, так и некоммерческое. Кооператив отличается от корпорации тем, что в нем есть члены, а не акционеры, и они разделяют полномочия по принятию решений. Кооперативы обычно подразделяются на потребительские или рабочие кооперативы. Кооперативы являются основой идеологии экономической демократии.

Компании с ограниченной ответственностью (LLC), товарищества с ограниченной ответственностью и другие особые типы бизнес-организаций защищают своих владельцев или акционеров от банкротства, ведя бизнес в рамках отдельного юридического лица с определенной правовой защитой. Напротив, некорпоративные предприятия или лица, работающие самостоятельно, обычно не имеют такой защиты.

Франшизы: франшиза - это система, в которой предприниматели покупают права на открытие и ведение  у более крупной корпорации. Франчайзинг в США широко распространен и является одним из основных экономических центров. Одно из двенадцати предприятий розничной торговли в США является франчайзинговым, и 8 миллионов человек работают во франчайзинговом бизнесе.

Компания с ограниченной ответственностью: обычно используется, когда компании создаются для некоммерческих целей, таких как клубы или благотворительные организации. Члены гарантируют выплату определенных (обычно номинальных) сумм, если компания идет на ликвидацию неплатежеспособности, но в остальном они не имеют экономических прав в отношении компании. Этот тип компаний распространен в Англии. Компания с ограниченной ответственностью может иметь акционерный капитал или не иметь его.

Компания с ограниченной ответственностью: наиболее распространенная форма компании, используемая для коммерческих предприятий. В частности, компания с ограниченной ответственностью - это «компания, в которой ответственность каждого акционера ограничена суммой индивидуального инвестирования», причем корпорации являются «наиболее распространенным примером компании с ограниченной ответственностью» . Этот тип компании распространен в Англии и многие англоязычные страны. Компания с ограниченной ответственностью может быть

публично торгуемая компания или

частная компания

Компания, ограниченная гарантией с уставным капиталом: гибридная организация, обычно используемая там, где компания создается для некоммерческих целей, но деятельность компании частично финансируется инвесторами, которые ожидают дохода. Компании этого типа больше не могут быть созданы в Великобритании, хотя в законе все еще существуют положения, разрешающие их существование.

Компания с ограниченной ответственностью: «Компания - официально уполномоченная в определенных штатах - которая характеризуется ограниченной ответственностью, управлением членами или менеджерами и ограничениями на передачу права собственности», то есть L.L.C. Структура ООО была названа «гибридной», поскольку она «сочетает в себе характеристики корпорации и партнерства или индивидуального предпринимательства». Подобно корпорации, она имеет ограниченную ответственность для членов компании, и, как партнерство, она имеет «сквозное налогообложение для членов» и должна быть «распущена в случае смерти или банкротства члена» .




#Total Article count: 257
#Total Word count: 87836